గతంలో రిలీజైన మార్వెల్ స్టూడియోస్ అవెంజర్స్ ఎండ్‌గేమ్‌ అభిమానులను విపరీతంగా ఆకట్టుకుంది. ఈ మూవీని అవెంజర్స్ ఎండ్‌గేమ్ ఎన్‌కోర్ పేరుతో మళ్లీ రిలీజ్ చేశారు. ఈ ఏడాది సెప్టెంబర్ 25న థియేటర్లలో విడుదలైంది. ఈ చిత్రాన్ని ఇంగ్లీష్, హిందీ, తమిళ్, తెలుగు భాషల్లో ప్రపంచవ్యాప్తంగా విడుదల చేశారు.తాజాగా ఈ మూవీ ఓటీటీలో సందడి చేసేందుకు వచ్చేస్తోంది. ఈ నెల 13 నుంచే జియో హాట్‌స్టార్ వేదికగా స్ట్రీమింగ్ కానుంది. ఈ విషయాన్ని అఫీషియల్‌గా ప్రకటించారు. ఇంగ్లీష్‌తో పాటు తెలుగు, తమిళం, హిందీ భాషల్లో అందుబాటులోకి రానుంది.ఈ మూవీ కథేంటంటే..ఈ ఎండ్‌గేమ్ కథలో థానోస్ కారణంగా విశ్వంలోని సగం జనాభా నాశనమవుతుంది. మిగిలిన సూపర్ హీరోలు ఆ విషాదం నుంచి బయటపడేందుకు ప్రయత్నిస్తారు. చివరికి తమ ప్రియమైన వారిని తిరిగి తీసుకురావడంతో పాటు విశ్వంలో శాంతి, సమతుల్యతని పునరుద్ధరించేందుకు థానోస్‌తో తలపడాల్సి వస్తుంది. ఆ తర్వాత ఏమైందనేదే స్టోరీ. కాగా.. కెవిన్ ఫైజ్ ఈ చిత్రాన్ని నిర్మించగా.. ఆంథోనీ రస్సో, జో రస్సో దర్శకత్వం వహించారు. #AvengersEndgameEncore (English) Streaming from November 13 on JioHotstar in English, Tamil, Telugu, Hindi 🍿!! #OTT_Trackers https://t.co/Tgow3leSLD— OTT Trackers (@OTT_Trackers) November 11, 2026

సాక్షి, బెంగళూరు: బెంగళూరులో దారుణం చోటు చేసుకుంది. వివాహేతర సంబంధాన్ని వ్యతిరేకించాడని ప్రియుడి,అ తని స్నేహితుల సాయంతో తల్లి కన్న కొడుకునే హత్య చేసిందో తల్లి. నమ్మించి గొంతుకోసిన ఈ ఘటన కర్ణాటకలోని బెళగావి జిల్లాలో చోటుచేసుకుంది. మృతుడిని బెంగళూరులోని ఆర్.టి. నగర్‌కు చెందిన విజయ్ నారాయణ్‌గా గుర్తించారు.విజయ్ తల్లి మీనా నారాయణ్ (బ్యూటీ పార్లర్ మేనేజర్) తన వద్ద డ్రైవర్‌గా పనిచేస్తున్న మహారాష్ట్రకు చెందిన రాకేష్ జముని అనే వ్యక్తితో వివాహేతర సంబంధాన్ని కొనసాగిస్తోంది. ఈ విషయం తెలిసిన విజయ్ తీవ్రంగా వ్యతిరేకించాడు. తమ బంధానికి విజయ్ అడ్డుగా ఉన్నాడని భావించి, అతడిని అంతమొందించేందుకు తల్లి, ఆమె ప్రియుడు కలిసి ప్లాన్ చేశారు. ఇందులో భాగంగానే కర్ణాటక రాజ్యోత్సవ వేడుకలు చూపిస్తామని విజయ్‌ని బెళగావికి రప్పించారు. నవంబర్ 1న (కర్ణాటక రాజ్యోత్సవ రోజు) జాతీయ రహదారి పక్కన ఉన్న నిర్మానుష్య ప్రాంతంలో మీనా, రాకేష్, రాకేష్‌కి చెందిన నలుగురు స్నేహితులు కలిసి విజయ్‌ని కర్ణాటక జెండాతో ఉరివేసి (గొంతు నులిమి) హత్య చేశారు.ఇదీ చదవండి: 10 ఏళ్లలో అద్భుతం : క్యాన్సర్‌, అల్జీమర్స్‌ ఇక చరిత్రే!విజయ్ మొబైల్ ఫోన్ కాల్ డిటైల్ రికార్డ్స్ (CDR) ఆధారంగా పరిశీలించగా, ఈ కుట్ర బయటపడింది. స్వయంగా అతని తల్లికే ప్రమేయం ఉన్నట్లు తేలడంతో కేసు నమోదు చేసి దర్యాప్తు చేపట్టారు. ఈ కేసులో తల్లి మీనా,ప్రియుడు రాకేశ్, స్నేహితులైన సచిన్, మనోజ్, తమ్మన్న, ఏక్‌నాథ్ అనే ఆరుగురు నిందితులను పోలీసులు అరెస్టు చేశారు.ఇదీ చదవండి: భారీ కొండచిలువపై జారుడు బండ ఆట, వైరల్‌ వీడియో

విశాఖ: అండమాన్ సముద్రంలో రాగల 48 గంటల్లో అల్పపీడనం ఏర్పడుతుందని వాతావరణ శాఖ అధికారులు తెలిపారు. ఈ నెల 15న ఆగ్నేయ బంగాళాఖాతంలో వాయుగుండంగా బలపడే అవకాశం ఉందని చెప్పారు. వాయుగుండం ఏర్పడ్డాక దక్షిణ కోస్తాంద్ర-ఉత్తర తమిళనాడు మధ్య తీరం దాటుతుందని అంచనా వేశారు. తీరానికి దగ్గరగా వాయుగుండం బలపడే అవకాశం ఉందని తెలిపారు. మరోసారి దక్షిణ కోస్తాపై ప్రభావం ఉండనుంది.

అఫ్గానిస్తాన్ కెప్టెన్ ర‌హ్మ‌త్ షా ఆ దేశ క్రికెట్ చ‌రిత్ర‌లోనే స‌రికొత్త చ‌రిత్ర‌ను లిఖించాడు. ఐసీసీ పురుషుల టెస్టు ర్యాంకింగ్స్‌లో తొలిసారి టాప్‌-10లో చోటు ద‌క్కించుకున్న ర‌హ్మ‌త్ షా అఫ్గానిస్తాన్ త‌ర‌ఫున ఈ ఫీట్ సాధించిన తొలి బ్యాట‌ర్‌గా రికార్డుల‌కెక్కాడు. బుధ‌వారం ఐసీసీ టెస్టు ర్యాంకింగ్స్ వివ‌రాల‌ను అప్‌డేట్ చేసింది. షార్జా వేదిక‌గా జింబాబ్వేతో జ‌రిగిన తొలి టెస్టులో ర‌హ్మ‌త్ షా (173 ప‌రుగులు) భారీ శ‌త‌కంతో చెల‌రేగాడు. ఈ నేప‌థ్యంలో తాజాగా విడుద‌లైన టెస్టు బ్యాటింగ్ ర్యాంకింగ్స్‌లో 735 పాయింట్ల‌తో ఏడో స్థానంలో నిలిచి కెరీర్ బెస్ట్ ర్యాంక్ అందుకున్నాడు. ఈ నేప‌థ్యంలో భార‌త కెప్టెన్‌ శుబ్‌మ‌న్ గిల్‌, మార్క‌ర‌మ్‌, క‌మిందు మెండిస్‌ల‌ను ర‌హ్మ‌త్ షా అధిగ‌మించ‌డం విశేషం. ఇదే మ్యాచ్‌లో సెంచ‌రీతో మెరిసిన మ‌రో ఆఫ్గ‌న్ బ్యాట‌ర్ సెదికుల్లా అట‌ల్ కూడా ర్యాంకింగ్స్‌లో గ‌ణనీయ పురోగ‌తిని సాధించాడు. ఏకంగా 14 స్థానాలు ఎగ‌బాకిన సెదికుల్లా అట‌ల్ 414 పాయింట్ల‌తో 81వ స్థానంలో నిలిచాడు. ఇక డెబ్యూ సెంచ‌రీ సాధించిన ర‌హ‌మ‌నుల్లా 83వ స్థానంలో నిలిచాడు.ఇక జింబాబ్వే బ్యాట‌ర్లు కూడా ర్యాంకింగ్స్‌లో అద‌ర‌గొట్టారు. 41 ఏళ్ల వ‌య‌సులో డ‌బుల్ సెంచ‌రీ బాదిన క్రెయిగ్ ఎర్విన్ తొమ్మిది స్థానాలు ఎగ‌బాకి 48వ స్థానంలో నిల‌వ‌గా, సెంచ‌రీ సాధించిన కెప్టెన్ బ్రియాన్ బెన్నెట్ 10 స్థానాలు ఎగ‌బాకి 75వ స్థానానికి చేరుకున్నాడు. ఇక మ‌రో సీనియ‌ర్ బ్రెండ‌న్ టేల‌ర్ 103వ స్థానానికి ఎగ‌బాకాడు. ఇరుజ‌ట్లు క‌లిపి దాదాపు వెయ్యికి పైగా ప‌రుగులు న‌మోదు చేసిన ఈ టెస్టు మ్యాచ్ డ్రాగా ముగిసింది.ఇక బంగ్లాదేశ్‌, వెస్టిండీస్ మ‌ధ్య జ‌రిగిన రెండో టెస్టు కూడా డ్రాగా ముగిసిన‌ప్ప‌టికీ, ఈ మ్యాచ్‌లోనూ బ్యాట‌ర్లు సెంచ‌రీలు బాదారు. ఈ క్ర‌మంలో ఇరుజ‌ట్ల ఆట‌గాళ్లు ర్యాంకింగ్స్‌లో ఎగ‌బాకారు. డ‌బుల్ సెంచ‌రీతో మెరిసిన‌ బంగ్లాదేశ్ బ్యాట‌ర్ తౌహిద్ హృదోయ్ ఏకంగా 175వ స్థానం నుంచి 60వ స్థానానికి రావ‌డం విశేషం. ఇక విండీస్ బ్యాట‌ర్ క‌వెమ్ హ‌డ్జ్ 52వ ర్యాంకు సాధించిన కెరీర్ బెస్ట్ అందుకున్నాడు.ఇదీ చదవండి: 'నోరు మూయ్‌.. నువ్వొక పాకిస్తానీ'

పెద్దవూర: ముగ్గురు గురుకుల విద్యార్థులపై ఓ మైనర్ల గ్యాంగ్‌ విచక్షణారహితంగా దాడి చేసింది. నల్లగొండ జిల్లా పెద్దవూరలో‌ ఈ దారుణ ఘటన చోటుచేసుకుంది. చీకట్లో నేలపై కూర్చోబెట్టి ముగ్గురు విద్యార్థుపై మైనర్ల గ్యాంగ్ దాడి చేసింది. కాళ్లతో తంతూ, పిడిగుద్దుల వర్షం కురిపించింది. విచ్చలవిడిగా తలపై, శరీరంపై దాడి చేసింది మైనర్ గ్యాంగ్. సినిమా తరహాలో ఫీల్ అవుతూ దాడికి దిగడంతో ముగ్గురు విద్యార్థులకు గాయాలయ్యాయి. బాధిత విద్యార్థులు స్థానిక గురుకులానికి చెందిన వారిగా తెలిసింది. గురుకులంలో ఉండాల్సిన గురువులు, సెక్యూరిటీ లేకపోవడంతోనే ఘటన జరిగినట్లు ఆరోపణలు వస్తున్నాయి. దాడి జరుగుతున్న సమయంలో ఒకరు వీడియో కూడా తీశారు. దాడి అనంతరం బాధిత ముగ్గురు విద్యార్థులు అక్కడి నుంచి పరుగులు తీసినట్లు తెలుస్తోంది.

సాక్షి, తాడేపల్లి: అనంతపురం నూతన మేయర్‌ రమేష్‌ గౌడ్‌ వైఎస్సార్‌సీపీ అధినేత, మాజీ ముఖ్యమంత్రి వైఎస్‌ జగన్‌మోహన్‌రెడ్డిని తాడేపల్లిలో మర్యాదపూర్వకంగా కలిశారు. ఈ సందర్భంగా స్థానిక ఎన్నికల్లో విజయం సాధించిన రమేష్‌ గౌడ్‌ను జగన్‌ అభినందించారు. తనకు మేయర్‌గా అవకాశం కల్పించినందుకు రమేష్‌ గౌడ్‌ ఈ సందర్భంగా జగన్‌కు కృతజ్ఞతలు తెలిపారు.ప్రజలకు నిరంతరం అందుబాటులో ఉండాలిఈ సందర్భంగా రమేష్‌ గౌడ్‌కు వైఎస్‌ జగన్‌ పలు కీలక సూచనలు చేశారు. మేయర్‌గా ప్రజలకు నిరంతరం అందుబాటులో ఉంటూ వారి సమస్యలను పరిష్కరించేందుకు కృషి చేయాలని సూచించారు. ప్రజలు తనపై ఉంచిన నమ్మకాన్ని మరింతగా నిలబెట్టుకోవాలని అన్నారు. ప్రజలకు సేవ చేసే గొప్ప అవకాశం లభించిందని, ఈ అవకాశాన్ని సద్వినియోగం చేసుకోవాలని తెలిపారు. ప్రజా సమస్యల పరిష్కారానికి ప్రాధాన్యత ఇస్తూ, ప్రజల ఆదరాభిమానాలను పొందాలని జగన్‌ సూచించారు. రమేష్‌ గౌడ్‌ రాజకీయంగా మరింత ఉన్నత స్థాయికి ఎదగాలని వైఎస్‌ జగన్‌ ఆకాంక్షించారు.ఇదీ చదవండి: కేంద్ర కేబినెట్ కీలక నిర్ణయాలుServe people, uphold their trust: YS Jagan to Anantapur Mayor Tadepalli, Nov 11: Newly elected Anantapur Mayor C. Ramesh Goud, accompanied by his family, met former Chief Minister and YSRCP President YS Jagan Mohan Reddy at the party’s central office. Congratulating Ramesh Goud, YS Jagan urged him to remain accessible, address public grievances sincerely, prioritise city development and work inclusively for all communities. He said Anantapur’s people stood firmly with YSRCP despite the ruling coalition’s conspiracies, inducements and intimidation. Every elected representative must honour that trust through dedicated public service. He wished Ramesh Goud continued political growth and success. Ramesh Goud thanked YS Jagan for entrusting him with the mayoral responsibility and expressed gratitude to senior party leaders, workers and Anantapur residents for their support. He pledged to work tirelessly for public welfare and city development. MP Peddireddi Mithun Reddy and senior leaders Anantha Venkatarami Reddy, Sake Sailajanath, Talari Rangaiah and Naresh Kumar Reddy attended.— YSR Congress Party (@YSRCParty) November 11, 2026

పెళ్లిసందడి, ఛాంపియన్ మూవీస్‌తో హీరోగా గుర్తింపు తెచ్చుకున్న శ్రీకాంత్ తనయుడు రోషన్ మేకా. తాజాగా మరో మూవీకి సిద్ధమయ్యారు. రోషన్ హీరోగా భారీ సూపర్ హీరో అడ్వెంచరస్ మూవీని తెరకెక్కిస్తున్నారు. ఈ సినిమాకు ఇంద్రగంటి మోహనకృష్ణ దర్శకత్వం వహిస్తున్నారు. ఈ చిత్రాన్ని అశోక క్రియేషన్స్ బ్యానర్‌పై పాన్ ఇండియాస్థాయిలో అశోక్ వర్ధన్ ముప్పా, సునీల్ బలుసు నిర్మించనున్నారు.తాజాగా ఈ భారీ అడ్వెంచరస్‌ మూవీ పూజా కార్యక్రమాన్ని హైదరాబాద్‌లో గ్రాండ్‌గా నిర్వహించారు. ఈ ఈవెంట్‌కు శ్రీకాంత్ హాజరై ముహుర్తపు షాట్‌కు క్లాప్ కొట్టారు. ఈ చిత్రంలో రేఖా పాండే, వినయ్ రాయ్ కీలక పాత్రల్లో నటిస్తున్నారు. ఈ మూవీ రెగ్యులర్ షూటింగ్ డిసెంబర్ మొదటి వారంలో ప్రారంభం కానుంది. A SUPERHERO UNIVERSE IS COMING TO LIFE🔥 The world awaits a new superhero - @IamRoshanMeka🦸🏻‍♂️ ❤️‍🔥 Ashoka Creations proudly announces its Production No. 3 - a grand PAN-INDIA spectacle set to push visual boundaries 🦸‍♂️✨ Starring @IamRoshanMeka, #RekhaPandey & #VinayRai. https://t.co/3HamsYRRUy— Ashoka Creations (@AshokaCOfficial) November 11, 2026

పిల్లలు 20 అడుగుల భారీ కొండచిలువ (Python)పై జారుడు బండ ఆడుకుంటున్న వీడియో నెట్టింట తెగ వైరల్‌ అవుతోంది. ఈ వింత ఘటన ఇండోనేషియాకి చెందినదిగా భావిస్తున్నారు. సోషల్‌ మీడియాలో వైరల్‌ అవుతున్న దిగ్భ్రాంతికరమైన వీడియో ప్రకారం సజీవంగా ఉన్న ఒక పెద్ద కొండచిలువపైకి ఎక్కి దానిపై నుంచి జారుతూ ఆడుకుంటున్నారు.అంతేకాదు పిల్లలు అంత ప్రమాదకరమైన జీవితో ఆడుకుంటున్నా, అక్కడ ఉన్న పెద్దలు వారిని వారించకపోగా తమ స్మార్ట్‌ఫోన్లలో వీడియోలు తీస్తూ శాంతంగా చూస్తుండిపోవడం కొంతమంది నెటిజనులను ఆశ్చర్యపరిచింది.నెటిజన్ల స్పందనఅయితే ఇండోనేషియాలో అవి చాలా చౌకగా దొరుకుతాయనీ, వాటి లివర్‌ నూనె కోసం వేటాడతారని కొంతమంది నెటిజన్లు వ్యాఖ్యానించారు. 90వ దశకంలో 5 అడుగుల పిల్ల పాము ధర సుమారు 5 డాలర్లు పలికేదని కూడా చెప్పారు. వీటిని రెటిక్యులేటెడ్ కొండచిలువ (Reticulated Python) అంటారట. ఇవి విషపూరితమైనవి కావు, కానీ ఇవి తమ బలమైన కండరాల శక్తితో ఎరను చుట్టి నలిపి మింగేయగలవు. కానీ అడవిలో ఉండేవి చాలా దూకుడుగా ఉంటాయి. బెదిరిస్తే వెంటనే కాటు వేస్తాయని తెలిపారు. ఈ వీడియోకు దాదాపు 1,60,000 కంటే ఎక్కువ వ్యూస్‌ వచ్చాయి.😱 Kids turn a giant python into a playground slide In Indonesia, children turned an enormous snake into their own amusement park ride — sliding down its body, sitting on top of it, and running around it. All while adults calmly stood nearby, filming with their phones. Judging by the footage, it's a reticulated python — one of the largest and most dangerous snakes in the world. It's not venomous, but it can constrict and even swallow an adult human. The scariest part of this video isn't even the giant snake — it's that nobody around seems remotely concerned.— NEXTA (@nexta_tv) November 9, 2026ఇదీ చదవండి: 10 ఏళ్లలో అద్భుతం : క్యాన్సర్‌, అల్జీమర్స్‌ ఇక చరిత్రే! పిల్లలు ఇళ్లల్లో ఫోన్లకు అతుక్కుపోకుండా బయట ఆడుకుంటున్నారని ఒకరంటే, ఇండోనేషియాలో ఇవి సాధారణం, క్రమం తప్పకుండా మానవ స్పర్శకు అలవాటు పడినవి లేదా ఆహారం తిన్న తర్వాత ఉండే పాములు చాలా శాంతంగా ఉంటాయని మరికొందరు పేర్కొన్నారు.వన్యప్రాణి ప్రేమికుల ఆందోళన: సాధారణ ప్రజలు దీనిని సరదాగా తీసుకున్నప్పటికీ, వన్యప్రాణి నిపుణులు మాత్రం దీనిని తీవ్రంగా ఖండించారు. క్రూరమైన, ఎలాంటి శిక్షణ లేని వన్యప్రాణులతో పిల్లలు ఇలా ఆటలాడుకోవడం ప్రాణాలకే ప్రమాదమని హెచ్చరించారు.ఇదీ చదవండి: కష్టాలు, కన్నీళ్లే ఇన్నాళ్లు : చివరికి ‍శ్రుతి జీవితంలో కొత్త వెలుగులు

తనదైన నటనతో వెండితెరపై ప్రేక్షకుల్ని ఆకట్టుకుంటుంది అందాల తార అదితి రావ్‌ హైదరీ. రెండేళ్ల క్రితం ‘హీరామండీ’ సిరీస్‌తో ఆకట్టుకున్న ఈ బ్యూటీ.. ఇప్పుడు ప్రేమికురాలిగా మరో సిరీస్‌తో సందడి చేయడానికి సిద్ధమైంది. అదితి రావ్‌ హైదరీ, అర్జున్‌ రాంపాల్, అవినాశ్‌ తివారీ ప్రధాన పాత్రలు పోషించిన హిందీ రొమాంటిక్‌ డ్రామా సిరీస్‌ ‘ఓ సాథీ రే’((O Saathi Re). ప్రముఖ దర్శకుడు ఇంతియాజ్‌ అలీ షో రన్నర్‌గా వ్యవహరిస్తున్న ఈ సిరీస్‌కు ఆరిఫ్‌ అలీ దర్శకత్వం వహించాడు. (చదవండి: కొత్త హీరోకి ఇంత సపోర్టా? డీటైల్స్ ఏంటి?)ఇప్పటికే షూటింగ్‌ పూర్తి చేసుకున్న ఈ సిరీస్‌..త్వరలోనే ఓటీటీలోకి రానుంది. తాజాగా ఓటీటీ స్ట్రీమింగ్‌ డేట్‌ని ప్రకటించారు మేకర్స్‌. ప్రముఖ ఓటీటీ సంస్థ నెట్‌ఫ్లిక్స్‌లో డిసెంబర్‌ 4 నుంచి ఈ చిత్రం స్ట్రీమింగ్‌ కానుంది. వింటేజ్‌ లవ్‌స్టోరీగా తెరకెక్కిన ఈ సిరీస్‌ ఓటీటీ ప్రేక్షకులను ఏ మేరకు అలరిస్తుందో చూడాలి. O Saathi Re..the love story of a separating couple❤️‍🩹 https://t.co/H60jpxPpvV— Netflix India (@NetflixIndia) November 11, 2026

రవితేజ టైగర్ నాగేశ్వరరావు మూవీతో టాలీవుడ్ రీ ఎంట్రీ ఇచ్చిన నటి రేణు దేశాయ్. తాజాగా మరోసారి కమ్‌బ్యాక్ ఇచ్చేందుకు రెడీ అవుతోంది. ఈ సారి కోలీవుడ్‌లో పునరాగమనం చేయనుంది. ధనుశ్ హీరోగా వస్తోన్న ఓం చాప్టర్-1 మూవీలో రేణు కీలక పాత్రలో కనిపించనుంది. ఇటీవలే ఈ విషయాన్ని సోషల్ మీడియా వేదికగా పంచుకున్నారు. దీంతో ఆమె నటిస్తున్నారా? లేదా అన్న వార్తలకు చెక్ పడింది. కాగా.. ఈ మూవీకి అమరన్ ఫేమ్ రాజ్ కుమార్ పెరియసామి దర్శకత్వం వహిస్తున్నారు. ఈ చిత్రం నవంబర్ 20న థియేటర్లలో రిలీజ్ కానుంది.గతల మే నెలలోనే మలయాళ మెగాస్టార్ మమ్ముట్టితో కలిసి దిగిన ఫోటోలను రేణూ దేశాయ్ సోషల్ మీడియాలో షేర్ చేసింది. ఆ సమయంలోనే ఆమె ఓం సినిమాలో నటిస్తున్నారనే ఊహాగానాలొచ్చాయి. కానీ ఇప్పటివరకు ఎలాంటి అధికారిక ప్రకటన రాలేదు. తాజాగా విడుదల తేదీని ప్రకటిస్తూ ఆమె పెట్టిన పోస్ట్‌తో ఈ సస్పెన్స్‌కు తెరపడింది. గతంలో 2000 ఏడాదిలో జేమ్స్ పాండు తర్వాత రేణూ దేశాయ్ మళ్లీ అక్కడ ఎలాంటి సినిమా చేయలేదు.దాదాపు ఇరవై ఆరేళ్ల సుదీర్ఘ విరామం తర్వాత తమిళ తెరపైకి రీఎంట్రీ ఇస్తోంది. దీంతో ఓం సినిమాపై మరింత అంచనాలు ఏర్పడ్డాయి. ఈ చిత్రంలో ఆమె రోల్ వివరాలు చాలా సీక్రెట్‌గా ఉంచారు. ఈ చిత్రాన్ని రూ.200 కోట్ల భారీ బడ్జెట్‌తో వండర్‌బార్ ఫిల్మ్స్, ఆర్‌టేక్ స్టూడియోస్ సంయుక్తంగా నిర్మిస్తున్నారు. ఈ చిత్రంలో సాయి పల్లవి, శ్రీలీల హీరోయిన్లుగా నటిస్తున్నారు. వీరితో పాటు మమ్ముట్టి, ఇంద్రన్స్, నసీరుద్దీన్ షా కీలక పాత్రలు పోషిస్తున్నారు.

ఆస్ట్రేలియా మాజీ క్రికెట‌ర్ ఉస్మాన్ ఖ‌వాజా త‌న కొత్త ఆత్మ‌క‌థ 'సబర్' (Sabr)లో ఒక్కొక్క‌టిగా సంచ‌ల‌న విష‌యాలు బ‌య‌ట‌పెడుతూ వ‌స్తున్నాడు. సాండ్‌పేప‌ర్ గేట్ వివాదం మ‌రవ‌క ముందే 2023లో యాషెస్ సిరీస్ స‌మ‌యంలో లార్డ్స్ మైదానంలో త‌న‌కు ఎదురైన జాతి వివ‌క్ష అనుభ‌వాన్ని తాజాగా ఉస్మాన్ ఖ‌వాజా పంచుకున్నాడు. ఒక ఎంసీసీ స‌భ్యుడు వ‌చ్చి "నోరు మూయ్.. నువ్వొక పాకిస్తానీ" (Shut up, you Paki) అని గ‌ట్టిగా అరిచాడ‌ని పేర్కొన్నాడు. అలా త‌న‌పై జాతివివ‌క్ష వ్యాఖ్య‌ల‌కు పాల్పాడ్డార‌ని ఖవాజా చెప్పుకొచ్చాడు.విష‌యంలోకి వెళితే.. 2023లో ఇంగ్లండ్‌తో జరిగిన రెండో టెస్ట్ ఐదో రోజున, ఇంగ్లండ్ బ్యాటర్ జానీ బెయిర్‌స్టోను ఆస్ట్రేలియా వికెట్ కీపర్ అలెక్స్ కారీ స్టంపౌట్ చేయడం తీవ్ర వివాదాస్పదమైంది. లంచ్ విరామ స‌మ‌యంలో ఆస్ట్రేలియా ఆటగాళ్లు లార్డ్స్ పెవిలియన్‌లోని 'లాంగ్ రూమ్' గుండా వెళ్తుండగా, మెరిల్‌బోన్ క్రికెట్ క్లబ్ (MCC) సభ్యులు ఆటగాళ్లపై తీవ్ర స్థాయిలో దూషణలకు దిగారు. ఆ సమయంలో ఒక ఎంసీసీ సభ్యుడు తన చెవిలో గట్టిగా అరిచాడని, దానికి తాను అభ్యంతరం చెప్ప‌బోగా, మరొకరు తనను ఉద్దేశించి "నోరు మూయ్.. నువ్వొక పాకిస్తానీ" అంటూ జాతి వివక్షపూరిత దూషణ చేశాడ‌ని ఖవాజా తన పుస్తకంలో పేర్కొన్నాడు. ఆ మాట వినగానే తాను తీవ్ర ఆగ్రహానికి గురై, భద్రతా సిబ్బందికి ఫిర్యాదు చేసినట్లు వివ‌రించారు. ఈ ఘటనపై విచారణ జరిపిన మెరిల్‌బోన్ క్రికెట్ క్లబ్ (ఎంసీసీ) ఆస్ట్రేలియా జట్టుకు క్షమాపణలు చెప్పింది. దోషులుగా తేలిన ముగ్గురు సభ్యులపై కఠిన చర్యలు తీసుకుంటూ ఒకరిని శాశ్వతంగా బహిష్కరించింది, మరో ఇద్దరిపై సస్పెన్షన్ విధించింది.ఇటీవల విడుదలైన 'సబర్' (Sabr) ఆత్మకథలో ఖవాజా కేవలం లార్డ్స్ ఘటన మాత్రమే కాకుండా, 2018లో దక్షిణాఫ్రికాతో జరిగిన టెస్ట్ సిరీస్‌లోని బాల్ ట్యాంపరింగ్ (Sandpapergate) వివాదం గురించి సంచలన విషయాలు వెల్లడించారు. కేవలం స్టీవ్ స్మిత్, డేవిడ్ వార్నర్, కామెరాన్ బెన్‌క్రాఫ్ట్‌లకు మాత్రమే కాకుండా, ఆ విషయం జట్టులోని అందరికీ తెలుసని పేర్కొనడం క్రీడా వర్గాల్లో చర్చనీయాంశమైంది.ఇదీ చదవండి: ఒక్క సెంచ‌రీతో డ‌బుల్ రికార్డులు కొల్ల‌గొట్టిన లంక బ్యాట‌ర్‌యూఏఈ తరఫున కమ్‌బ్యాక్‌ ఇచ్చే ప్రయత్నం చేస్తున్న టీమిండియా మాజీ క్రికెటర్‌

చైనాకు చెందిన ఓ స్టార్టప్‌ వినూత్న ఆలోచనతో ముందుకొచ్చింది. తమ యాప్‌ ద్వారా మూడేళ్లలో పెళ్లి కుదరకపోతే సభ్యత్వ రుసుమును పూర్తిగా వెనక్కి ఇచ్చేస్తామని ప్రకటించింది. కృత్రిమ మేధస్సు (ఏఐ) సాయంతో సరైన జీవిత భాగస్వామిని ఎంపిక చేసే ఈ విధానం ఇప్పుడు టెక్‌ ప్రపంచంలో ఆసక్తికర చర్చకు దారితీస్తోంది.ఒక్కరితోనే పరిచయంచైనాలో ప్రారంభమైన ‘లియాంగ్‌పెయ్‌ ఏఐ’ (Liangpei AI) అనే ఈ యాప్‌ సాధారణ డేటింగ్‌ ప్లాట్‌ఫామ్‌లకు భిన్నంగా పనిచేస్తుంది. ఇందులో వినియోగదారులు ఒకేసారి ఎక్కవ మందితో మాట్లాడేందుకు అవకాశం ఉండదు. ఏఐ సూచించిన అభ్యర్థుల్లో ఒకరితో మాత్రమే పరిచయం కొనసాగించాలి. ఆ వ్యక్తితో సంబంధాన్ని ముగించిన తర్వాతే మరో వ్యక్తిని పరిచయం చేసుకునే వీలుంటుంది. ఈ విధానం ద్వారా ఒకరిపై మరొకరు ఎక్కువ శ్రద్ధ పెట్టడంతోపాటు, సంబంధాన్ని అర్థం చేసుకోవడానికి తగిన సమయం కేటాయించవచ్చని సంస్థ భావిస్తోంది.యాప్‌లో నమోదు చేసుకునే సమయంలో వినియోగదారులు తమ అసలు పేరు, ఫొటోతో పాటు తమకింకా పెళ్లి కాలేదని ధ్రువీకరించుకోవాలి. ఇప్పటికే వివాహమైన వ్యక్తులు ప్రవేశించకుండా ప్రత్యేక తనిఖీలు నిర్వహిస్తున్నారు. రిజిస్ట్రేషన్‌ తర్వాత వినియోగదారులు ఏఐ మ్యాచ్‌మేకర్‌తో సుమారు 20 నిమిషాల పాటు మాట్లాడాలి. తద్వారా వినియోగదారుల వ్యక్తిత్వం, అభిరుచులకు అనుగుణంగా సమగ్ర ప్రొఫైల్‌ను రూపొందిస్తుంది.సభ్యత్వ రుసుము ఎంతంటే?ఈ యాప్‌లో అత్యంత ఆసక్తికరమైన అంశం దాని వ్యాపార విధానం. మూడేళ్ల కాలపరిమితి కలిగిన ప్రత్యేక ‘పెళ్లి హామీ సభ్యత్వం’ కోసం 2,000 చైనీస్‌ యువాన్లు (సుమారు రూ.28,000) చెల్లించాలి. మూడేళ్లలోపు వివాహం చేసుకోకపోతే నిబంధనల ప్రకారం ఈ మొత్తాన్ని పూర్తిగా తిరిగి పొందేందుకు అవకాశం ఉంటుంది. మరోవైపు, 1,000 యువాన్లకు జీవితకాల సభ్యత్వాన్ని కూడా సంస్థ అందిస్తోంది. అయితే దానికి డబ్బుల వాపసు హామీ ఉండదు. ఈ విధానం వెనుక బలమైన వ్యాపార ఆలోచన ఉందని సంస్థ వ్యవస్థాపకుడు జెంగ్‌ జిన్‌షున్‌ చెబుతున్నారు. సాధారణ డేటింగ్‌ యాప్‌లు వినియోగదారులు ఎక్కువకాలం తమ ప్లాట్‌ఫామ్‌లలో కొనసాగితేనే ఆదాయం పొందుతాయని, కానీ జీవిత భాగస్వామిని వెతికే సేవల లక్ష్యం మాత్రం వీలైనంత త్వరగా వారికి సరైన జోడీని అందించడమే కావాలని ఆయన అభిప్రాయపడుతున్నారు.

సాక్షి, న్యూఢిల్లీ: కేంద్ర ప్రభుత్వం పలు కీలక ప్రాజెక్టులు, పథకాలకు ఆమోదం తెలిపింది. ప్రధానమంత్రి నరేంద్ర మోదీ అధ్యక్షతన జరిగిన కేంద్ర కేబినెట్ సమావేశంలో మొత్తం రూ.77,101 కోట్లకు పైగా నిధుల కేటాయింపులకు సంబంధించిన నిర్ణయాలు తీసుకున్నారు. ఇందులో ఢిల్లీలో యుగే యుగీన్ భారత్ మ్యూజియం నిర్మాణం, నోయిడా-గ్రేటర్ నోయిడా మెట్రో విస్తరణ, ఎరువుల సబ్సిడీ, సూక్ష్మ పరిశ్రమలకు క్రెడిట్ గ్యారెంటీ ఫండ్ వంటి అంశాలు ఉన్నాయి.కీలక కేటాయింపులు ఇవే..కేంద్ర కేబినెట్ ఢిల్లీలో యుగే యుగీన్ భారత్ మ్యూజియం ఏర్పాటుకు రూ.3,230 కోట్లు, నోయిడా-గ్రేటర్ నోయిడా మెట్రో విస్తరణ ప్రాజెక్టుకు రూ.2,390 కోట్ల నిధులు , అలాగే రబీ 2026-27 సీజన్‌కు ఎరువుల సబ్సిడీ కోసం రూ.62,370 కోట్లు కేటాయించింది. అంతేకాదు సూక్ష్మ పరిశ్రమలకు క్రెడిట్ గ్యారెంటీ ఫండ్ కోసం రూ.5,000 కోట్లు, స్టాండ్ అప్ ఇండియా పథకం క్రెడిట్ గ్యారెంటీ ఫండ్ కోసం రూ.4,111 కోట్లను ఆమోదించింది.నోయిడా మెట్రో విస్తరణకు గ్రీన్ సిగ్నల్నోయిడా, గ్రేటర్ నోయిడా ప్రాంతాల్లో ప్రజా రవాణా వ్యవస్థను మరింత మెరుగుపరిచే లక్ష్యంతో ఆక్వా లైన్ మెట్రో విస్తరణకు కేంద్ర కేబినెట్ ఆమోదం తెలిపింది. నోయిడా సెక్టార్-51 నుంచి గ్రేటర్ నోయిడా సెక్టార్-04 వరకు మొత్తం 8.449 కిలోమీటర్ల మేర కొత్త మెట్రో కారిడార్ నిర్మించనున్నారు. ఈ మార్గంలో ఐదు ఎలివేటెడ్ మెట్రో స్టేషన్లను ఏర్పాటు చేయనున్నారు.ఇక ఈ విస్తరణ పూర్తయితే నోయిడా, గ్రేటర్ నోయిడా పరిధిలోని మొత్తం మెట్రో నెట్‌వర్క్ 71.878 కిలోమీటర్లకు చేరుకోనుంది. నోయిడా సెక్టార్-61 వద్ద బ్లూ లైన్ మెట్రోతో ఇంటర్‌చేంజ్ సదుపాయం అందుబాటులోకి రానుంది. దీంతో ప్రయాణికులు ఇతర ప్రాంతాలకు సులభంగా చేరుకునే అవకాశం ఉంటుంది.ప్రధాన వాణిజ్య ప్రాంతాలకు మెరుగైన కనెక్టివిటీకొత్త మెట్రో కారిడార్‌తో గౌర్ సిటీ, గౌర్ సిటీ మాల్స్, బ్లూ సఫైర్ మాల్, ఐకియా వంటి ప్రధాన వాణిజ్య ప్రాంతాలకు మెరుగైన రవాణా సౌకర్యం కలగనుంది. అంతేకాకుండా ఐటీ కంపెనీలు, విద్యాసంస్థలు, ఆసుపత్రులు, ప్రధాన నివాస ప్రాంతాలకు మెట్రో కనెక్టివిటీ పెరగనుంది. ఈ ప్రాజెక్టు అందుబాటులోకి వస్తే రోడ్లపై ట్రాఫిక్ రద్దీ తగ్గడంతో పాటు ప్రయాణ సమయం కూడా ఆదా కానుంది. వాహనాల వినియోగం తగ్గడంతో వాయు కాలుష్యం, కార్బన్ ఉద్గారాలను నియంత్రించేందుకు కూడా దోహదపడే అవకాశం ఉంది. ఈ ప్రాంతాల్లో మెట్రో విస్తరణతో వాణిజ్య కార్యకలాపాలు, పెట్టుబడులు పెరగడంతో పాటు స్థానికంగా ఉపాధి అవకాశాలు మెరుగుపడతాయని కేంద్ర ప్రభుత్వం భావిస్తోంది.ఇదీ చదవండి: జమ్మూకశ్మీర్‌లో ఉగ్రదాడి

క్యాన్సర్, అల్జీమర్స్, గుండె జబ్బులు, మానసిక అనారోగ్యం లాంటి సమస్యలు ఇవి పదేళ్లలోపే గతకాలపు అవశేషాలుగా మిగిలిపోతాయంటూ ఆంత్రోపిక్ సీఈఓ డారియో అమోడెయ్ ధీమా వ్యక్తంచేశారు. ఏఐ ( AI) వైద్య రంగంలో అద్భుతాల శకాన్ని తీసుకురాగలదని విశ్వసిస్తున్నారు. అది అంత సులువు కాదని ఔషధ తయారీదారులు, శాస్త్రవేత్తలు నమ్ముతున్నప్పటికీ డారియో తాజా అంచనాలు ఆసక్తికరంగా మారాయి.ఏఐ సాధిస్తున్న పురోగతితో పదేళ్ల కంటే తక్కువ వ్యవధిలోనే క్యాన్సర్, ఆల్జీమర్స్, గుండె జబ్బులు,మానసిక ఆరోగ్య సమస్యలు గతంలా మిగిలిపోతాయని ఆయన విశ్వసిస్తున్నారు. ఏఐని సరిగ్గా వినియోగించుకుంటే వేల సంవత్సరాలుగా మనకు అంతుచిక్కని సమస్యలను మానవాళి పరిష్కరించగలిగే అద్భుతాల యుగాన్ని మనం సృష్టించగలమని అమోడెయ్ అభిప్రాయపడ్డారు.జీవ పరిశోధన, ఔషధాల ఆవిష్కరణలను ఏఐ చాలా వేగవంతం చేస్తుందన్నారు.మరోవైపు టెస్లా బాస్‌ ఎలాన్ మస్క్, గూగుల్ ఏఐ బాస్ డెమిస్ హస్సాబిస్‌తో సహా ఇతర ఏఐ నాయకులు కూడా గతంలోనే ఇలాంటి అభిప్రాయాలను వ్యక్తంచేశారు. AI ఆధారంగా పదేళ్ల ఔషధ ఆవిష్కరణ ప్రక్రియను కొద్ది వారాల్లోకి కుదించవచ్చని డెమిస్ హస్సాబిస్ అంచనా. ఆల్ఫాఫోల్డ్ (AlphaFold - 200 మిలియన్లకు పైగా ప్రోటీన్ నిర్మాణాలను మ్యాపింగ్ చేసిన విప్లవాత్మక మోడల్) దీనికి నిదర్శనంగా చూపారు.ఎలాన్ మస్క్: AI వల్ల భవిష్యత్తులో ప్రపంచంలోని ప్రతీ ఒక్కరికీ అమెరికా అధ్యక్షుడికి లభించే స్థాయిలోనే అత్యుత్తమ వైద్య సంరక్షణ అందుబాటులోకి వస్తుందని పేర్కొన్నారు.సాధ్యం కాదంటున్న నిపుణులుAI ఎంతగా పురోగమించినా, ఔషధ తయారీ రంగంలోని నిపుణులు మాత్రం ఈ పదేళ్ల గడువు వాదనను అంగీకరించడంలేదు. ఈ అంచనాలు వాస్తవానికి దూరంగా ఉన్నాయని జెఫ్ లీడెన్ (Vertex Pharmaceuticals చైర్మన్) కొట్టిపారేశారు. తమ సంస్థ 10 వేల కాంపౌండ్లను పరీక్షించేందుకు 50 AI కంపెనీలను సంప్రదిస్తే అందులో ఏ ఒక్క AI మోడల్ కూడా సొంతంగా పనిచేసే పూర్తిస్థాయి ఔషధాన్ని తయారు చేయలేక పోయిందని వెల్లడించారు.ఇదీ చదవండి: Dheyay Shah గ్రౌండ్‌ వాటర్‌ను గుర్తించే ‘జలాకార్‌’క్లినికల్ ట్రయల్స్కంప్యూటర్ స్క్రీన్‌పై ఒక మాలిక్యూల్ (కణం/అణువు) విజయవంతంగా కనిపించినంత మాత్రాన సరిపోదు. దానిని ల్యాబ్‌లు, జంతువులు మరియు మానవులపై (Clinical Trials) సుదీర్ఘకాలం పరీక్షించి, సురక్షితమైనదని రుజువు చేయాలి. ఈ ప్రక్రియకు 10 నుండి 12 ఏళ్లు పడుతుంది. AI ల్యాబ్ ఆవిష్కరణను వేగవంతం చేయగలదేమో కానీ, ఈ కీలకమైన రక్షణ పరీక్షల సమయాన్ని జీరో చేయలేదన్నారు.అలాగే ప్రస్తుత AI మోడళ్లకు సంక్లిష్టమైన జీవశాస్త్ర అవగాహన (Causal Understanding) ఇంకా పూర్తిగా అబ్బలేదని, ఇప్పటివరకు ఏ AI డిజైన్ చేసిన ఔషధం కూడా పూర్తి స్థాయి అనుమతులు పొంది మార్కెట్‌లోకి రాలేదని గ్యారీ మార్కస్ & ఎరిక్ టాపోల్ లాంటి నిపుణులు గుర్తుచేశారు. గతంలో (1970ల 'క్యాన్సర్‌పై యుద్ధం' లాంటివి) కూడా ఇటువంటి గడువుల ఆధారంగా హామీలు ఇచ్చి నెరవేర్చలేకపోయిన చరిత్ర ఉంది. కాబట్టి AI జీవశాస్త్ర పరిశోధనను వేగవంతం చేసినప్పటికీ, సంక్లిష్ట వ్యాధులను పదేళ్లలో పూర్తిగా నిర్మూలించడం అనేది ప్రస్తుత వైద్య విజ్ఞాన ప్రక్రియల ప్రకారం అనేక సవాళ్లతో కూడుకున్నది అంటున్నారు వైద్య రంగ నిపుణులు. ఇదీ చదవండి: కష్టాలు, కన్నీళ్లే ఇన్నాళ్లు : చివరికి ‍శ్రుతి జీవితంలో కొత్త వెలుగులు

‘‘నా తొలి చిత్రం ‘లిటిల్‌ హార్ట్స్‌’ మంచి విజయం సాధించింది. కానీ ఆ విజయం నాలో ఒత్తిడి పెంచింది. ఆ సినిమా విజయం తర్వాత నేను చాలా కథలు విన్నాను. అయితే సరైన కథలనే ఎంచుకుంటున్నానా? నా జడ్జ్‌మెంట్‌ కరెక్టేనా? అనే ఆలోచనలు నాలో ఒత్తిడి పెంచాయి. అయితే నాకు కొత్త కథలు చెబుతూనే, ఎంటర్‌టైనింగ్‌ సినిమాలు చేయాలని ఉంది’’ అని మౌళి తనూజ్‌ ప్రశాంత్‌ అన్నారు. (చదవండి: తెలుగు 'బిగ్‌బాస్'లో నిశ్చితార్థం చేసుకున్న ప్రేమజంట)మౌళి తనూజ్‌ ప్రశాంత్, సుష్మితా శెట్టి హీరో హీరోయిన్లుగా నటించిన క్రైమ్‌ కామెడీ ఎంటర్‌టైనర్‌ సినిమా ‘డీఎన్‌కే’. శ్రీను కంబాల దర్శకత్వంలో మైత్రీ మూవీ మేకర్స్‌ పతాకంపై నవీన్‌ ఎర్నేని, వై. రవిశంకర్‌ నిర్మించిన ఈ చిత్రం ఈ నెల 13న విడుదల కానుంది. ఈ సందర్భంగా మంగళవారం జరిగిన విలేకరుల సమావేశంలో మౌళి తనూజ్‌ మాట్లాడుతూ– ‘‘ఈజీ మనీకి అలవాటు పడ్డ ఓ కుర్రాడు గ్యాంబ్లింగ్‌ చేస్తే డబ్బులు వస్తాయని ఆ మార్గాన్ని ఎంచుకుంటాడు. కానీ అతను తీసుకునే నిర్ణయాల వల్ల అప్పుల్లో కూరుకుపోతాడు. ఆ అప్పుల నుంచి బయటపడటానికి ఒక దొంగతనం చేస్తాడు. ఆ తర్వాత ఆ కుర్రాడు ఎలాంటి ఇబ్బందులు ఎదుర్కోవాల్సి వచ్చింది? ఆ కష్టాల నుంచి ఎలా బయటపడ్డాడు? అన్నదే ఈ సినిమా కథ. కథలో క్రైమ్‌ ఎలిమెంట్‌ ఉన్నప్పటికీ మంచి ఫన్‌ కూడా ఉంది. సెకండాఫ్‌లో ఒక సర్‌ప్రైజింగ్‌ సాంగ్‌ కూడా ఉంటుంది. సింజిత్‌ మంచి మ్యూ జిక్‌ ఇచ్చాడు. ఇక సెన్సార్‌ వాళ్లు అభ్యంతరం చెప్పడంతో మా సినిమా టైటిల్‌ను ‘డీఎన్‌కే’గా మార్చాం. నాకు దర్శకత్వంపై ఆసక్తి ఉంది. కానీ ఇది పెద్ద బాధ్యత కాబట్టి కాస్త సమయం పడుతుంది’’ అని అన్నారు.

పాకిస్తాన్‌తో జ‌రుగుతున్న తొలి టెస్టులో శ్రీలంక బ్యాట‌ర్ ధ‌నంజ‌య డిసిల్వా కెరీర్‌లో 14వ సెంచ‌రీతో మెరిశాడు. ఇన్నింగ్స్ 70వ ఓవ‌ర్లో అరాఫ‌త్‌ మిన్హాస్ బౌలింగ్‌లో ధ‌నంజ‌య ఈ ఫీట్‌ను అందుకున్నాడు.151 బంతుల్లో సెంచ‌రీ మార్క్ అందుకున్న ధ‌నంజ‌య ఖాతాలో 12 బౌండ‌రీలున్నాయి. ఈ క్ర‌మంలో ధ‌నంజ‌య డిసిల్వా లంక దిగ్గ‌జ బ్యాట‌ర్ స‌న‌త్ జ‌య‌సూర్య రికార్డును సమం చేశాడు. లంక త‌ర‌ఫున టెస్టుల్లో అత్య‌ధిక సెంచ‌రీలు చేసిన బ్యాట‌ర్ల జాబితాలో జ‌య‌సూర్య‌, థిల్లాన్ స‌మ‌ర‌వీరతో క‌లిసి ధ‌నంజ‌య సంయుక్తంగా తొమ్మిదో స్థానంలో నిలిచాడు. ఓవ‌రాల్ జాబితాలో లంక త‌ర‌ఫున కుమార సంగ‌క్క‌ర (134 మ్యాచ్‌ల్లో 38 సెంచ‌రీలు) తొలి స్థానంలో కొన‌సాగుతున్నాడు.అంతేకాదు, పాకిస్తాన్‌పై త‌న‌కున్న ఘ‌న‌మైన రికార్డును ధ‌నంజ‌య విజ‌య‌వంతంగా కొన‌సాగిస్తున్నాడు. ఇప్ప‌టివ‌ర‌కు పాక్‌పై 12 ఇన్నింగ్స్‌ల్లో ఇది నాలుగో సెంచ‌రీ. ఈ విష‌యంలో ధ‌నంజ‌య జ‌య‌సూర్య‌ను అధిగ‌మించాడు. జ‌య‌సూర్య పాకిస్తాన్‌పై నాలుగు సెంచ‌రీలు చేసిన‌ప్ప‌టికీ, అవి 30 ఇన్నింగ్స్‌ల్లో వ‌చ్చాయి. పాక్‌పై అత్య‌ధిక సెంచ‌రీలు చేసిన‌ జాబితాలో సంగ‌క్క‌ర (10), అరంవిద డిసిల్వాలు (8) వ‌రుస‌గా తొలి రెండు స్థానాల్లో ఉన్నారు.మ్యాచ్ విష‌యానికొస్తే, 92 ఓవ‌ర్లు ముగిసేస‌రికి శ్రీలంక 4 వికెట్ల న‌ష్టానికి 366 ప‌రుగులు చేసింది. కుశాల్ మెండిస్ (101), ధ‌నంజ‌య డిసిల్వా (147) క్రీజులో ఉన్నారు. అంత‌క‌ముందు క‌మిందు మెండిస్ (58) అర్థ‌సెంచ‌రీ సాధించాడు. పాక్ బౌల‌ర్ల‌లో మొహ‌మ్మ‌ద్ అబ్బాస్, స‌కిబ్ ఖాన్‌లు చెరో 2 వికెట్లు ప‌డ‌గొట్టారు.ఇదీ చదవండి: సెంచరీతో కదంతొక్కిన ధనంజయ.. పాక్‌కు ధీటుగా బదులిస్తున్న శ్రీలంకరాజస్థాన్‌-లక్నో మధ్య ఆసక్తికర ట్రేడ్‌ డీల్‌..!

తాడేపల్లి: ఇతరుల వ్యక్తిగత జీవితాలపై మాట్లాడవద్దని వైఎస్సార్‌సీపీ అధినేత, మాజీ ముఖ్యమంత్రి వైఎస్‌ జగన్‌మోహన్‌రెడ్డి తమను ఆదేశించారని పార్టీ రాష్ట్ర ప్రధాన కార్యదర్శి లక్ష్మీ పార్వతి తెలిపారు. అలాంటి నీతి చంద్రబాబు కూటమికి ఎందుకు లేదని ఆమె ప్రశ్నించారు.తాడేపల్లిలో లక్ష్మీపార్వతి మీడియా సమావేశంలో మాట్లాడుతూ.. ‘‘వారి కుటుంబాలను సరిగా చూసుకోకుండా వైఎస్‌ జగన్ వ్యక్తిగత జీవితంపై ఎందుకు ఆరోపణలు చేస్తారు? పవన్ కల్యాణ్ సైతం వైఎస్‌ జగన్ కుటుంబ సభ్యులపై మాట్లాడారు. సిగ్గు ఉంటే పవన్ కల్యాణ్ తన మాటలపై పునఃపరిశీలన చేసుకోవాలి. పవన్ కల్యాణ్ పబ్లిక్ లైఫ్‌లో ఉన్నప్పుడు తన వ్యక్తిగత జీవితం ఆదర్శంగా ఉండాలి. మహిళలపై జనసేన నేతలు, కార్యకర్తలు లైంగిక దాడులు చేస్తున్నారు. మహిళలపై అరాచకాలు చేస్తున్నారు.పవన్ జీవితం అందరికీ ఆదర్శంగా ఉండాలి. ఇతరుల జోలికి వెళ్లకూడదనీ, అబద్దాలు ట్రోల్స్ చెయకూడదని పవన్ ఏనాడైనా చెప్పారా? తిరుమల లడ్డూలో జంతువుల కొవ్వు కలిసిందంటూ చంద్రబాబు ఆరోపణలు చేస్తే పవన్ దాన్ని అందిపుచ్చుకున్నారు. వాస్తవాలతో పని లేకుండా ఇష్టానుసారం విమర్శలు చేశారు. అసలు పవన్ కల్యాణ్ ఎప్పటికీ లీడర్ కాలేరు. చంద్రబాబు చెంతన చేరి మరింత నీచ రాజకీయాలు చేయటం సిగ్గు చేటు. ప్రజలను గాలికి వదిలేసి చంద్రబాబు భజనలోనే పవన్ ఉన్నారు. సొంత పార్టీలోని మహిళలకు అన్యాయం జరిగినా పవన్ పట్టించుకోలేదు. గీతాంజలి అనే మహిళకు ఇంటి స్థలం వచ్చిందని చెబితే ట్రోల్స్ చేసి చంపేశారు. ఐ-టీడీపీ చేస్తున్న దారుణాలపై పవన్ ఎందుకు మాట్లాడరు? మహిళల జీవితాలతో ఆడుకుంటున్న చంద్రబాబును అదే మహిళలు రాజకీయ సమాధి చేస్తారు. చంద్రబాబులాంటి వ్యక్తిని పవన్ కల్యాణ్ ఆదర్శంగా తీసుకోవటం దుర్మార్గం. సొంత చెల్లెళ్లను కూడా కనీసం ఇంటికి పిలవని చంద్రబాబు పవన్‌కు ఆదర్శమా?’’ అని నిలదీశారు.

దేశీయ స్టాక్‌ మార్కెట్లు బుధవారం భారీ లాభాల్లో ముగిశాయి. ఉదయం భారీగా ఎగిసిన బెంచ్ మార్క్ సూచీలు తర్వాత ఇంధన ధరల తగ్గుదల, విదేశీ నిధుల అవుట్ ఫ్లోల తిరోగమనం నేపథ్యంలో లాభాలను కాస్త తగ్గించాయి. సెన్సెక్స్ 772.75 పాయింట్లు లేదా 0.95 శాతం పెరిగి 81,879.40 వద్ద, నిఫ్టీ 210.40 పాయింట్లు లేదా 0.84 శాతం పెరిగి 25,255.05 వద్ద ముగిసింది.నిఫ్టీ 50లో మహీంద్రా అండ్ మహీంద్రా, ఇంటర్ గ్లోబ్ ఏవియేషన్, ట్రెంట్ టాప్ గెయినర్లుగా నిలిచాయి. విస్తృత మార్కెట్లలో నిఫ్టీ మిడ్ క్యాప్ 100, నిఫ్టీ స్మాల్ క్యాప్ 100 వరుసగా 0.81 శాతం, 1.59 శాతం పెరిగాయి. రంగాల వారీగా చూస్తే నిఫ్టీ పీఎస్‌యూ బ్యాంక్ దాదాపు 3 శాతం లాభపడింది. నిఫ్టీ బ్యాంక్, నిఫ్టీ ప్రైవేట్ బ్యాంక్, నిఫ్టీ ఆటో కూడా మెరుగైన పనితీరు కనబరిచాయి. ఇదిలా ఉండగా నిఫ్టీ ఐటీ, నిఫ్టీ హెల్త్ కేర్ మాత్రం బలహీన పనితీరు కనబరిచాయి.

రానురాను నీటి కరువు పెరుగుతూనే ఉంది గాని తగ్గడం లేదు, అందులోనూ ప్రపంచమంతా ఇప్పుడు తీవ్ర ఎండ తాపాన్ని ఎదుర్కొంటోంది. ఇలాంటి పరిస్థితుల్లో భూగర్భ జలాల లభ్యతను ముందుగానే అంచనా వేసే సాంకేతికత మన దగ్గర ఉంటే? మనుషులకే కాదు పశుపక్ష్యాదులకు కూడా నీటి కరువు తీరినట్టే. ఈ ఆలోచనకు వాస్తవరూపం ఇచ్చాడో పాఠశాల విద్యార్థి. భూగర్భ జలాలను ముందుగానే అంచనా వేయడానికి మెషీన్‌ లెర్నింగ్‌ సాంకేతికతను ఉపయోగించి జాతీయస్థాయి గుర్తింపు పొందాడు గుజరాత్‌కి చెందిన విద్యార్థి ధేయాయ్‌ షా (Dheyay Shah). ఇదీ చదవండి: అణువంత చిన్న ఆర్కిమెడిస్‌ స్క్రూ!సూరత్‌లోని ఆర్‌ఎంజీ మహేశ్వరి ఇంగ్లిష్‌ స్కూల్‌లో ధేయాయ్‌ చదువుతున్నాడు. తాను రూపొందించిన ‘జలాకార్‌ – ది షేప్‌ ఆఫ్‌ వాటర్‌ ప్రిడిక్ట్, అలర్ట్‌ అండ్‌ యాక్ట్‌ ప్రాజెక్టుతో వివో ఇండియా సంస్థ ప్రతి ఏటా నిర్వహించే వివో ఇగ్నైట్‌ లో జాతీయ విజేతగా నిలిచాడు. అక్టోబర్‌ 28న న్యూఢిల్లీలో జరిగిన జాతీయ ముగింపు కార్యక్రమంలో విజేతను ప్రకటించారు. విద్యార్థుల ఆవిష్కరణల కోసం రూ.35 లక్షల వరకు స్కాలర్‌షిప్‌లు, బహుమతులు అందించనున్నారు.ఇదీ చదవండి: కళ్లలో చక్కెర కొడుతుంది జాగ్రత్త!!

సాక్షి, కాకినాడ: అర్నబ్ తుఫాన్ బాధితులకు ప్రభుత్వం అందించాల్సిన రేషన్ బియ్యం పంపిణీలో తీవ్ర ఇబ్బందులు ఎదురవుతున్నాయి. కాకినాడలోని సంజయ్ నగర్, దుమ్ములపేట, నూకలమ్మ మాన్యం ప్రాంతాల్లో టీడీపీ నేతలు రేషన్ బియ్యం కోసం కూపన్లు (స్లిప్పులు) పంపిణీ చేస్తున్నారు.అయితే అందులో టీడీపీకి అనుకూలంగా ఉన్నవారికి మాత్రమే స్లిప్పులు ఇస్తున్నారంటూ పలువురు బాధితులు అసంతృప్తి వ్యక్తం చేస్తున్నారు. స్లిప్పులు లేకుండా రేషన్ దుకాణాలకు వెళ్తే బియ్యం ఇవ్వడం లేదని, ముందుగా కూపన్లు తెచ్చుకోవాలని డీలర్లు చెబుతున్నట్లు బాధితులు వాపోతున్నారు.దీంతో తుఫాన్ బియ్యం కోసం రేషన్ దుకాణాల వద్ద బాధితులు గంటల తరబడి పడిగాపులు కాయాల్సిన పరిస్థితి నెలకొంది. ప్రభుత్వం అందించే సహాయం పొందేందుకు కూడా ఇన్ని ఇబ్బందులు ఎదుర్కోవాలా అంటూ బాధితులు ప్రశ్నిస్తున్నారు. అర్హులైన ప్రతి బాధితుడికి ఎలాంటి వివక్ష లేకుండా రేషన్ బియ్యం అందించాలని డిమాండ్ చేస్తున్నారు.ఇదీ చదవండి: జమ్మూకశ్మీర్‌లో ఉగ్రదాడి

పవన్ కల్యాణ్ మూడో భార్య అన్నా లెజినోవాతోనూ విడాకులు తీసుకున్నారు. ఇప్పటికే ఇద్దరికీ డివోర్స్ ఇచ్చిన పవన్ కల్యాణ్.. రష్యాకు చెందిన అన్నా లెజినోవాను మూడో పెళ్లి చేసుకున్నారు. తాజాగా ఆమెతోనూ విడిపోతున్నట్లు సోషల్ మీడియా వేదికగా ప్రకటించారు. పరస్పర అంగీకారంతో ఈ నిర్ణయం తీసుకున్నామని వెల్లడించారు. వీరికి ఇద్దరు పిల్లలు ఉన్నారు.ఈ నేపథ్యంలోనే అన్నా లెజినోవా గురించి నెట్టింట చర్చ మొదలైంది. తీన్‌మార్ మూవీతో టాలీవుడ్ ఎంట్రీ ఇచ్చిన రష్యన్ భామ ఆస్తుల గురించి ఆరా తీస్తున్నారు. ఇంతకీ ఆమె ఎవరు? ఆమె నెట్ వర్త్ ఎంత అని తెగ చర్చించుకుంటున్నారు. అన్నా లెజినోవా రష్యా నేపథ్యం, మరోవైపు కోట్లాది రూపాయల సామ్రాజ్యం ఉన్న వ్యాపారవేత్త కుమార్తె అని తెలుస్తోంది. అంతర్జాతీయ స్థాయిలో బిజినెస్ నెట్‌వర్క్ ఉందని సమాచారం.రూ. 1800 కోట్ల యువరాణిఅన్నా లెజినోవా భారీ సంపన్న కుటుంబానికి చెందిన వ్యక్తి అని.. రష్యాతో పాటు సింగపూర్‌లో ఆమెకు భారీగా ఆస్తులు ఉన్నట్లు తెలుస్తోంది. ముఖ్యంగా సింగపూర్‌లో ప్రముఖ హోటల్ చైన్స్, వ్యాపార భాగస్వామ్యాలు ఉన్నట్లు సమాచారం. సన్నిహిత వర్గాల అంచనా ప్రకారం ఆమె ఆస్తుల విలువ దాదాపు రూ.1,800 కోట్లకు పైగానే ఉందని టాక్. ఆమె విద్య, వ్యాపార రంగాల్లో గుర్తింపు సాధించింది. అయితే ఈ ఆస్తుల విలువ, యాజమాన్యానికి సంబంధించి అధికారిక క్లారిటీ అయితే రాలేదు.

న్యూఢిల్లీ: గ్లోబల్‌ పానీయాల దిగ్గజం కోకకోలా కంపెనీ దేశీ బాట్లింగ్‌ బిజినెస్‌ హిందుస్తాన్‌ కోకకోలా హోల్డింగ్స్‌(హెచ్‌సీసీహెచ్‌) పబ్లిక్‌ ఇష్యూ బాట పట్టింది. ఇందుకు అనుగుణంగా క్యాపిటల్‌ మా ర్కెట్ల నియంత్రణ సంస్థ సెబీకి ముసాయిదా ప్రాస్పెక్టస్‌ దాఖలు చేసింది.ఐపీవోలో భాగంగా విదేశీ ప్రమోటర్‌ కంపెనీ హిందుస్తాన్‌ కోకకోలా ఓవర్‌సీస్‌ హోల్డింగ్స్‌ పీటీఈ 99.75 కోట్ల ఈక్విటీ షేర్ల ను ఆఫర్‌ చేయనుంది. వెరసి ఐపీవో నిధులు ప్రమోటర్లకు చేరనున్నాయి. దేశీ బాట్లింగ్‌ విభాగం హిందుస్తాన్‌ కోకకోలా బెవరేజెస్‌(హెచ్‌సీసీబీ)ను త్వరలో లిస్ట్‌ చేయనున్నట్లు మాతృ సంస్థ హెచ్‌సీసీహెచ్‌ ఈ ఏడాది జూన్‌లో ప్రకటించిన సంగతి తెలిసిందే. అతిపెద్ద కంపెనీగా.. ఆదాయంరీత్యా 2025–26లో నాన్‌ఆల్కహాలిక్‌ రెడీ టు డ్రింక్‌ పానీయాల విభాగంలో హెచ్‌సీసీహెచ్‌ దేశీయంగా అతిపెద్ద కంపెనీగా నిలిచినట్లు టీకేసీ నివేదిక పేర్కొంది. దేశీ కోకకోలా వ్యవస్థలో అతిపెద్ద బాట్లర్‌గానూ కార్యకలాపాలు నిర్వహిస్తున్నట్లు తెలియజేసింది. కంపెనీ కోక కోలాకు చెందిన విభిన్న పానీయాల ప్యాకేజింగ్, పంపిణీ, విక్రయాలను చేపడుతోంది. కోకకోలా ఓవర్‌సీస్‌ ద్వారా హెచ్‌సీసీహెచ్‌లో విదేశీ మాతృ సంస్థ కోకకోలా కంపెనీ 60 శాతం వాటాను కలిగి ఉంది.

తెలుగు బిగ్‌బాస్ షో ఓ మాదిరిగా సాగుతోంది. ప్రస్తుతం ఫ్యామిలీ వీక్ నడుస్తుండగా.. మంగళవారం ఎపిసోడ్‌లో నరేశ్, శ్వేత, వంశీ కుటుంబ సభ్యులు వచ్చారు. దీంతో హౌస్‌లో ఎమోషనల్ వాతావరణం నెలకొంది. ఇక బుధవారం ఎపిసోడ్‌లో అటు ఎమోషన్‌తో పాటు లవ్ కూడా ఉండనుంది. ఈ మేరకు ఇంట్లో నిశ్చితార్థం చేసుకుని ప్రేమజంట షాకిచ్చారు.(ఇదీ చదవండి: పెళ్లి చేసుకున్న 'ఇరుముడి' హీరోయిన్)గతంలో ఏడో సీజన్‌లో పాల్గొని టాప్-5 వరకు వెళ్లిన సీరియల్ హీరోయిన్ ప్రియాంక జైన్.. ఈసారి వైల్డ్ కార్డ్ ఎంట్రీగా వచ్చి ఆడుతున్న తన ప్రియుడు శివ్ కోసం హౌస్‌లోకి వచ్చింది. షో చరిత్రలో తొలిసారి తాము నిశ్చితార్థం చేసుకోనున్నామని చెప్పి షాకిచ్చింది. ఈ మేరకు హౌస్‌మేట్స్ అంతా కలిసి ప్రియాంక-శివ్ ఎంగేజ్‌మెంట్ దగ్గరుండి జరిపించారు. ఇందుకు సంబంధించిన ప్రోమోని ఇప్పుడు వదిలారు.గత కొన్నేళ్లు వీళ్లిద్దరూ ప్రేమలో ఉన్నారు. చాలా రోజుల నుంచి వీరి వ్యవహారం డేటింగ్ దగ్గరే ఆగిపోయింది. పెళ్లి కాకుండానే మ్యాడ్ ఫర్ ఈచ్ అదర్ షోకి కూడా వెళ్లారు. అక్కడ పెళ్లి టాపిక్ రావడంతో త్వరలోనే చేసుకుంటామని చెప్పారు. కానీ అధికారికంగా ఇంకా ఏం చెప్పలేదు. కానీ ఇప్పుడు బిగ్‌బాస్ ఇంట్లోకి వచ్చిన ప్రియాంక.. నిశ్చితార్థం చేసుకుని అందరికీ సమాధానమిచ్చింది.(ఇదీ చదవండి: బిగ్‌బాస్ 10: వంశీ భార్యని చూశారా? ఎమోషనల్ ఎపిసోడ్)

నీటిని పైకి తోడేందుకు ఉపయోగించే ఆర్కిమెడిస్‌ స్క్రూ గురించి తెలుసు కదా! ఇప్పుడు అదే సూత్రంతో పనిచేసే ఓ యంత్రాన్ని శాస్త్రవేత్తలు అణువంత స్థాయితో రూపొందించారు. ఇజ్రాయెల్‌లోని వీజ్‌ మన్‌ ఇన్‌స్టిట్యూట్‌ ఆఫ్‌ సై న్స్‌ పరిశోధకులు, అంతర్జాతీయ శాస్త్రవేత్తలతో కలిసి ఈ ప్రయోగం చేశారు. ఒక సేంద్రియ అణువును రెండు బంగారు ఎలక్ట్రోడ్ల మధ్య అమర్చి విద్యుత్‌ ప్రవాహాన్ని పంపించారు. దీంతో ఆ అణువు స్క్రూ మాదిరిగా తిరగడం ప్రారంభించింది. విద్యుత్‌ ప్రవాహం దిశను మార్చినప్పుడు దాని భ్రమణ దిశ కూడా మారింది. అంతేకాదు, అణువు నిర్దిష్ట వేగంతో తిరగడం ప్రారంభించినప్పుడు దాని గుండా ప్రవహించే విద్యుత్‌ పరిమాణం ఏకంగా వంద రెట్లు పెరిగింది. ఈ పరిశోధనకు భారతీయ శాస్త్రవేత్త డాక్టర్‌ అనిల్‌ కుమార్‌ సింగ్‌ నాయకత్వం వహించారు. ప్రస్తుతం ఆయన ఐఐటీ మద్రాస్‌లో అధ్యాపకుడిగా ఉన్నారు. భవిష్యత్తులో అతి సూక్ష్మ ఎలక్ట్రానిక్‌ పరికరాల అభివృద్ధికి ఈ పరిశోధన ఉపయోగపడవచ్చు. ఇదీ చదవండి: కష్టాలు, కన్నీళ్లే ఇన్నాళ్లు : చివరికి ‍శ్రుతి జీవితంలో కొత్త వెలుగులు

మ్యూజిక్ డైరెక్టర్ అనిరుధ్ రవిచందర్, సన్‌రైజర్స్ హైదరాబాద్ ఓనర్ కావ్య మారన్ పెళ్లి సందడి మొదలైంది. వీరిద్దరి గ్రాండ్ వెడ్డింగ్ గ్రీస్‌లో జరుగుతోంది. రెండు రోజుల పాటు వీరిద్దరి పెళ్లి వేడుక జరగనుంది. ఈ వేడుకకు సంబంధించిన వీడియోలు సోషల్ మీడియాలో వైరల్‌గా మారాయి. అయితే ఇది ఏఐ వీడియో అని తెలుస్తోంది. అనిరుధ్- కావ్య మారన్‌కు సంబంధించిన ఓ వీడియో సోషల్ మీడియాలో వైరలవుతోంది. ఈ వీడియోలో అనిరుధ్ ఆమె చేతి వేలికి ఉంగరం తొడిగారు. ఈ ఎంగేజ్‌మెంట్‌ వేడుక గ్రాండ్‌గా నిర్వహించారు. ఈ డెస్టినేషన్ వెడ్డింగ్‌ కోసం ఇప్పటికే పలువురు కోలీవుడ్ ప్రముఖులు గ్రీస్ చేరుకున్నారు. అంతేకాకుండా రాజకీయ ప్రముఖులు సైతం ఈ పెళ్లి వేడుకకు హాజరవుతున్నారు. Ani literally composed his own love story 🥹❤️💍 #AnirudhKavyaWedding #Anirudh https://t.co/4ksGcy2gd2— Anirudh FC (@AnirudhfansTN) November 10, 2026

నేటి రోజుల్లో ‘సమాజానికి మన వంతుగా’ అని ఆలోచించే వారు ఎంతో అరుదు. అలాంటి అరుదైన వ్యక్తులలో ఒకరు శ్రీవారి భారతి. పండితుడైన తండ్రి నోటి నుంచి తెలుగు పద్యాలు, తెలుగు ప్రాభవం గురించి మాత్రమే వినలేదు. సేవాపథంలో పయనించడమనేది ఎంత గొప్ప విషయమో తరచుగా వినేవారు భారతి. ‘మన పరిధిలో–మన సమాజం కోసం’ అనేది ఆయన సిద్ధాంతం. నాన్న మాటల వెలుగులో సమాజానికి తనవంతుగా సేవచేస్తున్నారు భారతి.తాజాగా... తండ్రి జ్ఞాపకార్థం రూ.22 లక్షలు ఖర్చు చేసి ప్రభుత్వ పాఠశాలలో మూడు గదులతో భవనం నిర్మించారు. తెలంగాణ రాష్ట్రం కామారెడ్డిలోని కాకతీయనగర్‌ ప్రాథమిక పాఠశాలలో విద్యార్థులకు సరిపడా గదులు లేక వరండాల్లో బోధన సాగేది. భారతి దాతృత్వంతో నిర్మితమైన మూడు గదుల భవనంతో సమస్య పరిష్కారమైంది.. సంస్కృతాంధ్ర పండితుడు, విశ్రాంత ఆచార్యుడు అమరేశం రాజేశ్వరశర్మ భారతి తండ్రి. ఆయన ఉస్మానియా విశ్వవిద్యాలయం నుంచి ‘నన్నెచోడుడి కవిత్వం–కుమార సంభవం’ అంశంపై పీహెచ్‌డీచేశారు. ప్రభుత్వ ఉపాధ్యాయుడిగా, వివేకవర్థిని కళాశాల అధ్యాపకుడిగా, ఓయూ అనుబంధ కళాశాలల తెలుగు ఆచార్యుడిగా, తెలుగు శాఖాధిపతిగా, కాకతీయ విశ్వవిద్యాలయం డీన్‌గా సేవలందించారు. యూజీసీ ఎమిరేట్స్‌ ప్రొఫెసర్‌గానూ బాధ్యతలు నిర్వర్తించారు. తెలంగాణతోపాటు విజయనగరం, రాజమండ్రి తదితర ప్రాంతాల్లో సంస్కృత కళాశాలలలో బోధించారు. ఎన్నో పుస్తకాలు రాశారు. ఎన్నో కార్యక్రమాలు... కామారెడ్డి పట్టణంలో ప్రాచ్యకళాశాల ఏర్పాటులో కీలక భూమిక పోషించారు రాజేశ్వరశర్మ. ఎంతోమంది పేదపిల్లల చదువుకు తన వంతుగా సహాయం అందించారు. తండ్రి ఆశయాలను కొనసాగించడానికి ఆయన కూతురు భారతి ప్రభుత్వ పాఠశాలల్లో చదువుకునే పిల్లల కోసం రకరకాల కార్యక్రమాలు చేపడుతున్నారు. సర్కారు బడులలో తాగునీటి ప్లాంట్లు ఏర్పాటు చేయడం నుంచి ఉపాధ్యాయులు లేని బడుల్లో తన సొంత డబ్బులతో వాలంటీర్లను ఏర్పాటు చేసి విద్యాబోధన చేయించడం వరకు ఎన్నో సేవాకార్యక్రమాలు చేస్తున్నారు. ఒక పేద విద్యార్థికి మెడిసిన్‌ చదవడానికి అవసరమైన ఫీజును చెల్లించి అండగా నిలిచారు. ఇదీ చదవండి: కళ్లలో చక్కెర కొడుతుంది జాగ్రత్త!!ఆ బలమే వేరు!... సైంటిస్ట్‌ డాక్టర్‌ శ్రీవారి చంద్రశేఖర్‌తో భారతి వివాహం జరిగింది. వీరు హైదరాబాద్‌లో స్థిరపడ్డారు.‘సేవా కార్యక్రమాలకు సంబంధించి కుటుంబ సభ్యులు అండగా ఉంటే ఆ బలమే వేరు. అందరూ ఒకేలా ఆలోచిస్తారని లేదు. సేవాకార్యక్రమాలు చేయడం కొందరికి డబ్బు వృథా చేయడంగా మాత్రమే అనిపించవచ్చు. మా ఆయన మాత్రం అలా ఎప్పుడూ ఆలోచించలేదు. సేవాకార్యక్రమాలకు సంబంధించి ఎంతో అండగా ఉంటున్నారు. అది నా అదృష్టం’ అంటున్న భారతి భవిష్యత్‌లో మరిన్ని సేవాకార్యక్రమాలు నిర్వహించాలనుకుంటున్నారు.– ఎస్‌.వేణుగోపాలచారి, సాక్షి, కామారెడ్డిసేవతోనే జీవితం!ప్రభుత్వ పాఠశాలల్లో చదువుకునే పేదపిల్లలకు ఏదో ఒక రూపంలో సహాయం చేయాలనేది నా లక్ష్యం. ‘ఎస్‌సీఎస్‌ ఛారిటబుల్‌ ట్రస్ట్‌ను ఏర్పాటు చేసి సేవా కార్యక్రమాలు చేపడుతున్నాను. ప్రభుత్వ పాఠశాలల్లో మౌలిక సదుపాయాలు కల్పించాల్సిన అవసరం ఉంది. నా వంతుగా మా నాన్నగారి స్ఫూర్తితో కామారెడ్డిలో విద్యార్థులకు ఉపయోగపడేలా భవనం నిర్మించాను. ఎవరం ఎప్పుడు పోతామో తెలియదు. ఉన్నన్నాళ్లు మనతో అయ్యే మేలు చేయాలి. నాన్న చూపిన బాటలో నడుస్తున్నాను. ఆయన పేరు కలకాలం నిలవాలి. నా భర్త, సైంటిస్ట్‌ చంద్రశేఖర్‌తో కలిసి మరిన్ని సేవాకార్యక్రమాలు చేపట్టాలనుకుంటున్నాను.– శ్రీవారి భారతి ఇదీ చదవండి : తొలి బిడ్డను కోల్పోవడం తీరని విషాదం : సోనియా గాంధీ

సాక్షి, నూఢిల్లీ: జమ్మూకశ్మీర్‌లో ఉగ్రదాడి జరిగింది. కుల్గామ్‌లో ఉగ్రవాదులు కాల్పులు జరపడంతో ముగ్గురు జవాన్లకు తీవ్ర గాయాలు అయ్యాయి. ఉగ్రవాదుల కాల్పులను సీఆర్‌పీఎఫ్‌ జవాన్లు తిప్పికొడుతున్నారు.‌ సీఆర్‌పీఎఫ్‌ క్యాంప్‌ వద్ద ఈ ఘటన చోటుచేసుకుంది. గాయపడ్డ వారిలో ఇద్దరి పరిస్థితి విషమంగా ఉంది. ఉగ్రవాదుల కోసం భద్రతా బలగాలు గాలింపు చర్యలు చేపట్టాయి. కుల్గాం జిల్లాలోని మీర్ బజార్ సమీపంలో ఉన్న అఖ్రాన్ వద్ద ఈ దాడి జరిగింది.జమ్మూ కాశ్మీర్‌లోని కుల్గాం జిల్లాలో ఈ మధ్యాహ్నం భద్రతా సిబ్బందిపై గుర్తు తెలియని మోటార్ సైకిల్‌పై వచ్చిన దుండగులు కాల్పులు జరపడంతో సెంట్రల్ రిజర్వ్ పోలీస్ ఫోర్స్ (CRPF) సిబ్బంది గాయపడ్డారు," అని CRPF ఒక ప్రకటనలో తెలిపింది."మధ్యాహ్నం 2.15 గంటల ప్రాంతంలో ఈ ఘటన జరిగింది. దుండగులు CRPF సిబ్బందిపై కాల్పులు జరిపి అక్కడి నుంచి పారిపోయారు. గాయపడిన సిబ్బందిని చికిత్స కోసం అనంతనాగ్ జిల్లాలోని ఆసుపత్రికి తరలించారు," అని ఆ ప్రకటనలో పేర్కొన్నారు. దాడి చేసిన వారి కోసం కార్డన్ అండ్ సెర్చ్ ఆపరేషన్ ప్రారంభించారు.గాయపడిన ముగ్గురు భద్రతా సిబ్బందిని రాకేష్ దాస్, సంతోష్ చంద్రు , సోమ్‌వీర్ సింగ్‌గా గుర్తించారు. ఈ కాల్పుల్లో దాస్ ఎడమ కాలికి, చంద్రు పొట్ట, వెన్నెముక భాగాల్లో, అలాగే సోమ్‌వీర్ సింగ్ ఎడమ చేతికి గాయాలయ్యాయి. ప్రథమ చికిత్స అనంతరం ఈ ముగ్గురికి ఎలాంటి ప్రమాదం లేదని సమాచారం. ఇదీ చదవండి: కేంద్ర కేబినెట్ కీలక నిర్ణయాలు

రావల్పిండి వేదికగా పాకిస్తాన్‌తో జరుగుతున్న తొలి టెస్ట్‌లో శ్రీలంక మిడిలార్డర్‌ బ్యాటర్‌ ధనంజయ డిసిల్వ సెంచరీతో కదంతొక్కాడు. 151 బంతుల్లో మూడంకెల మార్కును అందుకున్నాడు. అతడికి టెస్ట్‌ల్లో ఇది 14వ శతకం. ప్రత్యేకించి రావల్పిండి మైదానంలో రెండవది.ఈ మ్యాచ్‌లో ధనంజయ జట్టు కష్టాల్లో ఉన్నప్పుడు బరిలోకి కమిందు మెండిస్‌ (58), కుసాల్‌ మెండిస్‌ సహకారంతో ఇన్నింగ్స్‌ను తీర్చిదిద్దుతున్నాడు. మూడో రోజు రెండో సెషన్‌ సమయానికి శ్రీలంక తొలి ఇన్నింగ్స్‌ స్కోర్‌ 311-4గా ఉంది. ధనంజయ 120, కుసాల్‌ మెండిస్‌ 75 పరుగులతో క్రీజ్‌లో ఉన్నారు. మిగతా బ్యాటర్లలో లహీరు ఉదార 42, కమిందు మెండిస్‌ 58 పరుగులు చేయగా..చండీమల్‌ 1, సూరియబండార డకౌటయ్యారు. పాక్‌ బౌలర్లలో అబ్బాస్‌, సాకిబ్‌ ఖాన్‌ తలో వికెట్లు పడగొట్టారు. పాక్‌ తొలి ఇన్నింగ్స్‌ స్కోర్‌కు శ్రీలంక ఇంకా 123 పరుగులు వెనుకపడి ఉంది. లంక బ్యాటర్లు పాక్‌ తొలి ఇన్నింగ్స్‌ స్కోర్‌కు ధీటుగా జవాబిస్తున్నారు.అంతకుముందు పాక్‌ తొలి ఇన్నింగ్స్‌ను 434-9 స్కోర్‌ వద్ద డిక్లేర్‌ చేసింది. తయ్యబ్‌ ఆరిఫ్‌ (57), మొహమ్మద్‌ తాహా (51), కెప్టెన్‌ బాబర్‌ ఆజం (50), అరాఫత్‌ మిన్హాస్‌ (52) అర్ద సెంచరీలతో రాణించారు. సౌద్‌ షకీల్‌ (93) ఏడు పరుగుల తేడాతో సెంచరీ చేసే అవకాశాన్ని కోల్పోయాడు. వికెట్‌ కీపర్‌ ఘాజీ ఘోరీ (48) అర్ద సెంచరీ మిస్‌ కాగా.. అజాన్‌ అవైస్‌ 30, సల్మాన్‌ అఘా 16, రజావుల్లా 10 పరుగులకు ఔటయ్యారు. లంక బౌలర్లలో దిల్షన్‌ మధుషంక, అసిత ఫెర్నాండో చెరో 3 వికెట్లు పడగొట్టగా.. లహీరు కుమార, మిలన్‌ రత్నాయకే, సోనల్‌ దినుష తలో వికెట్‌ దక్కించుకున్నారు.కాగా, శ్రీలంక జట్టు టీ20, టెస్ట్‌ సిరీస్‌ల కోసం పాక్‌లో పర్యటిస్తుంది. ఈ సిరీస్‌లో తొలుత జరిగిన 3 మ్యాచ్‌ల టీ20 సిరీస్‌ను పాక్‌ 2-1 తేడాతో కైవసం చేసుకుంది.ఇదీ చదవండి: రాజస్థాన్‌-లక్నో మధ్య ఆసక్తికర ట్రేడ్‌ డీల్‌..!

భారతదేశంలో జీవ ఆర్థిక వ్యవస్థ వేగంగా విస్తరిస్తోంది. అదే సమ యంలో వైద్య పరికరాలు, ఔషధాల తయారీకి అవసరమైన కీలక ముడిపదార్థాలు, ప్రత్యేక భాగాలు, అధునాతన సాంకేతిక పరి జ్ఞానం విషయంలో దిగుమతులపై ఆధారపడటం కొనసాగుతోంది. ఈ పరిస్థితి ఇంజినీరింగ్‌ విద్యకు ఒక కొత్త అవకాశాన్ని సూచిస్తోంది: జీవశాస్త్రం, వైద్యం, వ్యవసాయం, పర్యావరణం వంటి రంగాల సమస్యలకు ఇంజినీరింగ్‌ పరిష్కారాలను అభివృద్ధి చేయడం.ఇండియా బయోఎకానమీ రిపోర్ట్‌ 2026 ప్రకారం... 2025లో భారత జీవఆర్థిక వ్యవస్థ విలువ 195.3 బిలియన్‌ అమెరికన్‌ డాలర్లకు చేరింది. బయోటెక్నాలజీ స్టార్టప్‌ల సంఖ్య కూడా పెరుగుతోంది. అయితే వైద్య పరికరాల రంగంలో దిగుమతులపై ఆధార పడటం గణనీయంగా ఉంది. 2024–25లో వైద్య పరికరాల దిగుమతుల విలువ సుమారు 8.82 బిలియన్‌ డాలర్లు కాగా, ఎగుమతులు రూ. 42,360 కోట్లు. దిగుమతి గణాంకాలను కేవలం వాణిజ్య సమాచారంగా కాకుండా, విద్యార్థులు పరిశోధించి ప్రత్యామ్నాయాలు రూపొందించాల్సిన సాంకేతిక సమస్యల జాబితాగా చూడాలి.జీవశాస్త్రంతో ముడిప్రతి ఇంజినీరింగ్‌ విభాగానికీ జీవశాస్త్ర రంగంలో పాత్ర ఉంది. ఎలక్ట్రానిక్స్‌ విద్యార్థులు బయోసెన్సర్లు, మెడికల్‌ ఇమేజింగ్, ధరించగల పరికరాలు, రోగి పర్యవేక్షణ వ్యవస్థలను అభివృద్ధి చేయవచ్చు. మెకానికల్, మెకాట్రానిక్స్‌ ఇంజినీర్లు శస్త్రచికిత్స రోబోలు, కృత్రిమ అవయవాలు, ప్రయోగశాల ఆటోమేషన్‌పై పనిచేయవచ్చు.మెటీరియల్స్‌ ఇంజినీర్లు...ఇంప్లాంట్లు, బయోకాంపాటిబుల్‌ పదార్థాలు రూపొందించవచ్చు. కెమికల్‌ ఇంజినీర్లు ఫెర్మెంటేషన్, బయోరియాక్టర్లు, శుద్ధీకరణ, పారిశ్రామిక స్థాయి ఉత్పత్తిలో కీలక పాత్ర పోషించ వచ్చు. భారత ఔషధ పరిశ్రమ క్రియాశీల ఔషధ పదార్థాలు, బల్క్‌ డ్రగ్స్, మధ్యవర్తి పదార్థాల దిగుమతులపై ఆధారపడుతోంది. ప్రయోగశాలలో పనిచేసిన నమూనాను సురక్షితమైన, నాణ్యమైన, ధ్రువీకరించబడిన, తక్కువ ఖర్చుతో తయారయ్యే ఉత్పత్తిగా మార్చడమే అసలు సవాలు. అందువల్ల ఇంజినీరింగ్‌ విద్యలో జీవశాస్త్రాల ప్రాథమిక అవగా హనతో పాటు సెన్సర్లు, రోబోటిక్స్, ఏఐ, ఇమేజింగ్, ఆటోమేషన్, బయోరియాక్టర్లు, ప్రాసెస్‌ కంట్రోల్, నాణ్యత ప్రమాణాలు, నియంత్రణ విధానాలు, మేధో సంపత్తి హక్కులపై అనుభవాధారిత శిక్షణ అవసరం.ఇదీ చ‌ద‌వండి: డిజిటల్‌ తరానికి సురక్షిత ఏఐ ఎలా?ఐటీ, ఔషధ రంగాల్లో భారత్‌ సాధించిన విజయాన్ని ఇప్పుడు ఇంజినీరింగ్‌– జీవశాస్త్రాల సమన్వయం ద్వారా మరింత విస్తరించవచ్చు. రేపటి ఇంజినీరింగ్‌ పట్టభద్రుడు ‘ఏ కంపెనీలో ఉద్యోగం పొందాలి?’ అనే ప్రశ్నతో పాటు, ‘ఆరోగ్యం, వ్యవసాయం, బయోటెక్నాలజీ లేదా పర్యావరణ సమస్యకు నా ఇంజినీరింగ్‌ నైపుణ్యంతో ఏ పరిష్కారం అందించగలను?’ అని కూడా ఆలోచించాలి.- ఎ. ఉమ‌ప్రొఫెసర్, డిపార్ట్‌మెంట్‌ ఆఫ్‌ బయోటెక్నాలజీ, జేఎన్‌టీయూ, హైదరాబాద్‌ (న‌వంబ‌ర్ 11 జాతీయ విద్యా దినోత్సవం)

డయాబెటిస్‌ కారణంగా రెటీనా దెబ్బతినే కండిషన్‌ ను ‘డయాబెటిక్‌ రెటినోపతి’ (Diabetic Retinopathy) అంటారు. డయాబెటిస్‌–డే కి ముందర ఇస్తున్న వరుస కథనాల్లో భాగంగా డయాబెటిక్‌ రెటినోపతి, దాని నివారణ, చికిత్స వంటి వివరాలు... మన దేశంలో 10 కోట్ల మందికి పైగా డయాబెటిస్‌తో బాధపడుతున్నారని, వాళ్లలోనూ 40 ఏళ్ల పైబడిన డయాబెటిస్‌ బాధితుల్లో దాదాపు ప్రతి ఐదుగురిలో ఒకరికి డయాబెటిక్‌ రెటినోపతి ఉందని ఐసీఎంఆర్‌–ఇండియా అధ్యయనం (2023) అంచనా. డయాబెటిక్‌ రెటినోపతి అంటే...మన దేహంలోని అన్ని అవయవాల్లాగే రెటీనాకూ అత్యంత సన్నని రక్తనాళాలు (క్యాపిల్లరీస్‌) ద్వారా రక్తం సరఫరా అవుతుంటుంది. రక్తంలో చక్కెర చాలాకాలం పాటు చాలా ఎక్కువ మోతాదులో ఉంటే ఈ సన్నని రక్తనాళాలు గోడలు దెబ్బతిని బలహీనపడతాయి. దాంతో రెండు రకాల సమస్యలు వస్తాయి. అవి... మొదటిది లీకేజీ: బలహీనపడిన రక్తనాళాలు గోడలు అక్కడక్కడ చిన్న బుడగల్లా ఉబ్బుతాయి. వీటిని ‘మైక్రో అన్యూరిజమ్స్‌’ అంటారు. వీటి నుంచి, దెబ్బతిన్న ఇతర రక్తనాళాల నుంచి రక్తం, ద్రవాలు, ప్రొటీన్లు రెటీనాలోకి లీక్‌ అవుతాయి. ఈ ద్రవం మాక్యులా అనే భాగంలో చేరి అది ఉబ్బిపోవడాన్ని‘డయాబెటిక్‌ మాక్యులార్‌ ఎడీమా’ అంటారు. ఇదీ చదవండి: ముందు జాగ్రత్తేమందు!రెండోది రక్తప్రసరణ ఆగిపోవడం: కొన్ని సన్నని రక్తనాళాలు పూర్తిగా మూసుకుపోవడంతో రెటీనాలోని ఆ భాగాలకు ఆక్సిజన్, పోషకాలు అందవు. ఆ లోటును భర్తీ చేసుకునేందుకు రెటీనా ‘వీఈజీఎఫ్‌’ అనే రసాయనాన్ని విడుదల చేస్తుంది. దీని ప్రభావంతో అసాధారణమైన, అత్యంత బలహీనమైన కొత్త రక్తనాళాలు పుట్టుకొస్తాయి. ఇవి తేలిగ్గా చిట్లిపోయి రక్తస్రావానికి దారితీస్తాయి. ఈ కొత్త రక్తనాళాలు ఏర్పడని తొలిదశను ‘నాన్‌ప్రొలిఫరేటివ్‌ డయాబెటిక్‌ రెటినోపతి (ఎన్‌ పీడీఆర్‌)’ అనీ, అసాధారణ రక్తనాళాలు పెరిగే ముదిరిన దశను ప్రొలిఫరేటివ్‌ డయాబెటిక్‌ రెటినోపతి (పీడీఆర్‌)’ అని అంటారు.తొలినాళ్లలో కనిపించని లక్షణాలు... తొలిదశలో ఎలాంటి లక్షణాలూ కనిపించవు. సమస్య ముదిరాక కనిపించవచ్చు. మాక్యులార్‌ ఎడీమా వల్ల చూపు మసకబారడం, సరళ రేఖలు వంకరగా కనిపించడం.కంటి ముందు నల్లటి మచ్చలు, దారపు పోగుల్లాంటివి తేలుతున్నట్టు (ఫ్లోటర్స్‌) కనిపించడం. అసాధారణ రక్తనాళాలు చిట్లి, కంటి లోపలి జెల్లీ లాంటి ‘విట్రియస్‌’లోకి రక్తస్రావం జరిగితే... చూపు అకస్మాత్తుగా పోవడం లేదా కంటి ముందు తెర కమ్మినట్టు అనిపించడం. అప్పటికీ నిర్లక్ష్యం చేస్తే, అసాధారణ రక్తనాళాలతో పాటు పెరిగే పీచు కణజాలం రెటీనాను లాగడంతో అది కంటి లోపలి గోడ నుంచి విడిపోవచ్చు. దీన్ని ‘ట్రాక్షనల్‌ రెటినల్‌ డిటాచ్‌మెంట్‌’ అంటారు. ఈ కొత్త రక్తనాళాలు కంటి ముందు భాగంలో పెరిగితే ‘నియోవాస్కులర్‌ గ్లకోమా’ అనే తీవ్రమైన నొప్పితో సమస్య వస్తుంది. చికిత్స: డయాబెటిక్‌ రెటినోపతి దశను, కంటికి జరిగిన నష్టాన్ని బట్టి చికిత్స ఉంటుంది. యాంటీ–వీఈజీఎఫ్‌ ఇంజెక్షన్లు: మాక్యులార్‌ ఎడీమాకు ప్రస్తుతం ఇదే ప్రధాన చికిత్స. ఈ ఇంజెక్షన్లు వాపును, లీకేజీని తగ్గిస్తాయి. అసాధారణ రక్తనాళాల పెరుగుదలనూ అదుపు చేస్తాయి. లేజర్‌ చికిత్స: ప్రొలిఫెరేటివ్‌ దశలో రెటీనా అందులో లేజర్‌ (పాన్‌–రెటినల్‌ ఫోటో కోయాగ్యులేషన్‌ – పీఆర్‌పీ) చేయడం ద్వారా అసాధారణ రక్తనాళాలు తగ్గి, రక్తస్రావం ముప్పు తగ్గుతుంది. విట్రియో–రెటినల్‌ సర్జరీ (విట్రెక్టమీ): విట్రియస్‌లోకి జరిగిన రక్తస్రావం తగ్గకపోయినా, రెటీనా విడి΄ోయినా ఈ అత్యాధునిక మైక్రోసర్జరీ అవసరమవుతుంది. ఇందులో రెటీనాను యథాస్థానంలో అతికిస్తారు.కంటిని కాపాడుకోవాలంటే... చక్కెర, బీపీ, కొలెస్ట్రాల్‌ను అదుపులో ఉంచుకోవాలి. ఆహారనియమాలు ΄ాటిస్తూ, వ్యాయామం చేస్తూ, క్రమం తప్పకుండా మందులు వాడాలి. పొగతాగడం మానేయాలి.ఇదీ చదవండి : తొలి బిడ్డను కోల్పోవడం తీరని విషాదం : సోనియా గాంధీ-డాక్టర్‌ రవికుమార్‌ రెడ్డి సీనియర్‌ కంటి వైద్య నిపుణులు – నిర్వహణ: యాసీన్‌

లక్నో: ఉత్తరప్రదేశ్ రాజకీయాల్లోకి మరో కొత్త పార్టీ అడుగుపెట్టింది. మాజీ సీబీఐ తాత్కాలిక డైరెక్టర్ ఎం. నాగేశ్వరరావు నేతృత్వంలోని సర్వజన్ సనాతన్ పార్టీ (ఎస్‌ఎస్‌పీ) 2027 అసెంబ్లీ ఎన్నికలకు సిద్ధమవుతోంది. రాష్ట్రంలోని మొత్తం 403 అసెంబ్లీ స్థానాల్లోనూ పోటీ చేయాలని లక్ష్యంగా పెట్టుకుంది. ఇందులో భాగంగా అన్ని నియోజకవర్గాల నుంచి అభ్యర్థుల ఎంపిక ప్రక్రియను ప్రారంభించింది. పోటీ చేయాలనుకునే ఆశావహుల నుంచి దరఖాస్తులను ఆహ్వానించింది.తెలంగాణతో లింకు..తెలంగాణలోని ఉమ్మడి వరంగల్ జిల్లాకు చెందిన ఎం. నాగేశ్వరరావు 1986 బ్యాచ్‌కు చెందిన ఒడిశా క్యాడర్ ఐపీఎస్ అధికారి. ఉస్మానియా విశ్వవిద్యాలయంలో కెమిస్ట్రీలో పోస్టు గ్రాడ్యుయేషన్ పూర్తి చేసిన ఆయన, అనంతరం ఐఐటీ మద్రాస్‌లో పరిశోధన చేశారు. 1986లో ఐపీఎస్‌లో చేరిన ఆయన ఒడిశాలోని పలు ప్రాంతాల్లో ఎస్పీగా పనిచేశారు. 1996లో జగత్‌సింగ్‌పూర్ ఎస్పీగా ఉన్న సమయంలో డీఎన్ఏ ఫింగర్‌ ప్రింటింగ్ సాంకేతికతను ఉపయోగించి ఓ క్లిష్టమైన కేసును ఛేదించడంలో కీలక పాత్ర పోషించారు. నేర పరిశోధనతోపాటు మావోయిస్టు వ్యతిరేక కార్యకలాపాల్లోనూ పనిచేశారు. సీఆర్‌పీఎఫ్‌లో పలు కీలక హోదాలు నిర్వహించారు.సీబీఐలో కాలుమోపి..2016లో సీబీఐలో జాయింట్ డైరెక్టర్‌గా చేరి అనంతరం అడిషనల్ డైరెక్టర్‌గా పదోన్నతి పొందారు. 2018 అక్టోబర్‌లో అప్పటి సీబీఐ డైరెక్టర్ అలోక్ వర్మను పదవి నుంచి తప్పించిన నేపథ్యంలో నాగేశ్వరరావుకు సీబీఐ తాత్కాలిక డైరెక్టర్‌గా బాధ్యతలు అప్పగించారు. 2019 జనవరిలో మరోసారి ఈ బాధ్యతలు నిర్వహించారు. అనంతరం కేంద్ర ప్రభుత్వ పరిధిలోని అగ్నిమాపక సేవలు, పౌర రక్షణ, హోంగార్డ్స్ విభాగాలకు డైరెక్టర్ జనరల్‌గా పనిచేశారు. 2020 జూలై 31న పదవీ విరమణ చేశారు. పోలీసు సేవల్లో విశిష్ట ప్రతిభకు గాను రాష్ట్రపతి పోలీసు పతకాలు సహా పలు పురస్కారాలు అందుకున్నారు. 2026 అక్టోబర్‌లో వారణాసి నుంచి సర్వజన్ సనాతన్ పార్టీ జాతీయ అధ్యక్షుడిగా రాజకీయ ప్రస్థానం ప్రారంభించారు.అభ్యర్థులకు ఈ అర్హతలు తప్పనిసరితమ పార్టీ తరఫున పోటీ చేయాలనుకునే అభ్యర్థులకు నాగేశ్వరరావు కొన్ని నిబంధనలు విధించారు. దరఖాస్తుదారులు భారత పౌరులై ఉండాలి. ఉత్తరప్రదేశ్‌లోని ఏదో ఒక అసెంబ్లీ నియోజకవర్గంలో ఓటరుగా నమోదై ఉండాలి. నామినేషన్ పత్రాల పరిశీలన నాటికి కనీసం 25 ఏళ్లు నిండి ఉండాలి. పార్టీ సిద్ధాంతాలు, లక్ష్యాలు, విధానాలకు కట్టుబడి పనిచేయడానికి అంగీకరించాలి.రెండు దశల్లో అభ్యర్థుల ఎంపికఅభ్యర్థుల ఎంపిక ప్రక్రియ రెండు దశల్లో ఉంటుందని నాగేశ్వరరావు వెల్లడించారు. మొదటి దశలో ఆశావహుల నుంచి దరఖాస్తులు స్వీకరించి ప్రాథమిక పరిశీలన చేపడతారు. అందులో అర్హులుగా గుర్తించినవారిని రెండో దశకు ఆహ్వానిస్తారు. అప్పుడు పూర్తిస్థాయి వివరాలు, అవసరమైన ధ్రువపత్రాలు సమర్పించాల్సి ఉంటుంది. దరఖాస్తు చేసినంత మాత్రాన పార్టీ టికెట్ ఖాయమైనట్లు కాదని స్పష్టం చేశారు. అభ్యర్థుల తుది ఎంపికను పార్టీ నాయకత్వం నిర్ణయిస్తుందని తెలిపారు.కుల రాజకీయాలకు ప్రత్యామ్నాయమంటూ..భారతీయ సంస్కృతి, సంప్రదాయాలు, నాగరికత విలువల ఆధారంగా రాజకీయ ప్రత్యామ్నాయాన్ని నిర్మించడమే తమ లక్ష్యమని నాగేశ్వరరావు చెబుతున్నారు. కుల, సామాజిక విభజనల ఆధారంగా సాగే రాజకీయాలకు భిన్నంగా రాజ్యాంగ ప్రజాస్వామ్యం, ఆధునిక అభివృద్ధి, ప్రతి పౌరుడి సంక్షేమం, గౌరవానికి ప్రాధాన్యమిస్తామని పేర్కొన్నారు. గతాన్ని తిరిగి తీసుకురావడం తమ ఉద్దేశం కాదని, భారతదేశ వారసత్వంలోని మంచి అంశాలను ఆధునిక పరిజ్ఞానం, ఆవిష్కరణలతో ముందుతరాలకు అందించాలనుకుంటున్నామని వివరించారు.బీజేపీకి పోటీ ఇవ్వగలదా?ప్రస్తుతం ఉత్తరప్రదేశ్‌లో యోగి ఆదిత్యనాథ్ నేతృత్వంలోని బీజేపీ ప్రభుత్వం అధికారంలో ఉంది. 2022 అసెంబ్లీ ఎన్నికల్లో బీజేపీ 255 స్థానాలు గెలుచుకుంది. అప్నాదళ్ (సోనెలాల్) 12, నిషాద్ పార్టీ ఆరు స్థానాలు సాధించడంతో ఎన్డీఏ కూటమి బలం 273కు చేరింది. ప్రధాన ప్రతిపక్షమైన సమాజ్‌వాదీ పార్టీ 111 స్థానాలు గెలుచుకోగా, దాని మిత్రపక్షాలకు మరో 14 స్థానాలు దక్కాయి. కాంగ్రెస్ రెండు, బీఎస్పీ ఒక స్థానంతో సరిపెట్టుకున్నాయి. ఈ నేపథ్యంలో మొత్తం 403 స్థానాల్లో పోటీకి సిద్ధమవుతున్న నాగేశ్వరరావు పార్టీ యూపీ రాజకీయాల్లో ఎలాంటి ప్రభావం చూపుతుందో వేచిచూడాలి. ఇదీ చదవండి: ‘ముగ్గురి మరణంతో సోనియాకు పట్టం’.. కంగనా సంచలన వ్యాఖ్యలు!

‘‘అవినీతి చేసేవారిని ఎవరూ ప్రశ్నించరు.. దీపావళి బాణసంచా మాత్రమే కొందరికి సమస్య’’ అంటూ ఉత్తరప్రదేశ్‌ ముఖ్యమంత్రి యోగి ఆదిత్యనాథ్‌ కీలక వ్యాఖ్యలు చేశారు. దీపావళి వేడుకల్లో టపాసులు కాల్చడాన్ని యోగి ఆదిత్యనాథ్‌ సమర్థించారు. దీపావళి సందర్భంగా టపాసులు కాల్చడం వల్ల కొంత కాలుష్యం ఏర్పడినా.. అది కొంతకాలానికి తగ్గిపోతుందని వ్యాఖ్యానించారు. అయితే, అవినీతి కారణంగా వ్యవస్థ మొత్తం కలుషితమవుతున్నప్పుడు ఎవరూ ఎందుకు ప్రశ్నించడం లేదంటూ నిలదీశారు.దీపావళి వేడుకలపై తమ ప్రభుత్వం ఎలాంటి ఆంక్షలు విధించలేదని.. ప్రజలు పండుగను పూర్తి ఉత్సాహంతో జరుపుకోవాలని ప్రోత్సహించిందని యోగి తెలిపారు. ధన్‌తేరస్‌ సందర్భంగా మార్కెట్లలో కనిపించిన సందడిని ప్రతి ఒక్కరూ గమనించే ఉంటారు. కొత్తగా నియమితులైన జూనియర్‌ అసిస్టెంట్లకు నియామక పత్రాలు అందజేసిన కార్యక్రమంలో యోగి ఈ వ్యాఖ్యలు చేశారు.తాను అయోధ్యలో ఉన్నప్పుడు ప్రజలు పెద్ద ఎత్తున బాణసంచా కాల్చుతూ పండుగను ఆనందంగా జరుపుకోవడం చూశానని తెలిపారు. 2017లో బీజేపీ అధికారంలోకి రాకముందు ఉత్తరప్రదేశ్‌లో పరిస్థితులు మరోలా ఉండేవన్న యోగి.. హోలీ, దీపావళి, విజయదశమి, జన్మాష్టమి, శివరాత్రి, క్రిస్మస్‌, ఈద్‌, గురుపర్వ్‌, మకర సంక్రాంతి వంటి పండుగలు వచ్చిన ప్రతిసారీ ముందు మత ఘర్షణలు, అల్లర్లు జరిగేవని గుర్తు చేశారు.కాగా, దీపావళి వేడుకలు ముగిసిన మరుసటి రోజు సోమవారం ఉదయం దేశ రాజధాని ఢిల్లీ, పరిసర ప్రాంతాల్లో గాలి నాణ్యత ఒక్కసారిగా పడిపోయింది. అధికారిక గణాంకాల ప్రకారం వాయు నాణ్యత సూచీ (ఏక్యూఐ) 483కు చేరుకుని తీవ్ర (సివియర్‌) స్థాయికి పడిపోయింది. గాలిలోని కాలుష్య కారకాల ప్రభావాన్ని పర్యవేక్షించే స్విట్జర్లాండ్‌కు చెందిన ఐక్యూఎయిర్‌ వంటి ప్రైవేటు సంస్థలు కొన్ని ప్రాంతాల్లో ఏక్యూఐ 1,000 దాటినట్లు వెల్లడించాయి.ఇదీ చదవండి: అస్సాం రైలు ప్రమాద దృశ్యాలు.. లైవ్‌ వీడియో

ప్రస్తుత కార్పొరేట్ ప్రపంచంలో ఉద్యోగ భద్రత అనేది కేవలం భ్రమేనని నిరూపించే మరో ఘటన కలకలం సృష్టిస్తోంది. సంస్థలో వందలాది మంది ఉద్యోగుల తొలగింపు ప్రక్రియను స్వయంగా పర్యవేక్షించి, అమలు చేసిన ఒక హెచ్‌ఆర్‌ ఎగ్జిక్యూటివ్‌కు కంపెనీ మేనేజ్‌మెంట్ ఊహించని షాక్ ఇచ్చింది. తోటి ఉద్యోగులను కొలువుల నుంచి సాగనంపిన కొద్దికాలానికే అదే అధికారిని కంపెనీ ఎలాంటి ముందస్తు సంకేతాలు లేకుండా రోడ్డున పడేసింది. ఈ పరిణామం ప్రస్తుతం గ్లోబల్ కార్పొరేట్ వర్గాల్లో చర్చనీయాంశంగా మారింది.సంస్థల పునర్వ్యవస్థీకరణ పేరుతో ఉద్యోగులను తొలగించే విధి నిర్వహణలో కీలక పాత్ర పోషించిన వారికి కూడా రక్షణ లేకపోవడం కార్పొరేట్ సంస్కృతిలోని దయనీయ స్థితికి అద్దం పడుతోంది. విభిన్న కారణాలతో కంపెనీ మేనేజ్‌మెంట్‌ నిబంధనల వల్ల ఉద్యోగులను తొలగించిన తనకే చివరకు భద్రత లేకుండా పోయిందని ఆ హెచ్‌ఆర్ ఎగ్జిక్యూటివ్ ఆవేదన వ్యక్తం చేసినట్లు నివేదికలు వెల్లడిస్తున్నాయి. వ్యయ నియంత్రణ పేరుతో కంపెనీలు అనుసరిస్తున్న ఈ కఠిన విధానాలు చివరికి తమ అంతర్గత సిబ్బందినే బలి చేస్తున్నాయని నిపుణులు విశ్లేషిస్తున్నారు.ఈ ఉదంతం ద్వారా ఆధునిక వ్యాపార రంగంలో నైతికత, మానవతా విలువలు పూర్తిగా మరుగున పడిపోతున్నాయని స్పష్టమవుతోంది. సంస్థల లాభార్జనే ధ్యేయంగా ఉద్యోగులను కేవలం వస్తువులుగా చూసే ధోరణి హెచ్‌ఆర్ విభాగాలకూ చుట్టుకుంటోంది. ఎంతటి సీనియర్ అయినా, ఎంతటి కీలక బాధ్యతలు నిర్వర్తించినా యాజమాన్యాల లెక్కల ముందు ఏ ఒక్కరి ఉద్యోగానికి భద్రత లేదనే కఠిన సత్యాన్ని ఈ ఉదంతం మరోసారి రుజువు చేసింది. కార్పొరేట్ రంగానికి సంబంధించిన ఈ పరిణామాలు ఉద్యోగ భద్రతపై తీవ్ర ఆందోళనలను రేకెత్తిస్తున్నాయి.ఇదీ చదవండి: దిగొచ్చిన బంగారం ధరలు.. ఇదే మంచి సమయం!

విశాఖపట్నం: మాజీ కార్పొరేటర్, జనసేన నేత పీతల మూర్తి యాదవ్ ఆ పార్టీకి రాజీనామా చేశారు. ఈ మేరకు ఆ పార్టీ అధ్యక్షుడు, డిప్యూటీ సీఎం పవన్ కల్యాణ్‌కు ఓ లేఖ కూడా పంపించారు. ఈ సందర్భంగా నగరంలోని ఓ హోటల్‌లో మంగళవారం ఏర్పాటు చేసిన మీడియా సమావేశంలో ఆయన మాట్లాడారు. గత ఎన్నికల్లో తనకు కార్పొరేటర్ టికెట్ ఇప్పించినందుకు, ప్రభుత్వ ఆస్తుల పరిరక్షణకు , స్ఫూర్తిని ఇచ్చినందుకు పవన్ కల్యాణ్‌కు ధన్యవాదాలు తెలిపారు. కోట్లాది రూపాయల విలువైన ఆధ్యాత్మిక ఆస్తుల్ని కాపాడాలని, టీడీఆర్ కుంభకోణంపై పోరాటం చేశానన్నారు. వీఎంఆర్‌డీఏ మాస్టర్ ప్లాన్ అక్రమాల్ని అడ్డుకున్నానని, పవన్ కల్యాణ్ కోసం తాను జైలుకు వెళ్లానని పేర్కొన్నారు. నిబద్ధత గల జనసైనికుడిగా 6 వేల సభ్యత్వాలు చేయించినట్లు గుర్తు చేశారు. ఇంత చేసినా ఇటీవలి ఎన్నికల్లో జనసేన పార్టీ తరపున కార్పొరేటర్ టికెట్ తనకు ఇవ్వకుండా పార్టీ తీరని అన్యాయం చేసిందని ఆరోపించారు. గతంలో కూడా జీవీఎంసీలో తనకంటూ ఏ పదవీ ఇవ్వలేదని ఆవేదన వ్యక్తం చేశారు. జనసేన బీఫామ్‌పై 2021లో గెలిచిన వారందరికీ టికెట్లు ఇచ్చి, తనకు మాత్రం మొండిచేయి చూపించారని పేర్కొన్నారు. అందుకే స్వతంత్ర అభ్యర్థిగా పోటీ చేసి కేవలం 62 ఓట్లతోనే ఓడిపోయినట్లు తెలిపారు దీని వెనుక కొందరి కుట్ర ఉందని గ్రహించానన్నారు. అందుకే పార్టీకి రాజీనామా చేస్తున్నట్లు వెల్లడించారు.ఇదీ చదవండి: వైఎస్సార్‌ సీపీకి ఓటు వేస్తారా!

గత వీకెండ్ థియేటర్లలోకి వచ్చిన 'రామాయణ'..ఊహించని విధంగా పాజిటివ్ టాక్ సొంతం చేసుకుంది. ఇప్పటివరకు రూ.663 కోట్ల వరకు గ్రాస్ కలెక్షన్స్ సాధించినట్లు తెలుస్తోంది. ఇదలా ఉండగానే ఆస్కార్ బరిలో నిలిచేందుకు సిద్ధమైంది. ఈ విషయం ఇప్పుడు చర్చనీయాంశంగా మారింది.(ఇదీ చదవండి: కొత్త హీరో కోసం ఏకంగా చరణ్, ఎన్టీఆర్, నాగార్జున.. ఎవరీ కుర్రాడు?)99వ అకాడమీ అవార్డుల పరిశీలన కోసం చిత్ర నిర్మాతలు ఈ సినిమాను పంపించారు. ఆస్కార్ బరిలో భారత్‌ తరఫున అధికారికంగా కాకుండా అకాడమీ నిర్దేశించిన అర్హతలని పూర్తి చేసిన సినిమాలు ఇతర విభాగాల్లో స్వతంత్రంగా పోటీకి తమ పేర్లను పంపించుకోవచ్చు. ఈ విభాగంలోనే ‘రామాయణ’ నామినేషన్‌ వేసింది.అంతర్జాతీయ ఫీచర్ ఫిల్మ్ విభాగంలో 99వ ఆస్కార్ అవార్డుల కోసం భారత్ తరఫున మరాఠీ చిత్రం ‘గోంధల్’ అధికారికంగా ఎంపికైంది. మరోవైపు టొరంటో ఫిల్మ్ ఫెస్టివల్‌లో అవార్డ్ గెలుచుకున్న ‘అంఘ్‌’ కూడా ఆస్కార్ పరిశీలనకు అర్హత సాధించింది. ఇప్పుడు 'రామాయణ' కూడా రేసులో నిలబడింది.(ఇదీ చదవండి: పెళ్లి చేసుకున్న 'ఇరుముడి' హీరోయిన్)

ఐపీఎల్ 2027 సీజన్‌కు చాలా ముందే ఫ్రాంచైజీల మధ్య ఆసక్తికర ట్రేడింగ్ డీల్స్‌ జరుగుతున్నాయి. కొద్ది రోజుల కిందట రిషబ్‌ పంత్‌, కుల్దీప్‌ యాదవ్‌, లియామ్‌ లివింగ్‌స్టోన్‌, జాక్‌ ఎడ్వర్డ్స్‌, ఖలీల్‌ అహ్మద్‌, నాథన్‌ ఇల్లిస్‌, టి నటరాజన్‌, జీషన్‌ అ​న్సారీ స్వాపింగ్‌ ద్వారా ఫ్రాంచైజీలు మారగా.. తాజాగా హార్దిక్‌ పాండ్యా, అర్షదీప్‌ సింగ్‌ ముంబై నుంచి పంజాబ్‌ కింగ్స్‌కు పరస్పర బదలీ అయ్యారు.ఇవే కాక ఇంకా చాలా స్వాపింగ్‌ డీల్స్‌ చర్యల్లో ఉన్నట్లు సమాచారం. ఈ నేపథ్యంలో తాజాగా మరో ఆసక్తికర డీల్‌కు సంబంధించిన వార్త తెరపైకి వచ్చింది.ఓ స్పోర్ట్స్‌ జర్నలిస్ట్‌ కథనం ప్రకారం.. రాజస్థాన్ రాయల్స్ స్టార్ ఓపెనర్ యశస్వి జైస్వాల్‌ను జట్టులోకి తీసుకోవాలని లక్నో సూపర్ జెయింట్స్ ప్రయత్నిస్తుంది. అయితే రాయల్స్ పెట్టిన రెండు కీలక డిమాండ్లతో ఈ డీల్ ముందుకు సాగడం లేదని సమాచారం.జైస్వాల్ కోసం ఇద్దరు బౌలర్లను అడిగిన రాజస్థాన్జైస్వాల్‌ కోసం రాయల్స్‌ లక్నో కీలక పేసర్లైన మహమ్మద్ షమీ, మొహ్సిన్ ఖాన్‌ను అడిగినట్లు తెలుస్తోంది. ఈ ప్రతిపాదనకు లక్నో ప్రస్తుతానికి సిద్దంగా లేదని సమాచారం. మరోవైపు జైస్వాల్‌ కోసం కేకేఆర్‌, ముంబై ఇండియన్స్‌ కూడా పోటీ పడినట్లు పలు నివేదికలు చెబుతున్నాయి.డిసెంబర్ 10 వరకు ట్రేడ్ విండో అందుబాటులో ఉండటంతో ఐపీఎల్ 2027 వేలానికి ముందు మరిన్ని కీలక బదిలీలు జరిగే అవకాశముంది. ఇదీ చదవండి: ఐపీఎల్‌లో సంచలన ట్రేడ్‌ పూర్తి

సాక్షి, తాడేపల్లి: ఏపీలో జరిగిన స్థానిక సంస్థల ఎన్నికల్లో చంద్రబాబు అక్రమాలను ప్రజలంతా చూశారని అన్నారు వైఎస్సార్‌సీపీ అధినేత వైఎస్‌ జగన్‌. ఎన్నికలు సజావుగా జరిగి ఉంటే వైఎస్సార్‌సీపీకి అనుకూలంగా ఇంకా భారీగా ఓటింగ్‌ పర్సంటేజీ నమోదు అయ్యేదని వైఎస్‌ జగన్‌ చెప్పుకొచ్చారు. ఎన్నికల అక్రమాల్లో చంద్రబాబు సరికొత్త ఆవిష్కరణలు తీసుకొచ్చారు అంటూ ఘాటు విమర్శలు చేశారు.పలు జిల్లాలకు చెందిన వైఎస్సార్‌సీపీ నేతలు ఈరోజు వైఎస్సార్‌సీపీ అధినేత వైఎస్‌ జగన్‌ను కలిశారు. ఈ సందర్భంగా స్థానిక ఎన్నికలు జరిగిన తీరుపై వారితో వైఎస్‌ జగన్‌ చర్చించారు. అనంతరం, వైఎస్‌ జగన్‌ మాట్లాడుతూ..‘ఎన్నికల కోసం పార్టీ కేడర్‌ అంతా కసితో గట్టిగా పోరాటం చేశారు. చంద్రబాబు అక్రమాలను ప్రజలంతా చూశారు. వారికి కూడా బాగా అర్థమైంది. 2024 ఎన్నికలతో పోలిస్తే వైఎస్సార్‌సీపీ ఓటింగ్‌ శాతాలు పెరిగాయి. ఎన్నికల షెడ్యూల్‌ దగ్గర నుంచి, ఓట్ల లెక్కింపు వరకూ ప్రతీ దశలోనూ అరాచకాలు, అన్యాయాలు జరిగినా ఓటింగ్‌ శాతం పెరిగింది. సజావుగా ఎన్నికలు జరిగి ఉంటే వైఎస్సార్‌సీపీకి అనుకూలంగా ఇంకా భారీగా ఓటింగ్‌ పర్సంటేజీ నమోదయ్యేది. ఇది బయటకు వస్తే, తన ప్రభుత్వం చిక్కుల్లో పడుతుందనే చంద్రబాబు అరాచకాలు చేశాడు.ఎన్నికల అక్రమాల్లో చంద్రబాబు సరికొత్త ఆవిష్కరణలు తీసుకొచ్చారు. ఇవన్నీ దాటుకుని విజయాలు సాధించిన చోట కూడా అక్రమాలకు పాల్పడి, ఫలితాలు తారుమారు చేశారు. వైఎస్సార్‌సీపీ హయాంలో స్థానిక ఎన్నికల్లో అక్రమాలు జరిగాయంటూ నిందలు మోపి, లేని అబద్ధాలు చెప్పి, ఈ ఎన్నికల్లో చేసిన అరాచకాలు, అక్రమాలను చంద్రబాబు సమర్థించుకునే ప్రయత్నం చేస్తున్నారు. ఇన్ని దుర్మార్గాలు చేసి ఇప్పుడు ప్రజాస్వామ్యం పేరిట నీతులు చెప్పడం విడ్డూరంగా ఉంది. ఓట్ల లెక్కింపు సమయంలో చెల్లని ఓట్ల పేరిట చాలా వరకు వైఎస్సార్‌సీపీ ఓట్లు తీసేశారు. లెక్కింపు కేంద్రాల్లో కరెంటు ఆపి మరీ ఫలితాలు తారుమారు చేశారు’ అంటూ విమర్శలు చేశారు.పార్టీ నాయకుల మాట్లాడుతూ..‘మా రాజకీయ జీవితాల్లో ఎన్నికల్లో ఇలాంటి అక్రమాలను ఎప్పుడూ చూడలేదు. ఎన్నికలను స్వేచ్ఛగా, నిష్పక్షపాతంగా నిర్వహించాల్సిన రాష్ట్ర ఎన్నికల సంఘం పూర్తిగా విఫలమైంది. ఓట్ల లెక్కింపు కేంద్రాల్లో ఏజెంట్లకు బదులు బౌన్సర్లను పెట్టారు. అభ్యర్థుల బంధువులను కిడ్నాప్‌ చేసి, నామినేషన్ల ఉపసంహరణకు ఒత్తిడి తెచ్చారు. చెల్లని ఓట్ల పేరిట చాలా వరకు వైఎస్సార్‌సీపీ ఓట్లు తీసేశారు. వైఎస్సార్‌సీపీ గెలిచిన చోట పదేపదే రీకౌంటింగ్‌లు చేసి, లెక్కలు తారుమారు చేశారు. వైఎస్సార్‌సీపీ అడిగిన చోట రీకౌంటింగ్‌లు మాత్రం చేయలేదు. అధికార పార్టీకి అనుకూలంగా అదనపు బ్యాలెట్‌ పేపర్లు ఇచ్చి, వారిని గెలిపించేలా అక్రమాలు చేశారు. ఈ ఎన్నికల్లో చంద్రబాబు చేయించిన దాడుల కారణంగా ప్రతీ గ్రామంలో చంద్రబాబు బాధితులు ఉన్నారు’ అని చెప్పుకొచ్చారు. ఇదీ చదవండి: కాకినాడ జెడ్పీ పీఠంపై టీడీపీ కన్ను.. జనసేనకు షాక్‌!

న్యూఢిల్లీ: గాంధీ కుటుంబ రాజకీయ చరిత్రపై బీజేపీ ఎంపీ, నటి కంగనా రనౌత్ సంచలన వ్యాఖ్యలు చేశారు. మాజీ ప్రధాని ఇందిరాగాంధీ, సంజయ్ గాంధీ, రాజీవ్ గాంధీల మరణాలపై అనుమానాలు వ్యక్తం చేస్తూ, కాంగ్రెస్ అగ్రనేత సోనియా గాంధీని లక్ష్యంగా చేసుకున్నారు. గాంధీ కుటుంబంలోకి ఓ విదేశీయురాలు ప్రవేశించడం, ఆ తర్వాత చోటుచేసుకున్న పరిణామాలన్నీ అనేక సందేహాలకు తావిస్తున్నాయని ఇన్‌స్టాగ్రామ్ స్టోరీస్‌లో పేర్కొన్నారు. ముగ్గురు కీలక వ్యక్తుల మరణాల తర్వాత రాజకీయ వారసత్వంగా సోనియా గాంధీకి ప్రాధాన్యం పెరగడాన్ని ప్రస్తావించారు.తన సినిమా 'ఎమర్జెన్సీ' కోసం భారత రాజకీయాలు, గాంధీ కుటుంబ చరిత్రపై విస్తృతంగా పరిశోధన చేసినట్లు కంగనా తెలిపారు. ప్రస్తుతం చర్చనీయాంశంగా ఉన్న ఎన్విడియా హనీట్రాప్ వివాదాన్ని ప్రస్తావిస్తూ గాంధీ కుటుంబంలోకి ఓ విదేశీయురాలు ప్రవేశించిన విషయంతో పోలిక తెచ్చారు. సోనియా గాంధీ రాజకీయంగా దశాబ్దాలపాటు ప్రభుత్వంపై ప్రభావం చూపారని, 2014 తర్వాత పరిస్థితులు మారాయని వ్యాఖ్యానించారు. ఉగ్రవాదుల విషయంలోనూ సోనియా వైఖరిని విమర్శించారు.మరో ఇన్‌స్టాగ్రామ్ స్టోరీలో సంజయ్ గాంధీ భార్య మేనకా గాంధీకి ఎదురైన పరిస్థితులను కంగనా ప్రస్తావించారు. భర్త మరణించిన తర్వాత చిన్న వయసులో ఉన్న మేనకను, ఆమె కుమారుడితో కలిసి గాంధీ కుటుంబ నివాసం నుంచి బయటకు పంపించడంపై ప్రశ్నించారు. సంజయ్ మేనకను ఎంతో ప్రేమించారని, అలాంటి యువ వితంతువుకు కుటుంబంలో ఎదురైన పరిస్థితులు బాధాకరమని వ్యాఖ్యానించారు.ఇటీవల విడుదలైన సోనియా గాంధీ జ్ఞాపకాల పుస్తకం 'బిలాంగింగ్: ఎ జర్నీ ఆఫ్ లవ్'లో మేనకతో కుటుంబానికి ఏర్పడిన విభేదాల గురించి వివరించారు. 526 పేజీల ఈ పుస్తకంలో మేనక 1973 చివర్లో సంజయ్‌కు పరిచయమయ్యారని, 1974 సెప్టెంబర్‌లో వీరి వివాహం జరిగిందని సోనియా పేర్కొన్నారు. అప్పటికి మేనక వయసు 18 సంవత్సరాలు.ప్రారంభంలో మేనకను చిన్న చెల్లెలిలా ఆహ్వానించానని సోనియా గుర్తుచేసుకున్నారు. అయితే కాలక్రమేణా మేనక, సంజయ్ మధ్య విభేదాలు పెరిగాయని, వారి వాదనలు కుటుంబ సభ్యుల ముందే జరిగేవని రాశారు. కోపం వచ్చినప్పుడు మేనక అసభ్య పదజాలం ఉపయోగించేవారని, ఇందిరాగాంధీ సమక్షంలోనూ అలా మాట్లాడటం తమను ఆశ్చర్యానికి గురిచేసిందని వివరించారు.అయితే ఉమ్మడి కుటుంబంలో జీవించడం, స్వేచ్ఛగా ఉండే స్వభావం కలిగిన యువతి మేనకకు సులభం కాకపోయి ఉండవచ్చని సోనియా భావించారు.. ఈ నేపథ్యంలో సోనియా పుస్తకంలోని పాత కుటుంబ విభేదాలు, కంగనా తాజా వ్యాఖ్యలు రాజకీయంగా మరోసారి చర్చకు దారితీశాయి.ఇదీ చదవండి: సోనియా పుస్తకం: బీజేపీకి అస్త్రం.. సొంత పార్టీకి ‘ఎసరు’?

కోనసీమ: జెడ్పీటీసీ, ఎంపీటీసీ ఎన్నికల్లో వైఎస్సార్‌ సీపీకి ఓటు వేశారనే కక్షతో ఆ పార్టీ కార్యకర్త కుటుంబంపై టీడీపీ నాయకుడు, అతడి బంధువులు దాడికి పాల్పడ్డారు. కాట్రేనికోన మండలం గెద్దనపల్లి గ్రామంలో మంగళవారం ఈ దారుణం చోటుచేసుకుంది. బాధితులు తెలిపిన వివరాల ప్రకారం.. వైఎస్సార్‌ సీపీకి చెందిన మల్లాడి శ్రీలక్ష్మి, ఆమె భర్త మల్లాడి శ్రీనుపై తెలుగుదేశం పార్టీ గ్రామ నాయకుడు మల్లాడి లోవరాజు, అతని బంధువులైన బలుసుతిప్పకు చెందిన సుమారు 30 మంది దాడికి పాల్పడ్డారు. శ్రీను ఇంటిపైకి వెళ్లి ఇనుప రాడ్లతో దాడి చేశారు. ఇంటి ఆవరణలోని మోటార్‌ సైకిళ్లను, సీసీ కెమెరాను ధ్వంసం చేశారు. ఇంట్లోకి కూడా చొరబడి టీవీ, ఫర్నిచర్, వంట సామగ్రి, బీరువా పగులగొట్టి సామగ్రి ధ్వంసం చేశారు. శ్రీలక్ష్మిని జుట్టు పట్టుకొని ఈడ్చేసి, పిడిగుద్దులు గుద్దారు. దుస్తులు పూర్తిగా చిరిగిపోయినా వదల్లేదని ఆమె ఆవేదన వ్యక్తం చేశారు. ఈ దాడి సమయంలో చుట్టుపక్కల మహిళలు అడ్డుకున్నా లెక్క చేయలేదు. కాగా.. దాడిలో తీవ్రంగా గాయపడిన మల్లాడి శ్రీనును స్థానికులు ముమ్మిడివరం ప్రభుత్వ ఆసుపత్రికి తరలించారు. ఎంపీటీసీ, జెడ్పీటీసీ ఎన్నికల పోలింగ్‌ సందర్భంగా పోలింగ్‌ కేంద్రం వద్ద తనను టీడీపీ నేతలు బెదిరించారని, వైఎస్సార్‌ సీపీకి ఓటేయడంపై ఆగ్రహం వ్యక్తం చేశారని శ్రీను చెప్పారు. ఈ క్రమంలోనే తమ ఇంటిపై దాడికి తెగబడ్డారన్నారు.

అస్సాం రైలు ప్రమాదం ఘటనకు సంబంధించిన వీడియో ప్రస్తుతం వైరల్‌గా మారింది. కోల్‌కతా నుంచి మిజోరంలోని ఐజ్వాల్‌ సమీపంలోని సైరాంగ్‌కు వెళ్తున్న కోల్‌కతా–సైరాంగ్‌ ఎక్స్‌ప్రెస్‌ రైలు అస్సాంలోని కామ్రూప్‌ మెట్రోపాలిటన్‌ జిల్లాలో డిగారు రైల్వే స్టేషన్‌ సమీపంలో పట్టాలు తప్పిన సంగతి తెలిసిందే. బుధవారం ఉదయం 6.54 గంటల సమయంలో ఈ ప్రమాదం చోటుచేసుకున్నట్లు రైల్వే అధికారులు వెల్లడించారు.45 సెకన్ల నిడివి ఉన్న ఈ వీడియోలో లోకో పైలెట్‌ బ్రేక్‌ పైప్‌ (బీపీ) ప్రెజర్‌ తగ్గడం లేదని చెబుతున్న మాటలు వినిపిస్తున్నాయి. ‘ ప్రెజర్‌ తగ్గడం లేదు. సిగ్నల్‌ రెడ్‌లో ఉంది. ఎమర్జెన్సీ బ్రేక్‌ వేసినా పనిచేయడం లేదు’ అని ఆయన ఆందోళన వ్యక్తం చేశారు. పవర్‌ స్విచ్‌లను మార్చేందుకు ప్రయత్నించినా ఫలితం లేకపోయింది. ‘ఏదీ పనిచేయడం లేదు’ అని చెబుతుండగానే రైలు ఏదో అడ్డంకిని ఢీకొట్టినట్లు వీడియోలో కనిపిస్తోంది. ఆ సమయంలో కౌంటర్‌పై ఉన్న గాజు సీసా కిందపడిపోయింది.*Indian Railways* At around 06:54 hrs on 11.11.2026, while Train No. 13125 Kolkata - Sairang Express was being received at Digaru Railway Station in Assam to give precedence to another train, *the Loco Pilot could not control the speed,* resulting in aderailment, https://t.co/mNwH9gqq3M— Preeti Sompura (@sompura_preeti) November 11, 2026ప్రమాద సమయంలో తాము ఎదుర్కొన్న పరిస్థితులను రైలు ప్యాంట్రీ కార్‌ మేనేజర్‌ మీడియాతో మాట్లాడుతూ.. ‘ఉదయం 5 గంటల సమయంలో మేమంతా నిద్రపోతున్నాం. గువాహటి వరకు అంతా బాగానే ఉంది. అక్కడ రైలు ఆగింది. అనంతరం ప్రయాణం తిరిగి ప్రారంభమైంది. రైలు వేగంగానే వెళ్తోంది. డిగారు స్టేషన్‌ వద్దకు చేరుకోగానే వేగం కొద్దిగా తగ్గింది. ప్లాట్‌ఫామ్‌ దాటిన తర్వాత ఏదో శబ్దం వినిపించింది. ఆ శబ్దం ఏమిటో మాకు అర్థం కాలేదు.కొద్ది మీటర్ల దూరం వెళ్లగానే ఇంజిన్‌ పట్టాలు తప్పినట్లు అనిపించింది. అయినప్పటికీ మరో కిలోమీటరు వరకు పట్టాలు తప్పిన స్థితిలోనే రైలు ముందుకు కదిలింది. నేను సీటు నుంచి మూడుసార్లు కిందపడ్డాను. రైలు తలుపులు తెరవలేకపోయాం. అందరం తీవ్ర ఆందోళనకు గురయ్యాం. సుమారు పది నిమిషాల తర్వాత రైలు ఆగిపోయింది. దేవుడి దయతో మేమంతా క్షేమంగా బయటపడ్డాం. లేదంటే ప్రాణాలతో ఉండేవాళ్లం కాదు. ప్రస్తుతం పవర్‌ కార్‌, ఇంజిన్‌ పూర్తిగా దెబ్బతిన్నాయి’ అని వివరించారు.13125 #Kolkata - #Sairang Exp derails at #Digaru #Assam at 6:54 hrs today while received at Digaru to give precedence to another train As per LPs POV video, loco braking system not working for which this #TrainDerailment happens Seriously question raised today #IndianRailways https://t.co/uUAyvYPIXv— Ansuman Satapathy (@TechAnsuman) November 11, 2026ఇదీ చదవండి: ఎయిర్‌ ఇండియా విమానం హైజాక్‌ కలకలం

కోల్‌కతా: ఎయిర్ ఇండియా విమానంలో హైజాక్ హెచ్చరిక కలకలం రేపింది. విమానం హైజాక్ చేసే అవకాశం ఉందంటూ రాసిన ఓ లేఖ కలకలం సృష్టించింది. దీంతో అప్రమత్తమైన పైలట్ వెంటనే ఎయిర్ ట్రాఫిక్ కంట్రోల్‌ (ఏటీసీ) అధికారులకు సమాచారం అందించారు. ఈ ఘటన బుధవారం ఉదయం కోల్‌కతా నుంచి మహారాష్ట్రలోని ముంబై వెళ్లేందుకు సిద్ధమైన ఎయిర్ ఇండియా విమానంలో చోటుచేసుకుంది.విమానంలో అనుమానాస్పదంగా ఉన్న లేఖను గుర్తించిన వెంటనే పైలట్ అధికారులను అప్రమత్తం చేశారు. దీంతో విమానాన్ని ముందస్తు భద్రతా చర్యల్లో భాగంగా ఐసోలేషన్ బేకు తరలించారు. సమాచారం అందుకున్న భద్రతా సంస్థలు విమానంలో తనిఖీలు ప్రారంభించి, బెదిరింపు వెనుక ఉన్న కారణాలపై దర్యాప్తు చేపట్టాయి. హైజాక్ హెచ్చరికతో విమానాశ్రయంలో భద్రతను కట్టుదిట్టం చేశారు. అయితే ఈ లేఖ ఎవరు రాశారు? విమానంలో ప్రమాదకర వస్తువులు ఏమైనా ఉన్నాయా? అనే వివరాలు ఇంకా తెలియాల్సి ఉంది. భద్రతా తనిఖీలు, దర్యాప్తు అనంతరం పూర్తి వివరాలు వెల్లడయ్యే అవకాశం ఉంది.A handwritten note warning of a possible hijack triggered a security scare aboard an Air India flight scheduled to travel from Kolkata, West Bengal, to Mumbai, Maharashtra, on Wednesday morning. The pilot immediately alerted Air Traffic Control (ATC) after the note was discovered inside the aircraft. The plane was moved to an isolation bay as security agencies launched an investigation into the threat. #AirIndia #HijackThreat #KolkataAirport #AviationNews #BreakingNews— News18 (@CNNnews18) November 11, 2026ఈ విషయాన్ని మపుసా పోలీస్ ఇన్‌స్పెక్టర్ అనంత్ గావోంకర్ ఏఎన్‌ఐ వార్తా సంస్థకు వెల్లడించారు. ఉదయం టేకాఫ్‌కు సిద్ధమవుతున్న సమయంలో విమానానికి బెదిరింపు హెచ్చరిక రావడంతో ముందస్తు జాగ్రత్తగా ఐసోలేషన్ బేకు తరలించినట్లు తెలిపారు. సమాచారం అందుకున్న భద్రతా సంస్థల అధికారులు వెంటనే విమానం వద్దకు చేరుకుని ప్రామాణిక భద్రతా విధానాల ప్రకారం తనిఖీలు ప్రారంభించారని చెప్పారు. ప్రస్తుతం పరిస్థితిని సమీక్షిస్తున్నామని, మరిన్ని వివరాలు తెలియాల్సి ఉందని వెల్లడించారు. Mapusa PI Anant Gaonkar tells ANI, "An Air India flight scheduled to operate from Kolkata to Mumbai was moved to the isolation bay this morning following a threat alert shortly before take-off. Security agencies immediately reached the spot and initiated checks as per standard operating procedures (SOP). The situation is being assessed, and further details are awaited."— ANI (@ANI) November 11, 2026ఇదీ చదవండి: టీఎంసీకి బిగ్‌ షాక్‌.. మమత సోదరుడు సంచలన వ్యాఖ్యలు

ప్రస్తుతం కార్తీకమాసంతో పాటు పెళ్లిళ్ల సీజన్ కూడా నడుస్తున్నట్లు ఉంది. కొన్నిరోజుల క్రితమే మెగాహీరో సాయిధరమ్ తేజ్ నిశ్చితార్థం చేసుకున్నాడు. హీరో తేజ సజ్జా త్వరలోనే ఎంగేజ్‌మెంట్ చేసుకోనున్నాడు. తమిళ సంగీత దర్శకుడు అనిరుధ్.. కావ్య మారన్‌ని గ్రీస్‌లో వివాహమాడనున్నాడు. ఇవన్నీ అలా ఉండగానే 'ఇరుముడి' హీరోయిన్ ప్రియా భవానీ శంకర్ పెళ్లి చేసుకుని సర్‌ప్రైజ్ చేసింది. చెన్నైలో బుధవారం ఉదయం ఈ శుభకార్యం జరిగింది.(ఇదీ చదవండి: కొత్త హీరో కోసం ఏకంగా చరణ్, ఎన్టీఆర్, నాగార్జున.. ఎవరీ కుర్రాడు?)న్యూస్ యాంకర్‌గా కెరీర్ మొదలుపెట్టిన తమిళమ్మాయి ప్రియా భవానీ శంకర్.. మిడ్ రేంజ్ సినిమాల హీరోయిన్‌గా గుర్తింపు తెచ్చుకుంది. ఈమె తెలుగులో కళ్యాణం కమనీయం, భీమా, జీబ్రా మూవీస్ చేసింది. కానీ ఇవన్నీ ఫ్లాప్ అయ్యాయి. ఈ ఏడాది ఆగస్టులో వచ్చిన 'ఇరుముడి'తో అద్భుతమైన హిట్ కొట్టింది.వ్యక్తిగత విషయానికొస్తే.. తన కాలేజీ రోజుల నుంచే అంటే గత పదేళ్లుగా క్లాస్‌మేట్ రాజ్ వేల్‌తో ప్రేమలో ఉంది. ఈ విషయాన్ని చాన్నాళ్ల క్రితమే రివీల్ చేశారు. ఇప్పుడు ఎలాంటి హడావుడి లేకుండానే వివాహ బంధంలోకి అడుగుపెట్టారు. చాలా అంటే చాలా సింపుల్‌గా ఈ కార్యక్రమం జరిగిపోయింది.(ఇదీ చదవండి: నా కంటే ముందు చాలామందితో డేటింగ్ చేశాడు: ప్రియా భవానీ శంకర్)PBK Marriage❤💍 Priya Bhavani Shankar tied the knot with her longtime boyfriend Raj Velu🫂 #PriyaBhavaniShankar #Wedding https://t.co/TVXL2MmnoM— Movie Buff (@moviesbuff_) November 11, 2026

ప్రపంచవ్యాప్తంగా కోట్ల మంది ఉపయోగిస్తున్న ప్రముఖ మెసేజింగ్ ప్లాట్‌ఫామ్‌ వాట్సప్‌లో మార్పులు రానున్నాయి. వాట్సప్ గ్లోబల్ హెడ్‌గా ఇటీవల బాధ్యతలు చేపట్టిన క్రెడ్ వ్యవస్థాపకుడు కునాల్ షా తాజాగా తన భవిష్యత్తు ప్రణాళికలను అధికారికంగా ప్రకటించారు. చాటింగ్ ప్లాట్‌ఫామ్‌గా మాత్రమే పరిమితం కాకుండా రోజువారీ పనులను మరింత సులభతరం చేసేలా వాట్సప్‌ను సూపర్ యాప్ దిశగా తీసుకెళ్లేందుకు ప్రణాళికలు సిద్ధం చేస్తున్నట్లు వెల్లడించారు. ప్రధానంగా డిజిటల్ చెల్లింపులు, ఏఐ, సంభాషణలను మరింత మెరుగుపరచడంపై దృష్టి పెట్టనున్నట్లు స్పష్టం చేశారు.ప్రధానాంశాలపైనే ఫోకస్ప్రస్తుతం వాట్సప్‌లో రోజువారీగా కోట్లకు పైగా వినియోగదారులు మెసేజ్‌లు పంపుకుంటున్నారు. ఇందులో నిత్యం సుమారు 10 బిలియన్లకు పైగా వాయిస్ నోట్స్, 4 బిలియన్‌లకు పైగా స్టిక్కర్లు షేర్ అవుతున్నాయి. వినియోగదారుల కమ్యూనికేషన్ అనుభవాన్ని మరింత మెరుగుపరిచేందుకు వాయిస్ నోట్స్, గ్రూప్ చాట్స్, స్టిక్కర్లు, వీడియో ఇంటరాక్షన్స్‌ను మరింత సరళంగా, భావప్రకటనకు అనుకూలంగా తీర్చిదిద్దనున్నట్లు ఆయన తెలిపారు.చాట్ విండోలోనే బిల్లుల చెల్లింపులుచాలావరకు పనులు వాట్సప్ చాట్‌లో మొదలై ఇతర యాప్‌లకు మారడంతో ముగుస్తుంటాయని కునాల్ షా అభిప్రాయపడ్డారు. విద్యుత్ బిల్లులు చెల్లించడం, రుణాలు పొందడం లేదా ప్రయాణ సమయాల్లో కనెక్టివిటీని కొనసాగించడం వంటి పనుల కోసం వేర్వేరు అప్లికేషన్లకు మారడం వల్ల సమయం వృథా అవుతోందని ఆయన పేర్కొన్నారు. ఈ సమస్యకు చెక్ పెట్టేందుకు వాట్సప్ ప్రముఖ ఆర్థిక సేవల సంస్థలు, టెలికాం భాగస్వాముల సహకారంతో నేరుగా చాట్ విండోలోనే బిల్లుల చెల్లింపులు తదితర సేవలను అందుబాటులోకి తెచ్చేలా కృషి చేస్తోంది. దీనివల్ల ఏ పనినైనా ప్రారంభించడం ఎంత సులభమో దాన్ని ముగించడం కూడా అంతే సులభం కానుంది.సమయం ఆదా చేసేందుకు ఏఐ వాడకంసాంకేతికత వినియోగదారులకు సమయాన్ని ఆదా చేయాలన్నదే తమ ఉద్దేశమని కునాల్ షా వెల్లడించారు. రాబోయే రోజుల్లో ఏఐ సాంకేతికతను జోడించడం ద్వారా యూజర్లు కోరుకున్న సమాచారాన్ని సులభంగా కనుగొనడం, పనులను వేగంగా పూర్తి చేయడం, ముఖ్యమైన అపాయింట్‌మెంట్లు లేదా బుకింగ్‌లను మరువకుండా చూసేలా ఏఐ అసిస్టెన్స్ పనిచేస్తుందని వివరించారు.గోప్యతకు అత్యంత ప్రాధాన్యతవాట్సప్ విస్తరణ ఏ విధంగా ఉన్నప్పటికీ ప్లాట్‌ఫామ్‌ భద్రతకు, విశ్వసనీయతకు ఎలాంటి భంగం వాటిల్లదని కునాల్ షా స్పష్టం చేశారు. వాట్సప్ ప్రతిరోజూ 100 బిలియన్లకు పైగా సందేశాలు, 2 బిలియన్లకు పైగా కాల్స్‌ను ప్రాసెస్ చేస్తోందని గుర్తుచేశారు. ‘సంవత్సరాల తరబడి సంపాదించుకున్న నమ్మకాన్ని నిలుపుకోవడం మా బాధ్యత. వ్యక్తిగత చాట్‌లు, కాల్స్ ఎండ్-టు-ఎండ్ ఎన్‌క్రిప్టెడ్ విధానంలోనే భద్రంగా ఉంటాయి’ అని ఆయన తేల్చిచెప్పారు.ఇదీ చదవండి: దిగొచ్చిన బంగారం ధరలు.. ఇదే మంచి సమయం!

బెంగళూరు: చిన్నారి కుమార్తెను బతికించుకోవడానికి కన్నవారు ఎంతో శ్రమించారు, బాలిక ప్రాణం నిలబడాలని ఎంతోమంది ప్రజలు రక్తదానం చేశారు. రెండు రోజుల్లో 100 యూనిట్ల రక్తాన్ని సేకరించారు. అయినా విధి రాతకు తలవంచక తప్పలేదు. రక్త క్యాన్సర్‌తో పోరాడుతున్న పసిపాప తనువు చాలించిన విషాద ఘటన బెళగావిలో జరిగింది. వందలాదిమంది ఆపన్న హస్తం వంశిక శశికాంత హొసమని అనే నాలుగేళ్ల బాలిక అరుదైన రక్త క్యాన్సర్‌తో బాధపడుతోంది. దీంతో తల్లిదండ్రులు బెళగావిలోని కోరె ఎంఆర్‌సీ క్యాన్సర్‌ ఆస్పత్రిలో చేరి్పంచారు. తరచూ రక్తం, ప్లేట్‌లెట్ల అవసరం పడేది. నిస్సహాయంగా ఉన్న పాప తల్లిదండ్రులకు ఇన్‌క్రెడిబుల్‌ బెళగావి ఫౌండేషన్‌ సభ్యులు సాయం అందించారు. సోషల్‌ మీడియాలోనూ పాప పరిస్థితి గురించి ప్రచారం జరిగింది. కోలుకోవాలని అందరూ ఆకాంక్షించారు. శంకర పాటిల్, జాన్సన్‌ డిసిల్వా సహకారంతో ఈ నెల 6, 7న విశేష రక్తదాన శిబిరం నిర్వహించగా వందమంది వదాన్యులు రక్తదానం చేశారు. ఈ స్పందన చూసి పాప తల్లిదండ్రుల కళ్లు చెమ్మగిల్లాయి. కానీ వ్యాధి పంజా విసరడంతో పాప సోమవారంనాడు ఆస్పత్రిలోనే కన్నుమూయడంతో తల్లిదండ్రులతో సహా నగరవాసులు విషాదానికి లోనయ్యారు.

విశాఖ విద్య: ఆర్భాటపు స్వాగతాలు.. ఘనమైన ఏర్పాట్లు.. ఇవన్నీ మాజీ రాష్ట్రపతి రామ్‌నాథ్‌ కోవింద్‌ పర్యటన కోసం ఆంధ్ర విశ్వవిద్యాలయం చేస్తున్న హడావుడి. కానీ ఎనిమిదేళ్ల క్రితం ఆయన రాష్ట్రపతి హోదాలో ప్రారంభించిన ప్రతిష్టాత్మక రక్షణ అధ్యయన కేంద్రాన్ని నిర్వీర్యం చేసి అగౌరవపరిచిన పాలకవర్గం.. ఇప్పుడు దాని వ్యవస్థాపకుడికి స్వాగతం పలికేందుకు మాత్రం హైరానా పడుతుండటాన్ని విద్యావేత్తలు విస్మయం వ్యక్తం చేస్తున్నారు. ఈ నెల 14న మాజీ రాష్ట్రపతి రామ్‌నాథ్‌ కోవింద్‌ ఏయూను సందర్శించనున్నారు. ఈ నేపథ్యంలో విశ్వవిద్యాలయ యంత్రాంగం వివాదాస్పద నిర్ణయాలు మరోసారి చర్చనీయాంశమవుతున్నాయి.ఎనిమిదేళ్ల క్రితం ఘనంగా ప్రారంభం..2017, డిసెంబర్‌ 7న భారత రాష్ట్రపతిగా ఉన్న రామ్‌నాథ్‌ కోవింద్‌ ఆంధ్ర విశ్వవిద్యాలయాన్ని సందర్శించి సెంటర్‌ ఫర్‌ డిఫెన్స్‌ స్టడీస్‌ను ప్రారంభించారు. త్రివిధ దళాలకు చెందిన సిబ్బందికి ఉన్నత విద్యావకాశాలు కల్పించడంతో పాటు రక్షణ రంగానికి సంబంధించిన పరిశోధనలను ప్రోత్సహించాలనే లక్ష్యంతో ఈ కేంద్రాన్ని ఏర్పాటు చేశారు. అనతికాలంలోనే ఇది ఏయూకు ప్రత్యేక గుర్తింపుగా నిలవడంతో పాటు ఆదాయ వనరుగా కూడా మారింది. వివిధ రక్షణ సంస్థలతో అవగాహన ఒప్పందాలు కుదుర్చుకుని విద్యా, పరిశోధనా కార్యక్రమాలను విస్తరించింది. పీహెచ్‌డీ కోర్సులు నిర్వహించే స్థాయికి తీసుకెళ్లి, ప్రత్యేక స్కూల్‌ ఆఫ్‌ డిఫెన్స్‌ స్టడీస్‌గా అభివృద్ధి చేయాలని గతంలో విశ్వవిద్యాలయ సెనేట్‌ సైతం నిర్ణయించింది.నాక్‌ గుర్తింపులోనూ కీలక పాత్రరక్షణ అధ్యయన కేంద్రం కార్యకలాపాలు ఏయూ ప్రతిష్టను జాతీయ స్థాయిలో చాటిచెప్పాయి. 2023లో జరిగిన నాక్‌ గుర్తింపు ప్రక్రియలో విశ్వవిద్యాలయం తన ప్రత్యేక విజయాలుగా ప్రస్తావించిన అంశాల్లో ఈ కేంద్రం కార్యకలాపాలు కూడా చోటు దక్కించుకున్నాయి. ఈ విభాగానికి సంబంధించి 400కి 400 పాయింట్లు సాధించినట్లు అధికారులే చెబుతున్నారు. ఇంతటి ప్రాధాన్యత కలిగిన కేంద్రాన్ని మరింత విస్తరించాల్సింది పోయి.. చివరకు మూసివేయడం విమర్శలకు తావిస్తోంది.మూసివేతతో అవకాశాలకు గండి..ఏయూ వైస్‌ఛాన్సలర్‌ ప్రొఫెసర్‌ జి.పి.రాజశేఖర్‌ హయాంలో 2025లో ఈ కేంద్రాన్ని మూసివేయడం వివాదాస్పదమైంది. సంబంధిత వర్గాల అభిప్రాయాలను, కేంద్రం భవిష్యత్తుపై స్పష్టత లేకుండానే ఏకపక్ష నిర్ణయం తీసుకున్నారనే విమర్శలు వ్యక్తమయ్యాయి. దీంతో ఇక్కడ కొనసాగిన విద్యా, పరిశోధనా కార్యక్రమాలకు విఘాతం కలగడమే కాకుండా, ఆయా అవకాశాలు ఇతర సంస్థలకు, ముఖ్యంగా ప్రైవేటు విశ్వవిద్యాలయాలకు మళ్లినట్లు పలువురు అధ్యాపకులు ఆవేదన వ్యక్తం చేస్తున్నారు. ఏయూకు ప్రత్యేక గుర్తింపు, ఆదాయం తెచ్చిపెట్టిన కేంద్రం నేడు నిరుపయోగంగా మారడంపై వారు అసంతృప్తి వ్యక్తం చేస్తున్నారు.సెలవు రద్దు చేశారు.. సమాధానం చెబుతారా?మాజీ రాష్ట్రపతి ప్రసంగాన్ని విద్యార్థులు, అధ్యాపకులు వినాలనే ఉద్దేశంతో రెండో శనివారం సెలవును రద్దు చేస్తూ ఏయూ యంత్రాంగం సర్క్యులర్‌ జారీ చేయడం చర్చనీయాంశమైంది. మాజీ రాష్ట్రపతి పర్యటనకు ఇంతటి ప్రాధాన్యత ఇస్తున్న అధికారులు.. ఆయన స్వయంగా ప్రారంభించిన కేంద్రాన్ని ఎందుకు మూసివేశారన్న ప్రశ్నకు సమాధానం చెప్పాల్సిన అవసరం లేదా? అని విద్యావర్గాలు నిలదీస్తున్నాయి. దేశ రక్షణలో సేవలందించే సైనిక, నౌకాదళ, వాయుసేన సిబ్బందికి ఉన్నత విద్య అందించాలనే లక్ష్యంతో ఏర్పాటైన కేంద్రాన్ని మూసివేయడం వారి సేవలకు ఇచ్చే గౌరవం ఇదేనా? అని ప్రశ్నిస్తున్నాయి.స్వాగతం సరే.. ఆత్మపరిశీలన ఏదీ?మాజీ రాష్ట్రపతికి ఘన స్వాగతం పలకడం, ఆయన ప్రసంగానికి ఏర్పాట్లను పక్కనపెడితే.. ఆయన ప్రారంభించిన సంస్థకు జరిగిన పరిణామాలపై కూడా యూనివర్సిటీ యంత్రాంగం సమాధానం చెప్పాల్సి ఉందన్న అభిప్రాయాలు వ్యక్తమవుతున్నాయి. కేంద్రం మూసివేతకు దారితీసిన పరిస్థితులేమిటి? తిరిగి ప్రారంభించే ఆలోచన ఉందా? గతంలో సాధించిన గుర్తింపును పునరుద్ధరించేందుకు ఏం చేయబోతున్నారు? అన్న ప్రశ్నలకు సమాధానాలు ఇవ్వాలని విద్యార్థి సంఘాలు డిమాండ్‌ చేస్తున్నాయి. లేదంటే మాజీ రాష్ట్రపతి పర్యటన మరో ఆర్భాటపు కార్యక్రమంగానే మిగిలిపోతుందన్న అభిప్రాయం వ్యక్తమవుతోంది. ప్రారంభించిన కేంద్రాన్నే కొనసాగించలేని యంత్రాంగం.. ఇప్పుడు ఆయనకు ఏ ముఖం పెట్టుకుని స్వాగతం పలుకుతుందని విద్యావేత్తలు సైతం ప్రశ్నిస్తున్నారు.

'ధురంధర్' సినిమాలతో రీసెంట్ టైంలో అద్భుతమైన సక్సెస్ అందుకున్న హీరో రణ్‌వీర్ సింగ్ ఇంట్లో విషాదం నెలకొంది. ఇతడి తాత(తల్లి తరపున తాత) డాక్టర్ రామ్ హింగోరానీ(96) వయోభారంతో కన్నుమూశారు. దీపావళి రోజున తన తాతయ్య తుదిశ్వాస విడిచినట్లు మనవరాలు సౌమ్య ఇన్ స్టాలో పోస్ట్ పెట్టింది. ఆయనతో ఉన్న జ్ఞాపకాల్ని పంచుకుంది.(ఇదీ చదవండి: బిగ్‌బాస్ 10: వంశీ భార్యని చూశారా? ఎమోషనల్ ఎపిసోడ్)సౌమ్య.. రణ్‌వీర్ సింగ్‌కి కజిన్ అవుతుంది. ఈమె పెట్టిన పోస్టులో.. 96 ఏళ్ల జీవితాన్ని ఆయన గడిపారు. ఇది బాధపడాల్సిన టైం కాదు, ఆయన అద్భుతమైన జీవితాన్ని గుర్తుచేసుకోవాల్సిన తరుణం. దీపావళి రోజున తాత, మా నానమ్మ చెంతకు వెళ్లిపోయారు. ప్రపంచంలోనే అత్యుత్తమ తాతయ్యగా ఉన్నందుకు కృతజ్ఞతలు" అని సౌమ్య రాసుకొచ్చింది.(ఇదీ చదవండి: కొత్త హీరో కోసం ఏకంగా చరణ్, ఎన్టీఆర్, నాగార్జున.. ఎవరీ కుర్రాడు?) View this post on Instagram A post shared by Saumya Hingorani Thackeray (@saumziii)

సాక్షి, తాడేపల్లి: భారతరత్న మౌలానా అబుల్‌ కలామ్‌ ఆజాద్‌కు వైఎస్సార్‌సీపీ అధినేత, మాజీ ముఖ్యమంత్రి వైఎస్ జగన్‌మోహన్‌రెడ్డి నివాళులర్పించారు. కార్యక్రమంలో ఎంపీ పెద్దిరెడ్డి మిథున్‌రెడ్డి, మైనార్టీ నాయకులు మహ్మద్‌ రుహుల్లా, డాక్టర్‌ మెహబూబ్‌ షేక్‌, షరీఫ్‌, దస్తగిరి, అజీమ్‌ తదితరులు పాల్గొన్నారు. అబుల్ కలామ్ ఆజాద్ చిత్రపటానికి పూలమాలలు వేసి నివాళులు అర్పించిన వైఎస్‌ జగన్.. అనంతరం మాట్లాడుతూ.. దేశ స్వాతంత్ర్య సమరయోధుడిగా, స్వతంత్ర భారత తొలి విద్యాశాఖ మంత్రిగా ఆజాద్‌ సేవలు చిరస్మరణీయం అన్నారు.‘‘విద్యాభివృద్ధికి, లౌకికవాదానికి, జాతీయ సమైక్యతకు ఆయన చేసిన కృషి ఆదర్శప్రాయం. అబుల్ కలామ్ ఆజాద్ భారత స్వాతంత్ర్య పోరాటంలో ప్రముఖ పాత్ర పోషించారు. స్వతంత్ర భారతదేశ తొలి విద్యాశాఖ మంత్రిగా దేశ విద్యావ్యవస్థకు బలమైన పునాదులు వేశారు. విద్య ద్వారానే సమాజంలో సమానత్వం, సామాజిక న్యాయం సాధ్యమవుతాయని విశ్వసించిన గొప్ప దార్శనికుడు...విద్య అనేది కేవలం వ్యక్తిగత అభివృద్ధికే కాకుండా సమాజ ప్రగతికి, దేశాభివృద్ధికి పునాది అని ఆజాద్‌ బలంగా విశ్వసించారు. ఆయన ఆలోచనలు భావితరాలకు మార్గదర్శకం. ఆజాద్‌ జయంతిని జాతీయ విద్యా దినోత్సవంగా జరుపుకోవడం విద్యారంగానికి ఆయన అందించిన సేవలకు నిదర్శనం’’ అని వైఎస్‌ జగన్‌ పేర్కొన్నారు.ఇదీ చదవండి: ఏజెంట్‌ వైఎస్‌.. ఓటర్‌ ఓఎస్‌ !భారత స్వాతంత్ర్య సమరయోధుడిగా, దేశ తొలి విద్యాశాఖ మంత్రిగా విశేష సేవలందించిన మహనీయుడు భారతరత్న మౌలానా అబుల్ కలాం ఆజాద్ గారు. విద్య ద్వారానే సమాజంలో సమానత్వం సాధ్యమని విశ్వసించి, ప్రతి ఒక్కరికీ చదువుకునే అవకాశం కల్పించేందుకు జీవితాంతం కృషి చేసిన గొప్ప దార్శనికుడు ఆయన. దేశ ప్రగతికి, భావితరాల ఉజ్వల భవిష్యత్తుకు బలమైన పునాదులు వేసిన ఆజాద్ గారి జయంతి సందర్భంగా నివాళులు. మైనార్టీ సంక్షేమ దినోత్సవం, జాతీయ విద్యా దినోత్సవం సందర్భంగా అందరికీ శుభాకాంక్షలు.— YS Jagan Mohan Reddy (@ysjagan) November 11, 2026

దేశంలో ఎలక్ట్రిక్ వాహనాలు, పునరుత్పాదక శక్తి నిల్వ వ్యవస్థల వినియోగం వేగంగా పెరుగుతున్న తరుణంలో కేంద్ర ప్రభుత్వం ఒక నిర్ణయం తీసుకుంది. ముందస్తు వర్గీకరణ చేయని (అన్‌సార్టెడ్) బ్యాటరీ వ్యర్థాలు, లిథియం-అయాన్ బ్యాటరీ బ్లాక్ మాస్ ఎగుమతులను తక్షణమే నిషేధిస్తూ కేంద్ర వాణిజ్య మంత్రిత్వ శాఖకు చెందిన డైరెక్టరేట్ జనరల్ ఆఫ్ ఫారిన్ ట్రేడ్ (డీజీఎఫ్‌టీ) అధికారిక ప్రకటన జారీ చేసింది. తదుపరి ఉత్తర్వులు వెలువడే వరకు ఈ నిషేధం అమల్లో ఉంటుందని స్పష్టం చేసింది.మారిన ఎగుమతి విధానంగతంలో ఐటీసీ (హెచ్‌ఎస్) కోడ్ కింద ఉన్న ప్రాథమిక సెల్స్, ప్రైమరీ బ్యాటరీలు, ఎలక్ట్రిక్ అక్యుములేటర్లు అలాగే వినియోగించిన బ్యాటరీల వ్యర్థాల ఎగుమతి విధానం ‘స్వేచ్ఛ’(ఫ్రీ) జాబితాలో ఉండేది. అయితే, ఎలాంటి సీసం (లెడ్‌), కాడ్మియం లేదా పాదరసం లేని, వర్గీకరించని బ్యాటరీ స్క్రాప్, లిథియం-అయాన్ బ్యాటరీ బ్లాక్ మాస్‌ను ఇప్పుడు నిషేధిత జాబితాలోకి మారుస్తూ ప్రభుత్వం నిర్ణయం తీసుకుంది. దీనివల్ల దేశీయ ఎగుమతిదారులు ఇకపై ఈ నిర్దిష్ట వ్యర్థాలను విదేశాలకు తరలించడానికి వీలు ఉండదు.ఈ నిర్ణయం వెనుక కారణంలిథియం-అయాన్ బ్యాటరీల రీసైక్లింగ్ ద్వారా లభించే బ్లాక్ మాస్‌లో లిథియం, కోబాల్ట్, నికెల్, మాంగనీస్ వంటి విలువైన ఖనిజాలు ఉంటాయి. సరిగ్గా ఇటువంటి కీలక ఖనిజాల సంపద దేశం దాటిపోకుండా అడ్డుకోవడమే ఈ నిషేధం ప్రధాన ఉద్దేశం. భారత్‌ను గ్రీన్ ఎనర్జీ తయారీ కేంద్రంగా తీర్చిదిద్దాలనే ప్రభుత్వ లక్ష్యానికి ఇది పెద్దపీట వేస్తుంది. దేశంలో తయారయ్యే లేదా సేకరించే బ్యాటరీ వ్యర్థాలు ఇక్కడి రీసైక్లింగ్ యూనిట్లకే అందేలా చూడటం ద్వారా సర్క్యులర్ ఎకానమీ విధానాన్ని బలోపేతం చేయాలని ప్రభుత్వం భావిస్తోంది.ఇదీ చదవండి: దిగొచ్చిన బంగారం ధరలు.. ఇదే మంచి సమయం!

న్యూఢిల్లీ: కాంగ్రెస్‌ అగ్రనేత సోనియా గాంధీ రాసిన ‘ఆత్మకథ’ సొంత పార్టీకి రాజకీయంగా కొత్త తలనొప్పులు తెచ్చిపెట్టే అవకాశాలు కనిపిస్తున్నాయి. వ్యక్తిగత జీవితంలోని అనుభవాలు, గత రాజకీయ పరిణామాలపై ఆమె చేసిన వ్యాఖ్యలు ఇప్పుడు దేశ రాజకీయాల్లో చర్చనీయాంశంగా మారాయి. ముఖ్యంగా ఉత్తరప్రదేశ్, పంజాబ్ రాష్ట్రాల్లో జరగనున్న ఎన్నికల నేపథ్యంలో ఈ పుస్తకంలోని అంశాలు కాంగ్రెస్ పార్టీకి ఇబ్బందికరంగా మారవచ్చనే విశ్లేషణలు వినిపిస్తున్నాయి. మంగళవారం విడుదలైన ఈ పుస్తకంతో గతంలో కాంగ్రెస్‌ను ఇబ్బందులకు గురిచేసిన వివాదాలు మరోసారి తెరపైకి వచ్చే అవకాశం ఉందని రాజకీయ పరిశీలకులు భావిస్తున్నారు.యూపీలో బీజేపీకి కొత్త అస్త్రం?1992 డిసెంబర్ 6న జరిగిన బాబ్రీ మసీదు కూల్చివేత ఘటన ఉత్తరప్రదేశ్ రాజకీయాలపై తీవ్ర ప్రభావం చూపింది. ఈ పరిణామం కాంగ్రెస్ రాజకీయ పునాదులను కూడా కదిలించింది. దశాబ్దాలుగా హిందూ, ముస్లిం ఓటర్ల మద్దతుతో బలంగా ఉన్న కాంగ్రెస్‌కు ఈ ఘటన తర్వాత రాజకీయంగా పూర్వవైభవం దక్కలేదు. బాబ్రీ కూల్చివేతపై విచారం వ్యక్తం చేయడం, రామరాజ్య భావనను ప్రస్తావించడం వంటి ప్రయత్నాలు చేసినప్పటికీ పాత ఓటు బ్యాంకును తిరిగి సాధించడంలో కాంగ్రెస్ విజయవంతం కాలేదు.మళ్లీ తెరపైకి పాత వివాదాలుసోనియా ఆత్మకథలోని వ్యక్తిగత జ్ఞాపకాలు, గత రాజకీయ సంఘటనలపై వ్యాఖ్యలు ఇప్పుడు ప్రత్యర్థులకు విమర్శనాస్త్రాలుగా మారే అవకాశం ఉంది. ముఖ్యంగా బాబ్రీ మసీదు కూల్చివేత అంశం మరోసారి చర్చకు వస్తే దాని రాజకీయ ప్రయోజనాన్ని బీజేపీ తనకు అనుకూలంగా మలుచుకునే అవకాశముంది. ఇప్పటికే ఉత్తరప్రదేశ్‌లో బీజేపీ, కాంగ్రెస్ మధ్య రాజకీయ పోరు కొనసాగుతున్న నేపథ్యంలో ఈ పుస్తకంలోని అంశాలు ఎన్నికల ప్రచారంలో ప్రాధాన్యం సంతరించుకోవచ్చు.పంజాబ్‌లోనూ కాంగ్రెస్‌కు గడ్డు పరిస్థితిపంజాబ్ రాజకీయ పరిస్థితులు కూడా కాంగ్రెస్‌కు అంత సులభంగా లేవు. సోనియా గాంధీకి తన అత్త ఇందిరాగాంధీ హత్యకు సంబంధించిన జ్ఞాపకాలు వ్యక్తిగతంగా ఎంతో బాధాకరమైనవి. అయితే ఆ సంఘటనకు ముందు జరిగిన ఆపరేషన్ బ్లూస్టార్, 1984 సిక్కు వ్యతిరేక అల్లర్ల అంశాలు కూడా మరోసారి చర్చలోకి వచ్చే అవకాశం ఉంది. ఈ పరిణామాలు పంజాబ్ ప్రజల భావోద్వేగాలతో ముడిపడి ఉన్నాయి.ప్రత్యర్థులకు రాజకీయ అవకాశంఈ చారిత్రక ఘటనలను ఎన్నికల సమయంలో ప్రస్తావించడం ద్వారా కాంగ్రెస్‌ను ఇరుకున పెట్టవచ్చని బీజేపీ, ఆమ్ ఆద్మీ పార్టీ, శిరోమణి అకాలీదళ్ భావించే అవకాశం ఉందని రాజకీయ విశ్లేషకులు అభిప్రాయపడుతున్నారు. ముఖ్యంగా 1984 అల్లర్లు, ఆపరేషన్ బ్లూస్టార్ అంశాలు పంజాబ్‌లో ఎన్నికల ప్రచారంలో కీలకంగా మారవచ్చు.గతాన్ని వదలని కాంగ్రెస్.. భవిష్యత్తుపై ప్రభావం?రాజకీయాల్లో నాయకుల వ్యక్తిగత జ్ఞాపకాలు కూడా ఎన్నికల సమీకరణాలను ప్రభావితం చేస్తాయని విశ్లేషకులు అంటుంటారు. సోనియా గాంధీ ఆత్మకథలోని అంశాలు వ్యక్తిగత అనుభవాలుగా ఉన్నప్పటికీ వాటిని రాజకీయంగా ఉపయోగించుకునే అవకాశాన్ని ప్రత్యర్థులకు కల్పిస్తున్నాయనే అభిప్రాయాలు వ్యక్తమవుతున్నాయి. గత వివాదాల నుంచి కాంగ్రెస్ ఇంకా పూర్తిగా బయటపడలేకపోతున్న తరుణంలో ఈ పుస్తకం యూపీ, పంజాబ్ ఎన్నికల్లో ఎలాంటి ప్రభావం చూపుతుందన్నది ఆసక్తికరంగా మారింది. ఇదీ చదవండి: 2027 యూపీ ఎన్నికల్లో ఒవైసీ కొత్త ఎత్తుగడ!

టీమిండియా మాజీ వికెట్‌కీపర్‌ బ్యాటర్‌ కేఎస్‌ భరత్‌ అంతర్జాతీయ క్రికెట్‌లోకి మళ్లీ అడుగుపెట్టాలని భావిస్తున్నట్లు తెలుస్తోంది. అయితే ఈసారి టీమిండియా తరఫున కాకుండా యూఏఈ జట్టు ద్వారా తన అదృష్టాన్ని పరీక్షించుకోవాలని చూస్తున్నట్లు సమాచారం.భారత్ తరఫున ఏడు టెస్టులు ఆడిన 33 ఏళ్ల భరత్.. యూఏఈ జాతీయ జట్టుకు ప్రాతినిధ్యం వహించడమే తన తదుపరి లక్ష్యమని వెల్లడించినట్లు పలు కథనాలు పేర్కొన్నాయి.సదరు కథనాల ప్రకారం భరత్‌ ఇలా అన్నాడు."దేశం తరఫున టెస్ట్ క్రికెట్ ఆడటం అనేది అత్యంత గొప్ప అనుభూతి. దానికి మించినది ఏదీ ఉండదు. అయితే ఒక క్రికెటర్‌గా ఎప్పుడూ ఆటలో కొనసాగాలని, మంచి ప్రదర్శన చేయాలని కోరుకుంటాం. గత కొన్నేళ్లుగా దేశవాళీ క్రికెట్‌లో నేను నిలకడగా రాణిస్తున్నాను. నాలో ఇంకా అంతర్జాతీయ స్థాయిలో ఆడే సత్తా ఉందని భావించాను. అందుకే జూన్‌లో కఠినమైన రిటైర్మెంట్ నిర్ణయం తీసుకున్నాను" అని పేర్కొన్నాడు.ప్రస్తుతం దుబాయ్‌లో నివసిస్తున్న భరత్.. యూఏఈ తరఫున అంతర్జాతీయ క్రికెట్‌లోకి తిరిగి రావాలని ప్రణాళికలు సిద్ధం చేసుకుంటున్నాడు. అయితే ఇందుకోసం అవసరమైన కూలింగ్ ఆఫ్ పీరియడ్ పూర్తికావాల్సి ఉంది."నిజం చెప్పాలంటే అదే నా ప్రణాళిక. ప్రస్తుతం కూలింగ్ ఆఫ్ పీరియడ్ పూర్తి చేయాల్సి ఉంది. ఫిబ్రవరిలో అది ముగుస్తుంది. ఆ తర్వాత నా భవిష్యత్ ప్రణాళికల గురించి మరింత స్పష్టంగా చెప్పగలను" అని వెల్లడించాడు.కాగా, భరత్ ఈ ఏడాది జూన్‌లో అంతర్జాతీయ క్రికెట్‌కు రిటైర్మెంట్ ప్రకటించాడు. దీంతో ప్రపంచవ్యాప్తంగా జరిగే టీ20 లీగ్‌లలో ఆడేందుకు అతడికి అవకాశం లభించింది. ప్రస్తుతం అతడు అబుదాబి టీ10 లీగ్‌లో ఎమిరేట్స్ ఈగిల్స్ జట్టుకు ప్రాతినిధ్యం వహిస్తున్నాడు.ఇదీ చదవండి: ఐపీఎల్‌లో సంచలన ట్రేడ్‌ పూర్తి

కోల్‌కతా: పశ్చిమ బెంగాల్ రాజకీయాల్లో ఆసక్తికర పరిణామం చోటుచేసుకుంది. మాజీ ముఖ్యమంత్రి, తృణమూల్ కాంగ్రెస్ అధినేత్రి మమతా బెనర్జీ సోదరుడు బాబున్ బెనర్జీ.. ప్రస్తుత ముఖ్యమంత్రి, బీజేపీ నేత సువేందు అధికారిపై ప్రశంసల వర్షం కురిపించారు. ఆయన నాయకత్వానికి మద్దతు ప్రకటించడమే కాకుండా.. భవిష్యత్తులోనూ ఆయనే ముఖ్యమంత్రిగా కొనసాగాలని ఆకాంక్షించారు. గత ఆరు నెలలుగా బెంగాల్‌లో సువేందు అధికారి చేస్తున్న పనులు తనను ఆకట్టుకున్నాయని పేర్కొన్నారు. ఆయనకు జీవితాంతం అండగా ఉంటానని ప్రకటించడం రాజకీయ వర్గాల్లో చర్చనీయాంశంగా మారింది.తన పూజా కమిటీ నిర్వహించిన కార్యక్రమానికి ముఖ్యమంత్రి సువేందు అధికారి హాజరైన సందర్భంగా బాబున్ ఈ వ్యాఖ్యలు చేశారు. జగద్ధాత్రి పూజ, కాళీ పూజ, రక్తదాన శిబిరం వంటి కార్యక్రమాలకు గతంలోనూ సువేందు అధికారి హాజరయ్యారని గుర్తుచేశారు. ఈసారి తమ ప్రాంతానికి ముఖ్యమంత్రి రావడం సంతోషంగా ఉందని తెలిపారు. పీటీఐతో మాట్లాడిన బాబున్.. గత ఆరు నెలల్లో సువేందు అధికారి బెంగాల్ కోసం చేసిన పనులను పరిశీలిస్తే, ఆయన మరోసారి ముఖ్యమంత్రిగా కొనసాగాలని తాము కోరుకుంటున్నట్లు చెప్పారు. ఆయన పనితీరుపై సంతృప్తి వ్యక్తం చేశారు.జీవితాంతం ఆయన వెంటే ఉంటా..సువేందు అధికారితో తనకు పరిచయం ఉందని, చాలా ఏళ్లుగా ఆయనతో అనుబంధం ఉందని బాబున్ వెల్లడించారు. ప్రస్తుతం కూడా ఆయనకు మద్దతుగా ఉన్నానని, జీవితాంతం అలాగే కొనసాగుతానని స్పష్టం చేశారు. తమ పూజా కమిటీ నిర్వహించిన కార్యక్రమాలకు సువేందు అధికారి హాజరవడం పట్ల ఆనందం వ్యక్తం చేసిన బాబున్.. ఆయన తమకు ఎంతో సహకారం అందించారని పేర్కొన్నారు. ముఖ్యంగా కాళీ పూజ వేడుకల నిర్వహణలో ముఖ్యమంత్రి చొరవ చూపిన విషయాన్ని ప్రస్తావించారు. నందిగ్రామ్‌లో సువేందు అధికారి చేసిన పనులను కూడా బాబున్ ప్రశంసించారు. ఆయన చేపట్టిన మంచి పనుల వల్ల తమకు సంతోషంగా ఉందని, సువేందు అధికారి మరింత ముందుకు సాగాలని కోరుకుంటున్నట్లు తెలిపారు.HUGE BREAKING 🚨 Mamata Banerjee's brother Babun Banerjee praises CM Suvendu Adhikari. Suvendu Magic Continues 🔥🔥 "I will stand by Suvendu Adhikari. Looking at what Suvendu Adhikari has done for Bengal in last six months, I want to see him become CM again" - Mamata Banerjee's brother Babun Banerjee— News Algebra (@NewsAlgebraIND) November 10, 2026మంచి పనులు చేస్తేనే ప్రజల్లో గౌరవం..సువేందు అధికారితో జరిగిన భేటీలో ఆయన తనకు ఆశీస్సులు అందించారని బాబున్ వెల్లడించారు. ప్రజల కోసం మంచి పనులు చేయాలని, అలా చేస్తేనే ప్రజల్లో గౌరవం పెరుగుతుందని ముఖ్యమంత్రి సూచించినట్లు చెప్పారు. మమతా బెనర్జీ నివాసానికి సమీపంలోని ప్రాంతంలో సువేందు అధికారి పర్యటన గురించి ప్రశ్నించగా.. ఆయనకు తన మద్దతు కొత్తదేమీ కాదని బాబున్ స్పష్టం చేశారు. సువేందు అధికారి అంటే తమకు చాలా కాలంగా అభిమానమని, ఆయనను ఇష్టపడుతున్నామని చెప్పారు. ఆయనకు మద్దతుగా ఉన్నామని, భవిష్యత్తులోనూ అండగా ఉంటామని పునరుద్ఘాటించారు.బెంగాల్ రాజకీయాల్లో ఆసక్తికర చర్చఈ ఏడాది బీజేపీ పశ్చిమ బెంగాల్‌లో అధికారంలోకి రావడంతో తృణమూల్ కాంగ్రెస్ ప్రభుత్వానికి తెరపడింది. అనంతరం సువేందు అధికారి ముఖ్యమంత్రిగా బాధ్యతలు చేపట్టారు. ఈ నేపథ్యంలో గతంలో మమతా బెనర్జీ కుటుంబానికి చెందిన వ్యక్తిగా గుర్తింపు పొందిన బాబున్.. బీజేపీ ముఖ్యమంత్రిపై ప్రశంసలు కురిపించడం రాజకీయంగా ప్రాధాన్యం సంతరించుకుంది. మమతా బెనర్జీ సోదరుడు.. సువేందు అధికారికి బహిరంగంగా మద్దతు ప్రకటించడం, ఆయన మరోసారి ముఖ్యమంత్రిగా కొనసాగాలని ఆకాంక్షించడం బెంగాల్ రాజకీయ వర్గాల్లో చర్చకు దారితీసింది.ఇదీ చదవండి: మంత్రులు, ఎమ్మెల్యేలతో విజయ్‌ అత్యవసర భేటీ

వాషింగ్టన్‌: అమెరికా రక్షణ మంత్రి పీట్‌ హెగ్సెత్‌కు ప్రస్తుతానికి భారీ ఊరట లభించింది. ఇరాన్‌పై కాంగ్రెస్‌ అనుమతి లేకుండా యుద్ధం చేస్తున్నారన్న ఆరోపణలతో ఆయనను పదవి నుంచి తొలగించేందుకు చేపట్టిన అభిశంసన ప్రయత్నం విఫలమైంది. అభిశంసన ప్రయత్నం విఫలం కావడంపై అమెరికా అధ్యక్షుడు డొనాల్డ్‌ ట్రంప్‌ సోషల్‌ మీడియా వేదిక ట్రూత్‌ సోషల్‌లో స్పందించారు. అభిశంసన ప్రయత్నం ఘోరంగా విఫలమైందన్న ట్రంప్‌.. వెనిజులా, ఇరాన్‌లలో ఆయన సాధించిన విజయాలను ప్రస్తావించారు.డొనాల్డ్ ట్రంప్.. హెగ్సెత్‌కు బహిరంగంగా మద్దతు ప్రకటించడంతో రిపబ్లికన్ సభ్యులు ఈ తీర్మానాన్ని అడ్డుకున్నారు. ట్రంప్ మద్దతుతో హెగ్సెత్ ‘అభిశంసన’ గండం నుంచి బయటపడ్డారు. రిపబ్లికన్‌ పార్టీకి చెందిన కెంటకీ ఎంపీ థామస్‌ మాసీ ఈ అభిశంసన తీర్మానాన్ని ప్రవేశపెట్టారు. అయితే, తీర్మానాన్ని రిపబ్లికన్ల ఆధిపత్యంలోని హౌస్‌ జ్యుడీషియరీ కమిటీకి పంపించేందుకు మంగళవారం జరిగిన ఓటింగ్‌లో 211 మంది అనుకూలంగా, 204 మంది వ్యతిరేకంగా ఓటు వేశారు. ఈ ఓటింగ్‌కు 11 మంది డెమొక్రాట్లతో సహా పలువురు సభ్యులు గైర్హాజరయ్యారు. తీర్మానాన్ని కమిటీకి పంపించడమంటే ప్రస్తుతానికి అభిశంసన ప్రక్రియకు తెరపడినట్లే.ఆరు నెలల విరామం తర్వాత పెంటగాన్‌లో తొలిసారిగా మీడియా సమావేశం నిర్వహించిన హెగ్సెత్‌.. తనపై అభిశంసన ప్రయత్నాన్ని తీవ్రంగా తప్పుబట్టారు. రాజకీయ కుట్రగా అభివర్ణించారు. ట్రంప్‌ ప్రభుత్వంపై అసంతృప్తితో ఉన్న ఓ రాజకీయ ప్రత్యర్థి చేపట్టిన చర్యగా పేర్కొన్నారు. ఈ తీర్మానం జాతీయ భద్రతకు ముప్పు కలిగిస్తుందని అన్నారు. చట్టబద్ధమైన సైనిక చర్యలు విజయవంతంగా నిర్వహించినందుకు అమెరికా తన సైనికులను, పౌర నాయకత్వాన్ని శిక్షిస్తుందనే సంకేతాలు శత్రు దేశాలకు వెళ్తాయని వ్యాఖ్యానించారు. ఇది దేశభక్తి కాదని, విధ్వంసక చర్య అని మండిపడ్డారు.సోమవారం ప్రతినిధుల సభలో అధికారికంగా ప్రవేశపెట్టిన ఎనిమిది అభిశంసన ఆరోపణల్లో మాసీ పలు అంశాలను ప్రస్తావించారు. కాంగ్రెస్‌ అనుమతి లేకుండానే 90 రోజులకు పైగా ఇరాన్‌తో యుద్ధం కొనసాగించడం ద్వారా హెగ్సెత్‌ చట్టాన్ని ఉల్లంఘించారని ఆరోపించారు. ఇందుకు ఆయన బాధ్యత వహించాలని డిమాండ్‌ చేశారు.మరో వైపు, ఓటింగ్‌ ఫలితంపై మాసీ అసంతృప్తి వ్యక్తం చేశారు. ఫలితం ఊహించిందే అయినప్పటికీ నిరాశకు గురయ్యా.. ఏం చేయాలో కాంగ్రెస్‌ సభ్యులకు తెలుసని, కానీ రాజకీయంగా ప్రయోజనం ఉన్నప్పటికీ ఆ నిర్ణయం తీసుకునే ధైర్యం చేయలేకపోతున్నారని విమర్శించారు. ప్రస్తుతానికి అభిశంసన గండం నుంచి బయటపడినప్పటికీ హెగ్సెత్‌ భవిష్యత్తుపై అమెరికా రాజకీయాల్లో చర్చ కొనసాగుతోంది. ఆయనను ట్రంప్‌ తొలగించవచ్చని, స్వయంగా రాజీనామా చేయవచ్చని రిపబ్లికన్‌ సెనేటర్‌ టెడ్‌ క్రూజ్‌ మంగళవారం అంచనా వేశారు.ఇదీ చదవండి: ఓటమి వేళ ట్రంప్‌కు మరో పరీక్ష.. యుద్ధానికి ముగింపు పలికేనా?

అబద్దం చెప్పడానికి చాలా ధైర్యం ఉండాలి అని అంటారు. ఎందుకంటే అబద్దం చెబుతూ దొరికిపోతే పరువు తక్కువ అవుతుందని అంతా భావిస్తారు. కాని రాజకీయనేతలలో కొందరు అబద్దం ఆడడానికి అసలు భయపడరు. ఆ కోవలో ఉండే నేతలలో చంద్రబాబు ముందు వరసలో ఉంటారేమో అన్న వ్యాఖ్యలు తరచు వింటుంటాం. వాటిని ఆయన నిజం చేస్తూ ప్రసంగాలు చేస్తుంటారు. మీడియాకు చెబుతారు. గతంలో దివంగత మాజీ ముఖ్యమంత్రి వైఎస్ రాజశేఖరరెడ్డి అసెంబ్లీలో, వెలుపల ఒక మాట పదే,పదే చెబుతుండేవారు. చంద్రబాబు కళ్లు ఆర్పకుండా అబద్దాలు చెప్పడంలో ఆరితేరారని ఎద్దేవ చేసేవారు. ఆ వ్యవహార శైలి ఇప్పటికీ కొనసాగిస్తున్నారన్న అభిప్రాయం కలుగుతుంది. స్థానిక సంస్థల ఎన్నికల ఫలితాల నేపద్యంలో చంద్రబాబు మీడియాతో ముచ్చటించారు. చంద్రబాబు చెప్పిన విషయాలు విన్నవారికెవరికైనా, వీటిలో చాలా అసత్యాలు ఉన్నాయి కదా అనిపించవచ్చు. కాని ఆ సమావేశంలో పాల్గొనే మీడియా ప్రతినిధులు వాటిని ప్రస్తావించి ప్రశ్నించే ధైర్యం చేయకపోతే, ప్రజలు ఏమి చేయగలుగుతారు!ఎక్కువ సందర్బాలలో ఆయన అబద్దాలు చెప్పడానికే అలవాటుపడ్డారన్న భావన వివిధ రాజకీయ పక్షాలలో ఏర్పడింది. చంద్రబాబు చెప్పిన కొన్ని విషయాలను చూద్దాం. రఫ్పా,రఫ్పా రాజకీయాలను తిప్పికొట్టారు.. అని చంద్రబాబు అన్నారని ఈనాడు మీడియా బ్యానర్ కధనంగా ఇచ్చింది. ఇందులో వాస్తవం ఎంత ఉందో చంద్రబాబుకు తెలుసు.ఈనాడు మీడియాకు తెలుసు. కాని ఇద్దరి మద్య ఉన్న మాచ్ ఫిక్సింగ్ కారణంగా ఈ తరహా ప్రచారానికే ప్రాధాన్యత ఇస్తుంటుంది.అది వేరే విషయం. రఫ్పా , రఫ్పా అని ఎప్పుడో ఒక వైఎస్సార్‌సీపీ అభిమాని ఒక హోర్గింగ్ పెట్టారట. దానిపై పోలీసులు కేసులు పెట్టి అరెస్టులు చేశారు.ఇది జరిగి సంవత్సరం దాటిపోయినా చంద్రబాబు మాత్రం అదే ప్రచారం చేస్తుంటారు. ఒకవైపు టీడీపీ కార్యకర్తలు కత్తుల,కటార్లతో దాడులు చేసి హత్యలు చేసిన ఘటనలు ఈ రెండున్నర ఏళ్లలో అనేకం ఉన్నాయి.అయినా అవన్ని రఫ్పా,రఫ్పా కింద రావని జనం అనుకోవాలనుకోవలన్నమాట.మున్సిపల్,జడ్పి,మండల ఎన్నికలలో ఏమి జరిగిందో అంతా చూశారు. వైఎస్సార్‌సీపీ అభ్యర్దులు నామినేషన్లు వేయకుండా టీడీపీ గూండాలు అడ్డం పడడం,నామినేషన్ పత్రాలు లాక్కోవడం వంటివి చేస్తే అది రఫ్పా,రఫ్పా కిందకు రాదన్నమాట. మహిళలని కూడా చూడకుండా కొందరు టీడీపీ వారు దాడులు చేసి ఎన్నికలలో పోటీచేయనివ్వకుండా నిరోధిస్తే, అది రఫ్పా,రఫ్పా కాదా!అంతకన్నా దారుణం.. పోలింగ్ బూత్ లలో వైఎస్సార్‌సీపీ ఏజెంట్లు లేకుండా తరిమివేసినా చంద్రబాబు స్వేచ్చగా ఎన్నికలు జరిగాయని చెబుతున్నారు. పులివెందులలో స్వయంగా మాజీ ముఖ్యమంత్రి జగన్ ఈ విషయంలో దర్నా చేయాల్సి వచ్చిందంటే ఏపీకి సూపర్ బ్రాండ్ ఉందని జనం నమ్మాలన్నమాట. పెట్రోల్ బాంబులు విసిరే దశకు ఎన్నికలు వెళ్లాయి.ఫేక్ నామినేషన్లు వేసిన కొత్త చరిత్ర కూడా టీడీపీకే దక్కింది.ఇన్ని ఘోరాలు, ఇంత హింసాకాండ జరిగినా, అసలేమీ కానట్లే చంద్రబాబు మాట్లాడుతున్నారంటే ఆయన నిజం చెబుతున్నట్లా? అసత్యం చెబుతున్నట్లా?పలు చోట్ల పోలీసు అధికారులే టీడీపీ రిగ్గింగ్ లకు దగ్గరుండి సహకరిస్తే అది సుపరిపాలన అని చంద్రబాబు చెబితే ఒప్పుకోవాలన్నమాట! గతంలో టీడీపీ ఏజెంట్ మాదిరి పనిచేసిన నిమ్మగడ్డ రమేస్ ఎన్నికల కమిషనర్ గా ఉన్నప్పుడు ఆనాటి వైఎస్సార్‌సీపీ ప్రభుత్వానికి ఆయన ఎన్ని ఆటంకాలు సృష్టించారో తెలుసు. వాటన్నిటిని తట్టుకుని అప్పట్లో వైఎస్సార్‌సీపీ గెలిచింది. ఇప్పుడు కూడా చంద్రబాబు నియమించిన వ్యక్తే కమిషనర్ గా ఉన్నారు.ఆయన ప్రజాస్వామ్యాన్ని తుంగలో తొక్కి టీడీపీ సేవలో తరించారన్న విమర్శను వైఎస్సార్‌సీపీ చేస్తోంది. రాష్ట్ర ఎన్నికల కమిషన్ పూర్తిగా టీడీపీసంస్థ మాదిరి వ్యవహరిస్తే అది గొప్ప విషయం అవుతుందా? ఇంత జరిగినా వైఎస్సార్‌సీపీకి ఈ స్దాయిలో జడ్పీటీసీ,ఎంపీటీసీ స్థానాలు లభించడం ప్రజాభిమానానికి దర్పణం పడుతుంది. పులివెందులలో ఎంత అరాచకం జరిగినా, రిగ్గింగ్ చేసుకున్నా, అంతిమంగా అన్ని ఓట్లు కలిపితే వైఎస్సార్‌సీపీకే మూడువేల పైగా ఓట్లు మెజార్టీ వచ్చిందన్న అంశం చంద్రబాబుకు చేదు వంటిదే. టీడీపీకి గట్టి పట్టు ఉన్న కృష్ణా జిల్లా గన్నవరం వంటి చోట జడ్పీటీసీని వైఎస్సార్‌సీపీ గెలుచుకోవడం కూడా గమనించవలసిన పరిణామమే. చంద్రబాబు జన్మస్థలం అయిన చంద్రగిరి నియోజకవర్గంలోని తిరుపతి రూరల్ జడ్పిటిసిని మాజీ ఎమ్మెల్యే ,వైఎస్సార్‌సీపీ నేత చెవిరెడ్డి భాస్కరరెడ్డి కుమారుడు మోహిత్ రెడ్డి గెలవడం ఒక విధంగా సంచలనం. అల్లూరి జిల్లా పరిషత్ ను వైఎస్సార్‌సీపీ కైవసం చేసుకోవడం కీలకమైన సంగతి. దీనిపై చంద్రబాబు చేసిన వ్యాఖ్యలు అనుచితంగా కనిపిస్తాయి. మత మార్పిడుల ప్రభావం అని ఆయన అంటున్నారంటే అది ముఖ్యమంత్రి స్థాయికి తగునా అన్నది ఆయన ఆలోచించుకోవాలి. మరి ఆధ్యాత్మిక కేంద్రమైన తిరుపతి రూరల్ లో ఏ మతమార్పిడులు టీడీపీని ఓడించాయి? అలాగే ఒక మహిళ వాకర్ తో డ్రామా నడిపిన సంగతి బహిర్గమైన తర్వాత కూడా ముఖ్యమంత్రిగా ఉన్న వ్యక్తి ఆమెకు మద్దతుగా మాట్లాడడం ఆశ్చర్యమే అనిపిస్తుంది. అందులో నిజం ఉన్నట్లయితే అక్కడే ఉన్న పోలీసులు ఆమెను తోసినట్లు చెబుతున్న వ్యక్తిని ఎందుకు అరెస్టు చేయలేదో తెలియదు. ఇంత జరిగిన తర్వాత ఆమె ఓటమిపాలవడం ఆసక్తికరంగా ఉంది. అసెంబ్లీ ఎన్నికల సమయంలో కూటమి ఇచ్చిన హామీలు నెరవేర్చకపోయినా జనం పాలనను మెచ్చుకున్నారని చంద్రబాబు అంటున్నారు. అది సత్యమా?అసత్యమా?అన్నది ఆయనకు తెలియకుండా పోతుందా?జగన్ టైమ్ లో పోర్టులు,మెడికల్ కాలేజీల నిర్మాణం,స్కూళ్ళు, ఆస్పత్రుల ఆదునీకరణ, సచివాలయ వ్యవస్థ వంటి ఎన్నో సంస్కరణలు తీసుకువస్తే అదేమో ఏపీ బ్రాండ్ పోయినట్లట.అలాంటివేమీ చేయకపోయినా, ఈ రెండున్నరేళ్లలో నాలుగు లక్షల కోట్ల అప్పులు చేసిన కూటమి సర్కార్ ఏపీ బ్రాండ్ ను నిలబెట్టినట్లట. ఈవిఎమ్,బాలెట్ విధానాలు రెండిటిలో గెలిచామని ఆయన చెప్పుకునే యత్నం చేస్తున్నారు. కాని అసెంబ్లీ ఎన్నికలలో ఏభై లక్షల ఓట్ల మిస్టరీపై ఎందుకు మాట్లాడరు? స్తానిక ఎన్నికలలో బాలెట్‌ రిగ్గింగ్ పై నిష్పాక్షిక విచారణకు ఒప్పుకుంటారా?ఏ తరహా ఎన్నికైనా ,రిగ్గింగ్ చేయడం ద్వారా గెలవవచ్చని చంద్రబాబు రుజువు చేశారా అని భావించాలా అన్నది వైఎస్సార్‌సీపీ ప్రశ్న?అందుకే చంద్రబాబును రిగ్గింగ్ మాస్టర్ అని జగన్ అభివర్ణించారు. ఈవీఎంలపైన, నోట్ల రద్దు వంటి అంశాలపైన చంద్రబాబు గత కొన్నేళ్లలో ఎన్నిసార్లు మాటలు మార్చింది ఆయన మనసుకు తెలియదా!23 లక్షల కోట్ల పెట్టుబడులు, లక్ష కోట్ల ఉద్యాన హబ్ వంటి వివిధ అంశాలలో వాస్తవాలు ఎంత అన్నది ప్రశ్నార్దకమే! ఈ నేపధ్యంలో చంద్రబాబు ధైర్యంగా అబద్దాలు చెబుతారన్న వ్యాఖ్యలు నిజమేనని అంగీకరించక తప్పదా! అవును! నిజాలు చెప్పడానికి నిజాయితీ కావాలి.అబద్దాలు చెప్పడానికి ధైర్యం కావాలన్న సంగతిని ఒప్పుకోవల్సిందే!.- కొమ్మినేని శ్రీనివాసరావు, సీనియర్‌ జర్నలిస్ట్‌, రాజకీయ వ్యవహారాల వ్యాఖ్యాత.

ఇటీవల కాలంలో స్థిర ఆదాయం సమకూర్చే కమోడిటీ మార్కెట్లపైపు పెట్టుబడిదారులు మొగ్గు చూపుతున్నారు. అందులో భాగంగా బంగారం ధరల్లో మార్పులు వస్తున్నాయని నిపుణులు చెబుతున్నారు. గత కొన్ని రోజులుగా బంగారం ధరలు(Today Gold Rate) ఒడిదొడుకులకు లోనవుతున్నాయి. దేశంలోని ప్రధాన నగరాల్లో నేడు బంగారం, వెండి ధరలు(Today Silver Rate) ఎలా ఉన్నాయో కింద తెలుసుకుందాం.

లక్నో: 2027 ఉత్తరప్రదేశ్ అసెంబ్లీ ఎన్నికల్లో కలిసి పోటీ చేయాలని అసదుద్దీన్ ఒవైసీ నేతృత్వంలోని ఆల్ ఇండియా మజ్లిస్-ఎ-ఇత్తెహాదుల్ ముస్లిమీన్ (ఏఐఎంఐఎం), చంద్రశేఖర్ ఆజాద్ నేతృత్వంలోని ఆజాద్ సమాజ్ పార్టీ (కాన్షీరామ్) నిర్ణయించినట్లు సమాచారం. ఈ రెండు పార్టీల మధ్య పొత్తు ఖరారైనట్లు రాజకీయ వర్గాలు వెల్లడించాయి. నవంబర్ 12న లక్నోలో నిర్వహించనున్న మీడియా సమావేశంలో ఒవైసీ, చంద్రశేఖర్ ఆజాద్ అధికారికంగా ఈ కూటమిని ప్రకటించే అవకాశం ఉందని తెలుస్తోంది.కూటమిలోకి మరిన్ని పార్టీలు?ప్రతిపాదిత కూటమిని మరింత విస్తరించేందుకు ఇతర రాజకీయ నేతలు, చిన్న పార్టీలతోనూ చర్చలు జరుగుతున్నట్లు సమాచారం. నవంబర్ 12న ప్రకటన వెలువడితే యూపీలోని 403 అసెంబ్లీ స్థానాల ఎన్నికల బరిలో మరో రాజకీయ కూటమి రంగంలోకి దిగినట్లవుతుంది.ఒకే వేదికపై ఒవైసీ, ఆజాద్ఈ కూటమి ద్వారా ఏఐఎంఐఎం అధ్యక్షుడు అసదుద్దీన్ ఒవైసీ, భీమ్ ఆర్మీ చీఫ్ చంద్రశేఖర్ ఆజాద్ ఒకే వేదికపైకి రానున్నారు. ఆజాద్ సమాజ్ పార్టీ (కాన్షీరామ్) అధ్యక్షుడిగా ఉన్న చంద్రశేఖర్ ఆజాద్ ప్రస్తుతం నాగినా లోక్‌సభ నియోజకవర్గానికి ప్రాతినిధ్యం వహిస్తున్నారు. అయితే ఈ రెండు పార్టీల నుంచి ఇప్పటివరకు అధికారిక ప్రకటన వెలువడలేదు. రాజకీయ వర్గాల సమాచారం ప్రకారం.. ఇప్పటికే పొత్తుపై అవగాహన కుదిరింది.బీజేపీని అడ్డుకోవడమే లక్ష్యమా?ఉత్తరప్రదేశ్‌లో ఏఐఎంఐఎం తన రాజకీయ కార్యకలాపాలను ముమ్మరం చేసింది. ఒవైసీ ఇప్పటికే రాష్ట్రంలోని పలు ప్రాంతాల్లో బహిరంగ సభల్లో పాల్గొన్నారు. ఎన్నికలకు ముందే ప్రతిపక్ష పార్టీలతో పొత్తు పెట్టుకోవాలని ప్రయత్నిస్తున్నారు. బీజేపీ తిరిగి అధికారంలోకి రాకుండా అడ్డుకోవాలనుకునే పార్టీలతో కలిసి పనిచేయడానికి సిద్ధంగా ఉన్నట్లు గతంలో ఒవైసీ ప్రకటించారు.ఇప్పటికే అభ్యర్థుల ప్రకటన2027 ఎన్నికల కోసం ఏఐఎంఐఎం ఇప్పటికే మూడు నియోజకవర్గాల్లో అభ్యర్థులను ప్రకటించింది. రాష్ట్రంలో గణనీయమైన సంఖ్యలో స్థానాల్లో పోటీ చేయాలని పార్టీ నాయకత్వం భావిస్తోంది. ఈ నేపథ్యంలో చంద్రశేఖర్ ఆజాద్ పార్టీతో కుదిరినట్లు చెబుతున్న అవగాహన ఒప్పందం ఏఐఎంఐఎం ఎన్నికల వ్యూహంలో కీలకంగా మారే అవకాశం ఉంది.రాజకీయ వర్గాల దృష్టిలక్నోలో జరగనున్న మీడియా సమావేశంలో కూటమిపై స్పష్టత వచ్చే అవకాశం ఉంది. అంతేకాకుండా మరిన్ని పార్టీలు ఇందులో చేరతాయా? సీట్ల పంపకంపై ఎలాంటి నిర్ణయం తీసుకుంటారు? అనే అంశాలపై ఆసక్తి నెలకొంది.ఇదీ చదవండి: ‘రామాయణం’ చూసొచ్చి.. జటాయు సెంటర్‌కు పరుగులు!

ఈ శుక్రవారం(నవంబర్ 13) 'ఇట్లు అర్జున' అనే తెలుగు సినిమా థియేటర్లలో రిలీజ్ అవుతోంది. సాధారణంగా అయితే ఇదో చిన్న మూవీ. కాబట్టి జనాల దృష్టి పడే అవకాశం లేదు. కానీ టాలీవుడ్ స్టార్స్ అయిన నాగార్జున, ఎన్టీఆర్, అఖిల్, రామ్ చరణ్ ఈ చిత్రాన్ని ప్రమోట్ చేయడంతో సోషల్ మీడియాలో ఇదే హాట్ టాపిక్ అయిపోయింది. అసలు కొత్త కుర్రాడు హీరోగా పరిచయమవుతున్న ఓ సినిమా కోసం ఇంతమంది స్టార్స్ రావడం ఎలా సాధ్యమైంది? హీరో బ్యాక్ గ్రౌండ్ ఏంటా అని నెటిజన్లు ఆరా తీస్తున్నారు.(ఇదీ చదవండి: బిగ్‌బాస్ 10: వంశీ భార్యని చూశారా? ఎమోషనల్ ఎపిసోడ్)ఈ సినిమాతో హీరోగా పరిచయమవుతున్న కుర్రాడి పేరు అనీష్. పూర్తిపేరు అనీష్ రెడ్డి. హైదరాబాద్‌కు చెందిన ప్రముఖ వ్యాపారవేత్త, ఏఎంఆర్ రియల్ ఎస్టేట్ గ్రూప్ అధినేత మహేశ్ రెడ్డి చిన్నకొడుకు. బిజినెస్‌మ్యాన్ అయినప్పటికీ మహేశ్ రెడ్డికి టాలీవుడ్‌తోనూ సంబంధముంది. గతంలో నాగార్జున హీరోగా చేసిన ‘శిరిడి సాయి’, ‘ఓం నమో వేంకటేశాయ’ సినిమాలని ఈయనే నిర్మించారు. అప్పటినుంచి నాగ్‌తో ఈయనకు స్నేహం ఏర్పడింది. అలా మహేశ్ రెడ్డి కొడుకు తొలి సినిమా కోసం నాగ్ తనవంతు సాయం చేస్తున్నారు.అనీష్ తొలి సినిమా ‘ఇట్లు అర్జున’కు నాగార్జున సమర్పకుడిగా వ్యవహరిస్తున్నారు. సినిమా గ్లింప్స్‌కు కూడా నాగ్ వాయిస్ ఓవర్ ఇచ్చారు. ట్రైలర్‌ని లాంచ్ చేసిన ఎన్టీఆర్‌కి కూడా మహేశ్ రెడ్డితో మంచి రిలేషన్ ఉంది. ఇక ఈ చిత్ర మ్యూజిక్ కన్సర్ట్‌కు తన కొడుకు అఖిల్‌తో కలిసి నాగార్జున వచ్చారు. వ్యాపార సంబంధాల దృష్ట్యానే టాలీవుడ్ ప్రముఖులతో అనీష్ కుటుంబానికి సంబంధాలున్నాయి. ఇదే పరిచయాల కారణంగానే రామ్‌చరణ్ కూడా ఈ మూవీ ప్రీ రిలీజ్ ఈవెంట్‌లో పాల్గొన్నాడు.సాధారణంగా హీరోగా పరిచయమవుతున్నారంటే హీరోల లేదా బిజినెస్‌మ్యాన్ కమర్షియల్ సినిమనే చేస్తుంటారు. కానీ అనీష్ మాత్రం తొలి మూవీకే మూగవాడిలా నటించాడు. మరి ఏ మేరకు మెప్పిస్తాడనేది శుక్రవారం తెలుస్తుంది. మలయాళ బ్యూటీ అనస్వర రాజన్ హీరోయిన్ కాగా దర్శకుడు వెంకీ కుడుముల నిర్మించాడు.(ఇదీ చదవండి: 'ఫేక్' మయం.. టాలీవుడ్‌లో దిగజారుతున్న పరిస్థితులు!)

ఝాన్సీ: రైల్వే ప్రయాణికుడిపై దురుసుగా ప్రవర్తిస్తూ, అసభ్య పదజాలంతో దూషించిన మహిళా ట్రావెలింగ్ టికెట్ ఎగ్జామినర్‌ (టీటీఈ)పై రైల్వే శాఖ చర్యలు చేపట్టింది. ఉత్తరప్రదేశ్‌లోని ఝాన్సీ వీరాంగన లక్ష్మీబాయి రైల్వే స్టేషన్‌లో చోటుచేసుకున్న ఈ ఘటనకు సంబంధించిన వీడియో సోషల్‌ మీడియాలో వైరల్‌గా మారింది. దీంతో స్పందించిన రైల్వే అధికారులు సదరు మహిళా టీటీఈని తక్షణమే సస్పెండ్ చేశారు. ఘటనపై శాఖాపరమైన విచారణకు కూడా ఆదేశించారు.ఈ ఘటన నవంబర్ 8న కర్ణాటక ఎక్స్‌ప్రెస్‌ (12627) రైలు ఝాన్సీ స్టేషన్‌కు చేరుకున్న సమయంలో జరిగినట్లు సమాచారం. లక్నోకు చెందిన శ్రవణ్ కుమార్ మరో ఇద్దరితో కలిసి ఏపీలోని పెనుకొండ నుంచి యూపీలోని ఝాన్సీకి ప్రయాణిస్తున్నారు. నవంబర్ 6న ముగ్గురూ రైల్వే కౌంటర్‌లో స్లీపర్ క్లాస్ టికెట్లు కొనుగోలు చేసి ప్రయాణం ప్రారంభించారు. మొదట వారి టికెట్లు వెయిటింగ్ లిస్ట్‌లో 2, 3, 4 స్థానాల్లో ఉండగా.. చార్ట్ సిద్ధమైన తర్వాత ఇద్దరికి ఎస్ఆర్‌సీ (RAC)తో ఎస్-2 కోచ్‌లో 39వ నంబర్ బెర్త్ కేటాయించారు. మూడో ప్రయాణికుడికి 47వ నంబర్ బెర్త్ కేటాయించారు.టికెట్ చూపించలేదని వాగ్వాదంరైలు ఝాన్సీ స్టేషన్‌కు చేరుకున్న తర్వాత మహిళా టీటీఈ ప్రయాణికులను టికెట్లు చూపించాలని కోరినట్లు తెలుస్తోంది. అయితే తన టికెట్ బ్యాగులో ఉండటంతో వెంటనే బయటకు తీయలేకపోయానని శ్రవణ్ కుమార్ తెలిపారు. తన వద్ద చెల్లుబాటు అయ్యే టికెట్ ఉందని, కొంత సమయం ఇస్తే వెతికి చూపిస్తానని చెప్పినట్లు వెల్లడించారు. రైల్వే రిజర్వేషన్ వ్యవస్థలో ప్రయాణికుల పేర్లు, కోచ్, బెర్త్ వివరాలను పరిశీలించి టికెట్‌ను ధ్రువీకరించవచ్చని కూడా సూచించినట్లు పేర్కొన్నారు. అయితే టీటీఈ తనకు సమయం ఇవ్వకుండా ఇతర సిబ్బంది సమక్షంలో దురుసుగా మాట్లాడారని ప్రయాణికుడు ఆరోపించారు. చివరకు బ్యాగులోని టికెట్‌ను తీసి చూపించినప్పటికీ వాగ్వాదం కొనసాగినట్లు తెలిపారు. అంతేకాకుండా ఝాన్సీ నుంచి లక్నోకు వెళ్లాల్సి ఉన్నప్పటికీ స్టేషన్ ప్రాంగణం విడిచి వెళ్లాలని తనను ఆదేశించారని ఆరోపించారు.A female TTE has been suspended with immediate effect at Lakshmibai Railway Station in Jhansi following allegations of misbehaving with a passenger. Passenger Shravan Kumar alleged that the TTE called him an “untouchable” and made casteist remarks after he took time to retrieve his ticket from his bag. After the video went viral, the railway authorities initiated an inquiry into the incident.— Gems Of Railway (@GemsOfRailway) November 10, 2026‘అంగుఠాచాప్’ అంటూ అవమానకర వ్యాఖ్యలుఈ వాగ్వాదానికి సంబంధించిన వీడియోలో మహిళా టీటీఈ ప్రయాణికుడిని తీవ్ర పదజాలంతో దూషిస్తున్నట్లు సమాచారం. ‘నీకు ఏమీ తెలియదు.. నువ్వు అంగుఠాచాప్‌ (నిరక్షరాస్యుడు)’ అంటూ అవమానించినట్లు వీడియోలో ఉంది. అంతేకాకుండా అతడిని చూడటమే తనకు ఇష్టం లేదన్నట్లుగా వ్యాఖ్యానించడంతో పాటు, తాను ఖాళీగా ఉంటే తన సత్తా ఏమిటో చూపించేదాన్నని హెచ్చరించినట్లు ఆరోపించారు. ప్రయాణికుడు తాను తదుపరి ప్రయాణానికి ఆన్‌లైన్‌లో టికెట్ కూడా బుక్ చేసుకున్నానని చెప్పగా.. అది కన్ఫర్మ్ అయిందా? కన్ఫర్మ్ అయితేనే రైలు ఎక్కగలవంటూ టీటీఈ గట్టిగా మాట్లాడినట్లు వీడియోలో కనిపిస్తోంది.సోషల్ మీడియా ఫిర్యాదుతో చర్యలుఈ ఘటనకు సంబంధించిన వీడియోను శ్రవణ్ కుమార్ ఎక్స్‌ (ట్విట్టర్‌) వేదికగా పోస్టు చేసి, రైల్వే అధికారులను ట్యాగ్ చేస్తూ బాధ్యులపై చర్యలు తీసుకోవాలని కోరారు. వీడియో వైరల్ కావడంతో రైల్వే అధికారులు స్పందించి విచారణ ప్రారంభించారు. ఝాన్సీ రైల్వే డివిజన్ ప్రజా సంబంధాల అధికారి (పీఆర్వో) మనోజ్ కుమార్ సింగ్ ఈ ఘటనపై స్పందించారు. ప్రయాణికులతో మర్యాదపూర్వకంగా, గౌరవంగా వ్యవహరించడం భారతీయ రైల్వేలకు అత్యంత ప్రాధాన్యమని తెలిపారు. ఘటనకు సంబంధించి మహిళా టీటీఈని తక్షణమే సస్పెండ్ చేసినట్లు, శాఖాపరమైన విచారణకు ఆదేశించినట్లు వెల్లడించారు. విచారణ ఆధారంగా తదుపరి చట్టపరమైన చర్యలు కూడా తీసుకుంటామని స్పష్టం చేశారు.ఇదీ చదవండి: మంత్రులు, ఎమ్మెల్యేలతో విజయ్‌ అత్యవసర భేటీ

ఐపీఎల్ 2027 సీజన్‌కు ముందే ముంబై ఇండియన్స్, పంజాబ్ కింగ్స్ ఫ్రాంచైజీలు సంచలన ట్రేడ్‌ను పూర్తి చేశాయి. టీమిండియా స్టార్ ఆల్‌రౌండర్ హార్దిక్ పాండ్యా ముంబై ఇండియన్స్ నుంచి పంజాబ్ కింగ్స్‌కు మారగా.. పంజాబ్ పేసర్ అర్ష్‌దీప్ సింగ్ ముంబై ఇండియన్స్ జట్టులోకి చేరాడు. ఈ ఇద్దరు ఆటగాళ్ల బదిలీకి ఐపీఎల్ అధికారికంగా ఆమోదం తెలిపింది.ఈ ట్రేడ్‌లో భాగంగా హార్దిక్ పాండ్యా రూ.18 కోట్ల ధరకు పంజాబ్ కింగ్స్‌కు వెళ్లనున్నాడు. గతంలో ముంబై ఇండియన్స్ తరఫున అతడికి రూ.16.35 కోట్ల పారితోషికం లభించేది. మరోవైపు అర్ష్‌దీప్ సింగ్ తన ప్రస్తుత పారితోషికమైన రూ.18 కోట్లకే ముంబై ఇండియన్స్‌లో చేరనున్నాడు.ముంబైకి కొత్త కెప్టెన్ అవసరం2024 నుంచి ముంబై ఇండియన్స్ కెప్టెన్‌గా వ్యవహరిస్తున్న హార్దిక్ పాండ్యా నిష్క్రమణతో ఆ జట్టుకు కొత్త నాయకుడిని ఎంపిక చేయాల్సిన పరిస్థితి ఏర్పడింది. 2024లో హార్దిక్ నాయకత్వంలో ముంబై పాయింట్ల పట్టికలో చివరి స్థానంలో నిలిచింది. అయితే 2025లో ప్లేఆఫ్స్‌కు చేరుకుంది. 2026లో మాత్రం తొమ్మిదో స్థానంతో సరిపెట్టుకుంది.2024 నుంచి ముంబై కెప్టెన్‌గా 39 మ్యాచ్‌ల్లో వ్యవహరించిన హార్దిక్ 15 విజయాలు అందించగా, 24 మ్యాచ్‌ల్లో జట్టు ఓటమి పాలైంది.హార్దిక్‌కు ఇది మూడో ఐపీఎల్ ఫ్రాంచైజీ కానుంది. 2015లో ముంబై ఇండియన్స్ తరఫున ఐపీఎల్‌లో అరంగేట్రం చేసిన అతడు.. 2022లో గుజరాత్ టైటాన్స్‌కు మారాడు. ఆ జట్టుకు రెండు సీజన్ల పాటు కెప్టెన్‌గా వ్యవహరించాడు. తిరిగి 2024లో ముంబై ఇండియన్స్‌కు చేరాడు. ఇప్పటివరకు ఐదుసార్లు ఐపీఎల్ టైటిల్ గెలిచిన జట్లలో సభ్యుడిగా ఉన్నాడు. ఇందులో నాలుగు టైటిళ్లు ముంబైతో, ఒకటి గుజరాత్ టైటాన్స్‌తో సాధించాడు.బుమ్రాతో అర్ష్‌దీప్పంజాబ్ కింగ్స్‌ తరఫున 2019లో ఐపీఎల్ అరంగేట్రం చేసిన అర్ష్‌దీప్ సింగ్.. ఎనిమిది సీజన్ల పాటు ఆ ఫ్రాంచైజీకే ప్రాతినిధ్యం వహించాడు. మొత్తం 96 మ్యాచ్‌ల్లో 111 వికెట్లు పడగొట్టాడు. పంజాబ్ కింగ్స్ చరిత్రలో అత్యధిక వికెట్లు తీసిన బౌలర్‌గా అర్ష్‌దీప్ కొనసాగుతున్నాడు.ఇప్పుడు ముంబై ఇండియన్స్‌లో చేరడంతో జస్‌ప్రీత్ బుమ్రాతో కలిసి బౌలింగ్ చేసే అవకాశం అతడికి దక్కనుంది. ఈ ఇద్దరు భారత స్టార్ పేసర్లు కొత్త సీజన్‌లో ప్రత్యర్థి బ్యాటర్లకు సవాల్ విసిరే అవకాశం ఉంది.ఇదీ చదవండి: కెప్టెన్‌గా సంజూ శాంసన్

చడయమంగళం: ‘రామాయణం’ ఇతిహాసం ఆధారంగా తెరకెక్కిన రణబీర్‌ సినిమా ప్రపంచవ్యాప్తంగా ఆసక్తిని రేకెత్తిస్తున్నది. ఈ నేపథ్యంలోనే కేరళలోని జటాయువు భారీ శిల్పం మరోసారి వార్తల్లో నిలిచింది. కొల్లం జిల్లాలోని చడయమంగళంలో ఉన్న జటాయు ఎర్త్ సెంటర్‌ను సందర్శించేందుకు పర్యాటకులు, సినీ అభిమానులు తరలివస్తున్నారు. ప్రపంచంలోనే అతిపెద్ద పక్షి శిల్పంగా గుర్తింపు పొందిన ఈ విగ్రహం ఇప్పుడు ప్రత్యేక ఆకర్షణగా నిలిచింది.రామాయణంలో సీతాదేవిని రావణుడు అపహరించి తీసుకెళ్తున్న సమయంలో జటాయువు అడ్డుకునేందుకు ప్రయత్నిస్తుంది. రావణుడితో పోరాడి చివరకు ప్రాణాలు విడుస్తుంది. ఈ ఘట్టానికి ప్రతిరూపంగా జటాయు పారా అనే భారీ కొండపై ఈ శిల్పాన్ని తీర్చిదిద్దారు. జటాయువు సీతమ్మను రక్షించేందుకు చేసిన పోరాటాన్ని ఈ విగ్రహం ప్రతిబింబిస్తుంది.ఈ ప్రాజెక్టును అభివృద్ధి చేసిన కేరళ పర్యాటక శాఖకు ముఖ్యమంత్రి వీడీ సతీశన్ అభినందనలు తెలిపారు. రామాయణం సినిమా చూసిన అనంతరం ఈ ప్రాంతానికి పర్యాటకులు తరలివస్తున్నారని ఆయన అన్నారు. జటాయువు చివరి ఘట్టంతో ముడిపడిన ఈ ప్రదేశం భారతీయ పురాణాలు, సాంస్కృతిక వారసత్వంపై ఆసక్తి ఉన్నవారిని ఆకర్షిస్తోందని పర్యాటక శాఖ పేర్కొంది.రాష్ట్ర పర్యాటక శాఖ మంత్రి పి.సి. విష్ణునాథ్ మాట్లాడుతూ.. కేరళలో పర్యాటకానికి జటాయు ఎర్త్ సెంటర్ ప్రత్యేక ఆకర్షణగా నిలుస్తోందన్నారు. రామాయణం సినిమా విడుదల అనంతనం ఈ పురాణ ప్రదేశంపై ప్రజల్లో ఆసక్తి పెరిగిందని తెలిపారు. ఈ కొండపై శ్రీరాముడి ఆలయం కూడా ఉందని తెలిపారు.కేరళలో పబ్లిక్-ప్రైవేట్ భాగస్వామ్యంతో అభివృద్ధి చేసిన తొలి పర్యాటక ప్రాజెక్టు ఇదే. బిల్డ్-ఆపరేట్-ట్రాన్స్‌ఫర్ (బీఓటీ) విధానంలో దీనిని నిర్మించారు. ప్రముఖ దర్శకుడు, శిల్పి రాజీవ్ అంచల్ తన బృందంతో కలిసి ఈ భారీ జటాయువు శిల్పాన్ని రూపొందించారు.దర్శకుడు నితేశ్ తివారీ తెరకెక్కించిన రామాయణం సినిమాలో రణ్‌బీర్ కపూర్ శ్రీరాముడిగా, యశ్ రావణుడిగా, సాయిపల్లవి సీతాదేవిగా నటించారు. ఈ సినిమా కారణంగా రామాయణంలోని పలు ఘట్టాలతో సంబంధం ఉన్న ప్రదేశాలపై ప్రజుల్లో ఆసక్తి పెరుగుతోంది. ఈ నేపథ్యంలోనే పురాణాలు, కళలు, ప్రకృతి అందాలను కలగలిపిన జటాయు ఎర్త్ సెంటర్‌కు మరింత ఆదరణ లభిస్తున్నది. ఇదీ చదవండి: ఆస్ట్రేలియా మేయర్ పీఠంపై భారతీయుడు.. ఎవరీ అభిషేక్ అవస్థి?

సాక్షి, విజయవాడ: విజయవాడలో భారీ సైబర్ మోసం వెలుగులోకి వచ్చింది. పెజ్జోనిపేటకు చెందిన వృద్ధుడి బ్యాంకు ఖాతా నుంచి రూ. 24 లక్షలు సైబర్ నేరగాళ్ళు కొల్లగొట్టారు. వృద్ధుడు బ్యాంకు ఖాతా నుంచి బాధితుడికి తెలియకుండా నగదు డెబిట్ చేశారు. ఇంటి నిర్మాణం కోసం దాచుకున్న సొమ్మును సైబర్ కేటుగాళ్లు కొల్లగొట్టారు.బ్యాంక్ ఖాతాలో ఉన్న నగదుతో పాటు ఫిక్స్‌డ్ డిపాజిట్లు, సేవింగ్స్ ఖాతాలో సొమ్ము మాయం చేశారు. అక్టోబర్ 20 నుంచే అనధికారిక లావాదేవీలు జరిగినట్లు సైబర్ క్రైమ్ పోలీసులు గుర్తించారు. నవంబర్ 4న ట్రాన్సాక్షన్ అలర్ట్ ఈ-మెయిల్స్ రావడంతో సైబర్ మోసం వెలుగులోకి వచ్చింది. కేసు నమోదు చేసిన పోలీసులు దర్యాప్తు చేపట్టారు.ఇదీ చదవండి: వెబ్‌ల్యాండ్‌లో ‘లాగిన్‌’ లూటీ

సాక్షి ప్రతినిధి, కాకినాడ: జిల్లా పరిషత్‌ చైర్‌పర్సన్‌ పీఠంపై కూటమిలో వార్‌ కొనసాగుతోంది. ఇప్పటి వరకూ ఈ పీఠాన్ని జనసేనకు కేటాయిస్తున్నట్లు ప్రచారం నడిచింది. చైర్‌పర్సన్‌ అభ్యర్థిగా జనసేన నుంచి పిఠాపురానికి చెందిన డాక్టర్‌ బొర్రా దివ్య సునీతా రాజ్‌ పేరు ప్రముఖంగా వినిపించింది. ఆమె పెద్దాపురం జెడ్పీటీసీగా బరిలోకి దిగి విజయం సాధించారు. ఇంకేముంది జెడ్పీ చైర్‌పర్సన్‌గా ఆమె ప్రమాణ స్వీకారం చేయడమే తరువాయి అని అందరూ అనుకున్నారు. ఇక్కడే టీడీపీ అసలు రాజకీయం మొదలు పెట్టింది. చైర్‌పర్సన్‌ సీటుపై తమ అభ్యర్థిని కూర్చోబెట్టేందుకు సైకిల్‌ పార్టీ సన్నాహాలు చేస్తున్నట్లు తెలిసింది. ఈ మేరకు కాకినాడ రూరల్‌ జెడ్పీటీసీగా గెలిచిన మాజీ ఎమ్మెల్యే పిల్లి అనంతలక్ష్మి పేరు చైర్‌పర్సన్‌ పదవికి దాదాపు ఖరారైనట్లు తెలిసింది. దీనికి కూటమి అధిష్టానం సైతం గ్రీన్‌ సిగ్నల్‌ ఇచ్చినట్లు సమాచారం. దీనికి తగినట్టుగానే పిల్లి అనంతలక్ష్మి దంపతులు సో మవారం విలేకర్ల సమావేశం నిర్వహించారు. అందు లో చైర్‌పర్సన్‌ పదవి తమదేననే స్పష్టత ఇవ్వకపోయినా.. అధిష్టానం నిర్ణయం మేరకు వ్యవహరిస్తామని ప్రకటించారు. తద్వారా చైర్‌పర్సన్‌ పీఠం తమదేనంటూ చెప్పకనే చెప్పారనే వాదన వినిపిస్తోంది.దివ్యరాజ్‌ మనస్తాపం ఈ పరిణామాలతో జనసేన నాయకులు కంగు తిన్నారు. జెడ్పీ చైర్‌పర్సన్‌ సీటు తమకే ఖాయమని వారు వేసుకున్న అంచనాలు తాజాగా తారుమారయ్యాయి. ఈ పదవిపై బుర్రా సునీత దివ్యరాజ్‌ పెట్టుకున్న ఆశలు నీరుగారిపోయాయి. ఈ నేపథ్యంలో మనస్తాపానికి గురైన ఆమె.. జెడ్పీటీసీగా విజయం సాధించిన అనంతరం, డిక్లరేషన్‌ ఫారం తీసుకోకుండానే వెళ్లిపోయినట్లు సమాచారం. అక్కడ మీకు.. ఇక్కడ మాకు మరోవైపు తూర్పు గోదావరి జిల్లా పరిషత్‌ పీఠాన్ని జనసేన ఆశించింది. అక్కడ చైర్‌పర్సన్‌ అభ్యర్థిగా పోటీలోకి దిగిన రాజానగరం ఎమ్మెల్యే బత్తుల బలరామకృష్ణ భార్య వెంకటలక్ష్మి అనూహ్యంగా ఓటమి పాలయ్యారు. దీంతో, రాజకీయ పరిణామాలు మారాయి. తూర్పు గోదావరి చైర్‌పర్సన్‌ పీఠాన్ని టీడీపీకి వదిలేసి.. కాకినాడ జెడ్పీ చైర్‌పర్సన్‌ పదవి తమకే ఇవ్వాలని జనసేన పట్టుబడుతున్నట్లు సమాచారం. ఈ పంచాయితీ కూటమి అధిష్టానం దృష్టికి కూడా వెళ్లినట్లు తెలిసింది. చైర్‌పర్సన్‌గా దివ్యరాజ్‌ను ఎంపిక చేయాలని ప్రతిపాదించినట్లు సమాచారం. దీనికి డిప్యూటీ సీఎం పవన్‌ కల్యాణ్‌ సైతం మద్దతు పలుకుతున్నట్లు చెబుతున్నారు. దీనిపై టీడీపీ శ్రేణుల స్పందన వేరే విధంగా ఉంది. ఇప్పటికే కీలకమైన కాకినాడ మేయర్‌ స్థానంతో పాటు జిల్లా సహకార కేంద్ర బ్యాంకు (డీసీసీబీ) చైర్మన్, కాకినాడ నగరాభివృద్ధి సంస్థ (కౌడా) చైర్మన్‌ వంటి కీలక పదవులన్నీ జనసేనకే కట్టబెట్టారని వారు గుర్తు చేస్తున్నారు. అలాగే, జిల్లాలోని ఆరు పురపాలక సంఘాలకు గాను ఏకంగా నాలుగు (పిఠాపురం, గొల్లప్రోలు, తుని, సామర్లకోట) చైర్‌పర్సన్‌ స్థానాలను సైతం గ్లాసుకే ఇచ్చేశారని, ఇప్పుడు జెడ్పీ చైర్‌పర్సన్‌ సీటును కూడా ఆ పార్టీకే కట్టబెట్టడమేమిటని తెలుగు తమ్ముళ్లు నిలదీస్తున్నారు. పట్టు వీడని టీడీపీ జెడ్పీ పీఠంపై టీడీపీ పట్టు వీడటం లేదు. కాకినాడ మేయర్‌ పదవిని జనసేనకు కేటాయించిన నేపథ్యంలో.. జెడ్పీ పీఠంపై తామే కూర్చోవాలనే పట్టుదలతో ముమ్మర ప్రయత్నాలు చేస్తున్నారు. విషయాన్ని సీఎం చంద్రబాబు దృష్టికి కూడా తీసుకెళ్లారని, ఆయన కూడా సుముఖత వ్యక్తం చేశారనే ప్రచారం జరుగుతోంది. దీనిపై నేడో రేపో అధికారిక ప్రకటన రావచ్చని సమాచారం. చైర్‌పర్సన్‌గా పిల్లి అనంతలక్ష్మి పేరు ఖరారు చేసినట్లు, ఆమె ప్రమాణ స్వీకారానికి సిద్ధమవుతున్నట్లు టీడీపీ వర్గాలు చెబుతున్నాయి.

బాలీవుడ్ స్టార్ హీరో సల్మాన్ ఖాన్ హీరోగా చేసిన లేటెస్ట్ సినిమా 'మాతృభూమి'. గతంలో 'బ్యాటిల్ ఆఫ్ గల్వాన్' పేరుతో ఈ మూవీ తీశారు. కానీ భారత రక్షణ మంత్రిత్వ శాఖ సూచనల మేరకు టైటిల్ మార్చారు. అలానే 40 శాతానికి పైగా సీన్స్ రీషూట్ చేశారు. వచ్చే నెల 04న ఈ చిత్రం థియేటర్లలో రిలీజ్ కానుంది. ఈ క్రమంలోనే తాజాగా ట్రైలర్ వదిలారు.(ఇదీ చదవండి: 'ఫేక్' మయం.. టాలీవుడ్‌లో దిగజారుతున్న పరిస్థితులు!)నాలుగున్నర నిమిషాలున్న ఈ ట్రైలర్‌లో సల్మాన్ ఆర్మీ కమాండర్‌గా కనిపించాడు. సరిహద్దుల దగ్గర కాపల కాసే సైనికుడిగా, కుటుంబాన్ని చూసుకునే భర్తగా సల్మాన్ కనిపించనున్నాడు. అయితే ట్రైలర్ ఏమంత ఇంట్రెస్టింగ్‌గా అనిపించలేదు. స్టోరీ కూడా ఇదివరకే ఇలాంటి సినిమాల్లో చూసినట్లే ఉంది. ఇలా ట్రైలర్ ఓకే ఓకే అనిపించిన ఈ మూవీతో సల్మాన్ ఎలాంటి ఫలితాన్ని అందుకుంటాడో చూడాలి?(ఇదీ చదవండి: బిగ్‌బాస్ 10: వంశీ భార్యని చూశారా? ఎమోషనల్ ఎపిసోడ్)

సంగ్రూర్‌: పంజాబ్‌లో ఘోర రోడ్డు ప్రమాదం చోటుచేసుకుంది. సంగ్రూర్‌లో ముఖ్యమంత్రి భగవంత్ మాన్ నివాసానికి సమీపంలో బుధవారం ప్రయాణికులతో వెళ్తున్న పీఆర్‌టీసీ బస్సు ఫ్లైఓవర్‌ను ఢీకొంది. ఈ ప్రమాదంలో ముగ్గురు ప్రాణాలు కోల్పోగా, మరో 18 మంది గాయపడ్డారు. సంగ్రూర్ నుంచి చండీగఢ్‌కు వెళ్తుండగా ఈ ఘటన జరిగింది.ప్రమాద తీవ్రతకు బస్సు దెబ్బతింది. ప్రత్యక్ష సాక్షుల కథనం ప్రకారం.. తొలుత ఫ్లైఓవర్‌కు దన్నుగా ఉన్న స్తంభాన్ని బస్సు ఢీకొట్టింది. అనంతరం అదుపుతప్పి రోడ్డు పక్కన ఉన్న చెట్టును ఢీకొంది. ప్రమాదం జరిగిన వెంటనే స్థానికులు స్పందించారు. పోలీసులు, జిల్లా అధికారులతో కలిసి సహాయక చర్యల్లో పాల్గొని క్షతగాత్రులను బయటకు తీసుకొచ్చారు. గాయపడిన 18 మందిలో 15 మందిని మెరుగైన చికిత్స కోసం పాటియాలాలోని ప్రభుత్వ రాజీంద్ర ఆసుపత్రికి తరలించారు. ఈ ఘటనతో స్థానికంగా విషాదం నెలకొంది. ప్రమాదానికి సంబంధించిన సమాచారం అందుకున్న ముఖ్యమంత్రి భగవంత్ మాన్ తీవ్ర విచారం వ్యక్తం చేశారు. ఇదీ చదవండి: న్యూజిలాండ్‌లో ఘోరం.. ముగ్గురు పంజాబీ యువకులు మృతి!

రాజానగరం(కోనసీమ): తన భర్త నుంచి తనకు, పిల్లలకు రక్షణ కల్పించాలంటూ ఇంటెలిజెన్స్‌ కానిస్టేబుల్‌పై భార్య రాజానగరం పోలీసులకు ఫిర్యాదు చేసింది. ఆ వివరాలను మంగళవారం ఎస్సై ఎస్‌.ప్రియకుమార్‌ విలేకరులకు తెలిపారు. బాధితురాలు ఫిర్యాదులో తెలిసిన వివరాల ప్రకారం.. రాజమహేంద్రవరం రూరల్‌ మండలం తొర్రేడుకు చెందిన శాంతికి కాకినాడ రూరల్‌ మండలం మాధవపట్నానికి చెందిన నాగళ్ల రామకృష్ణంరాజుతో 2012 ఫిబ్రవరిలో వివాహం జరిగింది. వారికి ఇద్దరు పిల్లలు ఉన్నారు. రామకృష్ణంరాజు ప్రస్తుతం ఇంటెలిజెన్స్‌ విభాగంలో కానిస్టేబుల్‌గా విధులు నిర్వర్తిస్తున్నాడు.అయితే వివాహేతర సంబంధాలకు అలవాటు పడిన అతడు వివాహం అయినప్పటి నుంచి భార్య శారీరకంగా, మానసికంగా వేధించేవాడు. ఈ క్రమంలో విసిగిపోయిన శాంతి ఒకసారి ఆత్మహత్యకు యత్నించింది. అయినా రామకృష్ణంరాజు ప్రవర్తనలలో ఏ విధమైన మార్పు రాలేదు. దీంతో తన ఇద్దరు పిల్లలను తీసుకుని తొర్రేడుకు వచ్చి, ప్రైవేట్‌ స్కూల్‌లో టీచర్‌గా పనిచేస్తూ, పిల్లలను 7, 9 తరగతులు చదివించుకుంటోంది. రామకృష్ణంరాజు అప్పుడప్పుడూ వచ్చి వెళుతుండేవాడు.ఈ క్రమంలో గత నెల 20న వచ్చిన అతను భార్యతో గొడవపడి ఆమెను ఇంటి నుంచి బలవంతంగా బయటకు నెట్టివేశాడు. విషయం పోలీసుల వరకు వెళ్లడంతో వారు ఇద్దరికీ కౌన్సెలింగ్‌ చేసి పంపించివేశారు. ఆ తర్వాత దీపావళికి వచ్చి మళ్లీ భార్యతో గొడవకు దిగాడు. ఈ సారి కొట్టడంతో పాటు జట్టు పట్టుకుని లాగేశాడు. భర్త ప్రవర్తనలో ఏమాత్రం మార్పు కానరాకపోవడంతో విసిగిపోయిన శాంతి అతడిపై చట్టపరమైన చర్యలు తీసుకోవాలని కోరుతూ ఫిర్యాదు చేసింది.

న్యూజిలాండ్‌తో వన్డే సిరీస్‌లో మిగిలిన రెండు మ్యాచ్‌లకు భారత జట్టులో కీలక మార్పులు చోటు చేసుకున్నాయి. టెస్ట్ సిరీస్‌కు సిద్ధమయ్యేందుకు పలువురు టెస్ట్ స్పెషలిస్టులు వన్డే జట్టు నుంచి తప్పుకోనున్నారు. దీంతో ఆ మ్యాచ్‌లలో కొత్త ఆటగాళ్లకు అవకాశాలు దక్కనున్నాయి.శుభ్‌మన్ గిల్ స్థానంలో కెప్టెన్‌గా శ్రేయస్ అయ్యర్చివరి రెండు వన్డేల్లో భారత జట్టుకు శ్రేయస్ అయ్యర్ నాయకత్వం వహించనున్నాడు. రెగ్యులర్ కెప్టెన్ శుభ్‌మన్ గిల్ టెస్ట్ సిరీస్ సన్నాహాల కోసం వన్డే జట్టుకు దూరం కావడంతో అయ్యర్‌కు కెప్టెన్సీ బాధ్యతలు అప్పగించారు.వైస్ కెప్టెన్‌గా ఇషాన్ కిషన్చివరి రెండు వన్డేల్లో శ్రేయస్ అయ్యర్ కెప్టెన్‌గా వ్యవహరించనుండటంతో ఇషాన్ కిషన్‌కు వైస్ కెప్టెన్సీ బాధ్యతలు అప్పగించారు. కేఎల్ రాహుల్ టెస్ట్ సన్నాహాల కోసం వన్డే జట్టుకు దూరం కావడంతో వికెట్ కీపింగ్ బాధ్యతలు కూడా ఇషాన్‌కే దక్కనున్నాయి. గిల్ లేకపోవడంతో ఇషాన్ ఓపెనర్‌గా బరిలోకి దిగే అవకాశం కూడా ఉంది.కేఎల్ రాహుల్ స్థానంలో కుమార్ కుషాగ్రాయువ వికెట్ కీపర్ బ్యాటర్ కుమార్ కుషాగ్రాకు వన్డే జట్టులో చోటు దక్కింది. దేశవాళీ క్రికెట్‌తో పాటు భారత్-ఏ తరఫున నిలకడగా రాణించడం అతడికి కలిసొచ్చింది. ఇషాన్ కిషన్‌కు బ్యాకప్ వికెట్ కీపర్‌గా కుషాగ్రా వ్యవహరించనున్నాడు.ఫినిషర్‌గా తిలక్ వర్మకు అవకాశంభారత యువ బ్యాటర్ తిలక్ వర్మకు కూడా వన్డే జట్టులో చోటు కల్పించారు. చివరి రెండు మ్యాచ్‌లకు బ్యాటింగ్ విభాగంలో ఖాళీలు ఏర్పడటంతో తిలక్‌కు అవకాశం లభించింది. టీ20ల్లో ఫినిషర్‌గా రాణిస్తున్న అతడిని ఐదు లేదా ఆరో స్థానంలో ఆడించే అవకాశం ఉంది.అన్షుల్ కాంబోజ్ స్థానంలో యశ్ ఠాకూర్బౌలింగ్ విభాగంలోనూ భారత్ మార్పులు చేసింది. టెస్ట్ జట్టుకు వెళ్లనున్న అన్షుల్ కాంబోజ్ స్థానంలో యశ్ ఠాకూర్‌కు అవకాశం కల్పించింది. 2025-26 విజయ్ హజారే ట్రోఫీలో విదర్భ తరఫున యశ్ ఠాకూర్ అద్భుతంగా రాణించాడు. తొమ్మిది మ్యాచ్‌ల్లో 19 వికెట్లు పడగొట్టాడు.న్యూజిలాండ్‌తో చివరి రెండు వన్డేలకు భారత జట్టు:శ్రేయస్ అయ్యర్ (కెప్టెన్), రోహిత్ శర్మ, విరాట్ కోహ్లీ, తిలక్ వర్మ, ఇషాన్ కిషన్ (వైస్ కెప్టెన్, వికెట్ కీపర్), అక్షర్ పటేల్, నమన్ ధీర్, ఔకిబ్ నబీ, గుర్నూర్ బ్రార్, రుతురాజ్ గైక్వాడ్, అర్ష్‌దీప్ సింగ్, కుమార్ కుశాగ్ర (వికెట్ కీపర్), యశ్ ఠాకూర్, కుల్దీప్ యాదవ్.కాగా, ఇప్పటికే ఐదు మ్యాచ్‌ల వన్డే సిరీస్‌లో భారత్ 2-0తో ఆధిక్యంలో ఉంది. హామిల్టన్‌లో జరగాల్సిన మూడో వన్డే టాస్ అనంతరం వర్షం కారణంగా రద్దయింది. నాలుగు, ఐదు వన్డేలు మౌంట్‌ మాంగనూయ్‌ వేదికగా నవంబర్‌ 15, 19 తేదీల్లో జరుగనున్నాయి. ఇదీ చదవండి: భారత్‌తో టెస్ట్ సిరీస్‌కు న్యూజిలాండ్ జట్టు ప్రకటన

దేశీయ స్టాక్‌ మార్కెట్‌ సూచీలు బుధవారం లాభాల్లో కదలాడుతున్నాయి. ఈరోజు ఉదయం 09:22 సమయానికి నిఫ్టీ(Nifty) 328 పాయింట్లు పెరిగి 25,371 వద్దకు చేరింది. సెన్సెక్స్‌(Sensex) 1224 పాయింట్లు పుంజుకొని 82,324 వద్ద ట్రేడవుతోంది.అమెరికా డాలర్‌ ఇండెక్స్‌(USD Index) 102.22బ్రెంట్‌ క్రూడ్‌ఆయిల్‌ బ్యారెల్‌ ధర 92.52 డాలర్లుయూఎస్‌ 10 ఏళ్ల బాండ్‌ ఈల్డ్‌లు 5 శాతానికి చేరాయి.గడిచిన సెషన్‌లో యూఎస్‌ ఎస్‌ అండ్‌ పీ 0.38 శాతం తగ్గింది.నాస్‌డాక్‌ 0.74 శాతం దిగజారింది.Today Nifty position 11-11-2026(time: 09:22 am)(Disclaimer: మార్కెట్ గురించి సాక్షి వెబ్ సైట్లో నిపుణులు వెల్లడించే అభిప్రాయాలు వారి పరిశీలన, అంచనాలను బట్టి ఉంటాయి. ఇన్వెస్టర్లకు ఇది కేవలం విషయ అవగాహన మాత్రమే తప్ప.. వారు పెట్టే పెట్టుబడులకు సాక్షి మీడియా గ్రూపు ఎలాంటి హామీ ఇవ్వదు.)

ప్రముఖ చిప్‌మేకర్ టెక్నాలజీ దిగ్గజం క్వాల్‌కామ్‌ ప్రపంచవ్యాప్తంగా తన ఉద్యోగుల్లో కోత విధించే ప్రక్రియ ప్రారంభించింది. ముఖ్యంగా భారత్‌తో పాటు కాలిఫోర్నియా తదితర ప్రాంతాల్లో ఈ ప్రభావం గట్టిగానే పడింది. ఏటా నిర్వహించే ఉద్యోగుల పనితీరు మదింపు ఆధారంగా ఈ పీరియాడిక్ లేఆఫ్స్‌ను అమలు చేస్తున్నట్లు కంపెనీ సీఈఓ క్రిస్టియానో అమన్ గతంలోనే అంతర్గత మెమో ద్వారా స్పష్టం చేశారు. ఈ నేపథ్యంలో ఉద్యోగం కోల్పోతున్న సిబ్బందికి కంపెనీ అందిస్తున్న పరిహారాలు, ఇతర ప్రయోజనాల వివరాలు ప్రస్తుతం టెక్ వర్గాల్లో చర్చనీయాంశంగా మారాయి.పనితీరు ఆధారంగానే కోత..ప్రస్తుతం జరుగుతున్న ఈ ఉద్యోగాల కోత పూర్తిగా పనితీరు ఆధారిత పునర్వ్యవస్థీకరణలో భాగమేనని అధికారిక వర్గాలు స్పష్టం చేస్తున్నాయి. ఏఐ ఆటోమేషన్ కారణంగా ఉద్యోగులను తొలగిస్తున్నారనే ప్రచారంలో ఎలాంటి వాస్తవం లేదని, కేవలం వ్యాపార ప్రాధాన్యతలు, వ్యక్తిగత పనితీరు ప్రమాణాల మీదే ఈ నిర్ణయం తీసుకున్నట్లు కంపెనీ స్పష్టం చేసింది. స్మార్ట్‌ఫోన్ చిప్ మార్కెట్‌లో నెలకొన్న మందగమనం, పెరుగుతున్న మెమొరీ ధరలు, విక్రయాల అంచనాల్లో వ్యత్యాసాల కారణంగా కంపెనీ తన వ్యూహాలను మార్చుకుంటోంది. ఇందులో భాగంగానే ఆటోమోటివ్ చిప్స్, డేటా సెంటర్లు వంటి కొత్త రంగాలపై దృష్టి సారించి సంస్థాగత మార్పులకు శ్రీకారం చుట్టింది.ఉద్యోగులకు అందే బెనిఫిట్స్ఉద్యోగం కోల్పోతున్న సిబ్బందికి కంపెనీ నిబంధనల ప్రకారం ఆకర్షణీయమైన సెవరెన్స్ ప్యాకేజీలను ప్రకటిస్తున్నారు. ఉద్యోగి క్వాల్‌కామ్‌లో పనిచేసిన ప్రతి ఏడాదీ పరిగణలోకి తీసుకుని దానికి అదనంగా బేసిక్ వేతనాన్ని కలుపుకొని సెవరెన్స్ అమౌంట్ లెక్కగడుతున్నారు. సాధారణంగా ఉద్యోగులకు మూడు నెలల జీతానికి సమానమైన ప్యాకేజీ అందుబాటులో ఉంటుందని తెలుస్తోంది. కొన్ని విభాగాల్లో సర్వీస్ నిబంధనలను బట్టి రెండు వారాల గ్రాస్ శాలరీ, అదనంగా ప్రతి ఏటా సేవలకు సంబంధించి మరో రెండు వారాల వేతనాన్ని ఇస్తున్నట్లు సమాచారం.త్వరితగతిన అంగీకరిస్తే అదనపు బోనస్కంపెనీ అందించే సెవరెన్స్ ఒప్పంద పత్రాలపై త్వరగా సంతకం చేసే ఉద్యోగులకు ప్రత్యేక ప్రోత్సాహకం లభిస్తోంది. నోటీసులు అందుకున్న రెండు లేదా మూడు రోజుల్లోగా డాక్యుమెంట్లపై సంతకం చేసే వారికి అదనంగా మరో నెల జీతాన్ని అదనపు ప్రయోజనంగా ఇస్తున్నారు. ఉద్యోగం కోల్పోయిన సిబ్బందికి కొంతకాలం పాటు హెల్త్ కవరేజ్ కొనసాగేలా చెల్లింపులు, కెరీర్ ట్రాన్సిషన్‌ సపోర్ట్ వంటి బెనిఫిట్స్ కూడా ఈ ప్యాకేజీలో భాగంగా ఉన్నట్లు తెలుస్తోంది.అయితే, ఈ సెవరెన్స్ ఒప్పందాలపై సంతకం చేసే ముందు ఉద్యోగులు భవిష్యత్తులో కంపెనీపై ఎలాంటి న్యాయపరమైన క్లెయిమ్‌లు చేయకూడదనే నిబంధనలు కూడా ఉంటున్నాయని నిపుణులు హెచ్చరిస్తున్నారు. ప్రస్తుత ఆర్థిక సంవత్సరంలో క్వాల్‌కామ్ తన పునర్వ్యవస్థీకరణ ఖర్చుల కోసం భారీగా నిధులను కేటాయించిందని వార్షిక నివేదికలు స్పష్టం చేస్తున్నాయి. స్మార్ట్‌ఫోన్ మార్కెట్ ఒత్తిళ్లను తట్టుకుంటూ సంస్థను మరింత పటిష్టంగా నడిపించేందుకు యాజమాన్యం తీసుకుంటున్న ఈ నిర్ణయాలు గ్లోబల్ టెక్ రంగంలో కలకలం రేపుతున్నాయి.ఇదీ చదవండి: ‘దుస్తులు ధరించని సమయాల్లో రికార్డు చేస్తున్నారు!’

టకానిని: న్యూజిలాండ్‌లో దీపావళి రాత్రి తీవ్ర విషాదం చోటుచేసుకుంది. దక్షిణ ఆక్లాండ్‌లోని టకానినిలో ఓ కారు అదుపుతప్పి బర్గర్‌ఫ్యూయల్ రెస్టారెంట్‌లోకి దూసుకెళ్లింది. ఈ ప్రమాదంలో కారులో ప్రయాణిస్తున్న ముగ్గురు పంజాబీ సంతతికి చెందిన యువకులు ప్రాణాలు కోల్పోయారు. నవంబర్ 8 ఆదివారం రాత్రి సుమారు 10.15 గంటల సమయంలో గ్రేట్ సౌత్ రోడ్డులోని రౌండబౌట్ వద్ద కారు అదుపుతప్పింది. రోడ్డు పక్కకు దూసుకెళ్లి, కంచెను ఢీకొట్టి నేరుగా రెస్టారెంట్‌లోకి ప్రవేశించింది. కారులో ఉన్న ముగ్గురూ అక్కడికక్కడే మరణించినట్లు టకానిని పోలీసులు తెలిపారు.న్యూజిలాండ్‌లోని సెంట్రల్ సిక్కు అసోసియేషన్, సుప్రీం సిక్కు సొసైటీ అధ్యక్షుడు దల్జీత్ సింగ్ మంగళవారం ఈ ఘటనపై స్పందించారు. మరణించిన ముగ్గురూ పంజాబీ మూలాలున్న యువకులేనని పేర్కొన్నారు. దీపావళి పండుగ రాత్రే ఈ విషాదం జరగడం పంజాబీ సమాజాన్ని తీవ్ర దిగ్భ్రాంతికి గురిచేసిందని పేర్కొన్నారు. మృతులకు సంబంధించిన వివరాలను ప్రస్తుతం వెల్లడించలేమని సోషల్ మీడియా పోస్టులో తెలిపారు.మృతదేహాలను భారత్‌కు తరలించాలని బాధిత కుటుంబాలు కోరుకున్నాయని దల్జీత్ సింగ్ వెల్లడించారు. ఇందుకోసం తగిన ఏర్పాట్లు చేస్తున్నట్లు తెలిపారు. పోలీసుల దర్యాప్తు ముందుకు సాగిన తర్వాత బాధిత కుటుంబాలకు అవసరమైన సహాయం అందించేందుకు ప్రయత్నిస్తామన్నారు. న్యూజిలాండ్ పోలీసుల సీరియస్ క్రాష్ యూనిట్ ప్రమాదానికి గల కారణాలపై దర్యాప్తు చేస్తోంది. ప్రమాదానికి ముందు ఆ వాహనంపై ఎలాంటి డ్రైవింగ్ ఫిర్యాదులు అందలేదని పోలీసులు తెలిపారు. కారు చోరీకి గురైనట్లు కూడా నమోదు కాలేదని, ప్రమాదం జరిగిన సమయంలో పోలీసులు ఆ వాహనాన్ని వెంబడించడం లేదని స్పష్టం చేశారు. ప్రమాదం జరిగిన సమయంలో రెస్టారెంట్ మూసివేసి ఉన్నప్పటికీ, సిబ్బంది లోపల ఉన్నారు. వారిలో ఎవరికీ గాయాలు కాలేదని తెలుస్తున్నది. ఈ ప్రమాదంలో రెస్టారెంట్ భవనం తీవ్రంగా దెబ్బతింది.ఇదీ చదవండి: ఆస్ట్రేలియా మేయర్ పీఠంపై భారతీయుడు.. ఎవరీ అభిషేక్ అవస్థి?

పదోవారానికి సంబంధించిన నామినేషన్స్.. సోమవారం ఒక్కరోజులోనే పూర్తయ్యాయి. కెప్టెన్ వంశీ మినహా అందరూ నామినేషన్స్‌లో ఉన్నారు. ఈసారి ఫ్యామిలీ వీక్ ఉందని బి‌గ్‌బాస్ ఇదివరకే చెప్పాడు. అందుకు తగ్గట్లే నరేశ్, వంశీ, శ్వేత కుటుంబ సభ్యులు బిగ్‌బాస్ హౌస్‌లోకి వచ్చారు. ఇదంతా కూడా ఎమోషనల్‌గా సాగింది. ఇంతకీ 10వ సీజన్‌లో 65వ రోజైన మంగళవారం(నవంబర్ 10) ఏం జరిగింది?(ఇదీ చదవండి: ఓటీటీకి తెలుగు థ్రిల్లర్ సినిమా.. ప్రకటన)తొలుత స్కూల్ టాస్క్ పెట్టిన బిగ్‌బాస్... శ్వేత, నీతూ, దేబ్జానీ, వర్షిణి, నరేశ్ టీచర్లుగా చేయగా.. మిగిలినవాళ్లు స్టూడెంట్స్‌గా నటించారు. అందరూ స్కూల్ డ్రస్‌లు వేసుకొని పిల్లల్లా మారిపోయారు. ఇంగ్లీష్ క్లాస్ చెప్పిన నరేశ్ కాసేపు కామెడీ చేశాడు. ఫ్యామిలీ వీక్ సందర్భంగా తొలుత నరేశ్ సోదరుడు సురేశ్ వచ్చాడు. సురేశ్ నరేశ్‌కి కొన్ని సలహాలు ఇచ్చాడు. తర్వాత దేబ్జానీతోనూ మాట్లాడాడు. నరేశ్ గేమ్‌లో ఛాలెంజ్ చేసి ఫ్యామిలీని కలిసే ఛాన్స్ పోగొట్టుకున్నాడు. కానీ తన మాట మీద స్టాండ్ తీసుకొని వేరే వాళ్ళ కోసం త్యాగం చేశాడు కాబట్టి మొదట అతని ఫ్యామిలీనే పంపించానని బిగ్‌బాస్ చెప్పాడు. కొన్ని ఫుడ్ ఐటమ్స్ చూపించి వీటి మీద రింగ్స్ వేస్తే అవి ఇంట్లో వాళ్లకు ఇస్తామని సురేశ్‌కి టాస్క్ ఇచ్చాడు.తర్వాత వర్షిణి కెమిస్ట్రీ క్లాస్ తీసుకుంది. కాసేపటి తర్వాత శ్వేత అక్క ఇంట్లోకి వచ్చింది. తర్వాత నాన్న రావడంతో ఆయన్ని హగ్ చేసుకుని శ్వేత ఏడ్చేసింది. శ్వేత, త్రిగుణ్ తనకు చేస్తున్న సపోర్ట్ గురించి చెప్పడంతో అతడితో శ్వేత తండ్రి కాసేపు మాట్లాడారు. చివరలో అందరూ కలిసి డ్యాన్స్ చేశారు. ఫుడ్ రింగ్ గేమ్.. శ్వేత తండ్రికి కూడా బిగ్‌బాస్ ఇచ్చాడు. తర్వాత వంశీ కూతురు వచ్చింది. తండ్రిని హగ్ చేసుకుని భావోద్వేగానికి గురైంది. వంశీ కూడా ఎమోషనల్ అయి ఏడ్చాడు. కూతురు కోసం వంశీ ఫుడ్ స్వయంగా వండాడు. తన కెప్టెన్ గదికి తీసుకెళ్లాడు.తర్వాత వంశీ భార్య వచ్చింది. ఆమెని హగ్ చేసుకొని వంశీ ఏడ్చేశాడు. త్రిగుణ్ సపోర్ట్ చేస్తున్నందుకు స్పెషల్‌గా బ్రో అని పిలిచిన ఈమె.. అతడికి థ్యాంక్యూ చెప్పింది. త్రిగుణ్, వంశీ కూతురుతో కాసేపు ఆడుకున్నాడు. వంశీ, అతడి భార్యతో త్రిగుణ్ కూడా మాట్లాడాడు. నీలాంటి ఫ్రెండ్ ఉండాలని, మీ మైండ్ అలా గేమ్ ఆలోచించడం గ్రేట్ అని వంశీ భార్య త్రిగుణ్‌ని మెచ్చుకుంది. చివరలో వంశీ భార్య, కూతురికి కూడా ఫుడ్ రింగ్ టాస్క్‌ని బిగ్‌బాస్ ఇచ్చాడు. అలా మంగళవారం ఎపిసోడ్ ముగిసింది. బుధవారం కూడా ఫ్యామిలీ వీక్ ఉండనుంది.(ఇదీ చదవండి: 'ఫేక్' మయం.. టాలీవుడ్‌లో దిగజారుతున్న పరిస్థితులు!)

అస్సాంలో రైలు ప్రమాదం చోటుచేసుకుంది. గువాహటి శివారులోని డిగారూ సమీపంలో కోల్‌కతా–సైరాంగ్‌ ఎక్స్‌ప్రెస్‌కు చెందిన ఆరు బోగీలు పట్టాలు తప్పాయి. ఈ ఘటనలో పలువురు ప్రయాణికులు గాయపడ్డారు. మిజోరం నుంచి కోల్‌కతా వైపు వెళ్తున్న ఈ ప్యాసింజర్‌ రైలు ఇంజిన్‌తో సహా పట్టాలు తప్పింది.గాయపడిన వారిలో కొందరి పరిస్థితి విషమంగా ఉన్నట్లు తెలుస్తోంది. బుధవారం ఉదయం 6.54 గంటల సమయంలో ఈ ప్రమాదం చోటుచేసుకున్నట్లు రైల్వే అధికారులు వెల్లడించారు.ఇదీ చదవండి: మంత్రులు, ఎమ్మెల్యేలతో విజయ్‌ అత్యవసర భేటీ

నెల్లూరు జిల్లా: సైదాపురం మండల జెడ్పీటీసీ స్థానానికి వైఎస్సార్‌సీపీ తరఫున వెందోటి సునీత పోటీ చేసి గెలుపొందారు. ఈమె ఉన్నత విద్యావంతురాలు. ఎంఏ బీఈడీ చేశారు. సైదాపురానికి చెందిన రాజేష్‌తో సునీతకు వివాహమైంది. రాజేష్‌ మొదటి నుంచి సైదాపురం వైఎస్సార్‌సీపీ కన్వీనర్‌ మన్నారపు రవికుమార్‌ యాదవ్‌ అనుచరుడిగా ఉన్నారు. జెడ్పీటీసీ స్థానం ఎస్టీ మహిళకు రిజర్వ్‌ అయింది. దీంతో వెంకటగిరి నియోజకవర్గ సమన్వయకర్త నేదురుమల్లి రామ్‌కుమార్‌రెడ్డి ఆశీస్సులతో సునీత పోటీ చేశారు. అధికార పార్టీ ఎన్ని కుట్రలు పన్నినా అత్యధిక మెజార్టీతో విజయం సాధించారు. రామ్‌కుమార్‌రెడ్డి మాట్లాడుతూ సైదాపురం జెడ్పీటీసీ స్థానాన్ని కైవసం చేసుకోవడం అందరి సమష్టి పోరాటానికి నిదర్శనమన్నారు. ఈ విజయాన్ని అధినేత వైఎస్‌ జగన్‌మోహన్‌రెడ్డికి కానుకగా ఇస్తామన్నారు.

కాన్‌బెర్రా: ఆస్ట్రేలియాలో భారత సంతతికి చెందిన అభిషేక్ అవస్థి అరుదైన ఘనత సాధించారు. విక్టోరియా రాష్ట్రంలోని గ్రేటర్ బెండిగో నగర మేయర్‌గా ఎన్నికయ్యారు. ఆస్ట్రేలియాలో ఈ పదవిని చేపట్టిన తొలి భారత సంతతి వలసదారుగా చరిత్ర సృష్టించారు. నవంబర్ 9న జరిగిన ప్రత్యేక కౌన్సిల్ సమావేశంలో 2026-27 సంవత్సరానికి ఆయనను కౌన్సిల్ సభ్యులంతా ఏకగ్రీవంగా ఎన్నుకున్నారు. 43 ఏళ్ల అభిషేక్ గతంలో ఈ నగరానికి డిప్యూటీ మేయర్‌గా పనిచేశారు.ఏడాది పాటు మేయర్‌గా బాధ్యతలుసోమవారం క్యాపిటల్ థియేటర్‌లో జరిగిన కార్యక్రమంలో అభిషేక్ మేయర్‌గా ప్రమాణ స్వీకారం చేశారు. ఏడాది పాటు ఈ పదవిలో కొనసాగనున్నారు. ఆండ్రియా మెట్కాల్ఫ్ డిప్యూటీ మేయర్‌గా ఎన్నికయ్యారు. ఈ సందర్భంగా అభిషేక్ తనపై నమ్మకం ఉంచిన కౌన్సిల్ సభ్యులకు, ప్రజలకు కృతజ్ఞతలు తెలిపారు. గ్రేటర్ బెండిగోను తమ నివాసంగా మార్చుకున్న వలసదారులందరికీ తన విజయాన్ని అంకితం చేస్తున్నట్లు ప్రకటించారు. తన ఎదుగుదలలో సహకరించిన తల్లిదండ్రులు, కుటుంబ సభ్యులకు ధన్యవాదాలు తెలిపారు.ఫేస్‌బుక్‌లో భావోద్వేగ పోస్టుమేయర్‌గా ఎన్నికైన అనంతరం అభిషేక్ ఫేస్‌బుక్‌లో తన ఆనందాన్ని పంచుకున్నారు. ఈ గౌరవం దక్కడం ఎంతో సంతోషంగా, గర్వంగా ఉందని పేర్కొన్నారు. తనపై విశ్వాసం ఉంచిన కౌన్సిల్ సభ్యులకు, సేవ చేసే అవకాశం కల్పించిన ప్రజలకు ధన్యవాదాలు తెలిపారు. నగర అభివృద్ధి కోసం అందరితో కలిసి పనిచేస్తానని, ఈ ప్రాంత ప్రయోజనాల కోసం బలంగా గొంతు వినిపిస్తానని, గ్రేటర్ బెండిగోకు ఉజ్వల భవిష్యత్తు నిర్మించేందుకు కృషి చేస్తానని వెల్లడించారు.హిమాచల్ ప్రదేశ్ నుంచి ఆస్ట్రేలియాకు..అభిషేక్ అవస్థి స్వస్థలం హిమాచల్ ప్రదేశ్‌లోని మండి. 2008లో అంతర్జాతీయ విద్యార్థిగా ఉన్నత చదువుల కోసం ఆస్ట్రేలియా వెళ్లారు. లా ట్రోబ్ యూనివర్సిటీలో బయోటెక్నాలజీ, బయో ఇన్ఫర్మాటిక్స్‌లో పోస్టుగ్రాడ్యుయేట్ విద్యను అభ్యసించారు. ఉత్తరప్రదేశ్ టెక్నికల్ యూనివర్సిటీ నుంచి బీటెక్ పట్టా కూడా పొందారు. 2010లో బెండిగోలో స్థిరపడ్డారు. అక్కడ నిర్వహించే స్వచ్ఛంద కార్యక్రమాలు, బహుళ సంస్కృతుల ప్రోత్సాహక కార్యక్రమాల్లో భాగస్వాములయ్యారు.భారతీయ కుటుంబాలను ఏకం చేస్తూ..2021లో అభిషేక్ ఇండియన్ అసోసియేషన్ ఆఫ్ బెండిగోను స్థాపించారు. సెంట్రల్ విక్టోరియాలోని భారతీయ కుటుంబాలను ఒక వేదికపైకి తీసుకురావడం, భారతీయ సంస్కృతిని ప్రోత్సహించడం, సేవా కార్యక్రమాలు, సామాజిక వేడుకలు నిర్వహించడం దీని ప్రధాన లక్ష్యాలు. 2015లో ఆస్ట్రేలియా పౌరసత్వం పొందిన ఆయన రాజకీయాల్లోకి అడుగుపెట్టారు.రాజకీయ ప్రస్థానంలోనూ వరుస విజయాలు2024 నవంబర్‌లో కెనింగ్టన్ వార్డు కౌన్సిల్ స్థానానికి జరిగిన ఎన్నికల్లో విజయం సాధించారు. అనంతరం 2024-25 సంవత్సరానికి గ్రేటర్ బెండిగో తొలి భారత సంతతి డిప్యూటీ మేయర్‌గా బాధ్యతలు చేపట్టారు. అప్పటి మేయర్ ఆండ్రియా మెట్కాల్ఫ్‌తో కలిసి పనిచేశారు. తాజాగా మేయర్‌గా ఎన్నికై మరో అరుదైన మైలురాయిని అందుకున్నారు.ఇదీ చదవండి: ట్రంప్‌కు బిగ్ షాక్.. చేతులు మారిన రిపబ్లికన్ పగ్గాలు!

టీమిండియా డాషింగ్‌ బ్యాటర్‌ సంజూ శాంసన్‌కు మరో కీలక బాధ్యత దక్కింది. 2026 సయ్యద్ ముస్తాక్ అలీ ట్రోఫీ కోసం అతడిని కేరళ జట్టు కెప్టెన్‌గా నియమించారు. ఈ టోర్నీలో పాల్గొనే 18 మంది సభ్యులతో కూడిన జట్టును కేరళ క్రికెట్ అసోసియేషన్ తాజాగా ప్రకటించింది.గతేడాది కూడా సంజూ శాంసన్ కేరళ జట్టుకు నాయకత్వం వహించాడు. అయితే ఆ టోర్నీలో ఎలైట్ గ్రూప్-ఏలో కేరళ నాలుగో స్థానంతో సరిపెట్టుకుంది. సూపర్ లీగ్‌కు అర్హత సాధించలేకపోయింది. వ్యక్తిగతంగా సంజూ మాత్రం మంచి ప్రదర్శన చేశాడు. ఆరు ఇన్నింగ్స్‌ల్లో 137.86 స్ట్రైక్‌రేట్‌తో 233 పరుగులు సాధించాడు. జట్టులో రోహన్ కున్నుమ్మల్ తర్వాత అత్యధిక పరుగులు చేసిన ఆటగాడిగా నిలిచాడు.అనుభవజ్ఞులకు చోటుఈసారి కేరళ జట్టులో పలువురు అనుభవజ్ఞులకు అవకాశం కల్పించారు. రెడ్‌బాల్ జట్టు కెప్టెన్ విష్ణు వినోద్‌తో పాటు అతడి కంటే ముందు జట్టుకు నాయకత్వం వహించిన మహమ్మద్ అజరుద్దీన్ కూడా చోటు దక్కించుకున్నారు. ఇటీవల రంజీ ట్రోఫీకి ముందు జట్టులోకి తిరిగి వచ్చిన వెటరన్ స్పిన్నర్ జలజ్ సక్సేనా కూడా జట్టుకు ఎంపికయ్యాడు.ఐపీఎల్‌లో ముంబై ఇండియన్స్, రాజస్థాన్ రాయల్స్ జట్లకు ప్రాతినిధ్యం వహించిన విఘ్నేశ్ పుత్తూర్‌కు కూడా చోటు లభించింది. 2018, 2021లో చెన్నై సూపర్ కింగ్స్ టైటిల్ విజేతగా నిలిచిన జట్లలో సభ్యుడిగా ఉన్న కేఎం ఆసిఫ్‌ను కూడా ఎంపిక చేశారు.నవంబర్ 14 నుంచి ప్రారంభం కానున్న ఈ టోర్నీలో కేరళ తమ తొలి మ్యాచ్‌లో మధ్యప్రదేశ్‌తో తలపడనుంది.సయ్యద్ ముస్తాక్ అలీ ట్రోఫీ 2026లో కేరళ జట్టు:సంజూ వి. శాంసన్ (కెప్టెన్, వికెట్ కీపర్), రోహన్ ఎస్. కున్నుమ్మల్, మహమ్మద్ అజరుద్దీన్ (వికెట్ కీపర్), అహమ్మద్ ఇమ్రాన్, గోవింద్ దేవ్ డి. పై, కృష్ణ దేవన్ ఆర్.జె., విష్ణు వినోద్ (వికెట్ కీపర్), సల్మాన్ నిజార్, అఖిల్ స్కారియా, నిఖిల్ ఎం., విఘ్నేశ్ పుత్తూర్, బిజు నారాయణన్ ఎన్., కార్తీక్ బి. నాయర్, వైశాఖ్ చంద్రన్, ఆసిఫ్ కేఎం, నిధీష్ ఎం.డి., షరఫుద్దీన్ ఎన్.ఎం, జలజ్ సక్సేనా.ఇదీ చదవండి: భారత్‌తో టెస్ట్ సిరీస్‌కు న్యూజిలాండ్ జట్టు ప్రకటన

సాక్షి, చెన్నై : కళ్లకురిచ్చి జిల్లా కలెక్టర్‌కు అభ్యంతరకరమైన టెక్ట్స్‌ మెసేజ్‌ పంపారంటూ సోషల్‌ మీడియాలో వస్తున్న వార్తలపై టీవీకే కళ్లకురిచ్చి ఎమ్మెల్యే అరుల్‌ విఘ్నేష్‌ తీవ్రంగా స్పందించారు. తనపై వస్తున్న ఆరోపణలన్నీ నిరాధారమైనవని ఆయన స్పష్టం చేశారు. ప్రభుత్వంతో పాటు తన ప్రతిష్టను దెబ్బతీసేందుకు ప్రతిపక్ష పార్టీల నాయకులు తీవ్ర ద్వేషంతో సోషల్‌ మీడియాలో అసత్య ప్రచారాలు చేస్తున్నారని మండిపడ్డారు. తమ నాయకుడు, సీఎం విజయ్‌ చెప్పినట్లుగా ఇలాంటి నిరాధారమైన నిందలకు సమాధానం చెప్పాల్సిన అవసరం లేదన్నారు. తనకు ప్రభుత్వ అధికారుల పై ఎంతో మర్యాద ఉందని స్పష్టం చేశారు. కొత్త బస్‌ స్టాండ్‌ నిర్మాణంలో జరిగిన అనేక అవినీతి అక్రమాలపై ఇప్పటికే తాను సీఎం విజయ్‌కు నివేదించినట్లు తెలిపారు. కాగా జిల్లా కలెక్టర్‌కు ఏవైనా అభ్యంతరకర సందేశాలు పంపారా అని విలేకరులు ప్రశ్నించగా ‘సోషల్‌ మీడియాలో ప్రచారం అవుతున్నట్లు తాను ఎలాంటి సందేశాలు పంపలేదన్నారు.. కేవలం నియోజకవర్గ ప్రజలు తనకు సమర్పించిన వినతిపత్రాలు, వారి సమస్యలకు సంబంధించిన సమాచారాన్ని మాత్రమే కలెక్టర్‌ దృష్టికి తీసుకెళ్లాననని వివరణ ఇచ్చారు. తనపై సామాజిక మాధ్యమాల్లో తప్పుడు వార్తలు వ్యాప్తి చేస్తూ అపకీర్తి పాలు చేస్తున్న వారిపై ఇప్పటికే పోలీస్‌ స్టేషన్‌లో అధికారికంగా ఫిర్యాదు చేశామని, బాధ్యులపై కఠిన చర్యలు తీసుకుంటామని ఆయన హెచ్చరించారు. కాగా, కల్టెక్టర్‌ అసభ్యకర మెసేజ్‌ పంపిణీ ఎమ్మెల్యేపై చర్యలు తీసుకోవాలని అన్నాడీఎంకే ప్రధాన కార్యదర్శి పళని స్వామి తదితర నేతలు డిమాండ్‌ చేశారు.

స్వదేశంలో భారత్‌తో జరగనున్న రెండు మ్యాచ్‌ల టెస్ట్ సిరీస్‌ కోసం న్యూజిలాండ్‌ జట్టును ఇవాళ ప్రకటించారు. ఈ జట్టుకు కెప్టెన్‌గా టామ్‌ లాథమ్‌ వ్యవహరించనున్నాడు. చీలమండ గాయం కారణంగా బెన్ సియర్స్, తుంటి గాయంతో జాక్ ఫౌల్క్స్, రిటర్న్ టు ప్లే కార్యక్రమంలో ఉన్న విల్ ఓ రూర్కే జట్టుకు దూరమయ్యారు. వీరి స్థానంలో జాకబ్ డఫీ జట్టులోకి వచ్చాడు.మరోవైపు టామ్ బ్లండెల్, డెవాన్ కాన్వే, రచిన్ రవీంద్ర గాయాలతో బాధపడుతున్నా, తొలి టెస్ట్‌ సమయానికంతా కోలుకుంటారని జట్టులోకి ఎంపిక చేశారు. ఈ మార్పులు మినహా ఇంగ్లండ్‌ పర్యటనలో ఆడిన జట్టునే దాదాపుగా కొనసాగించారు.2024లో భారత్‌పై 3-0తో చారిత్రాత్మక టెస్ట్ సిరీస్ విజయాన్ని నమోదు చేసిన న్యూజిలాండ్.. మరోసారి అదే ఫలితాన్ని పునరావృతం చేయాలని లక్ష్యంగా పెట్టుకుంది. భారత్‌తో రెండు మ్యాచ్‌ల టెస్ట్‌ సిరీస్‌ నవంబర్‌ 19న ప్రారంభం కానుంది. తొలి టెస్ట్‌ వెల్లింగ్టన్‌ వేదికగా, రెండో టెస్ట్‌ క్రైస్ట్‌చర్చ్‌ వేదికగా నవంబర్‌ 27న ప్రారంభం కానున్నాయి.భారత్‌తో టెస్ట్ సిరీస్‌కు న్యూజిలాండ్ జట్టు:టామ్ లాథమ్ (కెప్టెన్), టామ్ బ్లండెల్ (వికెట్ కీపర్), డెవాన్ కాన్వే, జాకబ్ డఫీ, మాట్ హెన్రీ, కైల్ జేమీసన్, డారిల్ మిచెల్, హెన్రీ నికోల్స్, గ్లెన్ ఫిలిప్స్, రచిన్ రవీంద్ర, మిచెల్ సాంట్నర్, నాథన్ స్మిత్, బ్లెయిర్ టిక్నర్, విల్ యంగ్.ఇదిలా ఉంటే, ప్రస్తుతం భారత్‌-న్యూజిలాండ్ జట్లు వైట్‌బాల్ సిరీస్‌లలో తలపడుతున్నాయి. ఐదు మ్యాచ్‌ల టీ20 సిరీస్‌ను భారత్ 3-2తో కైవసం చేసుకోగా.. ఐదు మ్యాచ్‌ల వన్డే సిరీస్‌లో ప్రస్తుతం భారత్‌ 2-0 ఆధిక్యంలో కొనసాగుతోంది. తాజాగా మూడో వన్డే వర్షం​ కారణంగా రద్దు కాగా.. నాలుగో వన్డే మౌంట్‌ మాంగనూయ్‌ వేదికగా నవంబర్‌ 13న జరుగనుంది. ఇదీ చదవండి: గిల్ రికార్డును స‌మం చేసిన ఆర్య‌వీర్ సెహ్వాగ్‌

ఆమ్‌స్టర్‌డామ్‌: నెదర్లాండ్స్‌లో జరిగిన ఓ ఫెస్టివల్‌లో ఊహించని ఘటన చోటుచేసుకుంది. బెలూన్లను పేల్చేందుకు ఎయిర్ రైఫిల్‌తో కాల్పులు జరిపిన ఓ మహిళ పొరపాటున అక్కడ పనిచేస్తున్న మరో మహిళపై కాల్పులు జరిపింది. ఈ ఘటనలో బాధితురాలు ఒక కంటిచూపును శాశ్వతంగా కోల్పోయినట్లు తెలుస్తున్నది.సోషల్ మీడియాలో వైరల్ అవుతున్న వీడియోలో ఓ మహిళ జాతరలోని షూటింగ్ స్టాల్ వద్ద ఎయిర్ రైఫిల్ పట్టుకుని కనిపించింది. బెలూన్లను లక్ష్యంగా చేసుకుని కాల్చాల్సిన ఆమె, అనుకోకుండా కౌంటర్ వద్ద ఉన్న మహిళా ఉద్యోగి వైపు గురిపెట్టి ట్రిగ్గర్ నొక్కింది. ఈ క్రమంలో తుపాకీ నుంచి వెలువడిన లోహపు గుళిక ఉద్యోగి కంటికి తగిలింది. దీంతో ఆమె కౌంటర్ వెనుక కుప్పకూలిపోయింది. ఈ ప్రమాదంలో ఆమె ఒక కంటిచూపును శాశ్వతంగా కోల్పోయింది. 🚨🇳🇱 A woman reportedly fired an air rifle at a fairground target in the Netherlands despite staff telling her to wait. A female employee raised her head in front of the rifle and was struck, reportedly losing sight in one eye. The circumstances and bystanders’ reactions have not been independently verified.— The Daily Brief (@TheDailyBriefX) November 9, 2026వీడియో వైరల్ కావడంతో సోషల్ మీడియాలో తీవ్ర విమర్శలు వ్యక్తమవుతున్నాయి. కాల్పులు జరిపే ముందు వేచి ఉండాలన్న భద్రతా సూచనలను ఎందుకు పట్టించుకోలేదని నెటిజన్లు ప్రశ్నిస్తున్నారు. గాయపడిన మహిళకు వెంటనే సహాయం అందించేందుకు అక్కడున్నవారు ఎందుకు ముందుకు రాలేదని కూడా పలువురు నిలదీస్తున్నారు. మరోవైపు షూటింగ్ స్టాళ్లలో భద్రతా ప్రమాణాలపైనా చర్చ మొదలైంది. ఎయిర్ రైఫిళ్లతో కాల్పులు జరిపే సమయంలో ఉద్యోగులు, సందర్శకులు ప్రమాదానికి గురికాకుండా తగిన జాగ్రత్తలు తీసుకోవాలని చాలామంది సూచించారు.ఇదీ చదవండి: ట్రంప్‌కు బిగ్ షాక్.. చేతులు మారిన రిపబ్లికన్ పగ్గాలు!

చెన్నై: అధికార టీవీకే పార్టీకి చెందిన కొందరు ఎమ్మెల్యేలపై వరుసగా ఆరోపణలు వెల్లువెత్తుతున్నాయి. ప్రతిపక్షాల నుంచి విమర్శలు తీవ్రం కావడంతో ముఖ్యమంత్రి విజయ్‌ అప్రమత్తమయ్యారు. ఈ నేపథ్యంలో ఇవాళ బుధవారం చెన్నైలోని టీవీకే ప్రధాన కార్యాలయంలో పార్టీ మంత్రులు, ఎమ్మెల్యేలతో అత్యవసర సమావేశం నిర్వహించనున్నట్లు సమాచారం.టీవీకే ఎమ్మెల్యే వరుస వివాదాలపై ఆగ్రహం వ్యక్తం చేసిన సీఎం విజయ్‌.. ఎమ్మెల్యేలు చెన్నైకి రావాలని ఆదేశించారు. పార్టీ నేతలు, ఎమ్మెల్యేలు క్రమశిక్షణతో వ్యవహరించాలని ఈ భేటీలో విజయ్‌ స్పష్టమైన ఆదేశాలు జారీ చేసే అవకాశం ఉంది. ప్రజలతో గౌరవంగా మెలగాలని, వారి సమస్యలను పరిష్కరించేందుకు చొరవ చూపాలని, అధికారాన్ని దుర్వినియోగం చేయకూడదని సూచించనున్నట్లు తెలుస్తోంది.ప్రధానంగా టీవీకే ఎమ్మెల్యే, డిప్యూటీ స్పీకర్‌ ఎం. రవిశంకర్‌పై వచ్చిన ఆరోపణలు ఈ సమావేశంలో చర్చకు వచ్చే అవకాశం ఉంది. స్థానికంగా నివసించే ఓ వ్యక్తి చేసిన ఆరోపణలతో ఈ వివాదం మొదలైంది. తాను టీవీకేకు ఓటు వేసిన వ్యక్తినని చెప్పుకున్న ఓ స్థానికుడు.. తన వార్డులోని పౌర సమస్యలను పరిష్కరించాలని కోరేందుకు ఎమ్మెల్యే రవిశంకర్‌ వద్దకు వెళ్లగా ఆయన తనపై దాడి చేశారంటూ ఆరోపించిన సంగతి తెలిసిందే.దీపావళి రాత్రి ఈ ఘటన జరిగిందని, తనను కొట్టి అక్కడి నుంచి తరిమేశారని పేర్కొంటూ ఓ వీడియోను కూడా సామాజిక మాధ్యమాల్లో షేర్‌ చేశాడు. అయితే, మరుసటి రోజు ఉదయమే తన ఆరోపణలను వెనక్కి తీసుకున్నాడు. తనకు, డిప్యూటీ స్పీకర్‌కు మధ్య ఎలాంటి విభేదాలు లేవని తెలిపాడు.ఇదిలా ఉండగా.. కల్లకురిచ్చి టీవీకే ఎమ్మెల్యే సి. అరుల్‌ విఘ్నేశ్‌పై మరో వివాదం తెరపైకి వచ్చింది. మహిళా ఐఏఎస్‌ అధికారి, జిల్లా కలెక్టర్‌కు ఆయన అసభ్యకరమైన సందేశాలు పంపారంటూ మంగళవారం ప్రతిపక్ష పార్టీలు ఆరోపించాయి. మద్యం మత్తులో ఉన్న ఎమ్మెల్యే.. మహిళా అధికారి అనుమతి లేకుండానే కలెక్టర్‌ కార్యాలయానికి వెళ్లారని డీఎంకే ఎంపీ కనిమొళి ఆరోపించారు.ఈ వ్యవహారంపై టీవీకే అంతర్గత విచారణ చేపట్టింది. అయితే, తనపై వచ్చిన ఆరోపణలను ఎమ్మెల్యే అరుల్‌ విఘ్నేశ్‌ ఖండించారు. ‘‘నేను అలాంటి పని ఏదీ చేయలేదు. అవన్నీ పుకార్లు. అందులో నిజం లేదు’’ అని స్పష్టం చేశారు. మరో వైపు, తమిళనాడు ప్రభుత్వ ఆర్థిక వ్యవస్థను కుదిపేసిన భారీ సైబర్ మోసం రాజకీయ దుమారానికి దారితీసిన సంగతి తెలిసిందే.ఇదీ చదవండి: ప్రభుత్వంలో భారీ సైబర్‌ మోసం.. సీఎం విజయ్‌పై విమర్శల వెల్లువ

దేశవ్యాప్తంగా ఎలక్ట్రిక్‌ వాహనాలకు ఆదరణ గణనీయంగా పెరుగుతోంది. ఈ ఏడాది అక్టోబర్‌లో ఈవీ అమ్మకాలు ఏకంగా 45 శాతం పెరిగి 3,54,625 యూనిట్లకు చేరాయి. గతేడాది ఇదే నెలలో నమోదైన 2,44,764 యూనిట్లతో పోలిస్తే ఇది భారీ వృద్ధి అని ఆటోమొబైల్‌ డీలర్ల సమాఖ్య ‘ఫాడా’ వెల్లడించింది. ముఖ్యంగా ఎలక్ట్రిక్‌ ద్విచక్ర వాహన విక్రయాలు 1,50,890 నుంచి 48.49% పెరిగి 2,24,064 యూనిట్లను తాకాయి. దీంతో మొత్తం ద్విచక్ర వాహన మార్కెట్‌లో ఈ–టూవీలర్ల వాటా 4.7% నుంచి ఏకంగా 9.7 శాతానికి విస్తరించింది.మరోవైపు ఎలక్ట్రిక్‌ కార్ల విక్రయాలు 76.47% దూసుకెళ్లి 37,049 యూనిట్లుగా నమోదయ్యాయి. ఈ విభాగంలో మార్కెట్‌ వాటా 3.5% నుంచి 7.3 శాతానికి ఎగబాకింది. ఇక ఎలక్ట్రిక్‌ త్రీ–వీలర్‌ సేల్స్‌ 24.76% వృద్ధితో 88,570 యూనిట్లకు చేరాయి. ప్రస్తుతం త్రిచక్ర వాహన విభాగంలో ఏకంగా 63% వాటా విద్యుత్‌ వాహనాలదే కావడం విశేషం. ‘‘దేశంలో మొత్తం వాహన విక్రయాల్లో ఈవీల పెనిట్రేషన్‌ గతేడాది 6% ఉండగా, ఈసారి 11.5 శాతానికి చేరింది. పెట్రోల్, డీజిల్‌ ధరలు ఎక్కువగా ఉండటం, మరోవైపు ఈవీల రేంజ్‌ మెరుగుపడటంతో పాటు పెట్రోల్‌ వాహనాలకు సమానంగా ఈవీ ధరలు అందుబాటులోకి రావడమే ఈ భారీ డిమాండ్‌కు కారణం. మార్కెట్‌లో సప్లై కంటే డిమాండే ఎక్కువగా ఉంది’’ అని ఫాడా అధ్యక్షుడు సాయి గిరిధర్‌ తెలిపారు.ఇదీ చదవండి: ‘దుస్తులు ధరించని సమయాల్లో రికార్డు చేస్తున్నారు!’

అబుదాబి: రష్యా-ఉక్రెయిన్ మధ్య కొనసాగుతున్న యుద్ధానికి ముగింపు పలికేందుకు అమెరికా అధ్యక్షుడు డొనాల్డ్ ట్రంప్ ప్రభుత్వం దౌత్య ప్రయత్నాలను వేగవంతం చేసింది. ఇందులో భాగంగా ఫిబ్రవరి తర్వాత తొలిసారిగా రష్యా, ఉక్రెయిన్ ప్రతినిధులు మంగళవారం యునైటెడ్ అరబ్ ఎమిరేట్స్ రాజధాని అబుదాబిలో ప్రత్యక్షంగా సమావేశమై శాంతి చర్చలు జరిపారు. తొలి విడత చర్చలు సానుకూలంగా, నిర్మాణాత్మకంగా సాగినట్లు అమెరికా ప్రకటించగా, ఉక్రెయిన్ అధ్యక్షుడు వొలోదిమిర్ జెలెన్‌స్కీ కూడా చర్చలపై ఆశాభావం వ్యక్తం చేశారు. రెండో విడత చర్చలు బుధవారం కొనసాగనున్నాయి.ఈ చర్చల్లో అమెరికా అధ్యక్షుడి ప్రత్యేక ప్రతినిధులు స్టీవ్ విట్‌కాఫ్, జారెడ్ కుష్నర్ పాల్గొన్నారు. యుద్ధ ఖైదీల విడుదల, మానవతా అంశాలు, ఉక్రెయిన్ భద్రత, భవిష్యత్తులో రష్యా నుంచి మళ్లీ దాడులు జరగకుండా తీసుకోవాల్సిన దీర్ఘకాలిక భద్రతా హామీలపై ప్రధానంగా చర్చించినట్లు సమాచారం. అమెరికా విదేశాంగ మంత్రి మార్కో రూబియో తొలి విడత చర్చలు చాలా ఉత్పాదకంగా సాగాయని పేర్కొన్నారు. అయితే సమావేశంలో ఏయే అంశాలపై ఏకాభిప్రాయం కుదిరిందనే వివరాలను వెల్లడించలేదు.డెన్మార్క్‌లో మీడియాతో మాట్లాడిన ఉక్రెయిన్ అధ్యక్షుడు జెలెన్‌స్కీ.. అమెరికా ప్రతినిధుల నుంచి అందిన సంకేతాలు తనకు సానుకూలంగా ఉన్నాయని తెలిపారు. చర్చల్లో మార్పు కనిపిస్తోందని, ఇప్పటివరకు వచ్చిన పరిణామాలపై సంతోషంగా ఉన్నానని పేర్కొన్నారు. యుద్ధ ఖైదీల విడుదల తమకు అత్యంత ప్రాధాన్యమని జెలెన్‌స్కీ సామాజిక మాధ్యమం ఎక్స్‌లో వెల్లడించారు. ఉక్రెయిన్‌కు కల్పించాల్సిన భద్రతా హామీల స్వరూపం, అవి దీర్ఘకాలం అమలులో ఉండేలా తీసుకోవాల్సిన చర్యలపై ప్రతినిధులు విస్తృతంగా చర్చించారని తెలిపారు.అమెరికా ప్రతినిధి జారెడ్ కుష్నర్ కూడా చర్చల పురోగతిపై ఆశాభావం వ్యక్తం చేశారు. ఉక్రెయిన్ సార్వభౌమత్వం, భద్రత, అభివృద్ధికి భరోసా కల్పించడంతో పాటు యూరప్‌లో శాశ్వత శాంతి నెలకొల్పేందుకు అమెరికా కృషి చేస్తోందని పేర్కొన్నారు. అయితే రష్యా ఉప విదేశాంగ మంత్రి సెర్గీ ర్యాబ్‌కోవ్ మాత్రం రెండో విడత చర్చలు పూర్తయ్యే వరకు ఫలితాలపై ఎలాంటి అంచనాలకు రావడం తొందరపాటేనని వ్యాఖ్యానించారు.భూభాగం, నాటో సభ్యత్వమే ప్రధాన అడ్డంకులుశాంతి చర్చలు తిరిగి ప్రారంభమైనప్పటికీ రష్యా, ఉక్రెయిన్ మధ్య కీలక అంశాలపై విభేదాలు కొనసాగుతున్నాయి. ముఖ్యంగా భూభాగాల అప్పగింత, నాటో సభ్యత్వం, ఉక్రెయిన్‌కు భద్రతా హామీలు ప్రధాన సమస్యలుగా మారాయి. ప్రస్తుతం ఉక్రెయిన్ భూభాగంలో దాదాపు ఐదో వంతు రష్యా ఆధీనంలో ఉంది. తూర్పు ఉక్రెయిన్‌లోని డాన్‌బాస్ ప్రాంతంపై రష్యా తన పట్టును మరింత బలపరచాలని భావిస్తోంది. ఈ ప్రాంతాన్ని పూర్తిగా అప్పగించాలన్న మాస్కో డిమాండ్‌ను జెలెన్‌స్కీ అంగీకరించడం లేదు. తమ సైనికులు పోరాడి కాపాడుకున్న భూభాగాన్ని వదులుకునే ప్రసక్తే లేదని ఉక్రెయిన్ స్పష్టం చేస్తోంది. మరోవైపు ఉక్రెయిన్ నాటో కూటమిలో చేరాలన్న ఆకాంక్షను విరమించుకుని తటస్థ దేశంగా ఉండాలని రష్యా కోరుతోంది. భవిష్యత్తులో మరోసారి రష్యా దాడి జరగకుండా తమకు పటిష్ఠమైన అంతర్జాతీయ భద్రతా హామీలు కావాలని ఉక్రెయిన్ పట్టుబడుతోంది.యుద్ధాన్ని ముగించేందుకు ఒప్పందానికి రావాలని ట్రంప్ ఉక్రెయిన్‌పై ఒత్తిడి పెంచుతున్నారు. అంగీకరించకపోతే తీవ్ర పరిణామాలు ఎదుర్కోవాల్సి వస్తుందని హెచ్చరించినట్లు వార్తలు వెలువడ్డాయి. గత వారం ఈ యుద్ధం ముగింపునకు సంబంధించి ఒక భారీ ఒప్పందం దాదాపు సిద్ధమవుతోందని ట్రంప్ వ్యాఖ్యానించారు. అయితే గతంలోనూ ఆయన చేసిన శాంతి ప్రయత్నాల ప్రకటనలు ఆచరణలో ఫలించలేదు.మరోవైపు శాంతి చర్చలు జరుగుతున్నప్పటికీ యుద్ధభూమిలో మాత్రం దాడులు కొనసాగుతున్నాయి. రష్యా-ఉక్రెయిన్ నగరాలు, విద్యుత్, ఇంధన మౌలిక సదుపాయాలపై దాడులను కొనసాగిస్తోంది. దీనికి ప్రతిగా ఉక్రెయిన్-రష్యా చమురు శుద్ధి కర్మాగారాలు, ఇతర వ్యూహాత్మక లక్ష్యాలపై దాడులను తీవ్రతరం చేస్తోంది. రష్యా దాడులు ఉక్రెయిన్ ఇంధన వ్యవస్థను దెబ్బతీస్తున్న నేపథ్యంలో గగనతల రక్షణ వ్యవస్థలకు అవసరమైన ఇంటర్‌సెప్టర్ల సరఫరాను వేగవంతం చేయాలని అమెరికా విదేశాంగ మంత్రి మార్కో రూబియోను కోరినట్లు ఉక్రెయిన్ విదేశాంగ మంత్రి ఆండ్రి సిబిహా తెలిపారు. శాంతి దిశగా ప్రయత్నాలు కొనసాగిస్తూనే రష్యాపై ఒత్తిడి కూడా కొనసాగించాలని ఆయన అభిప్రాయపడ్డారు.ఇదీ చదవండి: ఇజ్రాయెల్‌ రాజకీయాల్లో కొత్త రగడ

ప్రపంచవ్యాప్తంగా ప్రభుత్వాలు బయో ఎకానమీ అభివృద్ధికి భారీగా పెట్టుబడులు పెడుతున్నాయని, ఈరంగంలో డిమాండ్, సరఫరా రెండూ సమాంతరంగా వృద్ధి చెందుతున్న దేశాలకు భారత్‌ స్పష్టమైన ఉదాహరణగా నిలుస్తోందని వరల్డ్‌ ఎకనామిక్‌ ఫోరం (డబ్ల్యూఈఎఫ్‌) వెల్లడించింది. పరిశోధన, అభిృద్ధి నుంచి పన్ను ప్రోత్సాహకాలు, సంస్థాగత సామర్థ్యాల పెంపు వరకు భారత్‌ అనుసరిస్తున్న విధానాలు బయో ఎకానమీ విస్తరణకు దోహదపడుతున్నాయని పేర్కొంది. క్యాప్‌ జెమినీ ఇన్వెంట్‌ సహకారంతో రూపొందించిన బయో ఎకానమీ పాలసీ ఇండెక్స్‌ నివేదికలో ఈ అంశాలను వివరించింది. జపాన్, బ్రిటన్, జర్మనీ, అమెరికా,భారత్, చైనా, బ్రెజిల్‌ దేశాల్లో అమలవుతున్న 935 బయో ఎకానమీ విధానపరమైన కార్యక్రమాలను ఈ నివేదిక విశ్లేషించింది.భారత్‌లో బయో ఎకానమీ వేగంగా విస్తరిస్తోందని ఇందుకు బయోటెక్నాలజీ ఫర్‌ ఎకానమీ, ఎన్విరాన్‌మెంట్‌ అండ్‌ ఎంప్లాయ్‌మెంట్‌ (బయోఈ3) పాలసీ వంటి లక్ష్యిత జాతీయ కార్యక్రమాలు మద్దతుగా నిలుస్తున్నాయని డబ్ల్యూఈఎఫ్‌ తెలిపింది. భారత్‌ లోని మొత్తం విధాన పరమైన కార్యక్రమాల్లో 48 శాతం పరిశోధన, అభివృద్ధి (ఆర్‌అండ్‌డీ) , పన్ను ప్రోత్సాహకాలు, సంస్థాగత సామర్థ్యాల పెంపు వంటి ఉమ్మడి అవసరాలపై దృష్టి సారిస్తున్నాయని వెల్లడించింది. ఒక నిర్దిష్ట రంగానికి మాత్రమే పరిమితం కాకుండా అనేక రంగాలకు ప్రయోజనం చేకూర్చే విధానాల అమలులో భారత్‌ ముందుందని పేర్కొంది. విధాన పరమైన సాధనాల వినియోగంలో భారత్‌ 76 శాతంతో అగ్రస్థానంలో ఉంది. ఇథనాల్‌ మిశ్రమంలో ముందడుగుడిమాండ్, సరఫరా రెండూ ఏకకాలంలో పెరిగేందుకు భారత్‌ అనుసరించిన విధానాలను డబ్ల్యూఈఎఫ్‌ ప్రత్యేకంగా ప్రస్తావించింది. పెట్రోల్‌లో ఇథనాల్‌ కలిపే కార్యక్రమానికి అనుగుణంగా కొత్త డిస్టిలరీల సామర్ధ్యం పెంచేందుకు ప్రభుత్వం ఇథనాల్‌ వడ్డీ రాయితీ పథకం ద్వారా రుణాలు అందిస్తోందని తెలిపింది. తప్పనిసరి ఇంధన డిమాండ్‌కు అనుగుణంగా భారత్‌లో ఇథనాల్‌ ఉత్పత్తి కూడా పెరిగిందని, వాస్తవానికి 2030 నాటికి సాధించాలని నిర్దేశించుకున్న 20 శాతం ఇథనాల్‌ మిశ్రమ లక్ష్యాన్ని ఐదేళ్ల ముందుగానే భారత్‌ చేరుకోగలిగిందని నివేదిక పేర్కొంది.ఈ కార్యక్రమం ద్వారా ఇప్పటివరకు 9.52 కోట్ల టన్నుల కార్బన్‌ డయాక్సైడ్‌ ఉద్గారాలు తగ్గినట్లు గణాంకాల ద్వారా తెలుస్తోందని వివరించింది. బయో ఎకానమీ అభివృద్ధికి ప్రభుత్వాలు రూపొందించే విధానాలు కేవలం పెట్టుబడులకే పరిమితం కాకూడదని డబ్ల్యూఈఎఫ్‌ సూచించింది. ఉత్పత్తులకు మార్కెట్‌ సృష్టించడం, వాణిజ్య పరంగా ఉత్పత్తులను అందుబాటులోకి తీసుకురావడంలో ఎదురయ్యే అడ్డంకులను తొలగించడం, ప్రారంభ దశ నుంచే ఫలితాలను అంచనావేసే విధానాలను రూపొందించాలని పేర్కొంది.ఇదీ చదవండి: ‘దుస్తులు ధరించని సమయాల్లో రికార్డు చేస్తున్నారు!’

సాక్షి, హైదరాబాద్‌: జీతం సరిపోవట్లేదా? జాబ్‌కు ప్రిపేర్‌ అయ్యేందుకు ఆర్థికంగా ఇబ్బంది అవుతున్నదా..? కాలేజీ ఫీజుల కోసం కష్టమవుతున్నదా..? డోంట్‌ వర్రీ. చేతిలో బైక్, స్మార్ట్‌ ఫోన్‌ ఉంటే చాలు..గంటలో రూ.200 నుంచి రూ.300 ఈజీగా సంపాదించేయొచ్చు. నెలకు రూ.15 వేల వరకు అదనంగా పొందొచ్చు. బైక్‌ ట్యాక్సీ కల్చర్‌ ఇప్పుడు సిటీలో హాట్‌ ట్రెండ్‌గా నిలుస్తోంది.ఖాళీగా ఉంటే ‘రైడ్‌‘ రైట్‌.. ఒకప్పుడు పార్ట్‌ టైం అంటే సూపర్‌ మార్కెట్లో పనో..ట్యూషన్‌ చెప్పడమో చేసేవారు. ఇప్పుడు సీన్‌ మారింది. సిటీలో ఇప్పుడు యువత బైక్‌ ట్యాక్సీల వైపు చూస్తున్నారు. ఆఫీస్‌ పనిగంటలకు ముందు ఉదయం 7 నుంచి 9 గంటల దాకా, ఆఫీస్‌ అయ్యాకా ఇంటికి రిటర్న్‌ వెళ్తూ సాయంత్రం 6 గంటల నుంచి రాత్రి 11 గంటల వరకు రాపిడో, ఓలా బైక్, ఊబర్‌ మోటో నడుపుతున్నారు. వీకెండ్స్, సెలవు దినాల్లోనూ కెపె్టన్లు బిజీ అయిపోతున్నారు. దిల్‌సుఖ్‌నగర్, అమీర్‌పేట్, ఎస్‌ఆర్‌నగర్‌లో ఈ ట్రెండ్‌ ఎక్కువగా కనిపిస్తున్నది. పాకెట్‌ మనీ, కాలేజీ ఫీజులు, జాబ్‌ కోచింగ్‌ కోసం రైడ్స్‌ కొడుతున్నారు. ఒక్కో రైడర్‌ రెండు, మూడు యాప్‌లను ఆన్‌లైన్‌లో ఉంచుతున్నారు. దేనిలో ఎక్కువ అమౌంట్, తొందరగా రైడ్‌ తగులుతుందో దాన్ని వెంటనే కొట్టేస్తున్నారు. హైటెక్‌ సిటీ, గచ్చిబౌలిలోని ఐటీ ఉద్యోగులు ఆఫీస్‌ అయిపోయాక ఇంటికి వెళ్లే దారిలోనే రెండు నుంచి మూడు రైడ్స్‌ కొడుతున్నారు. దీంతో పెట్రోల్‌ ఖర్చు మిగులుతోందని చెప్పుకొస్తున్నారు. రిటర్న్‌లో ఎలాగూ ఖాళీగా వస్తాం..రైడ్‌ బుక్‌చేసుకుంటే ఆదాయం కలిసివస్తోందని చెబుతున్నారు. ఎందుకీ క్రేజ్‌? పెట్టుబడి లేకుండా,నచ్చిన సమయంలో పనిచేసుకునే వెసులుబాటు ఉండటంతో బైక్‌ ట్యాక్సీలకు ఫుల్‌ డిమాండ్‌ ఏర్పడింది. చేతిలో ఫోన్, ఉన్న బైక్‌ చాలు. బాస్‌ ఎవరూ లేరు. నచ్చినప్పుడు యాప్‌ ఆన్, నచ్చనప్పుడు ఆఫ్‌ చేసుకోవచ్చు. బైక్‌తో పాటు లైసెన్స్, ఆర్సీ, ఇన్సూరెన్స్‌ ఉండాలి. యాప్‌ డౌన్‌లోడ్‌ చేసి 24 గంటల్లో జాయిన్‌ అవ్వొచ్చు. అయితే ఇందులో సమస్యలు కూడా ఉన్నాయి. రిస్క్‌ ఎక్కువ. యాక్సిడెంట్‌ భయం భరించాల్సిందే. బైక్‌ పాడయ్యే అవకాశాలు ఉన్నాయి. వీటినీ దృష్టిలో పెట్టుకోవాల్సి వస్తోంది. ఫుల్‌ డిమాండ్‌ సిటీలో 2 లక్షలకు పైగా రైడర్స్‌ ఉన్నట్లు తెలుస్తున్నది. కంపెనీలు కిలోమీటరుకు రూ.8 నుంచి రూ.10 ఇస్తున్నాయి. రోజుకు 3–4 గంటలు పనిచేస్తే రూ.500–రూ.800 వరకు మిగులుతుంది.పెట్రోలు ఖర్చు, కంపెనీ కమీషన్‌ పోగా నెలకు రూ.15 వేలపైగా అదనపు ఆదాయం. ఇక కొన్ని కంపెనీలు ఇన్సెంటివ్స్‌ ఆఫర్‌ చేస్తున్నాయి. తక్కువ సమయంలో ఎక్కువ రైడ్స్‌ చేస్తే రూ.100 నుంచి 200 వరకు ప్రోత్సాహకాలు ఇస్తున్నాయి. వారానికోసారి డబ్బులు కెపె్టన్‌ అకౌంట్‌లో జమ అవుతాయి. మరో వైపు నిరుద్యోగులు రోజంతా రైడ్స్‌ చేస్తూ నెలకు రూ.30 వేల నుంచి రూ. 40 వేల వరకు సంపాదిస్తున్నారు. ఇదీ చదవండి: కలెక్టర్‌కు ఎలాంటి సందేశం పంపలేదు

ఇజ్రాయెల్‌లో నెతన్యాహు, ఐసెన్‌కోట్‌ మధ్య రాజకీయ పోరు మరింత ఆసక్తికరంగా మారింది. ఐక్యత ప్రభుత్వాన్ని ఏర్పాటు చేయాలని నెతన్యాహు కోరిన కొద్దిసేపటికే ప్రతిపక్ష నేత, మాజీ ఆర్మీ చీఫ్‌ గాడి ఐసెన్‌కోట్‌ ఆయనపై తీవ్రస్థాయిలో విరుచుకుపడ్డారు. నెతన్యాహు ప్రసంగం విద్వేషపూరితమని.. సిగ్గుచేటని మండిపడటమే కాకుండా.. ఒక్క నిమిషం కూడా పదవిలో కొనసాగే అర్హత ఆయనకు లేదంటూ సంచలన వ్యాఖ్యలు చేశారు. దీంతో ఇజ్రాయెల్‌ రాజకీయాల్లో కొత్త రగడ మొదలైంది.దేశాన్ని ఐక్యంగా ఉంచాల్సిన సమయంలో విద్వేషాలను రెచ్చగొట్టేలా మాట్లాడుతున్నారు. ఎగ్జిట్‌ పీఎం చేసిన ప్రసంగాన్ని విన్నాను. ఒక అధికారిక జాతీయ కార్యక్రమాన్ని ఆయన తన రాజకీయ ప్రయోజనాల కోసం ఉపయోగించుకున్నారంటూ ఐసెన్‌కోట్‌ విమర్శించారు.జాతీయ ఐక్యత ప్రభుత్వాన్ని ఏర్పాటు చేయాలని నెతన్యాహు పిలుపునిచ్చారు. ఇరాన్‌ నుంచి పెరుగుతున్న ముప్పును ఎదుర్కొనేందుకు ఇజ్రాయెల్‌ ప్రజలంతా ఒక్కతాటిపైకి రావాలని కోరారు. కొత్తగా ఎన్నికైన పార్లమెంట్‌ (కెన్నెసెట్‌) తొలి సమావేశం అనంతరం నెతన్యాహు మాట్లాడుతూ.. ఇరాన్‌ అణ్వాయుధాలను కలిగి ఉండటాన్ని అంగీకరించాలంటూ అంతర్జాతీయ సమాజం త్వరలో ఇజ్రాయెల్‌పై ఒత్తిడి తెచ్చే అవకాశం ఉందని హెచ్చరించారు.ఇజ్రాయెల్‌లో తదుపరి ప్రభుత్వం ఎవరికి దక్కుతుందన్న ఉత్కంఠ కొనసాగుతోంది. 66 ఏళ్ల ఐసెన్‌కోట్‌ ఇజ్రాయెల్‌ సైనిక దళాల అధిపతిగా పనిచేసిన అనంతరం రాజకీయాల్లోకి వచ్చారు. భిన్న రాజకీయ సిద్ధాంతాలు కలిగిన నేతలను ఒకే వేదికపైకి తీసుకొచ్చారు. పార్లమెంట్‌ సభ్యుడిగా ప్రమాణ స్వీకారం చేయడానికి ముందు ఆయన మాట్లాడుతూ.. వీలైనంత త్వరగా జాతీయ అత్యవసర ప్రభుత్వాన్ని ఏర్పాటు చేయడమే తన లక్ష్యమని స్పష్టం చేశారు.ఇదీ చదవండి: ఇరాన్‌తో యుద్ధం ముగిసిందనే అనుకుంటున్నా

వాషింగ్టన్‌: అమెరికా మధ్యంతర ఎన్నికల్లో ఎదురైన ఘోర పరాజయం తర్వాత రిపబ్లికన్ పార్టీలో కీలక నాయకత్వ మార్పు చోటుచేసుకుంది. అధ్యక్షుడు డొనాల్డ్ ట్రంప్‌కు అత్యంత సన్నిహితుడు జిమ్ జోర్డాన్‌ను వచ్చే ఏడాది నుంచి ప్రతినిధుల సభలో రిపబ్లికన్ పార్టీ మైనారిటీ నాయకునిగా ఎన్నుకున్నారు. ప్రస్తుత స్పీకర్‌ మైక్ జాన్సన్ స్థానంలో ఆయన బాధ్యతలు చేపట్టనున్నారు. మంగళవారం జరిగిన రహస్య బ్యాలెట్ ఎన్నికల్లో జోర్డాన్‌కు 106 ఓట్లు రాగా, ఆయన ప్రత్యర్థి స్టీవ్ స్కేలిస్‌కు 73 ఓట్లు వచ్చాయి.ఓహియోకు చెందిన జిమ్ జోర్డాన్ ప్రస్తుతం ప్రతినిధుల సభ న్యాయవ్యవహారాల కమిటీకి అధ్యక్షునిగా ఉన్నారు. డెమోక్రాట్లు ట్రంప్ ప్రభుత్వంపై దర్యాప్తులకు సిద్ధమవుతున్న నేపథ్యంలో వారిని ఎదుర్కొనేందుకు తానే సరైన నాయకుడినని పార్టీ నేతలకు ఆయన వివరించారు. గతంలో పర్యవేక్షణ కమిటీకి నాయకత్వం వహించిన అనుభవం తనకు ఉందని, డెమోక్రాట్ల వ్యూహాలు తెలుసని అన్నారు. రెండేళ్లు స్పష్టమైన ప్రణాళిక లేకుండా ముందుకు సాగడం సాధ్యం కాదని తన అభ్యర్థిత్వ లేఖలో తెలిపారు.రెండు దశాబ్దాలుగా కాంగ్రెస్‌లో ఉన్న జోర్డాన్ గతంలో పార్టీ నాయకత్వంతో తరచూ విభేదించేవారు. అయితే ఇటీవలి కాలంలో పార్టీ కమిటీలకు నాయకత్వం వహిస్తూ సమన్వయంతో పనిచేస్తున్నారు. మధ్యంతర ఎన్నికల్లో 40కి పైగా ప్రతినిధుల సభ స్థానాలను కోల్పోయిన రిపబ్లికన్లు పార్టీని తిరిగి బలోపేతం చేసేందుకు ఈ నిర్ణయం తీసుకున్నారు.మరోవైపు సెనేట్‌లో రిపబ్లికన్ నాయకుడిగా జాన్ థ్యూన్ మరోసారి ఏకగ్రీవంగా ఎన్నికయ్యారు. ఆయనతో పాటు జాన్ బరాసో విప్‌గా, టామ్ కాటన్ కాన్ఫరెన్స్ చైర్మన్‌గా, షెల్లీ మూర్ కాపిటో పాలసీ చైర్‌గా తిరిగి ఎన్నికయ్యారు. అయితే ఎన్నికల ఫలితాలను సమీక్షించకుండా నాయకత్వ ఎన్నికలు నిర్వహించడంపై కొందరు సెనేటర్లు అభ్యంతరం వ్యక్తం చేశారు. పార్టీ ఓటమికి కారణాలు, భవిష్యత్తు వ్యూహాలపై ముందుగా చర్చించాలని డేవిడ్ మెక్‌కార్మిక్ సహా పలువురు నేతలు కోరారు.ఇక డెమోక్రటిక్ పార్టీలో ప్రతినిధుల సభ మైనారిటీ నేత హకీమ్ జెఫ్రీస్, సెనేట్ మైనారిటీ నాయకుడు చక్ షుమర్ తమ పదవులకు ప్రధాన పోటీదారులుగా ఉన్నారు. వీరిని సవాలు చేసేందుకు ఇప్పటివరకు బలమైన ప్రత్యర్థులు తెరపైకి రాలేదు. సెనేట్ డెమోక్రాట్లు డిసెంబర్ మొదటివారంలో, ప్రతినిధుల సభ డెమోక్రాట్లు వచ్చే వారంలో తమ నాయకత్వ బృందాలను ఎన్నుకోనున్నారు. ఇదీ చదవండి: ‘సోనియా పుస్తకం’.. ‘వైట్‌వాషింగ్’ అంటూ బీజేపీ ఫైర్‌!

సాక్షి ప్రతినిధి, న్యూఢిల్లీ: ఎన్నికల సమయాల్లో ప్రభుత్వ యంత్రాంగం నిష్పక్షపాతంగా వ్యవహరించాలని కేంద్ర ఎన్నికల సంఘం (ఈసీఐ) పునరుద్ఘాటించింది. ఈ విషయంలో విరమణ అనంతరం మళ్లీ ప్రభుత్వ పదవుల్లో నియమితులైన అధికారులకు సైతం ఎలాంటి మినహాయింపు ఉండదని స్పష్టం చేసింది. వీరు సైతం ఎన్నికల ప్రవర్తనా నియమావళి (ఎలక్షన్‌ కోడ్‌) పరిధిలోకి వస్తారని తెలిపింది. త్వరలో శాసనసభ ఎన్నికలు జరగనున్న గోవా, మణిపూర్, పంజాబ్, ఉత్తరప్రదేశ్, ఉత్తరాఖండ్‌ రాష్ట్రాల్లో ప్రస్తుతం సరీ్వసులో ఉన్న ప్రభుత్వ ఉద్యోగులకే కాకుండా, కాంట్రాక్టు, తాత్కాలిక ప్రాతిపదికన మళ్లీ నియమితులైన అధికారులు, సలహాదారులు, రిటైర్డ్‌ ఐఏఎస్, ఐపీఎస్‌ అధికారులకు కూడా నిబంధనలు, రాజకీయ తటస్థత (పొలిటికల్‌ న్యూట్రాలిటీ) నిబంధనలు పూర్తి స్థాయిలో వర్తిస్తాయని స్పష్టం చేసింది. ఈ మేరకు సంబంధిత రాష్ట్రాల ప్రభుత్వ కార్యదర్శులు, ముఖ్య ఎన్నికల అధికారు (సీఈవో)లకు సోమవారం ఈసీ లేఖలు రాసింది.

అబుదాబి: ఉక్రెయిన్‌పై రష్యా ఐదేళ్లుగా సాగిస్తున్న దురాక్రమణకు ముగింపు పలికేందుకు అమెరికా మరోసారి ప్రయత్నం చేస్తోంది. ఆ దేశ మధ్యవర్తిత్వంతో మంగళవారం దుబాయ్‌లో రష్యా, ఉక్రెయిన్‌ల ప్రతినిధి బృందాలు చర్చలు మొదలుపెట్టాయి. ఫిబ్రవరి తర్వాత మొదటి సారిగా మొదలైన ఈ చర్చలు రెండు రోజులపాటు జరుగుతాయి. మంగళవారం అమెరికా ప్రతినిధుల సమక్షంలో రష్యా, ఉక్రెయిన్‌ల దూతలు దాదాపు 4 గంటలపాటు చర్చలు జరిపారు. బుధవారం కూడా చర్చలు కొనసాగుతాయని ఉక్రెయిన్‌ వర్గాలు వెల్లడించాయి. కాల్పుల విరమణ చర్చల్లో అమెరికా అధ్యక్షుడు ట్రంప్‌ అల్లుడు జేర్డ్‌ కుష్నర్, ఆ దేశ దూత స్టీవ్‌ విట్కాఫ్‌ కూడా ఉన్నారు. రెండు దేశాల మధ్య విభేదాలను పరిష్కరించుకునేందుకు గల అనేక మంచి అవకాశాలున్నాయని తాను భావిస్తున్నట్లు విట్కాఫ్‌ తెలిపారు. ఉక్రెయిన్‌ ప్రతినిధి వర్గానికి ఆ దేశ ఫారిన్‌ ఇంటెలిజెన్స్‌ చీఫ్‌ రుస్తెమ్‌ ఉమెరోవ్, రష్యా బృందానికి అధ్యక్షుడు పుతిన్‌ సహాయకుడిగా ఉన్న మెడిన్‌స్కీ సారథ్యం వహిస్తున్నారు.

ఢాకా: పదవీచ్యుత ప్రధాని షేక్‌ హసీనా(79)తిరిగి స్వదేశానికి రానున్నారన్న వార్తల నేపథ్యంలో బంగ్లాదేశ్‌లో ఉద్రిక్త పరిస్థితులు ఏర్పడ్డాయి. దేశవ్యాప్తంగా జరిగిన వేర్వేరు ఘటనల్లో ఒకరు ప్రాణాలు కోల్పోగా, 8 వాహనాలు కాలిబూడిదయ్యాయని పోలీసులు మంగళవారం ఉదయం తెలిపారు. హసీనా సారథ్యంలోని నిషేధిత అవామీ లీగ్‌ పార్టీ, అనుబంధ గ్రూపుల కార్యకర్తలే ఈ హింసాత్మక ఘటనలకు కారణమని ఆరోపించారు. ఫరీద్‌పూర్‌లో గుర్తు తెలియని వ్యక్తులు నిలిపి ఉంచిన బస్సులపై నాటుబాంబులు వేశారు. దీంతో, కొన్ని బస్సులకు నష్టం వాటిల్లింది. ఈ దాడితో ఓ బస్సులో నిద్రిస్తున్న డ్రైవర్‌ దట్టమైన పొగతో ఊపిరాడక ప్రాణాలు కోల్పోయారని పోలీసులు వెల్లడించారు. షరియత్‌పూర్‌ జిల్లాలో మంగళవారం వేకువజామున అవామీలీగ్, అనుబంధ సంస్థలకు చెందిన వందలాది మంది కార్యకర్తలు పద్మా నది వంతెనపై ఉన్న టోల్‌ ప్లాజాను దిగ్బంధించడంతో పెద్ద సంఖ్యలో వాహనాలు నిలిచిపోయాయన్నారు. ఆందోళనకారులు నాటు బాంబులు విసరడడంతోపాటు వాహనాలను ధ్వంసం చేశారన్నారు. ఆందోళనకారులు నోట్రోకొనా జిల్లాలోని మోహన్‌గంజ్‌ రైల్వే స్టేషన్‌లో హవోర్‌ ఇంటర్‌ సిటీ ఎక్స్‌ప్రెస్‌ రైలు బోగీకి నిప్పుపెట్టడంతో కొంత మేర నష్టం వాటిల్లిందని వివరించారు. హసీనా సొంతూరు తుంగిపారాలో అవామీ లీగ్, అనుబంధ విద్యార్థి సంఘానికి చెందిన వారు పోలీసులతో తలపడ్డారు. ఈ సందర్భంగా పోలీసు వాహనానికి నిప్పంటించారు. బంగ్లాదేశ్‌ తిరిగి వచ్చేందుకు వీలుగా కొత్తగా పాస్‌పోర్టును, జాతీయ గుర్తింపు కార్డును జారీ చేయాలంటూ ప్రభుత్వానికి హసీనా చేసిన వినతిపై ఇంటర్నేషనల్‌ క్రైమ్స్‌ ట్రిబ్యునల్‌ చీఫ్‌ ప్రాసిక్యూటర్‌ మహ్మద్‌ అమినుల్‌ ఇస్లాం తీవ్రంగా స్పందించారు. ప్రస్తుతం హసీనాకు మరణ శిక్షను అనుభవించడం మినహా న్యాయపరంగా ఎటువంటి దారులు లేవన్నారు. ఆమెకు పాస్‌పోర్టు వంటివి జారీ చేసే అవకాశమే లేదని తేల్చి చెప్పారు. నిజంగా ఆమెకు రావాలని ఉంటే ట్రిబ్యునల్‌లో విచారణ జరుగుతున్న సమయంలో లేదా, శిక్షను ప్రకటించిన 30 రోజుల్లోగా తిరిగి వచ్చి ఉండేవారని వ్యాఖ్యానించారు. విద్యార్థుల సారథ్యంలోని తిరుగుబాటుతో అవామీలీగ్‌ ప్రభుత్వం కుప్పకూలడంతో 2024 ఆగస్ట్‌ నుంచి హసీనా భారత్‌లోనే ఉంటున్నారు.

వాషింగ్టన్‌: అమెరికా అధ్యక్షుడు డొనాల్డ్‌ ట్రంప్‌ ప్రభుత్వంలో అత్యంత కీలక నేత, రక్షణ మంత్రి పీట్‌ హెగ్సెత్‌కు పదవీ గండం వచ్చిపడింది. ఇటీవలి మధ్యంతర ఎన్నికల్లో అధికార రిపబ్లికన్‌ పార్టీ అనూహ్యంగా ఘోర పరాజయం పాలైన విషయం తెలిసిందే. ఇరాన్‌తో జరుగుతున్న యుద్ధమే ఈ ఫలితాలను తీవ్రంగా ప్రభావితం చేసిందని విశ్లేషకులు అంటున్నారు. ఈ నేపథ్యంలోనే అదే పార్టీకి చెందిన సభ్యుడు థామస్‌ మస్సీ సోమవారం కాంగ్రెస్‌లో హెగ్సెత్‌పై అభిశంసన తీర్మానం ప్రవేశపెట్టారు. ఇరాన్‌ యుద్ధంతోపాటు యెమెన్, వెనెజువెలా దేశాల్లో చేపట్టిన సైనిక జోక్యాల్లో హెగ్సెత్‌ పాత్రను కూడా తీర్మానంలో ప్రశ్నించారు. హెగ్సెత్‌ చర్యలను ఆయన ఘోర నేరాలు, దు్రష్పవర్తనగా అభివరి్ణంచారు. హెగ్సెత్‌ ఉద్దేశపూర్వకంగానే తన చట్ట వ్యతిరేక చర్యల ద్వారా రాజ్యాంగానికి ముప్పుగా పరిణమించారని ఆరోపించారు. మధ్యంతర ఎన్నికల తర్వాత సోమవారం మొదలైన సెషన్‌ మొదటి రోజే ఈ పరిణామం చోటుచేసుకుంది. అవిశ్వాస తీర్మానంపై అధ్యక్షుడు ట్రంప్‌ మండిపడ్డారు. గతంలో తాను బలపరిచిన వ్యక్తి చేతిలో ప్రైమరీ ఎన్నికల్లో ఓటమి పాలైన థామస్‌ మస్సీ విద్వేషంతోనే ఇందుకు పూనుకున్నారని విమర్శించారు.కాగా, తీర్మానంపై ప్రతినిధుల సభలో ఈ వారంలోనే ఓటింగ్‌ జరిగే అవకాశం ఉంది, తదుపరి పరిణామాలపై మాత్రం స్పష్టత లేదు. సభలో డెమొక్రటిక్‌ పార్టీ నేత హకీమ్‌ జెఫ్రీస్‌ ఈ తీర్మానానికి మద్దతు ఇచ్చారు. మెజారిటీ డెమొక్రాట్లు ఆయన్ను అనుసరిస్తే, హెగ్సెత్‌ అభిశంసనకు కొద్దిమంది రిపబ్లికన్ల మద్దతు ఉంటే సరిపోతుంది. ప్రతినిధుల సభతోపాటు సెనేట్‌లో ప్రస్తుతానికి రిపబ్లికన్లదే మెజారిటీ. ఇటీవలి మధ్యతర ఎన్నికల్లో విజేతలుగా నిలిచిన వారంతా జనవరిలో సమావేశమైన తర్వాతే ఉభయసభల్లోనూ డెమొక్రాట్లదే పైచేయి అవుతుంది. ఇలా ఉండగా, పార్టీ ఎజెండాను అమలు చేసేందుకు మరికొద్ది వారాల సమయం మాత్రమే మిగిలి ఉండగా, సొంత పార్టీ నేత తీసుకువచ్చిన అభిశంసనపై రిపబ్లికన్లు తీవ్ర అసంతృప్తితో ఉన్నారు. అమెరికా చరిత్రలోనే లేదు: హెగ్సెత్‌ తనకు వ్యతిరేకంగా ప్రవేశపెట్టిన అభిశంసన తీర్మానంపై పోరాడేందుకు సిద్ధంగా ఉన్నట్లు రక్షణ మంత్రి హెగ్సెత్‌ తెలిపారు. రాజ్యాంగ రూపకర్తలు ఉద్దేశించిన తీవ్రమైన నేరాల కింద కాకుండా, కేవలం విధానపరమైన విభేదాలతోనే ఒక రోగ్‌ తనను లక్ష్యంగా చేసుకుంటున్నారంటూ వ్యాఖ్యానించారు. దాదాపు ఆరు నెలల తర్వాత హెగ్సెత్‌ మంగళవారం పెంటగాన్‌లో మీడియాతో మాట్లాడారు. అమెరికా 250 ఏళ్ల చరిత్రలో చట్టబద్ధమైన సైనిక చర్యలను అమలు చేసినందుకు గాను దేశ రక్షణ మంత్రిని అభిశంసించిన దాఖలాలు లేనేలేవన్నారు. ‘విధానపరమైన విభేదాలను రాజకీయ లబ్ధి కోసం వాడుకునేందుకు చాలా మంది ప్రయతి్నస్తున్నారు. కానీ, వారి అసలైన సమస్య మాత్రం మేం సాధించిన విజయాలే’అని హెగ్సెత్‌ పేర్కొన్నారు. తమ ప్రభుత్వం తీసుకున్న సైనిక చర్యలపై ఎవరితోనైనా చర్చకు సిద్ధమని ఆయన ప్రకటించారు. తనపై వచ్చిన అభిశంసనకు కేవలం వ్యక్తిగత విద్వేష రాజకీయాలే కారణమని, అది తనపై పనిచేయదని స్పష్టం చేశారు.

హలో బాబు! మా అధికారులు ఎవరూ నాకు సహకరించలేదు! యూ ఆర్‌ లక్కీ!!

న్యూఢిల్లీ: కాంగ్రెస్‌ నేత సోనియాగాంధీ తన ఆత్మకథ ‘బిలాంగింగ్‌: ఎ జర్నీ ఆఫ్‌ లవ్‌’పై విమర్శల జడి మొదలైంది. భారతీయ జనతా పార్టీతోపాటు విశ్వహిందూ పరిషత్‌ సైతం ఈ పుస్తకంలోని అంశాలను ప్రస్తావిస్తూ సోనియా, కాంగ్రెస్‌ పార్టీలపై విమర్శలు, ఆరోపణలు గుప్పించడం మొదలుపెట్టారు. ఆత్మకథ ద్వారా సోనియా 1975 నాటి ఎమర్జెన్సీని సమరి్థంచే ప్రయత్నం చేస్తున్నారని, పుస్తకం పేరును ‘వైట్‌వాషింగ్‌’’అని పెట్టి ఉండాల్సిందని బీజేపీ ఎద్దేవా చేసింది. ‘‘ఈ పుస్తకం అసలు ఉద్దేశం నెహ్రూ, గాంధీ కుటుంబాల చారిత్రక తప్పిదాలపై చక్కెర పూత పూయడమే’’అని బీజేపీ జాతీయ అధికార ప్రతినిధి సి.ఆర్‌.కేశవన్‌ ఎక్స్‌ వేదికగా వ్యాఖ్యానించారు. సోనియాగాంధీ ఆత్మకథ మంగళవారమే విడుదలైన విషయం తెలిసిందే. ఇందులో 1975లో అప్పటి ప్రధాని, సోనియా అత్తగారు ఇందిరాగాంధీ ఎమర్జెన్సీ విధించడం తప్పేనని సోనియా స్పష్టం చేశారు. ఇందిరాగాంధీ కూడా తప్పకుండా ఇదే రకంగా భావిస్తూండవచ్చునని వ్యాఖ్యానించారు. ఎమర్జెన్సీ విధించిన తరువాత రాజీవ్‌ గాంధీ తమ్ముడు సంజయ్‌ గాం«దీని అదుపులో ఉంచి ఉంటే ఎన్నో రకాల సమస్యలను నివారించి ఉండేవాళ్లమని కూడా సోనియా ఈ పుస్తకంలో తెలిపారు. ‘‘సోనియా గాంధీ ఈ పుస్తకం శీర్షికను బిలాంగింగ్‌ అని కాకుండా ‘‘వైట్‌ వాషింగ్‌’’అని పెట్టుండాల్సింది. ఎందుకంటే ఈ పుస్తకం అసలు ఉద్దేశం కాంగ్రెస్‌ పార్టీ, నెహ్రూ, గాంధీ కుటుంబాలు చేసిన ఘోరమైన తప్పిదాలను కప్పిపుచ్చడమే’’అని కేశవన్‌ తన ఎక్స్‌ పోస్టులో ఆరోపించారు. ‘‘బాబ్రీ మసీదు కూలి్చవేతపై తాను ఏడ్చానని సోనియా అంటున్నారు. గురుద్వారాలను లక్ష్యంగా చేసుకుని వేల మంది అమాయకులను కిరాతకంగా హత్య చేసినప్పుడు కన్నీరు కార్చారా? బాట్లా హౌస్‌ ఎన్‌కౌంటర్‌లో మరణించిన ఉగ్రవాదుల కోసమూ సోనియా ఏడ్చారట. దేశాన్ని కాపాడుతూ సరిహద్దుల్లో వీరమరణం పొందిన వారి గురించి చుక్క కన్నీరు ఒలికించారా?’’అని విమర్శించారు. దేశాన్ని దాదాపు 55 సంవత్సరాలు ఏలిన కాంగ్రెస్‌ పార్టీ భారత ప్రజాస్వామ్యంపై మానని గాయాలు మిగిల్చిందని అన్నారు. హిందూ వ్యతిరేక వ్యాఖ్యలు... సోనియాగాంధీ హిందువుల భావనలను దెబ్బతీస్తూ బుజ్జగింపు రాజకీయాలకు పాల్పడుతున్నారని విశ్వహిందూ పరిషత్‌ మంగళవారం ఆరోపించింది. ఇందుకు ఆమె క్షమాపణలు చెప్పాలని డిమాండ్‌ చేసింది. ముస్లిం ఓటుబ్యాంకును కొల్లగొట్టేందుకు సోనియా మొసలి కన్నీరు కారుస్తున్నారని, ఈ కన్నీళ్లు ఎన్నికల సమయంలో మాత్రమే వస్తూంటాయని విశ్వహిందూ పరిసత్‌ సెంట్రల్‌ జాయింట్‌ జనరల్‌ సెక్రటరీ సురేంద్ర జైన్‌ ఆరోపించారు. హిందువులు అణచివేతలను ఎదుర్కొన్నప్పుడు సోనియా మౌనంగా ఉండిపోయారని, ఉగ్రవాదులు, ఈ దేశంపై దండెత్తిన వారిపై చర్య తీసుకున్నప్పుడు మాత్రం ఆందోళన వ్యక్తం చేస్తూంటారని విమర్శించారు. బాబ్రీ మసీదు నిర్మాణం కూలి్చవేతపై విచారం వ్యక్తం చేసిన సోనియా, బాట్లా హౌస్‌ ఎన్‌కౌంటర్‌లో తీవ్రంగా గాయపడ్డా పోలీసు అధికారి మోహన్‌ శర్మ విషయంలో మాత్రం నోరు మెదపలేదని అన్నారు. ఢిల్లీ పేలుళ్లకు కారణమైన ఈ ఉగ్రవాదుల చేతుల్లో గాయపడ్డ మోహన్‌శర్మ చికిత్స పొందుతూ ప్రాణాలు కోల్పోయిన విషయాన్ని గుర్తు చేశారు.

సాక్షి, అమరావతి: ప్రజాస్వామ్యంలో నిరసన తె­లిపే హక్కును నేరంగా చిత్రీకరిస్తూ వైఎస్సార్‌సీపీ అధినేత, మాజీ సీఎం వైఎస్‌ జగన్‌మోహన్‌రెడ్డిపై పులివెందుల పోలీసులు నమోదు చేసిన కేసుకు హైకోర్టు బ్రేక్‌ వేసింది.ఎన్నికల అధికారుల తీరును నిరసిస్తూ ధర్నా చేస్తే క్రిమినల్‌ కేసులు ఎలా పెడతారంటూ జగన్‌ తరఫు న్యాయవాది బలమైన వాదనలు వినిపించారు. కేవలం ఒకచోట గుమిగూడినంత మాత్రాన నేరం చేసినట్లు కాదని, ఎన్నికల నియమావళి ఉల్లంఘనకు క్రిమినల్‌ చట్టాలను ప్రయోగించలేరని కోర్టు దృష్టికి తీసుకెళ్లారు.ఇరుపక్షాల వాదనలు విన్న హైకోర్టు జగన్‌పై నమోదైన కేసులో తదుపరి చర్యలన్నింటినీ నిలిపివేస్తూ మధ్యంతర ఉత్తర్వులు జారీ చేసింది. ఈ మేరకు న్యాయమూర్తి డాక్టర్‌ జస్టిస్‌ యడవల్లి లక్ష్మణరావు మంగళవారం మధ్యంతర ఉత్తర్వులు జారీ చేశారు. ఫిర్యాదుదారు అయిన మండల విద్యాధికారి సీఎం రఫీక్‌ ఖాన్‌కి నోటీసులు ఇచ్చారు. తదుపరి విచారణను వాయిదా వేశారు. ధర్నా చేసినందుకు కేసు పట్టణ స్థానిక ఎన్నికల్లో పోలీసులు, ఎన్నికల అధికారుల తీరును నిరసిస్తూ ఈ నెల 1న వైఎస్‌ జగన్‌మోహన్‌రెడ్డి, కడప ఎంపీ వైఎస్‌ అవినాష్ రెడ్డి తదితరులు పులివెందుల రిటరి్నంగ్‌ కార్యాలయం ముందు ధర్నా చేపట్టారు. ఈ ధర్నా చేపట్టడం ద్వారా జగన్‌ తదితరులు ఎన్నికల నియమావళిని ఉల్లంఘించారని, వీరిపై చర్యలు తీసుకోవాలంటూ ఎన్నికల అధికారిగా విధులు నిర్వర్తిస్తున్న మండల విద్యాధికారి సీఎం రఫీక్‌ ఖాన్, మరొకరు పులివెందుల పట్టణ పోలీసులకు ఫిర్యాదు చేశారు. ఈ ఫిర్యాదు ఆధారంగా పోలీసులు వైఎస్‌ జగన్‌మోహన్‌రెడ్డి, అవినాష్ రెడ్డిలతో సహా మొత్తం 80 మందిపై అదే రోజున కేసు నమోదు చేశారు. కేసు కొట్టేయాలంటూ పిటిషన్‌ ఈ నేపథ్యంలో ఈ కేసును కొట్టేయాలని కోరుతూ వైఎస్‌ జగన్‌మోహన్‌రెడ్డి హైకోర్టును ఆశ్రయించారు. జగన్‌ తరఫున సీనియర్‌ న్యాయవాది పొన్నవోలు సుధాకర్‌రెడ్డి వాదనలు వినిపించారు. ఎన్నికల ప్రవర్తనా నియమావళి ఉల్లంఘన అనేది కేవలం ఎన్నికల చట్టాల పరిధిలోకి వస్తుందే కానీ, దాని ఆధారంగా నేర చట్టాల కింద నేరం ఆపాదించలేరన్నారు. అనుమతి లేకుండా ధర్నా నిర్వహించడం, ఎన్నికల ప్రవర్తనా నియమావళి ఉల్లంఘన పూర్తిగా ఎన్నికల సంఘం పరిధిలోని అంశాలని, వీటిపై ఎన్నికల సంఘం నిబంధనల ప్రకారం చర్యలు తీసుకోవాల్సి ఉంటుందన్నారు. కొందరితో కలిసి ఓ సమూహంగా కలిసి మున్సిపల్‌ కార్యాలయానికి వచ్చినంత మాత్రాన అది నేరం అయిపోదన్నారు. జగన్‌ నినాదాలు చేశారని గానీ, ఎవరినైనా అడ్డుకున్నారని గానీ లేదా అమల్లో ఉన్న ఎలాంటి ఆదేశాలను ఉల్లంఘించారని గానీ ఎఫ్‌ఐఆర్‌లో పేర్కొనలేదని ఆయన కోర్టు దృష్టికి తీసుకొచ్చారు. కేవలం ఒక ప్రదేశంలో గుమికూడినంత మాత్రాన ఆ వ్యక్తిని క్రిమినల్‌ బాధ్యుడిగా చేయలేమని సుప్రీంకోర్టు స్పష్టం చేసిందని వివరించారు. ఒక సమూహంపై చేసే అస్పష్ట, సామూహిక ఆరోపణలు ప్రాసిక్యూషన్‌కు ప్రాతిపదికగా ఉండలేవని కూడా సుప్రీంకోర్టు చెప్పిందన్నారు. జగన్‌ తదితరులపై నమోదు చేసిన సెక్షన్లన్నీ ఏడేళ్ల కన్నా తక్కువ శిక్ష పడేవేనని తెలిపారు. అధికారులను అడ్డుకున్నారు పోలీసుల తరఫున పబ్లిక్‌ ప్రాసిక్యూటర్‌ (పీపీ) మెండ లక్ష్మీనారాయణ వాదనలు వినిపిస్తూ.. వైఎస్‌ జగన్‌మోహన్‌రెడ్డి తదితరులు ఎలాంటి అనుమతి లేకుండా ధర్నా చేశారన్నారు. ఎన్నికల అధికారులను, పోలీసులను అడ్డుకున్నారని తెలిపారు. తద్వారా అధికారుల విధులకు ఆటంకాలు కలిగించారని వాదించారు. ఇప్పటి వరకు 13 మంది సాక్షులను విచారించామని, అందులో పోలీసులు, అటెండర్లు, వాచ్‌మెన్‌ కూడా ఉన్నారని, వారంతా కూడా వైఎస్‌ జగన్‌కు వ్యతిరేకంగా సాక్ష్యం ఇచ్చారన్నారు. ఇరుపక్షాల వాదనలు విన్న న్యాయమూర్తి, పులివెందుల పట్టణ పోలీసులు జగన్‌మోహన్‌రెడ్డిపై నమోదు చేసిన కేసులో తదుపరి చర్యలన్నీ నిలిపేస్తూ మధ్యంతర ఉత్తర్వులు జారీ చేశారు.

తెనాలి: మన పాదాల కింద కనిపించని భూగర్భ ప్రపంచం ఒకటి ఉంది. భూమిలోని చిన్నచిన్న రంధ్రాలు, ఇసుక పొరలు, రాతి పగుళ్ల మధ్య నీరు ప్రవహించే సూక్ష్మ ఆవాసాల్లో ఎన్నో జీవులు నివసిస్తున్నాయి. వాటిలో అత్యంత ఆసక్తికరమైనవి ‘బాథినెల్లేసియా’ అనే అతి సూక్ష్మమైన మంచినీటి క్రస్టేసియన్‌ జీవులు. మన కంటికి సులభంగా కనిపించని ఈ జీవజాతి.. డైనోసార్లు భూమిపై సంచరించడానికి కోట్ల సంవత్సరాలకు ముందే భూగర్భ జలాల్లో ఉండేదని తేల్చారు.వీటి పరిణామ చరిత్ర 300 మిలియన్‌ ఏళ్లకు పైగా ఉండొచ్చని, అంటే 30 కోట్ల సంవత్సరాలకు పూర్వమే వీటి ఉనికి ఉందని తెనాలికి చెందిన రీసెర్చ్‌ అసోసియేట్‌ డాక్టర్‌ షాబుద్దీన్‌ షేక్‌ తన తాజా పరిశోధనలో తేల్చారు. బెంగళూరులోని సెంటర్‌ ఫర్‌ ఎకలాజికల్‌ సైన్సెస్‌ ప్రొఫెసర్‌ ప్రవీణ్‌ కారంత్‌తో కలిసి ఆయన చేసిన పరిశోధనను ‘ప్రొసీడింగ్స్‌ ఆఫ్‌ ది రాయల్‌ సొసైటీ’ ప్రచురించింది. ఆ విశేషాలను డాక్టర్‌ షాబుద్దీన్‌ ‘సాక్షి’కి వివరించారు. ఆయన తెలిపిన మేరకు.. ప్రయాణ సామర్థ్యం తక్కువే భూగర్భంలోని నీటి ఆవాసాల్లో నివసించే ఈ కీటకజాతి జీవులు అతి చిన్నవి. ప్రయాణాలు చేయగల సామర్థ్యం కూడా పరిమితమే. అలాంటప్పుడు ఈ జీవుల బంధువులు ప్రపంచంలోని వేర్వేరు ఖండాల్లో ఎలా ఉన్నాయనే ప్రశ్నకు సమాధానం కోసం పరిశోధకులు ఆధునిక డీఎన్‌ఏ విశ్లేషణను, ఆ జీవులకు దగ్గరి బంధువుల శిలాజాల నుంచి లభించిన ఆధారాలను కలిపి అధ్యయనం చేశారు. బాథినెల్లేసియా జీవులు ప్రపంచవ్యాప్తంగా ఉండటానికి సుదూర వలసల కంటే ప్రాచీన ఖండాల కదలికలు, విడిపోవడమే ప్రధాన కారణం. పాంజియా విడిపోయి.. సుమారు 25 కోట్ల సంవత్సరాల కిందట భూమి ప్రస్తుతం మనకు కనిపిస్తున్నట్లుగా వేర్వేరు ఖండాలుగా లేదు. భూమి మొత్తం పాంజియా అనే ఒకే భారీ ఖండంగా ఉండేది. కాలక్రమేణా ఈ భారీ ఖండం విడిపోతూ.. ఉత్తర భాగంలో లారేషియా, దక్షిణ భాగంలో గోండ్వానాలాండ్‌ అనే రెండు ప్రధాన భూభాగాలు ఏర్పడ్డాయి. వీటి మధ్యలో టెథిస్‌ సముద్రం ఉండేది. గోండ్వానాలో భాగంగా ఉన్న ఆఫ్రికా, మడగాస్కర్, భారతదేశం, అంటార్కిటికా, ఆస్ట్రేలియా వంటి భూభాగాలు కాలక్రమేణా విడిపోయి వేర్వేరు దిశల్లో కదిలాయి. వాటిలో భారతదేశం సముద్రం గుండా ఉత్తరం వైపు ప్రయాణించి ఆసియాతో కలిసింది. ఈ భౌగోళిక మార్పుల సమయంలో అప్పటికే వివిధ ప్రాంతాల్లో ఉన్న జీవుల పూర్వీకుల సమూహాలు కూడా విడిపోయి, కాలక్రమేణా స్వతంత్రంగా పరిణామం చెంది ఉండవచ్చు. అంటే ఈ జీవులు సముద్రాలను దాటి వేల కిలోమీటర్లు ప్రయాణించి ప్రపంచమంతటా వ్యాపించాయి అనటంకంటే.. వాటి పూర్వీకులు నివసించిన భూభాగాలే ఖండాల కదలికలతో విడిపోయి ఉండవచ్చు.జీవప్రపంచం మార్పు తెలుసుకోవచ్చు ఈ పరిశోధన ప్రాధాన్యం కేవలం ఒక చిన్న భూగర్భ జీవి పరిణామ చరిత్రను తెలుసుకోవడంలోనే లేదు. భూమిపై ఖండాలు ఎలా మారాయి, ఆ మార్పులు జీవుల వ్యాప్తి, పరిణామాన్ని ఎలా ప్రభావితం చేశాయనే విషయాలను అర్థం చేసుకోవడానికి కూడా ఇటువంటి జీవులు విలువైన ఆధారాలుగా నిలుస్తాయి. వీటి అధ్యయనంతో భూమి మారుతున్న కొద్దీ జీవప్రపంచం ఎలా మారుతూ వచ్చిందో తెలుసుకోవచ్చు. ఖండాలు విడిపోయినా, భూమి రూపురేఖలు మారినా, తమ ప్రాచీన పరిణామ చరిత్రను మోస్తూ నేటికీ భూగర్భ జలాల్లో మనుగడ సాగిస్తున్న బాథినెల్లేసియా సూక్ష్మజీవులది అద్భుత గాథ.కృష్ణా–గోదావరి బేసిన్‌ నుంచి 300 నమూనాలుతమ పరిశోధనలో భాగంగా 2022–24 మధ్య కృష్ణా–గోదావరి నదుల పరివాహక ప్రాంతంలోని భూగర్భ జలవనరుల నుంచి సుమారు 300 నమూనాలను డాక్టర్‌ షాబుద్దీన్‌ సేకరించారు. వీటిలో 117 నమూనాలను రూపనిర్మాణ, జన్యు విశ్లేషణలకు వినియోగించారు. దేశంలో కనిపించే వివిధ బాథినెల్లేసియా జీవుల పరిణామ సంబంధాలను తెలుసుకోవటానికి ఈ నమూనాలు కీలకంగా నిలిచాయని షాబుద్దీన్‌ చెప్పారు. జీవుల బాహ్య నిర్మాణ లక్షణాలను పరిశీలించటంతోపాటు వాటి డీఎన్‌ఏలోని రెండు జన్యుప్రాంతాలను విశ్లేషించి, ఈ సమాచారాన్ని ప్రపంచవ్యాప్తంగా ఇప్పటికే ప్రచురితమైన సమాచారంతో పోల్చి, జీవుల మధ్య పరిణామ సంబంధాలను రూపొందించినట్టు వివరించారు.

ఇండియన్‌ గోల్ఫ్‌ ప్రీమియర్‌ లీగ్‌ (ఐజీపీఎల్‌)–2026 సీజన్‌లో భాగంగా 11వ ఈవెంట్‌ హైదరాబాద్‌ వేదికగా జరగనుంది. నగరానికి సమీపంలోని వూటీ గోల్ఫ్‌ కౌంటీలో బుధవారం ప్రారంభమయ్యే ఈ పోటీలు మూడు రోజుల పాటు సాగుతాయి. మొత్తం 10 జట్లు హైదరాబాద్, గురుగ్రామ్, చెన్నై, గోవా, పంజాబ్, బెంగళూరు, ముంబై, వైజాగ్, ఢిల్లీ, కోల్‌కతా టోర్నీ బరిలో నిలిచాయి. ఈ సీజన్‌లో ఇప్పటి వరకు జరిగిన 10 ఈవెంట్లలో 6 పోటీలను విదేశాల్లో నిర్వహించారు. 11 సార్లు ఆసియా టూర్‌ విన్నర్‌ అయిన స్టార్‌ గోల్ఫర్‌ గగన్‌జీత్‌ భుల్లర్‌ ఈ పోటీలకు ప్రధాన ఆకర్షణ కానున్నాడు. వింత్రా చెన్నై జట్టుకు అతను ప్రాతినిధ్యం వహిస్తున్నాడు. 2026లో ఇప్పటికే మూడు ఈవెంట్‌లు నెగ్గిన అతను మంచి ఫామ్‌లో ఉన్నాడు. హైదరాబాద్‌ టీమ్‌లో సభ్యుడైన సచిన్‌ బైసోయా నుంచి భుల్లర్‌కు గట్టి పోటీ ఎదురు కానుంది. రంజిత్‌ సింగ్, రాఘవ్‌ ఛుగ్, అర్జున్‌ భాటీ హైదరాబాద్‌ టీమ్‌లోని ఇతర గోల్ఫర్లు. వెటరన్‌ ఆటగాడు శివ్‌ కపూర్‌ ఆర్‌వీఆర్‌ ఢిల్లీ జట్టు తరఫున సత్తా చాటాలని పట్టుదలగా ఉన్నాడు.

దోహా: ప్రపంచ షూటింగ్‌ చాంపియన్‌షిప్‌లో భారత్‌కు రెండో స్వర్ణ పతకం లభించింది. మంగళవారం జరిగిన మహిళల 25 మీటర్ల పిస్టల్‌ టీమ్‌ ఈవెంట్‌లో తెలంగాణ క్రీడాకారిణి ఇషా సింగ్, మను భాకర్, దివ్య సుబ్బరాజులతో కూడిన భారత జట్టు 1761 పాయింట్లతో అగ్రస్థానంలో నిలిచి పసిడి పతకం గెల్చుకుంది. క్వాలిఫయింగ్‌లో ఇషా 590 పాయింట్లతో మూడో స్థానంలో, మను 587 పాయింట్లతో ఆరో స్థానంలో, దివ్య 584 పాయింట్లతో పదో స్థానంలో నిలిచారు. టాప్‌–8లో నిలవడంద్వారా ఇషా, మను వ్యక్తిగత విభాగం ఫైనల్లోకి ప్రవేశించారు. క్వాలిఫయింగ్‌లో ఇషా, మను, దివ్య సాధించిన స్కోర్ల ఆధారంగా భారత్‌కు టీమ్‌ స్వర్ణం ఖరారైంది. దక్షిణ కొరియా (1748 పాయింట్లు) రజతం, వియత్నాం (1745 పాయింట్లు) కాంస్యం సాధించాయి. ఎనిమిది మంది మధ్య ఎలిమినేషన్‌ పద్ధతిలో జరిగిన 25 మీటర్ల పిస్టల్‌ వ్యక్తిగత ఫైనల్లో ఇషా, మను నిరాశపరిచారు. ఇషా 11 పాయింట్లతో ఎనిమిదో స్థానంతో సరిపెట్టుకోగా... మను 27 పాయింట్లతో నాలుగో స్థానంలో నిలిచింది. జిన్‌ యాంగ్‌ (కొరియా; 44 పాయింట్లు) ప్రపంచ రికార్డు సృష్టించడంతో పసిడి పతకాన్ని సొంతం చేసుకుంది. ట్రిన్‌ తు విన్‌ (వియత్నాం; 43 పాయింట్లు) రజతం, యువెయువె జాంగ్‌ (చైనా; 34 పాయింట్లు) కాంస్యం గెలిచారు. టాప్‌–3లో నిలిచిన జిన్‌ యాంగ్, ట్రిన్, యువెయువె 2028 లాస్‌ ఏంజెలిస్‌ ఒలింపిక్స్‌ బెర్త్‌లను దక్కించుకున్నారు. మరో మూడు రోజులపాటు కొనసాగే ఈ మెగా ఈవెంట్‌లో భారత్‌ రెండు స్వర్ణాలు, ఐదు రజతాలు, రెండు కాంస్యాలతో కలిపి తొమ్మిది పతకాలతో రెండో స్థానంలో ఉంది.

సాక్షి, అమరావతి: గ్రూప్‌–2 సర్వీసుల పరిధిలోని వివిధ ప్రభుత్వ విభాగాల్లో ఖాళీల భర్తీకి ఏపీ పబ్లి­క్‌ సర్వీస్‌ కమిషన్‌ (ఏపీపీఎస్సీ) నోటిఫికేషన్‌ వి­డుదల చేసింది. ఈ పోస్టులపై గతనెలలో షార్ట్‌ నో­టిఫికేషన్‌ ఇచ్చిన కమిషన్‌ పూర్తి వివరాలతో నోటిఫికేషన్‌ ఇచ్చింది. వివిధ విభా­గాలకు సంబంధించి 720 పోస్టులను భర్తీ చేయనున్నట్లు వెల్లడించింది. అర్హులైన అభ్యర్థులు మంగళవారం నుంచి డిసెంబర్‌ 11 వరకు ఆన్‌లైన్‌లో దరఖాస్తు చేసుకునేందుకు అవకాశం కల్పించింది.సమగ్ర వివరాలను కమిషన్‌ అధికారిక వెబ్‌సైట్‌ https://psc.ap.gov.in లో చూడవచ్చని పేర్కొంది.పోస్టులు ఇవే.. ఎగ్జిక్యూటివ్‌ పోస్టుల్లో మున్సిపల్‌ కమిషనర్‌ గ్రేడ్‌–3 ఆరు, డిప్యూటీ ఎంపీడీవో 176, అసిస్టెంట్‌ రిజిస్ట్రార్‌ ఆఫ్‌ కో–ఆపరేటివ్‌ సొసైటీస్‌ 10, డిప్యూటీ తహశీల్దార్‌ 203, సబ్‌–రిజిస్ట్రార్‌ గ్రేడ్‌–2 ఏడు, గూడ్స్‌ అండ్‌ సర్వీస్‌ టాక్స్‌ ఆఫీసర్‌ 40, ప్రొహిబిషన్‌ అండ్‌ ఎక్సైజ్‌ సబ్‌–ఇన్‌స్పెక్టర్‌ 29 కలిపి మొత్తం 471 ఉన్నాయి. అలాగే, నాన్‌–ఎగి్జక్యూటివ్‌ పోస్టుల్లో అసిస్టెంట్‌ సెక్షన్‌ ఆఫీసర్‌ 80, సీనియర్‌ అకౌంటెంట్‌ 91, జూనియర్‌ అకౌంటెంట్‌ 47, జూనియర్‌ ఆఫీస్‌ అసిస్టెంట్‌ 31 కలిపి మొత్తం 249 ఉన్నాయి.పరీక్ష విధానం.. ప్రిలిమినరీ పరీక్ష ఆఫ్‌లైన్‌ పద్ధతిలో (ఓఆర్‌ఎం బేస్డ్‌) 150 మార్కులకు జనరల్‌ స్టడీస్‌ అండ్‌ మెంటల్‌ ఎబిలిటీ విభాగాల్లో నిర్వహిస్తారు. ప్రతి తప్పు సమాధానానికి 1/3 వంతు మార్కు కోత (నెగిటివ్‌ మార్కింగ్‌) విధిస్తారు. మెయిన్‌ పరీక్షలో మొత్తం 300 మార్కులకు ఆబ్జెక్టివ్‌ విధానంలో రెండు పేపర్లు ఉంటాయి. మెయిన్‌ పరీక్ష క్లియర్‌ చేసిన అభ్యర్థులకు కంప్యూటర్‌ ప్రొఫిషియన్సీ టెస్ట్‌ నిర్వహిస్తారు.

హామిల్టన్‌: భారత్, న్యూజిలాండ్‌ సిరీస్‌ను మొదటి నుంచి వెంటాడుతున్న వాన ఈసారి పూర్తి స్థాయిలో ప్రభావం చూపించింది. ఇరు జట్ల మధ్య మంగళవారం జరగాల్సిన మూడో వన్డే భారీ వర్షం కారణంగా రద్దయింది. ఉదయం నుంచి వర్షం కారణంగా మైదానంలోకి దిగే పరిస్థితి కనిపించలేదు. అయితే కాస్త తెరిపినివ్వడంతో నిరీ్ణత సమయం కంటే రెండు గంటలు ఆలస్యంగా (భారత కాలమానం ప్రకారం గం. ఉ.9:30 నుంచి) 40 ఓవర్ల మ్యాచ్‌ను నిర్వహించాలని అంపైర్లు నిర్ణయించారు. వరుసగా మూడో మ్యాచ్‌లో టాస్‌ నెగ్గిన శుబ్‌మన్‌ గిల్‌ మరోసారి ఫీల్డింగ్‌ ఎంచుకున్నాడు. అయితే సరిగ్గా మ్యాచ్‌ సమయానికి వాన మళ్లీ మొదలైంది. మరో గంటన్నర పాటు వర్షం తగ్గకపోవడంతో అంపైర్లు మ్యాచ్‌ను రద్దు చేస్తున్నట్లు ప్రకటించారు. తొలి రెండు మ్యాచ్‌లు నెగ్గి 2–0లో ఆధిక్యంలో నిలిచిన భారత్‌ ఇక సిరీస్‌ ఓడిపోయే అవకాశం లేదు. మరోవైపు స్వదేశంలో వరుసగా 11 వన్డే సిరీస్‌లు గెలిచిన న్యూజిలాండ్‌ జోరుకు బ్రేక్‌ పడింది. ఇరు జట్ల మధ్య శుక్రవారం మౌంట్‌ మాంగనుయ్‌లో నాలుగో వన్డే జరుగుతుంది. వన్డేలు వదిలి టెస్టు సన్నాహాలకు... భారత్, న్యూజిలాండ్‌ మధ్య తొలి టెస్టు నవంబర్‌ 19 నుంచి వెలింగ్టన్‌లో జరగనుంది. మిగిలిన రెండు వన్డేలతో పోలిస్తే భారత్‌కు వరల్డ్‌ టెస్టు చాంపియన్‌షిప్‌ (డబ్ల్యూటీసీ) పాయింట్లు కీలకం. కివీస్‌ గడ్డపై టెస్టుల్లో పరిస్థితులు, వాతావరణం, బంతి భిన్నంగా స్పందించే తీరువంటి అంశాలను చూస్తే మన ఆటగాళ్లకు ప్రత్యేక సన్నద్ధత అవసరం. దీనిని దృష్టిలో ఉంచుకొని కెపె్టన్‌ శుబ్‌మన్‌గిల్, కేఎల్‌ రాహుల్‌ టెస్టు మ్యాచ్‌ ప్రాక్టీస్‌పై దృష్టి పెట్టారు. అందుకే మ్యాచ్‌కు 10 రోజుల ముందే వెలింగ్టన్‌కు బయల్దేరారు. వీరిద్దరితో పాటు టెస్టు జట్టులో ఉన్న బౌలర్లు సిరాజ్, కుల్దీప్‌ యాదవ్, అన్షుల్‌ కంబోజ్‌ కూడా వెళ్లారు. బ్యాటింగ్‌ కోచ్‌ సితాన్షు కొటక్, పేస్‌ బౌలింగ్‌ కోచ్‌ మోర్నీ మోర్కెల్‌ టెస్టు ఆటగాళ్ల సాధనను పర్యవేక్షిస్తారు. ముందుగా అనుకున్న విధంగా చివరి రెండు వన్డేలకు గిల్‌ దూరం కానుండగా, శ్రేయస్‌ అయ్యర్‌ కెప్టెన్‌గా వ్యవహరిస్తాడు. హెడ్‌ కోచ్‌ గంభీర్, స్పిన్‌ బౌలింగ్‌ కోచ్‌ సాయిరాజ్‌ బహుతులే మాత్రం వన్డే టీమ్‌తో పాటు ఉంటారు. మరోవైపు టెస్టు జట్టులో లేని పేసర్లు అర్‌‡్షదీప్, గుర్నూర్, ఆఖిబ్‌ నబీ కూడా న్యూజిలాండ్‌లోనే ఉండనున్నారు. మిగిలిన రెండు వన్డేలు ముగిసిన తర్వాత వీరు వెలింగ్టన్‌కు వెళ్లి భారత బ్యాటర్ల నెట్‌ ప్రాక్టీస్‌కు సహకరిస్తారు.

హిందూపురం (చిలమత్తూరు): స్థానిక సంస్థల ఎన్ని­కల్లో అక్రమ మార్గాలలో గెలిచిన అధికార పార్టీ.. ఇప్పుడు ఎదురొడ్డి పోరాడిన వైఎస్సార్‌సీపీ నాయకులను లక్ష్యంగా చేసుకుంటోంది. ప్రధానంగా శ్రీసత్యసాయి జిల్లా హిందూపురం ఎమ్మెల్యే బాలకృష్ణ పీఏల ఆదేశాలతో స్థానిక పోలీసులు వైఎస్సార్‌సీపీ నేతలపై తప్పుడు కేసులు బనాయిస్తున్నారు.గొడవలకు ప్రేరేపించిన వారిని వదిలేసి.. కేవలం వైఎస్సార్‌సీపీ నేతలపై అక్రమ కేసులు మోపి వేధింపులకు పాల్పడుతున్నారు. ఈ నెల ఐదున పోలింగ్‌ సందర్భంగా చిలమత్తూరులో గొడవ చేశారంటూ వైఎ­స్సార్‌సీపీ జిల్లా ఉపాధ్యక్షుడు, ఆ పార్టీ జెడ్పీటీసీ అభ్యర్థి పురుషోత్తమరెడ్డిపై అక్రమ కేసు నమోదు చేసిన పోలీసులు మంగళవారం ఆయనను అరెస్ట్‌ చేశారు.పోలీసుల ‘పచ్చ’పాతంప్రాదేశిక ఎన్నికల పోలింగ్‌ నేపథ్యంలో గత గురువా­రం వైఎస్సార్‌సీపీ ఏజెంట్లు, అభ్యర్థులను చిలమత్తూ­రు పోలింగ్‌ కేంద్రంలోకి పోలీసులు అనుమతించలేదు. చివరకు మధ్యాహ్నం దాటిన అనంతరం కొందరిని మాత్రమే లోపలకు అనుమతించారు. స్థా­నికుడు కాని చిలకలూరిపేటకు చెందిన టీడీపీ ఎమ్మె­ల్యే బాలకృష్ణ పీఏ శ్రీనివాసరావును పోలింగ్‌ కేంద్రంలోకి పోలీసులు యథేచ్ఛగా అనుమతించా­రు.మధ్యాహ్నం 3.30 గంటల తర్వాత ఎమ్మెల్యే బాలకృష్ణ పీఏలు శ్రీనివాసరావు, సురేంద్ర, బాలా­జీ పోలింగ్‌ కేంద్రంలో హల్‌చల్‌ చేశారు. గొడవలను సృష్టించి.. వైఎస్సార్‌సీపీ అభ్యర్థులను, ఏజెంట్లను బయటకు గెంటేసి రిగ్గింగ్‌కు పాల్పడ్డారు. దీనికి నిరసన తెలుపుతూ ఆందోళనకు దిగిన వైఎస్సార్‌సీపీ నే­తలపై పోలీసులు అక్రమ కేసులు నమోదు చేశారు.పచ్చ మూకల చర్యలను నిలువరించడంతో..ఇక శనివారం వీరాపురం ఎంపీటీసీ సెగ్మెంట్‌ ఓట్ల లెక్కింపు ప్రక్రియలో వైఎస్సార్‌సీపీ అభ్యర్థి గెలుపొందారు. ఈ ఫలితాన్ని తారుమారు చేయాలని చూడగా.. వైఎస్సార్‌సీపీ జెడ్పీటీసీ అభ్యర్థి పురుషోత్తమరెడ్డి, ఏజెంట్‌గా ఉన్న రామకృష్ణారెడ్డి గట్టిగా నిలువరించడంతో అధికారులు డిక్లరేషన్‌ ఫారం ఇవ్వక తప్పలేదు. దీన్ని జీర్ణించుకోలేని పచ్చమూకలు అదేరోజు కౌంటింగ్‌ కేంద్రం వద్ద దాడులకు సిద్ధమయ్యారు.ఏఎస్పీ అంకిత సురానా వైఎస్సార్‌సీపీ జెడ్పీటీసీ అభ్యర్థి పురుషోత్తమరెడ్డి, పార్టీ మండల కన్వీనర్‌ రామకృష్ణారెడ్డిలకు ఎస్కార్ట్‌ ఇచ్చి రాష్ట్రం దాటే వరకు భద్రత కల్పించారు. అయినా వారిపై కేసులు నమోదు చేయాలని బాలకృష్ణ పీఏలు పోలీసులపై ఒత్తిడి తేవడంతో హిందూపురం వన్‌టౌన్‌ స్టేషన్‌లో 223, 132, 351(2) రెడ్‌ విత్‌ 3(5) బీఎన్‌ఎస్‌ సెక్షన్‌ల కింద కేసు నమోదు చేశారు. ఈ నేపథ్యంలోనే మంగళవారం ఉదయం సీఐ జనార్దన్, లేపాక్షి పోలీసులు రాష్ట్ర సరిహద్దులోని ఎల్లోడు వద్ద పురుషోత్తమరెడ్డిని అరెస్టు చేసి సాయంత్రానికి హిందూపురం తీసుకువచ్చి కోర్టులో ప్రవేశపెట్టారు.కోర్టు ఆవరణలో న్యాయవాదిపై ఎస్‌ఐ దాడిపురుషోత్తమరెడ్డి అరెస్ట్‌లో అత్యుత్సాహం ప్రదర్శించిన లేపాక్షి ఎస్‌ఐ నరేంద్ర హిందూపురం కోర్టు ఆవరణలో కూడా అతిగా వ్యవహరించారు. పురుషోత్తమరెడ్డి బెయిల్‌ పేపర్లు కోర్టుకు తీసుకువచ్చిన న్యాయవాది వెంకటరెడ్డి చేతుల్లోంచి వాటిని లాక్కొని కింద పడేసి న్యాయవాదిపై దాడి చేశాడు. ప్రశ్నించిన న్యాయవాదిని నానా దుర్భాషలాడుతూ అవమాన పరిచాడు. దీంతో ఆగ్రహించిన న్యాయవాదులు తిరగబడ్డారు. ఎస్‌ఐపై చర్యలు తీసుకోవాలని జడ్జికి రాతపూర్వకంగా ఫిర్యాదు చేశారు.

సాక్షి, అమరావతి: రాష్ట్రంలో ఉపాధ్యాయ పోస్టుల భర్తీ కోసం ఎదురు చూస్తున్న అభ్యర్థులను కూటమి ప్రభుత్వం మరోసారి అయోమయంలోకి నెట్టింది. డీఎస్సీ–2026 నోటిఫికేషన్‌ జారీ ప్రక్రియలో పాఠశాల విద్యాశాఖ అనుసరించిన తీరుపై తీవ్ర విమర్శలు వ్యక్తమవుతున్నాయి. నిబంధనల ప్రకారం విడుదల కావాల్సిన రోస్టర్‌ వివరాలపై స్పష్టత లేకపోవడం అభ్యర్థులకు తీవ్ర ఇబ్బందిగా మారింది. బుధవారం నుంచి ఆన్‌లైన్‌ దరఖాస్తుల ప్రక్రియ ప్రారంభం అవుతుంది.రోస్టర్‌ ప్రకారం ఏ సామాజిక వర్గానికి పోస్టులు ఉన్నాయో.. అసలు ఉన్నా­యో లేదో కూడా తెలియని అయోమయ పరిస్థితి నెలకొంది. గత నెల 13న 2,721 ఉపాధ్యాయ పోస్టుల భర్తీకి సంబంధించి విద్యాశాఖ ప్రాథమిక (బ్రీఫ్‌) నోటిఫికేషన్‌ ఇచ్చింది. 2,721 పోస్టులతో అక్టోబర్‌ 13న షార్ట్‌ నోటిఫికేషన్‌ విడుదల చేసిన అధికారులు.. జిల్లాల వారీగా ఎన్ని పోస్టులు ఉన్నాయో ప్రకటించారు. ఈ క్రమంలో సమగ్ర వివరాలతో కూడిన వివరణాత్మక నోటిఫికేషన్‌ను ప్రభుత్వం ఈనెల 4వ తేదీన విడుదల చేసింది. ఇందులో మొత్తం పోస్టులలో 2,111 రెగ్యులర్‌ స్కూల్‌ అసిస్టెంట్, సెకండరీ గ్రేడ్‌ టీచర్‌ పోస్టులు, 350 స్పెషల్‌ టీచర్‌ పోస్టులు, వివిధ సొసైటీల పరిధిలో 260 ప్రిన్సిపల్, పీజీటీ, టీజీటీ, పీడీ, పీఈటీ పోస్టులు ప్రకటించారు.అలాగే, ఏయే జిల్లాకు ఎన్ని పోస్టులు ఉన్నాయో కూడా చెప్పారు. కానీ, ఇందులో కేవలం పోస్టుల సంఖ్య, జిల్లాల వారీ ఖాళీలను మాత్రమే ప్రకటించారు తప్ప, అసలైన రిజర్వేషన్లు, కేటగిరీల వారీ రోస్టర్‌ పాయింట్లను చేర్చలేదు. రోస్టర్‌ పాయింట్లు లేకుండా కేవలం ఖాళీల సంఖ్యను ప్రకటించడం డీఎస్సీ చరిత్రలో ఎన్నడూ జరగలేదు. ఇది నిరుద్యోగ వర్గాల్లో తీవ్ర గందరగోళాన్ని సృష్టించింది. ఏ కేటగిరీకి ఎన్ని పోస్టులు కేటాయించారో తెలియకుండా ఒక ప్రకటనను విడుదల చేయడం ద్వారా డీఎస్సీ–2026 నిజంగా పూర్తి చేస్తారా? అనే అనుమానాలు వ్యక్తమవుతున్నాయి. అభ్యర్థుల్లో అనిశ్చితి, గందరగోళంసాధారణంగా నోటిఫికేషన్‌ వెలువడగానే ఏ సామాజిక వర్గానికి, ఏ రిజర్వేషన్‌ పరిధిలో ఎన్ని పోస్టులు ఉన్నాయో చూసుకుని అభ్యర్థులు ప్రిపరేషన్, దరఖాస్తు ప్రణాళికలు సిద్ధం చేసుకుంటారు. కానీ, కీలకమైన రోస్టర్‌ వివరాలను ప్రకటించక పోవడంతో అభ్యర్థుల్లో తీవ్ర అనిశ్చితి నెలకొంది. గత ఏడాది 100 రోజుల్లో డీఎస్సీ అని సీఎం, విద్యా శాఖ మంత్రి ప్రకటించగానే అభ్యర్థులు శిక్షణ మొదలు పెట్టారు. ఈ నేపథ్యంలో తాజా డీఎస్సీ–2026 నోటిఫికేషన్‌లో 5 జిల్లాలకు ఒక్క పోస్టు కూడా లేదు.మరో 12 జిల్లాలకు 9 లోపే పోస్టులు ఉన్నాయి. ఇది ఇంత కాలం శిక్షణ పొందుతున్న వారిపై తీవ్ర వ్య­తిరేక ప్రభావం చూపింది. ఇప్పుడు రోస్టర్‌ కూడా ప్రకటించక పోవడంతో తమ సామాజిక వర్గానికి పోస్టులు ఉన్నాయో లేవో తెలియని పరిస్థితి చాలా మంది అభ్యర్థులను ఆందోళనకు గురిచేస్తోంది. పోస్టుల భర్తీ ప్రక్రియను ముందస్తు స్పష్టతతో ప్రారంభించాల్సి ఉండగా, అసంపూర్తి సమాచారంతో ప్రకటనలు జారీ చేయడం ఉద్యోగార్థులను మానసిక ఒత్తిడికి గురిచేస్తోంది. అటు బ్రీఫ్‌ నోటిఫికేషన్‌, ఇటు పూర్తి వివరాలతో కూడిన నోటిఫికేషన్‌ అంతా లోపాలమయం. కాగా, దరఖాస్తు ఫీజును రూ.750 నుంచి రూ.వెయ్యికి పెంచింది.తప్పు ఒప్పుకోలు.. డీఎస్సీ సోర్ట్స్‌ కోటాలో కీలక మార్పులుమెగా డీఎస్సీ–2025లో విచ్చలవిడిగా ఉపాధ్యా­య పోస్టులు అమ్మకానికి పెట్టేందుకు నిబంధనలను ఉల్లంఘించిన ప్రభుత్వం.. తాము అనుకున్న పని పూర్తికాగానే క్రీడా కోటా పాలసీని మార్చేసింది. డీఎస్సీ నియామకాలకు సంబంధించి క్రీడా కోటా, ఫిజికల్‌ ఎడ్యుకేషన్‌ విభాగాల­కు సంబంధించి ప్రభుత్వం పలు కీలక మార్పులు తీసుకొచి్చంది. ప్రభుత్వ క్రీడా విధానం 2024–29లో ప్రభుత్వ శాఖలు అన్నింటిలో 3 శాతం హారిజాంటల్‌ రిజర్వేషన్‌ ద్వారా ప్రతిభగల క్రీడాకారులకు వారి సర్టిఫికెట్ల ఆధారంగా నేరుగా ప్రభుత్వ శాఖల్లో కొలువు కల్పించే అంశాన్ని చేర్చింది.దీని ప్రకారం మెగా డీఎస్సీ–2025 నిర్వహణలో 421 పోస్టుల్లో 97 శాతం పోస్టులను ఎటువంటి రాత పరీక్ష లేకుండా క్రీడాకారులు సాధించిన పతకాలు, సర్టిఫికెట్ల ఆధారంగా నియామకాలు చేపట్టింది. ఈ క్రమంలో పోస్టుకో రేటు ఫిక్స్‌ చేసి, భారీగా ముడుపులు దండుకుని నిజమైన అర్హులకు పోస్టులు దక్కకుండా చేసి ప్రభుత్వంలో ఉన్న వారు లబ్ధి పొందారు. డీఎస్సీ పూర్తయిన తర్వాత క్రీడా పాలసీ 2024–29ను సవరించారు. ఇప్పుడు, 3 శాతం హారిజంటల్‌ రిజర్వేషన్‌లో అభ్యర్థి కచ్చితంగా రాత పరీక్షలో ఉత్తీర్ణత సాధిస్తేనే క్రీడా కోటాలో సర్టిఫికెట్లు పరిగణనలోకి తీసుకుంటారు. గతంలో స్పోర్ట్స్‌ కోటాలో కనీస కటాఫ్‌ మార్కుల నిబంధన లేదు.అర్హులైన స్పోర్ట్స్‌ సర్టిఫికెట్‌ ఉన్న అభ్యర్థులకు అతి తక్కువ మార్కులు వచ్చినా సరే ఎంపిక చేశారు. కొత్త నిబంధనల ప్రకారం రాత పరీక్షలో తమ కేటగిరీకి నిర్దేశించిన కనీస అర్హత మార్కులు తప్పనిసరి చేశారు. ఓసీ/ ఈడబ్ల్యూఎస్‌ 40%, బీసీ 35%, ఎస్సీ/ఎస్టీ/ దివ్యాంగులు 30% ఉండాలి. స్పోర్ట్స్‌ కోటా కింద దరఖాస్తు చేసుకునే అభ్యర్థులు ముందుగా ఆంధ్రప్రదేశ్‌ క్రీడా ప్రాధికార సంస్థ అధికారిక పోర్టల్‌లో తమ వివరాలు నమోదు చేసుకుని రిజిస్ట్రేషన్‌ ఐడీ పొందాలి.అలాగే, శాప్‌ రిజిస్ట్రేషన్‌ ఐడీని డీఎస్సీ ఆన్‌లైన్‌ దరఖాస్తులో తప్పనిసరిగా నమోదు చేయాలి. అభ్యర్థులు అప్‌లోడ్‌ చేసిన క్రీడా ధ్రువపత్రాల్లో అత్యుత్తమమైన 3 సర్టిఫికెట్లను మాత్ర­మే ఎంపిక చేసి, వాటి వాస్తవికతను శాప్‌/సంబంధిత స్పోర్ట్స్‌ అసోసియేషన్ల ద్వారా నేరుగా పరిశీలిస్తారు. స్కూల్‌ అసిస్టెంట్‌ (ఫిజికల్‌ ఎడ్యుకేషన్‌), పీఈటీ, పీడీ వంటి వ్యాయామ విద్యా పోస్టులకు 100 మార్కులకు రాత పరీక్ష ఉంటుంది. దీనిని బట్టి మెగా డీఎస్సీ–2025 అంతా అక్రమాల మయమేనని చంద్రబాబు ప్రభుత్వం స్పష్టంగా అంగీకరించిందని స్పష్టమవుతోంది.

వాషింగ్టన్‌: ఇరాన్‌తో యుద్ధం సైనికపరంగా ప్రభావవంతంగానే ముగిసిందని భావిస్తున్నట్లు అమెరికా అధ్యక్షుడు డొనాల్డ్‌ ట్రంప్‌ పేర్కొన్నారు. ఇప్పటికైతే తిరిగి ఇరాన్‌పై బాంబులు వేసేందుకు తాను సిద్ధంగా లేనని చెప్పారు. ఇరాన్‌తో యుద్ధం ప్రభావం ప్రపంచ ఆర్థిక వ్యవస్థపై తీవ్రంగా ఉంటోందని మీడియాతో అన్నారు. అంతకుముందు ఆయన ఖతార్‌ ప్రధాని షేక్‌ మహ్మద్‌ బిన్‌ అబ్దుల్‌ రహా్మన్‌ బిన్‌ జస్సిమ్‌ అల్‌ థానీతో వైట్‌హౌస్‌లో చర్చలు జరిపారు. తమ దాడులతో ఇరాన్‌ మిలటరీపరంగా బలహీనపడిందని, ఇప్పటి పరిస్థితినే కొనసాగించాలని భావిస్తున్నామన్నారు. ఇరాన్‌ ఓడ రేవుల దిగ్బంధనం కొనసాగుతుందన్నారు. అయితే, ఇరాన్‌ తన అణు కార్యక్రమాన్ని పూర్తిగా నిలిపివేసే శాశ్వత పరిష్కారాన్ని కోరుకుంటున్నట్లు ట్రంప్‌ తెలిపారు. ఇరాన్‌పై దాడులు తప్పవంటూ పదేపదే హెచ్చరికలు చేసిన ట్రంప్‌..మధ్యంతర ఎన్నికల ఫలితాల నేపథ్యంలో ఈ మేరకు స్పష్టత ఇవ్వడం గమనార్హం. కాగా, ట్రంప్‌ అంతకుముందు తన సొంత ట్రూత్‌ సోషల్‌లో..‘పశి్చమాసియా మిత్ర దేశాలైన ఖతార్, సౌదీ, యూఏఈ, బహ్రెయిన్, కువాయిట్‌ తదితర దేశాలు ప్రస్తుత పరిస్థితినే కొనసాగించాలని కోరుకుంటున్నాయి. అదేవిధంగా, యుద్ధంతో అలసిపోయిన అమెరికన్లకు భరోసా ఇస్తూ, పరిస్థితుల్లో సానుకూలమైన మార్పు కనిపిస్తోంది. యుద్ధం త్వరలోనే ముగిసే అవకాశముంది’అని పేర్కొన్నారు. అయితే, ఇరాన్‌ పోర్టుల దిగ్బంధనానికి మోహరించిన బలగాల ఉపసంహరణ, ఇరాన్‌ చమురు ప్రపంచ మార్కెట్లలోకి అందుబాటులోకి తేవడం, ఇరాన్‌పై అడపాదడపా జరుపుతున్న దాడుల నిలిపివేత వంటి చర్యల విషయం ఆయన ప్రస్తావించలేదు. కాగా, ఇరాన్‌ అణు కార్యక్రమంపై ఖతార్‌ గతవారం తీసుకువచ్చిన రెండు ప్రతిపాదనలపై సోమవారం ఆ దేశ ప్రధానితో ట్రంప్‌ చర్చలు జరిపినట్లు సమాచారం.

న్యూఢిల్లీ: దేశ రాజధాని దిల్లీలోని చారిత్రాత్మక ఎర్రకోట సమీపంలో జరిగిన భీకర కారు పేలుడు ఘటన దేశవ్యాప్తంగా సంచలనం సృష్టించిన విషయం తెలిసిందే. ఈ దుర్ఘటన తర్వాత అప్రమత్తమైన భారతీయ భద్రతా బలగాలు, నిఘా సంస్థలు దేశంలో ఉగ్రవాద మూలాలను ఏరివేయడానికి భారీ స్థాయిలో ఉక్కుపాదం మోపాయి. ఈ ఉగ్రవాద వ్యతిరేక దండయాత్రలో భాగంగా గడిచిన ఏడాది కాలంలో దేశవ్యాప్తంగా 300 మందికి పైగా ఉగ్రమూకలను, అనుమానితులను అరెస్ట్ చేసినట్లు భద్రతా వర్గాలు వెల్లడించాయి. అంతేకాకుండా, విదేశాల్లో తలదాచుకున్న దాదాపు 73 మంది కీలక ఉగ్రవాద భరతం పట్టి, వారిని భారత్‌కు రప్పించడంలో కేంద్ర నిఘా వర్గాలు విజయవంతమయ్యాయి. గతంలో ఎర్రకోట సమీపంలో జరిగిన ఈ పేలుడు ఘటనలో అత్యంత ప్రణాళికాబద్ధంగా వ్యవహరించిన ఉగ్రవాద మాడ్యూల్స్‌ను నేషనల్ ఇన్వెస్టిగేషన్ ఏజెన్సీ, రాష్ట్ర పోలీసుల సంయుక్త బలగాలు ఛేదించాయి. ఈ కుట్ర వెనుక వైట్ కాలర్ నిపుణులు, వైద్యుల ప్రమేయం ఉండటం అప్పట్లో దేశవ్యాప్తంగా కలకలం రేపింది. ఈ ఉదంతం తర్వాత కేంద్ర ప్రభుత్వం దేశీయ భద్రతా యంత్రాంగాన్ని మరింత కట్టుదిట్టం చేసింది. దేశంలో ఉగ్రవాద నెట్‌వర్క్‌లను సమూలంగా అణచివేయడానికి ప్రభుత్వం 'ప్రహార్' పేరిట సరికొత్త జాతీయ ఉగ్రవాద నిరోధక విధానాన్ని అమల్లోకి తెచ్చింది. దీని ద్వారా కేవలం దాడులను అడ్డుకోవడమే కాకుండా, ఉగ్రవాదానికి నిధులు సమకూరుస్తున్న నెట్‌వర్క్‌లు, రిక్రూట్‌మెంట్ మాడ్యూల్స్, సరిహద్దులు దాటి కుట్రలు పన్నుతున్న ఉగ్రసంస్థల మద్దతుదారులపై కేంద్రం ఏకకాలంలో దాడులు నిర్వహించింది. ముఖ్యంగా జైష్-ఎ-మొహమ్మద్, లష్కరే తోయిబా , అల్-ఖైదా అనుబంధ సంస్థలు అలాగే విదేశాల నుంచి భారత్‌ను అస్థిరపరచాలని చూస్తున్న వివిధ ఉగ్రమూకల కదలికలపై నిఘా పెంచారు. విదేశాల్లో తలదాచుకుని భారత్‌ వ్యతిరేక కార్యకలాపాలకు పాల్పడుతున్న మోస్ట్ వాంటెడ్ వ్యక్తులను పట్టుకునేందుకు ప్రత్యేక కార్యాచరణ రూపొందించడంతో పాటు, ఇటీవల ప్రత్యేక అన్వేషణ, రప్పించే పోర్టళ్లను కూడా అందుబాటులోకి తెచ్చారు.దేశ భద్రత విషయంలో ఎలాంటి రాజీ పడేది లేదని, ఉగ్రవాద జాడ ఎక్కడ కనిపించినా కఠినంగా అణచివేస్తామని భద్రతా బలగాలు స్పష్టం చేస్తున్నాయి. ఈ సమగ్ర దండయాత్రతో దేశంలో ఉగ్రవాద సానుభూతిపరుల నెట్‌వర్క్‌లకు గట్టి ఎదురుదెబ్బ తగిలిందని విశ్లేషకులు భావిస్తున్నారు.

న్యూఢిల్లీ: ‘‘భద్రత చర్యలేవీ తీసుకోకపోతే ‘పా’అంత్యక్రియలకు నేను మళ్లీ రావాల్సి వస్తుంది. నాకిది తెలుసు’’ఇవీ మాజీ ప్రధాని రాజీవ్‌ గాంధీ హత్యకు రెండు నెలల ముందు కుమారుడు రాహుల్‌ గాంధీ చేసిన వ్యాఖ్య. రాజీవ్‌ గాంధీ భార్య, కాంగ్రెస్‌ నేత సోనియాగాంధీ రాసిన ఆత్మకథ ‘‘బిలాంగింగ్, ఏ జర్నీ ఆఫ్‌ లవ్‌’లో ఆమె స్వయంగా ఈ విషయం తెలిపారు. 1991 మే 21వ తేదీన తమిళనాడులోని శ్రీపెరంబదూరులో రాజీవ్‌ గాంధీ ఎల్టీటీఈ సానుభూతిపరుల ఆత్మహుతి దాడిలో మరణించిన విషయం తెలిసిందే. పూల మాల వేసే నెపంతో రాజీవ్‌ దగ్గరకు వచ్చిన ఒక మహిళ తనను తాను పేల్చేసుకుంది. ఈ క్రమంలో రాజీవ్‌గాంధీతోపాటు చుట్టుపక్కల ఉన్న దాదాపు 14 మంది ప్రాణాలు కోల్పోయారు. ఆ దురదృష్టకరమైన రోజును సోనియా తన ఆత్మకథలో గుర్తు చేసుకున్నారు. ఆనాటి ఘటనలను పాఠకులతో పంచుకున్నారు. రాజీవ్‌కు ఉన్న ఎస్పీజీ భద్రతను తొలగించిన ఏడాదికి ఈ హత్యోదంతం జరిగిందని చెప్పారు. 1989 డిసెంబర్‌లో ఎస్పీజీ కమిటీ భద్రత కొనసాగించాలని తీర్మానించిందని, కానీ అప్పటి వీపీ సింగ్‌ ప్రభుత్వం ఆ మరుసటి నెలలోనే ఎస్పీజీ భద్రతను ఉపసంహరించుకోవడమే కాకుండా.. పర్యటనల సందర్భంగా బాధ్యతలను స్థానిక పోలీసులకు బదిలీ చేసిందని సోనియా వివరించారు. రాజీవ్‌గాంధీ పర్యటనలకు వెళ్లినప్పుడల్లా తాను మంచంపై అతడి స్థలంలో పడుకునేదాన్నని, తనకు అది ఒక రకమైన తృప్తినిచ్చేదని గుర్తు చేసుకున్నారు. రాజీవ్‌ హత్య జరిగిన రోజు ప్రియాంక ఫ్రెండ్‌ బర్త్‌డే పారీ్టకి వెళ్లేందుకు సిద్ధమవుతోందని, రాహుల్‌ అమెరికాలో కాలేజీలో చదువుతున్నాడని చెప్పారు. ‘‘ఉన్నట్టుండి కారిడార్‌ నుంచి నా రూమ్‌ వైపు ఎవరో పరుగెత్తుకొస్తున్న శబ్ధం వినిపించింది. ఇతరులు ఎవరూ లేరు కాబట్టి అది ప్రియాంక అని స్పష్టమైంది. ఆమె తడబడుతూ వచ్చినట్లు అర్థమైంది. గది తలుపుదగ్గర అడుగుల చప్పుడు హఠాత్తుగా నిలిచిపోయింది. చేతిలో ఉన్న పుస్తకం మూసేశా. అసౌకర్యంగా విన్నా...’’‘‘తలుపులు తెరుచుకోగానే తను నెమ్మదిగా నడుచుకుంటూ వచ్చింది. తనను తాను సంభాళించుకుంటున్నట్లు తెలుస్తోంది. తెచ్చిపెట్టుకున్న ప్రశాంతతతో దగ్గరకొచ్చింది. ఉచ్ఛా్వసనిశ్వాసలు వేగంగా నడుస్తున్నాయి. ముఖంలో నెత్తుటి చుక్క లేనట్టుగా పాలిపోయి ఉంది. కళ్లు నేను ఎన్నడూ చూడనంత నల్లగా ఉన్నాయి’’అని ఆనాటి ఘటనను వివరించారు సోనియా. ‘ఫోన్‌ కాల్‌..బాంబు పేలుడు.. ప్రజలు చచ్చిపోతూండటం.. అన్నీ చెప్పింది. అర్జెంటుగా మద్రాసు వెళ్లాలంది. ఇవేవీ నాకు ముందు అర్థమే కాలేదు’’. ‘‘మద్రాస్‌ ఎందుకు? రాజీవ్‌ మద్రాసులో ఉన్నాడా? బాంబేమిటి? అనుకుంటున్నా. నాకు ప్రియాంక మాటల కన్నా గొంతు వింటూంటేనే భయంగా అనిపించింది. ఏం జరిగిందో అర్థమవగానే స్థాణువైపోయా. ఊపిరాడలేదు. నుంచున్నా.. ముందుకెళ్లి.. ప్రియాంకను కావలించుకున్నా. ఆమె గుండె ఎంత వేగంగా కొట్టుకుంటోందో అర్థమైంది.’’అని తెలిపారు. ‘‘కూతురు చేతుల్లో ఒరిగిపోయా. నేను అతడి (రాజీవ్‌)తోపాటు వెళ్లి ఉండాల్సింది. అంటూ ఏడ్చేశా.. ఏడుస్తూనే ఉన్నా. ఎందుకు పోలేదని తిట్టుకున్నా.’’అని చెప్పుకొచ్చారు. అపనమ్మకం ఒకవైపు... ఇంకోపక్క ఆశ.. ఈ రకమైన ఉద్వేగాల్లోనే నేను స్వయంగా మిస్టర్‌ జార్జ్‌కు ఫోన్‌ చేశా. ‘‘ఒక్క విషయం చెప్పండి. ఇది నిజమేనా’’అని అడిగా. ‘‘అవును. అది నిజమే. సాహెబ్‌ ఇక లేరు’’అన్న సమాధానం వినగానే ప్రపంచమంతా చీకటైపోయినట్లు అయ్యింది’’అని వివరించారు. రాజీవ్‌ గాంధీ భౌతిక అవశేషాలు విమానం ద్వారా ఢిల్లీలోని ఎయిమ్స్‌కు వచ్చినప్పుడు తనకు ఒక్కసారి అతడిని మళ్లీ చూడాలని గట్టిగా అనిపించిందని, అతడితో గడిపిన క్షణాలు, అతడి మాట, చూపు అన్నీ గుర్తుకొచ్చాయని చెప్పారు. తల్లి ఇందిరాగాంధీ మాదిరిగానే రాజీవ్‌ కూడా తన కళ్లను దానం చేసినట్లు తెలిసిందన్నారు. ‘‘అతడి ఆశలేమిటో ఎవరికైనా చెప్పాలని అనుకున్నా. సంక్షోభ సమయంలో మా కుటుంబంతో ఉన్న వైద్యుడి గురించి ఆలోచించా.. ‘‘డాక్టర్‌ మాథుర్‌ ఉన్నారా?’’అని అడిగా. అతడితో అర్జెంటుగా మాట్లాడాలి. ఇప్పుడే. చాలా ముఖ్యం అని చెప్పారు. అయితే వైద్యుడి సమాధానం చేదుగా అనిపించింది... ‘‘కళ్లా.. అరే... ఏం మాట్లాడుతున్నారు. ఏమీ మిగల్లేదు. ఏమీ లేదు’’అనడంతో పిడుగు పడినట్లు అయ్యింది. కడుపు మొత్తం తిప్పినట్లు అయ్యింది. ఊపిరి ఆడలేదు. చచ్చిపోదామనుకున్నా’’అని రాసుకొచ్చారు. చివరకు రాహుల్‌ అమెరికా నుంచి రానే వచ్చాడని.. ఓ మిత్రుడు ఫోన్‌ చేసి.. ‘‘చెడు వార్త. అని అనగానే.. ‘‘పాపా చనిపోయాడు కదూ’’అని రాహుల్‌ స్పందించాడు. రాహుల్‌ను గట్టిగా హత్తుకున్నా నేను. రాహుల్‌ షెడ్యూల్‌లో కొంత తేడా రావడంతో సరిపోయింది, లేదంటే అతడు కూడా శ్రీ పెరంబదూర్‌లో రాజీవ్‌ పక్కనే నిలుచుని ఉండాల్సింది. ఇప్పుడు తండ్రి అవశేషాల పక్కన చలనం లేకుండా నుంచున్నాడు ’’అని సోనియా ఆ రోజును గుర్తు చేసుకున్నారు. క్యాన్సర్‌తో నా పోరాటం ‘‘యూపీఏ రెండోసారి అధికార పగ్గాలు చేపట్టిన తరువాత ఎన్నో ఆరోగ్య సమస్యలు ఎదురయ్యాయి. 2010లో రొమ్ము కేన్సర్‌ ఉండవచ్చునని వైద్యులు చెబితే భయపడిపోయా. మీడియాలో చర్చలు నివారించేందుకు ఇటలీలోని మిలాన్‌ స మీపంలోని ఆసుపత్రిలో శస్త్రచికిత్స ద్వా రా రెండు కణితులు తొలగించుకున్నా. ఆ తరువాత ఏడాదికి కాలేయంలో ఇంకో కణితిని గుర్తించారు. వైద్యుల సలహా మేరకు నెదర్లాండ్స్‌లో ఇంకో సర్జరీ జరిగింది. అదృష్టవశాత్తు ఈ కణితిని ప్రారంభ దశలోనే గుర్తించామని వైద్యులు చెప్పారు.’’సిక్కు వ్యతిరేక అల్లర్లు చరిత్రలోనే చీకటి అధ్యాయం ‘‘1984లో జరిగిన సిక్కు వ్యతిరేక అల్లర్లు మాటలకు అందని విషాదం. భారతదేశ చర్రితలో చీకటి అధ్యాయం. సిగ్గు చేటైన విషయం. రాజీవ్‌ వ్యక్తిత్వంలో విద్వేషం, ప్రతీకారం వంటి భావనలు అస్సలు లేవు. అయితే పరిపాలన వైఫల్యాలు, అమానుష ఘటనలు దేశాన్ని కుదిపేస్తున్న పరిస్థితుల్లో ఒకానొక చారిత్రక ఘట్టంలో బలవంతంగా భాగం కావాల్సి వచ్చింది. ఇందిరాగాంధీ హత్య జరిగిన రోజే రాజీవ్‌ జాతీయ టెలివిజన్‌లో మాట్లాడుతూ శాంతికి పిలుపునిచ్చారు. ప్రధానిగా ఎంపికైన తరువాత అతడు చేసిన మొట్టమొదటి పని అదే. ఢిల్లీలో ఉద్రిక్త పరిస్థితులు ఉన్న ప్రాంతాలను స్వయంగా సందర్శించాడు. సిబ్బంది సాయంతో సిక్కు సహోద్యోగుల యోగక్షేమాలు చూశారు. నవంబరు ఒకటవ తేదీ మళ్లీ వీధుల్లోకి వెళ్లి సామాన్యులతో మాట్లాడారు. ప్రతీకార వాంఛ వద్దని నిగ్రహంగా ఉండాలని కోరారు. ఆ మరుసటి రోజు కూడా రాజీవ్‌ టెలివిజన్‌లో మాట్లాడారు ఇందిర మాటలు ‘‘రక్తం చిందించకండి. ద్వేషాన్ని వదిలేయండి’’అన్న మాటలు గుర్తు చేశారు. ఇప్పుడు ఆ బాధాతప్త రోజులను, ఇందిర హత్య తరువాత జరిగిన విధ్వంసాన్ని గుర్తు చేసుకుంటే దేంట్లోనూ స్పష్టత కనిపించదు. షాక్, భయం, రాజీవ్, నా పిల్లల జీవితాలపై ఆందోళనలు మాత్రమే గుర్తొస్తాయి. ‘‘ఇందిర హత్య జరిగిన రోజే చీఫ్‌ ఆఫ్‌ ఆర్మీ స్టాఫ్‌ జనరల్‌ ఎ.ఎస్‌.వైద్యకు ఆదేశాలు అందాయి. అయితే ఢిల్లీకి దగ్గరలో ఉన్న యూనిట్లలో సిక్కులు ఎక్కువగా ఉన్నారన్న కారణంతో ఆయన భద్రత కోసం ఆ యూనిట్లను ఉపయోగించలేకపోయారని తరువాత తెలిసింది. ఆ అల్లర్లకు సంబంధించి హత్యలకు పాల్పడ్డ పలువురు ఆర్‌ఎస్‌ఎస్‌ నేతలపై కూడా కేసులు నమోదయ్యాయి.’’వెనకుండి నడిపించలేదు ‘‘యూపీఏ ప్రభుత్వంలో ‘బ్యాక్‌ సీట్‌ డ్రైవర్‌’పాత్ర పోషించలేదు. మన్మోహన్‌ ప్రభు త్వాన్ని, నేను పార్టీని నడిపించాము. ప్రధాని సలహాలిచ్చినా.. తుది నిర్ణయం మాత్రం ఆయనదే. పార్టీ, ప్రభుత్వాల మధ్య వారధిలా ప్రణబ్‌ ముఖర్జీ, అర్జున్‌ సింగ్, ఏకే ఆంటోనీ, అహ్మద్‌ పటేల్‌ల కోర్‌ గ్రూప్‌ వ్యవహరించింది. 2010లో ‘‘పైస్థాయిలో మార్పు అవసరం కావచ్చు’’అని ప్రణబ్‌ ముఖర్జీ వ్యాఖ్యానించారు. నేను అది ప్రధాని పదవిపై ఆయన ఆసక్తిగానే భా వించా. ప్రభుత్వ ఫైళ్లను చూడ లేదు, పరిపాలనలో జోక్యం చేసుకోలేదు’’ఇంకా ఏం రాశారంటే..రాహుల్, ప్రియాంక అడ్డుకున్నారు‘‘2004 ఎన్నికలకు ముందే కాంగ్రెస్‌ పార్టీ గెలిచినా ప్రధాన మంత్రి పదవి చేపట్టబోనని ప్రియాంక, రాహుల్‌లకు స్పష్టం చేశాను. ఇందిర, రాజీవ్‌ల హత్య తరువాత ప్రధానమంత్రి పదవి చాలా ప్రమాదకరమైన బాధ్యతని వాళ్లూ భావించారు. పార్టీ నేతల ఒత్తిడి కారణంగా ఒకానొక సందర్భంలో సరే అన్నానని అనుకుని రాహుల్, ప్రియాంకలు వద్దే వద్దని గట్టిగా చెప్పారు. రాత్రంతా ఆలోచించిన తర్వాత తిరస్కరించాలని నిర్ణయించుకున్నా. నిజాయితీ, పరిపాలనా అనుభవం, సమర్థత కలిగిన నాయకుడు అని నమ్మడం, అందరికీ ఆమోదయోగ్యుడు కావడం వల్లనే డాక్టర్‌ మన్మోహన్‌ సింగ్‌ను ప్రధాని పదవికి ఎంపిక చేశాను.’’మోదీతో పెద్ద పరిచయాల్లేవు... ‘‘ప్రధానమంత్రి నరేంద్ర మోదీతో తనకు వ్యక్తిగత సంబంధాలు పెద్దగా లేవు. అధికారిక సమావేశాల్లో లేదంటే శుభాకాంక్షలు చెప్పుకునేటప్పుడు మాత్రమే కలుసుకోవడం. అయితే ఎప్పుడు ఎదురైనా నేరుగా కళ్లలో కళ్లు పెట్టి చూడరు. భారతదేశమంటే సమగ్రత, లౌకికవాదం, సామాజిక న్యాయం అన్నది నా ఆలోచన. మోదీ ఆలోచనలపై ఆర్‌ఎస్‌ఎస్‌ సిద్ధాంతాల ప్రభావం కనిపిస్తుంది’’ఇందిరా గాంధీ ముక్కోపి... ‘‘అత్తగారు ఇందిరా గాంధీ గారికి అప్పుడప్పుడు చాలా కోపం వచ్చేది. సిబ్బంది ఎవరైనా తప్పు చేస్తే మూలన నుంచోబెట్టేవారు. కొన్నిసార్లు మాట్లాడకుండా ఉండేవారు. పార్లమెంటులో ఇబ్బందికర పరిస్థితులు వస్తే ఆ కోపం ఇంట్లో భోజనం చేసేటప్పుడు చూపేవారు. రాజీవ్, సంజయ్‌లు ఇద్దరూ కోపం తగ్గే వరకు మౌనంగా ఉండేవారు. మనవలు పుట్టిన తర్వాత ఆమె కోపం బాగా తగ్గింది’’మేనకతో చెడింది ఎక్కడంటే... సంజయ్‌ గాంధీ మేనకాను 1973లో కలిశారు. ఏడాది లోపే వివాహమూ అయిపోయింది. మొదట్లో బాగుండేది కానీ.. వారిద్దరి మధ్య తగాదాలు పెరగడం కుటుంబ సంబంధాలు మొత్తం ప్రభావితమయ్యాయి. మేనక సంజయ్‌ను కట్టడి చేయడానికి బదులు అతడి రాజకీయ కార్యకలాపాలకు ప్రోత్సాహమిచ్చారని ఇందిర అనుకునే వారు. మేనక కారణంగా అన్నదమ్ముల మధ్య సంబంధాలూ దెబ్బతిన్నాయి. 1980 జూన్‌ 23న సంజయ్‌ విమాన ప్రమాదంలో మరణించిన తరువాత మేనక తల్లి సంజయ్‌ మద్దతుదారులతో మేనకకు రాజకీయ పాత్ర ఇవ్వాలని చెప్పించారు. ఇది ఇందిరాగాం«దీకి ఏమాత్రం ఇష్టం కాలేదు. పసిబిడ్డ అయిన కొడుకు (వరుణ్‌ గాం«దీ)ను చూసుకుంటే మేలని భావించారు. అయితే మేనక వరుణ్‌ మొదటి పుట్టిన రోజును బీజేపీతో సంబంధాలున్న వసుంధర రాజే ఇంట్లో జరపడంతో ఇందిరకు కోపం వచ్చింది. మేనక గాంధీకి చెందిన ‘సూర్యా’మేగజైన్‌ను ఆర్‌ఎస్‌ఎస్‌ సభ్యుడు ఒకరికి అమ్మడం ఇందిర కోపాన్ని మరింత పెంచింది. పార్టీ వ్యతిరేక పనులకు పాల్పడవద్దని, లేదంటే ఇంకోచోట ఎక్కడైనా ఉండాలని ఆజ్ఞాపించారు. దీంతో మేనక.. ఇందిర, రాజీవ్‌లతో పాటు నాపైనా ఆరోపణలు గుప్పిస్తూ ఇల్లు వదిలారు.’’తొలి చూలును కోల్పోయి... ‘‘1968లో తొలిసారి గర్భం దాల్చా. గాంధీ కుటుంబంలో ఆనందం నెలకొంది. 1969 జనవరి 18న నెలలు నిండకుండానే కాన్పు జరిగింది. కొడుకు పుట్టాడు. ఆరోగ్యంగానే కనిపించాడు. రాజీవ్‌ కూడా పెద్ద కొడుకును బాగా ఇష్టపడ్డాడు. కానీ.. మరుసటి రోజు ఉదయమే 6.30 గంటల ప్రాంతంలో కను్నమూశాడు. రాజీవ్, నేను చాలా బాధపడ్డాం. పర్యటనలో ఉన్న అత్తగారు కూడా అర్ధంతరంగా తిరిగి ఆసుపత్రికి వచ్చారు. అయితే హిందూ సంప్రదాయం ప్రకారం బిడ్డను దహనం చేయకూడదు కాబట్టి అంత్యక్రియలపై ఇంట్లో తర్జనభర్జనలు నడిచాయి. నదిలో వదిలేద్దామన్నారు. నాకు అది ఏమాత్రం ఇష్టం లేకపోయింది. ఓక్లా బ్యారేజీ వద్ద బిడ్డ శవం తేలుతున్న చిత్రం కళ్లముందు కదలాడింది. చివరకు మెహ్రోలీలోని ఫిరోజ్‌ గాంధీ ఫామ్‌హౌస్‌లో బోగన్‌విల్లా గుబురు కింద బిడ్డను ఖననం చేశాం. ఆ సమయంలో రైట్‌ వింగ్‌ న్యూస్‌ పేపర్‌ బిడ్డ గురించి రాసిన కథనం నా బాధను మరింత పెంచింది.ఆ తర్వాత కొంతకాలానికి 1970 జూన్‌ 19న రాహుల్‌ గాంధీ జన్మించారు’’

సాక్షి, అమరావతి: కుంభకోణాలకు మారుపేరుగా భాసిల్లుతున్న రాజధాని అమరావతిలో మరో భారీ భూకుంభకోణం బట్టబయలైంది. గ్రామకంఠం అంటే.. గ్రామంలో ప్రజలు నివసిస్తున్న ప్రాంతం, దానికి అనుబంధంగా ఉన్న ప్రాంతం (పశువుల పాక, గడ్డివాము, పొగాకు బ్యారెన్లు ఉన్న ప్రదేశం). రాజధాని ప్రాంతంలోని 29 గ్రామాల్లో 2014, డిసెంబరు 8 నాటికి ఉన్న నిర్మాణాలు, వీజీటీఎం యూడీఏ (విజయవాడ గుంటూరు తెనాలి మంగళగిరి అర్బన్‌ డెవలప్‌మెంట్‌ అథారిటీ) ఆమోదించిన లేఅవుట్లలోని ప్లాట్లను మాత్రమే భూసమీకరణ పథకం (ల్యాండ్‌ పూలింగ్‌ స్కీం) కింద మినహాయింపు ఇవ్వాలని 2015, మార్చి 1న సీఆర్‌డీఏ (రాజధాని ప్రాంత అభివృద్ధి సంస్థ) కమిషనర్‌ మార్గదర్శకాలు జారీ చేశారు.ఊరికి దూరంగా విడివిడిగా ఉన్న ఇళ్లు, వీజీటీఎం అనుమతి లేని అనధికారిక లేఅవుట్లకు, వ్యవసాయానికి ఉపయోగించే ఖాళీ భూములకు భూసమీకరణ నుంచి మినహాయింపు వర్తించదని తేల్చిచెప్పింది. ఆ మార్గదర్శకాల ప్రకారమే 29 గ్రామాల్లో ల్యాండ్‌ పూలింగ్‌ స్కీం కింద 6,473.72 ఎకరాలను భూసమీకరణ నుంచి మినహాయింపు ఇచ్చినట్లు సీఆర్‌డీఏ చెబుతోంది. కానీ.. అందులో సుమారు 3 వేల ఎకరాల భూమిని ప్రభుత్వ పెద్దలకు సన్నిహితులైన టీడీపీ నేతలు, టీడీపీ కార్యకర్తలు, ముడుపులు ఇచ్చిన వారికి గ్రామకంఠం కింద పరిగణించి భూసమీకరణ నుంచి మినహాయింపు ఇచ్చినట్లు రాజధాని రైతులు చెబుతున్నారు.చంద్రబాబు ప్యాలెస్‌ నిర్మాణం కోసం కొనుగోలు చేసిన భూమి ధర ప్రకారం చూస్తే.. గ్రామకంఠం కింద మినహాయించిన 3 వేల ఎకరాల భూమి విలువ అక్షరాల రూ.12 వేల కోట్లు. గ్రామకంఠంగా పరిగణించి.. భూసమీకరణ నుంచి మినహాయింపు ఇచ్చిన భూమిని రాజధాని మాస్టర్‌ ప్లాన్‌లో భాగంగా రోడ్లు, మురుగునీటి వ్యవస్థ వంటి మౌలిక సదుపాయాల కల్పన కోసం సేకరిస్తే.. అంతే పరిమాణంలో అభివృద్ధి చేసిన ప్లాట్లు ఇవ్వాల్సి ఉంటుంది. గ్రామకంఠం కింద మినహాయింపు ఇచ్చిన ప్రాంతంలో ఇళ్లు, వాణిజ్య భవనాలు వంటివి నిర్మించుకోవచ్చు. అటు ఇన్‌సైడర్‌ ట్రేడింగ్‌.. ఇటు గ్రామకంఠం ముసుగు ఉమ్మడి ఆంధ్రప్రదేశ్‌ విభజన తర్వాత 2014లో రాష్ట్రంలో అధికారంలోకి వచ్చిన చంద్రబాబు.. ఓత్‌ ఆఫ్‌ సీక్రసీకి తిలోదకాలు ఇచ్చి.. రాజధాని ఏర్పాటుచేసే ప్రాంతాన్ని ముందే తన బినామీలు, వందిమాగధులకు లీకులు ఇచ్చారు. వారు ఇన్‌సైడర్‌ ట్రేడింగ్‌కు పాల్పడి రైతుల నుంచి తక్కువ ధరలకే భారీ ఎత్తున భూములు కాజేశారు. ఇన్‌సైడర్‌ ట్రేడింగ్‌కు పాల్పడి తక్కువ ధరలకే రైతుల నుంచి భూములు లాగేసుకున్నాక గుంటూరు జిల్లాలో తుళ్లూరు, తాడేపల్లి, మంగళగిరి మండలాల్లో 29 గ్రామాలను రాజధాని ప్రాంతంగా ప్రకటించారు.ల్యాండ్‌ పూలింగ్‌ స్కీం కింద రాజధాని నిర్మాణం కోసం భూములు సమీకరిస్తామని చెప్పారు. ఈ క్రమంలో 2014, డిసెంబర్‌ 8 నాటికి గ్రామం, ఆ గ్రామంలో నిర్మించిన ఇళ్లు, గ్రామకంఠాలు, విస్తరించిన గ్రామకంఠాల పరిధుల్ని గ్రామకంఠంగా పరిగణిస్తూ ఉపగ్రహ ఛాయాచిత్రాలు, రెవెన్యూ రికార్డుల ఆధారంగా నిర్ణయించి భూసమీకరణ నుంచి మినహాయించారు. వాటితోపాటు గ్రామాలను ఆనుకుని ఉన్న పొగాకు బ్యారెన్‌లు, పశువుల కొట్టాలు వంటివి ఉన్నా మినహాయింపులు ఇచ్చారు.ఈ క్రమంలో తమ భూములను గ్రామకంఠంగా పరిగణించి భూసమీకరణ నుంచి మినహాయింపు ఇవ్వలేదంటూ రాజధాని ప్రాంతంలో టీడీపీ నేతలు దామినేని శ్రీనివాసరావు, బెల్లకొండ నరసింహరావు, ఆలూరు చంద్రశేఖరరావు, నూతక్కి నాగకిశోర్‌ తదితరులు సీఎం చంద్రబాబు, మంత్రులు లోకేశ్, నారాయణలకు ఫిర్యాదులు చేశారు. దాంతో ఈ సమస్యను పరిష్కరించేందుకు గుంటూరు జిల్లా అప్పటి జాయింట్‌ కలెక్టర్, సీఆర్‌డీఏ ఎక్స్‌ అఫీషియో అడిషనల్‌ కమిషనర్‌ సీహెచ్‌ శ్రీధర్, సీఆర్‌డీఏ అడిషనల్‌ కమిషనర్‌లు ప్రసన్న వెంకటేశ్, ఎ.మల్లికార్జునలకు అప్పగిస్తూ ప్రభుత్వం 2016, మార్చి 16న ఉత్తర్వులు జారీ చేసింది.ఇందులో ల్యాండ్‌ పూలింగ్‌ స్కీం కింద ప్రభుత్వం ఇచ్చిన హామీల అమలును సీహెచ్‌ శ్రీధర్‌ పర్యవేక్షించారు. ఉన్నత స్థాయి ఒత్తిళ్లకు తలొగ్గిన అధికారులు.. టీడీపీ నేతలు, కార్యకర్తలు, ముడుపులు ఇచ్చిన వారికి సంబంధించిన వ్యవసాయ భూములను కూడా గ్రామకంఠం కింద మినహాయింపు ఇచ్చారు. ప్రధాన రాజధాని ప్రాంతంలోని వెలగపూడి, నేలపాడు, తుళ్లూరులలో గ్రామానికి చాలా దూరంలో ఉన్న వ్యవసాయ భూములను కూడా గ్రామకంఠం కింద పరిగణించి.. భూసమీకరణ నుంచి మినహాయింపు ఇవ్వడం గమనార్హం. ఎకరాలకు ఎకరాలు గ్రామకంఠం కింద మినహాయింపు..­⇒ తుళ్లూరులో టీడీపీలో అత్యంత కీలకంగా వ్యవహరించే అనుమోలు ప్రభావతి కుటుంబానికి సర్వే నెంబరు 61/ఏలో 1.83, సర్వే నెంబరు 61/బీలో 1.69 ఎకరాలు ఉంది. ఇందులో ల్యాండ్‌ పూలింగ్‌ స్కీం కింద సర్వే నెంబరు 61/ఏలో ఎకరం, సర్వే నెంబరు 61/బీలో 0.92 ఎకరాలు వెరసి 1.92 ఎకరాలను సీఆర్‌డీఏకు అప్పగించారు. మిగులుగా 1.6 ఎకరాల భూమి ఉంటుంది. కానీ.. 1.92 ఎకరాలు భూమి మిగులుగా ఉన్నట్లు.. అది గ్రామకంఠం కింద పరిగణిస్తూ భూసమీకరణ నుంచి సీఆర్‌డీఏ మినహాయింపు ఇచ్చేసింది. ⇒ మందడంలో అలూరు చంద్రశేఖర్‌రావు టీడీపీ నేత. భూసమీకరణ కింద రైతుల నుంచి సీఆర్‌డీఏకు భూముల అప్పగింతలో క్రియాశీలకంగా వ్యవహరించారు. ఆయనకు సర్వే నెంబరు 343లో 4.68 ఎకరాల భూమి ఉంటే.. ఆ భూమిని అంతటినీ గ్రామకంఠం కింద పరిగణిస్తూ భూసమీకరణ నుంచి సీఆర్‌డీఏ మినహాయింపు ఇచ్చేసింది.⇒ మందడంలో టీడీపీలో కీలకంగా వ్యవహరించే నాయకులు బెజవాడ రమేష్ కు సర్వే నెంబరు 341/బీలో 0.72 ఎకరాలు.. నూతక్కి కొండయ్య, శ్రీధర, నాగేశ్వరరావు, రమేష్, అనంతరామయ్య తదితరులకు సర్వే నెంబరు 119లో 4.96 ఎకరాలు.. నూతక్కి లక్ష్మణ్‌రావు, రాజేంద్రప్రసాద్‌ తదితరులకు సర్వే నెంబరు 118/1లో 1.46 ఎకరాలను గ్రామకంఠం కింద పరిగణిస్తూ భూసమీకరణ నుంచి సీఆర్‌డీఏ మినహాయింపు ఇచ్చేసింది.⇒ తుళ్లూరులో టీడీపీ కీలక నేత జమ్ముల కిరణ్‌కుమార్‌కు సర్వే నెంబరు 96లో 0.84 ఎకరాలు.. నేలపాడులో గుజ్జర్లపూడి సీతారామయ్యకు సర్వే నెంబరు 85/2లో 0.33, పెద్ద కోటయ్యకు సర్వే నెంబరు 143లో 0.32 ఎకరాలు, తరిగొప్పుల నాగేశ్వరరావుకు సర్వే నెంబరు 88/5లో 0.32 ఎకరాలు గ్రామకంఠం కింద పరిగణిస్తూ భూసమీకరణ నుంచి సీఆర్‌డీఏ మినహాయింపు ఇచ్చింది. ⇒ వెంకటపాలెంలో టీడీపీ కీలక నాయకుడు, రాజధాని రైతుల జేఏసీలో కీలకంగా వ్యవహరించిన బెల్లంకొండ నరసింహారావుకు సర్వే నెంబరు 118లో 0.24 ఎకరాలు, జమ్ముల శ్రీనివాసరావుకు సర్వే నెంబరు 133లో 0.25 ఎకరాలు, గుర్రం నాగేశ్వరరావుకు సర్వే నెంబరు 124/బీలో 0.24 ఎకరాలను గ్రామకంఠం కింద పరిగణిస్తూ భూసమీకరణ నుంచి సీఆర్‌డీఏ మినహాయింపు ఇచ్చింది. ⇒ రాజధాని ప్రాంతంలోని 29 గ్రామాల్లో టీడీపీ నేతలు, కార్యకర్తలు, సానుభూతిపరులు, టీడీపీ నేతలకు ముడుపులు ఇచ్చిన రైతులకు మాత్రమే సుమారు 3 వేల ఎకరాల భూమిని గ్రామకంఠం కింద పరిగణిస్తూ భూసమీకరణ నుంచి సీఆర్‌డీఏ మినహాయించింది. బాబు ప్యాలెస్‌కు భూమిచ్చినందుకు గ్రామకంఠం నజరానా.. రాజధాని ప్రధాన ప్రాంతం (కోర్‌ కేపిటల్‌ ఏరియా)లో తాత్కాలిక సచివాలయం వెనుక.. ప్రస్తుతం నిర్మీస్తున్న శాశ్వత సచివాలయానికి కూత వేటు దూరంలో వెలగపూడిలో సర్వే నెంబరు 111, 112, 113, 122, 150, 152, 239లలో 25 వేల చదరపు గజాల(5.16) రెసిడెన్షియల్‌ ప్లాట్‌ (నివాస స్థలాన్ని) కంచర్ల సాంబశివరావు, కంచర్ల శాంతికిరణ్, కంచర్ల ఓంకార్, కాట్రగడ్డ గీతాశ్రీ నుంచి సీఎం చంద్రబాబు కోడలు, మంత్రి నారా లోకేశ్‌ భార్య నారా బ్రాహ్మణి ట్రస్టీగా వ్యవహరిస్తున్న నివాస ట్రస్టు పేరుతో రూ.18.75 కోట్లకు అంటే.. చదరపు గజం రూ.7,500 చొప్పున కొనుగోలు చేసి 2025, ఏప్రిల్‌ 2న రిజిస్ట్రేషన్‌ చేసుకున్నారు. అంటే ఎకరం రూ.3.63 కోట్ల చొప్పున కొనుగోలు చేశారు. అందులోనే సీఎం చంద్రబాబు ఇంద్రభవనాన్ని తలపించే రీతిలో వందలాది కోట్లు వ్యయం చేస్తూ ప్యాలెస్‌ను నిర్మీస్తున్నారు. ఇది చూసినవారికి రాజధాని ప్రధాన ప్రాంతంలో రెసిడెన్షియల్‌ ప్లాట్‌ ధర అంత తక్కువగా ఉందా అన్న అనుమానం రాకమానదు.ఇక చంద్రబాబుకు భూమి విక్రయించిన కంచర్ల సాంబశివరావు కుటుంబానికి సర్వే నెంబరు 91/1ఎఫ్‌లో 1.76 ఎకరాల (8,518.4 గజాలు) భూమిని గ్రామకంఠం కింద మినహాయింపు ఇచ్చారు. ప్యాలెస్‌ నిర్మాణానికి చంద్రబాబు భూమి కొనుగోలు చేసిన ధర ప్రకారం చూస్తే.. 1.76 ఎకరాల విలువ రూ.6.38 కోట్లు. చంద్రబాబు ఈ స్థలాన్ని తక్కువకు కొనడం.. అమ్మినవారికి గ్రామకంఠం కింద మినహాయింపు ఇవ్వడాన్ని బట్టి ఏం జరిగి ఉంటుందో అర్థం చేసుకోవచ్చు.బ్రాహ్మణికి భూమి అమ్మినవారికీ మినహాయింపులు.. వెలగపూడిలో సీఎం చంద్రబాబు నిర్మిస్తున్న ప్యాలెస్‌కు ఆనుకునే ఆయన కోడలు, మంత్రి లోకేశ్‌ భార్య బ్రాహ్మణి ట్రస్టీగా వ్యవహరిస్తున్న నివాస ట్రస్టు పేరుతో సర్వే నం. 152లో 930 చదరపు గజాల రెసిడెన్షియల్‌ ప్లాట్‌ను చదరపు గజం రూ.5,750 చొప్పున రూ.53,47,500లకు మల్కాపురానికి చెందిన గద్దె శివరాంప్రసాద్‌ తనయుడు నిషాంత్‌ నుంచి కొనుగోలు చేసి 2025, అక్టోబర్‌10న రిజి్రస్టేషన్‌ చేసుకున్నారు. ఇందులో భారీ భవనాన్ని నిర్మీస్తున్నారు.ప్యాలెస్‌ నిర్మాణానికి కంచర్ల సాంబవశిరావు నుంచి చదరపు గజం రూ.7,500లకు కొనుగోలు చేస్తే.. దాని పక్కనే ఉన్న 930 గజాల రెసిడెన్షియల్‌ ప్లాట్‌ను చ. గజం రూ.5,750లకే గద్దె నిషాంత్‌ నుంచి బ్రాహ్మణి కొనుగోలు చేశారు. అంటే.. చ. గజం రూ.1,750లు తక్కువకే కొన్నారు. బ్రాహ్మణికి కంచర్ల సాంబశివరావు కంటే తక్కువ ధరకు రెసిడెన్షియల్‌ ప్లాట్‌ను విక్రయించిన గద్దె నిషాంత్‌ తండ్రి గద్దె శివరాంప్రసాద్‌కు మల్కాపురంలో సర్వే నెంబరు 9/3లో 2.64 ఎకరాల వ్యవసాయ భూమి ఉంటే.. అందులో 2 ఎకరాల భూమిని గ్రామకంఠం కింద ప్రభుత్వం మినహాయింపు ఇచ్చింది.ప్యాలెస్‌ నిర్మాణం కోసం బ్రాహ్మణి కొనుగోలు చేసిన ధర ప్రకారం చూసుకుంటే.. శివరాంప్రసాద్‌కు గ్రామకంఠం కింద మినహాయింపు ఇచ్చిన 2 ఎకరాల భూమి విలువ రూ.7.26 కోట్లు. పశువుల పాక ఉన్న రెండు మూడు సెంట్లను తమకు గ్రామకంఠం కింద మినహాయింపు ఇవ్వని ప్రభుత్వం.. శివరాంప్రసాద్‌కు 2 ఎకరాలను మినహాయింపు ఇవ్వడంలో ఆంతర్యమేమిటని రాజధాని రైతులు ప్రశి్నస్తున్నారు.దామినేనికి ఏ ప్రాతిపదికన మినహాయింపునిచ్చారు?మండల కేంద్రం తుళ్లూరుకు చెందిన దామినేని శ్రీనివాసరావు అటు సీఎం చంద్రబాబు, మంత్రి నారా లోకేశ్‌.. ఇటు మంత్రి పి.నారాయణకు అత్యంత సన్నిహితుడు. ఆ మండల టీడీపీ కీలక నాయకుడు.. రాజధాని రైతుల జేఏసీ నాయకుడు. దామినేని శ్రీనివాసరావు భార్య దామినేని కృష్ణవేణికి తుళ్లూరులో సర్వే నెంబరు 22/3లో 1.28 ఎకరాల భూమిని గ్రామకంఠం కింద ప్రభుత్వం మినహాయింపు ఇచ్చింది.చంద్రబాబు ప్యాలెస్‌ నిర్మాణం కోసం కొనుగోలు చేసిన భూమి విలువ ప్రకారం చూస్తే.. దామినేని శ్రీనివాసరావుకు గ్రామకంఠం కింద 1.28 ఎకరాలను మినహాయింపు ఇవ్వడం ద్వారా రూ.4.64 కోట్ల లబ్ధి చేకూరింది. తమ పొగాకు బ్యారెన్‌ ఉన్న ఐదారు సెంట్ల భూమిని గ్రామకంఠం కింద మినహాయింపు ఇవ్వాలని కోరితే దాన్ని బుట్టదాఖలు చేసి.. దామినేని శ్రీనివాసరావుకు మాత్రం 1.28 ఎకరాల భూమిని గ్రామకంఠం కింద ఏ ప్రాతిపదికన మినహాయింపు ఇచ్చారంటూ ప్రభుత్వాన్ని రాజధాని రైతులు నిలదీస్తున్నారు.రైతు అర్ధించినా ఒత్తిడి చేసి ప్రాణం తీశారు..మందడం గ్రామానికి చెందిన ఆలూరి రంజిత్‌కుమార్‌ది 25 ఎకరాల రైతు కుటుంబం. రాజధాని నిర్మాణం కోసం భూములు ఇవ్వాలని ఒత్తిడి చేయడంతో భూసమీకరణ కింద సీఆర్‌డీఏకు తమ భూములు అప్పగించేశారు. తన ఇంటికి సమీపంలో ఉన్న భూమి.. అందులో నిర్మించుకున్న అమ్మవారి ఆలయాన్ని గ్రామకంఠంగా పరిగణిస్తూ భూసమీకరణ నుంచి మినహాయింపు ఇవ్వాలని అనేక మార్లు మంత్రులు, సీఆర్‌డీఏ అధికారులు, జాయింట్‌ కలెక్టర్‌ నేతృత్వంలోని కమిటీకి విన్నవించుకున్నారు. కానీ.. వాటికి స్పందన లేకపోవడం.. మరో వైపు భూసేకరణ, వివిధ రకాల ఒత్తిళ్లకు తాళలేక ఆలూరి రంజిత్‌కుమార్‌ ప్రాణాలు కోల్పోయారని రైతులు చెబుతున్నారు. అర్హత ఉన్నా మినహాయింపు ఇవ్వరా?రాజధాని ప్రాంతంలో తమకు అర్హత ఉన్నప్పటికీ తమ స్థలాన్ని గ్రామకంఠాలుగా పరిగణించలేదంటూ రైతులు ఆందోళన బాటపట్టారు. ఆందోళన తీవ్రరూపం దాల్చుతుండటం.. మలి విడత భూసమీకరణకు రైతులు భూములు ఇచ్చేందుకు మొగ్గుచూపకపోవడంతో ప్రభుత్వంలో కదలిక వచ్చింది. గుంటూరు జాయింట్‌ కలెక్టర్‌ నేతృత్వంలో గ్రామకంఠం కింద తమకు మినహాయింపు ఇవ్వాలని కోరుతున్న రైతుల సమస్యల పరిశీలనకు కమిటీని నియమిస్తూ జనవరి 23న ఉత్తర్వులు జారీ చేసింది.ఈ కమిటీకి తమ స్థలాల్ని గ్రామకంఠాలుగా పరిగణించి భూసమీకరణ నుంచి మినహాయింపు ఇవ్వాలంటూ 698 మంది రైతులు దరఖాస్తు చేసుకున్నారు. వాటిని పరిశీలించిన ఆ కమిటీ 17 మందికి మాత్రమే గ్రామకంఠం కింద మినహాయింపు ఇచ్చేందుకు అర్హత ఉందని తేల్చింది. దీనిపై రాజధాని రైతులు మండిపడుతున్నారు.టీడీపీ నేతలు, కార్యకర్తలు, ముడుపులు ఇచ్చిన వారికైతే ఒక న్యాయం.. తమకో న్యాయమా అంటూ నిలదీస్తున్నారు. మందడంలో ఆలూరి రంజిత్‌కుమార్‌ అనే రైతు గ్రామకంఠం అంశానికి సంబంధించి.. ఆ భూమిలో నిర్మించిన అమ్మవారి ఆలయానికి సంబంధించి భూసమీకరణ నుంచి మినహాయింపు ఇవ్వాలని మంత్రులు, సీఆర్‌డీఏ అధికారులు, జాయింట్‌ కలెక్టర్‌ అధికారులను కోరారని.. వారు దానికి స్పందించకపోవడంతో మనోవ్యథకు గురై మరణించాడని రైతులు చెబుతున్నారు.

జెరూసలేమ్: ఇజ్రాయెల్ రాజకీయాల్లో ఉద్రిక్తతలు తారస్థాయికి చేరాయి. దేశంలో నెలకొన్న క్లిష్ట పరిస్థితులు, గాజా యుద్ధం నేపథ్యంలో అందరూ ఏకం కావాలని ప్రధాని బెంజమిన్ నెతన్యాహు పిలుపునిచ్చారు. అయితే, ఆయన చేసిన ఈ ఐక్యత పిలుపును ప్రధాన ప్రతిపక్షం తీవ్రంగా తప్పుబట్టింది. మాజీ ఆర్మీ చీఫ్, ప్రతిపక్ష నేత గాడి ఐసెన్‌కోట్ ప్రధాని నెతన్యాహుపై తీవ్రస్థాయిలో విరుచుకుపడ్డారు. నెతన్యాహు చేసిన ఐక్యతా ప్రకటనను ఆయన సిగ్గుచేటు అని అభివర్ణించారు.గత కొంతకాలంగా గాజా యుద్ధం, బందీల విడుదల అంశాలు, అంతర్గత భద్రతలో నెతన్యాహు ప్రభుత్వం విఫలమైందని ప్రతిపక్షాలు ఆరోపిస్తున్నాయి. ఇప్పుడు దేశం కష్టకాలంలో ఉందని అందరూ ఏకం కావాలని కోరడాన్ని.. తన ప్రభుత్వ వైఫల్యాలను, తప్పులను కప్పి పుచ్చుకోవడానికి నెతన్యాహు ఆడుతున్న రాజకీయ డ్రామాగా ఐసెన్‌కోట్ కొట్టిపారేశారు. ఇది నిజమైన దేశ ప్రయోజనాల కోసం పిలుస్తున్న ఐక్యత కాదని, కేవలం ప్రభుత్వాన్ని కాపాడుకునే రాజకీయ కూటమి కోసమేనని ఆయన మండిపడ్డారు.మరోవైపు, ఈ రాజకీయ ప్రతిష్టంభన వేళ.. నెతన్యాహు వ్యతిరేక ప్రతిపక్ష పార్టీలు మాత్రం పార్లమెంటు (కెస్సెట్)లోని అత్యంత కీలకమైన పదవులను పంచుకోవడానికి ఒక అంగీకారానికి వచ్చాయి. ప్రభుత్వ విధానాలను పార్లమెంటరీ వేదికగా మరింత గట్టిగా ఎదుర్కోవడానికి ఈ కూటమి సిద్ధమవుతోంది. యుద్ధ వాతావరణం, అంతర్గత రాజకీయ సంక్షోభం మధ్య ఇజ్రాయెల్‌లో చోటుచేసుకుంటున్న ఈ పరిణామాలు ఆ దేశ రాజకీయాల్లో తీవ్ర చర్చనీయాంశంగా మారాయి.

న్యూఢిల్లీ: గత కొంతకాలంగా దేశీ స్టాక్స్‌లో ఎడాపెడా అమ్మకాలతో బేర్‌ బాజా మోగించిన విదేశీ ఇన్వెస్టర్లు (ఎఫ్‌పీఐ) యూటర్న్‌ తీసుకున్నారు. నవంబర్‌ తొలి ఆరు ట్రేడింగ్‌ రోజుల్లో (2–9 తేదీల మధ్య) ఏకంగా రూ. 53,739 కోట్లు కుమ్మరించారు. సెపె్టంబర్‌లో రూ. 34,843 కోట్లు, అక్టోబర్‌లో రూ.35,861 కోట్ల చొప్పున నికర అమ్మకాలతో మార్కెట్లను షేక్‌ చేసిన ఎఫ్‌పీఐలు మళ్లీ నికర కొనుగోలుదారులుగా మారడంతో బుల్స్‌లో ఫుల్‌ జోష్‌ నింపింది. కనిష్టాల నుంచి సెన్సెక్స్, నిఫ్టీ దాదాపు 10 శాతం ర్యాలీతో దుమ్మురేపాయి. ప్రపంచవ్యాప్తంగా ఏఐ షేర్లలో అమ్మకాల సునామీ, దేశీయంగా పటిష్టమైన కార్పొరేట్‌ ఫలితాలు, ఇటీవలి పతనం తర్వాత లార్జ్‌క్యాప్‌ వేల్యుయేషన్లు ఆకర్షణీయంగా మారడంతో ఎఫ్‌పీఐలు తిరిగి మన మార్కెట్ల వైపు మొగ్గుచూపుతున్నారు. మరోపక్క, ప్రభుత్వం ఎఫ్‌పీఐలకు ఈక్విటీలపై దీర్ఘకాలిక మూలధన లాభాల (ఎల్‌టీసీజీ) పన్నును తొలగించనుందన్న అంచనాలు కూడా తాజా కొనుగోళ్లకు ట్రిగ్గర్‌గా నిలిస్తోందనేది మార్కెట్‌ విశ్లేషకుల మాట. ఫైనాన్షియల్స్, ఐటీలో... ‘అమెరికాలో డేటా సెంటర్లపై భారీ వ్యయాలకు సంబంధించి నెలకొన్న భయాలు ఏఐ కంపెనీల షేర్ల పతనానికి దారితీసింది. అమెరికా మధ్యంతర ఎన్నికల్లో కాంగ్రెస్, సెనేట్‌లో పూర్తి మెజారిటీ దక్కించుకున్న డెమోక్రాట్లు అసంబద్ధమైన డేటా సెంటర్‌ వ్యయాలను తీవ్రంగా వ్యతిరేకిస్తున్నారు. ఏఐకి ముకుతాడు వేయాలని డిమాండ్‌ చేస్తున్నారు. దీంతో భారత్‌లోని ఏఐ యేతర ఐటీ కంపెనీలు ఇప్పుడు ఆకర్షణీయంగా మారాయి’ అని జియోజిత్‌ ఇన్వెస్ట్‌మెంట్స్‌ చీఫ్‌ ఇన్వెస్ట్‌మెంట్‌ స్ట్రాటజిస్ట్‌ వీకే విజయకుమార్‌ పేర్కొన్నారు. డిపాజిటరీల డేటా ప్రకారం విదేశీ ఇన్వెస్టర్లు ప్రధానంగా ఫైనాన్షియల్‌ సర్వీసులు, ఐటీ, ఆటోమొబైల్, టెలికం షేర్లలో భారీగా కొనుగోళ్లు జరిపారు.

హైదరాబాద్, బిజినెస్‌ బ్యూరో: డైవర్సిఫైడ్‌ దిగ్గజం ఐటీసీలో భాగమైన బిస్కెట్స్‌ తదితర ఉత్పత్తుల విక్రయాలకు ఈ–కామర్స్, క్విక్‌ కామర్స్‌ దన్నుగా నిలుస్తున్నాయి. పరిశ్రమకు సంబంధించి క్విక్‌ కామర్స్‌ విభాగం రెండంకెల స్థాయిలో పెరుగుతూ, ప్రధాన వృద్ధి చోదకాల్లో ఒకటిగా ఉంటోందని ఐటీసీ సీఈవో (బిస్కెట్స్, కన్ఫెక్షన్స్‌ బిజినెస్‌) కవితా చతుర్వేది తెలిపారు. ముఖ్యంగా ప్రీమియం ఉత్పత్తుల వైపు మొగ్గు చూపే వినియోగదారులు ఉండే మెట్రోల్లో ఈ ధోరణి ఎక్కువగా ఉందని చెప్పారు. ఈ నేపథ్యంలో ఈ విభాగం కోసం ప్రత్యేకంగా తక్కువ షెల్ఫ్‌ లైఫ్‌ ఉండే కుకీస్‌లాంటి తాజా బేకరీ ఉత్పత్తులను అందుబాటులోకి తెచ్చినట్లు సాక్షి బిజినెస్‌ బ్యూరోకి కవిత చెప్పారు. ఇందుకోసం ప్రయోగాత్మకంగా బెంగళూరులో ‘నానో కిచెన్‌ మోడల్‌’ని ప్రవేశపెట్టినట్లు ఆమె తెలిపారు. త్వరలో ఈ కిచెన్లను ఢిల్లీ తదితర నగరాలకు కూడా విస్తరించనున్నట్లు వివరించారు. సాధారణంగా డార్క్‌ ఫ్యాంటసీలాంటి ప్రీమియం ఉత్పత్తులనే తాము విక్రయిస్తామనే అభిప్రాయం ఉన్నప్పటికీ, అన్ని ధరల శ్రేణుల్లోనూ తమ ఉత్పత్తులు ఉన్నాయని కవిత చెప్పారు. ఉదాహరణకు మామ్స్‌ మ్యాజిక్‌లాంటి ఉత్పత్తులను మాస్‌ మార్కెట్‌ సెగ్మెంట్‌కి కూడా అందుబాటులో ఉండేలా రూ. 5కే అందిస్తున్నట్లు వివరించారు. భౌగోళిక–రాజకీయ ఉద్రిక్తతలు, వడ్డీ రేట్ల పెంపు తదితర అంశాలతో ఆర్థికంగా కఠిన పరిస్థితులు నెలకొన్నా డార్క్‌ ఫ్యాంటసీ, ఫార్మ్‌లైట్‌లాంటి ఉత్పత్తులతో వాటిని అధిగమిస్తున్నట్లు వివరించారు. గతేడాది ప్రవేశపెట్టిన షైన్స్‌కి మంచి స్పందన రావడంతో సత్వరం రెండో తయారీ లైన్‌ని కూడా ప్రారంభించినట్లు చెప్పారు. ముడివస్తువుల ధరలు పెరుగుదలతో పాక్షికంగా మాత్రమే బదలాయించామని, ఇతరత్రా వ్యయ నియంత్రణ చర్యలు చేపట్టినట్లు పేర్కొన్నారు. మరిన్ని లైన్లు అందుబాటులోకి.. దక్షిణాది తమకు అతి పెద్ద మార్కెట్‌ కాగా, అందులో ఆంధ్రప్రదేశ్, తెలంగాణ అత్యంత కీలకమైనవిగా ఉంటున్నట్లు కవిత తెలిపారు. మరోవైపు, తెలంగాణలోని తమ ప్లాంటులో ఉత్పత్తి సామర్థ్యాలను పెంచుకుంటున్నట్లు వివరించారు. తమకు 12 మెగా ప్లాంట్లు ఉండగా, తెలంగాణలోనిది నాలుగో అతి పెద్ద ప్లాంట్‌ అని, త్వరలో మూడో స్థానానికి చేరుతుందని ఆమె చెప్పారు. ప్రస్తుతం ఇక్కడ డార్క్‌ ఫ్యాంటసీ, పొటాటో చిప్స్‌లాంటి వాటి కోసం 3 లైన్లు పనిచేస్తుండగా, మామ్స్‌ మ్యాజిక్‌తో పాటు మరో కొత్త ఉత్పత్తి కోసం ఇంకో 2 లైన్లు అందుబాటులోకి వస్తున్నాయన్నారు. మొత్తం 11 లైన్ల సామర్థ్యంతో నెలకొలి్పన ప్లాంటుపై ఇప్పటికే రూ. 500 కోట్లు ఇన్వెస్ట్‌ చేయగా, విస్తరణ కోసం మరిన్ని పెట్టుబడులు పెట్టనున్నట్లు కవిత తెలిపారు.

సాక్షి, అమరావతి: ఈ నెల 19న మండలాధ్యక్షులు, 20న జెడ్పీ చైర్‌పర్సన్‌ల ఎన్నికలు జరగనున్నాయి. అదే తేదీల్లో ఉపాధ్యక్షులు, కోఆప్టెడ్‌ సభ్యులను కూడా ఎన్నుకుంటారు. ఈమేరకు రాష్ట్ర ఎన్నికల కమిషనర్‌ (ఎస్‌ఈసీ) అనిల్‌చంద్ర పునేఠ మంగళవారం నోటిఫికేషన్‌ జారీ చేశారు. రాష్ట్రంలోని 28 జిల్లాల్లో జెడ్పీటీసీలు సమావేశమై జెడ్పీ చైర్‌పర్సన్‌తో పాటు వైస్‌ చైర్‌పర్సన్, ఇద్దరు కో–ఆప్టెడ్‌ సభ్యులను ఎన్నుకొంటారు.19న రాష్ట్రవ్యాప్తంగా 659 మండలాల్లో ఎంపీటీసీలు సమావేశమై మండలాధ్యక్షులను, ఉపాధ్యక్షులను, ఒక్కో కో–ఆప్టెడ్‌ సభ్యుడిని ఎన్నుకుంటారని తెలిపారు. ఈ ఎన్నికకు సంబంధించి కొత్తగా ఎన్నికైన సభ్యులకు ఈ నెల 14 కల్లా ఎన్నికల నోటీసులు జారీ చేయాలని సూచించారు. ఈ ప్రత్యేక సమావేశాల్లోనే మధ్యాహ్నం ఒంటి గంటకు సభ్యులందరితో ప్రమాణం చేయించాలని, ఆ తర్వాత ముందుగా కో–ఆపె్టడ్‌ సభ్యులను ఎన్నుకోవాలని తెలిపారు. అనంతరం మధ్యాహ్నం 3 గంటల సమయంలో మరోసారి సమావేశమై జెడ్పీ చైర్‌పర్సన్, ఎంపీపీల ఎన్నికలు చేపట్టాలని సూచించారు. రాజకీయ పా ర్టీలకు విప్‌ జారీ అధికారం ఈ ఎన్నికలను చేతులు పైకెత్తి ఓటు వేసే విధానంలో నిర్వహిస్తారు. ఈ ఎన్నికల్లో రాజకీయ పార్టీలకు విప్‌ జారీ చేసే అధికారం ఉంటుంది. గుర్తింపు పొందిన రాజకీయ పా ర్టీల సభ్యులు పార్టీ విప్‌ను తప్పనిసరిగా పాటించాలి. అయితే కో–ఆప్టెడ్‌ సభ్యుల ఎన్నికకు పార్టీ విప్‌ జారీ నిబంధన లేదని ఎస్‌ఈసీ తెలిపారు. ఈ ఎన్నికల్లో ఎంపీలు, ఎమ్మెల్యేలు, ఎమ్మెల్సీలకు ఎలాంటి ఓటు హక్కు ఉండదని స్పష్టం చేశారు. వీరు ఆయా మండల, జిల్లా పరిషత్‌లలో ఎక్స్‌ అఫీషియో సభ్యులుగా నమోదు చేసుకున్న ఎంపీలు, ఎమ్మెల్యేలు, ఎమ్మెల్సీలు 19, 20 తేదీల్లో జరిగే ప్రత్యేక సమావేశాలకు హాజరు కావచ్చని తెలిపారు.

నిత్యావసర సరుకుల నుంచి, ఫాస్ట్‌ఫుడ్‌ మొబైల్‌ ఫోన్లు, ల్యాప్‌టాప్‌లు, ఎల్రక్టానిక్‌ గాడ్జెట్ల వరకు అన్నీ నిమిషాల్లో డెలివరీ అవుతున్న రోజుల్లో వైద్యుడి సర్వీసులు ఎందుకు అందించకూడదు అనే ఆలోచనతో గంటలో ఇంటికే డాక్టర్‌ను పంపించే సేవలు నగరాల్లో ప్రారంభమయ్యాయి. ట్రాఫిక్‌ ఇబ్బందులు, ఆసుపత్రుల్లో గంటల తరబడి నిరీక్షణ, బిజీ జీవనశైలి కారణంగా మెట్రో నగరాల్లో హోమ్‌ డాక్టర్‌ సేవలకు ఆదరణ పెరుగుతోంది. ప్రజల నుంచి వస్తున్న ఆదరణ బట్టి దేశవ్యాప్తంగా అన్ని పట్టణాలకు ఈ సర్వీసులు విస్తరించే అవకాశముందని నిర్వాహకులు చెబుతున్నారు.క్లినిక్‌కు రోగి వెళ్లే రోజులు తగ్గి డాక్టరే రోగి ఇంటికి వచ్చే రోజులు పెరుగుతున్నాయి. క్విక్‌ కామర్స్‌ తర్వాత ఆరోగ్య రంగంలోనూ క్విక్‌ సర్వీస్‌ మోడల్‌ దూసుకొస్తోంది. ఇప్పటివరకు డాక్టర్‌ను కలవాలంటే ముందుగా అపాయింట్‌మెంట్‌ తీసుకుని ఆసుపత్రి లేదా క్లినిక్‌కు వెళ్లాల్సి వచ్చేది. ఇప్పుడు పరిస్థితి మారుతోంది. ఫోన్‌లో లేదా యాప్‌లో రిక్వెస్ట్‌ చేస్తే సమీపంలోని వైద్యుడిని ఇంటికే పంపించే మోడల్‌ అందుబాటులోకి వచ్చింది. ముందస్తు అపాయింట్‌మెంట్ల కంటే అప్పటికప్పుడు డాక్టర్‌ కావాలనే రిక్వెస్ట్‌లే ఈ సేవలకు ప్రధాన డిమాండ్‌గా ఉంటున్నాయి. డాక్టర్‌ మోర్‌పెన్‌ హోమ్, ఢిల్లీ ఎన్‌సీఆర్‌లో 150 మందికి పైగా వైద్యులతో ఈ క్విక్‌ డాక్టర్‌ సేవలు అందిస్తోంది. రిక్వెస్ట్‌ వచ్చిన ఐదు నిమిషాల్లోనే వైద్యుడిని కేటాయిస్తున్నామని, సాధారణంగా 60 నిమిషాల్లోపు ఇంటికి చేరుకుంటారని సంస్థ తెలిపింది. ఏడాదిన్నరలో దాదాపు 10,000 మంది రోగులకు సేవలు అందించగా నెలకు సుమారు 500 మంది కొత్త రోగులు యాప్‌లో రిజిస్టర్‌ అవుతున్నారని తెలిపింది. నిమిషాల్లో అంబులెన్స్‌ క్విక్‌ కామర్స్‌ ప్లాట్‌ఫామ్‌ బ్లింకిట్‌ కూడా అత్యవసర వైద్య సేవల్లోకి అడుగుపెట్టింది. ఢిల్లీ ఎన్‌సీఆర్‌లో కొన్ని ఎంపిక చేసిన ప్రాంతాల్లో 9 నిమిషాల్లో అంబులెన్స్‌ సేవ అందిస్తోంది. 2025లో 5 అంబులెన్స్‌లతో ప్రారంభమై ఇప్పుడు 49కి పెరిగింది. అంబులెన్స్‌లో ఎమర్జెన్సీ అవసరానికి కావాల్సిన మందులతోపాటు ప్రా«థమిక ఆరోగ్య లక్షణాలు పరీక్షించే పరికరాలు, ఆక్సిజన్‌ సిలిండర్, స్ట్రెచర్, డీఫిబ్రిలేటర్‌తో పాటు శిక్షణ పొందిన పారామెడిక్స్, డ్యూటీ అసిస్టెంట్లు కూడా ఉంటారు.సాధారణ జ్వరంతో మొదలై అత్యవసర సేవలదాకా..కైనో హెల్త్‌ ఢిల్లీ ఎన్‌సీఆర్, బెంగళూరులో మాత్రమే డాక్టర్ల హోమ్‌ విజిట్స్‌ సర్వీసులు అందిస్తోంది. 2023 జనవరిలో ప్రారంభమైన ఈ సంస్థ ఇప్పటివరకు 50000కు పైగా కన్సల్టేషన్లు పూర్తి చేసినట్లు తెలిపింది. జ్వరం, జీర్ణ సమస్యలు, రక్తపోటు, శ్వాస సంబంధిత సమస్యలు, అలర్జీలు, జంతువుల కాట్లు వంటి సమస్యలతో ఎక్కువ మంది వైద్యులను ఇంటికి పిలిపించుకుంటున్నారని సంస్థ పేర్కొంది. ప్రతి ప్రాంతానికి ఒక నిర్దిష్ట వైద్యుల బృందాన్ని కేటాయించడం వల్ల 60 నిమిషాల్లోపే వైద్యుడిని పంపగలుగుతున్నామని సంస్థ వివరించింది. అయితే ఈ మోడల్‌ ప్రస్తుతం ప్రధానంగా పట్టణ ప్రాంతాలకే అందుబాటులో ఉంది.సేవను బట్టి ధర సాధారణ జనరల్‌ ఫిజిషియన్‌ హోమ్‌ విజిట్‌కు సాధారణంగా రూ.500 నుంచి రూ.1,500 వరకు వసూలు చేస్తున్నారు. కొన్ని సంస్థలు రూ.499 నుంచి డాక్టర్‌ హోమ్‌ విజిట్‌ సేవలు అందిస్తున్నాయి. స్పెషలిస్ట్‌ కన్సల్టేషన్లకు అయితే రూ.1,800 నుంచి రూ.5,000 వరకు చార్జీలు ఉంటున్నాయి. క్విక్‌ డాక్టర్‌ సర్వీసుల్లోకి అపోలో, మెదాంతా, మ్యాక్స్‌ హెల్త్‌కేర్‌ వంటి ప్రముఖ ఆసుపత్రులు కూడా విస్తరిస్తున్నాయి. డాక్టర్‌ విజిట్‌తో పాటు నర్సింగ్, డయాగ్నస్టిక్స్, ఇంటికే మందుల సరఫరా వంటి ప్రత్యేక సర్వీసులు అదనంగా అందిస్తున్నాయి. అయితే గంటలోపే వైద్యుడు వస్తారనే హామీ మాత్రం వీరి అన్ని సేవల్లో ఉండదు. – సాక్షి, బిజినెస్‌ డెస్క్‌

సాక్షి, అమరావతి: ప్రభుత్వ భూ రికార్డుల భద్రతకే సవాల్‌ విసురుతూ వెబ్‌ల్యాండ్‌లో డేటాబేస్‌ లాగిన్‌ లూటీ కలకలం రేపుతోంది. ఇందుకు సంబంధించిన వివరాలను సీఐడీ చీఫ్‌ రవిశంకర్‌ అయ్యన్నార్‌ మంగళవారం ఒక ప్రకటనలో వెల్లడించారు. నేషనల్‌ ఇన్ఫర్మేటిక్‌ సెంటర్‌ (ఎన్‌ఐసీ) సీనియర్‌ అధికారి లాగిన్‌ను ఉపయోగించి భూ రికార్డులను తారుమారు చేసిన వ్యవహారంపై ఏపీ చీఫ్‌ కమిషనర్‌ ఆఫ్‌ ల్యాండ్‌ అడ్మినిస్ట్రేషన్‌ (సీసీఎల్‌ఏ) నివేదిక ఆధారంగా కేసు నమోదు చేసి దర్యాప్తు చేపట్టి నలుగురు నింతులను అరెస్ట్‌ చేసినట్టు తెలిపారు. పేర్లు మార్చి.. ప్రకాశం జిల్లా దొనకొండ మండలంలో నాలుగు భూ పార్శిళ్లకు సంబంధించిన 6.55 ఎకరాల రికార్డుల(డేటాబేస్‌)ను ప్రభుత్వ అనుమతి లేకుండా మార్పులు చేసినట్టు ప్రాథమికంగా గుర్తించారు. తహసీల్దార్‌ కార్యాలయ రికార్డుల్లో ఎలాంటి మ్యు­టే­షన్‌ ప్రొసీడింగ్స్, మంజూరు ఉత్తర్వులు లేకుండానే వెబ్‌ల్యాండ్‌లో కొత్త పట్టాదారుల పేర్లు ప్రత్యక్షమైనట్టు సీఐడీ గుర్తించింది. ఇండ్లచెరువు, పడమర లక్ష్మీపురం గ్రామాలకు చెందిన నాలుగు భూముల్లో ఈ అక్రమ మార్పులు జరిగినట్టు కేసు నమోదు చేసింది.భూ రికార్డుల్లో మార్పులు చేయి­ంచుకోవాలనుకున్న వారిని గుర్తించడం నుంచి డేటా­బేస్‌లో నేరుగా మార్పులు చేయడం వరకు ఒక పద్ధతి ప్రకారం నెట్‌వర్క్‌ పనిచేసినట్టు సీఐడీ తెలిపింది. విజయవాడ ఎన్‌ఐసీలో ఔట్‌సోర్సింగ్‌ వెబ్‌ల్యాండ్‌ జూనియర్‌ డెవలపర్‌గా పనిచేస్తున్న సాయికుమార్‌ సీనియర్‌ అధికారి జీవీఎస్‌ఆర్‌ శర్మ­కు తెలియకుండా లాగిన్‌ను అక్రమంగా ఉపయోగించి సాధారణ దరఖాస్తు, పరిశీలన, రెవెన్యూ ఆమోద ప్రక్రియలను దాటవేసి డేటాబేస్‌లో నేరుగా మార్పులు చేసినట్టు సీఐడీ పేర్కొంది. ఇందుకు సంబంధించి రూ.50 వేలు, రూ.25 వేల డిజిటల్‌ చెల్లింపుల ఆధారాలను కూడా సేకరించింది.ఈ నెట్‌వర్క్‌ ద్వారా దాదాపు 30 మంది తమ వెబ్‌ల్యాండ్‌ రికార్డుల్లో మార్పులు చేయించుకున్నట్టు దర్యాప్తులో వెల్లడైనట్లు సీఐడీ తెలిపింది. ఇప్పటివరకు సుమారు 70 ఎకరాల విస్తీర్ణంలోని 30 భూమి ప్లాట్లను పరిశీలన కోసం గుర్తించింది. రికార్డు మార్పు కోసం ఎకరాకు రూ.50 వేల నుంచి రూ.70 వేల వరకు వసూలు చేయగా.. మొత్తం లావాదేవీల విలువ సుమారు రూ.50 లక్షలు ఉంటుందని ప్రాథమికంగా అంచనా వేసింది.ఈ అక్రమాలపై పూర్తిస్థాయి, లబ్ధిదారుల వివరాలపై దర్యాప్తు కొనసాగుతోంది. ఈ కేసులో వడ్లమూడి ఏడుకొండలు, రంగయ్యగారి సాయికుమార్, వేము­ల వెంకటరావు అలియాస్‌ వెంకట్, షేక్‌ బాషాలను నిందితులుగా గుర్తించి సీఐడీ అరెస్ట్‌ చేసింది. నిందితుల నుంచి మొబైల్‌ ఫోన్లు, డిజిటల్‌ చెల్లింపుల వివరాలు, భూమి సమాచారం, ఆధార్‌ చిత్రాలు, అడంగల్‌ వివరాలతో కూడిన డిజిటల్‌ పత్రాలను సీఐడీ స్వాదీనం చేసుకుంది.

టాలీవుడ్‌ అనగానే అందరికీ టక్కున గుర్తొచ్చేది హైదరాబాద్‌. తెలుగు చిత్ర పరిశ్రమకుహైదరాబాద్‌ని హబ్‌గా పిలుస్తుంటారు. టాలీవుడ్‌కి చెందిన స్టార్‌ హీరోలు, యువ హీరోలు, హీరోయిన్లతో పాటు పలువురు సాంకేతిక నిపుణులు భాగ్యనగరంలోనే నివాసం ఉంటుంటారు. (పర భాష వాళ్లు మినహా). ఇక్కడ షూటింగ్‌లకు అనువైన పలు స్టూడియోలు అంతర్జాతీయ వసతులతో ఉన్నాయి. అదే విధంగా హైదరాబాద్‌ సమీపంలోని పలు ప్రాంతాల్లో ఆయా సినిమాల షూటింగ్స్‌ కోసం ఇండోర్, ఔట్‌డోర్‌లలో భారీ సెట్టింగులు సైతం వేస్తుంటారు. కేవలం ఇక్కడ మాత్రమే కాదు... కథ డిమాండ్‌ చేస్తే ఇతర ప్రాంతాలు, రాష్ట్రాలు, దేశాల్లోనూ షూటింగ్స్‌ చేస్తుంటారు మేకర్స్‌. అయితే ఎక్కువ మంది హైదరాబాద్, పరిసర ప్రాంతాల్లోనే అధికంగా చిత్రీకరణలు జరుపుతుంటారు. ప్రస్తుతం భాగ్యనగరంతో పాటు పరిసర ప్రాంతాల్లో పలు మూవీ షూటింగ్‌లు జోరుగా జరుగుతున్నాయి. చిరంజీవి, నాగార్జున, రవితేజ, ప్రభాస్, మహేశ్‌ బాబు, ఎన్టీఆర్, శర్వానంద్‌ వంటి పలువురు స్టార్స్‌ హైదరాబాద్‌తో పాటు పరిసర ప్రాంతాల్లో తమ సినిమాల షూటింగ్‌కి హ్యాపీగా... జాలీగా వెళ్లి వస్తున్నారు. దీపావళి ఫెస్టివ్‌ మోడ్‌ని ఆఫ్‌ చేసి షూట్‌ మోడ్‌ ఆన్‌ చేశారు. ఆ విశేషాలేంటో చూద్దాం...ముచ్చింతల్‌లో... చిరంజీవి హీరోగా నటిస్తున్న తాజా చిత్రం ‘కాకా’. బాబీ (కేఎస్‌ రవీంద్ర) దర్శకత్వం వహిస్తున్నారు. ‘వాల్తేరు వీరయ్య’(2023) వంటి హిట్‌ ఫిల్మ్‌ తర్వాత చిరంజీవి, బాబీ కాంబినేషన్‌లో తెరకెక్కుతోన్న చిత్రం ఇది. ఈ సినిమాలో నివేదా పేతురాజ్, అనస్వర రాజన్ , సునీల్, అనురాగ్‌ కశ్యప్, గెటప్‌ శ్రీను ఇతర పాత్రలు పోషిస్తున్నారు. కేవీఎన్ ప్రొడక్షన్స్ పతాకంపై వెంకట్‌ కె. నారాయణ నిర్మిస్తున్నారు. ఈ మూవీ తాజా షెడ్యూల్‌ హైదరాబాద్‌లో జరుగుతోంది. చిరంజీవితో పాటు ఇతర ప్రధాన తారాగణంపై కీలక సన్నివేశాలు చిత్రీకరిస్తున్నారు డైరెక్టర్‌ బాబీ. ‘‘చిరంజీవి, బాబీ కొల్లి కాంబినేషన్ లో వస్తున్న చిత్రం ‘కాకా’. వీరిద్దరి కలయికలో వచ్చిన బ్లాక్‌బస్టర్‌ ‘వాల్తేరు వీరయ్య’ తర్వాత తెరకెక్కుతున్న సినిమా కావడంతో ‘కాకా’పై భారీ అంచనాలు నెలకొన్నాయి. వెంకట్‌ కె. నారాయణ ఈ చిత్రాన్ని భారీ స్థాయిలో నిర్మిస్తున్నారు. చిరంజీవి పుట్టినరోజు సందర్భంగా ఆగస్టు 22న విడుదలైన టైటిల్‌ గ్లింప్స్‌లో ఆయన్ని ఆసక్తికరమైన షేడ్స్‌లో పరిచయం చేయడంతో సినిమాపై ఒక్కసారిగా అంచనాలు పెరిగాయి. తాజాగా దీపావళి సందర్భంగా విడుదల చేసిన సరికొత్త పోస్టర్‌కి అద్భుతమైన స్పందన వచ్చింది. బాలీవుడ్‌ ఫిల్మ్‌మేకర్, నటుడు అనురాగ్‌ కశ్యప్‌ ఈ సినిమాలో భాగం కావడంతో సినిమాపై మరింత ఆసక్తి నెలకొంది. ఈ ప్రాజెక్ట్‌లో టాప్‌ టెక్నికల్‌ టీమ్‌ పని చేస్తోంది. ఎస్‌. తమన్‌ సంగీతం అందిస్తుండగా, విజయ్‌ కార్తీక్‌ కన్నన్‌ సినిమాటోగ్రఫీ బాధ్యతలు నిర్వర్తిస్తున్నారు. అవినాష్‌ కొల్లా ప్రొడక్షన్‌ డిజైనర్‌గా, ఆంటోనీ ఎల్‌. రూబెన్‌ ఎడిటర్‌గా పని చేస్తున్నారు. కోన వెంకట్, కె. చక్రవర్తి రెడ్డి స్క్రీన్ ప్లే అందించగా, హరి మోహన కృష్ణ, వినీత్‌ పొట్లూరి అడిషినల్‌ రైటర్స్‌గా పని చేస్తుండగా, భాను–నందు డైలాగ్స్‌ అందిస్తుండగా, శరణ్య పోట్ల ఎగ్జిక్యూటివ్‌ ప్రొడ్యూసర్‌గా వ్యవహరిస్తున్నారు. ‘కాకా’ చిత్రాన్ని 2027 జనవరి 13న ప్రపంచవ్యాప్తంగా గ్రాండ్‌గా విడుదల చేయనున్నాం’’ అని చిత్రబృందం పేర్కొంది. మాదాపూర్‌లో...నాగార్జున హీరోగా నటిస్తున్న తాజా చిత్రం ‘కింగ్‌ 100’. తన కెరీర్‌లో 99 సినిమాలు పూర్తి చేసుకున్న ఆయన నటిస్తున్న వందో మూవీ ఇది. ఈ సినిమాకి తమిళ దర్శకుడు రా. కార్తీక్‌ దర్శకత్వం వహిస్తున్నారు. ఈ మూవీలో హీరోగా నటించడంతో పాటు అన్నపూర్ణ స్టూడియోస్‌పై స్వయంగా నిర్మిస్తున్నారు నాగార్జున. ఈ చిత్రంలో నటి టబు కీలక పాత్ర పోషిస్తున్నారు. ప్రస్తుతం ఈ మూవీ రెగ్యులర్‌ షూటింగ్‌ హైదరాబాద్‌లోని మాదాపూర్‌లో శరవేగంగా జరుగుతోంది. ఈ షెడ్యూల్‌లో నాగార్జునతో పాటు టబు పాల్గొంటున్నారు. వీరిద్దరితో పాటు ఇతర నటీనటులపై ముఖ్యమైన సీన్స్‌ చిత్రీకరిస్తున్నారట కార్తీక్‌. ‘‘యాక్షన్‌ బ్యాక్‌డ్రాప్‌లో ఫ్యామిలీ ఎంటర్‌టైనర్‌గా రూపొందుతోన్న సినిమా ‘కింగ్‌ 100’. నాగార్జున కెరీర్‌లో ఓ మైలురాయిగా రూపొందుతోన్న ఈ చిత్రాన్ని అన్ని వాణిజ్య అంశాలతో ప్రతిష్టాత్మకంగా తెరకెక్కిస్తున్నారు కార్తీక్‌. అక్కినేని అభిమానులకే కాదు... సగటు మూవీ లవర్స్‌కి కూడా ఈ మూవీ నచ్చేలా ఇటు నాగార్జున, అటు కార్తీక్‌ ప్రత్యేమైన శ్రద్ధతో ఈ సినిమా కోసం పని చేస్తున్నారు. ‘నిన్నే పెళ్లాడతా’, ‘ఆవిడ మా ఆవిడే’ వంటి విజయవంతమైన చిత్రాల తర్వాత నాగార్జున–టబు కలిసి నటిస్తున్న చిత్రం ఇది. 28 ఏళ్ల తర్వాత వీరి రీయూనియన్‌ మరోసారి వెండితెరపై ఆ మ్యాజిక్‌ను రిపీట్‌ చేస్తుంది. నవంబరు 4న టబు పుట్టినరోజు. ఈ సందర్భంగా మహంతి ఝాన్సీ రాణిగా ఆమె పాత్రను పరిచయం చేస్తూ రిలీజ్‌ చేసిన ప్రత్యేక గ్లింప్స్‌కు అద్భుతమైన స్పందన వచ్చింది. క్రిస్మస్‌ కానుకగా డిసెంబరు 24న ప్రపంచవ్యాప్తంగా ‘కింగ్‌ 100’ చిత్రాన్ని విడుదల చేయనున్నాం. నాగార్జున కెరీర్‌లో వందో చిత్రంగా రూపొందుతోన్న ‘కింగ్‌ 100’ మూవీపై ఇటు ఇండస్ట్రీలో అటు ప్రేక్షకుల్లో భారీ అంచనాలున్నాయి. ఈ చిత్రానికి దేవి శ్రీ ప్రసాద్‌ సంగీతం అందిస్తుండగా, రాజా మహదేవన్‌ కెమెరామేన్‌గా వ్యవహరిస్తున్నారు’’ అని మేకర్స్‌ చె΄్పారు. బీరంగూడలో...‘ఇరుముడి’ వంటి హిట్‌ మూవీ తర్వాత రవితేజ హీరోగా నటిస్తున్న సినిమా ‘తులాభారం’. వివేక్‌ ఆత్రేయ రచన, దర్శకత్వంలో తెరకెక్కుతోన్న ఈ చిత్రంలో ప్రియాంక మోహన్, అనస్వర రాజన్, జేడీ చక్రవర్తి, తరుణ్‌ భాస్కర్, అనిల్‌ కరెళ్ల, రవి ఆంటోనీ ఇతర పాత్రలు పోషిస్తున్నారు. బ్రిడ్జ్‌ ప్రొడక్షన్స్ బ్యానర్‌పై లక్ష్మణ్, శ్రీనిరావు నిర్మిస్తున్నారు. ఈ మూవీ షూటింగ్‌ ప్రస్తుతం లింగంపల్లి సమీపంలోని బీరంగూడ కొడకంచి ఆలయంలో జరుగుతోంది. ఈ షెడ్యూల్‌లో రవితేజతో పాటు ప్రధాన తారాగణం పాల్గొంటుండగా పలు కీలక సన్నివేశాలు తీస్తున్నారట వివేక్‌ ఆత్రేయ. ‘‘రవితేజ కెరీర్‌లో 78వ చిత్రంగా ‘తులాభారం’ రూపొందుతోంది. రవితేజ ట్రేడ్‌మార్క్‌ ఎనర్జీ, వివేక్‌ ఆత్రేయ యూనిక్‌ స్టయిల్‌ స్టోరీ టెల్లింగ్‌ కలగలిసి క్రైమ్, డ్రామా, ఎంటర్‌టైన్ మెంట్‌తో ఈ మూవీ ప్రేక్షకులకు సరికొత్త అనుభూతిని అందించేలా ఉంటుంది. ‘ఇరుముడి’ విజయంతో జోరు మీదున్న రవితేజ ‘తులాభారం’ ప్రాజెక్ట్‌తో తనలోని మరో కోణాన్ని ఆవిష్కరించేందుకు సిద్ధమవుతున్నారు. తనదైన ఎనర్జీ, పవర్‌ఫుల్‌ స్క్రీన్‌ ప్రెజెన్స్తో ‘మాస్‌ మహారాజా’గా ప్రేక్షకుల హృదయాల్లో ప్రత్యేక స్థానం సంపాదించుకున్న రవితేజ ‘తులాభారం’తో సరికొత్త ఐడెంటిటీని సొంతం చేసుకోబోతున్నారు. ఈ మూవీలో ‘మాస్‌ మహారాజా’కు బదులుగా ‘క్రైమ్‌ మహారాజా’గా పరిచయం అవుతున్నారు. ఈ సినిమా టైటిల్‌ను రివీల్‌ చేస్తూ వినూత్నంగా రూపొందించిన ‘ది టైటిల్‌ డాక్యుమెంటరీ’ వీడియోకి చక్కని స్పందన వస్తోంది. ఈ చిత్రంలో జడేజాగా అనిల్‌ కరెళ్ల, రాబిన్ గా రవి ఆంటోనీ, సౌండ్‌గా అనస్వర రాజన్, దేవరాజ్‌గా తరుణ్‌ భాస్కర్, శివాజీ రావుగా జేడీ చక్రవర్తి, కృష్ణవేణిగా ప్రియాంక మోహన్‌ కనిపించనున్నారు. ఈ చిత్రానికి వివేక్‌ సాగర్‌ సంగీతం అందిస్తుండగా, తేని ఈశ్వర్‌ సినిమాటోగ్రఫీ బాధ్యతలు నిర్వర్తిస్తున్నారు. అలాగే రవితేజ గిరిజాల ఎడిటర్‌గా, జీఎం శేఖర్‌ ఆర్ట్‌ డైరెక్టర్‌గా వర్క్‌ చేస్తున్నారు’’ అని చిత్రయూనిట్‌ పేర్కొంది. ఈ మూవీకి ఎగ్జిక్యూటివ్‌ ప్రొడ్యూసర్‌: ఎన్‌. నరసింహారావు. కోకాపేటలో...ప్రభాస్‌ హీరోగా నటిస్తున్న తాజా పాన్‌ ఇండియన్‌ మూవీ ‘ఫౌజీ’. ఈ సినిమాలో ఇమాన్వీ హీరోయిన్‌గా నటిస్తున్నారు. ‘సీతా రామం’ మూవీ ఫేమ్‌ హను రాఘవపూడి దర్శకత్వం వహిస్తున్నారు. జయప్రద, అనుపమ్‌ ఖేర్, మిథున్‌ చక్రవర్తి, భాను చందర్‌ ఇతర కీలక పాత్రలు పోషిస్తున్నారు. టి–సిరీస్‌ గుల్షన్‌ కుమార్, భూషణ్‌ కుమార్‌ సమర్పణలో మైత్రీ మూవీ మేకర్స్‌పై నవీన్ యెర్నేని, వై. రవిశంకర్‌ నిర్మిస్తున్నారు. ప్రస్తుతం ఈ మూవీ చిత్రీకరణ హైదరాబాద్‌ సమీపంలోని కోకాపేటలో జరుగుతోంది. ఇటలీ వెకేషన్‌ని పూర్తి చేసుకుని హైదరాబాద్‌ తిరిగొచ్చిన ప్రభాస్‌ ‘ఫౌజీ’ కొత్త షెడ్యూల్‌లో పాల్గొంటున్నారు. ప్రభాస్‌తో పాటు ఇతర నటీనటులపై ముఖ్యమైన సన్నివేశాలను తెరకెక్కిస్తున్నారట హను రాఘవపూడి. ‘‘పీరియాడికల్‌ యాక్షన్ డ్రామాగా రూపొందుతోన్న చిత్రం ‘ఫౌజీ’. 1940ల నాటి నేపథ్యంలో సాగే పీరియాడిక్‌ వార్‌ యాక్షన్‌ డ్రామాగా రెండో ప్రపంచ యుద్ధం, ఆజాద్‌ హింద్‌ ఫౌజ్‌ నేపథ్యంలో ఈ కథ సాగుతుంది. ఈ మూవీలో ప్రభాస్‌ ఆర్మీ ఆఫీసర్‌గా కనిపించనున్నారు. ‘సీతా రామం’ వంటి బిగ్గెస్ట్‌ హిట్‌ తర్వాత హను రాఘవపూడి దర్శకత్వంలో వస్తోన్న ‘ఫౌజీ’పై ఇటు ఇండస్ట్రీలో అటు ఆడియన్స్‌లో భారీ హైప్‌ నెలకొంది. ఈ మూవీ షూటింగ్‌ శరవేగంగా జరుగుతోంది. ‘ఫౌజీ’ని వేసవి కానుకగా మార్చి 19న ప్రపంచవ్యాప్తంగా విడుదల చేయనున్నాం’’ అని మేకర్స్‌ పేర్కొన్నారు.శంషాబాద్‌లో...మహేశ్‌ బాబు హీరోగా రూపొందుతోన్న ప్రతిష్టాత్మక చిత్రం ‘వారణాసి’. ఎస్‌ఎస్‌ రాజమౌళి దర్శకత్వం వహిస్తున్న ఈ సినిమాలో బాలీవుడ్‌ నటి ప్రియాంకా చో్రపా, మలయాళ నటుడు పథ్వీరాజ్‌ సుకుమారన్‌ కీలక పాత్రలు పోషిస్తున్నారు. శ్రీ దుర్గా ఆర్ట్స్, షోయింగ్‌ బిజినెస్‌ బ్యానర్లపై కేఎల్‌ నారాయణ, ఎస్‌ఎస్‌ కార్తికేయ ఈ మూవీ నిర్మిస్తున్నారు. ఈ మూవీ షూటింగ్‌ ప్రస్తుతం హైదరాబాద్‌ సమీపంలోని శంషాబాద్‌లో జరుగుతోంది. అక్కడ వేసిన ప్రత్యేకమైన సెట్స్‌లో ఈ సినిమా చిత్రీకరణ శరవేగంగా సాగుతోంది. తన పాత్రకు సంబంధించిన షూటింగ్‌ని పూర్తి చేసిన మహేశ్‌ ఈ షెడ్యూల్‌లో పాల్గొనడం లేదు. ఇతర తారాగణంపై పలు సన్నివేశాలు తెరకెక్కిస్తున్నారట రాజమౌళి. ఈ చిత్రంలో మహేశ్‌ బాబు శ్రీరాముడిగా, రుద్రుడిగా ద్విపాత్రాభినయం చేస్తున్నారు. ఓ వైపు చిత్రీకరణ తుది దశకు చేరుకుంటున్న ఈ మూవీ మరోవైపు పోస్ట్‌-ప్రొడక్షన్‌ పనులు కూడా జరుగుతున్నాయి. ‘బాహుబలి, ఆర్‌ఆర్‌ఆర్‌’ వంటి సినిమాలతో విదేశాల్లోనూ రాజమౌళి సినిమాలకు మంచి క్రేజ్‌ ఏర్పడింది. ఇప్పుడు ‘వారణాసి’కి కూడా అంతకు మించి క్రేజ్‌ నెలకొంది. దీంతో ఈ చిత్రాన్ని ప్రపంచంలోని అనేక భాషల్లోకి డబ్‌ చేసి, విడుదల చేయనున్నారు మేకర్స్‌. మహేశ్‌ బాబు–రాజమౌళి కాంబినేషన్‌లో రూపొందుతోన్న ఈ చిత్రం కోసం భారతీయ ప్రేక్షకులే కాదు... ప్రపంచవ్యాప్తంగా ఉన్న ప్రేక్షకులు కూడా ఆసక్తిగా ఎదురు చూస్తున్నారు. 2027 ఏప్రిల్‌ 7న ఈ సినిమా ప్రపంచవ్యాప్తంగా విడుదల కానుంది. ఆర్‌ఎఫ్‌సీలో...ఎన్టీఆర్‌ కథానాయకుడిగా నటిస్తున్న తాజా చిత్రం ‘డ్రాగన్‌’. ‘కేజీఎఫ్, సలార్‌’ మూవీస్‌ ఫేమ్‌ ప్రశాంత్‌ నీల్‌ దర్శకత్వం వహిస్తున్న ఈ సినిమాలో ‘కాంతారా’ మూవీ ఫేమ్‌ రుక్మిణీ వసంత్‌ హీరోయిన్ గా నటిస్తున్నారు. బాలీవుడ్‌ నటుడు అనిల్‌ కపూర్‌ కీలక పాత్ర చేస్తున్నారు. ఎన్టీఆర్‌ ఆర్ట్స్‌ బ్యానర్‌పై కల్యాణ్‌ రామ్‌ నందమూరి, మైత్రీ మూవీ మేకర్స్‌పై నవీన్‌ యెర్నేని, రవిశంకర్‌ యలమంచిలి, హరికృష్ణ కొసరాజు నిర్మిస్తున్నారు. ఈ మూవీ చిత్రీకరణ ప్రస్తుతం హైదరాబాద్‌ సమీపంలోని ఆర్‌ఎఫ్‌సీలో జరుగుతోంది. చేతికి గాయం కావడంతో ఆపరేషన్‌ చేసుకుని, కొద్ది రోజులు షూటింగ్‌ నుంచి విరామం తీసుకున్న ఎన్టీఆర్‌ ప్రస్తుతం కోలుకున్న సంగతి తెలిసిందే. దీంతో ఇప్పుడాయన ‘డ్రాగన్‌’ షూటింగ్‌లో పాల్గొంటున్నారు. ప్రస్తుతం ఎన్టీఆర్‌పై క్లైమాక్స్‌ యాక్షన్‌ సీక్వెన్స్‌ చిత్రీకరిస్తున్నారట ప్రశాంత్‌ నీల్‌. ఈ పోరాట సన్నివేశాలు యాక్షన్‌ ప్రియుల రోమాలు నిక్కబొడుచుకునేలా ఉంటాయని టాక్‌. ఈ హై ఓల్టేజ్‌ క్లైమాక్స్‌ సీన్స్‌తో ఎన్టీఆర్‌ అభిమానులకు థియేటర్లలో పూనకాలు ఖాయం అని వినిపిస్తోంది. హీరో, విలన్స్ మధ్య సాగే ఈ పోరాట ఘట్టాలు ఆడియన్స్‌ని సైతం మెస్మరైజ్‌ చేస్తాయని తెలుస్తోంది. ప్రత్యేకించి ఈ ఫైట్‌ కోసం ఓ భారీ సెట్‌ను తీర్చిదిద్దారట మేకర్స్‌. ఈ సినిమాలో ఎన్టీఆర్‌ యాక్షన్‌ ప్రెజెంటేషన్‌ గత చిత్రాలకు పూర్తి భిన్నంగా ఉండబోతోందని టాక్‌ వినిపిస్తోంది. ఆయన బాడీ లాంగ్వేజ్, ఫైటింగ్‌ స్టైల్, స్క్రీన్‌ ప్రెజెన్స్ను దృష్టిలో పెట్టుకుని యాక్షన్‌ సన్నివేశాలను ప్రత్యేకంగా డిజైన్‌ చేస్తున్నట్లు సమాచారం. కేవలం భారీ ఫైట్లు మాత్రమే కాకుండా, ప్రతి యాక్షన్‌ ఎపిసోడ్‌లో ఒక ప్రత్యేకమైన ఇంపాక్ట్‌ ఉండేలా ప్రశాంత్‌ నీల్‌ ప్లాన్‌ చేశారని తెలుస్తోంది. భారీ బడ్జెట్‌తో అత్యంత ప్రతిష్టాత్మకంగా రూపొందుతోన్న ‘డ్రాగన్‌’ 2027 జూన్‌ 11న ప్రపంచవ్యాప్తంగా విడుదల కానుంది.శంకర్‌పల్లిలో... శర్వానంద్‌ కథానాయకుడిగా నటిస్తున్న తాజా చిత్రం ‘జార్జ్‌ క్రిష్‌’. ‘నారీ నారీ నడుమ మురారి, బైకర్‌’ వంటి హిట్‌ మూవీతో ఫుల్‌ జోష్‌లో ఉన్న శర్వానంద్‌ దర్శకుడు శ్రీను వైట్లతో తొలిసారి చేతులు కలిపారు. ఏటీవీ సమర్పణలో అనిల్‌ సుంకర ఏకే ఎంటర్‌టైన్ మెంట్స్‌ బ్యానర్‌పై రామబ్రహ్మం సుంకర ‘జార్జ్‌ క్రిష్‌’ నిర్మిస్తున్నారు. ఈ సినిమాలో మానస వారణాసి హీరోయిన్ గా నటిస్తున్నారు. ప్రస్తుతం ఈ మూవీ షూటింగ్‌ హైదరాబాద్‌ సమీపంలోని శంకర్‌పల్లిలో జరుగుతోంది. శర్వానంద్, మానస వారణాసితో పాటు ఇతర నటీనటులపై ముఖ్యమైన సన్నివేశాలు తెరకెక్కిస్తున్నారు. ‘‘శ్రీను వైట్ల పుట్టినరోజు (సెప్టెంబరు 24) సందర్భంగా విడుదల చేసిన ‘జార్జ్‌ క్రిష్‌’ ఫస్ట్‌ బూస్టర్‌కు అద్భుతమైన స్పందన వచ్చింది. శ్రీను వైట్ల సినిమాల నుంచి ప్రేక్షకులు ఆశించే హ్యూమర్, ఫన్‌ ఈ సినిమాలో ఉంటాయి. ఈ మూవీలో శర్వానంద్‌ జార్జ్, క్రిష్‌ అనే రెండు భిన్నమైన పాత్రల్లో కనిపిస్తారు. శ్రీను వైట్ల కొత్త బ్యాక్‌డ్రాప్, డిఫరెంట్‌ కథాంశాన్ని ఎంచుకుని, తన సినిమాల నుంచి ప్రేక్షకులు ఆశించే ఫుల్‌ ఎంటర్‌టైన్ మెంట్‌తో ప్రేక్షకులను కడుపుబ్బా నవ్వించడమే లక్ష్యంగా ఈ సినిమా తెరకెక్కిస్తున్నారు. ఈ మూవీకి అనూప్‌ రూబెన్స్ ఎనర్జిటిక్, లైవ్లీ మ్యూజిక్‌ అందిస్తుండగా, కేవీ గుహన్‌ సినిమాటోగ్రఫీ, అవినాష్‌ కొల్లా ప్రొడక్షన్‌ డిజైనర్‌గా, అమర్‌ రెడ్డి కుడుముల ఎడిటర్‌గా పని చేస్తున్నారు. అదే విధంగా నందు సవిరిగాన, గోపీ మోహన్‌ రచయితలుగా వ్యవహరిస్తుండగా, కిశోర్‌ గరికిపాటి ఎగ్జిక్యూటివ్‌ ప్రొడ్యూసర్‌గా వ్యవహరిస్తున్నారు. ‘జార్జ్‌ క్రిష్‌’ చిత్రాన్ని సంక్రాంతి కానుకగా 2027 జనవరి 14న ప్రపంచవ్యాప్తంగా గ్రాండ్‌గా విడుదల చేయనున్నాం. ఈ సంక్రాంతికి ప్రేక్షకులకు హ్యూమర్, రొమాన్స్, ఫ్యామిలీ ఎంటర్‌టైన్ మెంట్‌తో కూడిన కలర్‌ఫుల్‌ ఫీస్ట్‌ అందించేందుకు ‘జార్జ్‌ క్రిష్‌’ సిద్ధం అవుతోంది’’ అని మేకర్స్‌ పేర్కొన్నారు. ఆర్‌ఎఫ్‌సీలో...‘కాంతారా’ మూవీ ఫేమ్‌ రిషబ్‌ శెట్టి లీడ్‌ రోల్‌లో నటిస్తున్న తాజా చిత్రం ‘జై హనుమాన్‌’. ప్రశాంత్‌ వర్మ దర్శకత్వం వహించిన ‘హనుమాన్‌’ మూవీ పాన్‌ ఇండియా స్థాయిలో సూపర్‌ హిట్‌గా నిలిచిన సంగతి తెలిసిందే. తేజ సజ్జా హీరోగా నటించారు. నిరంజన్‌ రెడ్డి నిర్మించిన ఈ మూవీ 2024 జనవరి 12న రిలీజై, పాన్‌ ఇండియా హిట్‌ అందుకుంది. ‘హనుమాన్ ’కి సీక్వెల్‌గా తెరకెక్కుతున్న తాజా చిత్రం ‘జై హనుమాన్‌’. ఈ మూవీలో ఆంజనేయ స్వామిగా రిషబ్‌ శెట్టి నటిస్తున్నారు. ‘హను–మాన్ ’లో హనుమంతుగా నటించిన తేజ సజ్జా సీక్వెల్‌లోనూ కనిపించనున్నారు. ‘ప్రశాంత్‌ వర్మ సినిమాటిక్‌ యూనివర్స్‌’లో భాగంగా ప్రశాంత్‌ వర్మ దర్శకత్వంలో రూపొందుతున్న ఈ సినిమాని మైత్రి మూవీ మేకర్స్‌ బ్యానర్‌పై నవీన్‌ యెర్నేని, వై. రవిశంకర్‌ భారీ బడ్జెట్‌తో నిర్మిస్తున్నారు. ప్రస్తుతం ఈ మూవీ షూటింగ్‌ హైదరాబాద్‌ సమీపంలోని ఆర్‌ఎఫ్‌సీలో జరుగుతోంది. ఈ షెడ్యూల్‌లో చిత్రంలోని ప్రధాన తారాగణంపై కీలకమైన సన్నివేశాలను తెరకెక్కిస్తున్నారట ప్రశాంత్‌ వర్మ. ‘హనుమాన్‌’ మూవీ సూపర్‌ హిట్‌ కావడంతో ‘జై హనుమాన్‌’ సినిమాపై ఇటు ఇండస్ట్రీలో అటు ప్రేక్షకుల్లో భారీ అంచనాలు నెలకొన్నాయి. ఈ మూవీ వచ్చే ఏడాది ప్రేక్షకుల ముందుకు రానుంది.ఇదిలా ఉంటే... పైన పేర్కొన్న చిత్రాలే కాదు... మరికొన్ని సినిమాల చిత్రీకరణలు కూడా హైదరాబాద్‌తో పాటు పరిసర ప్రాంతాల్లో జరుగుతున్నాయి.– డేరంగుల జగన్‌ మోహన్‌

సాక్షి, అమరావతి: ధాన్యం కొనుగోళ్లలో ప్రభుత్వం తీసుకొస్తున్న కొత్త షెడ్యూలింగ్‌ విధానం అన్నదాతలకు కొత్త తలనొప్పులు తెచ్చిపెడుతోంది. ఇప్పటివరకు రైతు సేవాకేంద్రాన్ని సంప్రదించి ఈ–పంట నమోదు ఆధారంగా సాగు, దిగుబడి, అమ్మకానికి సంబంధించిన వివరాలు సమర్పించారు. కోతలు పూర్తయి, ధాన్యాన్ని అమ్మకానికి సిద్ధం చేసే సమయానికి అనుగుణంగా సిబ్బంది కొనుగోలు తేదీ, సమయం (షెడ్యూల్‌) నిర్ణయించి మెస్సేజ్‌ రూపంలో సమాచారం ఇస్తున్నారు.ఇక నుంచి ఆ బాధ్యతల నుంచి కూడా తప్పించుకునేలా ప్రభుత్వం కొత్త ఎత్తు వేస్తోంది. ప్రభుత్వం తీసుకొచ్చిన ఏపీఏఐఎంఎస్‌ 2.0 ఫార్మర్‌ యాప్‌ ద్వారా రైతే స్వయంగా షెడ్యూలింగ్‌ నిర్ణయించే వెసులుబాటు కల్పిస్తున్నట్లు ప్రభుత్వం ఆదేశాలు జారీచేసింది. ధాన్యం అమ్మే తేదీ, సమయం రైతులే నిర్ణయించాలన్న ఈ ఆదేశాలు చిన్న, సన్నకారు రైతులకు ఆందోళన కలిగిస్తున్నాయి. 70 శాతం మంది రైతులు స్మార్ట్‌ఫోన్లకు దూరం ప్రభుత్వం ఖరీఫ్‌–2026 సీజన్‌ నుంచి ధాన్యం కొనుగోళ్లలో ఫార్మర్‌ ఐడీ (విశిష్టసంఖ్య) తప్పనిసరి చేసింది. నేటికీ 12.65 లక్షల మంది రైతులకు ఫార్మర్‌ ఐడీలు లేవు. రాష్ట్రంలో 30 లక్షల మందికి పైగా ఉన్న కౌలురైతుల్లో ఒక్కరికి కూడా ఫార్మర్‌ ఐడీ లేదు. మరోవైపు ధాన్యం సేకరణ సేవలను పూర్తిగా ఏపీఏఐఎంఎస్‌ 2.0 ఫార్మర్‌ యాప్‌ ద్వారానే వినియోగించుకోవాలని ప్రభుత్వం ఆదేశాలు జారీచేసింది. రైతు తన మొబైల్‌లో యాప్‌ తెరిచి ధాన్యం విక్రయించే తేదీ, సమయం నిర్దేశించుకోవాలి.ధాన్యాన్ని ఒకేసారి కాకుండా అవసరాన్ని బట్టి విడతల వారీగా కొనుగోలు కేంద్రాలకు తరలించేలా తేదీలు, సమయాన్ని స్వయంగా నిర్దేశిస్తూ బుక్‌ చేసుకునే వెసులుబాటు ఇచ్చారు. 70 శాతానికి పైగా రైతులు స్మార్ట్‌ఫోన్లకు దూరంగా ఉన్నారు. స్మార్ట్‌ఫోన్లు ఉన్న వారిలో 90 శాతం మందికి పైగా ఈ యాప్‌లను ఎలా వినియోగించుకోవాలో తెలియదు.చిన్న, సన్నకారు రైతులు, కౌలురైతుల చేతిలో స్మార్ట్‌ఫోన్‌ ఉండదు. ఒకవేళ ఉన్నా.. యాప్‌ డౌన్‌లోడ్‌ చేయడం, లాగిన్‌ కావడం, ఫార్మర్‌ ఐడీ, ధాన్యం పరిమాణం నమోదు చేయడం, తేదీ–సమయం ఎంపిక చేయడం వంటి ప్రక్రియలు అందరికీ సులభంకాదు. వయసు పైబడిన రైతులకు డిజిటల్‌ ప్రక్రియలు మరింత భారంగా మారే అవకాశం ఉంది. ఎవరో ఒకరు సాయం చేస్తే తప్ప విత్తనాలు, ఎరువులతో సహా ఏ ఒక్కటి బుక్‌ చేసుకోలేని పరిస్థితి. ఒక్కరోజు ఆలస్యమైనా అపారనష్టం గ్రామీణ ప్రాంతాల్లో అప్రకటిత విద్యుత్‌ కోతలు, నెట్‌వర్క్‌ సమస్యల గురించి ప్రత్యేకంగా చెప్పనవసరం లేదు. యాప్‌ పనిచేయకపోవడం, ఓటీపీ రాకపోవడం, సర్వర్‌ బిజీగా ఉండటం, మొబైల్‌ డేటా అందుబాటులో లేకపోవడం వంటి సాంకేతిక సమస్యలు నిత్యం వెంటాడుతుంటాయి. ఇప్పటివరకు రైతు సేవాకేంద్రానికి వెళ్లి సిబ్బందికి వివరాలు చెబితే షెడ్యూలింగ్‌ జరిగేది. కానీ ఇకనుంచి రైతులే స్వయంగా బుక్‌ చేసుకోవాలంటే వారు పడేపాట్లు వర్ణనాతీతమనే చెప్పాలి.యాప్‌లో ఈ వెసులుబాటు ఉందనే సాకుతో కార్యాలయాలకు వెళ్తే షెడ్యూలింగ్‌ మీరే చేసుకోవచ్చు కదా అంటూ ఉచిత సలహాలిచ్చి బాధ్యతల నుంచి సిబ్బంది తప్పించుకునే అవకాశాలున్నాయి. ధాన్యం కోతకు వచ్చిన సమయంలో ఒక్కరోజు ఆలస్యమైనా రైతులకు అపారనష్టం వాటిల్లుతుంది. పొలంలో కోసిన ధాన్యాన్ని ఎక్కువకాలం ఆరబెట్టడం, నిల్వచేయడం, రవాణా కోసం వాహనం సిద్ధంచేయడం అన్నీ ఖర్చుతో కూడుకున్నవే.వాతావరణ పరిస్థితులు, తేమశాతం, కూలీల లభ్యత, రవాణా సౌకర్యం వంటి అంశాలను బట్టి కోతతేదీలు మారుతుంటాయి. షెడ్యూల్‌ కాలేదనే కారణంతో ధాన్యం ఇంటి దగ్గరే నిల్వచేసుకోవాల్సి వస్తే ఆ రైతుల పరిస్థితి అగమ్యగోచరం. అమ్మకానికి పంట సిద్ధంగా ఉన్నా, షెడ్యూల్‌ తేదీ దూరంగా ఉంటే.. ఆ ధాన్యాన్ని ఎక్కడ నిల్వ చేయాలి? తేమ పెరిగి నాణ్యత తగ్గితే బాధ్యత ఎవరిది? వర్షం వస్తే తడిసిన ధాన్యాన్ని ఎవరు కొనుగోలు చేస్తారు? అన్న ప్రశ్నలు రైతులను వేధిస్తున్నాయి. విడతల వారీ విధానం చిన్న, సన్నకారు రైతులకు భారం ధాన్యాన్ని మొత్తంగా లేదా పాక్షికంగా, విడతల వారీగా షెడ్యూల్‌ చేసుకునే అవకాశం ఇచ్చారు. ఇది అవసరాన్ని బట్టి అమ్ముకునే రైతులకు ఉపయోగపడొచ్చు కానీ చిన్న, సన్నకారు రైతులకు ఉపయోగపడదు. ప్రతిసారీ షెడ్యూలింగ్, రవాణా, తూకం, కొనుగోలు కేంద్రానికి తరలింపు వంటి ప్రక్రియలు పునరావృతమైతే రైతుకు అదనపు ఖర్చే.షెడ్యూలింగ్‌ ఆలస్యం, యాప్‌ సమస్యలు, కొనుగోలు కేంద్రం వద్ద రద్దీ, తేమ నిబంధనలు, రవాణా ఖర్చులు వంటి అంశాల మధ్య రైతు చివరకు దళారులను ఆశ్రయించాల్సి వస్తుంది. ఫలితంగా కనీస మద్దతు ధర (ఎమ్మెస్పీ) కంటే తక్కువ ధరకు తెగనమ్ముకోవాల్సిన దుస్థితి ఏర్పడుతుంది. ఈ విధానం ముమ్మాటికి దళారీలకు మేలు చేకూరుస్తుందే తప్ప రైతులకు ఏమాత్రం మేలు కలగదని రైతుసంఘాలు మండిపడుతున్నాయి.కొత్తగా చేర్చాం... ఖరీఫ్‌–2026 సీజన్‌ నుంచి ఏపీఏఐఎంఎస్‌ ఫార్మర్‌ యాప్‌లో ధాన్యం సేకరణ సేవలను కొత్తగా చేర్చాం. ధాన్యం అమ్మకానికి సంబంధించి తేదీ, సమయం నిర్దేశించుకునేందుకు రైతులు స్వీయ షెడ్యూలింగ్‌కు వెసులుబాటు కల్పించాం. దీంతో రైతులు కార్యాలయాల చుట్టూ తిరగనవసరం లేదు. వ్యక్తిగత పనులు మానుకొని అధికారులను సంప్రదించాల్సిన పనిలేదు. వారికి సమయం, శ్రమ ఆదా అవుతాయి. ఈ విధానంపై రైతులకు మరింత అవగాహన కల్పించేందుకు చర్యలు తీసుకున్నాం. – మనజీర్‌ జిలానీ సమూన్, డైరెక్టర్, వ్యవసాయశాఖ

నేనొక ఐటీ కంపెనీలో పని చేస్తున్నాను. సంవత్సర కాలంగా, మా ప్రాజెక్ట్‌ హెడ్‌ నుండి అసభ్యమైన కామెంట్స్, అనుచితంగా తాకడం, ఇంకా ఎక్కడికైనా బయటకు వెళ్దామా అనే ప్రపోజల్స్‌ ఎక్కువయ్యాయి. అతని ఉద్దేశ్యం నాకు స్పష్టంగా అర్థమైంది. అది నాకు చాలా ఇబ్బందిగానూ, అభ్యంతరకరంగానూ ఉందని చెప్పడంతో కొంతకాలం నార్మల్‌గా ఉన్నాడు. మళ్లీ విజృంభించి వాట్సాప్‌ మెసేజెస్‌ పెట్టడం మొదలుపెట్టాడు. స్నేహితుల సలహా మేరకు మా హెచ్‌.ఆర్‌. మేనేజర్‌కు లిఖితపూర్వకంగా ఫిర్యాదు చేశాను. మెసేజెస్, స్క్రీన్‌ షాట్స్‌ కూడా ఇచ్చాను. మా బ్రాంచ్‌ మేనేజర్‌కు కూడా కాపీ పెట్టాను. అయితే ఆరు నెలలు గడిచినా, నా ఫిర్యాదుపై యాక్షన్‌ ఏమీ తీసుకోలేదు. నాకు చాలా బాధగా ఉంది. ఉద్యోగం మానేయాలన్నంత మానసిక వేదనగా ఉంది. ఏం చేయాలో సలహా ఇవ్వగలరు.– ఒక సోదరి, హైదరాబాద్‌మీరు చేసిన ఫిర్యాదు సహా ‘పనిప్రదేశాలలో మహిళలపై లైంగిక వేధింపుల నిషేధ చట్టం, 2013’ ప్రకారమే నడుచుకున్నారు. సదరు చట్టానికి అనుబంధంగా రూపొందిన రూల్‌ 7 ప్రకారం, ఫిర్యాదుతోపాటే ఆధారాలను, సాక్షుల వివరాలను కూడా సమర్పించవలసి ఉంటుంది. మీరు చాలావరకు ఆ నిబంధనను పాటించినట్లు అర్థమవుతోంది. అయితే, కంప్లైంట్‌ ఎవరికి ఇవ్వాలనే విషయంలోనే ఖచ్చితత్వం అవసరం. ఏ చట్టం ప్రకారం, అన్ని ప్రైవేట్, ప్రభుత్వ పనిప్రదేశాలలో, ఎక్కడైతే పది లేదా అంతకంటే ఎక్కువ మంది ఉద్యోగులు ఉంటారో అక్కడ లైంగిక వేధింపుల నుంచి మహిళల రక్షణ కోసం ఒక అంతర్గత ఫిర్యాదు కమిటీ / ఇంటర్నల్‌ కంప్లైంట్స్‌ కమిటీ (ఐసీసీ) ఏర్పాటు చేయవలసి ఉంటుంది. ఈ విధంగా చర్యలు చేపట్టేలా మహిళా శిశు సంక్షేమ శాఖ పర్యవేక్షించాలి. అయితే ఆచరణలో ఇది సక్రమంగా జరగడం లేదు. ఒక్క హైదరాబాద్‌లోనే వేలాది ప్రభుత్వ, ప్రైవేట్‌ సంస్థలు ఈ నిబంధనను పట్టించుకోకుండా ఉన్నాయనేది వాస్తవం.మీరు రాసిన వివరాలను బట్టి, చట్టంలోని సెక్షన్‌ 4 ప్రకారం మీ కార్యాలయంలో ఐసీసీ ఏర్పాటు చేశారా లేదా అనేది తెలియడం లేదు. ఒకవేళ ఐసీసీ ఏర్పాటై ఉంటే, మీ ఫిర్యాదును నేరుగా ఆ కమిటీకి సమర్పించాలి. విచారణ కూడా ఆ కమిటీయే చేపట్టాలి. కాబట్టి, ముందుగా మీ కార్యాలయంలో ఐసీసీ ఉందో లేదో తెలుసుకోండి. ఉంటే, ఇప్పటికే ఇచ్చిన ఫిర్యాదు ప్రతిని ఐసీసీకి పంపి విచారణ కోరండి. ఒకవేళ మీ ఆఫీసులో ఐసీసీ లేకపోతే, సదరు చట్టంలోని సెక్షన్‌ 6 ప్రకారం జిల్లా స్థాయిలో, కలెక్టర్‌ ఆదేశానుసారం ఏర్పడే లోకల్‌ కంప్లైంట్స్‌ కమిటీ (ఎల్‌ సీ సీ)కి ఫిర్యాదు చేయవచ్చు – చెయ్యాలి కూడా. ఒకవేళ విచారణలో సరైన న్యాయం జరగలేదని మీకు అనిపిస్తే, సంబంధిత లేబర్‌ కోర్టులో అప్పీల్‌ ఫైల్‌ చేసుకోవచ్చు. ఇటీవలనే రాష్ట్ర ప్రభుత్వం, సదరు అప్పీళ్లను విచారించే అధికారాన్ని రాష్ట్రవ్యాపంగా ఎనిమిది లేబర్‌ కోర్టులకు అప్పగిస్తూ ఒక ఆదేశాన్ని జారీ చేసింది.శ్రీకాంత్‌ చింతల, హైకోర్టు న్యాయవాదిమీకున్న న్యాయపరమైన సమస్యలు, సందేహాల కోసంsakshifamily3@gmail.comకు మెయిల్‌ చేయవచ్చు.

ప్రపంచ దేశాలను కలవరపెట్టేలా మరో కొత్త కోవిడ్-19 వేరియంట్ వెలుగులోకి వచ్చింది. ఈ కొత్త వేరియంట్ అత్యధిక సంఖ్యలో మ్యుటేషన్లు (రూపాంతరాలు) చెందిన స్పైక్ ప్రోటీన్‌ను కలిగి ఉండటంతో ప్రపంచ ఆరోగ్య రంగంలో మళ్లీ ఆందోళన మొదలైంది. ఇది వేగంగా విస్తరిస్తుండటంతో వైరస్ వ్యాప్తి, లక్షణాలు, వ్యాక్సిన్ల పనితీరుపై తీవ్ర చర్చ జరుగుతోంది.వైరస్ మానవ కణాలపై దాడి చేయడానికి, వాటిలో ప్రవేశించడానికి ఉపయోగపడే ప్రధాన అస్త్రం 'స్పైక్ ప్రోటీన్'. తాజా వేరియంట్‌లో ఈ స్పైక్ ప్రోటీన్‌పై ఊహించని రీతిలో డజన్ల కొద్దీ మ్యుటేషన్లు సంభవించినట్లు శాస్త్రవేత్తలు గుర్తించారు. ఇంత భారీ స్థాయిలో మార్పులు చెందడం వల్ల ఈ వైరస్ మానవ శరీరంలోని రోగ నిరోధక శక్తిని సులభంగా తప్పించుకోగలదని నిపుణులు ఆందోళన వ్యక్తం చేస్తున్నారు.గతంలో వెలుగుచూసిన రకాలతో పోలిస్తే ఇది మరింత వేగంగా ఒకరి నుంచి మరొకరికి వ్యాపించే సామర్థ్యాన్ని కలిగి ఉందని ప్రారంభ అధ్యయనాలు స్పష్టం చేస్తున్నాయి. ఇప్పటికే పలు దేశాల్లో దీనికి సంబంధించిన కేసులు వెలుగుచూడటంతో గ్లోబల్ హెల్త్ ఏజెన్సీలు నిఘా పెంచాయి.ప్రధాన లక్షణాలు ఎలా ఉన్నాయి?ఈ కొత్త వేరియంట్ సోకిన వ్యక్తులలో కనిపించే లక్షణాలు గతంలో వచ్చిన ఒమిక్రాన్ లేదా ఇతర వేరియంట్లను పోలి ఉన్నప్పటికీ, దీని ప్రభావం వేగంగా ఉంటుందని వైద్యులు చెప్తున్నారు విపరీతమైన నీరసం, ఒళ్లు నొప్పులు, గొంతు నొప్పి, గొంతులో గరగర, నిరంతర దగ్గు, తలనొప్పి, జ్వరం లేదా చలిగా అనిపించడం, కొంతమందిలో రుచి, వాసన కోల్పోవడం వంటి లక్షణాలు కనిపిస్తున్నాయి. అయితే, శ్వాస తీసుకోవడంలో తీవ్రమైన ఇబ్బందులు, ప్రాణాపాయ పరిస్థితులు ఎంతవరకు ఉంటున్నాయి అనే దానిపై పూర్తి స్థాయి క్లినికల్ డేటా ఇంకా రావాల్సి ఉంది.వ్యాక్సిన్లు పనిచేస్తాయా? రక్షణ ఎంతవరకు?అత్యధిక మ్యుటేషన్లు ఉన్న ఈ వేరియంట్ పట్ల ప్రజల్లో ప్రధానంగా ఉన్న సందేహం 'ఇప్పటివరకు తీసుకున్న కోవిడ్ వ్యాక్సిన్లు దీనిని ఎదుర్కోగలవా?' అనేదే. దీనిపై వైద్య నిపుణులు స్పందిస్తూ.. ఇప్పటివరకు అందుబాటులో ఉన్న వ్యాక్సిన్లు, నేచురల్ ఇమ్యూనిటీ కొంతవరకు క్రాస్-ప్రొటెక్షన్ అందించినప్పటికీ, వైరస్ తన రూపాన్ని మార్చుకోవడం వల్ల యాంటీబాడీల ప్రభావాన్ని ఇది కొంతవరకు తగ్గించగలదని పేర్కొంటున్నారు. అయినప్పటికీ, బూస్టర్ డోసులు తీసుకున్నవారిలో తీవ్ర అనారోగ్యం పాలయ్యే ముప్పు గణనీయంగా తగ్గుతుందని నిపుణులు భరోసా ఇస్తున్నారు.ప్రభుత్వాలు, ఆరోగ్య సంస్థల అప్రమత్తతకొత్త వేరియంట్ గ్లోబల్‌గా విస్తరిస్తున్న నేపథ్యంలో అంతర్జాతీయ ప్రయాణాలపై మళ్లీ ఆంక్షలు వస్తాయా అనే చర్చ నడుస్తోంది. అయితే, ప్రస్తుతం ఆందోళన చెందాల్సిన అవసరం లేదని, ఎప్పటికప్పుడు జీనోమ్ సీక్వెన్సింగ్ ద్వారా వైరస్ పరిణామాలను మానిటర్ చేస్తున్నామని ప్రపంచ ఆరోగ్య సంస్థ తెలిపింది. ప్రజలు అనవసర ఆందోళనకు గురికాకుండా, రద్దీ ప్రాంతాల్లో మాస్కులు ధరించడం, తగిన జాగ్రత్తలు పాటించడం మేలని వైద్య నిపుణులు సూచిస్తున్నారు.

‘నావాళ్లతో పాటు అందరూ బాగుండాలి’ అనేది స్ఫూర్తిదాయకమైన మాట. సమాజానికి మేలుచేసే మాట. అయితే ఈ బాటలో ప్రయాణించేవారు అతి కొద్దిమంది. వారిలో ఒకరు... ఐ. విజయలక్ష్మి. కుటుంబసభ్యులతో సంతోషంగా గడుపుతున్న 62 ఏళ్ల విజయలక్ష్మి ‘నషా ముక్త్‌ భారత్‌ అభియాన్‌’ లక్ష్యంతో దేశవ్యాప్తంగా సైకిల్‌ యాత్ర చేస్తున్నారు. ఇది సాహస యాత్ర కాదు. సామాజిక స్పృహతో కూడిన యాత్ర. ‘సే నో టు డ్రగ్స్‌’ అని యువతరంతో ప్రతిజ్ఞ చేయిస్తున్న విజయలక్ష్మి పరిచయం... ఆమె మాటల్లోనే... నా స్వస్థలం ఏలూరు జిల్లాలోని నారాయణపురం. గత ఏడేళ్లుగా హైదరాబాద్‌లోని నా కూతురు దగ్గరే ఉంటున్నాను. ఒకరోజు న్యూస్‌ పేపర్‌లో ఒక వార్త చదివాను. గచ్చిబౌలి ప్రాంతంలో డ్రగ్స్‌ విక్రయిస్తున్న ఒక బడ్డీ కొట్టును ఈగల్‌ అధికారులు మూసివేసినా కొందరు సాఫ్ట్‌వేర్‌ ఇంజినీర్లు ఆ బడ్డీ కొట్టు దగ్గరే తచ్చాడుతూ డ్రగ్స్‌ కోసం ఎదురు చూస్తున్నారంటూ ఆ న్యూస్‌లో రాసి ఉంది. అది చదివిన తర్వాత నాకు ఎంతో బాధ కలిగింది. నా మనవడు ఒక్కడే బాగుంటే సరిపోదు. ఈ మత్తుమహమ్మారి బారిన పడకుండా మిగిలిన పిల్లలను కాపాడుకోవాలని నిశ్చయించుకున్నాను.ప్రతిజ్ఞ... దేశవ్యాప్తంగా కనీసం లక్షమంది విద్యార్థులను కలిసి మత్తుపదార్థాలతో ఎదురయ్యే చెడును వివరించాలనే లక్ష్యంతో సైకిల్‌యాత్ర మొదలు పెట్టాను. ఎక్కడికి వెళ్లినా విద్యార్థులతో, తల్లిదండ్రులతో ‘సే నో టు డ్రగ్స్‌’ అని ప్రతిజ్ఞ చేయిస్తున్నాను. అది కూడా నామీద ఒట్టుపెట్టి ఈ ప్రతిజ్ఞ చేయాలని చెబుతున్నాను. ఇలా ఈ అమ్మమ్మను చూసి మరికొందరు అమ్మలు, నాన్నలు.. మిగిలిన అందరూ స్ఫూర్తి పొంది డ్రగ్స్‌ మహమ్మారిని తరిమి కొడతారన్న ఆశ నాది. దేశవ్యాప్తంగా... కేవలం ఒక్క ప్రాంతానికే పరిమితం కాకుండా దేశం మొత్తం చేయాల్సిన యాత్ర ఇది అనిపించింది. నా సొంత రాష్ట్రమైన ఆంధ్రప్రదేశ్‌ నుంచి దేశ రాజధాని ఢిల్లీ వరకు సైకిల్‌యాత్ర చేయాలని సంకల్పం తీసుకున్నాను. స్వచ్ఛభారత్‌ సాధన లక్ష్యంతో 2017లో ఇచ్చాపురం నుంచి తడ వరకు సైకిల్‌ యాత్ర చేశాను. ఆ అనుభవం ఢిల్లీ వరకు సైకిల్‌ యాత్ర చేయాలనుకోవడానికి ఊతమైంది. ఇన్నేళ్ల తర్వాత మళ్లీ సైకిల్‌ యాత్ర. అదీ దాదాపు మూడువేల కిలోమీటర్ల యాత్ర అంటే మాటలు కాదు. అందుకే నేను గత మూడు నెలలుగా రోజుకు 70 కిలోమీటర్లు సైక్లింగ్‌ ప్రాక్టీస్‌ చేసేదాన్ని. అలా నాకు నమ్మకం వచ్చిన తర్వాత సైకిల్‌ యాత్రకు సిద్ధమయ్యాను. అల్లూరి సీతారామరాజు స్ఫూర్తితో భీమవరంలోని ఆయన విగ్రహం నుంచి నా సైకిల్‌ యాత్రను అక్టోబర్‌ 22 న మొదలు పెట్టాను ఏపీ, తెలంగాణ, మహారాష్ట్ర, మధ్యప్రదేశ్, ఉత్తరప్రదేశ్‌ గుండా డిసెంబర్‌ 10 వరకు ఢిల్లీకి చేరాలని లక్ష్యంగా పెట్టుకున్నాను. రోజుకు సరాసరిన 70 కిలోమీటర్ల సైకిల్‌ యాత్ర చేస్తున్నాను. కుటుంబ సభ్యులు వారించారు. కొంతమంది హేళన చేశారు. కానీ నేను ఒక లక్ష్యాన్ని నిర్దేశించుకున్నాను. దానికోసం వయస్సుతో సంబంధం లేకుండా ముందుకు వెళుతున్నాను.– నాగోజు సత్యనారాయణ, క్రైం రిపోర్టర్, సాక్షి స్టేట్‌ బ్యూరో, హైదరాబాద్‌ఫొటోలు: నోముల రాజేష్‌ రెడ్డి

అలీగఢ్‌ ముస్లిం యూనివర్సిటీలోస్టూడెంట్స్‌ ఎలక్షన్స్‌ ఎప్పుడూ అబ్బాయిల వ్యవహారమే. గత 40 ఏళ్లుగా స్టూడెంట్స్‌ ప్రెసిడెంట్, వైస్‌ ప్రెసిడెంట్, సెక్రటరీ పోస్టుల్లో ఒక్క అమ్మాయి గెలిచిన పాపాన పోలేదు. దీనిని మారుద్దాం అనుకుంది నస్రా నైమ్‌. పోరాడింది. వైస్‌ప్రెసిడెంట్‌గా నిలిచి చరిత్ర సృష్టించింది. జెన్‌జెడ్‌ పల్స్‌ తెలిపే స్టోరీ ఇది.‘నేను గెలవడానికే నిలబడ్డాను’ అంది నస్రా నైమ్‌ స్టూడెంట్స్‌ హర్షధ్వానాల మధ్య. ‘నేను నా జెండర్‌ కార్డు ఉపయోగించి ఓట్లు అడగలేదు. ఈ క్యాంపస్‌లో విద్యార్థుల హక్కుల కోసం గత ఐదేళ్లుగా గ్రౌండ్‌ లెవెల్‌లో పోరాడుతున్న యాక్టివిస్ట్‌గా బరిలోకి దిగాను. విద్యార్థులు నేను స్త్రీ కావడం వల్ల కాదు, నా పనిని చూసి ఓటేశారు’ అందామె.అలీగఢ్‌ ముస్లిం యూనివర్సిటీలో నవంబర్‌ 5న జరిగిన స్టూడెంట్స్‌ ఎలక్షన్‌లో వైస్‌ ప్రెసిడెంట్‌గా నిలబడ్డ నస్రా తన ప్రత్యర్థిపై 1,273 ఓట్ల భారీ తేడాతో ఘన విజయం పొందింది. గతంలో యూనివర్సిటీలో ఒక అమ్మాయి ఇలా ఈ పొజిషన్‌లో ఎప్పుడూ గెలవలేదు.అబ్బాయిల ప్రపంచంఅలీగఢ్‌ ముస్లిం యూనివర్సిటీ (AMU) క్యాంపస్‌ ప్రత్యేకమైన ప్రపంచం. అక్కడ స్టూడెంట్స్‌ ఎలక్షన్స్ వచ్చాయంటే నినాదాలు, వ్యూహాలు, గంభీర వాతావరణం... అబ్బాయిలదే. అందుకే 40 ఏళ్లుగా అక్కడ స్టూడెంట్స్‌ ప్రెసిడెంట్, వైస్‌ ప్రెసిడెంట్, సెక్రటరీ లాంటి అత్యున్నత పోస్టుల్లో ఒక్క అమ్మాయీ గెలిచిన దాఖలా లేదు. ‘ఎప్పటికీ ఇలాగే సాగాలా? చరిత్రను మనం మార్చలేమా?’ అనుకుంది 22 ఏళ్ల లా స్టూడెంట్‌ నస్రా. మగవాళ్ల మధ్యన, ఆ పాత గోడల మధ్య ఒంటరిగా నిలుచుని పోరాడింది.భయాలను దాటి.. బరిలోకి దూకి!‘క్యాంపస్‌లో స్టూడెంట్‌ పాలిటిక్స్‌ చాలా ముఖ్యం. మనం రాజకీయంగా చైతన్యవంతంగా లేకపోతే అడ్మినిస్ట్రేషన్‌ మనపై రుద్దే నిర్ణయాల వెనుక ఉన్న అసలు అర్థాలను మనం ప్రశ్నించలేము’ అంటుంది నస్రా. ఉత్తరప్రదేశ్‌లోని గోరఖ్‌పూర్‌ నుంచి అలీగఢ్‌ క్యాంపస్‌లో అడుగుపెట్టినప్పుడు నస్రా నైమ్‌ చేతిలో ఉన్నది కేవలం ‘లా’ పుస్తకాలు కాదు... సమాజంలో మార్పు తేవాలనే బలమైన ఆశయం కూడా. నిజానికి ఆమె మొదట ప్రెసిడెంట్‌ పదవికే పోటీ చేయాలనుకుంది. కానీ అదే యూనివర్సిటీలో చదువుకున్న ఆమె తండ్రి షబ్బీర్‌ ఆలం కంగారుపడ్డారు. దశాబ్దాలుగా ఉన్న పురుషాధిక్య క్యాంపస్‌లో ఒక అమ్మాయిని అంత త్వరగా అగ్రస్థానంలో అంగీకరించరని, అది ఒంటరి పోరాటమని వారించారు. కానీ నస్రా వెనక్కి తగ్గలేదు. తండ్రికి ధైర్యం చెప్పింది. పక్కా వ్యూహంతో, పరిమిత వనరులతోనే వైస్‌ ప్రెసిడెంట్‌ స్థానానికి నామినేషన్‌ వేసి సివంగిలా నిలబడింది.142 ఏళ్ల నిశ్శబ్దానికి చరమగీతం!క్యాంపస్‌లో హింస, శాంతిభద్రతల నెపంతో 2019 నుంచి యూనియన్‌ ఎన్నికలను అడ్మినిస్ట్రేషన్‌ నిలిపివేసింది. అయితే స్టూడెంట్స్‌ రైట్స్‌ కోసం సాగిన ఉధృతమైన నిరాహార దీక్షల్లో నస్రా ముందుండి నడిచింది. ఎన్నికలు వచ్చేలా చేసింది. తీరా ఎన్నికల బరిలో నిలిచాక డబ్బు లేదు, భారీ ప్రచార బృందాలు లేవు. కొద్దిమంది నమ్మకమైన స్నేహితులు తప్ప. వారితో కలిసి పోరాడింది. 142 ఏళ్ల ఏఎమ్‌యూ చరిత్రలోనే అత్యున్నత కార్యవర్గ స్థానానికి ఎన్నికైన మొట్టమొదటి మహిళగా నస్రా సరికొత్త ప్రపంచ రికార్డు సృష్టించింది. గత 40 ఏళ్లుగా విడిగా ఏర్పరిచిన మహిళా వింగ్‌ ఎలక్షన్స్‌లోని పోస్టులతోనే స్త్రీలు సర్దుకున్నారు. నస్రా జనరల్‌ ఎలక్షన్స్‌లో పోటీ చేసింది. నస్రా విజయం కేవలం ఒక వ్యక్తి గెలుపు కాదు. అది క్యాంపస్‌లో జెన్‌ జెడ్‌ అమ్మాయిల నిశ్శబ్ద విప్లవానికి ప్రతీక. పాతబడిన అకడమిక్‌ సిలబస్‌ను మార్చడం, విద్యార్థులు స్వేచ్ఛగా చర్చించుకునేలా క్యాంపస్‌ క్యాంటీన్‌ వంటి ‘థర్డ్‌ స్పేస్‌’లను పునరుద్ధరించడమే తన లక్ష్యాలని అంటోంది నస్రా.

తాత నుంచి తన తండ్రికి సంక్రమించిన ఆస్తిపై కొడుకు ఎలాంటి హక్కును లేదా వాటాను కోరలేడని సుప్రీంకోర్టు స్పష్టం చేసింది. తండ్రి జీవించి ఉన్న సమయంలో తాత ఆస్తిలో కొడుకు జన్మతః హక్కు అడగలేడని అత్యున్నత ధర్మాసనం తేల్చిచెప్పింది.హిందూ వారసత్వ చట్టం ప్రకారం.. ఒక హిందూ వ్యక్తి తన పూర్వీకుల నుంచి వారసత్వంగా పొందిన ఆస్తిపై సంపూర్ణ యాజమాన్య హక్కు కలిగి ఉంటాడని కోర్టు పేర్కొంది. సెక్షన్ 8 ప్రకారం తండ్రికి సంక్రమించిన ఆస్తిని ఆయన తన సొంత ఆస్తిగా భావించి ఇష్టానుసారం విక్రయించుకోవచ్చని, దీనిపై కుమారుడు న్యాయపరంగా ఎలాంటి క్లెయిమ్ చేయలేరని కోర్టు స్పష్టం చేసింది. 1997లో ఓ వ్యక్తి తన తండ్రి వద్ద ఉన్న తాత ఆస్తిలో తనకు వాటా కావాలని కోరుతూ దాఖలు చేసిన వ్యాజ్యంపై విచారణ సందర్భంగా సుప్రీంకోర్టు ఈ కీలక తీర్పు వెలువరించింది. హిందూ వ్యక్తి మృతి చెందిన తర్వాత ఆస్తుల పంపిణీకి సంబంధించి 1956 చట్టంలోని సెక్షన్ 8 ఒక స్వయంప్రతిపత్త నిబంధనగా పనిచేస్తుందని, దీని ప్రకారం తాత ఆస్తిని పొందిన తండ్రి ఆస్తిపై కొడుకులకు జన్మహక్కు ఉండదని కోర్టు స్పష్టం చేసింది. హైకోర్టు ఇచ్చిన తీర్పును సమర్థిస్తూ సుప్రీంకోర్టు ఈ మేరకు తీర్పు వెలువరించింది.

సాక్షి, అమరావతి: తిరుపతి అర్బన్‌ మండలం ఆర్‌ఎస్‌ గ్రామం పరిధిలోని సర్వే నంబర్‌ 588(ఏ4)లో తిరుమల తిరుపతి దేవస్థానాల (టీటీడీ)కు చెందిన 20 ఎకరాల భూమిని ఒబెరాయ్‌ గ్రూపునకు చెందిన స్వర హోటల్స్‌కు కేటాయించడం పూర్తిగా వ్యాపార నిర్ణయంగా కనిపిస్తోందని హైకోర్టు వ్యాఖ్యానించింది. ఇందుకు ప్రాథమిక ఆధారాలు కనిపిస్తున్నాయని చెప్పింది. ఈ నేపథ్యంలో సదరు భూ కేటాయింపు విధి విధానాలను పరిశీలిస్తామని స్పష్టం చేసింది.ఈ మేరకు ప్రధాన న్యాయమూర్తి (సీజే) జస్టిస్‌ లీసా గిల్, న్యాయమూర్తి జస్టిస్‌ చల్లా గుణరంజన్‌ ధర్మాసనం మంగళవారం ఉత్తర్వులు జారీ చేసింది. శ్రీవారి భూమిని ఒబెరాయ్‌కి కేటాయించడంపై మాజీ ఎమ్మెల్యే, వైఎస్సార్‌సీపీ సీనియర్‌ నేత భూమన కరుణాకర్‌రెడ్డి హైకోర్టులో ప్రజా ప్రయోజన వ్యాజ్యం (పిల్‌) దాఖలు చేశారు. ఈ వ్యాజ్యంపై మంగళవారం విచారణ జరిపిన హైకోర్టు, ఈ కేటాయింపులపై స్టేటస్‌ రిపోర్ట్‌ దాఖలు చేయాలని టీటీడీ, రాష్ట్ర ప్రభుత్వాన్ని ఆదేశించింది. శ్రీవారి భూమిని విలాసవంత హోటల్‌కు కేటాయించడమా? అంతకు ముందు భూమన తరఫు న్యాయవాది రాయప్రోలు శ్రీకాంత్‌ వాదనలు వినిపిస్తూ.. కోట్ల రూపాయల విలువైన భూమిని టీటీడీ తొలుత పర్యాటక శాఖకు బదలాయించి, ఆ తర్వాత ఒబెరాయ్‌ గ్రూప్‌నకు చెందిన ’స్వర హోటల్స్‌ లిమిటెడ్‌’కు కేటాయించారన్నారు. దీని వల్ల టీటీడీకి రూ.వందల కోట్ల మేర నష్టం వాటిల్లిందని తెలిపారు. రూ.400 కోట్ల విలువైన భూమిని పర్యాటక శాఖకు కేటాయించి, దానికి బదులుగా కేవలం రూ.20 కోట్ల విలువైన భూమిని మాత్రమే టీటీడీ తీసుకుందని వివరించారు.ఒబెరాయ్‌ గ్రూప్‌కు స్టాంప్‌ డ్యూటీ, రిజి్రస్టేషన్‌ ఫీజు కింద కోట్లాది రూపాయల మేర మినహాయింపు ఇవ్వడం ద్వారా ప్రభుత్వ ఖజానాకు, టీటీడీకి భారీగా ఆర్థి క నష్టం వాటిల్లిందన్నారు. అలిపిరి పాదాల వద్ద శ్రీవారికి చెందిన పవిత్ర భూమిని లగ్జరీ హోటల్‌ నిర్మాణానికి కేటాయించడం ‘తిరుమల దివ్య క్షేత్రం’ నిబంధనలకు, హిందూ ధార్మిక విశ్వాసాలకు విరుద్ధమన్నారు. ఈ నేపథ్యంలో స్వర హోటల్‌కు కేటాయించిన భూమి విషయంలో యథా తథస్థితి (స్టేటస్‌ కో) కొనసాగించేలా మధ్యంతర ఉత్తర్వులు ఇవ్వాలని కోరారు. అది రాష్ట్ర ప్రభుత్వ నిర్ణయం అనంతరం టీటీడీ తరఫు న్యాయవాది వాదనలు వినిపిస్తూ, అలిపిరి వద్ద బేస్‌ క్యాంప్‌ నిర్మించాలని మొదట్లో భావించామన్నారు. అయితే సాంకేతిక కారణాలతో అది కార్యరూపం దాల్చలేదని తెలిపారు. స్వర హోటల్‌కు టీటీడీ భూమిని కేటాయించాలన్నది ప్రభుత్వ నిర్ణయమని ధర్మాసనం దృష్టికి తీసుకొచ్చారు. ఇరుపక్షాల వాదనలు విన్న ధర్మాసనం, ఈ మొత్తం భూ కేటాయింపులపై స్టేటస్‌ రిపోర్ట్‌ను తమ ముందుంచాలని ప్రభుత్వాన్ని, టీటీడీని ఆదేశిస్తూ విచారణను వాయిదా వేసింది.

సాక్షి,చెన్నై: తమిళనాడు ప్రభుత్వ ఆర్థిక వ్యవస్థను కుదిపేసిన భారీ సైబర్ మోసం రాజకీయ దుమారానికి దారితీసింది. ప్రభుత్వ ఖాతాల నుంచి కోట్లాది రూపాయలు అపహరణకు గురికావడంపై రాష్ట్రంలోని అధికారిక పాలనపై తీవ్ర విమర్శలు వ్యక్తమవుతున్నాయి. ముఖ్యంగా ఈ అంశంపై బీజేపీ సీఎం విజయ్‌ను ప్రశ్నిస్తూ టార్గెట్ చేసింది. ప్రజలు సమాధానం కోరుకుంటున్న సమయంలో సీఎం విజయ్ ఎక్కడ ఉన్నారు? అంటూ బీజేపీ నేతలు నిలదీశారు. తమిళనాడు ప్రభుత్వానికి చెందిన వివిధ బ్యాంక్ ఖాతాల నుంచి సైబర్ నేరగాళ్లు ఏకంగా రూ. 22.10 కోట్లను కాజేసిన వైనం వెలుగులోకి వచ్చింది. రామకథాపురం, నాగపటినం, తిరుప్పూర్ తదితర జిల్లాల్లోని ప్రభుత్వ ఖాతాలే లక్ష్యంగా ఈ భారీ మోసం జరిగిందని గుర్తించారు. గ్రామీణాభివృద్ధి, నిరుపేదల సంక్షేమం, అత్యవసర సేవల కోసం కేటాయించిన ప్రజాధనం ఇలా సులువుగా మాయం కావడం పట్ల సర్వత్రా ఆందోళన వ్యక్తమవుతోంది. ఈ సైబర్ నేరం వెనుక నైజీరియాకు చెందిన అంతర్జాతీయ సైబర్ నేరగాళ్ల సిండికేట్ ప్రమేయం ఉండొచ్చని పోలీసులు ప్రాథమికంగా అనుమానిస్తున్నారు. నిధులు ఎలా బదిలీ అయ్యాయి, హ్యాకర్లు వాడిన ఐపీ అడ్రస్‌లు ఏంటనే దానిపై చెన్నై సైబర్ క్రైమ్ పోలీసులు దర్యాప్తు వేగవంతం చేశారు.ఈ ఉదంతంపై బీజేపీ రాష్ట్ర కార్యదర్శి వినోజ్ పి. సెల్వం సోషల్ మీడియా వేదికగా తీవ్ర స్థాయిలో స్పందించారు. ప్రభుత్వ పేమెంట్ సిస్టమ్స్‌లోకి సైబర్ నేరగాళ్లు ఎలా చొరబడ్డారని, కోట్లాది రూపాయల లావాదేవీలు జరిగే సమయంలో సెక్యూరిటీ అలర్ట్‌లు, ఫైనాన్షియల్ కంట్రోల్స్ ఏమైపోయాయని ఆయన ప్రశ్నించారు.అధికారంలో ఉన్న టీవీకే ప్రభుత్వం, సీఎం విజయ్‌పై మండిపడుతూ... ప్రపంచంలోని ప్రతి రాజకీయ పార్టీకి ఐటీ వింగ్ ఉంటుంది. కానీ తమిళనాడులో మాత్రం ఓ అగ్రనటుడి ఫ్యాన్ క్లబ్, దాని సోషల్ మీడియా ఆర్మీ రాష్ట్ర ప్రభుత్వాన్ని నడిపిస్తున్నట్లుగా విచిత్రమైన పరిస్థితి కనిపిస్తోంది. సోషల్ మీడియాలో హ్యాగ్‌టెగ్‌లు ట్రెండ్ చేయడం వేరు, రాష్ట్రాన్ని పాలించడం వేరు అని ఎద్దేవా చేశారు. సోషల్ మీడియా విమర్శలకు ఆన్‌లైన్ మద్దతుదారులు బదులివ్వగలరు కానీ, ప్రజల సంక్షేమం, ప్రజాధనం భద్రతకు సంబంధించి ముఖ్యమంత్రి నేరుగా ఎప్పుడు సమాధానం చెబుతారని ఆయన నిలదీశారు.ప్రజాధనాన్ని రక్షించడంలో విఫలమైన ప్రభుత్వానికి వ్యతిరేకంగా తమిళనాడు ప్రజలు పారదర్శక సమాధానాలు కోరుకుంటున్నారని, బలమైన ఆర్థిక భద్రతా వ్యవస్థలు అవసరమని బీజేపీ డిమాండ్ చేసింది. ఈ భారీ బ్యాంక్ కుంభకోణం ఉదంతం తమిళనాడు రాజకీయాల్లో ప్రస్తుతం ప్రకంపనలు సృష్టిస్తోంది.

సాక్షి, అమరావతి: కుంభకోణాలపై ఫిర్యాదులు చేసింది ఒకరు.. కేసుల మూసివేతకు క్లీన్‌చిట్‌ ఇచ్చింది మరొకరు! చంద్రబాబు హయాంలో నమోదైన ఏడు కీలక కేసుల మూసివేత వెనుక అధికారుల పాత్ర ఇప్పుడు హైకోర్టులో తీవ్ర చర్చకు దారితీసింది. ఫిర్యాదుదారులకు సంబంధం లేని అధికారులు ఎన్‌వోసీలు ఇవ్వడమే ప్రాతిపదికగా కేసులను మూసివేయడంపై పిటిషనర్ల తరఫు న్యాయవాది తీవ్ర అభ్యంతరాలు వ్యక్తం చేశారు.ముఖ్యమంత్రి ప్రత్యక్ష పర్యవేక్షణలో పనిచేసే అధికారుల నిరభ్యంతర పత్రాలతో కేసుల మూసివేతను ఎలా సమర్థిస్తారన్న ప్రశ్నను లేవనెత్తారు. గత ప్రభుత్వ హయాంలో నమోదైన స్కిల్‌ డెవలప్‌మెంట్, ఇన్నర్‌ రింగ్‌ రోడ్డు అలైన్‌మెంట్, అసైన్డ్‌ భూములు, ఏపీ ఫైబర్‌ నెట్, మద్యం, ఇసుక విధానాలకు సంబంధించిన ఏడు కేసుల దర్యాప్తును సీబీఐ, ఈడీలకు అప్పగించాలని కోరుతూ దాఖలైన ప్రజాప్రయోజన వ్యాజ్యాలపై హైకోర్టులో మంగళవారం వాదనలు ముగిశాయి.వాదనలు విన్న హైకోర్టు తీర్పును రిజర్వ్‌ చేస్తున్నట్లు ప్రకటించింది. ఈ మేరకు ప్రధాన న్యాయమూర్తి (సీజే )జస్టిస్‌ లీసా గిల్, న్యాయమూర్తి జస్టిస్‌ చల్లా గుణరంజన్‌లతో కూడిన ధర్మాసనం మంగళవారం ఉత్తర్వులు జారీ చేసింది. గత వారం ధర్మాసనం ఇచ్చిన ఆదేశాల మేరకు, ఆయా కేసుల్లో ఫిర్యాదుదారుల వైఖరి, క్లోజర్‌ రిపోర్టుల దాఖలు, వాటి ఆమోదం, ప్రొటెస్ట్‌ పిటిషన్ల వివరాలను కేసుల వారీగా సమగ్ర పట్టిక రూపంలో సీఐడీ సమరి్పంచింది. వాటిని ధర్మాసనం సమగ్రంగా పరిశీలించింది. చంద్రబాబుపై కేసుల్లో దర్యాప్తును సీబీఐకి అప్పగించాలంటూ వ్యాజ్యాలు స్కిల్‌ డెవలప్‌మెంట్‌ కుంభకోణం కేసు దర్యాప్తుని సీబీఐకి అప్పగించాలని కోరుతూ మాజీ ఎంపీ ఉండవల్లి అరుణ్‌కుమార్‌ హైకోర్టులో 2023లో ప్రజా ప్రయోజన వ్యాజ్యం (పిల్‌ ) దాఖలు చేశారు. అలాగే చంద్రబాబు తదితరులపై వివిధ ఆర్థిక నేరాలకు సంబంధించి నమోదైన ఏడు కేసుల దర్యాప్తును సీబీఐ, ఈడీలకు బదిలీ చేయాలని కోరుతూ స్వర్ణాంధ్ర తెలుగు డైలీ ఎడిటర్‌ కె.బాలగంగాధర్‌ తిలక్‌ 2024లో పిల్‌ దాఖలు చేసిన విషయం తెలిసిందే. ఈ రెండు వ్యాజ్యాలపై మంగళవారం సీజే ధర్మాసనం మరోసారి విచారణ జరిపింది. కేసుల మూసివేతకు అభ్యంతరం లేదన్నది అధికారులే ఈ సందర్భంగా తిలక్, అరుణ్‌ కుమార్‌ తరఫు న్యాయవాది చింతల సుమన్‌ వాదనలు వినిపిస్తూ, చంద్రబాబు తదితరులపై కేసుల మూసివేతకు ఫిర్యాదుదారులు అభ్యంతరం లేదని చెప్పారన్న దాంట్లో వాస్తవం లేదన్నారు. వాస్తవానికి చంద్రబాబు కుంభకోణాలపై ఫిర్యాదు చేసిన వ్యక్తులు వేరని, కేసుల మూసివేతకు నిరభ్యంతర పత్రం (ఎన్‌వోసీ) ఇచ్చిన వారు వేరని ఆయన ధర్మాసనం దృష్టికి తీసుకొచ్చారు.చంద్రబాబు తదితరులపై కేసులు మూసివేయాలని నిరభ్యంతర పత్రం ఇచ్చిన వారంతా కూడా అధికారులేనన్నారు. ఆ అధికారులందరూ చంద్రబాబు ప్రత్యక్ష పర్యవేక్షణలో పనిచేసేవారని తెలిపారు. ముఖ్యమంత్రికి వ్యతిరేకంగా వ్యవహరించే పరిస్థితి అధికారులకు ఉండదన్నారు. కేసుల మూసివేతపై ప్రొటెస్ట్‌ పిటిషన్‌ దాఖలు చేసిన వారిలో ఆళ్ల రామకృష్ణారెడ్డి ఉన్నారన్నారు. ఆళ్ల రామకృష్ణారెడ్డి మినహా మిగిలిన వారంతా కేసుల మూసివేతకు ఓకే చెప్పారు అంతకు ముందు సీఐడీ తరఫు న్యాయవాది అనురాగ్‌ అహ్లూవాలియా వాదనలు వినిపిస్తూ, చంద్రబాబు తదితరులపై నమోదైన ఏడు కేసుల్లో ఆరు కేసులను మూసివేసేందుకు ఫిర్యాదుదారులు నిరభ్యంతర పత్రం ఇచ్చారని వివరించారు. ఇన్నర్‌ రింగ్‌ రోడ్డు కేసులో ఫిర్యాదిదారుగా ఉన్న ఆళ్ల రామకృష్ణారెడ్డి మినహా మిగిలిన వారెవ్వరూ కూడా కేసుల మూసివేతపై ఏసీబీ కోర్టు ఉత్తర్వులను సవాలు చేస్తూ ప్రొటెస్ట్‌ పిటిషన్లు దాఖలు చేయలేదన్నారు. ఆళ్ల ప్రొటెస్ట్‌ పిటిషన్‌ను ఏసీబీ కోర్టు కొట్టేసిందని, దానిపై ఆయన హైకోర్టులో పిటిషన్‌ దాఖలు చేశారని, అది పెండింగ్‌లో ఉందన్నారు. ఇరుపక్షాల వాదనలు విన్న ధర్మాసనం తీర్పును రిజర్వ్‌ చేస్తున్నట్లు ప్రకటిస్తూ ఆ మేర ఉత్తర్వులిచ్చింది.

సాక్షి, అమరావతి: ప్రజా సంపదను అస్మదీయులకు దోచి పెట్టడంలో చంద్రబాబు ప్రభుత్వం బరితెగింపు తారస్థాయికి చేరింది. పబ్లిక్‌ ప్రైవేట్‌ భాగస్వామ్యం (పీపీపీ) ముసుగులో రూ.వేల కోట్ల విలువైన భూములను కారుచౌకగా ప్రైవేట్‌కు కట్టబెట్టడం, ప్రభుత్వ ఆస్తులు ధారాదత్తం చేయడమే కాకుండా వయబిలిటీ గ్యాప్‌ ఫండింగ్‌ (వీజీఎఫ్‌) పేరుతో రూ.వేల కోట్ల ప్రజాధనాన్ని కావాల్సిన వారికి దోచి పెట్టేస్తున్నారు. ఈ బరితెగింపు చర్యల్లో భాగంగా కొత్త ప్రభుత్వ వైద్య కళాశాలలను పీపీపీలో ప్రైవేట్‌కు కట్టబెట్టే క్రమంలో వీజీఎఫ్‌ రూపంలో ప్రైవేట్‌ సంస్థలకు బాబు సర్కార్‌ మరింత మేలు తలపెట్టబోతోంది.బాపట్ల, పాలకొల్లు, నర్సీపట్నం, అమలాపురం, పెనుకొండ వైద్య కళాశాలలకు వీజీఎఫ్‌ కింద రూ.1,200 కోట్లకు పైగా మళ్లించబోతున్నారు. 2024 నాటికే వివిధ దశల్లో ఉన్న ఈ కాలేజీల మిగిలిన నిర్మాణం పూర్తి చేయడానికి రూ.3,300 కోట్లు అవసరం అవుతుంది. ఈ మొత్తాన్ని కూడా భరించే పని లేకుండా రూ.1,200 కోట్లపైనే ప్రభుత్వమే సమకూర్చడం ద్వారా ప్రభుత్వ పెద్దలు అస్మదీయులకు భారీ మేలు చేయబోతున్నట్టు తెలుస్తోంది.టెండర్లలో ఎవరూ ముందుకు రాలేదన్న సాకుతో ఆదోని, మదనపల్లె, మార్కాపురం కాలేజీలకు రూ.430 కోట్లపైనే వీజీఎఫ్‌ రూపంలో ప్రైవేట్‌కు మళ్లించడానికి ప్రయత్నాలు సాగుతున్నాయి. ఇలా మొత్తంగా రూ.1,630 కోట్లపైనే ప్రజాధనాన్ని కావాల్సిన వారికి ముట్టజెప్పడానికి చంద్రబాబు సర్కార్‌ చురుగ్గా అడుగులు వేస్తోంది. పప్పు బెల్లాలుగా విలువైన భూములు గత వైఎస్‌ జగన్‌ ప్రభుత్వ హయాంలో రాష్ట్రంలో 17 కొత్త ప్రభుత్వ వైద్య కళాశాలల నిర్మాణం చేపట్టిన విషయం తెలిసిందే. 2024లో చంద్రబాబు గద్దెనెక్కిన వెంటనే కొత్త ప్రభుత్వ వైద్య కళాశాలలు పీపీపీలో ప్రైవేట్‌కు కట్టబెట్టాలని నిర్ణయించుకున్నారు. 17 కాలేజీల్లో 10 పీపీపీకి ఇవ్వడానికి సిద్ధమయ్యారు. ఇందులో భాగంగా ప్రతి వైద్య కళాశాలకు చెందిన దాదాపు 50 ఎకరాల చొప్పున విలువైన భూములను పప్పు బెల్లాలుగా ప్రైవేట్‌కు ఇచ్చేలా ఇప్పటికే పీపీపీ పాలసీని బాబు సర్కార్‌ రూపొందించింది.ఎకరం భూమికి ఏడాదికి రూ.100 లీజు చెల్లిస్తే చాలు.. బోధనాస్పత్రుల్లో 70 శాతం ఐపీ పడకలకు ప్రభుత్వం ఆరోగ్యశ్రీ ద్వారా నిధులు సమకూరుస్తుంది. మిగిలిన 30 శాతం పడకల్లో ప్రైవేట్‌ ఆస్పత్రుల్లో మాదిరిగా ఫీజులు గుంజుకునే వీలు కల్పిస్తుంది. సగం ఎంబీబీఎస్, మెడికల్‌ పీజీ సీట్లకు యాజమాన్య కోటా కింద ఫీజులు వసూలు చేసుకునే అధికారం ఇవ్వనుంది. వైద్య కళాశాల, బోధనాస్పత్రిపై 66 ఏళ్ల పాటు యాజమాన్య హక్కులూ కల్పిస్తుంది.ఇలా ప్రైవేట్‌ వ్యక్తులకు అంతిమ లబ్ధి కల్పించేలా అనేక దగాకోరు నిర్ణయాలు తీసుకుంది. ఇది చాలదన్నట్టుగా ఈ కాలేజీలకు వీజీఎఫ్‌ కింద రూ.1,600 కోట్లకు పైగా ప్రభుత్వమే ఇవ్వడానికి సిద్ధమైంది. 17 వైద్య కళాశాలలు ప్రభుత్వ రంగంలో నిర్మాణాలు పూర్తి చేయడానికి గత ప్రభుత్వం రూ.8,500 కోట్ల మేర ఖర్చు అవుతుందని అంచనా వేసింది. ఇందుకు అనుగుణంగా అప్పట్లో నిధులను సైతం సమీకరించి నిర్మాణాలు ప్రారంభించింది. 2024 నాటికి రూ.3 వేల కోట్ల విలువైన నిర్మాణ పనులు పూర్తి చేసింది.2023–24లో ఐదు వైద్య కళాశాలలు ప్రారంభించి, 750 ఎంబీబీఎస్‌ సీట్లను ఒకే ఏడాది రాష్ట్రానికి సమకూర్చింది. 2024–25లో మరో ఐదు, 2025–26లో మిగిలిన ఏడు ప్రారంభించేలా ప్రణాళికలు వేసింది. ఈ క్రమంలో 2024–29 మధ్య ఏటా రూ.వెయ్యి కోట్ల చొప్పున రూ.5 వేల కోట్ల మేర ఖర్చు చేస్తే కాలేజీలన్ని ప్రభుత్వ రంగంలోనే అందుబాటులోకి వస్తాయి. ప్రస్తుత చంద్రబాబు ప్రభుత్వం ఇలా చేయకుండా ఈ కాలేజీలను కారుచౌకగా ప్రైవేట్‌కు కట్టబెట్టడమే కాకుండా, వీజీఎఫ్‌ కింద రూ.1,600 కోట్లకు పైగా నిధులను ప్రైవేట్‌కు మళ్లిస్తోంది. ఎవరూ ముందుకు రాలేదని సాకు ఇప్పటికే టెండర్లు పిలిచిన మదనపల్లె, మార్కాపురం, ఆదోని కాలేజీలను దక్కించుకోవడానికి ఎవరూ ముందుకు రాలేదన్న సాకుతో వీటికి వీజీఎఫ్‌ ఇవ్వాలని ప్రభుత్వం నిర్ణయించినట్టు తెలుస్తోంది. ఈ మూడు కాలేజీలకు రూ.430 కోట్ల పైనే వీజీఎఫ్‌ సాయం అందించాలని ఇప్పటికే కేంద్రానికి బాబు సర్కార్‌ ప్రతిపాదనలు కూడా పంపింది. వాస్తవానికి ఈ మూడింటితో పాటు పులివెందుల కాలేజీని 2024–25 విద్యా సంవత్సరంలోనే ప్రారంభించాల్సి ఉంది.గత ప్రభుత్వంలోనే అనుమతుల కోసం నేషనల్‌ మెడికల్‌ కమిషన్‌(ఎన్‌ఎంసీ)కి దరఖాస్తులు కూడా చేశారు. మొదటి ఏడాది తరగతులు ప్రారంభించడానికి వీలుగా ప్లగ్‌ అండ్‌ ప్లే తరహాలో 2024 ఎన్నికల నాటికే కాలేజీలు సిద్ధం చేశారు. ఈ నేపథ్యంలోనే పులివెందుల కళాశాలకు ఎన్‌ఎంసీ సైతం పచ్చజెండా ఊపింది. అయితే కుట్రపూరితంగా చంద్రబాబు ప్రభుత్వం లేఖ రాసి.. ఆ కళాశాల అనుమతులు రద్దు చేయించింది. తొలి విడతలో ఈ నాలుగు కాలేజీలను పీపీపీలో ప్రైవేట్‌కు ఇవ్వడం కోసం గతేడాది టెండర్లు కూడా పిలిచింది. అయితే ఆ టెండర్‌లలో ఎవరూ ముందుకు రాలేదు.ఈ సాకుతో ప్రోత్సాహకాలు ఇస్తే ఎవరైనా ముందుకు వస్తారని వీజీఎఫ్‌ కింద రూ.430 కోట్లు మళ్లించడానికి సన్నాహాలు చేస్తున్నట్టు సమాచారం. గత వారంలో వైద్య శాఖ.. ప్రైవేట్‌ వైద్య కళాశాలల యాజమాన్యాలతో భాగస్వామ్య సమావేశం ఏర్పాటు చేసింది. ఈ సందర్భంగా పీపీపీ కాలేజీలకు ప్రభుత్వం ఇస్తున్న ప్రోత్సాహకాలు, వీటి ద్వారా వచ్చే ఆదాయ మార్గాలను అధికారులు యాజమాన్యాలకు వివరించి త్వరలో పిలిచే టెండర్లలో పాల్గొనాలని కోరినట్టు వెల్లడైంది. త్వరలో అమలాపురం, నర్సీపట్నం, పాలకొల్లు, బాపట్ల, పెనుకొండ కాలేజీలకు టెండర్లు పిలవడానికి వైద్య శాఖ కసరత్తు చేస్తోంది. ఇంతగా దోచిపెడుతున్నా, తక్కువేనని భావిస్తూ ఏకంగా రెండేళ్ల పాటు వైద్యులు, ప్రొఫెసర్లు, సిబ్బందికి ప్రభుత్వమే వేతనం ఇస్తుందని చెప్పడం విస్తుగొలుపుతోంది.‘ఈ దోపిడీని ఏమనాలి? కొత్త పుంతలు తొక్కింది. కొత్త శిఖరాలను ఆధిరోహించింది అనడం కూడా తక్కువే. ఇంతటి అరాచకం ఎక్కడా లేదు. ప్రజా ధనాన్ని యథేచ్ఛగా దోచిపెట్టి, అందులో మీకింత–మాకింత అని కమీషన్లు పంచుకోవడం తప్ప మరొకటి కాదు’ అని విద్యా రంగ ప్రముఖులు ఆగ్రహం వ్యక్తం చేస్తున్నారు. ప్రభుత్వ నిధులు దోచిపెట్టే కుట్ర వాస్తవానికి ప్రైవేట్‌ సంస్థలు భారీగా సొంత పెట్టుబడి పెట్టి రోడ్లు, బ్రిడ్జిలు వంటి మౌలిక కట్టడాలు నిర్మిస్తున్నప్పుడు, వారికి ఆశించిన లాభాలు రాకపోతే ప్రభుత్వం ఇచ్చే ఆరి్థక మద్దతు వీజీఎఫ్‌. ఇందుకు పూర్తి భిన్నంగా పీపీపీ కాలేజీల ప్రాజెక్ట్‌ రూపంలో వీజీఎఫ్‌ కింద ప్రజా ధనాన్ని బాబు సర్కార్‌ ప్రైవేట్‌కు మళ్లిస్తోందని విమర్శలు వస్తున్నాయి. గత ప్రభుత్వంలోనే వైద్య కళాశాలల కోసం ప్రభుత్వమే భూములు సేకరించింది. ఆ భూములను అభివృద్ధి చేసి ఎలక్ట్రిసిటి, అప్రోచ్‌ రోడ్లు, నీటి వసతులు కల్పించింది.దీంతో పాటు కాలేజీల నిర్మాణాలను ప్రారంభించింది. వివిధ దశల్లో నిర్మాణాలున్నాయి. అలాంటి కాలేజీలను ప్రైవేట్‌కు కట్టబెట్టడమే కాకుండా ఎకరం భూమి లీజు కేవలం రూ.100 మాత్రమే కాకుండా, చికిత్సలకు ఫీజుల వసూళ్లు, 66 ఏళ్ల యాజమాన్య హక్కుల రూపంలో ఇప్పటికే భారీ ఎత్తున ఆయాచిత లాభాలు ప్రభుత్వమే సమకూర్చింది. ఆపై వీజీఎఫ్‌ కింద రూ.వేల కోట్లు మళ్లించడం వెనుక ప్రభుత్వ పెద్దల భారీ కుట్రలున్నాయని ఆరోపణలు వస్తున్నాయి.

సాక్షి, హైదరాబాద్‌: రాష్ట్రంలోని పాఠశాలల్లో చదువుకునే ప్రతి విద్యార్థికి అత్యున్నత రక్షణ కల్పించడమే ధ్యేయంగా తెలంగాణ ప్రభుత్వం అడుగులు వేస్తోంది. పోలీస్‌ శాఖ, విద్యాశాఖల ఉమ్మడి ఆధ్వర్యంలో దేశంలోనే తొలిసారిగా అత్యంత పటిష్టమైన ‘సమగ్ర పాఠశాల భద్రతా విధానం’త్వరలోనే అమల్లోకి రానుంది. వచ్చే విద్యా సంవత్సరం నుంచి రాష్ట్రంలోని అన్ని రకాల ప్రభుత్వ, ప్రైవేట్, గురుకుల బడుల్లో ఈ నూతన ప్రణాళికను అమలు చేసేందుకు పాఠశాల విద్యాశాఖ డైరెక్టర్‌ ప్రభుత్వానికి ప్రతిపాదనలు సమర్పించారు. పిల్లలకు ఎలాంటి భయం లేని, రక్షణతో కూడిన వాతావరణాన్ని కల్పించడమే ఈ నూతన విధానం ముఖ్య ఉద్దేశం. సురక్ష క్లబ్‌ల ఏర్పాటు ఇప్పటివరకు పాఠశాలల్లో వేర్వేరుగా, సమన్వయం లేకుండా సాగుతున్న విభిన్న క్లబ్‌లను (బాలికా శిశు సాధికారత, కౌమార భద్రతా క్లబ్‌లు) రద్దు చేసి, వాటన్నింటినీ ఏకీకృతం చేస్తారు. అన్ని బడుల్లో ఏకరీతి ప్రమాణాలతో స్కూల్‌ సురక్ష క్లబ్‌లను ఏర్పాటు చేయనున్నారు. ఈ విధానాన్ని రాష్ట్రంలోని 33 జిల్లాల్లో సాంకేతికంగా పర్యవేక్షించడానికి పోలీస్‌ శాఖ ‘టీజీ ఎస్‌4సీ’ప్రోగ్రామ్‌ మేనేజ్‌మెంట్‌ యూనిట్‌ రంగంలోకి దిగనుంది.ఇందులో ప్రోగ్రామ్‌ మేనేజర్, చైల్డ్‌ సేఫ్టీ స్పెషలిస్ట్‌ వంటి 6 రకాల నిపుణుల పోస్టులను కాంట్రాక్ట్‌ ప్రాతిపదికన భర్తీ చేయనున్నారు. ఈ ప్రాజెక్టు సజావుగా సాగడానికి 2026–2027 ఆర్థిక సంవత్సరానికి గానూ పీఎంశ్రీ కార్యక్రమం నుంచి సుమారు రూ.2 కోట్ల నిధులను వెచి్చంచేందుకు ప్రతిపాదించారు. జీరో డిలే ప్రొటోకాల్‌.. పిల్లలపై లైంగిక వేధింపులు, తీవ్రమైన భద్రతా లోపాలు లేదా మాదకద్రవ్యాల రవాణా వంటి అత్యవసర ఘటనలు చోటు చేసుకున్నప్పుడు సాధారణ నివేదికల కోసం ఆగకుండా... పోలీస్, సంక్షేమ శాఖ, శిశు సంక్షేమ కమిటీలకు తక్షణమే సమాచారం అందించేలా జీరో డిలే ప్రొటోకాల్‌ను అమల్లోకి తెస్తున్నారు.భద్రతా మార్గదర్శకాలను పాటించడంలో విఫలమయ్యే యాజమాన్యాలు, అధికారులపై కఠినమైన శాఖాపరమైన చర్యలు ఉంటాయి. ఒకవేళ లోపాలు పునరావృతమైతే సదరు పాఠశాల గుర్తింపు, ఎన్‌ఓసీ అనుమతులను పూర్తిగా రద్దు చేస్తారు. విద్యార్థుల భద్రతను ప్రతి రోజూ పర్యవేక్షించడానికి, ఎలాంటి లోపాలు తలెత్తకుండా చూసేందుకు పాఠశాల, మండల, జిల్లా, రాష్ట్ర స్థాయిలో నాలుగంచెల నివేదికల వ్యవస్థ ఉంటుంది. భద్రత ఇలా.. 1. బాలల రక్షణ: పోక్సో చట్టం, గుడ్‌ అండ్‌ బ్యాడ్‌ టచ్‌లపై అవగాహన, లింగ సమానత్వం, రుతుస్రావ పరిశుభ్రత, మానసిక ఆరోగ్య మద్దతుపై దృష్టి పెడతారు. 2. సైబర్‌ భద్రత: ఆన్‌లైన్‌ వేధింపులు, మోసాలు, డిజిటల్‌ ప్రైవసీ ఉల్లంఘనలు, సైబర్‌ వేధింపులు, బెదిరింపుల వంటి వాటికి అడ్డుకట్ట వేయడం, సోషల్‌ మీడియా నియంత్రణ ఉంటుంది. 3. మాదకద్రవ్యాల నివారణ: క్యాంపస్‌లలో డ్రగ్స్, పొగాకు రహిత వాతావరణాన్ని సృష్టించడం. 4. విపత్తుల నిర్వహణ: పాఠశాల భవనాల భద్రత, హాస్టల్‌ సేఫ్టీ, అగ్నిమాపక ఆడిట్‌ నిర్వహించడం. 5. రవాణా భద్రత: స్కూల్‌ బస్సుల ఫిట్‌నెస్‌ పరిశీలనతో పాటు డ్రైవర్ల నేపథ్యం ఖచ్చితంగా తనిఖీ. 6. ప్రత్యేక పిల్లల రక్షణ: దివ్యాంగ పిల్లల కోసం సులభతర మౌలిక వసతుల కల్పన.

సాక్షి, హైదరాబాద్‌: మహా హైదరాబాద్‌ పరిధిలో పేదల సొంత ఇంటి కలను సాకారం చేసేందుకు ఇందిరమ్మ టవర్స్‌ పేరుతో ఎల్‌ఐజీ గృహాల ప్రక్రియను శరవేగంగా కొలిక్కి తెచ్చిన హౌసింగ్‌ బోర్డు ఇప్పుడు మిడిల్‌ ఇన్‌ కమ్‌ గ్రూప్‌ (ఎంఐజీ) టవర్ల నిర్మాణంపై దృష్టి సారించింది. మధ్యతరగతి కుటుంబాల సొంతింటి కల నెరవేర్చేందుకు ఎంఐజీ గృహాలను నిర్మించి, సులభతర వాయిదాలలో అందజేయడమే లక్ష్యంగా ప్రణాళికలు సిద్ధం చేస్తోంది.ఇప్పటికే ఇందిరమ్మ ఎంఐజీ టవర్ల నిర్మాణానికి కొన్ని ప్రాంతాల్లో అనువైన స్థలాలను ప్రాథమికంగా గుర్తించి రిజర్వ్‌ చేసింది. మరికొన్నింటి ప్రాంతాల్లో స్థలాలకోసం అన్వేíÙస్తోంది. మొత్తంమీద రవాణా సౌకర్యాలు మెరుగ్గా ఉండి, వివాద రహితంగా ఉన్న ప్రభుత్వ భూములకు తొలి ప్రాధాన్యం ఇవ్వాలని నిర్ణయించింది. భవిష్యత్తు సవాళ్లను అధిగమించేందుకు ప్రాజెక్ట్‌ ప్రారంభానికి ముందే విద్యుత్‌ సరఫరా, తాగునీటి లైన్లు,డ్రైనేజీ వ్యవస్థలను ఏర్పాటు చేసేలా ముందస్తు చర్యలు ఉపక్రమించాలని యోచిస్తోంది. ఎల్‌ఐజీ ముగియగానే ఎంఐజీ.. క్యూర్‌ పరిధిలో మొదటి విడత ఎల్‌ఐజీ ఇళ్ల ప్రక్రియ పూర్తి కాగానే ప్రభుత్వం నుంచి ఎంఐజీ ఇళ్లకు గ్రీన్‌ సిగ్నల్‌ లభించనుంది. ఇప్పటికే 16 నియోజకవర్గాల్లో ఇళ్ల కేటాయింపు ప్రక్రియ పూర్తి కాగా, మరో నాలుగు నియోజకవర్గాల్లో ప్రాథమికంగా ఇళ్ల కేటాయింపుపై క్షేత్ర స్థాయి పరిశీలన కొనసాగుతోంది. త్వరలో మిగిలిన ఉప్పల్, జూబ్లీహిల్స్,చారి్మనార్, సికింద్రాబాద్‌ నియోజకవర్గాల్లో కూడా నోటీఫికేషన్‌ జారీ చేసేందుకు హౌసింగ్‌ బోర్డు సిద్ధమైంది.ఈ ప్రక్రియ పూర్తిగా కొలిక్కి రాగానే ఎంఐజీ తొలివిడత నోటిఫికేషన్‌ విడుదల చేసేందుకు తగిన ఏర్పాట్లు చేస్తోంది. ఎల్‌ఐజీ మాదిరిగానే లబి్ధదారుల ఎంపికలో ఎలాంటి అక్రమాలకు తావులేకుండా పారదర్శకమైన ఆన్‌లైన్‌ పోర్టల్‌ ద్వారానే దరఖాస్తులను స్వీకరించనుంది. మధ్యతరగతి వర్గాల నిర్దిష్ట వార్షిక ఆదాయాన్ని ప్రామాణికంగా తీసుకుని అర్హులను ఎంపిక చేయనుంది. దరఖాస్తు రుసుము, కేటాయింపు విధానం, వాయిదాల చెల్లింపుల షెడ్యూల్‌ను నోటిఫికేష¯Œన్‌ లోనే స్పష్టంగా పొందుపరచనున్నారు. 30 వేల ఎంఐజీ ఇళ్లునగరానికి నాలుగు వైపులా నూతన ఎంఐజీ టవరర్లో సుమారు 30 వేల ఇళ్ల నిర్మాణాలకు ప్రణాళిక పొందించింది.ఒక్కో టవర్‌లో ఆధునిక హంగులతో ఫ్లాట్లను నిర్మించేలా డిజైన్‌ చేస్తోంది. మధ్యతరగతి కుటుంబాలపై ఒక్కసారిగా ఆర్థిక భారం పడకుండా సింగిల్‌ విండో విధానం ద్వారా లబ్ధిదారులకు సులభంగా రుణ వసతి కల్పించేందుకు వివిధ బ్యాంకులతో ప్రభుత్వం ముందస్తు చర్చలు జరుపుతోంది. తక్కువ వడ్డీ రేటుకే బ్యాంకుల నుంచి గృహ రుణాలు అందించేలా ఆర్థిక సంస్థలతో ఒప్పందాలు కుదుర్చుకుంటున్నారు. నిర్మాణం పురోగమించే కొద్దీ దశలవారీగా వాయిదాలలో సొమ్ము చెల్లించే వెసులుబాటును లబి్ధదారులకు కల్పించనుంది. క్యూర్‌ పరిధిలో ఇందిరమ్మ ఎంఐజీ ఇళ్లు ఇలా... –––––––––––––––––––––––––––––––––– జిల్లా ఎంఐజీ ప్లాట్లు ––––––––––––––––––––––––––––––– హైదరాబాద్‌ 10,000 రంగారెడ్డి 10,000 మేడ్చల్‌–మల్కాజిగిరి 5,000 సంగారెడ్డి (క్యూర్‌ పరిధి) 5,000

అల్లు అర్జున్‌ హీరోగా లోకేష్‌ కనగరాజ్‌ దర్శకత్వంలో ‘ఏఏ 23’ (వర్కింగ్‌ టైటిల్‌) అనే సినిమా తెరకెక్కనున్న సంగతి తెలిసిందే. ప్రస్తుతం ఈ సినిమాకు సంబంధించిన ప్రీ ప్రొడక్షన్‌ పనులు శరవేగంగా జరుగుతున్నాయి. స్క్రిప్ట్‌కు తుది మెరుగులు దిద్దే పనిలో ఉన్నారు లోకేష్‌ కనగరాజ్‌. వచ్చే ఏడాది ప్రారంభంలో ఈ సినిమా చిత్రీకరణను ప్రారంభించేలా సన్నాహాలు చేస్తున్నారట. కాగా, ఈ సినిమా గ్యాంగ్‌స్టర్‌ డ్రామా నేపథ్యంలో రూపొందనుందని, ఈ చిత్రానికి ‘గ్యాంగ్‌ స్టార్‌’ అనే టైటిల్‌ను మేకర్స్‌ పరిశీలిస్తున్నారని సమాచారం. అంతేకాదు... ఈ సినిమాలో భారీ యాక్షన్‌ సన్నివేశాలు ఉంటాయని, ఈ సినిమా కోసం అల్లు అర్జున్‌ సరికొత్తగా మేకోవర్‌ కానున్నారని టాక్‌. మైత్రీ మూవీ మేకర్స్‌ పతాకంపై నవీన్‌ ఎర్నేని, వై. రవిశంకర్‌ నిర్మించనున్న ఈ సినిమాకు అనిరుధ్‌ రవిచందర్‌ సంగీతం అందించనున్నారు. మరోవైపు ప్రస్తుతం ‘రాకా’ చిత్రీకరణతో అల్లు అర్జున్‌ బిజీగా ఉన్నారు. ఈ సినిమా చిత్రీకరణ ముంబైలో జరుగుతోంది. హైదరాబాద్, కేరళ లొకేషన్స్‌లో ఈ సినిమా నెక్ట్స్‌ షెడ్యూల్స్‌ ప్రారంభం కానున్నాయని తెలిసింది. సన్‌ పిక్చర్స్‌ పతాకంపై కళానిధి మారన్‌ నిర్మిస్తున్న ‘రాకా’ సినిమా వచ్చే ఏడాది విడుదల కానుంది.

సాక్షి, హైదరాబాద్‌: కృష్ణా జలాల పంపిణీలో తెలంగాణకు రావాల్సిన న్యాయమైన వాటాను సాధించేందుకు జస్టిస్‌ బ్రిజేష్ కుమార్‌ నేతృత్వంలోని కృష్ణా ట్రిబ్యునల్‌–2 ఎదుట సమర్థంగా వాదనలు వినిపించాలని ముఖ్యమంత్రి రేవంత్‌రెడ్డి అధికారులను ఆదేశించారు. ఏపీతో జల వివాదాలున్న అన్ని అంశాలపై అవసరమైన ఆధారాలను సమర్పించాలని సూచించారు. వచ్చే శాసనసభ సాధారణ ఎన్నికల్లో తమ ప్రభుత్వానికి కృష్ణా జలాల పంపిణీ అంశం ఎంతో కీలకం కానుందని, సాధ్యమైనంత మేరకు గరిష్టంగా కృష్ణా జలాలను సాధించడానికి గట్టిగా ప్రయత్నించాలని ఆదేశించారు.మంగళవారం ఎంసీఆర్‌హెచ్‌ఆర్‌డీలోని బోధి పెవిలియన్‌లో నీటిపారుదల శాఖపై శాఖ మంత్రి ఎన్‌.ఉత్తమ్‌కుమార్‌ రెడ్డితో కలిసి సీఎం ఈ అంశంపై సమీక్ష నిర్వహించారు. ఈ నెల 18, 19, 20 తేదీల్లో ట్రిబ్యునల్‌లో జరగనున్న విచారణలో తెలంగాణ తరఫున వినిపించాల్సిన వాదనలపై న్యాయ నిపుణులతో విస్తృతంగా చర్చించారు. చివరి దశకు తెలంగాణ వాదనలు 75 శాతం, 65 శాతం నీటి లభ్యత ఆధారంగా బచావత్, బ్రిజేష్ కుమార్‌ ట్రిబ్యునళ్లు ఉమ్మడి ఏపీకి కేటాయించిన మొత్తం 1,050 టీఎంసీల కృష్ణా జలాలను అంతర్రాష్ట్ర నదీ వివాదాల చట్టం–1956లోని సెక్షన్‌– 3 కింద ఏపీ, తెలంగాణ రాష్ట్రాల మధ్య పంపిణీ చేసే బాధ్యతను గత శాసనసభ సాధారణ ఎన్నికలకు ముందు బ్రిజేష్ కుమార్‌ ట్రిబ్యునల్‌కు కేంద్ర ప్రభుత్వం అప్పగించింది.సెక్షన్‌–3 కింద ట్రిబ్యునల్‌లో ఇప్పటికే తెలంగాణ, ఏపీ రాష్ట్రాల వాదనలు ముగిశాయని, ఏపీ వాదనలను ఖండిస్తూ తెలంగాణ వినిపిస్తున్న ప్రతివాదనలు చివరి దశకు చేరుకున్నాయని అధికారులు, న్యాయనిపుణులు సీఎంకు వివరించారు. డిసెంబర్‌లోగా ప్రతివాదనలు ముగిసే అవకాశం ఉందని చెప్పారు. ఆ తర్వాత సెక్షన్‌–3 కింద బ్రిజేష్ కుమార్‌ ట్రిబ్యునల్‌ తన తీర్పును రిజర్వ్‌ చేసే అవకాశం ఉందని పేర్కొన్నారు. సుప్రీంలో కేసు కొలిక్కి వచ్చేలా చర్యలు తీసుకోండి సెక్షన్‌–3 కింద కృష్ణా జలాల పంపిణీకి కేంద్రం జారీ చేసిన ఆదేశాలను సవాలు చేస్తూ ఏపీ ప్రభుత్వం సుప్రీంకోర్టులో వేసిన కేసు సత్వరంగా కొలిక్కి వచ్చేలా చర్యలు తీసుకోవాలని న్యాయనిపుణులను సీఎం ఆదేశించారు. సెక్షన్‌–3 కింద నీటి పంపకాలకు కేంద్రం ఇచ్చిన ఆదేశాలను సుప్రీంకోర్టు ఆమోదిస్తే, ఏపీ పునరి్వభజన చట్టం–2014లోని సెక్షన్‌ 89 కింద రెండు రాష్ట్రాల మధ్య నీటి పంపకాల కోసం బ్రిజేష్ కుమార్‌ ట్రిబ్యునల్‌ మళ్లీ విచారణ జరపాల్సిన అవసరం ఉండదని అధికారులు తెలియజేశారు.కృష్ణా జలాల్లో ఉమ్మడి ఏపీకి ఉన్న 1,050 టీఎంసీల వాటాలో తెలంగాణకు 673 టీఎంసీలను (64%) కేటాయించాలని ట్రిబ్యునల్‌ ఎదుట వాదనలు వినిపిస్తున్నామని తెలియజేశారు. సమీక్షలో నీటిపారుదల శాఖ సలహాదారు ఆదిత్యనాథ్‌ దాస్, సీఎంఓ కార్యదర్శి మాణిక్‌ రాజ్, నీటిపారుదల శాఖ కార్యదర్శి ఇ.శ్రీధర్, జాయింట్‌ సెక్రటరీ కె. శ్రీనివాస్, అడ్వకేట్‌ జనరల్‌ సుదర్శన్‌రెడ్డి, సుప్రీంకోర్టు సీనియర్‌ న్యాయవాది సీఎస్‌ వైద్యనాథన్‌ పాల్గొన్నారు. ఏదుల నుంచి డిండికి.. డిండి, అచ్చంపేట ఎత్తిపోతల పథకాల పనులను వేగవంతం చేయాలని ముఖ్యమంత్రి ఆదేశించారు. ఇప్పటికే నిర్ణయించిన ప్రకారం ఏదుల నుంచి డిండి, అచ్చంపేట పథకాలకు నీటిని అందించాలని స్పష్టం చేశారు. ఈ రెండు పథకాలకు అవసరమైన 0.6 టీఎంసీల నీటిని నార్లపూర్‌ నుంచి ఏదుల వరకు తరలించేందుకు ఎలాంటి ఆటంకాలు లేకుండా చూడాలని సూచించారు. సమగ్ర ప్రాజెక్టు నివేదిక సిద్ధం చేయాలని, అందుకు అనుగుణంగా పనులు ప్రారంభించాలని ఆదేశించారు. మళ్లీ కేంద్రానికి అదనపు టీఎంసీ డీపీఆర్‌ కాళేశ్వరం అదనపు టీఎంసీ పనుల విషయంలో తొందరపాటు నిర్ణయాలు తీసుకోవద్దని అధికారులను సీఎం హెచ్చరించారు. ప్రస్తుతం ఉన్న రెండు టీఎంసీల నీటినే తరలించలేని పరిస్థితి ఉన్నందున అదనపు టీఎంసీ పనుల విషయంలో బాధ్యతాయుతంగా వ్యవహరించాలని స్పష్టం చేశారు. ముందుగా సుప్రీంకోర్టులో పెండింగ్‌లో ఉన్న కేసుల పురోగతిని పరిశీలించి, భూసేకరణ చేపట్టాలని ఆదేశించారు. సీడబ్ల్యూసీ నుంచి అవసరమైన అన్ని అనుమతులు పొందడంతో పాటు డీపీఆర్‌ సిద్ధం చేసి మరోసారి కేంద్రానికి సమర్పించాలని ఆదేశించారు.

ఇటలీ నుంచి నేరుగా హైదరాబాద్‌లోని పెళ్లి మండపంలోకి ప్రభాస్‌ అడుగుపెట్టారని తెలిసింది. కానీ ప్రస్తుతానికి ఇది రియల్‌ లైఫ్‌లో కాదు... రీల్‌ లైఫ్‌లో అన్నమాట. ప్రభాస్‌ హీరోగా హను రాఘవపూడి దర్శకత్వంలో రూపొందుతున్న పీరియాడికల్‌ యాక్షన్‌ డ్రామా ‘ఫౌజీ’. ఇమాన్వి ఇస్మాయిల్‌ హీరోయిన్‌గా నటిస్తున్న ఈ చిత్రంలో జయప్రద, మిథున్‌ చక్రవర్తి, అనుపమ్‌ ఖేర్‌ ప్రధాన పాత్రల్లో నటిస్తున్నారు. ఈ చిత్రంలో ప్రభాస్‌ సీక్రెట్‌ సోల్జర్‌గా కనిపిస్తారని తెలిసింది. ఇక ఇటీవల వెకేషన్‌ కోసం ఫారిన్‌ వెళ్లిన ప్రభాస్‌ ఇండియాకు వచ్చీ రాగానే ‘ఫౌజీ’ చిత్రీకరణలో పాల్గొంటున్నారని తెలిసింది. ప్రస్తుతం ఈ సినిమా చిత్రీకరణ హైదరాబాద్‌లో జరుగుతోంది. పెళ్లి మండపం సెట్‌లో జరుగుతున్న ఈ సినిమా షూట్‌లో ప్రభాస్‌తో పాటు ఇమాన్వీ పాల్గొంటున్నారు.ఈ కీలక సన్నివేశాల తర్వాత ఓ భారీ యాక్షన్‌ సీక్వెన్స్‌ను ప్లాన్‌ చేశారట హను రాఘవపూడి. టీ సిరీస్‌ సమర్పణలో మైత్రీ మూవీ మేకర్స్‌ పతాకంపై నవీన్‌ ఎర్నేని, వై. రవిశంకర్‌ నిర్మిస్తున్న ఈ సినిమా వచ్చే ఏడాది మార్చి 19న విడుదల కానుంది. మరోవైపు ‘స్పిరిట్, కల్కి 2’ సినిమాల చిత్రీకరణలతో కూడా ప్రభాస్‌ బిజీగా ఉంటున్నారు. ఇక ప్రభాస్‌ హీరోగా ప్రశాంత్‌ నీల్‌ దర్శకత్వంలోని ‘సలార్‌ 2’ సినిమా షూటింగ్‌ వచ్చే ఏడాది ప్రారంభం కానుంది.

సాక్షి, హైదరాబాద్‌: రాష్ట్ర ప్రభుత్వం ప్రకటించిన కరవు మండలాల్లో రైతుల రుణాలపై మారటోరియం అమలు కానుంది. కరువు పరిస్థితులను ఎదుర్కోవడంపై నియమించిన మంత్రివర్గ ఉపసంఘం సిఫారసుకు అనుగుణంగా రాష్ట్రంలోని 365 మండలాల్లో రైతు రుణాల వసూళ్లపై తాత్కాలిక నిషేధానికి బ్యాంకర్లు సూత్రప్రాయంగా అంగీకరించారు. మంగళవారం ప్రజాభవన్‌లో జరిగిన రాష్ట్ర స్థాయి బ్యాంకర్ల కమిటీ (ఎస్‌ఎల్‌బీసీ) ప్రత్యేక సమావేశంలో ఈ మేరకు తీర్మానించారు.ప్రస్తుతమున్న రుణాలపై మారటోరియం అమలు చేయడంతో పాటు రానున్న రబీ సీజన్‌కు కొత్త రుణాలివ్వాలని ఈ సమావేశంలో ప్రభుత్వం పక్షాన డిప్యూటీ సీఎం భట్టి విక్రమార్క బ్యాంకర్లను కోరారు. ఈ నేపథ్యంలో బ్యాంకర్ల సమావేశం పలు తీర్మానాలను ఆమోదించింది.ఈ తీర్మానాల మేరకు ఓ మోస్తరు కరువు ప్రకటించిన 254 మండలాల్లో రైతు రుణాలపై 12 నెలల మారటోరియం అమలు కానుంది. ఈ రుణాల చెల్లింపునకు గాను 36 నెలల గడువు ఇవ్వనున్నారు. అదే విధంగా తీవ్ర స్థాయిలో కరువు ఉన్న 111 మండలాల్లో కూడా రుణాల వసూళ్లకు 12 నెలల మారటోరియం వర్తించనుంది. అయితే ఈ మండలాల్లో రుణాల చెల్లింపునకు 60 నెలల గడువు ఇవ్వనున్నారు. వడ్డీ భారంపై కేంద్రానికి వినతి రైతులు మారటోరియం కోసం ముందుకొచ్చినా, రాకపోయినా సుమోటోగా బ్యాంకులు ఉపశమన చర్యలు తీసుకోనున్నాయి. రుణాల మారటోరియంకు అర్హులైన రైతుల బ్యాంకు అకౌంట్లను గుర్తించి వారికి మారటోరియం అమలు చేయడంతో పాటు కొత్త రుణాలను కూడా మంజూరు చేయనున్నాయి. అయితే ఈ మారటోరియం కాలానికి గాను రైతు రుణాలకు అయ్యే వడ్డీని రాయితీ కింద సర్దుబాటు చేసేలా కేంద్ర ప్రభుత్వాన్ని కోరాలని రాష్ట్ర ప్రభు త్వం నిర్ణయించింది. ఇందుకు గాను రాష్ట్రంలో నెలకొన్న కరువు పరిస్థితిని 15 రోజుల్లోగా రిజర్వు బ్యాంకు (సీఐఎంఎస్‌) పోర్టల్‌లో రాష్ట్ర బ్యాంకర్లు అప్‌లోడ్‌ చేయాలని సమావేశంలో తీర్మానించారు. ఎస్‌ఎల్‌బీసీ సమావేశం తీర్మానాలివే.. ⇒ కరువు ప్రభావానికి గురయ్యే వర్గాలు బ్యాంకుల్లో తీసుకున్న రుణాల విషయంలో తగిన ఉపశమన చర్యలు తీసుకోవాలి. వ్యవసాయం కోసం తీసుకున్న స్వల్ప కాలిక, టర్మ్‌ రుణాలు, ఆగ్రో ప్రాసెసింగ్, ఫుడ్‌ ప్రాసెసింగ్‌ యూనిట్ల కోసం తీసుకున్న రుణాలు, ఇతర వ్యవసాయ అనుబంధ రుణాలను ఈ కేటగిరిలో చేర్చారు. ఆర్‌బీఐ నిబంధనలు, ఆయా బ్యాంకుల విధానాల మేరకు ఈ ఉపశమన చర్యలు అమలు చేయాలి. ⇒ కరువు ప్రభావానికి గురైన రుణ గ్రహీతలను గుర్తించి వారికి మారటోరియం వర్తింపజేయాలి. ⇒ రుణ గ్రహీతతో సంబంధం లేకుండానే అర్హులైన వారి బ్యాంకు అకౌంట్లను గుర్తించి సుమోటో ప్రాతిపదికన చర్యలు తీసుకోవాలి. ⇒ కరువు ప్రభావానికి గురైన రుణ గ్రహీతలపై ఆర్థిక భారం తగ్గించడం కోసం అదనపు సాయం కూడా చేయాలి. ఉత్పత్తి సంబంధిత కార్యకలాపాల కొనసాగింపునకు అనుగుణంగా ఈ సాయం ఉండాలి. వ్యవసాయ అనుబంధ రంగాలకు అదనపు ఆర్థిక సాయం కోసం మంత్రివర్గ ఉప సంఘంతో చర్చించాలి. ⇒ రుణాల రీస్ట్రక్చర్‌ చేసిన బ్యాంకు అకౌంట్లకు కూడా రైతు లేదా పంట బీమాలను అమలు చేయాలి. ప్రభుత్వ నిబంధనల మేరకు సకాలంలో చెల్లించేవారికి ప్రోత్సాహకాలు, వడ్డీ రాయితీలను ఇవ్వాలి. వడ్డీ రాయితీ కోసం రాష్ట్ర ప్రభుత్వం కేంద్రాన్ని కోరాలి. ⇒ బ్యాంకర్లు మానవీయ, సహానుభూతి, వృత్తి పరమైన స్ఫూర్తితో చర్యలు తీసుకోవాలి. కేంద్ర, రాష్ట్ర ప్రభుత్వాలు తీసుకుంటున్న ఉపశమన చర్యలను కొనసాగించాలి. ⇒ జిల్లాల లీడ్‌ బ్యాంక్‌ మేనేజర్లు వెంటనే జిల్లా స్థాయిలో ప్రత్యేక సమావేశాలు నిర్వహించి ఆ సమావేశాల మినిట్స్‌ను ఎస్‌ఎల్‌బీసీకి పంపాలి. ఉపశమన చర్యలపై ఎస్‌ఎల్‌బీసీతో పాటు బ్యాంకులు తగిన ప్రచారం కలి్పంచాలి. అన్ని ఉపశమన చర్యల అమలు, పురోగతిని సమయానుగుణంగా ఎస్‌ఎల్‌బీసీ పర్యవేక్షించాలి.

గ్రహం అనుగ్రహం: శ్రీ పరాభవ నామ సంవత్సరం, దక్షిణాయనం, శరదృతువు, కార్తీక మాసం, తిథి: శు.విదియ ప.1.48 వరకు, తదుపరి తదియ, నక్షత్రం: అనూరాధ ఉ.10.44 వరకు, తదుపరి జ్యేష్ఠ,వర్జ్యం: సా.4.52 నుండి 6.38 వరకు, దుర్ముహూర్తం: ఉ.11.21 నుండి 12.06 వరకు, అమృత ఘడియలు: రా.3.22 నుండి 5.11 వరకు, భగినీహస్త భోజనం.సూర్యోదయం : 6.06సూర్యాస్తమయం : 5.22రాహుకాలం : ప.12.00 నుండి 1.30 వరకుయమగండం : ఉ.7.30 నుండి 9.00 వరకుమేషం... ఆర్థిక ఇబ్బందులు. ఆకస్మిక ప్రయాణాలు. మిత్రులతో విభేదాలు. ఆరోగ్యభంగం. ఆలోచనలు స్థిరంగా ఉండవు. వ్యాపారాలు, ఉద్యోగాలు నిరాశాజనకంగా ఉంటాయి.వృషభం... పరిచయాలు పెరుగుతాయి. భూములు, వాహనాలు కొంటారు. చిన్ననాటి మిత్రుల కలయిక. విందువినోదాలు. వ్యాపారాలు, ఉద్యోగాలు ఉత్సాహాన్నిస్తాయి.మిథునం... చిరకాల స్వప్నం నెరవేరుతుంది. పోటీపరీక్షల్లో విజయం. భూ, వాహనయోగం. చర్చలు సఫలం. దైవదర్శనాలు. వ్యాపార వృద్ధి. ఉద్యోగులకు హోదాలు.కర్కాటకం... రుణదాతల ఒత్తిడులు. అనుకున్న పనుల్లో జాప్యం. సోదరులతో కలహాలు. దూరప్రయాణాలు. ఆధ్యాత్మిక చింతన. వ్యాపార, ఉద్యోగాలలో గందరగోళ పరిస్థితి.సింహం... కష్టపడ్డా ఫలితం కనిపించదు. ఆస్తి వివాదాలు. సోదరులు, సోదరీలతో కలహాలు. రుణయత్నాలు. ఆలయాలు సందర్శిస్తారు. వృత్తి, వ్యాపారాలలో ఒడిదుడుకులు.కన్య... కొత్త విషయాలు తెలుసుకుంటారు. ప్రముఖులతో పరిచయాలు. చిన్ననాటి మిత్రుల కలయిక. భూలాభాలు. వృత్తి, వ్యాపారాలు సజావుగా సాగుతాయి.తుల... పనులు వాయిదా వేస్తారు. ఆలోచనలు నిలకడగా ఉండవు. బంధువులతో తగాదాలు. దైవదర్శనాలు. వ్యాపారాలు సామాన్యంగా ఉంటాయి. ఉద్యోగులకు పనిభారం.వృశ్చికం... కొత్త వ్యక్తుల పరిచయం. శుభవార్తలు. ఆర్థిక ప్రగతి. నూతన కార్యక్రమాలు చేపడతారు. పదవీయోగం. వృత్తి, వ్యాపారాలలో ముందడుగు వేస్తారు.ధనుస్సు... కొన్ని పనులు మధ్యలో విరమిస్తారు. మిత్రులతో కలహాలు. రుణయత్నాలు. ఆధ్యాత్మిక చింతన. వ్యాపారాలు నత్తనడకన సాగుతాయి. ఉద్యోగులకు ఒత్తిడులు.మకరం... పరిచయాలు పెరుగుతాయి. ఆస్తిలాభం. చిన్ననాటి మిత్రులను కలుసుకుంటారు. వ్యాపారాలు లాభిస్తాయి. ఉద్యోగులకు పదోన్నతులు.కుంభం... ఇంటర్వ్యూలు అందుతాయి. వ్యవహారాలలో విజయం. శుభవార్తలు. ఆస్తి వివాదాలు తీరతాయి. వ్యాపారాలలోకొత్త పెట్టుబడులు అందుతాయి. ఉద్యోగులకు ప్రమోషన్లు.మీనం... కొన్ని కార్యక్రమాలు వాయిదా వేస్తారు. శ్రమాధిక్యం. బంధువర్గంతో తగాదాలు. ఆలోచనలు స్థిరంగా ఉండవు. వ్యాపారాలు, ఉద్యోగాలలో ఒత్తిడులు తప్పకపోవచ్చు.

1889 నవంబర్‌ రెండో వారంలో నెల్లీ బ్లై అనే 25 ఏళ్ల అమెరికన్‌ మహిళా జర్నలిస్టు మహిళలు ఇంటికే పరిమితం కావా లనే అభిప్రాయాలను పక్కనపెట్టి, ఒంటరిగా ప్రపంచాన్ని చుట్టి రావాలని బయలుదేరింది. ఫ్రెంచ్‌ రచయిత జూల్స్‌ వెర్న్‌ రాసిన ‘ఎరౌండ్‌ ద వరల్డ్‌ ఇన్‌ 80 డేస్‌’ నవలలోని ‘ఫిలియస్‌ ఫాగ్‌’ పాత్ర ఎనభై రోజుల్లో ప్రపంచ యాత్ర చేసిందని చదివి, తానూ అంతే సమయంలో ప్రపంచాన్ని చుట్టి రావాలనేది ఆమె లక్ష్యం.ఆమె అసలు పేరు ఎలిజబెత్‌ జేన్‌ కోక్రేన్‌. 1864 మే 5న అమె రికాలోని పెన్సిల్వేనియాలో జన్మించింది. ఒకసారి పత్రికలో మహిళల పాత్రను తక్కువ చేస్తూ ప్రచురితమైన ‘వాట్‌ గరల్స్‌ ఆర్‌ గుడ్‌ ఫర్‌’’ వ్యాసానికి ఎలిజబెత్‌ నిరసన వ్యక్తం చేస్తూ సంపాద కుడికి ఒక ఘాటైన లేఖ రాసింది. ఆ లేఖలోని ఆలోచనా స్పష్టత, ప్రశ్నించే తత్వం, రచనా శైలి సంపాదకుడిని ఆకట్టుకున్నాయి. దాంతో ఆమెకు ఆ పత్రికలోనే ఉద్యోగం లభించింది. సంగీత కారుడు స్టీఫెన్‌ ఫోస్టర్‌ రాసిన ఒక ప్రసిద్ధ పాట నుంచి ప్రేరణ పొంది ఆమె తన కలం పేరుగా ‘నెల్లీ బై్ల’ అని స్వీకరించింది.స్వయంగా పరిస్థితుల మధ్యలోకి వెళ్లి వాస్తవాలను వెలికి తీయడం ఆమె ప్రత్యేకత. 1887లో న్యూయార్క్‌లోని బ్లాక్వెల్స్‌ ఐలాండ్‌లో ఉన్న మానసిక చికిత్సా కేంద్రంలో ఒక రోగిగా నటించి, 10 రోజుల పాటు అక్కడి అమానుష పరిస్థితులను సంచలనాత్మక కథనాలుగా రాసింది. ‘టెన్‌ డేస్‌ ఇన్‌ ఎ మ్యాడ్‌ హౌస్‌’ పుస్తకాన్ని ప్రచురించింది. ఆ తర్వాత జోసెఫ్‌ పులిట్జర్‌ నిర్వహణలోని ‘న్యూయార్క్‌ వరల్డ్‌’ పత్రికలో చేరి తన పరిశోధనా త్మక జర్నలిజాన్ని మరింత ఎత్తుకు తీసుకెళ్లింది.1889 నవంబర్‌ 14న న్యూజెర్సీ నుంచి బయల్దేరిన ఆగస్టా విక్టోరియా80 రోజుల్లో ప్రపంచ యాత్ర చేయాలనే తన ఆలోచనను పత్రిక సంపాదకుని ముందు ఉంచింది. కష్టం మీద అందుకు ఒప్పించింది. 1889 నవంబర్‌ 14న న్యూజెర్సీలోని హోబోకెన్‌ నౌకాశ్రయం నుంచి ఆగస్టా విక్టోరియా అనే జర్మన్‌ నౌకలో కేవలం ఒక చేతి సంచితో నెల్లీ బై్ల బయలుదేరింది. ఆమె ప్రయాణానికి తూర్పు దిశను ఎంచుకుంది. అంటే యూరప్‌ మీదుగా ఆసియాకు, అక్కడి నుంచి పసిఫిక్‌ మహాసముద్రం దాటి అమె రికాకు తిరిగి రావాలన్నది ప్రణాళిక. ఆమె వెంట తీసుకెళ్లిన డబ్బు అప్పటి పరిస్థితులకు అనుగుణంగా ఉంది. కొంత బ్రిటిష్‌బంగారు కరెన్సీ, కొంత అమెరికన్‌ డబ్బు తీసుకెళ్లింది. నౌక అట్లాంటిక్‌ మహాసముద్రాన్ని దాటి ఇంగ్లండ్‌ చేరు కుంది. అక్కడి నుంచి రైలు ప్రయాణం ప్రారంభమైంది. ఇంగ్లండ్‌ నుంచి ఫ్రాన్స్ వెళ్లింది. ఫ్రాన్స్‌లో జూల్స్‌ వెర్న్‌ను కలిసింది. నవల ద్వారా తనకు స్ఫూర్తినిచ్చిన రచయితను కలవడం ఆమెకు ప్రత్యేకమైన అనుభవం. ఫ్రాన్స్ నుంచి ఇటలీకి చేరుకుని, బ్రిండిసీ నౌకాశ్రయం నుంచి నౌకలో బయలుదేరి సూయజ్‌ కాలువ ద్వారా ఈజిప్టు, ఎర్ర సముద్రం ప్రాంతాలను దాటింది. ఆ తర్వాత ఏడెన్, సిలోన్‌ (ప్రస్తుత శ్రీలంక), మలయా ద్వీపకల్పం, సింగ పూర్, హాంకాంగ్, జపాన్‌ మీదుగా ప్రయాణించింది.నౌకలు, రైళ్లు, గుర్రపు బండ్లు, స్థానిక రవాణా వాహనాలు... అందుబాటులో ఉన్న మార్గాలను ఉపయోగించుకుంది. నిర్ణీత నౌకను అందుకోవడం, రైలు బయలుదేరే సమయానికి చేరు కోవడం, అవసరమైన చోట టెలిగ్రాఫ్‌ ద్వారా పత్రికకు సమా చారం పంపడం ఆమెకు సవాళ్లుగా మారాయి. ఈ ప్రయాణ విశేషాలను న్యూయార్క్‌ వరల్డ్‌ పత్రిక పాఠకులకు అందించేది. మరో మహిళ నుంచి పోటీ!నెల్లీ బై్ల ప్రయాణం ప్రారంభమైన కొద్ది రోజులకే ఈ కథలో మరో ఆసక్తికరమైన మలుపు. ‘కాస్మోపాలిటన్‌’ పత్రికకు చెందిన ఎలిజబెత్‌ బిస్లాండ్‌ అనే మరో అమెరికన్‌ జర్నలిస్టు కూడా ప్రపంచాన్ని చుట్టి రావడానికి బయలుదేరింది. నెల్లీ కంటే ముందుగా ప్రపంచయాత్ర పూర్తి చేయాలన్న లక్ష్యంతో ఆమె పోటీకి దిగింది. ఇద్దరూ వేర్వేరు దిశల్లో ప్రయాణించారు. నెల్లీ తూర్పు దిశగా వెళితే, బిస్లాండ్‌ పశ్చిమ దిశగా బయలుదేరింది. ఈ పోటీ అమె రికాలో పాఠకుల్లో మరింత ఆసక్తిని పెంచింది.ఆసియా దేశాల మీదుగా ప్రయాణించిన నెల్లీ జపాన్‌ చేరు కుంది. అక్కడి నుంచి పసిఫిక్‌ మహాసముద్రాన్ని దాటి, 72 రోజుల 6 గంటలకు 1890 జనవరి 25న న్యూజెర్సీ చేరుకుంది. అక్కడ ఆమెకు జనం ఘన స్వాగతం పలికారు.ఎడిటోరియల్ టీమ్

తలపెట్టినవేవీ కొనసాగక ఎటూ చూసినా నిరాశే అలుముకున్న తరుణంలో తుర్కియే లోని అంతాల్యాలో కాన్ఫరెన్స్‌ ఆఫ్‌ పార్టీస్‌ (కాప్‌) 31 సదస్సు సోమవారం మొదలైంది. ఐక్యరాజ్యసమితి నేతృత్వంలో పన్నెండు రోజులు జరిగే ఈ సదస్సు ఏం సాధిస్తుందన్న నిర్లిప్తత అందరిలోనూ ఉంది. దశాబ్దం క్రితం పారిస్‌లో కర్బన ఉద్గారాల తగ్గింపుపై కుదిరిన చరిత్రాత్మక ఒడంబడికను ఆ మరుసటేడాదినుంచే బేఖాతరు చేయటం మొద లెట్టిన చాలా దేశాలు అదే ధోరణిలో పోతున్నాయి.అమెరికా అయితే మొత్తానికే జారు కుంది. వాస్తవానికి ఈ కాప్‌ సదస్సులు కొత్తగా చేసే తీర్మానాలేమీ ఉండవు. పారిస్‌ ఒడంబడికలో పూచీ పడిన ఉద్గారాల తగ్గింపు లక్ష్యసాధనలో ఎవరేం సాధించారో సమీక్షించటం, త్వరితగతిన చర్యలు తీసుకోవాలని కోరడం మాత్రమే వాటి పరమోద్దేశం. ఈసారి దాదాపు 200 దేశాల నుంచి ప్రతినిధి బృందాలొచ్చాయని ఘనంగా ప్రకటిస్తున్న సమితి... ఒక విషయం దాస్తున్నది.2023లో దుబాయ్‌లో జరిగిన కాప్‌ 28 సదస్సుకు ప్రధాని నరేంద్ర మోదీ, బ్రిటన్‌ రాజు చార్లెస్, అప్పటి ఆ దేశ ప్రధాని రిషి సునాక్, ఫ్రాన్స్‌ అధ్యక్షుడు మాక్రాన్, జర్మనీ అప్పటి చాన్సలర్‌ ఒలాఫ్‌ షొల్జ్‌వంటి 156 దేశాల ప్రభుత్వా ధినేతలు హాజరయ్యారు. ఇప్పుడా సంఖ్య 91 దాటదని తుర్కియే ముందే ప్రకటించింది. ఒకపక్క పారిశ్రామిక దేశాలు తమ కర్బన ఉద్గారాలను తగ్గించాలని సమితి మొత్తుకుంటుంటే... జీ7 నుంచి కేవలం బ్రిటన్‌ ప్రధాని బర్న్‌హామ్, కాలుష్యకారక దేశాల్లో తొలి స్థానంలో ఉన్న చైనానుంచి ఉపాధ్యక్షుడు హాన్‌ ఝెంగ్‌ రాబోతున్నారు. ఒకనాడు పర్యావరణ ముప్పుపై ప్రపంచ దేశాలన్నీ ఒకే స్వరం వినిపించాయి. ఏదో ఒకటిచేసి ఈ గండంనుంచి గట్టెక్కాలన్న తపన, తాపత్రయం వాటిలో కనబడ్డాయి. ప్రమాదకర వాతావరణం ఇప్పుడు జోస్యంకాదు. చేదు వాస్తవం. తీరా ఇప్పుడెవరికీ దానిపై పట్టింపు లేకుండాపోయింది. ఈసారి మండువేసవికి యూరోప్‌ దేశాల్లో దరిదాపు 50,000 మంది మరణించారని అంచనా. నేపాల్‌లో సంభవించిన హఠాత్‌ వరదల్లో వేలాదిమంది మరణించారు. వందలాదిమంది ఆచూకీ లేకుండాపోయారు.తమకు 500 కోట్ల డాలర్ల నష్టం జరిగిందని నేపాల్‌ చెబుతోంది. కనీవినీ ఎరుగని సూపర్‌ ఎల్‌నినో వేయినాల్కలు సాచి, ఇండొనేసియాలో దావానలానికి కారణమైంది. కాలిఫోర్నియా తీరం వేడిగాలులతో మాడిపోతోంది. వర్షాభావం, కుంభవృష్టి, హఠాత్‌ వరదలు ఆహార ధాన్యాల దిగుబడిని దెబ్బతీస్తున్నాయి. భూగర్భ జలాలు పాతాళంలోకి పడిపోయాయి. వాటిపై సంపన్న దేశాలకు పట్టింపులేదు. ఇరాన్‌ను పాదాక్రాంతం చేయడానికి ట్రంప్‌... ఉక్రెయిన్‌ను దారికి తెచ్చుకునేందుకు పుతిన్‌... గాజాను తుడిచి పెట్టేయడానికి ఇజ్రాయెల్‌ పథక రచన చేస్తున్నాయి. వీటికి వేరే దేశాలు లోపాయికారీగా ఆజ్యం పోస్తున్నాయి.అయితే సంక్షోభాలు కూడా ఊహించని మేలు కలిగిస్తాయి. పారిస్‌ ఒడంబడిక లక్ష్యాల సాధనలో నిర్లిప్తంగా ఉండిపోయిన దేశాలు పశ్చిమాసియా యుద్ధంతో ఇంధన సరఫరా నిలిచి ఊపిరాడని స్థితికి చేరాయి. అవన్నీ ఇప్పుడు పునరుత్పాదక ఇంధన వనరులపై దృష్టిసారించాయి. 40కి పైగా దేశాలు పవన, సౌర విద్యుత్‌ ఉత్పాదనపైనా, కర్బన ఉద్గారాలు తక్కువుండే ఇతర రకాల విద్యుత్‌ వనరులకు సంబంధించిన సాంకే తికతలపైనా పనిచేస్తున్నాయి. 2030 నాటికి 100 గిగావాట్ల పవన, సౌర విద్యుత్‌ ఉత్పాదన సాధించాలన్న లక్ష్యంతో 74,700 కోట్ల డాలర్ల బృహత్తర పథకం తీసుకు రాబోతున్నట్టు దక్షిణ కొరియా ప్రకటించింది.బ్రిటన్, ఫిలిప్పీన్స్‌లలో పైకప్పు సౌరశక్తి ప్యానెళ్లకు గిరాకీ ఏర్పడింది. డేటా సెంటర్లకు కావాల్సిన 60 శాతం విద్యుత్‌ను స్వచ్ఛ ఇంధన వనరులనుంచి సాధించే ప్రణాళికను థాయ్‌లాండ్‌ ఆచరణలోకి తెచ్చింది. హరిత ఇంధన వనరులపై చర్చించేందుకు 60 దేశాలు తమకు తాముగా ఇటీవల శ్రీలంకలో సమావేశమయ్యాయి.ఏకగ్రీవమైతేనే తీర్మానం అమలయ్యే ఐక్యరాజ్యసమితి సదస్సుల తీరుపై అవి గుర్రుగా ఉన్నాయి. నిరుడు జరిగిన బెలూమ్‌ కాప్‌ సదస్సులో శిలాజ ఇంధన వనరుల్ని క్రమేపీ తగ్గించుకోవాలన్న తీర్మానాన్ని చమురు దేశాలు వ్యతిరేకించటంతో అది కాస్తా మూలన బడింది. ఇప్పుడున్న భౌగోళిక రాజకీయ స్థితిగతులైనా అంతాల్యా సదస్సులో అందరి కళ్లూ తెరిపిస్తే మంచిదే.

సాక్షి,పల్నాడు : సత్తెనపల్లి రూరల్ మండలం రామకృష్ణాపురం మహాత్మా జ్యోతిబా పూలే బీసీ వెల్ఫేర్ బాలికల గురుకుల పాఠశాలలో అర్ధరాత్రి పూట తీవ్ర కలకలం రేగింది. నిద్రిస్తున్న విద్యార్థినుల జడలను గుర్తుతెలియని వ్యక్తులు కత్తిరించిన సంఘటన వెలుగులోకి వచ్చింది. పాఠశాలలో 8వ తరగతి అభ్యసిస్తున్న 10 మంది విద్యార్థినులు రాత్రి సమయంలో గాఢ నిద్రలో ఉండగా, కొందరు దుండగులు వారి జడలను కత్తరించేశారు. ఉదయం నిద్ర లేచి చూసుకున్న విద్యార్థినులు తమ జడలు కత్తిరించి ఉండటాన్ని గమనించి భయాందోళనకు గురయ్యారు. ఈ ఘటనపై పాఠశాల సిబ్బంది, ఉపాధ్యాయుల తీరుపై విద్యార్థినుల తల్లిదండ్రులు తీవ్ర ఆగ్రహం వ్యక్తం చేశారు. వసతి గృహంలో రక్షణ కరువైందని, పిల్లల భద్రతకు ఎవరు బాధ్యత వహిస్తారంటూ వారు పాఠశాల సిబ్బందిని నిలదీశారు.సమాచారం అందుకున్న వెంటనే పోలీసులు సంఘటనా స్థలానికి చేరుకుని పరిస్థితిని సమీక్షించారు. పాఠశాల రికార్డులను పరిశీలించడంతో పాటు, విద్యార్థినులు, సిబ్బందిని అడిగి వివరాలు సేకరించి సమగ్ర విచారణ చేపట్టారు. అయితే, బయటి వ్యక్తుల ప్రమేయం కాకుండా పాఠశాలలోనే చదువుతున్న ఆకతాయి విద్యార్థులు ఎవరైనా ఈ ఘటనకు పాల్పడి ఉంటారా అనే కోణంలోనూ పోలీసులు ప్రధానంగా అనుమానిస్తున్నారు. ఈ ఘటనకు సంబంధించిన పూర్తి వివరాలు విచారణలో తేలాల్సి ఉంది.

హైదరాబాద్: ఆరోగ్య బీమా పాలసీదారులకు తెలంగాణలో ఊహించని షాక్ తగిలింది. ఓ ప్రముఖ బీమా సంస్థకు చెందిన పాలసీలపై నగదు రహిత వైద్య సేవలను నిలిపివేస్తున్నట్లు తెలంగాణ స్పెషాలిటీ హాస్పిటల్స్ అసోసియేషన్ (TSHA) ప్రకటించింది. క్లెయిమ్‌ల పరిష్కారంలో జాప్యం, అనవసర కోతలు, సరైన కారణాలు లేకుండా క్లెయిమ్‌ల తిరస్కరణ వంటి సమస్యలే ఇందుకు కారణమని వెల్లడించింది.ఈ నిర్ణయంతో సంబంధిత పాలసీదారులు ఆస్పత్రి బిల్లులను ముందుగా చెల్లించి, ఆ తర్వాత రీయింబర్స్‌మెంట్ పొందాల్సి ఉంటుంది. హైదరాబాద్‌లో చికిత్స కోసం వచ్చే తెలంగాణ, ఏపీ రోగులపై ఈ ప్రభావం పడనుంది. సమస్యలను పరిష్కరించేందుకు బీమా సంస్థ ముందుకు వస్తే క్యాష్‌లెస్ సేవలను పునరుద్ధరిస్తామని TSHA తెలిపింది.

ఇంగ్లండ్‌లోని కేంబ్రిడ్జ్ సమీపంలో పురావస్తు తవ్వకాల సందర్భంగా బయటపడిన 8,000 కప్పల ఎముకల వెనుక ఉన్న రహస్యాన్ని పరిశోధకులు దాదాపు పదేళ్ల తర్వాత ఛేదించారు. సుమారు 1,700 ఏళ్ల క్రితం వేటాడే పక్షులు పెద్ద సంఖ్యలో చిన్న కప్పలను తిని, వాటి ఎముకలను ఒకే ప్రాంతంలో వదిలివేసి ఉంటాయని తాజా అధ్యయనం వెల్లడించింది. ఒకప్పుడు కప్పల సమాధిగా భావించిన ఈ ప్రాంతం.. వాస్తవానికి గుడ్లగూబలు, ఇతర వేట పక్షులకు కాలానుగుణంగా ఆహారం లభించిన ప్రదేశమని పరిశోధకులు గుర్తించారు.2016 నుంచి 2018 మధ్య ఇంగ్లండ్‌లోని నేషనల్ హైవేస్ చేపట్టిన ఏ14 కేంబ్రిడ్జ్‌-హంటింగ్‌డన్ రహదారి అభివృద్ధి పనులకు సంబంధించిన పురావస్తు పరిశోధనల్లో ఈ ఎముకలు బయటపడ్డాయి. కేంబ్రిడ్జ్ సమీపంలోని బార్ హిల్ ప్రాంతంలో, ఇనుప యుగం నాటి వృత్తాకార నివాస నిర్మాణానికి దగ్గరగా ఉన్న ఒక గోతిలో వీటిని గుర్తించారు. ఈ గోతిలోని ఎముకలన్నీ కేవలం ఏడాది వ్యవధిలోనే పేరుకుపోయినట్లు ఆధారాలు లభించడంతో పరిశోధకులు ఆశ్చర్యపోయారు. అనేక తరాలుగా నెమ్మదిగా పేరుకుపోయాయనే వాదనకు ఇది సరిపోలలేదు.ఈ మిస్టరీని ఛేదించేందుకు బోర్న్‌మౌత్ విశ్వవిద్యాలయ పరిశోధకుడు డాక్టర్ పాల్ క్లార్క్‌సన్, మ్యూజియం ఆఫ్ లండన్ ఆర్కియాలజీకి చెందిన సీనియర్ జంతు అవశేషాల నిపుణురాలు డాక్టర్ విక్కీ ఇవెన్స్ సహాయం కోరారు. పురాతన ఎముకలపై ఉన్న గుర్తులు, వాటి దెబ్బతిన్న తీరును గత పరిశోధనలతో పోల్చినప్పుడు వేట పక్షాలే వీటిని తిని ఉంటాయనే ఆధారాలు లభించాయి. ముఖ్యంగా పొట్టి చెవుల గుడ్లగూబలు, హెన్ హారియర్లు ఈ ఘటనకు కారణమై ఉండవచ్చని అంచనా వేశారు.అయితే ఇంత తక్కువ సమయంలో ఒకే ప్రాంతంలోకి ఇన్ని కప్పలు ఎలా చేరాయన్న ప్రశ్నకు సమాధానం కనుగొనడం మరో సవాలుగా మారింది. ఇందుకోసం కప్పల పైచేయి ఎముకలైన హ్యూమరస్‌ల పొడవును కొలిచే కొత్త పద్ధతిని పరిశోధకులు ఉపయోగించారు. వాటిలో ఎక్కువ భాగం చిన్న వయసులో ఉన్న కప్పలవేనని, పుట్టిన మొదటి సంవత్సరపు చలికాలంలోనే అవి చనిపోయాయని గుర్తించారు. వియన్నా విశ్వవిద్యాలయం నిర్వహించిన రేడియోకార్బన్ పరీక్షల్లో ఈ అవశేషాలు సుమారు 1,700 ఏళ్ల నాటివని తేలింది. దీంతో ఈ ఘటన రోమన్ పాలన కాలంలో జరిగినట్లు నిర్ధారించారు.పర్యావరణ మార్పులే కారణమా?ఆ కాలంలో ఆ ప్రాంతంలోని లోయలో ఉన్న చిత్తడి నేలలు క్రమంగా తగ్గుముఖం పట్టడం కప్పల సంతానోత్పత్తికి అనుకూల పరిస్థితులను కల్పించిందని పరిశోధకులు భావిస్తున్నారు. అదే సమయంలో పెద్ద ఎత్తున అడవులు తొలగించారు. నత్తల అవశేషాలు, పుప్పొడి, బొగ్గు ఆధారాలను పరిశీలించి ఇనుప యుగం నాటి అడవులు క్రమంగా పశువుల మేతకు అనువైన బహిరంగ ప్రాంతాలుగా మారినట్లు గుర్తించారు. చెట్ల కవచం తగ్గడంతో కప్పలకు దాక్కునేందుకు ఆశ్రయాలు తగ్గి, గడ్డి భూముల్లో వేటాడే పక్షులకు అవి సులభంగా ఆహారంగా మారాయి. పశువులను కాలానుగుణంగా ఇతర ప్రాంతాలకు తరలించడం, ఆ ప్రాంతంలో నిరంతర నివాసాలు తగ్గడం వంటి మానవ కార్యకలాపాల మార్పులు కూడా ఈ పరిణామంపై ప్రభావం చూపి ఉండవచ్చని అధ్యయనం సూచించింది.ఈ పరిశోధన వివరాలు ఎన్విరాన్‌మెంటల్ ఆర్కియాలజీ జర్నల్‌లో ప్రచురితమయ్యాయి. వేలాది చిన్న ఎముకలు కేవలం పురాతన జీవుల అవశేషాలే కాకుండా.. వేట పక్షులు, వాటి ఆహార జీవులు, మానవ భూ వినియోగం మధ్య ఉన్న సంబంధాలను అర్థం చేసుకోవడానికి కీలక ఆధారాలుగా నిలిచాయి. రోమన్ కాలంలో బ్రిటన్‌లో పర్యావరణం ఎలా మారిందో తెలుసుకోవడానికి ఈ అధ్యయనం కొత్త సమాచారాన్ని అందించింది.

కేజీఎఫ్‌, కాంతార వంటి బ్లాక్‌బస్టర్‌ చిత్రాలను నిర్మించిన హోంబలే ఫిల్మ్స్‌ మరో ఆసక్తికరమైన ప్రాజెక్ట్‌ను ప్రకటించింది. ట్రాన్స్‌సెండెంటల్‌ ఫిల్మ్స్‌తో కలిసి ‘శరణాగతి – ది లైఫ్‌ ఆఫ్‌ ఏ సరెండర్డ్‌ సోల్‌’ పేరుతో యానిమేటెడ్‌ చిత్రాన్ని తెరకెక్కించనున్నట్లు వెల్లడించింది. ఇస్కాన్‌ వ్యవస్థాపకుడు ఏసీ భక్తివేదాంత స్వామి ప్రభుపాద జీవిత కథ ఆధారంగా ఈ సినిమాను రూపొందిస్తున్నారు.భారతీయ సంస్కృతి నేపథ్యంలోఆధ్యాత్మికత, భారతీయ సంస్కృతి నేపథ్యంలో తెరకెక్కనున్న ఈ చిత్రాన్ని అత్యాధునిక ఏఐ మోషన్‌ క్యాప్చర్‌ సాంకేతికతతో రూపొందించనున్నారు. భారతీయ ఆధ్యాత్మిక, సాంస్కృతిక వారసత్వాన్ని ప్రపంచవ్యాప్తంగా పరిచయం చేసిన ప్రభుపాద జీవితంలోని ముఖ్యమైన ఘట్టాలను ఇందులో చూపించనున్నారు. ఆయన ప్రయాణం, జీవితంలో ఎదుర్కొన్న అనుభవాలు, ప్రపంచవ్యాప్తంగా భక్తి మార్గాన్ని విస్తరించేందుకు చేసిన కృషిని ఈ సినిమా ద్వారా ప్రేక్షకులకు అందించనున్నారు.ఇక ఈ చిత్రాన్ని 2027 ఆగస్టులో ప్రపంచవ్యాప్తంగా థియేటర్లలో విడుదల చేయనున్నట్లు మేకర్స్‌ ప్రకటించారు. కేజీఎఫ్‌, కాంతార వంటి విజయవంతమైన చిత్రాల తర్వాత హోంబలే ఫిల్మ్స్‌ నుంచి వస్తున్న ఈ కొత్త ప్రాజెక్ట్‌పై ప్రేక్షకుల్లో ఆసక్తి నెలకొంది.(ఇదీ చదవండి: రావణుడి పాత్ర.. యశ్‌ కాస్ట్యూమ్స్‌ బరువు ఎంతంటే?)

క్రికెట్ చ‌రిత్ర‌లోనే అత్యంత వింతైన ఔట్ నేపాల్ ప్రీమియ‌ర్ లీగ్ (ఎన్‌పీఎల్-2026)లో చోటుచేసుకుంది. క‌ర్నాలీ యాక్స్ కెప్టెన్ సోంపాల్ కామి ‘అబ్‌స్ట్రక్టింగ్ ద ఫీల్డ్’ (బంతిని ఉద్దేశ‌పూర్వ‌కంగా కొట్టడం)గా అవుట్ అయ్యాడు. ఈ లీగ్ చరిత్రలో ఈ విధంగా అవుట్ అయిన మొదటి ఆటగాడిగా సోంపాల్ కామి రికార్డుకెక్కాడు. విష‌యంలోకి వెళితే.. 2026 నవంబర్ 9న కీర్తిపూర్‌లోని త్రిభువన్ యూనివర్సిటీ గ్రౌండ్‌లో కర్నాలీ యాక్స్, పోఖారా అవెంజర్స్ జట్ల మధ్య జ‌రిగిన మ్యాచ్‌లో ఇది చోటుచేసుకుంది. 218 పరుగుల భారీ లక్ష్యాన్ని ఛేదించే క్రమంలో, 15వ ఓవర్ చివరి బంతిని పోఖారా స్పిన్నర్ బిపిన్ ఖత్రి ఆఫ్-స్టంప్ వెలుపల విసిరాడు. షాట్ ఆడటానికి ప్రయత్నించిన సోంపాల్ కామి బ్యాట్‌కు బంతి ఇన్‌సైడ్ ఎడ్జ్ తీసుకుని అతని కాళ్ల దగ్గరే ఆగిపోయింది. షాట్ సరిగ్గా కనెక్ట్ కాకపోవడంతో అసహనానికి గురైన సోంపాల్, బంతి ఇంకా ఆటలో ఉండగానే తన బ్యాట్‌తో ఆ బంతిని రెండోసారి ఆఫ్-సైడ్ వైపు కొట్టాడు. పోఖారా అవెంజర్స్ ఫీల్డర్లు వెంటనే అప్పీల్ చేయడంతో, ఆన్-ఫీల్డ్ అంపైర్లు నిర్ణయాన్ని థర్డ్ అంపైర్‌కు నివేదించారు. రీప్లేలను పరిశీలించిన టీవీ అంపైర్ మసూదుర్ రెహమాన్ అతడిని అవుట్‌గా ప్రకటించారు. అప్పటికి సోంపాల్ 19 బంతుల్లో 21 పరుగులు చేసి ఉన్నాడునిబంధ‌నలు ఏం చెబుతున్నాయంటే?ఎంసీసీ (MCC) క్రికెట్ నిబంధనలలోని లా 37.1 (Law 37.1) ప్రకారం, బంతి ఆటలో ఉన్నప్పుడు బ్యాటర్ ఉద్దేశపూర్వకంగా బంతిని రెండోసారి బ్యాట్‌తో గానీ, శరీరంతో గానీ తాకితే 'అబ్‌స్ట్రక్టింగ్ ద ఫీల్డ్' కింద అవుట్ ఇస్తారు. (గతంలో 'హిట్ ద బాల్ ట్వైస్' అనే ప్రత్యేక నిబంధన ఉండేది, ఇప్పుడు దీనిని ఈ నిబంధనలోనే విలీనం చేశారు).కేవలం బంతి స్టంప్స్‌ను తాకకుండా వికెట్లను రక్షించుకునే ఉద్దేశంతో మాత్రమే బ్యాటర్ బంతిని రెండోసారి ఆపే అవకాశం ఉంటుంది. సోంపాల్ కొట్టిన బంతి వికెట్లకు ఎలాంటి ప్రమాదం కలిగించే స్థితిలో లేకపోవడంతో, అంపైర్లు అతడిని అవుట్‌గా ప్రకటించారు.Ever seen this dismissal 👀 🤯 #Cricket https://t.co/XPGyHzHGdu— CREX (@Crex_live) November 10, 2026ఇదీ చదవండి: గిల్ రికార్డును స‌మం చేసిన ఆర్య‌వీర్ సెహ్వాగ్‌శతక్కొట్టిన ఆర్యవీర్‌.. యూఏఈని చిత్తుచేసి సెమీస్‌కు భారత్‌

భారతీయ ఆర్థిక వ్యవస్థలో బంగారానిది ప్రత్యేక స్థానం. సామాన్యుడి నుంచి దేశ కేంద్ర బ్యాంకుల వరకు ప్రతి ఒక్కరూ పసిడిని అత్యంత సురక్షితమైన పెట్టుబడిగా భావిస్తారు. అయితే, గత కొంతకాలంగా బంగారం ధరల్లో వస్తున్న అనూహ్య మార్పులు, హెచ్చుతగ్గులు సర్వత్రా చర్చనీయాంశంగా మారాయి. ఈ ఏడాది ప్రారంభంలో సరికొత్త రికార్డులను సృష్టించిన పసిడి ధరలు తర్వాత కొంతమేర తగ్గినప్పటికీ, ఇంకా గరిష్ట స్థాయిలోనే కొనసాగుతుండటం మార్కెట్‌లో ఆందోళనకు దారితీస్తోంది. ఈ నేపథ్యంలో బంగారం ధరల తాజా మార్పులకు గల అసలు కారణాలను జాతీయ, అంతర్జాతీయ కోణంలో విశ్లేషించడం అవసరం.భౌగోళిక రాజకీయ ఉద్రిక్తతలుప్రపంచ మార్కెట్‌లో బంగారం ధరలను శాసించే ప్రధాన అంశాల్లో భౌగోళిక రాజకీయ ఉద్రిక్తతలు అగ్రస్థానంలో ఉన్నాయి. పశ్చిమాసియాలో నెలకొన్న యుద్ధ వాతావరణం, వివిధ దేశాల మధ్య జరుగుతున్న ఘర్షణలు ప్రపంచ ఆర్థిక వ్యవస్థలో అనిశ్చితిని సృష్టిస్తున్నాయి. ఇలాంటి క్లిష్ట సమయాల్లో ఈక్విటీ మార్కెట్లు, క్రిప్టోకరెన్సీలు లేదా ఇతర రిస్క్‌తో కూడిన పెట్టుబడులపై మదుపరులు వెనుకంజ వేస్తున్నాయి. దీనికి ప్రత్యామ్నాయంగా సేఫ్ హెవెన్ (సురక్షిత ఆస్తి)గా భావించే బంగారం వైపు పెట్టుబడులను భారీగా మళ్లిస్తున్నారు. దీనివల్ల అంతర్జాతీయంగా పసిడికి ఒక్కసారిగా డిమాండ్ పెరిగి ధరలు ఎగబాకుతున్నాయి.సెంట్రల్ బ్యాంకుల కొనుగోళ్లుప్రపంచ వ్యాప్తంగా ఉన్న వివిధ దేశాల కేంద్ర బ్యాంకులు తమ విదేశీ మారకద్రవ్య నిల్వలను వైవిధ్యభరితం చేయడానికి, భవిష్యత్ ఆర్థిక సంక్షోభాలను తట్టుకోవడానికి పెద్ద ఎత్తున బంగారాన్ని కొనుగోలు చేసి నిల్వ చేసుకుంటున్నాయి. వరల్డ్ గోల్డ్ కౌన్సిల్ నివేదికల ప్రకారం, సెంట్రల్ బ్యాంకులు నిరంతరం పసిడిని కొనుగోలు చేస్తుండటం అంతర్జాతీయ మార్కెట్‌లో ధరల పెరుగుదలకు మరో ప్రధాన ఉత్ప్రేరకంగా పనిచేస్తోంది.ఫెడరల్ రిజర్వ్ విధానాలు.. డాలర్ ఇండెక్స్అమెరికా ఫెడరల్ రిజర్వ్ తీసుకునే వడ్డీ రేట్ల నిర్ణయాలు, బాండ్ ఈల్డ్స్, యూఎస్‌ డాలర్ల కదలికలు బంగారం ధరలను ప్రత్యక్షంగా ప్రభావితం చేస్తాయి. అమెరికాలో ద్రవ్యోల్బణం, ఉద్యోగ కల్పన గణాంకాలను బట్టి ఫెడ్ వడ్డీ రేట్లపై నిర్ణయాలు తీసుకుంటుంది. డాలర్ బలపడినప్పుడు లేదా బాండ్ ఈల్డ్స్ పుంజుకున్నప్పుడు అంతర్జాతీయ మార్కెట్లో బంగారం ధరలపై ఒత్తిడి కనిపిస్తుంది. అయితే, మార్కెట్ అంచనాలకు భిన్నంగా వడ్డీ రేట్ల కోత లేదా ఆర్థిక మందగమనం సంభవించినప్పుడు బంగారం మళ్లీ పుంజుకుంటుంది.రూపాయి మారకం విలువభారతదేశం తన అవసరాల కోసం ప్రధానంగా దిగుమతులపైనే ఆధారపడుతుంది. విదేశాల నుంచి దిగుమతి చేసుకునే బంగారానికి అమెరికన్ డాలర్లలోనే చెల్లింపులు జరుగుతాయి. అంతర్జాతీయ మారకంలో యూఎస్ డాలర్‌తో పోలిస్తే భారత రూపాయి విలువ బలహీనపడినప్పుడు దిగుమతి భారం గణనీయంగా పెరుగుతుంది. ఫలితంగా అంతర్జాతీయ మార్కెట్లో ధరలు స్థిరంగా ఉన్నా దేశీయంగా రూపాయి పతనం కారణంగా పసిడి ధరలు మరింత ప్రియమవుతున్నాయి.గ్రామీణ ఆర్థిక పరిస్థితిధరలు రికార్డు స్థాయికి చేరడంతో దేశీయ మార్కెట్లో కొనుగోళ్ల తీరుమారింది. ముఖ్యంగా గ్రామీణ ప్రాంతాల్లో వ్యవసాయాదాయం, రుతుపవనాల ప్రభావం పసిడి డిమాండ్‌పై పడుతుంది. ధరలు చుక్కలనంటడంతో సామాన్యులు, మధ్యతరగతి ప్రజలు ఆభరణాల కొనుగోళ్లకు కొంత దూరంగా ఉంటున్నారు. వరల్డ్ గోల్డ్ కౌన్సిల్ అంచనాల ప్రకారం, గృహోపకరణాల బడ్జెట్‌పై ద్రవ్యోల్బణం చూపుతున్న ప్రభావం కారణంగా దేశీయంగా బంగారం డిమాండ్ కొంత మేర మందగించే ధోరణి కనిపిస్తోంది.ఈరోజు బంగారం ధరలు కింది విధంగా ఉన్నాయి.

తాడేపల్లి: ఏపీ హైకోర్టులో వైఎస్సార్‌సీపీ అధినేత, మాజీ ముఖ్యమంత్రి వైఎస్‌ జగన్‌మోహన్‌రెడ్డి పిటిషన్‌పై విచారణ జరిగింది. పులివెందుల మున్సిపల్‌ ఎన్నికల సందర్భంగా నిరసన తెలిపినందుకు తనపై నమోదు చేసిన కేసును క్వాష్‌ చేయాలని వైఎస్‌ జగన్‌ పిటిషన్‌ వేశారు. ఈ కేసులో తదుపరి చర్యలన్నీ నిలిపేస్తూ హైకోర్టు మధ‍్యంతర ఉత్తర్వులు ఇచ్చింది.

న్యూఢిల్లీ: ప్రముఖ రెస్టారెంట్‌ చైన్‌ సాగర్ రత్నలో ఆహార పరిశుభ్రతపై తీవ్ర విమర్శలు వ్యక్తమవుతున్నాయి. ఢిల్లీలోని అశోక్ విహార్ ప్రాంతంలో ఉన్న ఆ రెస్టారెంట్‌లో ఓ కస్టమర్‌కు వడ్డించిన దోశలో చనిపోయిన బొద్దింక కనిపించింది. దాదాపు దోశ మొత్తం తిన్న తర్వాత ఆలూ మసాలాలో బొద్దింకను గుర్తించినట్లు బాధితుడు వెల్లడించాడు. ఈ ఘటనకు సంబంధించిన వీడియోను సామాజిక మాధ్యమాల్లో పంచుకోవడంతో వైరల్‌గా మారింది.రుషిల్ దత్తా అనే వ్యక్తి నవంబర్ 9న తన కుటుంబంతో కలిసి ఢిల్లీలోని అశోక్ విహార్‌లో ఉన్న సాగర్ రత్న రెస్టారెంట్‌కు వెళ్లాడు. అక్కడ దోశ ఆర్డర్ చేశాడు. దాదాపు భోజనం పూర్తి చేసే సమయంలో దోశలోని ఆలూ మసాలాలో చనిపోయిన బొద్దింక కనిపించింది. దీంతో అతడు తీవ్ర అసహనం వ్యక్తం చేశాడు. ఈ ఘటనను తన ఇన్‌స్టాగ్రామ్ ఖాతాలో వీడియో రూపంలో పంచుకున్నాడు."దోశ దాదాపు మొత్తం తినేశాను. ఇంతలో ఆలూ మసాలాలో బొద్దింక కనిపించింది. అప్పటి నుంచి నాకు అనారోగ్యంగా, చాలా అసహ్యంగా అనిపిస్తోంది" అని రుషిల్ తన పోస్టులో పేర్కొన్నాడు. వీడియోలోనూ రెస్టారెంట్ పేరు, ప్రాంతాన్ని ప్రస్తావించాడు. "ఈరోజు నవంబర్ 9. మేము అశోక్ విహార్‌లోని సాగర్ రత్న రెస్టారెంట్‌లో ఉన్నాం. ఇక్కడ ఆహారంలో బొద్దింక వచ్చింది" అని తెలిపాడు.గతంలోనూ ఇలాంటి ఫిర్యాదు చేశారంటూ..ఈ సందర్భంగా రుషిల్ మరో విషయాన్ని ప్రస్తావించాడు. ఆగస్టు 30న కూడా ఇదే రెస్టారెంట్‌లో తనకు సమీపంలో భోజనం చేస్తున్న మరో వ్యక్తి ఆహారంలో పురుగు కనిపించిందని ఆరోపించాడు. ఈ నేపథ్యంలో రెస్టారెంట్ పరిశుభ్రతపై ప్రశ్నలు లేవనెత్తాడు. "నాకు లేదా నా కుటుంబ సభ్యులకు ఏదైనా వ్యాధి వస్తే ఎవరు బాధ్యత వహిస్తారు? ఇంత దారుణమైన పరిశుభ్రత, తీవ్ర నిర్లక్ష్యం ఏమిటి?" అంటూ ఆగ్రహం వ్యక్తం చేశాడు.ఈ వీడియోపై సామాజిక మాధ్యమాల్లో పలువురు స్పందిస్తున్నారు. రెస్టారెంట్‌లో ఆహార తయారీ, పరిశుభ్రత ప్రమాణాలపై ఆందోళన వ్యక్తం చేస్తున్నారు. కొందరు ఫుడ్ సేఫ్టీ అండ్ స్టాండర్డ్స్ అథారిటీ ఆఫ్ ఇండియా (ఎఫ్‌ఎస్‌ఎస్‌ఏఐ)ను కూడా ట్యాగ్ చేస్తూ చర్యలు తీసుకోవాలని కోరుతున్నారు.అయితే, ఈ ఘటనకు సంబంధించి ప్రస్తుతం కస్టమర్ చేసిన సోషల్ మీడియా ఫిర్యాదే అందుబాటులో ఉంది. ఆరోపణలపై సాగర్ రత్న రెస్టారెంట్ యాజమాన్యం నుంచి అధికారిక స్పందన వెలువడలేదు. ఈ ఫిర్యాదుపై ఆహార భద్రతా అధికారులు విచారణ చేపడతారా? రెస్టారెంట్ యాజమాన్యం ఎలాంటి వివరణ ఇస్తుంది? అన్నది వేచి చూడాలి.दिल्ली के अशोक विहार स्थित Sagar Ratna रेस्टोरेंट में खाने मे कॉकरोच मिलने का मामला सामने आया है। एक युवक ने खाने में कॉकरोच मिलने का वीडियो बनाकर सोशल मीडिया पर शेयर किया, जिसके बाद वीडियो वायरल हो रहा है। #DelhiNews #AshokVihar #SagarRatna #CockroachInFood #ViralVideo https://t.co/s9KOWGMoJT— Journalist Ravendra kumar (@Chhotukingoffi1) November 10, 2026

నితేశ్‌ తివారీ దర్శకత్వంలో తెరకెక్కిన ‘రామాయణ’. మంచి స్పందన అందుకుని బాక్సాఫీస్‌ వద్ద భారీ వసూళ్లు రాబెడుతోంది. అయితే ఇప్పుడు అందరి కన్ను రావణుడి పాత్రలో యశ్‌ కాస్ట్యూమ్స్‌పై పడింది. అవి ఎంత బరువు ఉంటుందని చర్చ మొదలైంది. ఇదే విషయమై తాజాగా డిజైనర్‌ సానియా సర్ధారియా ఆసక్తికర విషయాలు పంచుకున్నారు. ఈ పాత్ర కోసం యశ్‌ ధరించిన దుస్తులు, ఆభరణాల బరువు కోసం ఆమె వెల్లడించారు.‘ఈ సినిమాలో యశ్‌ ధరించిన దుస్తులు, ఆభరణాల బరువు 16 నుంచి 20 కిలోల వరకు ఉంటుంది. లంకకు సంబంధించిన రావణుడి లుక్‌, వివాహ వేడుకల కోసం రూపొందించిన కొన్ని ప్రత్యేక దుస్తుల బరువు మాత్రం 30-33 కిలోల వరకు ఉండేవి. ఆయన ధరించిన కిరీటం ఒక్కటే 1.8 కిలోల బరువు ఉంటుంది’ అని ఆమె తెలిపారు.(ఇదీ చదవండి: ఇష్టం లేకుండా భార్యాభర్తలుగా ఉండడం వేస్ట్‌: తరుణ్‌ భాస్కర్‌)సినిమా విషయానికి వస్తే..రణ్‌బీర్ కపూర్, సాయిపల్లవి సీతారాములుగా నటించిన మూవీ 'రామాయణ. ఈనెల 5న థియేటర్లలో రిలీజైన ఈ సినిమా బాక్సాఫీస్ వద్ద అలరిస్తోంది. ఇప్పటికే ‘రామాయణం’కి ఇండియా వ్యాప్తంగా రూ. 346.35 కోట్ల నెట్ వసూళ్లు రాగా.. రూ. 413.90 గ్రాస్ కలెక్ట్ చేసింది. విదేశాల్లో ఐదో రోజు రామాయణ వసూళ్లతో అదరగొట్టింది. ఓవర్‌సీస్‌లో ఐదో రోజు రూ. 25 కోట్లు రాబట్టింది. ఓవరాల్‌గా ప్రపంచవ్యాప్తంగా రూ. 664 కోట్ల గ్రాస్ సాధించింది. ఈ కలెక్షన్స్‌తో 2026లో ‍అత్యధిక వసూళ్లు రాబట్టిన చిత్రాల జాబితాలో మూడోస్థానంలో నిలిచింది. ఈ మూవీ కంటే ముందు దురంధర్-2(రూ.1852 కోట్లు), జైలర్-2(రూ.821 కోట్లు) ఉన్నాయి. కాగా.. ఈ చిత్రంలో యశ్, రకుల్ ప్రీత్ సింగ్, కాజల్ అగర్వాల్, లారా దత్తా కీలక పాత్రల్లో నటించారు.

అంతర్జాతీయ సమాజంలో భారత్‌ ప్రతిష్టను దిగజార్చేలా సాగుతున్న ఓ వింతైన, ప్రమాదకరమైన కుట్ర తాజాగా వెలుగులోకి వచ్చింది. బంగ్లాదేశ్‌ రాజధాని ఢాకా నగరంలోని అత్యంత వెనుకబడిన, మురికివాడలను ఏకంగా భారత్‌లోని న్యూఢిల్లీ ప్రాంతంగా చూపిస్తూ కొందరు చైనీయులు సామాజిక మాధ్యమాల్లో ప్రత్యక్ష ప్రసారాలు చేస్తుండటం కలకలం రేపుతోంది. ప్రముఖ దినపత్రిక ‘ప్రొథమ్‌ అలో’ బయటపెట్టిన ఈ ఉదంతంపై భారత జాతీయ మీడియా సంస్థలు కథనాలు ప్రచురించాయి.అసలేం జరుగుతోంది?బంగ్లాదేశ్‌ రాజధాని ఢాకాలోని ఉత్తరా, టెక్‌పరా తదితర స్థానిక మురికివాడల్లో వేలాది మంది చైనా దేశస్తులు తిష్టవేశారు. సుమారు 150 మందికి పైగా చైనా వ్లాగర్లు, సోషల్ మీడియా ఇన్‌ఫ్లుయెన్సర్లు ఉదయం నుంచి రాత్రి వరకు ఈ ప్రాంతాల్లోని ఇరుకు సందులు, దుర్భర వాతావరణాన్ని కెమెరాల్లో బందిస్తున్నారు. అయితే, వీరు చైనా సోషల్ మీడియా వేదికలైన ‘వీచాట్‌’, టిక్‌టాక్‌ చైనా వెర్షన్‌ అయిన ‘డౌయిన్‌’ల్లో ఈ వీడియోలను ప్రసారం చేస్తూ.. ఇదంతా న్యూఢిల్లీలోని ప్రాంతమని అక్కడి ప్రేక్షకులను తప్పుదారి పట్టిస్తున్నారు.భారత్‌పై విష ప్రచారం..చైనాలోని తమ ప్రేక్షకులకు భారత్‌పై అత్యంత హేయమైన, తప్పుడు అభిప్రాయాన్ని కలిగించే ఉద్దేశంతో ఈ వ్లాగర్లు ప్రణాళికాబద్ధంగా వ్యవహరిస్తున్నట్లు నివేదికలు స్పష్టం చేస్తున్నాయి. చైనాలోని సిచువాన్‌ ప్రాంతానికి చెందిన ‘మియాన్‌మియాన్‌’ అనే మహిళ నవంబర్‌ 1న ఉత్తరా సెక్టార్‌-12 సమీపంలోని కాలువ గట్టు నుంచి లైవ్‌ ఇస్తూ.. ‘ఇదే న్యూఢిల్లీ. ఇక్కడి ఇళ్లన్నీ చాలా మురికిగా ఉన్నాయి. రేకుల ఇళ్లలో కనీసం ఫ్యాన్లు కూడా ఉండవు. ఈ ప్రాంతం అభివృద్ధి చెందలేదు. అపరిశుభ్రంగా ఉంది. శాంతిభద్రతలు అసలు బాగోలేవు’ అంటూ దుష్ప్రచారం చేశారు.మరో చైనా జాతీయదారుడైన వాంగ్‌ వీ.. స్థానిక టీ కొట్ల వద్దకు వెళ్లి అక్కడ టీ తాగుతున్న వారిని చిత్రీకరిస్తూ.. ఇదిగో వీరు తాగుతోంది గోమూత్రపు టీ అంటూ విద్వేషపూరిత వ్యాఖ్యలు చేశాడు. అంతేకాకుండా, అక్కడి అపరిశుభ్ర వాతావరణాన్ని భారత్‌లోని పరిస్థితులుగా వర్ణిస్తూ చైనా ప్రజలను తప్పుదోవ పట్టించే యత్నం చేశాడు.స్థానికుల తీవ్ర ఆగ్రహం.. ప్రైవసీకి భంగంఈ విదేశీ వ్లాగర్ల తీరుతో స్థానిక బంగ్లాదేశీయులు ఇబ్బందులు ఎదుర్కొంటున్నారు. ఎలాంటి అనుమతులు లేకుండా కొందరు చైనా యూట్యూబర్లు నేరుగా ప్రజల ఇళ్లలోకి, చివరకు బాత్‌రూమ్‌ల్లోకి కూడా కెమెరాలతో చొరబడుతున్నారని స్థానికులు ఆవేదన వ్యక్తం చేస్తున్నారు. ‘మేము ఇళ్లలో సరిగ్గా దుస్తులు ధరించని సమయాల్లోనూ వీరు సడన్‌గా లోపలికి వచ్చి రికార్డింగ్‌లు చేస్తుంటారు. ప్రశ్నిస్తే నవ్వి క్షమాపణ చెప్పి వెళ్లిపోతుంటారు’ అని రోజినా ఖాటూన్‌, పాపియా బేగం అనే స్థానిక మహిళలు ‘ప్రొథమ్‌ అలో’ ప్రతినిధులతో వాపోయారు.అధికారుల మౌనంఈ వ్యవహారంపై ఉత్తరా వెస్ట్‌ పోలీస్‌ స్టేషన్‌ ఆఫీసర్‌ ఇన్‌ఛార్జ్‌ మహమ్మద్‌ ఖాలిద్‌ మన్సూర్‌ స్పందిస్తూ.. చైనా జాతీయదారులు ఆ ప్రాంతంలో విస్తృతంగా వీడియోలు తీస్తున్న విషయం తమ దృష్టికి వచ్చిందని, అయితే వారు ఎందుకు ఈ తప్పుడు ప్రసారాలు చేస్తున్నారనే దానిపై స్పష్టత లేదని తెలిపారు. భాష రాకపోవడం వల్ల వారిని విచారించడంలో తీవ్ర ఇబ్బందులు ఎదురవుతున్నాయని, పైస్థాయి అధికారులకు సమాచారం అందించామని ఆయన వెల్లడించారు.ఇదీ చదవండి: సింగపూర్‌లో 500 టన్నుల భారీ గోల్డ్ వాల్ట్

సాక్షి, హైదరాబాద్‌: తెలంగాణ మహిళా కాంగ్రెస్‌కు నూతన కార్యవర్గం ఏర్పాటైంది. ఆలిండియా మహిళా కాంగ్రెస్‌ అధ్యక్షురాలు అల్కా లాంబ అనుమతి మేరకు రాష్ట్ర మహిళా కాంగ్రెస్‌కు 11 మంది ఉపాధ్యక్షులు, 10 మంది ప్రధాన కార్యదర్శులు, ఐదుగురు కార్యదర్శులను నియమించారు. వీరితో పాటు 22 జిల్లాలకు నూతన అధ్యక్షులను నియమిస్తూ తెలంగాణ మహిళా కాంగ్రెస్‌ అధ్యక్షురాలు ఎర్రబెల్లి స్వర్ణ సోమవారం ఉత్తర్వులు జారీ చేశారు.ఈ ఉత్తర్వుల ప్రకారం బోయలపల్లి రేఖ, అల్లూరి కృష్ణవేణి రెడ్డి, బి.లక్ష్మమ్మ, గాజుల సుకన్య, వేములకొండ పద్మ, మంగన్నగారి సుగుణ, ఆంగోతు సుగుణ, కనపర్తి కుమారి, గంగుల అంజలి యాదవ్, కె.శైలజ, బడ్కె ఇందిరలను ఉపాధ్యక్షులుగా నియమించారు.అస్మా తబుసం, గోచికొండ శ్రీదేవి, గొంగటి బిందు, ఎడ్ల విజయలక్ష్మి, కె.నాగమణిరెడ్డి, ఊటుకూరు దివ్య, టి.సురక్ష, యోగీశ్వరి, వీరబోయిన రజిత, డి.నాగమణిలను ప్రధాన కార్యదర్శులుగా, మౌనిక, చిట్టబోయిన అరుణ, పి.గౌరి, సోమలక్ష్మి, పి.పావనిలు కార్యదర్శులుగా నియమితులయ్యారు.ఇదీ చ‌ద‌వండి: కాంగ్రెస్‌ పార్టీకి కొత్తగా మీడియా కోఆర్డినేటర్లువీరితో పాటు గుమ్మడి శ్రీదేవి (భూపాలపల్లి), కె.సత్యప్రసూన (కరీంనగర్‌), శంభుల ఉషశ్రీ (ఖైరతాబాద్‌), డి.సౌజన్య (ఖమ్మం), జె.పద్మజ (మహబూబాబాద్‌), అర్కల హేమలత (మంచిర్యాల), ఆర్‌.లక్ష్మి (మల్కాజిగిరి), గోపగాని మాధవి (నల్లగొండ), పి.ప్రసన్నరెడ్డి (నారాయణపేట), పి.జ్యోతి (రంగారెడ్డి), కాట సుధారాణి (సంగారెడ్డి), పి.కవిత (సికింద్రాబాద్‌), టి.అనూరాధ (సూర్యాపేట), కె.పార్వతమ్మ (వరంగల్‌), బి.సరళ (అర్బన్‌), గడ్డం రేణుక (సిద్దిపేట), నీలం పద్మ (భువనగిరి), కె.వనిత (సిరిసిల్ల), రజితా యాదవ్‌ (నిజామాబాద్‌), పి.జ్యోతి (కొత్తగూడెం), జ్యోతి (జగిత్యాల), వి.కల్యాణి (జనగామ)లను ఆయా జిల్లాల మహిళా కాంగ్రెస్‌ అధ్యక్షులుగా నియమించారు.

అక్షయ్ లగుసాని, కేయూరి హీరో హీరోయిన్లుగా నటించిన తాజా చిత్రం ‘ఇంకా ఏం అనుకోలేదు’. వంశీ నందిపాటి ఎంటర్టైన్మెంట్స్, ఈటీవీ విన్ సంయుక్తంగా నిర్మించిన ఈ చిత్రంలో , జయకృష్ణ, రావు రమేష్, హర్షవర్థన్‌, అనిత చౌదరి, సుబ్బరాజు తదితరులు ముఖ్య పాత్రలను పోషించారు. ఈ సినిమాని డిసెంబర్ 11న విడుదల చేయబోతోన్నారు. ఈ క్రమంలో ‘మేఘాలు సంద్రంలో’ అంటూ సాగే సాంగ్‌ను లాంచ్ చేశారు. ఈ మేరకు నిర్వహించిన సాంగ్ లాంచ్ ఈవెంట్‌లో..వంశీ నందిపాటి మాట్లాడుతూ .. ‘‘ఇంకా ఏం అనుకోలేదు!’ చిత్రం అందరికీ రిలేట్ అయ్యేలా, కనెక్ట్ అయ్యేలా ఉంటుంది. గిరి, ప్రణయ్ చెప్పిన ఈ కథ నాకు ఎంతో నచ్చింది. ఈ ఇద్దరి పేర్లు ఇండస్ట్రీ కచ్చితంగా గుర్తు పెట్టుకుంటుంది. సింజిత్ అద్భుతమైన పాటల్ని ఇచ్చాడు. అక్షయ్, సింజిత్ మంచి స్నేహితులు. కేయూరికి ఆల్ ది బెస్ట్. ఈటీవి విన్‌తో కలిసి ఈ మూవీని డిసెంబర్ 11న ఆడియెన్స్ ముందుకు తీసుకు వస్తున్నాం. ఈ జర్నీలో సపోర్ట్‌గా నిలిచిన ప్రతీ ఒక్కరికీ థాంక్స్’ అని అన్నారు.దర్శకుడు ప్రణయ్ వల్లూరిపల్లి మాట్లాడుతూ .. ‘‘ఇంకా ఏం అనుకోలేదు!’ చిత్రానికి సింజిత్ మంచి మ్యూజిక్ ఇచ్చారు. అన్ని పాటలు బాగుంటాయి. కిట్టూ మంచి లిరిక్స్ అందించారు. రేహాన్ మంచి విజువల్స్ ఇచ్చారు. అనురాగ్ మంచి మాటలు అందించారు. మా సినిమా డిసెంబర్ 11న రాబోతోంది. అందరికీ నచ్చుతుందని భావిస్తున్నాం’ అని అన్నారు.(చదవండి: డేట్‌ నైట్స్‌పై కరణ్‌ ప్రశ్న.. కియారా ఫన్నీ ఆన్సర్‌, వీడియో వైరల్‌)దర్శకుడు గిరి పెమ్మసాని మాట్లాడుతూ .. ‘‘ఇంకా ఏం అనుకోలేదు!’ సినిమాతో మాకు అవకాశం ఇచ్చిన వంశీ గారికి, ఈటీవీ విన్ టీంకు థాంక్స్. ఇదే మాకు తొలి చిత్రం. సింజిత్ మంచి సంగీతమందించారు. పాటలన్నీ బాగుంటాయి. మున్ముందు మరిన్ని ఈవెంట్లలో ఆడియెన్స్ ముందుకు వస్తాం. మా సినిమా డిసెంబర్ 11న రాబోతోంది’ అని అన్నారు.అక్షయ్ లగుసాని మాట్లాడుతూ .. ‘‘ఇంకా ఏం అనుకోలేదు!’ సినిమాలో ఛాన్స్ ఇచ్చిన వంశీ గారికి, ఈటీవి విన్ టీంకి థాంక్స్. ఈ ఈవెంట్‌కి సింజిత్ హీరో. అతను నా ఫ్లాట్ మేట్. 24 గంటలూ పని చేస్తూనే ఉంటాడు. మా కోసం మంచి పాటల్ని ఇచ్చాడు. మమ్మల్ని ఇలానే సపోర్ట్ చేస్తూ ఉండండి. డిసెంబర్ 11న ఆడియెన్స్ ముందుకు రాబోతోన్నామ’ని అన్నారు.కేయూరి మాట్లాడుతూ .. ‘ఇంకా ఏం అనుకోలేదు!’ చిత్రంలో అవకాశం ఇచ్చిన వంశీ గారికి, ఈటీవి విన్ టీంకు థాంక్స్. నాకు మంచి పాత్రను ఇచ్చిన ప్రణయ్, గిరికి థాంక్స్. అక్షయ్, జైకృష్ణ గురించి మున్ముందు ఈవెంట్లలో మాట్లాడతాను. మేం రిలీజ్ చేసిన పాట అందరికీ నచ్చే ఉంటుందని భావిస్తున్నాను’ అని అన్నారు.

బీజింగ్‌: చైనాలో పరిహారం చెల్లింపుల వివాదం నేపథ్యంలో ఓ వ్యక్తి ఎక్స్‌కవేటర్‌తో ప్రభుత్వ సేవా కేంద్రంపై దాడికి దిగాడు. భవన ప్రవేశ ద్వారాన్ని ధ్వంసం చేయడంతో పాటు కార్యాలయ సముదాయంలోని పలు ప్రాంతాలను ధ్వంసం చేశాడు. దాదాపు గంటపాటు ఈ ఘటన కొనసాగగా.. పోలీసులు అతడిని అదుపులోకి తీసుకున్నారు. ఈ ఘటనలో ఎవరికీ గాయాలు కాలేదని అధికారులు వెల్లడించారు.చైనాలోని వాయవ్య ప్రాంతమైన షాంగ్జీ ప్రావిన్స్‌లో నవంబర్ 9న ఈ ఘటన చోటుచేసుకుంది. జియాన్ నగరంలోని షిషియాన్ న్యూ ఏరియాలో ఉన్న ఫెంగ్‌డాంగ్ న్యూ సిటీ ప్రభుత్వ సేవా కేంద్రంలోకి 47 ఏళ్ల వ్యక్తి ఎక్స్‌కవేటర్‌ను నడుపుకుంటూ దూసుకెళ్లాడు. భవనంలోని మొదటి నంబర్ బ్లాక్ ప్రవేశ ద్వారం వద్ద యంత్రంతో విధ్వంసం సృష్టించాడు.ఈ ఘటనకు సంబంధించిన వీడియోలు సామాజిక మాధ్యమాల్లో వైరల్‌గా మారాయి. వాటిలో ఎక్స్‌కవేటర్‌తో భవన ప్రవేశ మార్గాన్ని, కార్యాలయానికి సంబంధించిన బాహ్య భాగాలను ధ్వంసం చేయడం కనిపిస్తోంది. భవనం మెట్లతో పాటు ప్రధాన నామఫలకం, అద్దాల తలుపులను కూడా యంత్రంతో ఢీకొట్టాడు. కార్యాలయ సముదాయంలోని కనీసం 6 ప్రాంతాలు దెబ్బతిన్నట్లు స్థానిక నివేదికలు వెల్లడించాయి.ఘటన సమయంలో కార్యాలయంలో ఉన్న ఉద్యోగులు, ప్రజలను సురక్షితంగా బయటకు పంపేందుకు అత్యవసర తరలింపు చర్యలు చేపట్టినట్లు అక్కడి ఓ ఉద్యోగి చైనా మీడియాకు తెలిపారు. దీంతో ఎలాంటి ప్రాణనష్టం జరగలేదు. ఈ ఘటనను ప్రత్యక్షంగా చూసిన ఓ వ్యక్తి.. అక్కడున్నవారు తీవ్ర భయాందోళనలకు గురయ్యారని, నిందితుడిని అడ్డుకునేందుకు ఎవరూ ప్రయత్నించలేదని స్థానిక మీడియాకు వివరించారు. అదే రోజు మధ్యాహ్నం తర్వాత కొన్ని సేవా విభాగాలు తిరిగి కార్యకలాపాలు ప్రారంభించాయి.ఇదిలా ఉండగా.. గ్రామస్థుల ఇళ్లను కూల్చివేసినందుకు చెల్లించాల్సిన పరిహారం అందకపోవడంపై నెలకొన్న వివాదమే ఈ ఘటనకు కారణమై ఉండవచ్చని స్థానిక మీడియా కథనాలను ఉటంకిస్తూ అల్‌జజీరా పేర్కొంది. అయితే, ఈ విషయాన్ని అధికారులు అధికారికంగా ధ్రువీకరించలేదు. నిందితుడు ఈ చర్యకు ఎందుకు పాల్పడ్డాడనే కారణాన్ని కూడా వెల్లడించలేదు.ప్రస్తుతం పోలీసులు నిందితుడిని అదుపులోకి తీసుకున్నారు. ఘటనకు అసలు కారణమేంటన్నది అధికారులు చేపట్టిన దర్యాప్తులో తేలాల్సి ఉంది. పరిహారం చెల్లింపుల వివాదానికి, ఈ విధ్వంసానికి మధ్య ఉన్న సంబంధంపై అధికారిక ప్రకటన వెలువడాల్సి ఉంది.

విద్యార్థులకు కొత్త ట్రిక్కులు చదువును వాయిదా వేస్తూ, పరీక్షలకు ముందు ఒకేసారి చదివే వారి కంటే, తమ సమయాన్ని ముందుగానే ప్రణాళిక చేసుకునే విద్యార్థులు ఎప్పుడూ మంచి మార్కులు, గ్రేడ్లు సాధిస్తారన్నది తెలిసిందే. తాజాగా ఇప్పుడు, రోజువారీ పనులలో ‘ఐసెన్‌హోవర్‌ మ్యాట్రిక్స్‌’ ఉపయోగించి వాటి ప్రాధాన్యతను బట్టి అత్యవసరమైనవి, ముఖ్యమైనవి అని వర్గీకరించుకోవడం వల్ల అనవసరమైన గందరగోళం పూర్తిగా తొలిగిపోయి, చదువుకు సమయం దొరుకుతుందని పరిశోధనల్లో వెల్లడైంది.లక్ష్యాల విభజన.. ప్రణాళికఒకేసారి భారీ సిలబస్‌ చూసి ఒత్తిడికి గురికాకుండా, ఆ లక్ష్యాలను చిన్న చిన్న భాగాలుగా విడగొట్టుకోవడం వల్ల భారం చాలా వరకు తగ్గుతుంది. ‘‘మొత్తం అసైన్‌మెంట్‌ ఒక్కరోజే పూర్తి చేయాలి’’ అనే భయానికి బదులుగా ‘‘ఈ రోజు కేవలం 3 ముఖ్యమైన విషయాలు నేర్చుకుందాం’’ అంటూ సులభమైన మూడు అంశాలను ఎంచుకోవడం వల్ల పనులను వాయిదా వేసే అవకాశం ఉండదు. ఈ చిన్న ప్రణాళికలు విద్యార్థులకు ఆత్మవిశ్వాసాన్ని పెంచి, పెద్ద లక్ష్యాలను కూడా సులభంగా సాధించేలా సహకరిస్తాయి.ఏకాగ్రతను పెంచే పద్ధతులుసమయాన్ని మెరుగ్గా ఉపయోగించుకోవడంలో ‘యాక్టివ్‌ టైమ్‌–ట్రాకింగ్‌’ కీలకపాత్ర పోషిస్తుంది. సమయం ఎక్కడ వృథా అవుతుందో గమనించే విద్యార్థులు మెరుగైన ఫలితాలు సాధిస్తారని అధ్యయనాలు నిరూపిస్తున్నాయి. చదువుకునేటప్పుడు ఏకాగ్రతను కోల్పోకుండా ఉండటానికి ‘పోమోడోరో పద్ధతి’ ఎంతగానో దోహదపడుతుంది. ఇందులో 25 నిమిషాల పాటు ఎంతో ఏకాగ్రతతో చదవడం, ఆ తర్వాత 5 నిమిషాల పాటు చిన్న విరామం తీసుకోవడం జరుగుతుంది; దీనివల్ల మెదడు అలసిపోకుండా చురుగ్గా ఉంటుంది.మల్టీటాస్కింగ్‌ నియంత్రణ ఒకే సమయంలో చదువుకుంటూ సోషల్‌ మీడియా చూడటం లేదా ఇతర పనులు చేయడం వంటి మల్టీటాస్కింగ్‌ వల్ల చదువుపై దృష్టి ఉండదు. ఇది మెదడును త్వరగా అలసిపోయేలా చేసి, జ్ఞాపకశక్తిని తగ్గిస్తుంది. కాబట్టి ఎప్పుడూ ఒక సమయంలో ఒకే పనిపై పూర్తి ధ్యాస పెట్టడం విజయానికి తొలిమెట్టుగా భావించాలి. ఏకసమయ దృష్టితో చదివినప్పుడు తక్కువ సమయంలో ఎక్కువ విషయాలను నేర్చుకోవడానికి అవకాశం ఉంటుంది.ఇదీ చ‌ద‌వండి: మాంసం తినండి.. పర్యావరణాన్ని కాపాడండిఆరోగ్యకరమైన దినచర్య కేవలం పుస్తకాల ముందు కూర్చుని టైమ్‌ టేబుల్స్‌ వేసుకోవడమే కాకుండా, ప్రతిరోజూ ఒకే సమయానికి చదవడం లేదా పనులు చేయడం వంటి చక్కటి దినచర్యను అలవాటు చేసుకోవడం చాలా అవసరం. రాత్రివేళల్లో తక్కువ నిద్రపోయే విద్యార్థులలో జ్ఞాపకశక్తి మందగిస్తుందని శాస్త్రీయ అధ్యయనాలు స్పష్టం చేస్తున్నాయి కాబట్టి, శరీరానికి తగినంత నిద్ర చాలా ముఖ్యం. విద్యార్థి అనుసరించే ఏ మంచి నియమం అయినా సందర్భోచితంగా, ప్రత్యేకంగా ఉండాలి. ఇటువంటి చిన్న చిన్న అలవాట్లతో విద్యార్థులు చదువులోనూ, జీవితంలోనూ రాణించవచ్చు. సాక్షి స్పెషల్‌ డెస్క్‌

అండ‌ర్‌-19 ఆసియా క‌ప్‌లో భార‌త బ్యాట‌ర్ ఆర్య‌వీర్ సెహ్వాగ్ స‌రికొత్త చ‌రిత్ర సృష్టించాడు. మంగ‌ళ‌వారం యూఏఈతో జ‌రిగిన మ్యాచ్‌లో ఆర్య‌వీర్ భారీ శ‌త‌కంతో చెల‌రేగిన సంగ‌తి తెలిసిందే. 168 బంతుల్లో 160 ప‌రుగులు చేసిన ఆర్య‌వీర్ ఖాతాలో 17 ఫోర్లు, 7 సిక్స‌ర్లు ఉన్నాయి. తాజాగా చేసిన సెంచ‌రీతో ఆర్య‌వీర్‌.. యూత్ వ‌న్డేల్లో అత్య‌ధిక స్కోరు సాధించిన భార‌త క్రికెట‌ర్ల జాబితాలో చోటు ద‌క్కించుకున్నాడు. ఈ జాబితాలో అంబ‌టి రాయుడు (177 నాటౌట్‌) తొలి స్థానంలో ఉండ‌గా, వైభ‌వ్ సూర్య‌వంశీ (175) రెండో స్థానంలో కొన‌సాగుతున్నాడు. ఇక రాజ్ బ‌వా (162 నాటౌట్‌) మూడో స్థానంలో ఉన్నాడు. ఈ నేప‌థ్యంలో ఇవాళ్టి మ్యాచ్‌లో 160 ప‌రుగులు చేసిన ఆర్య‌వీర్‌.. మ‌యాంక్ అగ‌ర్వాల్ (160), గిల్ (160) సాధించిన ప‌రుగుల రికార్డును స‌మం చేశాడు. 2017లో వాంఖ‌డే వేదిక‌గా ఇంగ్లండ్‌తో జ‌రిగిన యూత్ వ‌న్డేలో గిల్ 160 ప‌రుగులు సాధించ‌గా, 2009లో హోబ‌ర్ట్ వేదిక‌గా ఆస్ట్రేలియాతో జ‌రిగిన యూత్ వ‌న్డేలో మ‌యాంక్ అగ‌ర్వాల్‌160 ప‌రుగులు సాధించాడు.ఇక ఆర్య‌వీర్ శ‌త‌కానికి తోడు వీకే వినీత్ అర్థ‌సెంచ‌రీ చేయ‌డంతో తొలుత బ్యాటింగ్ చేసిన ఇండియా 50 ఓవ‌ర్ల‌లో 7 వికెట్ల న‌ష్టానికి 309 ప‌రుగులు చేసింది. యూఏఈఏ బౌల‌ర్ల‌లో నసీమ్ ఖాన్ 4 వికెట్లు తీయగా, హదయతుల్లా ఖాన్‌, నూరుల్లా అయోబి, అయాన్ మిస్బా త‌లా ఒక వికెట్ ప‌డ‌గొట్టారు. 310 ప‌రుగుల లక్ష్యంతో బ‌రిలోకి దిగిన యూఏఈ జ‌ట్టు నిర్ణీత 50 ఓవ‌ర్ల‌లో 239 ప‌రుగుల‌కు ఆలౌటయ్యింది.యూఏఈ బ్యాట‌ర్ల‌లో అహ్మ‌ద్ ఖుదాదాద్ (74) అర్థ‌సెంచ‌రీ సాధించ‌గా, నూరుల్లా అయోబి (39), య‌యిన్ రాయ్ (29) ప‌ర్వాలేద‌నిపించారు. భార‌త బౌల‌ర్ల‌లో ఇషాన్ సూద్ 4 వికెట్లతో మెరిశాడు. ఈ విజ‌యంతో ఆసియా క‌ప్‌లో భార‌త్ సెమీస్‌కు దూసుకెళ్లింది.ఇదీ చదవండి: శతక్కొట్టిన ఆర్యవీర్‌.. యూఏఈని చిత్తుచేసి సెమీస్‌కు భారత్‌చ‌రిత్ర సృష్టించిన శ్రీలంక బౌల‌ర్‌

అమెరికా: అమెరికా అధ్యక్షుడు డొనాల్డ్‌ ట్రంప్‌నకు ప్రజల నుంచి మరో ఎదురుదెబ్బ తగిలింది. కొంతకాలంగా ఇరాన్‌తో కొనసాగుతున్న యుద్ధానికి ముగింపు పలకాలని, ట్రంప్‌ విధించిన దిగుమతి సుంకాలను రద్దు చేయాలని మెజారిటీ అమెరికన్లు కోరుకుంటున్నట్లు రాయిటర్స్‌-ఇప్సోస్‌ సర్వే వెల్లడించింది.ఇటీవల జరిగిన మధ్యంతర ఎన్నికల్లో డెమొక్రాట్లు సెనేట్‌తో పాటు ప్రతినిధుల సభలోనూ భారీ మెజారిటీ సాధించారు. దాంతో వచ్చే ఏడాది జనవరి 3 నుంచి కొత్త కాంగ్రెస్‌ బాధ్యతలు చేపట్టనుంది. ఈ నేపథ్యంలో నిర్వహించిన సర్వేలో 71 శాతం మంది ఇరాన్‌తో యుద్ధాన్ని ముగించేలా కాంగ్రెస్‌ చట్టం తీసుకురావాలని అభిప్రాయపడ్డారు. వీరిలో ఎక్కువ శాతం మంది డెమొక్రాట్లు, తర్వాత స్థానంలో రిపబ్లికన్లు ఉన్నారు.అలాగే ట్రంప్‌ ప్రభుత్వం విధించిన దిగుమతి సుంకాలను కూడా రద్దు చేయాలని 62 శాతం మంది కోరుకున్నారు. ఇరాన్‌ యుద్ధం కారణంగా ఇంధన ధరలు పెరగడం, దిగుమతి సుంకాలతో నిత్యావసరాల ధరలు అధికమవడం ప్రజలను ఇబ్బందులకు గురిచేస్తున్నాయి. కొత్త కాంగ్రెస్‌ తొలి 100 రోజుల్లో జీవన వ్యయాన్ని తగ్గించే చర్యలకు ప్రాధాన్యం ఇవ్వాలని 90 శాతం మంది అభిప్రాయపడ్డారు.ఇక మరోవైపు ట్రంప్‌ను అభిశంసించే ప్రయత్నం దేశానికి మంచిది కాదని 42 శాతం మంది పేర్కొనగా.. 33 శాతం మంది దానికి మద్దతు తెలిపారు. ట్రంప్‌ ఆమోద రేటింగ్‌ 32 శాతానికి పడిపోయినట్లు సర్వే వెల్లడించింది. డెమొక్రాట్లకు 45 శాతం, రిపబ్లికన్లకు 35 శాతం మంది మాత్రమే సానుకూలంగా ఉన్నారు. అమెరికా దేశ వ్యాప్తంగా 1,705 మంది పెద్దల నుంచి ఆన్‌లైన్‌లో అభిప్రాయాలు సేకరించి ఈ సర్వే నిర్వహించినట్టు సమాచారం.ఇదీ చదవండి: హసీనా బంగ్లాదేశ్‌కు వస్తే ఉరిశిక్ష తప్పదు

సాక్షి, హైదరాబాద్‌: తెలంగాణ‌లో అధికార కాంగ్రెస్‌ పార్టీ పక్షాన విలేకరుల సమావేశాలు నిర్వహించడంతో పాటు టీవీ చానళ్లలో జరిగే చర్చల్లో పాల్గొనేందుకు 16 మంది ప్యానెలిస్టులు నియమితులయ్యారు. టీపీసీసీ అధ్యక్షుడు బి.మహేశ్‌కుమార్‌గౌడ్‌ అనుమతి మేరకు వీరిని ప్యానెలిస్టులుగా నియమిస్తూ మీడియా, పబ్లిసిటీ సెల్‌ చైర్మన్, ఎంపీ చామల కిరణ్‌కుమార్‌రెడ్డి సోమవారం ఉత్తర్వులు జారీ చేశారు.ఈ ఉత్తర్వుల ప్రకారం ప్రభుత్వ విప్‌లు ఆది శ్రీనివాస్, అద్దంకి దయాకర్, వేముల వీరేశం, బీర్ల అయిలయ్య, రాంచంద్రునాయక్, బల్మూరి వెంకట్, ఎమ్మెల్యేలు వంశీకృష్ణ, టీఆర్‌ఆర్, యెన్నెం, రాజ్‌ఠాకూర్, మేడిపల్లి సత్యం, కె.రాజేశ్‌రెడ్డి, మాజీ ఎమ్మెల్యే ఈరవత్రి అనిల్, తేజావత్‌ బెల్లయ్య నాయక్, సామా రామ్మోహన్‌రెడ్డి, ఎస్‌.చరణ్‌కౌశిక్‌ యాదవ్‌లు ప్యానెలిస్టుల జాబితాలో ఉన్నారు.మీడియా చీఫ్‌ కోఆర్డినేటర్‌గా కె.శ్రీకాంత్‌యాదవ్, కన్వీనర్‌గా అవేలీ దామోదర్, కోఆర్డినేటర్లుగా తుమ్మలపద్మ, మొగిలి సత్యారెడ్డిలను నియమించారు. వీరితోపాటు మరో 49 మందిని పార్టీ అధికార ప్రతినిధులుగా నియమించగా, ఇప్పటికే అధికార ప్రతినిధులుగా పనిచేస్తున్న వారికి సీనియర్‌ అధికార ప్రతినిధులుగా పదోన్నతి కల్పిస్తున్నట్టు ఎంపీ చామల జారీ చేసిన ఉత్తర్వుల్లో పేర్కొన్నారు.ఇదీ చ‌ద‌వండి: సింగరేణి ప్రాంతంలో డేటా సెంటర్స్‌

విజయవాడ: పరిషత్‌ ఎన్నికల్లో కూటమి ప్రభుత్వం చేసిన అరాచకాలు, అక్రమాలపై ఎస్‌ఈసీకి ఫిర్యాదు చేసింది వైఎస్సార్‌సీపీ. ఈ రోజు(మంగళవారం, నవంబర్‌ 10వ తేదీ) రాష్ట్ర ఎన్నికల సంఘాన్ని కలిసిన వైఎస్సార్‌సీపీ నేతలు.. ఎంపీటీసీ, జడ్పీటీసీ ఎన్నికల్లో చోటు చేసుకున్న అప్రజాస్వామిక ఘటనలపై ఎస్‌ఈసీకి లిఖిత పూర్వంగా ఫిర్యాదు చేసింది.అనంతరం వైఎస్సార్‌సీపీ లీగల్‌ సెల్‌ అధ్యక్షుడు మనోహర్‌రెడ్డి మీడియాతో మాట్లాడుతూ.. ‘ ఎంపీటీసీ, జడ్పీటీసీ ఎన్నికల్లో ఉన్నత అధికారి నుంచీ కానిస్టేబుల్ దాకా అందరినీ ప్రలోభ పెట్టారు. 2వేలకు పైగా కేంద్రాల్లో ఏజెంట్లను అరెస్టు చేశారు. అధికార ప్రభుత్వం అధికారులను భయపెట్టింది. సుప్రీంకోర్టు ఆదేశాలు బేఖాతరు చేశారు. ఎన్నికల కమిషన్ ఏకపక్షంగా పని చేసింది. ఎన్నికల కమిషన్‌ వైఫల్యం చెందింది. ఇదీ చదవండి: కేసులకు భయపడే ప్రసక్తే లేదు: అంబటి

'పెళ్లి చూపులు', 'ఈ నగరానికి ఏమైంది' సినిమాలతో మంచి గుర్తింపు తెచ్చుకున్న టాలెంటెడ్ డైరెక్టర్ తరుణ్ భాస్కర్. తాజాగా 'ఈ నగరానికి ఏమైంది 2'తో ప్రేక్షకులను పలకరించడానికి మళ్లీ వస్తున్నారు. ఈ చిత్రం నవంబర్ 19న థియేటర్లలో రిలీజ్ కానుంది. ఈ సందర్భంగా ప్రమోషన్స్ స్పీడ్‌ పెంచేశారు. తాజాగా తరుణ్ భాస్కర్.. ఓ ఇంటర్వ్యూలో పెళ్లిపై ఆసక్తికర వ్యాఖ్యలు చేశారు. ఇప్పుడివి వైరల్‌ అవుతున్నాయి.'ఈ నగరానికి ఏమైంది 2' లాగే 'పెళ్లి చూపులు' సినిమాకి సీక్వెల్ కూడా ప్లాన్ చేస్తున్నారా? అని ఓ యాంకర్‌ ప్రశ్నించగా.. 'నాకు ఆ సీక్వెల్ వద్దు. ఈ సినిమాకి వచ్చిన ఒత్తిడికే నేను తట్టుకోలేకపోతున్నా. రిజల్ట్ బాగుండాలని కోరుకుంటున్నా కానీ.. అంచనాలు లేకుండా పని చేయడంలో ఒక హాయి ఉంటుంది. ఇంకా కొన్ని సంవత్సరాలు బతకాలని ఉంది' అని తరుణ్ భాస్కర్ బదులిచ్చారు.ఎవడి చావు వాడు చస్తాడుపెళ్లి, పెళ్లి చూపుల గురించి తరుణ్ భాస్కర్ మాట్లాడుతూ.. 'నా ఉద్దేశ్యంలో ఏ మనిషికైనా సహవాసం ఉండాలి. ఇప్పుడు జెన్ జీ వాళ్లు పెళ్లి మ్యాటర్‌ని.. సిచ్యువేషన్ షిప్ అని ఏదో అంటున్నారు. పెళ్లి అనేది మనం ఇష్టపూర్వకంగా చేసుకునేది. ఎవరైనా కలిసి బతుకుదాం అనుకుంటున్నారంటే వారిని అలాగే ఉండనివ్వండి. వాళ్లు సంతోషంగా ఉంటారు. ఎవడి చావు వాడు చస్తాడు. ఇప్పుడు చాలా కుటుంబాలలో పెళ్లి చేసుకున్న వాళ్లు మాట్లాడుకోకుండా.. ఇష్టం లేకపోయినా కలిసి జీవిస్తూ అవస్థలు పడుతున్నారు. అలాగే జీవితాంతం భరిస్తున్నారు. నేను డివోర్స్ తీసుకోకుండా ఉన్నాను అన్నట్లుగా వ్యవహరిస్తున్నారు. కానీ అదంతా సమయం వృథా అంతే' అని అన్నారు.కాగా విశ్వక్ సేన్, తరుణ్ భాస్కర్ కాంబినేషన్‌లో వస్తున్న చిత్రం ఈఎన్ఈ రిపీట్(ఈ నగరానికి ఏమైంది రిపీట్‌). 2018లో విడుదలైన ‘ఈ నగరానికి ఏమైంది’మూవీకి సీక్వెల్‌గా తెరకెక్కిస్తున్నారు. ఇప్పటికే విడుదలైన మూవీ ట్రైలర్‌ సినిమాపై అంచనాలు పెంచేసింది. (ఇదీ చదవండి: రాజకీయాల్లోకి స్టార్‌ హీరో సూర్య..?)

కాంగ్రెస్ నేత సోనియా గాంధీ తన ఆత్మకథ 'బిలాంగింగ్: ఎ జర్నీ ఆఫ్ లవ్' (Belonging: A Journey of Love) లో 1969లో జరిగిన తన మొదటి సంతానం కోల్పోయిన విషాదకర సంఘటనను పంచుకున్నారు. సోనియా గాంధీ, ఆమె భర్త, మాజీ ప్రధాని రాజీవ్ గాంధీ దంపతులు, పెళ్ళయిన కొద్దికాలానికే ప్రీమెచ్యూర్‌ డెలివరీ కారణంగా బిడ్డను కోల్పోయిన 1969 నాటి ఈ ఘటన తన జీవితంలో చెరిగిపోని జ్ఞాపకంగా మిగిలి పోయిందని సోనియా పేర్కొన్నారు. తన అత్తగారు, మాజీ ప్రధాని ఇందిరాగాంధీ తన అధికారిక పర్యటనలను కుదించుకుని, దుఃఖంలో ఉన్న తమను ఓదార్చడానికి సమయం కేటాయించిన వైనాన్ని కూడా ఆమె గుర్తుచేసుకున్నారు.ఇదీ చదవండి: కష్టాలు, కన్నీళ్లే ఇన్నాళ్లు : చివరికి ‍శ్రుతి జీవితంలో కొత్త వెలుగులు1968 సెప్టెంబరులో సోనియా గర్భవతి అని తెలిసినప్పుడు రాజీవ్, సోనియాతో పాటు అత్తగారైన ఇందిరా గాంధీ ఎంతో సంతోషించారు. నానమ్మను కాబోతున్నానని తెలుసుకున్న ఇందిరా గాంధీ ఆమె ఆహారం (కూరగాయలు, పాలు), వ్యాయామం, కాబోయే పాపాయి దుస్తుల తయారీ వంటి ప్రతి విషయంలో ప్రత్యేక శ్రద్ధ తీసుకునేవారు. ఇంతలో ఏడో నెల ప్రారంభంలో సోనియాకు నొప్పులు రావడంతో ఆసుపత్రిలో చేర్పించారు. జనవరి 18న నెలలు నిండకుండానే ఒక మగబిడ్డ జన్మించాడు. ఇంక్యుబేటర్‌లో ఉంచిన తమ బిడ్డ నల్లటి జుట్టు, సన్నని వేళ్లతో ఎంతో ముద్దుగా ఉన్నాడని సోనియా గుర్తుచేసుకున్నారు. అయితే, బిడ్డ బతికే అవకాశాలు తక్కువగా ఉన్నాయని వైద్యులు చెప్పారు. చివరికి మరుసటి రోజు ఉదయం 6:30 గంటలకు ఆ పసికందు కన్నుమూశాడు. ఈ వార్త విన్న రాజీవ్, సోనియా, ఇందిరాగాంధీ తీవ్రమైన దుఃఖంలో మునిగిపోయారు. ఎప్పుడూ భావోద్వేగాలను బయటపెట్టని రాజీవ్ గాంధీ కూడా కన్నీరుపెట్టుకున్నారని ఆమె రాసుకొచ్చారు.నదిలో కలిపేందుకు నిరాకరణ మెహ్రౌలీ ఫామ్‌హౌస్‌లో దహన సంస్కారాలుఅప్పటి సాంప్రదాయ పద్ధతి ప్రకారం శిశువు మృతదేహాన్ని నదిలో నిమజ్జనం చేయాలన్న ప్రతిపాదనను తాను ఎలా తిరస్కరించిందీ సోనియా పంచుకున్నారు. గతంలో ఓఖ్లా బ్యారేజ్ వద్ద నది నీటిలో శవం కొట్టుకుపోవడం, దాన్ని కుక్కలు లాగడం చూసిన జ్ఞాపకాలు ఆమెను భయాందోళనకు గురిచేశాయి. దాంతో రాజీవ్, ఆయన సోదరుడు సంజయ్ గాంధీ కలిసి మెహ్రౌలీలోని వారి కుటుంబ ఫామ్‌హౌస్‌లోని Bougainvillea చెట్టు కింద శిశువును ఖననం చేయాలని నిర్ణయించారు. అంతేకాకుండా, చాలా కాలం పాటు, తాను , రాజీవ్ ఆ బిడ్డను ఖననం చేసిన బౌగెన్‌విల్లా పొద దగ్గర ప్రతిసారీ ఆగి ఒక పువ్వును ఉంచేవారమిని కూడా ఆమె తెలిపారు.తొలి చూలు బిడ్డను కోల్పోయిన బాధ నుంచి బయటపడటం అంత సులభం కాలేదని, కానీ ఇందిరా గాంధీ, సంజయ్ గాంధీ చూపిన ప్రేమ, ఆదరణ ఎంతో ధైర్యాన్ని ఇచ్చిందని సోనియా గుర్తుచేసుకున్నారు.పత్రికల్లో వార్తలుఊహించని ఈ ఘటనతో సోనియా తీవ్ర మానసిక కుంగుబాటుకు గురయ్యారు. అదే సమయంలో ఒక పత్రిక ఇందిరా అక్రమ సంతానానికి నానమ్మ కావాలనే ప్రయత్నం విఫలమైందనే దారుణ వార్తను ప్రచురించడం ఆమెను మరింత కలచివేసిందని, రాజీవ్‌ ఆమెను ఓదార్చారని రాసుకొచ్చారు. ఆ తర్వాత తేజీ బచ్చన్ (అమితాబ్ బచ్చన్ తల్లి) ఇచ్చిన ఒక కుక్కపిల్ల (రేష్మా)తో సమయం గడపడం, ఇందిరా గాంధీ ఇచ్చిన ధైర్యంతో ఆమె ఆ బాధ నుండి బయటపడ్డానన్నారు. ఆ తర్వాత అక్టోబరు 1969లో ఆమె మళ్లీ గర్భవతి అయ్యారు. పూర్తిస్థాయి బెడ్ రెస్ట్ తీసుకున్న తర్వాత, జూన్ 19, 1970న రాహుల్ గాంధీకి, 72లో ప్రియాంక గాంధీకి జన్మనిచ్చారు.

ఆసియా క‌ప్ అండ‌ర్‌-19 టోర్నీలో భాగంగా భార‌త యువ జ‌ట్టు అద్భుత విజ‌యాన్ని అందుకుంది. అల్ అమెర‌త్ వేదిక‌గా జ‌రిగిన మ్యాచ్‌లో యూఏఈని టీమిండియా 70 ప‌రుగుల తేడాతో చిత్తుగా ఓడించింది. 310 ప‌రుగుల లక్ష్యంతో బ‌రిలోకి దిగిన యూఏఈ జ‌ట్టు నిర్ణీత 50 ఓవ‌ర్ల‌లో 239 ప‌రుగుల‌కు ఆలౌటయ్యింది. యూఏఈ బ్యాట‌ర్ల‌లో అహ్మ‌ద్ ఖుదాదాద్ (74) అర్థ‌సెంచ‌రీ సాధించ‌గా, నూరుల్లా అయోబి (39), య‌యిన్ రాయ్ (29) ప‌ర్వాలేద‌నిపించారు. భార‌త బౌల‌ర్ల‌లో ఇషాన్ సూద్ 4 వికెట్లు తీయ‌గా, మోహిత్ ఉల్వా, మ‌నాల్ చౌహాన్, కావ్యా ప‌టేల్‌, య‌శ్‌బ‌ర్ద‌న్ చౌహాన్ , ఆర్య‌న్ స‌వ్సానీ, అర్జున్ రాజ్‌పుత్ త‌లా ఒక వికెట్ ప‌డ‌గొట్టారు.అంత‌క‌ముందు తొలుత బ్యాటింగ్ చేసిన ఇండియా 50 ఓవ‌ర్ల‌లో 7 వికెట్ల న‌ష్టానికి 309 ప‌రుగులు చేసింది. ఆర్య‌వీర్ సెహ్వాగ్ (160) భారీ శ‌త‌కంతో చెల‌రేగ‌గా, వీకే వినీత్ (67) అర్థ‌సెంచ‌రీ సాధించాడు. యూఏఈఏ బౌల‌ర్ల‌లో నసీమ్ ఖాన్ 4 వికెట్లు తీయగా, హదయతుల్లా ఖాన్‌, నూరుల్లా అయోబి, అయాన్ మిస్బా త‌లా ఒక వికెట్ ప‌డ‌గొట్టారు. సెమీస్‌లో భారత్‌..మూడు మ్యాచ్‌ల్లో రెండు విజయాలు సాధించిన భారత్‌ సెమీస్‌కు దూసుకెళ్లింది. ఇప్పటికే పాకిస్తాన్‌ మూడు విజయాలతో గ్రూప్‌ టాపర్‌గా సెమీస్‌లో అడుగుపెట్టింది. నవంబర్‌ 12న జరగనున్న తొలి సెమీస్‌లో పాకిస్తాన్‌తో బంగ్లాదేశ్‌, రెండో సెమీస్‌లో అఫ్గానిస్తాన్‌తో భారత్‌ తలపడనున్నాయి.ఇదీ చదవండి: IND vs NZ: వర్షం వల్ల ఆట రద్దు.. మ్యాచ్‌ డ్రా చ‌రిత్ర సృష్టించిన శ్రీలంక బౌల‌ర్‌

సాక్షి, న్యూఢిల్లీ: దేశంలో పెరుగుతున్న వాయు కాలుష్యంపై ఏఐసీసీ అధ్యక్షుడు మల్లికార్జున ఖర్గే కేంద్ర ప్రభుత్వంపై తీవ్ర విమర్శలు చేశారు. బీజేపీ పాలనలో కాలుష్య నియంత్రణకు చర్యలు తీసుకోకుండా కేవలం ప్రచార ఆర్భాటాలు, వాగ్దానాలు, నిందారోపణలకే పరిమితమయ్యారని ఆరోపించారు.గతేడాది ఏక్యూఐ కేంద్రాల చుట్టూ నీటిని స్ప్రే చేయగా ఈసారి 36 కేంద్రాల్లో పీఎం2.5 రీడింగ్స్ కనిపించకుండా పోయాయని ఆయన విమర్శించారు. 2019లోనే వాయు కాలుష్యాన్ని ప్రధాన సవాలుగా ప్రధాని మోదీ పేర్కొన్నారనీ, అయితే తన 12 ఏళ్ల పాలనలో ఆశించిన చర్యలు మాత్రం లేవన్నారు.ఢిల్లీలో 2023లో కాలుష్యం కారణంగా ఏకంగా 17,188 మంది మరణించారని, అంతకుముందు 2021లో ఐదేళ్లలోపు పిల్లల్లో 1.69 లక్షల మరణాలు నమోదయ్యాయని గణాంకాలను ప్రస్తావించారు. అంతేకాదు ఢిల్లీలో క్లీన్ ఎయిర్ నిధుల్లో రూ.1,154 కోట్లు ఖర్చు చేయలేదని, అందులో కేవలం 17 శాతం నిధులే వినియోగించారని ఖర్గే పేర్కొన్నారు.కాగా నిధులను పూర్తిస్థాయిలో ఖర్చు చేసి, కాలుష్య ఉద్గారాలను తగ్గించడంతో పాటు నిబంధనలను కూడా కఠినంగా అమలు చేయాలని ఖర్గే డిమాండ్ చేశారు. స్వచ్ఛమైన గాలి ప్రజల ప్రాథమిక హక్కు అని, అది ఎవరో ఇచ్చే వరం కాదని ఆయన స్పష్టం చేశారు. ప్రధాని మోదీ కాలుష్యంపై ప్రజలకు సమాధానం చెప్పాలని ప్రశ్నించారు.ఇదీ చదవండి: రాజీవ్‌ను వేడుకున్నా.. కానీ రాహుల్‌ను అడ్డుకోలేదు: సోనియా

ప్రపంచ చరిత్రలో అత్యంత వేడి నమోదైన నాలుగు సంవత్సరాల్లో ఒకటిగా 2026 నిలవనుందని ప్రపంచ వాతావరణ సంస్థ (డబ్ల్యూఎంఓ) వెల్లడించింది. ఇప్పటికే అత్యధిక ఉష్ణోగ్రతలు నమోదైన 2023, 2024, 2025 సంవత్సరాల సరసన 2026 కూడా చేరనుందని తెలిపింది. సోమవారం విడుదల చేసిన నివేదికలో ఈ విషయాన్ని పేర్కొంది.ఈ ఏడాది జనవరి నుంచి సెప్టెంబర్ వరకు ప్రపంచ సగటు ఉష్ణోగ్రతలు పారిశ్రామికీకరణకు ముందు నాటి (1850–1900 మధ్య) స్థాయితో పోలిస్తే 1.47 డిగ్రీల సెల్సియస్ అధికంగా నమోదైనట్లు నివేదిక వెల్లడించింది. ఈ ఉష్ణోగ్రతలు 2025, 2023 సంవత్సరాల్లో నమోదైన పూర్తి ఏడాది సగటు స్థాయుల కంటే ఎక్కువగా ఉన్నాయి. అత్యంత వేడి సంవత్సరంగా రికార్డులకెక్కిన 2024లో నమోదైన సగటు ఉష్ణోగ్రతతో పోలిస్తే మాత్రమే కొంత తక్కువగా ఉన్నాయని వివరించింది.సంవత్సరం ప్రారంభంలో ఏర్పడిన లా నినా పరిస్థితులు తాత్కాలికంగా ఉష్ణోగ్రతలను తగ్గించాయని నివేదిక తెలిపింది. లా నినా ప్రభావంతో ప్రపంచ సగటు ఉష్ణోగ్రతలు సాధారణంగా 0.1 నుంచి 0.2 డిగ్రీల సెల్సియస్ వరకు తగ్గుతాయి. అయితే జూన్ నాటికి ఎల్ నినో పరిస్థితులు ఏర్పడటంతో ఈ చల్లదనం ప్రభావం తిరగబడింది. ఆగస్టు చివరి నాటికి ఎల్ నినో తీవ్రత మరింత పెరగడంతో ప్రపంచవ్యాప్తంగా ఉష్ణోగ్రతలు పెరిగాయని వివరించింది.ఈ ఏడాది నైరుతి రుతుపవనాల సమయంలో ఎల్ నినో ప్రభావంతో భారత్‌లోని పలు ప్రాంతాల్లో సాధారణం కంటే తక్కువ వర్షపాతం నమోదైంది. తూర్పు, మధ్య పసిఫిక్ మహాసముద్ర ఉపరితల జలాలు సాధారణం కంటే వేడెక్కే పరిస్థితినే ఎల్ నినో అంటారు. ఇది సాధారణంగా కొన్ని సంవత్సరాలకు ఒకసారి ఏర్పడుతుంది. భారత్‌లో వర్షపాతం తగ్గడానికి కూడా ఈ పరిస్థితి కారణమవుతుందని భావిస్తారు. ఈ నేపథ్యంలో ఆంధ్రప్రదేశ్, మహారాష్ట్ర రాష్ట్రాలు కరువు పరిస్థితులను ప్రకటించి, నీటి సంరక్షణ చర్యలు చేపట్టాయి.ఎల్ నినో ప్రభావం 2027 ప్రారంభం వరకు కొనసాగవచ్చని అంచనా వేస్తున్నారు. ఇది రికార్డుల్లో అత్యంత బలమైన ఎల్ నినో పరిస్థితుల్లో ఒకటిగా మారే అవకాశం ఉందని ప్రపంచ వాతావరణ సంస్థ ప్రధాన కార్యదర్శి సెలెస్టే సౌలో తెలిపారు.“ప్రస్తుతం కొనసాగుతున్న ఎల్ నినో రికార్డుల్లో అత్యంత బలమైన వాటిలో ఒకటిగా మారుతుందని అంచనా. సముద్రం నుంచి విడుదలయ్యే వేడి 2027 వరకు అధిక ఉష్ణోగ్రతలు, తీవ్ర వాతావరణ పరిస్థితులకు కారణమవుతుంది” అని ఆమె పేర్కొన్నారు.ఎల్ నినో ప్రభావంఎల్ నినో ప్రపంచ సగటు ఉష్ణోగ్రతలను 0.1 నుంచి 0.2 డిగ్రీల సెల్సియస్ వరకు పెంచుతుందని నివేదిక తెలిపింది. 2026లో మిగిలిన కాలంతో పాటు 2027 ప్రారంభం వరకు అసాధారణ స్థాయిలో ఉష్ణోగ్రతలు నమోదయ్యే అవకాశం ఉందని హెచ్చరించింది. జనవరి నుంచి సెప్టెంబర్ వరకు నమోదైన సగటు ఉష్ణోగ్రతల కంటే 2026 పూర్తి ఏడాది సగటు మరింత ఎక్కువగా ఉండవచ్చని పేర్కొంది.మరోవైపు, ఈ ఏడాది భారత్‌లో నమోదైన వడగాలులను ప్రధాన తీవ్ర వాతావరణ పరిణామాలుగా నివేదిక గుర్తించింది. ఏప్రిల్ 2026లో వచ్చిన వడగాలుల కారణంగా దేశంలో సుమారు 14.65 కోట్ల మంది తీవ్ర వేడికి గురైనట్లు వెల్లడించింది.ప్రపంచవ్యాప్తంగా ఇటువంటి తీవ్ర వాతావరణ పరిస్థితులు ప్రజల ప్రాణాలు, జీవనోపాధిపై ప్రభావం చూపుతున్నాయని, ఆహార భద్రతను దెబ్బతీస్తూ పేదరికాన్ని మరింత పెంచుతున్నాయని నివేదిక హెచ్చరించింది. అంతేకాకుండా ప్రజలు తమ నివాస ప్రాంతాలను విడిచిపెట్టి వెళ్లాల్సిన పరిస్థితులు కూడా ఏర్పడుతున్నాయని తెలిపింది. వచ్చే ఏడాది వరకు ఎల్ నినో ప్రభావం కొనసాగనున్న నేపథ్యంలో ఉష్ణోగ్రతలు, వర్షపాతం, తీవ్ర వాతావరణ పరిణామాలపై ప్రపంచ దేశాలు అప్రమత్తంగా ఉండాల్సిన అవసరం ఉంది.

బాలీవుడ్‌ క్యూట్‌ జోడి కియారా అద్వానీ–సిద్ధార్థ్‌ మల్హోత్రా తొలిసారి ‘కాఫీ విత్‌ కరణ్‌’ సీజన్‌ 9లో కలిసి సందడి చేశారు. ఈ ఎపిసోడ్‌ బుధవారం రాత్రి 7 గంటలకు జియోహాట్‌స్టార్‌లో స్ట్రీమింగ్‌ కానుంది. తాజాగా ఈ ఎపిసోడ్‌కు సంబంధించిన ప్రోమో విడుదలై.. సోషల్‌ మీడియాలో వైరల్‌గా మారింది. ముఖ్యంగా డేట్‌ నైట్స్‌పై కియారా చేసిన సరదా వ్యాఖ్య ఆకట్టుకుంటోంది.అబ్‌ బస్‌ హో గయాపెళ్లి తర్వాత కూడా డిన్నర్‌ పూర్తయ్యాక డేట్‌ నైట్స్‌ కొనసాగిస్తారా? అని హోస్ట్‌ కరణ్‌ జోహార్‌ ఈ జంటను ప్రశ్నించాడు. దీనికి కియారా తన బేబీ బంప్‌ను చూపిస్తూ ‘అబ్‌ బస్‌ హో గయా’ (ఇక చాలు) అంటూ నవ్వుతూ సమాధానం ఇచ్చింది. ఆమె సమాధానంతో అక్కడ నవ్వులు పూశాయి. దీనిపై సిద్ధార్థ్‌ కూడా సరదాగా స్పందించాడు. తమ వృత్తికి సంబంధించిన విషయాలను ఇంటికి తీసుకురావాలని తాము అనుకోవడం లేదని, ముఖ్యంగా బెడ్‌రూమ్‌లోకి మాత్రం వాటిని తీసుకురామని చెప్పాడు.(చదవండి: 'అలా చేయడం అమానుషం'.. రేణు దేశాయ్ పోస్ట్ వైరల్)ఈ సందర్భంగా తమ పెళ్లికి సంబంధించిన ఆసక్తికర విషయాలను కరణ్‌ జోహార్‌తో ఈ జంట పంచుకుంది. పెళ్లిలో కరణ్‌ ఏ పాటకు డ్యాన్స్‌ చేశాడో చెప్పాలంటూ కియారా అతడిని ఆటపట్టించింది. అలాగే నటుడు షాహిద్‌ కపూర్‌ తనతో కలిసి స్టేజ్‌పైకి వచ్చాడని, ఆ తర్వాత కరణ్‌ అతడిని స్టేజ్‌ నుంచి దించేశాడని గుర్తుచేసుకుంది.కాగా.. కియారా, సిద్ధార్థ్‌ తమ రెండో బిడ్డ కోసం ఎదురుచూస్తున్నారు. రెండోసారి ప్రెగ్నెన్సీ అయిన విషయాన్ని అక్టోబర్‌ 7న ఈ జంట అధికారికంగా ప్రకటించింది. 2025లో వీరికి తొలి సంతానంగా కుమార్తె జన్మించింది.

రావ‌ల్పిండి వేదిక‌గా పాకిస్తాన్‌తో జ‌రుగుతున్న తొలి టెస్టులో శ్రీలంక బౌల‌ర్ అసిత‌ ఫెర్నాండో చ‌రిత్ర సృష్టించాడు. 29 ఏళ్ల ఫెర్నాండో మ్యాచ్‌లో త‌యాబ్ ఆరిఫ్‌, స‌ల్మాన్ అగా వికెట్లు తీసి వంద వికెట్ల మార్క్‌ను పూర్తి చేసుకున్నాడు. ఈ నేప‌థ్యంలో అసిత‌ ఫెర్నాండో లంక దిగ్గ‌జ బౌల‌ర్ ల‌సిత్ మ‌లింగ రికార్డును బ‌ద్ద‌లుకొట్ట‌డం విశేషం. శ్రీలంక త‌ర‌ఫున టెస్టుల్లో అత్యంత వేగంగా వంద వికెట్లు పూర్తి చేసుకున్న ఫాస్టెస్ట్ బౌల‌ర్‌గా అసితా ఫెర్నాండో నిలిచాడు. కేవ‌లం 29 మ్యాచ్‌ల్లోనే ఈ ఫీట్ సాధించిన ఫెర్నాండో ఒక్క మ్యాచ్ త‌క్కువ తేడాతో మ‌లింగను (30 మ్యాచ్‌లు) అధిగ‌మించ‌డం విశేషం. ఇక లంక త‌ర‌ఫున టెస్టుల్లో వేగంగా వంద వికెట్ల మైలురాయిని చేరుకున్న‌ జాబితాలో మాత్రం అసిత‌ ఫెర్నాండో.. మ‌రో స్పిన్న‌ర్ రంగ‌నా హెరాత్ (29 మ్యాచ్‌లు)తో క‌లిసి నాలుగో స్థానంలో కొన‌సాగుతున్నాడు. ఇక లంక తరఫున టెస్టుల్లో వంద వికెట్ల మార్క్‌ దాటిన పదో బౌలర్‌గా, ఐదో ఫాస్ట్‌ బౌలర్‌గా అసిత ఫెర్నాండో నిలిచాడు.లంక త‌ర‌ఫున వేగంగా 100 వికెట్ల మార్క్ అందుకున్న బౌల‌ర్లు17 - ప్రబాత్ జయసూర్య25 - దిల్‌రువాన్ పెరీరా27 - ముత్తయ్య మురళీధరన్29 - రంగనా హెరాత్, అసిత ఫెర్నాండో*30 - లసిత్ మలింగ2021లో సౌతాఫ్రికాతో జ‌రిగిన టెస్టు మ్యాచ్ ద్వారా అంత‌ర్జాతీయ టెస్టు క్రికెట్‌లో అరంగేట్రం చేసిన అసిత ఫెర్నాండో అన‌తికాలంలోనే లంక ప్ర‌ధాన పేస‌ర్‌గా ఎదిగాడు. 2024లో 9 మ్యాచ్‌ల్లోనే 37 వికెట్లు ప‌డ‌గొట్టి బెస్ట్ ప్ర‌ద‌ర్శ‌న న‌మోదు చేసిన ఫెర్నాండో.. 29 మ్యాచ్‌ల్లో 48 ఇన్నింగ్స్‌ల్లో 3.48 ఎకాన‌మీ రేటుతో 100 వికెట్ల మార్క్‌ను చేరుకున్నాడు.ఇక మ్యాచ్ విష‌యానికొస్తే.. రెండో రోజు ఆట ముగిసే స‌మ‌యానికి శ్రీలంక జ‌ట్టు 27.1 ఓవ‌ర్ల‌లో 3 వికెట్ల న‌ష్టానికి 114 ప‌రుగులు చేసింది. క‌మిందు మెండిస్ (40), ధ‌నంజ‌య డిసిల్వా (22) క్రీజులో ఉన్నారు. పాక్ బౌల‌ర్ల‌లో స‌కీబ్ ఖాన్ రెండు వికెట్లు తీశాడు. ప్ర‌స్తుతం లంక 320 ప‌రుగులు వెనుక‌బ‌డి ఉంది. అంత‌క‌ముందు పాకిస్తాన్ త‌మ తొలి ఇన్నింగ్స్‌ను 9 వికెట్ల న‌ష్టానికి 434 ప‌రుగుల వ‌ద్ద డిక్లేర్ చేసింది. సాద్ ష‌కీల్ (93) స‌హా ఐదుగురు పాక్ బ్యాట‌ర్లు అర్థ‌సెంచ‌రీల‌తో మెరిశారు.💯 Test Wickets in the Lion’s jersey! 🇱🇰⚡ Massive congratulations to Asitha Fernando on achieving this major milestone in Rawalpindi! 🙌🔥 #PAKvSL #SriLankaCricket https://t.co/x7aQO6xHki— Sri Lanka Cricket 🇱🇰 (@OfficialSLC) November 10, 2026 Asitha Fernando becomes the tenth Sri Lanka bowler to a century of Test wickets 👏 #WTC27 | 📝: https://t.co/gCTbicB831 https://t.co/xDCqHjJsVg— ICC (@ICC) November 10, 2026ఇదీ చదవండి: కెప్టెన్‌గా ఫిక్స్‌!.. హింట్ ఇచ్చిన న్యూజిలాండ్‌ కెప్టెన్‌పెళ్లి తర్వాత మా తొలి దీపావళి

భారతీయ వ్యవసాయ పరిశోధనా మండలి (ఐకార్‌) చేపట్టిన పరిశోధనలు దేశంలోని ఆక్వాకల్చర్ రంగంలో సరికొత్త అధ్యాయానికి శ్రీకారం చుట్టాయి. పెరుగుతున్న జనాభా అవసరాలకు తగినట్లుగా మత్స్య సంపదను పెంపొందించడంలో కీలకమైన చేపల దాణా ఖర్చులను తగ్గించే దిశగా శాస్త్రవేత్తలు సాంకేతికతను అభివృద్ధి చేశారు. రోజువారీగా వ్యర్థాలుగా పడేసే సేంద్రీయ పదార్థాలను (ఆర్గానిక్‌ వేస్ట్‌) శుద్ధి చేసి అత్యధిక ప్రొటీన్లు కలిగిన నాణ్యమైన చేపల దాణాగా మార్చవచ్చని ఐకార్‌ అధికార వర్గాలు స్పష్టం చేశాయి.దాణా కొరతకు చెక్‌ప్రస్తుతం చేపల పెంపకంలో దాణా ఖర్చు దాదాపు 60 శాతానికి పైగా ఉంటోంది. సోయాబీన్, చేపల మీల్ వంటి సాంప్రదాయ ప్రొటీన్ వనరుల ధరలు విపరీతంగా పెరుగుతుండటంతో రైతులు ఆర్థికంగా తీవ్ర ఇబ్బందులు ఎదుర్కొంటున్నారు. ఈ నేపథ్యంలో ఐకార్‌ శాస్త్రవేత్తలు ప్రత్యామ్నాయ మార్గాలపై దృష్టి సారించారు. నగరాలు, పరిశ్రమలు, వ్యవసాయ-ఆహార రంగాల నుంచి వెలువడే సేంద్రీయ వ్యర్థాలను శాస్త్రీయ పద్ధతిలో పునరుద్ధరించి చేపలకు కావలసిన సమతుల్య పోషకాలు, ప్రొటీన్లు ఉండేలా ఈ కొత్త దాణా ఫార్ములాను రూపొందించారు.పర్యావరణ పరిరక్షణఈ సాంకేతికత కేవలం దాణా ఖర్చులను తగ్గించడమే కాకుండా పర్యావరణ పరిరక్షణలోనూ ప్రధాన పాత్ర పోషిస్తోంది. గతంలో నిరుపయోగంగా పడేయడం ద్వారా కాలుష్యానికి కారణమవుతున్న సేంద్రీయ వ్యర్థాలను సద్వినియోగం చేసుకుంటున్నారు. దీని ద్వారా ‘సర్క్యులర్ ఎకానమీ’ లక్ష్యాలను సాకారం చేయవచ్చు. వ్యర్థాల నిర్వహణ సమస్యకు పరిష్కారం లభించడంతో పాటు మత్స్య రైతుల ఉత్పత్తి వ్యయం గణనీయంగా తగ్గి లాభాలు పెరుగుతాయని నిపుణులు విశ్లేషిస్తున్నారు.ఇదీ చదవండి: సింగపూర్‌లో 500 టన్నుల భారీ గోల్డ్ వాల్ట్

ఒక స్కూలులో దశాబ్దాల పాటు స్వీపర్‌గా చేసిన మహిళ అరుదైన గౌరవం దక్కింది. అమెరికాలోని టెక్సాస్ రాష్ట్రంలో 39 ఏళ్ల పాటు స్కూల్ ఆయాగా సేవలుందించిన ఒక మహిళ గౌరవార్థం, ఏకంగా ఒక పాఠశాలకే ఆమె పేరును నామకరణం చేయడం విశేషంగా నిలుస్తోంది.టెక్సాస్‌లోని ఓబ్రీ ఇండిపెండెంట్ స్కూల్ డిస్ట్రిక్ట్ (Aubrey ISD), 39 సంవత్సరాల పాటు స్కూలులో (custodian) పని చేసిన 76 ఏళ్ల మరిలిన్ హాంప్టన్ (Marilyn Hampton) గౌరవార్థం కొత్త ప్రాథమిక పాఠశాలకు "మరిలిన్ హాంప్టన్ ఎలిమెంటరీ స్కూల్" (Marilyn Hampton Elementary School) అని పేరు పెట్టింది. 1983 నుండి 2022 వరకు దాదాపు 39 ఏళ్ల పాటు పనిచేశారు. హాంప్టన్ తన విధుల్లో భాగమైన స్కూల్ పరిశుభ్రతతో పాటు, విద్యార్థులతో ఎంతో ఆప్యాయంగా ఉండేవారు. ఆర్థిక ఇబ్బందుల్లో ఉన్న పిల్లలకు అవసరమైన పెన్నులు, పుస్తకాలు, భోజనం కోసం డబ్బులు ఇవ్వడం, హోమ్‌వర్క్‌లో సహాయం చేయడం, వారి చిన్న చిన్న తగాదాలను తీర్చడం వంటి పనులు చేసేవారు. అందుకే ఆమెను అంతా ప్రేమగా "స్కూల్ హెల్పర్" అని పిలుచుకునేవారు.For nearly 40 years, Marilyn Hampton went above and beyond to help students in Texas. Now, the retired school janitor is getting a lasting tribute: a new elementary school named in her honor. https://t.co/8YUQ49KF77— CBS Evening News with Tony Dokoupil (@CBSEveningNews) November 10, 2026 ఒక సాధారణ స్కూల్ బోర్డ్ మీటింగ్ అనుకుని వచ్చిన హాంప్టన్ ముందు 'మెరిలిన్ హాంప్టన్ ఎలిమెంటరీ స్కూల్' అని ఉన్న రెడ్ కార్పెట్‌ను ఆవిష్కరించమని అడగడంతో భావోద్వేగానికి లోనయ్యారు. కొత్త స్కూల్‌కు ఆమె పేరు పెట్టాలని బోర్డు సభ్యులందరూ ఏకగ్రీవంగా నిర్ణయించారు. ఇదీ చదవండి: అరుణా రాయ్‌ భర్త, బంకర్‌ రాయ్‌ కన్నుమూత"సాధారణంగా ఆయాల పేర్లు స్కూళ్లకు పెట్టరు. అలాంటి వారిని ఎవరూ పట్టించుకోరు. కానీ నా పేరు పెట్టడం చాలా సంతోషంగా ఉంది" అని ఆమె భావోద్వేగానికి గురయ్యారు. చిన్నతనంలో తను కూడా తీవ్ర పేదరికం అనుభవించడం వల్లే పిల్లలకు సహాయం చేయడానికి ముందుండేదాన్నని ఆమె తెలిపారు. ఈ కొత్త పాఠశాల వచ్చే ఏడాది ఆగస్టులో టెక్సాస్‌లోని ఓబ్రీలో ప్రారంభం కానుంది. ఇదీ చదవండి: కష్టాలు, కన్నీళ్లే ఇన్నాళ్లు : చివరికి ‍శ్రుతి జీవితంలో కొత్త వెలుగులు

న్యూజిలాండ్‌- భారత్‌ ‘ఎ’ జట్ల మధ్య మూడో అనధికారిక టెస్టులో ఆఖరిదైన నాలుగో రోజు ఆట ఒక్క బంతి కూడా పడకుండానే రద్దైపోయింది. వర్షం వల్ల మంగళవారం నాటి ఆట తుడిచిపెట్టుకుపోవడంతో ఈ మ్యాచ్‌ కూడా డ్రా అయింది. కాగా న్యూజిలాండ్‌తో రెండు టెస్టుల సిరీస్‌ ఆడేందుకు టీమిండియా అక్కడికి వెళ్లగా.. ఇందుకు సన్నాహకంగా భారత్‌- కివీస్‌ ‘ఎ’ జట్లు ముందుగా మూడు మ్యాచ్‌ల అనధికారిక టెస్టు సిరీస్‌లో పాల్గొన్నాయి.భారత్‌ భారీ స్కోరుతొలి రెండు మ్యాచ్‌లు డ్రా కాగా.. ఇరుజట్ల మధ్య లిన్‌కోన్‌ వేదికగా శనివారం మూడో అనధికారిక టెస్టు మొదలైంది. టాస్‌ గెలిచిన ఆతిథ్య న్యూజిలాండ్‌ జట్టు తొలుత బౌలింగ్‌ ఎంచుకోగా.. భారత్‌ బ్యాటింగ్‌ చేసింది. ఓపెనర్లలో యశ​స్వి జైస్వాల్‌ మరోసారి శతకం (102)తో అలరించగా.. సాయి సుదర్శన్‌ భారీ హాఫ్‌ సెంచరీ (88) సాధించాడు. వన్‌డౌన్ బ్యాటర్‌ దేవదత్‌ పడిక్కల్‌ (15) నిరాశపరచగా.. కెప్టెన్‌ ధ్రువ్‌ జురెల్‌ (71), తిలక్‌ వర్మ (81 నాటౌట్‌) హాఫ్‌ సెంచరీలతో రాణించారు.ఇక రవీంద్ర జడేజా 25 పరుగులతో ఫర్వాలేదనిపించగా.. వాషింగ్టన్‌ సుందర్‌ అర్ధ శతకం (50)తో నాటౌట్‌గా నిలిచాడు. ఈ క్రమంలో ఐదు వికెట్ల నష్టానికి 464 పరుగుల భారీ స్కోరు వద్ద భారత జట్టు తమ మొదటి ఇన్నింగ్స్‌ డిక్లేర్‌ చేసింది. న్యూజిలాండ్‌ బౌలర్లలో జాక్‌ గిబ్సన్‌ రెండు వికెట్లు పడగొట్టగా.. జారోడ్‌ మెకాయ్‌, కామెరాన్‌ పాల్‌, డనురు ఫెర్న్స్‌ తలా ఒక వికెట్‌ తమ ఖాతాలో వేసుకున్నారు. అనంతరం కివీస్‌ తమ మొదటి ఇన్నింగ్స్‌ మొదలుపెట్టగా.. భారత పేసర్‌ ప్రసిద్‌ కృష్ణ ఆదిలోనే దెబ్బకొట్టాడు.రెండు వికెట్ల నష్టానికి 36 పరుగులుఓపెనర్లలో రైస్‌ మరియును డకౌట్‌ చేసిన ప్రసిద్‌ కృష్ణ.. కర్టిస్‌ హీపీని 19 పరుగుల వ్యక్తిగత స్కోరు ఉండగా వికెట్ల ముందు దొరకబుచ్చుకున్నాడు. దీంతో ఆదివారం నాటి రెండో రోజు ఆట పూర్తయ్యేసరికి న్యూజిలాండ్‌ 14 ఓవర్లలో రెండు వికెట్ల నష్టానికి 36 పరుగులు చేసింది. డీన్‌ ఫాక్స్‌క్రాఫ్ట్‌ 10, జాక్‌ గిబ్సన్‌ ఒక పరుగుతో క్రీజులో నిలిచారు. అయితే, సోమవారం నాటి మూడో రోజు ఆట వర్షం వల్ల రద్దైపోయింది. మంగళవారం కూడా వాన తెరిపినివ్వకపోవడంతో ఒక్క బంతి కూడా పడకుండానే మ్యాచ్‌ డ్రాగా ముగిసిపోయింది.జడ్డూ, బుమ్రాకు ప్రాక్టీస్‌ఇదిలా ఉంటే.. గాయం నుంచి కోలుకుని రీఎంట్రీ ఇచ్చిన ప్రసిద్‌ కృష్ణ రెండు వికెట్లతో సత్తా చాటగా.. సీనియర్‌ ఆల్‌రౌండర్‌ రవీంద్ర జడేజా, ప్రధాన పేసర్‌ జస్‌ప్రీత్‌ బుమ్రాకు కాస్త మ్యాచ్‌ ప్రాక్టీస్‌ దొరికింది. బుమ్రా ఆరు ఓవర్ల బౌలింగ్‌లో పదకొండు పరుగులు ఇచ్చి వికెట్‌ తీయలేకపోయాడు. జడ్డూ ఆరో స్థానంలో బ్యాటింగ్‌కు వచ్చి 25 పరుగులు చేయగలిగాడు.ఇదీ చదవండి: జట్టు ప్రకటన.. కెప్టెన్‌గా పృథ్వీ షా!.. మరి రుతురాజ్‌?

ఢాకా: బంగ్లాదేశ్ మాజీ ప్రధాని షేక్ హసీనాకు ఆ దేశ అంతర్జాతీయ నేరాల ట్రైబ్యునల్ చీఫ్ ప్రాసిక్యూటర్ అమీనుల్ ఇస్లాం కీలక హెచ్చరిక చేశారు. హసీనా తిరిగి బంగ్లాదేశ్‌కు వస్తే ఆమె మరణశిక్ష తీర్పును ఎదుర్కోవాల్సిందేనని స్పష్టం చేశారు. హసీనాకు ఇక మరో మార్గం లేదని ఆయన వ్యాఖ్యానించారు.2024 ఆగస్టులో బంగ్లాదేశ్‌లో జరిగిన ప్రజా ఉద్యమం నేపథ్యంలో అధికారాన్ని కోల్పోయిన హసీనా భారత్‌కు వచ్చిన విషయం తెలిసిందే. నిరసనకారులపై జరిగిన అణచివేతకు సంబంధించి మానవత్వానికి వ్యతిరేకంగా నేరాలకు పాల్పడ్డారనే ఆరోపణలతో ట్రైబ్యునల్ ఆమెకు మరణశిక్ష విధించింది.డిసెంబర్‌లో స్వదేశానికి తిరిగి వెళ్లాలని భావిస్తున్నట్లు గతంలోనే హసీనా ప్రకటించారు. అంతేకాదు అవసరమైతే కోర్టులో లొంగిపోయేందుకు కూడా సిద్ధమని రాయిటర్స్‌కు తెలిపారు. ఈ క్రమంలో సోమవారం ఢిల్లీలోని బంగ్లాదేశ్ హైకమిషన్‌కు తనకు కొత్త పాస్‌పోర్టు, జాతీయ గుర్తింపు కార్డు జారీ చేయాలని లండన్‌కు చెందిన తన న్యాయవాదుల ద్వారా ఆమె లేఖ పంపించారు.అయితే ఈ అభ్యర్థనను బంగ్లాదేశ్ ప్రభుత్వం తిరస్కరించింది. మరణశిక్ష పడిన వ్యక్తికి ప్రయాణ పత్రాలు జారీ చేయడానికి చట్టపరమైన అవకాశం లేదని ప్రాసిక్యూటర్ అమీనుల్ ఇస్లాం పేర్కొన్నారు. నిజంగా స్వదేశానికి రావాలనుకుంటే భారత ప్రభుత్వాన్ని సంప్రదించి, భారత్‌-బంగ్లాదేశ్‌ మధ్య ఉన్న అప్పగింత ఒప్పందం ప్రకారం తనను అప్పగించాలని కోరాలని సూచించారు.ఇక మరోవైపు బంగ్లాదేశ్ విదేశాంగ శాఖ సహాయ మంత్రి హుమాయున్ కబీర్ కూడా హసీనా తిరిగి రావడానికి అప్పగింత ఒప్పందమే ఏకైక మార్గమని స్పష్టం చేశారు. కాగా ఈ వ్యవహారంతో భారత్‌-బంగ్లాదేశ్‌ మధ్య ఇప్పటికే ఉన్న దౌత్య సంబంధాల ఉద్రిక్తత మరింత పెరిగే అవకాశం కనిపిస్తోందని నిపుణులు చెబుతున్నారు.ఇదీ చదవండి: ఇజ్రాయెల్‌లో కీలక పదవులపై ప్రతిపక్షాల ఒప్పందం

కోలీవుడ్‌ ఇండస్ట్రీలో హీరోలు రాజకీయాల్లోకి ఆసక్తి చూపుతున్నారు. ఇప్పటికే సొంతంగా పార్టీ పెట్టి తమిళనాడు ముఖ్యమంత్రిగా బాధ్యతలు స్వీకరించారు విజయ్‌ దళపతి. మరోవైపు హీరో ధనుష్ కూడా పొలిటికల్‌ ఎంట్రీకి సిద్ధమవుతున్నట్లు వార్తలు వస్తున్నాయి. తాజాగా ఈ జాబితాలోకి హీరో సూర్య పేరు కూడా వినిపిస్తోంది. అయితే వార్తలపై సూర్య తనదైన శైలిలో స్పందించారు.‘నేను రాజకీయాల్లోకి రావడం లేదు. అలా అని రాజకీయాలంటే ద్వేషం లేదు. ప్రస్తుతం రాజకీయాలన్నీ గమనిస్తున్నా.. యువత రాజకీయాలపై పూర్తి అవగాహనతో ముందుకు వెళ్లాలి. రాజకీయ నాయకులు కూడా విద్యకు అధిక ప్రాధాన్యత ఇవ్వాలి. పూర్తి అంకితభావంతో ఎవరైనా రాజకీయాల్లోకి రావొచ్చు. ప్రస్తుతం నేను మాత్రం రాజకీయాల్లోకి రాను’ అని సూర్య క్లారిటీ ఇచ్చారు.సినిమాల విషయానికి వస్తే.. సూర్య హీరోగా వచ్చిన లేటేస్ట్ మూవీ సీన్. ఈ సినిమా దీపావళి సందర్భంగా థియేటర్లలో రిలీజైంది. జీతు మాధవన్ దర్శకత్వం వహించిన ఈ చిత్రం నవంబర్ 6న బాక్సాఫీస్ బరిలో నిలిచింది. ఈ సినిమాకు మొదటి రోజే పాజిటివ్ రెస్పాన్స్ రావడంతో వసూళ్లపరంగా దూసుకెళ్తోంది. కేవలం నాలుగు రోజుల్లోనే ప్రపంచవ్యాప్తంగా రూ. 150 కోట్ల మార్క్ చేరుకుంది.(ఇదీ చదవండి: నాగార్జునకి ఉన్న దమ్ము ఎవరికీ లేదు: రామ్‌ చరణ్‌)

ఓటీటీలు వచ్చాక సినీ ప్రియులకు ఎంటర్‌టైన్‌మెంట్‌కు కొదువ లేకుండా పోయింది. సరికొత్త సినిమాలు, వెబ్ సిరీస్‌లు విభిన్నమైన కంటెంట్‌తో ప్రేక్షకుల ముందుకొస్తున్నారు. ఈ నేపథ్యంలో మరో సరికొత్త వెబ్ సిరీస్‌ ప్రేక్షకుల ముందుకు వచ్చేందుకు సిద్ధమైంది. ఈ నెల 20 నుంచి జీ5 వేదికగా స్ట్రీమింగ్ కానుంది. ‍అయితే కేవలం హిందీలో మాత్రమే అందుబాటులోకి రానుంది. నేటి యువతను దృష్టిలో ఉంచుకుని ఈ సిరీస్‌ను తెరకెక్కించారు.బాలీవుడ్‌లో వస్తోన్న సరికొత్త బోల్డ్, రొమాంటిక్ సిరీస్ టీన్ బిగడా. ఈ సిరీస్‌ను ముగ్గురు యువతీ, యువకుల జీవితం ఆధారంగా రూపొందించారు. ఒకరికీ మ్యూజిక్ అంటే పిచ్చి.. అలాగే మరొకరికి క్రికెట్ అంటే ప్రాణంగా జీవిస్తుంటారు. అలాంటి వీరి జీవితంలో అనుకోకుండా వచ్చిన ప్రెగ్నెన్సీ గందరగోళంలోకి నెట్టేస్తుంది. ఆ తర్వాత వాళ్ల లైఫ్‌లో ఎలాంటి పరిణామాలు చోటు చేసుకున్నాయన్నదే ఈ సిరీస్ స్టోరీ. కాగా.. ఈ సిరీస్‌లో ప్రసన్న బిష్త్ ప్రధాన పాత్రలో నటించారు. Cricket ka passion, music ka junoon, par zindagi ne liya ek unexpected turn! #TeenTigada - Premiering on 20th November, only on Hindi Zee 5. #PrasannaBisht #DaneshRaizvi #RichaYamini #Streetlampentertainment #ScreamDreams #SarthakNakul https://t.co/B7AzkiZ6pT— Zee 5 (@Zee5_Official) November 9, 2026

తాడేపల్లి: వైఎస్సార్‌సీపీ అధినేత, మాజీ ముఖ్యమంత్రి వైఎస్‌ జగన్‌మోహన్‌రెడ్డి గత పాలనలో పెట్టుబడులు, అభివృద్ధి, సంక్షేమం పెద్ద ఎత్తున జరిగాయని పార్టీ అధికార ప్రతినిధి పుత్తా శివశంకర్ గుర్తుచేశారు. అంతకుముందు చంద్రబాబు పాలనలో ఏఈఐ (ఆక్సెస్ ఈక్వాలిటీ ఇండెక్స్) 10వ ప్లేసులో ఉందని, ఆ తర్వాత వైఎస్‌ జగన్ ప్రభుత్వం వచ్చాక నం.3 ప్లేస్‌కు వచ్చిందని తెలిపారు.చంద్రబాబు ఇప్పుడు దాన్ని తన గొప్పతనంగా చెప్పుకుంటున్నారని పుత్తా శివశంకర్ విమర్శించారు. బాబు పాలనలో రాష్ట్ర ఆదాయాలు పూర్తిగా తగ్గిపోయాయని తెలిపారు. రోజుకు రూ.450 కోట్ల చొప్పున చంద్రబాబు అప్పు చేస్తున్నారని, ఇప్పటికే రాష్ట్రంపై రూ.11 లక్షల కోట్ల అప్పుల భారం మోపారని చెప్పారు. ఒక్కొక్కరిపై దాదాపు రూ.2.11 లక్షల చొప్పున భారం పడిందని తెలిపారు. వైఎస్‌ జగన్ పాలనలో ఈజ్ ఆఫ్ డూయింగ్ బిజినెస్‌లో నంబర్ 1 ప్లేసులో ఉందని, కానీ ఇప్పుడు 8వ ప్లేసుకు పడిపోయిందని మండిపడ్డారు. అంటే రాష్ట్రంలో పెట్టుబడి పెట్టడం శ్రేయస్కరం కాదని పారిశ్రామిక వేత్తలు భయపడుతున్నారని వివరించారు. చంద్రబాబు, లోకేశ్‌ దెబ్బకు పారిశ్రామిక వేత్తలు పారిపోతున్నారని అన్నారు. అయినప్పటికీ 20 లక్షల మందికి ఉద్యోగాలు ఇచ్చామంటూ పచ్చి అబద్దాలు చెబుతున్నారని తెలిపారు. స్థానిక ఎన్నికల ఎఫెక్టుతో డైవర్షన్ రాజకీయాలు చేస్తున్నారని చెప్పారు.

ఐపీఎల్ 2027 సీజ‌న్‌కు సంబంధించి ముంబై ఇండియ‌న్స్ కెప్టెన్‌గా రోహిత్ శ‌ర్మ తిరిగి ఎంపిక‌వ్వ‌నున్నాడంటూ కొంత‌కాలంగా రూమ‌ర్లు వ‌స్తున్నాయి. ఇప్ప‌టికే హార్దిక్ పాండ్యా ట్రేడింగ్‌లో వేరే జ‌ట్టుకు వెళ్ల‌నుండ‌డంతో ముంబై కెప్టెన్సీ స్లాట్ ఖాళీ కానుంది. ఈ నేప‌థ్యంలో గ‌తంలో ముంబై ఇండియన్స్‌ను ఐదుసార్లు చాంపియ‌న్‌గా నిలిపిన హిట్‌మ్యాన్‌కే మ‌రోసారి ప‌గ్గాలు అప్ప‌జెప్పాల‌ని ముంబై ఇండియన్స్ ఒక ఆలోచ‌న చేస్తున్న‌ట్లు స‌మాచారం. ఇప్ప‌టివ‌ర‌కు ముంబై కెప్టెన్ ఎవ‌ర‌న్న‌ది జ‌ట్టు యాజ‌మాన్యం అధికారిక ప్ర‌క‌ట‌న చేయ‌న‌ప్ప‌టికీ, న్యూజిలాండ్ కెప్టెన్ మిచెల్ సాంట్న‌ర్ రోహిత్‌కు కెప్టెన్సీ హింట్ ఇచ్చిన‌ట్లు తెలుస్తోంది. దీనికి సంబంధించిన వీడియో సోష‌ల్ మీడియాలో వైర‌ల్‌గా మారింది. ప్ర‌స్తుతం కివీస్ ప‌ర్య‌ట‌న‌లో ఉన్న టీమిండియా వ‌న్డే సిరీస్ ఆడుతోంది. ఇవాళ హామిల్ట‌న్ వేదిక‌గా జ‌ర‌గాల్సిన మూడో వ‌న్డే వ‌ర్ష‌ర్ప‌ణ‌మ‌యిన సంగ‌తి తెలిసిందే. ఒక్క బంతి కూడా ప‌డ‌కుండానే మ్యాచ్ ర‌ద్ద‌యిన‌ట్లు అంపైర్లు ప్ర‌క‌టించారు. దీంతో డగౌట్‌లో ఇరుజ‌ట్ల ఆట‌గాళ్లు సంప్ర‌దాయంగా షేక్ హ్యాండ్స్‌ ఇచ్చుకున్నారు. ఈ క్ర‌మంలో రోహిత్ శ‌ర్మ కివీస్ కెప్టెన్ మిచెల్ సాంట్న‌ర్ వ‌ద్ద‌కు రాగానే.. హిట్‌మాన్‌తో చేతులు క‌లిపిన సాంట్న‌ర్‌.. ‘‘హ‌లో కెప్టెన్’’ అని ప‌ల‌కరించాడు. దీనికి రోహిత్ బ‌దులుగా ‘‘థ్యాంక్స్ మ్యాన్’’ అని పేర్కొన‌డం ఆస‌క్తి క‌లిగించింది. ఐపీఎల్‌లో మిచెల్ సాంట్న‌ర్ కూడా ముంబై ఇండియ‌న్స్‌కు ఆడుతున్న సంగ‌తి తెలిసిందే. దీంతో ముంబై ఇండియన్స్ అధికారిక ప్ర‌క‌ట‌న చేయ‌న‌ప్ప‌టికీ, సాంట్న‌ర్ మాత్రం ముంబై కెప్టెన్ రోహిత్ శ‌ర్మేనంటూ హింట్ ఇవ్వ‌డం ఆలోచ‌న‌లో ప‌డేసింది. అయితే కొంతమంది మాత్రం వారిద్దరు మాట్లాడిన మాటలను వాయిస్‌ మార్ఫింగ్‌ చేశారని తమ అభిప్రాయాన్ని వెల్లడించారు.ఇందులో నిజ‌మెంత అనేది ప‌క్క‌న‌బెడితే, సాంట్న‌ర్ హింట్‌తో రోహిత్ అభిమానులు మాత్రం ఉబ్బిత‌బ్బిబ‌వుతున్నారు. ఎలాగూ 2027 వ‌న్డే ప్ర‌పంచ‌క‌ప్ అనంత‌రం రోహిత్ శ‌ర్మ అంత‌ర్జాతీయ కెరీర్‌కు వీడ్కోలు ప‌ల‌క‌నుండ‌డంతో, ఐపీఎల్‌కు కూడా గుడ్‌బై చెబుతాడ‌ని ప్ర‌చారం జ‌రుగుతోంది. అన్నీ కుదిరితే మాత్రం రోహిత్ శ‌ర్మ తన చివ‌రి ఐపీఎల్ సీజ‌న్‌లో ముంబై ఇండియ‌న్స్‌కు కెప్టెన్సీ నిర్వ‌హిస్తే చూడాల‌ని ఉంద‌ని అభిమానులు కామెంట్లు చేశారు.ఇక న్యూజిలాండ్‌తో జ‌ర‌గనున్న వ‌న్డే సిరీస్‌లో రోహిత్ శ‌ర్మ పెద్ద‌గా ఆక‌ట్టుకోలేదు. తొలి వ‌న్డేలో డకౌట్ అయిన రోహిత్ రెండో వ‌న్డేలో 23 ప‌రుగులు చేసి ఔట‌య్యాడు. కివీస్‌తో సిరీస్ ముగిసిన త‌ర్వాత రోహిత్ స్వ‌దేశంలో లంక‌తో వ‌న్డే సిరీస్ ఆడ‌నున్నాడు. వ‌చ్చే ఏడాది జ‌న‌వ‌రిలో జింబాబ్వేతో వ‌న్డే సిరీస్‌కు ముందు రోహిత్ దేశ‌వాళీ టోర్నీ విజ‌య్ హ‌జారే ట్రోఫీలో ముంబై త‌ర‌ఫున ప్రాతినిధ్యం వ‌హించ‌నున్నాడు.Rohit Sharma: “Mitchi” Mitchell Santner: “Hello, skipper” Rohit: “Thanks, man” It’s now almost confirmed that Rohit Sharma will be leading Mumbai Indians. Feel for that one fanbase that will now claim Santner is also Rohit’s PR just because he called him “skipper.” 😭 https://t.co/CWlqateOvr— Rohan💫 (@rohann__45) November 10, 2026ఇదీ చదవండి: లంకతో తొలి టెస్టు.. పాక్ బ్యాట‌ర్ చెత్త రికార్డుధోని రికార్డు బ‌ద్ద‌లుకొట్టిన కోహ్లి

జెరూసలేం: ఇజ్రాయెల్‌లో కొత్త ప్రభుత్వ ఏర్పాటుకు ఇప్పటికే రాజకీయ కసరత్తు ముమ్మరమైంది. ఈ క్రమంలో గాడి ఐసెన్‌కోట్ ప్రతిపక్ష నేతలతో కీలక ఒప్పందం కుదుర్చుకున్నారు. నఫ్తాలి బెన్నెట్, యైర్ గోలన్, అవిగ్డోర్ లీబర్‌మన్, యైర్ లాపిడ్‌లతో చర్చించి 26వ నెస్సెట్‌లో కీలక పదవులకు అభ్యర్థులను ఖరారు చేశారు. నెస్సెట్ స్పీకర్ పదవికి మాజీ మంత్రి మతన్ కహానాను ఆయన ప్రతిపాదించారు.హౌస్ కమిటీ ఛైర్మన్‌గా రాయ్ ఫోల్క్‌మన్, విదేశీ వ్యవహారాలు, రక్షణ కమిటీ ఛైర్మన్‌గా అవిగ్డోర్ లీబర్‌మన్, ఆర్థిక కమిటీ ఛైర్‌పర్సన్‌గా లిరాన్ అవిసార్ బెన్-హోరిన్ పేర్లను ఖరారు చేసినట్లు ఐసెన్‌కోట్ వెల్లడించారు. ఈ వారంలో కమిటీల కూర్పును కూడా పూర్తి చేసి వచ్చే బుధవారం నెస్సెట్ ఆమోదానికి సమర్పించనున్నారు.ప్రభుత్వ ఏర్పాటుకు 28 రోజుల గడువునవంబర్ 8న అధ్యక్షుడు ఐజాక్ హెర్జోగ్ ప్రభుత్వ ఏర్పాటుకు ఐసెన్‌కోట్‌కు అవకాశం ఇచ్చారు. 67 మంది ఎంపీలు ఆయనకు మద్దతు తెలపగా, 46 మంది ఎంపీలు ప్రస్తుత ప్రధాని బెంజమిన్ నెతన్యాహుకు మద్దతు ప్రకటించారు. మిగిలిన ఏడుగురు ఎంపీలు ఎవరికీ మద్దతు ఇవ్వలేదు.ప్రభుత్వ ఏర్పాటుకు ఐసెన్‌కోట్‌కు 28 రోజుల గడువు ఉంది. ఒకవేళ అవసరమైతే అధ్యక్షుడు ఆ గడువును మరో 14 రోజులు పొడిగించవచ్చు. అయితే 120 మంది సభ్యులున్న నెస్సెట్‌లో ప్రభుత్వ ఏర్పాటుకు 61 మంది సభ్యుల మద్దతు అవసరం. అయితే ఐసెన్‌కోట్ కూటమికి 48 స్థానాలు ఉండగా, నెతన్యాహు నేతృత్వంలోని కూటమికి 53 స్థానాలు ఉన్నాయి. దీంతో ఇతర పార్టీల మద్దతు కీలకంగా మారింది. దేశంలో జాతీయ అత్యవసర ప్రభుత్వాన్ని వీలైనంత త్వరగా ఏర్పాటు చేస్తామని ఐసెన్‌కోట్ ప్రకటించారు. ఇందుకోసం సంప్రదాయానికి భిన్నమైన రాజకీయ నిర్ణయాలు కూడా తీసుకోవాల్సి ఉంటుందని ఆయన పేర్కొన్నారు.ఇదీ చదవండి: రాజీవ్‌ను వేడుకున్నా.. కానీ రాహుల్‌ను అడ్డుకోలేదు: సోనియా

Bunker Roy passed away సామాజిక కార్యకర్త, విద్యావేత్త 'బేర్‌ఫుట్ కాలేజీ' (Barefoot College) వ్యవస్థాపకుడు సంజీత్ 'బంకర్' రాయ్ (81) ఇకలేరు. రాజస్థాన్‌లోని తిలోనియాలో ఉన్న తన నివాసంలో మంగళవారం ఉదయం తుదిశ్వాస విడిచారు. ప్రముఖ హక్కుల పోరాటకర్త అరుణా రాయ్ భర్త బంకర్‌ రాయ్‌. కుటుంబ సభ్యుల సమక్షంలో ఉదయం 6:15 గంటలకు ఆయన ప్రశాంతంగా కన్నుమూసినట్లు కుటుంబ సభ్యులు తెలిపారు. మంగళవారం సాయంత్రం 4 గంటలకు రాజస్థాన్‌లోని తిలోనియాలో ఆయన అంత్యక్రియలు నిర్వహించనున్నారు.ఎవరీ బంకర్ రాయ్డెహ్రాడూన్‌లోని అగ్రశ్రేణి డూన్ స్కూల్, ఢిల్లీలోని సెయింట్ స్టీఫెన్స్ కాలేజీ పూర్వ విద్యార్థి అయిన రాయ్, సివిల్ సర్వీస్‌లో ఉజ్వల భవిష్యత్తు ఉన్న వృత్తిని వదులుకుని, రాజస్థాన్ ఎడారి రాష్ట్రంలోని టిలోనియాలో, నీటి కొరతతో తీవ్రంగా బాధ పడుతున్న 100 గ్రామాలలో తాగునీటి, సాగునీటి కోసం బావులు తవ్వే పనిని చేపట్టారు. అలాగే కరువుతో అల్లాడుతున్న బిహార్ గ్రామాన్ని సందర్శించిన తర్వాత, మహాత్మా గాంధీ గ్రామీణ స్వయంసమృద్ధి ఆలోచనల స్ఫూర్తితో 1972లో 'సోషల్ వర్క్ అండ్ రీసెర్చ్ సెంటర్' అనే గ్రామీణాభివృద్ధి సంస్థను ప్రారంభించారు. గ్రామీణ భారతదేశంలోని ప్రజలకు ప్రాథమిక ఇంజనీరింగ్, వైద్య నైపుణ్యాలలో శిక్షణనిచ్చి, వారు స్వయంసమృద్ధి సాధించేలా ప్రోత్సహించారు. ఈ సంస్థే తర్వాత కాలంలో బేర్‌ఫుట్ కాలేజీగా ప్రసిద్ధి చెందింది. దలైలామా, ప్రిన్స్ చార్లెస్, బిల్ క్లింటన్ వంటి ప్రముఖుల ప్రశంస లందుకుంది. 1945లో జన్మించిన బంకర్‌ రాయ్‌ 1965లో భారత జాతీయ స్క్వాష్ ఛాంపియన్‌గా నిలిచారు. మూడు ప్రపంచ స్క్వాష్ చాంపియన్‌సిప్‌లో భారతదేశానికి ప్రాతినిధ్యం వహించారు. చదువురాని గ్రామీణ మహిళలకోసం సౌర శక్తి (Solar Power) ఇంజనీరింగ్‌లో శిక్షణ ఇచ్చి ప్రపంచ దృష్టిని ఆకర్షించారు. వీరి ప్రతిభకు ముచ్చటపడి ఆఫ్రికా దేశాలు సైతం ఈ మహిళల సేవలను వినియోగించుకున్నాయి.‍ గ్రామీణాభివృద్ధికి ఆయన చేసిన సేవలకు గాను 2010లో 'టైమ్' (Time) మ్యాగజైన్ ప్రపంచంలోనే అత్యంత ప్రభావవంతమైన 100 మంది వ్యక్తుల జాబితాలో ('థింకర్స్' విభాగంలో) ఆయనకు చోటు కల్పించింది. ఆయన చేసిన సేవలకు గాను 1986లో భారత ప్రభుత్వం ఆయనకు పద్మశ్రీ ప్రదానం చేసింది. బంకర్ రాయ్ భార్య అరుణా రాయ్ ప్రముఖ సామాజిక కార్యకర్త,మాజీ ఐఏఎస్ అధికారిణి. భారతదేశంలో చారిత్రాత్మక సమాచార హక్కు చట్టం (RTI - 2005) రావడంలో ఆమె కీలక పాత్ర పోషించారు.ఇదీ చదవండి: కష్టాలు, కన్నీళ్లే ఇన్నాళ్లు : చివరికి ‍శ్రుతి జీవితంలో కొత్త వెలుగులుపలువురి సంతాపం దీంతో పలువురు ప్రముఖులు రాజకీయ నాయకులు, జర్నలిస్టులు రాయ్ మరణం పట్ల సంతాపం వ్యక్తం చేశారు. భారత సమాజంలోని బలహీన వర్గాలకు విద్యను అందించడంలో,సాధికారత కల్పించడంలో ఆయన చేసిన కృషిని స్మరించుకున్నారు. ఐదు దశాబ్దాలకు పైగా ఆయన గ్రామీణ వర్గాల సాధికారత కోసం, అసమానతలకు వ్యతిరేకంగా పోరాడారు. ఆయన జీవితం భవిష్యత్తు తరాలకు స్ఫూర్తిగా నిలుస్తుంది సీపీఏ నేత రాజా నివాళులర్పించారు. గాంధీజీ సిద్ధాంతాలను అక్షరాలా ఆచరించిన కొద్దిమంది నాయకులలో బంకర్ రాయ్ ఒకరు. పేదవారు సమస్య కాదు, వారి వద్ద కూడా అద్భుతమైన జ్ఞానం ఉంటుందని నిరూపించిన వ్యక్తి అంటూ ప్రొఫెసర్ అమితాబ్ మత్తూ తన సంతాపాన్ని వెలుబుచ్చారు.

భారత క్రికెట్‌ దిగ్గజం సచిన్‌ టెండుల్కర్‌ ఇంట దీపావళి సంబరాలు ఘనంగా జరిగాయి. భార్య అంజలితో కలిసి సచిన్‌ లక్ష్మీ పూజ చేశాడు. ఇందుకు సంబంధించిన వీడియోను అభిమానులతో పంచుకున్నాడు.మరోవైపు.. సచిన్‌- అంజలిల కుమారుడు అర్జున్‌ తన భార్య సానియాతో కలిసి పండుగ సెలబ్రేట్‌ చేసుకున్నాడు. పెళ్లైన తర్వాత మా తొలి దీపావళి అంటూ అర్జున్‌ సతీమణి సానియా ఇన్‌స్టాగ్రామ్‌ వేదికగా ఫొటోలు షేర్‌ చేయగా.. వైరల్‌గా మారాయి.ఇక సచిన్‌ కుమార్తె సారా టెండుల్కర్‌ స్నేహితులతో పండుగ చేసుకున్న ఫొటోలను పంచుకుంది. ఇదిలా ఉంటే.. నవంబరు 10న తన సతీమణి అంజలి పుట్టినరోజును పురస్కరించుకుని.. ఆమెతో కలిసి దిగిన ఫొటోను పంచుకున్న సచిన్‌ భావోద్వేగ క్యాప్షన్‌ జతచేశాడు.‘‘ఇల్లంటే కాస్త ఎక్కువ ఇష్టం ఉంటుంది. అందులో నువ్వు ఉంటావు కాబట్టే ఇలా!.. హ్యాపీ బర్త్‌డే అంజలి’’ అని సచిన్‌ భార్యకు శుభాకాంక్షలు తెలియజేశాడు. ఇక సారా సైతం.. ‘‘నా ఆత్మబంధువుకు పుట్టినరోజు శుభాకాంక్షలు. నేను చేసే ప్రతీ పనిలో నువ్వు నా భాగస్వామివే. నీవల్లే నేనున్నా’’ అని తల్లికి విషెస్‌ చెప్పింది.కాగా ప్రేమించి పెళ్లిచేసుకున్న సచిన్‌- అంజలి దంపతులకు కుమార్తె సారా, కుమారుడు అర్జున్‌ సంతానం. ఈ ఏడాదే ముంబైలోని సంపన్న వ్యాపార కుటుంబానికి చెందిన సానియా చందోక్‌ను వివాహమాడాడు. అయితే, అర్జున్‌ అక్క సారా మాత్రం ఎంటర్‌ప్రెన్యూర్‌గా రాణిస్తూ పెళ్లి ఊసెత్తడం లేదు.Laxmi Pujan at our home. An evening of prayers, traditions and blessings. 🙏🏻 🪔 https://t.co/kFwtSO22da— Sachin Tendulkar (@sachin_rt) November 8, 2026

భారతీయ కార్పొరేట్ దిగ్గజాల్లో అగ్రగామిగా ఉన్న టాటా గ్రూప్‌నకు మాతృ సంస్థ అయిన ‘టాటా సన్స్‌’ పబ్లిక్ ఇష్యూ (ఐపీఓ), స్టాక్‌ మార్కెట్ లిస్టింగ్‌ అంశం ప్రస్తుతం దేశ ఆర్థిక వర్గాల్లో చర్చనీయాంశమైంది. రిజర్వ్‌ బ్యాంక్ ఆఫ్‌ ఇండియా నిబంధనల ప్రకారం అప్పర్ లేయర్ ఎన్‌బీఎఫ్‌సీ జాబితాలో చేరిన టాటా సన్స్‌ను స్టాక్‌ మార్కెట్‌లో బలవంతంగా లిస్ట్ చేయించాలనే నిర్ణయంపై భిన్నాభిప్రాయాలు వ్యక్తమవుతున్నాయి.అప్పర్‌ లేయర్‌ ఎన్‌బీఎఫ్‌సీ హోదాఆర్‌బీఐ స్కేల్-బేస్డ్ రెగ్యులేషన్ (ఎస్‌బీఆర్‌) ఫ్రేమ్‌వర్క్ కింద టాటా సన్స్‌ను ‘అప్పర్‌ లేయర్‌ ఎన్‌బీఎఫ్‌సీ’గా వర్గీకరించిన విషయం తెలిసిందే. నిబంధనల ప్రకారం ఈ కేటగిరీ కిందకు వచ్చే ఏ సంస్థయినా నిర్ణీత కాలవ్యవధిలోగా స్టాక్‌ ఎక్స్ఛేంజ్‌ల్లో పబ్లిక్‌ లిస్టింగ్ పూర్తి చేయాలి. అయితే, టాటా సన్స్‌ తన అప్పులన్నీ తీర్చి క్లీన్‌ బ్యాలెన్స్ షీట్‌ను కలిగి ఉంది. ఎలాంటి ప్రజా ధనాన్ని లేదా పబ్లిక్ డిపాజిట్లను ఉపయోగించని ఈ సంస్థ వల్ల ఆర్థిక వ్యవస్థకు ఎలాంటి ద్రవ్య ముప్పు లేదనేది ఆర్థిక నిపుణుల ప్రధాన వాదన. ఇలాంటి ప్రత్యేక పరిస్థితులున్న ప్రైవేట్ హోల్డింగ్ కంపెనీలపై మార్కెట్ లిస్టింగ్‌ను రుద్దడం వల్ల వ్యవస్థాగత ప్రయోజనాల కంటే నష్టాలే ఎక్కువ జరిగే అవకాశం ఉందనే అభిప్రాయాలు వ్యక్తమవుతున్నాయి.టాటా ట్రస్ట్స్ సేవా దృక్పథంటాటా సన్స్‌లో దాదాపు 66 శాతం వాటా కలిగి ఉన్న టాటా ట్రస్ట్స్ ప్రధానంగా స్వచ్ఛంద సేవా కార్యకలాపాలకు నిధులు సమకూరుస్తుంటాయి. టాటా గ్రూప్ వందేళ్లకు పైగా అనుసరిస్తున్న వ్యాపార నైతికత కేవలం త్రైమాసిక లాభాల కోసం కాదని కొందరు చెబుతున్నారు. సమాజ సంక్షేమం, దాతృత్వం, విలువలతో కూడిన పాలన దీని సొంతం. ఒకవేళ కంపెనీని స్టాక్‌ మార్కెట్‌లో లిస్ట్ చేస్తే మైనారిటీ వాటాదారులు, విదేశీ సంస్థాగత మదుపర్ల నుంచి స్వల్పకాలిక లాభాల ఒత్తిడి పెరుగుతుంది. ఈ ఒత్తిడి కారణంగా ఎయిర్ ఇండియా వంటి నష్టాల్లో ఉన్న సంస్థలను లేదా భవిష్యత్తుపై భారీ పెట్టుబడులు అవసరమైన ప్రాజెక్టులను కాపాడుకోవడంలో టాటా ట్రస్ట్స్ స్వేచ్ఛగా నిర్ణయాలు తీసుకోలేకపోవచ్చనే వాదనలున్నాయి.అంతర్గత విభేదాలు - బోర్డులో సవాళ్లుటాటా సన్స్‌ బోర్డులో ఈ లిస్టింగ్‌ ప్రక్రియపై భిన్నమైన వాదనలు వినిపిస్తున్నాయి. షాపూర్జీ పల్లోంజీ గ్రూప్ వంటి మైనారిటీ వాటాదారులు లిస్టింగ్‌ ద్వారా తమ వాటాల విలువను రాబట్టుకోవాలని కోరుకుంటుండగా, టాటా ట్రస్ట్స్ నాయకత్వం నుంచి భిన్నమైన అభిప్రాయాలు వ్యక్తమవుతున్నాయి. డైరెక్టర్ల మధ్య ఉన్న ‘అఫర్మేటివ్ వోటింగ్ రైట్స్’ (వీటో అధికారాలు), చైర్మన్ క్యాస్టింగ్ వోట్ వినియోగం వంటి అంశాలపై చట్టపరమైన సంక్లిష్టతలు తలెత్తే అవకాశాలు లేకపోలేదు.ప్రతి సంస్థను ఒకే గాటన కట్టడం సబబు కాదని కొందని అభిప్రాయం. టాటా గ్రూప్ చరిత్ర, దాని సామాజిక బాధ్యత, దేశ ఆర్థిక వ్యవస్థకు అది అందిస్తున్న సేవలు ప్రత్యేకమైనవి. చట్టపరమైన నిబంధనలు, మార్కెట్ పారదర్శకత ఎంత ముఖ్యమో దేశ సంపదను సృష్టిస్తూనే సమాజ సేవను ప్రధాన ఆశయంగా మలచుకున్న ట్రస్ట్ మూలాలను కాపాడుకోవడం కూడా అంతే ముఖ్యం. అందువల్ల, ప్రత్యేక మినహాయింపులు ఇవ్వదగిన అసాధారణ సందర్భాలను పరిగణలోకి తీసుకుని, ఈ లిస్టింగ్‌ నిబంధనల అమలుపై ఆర్‌బీఐ, నియంత్రణ సంస్థలు పునరాలోచించాలని కొందరు కోరుతున్నారు.ఇదీ చదవండి: సింగపూర్‌లో 500 టన్నుల భారీ గోల్డ్ వాల్ట్

కాకినాడ జిల్లా: కూటమి ప్రభుత్వం తనపై పెట్టే అక్రమ కేసులకు భయపడే ప్రసక్తే లేదని వైఎస్సార్‌సీపీ నేత, మాజీ మంత్రి అంబటి రాంబాబు స్పష్టం చేశారు. రాష్ట్రంలో పోలీస్‌ వ్యవస్థ రాజకీయ కక్ష సాధింపులకు వేదికగా మారిందని విమర్శించారు. దివంగత నేత ముద్రగడ పద్మనాభం అంత్యక్రియల్లో గౌరవ వందనం వద్దని కుటుంబ సభ్యులు చెప్పారని, అయితే దొంగ చాటుగా పోలీసులు గౌరవం చేస్తుంటే దాన్ని తాము అడ్డుకున్నామన్నారు. ఈ అంశానికి సంబంధించి తనపై కేసు పెట్టి కిర్లంపూడి పోలీస్‌ స్టేషన్‌కు రావాలని నోటీసులు ఇచ్చారన్నారు. తాను విచారణకు హాజరైన క్రమంలో అంతర్జాతీయ తీవ్రవాదిని అడిగినట్లు చాలా ప్రశ్నలు అడిగారని అంబటి మండిపడ్డారు. రాష్ట్రంలో పోలీస్‌ వ్యవస్థ అనేది రాజకీయ కక్ష సాధింపుల వేదికగా మారిపోయిందని ఆగ్రహం వ్యక్తం చేశారు.‘ముద్రగడ సొంత స్థలంలో చేసే కార్యక్రమానికి పోలీసులు దౌర్జన్యంగా వచ్చి గౌరవం వందనం చేసే ప్రయత్నం చేశారు. కుటుంబ సభ్యులకు కోరిక మేరకు ఆ కార్యక్రమాన్ని అడ్డుకున్నాము. అడ్డుకున్నందుకు మాపై కేసు పెట్టారు... ఈ కేసుపై న్యాయపోరాటం చేస్తాం. రాష్ట్రంలో పోలీసులను అడ్డుపెట్టుకుని ప్రతిపక్ష నేతలపై కక్ష సాధించడమే చంద్రబాబు లోకేష్ లక్ష్యంగా పెట్టుకున్నారు. నాపై కూటమి ప్రభుత్వం చాలా కేసులు పెట్టింది.. వాటికి భయపడే ప్రసక్తే లేదు.’ అని స్పష్టం చేశారు.ఇదీ చదవండి: ఏజెంట్‌ వైఎస్‌.. ఓటర్‌ ఓఎస్‌ !

టాలీవుడ్ నటి రేణు దేశాయ్ ఆసక్తికర పోస్ట్ చేసింది. ఒక వ్యక్తి కష్టాల్లో ఉంటే వాళ్లని ఇంకా దూషించడం కరెక్ట్ కాదని తెలిపింది. ఇప్పటికే కింద పడిపోయిన వాళ్లని తొక్కడం చాలా అమానుషమని పేర్కొంది. వాళ్లు ఏ స్థాయిలో ఉన్నా.. వాళ్లు కూడా ఒక మనిషేనని గుర్తించాలని కోరింది. వాళ్లు కూడా ఒకరి సంతానం..ఒక పేరెంట్ లేదా ఒకరి తోబుట్టువు అని మార్చిపోకూడదని హితవు పలికింది. మన ఇళ్లే బాగాలేనప్పుడు.. దయచేసి ఇతరుల ఇళ్లపై రాళ్లు విసరొద్దని రేణు దేశాయ్ రాసుకొచ్చింది. (ఇది చదవండి: 'సక్సెస్‌తో ఏం నేర్చుకోలేం'.. సమంత ఆసక్తికర కామెంట్స్) మనమంతా మనుషులమని.. మనందరికీ సానుభూతి, దయ రెండు ప్రాథమిక అవసరాలని రేణు దేశాయ్ గుర్తు చేసింది. నా పోస్ట్ చూసి మీరు పిచ్చి రాతలు రాయవద్దని రేణు దేశాయ్ కోరింది. మనమంతా కలిసి మంచి సోసైటీ కోసం కృషి చేయాలని తెలిపింది. నాకు ఎలాంటి పేటీఎం డబ్బులు అందలేదని రేణు దేశాయ్ తన పోస్ట్‌లో పేర్కొంది. ఇది కేవలం తన మనసులోని మాట మాత్రమేనని తెలిపింది. ఈ పోస్ట్‌ నెట్టింట వైరల్‌గా మారింది. అయితే ఎవరినీ ఉద్దేశించి ఈ పోస్ట్‌ పెట్టారో క్లారిటీ లేదు. View this post on Instagram A post shared by renu desai (@renuudesai)

అక్కినేని నాగార్జున సమర్పణలో వెంకీ కుడుముల నిర్మిస్తున్న చిత్రం ‘ఇట్లు అర్జున’. మహేష్‌ ఉప్పల దర్శకత్వం వహించారు. 'శిరిడి సాయి' నిర్మాత మహేష్ రెడ్డి తనయుడు అనీష్ హీరోగా పరిచయం అవుతున్నాడు. అనశ్వర రాజన్ హీరోయిన్‌. ఈ సినిమా నవంబర్ 13న థియేటర్లలో రిలీజ్ కానుంది. సోమవారం మ్యూజిక్‌ డైరెక్టర్‌ థమన్ ఆధ్వర్యంలో మ్యూజికల్ కాన్సర్ట్ నిర్వహించారు. దీనికి రామ్ చరణ్ ముఖ్య అతిథిగా హాజరయ్యారు.ఈ సందర్భగా రామ్‌ చరణ్‌ చేసిన కామెంట్స్‌ వైరల్‌ అవుతున్నాయి. ‘నాగార్జున గారికి థ్యాంక్స్‌ చెప్పాలి’‘అనీష్ హీరోగా లాంచ్‌ కావడం ఆనందంగా ఉంది. అనీష్‌కు సపోర్ట్ చేసిన వాళ్ల పేరెంట్స్‌కి థాంక్స్ చెప్తున్నాను. ముఖ్యంగా నాగార్జున గారికి థ్యాంక్స్‌ చెప్పాలి. నాగార్జున గారి లాంటి సపోర్ట్ ఉంటే తప్పు జరగడానికి అవకాశం లేదు. ఆయనలా కొత్త టాలెంట్‌ను పరిచయం చేసే దమ్ము ఇండస్ట్రీలో ఎవరికీ లేవు’ అని అన్నారు. దీంతో పాటు ఈ సినిమాతో నిర్మాతగా పరిచయం అవుతున్న వెంకీకి, డైరెక్టర్ మహేష్‌కి ఆల్ ది బెస్ట్ చెప్పారు. (ఇదీ చదవండి: ఈ సినిమాకి అందుకే నా వాయిస్‌ ఇచ్చా: నాగార్జున)

రావల్పిండి వేదికగా శ్రీలంకతో జరుగుతున్న తొలి టెస్టు మ్యాచ్‌లో పాకిస్తాన్ బ్యాటర్ సాద్ షకీల్ చెత్త రికార్డును నమోదు చేశాడు. మ్యాచ్‌లో 93 పరుగులు చేసిన షకీల్ ఏడు పరుగుల తేడాతో సెంచరీ చేజార్చుకున్నాడు. టెస్టుల్లో సాద్ షకీల్ తొంబైల్లో ఔటవ్వడం ఇది మూడోసారి. ఈ నేపథ్యంలో కెప్టెన్ బాబర్ ఆజం రికార్డును సమం చేశాడు. బాబ‌ర్ ఆజం కూడా టెస్టుల్లో మూడుసార్లు నెర్వ‌స్ నైంటీస్ కేట‌గిరీలో నిలిచాడు. ఇక పాక్ త‌ర‌ఫున మాజీ కెప్టెన్ ఇంజమామ్ ఉల్ హ‌క్ టెస్టుల్లో ఏకంగా 8సార్లు తొంబైల్లో ఔట‌వ్వ‌గా, మ‌రో మాజీ ఆట‌గాడు మిస్బా ఉల్ హ‌క్ ఐదుసార్లు నెర్వ‌స్ నైంటీస్ బారిన ప‌డ్డాడు.ఇక 2022లో పాకిస్తాన్ త‌ర‌ఫున టెస్టుల్లో అరంగేట్రం చేసిన సాద్ ష‌కీల్ బెస్ట్ బ్యాట‌ర్‌గా నిలిచాడు. 2022 డిసెంబ‌ర్ నుంచి సాద్ ష‌కీల్ 51 ఇన్నింగ్స్‌ల్లో 43.72 స‌గ‌టుతో 2,099 ప‌రుగులు సాధించాడు. అత‌డి ఖాతాలో నాలుగు సెంచ‌రీలున్నాయి. ఆ త‌ర్వాత బాబ‌ర్ ఆజం (1699 ప‌రుగులు), స‌ల్మాన్ అగా (1641 ప‌రుగులు), షాన్ మ‌సూద్ (1548 ప‌రుగులు) ఉన్నారు.ఇక మ్యాచ్ విష‌యానికొస్తే, పాకిస్తాన్ త‌మ తొలి ఇన్నింగ్స్‌ను 9 వికెట్ల న‌ష్టానికి 434 ప‌రుగుల వ‌ద్ద డిక్లేర్ చేసింది. సాద్ ష‌కీల్ స‌హా ఐదుగురు పాక్ బ్యాట‌ర్లు (త‌యాబ్ ఆరిఫ్‌, మొహ‌మ్మ‌ద్ త‌హా, బాబ‌ర్ ఆజం, అరాఫ‌త్ మిన్హాస్‌లు) అర్థ‌శ‌త‌కాల‌తో మెరిశారు. లంక బౌల‌ర్ల‌లో దిల్షాన్ మ‌దుషంక‌, అసితా ఫెర్నాండో చెరో 3 వికెట్లు తీయ‌గా, లాహిరు కుమారా, మిల‌న్ ప్రియాంత్‌, సోనాల్ దినూష త‌లా ఒక వికెట్ ప‌డ‌గొట్టారు.ఇదీ చదవండి: ధోని రికార్డు బ‌ద్ద‌లుకొట్టిన కోహ్లిజట్టు ప్రకటన.. కెప్టెన్‌గా పృథ్వీ షా!

ఖమ్మం: జిల్లాలో ఆలస్యంగా వెలుగులోకి వచ్చిన దారుణ ఘటన కలకలం రేపుతోంది. వివాహేతర సంబంధం విషయాన్ని కుటుంబ సభ్యులకు చెబుతాడన్న కారణంతో పదో తరగతి విద్యార్థిని ఇద్దరు కలిసి హత్య చేసినట్లు ఆరోపణలు వెలువడ్డాయి. బాలుడికి కూల్‌డ్రింక్‌లో విషం కలిపి తాగించడంతో తీవ్ర అస్వస్థతకు గురయ్యాడు. సుమారు 20 రోజుల పాటు ఆసుపత్రిలో చికిత్స పొందినప్పటికీ చివరకు ప్రాణాలు కోల్పోయాడు. ఈ ఘటన ఖమ్మం జిల్లా కల్లూరు మండలం చిన్న కోరుకొండ గ్రామంలో చోటుచేసుకుంది.వివరాల్లోకి వెళ్తే.. చిన్న కోరుకొండ గ్రామానికి చెందిన రవి (15) పదో తరగతి చదువుతున్నాడు. అదే గ్రామానికి చెందిన అపర్ణ, అజయ్‌ మధ్య ఉన్న వివాహేతర సంబంధం గురించి రవికి తెలిసినట్లు సమాచారం. దీంతో తమ సంబంధం బయటపడుతుందనే భయంతో అపర్ణ, అజయ్‌ బాలుడిని అంతమొందించాలని కుట్ర పన్నినట్లు ఆరోపణలు ఉన్నాయి. ఈ పథకంలో భాగంగా రవికి కూల్‌డ్రింక్‌లో విషం కలిపి తాగించారు. చివరకు చికిత్స పొందుతూనే బాలుడు మృతి చెందాడు.బాలుడి మృతిపై పోలీసులు కేసు నమోదు చేసి దర్యాప్తు చేపట్టారు. విచారణలో అపర్ణ, అజయ్‌ల పాత్ర వెలుగులోకి రావడంతో ఇద్దరినీ అరెస్ట్‌ చేశారు. అనంతరం నిందితులను న్యాయస్థానంలో హాజరుపరిచి రిమాండ్‌కు తరలించారు. వివాహేతర సంబంధం బయటపడుతుందనే భయంతో అభం శుభం తెలియని బాలుడి ప్రాణాలు తీసిన ఘటన స్థానికంగా తీవ్ర విషాదాన్ని నింపింది. ఈ ఘటన ఆలస్యంగా వెలుగులోకి రావడంతో గ్రామంలో చర్చనీయాంశంగా మారింది.

'ఉరుము ఉరిమి మంగళం మీద పడ్డట్టు'.. టాలీవుడ్‌లో పరిస్థితులు రోజురోజుకీ దిగజారిపోతున్నట్లు కనిపిస్తున్నాయి. ఎందుకంటే మంచి సినిమాలు తీసి ప్రేక్షకుల్ని ఎంటర్‌టైన్ చేయాల్సిన నిర్మాతలు.. ఇండస్ట్రీలో ఇన్నాళ్లుగా ఉన్న రహస్యాల్ని బయటపెట్టేస్తున్నారు. ఇవి చూసిన నెటిజన్లు.. టాలీవుడ్‌పై జాలి పడుతున్నారు. అసలు ఇండస్ట్రీలో ఏం జరుగుతోంది? ఇక్కడ ఎవరు ఎవరిని మోసం చేస్తున్నారు?(ఇదీ చదవండి: ఎందుకు ఇబ్బందిపెడతారు? రేణు దేశాయ్ పోస్ట్ వైరల్)సినిమా గురించి ఎవరెన్ని చెప్పినా సరే ఇది ఓ వ్యాపారం. నిర్మాత డబ్బు పెట్టి సినిమా తీస్తాడు. అన్ని కుదిరి అది బాగుంటే.. ప్రేక్షకులు లాభాలు కురిపిస్తారు. కానీ చాలామంది నిర్మాతలు సరైన కంటెంట్ ఇవ్వడం మానేసి.. ప్రమోషనల్ గిమ్మిక్కులనే నమ్ముకుంటున్నారు. థియేటర్లకు రాకపోతే ప్రేక్షకులదే సమస్య అన్నట్లు ఉల్టా మాట్లాడుతున్నారు. ఇలాంటి పనులు చేయడం వల్ల వచ్చే ఒకరిద్దరు ఆడియెన్స్ కూడా థియేటర్లకు రావడం మానేస్తారనే ప్రాథమిక విషయాన్ని మర్చిపోతున్నారు.కరోనా వచ్చి వెళ్లిన తర్వాత అంటే ఆరేడేళ్లలో ప్రేక్షకులు, తెలుగు సినిమాలని చూసే విధానమే మారిపోయింది. దానికి కారణం ఓటీటీ. ప్రపంచవ్యాప్తంగా బెస్ట్ కంటెంట్ అందుబాటులోకి వచ్చింది. ఎన్నెన్నో అద్భుతమైన సినిమాలు, సిరీస్‌లని ఓటీటీల్లో చూస్తున్న ప్రేక్షకులకు.. తెలుగులో వస్తున్న చాలా మూవీస్ ఏ విషయంలోనూ బెస్ట్ అనిపించట్లేదు! దానికి తోడు కమర్షియల్ అంశాల పేరు చెప్పి అవసరం లేకపోయినా సరే పాటలు, ఫైట్స్, రొమాన్స్, కామెడీ లాంటివి కథలో ఇరికిస్తున్నారు. ఒకప్పుడు ఇవన్నీ బాగానే వర్కౌట్ అయ్యాయేమో గానీ ఇప్పటితరం ఆడియెన్స్ ఇలాంటి వాటిని అస్సలు ఆదరించట్లేదు.మరోవైపు మలయాళ, తమిళ సినిమాలనే తెలుగు ప్రేక్షకులు చూస్తున్నారు.. తెలుగు చిత్రాల్ని ఆదరించట్లేదు అని చాలామంది నిర్మాతలు ప్రేక్షకులని విమర్శిస్తున్నారు. అయితే ఏ మూవీ చూడాలనేది ప్రేక్షకుడి ఇష్టం. మంచిగా తీస్తే తెలుగు సినిమానైనా సరే నెత్తిన పెట్టుకుంటాడు. మళ్లీ మళ్లీ థియేటర్‌కి వచ్చి చూస్తాడు. కానీ మన నిర్మాతలు.. కంటెంట్ పరంగా మలయాళ, తమిళ ఇండస్ట్రీలతో పోటీ పడడటం మానేసి కలెక్షన్స్, టాక్ ఫేక్ చేయడం లాంటి వాటిపై ఫోకస్ చేస్తున్నట్లు కనిపిస్తోంది.(ఇదీ చదవండి: ఒకటి కాదు..రెండు, మూడు సార్లు విడాకులు తీసుకున్న స్టార్స్‌ వీళ్లే)రీసెంట్ టైంలో ధీరజ్ మొగిలినేని, నాగవంశీ లాంటి నిర్మాతలు పలు ఇంటర్వ్యూల్లో మాట్లాడుతూ మేం చెప్పే వసూళ్లు నిజం కాదు, బుక్ మై షోలో చూపించే రేటింగ్స్ నిజం కాదు అని అంటున్నారు. ఇదే కాదు ఓ మూవీ.. థియేటర్లలో రిలీజ్ కావడం లేటు.. జెన్యూన్‌గా అసలు టాక్ బయటకు రావడానికి ముందే పెయిట్ ట్వీట్స్ హోరెత్తుతున్నాయి. దీంతో నిజమైన టాక్ తెలియక ప్రేక్షకుడు అయోమయానికి గురవుతున్నాడు. ఇవన్నీ ఎందుకు ఓటీటీలోకి వచ్చిన తర్వాత మూవీ చూసుకుందాంలే అనుకుంటున్నాడు. వీటన్నింటి దెబ్బకు సినిమా తీసిన నిర్మాత.. చూస్తున్న ప్రేక్షకుడు ఇద్దరూ నష్టపోతున్నారు.హీరోల ఇమేజీ డ్యామేజీ అయిపోవద్దని చెప్పి చాలామంది నిర్మాతలు.. కలెక్షన్స్ ఫేక్ చేస్తున్నారు. ఒకప్పుడు అంటే జనాలు ఇలాంటి నమ్మేసేవాళ్లు. కానీ స్వయంగా కొందరు నిర్మాతలు, ఇవన్నీ ఫేక్ అని చెబుతుండేసరికి కొత్త మూవీస్ రిలీజ్ తర్వాత వస్తున్న పోస్టర్స్ చూసి నవ్వుకుంటున్నారు. ఇప్పటికైనా నిర్మాతలు.. ఈ ఫేక్ వసూళ్లు, రివ్యూలని పక్కనబెట్టి కంటెంట్‌పై దృష్టి పెడితే బెటర్. లేదంటే మాత్రం తెలుగు ప్రేక్షకుడు 'మీకు' దూరమైపోతాడు.(ఇదీ చదవండి: ఓటీటీకి తెలుగు థ్రిల్లర్ సినిమా.. ప్రకటన)

టాలీవుడ్ హీరోయిన్ సమంత ప్రస్తుతం ప్రెగ్నెన్సీతో ఉంది. ఆమె త్వరలోనే బిడ్డకు జన్మనివ్వనుంది. ఈ ఏడాది మా ఇంటి బంగారంతో హిట్‌ కొట్టిన ఈ ముద్దుగుమ్మ.. ప్రెగ్నెన్సీ ప్రకటించి అభిమానులకు సర్‌ప్రైజ్ ఇచ్చింది. గతేడాది డైరెక్టర్‌ రాజ్ నిడిమోరును పెళ్లాడింది. సినిమాల్లో ఉన్న పరిచయం కాస్తా ప్రేమగా మారి.. ఈ జంట పెళ్లిబంధంలోకి అడుగుపెట్టారు.ఇక ఈ సంగతి పక్కనపెడితే సామ్ తాజాగా ఓ ఇంటర్వ్యూకు హాజరైంది. ఈ సందర్భంగా తనకెదురైన అనుభవాన్ని పంచుకుంది. వ్యాపారంలో తనకు కలిసి రాలేదని తెలిపింది. అయితే ఇది కూడా ఓ అనుభవాన్ని నేర్పిందని చెప్పుకొచ్చింది. ఫెయిల్యూర్స్ తన జీవితంలో ఎన్నో పాఠాలు నేర్పించాయని సామ్ పేర్కొంది. సక్సెస్‌ వల్ల తాను ఎలాంటి గుణపాఠాలు నేర్చుకోలేదని సమంత వెల్లడించింది. ఈ సందర్భంగా వ్యాపార రంగంలో మహిళలు ఎదుర్కొంటోన్న ఇబ్బందులపై సమంత మాట్లాడారు. కొత్తగా ఏదైనా ప్రారంభించాలంటే మహిళల్లో భయం ఎక్కువగా ఉంటుందన్నారు. మహిళా వ్యాపారవేత్తలతో కలిసి పనిచేయడం తనకు కొత్త అనుభవాన్ని నేర్పిందని సామ్ తెలిపారు. దాదాపు పది సంస్థల్లో తాను పెట్టుబడులు పెట్టానని.. వాటిలో ఎక్కువగా మహిళలే బాస్‌లుగా ఉన్నారని సంతోషం వ్యక్తం చేసింది.

సాక్షి, న్యూఢిల్లీ: తన భర్త రాజీవ్ గాంధీ రాజకీయాల్లోకి రావొద్దని అప్పట్లో తాను వేడుకున్నానని కాంగ్రెస్ సీనియర్ నేత సోనియా గాంధీ వెల్లడించారు. కానీ తన కుమారుడు రాహుల్ గాంధీ రాజకీయాల్లోకి రావాలని నిర్ణయించుకున్నప్పుడు మాత్రం తాను అడ్డుకోలేదని ఆమె తెలిపారు. తన జీవిత విశేషాలతో రాసిన ‘బిలాంగింగ్: ఎ జర్నీ ఆఫ్ లవ్’ అనే జ్ఞాపకాల పుస్తకంలో ఈ విషయాలను ఆమె వెల్లడించారు.రాహుల్‌కు చిన్నప్పటి నుంచే రాజకీయాలపై ఆసక్తి ఉండేదని సోనియా పేర్కొన్నారు. తన తండ్రి రాజీవ్ గాంధీతో కలిసి పలుమార్లు అమేథీ ప్రాంతానికి వెళ్లిన రాహుల్.. అప్పట్లో అక్కడ ఉన్న గ్రామీణ ప్రజల జీవన పరిస్థితులను దగ్గరగా చూసి తెలుసుకున్నారని తెలిపారు. అంతేకాదు రాహుల్‌ విదేశాల్లో ఉద్యోగం చేస్తున్న సమయంలోనూ భారత రాజకీయాలను నిశితంగా గమనించేవారని ఆమె చెప్పారు.కాంగ్రెస్ పార్టీ నేతలు రాహుల్‌ను క్రియాశీల రాజకీయాల్లోకి రావాలని కోరడంతో.. తనతో పాటు, ప్రియాంక గాంధీతో చర్చించిన అనంతరం ఆయన ఈ నిర్ణయం తీసుకున్నారని వివరించారు. దాంతో 2004 మార్చిలో అమేథీ నుంచి పోటీ చేస్తానని రాహుల్ ప్రకటించగా.. సోనియా గాంధీ పక్కనే ఉన్న రాయ్‌బరేలీ నుంచి బరిలోకి దిగారు.రాజీవ్ విషయంలో ఒకలా.. రాహుల్ విషయంలో మరోలా..‘‘రెండు దశాబ్దాల క్రితం రాజీవ్ రాజకీయాల్లోకి రావొద్దని వేడుకున్నాను. ఆ ప్రమాదకరమైన ప్రపంచంలోకి వెళ్లి మనందరినీ ఇబ్బందుల్లోకి నెట్టవద్దని కోరాను. కానీ ఇప్పుడు నా కుమారుడి వంతు వచ్చినప్పుడు నేను అడ్డుకోలేదు’’ అని సోనియా తన పుస్తకంలో పేర్కొన్నారు.ఇక 2004 ఎన్నికల్లో అమేథీ నుంచి ఘన విజయం సాధించిన రాహుల్.. నియోజకవర్గ అభివృద్ధిపై దృష్టి పెట్టారని తెలిపారు. అక్కడి గ్రామీణ ప్రాంతాలకు పరిశ్రమలు, వ్యాపారాలను తీసుకురావడంతో పాటు ఆ ప్రాంతంలో ఓ మంచి కంటి ఆసుపత్రిని కూడా ఆయన ఏర్పాటు చేశారని వెల్లడించారు. అంతేకాదు ప్రియాంక అమేథీలో మహిళల కోసం స్వయం సహాయక సంఘాలను ఏర్పాటు చేయడంలో కీలక పాత్ర పోషించారని, అవి క్రమంగా ఉత్తర భారతదేశంలోనే అతిపెద్ద సంఘాలుగా ఎదిగాయని సోనియా తన పుస్తకంలో వివరించారు.ఇదీ చదవండి: జెన్సన్ హువాంగ్‌కు ఎలాన్ మస్క్ మద్దతు

ఏ చిన్న కష్టం వచ్చినా.. ‘దేవుడా నాకే ఎందుకు ఇన్ని కష్టాలు’ అని మనలో చాలామంది కృంగిపోతూ ఉంటాం. కానీ కష్టాలు కలకాలం ఉండవు. చీకటి వెలుగుల జీవితంలో ఒడిదుకులు తప్పవు అని నిరూపించిన కథ కేరళకు చెందిన 26 ఏళ్ల ఎస్. శ్రుతిది. 2024 జూలై 30న వాయినాడ్‌లోని ముండక్కై ప్రాంతాల్లో కొండ చరియలు విరిగిపడిన ఘోర దుర్ఘటనలో శ్రుతి తన తల్లిదండ్రులు, సోదరితో సహా కుటుంబంలోని తొమ్మిది మంది సభ్యులను కోల్పోయింది. ఆమె ఎంతో ఆశగా నిర్మించుకున్న ఇల్లు, పెళ్లి కోసం దాచుకున్న నగలు, డబ్బు అన్నీ ఆ మట్టిలోనే కలిసిపోయాయి. అయినా ఆమె గుండె దిటవు చేసుకుంది. తాజాగా శ్రుతి (26) జీవితంలో మళ్లీ వెలుగులు నిండాయి.ఎలా అంటే..STORY | Wayanad landslide survivor Shruthi begins new chapter, ties knot at Guruvayur temple Shruthi, who lost nine members of her family in the 2024 Wayanad landslide and later her fiancé in a road accident, began a new chapter in her life as she married Sandeep at the Guruvayur Sree Krishna Temple on Saturday. Sandeep, a native of Mananthavady, tied the knot with Shruthi at the temple in the early morning hours in the presence of her surviving relatives, friends and public representatives. READ: https://t.co/7ZCMiYOM5L VIDEO | (Full video available on PTI Videos - https://t.co/bIyFWTfmBd)— Press Trust of India (@PTI_News) November 7, 2026సర్వస్వం కోల్పోయిన ఆమెకు బాల్య స్నేహితుడు, కాబోయే భర్త జెన్సన్ తోడు నీడగా నిలిచాడు. వీరిద్దరూ దాదాపు 10 ఏళ్లుగా ప్రేమలో ఉన్నారు. నిశ్చితార్థం కూడా చేసుకున్నారు. డిసెంబరు ఇద్దరూ కలిసి కొత్త జీవితాన్ని మొదలు పెట్టాలనుకుంటున్న తరుణంలో మరోసారి విధి ఆమెపై మరోసారి పంజా విసిరింది. ఈ విషాదం జరిగిన కొన్ని నెలలకే (సెప్టెంబర్ 2024) జరిగిన ఒక ఘోర రోడ్డు ప్రమాదంలో జెన్సన్ కూడా కోల్పోయింది. ఆ ప్రమాదంలో శ్రుతి కాళ్లకు కూడా తీవ్ర గాయాలయ్యాయి. ఇన్ని ఎదురుదెబ్బల మధ్య శ్రుతి జీవితంపై నమ్మకం కోల్పోలేదు. ఆశగా జీవన పోరాటం చేసింది. ఆమె పోరాటం వృధా కాలేదు.కొత్త జీవితం వైపు అడుగులుకుటుంబాన్ని, కాబోయే భర్తని అనూహ్యంగా కోల్పోయిన శృతికి కేరళ ప్రభుత్వం వయనాడ్ కలెక్టరేట్‌లోని రెవెన్యూ శాఖలో క్లర్క్‌గా ఉద్యోగం ఇచ్చింది. 2024 డిసెంబర్‌లో విధుల్లో చేరిన శ్రుతి, ధైర్యంతో తన జీవితాన్ని పునర్నిర్మించుకోవడం ప్రారంభించారు. తాజాగా ఆమె అదే కలెక్టరేట్‌లో పనిచేస్తున్న సందీప్‌ను గురువాయూర్ శ్రీకృష్ణ ఆలయంలోపెళ్లి చేసుకున్నారు. వీరి వివాహానికి సంబంధించిన దృశ్యాలు సోషల్‌ మీడియాలో సందడి చేస్తున్నాయి. దీంతో వరుస ఘోర విషాదాలను తట్టుకుని నిలబడిన శ్రుతి , నిండు నూరేళ్లు చల్లగా జీవించాలని నెటిజన్లు ఆశీర్వదించారు.ఇదీ చదవండి: బీజేపీ నేత నివాసానికెళ్లిన మమ్ముట్టిపై దారుణ ట్రోలింగ్‌రాష్ట్ర మాజీ రెవెన్యూ మంత్రి కె. రాజన్ తండ్రి స్థానంలో ఉండి వీరి వివాహ తంతును జరిపించారు. ఈ వివాహ వేడుకకు సన్నిహిత బంధువులు, స్నేహితులు హాజరయ్యారు. వివాహం తర్వాత విలేకరులతో మాట్లాడిన శ్రుతి, తన జీవితంలో కొత్త అధ్యాయాన్ని ప్రారంభిస్తున్నందుకు ఎంతో సంతోషంగా ఉందని తెలిపారు.ఇదీ చదవండి: 40 ఏళ్లకే పక్షవాతం: ఎయిర్‌టెల్‌ మాజీ సీఓఓ సంచలన వ్యాఖ్యలు

మనం సంపాదించే ప్రతి రూపాయి భవిష్యత్ భద్రతను నిర్దేశించడంలో కీలక పాత్ర పోషిస్తుంది. నేటి డిజిటల్ యుగంలో ఒకవైపు బ్యాంకుల నిబంధనలు, మరోవైపు మారుతున్న ఆర్థిక పరిస్థితులు ప్రతి ఒక్కరి జీవితాన్ని ప్రభావితం చేస్తున్నాయి. కేవలం సంపాదన పెరగడం మాత్రమే కాదు.. సంపాదించిన దాంట్లో పొదుపును పెంచడం, పెట్టుబడులను వైవిధ్యభరితం చేయడం నేటి ఆధునిక సమాజంలో అత్యంత ఆవశ్యకం.మధ్యతరగతి కుటుంబాలు తమ పిల్లల చదువులు, వివాహాలు, రిటైర్మెంట్ జీవితం ప్రశాంతంగా గడవాలంటే ముందుగా క్రమశిక్షణతో కూడిన బడ్జెట్ రూపకల్పన చాలా ముఖ్యం. ఎమర్జెన్సీ ఫండ్‌ ఏర్పాటు మొదలుకొని సిస్టమాటిక్ ఇన్వెస్ట్‌మెంట్ ప్లాన్స్ వరకు ప్రతి అంశంలోనూ దీర్ఘకాలిక దృక్పథం అవసరం. అప్పుల ఊబిలో చిక్కుకోకుండా నిర్ణయాలను ముందస్తుగా విశ్లేషించుకోవడం ద్వారానే కుటుంబ ఆర్థిక స్థిరత్వం సాధ్యమవుతుంది. ఈ నేపథ్యంలో పాఠకులు తమ నిత్య జీవిత అలవాట్లను, ఆర్థిక నిర్ణయాలను పునసమీక్షించుకోవడానికి కింద పేర్కొన్న ప్రశ్నలు ఒక చక్కటి దిక్సూచిలా ఉపయోగపడతాయి.మిమ్మల్ని మీరే ప్రశ్నించుకోండి!1. మీ నెలవారీ సంపాదనలో కనీసం ఇరవై శాతాన్ని భవిష్యత్తు అవసరాల కోసం పక్కన పెట్టే క్రమశిక్షణ మీకు ఉందా?2. ఉద్యోగంలో అనుకోని మార్పులు లేదా అత్యవసర వైద్య ఖర్చులు ఎదురైతే కనీసం ఆరు నెలల జీవన వ్యయానికి సరిపడా ఎమర్జెన్సీ ఫండ్‌ మీ వద్ద సిద్ధంగా ఉందా?3. క్రెడిట్ కార్డు బిల్లులు, రుసుముల చెల్లింపుల్లో ఎప్పుడూ గడువు తేదీ దాటకుండా, వడ్డీ భారం పడకుండా మీరు జాగ్రత్త పడుతున్నారా?4. మీ దీర్ఘకాలిక ఆర్థిక లక్ష్యాల సాధన కోసం మార్కెట్ ఒడిదుడుకులతో సంబంధం లేకుండా ప్రతి నెలా క్రమం తప్పకుండా సిప్‌ల ద్వారా మదుపు చేస్తున్నారా?5. ఏకకాలంలో సంపాదనపైనే కాకుండా మీ కుటుంబ భద్రత కోసం తగినంత టర్మ్ ఇన్సూరెన్స్, హెల్త్ ఇన్సూరెన్స్ ప్లాన్‌లు మీ వద్ద ఉన్నాయా?6. అవసరానికి మించి విలాసవంతమైన వస్తువులు కొనే ముందు 24 గంటలు ఆలోచించి ఇంపల్స్ షాపింగ్ (ఆవేశపూరిత కొనుగోళ్లు) అలవాటును విజయవంతంగా నియంత్రించుకోగలుగుతున్నారా?7. ప్రభుత్వ రంగ భద్రత కలిగిన పీపీఎఫ్ లేదా ఎన్పీఎస్ వంటి పథకాలను మీ రిటైర్మెంట్ ప్రణాళికలో భాగం చేసుకున్నారా?8. మీ డిజిటల్ లావాదేవీలు, యూపీఐ చెల్లింపుల విషయంలో ఎటువంటి సైబర్ మోసాలకు గురికాకుండా తగినంత ఆర్థిక అక్షరాస్యతను, భద్రతా ప్రమాణాలను పాటిస్తున్నారా?9. పన్ను ఆదా కోసం పాత, కొత్త ట్యాక్స్ విధానాలను బేరీజు వేసుకుని మీ ఆర్ధిక పరిస్థితికి సరిపోయే సరైన మార్గాన్ని ఎంచుకుంటున్నారా?10. కేవలం ఇతరుల మాటలు విని షేర్లు లేదా ఇతర మార్గాల్లో పెట్టుబడులు పెట్టకుండా మీ సొంత పరిశోధన లేదా నిపుణుల సలహా మేరకు రిస్క్ మేనేజ్‌మెంట్ పాటిస్తున్నారా?ఇదీ చదవండి: సింగపూర్‌లో 500 టన్నుల భారీ గోల్డ్ వాల్ట్

హామిల్ట‌న్ వేదిక‌గా న్యూజిలాండ్‌, భార‌త్ మ‌ధ్య జ‌ర‌గాల్సిన మూడో వ‌న్డే మ్యాచ్ ఒక్క బంతి ప‌డ‌కుండానే వ‌ర్షంతో ర‌ద్ద‌యింది. ఉద‌యం నుంచి ఎడ‌తెరిపి లేకుండా వ‌ర్షం కుర‌వ‌డంతో మ్యాచ్ ర‌ద్దుకే అంపైర్లు మొగ్గు చూపారు. దీంతో ఐదు మ్యాచ్‌ల వ‌న్డే సిరీస్‌లో భార‌త్ ప్ర‌స్తుతం 2-0తో ఆధిక్యంలో నిలిచింది. అయితే మ్యాచ్ జ‌ర‌గ‌నప్ప‌టికీ, టీమిండియా స్టార్ విరాట్ కోహ్లి మాత్రం ఒక అరుదైన రికార్డును త‌న ఖాతాలో వేసుకున్నాడు. అదేంటంటే, న్యూజిలాండ్ గ‌డ్డ‌పై ఎక్కువ వ‌న్డేలు ఆడిన భార‌త క్రికెట‌ర్ల జాబితాలో కోహ్లి మాజీ కెప్టెన్ ఎంఎస్ ధోనిని అధిగ‌మించాడు. ధోని ఇప్ప‌టివ‌ర‌కు కివీస్ గ‌డ్డ‌పై 15 వ‌న్డేలు ఆడ‌గా.. తాజాగా హామిల్ట‌న్ వేదిక‌గా ర‌ద్ద‌యిన వ‌న్డే కోహ్లికి న్యూజిలాండ్‌లో 16వ వ‌న్డే మ్యాచ్‌. ఓవ‌రాల్‌ జాబితాలో కోహ్లి నాలుగో స్థానంలో ఉన్నాడు. కోహ్లి కంటే ముందు జ‌వ‌గ‌ళ్ శ్రీనాథ్ (22 వ‌న్డేలు), మ‌హ్మ‌ద్ అజారుద్దీన్ (19 వ‌న్డేలు), రోహిత్ శ‌ర్మ (17 వ‌న్డేలు) తొలి మూడు స్థానాల్లో ఉన్నారు. మ‌రో రెండు మ్యాచ్‌లు మిగిలి ఉన్న‌ప్ప‌టికీ కోహ్లి నాలుగో స్థానంలోనే ఉండ‌నున్నాడు. టీమిండియా మ‌రోసారి కివీస్ ప‌ర్య‌ట‌న‌కు వ‌చ్చిన‌ప్పటికీ, అప్ప‌టివ‌ర‌కు కోహ్లి ఆడ‌డం అనుమాన‌మే. వ‌చ్చే ఏడాది వ‌న్డే ప్ర‌పంచ‌క‌ప్ అనంత‌రం కోహ్లి అంత‌ర్జాతీయ కెరీర్‌కు పూర్తిగా వీడ్కోలు ప‌లికే అవ‌కాశాలున్నాయి. దీంతో కోహ్లి కివీస్ గ‌డ్డ‌పై 18 వ‌న్డేల‌తో నిల‌వ‌నున్నాడు. మ‌రోవైపు రోహిత్ శ‌ర్మ మాత్రం 19 వ‌న్డేల‌తో అజారుద్దీన్‌తో క‌లిసి సంయుక్తంగా నిల‌వ‌నున్నాడు. ఇరుజ‌ట్ల మ‌ధ్య నాలుగో వ‌న్డే శుక్ర‌వారం జ‌ర‌గ‌నుంది.మిగిలిన రెండు వన్డేలకు కెప్టెన్‌గా శ్రేయస్‌ అయ్యర్‌సిరీస్‌లో మిగిలిన రెండు వన్డేలు నవంబర్‌ 13, 15 తేదీల్లో జరుగనున్నాయి. ఈ రెండు మ్యాచ్‌లకు వైస్‌ కెప్టెన్‌ శ్రేయస్‌ అయ్యర్‌ నాయకత్వం వహించనున్నాడు. రెగ్యులర్‌ కెప్టెన్‌ శుభ్‌మన్‌ గిల్‌ తదుపరి జరుగబోయే టెస్ట్‌ సిరీస్‌కు సన్నద్దం కావాల్సి ఉండటంతో ముందుగానే ఈ మార్పును ప్రకటించారు.నవంబర్‌ 19 నుంచి టెస్టు సిరీస్‌వన్డే సిరీస్‌ ముగిసిన తర్వాత భారత్‌, న్యూజిలాండ్‌ మధ్య రెండు మ్యాచ్‌ల టెస్టు సిరీస్‌ ప్రారంభం కానుంది. నవంబర్‌ 19న వెల్లింగ్టన్‌లోని బేసిన్‌ రిజర్వ్‌ వేదికగా తొలి టెస్టు మొదలవుతుంది. చివరి టెస్టు నవంబర్‌ 27 నుంచి క్రైస్ట్‌చర్చ్‌లోని హాగ్లీ ఓవల్‌లో జరగనుంది.ఇదీ చదవండి: షకీల్‌ సెంచరీ మిస్‌.. పాక్‌ భారీ స్కోర్‌శతకంతో చెలరేగిన సెహ్వాగ్‌.. వినీత్‌ ఫిఫ్టీ.. భారత్‌ భారీ స్కోరు

అనీష్ హీరోగా పరిచయమవుతున్న సినిమా 'ఇట్లు అర్జున'. అనస్వర రాజన్ హీరోయిన్. అక్కినేని నాగార్జున సమర్పణలో ఈ చిత్ర రూపొందుతోంది. ఈనెల 13న థియేటర్లలోకి రానుంది. ఈ క్రమంలోనే మూవీ ప్రమోషన్లు కూడా బాగానే చేస్తున్నారు. తాజాగా మ్యూజికల్ కాన్సర్ట్ ని హైదరాబాద్‌లో నిర్వహించారు. ఈ వేడుకలో రామ్‌చరణ్‌, అఖిల్‌, నాగార్జున ముఖ్యఅతిథిలుగా పాల్గొన్నారు. ఈ సందర్భంగా నాగార్జున చేసిన కామెంట్స్‌ వైరల్‌ అవుతున్నాయి.వాయిస్ ఓవర్ ఇచ్చానునాగార్జున మాట్లాడుతూ.. ‘అనీష్ ఈ మూవీ గ్లింప్స్ తీసుకొచ్చి వాయిస్ ఓవర్ చేయమని అడిగాడు. నాకు అది నచ్చి వాయిస్ ఓవర్ ఇచ్చాను. ఈ సినిమాలో అనీష్‌ మూగవాడిగా చేశాడు. తొలి సినిమాకే ఇలాంటి ఛాలెంజింగ్ రోల్ చేయడం అవసరమా? అని అడిగాను. కళ్లతో, బాడీతో మాట్లాడాలి.. హావభావాలు పలికించాలి అని చెప్పాను. అవన్నీ అనీష్ చేశాడు.రామ్‌ చరణ్‌కి పదేళ్లు పట్టింది..'రామ్ చరణ్ ‘రంగస్థలం’లో ఒక చెవిటి పాత్ర చేయడానికి పదేళ్లు పట్టింది. అఖిల్ ఆరో సినిమాకి బ్లైండ్ క్యారెక్టర్ చేశాడు. ఇలాంటివి పాత్రలు చేయడం అంత సులభంకాదని అనీష్‌తో చెప్పాను. ‘ఇట్లు అర్జున’ స్టోరీ మీద అనీష్‌కు చాలా నమ్మకం ఉంది. సినిమా పూర్తయిన తర్వాత నాకు చూపించారు. సినిమా చూసి నేను చాలా సర్‌ప్రైజ్ అయ్యాను’ అని నాగార్జున తెలిపారు.ఇదీ చదవండి: మూడు సార్లు విడాకులు తీసుకున్న స్టార్స్‌ వీళ్లే)#RamCharan took 10 years to play a deaf character Akhil played a blind character in his 6th film - #Nagarjuna https://t.co/7UdhTkPIvb— Movies4u Official (@Movies4u_Officl) November 9, 2026

అంతర్జాతీయ ఆర్థిక, దేశీయ బులియన్‌ (బంగారం) మార్కెట్లలో సింగపూర్ మరో మైలురాయిని అధిగమించింది. ప్రపంచ దేశాల సెంట్రల్ బ్యాంకులు, సార్వభౌమ సంస్థలు(సావరీన్‌ ఎంటిటీస్‌), అంతర్జాతీయ ఆర్థిక సంస్థల కోసం ఏకంగా 500 టన్నుల సామర్థ్యం కలిగిన అత్యాధునిక గోల్డ్ వాల్ట్‌ సర్వీస్‌ను సింగపూర్ మోటరీ అథారిటీ (ఎంఏఎస్‌)ని అధికారికంగా ప్రారంభించింది. ఆసియా ఖండంలోనే ఫైనాన్షియల్ హబ్‌గా తన స్థానాన్ని మరింత సుస్థిరం చేసుకునే దిశగా సింగపూర్ ప్రభుత్వం తీసుకున్న ఈ నిర్ణయం ప్రస్తుతం గ్లోబల్ మార్కెట్లలో చర్చనీయాంశమైంది.మౌలిక వసతులు.. పన్ను రాయితీలుఈ సరికొత్త జాతీయ వాల్ట్ ప్రారంభంతో పాటు బులియన్ ట్రేడింగ్ రంగానికి ఊతమిచ్చేలా పన్ను మినహాయింపులను కూడా సింగపూర్ ప్రకటించింది. గోల్డ్ కస్టడీ, రిఫైనింగ్, రీ-మెల్టింగ్, అసేయింగ్, బ్రోకింగ్ వంటి టోకు సేవలకు ట్యాక్స్ నుంచి మినహాయింపునిస్తున్నట్లు అధికారులు వెల్లడించారు. అంతర్జాతీయ సంస్థాగత వర్తకుల మధ్య ఈ లావాదేవీలు ఎక్కువగా జరుగుతున్నందున పన్ను సులభతర విధానం తీసుకువచ్చినట్లు ఎంఏఎస్‌ ఛైర్మన్ గన్ కిమ్ యోంగ్ మీడియా సమావేశంలో తెలిపారు.హాంకాంగ్‌తో పోటీఆసియాలో అగ్రగామి గోల్డ్ హబ్‌గా నిలిచేందుకు సింగపూర్, హాంకాంగ్ నగరాల మధ్య పోటీ తీవ్రతరమవుతున్న తరుణంలో ఈ పరిణామం ప్రాధాన్యత సంతరించుకుంది. సింగపూర్ ఎక్స్ఛేంజ్ (ఎస్‌జీఎక్స్‌) కూడా భవిష్యత్తు ప్రణాళికల్లో భాగంగా 2027 రెండో త్రైమాసికంలో భౌతికంగా డెలివరీ చేయదగిన ఒక కేజీ బంగారం బార్ ఫ్యూచర్స్‌ను ప్రవేశపెట్టాలని లక్ష్యంగా పెట్టుకుంది. అంతేకాకుండా, ఓవర్-ది-కౌంటర్ (ఓటీసీ) గోల్డ్ క్లియరింగ్ సిస్టమ్‌ను ఈ ఏడాది చివరి నాటికి అందుబాటులోకి తెచ్చి 2027 మార్చి నాటికి పూర్తి స్థాయి ట్రేడింగ్‌ను ప్రారంభించనున్నట్లు మార్కెట్ వర్గాలు నివేదించాయి.ఆర్థిక వ్యవస్థకు ఊతంఈ చర్యల ద్వారా సింగపూర్‌లో నూతన ఉద్యోగావకాశాలు రావడంతో పాటు ఆర్థిక రంగం మరింత మెరుగవుతుందని నిపుణులు అంచనా వేస్తున్నారు. ముఖ్యంగా ఆసియాకు, ప్రపంచ పశ్చిమ దేశాల గోల్డ్ మార్కెట్లకు మధ్య సింగపూర్ ఒక నమ్మకమైన వారధిలా మారుతుందని, ఇది రాబోయే రోజుల్లో అంతర్జాతీయంగా పసిడి ధరల సరళిని, నిల్వ కేంద్రాల కేంద్రీకరణను శాసించే అవకాశం ఉందని ఆర్థిక విశ్లేషకులు భావిస్తున్నారు. భద్రత, పన్ను ప్రయోజనాలు ఉన్న సింగపూర్ వైపు ప్రపంచ దేశాల సెంట్రల్ బ్యాంకులు తమ రిజర్వ్‌లను తరలించేందుకు మొగ్గుచూపే అవకాశం కనిపిస్తోంది.ఇదీ చదవండి: ఎందుకో ఆ రైలు తొందరపడింది!

ఓటీటీలోకి ఎప్పటికప్పుడు కొత్త సినిమాలు వస్తూనే ఉంటాయి. ఈ వారం అలానే జైలర్ 2, రణబాలి, దాయిరా, హ్యాపీ జర్నీ, పుష్పక విమానం, పరివారిక్ మనురంజన్ లాంటి మూవీస్, సిరీసులు స్ట్రీమింగ్ కానున్నాయి. ఇప్పుడీ లిస్టులోకి మరో తెలుగు సర్వైవల్ మెడికల్ థ్రిల్లర్ చిత్రం వచ్చి చేరింది. ఈ మేరకు అధికారిక ప్రకటన చేశారు.(ఇదీ చదవండి: ఓటీటీలో బ్యూటీఫుల్ సినిమా.. 'బత్తా' తెలుగు రివ్యూ)కికు యనమల అనే కొత్త కుర్రాడు ప్రధాన పాత్ర చేసిన తెలుగు సినిమా 'కికు చిరంజీవి'.కాశీష్ ఖాన్ హీరోయిన్. కుడివైపు గుండె ఉండటం అనే డిఫరెంట్ కాన్సెప్ట్‌తో తెరకెక్కించారు. ఈ ఏడాది ఆగస్టు 28న థియేటర్లలో రిలీజైతే ఎందుకనో జనాలు పట్టించుకోలేదు. ఇప్పుడు రెండున్నర నెలల తర్వాత అంటే ఈ శనివారం(నవంబర్ 14) నుంచి ఆహా ఓటీటీలో స్ట్రీమింగ్ కానుందని ప్రకటించారు.'కికు చిరంజీవి' విషయానికొస్తే.. అరకులో ఫోటోగ్రాఫర్‌గా పనిచేసే చిరంజీవి (కికు యనమల)కి ఒక అరుదైన వైద్య సమస్య. అతడి గుండె ఎడమ వైపు కాకుండా కుడి వైపు ఉంటుంది. దీన్ని డెక్స్‌ట్రోకార్డియా అంటారు. దీని వల్ల కాస్త కష్టపడినా శ్వాస ఇబ్బందులు వస్తుంటాయి. అరకు టూర్‌కు వచ్చిన మను (కాశీష్ ఖాన్) అనే అమ్మాయితో అతనికి పరిచయం ఏర్పడుతుంది. మనుని ముఖానికి మాస్క్ ధరించిన వ్యక్తి టార్గెట్ చేస్తాడు. దీంతో వీళ్లిద్దరూ ప్రాణాపాయ పరిస్థితుల్లో చిక్కుకుంటారు. తర్వాత ఏం జరిగింది? అనేది మిగతా స్టోరీ.(ఇదీ చదవండి: ఓటీటీలోకి తెలుగు కామెడీ-ఎమోషనల్ సినిమా)

డైనోసార్ల కంటే ముందే భూమిపై భారీ కీటకాలు సంచరించేవంటే నమ్మగలరా? సముద్రపు పక్షుల్లాగా భారీ పరిమాణంలో ఉండే తూనీగల్లాంటి జీవులు ఒకప్పుడు ఆకాశంలో విహరించేవి. అలాంటి రెండు భారీ కీటకాల శిలాజాలు ఏకంగా 500 మీటర్ల భూగర్భంలో బయటపడ్డాయి. దాదాపు 30 కోట్ల ఏళ్ల నాటి ఈ అరుదైన అవశేషాలు ఇప్పుడు శాస్త్రవేత్తలను ఆకర్షిస్తున్నాయి.ఇంగ్లండ్‌లోని డెర్బీషైర్‌ ప్రాంతంలో ఉన్న బోల్సోవర్‌ బొగ్గు గనిలో 1979లో కార్మికులు వీటిని గుర్తించారు. ‘గ్రిఫిన్‌ఫ్లైస్‌’గా పిలిచే ఈ కీటకాలలో ఒకదాని రెక్కల వెడల్పు 17.4 సెంటీమీటర్లు కాగా.. మరొకటి సుమారు 50 సెంటీమీటర్లు ఉండేదని పరిశోధకులు అంచనా వేశారు.కార్బోనిఫెరస్‌ కాలంలో అంటే 35.9 కోట్ల నుంచి 29.9 కోట్ల ఏళ్ల క్రితం ఇవి జీవించేవని చరిత్రకారులు చెబుతున్నారు. అప్పట్లో ఆ ప్రాంతమంతా చిత్తడి నేలలు, దట్టమైన అడవులతో నిండి ఉండేది. ఈ భారీ కీటకాలు భయంకరమైన వేటగాళ్లని, ఎదురైన చిన్న జీవులను ఆహారంగా తీసుకునేవని నేచురల్‌ హిస్టరీ మ్యూజియం పేర్కొంది.అప్పట్లో రెక్కల వెడల్పు 71 సెంటీమీటర్ల వరకు ఉండే తూనీగలతోపాటు.. రెండు మీటర్ల పొడవైన జెర్రులు, ఒక మీటరు పొడవైన బొద్దింకలు, తేళ్లు కూడా ఉండేవి. వాతావరణంలో ఆక్సిజన్‌ స్థాయి 35 శాతానికి చేరడంతో ఈ కీటకాలు ఇంత భారీగా పెరిగాయని పరిశోధకులు భావిస్తున్నారు. NOAA, NASA వంటి శాస్త్రీయ సంస్థల ప్రకారం.. ప్రస్తుతం వాతావరణంలో ఆక్సిజన్‌ శాతం 21 మాత్రమే ఉంది.కాలక్రమేణా పక్షులు కొత్త వేటగాళ్లుగా మారడంతో తూనీగల్లాంటి కీటకాలు చిన్నవిగా, వేగంగా కదిలేవిగా పరిణామం చెందాయి. కాగా.. ఈ రెండు శిలాజాలు మాత్రమే ఇప్పటివరకు ఆయా జాతులకు సంబంధించిన ఏకైక ఆధారాలుగా ఉన్నాయి. ప్రస్తుతం లండన్‌లోని నేచురల్‌ హిస్టరీ మ్యూజియంలో వీటిని భద్రపరిచారు. ఇవి దెబ్బతింటే తిరిగి పొందడం వీలుకాదనే కారణంతో ప్రజల సందర్శనకు ప్రదర్శించడం లేదు.ఈ అరుదైన ఆవిష్కరణకు గుర్తుగా బోల్సోవర్‌ పట్టణంలో భారీ తూనీగ శిల్పాన్ని ఏర్పాటు చేస్తున్నారు. స్థానిక పాఠశాల విద్యార్థులు 20 వారాలపాటు లోహపు పనులు, డిజైన్‌, వెల్డింగ్‌ నేర్చుకుని దీనిని రూపొందించారు. పట్టణంలోకి వచ్చే వారికి ఈ శిల్పం ప్రత్యేక ఆకర్షణగా నిలుస్తుందని స్థానిక కౌన్సిల్‌ ప్రతినిధులు పేర్కొన్నారు.ఇదీ చదవండి: అంతరిక్షంలో శాండ్‌విచ్‌?

రెండు మ్యాచ్‌ల సిరీస్‌లో భాగంగా రావల్పిండి వేదికగా శ్రీలంకతో జరుగుతున్న తొలి టెస్ట్‌లో పాకిస్తాన్‌ భారీ స్కోర్‌ చేసింది. టాస్‌ ఓడి శ్రీలంక ఆహ్వానం మేరకు తొలుత బ్యాటింగ్‌ చేసిన ఆతిథ్య జట్టు తొలి ఇన్నింగ్స్‌ను 434-9 స్కోర్‌ వద్ద డిక్లేర్ చేసింది. పాక్‌ ఇన్నింగ్స్‌లో ఐదుగురు అర్ద సెంచరీలతో రాణించారు. మిడిలార్డర్‌ బ్యాటర్‌ సౌద్‌ షకీల్‌ సెంచరీ చేజార్చుకున్నాడు. లంక బౌలర్లలో దిల్షన్‌ మధుషంక, అసిత ఫెర్నాండో చెరో 3 వికెట్లు పడగొట్టగా.. లహీరు కుమార, మిలన్‌ రత్నాయకే, సోనల్‌ దినుష తలో వికెట్‌ దక్కించుకున్నారు.ఐదుగురు హాఫ్‌ సెంచరీలుపాక్‌ ఇన్నింగ్స్‌లో తయ్యబ్‌ ఆరిఫ్‌ (57), మొహమ్మద్‌ తాహా (51), కెప్టెన్‌ బాబర్‌ ఆజం (50), అరాఫత్‌ మిన్హాస్‌ (52) అర్ద సెంచరీలతో రాణించారు. సౌద్‌ షకీల్‌ (93) ఏడు పరుగుల తేడాతో సెంచరీ చేసే అవకాశాన్ని కోల్పోయాడు. వికెట్‌ కీపర్‌ ఘాజీ ఘోరీ (48) అర్ద సెంచరీ మిస్‌ కాగా.. అజాన్‌ అవైస్‌ 30, సల్మాన్‌ అఘా 16, రజావుల్లా 10 పరుగులకు ఔటయ్యారు. సాకిబ్‌ ఖాన్‌ ఖాతా తెరవనప్పటికీ నాటౌట్‌గా నిలవగా.. మొహమ్మద్‌ అబ్బాస్‌ బ్యాటింగ్‌కు దిగలేదు. పాక్‌ అప్పటికే 106.3 ఓవర్లు ఆడటంతో బాబర్‌ ఆజం హుటాహుటిన సాకిబ్‌ ఖాన్‌ను పెవిలియన్‌కు పిలిచి ఇన్నింగ్స్‌ను డిక్లేర్‌ చేశాడు.కాగా, శ్రీలంక జట్టు టీ20, టెస్ట్‌ సిరీస్‌ల కోసం పాక్‌లో పర్యటిస్తుంది. ఈ సిరీస్‌లో తొలుత జరిగిన 3 మ్యాచ్‌ల టీ20 సిరీస్‌ను పాక్‌ 2-1 తేడాతో కైవసం చేసుకుంది.ఇదీ చదవండి: న్యూజిలాండ్‌ను భారీ దెబ్బేసిన టీమిండియా

ఏసీసీ మెన్స్‌ అండర్‌-19 ఆసియా కప్‌-2026 వన్డే టోర్నమెంట్‌లో తప్పక గెలవాల్సిన మ్యాచ్‌లో భారత్‌ భారీ స్కోరు సాధించింది. అల్‌ ఎమిరెట్‌ వేదికగా ఈ టోర్నీలో గ్రూప్‌-‘ఎ’ నుంచి తొలుత నేపాల్‌తో తలపడ్డ భారత్‌ భారీ విజయం సాధించింది. అనంతరం దాయాది పాకిస్తాన్‌ చేతిలో అనూహ్య రీతిలో ఓటమిపాలైంది.తాజాగా మంగళవారం నాడు యునైటెడ్‌ అరబ్‌ ఎమిరేట్స్‌తో తప్పక గెలవాల్సిన మ్యాచ్‌లో మాత్రం భారత బ్యాటర్లు సత్తా చాటారు. టాస్‌ ఓడి తొలుత బ్యాటింగ్‌కు దిగిన భారత జట్టుకు ఆదిలోనే ఎదురుదెబ్బ తగిలింది. ఓపెనర్లలో కెప్టెన్‌ లక్ష్య రాయ్‌చందాని (32 బంతుల్లో 17) నిరాశపరిచాడు.ఆర్యవీర్‌ సెహ్వాగ్‌ భారీ శతకంఅయితే, మరో ఓపెనర్‌ ఆర్యవీర్‌ సెహ్వాగ్‌, వన్‌డౌన్‌ బ్యాటర్‌ వీకే వినీత్‌ నిలకడగా ఆడుతూ స్కోరు బోర్డును ముందుకు నడిపించారు. ఈ క్రమంలో జూనియర్‌ సెహ్వాగ్‌ 131 బంతుల్లో శతకం పూర్తి చేసుకున్నాడు. మొత్తంగా 168 బంతులు ఎదుర్కొన్న ఈ కుడిచేతి వాటం బ్యాటర్‌ పదిహేడు ఫోర్లు, ఏడు సిక్సర్లు బాది ఏకంగా 160 పరుగులు సాధించాడు.Aaryavir Sehwag celebrates his landmark 150 with a towering six. 🥵 Watch #INDvUAE in the DP World Men's U19 Asia Cup, LIVE NOW on Sony Sports Network TV channels & Sony LIV. #SonySportsNetwork #SonyLIV https://t.co/kkBShecWuh— Sony Sports Network (@SonySportsNetwk) November 10, 2026వినీత్‌ హాఫ్‌ సెంచరీఅయితే, నసీం ఖాన్‌ బౌలింగ్‌లో ఉద్దీశ్‌ సూరికి క్యాచ్‌ ఇవ్వడంతో ఆర్యవీర్‌ భారీ ఇన్నింగ్స్‌ ముగిసిపోయింది. ఇక వీకే వినీత్‌ అర్ధ శతకం (69 బంతుల్లో 67; 3 ఫోర్లు, 3 సిక్స్‌లు)తో రాణించాడు. ఆర్యవీర్‌తో కలిసి రెండో వికెట్‌కు 193 పరుగుల భారీ భాగస్వామ్యం నెలకొల్పాడు.VK Vineeth knows how to make a statement! 💥 Watch #INDvUAE in the DP World Men's U19 Asia Cup, LIVE NOW on Sony Sports Network TV channels & Sony LIV. #SonySportsNetwork #SonyLIV https://t.co/PpDKMmzgQV— Sony Sports Network (@SonySportsNetwk) November 10, 2026వీరిద్దరు అవుటైన తర్వాత భారత్‌ వరుస విరామాల్లో వికెట్లు కోల్పోయింది. పాక్‌తో మ్యాచ్‌లో శతక్కొట్టిన అర్జున్‌ రాజ్‌పుత్‌ (4) పూర్తిగా విఫలం కాగా.. యశ్‌వర్దన్‌ చౌహాన్‌ 17, వికెట్‌ కీపర్‌ బ్యాటర్‌ అన్వయ్‌ ద్రవిడ్‌ 12 పరుగులు మాత్రమే చేసి నిష్క్రమించారు. లోయర్‌ ఆర్డర్‌లో మనాల్‌ చౌహాన్‌ (1) తేలిపోగా.. మోహిత్‌ ఉల్వా 7, ఆర్యర్‌ సస్వాని 2 పరుగులతో అజేయంగా నిలిచారు.నసీం ఖాన్‌కు 4 వికెట్లుఫలితంగా నిర్ణీత 50 ఓవర్లలో భారత్‌ ఏడు వికెట్ల నష్టానికి 309 పరుగులు సాధించింది. యూఏఈ బౌలర్లలో నసీం ఖాన్‌ నాలుగు వికెట్లతో చెలరేగగా.. హదాయతుల్లా ఖాన్‌, నూరుల్లా అయోబి, కెప్టెన్‌ అయాన్‌ మిస్బా తలా ఒక వికెట్‌ దక్కించుకున్నారు.ఇదీ చదవండి: జట్టు ప్రకటన.. కెప్టెన్‌గా పృథ్వీ షా!.. మరి రుతురాజ్‌?

దీపావళి పండుగ సందర్భంగా రిలయన్స్ జియో తన జియోహోమ్ కస్టమర్లకు అదిరిపోయే ఆఫర్ ప్రకటించింది. ఇంట్లో వైఫై, టీవీ, ఓటీటీ సేవలను ఉపయోగించే వారికి ఈ ఆఫర్ ఎంతో ఉపయోగకరంగా ఉండనుంది.కంపెనీ ఆఫర్ ప్రకారం.. ఇప్పటికే జియోహోమ్ ఫైబర్ లేదా ఎయిర్‌ఫైబర్ కనెక్షన్ ఉపయోగిస్తున్న కస్టమర్లు 10 నెలల రీఛార్జ్ చేసుకుంటే అదనంగా 5 నెలల సేవలను ఉచితంగా పొందవచ్చు. అంటే 10 నెలలకు డబ్బులు చెల్లిస్తే మొత్తం 15 నెలల పాటు వైఫై సేవలను ఉపయోగించుకునే అవకాశం లభిస్తుందన్నమాట. పండుగ సీజన్‌లో కస్టమర్లను ఆకర్షించేందుకు జియో ఈ ప్రత్యేక ఆఫర్‌ను తీసుకొచ్చింది.ఈ ఆఫర్‌లో భాగంగా నెలకు రూ.666 ప్లాన్‌తో 10 నెలల రీఛార్జ్ చేసుకోవాల్సి ఉంటుంది. ఇందుకోసం మొత్తం రూ.6,660 చెల్లించాలి. ఇలా రీఛార్జ్ చేసుకున్న వారికి అదనంగా మరో 5 నెలల వ్యాలిడిటీని జియో ఉచితంగా అందిస్తుంది. అంటే మధ్యలో మరోసారి రీఛార్జ్ చేసుకోవాల్సిన అవసరం లేకుండానే మొత్తం 15 నెలల పాటు సేవలను పొందవచ్చు.తరచూ ఇంటర్నెట్ ఉపయోగించే కుటుంబాలకు, టీవీ ఛానళ్లు చూసేవారికి, ఓటీటీ సినిమాలు, వెబ్ సిరీస్‌లు చూసేవారికి ఈ ఆఫర్ కొంత డబ్బు ఆదా చేసే అవకాశం కల్పిస్తుంది.ఆఫర్‌ను ఎలా పొందాలంటేఇప్పటికే జియోహోమ్ కనెక్షన్ ఉన్న కస్టమర్లు తమ రిజిస్టర్డ్ మొబైల్ నంబర్ నుంచి 8219582195 నంబర్‌కు మిస్డ్ కాల్ ఇవ్వాలి. కాల్ ఆటోమేటిక్‌గా కట్ అవుతుంది. ఆ తర్వాత జియో నుంచి అదే మొబైల్ నంబర్‌కు ఒక కన్ఫర్మేషన్ మెసేజ్ వస్తుంది. ఆ మెసేజ్‌లో ఇచ్చిన సూచనలను పాటిస్తే ఆఫర్‌ను క్లెయిమ్ చేసుకోవచ్చు. అయితే.. ఈ ఆఫర్ కోసం తప్పనిసరిగా జియోహోమ్ కనెక్షన్‌కు లింక్ అయిన రిజిస్టర్డ్ మొబైల్ నంబర్ నుంచే మిస్డ్ కాల్ ఇవ్వాలి.కొత్తగా కనెక్షన్ తీసుకుంటే..కాగా.. కొత్తగా జియోహోమ్ కనెక్షన్ తీసుకోవాలనుకునే వారికి కూడా జియో మరో ఆఫర్ ప్రకటించింది. రెండు నెలల ప్లాన్ ధర చెల్లిస్తే మూడు నెలల పాటు సేవలను పొందవచ్చు. ఈ రెండు నెలల ప్లాన్ ధర రూ.2,122గా ఉంది. ఈ ప్లాన్‌లో గరిష్ఠంగా 100 Mbps ఇంటర్నెట్ స్పీడ్ లభిస్తుంది. దీంతో పాటు.. జియోహోమ్ సేవలను కూడా ఉపయోగించుకోవచ్చు. అంటే కొత్తగా కనెక్షన్ తీసుకోవాలనుకునే వారికి కూడా అదనంగా ఒక నెల సేవ ఉచితంగా లభిస్తుంది.జియోహోమ్ ప్రత్యేకతజియోహోమ్ ప్రత్యేకత ఏమిటంటే.. ఒకే కనెక్షన్ ద్వారా ఇంటర్నెట్‌తో పాటు వినోద సేవలను కూడా అందించడం. ఇందులో వైఫై సేవలు.. 1,000కు పైగా లైవ్ టీవీ ఛానళ్లు, పలు ఓటీటీ ప్లాట్‌ఫామ్స్ అందుబాటులో ఉంటాయి. ఇంట్లో ప్రతి ఒక్కరూ తమకు నచ్చిన సినిమాలు, సీరియళ్లు, టీవీ కార్యక్రమాలు చూసేందుకు ఈ సేవలు ఉపయోగపడతాయి.ఇదీ చదవండి: బంగారం ధరల్లో మార్పు.. నేటి ధరలు ఇలా..

దేశవాళీ టీ20 టోర్నమెంట్‌ సయ్యద్‌ ముస్తాక్‌ అలీ ట్రోఫీ-2026 ఎడిషన్‌కు సంబంధించి మహారాష్ట్ర క్రికెట్‌ బోర్డు తమ జట్టును ప్రకటించింది. పద్దెనిమిది మంది సభ్యులతో కూడిన ఈ జట్టులో టీమిండియా స్టార్‌ రుతురాజ్‌ గైక్వాడ్‌కు చోటు దక్కింది. అదే విధంగా పృథ్వీ షా కూడా ఈ జట్టులో ఉన్నాడు.అయితే, వీరిద్దరిలో కెప్టెన్‌ ఎవరన్న అంశంపై మాత్రం మహారాష్ట్ర క్రికెట్‌ స్పష్టతనివ్వలేదు. అనుభవజ్ఞులైన ఆటగాళ్లతో పాటు యువ ప్లేయర్లకు కూడా ఈసారి జట్టులో అవకాశం దక్కింది. సీనియర్‌ రాహుల్‌ త్రిపాఠితో పాటు.. యువ స్టార్‌ ఆల్‌రౌండర్‌ అర్షిన్‌ కులకర్ణికి సెలక్టర్లు చోటిచ్చారు.కాగా 2009-2010 సీజన్‌లో మహారాష్ట్ర దేశీ టీ20 టోర్నీలో ట్రోఫీ గెలిచింది. ఇక ఈసారి నవంబరు 14- 26 మధ్య సయ్యద్‌ ముస్తాక్‌ అలీ ట్రోఫీ గ్రూప్‌ దశలో భాగంగా మహారాష్ట్ర జట్టు మొహాలీ, చండీగఢ్‌లో మ్యాచ్‌లు ఆడుతుంది.ఇక ఈసారి కెప్టెన్‌ విషయంలో మాత్రం మహారాష్ట్ర ఇంత వరకు క్లారిటీ ఇవ్వకపోయినా.. పృథ్వీ షా లేదంటే రుతురాజ్‌ సారథిగా వ్యవహరించడం తెలిసిన విషయమే. రుతు భారత్‌-ఎ, టీమిండియాలో చోటు దక్కించుకోవడంతో ఇటీవల రంజీ ట్రోఫీ 2026-27 మ్యాచ్‌లలో పృథ్వీ షా కెప్టెన్‌గా వ్యవహరించాడు.ఇదిలా ఉంటే సయ్యద్‌ ముస్తాక్‌ అలీ ట్రోఫీలో ఎలైట్‌ గ్రూప్‌-‘సి’లో ఉన్న మహారాష్ట్ర.. తమ తొలి మ్యాచ్‌లో భాగంగా నవంబరు 14న పుదుచ్చేరితో తలపడుతుంది. ఆ తర్వాత కేరళ, హిమాచల్‌ ప్రదేశ్‌, అసోం, మధ్యప్రదేశ్‌, త్రిపుర, ఆంధ్ర జట్లతో మ్యాచ్‌లు ఆడుతుంది.కాగా ఆరంభ మ్యాచ్‌లలో పృథ్వీ షా కెప్టెన్‌గా వ్యవహరించే అవకాశం ఉంది. ఎందుకంటే రుతురాజ్‌ ప్రస్తుతం భారత వన్డే జట్టుతో కలిసి న్యూజిలాండ్‌ పర్యటనలో ఉన్నాడు. కివీస్‌తో వన్డే సిరీస్‌ నవంబరు 15తో ముగుస్తుంది.సయ్యద్‌ ముస్తాక్‌ అలీ ట్రోఫీ-2026 టోర్నీకి మహారాష్ట్ర జట్టుపృథ్వీ షా, రుతురాజ్‌ గైక్వాడ్‌, అర్షిన్‌ కులకర్ణి, సాహిల్‌ పరేఖ్‌, రాహుల్‌ త్రిపాఠి, సూరజ్‌ షిండే, రామకృష్ణ ఘోష్‌, ముకేశ్‌ చౌదరి, తనయ్‌ సంఘ్వీ, విక్కీ ఓస్త్వాల్‌, కిరణ్‌ చర్మోలే, రంజిత్‌ నికమ్‌, ప్రదీప్‌ దాధే, రుషికేశ్‌ సొనావ్నే, వికేక్‌ షెలార్‌, హితేశ్‌ వలుంజ్‌, ప్రశాంత్‌ సోలంకి, సిద్ధేశ్‌ వీర్‌.

న్యూఢిల్లీ: కాంగ్రెస్ అగ్రనేత సోనియా గాంధీ తాజాగా విడుదల చేసిన తన జీవిత చరిత్ర పుస్తకం రాజకీయ దుమారం రేపుతోంది. ‘Belonging: A Journey of Love’ పేరుతో విడుదలైన ఈ పుస్తకంపై బీజేపీ తీవ్రస్థాయిలో విరుచుకుపడింది. ముఖ్యంగా దేశంలో ఇందిరాగాంధీ విధించిన ఎమర్జెన్సీని సోనియా గాంధీ సమర్థించేందుకు ప్రయత్నించారని ఆరోపించింది. ఈ పుస్తకానికి ‘బిలాంగింగ్’ అని కాకుండా ‘వైట్‌వాషింగ్’ (చారిత్రక తప్పిదాలను కప్పిపుచ్చడం) అని పేరు పెట్టాల్సిందని బీజేపీ జాతీయ అధికార ప్రతినిధి సీఆర్ కేశవన్ ఎద్దేవా చేశారు.సోనియా గాంధీ పుస్తకం వెనుక అసలు ఉద్దేశం నెహ్రూ-గాంధీ కుటుంబం చేసిన చారిత్రక తప్పిదాలను తీపి మాటలతో కప్పిపుచ్చడమేనని కేశవన్ విమర్శించారు. కాంగ్రెస్ పార్టీ చేసిన తీవ్రమైన తప్పులను ప్రజలకు కనిపించకుండా చేయడానికి ప్రయత్నిస్తున్నారని ఆరోపించారు. ఈ మేరకు ఆయన సోషల్ మీడియా వేదిక ‘ఎక్స్‌’లో స్పందించారు. అయోధ్యలోని బాబ్రీ మసీదు ఘటనపై సోనియా గాంధీ కన్నీళ్లు పెట్టుకున్నట్లు తన పుస్తకంలో పేర్కొన్న విషయాన్ని కేశవన్ ప్రస్తావించారు. అయితే 1984లో కాంగ్రెస్ పాలన సమయంలో సిక్కులపై జరిగిన హింసాకాండ, గురుద్వారాలపై దాడుల సందర్భంగా వేలాది మంది ప్రాణాలు కోల్పోయినప్పుడు ఆమె ఎందుకు స్పందించలేదని ప్రశ్నించారు. Smt. Sonia Gandhi could have titled her memoir as ‘ ‘Whitewashing’ instead of ‘Belonging’, because the motive of this book appears to be sugar coating the historical wrongs perpetrated by the Nehru Gandhi family and camouflaging the cardinal sins committed by the Congress party. Smt. Sonia Gandhi says that she cried for Babri Masjid. Did Sonia Gandhi shed even a drop of tear when Gurudwaras were targeted and thousands of innocent people were violently killed during the 1984 Sikh Massacre which happened during the Congress rule? Sonia Gandhi cried profusely for the Batla House terrorists, but did she weep for the brave CRPF jawans who were martyred in the line of duty protecting our nation and people? Did Sonia Gandhi cry for the innocent lives lost in the 26/11 Mumbai terror attacks which happened under the Congress Govt. Will her book answer why the cowardly Congress led UPA Govt failed to retaliate? The way in which Smt. Sonia Gandhi has tried to justify and normalise the notorious Emergency imposed by Indira Gandhi which murdered our constitution and suspended our fundamental rights, is truly appalling. The Congress regime at the Centre for nearly 55 years inflicted unfathomable damage and scars on Indian polity and our democracy. The nation is thankful to PM Modi ji for effectively course correcting the historical sins and wrongs committed by the Congress party.— C.R.Kesavan (@crkesavan) November 10, 2026బాట్లా హౌస్ ఎన్‌కౌంటర్‌లో ఉగ్రవాదుల కోసం సోనియా గాంధీ కన్నీళ్లు పెట్టుకున్నారని ఆరోపించిన కేశవన్.. దేశ రక్షణ కోసం ప్రాణత్యాగం చేసిన సీఆర్‌పీఎఫ్ జవాన్ల కోసం ఆమె ఎప్పుడైనా కన్నీళ్లు పెట్టుకున్నారా అని నిలదీశారు. 26/11 ముంబై ఉగ్రదాడుల్లో అమాయకులు ప్రాణాలు కోల్పోయినప్పుడు ఆమె ఎందుకు స్పందించలేదని ప్రశ్నించారు. కాంగ్రెస్ నేతృత్వంలోని యూపీఏ ప్రభుత్వం ఆ దాడులకు ప్రతీకారం తీర్చుకోవడంలో ఎందుకు విఫలమైందో పుస్తకంలో సమాధానం చెప్పాలని డిమాండ్ చేశారు.ఇక ఇందిరాగాంధీ విధించిన ఎమర్జెన్సీని సమర్థిస్తూ, దానిని సాధారణ చర్యగా చూపించేందుకు సోనియా ప్రయత్నించడం తీవ్ర అభ్యంతరకరమని కేశవన్ పేర్కొన్నారు. ఎమర్జెన్సీ సమయంలో రాజ్యాంగాన్ని పక్కనపెట్టి, ప్రజల ప్రాథమిక హక్కులను నిలిపివేశారని ఆరోపించారు. సోనియా గాంధీ రాసిన ఈ పుస్తకం నవంబర్ 10న మార్కెట్లోకి వచ్చింది. హార్పర్‌కాలిన్స్ ఇండియా ఈ పుస్తకాన్ని ప్రచురించింది. తొలుత పెంగ్విన్ రాండమ్ హౌస్ ఇండియాతో ప్రచురణ విషయంలో అనిశ్చితి ఏర్పడగా, చివరకు హార్పర్‌కాలిన్స్ ద్వారా పుస్తకం విడుదలైంది. ఇదీ చదవండి: ప్రధాని మోదీ టీ తాగిన ఇంట్లో.. ఆర్థిక వేధింపులు!

సాక్షి, నల్గొండ: భార్యకు అండగా ఉండాల్సిన భర్తే ఆమె ప్రాణాలు తీశాడు. జీవితాంతం తోడుంటానన్న వ్యక్తే ఆమె పాలిట మృత్యువయ్యాడు. ఈ విషాదకర ఘటన నల్గొండ జిల్లాలో చోటుచేసుకుంది.పోలీసులు తెలిపిన వివరాల ప్రకారం.. నల్గొండ జిల్లాలో, హెడ్‌క్వార్టర్స్‌లో హోంగార్డ్‌గా మెహబూబ్‌ బీ విధులు నిర్వహిస్తున్నారు. కొంతకాలంగా భార్యాభర్తల మధ్య తరచూ గొడవలు జరుగుతున్నాయి. ఈ క్రమంలోనే ఇద్దరి మధ్య మరోసారి వివాదం తలెత్తినట్లు తెలుస్తోంది. దీంతో ఆగ్రహానికి గురైన భర్త సతీష్‌ భార్యను గొంతు నులిమి హత్య చేసినట్లు పోలీసులు పేర్కొన్నారు. ఘటనపై కేసు నమోదు చేసి దర్యాప్తు చేపట్టారు. అలాగే, హత్యకు సంబంధించిన పూర్తి విషయాలపై ఆరా తీస్తున్నారు.ఇదీ చదవండి: రోజూ రాత్రి భర్తకు నిద్ర మాత్రలు ఇచ్చి.. ప్రియుడితో!

ఈ ఏడాది రవితేజ హీరోగా వచ్చిన మూవీ ఇరుముడి. ఈ సినిమా బాక్సాఫీస్ వద్ద సూపర్ హిట్‌గా నిలిచింది. తండ్రీ కూతుళ్ల సెంటిమెంట్‌తో వచ్చిన ఈ చిత్రం బాక్సాఫీస్‌ వద్ద రికార్డ్ సృష్టించింది. ఈ సినిమా బాక్సాఫీస్ వద్ద రూ.250 కోట్లకు పైగా వసూళ్లు సాధించింది. శివ నిర్వాణ డైరెక్షన్‌లో వచ్చిన ఈ చిత్రంలో కోలీవుడ్ బ్యూటీ ప్రియా భవానీ శంకర్ హీరోయిన్‌గా మెప్పించింది.తాజాగా హీరోయిన్‌ ప్రియా భవానీ శంకర్‌కు సంబంధించి కోలీవుడ్‌లో క్రేజీ న్యూస్ వైరలవుతోంది. ఆమె త్వరలోనే పెళ్లి పీటలెక్కనుందని తెలుస్తోంది. తన ప్రియుడు రాజ్‌వెల్ రాజ్‌ను త్వరలోనే పెళ్లి చేసుకోనుందని సమాచారం. తాజాగా ప్రియా తన ఇన్‌స్టా స్టోరీస్‌లో ప్రీ-వెడ్డింగ్ వేడుకలకు సంబంధించిన ఫోటోలను షేర్ చేయడంతో ఈ వార్తలకు బలం చేకూరుతోంది. వీటిలో సంప్రదాయ దుస్తులతో పాటు మెడలో మల్లెపూల దండలతో కనిపించింది. తన చేతులకు గోరింటాకు పెట్టుకున్న ఈ పిక్స్ ఆమె అభిమానులతో పంచుకుంది.‍అయితే అత్యంత సన్నిహితులు, కుటుంబ సభ్యుల మధ్య ఈ వేడుక జరిగినట్లు తెలుస్తోంది. కాలేజీ రోజుల నుంచే వీరిద్దరు ప్రేమలో ఉన్నట్లు సమాచారం. ఈ జంట దాదాపు పదేళ్లకు పైగా రిలేషన్‌లో ఉన్నారని కోలీవుడ్ టాక్. అంతేకాకుండా 2022లోనే ఓ గృహాన్ని కూడా కొనుగోలు చేశారట. అయితే ఈ పెళ్లి విషయంలో ఎలాంటి అఫీషియల్ ప్రకటనైతే రాలేదు. ప్రియా భవానీ పెళ్లికి సంబంధించి రాబోయే రోజుల్లో మరింత క్లారిటీ రానుంది.

భారత క్రికెట్‌ జట్టు న్యూజిలాండ్‌ గడ్డపై అంచనాలకు మించి రాణిస్తుంది. ప్రస్తుత పర్యటనలో ఇప్పటికే టీ20 సిరీస్‌ కైవసం (3-2తో) చేసుకున్న టీమిండియా.. ఐదు మ్యాచ్‌ల వన్డే సిరీస్‌ను గెలుపు లేదా సమం చేసుకోనుంది.హ్యామిల్టన్‌ వేదికగా ఇవాళ జరగాల్సిన మూడో వన్డే వర్షం కారణంగా ఒక్క బంతి కూడా పడకుండానే రద్దు కావడంతో సిరీస్‌లో భారత్‌ తమ ఆధిక్యాన్ని 2-0తో కొనసాగిస్తోంది. చివరి రెండు మ్యాచ్‌ల్లో భారత్‌ ఒక్క మ్యాచ్‌ గెలిచినా లేక మరో మ్యాచ్‌ ఏదైనా కారణం​ చేత రద్దైనా వన్డే సిరీస్‌ కూడా భారత్‌ ఖాతాలో చేరుతుంది.11 ఏళ్ల విజయపరంపరకు బ్రేక్‌ మూడో వన్డే రద్దైనా భారత్‌ న్యూజిలాండ్‌ను భారీ దెబ్బేసింది. సొంతగడ్డపై ఆ జట్టు 11 ఏళ్ల విజయపరంపరకు బ్రేక్‌ వేసింది. 2018-19 సీజన్‌ నుంచి న్యూజిలాండ్‌ స్వదేశంలో జరిగిన ప్రతి వన్డే సిరీస్‌లోనూ విజయం సాధించింది. తాజాగా భారత్‌తో జరగాల్సిన మూడో వన్డే రద్దు కావడంతో న్యూజిలాండ్‌ ఈ సిరీస్‌ గెలిచే అవకాశం కోల్పోయింది. ఒకవేళ చివరి రెండు వన్డేలు గెలిచినా సిరీస్‌ సమమవుతుంది తప్ప, న్యూజిలాండ్‌ గెలవలేదు.దీంతో భారత్‌ సొంతగడ్డపై వరుస వన్డే సిరీస్‌ విజయాలతో దూసుకుపోతున్న న్యూజిలాండ్‌కు అడ్డుకట్ట వేసింది. చివరిగా న్యూజిలాండ్‌కు సొంతగడ్డపై వన్డే సిరీస్‌ ఓటమి రుచి చూపించింది కూడా టీమిండియానే కావడం విశేషం​. నాటి నుంచి న్యూజిలాండ్‌.. బంగ్లాదేశ్‌, భారత్‌, నెదర్లాండ్స్‌, శ్రీలంక, పాకిస్తాన్‌, ఇంగ్లండ్‌, వెస్టిండీస్‌ జట్లపై స్వదేశంలో వన్డే సిరీస్‌లు గెలుచుకుంది.మిగిలిన రెండు వన్డేలకు కెప్టెన్‌గా శ్రేయస్‌ అయ్యర్‌సిరీస్‌లో మిగిలిన రెండు వన్డేలు నవంబర్‌ 13, 15 తేదీల్లో జరుగనున్నాయి. ఈ రెండు మ్యాచ్‌లకు వైస్‌ కెప్టెన్‌ శ్రేయస్‌ అయ్యర్‌ నాయకత్వం వహించనున్నాడు. రెగ్యులర్‌ కెప్టెన్‌ శుభ్‌మన్‌ గిల్‌ తదుపరి జరుగబోయే టెస్ట్‌ సిరీస్‌కు సన్నద్దం కావాల్సి ఉండటంతో ముందుగానే ఈ మార్పును ప్రకటించారు.నవంబర్‌ 19 నుంచి టెస్టు సిరీస్‌వన్డే సిరీస్‌ ముగిసిన తర్వాత భారత్‌, న్యూజిలాండ్‌ మధ్య రెండు మ్యాచ్‌ల టెస్టు సిరీస్‌ ప్రారంభం కానుంది. నవంబర్‌ 19న వెల్లింగ్టన్‌లోని బేసిన్‌ రిజర్వ్‌ వేదికగా తొలి టెస్టు మొదలవుతుంది. చివరి టెస్టు నవంబర్‌ 27 నుంచి క్రైస్ట్‌చర్చ్‌లోని హాగ్లీ ఓవల్‌లో జరగనుంది.ఇదీ చదవండి: IND VS NZ 3rd ODI: వర్షం కారణంగా మ్యాచ్‌ రద్దు

మలయాళ సూపర్‌ స్టార్‌ మమ్ముట్టి, కేరళ బీజేపీ రాష్ట్ర ఉపాధ్యక్షుడు బి. గోపాలకృష్ణన్ ఇంటికి వెళ్లి ఆయన కుమార్తె పెళ్లికి శుభాకాంక్షలు తెలుపడం సోషల్ మీడియాలో పెద్ద వివాదానికి దారితీసింది. నవంబర్ 1న జరిగిన గోపాలకృష్ణన్ కుమార్తె వివాహానికి హాజరుకాలేకపోయిన మమ్ముట్టి, ఆ తర్వాత ఆదివారం సాయంత్రం త్రిస్సూర్ లోని ఆయన ఇంటికి వెళ్లి నూతన దంపతులను ఆశీర్వదించారు.ఈ దృశ్యాలు సామాజిక మాధ్యమాల్లో వైరల్ కావడంతో, కొంతమంది విమర్శలను గుప్పించారు. మతతత్వ పార్టీ నేతతో సన్నిహిత సంబంధాలు కలిగి ఉండకూడదని దుయ్యబట్టారు. గతంలో వయనాడ్ కొండచరియల బాధితుల ప్రాంతాన్ని దర్శించిన సమయంలో ఓ సీపీఐ(ఎం) నాయకుడిని తమతో రావద్దని మమ్ముట్టి అన్నారనే సంఘటనను గుర్తుచేస్తూ, ఆయన ద్వంద్వ విధానాలు అవలంబిస్తున్నారంటూ ట్రోల్ చేశారు. ఇదీ చదవండి: 40 ఏళ్లకే పక్షవాతం: ఎయిర్‌టెల్‌ మాజీ సీఓఓ సంచలన వ్యాఖ్యలు #Mammootty visits BJP State Vice President B. Gopalakrishnan’s residence to extend his wedding wishes to his daughter. https://t.co/jtGbmvJI94— Kerala Trends (@KeralaTrends2) November 8, 2026 అయితే ఈ విమర్శలను, సోషల్ మీడియా ట్రోలింగ్‌ను బీజేపీ నేత గోపాలకృష్ణన్‌ ఖండించారు. వ్యక్తిగత సంబంధాలను రాజకీయ కోణంలో చూడకూడదని పేర్కొన్నారు. కేరళలో ఉండే మంచి పద్ధతిని, మనుషుల మధ్య అనుబంధాలను రాజకీయాల పేరిట నాశనం చేయవద్దని పిలుపునిచ్చారు. స్నేహం అనేది రాజకీయాలు, మతం, కులం, భాష, దుస్తులు, వర్ణానికి అతీతమైనదని ఆయన ఆరోపించారు. సీపీఐ(ఎం) సీనియర్ నాయకుడు, మాజీ ముఖ్యమంత్రి పినరయి విజయన్‌తో పాటు పలువురు వామపక్ష పార్టీల కార్యకర్తలు, వివిధ రాజకీయ పార్టీలకు చెందిన నాయకులు పెళ్లికి వచ్చారని గోపాలకృష్ణన్ గుర్తు చేశారు. సీపీఎం వివరణమరోవైపు వామపక్ష వాదులు మమ్ముట్టిపై విమర్శలు గుప్పించారన్న ఆరోపణలపై స్పందించిన సీపీఐ(ఎం) సీనియర్ నాయకులు ఈ వివాదానికి తమ పార్టీకి ఎటువంటి సంబంధం లేదని స్పష్టం చేశారు. ఈ దాడితో తమ పార్టీకి ఎలాంటి సంబంధం లేదని సీపీఎం సీనియర్‌ నేత, థామస్ ఐజాక్, రాష్ట్ర కార్యదర్శి ఎం.వి. గోవిందన్ స్పష్టం చేశారు. మమ్ముట్టి రాష్ట్రం గర్వించదగ్గ నటుడని, ఆయనతో తమ పార్టీకి మంచి సంబధాలున్నాయని పేర్కొన్నారు. నెటిజన్ల వ్యాఖ్యలు పార్టీ అధికారిక వైఖరి కాదని తేల్చి చెప్పారు. నటుడిని విమర్శించే వారికి పార్టీతో ఎటువంటి సంబంధం లేదని వారు పేర్కొన్నారు. దీనికి వెనుక సైబర్‌ ఫాలోయర్ల పన్నాగం ఉండి ఉండవచ్చన్నారు. మమ్ముట్టి సీపీఐ(ఎం)తో అనుబంధం ఉన్న 'కైరళి టీవీ'కి ఛైర్మన్‌గా వ్యవహరిస్తున్నారు. సాధారణంగా ఆయన లెఫ్ట్ భావజాలానికి దగ్గరగా ఉంటారనే భావన ఉన్నప్పటికీ, రాజకీయేతరంగా నాయకుడి ఇంటికి వెళ్లడంపై ఇలా విమర్శలు రావడం కేరళ రాజకీయ, సినీ వర్గాల్లో చర్చనీయాంశమైంది.

చిత్ర పరిశ్రమలో ప్రేమ, పెళ్లిళ్లు ఎంత వేగంగా జరుగుతున్నాయో.. విడాకులు కూడా అంతే వేగంగా జరిగిపోతున్నాయి. ప్రేమించి పెళ్లి చేసుకున్నవారిలో కొన్ని జంటలు మాత్రమే ద‌శాబ్ధాల పాటు క‌లిసుంటున్నాయి. చాలా మంది వివాహ బంధంలోకి అడుగు పెట్టిన కొన్నేళ్లకే విడిపోతున్నారు. ఆ తర్వాత మరోకరి పెళ్లి చేసుకొని, కొత్త జీవితాన్ని ప్రారంభిస్తున్నారు. అయితే కొందరి విషయంలో ఒకటి కాదు.. రెండు, మూడు వివాహాలు కూడా విడాకులతో ముగిశాయి. అయినప్పటికీ వారు జీవితంలో మరోసారి ప్రేమకు అవకాశం ఇచ్చారు. అలా రెండు లేదా అంతకంటే ఎక్కువసార్లు విడాకులు తీసుకున్న సినీ ప్రముఖులు ఎవరో చూద్దాం.పవన్‌ కల్యాణ్‌..వరుసగా మూడు విడాకులు1997లో నందినిని వివాహం చేసుకున్న పవన్ కల్యాణ్ 2008లో ఆమెతో విడాకులు తీసుకున్నారు. ఆ తర్వాత నటి రేణుదేశాయ్ లో సహజీవనం చేసి 2009లో పెళ్లిచేసుకున్నారు.ఇద్దరు పిల్లలు పుట్టిన తర్వాత 2012లో వీరిద్దరూ విడిపోయారు. అనంతరం రష్యాకు చెందిన అన్నా లెజ్‌నేవాని 2013లో వివాహం చేసుకున్నారు. వీరికి ఇద్దరు పిల్లలున్నారు..తాజాగా పరస్పర అంగీకారంతో విడిపోతున్నట్టు ప్రకటించారు.ఆమిర్ ఖాన్‌.. రెండు విడాకులుబాలీవుడ్‌ స్టార్‌ ఆమిర్‌ ఖాన్‌ వ్యక్తిగత జీవితంలో మూడు వివాహాలు చేసుకున్నారు. 1986లో రీనా దత్తాను పెళ్లి చేసుకున్న ఆయన.. 2002లో ఆమెకు విడాకులు ఇచ్చారు. ఆ తర్వాత 2005లో దర్శకురాలు కిరణ్‌ రావును వివాహం చేసుకున్నారు. ఈ బంధం కూడా 2021లో విడాకులతో ముగిసింది. అనంతరం గౌరీ స్ప్రాట్‌ను 2026లో వివాహం చేసుకున్నారు. దీంతో ఆమిర్‌ జీవితంలో ఇప్పటివరకు రెండు వివాహాలు విడాకులతో ముగిశాయి.ఇదీ చదవండి: రాజమౌళి వారణాసి.. తెలుగు రాష్ట్రాల్లో భారీ డీల్..!కమల్‌ హాసన్‌..మూడోసారి కూడా.. 1978 లో నర్తకి వాణి గణపతిని కమల్‌ హాసన్‌ వివాహం చేసుకున్నారు. పదేళ్ల తరువాత విడాకులు తీసుకున్నారు.. ఆ తర్వాత నటి సారిక ను పెళ్లి చేసుకొని, 2002లో ఆమెకు విడాకులు ఇచ్చారు. అనంతరం రముఖ నటి గౌతమితో సుమారు 13 ఏళ్ల పాటు హజీవనం చేశారు. గౌతమి కూతురు సుబ్బులక్ష్మిని కూడా కమల్ తన సొంత బిడ్డలా చూసుకున్నారు. అయితే 2016లో వ్యక్తిగత కారణాల వల్ల గౌతమి ఈ బంధం నుండి బయటికి వస్తున్నట్లు ప్రకటించారు. ఆ తర్వాత కమల్ హాసన్ ఒంటరిగానే ఉంటున్నారు.రాధిక.. రెండు విడాకులు..మూడోసారి ప్రేమ పెళ్లిప్రముఖ సినీనటి రాధిక 1985లో ప్రముఖ నటుడు, దర్శకుడు ప్రతాప్ పోతన్‌ను పెళ్లి చేసుకున్నారు. ఆ తర్వాత పోతనకు విడాకులిచ్చారు రాధిక. రెండో సారి లండన్‌కు చెందిన రిచర్డ్ హ్యార్లీని వివాహం చేసుకున్నారు. వీరికి ఒక కూతురు (రయాన్నే హార్డీ) జన్మించారు. ఆ తర్వాత వీరు కూడా విడాకులు తీసుకున్నారు. 2001లో హీరో శరత్ కుమార్‌తో ప్రేమలో పడి మరో పెళ్లి చేసుకున్నారు.అనురాగ్‌ కశ్యప్‌.. రెండు పెళ్లిళ్లు.. రెండు విడాకులుబాలీవుడ్‌ దర్శకుడు అనురాగ్‌ కశ్యప్‌ కూడా రెండుసార్లు వివాహం చేసుకుని.. రెండుసార్లు విడాకులు తీసుకున్నారు. మొదట ఆర్తి బజాజ్‌ను వివాహం చేసుకున్నారు. వీరిద్దరూ విడిపోయిన తర్వాత నటి కల్కి కొచ్లిన్‌ను పెళ్లి చేసుకున్నారు. ఆ బంధం కూడా విడాకులతో ముగిసింది. అనురాగ్‌ తర్వాత మూడో వివాహం చేసుకోలేదు.కరణ్‌ సింగ్‌ గ్రోవర్‌.. వరుసగా రెండు విడాకులుటెలివిజన్‌ నుంచి బాలీవుడ్‌కు వచ్చిన కరణ్‌ సింగ్‌ గ్రోవర్‌ మూడు వివాహాలు చేసుకున్నారు. 2008లో శ్రద్ధా నిగమ్‌ను వివాహం చేసుకోగా.. ఆ బంధం ఏడాదిలోపే ముగిసింది. 2012లో నటి జెన్నిఫర్‌ వింగెట్‌ను పెళ్లి చేసుకున్నారు. ఈ వివాహం కూడా ఎక్కువ కాలం నిలవలేదు. 2014లో ఇద్దరూ విడిపోయారు. అనంతరం 2016లో నటి బిపాషా బసును పెళ్లి చేసుకున్నారు. ప్రస్తుతం వీరిద్దరూ కలిసి ఉన్నారు. కరణ్‌ జీవితంలో రెండు వివాహాలు విడాకులతో ముగిశాయి.సిద్ధార్థ్‌ రాయ్‌ కపూర్‌.. మూడో వివాహంతో సక్సెస్‌నిర్మాత సిద్ధార్థ్‌ రాయ్‌ కపూర్‌ మూడు వివాహాలు చేసుకున్నారు. ఆయన మొదటి రెండు వివాహాలు విడాకులతో ముగిశాయి. ఆ తర్వాత 2012లో నటి విద్యాబాలన్‌ను వివాహం చేసుకున్నారు. ప్రస్తుతం ఈ జంట బాలీవుడ్‌లో స్థిరమైన దాంపత్యానికి ఉదాహరణగా నిలుస్తోంది.విధు వినోద్‌ చోప్రా.. రెండు విడాకుల తర్వాత మూడో వివాహంప్రముఖ దర్శక-నిర్మాత విధు వినోద్‌ చోప్రా కూడా మూడు వివాహాలు చేసుకున్నారు. ఆయన తొలి భార్య రేణు సలూజా. ఆ వివాహం విడాకులతో ముగిసింది. ఆ తర్వాత శబ్నమ్‌ సుఖ్‌దేవ్‌ను వివాహం చేసుకున్నారు. ఆ బంధం కూడా విడాకులకు దారితీసింది. అనంతరం అనుపమా చోప్రాను వివాహం చేసుకున్నారు. ప్రస్తుతం వీరిద్దరూ కలిసి ఉన్నారు.కిషోర్‌ కుమార్‌.. నాలుగు పెళ్లిళ్లు.. మూడు విడాకులుభారతీయ సినీ సంగీత ప్రపంచంలో దిగ్గజంగా నిలిచిన కిషోర్‌ కుమార్‌ ఏకంగా నాలుగు వివాహాలు చేసుకున్నారు. రూమా గుహ ఠాకుర్తా, మధుబాల, యోగితా బాలితో జరిగిన వివాహాలు విడాకులతో ముగిశాయి. నాలుగో భార్య లీనా చందావర్కర్‌తో మాత్రం ఆయన చివరి వరకు కలిసి ఉన్నారు. అందుకే కిషోర్‌ కుమార్‌ పేరు ఒకటి కంటే ఎక్కువ వివాహాలు, విడాకుల విషయానికి వస్తే ప్రముఖంగా వినిపిస్తుంది.

అక్రమ సంబంధానికి భర్త అడ్డుగా ఉన్నాడనే కారణంతో భర్తను ప్రియుడితో కలసి భార్య హత్య చేసింది. కలబురగి జిల్లా మల్‌ఖేడ్‌లో జరిగిన హత్యకు సంబంధించిన వివరాలు ఇలా.. మల్‌ఖేడ్‌ బస్టాండ్‌ సమీపంలో కంప్యూటర్‌ సెంటర్‌ నడుపుకునే సిద్ధరామకు భార్య అంబిక, ఇద్దరు పిల్లలు ఉన్నారు. మారుతి అనే వ్యక్తితో అంబిక అక్రమ సంబంధం పెట్టుకుంది. రోజూ భర్తకు నిద్ర మాత్రలు ఇచ్చి వారు కలిసేవారు.ఈ క్రమంలో ఓ రోజు భర్త సిద్ధరామకు మెలుకువ రావడంతో అక్రమ సంబంధం బయటపడుతుందని భయపడ్డారు. దీంతో ఎలాగైనా భర్తను చంపేయాలని ప్రియుడు మారుతితో కలసి అంబిక ప్లాన్‌ వేసింది. సిద్ధరామ నవంబర్‌ 2 రాత్రి బయటకు వెళ్లి నవంబర్‌ 3 ఉదయం ఇంటికి తిరిగి వచ్చాడు. ఆ తర్వాత నిద్ర లేపేసరికి శరీరం చల్లబడిపోయి చనిపోయాడని అంబిక మొదట పోలీసులకు ఫిర్యాదు చేసింది. తన భర్త స్నేహితులతో కలిసి పారీ్టకి వెళ్లాడని మళ్లీ నమ్మించే ప్రయత్నం చేసింది. అయితే సిద్ధరామ తల్లి బసమ్మ తన కొడుకు మృతదేహాన్ని పరిశీలించగా.. అతని మెడపై రక్కుడు గాయాలు, ముక్కు, చెవులు, నోటి నుంచి రక్తం రావడం గమనించింది. కోడలిపై అనుమానం రావడంతో పోలీసులకు ఫిర్యాదు చేసింది. అంబికను పోలీసులు అదుపులోకి తీసుకుని విచారించగా ప్రియుడు మారుతితో కలసి చంపేసినట్లు ఒప్పుకుంది. అక్రమ సంబంధానికి అడ్డుగా ఉన్నాడనే కారణంతోనే భర్తను ప్లాన్‌ ప్రకారం హతమార్చినట్లు తెలిపారు. కలబురగి ఎస్పీ అద్దూరు శ్రీనివాసులు పర్యవేక్షణలో మల్‌ఖేడ్‌ పోలీసులు ఈ కేసును ఛేదించి నిందితులను జైలుకు పంపారు రాయచూరు రూరల్‌(కర్ణాటక):ఇదీ చదవండి: ప్రాణం తీసిన అక్రమ సంబంధం

రాజమౌళి-మహేశ్ బాబు కాంబోలో వస్తోన్న మోస్ట్ అడ్వెంచరస్ అండ్ అవైటేడ్ మూవీ వారణాసి. ఈ మూవీలో బాలీవుడ్ భామ ప్రియాంక చోప్రా హీరోయిన్‌గా కనిపించనుంది. ఇప్పటికే రిలీజైన పోస్టర్స్, గ్లింప్స్ వారణాసిపై అభిమానుల్లో భారీ ఆశలు పెంచేశాయి. ప్రస్తుతం ఈ మూవీ షూటింగ్ శరవేగంగా జరుగుతోంది. ఈ ఏడాది చివరికీ షూట్ ముగించేలా ప్లాన్ చేస్తున్నారు దర్శకధీరుడు.ఈ నేపథ్యంలోనే వారణాసికి సంబంధించి ఓ క్రేజీ టాక్ నెట్టింట వైరల్‌గా మారింది. ఈ మూవీ థియేట్రికల్ రైట్స్ కోసం భారీ డీల్ కుదిరిందని తెలుస్తోంది. తెలుగు రాష్ట్రాలతో పాటు ఇతర భాషలకు సంబంధించిన థియేట్రికల్ రైట్స్‌ భారీ ధరకు అమ్ముడైనట్లు సమాచారం. ఈ మూవీ హక్కులను ప్రముఖ నిర్మాణ సంస్థ మైత్రి మూవీ మేకర్స్ దాదాపు రూ.290 కోట్ల రికార్డ్ ధరకు సొంతం చేసుకున్నారని టాలీవుడ్ లేటేస్ట్ టాక్. అయితే దీనిపై ఎలాంటి అఫీషియల్ ప్రకటనైతే రాలేదు.కాగా.. ఈ చిత్రాన్ని 2027, ఏప్రిల్ 7న ప్రపంచవ్యాప్తంగా థియేటర్లలో విడుదల చేయనున్నారు. ఈ చిత్రంలో మలయాళ స్టార్ పృథ్వీరాజ్ సుకుమారన్ కీలక పాత్ర పోషిస్తున్నారు. రాజమౌళి చెప్పిన ప్రకారం 'వారణాసి'లో రాముడు జీవించిన త్రేతాయుగం సీన్స్ కూడా ఉండనున్నాయి. ఇందులో భాగంగా మహేశ్.. శ్రీరాముడిగానూ కనిపించనున్నాడు.

కర్ణాటక : పెళ్లయిన 9 నెలలకే నవ వివాహిత వరకట్నం వేధింపులకు బలైన విషాద సంఘటన బెంగళూరు కోణనకుంటలో జరిగింది. శిరీషా (23) మృతురాలు. వివరాలు.. ఓ అపార్ట్‌మెంట్‌లో భర్త ప్రశాంత్, అత్త రుక్మిణితో కలిసి ఆమె నివసిస్తోంది. పుట్టింటి నుంచి మరింత వరకట్నం తేవాలని తమ కుమార్తెను వేధించేవారని శిరీషా తల్లిదండ్రులు ఆరోపించారు. ఈ పరిస్థితుల్లో సోమవారం ఉదయం శిరీషా ఉరివేసుకున్న స్థితిలో ప్రాణాలు విడిచింది. పోలీసులు పరిశీలించి కేసు నమోదు చేసి మృతదేహాన్ని కిమ్స్‌ ఆస్పత్రికి తరలించారు. ఇదీ చదవండి: ముద్దు అంటే అక్కడ సిగ్గు కాదు.. స్వేచ్ఛకు చిహ్నం! ఆసక్తికర చరిత్ర!

సాక్షి, అమరావతి: ఎంపీపీలు, జడ్పీ అధ్యక్షుల పరోక్ష ఎన్నికల నిర్వహణకు ఎస్‌ఈసీ షెడ్యూల్ విడుదల చేసింది. ఈ నెల 19న 659 మండల పరిషత్‌ల్లో ఎంపీపీ, ఉపాధ్యక్ష పదవులకు, 20న 28 జిల్లా పరిషత్‌ల్లో ఛైర్‌పర్సన్‌, వైస్ చైర్‌పర్సన్‌ పదవులకు ఎన్నికలు నిర్వహించనున్నారు. తొలుత ఎంపీపీల్లో ఒక్కొక్కరు, జడ్పీల్లో ఇద్దరు చొప్పున కో-ఆప్షన్ సభ్యులను ఎన్నుకోనున్నారు. ఎమ్మెల్యేలు, ఎంపీలు, ఎమ్మెల్సీలకు ఓటు హక్కు ఉండదని ఎస్‌ఈసీ స్పష్టం చేసింది.కాగా, కోర్టు కేసులు తదితర కారణాలతో మొదటి విడతలో ఎన్నికలు జరగని 23 పట్టణ స్థానిక సంస్థలకు వచ్చేనెలలో ఎన్నికలు నిర్వహించాలని రాష్ట్ర ఎన్నికల కమిషన్‌ (ఎస్‌­ఈసీ) కసరత్తు చేస్తోంది. కోర్టు కేసుల చిక్కులు వీడడంతో ఎన్నికల నిర్వహ­ణపై దృష్టి పెట్టింది. రాజమహేంద్రవరం, కాకినాడ, శ్రీకాకుళం, మంగళగిరి–తాడేపల్లి నగరాలు, 19 మున్సిపాలిటీలు, నగర పంచాయతీల్లో ఎన్నికలకు ఈ నెలలోనే నోటిఫికేషన్‌ జారీచేసి, డిసెంబరు మొదటి లేదా రెండో వారంలో పోలింగ్‌ నిర్వహించాలని సన్నాహాలు చేస్తోంది.ఈ నెల 20వ తేదీ తరువాత నోటిఫికేషన్‌ వెలువడే అవకాశం ఉందని అధికారవర్గాల ద్వారా తెలిసింది. ఎన్నికలు జరగనున్న 23 పట్టణ స్థానిక సంస్థల్లో మొత్తం 24.93 లక్షల మంది ఓటర్లున్నారు.ఇదీ చదవండి: గెలుపు కాదు అరాచకం

రణ్‌బీర్ కపూర్, సాయి పల్లవి జంటగా నటించిన ‘రామాయణ’ ప్రస్తుతం థియేటర్లలో ప్రేక్షకుల్ని ఆకట్టుకుంటోంది. రూ.500 కోట్లకు పైగానే కలెక్షన్ వచ్చినట్లు తెలుస్తోంది. అయితే ఈ చిత్రంలో సీత పాత్రని చూపించిన విధానంపై 'శక్తిమ్యాన్' నటుడు ముకేశ్ ఖన్నా తీవ్ర అభ్యంతరం వ్యక్తం చేశాడు. రూ.4,000 కోట్ల భారీ బడ్జెట్‌ తిరిగి రాబట్టుకోవడంపైనే నిర్మాతలు దృష్టి పెట్టారు తప్పితే రామాయణాన్ని ప్రామాణికంగా చూపించడంపై కాదని విమర్శించాడు.(ఇదీ చదవండి: ఎందుకు ఇబ్బందిపెడతారు? రేణు దేశాయ్ పోస్ట్ వైరల్)తన యూట్యూబ్ వ్లాగ్‌లో మాట్లాడిన ముకేశ్ ఖన్నా.. రామాయణం వంటి ఇతిహాసాలను సినిమాలుగా తీసేటప్పుడు దర్శకనిర్మాతలు తమ ఇష్టానుసారం మార్పులు చేయడం ఎంతవరకు సమంజసమని ప్రశ్నించాడు. వాల్మీకి రామాయణంలో ఉన్న విషయాలని మార్చి, తమ సొంత ఊహలని జోడించి చూపించడం న్యాయమేనా? రామాయణం సినిమా విడుదలైనప్పటి నుంచి సోషల్ మీడియాలో, యూట్యూబర్ల మధ్య పెద్ద చర్చ జరుగుతోంది. అందరూ సినిమాను సమీక్షిస్తున్నారు. సినిమా ఎంత వసూలు చేస్తుందో కూడా ఎవరికీ స్పష్టత లేదు. అయితే ఇక్కడ కథని ప్రామాణికంగా చెప్పడం కంటే రూ.4,000 కోట్ల బడ్జెట్‌ తిరిగి రాబట్టుకోవడమే అన్నట్లుగా ఉందని చెప్పుకొచ్చాడు. తాను ఇంకా ఈ సినిమా చూడలేదని, ఇప్పటివరకు విడుదలైన ట్రైలర్, రివ్యూల ఆధారంగానే తన అభిప్రాయాలు వెల్లడిస్తున్నానని ముకేశ్ ఖన్నా స్పష్టం చేశాడు.సీతాదేవి.. రాణి లక్ష్మీబాయిలా పోరాడటంపై చాలామంది అభ్యంతరం వ్యక్తం చేస్తున్నారు. సినిమాలో ఆమె ఇద్దరు, ముగ్గురు రాక్షసులతో పోరాడుతున్నట్లు చూపించారు. ఈ విషయం వాల్మీకి రామాయణంలో ఉందా అని నేను పరిశీలించాను. కానీ అలాంటి సన్నివేశం అందులో లేదు. నాకు తెలిసినంతవరకు సీతమ్మ ఎప్పుడూ యుద్ధం చేయలేదు. ఆమె యోధురాలు కాదు. ఒకవేళ ఆమె యోధురాలే అయితే, రావణుడు అపహరించడానికి వచ్చినప్పుడు ఎందుకు పోరాడలేదు? రావణుడు ఆమెను అంత సులభంగా ఎలా అపహరించగలిగాడు?” అని ముకేశ్ ఖన్నా ప్రశ్నించాడు.సీతాదేవి పోరాట సన్నివేశాన్ని సమర్థిస్తూ నిర్మాతలు ఇచ్చిన వివరణ తనను ఆశ్చర్యపరిచిందని ముకేశ్ ఖన్నా అన్నాడు. ఒకే ఒక అసలైన రామాయణం ఉంది. దానిని వాల్మీకి రచించారు. అందులో ఉన్న విషయాలను దాటి మీరు మరో రెండు అడుగులు ముందుకు వెళ్లకూడదు. రామాయణానికి అనేక ఇతర రూపాలు వినోదం కోసం రచించబడ్డాయి. వాటి ఆధారంగా సినిమాలు తీస్తున్నప్పుడు ఇష్టానుసారంగా మార్పులు చేయడం ఎంతవరకు సమంజసం? మీరు ఖురాన్ లేదా బైబిల్‌లోని విషయాలను మార్చి చూపించగలరా? అలా చేయలేనప్పుడు రామాయణాన్ని మార్చడానికి మీకు ఎంత ధైర్యం? సీతమ్మ రాక్షసులతో పోరాడే సన్నివేశాన్ని ఎక్కడి నుంచి తీసుకున్నారు? అసలు అలాంటి సన్నివేశాన్ని సినిమాలో ఎందుకు పెట్టారు? అని ముకేశ్ ఖన్నా ప్రశ్నించాడు.మరోవైపు ఈ సినిమాలో సీతాదేవిని యోధురాలిగా చూపించడంపై గతంలో ఓ ఇంటర్వ్యూలో సాయి పల్లవి కూడా స్పందించింది. కత్తి ఫైట్ సీన్స్ కోసం నేను కొంత ప్రాక్టీస్ చేయాల్సి వచ్చింది. మనమందరం చిన్నప్పటి నుంచి సీతమ్మని ఒక ప్రత్యేకమైన రూపంలో చూస్తూ పెరిగాం. ఈ తరం ప్రేక్షకుల కోసం ఆమెను మరో కోణంలో చూపించడం చాలా బాగుందని నాకు అనిపించింది అని చెప్పింది.(ఇదీ చదవండి: చరణ్‌తో సినిమా.. 'డోరతి' నటుడి క్లారిటీ)

దీపావళి అంటేనే.. దీపాల వెలుగులు, ఇంటి ముందు అందమైన రంగవల్లులు. సాధారణంగా రంగోలీ(ముగ్గు)ని రంగు పొడులు, పూలు, బియ్యప్పిండితో వేస్తుంటారు. కానీ దుబాయ్‌లో మాత్రం ఈసారి దీపావళికి చాలా ప్రత్యేకంగా రంగోలీని రూపొందించారు. ఏకంగా బంగారు ఆభరణాలు, వజ్రాలతో భారీ రంగోలీని తయారు చేశారు. ఇప్పుడు దీనికి సంబంధించిన వీడియో సోషల్ మీడియాలో వైరల్‌గా మారింది.దీపావళి సందర్భంగా దుబాయ్‌లోని సిటీ సెంటర్ దేరా మాల్‌లో ఈ గోల్డెన్ రంగోలీని ప్రదర్శనకు ఉంచారు. ఈ రంగోలీని ప్రముఖ ఆభరణాల సంస్థ డమాస్ (Damas), దుబాయ్ ఫెస్టివల్స్ అండ్ రిటైల్ ఎస్టాబ్లిష్‌మెంట్‌తో కలిసి రూపొందించింది. ఇందుకోసం మొత్తం 213 బంగారు ఆభరణాలను ఉపయోగించారు. వీటి బరువు ఏకంగా 6.5 కిలోలు కావడం విశేషం.ఈ రంగోలి కోసం నెక్లెస్‌లు, భారీ గాజులు, చెవి దిద్దులు, పెండెంట్లను ఉపయోగించి ఎంతో అందంగా అమర్చి తయారు చేశారు. బంగారం మాత్రమే కాకుండా.. దీని కోసం ఏకంగా 380 క్యారెట్లకు పైగా వజ్రాలను కూడా ఉపయోగించారు. దీంతో ఈ రంగోలీ సాధారణ అలంకరణలా కాకుండా.. ఓ ఖరీదైన కళాఖండంలా నిలిచింది. చూపరులను ఎంతగానో ఆకట్టుకుంది.బంగారు, వజ్రాలతో ఇంత అందమైన రంగోలీని తయారు చేయడానికి కళాకారులు కూడా చాలా కష్టపడ్డారు. మొత్తం 10 మంది నిపుణులు కలిసి దాదాపు 16 గంటల పాటు పనిచేసినట్లు తెలుస్తోంది. ఒక్కో ఆభరణాన్ని జాగ్రత్తగా అమర్చుతూ ఈ డిజైన్‌ను పూర్తి చేశారు.ఇదీ చదవండి: దీపావళికి ఆన్‌లైన్‌లో ఎక్కువగా కొన్నది ఏంటో తెలుసా?నిజానికి బంగారు ఆభరణాలతో రంగోలి వేయడం అంత సులభమైన పనికాదు. దీని వెనుక కళాకారుల నైపుణ్యం, శ్రమ కూడా ఎక్కువగా ఉంది. ప్రస్తుతం దీనికి సంబంధించిన వీడియో సోషల్ మీడియాలో నెటిజన్లలను తెగ ఆకట్టుకుంటోంది. ఇంత విలువైన బంగారు ఆభరణాలను బహిరంగ ప్రదేశంలో ప్రదర్శించడం దుబాయ్‌లోనే సాధ్యమంటూ కొందరు కామెంట్లు చేస్తున్నారు. మరికొందరు ఈ రంగోలీని అద్భుతమైన కళాఖండంగా ప్రశంసిస్తున్నారు. చాలా సృజనాత్మకంగా రూపొందించారని, చూడటానికి ఎంతో అందంగా ఉందని అభిప్రాయపడుతున్నారు. View this post on Instagram A post shared by Dubai Festivals & Retail Events (@dubaifestivals)

నలుగురూ చూస్తున్నారనే భయం లేకుండా కొందరు ప్రేమను చాటుకుంటారు. కనీసం స్పెయిన్‌లో అయితే అసలే అవసరం లేదు! రద్దీగా ఉండే రోడ్లపై, పార్కుల్లో, బస్టాండ్లలో ప్రేమికులు బహిరంగంగా ముద్దులు పెట్టుకోవడం అక్కడ సర్వసాధారణం. పరిచయమైనప్పుడు బుగ్గలపై ముద్దులతో పలకరించడం నుంచి ప్రేమికుల ఆప్యాయతల వరకు అన్నీ సహజంగానే కనిపిస్తాయి. అయితే, ఈ స్వేచ్ఛ వెనుక ఒకప్పుడు అణచివేత, ఆంక్షలు, వాటికి వ్యతిరేకంగా జరిగిన పోరాటాల చరిత్ర కూడా ఉంది. అదేంటో తెలుసుకుందాం!స్పెయిన్‌ ప్రజలు ఇళ్లలో కంటే బయటే ఎక్కువ సమయం గడుపుతుంటారు. వీధులు, పార్కులు, కేఫ్‌లు, రెస్టారెంట్లు వారి రోజువారీ జీవితంలో కీలకంగా ఉంటాయి. వార్విక్‌ యూనివర్సిటీ అధ్యయనం ప్రకారం.. కొత్తగా పరిచయమైన వ్యక్తులతో మాట్లాడేటప్పుడు వ్యక్తిగత దూరం తక్కువగా పాటించే దేశాల్లో స్పెయిన్‌ ఒకటి.ఉత్తర ఐరోపా దేశాలతో పోలిస్తే అక్కడి ప్రజలు శారీరక సాన్నిహిత్యాన్ని ఎక్కువగా వ్యక్తం చేస్తారని మాడ్రిడ్‌ కాంప్లుటెన్స్‌ యూనివర్సిటీ ప్రొఫెసర్‌ అంపారో లాసెన్‌ చెబుతున్నారు. అందుకే బహిరంగంగా ముద్దులు పెట్టుకోవడాన్ని అక్కడ ప్రత్యేకంగా చూడరు.ఇళ్లలో ఏకాంతం కరువు.. బయటే ప్రేమకు చోటు!స్పెయిన్‌ జనాభాలో సుమారు 65 శాతం మంది అపార్ట్‌మెంట్లలో నివసిస్తున్నారు. ఐరోపా సమాఖ్య దేశాల్లో ఇదే అత్యధికం. పెరిగిన ఇళ్ల ధరల కారణంగా యువత తల్లిదండ్రుల నుంచి విడిపోయి సొంతంగా జీవించడం కష్టంగా మారింది. దీంతో స్నేహితులను కలవాలన్నా, ప్రేమికులతో సమయం గడపాలన్నా బార్లు, రెస్టారెంట్లు, పార్కులనే ఆశ్రయిస్తున్నారు. ఇళ్లలో వ్యక్తిగత ఏకాంతం తక్కువగా ఉండటం కూడా బహిరంగ ప్రదేశాల్లో ప్రేమను వ్యక్తం చేయడానికి ఓ కారణమని ప్రొఫెసర్‌ లాసెన్‌ అభిప్రాయపడుతున్నారు.ఒకప్పుడు ముద్దులు పెట్టుకున్నా నేరమే!ప్రస్తుతం స్పెయిన్‌లో కనిపిస్తున్న స్వేచ్ఛకు ఒకప్పుడు పరిస్థితి పూర్తి భిన్నంగా ఉండేది. ఫ్రాన్సిస్కో ఫ్రాంకో నియంతృత్వ పాలన (1939–1975) సమయంలో సంప్రదాయ కాథలిక్‌ మత విలువల పేరుతో ప్రజల వ్యక్తిగత జీవితంపైనా ఆంక్షలు విధించేవారు. స్వలింగ సంపర్కాన్ని నేరంగా పరిగణించడంతోపాటు బహిరంగంగా ప్రేమను వ్యక్తం చేయడాన్నీ నియంత్రించేవారు. బహిరంగంగా ముద్దులు పెట్టుకున్న జంటలకు జరిమానాలు విధించే పరిస్థితి ఉండేది.ముద్దులతోనే నిరసన.. మారిన చరిత్ర!1975లో ఫ్రాంకో మరణం తర్వాత స్పెయిన్‌లో స్వేచ్ఛ, భావప్రకటనకు ప్రాధాన్యం పెరిగింది. మాడ్రిడ్‌లో ‘లా మోవిడా మాడ్రిలెనా’ పేరుతో సాంస్కృతిక ఉద్యమం మొదలైంది.1986లో ఇద్దరు మహిళలు బహిరంగంగా ముద్దు పెట్టుకున్నందుకు అరెస్టు చేయబడి.. రెండు రోజులు పోలీసుల అదుపులో ఉన్నారు. దీంతో 1987 ఫిబ్రవరి 23న హక్కుల సంఘాలు మాడ్రిడ్‌లో సామూహిక ముద్దుల నిరసన నిర్వహించాయి. ఆ తర్వాత ప్రైడ్‌ మార్చ్‌ల ముగింపులోనూ ఈ కార్యక్రమం కొనసాగింది. చివరకు 1988లో బహిరంగంగా అసభ్యంగా ప్రవర్తించారనే నేరానికి సంబంధించిన చట్టాన్ని రద్దు చేశారు.అందరికీ ఒకే స్థాయిలో స్వేచ్ఛ ఉందా?ప్రస్తుతం స్పెయిన్‌లో బహిరంగంగా ప్రేమను వ్యక్తం చేయడం సాధారణమైనప్పటికీ అందరికీ ఒకే స్థాయిలో స్వేచ్ఛ ఉందని చెప్పలేమని ప్రొఫెసర్‌ లాసెన్‌ అంటున్నారు. వృద్ధ జంటలు లేదా స్వలింగ జంటలు బహిరంగంగా ముద్దులు పెట్టుకున్నప్పుడు కొందరి నుంచి విమర్శలు, అసౌకర్యాన్ని ఎదుర్కోవాల్సి వస్తోందని చెబుతున్నారు. అయినప్పటికీ స్పెయిన్‌ సమాజం గతంతో పోలిస్తే ఎంతో మారిందని, ముద్దులు ఆ స్వేచ్ఛకు కనిపించే చిన్న ఉదాహరణ మాత్రమేనని వాలెన్సియాకు చెందిన మాజీ వెడ్డింగ్‌ ఫొటోగ్రాఫర్‌ పౌలా ఫురియో అభిప్రాయపడ్డారు.అయితే, జపాన్‌ నుంచి స్పెయిన్‌కు తిరిగొచ్చిన ఓ మహిళకు రైల్వే స్టేషన్‌ బయట బెంచీపై ముద్దులు పెట్టుకుంటున్న జంట కనిపించింది. ఆ దృశ్యం చూసి ‘ఇంటికి తిరిగొచ్చాను’ అని ఆమె ఆనందపడిందట. ఒకప్పుడు ముద్దు పెట్టుకున్నందుకు అరెస్టులు ఎదుర్కొన్న దేశంలోనే నేడు అది సాధారణ జీవనశైలిగా మారింది. దీంతో స్పెయిన్‌లో బహిరంగంగా ముద్దులు పెట్టుకోవడం కేవలం ప్రేమను చాటుకోవడమే కాదు.. తమ భావాలను ఎలాంటి భయం లేకుండా వ్యక్తం చేసే స్వేచ్ఛకు ప్రతీకగా నిలుస్తోందని స్పెయిన్‌ నెటీజన్లు అంటున్నారు.ఇదీ చదవండి: ఎంతిచ్చామన్నది కాదు.. ఇచ్చామా లేదా.. అదీ ముఖ్యం!

సాక్షి, చెన్నై: కళ్ల కురిచ్చి జిల్లా కలెక్టర్‌కు టీవీకే ఎమ్మెల్యే అసభ్యకరమైన మెసేజ్‌లు పంపడం, ఆయన ప్రవర్తనతో కలెక్టర్‌కే రక్షణ లేని పరిస్థితి ఏర్పడటంపై డీఎంకే ఎంపీ కనిమొళి కరుణానిధి తీవ్ర ఆగ్రహం వ్యక్తం చేశారు. రాష్ట్రంలో వరుసగా జరుగుతున్న నేరాలతో శాంతిభద్రతలు పూర్తిగా విచ్ఛిన్న మయ్యాయని ఆమె దుయ్యబట్టారు. మంగళవారం కనిమొళి ఎక్స్‌పేజిలో ట్వీట్‌ ద్వారా ఈ వివరాలను వెలుగులోకి తెచ్చారు. కళ్లకురిచ్చి టీవీకే ఎమ్మెల్యే అరుణ్‌ విగ్నేష్‌ ఆ జిల్లా మహిళా కలెక్టర్‌కు అసభ్యకర రీతిలో మెసేజ్‌లు పంపడమే కాకుండా, రాత్రి వేళల్లో మద్యం మత్తులో కలెక్టర్‌ నివాసానికి వెళ్లి వేధింపులకు గురిచేసినట్లు వార్తలు వెలువడ్డాయన్నారు. ఈ తీవ్రమైన వేధింపుల వ్యవహారంపై ప్రభుత్వ సీఎస్‌ (చీఫ్‌ సెక్రటరీ)కు ఫిర్యాదు కూడా అందినట్లు సమాచారం వచ్చిందన్నారు. ఈ సంఘటనల నేపథ్యంలో సదరు మహిళా కలెక్టర్‌కు ప్రత్యేక రక్షణ అధికారిని నియమించినట్లు సమాచారం వచ్చిందన్నారు,కలెక్టర్‌కే రక్షణ లేదుఒక జిల్లాకు అత్యున్నత అధికారైన జిల్లా కలెక్టర్‌కే అధికార టీవీకే ఎమ్మెల్యే వల్ల రక్షణ లేని పరిస్థితి రావడం దిగ్భ్రాంతికరంగా పేర్కొన్నారు. సమర్థత లేని టీవీకే పాలనలో తమిళనాడు వ్యాప్తంగా హత్యలు, దోపిడీలు, విచక్షణారహిత నేరాలు వరుసగా జరుగుతున్నాయన్నారు.ఇదీ చ‌ద‌వండి: కేంద్రమంత్రి వర్సెస్‌ కలెక్టర్‌

అయోధ్య: 2023 డిసెంబర్ 30.. అయోధ్యలో రామమందిర ప్రారంభోత్సవానికి కొద్ది రోజుల ముందు ప్రధానమంత్రి నరేంద్ర మోదీ ఓ సామాన్యురాలి ఇంటికి అనూహ్యంగా వెళ్లారు. ఉజ్వల యోజనలో 10 కోట్లవ లబ్ధిదారురాలిగా నిలిచిన మీరా మాంఝీ ఇంట్లో టీ తాగి ఆమె కుటుంబాన్ని పలకరించారు. అప్పట్లో ఈ పర్యటన దేశవ్యాప్తంగా చర్చనీయాంశమైంది. కానీ ఇప్పుడు అదే కుటుంబం అప్పుల ఊబిలో చిక్కుకుందని కాంగ్రెస్ నేతలు ఆరోపిస్తున్నారు.మీరా మాంఝీ గతంలో అయోధ్యలోని ఘాట్ వద్ద పూలు అమ్ముకుంటూ జీవనం సాగించేవారు. ఆమె భర్త సూరజ్ కుమార్ మాంఝీ కూలి పనులు చేసేవారు. ప్రధాని పర్యటన తర్వాత జిల్లా కలెక్టర్, బ్యాంకు అధికారులు సహా పలువురు తమ ఇంటికి వచ్చారని మీరా తెలిపారు. తనకు పూలు అమ్ముకునేందుకు శాశ్వత స్థలం, భర్తకు పడవ తయారు చేయించుకునేందుకు సహాయం చేస్తామని హామీ ఇచ్చారని చెప్పారు. అయితే ఉద్యోగం కల్పించాల్సిందిపోయి రుణం తీసుకోవాలని సూచించారని ఆరోపణలు వినిపిస్తున్నాయి.ఉద్యోగం అడిగితే.. అప్పు ఇచ్చారు!ప్రభుత్వం నుంచి తాము డబ్బులు అడగలేదని, జీవనోపాధి కల్పించాలని మాత్రమే కోరామని మీరా వెల్లడించారు. పూలు అమ్ముకునేందుకు కేటాయించిన స్థలంలో వ్యాపారం చేసుకోవడానికి రూ.5 వేలు చెల్లించాల్సి వచ్చిందని కూడా ఆరోపించారు. ఈ విషయాన్ని అధికారుల దృష్టికి తీసుకెళ్లినా పరిష్కారం లభించలేదని, చివరకు పూల వ్యాపారాన్ని నిలిపివేయాల్సి వచ్చిందని ఆమె చెప్పారు.పడవ ఆదాయం సరిపోక.. పెరిగిన అప్పులుభర్త పడవ నడుపుతూ సంపాదిస్తున్నప్పటికీ వరదలు, ఇతర పరిస్థితుల కారణంగా ఆదాయం క్రమంగా తగ్గిందని మీరా తెలిపారు. అయోధ్య నుంచి వారణాసి వరకు నడుస్తున్న పెద్ద క్రూయిజ్‌లు, మోటార్ బోట్ల కారణంగా సంప్రదాయ పడవ నడిపేవారి వ్యాపారాలు దెబ్బతిన్నాయని చెప్పారు. ప్రధానమంత్రి ఉపాధి కల్పన కార్యక్రమం కింద సూరజ్‌కు రెండు విడతల్లో రూ.2,61,250, రూ.23,750 రుణంగా మంజూరయ్యాయి. ఈ డబ్బుతో పడవ తయారు చేయించుకున్నారు. అయితే రూ.2,04,616 బకాయి చెల్లించలేకపోవడంతో రుణం నిరర్థక ఆస్తిగా మారింది. 2026 జులై 5న బ్యాంకు నోటీసు జారీ చేసినట్లు బీబీసీ హిందీ కథనం పేర్కొంది.ముగ్గురు పిల్లలతో అప్పుల బాధలుఅక్టోబర్ 28న ఉత్తరప్రదేశ్ యువజన కాంగ్రెస్ ఉపాధ్యక్షుడు శరద్ శుక్లా నిర్వహించిన మీడియా సమావేశంలో మీరా దంపతులు తమ సమస్యలను వెల్లడించారు. ముగ్గురు పిల్లలతో ఉన్న ఈ కుటుంబం కనీస అవసరాలు తీర్చుకోవడానికీ ఇబ్బంది పడుతోందని, రుణ వసూలు ఏజెంట్ల నుంచి ఒత్తిడి ఎదుర్కొంటోందని శుక్లా ఆరోపించారు. కాగా మీరాకు సమాజ్‌వాదీ పార్టీ మాజీ మంత్రి పవన్ పాండే రూ.50 వేలు, అయోధ్య బీజేపీ మేయర్ గిరీశ్ పతి త్రిపాఠి రూ.60 వేలు ఆర్థిక సాయం అందించినట్లు తెలుస్తున్నది.కాగా ఈ వ్యవహారంపై ప్రతిపక్షాలు అనవసర వివాదం సృష్టిస్తున్నాయని మేయర్ త్రిపాఠి అన్నారు. ప్రధాని పర్యటన తర్వాత ఆ కుటుంబానికి ప్రధానమంత్రి ఆవాస్ యోజన కింద ఇల్లు, ఉజ్వల యోజన కింద గ్యాస్ కనెక్షన్, ఆయుష్మాన్ యోజన కింద ఆరోగ్య కార్డు అందించామని వివరించారు. పడవ మరమ్మతుల కోసం పీఎం స్వనిధి కింద రూ.25 వేల రుణం, మరో రూ.3 లక్షల రుణం కూడా మంజూరైనట్లు తెలిపారు. ఇందులో రూ.75 వేల సబ్సిడీ ఉందని, మిగిలిన రుణ వాయిదాలు చెల్లించలేక కుటుంబం ఇబ్బంది పడుతోందని చెప్పారు.ఇదీ చదవండి: ఎర్రకోట పేలుడుకు ఏడాది.. ఎన్‌ఐఏ దర్యాప్తులో సంచలన విషయాలు!

టీమిండియా విధ్వంసకర ఓపెనర్‌ వీరేందర్‌ సెహ్వాగ్‌ పెద్ద కుమారుడు ఆర్యవీర్‌ సెహ్వాగ్‌ తొలిసారి భారత్‌ తరఫున శతక్కొట్టాడు. ఏసీసీ మెన్స్‌ అండర్‌-19 ఆసియా కప్‌-2026 వన్డే టోర్నీలో భాగంగా యునైటెడ్‌ అరబ్‌ ఎమిరేట్స్‌తో మ్యాచ్‌లో సెంచరీ సాధించాడు. అల్‌ ఎమిరెట్‌ వేదికగా గ్రూప్‌-‘ఎ’ నుంచి భారత్‌- యూఏఈ అండర్‌-19 జట్లు మంగళవారం బరిలోకి దిగాయి. ఆది నుంచే నిలకడగా ఆడుతూటాస్‌ గెలిచిన యూఏఈ తొలుత బౌలింగ్‌ ఎంచుకుని భారత్‌ను బ్యాటింగ్‌కు ఆహ్వానించింది.ఈ క్రమంలో భారత ఓపెనర్లలో, కెప్టెన్‌ లక్ష్య రాయ్‌చందాని 17 పరుగుల వ్యక్తిగత స్కోరు వద్ద నిష్క్రమించగా.. మరో ఓపెనర్‌ ఆర్యవీర్‌ సెహ్వాగ్‌ ఆది నుంచే నిలకడగా ఆడాడు. ఈ క్రమంలో ఈ కుడిచేతి వాటం బ్యాటర్‌ 69 బంతుల్లో అర్ధ శతకం పూర్తి చేసుకున్నాడు. The Sehwag way of celebrating milestones! 🫣 Aaryavir gets to his half-century with a maximum. 👏 Watch #INDvUAE in the DP World Men's U19 Asia Cup, LIVE NOW on Sony Sports Network TV channels & Sony LIV. #SonySportsNetwork #SonyLIV https://t.co/xLMygPLVsL— Sony Sports Network (@SonySportsNetwk) November 10, 2026ఆ తర్వాత కూడా నిలకడగానే ముందుకు సాగిన ఆర్యవీర్‌.. 131 బంతుల్లో 13 ఫోర్లు, రెండు సిక్సర్లు బాది వంద పరుగుల మార్కు అందుకున్నాడు. వన్‌డౌన్‌ బ్యాటర్‌ వీకే వినీత్‌తో కలిసి వంద పరుగుల భాగస్వామ్యం పూర్తి చేసుకున్నాడు. ఈ క్రమంలో 36 ఓవర్ల ఆట పూర్తయ్యేసరికి భారత్‌ వికెట్‌ నష్టానికి 175 పరుగులు స్కోరు చేసింది.The pitch had its challenges, but Aaryavir Sehwag had all the answers. ✨ Watch #INDvUAE in the DP World Men's U19 Asia Cup, LIVE NOW on Sony Sports Network TV channels & Sony LIV. #SonySportsNetwork #SonyLIV https://t.co/wDk1jkO1Pn— Sony Sports Network (@SonySportsNetwk) November 10, 2026ఆసీస్‌తో సిరీస్‌ సందర్భంగా భారత్‌ తరఫున అరంగేట్రంఈ ఏడాది స్వదేశంలో ఆస్ట్రేలియా అండర్‌-19 జట్టుతో జరిగిన వన్డే సిరీస్‌ సందర్భంగా ఆర్యవీర్‌ భారత అండర్‌-19 జట్టు తరఫున అరంగేట్రం చేశాడు. ఆసీస్‌తో సిరీస్‌లో మూడు మ్యాచ్‌లలో కలిపి 109 పరుగులు చేశాడు.ఈ క్రమంలో ఇటీవల ఆసియా అండర్‌-19 కప్‌ టోర్నీకి ఎంపిక చేసిన భారత జట్టులో ఆర్యవీర్‌ చోటు దక్కించుకున్నాడు. ఈ టోర్నీలో భాగంగా భారత్‌ తొలుత నేపాల్‌ జట్టుతో తలపడగా.. జూనియర్‌ సెహ్వాగ్‌ 52 బంతుల్లో 70 పరుగులతో అజేయంగా నిలిచి జట్టు గెలుపులో కీలక పాత్ర పోషించాడు.అయితే, రెండో మ్యాచ్‌లో భాగంగా పాకిస్తాన్‌తో తలపడగా.. ఆర్యవీర్‌ కేవలం 22 పరుగులే చేయగలిగాడు. ఈ మ్యాచ్‌లో భారత్‌ ఓడిపోయింది. ఈ క్రమంలో సెమీస్‌ బరిలో ఉండాలంటే యూఏఈతో మంగళవారం యూఏఈతో తప్పక గెలవాల్సిన మ్యాచ్‌లో ఆర్యవీర్‌ ఓపికగా ఆడుతూ సెంచరీ పూర్తి చేసుకున్నాడు. భారత్‌ అండర్‌-19 జట్టు తరఫున అతడికి ఇదే తొలి శతకం. ఈ మ్యాచ్‌లో మొత్తంగా 168 బంతులు ఎదుర్కొన్న సెహ్వాగ్‌.. 17 ఫోర్లు, 7 సిక్సర్లు బాది 160 పరుగులు సాధించాడు. నసీం ఖాన్‌ బౌలింగ్‌లో ఉద్దీశ్‌ సూరికి క్యాచ్‌ ఇవ్వడంతో అతడి ఇన్నింగ్స్‌కు తెరపడింది. ఇవీ చదవండి: ఫ్లాట్‌ వికెట్లకు అలవాటుపడ్డారు.. వీళ్లేం బౌలింగ్‌ చేస్తారనుకున్నా!దక్షిణాఫ్రికా పర్యటనకు భారత జట్ల ప్రకటన

ఫిలిప్పీన్స్ దక్షిణ ప్రాంతంలో ఆరుగురు విదేశీయులతో వెళ్తున్న ఒక ప్రైవేట్ విమానం కుప్పకూలిపోయింది. దక్షిణ ఫిలిప్పీన్స్‌లో మంగళవారం కూలిపోయినట్లు డిజాస్టర్ మేనేజ్‌మెంట్ అధికారి తెలిపారు.ప్రస్తుతం సహాయక చర్యలు కొనసాగుతున్నాయని, విమానంలో ఉన్న ప్రయాణికులు లేదా సిబ్బంది ఎవరైనా మరణించారో లేదో ఇంకా తెలియరాలేదని దావావో డెల్ సుర్‌లోని డిగోస్ నగరానికి చెందిన అధికారి జోమార్ కాలెడో చెప్పారు. విమానంలో ఉన్నవారి పరిస్థితి, ప్రమాదానికి గల కారణాలు లాంటి విషయాలతో పాటు ఈ ఘటనకు సంబంధించిన మరిన్ని వివరాలు తెలియాల్సి ఉంది. ఇదీ చదవండి: 40 ఏళ్లకే పక్షవాతం: ఎయిర్‌టెల్‌ మాజీ సీఓఓ సంచలన వ్యాఖ్యలు