సాక్షి, హైదరాబాద్: తెలంగాణలో ఖాళీ కానున్న రెండు గ్రాడ్యుయేట్ ఎమ్మెల్సీ స్థానాలకు అభ్యర్థుల ఎంపికపై కాంగ్రెస్ అధిష్టానం కసరత్తు ముమ్మరం చేసింది. వరంగల్-ఖమ్మం-నల్గొండ, హైదరాబాద్-రంగారెడ్డి-మహబూబ్‌నగర్ గ్రాడ్యుయేట్ ఎమ్మెల్సీ స్థానాలకు పోటీ చేయబోయే అభ్యర్థుల ఎంపిక ప్రక్రియను పీసీసీ చేపట్టింది. ఈ రెండు స్థానాల పదవీకాలం 2027 మార్చిలో ముగియనుంది. ఒక్కో స్థానానికి ముగ్గురు చొప్పున మొత్తం ఆరుగురు పేర్లతో పీసీసీ జాబితా సిద్ధం చేసినట్లు సమాచారం. ఈ జాబితాను పీసీసీ అధ్యక్షుడు ఏఐసీసీ ప్రధాన కార్యదర్శి కేసీ వేణుగోపాల్‌కు పంపినట్లు తెలుస్తోంది.వరంగల్-ఖమ్మం-నల్గొండ గ్రాడ్యుయేట్ ఎమ్మెల్సీ స్థానానికి ముగ్గురి పేర్లను ప్రతిపాదించగా.. అభ్యర్థి ఎంపిక బాధ్యతను డిప్యూటీ సీఎం భట్టి విక్రమార్కకు అప్పగించినట్లు సమాచారం. అదే విధంగా హైదరాబాద్-రంగారెడ్డి-మహబూబ్‌నగర్ స్థానానికి అభ్యర్థి ఎంపిక బాధ్యతను మంత్రి దామోదర్ రాజనర్సింహకు అప్పగించినట్లు తెలుస్తోంది.అభ్యర్థుల ఎంపికలో ప్రధానంగా సామాజిక సమీకరణాలను పరిగణనలోకి తీసుకోవాలని కాంగ్రెస్ అధిష్టానం భావిస్తున్నట్లు సమాచారం. రెండు గ్రాడ్యుయేట్ ఎమ్మెల్సీ స్థానాలతో పాటు త్వరలో ఖాళీ కానున్న గవర్నర్ కోటాలోని మూడు ఎమ్మెల్సీ స్థానాలను కూడా కలిపి సామాజిక సమీకరణాలను బ్యాలెన్స్ చేసేలా అభ్యర్థుల ఎంపిక చేపట్టనున్నట్లు తెలుస్తోంది. గవర్నర్ కోటా మూడు స్థానాల పదవీకాలాలు నవంబర్‌లో ముగియనున్నాయి. ఈ నేపథ్యంలో మొత్తం ఐదు ఎమ్మెల్సీ స్థానాలకు ఎలాంటి సామాజిక సమీకరణాలు ఉండాలన్న దానిపై కాంగ్రెస్ అధిష్టానం కసరత్తు చేస్తున్నట్లు సమాచారం. గవర్నర్ కోటా ఎమ్మెల్సీల ఎంపికపై తీసుకునే నిర్ణయాన్ని బట్టి గ్రాడ్యుయేట్ ఎమ్మెల్సీ అభ్యర్థుల విషయంలోనూ తుది నిర్ణయం తీసుకునే అవకాశం ఉందని పార్టీ వర్గాల్లో చర్చ జరుగుతోంది.సెప్టెంబర్ 29న ఢిల్లీలో కాంగ్రెస్ అధిష్టానం కీలక సమావేశం నిర్వహించి అభ్యర్థులపై తుది నిర్ణయం తీసుకునే అవకాశం ఉన్నట్లు సమాచారం. గ్రాడ్యుయేట్ ఎమ్మెల్సీ ఎన్నికల నేపథ్యంలో ఇప్పటికే ఓటర్ల జాబితా పునఃసిద్ధీకరణ ప్రక్రియకు ఎన్నికల సంఘం షెడ్యూల్ ప్రకటించింది. నవంబర్ 6 వరకు ఫారం-18 ద్వారా దరఖాస్తులు స్వీకరించి, డిసెంబర్ 30న తుది ఓటర్ల జాబితా ప్రకటించనున్నారు. దీంతో అధిష్టానం తీసుకునే తుది నిర్ణయంపై రాజకీయ వర్గాల్లో ఆసక్తి నెలకొంది.ఇదీ చదవండి: అక్టోబర్‌ 4న తెలంగాణకు అమిత్‌షా

ఉత్తరప్రదేశ్‌ను నాలుగు రాష్ట్రాలుగా విభజిస్తారా? ఇప్పుడు దేశవ్యాప్తంగా ఆసక్తి రేపుతున్న ప్రశ్న ఇదే. ఉత్తరప్రదేశ్ మంత్రి, సుహేల్‌దేవ్ భారతీయ సమాజ్ పార్టీ నేత ఓం ప్రకాశ్ రాజ్‌భర్ చేసిన సంచలన ప్రకటనతో ఈ అంశం మరోసారి తెరపైకి వచ్చింది. త్వరలో ఉత్తరప్రదేశ్ నాలుగు భాగాలుగా విడిపోతుందని, తూర్పాంచల్‌కు ‘రాజ్‌భర్’ ముఖ్యమంత్రి అవుతారని కూడా ఆయన చెప్పడం రాజకీయ వర్గాల్లో చర్చకు దారితీసింది. అయితే ఇది వాస్తవంగా అమలులోకి రావాలంటే రాజ్యాంగపరమైన ప్రక్రియ జరగాల్సి ఉంటుంది.రాజ్‌భర్ ప్రకటనతో మళ్లీ చర్చఇటీవల అంబేడ్కర్‌నగర్‌లో నిర్వహించిన బహిరంగ సభలో ఓం ప్రకాశ్ రాజ్‌భర్ ఉత్తరప్రదేశ్ విభజనపై మాట్లాడారు. ఈ అంశంపై ప్రధాని నరేంద్ర మోదీతో తాను మాట్లాడినట్లు ఆయన తెలిపారు. కుల గణన పూర్తయిన తర్వాత రాష్ట్ర విభజనపై ముందుకు వెళ్లవచ్చని ప్రధాని తనకు హామీ ఇచ్చినట్లు రాజ్‌భర్ పేర్కొన్నారు. అయితే ఉత్తరప్రదేశ్ బీజేపీ వర్గాలు మాత్రం రాజ్‌భర్ వ్యాఖ్యలను ఎన్నికల రాజకీయాల్లో భాగంగా చూస్తున్నాయి. కార్యకర్తలకు తాను ముఖ్యమంత్రి కావచ్చనే సందేశాన్ని, తన వర్గాలకు అధికారంలో భాగస్వామ్యం లభించవచ్చనే సంకేతాన్ని ఇవ్వడానికే ఆయన ఈ వ్యాఖ్యలు చేసి ఉండవచ్చని ఆ వర్గాలు భావిస్తున్నాయి.మాయావతి హయాంలోనే ప్రతిపాదనఉత్తరప్రదేశ్‌ను విభజించాలనే డిమాండ్ ఇప్పటిది కాదు. 2007 నుంచి 2012 వరకు ముఖ్యమంత్రిగా ఉన్న మాయావతి కూడా రాష్ట్రాన్ని చిన్న రాష్ట్రాలుగా విభజించాలని కోరారు. 2011 నవంబర్‌లో ఆమె ప్రభుత్వం శాసనసభలో ఒక తీర్మానం ఆమోదించింది. ఉత్తరప్రదేశ్‌ను తూర్పాంచల్, బుందేల్‌ఖండ్, అవధ్ ప్రదేశ్, పశ్చిమప్రదేశ్ అనే నాలుగు రాష్ట్రాలుగా విభజించాలని అందులో ప్రతిపాదించారు. ఉత్తరప్రదేశ్ చాలా పెద్ద రాష్ట్రం కావడంతో పరిపాలన నిర్వహించడం, అన్ని ప్రాంతాలకు సమానంగా అభివృద్ధి అందించడం కష్టమవుతోందని అప్పటి ప్రభుత్వం వాదించింది. చిన్న రాష్ట్రాలతో పాలన మెరుగుపడి అభివృద్ధి వేగవంతమవుతుందని పేర్కొంది. ఈ ప్రతిపాదనను కేంద్రానికి పంపినప్పటికీ, 2012లో సమాజ్‌వాదీ పార్టీ ప్రభుత్వం ఏర్పడిన తర్వాత అది ముందుకు సాగలేదు.విభజన వెనుక రాజకీయ లెక్కలేంటి?మాయావతి ప్రభుత్వానికి రాష్ట్ర విభజన ప్రతిపాదన రాజకీయంగా కూడా ఉపయోగపడే అవకాశం ఉందనే విశ్లేషణలు ఉన్నాయి. ప్రతిపాదిత నాలుగు రాష్ట్రాల్లో దళిత జనాభా గణనీయంగా ఉంటుందని, దీని వల్ల బహుజన్ సమాజ్ పార్టీ నాలుగు ప్రాంతాల్లోనూ రాజకీయంగా బలపడే అవకాశం ఉండేదని అప్పట్లో చర్చ జరిగింది. మొత్తం ఉత్తరప్రదేశ్‌లో షెడ్యూల్డ్ కులాల జనాభా సుమారు 21 శాతం. మరోవైపు సమాజ్‌వాదీ పార్టీకి ప్రధాన ఆధారంగా భావించే యాదవుల ప్రభావం రాష్ట్రంలోని అన్ని ప్రాంతాల్లో ఒకేలా లేదు. పశ్చిమ ప్రాంతంలోని ఎటా-మైన్‌పురి-ఇటావా-ఫిరోజాబాద్ ప్రాంతంతో పాటు తూర్పు ఉత్తరప్రదేశ్‌లోని జౌన్‌పూర్, ఆజమ్‌గఢ్, ఘాజీపూర్, మౌ పరిసరాల్లో వారి ప్రభావం ఎక్కువగా ఉందని విశ్లేషణలు పేర్కొన్నాయి. విభజన జరిగితే రాజకీయపరంగా బలమైన ఈ ప్రాంతాలు వేర్వేరు రాష్ట్రాల్లోకి వెళ్లే అవకాశం ఉంటుంది.పశ్చిమ యూపీకీ ప్రత్యేక రాష్ట్ర డిమాండ్పశ్చిమ ఉత్తరప్రదేశ్‌ను ప్రత్యేక రాష్ట్రంగా ఏర్పాటు చేయాలనే డిమాండ్ కూడా చాలా కాలంగా ఉంది. జాతీయ లోక్‌దళ్ నేత అజిత్ సింగ్ పశ్చిమ ఉత్తరప్రదేశ్‌కు ప్రత్యేక రాష్ట్రం కావాలని కోరారు. ప్రతిపాదిత రాష్ట్రాన్ని ‘హరిత ప్రదేశ్’గా పిలవాలనే డిమాండ్ కూడా ఉంది. ఈ ప్రాంతంలో జాట్ జనాభా ప్రభావవంతంగా ఉండటంతో ప్రత్యేక రాష్ట్రం ఏర్పడితే ఆ వర్గానికి రాజకీయ ప్రాధాన్యం పెరిగే అవకాశం ఉందనే రాజకీయ విశ్లేషణలు ఉన్నాయి. మరోవైపు బీజేపీకి కూడా ఉత్తరప్రదేశ్ విభజన సులభమైన నిర్ణయం కాదనే అభిప్రాయం ఉంది. దేశంలో అత్యధిక జనాభా కలిగిన రాష్ట్రానికి ముఖ్యమంత్రిగా ఉండటం యోగి ఆదిత్యనాథ్ రాజకీయ బలంలో ఒక భాగం. రాష్ట్రం చిన్న భాగాలుగా విడిపోతే ఆ ప్రత్యేక రాజకీయ ప్రాధాన్యం తగ్గవచ్చు.రాజ్యాంగం ఏం చెబుతోంది?భారత రాజ్యాంగంలోని 3వ అధికరణం ప్రకారం పార్లమెంట్‌కు రాష్ట్రాన్ని విభజించి కొత్త రాష్ట్రాన్ని ఏర్పాటు చేసే అధికారం ఉంది. రాష్ట్ర సరిహద్దులు లేదా పేరు మార్చడం, రెండు రాష్ట్రాలను లేదా వాటి ప్రాంతాలను కలిపి కొత్త రాష్ట్రాన్ని ఏర్పాటు చేయడం కూడా ఈ అధికరణం పరిధిలోకి వస్తాయి. అయితే ఇందుకు ముందుగా రాష్ట్రపతి సిఫార్సు అవసరం. ప్రతిపాదిత బిల్లును సంబంధిత రాష్ట్ర శాసనసభకు అభిప్రాయం కోసం పంపిస్తారు. శాసనసభ నిర్ణీత గడువులో తన అభిప్రాయాన్ని తెలియజేయాలి. అయితే ఆ అభిప్రాయం పార్లమెంట్‌పై తప్పనిసరి కాదు. అంటే రాష్ట్ర శాసనసభ వ్యతిరేకించినా పార్లమెంట్ చట్టం చేయగలదు. దీనికి రాజ్యాంగ సవరణ అవసరం లేదు. పార్లమెంట్‌లోని రెండు సభల్లో సాధారణ మెజారిటీతో బిల్లు ఆమోదం పొందవచ్చు.రాజకీయ సమీకరణాలు మారతాయా?ఉత్తరప్రదేశ్‌కు లోక్‌సభలో 80 స్థానాలు ఉండటంతో కేంద్ర రాజకీయాల్లో ఆ రాష్ట్రానికి ఎంతో ప్రాధాన్యం ఉంది. దేశంలో పూర్తి మెజారిటీతో ప్రభుత్వం ఏర్పాటు చేయాలంటే ఉత్తరప్రదేశ్‌లో రుజువు చేసుకోవడం కీలకంగా భావిస్తారు. రాష్ట్రం నాలుగు భాగాలుగా విడిపోతే ప్రతి కొత్త రాష్ట్రంలో కొత్త రాజకీయ సమీకరణాలు ఏర్పడే అవకాశం ఉంది. ముఖ్యంగా పశ్చిమ ఉత్తరప్రదేశ్‌లోని రోహిల్‌ఖండ్‌లోని గణనీయమైన ముస్లిం జనాభా కొత్త రాజకీయ సమీకరణాలను ప్రభావితం చేయవచ్చు. మరోవైపు జనాభా ఆధారంగా భవిష్యత్‌లో లోక్‌సభ స్థానాల పునర్విభజనపై దక్షిణాది రాష్ట్రాల్లో ఉన్న ఆందోళన కూడా ఈ చర్చతో ముడిపడి ఉంది. అయితే ప్రస్తుతానికి రాజ్‌భర్ ప్రకటన మాత్రమే వెలువడింది. ఉత్తరప్రదేశ్ నిజంగా నాలుగు రాష్ట్రాలుగా విడిపోవాలంటే రాజ్యాంగపరమైన పూర్తి ప్రక్రియను అనుసరించి కేంద్రం, రాష్ట్రపతి, పార్లమెంట్ స్థాయిలో చర్యలు జరగాల్సి ఉంటుంది.ఇదీ చదవండి: దేశంలో వెల్లుల్లి నగరం ఎక్కడుందో తెలుసా?

సాక్షి, న్యూఢిల్లీ: ముస్లిం పర్సనల్‌ లా కింద గుర్తింపు పొందిన వివాహం చేసుకున్నప్పటికీ, 18 ఏళ్ల లోపు వయసున్న మైనర్‌ భార్యతో లైంగిక చర్యకు పాల్పడటం నేరమేనని ఢిల్లీ హైకోర్టు స్పష్టం చేసింది. పర్సనల్‌ లా పేరుతో లైంగిక నేరాల నుంచి పిల్లల రక్షణ చట్టం (పోక్సో), భారతీయ న్యాయ సంహిత (బీఎన్‌ఎస్‌) కింద నమోదైన కేసుల నుంచి రక్షణ పొందలేరని తేల్చిచెప్పింది. ఈ మేరకు జస్టిస్‌ సంజీవ్‌ నరుల తీర్పు వెలువరించారు. మైనర్‌ భార్యతో లైంగిక చర్యకు పాల్పడిన కేసులో నిందితుడిపై బీఎన్‌ఎస్‌ సెక్షన్‌ 64(1), పోక్సో చట్టం సెక్షన్‌ 6 కింద నమోదైన ఎఫ్‌ఐఆర్‌ను రద్దు చేసేందుకు జస్టిస్‌ సంజీవ్‌ నిరాకరించారు. తమపై నమోదైన క్రిమినల్‌ కేసును కొట్టివేయాలని కోరుతూ ఓ జంట దాఖలు చేసిన పిటిషన్‌ను విచారించిన న్యాయమూర్తి పైవ్యాఖ్యలు చేశారు. కేసు నమోదు చేసిన పోలీసు అధికారులపై క్రమశిక్షణా చర్యలు తీసుకోవాలని, వేధింపులకు గురి చేసినందుకు పరిహారం చెల్లించాలని పిటిషనర్లు చేసిన అభ్యర్థనలను కొట్టివేశారు. వైద్య పరీక్షలకు వెళ్లడంతో.. వివాహం జరిగే నాటికి పిటిషనర్లలో భార్య వయసు 16 ఏళ్ల మూడు నెలలు కాగా, ఆమె భర్త వయసు 28 ఏళ్లు. పెళ్లి తర్వాత ఇద్దరూ కలిసున్నారు. ఈ క్రమంలో ఆమె గర్భవతి అయింది. వైద్య పరీక్షల నిమిత్తం ప్రభుత్వ ఆస్పత్రికి వెళ్లిన సమయంలో ఆమె వయసు 18 ఏళ్ల కంటే తక్కువని తేలడంతో వైద్యులు పోలీసులకు సమాచారం ఇచ్చారు. దీంతో పోలీసులు కేసు నమోదు చేశారు. అయితే, తమ వివాహం ఇద్దరి సమ్మతంతో ఇరు కుటుంబాల అంగీకారంతో జరిగిందని పిటిషనర్‌ కోర్టుకు తెలిపింది. తన భర్తకు బెయిలివ్వాలని కోరింది. ముస్లిం పర్సనల్‌ లా ప్రకారం రజస్వల అయిన ముస్లిం బాలిక వివాహానికి అర్హురాలని, తమ వివాహం చట్టబద్ధమే కాబట్టి లైంగిక చర్య నేరంగా పరిగణించరాదని వారు వాదించారు.సమ్మతి ఉన్నా నేరమే పిటిషనర్ల వాదనలను హైకోర్టు తోసిపుచ్చింది. వివాహ సివిల్‌ చట్టబద్ధతకు, మైనర్‌తో లైంగిక చర్యకు సంబంధించిన క్రిమినల్‌ పరిణామాలకు మధ్య ఉన్న వ్యత్యాసాన్ని కోర్టు ఎత్తిచూపింది. ముస్లిం పర్సనల్‌ లా కింద వివాహం చెల్లుబాటైనప్పటికీ, పోక్సో లేదా బీఎన్‌ఎస్‌ చట్టాలకు దానిని మినహాయింపుగా పరిగణించలేమని జస్టిస్‌ సంజీవ్‌ నరుల స్పష్టం చేశారు. ‘వివాహం జరిగినంత మాత్రాన బాలిక వయసు పెరగదు. పెళ్లికి ముందు 16 ఏళ్లు ఉన్న వ్యక్తి వయసు ఆ తర్వాత కూడా 16 ఏళ్లే ఉంటుంది. సమ్మతి తెలిపే చట్టపరమైన సామర్థ్యాన్ని వయసే నిర్దేశిస్తుంది’అని న్యాయమూర్తి వ్యాఖ్యానించారు.

సాక్షి, న్యూఢిల్లీ: అక్రమంగా ఇంటర్నెట్‌ ద్వారా జరిగే ‘డార్క్‌వెబ్‌’ చీకటి వ్యాపార సామ్రాజ్యంలో రెండు సైబర్‌ ముఠాల మధ్య ఆధిపత్య పోరు ఇప్పుడు సాధారణ సంస్థలకు ముఖ్యంగా భారతీయ సంస్థలకు సైబర్‌ ముప్పుగా పరిణమిస్తోందని ఆందోళనలు వ్యక్తమవుతున్నాయి. భారీ మోసాలు చేస్తూ పెద్ద ముఠాలుగా పేరుమోసిన షైనీహంటర్స్, క్లాప్‌(సీఎల్‌ఓïపీ) సైబర్‌ నేరముఠాల మధ్య కొంతకాలంగా కొనసాగుతున్న విభేదాలు తాజాగా బహిర్గమయ్యాయి. ఇటీవల క్లాప్‌కు చెందిన కీలక వెబ్‌సైట్‌ను షైనీహంటర్స్‌ హైజాక్‌ చేసినట్లు తాజాగా వెల్లడైంది. ఈ నేపథ్యంలో భారత్‌లోని కార్పొరేట్‌ సంస్థల డేటా భద్రతపైనా ఆందోళనలు వ్యక్తమవుతున్నాయి. సాఫ్ట్‌వేర్‌లో ఉన్న లోపాన్ని ఆ మాతృసంస్థ గుర్తించి సరిచేసేలోపే హ్యాకర్లు దానిని కనిపెట్టి దుర్వినియోగంచేయడాన్ని జీరో డే అంటారు. 2026లో ‘ఓరాకిల్‌ పీపుల్‌ సాఫ్ట్‌’లోని ఒక కీలక లోపాన్ని ‘షైనీ హంటర్స్‌’ ఇలాగే దుర్వినియోగం చేసినట్లు ‘గూగుల్‌ థ్రెట్‌ ఇంటిలెజెన్స్‌’ వెల్లడించింది. ఈ విషయంలో వందకుపైగా సంస్థలను ముందుగానే హెచ్చరించినట్లు ప్రముఖ సైబర్‌ సెక్యూరిటీ సంస్థ ‘మాండియేంట్‌’ పేర్కొది. ప్రపంచవ్యాప్తంగా పెద్ద సంస్థలు వినియోగించే ఎంటర్‌ప్రైజ్‌ సాఫ్ట్‌వేర్‌లోని లోపాలను సైబర్‌ ముఠాలు లక్ష్యంగా చేసుకుంటున్నాయి. ముఖ్యంగా ‘ఓరాకిల్‌ పీపుల్‌ సాఫ్ట్‌’లోని కీలక లోపాన్ని ఉపయోగించి ‘షైనీ హంటర్స్‌’ వందకుపైగా సంస్థలను లక్ష్యంగా చేసుకున్నట్లు ‘గూగుల్‌ థ్రెట్‌ ఇంటెలిజెన్స్‌’ తెలిపింది. మొదటి దశలో ఎక్కువగా అమెరికా విద్యా సంస్థలు లక్ష్యంగా ఉన్నప్పటికీ, తాజా దాడుల్లో టెక్నాలజీ, ఐటీ సేవలు, ఆరోగ్యం, వ్యవసాయం, రవాణా, ప్రభుత్వ రంగ సంస్థల వరకూ లక్ష్యం విస్తరించినట్లు వెల్లడించింది. దీంతో అంతర్జాతీయంగా కార్యకలాపాలు నిర్వహిస్తున్న భారతీయ కంపెనీలకూ ఈ దాడి బెడద దాపురించినట్లు వార్తలొచ్చాయి. ఒరాకిల్‌ లోపమే వివాదానికి కేంద్రం? ఓరాకిల్‌ ఈ–బిజినెస్‌ సూట్‌(ఈబీఎస్‌)పై జరిగిన సైబర్‌ దాడుతో ఈ పోరు మొదలైందని షైనీ హంటర్స్‌ ముఠా వెల్లడించిది. గత ఏడాది ఒరాకిల్‌పై ‘క్లాప్‌’ దాడిచేసిందని, ఒరాకిల్‌పై దాడికి క్లాప్‌ దుర్వినియోగం చేసి లోపాన్ని తొలుత తామే గుర్తించామని షైనీ హంటర్స్‌ వాదించింది. ‘షైనీ హంటర్స్‌’ ముఠా కార్పొరేట్‌ సమాచారం, ఉద్యోగులు లేదా వినియోగదారులకు సంబంధించిన డేటా, అంతర్గత సమాచారాన్ని దొంగిలించి ఆ తర్వాత వాటిని బహిర్గతం చేస్తామని బెదిరిస్తూ డబ్బు డిమాండ్‌ చేస్తుందని ‘గూగుల్‌ థ్రెట్‌ ఇంటెలిజెన్స్‌’ హెచ్చరించింది. 2026లో ఈ ముఠా ఫిషింగ్, ఉద్యోగుల ఆధారాలను దొంగిలించడం, ‘సాస్‌’ ఖాతాల్లోకి చొరబడటం వంటి నేరాలు చేసింది.సైబర్‌ భద్రత కోసం పాటించాల్సిన కీలక సూచనలు...→ ప్రతి ఆన్‌లైన్‌ ఖాతాకు ప్రత్యేకమైన, బలమైన పాస్‌వర్డ్‌ను ఏర్పాటు చేసుకోవాలి. ఒకే పాస్‌వర్డ్‌ను వివిధ ఖాతాలకు ఉపయోగించకూడదు. పాస్‌వర్డ్‌తో పాటు అదనపు భద్రతా పొరను అందించే మల్టీ–ఫ్యాక్టర్‌ ఆథెంటికేషన్‌ (Mఊఅ)ను అన్ని ముఖ్యమైన ఖాతాల్లో యాక్టివేట్‌ చేసుకోవాలి → మొబైల్‌ లేదా కంప్యూటర్‌ ఆపరేటింగ్‌ సిస్టమ్, యాప్స్, బ్రౌజర్లు, సెక్యూరిటీ సాఫ్ట్‌వేర్‌లను క్రమం తప్పకుండా అప్‌డేట్‌ చేయాలి → ముఖ్యమైన ఫొటోలు, డాక్యుమెంట్లు, ఫైళ్లను క్రమం తప్పకుండా సురక్షితమైన క్లౌడ్‌ స్టోరేజ్‌ లేదా ఆఫ్‌లైన్‌ పరికరాల్లో బ్యాకప్‌ చేసుకోవాలి → యాంటీవైరస్, ఎండ్‌పాయింట్‌ ప్రొటెక్షన్‌ వంటి భద్రతా సాధనాలను యాక్టివ్‌గా ఉంచి, వాటిని ఎప్పటికప్పుడు అప్‌డేట్‌ చేయాలి → వై–ఫైకి బలమైన పాస్‌వర్డ్‌ పెట్టుకోవాలి. భద్రత లేని పబ్లిక్‌ వై–ఫై నెట్‌వర్క్‌లను ఉపయోగించేటప్పుడు అప్రమత్తంగా ఉండాలి → తెలియని లాగిన్‌లు, అనుమానాస్పద పాప్‌అప్‌లు, గుర్తుతెలియని లావాదేవీలు లేదా సిస్టమ్‌లో అసాధారణ మార్పులు కనిపిస్తే వెంటనే స్పందించి సంబంధిత సంస్థలకు ఫిర్యాదు చేయాలి. → ఫిషింగ్, సోషల్‌ ఇంజినీరింగ్, నకిలీ గుర్తింపుల ద్వారా సైబర్‌ నేరగాళ్లు ప్రజలను మోసం చేసే అవకాశం ఉంది. అందుకే ఏ సమాచారం లేదా వ్యక్తిని నమ్మే ముందు ఒకటికి రెండుసార్లు ఆలోచించాలి. – సందీప్‌ ముదల్కర్, సైబర్‌ సెక్యురిటీ, ఫోరెన్సిక్‌ నిపుణుడు

‘‘చకోర’ సినిమా చూశాను... చాలా బాగుంది. శ్రవణ్, మలైక నటన చూశాక ఈ కథకు వీళ్లు తప్ప ఎవరూ యాప్ట్‌ కాదనిపించింది. మంగా శ్రీనివాస్‌గారికి ఈ మూవీ పెద్ద విజయాన్ని అందించాలి. అలాగే ఇలాంటి యంగ్‌ టీమ్‌తో సినిమా నిర్మించిన హేమారావుగారికి అభినందనలు’’ అని హీరో ఆకాష్‌ జగన్నాథ్‌ పేర్కొన్నారు. శ్రవణ్, మలైకా టి. వాసుపల్‌ జంటగా మంగా శ్రీనివాస్‌ రచన–దర్శకత్వంలో రూపొందిన చిత్రం ‘చకోర–లునార్‌ లవ్‌ బర్డ్‌’. డా. చింతాడ హేమారావు నిర్మించిన ఈ సినిమా శ్రీ లక్ష్మి పిక్చర్స్‌ ద్వారా అక్టోబర్‌ 9న విడుదల కానుంది. ఈ మూవీ ట్రైలర్‌ లాంచ్‌ ఈవెంట్‌కి ఆకాష్‌ జగన్నాథ్‌ అతిథిగా హాజరై, ట్రైలర్‌ను రిలీజ్‌ చేశారు. ఈ సందర్భంగా మంగా శ్రీనివాస్‌ మాట్లాడుతూ– ‘‘పేరున్న హీరోలను సంప్రదించి వారితో సినిమా చేయడం సులువు కాదు. అందుకే శ్రవణ్, మలైకాలను హీరో హీరోయిన్లుగా పరిచయం చేస్తున్నాను. నా విజన్‌కు తగినట్లు వారు బాగా నటించారు’’ అన్నారు. ‘‘మంచి ఫ్యామిలీ, రొమాంటిక్‌ ఎంటర్‌టైనర్‌ చూడాలనుకుంటే మా సినిమాకి రావాలి’’ అన్నారు శ్రవణ్‌. ‘‘ఇప్పటివరకు తెలుగు తెరపై చూడని ఒక కొత్త తరహా ప్రేమకథను మా సినిమాలో చూస్తారు’’ అని చింతాడ హేమారావు, డిస్ట్రిబ్యూటర్‌ బాపిరాజు చె΄్పారు. ఈ సినిమాకి కెమెరా: రుప్ప గోపీకృష్ణ, సంగీతం: ప్రిన్స్‌ హెన్రీ.

వాషింగ్టన్‌: మీడియా సంస్థలతో అమెరికా అధ్యక్షుడి గిల్లికజ్జాలు కొనసాగుతూనే ఉన్నాయి. సీఎన్‌ఎన్, ఎంఎస్‌ నౌ, పొలిటికో ఛానళ్లు వైట్‌హౌస్‌లో ప్రవేశించకుండా విధించిన నిషేధం న్యాయస్థానాల జోక్యంతో తొలగిపోగా.. తాజాగా ట్రంప్‌ సీఎన్‌ఎన్‌ ప్రతినిధులు తన అధికారిక విమానం ‘ఎయిర్‌ ఫోర్స్‌ వన్‌’లోకి ఎక్కకుండా అడ్డుకున్నారు. అమెరికా అధ్యక్షుడి కార్యక్రమాల చిత్రీకరణ ప్రసారానికి సంబంధించి ఆ దేశ టీవీ ఛానళ్లు ఒక ఏర్పాటు చేసుకున్నాయి. దీన్ని వైట్‌హౌస్‌ టీవీ ప్రెస్‌ పూల్‌ అని పిలుస్తూంటారు. సీఎన్‌ఎన్, ఏబీసీ, సీబీఎస్, ఎన్‌బీసీ, ఫాక్స్‌ న్యూస్‌ ఛానళ్లలో ఒకటి అధ్యక్షుడి కార్యక్రమాలను చిత్రీకరిస్తే.. మిగిలిన సంస్థలు ఆ వీడియో ఫీడ్‌ను వాడుకుంటూంటాయి. ఇది వంతులవారీగా జరుగుతూంటుంది. దీని ప్రకారం శనివారం టెన్నసీలోని నాక్స్‌విల్లేలో జరగాల్సిన ట్రంప్‌ కార్యక్రమాలను సీఎన్‌ఎన్‌ చిత్రీకరించాల్సి ఉంది. అయితే ప్రభుత్వ అధికారులు ఎయిర్‌ఫోర్స్‌ వన్‌లో సీఎన్‌ఎన్‌ ప్రతినిధులు లేకుండానే వెళ్లిపోయారు. సీఎన్‌ఎన్‌ స్థానంలో వైట్‌హౌస్‌ ప్రెస్‌ పూల్‌లో భాగం కానీ రియల్‌ అమెరికాస్‌ వాయిస్‌ న్యూస్‌ ట్రంప్‌ కార్యక్రమాలను ప్రసారం చేసింది. ఎయిర్‌ఫోర్స్‌ వన్‌లో సీఎన్‌ఎన్‌ ప్రవేశాన్ని నిషేధించారన్న వార్తను మొట్టమొదట వాషింగ్టన్‌ పోస్టు బట్టబయలు చేసింది.

గచ్చిబౌలి (హైదరాబాద్‌): మాజీ ప్రధాని, ఆర్థిక శాస్త్రవేత్త డాక్టర్‌ మన్మోహన్‌సింగ్‌కు భారత రత్న ఇవ్వాలని కేంద్రానికి, ప్రధాని మోదీకి సీఎం రేవంత్‌రెడ్డి విజ్ఞప్తి చేశారు. దేశం గర్వించదగ్గ వ్యక్తి, ఆర్థిక శాస్త్రవేత్తను రాజకీయాలకు అతీతంగా గుర్తించకపోవడం విచారకరమన్నారు. ప్రధానిగా, ఆర్థిక మంత్రిగా, రిజర్వ్‌బ్యాంక్‌ గవర్నర్‌గా పదవులకు వన్నె తెచ్చారని కొనియాడారు. ఆయన చేసిన సంస్కరణలు, పరిశోధనలు నేటితరానికి తెలియజేయాల్సిన అవసరం చాలా ఉందన్నారు. దేశ రాజధాని ఢిల్లీలో మన్మోహన్‌సింగ్‌ స్మారకార్థం విజ్ఞాన కేంద్రాన్ని ఏర్పాటు చేయాలని రాష్ట్ర ప్రభుత్వం ద్వారా ప్రధాని మోదీని కోరుతున్నా అని చెప్పారు. రేవంత్‌రెడ్డి శనివారం నానక్‌రాంగూడ ఫైనాన్షియల్‌ డిస్ట్రిక్ట్‌లో మన్మోహన్‌సింగ్‌ జయంతి సందర్భంగా ఆయన విగ్రహాన్ని ఆవిష్కరించి, మె మోరియల్‌ పార్క్‌ను ప్రారంభించారు. ఈ సందర్భంగా సీఎం మాట్లాడుతూ.. 1991లో పీవీ హయాంలో ఆర్థిక మంత్రిగా దేశాన్ని ఆర్థిక సంక్షోభం నుంచి గట్టెక్కించారని శ్లాఘించారు. లిబరలైజేషన్, ప్రైవేటైజేషన్, గ్లోబలైజేషన్‌ విధానాలు తెచ్చిన గొప్ప వ్యక్తి మన్మోహన్‌ సింగ్‌ అని కొనియాడారు. మౌన మునిలా దేశ ఆర్థిక వ్యవస్థను ముందుకు నడిపారని, ఆయన సంస్కరణలతో 2004 నుంచి 2014 వరకు దేశం ప్రగతిపథంలో నడిచిందన్నారు. మన్మోహన్‌ సింగ్‌కు భారత రత్న, విజ్ఞాన కేంద్రం ఏర్పాటుపై లోక్‌సభ, రాజ్యసభలో కాంగ్రెస్‌ ఎంపీలు డిమాండ్‌ చేస్తారని చెప్పారు. రాహుల్‌ గాం«దీ, ఏఐసీసీ అధ్యక్షుడు మల్లిఖార్జున్‌ ఖర్గే దృష్టికి తీసుకెళ్లి మన్మోహన్‌కు గుర్తింపు తెచ్చేలా కృషి చేస్తానని చెప్పారు. తెలంగాణ స్వప్నం సాకారం చేయడంలో... నిజాం నుంచి విముక్తి పొందేందుకు అప్పటి ప్రధాని నెహ్రూ, సర్దార్‌ పటేల్‌ కృషి చేశారని, ప్రత్యేక తెలంగాణ రాష్ట్ర స్వప్నం సాకారం చేయాలని సోనియా గాంధీ భావించి అన్ని పార్టీలను ఏకం చేయగా.. మన్మోహన్‌ సింగ్‌ సహకారం అందించారని సీఎం రేవంత్‌రెడ్డి పేర్కొన్నారు. ప్రధానిగా పీవీ నర్సింహారావు, ఆర్థిక మంత్రిగా మన్మోహన్‌సింగ్‌ సరళీకృత ఆర్థిక విధానాలను అమలు చేయడంవల్లే భారత్‌ మూడో అతిపెద్ద ఆర్థిక వ్యవస్థగా ఎదుగుతోందన్నారు. విద్య ప్రాథమిక హక్కు, సమాచార హక్కు చట్టంతోపాటు ఉపాధిహమీ పథకం ద్వారా పేదలకు ఏడాదికి కనీసం 100 రోజుల పని దినాలు కల్పించిన ఘనత ఆయనకే దక్కుతుందని శ్లాఘించారు. అంతేకాకుండా 2013 భూసేకరణ పునరావాస, పునఃనిర్మాణ చట్టం తీసుకొచ్చి అందరికీ న్యాయం చేసేలా కృషి చేశారని గుర్తు చేశారు. ఆ చట్టం ద్వారా భూమి లేని కులవృత్తులకు న్యాయం జరిగిందన్నారు. పాకిస్తాన్‌లో జన్మించిన మన్మోహన్‌ సింగ్‌ దేశ విభజన అనంతరం పంజాబ్‌ రాష్ట్రానికి చేరి ఆయన కుటుంబం స్థానికంగా చదవలేని పరిస్థితులుంటే ఐదారు కిలోమీటర్ల దూరం వెళ్లి చదివారని పేర్కొన్నారు. పంజాబ్‌ యూనివర్సిటీ, ఆక్స్‌ఫర్డ్‌ యూనివర్సిటీలో చదివి ఆర్థిక రంగంలో ఎదిగే వీలున్నా విదేశాల్లో స్థిర పడలేదన్నారు. తన అనుభవం, మేదస్సును ఆర్థిక విధానాల అమలుకు అందించాలనే తపనతో తిరిగి భారత్‌కే వచ్చారని గుర్తుచేశారు. ఆయన పార్కు ఏర్పాటు సముచితం సరళీకృత ఆర్థిక విధానం వల్ల ఫైనాన్షియల్‌ డిస్ట్రిక్ట్‌ ఏర్పాటుకు దారితీసిందని, ఈ ప్రాంతంలో మన్మోహన్‌సింగ్‌ పార్కు ఏర్పాటు చేయడం సుముచితమని సుప్రీంకోర్టు మాజీ ప్రధాన న్యాయమూర్తి జస్టిస్‌ ఎన్‌వీ రమణ అన్నారు. కోర్టు తీర్పులను ఆయన గౌరవించే వారని గుర్తు చేసుకున్నారు. జస్టిస్‌ సుదర్శన్‌ రెడ్డి మాట్లాడుతూ సరళీకృత ఆర్థిక విధానాలతో అట్టడగు ప్రజలకు మేలు చేసిన వ్యక్తిగా మన్మోహన్‌ సింగ్‌ నిలుస్తారని కొనియాడారు. ప్రపంచాన్ని, వ్యవస్థలను చదివిన మేధావిగా అభివర్ణించారు. ఐటీ శాఖ మంత్రి దుద్దిళ్ల శ్రీధర్‌బాబు మాట్లాడుతూ.. తెలంగాణ రాష్ట్రం ఏర్పాటుకు కారకులైన మన్మోహన్‌సింగ్‌ స్మారకార్థం ఫైనాన్షియల్‌ డిస్ట్రిక్ట్‌లో ప్రత్యేక పార్కు ఏర్పాటు సీఎం రేవంత్‌రెడ్డి కృషితో సాధ్యమైందన్నారు. 2.97 ఎకరాల విస్తీర్ణంలో కాంస్య విగ్రహంతోపాటు ఓపెన్‌ఎయిర్‌ థియేటర్, ప్రత్యేక తెలంగాణ ఏర్పాటు చట్టంలో మన్మోహన్‌ సింగ్‌ సంతకం జెన్సిస్‌ వాల్, మన్మోహన్‌ జీవిత విశేషాలతో కూడిన ఎవల్యూషన్‌ వాల్, దేశ ఆర్థిక ప్రగతిని సూచించేలా ట్రాన్స్‌ఫార్మర్‌ ఇండియా వాల్‌ను తీర్చిదిద్దారు. ఈ కార్యక్రమంలో మంత్రి అడ్లూరి లక్ష్మణ్‌ కుమార్, ఎంపీలు వేం నరేందర్‌ రెడ్డి, అనిల్‌ కుమార్‌యాదవ్, ఎమ్మెల్సీ దామోదర్‌రెడ్డి, ఎమ్మెల్యేలు అరెకపూడిగాంధీ, నవీన్‌ యాదవ్, హెచ్‌ఎండీఏ కమిషనర్‌ సర్ఫరాజ్‌ అహ్మద్, జీహెచ్‌ఎంసీ కమిషనర్‌ కర్ణన్, సీఎంసీ కమిషనర్‌ సృజన పాల్గొన్నారు.

బ్యాంకాక్‌: కృత్రిమ మేధ(ఏఐ) సంబంధిత అంశాలపై ఎప్పటికప్పుడు చర్చలు జరపడానికి, సైనిక సమాచార మార్పిడిపై కార్యాచరణను వేగవంతం చేయడానికి అమెరికా, చైనాలు అంగీకారానికి వచ్చాయి. నూతన ఏఐ భద్రతా విధానం ఏర్పాటుకు, అలాగే వాణిజ్యం, సైనిక అంశాలపై చర్చలు కొనసాగించడానికి ఆమోదం తెలిపాయి. ఈ మేరకు ఇరుదేశాలు శనివారం వేర్వేరుగా ప్రకటనలు విడుదల చేశాయి. ఎంపిక చేసిన ద్వైపాక్షిక వాణిజ్య అంశాలపై సహకారానికి వాణిజ్య, పెట్టుబడుల మండలిని ఏర్పాటు చేసుకోవాలని నిర్ణయానికి వ చ్చినట్లు తెలిపాయి. ఈ బోర్డు ఈ వారం నుంచే కార్యకలాపాలు ప్రారంభించినట్లు వైట్‌హౌస్‌ వెల్లడించింది. చైనా అధినేత షీ జిన్‌పింగ్‌ 3 రోజుల అమెరికా పర్యటనలో భాగంగా అధ్యక్షుడు డొనాల్డ్‌ ట్రంప్‌తో సమావేశమయ్యారు. ద్వైపాక్షిక అంశాలపై విస్తృతంగా చర్చించారు. ఇరువురు నేతల మధ్య కొత్తగా ఒప్పందాలేవీ కుదరలేదు. పశ్చిమాసియా పరిణామాలపైనా ట్రంప్, జిన్‌పింగ్‌ తమ అభిప్రాయాలు పంచుకున్నారు. అణ్వాయుధాలను అభివృద్ధి చేయబోమంటూ ఇచ్చిన హామీని ఇరాన్‌ గౌరవించాలని వారు తే ల్చిచెప్పారు. హార్మూజ్‌ జలసంధిలో పరిస్థితులను ప్రస్తావించారు. అంతర్జాతీయ జల మార్గాలపై ఏ దేశం కూడా సుంకాలు విధించడానికి వీల్లేదని స్పష్టంచేశారు. రెండు దేశాల సైన్యాల మధ్య సంక్షోభ సమాచార మార్పిడిని బలోపేతం చేయడం, సంక్షోభ నివారణపై ఒక అవగాహన ఒప్పందంపై సంతకం చేయడానికి ఇరుపక్షాలు అంగీకరించాయని చైనా విదేశాంగ మంత్రిత్వ శాఖ తెలియజేసింది. చైనాతో సంబంధాలకు ట్రంప్‌ అధిక ప్రాధాన్యం చైనా అధినేత జిన్‌పింగ్‌ అమెరికా పర్యటన ముగించుకొని స్వదేశంలో అడుగుపెట్టారు. గత ఏడాది చైనాతో వాణిజ్య యుద్ధాన్ని తీవ్రతరం చేసినప్పటికీ.. ఈ పర్యటన సందర్భంగా జిన్‌పింగ్‌ పట్ల డొనాల్డ్‌ ట్రంప్‌ అసాధారణమైన ఆతీ్మయత ప్రదర్శించడం గమనార్హం. చైనాతో సంబంధాలకు అత్యధిక ప్రాధాన్యం ఇస్తున్నట్లు ట్రంప్‌ తన చేతల ద్వారా సంకేతాలిచ్చారు. సంక్షోభ సమయాల్లో సమాచార మార్పిడిని బలోపేతం చేయడం, సంక్షోభాలను నివారించడమే లక్ష్యంగా ఒక అవగాహన ఒప్పందం(ఎంఓయూ)పై సంతకం చేయడానికి ఇరు పక్షాలు అంగీకరించాయని చైనా విదేశాంగ శాఖ వెల్లడించింది. కానీ, దీనిపై పూర్తి వివరాలేవీ బహిర్గతం చేయలేదు. ఏఐ సంబంధిత అంశాల కోసం అమెరికా, చైనాలు ఒక కమ్యూనికేషన్‌ యంత్రాంగాన్ని ఏర్పాటు చేయబోతున్నాయి. త్వరలో పరస్పర సుంకాల తగ్గింపు దాదాపు 30 బిలియన్‌ డాలర్ల విలువైన వస్తువులపై పరస్పర సుంకాలను తగ్గించుకోవాలని అమెరికా, చైనాలు భావిస్తున్నాయి. దీన్ని త్వరలో అమల్లోకి తీసుకురావాలని నిర్ణయానికి వచ్చాయి. వాణిజ్యపరమైన ఒప్పందాలను మరో రెండు నెలలపాటు పొడిగించేందుకు ట్రంప్, జిన్‌పింగ్‌ అంగీకరించారు. 2027, 2028లో అమెరికా నుంచి కనీసం 10 మిలియన్‌ మెట్రిక్‌ టన్నుల బొగ్గును దిగుమతి చేసుకోవడానికి చైనా అంగీకరించినట్లు వైట్‌హౌస్‌ స్పష్టంచేసింది. పరస్పర సుంకాల తగ్గింపులో ఎక్కువ భాగం వ్యవసాయ ఉత్పత్తులు లేదా పండుగ అలంకరణ సామగ్రి వంటి వస్తువులకే పరిమితం కానున్నట్లు సమాచారం.

సాక్షి, అమరావతి: విద్యుత్‌ వెలుగులు ఇవ్వాల్సిన తీగలే ప్రాణాలు తీస్తున్నాయి. వర్షం, ఈదురుగాలులు వస్తే చాలు.. ఎక్కడ ఏ తీగ తెగిపడుతుందో.. ఎక్కడ ఏ స్తంభం విరిగిపడుతుందో.. ఎవరికి షాక్‌ కొడుతుందోనన్న ఆందోళన కలుగుతోంది. ఇళ్ల వద్ద నుంచి పొలాల వరకు, రోడ్ల నుంచి పండుగల మండపాల వరకు.. విద్యుత్‌ భద్రత ప్రశ్నార్థకంగా మారుతోంది. రెండేళ్లుగా చోటుచేసుకున్న వరుస ఘటనలు ఈ ప్రమాద తీవ్రతను కళ్లకు కడుతున్నాయి. తెగిపడే వైర్లు, ఎక్కడికక్కడ వేలాడే లైన్లు, రక్షణ వ్యవస్థలు లేని విద్యుత్‌ ట్రాన్స్‌ఫార్మర్లు, ఇతర పరికరాల్లో లోపాలు, నామమాత్రంగానే జరుగుతున్న విద్యుత్‌ భద్రత తనిఖీలు ప్రజల ప్రాణాలకు ముప్పుగా మారుతున్నాయి. రాష్ట్రంలో ఏటా 900కుపైగా విద్యుత్‌ ప్రమాదాల వల్ల ప్రాణాలు కోల్పోతుండగా, తాజాగా రాష్ట్రంలో వాయుగుండం ప్రభావంతో కురిసిన వర్షాలకు విద్యుత్‌ తీగలు తెగిపడి వేర్వేరు ప్రాంతాల్లో ఆరుగురు మృత్యువాత పడ్డారు. ప్రభుత్వ నిర్లక్ష్యానికి ఇది నిదర్శనమనే విమర్శలు బాధితుల నుంచి వ్యక్తమవుతున్నాయి. నివేదికలో విస్తుగొలిపే వాస్తవాలు » కేంద్ర విద్యుత్‌ ప్రాధికార సంస్థ (సీఈఏ): కూటమి ప్రభుత్వం అధికారంలోకి వచ్చిన 2024–25 ఆర్థిక సంవత్సరంలో రాష్ట్రంలో మొత్తం 776 విద్యుత్‌ ప్రమాదాలు నమోదయ్యాయి. 426 మంది చనిపోయారు. వీటిలో కేవలం విద్యుత్‌ సంస్థల నిర్లక్ష్యం వల్ల మరణించిన వారి సంఖ్య 332. » పార్లమెంటుకు కేంద్ర విద్యుత్‌ శాఖ గణాంకాలు: తీగలు లేదా కండక్టర్లు తెగిపడటం వల్ల 2024–25లో 39 మంది మృతి చెందగా.. 2025–26లో ఈ మరణాలు 159కి ఎగబాకాయి. అంటే ఒక్క ఏడాదిలోనే మరణాల సంఖ్య భారీగా 120 పెరిగింది. పెరుగుదల సుమారు 308 శాతంగా నమోదయ్యింది. » జాతీయ నేర గణాంకాల సంస్థ (ఎన్‌సీఆర్‌బీ): ఆంధ్రప్రదేశ్‌లో ఏటా 900 విద్యుత్‌ ప్రమాదాలు జరుగుతున్నాయి. దేశవ్యాప్తంగా నమోదయ్యే విద్యుత్‌ ప్రమాదాల్లో అధిక శాతం 11 రాష్ట్రాల్లోనే జరుగుతుండగా వాటిలో ఏపీ కూడా ఉంది. » కేంద్ర విద్యుత్‌ ప్రాధికార సంస్థ (సీఈఏ): ఏడాదిలో సగటున రోజుకు ఇద్దరి కంటే ఎక్కువ మంది విద్యుత్‌ ప్రమాదాలకు బలయ్యారు. లైవ్‌ విద్యుత్‌ వైర్, పరికరాన్ని అనుకోకుండా తాకడం వల్లే 242 మంది మృతి చెందారు. ఇదే కేటగిరీలో 41 మంది గాయపడ్డారు. భద్రతా చర్యలను పాటించకపోవడం, పర్యవేక్షణ లోపం వల్ల మరో 17 మంది మృతి చెందారు. పరికరాల లోపాలతో 26 మంది, అనధికారిక పనులతో 23 మంది ప్రాణాలు వదిలారు. 111 పెంపుడు జంతువులు కూడా అసువులుబాసాయి. » ప్రయాస్‌ ఎనర్జీ గ్రూప్‌ అధ్యయనం: విద్యుత్‌ ప్రమాదాల్లో సుమారు 70 శాతం పంపిణీ స్థాయిలోనే జరుగుతున్నాయి.కారణాలు ఏమిటి? » పాత స్తంభాలు, వేలాడే తీగలు, రక్షణ పరికరాల కొరత వంటి సమస్యలు ప్రమాద తీవ్రతను పెంచుతున్నాయి. విద్యుత్‌ స్తంభాలు, తీగలు దెబ్బతిని, తెగిన తీగలు నీటిలో పడి ప్రాణాంతకంగా మారుతున్నాయి. » బోర్‌వెల్‌ విద్యుత్‌ పరికరాల్లో లోపాలు, సరైన ఎర్తింగ్‌ లేకపోవడం, అనధికార విద్యుత్‌ కంచెలు ప్రమాదాలకు దారితీస్తున్నాయి. » పండుగల సమయంలో టెంట్లు, ఇనుప జెండా కర్రలు, బ్యానర్లు విద్యుత్‌ తీగలకు సమీపంగా ఏర్పాటు చేయడం కూడా ముప్పుగా మారుతోంది. » రోడ్లు, పొలాలు, ఇళ్ల పరిసరాల్లో లైన్లు తెగిపడినప్పుడు అవి లైవ్‌లో (విద్యుత్‌ ప్రసారం) ఉన్నాయా లేదా అన్నది సాధారణ ప్రజలకు తెలియదు. విద్యుత్‌ సిబ్బంది సకాలంలో స్పందించడం లేదు. వర్షపు నీటిలో పడిన తీగ మరింత ప్రమాదకరం. ముందస్తు తనిఖీలు, దెబ్బతిన్న స్తంభాలు, తీగల మార్పు, భద్రతా చర్యలపై ప్రభుత్వం దృష్టి సారించకపోవడం ప్రమాదాల తీవ్రతను పెంచుతోంది. » వారంలో ఒక రోజు విద్యుత్‌ లైన్ల తనిఖీలు, నెలలో ఒకసారి సబ్‌ స్టేషన్‌ తనిఖీ పేరుతో విద్యుత్‌ సరఫరా నిలిపివేయడం వంటి చర్యలు తీసుకుంటున్నా, క్షేత్రస్థాయిలో ఫలితాలు సరిగా ఉండడం లేదు. కూటమి ప్రభుత్వంలో కొన్ని ఘోర విద్యుత్‌ ప్రమాదాలు2024 1. జూలై 23, 2024 – ప్రకాశం జిల్లా, కనిగిరి సమీపం, పునుగోడు: బైక్‌పై వెళ్తున్న ముగ్గురు యువకులపై హైటెన్షన్‌ విద్యుత్‌ తీగ తెగిపడటంతో ముగ్గురూ మృతి చెందారు. 2. సెప్టెంబర్‌ 8, 2024 – పల్నాడు జిల్లా, పొట్లూరు: వినాయక మండపంలో లైట్లు ఏర్పాటు చేస్తుండగా లైవ్‌ వైర్‌ తగిలి 18 ఏళ్ల వేదసహాయం మృతి చెందాడు. 3. అక్టోబర్‌ 20, 2024 – కాకినాడ జిల్లా, సామర్లకోట: టెర్రస్‌పై బట్టలు ఆరేస్తుండగా అక్కడున్న విద్యుత్‌ వైర్‌ తగిలి తల్లి, కుమారుడు ఇద్దరూ మృతి చెందారు. 4. నవంబర్‌ 4, 2024 – తూర్పుగోదావరి జిల్లా, ఉండ్రాజవరం మండలం, తాడిపర్రు: విగ్రహావిష్కరణ కోసం ఫ్లెక్సీ కడుతుండగా లైవ్‌ వైర్‌ తగిలి నలుగురు యువకులు మృతి చెందగా, మరో వ్యక్తి గాయపడ్డాడు. 2025 1. ఫిబ్రవరి 24, 2025 – గుంటూరు జిల్లా, పెదకాకాని: గోశాలలో సంపు శుభ్రం చేస్తూ మోటార్‌ను రిపేర్‌ చేయడానికి ప్రయత్నించిన సమయంలో ఒకరికి విద్యుత్‌ షాక్‌ తగిలింది. అతడిని కాపాడేందుకు వెళ్లిన మరో ముగ్గురూ షాక్‌కు గురయ్యారు. నలుగురూ ప్రాణాలు వదిలారు. 2. మే 26, 2025 – శ్రీకాకుళం జిల్లా, కంచిలి మండలం, చిల్లపుట్టిగ: స్థానిక ఉత్సవాల్లో సీరియల్‌ లైటింగ్‌కు ఉపయోగించిన వైర్‌ తెగి రోడ్డుపై పడటంతో విద్యుదాఘాతం జరిగింది. ముగ్గురు చనిపోయారు. మరో ముగ్గురు గాయపడ్డారు. 3. జూలై 6, 2025 – కర్నూలు జిల్లా, ఆదోని మండలం, పెద్దతుంబలం: ఇంటి నిర్మాణానికి నీరు పంప్‌ చేస్తుండగా మోటార్‌ను తాకిన 13 ఏళ్ల బాలుడు మహేష్‌ మృతి చెందాడు. 4. ఆగస్టు 27, 2025 – కాకినాడ: వాలీబాల్‌ ఆడేందుకు పోల్స్‌ ఏర్పాటు చేస్తుండగా లైవ్‌ వైర్‌ తగిలి 19 ఏళ్ల యువకుడు మృతి చెందాడు. మరో ఐదుగురు గాయపడ్డారు. 5. డిసెంబర్‌ 1, 2025 – ప్రకాశం జిల్లా, త్రిపురాంతకం మండలం, కొత్త అన్నసముద్రం: ఐదుగురికి విద్యుత్‌ షాక్‌ తగలగా ఇద్దరు అక్కడికక్కడే మృతి చెందారు, మరో ముగ్గురికి తీవ్ర గాయాలయ్యాయి.2026 1. జనవరి 25, 2026 – నెల్లూరు జిల్లా, వరికుంటపాడు మండలం, బోనిగర్లపాడు: పంటను జంతువుల నుంచి రక్షించేందుకు పొలం చుట్టూ అక్రమంగా ఏర్పాటు చేసిన లైవ్‌ విద్యుత్‌ కంచెను తాకి 18 ఏళ్ల ఇద్దరు యువకులు మృతి చెందారు. 2. మార్చి 30, 2026 – అనంతపురం: కోవ్వూరు నగర సచివాలయానికి చెందిన ఎనర్జీ అసిస్టెంట్‌ వెంగముని ఏఖీ లైవ్‌ వైర్‌కు తగిలి తీవ్రంగా గాయపడి ఆసుపత్రికి తరలించేలోపు ప్రాణాలు వదిలాడు. 3. ఏప్రిల్‌ 4, 2026 – పార్వతీపురం మన్యం జిల్లా, సాలూరు మండలం, మామిడిపల్లి: గోడ ఎక్కే సమయంలో పంప్‌సెట్‌ ఎలక్ట్రికల్‌ ప్యానెల్‌ను పట్టుకోవడంతో 9వ తరగతి విద్యార్థి మృతి చెందాడు. 4. మే 28, 2026 – కృష్ణా జిల్లా, పమిడిముక్కల మండలం, లంకపల్లి: భారీ వర్షాలు, ఈదురుగాలుల సమయంలో విద్యుత్‌ ప్రమాదాలు చోటుచేసుకున్నాయి. లంకపల్లిలో నీరు తీసుకునేందుకు వెళ్లిన ఇంటర్‌ విద్యార్థిని విద్యుత్‌ ప్రమాదంలో మృతి చెందింది. మరో వ్యక్తి విద్యుత్‌ తీగ కారణంగా మృతి చెందాడు. 5. జూన్‌ 21, 2026 – విశాఖపట్నం, మధురవాడ: రోడ్డుపై క్రికెట్‌ ఆడుతున్న 6 ఏళ్ల బాలుడు, బంతి తీసుకునే క్రమంలో బయటకు వేలాడుతున్న ఎర్తింగ్‌ వైర్‌ను తాకి మృతి చెందాడు. ఆ ప్రాంతంలో అండర్‌గ్రౌండ్‌ కేబుల్‌ పనుల సమయంలో వైర్‌ బయటకు వచ్చి వేలాడుతూ ఉండటం ప్రమాదానికి కారణమైంది. 6. జూలై 3, 2026 – వైఎస్సార్‌ కడప జిల్లా, ప్రొద్దుటూరు మండలం, దొరసానిపల్లె: ఓ వ్యక్తి విద్యుత్‌ షాక్‌తో మృతి చెందిన ఘటనపై కుటుంబ సభ్యుల ఫిర్యాదుతో పోలీసు­లు మృతదేహాన్ని వెలికితీసి పోస్టుమార్టం నిర్వహించారు. 7. సెప్టెంబర్‌ 24, 2026 – అనకాపల్లి జిల్లా, నాతవరం మండలం, గొల్లవీధి: భారీ వర్షాల సమయంలో ఇంటి పైభాగం నుంచి వేలాడుతున్న సపోర్ట్‌ వైర్‌ను తాకడంతో తల్లీకూతురు మృతి చెందారు. భర్త నాగరాజు వైర్‌ను తొలగించేందుకు ప్రయత్నించగా విద్యుదాఘాతానికి గురై గాయపడ్డాడు. 8. సెప్టెంబర్‌ 24, 2026 – పశ్చిమగోదావరి జిల్లా, పెంటపాడు మండలం, జట్లపాలెం: ఎనిమిదవ తరగతి, ఆరవ తరగతి చదువుతున్న ఇద్దరు బాలురు ఆడుకుంటూ అక్కడున్న ఎర్త్‌ వైర్‌ను తాకడంతో విద్యుత్‌ షాక్‌కు గురై చనిపోయారు. 9. సెప్టెంబర్‌ 24, 2026 – బాపట్ల జిల్లా, చెరువు ఉప్పరపాలెం: సరుకులు తెచ్చుకునేందుకు ఇంటి నుంచి బయటకు వచ్చిన ఓ మహిళ విద్యుత్‌ స్తంభం నుంచి తెగిపడిన వైరును తొక్కడంతో షాక్‌కు గురై మరణించింది. తల్లి షాక్‌కు గురవ్వడాన్ని గమనించి కాపాడేందుకు వచ్చిన ఆమె కుమారుడు కూడా అదే విద్యుత్‌ షాక్‌తో ప్రాణాలు కోల్పోయాడు.

న్యూఢిల్లీ: ఆరోపణల సుడిగుండంలో చిక్కుకున్న సీఈసీ జ్ఞానేశ్‌కుమార్‌పై రిటైర్డ్‌ ఐఏఎస్‌ అధికారి, కేరళ మాజీ ప్రభుత్వ ప్రధాన కార్యదర్శి జిజి థామ్సన్‌ సంచలన ఆరోపణలు చేశారు. 2016లో ఇద్దరూ ఐఏఎస్‌ అధికారులుగా కొనసాగుతున్న కాలంలో థామ్సన్, జ్ఞానేశ్‌ ఢిల్లీకి ఒక విమానంలో వెళ్లేటప్పుడు జరిగిన సంభాషణను థామ్సన్‌ గుర్తుచేసుకున్నారు. ‘‘ఐఏఎస్‌గా రిటైర్‌ అయ్యాక ఏం చేస్తావని జ్ఞానేశ్‌ అడిగారు. చిన్నారుల సర్వతోముఖాభివృద్ధికి సంబంధించిన ప్రాజెక్టులపై పనిచేస్తా అని చెప్పా. అలా చేయొద్దు. మూడేళ్లలో ఎన్నికలు రాబోతున్నాయి. కేరళలోని పత్తనంథిట్ట నుంచి బీజేపీ తరఫున ఎంపీగా పోటీచెయ్యి. గెలిస్తే మంత్రి కూడా అయిపోవచ్చు’’అని ఆయన సూచించారని థామ్సన్‌ తెలిపారు. తనకు రాజకీయాలు అంటే ఇష్టంలేదు అని ఆనాడే ఆయనకు చెప్పేశానని గుర్తుచేసుకున్నారు. ‘‘నేనైతే రిటైర్‌ అయ్యాక ఎంపీగా పోటీచేస్తా. గెలిస్తే కేంద్ర మంత్రిని అవుతా’’అని జ్ఞానేశ్‌ తనతో చెప్పారని థామ్సన్‌ వెల్లడించారు. థామ్సన్‌ 1988 బ్యాచ్‌ ఐఏఎస్‌ అధికారి. థామ్సన్‌ ఆరోపణలపై కాంగ్రెస్‌ అగ్రనేత రాహుల్‌ స్పందించారు. ‘‘ఈ లెక్కన ఆనాడు ఐఏఎస్‌గా ఉన్న జ్ఞానేశ్‌ను బీజేపీ తమ తదుపరి ఎన్నికల అభ్యర్థుల రిక్రూట్‌ ప్రక్రియ కోసం ఉపయోగించుకుంది. అందుకు తమకు సాయపడిన జ్ఞానేశ్‌ను ఇప్పుడు సీఈసీ పదవిలో షా, మోదీ ద్వయం కూర్చోబెట్టారు. అలా భారత్‌లో మ్యాచ్‌ ఫిక్సింగ్‌ ఎన్నికలకు ఇన్‌చార్జ్‌గా మార్చేశారు’’అని ఆరోపించారు. థామ్సన్‌ 2024 జనవరిలో రిటైర్‌ అయ్యారు.

సాక్షి, అమరావతి: ప్రజల ప్రశాంత జీవనానికి ఆటంకాలు కలిగించే నిందితులను ముందుజాగ్రత్తగా అరెస్ట్‌ చేసి నిర్బంధించడానికి సంబంధించి ప్రివెంటివ్‌ డిటెన్షన్‌ (పీడీ) చట్టం కింద జారీ చేసే ముందస్తు నిర్బంధ ఉత్తర్వుల్లో సహేతుక కారణాలను పేర్కొని తీరాల్సిందేనని డీటైనింగ్‌ అథారిటీ అయిన జిల్లా కలెక్టర్లకు హైకోర్టు స్పష్టం చేసింది. అలా కారణాలు లేకుండా జారీ చేసిన ఉత్తర్వులు ఎంతమాత్రం చెల్లుబాటు కావని తేల్చిచెప్పింది. ఒక నిందితుడి విషయమై శ్రీపొట్టి శ్రీరాములు నెల్లూరు జిల్లా కలెక్టర్‌ జారీ చేసిన ముందస్తు నిర్బంధ (పీడీ) ఉత్తర్వులను హైకోర్టు తప్పుపట్టింది. జిల్లా కలెక్టర్‌ తన పీడీ ఉత్తర్వుల్లో సహేతుక, సంతృప్తికరమైన కారణాలను పేర్కొనలేదని స్పష్టం చేసింది. జిల్లా కలెక్టర్‌ 2025 డిసెంబర్‌ 2న పీడీ ఉత్తర్వులను, ధ్రువీకరిస్తూ రాష్ట్ర ప్రభుత్వం ఈ ఏడాది ఫిబ్రవరిలో జారీచేసిన జీవోను హైకోర్టు రద్దు చేసింది. నిందితుడిని తక్షణమే విడుదల చేయాలని ప్రభుత్వాన్ని ఆదేశించింది. ఈ మేరకు న్యాయమూర్తులు జస్టిస్‌ రవినాథ్‌ తిల్హరి, జస్టిస్‌ చింతలపూడి పురుషోత్తం కుమార్‌లతో కూడిన ధర్మాసనం ఇటీవల తీర్పు వెలువరించింది. ఈ కేసు అంశాలను పరిగణనలోకి తీసుకున్న ధర్మాసనం, ఇతర జిల్లాల పరిధిలో నేరాలకు పాల్పడిన నిందితులపై నమోదైన కేసులను పరిగణనలోకి తీసుకునే సమయంలో, ఆ ఘటనలు తమ జిల్లా పరిధిలో ప్రజా జీవనానికి, శాంతి భద్రతలకు ఏ విధంగా విఘాతం కలిగిస్తాయన్న విషయాన్ని డిటెన్షన్‌ ఉత్తర్వుల్లో స్పష్టంగా పేర్కొనాల్సిందేనని స్పష్టం చేసింది.

భవిష్యత్‌లో కరోనా వంటి మహమ్మారులు ముంచుకొస్తే మన సన్నద్ధత ఏమిటి? వైరస్‌లను ల్యాబ్‌లోనే తుదముట్టించే వ్యూహం ఉందా? వీటికి సమాధానం హైదరాబాద్‌లోని రెండు దేశీయ అత్యున్నత ల్యాబ్స్‌ సీఎస్‌ఐఆర్‌–ఐఐసీటీ (ఇండియన్‌ ఇన్‌స్టిట్యూట్‌ ఆఫ్‌ కెమికల్‌ టెక్నాలజీ), సీఎస్‌ఐఆర్‌–సీసీఎంబీ (సెంటర్‌ ఫర్‌ సెల్యులార్‌ అండ్‌ మాలిక్యులర్‌ బయాలజీ) సంయుక్తంగా చేపట్టిన ‘యాంటీ–వైరల్‌ మిషన్‌’. రాబోయే 10–20 ఏళ్లలో ప్రపంచాన్ని పట్టిపీడించే సరికొత్త వైరస్‌లను, అపరిచిత మహమ్మారులను ఎదుర్కొనేందుకు దేశాన్ని సన్నద్ధం చేయడం ఈ మిషన్‌ లక్ష్యం. వైరస్‌ బయాలజీని, అది శరీరంలో ఎలా వ్యాప్తి చెందుతుందో హైదరాబాద్‌లోని సీసీఎంబీ పరిశోధిస్తే... దాన్ని చంపే కెమికల్‌ ఫార్ములాను ఐఐసీటీ ల్యాబ్‌ తయారు చేస్తోంది. దీంతో సరికొత్త చరిత్రకు శ్రీకారం చుడుతోంది. విదేశీ టెక్నాలజీతో సంబంధం లేకుండా దేశీయంగానే ఎమ్మార్‌ఎన్‌ఏ వ్యాక్సిన్‌ ప్లాట్‌ఫారమ్‌ను ఇక్కడే సిద్ధం చేస్తున్నారు. దీనివల్ల రాబోయే రోజుల్లో కొత్త వైరస్‌ వస్తే కేవలం కొన్ని వారాల్లోనే వ్యాక్సిన్‌ డిజైన్‌ చేయొచ్చు. సాధారణంగా కొత్త మందులు కనిపెట్టడానికి 10–12 ఏళ్లు పడుతుంది. అందుకే ఇప్పటికే మార్కెట్లో సురక్షితంగా ఉన్న పాత మందులనే కొత్త వైరస్‌ల నివారణకు వాడేలా పరిశోధనలు వేగవంతంగా జరుపుతున్నాం. అతిప్రమాదకర వైరస్‌లపైనా రిస్క్‌ లేకుండా ప్రయోగాలు చేసేందుకు వీలుగా హైసెక్యూరిటీ బయో–సేఫ్టీ–3 (బీఎస్‌ఎల్‌–3) ల్యాబ్స్‌ ఈ మిషన్‌లో కీలక పాత్ర పోషిస్తున్నాయి. ఈ నేపథ్యంలో సీఎస్‌ఐఆర్‌–ఐఐసీటీ డైరెక్టర్‌ డా.డి.శ్రీనివాసరెడ్డితో ‘సాక్షి’ ప్రత్యేక ఇంటర్వ్యూ. ప్రశ్న: ఇతర వ్యాధుల కోసం మార్కెట్లో ఉన్న సురక్షిత ఔషధాలను కొత్త వైరస్‌లపై పునర్వినియోగించడంలో మీ పరిశోధన ఏ దశకు చేరుకుంది? జవాబు: ఇతర అనారోగ్య సమస్యలున్న కోవిడ్‌–19 రోగులపై ఉమిఫెనోవిర్, నిక్లోసమైడ్, కొల్చిసిన్‌ వంటి ఔషధాలతో క్లినికల్‌ ట్రయల్స్‌ నిర్వహించడం ద్వా­రా సీఎస్‌ఐఆర్‌ గణనీయమైన ప్రయత్నా­లు చేసింది. సన్‌ ఫార్మా, ఐసీజీఈబీలతో కలిసి ఫైటోఫార్మాస్యూటికల్‌పైనా క్లినికల్‌ ట్ర­య­ల్‌ నిర్వహించాం. అలాగే అశ్వగంధ సహా మూ­­డు ఆయుష్‌ ఔషధాలను సార్స్‌–కోవ్‌–2 నివారణ వినియోగం కోసం క్లినికల్‌ విధానంలో మూల్యాంకనం చేశాం. ఫలితంగా ప్రజలకు ఔషధాలు త్వరితగతిన అందుబాటులోకి వచ్చే అవకాశముంది. ప్రశ్న: వ్యాక్సిన్‌ అభివృద్ధిలో అత్యంత ప్రభావవంతంగా నిలుస్తున్న ఎమ్మార్‌ఎన్‌ఏ వ్యాక్సిన్‌ సాంకేతికతను హైదరాబాద్‌ ప్రయోగశాలల్లో స్వదేశీయంగా అభివృద్ధి చేస్తున్నట్లు వార్తలు వచ్చాయి. దీనిపై ఏమంటారు? జవాబు: అవును, నిజమే. ఎమ్మార్‌ఎన్‌ఏ వ్యాక్సిన్‌ డెలివరీలో అత్యంత కీలకమైన భాగం ‘అయనీకరణ లిపిడ్లు’. వీటిని ఐఐసీటీ స్వదేశీ పరిజ్ఞానంతో అభివృద్ధి చేస్తోంది. ప్రస్తుతం మా వద్ద కొన్ని స్వదేశీ లిపిడ్లు ఉన్నాయి. వాటిని జంతు నమూనాల్లో కూడా విజయవంతంగా పరీక్షించాం. నూతన యాంటీజెన్‌ ఎమ్మార్‌ఎన్‌ఏ నిర్మాణ భాగాన్ని సీసీఎంబీ చేపడుతోంది. ఈ రెండు సంస్థలు కలిసి, భారీస్థాయి ఉత్పత్తికి అనువైన ఎమ్మార్‌ఎన్‌ఏ–ఎల్‌ఎన్‌పీ ప్లాట్‌ఫామ్‌ సాంకేతికతను రూపొందించాయి. కొత్త వైరస్‌ వెలుగుచూస్తే కొన్ని వారాల్లోనే వ్యాక్సిన్‌ను సిద్ధం ప్లాట్‌ఫామ్‌ను మనం సిద్ధం చేస్తున్నాం. ప్రశ్న: కోవిడ్‌ అనంతర కాలంలో భవిష్యత్‌ వైరస్‌లను ఎదుర్కొనేందుకు సీసీఎంబీ, ఐఐసీటీ సంయుక్తంగా ప్రారంభించిన యాంటీ–వైరల్‌ మిషన్‌ పురోగతి ఎలా ఉంది? జవాబు: సార్స్‌–కోవ్‌–2పై పనిచేసే నూతన చికిత్సా ఔషధాలను కనుగొని, అభివృద్ధి చేసే లక్ష్యంతో 10 సీఎస్‌ఐఆర్‌ ప్రయోగశాలల భాగస్వామ్యంతో ‘సీఎస్‌ఐఆర్‌ యాంటీవైరల్‌ మిషన్‌ (2021–25)’ను పాన్‌–సీఎస్‌ఐఆర్‌ కార్యక్రమంగా ప్రారంభించాం. ఇందులో ఐఐసీటీ, ఎన్‌ఐఐఎస్టీ, ఎన్సీఎల్, ఐఐఐఎం, ఐఐసీబీ, సీఎల్‌ఆర్‌ఐ, సీడీఆర్‌ఐ, ఇహ్‌బాస్‌ (ఐహెచ్‌బీటీ), సీసీఎంబీ, యూఆర్డీఐపీ సంస్థలు పాల్గొన్నాయి. ఈ మిషన్‌కు ఐఐసీటీ నోడల్‌ ప్రయోగశాలగా వ్యవహరించింది. 1,300 నూతన అణువులను సంశ్లేషించి, వాటి యాంటీవైరల్‌ సామర్థ్యాన్ని పరీక్షించాం. ఈ మిషన్‌ ద్వారా 13 నూతన పేటెంట్‌ దరఖాస్తులు దాఖలయ్యాయి. ప్రస్తుతం పరిశ్రమల ఆర్థిక సహకారంతో చేపట్టిన రెండో దశలో నాలుగు చిన్న అణువులు, ఒక ఫిక్స్‌డ్‌ డోస్‌ కాంబినేషన్‌ ప్రీక్లినికల్‌ అభివృద్ధి దశలో ఉన్నాయి.ప్రశ్న: ప్రమాదకరమైన వైరస్‌ కల్చర్ల నిర్వహణకు, పరీక్షించడానికి అవసరమైన బీఎస్‌ఎల్‌–3 ప్రయోగశాల పురోగతి ఎలా ఉంది?జవాబు: సీసీఎంబీ, ఐఐబీటీ సంస్థలు అత్యాధునిక బీఎస్‌ఎల్‌–3 సదుపాయాలను ఏర్పాటు చేసి, సార్స్‌–కోవ్‌–2 యాంటీవైరల్‌ పరీక్షలను సమర్థవంతంగా నిర్వహించాయి.ప్రశ్న: భారత్‌ ప్రపంచ ఫార్మా హబ్‌గా పేరొందినప్పటికీ, ఔషధ తయారీలో వాడే కీలక ముడి పదార్థాల కోసం చైనాపై ఆధారపడాల్సి వస్తోంది. దీన్ని తగ్గించడానికి ఏమైనా ప్రయత్నాలు జరిగాయా? జవాబు: యాంటీవైరల్‌ మిషన్‌ ప్రధానంగా నూతన ఔషధ ఆవిష్కరణ లక్ష్యంగా చేపట్టిందే అయినప్పటికీ, ఇతరసీఎస్‌ఐఆర్‌ నిధులతో మా ప్రయోగశాలలు ఫావిపిరావిర్‌ వంటి కీలక యాంటీవైరల్‌ ఔషధాల తయారీప్రక్రియలను అభివృద్ధి చేసి పరిశ్రమలకు బదిలీ చేశాయి. అంతేకాకుండా, దిగుమతులపై ఆధారపడటాన్ని తగ్గించేందుకు పదేళ్లుగా సీఎస్‌ఐఆర్‌ ప్రత్యేక మిషన్‌పై దృష్టి పెట్టింది. పారాసిటమాల్‌ సహా పలు కీలక ఔషధ ప్రక్రియలను స్వదేశీ తయారీ కోసం పరిశ్రమలకు ఇప్పటికే బదిలీ చేశాం. ప్రశ్న: భవిష్యత్‌ యాంటీవైరల్‌ ఔషధాలు తక్కువ ధరలో లభిస్తాయా? జవాబు: అందుకు ప్రయత్నాలు జరుగుతున్నాయి. ఫావిపిరావిర్‌ తయారీ సాంకేతికతను అభివృద్ధి చేసి సిప్లాకు సీఎస్‌ఐఆర్‌ బదిలీ చేసింది. అలాగే వ్యాక్సిన్‌ అడ్జువెంట్‌ తయారీ సాంకేతికతను భారత్‌ బయోటెక్‌కు బదిలీ చేస్తే, వారు దానిని కోవాగ్జిన్‌ తయారీలో వినియోగించారు. యాంటీవైరల్స్‌ మాత్రమే కాకుండా, అందరికీ అందుబాటు ధరల్లో వైద్య సేవలు అందించే లక్ష్యంతో తక్కువ వ్యయంతో కూడిన ఏపీఐలు, కేఎస్‌ఎంల అభివృద్ధి కోసం సీఎస్‌ఐఆర్‌ పలు ప్రముఖ సంస్థలతో ఒప్పందాలు కుదుర్చుకుంది. ప్రశ్న: జంతువుల నుంచి మనుషులకు సోకే జూనోటిక్‌ వ్యాధుల ముప్పు పెరుగుతోంది. వీటిని ఎదుర్కోవడానికి యాంటీ వైరల్‌ మిషన్‌ ఎలా ఉపయోగపడుతుంది? జవాబు: యాంటీవైరల్‌ మిషన్‌ మొదటి దశ 2025తో ముగిసినప్పటికీ, పలు వైరస్‌ కుటుంబాల్లో ఉమ్మడిగా ఉండే సంరక్షిత హోస్ట్, వైరల్‌ యంత్రాంగాలను లక్ష్యంగా చేసుకుని ’పాన్‌–వైరల్‌’ చికిత్సలపై పరిశోధననుముందుకు తీసుకెళ్లాలని సీఎస్‌ఐఆర్‌ నిర్ణయించింది. ఇటువంటి బ్రాడ్‌–స్పెక్ట్రమ్‌ విధానాల వల్ల ’డిసీజ్‌ ఎక్స్‌’వంటి తెలియని కొత్త వ్యాధికారకాలు వచ్చినా వేగంగా చికిత్స అందించడం సాధ్యమవుతుంది. మహమ్మారి వచ్చిన ప్రతిసారీ కొత్త ఔషధాన్ని సున్నా నుంచి తయారు చేయాల్సిన భారం తప్పుతుంది. ప్రశ్న: యాంటీ వైరల్‌ మిషన్‌ ప్రాజెక్టు అంతిమ లక్ష్యం ఏమిటి? ఇది హైదరాబాద్‌ను ఏ స్థాయికి చేరుస్తుంది? జవాబు: ప్రస్తుతం ఈ మిషన్‌ ముగిసినప్పటికీ, ఐఎన్డీ దరఖాస్తు దాఖలు చేసి క్లినికల్‌ ట్రయల్స్‌లోకి ప్రవేశించే లక్ష్యంతో టాప్‌–5 లీడ్‌ అణువుల ప్రీక్లినికల్‌ అభివృద్ధి ముమ్మరంగా సాగుతోంది. ఇది హైదరాబాద్‌ను ప్రపంచ ఔషధ ఆవిష్కరణ పటంలో అత్యున్నత స్థానంలో నిలబెడుతుంది. ప్రశ్న: జీవశాస్త్రంలో సీసీఎంబీ, రసాయన శాస్త్రంలో ఐఐసీటీ... ఈ రెండు దిగ్గజ సంస్థల సమన్వయం ఎలా సాగింది? జవాబు: సీసీఎంబీ తన బీఎస్‌ఎల్‌–3 సదుపాయం ద్వారా వైరల్‌ జీవశాస్త్రం, వ్యాధి యంత్రాంగాల మూల్యాంకనంలో పాలుపంచుకోగా.. ఐఐసీటీ మెడిసినల్‌ కెమిస్ట్రీ, స్ట్రక్చర్‌–బేస్డ్‌ డ్రగ్‌ డిజైన్, చిన్న అణువుల ఆప్టిమైజేషన్‌లో కీలక పాత్ర పోషించాయి. ప్రశ్న: భవిష్యత్తులో కొత్త వైరల్‌ వేరియంట్లు వెలుగుచూస్తే, మన స్వదేశీ ప్లాట్‌ఫామ్‌ ద్వారా ఎంత వేగంగా స్పందించగలం? జవాబు: మేము నెలకొల్పిన స్కేలబుల్‌ ఎమ్మార్‌ఎన్‌ఏ–ఎల్‌ఎన్‌పీ ప్లాట్‌ఫామ్‌ సాంకేతికత ప్రస్తుతం నాన్‌–జీఎల్ప దశలో ఉంది. స్వదేశీ అయనీకరణ లిపిడ్లతో దీని పనితీరును ఇప్పటికే నిరూపించాం. భవిష్యత్తులో కొత్త వేరియంట్‌ వస్తే, దాని జన్యు క్రమం తెలిసిన వెంటనే కేవలం ఎమ్మార్‌ ఎన్‌ఏ క్రమాన్ని మారిస్తే సరిపోతుంది. ఫార్ములేషన్, తయారీ ప్రక్రియలు ముందే సిద్ధంగా ఉంటాయి కాబట్టి, అతి తక్కువ సమయంలోనే కొత్త వ్యాక్సిన్‌ను సిద్ధం చేయడం సాధ్యమవుతుంది. -కె.రాహుల్‌

సాక్షి, హైదరాబాద్‌: బియ్యం ధరలకు మళ్లీ రెక్కలొచ్చాయి. రాష్ట్రంలో ధాన్యంభారీగా పండుతున్నా.. బియ్యం ధరలకు మాత్రం కళ్లెం పడటం లేదు. వినియోగదారులు ఎక్కువగా కోరుకునే నాణ్యమైన సన్నబియ్యం కిలో ధర ఇప్పటికే రూ.70 దాటింది. మంచి నాణ్యత, పాత బియ్యం రకాలు రూ.80కు పైగానే పలుకుతున్నాయి. కేంద్ర ప్రభుత్వ రోజువారీ ధరల పర్యవేక్షణ గణాంకాల ప్రకారం తెలంగాణలో సాధారణ బియ్యం సగటు రిటైల్‌ ధర జూలైలో కిలో రూ.54.4 ఉండగా, ఆగస్టులో రూ.56.7కు, సెప్టెంబర్‌లో రూ.61.6కు చేరింది. అంటే మూడు నెలల్లోనే కిలోకు రూ.7.2 అంటే 13 శాతానికి పైగా పెరిగింది. దేశ సగటు రిటైల్‌ ధర రూ.46.60తో పోలిస్తే తెలంగాణలో కిలోకు దాదాపు రూ.15 ఎక్కువ.’’అంటే రాష్ట్రంలో ధాన్యం కొరత లేకపోయినా, వినియోగదారుడు కోరుకునే రకం బియ్యం మార్కెట్‌లో ఎంత అందుబాటులో ఉందన్నదే ధరను నిర్ణయిస్తోంది. ధాన్యం పుష్కలం.. సన్నబియ్యం మాత్రం ఖరీదు ఈ ఖరీఫ్‌లో 57.70 లక్షల ఎకరాల్లో 119.57 లక్షల టన్నుల ధాన్యం ఉత్పత్తి అవుతుందని ప్రభుత్వం అంచనా వేసింది. అయినా మార్కెట్‌లో సన్నబియ్యం ధరలు పెరుగుతుండటానికి కారణం మొత్తం ధాన్యం పరిమాణం కాదు.. వినియోగదారుడి డిమాండ్‌కు తగ్గ సన్నబియ్యం సరఫరా ఉందా? అన్నదే కీలకం. రైతు నుంచి కొనుగోలు చేసిన ధాన్యం వెంటనే బియ్యంగా మారి దుకాణానికి చేరదు. కొనుగోలు తర్వాత మిల్లుకు తరలింపు, మిల్లింగ్, నిల్వ, హోల్‌సేల్, రిటైల్‌ మార్కెట్‌కు సరఫరా.. ఇలా పలు దశలు దాటాలి. ఈ ప్రక్రియలో సరఫరా నెమ్మదిస్తే మార్కెట్‌లో అందుబాటులో ఉన్న బియ్యం తగ్గుతుంది. అదే సమయంలో వినియోగదారుల డిమాండ్‌ కొనసాగితే ధర పెరుగుతుంది. ఇదే సన్న బియ్యంలో ప్రస్తుతం స్పష్టంగా కనిపిస్తోంది. ‘‘సోనామసూరి, సాంబ మసూరి, జైశ్రీరాం, తెలంగాణ సోనా, హెచ్‌ఎంటీ, బీపీటీ, ఆర్‌ఎన్‌ఆర్‌ వంటి రకాలపై డిమాండ్‌ ఎక్కువగా ఉంది. ముఖ్యంగా మంచి నాణ్యత, పాత బియ్యం, తక్కువ నూకలు, మంచి వంట నాణ్యత ఉన్న రకాలకు వినియోగదారులు అధిక ధర చెల్లిస్తున్నారు.’’అందుకే సాధారణ బియ్యం ధరతో పోలిస్తే నాణ్యమైన సన్న బియ్యం ధర కిలోకు రూ.70–80 వరకు చేరింది. రబీపై కన్ను.. ముందుగానే సన్న ధాన్యం సమీకరణ? ఎల్‌నినో ప్రభావం ఉంటుందన్న హెచ్చరికల నేపథ్యంలో రబీలో సన్నరకాల సాగు తగ్గవచ్చన్న అంచనాలు ఉన్నాయి. దీంతో మిల్లర్లు, బియ్యం వ్యాపారులు వచ్చే పంటపై ముందుగానే దృష్టి పెట్టినట్టు మార్కెట్‌ వర్గాలు చెబుతున్నాయి. నిజామాబాద్, నల్లగొండ జిల్లాల్లో సన్న రకాల ధాన్యం కోసం రైతులతో మిల్లర్లు, వ్యాపారులు సంప్రదింపులు జరుపుతున్నట్టు సమాచారం. భవిష్యత్‌లో సన్నధాన్యం అందుబాటులో తగ్గుతుందన్న అంచనాతో ముందుగానే సరుకు సమీకరించుకునే ప్రయత్నాలు జరుగుతున్నాయి. పాత పంట తగ్గుతోంది.. కొత్త పంట కోసం ఎదురుచూపులు పాత పంట నిల్వలు తగ్గడం–కొత్త పంట పూర్తిస్థాయిలో అందుబాటులోకి రాకపోవడం వల్ల ధరల్లో వ్యత్యాసాలు ఉంటున్నాయి. నాణ్యమైన సన్న బియ్యం నిల్వలు తగ్గుతున్న సమయంలో కొత్త పంట బియ్యం మార్కెట్‌కు పెద్దగా రాకపోతే మధ్యంతరంగా ధరలు పెరిగే అవకాశం ఉంటుంది. అయితే ధర పెరుగుదలలో ప్రధాన అంశం మాత్రం సరఫరా–డిమాండ్‌ మధ్య అంతరం. మార్కెట్‌లో బియ్యం సరఫరా పెరిగితే వ్యాపారుల మధ్య పోటీ పెరిగి ధరలు తగ్గే అవకాశం ఉంటుంది. అందుకు విరుద్ధంగా డిమాండ్‌ ఎక్కువగా ఉండి సరఫరా పరిమితంగా ఉంటే ధరలు పెరుగుతాయి. సన్న బియ్యంలో ప్రస్తుతం ఇదే పరిస్థితి కనిపిస్తోంది. రేషన్‌ బియ్యం ఎక్కడ పోతోంది..? రాష్ట్రంలో కోటికి పైగా రేషన్‌కార్డులు ఉండగా, 3 కోట్ల లబ్ధిదారులు ఉన్నట్టు పౌరసరఫరాల శాఖ లెక్కలు చెబుతున్నాయి. ఒక్కో లబ్ధిదారునికి 6 కిలోల సన్నబియ్యం చొప్పున ప్రభుత్వం ఉచితంగా బియ్యం అందజేస్తున్నా, రాష్ట్రంలో బియ్యం ధరలు మండిపోవడం వెనుక గల కారణాలను ప్రభుత్వం పరిశీలించాల్సిన అవసరముంది. ‘‘ప్రభుత్వం వ్యయ ప్రయాసలకోర్చి ఒక్కో కిలో బియ్యానికి సుమారు రూ. 45 వరకు వెచ్చించి సరఫరా చేస్తున్నా, బహిరంగమార్కెట్‌లో సన్నబియ్యానికి డిమాండ్‌ తగ్గడం లేదు. అదే సమయంలో సన్నబియ్యం కూడా రీసైక్లింగ్‌ జరుగుతున్న సంఘటనలు వెలుగులోకి వస్తుండడం ఆందోళన కలిగిస్తోంది.’’హైదరాబాద్, రంగారెడ్డి, వికారాబాద్, మేడ్చల్‌ జిల్లాల్లో రేషన్‌ దుకాణాల్లోనే వినియోగదారులు సన్నబియ్యాన్ని డీలర్లకు అప్పగించి, కిలోకి రూ.15 వరకు తీసుకుంటున్నట్టు తెలుస్తోంది. జిల్లాల్లో ఏకంగా మిల్లర్లే వినియోగదారుల నుంచి సన్నబియ్యాన్ని కొనుగోలు చేసి రిసైక్లింగ్‌ చేస్తున్నట్టు ఆరోపణలు ఉన్నాయి.

సాక్షి, న్యూఢిల్లీ: కేంద్ర ఎన్నికల సంఘంతో పాటు ఓటరు జాబితాల ప్రత్యేక సమగ్ర సవరణ (సర్‌)పై ఆందోళనను మరింత ఉధృతం చేసేందుకు విపక్షాలు సిద్ధమవుతున్నాయి. ఈ అంశంపై ఉమ్మడి కార్యాచరణ రూపొందించేందుకు ఇండియా కూటమి పార్టీలు 30న ఢిల్లీలో సమావేశం కానున్నాయి. ఈసీ తీసుకున్న పలు కీలక నిర్ణయాలు, సర్‌ విషయంలో జారీ చేసిన ఆదేశాల విషయంలో సీఈసీ జ్ఞానేశ్‌కుమార్‌తో, ఇద్దరు ఈసీలు సుఖ్‌బీర్‌ సింగ్‌ సంధు, వివేక్‌ జోషి విభేదించారంటూ మీడియాలో వ చ్చిన కథనాలు తీవ్ర దుమారం రేపడం తెల్సిందే. ఈ నేపథ్యంలో జరుగుతున్న విపక్ష ఇండియా కూటమి భేటీకి ప్రాధాన్యం ఏర్పడింది. ఏకమైన వైరి పక్షాలు ఈసీ వ్యవహారంపై అనుసరించాల్సిన వ్యూహంపై చర్చించేందుకు కాంగ్రెస్‌ వర్కింగ్‌ కమిటీ (సీడబ్ల్యూసీ) ఈ నెల 29న సమావేశం కానుంది. మరుసటి రోజే ఇండియా కూటమి భేటీ జరగనుంది. ఈ సమావేశంలో ఈసీ వైఖరి, సర్‌లో అవకతవకలు వంటి అంశాలపై ఉమ్మడి వైఖరి, పార్లమెంట్‌లో అనుసరించాల్సిన వ్యూహం, న్యాయపరమైన మార్గాలపై ఈ పార్టీలు చర్చించనున్నట్లు సమాచారం. కాంగ్రెస్‌తోపాటు సీపీఎం, సీపీఐ, సీపీఐ(ఎంఎల్‌)–లిబరేషన్‌ పార్టీలు సీఈసీ జ్ఞానేశ్‌కుమార్‌ను తొలగించాలని, ఎస్‌ఐఆర్‌ ప్రక్రియను నిలిపివేయాలని ఇప్పటికే డిమాండ్‌ చేశాయి. ఈ విషయంలో జ్ఞానేశ్‌కుమార్‌ రాజీనామా చేయాలని కాంగ్రెస్‌ నేత రాహుల్‌ గాంధీ డిమాండ్‌ చేస్తున్నారు కూడా. టీఎంసీ అధినేత్రి మమతా బెనర్జీ తొలినుంచీ ఈసీ వైఖరిపై గుర్రుగా ఉన్నారు. ఆమె కూడా ఇండియా కూటమితో కలిసి పోరాటానికి సిద్ధమయ్యారు. టీఎంసీ గుర్తింపు, పార్టీ గుర్తు విషయంలో ఏసీ ఏకపక్ష వైఖరిని ఆమె తీవ్ర స్థాయిలో «ధ్వజమెత్తుతున్నారు. రాజకీయ ప్రత్యర్థులైన టీఎంసీ, సీపీఎం ఈసీ విషయంలో ఒకే వైఖరితో ముందుకు రావడం మరో కీలక పరిణామం. సీపీఎం ప్రధాన కార్యదర్శి ఎంఏ బేబీ విపక్ష నేతలకు ఈసీ వ్యవహారంపై లేఖ రాయడంతోపాటు మమతా బెనర్జీతో మాట్లాడినట్లు సమాచారం. ఈ అంశంలో సమన్వయంతో కూడిన చర్యలు అవసరమని మమత అంగీకరించినట్లు సీపీఎం వర్గాలు తెలిపాయి. ఇప్పటికే పలుపార్టీలు ఈ అంశంలో సుప్రీంకోర్టును ఆశ్రయించగా, న్యాయపరమైన ప్రక్రియలో భాగంగా మారేందుకు ఇతర పక్షాలు సైతం సిద్ధమవుతున్నాయి. కూటమి భేటీ అనంతరం అక్టోబర్‌ 2న అంతా కలిసి రాష్ట్రపతిని కలిసేందుకు విపక్షాలు సిద్ధమవుతున్నట్లు సమాచారం.

సాక్షి, అమరావతి: సీఎం చంద్రబాబు జిల్లా పర్యటనల్లో ఈవెంట్‌ మేనేజ్‌మెంట్‌ పనులకు భారీగా వ్యయం చేశారు. వివిధ జిల్లాల్లో సీఎం కార్యక్రమాలకు సంబంధించిన ఈవెంట్‌ మేనేజ్‌మెంట్‌ పనులను మాన్‌ డెకరేటర్స్‌ సంస్థ నిర్వహించింది. ఇందుకోసం రూ.44.62కోట్లు ఖర్చుచేసినట్టు మాన్‌ డెకరేటర్స్‌ సంస్థ పేర్కొంది. తమకు చెల్లించాల్సిన బకాయిల్లో కనీసం 50 శాతం మంజూరు చేయాలని మాన్‌ డెకరేటర్స్‌ సాధారణ పరిపాలన శాఖను కోరింది. అలాగే, వివిధ జిల్లాల్లో సీఎం జరిపిన పర్యటనలకు సంబంధించిన ఖర్చుల నిమిత్తం బడ్జెట్‌ విడుదల చేయాలని కోరుతూ చిత్తూరు, ప్రకాశం, నంద్యాల, కర్నూలు, పల్నాడు, అనంతపురం, అంబేడ్కర్‌ కోనసీమ, అన్నమయ్య, తూర్పు గోదావరి, శ్రీసత్యసాయి, విజయనగరం, ఎస్‌పీఎస్‌ఆర్‌ నెల్లూరు, కాకినాడ, తిరుపతి కలెక్టర్ల నుంచి వివిధ తేదీల్లో ప్రతిపాదనలు సాధారణ పరిపాలన శాఖకు అందాయి. మాన్‌ డెకరేటర్స్‌కు సంబంధించి 50 శాతం నిధులను విడుదల చేయడానికి చేసిన అభ్యర్థన పరిశీలించిన తరువాత ఆర్థిక శాఖకు సాధారణ పరిపాలన శాఖ పంపింది. దీనిపై ఆర్థిక శాఖ బకాయి మొత్తంలో 50 శాతం మాన్‌ డెకరేటర్స్‌కు చెల్లించేలా రూ.22.31 కోట్ల అదనపు బడ్జెట్‌ నిధులు విడుదలకు ఉత్తర్వులు జారీచేసింది. ఈ చెల్లింపులు షెడ్యూల్‌ ఆఫ్‌ రేట్స్‌ (ధరల పట్టిక) ఖరారు, చర్చలకు లోబడి, అలాగే 2026–27 ఆర్థిక సంవత్సరంలో తగిన సమయంలో అనుబంధ గ్రాంట్ల ద్వారా నిధులు సమకూరే వరకు ట్రెజరీ నియంత్రణ, త్రైమాసిక నియంత్రణ ఉత్తర్వుల నుంచి మినహాయింపుతో చెల్లింపులకు ఆర్థిక శాఖ నిధులు విడుదల చేసింది. అయితే, మాన్‌ డెకరేటర్స్‌కు రూ.11.71 కోట్లు చెల్లించేందుకు పరిపాలన ఆమోదం తెలుపుతూ సాధారణ పరిపాలన శాఖ (రాజకీయ) ముఖ్యకార్యదర్శి జె.శ్యామలరావు శనివారం ఉత్తర్వులు జారీచేశారు.

న్యూఢిల్లీ: ఓటర్ల జాబితా ప్రత్యేక సమగ్ర సవరణ(సర్‌)పై ప్రజల్లో తీవ్ర ఆందోళన నెలకొనడంతోపాటు ఎన్నికల సంఘం సభ్యుల మధ్య విభేదాలు ఉన్నట్లువార్తలు వెలువడిన నేపథ్యంలో కేంద్ర ఎన్నికల సంఘం శనివారం కీలక ప్రకటన చేసింది. ప్రధాన ఎన్నికల కమిషనర్‌(సీఈసీ), ఇద్దరు కమిషనర్ల ఏకాభిప్రాయంతోనే ‘సర్‌’కు సంబంధించిన అన్ని నిర్ణయాలు తీసుకున్నట్లు వెల్లడించింది. ఈ విషయంలో భేదాభిప్రాయాలేవీ లేవని పేర్కొంది. అలాగే ఓటర్ల నమోదుకు సంబంధించిన ‘ఫారం–6’లో చేసిన మార్పులను సుప్రీంకోర్టు సమర్థించినట్లు స్పష్టంచేసింది. సీఈసీ జ్ఞానేశ్‌ కుమార్‌ నిర్ణయాలతో ఇద్దరు ఎన్నికల కమిషనర్లు సుఖ్‌బీర్‌ సింగ్‌ సంధూ, వివేక్‌ జోషీ 10 నెలల్లో 14 సార్లు విభేదించినట్లు వార్తలు వచ్చిన సంగతి తెలిసిందే. సుఖ్‌బీర్‌ సింగ్‌ సంధూ, వివేక్‌ జోషీ కేంద్ర కేబినెట్‌ సెక్రెటరీకి వేర్వేరుగా పంపిన లేఖలు డిప్యూటేషన్‌పై ఉన్న ఒక అధికారికి సంబంధించినవని ఎన్నికల సంఘం పేర్కొంది. ఆ లేఖలు విధానపరమైన లేదా ఐటీ విభాగానికి సంబంధించినవి కావని వివరణ ఇచ్చింది. సంస్థాగత చర్చల్లో భిన్నమైన అభిప్రాయాలు వ్యక్తం కావడం సాధారణమేని తెలియజేసింది. తమ ఆదేశాలకు పూర్తిగా చట్టపరమైన ఆమోదం ఉందని తేల్చిచెప్పింది. ఆదేశాలను కచ్చితంగా పాటించాల్సిందే ఎలక్షన్‌ కమిషన్‌లో పనిచేసే అధికారులు కమిషనర్ల నుంచి వచ్చే అన్ని ఆదేశాలనూ కచ్చితంగా పాటించాలని ఎన్నికల సంఘం స్పష్టంచేసింది. అధికారుల విదేశీ పర్యటనల కోసం కమిషన్‌ అనుమతి తీసుకోవాలని తెలిపింది. శనివారం ఎన్నికల సంఘం సమావేశం జరిగింది. సీఈసీ, ఇద్దరు కమిషనర్లు హాజరయ్యారు. తాజా పరిణామాలపై వారు చర్చించినట్లు సమాచారం. అనంతరం ఎన్నికల సంఘం ప్రకటన విడుదల చేసింది. అన్ని సమావేశాలకు ఎజెండాను ముందుగానే విడుదల చేయడం, మినిట్స్‌ జారీ చేయడం, అధికారులందరి వార్షిక పనితీరు మదింపు నివేదికలను నిర్దేశిత కాలపరిమితిలోగా, అంటే ప్రతి ఏడాది డిసెంబర్‌ 31లోగా పూర్తి చేయడం జరుగుతుందని వెల్లడించింది. ఐటీ విభాగంపై డిప్యూటీ ఎన్నికల కమిషనర్‌ పర్యవేక్షణను ఎప్పుడూ ఉపసంహరించుకోలేదని పేర్కొంది. ఇకపై ఐటీ మాడ్యూల్స్, పోర్టల్స్‌కు సంబంధించిన అన్ని కొత్త కార్యక్రమాలపై కమిషన్‌ ఆమోదానికి ముందే కమిటీ ఆఫ్‌ ఆఫీసర్స్‌లో చర్చ జరుగుతుందని తెలియజేసింది. తుది జాబితా ప్రచురణ తర్వాతే... ఇటీవలి కాలంలో ‘సర్‌’ప్రక్రియతో సహా అనేక నిర్ణయాలు ఏకాభిప్రాయంతో తీసుకున్నట్లు ఎన్నికల సంఘం వివరించింది. 30 రాష్ట్రాలు/కేంద్రపాలిత ప్రాంతాలకు వర్తించేలా 2025 జూన్‌ 24న జారీ చేసిన ఈ ‘సర్‌’ఉత్తర్వు ఎన్నికల కమిషన్‌ ఏకగ్రీవ ఆమోదంతో వెలువడినట్లు తేల్చిచెప్పింది. 2026 మే 27న సుప్రీంకోర్టు దీనిని సమర్థించినట్లు పేర్కొంది. ఎన్నికల సంఘం ఏకగ్రీవ ఆమోదంతో 12 రాష్ట్రాలు/కేంద్రపాలిత ప్రాంతాలకు సంబంధించిన ‘సర్‌’òÙడ్యూల్‌ 2025 అక్టోబర్‌ 27న, అలాగే 19 రాష్ట్రాలు/కేంద్రపాలిత ప్రాంతాలకు సంబంధించిన షెడ్యూల్‌ 2026 మే 14న జారీ చేసినట్లు వెల్లడించింది. మూడో దశలోని మిగిలిన 12 రాష్ట్రాల్లో తుది జాబితా ప్రచురణ తర్వాతే ఓటర్ల సంఖ్యకు సంబంధించిన తుది గణాంకాలు తెలుస్తాయని ఉద్ఘాటించింది. ‘సర్‌’కోసం ఫారం–6కు జతచేసిన డిక్లరేషన్‌ను సుప్రీంకోర్టు సమరి్థంచినట్లు గుర్తుచేసింది. ఓటర్ల జాబితా ‘నిరంతర అప్‌డేషన్‌’ 20 రాష్ట్రాలు/కేంద్రపాలిత ప్రాంతాల్లో ‘సర్‌’ప్రక్రియ ఇప్పటికే పూర్తయిందని ఎన్నికల సంఘం తెలిపింది. ఓటర్ల జాబితాలో పేరు లేనివారు, యువతీ యువకులు లేదా మొదటిసారి ఓటు వేసేవారితో సహా ఎవరైనా సరే ‘నిరంతర అప్‌డేషన్‌’ప్రక్రియ ద్వారా తమ పేరును ఓటర్ల జాబితాలో చేర్చడానికి సంబంధిత ఎలక్టోరల్‌ రిజి్రస్టేషన్‌ ఆఫీసర్‌కు దరఖాస్తు చేసుకోవచ్చని సూచించింది. ఇందుకోసం అవసరమైన ఏర్పాట్లు చేయాలని సీఈఓలను ఆదేశించింది. ఓటర్ల నమోదు కోసం సీఈఓలు, డీఈఓలు, ఈఆర్‌ఓలు తక్షణమే ఒక ప్రత్యేక కార్యక్రమం ప్రారంభిస్తారని ప్రకటించింది. ‘సర్‌’కు సంబంధించి నోటీసులు అందుకున్నవారి కోసం సహాయ కేంద్రాలు ఏర్పాటు చేయనునున్నట్లు ఎన్నికల సంఘం వెల్లడించింది. ఓటర్ల ఫిర్యాదులను పరిష్కరిస్తామని పేర్కొంది. రాష్ట్ర స్థాయి ఎన్నికల అధికారుల నుంచి అందిన సూచనల ఆధారంగా ఈసీఐ పోర్టల్‌లో ఇప్పటికే పలు మార్పులు చేసినట్లు తెలియజేసింది. ‘సర్‌’ప్రక్రియ విషయంలో క్షేత్రస్థాయి అధికారులకు అదనంగా ఏవైనా సౌకర్యాలు అవసరమైతే, వాటిని కూడా అందుబాటులోకి తీసుకొస్తామని పేర్కొంది. ‘సర్‌’నోటీసులు అందుకున్న ఓటర్ల సౌలభ్యం కోసం ఢిల్లీ, మహారాష్ట్రలో గడువు తేదీలను పొడిగించడం, వారి ఇళ్ల వద్దకే వెళ్లి పత్రాలను సేకరించడం వంటి నిర్ణయాలను సైతం ఎన్నికల సంఘం ప్రకటించింది. ఓటర్ల ఇంటికే బీఎల్‌ఓలు ‘సర్‌’ కింద నోటీసులు అందుకున్న వారు అసాధారణ సందర్భాల్లో తప్ప వ్యక్తిగత ంగా విచారణకు హాజరు కావాల్సిన అవసరం లేదని ఎన్నికల సంఘం సూచించింది. మ్యాపింగ్‌ లేకపోవడం లేదా తార్కిక వ్యత్యాసాల కారణంగా నోటీసు అందుకున్న వ్యక్తుల విషయంలో సంబంధిత పత్రాలను సేకరించడానికి బీఎల్‌ఓలు వారి ఇళ్లను సందర్శిస్తారని, తర్వాత ఈఆర్‌ఓల నిర్ణయం కోసం ఆ పత్రాలను ఈసీఐనెట్‌లో అప్‌లోడ్‌ చేస్తారని తెలిపింది. నోటీసు అందుకున్న అటువంటి వ్యక్తులను విచారణ కోసం ఈఆర్‌ఓ/ఏఈఆర్‌ఓ కార్యాలయానికి పిలవాల్సిన అవసరం లేదని స్పష్టంచేసింది. కేవలం అసాధారణ పరిస్థితులలో మాత్రమే, ఈఆర్‌ఓ నిర్ణయం మేరకు విచారణను వీలైనంత వరకు ఆన్‌లైన్‌లో నిర్వహిస్తారని వెల్లడించింది. అవసరమైతే ఓటరు తరపున విచారణకు హాజరయ్యేందుకు కుటుంబంలోని ఏ వయోజన సభ్యుడికైనా అధికారం ఇవ్వొచ్చని ఎన్నికల సంఘం సూచించింది. కూలీలు, పేదలు, నిరాశ్రయుల కోసం ఓటరు సహాయ కేంద్రాలను ఏర్పాటు చేసే బాధ్యత జిల్లా ఎన్నికల అధికారులపై ఉందని పేర్కొంది.

పార్కిన్‌సన్‌ వ్యాధి ఉన్నవారు ఒక్కోసారి కాళ్లు కదలక నడవలేకపోతారు. ఇలా జరగడాన్ని ‘ఫ్రీజింగ్‌ ఆఫ్‌ గెయిట్‌’ అంటారు. ఈ సమస్యను అధిగమించేందుకు ఇటలీలోని మిలాన్‌ పాలిటెక్నిక్‌ యూనివర్సిటీకి చెందిన ఆరుగురు విద్యార్థులు ఆర్ఫియస్‌ అనే స్మార్ట్‌ సాక్స్‌ను తయారు చేశారు. ఈ సాక్స్‌లో ఉండే చిన్నచిన్న పరికరాలు... బాధితులు కోరిన సంగీతానికి అనుగుణంగా కాళ్లకు స్వల్పమైన కంపనాలు ఇస్తాయి. నడుస్తున్నప్పుడు ఈ కంపనాలు లయబద్ధంగా వెలువడుతూ కాళ్లు కదలడానికి సహాయపడతాయి. ఈ వినూత్న ఆలోచన ‘2026 ఏడాదికి జేమ్స్‌ డైసన్‌ అవార్డు’కు ఎంపికైంది.ఇష్టమైన పాటల రిథమ్‌కు అనుగుణంగా కంపనాలిలా... ఆర్ఫియస్‌ సాక్స్‌లో పాదాలు, కింది కాలి భాగంలో మొత్తం ఎనిమిది చిన్న వైబ్రేషన్స్‌ ఇచ్చే పరికరాలు ఉంటాయి. అవసరమైన ప్రాంతానికి కంపనాలు అందించడంలో ఇవి సహాయపడతాయి. ఈ సాక్స్‌ను మొబైల్‌ యాప్‌తో అనుసంధానించడం ద్వారా ‘స్పాటిఫై’లో తమకు ఇష్టమైన పాటలను బాధితులు ఎంపిక చేసుకోవచ్చు. ఆ సంగీతంలోని రిథమ్‌కు తగినట్లుగా సాక్స్‌లోని పరికరాలు కాళ్లకు కంపనాలను అందిస్తాయి. ఇందుకోసం హెడ్‌ఫోన్స్‌ కూడా అవసరంలేదు. ప్రస్తుతం ఈ ఆర్ఫియస్‌ ఇంకా ప్రాథమిక నమూనా (ప్రోటోటైప్‌) దశలోనే ఉంది. దీన్ని మరింత చిన్నదిగా, సౌకర్యవంతంగా తయారు చేయడంతోపాటు నడుస్తున్నప్పుడు కాళ్లు అకస్మాత్తుగా ఆగిపోవడాన్ని గుర్తించే ‘ఫ్రీజ్‌ డిటెక్షన్‌ టెక్నాలజీ’ని కూడా ఇందులో చేర్చేందుకు పరిశోధక విద్యార్థులు ప్రయత్నిస్తున్నారు. అన్నీ అనుకున్నట్లు జరిగితే ఇవి వాణిజ్యపరంగా అందుబాటులోకి వచ్చేందుకు మరో మూడేళ్లు పట్టవచ్చని వారు చెబుతున్నారు.యువతలో పెరుగుతున్న పక్షవాతం కేసులు!సాధారణంగా వృద్ధుల్లో ఎక్కువగా కనిపించే పక్షవాతం ఇటీవల యువతలో పెరిగినట్లు ఓ అమెరికన్‌ అధ్యయనంలో తేలింది. దాదాపు మూడు దశాబ్దాల కాలంలో 20 ఏళ్ల నుంచి 54 ఏళ్ల మధ్య వయసు వారిలో పక్షవాతం కేసులు దాదాపు రెట్టింపయ్యాయని పరిశోధకులు గుర్తించారు. అయితే స్ట్రోక్‌ వచ్చిన తర్వాత మొదటి 30 రోజుల్లో మరణించే వారి శాతం మాత్రం కొంత తగ్గింది. ఈ అధ్యయనంలో భాగంగా 20 ఏళ్ల నుంచి 54 ఏళ్ల మధ్య వయసున్న వారిలో తొలిసారి పక్షవాతం వచ్చిన 2,076 కేసులను పరిశోధకులు గుర్తించారు. 1993–94లో ప్రతి లక్ష మంది యువతలో ఏడాదికి సుమారు 33.9 స్ట్రోక్‌ కేసులు నమోదవగా 2020 నాటికి ఈ సంఖ్య 62.2కు పెరిగింది. యువతలోని పక్షవాతం కేసుల్లో ప్రధానంగా ఇస్కీమిక్‌ స్ట్రోక్స్‌ ఎక్కువగా ఉన్నట్లు పరిశోధకులు గుర్తించారు. మెదడులోని ఏదైనా భాగానికి రక్తాన్ని తీసుకెళ్లే నాళంలో అడ్డంకి ఏర్పడి రక్తప్రసరణ నిలిచిపోవడం వల్ల వచ్చే స్ట్రోక్‌ను ఇస్కీమిక్‌ స్ట్రోక్‌గా పిలుస్తారు. 1993–94లో ప్రతి లక్ష మందిలో ఏడాదికి 23.8 ఇస్కీమిక్‌ స్ట్రోక్‌ కేసులు నమోదైతే 2020 నాటికి ఈ సంఖ్య 47.3కు పెరిగింది. అయితే మెదడులో రక్తనాళం చిట్లడంతో రక్తస్రావం జరగడం వల్ల వచ్చే ఇంట్రాసెరెబ్రల్‌ హెమరేజ్, మెదడు చుట్టూ రక్తస్రావం వల్ల వచ్చే సబ్‌అరాక్నాయిడ్‌ హెమరేజ్‌ వంటి ఇతర రకాల స్ట్రోక్స్‌లో మాత్రం ఈ పెరుగుదల కనిపించలేదు. పక్షవాతానికి గురైన యువతను పరిశీలించినప్పుడు... గతంతో పోలిస్తే వారిలో హైబీపీ, డయాబెటిస్‌ వంటి కొన్ని సమస్యలు పెరిగినట్లు పరిశోధకులు గుర్తించారు. అమెరికాలోని యూనివర్సిటీ ఆఫ్‌ సిన్సినాటి పరిశోధకులు నిర్వహించిన అధ్యయనంలో ఈ వివరాలు వెల్లడయ్యాయి. ఈ అధ్యయన వివరాలు న్యూరాలజీ అనే జర్నల్‌లో ప్రచురితమయ్యాయి.జంక్‌ ఫుడ్‌తో దీర్ఘకాలిక వ్యాధులుఅల్ట్రా–ప్రాసెస్డ్‌ ఫుడ్స్‌ ఎక్కువగా తీసుకునే వారిలో గుండె జబ్బులు, కేన్సర్, డయాబెటిస్, ఊబకాయం తదితర దీర్ఘకాలిక వ్యాధుల ముప్పు ఎక్కువగా ఉండొచ్చని తాజా అధ్యయనంలో తేలింది. ఈ తరహా ఆహారం ఎక్కువగా తీసుకునే వారిలో ఏ కారణంతోనైనా మరణాల ముప్పు కూడా ఎక్కువగానే ఉంటుందని పరిశోధకులు గుర్తించారు. ప్రపంచవ్యాప్తంగా అల్ట్రా–ప్రాసెస్డ్‌ ఫుడ్స్‌ వినియోగం బాగా పెరుగుతున్న నేపథ్యంలో ఈ అంశంపై పరిశోధకులు ఇప్పటివరకు జరిగిన అధ్యయనాలను సమగ్రంగా విశ్లేషించారు. ఇందులో భాగంగా ఈ ఏడాది ఏప్రిల్‌ వరకు ప్రచురితమైన పరిశోధనలను పరిశీలించారు. ఈ విశ్లేషణలో మొత్తం 51 అధ్యయనాలున్నాయి.ఆయా అధ్యయనాల్లో పాల్గొన్న వాలంటీర్ల ఆహార అలవాట్లను, వారి ఆహార చరిత్రను విశ్లేషించగా అల్ట్రా–ప్రాసెస్డ్‌ ఫుడ్స్‌ ఎక్కువగా తీసుకోవడానికి.. కొన్ని ప్రధాన ఆరోగ్య సమస్యలు వచ్చే ముప్పునకు మధ్య సంబంధం ఉంటున్నట్లు పరిశోధకులు గుర్తించారు. అల్ట్రా–ప్రాసెస్డ్‌ ఫుడ్స్‌ రోజువారీ వినియోగం పెరిగేకొద్దీ అనారోగ్య సమస్యల ముప్పు కూడా పెరుగుతున్నట్లు డోస్‌ రెస్పాన్స్‌ అనాలసిస్‌లో కనిపించింది. రోజుకు అదనంగా 100 గ్రాముల అల్ట్రా–ప్రాసెస్డ్‌ ఫుడ్స్‌ తీసుకోవడం వల్ల హృద్రోగ సమస్యలు, కేన్సర్, ఏ కారణంతోనైనా మరణించే ముప్పు, మెటబాలిక్‌ సిండ్రోమ్‌/డయాబెటిస్‌ ముప్పు పెరగడంతో సంబంధం ఉన్నట్లు పరిశోధకులు గుర్తించారు. అయితే ఈ పరిశోధనలో లభించిన ఆధారాలు తక్కువ స్థాయి నుంచి మధ్యస్థ స్థాయిలోనే ఉన్నాయని పరిశోధకులు పేర్కొన్నారు.సాక్షి, హెల్త్‌ డెస్క్‌

మేషం...కొన్ని సంఘటనలు బాగా ఆకట్టుకుంటాయి. సోదరులు, మిత్రుల సలహాల మేరకు నిర్ణయాలు తీసుకుంటారు. సంఘంలో పేరుప్రతిష్ఠలు పొందుతారు. ఆర్థిక విషయాలు సంతృప్తినిస్తాయి. నిరుద్యోగుల కలలు ఫలిస్తాయి. సభలు,సమావేశాలలో పాల్గొంటారు. స్థిరాస్తి విషయంలో అగ్రిమెంట్లు చేసుకుంటారు. కుటుంబసభ్యులతో మనస్సులోని భావాలను పంచుకుంటారు. నేర్పు, ఓర్పుతో జఠిలమైన సమస్యల నుంచి బయటపడతారు. వ్యాపారాలు విస్తరిస్తారు. ఉద్యోగాలలో పురోభివృద్ధి కనిపిస్తుంది. రాజకీయవర్గాలకు ఆకస్మిక విదేశీ పర్యటనలు. వారం చివరిలో వ్యయప్రయాసలు. ధనవ్యయం. తెలుపు, లేత ఆకుపచ్చ రంగులు. నృసింహస్తోత్రాలు పఠించండి.వృషభం...కొత్త పనులు చేపడతారు. ఆత్మీయులతో వివాదాలు నేర్పుగా పరిష్కరించుంటారు. ఉద్యోగయత్నాలు సానుకూలం. ఆర్థిక వ్యవహారాలు సంతృప్తికరంగా ఉంటాయి. దూరపు బంధువుల నుంచి శుభవార్తలు వింటారు. ఇంటిలో వివాహాది శుభకార్యాలు నిర్వహిస్తారు. సేవాకార్యక్రమాలలో పాల్గొంటారు. పాతమిత్రులను కలుసుకుని ఉత్సాహంగా గడుపుతారు. ఇంటి నిర్మాణాలు, కొనుగోలు యత్నాలు సానుకూలమవుతాయి. వ్యాపారాలు విస్తరిస్తారు. ఉద్యోగాలలో కొన్ని మార్పులు జరిగే వీలుంది. కళారంగం వారికి అప్రయత్నంగా అవకాశాలు దక్కుతాయి. వారం మధ్యలో ఖర్చులు పెరుగుతాయి. ఆరోగ్యసమస్యలు. నీలం, నేరేడు రంగులు. హయగ్రీవస్తోత్రాలు పఠించండి.మిథునం....కొత్త పనులు చేపట్టి విజయవంతంగా ముగిస్తారు. ఆలోచనలు కార్యరూపంలో పెడతారు. ఆత్మీయుల నుంచి కీలక సమాచారం అందుతుంది. బంధువులతో వివాదాలను పరిష్కరించుకుంటారు. స్థిరాస్తి కొనుగోలులో ఆటంకాలు తొలగుతాయి. పోటీపరీక్షల్లో నిరుద్యోగులకు విజయం. గతాన్ని విస్మరించి భవిష్యత్తుపై దృష్టి సారిస్తారు. వాహనయోగం కలుగుతుంది. పరిస్థితులు అనుకూలిస్తాయి. ప్రముఖులు పరిచయమై సహాయపడతారు. ఆర్థిక పరిస్థితి మెరుగ్గా ఉంటుంది. తీర్థయాత్రలు చేస్తారు. వ్యాపారాలలో లాభాలు ఆర్జిస్తారు. ఉద్యోగాలలో కొత్త హోదాలు దక్కించుకుంటారు. రాజకీయవర్గాలకు పదవులు దక్కవచ్చు. వారం చివరిలో వ్యయప్రయాసలు. బంధువిరోధాలు. నేరేడు, ఆకుపచ్చ రంగులు. . శ్రీరామరక్షాస్తోత్రాలు పఠించండి.కర్కాటకం...ముఖ్యమైన వ్యవహారాలు సాఫీగా పూర్తి చేస్తారు. సమస్యలు కొన్ని చాకచక్యంగా పరిష్కరించుకుంటారు. ఆర్థిక పరిస్థితిలో గందరగోళం తొలగుతుంది. బంధువుల నుంచి ధనప్రాప్తి. చిన్ననాటి మిత్రులను కలుసుకుంటారు. స్థిరాస్తి వివాదాల నుంచి బయటపడతారు. విద్య, ఉద్యోగావకాశాలు పొందుతారు. ఆధ్యాత్మిక కార్యక్రమాలలో పాల్గొంటారు. శుభకార్యాలతో హడావిడిగా గడుపుతారు. వ్యాపార లావాదేవీలు మరింత మెరుగ్గా ఉంటాయి. ఉద్యోగాలలో కొత్త హోదాలు రాగలవు. పారిశ్రామికవర్గాలకు పర్యటనలు విజయవంతం కాగలవు. వారం ప్రారంభంలో అనారోగ్యం. కుటుంబసభ్యుల నుంచి ఒత్తిళ్లు. ఆకుపచ్చ, నీలం రంగులు. దత్తాత్రేయస్తోత్రాలు పఠించండి.సింహం...ముఖ్యమైన పనులు కొంత ఆలస్యమైన పూర్తి చేస్తారు. ఆర్థిక పరిస్థితి మెరుగుపడి రుణబాధలు తొలగుతాయి. ఆత్మీయులు, శ్రేయోభిలాషుల నుంచి శుభవార్తలు అందుతాయి. మీ నిర్ణయాలను అందరూ మెచ్చుకుంటారు. విద్యార్థుల నిరీక్షణ ఫలిస్తుంది, విదేశీ విద్యావకాశాలు దక్కవచ్చు. ఆలయాలు సందర్శిస్తారు. వాహనాలు, భూములు కొనుగోలు చేస్తారు. వ్యాపారాలు లాభసాటిగా ఉంటాయి. ఉద్యోగాలలో నెలకొన్న సమస్యలు పరిష్కారమవుతాయి. పారిశ్రామికవర్గాలకు ఆకస్మిక విదేశీ పర్యటనలు. వారం ప్రారంభంలో ధనవ్యయం. అనారోగ్యం. శ్రమ పెరుగుతుంది. . దక్షిణామూర్తి స్తోత్రాలు పఠించండి.కన్య...కొత్త కార్యక్రమాలు చేపడతారు. ఆలోచనలు కలసివస్తాయి. గతంలో పొరపాట్లు సరిదిద్దుకుని సరైన నిర్ణయాలు తీసుకుంటారు. కుటుంబసభ్యులతో మరింత ఉత్సాహంగా గడుపుతారు. నిరుద్యోగులు చేసే యత్నాలు సఫలమవుతాయి. ఆర్థిక ఇబ్బందులు తొలగి ఊరట చెందుతారు. చిన్ననాటి మిత్రులను కలుసుకుని వేడుకలకు ఆహ్వానిస్తారు. సంఘంలో గౌరవానికి లోటు ఉండదు. నూతన విద్యావకాశాలు. వ్యాపారాలు సజావుగా సాగి లాభాలు గడిస్తారు. ఉద్యోగాలలో కోరుకున్న పదోన్నతులు రాగలవు. పారిశ్రామికవర్గాలకు మంచి గుర్తింపు లభిస్తుంది. వారం మధ్యలో అనారోగ్యం. మిత్రులతో కలహాలు. గులాబీ, తెలుపు రంగులు. . నవగ్రహస్తోత్రాలు పఠించండి.తుల....ముఖ్యమైన వ్యవహారాలలో అవాంతరాలు అధిగమిస్తారు. ఆర్థిక పరిస్థితి కాస్త మెరుగుపడుతుంది. మీ వ్యూహాలు, ప్రణాళికలపై కుటుంబసభ్యుల సలహాలు స్వీకరిస్తారు. సంఘంలో గౌరవం పెరుగుతుంది. కొన్ని ముఖ్య నిర్ణయాలకు తగిన సమయం. బంధువులతో సఖ్యత ఏర్పడుతుంది. ఇంటి నిర్మాణయత్నాలు సానుకూలమవుతాయి. నిరుద్యోగుల కలలు ఫలిస్తాయి. వ్యాపారాలు లాభసాటిగా ఉంటాయి. ఉద్యోగాలలో అనుకూల మార్పులు సంభవం. పారిశ్రామికవేత్తలు, కళాకారులకు పట్టింది బంగారమే. వారం చివరిలో అనారోగ్యం. శ్రమ. బంధువిరోధాలు. గులాబీ, లేత పసుపు రంగులు. శివపంచాక్షరి పఠించండి.వృశ్చికం....కొత్త పనులు చేపట్టి విజయవంతంగా పూర్తి చేస్తారు. ఆత్మీయుల నుంచి శుభవార్తలు అందుతాయి. మీ అభిప్రాయాలతో మిత్రులు ఏకీభవిస్తారు. బంధువుల రాకతో సందడిగా గడుపుతారు. ఆర్థిక పరిస్థితి మెరుగుపడుతుంది. చిన్ననాటి విషయాలు గుర్తుకు తెచ్చుకుంటారు. ఆలయాలు సందర్శిస్తారు. ఒక సమాచారంతో నిరుద్యోగులు ఊరట చెందుతారు. మీ నిర్ణయాలు అందరూ శిరసావహిస్తారు. అందరిలోనూ గౌరవమర్యాదలు పొందుతారు. వాహనాలు, భూములు కొనుగోలు చేసే వీలుంది. వ్యాపారాలు విస్తరిస్తారు. ఉద్యోగాలలో సమస్యలు కొన్ని తీరతాయి. పారిశ్రామికవేత్తలు, కళాకారులకు మరింత ఉత్సాహవంతంగా ఉంటుంది. వారం చివరిలో ఆరోగ్యభంగం. కుటుంబంలో ఒత్తిడులు. శ్రమాధిక్యం. ఎరుపు, నేరేడు రంగులు. దేవీస్తోత్రాలు పఠించండి.ధనుస్సు...కొన్ని పనులలో ఆటంకాలు ఎదురైనా అధిగమించి ముందుకు సాగుతారు. ఆత్మీయుల ఆదరణ పొందుతారు. చిన్ననాటి విషయాలు గుర్తుకు తెచ్చుకుని ఉత్సాహంగా గడుపుతారు. ఆస్తి వివాదాల పరిష్కారంలో మరింత చొరవ చూపుతారు. విద్యార్థులకు శుభవార్తలు. నూతన వ్యక్తుల పరిచయం. ధార్మిక కార్యక్రమాలలో పాల్గొంటారు. వాహనాలు, భూములు కొనుగోలు చేస్తారు. ఆర్థిక విషయాలలో కొంత పురోగతి కనిపిస్తుంది. వ్యాపార లావాదేవీలు మిశ్రమంగా ఉంటాయి. ఉద్యోగాలలో పనిఒత్తిడులు కొంత తగ్గుతాయి. రాజకీయవర్గాలకు విదేశీ పర్యటనలు ఉండవచ్చు. వారం ప్రారంభంలో మిత్రులతో విభేదాలు. శ్రమాధిక్యం. ఎరుపు, ఆకుపచ్చ రంగులు. గణేశ్‌స్తోత్రాలు పఠిచంండి.మకరం....కొన్ని పనులలో ఆటంకాలు ఎదురుకావచ్చు. అయితే పట్టుదలతో ముందుకు సాగి విజయాలు సాధిస్తారు. ఆత్మబలం, ధైర్యమే ఈవారం మీకు ఆయుధాలు. మిమ్మల్ని బలహీనపర్చడానికి ప్రత్యర్థులు చేసే యత్నాలు ఫలించవు. దూరపు బ«ంధువుల నుంచి కీలక సమాచారం. ఇంటిలో శుభకార్యాలు నిర్వహిస్తారు. ఆర్థిక విషయాలు కొంత మెరుగ్గా ఉంటాయి. కొన్ని సమస్యలు పరిష్కరించుకుంటారు. తీర్థయాత్రలు చేస్తారు. వ్యాపారాలలో అనుకూల పరిస్థితులు. ఉద్యోగాలలో బాధ్యతలు పెరుగుతాయి. రాజకీయవర్గాలకు ఆకస్మిక విదేశీ పర్యటనలు ఉండవచ్చు. వారం మధ్యలో ధనవ్యయం. కుటుంబసభ్యులతో మాటపట్టింపులు. ఎరుపు, ఆకుపచ్చ రంగులు. ఆదిత్య హృదయం పఠించండి.కుంభం...ఎంతగా కష్టించినా ఫలితం ఉండదు. ముఖ్యమైన పనుల్లో ప్రతిబంధకాలు. ఆర్థిక పరిస్థితి అంతగా అనుకూలించక రుణాలు చేస్తారు. ఆలోచనలు స్థిరంగా ఉండవు. బంధువులతో విరోధాలు. ఆరోగ్యంపై కొంత శ్రద్ధ అవసరం. ఉద్యోగయత్నాలు ముందుకు సాగవు. ఆశ్చర్యకర విషయాలు తెలుస్తాయి. ప్రముఖులను కలిసేందుకు చేసేందుకు యత్నిస్తారు. ఇంటి నిర్మాణాలలో అవాంతరాలు. విద్యార్థులకు కొంత నిరుత్సాహం. వ్యాపారాలలో కొద్దిపాటి లాభాలు ఉండవచ్చు. ఉద్యోగాలలో ఎదురుచూడని మార్పులు సంభవం. కళారంగం వారికి ప్రోత్సాహం అంతగా కనిపించదు. వారం మధ్యలో శుభవార్తలు. వాహనయోగం. గులాబీ, నీలం రంగులు. విష్ణుసహస్రనామ పారాయణ చేయండి.మీనం....అనుకున్న పనులు కొంత జాప్యం జరిగినా పూర్తి చేస్తారు. ఆత్మీయులు, బంధువులతో నెలకొన్న సమస్యలు కొన్ని పరిష్కరించుకుంటారు. ఆర్థిక లావాదేవీలు సంతృప్తికరంగా ఉంటాయి. మిత్రులతో ముఖ్య విషయాలు చర్చిస్తారు. సంఘంలో విశేష గౌరవం పొందుతారు. ఆధ్యాత్మిక కార్యక్రమాలలో పాల్గొంటారు. నమ్మిన సిద్ధాంతాలను అనుసరిస్తూ ముందుకు సాగుతారు. ఎవరు అడ్డగించినా లెక్కచేయరు. పూర్వపు సంఘటనలు కొన్ని గుర్తుకు తెచ్చుకుంటారు. వ్యాపారాలలో లాభాలు అందుతాయి. ఉద్యోగాలలో ఒత్తిడులు క్రమేపీ తొలగుతాయి. రాజకీయవర్గాలకు విదేశీ పర్యటనలు ఉండవచ్చు. వారం చివరిలో ధనవ్యయం. ఆరోగ్యభంగం. గులాబీ, పసుపు రంగులు. పంచముఖ ఆంజనేయ దండకం పఠించండి.

తుని: ప్రభుత్వం అమలు చేస్తున్న మధ్యాహ్న భోజన పథకం సాంబారులో బల్లి పడి కాకినాడ జిల్లా తుని ప్రభుత్వ మహిళా జూనియర్‌ కళాశాల విద్యార్థినులు 19 మంది తీవ్ర అస్వస్థతకు గురయ్యారు. ఈ ఘటన శనివారం మధ్యాహ్నం జరిగింది. విద్యార్థినులు తుని ప్రభుత్వ ఏరియా వైద్యశాలలో చికిత్స పొందుతున్నారు. మహిళా జూనియర్‌ కళాశాలకు మధ్యాహ్న భోజనాన్ని తొండంగి మండలం బెండపూడికి చెందిన అల్లూరి సీతారామరాజు ట్రస్టు శనివారం సరఫరా చేసింది. బాలికలు భోజనం చేస్తుండగా సాంబారులో బల్లి కనిపించింది. భోజనం తిన్న 19 మంది విద్యార్థినులు వాంతులు కావడంతో తీవ్ర అస్వస్థతకు గురయ్యారు. వీరిని తుని ప్రభుత్వ ఏరియా ఆసుపత్రికి తరలించారు. ఆస్పత్రి సూపరింటెండెంట్‌ మహేష్‌ విద్యార్థినులను పరీక్షించారు. ఫుడ్‌ పాయిజన్‌ కావడంతో సెలైన్లు ఎక్కించారు. ఎవరికీ ప్రాణాపాయం లేదని చెప్పారు. కళాశాల ప్రిన్సిపాల్‌ విజయలక్ష్మి ఈ విషయం బయటకు పొక్కకుండా జాగ్రత్తలు తీసుకున్నారు. తల్లిదండ్రులకు సమాచారం ఇవ్వకుండా బాధితులను ఆస్పత్రిలో చేర్పించి ఇంటికి వెళ్లిపోయారు. 19 మంది విద్యార్థినులు ఆస్పత్రి పాలైనా ప్రిన్సిపాల్‌ బాధ్యతా రాహిత్యంగా వ్యవహరించడంపై విద్యార్థుల తల్లిదండ్రులు ఆగ్రహం వ్యక్తం చేశారు. విద్యా శాఖ ఉన్నతాధికారులూ దీనిపై స్పందించలేదు. మీడియాకు కనీస సమాచారం ఇవ్వలేదు. 120 మంది విద్యార్థినులకు అస్వస్థతతొండూరు అంబేడ్కర్‌ బాలికల గురుకుల పాఠశాలలో ఆహారం కలుషితం తొండూరు: వైఎస్సార్‌ కడప జిల్లా తొండూరులోని అంబేడ్కర్‌ బాలికల గురుకుల పాఠశాలలో 120 మంది విద్యార్థినులు అస్వస్థతకు గురయ్యారు. శుక్రవారం రాత్రి భోజనం చేసిన తరువాత వీరందరికి వాంతులు, విరేచనాలు కావడంతో ఆహారం కలుషితమై ఉంటుందని భావిస్తున్నారు. వీరిలో 20 మందిని శనివారం తొండూరు ప్రభుత్వాసుపత్రికి తరలించి చికిత్స అందించారు. మిగిలిన 100 మందికి స్థానిక వైద్యాధికారి గవాస్కర్‌రెడ్డి పాఠశాలలోనే వైద్య సేవలు అందించారు. ఈ ఘటనకు ముందు శుక్రవారం ఉదయం నులి పురుగుల నివారణ కార్యక్రమంలో భాగంగా పీహెచ్‌సీ వైద్యులు విద్యార్థినులతో ఆల్బెండజోల్‌ మాత్రలు మింగించారు. ఆహారం కలుషితం కావడానికి కేర్‌ టేకర్‌ అమ్ములు నిర్లక్ష్యమే కారణమని ఈ సందర్భంగా విద్యార్థినుల తల్లిదండ్రులు ఆరోపించారు. మెను ప్రకారం కాకుండా కోడిగుడ్డు కూర వడ్డించారని, అది పాడై ఉంటుందని మండిపడ్డారు. పులివెందుల ఆర్డీఓ చిన్నయ్య తొండూరు ప్రభుత్వ వైద్యశాలకు వెళ్లి విద్యార్థినులను పరామర్శించారు. ఇలాంటి ఘటనలు పునరావృతం కాకుండా చూసుకోవాలని ప్రిన్సిపల్‌ ఉషారాణిని హెచ్చరించారు. కాంట్రాక్టర్‌ కూరగాయలు అందించకపోవడంతో కోడిగుడ్డు కూర వడ్డించినట్టు ఆమె తెలిపారు.

⇒ సహకార రంగంలో ఉన్న డెయిరీలనే కాదు.. చక్కెర కర్మాగారాలకు సైతం సమా«ధి కట్టిన చరిత్ర చంద్రబాబుదే. ⇒ 1995కు పూర్వం 11 సహకార, 19 ప్రైవేటు చక్కెర కర్మాగారాలుండేవి. చంద్రబాబు ముఖ్యమంత్రి కాగానే చిత్తూరు, రేణిగుంట, కోవూరు, ఎన్‌వీఆర్‌ అండ్‌ ఏడీఆర్‌ జంపని సహకార చక్కెర కర్మాగారాలను మూసేయించారు. ఆ తర్వాత వైఎస్సార్‌ అధికారంలోకి వచ్చీరాగానే వాటిని పునరుద్దరించారు. వాటికి ఆర్ధిక చేయూతనిచ్చి లాభాల బాట పట్టేలా చేశారు. ⇒ చంద్రబాబు 2019లో వెళ్తూ వెళ్తూ అనకాపల్లి జిల్లా వీవీ రమణ షుగర్స్‌ (తుమ్మపాల)ఫ్యాక్టరీని మూతేయించారు. ⇒ మూతపడిన 9 పరిశ్రమలను పునరుద్ధరించడానికి ఒక్కో చక్కెర కర్మాగారానికి రూ.60 కోట్ల నుంచి రూ.100 కోట్ల వరకు అవసరం. ఆ దిశగా చంద్రబాబు ఏనాడు ఆలోచించలేదు. చెరకు రైతులను, కార్మికు లను ఆదుకుందామనే ఉదార బుద్ధీ లేదు. ⇒ 9 చక్కెర కర్మాగారాలకు సంబంధించి రూ.2,500 కోట్ల విలువైన 771 ఎకరాల భూములపై సర్కారు కన్ను పడింది. వాటిలోని యంత్రాలు, ఇతర సామగ్రిని కలిపితే మొత్తం ఆస్తుల విలువ రూ.3 వేల కోట్లకు పైమాటే. వీటికి ఉన్న అప్పులు రూ.1300 కోట్లకు మించిలేవు. ఈ లెక్కన సర్కారు కుతంత్రం ఏమిటో ఇట్టే తెలుస్తోంది. ఈ ఫ్యాక్టరీలకు లిక్విడేషన్‌ ప్రక్రియ చేపట్టడం పట్ల ఉద్యమించడానికి రైతులు సిద్ధమవుతున్నారు. సాక్షి, అమరావతి: ఉమ్మడి రాష్ట్రంలో నిజాం షుగర్స్, ఆల్విన్‌ వంటి 53 ప్రభుత్వ రంగ సంస్థలను అస్మదీ­యులకు ధారాదత్తం చేసిన చంద్రబాబు తాజాగా రూ.3 వేల కోట్ల విలువైన 9 సహకార చక్కెర కర్మాగా­రాల భూములు, ఆస్తులను కారుచౌకగా అనుయా­యులకు తెగనమ్మేందుకు సిద్ధమయ్యారు. ఇదే లక్ష్యంతో ప్రస్తుత చంద్రబాబు సర్కారు మూడు కర్మాగారాలకు నేరుగా లిక్విడేషన్‌ (పరిశ్రమను శాశ్వతంగా మూసేసి ఆస్తులు తెగనమ్మడం) ప్రకటించగా, మరో ఐదు కర్మాగారాలకు లిక్విడేషన్‌ ప్రకటించేందుకు ఆదేశాలు జారీ చేసింది. కడప ఫ్యాక్టరీకి ఇదివరకే లిక్విడేషన్‌ ప్రకటించింది. పొరుగునున్న తమిళనాడు, కర్ణాటక రాష్ట్రాలు ఉత్పత్తి పరివర్తన ప్రోత్సాహకం (టీపీఐ– ట్రాన్సిషన్‌ ప్రొడక్షన్‌ ఇన్సెంటివ్‌) కింద ఆర్థిక చేయూతనిస్తూ చెరకు రైతులకు భరోసా కల్పిస్తున్నాయి. తమిళనాడు ప్రభుత్వం ఏకంగా టన్నుకు రూ.600 ఇవ్వడమే కాకుండా, కనీస మద్దతు ధరగా ఈ ఏడాది రూ.4 వేలు నిర్ణయించి చెరకు రైతులకు అండగా నిలుస్తుంటే.. ఒకప్పుడు దక్షిణాదిన చెరకు సాగుకు కేరాఫ్‌గా నిలిచిన ఏపీలో మాత్రం చంద్రబాబు సర్కారు చెరకు రైతులను పీకనులిమే కార్యక్రమాలకు తెగబడింది. అధికారంలోకి వచ్చింది మొదలు ప్రభుత్వ భూములను తమ తాబేదార్లకు కారుచౌకగా కట్టబెడుతున్న చంద్రబాబు బృందం.. అదే బాటలో చక్కెర కర్మాగారాల భూము­లు, ఆస్తులను కూడా గుటకాయ స్వాహా చేసేందుకు ఉవ్విళ్లూరుతోంది. కమీషన్లు దండుకుని తన వాళ్లకు పప్పు బెల్లాల్లా దోచిపెట్టేందుకు సిద్ధమవుతోంది. దాదాపు రూ.2,500 కోట్ల విలువైన భూములతో పా­టు దాదాపు రూ.500 కోట్లకు పైగా విలువైన మిష­నరీ, ఇతర విలువైన ఆస్తులను సైతం దొడ్డి దారిన కాజేయాలని బాబు సర్కారు ఎత్తుగడ వేసింది. చక్కెర కర్మాగారాలకు సమాధి కట్టింది చంద్రబాబేరాష్ట్రంలో సహకార రంగంలో ఉన్న డెయిరీలనే కాదు.. చక్కెర కర్మాగారాలకు సైతం సమా«ధి కట్టిన చరిత్ర చంద్రబాబుదే. 1995కు పూర్వం 11 సహకార, 19 ప్రైవేటు చక్కెర కర్మాగారాలుండేవి. చంద్రబాబు ముఖ్యమంత్రి కాగానే చిత్తూరు, రేణిగుంట, కోవూరు, ఎన్‌వీఆర్‌ అండ్‌ ఏడీఆర్‌ జంపని సహకార చక్కెర కర్మాగారాలను మూసేయించారు. ఆ తర్వాత వైఎస్సార్‌ అధికారంలోకి వచ్చీరాగానే వాటిని పునరుద్దరించారు. వాటికి ఆర్ధిక చేయూతనిచ్చి లాభాల బాట పట్టేలా చేశారు. చంద్రబాబు.. 2019లో వెళ్తూ వెళ్తూ అనకాపల్లి జిల్లా వీవీ రమణ షుగర్‌ (తుమ్మపాల) ఫ్యాక్టరీని మూతేయించారు. సహకార రంగంలో నడుస్తున్న ఏకైక షుగర్‌ ఫ్యాక్టరీ అయిన చోడవరం షుగర్స్‌ (గోవాడ)లో 2025­–26లో క్రషింగ్‌ నిలిపి వేసి మూతపడేలా చేశారు. దీంతో సహకార రంగంలో ఉన్న కర్మాగారా­లన్నీ శాశ్వతంగా మూత పడినట్లైంది. చంద్రబాబు దివాళ కోరు చర్యల కారణంగా ప్రైవేటు రంగంలో నడిచే 16 ప్రైవేటు కర్మాగారాలు సైతం మూత పడ్డాయి. ప్రస్తుతం కృష్ణా జిల్లా ఉయ్యూరు, చిత్తూరులోని నింద్ర, శ్రీకాకుళం జిల్లాలోని సంకలి షుగర్‌ ఫ్యాక్టరీలు మాత్రమే అరకొర క్రషింగ్‌తో ప్రైవేటు రంగంలో కొనసాగుతున్నాయి. అది కూడా 45 లక్షల టన్నుల క్రషింగ్‌ సామర్థ్యం కల్గిన ఈ కర్మాగారాలు కేవలం 12 లక్షల టన్నులకు మించి క్రషింగ్‌ చేయలేని స్థితికి చేరాయి. ఒకప్పుడు దాదాపు 3 లక్షల ఎకరాల్లో సాగైన చెరకు ప్రస్తుత ఖరీఫ్‌ సీజన్‌లో 45 వేల ఎకరాలకు పరిమితమైందంటే చంద్రబాబు నిర్వాకమేనని ప్రత్యేకించి చెప్పక్కర్లేదు. ఇటీవలే మూతపడిన చోడవరం కో ఆపరేటివ్‌ షుగర్‌ ఫ్యాక్టరీ (గోవాడ) రూ.800 కోట్లు ఖర్చు చేస్తే పూర్వ వైభవం మూతపడిన 8 పరిశ్రమలను పునరుద్ధరించడానికి ఒక్కో చక్కెర కర్మాగారానికి రూ.60 కోట్ల నుంచి రూ.100 కోట్ల వరకు అవసరం. ఈ లెక్కన రూ.800 కోట్ల వరకు ఖర్చు పెడితే వీటికి పూర్వ వైభవం వస్తుందనేది సుస్పష్టం. కానీ ఆ దిశగా చంద్రబాబు ఏనాడు ఆలోచన చేసిన పాపాన పోలేదు. మరొక వైపు తమిళనాడు రాష్ట్ర ప్రభుత్వం మాదిరిగా బోనస్‌ ప్రకటిస్తే రాష్ట్రంలో చెరకు సాగు విస్తీర్ణం గణనీయంగా పెరుగుతుంది. ఫలితంగా చెరకు రైతులకు ఆదాయం పెరగడమే కాకుండా కార్మికులకు ఉపాధి లభిస్తుంది. ఇవేమీ పట్టని చంద్రబాబు సర్కారు లిక్విడేషన్‌కు తెరతీసింది. భీమ్‌సింగ్, ఏటికొప్పాక, తాండవ షుగర్‌ ఫ్యాక్టరీలకు నేరుగా లిక్విడేషన్‌కు అనుమతిచ్చింది. శ్రీవెంకటేశ్వర, చిత్తూరు, కోవూరు, తుమ్మపాల, జంపని ఫ్యాక్టరీలను సైతం లిక్విడేషన్‌ చేసేందుకు ఆదేశాలు జారీ చేసింది. ఇటీవలే మూత పడేలా చేసిన చోడవరం ఫ్యాక్టరీని కూడా లిక్విడేషన్‌ చేసేందుకు సిద్ధమైంది. కడప ప్యాక్టరీకి ఇదివరకే లిక్విడేషన్‌ ప్రకటించింది. కార్మికులు, అన్నదాతల ప్రయోజనాలకు గండి కొడుతూ దశాబ్దాల చరిత్ర ఉన్న ఈ కర్మాగారాలను కారుచౌకగా ప్రైవేటు సంస్థలకు ధారాదత్తం చేయడానికి సిద్ధపడింది. 10 వేల టన్నుల క్రషింగ్‌ సామర్థ్యం ఉన్న ఈ కర్మాగారాల్లో 1,944 మందికి పైగా కార్మికులు ఉన్నారు. 65 వేల మందికి పైగా రైతులు చెరకు సరఫరా చేస్తున్నారు.అన్నదాతల్లో తీవ్ర ఆగ్రహం లిక్విడేషన్‌ ఇచ్చేసిన ఎనిమిది చక్కెర కర్మాగారాలు ఆయా జిల్లాల్లో జాతీయ రహదారుల పక్కనే ఉన్నాయి. వీటికి సుమారు 771 ఎకరాల భూములు ఉన్నాయి. బహిరంగ మార్కెట్లో ఎకరం విలువ రూ.10 కోట్ల వరకు ఉంది. ఈ లెక్కన వాటి ధర మొత్తంగా దాదాపు రూ.2,500 కోట్ల పైమాటే. వాటిలోని యంత్రాలు, ఇతర సామగ్రిని కలిపితే కర్మాగారాల మొత్తం ఆస్తుల విలువ రూ.3 వేల కోట్లకు పైగానే ఉంది. వీటికి ఉన్న అప్పులు దాదాపు రూ.1300 కోట్లకు మించి లేవు. అయితే ప్రభుత్వం వీటికి లిక్విడేషన్‌ ప్రక్రియ చేపట్టడం పట్ల రైతుల్లో ఆందోళన వ్యక్తమవుతోంది. మూత పడిన చక్కెర కర్మాగారాలను పునరుద్ధరించేందుకు కృషి చేస్తామంటూ ఎన్నికలప్పుడు నమ్మబలికి, ఓట్లు దండుకున్న చంద్రబాబు.. ఇప్పుడు కర్మాగారాలను పూర్తిగా మూత వేయడమే కాకుండా వాటి భూములు, ఆస్తులు కొల్లగొట్టాలని చూస్తుండడం పట్ల మండిపడుతున్నారు. ప్రభుత్వం తీసుకున్న నిర్ణయంపై ఆయా ఫ్యాక్టరీల పరిధిలోని రైతులు, రైతు సంఘాలు ఆందోళన బాట పడుతున్నాయి.అండగా నిలిచిన వైఎస్‌ జగన్‌ ప్రభుత్వం సహకార చక్కెర కర్మాగారాలకు సంబంధించి బాబు ఎగ్గొట్టిన బకాయిలతో సహా ఐదేళ్లలో రైతులకు రూ.93.56 కోట్లు వైఎస్‌ జగన్‌ ప్రభుత్వం చెల్లించి అండగా నిలిచింది. చోడవరం, విజయరామ, తాండవ, ఏటికొప్పాక ఫ్యాక్టరీలు ఆర్థిక సంస్థలకు చెల్లించాల్సిన రుణ బకాయిలు రూ.252.91 కోట్లను సైతం చెల్లించింది. ఉద్యోగుల బకాయిలు రూ.100 కోట్లకు పైగా చెల్లించింది. మొత్తంగా రూ.450 కోట్లు చె­ల్లించి అండగా నిలిచింది. చెరకు రైతులకు వైఎ­స్సార్‌ రైతు భరోసా కింద ప్రతి ఏటా మూడు వి­డ­తల్లో రూ.13,500 చొప్పున పెట్టుబడి సాయం అందించింది. పంట నష్ట పరిహారంతో పాటు సున్నా వడ్డీ రాయితీ, పైసా భారం పడకుండా పంటల బీమా పరిహారం అందించింది. మరో వైపు మంత్రి వర్గ ఉప సంఘం సిఫార్సుల మేరకు బాబు హయాంలో మూత పడిన అనకాపల్లి, తాండవ, ఏటికొప్పాక, విజయ రాయ కర్మాగా­రా­లతో పాటు గతంలో బాబు నిర్వాకంతో మూత పడిన ఇతర సహకార చక్కెర కర్మాగారాల ఆస్తులు పూ­ర్తిగా రైతులకు మాత్రమే చెందాలన్న సంకల్పంతో వీటిని ఆహార శుద్ధి పరిశ్రమలుగా మార్చేందుకు కార్యాచరణ సిద్ధం చేసింది. స్థాని­కంగా లభించే పంట ఉత్పత్తులను ప్రాసెసింగ్‌ చేయడం ద్వారా వాటికి అదనపు విలువ చేకూ­ర్చి, తద్వారా రైతులకు అదనపు లబ్ధి చేకూర్చా­లని సంకల్పించింది. పైగా ఈ పరిశ్రమలన్నింటినీ ప్రభుత్వమే స్వయంగా నిర్మించి.. లీజు పద్ధతిన వాటి నిర్వహణను మాత్రమే ఆసక్తి గల రైతు ఉత్పత్తిదారుల సంఘాలకు అప్పగించాలని యో­చించింది. కర్మాగారాల ఆస్తులపై కానీ, స్థలాల­ను లీజుకిచ్చే ఆలోచన కూడా చేయలేదు.అప్‌గ్రేడ్‌ చేయాలిలా⇒ చక్కెర తయారీతో పాటు చెరకుపిప్పి ఆధారిత సహ ఉత్పత్తి, విద్యుత్‌ ఉత్పత్తి, ఇథనాల్, బయోమాస్, (గ్యాస్‌), బయో ఫెర్టిలైజర్‌ తదితరాలు ఉత్పత్తి చేసేలా అప్‌గ్రేడ్‌ చేయాలి. విద్యుత్‌ను సొంత అవసరాలకు ఉపయో­గించుకుని, మిగతాది గ్రిడ్‌కు విక్రయించవచ్చు.⇒ చెరకు రసం నుంచి పంచదార తయారీలో మిగిలి పోయిన ద్రావణం నుంచి జ్యూస్, బిృహెవీ, సిృహెవీ మొలాసిస్‌ తయారు చేయొచ్చు.⇒ క్రషింగ్‌ సీజన్‌ ముగిశాక కూడా బాయిలర్‌ను ఉపయోగించి విద్యుత్‌ ఉత్పత్తి చేసి విక్రయించవచ్చు.⇒ సీబీజీ (బయోగ్యాస్‌ తయారీ). ఇది చూడటానికి, వాడటానికి మనం వాహనాలకు వాడే సీఎన్‌జీ (కంప్రెస్డ్‌ నేచురల్‌ గ్యాస్‌) లాగే ఉంటుంది. మంచి ప్రత్యామ్నాయ ఇంధనంగా పని చేస్తుంది. వీటన్నింటి ద్వారా అదనపు ఆదాయ మార్గాలు సృష్టించాలి.రాష్ట్రంలోని 11 సహకార చక్కెర కర్మాగారాల పరిస్థితి.. 1. చోడవరం కో–ఆపరేటివ్‌ షుగర్స్‌ లిమిటెడ్, గోవాడ, అనకాపల్లి జిల్లా (2025–26 క్రషింగ్‌ సీజన్‌ నుంచి పని చేయడం లేదు)2. ఆమదాలవలస కో–ఆపరేటివ్‌ షుగర్స్‌ లిమిటెడ్, ఆమదాలవలస, శ్రీకాకుళం జిల్లా (సుప్రీంకోర్టులో వ్యాజ్యం) 3. శ్రీ విజయరామ గజపతి కో–ఆపరేటివ్‌ షుగర్స్‌ లిమిటెడ్, భీమసింగి, విజయనగరం జిల్లా (లిక్విడేషన్‌) 4. ఏటికొప్పాక కో–ఆపరేటివ్‌ అగ్రికల్చరల్‌ అండ్‌ ఇండస్ట్రియల్‌ సొసైటీ లిమిటెడ్, దార్లపూడి, అనకాపల్లి జిల్లా (లిక్విడేషన్‌)5. తాండవ కో–ఆపరేటివ్‌ షుగర్స్‌ లిమిటెడ్, పాయకరావుపేట, అనకాపల్లి జిల్లా (లిక్విడేషన్‌)6. ఎన్‌వీఆర్‌ అండ్‌ ఏడీఆర్‌ కో–ఆపరేటివ్‌ షుగర్స్‌ లిమిటెడ్, జంపని, బాపట్ల జిల్లా (లిక్విడేషన్‌)7. కడప కో–ఆపరేటివ్‌ షుగర్స్‌ లిమిటెడ్, తౌలతాపురం, వైఎస్సార్‌ కడప జిల్లా (లిక్విడేషన్‌)8. అనకాపల్లి వి.వి.రమణ కో–ఆపరేటివ్‌ షుగర్స్‌ లిమిటెడ్, తుమ్మపాల, అనకాపల్లి జిల్లా (లిక్విడేషన్‌)9. కోవూరు కో–ఆపరేటివ్‌ షుగర్‌ ఫ్యాక్టరీ లిమిటెడ్, నెల్లపోరె, ఎస్‌పీఎస్‌ఆర్‌ నెల్లూరు జిల్లా (లిక్విడేషన్‌)10 శ్రీ వెంకటేశ్వర కో–ఆపరేటివ్‌ షుగర్‌ ఫ్యాక్టరీ లిమిటెడ్, గాజులమండ్యం, తిరుపతి జిల్లా (లిక్విడేషన్‌)11. చిత్తూరు కో–ఆపరేటివ్‌ షుగర్స్‌ లిమిటెడ్, చిత్తూరు, చిత్తూరు జిల్లా (లిక్విడేషన్‌)రాష్ట్రంలోని 19 ప్రైవేట్‌ చక్కెర కర్మాగారాల పరిస్థితి 1. ఈఐడీ ప్యారీ (ఇండియా) లిమిటెడ్, సంకిలి, శ్రీకాకుళం జిల్లా2. కేఎస్పీ షుగర్‌ అండ్‌ ఇండస్ట్రీస్‌ లిమిటెడ్, వుయ్యూరు, కృష్ణా జిల్లా3. ఎస్‌ఎన్‌జే షుగర్‌ అండ్‌ డిస్టిలరీస్‌ లిమిటెడ్, నింద్రా, చిత్తూరు జిల్లాచంద్రబాబు సర్కారు ప్రోత్సాహం కరువై మూత పడిన కర్మాగారాలు.. 4. రాయలసీమ షుగర్స్‌ లిమిటెడ్, నంద్యాల జిల్లా 5. కేబీడీ షుగర్స్‌ అండ్‌ డిస్టిలరీస్‌ లిమిటెడ్, పుంగనూరు, చిత్తూరు జిల్లా 6. జయపూర్‌ షుగర్స్‌ లిమిటెడ్, చాగల్లు, తూర్పు గోదావరి జిల్లా7. వీఆర్‌కే షుగర్స్‌ లిమిటెడ్, పోతవరం, పశ్చిమ గోదావరి జిల్లా 8. ది ఆంధ్రా షుగర్స్‌ లిమిటెడ్, యూనిట్‌–1, తణుకు, పశ్చిమ గోదావరి 9. డెల్టా షుగర్స్‌ లిమిటెడ్, హనుమాన్‌ జంక్షన్, కృష్ణా జిల్లా 10. ఎంపీ షుగర్స్‌ లిమిటెడ్, నాయుడుపేట, ఎస్‌పీఎస్‌ఆర్‌ నెల్లూరు11. కేఎస్‌ పీ షుగర్స్‌ లిమిటెడ్, లక్ష్మీపురం, కృష్ణా జిల్లా 12. సుదాలగుంట షుగర్స్‌ లిమిటెడ్, యూనిట్‌–1, బి.ఎన్‌. కండ్రిగ, చిత్తూరు 13. సుదాలగుంట షుగర్స్‌ లిమిటెడ్, యూనిట్‌–2, పొదలకూరు, ఎస్‌పీఎస్‌ఆర్‌ నెల్లూరు జిల్లా 14. శ్రీ సర్వారాయ షుగర్స్‌ లిమిటెడ్, చెల్లూరు, తూర్పు గోదావరి జిల్లా 15. నవభారత్‌ వెంచర్స్‌ లిమిటెడ్, సామర్లకోట, తూర్పు గోదావరి జిల్లా 16. ది ఆంధ్రా షుగర్స్‌ లిమిటెడ్, యూనిట్‌–3, భీమడోలు, పశ్చిమ గోదావరిజిల్లా 17. నాటెమ్స్‌ షుగర్‌ ప్రైవేట్‌ లిమిటెడ్, నింద్రా, చిత్తూరు 18. ఎన్‌సీఎస్‌ షుగర్స్‌ లిమిటెడ్, విజయనగరం జిల్లా19. ది ఆంధ్రా షుగర్స్‌ లిమిటెడ్, యూనిట్‌–2, తాడువాయి, పశ్చిమ గోదావరి జిల్లాచోడవరం క్రషింగ్‌ కొనసాగించాలి3 ఎకరాల్లో దశాబ్దాలుగా చెరకు సాగుచేసే వాడిని. చోడవరం క్రషింగ్‌ నిలిపి వేయడంతో రెండేళ్లుగా చెరకు సాగును వదిలేశాను. క్రషింగ్‌ నిలిపి వేయడం వల్ల 1,500 మంది ఉద్యోగులు రోడ్డున పడ్డారు. 24 వేల మంది రైతులతో పాటు దాదాపు లక్ష మందికి పైగా వ్యవసాయ కూలీలకు ఉపాధి లేకుండా పోయింది. ఇప్పటికైనా ఫ్యాక్టరీని పునరుద్ధరించి క్రషింగ్‌ను కొనసాగించాలి.– సత్యారావు, ఖండిపల్లి, చోడవరం మండలం, అనకాపల్లి జిల్లాజీవో 250ని వెంటనే రద్దు చేయాలిరాష్ట్రంలోని 8 సహకార చక్కెర పరిశ్రమలను మూసేస్తూ సహకార చక్కెర పరిశ్రమల ఆస్తులను అమ్మేందుకు తెచ్చిన జీవో 250ని ప్రభుత్వం వెంటనే ఉపసంహరించుకోవాలి. చెరకు రైతులకు గిట్టుబాటు ధరకు తోడ్పడే రాష్ట్ర సలహా బోర్డును 2002లోనే చంద్రబాబు మూసేశారు. చెరకు పరిశోధన కేంద్రాలకు ఆయనే మంగళం పాడారు. సహకార ఫ్యాక్టరీలు, వాటికి చెందిన భూములు, ఆస్తులన్నీ చెరకు రైతులకు చెందినవే. ఫ్యాక్టరీల జనరల్‌ బాడీ ఆమోదం, సమ్మతి లేకుండా నష్టాల సాకుతో అమ్మడం కుదరదు. ఇది సహకార చట్టాల స్ఫూర్తికి విరుద్ధం. న్యాయ పోరాటం, ఉద్యమాలతో చెరకు కార్మాగారాలను కాపాడుకుంటాం.– వి.క్రిష్ణయ్య, రాష్ట్ర అధ్యక్షుడు, ఆంధ్రప్రదేశ్‌ రైతు సంఘం

సాక్షి, అమరావతి: రాష్ట్ర ప్రభుత్వంలో పవర్‌ కోటరీ దెబ్బకు విద్యుత్‌ కంపెనీలు పారిపోతున్నాయి. రెండు నెలల కాలంలోనే విద్యుత్‌ రంగం నుంచి నాలుగు ప్రధాన కంపెనీలు రూ.25,221 కోట్ల విలువైన భారీ పెట్టుబడులను ఉపసంహరించుకుని వెళ్లిపోయాయంటే పరిస్థితి తీవ్రతకు అద్దం పడుతోంది. ఇప్పటికే నెల్లూరు జిల్లా నుంచి టాటా పవర్‌ ఒడిశాకు, తిరుపతి జిల్లా నుంచి వెబ్‌సోల్‌ సంస్థ పశ్చిమ బెంగాల్‌కు వెళ్లిపోయిన విషయం తెలిసిందే. తాజాగా నంద్యాల జిల్లా అవుకు పంప్డ్‌ స్టోరేజ్‌ ప్రాజెక్టుకు ఆర్‌వీఆర్‌ ప్రాజెక్టు దండం పెట్టి మరీ తప్పుకుంది. ఇదే సమయంలో మెఘా ఇంజినీరింగ్‌ అండ్‌ ఇన్‌ఫ్రాస్ట్రక్చర్స్‌ కంపెనీ అన్నమయ్య జిల్లా కొమ్మూరు వద్ద ప్రతిపాదిత 2,000 మెగావాట్ల పంప్డ్‌ స్టోరేజ్‌ పవర్‌ ప్రాజెక్టు నుంచి తప్పుకుంది. చంద్రబాబు సర్కారు అధికారంలోకి వచ్చిన కొత్తల్లో 2024 నవంబర్‌ 18న కొమ్మూరు వద్ద సుమారు రూ.10,300 కోట్లతో పంప్డ్‌ స్టోరేజ్‌ ప్లాంట్‌ను ఏర్పాటు చేయడానికి ప్రభుత్వానికి ప్రతిపాదనలు పంపింది. 2025 జనవరి 30న మూడవ ఎస్‌ఐపీబీ ఈ ప్రతిపాదనకు ఆమోదం తెలపడమే కాకుండా అనేక ప్రోత్సాహకాలను ప్రకటిస్తూ 2025 ఫిబ్రవరి 7న జీవో ఎంఎస్‌ నెంబర్‌ 16 జారీ చేసింది. ఈజ్‌ ఆఫ్‌ డూయింగ్‌ కాదు.. స్పీడ్‌ ఆఫ్‌ డూయింగ్‌ అంటూ ప్రచారం చేసుకుంటున్న ఈ ప్రభుత్వం, జీవో విడుదలైన 20 నెలల తర్వాత కూడా పనులు ప్రారంభించలేకపోయింది. ఇదే మెఘా ఇంజనీరింగ్‌ కంపెనీయే ఇప్పుడు రూ.10,300 కోట్ల విలువైన కీలక పంప్డ్‌ స్టోరేజ్‌ ప్రాజెక్టు నుంచి వైదొలగడంపై అధికార వర్గాల్లో పెద్ద ఎత్తున చర్చకు దారి తీసింది. అన్ని రకాల అధ్యయనాలన్నీ పూర్తి చేసుకున్న తర్వాతే ఈ ప్రాజెక్టుకు దాఖలు చేసుకున్న మెఘా ఇంజనీరింగ్‌.. ఇప్పుడు పర్యావరణ అనుమతులు లభించడం కష్టం అంటూ ప్రాజెక్టు నుంచి వైదొలగడం వెనుక పవర్‌ సెంటర్‌ కప్పం సెగ గట్టిగా తగిలిందని సమాచారం. ఇలా ఒకదాని వెనుక మరో కంపెనీ విద్యుత్‌ రంగం నుంచి వైదొలుగుతుండటం రాష్ట్రంలో తీవ్ర చర్చనీయాంశంగా మారింది. ఏ రాష్ట్రం ఇవ్వని రీతిలో టాటా పవర్‌కు కారు చౌకగా భూమిని ఇవ్వడంతో పాటు, భారీగా రాయితీలు ఇచ్చినా కూడా వెళ్లిపోయిందని, ఇదే బాటలో వెబ్‌సోల్‌ కూడా వెళ్లి పోవడం వెనుక సర్కారు కోటరీలోని ప్రధాన పవర్‌ సెంటర్‌ కప్పం దెబ్బే కారణమని అధికారులు పేర్కొంటున్నారు. రాష్ట్రం నుంచి రూ.31,256 కోట్ల పెట్టుబడులు ఔట్‌ ఎస్‌ఐపీబీ, రాష్ట్ర మంత్రి మండలి ఆమోదం తర్వాత.. జీవోలు వచ్చాక కంపెనీలు రాష్ట్రం నుంచి వెళ్లిపోతున్నాయి. కేవలం విద్యుత్‌ రంగం నుంచే రెండు నెలల్లో నాలుగు కంపెనీల ద్వారా రూ.రూ.25,221 కోట్ల విలువైన పెట్టుబడులు వెళ్లిపోయాయి. ఇవి కాకుండా ఇతర రంగాల నుంచి వెళ్ళిపోయిన కంపెనీలు అజాద్‌ మొబిలిటీ, జిన్‌ఫ్రా, ఐస్పేస్‌ వంటి వాటిని తీసుకుంటే ఈ విలువ ఇప్పుడు రూ.31,256 కోట్లు దాటింది. వచ్చే నవంబర్‌లో సీఐఐఐ పెట్టుబడుల సమావేశం ముందు ఇలా వరుసపెట్టి కంపెనీలు వెళ్లిపోతుండటం పారిశ్రామిక వర్గాల్లో కలకలం రేపుతోంది.

శాన్‌ఫ్రాన్సిస్కో: తాము అభివృద్ధి చేసిన ఏఐ ఏజెంట్లు అనూహ్య రీతుల్లో అమెరికా ప్రభుత్వ వెబ్‌సైట్లతో సంప్రదింపులు జరిపినట్లు ఓపెన్‌ ఏఐ ప్రకటించింది. కంపెనీ ఏఐ మోడళ్లపై సమీక్ష సందర్భంగా ఈ విషయం బయటపడినట్లు తెలిపింది. అమెరికా సెక్యూరిటీస్‌ అండ్‌ ఎక్సే్ఛంజి కమిషన్‌ (ఎస్‌ఈసీ), యూఎస్‌ సెన్సస్‌ బ్యూరో డేటాలు నడుపుతున్న రెండు వెబ్‌సైట్ల సమాచారాన్ని ఏఐ మోడళ్లు వీక్షించాయని ఓపెన్‌ ఏఐ తెలిపింది. అయితే ఏఐ మోడళ్లు ఎస్‌ఈసీ క్రెడెన్షియల్స్‌ను, అకౌంట్లను కానీ ఏఐ మోడళ్లు ఉపయోగించలేదని, సమాచారంలో మార్పులు జరిగిన ఆనవాళ్లూ లేవని, వైబ్‌సైట్‌లో సెక్యూరిటీ పరమైన లోటుపాట్లు కూడా ఏవీ లేవని తేలిందని వివరించింది. ఏఐ మోడళ్లు మానవ నియంత్రణ నుంచి తప్పిపోయి ఇతర వెబ్‌సైట్లను హ్యాక్‌ చేయగలవన్న ఆందోళన ప్రపంచవ్యాప్తంగా ఎక్కువ అవుతున్న పరిస్థితుల్లో ఓపెన్‌ ఏఐ ఈ ప్రకటన చేయడం గమనార్హం. ఏఐ మోడళ్లు ఎస్‌ఈసీ వెబ్‌సైట్‌ నుంచి సేకరించిన సమాచారాన్ని ఇంకో వెబ్‌సైట్‌లో పోస్ట్‌ చేశాయని, ఈ చర్య అనూహ్యమైందని ఓపెన్‌ ఏఐ తెలిపింది. అలాగే కొన్ని సందర్భాల్లో ఏఐ మోడళ్లు డేటాను చేయకూడని సమయంలో ప్రసారం చేశాయని తెలిపింది. సుమారు 53 సార్లు ఏఐ మోడల్‌ యూజర్‌ యాక్టివిటీకి సంబంధించిన చిత్రాన్ని ఛాట్‌జీపీటీ నుంచి తీసుకుని మరెక్కడికో ట్రాన్స్‌ఫర్‌ చేసిందని వివరించింది. ప్రతి సందర్బంలోనూ వినియోగదారుడు తమ సమాచారంతో శిక్షణ పొందేందుకు ఏఐ మోడల్‌ను అనుమతించారని తెలిపింది. అయినప్పటికీ డేటాను ఈ విధంగా వాడటం సరికాదని అంగీకరించింది. ఈ లోపాన్ని గుర్తించిన తరువాత తాము తగిన చర్యలు తీసుకున్నామని స్పష్టం చేసింది.

అద్దంకి: భార్యపై అనుమానం పెనుభూతమైంది. రెండు హత్యలకు దారి తీసింది. ఈ విషాద ఘటన ప్రకాశం జిల్లా సంతమాగులూరు మండలం ఏల్చూరు గ్రామంలో శుక్రవారం అర్ధరాత్రి జరిగింది. స్థానికులు, పోలీసుల కథనం ప్రకారం.. ఏల్చూరుకు చెందిన మీసరగండి వసంతరాయుడుకు మార్కాపురం జిల్లా పెద్దారవీడు మండలం కలనూతల గ్రామానికి చెందిన వీరనారాయణమ్మ(30)కు పదమూడేళ్ల క్రితం వివాహం జరిగింది. వసంతరాయుడు లారీ డ్రైవర్‌. వీరికి పదకొండేళ్ల అబ్బాయి, ఎనిమిది నెలల పాప ఉంది. రెండేళ్ల క్రితం ఒక వికలాంగ కుమారుడు అనారోగ్యంతో మృతిచెందాడు. వసంతరాయుడు తన భార్య మరో వ్యక్తితో వివాహేతర సంబంధం పెట్టుకుందని తరచూ అనుమానపడుతూ గొడవలు పడుతూ ఉండేవాడు. ఈ క్రమంలోనే శుక్రవారం మధ్యాహ్నం స్థానిక పోలీస్‌ స్టేషన్‌లో భార్యపై ఫిర్యాదు చేశాడు. పోలీసులు అతని అత్త చిలకపాటి వీర బ్రహ్మేశ్వరి(50)తోపాటు మామను పిలిపించి మాట్లాడారు. ‘మీ అల్లుడు కోపంగా ఉన్నాడు.. కుమార్తెను మీ ఊరికి తీసుకెళ్లండి’ అని సూచించారు. అయితే వారు ఊరికి వెళ్లకుండా వసంతరాయుడు ఇంటికి వెళ్లారు. శుక్రవారం అర్ధరాత్రి సమయంలో మరో వ్యక్తితో కలిసి వచ్చిన వసంతరాయుడు ఆవేశంతో కత్తితో భార్య వీరనారాయణమ్మ గొంతు కోశాడు. అడ్డొచ్చిన అత్త బ్రహ్మేశ్వరిపైనా కత్తితో దాడి చేసి గొంతు కోశాడు. దీంతో బ్రహ్మేశ్వరి అక్కడికక్కడే మరణించింది. స్థానికుల సమాచారంతో ఘటనా స్థలానికి చేరుకున్న సంతమాగులూరు సీఐ శేషగిరిరావు కొన ఊపిరితో ఉన్న వీరనారాయణమ్మను చికిత్స నిమిత్తం వాహనంలో వైద్యశాలకు తరలించారు.ఆమె అక్కడ చికిత్స పొందుతూ శనివారం మృతిచెందినట్లు పోలీసులు తెలిపారు. పరారైన వసంతరాయుడిని పోలీసులు అదుపులోకి తీసుకుని స్టేషన్‌కు తరలించారు. మరో నిందితుని పాత్రపైనా విచారణ చేపట్టారు. దాడికి ఉపయోగించిన కత్తిని స్వాధీనం చేసుకున్నారు. సీఐ శేషగిరిరావు ఇచ్చిన సమాచారం మేరకు దర్శి డీఎస్పీ బాల­మురళీకృష్ణ, బల్లికురవ ఎస్సై నాగరాజు ఘటనా స్థలానికి చేరుకుని వివరాలు తెలుసుకున్నారు. నిందితుని మామ వీరనారాయణ ఇచ్చిన ఫిర్యాదు మేరకు కేసు నమోదు చేసి దర్యాప్తు చేస్తున్నారు. గ్రామంలో శాంతి భద్రతలకు విఘాతం కలగకుండా ఏఎస్సై శ్రీనివాసరావు, సిబ్బంది అక్కడికి చేరుకుని దర్యాప్తు చేపట్టారు.

రాంచీ: కోతి పనులు చేయకురా అని చిన్నారులను పెద్దలు మందలిస్తూనే ఉంటారు. అయినా పిల్లలు వినరు. ఇక కోతులు అస్సలు వినవు. అవి చేసే గోలకు అంతే ఉండదు. జార్ఖండ్‌ రాజధాని రాంచీలోని ఔర్‌మాంఝీ ప్రాంతంలోని ఒక మద్యం దుకాణంలో శనివారం కస్టమర్లు తక్కువగా ఉన్న సమయంలో ఒక కోతి హఠాత్తుగా దుకాణంలోకి దూరింది. దీంతో కౌంటర్‌లోని వ్యక్తులు భయంతో బయటకు పరుగులుతీశారు. కోతి మాత్రం నింపాదిగా దుకాణంలో చక్కగా పేర్చిన బీర్, విస్కీ, రమ్, వోడ్కా బాటిళ్లను తేరిపార చూసి మూత తీసి ఉన్న ఒక ‘మ్యాజిక్‌ మూమెంట్స్‌’బ్రాండ్‌ వోడ్కా బాటిల్‌ను అమాంతం తాగేసింది. కొద్ది నిమిషాలకే మద్యం మత్తు దానికి ఎక్కడం మొదలైంది. అప్పటిదాకా మద్యం సీసాల కార్టన్ల మీద గెంతుతూ హడావుడి చేసిన కోతి కొద్ది నిమిషాలకే వాటిపై నిద్రపోయింది. మధ్యమధ్యలో కళ్లు తెరుస్తూ ఎవరినీ దగ్గరికి రానివ్వలేదు. కోతిచేష్టల తాలూకు వీడియో ఇప్పుడు సామాజిక మాధ్యమాల్లో వైరల్‌గా మారింది. మద్యం దుకాణాదారుడు వెంటనే అటవీశాఖ సిబ్బందికి సమాచారం ఇవ్వడంతో వాళ్లు వచ్చి కోతిని బయటకు తీసుకెళ్లారు. దుకాణంలో మర్కటం హడావుడి వీడియో చూసిన నెటిజన్లు జోకులు పేల్చారు. కోతి వీడియోను కామెడీగా మార్చిన వాళ్లను కొందరు పర్యావరణవేత్తలు తప్పుబట్టారు. అటవీ సిబ్బంది తెలిపిన వివరాల ప్రకారం ఇది గర్భంతో ఉన్న కోతి. దప్పిక వేళ ఎక్కడా తాగేందుకు నీరు దొరక్కపోవడంతో దుకాణంలోని సీసాల్లో ఉన్నవి నీళ్లు అని భావించి లోపలికి వచ్చి ఉంటుందని కొందరు అభిప్రాయపడ్డారు.

నిడదవోలు: తూర్పుగోదావరి జిల్లా ఉండ్రాజవరం సెంటర్‌లో ఏర్పాటు చేసిన దివంగత వంగవీటి మోహనరంగా విగ్రహం తొలగింపును ప్రశ్నించిన కాపులపై పోలీసులు రెచ్చిపోయారు. విచక్షణారహితంగా లాఠీచార్జ్‌ జరిపి పలువురిని అదుపులోనికి తీసుకున్నారు. తొలుత రంగా కుమార్తె ఆశాకిరణ్‌ ఉండ్రాజవరంలో రంగా విగ్రహం ఏర్పాటు చేసిన ప్రాంతాన్ని శనివారం పరిశీలించారు. రెండు రోజులుగా చోటుచేసుకున్న ఘటనలను ఆశాకిరణ్‌కు చెబుతూ భారీ ఎత్తున కాపులు గుమిగూడారు. ఆ సమయంలో కొవ్వూరు డీఎస్పీ డి.దేవకుమార్, నిడదవోలు సీఐ పీవీజీ తిలక్‌ పోలీస్‌ సిబ్బందితో అక్కడకు వచ్చి శాంతిభద్రతల సమస్యలు తలెత్తుతాయని అక్కడి నుంచి వెళ్లిపోవాలంటూ ఆశాకిరణ్‌పై దౌర్జన్యానికి దిగారు. ఈ క్రమంలో తీవ్ర వాగ్వాదం, ఘర్షణ వాతా­వరణం చోటుచేసుకుంది. ఈ నేపథ్యంలో పోలీసులు లాఠీచార్జ్‌ చేశారు. ఆశాకిరణ్‌ ఇద్దరు బాడీగార్డులతో పాటు నలుగురిని వ్యాన్‌లో ఎక్కించుకుని పెరవలి పోలీస్‌ స్టేషన్‌కు తరలించారు. దీనిపై ఆశాకిరణ్‌ తీవ్ర నిరసన వ్యక్తం చేస్తూ రోడ్డుపై బైఠాయించి కాపులతో పాటు ధర్నాకు దిగారు. కొవ్వూరు ఆర్డీవో ఆనందరావు, తహసీల్దార్‌ పీఎన్‌డీ ప్రసాద్‌లు ఆశాకిరణ్‌తో చర్చించి ఆమెను శాంతింపజేసే ప్రయత్నం చేశారు. అనంతరం ఆమె మీడియాతో మాట్లాడుతూ ‘పేద, బడుగు, బలహీన వర్గాల కోసం రంగా ప్రాణం ఇచ్చారని, ఆయన విగ్రహాల ఏర్పాటును ఎవరైనా అడ్డుకునేందుకు ప్రయత్నిస్తే ఖబడ్దార్‌.. అంటూ హెచ్చరించారు. కాగా, విగ్రహాన్ని తొలగించి, దిమ్మను ధ్వంసం చేసిన ప్రదేశంలోనే రంగా విగ్రహాన్ని ఏర్పా­టు చేసేందుకు తన ఇంటి ముందు ఉన్న స్థలాన్ని ఇచ్చేందుకు ఆయన అభిమాని కోటిపల్లి తాతారావు ముందుకొచ్చారు. దీంతో అక్కడే విగ్రహం ఏర్పాటు చేసేందుకు రంగా అభిమానులు అంగీకరించారు.

సాక్షి, హైదరాబాద్‌: కాళేశ్వరం ఎత్తిపోతల పథకంలోని మేడిగడ్డ, అన్నారం, సుందిళ్ల బరాజ్‌ల సమగ్ర పునరుద్ధరణ పనులను నవంబర్‌ రెండోవారంలో ప్రారంభించి, 2027 వర్షాకాలానికి ముందే పూర్తి చేస్తామని మంత్రి ఎన్‌.ఉత్తమ్‌కుమార్‌రెడ్డి ప్రకటించారు. మూడు బరాజ్‌లను పటిష్టం చేయడంతోపాటు వాటి నిర్వహణ సామర్థ్యాన్ని పూర్తిస్థాయిలో పునరుద్ధరించేందుకు అవసరమైన డిజైన్లను రాష్ట్ర ప్రభుత్వం ఖరారు చేసిందని తెలిపారు. కుందన్‌బాగ్‌లోని తన క్యాంపు కార్యాలయంలో శనివారం నీటిపారుదల శాఖ ఉన్నతాధికారులు, ఇంజినీర్లతో బరాజ్‌ పునరుద్ధరణ ప్రతిపాదనలపై మంత్రి సమీక్షించారు. డిజైన్‌ కన్సల్టెన్సీ రూపొందించిన పునరుద్ధరణ ప్రణాళికలో గ్రౌటింగ్‌తో పునాదుల బలోపేతం, స్టిల్లింగ్‌ బేసిన్ల విస్తరణ, కొత్త కట్‌–ఆఫ్‌ వాల్స్‌ నిర్మాణం వంటి కీలక పనులు ఉన్నాయని చెప్పారు. వరద ప్రవాహ వేగాన్ని నియంత్రించే ఏర్పాట్లలో ఉన్న లోపాలను సరిచేయడంతోపాటు పునాదుల స్థిరత్వాన్ని పెంచడం, పునాదుల కింద నీటి చొరబాటును అరికట్టడం ఈ పనుల ప్రధాన ఉద్దేశమని వివరించారు. నేషనల్‌ డ్యామ్‌ సేఫ్టీ అథారిటీ (ఎన్డీఎస్‌ఏ)తోపాటు ఇతర నిపుణుల కమిటీల అభ్యంతరాలు, సూచనలను పరిగణనలోకి తీసుకొని పునరుద్ధరణ ప్రణాళికను రూపొందించినట్టు మంత్రి వెల్లడించారు. అక్టోబర్‌ 5న సీడబ్ల్యూసీకి డిజైన్లు డిజైన్‌ కన్సల్టెంట్‌ అందించిన డిజైన్లను పూణెలోని సెంట్రల్‌ వాటర్‌ అండ్‌ పవర్‌ రీసెర్చ్‌ స్టేషన్‌ (సీడబ్ల్యూపీఆర్‌ఎస్‌)లో కంప్యూటేషనల్‌ ఫ్లూయిడ్‌ డైనమిక్స్‌ నమూనాల ద్వారా పరీక్షిస్తున్నట్టు మంత్రి ఉత్తమ్‌ తెలిపారు. వివిధ స్థాయిల్లో వరద ప్రవాహం ఉన్నప్పుడు బరాజ్‌ల వద్ద నీటి ప్రవాహ తీరు ఎలా ఉంటుందో, ప్రతిపాదించిన పునరుద్ధరణ చర్యలు వాటిని తట్టుకునే విషయంలో ఎంత మేరకు సమర్థవంతంగా పనిచేస్తాయో ఈ పరీక్షలతో నిర్థారిస్తారని చెప్పారు. పునరుద్ధరణ డిజైన్లను అక్టోబర్‌ 5న న్యూఢిల్లీలో కేంద్ర జల సంఘం (సీడబ్ల్యూసీ) ఆధ్వర్యంలోని సాంకేతిక పర్యవేక్షణ కమిటీ ముందు ఉంచనున్నట్టు ఉత్తమ్‌ వెల్లడించారు. కమిటీ నిపుణులు వాటిని పరిశీలించి అవసరమైన సూచనలు, సిఫార్సులు చేస్తారని తెలిపారు. పునరుద్ధరణ పనులకు మళ్లీ టెండర్లు డిజైన్లకు సాంకేతిక అనుమతులు వచ్చిన వెంటనే పనులు ప్రారంభించేందుకు అవసరమైన అన్ని ముందస్తు ఏర్పాట్లను ఏకకాలంలో పూర్తి చేయాలని అధికారులను ఆదేశించారు. పునరుద్ధరణ పనులకు సంబంధించిన సమగ్ర వ్యయ అంచనాలను నీటిపారుదల శాఖ సిద్ధం చేస్తోందని చెప్పారు. ప్రభుత్వ అనుమతి కోసం అవసరమైన కాంట్రాక్టు విధానాన్ని కూడా ఖరారు చేస్తున్నట్టు తెలిపారు. డిజైన్లకు అనుమతి లభించిన వెంటనే టెండర్లు పిలిచి, పనులను అప్పగించేలా మొత్తం ప్రక్రియను వేగవంతం చేయాలని సూచించారు.పునరుద్ధరణ పనులు పూర్తయి జాతీయ సాంకేతిక సంస్థల నుంచి అవసరమైన భద్రతా అనుమతులు వచ్చిన తర్వాతే బరాజ్‌లను తిరిగి వినియోగంలోకి తీసుకొస్తామని స్పష్టం చేశారు. డిజైన్ల పరిశీలన నుంచి టెండర్లు, పనుల అమలు, తుది భద్రతా ధ్రువీకరణ వరకు ప్రతి దశను పక్కాగా నమోదు చేయాలని ఆదేశించారు. ఎన్‌డీఎస్‌ఏ ఆదేశాలను పూర్తిస్థాయిలో పాటిస్తూ, ప్రతి దశను నిపుణుల పరిశీలనకు లోబడి నిర్వహించాలని అధికారులకు సూచించారు.

కెనడాలో ఆరు సంవత్సరాలు గడిపి, డెలాయిట్‌లో తన కెరీర్‌ నిర్మించుకున్న ప్రీతి బిస్నిక్‌ స్వదేశానికి తిరిగి రావాలనుకుంటోంది. దీనికి కారణం...ఉద్యోగం కోల్పోవడం కాదు. అవకాశాల కొరత అంతకంటే కాదు. వృద్ధాప్యంలో ఉన్న తల్లిదండ్రుల బాగోగులను చూసుకోవాలనుకోవడమే కారణం. దీనికి సంబంధించి ఇన్‌స్టాగ్రామ్‌లో ప్రీతి పోస్ట్‌ చేసిన వీడియో వైరల్‌ అయింది. ప్రశంసలు అందుకుంది. తన తల్లిదండ్రులకు వయసు పైబడుతోందని, వారికి అందుబాటులో ఉండడానికే ఇండియాకు వెళ్లాలని నిర్ణయం తీసుకున్నానని చెప్పింది ప్రీతి. ప్రీతి తల్లికి గ్లాకోమా ఉంది. నడవడానికి కూడా ఇబ్బంది పడుతుంది. ‘పోషకాహారం గురించి చదువుతున్నప్పుడు నా తల్లిదండ్రులు గుర్తుకు వచ్చారు. నేను తెలుసుకున్న విషయాలను నా తల్లిదండ్రుల ఆరోగ్యం కోసం ఉపయోగించుకోవాలనుకున్నాను’ అంటున్న ప్రీతి తన తల్లిదండ్రులకు పోషకాహారం, ఫిట్‌నెట్‌ కోసం ప్రణాళికలు సిద్దం చేసుకుంది. నెటిజనులు ప్రీతి నిర్ణయంపై ప్రశంసల వర్షం కురించారు. ఒకరు మాత్రం... ‘మీరు ఇక్కడికి రావడానికి బదులు, తల్లిదండ్రులనే మీ దగ్గరికి తీసుకెళ్లవచ్చు కదా?’ అని సలహా ఇస్తే... ‘ఆరోగ్యం దృష్యా›్ట వారిని ఇక్కడికి తీసుకురావడం అంత సులువు కాదు’ అని తెలియజేసింది ప్రీతి. గమనించాల్సిన విషయమేమిటంటే... తల్లిదండ్రులకు తాను ఏకైక సంతానం కాదు. ఆమె సోదరులు అమెరికా, లండన్‌లో స్థిరపడ్డారు. ‘నా కెరీర్‌ బాగుంటే చాలు’ అనుకునే ఈరోజుల్లో తల్లిదండ్రుల కోసం ఉద్యోగం త్యాగం చేయడం గొప్ప విషయమే కదా!’ ముక్తకంఠంతో అంటున్నారు నెటిజనులు.

మీ వయసు ఎంత అని అడిగితే టక్కున చెప్పేస్తారు. కానీ మీ గుండె వయసు ఎంతో చెప్పగలరా? మీ మెదడుకు ఎన్నేళ్లో తెలుసా? ఇవేం ప్రశ్నలు అనుకుంటున్నారా? శాస్త్రవేత్తల అధ్యయనాల ప్రకారం.. మన జీవ వయసు­కు, శరీరంలోని అంతర్గత అవయవాల వయసుకు మధ్య తేడా ఉంటుంది. ఒక్కో అవయవం తనదైన ప్రత్యేక వేగంతో వృద్ధాప్యానికి గురవుతూ క్షీణిస్తుంటుంది. ఎందుకంటే.. వృద్ధాప్యం శరీరమంతా ఒకే తీరుగా సాగే ప్రక్రియ కాదని పరిశోధనలు చెబుతున్నాయి. శరీరంలోని వివిధ అవయవాలు వేర్వేరు వేగాలతో వృద్ధాప్యానికి లోనవుతాయి. ముఖ్యంగా 50 ఏళ్లు దాటిన ఆరోగ్యకరమైన ప్రతి ఐదుగురికి­గాను ఒకరిలో కనీసం ఏదో ఒక అవయవం మిగతా శరీర అవయవాల కంటే వేగంగా క్షీణిస్తుంది. వృద్ధాప్యం స్థిరమైన వేగంతో కాకుండా ఒక్కో వ్యక్తికి 34, 60, 78 ఏళ్ల వయసులో మారుతుంటుందని శాస్త్రవేత్తలు చెబుతున్నారు.రక్తంలోని ప్రొటీన్ల విశ్లేషణతో అవయవాల వయసు లెక్కింపు..అమెరికాలోని ప్రసిద్ధ స్టాన్‌ఫోర్డ్‌ యూనివర్సిటీ స్కూల్‌ ఆఫ్‌ మెడిసిన్‌ పరిశోధకులు తమ తాజా అధ్యయనంలో కేవలం ఒక రక్త పరీక్ష సాయంతో శరీరంలోని 11 ముఖ్యమైన అవ­య­వాల జీవ సంబంధ వయసును కచ్చితంగా అంచనా వేయవచ్చని నిరూపించారు. రక్తంలోని ప్లాస్మాలో ఉండే వేలాది ప్రొటీన్లను విశ్లేషించడం ద్వారా నిర్దిష్ట అవయవాల నుంచి విడుద­లయ్యే ప్రొటీన్‌ గుర్తులను గుర్తించవచ్చని.. తద్వారా శరీరంలోని ఒక్కో అవయవ వయç­Üును కంప్యూటర్‌ ఆధారిత ఏజింగ్‌ క్లాక్స్‌ ద్వారా లెక్కించడం వీలవుతోందని పేర్కొన్నారు. అవయ­వాల్లోని కణాల పనితీరు తగ్గడం, డీఎన్‌ఏ దెబ్బతినడం వంటి ప్రక్రియల వల్ల శరీరంలో అవయవాల ఆరోగ్యం వేర్వేరు స్థాయిల్లో ఉంటోందన్నారు. ఈ సాంకేతికత ద్వారా భవిష్యత్తులో రాబోయే తీవ్రమైన అనారోగ్య సమస్యలను 10–15 ఏళ్ల ముందే ఊహించి అందుకు తగ్గ చికిత్సలు చేయడం వీలవుతుందని శాస్త్రవేత్తలు చెబుతున్నారు. ఉదాహరణకు ఒకరి మెదడు జీవసంబంధ వయసు వారి అసలు వయసు కంటే ఎక్కువగా ఉంటే వారికి మతిమరుపు వ్యాధి వచ్చే ప్రమాదం మూడు రెట్లు పెరుగుతుందని వివరిస్తున్నారు. అలాగే గుండె జీవవయసు వేగంగా పెరిగితే భవిష్య­త్తులో హృదయ స్పందనల్లో హెచ్చుతగ్గులు, గుండెపోట్ల ప్రమాదం ఎక్కువగా ఉండొచ్చని అంచనా వేస్తున్నారు. మూత్రపిండాల వయసు పెరిగిన కొద్దీ రక్తపోటు, మధుమేహం కాంప్లికేషన్లు పెరుగుతాయని వివరిస్తున్నారు.దీర్ఘాయువుకు కీలక సూత్రాలు » రోజూ ఒక గ్రాము ఒమేగా–3, 2000 ఇంటర్నేషనల్‌ యూనిట్ల విటమిన్‌–డి తీసుకోవడం, వారానికి మూడుసార్లు బరువులెత్తే వ్యాయామం చేస్తుంటే వృద్ధాప్య వేగం తగ్గుతుందని పరిశోధనలు చెబుతున్నాయి.» ఏరోబిక్‌ వ్యాయామం మెదడుకు రక్తప్రసరణను పెంచి జ్ఞాపకశక్తికి కీలకమైన హిప్పోకాంపస్‌ పరి­మా­ణాన్ని కాపాడుతుంది. కండరాల దృఢత్వం వృద్ధాప్యంలో వ్యక్తి స్వావలంబనకు తోడ్పడుతుంది. » షింగిల్స్‌ టీకా తీసుకోవడం వల్ల మతిమరుపు వచ్చే ప్రమాదం 20 శాతం మేర తగ్గుతుందని తేలింది. క్షీణించే అవయవానికి చికిత్సే లక్ష్యం..నిర్దిష్ట శారీరక స్థితి ఆధారంగానే అవయవ గడియారాల రీడింగ్స్‌ను అర్థం చేసుకోవాలి. వేగంగా క్షీణించే అవయవాన్ని ముందే గుర్తించి చికిత్స అందించటమే ప్రస్తుత లక్ష్యం. వయోభారాన్ని తగ్గించే ఔషధాలు వాడితే అవి రోగనిరోధక శక్తిని తగ్గించే అవకాశం ఉన్నందున వయోభారాన్ని తగ్గించే సహజ పద్ధతులను పాటించడమే ఆరోగ్యానికి మేలు చేస్తుంది. – దీపక్‌ కుమార్‌ సైనీ, ఐఐఎస్‌సీ ప్రొఫెసర్, వృద్ధాప్య ప్రక్రియపై అధ్యయనం చేస్తున్న భారత్‌ ప్రాజెక్ట్‌ సమన్వయకర్త

భారత రాజకీయ యవనికపై సరికొత్తగా దూసుకొచ్చిన ‘కాక్రోచ్‌ జనతా పార్టీ’ (సీజేపీ) దేశవ్యాప్తంగా సంచలనం సృష్టిస్తోంది. విలక్షణ వ్యూహాలతో అతి తక్కువ కాలంలోనే ప్రజల దృష్టిని ఆకర్షించింది. కేంద్ర ఎన్నికల కమిషన్‌లో పూర్తిస్థాయిలో ప్రక్షాళన జరగాల్సిందేనని సీజేపీ దక్షిణ భారత ప్రతినిధి, మీడియా విభాగం లీడ్‌ విజయ్‌ మల్లంగి ‘సాక్షి’కి ఇచ్చిన ఇంటర్వ్యూలో చెప్పారు. 2029లోపు దేశంలో ప్రభుత్వాన్ని జవాబుదారీ చేస్తామని ధీమాగా వెల్లడించారు. సంప్రదాయరాజకీయ సమీకరణాలను తిరగరాస్తూ, సామాన్యుడి గొంతుకగా మారతామని చెబుతున్న ఈ పార్టీ ప్రస్థానం, తెలుగు రాష్ట్రాల్లో చేపట్టబోయే కార్యాచరణ గురించి ఆయన మాట్లాడారు. – సాక్షి, హైదరాబాద్‌సాక్షి: ఏపీలో డీఎస్సీ అవకతవకల గురించి పెద్ద యుద్ధమే జరుగుతోంది. మీ పార్టీ తరఫున ఏం చేయాలనుకుంటున్నారు? విజయ్‌: డీఎస్సీలో స్పోర్ట్స్‌ కోటాలో అవకతవకలు, పోలీస్‌ నియామకాలు, ఇతర స్థానిక సమస్యలు మా దృష్టికి వచ్చాయి. నిరసన తెలిపినందుకు మా జోనల్‌ కోఆర్డినేటర్‌ నిమ్మకాయల భాస్కర్‌ మీద కేసు పెట్టారు. ఏ ఒక్కరు నిరసన తెలిపినా వాళ్లపై కేసులు పెట్టి వేధిస్తున్నారు. ప్రభుత్వానికి వ్యతిరేకంగా ఏం మాట్లాడినా సోషల్‌ మీడియా పేజీల­ను తీసిపడేస్తున్నారు. ప్రభుత్వానికి వ్యతిరేకంగా ఏం చెప్పి­నా మెటా నోటీసులు వస్తున్నాయి. ప్రజాస్వామ్యంలో ఇలాంటివి తగదు. జర్నలిస్టులపైనా దాడులు జరుగుతున్నాయి. అక్టోబర్‌ 3–5 మధ్య ఏపీలో పర్యటిస్తాం. బాధితులను కలుస్తాం. తదుపరి కార్యాచరణ చేపడతాం. తెలుగు రాష్ట్రాల్లో మీరు గుర్తించిన సమస్యలు? బడులు ఇంకా బాగుపడాలి. శానిటేషన్‌ పరంగా విద్యార్థులు చాలా ఇబ్బంది పడుతున్నారు. ఏజెన్సీ ప్రాంతాల్లో వచ్చే నెల పర్యటిస్తాం. తెలంగాణలో మధ్యాహ్న భోజనం సిబ్బంది వేతనాలు రూ.3వేల నుంచి రూ.12వేలు చేస్తామని హామీ ఇచ్చారు.. దీనిపై ప్రభుత్వానికి వినతిపత్రాన్ని ఇస్తాం. వరంగల్‌ ఎంజీఎం ఆస్పత్రిలో పెచ్చులు ఊడిపడి ఆరు మందికి గాయాలయ్యాయి. అసలు అలాంటివి జరగకూడదు. దానికి ఎదురుగా ఉన్న 24 అంతస్తుల వరంగల్‌ సూపర్‌ స్పెషాలిటీ హాస్పిటల్‌ పనులు నత్తనడకన సాగుతున్నాయి. సీఈసీ రాజీనామా చేయకపోతే మీరేం చేస్తారు? అక్టోబర్‌ 2 నుంచి దేశవ్యాప్తంగా ఉద్యమం చేపడతాం. ముఖ్యంగా ఎక్కడెక్కడైతే ఎస్‌ఐఆర్‌తో ప్రాంతీయ పార్టీలకు నష్టం చేకూరిందో అక్కడికి వెళతాం. 400 సీట్లు ఆశించిన బీజేపీకి 240 సీట్లు వచ్చాయి. దీంతో ఏదో విధంగా ప్రాంతీయ పార్టీల్లో ఉన్నవాళ్లని ఓడించాలని ఫిక్స్‌ అయ్యారు. ఆంధ్రప్రదేశ్, తమిళనాడు, పశ్చిమ బెంగాల్, మహారాష్ట్ర, ఢిల్లీలో ఇదే జరిగింది. ఇందుకోసం వ్యూహాత్మకంగా ఈసీని వాడుకున్నారు. దీనిపై అందరం కలిసి పోరాడాలి. రాజకీయాలను జెన్‌–జీ అర్థం చేసుకోగలదా? యువతకు ఆకాంక్షలు ఎక్కువ. జెన్‌ జీ ’నో’ చెప్పడం నేర్చుకుంది. ఎదిరించి, పోరాడి, ప్రశ్నించే వైఖరి కనిపిస్తోంది. కాబట్టి వాళ్లలో అంత రాజకీయ నైపుణ్యత అక్కర్లేదు. రాజకీయాలు ఉన్నవి మంచి కోసం. అది చేయనప్పుడు దాన్ని ప్రశ్నిస్తున్నారు. అది కూడా సృజనాత్మకంగా. వాళ్లు తమ ఐడెంటిటీని కొనసాగిస్తూ నిరసన చేస్తున్నారు. దేశంలో జెన్‌–జీ ఎలాంటి పాత్ర పోషించబోతోంది? 2029 ఎన్నికల కంటే ముందే మీరు చూడబోతున్నారు. ప్రభుత్వం ఎక్కువ జవాబుదారీతనంతో పని చేయబోతుంది. మేము స్కూళ్లు సందర్శించడం మొదలుపెడుతూనే ఉత్తరప్రదేశ్, హరియాణా, రాజస్తాన్‌లో ప్రభుత్వం పాఠశాలలకు నిధులు కేటాయించింది. ప్రజలు ప్రశ్నిస్తున్నారు. వారికి ఫలితం కావాలి. ప్రజలు అలసిపోయారు. యువతకు ఉద్యోగాలు కావాలి. ఎన్నికల సంస్కరణలు రావాలి. ఎన్నికల నిర్వహణ పాదర్శకంగా ఉండాలి. ఎవరు ఓటు వేయాలనేది ప్రభుత్వమే నిర్ణయిస్తోంది. దానిపై మీ కార్యాచరణ ఏంటి? ప్రజాస్వామ్యంలో ప్రభుత్వాన్ని ప్రజలు ఎన్నుకుంటారు. కానీ ప్రభుత్వం ప్రజలను ఎన్నుకోవడం విడ్డూరంగా ఉంది. కొన్ని నియోజకవర్గాల్లోనే సెలెక్టివ్‌గా ఆగమేఘాల మీద ఓట్లను తొలగిస్తున్నారు. ఎన్నికల కమిషన్‌ ఎజెండా ఏంటి? మారుమూల ప్రాంతాల్లో కూడా ఒక్క ఓటు ఉన్నా ఆయన ఓటు వేయడానికి మొత్తం యంత్రాంగం అంతా వెళ్లి నిలబడుతుంది. అలాంటిది ఒక్క ఓటు కూడా మిస్‌ అవ్వద్దు కదా. జనాలకు విశ్వాసం లేదు. బతికున్న వాళ్లను కూడా చనిపోయారని జాబితా నుంచి తీసేస్తున్నారు. ప్రభుత్వం ఎన్నికల కమిషన్‌ను గుప్పె­ట్లో పెట్టుకొని దొంగగా గెలవాలనుకుంటే లాభం లేదు. చీఫ్‌ ఎలక్షన్‌ కమిషనర్‌పై వచ్చిన ఆరోపణలపై విచారణ జరగాలి. ఆయన రాజీనామా చేయాలి. అసలు ఆయనను ఎవరు చేయనిచ్చారు ఇవన్నీ? ఎవరో అనుమతిస్తేనే కదా ఆయనకి ఇంత ధైర్యం వచ్చేది. ఇప్పుడు ఎవరో నింద మోపట్లేదు. 14 సార్లు మీటింగ్‌ జరిగితే 10 సార్లు తాము ఏకీభవించలేదని సాక్షాత్తు ఆయన పక్కనున్న ఇద్దరు ఎన్నికల కమిషనర్లే చెప్తున్నారు. భయంతో అధికారులు ఈ విషయాలను బయటకు చెప్పుకోలేకపోతున్నారు. భయాందోళనలకు గురిచేసే ప్రభు­త్వం ఉన్నప్పుడు మనం ఇంకా ఎక్కువగా దీనిపై పోరాడాలి.ప్రెజర్‌ గ్రూప్‌గానే ఉంటారా? రాజకీయ పార్టీగా అవతరిస్తారా? ఈ పొద్దు ప్రెజర్‌ గ్రూప్‌. రేపు ఏమవుతుందో తెలీదు. వలంటీర్స్‌ ఏం చెప్తే అది. నిరసన వల్ల నిజంగా మార్పు వస్తుందా? వచ్చింది కదా. ధర్మేంద్ర ప్రధాన్‌ ‘రాజీనామా చేయను’ అన్నారు. ఈ ప్రభుత్వంలో రాజీనామాలే జరగవన్నారు. అలాంటిది చేయాల్సి వచ్చింది. ఇప్పుడు భయంతో పని చేస్తున్నారు. మీకు ఒక ఆఫీస్‌ అంటూ లేదు. మరి ఎలా రన్‌ చేస్తారు? గూగుల్‌ మీట్, జూమ్‌ కాల్, ఫోన్, వాట్సాప్‌.. మాకు ఇవి చాలు. మీరు రాజకీయ పార్టీగా మారితే ఎజెండా ఏంటి? ఇప్పటికిప్పుడైతే పార్టీగా మారే ఆలోచన, ఆసక్తి లేవు. ప్రజలు, వలంటీర్లు మమ్మల్ని ఎలా చూడాలన్న దానిపైనే ఆధారపడి ఉంటుంది. విపక్ష ఇండియా కూటమితో చేతులు కలిపే అవకాశం ఉందా? ఇండియా అలయన్స్‌ అని సెపరేట్‌గా ఏం లేదు. ఏ పార్టీతోనూ పొత్తు లేదు. ఇండియా మొత్తం మా అలయన్సే.

జమ్మూకు చెందిన 27 ఏళ్ల కెప్టెన్‌ హన్స్‌జా శర్మ భారత సైనికచరిత్రలో సరికొత్త అ«ధ్యాయాన్ని రాశారు. ఇండియన్‌ ఆర్మీకి చెందిన సాయుధ హెలికాప్టర్‌ ‘రుద్ర’ను నడిపే అర్హత సాధించిన తొలి మహిళా పైలెట్‌గా ఆమె చరిత్రకెక్కారు. నాసిక్‌లోని కంబాట్‌ ఆర్మీ ఏవియేషన్‌ ట్రైనింగ్‌ స్కూల్‌లో జరిగిన అత్యంత కఠినమైన శిక్షణలో టాపర్‌గా నిలిచి, ప్రతిష్ఠాత్మక ‘సిల్వర్‌ చీతా ట్రోఫీ’ అందుకున్న తొలి మహిళగా హన్స్‌జా రికార్డు సృష్టించారు.తన ప్రయాణం అంత సులువు కాదు... ‘హన్స్‌జా జర్నీ అంత సులువు కాదు. వృత్తి రీత్యా జర్నలిస్ట్‌గా ఉంటూ సింగిల్‌ మదర్‌గా నేను చాలా సవాళ్లను ఎదుర్కొన్నా. నా కూతురు కెరీర్‌ కోసం ఉన్నదంతా అమ్మేశా. చిన్నప్పటి నుంచే హన్స్‌జా ఫ్లైయింగ్‌ అంటే ఆసక్తి చూపేది. తన గది గోడలపై కూడా నిన్ను నువ్వు కఠినంగా పరీక్షించుకో..అని రాసుకునేది. రిక్రూట్‌మెంట్‌ సమయంలో మెడికల్‌ గ్రౌండ్స్‌లో ఒకసారి టెంపరరీ రిజెక్షన్‌కు గురైంది. కాని పట్టుదలతో 15 రోజుల్లోనే ముక్కుకి సర్జరీ చేయించుకుని పరీక్షలను ఎదుర్కొని సెలెక్ట్‌ అయ్యింది. ఎన్ని ఇబ్బందులు వచ్చినా తట్టుకుని నిలబడింది ’– రుష్మి శర్మ, హన్స్‌ జా శర్మ తల్లి.

లక్నో: ఉత్తర్‌ప్రదేశ్‌లో 2027 అసెంబ్లీ ఎన్నికలకు సీట్ల సర్దుబాటుపై కాంగ్రెస్‌, సమాజ్‌వాదీ పార్టీ (ఎస్పీ) మధ్య వచ్చే నెలలో చర్చలు ప్రారంభం కానున్నాయి. కాంగ్రెస్‌ 403 అసెంబ్లీ స్థానాల్లో 150 స్థానాలను కోరాలని నిర్ణయించుకున్నట్లు ఆ పార్టీ వర్గాలు తెలిపాయి. అయితే తుది సీట్ల పంపకంపై కాంగ్రెస్‌ అగ్ర నేత రాహుల్‌ గాంధీ, ఎస్పీ అధ్యక్షుడు అఖిలేశ్‌ యాదవ్‌ నిర్ణయం తీసుకోవాల్సి ఉంటుంది.యూపీలోని మొత్తం 403 అసెంబ్లీ నియోజకవర్గాలను కాంగ్రెస్‌ మూడు విభాగాలుగా విభజించినట్లు సమాచారం. వీటిలో 150 స్థానాలను తొలి ప్రాధాన్య విభాగంలో చేర్చింది. పొత్తు చర్చల్లో ఈ స్థానాలను కోరనుంది. అయితే తుది ఒప్పందంలో తమకు దక్కే స్థానాల సంఖ్య 100 కంటే తక్కువగా ఉండకూడదని కాంగ్రెస్‌ నేతలు భావిస్తున్నట్లు పార్టీ వర్గాలు తెలిపాయి.ఇబ్బందులు తలెత్తకుండా జాగ్రత్త పొత్తు ఖరారైన తర్వాత అభ్యర్థుల ఎంపికలో ఇబ్బందులు తలెత్తకుండా ముందుగానే పార్టీ బలాబలాలు, అభ్యర్థుల అవకాశాలను గుర్తించే ప్రక్రియను కాంగ్రెస్‌ చేపట్టింది. రాష్ట్రంలోని మొత్తం 403 స్థానాల్లో పార్టీ సంస్థాగతంగా బలోపేతం కావడంపై దృష్టి పెట్టింది. దళితులు, బ్రాహ్మణులతో పాటు అత్యంత వెనుకబడిన వర్గాల్లో మద్దతు పెంచుకునే ప్రయత్నాలు చేస్తోంది. మైనారిటీ విభాగం అధ్యక్షుడు ఇమ్రాన్‌ ప్రతాప్‌గఢీకి ఈ ప్రయత్నాల్లో కీలక బాధ్యతలు అప్పగించింది.మరోవైపు అఖిలేశ్‌ యాదవ్‌ ఇటీవల రాయ్‌బరేలీ నుంచి ‘పీడీఏ రథయాత్ర’ ప్రారంభించారు. వెనుకబడిన వర్గాలు, దళితులు, మైనారిటీలను లక్ష్యంగా చేసుకున్న ఈ యాత్రను రాహుల్‌ గాంధీ ప్రాతినిధ్యం వహిస్తున్న లోక్‌సభ నియోజకవర్గం నుంచి ప్రారంభించడం ప్రాధాన్యం సంతరించుకుంది. కాంగ్రెస్‌తో పొత్తు కొనసాగుతుందని అఖిలేశ్‌ స్పష్టం చేశారు. 2024 లోక్‌సభ ఎన్నికల్లో యూపీలో ఎస్పీ 37, కాంగ్రెస్‌ 6 స్థానాలు గెలుచుకున్నాయి. రెండు పార్టీలు కలిసి 43 స్థానాలు సాధించాయి. 2019లో ఎస్పీకి 5, కాంగ్రెస్‌కు ఒక స్థానం మాత్రమే దక్కింది. 2027 ఫిబ్రవరి-మార్చిలో యూపీ అసెంబ్లీ ఎన్నికలు జరిగే అవకాశం ఉంది. వచ్చే నెలలో ప్రారంభమయ్యే సీట్ల సర్దుబాటు చర్చల్లో కాంగ్రెస్‌ 150 స్థానాల డిమాండ్‌, తుది పొత్తు పరిమితులు కీలకంగా మారనున్నాయి.

సాక్షి, హైదరాబాద్‌: నగరంలోని ప్రఖ్యాతి­గాంచిన రెస్టారెంట్లలో ఆహార భద్రత ని­బంధ­నలు పాటించడం లేదని టీజీ సేఫ్‌ తనిఖీల్లో తేల్చారు. శనివారం గచ్చిబౌలి, మాదాపూర్, హైటెక్‌సిటీ, ప్రాంతాల్లో ప్రత్యే­కించి తనిఖీలు చేపట్టారు. మొత్తం 10 బృందాలుగా ఏర్పడి 20 రెస్టారెంట్లను పరిశీలించగా.. కొన్ని చోట్ల బొద్దింకలు, ఎలుకలు, పాడైన, కాలం చెల్లిన ఆహార పదార్థాలు గుర్తించారు. దీంతో 11 రెస్టారెంట్ల లైసెన్స్‌ రద్దు చేసినట్లు అధికా­రులు తెలిపారు. పరిశుభ్రత గగనమే..రెస్టారెంట్ల వంటగదుల్లో పరిశుభ్రత గగనంగా మారింది. ఫుడ్‌ హ్యాండ్లర్లు వ్యక్తిగత పరిశుభ్రత పాటించడంలేదు. కూరగాయల్లో ఫంగస్‌ కనిపించింది. ఆహారాన్ని సక్రమంగా నిల్వ చేయకపోవడం, రిఫ్రిజిరేటర్లలో వెజ్, నాన్‌వెజ్‌ పదార్థాలను కలిపి ఉంచడం వంటి ఉల్లంఘనలు గుర్తించారు. డ్రైనేజీ వ్యవస్థల నిర్వహణ సరిగా లేకపోవడం, జిడ్డుపట్టిన ఎగ్జాస్ట్‌లు, చిమ్నీలు, పొరలు ఊడిన గోడలు, పైకప్పులు, శుభ్రంగా లేని పాత్రలు కూడా తనిఖీల్లో బయటపడ్డాయి. అనుమానాస్పదంగా కనిపించిన 21 ఆహార నమూనాలను సేకరించారు. రామేశ్వరం కేఫ్, ఇష్టా, సాహిబ్స్‌ బార్బిక్యూ, పక్కా లోకల్, హోటల్‌ షాదాబ్, షా గౌస్‌ హోటల్‌ అండ్‌ రెస్టారెంట్‌లకు ఇంప్రూవ్‌మెంట్‌ నోటీసులు జారీ చేయనున్నారు. మరో మూడు సంస్థలకు షోకాజ్‌ నోటీసులు ఇచ్చి జరిమానాలు విధించనున్నామన్నారు.11 రెస్టారెంట్లపై కొరడాటీజీ సేఫ్‌ అధికారుల తనిఖీల్లో ఆహార భద్రత నిబంధనలు పాటించని 11 రెస్టారెంట్ల లైసెన్సులను రద్దు చేశారు. తక్షణం కార్యకలాపాలు నిలిపివేయాలని ఆదేశించారు. లైసెన్స్‌ రద్దు అయిన రెస్టారెంట్లలో మోనాస్టరీ, శివానీ ది రెస్టారెంట్‌ అండ్‌ బార్, అల్‌ సబా, లక్కీ మల్టీకుయిజిన్, సాయిరాం మెస్, ఉడిపీస్‌ ఉపహార్, కోల్‌ స్పార్క్, కాంచీ కేఫ్, అంతెరా కిచెన్‌ అండ్‌ బార్, అమాహా తెలుగు కిచెన్‌ అండ్‌ బార్, ఫ్యూజన్‌ 9/అమ్నీషియా స్కైబార్‌ ఉన్నాయి. మోనాస్టరీలో బొద్దింకలు, ఎలుకల బెడదతోపాటు ఫంగస్‌ పట్టిన కూరగాయలు, పాడైన గుడ్లు, కాలం చెల్లిన ఆహార పదార్థాలు గుర్తించినట్లు అధికారులు తెలిపారు. కోల్‌ స్పార్క్‌లో ఫంగస్‌ కనిపించిన 22 కిలోల వేరుశెనగలు, 25 కిలోల మిరియాలు, 8.9 కిలోల జీడిపప్పును అక్కడికక్కడే తొలగించారు. మరికొన్ని చోట్ల పాడైన కూరగాయలు, పురుగులు పట్టిన ముడిసరుకు, కాలం చెల్లిన పదార్థాలను పారబోశారు.

‘మా అమ్మాయిని కంటికి రెప్పలా కాపాడుకుంటాం’ అమ్మాయిల తల్లిదండ్రులు తరచూ చెప్పే మాట ఇది... కాని కొందరు అమ్మాయిలు ‘కంటికి రెప్పలా కాదు..దేశాన్ని రక్షించే కవచంలా మారుతాం.’ అని భావించారు. అలానే తమని తాము నిరూపించుకున్నారు. భారత రక్షణ దళంలో త్రివర్ణ పతాకం తలెత్తుకునేలా అప్రతిహత విజయాలను అందుకుంటున్నారు. నేడు ‘ఇంటర్నేషనల్‌ డాటర్స్‌ డే.’ ఈ సందర్భంగా సరిహద్దు రూపురేఖల్ని మార్చేసిన మన ధైర్యశాలులైన కూతుళ్ల అసాధారణ విజయాలు, వారికి వెన్నుదన్నుగా నిలిచిన తల్లిదండ్రుల స్ఫూర్తిదాయక ప్రయాణంపై ప్రత్యేక కథనం...ఉమెన్‌ టాప్‌గన్‌గా... భారత వైమానిక దళంలో మరచిపోలేని సంవత్సరంగా 2026 నిలిచింది. కంబాట్‌ మిషన్‌ నిర్వహించేందుకు మహిళా ఫైటర్‌ పైలట్‌ భావనాకాంత్‌ (33) అర్హత సాధించారు. ఈ ఏడాది గ్వాలియర్‌లోని టాక్టీస్‌ అండ్‌ ఎయిర్‌ కంబాట్‌ డెవలప్‌మెంట్‌ ఎస్టాబ్లిష్‌మెంట్‌లో అత్యంత కఠినమైన ఫైటర్‌ కంబాట్‌ లీడర్‌ కోర్సును పూర్తి చేసిన తొలి మహిళా అధికారిగా ఆమె చరిత్ర సృష్టించారు. అందుకే ఆమెను ‘ఇండియన్‌ ఫస్ట్‌ ఉమెన్‌ టాప్‌ గన్‌’గా అభివర్ణించారు.గర్వంగా ఉంది ‘భావన చిన్నప్పటి నుంచే ఫైటర్‌ పైలట్‌ కావాలని కలలు కనేది. కాని అది అబ్బాయిలు ఎంచుకునే కెరీర్‌. అయతే తన ఆలోచన భిన్నంగా ఉన్నందుకు నేను సంతోషించా. చిన్నప్పటి నుంచే తనకి ఫ్లైయింగ్‌ అంటే ఇష్టం. ఈరోజు భారత దేశంలో తొలి మహిళా టాప్‌గన్‌గా పేరు తెచ్చుకుంది. ఇంతకంటే గర్వకారణం ఇంకేముంటుంది?’– తేజ్‌ నారాయణ కాంత్, భావన తండ్రి

సాక్షి, హైదరాబాద్‌: తీవ్ర వాయుగుండం ప్రభావంతో గత వారం తగ్గుముఖం పట్టిన ఉష్ణోగ్రతలు క్రమంగా పెరుగుతున్నాయి. మేఘావృత పరిస్థితులు తగ్గడం, రాష్ట్రమంతటా పొడి వాతావరణం నెలకొంటుండడంతో ఉష్ణోగ్రతల తీవ్రత పెరుగుతోంది. ఫలితంగా రానున్న నాలుగు రోజుల పాటు రాష్ట్రంలో ఉష్ణోగ్రతలు సాధారణం, అంతకంటే కాస్త ఎక్కువగా నమోదయ్యే అవకాశం ఉన్నట్లు వాతావరణ శాఖ చెబుతోంది. శనివారం రాష్ట్రవ్యాప్తంగా సాధారణ ఉష్ణోగ్రతలే నమోదయ్యాయి. అంతకు ముందు రోజు(శుక్రవారం)ఉష్ణోగ్రతలతో పోలిస్తే...1.5 డిగ్రీ సెల్సియస్‌ నుంచి 6 డిగ్రీ సెల్సియస్‌ మేర ఉష్ణోగ్రతలు పెరిగినట్లు రాష్ట్ర ప్రణాళిక శాఖ గణాంకాలు చెబుతున్నాయి. రాష్ట్రవ్యాప్తంగా 30 డిగ్రీల నుంచి 34.3 డిగ్రీల మేర గరిష్ట ఉష్ణోగ్రతలు నమోదయ్యాయి. రానున్న నాలుగు రోజుల్లో గరిష్ట ఉష్ణోగ్రతలు 36డిగ్రీల నుంచి 38డిగ్రీల మేర నమోదు కావొచ్చని నిపుణులు చెబుతున్నారు. హైదరాబాద్‌లో 33 డిగ్రీ సెల్సియస్‌ నుంచి 36డిగ్రీ సెల్సియస్‌ మధ్య గరిష్ట ఉష్ణోగ్రతలు నమోదు కావొచ్చు. కాగా, నాలుగు రోజుల్లో నైరుతి రుతుపవనాల సీజన్‌ ముగుస్తుంది. ప్రస్తుతం నైరుతి రుతుపవనాల ఉపసంహరణ ప్రక్రియ కొనసాగుతోంది. గుర్దాస్‌పూర్, చండీగఢ్, ముజఫర్‌నగర్, అలీగఢ్, ధోల్‌పూర్, ఉదయ్‌పూర్, డిసా, నలియా నుంచి రుతుపవనాల ఉపసంహరణ కొనసాగుతోంది. అక్టోబర్‌ రెండో వారం కల్లా దేశవ్యాప్తంగా రుతుపవనాల ఉపసంహరణ ప్రక్రియ పూర్తయ్యే అవకాశం ఉంది. రానున్న నాలుగు రోజులకు తెలంగాణకు ప్రత్యేక భారీ వర్ష హెచ్చరికలు లేవని ఐఎండీ తెలిపింది. అక్కడక్కడా తేలికపాటి నుంచి మోస్తరు వర్షాలు కురుస్తాయని ప్రకటించింది. ఆది, సోమ వారాల్లో రాష్ట్రంలో సాధారణ ఉష్ణోగ్రతలు నమోదవుతాయని, ఆ తర్వాత గరిష్ట ఉష్ణోగ్రతలు మరింత పెరుగుతాయని వాతావరణ శాఖ అంచనాలు విడుదల చేసింది.

భద్రాచలంటౌన్‌/చర్ల/ములుగు: ఎగువన కురుస్తున్న భారీ వర్షాలతో గోదావరి నదికి వరద వస్తుండగా భద్రాచలం వద్ద నీటిమట్టం క్రమంగా పెరుగుతోంది. శుక్రవారం అర్ధ రాత్రి 12గంటలకు 19.80 అడుగులుగా ఉన్న నీటిమట్టం శనివారం మధ్యాహ్నం 2గంటలకు 24.30 అడుగులకు చేరింది. ఆదివారం 40 అడుగులకు చేరే అవకాశం ఉందన్న అంచనాలతో యంత్రాంగం అప్రమత్తమైంది. మరోవైపు గోదావరి నదికి ఒక్కసారిగా వరద పెరగడంతో పనులకు వెళ్లిన సుమారు 200మంది కూలీలు లంకలో చిక్కుకు న్నారు. భద్రాద్రి కొత్తగూడెం జిల్లా చర్ల మండలంలోని మొగళ్లపల్లి, జీపీపల్లి, వీరాపురం, సీ.కత్తిగూడెం, లింగాపు రం, గొంపల్లి, కొత్తపల్లి తదితర గ్రామాలకు చెందిన రైతు లకు ఆయా గ్రామాల సమీపంలోని గోదావరి లంకల్లో వ్యవసాయ భూములున్నాయి. అందులో మిర్చి సాగు చేస్తుండగా, సుమారు 200మంది కూలీలను శనివారం ఉదయం మిర్చి నారు నాటేందుకు తీసుకెళ్లారు. వ్యవసా య కూలీలు లంకల్లోకి వెళ్లిన తర్వాత వారు వెళ్లిన దారి మధ్యలో కి.మీ.పొడవైన పాయలోకి వరద ముంచెత్తింది. దీంతో కూలీలు ఆందోళనకు గురై ఫోన్‌లో తమ బంధు వులకు తెలపగా, వారు స్థానిక అధికారులకు సమాచారం అందించారు. ఈ మేరకు తహసీల్దార్‌ శ్రీనివాస్, సీఐ రాజువర్మ, ఎస్సైలు నర్సిరెడ్డి, కేశవ్‌ హుటాహుటీన వీరా పురం గోదావరి పాయ వద్దకు చేరుకుని స్థానికుల సహకా రంతో సహాయక చర్యలు చేపట్టారు. తేగడ, గొమ్ముగూడెం, లింగాల, జెట్టిగూడెం తదితర ప్రాంతాల్లో ఉన్న జాలర్లను రప్పించి పడవలతో వెళ్లి గోదావరి లంకల్లో చిక్కుకున్న వారందరినీ సురక్షితంగా ఒడ్డుకు తీసుకొచ్చారు. ములుగు జిల్లాలో గోదావరి వద్ద కూడా వరద క్రమేపీ పెరుగుతోంది. శనివారం వాజేడు మండలం పరిధిలోని టేకులగూడెం గ్రామ సమీపంలో రేగుమాకు ఒర్రె నుంచి 163 నంబర్‌ జాతీయ రహదారిపైకి వరద నీరు చేరడంతో తెలంగాణ, ఛత్తీస్‌గఢ్‌ రాష్ట్రాల మధ్య రాకపోకలు నిలిచిపోయాయి.కొంగవాగు సమీపంలో మిరప చేలు పూర్తిగా మునిగిపోయాయి. కాగా, ఏటూరునాగారం మండలం రామన్న గూడెం పుష్కరఘాట్‌ వద్ద శనివారం 13.8 మీటర్ల నీటి మట్టం నమోదైంది. తుపాకులగూడెం గ్రామ పరిధిలో గోదావరిపై ఉన్న సమ్మక్క సాగర్‌ బ్యారేజీలోకి శనివారం సాయంత్రం వరకు క్రమక్రమంగా పెరుగుతూ 7,28,700 క్యూసెక్కుల నీరు చేరుతోంది. దేవాదుల ఎత్తిపోతల వద్ద 82.20 మీటర్ల నీటి మట్టం కొనసాగుతోంది.

బాలీవుడ్‌ హీరో వివేక్‌ ఒబెరాయ్‌కు ఇద్దరు పిల్లలు. కుమారుడు వివాన్‌ వీర్‌. కుమార్తె అమేయ. అయితే ఆయన దత్తపుత్రిక పేరు ఇటీవల సోషల్‌ మీడియాలో బాగా వైరల్‌ అయింది. ఆమె పేరు సహారా షా. క్యాన్సర్‌ కోరల నుంచి బయటపడిన ఇరవైరెండేళ్ల షా తన మొదటి సినిమాకు సంతకం చేసింది.గత కొన్నేళ్లుగా, వివేక్‌ ఒబెరాయ్‌ క్యాన్సర్‌తో పోరాడుతున్న పిల్లలను దత్తత తీసుకొని చదువుతో పాటు చికిత్స ఖర్చులను భరిస్తున్నారు. రెండేళ్ల వయసు ఉన్నప్పుడు సహారాను దత్తత తీసుకున్నారు వివేక్‌.ఒక నేపాలి చిత్రంలో నటించే అవకాశం తన దత్తపుత్రికకు రావడం వివేక్‌ను సంతోషంలో ముంచెత్తింది. మరో విశేషం ఏమిటంటే... ఏవియేషన్‌లో సహారా ట్రైనింగ్‌ కూడా తీసుకుంది. కమర్షియల్‌ పైలట్‌ అయ్యే దిశగా అడుగులు వేస్తోంది.‘నాకు మీ ఆశీర్వాదం కావాలి. నా జీవితంలో మీరు ముఖ్యమైన భాగం. చిన్నప్పటి నుంచి మిమ్మల్ని చూస్తూ పెరిగాను. మీ అడుగు జాడల్లో నడవడానికి ప్రయత్నిస్తున్నాను. నా ప్రయాణంలో నేను సగం దూరం కూడా వెళ్లలేదు’ అని తండ్రిని ఉద్దేశించి అంటుంది సహారా షా.వివేక్‌ను ‘దాదా’ అని పిలుస్తుంది సహారా. తనకు ఎప్పుడూ అండగా నిలిచే దాదాకు ఇలా కృతజ్ఞతలు తెలియజేసింది... ‘యాక్టింగ్, డ్యాన్స్‌ ఏది చేసినా నన్ను మీరు బాగా ప్రోత్సహించారు. మీ ప్రోత్సాహం నాకు గొప్ప కలలు కనే ధైర్యాన్ని, ఆత్మవిశ్వాసాన్ని ఇచ్చింది. ఒకప్పుడు అసాధ్యమనిపించినవి మీ వల్లే సాధ్యమయ్యాయి. మీపై నాకు ఎంత ప్రేమాభిమానాలు ఉన్నాయో మాటల్లో చెప్పలేను’ సహారాను ఆ΄్యాయంగా హగ్‌ చేసుకున్నప్పుడు వివేక్‌ భావోద్వేగానికి గురయ్యారు. ‘నా సంతోషాన్ని మాటల్లో చెప్పలేను. గర్వంతో నా కళ్లు చెమర్చుతున్నాయి. రెండున్నరేళ్ల చిన్నారిగా, క్యాన్సర్‌తో పోరాడుతూ కీమోథెరపీ చేయించుకుంటున్నప్పుడు... ఎర్రబడిన కళ్లు, పాలిపోయిన ముఖంతో సహారా కనిపించిన దృశ్యం నాకు ఇప్పటికీ గుర్తుంది. సహారాలోని పోరాట పటిమను నేను చూశాను. తను నా వేలిని పట్టుకున్న తీరును చూసి కచ్చితంగా విజేత అవుతుంది అనిపించింది. తన కోసం నేను ప్రతిరోజూ ప్రార్థించేవాడిని. ఆమె క్యాన్సర్‌ను జయించింది. ఆమె పడిన కష్టానికి ఫలితం దక్కింది. సహారను చూసి గర్విస్తున్నాను’ అన్నారు వివేక్‌ ఒబేరాయ్‌.

సాక్షి, హైదరాబాద్‌: శ్రీరాంసాగర్‌ ప్రాజెక్టు (ఎస్‌ఆర్‌ఎస్‌పీ) నిర్మాణంలో భూ నిర్వాసితురాలికి 20 ఏళ్లుగా వ్యవసాయ భూమి కేటాయించకపోవడంపై హైకోర్టు తీవ్ర ఆశ్చర్యం వ్యక్తం చేసింది. ప్రత్యామ్నాయ వ్యవసాయ భూమిని కేటాయించి, ఆమెకు స్వాధీనం చేసినట్లు తదుపరి విచారణలో నివేదిక ఇవ్వాలని ప్రభుత్వాన్ని ఆదేశించింది. తదుపరి విచారణను అక్టోబర్‌ 13కు వాయిదా వేసింది. అయితే, రూ.10 లక్షల పరిహారాన్ని రద్దు చేయాలన్న ప్రభుత్వ అభ్యర్థనను ఆ తేదీన పరిశీలిస్తామని చెప్పింది. ఏళ్లు గడుస్తున్నా హద్దులు నిర్ణయించి తనకు భూమి అప్పగించకపోవడాన్ని సవాల్‌ చేస్తూ కరీంనగర్‌ జిల్లా మల్లాపూర్‌ మండలం కుస్తాపూర్‌కు చెందిన చిన్నమ్మ హైకోర్టును ఆశ్రయించింది. పిటిషన్‌ వివరాల మేరకు.. భూమి శ్రీరాంసాగర్‌ ప్రాజెక్టులో ముంపునకు గురైంది. పునరావాస, పునఃనిర్మాణ పథకం కింద ప్రత్యామ్నాయ వ్యవసాయ భూమి ఇవ్వాల్సి ఉండగా, 2006లో ఆమెకు ఒబ్లాపూర్‌–2లోని 2.01 ఎకరాల భూమికి డీ–1 పట్టా జారీ చేశారు. అయితే సరిహద్దులు నిర్ణయించి భూమిని ఆమెకు భౌతికంగా అప్పగించలేదు.తనకు కేటాయించిన భూమిలో ఇతరులు సాగు చేస్తున్నారని ఆమె అధికారులకు పలుమార్లు ఫిర్యాదు చేశారు. అయినా పరిష్కారం కాకపోవడంతో ఆమె హైకోర్టును ఆశ్రయించారు. దీనిపై విచారణ చేపట్టిన సింగిల్‌ జడ్జి.. నాలుగు నెలల్లో సాగుభూమి కేటాయించి స్వాధీనం ఇవ్వాలని ప్రభుత్వాన్ని ఆదేశించారు. అలాగే, ఆమె ఇప్పటివరకు రెండు ఎకరాల సాగుపై నష్టపోయిన రూ.10 లక్షలను, కోర్టు ఖర్చులను చెల్లించాలని స్పష్టం చేశారు. నివేదిక సమర్పించండి.. సింగిల్‌ జడ్జి తీర్పును సవాల్‌ చేస్తూ ప్రభుత్వం అప్పీల్‌ వేయగా, దీనిపై ప్రధాన న్యాయమూర్తి జస్టిస్‌ అపరేశ్‌కుమార్‌ సింగ్, జస్టిస్‌ వాకిటి రామకృష్ణారెడ్డి ధర్మాసనం విచారణ చేపట్టింది. ప్రభుత్వ న్యాయవా ది వాదనలు వినిపిస్తూ.. ప్రత్యామ్నాయ భూమి కేటాయించలేకపోవడానికి మూడో వ్యక్తి భూ మిపై ఉండటమే కారణమన్నారు. కేటాయింపు ప్రక్రి య కొనసాగుతోందని, రెండు వారాల్లో పూర్తి చేస్తా మని తెలిపా రు. అయితే, రూ.10 లక్షల పరిహారం ఆ దేశాన్ని తొలగించాలని కోరారు. వాదనలు విన్న ధర్మాసనం.. ప్రభుత్వ వైఖరిపై అసంతృప్తి వ్యక్తం చేస్తూ, రెండు వారాల సమయం ఇచ్చింది.

‘నా బిడ్డ ఇల్లు దాటి బయటికి అడుగు పెట్టగలదా? ఆమె రూపంపై ఎవరికి తోచినట్లు వారు కామెంట్లు చేస్తారా? ఆ క్రూరమైన వెక్కిరింపులను నా బిడ్డ భరించగలదా?అమ్మా, నేను ఫిల్మ్‌ ఇండస్ట్రీలోకి రావాలనుకుంటున్నాను... అని అడిగితే ఏ విధంగా సర్ది చెప్పాలి?ఒకవేళ ఫిల్మ్‌ ఇండస్ట్రీలోకి అడుగుపెడితే ఎన్ని రకాల వివక్షలు ఎదురవుతాయో, అసలు నా బిడ్డ భవిష్యత్‌ ఎలా ఉండబోతుందో?’.... సింగిల్‌ మదర్‌గా తన బిడ్డ మసాబా పెంపకంలో ప్రముఖ నటి నీనా గుప్తాకు ఇలాంటి సందేహాలు ఎన్నో ఎదురయ్యాయి. ఒత్తిడితో మనసు అల్లకల్లోలం అయ్యేది. ‘ఇలా నిరుత్సాహపడితే,ప్రతికూల ఆలోచనలలో మునిగిపోతే... బిడ్డ భవిష్యత్‌ ఏం అవుతుంది?’ అని ఆలోచించిన నీనా గుప్తా తనలో ప్రతికూల ఆలోచనల స్థానంలో, సానుకూల ఆలోచనలు నింపుకుంది. కూతురి పెంపకంలో ఎదురైన సమస్యలను ధైర్యసాహసాలతో ఎదుర్కొంది. ‘చిన్నప్పుడు మసాబా చాలా సైలెంట్‌. స్కూల్‌లో తనను ఎవరైనా వెక్కిరించినా, వేధించినా నాకు చెప్పేది కాదు’ గతాన్ని గుర్తు తెచ్చుకున్నారు నీనాగుప్తా.కట్‌ చేస్తే...నీనా గుప్తా కూతురు మసాబా గుప్తా ఫ్యాషన్‌ డిజైనర్‌గా ప్రపంచవ్యాప్త గుర్తింపు తెచ్చుకుంది. ఫ్యాషన్‌ లేబుల్‌ ‘హౌజ్‌ ఆఫ్‌ మసాబా’కు ఫౌండర్‌గా విజయపథంలో దూసుకెళుతోంది. ‘మసాబా గుప్తా’ అనే పేరు వినిపిస్తే ఆమె తల్లి కళ్లలో గర్వం తొంగిచూస్తుంది. కూతురు గురించి గతాన్ని గుర్తు చేసుకున్నారు నీనా గుప్తా. ఆ విషయాలు ఆమె మాటల్లోనే...‘నేను టీవీ పనుల్లో బాగా బిజీగా ఉండేదాన్ని. అయినా సరే, మసాబా ఎప్పుడూ ఏ ఫిర్యాదు చేయలేదు. నేను ఇవ్వగలిగింది ఆమెకు ఇచ్చాను. తనలో ఎప్పుడూ అసంతృప్తి ఉండేది కాదు. ఆమె తండ్రి గురించి నేను ఎప్పుడూ చెడుగా మాట్లాడలేదు. నిజం చెప్పాను. అలా చెప్పడం వల్ల ఆమె సెక్యూర్‌గా ఫీల్‌ అయింది.మసాబా తన మనసులో మాట నాకు ఎప్పుడూ చెప్పేది కాదు. నాకు మాత్రం వేరే ఆందోళనలు ఉండేవి. ఆమె మొటిమల గురించి కావచ్చు, ఎక్కువసేపు టెన్నిస్‌ ఆడడం వల్ల చర్మంపై ప్రతికూల ప్రభావం చూపడం కావచ్చు. మొటిమల తీవ్రత ఎలా ఉండేదంటే, వాటి భయంతో ఇంటి నుంచి బయటికి రావడానికి మసాబా భయపడేది! మొటిమలకు సంబంధించి ముంబైలోని ప్రతి డెర్మటాలజిస్ట్‌ దగ్గరికి వెళ్లి ఉంటాను. కొందరు వైద్యులు మాత్రలు సూచించారు. అంత చిన్న వయసు అమ్మాయికి మాత్రలు వాడడం నాకు నచ్చలేదు. శరీరాకృతి కారణంగా స్కూల్లో మసాబాను కొందరు ‘కర్లీ టాప్‌’ అని పిలుస్తూ వేధించేవారనే విషయం తెలిసి బాధపడ్డాను. కానీ నా బిడ్డ ఒక ఫైటర్‌. ఎప్పుడూ తలవంచదు. ఓటమి అంగీకరించదు!నేను సినిమా ఫీల్డ్‌లో ఉన్నాను. మసాబా ఫ్రెండ్స్‌కు సినిమా ఫీల్డ్‌లో ఎంతోమంది తెలుసు. అయితే ఆ పరిచయాలేవీ మసాబా సినిమా ఫీల్డ్‌లోకి అడుగు పెట్టడానికి సరిపోలేదు. సన్నగా, తెల్లగా ఉండే మహిళలను ఆరాధించే సినీ పరిశ్రమలో మసాబాకు చోటు లేదు అనిపించింది. ఉన్న విషయం చెబితే ఆమెకు మనోవేదన కలుగుతుందని తెలుసు. అందుకే... మసాబాను సంగీతంతో సహా ఇతర రంగాల వైపుకు తీసుకెళ్లడానికి ప్రయత్నించాను.చివరికి మసాబా ఫ్యాషన్‌ను ఎంచుకుంది. ఫ్యాషన్‌ ప్రపంచంలో తనకంటూ పెద్ద బ్రాండ్‌ను సృష్టించుకుంది.’

తిరువనంతపురం: వచ్చే ఏడాది ప్రతిష్టాత్మక వన్డే ప్రపంచకప్‌ జరగనున్న నేపథ్యంలో భారత జట్టు 50 ఓవర్ల ఫార్మాట్‌పై ప్రత్యేక దృష్టి పెట్టింది. ఇందులో భాగంగా సొంతగడ్డపై వెస్టిండీస్‌తో వన్డే సిరీస్‌కు సిద్ధమైంది. మూడు మ్యాచ్‌ల సిరీస్‌లో భాగంగా ఆదివారం భారత్, విండీస్‌ మధ్య తొలి పోరు జరగనుంది. టి20, టెస్టు ఫార్మాట్‌లకు వీడ్కోలు పలికి కేవలం వన్డేల్లోనే కొనసాగుతున్న స్టార్‌ ప్లేయర్లు విరాట్‌ కోహ్లి, రోహిత్‌ శర్మపై అందరి దృష్టి నిలవనుంది. ఈ ఏడాది ఆడిన మూడు వన్డే సిరీస్‌ల్లో రెండింట ఓడిన శుబ్‌మన్‌ గిల్‌ సారథ్యంలోని టీమిండియా... స్టార్‌ పేసర్‌ జస్‌ప్రీత్‌ బుమ్రా, పేస్‌ ఆల్‌రౌండర్‌ హార్దిక్‌ పాండ్యా లేకుండానే బరిలోకి దిగనుంది. వన్డేల్లో 15 వేల పరుగుల మైలురాయి అందుకునేందుకు మరో 59 పరుగుల దూరంగా ఉన్న విరాట్‌ కోహ్లి... ఈ మ్యాచ్‌తోనే ఆ ఘనత ఖాతాలో వేసుకుంటాడా చూడాలి. పాండ్యా గైర్హాజరీలో ఆంధ్ర ఆల్‌రౌండర్‌ నితీశ్‌ కుమార్‌ రెడ్డి ఎలాంటి ప్రదర్శన కనబరుస్తాడనేది కీలకంగా మారింది. ‘హిట్‌మ్యాన్‌’ రోహిత్‌తో కలిసి కెప్టెన్‌ గిల్‌ ఇన్నింగ్స్‌ ఆరంభించనున్నారు. యశస్వి జైస్వాల్‌ మరికొంతకాలం ఎదురుచూడక తప్పదని బ్యాటింగ్‌ కోచ్‌ సీతాన్షు కొటక్‌ అన్నాడు. ఆసియా క్రీడల కోసం శ్రేయస్‌ అయ్యర్‌ జపాన్‌లో ఉండటంతో నాలుగో స్థానంలో రుతురాజ్‌ గైక్వాడ్‌ బరిలోకి దిగనున్నాడు. కేఎల్‌ రాహుల్, రవీంద్ర జడేజా, నితీశ్‌తో బ్యాటింగ్‌ లైనప్‌ పటిష్టంగా ఉంది. బౌలింగ్‌లో సిరాజ్, ప్రసిధ్‌తో పాటు మూడో పేసర్‌గా ఎవరిని ఎంపిక చేస్తారనేది ఆసక్తికరం. గుర్‌నూర్‌ బ్రార్, ఆఖిబ్‌ నబీలో ఒకరికి అవకాశం దక్కొచ్చు. స్పెషలిస్ట్‌ స్పిన్నర్‌గా కుల్దీప్‌ ఎంపిక ఖాయం. మరోవైపు ఈ ఫార్మాట్‌లో పెద్దగా ఆకట్టుకోలేకపోతున్న వెస్టిండీస్‌... వచ్చే ఏడాది జరగనున్న వరల్డ్‌కప్‌నకు నేరుగా అర్హత కూడా సాధించలేకపోయింది. మరి ఇలాంటి దశలో పటిష్టమైన టీమిండియాకు విండీస్‌ ఏమాత్రం పోటీనిస్తుందో చూడాలి. 2002 నుంచి కరీబియన్‌ జట్టు భారత్‌లో వన్డే సిరీస్‌ గెలవలేదు. పిచ్‌ పేస్‌కు సహకరించే అవకాశాలున్నాయి. మ్యాచ్‌కు వర్షం ముప్పు ఉంది. ఇదే చివరి ప్రపంచకప్‌: కోహ్లి తిరువనంతపురం: వచ్చే ఏడాది జరగనున్న వన్డే ప్రపంచకప్‌ తన కెరీర్‌లో దేశం తరఫున ఆడే చివరి వరల్డ్‌కప్‌ అని భారత స్టార్‌ బ్యాటర్‌ విరాట్‌ కోహ్లి వెల్లడించాడు. ఆ ట్రోఫీ గెలుచుకునేందుకు మైదానంలో సర్వశక్తులు ఒడ్డుతానని పేర్కొన్నాడు. 2011లో మహేంద్రసింగ్‌ ధోనీ సారథ్యంలో వన్డే ప్రపంచకప్‌ గెలిచిన భారత జట్టులో సభ్యుడైన విరాట్‌... వెస్టిండీస్‌తో వన్డే సిరీస్‌కు ముందు తన మనసులో మాట వెల్లడించాడు. ‘టీమిండియా తరఫున నేను ఆడబోయే చివరి ప్రపంచకప్‌ ఇదే. అదే నాకు ప్రధాన ప్రేరణ. గ్రౌండ్‌లో సర్వస్వం ధారపోయాలనేదే నా లక్ష్యం. కచ్చితంగా ప్రపంచకప్‌ గెలవడమే ధ్యేయం. దాని కోసం ఎంతటి కష్టాన్ని భరించేందుకైనా నేను సిద్ధమే. వన్డే వరల్డ్‌కప్‌లో ఉండే తీవ్రత మరే ఇతర టోర్నీలో ఉండదు’ అని కోహ్లి వెల్లడించాడు.

భారత కబడ్డీ జట్లు నిరాశపర్చలేదు...ఆసియా క్రీడల్లో తమ స్థాయిని మళ్లీ చూపిస్తూ పురుషుల, మహిళల కబడ్డీ టీమ్‌లు తమ స్వర్ణాలను నిలబెట్టుకున్నాయి. అథ్లెటిక్స్‌లో కూడా భారత్‌ మూడు పతకాలతో మెరిసింది. మారథాన్‌ సావన్‌ అనూహ్యంగా రజతాన్ని అందించగా, షాట్‌పుటర్‌ తజీందర్‌ కూడా సిల్వర్‌ను తన ఖాతాలో వేసుకున్నాడు. మరో వైపు ప్రాచి కూడా ఏషియాడ్‌లో వరుసగా రెండో పతకాన్ని అందుకోగా...సీనియర్‌ స్క్వాష్‌ స్టార్‌ జోష్న తన భాగస్వామి సెంథిల్‌తో కలిసి కంచు మోత మోగించింది. ఓవరాల్‌గా ఏడో రోజు 7 పతకాలతో భారత బృందం మురిపించగా... బ్యాడ్మింటన్, బాక్సింగ్‌లలో మిశ్రమ ఫలితాలు వచ్చాయి.హోరాహోరీ పోరులో... మహిళల కబడ్డీలో భారత జట్టు తమ స్వర్ణ పతకాన్ని నిలబెట్టుకుంది. చివరి వరకు ఉత్కంఠభరితంగా సాగిన ఫైనల్లో భారత్‌ 37–34 పాయింట్ల తేడాతో ఇరాన్‌పై విజయం సాధించింది. ఈ క్రీడల్లో ఇప్పటి వరకు ఆడిన అన్ని మ్యాచ్‌లలో ఏకపక్ష విజయాలు సాధించిన భారత్‌కు తుది పోరులో మాత్రం పోటీ ఎదురైంది. తొలి అర్ధ భాగం ముగిసేసరికి భారత్‌ 22–16తో ఆధిక్యంలో నిలిచింది. వీటిలో 16 రెయిడ్‌ పాయింట్లు సాధించిన జట్టు 3 బోనస్‌ పాయింట్లు, ఒక ఆలౌట్‌ను స్కోర్‌ చేసింది. అయితే రెండో అర్ధ భాగంలో కోలుకొని వరుసగా పాయింట్లు సాధించిన ఇరాన్‌ గట్టి పోటీనిస్తూ స్కోరును దాదాపు సమంగా 26–27 వద్దకు తీసుకొచ్చింది. అయితే ఈ దశలో ఒత్తిడిని అధిగమిస్తూ సంజు దేవి సూపర్‌ రైడ్‌తో మన జట్టు మళ్లీ ముందంజ వేసింది. ఆ తర్వాత కెప్టెన్‌ పుష్ప రాణా ప్రత్యర్థిని ఆలౌట్‌ చేయడంలో కీలక పాత్ర పోషించడంతో జట్టుకు పట్టు చిక్కింది. ఈ దశలో ఇరాన్‌ సూపర్‌ టాకిల్‌తో కొంత పోరాడినా... చివరకు భారత మహిళలదే పైచేయి అయింది. 2010 ఆసియా క్రీడల్లో మహిళల కబడ్డీని మొదటి సారి ప్రవేశపెట్టిన తర్వాత భారత్‌కు ఇది నాలుగో స్వర్ణం కావడం విశేషం. 2010, 2014, 2022, 2026లలో భారత్‌ పసిడి గెలవగా, 2018లో మాత్రం ఇరాన్‌కు బంగారు పతకం దక్కింది.పురుషులకు తొమ్మిదో స్వర్ణం... కబడ్డీలో భారత పురుషుల జట్టు మరోసారి తమ ఆధిపత్యాన్ని ప్రదర్శించింది. ఆసియా క్రీడల చరిత్రలో ఏకంగా 9వ స్వర్ణాన్ని తమ ఖాతాలో వేసుకుంది. శనివారం జరిగిన ఫైనల్లో భారత్‌ 40–34 పాయింట్ల తేడాతో ఇరాన్‌ను ఓడించింది. జట్టులో అత్యంత అనుభవజ్ఞుడైన పవన్‌ సెహ్రావత్‌ లేకుండానే తుది పోరులో బరిలోకి దిగిన భారత్‌ ఆరంభంలో తడబడింది. అయితే అర్జున్‌ దేశ్వాల్, దేవాంక్‌ వరుస పాయింట్లు రాబట్టడంతో కోలుకుంది. అర్ధభాగం ముగిసే సరికి భారత్‌ 17–18తో వెనుకబడింది. అయితే రెండో అర్ధభాగంలో జట్టు మెరుగైన ప్రదర్శన కనబర్చింది. కీలక దశలో ప్రత్యర్థిని ఆలౌట్‌ చేయడంతో ఆధిక్యం 29–24కు పెరిగింది. సమయం దగ్గరవుతుండటంతో భారత్‌ దూకుడు తగ్గించి జాగ్రత్తపడింది. ఈ దశలో ఇరాన్‌ ఎంత ప్రయత్నించినా పాయింట్లు రాబట్టడంలో విఫలమైంది. 1990 ఆసియా క్రీడల్లో పురుషుల కబడ్డీని ప్రవేశపెట్టిన తర్వాత వరుసగా 7 స్వర్ణాలు గెలుచుకున్న భారత్‌ 2018 క్రీడల్లో కాంస్యానికి పరిమితమైంది. అయితే 2022లో మళ్లీ పసిడిని అందుకున్న మన బృందం ఈ సారి దానిని నిలబెట్టుకుంది.తజీందర్‌ వెండి వెలుగులు... ఆసియా క్రీడల్లో వరుసగా మూడో స్వర్ణం సాధించే లక్ష్యంతో బరిలోకి దిగిన భారత అథ్లెŠట్‌ తజీందర్‌పాల్‌ సింగ్‌ తూర్‌ కల నెరవేరలేదు. శనివారం జరిగిన పురుషుల షాట్‌పుట్‌ ఈవెంట్‌లో తజీందర్‌ రజత పతకాన్ని సొంతం చేసుకున్నాడు. గుండును అతను 20.64 మీటర్ల దూరం విసిరాడు. ఇరాన్‌ అథ్లెట్‌ మొహమ్మద్‌ రెజా (20.81 మీటర్లు) స్వర్ణం గెలుచుకోగా, మొహమ్మద్‌ తొలు (సౌదీ అరేబియా–20.48 మీటర్లు) కాంస్యం అందుకున్నాడు. పంజాబ్‌కు చెందిన తూర్‌ 2018, 2022 ఆసియా క్రీడల్లో స్వర్ణ పతకాలు సాధించాడు. ప్రాచి చౌదరికి కాంస్యం గత ఆసియా క్రీడల్లో మహిళల 4్ఠ400 మీటర్ల రిలేలో రజతం సాధించిన భారత అథ్లెట్‌ ప్రాచి చౌదరి ఈ సారి వ్యక్తిగత విభాగంలో పతకాన్ని తన ఖాతాలో వేసుకుంది. మహిళల 400 మీటర్ల పరుగులో ప్రాచి కాంస్య పతకాన్ని గెలుచుకుంది. 53.21 సెకన్లలో పరుగు పూర్తి చేసిన ఉత్తరప్రదేశ్‌ అథ్లెట్‌ ప్రాచి మూడో స్థానంలో నిలిచింది. ఈ ఈవెంట్‌లో సల్వా నాసర్‌ (బహ్రెయిన్‌–49.29 సెకన్లు) స్వర్ణం సాధించగా, జెహ్రీ జరీ (ఇరాన్‌–52.38 సెకన్లు) రజత పతకాన్ని సొంతం చేసుకుంది. ఈ పోటీల బరిలోకి నిలిచిన మరో భారత అథ్లెట్‌ కిరణ్‌ పహల్‌ ఐదో స్థానంతో ముగించింది. సిల్వర్‌ సావన్‌పురుషుల మారథాన్‌ రేస్‌లో భారత్‌కు 44 ఏళ్ల తర్వాత పతకం లభించింది. అద్భుత ప్రదర్శనతో సత్తా చాటిన సావన్‌ బర్వాల్‌ రజత పతకం గెలుచుకున్నాడు. 42.195 కిలోమీటర్ల దూరాన్ని సావన్‌ 2 గంటల 11 నిమిషాల 37 సెకన్లలో పూర్తి చేసి రెండో స్థానంలో నిలిచాడు. జపాన్‌కు చెందిన ఇచిటకా యమషిత (2 గంటల 10 నిమిషాల 49 సెకన్లు) స్వర్ణం గెలుచుకోగా, ప్యూ ఫెంగ్‌ (చైనా – 2 గంటల 12 నిమిషాల 13 సెకన్లు)కు కాంస్యం దక్కింది. 1982 ఆసియా క్రీడల్లో హోసూర్‌ కుక్కప్ప సీతారన్‌ కాంస్యం గెలిచిన తర్వాత మారథాన్‌కు మళ్లీ ఇప్పుడే పతకం దక్కడం విశేషం. అంతకు ముందు 1951 ఆసియా క్రీడల్లో భారత అథ్లెట్లు ఛోటా సింగ్, సూరత్‌ సింగ్‌ మారథాన్‌లో స్వర్ణ, కాంస్యాలు నెగ్గారు. పతకాన్ని గెలిచే క్రమంలో సావన్‌ కొత్త జాతీయ రికార్డును కూడా నెలకొల్పాడు. గత ఏప్రిల్‌లోనే తానే నెలకొల్పిన 2 గంటల 11 నిమిషాల 58 సెకన్ల టైమింగ్‌ను అతను బద్దలు కొట్టాడు. ఈ రేస్‌లో పాల్గొన్న మరో భారత అథ్లెట్‌ కార్తీక్‌ కర్కేరా 17వ స్థానంతో ముగించాడు. హిమాచల్‌ప్రదేశ్‌లోని మండీ జిల్లా జోగీందర్‌ నగర్‌ సావన్‌ స్వస్థలం. అతని తండ్రి కుల్దీప్‌ ఢిల్లీలో డ్రైవర్‌గా పని చేశాడు. స్కూల్‌ గ్రౌండ్‌లో పరుగెడుతూ ఆసక్తి పెంచుతున్న సావన్‌ 14 ఏళ్ల వయసులోనే 1500 మీటర్ల పరుగులో శిక్షణ పొందాడు. 2015లో అండర్‌–18 కేటగిరీలో తొలిసారి జాతీయ స్థాయి పోటీల్లో పాల్గొన్న అతను మరో మూడేళ్ల తర్వాత ఫెడరేషన్‌ కప్‌లో 5000 మీటర్ల పరుగుతో తన సీనియర్‌ ప్రస్థానాన్ని మొదలు పెట్టాడు. లాంగ్‌ డిస్టెన్స్‌ రన్నింగ్‌లోనూ తనకంటూ ప్రత్యేక గుర్తింపు తెచ్చుకున్న సావన్‌... 2023లో దుబాయ్‌లో జరిగిన ఆసియా హాఫ్‌ మారథాన్‌ చాంపియన్‌షిప్‌లో కాంస్యం గెలిచి అందరి దృష్టినీ ఆకర్షించాడు. గత ఏడాది జాతీయ క్రీడల్లో 5,000 మీటర్లు, 10,000 మీటర్లలో స్వర్ణం సాధించిన సావన్‌ స్పోర్ట్స్‌ కోటాలో ఆర్మీలో ఉద్యోగం దక్కించుకున్నాడు. ప్రస్తుతం అమెరికాలోని కొలరాడో స్ప్రింగ్స్‌లో అతను శిక్షణ పొందుతున్నాడు.షూటింగ్‌లో మరో రజతం భారత్‌కు షూటింగ్‌ మరో పతకాన్ని అందించింది. మహిళల 50 మీటర్ల 3 పొజిషన్స్‌ టీమ్‌ ఈవెంట్‌లో మన జట్టు రజత పతకాన్ని గెలుచుకుంది. తిలోత్తమ సేన్, విదర్స వినోద్, ఆషి చోక్సీలతో కూడిన భారత జట్టు మొత్తం 1763 పాయింట్ల స్కోరుతో రెండో స్థానంలో నిలిచింది. ఈ పోరులో చైనా (1773 పాయింట్లు) స్వర్ణం సాధించగా, కజకిస్తాన్‌ (1754 పాయింట్లు) కాంస్యం సొంతం చేసుకుంది. ఇదే ఈవెంట్‌ వ్యక్తిగత విభాగంలోనూ మెరుగైన ప్రదర్శనే కనబర్చినా... భారత షూటర్లకు అదృష్టం కలిసి రాలేదు. తిలోత్తమ నాలుగో స్థానంతో విదర్స ఐదో స్థానంతో ముగించారు. ఈ ఆసియా క్రీడల మహిళల 10 మీ. ఎయిర్‌ రైఫిల్‌ టీమ్‌ ఈవెంట్‌లో రజతం సాధించిన విదర్సకు ఇది రెండో పతకం కాగా... ఆషి 2022 ఆసియా క్రీడల్లో ఒక రజతం, ఒక కాంస్యం నెగ్గింది.స్క్వాష్‌లో కాంస్య పతకంస్క్వాష్‌ మిక్స్‌డ్‌ డబుల్స్‌లో భారత్‌ కాంస్య పతకంతో సరిపెట్టుకుంది. భారత జోడి జోష్నా చిన్నప్ప–వెలవన్‌ సెంథిల్‌ కుమార్‌ శనివారం జరిగిన సెమీఫైనల్లో పరాజయంపాలైంది. హాంకాంగ్‌కు చెందిన టాంగ్‌ మింగ్‌ హాంగ్‌–లీ కా యి చేతిలో భారత ద్వయం 1–2 (10–11, 11–2, 10–11) స్కోరుతో ఓటమిని ఎదుర్కొంది. అయితే ఈ పోరు స్వల్ప వివాదంతో ముగిసింది. చెరో గేమ్‌ గెలిచిన తర్వాత మూడో గేమ్‌ కూడా హోరాహోరీగా సాగింది. 10–10తో స్కోరు సమంగా ఉన్న సమయంలో భారత్‌ పాయింట్‌ సాధించి సంబరాలు చేసుకుంది. అయితే భారత ద్వయం అరుస్తూ ప్రత్యర్థి ఏకాగ్రతను దెబ్బ తీశారంటూ రిఫరీ ఈ పాయింట్‌ను అనుమతించకుండా మళ్లీ ఆడించారు. ఈ సారి హాంకాంగ్‌ది పైచేయి కావడం జోష్నా–సెంథిల్‌ జోడి నిరాశగా వెనుదిరిగింది. నిజానికి 10–7తో ఆధిక్యంలో నిలిచిన భారత్‌ 3 మ్యాచ్‌ పాయింట్లు చేజార్చుకుంది. ఆసియా క్రీడల చరిత్రలో జోష్నాకు ఇది 6వ పతకం కావడం విశేషం. వరుసగా 2010, 2014, 2018, 2022, 2026లలో కలిపి ఆమె 2 రజతాలు, 4 కాంస్యాలు నెగ్గింది. సెంథిల్‌కు ఆసియా క్రీడల్లో ఇదే తొలి పతకం.

అనగనగా ఒక అత్త... ఒక కోడలు... వారి మధ్య కథ మొదలైతే... ఉప్పూ నిప్పూ... కన్నీళ్లూ కుట్రలూ.... బ్యాక్‌గ్రౌండ్‌ మ్యూజిక్‌తో... టీవీ స్క్రీన్‌ మీద సీరియళ్లు. కాని రిమోట్‌ మార్చే వేళయింది. అత్తా ఒకింటి అమ్మే... కోడలూ ఒకింటి కూతురే అన్నట్టు అత్తాకోడళ్లు జట్టు కడుతున్నారు. అత్తలో అమ్మను కోడలిలో కూతురిని చూసుకుంటున్నారు. కోడలే ఈకాలం కూతురు.మొన్న విజయవాడ పెళ్లిలో ఒక దృశ్యం...అత్తగారి చీర కుచ్చిళ్లు సర్దుతున్న కోడలు ‘నువ్వు సూపర్‌గా ఉన్నావ్‌ అత్తయ్య, ఒక ఫొటో దిగుదాం’ అని సెల్ఫీ దిగుతోంది. పక్కనే ఇంకో టేబుల్‌ దగ్గర అత్తాకోడళ్ల సంభాషణ... ‘రాత్రికి మళ్లీ వంటెందుకు అమ్మాయ్‌... స్విగ్గిలో చపాతి తెప్పిద్దాంలే’ అని అత్త అంటే ‘అదే బెస్ట్‌ అత్తయ్యా’ అని కోడలు అంటోంది.ఇప్పుడు కనిపిస్తున్న ఈ దృశ్యాలు 2016 అంటే పదేళ్ల కింద కూడా లేవు. అత్తాకోడళ్లంటే శత్రువులే అని సమాజం నమ్మేది... నమ్మించేది.... వాళ్లు కొట్లాడుకుంటే మనకే మంచిదన్నట్టు కుటుంబ రాజకీయాలు వర్ధిల్లేవి. ఇప్పుడు భారీ కుటుంబాలు లేవు. అమ్మగారింట్లో తల్లీదండ్రీ ఇద్దరు పిల్లలు. అత్తగారింట్లో తల్లీదండ్రీ ఇద్దరు పిల్లలు. అమ్మగారిల్లయినా అత్తగారిల్లయినా నలుగురు కుటుంబ సభ్యులే ప్రైమరీ యూనిట్‌. వీళ్ల మధ్య మళ్లీ యుద్ధాలు ఎందుకు... పేచీలు ఎందుకు... పోట్లాటలు ఎందుకు... వరుస మారినా బంధంలో అదే తీపి ఉంచుకోవచ్చుకదా అనుకుంటున్నారు. మారిన అత్తాకోడళ్ల ట్రెండ్స్‌ ఇలా ఉన్నాయి.ట్రెండ్‌ 1: మిత్రలాభం‘ఇద్దరూ బాగా ఫ్రెండ్సయినట్టున్నారు’ అని ఏదో సినిమాలో డైలాగ్‌. రాను రాను అత్తాకోడళ్లు ‘మిత్రలాభా’న్ని గ్రహిస్తున్నారు. ఒకప్పుడు ‘నా కొడుకుని నా నుంచి దూరం చేసింది’ అని ఫీల్‌ అయ్యే అత్తగారు ఇప్పుడు ‘నా కోడలు నా కొడుకు కంటే బాగా చూసుకుంటుంది‘ అని ఫీల్‌ అవుతోంది. అత్తా కోడళ్లకు ఇప్పుడు కామన్‌ టాపిక్‌ వంట కాదు... ఫైనాన్స్ ప్లానింగ్‌. ‘అత్తమ్మా, ఈ మ్యూచువల్‌ ఫండ్‌ బాగుందట’ అని కోడలు చె΄్తోంది. ‘మనిద్దరం కలిసి తిరుమల వెళదామా ఆయనకు కుదరపోతే’ అనేంత చనువు తీసుకుంటోంది. ఇద్దరూ కలిసి మార్నింగ్‌ వాక్, జిమ్‌ చేస్తున్నారు. వంట భారాన్ని ఇద్దరూ చెరి ఒక చేయి వేసి లాగించేస్తున్నారు. వీకెండ్‌ వస్తే ‘ఈరోజు వంటొద్దులే అత్తమ్మా, బయట తిందాం’ అని చెప్పే స్వేచ్ఛ కోడలికి ‘నువ్వు రెస్ట్‌ తీసుకోమ్మా‘ అని చెప్పే ప్రేమ అత్తమ్మకూ వచ్చింది.ట్రెండ్‌ 2: ఈగో కాదు, ఈక్వేషన్‌‘ఇగోలు పోతే ఇల్లు స్వర్గమే’ అన్నాడో సంసారి. ఒకప్పుడు అత్త ‘ఇది నా ఇల్లు... వీడు నా కొడుకు’ అనే ఇగోలో ఉండేది. ఇప్పుడు కోడలు సంపాదిస్తున్నది. చన్నీళ్లకు చన్నీళ్లు వేణ్ణీళ్లకు వేణ్ణీళ్లు అందిస్తోంది. ఆమె ప్రమేయం అనివార్యం అయ్యే కొద్దీ అత్తలో ‘నా ఇల్లు’ బదులు ‘మన ఇల్లు’ భావన వస్తోంది. అత్త కూడా పెన్షన్‌తోనో, సేవింగ్స్‌తోనో కొద్దో గొ΄్పో ఇండిపెండెంట్‌గా ఉంది కాబట్టి ‘ఆ ఒక్క ప్రాణం ఏం భారం’ అనుకోవడమూ ఉంది. దాంతో ‘ఎవరు గొప్ప?’ అని కాదు, ‘ఎలా బెటర్‌ గా ఉందాం?’ అనే ఆలోచన అత్తాకోడళ్లలో. ‘మా అత్తమ్మ నా వంటలో తప్పులు వెతకదు, నేర్చుకోవడానికి సాయం చేస్తుంది’ అని కోడలు చెబితే... ‘నా కోడలు ఆన్ లైన్‌ బ్యాంకింగ్, ఓటీటీ యాప్స్‌ వాడటం నేర్పిన గైడ్‌’ అంటోంది అత్త. ఇలా స్కిల్స్‌ షేర్‌ చేసుకోవడమే నేటి అత్తాకోడళ్ల బాండింగ్‌ సీక్రెట్‌.ట్రెండ్‌ 3: లోటు భర్తీచాలా మంది అత్తయ్యలు కొడుకు పెళ్లి నాటికి కూతురు పెళ్లి చేసేసి ఉంటారు. ఇంట్లో కూతురు లేని లోటు వారికి తెలుసు. కోడలు వస్తే కూతురు వయసు అమ్మాయి వచ్చినట్టే కదా. ‘నా కూతురు ఉంటే ఇలాగే చూసుకునేదాన్ని’ అని మనస్ఫూర్తిగా అనుకుంటున్నారు. కోడళ్లు కూడా తల్లిని వదిలి వచ్చిన బెంగను అత్త ప్రేమతో మర్చిపోతున్నారు. ‘అమ్మా’ అని పిలవడానికి మొహమాటం పోయింది. ఇంట్లో ఏదైనా చిన్న గొడవ జరిగితే కొడుకును పక్కన పెట్టి, కోడలి వైపు నిలబడి న్యాయం చేసే అత్తమ్మలు పెరిగినప్పుడు ఆ కోడలు ఆ ఇంటిని సొంత ఇంటిలా కాకుండా ఇంకేమని భావిస్తుంది? అందుకే ఇది కోడరికం కాదు, మరో అమ్మ ఒడి! ‘డాటర్స్‌ డే’ అంటే కన్న కూతురు గురించి మాత్రమే కాదు... ఇంటికి వచ్చిన కూతురు గురించి కూడా.సీరియల్స్‌లో చూపించే అత్తాకోడళ్లు ఎప్పుడో అవుట్‌ డేటెడ్‌. ఆ సంగతి తెలియక ఇంకా అలాంటి సబ్జెక్ట్సే తీస్తూ రోత పుట్టిస్తున్నారు. 2026లో నిజమైన అత్తాకోడళ్లంటే ఒకరి కష్టాన్ని ఒకరు అర్థం చేసుకునే సపోర్ట్‌ సిస్టమ్‌. ఆఫీస్‌ ప్రెజర్స్, డెడ్‌లైన్స్ ఉన్నప్పుడు కోడలికి వేడి కాఫీ అందిస్తూ... ‘నువ్వు ప్రెజెంటేషన్‌ మీద ఫోకస్‌ పెట్టు, ఇల్లు నేను చూసుకుంటా’ అని భరోసా ఇచ్చే అత్తమ్మలు మన చుట్టూ చాలామంది కనిపించడం లేదా? అత్త అమ్మ కావడం; కోడలు కూతురు కావడం... ఈ డాటర్స్‌డేకి ఇంతకంటే పెద్ద సెలబ్రేషన్‌ ఏముంటుంది? – కె

భారత టాప్‌ స్క్వాష్‌ ప్లేయర్‌ అనాహత్‌ సింగ్‌ సెమీఫైనల్‌ మ్యాచ్‌... సటోమీ వతనబె (జపాన్‌)తో జరుగుతున్న పోరులో తొలి రెండు గేమ్‌లు చేజారిపోయాయి. మూడో గేమ్‌లో కూడా 8–10తో ఓటమికి చేరువగా నిలిచింది. ఈ దశలో ఒక్కసారిగా చెలరేగి వరుసగా నాలుగు పాయింట్లు సాధించిన అనాహత్‌ ఆపై మరింత మెరుగైన ప్రదర్శనతో మ్యాచ్‌ను సొంతం చేసుకొని ఫైనల్లోకి అడుగు పెట్టింది.చివరకు 3–2 (9–11, 11–13, 12–10, 11–6, 11–3)తో అనాహత్‌ విజేతగా నిలిచింది. పురుషుల విభాగంలో భారత ఆటగాడు అభయ్‌ సింగ్‌ కూడా ఫైనల్‌కు చేరాడు. సెమీస్‌లో అభయ్‌ 3–0 (11–3, 12–10, 11–6)తో పాకిస్తాన్‌కు చెందిన ముహమ్మద్‌ ఇర్ఫాన్‌ను ఓడించాడు. స్క్వాష్‌ పురుషుల, మహిళల విభాగాల్లో విజేతలు 2028 ఒలింపిక్స్‌కు నేరుగా క్వాలిఫై అవుతారు. లక్ష్యసేన్‌ నిష్క్రమణ... బ్యాడ్మింటన్‌ మహిళల విభాగంలో పీవీ సింధు, ఉన్నతి హుడా క్వార్టర్‌ ఫైనల్లోకి ప్రవేశించారు. ప్రిక్వార్టర్స్‌లో సింధు 21–9, 21–13తో టొమొకా మియకాజి (జపాన్‌)ను ఓడించగా, ఉన్నతి హుడా కూడా ప్రిక్వార్టర్స్‌లో 21–19, 21–13తో వరల్డ్‌ నంబర్‌ 6 పుత్రి కుసుమ (ఇండోనేసియా)పై సంచలన విజయం సాధించింది. మహిళల డబుల్స్‌లో కూడా భారత జంట పుల్లెల గాయత్రి గోపీచంద్‌–ట్రెసా జాలీ 24–22, 21–18తో వరల్డ్‌ నంబర్‌ 3 మయు మట్సుమొటొ–యుకీ ఫుకుషిమాపై గెలుపొంది క్వార్టర్స్‌ చేరింది. అయితే పురుషుల విభాగంలో ఇద్దరు భారత ఆటగాళ్లు లక్ష్య సేన్, ఆయుశ్‌ శెట్టి కూడా పరాజయంతో నిష్క్రమించారు. లక్ష్యసేన్‌ 12–21, 21–15, 14–21తో లో కీన్‌ యు (సింగపూర్‌) చేతిలో, ఆయుశ్‌ 16–21, 21–19, 17–21తో చో టిన్‌ చెన్‌ (చైనీస్‌ తైపీ) చేతిలో పరాజయంపాలయ్యారు.

ఆసియా క్రీడల్లో జపాన్‌కు చెందిన 11 ఏళ్ల యుకీ కురిహారా సంచలనం ఆసియా క్రీడల్లో జపాన్‌కు చెందిన 11 ఏళ్ల యుకీ కురిహారా సంచలనం సృష్టించాడు. ఈ ఈవెంట్‌లో పాల్గొంటున్న అతి పిన్న వయస్కుడైన అతను ఇ స్పోర్ట్స్‌లో స్వర్ణ పతకం గెలుచుకున్నాడు. ఇ స్పోర్ట్స్‌లో భాగంగా ఉన్న ‘పుయో పుయో చాంపియన్స్‌’ ఈవెంట్‌లో అతను ఈ పసిడిని సొంతం చేసుకున్నాడు. ఫైనల్లో కురిహారా 10–2తో తనరక్‌ వాంగ్‌ (థాయిలాండ్‌)ను ఓడించాడు. పుయో పుయో చాంపియన్స్‌ ఒక రకమైన పజిల్‌ వీడియో గేమ్‌. ప్లే స్టేషన్‌ 4పై దీనిని ఆడవచ్చు. ప్రాధమిక పాఠశాలలో చదువుతున్న కురిహారా ఫైనల్లో ఓడించిన ప్రత్యర్థి వయసు 28 ఏళ్లు. దాంతో ఈ గెలుపు తర్వాత అతను కనీసం నవ్వలేదు కూడా! తన విజయాన్ని కూడా ఆస్వాదించలేకపోతున్నానని, దాదాపు మూడు రెట్లు ఎక్కువ వయసు ఉన్న వ్యక్తిపై గెలవడం తనకూ బాగా ఇబ్బందికరంగా ఉందని కురిహారా వ్యాఖ్యానించాడు. అయితే పతకం, దాంతో పాటు జ్ఞాపికగా ఇచ్చిన బొమ్మ చాలా బాగున్నాయని అతను సంతోషం ప్రకటించాడు. ‘పుయో పుయో’లో ఈ ఏడాది ఏప్రిల్‌లో ప్రొఫెషనల్‌ లైసెన్స్‌ అందుకున్న కురిహారా అప్పటినుంచే తనకంటే వయసులో ఎంతో పెద్దవాళ్లయిన ప్రత్యర్థులను వరుసగా ఓడిస్తూ వస్తున్నాడు. చదువును, ఆటలను సమన్వయం చేసుకోవడం చాలా కష్టంగా ఉందని ఈ జపాన్‌ అబ్బాయి చెప్పాడు.

సాక్షి, అమరావతి/నెహ్రూనగర్‌ (గుంటూరు ఈస్ట్‌): రెండేళ్లకు పైగా ప్రభుత్వానికి వివిధ రూపాల్లో తమ వినతులు తెలియజేసినా ఫలితం లేకపోవడంతో తమ పెండింగ్‌ సమస్యల పరిష్కారానికి గ్రామ, వార్డు సచివాలయ ఉద్యోగులు ఆదివారం (27న) విజయవాడలో భారీ ఎత్తున ‘ఛలో విజయవాడ’ ఆందోళనకు సిద్ధమయ్యారు. ఇక్కడకు చేరుకునేందుకు శనివారమే అన్ని జిల్లాల నుంచి వేలాది మంది ఉద్యోగులు తమ పనిచేసే చోటు నుంచి విజయవాడకు బయల్దేరినట్లు ఉద్యోగ సంఘ నేతలు తెలిపారు. అయితే, ఈ కార్యక్రమాన్ని అడ్డుకునేందుకు చంద్రబాబు ప్రభుత్వం ఉద్యోగులపై అన్ని రకాల నిర్బంధాలను ప్రయోగిస్తోందని ఉద్యోగ సంఘ నేతలు మండిపడుతున్నారు. వాస్తవానికి.. ఆదివారం ప్రభుత్వ ఉద్యోగులెవరికైనా సెలవే. కానీ, మూడ్రోజుల క్రితం కురిసిన వర్షాలను సాకుగా చూపి గ్రామ, వార్డు సచివాలయ ఉద్యోగులందరూ వారు పనిచేసే కేంద్రంలోనే తదుపరి ఆదేశాలు జారీచేసే వరకు అందుబాటులో ఉండాలంటూ శుక్రవారం ప్రభుత్వం ఆదేశించింది. ఉన్నతాధికారుల ముందస్తు అనుమతిలేకుండా ఎవరూ తాము పనిచేసే కేంద్రాన్ని వదిలి వెళ్లకూడదని ఆదేశాలు జారీచేయడంతో పాటు హెడ్‌క్వార్టర్‌లో అందుబాటులో లేని ఉద్యోగులపై చర్యలు తీసుకోవాలంటూ కలెక్టర్లకు సూచించింది. అయితే, ప్రభుత్వం ఎన్ని ఆంక్షలు పెట్టినా ఛలో విజయవాడ కార్యక్రమాన్ని విజయవంతం చేసి తీరుతామని ఉద్యోగ సంఘ నేతలు తేల్చి చెబుతున్నారు. తాజాగా గుంటూరులో వార్డు ఎమినిటీస్‌ సెక్రటరీ సస్పెన్షన్‌ మరోవైపు.. ఛలో విజయవాడ కార్యక్రమంలో ఉద్యోగులెవరూ పాల్గొనకుండా చేయాలన్న లక్ష్యంతో రెండ్రోజులుగా చంద్రబాబు సర్కారు గ్రామ, వార్డు సచివాలయ ఉద్యోగ సంఘ నేతలను సస్పెండ్‌ చేస్తోంది. ఈ కార్యక్రమంలో కీలకంగా వ్యవహరిస్తున్నారన్న ఆరోపణలు చేస్తూ శనివారం ఆంధ్రప్రదేశ్‌ గ్రామ, వార్డు సచివాలయ ప్రభుత్వోద్యోగుల సంఘం రాష్ట్ర అధ్యక్షుడు, గుంటూరులో వార్డు ఎమినిటీస్‌ సెక్రటరీ ఎస్‌కే అబ్దుల్‌ రజాక్‌ను నగర మున్సిపల్‌ కమిషనర్‌ కె.మయూర్‌ అశోక్‌ శనివారం సస్పెండ్‌ చేశారు. ‘చలో విజయవాడ’ పేరిట సోషల్‌ మీడియా గ్రూపుల్లో తోటి సిబ్బందిని రెచ్చగొట్టడంతో ఈ చర్యలు తీసుకున్నట్లు ఉత్తర్వుల్లో పేర్కొన్నారు. ఇవే ఆరోపణలతో విలేజీ సర్వేయర్స్‌ అసోసియోషన్‌ రాష్ట్ర అధ్యక్షుడు, శ్రీకాకుళం జిల్లా రణస్థలం మండలం జేఆర్‌ పురం సచివాలయ సర్వేయర్‌ బురాడ మధుబాబును శుక్రవారం ప్రభుత్వం సస్పెండ్‌ చేసిన విషయం తెలిసిందే. మరోవైపు.. గ్రామ, వార్డు సచివాలయ ఉద్యోగులు ఛలో విజయవాడ కార్యక్రమంలో పాల్గొనకుండా చేసేందుకు జిల్లాల్లో క్రియాశీలకంగా ఉండే ఉద్యోగులకు పోలీసులు ఫోనుచేసి హెచ్చరిస్తున్నారని ఉద్యోగ సంఘ నేతలు ఆరోపించారు. పైగా.. తమ కదలికలపై స్పెషల్‌ బ్రాంచ్‌ పోలీసులు నిఘా పెట్టినట్లు వారు చెబుతున్నారు. రెండు విడతల చర్చల్లో తేలకే.. ఇదిలా ఉంటే.. రెండేళ్లుగా వివిధ సందర్భాల్లో ప్రభుత్వానికి వినతిపత్రాలు అందజేస్తూ వస్తున్న ఉద్యోగులు తమ సమస్యలను ఈనెల 23కల్లా పరిష్కరించని పక్షంలో 24 నుంచి ప్రత్యక్ష కార్యాచరణను మొదలుపెట్టనున్నట్లు సచివాలయ ఉద్యోగ సంఘాల ఐక్యవేదిక పది రోజుల క్రితమే గ్రామ, వార్డు సచివాలయ శాఖ డైరక్టర్‌ కార్యాలయంలో నోటీసులు అందజేసింది. కానీ, 23న ఈ శాఖ మంత్రి డోలా బాలవీరాంజనేయలుతో జరిగిన సమావేశంలో పెండింగ్‌ అంశాలపై ఎలాంటి హామీ ఇవ్వలేదని ఉద్యోగ సంఘ నేతలు చెబుతున్నారు. అలాగే, శుక్రవారం గ్రామ, వార్డు సచివాలయ శాఖ డైరక్టర్‌ శివప్రసాద్‌తో జరిగిన భేటీలోనూ ప్రభుత్వం మొండివైఖరినే అవలంభించినట్లు ఉద్యోగ సంఘ నేతలు తెలిపారు. ఉద్యోగుల డిమాండ్లు.. – నోషనల్‌ ఇంక్రిమెంట్లను ప్రభుత్వం వెంటనే మంజూరుచేసి సచివాలయ ఉద్యోగులను జూనియర్‌ అసిస్టెంట్‌ కేడర్‌గా గుర్తించాలి. – గ్రామ, వార్డు సచివాలయ ఉద్యోగుల డిప్యూటేషన్లన్నీ రద్దుచేయాలి. – ఒకే సమయంలో వివిధ శాఖల అధికారులు సచివాలయ ఉద్యోగులకు వేర్వేరు పనులు అప్పగిస్తున్నారు. ఈ మలీ్టబాసిజంవల్ల ఉద్యోగులు తీవ్ర పనిఒత్తిడికి గురవుతున్నారు. ఈ పరిస్థితి లేకుండా సింగిల్‌ లైన్‌ డిపార్ట్‌మెంట్‌ పరిధిలోనే ఉద్యోగులు పనిచేసేలా ఆదేశాలివ్వాలి. – పని ఒత్తిడివల్ల ఉద్యోగుల మరణాలకు కారణమైన అధికారులపై ఒక కమిటీ వేసి మూడునెలల్లోపు విచారణ చేయాలి. అధికారి నిర్లక్ష్యం లేదా పనిఒత్తిడి కారణమని తేలితే, సంబంధిత అధికారిపై మూడునెలల్లోపే చర్యలు తీసుకోవాలి. ఆయా విచారణ కమిటీల్లో సచివాలయ ఉద్యోగ ప్రతినిధిని కూడా నియమించాలి. – గ్రామ, వార్డు సచివాలయంలో ప్రతీఒక్క పోస్టుకు ప్రమోషన్‌ ఛానల్‌ ఇచ్చే క్రమంలో కనీస బేసిక్‌ పే రూ.30,000కు తగ్గకుండా చూడాలి. – జాయింట్‌ స్టాఫ్‌ కౌన్సిల్‌లో సచివాలయ ఉద్యోగ సంఘాలకు కూడా ప్రాతినిధ్యం ఇవ్వాలి.. జీఓ–11 రద్దు చేయాలి. సత్యనారాయణపురం (విజయవాడ సెంట్రల్‌): రాష్ట్రంలోని గ్రామ, వార్డు సచివాలయ ఉద్యోగులు ఆదివారం (నేడు) విజయవాడలో చేపట్టనున్న ధర్నా, నిరసన ర్యాలీలకు ఎలాంటి అనుమతుల్లేవని, వీటిని అతిక్రమించిన వారిపై చట్టప్రకారం చర్యలు తీసుకుంటామని డీసీపీ గుణ్ణం రామకృష్ణ తెలిపారు. విజయవాడ సత్యనారాయణపురం పోలీస్‌స్టేషన్‌లో శనివారం ఆయన మీడియాతో మాట్లాడారు. గ్రామ, వార్డు సచివాలయ ఉద్యోగుల సమస్యలపై నిరసన తెలిపేందుకు ఈనెల 27న ఎన్టీఆర్‌ జిల్లా పోలీస్‌ కమిషనరేట్‌ పరిధిలో ధర్నాకు అనుమతులు కోరారని తెలిపారు. అయితే, నగరంలో బీఎన్‌ఎస్‌ఎస్‌ సెక్షన్‌–163, పోలీస్‌ యాక్ట్‌ సెక్షన్‌–30 ప్రకారం నిషేధాజ్ఞలు అమలులో ఉన్నందున శాంతిభద్రతలను దృష్టిలో ఉంచుకుని ఆ కార్యక్రమానికి అనుమతులు నిరాకరించామని ఆయన వెల్లడించారు. వర్షాల కారణంగా నగరంలో వరద ముంపు సవాళ్లు, వినాయక నిమజ్జన కార్యక్రమాలు, ఊరేగింపులు, ట్రాఫిక్‌ అంతరాయాలు, శాంతిభద్రతల పరిరక్షణ, ట్రాఫిక్‌ నియంత్రణ పనుల్లో పోలీస్‌ యంత్రాంగం, ఇతర సిబ్బంది తీవ్రంగా నిమగ్నమై ఉన్నారన్నారు. ఈ నేపథ్యంలో ధర్నాకు అనుమతులు నిరాకరించామని డీసీపీ చెప్పారు.

నాగ్‌పుర్‌: నాగ్‌పుర్‌ నుంచి ముంబై వెళ్తున్న దురంతో ఎక్స్‌ప్రెస్‌పై రాళ్ల దాడి జరిగింది. శుక్రవారం రాత్రి మహారాష్ట్రలోని బోర్‌ఖేడి స్టేషన్‌ దాటిన తర్వాత రైలు కిటికీపై బయట నుంచి రాయి బలంగా తగలడంతో మూడు బోగీల కిటికీ అద్దాలు పగుళ్లకు గురయ్యాయి. ఈ ఘటనకు సంబంధించిన దృశ్యాలు సామాజిక మాధ్యమాల్లో వైరల్‌గా మారాయి.ప్రయాణికులు కిటికీకి అతి సమీపంలో కూర్చున్న సమయంలో రాయి తగలడంతో అద్దం ముక్కలు లోపలికి ఎగిరిపడ్డాయి. అయితే ఎవరూ గాయపడలేదు. నాగ్‌పుర్‌ నుంచి ముంబై వెళ్తున్న ప్రయాణికులు రైలులో భోజనం చేస్తున్న సమయంలో ఒక్కసారిగా కిటికీ అద్దం పగిలిపోయిందని వీడియోలో ఒక ప్రయాణికుడు చెప్పడం వినిపించింది. రాయి తగిలిన ఘటనలో ఏ-1, బీ-2, బీ-5 బోగీల కిటికీ అద్దాలు దెబ్బతిన్నట్లు రైల్వే అధికారులు తెలిపారు.ఈ ఘటనపై రైల్వే రక్షణ దళం, ప్రభుత్వ రైల్వే పోలీసులు దర్యాప్తు చేపట్టారు. రాత్రి 8.46 గంటలకు సమాచారం అందడంతో బోర్‌ఖేడి-సింధి మార్గంలో 803 నుంచి 796 కిలోమీటర్ల మధ్య ప్రాంతంలో తనిఖీలు నిర్వహించారు. బోర్‌ఖేడి, బ్రాహ్మణి గ్రామాల పరిసర ప్రాంతాలను కూడా పరిశీలించారు. స్థానిక పోలీసు పాటిల్‌, గ్రామస్థులను విచారించినప్పటికీ అనుమానాస్పద వ్యక్తి లేదా ఘటనకు సంబంధించిన స్పష్టమైన ఆధారం లభించలేదు.రైలు ఎస్కార్ట్‌ సిబ్బంది, ప్రయాణికుల సమాచారం ప్రకారం.. రాత్రి 8.27 గంటల సమయంలో బయట నుంచి వచ్చిన రాయి రైలు కిటికీలను తాకింది. అయితే దాన్ని ఎక్కడి నుంచి విసిరారన్నది ఇంకా నిర్ధారణ కాలేదు. ఈ ఘటనపై గుర్తుతెలియని వ్యక్తిపై సెప్టెంబర్‌ 26న తెల్లవారుజామున 2.55 గంటలకు కేసు నమోదు చేశారు. రైల్వే చట్టంలోని సెక్షన్‌ 153 కింద క్రైమ్‌ నంబర్‌ 325/2026గా కేసు నమోదైంది. రాయి విసిరిన కచ్చితమైన ప్రదేశాన్ని గుర్తించేందుకు దర్యాప్తు కొనసాగుతోంది. రైలు ప్రయాణికులకు ఎలాంటి గాయాలు కాలేదు.A stone smashed into an AC coach of the Nagpur–Mumbai Duronto Express like a bullet, injuring 4 passengers. Are we really safe while travelling by train? @RailwaySeva @Central_Railway, passangers safety cannot be taken for granted. https://t.co/vEVJVfh11F— ज़िद्दी नागरिक (@ZiddiNaagrik) September 26, 2026

మీ కూతురు ఇప్పుడుసినిమాల్లోని కూతురు కాదు. వంటింటి క్యారెక్టర్‌ కాదు. ఆమె ఇప్పుడు కోడ్‌ రాస్తుంది, కంటెంట్‌ రాస్తుంది, కంపెనీని నడుపుతుంది. ఆమెకు ‘పెళ్లి ఎప్పుడు?’ అనే ప్రశ్న కంటే ‘నెక్స్‌›్ట΄్లాన్‌ ఏంటి?’ అనే ప్రశ్నే నచ్చుతుంది. ఆమెకు స్వేచ్ఛ కావాలి, కానీ భద్రత కూడా కావాలి. ప్రేమ కావాలి, కానీ సొంత స్పేస్‌ కూడా కావాలి. కూతురి ఫోన్‌ చెక్‌ చేయడం మానేసి, ఆమె ఫాలో అవుతున్న ప్రపంచాన్ని అర్థం చేసుకోండి. ఒకప్పుడు కూతురిని కాపాడటం అంటే ఇంట్లో పెట్టడం. ఇప్పుడు ప్రపంచంలోకి ధైర్యంగా పంపడం. ఈ డాటర్స్‌ డే రోజున ఆమె పై మీ నమ్మకాన్నే ‘గిఫ్ట్‌’గా ఇవ్వండి. మిగిలిన గిఫ్టులన్నీ ఆమె కొనుక్కోగలదు. ఎందుకంటే జెన్‌ జి కూతురు ప్రిన్సెస్‌ కాదు, సీఈఓ. ఈ కాలం కూతురా...వర్థిల్లు.డాడ్‌ మామ్‌‘‘ప్రతి సమస్యకు పరిష్కారం కూర్చుని మాట్లాడుకోవడమే’’ అంటున్నారు హీరోయిన్‌ ఫరియా అబ్దుల్లా. తన తల్లిదండ్రుల గురించి చెబుతూ ఆమె ఇలా అన్నారు. చిన్నప్పుడు ఫరియా పేరెంట్స్‌ ఆమె అల్లరి చేస్తే.. తిట్టింది లేదు... కొట్టింది లేదు. మరేం చేశారంటే... కూతుర్ని కూర్చోబెట్టి ప్రశాంతంగా మాట్లాడారు... కోపాన్నీ ప్రదర్శించారు. ‘‘ఆ మాటలే నేను పరిణతి ఉన్న అమ్మాయిని కావడానికి ఉపయోగపడ్డాయి’’ అని చెప్పారు ఫరియా అబ్దుల్లా. ‘డాటర్స్‌ డే’ సందర్భంగా తన తల్లిదండ్రుల గురించి ఫరియా అబ్దుల్లా ‘సాక్షి’తో ప్రత్యేకంగా పంచుకున్న విశేషాలు.ఈరోజు నేనీ స్థితిలో ఉన్నానంటే దానికి కారణం మై డాడ్‌ అండ్‌ మామ్‌. ఇద్దరూ నా జీవితాన్ని నేను ముందుకు తీసుకెళ్లడానికి రెండు విభిన్నమైన కోణాలను నేర్పించారు. నాన్న నాకు సైన్స్, ప్రపంచం, మతం, సైకాలజీ, ఫిలాసఫీ వంటివన్నీ నేర్పించారు. మా అమ్మ నాకు ఎనర్జీ. ఆమె నాకు లవ్, కైండ్‌నెస్, సానుభూతి వంటివి నేర్పించారు. ఈ రెండూ కలిసి నన్ను ఒక మంచిæ వ్యక్తిగా తీర్చిదిద్దాయి.నాన్నతో నెల రోజులు మాట్లాడలేదుమా అమ్మా నాన్న మీద నా ప్రేమను తెలియజేయడానికి ఒక ప్రత్యేకమైన రోజు అవసరం లేదు. నాకు అవకాశం వచ్చినప్పుడల్లా నా ప్రేమను వ్యక్తం చేయడానికి ప్రయత్నిస్తుంటాను. అయితే నన్ను నేను బ్యాడ్‌ డాటర్‌ అనుకుంటాను. ఎందుకంటే నేను పనులేమీ చేయను. కోపంగా ఉన్నప్పుడు రూడ్‌గా మాట్లాడిన సందర్భాలున్నాయి. ఒకసారి నాన్న, నేను గొడవపడి నెల రోజులు మాట్లాడుకోలేదు. ఆ టైమ్‌లో నేను చాలా ఏడ్చాను. నేను అచ్చంగా మా నాన్న ఈగో క్లాష్‌ అయి, ‘నువ్వు మాట్లాడవా, నేను కూడా మాట్లాడను’ అనే జోన్‌లోకి వెళ్ళి ఆ నెల రోజులు మాట్లాడుకోలేదు. ఆ తర్వాత కలిసిపోయాం. అది మినహా మా మధ్య ఎప్పుడూ ఇష్యూస్‌ లేవు. అయితే ఇంకా మంచి కూతురిగా నేను ఉండొచ్చేమో అనిపిస్తుంటుంది. ట్రై చేస్తాను.నా చిరాకు కూడా వాళ్లకు ప్రేమే!మా అమ్మా నాన్న చూపించే లవ్‌ ‘అన్‌ కండిషనల్‌’. నా చిరాకులు, బ్యాడ్‌ మూడ్స్, మూడ్‌ స్వింగ్స్‌... అన్నింటినీ ఓపికగా భరిస్తారు. ఎలా హ్యాండిల్‌ చేస్తారు? వాళ్లూ మనుషులే కదా అనిపిస్తుంటుంది. అందుకే నేను బ్యాడ్‌ మూడ్‌లో ఉన్నప్పుడు అదేం బయటపెట్టకుండా వాళ్లకు దూరంగా ఉండాలనుకుంటాను. కానీ నేను చూపించే చిరాకు కూడా వాళ్లకు ప్రేమ అనిపిస్తుంది. మా పేరెంట్స్‌ నన్ను ఎప్పుడూ కొట్టలేదు. కనీసం నా మీద ఎప్పుడూ చెయ్యి ఎత్తలేదు. ఏదైనా సరే మాటలతో చెప్పడమే. అందుకే నా మనసుకి బాగా పట్టాయి. చాలా మెచ్యూర్డ్‌గా పెంచారు. ఆ పెంపకానికి కృతజ్ఞురాలిగా ఉండాలనుకుంటున్నాను. ఒకవేళ మా పేరెంట్స్‌ పెంపకం సరిగ్గా లేకపోయి ఉంటే∙వయలెంట్‌ పర్సన్ గా మారిపోయేదాన్నేమో (నవ్వుతూ). నీ జర్నీ... నీ ఇష్టం అన్నారుచిన్నప్పటి నుంచే నేను ఒక ఆర్టిస్టిక్, క్రియేటివ్‌ పర్సనాలిటీ అని మమ్మీ, డాడీకి అర్థమైపోయింది. సో... ఆర్టిస్ట్‌ అవ్వాలనుకుంటున్నాననే నా నిర్ణయాన్ని ఎప్పుడు చెబుతానా అని వాళ్లు ఎదురు చూశారు. కాలేజ్‌ అయిపోయాక, ‘ఓకే, ఇప్పుడు నువ్వు కెరీర్‌ విషయంలో సీరియస్‌గా ఉన్నావా లేదా కెరీర్‌కి సంబంధించిన నిర్ణయాన్ని నువ్వే తీసుకోవాలి’ అని చెప్పారు. అయితే ఆ విషయంలో నన్ను ఎప్పుడూ ఫోర్స్‌ చేయలేదు. ఇప్పుడు కూడా నేను ‘ఇది చేయను’ అని చెప్తే, ‘ఓకే’ అంటారు. ‘ఇది నీ జర్నీ... నీ ఇష్టం’ అనేలానే నన్ను పెంచారు. అలా ఇష్టాన్ని నా మీద వదిలేయడానికి కారణం వాళ్ల పెంపకం మీద వాళ్లకి ఉన్న నమ్మకం... వాళ్లు ఇచ్చిన స్వేచ్ఛను నేను దుర్వినియోగం చేయనని నమ్మకం. మనం ఎలాంటి వ్యక్తులుగా ఎదుగుతాం అనేది చాలావరకూ మన పేరెంట్స్‌ పెంపకాన్ని బట్టే ఉంటుంది. ఆ విషయంలో నా పేరెంట్స్‌ ‘బెస్ట్‌’. నా కోసం టైమ్‌ కేటాయించి, ‘లైఫ్‌ అంటే ఇలా ఉంటుంది... ఇలా ఉండాలి’ అని వివరంగా చెప్పడంతో పాటు విలువలు కూడా నేర్పించారు. అందుకే నేను కూడా ‘బెస్ట్‌’ (నవ్వుతూ)...అమ్మని ప్రపంచం మొత్తం తిప్పాలని ఉందిమా అమ్మకి చిన్నప్పటి నుంచి ట్రావెలింగ్‌ అంటే చాలా ఇష్టం. ఆవిడ వచ్చిన బ్యాక్‌గ్రౌండ్‌ వల్ల ఆ అవకాశం సరిగ్గా కుదరలేదు... రాలేదు. లండన్, అమెరికా వెళ్లారు కానీ, నాతో ట్రావెల్‌ చేసినప్పుడు ఆవిడ హ్యాపీనెస్‌ నెక్ట్స్‌ లెవెల్‌లో ఉంటుంది. ఆ హ్యాపీనెస్‌ ఇంకా ఎక్కువగా ఇవ్వాలనుకుంటున్నాను. వీలైతే అమ్మని ప్రపంచం మొత్తం తిప్పాలని ఉంది. అలాగే నాన్నతో కలిసి ఒక వ్యాపారం మొదలుపెట్టాలనుకుంటున్నాను. ఇద్దరం కలిసి ఆ వ్యాపారాన్ని పెద్ద సామ్రాజ్యంలా విస్తరింపజేయాలన్నది నా కల.– డేరంగుల జగన్‌ మోహన్‌

సారు పరామర్శకు రాలేదయ్యా! ఫారిన్‌ వెళ్తున్నారు!

బెంగళూరు: ట్రాఫిక్‌ ఉల్లంఘనలను గుర్తించేందుకు ఏర్పాటు చేసిన కృత్రిమ మేధ ఆధారిత కెమెరా ఓ గిటార్‌ను ద్విచక్ర వాహనం వెనుక కూర్చున్న వ్యక్తిగా పొరబడింది. దీంతో హెల్మెట్‌ ధరించకుండా వెనుక వ్యక్తిని తీసుకెళ్లారంటూ వాహన యజమానికి జరిమానా విధించింది. బెంగళూరులో జరిగిన ఈ ఘటన ఆటోమేటెడ్‌ ట్రాఫిక్‌ నిఘా వ్యవస్థలపై చర్చకు దారితీసింది.సౌవిక్‌ దత్తా తన భార్యకు చెందిన స్కూటర్‌పై హెబ్బాల్‌ నుంచి టిన్‌ ఫ్యాక్టరీ వైపు వెళ్తున్నారు. ఆయన వీపుకు గిటార్‌ కేసును తగిలించుకున్నారు. ఈ దృశ్యాన్ని ట్రాఫిక్‌ కెమెరా తప్పుగా అర్థం చేసుకుని, గిటార్‌ కేసును వెనుక కూర్చున్న వ్యక్తిగా గుర్తించినట్లు తెలుస్తోంది. ఆ వ్యక్తి హెల్మెట్‌ ధరించలేదంటూ జరిమానా విధించింది. కెమెరా తీసిన ఫొటోతో కూడిన జరిమానా నోటీసు స్కూటర్‌ యజమాని అయిన ఆయన భార్యకు చేరింది.దీనిపై దత్తా బెంగళూరు ట్రాఫిక్‌ పోలీసుల అధికారిక సామాజిక మాధ్యమ ఖాతాలో ఫిర్యాదు చేశారు. ‘‘నేను బెంగళూరులో నా గిటార్‌ను వీపుపై తగిలించుకుని నా భార్యకు చెందిన ద్విచక్ర వాహనంపై ఒంటరిగా వెళ్తున్నాను. నా భార్యకు ‘వెనుక కూర్చున్న వ్యక్తి హెల్మెట్‌ ధరించలేదు’ అంటూ ట్రాఫిక్‌ జరిమానా వచ్చింది. నోటీసు నంబర్‌ 86202541. ఏఐ ఆధారిత ట్రాఫిక్‌ ఉల్లంఘన గుర్తింపు ఇదేనా? దయచేసి జరిమానాను రద్దు చేయండి’’ అని పేర్కొన్నారు.దీనికి స్పందించిన బెంగళూరు ట్రాఫిక్‌ పోలీసులు.. ఉల్లంఘనను సరిచేసేందుకు ట్రాఫిక్‌ ఆటోమేషన్‌ విభాగాన్ని సంప్రదించాలని సూచించారు. ఈ ఘటనతో ఏఐ ఆధారిత ట్రాఫిక్‌ పర్యవేక్షణ వ్యవస్థల కచ్చితత్వంపై ప్రశ్నలు తలెత్తాయి. కొంతమంది వాహనదారులు సామాజిక మాధ్యమాల్లో తమ అనుభవాలను పంచుకున్నారు. సిగ్నల్‌ దాటేటప్పుడు, గ్రీన్‌ సిగ్నల్‌ ఉన్న ఇతర వాహనాలకు దారి ఇచ్చేందుకు జీబ్రా క్రాసింగ్‌ను కొద్దిగా దాటినా సిగ్నల్‌ ఉల్లంఘనగా కెమెరాలు గుర్తిస్తున్నాయని కొందరు ఆరోపించారు. ట్రాఫిక్‌ పోలీసు స్పందన ఈ ఘటనపై ఓ సీనియర్‌ ట్రాఫిక్‌ పోలీసు అధికారి స్పందిస్తూ.. ఏఐ వ్యవస్థ పొరపాటుతో ఇది ట్రాఫిక్‌ నియమాల ఉల్లంఘనగా నమోదైందని తెలిపారు. ఇలాంటి తప్పులు అప్పుడప్పుడు జరుగుతాయని, కొన్నిసార్లు స్కూటర్‌పై ఇద్దరు వ్యక్తుల మధ్య కూర్చున్న చిన్నారిని కూడా హెల్మెట్‌ లేని వెనుక ప్రయాణికుడిగా వ్యవస్థ గుర్తిస్తుందని చెప్పారు. ఇలాంటి జరిమానాలపై అభ్యంతరం వ్యక్తం చేస్తే వాటిని పరిశీలించి సరిచేస్తామని తెలిపారు.‘‘నిరంతరం ఎక్కువ మొత్తంలో సమాచారం అందించడంతో ఏఐ వ్యవస్థ మరింత మెరుగవుతుంది. అయినప్పటికీ అప్పుడప్పుడు తప్పులు జరుగుతాయి. ఇలాంటి తప్పుడు గుర్తింపులను పరిశీలించి సరిచేసేందుకు మా వద్ద ఇప్పటికే ప్రత్యేక బృందం ఉంది. ఇది కూడా అలాంటి పొరపాటే కావచ్చు. మేము దాన్ని సరిచేస్తాం’’ అని అధికారి తెలిపారు. ఏఐ ఆధారిత వ్యవస్థ ఇంకా 100 శాతం కచ్చితత్వాన్ని సాధించలేదని ఆయన అంగీకరించారు.

గ్రహం అనుగ్రహం: శ్రీపరాభవ నామ సంవత్సరం, దక్షిణాయనం, వర్ష ఋతువు, భాద్రపద మాసం, తిథి: బ.పాడ్యమి రా.9.11 వరకు, తదుపరి విదియ, నక్షత్రం: ఉత్తరాభాద్ర ప.12.14 వరకు తదుపరి రేవతి, వర్జ్యం: రా.12.05 నుండి 1.40 వరకు, దుర్ముహూర్తం: సా.4.15 నుండి 5.03 వరకు, అమృత ఘడియలు: ఉ.7.23 నుండి 9.01 వరకు, మహాలయ పక్షం ప్రారంభం.సూర్యోదయం : 5.53సూర్యాస్తమయం : 5.50రాహుకాలం : సా.4.30 నుంచి 6.00 వరకుయమగండం : ప.12.00 నుంచి 1.30 వరకు మేషం... కొత్తగా రుణాలు చేస్తారు. పనులలో స్వల్ప ఆటంకాలు. దూరప్రయాణాలు. ఆధ్యాత్మిక చింతన. వృత్తి, వ్యాపారాలలో ఒడిదుడుకులు. శ్రమ తప్ప ఫలితం కనిపించదు. అనారోగ్యం.వృషభం... కార్యజయం. విందువినోదాలు. ప్రముఖుల నుంచి ముఖ్య సందేశం. ఆలయ దర్శనాలు. శుభవర్తమానాలు. ఆస్తిలాభ సూచనలు. వ్యాపారవృద్ధి. ఉద్యోగాలలో అనుకూల పరిస్థితులు.మిథునం.... నూతన ఉద్యోగయోగం. ముఖ్యమైన నిర్ణయాలు. వృత్తి,వ్యాపారాలు ఆశాజనకంగా ఉంటాయి. ఆస్తి వివాదాలు తీరతాయి. సోదరులతో సఖ్యత. నిరుద్యోగుల యత్నాలు సానుకూలం.కర్కాటకం.... శ్రమపడ్డా ఫలితం కనిపించదు. సోదరులు, మిత్రులతో స్వల్ప విభేదాలు. ఆకస్మిక ప్రయాణాలు. పుణ్యక్షేత్రాలు సందర్శిస్తారు. వృత్తి, వ్యాపారాలు నిరాశ కలిగిస్తాయి. అనారోగ్యం.సింహం... అనుకోని ధనవ్యయం. కుటుంబ బాధ్యతలు పెరుగుతాయి. వృత్తి, వ్యాపారాలు నిరాశ కలిగిస్తాయి. దైవదర్శనాలు. ఆకస్మిక ప్రయాణాలు. ఉద్యోగయత్నాలు కొంతమేర ఫలిస్తాయి.కన్య..... ఉద్యోగయత్నాలు అనుకూలం. బంధువులు, మిత్రులతో ఉత్సాహంగా గడుపుతారు. వృత్తి,వ్యాపారాలు అనుకూలంగా ఉంటాయి. పుణ్యక్షేత్రాలు సందర్శిస్తారు. నూతన విద్యావకాశాలు.తుల.... కొత్త విషయాలు తెలుసుకుంటారు. యత్నకార్యసిద్ధి. విలువైన వస్తువులు కొంటారు. వృత్తి, వ్యాపారాలు ప్రోత్సాహకరంగా ఉంటాయి. కళాకారులకు సత్కారాలు. నూతన ఉద్యోగాలు దక్కుతాయి.వృశ్చికం... ముఖ్య వ్యవహారాలు నిరాశ కలిగిస్తాయి. దూరప్రయాణాలు. బంధువులతో తగాదాలు. ధనవ్యయం. విద్యార్థులకు ఒత్తిడులు. వ్యాపారాలు నిరాశపరుస్తాయి. ఉద్యోగాలలో గందరగోళం.ధనుస్సు.... ప్రయాణాలు వాయిదా. పనుల్లో అవరోధాలు. మిత్రులతో స్వల్ప విభేదాలు. ఆరోగ్యసమస్యలు. వృత్తి, వ్యాపారాలలో కొద్దిపాటి సమస్యలు. నిరుద్యోగులు మరింత శ్రమపడాలి.మకరం..... పనులు విజయవంతంగా పూర్తి. చిన్ననాటి మిత్రులతో ఉత్సాహంగా గడుపుతారు. వాహనాలు కొనుగోలు చేస్తారు. పాతమిత్రులను కలుసుకుంటారు. వ్యాపారాలు అనుకూలిస్తాయి. ఉద్యోగాలలో ఒత్తిడుల నుంచి బయటపడతారు.కుంభం.... ఆర్థిక ఇబ్బందులు, రుణయత్నాలు. ఆకస్మిక ప్రయాణాలు. బంధువులతో తగాదాలు. ఆలోచనలు స్థిరంగా ఉండవు. వ్యాపారాలు కొంత మందగిస్తాయి. ఉద్యోగాలలో బాధ్యతలు పెరుగుతాయి.మీనం.... కొత్త కార్యక్రమాలు ప్రారంభిస్తారు. వ్యాపారాలు ఉత్సాహంగా సాగుతాయి. దూరప్రయాణాలు. ఆలయాల దర్శనాలు. ధనలబ్ధి. ఉద్యోగాలలో అనుకూల వాతావరణం.

కె.రాహుల్‌ భవిష్యత్‌లో కరోనా వంటి మహమ్మారులు ముంచుకొస్తే మన సన్నద్ధత ఏమిటి? వైరస్‌లను ల్యాబ్‌లోనే తుదముట్టించే వ్యూహం ఉందా? వీటికి సమాధానం హైదరాబాద్‌లోని రెండు దేశీయ అత్యున్నత ల్యాబ్స్‌ సీఎస్‌ఐఆర్‌–ఐఐసీటీ (ఇండియన్‌ ఇన్‌స్టిట్యూట్‌ ఆఫ్‌ కెమికల్‌ టెక్నాలజీ), సీఎస్‌ఐఆర్‌–సీసీఎంబీ (సెంటర్‌ ఫర్‌ సెల్యులార్‌ అండ్‌ మాలిక్యులర్‌ బయాలజీ) సంయుక్తంగా చేపట్టిన ‘యాంటీ–వైరల్‌ మిషన్‌’. రాబోయే 10–20 ఏళ్లలో ప్రపంచాన్ని పట్టిపీడించే సరికొత్త వైరస్‌లను, అపరిచిత మహమ్మారులను ఎదుర్కొనేందుకు దేశాన్ని సన్నద్ధం చేయడం ఈ మిషన్‌ లక్ష్యం. వైరస్‌ బయాలజీని, అది శరీరంలో ఎలా వ్యాప్తి చెందుతుందో హైదరాబాద్‌లోని సీసీఎంబీ పరిశోధిస్తే... దాన్ని చంపే కెమికల్‌ ఫార్ములాను ఐఐసీటీ ల్యాబ్‌ తయారు చేస్తోంది. దీంతో సరికొత్త చరిత్రకు శ్రీకారం చుడుతోంది. విదేశీ టెక్నాలజీతో సంబంధం లేకుండా దేశీయంగానే ఎమ్మార్‌ఎన్‌ఏ వ్యాక్సిన్‌ ప్లాట్‌ఫామ్‌ను ఇక్కడే సిద్ధం చేస్తున్నారు. దీనివల్ల రాబోయే రోజుల్లో కొత్త వైరస్‌ వస్తే కేవలం కొన్ని వారాల్లోనే వ్యాక్సిన్‌ డిజైన్‌ చేయొచ్చు. సాధారణంగా కొత్త మందులు కనిపెట్టడానికి 10–12 ఏళ్లు పడుతుంది. అందుకే ఇప్పటికే మార్కెట్లో సురక్షితంగా ఉన్న పాత మందులనే కొత్త వైరస్‌ల నివారణకు వాడేలా పరిశోధనలు వేగవంతంగా జరుపుతున్నాం. అతిప్రమాదకర వైరస్‌లపైనా రిస్క్‌ లేకుండా ప్రయోగాలు చేసేందుకు వీలుగా హైసెక్యూరిటీ బయో–సేఫ్టీ–3 (బీఎస్‌ఎల్‌–3) ల్యాబ్స్‌ ఈ మిషన్‌లో కీలక పాత్ర పోషిస్తున్నాయి. ఈ నేపథ్యంలో సీఎస్‌ఐఆర్‌–ఐఐసీటీ డైరెక్టర్‌ డా.డి.శ్రీనివాసరెడ్డితో ‘సాక్షి’ ప్రత్యేక ఇంటర్వ్యూ. ప్రశ్న: ఇతర వ్యాధుల కోసం మార్కెట్లో ఉన్న సురక్షిత ఔషధాలను కొత్త వైరస్‌లపై పునర్వినియోగించడంలో మీ పరిశోధన ఏ దశకు చేరుకుంది? జవాబు: ఇతర అనారోగ్య సమస్యలున్న కోవిడ్‌–19 రోగులపై ఉమిఫెనోవిర్, నిక్లోసమైడ్, కొల్చిసిన్‌ వంటి ఔషధాలతో క్లినికల్‌ ట్రయల్స్‌ నిర్వహించడం ద్వారా సీఎస్‌ఐఆర్‌ గణనీయమైన ప్రయత్నాలు చేసింది. సన్‌ ఫార్మా, ఐసీజీఈబీలతో కలిసి ఫైటోఫార్మాస్యూటికల్‌పైనా క్లినికల్‌ ట్రయల్‌ నిర్వహించాం. అలాగే అశ్వగంధ సహా మూడు ఆయుష్‌ ఔషధాలను సార్స్‌–కోవ్‌–2 నివారణ వినియోగం కోసం క్లినికల్‌ విధానంలో మూల్యాంకనం చేశాం. ఫలితంగా ప్రజలకు ఔషధాలు త్వరితగతిన అందుబాటులోకి వచ్చే అవకాశముంది. ప్రశ్న: వ్యాక్సిన్‌ అభివృద్ధిలో అత్యంత ప్రభావవంతంగా నిలుస్తున్న ఎమ్మార్‌ఎన్‌ఏ వ్యాక్సిన్‌ సాంకేతికతను హైదరాబాద్‌ ప్రయోగశాలల్లో స్వదేశీయంగా అభివృద్ధి చేస్తున్నట్లు వార్తలు వచ్చాయి. దీనిపై ఏమంటారు? జవాబు: అవును, నిజమే. ఎమ్మార్‌ఎన్‌ఏ వ్యాక్సిన్‌ డెలివరీలో అత్యంత కీలకమైన భాగం ’అయనీకరణ లిపిడ్లు’. వీటిని ఐఐసీటీ స్వదేశీ పరిజ్ఞానంతో అభివృద్ధి చేస్తోంది. ప్రస్తుతం మా వద్ద కొన్ని స్వదేశీ లిపిడ్లు ఉన్నాయి. వాటిని జంతు నమూనాల్లో కూడా విజయవంతంగా పరీక్షించాం. నూతన యాంటీజెన్‌ ఎమ్మార్‌ఎన్‌ఏ నిర్మాణ భాగాన్ని సీసీఎంబీ చేపడుతోంది. ఈ రెండు సంస్థలు కలిసి, భారీ స్థాయి ఉత్పత్తికి అనువైన ఎమ్మార్‌ఎన్‌ఏ–ఎల్‌ఎన్‌పీ ప్లాట్‌ఫామ్‌ సాంకేతికతను రూపొందించాయి. కొత్త వైరస్‌ వెలుగుచూస్తే కొన్ని వారాల్లోనే వ్యాక్సిన్‌ను సిద్ధం ప్లాట్‌ఫామ్‌ను మనం సిద్ధం చేస్తున్నాం. ప్రశ్న: కోవిడ్‌ అనంతర కాలంలో భవిష్యత్‌ వైరస్‌లను ఎదుర్కొనేందుకు సీసీఎంబీ, ఐఐసీటీ సంయుక్తంగా ప్రారంభించిన యాంటీ–వైరల్‌ మిషన్‌ పురోగతి ఎలా ఉంది? జవాబు: సార్స్‌–కోవ్‌–2పై పనిచేసే నూతన చికిత్సా ఔషధాలను కనుగొని, అభివృద్ధి చేసే లక్ష్యంతో 10 సీఎస్‌ఐఆర్‌ ప్రయోగశాలల భాగస్వామ్యంతో ’సీఎస్‌ఐఆర్‌ యాంటీవైరల్‌ మిషన్‌ (2021–25)’ను పాన్‌–సీఎస్‌ఐఆర్‌ కార్యక్రమంగా ప్రారంభించాం. ఇందులో ఐఐసీటీ, ఎన్‌ఐఐఎస్టీ, ఎన్సీఎల్, ఐఐఐఎం, ఐఐసీబీ, సీఎల్‌ఆర్‌ఐ, సీడీఆర్‌ఐ, ఇహ్‌బాస్‌ (ఐహెచ్‌బీటీ), సీసీఎంబీ, యూఆర్డీఐపీ సంస్థలు పాల్గొన్నాయి. ఈ మిషన్‌కు ఐఐసీటీ నోడల్‌ ప్రయోగశాలగా వ్యవహరించింది. 1,300 నూతన అణువులను సంశ్లేíÙంచి, వాటి యాంటీవైరల్‌ సామర్థ్యాన్ని పరీక్షించాం. ఈ మిషన్‌ ద్వారా 13 నూతన పేటెంట్‌ దరఖాస్తులు దాఖలయ్యాయి. ప్రస్తుతం పరిశ్రమల ఆర్థిక సహకారంతో చేపట్టిన రెండో దశలో నాలుగు చిన్న అణువులు, ఒక ఫిక్సŠడ్‌ డోస్‌ కాంబినేషన్‌ ప్రీక్లినికల్‌ అభివృద్ధి దశలో ఉన్నాయి. ప్రశ్న: ప్రమాదకరమైన వైరస్‌ కల్చర్ల నిర్వహణకు, పరీక్షించడానికి అవసరమైన బీఎస్‌ఎల్‌–3 ప్రయోగశాల పురోగతి ఎలా ఉంది? జవాబు: సీసీఎంబీ, ఐఐబీటీ సంస్థలు అత్యాధునిక బీఎస్‌ఎల్‌–3 సదుపాయాలను ఏర్పాటు చేసి, సార్స్‌–కోవ్‌–2 యాంటీవైరల్‌ పరీక్షలను సమర్థవంతంగా నిర్వహించాయి. ప్రశ్న: భారత్‌ ప్రపంచ ఫార్మా హబ్‌గా పేరొందినప్పటికీ, ఔషధ తయారీలో వాడే కీలక ముడి పదార్థాల కోసం చైనాపై ఆధారపడాల్సి వస్తోంది. దీన్ని తగ్గించడానికి ఏమైనా ప్రయత్నాలు జరిగాయా? జవాబు: యాంటీవైరల్‌ మిషన్‌ ప్రధానంగా నూతన ఔషధ ఆవిష్కరణ లక్ష్యంగా చేపట్టిందే అయినప్పటికీ, ఇతర సీఎస్‌ఐఆర్‌ నిధులతో మా ప్రయోగశాలలు ఫావిపిరావిర్‌ వంటి కీలక యాంటీవైరల్‌ ఔషధాల తయారీ ప్రక్రియలను అభివృద్ధి చేసి పరిశ్రమలకు బదిలీ చేశాయి. అంతేకాకుండా, దిగుమతులపై ఆధారపడటాన్ని తగ్గించేందుకు పదేళ్లుగా సీఎస్‌ఐఆర్‌ ప్రత్యేక మిషన్‌పై దృష్టి పెట్టింది. పారాసిటమాల్‌ సహా పలు కీలక ఔషధ ప్రక్రియలను స్వదేశీ తయారీ కోసం పరిశ్రమలకు ఇప్పటికే బదిలీ చేశాం. ప్రశ్న: భవిష్యత్‌ యాంటీవైరల్‌ ఔషధాలు తక్కువ ధరలో లభిస్తాయా? జవాబు: అందుకు ప్రయత్నాలు జరుగుతున్నాయి. ఫావిపిరావిర్‌ తయారీ సాంకేతికతను అభివృద్ధి చేసి సిప్లాకు సీఎస్‌ఐఆర్‌ బదిలీ చేసింది. అలాగే వ్యాక్సిన్‌ అడ్జువెంట్‌ తయారీ సాంకేతికతను భారత్‌ బయోటెక్‌కు బదిలీ చేస్తే, వారు దానిని కోవాగ్జిన్‌ తయారీలో వినియోగించారు. యాంటీవైరల్స్‌ మాత్రమే కాకుండా, అందరికీ అందుబాటు ధరల్లో వైద్య సేవలు అందించే లక్ష్యంతో తక్కువ వ్యయంతో కూడిన ఏపీఐలు, కేఎస్‌ఎంల అభివృద్ధి కోసం సీఎస్‌ఐఆర్‌ పలు ప్రముఖ సంస్థలతో ఒప్పందాలు కుదుర్చుకుంది. ప్రశ్న: జంతువుల నుంచి మనుషులకు సోకే జూనోటిక్‌ వ్యాధుల ముప్పు పెరుగుతోంది. వీటిని ఎదుర్కోవడానికి యాంటీ వైరల్‌ మిషన్‌ ఎలా ఉపయోగపడుతుంది? జవాబు: యాంటీవైరల్‌ మిషన్‌ మొదటి దశ 2025తో ముగిసినప్పటికీ, పలు వైరస్‌ కుటుంబాల్లో ఉమ్మడిగా ఉండే సంరక్షిత హోస్ట్, వైరల్‌ యంత్రాంగాలను లక్ష్యంగా చేసుకుని ’పాన్‌–వైరల్‌’ చికిత్సలపై పరిశోధనను ముందుకు తీసుకెళ్లాలని సీఎస్‌ఐఆర్‌ నిర్ణయించింది. ఇటువంటి బ్రాడ్‌–స్పెక్ట్రమ్‌ విధానాల వల్ల ’డిసీజ్‌ ఎక్స్‌’ వంటి తెలియని కొత్త వ్యాధికారకాలు వచ్చినా వేగంగా చికిత్స అందించడం సాధ్యమవుతుంది. మహమ్మారి వచ్చిన ప్రతిసారీ కొత్త ఔషధాన్ని సున్నా నుంచి తయారు చేయాల్సిన భారం తప్పుతుంది. ప్రశ్న: యాంటీ వైరల్‌ మిషన్‌ ప్రాజెక్టు అంతిమ లక్ష్యం ఏమిటి? ఇది హైదరాబాద్‌ను ఏ స్థాయికి చేరుస్తుంది? జవాబు: ప్రస్తుతం ఈ మిషన్‌ ముగిసినప్పటికీ, ఐఎన్డీ దరఖాస్తు దాఖలు చేసి క్లినికల్‌ ట్రయల్స్‌లోకి ప్రవేశించే లక్ష్యంతో టాప్‌–5 లీడ్‌ అణువుల ప్రీక్లినికల్‌ అభివృద్ధి ముమ్మరంగా సాగుతోంది. ఇది హైదరాబాద్‌ను ప్రపంచ ఔషధ ఆవిష్కరణ పటంలో అత్యున్నత స్థానంలో నిలబెడుతుంది. ప్రశ్న: జీవశాస్త్రంలో సీసీఎంబీ, రసాయన శాస్త్రంలో ఐఐసీటీ... ఈ రెండు దిగ్గజ సంస్థల సమన్వయం ఎలా సాగింది? జవాబు: సీసీఎంబీ తన బీఎస్‌ఎల్‌–3 సదుపాయం ద్వారా వైరల్‌ జీవశాస్త్రం, వ్యాధి యంత్రాంగాల మూల్యాంకనంలో పాలుపంచుకోగా; ఐఐసీటీ మెడిసినల్‌ కెమిస్ట్రీ, స్ట్రక్చర్‌–బేస్డ్‌ డ్రగ్‌ డిజైన్, చిన్న అణువుల ఆప్టిమైజేషన్‌లో కీలక పాత్ర పోషించాయి. ప్రశ్న: భవిష్యత్తులో కొత్త వైరల్‌ వేరియంట్లు వెలుగుచూస్తే, మన స్వదేశీ ప్లాట్‌ఫామ్‌ ద్వారా ఎంత వేగంగా స్పందించగలం? జవాబు: మేము నెలకొల్పిన స్కేలబుల్‌ ఎమ్మార్‌ఎన్‌ఏ–ఎల్‌ఎన్‌పీ ప్లాట్‌ఫామ్‌ సాంకేతికత ప్రస్తుతం నాన్‌–జీఎల్పీ దశలో ఉంది. స్వదేశీ అయనీకరణ లిపిడ్లతో దీని పనితీరును ఇప్పటికే నిరూపించాం. భవిష్యత్తులో కొత్త వేరియంట్‌ వస్తే, దాని జన్యు క్రమం తెలిసిన వెంటనే కేవలం ఎమ్మార్‌ఎన్‌ఏ క్రమాన్ని మారిస్తే సరిపోతుంది. ఫార్ములేషన్, తయారీ ప్రక్రియలు ముందే సిద్ధంగా ఉంటాయి కాబట్టి, అతి తక్కువ సమయంలోనే కొత్త వ్యాక్సిన్‌ను సిద్ధం చేయడం సాధ్యమవుతుంది.

ముంబై: మహారాష్ట్రలోని అహిల్యానగర్‌ జిల్లాలో ఓ వృద్ధాశ్రమంలో నిద్రిస్తున్న వారిపై దాడి జరిగింది. ఇద్దరు మృతి చెందగా, మరో ఆరుగురు గాయపడ్డారు. మృతుల్లో ఆశ్రమ భద్రతా సిబ్బందిలో ఒకరు ఉన్నారు. అదే ఆశ్రమంలో ఉంటున్న వ్యక్తే ఈ దాడికి పాల్పడినట్లు పోలీసులు తెలిపారు. నిందితుడిని అదుపులోకి తీసుకుని విచారిస్తున్నట్లు అహిల్యానగర్‌ ఎస్పీ ఎం.సుదర్శన్‌ వెల్లడించారు.విహాడ్‌ సమీపంలోని వృద్ధాశ్రమంలో ఈ ఘటన జరిగింది. పోలీసులు తెలిసిన వివరాల ప్రకారం.. ఆశ్రమంలోని ఇతరులతో నిందితుడికి తరచూ విభేదాలు తలెత్తేవి. భోజనం చేసేటప్పుడు ఆహారం కింద పడేయడంపై కొందరు ఆశ్రమవాసులు అభ్యంతరం వ్యక్తం చేయడంతో పాటు, అతడి ప్రవర్తనపై సూచనలు చేసినట్లు తెలిపారు. దీంతో వారిపై నిందితుడు అసంతృప్తితో ఉన్నట్లు దర్యాప్తులో పోలీసులు అనుమానిస్తున్నారు.శనివారం ఉదయం ఆశ్రమవాసులు నిద్రిస్తున్న సమయంలో.. నడిచేందుకు ఉపయోగించే కర్రలోని పదునైన లోహ భాగంతో వారిపై దాడి చేసినట్లు పోలీసులు తెలిపారు. అడ్డుకునేందుకు లేదా అతడితో మాట్లాడేందుకు ప్రయత్నించిన వారిపైనా దాడి చేసినట్లు పేర్కొన్నారు. తలకు తీవ్ర గాయాలు కావడంతో ఇద్దరు మృతి చెందారు. ఆరుగురిని ఆసుపత్రికి తరలించగా, వారిలో ఒకరి పరిస్థితి విషమంగా ఉన్నట్లు పోలీసులు తెలిపారు.దాడిని ప్రత్యక్షంగా చూసిన ఆశ్రమంలోని ఓ వ్యక్తి పోలీసులకు సమాచారం అందించారు. ఈ ఘటనపై ప్రాంగణంలోని సీసీటీవీ దృశ్యాలను కూడా పోలీసులు పరిశీలిస్తున్నారు. ఎస్పీ సుదర్శన్‌ మాట్లాడుతూ.. “నిందితుడిని అదుపులోకి తీసుకున్నాం. ఇతర ఆశ్రమవాసులతో జరిగిన పరస్పర చర్యలపై అతడు అసంతృప్తిగా ఉన్నట్లు, తనను లక్ష్యంగా చేసుకుంటున్నారని భావించినట్లు ప్రాథమికంగా కనిపిస్తోంది” అని తెలిపారు. దర్యాప్తు ఇంకా ప్రాథమిక దశలోనే ఉందని, విచారణ ముందుకు సాగుతున్న కొద్దీ మరిన్ని వివరాలు వెల్లడవుతాయని చెప్పారు.

సాక్షి, హైదరాబాద్‌: అధికార పక్షం, విపక్షం అనే తేడా లేకుండా అంతా ఒక్కటయ్యారు. వందల కోట్ల విలువైన వక్ఫ్‌ భూమి కొల్లగొట్టడంలో కుమ్మక్కయ్యారు. ఆక్యుపెన్సీ రైట్స్‌ సర్టిఫికెట్లు (ఓఆర్‌సీలు) సృష్టించారు. అయితే అవి నకిలీ ఓఆర్‌సీలని, ఆ సర్టిఫికెట్లపై ఏ అధికారి సంతకం ఉందో..ఆ అధికారే అది తన సంతకం కాదని, ఫోర్జరీ చేశారంటూ స్వయంగా పోలీస్‌స్టేషన్‌లో స్వయంగా ఫిర్యాదు చేశారు. కానీ చర్యల మాట అలా ఉంచితే ఇప్పటివరకు కనీసం కేసు కూడా నమోదు కాకపోవడం చూస్తుంటే.. ఈ భూములను కొల్లగొట్టడానికి ప్రభుత్వ స్థాయిలోనే చక్రం తిప్పుతున్నారనే అనుమానాలు వ్యక్తమవుతున్నాయి. రాష్ట్రంలోని మూడు ప్రధాన పార్టీలకు చెందిన ఇద్దరు ఎమ్మెల్యేలు, ఓ ఎంపీ, కొందరు నేతలతో పాటు ఓ మైనారిటీ నాయకుడు కూడా ఇందులో భాగస్వాములుగా ఉన్నారనే ఆరోపణలు విన్పిస్తున్నాయి. భూముల ధరలు విపరీతంగా పెరిగిపోతున్న నేపథ్యంలో.. అప్పనంగా వక్ఫ్‌ భూములను కొట్టేయడమే పనిగా పెట్టుకున్న ఈ నేతలు, రియల్‌ ఎస్టేట్‌ వ్యాపారులకు కొందరు అధికారులు కూడా సహకరిస్తున్నట్టు సమాచారం. ఎక్కడో కాదు నగర శివార్లలోని మహేశ్వరం మండలం కొంగరకుర్దు(ఏ)లో ఈ భూదోపిడీ తతంగం జరుగుతోంది. కొంగరకుర్దులో అక్రమంగా విక్రయాలు జరుపుతున్న లేఅవుట్లలో ఉన్న డిస్‌ప్లే బోర్డుల్లో పేర్కొన్న సర్వే నంబర్లు అన్నీ వక్ఫ్‌బోర్డు జారీ చేసిన గెజిట్‌లో ఉన్నవే కావడం గమనార్హం. అంతేకాదు ఈ భూములు 22ఏ లో ఉన్నప్పటికీ వాటిని సంబంధిత సబ్‌ రిజిస్ట్రార్‌ కార్యాలయం మాత్రం ఎలాంటి అభ్యంతరం వ్యక్తం చేయకుండా రిజిస్ట్రేషన్లు చేసేస్తుండడం విస్మయం కలిగిస్తోంది. వక్ఫ్‌ భూములన్నా, 22ఏ లో ఉన్నా.. హెచ్‌ఎండీఏ అధికారులు గత ఏడాది అక్టోబర్‌ 16వ తేదీన ఫైల్‌ నంబర్‌ 0817/హెచ్‌ఎండీఏ/ఎస్‌డబ్లు్యడీఎల్‌/2025తో వక్ఫ్‌ భూములకు సంబంధించిన ఓ లే అవుట్‌కు అనుమతి మంజూరు చేశారు. దీన్ని గమనించిన వక్ఫ్‌ బోర్డు సీఈవో వెంటనే హెచ్‌ఎండీఏ కమిషనర్‌కు లేఖ రాశారు. 1989లో వక్ఫ్‌ బోర్డు జారీ చేసిన గెజిట్, 2007లో సవరించిన గెజిట్‌లను దానికి జత చేశారు. హెచ్‌ఎండీఏ జారీ చేసిన లే అవుట్‌ను రద్దు చేయాలని కోరారు. భవిష్యత్తులో సైతం వక్ఫ్‌బోర్డుకు చెందిన భూముల్లో ఎలాంటి లే అవుట్‌లకు అనుమతులు మంజూరు చేయరాదని సూచించారు. ఆ విధంగా ఇప్పటికి మూడుసార్లు లేఖ రాసినా హెచ్‌ఎండీఏ కమిషనర్‌ ఎలాంటి చర్యలు తీసుకోకుండా కాలయాపన చేస్తుండడం గమనార్హం. వాస్తవంగా 22ఏ లో ఉన్న భూముల్లో లే అవుట్‌లకు కూడా ఎలాంటి అనుమతులూ మంజూరు చేయడానికి వీల్లేదని నిబంధనలు స్పష్టం చేస్తున్నా..ఇవేవీ హెచ్‌ఎండీఏ పట్టించుకోవడం లేదని స్పష్టం అవుతోంది. అనుమతులు రద్దు చేయాలంటూ వక్ఫ్‌బోర్డు సీఈవో రాసిన లేఖ మొత్తం 40 ఎకరాల్లో లేఅవుట్లు వక్ఫ్‌బోర్డుకు ఆ ప్రాంతంలో మొత్తం 400 ఎకరాల వరకు భూములుండగా..దాదాపు 41 ఎకరాల్లో లేఅవుట్‌లకు రెండు రియల్‌ ఎస్టేట్‌ సంస్థలకు అనుమతి మంజూరు చేయడంపై వక్ఫ్‌బోర్డు సీఈఓ అభ్యంతరం వ్యక్తం చేశారు. ఆదర్శ ఇన్‌ఫ్రా డెవలపర్స్‌ పేరుతో వండర్‌ విస్టా 16.35 ఎకరాల్లో లే అవుట్‌ చేసేందుకు అనుమతి మంజూరు చేశారని సీఈవో తన లేఖలో స్పష్టం చేశారు. అలాగే డెస్టినీ రియల్టర్స్‌ 25 ఎకరాల్లో వెంచర్‌ చేయడంపై కూడా అభ్యంతరం వ్యక్తం చేశారు. ఈ భూములను కాపాడాలంటూ రంగారెడ్డి జిల్లా కలెక్టర్‌తో పాటు జిల్లా స్టాంప్స్‌ అండ్‌ రిజిస్ట్రేషన్‌ అధికారికి, మహేశ్వరం మండల తహశీల్దార్‌కు, ఆదిభట్ల పోలీస్‌స్టేషన్‌ ఇన్‌స్పెక్టర్‌కు కూడా ఆయన లేఖ రాశారు. అయినా ఎలాంటి ఫలితం లేదు. అన్ని పార్టీల నేతలు..! వక్ఫ్‌ భూమిని కాజేయడంలో అధికార కాంగ్రెస్‌ పార్టీకి చెందిన ప్రముఖునిగా చెలామణి అవుతున్న ఓ మైనారిటీ నాయకుడు, ఉత్తర తెలంగాణకు చెందిన ఓ ఎమ్మెల్యే, నగరానికి చెందిన మరో ఎమ్మెల్యే, కేంద్రంలో అధికారంలో ఉన్న ఓ పార్టీకి చెందిన ఓ ఎంపీ, ఓ బీఆర్‌ఎస్‌ ఎమ్మెల్యే కుమారుడు ఇందులో భాగస్వాములుగా ఉన్నట్లు ప్రచారం జరుగుతోంది. రాష్ట్ర ప్రభుత్వం గురువారం ప్రతిపక్ష పార్టీకి చెందిన నేతల భూముల ఆక్రమణలను నిగ్గు తేల్చడానికి జారీ చేసిన జీవో 134కు కొనసాగింపుగా.. కొంగరకుర్దు వక్ఫ్‌ భూముల వ్యవహారంపై కూడా దృష్టి పెడితే అన్ని వాస్తవాలు బయటపడతాయని స్థానికులు అంటున్నారు. నిజమైన రైతుల్ని పట్టించుకోని అధికారులు వక్ఫ్‌ భూములుగా పేర్కొంటున్న వాటిల్లో నిజమైన రైతులు కొందరు దశాబ్దాలుగా వ్యవసాయం చేస్తున్నారు. తోటలు కూడా పెంచుకుంటున్నారు. అయితే వారికి మాత్రం అధికారులు ఎలాంటి ఉపశమనం కలిగించడం లేదు. గెజిట్‌ నోటిఫికేషన్‌ నుంచి మినహాయింపు కోరుతూ కోర్టు ఉత్తర్వులు తెచ్చుకున్నా, ఆ భూములను 22ఏ నుంచి తొలగించకుండా రెవెన్యూ అధికారులు వేధింపులకు గురిచేస్తున్నారని రైతులు వాపోతున్నారు. ఆ ఓఆర్‌సీలు నకిలీవి..నా సంతకాలు ఫోర్జరీ చేశారు: ఐఏఎస్‌ బాల మాయాదేవి కొంగరకుర్దులోని భూములకు సంబంధించి 1995లో తాను రెండు ప్రొసిడింగ్స్‌కు సంబంధించి సంతకాలు చేసినట్లుగా పేర్కొంటున్న డాక్యుమెంట్లు నకిలీవని అప్పట్లో రంగారెడ్డి జిల్లాలో పని చేసిన సీనియర్‌ ఐఏఎస్‌ అధికారి బాల మాయాదేవి ఆదిభట్ల పోలీసులకు ఫిర్యాదు చేశారు. తన సంతకాన్ని ఫోర్జరీ చేశారని ఆమె తన ఫిర్యాదులో స్పష్టంగా పేర్కొన్నారు. ప్రొసీడింగ్స్‌ నంబర్‌ జె/2391/1992 తేదీ 10.07.1995, ప్రొసీడింగ్స్‌ నం.జె/2223/1992, తేదీ 05–08–1995 పేరుతో తన సంతకాలు ఫోర్జరీ చేసి నకిలీ ఆక్యుపెషనల్‌ రైట్స్‌ సర్టిఫికెట్లు (ఓఆర్‌సీ) సృష్టించారని వివరించారు. గత ఏడాది మే 28వ తేదీన ఆమె ఈ ఫిర్యాదు చేసినప్పటికీ.. దానిపై ఇప్పటివరకు ఎలాంటి కేసు నమోదు కాలేదని విశ్వసనీయ సమాచారం. మా భూమిపై నకిలీ ఓఆర్‌సీలు కొంగరకుర్దు(ఏ) సర్వే నంబర్‌ 159లో 2.29 ఎకరాల భూమిని కొనుగోలు చేశాం. అప్పటి నుంచి మేము కబ్జా ఉంటూ వ్యవసాయం చేసుకుంటున్నాం. ప్రస్తుతం రెవెన్యూ రికార్డుల్లో మా పేర్లు వస్తున్నాయి. కొంతమంది రియల్‌ ఎస్టేట్‌ మాఫియా మా భూమిపై నకిలీ ఓఆర్‌సీలు తయారు చేసి హెచ్‌ఎండీఏ నుంచి లే అవుట్‌ అనుమతి పొంది కాగితాలపైనే ప్లాట్లుగా విక్రయిస్తున్నారు. మాకు జరుగుతున్న అన్యాయాన్ని రెవెన్యూ, పోలీసు అధికారుల దృష్టికి తీసుకెళ్లినా పట్టించుకోవడం లేదు. ప్రభుత్వం బాధ్యులపై చర్యలు తీసుకుని మాకు న్యాయం చేయాలి. – సంరెడ్డి కృష్ణారెడ్డి, రైతు రికార్డుల్లో మా పేర్లే ఉన్నాయి.. మా కుటుంబం 1999లో సర్వే నంబర్లు 68, 69, 71, 72, 179లో 16 ఎకరాల భూమి కొనుగోలు చేసింది. అప్పటి నుంచి మేము సాగు చేసుకుంటున్నాం. రికార్డుల్లో మాపేర్లు ఉన్నాయి. అయితే కొంతమంది కబ్జారాయుళ్లు మా భూమికి సంబంధించి కొందరు నకిలీ వ్యక్తులను తెరపైకి తెచ్చి, డాక్యుమెంట్లను సృష్టించి ఉత్తర్వులు తెచ్చుకుంటున్నారు. సబ్‌ రిజిస్ట్రార్, రెవెన్యూ అధికారులతో కుమ్మక్కై మా భూమిపై నకిలీ ఓఆర్‌సీలు తెచ్చారు.ఆ భూమి లే అవుట్‌ చేసి ప్లాట్లుగా విక్రయిస్తున్నారు. దీనిపై త్వరలో కలెక్టర్‌కు ఫిర్యాదు చేస్తాం. – జె.జనార్ధన్‌రెడ్డి, స్థానికుడు

టీ కప్పులోని తుఫాన్‌ను తీరం దాటించేందుకు ‘కశ్మీర్‌ కావా’ టీ అమోఘంగా పని చేస్తుంది. ఆ సువాసన మనసుకు ఎంతో ప్రశాంతతను ఇస్తుంది. అది తుఫాను ముందరి ప్రశాంతత కాదు, తుఫాను తర్వాతి ప్రశాంతతా కాదు. సరిగ్గా తుఫాను మధ్యలోని ప్రశాంతత. ‘కశ్మీర్‌ కావా’ మహత్తును నేను 2019లో ఆర్టికల్‌ 370 రద్దుకు నార్త్‌ బ్లాక్‌లో నా టీమ్‌తో కలిసి సుదీర్ఘమైన లీగల్‌ డ్రాఫ్టింగ్‌ చేస్తున్న సమయంలో కనిపెట్టాను! ‘‘ప్రతి పదాన్నీ చెక్‌ చేయండి. ఇది చట్టం మాత్రమే కాదు, కాబోయే చరిత్ర కూడా...’’ అని నేను హెచ్చరించిన ప్రతిసారీ డ్రాఫ్టింగ్‌ పనిలో ఉన్న అధికారులలో తీవ్రస్థాయిలో ఒత్తిడి పెరిగి, ‘కశ్మీర్‌ కావా’ అవసరం అయ్యేది. ఒక కప్పు కశ్మీర్‌ కావా టీ తాగి, మళ్లీ తుఫాను మధ్యలో ప్రశాంతంగా కూర్చొనేవారు!అయోధ్యపై సుప్రీంకోర్టు తీర్పు తర్వాత, రామాలయ నిర్మాణాన్ని పర్యవేక్షించడానికి 2020 జనవరిలో నార్త్‌ బ్లాక్‌లోనే ప్రత్యేకంగా ఏర్పాటైన ‘అయోధ్య డెస్క్‌’కు నేను చీఫ్‌గా ఉన్నప్పుడు కూడా నా టీమ్‌కు అనేక కప్పుల ‘కశ్మీర్‌ కావా’ అక్కరకొచ్చింది. అంతగా ఏముంటుంది ‘కావా’ టీ లో?! రెండు కప్పుల నీళ్లుండేవి. ఇప్పుడైతే ‘నిర్వాచన్‌ సదన్‌’లో నాతో పాటు, మరో ఇద్దరు ఎలక్షన్‌ కమిషనర్లు సుఖ్‌బీర్‌ సింగ్‌ సంధు, వివేక్‌ జోషి ఉంటారు కనుక మా ముగ్గురికీ మూడు కప్పుల నీళ్లు పడతాయి.మూడు కప్పుల నీళ్లకు 1.5 టీస్పూన్‌ల కశ్మీరీ గ్రీన్‌ టీ ఆకులు, 10–12 రేకుల కుంకుమ పువ్వు, 1 పెద్ద ముక్క, లేదా 2 చిన్న ముక్కల దాల్చిన చెక్క, తేలిగ్గా దంచిన 3 యాలకులు, 6–7 సన్నగా తరిగిన బాదం పప్పులు, కప్పుకు ఒక స్పూన్‌ చొప్పున తేనె లేదా చక్కెర. నీటిని మరిగించటం, కుంకుమ పువ్వు కలపటం, గ్రీన్‌ టీ ఆకులు వేసి 2 నుండి 3 నిముషాల పాటు అలాగే వదిలేయటం, వడకట్టటం, చివరిగా కలపటం, వెచ్చగా ఒక సిప్‌ వేయటం. అంతే! ఒత్తిడి, అలసట టీ కప్పు పొగలతో కలిసిపోయి, పైలోకాలకు చేరేవి.గత 10 నెలల్లో 14 సార్లు నేనే స్వయంగా ‘కశ్మీరీ కావా గ్రీన్‌ టీ’ని కాచి, సుఖ్‌బీర్‌ సింగ్‌ సంధుకూ, వివేక్‌ జోషీకీ నా స్వహస్తాలతో అందించాను. ‘టీ’ని ట్రేతో అందించటంలో పద్ధతి ఉంటుంది. కానీ టీ కప్పుని నేరుగా టీమ్‌మేట్స్‌ చేతికి ఇవ్వటంలో... పద్ధతితో పనిలేని టీమ్‌ స్పిరిట్‌ ఉంటుంది. ‘‘... కానీ సంధూ, జోషీ ఆ స్పిరిట్‌ని కోరుకోలేదు. పైగా ఆ 14 సార్లూ ఆ 14 కప్పుల టీమ్‌ స్పిరిట్‌ని తిరస్కరిస్తూనే వచ్చారు’ అని హఠాత్తుగా సెప్టెంబర్‌ 23 తెల్లారే, మీడియాలో పెను తుఫాను!! ‘సర్‌’ జాబితాలో మార్పులు, చేర్పులు, తొలగింపులలో సంధూ–జోషీలకు; నాకు మధ్య 10 నెలల్లో 14 సార్లు భేదాభిప్రాయాలు వచ్చాయన్నది ఆ తుఫాను కథనం!ఉన్న ముగ్గురు ఎలక్షన్‌ కమిషనర్‌లలో ఇద్దరు కమిషనర్‌ల అంగీకారం లేకుండానే ఏకపక్షంగా నిర్ణయాలు తీసుకున్న చీఫ్‌ ఎలక్షన్‌ కమిషనర్‌ జ్ఞానేశ్‌ రాజీనామా చేయాలి... జ్ఞానేశ్‌ను ఇంపీచ్‌ చేయాలి... జ్ఞానేశ్‌ను అరెస్ట్‌ చేయాలి... జ్ఞానేశ్‌కు శిక్ష విధించాలి... అని రెండు రోజులుగా దట్టంగా సైక్లోన్‌ మబ్బులు! ‘‘ఎలక్షన్‌ కమిషన్‌ డూప్లికేట్లను తొలగించ టానికే పని చేస్తుంది కానీ ఓట్లను తొలగించ టానికి కాదు’’ అని నేనిప్పుడు వాదించి, వివరణ ఇచ్చి చేయగలిగిందీ లేదు, చేయవలసిందీ లేదు. నాపై ఆరోపణలకు, విమర్శలకు కారణమైన నా నిర్ణయాలే... ఆ ఆరోపణలకు, విమర్శలకు సమాధానాలు కూడా. మాట్లాడేందుకేం లేదు. వెళ్లేందుకు మాత్రం మైళ్లకు మైళ్లు ఉన్నాయి. హిమాచల్‌ ప్రదేశ్, జమ్మూ కశ్మీర్, లద్ధాఖ్‌లలో కూడా ‘సర్‌’ పూర్తయ్యే వరకూ... మైల్స్‌ టు గో అండ్‌ స్టార్మ్‌స్‌ టు కమ్‌. ఎన్ని తుఫాన్లు వస్తే ఏంటి? గుప్పెడు టీ ఆకులు, కుంకుమ రేకులు, దాల్చిన చెక్క, దంచిన యాలకులు... తెరిపిన పడేయవా?!

న్యూయార్క్‌: ఉగ్రవాద కార్యకలాపాలకు మద్దతు ఇచ్చే లేదా వాటిని ప్రోత్సహించే ప్రభుత్వాలను బాధ్యులను చేయాల్సిందేనని విదేశాంగ మంత్రి ఎస్‌. జైశంకర్‌ స్పష్టం చేశారు. ఉగ్రవాదంపై ప్రపంచ పోరాటంలో ఎలాంటి సడలింపులు ఉండకూడదని, ఉగ్రవాదానికి సంబంధించిన ఆర్థిక వ్యవస్థలను వెలుగులోకి తెచ్చి అడ్డుకోవాలని ఐక్యరాజ్యసమితి సర్వసభ్య సమావేశంలో అన్నారు. ఉగ్రదాడుల నుంచి తనను తాను రక్షించుకునే హక్కు భారత్‌కు ఉందని పేర్కొన్నారు.ఐక్యరాజ్యసమితి 81వ సర్వసభ్య సమావేశంలో శనివారం ప్రసంగించిన జైశంకర్‌.. ఉగ్రవాదాన్ని సాధారణ అంశంగా చూపించే ప్రయత్నాలను భారత్‌ అంగీకరించబోదని అన్నారు. ‘‘ఇలాంటి చర్యలకు పాల్పడే ప్రభుత్వాలను బాధ్యులను చేయాలి. ఉగ్రవాదంపై మన సున్నా సహన వైఖరిలో ఎలాంటి సడలింపు ఉండకూడదు’’ అని ఆయన పేర్కొన్నారు. ఉగ్రవాదానికి సంబంధించిన ఆర్థిక అంశాలను వెలుగులోకి తీసుకురావాలి, ఎదుర్కోవాలి అని అన్నారు.అది జరగనివ్వంపేరు ప్రస్తావించకుండానే పాకిస్థాన్‌ను ఉద్దేశిస్తూ జైశంకర్‌ కీలక వ్యాఖ్యలు చేశారు. ‘‘నిన్న ఉగ్రవాదాన్ని వరుసగా ప్రోత్సహిస్తున్న వ్యక్తి ఈ సభ ముందు వాస్తవాలను వక్రీకరించారు’’ అని అన్నారు. ఉగ్రవాదాన్ని సాధారణీకరించేందుకు, దాని పరిణామాల నుంచి తప్పించుకునేందుకు ప్రయత్నాలు జరిగాయని పేర్కొన్నారు. అది జరగనివ్వం అని స్పష్టం చేశారు. ఉగ్రవాదం నుంచి భారత్‌ను రక్షించుకునే హక్కును వినియోగించుకుంటామని తెలిపారు. ఉగ్రవాదాన్ని దేశాల మధ్య సంబంధాల్లో ఒక సాధనంగా ఉపయోగించడాన్ని కూడా జైశంకర్‌ ప్రస్తావించారు. స్నేహం, సద్భావన ఉగ్రవాదంతో కలిసి కొనసాగలేవు అని అన్నారు. ఇలాంటి సంబంధాల ఆధారంగా కుదిరిన అవగాహనలను సహజంగానే పునఃపరిశీలించాల్సి వస్తుందని చెప్పారు. ఉగ్రవాదానికి పాల్పడిన వ్యక్తి లేదా వ్యవస్థే తన వైఖరిని మార్చుకోవాలని పేర్కొన్నారు. గల్ఫ్‌లో వాణిజ్య నౌకలపై దాడులు ఆపాలిగల్ఫ్‌ ప్రాంతంలో కొనసాగుతున్న ఘర్షణల నేపథ్యంలో వాణిజ్య నౌకలు, నావికుల భద్రతపై భారత్‌ తీవ్ర ఆందోళన వ్యక్తం చేసింది. అంతర్జాతీయ జలమార్గాల్లో ప్రయాణిస్తున్న వాణిజ్య నౌకలు, నావికులను లక్ష్యంగా చేసుకోవడం ఏ మాత్రం ఆమోదయోగ్యం కాదని జైశంకర్‌ స్పష్టం చేశారు. అన్ని పక్షాలు సంయమనం పాటించి ఉద్రిక్తతలను తగ్గించాలని, పౌరుల రక్షణతో పాటు ఇంధనం, వాణిజ్యం నిరంతర సరఫరాకు ఆటంకం కలగకుండా చూడాలని ఐక్యరాజ్యసమితి సర్వసభ్య సమావేశంలో పిలుపునిచ్చారు. గల్ఫ్‌లో జరుగుతున్న ఘర్షణ ఇప్పటికే క్లిష్టంగా ఉన్న పరిస్థితులను మరింత తీవ్రం చేస్తోందన్నారు. ‘‘ఘర్షణలకు దూరంగా ఉన్న దేశాలు ఎలాంటి తప్పు లేకపోయినా మూల్యం చెల్లిస్తున్నాయి. ఎక్కువగా ప్రభావితమయ్యే వారికి తరచూ తమ అభిప్రాయం చెప్పే అవకాశం తక్కువగా ఉంటుంది’’ అని పేర్కొన్నారు. ‘‘అంతర్జాతీయ జలమార్గాల్లో ప్రయాణిస్తున్న వాణిజ్య నౌకలు, నావికులను లక్ష్యంగా చేసుకోవడం ఏమాత్రం ఆమోదయోగ్యం కాదు. అన్ని పక్షాలు సంయమనం పాటించాలి, ఉద్రిక్తతలను తగ్గించాలి, పౌరులకు రక్షణ కల్పించాలి. ఇంధనం, వాణిజ్యం నిరంతరంగా కొనసాగేందుకు చర్యలు తీసుకోవాలి’’ అని జైశంకర్‌ అన్నారు. ఉక్రెయిన్‌ ఘర్షణ ఐదో సంవత్సరంలోకి ప్రవేశించిన నేపథ్యంలోనూ భారత్‌ ఆందోళన చెందుతోందని ఆయన తెలిపారు. అంతులేని యుద్ధాలకు ముగింపు పలకాల్సిన సమయం ఆసన్నమైందన్న ప్రధానమంత్రి నరేంద్ర మోదీ అభిప్రాయాన్ని ప్రస్తావించారు. ఆహారం, ధాన్యం, ఇంధన సరఫరాతో పాటు నావికుల భద్రతపై తక్షణమే దృష్టి పెట్టాల్సిన అవసరం ఉందన్నారు.పశ్చిమాసియాలో శాశ్వత శాంతికి రెండు దేశాల పరిష్కారం అవసరమని భారత్‌ విశ్వసిస్తోందని జైశంకర్‌ చెప్పారు. పాలస్తీనా ప్రజలకు మానవతా సహాయం, సహాయక చర్యల్లో భారత్‌ భాగస్వామిగా కొనసాగుతోందన్నారు. ఉగ్రవాదానికి సంబంధించి ఎలాంటి సడలింపూ ఉండకూడదని, దానికి పాల్పడే ప్రభుత్వాలను బాధ్యులను చేయాలని పేర్కొన్నారు.

కంచుకోట అనుకున్నాం. అలా అనుకోవాలని మీడియా శాసించింది. అది శత్రు దుర్భేద్యమని భజన గీతాలు పాడింది. జెన్‌ జీ యువతరం గురిచూసి పేల్చిన ఫిరంగి గుండు ధాటికి కోటలో కలవరం మొదలైంది. కాక్రోచ్‌ల దండు సింహాసనానికి ముచ్చె మటలు పట్టించింది. సరిగ్గా రెండు నెలలకే ఔర్‌ ఏక్‌ ఢక్కా. ఈ దెబ్బకు కోట కుతంత్రం సాక్ష్యాధారాలతో బట్టబయలైంది. మీడియా ప్రపంచంలో ఒకనాటి వైభవాన్ని కోల్పోయి, మిణుకు మిణుకుమంటున్న ‘ఇండియన్‌ ఎక్స్‌ప్రెస్‌’ తాజా సంచలనానికి వాహకమైంది. రితికా చోప్డా అనే జర్నలిస్టు నెలల తరబడి శ్రమించి రాసిన పరిశోధన కథనం స్వతంత్ర ఎన్నికల వ్యవస్థ హైజాకింగ్‌కు గురైన వైనాన్ని నగ్నంగా నిలబెట్టింది. ఒక భయ నిశ్శబ్దాన్ని కాక్రోచ్‌లు నిర్భయంగా ఛేదిస్తే, తన పరిశోధ నతో రితిక ఒక రణన్నినాదాన్నే ప్రజాస్వామిక శక్తులకు ప్రసాదించింది.ప్రతిపక్షాన్ని నిర్వీర్యం చేసి, మీడియాను మచ్చిక చేసుకుంటే ఆడింది ఆట పాడింది పాట కాగలదని అధికారోన్మత్తులు భావిస్తే భంగపాటు తప్పదని ఈ పరిణామాలు నిరూపిస్తు న్నాయి. ఎవరూ ఊహించని సమూహాల నుంచి కూడా ప్రతిఘటనా శక్తులు ప్రభవించగలవని మరోమారు రుజువైంది. నవభారత నిర్మాత, పండిత నెహ్రూ, రాజ్యాంగ స్రష్ట బాబా సాహెబ్‌ అంబేడ్కర్‌ మొదలైన స్వతంత్ర భారత తొలితరం నాయకులు వేసిన ప్రజాస్వామ్య పునాదులను కూలదోయడం అంత సులభం కాదు. మోదీ ‘మ్యాజిక్‌’తో కకావికలమై ఉన్న ప్రతిపక్షాలు ఇప్పుడు కాలూ, చెయ్యీ కూడదీసుకుంటున్నాయి. ఐక్యపోరాటాలకు సిద్ధమవుతున్నాయి. బెంగాల్‌లో మూడు దశా బ్దాల వైరాన్ని పక్కనపెట్టి తృణమూల్‌ కాంగ్రెస్, సీపీఎం నేతలు మాట్లాడుకుంటున్నారు. ఇండియా కూటమి వెలుపల ఉన్న పార్టీలు కూడా ఐక్య ఉద్యమంలోకి కలిసి రావాలని కాంగ్రెస్‌ నేతలు విజ్ఞప్తి చేస్తున్నారు.చీఫ్‌ ఎలక్షన్‌ కమిషనర్‌ జ్ఞానేశ్‌ కుమార్‌ వెంటనే రాజీనామా చేయాలనేది ప్రతిపక్షాల ప్రధాన డిమాండ్‌. ఆయన రాజీనామా చేయకపోతే తొలగించాలని, ‘సర్‌’ కార్యక్రమాన్ని నిలిపివేయా లని ప్రతిపక్షం డిమాండ్‌ చేస్తున్నది. పార్లమెంటులో అభిశంసన తీర్మానానికి కూడా సన్నద్ధమయ్యారు. స్వతంత్రంగా వ్యవహరించవలసిన సీఈసీ వంటి అత్యున్నత పదవిలో జ్ఞానేశ్‌కుమార్‌ లాంటి అధికార పార్టీ తొత్తు కొనసాగడం వాంఛనీయం కాదు. అతనికి ఉద్వాసన పలకాలని కోరడం సమంజసమే. అతను తప్పుకున్న తర్వాత జరిగేదేమిటి? జ్ఞానేశ్‌ స్థానంలో శేషన్‌ రాడు కదా! రెండో జ్ఞానేశుడు వస్తాడు. విద్యామంత్రిగా ధర్మేంద్ర ప్రధాన్‌ రాజీనామా చేస్తే ప్రహ్లాద్‌ జోషీ వచ్చాడు. ఇద్దరి మధ్యన సిద్ధాంత విభేదాలు ఏమీ లేవు కదా!ఎన్నికల కమిషనర్ల నియామకంపై 2023లో చేసిన సవరణ చట్టం ప్రకారం ప్రధాని, హోంమంత్రి, ప్రతిపక్ష నేతలతో కూడిన ఎంపిక కమిటీ ఎన్నికల కమిషనర్‌లను నియమిస్తుంది. ఈ త్రిసభ్య సంఘంలో ప్రభుత్వానిదే మెజారిటీ. ఛీఫ్‌ ఎలక్షన్‌ కమిష నర్‌ స్థానం ఖాళీ అయినప్పుడు, ఉన్నవారిలో సీనియర్‌ను ఎంపిక చేయాలనే నిబంధనేమీ ఈ చట్టంలో లేదు. ఈ స్థానాన్ని కూడా ఎంపిక కమిటీ బయటి వ్యక్తులతో భర్తీ చేయవచ్చు. కనుక ఈ విషయంలో అప్రజాస్వామిక ధోరణికి మూలం భారత ప్రధాన న్యాయమూర్తి బదులు ఎంపిక కమిటీలో ప్రధానితో పాటు మరో కేంద్రమంత్రిని చేర్చడం. వైసీపీ అధ్యక్షుడు జగన్‌ మోహన్‌ రెడ్డి సమస్యకు మూలమైన ఈ అంశాన్నే తన ట్వీట్‌లో ప్రస్తావించారు. ప్రధానమంత్రి, ప్రతిపక్ష నేత, భారత ప్రధాన న్యాయ మూర్తితో కూడిన త్రిసభ్య ఎంపిక కమిటీని పునరుద్ధరించాలని ఆయన డిమాండ్‌ చేశారు. ప్రధానితో పాటు మరో కేంద్ర మంత్రిని నియమించుకోవడాన్ని ‘విద్యార్థే స్వయంగా తన ఎగ్జామినర్‌’ను ఎంపిక చేసుకోవడంగా ఆయన ఎద్దేవా చేశారు. ఆరోపణలకు ప్రత్యారోపణలు కాకుండా, ఎన్నికల సంఘంలో వ్యక్తమైన అభ్యంతరాలేమిటి, వాటిపై తీసుకున్న చర్యలేమిటి అనేవి పారదర్శకంగా ప్రజలకు వెల్లడి కావాలని ఆయన కోరారు. ఈ వివాదంపై మిగిలిన ప్రతిపక్షాలకు భిన్నంగా జగన్‌ ఆచరణాత్మకమైన వైఖరి తీసుకున్నారు. జ్ఞానేశ్‌ను తొలగించాలి, అరెస్ట్‌ చేయాలనే ఉద్వేగపూరితమైన ధోరణి ప్రధాన ప్రతి పక్షంలో కనపడింది. జ్ఞానేశ్‌ వ్యవహారంపై విచారణ జరగ వలసిందే. దోషిగా తేలితే శిక్షపడవలసిందే. కానీ దానివల్లనే సమస్యను పరిష్కారం దొరకదు. జ్ఞానేశ్‌కుమార్‌ కేంద్రంలోని పెద్దల వద్ద భృత్యుడుగానే పనిచేశారు. తొత్తురాయుడిగానే విధేయత కనబరిచారు. అయితే ఎన్నికల సంఘం స్వతంత్రంగా పనిచేయకపోవడం అనేది ఆయనతోనే ప్రారంభం కాలేదు. ఆ మాటకొస్తే ఎన్డీఏ హయాంలోనే మొదలుకాలేదు. ఏదో ఒక స్థాయిలో కేంద్ర కార్యనిర్వా హకవర్గం కనుసన్నల్లోనే ఎన్నికల సంఘాలు మొదటినుంచీ పనిచేశాయి. ఒక్క శేషన్‌ హయాంలో తప్ప. ఆ సమయంలో రుషితుల్యుడైన పీవీ నరసింహారావు ప్రధానిగా ఉన్నందువల్ల వ్యవస్థలన్నీ వాటి పరిధిలో స్వేచ్ఛగా పనిచేసుకొనే వెసులు బాటు కలిగింది. మన్మోహన్‌ సింగ్‌ హయాంలో రాజకీయపర మైన నిర్ణయాలన్నీ యూపీఏ చైర్‌పర్సన్‌ కనుసన్నల్లోనే జరిగేవి కనుక పీవీ హయాంతో పోల్చితే కొంత తేడా కనబడింది.కేంద్ర సర్కార్‌లో సెక్రటరీ స్థాయిలో పనిచేస్తూ జ్ఞానేశ్‌ కుమార్‌ బీజేపీ పెద్దల నమ్మకాన్ని చూరగొన్నారని చెబుతారు. ఫలితంగా 2024 ఎన్నికల నోటిఫికేషన్‌ వెలువడటానికి కొద్ది రోజుల ముందు ఎన్నికల కమిషనర్‌గా ఆయన నియమితు లయ్యారు. రాజీవ్‌ కుమార్‌ సీఈసీగా ఉన్నారు. జ్ఞానేశ్‌ ప్రవేశా నికి ఐదారు రోజుల ముందు మరో ఈసీ అరుణ్‌ గోయల్‌ రాజీనామా చేయవలసి వచ్చింది. ఆయన వ్యక్తిగత కారణాలని చెప్పినప్పటికీ అంతకుమించి ఏదో బలవత్కారణం ఉందని అధికార వర్గాల్లో ప్రచారం ఉన్నది. గోయల్‌ రాజీనామాకు కొన్ని రోజుల ముందే మరో ఈసీ అనూప్‌ చంద్ర పాండే పదవీ విరమణ చేశారు. రాజీవ్‌తో పాటు గోయల్‌ ఒక్కరే ఈసీగా ఉన్నారు. నోటిఫికేషన్‌కు రెండు వారాల ముందు ఆ ఒక్కగా నొక్క ఈసీ రాజీనామా చేయాల్సిన అవసరం లేదు. కానీ అత్యవసర సమయంలో ఆయన హఠాత్తుగా తప్పుకోవడం, జ్ఞానేశ్‌ కుమార్‌ అడుగు పెట్టడం రాజకీయ నిర్ణయాలేనని అధికార వర్గాల నిశ్చితాభిప్రాయం.అప్పుడు సీఈసీగా ఉన్న రాజీవ్‌ కుమార్‌కు కూడా పాలక కూటమికి విధేయుడనే పేరున్నది. అతి విధేయుడైన జ్ఞానేశ్‌ కుమార్‌ ఆయనకు తోడయ్యారు. 2024 ఎన్నికల్లోనే చాప కింద నీరులా రహస్య ఎజెండా అమలైందన్న సంగతిని కొన్ని స్వచ్ఛంద సంస్థలతో పాటు పలువురు మేధావులు గుర్తించారు. వారి అనుమానాలను ఉటంకిస్తూ ఆధారాలతో కూడిన లేఖలను పంపించినా ఎన్నికల సంఘం నుంచి స్పందన రాలేదు. ఓట్‌ ఫర్‌ డెమోక్రసీ అనే సంస్థ దేశవ్యాప్తంగా విస్తృతంగా అధ్య యనం చేసి పోలైన ఓట్లపై ఎన్నికల సంఘం వేసిన పిల్లి మొగ్గల్ని ఎండగట్టి వాస్తవాలను జనం ముందుంచింది. గతంలో ఎన్నడూ లేని విధంగా పోలింగ్‌ సమయం ముగిసిన తర్వాత భారీ స్థాయిలో ఓట్లు పడినట్టు వారం రోజుల తర్వాత ఈసీ ప్రకటించడాన్ని వీఎఫ్‌డీ ఎత్తి చూపింది.ఆంధ్రప్రదేశ్‌లో 12.54 శాతం, ఒడిశాలో 12.49 శాతం ఓట్ల పెరుగుదలలోని ఔచిత్యాన్ని వీఎఫ్‌డీ ప్రశ్నించింది. సాధారణంగా పోలింగ్‌ రోజు ప్రకటించే పోల్‌ శాతానికీ, మరుసటి రోజు తుది ప్రకటనకూ మధ్య ఒకటి రెండు శాతం కంటే ఎక్కువ వ్యత్యాసం ఉండదు. కానీ, ఆంధ్రప్రదేశ్, ఒడిశా, అస్సాం, మహారాష్ట్ర మొదలైన రాష్ట్రాల్లో ఈ పెరుగుదల అసాధారణ స్థాయిలో ఉన్నది. ఒక్క ఏపీలోనే ఈ ఓట్ల పెరుగుదల 50 లక్ష లని ఆ సంస్థ లెక్క గట్టింది. ప్రముఖ ఆర్థిక రాజకీయ విశ్లేషకులు డాక్టర్‌ పరకాల ప్రభాకర్‌ చేసిన పరిశోధన ఫలితాలు మరింత ఆందోళనకరంగా ఉన్నాయి. ఏపీలోని 3,500 పోలింగ్‌ బూత్‌ లలో ఎన్నికల సంఘం ప్రకటించిన లెక్కల ప్రకారం అర్ధరాత్రి దాటిన తర్వాత రెండు గంటల వరకు పోలింగ్‌ జరిగింది. ఈ బూత్‌లలో 5 గంటల నుంచి 8 గంటల మధ్య పడిన ఓట్లు 34 వేలు మాత్రమే. పోలింగ్‌ సమయం ముగిసిన తర్వాత, పోలింగ్‌ కేంద్రం ముందు క్యూలో నిలబడ్డ వారికి స్లిప్స్‌ పంచి ఓటు హక్కు కల్పిస్తారు. ఆ విధంగా 8 గంటల వరకు 34 వేల మంది (3,500 బూత్‌లలో) ఓట్లు వేశారనుకుందాం. హఠాత్తుగా రాత్రి 11 గంటల 45 నిమిషాల నుంచి 2 గంటల మధ్య కనీవినీ ఎరు గని స్థాయిలో 17 లక్షల మంది ఓటేసినట్టు ఈసీ లెక్కలు చెబు తున్నాయని ప్రభాకర్‌ విశ్లేషించారు.సుప్రీంకోర్టు ఆదేశాలకు భిన్నంగా వీవీ ప్యాట్లను కాల్చేయడం, కౌంటింగ్‌ రోజు దాకా ఈవీఎంల బ్యాటరీ ఛార్జింగ్‌ 90 శాతానికి పైగా ఉండటం వంటి అనుమానాలపై కూడా ఎన్నికల సంఘం స్పందించలేదు. నిస్సందేహంగా 2024 ఎన్నికల్లో ఆంధ్రప్రదేశ్‌ ప్రజల తీర్పు అపహరణకు గురైంది. ఫలితాలు ప్రకటించిన తొలి రోజు నుంచే ప్రతిపక్షంపై రెడ్‌ బుక్‌ టెర్రర్‌ను ప్రయోగించి ఫలితాల నుంచి దృష్టి మరల్చే ప్రయత్నాలను టీడీపీ ప్రారంభించింది. పోలింగ్‌ ముగిసిన సాయంత్రం నుంచే పోలీసు అధికార యంత్రాంగం తెలుగుదేశం కనుసన్నల్లో పని చేయడం ప్రారంభించిందంటేనే ఎంత పథకం ప్రకారం ఈ ఓట్‌ చోరీ కుట్రను అమలు చేశారన్నది అర్థమవుతున్నది.జ్ఞానేశ్‌ కుమార్‌ 2025 ఫిబ్రవరిలో ఛీఫ్‌ ఎన్నికల కమిషనర్‌ అయ్యారు. అత్యంత వివాదాస్పదమైన ‘సర్‌’ ప్రక్రియకు ఆయనే శ్రీకారం చుట్టారు. సార్వత్రిక ఓటు హక్కు అనే రాజ్యాంగ ఆశ యాన్ని తుంగలో తొక్కి వీలైనంత మందిని ఓటు హక్కుకు దూరం చేసే అప్రజాస్వామిక విధానం ఆయన హయాంలో జరుగుతున్నది. ఇప్పటికి 13 కోట్ల మంది తమ ఓటు హక్కును కోల్పోయారు. ఈసీ తలతిక్క విధానాల వల్ల ఓటు హక్కు కోల్పోతున్న వారిలో ప్రధానంగా మైనారిటీలు, పేదలు, వలస కార్మికులు ఉంటున్నారు. అధికారంలో ఉన్న కూటమికి మేలు జరిగేలా సర్‌ ప్రక్రియను అమలు చేస్తున్నారనడంలో సందేహం లేదు. పాలక పార్టీకి తొత్తుగా మారి ప్రజాస్వామ్యానికి పాతర వేస్తున్న జ్ఞానేశ్‌ తప్పుకోవలసిందే. అంతకంటే ముఖ్యమైనవి ఎన్నికల సంఘ వ్యవహారాల్లో పారదర్శకత, ఎన్నికల సంఘ సభ్యుల నియామకం ప్రజాస్వామికబద్ధంగా జరగడం. లేకపోతే ఒక తొత్తును మార్చినంత మాత్రాన అలాంటి మరో విత్తు మొల కెత్తకుండా ఉండదు.వర్ధెల్లి మురళిvardhelli1959@gmail.com

రాయ్‌పూర్‌: మధ్యప్రదేశ్‌లోని గ్వాలియర్‌ నుంచి ఛత్తీస్‌గఢ్‌లోని రాయ్‌గఢ్‌కు స్నేహితురాలిని కలిసేందుకు వచ్చిన ఓ వ్యక్తి (28) డబ్బులు అయిపోవడంతో వరుసగా ద్విచక్ర వాహనాల చోరీలకు పాల్పడ్డాడని పోలీసులు తెలిపారు. సీసీటీవీ దృశ్యాల ఆధారంగా ఐదు చోరీ కేసులతో సంబంధం ఉన్నట్లు గుర్తించి అతడిని అరెస్టు చేశారు. నిందితుడిని గ్వాలియర్‌ జిల్లా మోరార్‌కు చెందిన నిర్మల్‌ ధాకడ్‌గా గుర్తించారు. పోలీసులు తెలిపిన వివరాల ప్రకారం.. నిర్మల్‌ సెప్టెంబర్‌ 12న గ్వాలియర్‌ నుంచి రాయ్‌గఢ్‌కు వచ్చాడు. నగరానికి వచ్చిన తర్వాత అతడి వద్ద ఉన్న డబ్బులు అయిపోయాయి. దీంతో ఖర్చుల కోసం చోరీలకు పాల్పడినట్లు పోలీసులు తెలిపారు. తాళాలు ఇగ్నిషన్‌లోనే ఉంచిన మోటార్‌సైకిళ్లు, స్కూటర్లను అతడు లక్ష్యంగా చేసుకున్నాడు. చోరీ చేసిన వాహనంలో పెట్రోల్‌ అయిపోయే వరకు తిరిగేవాడని, ఇంధనం పూర్తయిన తర్వాత ఆ వాహనాన్ని వదిలేసి మరో వాహనాన్ని చోరీ చేసేవాడని పోలీసులు తెలిపారు. ఈ విధంగా ఐదు వాహనాలను చోరీ చేసినట్లు పేర్కొన్నారు.నగరంలో వరుస బైక్‌ చోరీలపై కోత్వాలి పోలీసులు దర్యాప్తు ముమ్మరం చేశారు. వివిధ ప్రాంతాల్లోని సీసీటీవీ దృశ్యాలను పరిశీలించగా ఐదు ఘటనల్లోనూ ఒకే వ్యక్తి కనిపించినట్లు గుర్తించారు. సెప్టెంబర్‌ 24న గోశాల సమీపంలో ఓ యువకుడు మోటార్‌సైకిల్‌ను చోరీ చేసేందుకు ప్రయత్నిస్తున్నట్లు పోలీసులకు సమాచారం అందింది. అక్కడికి చేరుకున్న పోలీసులు నిందితుడి ఫొటోను స్థానికులకు చూపించగా, వాహనాన్ని తారుమారు చేసి పారిపోయిన వ్యక్తి అతడేనని గుర్తించారు. అనంతరం పోలీస్‌ కాలనీ ప్రాంతంలో అతడిని గుర్తించి వెంటాడి పట్టుకున్నారు. నిర్మల్‌ ఇచ్చిన సమాచారంతో 4 మోటార్‌సైకిళ్లు, ఒక స్కూటర్‌ కలిపి 5 ద్విచక్ర వాహనాలను పోలీసులు స్వాధీనం చేసుకున్నారు. వాటి మొత్తం విలువ సుమారు రూ.2.50 లక్షలు ఉంటుందని తెలిపారు. ఈ స్వాధీనం ద్వారా కోత్వాలి పోలీస్‌ స్టేషన్‌లో నమోదైన 5 వాహన చోరీ కేసులు పరిష్కారమైనట్లు వెల్లడించారు. నిందితుడిని కోర్టులో హాజరుపరచగా న్యాయ రిమాండ్‌ విధించడంతో జైలుకు తరలించారు.

విక్టరీ వెంకటేశ్–త్రివిక్రమ్ కాంబినేషన్ అనగానే ఒకప్పుడు భారీ క్రేజ్ కనిపించింది. ఈ ఇద్దరి కాంబోలో సినిమా వస్తుందనే వార్తలతోనే సోషల్ మీడియాలో సందడి నెలకొంది. అప్పట్లో వచ్చిన ‘నువ్వు నాకు నచ్చావ్’, ‘మల్లీశ్వరి’ తరహాలో మరో సినిమా వస్తుందంటూ సినీ అభిమానులు భారీ అంచనాలు పెట్టుకున్నారు. అయితే ఇప్పుడు ‘ఆదర్శ కుటుంబం’ విడుదలకు మరో రెండు వారాలు మాత్రమే ఉంది. కానీ ప్రస్తుతం ఆ స్థాయి బజ్ మాత్రం కనిపించడం లేదనే చర్చ సోషల్ మీడియాలో మొదలైంది. ఈ సినిమా షూటింగ్ పూర్తయినా ప్రమోషన్స్ మాత్రం ఆశించిన స్థాయిలో లేవనే చెప్పాలి. ఇప్పటికే రావాల్సిన ఈ సినిమా పాటలు విడుదల కాలేదు. ట్రైలర్ కూడా ఇంకా రాలేదు. దీంతో సినిమాపై ఉండాల్సిన ఆసక్తి క్రమంగా తగ్గుతోందనే అభిప్రాయాలు వినిపిస్తున్నాయి.అయితే ఈ మధ్య కాలంలో భారీ అంచనాలతో వస్తున్న సినిమాలు వరుసగా నిరాశపరుస్తున్నాయి. ఈ నేపథ్యంలో కావాలనే ఈ సినిమాను లో-ప్రొఫైల్‌లో ఉంచుతున్నారా? లేక విడుదలకు ముందు ఒక్కసారిగా ప్రమోషన్స్ పెంచాలనే ఆలోచనలో ఉన్నారా? అనేది ప్రస్తుతం ఆసక్తికరంగా మారింది. మరోవైపు వెంకటేశ్–త్రివిక్రమ్ కాంబినేషన్‌కు సంబంధించిన కామన్ ఇంటర్వ్యూ కూడా ముందుగానే షూట్ చేసినట్టు వార్తలు వస్తున్నాయి. అయినప్పటికీ ఇప్పటివరకు ఈ చిత్రం నుంచి పెద్దగా అప్‌డేట్స్ లేకపోవడం చర్చనీయాంశంగా మారింది. ‘ఆదర్శ కుటుంబం’ రిలీజ్‌కు ఇంకా సరిగ్గా రెండు వారాలు మాత్రమే సమయం ఉంది. ఈ నేపథ్యంలో ఇకపై ప్రమోషన్స్ ఎలా ఉంటాయో, ఈ సినిమాపై బజ్‌ను మేకర్స్ ఎలా పెంచుతారో చూడాలి.

లక్నో: ఉత్తరప్రదేశ్‌లో గత 48 గంటల్లో వర్షాలకు సంబంధించిన ఘటనల్లో 15 మంది ప్రాణాలు కోల్పోయినట్లు అధికారులు శనివారం తెలిపారు. రాష్ట్రంలోని పలు ప్రాంతాల్లో కురిసిన భారీ వర్షాల కారణంగా 100కు పైగా ఇళ్లు దెబ్బతిన్నాయని వెల్లడించారు.ఉత్తరప్రదేశ్‌లో భారీ వర్షాలు కొనసాగుతున్న నేపథ్యంలో భారత వాతావరణ శాఖ (ఐఎండీ) ఆ రాష్ట్రంలోని తూర్పు, పశ్చిమ ప్రాంతాలకు అత్యంత భారీ వర్షాల హెచ్చరిక జారీ చేసింది. సెప్టెంబర్ 26న పలు ప్రాంతాల్లో భారీ నుంచి అత్యంత భారీ వర్షాలతో పాటు ఉరుములు, మెరుపులు, బలమైన గాలులు వీచే అవకాశం ఉందని తెలిపింది.దక్షిణ ఛత్తీస్‌గఢ్‌, దానికి ఆనుకుని ఉన్న దక్షిణ అంతర్గత ఒడిశా ప్రాంతాల్లో ఏర్పడిన అల్పపీడన ద్రోణి ప్రభావంతో ఉత్తరప్రదేశ్‌లో వర్షాల తీవ్రత పెరిగినట్లు వాతావరణ శాఖ తెలిపింది. ఈ వాతావరణ వ్యవస్థ ఉత్తర దిశగా కదులుతూ ఉత్తర ఛత్తీస్‌గఢ్‌, ఈశాన్య మధ్యప్రదేశ్‌ మీదుగా ఆగ్నేయ ఉత్తరప్రదేశ్‌ వైపు వెళ్లే అవకాశం ఉందని పేర్కొంది. రాష్ట్రంలోని పలు జిల్లాల్లో ఇప్పటికే భారీ వర్షాలతో సాధారణ జనజీవనం ప్రభావితమైంది.లక్నో, ప్రయాగ్‌రాజ్‌, కాన్పూర్‌, ఉన్నావ్‌ తదితర ప్రాంతాల్లో వర్షాలు కొనసాగుతున్నాయి. వర్షాల నేపథ్యంలో పలు జిల్లాల్లో పాఠశాలలకు సెలవులు ప్రకటించారు. ప్రయాగ్‌రాజ్‌లో సెప్టెంబర్ 26న ప్రీ-ప్రైమరీ నుంచి 8వ తరగతి వరకు పాఠశాలలను మూసివేశారు. మీరట్‌లోనూ భారీ వర్షాల కారణంగా పాఠశాలలకు సెలవు ప్రకటించారు. తూర్పు ఉత్తరప్రదేశ్‌లో సెప్టెంబర్ 27న భారీ వర్షాలతో పాటు ఉరుములు, మెరుపులు, బలమైన గాలులు వీచే అవకాశం ఉంది. పశ్చిమ ఉత్తరప్రదేశ్‌లోనూ సెప్టెంబర్ 27న భారీ వర్షాలు కురిసే అవకాశం ఉందని ఐఎండీ తెలిపింది.భారీ వర్షాల కారణంగా పలు ప్రాంతాల్లో చెట్లు నేలకూలడం, రహదారులపై నీరు నిలవడం వంటి ఘటనలు నమోదయ్యాయి. ఆకస్మిక వరదల ముప్పు ఉన్న ప్రాంతాల్లో సహాయక, రక్షణ బృందాలను అవసరానికి అనుగుణంగా సిద్ధంగా ఉంచాలని అధికారులను ఆదేశించారు. భారీ వర్షాలు, ఆకస్మిక వరదలు, పిడుగులు, బలమైన గాలుల విషయంలో ప్రజలు అప్రమత్తంగా ఉండాల్సి ఉంటుంది.

సూర్యాపేట: చిట్టీల పేరుతో రాజు అనే ప్రభుత్వ ఉపాధ్యాయుడు చాలా మందిని నిండా ముంచాడు. చివ్వెంల, సూర్యాపేట, ఆత్మకూరు(ఎస్) మండలాల్లో అతడి చేతిలో జనాలు మోసపోయారు. రూ.10 కోట్ల వరకు వసూలు చేసి అతడు పరారయ్యాడు. 10 రోజులుగా ఇంటికి‌ తాళం వేసి‌ ఉండటంతో బాధితుల్లో ఆందోళన నెలకొంది. ఆత్మకూరు (ఎస్) మండలం శెట్టిగూడెంలో ఉపాధ్యాయుడిగా పనిచేస్తున్నాడు రాజు. కాగా, చిట్టీల పేరుతో చాలా మంది మోసాలకు పాల్పడుతున్న ఘటనలు పెరుగుతున్నాయి. ఇటీవల పలు ప్రాంతాల్లో ఇటువంటి ఘటనలే వెలుగులోకి వచ్చిన విషయం తెలిసిందే.

హైదరాబాద్, సెప్టెంబర్ 26: ఆసియా క్రీడలు–2026లో పురుషుల బ్యాడ్మింటన్ విభాగంలో కాంస్య పతకం సాధించి తెలంగాణతో పాటు దేశానికి గర్వకారణంగా నిలిచిన యువ బ్యాడ్మింటన్ క్రీడాకారుడు తరుణ్ మానేపల్లిని తెలంగాణ క్రీడా ప్రాధికార సంస్థ (SATG) వైస్ చైర్‌పర్సన్, మేనేజింగ్ డైరెక్టర్ డాక్టర్ ఎ. సోనీబాలా దేవి, ఐఎఫ్‌ఎస్ శనివారం ఘనంగా సన్మానించారు. ఈ సందర్భంగా డాక్టర్ సోనీబాలా దేవి మాట్లాడుతూ, ఆసియా క్రీడల్లో పతకం సాధించడం తరుణ్ మానేపల్లి కృషి, అంకితభావం, పట్టుదలకు నిదర్శనమని పేర్కొన్నారు. సరూర్‌నగర్ స్టేడియంలో తన క్రీడా ప్రస్థానాన్ని ప్రారంభించిన తరుణ్, నేడు ఆసియా క్రీడల పతక విజేతగా ఎదిగి తెలంగాణకు అంతర్జాతీయ స్థాయిలో గుర్తింపు తీసుకురావడం గర్వకారణమని అన్నారు. తెలంగాణ యువ క్రీడాకారులు అంతర్జాతీయ వేదికలపై సాధిస్తున్న విజయాలు రాష్ట్రంలో ఉన్న అపారమైన క్రీడా ప్రతిభకు నిదర్శనమని ఆమె తెలిపారు. క్రీడాకారులు జాతీయ, అంతర్జాతీయ స్థాయిల్లో మరింత రాణించేలా ప్రపంచ స్థాయి శిక్షణ, ఆధునిక క్రీడా మౌలిక వసతులు, అవసరమైన అన్ని విధాల సహాయ సహకారాలను అందించేందుకు తెలంగాణ క్రీడా ప్రాధికార సంస్థ నిరంతరం కట్టుబడి పనిచేస్తోందని స్పష్టం చేశారు. ఈ సందర్భంగా తరుణ్ మానేపల్లికి తెలంగాణ క్రీడా ప్రాధికార సంస్థ తరఫున హృదయపూర్వక అభినందనలు తెలియజేస్తూ, భవిష్యత్తులో మరిన్ని విజయాలు సాధించి దేశానికి, రాష్ట్రానికి మరింత కీర్తి తీసుకురావాలని ఆకాంక్షించారు. ఇప్పటివరకు భారత్ ఖాతాలో 30 పతకాలు చేరగా, ఇందులో 4 స్వర్ణాలు, 12 రజతాలు, 14 కాంస్యాలున్నాయి. ఇదీ చ‌ద‌వండి: 'కోహ్లితో నాకేంటి?.. నా ఆటయితే పూర్తి కాలేదు'

సాక్షి, విజయనగరం జిల్లా: చంద్రబాబు ప్రభుత్వం వచ్చినప్పటి నుండి రైతులకి నష్టాలేనని వైఎస్సార్‌సీపీ నేత బొత్స సత్యనారాయణ అన్నారు. చీపురుపల్లి మండలంలో ఈదురుగాలులకు నేలకు ఒరిగిన బొప్పాయి, అరటి పంటలను బొత్స సత్యనారాయణ, వైఎస్సార్‌సీపీ జిల్లా అధ్యక్షుడు బెల్లాన చంద్రశేఖర్ పరిశీలించారు. అనంతరం బొత్స మీడియాతో మాట్లాడుతూ.. అరటి, బొప్పాయి రైతులకు లక్షల్లో పెట్టుబడి నష్టం కలిగిందన్నారు.‘‘ఈ సర్కార్‌కు దయ దాక్షిణ్యం లేదు. ఎంతసేపు దోచుకోవడమే. మీ ప్రభుత్వం తాలూకా రైతు విధానం ఏంటి? విపత్తుల్లో ప్రభుత్వం ఒక్క రూపాయి ఇచ్చిన పరిస్థితి లేదు. చాలా కర్కశంగా ఉంది. బొప్పాయి, అరటికి పెట్టుబడి నష్టం ఇవ్వండి. అరటి, బొప్పాయికి ఎకరాకు లక్ష రూపాయలు ఇవ్వాలి. మొక్కజొన్నకి రూ.50 వేలు ఇవ్వాలి. గత తుపాను నష్టం కూడా ఇప్పుడు కలిపి ఇవ్వాలి’’ అని బొత్స డిమాండ్ చేశారు.‘‘మూడు రోజులుగా గ్రామాల్లో కరెంటు లేదు.. ఇప్పటికి పునరుద్ధరణ చేయలేదు. కరెంటు ఆగితే ప్రత్యామ్నాయం ఎందుకు చేయలేదు. జిల్లాలో వరి, పత్తి, మొక్కజొన్న, అరటి, బొప్పాయి పంటలు నష్టం జరిగింది క్రాప్‌ ఇన్సూరెన్స్‌ కాకి ఎత్తుకెళ్లిపోయింది. గత ప్రభుత్వం ఇన్సూరెన్స్ కట్టేది. ఈ ప్రభుత్వం కట్టడం లేదు.. ఈ ప్రభుత్వంలో రైతులు ఎలా బతుకుతారు?. ఏమైనా అడిగితే, సమాధానం చెప్పకుండా రాజకీయం చేస్తున్నారు’’ అంటూ బొత్స దుయ్యబట్టారు.ఇదీ చదవండి: 8 చక్కెర కర్మాగారాల అమ్మకం

తాజా నేషనల్ అవార్డుల సంబరం ముగిసింది. అవార్డుల విజేతల ఎల్లలెరుగని ఆనందం మాత్రం కొనసాగుతోంది. పర్యాటకానికీ, సినీ ప్రచారానికీ లంకె వేసి, ఇకపై ఏడాదికో చోట అవార్డుల ప్రదానం చేస్తామన్న కేంద్రప్రభుత్వ ప్రకటనపైనా జోరుగా చర్చ జరుగుతోంది. వీటన్నిటి మధ్య గత మూడేళ్ళలో ఎన్నడూ లేని విధంగా ఈసారి 72వ జాతీయ అవార్డుల (2024)లో తెలుగు సినిమా తొమ్మిది అవార్డులు గెలవడం సినీ ప్రియులకు మరపురాని విశేషమైంది.తాజా అవార్డులతో కలిపి ఇప్పటికి 4 సార్లు జాతీయ అవార్డుల జ్యూరీలో ఉన్న ప్రముఖ దర్శకుడు వి.ఎన్. ఆదిత్య. ‘మనసంతా నువ్వే’ (2001), ‘నేనున్నాను’ (2004) లాంటి హిట్ చిత్రాల నిర్దేశకుడైన ఆయన ప్రస్తుతం తెలుగు ఫిల్మ్ డైరెక్టర్స్ అసోసియేషన్‌కు అధ్యక్ష పదవిలో ఉన్నారు. హైదరాబాద్ సెన్సార్ బోర్డ్ సభ్యత్వం నుంచి వివిధ జాతీయ, రాష్ట్ర అవార్డు జ్యూరీలలో కీలక బాధ్యతలు నిర్వహించిన అనుభవం ఆయన సొంతం.తాజా నేషనల్ అవార్డుల ప్రదానంలో ఉత్సాహంగా పాల్గొనడమే కాదు... తుది జ్యూరీలోనూ అన్ని భాషల వారికీ తలలో నాలుక ఆదిత్య అన్న సంగతి గుజరాత్ ‘స్టాచ్యూ ఆఫ్ యూనిటీ’ సాక్షిగా అడుగడుగునా కనిపించింది. తెలుగు సినిమాకు ఇటీవల పెరిగిన అవార్డుల సంఖ్యలోనూ ఆయనదే పాత్ర అని పరిశ్రమలో ఓ టాక్. ఆ మాటే అడుగుతూ, గుజరాత్ నుంచి హైదరాబాద్ తిరుగు ప్రయాణమయ్యే వేళ... సాక్షి ఆయనతో జరిపిన ప్రత్యేక భేటీ ఇది. ముఖ్యాంశాలు...ప్రశ్న: ప్రతిసారీ మీరు జ్యూరీలో ఉన్నప్పుడే తెలుగు సినిమాకు ఎక్కువ అవార్డులు వస్తున్నట్టున్నాయి. అందరూ అదే అనుకుంటున్నారు. ఏం చేస్తున్నారేమిటి?జవాబు: (నవ్వేస్తూ...) అదేమీ లేదండీ! మన సినిమాల్లో, నటీనటులు, టెక్నీషియన్లలో ప్రతిభ ఉంది కాబట్టే అవార్డులు వస్తున్నాయి. కాకపోతే, ఎంట్రీలుగా వచ్చిన సినిమాల్లోని ఆ ప్రతిభను జ్యూరీ సమావేశాల్లో సరిగ్గా వివరించి చెప్పడం చాలా కీలకం. మన సంస్కృతి, మన భాష, మన సినిమా... భారతీయ సినిమా స్థాయిలో ఎంత గొప్పగా ఉన్నాయో చెప్పగలగడం వల్లే అవార్డుల పంట పండుతోంది. జ్యూరీ సభ్యుడిగా ఉన్నప్పుడల్లా నేను చేస్తున్నది ఆ పనే! బహుశా, అందుకే నేను జ్యూరీలో ఉన్నప్పుడు తెలుగు సినిమాకు సంఖ్యాపరంగా ఎక్కువ అవార్డులు వస్తూ ఉండి ఉండవచ్చు. నేను కాకపోయినా ఎవరున్నా... జ్యూరీలోని మెజారిటీ సభ్యులకు అంగీకారయోగ్యంగా ఉండేలా చెప్పగలిగితే చాలు. అలా ఎవరు చెప్పినా అవార్డులు వస్తాయి.ప్ర: మీ లానే మిగతా భాషల జ్యూరీ సభ్యులూ ఉంటారు. వారూ తమ తమ భాషల సినిమాల పక్షాన వాదిస్తారుగా?జ: ఉంటారు. వాదిస్తారు. మొత్తం 11 మంది ఫైనల్ జ్యూరీలో కనీసం 8 మంది మన వాదనతో అంగీకరించేలా చేయగలిగితే మన సినిమాకు అవార్డు వస్తుంది. (నవ్వుతూ...) ఆ సందర్భంలోనే చిన్నప్పటి నుంచి స్కూలు, కాలేజీ స్థాయిలో నేను పాల్గొన్న చర్చలు, వక్తృత్వపు పోటీల అనుభవం, వాదనా పటిమతో మన పాయింట్‌కు అనుకూలంగా జడ్జీలను కన్విన్స్ చేసిన నేర్పు నాకు ఇక్కడ పనికొస్తున్నాయి.ప్ర: నేషనల్ అవార్డుల తుది వడపోత దశకు చేరుకున్న సినిమాలంటే ప్రతిభలో పోటాపోటీగానే ఉంటాయిగా? కన్విన్స్ చేయడం ఈజీ కాదుగా?జ: నిజమే. నేషనల్ అవార్డుల్లో ప్రాథమిక వడపోతలన్నీ దాటుకొని, తుది వడపోత దశలో సెంట్రల్ జ్యూరీకి వచ్చే సినిమాలన్నీ కాస్త అటూ ఇటూగా సమానమైన ప్రతిభాపాటవాలతో ఉంటాయి. వాటిని జడ్జ్ చేయడమూ కష్టమే. వాటిలో మన భాషలోని సినిమా ఎందుకు మెరుగైనదో విశ్లేషణాత్మకంగా, పాయింట్ల వారీగా చెప్పి ఒప్పించగలగాలి. అదే కష్టం. ఉదాహరణకు కరోనా సమయంలో సింగిల్ క్యారెక్టర్ సినిమాలు, లాక్‌డౌన్‌లో ఇరుక్కుపోయిన వ్యక్తుల కథలతోనే వేర్వేరు భాషల్లో చాలా సినిమాలు వచ్చాయి. అలాంటప్పుడు ఆ కథ, దాన్ని తెరపై చూపిన కథన విధానం ఇవన్నీ కీలకమవుతాయి. ఆ సంగతి చెప్పి, మిగతా జ్యూరీ సభ్యులను కూడా ఒప్పించాలి. అప్పుడే మెజారిటీ అభిప్రాయంతో అవార్డు దక్కుతుంది. ఇందాకే అన్నట్టు కాలేజీ రోజుల నుంచి డిబేట్లలో నా వాదన చెప్పి, ఒప్పించడం నాకు అలవాటున్న విషయమే. (నవ్వులు).ప్ర: అయితే, ఢిల్లీలో తెలుగు జెండా ఎగరేస్తున్నానంటారు?జ: (మళ్ళీ నవ్వేస్తూ...) ఎగరేస్తున్నా కాదు... ఎగరేస్తున్నాం! దేశ రాజధానిలో తెలుగోడి జెండా ఎగరేస్తేనే కదా గొప్ప విషయం. ఒక్కసారి వెనక్కి తిరిగి చూస్తే... నేను 68వ జాతీయ అవార్డుల (2020)కు ఫీచర్ ఫిల్ముల విషయంలో తుది నిర్ణయం తీసుకొనే సెంట్రల్ ప్యానెల్‌లో ఉన్నాను. ఆసారి తెలుగు సినిమాకు ‘అల వైకుంఠపురములో’ సినిమా సంగీతానికి తమన్‌తో సహా 4 నేషనల్ అవార్డులు వచ్చాయి. వెంటనే 69వ జాతీయ అవార్డుల (2021)కు కూడా ఫీచర్ ఫిల్ముల సెంట్రల్ ప్యానెల్‌లో ఉన్నాను.అప్పుడే ‘ఆర్.ఆర్.ఆర్’కు బెస్ట్ పాపులర్ ఫిల్మ్, ‘పుష్ప-1’లో అల్లు అర్జున్‌కు ఉత్తమ నటుడుతో సహా 11 అవార్డులు తెలుగు సినిమాకు వచ్చాయి. ఇక, 70వ జాతీయ అవార్డుల (2022)లో నేను జ్యూరీలో లేను. తెలుగు సినిమాకు ప్రాంతీయ ఉత్తమ చిత్రం అవార్డు ఒక్కటే వచ్చింది. 71వ జాతీయ అవార్డుల (2023)కు మళ్ళీ సెంట్రల్ ప్యానెల్ సభ్యుడిగా తీసుకున్నారు.ఆసారి తెలుగుకు 8 నేషనల్ అవార్డులొచ్చాయి. తాజా 72వ జాతీయ అవార్డుల (2024)కు కూడా సెంట్రల్ ప్యానెల్ సభ్యుడినే. ఈసారి 9 అవార్డులొచ్చాయి. ఇదేదో నేను జ్యూరీలో ఉన్నందువల్ల వచ్చాయని చెప్పడం కోసం కాదు. అటు ఆలోచనా విధానంలో కానీ, ఇటు మేకింగ్‌లో కానీ మన సినిమాల తాలూకు నాణ్యత జాతీయ స్థాయిలో ఉందని గుర్తు చేయడమే నా ఉద్దేశం. ఆ యా సినిమాల పక్షాన లాజికల్‌గా, కన్విన్సింగ్‌గా వాదన వినిపించే నిపుణులు సభ్యులుగా ఉంటేనే అవార్డులు వస్తాయన్నదే నా అభిప్రాయం.ప్ర: మన సినిమా మేకింగ్ మారింది సరే... ఆలోచనా విధానం అంతగా మారిందంటారా?జ: కచ్చితంగా మారింది. ఒకప్పటి లాగా వెండితెరపై హింస బాగా ఆడుతోందంటే... హింసే తీయడం, సెక్స్ ఆడుతోందంటే ఆ తరహా సినిమాలే తీయడం లాంటి మూస ధోరణి ఇప్పుడు లేదు. ప్రతి ఒక్కరూ ఏదో ఒక భావోద్వేగమైన కథ తెరపై చూపాలనుకుంటున్నారు. అందుకే, మనం వేరే వేరే కథలు తీయగలుగుతున్నాం. అంతే కాదు... కోవిడ్ తర్వాత ప్రాంతీయ సినిమా, ప్రాంతీయ ప్రేక్షక వర్గం అనేవి పోయి, ప్యాన్ – ఇండియా సినిమాలు తీస్తున్నాం. అలా విస్తృత ప్రేక్షక వర్గాన్ని దృష్టిలో పెట్టుకొని సినిమా తీయడం వల్ల, లార్జర్ ఆడియన్స్ ఆ సినిమా ఆల్రెడీ చూసి ఉంటారు. వేర్వేరు భాషల వాళ్ళకు కూడా దాని విలువ తెలుస్తుంది. తద్వారా అవార్డుల ఎంపిక దశలో మన సినిమాకు మొగ్గు సులభం అవుతుంది.ప్ర: కానీ, తెలుగు సినిమాకు ‘ప్యాన్ ఇండియా సినిమా’ పిచ్చి పట్టిందని ఓ విమర్శ!జ: అలా అనుకోవడానికి లేదు. జనరల్‌గా ఒక వస్తువుకు, ఇక్కడంటే... సినిమాకు మార్కెట్ ఇంత ఉందని తెలిశాక, ఎవరైనా ఆ మార్కెట్‌ను దృష్టిలో పెట్టుకొనే సినిమా తీస్తారు. అంతే తప్ప తగ్గించుకోవాలని చూడరు. అందుకే, ప్యాన్ ఇండియా మార్కెట్ దృష్టితో సినిమాలు తీస్తున్నారు. ప్రయత్నమైతే... అందరినీ ఆకట్టుకొని, నాలుగు డబ్బులు చేసుకోవాలనే! ఈ ప్యాన్ ఇండియా దృష్టి వల్ల మనం ఎంచుకొనే కథ మారుతుంది. దేశంలోని అన్ని భాషలు, వర్గాల వారికీ మన సినిమా చేరుతుంది. ఇందాకే చెప్పినట్టు తద్వారా జాతీయ అవార్డులకు పోటీలో మన పని సులభం అవుతుంది.ప్ర: ‘ప్యాన్ ఇండియా’ రంధిలో పడి... తెలుగు సినిమా మూలాల్ని మరిచి, నేల విడిచి సాము చేస్తోందేమో!జ: ఆ వాదనను నేను అంగీకరించను. మనవైన కథలు మనం చెబుతున్నాం. ‘మిరాయ్’, ‘కార్తికేయ’ లాంటివి మన కథలే. నాని ‘దసరా’ లాంటివైతే ఇంకా డీప్ రూటెడ్ ఫిల్మ్స్. అయినా, సినిమా ఓ కళే కానీ, అది వ్యాపారం కూడా! కాబట్టి, దేనికి మార్కెట్ ఉంటే అదే తీస్తారు ఇక్కడ! మొబైల్ ఫిల్మ్స్‌కి మార్కెట్ ఉంటే మొబైల్ ఫిల్మ్స్... టీవీ ఫిల్మ్స్‌కు ఉంటే టీవీ ఫిల్మ్స్... ప్యాన్ ఇండియా ఫిల్మ్స్‌కు మార్కెట్ ఉంటే పాన్ ఇండియా ఫిల్మ్స్. అంతే... సింపుల్! అంతెందుకు... తాజాగా రాష్ట్ర అవార్డులు, నేషనల్ అవార్డులు వచ్చిన ‘35... చిన్న కథ కాదు’ అనేది ఒక ఆమిర్ ఖాన్ ‘తారే జమీన్ పర్’ లాంటి సినిమా. ఆ కథతో తెలుగు వాళ్ళ నుంచి ఉత్తరాది వాళ్ళ దాకా ప్రతి ఒక్కరూ కనెక్ట్ అయ్యారు. అలాగే, ‘కమిటీ కుర్రోళ్ళు’ సినిమా. అది తెలుగు సినిమాయే అయినా, ఆ గ్రామ రాజకీయాలు, కులాల వ్యవహారం లాంటివి తమిళం, మలయాళం... అన్నిచోట్లా కామనే! అందుకే, జాతీయ స్థాయిలో ఆ సినిమాకు గుర్తింపు దక్కింది. ఇప్పుడు ఆ సరికొత్త ఆలోచనా విధానం నిండిన కథలు, కథనాలతో కొత్త తరం రచయితలు, దర్శకులు, నిర్మాతలు వస్తున్నారు. అందుకే, తెలుగు సినిమా ఈసారి 9 నేషనల్ అవార్డులు సాధించగలిగింది. ప్ర: అవార్డుల జ్యూరీలో పనిచేయడం మీకు కొత్త కాదు కానీ, తాజా జ్యూరీలో అనుభవం ఎలా ఉంది? జ: తాజా 72వ నేషనల్ అవార్డుల్లో ఫీచర్ ఫిల్ముల విభాగానికి సంబంధించి... రీజనల్ సౌత్ ప్యానెల్‌లో మన తెలుగువాళ్ళు ఇద్దరున్నారు. ఒకరు - అనేక ప్రసిద్ధ, ప్రభుత్వ చలనచిత్రోత్సవాలకు పనిచేసిన ఎం.ఎస్. ప్రసాద్ గారు. మరొకరు... నటి – కూచిపూడి నర్తకి ప్రశాంతి హారతి గారు. ఇక, ఫైనల్ సెంట్రల్ ప్యానెల్‌లో మాత్రం తెలుగు వాణ్ణి నేనొక్కడినే! మా సెంట్రల్ ప్యానెల్‌కు సుప్రసిద్ధ మలయాళ దర్శకుడు పి. జయరాజ్ ఛైర్మన్. ఆయన 8 సార్లు జాతీయ అవార్డులు గెలుచుకున్న ప్రతిభావంతుడు. ఆయన ఇప్పటికీ రెగ్యులర్‌గా సినిమాలు తీస్తున్నారు గనక సమకాలీన అంశాలు, పరిస్థితులు, వర్తమాన ధోరణులు ఆయనకు బాగా తెలుసు. ఆయన ప్రతిభావంతులను గుర్తించి ప్రోత్సహించారు. జ్యూరీలోని వివిధ భాషలు, ప్రాంతాలకు చెందినవారందరితో ఆయన బాగా కలిసిపోయారు. అందరినీ సమానంగా చూశారు. ఎక్కడా ఉత్తరాది, దక్షిణాది లాంటి పొరపొచ్చాలు ఏమీ లేకుండా, అందరినీ ఏకతాటిపై నడిపించారు. ప్రజాస్వామ్యబద్ధంగా వ్యవహరిస్తూనే, ప్రతిభకు పట్టం కట్టేలా అవార్డుల నిర్ణయం చేశారు. అది చాలా గొప్ప విషయం.ప్ర: అవార్డుల తుది ఎంపిక నిర్ణయం ఎంత కష్టమైంది?జ: చూడండి. ఈసారి దేశం నలుమూలల నుంచి, రాజ్యాంగంలోని ఎనిమిదో షెడ్యూల్‌లో గుర్తింపు పొందిన భాషలే కాకుండా, పొందని భాషల నుంచి కూడా కలిపితే దాదాపు 500కు పైగా ఫీచర్ ఫిల్ములు ఎంట్రీలుగా వచ్చాయి. వాటిలో నుంచి రీజనల్ జ్యూరీలు వడ కట్టి, ఎంపిక చేసిన కొన్నింటినే ఫైనల్ సెంట్రల్ జ్యూరీకి పంపుతారు. అలాగే పంపారు. దాంతో, ఫైనల్స్‌కు వచ్చేవన్నీ నాణ్యమైన సినిమాలే. వాటి మధ్య పెద్ద ఫైట్ ఉంటుంది. ఈసారీ ఉంది. మన తెలుగు నుంచి తుది దశకు వచ్చినవే... ‘కల్కి-1’, ‘పుష్ప-2’, ‘35... చిన్న కథ కాదు’, ‘కమిటీ కుర్రోళ్ళు’, ‘లక్కీభాస్కర్’. ఆ దశకు వచ్చినదేదీ ఉత్త చేతులతో ఇంటికి రాలేదు. 5 సినిమాలకూ కలిపి 9 అవార్డులు వచ్చాయి. గతంలో ఒకసారి అయితే, తెలుగు నుంచి ‘ఆర్.ఆర్.ఆర్’, ‘పుష్ప-1’, ‘కొండపొలం’, ‘ఉప్పెన’... ఇలా దాదాపు ఆరేడు సినిమాలు ఒకే ఏడాది పోటీ పడ్డాయి. ఆ ఏడాదే మనకు 11 అవార్డులు వచ్చాయి. మరోసారి, ‘బలగం’, ‘బేబీ’, ‘భగవంత్ కేసరి’, ‘హను-మాన్’ వగైరా పోటీకి వచ్చాయి. వాటికీ అవార్డులు దక్కాయి. అందుకే, జ్యూరీలో మన ప్రాంతీయ సినిమాకు ప్రాతినిధ్యం వహించేవాడు బలంగా ఉండాలని నేను పదే పదే చెబుతుంటాను.ప్ర: కానీ, జ్యూరీలో సభ్యుడంటే నిష్పాక్షికంగా ఉండాలి కదా! ఎవరికి వారు వాళ్ళ భాష, ప్రాంతం పట్ల పక్షపాతం చూపిస్తే ఇంకేముంది?జ: చూడండి. అన్నిటినీ చూసి, నిష్పాక్షికంగానే నిర్ణయం చెప్పాలి. చెబుతాం. నా డిబేట్ కేవలం తెలుగు సినిమాకి అనే కాదు. అవార్డు ఇవ్వదగ్గ మంచి సినిమాకి! నేను తెలుగు కోసం ఎంత కొట్లాడానో, అంతే సమానంగా తమిళం, మలయాళం, గుజరాతీ, హిందీ, అస్సామీస్ చిత్రాల గురించి కొట్లాడిన సందర్భాలు అనేకం. ఇతర భాషల వాళ్ళు తడబడితే, వాళ్ళ పక్షాన నిలబడి అవార్డు ఎందుకు ఇవ్వవచ్చో పాయింట్లు చెప్పి, నా అభిప్రాయంతో వాళ్ళకు అవార్డులు దక్కిన సంఘటనలు చాలా ఉన్నాయి. ఆ వేదిక మీద... మన పర్సనల్ అజెండాలు, ప్రిజుడిస్‌లు ఉండకూడదు, ఉండవు. ఉంటే కష్టం. ఇన్నేళ్ళ సినీ ప్రయాణంలో జరిగే అనేక సంఘటనల వల్ల చాలామందికి నేను పడకపోవచ్చు. అలాగే నాకు కొందరు ఇష్టం ఉండకపోవచ్చు. వాళ్ళ సినిమాలే అక్కడ ఉండవచ్చు. కానీ, జ్యూరీలో ఉన్న తర్వాత అవన్నీ మర్చిపోయి, సినిమాకు ఏది మంచిదన్నదే చూడాలి. యోగా చేసినట్టుగా మనం పనిచేయాలి. ప్ర: ఈ మధ్య అవార్డే టార్గెట్‌గా సినిమా తీయడం, సినిమా రిలీజైనప్పటి నుంచి ఫలానా అవార్డ్ ఖాయమంటూ ప్రచారం చేసుకోవడమూ జరుగుతోంది కదా!?జ: ఎప్పుడైనా... నేషనల్ అవార్డుల పర్‌స్పెక్టివ్‌లో సినిమా ఉండాలి. అంతేతప్ప, సినిమా తీసేవాడి పర్‌స్పెక్టివ్‌లో నేషనల్ అవార్డ్ ఉండకూడదు. నాకు తెలిసి ఎవరూ అలా నేషనల్ అవార్డుల కోసం సినిమాలు తీసేవారు ఉండరు. ఇక, ముందస్తుగా చెప్పుకోవడం అంటారా... సినిమా వ్యాపారంలో అదో రకం పబ్లిసిటీ. అంతే! అయితే, వాళ్ళు కూడా ఆస్కార్ అవార్డు అనరు... నేషనల్ అవార్డ్ అనే అంటారు. ఎందుకంటే, మనం నేషనల్ అవార్డ్ వస్తుందంటే... నమ్ముతాం! అదే గనక ఆస్కార్ అవార్డ్ వస్తుందంటే... నవ్వుతాం!!ప్ర: గుజరాత్‌లోని కేవడియాలో ఈసారి నేషనల్ అవార్డుల ప్రదానం చూశాక మీకు ఏమనిపించింది!?జ: ప్రభుత్వానికి ముందుగా కృతజ్ఞతలు చెప్పాలి. ఎందుకీ థ్యాంక్స్ అంటే... ఇవాళ ప్రభుత్వం మంచి సినిమాను, మంచి ప్రతిభను గుర్తించి, ప్రోత్సహిస్తోంది. అవార్డుల పేరిట ఇంత శ్రమ పడుతున్నారు. ఇంత ఖర్చు పెడుతున్నారు. సినిమా మీద వాళ్ళకు వచ్చేదేమీ పెద్దగా లేదు. అయినా ఇవన్నీ చేస్తున్నారు.ప్ర: ఎన్నికల షెడ్యూల్ వగైరా దృష్టిలో పెట్టుకొని, వాటిని కూడా రాజకీయ ప్రయోజనాలకై వాడతారని కొందరి విమర్శ?జ: నేను అది ఒప్పుకోను. దక్షిణాదిలో ప్రభుత్వం కానీ, ప్రయోజనం కానీ లేకపోయినా, దక్షిణాదికి అవార్డులు ఇస్తూనే వచ్చారు, ఇస్తారు. ఇంకా చెప్పాలంటే, అవార్డుల విషయంలో ప్రభుత్వ జోక్యం కానీ, వాళ్ళ వైపు నుంచి ఒత్తిడి కానీ ఏమీ లేవు. అయినా, ప్రభుత్వం నుంచి వచ్చేది ఏదైనా రంధ్రాన్వేషణ చేసి, రాజకీయపరంగానే చూస్తుంటాం. అది మనకు ఆది నుంచీ అలవాటు.ప్ర: ఢిల్లీ దాటి నేషనల్ అవార్డులు బయట జరగడం ఇది ముచ్చటగా మూడోసారి. ఇకపై ఏడాదికో చోట నేషనల్ అవార్డుల ప్రదానం చేస్తామని ప్రకటించారు. అది చాలా ఖర్చు, శ్రమ అవుతుందని కూడా మరో విమర్శ. దానిపై మీ కామెంట్!?జ: అది వాళ్ళకు శ్రమ, ఖర్చే కానీ... చూసేవాళ్ళకు ఏముంది! నాకైతే బాగుంది. దేశంలోని వేర్వేరు ప్రదేశాలలో అవార్డుల ప్రదానం జరగడం వల్ల అక్కడి భాష, సంస్కృతి సహా పర్యాటక ప్రదేశాలు అందరికీ తెలుస్తాయి. (నవ్వుతూ...) పైగా, మన లాంటి వాళ్ళం కూడా వేర్వేరు ప్రదేశాలు చూడవచ్చు కదా! కాబట్టి, రేపు అండమాన్‌లో అవార్డుల ప్రదానం పెట్టి రమ్మన్నా, నేను వెళతా. సినిమా వాళ్ళందరూ వస్తారు. - ఆర్. జయ

వెస్టిండీస్‌తో తొలి వ‌న్డే నేప‌థ్యంలో టీమిండియా స్టార్ బ్యాట‌ర్ రోహిత్ శ‌ర్మ త‌న భవిత‌వ్యంపై మ‌రోసారి ఆస‌క్తిక‌ర వ్యాఖ్య‌లు చేశాడు. 2027 వ‌న్డే ప్ర‌పంచ‌క‌ప్ త‌న చివ‌రి టోర్నీ అని కోహ్లి సంకేతాలు ఇచ్చిన నేప‌థ్యంలో హిట్‌మ్యాన్ రిటైర్మెంట్‌పై కూడా ఊహాగానాలు వ్య‌క్త‌మ‌య్యాయి. త‌న రిటైర్మెంట్‌పై వ‌స్తున్న ఊహాగానాల‌కు చెక్ పెడుతూ త‌న‌దైన శైలిలో బ‌దులిచ్చాడు. త‌న ఆట ఇంకా పూర్తి కాలేద‌ని, ఆడుతున్నంత కాలం త‌న ముందు ఏదో ఒక ల‌క్ష్యం ఉంటుంద‌ని రోహిత్ చెప్పుకొచ్చాడు. కోహ్లిది వ్య‌క్తిగ‌త నిర్ణ‌య‌మ‌ని, అత‌డితో త‌న‌కు ప‌ని లేద‌ని రోహిత్ పేర్కొన్న‌ట్లు తెలుస్తోంది. ఇంకా రోహిత్ మాట్లాడుతూ.. "నేను చేయాల్సిన పని పూర్తి అయిందనే ఆలోచన ఎప్పుడూ నా మనసులోకి రాదు. క్రికెట్ ఆడుతున్నంత కాలం నేను సాధించేందుకు ఏదో ఒకటి ఉంటుంది. ప్రస్తుతం నేను ప్రపంచ కప్ కోసం ఎదురుచూస్తున్నా. ప్రపంచ కప్‌ అయినా.. ఏదైనా ఐసీసీ టోర్నీ అయినా దానికి ప్రత్యేకమైన సవాలు ఉంటుంది. వేర్వేరు ప్రత్యర్థులతో, వివిధ మైదానాల్లో ఆడాల్సి ఉంటుంది. అందుకు తగ్గట్టుగా మనం సిద్ధం కావాలి. భిన్నంగా ఆలోచించాలి. అదే ఈ టోర్నీల్లోని అసలైన సవాలు" అని రోహిత్‌ వివరించాడు.2027 వ‌న్డే ప్ర‌పంచ‌క‌ప్‌ను భార‌త్‌కు అందించ‌డ‌మే ల‌క్ష్యంగా రోహిత్ కొన‌సాగుతున్నాడు. అందుకే టెస్టులు, టీ20ల‌కు వీడ్కోలు ప‌లికిన రోహిత్ అప్ప‌టినుంచి వ‌న్డే ఫార్మాట్‌లోనే కొన‌సాగుతూ వ‌స్తున్నాడు. 2023 వ‌న్డే ప్ర‌పంచ‌క‌ప్‌లో త‌న కెప్టెన్సీలో సొంత‌గ‌డ్డ‌పై టీమిండియాను ఫైన‌ల్ చేర్చిన‌ప్పటికీ, తుదిమెట్టుపై బోల్తా కొట్టాడు. అయితే రెండు టీ20 ప్ర‌పంచ‌క‌ప్‌లు (2007, 2024) గెలిచిన టీమిండియా జ‌ట్టులో స‌భ్యుడైన రోహిత్‌.. వ‌న్డే ప్ర‌పంచ‌క‌ప్ గెల‌వాల‌న్న త‌న చిర‌కాల క‌ల‌ను నెర‌వేర్చుకునే పనిలో ఉన్నాడు. త‌న ఫామ్‌పై సందేహాలు వ‌చ్చిన ప్ర‌తీసారి రోహిత్ బ్యాట్‌తోనే స‌మాధానం చెప్పాడు. ఆఖ‌రిసారి ఇంగ్లండ్‌తో వ‌న్డే సిరీస్‌లో ఆడిన రోహిత్ శ‌ర్మ మూడో వ‌న్డేలో శ‌త‌కంతో మెరిశాడు. తాజాగా వెస్టిండీస్‌తో వ‌న్డే సిరీస్‌లో ఆ జ‌ట్టు బౌలర్ల భ‌ర‌తం ప‌ట్టేందుకు సిద్ధ‌మ‌వుతున్నాడు.ఇదీ చదవండి: గ‌మ్మత్తుగా ఒమ‌న్ క్రికెట్ టీం.. తొమ్మిది మందికి ఒకే ఇంటిపేరు

నర్మెట్ట(సిద్దిపేట జిల్లా): తెలంగాణలో ఆయిల్‌పామ్ సాగును పెద్ద ఎత్తున విస్తరించడంతో పాటు, రైతులకు పంటకు సంబంధించిన అన్ని రకాల మౌలిక వసతులను అందుబాటులోకి తీసుకువస్తున్నామని రాష్ట్ర వ్యవసాయ శాఖ మంత్రి శ్రీ తుమ్మల నాగేశ్వరరావు తెలిపారు. రానున్న మూడు సంవత్సరాల్లో రాష్ట్రంలో ఆయిల్‌పామ్ సాగు విస్తీర్ణాన్ని 10 లక్షల ఎకరాలకు తీసుకెళ్లే లక్ష్యంతో ప్రభుత్వం ముందుకు సాగుతోందని చెప్పారు.సిద్దిపేట జిల్లా నంగునూర్ మండలం నర్మెట్ట గ్రామంలోని ఆయిల్‌పామ్ ప్రాసెసింగ్ ప్లాంట్‌ను శనివారం మంత్రి శ్రీ తుమ్మల నాగేశ్వరరావు, జిల్లా కలెక్టర్ శ్రీమతి హైమావతి గారితో కలిసి సందర్శించారు. ఈ సందర్భంగా ప్లాంట్‌లో జరుగుతున్న FFB (Fresh Fruit Bunches) సేకరణ, రవాణా, ప్రాసెసింగ్, నీటి లభ్యత, ప్లాంట్ నిర్వహణ, రైతులకు అందుతున్న సేవలపై అధికారులను వివరాలు అడిగి తెలుసుకున్నారు.70 వేల మెట్రిక్ టన్నులకు పైగా ఎఫ్‌ఎఫ్‌బీ ప్రాసెసింగ్...నర్మెట్ట ఆయిల్‌పామ్ ప్రాసెసింగ్ ప్లాంట్ ప్రారంభమైనప్పటి నుంచి ఇప్పటివరకు 70,000 మెట్రిక్ టన్నులకు పైగా FFBను ప్రాసెస్ చేసినట్లు మంత్రి తెలిపారు. ప్రస్తుతం 30 TPH సామర్థ్యంతో ప్లాంట్ పూర్తి సామర్థ్యంతో పనిచేస్తోందని చెప్పారు.ఆయిల్‌పామ్ సాగు విస్తీర్ణం పెరుగుతున్న నేపథ్యంలో భవిష్యత్‌లో FFB ఉత్పత్తి కూడా భారీగా పెరిగే అవకాశం ఉందని, అందుకు అనుగుణంగా ప్రాసెసింగ్ సామర్థ్యాన్ని పెంచుకోవాల్సిన అవసరం ఉందని మంత్రి పేర్కొన్నారు. నర్మెట్ట ప్లాంట్‌ను భవిష్యత్ అవసరాలకు అనుగుణంగా 120 TPH వరకు విస్తరించుకునే అవకాశం ఉండటం ప్రయోజనకరమన్నారు.రైతులకు సమీపంలోనే ప్రాసెసింగ్ సదుపాయం...రైతులు పండించిన ఆయిల్‌పామ్ FFBను దూర ప్రాంతాలకు తరలించాల్సిన అవసరం లేకుండా, సమీపంలోనే ప్రాసెసింగ్ సదుపాయం అందుబాటులో ఉండటం ఎంతో ప్రయోజనకరమని మంత్రి అన్నారు.FFBను కోత అనంతరం సాధ్యమైనంత త్వరగా ప్రాసెసింగ్ ప్లాంట్‌కు తరలించడం ద్వారా నాణ్యతను కాపాడుకోవచ్చని తెలిపారు. రవాణా దూరం, సమయం తగ్గడంతో రైతులకు రవాణా పరంగా కూడా సౌలభ్యం కలుగుతుందని చెప్పారు.ఆయిల్‌పామ్ రైతులకు సమీపంలోనే ప్రాసెసింగ్ సదుపాయాలు అందుబాటులో ఉండేలా ప్రభుత్వం చర్యలు తీసుకుంటోందని, సాగు విస్తరణకు అనుగుణంగా ప్రాసెసింగ్ మౌలిక వసతులను కూడా విస్తరిస్తామని మంత్రి స్పష్టం చేశారు.ఆయిల్‌పామ్ రైతులతో మంత్రి ముఖాముఖి...ఈ సందర్భంగా సిద్దిపేట జిల్లాకు చెందిన ఆయిల్‌పామ్ రైతులతో మంత్రి ముఖాముఖిగా మాట్లాడారు. రైతుల తోటల నిర్వహణ, దిగుబడులు, కోతలు, FFB సేకరణ, రవాణా, ప్రాసెసింగ్‌కు సంబంధించిన వివరాలను అడిగి తెలుసుకున్నారు.నంగునూర్ మండలం నంగునూర్ గ్రామానికి చెందిన శ్రీ మడప ఎల్లారెడ్డి 5 ఎకరాల్లో 60 టన్నుల దిగుబడి సాధించినట్లు తెలిపారు. మైసంపల్లి గ్రామానికి చెందిన శ్రీ ఓరుగంటి రాజిరెడ్డి 3 ఎకరాల్లో 32.5 టన్నులు, కోహెడ మండలం వెంకటేశ్వరపల్లి గ్రామానికి చెందిన శ్రీ పిన్‌రెడ్డి రాజిరెడ్డి 2.5 ఎకరాల్లో 9.6 టన్నులు, హుస్నాబాద్ మండలం కూచినపల్లి గ్రామానికి చెందిన శ్రీ బాపు రెడ్డి 3 ఎకరాల్లో 17 టన్నుల దిగుబడి సాధించినట్లు వివరించారు.నలుగురు రైతులు కలిపి 13.5 ఎకరాల్లో 119.1 టన్నుల దిగుబడి సాధించినట్లు తెలిపారు. రైతుల అనుభవాలను మంత్రి ఆసక్తిగా విని, ఆయిల్‌పామ్ తోటల్లో శాస్త్రీయ పద్ధతులు, సరైన నీటి యాజమాన్యం, సమయానుకూలంగా కోతలు, తగిన పంట నిర్వహణ పాటించడం ద్వారా అధిక దిగుబడులు సాధించవచ్చని సూచించారు.రైతులు తమకు ఎదురవుతున్న సమస్యలు, అవసరమైన సౌకర్యాలు, భవిష్యత్‌లో ఆయిల్‌పామ్ సాగు విస్తరణకు సంబంధించిన అంశాలను మంత్రి దృష్టికి తీసుకువచ్చారు.మూడు సంవత్సరాల్లో 10 లక్షల ఎకరాలకు ఆయిల్‌పామ్...రాష్ట్రంలో ఆయిల్‌పామ్ సాగుకు అనుకూలమైన వాతావరణం, భూములు, నీటి వనరులు ఉన్న ప్రాంతాల్లో సాగును మరింత ప్రోత్సహిస్తున్నామని మంత్రి తెలిపారు.రానున్న మూడు సంవత్సరాల్లో తెలంగాణలో ఆయిల్‌పామ్ సాగు విస్తీర్ణాన్ని 10 లక్షల ఎకరాలకు తీసుకెళ్లే లక్ష్యంతో ప్రభుత్వం పనిచేస్తోందని చెప్పారు. సాగు విస్తీర్ణం పెరిగే కొద్దీ FFB ఉత్పత్తి కూడా పెరుగుతుందని, అందుకు అనుగుణంగా ప్రాసెసింగ్ ప్లాంట్లు, రవాణా, ఇతర మౌలిక వసతులను కూడా అభివృద్ధి చేయాల్సిన అవసరం ఉందన్నారు.రైతులను ఆయిల్‌పామ్ సాగు వైపు ప్రోత్సహించడంతో పాటు, వారు పండించిన పంటను సకాలంలో ప్రాసెసింగ్ చేయించుకునేలా అవసరమైన సదుపాయాలను కల్పించడం ప్రభుత్వ బాధ్యత అని మంత్రి పేర్కొన్నారు.నర్మెట్ట ప్లాంట్‌కు నీటి లభ్యతపై ప్రత్యేక దృష్టి...నర్మెట్ట ప్రాసెసింగ్ ప్లాంట్‌కు అవసరమైన నీటి లభ్యతపై మంత్రి ప్రత్యేకంగా సమీక్షించారు. ప్రస్తుతం వర్షపాతం తక్కువగా ఉన్న పరిస్థితులను దృష్టిలో ఉంచుకుని ప్లాంట్‌కు నీటి కొరత లేకుండా చర్యలు తీసుకోవాలని అధికారులను ఆదేశించారు.నర్మెట్ట ప్లాంట్‌కు అవసరమైన నీటిని థపాస్పల్లి రిజర్వాయర్, రంగనాయకసాగర్ రిజర్వాయర్‌ల నుంచి అందుబాటులోకి తీసుకువచ్చే అంశంపై చర్యలు తీసుకుంటామని మంత్రి తెలిపారు.ప్లాంట్‌కు నిరంతరంగా నీరు అందుబాటులో ఉండేలా చూడటం ద్వారా FFB ప్రాసెసింగ్‌కు ఎలాంటి అంతరాయం లేకుండా నిర్వహించవచ్చని, రైతుల నుంచి వచ్చే పంటను సకాలంలో ప్రాసెస్ చేయడానికి ఇది దోహదపడుతుందని మంత్రి అన్నారు.ఆయిల్‌పామ్ సాగు విస్తరణతో రైతులకు కొత్త అవకాశాలు...తెలంగాణలో ఆయిల్‌పామ్ సాగు విస్తరణ ద్వారా రైతులకు దీర్ఘకాలికంగా మంచి అవకాశాలు అందుబాటులోకి వస్తాయని మంత్రి తెలిపారు. ఇప్పటికే రాష్ట్రంలో ఆయిల్‌పామ్ సాగు గణనీయంగా విస్తరించిందని, రానున్న రోజుల్లో మరింత విస్తరించేందుకు ప్రభుత్వం అవసరమైన చర్యలు తీసుకుంటోందన్నారు. ఆయిల్‌పామ్ సాగు విస్తరించే ప్రాంతాల్లో రైతులకు సమీపంలోనే FFB ప్రాసెసింగ్ సదుపాయాలు అందుబాటులో ఉండేలా చర్యలు తీసుకుంటామని చెప్పారు. రైతుల పంటకు మార్కెట్, రవాణా, ప్రాసెసింగ్ సౌకర్యాలు సమర్థవంతంగా అందుబాటులో ఉంటేనే ఆయిల్‌పామ్ సాగు మరింత వేగంగా విస్తరించే అవకాశం ఉంటుందని మంత్రి పేర్కొన్నారు.రైతులకు ఇబ్బందులు లేకుండా FFB సేకరణ, ప్రాసెసింగ్...రైతుల నుంచి FFB సేకరణ నుంచి ప్లాంట్‌కు రవాణా, ప్రాసెసింగ్ వరకు ప్రతి దశలో సమర్థవంతమైన వ్యవస్థ ఉండాలని మంత్రి అధికారులకు సూచించారు.రైతులు పండించిన పంటను సకాలంలో ప్లాంట్‌కు తరలించి, ఎలాంటి జాప్యం లేకుండా ప్రాసెసింగ్ చేయాలని ఆదేశించారు. రైతులకు అవసరమైన సాంకేతిక సహాయం, రవాణా సౌకర్యం, ప్రాసెసింగ్‌కు సంబంధించిన సేవలు అందుబాటులో ఉండేలా చర్యలు తీసుకోవాలని సూచించారు. నర్మెట్ట ప్లాంట్‌ను పరిశీలించిన సందర్భంగా FFB సేకరణ, రోజువారీ ప్రాసెసింగ్ సామర్థ్యం, ఇప్పటివరకు జరిగిన ప్రాసెసింగ్, నీటి లభ్యత, ప్లాంట్ నిర్వహణ, భవిష్యత్‌లో పెరగనున్న FFB ఉత్పత్తికి అనుగుణంగా సామర్థ్యాన్ని పెంచే అంశాలపై మంత్రి, జిల్లా కలెక్టర్ అధికారులతో సమీక్ష నిర్వహించారు.ఈ కార్యక్రమంలో జిల్లా అధికారులు, వ్యవసాయ శాఖ అధికారులు, TG OIL FED అధికారులు, ఆయిల్‌పామ్ ప్రాసెసింగ్ ప్లాంట్ అధికారులు, సిబ్బంది, ఆయిల్‌పామ్ రైతులు, మీడియా ప్రతినిధులు పాల్గొన్నారు.

పంజాబ్‌లోని పాటియాలా జిల్లాలో ఉన్న రాజ్‌పురాలోని చిత్కారా విశ్వవిద్యాలయ క్యాంపస్‌లో దెయ్యం తిరుగుతోందంటూ, అమ్మాయిల హాస్టల్ నుంచి కేకలు వినిపించాయంటూ ఒక వీడియో వైరల్‌ కావడం కలకలం రేగింది. క్యాంపస్‌లో విద్యార్థినులు మరణిస్తున్నారని లేదా క్యాంపస్‌లో అదృశ్యమవుతున్నారని పుకార్లు షికార్లు చేశాయి. దీంతో శుక్రవారం రాత్రి వందలాది మంది విద్యార్థులు నిరసనకు దిగడంతో ఉద్రిక్త వాతావరణం ఏర్పడింది. కొందరు ఆందోళనకారులు పోలీసు పెట్రోలింగ్ వాహనాన్ని ధ్వంసం చేశారు. అసలు ఏమైందంటే..పుకార్ల వెనుక అసలు నిజంక్యాంపస్‌లో దెయ్యం తిరుగుతోందంటూ, అమ్మాయిల హాస్టల్ నుంచి కేకలు వినిపించాయంటూ ఒక వీడియో సోషల్ మీడియాలో సర్క్యులేట్ అయింది. దెయ్యం పట్టిన కారణంగా క్యాంపస్‌లోని ఇద్దరు విద్యార్థినులు అదృశ్యమయ్యారని ఆరోపించారు. అంతేకాదు దెయ్యాలను తరిమి కొట్టడానికి అధికారులు రహస్యంగా ఒక మాంత్రికుడిని హాస్టల్‌కు పిలిపించారనీ, ఈ మొత్తం విషయాన్ని కప్పిపుచ్చుతున్నారంటూ నిరసనలకు దిగారు.Big News 🚨 The videos circulating from Chitkara University last night show protests sparked. Both the university administration and Punjab Police have investigated the claims and officially confirmed that no students have died or gone missing. pic.twitter.com/JVUjuh0Mho— Sambhawam🚩 (@hinduvision1) September 26, 2026 హాస్టల్ వద్ద కనిపించిన అంబులెన్స్, ఆసుపత్రి నుంచి తిరిగి వస్తున్న ఒక విద్యార్థిని కోసం వచ్చిందే తప్ప మరే ఇతర కారణం వల్ల కాదని తేలింది. అలాగే హాస్టల్ వద్ద కనిపించిన పూజారి (పండిత్ జీ), తన కూతురిని కలవడానికి వచ్చారే తప్ప, ఏ ఘటనతోనూ ఆయనకు సంబంధం లేదని కాలేజీ యాజమాన్యం వెల్లడించింది. ఇద్దరు విద్యార్థినులు కనిపించడం లేదంటూ విద్యార్థులు ఫిర్యాదు చేశారని, అయితే ఎవరి పేర్లు లేదా వివరాలు ఎవరికీ తెలియవని బనూర్ డీఎస్పీ సుఖదేవ్ సింగ్ తెలిపారు. అయినప్పటికీ ఈ వార్తలపై విచారణ జరుపుతున్నట్లు చెప్పారు.ఇదీ చదవండి: నో ఫుడ్‌..రోజుకో షవర్మ....ఇపుడు రూ. 1.04 కోట్లుఅయితే క్యాంపస్‌లో ఎలాంటి ఆత్మహత్యలు లేదా మరణాలు జరగలేదని, సోషల్ మీడియాలో వస్తున్న వార్తలు పూర్తిగా నిరాధారమైనవని యూనివర్సిటీ క్లారిటీ ఇచ్చింది. అలాగే ధృవీకరించని రీల్స్, సందేశాలు లేదా పోస్ట్‌లపై ఆధారపడవద్దని విశ్వవిద్యాలయం విద్యార్థులను కోరింది.గతంలోనూ ఇలాంటి పుకార్లు 2019 డిసెంబర్‌లో కూడా ఇదే యూనివర్సిటీలో ఇలాంటిదే ఒక నకిలీ వార్త ప్రచారమైంది. కొందరు విద్యార్థులు ప్రాంక్ కాల్ చేసి హాస్టల్‌లోవిద్యార్థిని ఆత్మహత్య చేసుకుందంటూ పుకార్లు రేపడంతో ఆందోళనకు దారి తీసింది. పోలీసులు క్యాంపస్‌కు హుటాహుటిన చేరుకుని, ఆ కాల్ బూటకమని నిర్ధారించారు.ఇదీ చదవండి: యూనివర్శిటీ విద్యార్థిని మృతి, లవ్‌ జిహాద్‌ ఆరోపణలు కలకలం

భారతదేశపు ప్రముఖ టెలికాం ప్రొవైడర్ రిలయన్స్ జియో.. వినియోగదారుల కోసం లెక్కకు మించిన రీఛార్జ్ ప్లాన్స్ అందిస్తోంది. ఇందులో రూ.239 ప్లాన్ ఒకటి. దీని గురించి పూర్తి వివరాలు ఇక్కడ తెలుసుకుందాం.జియో రూ.239 ప్లాన్ రీఛార్జ్ చేసుకుంటే.. 22 వ్యాలిడిటీ లభిస్తుంది. వ్యాలిడిటీ ముగిసే వరకు రోజుకు 1.5GB హై-స్పీడ్ డేటా, అన్‌లిమిటెడ్ వాయిస్ కాల్స్ వంటి ప్రయోజనాలను పొందవచ్చు. అంతే కాకుండా రోజుకు 100 ఎస్‌ఎంఎస్‌లను పంపుకునే సౌకర్యం కూడా ఉంటుంది.వాయిస్ కాలింగ్, డేటా వంటి ప్రయోజనాలు మాత్రమే కాకుండా.. ఈ ప్లాన్‌లో జియో టీవీ, జియో ఏఐ క్లౌడ్ వంటి అదనపు సేవలు పొందవచ్చు. తక్కువ వ్యవధిలో.. రోజువారీ డేటా, అన్‌లిమిటెడ్ కాలింగ్ అవసరమయ్యే వారికి ఈ ప్లాన్ చాలా ఉపయోగకరంగా ఉంటుంది.

హైదరాబాద్‌: గర్భిణులు, కాబోయే తల్లిదండ్రులకు గర్భధారణ, ప్రసవం, శిశు సంరక్షణపై అవగాహన కల్పించేందుకు కిమ్స్‌ కడల్స్‌ ఆధ్వర్యంలో నిర్వహిస్తున్న ‘మిసెస్‌ మామ్‌’ కార్యక్రమం 10వ సీజన్‌లోకి అడుగుపెట్టింది. డా. కె. శిల్పి రెడ్డి ఆధ్వర్యంలో క్రయోవివా సహకారంతో ఈ కార్యక్రమాన్ని తెలంగాణ, ఆంధ్రప్రదేశ్‌లోని ఏడు నగరాల్లో నిర్వహించనున్నారు. ‘10 ఇయర్స్‌ ఆఫ్‌ గ్లోయింగ్‌ మదర్స్‌.. గ్రోయింగ్‌ ఫ్యామిలీస్‌’ అనే థీమ్‌తో అక్టోబరు 4 నుంచి డిసెంబరు 6 వరకు కార్యక్రమాలు కొనసాగనున్నాయి.10 సీజన్ కు సంబంధించిన పోస్టర్ విడుదల కార్యక్రమాన్ని శనివారం కిమ్స్ కడల్స్ కొండాపూర్ ఏర్పాటు చేశారు. ఈ సందర్భంగా మిసెస్ మామ్ కార్యక్రమ రూపకర్త, ప్రముఖ గైనకాలజిస్ట్ డా. కె. శిల్పి రెడ్డి మాట్లాడుతూ ఈ పదో సీజన్, పది రోజుల పాటు ఏడు నగరాల్లో ఈ సీజన్ జరుగుతుందని తెలిపారు. ఆంధ్రప్రదేశ్ లోని ఆరు నగరాలు, హైదరాబాద్ లో నాలుగు రోజుల పాటు ఈ సీజన్ నిర్వహిస్తున్నామని వివరించారు. ప్రతీ గర్భిణీ కూడా సాధారణ ప్రసవం అయ్యేలా చేయడమే తమ ఈ కార్యక్రమ ముఖ్య ఉద్దేశ్యమని అన్నారు. గత 9 సీజన్లను విజయంవంతగా పూర్తి చేసుకొని ఈ సారి పదో సీజన్ లోకి అడుగు పెడుతున్నామని తెలిపారు. ఈ సారి హైదరాబాద్ తో పాటు మరో ఆరు నగరాల్లో కర్నూలు, విజయవాడ, నెల్లూరు, విశాఖపట్నం, రాజమండ్రి, అనంతపురంలో మిసెస్‌ మామ్‌ కార్యక్రమాలు నిర్వహించనున్నామని తెలిపారు. తొమ్మిది సీజన్లను విజయవంతంగా పూర్తి చేసిన ఈ కార్యక్రమం ద్వారా కాబోయే తల్లిదండ్రులకు గర్భధారణ సమయంలో తీసుకోవాల్సిన జాగ్రత్తలు, ప్రసవానికి సన్నద్ధత, శిశు సంరక్షణ తదితర అంశాలపై అవగాహన కల్పించనున్నామని తెలిపారు.ప్రసూతి, స్త్రీ వైద్యులు, పిల్లల వైద్యులు, పోషకాహార నిపుణులు తదితర రంగాలకు చెందిన వైద్య నిపుణులు కార్యక్రమాల్లో పాల్గొని గర్భిణులు, వారి కుటుంబ సభ్యులకు అవసరమైన సూచనలు అందించనున్నారని పేర్కొన్నారు. గర్భధారణ సమయంలో ఎదురయ్యే సాధారణ సమస్యలు, ప్రసవం, గర్భిణులకు వ్యాయామాలు, యోగా, ఒత్తిడి తగ్గించుకునే పద్ధతులు, తల్లిపాలు, పుట్టిన బిడ్డ సంరక్షణ వంటి అంశాలపై ప్రత్యేక సెషన్లు నిర్వహించనున్నారని వివరించారు. గర్భధారణ అనేది కేవలం వైద్య పరీక్షలకు పరిమితం కాకుండా తల్లి, తండ్రి, కుటుంబ సభ్యుల శారీరక, మానసిక, భావోద్వేగ, ఆధ్యాత్మిక ఆరోగ్యాన్ని దృష్టిలో పెట్టుకుని ముందుకు సాగాల్సిన ప్రయాణమని తెలిపారు. కాబోయే తల్లిదండ్రులకు సరైన అవగాహన, నమ్మకం కల్పించడమే ‘మిసెస్‌ మామ్‌’ ప్రధాన ఉద్దేశమని పేర్కొన్నారు.

సాక్షి, ములుగు జిల్లా: వెంకటాపురం మండలంలో గోదావరి ఇసుకపాయలోకి ఒక్కసారిగా భారీగా వరద నీరు రావడంతో కలకలం రేగింది. 80 మంది కూలీలు, రైతులు లంకలో చిక్కుకున్నారు. ఉదయం మిర్చి తోటల్లోకి పనులకు వెళ్లిన కూలీలు, రైతులు గోదావరి అవతలి ఒడ్డున చిక్కుకున్నారు. విషయం తెలుసుకున్న ఎస్‌ఐ తిరుపతిరెడ్డి, తహశీల్దార్‌ వేణుగోపాల్‌ నాటు పడవల సహాయంతో కూలీలు, రైతులను సురక్షితంగా ఒడ్డుకు తరలించారు. గోదావరి వరద ఉధృతంగా ప్రవహిస్తుండటంతో రైతులు ఎవరు కూడా మిర్చి తోటలకు వెళ్లొద్దని హెచ్చరించారు.పేరూరు వద్ద క్రమక్రమంగా గోదావరి వరద పెరుగుతుంది. ప్రస్తుతం 15.00 మీటర్ల మేర గోదావరి ప్రవహిస్తుంది. పూసుర్ బ్రిడ్జి దగ్గర గోదావరి ఉధృతంగా ప్రవహిస్తుంది. వాజేడు మండలం చీకుపల్లి గ్రామ సమీపంలోని జాతీయ రహదారిపై ఉన్న ఇసుక వాగు వంతెనపై తాత్కాలికంగా నిర్మించిన డైవర్షన్ రోడ్డుపైకి గోదావరి వరద పోటెత్తడంతో తెలంగాణ-ఛతీస్‌గఢ్‌ రాష్ట్రాలతో పాటు 26 గ్రామాలకు రాకపోకలు నిలిచిపోయాయి.వాజేడు మండలంలోని బొగత జలపాతం ఉధృతంగా ప్రవహిస్తుండడంతో ఈతకొలనులోకి దిగడానికి అనుమతిని అటవీశాఖ అధికారులు తాత్కాలికంగా నిలిపివేశారు. పర్యాటకులకు జలపాతం సందర్శనకు మాత్రమే అనుమతిస్తున్నారు. ముంపు ప్రాంత ప్రజలు, మిరప చేనులకు వెళ్లే రైతులు, అందరూ అప్రమత్తంగా ఉండాలని అధికారులు సూచిస్తున్నారు. పశువుల కాపర్లు, మత్స్యకారులు ఎవరు గోదావరి వైపు వెళ్లొద్దని హెచ్చరించారు.ఇదీ చదవండి: ప్రేమానంద్‌ మహారాజ్‌ ఆశ్రమంలో కలకలం..

సంజయ్ లీలా భన్సాలీ దర్శకత్వంలో తెరకెక్కుతున్న ప్రతిష్టాత్మక చిత్రం ‘లవ్ అండ్ వార్’. దీనిపై భారీ అంచనాలు ఉన్నాయి. ఇప్పటికే రణ్‌బీర్ కపూర్, అలియా భట్ ఫస్ట్ లుక్ పోస్టర్లను విడుదల చేసిన చిత్రబృందం నేడు విక్కీ కౌశల్ ఫస్ట్ లుక్ పోస్టర్‌ను విడుదల చేసింది. ఈ పోస్టర్ ప్రస్తుతం సోషల్ మీడియాలో వైరల్ అవుతోంది. పోస్టర్‌లో విక్కీ కౌశల్ సిగరెట్, లైటర్‌తో కనిపిస్తూ ఎంతో ఇంటెన్స్‌గా చూస్తున్న తీరు సినిమాపై అంచనాలు పెంచేస్తోంది.కాగా సంజయ్ లీలా భన్సాలీ దర్శకత్వంలో తెరకెక్కుతున్న ‘లవ్ అండ్ వార్’లో రణ్‌బీర్ కపూర్, అలియా భట్, విక్కీ కౌశల్ ప్రధాన పాత్రల్లో నటిస్తున్నారు. ఈ చిత్రం 2027 జనవరి 21న ప్రపంచవ్యాప్తంగా హిందీ, తమిళం, తెలుగు భాషల్లో విడుదల కానుంది. తాజాగా అలియా భట్ ఫస్ట్ లుక్‌ పోస్టర్‌ను మేకర్స్ విడుదల చేశారు. ఈ పోస్టర్‌లో అలియా ఇంతకుముందెన్నడూ కనిపించని లుక్‌లో మెరిసింది. స్లిట్ స్కర్ట్, ప్రత్యేకమైన హెడ్‌పీస్‌తో కుర్చీలో కూర్చుని పూర్తిగా కొత్త అవతారంలో కనిపించింది.

ఆసియా క్రీడ‌ల్లో పాల్గొంటున్న ఒమ‌న్ క్రికెట్ జ‌ట్టు స‌రికొత్త ఫీట్‌ న‌మోదు చేసింది. ఆట ప‌రంగా పెద్దగా ఆక‌ట్టుకోలేక‌పోయిన‌ప్ప‌టికీ, జ‌ట్టు కూర్పు ప‌రంగా మాత్రం ఒక గ‌మ్మ‌త్తైన విష‌యం బ‌య‌టికి వ‌చ్చింది. ఒమ‌న్ జట్టులో తొమ్మిది మంది ఆట‌గాళ్ల‌కు ఒకే ఇంటిపేరు ఉండ‌డం ఇక్క‌డ చెప్పుకోద‌గ్గ విష‌యం. ఒమ‌న్ తుది జ‌ట్టులోని ప‌ద‌కొండు మందిలో ఒకే ఇంటిపేరున్న‌ ఏడుగురు ఆట‌గాళ్లు మ్యాచ్‌లో ఆడడం మ‌రో విశేషం.శుక్ర‌వారం హాంకాంగ్‌తో జ‌రిగిన మ్యాచ్ కోసం.. సుఫ్యాన్ మ‌హ‌మూద్ కెప్టెన్‌గా వ్య‌వ‌హ‌రించిన జ‌ట్టులో మ‌హ‌మ్మ‌ద్ అల్ బ‌లూషి, షుఐబ్ అల్ బ‌లూషి, జుబైర్ అల్ బ‌లూషి, వ‌హీద్ అల్ బ‌లూషి, ఈసా అల్ బ‌లూషి, న‌వీద్ అల్ బ‌లూషి, ఫారిస్ అల్ బ‌లూషి మ్యాచ్ ఆడారు. వీరితో పాటు బెంచ్‌పై ఉన్న వ‌సీం, ఖైస్‌ల ఇంటిపేరు కూడా అల్ బ‌లూషినే కావ‌డం గ‌మ‌నార్హం.ఒమ‌న్ జ‌ట్టు త‌ర‌ఫున అల్ బ‌లూషి పేరున్న‌ న‌లుగురు ఓపెనింగ్ నుంచి నాలుగో స్థానం వ‌ర‌కు బ్యాటింగ్‌కు రావ‌డం విశేషం. మ‌హ‌మ్మ‌ద్ అల్ బ‌లూషి, ఐబ్ అల్ బ‌లూషి ఓపెన‌ర్లుగా రాగా.. జుబైద్ అల్ బ‌లూషి, వ‌హీద్ అల్ బ‌లూషి మూడు, నాలుగు స్థానాల్లో వ‌చ్చారు. క్రికెట్ చ‌రిత్ర‌లో ఇలా ఒకే ఇంటిపేరున్న న‌లుగురు ఆట‌గాళ్లు వ‌రుస‌గా తొలి నాలుగు స్థానాల్లో బ్యాటింగ్‌కు రావ‌డం ఇదే మొద‌టిసారి.మ్యాచ్ విష‌యానికొస్తే తొలుత బ్యాటింగ్ చేసిన హాంకాంగ్ నిర్ణీత 20 ఓవ‌ర్ల‌లో 8 వికెట్ల న‌ష్టానికి 121 ప‌రుగులు చేసింది. ముహ‌మ్మ‌ద్ హ‌ఫీజ్ (33), బాబ‌ర్ హ‌య‌త్ (23) రాణించారు. ఒమ‌న్ బౌల‌ర్ల‌లో మొహ‌మ్మ‌ద్ అల్ బ‌లూషి 3 వికెట్లు తీశాడు. అనంత‌రం ఒమ‌న్ జ‌ట్టు 20 ఓవ‌ర్ల‌లో 6 వికెట్ల న‌ష్టానికి 80 ప‌రుగుల‌కే ప‌రిమిత‌మైంది. సుఫ్యాన్ మెహ్మూద్ (26) టాప్ స్కోర‌ర్‌. ఆయుశ్ శుక్లా మూడు వికెట్ల‌తో రాణించాడు.ఇదీ చదవండి: క‌లిసొచ్చిన శ‌నివారం.. 30 పతకాల మార్క్ దాటిన భారత్‌

ప్రపంచంలోనే అత్యంత ఖరీదైన నగరాల్లో ఒకటైన దుబాయ్‌. అలాంటి నగరానికి చేతిలో చిల్లి గవ్వ లేకుండా, ఉద్యోగం లేకుండా వెళ్లడం అంటే సాహసమే. అలా వెళ్లి ఒక్కపూట తిండితో సరిపెట్టుకుని, అనేక కష్టాలు పడి, చివరికి విజయవంతమైన వ్యాపారవేత్తగా, కంటెంట్ క్రియేటర్‌గా ఎదిగిన ఆలియా లాలా సక్సెస్‌ స్టోరీ చాలా స్ఫూర్తిదాయకం. సొంతంగా ఒక కెరీర్‌ను నిర్మించు కోవాలనే దృఢ సంకల్పం ఉంటే సక్సెస్‌ వెదుక్కుంటూ వస్తుందని నిరూపించారు.అబుదాబికి చెందిన ఆలియా లాలా తండ్రి సివిల్ ఇంజనీర్, ప్రాజెక్ట్ మేనేజర్. తండ్రి డబ్బులు అడగడం ఇష్టం ఉండేది కాదు. ఏదైనా సాధించాలనే తపనతో ఉద్యోగం, పొదుపు లేకుండానే దుబాయ్‌కు వెళ్లిపోయింది. ఒక పూట భోజనం కోసం డబ్బు సంపాదించుకోవడం నుంచి మొదలు చివరికి 14 సంవత్సరాలకు పైగా సాగుతున్న ఒక కెరీర్‌కు నాంది పలికింది. కష్టాల కొలిమి, టిప్సే ఆధారందుబాయ్‌లో మొదట స్నేహితురాలితో కలిసి షేరింగ్ స్పేస్‌లో ఉండేది. ఆమె రూమ్‌మేట్ రష్యన్. రూమ్‌మేట్స్ కోసం వాటర్ బాటిళ్లు తెచ్చిపెట్టడం ద్వారా వచ్చే రూ. 130-150 తో ఒక నెల గడిచింది. అలా ఉద్యోగం దొరికే వరకు రోజుకు ఒక షవర్మా మాత్రమే ఆమె ఆహారం. అయినా ఎక్కడా నిరాశ పడలేదు. View this post on Instagram A post shared by Aaliya Lala - Dodo - Gulf Girl 🇦🇪 (@aaliyalala)చిన్న చిన్న పనులు చేస్తూ మొదలుపెట్టిన ఆమె ప్రయాణం 14 ఏళ్లు దాటాయి. ప్రస్తుతం ఆమె యూఏఈ-లైసెన్స్ పొందిన ట్రావెల్ అండ్ లైఫ్‌స్టైల్ కంటెంట్ క్రియేటర్. అంతర్జాతీయ బ్రాండ్లు, లగ్జరీ హోటళ్లు, టూరిజం బోర్డులతో కలిసి పనిచేస్తుంది. కేవలం కంటెంట్ క్రియేషనే కాకుండా, ఇన్‌ఫ్లుయెన్సర్‌లను బ్రాండ్లు, ట్రావెల్ ఏజెన్సీలతో అనుసంధానించే ఒక మీడియా హౌస్‌ను నడుపుతున్నారు. దీనితో పాటు యూఏఈ రియల్ ఎస్టేట్, ఆర్థిక మార్కెట్లలో పెట్టుబడులు పెడుతోంది. ఇదీ చదవండి: యూనివర్శిటీ విద్యార్థిని మృతి, లవ్‌ జిహాద్‌ ఆరోపణలు కలకలంవార్షిక సంపాదనప్రస్తుతం ఆమె సరాసరి వార్షిక సంపాదన దాదాపు 300,000 నుండి 400,000 దిర్హామ్‌లు (సుమారు రూ. 78.2 లక్షల నుండి రూ. 1.04 కోట్ల వరకు) ఉంది. తన కెరీర్‌ను మోడలింగ్‌తో ప్రారంభించి, ఆ తర్వాత ఫోటోగ్రాఫర్‌గా కూడా పనిచేశానని, కాబట్టి కెమెరా వెనుక, కెమెరా ముందు ఉండటం ఎలా ఉంటుందో తనకు తెలుసునని ఇటీవల ఒక ఇంటర్వ్యూలో చెప్పిందామె. తన సోషల్ మీడియా పేజీలను రెండుసార్లు కోల్పోయాను, మళ్లీ మళ్లీ మొదటి నుండి ప్రారంభించాల్సి వచ్చిందన్నారు. భవిష్యత్తులో బహుళ ఆదాయ మార్గాల ద్వారా దీర్ఘకాలిక సంపదను సృష్టించడమే ఆశయంగా సాగుతోంది. తన వ్యాపారాలను విస్తరించడం, విలువైన ఆస్తులను కూడబెట్టడం,అంతర్జాతీయంగా తన పనిని విస్తరించడం ద్వారా ఆర్థిక స్వాతంత్ర్యం సాధించడమే ఆమె లక్ష్యం. ఇదీ చదవండి: రూ. 2.87 లక్షల కోట్ల డీల్‌ : చైనా-అమెరికా కీలక ఒప్పందం

వీకెండ్‌ వచ్చేసింది.. ఓటీటీ ప్లాట్‌ఫామ్‌లలో హారర్‌, థ్రిల్లర్‌, క్రైమ్‌, కామెడీ, యాక్షన్‌, రొమాంటిక్‌ జానర్‌లకు చెందిన పలు ఆసక్తికరమైన సినిమాలు, వెబ్‌సిరీస్‌లు స్ట్రీమింగ్‌లోకి వచ్చాయి. ముఖ్యంగా తెలుగు ప్రేక్షకులకు నచ్చేలా పలు కొత్త సినిమాలు డిజిటల్‌ ప్రీమియర్‌ అయ్యాయి. మరి ఈ ఆదివారం అస్సలు మిస్‌ కాకుండా చూడాల్సిన టాప్‌ ఓటీటీ మూవీస్‌, సిరీస్‌లు ఏంటో ఓసారి చూద్దాం..అగధ: ఎం.ఎస్‌. రాజు దర్శకత్వంలో కామాక్షి భాస్కర్ల, శ్రవణ్‌ రెడ్డి ప్రధాన పాత్రల్లో తెరకెక్కిన మిస్టిక్‌ హారర్‌ థ్రిల్లర్‌ ‘అగధ’. రహస్యమైన మరణాలు, అతీంద్రియ శక్తులు, ఉత్కంఠభరితమైన సంఘటనల చుట్టూ సాగే ఈ సినిమా సెప్టెంబర్‌ 25 నుంచి జీ5లో స్ట్రీమింగ్‌ అవుతోంది. హారర్‌ సినిమాలను ఇష్టపడేవారికి ఇది ఆసక్తికరమైన ఆప్షన్‌.రంభ ఊర్వశి మేనక: అల్లరి నరేశ్‌ హీరోగా నటించిన సోషియో ఫాంటసీ కామెడీ ఎంటర్‌టైనర్‌ ‘రంభ ఊర్వశి మేనక’. దేవలోకంలోని రంభ, ఊర్వశి, మేనకల చుట్టూ జరిగే సరదా సంఘటనలతో సినిమా సాగుతుంది. కుటుంబంతో కలిసి ఎంజాయ్‌ చేయాలనుకునేవారు ఈ మూవీని అమెజాన్‌ ప్రైమ్‌ వీడియోలో చూడొచ్చు. సెప్టెంబర్‌ 25 నుంచి స్ట్రీమింగ్‌లో ఉంది.హాయ్ : నయనతార, కవిన్‌ జంటగా నటించిన రొమాంటిక్‌ ఫ్యామిలీ డ్రామా ‘హాయ్‌’. విష్ణు ఎడవన్‌ దర్శకత్వం వహించిన ఈ చిత్రం సెప్టెంబర్‌ 25 నుంచి జీ5లో స్ట్రీమింగ్‌ అవుతోంది. తమిళంతో పాటు తెలుగు సహా ఇతర భాషల్లోనూ అందుబాటులోకి వచ్చింది.బేబీ డూ ఆర్‌ డై: హ్యుమా ఖురేషీ ప్రధాన పాత్రలో నటించిన క్రైమ్‌ యాక్షన్‌ థ్రిల్లర్‌ ‘బేబీ డూ ఆర్‌ డై’. నచికేత్‌ సమంత్‌ దర్శకత్వం వహించిన ఈ సినిమా క్రైమ్‌, యాక్షన్‌ అంశాలతో తెరకెక్కింది. ప్రస్తుతం నెట్‌ఫ్లిక్స్‌లో హిందీతో పాటు తెలుగు డబ్బింగ్‌లోనూ అందుబాటులో ఉంది.హబీబీ: కస్తూరి రాజా ప్రధాన పాత్రలో నటించిన తమిళ పీరియాడికల్‌ రొమాంటిక్‌ డ్రామా ‘హబీబీ’. మీరా కతిరవన్‌ దర్శకత్వం వహించిన ఈ మూవీ ప్రేమకథ నేపథ్యంలో సాగుతుంది. తమిళంతో పాటు తెలుగు ప్రేక్షకులకు కూడా సోనీ లివ్‌లో అందుబాటులో ఉంది.మేన్షన్‌ హౌస్‌ మల్లేష్‌: తెలుగు ప్రేక్షకులను అలరించేందుకు అమెజాన్‌ ప్రైమ్‌ వీడియోలోకి వచ్చిన మరో మూవీ ‘మేన్షన్‌ హౌస్‌ మల్లేష్‌’. కొత్త కథాంశంతో తెరకెక్కిన ఈ సినిమా కూడా వీకెండ్‌ వాచ్‌ లిస్ట్‌లో చేర్చుకోవచ్చు.ఫోటోగ్రాఫర్‌: అమెజాన్‌ ప్రైమ్‌ వీడియోలో స్ట్రీమింగ్‌ అవుతున్న తమిళ మూవీ ‘ఫోటోగ్రాఫర్‌’. ఫాంటసీ, థ్రిల్లర్‌ అంశాలతో తెరకెక్కిన ఈ సినిమా డిఫరెంట్‌ కాన్సెప్ట్‌ సినిమాలను ఇష్టపడేవారికి నచ్చే అవకాశం ఉంది.డోంట్‌ బీ షై: బ్రేకప్‌ తర్వాత కొత్త జీవితాన్ని ప్రారంభించే యువతి చుట్టూ తిరిగే రొమాంటిక్‌ కామెడీ మూవీ ‘డోంట్‌ బీ షై’. అమెజాన్‌ ప్రైమ్‌ వీడియోలో స్ట్రీమింగ్‌ అవుతున్న ఈ సినిమా లైట్‌ ఎంటర్‌టైన్‌మెంట్‌ కోరుకునేవారికి మరో ఆప్షన్‌.షక్‌: ట్రస్ట్‌ నో వన్‌: పరిణీతి చోప్రా డిజిటల్‌ అరంగేట్రం చేసిన వెబ్‌సిరీస్‌ ‘షక్‌: ట్రస్ట్‌ నో వన్‌’. మిస్టరీ, క్రైమ్‌ అంశాలతో సాగిపోయే ఈ సిరీస్‌ నెట్‌ఫ్లిక్స్‌లో స్ట్రీమింగ్‌ అవుతోంది. ప్రతి పాత్రపై అనుమానం కలిగించే కథనం, ట్విస్టులతో థ్రిల్లర్‌ లవర్స్‌ను ఆకట్టుకునేలా ఉంది.యూనాబాంబర్‌: నెట్‌ఫ్లిక్స్‌లో స్ట్రీమింగ్‌ అవుతున్న మరో ఆసక్తికరమైన కంటెంట్‌ ‘యూనాబాంబర్‌’. నిజ జీవిత ఘటనల ఆధారంగా రూపొందిన ఈ బయోగ్రాఫికల్‌ డ్రామా క్రైమ్‌, ఇన్వెస్టిగేషన్‌ అంశాల చుట్టూ సాగుతుంది. క్రైమ్‌ స్టోరీస్‌ ఇష్టపడేవారు ఈ వీకెండ్‌లో దీనిని కూడా ట్రై చేయొచ్చు.

ప్రస్తుతం ప్రపంచాన్ని అత్యంత వేగంగా మారుస్తున్న టెక్నాలజీలలో ఆర్టిఫిషియల్ ఇంటెలిజెన్స్ (AI) ప్రధానంగా చెప్పుకోదగ్గది. మనిషి ఆలోచించే విధానాన్ని అనుకరించడం, సమాచారాన్ని విశ్లేషించడం, నిర్ణయాలు తీసుకోవడంలో సహాయం చేయడం వంటి అనేక పనులను ఏఐ సులభంగా చేసేస్తోంది. వైద్యం, విద్య, పరిశ్రమలు, రక్షణ, సాఫ్ట్‌వేర్ వంటి ఎన్నో రంగాల్లో దీని వినియోగం రోజురోజుకూ పెరుగుతోంది. అయితే.. ఏఐ ఎంత ఉపయోగకరంగా ఉంటుందో, దాని దుర్వినియోగం అంతే ప్రమాదకరంగా మారవచ్చని పలువురు నిపుణులు హెచ్చరిస్తున్నారు.బిల్ గేట్స్ హెచ్చరికమైక్రోసాఫ్ట్ సహ వ్యవస్థాపకుడు బిల్ గేట్స్ కూడా ఏఐ భవిష్యత్తుపై ఆందోళన వ్యక్తం చేశారు. ఏఐ సాంకేతికత దురుద్దేశం కలిగిన వ్యక్తులు లేదా శక్తుల చేతుల్లోకి వెళితే.. భారీ స్థాయిలో ప్రాణనష్టం జరిగే అవకాశం ఉందని హెచ్చరించారు. ఏఐ అభివృద్ధి వేగంగా జరుగుతున్న సమయంలో.. దాని భద్రతపై కూడా శ్రద్ధ పెట్టాల్సిన అవసరం ఉందని అన్నారు.ఏఐ దుర్వినియోగం వల్ల ప్రమాదాలుఏఐ ప్రస్తుతం సమాచారాన్ని తయారు చేయడం, విశ్లేషించడం, సాఫ్ట్‌వేర్‌ను రూపొందించడం వంటి పనులను వేగంగా చేయగలుగుతోంది. ఇదే సామర్థ్యాన్ని చెడు ఉద్దేశాలతో ఉపయోగిస్తే.. సైబర్ దాడులు, తప్పుడు సమాచార వ్యాప్తి, మోసాలు, నిఘా వంటి కార్యకలాపాలు మరింత ప్రభావవంతంగా మారే అవకాశం ఉంది.నిపుణుల్లో పెరుగుతున్న ఆందోళనఏఐ భద్రతపై పలువురు పరిశోధకులు కూడా ఆందోళన వ్యక్తం చేస్తున్నారు. భవిష్యత్తులో అత్యంత సామర్థ్యం కలిగిన ఏఐ వ్యవస్థలు అభివృద్ధి చెందితే వాటిని పూర్తిగా నియంత్రించడం ఎంతవరకు సాధ్యమవుతుంది? అనే అంశంపై చర్చ జరుగుతోంది.ఏఐ రంగంలోని కొందరు పరిశోధకులు, సంస్థలు AI సామర్థ్యాలను వేగంగా పెంచుతున్నప్పుడు.. దానికి అనుగుణంగా భద్రతా చర్యలు కూడా అభివృద్ధి చేయాలని చెబుతున్నారు. ఏఐ వ్యవస్థల సామర్థ్యం పెరగడం మాత్రమే కాకుండా, వాటి ప్రవర్తనను పరీక్షించడం, ప్రమాదాలను గుర్తించడం, మానవ పర్యవేక్షణను కొనసాగించడం కూడా అవసరమని చెబుతున్నారు.సైనిక రంగంలో ఏఐ వినియోగంఏఐపై ఆందోళనకు మరో ముఖ్యమైన కారణం.. దాని సైనిక వినియోగం. ఇప్పటికే ప్రపంచవ్యాప్తంగా ఏఐను నిఘా, సైబర్ భద్రత, స్వయంప్రతిపత్తి వ్యవస్థలు వంటి రంగాల్లో ఉపయోగించే అవకాశాలపై చర్చ జరుగుతోంది.మానవుడు ప్రతి దశలో ప్రత్యక్షంగా నిర్ణయం తీసుకోకుండా.. పనిచేసే వ్యవస్థలు విస్తరించినప్పుడు పొరపాట్లు లేదా దుర్వినియోగం జరిగే ప్రమాదం గురించి నిపుణులు ప్రశ్నలు లేవనెత్తుతున్నారు. అందుకే సైనిక రంగంలో ఏఐ వినియోగానికి స్పష్టమైన నియమాలు, మానవ పర్యవేక్షణ, బాధ్యతాయుతమైన విధానాలు అవసరమనే అభిప్రాయాలు వ్యక్తమవుతున్నాయి.భవిష్యత్తుపై ఆలోచనలుఏఐ వల్ల మానవాళికి ఎదురయ్యే ప్రమాదాల గురించి చర్చ ఈ రోజు మొదలైంది కాదు. ఎందుకంటే.. 2014లోనే బ్రిటిష్ తత్వవేత్త నిక్ బోస్ట్రోమ్ రాసిన సూపర్ ఇంటెలిజెన్స్ అనే పుస్తకంలో మానవుల కంటే అత్యంత తెలివైన ఏఐ వ్యవస్థలు ఏర్పడితే వాటిని నియంత్రించడం ఎంత కష్టమవుతుందో విశ్లేషించారు.ఏఐ రంగంలోని ప్రముఖ సంస్థల అధినేతలు కూడా AI వల్ల మానవాళికి ఏర్పడే తీవ్రమైన ప్రమాదాలను ప్రపంచ స్థాయిలో పరిష్కరించాల్సిన అవసరాన్ని ప్రస్తావించారు. అణుయుద్ధం, ప్రపంచ మహమ్మారుల వంటి పెద్ద స్థాయి ప్రమాదాలతో పాటు AI ప్రమాదాలను కూడా తీవ్రంగా పరిగణించాలని వారు సూచించారు.AI ప్రమాదం మాత్రమే కాదుఏఐను పూర్తిగా ప్రమాదకరమైన టెక్నాలజీగా చూడటం సరైనది కాదు. ఎందుకంటే.. వైద్యరంగంలో వ్యాధులను గుర్తించడంలో, శాస్త్రీయ పరిశోధనలో, విద్యలో విద్యార్థులకు సహాయం చేయడంలో, భాషలను అనువదించడంలో, రోజువారీ పనులను సులభతరం చేయడంలో ఇది చాలా ఉపయోగపడుతోంది. కాబట్టి.. సమస్య AIలో మాత్రమే లేదు. దాన్ని ఎవరు ఉపయోగిస్తున్నారు?, ఏ ప్రయోజనం కోసం ఉపయోగిస్తున్నారు?, దానికి ఎలాంటి నియంత్రణలు ఉన్నాయి?, తప్పులు జరిగినప్పుడు బాధ్యత ఎవరిది? వంటి వాటిలో కూడా ఉంటుంది.ఇదీ చదవండి: అనుష్క శర్మ ఇన్‌స్టా పోస్ట్.. మారిపోయిన రెస్టారెంట్ రాత!

పాకిస్థాన్‌లోని ఖైబర్‌ పఖ్తూన్‌ఖ్వా ప్రావిన్స్‌లో శనివారం భారీ పేలుడు సంభవించింది. డేరా ఇస్మాయిల్‌ ఖాన్‌ నగరంలో రోడ్డులో పోలీస్‌ చెక్‌పోస్టు దగ్గర జరిగిన ఈ పేలుడులో 11 మంది మృతి చెందగా.. మరో 30 మంది గాయపడ్డారు. పేలుడు పదార్థాలతో నింపిన వాహనంతో వచ్చిన ఆత్మాహుతి దాడికి పాల్పడినట్లు తెలుస్తోంది.పోలీస్‌ చెక్‌పోస్టు వద్ద వాహనాన్ని పేల్చడంతో భారీ పేలుడు సంభవించింది. క్షతగాత్రులను సమీపంలోని ఆసుపత్రికి తరలించారు. గాయపడిన వారిలో కొందరి పరిస్థితి విషమంగా ఉన్నట్లు అధికారులు తెలిపారు. ఈ ఘాతుకానికి తమదే బాధ్యతని పాకిస్థానీ తాలిబన్‌గా పిలిచే తెహ్రీక్-ఇ-తాలిబన్‌ పాకిస్థాన్ (TTP) ప్రకటించింది. ఇటీవలి కాలంలో పాకిస్థాన్‌లో ఉగ్రవాద కార్యకలాపాలు పెరిగాయి.ప్రధానంగా టీటీపీ, బలూచిస్థాన్ లిబరేషన్ ఆర్మీ (BLA) వంటి వేర్పాటువాద సంస్థలు వరుస దాడులతో పేట్రేగిపోతున్నాయి. తాజా ఘటనతో దేశంలోని భద్రతా లోపాలపై మరోసారి తీవ్ర ఆందోళనలు వ్యక్తమవుతున్నాయి. పేలుడు తర్వాత ఘటనాస్థలం నుంచి భారీగా బూడిదరంగు పొగ పైకి ఎగసిన దృశ్యాలు సోషల్‌ మీడియాలో వైరల్‌ అవుతున్నాయి.ఇదీ చదవండి: ప్రేమానంద్‌ మహారాజ్‌ ఆశ్రమంలో కలకలం..

జపాన్‌లోని నగోయా వేదికగా జరుగుతున్న ఆసియా క్రీడల్లో భారత్ 30 పతకాల మార్క్‌ను టచ్ చేసింది. గత ఆసియా క్రీడల్లో సెంచరీ మార్క్‌ను దాటిన భారత్ ఈసారి అన్ని పతకాలు సాధించడం కష్టమే అనిపిస్తోంది. ఈ నేపథ్యంలోనే అథ్లెటిక్స్‌లో భారీగా పతకాలు వస్తాయనే ఆశలను మన అథ్లెట్లు నెరవేరుస్తూ వస్తున్నారు. ఇప్పటివరకు భారత్ ఖాతాలో 30 పతకాలు చేరగా, ఇందులో 4 స్వర్ణాలు, 12 రజతాలు, 14 కాంస్యాలున్నాయి. శ‌నివారం క‌బ‌డ్డీలో రెండు స్వ‌ర్ణాలు రాగా, అథ్లెటిక్స్ విభాగం నుంచి మూడు ప‌త‌కాలు వ‌చ్చి చేరాయి. కాగా స్వ్కాష్‌లో మ‌హిళ‌ల విభాగంలో అనాహ‌త్, పురుషుల విభాగంలో అభ‌య్ సింగ్‌లు ఫైన‌ల్లో అడుగుపెట్టి ప‌త‌కాలు ఖాయం చేశారు. ఇక హాకీలో భారత పురుషుల జట్టు శనివారం ఆతిథ్య జపాన్‌ను ఓడించి సెమీస్‌ బెర్తు ఖరారు చేసుకుంది.షాట్‌పుట్‌లో రజతంమహిళల షాట్‌పుట్‌లో మన్‌ప్రీత్ కౌర్ కాంస్యం నెగ్గగా.. తాజాగా పురుషుల షాట్‌పుట్ ఈవెంట్‌లో భారత అథ్లెట్ తజిందర్‌పాల్ సింగ్ తూర్ రజతం గెలుచుకున్నాడు. ఇవాళ జరిగిన పురుషుల షాట్‌పుట్ ఫైనల్లో తజిందర్ తన ఐదో ప్రయత్నంలో షాట్‌పుట్‌ను 20.64 మీటర్ల దూరం విసిరి బెస్ట్ ప్రదర్శన నమోదు చేయడంతో పాటు రజతం ఖాయం చేసుకున్నాడు. ఇరాన్‌కు చెందిన మొహమ్మద్రెజా తయబైస్ 20.81 మీటర్ల దూరం విసిరి పసిడి పతకం సాధించాడు.ప్రాచీకి కాంస్యంమహిళల 400 మీటర్ల ఫైనల్లో భారత అథ్లెట్ ప్రాచీ చౌదరీ కాంస్యం ఒడిసిపట్టింది. నగోయా వేదికగా జరిగిన ఫైనల్ రేసులో ప్రాచీ 53.21 సెకన్లలో గమ్యాన్ని చేరింది. బహ్రెయిన్‌కు చెందిన సాల్వా నాస‌ర్ 49.20 సెక‌న్ల‌లో గ‌మ్యాన్ని చేరి స్వ‌ర్ణం గెలుచుకోగా, ఇరాన్‌కు చెందిన జ‌హ్రా జ‌రేయి 52.38సెకన్ల‌లో గ‌మ్యాన్ని చేరి ర‌జ‌తం సాధించింది. మ‌రో భార‌త అథ్లెట్ కిర‌ణ్ ప‌హాల్ 53.41 సెక‌న్ల‌లో గ‌మ్యాన్ని చేరి ఐదో స్థానంతో స‌రిపెట్టుకుంది.Heartiest congratulations to Prachi Choudhary on winning the Bronze Medal in the Women’s 400m at the Asian Games 2026.#Cheer4Bharat pic.twitter.com/wXXhElJ2ux— Dr Mansukh Mandaviya (@mansukhmandviya) September 26, 2026REDEMPTION FOR TOOR!Tajinderpal Singh Toor fights back to win Asian Games SILVER with a best throw of 20.64m.Down in third after Round 4, he delivered when it mattered most — 20.64m in Round 5 to climb onto the podium.Just 17cm off GOLD.And now: THREE STRAIGHT ASIAN GAMES…— nnis Sports|Asian GamesAthletics (@nnis_sports) September 26, 2026ఇదీ చదవండి: విండీస్‌తో తొలి వ‌న్డే.. రోహిత్‌ను ఊరిస్తున్న‌ ప్ర‌పంచ రికార్డు

నాని హీరోగా శ్రీకాంత్‌ ఓదెల దర్శకత్వంలో తెరకెక్కిన పీరియాడిక్‌ యాక్షన్‌ థ్రిల్లర్‌ ‘ది ప్యారడైజ్‌’. ఇటీవల ప్రేక్షకుల ముందుకొచ్చిన ఈ సినిమా మిక్సిడ్‌ టాక్‌ సొంతం చేసుకుంది. ఈ మేరకు హైదరాబాద్‌లో సక్సెస్‌ మీట్‌ను ఘనంగా నిర్వహించారు. ఈ కార్యక్రమంలో పాల్గొన్న నటుడు మోహన్‌బాబు ఆసక్తికరమైన విషయాలను పంచుకున్నారు.తనకు తమ్ముడిలాంటి గద్దర్‌ను గుర్తుచేసుకున్నారు. గద్దర్‌ కుటుంబంతో తనకున్న అనుబంధాన్ని చెబుతూ పలు ఆసక్తికర విషయాలను పంచుకున్నారు. ‘‘నాకు తమ్ముడి లాంటి వారు గద్దర్‌. ఆయన పిల్లలు మా స్కూల్‌లోనే చదువుకున్నారు. రచయితలు అంటే నాకు చాలా ఇష్టం’’ అని మోహన్‌బాబు తెలిపారు. రెండు సంవత్సరాల పాటు ఉచితంగా.. ఈ సందర్భంగా ఓ రచయిత మృతి చెందిన విషయం తనకు తెలిసిందని గుర్తుచేసుకున్న మోహన్‌బాబు.. ఆయన కుమారుడిని స్టేజ్‌పైకి పిలిపించారు. అనంతరం అతడు ప్రస్తుతం ఏం చదువుతున్నాడని అడిగారు. ఫార్మసీ చదువుతున్నానని అతడు చెప్పడంతో.. ‘‘మా దగ్గర ఎం.ఫార్మసీ కూడా ఉంది’’ అని మోహన్‌బాబు తెలిపారు.అంతేకాదు, అతడికి రెండు సంవత్సరాల పాటు ఉచితంగా చదివిస్తానని హామీ ఇచ్చారు. ‘నువ్వు బాగా చదువుకుని గొప్పవాడివి అవ్వాలి’’ అంటూ ఆశీర్వదించారు. సక్సెస్‌ మీట్‌ వేదికగా మోహన్‌బాబు చేసిన ఈ వ్యాఖ్యలు ఇప్పుడు సోషల్‌ మీడియాలో వైరల్‌గా మారాయి. ఆయన చూపించిన ఆప్యాయత, విద్యకు ఇచ్చిన ప్రాధాన్యంపై అభిమానులు ప్రశంసలు కురిపిస్తున్నారు. ఇలా మరోసారి మోహన్‌బాబు తన గొప్ప మనసును చాటుకున్నారంటూ కామెంట్లు చేస్తున్నారు.ఇదీ చదవండి: ‘ది ప్యారడైజ్‌’ కోసం ఈ రోజు థియేటర్‌కి వెళ్తున్నా: కేటీఆర్‌

కార్తిక్ జయంతి హీరోగా పరిచయమౌతున్న యాక్షన్ ఎంటర్టైనర్ ‘రాయవలస’. రాధిక జయంతి దర్శకత్వం వహిస్తున్న ఈ చిత్రానికి గోపీ కృష్ణ జె నిర్మాతగా వ్యవహరిస్తున్నాడు. ఇప్పటికే విడుదలైన టీజర్ సినిమాపై అంచనాలు పెంచింది. డెబ్యూ హీరో అయినప్పటికీ కార్తిక్ జయంతి పవర్‌ఫుల్, ఇంటెన్స్ లుక్‌తో అందరి దృష్టిని ఆకట్టుకున్నారు. తాజాగా మేకర్స్ రిలీజ్ డేట్ అనౌన్స్ చేశారు. నవంబర్ 20న ఈ సినిమా ప్రేక్షకులు ముందుకు రానుంది. రిలీజ్ డేట్ పోస్టర్ లో కార్తిక్ త్రిశూలంతో అమ్మవారి విగ్రహం ముందు నిలబడి వుండటం పవర్ ఫుల్ గా ఉంది.ఈ చిత్రంలో శ్రీష నులు హీరోయిన్ గా నటిస్తోంది. అన్నపూర్ణమ్మ, అనిత చౌదరి, జయప్రకాశ్, రవి వర్మ, కాశీ విశ్వనాథ్ వంటి సీనియర్ నటులతో పాటు త్రినాధ్ రావు, సుహాస్, కంచరపాలెం రాజు ఈ చిత్రంలో కీలక పాత్రలు పోషిస్తున్నారు.

సాక్షి, విజయనగరం: విజయనగరం జిల్లాలో విషాదం చోటుచేసుకుంది. మెరకముడిదాం మండలం బుధరాయవలస గ్రామంలో కోనేరులో స్నానానికి దిగి ముగ్గురు బాలురు ప్రమాదవశాత్తూ నీటిలో మునిగి మృతి చెందారు. ఇద్దరి మృతదేహాలు లభ్యం కాగా, మరొకరి కోసం గాలింపు చర్యలు చేపట్టారు.ఇదీ చదవండి: విజయవాడ మిస్సింగ్‌ కేసులో షాకింగ్ ట్విస్ట్‌..

ది ప్యారడైజ్‌ షూటింగ్‌ సమయంలో నానికి, దర్శకుడు శ్రీకాంత్‌ ఓదెలకి మధ్య గొడవ జరిగినట్లు ఆ మధ్య వార్తలు వచ్చిన సంగతి తెలిసిందే. శ్రీకాంత్‌పై నాని సీరియస్‌ అయ్యాడని.. శ్రీకాంత్‌ కూడా నానితో గొడవపడ్డాడని సోషల్‌ మీడియాలో పుకార్లు వచ్చాయి. తాజాగా దీనిపై శ్రీకాంత్‌ ఓదెల స్పందించాడు.‘ది ప్యారడైజ్‌’ సినిమా సక్సెస్‌ మీట్‌లో శ్రీకాంత్‌ మాట్లాడుతూ..‘షూటింగ్‌ సమయంలో కొన్ని వార్తలు చదివాను. నాని అన్నకు కోసం వచ్చింది. నన్ను తిట్టాడని, కొట్టాడని..‘శ్రీకాంత్‌ గాడు అలిగాడు..అరిచాడు’అనిఇలా ఏదోదో రాసినట్లు విన్నాను. అవును అది నిజమే. నాని అన్న తిట్టిన మాట నిజమే.నేను అరిచిన మాట నిజమే కావొచ్చు. కానీ..నేను ఇక్కడ క్లియర్‌గా చెప్పాలనుకున్నది ఏంటంటే.. ‘నాని అన్న నేను కలిసి దసరా, ప్యారడైజ్‌ , రేపు ఇంకో సినిమా చేయొచ్చు. అయితే మా ఇద్దరి ఎమోషన్‌ ని ఆ సినిమాలో పెట్టకూడదు. వేరే వాళ్ల సంగతి నాకు తెలియదు కానీ.. ఈ సినిమాల్లో మాత్రం మా ఇద్దరి ఎమోషన్‌ని పెట్టకూడదు. కచ్చితంగా నాని అన్న నన్న భరించాల్సిందే. మోయాల్సిందే..వేరే ఆప్షన్‌ లేదు. దీంట్లో తన్నుకుంటాం..ముద్దు పెట్టుకుంటాం..మూతులు నాక్కుంటాం..అది ఏది ఉన్నా సినిమా కోసమే. కొన్ని ఎమోషన్స్‌ బతుకు దగ్గర చూడకూడదు. చావుని దాటి చూడాలి. నాని అన్నతో నా బంధం ఇక్కడికే ఆగిపోయేది కాదు’ అని ఎమోషనల్‌గా చెప్పాడు. ది ప్యారడైజ్‌ విషయానికొస్తే.. నాని హీరోగా శ్రీకాంత్‌ ఓదెల దర్శకత్వంలో రూపొందిన చిత్రమిది. కయాదు లోహర్‌ హీరోయిన్‌గా నటించింది. భారీ అంచనాల మధ్య సెప్టెంబర్‌ 24న విడుదలైన ఈ చిత్రానికి తొలి రోజు మిశ్రమ స్పందన లభించింది. అయితే కలెక్షన్స్‌ మాత్రం భారీగానే వచ్చాయి. రెండు రోజుల్లోనే రూ. 114 కోట్ల గ్రాస్‌ వసూళ్లను రాబట్టింది.

వెస్టిండీస్‌తో తొలి వ‌న్డే సంద‌ర్భంగా టీమిండియా సీనియ‌ర్ బ్యాట‌ర్ రోహిత్ శ‌ర్మను ప్ర‌పంచ రికార్డు ఊరిస్తోంది. రేపు తిరువ‌నం త‌పురంలోని గ్రీన్‌ఫీల్డ్ స్టేడియం వేదిక‌గా ఇరుజ‌ట్ల మ‌ధ్య తొలి వ‌న్డే మ్యాచ్‌ జ‌ర‌గ‌నుంది. శుక్ర‌వారం జ‌రిగిన టీమిండియా ఇంట్రాస్వ్కాడ్ మ్యాచ్‌లో సూప‌ర్ ఫామ్ క‌న‌బ‌రిచిన రోహిత్ అదే ఆట‌ను విండీస్‌తో తొలి వ‌న్డేలోనూ ప్ర‌ద‌ర్శించాల‌ని ప‌ట్టుద‌ల‌తో ఉన్నాడు. రోహిత్ శ‌ర్మ ప్ర‌స్తుతం వ‌న్డే క్రికెట్‌లో భారత్‌ తరఫున అత్య‌ధిక ప‌రుగులు చేసిన జాబితాలో మూడో స్థానంలో కొన‌సాగుతున్నాడు. ఇప్ప‌టివ‌ర‌కు రోహిత్ 288 వ‌న్డే మ్యాచ్‌లాడి 11,895 ప‌రుగులు సాధించాడు. ఇందులో 34 సెంచ‌రీలు, 62 హాఫ్ సెంచ‌రీలున్నాయి. వ‌న్డేల్లో 12వేల ప‌రుగుల మైలురాయిని అందుకునేందుకు రోహిత్‌కు మ‌రో 105 ప‌రుగులు అవ‌స‌రం. ఇంగ్లండ్‌తో వ‌న్డే సిరీస్ సంద‌ర్భంగా ఆఖ‌రి వ‌న్డేలో సూప‌ర్‌సెంచ‌రీతో మెరిసిన హిట్‌మ్యాన్‌.. బ్యాటింగ్‌కు అనుకూలంగా ఉండే తిరువ‌నంత‌పురంలోనూ శ‌త‌కం సాధించాల‌ని భావిస్తున్నాడు. రోహిత్ ఫామ్‌లో ఉంటే ఇదేమీ పెద్ద విష‌యం కాదు. తొలి వ‌న్డేలో ఈ మైలురాయిని అందుకోలేన‌ప్ప‌టికీ, వ‌న్డే సిరీస్ ముగిసేలోపే 12వేల మార్కును చేరుకోవ‌డం ఖాయం.దీంతో పాటు రోహిత్ శ‌ర్మ‌ను మ‌రో రికార్డు కూడా ఊరిస్తోంది. అదేంటంటే, మ‌రో 135 ప‌రుగులు చేస్తే వ‌న్డేల్లో ఓపెన‌ర్‌గా 10వేల ప‌రుగుల మార్క్‌ను అందుకుంటాడు. త‌ద్వారా వన్డేల్లో ఓపెన‌ర్‌గా ప‌దివేల ప‌రుగుల మార్క్ అందుకున్న నాలుగో బ్యాట‌ర్‌గా, భార‌త్ త‌ర‌ఫున రెండో బ్యాట‌ర్‌గా నిల‌వ‌నున్నాడు. స‌చిన్ టెండూల్క‌ర్ ఈ ఫీట్ సాధించిన తొలి భార‌త ప్లేయ‌ర్‌గా కొన‌సాగుతున్నాడు.ఇక వెస్టిండీస్‌పై కూడా వ‌న్డేల్లో రోహిత్ శ‌ర్మ‌కు మంచి రికార్డే ఉంది. ఇప్ప‌టివ‌ర‌కు విండీస్‌తో 37 వ‌న్డేలు ఆడిన రోహిత్ 1,613 ప‌రుగులు చేశాడు. ఇందులో మూడు సెంచ‌రీలు, 12 హాఫ్ సెంచ‌రీలున్నాయి.ఇదీ చదవండి: ఓట‌మి బాధ‌లో ఉన్న ఆసీస్‌కు షాక్‌.. స్వ‌దేశానికి స్టార్ ఆట‌గాడు!

సాక్షి, హైదరాబాద్‌: కేంద్ర హోంశాఖ మంత్రి అమిత్ షా అక్టోబర్ 4న తెలంగాణలో పర్యటించనున్నారు. కరీంనగర్‌లోని ఓ ప్రైవేట్ కార్యక్రమంలో ముఖ్య అతిథిగా హాజరుకానున్నారు. అనంతరం హైదరాబాద్‌కు అమిత్ షా వచ్చే అవకాశం ఉందని.. ఇటీవల తెలంగాణకు కొత్తగా నియమితులైన ఇంఛార్జ్‌లతో భేటీ అయ్యే ఛాన్స్ ఉందని సమాచారం. అదే రోజు ఆఫీస్ బేరర్స్‌తో సమావేశం నిర్వహించే అవకాశమునట్లు తెలుస్తోంది.ఇదీ చదవండి: ప్రేమానంద్‌ మహారాజ్‌ ఆశ్రమంలో కలకలం..

భారతదేశంలో డిజిటల్ సేవల వినియోగం పెరుగుతున్న కొద్దీ.. సైబర్ మోసాలు కూడా భారీగా పెరుగుతున్నాయి. స్పామ్ కాల్స్, ఫిషింగ్ మెసేజ్‌లతో పాటు నకిలీ బ్యాంక్ కాల్స్, ఓటీపీ మోసాలు, ఇన్వెస్ట్‌మెంట్ స్కామ్‌లు వంటి మోసాలు ఎక్కువయ్యాయి. ఈ నేపథ్యంలో టెలికాం సంస్థలు కూడా కేవలం నెట్‌వర్క్ సేవలు అందించడమే కాకుండా, తమ కస్టమర్లను సైబర్ మోసాల నుంచి రక్షించే దిశగా చర్యలు తీసుకుంటున్నాయి. ఇందులో భాగంగా ఎయిర్‌టెల్ తన ఏఐ ఆధారిత సేఫ్ నెట్‌వర్క్ సేవలను విస్తరిస్తోందికంపెనీ వెల్లడించిన వివరాల ప్రకారం.. ఈ వ్యవస్థ ఇప్పటివరకు 98.4 బిలియన్ స్పామ్ కాల్స్, 4.4 బిలియన్ స్పామ్ మెసేజ్‌లను గుర్తించింది. అలాగే ఎస్ఎంఎస్లు, మెసేజింగ్ యాప్స్, ఈమెయిల్స్, బ్రౌజర్ రీడైరెక్ట్‌ల ద్వారా వచ్చే 1.62 మిలియన్లకు పైగా మాలిషియస్ లింకులను బ్లాక్ చేసినట్లు తెలిపింది.అంతే కాకుండా .. ఓటీపీ మోసాలను గుర్తించేందుకు ఏఐ బేస్డ్ రక్షణ, నకిలీ కస్టమర్ కేర్ లేదా బ్యాంక్ కాల్స్‌ను గుర్తించడంలో సహాయపడే బిసినెస్ నేమ్ డిస్ప్లే వంటి ఫీచర్లను కూడా ఎయిర్‌టెల్ తీసుకొచ్చింది. ముఖ్యంగా వీటి కోసం వినియోగదారులు ప్రత్యేకంగా యాప్‌ను ఇన్‌స్టాల్ చేయాల్సిన అవసరం లేకుండా నెట్‌వర్క్ స్థాయిలోనే రక్షణ అందించడమే లక్ష్యంగా పెట్టుకుంది.

విజయవాడ: రేపు గ్రామ వార్డ్‌ సచివాలయ ఉద్యోగుల జరప తలపెట్టిన ఛలో విజయవాడకు పోలీసులు అనుమతి ఇవ్వలేదు. వారిని నిర్బంధించే దిశగా పోలీసుల కార్యాచరణ కనిపిస్తోంది. తమ డిమాండ్ల సాధనకై ఇప్పటికే ప్రభుత్వంతో రెండుసార్లు జరిపిన చర్చలు విఫలం కావడంతో గ్రామ వార్డ్‌ సచివాలయ ఉద్యోగులు ఛలో విజయవాడకు పిలుపునిచ్చారు. అయితే దీన్ని అడ్డుకోవాలని కూటమి ప్రభుత్వ పెద్దలు ప్రయత్నిస్తున్నారు. ప్రతీ జిల్లాలోనూ ఎస్పీల ద్వారా ప్రెస్‌మీట్‌లు పెట్టించి మరీ వారిని బెదిరిస్తున్నారు. ఎవరైనా ఛలో విజయవాడ కార్యక్రమంలో పాల్గొంటే వారిపై చట్టపరమైన చర్యలు తీసుకుంటామని బెదిరింపులకు దిగుతున్నారు. దాంతో రేపటి గ్రామ వార్డ్‌ సచివాలయ ఉద్యోగుల ఛలో విజయవాడ కార్యక్రమంపై సందిగ్థం కొనసాగుతోంది. ఎట్టి పరిస్థితుల్లోనూ వెనక్కి తగ్గేదే లేదని ఆ ఉద్యోగుల సంఘం జేఏసీ హెచ్చరిస్తోంది. తమ డిమాండ్ పై స్వష్టమైన ఆదేశాలు వొచ్చే వరకు వెనక్కి తగ్గమని అంటోంది. ఇదీ చదవండి: పడితే మొదటి కత్తిపోటు నా మీదే పడాలి’

చైనా అధ్యక్షుడు షీ జిన్‌పింగ్ అమెరికా పర్యటన సందర్భంగా చారిత్రాత్మక ఒప్పందాలను కుదుర్చుకున్నాయి. ఎనిమిది సూత్రాల ఏకాభిప్రాయం ప్రకారం, 30 బిలియన్ డాలర్ల (దాదాపు రూ. 2.87 లక్షల కోట్లు)పరస్పర సుంకాల తగ్గింపు ఒప్పందం, ఏఐ (AI) పై చర్చలు ప్రారంభించడంపై అమెరికాతో ఒప్పందం కుదిరినట్టు చైనా శనివారం తెలిపింది. ఒక వాణిజ్య మండలిని ఏర్పాటుకు, కౌలాలంపూర్‌లో ఇంతకుముందు జరిగిన చర్చల ఫలితాలను పొడిగించడానికి కూడా ఇరుపక్షాలు అంగీకరించా యని చైనా విదేశాంగ మంత్రిత్వ శాఖ తెలిపింది.టారిఫ్ తగ్గింపు ఒప్పందంఅమెరికా, చైనా దేశాలు 30 బిలియన్ డాలర్ల పరస్పర టారిఫ్ తగ్గింపు (tariff-reduction) ఒప్పందానికి అంగీకరించినట్లు చైనా శనివారం ప్రకటించింది. వాణిజ్య ఒప్పందానికి సంబంధించి కుదిరిన తాత్కాలిక విరామాన్ని (trade truce) మరో రెండు నెలలు పొడిగించినట్లు యూఎస్ ట్రెజరీ సెక్రటరీ స్కాట్ బెసెంట్ వెల్లడించారు.ఏఐ రంగంలో చర్చలుఆర్టిఫిషియల్ ఇంటెలిజెన్స్ (కృత్రిమ మేధస్సు) వల్ల కలిగే లాభనష్టాలపై చర్చించేందుకు ఇరు దేశాలు అంగీకరించాయి. రాబోయే నవంబర్‌లో తదుపరి విడత చర్చలు జరగనున్నాయి. అలాగే, ఏఐ సంబంధిత ఘటనలపై కమ్యూనికేషన్ ఛానెల్‌ను ఏర్పాటు చేయనున్నారు. ఏఐకి బదులుగా "సూపర్ ఇంటెలిజెన్స్" అనే పద వాడకాన్ని బీజింగ్ స్వాగతించింది.వాణిజ్య మండలి ఏర్పాటుఇరు దేశాల మధ్య వాణిజ్య సంబంధాలను మరింత బలపర్చేందుకు ఒక ట్రేడ్ కౌన్సిల్‌ను ఏర్పాటు చేయాలని నిర్ణయించారు. ఆసియా-పసిఫిక్ ఎకనామిక్ కోఆపరేషన్ (APEC) నాయకుల సమావేశం మరియు G20 శిఖరాగ్ర సమావేశాలను నిర్వహించడంలో పరస్పర మద్దతుకు కూడా ఇరు పక్షాలు అంగీకరించాయి. ఇద్దరు నాయకులు ఒకరికొకరు ఆతిథ్యం ఇచ్చే ఈ సమావేశాలకు హాజరుకావాలని యోచిస్తున్నారు.దీంతోపాటు విదేశాంగ విధానం విషయానికి సంబంధించి ఇరాన్ అణు ఆయుధాలను అభివృద్ధి చేయకుండా చూసేందుకు కట్టుబడి ఉండాలని, అంతర్జాతీయ జలమార్గాలపై ఏ దేశం కూడా రవాణా టోల్స్ విధించకూడదని ఇరు దేశాల నేతలు అంగీకరించారు. అలాగే, ఏపీఈసీ (APEC), జీ-20 (G20) సమావేశాలకు పరస్పరం హాజరయ్యేందుకు షీ జిన్‌పింగ్, డొనాల్డ్ ట్రంప్ అంగీకరించారు. ఇదీ చదవండి: యూనివర్శిటీ విద్యార్థిని మృతి, లవ్‌ జిహాద్‌ ఆరోపణలు కలకలంకాగా నవంబర్ 10న ముగియనున్న వాణిజ్య సంధిని రెండు నెలల పాటు పొడిగించడానికి ప్రపంచంలోని రెండు అతిపెద్ద ఆర్థిక వ్యవస్థలు తీసుకున్న చర్యల కొనసాగింపుగా ఈ ఒప్పందం కుదిరిందని, తద్వారా మరింత పెద్ద వాణిజ్య ఒప్పందంపై పనిచేయడానికి ఎక్కువ సమయం లభిస్తుందని అమెరికా ట్రెజరీ సెక్రటరీ స్కాట్ బెసెంట్ ఇటీవల ప్రకటించారు.ఇదీ చదవండి: లవర్‌తో పెళ్లి : పోలీస్‌కానిస్టేబుల్‌ని మట్టుబెట్టిన కొడుకు

సాక్షి, హైద‌రాబాద్‌: సైంధవ్‌ సినిమాలో హీరో తన కూతురికి ఉన్న అరుదైన మస్కులర్‌ వ్యాధి చికిత్స కోసం కోట్ల ఖరీదైన ఒక్క ఇంజక్షన్‌ ఇప్పించేందుకు అష్టకష్టాలు పడతాడు. అలాంటి ఆరోగ్య సమస్యలే బోరబండలోని ఓ చిన్నారికి వచ్చాయి. శుక్రవారం ఖైరతాబాద్‌ మహాగణపతి నిమజ్జనోత్సవాల్లో తన కుమారుడి వైద్యం కోసం సహకరించాలని ఖైరతాబాద్‌ మహాగణపతి శోభాయాత్రలో ప్లకార్డు ప్రదర్శిస్తూ నిల్చున్నాడు.బోరబండలో నివాసముండే హరీశ్‌కుమార్, నవ్యవశ్రీ దంపతులకు మొదటి సంతానం అశ్వర్థ్‌ (4). బాబు అరుదైన డ్యూషెన్స్‌ మ‌స్క్యులార్‌ డిస్ట్రోఫి (డీఎండీ) అనే వ్యాధితో బాధపడుతున్నాడు. ఈ వ్యాధి తగ్గించేందుకు ఒక్క ఇంజెక్షన్‌ ఇస్తే చాలు. కానీ ఆ ఇంజక్షన్‌ ఖరీదు రూ.26 కోట్లు. సీఏగా పనిచేస్తున్న మధ్యతరగతి తండ్రి అంత ఖరీదైన ఇంజక్షన్‌ను ఇప్పించే స్థోమత లేక దాతలకోసం అర్థిస్తున్నాడు.కోరిన కోర్కెలు తీర్చే ఖైరతాబాద్‌ మహాగణపతిని దర్శించుకోవాలని ప్లకార్డు ప్రదర్శిస్తూ నిల్చున్నాడు. నిమజ్జనోత్సవాల్లో అక్కడే ఉన్న సీపీ సజ్జనార్‌ అతన్ని మహాగణపతి చెంతకు పిలిచి దర్శించుకునేలా చేశారు. చిన్నారిని కాపాడేందుకు దాతలు ఎవరైనా ఉంటే ఎంతో కొంత సాయం చేయాలని కోరుతున్నారు. దాతలెవరైనా ఉంటే 9700365341@indianbk యూపీఐడీతో సాయం చేయాలని కోరుతున్నారు.ఇదీ చ‌ద‌వండి: కేన్స‌ర్ గుర్తింపున‌కు మైక్రోవేవ్ సాంకేతిక‌త‌

నాని హీరోగా శ్రీకాంత్‌ ఓదెల దర్శకత్వంలో తెరకెక్కిన పీరియాడిక్‌ యాక్షన్‌ థ్రిల్లర్‌ ‘ది ప్యారడైజ్‌’. ఇటీవల ప్రేక్షకుల ముందుకొచ్చిన ఈ సినిమా మిక్సిడ్‌ టాక్‌ సొంతం చేసుకుంది. కలెక్షన్ల పరంగా మాత్రం మంచి జోరు చూపిస్తోంది. ముఖ్యంగా థియేటర్లలోని యాక్షన్‌ సన్నివేశాలకు మాస్‌ ఆడియన్స్‌ నుంచి స్పందన కనిపిస్తోంది. ఇందులో సంపూర్ణేష్‌ బిర్యాని పాత్ర ప్రేక్షకులను ఎంతగానో ఆకట్టుకుంది. తాజాగా చిత్రం బృందం హైదరాబాద్‌లో సక్సెస్‌ మీట్‌ను నిర్వహించింది. ఈ సందర్భంగా నటుడు సంపూర్ణేష్‌ బాబు చేసిన కామెంట్స్‌ వైరల్‌ అవున్నాయి. చాలా సంతోషంగా ఉంది..‘ఈ సినిమా కోసం చాలా కష్టపడ్డాను. నా గెటప్‌ ముందల నాని అన్న.. ఓ సందర్భంలో చాలా టేక్‌లు తీసుకున్నా.. అసలు ఈ సినిమా చేస్తామా? లేదా అనిచాలా భయం వేసింది. అప్పుడు నాని అన్న చాలా సపోర్ట్‌ చేశారు. చాలా సంతోషంగా ఉంది. కొబ్బరిమట్ట రిలీజ్‌ తర్వాత ఆగిన ఫొన్‌ మళ్లీ ‘ది ప్యారడైజ్‌’ తర్వాతే మోగింది. మధ్యలో చాలా సినిమాలు వచ్చినా ఇంత గుర్తింపు రాలేదు. ఇది చెప్పడానికి చాలా ఆనందంగా ఉంది’ అని భావేద్వేగంగా సంపూర్ణేష్‌ బాబు మాట్లాడారు. ఇదీ చదవండి: ‘ది ప్యారడైజ్‌’ కోసం ఈ రోజు థియేటర్‌కి వెళ్తున్నా: కేటీఆర్‌Kobbari Matta తర్వాత ఆగిన Phone Calls …#TheParadise తర్వాత మళ్లీ మోగింది! 🔥#SampoorneshBabu #Nani pic.twitter.com/S022LFD6A6— Milagro Movies (@MilagroMovies) September 26, 2026

హైదరాబాద్‌: కాళేశ్వరం బ్యారేజ్‌ల పునరుద్ధరణ పనులకు ప్రభుత్వం సిద్ధంగా ఉందని మంత్రి ఉత్తమ్‌కుమార్‌ స్పష్టం చేశారు. నవంబర్‌ మధ్య నాటికి మూడు బ్యారేజ్‌ల పునరుద్ధరణ పనులు ప్రారంభించినున్నట్లు ఆయన తెలిపారు. ఈరోజు(శనివారం, సెప్టెంబర్‌ 26వ తేదీ) హైదరాబాద్‌లోని తన క్యాంపు కార్యాలయంలో కాళేశ్వరం బ్యారేజీల పనుల పునరుద్ధరణపై ఉన్నతాధికారులతో సమీక్ష నిర్వహించారు ఉత్తమ్‌. 2027 వర్షాకాలానికి ముందే కాళేశ్వరం ప్రాజెక్టులోని మేడిగడ్డ, అన్నారం, సుందిళ్ల పనులు పూర్తి చేస్తాం. మూడు బ్యారేజీల పునరుద్ధరణ డిజైన్లను ఖరారు చేశాం.అక్టోబర్‌ 5న సీడబ్ల్యూసీ సాంకేతిక పర్యవేక్షణ కమిటీ ముందుకు డిజైన్లు తీసుకెళ్తాం. పుణేలోని సీడబ్ల్యూపీఆర్‌ఎస్‌లో డిజైన్లపై శాస్త్రీయ నమూనా పరీక్షలు నిర్వహిస్తాం. ఎన్‌డీఎస్‌ఏ అభ్యంతరాలు, నిపుణుల సూచనలను పరిగణనలోకి తీసుకున్నాం. గ్రౌటింగ్‌ ద్వారా మూడు బ్యారేజీల పునాదుల బలోపేతం చేస్తాం. స్టిల్లింగ్‌ బేసిన్ల పొడిగింపు, కొత్త కట్‌-ఆఫ్‌ వాల్స్‌ నిర్మాణం చేపడతాం. పునాదుల స్థిరత్వం, నీటి చొరబాటు నియంత్రణకు ప్రత్యేక చర్యలు తీసుకుంటున్నాం. సాంకేతిక అనుమతులు రాగానే టెండర్లు పిలిచి పనులు ప్రారంభిస్తాం. పునరుద్ధరణ పనుల వ్యయ అంచనాలను సిద్ధం చేస్తున్నాం. బ్యారేజీల భద్రత, పనుల నాణ్యత విషయంలో రాజీపడే ప్రసక్తే లేదు. పునరుద్ధరణ పనుల్లో కఠినమైన నాణ్యతా ప్రమాణాలు, స్వతంత్ర పరీక్షలు నిర్వహిస్తాం. తాత్కాలిక మరమ్మతులు కాదు.. దీర్ఘకాలం మన్నేలా పునరుద్ధరణ చేపడతాం. పునరుద్ధరణ పూర్తయి భద్రతా అనుమతులు వచ్చాకే బ్యారేజీల నిర్వహణ చేపడతాం’ అని ఉత్తమ్‌ తెలిపారు.ఇదీ చదవండి: ‘ ఆ ఘనత మా అధినేత కేసీఆర్‌దే’

సౌతాఫ్రికా ప‌ర్య‌ట‌న‌ను ఓట‌మితో ఆరంభించిన ఆస్ట్రేలియా జ‌ట్టుకు భారీ షాక్ త‌గిలింది. ఆ జ‌ట్టు స్టార్ ఆట‌గాడు, వికెట్ కీప‌ర్ జోష్‌ ఇంగ్లిస్ గాయంతో వ‌న్డే సిరీస్‌కు దూర‌మ‌య్యాడు. డ‌ర్బన్ వేదిక‌గా జ‌రిగిన‌ తొలి వ‌న్డేలో కీపింగ్ చేస్తున్న స‌మ‌యంలో ఇంగ్లిస్ కుడిచేయి చూపుడువేలికి బంతి బ‌లంగా త‌గిలింది. చికిత్స అనంత‌రం ఇంగ్లిస్ బ్యాటింగ్‌కు వ‌చ్చిన‌ప్ప‌టికీ తీవ్రంగా ఇబ్బంది ప‌డ్డాడు. మ్యాచ్ అనంత‌రం ఇంగ్లిస్ గాయాన్ని ప‌రిశీలించ‌గా, చూపుడువేలిలో చీలిక వ‌చ్చిన‌ట్లు తేలింది. దీంతో ఇంగ్లిస్‌ను చికిత్స కోసం స్వ‌దేశానికి తిరిగిరావాల‌ని క్రికెట్ ఆస్ట్రేలియా ఒక ప్ర‌క‌ట‌న‌లో తెలిపింది. పెర్త్‌లో ఇంగ్లిస్ చేతి వేలి గాయానికి ట్రీట్‌మెంట్ తీసుకోనున్నాడు. వ‌న్డే సిరీస్‌కు దూర‌మైన జోష్ ఇంగ్లిస్ మూడు మ్యాచ్‌ల టెస్టు సిరీస్‌కు అందుబాటులో ఉంటాడా లేదా అనేది అత‌డు కోలుకోవ‌డంపైనే ఆధార‌ప‌డి ఉంటుంద‌ని క్రికెట్ ఆస్ట్రేలియా తెలిపింది.అయితే మిగిలిన మ్యాచ్‌ల‌కు ఇంగ్లిస్ స్థానంలో ఇప్ప‌టివ‌ర‌కు ఏ ఆట‌గాడిని ఎంపిక చేయ‌లేద‌ని తెలుస్తోంది. దీంతో రేపు జోహ‌న్నెస్‌బ‌ర్గ్ వేదిక‌గా జ‌ర‌గ‌నున్న రెండో వ‌న్డేలో అలెక్స్ కేరీ కీపింగ్ బాధ్య‌త‌లు తీసుకోనున్నాడు. డ‌ర్బ‌న్ వేదిక‌గా సౌతాఫ్రికాతో జ‌రిగిన‌ తొలి వ‌న్డేలో ఆస్ట్రేలియా 67 ప‌రుగుల తేడాతో ఓట‌మి చ‌విచూసింది. రేపు జోహ‌న్నెస్‌బ‌ర్గ్ వేదిక‌గా జ‌ర‌గ‌నున్న రెండో వ‌న్డేలోనూ విజ‌యం సాధించి మ‌రో మ్యాచ్ మిగిలి ఉండ‌గానే సిరీస్‌ను కైవ‌సం చేసుకోవాల‌ని స‌ఫారీలు భావిస్తుండ‌గా, రెండో వ‌న్డేలో గెలిచి సిరీస్‌ను స‌మం చేయాల‌ని ఆసీస్ భావిస్తోంది. దీంతో మ్యాచ్ హోరాహోరీగా సాగే అవ‌కాశం లేక‌పోలేదు.తొలి వ‌న్డేకు దూరంగా ఉన్న రెగ్యుల‌ర్ కెప్టెన్ పాట్ క‌మిన్స్ రెండో వ‌న్డేలో ఆడే అవ‌కాశ‌ముంది. అయితే మిచెల్ స్టార్క్‌, హాజిల్‌వుడ్ రెండో వ‌న్డేకు విశ్రాంతి తీసుకునే చాన్స్ ఉంది. వ‌చ్చే ఏడాది డ‌బ్ల్యూటీసీ ఫైన‌ల్ నేప‌థ్యంలోనే ఆసీస్ జ‌ట్టు ప్ర‌ధాన బౌల‌ర్ల‌ను కాపాడుకోవాల‌నే ఉద్దేశంతోనే క్రికెట్ ఆస్ట్రేలియా ఇలా ప్లాన్ చేసింది.ఇక మూడో వ‌న్డే సెప్టెంబ‌ర్ 30న జ‌ర‌గ‌నుంది. ఆ త‌ర్వాత ఇరుజ‌ట్ల మ‌ధ్య మూడు మ్యాచ్‌ల టెస్టు సిరీస్ అక్టోబ‌ర్ 9 నుంచి ప్రారంభం కానుంది. డ‌ర్బ‌న్ వేదిక‌గా అక్టోబ‌ర్ 9 నుంచి 13 వ‌ర‌కు తొలి టెస్టు, అక్టోబ‌ర్ 18 నుంచి 22 వ‌ర‌కు గెహ్రా వేదిక‌గా రెండో టెస్టు, అక్టోబ‌ర్ 27 నుంచి 31 వ‌ర‌కు కేప్‌టౌన్ వేదిక‌గా చివ‌రి టెస్టు మ్యాచ్ జ‌ర‌గ‌నుంది.ఇదీ చదవండి: రేపు తొలి వ‌న్డే.. విండీస్‌కు అచ్చిరాని వేదిక‌; గ‌త రికార్డులు ఇలా!

ఐఫోన్ కొనాలని చూస్తున్న వారికి రిలయన్స్ డిజిటల్ ఓ అదిరిపోయే ఆఫర్ తీసుకొచ్చింది. ముఖ్యంగా ఐఫోన్ 17 ప్రో, ఐఫోన్ 17 ప్రో మ్యాక్స్ మోడళ్లపై పలు డిస్కౌంట్లు, ఎక్స్‌చేంజ్ బెనిఫిట్స్, బ్యాంక్ క్యాష్‌బ్యాక్ లభిస్తున్నాయి. దీంతో ఫోన్ రూ.56,990కే లభిస్తుందన్నమాట.ఐఫోన్ 17 ప్రోరిలయన్స్ డిజిటల్ ట్వీట్ ప్రకారం.. ఐఫోన్ 17 ప్రో 256 జీబీ మోడల్ ధర రూ.1,34,900. ఇన్‌స్టోర్ డిస్కౌంట్‌ కింద రూ. 9,910 తగ్గింపు లభిస్తుంది. పాత ఫోన్‌ను ఎక్స్‌చేంజ్ చేస్తే రూ.55,000 వరకు ఎక్స్‌చేంజ్ బెనిఫిట్స్, అదనంగా రూ.10,000 ఎక్స్‌చేంజ్ బోనస్, మరో రూ.3,000 బ్యాంక్ క్యాష్‌బ్యాక్ లభిస్తుంది. అంటే.. ఐఫోన్ 17 ప్రో రూ.56,990కి సొంతం చేసుకోవచ్చు. ఎక్స్‌చేంజ్ విలువ పాత ఫోన్ మోడల్, దాని కండిషన్‌ను బట్టి మారుతుంది.ఐఫోన్ 17 ప్రో మ్యాక్స్ప్రో మ్యాక్స్ విషయానికి వస్తే.. దీని అసలు ధర రూ.1,49,900. రూ.9,910 ఇన్‌స్టోర్ డిస్కౌంట్ తర్వాత రేటు రూ.1,39,990కి తగ్గుతుంది దీనికి రూ.55,000 ఎక్స్‌చేంజ్ వాల్యూ, రూ.10,000 ఎక్స్‌చేంజ్ బోనస్, రూ.3,000 బ్యాంక్ క్యాష్‌బ్యాక్ కలిపితే.. చివరికి ధర రూ.71,990కి ప్రో మ్యాక్స్ లభిస్తుంది. ఈ ఆఫర్ రిలయన్స్ డిజిటల్ స్టోర్లలో అందుబాటులో ఉంది.ఇదీ చదవండి: అనుష్క శర్మ ఇన్‌స్టా పోస్ట్.. మారిపోయిన రెస్టారెంట్ రాత!Your reason to go Pro just got bigger. 📱Get the iPhone 17 Pro starting at an effective price of just ₹56,990* at Reliance Digital.Unlock even more value with great exchange value, exchange bonus, bank cashback and flexible payment options.Want to know your current phone’s… pic.twitter.com/K7zV16eu0E— Reliance Digital (@RelianceDigital) September 23, 2026

ఢిల్లీ: సర్‌ ప్రక్రియపై కేంద్ర ఎన్నికల సంఘం కీలక సమావేశం నిర్వహించింది. అంతర్గత విబేధాలు బయటపడిన తర్వాత తొలిసారి జరిగిన భేటీకి సీఈసీ జ్ఞానేశ్‌కుమార్‌, ఈసీలు సందు, జోషి హాజరయ్యారు. ‘సర్‌’పై కేంద్ర ఎన్నికల సంఘం కీలక నిర్ణయాలు తీసుకుంది. ‘సర్‌’లో అభ్యంతరాలపై నవంబర్‌ 30 వరకు గడువు పొడిగించింది. నోటీసులు అందుకున్నవారు బీఎల్‌వోను కలవక్లర్లేదని.. బీఎల్‌వోలే ఓటర్లక ఇళ్లకు వస్తారని ఈసీ తెలిపింది.ఎస్ఐఆర్ (SIR)లో నోటీసు వచ్చిన వారికి బీఎల్‌వోలు ఇంటికి వచ్చి డాక్యుమెంట్లు తీసుకొని ఈసీఐనెట్‌లో అప్‌లోడ్ చేస్తారు. ఈఆర్వో కార్యాలయానికి వెళ్లాల్సిన అవసరం లేదు. అసాధారణ పరిస్థితుల్లోనే ఆన్‌లైన్ హియరింగ్. కుటుంబ సభ్యుడు కూడా హాజరు కావచ్చు. రాత్రి షెల్టర్లు, కార్మికులు, పేదలు, నిరాశ్రయుల కోసం డీఈవోలు సహాయ కేంద్రాలు, స్పెషల్ క్యాంపులు ఏర్పాటు చేయాలి’’ అని సీఈసీ పేర్కొన్నారు.‘‘ఎస్ఐఆర్ ఫామ్-6 డిక్లరేషన్‌ను సుప్రీంకోర్టు సమర్థించింది. ఎస్ఐఆర్ కాకుండా ఇతర సమయాల్లో సాధారణ నియమాల ప్రకారం ఫామ్‌లు వాడాలి. ఈసీఐనెట్‌ను సీనియర్ డీఈసీ అధ్యక్షతన కమిటీ సమీక్షిస్తుంది. కొత్త ఐటీ మాడ్యూళ్లు కమిటీ ఆఫ్ ఆఫీసర్స్ ద్వారా ఆమోదం తీసుకోవాలి. ఢిల్లీ క్లెయిమ్స్, అబ్జెక్షన్లు 30 అక్టోబర్ 2026 వరకు, డిస్పోజల్ 30 నవంబర్ 2026 వరకు పొడిగింపు. 
మహారాష్ట్రలో క్లెయిమ్స్ 12 అక్టోబర్ 2026 వరకు, డిస్పోజల్ 10 నవంబర్ 2026 వరకు పొడిగిస్తున్నాం’’ అని సీఈసీ తెలిపారు.ఎస్ఐఆర్ 20 రాష్ట్రాలు, కేంద్రపాలిత ప్రాంతాల్లో పూర్తయింది. ఓటర్లు, యువకులు కంటిన్యుయస్ అప్‌డేషన్ ద్వారా పేరు చేర్చుకోవచ్చు. ప్రత్యేక ఎన్‌రోల్‌మెంట్ డ్రైవ్ నిర్వహించాలని సీఈవోలకు ఈసీ ఆదేశించింది. కమిషన్ సమావేశాలకు ముందుగా అజెండా, తర్వాత మినిట్స్ జారీ చేయాలి. అధికారుల ఏపీఏఆర్‌లు ప్రతి సంవత్సరం డిసెంబర్ 31లోపు పూర్తి చేయాలి. విదేశీ పర్యటనలకు కమిషన్ అనుమతి తప్పనిసరి’’ అని సీఈసీ స్పష్టం చేశారు.ఇదీ చదవండి: ప్రేమానంద్‌ మహారాజ్‌ ఆశ్రమంలో కలకలం..

పాకిస్తాన్‌ టెస్టు కెప్టెన్‌ బాబర్‌ ఆజం మరోసారి నిరాశపరిచాడు. ఇంగ్లండ్‌ గడ్డ మీద ఈ కుడిచేతి వాటం బ్యాటర్‌ టెస్టుల్లో విఫలమైన సంగతి తెలిసిందే. గాయం వల్ల ఇంగ్లండ్‌తో తొలి టెస్టుకు దూరమైన బాబర్‌.. ఆ తర్వాతి మ్యాచ్‌లో రెండు ఇన్నింగ్స్‌లో వరుసగా.. 8, 6 పరుగులు మాత్రమే చేశాడు.ఏడేళ్ల తర్వాత రీఎంట్రీఇక ఆఖరిదైన మూడో టెస్టులో తొలి ఇన్నింగగ్స్‌లో 7 పరుగులకే పరిమితమైన బాబర్‌ ఆజం.. రెండో ఇన్నింగ్స్‌లో మాత్రం 76 పరుగులు చేయగలిగాడు. ఈ క్రమంలో లోపాలు సరిచేసుకునేందుకు దాదాపు ఏడేళ్ల తర్వాత బాబర్‌ ఆజం దేశవాళీ క్రికెట్‌ బరిలో దిగాడు.ప్రెసిడెంట్‌ ట్రోఫీ-2026లో భాగంగా ఆయిల్‌ అండ్‌ గ్యాస్‌ డెవలప్‌మెంట్‌ కంపెనీ తరఫున బాబర్‌ ఆజం.. ఖాన్‌ రీసెర్చ్‌ లాబోరేటరీస్‌ జట్టుతో మ్యాచ్‌ సందర్భంగా శనివారం మైదానంలోకి దిగాడు. ఈ మ్యాచ్‌లో నాలుగో స్థానంలో బ్యాటింగ్‌కు వచ్చిన బాబర్‌.. 20 బంతులు ఎదుర్కొని కేవలం 12 పరుగులు చేసి అవుటయ్యాడు.పూర్తిగా విఫలంఅర్షద్‌ ఇక్బాల్‌ షార్ట్‌ పిచ్‌ బాల్‌గా సంధించిన బౌన్సర్‌ బౌన్సర్‌ను ఎదుర్కోవడంలో బాబర్‌ ఆజం పూర్తిగా విఫలమయ్యాడు. బంతిని తప్పుగా అంచనా వేసి షాట్‌ ఆడేందుకు ప్రయత్నించగా.. బ్యాట్‌ అంచుకు తాకి బాల్‌ గాల్లోకి లేవగా అబ్దుల్‌ ఫసీ సింపుల్‌ క్యాచ్‌ అందుకున్నాడు. దీంతో బాబర్‌ ఆట కోసం ఆసక్తిగా ఎదురుచూసిన అభిమానులకు తీవ్ర నిరాశే మిగిలింది.కాగా బాబర్‌ ఆజం చివరగా 2022లో పాకిస్తాన్‌ తరఫున టెస్టుల్లో సెంచరీ చేశాడు. ఇదిలా ఉంటే.. తాజాగా బాబర్‌ మరోసారి విఫలమైన నేపథ్యంలో సోషల్‌ మీడియా వేదికగా మళ్లీ ట్రోల్స్‌ మొదలయ్యాయి. ‘‘జింబాబ్వే వంటి పసికూన మీద మాత్రమే బాబర్‌ ప్రతాపం చూపుతాడు.. సొంతగడ్డపై దేశవాళీ మ్యాచ్‌లో కూడా అతడు రాణించలేడు’’ అంటూ నెటిజన్లు విమర్శిస్తున్నారు.చదవండి: సచిన్‌తో అతడికి పోలికేంటి?: సెహ్వాగ్‌Babar Azam is GONE! 🔥7 years of waiting to play First Class cricket again… and he’s out for just 12 runs off 20 balls! 😭Arshad Iqbal is ON FIRE!🔥 pic.twitter.com/hECRwFiBG7— Humais khan (@Humireacts) September 26, 2026

సినిమా ఇండస్ట్రీలో టాలెంట్‌తో పాటు టైమింగ్‌, సరైన సినిమా, ఆ సినిమా ఫలితం కూడా కెరీర్‌ను ప్రభావితం చేస్తుంటాయి. కొందరు నటీనటులకు మంచి అవకాశాలు వరుసగా వచ్చినా.. వాటిని విజయాలుగా మలుచుకోవడానికి మాత్రం చాలా సమయం పడుతుంది. ఇప్పుడు యంగ్ హీరోయిన్‌ కయాదు లోహర్‌ పరిస్థితి కూడా దాదాపు ఇలానే కనిపిస్తోంది. అందం, అభినయం ఉన్న ఈ భామకు అవకాశాలు మాత్రం బాగానే వస్తున్నాయి. కానీ ఆమె ఖాతాలో మాత్రం ఆశించిన స్థాయిలో విజయాలు చేరడం లేదు.‘అల్లూరి’తో టాలీవుడ్‌ ఎంట్రీ..కయాదు లోహర్‌ తెలుగులో తొలిసారి శ్రీ విష్ణు హీరోగా నటించిన ‘అల్లూరి’ సినిమాతో పరిచయమైంది. 2022లో వచ్చిన ఈ చిత్రంలో ఆమె సంధ్య పాత్రలో కనిపించింది. మంచి నటనతో ఆకట్టుకునే ప్రయత్నం చేసినా.. సినిమా మాత్రం బాక్సాఫీస్‌ వద్ద ఆశించిన ఫలితాన్ని అందుకోలేకపోయింది. దీంతో టాలీవుడ్‌లో కయాదు తొలి అడుగే విజయాన్ని అందించలేకపోయింది.ఆ తర్వాత కయాదు ఇతర భాషలపై దృష్టి పెట్టింది. ముఖ్యంగా తమిళంలో ‘డ్రాగన్‌’ సినిమాతో ఆమెకు మంచి గుర్తింపు వచ్చింది. ఈ సినిమా తెలుగులోనూ విడుదలై ప్రేక్షకుల దృష్టిని ఆకర్షించింది. దాంతో కయాదుకు దక్షిణాదిలో వరుస అవకాశాలు రావడం మొదలైంది.విశ్వక్‌సేన్‌తో ‘ఫంకీ’..ఆ గుర్తింపుతోనే టాలీవుడ్‌లో మరో మంచి అవకాశం దక్కింది. విశ్వక్‌సేన్‌ హీరోగా అనుదీప్‌ కేవీ దర్శకత్వంలో తెరకెక్కిన ‘ఫంకీ’లో కయాదు హీరోయిన్‌గా నటించింది. ఈ సినిమాలో ఆమె చిత్త్ర పాత్రలో కనిపించింది. తెరపై కయాదు అందంగా కనిపించడంతో పాటు సహజమైన నటనతో ఆకట్టుకుందని రివ్యూల్లోనూ ప్రస్తావనలు వచ్చాయి.అయితే సినిమా మాత్రం ప్రేక్షకులను పూర్తిగా మెప్పించలేకపోయింది. నెగెటివ్‌ టాక్‌ రావడంతో బాక్సాఫీస్‌ వద్ద ఆశించిన ఫలితాన్ని అందుకోలేదు. దీంతో కయాదు ఖాతాలో తెలుగులో రెండో సినిమా కూడా విజయాన్ని నమోదు చేయలేకపోయింది.‘ది ప్యారడైజ్‌’పై భారీ ఆశలు..ఇక కయాదు కెరీర్‌లో మరో కీలక అవకాశం ‘ది ప్యారడైజ్‌’. నాని హీరోగా శ్రీకాంత్‌ ఓదెల దర్శకత్వంలో తెరకెక్కిన ఈ సినిమాలో ఆమె సుబ్బలక్ష్మి అలియాస్‌ సుబ్బు పాత్రలో కనిపించింది. తన గత పాత్రలకు పూర్తి భిన్నంగా, కథలో కీలకమైన పాత్ర లభించిందని కయాదు స్వయంగా చెప్పింది. ఈ సినిమా తన కెరీర్‌లోనే అతిపెద్ద ప్రాజెక్ట్‌ అని కూడా పేర్కొంది.సెప్టెంబర్‌ 24న ప్రేక్షకుల ముందుకు వచ్చిన ‘ది ప్యారడైజ్‌’కు మిశ్రమ స్పందన లభించింది. దీంతో కయాదు తెలుగులో నటించిన మూడు సినిమాల్లోనూ విజయం ఆమెకు దూరంగానే నిలిచింది. ‘అల్లూరి’, ‘ఫంకీ’ తర్వాత ‘ది ప్యారడైజ్‌’ కూడా ఆశించిన స్థాయిలో టాక్‌ తెచ్చుకోకపోవడంతో.. కయాదుకు కలిసి రావడం లేదనే చర్చ మొదలైంది.ఇక్కడ ఆసక్తికరమైన విషయం ఏమిటంటే.. వరుస పరాజయాలు ఉన్నప్పటికీ కయాదుకు అవకాశాలు మాత్రం తగ్గడం లేదు. ప్రస్తుతం తెలుగు, తమిళ, మలయాళ భాషల్లో పలు సినిమాలు ఆమె చేతిలో ఉన్నాయి. ‘ది ప్యారడైజ్‌’తో పాటు తమిళంలో మారి సెల్వరాజ్‌ ప్రాజెక్ట్‌, సూర్యతో ఓ సినిమా సహా పలు ప్రాజెక్టుల్లో ఆమె భాగమవుతోంది.అంటే కయాదు విషయంలో టాలెంట్‌ లేదని కాదు.. అవకాశాలు రావడం లేదని కూడా కాదు. మంచి పాత్రలు దక్కుతున్నాయి. గుర్తింపు తెచ్చుకునే సినిమాల్లో నటిస్తోంది. కానీ ఆమె నటించిన సినిమాలు వరుసగా విజయం సాధించకపోవడమే ఇప్పుడు ప్రధాన చర్చగా మారింది.అందం ఉంది.. అభినయం ఉంది.. అవకాశాలు కూడా ఉన్నాయి.. ఇక అదృష్టం కలిసొచ్చే ఆ ఒక్క హిట్‌ కోసం కయాదు ఎదురుచూస్తోంది. ఆ విజయం ఎప్పుడు వస్తుందో.. అదే ఆమె టాలీవుడ్‌ కెరీర్‌కు కీలక మలుపుగా మారొచ్చు.

గౌహతి విశ్వవిద్యాలయానికి చెందిన సోషియాలజీ విద్యార్థిని నిమిషా ఠాకురియా అనుమానాస్పద పరిస్థితుల్లో మరణించింది. సెప్టెంబర్ 25వ తేదీ శనివారం ఉదయం అస్సాంలోని గువాహటి, గరాల్ ప్రాంతంలోని ఒక హోమ్‌స్టేలో శవమై తేలిన ఘటన దిగ్భ్రాంతి రేపింది. ఈ ఘటనకు సంబంధించి పోలీసులు 26 ఏళ్ల వ్యక్తిని అరెస్టు చేశారు. 'లవ్ జిహాద్' అరోపణలు మరింత తీవ్ర కలకలం రేపాయి.నిమిషా ఉరివేసుకుని ఆత్మహత్య చేసుకున్నట్లు నిందితుడు ఆసిఫ్ అలీ (26)పోలీసులకు తెలిపాడు. అయితే, పోలీసులు ఈ వాదనను పూర్తిగా కొట్టిపారేశారు. ఇది హత్య అయి ఉండవచ్చని అనుమానిస్తున్నారు. నిమిషా ముఖం, తల, చేతులు, మర్మాంగాలపై గాయాల గుర్తులు ఉన్నట్లు మేజిస్ట్రేట్ విచారణలో ప్రాథమికంగా తేలిన నివేదికల నేపథ్యంలో ఆందోళన నెలకొంది. పోస్ట్‌మార్టం నివేదిక వస్తేనే పూర్తి వివరాలు తెలుస్తాయని పోలీసులు వెల్లడించారు.చివరి కాల్‌, సంచలన ఆరోపణలుధారాపూర్‌కు చెందిన నిమిషా, తన స్నేహితుడు ఆసిఫ్ అలీతో కలిసి శుక్రవారం సాయంత్రం 'రుద్రాస్ కిచెన్ హోమ్‌స్టే'కి వెళ్ళినట్టు తెలుస్తోంది. మృతురాలి కుటుంబ స్నేహితుడు గౌతమ్ దాస్ మీడియాతో మాట్లాడుతూ.. అర్ధరాత్రి దాటాక సుమారు 2:00 గంటల ప్రాంతంలో నిమిషా తన తల్లికి ఫోన్ చేసి "వాళ్ళు నన్ను చంపేస్తారు అమ్మ" ఏడుస్తూ అని చెప్పిందని, ఆ తర్వాత ఆమె ఫోన్‌ను లాక్కుని ఉంటారని అనుమానాన్ని వ్యక్తం చేశారు.కుటుంబ సభ్యులు పోలీసులను ఆశ్రయించేలోపే, ఆమెను ఆసుపత్రికి తరలించగా అప్పటికే ఆమె మృతి చెందినట్లు వైద్యులు ధృవీకరించారు.మరోవైపు హాస్టల్‌ యజమాని మాటలు కూడా హత్య అనే అనుమానాలకు మరింత ఊతమిస్తున్నాయి.Assam: Locals in Guwahati’s Dharapur protest against ‘Love Jihad’ after the mysterious death of Gauhati University student Nimisha Thakuria.👉 Nimisha’s boyfriend Ashik Ali has been detained.👉 Both were staying at a homestay where the incident took place.👉 Nimisha left… pic.twitter.com/FhQAlapi9n— aboyob bhuyan (@aboyobbhuyan) September 26, 2026 ఇదీ చదవండి : మమ్మల్ని అడ్డుకుని, గృహనిర్బంధం : మమత సంచలన వ్యాఖ్యలు హోమ్‌స్టే కేర్‌టేకర్‌ వాంగ్మూలంరాత్రి సమయంలో ఒక మగ గొంతు గట్టిగా అరుస్తూ ఎవరో లేవాలని ("దదా, ఉఠో, ఉఠో") పిలుస్తున్న శబ్దం వినిపించిందని హోమ్‌స్టే కేర్‌టేకర్‌ బిపుల్ బైలుంగ్ తెలిపారు. ఆ తర్వాత శబ్దం వచ్చిన గదికి వెళ్లి చూడగా, ఒక అబ్బాయి నేలపై పడి ఉన్న అమ్మాయిని పట్టుకుని ఉన్నాడని, వెంటనే యజమానులకు సమాచారం అందించి అంబులెన్స్‌లో ఆసుపత్రికి తరలించామని చెప్పారు.'లవ్ జిహాద్' ఆరోపణలు, నిరసనలుమృతురాలు హిందూ మతానికి చెందిన విద్యార్థిని కాగా, అరెస్టయిన ప్రియుడు ముస్లిం కావడంతో ఈ ఘటన తీవ్ర ఉద్రికత్తతను రాజేసింది. ఇది 'లవ్ జిహాద్' కుట్ర అంటూ కొన్ని సంస్థలు రహదారిపై నిరసనలు చేపట్టాయి. నిందితుడిని ఎన్‌కౌంటర్‌ చేయాలంటూ డిమాండ్‌ చేశారు. పోలీసులు వెంటనే స్పందించి ఆందోళనకారులను సముదాయించి ట్రాఫిక్‌ను పునరుద్ధరించారు.ఇదీ చదవండి: లవర్‌తో పెళ్లి : పోలీస్‌కానిస్టేబుల్‌ని మట్టుబెట్టిన కొడుకు

ఉత్తరప్రదేశ్‌లోని బృందావన్‌లో ప్రే‌మానంద్‌ మహారాజ్‌ ఆశ్రమంలో విషాద ఘటన చోటుచేసుకుంది. ఆయన శిష్యుడు నాలుగో అంతస్తు నుంచి కిందపడి ఆత్మహత్యకు పాల్పడ్డారు. మృతుడిని మధ్యప్రదేశ్‌లోని జబల్‌పూర్‌కు చెందిన దీపక్‌ లోధి అలియాస్‌ రసిక్‌ దులారీ శరణ్‌గా గుర్తించారు. శుక్రవారం ఉదయం 10.30 గంటల సమయంలో గురు కృపా కుంజ్‌ ఆశ్రమం నాలుగో అంతస్తు నుంచి కిందపడినట్లు పోలీసులు తెలిపారు.ఆసుపత్రిలో చికిత్స పొందుతూ మృతిఈ ఘటనలో దీపక్‌కు తలకు, శరీరంలోని ఇతర భాగాలకు తీవ్ర గాయాలయ్యాయి. వెంటనే అతడిని ఆసుపత్రికి తరలించగా.. చికిత్స పొందుతూ మృతి చెందారు. నాలుగో అంతస్తు నుంచి దూకి ఆయన ఆత్మహత్య చేసుకుని ఉండొచ్చని పోలీసులు భావిస్తున్నారు. ఘటనాస్థలంలో ఆధారాలను సేకరించిన పోలీసులు.. కుటుంబ సభ్యులకు సమాచారం అందించారు.ఆత్మహత్యకు కారణమేంటి?దీపక్‌ ఆత్మహత్యకు ఎందుకు పాల్పడ్డారనే దానిపై ఇప్పటివరకు స్పష్టత రాలేదు. ఈ ఘటనపై కేసు నమోదు చేసిన పోలీసులు దర్యాప్తు చేపట్టారు. దీపక్‌ మృతిపై అన్ని కోణాల్లో విచారణ జరుపుతున్నామని పోలీసులు తెలిపారు. ఆశ్రమ నిర్వాహకులను కూడా విచారిస్తున్నారు. ఈ ఘటనపై ప్రేమానంద్‌ మహారాజ్‌ ఇప్పటివరకు స్పందించలేదు.ఎవరీ ప్రేమానంద్‌ మహారాజ్‌?ప్రేమానంద్‌ మహారాజ్‌ అసలు పేరు అనిరుద్ధ కుమార్‌ పాండే. ‘ప్రేమానంద్‌’ పేరుతో ఆధ్యాత్మిక బాట పట్టారు. తన ప్రసంగాలతో దేశవ్యాప్తంగా గుర్తింపు పొందారు. సోషల్‌ మీడియాలోనూ ఆయనకు పెద్ద సంఖ్యలో ఫాలోవర్లు ఉన్నారు. ఆయన ఆశ్రమానికి దేశ నలుమూలల నుంచి, విదేశాల నుంచి కూడా వందలాది మంది భక్తులు హాజరవుతుంటారు.ఇదీ చదవండి: రైలులో ఎంపీ భార్యకు ‘భయానక’ అనుభవం

ఫ్రెంచ్‌ నటుడు, దర్శకుడు, రచయిత ఆర్నాడ్‌ డెనిస్‌ 43 ఏళ్ల వయసులో కన్నుమూశారు. కొన్నేళ్లుగా తీవ్ర అనారోగ్య సమస్యలతో బాధపడుతున్న ఆయన.. బెల్జియంలో కారుణ్య మరణం ద్వారా తుదిశ్వాస విడిచినట్లు అంతర్జాతీయ మీడియా కథనాలు వెల్లడించాయి. ఫేస్‌బుక్‌లో భావోద్వేగ పోస్టు మరణానికి ముందు ఆర్నాడ్‌ ఫేస్‌బుక్‌లో భావోద్వేగ పోస్టు చేశారు.గత మూడేళ్లుగా తీవ్ర అనారోగ్యంతో ఎంతో బాధను అనుభవించినట్లు ఆయన అందులో పేర్కొన్నారు. తన ఆరోగ్య పరిస్థితి రోజురోజుకూ క్షీణించడంతో ఇక ఆ బాధను భరించే శక్తి తనకు లేదని తెలిపారు. తనతో ఈ పోరాటంలో తోడుగా నిలిచిన ప్రతి ఒక్కరికీ కృతజ్ఞతలు చెప్పారు. తన నిర్ణయం ఎవరినీ ప్రేరేపించకూడదని కోరిన ఆర్నాడ్‌.. తన అనారోగ్యం గురించి ప్రజలకు అవగాహన కలగాలని ఆకాంక్షించారు. ఈ వ్యాధిపై వైద్య పరిశోధనలు మరింతగా జరిగి, భవిష్యత్తులో మెరుగైన చికిత్స అందుబాటులోకి రావాలని కోరుకున్నారు.ఇదీ చదవండి: చాలా ఏళ్లు తర్వాత సినిమాకి వెళ్తున్నా: కేటీఆర్‌ఆపరేషన్‌ తర్వాత మొదలైన సమస్యలుఆర్నాడ్‌ డెనిస్‌ 2023లో హెర్నియా చికిత్స కోసం శస్త్రచికిత్స చేయించుకున్నారు. ఆ తర్వాత ఆయనకు అనేక ఆరోగ్య సమస్యలు ఎదురైనట్లు సమాచారం. ఈ క్రమంలోనే తాను మయాల్జిక్‌ ఎన్సెఫలోమైలిటిస్‌ అనే వ్యాధితో బాధపడుతున్నట్లు గుర్తించారు. ఈ వ్యాధి కారణంగా క్రమంగా కండరాల బలహీనత పెరిగి.. శరీరంపై నియంత్రణ కోల్పోయే పరిస్థితి ఎదురైందని ఆర్నాడ్‌ తరఫు న్యాయవాది తెలిపారు.నటుడిగానే కాకుండా దర్శకుడిగానూ..ఆర్నాడ్‌ డెనిస్‌ నటుడిగా మాత్రమే కాకుండా దర్శకుడు, రచయితగానూ తన ప్రతిభను చాటుకున్నారు. 2009లో ‘లెస్‌ ఫెమ్స్‌ సవాంటెస్‌’ అనే డాక్యుమెంటరీకి దర్శకత్వం వహించారు. ఈ చిత్రానికి ప్రతిష్ఠాత్మక బ్రిగేడియర్‌ అవార్డు కూడా అందుకున్నారు. అయితే అనారోగ్యం కారణంగా కొన్నేళ్లుగా ఆయన కెరీర్‌కు దూరమయ్యారు. చివరకు 43 ఏళ్ల వయసులో బెల్జియంలో కారుణ్య మరణం ద్వారా ఆయన కన్నుమూయడం సినీ వర్గాల్లో విషాదాన్ని నింపింది.ఇదీ చదవండి: కొత్త లుక్‌లో అనసూయ.. ఫొటోలు వైరల్‌

తిరువ‌నంత‌పురం వేదిక‌గా రేపు భార‌త్‌, వెస్టిండీస్ మ‌ధ్య తొలి వ‌న్డే జ‌ర‌గ‌నుంది. ఇప్ప‌టికే ఇరుజ‌ట్లు త‌మ ప్రాక్టీస్‌ను ముమ్మ‌రం చేశాయి. టీమిండియా రెండుగా చీలిపోయి 50 ఓవ‌ర్ల ఇంట్రాస్వ్కాడ్ మ్యాచ్ కూడా ఆడేశాయి. ఈ మ్యాచ్‌లో కోహ్లి, రోహిత్‌, నితీశ్‌కుమార్ రెడ్డి, జ‌డేజా త‌మ బ్యాటింగ్‌తో ఆక‌ట్టుకున్నారు. అటు వెస్టిండీస్ కూడా టీమిండియాను వారి సొంత‌గ‌డ్డ‌పైనే ఓడించి నంబ‌ర్‌వ‌న్ ర్యాంకు నుంచి ప‌డ‌గొట్టేందుకు సిద్ధ‌మైన‌ట్లు పేర్కొంది. అంతేకాదు 24 ఏళ్ల త‌ర్వాత భార‌త్‌పై వ‌న్డే సిరీస్ గెలిచే అవ‌కాశం త‌మ‌కు ల‌భించింద‌ని, దీనిని స‌ద్వినియోగం చేసుకుంటామ‌ని విండీస్ హెడ్‌కోచ్ డారెన్ సామీ ప్ర‌గ‌ల్భాలు ప‌లికాడు. టీమిండియాను ఓడించి చూపిస్తామ‌ని స‌వాల్ చేయ‌డం గ‌మ‌నార్హం.గ‌త రికార్డులు ఇలా..ఈ విష‌యం ప‌క్క‌న‌బెడితే, అస‌లు టీమిండియా గ‌డ్డ‌పై వెస్టిండీస్ వ‌న్డే రికార్డు ఎలా ఉంది? విజ‌యాలెన్నీ? ఓట‌ములెన్నీ అనేది ఒక‌సారి ప‌రిశీలిద్దాం. 1983 నుంచి 2022 వ‌ర‌కు చూసుకుంటే భార‌త్‌లో వెస్టిండీస్ 61 మ్యాచ్‌లు ఆడింది. ఇందులో 28 విజ‌యాలు, 32 ఓట‌ములు చ‌విచూసింది. ఒక మ్యాచ్ టైగా ముగిసింది.అత్య‌ధిక స్కోరెంతంటే?ఇక భార‌త గ‌డ్డ‌పై వ‌న్డేల్లో వెస్టిండీస్ చేసిన అత్య‌ధిక స్కోరు 333 ప‌రుగులు. 1983 డిసెంబ‌ర్ 7న జంషెడ్‌పూర్ వేదికగా జ‌రిగిన వ‌న్డేలో ఈ స్కోరు సాధించింది. ఆ మ్యాచ్‌లో భార‌త్ 229 ప‌రుగులకే ప‌రిమితం కావ‌డంతో విండీస్ జ‌ట్టు 104 ప‌రుగుల తేడాతో విజయం సాధించింది. చివ‌ర‌గా 2014లో కొచ్చి వేదిక‌గా జ‌రిగిన వ‌న్డేలో భార‌త్‌పై విండీస్ 321 ప‌రుగులు చేసింది.అత్య‌ల్ప స్కోరెంతంటే?ఇక భార‌త గ‌డ్డ‌పై విండీస్ అత్య‌ల్ప స్కోరు 80గా ఉంది. 2006 చాంపియ‌న్స్ ట్రోఫీలో శ్రీలంక‌తో మ్యాచ్‌లో వెస్టిండీస్ 80 ప‌రుగుల‌కు ఆలౌటైంది. ఇక భార‌త్‌పై విండీస్ అత్య‌ల్ప స్కోరు 104గా ఉంది. 2018లో ఇదే తిరువ‌నంత‌పురం వేదిక‌గా జ‌రిగిన వ‌న్డేలో విండీస్ 104 ప‌రుగుల‌కు ఆలౌటైంది. ఆ మ్యాచ్‌లో భార‌త్ 211 బంతులు మిగిలి ఉండ‌గానే టార్గెట్‌ను ఛేదించి విజ‌యాన్ని అందుకుంది. తిరువనంతపురం వేదిక అంటేనే విండీస్‌కు హడల్‌ అని చెప్పొచ్చు.చివ‌రిసారి క్లీన్‌స్వీప్‌..2021-22లో వెస్టిండీస్ జ‌ట్టు భార‌త్‌లో ప‌ర్య‌టించింది. మూడు వ‌న్డే మ్యాచ్‌ల సిరీస్‌ను భార‌త్ 3-0తో విండీస్‌ను క్లీన్‌స్వీప్ చేసింది. కోవిడ్ కార‌ణంగా మూడు మ్యాచ్‌లకు అహ్మ‌దాబాద్‌లోని న‌రేంద్ర‌మోదీ స్టేడియం వేదిక‌గా నిలిచింది. మ్యాచ్‌ల‌న్నీ క్లోజ్ డోర్స్‌లోనే (ప్రేక్ష‌కులు లేకుండా) జ‌రిగాయి. తొలి వ‌న్డేను ఆరు వికెట్ల తేడాతో నెగ్గిన టీమిండియా, రెండో వ‌న్డేను 44 ప‌రుగుల తేడాతో గెలిచింది. ఇక చివ‌రి వ‌న్డేలో 96 ప‌రుగుల తేడాతో విజ‌యం సాధించింది. నాలుగేళ్ల త‌ర్వాత మ‌ళ్లీ వ‌న్డే సిరీస్ ఆడేందుకు భార‌త గ‌డ్డ‌పై అడుగుపెట్టిన వెస్టిండీస్ ఈసారి ఎలాంటి ప్ర‌ద‌ర్శ‌న చేస్తుంద‌నేది చూడాలి. ఇక వెస్టిండీస్ భార‌త గ‌డ్డ‌పై చివ‌రిసారి 2002లో వ‌న్డే సిరీస్‌ను గెలుచుకుంది. అప్ప‌టినుంచి ఇప్ప‌టిదాకా వెస్టిండీస్ రిక్త హ‌స్తాల‌తోనే వెనుదిరిగింది.ఇదీ చ‌ద‌వండి: ఇరాన్‌ను చిత్తు చేసిన భారత్‌.. ఆసియా గేమ్స్‌లో నాలుగో స్వ‌ర్ణం

ముంబైలోని చెంబూర్‌లో ఉన్న ఒక చిన్న చోలే భటూరే రెస్టారెంట్. దీని పేరు ఢిల్లీ సే (Delhi Se). ఇది ఒకప్పుడు దాదాపు రూ. 18 లక్షల అప్పులో కూరుకుపోయి మూతపడటానికి సిద్ధమైంది. కానీ నేడు.. కోట్లు సంపాదిస్తూ బాగా పాపులర్ అయింది. దీనికి కారణం నటి అనుష్క శర్మ చోలే భటూరే ఆర్డర్ చేయడమే. మరిన్ని వివరాలు ఈ కథనంలో చూసేద్దాం.మూతపడే స్థితి నుంచి..జస్పాల్ సింగ్ ఖాల్సా, మహీందర్ సింగ్ ఖాల్సా అనే ఇద్దరు సోదరులు 2021 అక్టోబర్‌లో 'ఢిల్లీ సే'ను ప్రారంభించారు. మొదట అది కేవలం 250 చదరపు అడుగుల చిన్న షాప్ మాత్రమే. అందులో మూడు టేబుళ్లు, తొమ్మిది సీట్లు మాత్రమే ఉండేవి. ప్రారంభంలో.. వ్యాపారం బాగానే ఉన్నప్పటికీ, 2022 జనవరి నుంచి కస్టమర్లు తగ్గడం మొదలైంది. సెప్టెంబర్ నాటికి పరిస్థితి మరింత దారుణంగా మారింది. దాదాపు రూ.18 లక్షల అప్పు పేరుకుపోవడంతో రెస్టారెంట్‌ను మూసేయాలని సోదరులు నిర్ణయించుకున్నారు.అయితే అదే సమయంలో వారి జీవితాన్ని మార్చే ఒక సంఘటన జరిగింది. 2022 సెప్టెంబర్‌లో స్టాండప్ కమెడియన్ అభిషేక్ ఉపమన్యు ఢిల్లీ సేకి వచ్చి చోలే భటూరే తిన్నారు. అప్పట్లో.. ఆయన ఎవరో కూడా సోదరులకు తెలియదు. కానీ.. మరుసటి రోజు నుంచే రెస్టారెంట్‌కు కస్టమర్లు పెరగడం మొదలైంది. తర్వాత వారికి తెలిసింది ఏమిటంటే, అభిషేక్ ఉపమన్యు తన ఇన్‌స్టాగ్రామ్ స్టోరీలో తమ రెస్టారెంట్ గురించి ప్రస్తావించారు అని.అనుష్క శర్మ ఇన్‌స్టా పోస్ట్ఆ తర్వాత ఈ రెస్టారెంట్ గురించి అనుష్క శర్మకు కూడా తెలిసింది. ఆమె భర్త, క్రికెటర్ విరాట్ కోహ్లీకి చోలే భటూరే అంటే చాలా ఇష్టం. ముంబైలో అసలైన ఢిల్లీ రుచిలో చోలే భటూరే కోసం అనుష్క వెతుకుతున్న సమయంలో ఢిల్లీ సే గురించి తెలుసుకున్నారు.ఒక రోజు విరాట్ కోహ్లీ ఇంటి నుంచి రెస్టారెంట్‌కు ఫోన్ వచ్చింది. రెండు ప్లేట్ల చోలే భటూరే జుహూకు పంపాలని అడిగారు. కానీ జస్పాల్‌కు అది నిజమైన ఫోన్ కాల్ అనిపించలేదు. ఎవరో తనను ఆటపట్టిస్తున్నారని అనుకున్నారు. ఎందుకంటే రెండు ప్లేట్ల ధర అప్పట్లో కేవలం రూ.120 మాత్రమే. పైగా చెంబూర్ నుంచి జుహూకు డెలివరీ చేయాలి.ఫోన్ చేసిన వ్యక్తి డెలివరీ ఖర్చు కూడా ఇస్తామని, బ్యాంక్ వివరాలు పంపాలని చెప్పడంతో జస్పాల్‌కు మరింత అనుమానం వచ్చింది. చివరికి ఆమె విరాట్ కోహ్లీ ఇంటి నుంచి ఫోన్ చేస్తున్నానని చెప్పినా ఆయన నమ్మలేకపోయారు. అయినా.. చివరకు ఆర్డర్‌ను తీసుకుని జుహూకు వెళ్లి చోలే భటూరే డెలివరీ చేశారు.ఆ తర్వాత అసలు ట్విస్ట్ వచ్చింది. 'ముంబైలో చివరకు ఢిల్లీ రుచిలో ఉండే చోలే భటూరే దొరికాయని' అనుష్క శర్మ తన ఇన్‌స్టాలో పోస్ట్ చేశారు. ఈ రెస్టారెంట్ గురించి తనకు అభిషేక్ ఉపమన్యు ద్వారా తెలిసిందని కూడా చెప్పారు. ఆ ఒక్క పోస్టుతో ఢిల్లీ సే రెస్టారెంట్ పరిస్థితి పూర్తిగా మారిపోయింది.మారిపోయిన రెస్టారెంట్ పరిస్థితికొద్ది సమయంలోనే రెస్టారెంట్ ముందు భారీగా జనం చేరుకున్నారు. ఫోన్లు ఆగకుండా మోగాయి. కొంతమంది ఆరు, పది ప్లేట్ల చొప్పున ఆర్డర్ చేయడం మొదలుపెట్టారు. రెస్టారెంట్‌లో ఉన్న సరుకులు సరిపోలేదు. పరిస్థితి ఎంతగా పెరిగిందంటే, బయట భారీగా జనం చేరడంతో పోలీసులు కూడా అక్కడికి రావాల్సి వచ్చింది.మొదట రోజుకు కేవలం 8 కిలోల చోలే మాత్రమే తయారు చేసేవారు. కానీ మూడు రోజుల్లోనే అది 100 కిలోలకు చేరింది. సరుకు సరిపోకపోవడంతో చుట్టుపక్కల ఇళ్లవారిని కూడా సహాయం అడిగారు. 'మీ ఇంట్లో చోలే నానబెట్టి పెట్టండి, నేను వచ్చి తీసుకెళ్తాను' అని అడిగేవారు. కొంతమంది కస్టమర్లు రెండు మూడు ప్లేట్ల కోసం కూడా గంటల తరబడి వేచి ఉండాల్సి వచ్చింది.నెలకు రూ.2 కోట్లుఇంతకుముందు నెలకు కేవలం రూ.1 నుంచి 1.5 లక్షల వరకు అమ్మకాలు జరిగే పరిస్థితి నుంచి ఇప్పుడు నెలకు సుమారు రూ.2 కోట్ల అమ్మకాలు జరుగుతున్నాయని సోదరులు చెబుతున్నారు.ఇప్పటికే ఢిల్లీ సేకి చెంబూర్, ములుండ్, అంధేరీ వెస్ట్, వాషీ ప్రాంతాల్లో నాలుగు ఔట్‌లెట్లు ఉన్నాయి. రోజుకు 3,000కు పైగా ప్లేట్ల చోలే భటూరే అమ్ముతున్నామని వారు చెబుతున్నారు. రోజూ సుమారు 125 కిలోల చోలే నానబెడుతున్నారు. ఒకప్పుడు రూ.18 లక్షల అప్పులతో రెస్టారెంట్‌ను మూసేయాలని అనుకున్న ఇద్దరు సోదరులు, ఇప్పుడు కోట్ల రూపాయల వ్యాపారాన్ని నడుపుతున్నారు.ఇదీ చదవండి: బంపరాఫర్.. ఐఫోన్ కొనుగోలుపై రూ.70 వేలు తగ్గింపు!

భారత వన్డే జట్టు స్వదేశంలో వెస్టిండీస్‌తో సిరీస్‌కు సిద్ధమైంది. ఇరుజట్ల మధ్య ఆదివారం (సెప్టెంబరు 27) నుంచి మూడు మ్యాచ్‌ల సిరీస్‌ ఆరంభం కానుంది. ఈ క్రమంలో తొలి వన్డే కోసం ఇప్పటికే టీమిండియా తిరువనంతపురం చేరుకుని ప్రాక్టీస్‌ కూడా చేసింది.ఈ నేపథ్యంలో విండీస్‌తో మొదటి వన్డేకు భారత తుదిజట్టు ఎలా ఉండబోతున్న అంశంపై టీమిండియా మాజీ బ్యాటర్‌ మహ్మద్‌ కైఫ్‌ తన అభిప్రాయాలు పంచుకున్నాడు. టెస్టుల్లో ఓపెనర్‌గా పాతుకుపోయిన యశస్వి జైస్వాల్‌ను నాలుగో స్థానంలో బరిలోకి దించాలని యాజమాన్యానికి సూచించాడు.టాపార్డర్‌లో వీరేఈ మేరకు తన యూట్యూబ్‌ చానెల్‌ వేదికగా మాట్లాడుతూ.. ‘‘రోహిత్‌ శర్మ- శుబ్‌మన్‌ గిల్‌ ఓపెనింగ్‌ జోడీగా కొనసాగడం ఖాయం. విరాట్‌ కోహ్లి యథావిధిగా మూడో స్థానంలోనే వస్తాడు. అయితే, ఈ సిరీస్‌లో యశస్వి జైస్వాల్‌ను మిడిలార్డర్‌లో కీలకమైన నాలుగో స్థానంలో ఆడించాలి.శ్రేయస్‌ లేడు కాబట్టిఎలాగో శ్రేయస్‌ అయ్యర్‌ జట్టుతో లేడు కాబట్టి ఇది సరైన నిర్ణయమే అవుతుంది. రుతురాజ్‌ గైక్వాడ్‌ ఐదో స్థానంలో బ్యాటింగ్‌ చేయగలడు. ఇక కేఎల్‌ రాహుల్‌ ఆరు, రవీంద్ర జడేజా ఏడో స్థానంలో రాగా.. నితీశ్‌ కుమార్‌ రెడ్డి, కుల్దీప్‌ యాదవ్‌ మిగిలిన స్థానాల్లో బ్యాటింగ్‌ చేస్తారు.ఇద్దరినీ ఆడించవచ్చుఈ సిరీస్‌లో జైస్వాల్‌, గైక్వాడ్‌.. ఇద్దరినీ ఆడించే ఆస్కారం ఉంది. పరిమిత ఓవర్ల క్రికెట్లో ఇలాంటి సర్దుబాట్లు చేసుకోవచ్చు. జైస్వాల్‌ నాలుగో స్థానంలోనూ బ్యాటింగ్‌ చేయగలడు’’ అని కైఫ్‌ అభిప్రాయపడ్డాడు. ఫాస్ట్‌ బౌలర్ల కోటాలో ప్రసిద్‌ కృష్ణ, గుర్నూర్‌ బ్రార్‌ ఆడతారని అంచనా వేశాడు.కాగా భారత టీ20 జట్టు కెప్టెన్‌ శ్రేయస్‌ అయ్యర్‌ ప్రస్తుతం జపాన్‌లో ఆసియా క్రీడలు-2026 టోర్నీతో బిజీగా ఉన్న సంగతి తెలిసిందే. ఈ నేపథ్యంలో జైస్వాల్‌ను నాలుగో స్థానంలో బ్యాటింగ్‌ పంపి ప్రయోగం చేయవచ్చని కైఫ్‌ చెప్పుకొచ్చాడు. కాగా యశస్వి జైస్వాల్‌ ఇప్పటి వరకు ఆరు వన్డేలు ఆడి 285 పరుగులు చేశాడు. చివరగా స్వదేశంలో అఫ్గానిస్తాన్‌తో జూన్‌లో మ్యాచ్‌ ఆడి అజేయ సెంచరీ (110) చేశాడు. మరోవైపు.. రుతురాజ్‌ గైక్వాడ్‌ ఇప్పటికి తొమ్మిది వన్డేల్లో 228 పరుగులు చేశాడు. చివరగా గతేడాది డిసెంబరులో సౌతాఫ్రికాతో వన్డే ఆడాడు.వెస్టిండీస్‌తో వన్డే కోసం కైఫ్‌ ఎంచుకున్న భారత తుదిజట్టురోహిత్‌ శర్మ, శుబ్‌మన్‌ గిల్‌ (కెప్టెన్‌), విరాట్‌ కోహ్లి, యశస్వి జైస్వాల్‌, రుతురాజ్‌ గైక్వాడ్‌, కేఎల్‌ రాహుల్‌, రవీంద్ర జడేజా, నితీశ్‌ కుమార్‌ రెడ్డి, కుల్దీప్‌ యాదవ్‌, ప్రసిద్‌ కృష్ణ, గుర్నూర్‌ బ్రార్‌.చదవండి: సచిన్‌తో అర్జున్‌కు పోలికేంటి?: సెహ్వాగ్‌

పశ్చిమ బెంగాల్‌ మాజీ ముఖ్యమంత్రి టీఎంసీ (TMC) అధినేత్రి మమతా బెనర్జీ బీజేపీపై శనివారం సంచలన ఆరోపణలు చేశారు. సెరాంపూర్‌లో జరగనున్న ర్యాలీకి హాజరుకాకుండా తనను, పలువురు పార్టీ నాయకులను గృహనిర్బంధంలో (House Arrest) ఉంచారని ఆరోపించారు బీజేపీ విధానాలకు వ్యతిరేకంగా, కోర్టు అనుమతితోనే తాము తలపెట్టిన ర్యాలీ నిర్ణయించినప్పటికీ బీజేపీ శ్రేణులు అడ్డుకున్నారని మండిపడ్డారు. ర్యాలీ జరిగే ప్రదేశానికి వెళ్లే మార్గాన్ని బీజేపీ కార్యకర్తలు తమ ఆధీనంలోకి తీసుకున్నారని ఆరోపించారు. తమ పార్టీ ఎమ్మెల్యే కునాల్‌ ఘోష్‌, కారుపై రాళ్ళదాడిచేసి కొంతమంది దుండగులు అడ్డుకున్న నేపథ్యంలో మమతా ఈ వ్యాఖ్యలు చేశారు.15 రోజులు కోర్టులో పోరాడి, అనుమతి పొందిన తర్వాతే ఈ రోజు సమావేశాన్ని ఏర్పాటు చేశామనీ అయితే, బీజేపీ గూండాలు రౌడీలు రోడ్డు బ్లాక్‌ చేసి తమని కనీసం ఇంటి బయటకు కూడా అడుగు పెట్టనివ్వడం లేదని ఆగ్రహం వ్యక్తం చేశారు. ఇలాంటి పరిస్థితిని తానె క్కడా చూడలేదని, ఆఫ్రికన్ దేశాల్లో కూడా ఇలాంటివి జరగవని విమర్శించారు. ర్యాలీ మార్గాన్ని బీజేపీ కార్యకర్తలు తమ ఆధీనంలోకి తీసుకున్నారని, ఎలాంటి పోలీసు భద్రత లేకుండా తమపై దాడులు జరుగుతున్నాయని మండి పడ్డారు. యూపీ, బిహార్‌లో కూడా లేని విధంగా బెంగాల్‌లో అరాచకం సృష్టిస్తున్నారని ఆగ్రహం వ్యక్తం చేశారు. ఎన్ని అడ్డంకులు సృష్టించినా కోర్టు అనుమతి పొందిన ఈ ర్యాలీ జరిపి తీరుతామని, సభలో ప్రసంగించి తీరుతామని ఆమె సవాల్ విసిరారు. ర్యాలీ సజావుగా సాగేలా చూడాల్సిన బాధ్యత పోలీసులదేనని స్పష్టం చేశారు. ఇదీ చదవండి: మమత ర్యాలీకిముందు, టీఎంసీ ఎమ్మెల్యేపై రాళ్ల దాడి!Watch: Former CM Mamata Banerjee says, "I want to tell you one thing. Today's meeting was organized after fighting in court for 15 days, and permission was obtained from the court. We are not even being allowed to step out of our house. They have kept us almost under house… pic.twitter.com/nQ7snUnvwL— IANS (@ians_india) September 26, 2026 ఇది ఇలా ఉంటే. ఈ ఉదయం సెరాంపూర్‌లో సభకు బయలుదేరిన టీఎంసీ ఎమ్మెల్యే, పార్టీ అధికార ప్రతినిధి కునాల్ ఘోష్ కారుపై హుగ్లీ జిల్లా ఉత్తరపారాలో కొందరు నల్ల జెండాలతో వచ్చి రాళ్లు, గుడ్లతో దాడి చేసిన సంగతి తెలిసిందే. ఇదీ చదవండి: లవర్‌తో పెళ్లి : పోలీస్‌కానిస్టేబుల్‌ని మట్టుబెట్టిన కొడుకు

ఉండ్రాజవరం(తూర్పుగోదావరి జిల్లా): ఉండ్రాజవరంలో మరోసారి ఉద్రిక్త పరిస్థితులు చోటు చేసుకున్నాయి. వంగవీటి రంగా విగ్రహాన్ని తొలగించడంపై ఆయన కుమార్తె ఆశాకిరణ్‌ ఉండ్రాజవరం చేరుకన్నారు. ఈ క్రమంలోనే ఆశాకిరణ్‌ను పోలీసులు అడ్డుకున్నారు. దాంతో పోలీసులకు, ఆశాకిరణ్‌కు మధ్య తీవ్ర వాగ్వాదం చోటు చేసుకుంది. పోలీస్‌ స్టేషన్‌లో ఉన్న తన తండ్రి విగ్రహాన్ని తిరిగి ఇవ్వాలని ఆశా కిరణ్‌ డిమాండ్‌ చేశారు. రంగా విగ్రహం తొలగించిన చోటే ఆశాకిరణ బైఠాయించి నిరసన చేపట్టారు. అదే రంగా అభిమానులను పోలీసులు చెదరగొట్టారు. మరొకవైపు ఆశా కిరణ్ వ్యక్తిగత సెక్యూరిటీ సిబ్బంది ఇద్దరిని , ఉండ్రాజవరం రంగా అభిమానుల్లో నలుగురిని పోలీసులు అరెస్ట్‌ చేశారు. వారిని వెంటనే విడుదల చేయాలని ఆశా కిరణ డిమాండ్‌ చేశారు. పోలీసు లాఠీచార్జ్‌ చేస్తే నా పైనే మొదటి దెబ్బ పడాలి. కత్తిపోటు పడితే నా పైనే పోటుపడాలి. రంగా అభిమానులు వెంట ఎవరున్నా లేకపోయినా నేనున్నా. రంగా విగ్రహం ఎక్కడైనా ఆపితే ఖబర్దార్. వంగవీటి రంగాకి ఒక పార్టీ లేదు ఒక కులం లేదు. రంగా మీద అభిమానంతో పెట్టుకునే విగ్రహాలకి పార్టీ, కులం ఆపాదించొద్దు’ అని హెచ్చరించారు. ఇదీ చదవండి: ‘వ్యవస్థల్ని ధ్వంసం చేస్తే అదే మిమ్మల్ని నాశనం చేస్తుంది’

నటి అనసూయ భరద్వాజ్‌ సోషల్‌ మీడియాలో ఎప్పుడూ చురుగ్గా ఉంటారు. తన సినిమాలు, వ్యక్తిగత విషయాలతో పాటు ఫిట్‌నెస్‌కు సంబంధించిన విషయాలను కూడా అభిమానులతో పంచుకుంటుంటారు. తాజాగా ఆమె చేసిన ఓ సోషల్‌ మీడియా పోస్ట్‌ నెట్టింట వైరల్‌గా మారింది.ఇటీవల అనసూయ తన హెయిర్‌ స్టైల్‌ను మార్చుకున్నారు. ఇలా దిగిన ఫొటోలను అభిమానులతో పంచుకున్నారు. ‘హెయిర్‌ స్టైల్‌ మార్చాను.. కానీ నాలో ఫైర్‌ మాత్రం అలాగే ఉంది’ అంటూ పోస్ట్‌ చేశారు. ‘ఈరోజు మీరు వ్యాయామం చేశారా?’ అంటూ అభిమానులను ప్రశ్నించారు. ‘కొత్త రూపం.. కొత్త ఉత్సాహం’ అంటూ తన తాజా చిత్రాలను పంచుకున్నారు. ఇప్పుడు అనసూయ మరింత ఆకర్షణీయంగా కనిపిస్తున్నారంటూ అభిమానులు కామెంట్స్‌ చేస్తున్నారు. ప్రస్తుతం ఆమె పంచుకున్న చిత్రాలు సామాజిక మాధ్యమాల్లో వైరల్‌గా మారాయి. ఇదీ చదవండి: ‘ది ప్యారడైజ్‌’ కోసం ఈ రోజు థియేటర్‌కి వెళ్తున్నా’: కేటీఆర్‌ View this post on Instagram A post shared by Anasuya Bharadwaj (@itsme_anasuya)

దేశవ్యాప్తంగా జరగనున్న మూడు రోజుల బ్యాంకు ఉద్యోగుల సమ్మె నేపథ్యంలో ఖాతాదారులకు ప్రభుత్వ రంగ బ్యాంకులు కీలక ఊరటనిచ్చాయి. సెప్టెంబర్ 28 నుంచి 30 వరకు సమ్మె జరిగే మూడు రోజుల్లో ఏటీఎం నుంచి నగదు తీసుకునేటప్పుడు సాధారణంగా వర్తించే ఉచిత లావాదేవీల పరిమితిని దాటినా అదనపు ఛార్జీలు వసూలు చేయబోమని పలు ప్రభుత్వ రంగ బ్యాంకులు ప్రకటించాయి. స్టేట్ బ్యాంక్ ఆఫ్ ఇండియా (SBI), పంజాబ్ నేషనల్ బ్యాంక్ (PNB), బ్యాంక్ ఆఫ్ బరోడా (BoB), యూనియన్ బ్యాంక్ ఆఫ్ ఇండియా, ఇండియన్ బ్యాంక్ తదితర బ్యాంకులు ఈ సౌకర్యాన్ని ప్రకటించిన వాటిలో ఉన్నాయి.ఏటీఎం ఛార్జీలపై ప్రత్యేక మినహాయింపుసాధారణంగా సేవింగ్స్‌ అకౌంట్‌ ఖాతాదారులకు తమ సొంత బ్యాంకు ఏటీఎంలలో నెలకు ఐదు ఉచిత లావాదేవీలు అందుబాటులో ఉంటాయి. ఇతర బ్యాంకుల ఏటీఎంల విషయానికి వస్తే ఆరు మెట్రో నగరాల్లో నెలకు మూడు, ఇతర ప్రాంతాల్లో ఐదు లావాదేవీల వరకు ఉచితంగా ఉపయోగించుకోవచ్చు. ఈ పరిమితిని దాటిన తర్వాత బ్యాంకులు ఒక్కో లావాదేవీకి గరిష్ఠంగా రూ.23 వరకు, దానికి వర్తించే జీఎస్టీతో కలిపి ఛార్జీ విధించవచ్చు. అయితే సెప్టెంబర్ 28–30 మధ్య ఈ అదనపు ఛార్జీలను పలు ప్రభుత్వ రంగ బ్యాంకులు మాఫీ చేస్తున్నాయి.బ్యాంక్ ఆఫ్ బరోడా కూడా సమ్మె సమయంలో దేశవ్యాప్తంగా ఏ బ్యాంకు ఏటీఎంను ఉపయోగించినా లావాదేవీ ఛార్జీలు వర్తించవని ప్రకటించింది. ఎస్‌బీఐ సైతం సమ్మె కాలంలో ఏటీఎం లావాదేవీలపై ఛార్జీలను మాఫీ చేస్తున్నట్లు తెలిపింది. దీంతో నగదు అవసరమయ్యే ఖాతాదారులు తమ సాధారణ ఉచిత పరిమితి ముగిసినా ఈ మూడు రోజుల్లో అదనపు ఏటీఎం రుసుము గురించి ఆందోళన చెందాల్సిన అవసరం ఉండదు.ఆదివారమూ బ్యాంకులు ఓపెన్‌సమ్మె ప్రభావాన్ని తగ్గించేందుకు సెప్టెంబర్ 27, ఆదివారం ప్రభుత్వ రంగ బ్యాంకులు, ప్రాంతీయ గ్రామీణ బ్యాంకులు పనిచేసేలా ఏర్పాట్లు చేశారు. అత్యవసర బ్యాంకింగ్ పనులను ముందుగానే పూర్తి చేసుకునేందుకు ఈ నిర్ణయం తీసుకున్నారు. కొన్ని బ్యాంకులు తమ ఖాతాదారులను సెప్టెంబర్ 27న బ్రాంచ్ సేవలను వినియోగించుకోవాలని సూచించాయి.సెప్టెంబర్ 26 నాలుగో శనివారం కావడంతో ఇప్పటికే బ్యాంకులకు సెలవు ఉంది. ఆ తర్వాత 27న ఆదివారం, 28 నుంచి 30 వరకు సమ్మె జరగనుండటంతో బ్రాంచ్ సేవలకు వరుసగా పలు రోజులపాటు అంతరాయం ఏర్పడే అవకాశం ఉంది. అందువల్ల చెక్కులు, నగదు డిపాజిట్లు, ఇతర బ్రాంచ్ ఆధారిత పనులు ఉన్నవారు ముందుగానే పూర్తి చేసుకోవాలని బ్యాంకులు సూచిస్తున్నాయి.ఇదీ చదవండి: యూపీఐ ఛార్జీలపై క్లారిటీ ఇచ్చేసిన ఆర్థిక మంత్రిBanking doesn’t stop. Your needs don’t have to wait.Even during the proposed strike period, SBI continues to keep essential banking services accessible through ATMs, YONO, Internet Banking, Mobile Banking, WhatsApp Banking and 24×7 Contact Centre services.For Seamless… pic.twitter.com/P1FTsjtSws— State Bank of India (@TheOfficialSBI) September 24, 2026

విజయవాడ: డీఎస్సీ అక్రమాల్లో ముఖ్యమంత్రి చంద్రబాబు, మంత్రి నారా లోకేష్‌ చేసిన తప్పులు బయటపడ్డాయని, వారు తప్పు చేశామని ఒప్పుకోవాలని మాజీ మంత్రి, వైఎస్సార్‌సీపీ నేత శైలజానాథ్‌ డిమాండ్‌ చేశారు. ‘దౌర్జన్యంతో డీఎస్సీ అంశాన్ని పక్కదోవ పట్టించే ప్రయత్నం చేస్తున్నారు. మీ అధ్వర్యంలో జరిగిన డీఎస్సీలో ఏం చేశారో అందరికీ అర్థమైంది. మేం తప్పు చేయలేదంటే సీబీఐ విచారణ చేయించుకుని కడిగిన ముత్యంలా బయటకు రండి. ఈ అంశంలో మంత్రి లోకేష్‌ రాజీనామా చేయాలి’ అని డిమాండ్‌ చేశారు. సాయికృష్ణ ఉదంతంలో పోలీసులకు సుప్రీంకోర్టు చివాట్లు పెట్టింది. అసలు గతంలో మీ పార్టీ అధికారంలో ఉన్న సమయంలో ఊచకోతల వల్లే అట్రాసిటీ చట్టం వచ్చింది. తిరిగి ఆ చట్టాలు మా మీద ప్రయోగం చేస్తున్నారు. దమ్ముంటే లోకల్ బాడీ ఎన్నికల్లో మా మీద పోటీ చేసి గెలవాలి. వ్యవస్థల్ని ధ్వంసం చేయాలి అనుకుంటే అది మిమ్మల్ని నాశనం చేస్తుంది.ఇదీ చదవండి: సీపీకి ఆధారాలిచ్చాం.. లోకేశ్‌పైనా రౌడీషీట్‌ తెరవాల్సిందే!: అంబటి

సాక్షి, గుంటూరు: ‘‘అధికారులు వస్తారు.. పోతారు.. గ్రామ కంఠం విషయంలో తొలిరోజు నుంచి మాకు నష్టమే. బంగారం బిస్కెట్లు, డబ్బులు ఇచ్చినవారికి కిలో మీటర్‌ దూరం కూడా గ్రామకంఠం కిందే ఇచ్చారు. గతాన్ని తవ్వితే చాలా ఇబ్బందులు వస్తాయని పెమ్మసాని చెప్పారు. గతంలో జరిగింది అధికారుల పొరపాటు కాదు.. రాజకీయ ప్రేరేపితంతోనే ఇచ్చారు’’ అంటూ అమరావతి రైతులు మండిపడ్డారు.‘‘అసైన్డ్ భూములు, ఎండోమెంట్ భూములు, లంక భూములు , గ్రామకంఠం భూముల మీద సిట్ విచారణ జరిపించాలి. వీటన్నింటికీ మూల కారకుడు మంత్రి నారాయణ. నారాయణకు రైతు బాధలు తెలియవు. నారాయణ కార్పొరేట్ వ్యవస్థ నుంచి వచ్చాడు. రైతులను మభ్య పెట్టి లబ్ధి పొందడం తప్ప నారాయణ మరొకటి తెలియదు...మంత్రి నారాయణపై సిట్ విచారణ జరపాలి. సిట్ విచారణలో అధికారులను రెండో పార్ట్‌గా చేర్చాలి. సిట్ వేయడం వల్లే సాయికృష్ణ కేసులో నిజం బయటికివచ్చింది. గ్రామం కంఠాల విషయంలో చంద్రబాబు ఎందుకు జోక్యం చేసుకోడు. గ్రామ కంఠాల విషయంలో తక్షణమే నిర్ణయం తీసుకోవాలి’’ అని అమరావతి రైతులు డిమాండ్‌ చేశారు.ఇదీ చదవండి: గణేష్‌ వేడుకల్లో కేసీఆర్‌ పాటలు.. కేటీఆర్‌ ఏమన్నారంటే?

చండీగడ్‌లో జరిగిన దారుణ ఘటన దిగ్భ్రాంతిరేపింది. మేజర్‌ కాకముందే పెళ్లి వద్దు అన్నందుకు కన్నతండ్రినే హతమర్చాడో ప్రబుధ్దుడు. పోలీసు హెడ్ క్వార్టర్స్‌లోని అకౌంట్స్ బ్రాంచ్‌లో పనిచేస్తున్న నితిన్ సింగ్ (హెడ్ కానిస్టేబుల్) కన్న కొడుకు చేతిలోనే హత్యకు గురి కావడం స్థానికంగా కలకలం రేపింది. పోలీసు ప్రధాన కార్యాలయంలోని అకౌంట్స్ విభాగంలో పనిచేస్తున్న నితిన్ సింగ్, శుక్రవారం నాడు సెక్టార్ 22లోని తన ప్రభుత్వ నివాసంలో తలకు తగిలిన తుపాకీ గాయంతో మరణించి కనిపించారు. అంతకు ముందు రోజు తన 18 ఏళ్ల కుమారుడు అర్మాన్‌తో ఆయనకు వాగ్వాదం జరిగింది. ఘటనా స్థలంలో నాటు తుపాకీ (country-made pistol) లభ్యమైంది.నితిన్ సింగ్ కుమారుడు అర్మాన్ (18) తన ప్రేయసిని వెంటనే పెళ్లి చేసుకోవాలని తల్లిదండ్రులపై తీవ్ర ఒత్తిడి తెచ్చాడు. అయితే, చట్టపరంగా అబ్బాయికి కనీసం 21 ఏళ్లు నిండే వరకు ఆగాలని, ఆ తర్వాతే పెళ్లి గురించి ఆలోచించవచ్చని తల్లిదండ్రులు చెప్పారు.అంతేకాదు పెళ్లి ఖర్చుల కోసం తన తండ్రిని ఏ​కండా రూ. 10 లక్షలు డిమాండ్ చేశాడు. ఆ అమ్మాయిని తక్షణమే ఇంటికి తీసుకురావాలని అర్మాన్ పట్టుబట్టాడు. ఈ విషయమై గురువారం రాత్రి తల్లిదండ్రులతో తీవ్ర వాగ్వాదం జరిగింది. ఈ సమయంలో అర్మాన్ తన తల్లి గొంతును కూడా నులిమి చంపడానికి ప్రయత్నించాడు. ఆమె ప్రాణభయంతో మేడపైకి పరుగెత్తి చుట్టుపక్కల వారికి సమాచారం అందించింది. ఆ తర్వాత బయటి వ్యక్తులే తన తండ్రిని హత్య చేశారని నమ్మించేందుకు నిందితుడు ప్రయత్నించాడు. పోలీసులు అతన్ని అరెస్ట్ చేయగా, తన చేసిన తప్పుపై ఏమాత్రం పశ్చాత్తాపం చూపలేదని పోలీసులు తెలిపారు.ఇదీ చదవండి: మమత ర్యాలీకిముందు, టీఎంసీ ఎమ్మెల్యేపై రాళ్ల దాడి!ఈ ఏడాది ప్రారంభంలో మణిమజ్రా ప్రాంతంలో స్నేహితుడి మహీంద్రా థార్ కారును నిర్లక్ష్యంగా నడిపి బైక్‌పై వెళ్తున్న ఇద్దరు అన్నదమ్ములను ఢీకొట్టి హత్య చేసిన కేసులో అర్మాన్ ఇప్పటికే అరెస్టై, బెయిల్‌ మీద ఉన్నాడు.

భారతదేశంలో చక్కెర పరిశ్రమ కేవలం చక్కెర ఉత్పత్తికే పరిమితం కాకుండా, ఇతర విలువైన ఉత్పత్తుల వైపు కూడా అడుగులు వేయాలని కేంద్ర రోడ్డు రవాణా, రహదారుల శాఖ మంత్రి నితిన్ గడ్కరీ సూచించారు. ముఖ్యంగా.. కంప్రెస్డ్ బయోగ్యాస్ (CBG), ఇథనాల్, బయో మాన్యూర్, సస్టైనబుల్ ఏవియేషన్ ఫ్యూయల్ వంటి ఉత్పత్తుల తయారీపై చక్కెర మిల్లులు దృష్టి పెట్టాలని ఆయన అన్నారు.భారత్ ఈ10 నుంచి ఈ20 పెట్రోల్ వైపు మారిన నేపథ్యంలో.. ఈ రంగంలో మరిన్ని అవకాశాలు ఏర్పడుతున్నాయని గడ్కరీ వివరించారు. ఈ20 అనేది.. పెట్రోల్‌లో 20 శాతం వరకు ఇథనాల్ కలిపిన ఇంధనం. వ్యవసాయ రంగం నుంచి లభించే వ్యర్థాలను సరిగ్గా ఉపయోగించుకోవడం ద్వారా దేశం దిగుమతి చేసుకునే చమురును తగ్గించుకోవచ్చని ఆయన అభిప్రాయపడ్డారు.కేవలం చక్కెరపై ఆధారపడొద్దుచక్కెర మిల్లులు కేవలం చక్కెర తయారీపైన మాత్రమే ఆధారపడితే.. భవిష్యత్తులో పెద్దగా వృద్ధి ఉండకపోవచ్చని గడ్కరీ పేర్కొన్నారు. కాబట్టి.. చెరకు నుంచి వచ్చే ఉప ఉత్పత్తులను కూడా ఉపయోగించుకోవాలని సూచించారు.చెరకు ఉత్పత్తిలో మిగిలిపోయే బగాస్, ప్రెస్‌మడ్ వంటి వ్యర్థాలు, అలాగే.. వ్యవసాయ అవశేషాలను సీబీజీ తయారీలో ఉపయోగించవచ్చు. వీటిని వ్యర్థాలుగా పారేయడం కంటే.. ఇంధనంగా మార్చడం ద్వారా రైతులకు, చక్కెర మిల్లులకు, గ్రామీణ ఆర్థిక వ్యవస్థకు అదనపు ఆదాయం వచ్చే అవకాశం ఉంటుంది. తద్వారా రైతులు కొంత లాభపడే అవకాశం ఉంటుంది.సీబీజీ అంటే ఏమిటి?సీబీజీ అంటే కంప్రెస్డ్ బయోగ్యాస్. సులభంగా చెప్పాలంటే ఇది వ్యర్థాల నుంచి తయారయ్యే పునరుత్పాదక గ్యాస్. దీనిని పశువుల పేడ, వ్యవసాయ వ్యర్థాలు, వరి గడ్డి, చెరకు బగాస్, వెదురు, నాపియర్ గడ్డి, ప్రెస్‌మడ్, మున్సిపల్ ఆర్గానిక్ వ్యర్థాలు వంటి వాటిని ఉపయోగించి తయారు చేయవచ్చు. ఆ తర్వాత.. ఆ బయోగ్యాస్‌లోని మలినాలను తొలగించి, మీథేన్ శాతాన్ని పెంచి, దాన్ని కంప్రెస్ చేస్తే సీబీజీగా మారుతుంది. అంటే.. భూమి లోపల నుంచి సహజ వాయువును వెలికి తీయడానికి బదులుగా వ్యర్థ పదార్థాల నుంచి గ్యాస్‌ను తయారు చేసుకోవడం అన్నమాట.ఇదీ చదవండి: టోల్ ప్లాజాల్లో కొత్త విధానం.. వాహనదారులకు భారీ ఊరట!

ఆసియా గేమ్స్‌లో భార‌త్ ఖాతాలో మరో స్వ‌ర్ణం వ‌చ్చి చేరింది. ఇప్ప‌టికే మ‌హిళ‌ల క‌బ‌డ్డీ జ‌ట్టు స్వ‌ర్ణంతో మెర‌వ‌గా, తాజాగా డిఫెండింగ్ చాంపియ‌న్ భార‌త‌ పురుషుల క‌బ‌డ్డీ జ‌ట్టు కూడా ప‌సిడి ప‌త‌కం గెలుచుకుంది. శ‌నివారం జ‌రిగిన ఫైన‌ల్లో భార‌త్ 40-34 తేడాతో ఇరాన్‌ను చిత్తు చేసి స్వ‌ర్ణం ఒడిసిప‌ట్టింది. తొలి హాఫ్‌లో భార‌త్‌కు ఇరాన్ గ‌ట్టి పోటీనిచ్చింది. ఒక ద‌శ‌లో 18-17తో స‌మానంగా నిలిచాయి. అయితే రెండో సగంలో భార‌త రైడ‌ర్లు విజృంభించి వ‌రుస టాకిల్ పాయింట్లతో భార‌త్ ఆధిక్యాన్ని అంత‌కంతకూ పెంచుకుంటూ పోయారు. ఆట‌ చివ‌రి నిమిషాల్లో కాస్త హైడ్రామా నెల‌కొంది. చివ‌ర్లో ఇరాన్ మ‌రో 5 పాయింట్లు సాధించి ఆధిక్యాన్ని త‌గ్గించ‌గ‌లిగిందే కానీ భార‌త్ చేతిలో ఓట‌మి త‌ప్పించుకోలేక‌పోయింది. పురుషుల క‌బ‌డ్డీలో ఆసియా గేమ్స్‌లో భార‌త్ చాంపియ‌న్స్‌గా నిల‌వ‌డం ఇది వ‌రుస‌గా తొమ్మిదో సారి కావ‌డం విశేషం. 1990 నుంచి వ‌రుస‌గా 9 సార్లు భార‌త పురుషుల క‌బడ్డీ జ‌ట్టు స్వ‌ర్ణ ప‌త‌కాలు గెలుస్తూ వ‌స్తోంది. ఆసియా గేమ్స్‌లో భారత్‌కు ఇది నాలుగో స్వర్ణం కాగా, ఇప్పటివరకు 4 స్వర్ణాలు, 11 రజతాలు, 13 కాంస్యాలు కలిపి మొత్తం 28 పతకాలు సాధించింది. పతకాల పట్టికలో భారత్‌ ప్రస్తుతం పదో స్థానంలో కొనసాగుతోంది. అంతకముందు మహిళల కబడ్డీ జట్టు కూడా స్వర్ణం సాధించిన సంగతి తెలిసిందే. హోరాహోరీగా సాగిన ఫైనల్లో భారత్ 37-34 తేడాతో ఇరాన్‌ను చిత్తు చేసింది.INDIA BEATS IRAN TWICE IN KABADDI FINALS AT ASIAN GAMES 2026! 🤩🔥- Indian Men’s Team win the Gold 🥇- Indian Women’s Team win the Gold 🥇BOTH TEAM SUCCESSFULLY DEFENDS TITLE! pic.twitter.com/l2O4aO4rqb— The Khel India (@TheKhelIndia) September 26, 2026 INDIAN MEN KABADDI AT ASIAN GAMES!1990 🥇1994 🥇1998 🥇2002🥇2006🥇2010 🥇2014 🥇2018 🥉2022 🥇2026 🥇INDIA ARE NOW 9 TIMES CHAMPIONS! 🏆 pic.twitter.com/zBFc99cMUl— The Khel India (@TheKhelIndia) September 26, 2026 India are Asian Games Kabaddi champions! 🇮🇳Indian men's Kabaddi team beats Iran 40-34 in a thriller to win record-extending ninth gold medal at Asian Games.2nd Gold of the day after Indian Women team hit the Golden glory 🫡🙌 pic.twitter.com/undO5ttwsJ— Megh Updates 🚨™ (@MeghUpdates) September 26, 2026ఇదీ చదవండి: కబడ్డీ బాటలోనే హాకీ జట్లు.. డబుల్‌ స్వర్ణాలపై గురి!

పశ్చిమ బెంగాల్‌లోని హుగ్లీ జిల్లా ఉత్తరపారాలో తృణమూల్ కాంగ్రెస్ (TMC) ఎమ్మెల్యే, పార్టీ అధికార ప్రతినిధి కునాల్ ఘోష్ కారుపై శనివారం దాడి జరిగింది. శ్రీరామ్‌పూర్‌లో మాజీ ముఖ్యమంత్రి మమతా బెనర్జీ నిర్వహించ తలపెట్టిన బహిరంగ సభకు వెళుతుండగా ఈ ఘటన చోటుచేసుకుంది. ఈ దాడికి సంబంధించిన వీడియో నెట్టింట వైరల్‌గా మారింది. ఇది బీజేపీ గూండాల పని అని కునాల్‌ ఆరోపించారు.సెరంపూర్‌లో మమతా ర్యాలీకి హాజరయ్యేందుకు వెళ్తుండగా, హుగ్లీ జిల్లాలోని ఉత్తరపారా వద్ద ఆయన కారుపై దాడి జరిగింది. కొందరు వ్యక్తులు ఘోష్ వాహనాన్ని చుట్టుముట్టి నినాదాలు చేశారు. కొందరు కారును కొట్టారు, గుడ్లు విసిరారు, వెనుక విండ్‌షీల్డ్‌ను పగలగొట్టారు. ఘోష్ కోల్‌కతాకు తిరిగి వెళ్లాల్సి వచ్చింది. కర్రలు, రాడ్లు, నల్లటి పోస్టర్లతో వచ్చిన ఒక గుంపు తన కారును అడ్డగించి, రాళ్లు, గుడ్లతో దాడి చేసిందని కునాల్ ఘోష్ ఆరోపించారు. ఈ దాడిలో కారు ముందు, వెనుక అద్దాలు ధ్వంసమయ్యాయని ఆరోపించారు. సంఘటనా స్థలంలో ఒక్క పోలీసు కూడా లేకపోవడాన్ని ఆయన తప్పుబట్టారు. రాష్ట్ర పోలీసు ప్రధాన కార్యాలయానికి (భవానీ భవన్) నేరుగా వెళ్లి ఈ ఘటనపై ఫిర్యాదు చేస్తానని ఆయన పేర్కొన్నారు. West Bengal: TMC MLA Kunal Ghosh says that eggs were hurled at his car and a group of people attacked the car while he was going to Serampore, Hooghly, for a rally of former CM Mamata Banerjee. (Video Source: Kunal Ghosh) pic.twitter.com/H4i9ICHOIe— Shakeel Yasar Ullah (@yasarullah) September 26, 2026 మరోవైపు ఈ దాడి వెనుక బీజేపీ కార్యకర్తలు ఉన్నారని కునాల్ ఘోష్ ఆరోపణలు బీజేపీ ఖండించింది. స్థానిక తృణమూల్ ఎంపీ కల్యాణ్ బెనర్జీ వర్గీయులపనే ఈ దాడి జరిగి ఉండొచ్చని బీజేపీ ప్రతినిధి దేబ్జిత్ సర్కార్ తిప్పికొట్టారు.

హైదరాబాద్‌: కాంగ్రెస్ ప్రభుత్వం ఇచ్చిన హామీలను అటకెక్కించిందని మాజీ మంత్రి, బీఆర్‌ఎస్‌ నేత జగదీశ్‌రెడ్డి ఆగ్రహం వ్యక్తం చేశారు. తమ అధినేత కేసీఆర్‌ తెలంగాణను చీకటి నుంచి వెలుగులోకి తీసుకెళ్తే, ఇప్పుడు కాంగ్రెస్‌ ఆ వెలుగును నిలబెట్టడంలో విఫలమైందన్నారు. ప్రధానంగా సాగునీరు, తాగునీరు, విద్యుత్‌ సరఫరాలో కాంగ్రెస్‌ ప్రభుత్వం ఘోరంగా విఫలమైందని జగదీశ్‌రెడ్డి మండిపడ్డారు. తెలంగాణ భవన్‌ నుంచి జగదీశ్‌రెడ్డి మీడియాతో మాట్లాడుతూ.. ‘ సాధ్యం కాదన్న 24 గంటల విద్యుత్‌ను అన్ని రంగాలకు కొన్ని నెలల్లోనే అందించిన ఘనత కేసీఆర్‌ది. రూ. 36 వేల కోట్లను ట్రాన్స్ కో పై వెచ్చించిన నేత కేసీఆర్. ఎక్కడ కరెంటు పోయినా ఒక చోటి నుంచి ఇంకో చోటుకు విద్యుత్ అందించే వ్యవస్థను హైదరాబాద్‌లో ఏర్పాటు చేశారు. పవర్ ఉన్నా ఇవ్వలేము అని రాష్ట్రం ఏర్పాటైన తొలినాళ్ళలో అధికారులు అనే వారు. కేసీఆర్ సీఎంగా మొదటి రివ్యూ చేసింది విద్యుత్‌పైనే. మూడేళ్ల లోనే డిస్ట్రిబ్యూషన్ వ్యవస్థ మెరుగు పరిచి కేసీఆర్ రైతులకు 24 గంటల ఉచిత విద్యుత్ ఇచ్చారు. 28 వేల కిలోమీటర్లు విద్యుత్ లైన్లు వేశాం. అన్ని రకాల కేవీ సబ్ స్టేషన్ల సంఖ్యను ఎన్నో రెట్లు పెంచాం .ట్రాన్స్ కో లాభాల్లో నడుస్తోంది. ఈ ప్రభుత్వం విద్యుత్ రంగాన్ని ప్రైవేటు పరం చేస్తోంది. అవినీతి సొమ్ముకు ఆశపడి ప్రైవేటు పరం చేస్తున్నారు’ అని ధ్వజమెత్తారు.ఇదీ చదవండి: బీజేపీకి అవసరమైన చోటే ఓట్ల చోరీ: టీపీసీసీ చీఫ్‌.

కేంద్ర ప్రభుత్వం ఉద్యోగుల భవిష్య నిధి సంస్థ (ఈపీఎఫ్‌ఓ) పరిధిలోని వేతన పరిమితిని నెలకు రూ.15,000 నుంచి రూ.25,000కు పెంచుతూ ఇటీవల నిర్ణయం తీసుకుంది. 2014 తర్వాత దాదాపు 12 ఏళ్ల నిరీక్షణకు తెరదించుతూ కేంద్ర కార్మిక శాఖ సెప్టెంబర్ 17న గెజిట్ నోటిఫికేషన్ విడుదల చేసింది. ఈ నిర్ణయంతో దేశవ్యాప్తంగా సుమారు 50 లక్షల మందికి పైగా కొత్త ఉద్యోగులు సామాజిక భద్రతా పరిధిలోకి రానున్నారు. అయితే ఈ వేతన పరిమితి పెంపుతో ఉద్యోగుల డిపాజిట్ లింక్డ్ ఇన్సూరెన్స్ (ఈడీఎల్‌ఐ) పథకం కింద పొందే ఉచిత జీవిత బీమా రక్షణ పరిస్థితి ఎలా ఉంటుందో తెలుసుకుందాం.పీఎఫ్, పెన్షన్ విరాళాల్లో మార్పులునూతన నిబంధనల ప్రకారం, వేతన పరిమితి పెరగడంతో ఎంప్లాయర్ (యాజమాన్యం), ఉద్యోగి కాంట్రిబ్యూషన్లలో కీలక మార్పులు రానున్నాయి.ఈపీఎఫ్ నిధి: బేసిక్ వేతనం ఆధారంగా పీఎఫ్ విరాళం లెక్కిస్తారు. వేతన పరిమితి రూ.25,000కు పెరగడం వల్ల గరిష్టంగా కంపెనీ విరాళం రూ.1,800 నుంచి రూ.3,000కు పెరుగుతుంది.ఈపీఎస్ పెన్షన్: ఇదివరకు రూ.15,000 పరిమితి ప్రకారం పెన్షన్ ఫండ్‌కు వెళ్లే గరిష్ట మొత్తాన్ని రూ.1,250గా నిర్ణయించారు. కొత్త పరిమితి ఆధారంగా (8.33%) ఇది గరిష్టంగా రూ.2,083 వరకు పెరిగే అవకాశం ఉంది. దీనివల్ల ఉద్యోగులకు పదవీ విరమణ తర్వాత లభించే నెలవారీ పెన్షన్ లబ్ధి చేకూరుతుంది.ఇన్-హ్యాండ్ శాలరీపై ప్రభావంకొత్త పరిమితి కారణంగా రూ.15,000 నుంచి రూ.25,000 మధ్య మూల వేతనం కలిగిన ఉద్యోగులకు ప్రతి నెలా పీఎఫ్ మినహాయింపు పెరుగుతుంది. సీటీసీ ప్రాతిపదికన పనిచేసే ఉద్యోగుల నెలవారీ చేతికి వచ్చే జీతం (టేక్‌ హోమ్‌ సాలరీ) కొద్దిగా తగ్గినప్పటికీ సుదీర్ఘకాలంలో లభించే వడ్డీ, రిటైర్మెంట్ కార్పస్ పెరుగుతాయి.ఈడీఎల్ఐ ఇన్సూరెన్స్ కవరేజ్ పరిస్థితి ఏమిటి?ఈ వేతన పరిమితి పెంపుతో ఉద్యోగుల డిపాజిట్ లింక్డ్ ఇన్సూరెన్స్ (ఈడీఎల్‌ఐ) పథకం కింద పొందే ఉచిత జీవిత భీమా రక్షణ మరింత ఎక్కువ మందికి విస్తరిస్తుంది. కొత్తగా పీఎఫ్ పరిధిలోకి వచ్చే ఉద్యోగులందరికీ ఈ ఇన్సూరెన్స్ రక్షణ లభిస్తుంది. అయితే, ప్రస్తుత సమాచారం ప్రకారం ఈడీఎల్‌ఐ కింద లభించే గరిష్ట బీమా పరిమితి రూ.7 లక్షలుగా కొనసాగుతోంది. ప్రభుత్వ యంత్రాంగం వేతన పరిమితి ఆధారంగా ఈ ఉచిత ఇన్సూరెన్స్ క్లెయిమ్ గరిష్ట పరిమితిని పెంచే అవకాశం ఉన్నప్పటికీ దీనిపై ఇంకా అధికారిక మార్పు నోటిఫికేషన్ వెలువడాల్సి ఉంది.ఇదీ చదవండి: ఆధార్ వ్యవస్థనే అబ్బురపరిచిన కవలలు

నాని హీరోగా శ్రీకాంత్‌ ఓదెల దర్శకత్వంలో తెరకెక్కిన పీరియాడిక్‌ యాక్షన్‌ థ్రిల్లర్‌ ‘ది ప్యారడైజ్‌’. ఇటీవల ప్రేక్షకుల ముందుకొచ్చిన ఈ సినిమాకు మిశ్రమ స్పందన వచ్చినప్పటికీ.. కలెక్షన్ల పరంగా మాత్రం మంచి జోరు చూపిస్తోంది. ముఖ్యంగా థియేటర్లలోని యాక్షన్‌ సన్నివేశాలకు మాస్‌ ఆడియన్స్‌ నుంచి స్పందన కనిపిస్తోంది. సోషల్‌ మీడియాలోనూ ఈ మూవీకి సంబంధించిన చర్చ కొనసాగుతోంది. సినిమా చూడబోతున్నా..తాజాగా ‘ది ప్యారడైజ్‌’పై బీఆర్‌ఎస్‌ వర్కింగ్‌ ప్రెసిడెంట్‌, మాజీ మంత్రి కేటీఆర్‌ ఆసక్తికర పోస్ట్‌ చేశారు. శనివారం రాత్రి థియేటర్‌కు వెళ్లి ఈ సినిమాను చూడనున్నట్లు ట్వీట్‌ చేశారు. ‘చాలా సంవత్సరాల తర్వాత ఈ రోజు రాత్రి థియేటర్‌లో సినిమా చూడబోతున్నా. నా అభిమాన నటుడు నాని, ప్రతిభావంతుడైన యువ దర్శకుడు శ్రీకాంత్‌ ఓదెల కలిసి రూపొందించిన ‘ది ప్యారడైజ్‌’ చూడబోతున్నా’ అంటూ కేటీఆర్‌ ఎక్స్‌లో పోస్ట్‌ చేశారు.ఇక ఈ సినిమాలో ప్రియదర్శి కీలక పాత్రలో కనిపించిన విషయం తెలిసిందే. బీఆర్‌ఎస్‌ అధినేత, మాజీ సీఎం కేసీఆర్‌ను పోలిన ఎమ్మెల్యే శంకర్‌ పాత్రలో ఆయన నటించారు. సవారీ తెగకు, శంకర్‌ పాత్రకు మధ్య వచ్చే సన్నివేశాలు సినిమాకు ప్రత్యేక ఆకర్షణగా నిలుస్తున్నాయి. ఈ నేపథ్యంలో కేటీఆర్‌ స్వయంగా ‘ది ప్యారడైజ్‌’ చూడబోతున్నట్లు ప్రకటించడం ఆసక్తికరంగా మారింది.ఇదీ చదవండి: ‘రామాయణ’ ప్రమోషన్స్‌లో మిస్టర్‌ బీస్ట్‌..! ఇదేం ట్విస్ట్‌ బాస్‌.. After many many years, going to a theatre tonight to watch one of my favourite actors @NameisNani and the talented young director @odela_srikanth in “The Paradise”— KTR (@KTRBRS) September 26, 2026

ఆసియా గేమ్స్‌లో భార‌త పురుషుల హాకీ జ‌ట్టు సెమీఫైన‌ల్లో అడుగుపెట్టింది. పూల్‌-ఎలో శ‌నివారం జ‌రిగిన చివ‌రి మ్యాచ్‌లో భార‌త్ 2-0తో ఆతిథ్య జ‌పాన్‌ను మ‌ట్టికరిపించింది. త‌ద్వారా పూల్‌-ఎలో ఆడిన నాలుగు మ్యాచ్‌ల్లోనూ విజ‌యాలు సాధించిన భార‌త జ‌ట్టు 12 పాయింట్ల‌తో గ్రూప్ టాప‌ర్‌గా సెమీస్‌కు చేరుకుంది. తొలుత ఇండోనేషియాను (13-1తో), శ్రీలంక‌ను (16-1తో), ద‌క్షిణ కొరియాను (8-2తో) చిత్తు చేసిన భార‌త్ తాజాగా జ‌పాన్‌ను కూడా ఓడించి స్వ‌ర్ణం గెలుచుకునేందుకు రెండు అడుగుల దూరంలో నిలిచింది.సెమీస్ చేరిన మ‌హిళ‌ల జ‌ట్టు మ‌రోవైపు భార‌త మ‌హిళ‌ల హాకీ జ‌ట్టు కూడా సెమీస్ బెర్తు ఖ‌రారు చేసుకుంది. శుక్ర‌వారం ఆతిథ్య జపాన్‌ జట్టుతో శుక్రవారం జరిగిన పూల్‌ ‘బి’ మ్యాచ్‌లో టీమిండియా 3–1 గోల్స్‌ తేడాతో గెలిచింది. 12 పాయింట్లతో అగ్రస్థానాన్ని ఖాయం చేసుకుంది. ఆదివారం జరిగే తమ చివరి లీగ్‌ మ్యాచ్‌లో సింగపూర్‌తో భారత్‌ ఆడుతుంది. 𝗗𝗘𝗙𝗘𝗡𝗗𝗜𝗡𝗚 𝗖𝗛𝗔𝗠𝗣𝗜𝗢𝗡𝗦 𝗜𝗡𝗧𝗢 𝗧𝗛𝗘 𝗦𝗘𝗠𝗜𝗦! 🇮🇳🔥The Indian Men’s Team continues its winning run at the Asian Games 2026, beating Japan 2-0 to make it four wins from four and book a place in the Semi-Finals! 🏑💪The hunt for another Asian Games gold heads… pic.twitter.com/7tPrb7WIhv— Hockey India (@TheHockeyIndia) September 26, 2026ఇదీ చదవండి: Asian Games 2026: బుల్లెట్ ట్రైన్‌లో టీమిండియా ప్రయాణం

సాక్షి, హైదరాబాద్‌: కరెంట్‌ కోతలు మొదలయ్యాయని.. యూరియా దొరకని రోజులు వచ్చాయని మాజీ మంత్రి, బీఆర్‌ఎస్‌ వర్కింగ్‌ ప్రెసిడెంట్‌ కేటీఆర్‌ అన్నారు. తెలంగాణ భవన్‌లో ఆయన మాట్లాడుతూ.. ‘‘కేసీఆర్‌ ప్రజల గుండెల్లో భద్రంగా ఉన్నారు. గణేష్‌ మండపాల దగ్గర కేసీఆర్‌ పాటలు మోత మోగాయి. కేసీఆర్‌ను మేనమామ తీరుగా ఆడపిల్లల తల్లులు యాది చేసుకుంటున్నారు’’ అని కేటీఆర్‌ పేర్కొన్నారు.‘‘రేవంత్‌రెడ్డి రైతు బంధు ఎగ్గొడుతున్నారు. పొలాల్లో మోటార్లు కాలిపోతున్నాయి. రైతు బంధు ఎగ్గొట్టిన ప్రతిసారి కేసీఆర్‌ను అన్నదాతలు గుర్తు చేసుకుంటున్నారు. తెలంగాణ ప్రజలు దుష్పరిపాలన ఫలితాలు అనుభవిస్తున్నారు. కాంగ్రెస్‌ అక్కర్లేదు కేసీఆర్‌ రావాలని ప్రజలు కోరుకుంటున్నారు’’ అని కేటీఆర్‌ పేర్కొన్నారు.ఇదీ చదవండి: పట్టు బిగిస్తున్న సీతక్క!

ఆసియా గేమ్స్‌లో పాల్గొనేందుకు టీమిండియా గ‌త‌వార‌మే జ‌పాన్‌లో అడుగుపెట్టింది. అయితే జ‌పాన్‌తో చారిత్ర‌క మ్యాచ్ అనంత‌రం రాజ‌ధాని టోక్యోలో గ‌డిపిన టీమిండియా బృందం శ‌నివారం ఆసియా గేమ్స్ జ‌రుగుతున్న న‌గోయాకు చేరుకుంది. ఈ నేప‌థ్యంలో టోక్యో నుంచి న‌గోయాకు టీమిండియా బుల్లెట్ ట్రైన్‌లో ప్ర‌యాణించ‌డం సోష‌ల్ మీడియాలో వైర‌ల్‌గా మారింది. దీనికి సంబంధించిన ఫొటోలను బీసీసీఐ త‌న ఎక్స్‌లో పంచుకుంది. స్వదేశంలో వెస్టిండీస్‌తో వ‌న్డే సిరీస్ కార‌ణంగా హెడ్‌కోచ్ గంభీర్ భార‌త్‌లోనే ఉండిపోవ‌డంతో, శ్రేయ‌స్ అయ్య‌ర్ టీంకు మెంటార్ క‌మ్ కోచ్‌గా మాజీ క్రికెట‌ర్ వీవీఎస్ ల‌క్ష్మ‌ణ్ వ్య‌వ‌హ‌రించ‌నున్నాడు. అనంత‌రం శ్రేయ‌స్ నేతృత్వంలోని జ‌ట్టు గ్రూప్ ఫొటోకు ఫోజిచ్చింది. PC: BCCI Twitterభారత్‌కు సీడింగ్‌, ఐసీసీ ర్యాంకింగ్‌ ఆధారంగా ఆసియా గేమ్స్‌లో నేరుగా క్వార్టర్‌ఫైనల్‌ బెర్త్‌ లభించిన విషయం తెలిసిందే. సోమవారం జరిగే రెండో క్వార్టర్‌ ఫైనల్లో ఆఫ్ఘనిస్తాన్‌తో టీమిండియా తలపడనుంది. 2023 ఆసియా గేమ్స్‌లో రుతురాజ్ గైక్వాడ్ సార‌థ్యంలోని టీమిండియా స్వ‌ర్ణ ప‌త‌కం సాధించిన సంగ‌తి తెలిసిందే.PC: BCCI Twitterకాగా ఈసారి క్రీడలకు మాత్రం డిఫెండింగ్‌ ఛాంపియన్‌ భారత్‌ ఫుల్‌ మెంబర్స్‌ జట్టుతో బరిలోకి దిగింది. శ్రేయస్‌ అయ్యర్‌ నేతృత్వంలోని భారత జట్టులో అభిషేక్‌ శర్మ, సంజూ శాంసన్‌, ఇషాన్‌ కిషన్‌, శివమ్‌ దూబే, తిలక్‌ వర్మ, అక్షర్‌ పటేల్‌, వాషింగ్టన్‌ సుందర్‌, రవి బిష్ణోయ్‌, జస్ప్రీత్‌ బుమ్రా, హర్షిత్‌ రాణా, అర్ష్‌దీప్‌ సింగ్‌ తదితర స్టార్లు ఉన్నారు.All set for the #AsianGames 2026 challenge 🇮🇳Drop a 💙 if you are ready to cheer for #TeamIndia 👇@WeAreTeamIndia | @Media_SAI pic.twitter.com/qypPk87QQM— BCCI (@BCCI) September 26, 2026ఇదీ చదవండి: టీమిండియా తరఫున అదే చివరిది: విరాట్‌ కోహ్లి

చాలామంది ఉద్యోగం చేసేవారు.. సొంతంగా బిజినెస్ చేయాలని అనుకుంటారు. అయితే వ్యాపారం అనేది ఒక పసిబిడ్డ లాంటిదని కాంట్రారియన్ థింకింగ్ వ్యవస్థాపకురాలు కోడీ సాంచెజ్ చెబుతున్నారు. ఇంతకీ ఆమె ఎందుకలా అన్నారు?, దీనికి గల కారణాలు ఏమిటి అనే విషయాలను ఇక్కడ తెలుసుకుందాం.కోడీ సాంచెజ్ ప్రకారం.. ఒక బిడ్డ పుట్టినప్పుడు, తనంతట తాను ఏ పని చేసుకోలేదు. తల్లిదండ్రులే జాగ్రత్తగా చూసుకోవాలి, తినిపించాలి, నడిపించాలి. ఇలా ప్రతి విషయంలో సహాయం చేయాలి. కొత్తగా ప్రారంభించిన వ్యాపారం కూడా అలాగే ఉంటుంది. మొదట్లో యజమానే అన్నీ చూసుకోవాలి. కస్టమర్లను సంపాదించడం నుంచి డబ్బులు చూసుకోవడం వరకు ప్రతి విషయానికీ యజమాని సమయం, శ్రమ వెచ్చించాలి.కొంతకాలం తర్వాత.. బిడ్డ నడవడం నేర్చుకుంటుంది. కానీ మొదట్లో ఎవరో ఒకరి చేయి పట్టుకుని నడుస్తుంది. వ్యాపారం కూడా ఒక దశలో ఇలాగే ఉంటుంది. కొంత ఆదాయం రావడం మొదలవుతుంది, ఉద్యోగులు చేరుతారు, పనులు కొంత సిస్టమ్‌లోకి వస్తాయి. అయినా యజమాని సహాయం, పర్యవేక్షణ అవసరమే.ఆ తర్వాత ఒక దశలో బిడ్డ తనంతట తానే నడవడం, పరుగెత్తడం మొదలుపెడుతుంది. మంచి వ్యాపారం కూడా చివరికి అలాంటి స్థాయికి చేరాలి. యజమాని ప్రతి చిన్న పనిని స్వయంగా చేయాల్సిన అవసరం లేకుండా, ఉద్యోగులు, సిస్టమ్స్ కలిసి వ్యాపారాన్ని నడిపించాలి.అయితే.. ఇక్కడ గుర్తుంచుకోవాల్సిన విషయం ఏమిటంటే, ప్రతి వ్యాపారం ఒకే వేగంతో ఎదగదు. కొన్ని వ్యాపారాలు త్వరగా స్వతంత్రంగా మారుతాయి. మరికొన్ని వ్యాపారాలకు ఎక్కువ సమయం, ఎక్కువ శ్రద్ధ అవసరం కావచ్చు. అది సహజమే.ఇదీ చదవండి: అందుకే.. బంగారం ధరలు తగ్గుతున్నాయ్!వ్యాపారం మొదట మనపై ఆధారపడుతుంది, తర్వాత మన సహాయంతో ఎదుగుతుంది, చివరికి మనం ప్రతి రోజు దాని వెనుక నిలబడాల్సిన అవసరం లేకుండా పనిచేసే స్థాయికి చేరుతుంది. కాబట్టి.. వ్యాపారాన్ని ప్రారంభించడం ఎంత ముఖ్యమో, దాన్ని మన మీద పూర్తిగా ఆధారపడకుండా నిర్మించడం కూడా అంతే ముఖ్యం. ఒక తల్లిదండ్రి తన బిడ్డను ఎప్పటికీ చేయి పట్టుకుని నడిపించరు. ఒకరోజు ఆ బిడ్డ తనంతట తానే నడవాలి. అదే విధంగా ఒక వ్యాపారం కూడా ఒకరోజు యజమాని సహాయం లేకుండానే ముందుకు సాగే స్థాయికి చేరాలి.A business is like a baby: - first it’s fully dependent on you - then it starts walking with your help - and finally it's running around on its own Some grow faster than others, but they all follow a similar path.— Codie Sanchez (@Codie_Sanchez) September 10, 2026

ఇండియన్ సినిమా నుంచి రాబోతున్న మోస్ట్ అవైటెడ్ ప్రాజెక్టుల్లో ‘రామాయణ’ ఒకటి. నితేశ్ తివారీ దర్శకత్వంలో రణ్‌బీర్ కపూర్ రాముడిగా, సాయి పల్లవి సీతగా నటిస్తున్న ఈసినిమాపై ఇప్పటికే భారీ అంచనాలు ఉన్నాయి. ఈ చిత్రం నవంబర్‌ 06న విడుదల కానుంది. ఇప్పటికే విడుదలపైన ట్రైలర్‌ ఆకట్టుకుంది. తాజాగా ఈ మూవీ ప్రమోషన్స్‌కు ప్రపంచ ప్రఖ్యాత యూట్యూబర్ మిస్టర్ బీస్ట్ పాల్గొన్నారు. దీంతో అభిమానుల్లో ఆసక్తి నెలకొంది.ఇండియాలో మిస్టర్ బీస్ట్..మిస్టర్ బీస్ట్ అసలు పేరు జిమ్మీ డొనాల్డ్‌సన్. ప్రస్తుతం ఆయన ఇండియాలోనే ఉన్నారు. ఇటీవల భార్య థియా బోయ్‌సెన్‌తో కలిసి ఆగ్రాలోని తాజ్‌మహల్‌ను సందర్శించారు. అక్కడ ఆయనను చూసిన అభిమానులు ఫొటోల కోసం ఎగబడ్డారు. ఓ చిన్నారి తన చేతితో తయారు చేసిన స్కెచ్‌బుక్‌ను మిస్టర్ బీస్ట్‌కు అందించడం కూడా వైరల్‌గా మారింది.ఇదీ చదవండి: ‘ది ప్యారడైజ్‌’మూవీపై వేణు స్వామి ఆసక్తికర వ్యాఖ్యలురామాయణ టీమ్‌తో భేటీ?మిస్టర్ బీస్ట్ ఇండియా పర్యటన రామాయణ ప్రమోషన్స్‌ కోసమే వచ్చారన్న టాక్‌ నిజమైంది. ఈరోజు(సెప్టెంబర్ 26)రణ్‌బీర్ కపూర్, సాయి పల్లవి, దర్శకుడు నితేశ్ తివారీ, నిర్మాత నమిత్ మల్హోత్రాతో కలిసి మిస్టర్ బీస్ట్ ముంబైలో ఓ ప్రత్యేక కార్యక్రమంలో పాల్గొన్నారు. లక్ష్మణుడి పాత్రలో నటిస్తున్న రవీ దూబే కూడా ఈ ఇంటరాక్షన్‌లో ఉన్నారు.ప్రపంచవ్యాప్తంగా..‘రామాయణ’ కేవలం భారతీయ ప్రేక్షకులకే పరిమితం చేయకుండా ప్రపంచవ్యాప్తంగా తీసుకెళ్లాలనే ఉద్దేశంతో ప్రమోషన్స్‌ను భారీ స్థాయిలో ప్లాన్ చేస్తున్నట్లు తెలుస్తోంది. ఈ నేపథ్యంలో ప్రపంచవ్యాప్తంగా భారీ డిజిటల్ ఫాలోయింగ్ ఉన్న మిస్టర్ బీస్ట్‌తో కలయిక సినిమాకు అంతర్జాతీయ స్థాయిలో మరింత రీచ్ తీసుకురావడమే లక్ష్యంగా కనిపిస్తోంది. నవంబర్‌లో ‘రామాయణ’..నితేశ్ తివారీ తెరకెక్కిస్తున్న ఈ రెండు భాగాల చిత్రంలో రణ్‌బీర్ కపూర్ రాముడిగా, సాయి పల్లవి సీతగా, యశ్ రావణుడిగా, రవీ దూబే లక్ష్మణుడిగా, సన్నీ డియోల్ హనుమంతుడిగా కనిపించనున్నారు. ‘రామాయణ: పార్ట్ 1’ నవంబర్ 6, 2026న ప్రపంచవ్యాప్తంగా థియేటర్లలోకి రానుంది. #MrBeast, alongside #NamitMalhotra, #SaiPallavi and #RanbirKapoor at a #Ramayana event in Mumbai. pic.twitter.com/o9R9I7oEll— Variety India (@VarietyIndia) September 26, 2026

న్యూఢిల్లీ: సెంట్రల్‌ బోర్డ్‌ ఆఫ్‌ సెకండరీ ఎడ్యుకేషన్‌(సీబీఎస్‌ఈ)కు కొత్త అధిప‌తి వ‌చ్చారు. సీబీఎస్‌ఈ చైర్‌ పర్సన్‌గా సీనియర్‌ అధికారి మన్‌దీప్‌ కె. భండారీ (Mandeep K. Bhandari) నియమితులయ్యారు. 2001 బ్యాచ్‌ ఐఏఎస్‌ అయిన భండారీ అరుణాచల్, గోవా, మిజోరం, కేంద్ర పాలిత ప్రాంతాల కేడర్‌కు చెందిన వారు. ప్రస్తుతం జమ్మూకశ్మీర్‌ లెఫ్టినెంట్‌ గవర్నర్‌కు ప్రిన్సిపల్‌ సెక్రటరీగా పనిచేస్తున్నారు. ఈయన నియామకానికి కేబినెట్‌ కమిటీ ఆమోదం తెలిపినట్లు సిబ్బంది వ్యవహారాల శాఖ శుక్రవారం వెల్లడించింది.12 త‌ర‌గ‌తి మార్కుల మూల్యాంక‌నానికి వినియోగించే ఆన్-స్క్రీన్ మార్కింగ్ (ఓఎస్‌ఎం) విధానంలో లోపాల‌తో కొద్ది నెల‌ల క్రితం సీబీఎస్‌ఈ తీవ్ర విమ‌ర్శ‌ల పాలైంది. జార్ఖండ్‌లోని రాంచీకి చెందిన 17 ఏళ్ల టెక్నాలజీ పరిశోధకుడు, సీబీఎస్‌ఈ 12వ తరగతి విద్యార్థి సార్థక్ సిద్ధాంత్.. సీబీఎస్ఈ వెబ్‌సైట్‌లోని లోపాలను బ‌హిర్గ‌తం చేయ‌డంతో వివాదం మ‌రింత ముదిరింది. ఈ నేప‌థ్యంలో కేంద్ర ప్ర‌భుత్వం దిద్దుబాటు చ‌ర్య‌లు చేప‌ట్టింది. జూన్ నెల‌లో అప్ప‌టి సీబీఎస్‌ఈ చైర్మ‌న్ రాహుల్ సింగ్‌, సెక్ర‌ట‌రీ హిమాంశు గుప్తాను బ‌దిలీ చేసింది. తాజాగా మన్‌దీప్‌ భండారీని సీబీఎస్‌ఈ చైర్‌పర్సన్‌గా నియ‌మించింది. ఎవ‌రీ మ‌న్‌దీప్ భండారీ?మెడిక‌ల్ గ్రాడ్య‌యేట్ అయిన మ‌న్‌దీప్ భండారీ.. 2001లో ఐఏఎస్‌కు ఎంపిక‌య్యారు. జ‌మ్మూక‌శ్మీర్‌తో పాటు కేంద్రంలోనూ వివిధ స్థాయిల్లో ప‌నిచేశారు. లేహ్‌, జ‌మ్మూ డిప్యూటీ కమిష‌న‌ర్‌గా ప‌నిచేసిన త‌ర్వాత.. జ‌మ్మూ డివిజ‌న‌ల్ క‌మిష‌న‌ర్‌గా సేవ‌లు అందించారు. వైద్య, ఆరోగ్య విద్యా రంగంలో ఆయ‌న‌కు మంచి అనుభ‌వం ఉంది. 2018లో కేంద్ర మాన‌వ‌న‌రుల మంత్రిత్వ శాఖ‌లో కొద్దిరోజులు ప్రైవేటు సెక్ర‌ట‌రీగా ఉన్నారు. త‌ర్వాత ఆరోగ్య కుటుంబ సంక్షేమ శాఖ‌లో జాయింట్ సెక్ర‌ట‌రీగా కొనసాగారు. శ్రీ మాతా వైష్ణోదేవి దేవాల‌య బోర్డు సీఈవోగానూ సేవ‌లు అందించారు. ఇదీ చ‌ద‌వండి: చిక్కుల్లో సీఈసీ జ్ఞానేశ్ కుమార్‌ కూతురు!భండారీ ముందు స‌వాళ్లుసీబీఎస్‌ఈ చైర్‌పర్సన్‌గా నియ‌మితులైన మన్‌దీప్‌ భండారీ ఎదుట ప‌లు స‌వాళ్లు ఉన్నాయి. గ‌తంలో జ‌రిగిన పొర‌పాట్లు మ‌ళ్లీ జ‌ర‌కుండా చూసుకోవాల్సిన బాధ్య‌త ఆయ‌నపై ఉంది. ఇప్ప‌టికే టెన్త్‌, 12వ త‌ర‌గతి ప‌రీక్ష‌ల నిర్వ‌హ‌ణ ప్ర‌క్రియ మొద‌లైంది. డిజిట‌ల్ మూల్యాంక‌నంలో ఇంత‌కుముందు వెలుగుచూసిన పొర‌పాట్లు పునరావృతం కాకుండా కాచుకోవాల్సిన ప్ర‌ధాన క‌ర్త‌వ్యం భండారీపై ఉంది. సీబీఎస్‌ఈ బోర్డుపై ఎటువంటి అప‌ప్ర‌ద రాకుండా అత్యంత కీల‌కంగా ప‌నిచేయాల్సిన బాధ్య‌త ఆయ‌న భుజాల‌పై ఉంది.

టీమిండియా దిగ్గజ క్రికెటర్‌ విరాట్‌ కోహ్లి కీలక వ్యాఖ్యలు చేశాడు. తన అంతర్జాతీయ కెరీర్‌ చివరి దశకు చేరిందనే సంకేతాలు ఇచ్చాడు. భారత్‌ తరఫున వన్డే వరల్డ్‌కప్‌-2027 ఈవెంట్‌ తన అంతర్జాతీయ కెరీర్‌లో చివరి ఐసీసీ టోర్నమెంట్‌ అని పేర్కొన్నాడు.ఇప్పటికే టీ20, టెస్టులకు గుడ్‌బైకాగా టీ20 ప్రపంచకప్‌-2024లో టీమిండియా చాంపియన్‌గా నిలిచిన తర్వాత కోహ్లి అంతర్జాతీయ పొట్టి ఫార్మాట్‌కు వీడ్కోలు పలికిన సంగతి తెలిసిందే. అనూహ్య రీతిలో గతేడాది టెస్టులకు కూడా ‘కింగ్‌’ రిటైర్మెంట్‌ ప్రకటించాడు. ప్రస్తుతం వన్డే ఫార్మాట్‌తో పాటు.. ఐపీఎల్‌లో రాయల్‌ చాలెంజర్‌ చాలెంజర్స్‌ తరఫున టీ20 క్రికెట్‌లో కొనసాగుతున్నాడు.టీమిండియా తరఫున అదే చివరిదిఇక ప్రస్తుతం కోహ్లి స్వదేశంలో వెస్టిండీస్‌తో జరిగే వన్డే సిరీస్‌కు సన్నద్ధమవుతున్నాడు. ఈ నేపథ్యంలో జియోస్టార్‌తో మాట్లాడుతూ.. ‘‘టీమిండియా తరఫున నేను ఆడబోయే చివరి వరల్డ్‌కప్‌ ఇదే (వన్డే ప్రపంచకప్‌-2027). ఈ విషయాన్ని దృష్టిలో పెట్టుకునే సిరీస్‌కు పూర్తిస్థాయిలో సిద్ధమయ్యాను.ఇక వరల్డ్‌కప్‌ ట్రోఫీ గెలవడం అనేదే అంతిమ లక్ష్యం. ఈ ప్రయాణం ఎక్కడిదాకా సాగుతుందో తెలియదు. అన్నింటికీ నేను సిద్ధంగానే ఉన్నాను’’ అని కోహ్లి పేర్కొన్నాడు. కాగా ఈ ఏడాది ఇప్పటికి ఆరు వన్డేలు ఆడిన కోహ్లి 384 పరుగులతో సత్తా చాటాడు. ఇందులో మూడు అర్ధ శతకాలు కూడా ఉన్నాయి.వరల్డ్‌కప్‌ ఆడటం లాంఛనమే!ఇక గత 10 వన్డే ఇన్నింగ్స్‌లో కోహ్లి మూడు సెంచరీలు చేయడంతో పాటు ఐదు హాఫ్‌ సెంచరీలు కూడా సాధించాడు. దీనిని బట్టి కోహ్లి సూపర్‌ ఫామ్‌లో ఉన్నట్లు స్పష్టంగా తెలుస్తోంది. కాబట్టి 37 ఏళ్ల కోహ్లిని వన్డే వరల్డ్‌కప్‌ జట్టు నుంచి తప్పించే సాహసం టీమిండియా సెలక్టర్లు చేయరనే చెప్పవచ్చు.కాగా 2008లో టీమిండియా తరఫున అరంగేట్రం చేసిన కోహ్లి.. 123 టెస్టుల్లో 30 శతకాల సాయంతో 9230 పరుగులు సాధించాడు. 125 టీ20లలో ఓ సెంచరీ బాది 4188 పరుగులు చేశాడు. ఇక వన్డేల్లో ఇప్పటికి 314 మ్యాచ్‌లు ఆడి 14941 పరుగులు సాధించాడు. అంతేకాదు యాభై ఓవర్ల ఫార్మాట్లో అత్యధికంగా 54 సెంచరీలు సాధించి ప్రపంచ రికార్డు నెలకొల్పాడు.చదవండి: సచిన్‌తో అతడికి పోలికేంటి?: సెహ్వాగ్‌

దేశంలో బ్యాంకింగ్ సేవలు మరోసారి తీవ్ర అంతరాయాన్ని ఎదుర్కొనే పరిస్థితి ఏర్పడింది. ఏడు ప్రధాన ప్రతినిధి సంఘాలు, సుమారు ఎనిమిది లక్షల మంది బ్యాంకింగ్ సిబ్బందికి ప్రాతినిధ్యం వహిస్తున్న ‘యునైటెడ్ ఫోరమ్ ఆఫ్ బ్యాంక్ యూనియన్స్’ (యూఎఫ్‌బీయూ) సెప్టెంబర్ 28 నుంచి 30 వరకు (మూడు రోజుల పాటు) దేశవ్యాప్త సమ్మెకు పిలుపునిచ్చింది. కార్మిక శాఖ డెప్యూటీ చీఫ్ లేబర్ కమిషనర్‌తో జరిపిన సమన్వయ చర్చలు విఫలం కావడమే ఈ నిర్ణయానికి తక్షణ కారణం.ప్రధాన డిమాండ్లు.. ఉద్యోగుల వాదనయుఎఫ్‍బీయూ ప్రధాన డిమాండ్.. వారానికి 5 రోజుల పనిదినాల విధానాన్ని తక్షణమే అమలు చేయడం. ప్రస్తుతం రెండో, నాలుగో శనివారాల్లో మాత్రమే బ్యాంకులు మూసి ఉంటున్నాయి. అన్ని శనివారాలనూ సెలవు దినాలుగా ప్రకటించాలని యూనియన్లు పట్టుబడుతున్నాయి.శనివారం సెలవు ఇస్తే సోమవారం నుంచి శుక్రవారం వరకు రోజూ అదనంగా 40 నిమిషాల సమయం పని చేయడానికి తాము సిద్ధంగా ఉన్నామని ఉద్యోగుల పక్షం స్పష్టం చేసింది.ఆర్‌బీఐ, ఐఆర్‌డీఏఐ, సెంట్రల్ గవర్నమెంట్, ఐటీ రంగాల్లో ఇప్పటికే ఐదు రోజుల పనిదినాలు ఉన్నాయని యూనియన్‌ చెబుతోంది. తీవ్రమైన మానసిక ఒత్తిడి, సిబ్బంది కొరత, పనిభారం అనుభవిస్తున్న బ్యాంకు సిబ్బంది ఆరోగ్యం, కుటుంబ సమతుల్యత(వర్క్‌లైఫ్‌ బ్యాలెన్స్‌) దృష్ట్యా ఇది అత్యంత అవసరమని తెలియజేస్తోంది.విశ్రాంత ఉద్యోగుల పెన్షన్ అప్‌డేషన్‌, నేషనల్ పెన్షన్ సిస్టమ్ (ఎన్‌పీఎస్‌) స్థానంలో పాత పెన్షన్ స్కీమ్ పునరుద్ధరణ, పర్ఫార్మెన్స్ లింక్డ్ ఇన్సెంటివ్ (పీఎల్‌ఐ) విధానంలో మార్పులు వంటివి యూనియన్ల ఇతర ప్రధాన డిమాండ్లుగా ఉన్నాయి.ప్రభుత్వం, బ్యాంక్ యాజమాన్యాల వైఖరిఐదు రోజుల విధానాన్ని అమలు చేస్తే దేశ ఆర్థిక లావాదేవీలపై ముఖ్యంగా గ్రామీణ ప్రాంత ప్రజలు, చిన్న వ్యాపారులపై ప్రతికూల ప్రభావం పడుతుందని కేంద్రం భావిస్తోంది. 2024 మార్చి వేతన ఒప్పంద సమయంలో.. ఐదు రోజుల బ్యాంకింగ్‌ సూత్రప్రాయంగా పరిశీలనలో ఉందని సంతకాలు జరిగాయి తప్ప, దీనిపై ప్రభుత్వం నుంచి తుది ఆమోదం లభించలేదని ఆర్థిక మంత్రిత్వ శాఖ వర్గాలు అంటున్నాయి. సెప్టెంబర్ 30 అర్ధవార్షిక క్లోజింగ్ రోజు కావడంతో సమ్మె వల్ల వ్యాపార, పన్ను ఖాతాల సర్దుబాట్లు నిలిచిపోతాయని, అందుకే సమ్మెను విరమించుకోవాలని ప్రభుత్వం విజ్ఞప్తి చేసింది. సమ్మె ప్రభావాన్ని తగ్గించేందుకు వీలుగా సెప్టెంబర్ 27 ఆదివారం నాడు ప్రభుత్వ రంగ బ్యాంకులను, ఆర్‌ఆర్‌బీలను తెరిచి ఉంచాలని ఆర్‌బీఐ సమ్మతి తెలిపింది.యథావిధిగా యూపీఐ, నెట్‌ బ్యాంకింగ్‌ సేవలుయూపీఐ, నెట్ బ్యాంకింగ్ సేవలు యథావిధిగా పనిచేస్తున్నప్పటికీ బ్రాంచ్ బ్యాంకింగ్, చెక్కుల క్లియరెన్స్, పెద్ద మొత్తంలో నగదు డిపాజిట్లు నిలిచిపోయే ప్రమాదం ఉంది. సెప్టెంబర్ 30 నాటికి యూనియన్లు సమస్య పరిష్కారం లభించకపోతే అక్టోబర్ 26 నుంచి నిరవధిక సమ్మెకు దిగుతామని హెచ్చరిస్తున్నాయి. సమస్య తీవ్రతరం కాకముందే ప్రభుత్వం, బ్యాంకింగ్ యూనియన్లు స్పందించి వివాదానికి శాశ్వత పరిష్కారం కనుగొనాలని కోరుతున్నాయి.ఇదీ చదవండి: ఆధార్ వ్యవస్థనే అబ్బురపరిచిన కవలలు

వేణుస్వామి పేరు సాధారణంగా సినీ, రాజకీయ ప్రముఖుల జాతకాలపై ఆయన చేసే వ్యాఖ్యలతోనే ఎక్కువగా వినిపిస్తూ ఉంటుంది. అయితే తాజాగా ఆయన తొలిసారి ఓ సినిమా గురించి స్పందించడం ఆసక్తికరంగా మారింది. ప్రస్తుతం థియేటర్లలో ప్రేక్షకుల నుంచి మిశ్రమ స్పందన తెచ్చుకుంటున్న నాని ‘ది ప్యారడైజ్‌’పై వేణుస్వామి తన అభిప్రాయాన్ని వెల్లడించారు. సినిమాలోని ఓ ప్రత్యేక అంశం తనను థియేటర్‌ వరకు తీసుకెళ్లిందని చెప్పడంతో ఆయన కామెంట్స్‌ సోషల్‌ మీడియాలో వైరల్‌గా మారాయి.సాధారణంగా సినిమా చూడటానికి హీరో, కథ, దర్శకుడు లేదా ట్రైలర్‌ వంటి అంశాలు కారణమవుతుంటాయి. కానీ ‘ది ప్యారడైజ్‌’ విషయంలో తనకు పూర్తిగా భిన్నమైన కారణం ఉందని వేణుస్వామి చెప్పుకొచ్చారు. దశమహావిద్యల్లో ఒకరిగా భావించే ధూమావతి అమ్మవారి నేపథ్యాన్ని సినిమాలో ఉపయోగించారని తెలియడంతో ఈ చిత్రంపై తనకు ఆసక్తి కలిగిందన్నారు.ఈ సందర్భంగా ‘ది ప్యారడైజ్‌’లో ధూమావతి అమ్మవారి ప్రతీకను చూపించిన ఓ యాక్షన్‌ సన్నివేశాన్ని వేణుస్వామి ప్రత్యేకంగా ప్రస్తావించారు. ఆ సన్నివేశంలో ధూమావతి ప్రతీకతో పాటు కాకిని కూడా ఉపయోగించారని, బ్యాక్‌గ్రౌండ్‌లో మంత్రోచ్ఛారణను పోలిన శబ్దాలను వినిపించారని తెలిపారు. దశమహావిద్యల్లో ఒకరిగా భావించే ధూమావతి అంశాన్ని సినిమాలో టచ్‌ చేయడం సాధారణ విషయం కాదని, ఇందుకు ఎంతో ధైర్యం అవసరమని వ్యాఖ్యానించారు.ఇక మంత్రాలు, ఆవాహన వంటి ఆధ్యాత్మిక అంశాలను సరైన అవగాహన లేకుండా ఉపయోగించడంపై తనకున్న విశ్వాసాలను కూడా వేణుస్వామి వెల్లడించారు. ముఖ్యంగా ధూమావతి అమ్మవారికి సంబంధించిన అంశాలను తెరపై చూపించేటప్పుడు వాటి నేపథ్యం, ప్రాముఖ్యతను అర్థం చేసుకోవాల్సిన అవసరం ఉందని అన్నారు. View this post on Instagram A post shared by Venu Swamy Parankusham (@parankushamvenu)

గోళ్లకు రంగులు వేయించుకోవడం, నెయిల్‌ ఆర్ట్‌ చేయించుకోవడం ఇప్పుడు చాలామంది మహిళలకు అందం, స్టైల్‌లో భాగంగా మారింది. అయితే ఇటీవల దీనికి భిన్నంగా గోళ్లకు ఎలాంటి రంగు వేయకుండా సహజంగా, మెరిసేలా ఉంచుకోవడం ట్రెండ్‌గా మారింది. సోషల్‌ మీడియాలో ‘బేర్‌ నెయిల్స్‌’ పేరుతో ఈ స్టైల్‌ బాగా వైరల్‌ అవుతోంది. ఫ్యాషన్‌ షోలు, రెడ్‌ కార్పెట్‌లపైనా సహజంగా కనిపించే గోళ్లు కనిపిస్తుండటంతో దీనిపై ఆసక్తి పెరుగుతోంది. కొందరు దీన్ని ‘క్వైట్‌ లగ్జరీ’కి కొత్త గుర్తుగా భావిస్తున్నారు.లండన్‌లోని కొన్ని నెయిల్‌ సెలూన్లకు వస్తున్న కస్టమర్లు పాలిష్‌ వేయించుకోకపోయినా గోళ్లను ఫైల్‌, బఫ్‌, క్యూటికల్స్‌ శుభ్రం, మాయిశ్చరైజ్‌ చేయించుకోవడం చేస్తున్నారు. అంటే సహజంగా కనిపించే గోళ్ల వెనుక కూడా ప్రత్యేక శ్రద్ధ ఉంటోంది. తరచూ మానిక్యూర్‌ చేయించుకోవడానికి అయ్యే సమయం, ఖర్చును తగ్గించుకోవడంతో పాటు సింపుల్‌, మినిమల్‌ లుక్‌ తమకు నచ్చుతోందని కొందరు మహిళలు చెబుతున్నారు. మరికొందరు మాత్రం నెయిల్‌ ఆర్ట్‌తో తమ వ్యక్తిత్వాన్ని, స్టైల్‌ను చూపించుకోవడమే ఇష్టమని అంటున్నారు.అయితే బేర్‌ నెయిల్స్‌ను మాత్రమే ‘క్లాసీ’, ‘ఎలిగెంట్‌’గా చూపించడంపై సోషల్‌ మీడియాలో భిన్నాభిప్రాయాలు వ్యక్తమవుతున్నాయి. నెయిల్‌ ఆర్ట్‌ అనేది కేవలం అలంకరణ మాత్రమే కాదని, అది వ్యక్తిత్వాన్ని, సంస్కృతిని, అందాన్ని వ్యక్తపరిచే మార్గంగా మారిందని పలువురు నెటిజన్లు అంటున్నారు. ముఖ్యంగా నల్లజాతి, లాటిన్‌, ఆసియా వర్గాల్లో నెయిల్‌ ఆర్ట్‌కు ప్రత్యేకమైన చరిత్ర ఉందని గుర్తుచేస్తున్నారు. సహజ గోళ్లనే మంచి రుచికి గుర్తుగా చూపించడం వల్ల రంగురంగుల నెయిల్‌ ఆర్ట్‌ను తక్కువగా చూసే పరిస్థితి రావచ్చని కొందరు ఫ్యాషన్‌ వర్గాల వారు అభిప్రాయపడుతున్నారు.నిజానికి గోళ్ల అలంకరణకు చరిత్రలోనూ సామాజిక ప్రాధాన్యం ఉంది. ప్రాచీన చైనాలో పొడవాటి గోళ్లు ఉన్నత వర్గాల గుర్తుగా ఉండేవని ఫ్యాషన్‌ చరిత్రకారులు చెబుతున్నారు. కాలక్రమంలో మానిక్యూర్‌ సామాన్యులకు కూడా అందుబాటులోకి వచ్చింది. ముఖ్యంగా నల్లజాతి మహిళలు నెయిల్‌ ఆర్ట్‌ను తమ అందం, వ్యక్తిత్వాన్ని చూపించే సాధనంగా మార్చడంలో కీలక పాత్ర పోషించారని ఫ్యాషన్‌ రంగానికి చెందిన వారు చెబుతున్నారు. ఇప్పుడు సహజంగా కనిపించే గోళ్లనే ఉన్నత స్థాయి, మంచి రుచికి గుర్తుగా చూడటం కొత్త చర్చకు దారితీసిందని ఫ్యాషనర్లు అంటున్నారు.అయితే గోళ్లను ఎలా ఉంచుకోవాలన్నది పూర్తిగా వ్యక్తిగత ఇష్టానికి సంబంధించినదేనని చాలామంది మహిళలు అభిప్రాయంగా తెలుస్తోంది. పాలిష్‌ వేసుకున్నా, నెయిల్‌ ఆర్ట్‌ చేయించుకున్నా, ఎలాంటి రంగు లేకుండా సహజంగా ఉంచుకున్నా అది వ్యక్తిగత ఎంపికేనని అంటున్నారు. సహజంగా కనిపించే గోళ్ల కోసం కూడా ప్రత్యేక సంరక్షణ, సమయం అవసరం కావచ్చని, ట్రెండ్‌ ఏదైనా.. ఇతరుల ఎంపికను గౌరవిస్తూ, మనకు నచ్చిన స్టైల్‌లో ఉండటమే ముఖ్యం అని నెటిజన్లు అభిప్రాయపడుతున్నారు.ఇదీ చదవండి: కాఫీ కప్పు చూసి అభ్యర్థిని అంచనా వేస్తారా?

మన్మోహన్‌ సింగ్‌ పేరు వినగానే చాలామందికి గుర్తొచ్చేది.. నిశ్శబ్దంగా మాట్లాడే మాజీ ప్రధాని. కానీ నేటి జెన్‌జీకి ఆయన అంతకంటే ఎక్కువ. చేతిలో ఉన్న స్మార్ట్‌ఫోన్‌ నుంచి ఇంటర్నెట్‌ వరకు.. స్టార్టప్‌ల నుంచి విదేశీ కంపెనీల ఉద్యోగాల వరకు.. భారత ఆర్థిక వ్యవస్థలో మూడు దశాబ్దాలుగా కనిపిస్తున్న ఎన్నో మార్పుల వెనుక ఆయన ఆలోచనల ముద్ర కనిపిస్తుంది.ఒక్కసారి 1991కి వెళ్దాం. అప్పట్లో దేశం తీవ్ర ఆర్థిక ఇబ్బందుల్లో ఉంది. విదేశీ మారక నిల్వలు పడిపోయాయి. దేశం తన అవసరాలకు కావాల్సిన వస్తువులను కొనుక్కోవడానికే ఇబ్బంది పడే పరిస్థితి. ఆ సమయంలో పీవీ నరసింహారావు ప్రధానిగా, మన్మోహన్‌ సింగ్‌ ఆర్థిక మంత్రిగా బాధ్యతలు చేపట్టారు. ఆర్థిక వ్యవస్థలో పెద్ద మార్పులకు శ్రీకారం చుట్టారు. దిగుమతులు, పెట్టుబడులు, పరిశ్రమలు, ప్రైవేట్‌ రంగంపై ఉన్న అనేక ఆంక్షలను క్రమంగా సడలించారు. భారత ఆర్థిక వ్యవస్థను ప్రపంచంతో మరింతగా అనుసంధానం చేసే దిశగా అడుగులు వేశారు.ఆ మార్పులు అంటే అప్పట్లో సామాన్యుడికి వెంటనే అర్థమయ్యే విషయం కాదు. కానీ వాటి ప్రభావం క్రమంగా కనిపించింది. విదేశీ కంపెనీలకు భారత మార్కెట్‌ తెరుచుకుంది. ప్రైవేట్‌ రంగానికి అవకాశాలు పెరిగాయి. పోటీ పెరిగింది. కొత్త పరిశ్రమలు, కొత్త సేవలు వచ్చాయి. తర్వాతి సంవత్సరాల్లో ఐటీ రంగం వేగంగా విస్తరించడానికి కూడా ఈ మారిన ఆర్థిక వాతావరణం ఒక నేపథ్యంగా నిలిచింది.ఇప్పుడు 2026. దేశ ఆర్థిక వ్యవస్థ గురించి మాట్లాడితే జీడీపీ వృద్ధి బలంగానే కనిపిస్తోంది. ప్రపంచ బ్యాంకు ప్రకారం 2025–26లో భారత ఆర్థిక వృద్ధి 7.6 శాతంగా నమోదైంది. కానీ, వచ్చే ఆర్థిక సంవత్సరంలో ప్రపంచ పరిస్థితులు, ముఖ్యంగా ఇంధన ధరలు, భౌగోళిక ఉద్రిక్తతల ప్రభావంతో వృద్ధి 6.6 శాతానికి తగ్గొచ్చని అంచనా వేసింది. అయితే జెన్‌జీ ప్రశ్న మాత్రం జీడీపీ దగ్గర ఆగిపోదు.మరి నాకు మంచి ఉద్యోగం ఎప్పుడు?ఇదే అసలు ప్రశ్న. ఇటీవలి ఆర్థిక విశ్లేషణల్లోనూ ఇదే అంశం ప్రధానంగా కనిపిస్తోంది. ఐఎంఎఫ్‌ తాజా విశ్లేషణ ప్రకారం భారత వృద్ధికి ఉద్యోగాలు, ఉత్పాదకత, నైపుణ్యాల మధ్య ఉన్న అంతరం పెద్ద సవాలుగా మారింది. కోట్లాది మంది యువత ఉద్యోగ మార్కెట్లోకి వస్తున్న సమయంలో.. జీడీపీ పెరగడం కంటే వారికి స్థిరమైన, మంచి ఆదాయం ఇచ్చే ఉద్యోగాలు ఎంత వస్తున్నాయన్నదే కీలకం.ఇక్కడే మన్మోహన్‌ మళ్లీ జెన్‌జీ జేబులోకిఎందుకంటే ఆయన కాలంలో మొదలైన ఆర్థిక మార్పులు “ప్రపంచంతో పోటీ పడే భారత్‌” అనే దిశను బలపరిచాయి. నేడు ఒక చిన్న పట్టణంలో ఉన్న యువకుడు విదేశీ కంపెనీలో ఉద్యోగానికి దరఖాస్తు చేయగలగడం, ఇంటి నుంచే ఆన్‌లైన్‌ సేవలు అందించడం, యాప్‌ ద్వారా వ్యాపారం మొదలుపెట్టడం, ప్రపంచ మార్కెట్‌ గురించి తెలుసుకోవడం.. ఇవన్నీ ఒక్కరోజులో వచ్చిన మార్పులు కావు. మూడు దశాబ్దాలుగా భారత ఆర్థిక వ్యవస్థలో జరిగిన మార్పుల ఫలితంగా ఏర్పడిన అవకాశాల గొలుసులో ఇవి భాగం. అయితే కథ ఇక్కడితో పూర్తికాదు. అప్పట్లో భారతదేశాన్ని ప్రపంచ ఆర్థిక వ్యవస్థతో కలపడం పెద్ద సవాలు అయితే.. ఇప్పుడు ఆ వృద్ధి ఫలాలను ఎక్కువ మందికి చేరేలా చేయడం మరో పెద్ద సవాలు. ముఖ్యంగా యువతకు ఉద్యోగాలు, చిన్న వ్యాపారాలకు అవకాశాలు, మహిళలకు ఉపాధి, నైపుణ్యాలకు తగ్గ పనులు రావాల్సి ఉంది. ఉద్యోగ కల్పన కోసం ప్రైవేట్‌ రంగ పెట్టుబడులను పెంచే సంస్కరణలపై ప్రపంచ బ్యాంకు కూడా దృష్టి పెట్టింది. అప్పట్లో మన్మోహన్‌ సింగ్‌ ముందున్న ప్రశ్న.. “భారత ఆర్థిక వ్యవస్థను ఎలా కాపాడాలి?”ఇప్పుడు జెన్‌జీ ముందున్న ప్రశ్న.. “ఈ ఆర్థిక వృద్ధిలో నా భవిష్యత్తు ఎక్కడ?”మన్మోహన్‌ సింగ్‌ జయంతి రోజున ఆయనను గుర్తు చేసుకోవడం అంటే కేవలం ఓ మాజీ ప్రధానికి, గొప్ప ఆర్థికవేత్తగా గుర్తుంచుకుని నివాళి ఇవ్వడం కాదు.. నేటి భారత ఆర్థిక వ్యవస్థ ఎలా ఇక్కడికి వచ్చిందో గుర్తు చేసుకోవడం కూడా.:::వెబ్‌ డెస్క్‌ ప్రత్యేకం

రియల్ ఎస్టేట్‌లో భారీ అపార్ట్‌మెంట్‌ కాంప్లెక్స్‌లు, కమర్షియల్‌ ప్రాపర్టీలు కొనుగోలు చేయాలని చాలామంది కలలు కంటుంటారని, అయితే పెద్ద డీల్‌ కోసం ఎదురుచూస్తూ ఉండటమే ఆర్థికంగా వెనుకబడటానికి కారణమవుతుందని ‘రిచ్‌ డాడ్‌ పూర్‌ డాడ్‌’ రచయిత రాబర్ట్‌ కియోసాకి పేర్కొన్నారు. చిన్న ప్రాపర్టీతో ప్రారంభించి, దాని ద్వారా అనుభవం సంపాదించుకుంటూ క్రమంగా ఆస్తుల పోర్ట్‌ఫోలియోను నిర్మించుకోవాలని సూచించారు.తాజాగా సోషల్‌ మీడియా వేదిక ఫేస్‌బుక్‌లో కియోసాకి ఈ విషయాలను ప్రస్తావించారు. చాలామంది పెద్ద అపార్ట్‌మెంట్‌ భవనాలు, కమర్షియల్‌ ప్రాపర్టీల గురించి ఆలోచిస్తూ.. పుస్తకాలు చదవడం, వీడియోలు చూడటం, సెమినార్లకు హాజరుకావడం ద్వారా ఏళ్ల తరబడి ‘సిద్ధమవుతూనే’ ఉంటారని ఆయన అన్నారు. అదే సమయంలో మూడేళ్ల క్రితం చిన్న డ్యూప్లెక్స్‌ ప్రాపర్టీ కొనుగోలు చేసిన వ్యక్తి ఇప్పటికే నాలుగు ప్రాపర్టీలకు యజమాని అయి ఉండొచ్చని పేర్కొన్నారు.మొదటి ఆస్తి.. నేర్చుకోవడం కోసంతొలి ప్రాపర్టీ వెంటనే పెద్ద సంపదను అందించాల్సిన అవసరం లేదని కియోసాకి అన్నారు. అది రియల్‌ ఎస్టేట్‌ నిర్వహణపై అవగాహన కల్పించే సాధనంగా ఉపయోగపడాలని వివరించారు. చిన్న ప్రాపర్టీతో ప్రారంభిస్తే పొరపాట్ల వల్ల కలిగే నష్టం కూడా పరిమితంగా ఉంటుందని పేర్కొన్నారు. అద్దెకు ఇచ్చిన ఇంటిని కిరాయిదారు దెబ్బతీస్తే ప్రాపర్టీ మేనేజ్‌మెంట్‌ గురించి, ఏసీ వంటి పరికరాలు పాడైతే నిర్వహణ ఖర్చుల కోసం బడ్జెట్‌ కేటాయింపు గురించి, నగర అధికారులు నిబంధనల ఉల్లంఘనపై నోటీసులు ఇస్తే కొనుగోలుకు ముందు తనిఖీలు, చట్టపరమైన అంశాల పరిశీలన గురించి నేర్చుకోవచ్చని చెప్పారు.అంతేకాకుండా, చిన్న ప్రాపర్టీ నుంచి వచ్చే నగదు ప్రవాహమే ఈ అనుభవాన్ని నేర్చుకునే ఖర్చును భరించగలదని కియోసాకి పేర్కొన్నారు. దీనికి భిన్నంగా మొదటి ప్రయత్నంలోనే భారీ ప్రాపర్టీ కొనుగోలు చేస్తే, ఒక్క పెద్ద తప్పిదం కూడా ఆర్థికంగా తీవ్ర నష్టాన్ని కలిగించే అవకాశం ఉందని వివరించారు. ముఖ్యంగా 20 యూనిట్ల భవనంలో అద్దెదారులకు సంబంధించిన సమస్యలు లేదా కొనుగోలుకు ముందు పరిశీలనలో గుర్తించని కీలక అంశాలు పెద్ద ఆర్థిక భారంగా మారవచ్చని అన్నారు.ఇదీ చదవండి: రూ.26 లక్షలకు కొన్న ఇంటికి రూ.42 లక్షల ఆఫర్‌!

భారత్‌లో యునైటెడ్ ఫోరమ్ ఆఫ్ బ్యాంక్ యూనియన్స్ (యూఎఫ్‌బీయూ) సెప్టెంబర్ 28 నుంచి 30 వరకు సమ్మెకు పిలుపునిచ్చింది. ఈ దేశవ్యాప్త బ్యాంకింగ్ సమ్మె ప్రభావం గల్ఫ్ దేశాల్లోని ఎన్ఆర్ఐలపై, ముఖ్యంగా యుఏఈ నుంచి భారత్‌కు పంపే రెమిటెన్స్‌లపై పడనుంది. సెప్టెంబర్ 30 నాటి అర్ధవార్షిక ఆర్థిక ముగింపు సమయానికే ఈ సమ్మె రావడం ప్రాధాన్యత సంతరించుకుంది.సమ్మె కారణంగా బ్యాంకు శాఖల ద్వారా జరిగే ప్రత్యక్ష లావాదేవీలకు విఘాతం కలగనుంది. యూఏఈ ఎక్స్ఛేంజ్ హౌస్‌ల ద్వారా జరిగే డిజిటల్ నిధుల బదిలీలు పనిచేసినప్పటికీ భారతదేశంలోని రిసీవ్‌ బ్యాంకుల వద్ద సిబ్బంది ప్రాసెసింగ్ అవసరమైన రెమిటెన్స్‌లు జాప్యం అయ్యే అవకాశముంది. ఎన్ఆర్ఐలు అత్యవసర నిధుల బదిలీల విషయంలో అప్రమత్తంగా ఉండాలని నిపుణులు హెచ్చరిస్తున్నారు.ఆదివారం ప్రత్యేక బ్యాంకింగ్సమ్మె వల్ల కస్టమర్లకు కలిగే అసౌకర్యాన్ని తగ్గించేందుకు భారత రిజర్వ్ బ్యాంక్ సత్వర చర్యలు చేపట్టింది. సెప్టెంబర్ 27 ఆదివారం నాడు ప్రభుత్వ బ్యాంకులు, ప్రాంతీయ గ్రామీణ బ్యాంకుల పరిధిలోని శాఖలు, కరెన్సీ చెస్ట్‌లను ఓపెన్‌లోనే ఉంటాయి. దీనివల్ల ఖాతాదారులు సమ్మెకు ముందే తమ అత్యవసర బ్యాంకింగ్ పనులను పూర్తి చేసుకునే అవకాశం లభించింది. ప్రైవేట్ బ్యాంకులు సమ్మెలో పాల్గొననప్పటికీ ఆదివారం వాటి పనివేళలపై సంబంధిత బ్యాంకు నిబంధనలను పరిశీలించాల్సి ఉంటుంది.దీనికితోడు, సెప్టెంబర్ 28 నుంచి 30 వరకు ఏటీఎంలపై విధించే పరిమితి దాటిన లావాదేవీల రుసుములను ఇండియన్ బ్యాంక్ వంటి పలు ప్రభుత్వ రంగ బ్యాంకులు తాత్కాలికంగా రద్దు చేశాయి. కస్టమర్లు ఏ ఇతర బ్యాంకు ఏటీఎం నుంచైనా ఎటువంటి అదనపు ఛార్జీలు లేకుండా ఉచితంగా నగదు ఉపసంహరించుకోవచ్చు.యూపీఐ, ఇంటర్నెట్, మొబైల్ బ్యాంకింగ్, ఏటీఎం సేవలు యథావిధిగా అందుబాటులో ఉంటాయని, పండుగ వేళ ముందస్తుగా కేంద్ర ప్రభుత్వ ఉద్యోగులు, పెన్షనర్లకు జీతాల చెల్లింపులకు మార్గం సుగమం చేశామని అధికారులు వెల్లడించారు. వీక్లీ ఐదు రోజులు బ్యాంకింగ్ అమలు చేయాలన్న ప్రధాన డిమాండ్‌తో బ్యాంకర్లు ఈ సమ్మెకు దిగుతున్నారు.ఇదీ చదవండి: ఆధార్ వ్యవస్థనే అబ్బురపరిచిన కవలలు

శ్రీసత్యసాయి జిల్లా: తమ డిమాండ్ల సాధనకు బ్యాంకు ఉద్యోగులు ఈ నెల 28వ తేదీ నుంచి మూడురోజుల పాటు సమ్మె చేస్తున్న నేపథ్యంలో ఖాతాదారులకు ఇబ్బందులు కలగకుండా ఈనెల 27న ఆదివారం బ్యాంక్‌ సేవలు అందుబాటులోకి తీసుకువచ్చినట్లు లీడ్‌ డి్రస్టిక్ట్‌ మేనేజర్‌ ఫణీంద్ర కుమార్‌ తెలిపారు. ఈ మేరకు శుక్రవారం ఆయన ఒక ప్రకటన విడుదల చేశారు. 26న నాలుగో శనివారం కావడంతో బ్యాంకులకు సెలవు ఉంటుందని, అలాగే యునైటెడ్‌ ఫోరం బ్యాంక్‌ యూనియన్స్‌ పిలుపు మేరకు ఈనెల 28 నుండీ 30వ తేదీ వరకు మూడు రోజుల పాటు బ్యాంక్‌ ఉద్యోగులు సమ్మె చేస్తున్న నేపథ్యంలో ప్రభుత్వరంగ, గ్రామీణ, సహకార బ్యాంకులు మూతపడనున్నాయన్నారు. అందువల్ల ఖాతాదారులు ఇబ్బందులు పడకుండా 27న ఆదివారం సాధారణ పనివేళల్లో బ్యాంక్‌ సేవలు అందించేలా చర్యలు తీసుకున్నామని ఎల్‌డీఎం పేర్కొన్నారు. బ్యాంకు ఖాతాదారులు ఈ సౌలభ్యాన్ని ఉపయోగించుకుని ఆర్థిక అవసరాలకు ఇబ్బందులు పడకుండా ముందస్తుగా చర్యలు తీసుకోవాలని సూచించారు. సెలవు, బ్యాంకు ఉద్యోగుల సమ్మె రోజుల్లోనూ ఏటీఎంలు, కాల్‌సెంటర్లు, ఆన్‌లైన్‌ బ్యాంకింగ్‌ పనిచేస్తాయన్నారు. ఇదీ చదవండి: రూ.26 లక్షలకు కొన్న ఇంటికి రూ.42 లక్షల ఆఫర్‌!

టీమిండియా మాజీ క్రికెటర్‌ వినోద్‌ కాంబ్లీ మరోసారి వార్తల్లోకి వచ్చాడు. గత కొంతకాలంగా అనారోగ్యంతో బాధపడుతున్న ఈ ముంబైకర్‌ ప్రస్తుతం వృద్ధాశ్రమంలో చేరినట్లు తెలుస్తోంది.వీడియో వైరల్‌థానెలోని ఓ పెద్దల కేర్‌ సెంటర్‌లో ఉన్న వినోద్‌ కాంబ్లీ అక్కడి నుంచి తన అభిమానులతో మాట్లాడుతున్నట్లుగా ఉన్న ఓ వీడియో వైరల్‌గా మారింది. కాగా టీమిండియా దిగ్గజ క్రికెటర్‌ సచిన్‌ టెండుల్కర్‌కు చిన్ననాటి స్నేహితుడైన వినోద్‌ కాంబ్లీ.. ముంబై తరఫున దేశీ క్రికెట్‌ ఆడాడు.ఈ క్రమంలో టీమిండియా తరఫున అరంగేట్రం చేసి 17 టెస్టులు, 104 వన్డేలు ఆడిన కాంబ్లీ.. టెస్టుల్లో 1084, వన్డేల్లో 2477 పరుగులు చేశాడు. టెస్టు క్రికెట్‌లో టీమిండియా తరఫున అత్యంత వేగంగా అంటే కేవలం 14 ఇన్నింగ్స్‌లోనే వెయ్యి పరుగుల మార్కు అందుకున్న ఆటగాడిగా ఇప్పటికీ కొనసాగుతున్నాడు.మాజీ క్రికెటర్ల ఆర్థిక సాయంఅయితే, వ్యక్తిగత దురలవాట్ల వల్ల వినోద్‌ కాంబ్లీ కెరీర్‌ నాశనం కావడంతో పాటు.. గత కొంతకాలంగా ఆరోగ్యం కూడా క్షీణిస్తోంది. ఈ క్రమంలో గతేడాది అతడు మూత్రనాళ ఇన్ఫెక్షన్‌తో పుణెలోని ఆస్పత్రిలో చేరగా.. మాజీ క్రికెటర్లు ఆర్థికంగా సాయం అందించారు. దీంతో మెరుగైన చికిత్స పొందిన కాంబ్లీ.. కోలుకున్న తర్వాత తాను మద్యపానం, ధూమపానం వంటి చెడు అలవాట్లు మానుకున్నట్లు తెలిపాడు.అయితే, ఇప్పటికీ యూరిన్‌ సమస్య ఉందని.. మూత్ర విసర్జనపై అదుపు ఉండటం లేదని కొంతకాలం క్రితం ఓ ఇంటర్వ్యూలో కాంబ్లీ తెలిపాడు. ఈ క్రమంలోనే అతడు థానెలోని ఓ ఎల్డర్లీ కేర్‌ సెంటర్‌లో ఉన్నట్లు వీడియో బయటకు రావడంతో అభిమానులు మరింతగా ఆందోళన చెందుతున్నారు.ఇక్కడ నాకు బాగుందిఇందులో 52 ఏళ్ల వినోద్‌ కాంబ్లీ మాట్లాడుతూ.. ‘‘నేను వినోద్‌ కాంబ్లీ.. ఇప్పుడు నేను నిదాన్‌లో ఉన్నాను. ఇక్కడ నాకు మంచి సౌకర్యాలు కల్పిస్తున్నారు. శుభ్రత విషయంలో ఎలాంటి రాజీ లేదు. ఫస్ట్‌క్లాస్‌ ట్రీట్‌మెంట్‌.ఇంటికి దూరంగా ఉన్నానన్న భావన లేదుఇంటికి దూరంగా ఉన్నానన్న భావన ఏమాత్రం కలగడం లేదు. ఇక్కడ చాలా మంది నన్ను ప్రేమగా చూసుకుంటున్నారు. ఇక్కడ నాతో పాటు చాలా మంది ఉన్నారు’’ అని చెప్పుకొచ్చాడు.ఈ నేపథ్యంలో కొన్నాళ్లపాటు ఈ కేర్‌ సెంటర్‌లో ఉండటానికి వెళ్లాడా? లేదంటే అతడి కుటుంబం శాశ్వతంగా అక్కడే ఉంచబోతుందా? అంటూ అభిమానులు సోషల్‌ మీడియా వేదికగా కామెంట్లు చేస్తున్నారు. మరికొందరేమో పూర్తిగా కోలుకునేంత వరకే కాంబ్లీ అక్కడ ఉంటాడని.. ఆలోపే సదరు కేర్‌ సెంటర్‌ ఈ వీడియో ద్వారా ప్రమోషన్‌ చేసుకుంటోందని విమర్శిస్తున్నారు. కాగా వినోద్‌ కాంబ్లీకి భార్య ఆండ్రియా హెవిట్‌, కుమారుడు జీసన్‌ క్రిస్టియానో కాంబ్లీ, కుమార్తె జొహానా ఉన్నారు. చదవండి: సచిన్‌తో అతడికి పోలికేంటి?: సెహ్వాగ్‌ఇదీ చదవండి: విడాకులకు సిద్ధమైన వినోద్‌ కాంబ్లీ భార్య.. ‘తల్లి’ మనసు కరిగి.. ఇలా...Vinod Kambli’s latest video, he is presently at an elderly care centre in Thane. Praying for his recovery soon. pic.twitter.com/6k1plg1aCl— Abhishek ✨ (@ImAbhishek7_) September 25, 2026

సాక్షి, హైదరాబాద్‌: ఓటర్ల జాబితా ప్రత్యేక సమగ్ర సవరణ (SIR)పై తెలంగాణ కాంగ్రెస్‌ పోరును మరింత ఉధృతం చేసింది. నిజామాబాద్‌లో టీపీసీసీ అధ్యక్షుడు మహేష్‌కుమార్‌ గౌడ్‌ కేంద్ర ఎన్నికల సంఘం తీరుపై తీవ్ర ఆరోపణలు చేశారు. బీజేపీకి అవసరమైన చోట ఓట్ల చోరీ జరుగుతోందని ఆరోపించిన ఆయన.. తన ఓటును కూడా తొలగించే కుట్ర జరిగిందని అన్నారు. సీఈసీ జ్ఞానేశ్‌కుమార్‌ను వెంటనే తొలగించాలని డిమాండ్‌ చేశారు. ఈ అంశంపై సోమవారం రాష్ట్రంలోని అన్ని జిల్లాల్లో కాంగ్రెస్‌ ఆధ్వర్యంలో భారీ నిరసనలు చేపడతామని ప్రకటించారు.టీపీసీసీ అధ్యక్షుడు మహేష్‌కుమార్‌ గౌడ్‌ తాజాగా ఓ కార్యక్రమంలో మాట్లాడారు. మహారాష్ట్ర, కర్ణాటకలో కాంగ్రెస్‌కు మెజారిటీ వస్తుంటే.. ఇతర రాష్ట్రాల్లో అదే పరిస్థితి ఎందుకు కనిపించడం లేదని ప్రశ్నించారు. ఒకే ప్రజలు ఓట్లు వేస్తున్నప్పుడు ఫలితాల్లో ఇంత వ్యత్యాసం ఎలా వస్తుందని ప్రశ్నిస్తూ.. బీజేపీ ఏ రాష్ట్రంలో గెలవాలనుకుంటే అక్కడే గెలుస్తోందన్న అనుమానాలు వ్యక్తం చేశారు. సర్‌ ప్రక్రియలో ఓట్ల తొలగింపు జరుగుతోందన్నది వాస్తవమని ఆయన ఆరోపించారు. అయితే దీనిని యాంత్రికంగా రుజువు చేయలేకపోవచ్చని అన్నారు. సర్‌పై యువతలో ఆందోళన ఉందని, అందుకే జెన్‌జీ తరహా నిరసనలు రోడ్లపైకి వస్తున్నాయని వ్యాఖ్యానించారు.తెలంగాణ కాంగ్రెస్‌ గతంలోనూ సర్‌ ప్రక్రియలో 2002 ఓటర్ల జాబితాతో లింక్‌ చేసే నిబంధనపై అభ్యంతరం వ్యక్తం చేసింది. సీఈసీ జ్ఞానేశ్‌కుమార్‌ను వెంటనే తొలగించాలని డిమాండ్‌ చేస్తున్నాం. ఆయన ఒక రాజకీయ పార్టీకి మారాడన్న కారణంగానే సమస్య వస్తోందని ఆరోపించారు. సీఈసీ వ్యవహారంపై కాంగ్రెస్‌ ఇప్పటికే దేశవ్యాప్తంగా నిరసనలకు పిలుపునిచ్చిన నేపథ్యంలో తెలంగాణలోనూ ఈ ఆందోళనలను చేపట్టనున్నట్టు తెలిపారు. తనకు పదిసార్లు ఓటు వేసిన నిజామాబాద్‌లోనే తన ఓటును తొలగించేందుకు కుట్ర చేశారని ఆరోపించారు. కుట్రపూరితంగా నోటీసులు ఇచ్చారని అన్నారు. లౌకికవాదుల ఓట్లను తొలగించే ప్రక్రియ జరుగుతోందని ఆరోపించారు. రాహుల్‌గాంధీ, మల్లికార్జున ఖర్గే కలిసి సీఈసీపై అవిశ్వాస తీర్మానానికి మద్దతు కూడగట్టే ప్రయత్నం చేస్తున్నారని తెలిపారు. ఈ విషయంలో విజయం సాధిస్తామని ధీమా వ్యక్తం చేశారు. ఇదీ చదవండి: టార్గెట్‌ కొండా సురేఖ.. పట్టుబిగిస్తున్న మంత్రి సీతక్క!

కాకినాడ: రైల్వే రక్షక దళం (ఆర్‌పీఎఫ్‌) పోలీసులు ఓ యువకుడిని రైల్వే ట్రాక్‌పై కొట్టుకుంటూ నడిపించుకుని తీసుకెళ్లిన ఘటన విమర్శలకు దారి తీసింది. వివరాలివీ.. ల్యాప్‌టాప్‌లు దొంగిలిస్తున్నాడనే ఆరోపణలపై ఆ యువకుడిని సామర్లకోట రైల్వే స్టేషన్‌లో ఆర్‌పీఎఫ్‌ సిబ్బంది శుక్రవారం పట్టుకున్నారు. అతడిని స్టేషన్‌లో రైల్వే ట్రాక్‌పై కొట్టుకుంటూ నడిపించుకుని తీసుకెళ్లి, ప్రభుత్వ రైల్వే పోలీసుల(జీఆర్‌పీ)కి అప్పగించారు. ప్లాట్‌ఫారంపై అందరూ చూస్తూండగానే ఈ సంఘటన జరిగింది. దీనికి సంబంధించిన వీడియో సామాజిక మాధ్యమాల్లో రావడం చర్చనీయాంశంగా మారింది. తమ కళ్ల ముందే ఆ యువకుడిని ఆవిధంగా తరలించడంపై ప్రయాణికుల నుంచి పెద్ద ఎత్తున విమర్శలు వచ్చాయి. ఏ తప్పు చేసినప్పటికీ ఆ యువకుడిని ఇలా ట్రాక్‌పై నడిపిస్తూ, కొట్టడం సరికాదని ప్రయాణికులు అంటున్నారు. సామాన్య ప్రయాణికులు ట్రాక్‌పై నడిస్తే రూ.500 జరిమానా వేసిన ఆర్‌పీఎఫ్, ఇప్పుడు తామే ట్రాక్‌పై ఓ వ్యక్తిని ఈడ్చుకుంటూ తీసుకెళ్లడాన్ని పలువురు తప్పు పట్టారు. ఇది ప్రయాణికుల భద్రత నిబంధనలకు విరుద్ధమని, ఆ సమయంలో రైలు వస్తే ప్రమాదం జరిగే అవకాశం ఉంటుందని అంటున్నారు. ల్యాప్‌టాప్‌లు దొంగిలిస్తున్న యువకుడిని అదుపులో తీసుకున్నామని, దీనిపై విచారణ కొనసాగుతుందని రైల్వే పోలీసులు చెప్పారు.ఇదీ చదవండి: వియత్నాం పర్యటనకు ఇంగ్లిష్‌ టీచర్‌ శిరీష

ఖమ్మం: వియత్నాం దేశంలో బోధన, విద్యావ్యవస్థ పనితీరును పరిశీలించేందుకు రాష్ట్రం నుంచి ఉపాధ్యాయులు, అధికారులతో కూడిన 32మంది బృందం వెళ్లనుంది. ఈ బృందంలో జిల్లా నుంచి ఇద్దరు ఉపాధ్యాయులకు స్థానం దక్కింది. కల్లూరు మండలం చెన్నూరు జిల్లా పరిషత్‌ ఉన్నత పాఠశాల ఇంగ్లిష్‌ ఉపాధ్యాయురాలు దిగుమర్తి శిరీష, సింగరేణి మండలం పేరుపల్లి ప్రభుత్వ పాఠశాల ఉపాధ్యాయుడు డి.జయరాజు ఇందులో ఉన్నారు. ఈ బృందం సభ్యులు అక్టోబర్‌ 10నుంచి 17వ తేదీ వరకు వియత్నాం పర్యటించి అక్కడ బోధన, పాఠశాలల నిర్వహన, పరీక్షలు నిర్వహించే పద్ధతి తదితర అంశాలను పరిశీలించి ప్రభుత్వానికి నివేదిక సమర్పిస్తారు.

ఉద్యోగం కోసం ఇంటర్వ్యూకి వెళ్తున్నారా? అయితే దుస్తులు, రెజ్యూమ్‌, మాట తీరు.. ఇలా అన్నింటిపైనా జాగ్రత్త పడతాం. కానీ చేతిలో ఉన్న కాఫీ కప్పు కూడా మనపై ఓ అభిప్రాయం కలిగిస్తుందని ఎప్పుడైనా ఆలోచించారా? ముఖ్యంగా ఐస్‌డ్‌ కాఫీతో ఇంటర్వ్యూకి వెళ్లడం సరైనదేనా? ప్రస్తుతం సోషల్‌ మీడియాలో ఇదే అంశంపై చర్చ జరుగుతోంది.అమెరికాకు చెందిన రిక్రూటర్‌ కైట్లిన్‌ వెహ్నియానెన్‌ ఈ అంశంపై చేసిన ఓ టిక్‌టాక్‌ వీడియో వైరల్‌గా మారింది. ఇంటర్వ్యూకి ఐస్‌డ్‌ కాఫీతో రావడం.. ఆ అభ్యర్థి ఉద్యోగాన్ని పెద్దగా సీరియస్‌గా తీసుకోవడం లేదనే భావన కలగవచ్చని ఆమె పేర్కొన్నారు. రోజువారీ పనుల్లో ఇదీ ఒక పని అన్నట్టుగా కనిపించే అవకాశం ఉందని చెప్పారు. దీంతో ‘గ్రేట్‌ ఐస్‌డ్‌ కాఫీ డిబేట్‌–2026’ అంటూ సోషల్‌ మీడియాలో చర్చ మొదలైంది.అయితే దీనిపై భిన్నాభిప్రాయాలు వ్యక్తమవుతున్నాయి. కొందరి అభిప్రాయం ప్రకారం.. ఇంటర్వ్యూకి ఐస్‌డ్‌ కాఫీ, ఐస్‌డ్‌ మాచా వంటి పానీయాలు చేతిలో పట్టుకుని రావడం అనేది అభ్యర్థి ఉద్యోగాన్ని అంత సీరియస్‌గా తీసుకోవడం లేదనే భావన కలగవచ్చునని అంటున్నారు. మరికొందరు మాత్రం అభ్యర్థి చేతిలో ఏ పానీయం ఉందన్నదానికంటే ఇంటర్వ్యూలో అతడు ఏం మాట్లాడుతున్నాడు, తన నైపుణ్యాలను ఎలా చూపిస్తున్నాడన్నదే ముఖ్యమని చెబుతున్నారు. లండన్‌కు చెందిన కొందరు యువ ఉద్యోగులు కూడా ఇదే అభిప్రాయాన్ని వ్యక్తం చేశారు. అలాగే, కాఫీ తీసుకెళ్లడంలో వ్యక్తిత్వం కనిపించే అవకాశం కూడా ఉందని మరికొందరు అంటున్నారు.ఉద్యోగ నియామక నిపుణులు చెబుతున్నదేమిటంటే.. ఐస్‌డ్‌ కాఫీ ఒక్కటే అభ్యర్థి సామర్థ్యాన్ని అంచనా వేసే ప్రమాణం కాదు. అలాగే, వాటర్‌ బాటిల్‌, కాఫీ లేదా నోట్‌బుక్‌ వంటి చిన్న విషయాల ఆధారంగా అభ్యర్థిపై వెంటనే ఓ నిర్ణయానికి రావద్దని వారు సూచిస్తున్నారు. ఉద్యోగానికి అవసరమైన నైపుణ్యాలు, అనుభవం, ప్రవర్తన ముఖ్యమని చెబుతున్నారు. అయితే ఇంటర్వ్యూకి వెళ్లే ముందు సంస్థ, ఉద్యోగం, ఇంటర్వ్యూ చేసే వ్యక్తి గురించి తెలుసుకోవడం, సమయానికి చేరుకోవడం, ముందుగానే సిద్ధం కావడం మాత్రం చాలా అవసరమని అంటున్నారు.ప్రస్తుతం యువతకు ఉద్యోగం దొరకడం అంత సులభంగా లేదు. బ్రిటన్‌, అమెరికా వంటి దేశాల్లోనూ ఎంట్రీ లెవల్‌ ఉద్యోగాల విషయంలో పోటీ పెరిగింది. ఇలాంటి సమయంలో ఇంటర్వ్యూలో ప్రతి చిన్న విషయం గురించి ఆలోచించాల్సిన అవసరం లేకపోయినా.. మనం ఇచ్చే మొదటి అభిప్రాయం మాత్రం ముఖ్యమే. అందుకే కాఫీ ఐస్‌డ్‌దా.. హాట్‌దా అన్నదానికంటే, మన మాట తీరు, సమయపాలన, పద్ధతి, ఉద్యోగంపై ఉన్న ఆసక్తిని చూపించడమే అసలైన విషయం.ఇదీ చదవండి: ప్రపంచ వేదికపై ముంబై తాజ్‌!

మోకోక్‌చుంగ్: నాగాలాండ్‌లో కల్తీ మద్యం తీవ్ర విషాదాన్ని మిగిల్చింది. కల్తీ చేసిన మద్యం తాగి.. రెండు జిల్లాల్లో రెండు రోజుల్లో 19 మంది మృతి చెందారు. ఈ ఘటనలపై పోలీసులు ప్రత్యేక దర్యాప్తు బృందాన్ని ఏర్పాటు చేసి, మద్యం సరఫరా దారులను పట్టుకునే పనిలో పడ్డారు. 3,000 మద్యం బాటిళ్లను స్వాధీనం చేసుకున్నారు. పోలీసులు తెలిపిన వివరాల వివరాల ప్రకారం.. మోకోక్‌చుంగ్ జిల్లాలో 8 మంది, ట్యూన్‌సాంగ్ జిల్లాలో 11 మంది కల్తీ మద్యం తాగిన తర్వాత మృతి చెందారు. ఈ మరణాలు గత రెండు రోజుల్లో చోటుచేసుకున్నాయి. మృతులకు సంబంధించిన పూర్తి వివరాలను అధికారులు సేకరిస్తున్నారు.ఈ ఘటనపై అదనపు ఎస్పీ ఐ బుంగ్‌లాంగ్ చాంగ్ నేతృత్వంలో ప్రత్యేక దర్యాప్తు బృందాన్ని ఏర్పాటు చేసినట్లు సీనియర్ ఎస్పీ వెసుప్రా కెజో తెలిపారు. కల్తీ మద్యం ఎక్కడి నుంచి వచ్చింది? ఎవరు సరఫరా చేశారు? అనే అంశాలపై అధికారులు దర్యాప్తు చేస్తున్నారు. సరఫరా వ్యవస్థకు సంబంధించిన కొన్ని ఆధారాలు లభించాయని, అయితే ఇప్పుడే పూర్తి వివరాలు వెల్లడించడం తొందరపాటు అవుతుందని పోలీసులు తెలిపారు.మరణాలకు అసలు కారణాన్ని నిర్ధారించేందుకు మద్యం నమూనాలను గౌహతికి పంపించారు. అక్కడ ఫోరెన్సిక్ పరీక్షలు నిర్వహించనున్నారు. పరీక్షల నివేదికలు వచ్చిన తర్వాత మృతుల మరణాలకు కల్తీ మద్యం కారణమైందా అనే అంశంపై మరింత స్పష్టత వచ్చే అవకాశం ఉంది. మరణాల నేపథ్యంలో నాగాలాండ్ పోలీసులు పలు ప్రాంతాల్లో దాడులు నిర్వహించారు. ఈ కేసుకు సంబంధించి ఇప్పటివరకు 19 మందిని అరెస్టు చేసినట్లు అధికారులు తెలిపారు. దాదాపు 3,000 మద్యం బాటిళ్లను కూడా స్వాధీనం చేసుకున్నారు. మద్యం ఎక్కడి నుంచి వచ్చింది, దాని వెనుక ఉన్న సరఫరా నెట్‌వర్క్ ఏమిటన్న దానిపై దర్యాప్తు కొనసాగుతోంది.నాగాలాండ్‌లో 1990 నుంచి మద్యనిషేధ చట్టం అమల్లో ఉన్నప్పటికీ ఈ ఘటన చోటుచేసుకోవడం గమనార్హం. గుర్తుతెలియని, లేబుల్ లేని లేదా అనుమానాస్పద మద్యాన్ని ఎట్టి పరిస్థితుల్లోనూ సేవించవద్దని పోలీసులు ప్రజలను హెచ్చరించారు. మద్యం సేవించిన తర్వాత తల తిరగడం, చూపు మసకబారడం, శ్వాస తీసుకోవడంలో ఇబ్బంది లేదా స్పృహ కోల్పోవడం వంటి లక్షణాలు కనిపిస్తే వెంటనే వైద్యుని సహాయం తీసుకోవాలని సూచించారు.

న్యూఢిల్లీ: భారతీయ వంటకాల్లో వెల్లుల్లికి ప్రత్యేక స్థానం ఉంది. చట్నీలు, తాలింపులు, మసాలా పేస్టులు ఇలా ఎన్నో రకాల వంటకాల్లో వెల్లుల్లిని విరివిగా ఉపయోగిస్తారు. అయితే దేశంలో ఓ ప్రాంతంలో వెల్లుల్లి సాధారణ పంట మాత్రమే కాదు.. అక్కడి రైతుల ఆర్థిక వ్యవస్థతో, ప్రాంతం గుర్తింపుతో ముడిపడిపోయింది. అదే మధ్యప్రదేశ్‌లోని మంద్‌సౌర్. దీనినే ‘భారత్‌లో వెల్లుల్లి నగరం’ గా పిలుస్తారు.వెల్లుల్లి నగరంగా మంద్‌సౌర్మధ్యప్రదేశ్‌లోని మంద్‌సౌర్‌ జిల్లాను కేంద్ర ప్రభుత్వ వన్ డిస్ట్రిక్ట్ వన్ ప్రొడక్ట్ కార్యక్రమంలో భాగంగా ఇక్కడ వెల్లుల్లిని ఉత్పత్తిని ప్రోత్సహిస్తోంది. దీంతో ఈ పంట స్థానిక రైతులకు కీలక ఆదాయ వనరుగా మారింది. మంద్‌సౌర్‌లో పండించే వెల్లుల్లికి ఘాటైన రుచి, వాసన, మంచి నాణ్యత ఉంటాయని చెబుతారు. ఇక్కడి నేల, వాతావరణ పరిస్థితులు వెల్లుల్లి సాగుకు అనుకూలంగా ఉండటంతో పంటకు మంచి డిమాండ్‌ ఉంది. కొన్ని స్థానిక రకాల వెల్లుల్లిని ఎక్కువ కాలం నిల్వ చేసుకునే అవకాశం కూడా ఉంటుంది.మధ్యప్రదేశ్ దేశంలోని ప్రముఖ వెల్లుల్లి ఉత్పత్తి రాష్ట్రాల్లో మధ్యప్రదేశ్‌ ఒకటి. అందులో మంద్‌సౌర్ కీలక సాగు ప్రాంతంగా ఉంది. జిల్లాలో విస్తృతంగా వెల్లుల్లి సాగు జరుగుతుండటంతో ఈ పంట స్థానిక వ్యవసాయ ఆర్థిక వ్యవస్థలో ముఖ్యమైన పాత్ర పోషిస్తోంది. మంద్‌సౌర్ వెల్లుల్లిని పంటగా మాత్రమే విక్రయించరు. వెల్లుల్లి పొడి, వెల్లుల్లి నూనె, పేస్ట్, ఊరగాయలు, డీహైడ్రేటెడ్ ఫ్లేక్స్ వంటి ఉత్పత్తులను కూడా తయారు చేస్తారు. దీంతో రైతులు, వ్యాపారులకు కూడా వాణిజ్యపరమైన అవకాశాలు పెరుగుతున్నాయి.ఇదీ చదవండి: 21 గంటల ఊరేగింపు.. కడలికేగిన లాల్‌బాగ్చా రాజా

ప్రపంచవ్యాప్తంగా ఎలక్ట్రిక్‌ వాహనాల వాడకం విస్తృతంగా పెరిగింది. ముఖ్యంగా రోజువారీ వినియోగానికి అనువుగా ఉండే వాహనాలకు ఆదరణ ఎక్కువగా ఉంటోంది. దీన్ని దృష్టిలో పెట్టుకుని కార్ల తయారీ సంస్థ నిస్సాన్‌ ఓ బుల్లి ఎలక్ట్రిక్‌ కారును ఆవిష్కరించింది. ‘పిక్సో’ పేరుతో తీసుకొచ్చిన ఈ ఎ-సెగ్మెంట్‌ కారు 27.5 కిలోవాట్ల ఎల్‌ఎఫ్‌పీ బ్యాటరీతో ఒక్కసారి పూర్తిగా ఛార్జ్‌ చేస్తే గరిష్ఠంగా 259 కిలోమీటర్ల వరకు ప్రయాణించగలదని కంపెనీ తెలిపింది.రెనాల్ట్‌తో భాగస్వామ్యంతో అభివృద్ధి చేసిన పిక్సోను నిస్సాన్‌ డిజైన్‌ చేసింది. స్లోవేనియాలోని రెనాల్ట్‌ నోవో మెస్టో ప్లాంట్‌లో ఈ కారును తయారు చేయనున్నారు. 2027 ప్రారంభంలో యూరప్‌ మార్కెట్లలో వినియోగదారులకు డెలివరీలు ప్రారంభం కానున్నాయి.ఈ పిక్సో కారు పొడవు 3,796 మిల్లీమీటర్లు, వెడల్పు 1,790 మిల్లీమీటర్లు, వీల్‌బేస్‌ 2,492 మిల్లీమీటర్లు. 9.9 మీటర్ల టర్నింగ్‌ సర్కిల్‌తో ఇరుకైన నగర రహదారుల్లో సులభంగా మలుపులు తీసుకునేలా దీన్ని రూపొందించారు. క్యాబిన్‌ నలుగురికి సరిపోతుంది. వెనుక సీట్లను అవసరానికి అనుగుణంగా ముందుకు, వెనక్కు జరుపుకోవచ్చు.కారు చిన్నదే అయినా ఇందులో ఫీచర్లు మాత్రం అదుర్స్‌ అంటోంది కంపెనీ. లోపల 7 అంగుళాల డిజిటల్‌ డ్రైవర్‌ డిస్‌ప్లేతో పాటు 10 అంగుళాల టచ్‌స్క్రీన్‌ ఇన్ఫోటైన్‌మెంట్‌ వ్యవస్థ ఉంది. గూగుల్‌ బిల్ట్‌-ఇన్‌ సేవలు, గూగుల్‌ జెమిని, మైనిస్సాన్‌ యాప్‌, డ్రైవర్‌ గుర్తింపు కోసం ఫేస్‌ ఐడీ వంటి సాంకేతికతలను నిస్సాన్‌ అందిస్తోంది.అడ్వాన్స్‌డ్‌ డ్రైవర్‌ అసిస్టెన్స్‌ ఫీచర్లలో అడాప్టివ్‌ క్రూయిజ్‌ కంట్రోల్‌, లేన్‌ కీపింగ్‌ సిస్టమ్‌, ఆటోమేటెడ్‌ ఎమర్జెన్సీ బ్రేకింగ్‌, హ్యాండ్స్‌-ఫ్రీ పార్కింగ్‌ ఉన్నాయి.పిక్సోలో 60 కిలోవాట్ల గరిష్ఠ సామర్థ్యం కలిగిన ఎలక్ట్రిక్‌ మోటార్‌ను ఉపయోగించారు. 50 కిలోవాట్ల డీసీ ఫాస్ట్‌ ఛార్జింగ్‌ సదుపాయంతో బ్యాటరీని 15 నుంచి 80 శాతం వరకు సుమారు 28 నిమిషాల్లో ఛార్జ్‌ చేయవచ్చు. 11 కిలోవాట్ల ద్విముఖ ఏసీ ఛార్జింగ్‌ సదుపాయం కూడా ఉంది. అంటే అవసరాన్ని బట్టి వాహనం నుంచి ఇతర పరికరాలు లేదా విద్యుత్‌ వ్యవస్థలకు కూడా పవర్‌ను అందించే అవకాశం ఉంటుంది.వండర్‌ పర్పుల్, గేర్‌ బ్లూ వంటి రంగుల్లో బ్లాక్‌ కలర్‌ డీటెయిల్స్‌తో ఈ కారు లభిస్తుంది. ఇంతకీ ఈ కారు ధరంతో చెప్పలేదు కదా.. కారు ధరను కంపెనీ కూడా ప్రకటించలేదు. ధర, మార్కెట్‌ ఆధారిత ఫీచర్లు, ముందస్తు బుకింగ్‌ వివరాలను వచ్చే డిసెంబర్‌ నుంచి వెల్లడిస్తామని నిస్సాన్‌ ప్రకటించింది.ఇదీ చదవండి: 100% ఇథనాల్‌ కారు.. లాంచ్‌ ఎప్పుడో చెప్పేసిన గడ్కరీ

ఏషియన్‌ గేమ్స్‌ 2026లో స్వర్ణ పతకం గెలిచిన మహిళల కబడ్డీ జట్టుకు వైఎస్సార్‌సీపీ అధినేత వైఎస్‌ జగన్‌మోహన్‌రెడ్డి అభినందనలు తెలిపారు. ఫైనల్లో ఇరాన్‌పై ఉత్కంఠభరిత విజయంతో స్వర్ణం గెలిచి దేశం గర్వించేలా చేశారని ప్రశంసించారు. Heartiest congratulations to India’s women’s kabaddi team on winning gold at the #AsianGames2026! Your thrilling victory over Iran has made the entire nation proud. From Sanju Devi’s outstanding contribution to the team’s composure in the closing minutes, every player showed… pic.twitter.com/9uRPo94w0h— YS Jagan Mohan Reddy (@ysjagan) September 26, 2026సంజు దేవి అద్భుత ప్రదర్శనతో పాటు చివరి నిమిషాల్లో జట్టు ప్రదర్శించిన సమయస్ఫూర్తి ఆకట్టుకుందని కొనియాడారు. దేశంలోని మరింత మంది యువతులు క్రీడల వైపు అడుగులు వేయడానికి ఈ విజయం స్ఫూర్తినివ్వాలని ఆకాంక్షించారు.కాగా, హోరాహోరీగా సాగిన ఫైనల్లో భారత్‌ ఇరాన్‌ను 37-34తో ఓడించి, వరుసగా రెండో ఆసియా క్రీడల్లో ఛాంపియన్‌గా నిలిచింది. ఓవరాల్‌గా ఆసియా క్రీడల మహిళల కబడ్డీలో భారత్‌కు ఇది నాలుగో స్వర్ణం.మరోవైపు ఇవాళే పురుషుల కబడ్డీ జట్టు కూడా ఇరాన్‌తో స్వర్ణం​ కోసం పోటీపడనుంది.మహిళల కబడ్డీలో పతకంతో భారత్‌ ఖాతాలో మూడో స్వర్ణం, మొత్తంగా 27వ పతకం చేరింది. ప్రస్తుతం భారత్‌ పతకాల పట్టికలో 12వ స్థానంలో కొనసాగుతోంది. చైనా 169 పతకాలతో అగ్రస్థానంలో దూసుకుపోతుంది. ఇదీ చదవండి: ఏషియన్‌ గేమ్స్‌లో భారత్‌కు మరో గోల్డ్‌

సాక్షిప్రతినిధి, వరంగల్‌: రాష్ట్ర పంచాయతీరాజ్, గ్రామీణాభివృద్ధి శాఖ మంత్రి ధనసరి సీతక్క ఉమ్మడి వరంగల్‌పై ప్రత్యేక దృష్టి సారించారా? అన్న చర్చ మొదలైంది. ప్రధానంగా ములుగు నియోజకవర్గ అభివృద్ధిపైనే దృష్టి సారిస్తూ వస్తున్న మంత్రి.. శుక్రవారం తొలిసారిగా ఉమ్మడి ఖమ్మంతోపాటు వరంగల్‌ జిల్లాల అధికారులతో హనుమకొండ ఐడీఓసీ వేదికగా సమీక్ష నిర్వహించడం ఆసక్తికరంగా మారింది.సమీక్షలో పంచాయతీరాజ్, గ్రామీణాభివృద్ధి, ఎల్‌నినో, వీబీ–జీ రామ్‌జీ, ఆర్‌డబ్ల్యూఎస్, హ్యామ్‌ రోడ్లపై మంత్రి చర్చించారు. కొండా సురేఖ మంత్రివర్గం నుంచి ఈ నెల 3న బర్తరఫ్‌ అయిన విషయం తెలిసిందే. దీంతో ప్రస్తుతం ఉమ్మడి వరంగల్‌నుంచి కేబినెట్‌లో సీతక్క ఒక్కరే మంత్రిగా ఉన్నారు. ఈ నేపథ్యంలో తొలిసారిగా అధికార యంత్రాంగంతో మంత్రి నిర్వహించిన సమీక్షకు ప్రాధాన్యం ఏర్పడింది.ఉమ్మడి జిల్లాల అధికారులతో తొలి సమీక్ష.. పనుల పురోగతిపై ఆరా..కాంగ్రెస్‌ ప్రభుత్వం ఏర్పడిన తర్వాత మంత్రిగా బాధ్యతలు చేపట్టిన సీతక్క.. తొలిసారిగా ఒక్కరే ఉమ్మడి జిల్లాల అధికారులతో శుక్రవారం హనుమకొండ ఐడీఓసీలో సమీక్ష నిర్వహించడం.. పంచాయతీరాజ్, గ్రామీణాభివృద్ధి పనుల పురోగతి, పెండింగ్‌ పనులు, నిధుల వినియోగం, గ్రామీణ మౌలిక వసతులు, ప్రభుత్వ పథకాల అమలు తదితర అంశాలపై ఆరా తీయడం ప్రాధాన్యంసంతరించుకుంది. ఉమ్మడి జిల్లాల అధికార యంత్రాంగంతో నేరుగా సమన్వయం చేసుకునేలా ఈ సమావేశం సాగినట్లు అధికార వర్గాలు కూడా చెబుతున్నాయి. శుక్రవారం నిర్వహించిన సమీక్షతోనే ఈ ప్రక్రియ ముగుస్తుందా? లేక ఇకపై వరుస సమీక్షలు కొనసాగుతాయా? అన్నది ఆసక్తికరంగా మారింది. అభివృద్ధి, సంక్షేమ కార్యక్రమాలపై పర్యవేక్షణకు ప్రాధాన్యం ఇస్తున్న సీతక్క.. ఇక ఉమ్మడి జిల్లా వ్యవహారాల్లో మరింత చురుగ్గా వ్యవహరించే అవకాశం ఉందనే చర్చ రాజకీయ వర్గాల్లో సాగుతోంది. ఇదీ చదవండి: బీఆర్‌ఎస్‌ బిగ్‌ ప్లాన్‌

గత కొంతకాలంగా ‘తెలుగు సినీ డ్యాన్సర్స్ అసోసియేషన్’లో వరుస వివాదాలు కొనసాగుతున్నాయి. డ్యాన్సర్స్ అసోసియేషన్ అధ్యక్షురాలిగా ఉన్న సుమలత(జానీ మాస్టర్‌ సతీమణి)ను పదవి నుంచి తొలగిస్తూ.. ప్రస్తుత కార్యవర్గాన్ని ఫెడరేషన్ రద్దు చేసిన సంగతి తెలిసిందే. ఈ క్రమంలో సుమలత, రఘు మాస్టర్ వర్గాల మధ్య విభేదాలు మరింత ముదిరాయి. తనను అసభ్య పదజాలంతో దూషించారంటూ సుమలత పోలీస్ స్టేషన్‌లో ఫిర్యాదు చేయడంతో వివాదం మరింత చర్చనీయాంశమైంది. తాజాగా ఈ వ్యవహారంపై డ్యాన్సర్స్ అసోసియేషన్ ప్రెసిడెంట్ రఘు మాస్టర్ స్పందించారు. శనివారం ఫిల్మ్ ఛాంబర్‌లో మీడియా సమావేశం నిర్వహించిన ఆయన.. అసోసియేషన్‌లో జరుగుతున్న పరిణామాలపై మాట్లాడూతూ..సుమలతపై పలు ఆరోపణలు చేశాడు.‘డ్యాన్సర్స్ అసోసియేషన్‌లో దాదాపు 600 మంది డ్యాన్సర్లు ఉన్నారు, అయితే అందులో నలుగురు వ్యక్తుల వల్లే సమస్యలు వస్తున్నాయి. నాలుగు అవినీతి ఎలుకల కోసం ఇల్లు తగలబెట్టాలా? అసోసియేషన్ అధ్యక్షురాలిగా ఉన్న సుమలత కొంతమందికి మద్దతు ఇస్తూ వ్యవహరించడం వల్లే సమస్యలు మరింత పెరుగుతున్నాయి. ఇప్పుడు అసోసియేషన్‌ను లేకుండా చేయడానికి కొందరు ప్రయత్నిస్తున్నారు. అందుకే సీనియర్స్‌గా తాము బయటకు వచ్చి మాట్లాడాల్సి వస్తోంది.ఫెడరేషన్ తమకు తల్లి లాంటిది. ఫెడరేషన్ అనుకూలంగా ఉంటే ఒకలా, అనుకూలంగా లేకపోతే మరోలా వ్యవహరించడం సరికాదు.మొన్న జరిగిన జనరల్ బాడీ సమావేశంలో సుమలత వర్గానికి చెందిన కొందరు మాట్లాడుతున్న సభ్యుల నుంచి మైక్ లాక్కున్నారు. అధ్యక్షురాలి హోదాలో ఉన్న సుమలత వారిని నియంత్రించాల్సిందిపోయి, వారినే సమర్థిస్తే ఎలా? అసోసియేషన్‌లో జరుగుతున్న పరిణామాలపై మాట్లాడేందుకు చాలామంది డ్యాన్సర్లు భయపడుతున్నారు. అందుకే సీనియర్స్‌గా తాము మాట్లాడుతున్నాం. యూనియన్‌కు సమస్య వచ్చినప్పుడు మేము కచ్చితంగా స్పందిస్తాం. ఇటీవల జరిగిన బాడీ మీటింగ్‌లో సుమలత మినిట్స్ బుక్‌ను తీసుకునేందుకు ప్రయత్నించారు. అక్కడ గొడవ జరుగుతుందనే ఉద్దేశంతో మేము వెళ్తే, మా పేర్లు పెట్టి సుమలత కేసులు పెట్టారు.అయినా భయపడేది లేదు. సభ్యుల నిర్ణయం మేరకు అక్టోబర్ 11న ఎన్నికలకు వెళ్తున్నాం. అసోసియేషన్‌లో నెలకొన్న సమస్యలకు ఎన్నికల ద్వారా పరిష్కారం లభిస్తుంది’ అని రఘు మాస్టర్‌ అన్నారు.

సాక్షి, విజయవాడ: డీఎస్సీ నిరసన సందర్భంగా వైఎస్సార్‌సీపీ నేతలు, కార్యకర్తలపై నమోదు చేసిన కేసుల్ని ఎత్తేయాలని ఆ పార్టీ నేతలు నగర పోలీస్‌ కమిషనర్‌ను కలిశారు. ఉమ్మడి కృష్ణా, గుంటూరు జిల్లాలకు చెందిన వైఎస్సార్‌సీపీ నాయకులు బృందాలుగా శుక్రవారం విజయవాడ పోలీస్‌ కమిషనరేట్‌కు వెళ్లి.. సీపీ రాజశేఖర్‌బాబుకు తమ వద్ద ఉన్న ఆధారాలతో వినతిపత్రం అందించారు. డీఎస్సీ ఆందోళనలో జరిగిన ఘటనలకు సంబంధం లేని వారిపైనా కేసులు పెట్టారని ఈ సందర్భంగా వారు సీపీ దృష్టికి తీసుకెళ్లారు.ఫిర్యాదు అనంతరం మాజీ మంత్రి, గుంటూరు వైఎస్సార్‌సీపీ జిల్లా అధ్యక్షుడు అంబటి రాంబాబు మీడియాతో మాట్లాడారు. డీఎస్సీ నిరసన సమయంలో వైఎస్సార్‌సీపీ నేతలపై పోలీసులు మితిమీరిన చర్యలకు పాల్పడ్డారని అన్నారాయన. ‘అక్రమ కేసుల వ్యవహారంపై సీపీని కలిసేందుకు వచ్చాం. మా నేతలు లెక్కలేనంత మందిపై కేసులు బనాయించారు. ఎక్కడికి రావాలో చెబితే అక్కడికి వచ్చిన విచారణకు హాజరవుతామని, అంతేగానీ ఇళ్ల మీదకు రావొద్దని విజ్ఞప్తి చేస్తూ పోలీసులకు ఓ వినతి పత్రం ఇవ్వాలనుకుంటున్నాం అని అంబటి వ్యాఖ్యానించారు.‘‘విజయవాడలో మల్లాది విష్ణు ధర్నా చేస్తే దాడి చేశారు. దాడి చేసిన వారిపై ఒక్క కేసైనా పెట్టారా? కోడిగుడ్లతో దాడి చేసిన టీడీపీ వారిపై ఒక్క కేసు కూడా పెట్టలేదు. డీఎస్సీ నిరసనల విషయంలోనూ అంతే’’ అని ఆయన అన్నారు. పోలీసులు తప్పుడు కేసులు పెట్టి చివరకు అభాసుపాలవుతున్నారని విమర్శించారు.‘పోలీసులు చట్ట ప్రకారం వ్యవహరించాలి’కోర్టులు అక్షింతలు వేసినా పోలీసుల తీరు మారడం లేదని అంబటి రాంబాబు వ్యాఖ్యానించారు. పోలీసులు చట్ట ప్రకారం వ్యవహరించాలని, రాజకీయ ఒత్తిళ్లకు లోబడి కేసులు పెట్టడం సరికాదని అన్నారు. డీఎస్సీ నిరసనకు సంబంధించిన కేసుల్లో సెక్షన్‌ 307 పెట్టారని.. అలాగే ఎస్సీ నేతలపైనే ఎస్సీ, ఎస్టీ అట్రాసిటీ చట్టం కేసులు పెట్టడం ఆశ్చర్యకరమని అన్నారాయన. గాదె సాయికృష్ణ కేసును కూడా అంబటి ప్రస్తావించారు. ఈ కేసులో పోలీసులు జైలుకు వెళ్లాల్సిన పరిస్థితి వస్తుందని వ్యాఖ్యానించారు. రాష్ట్రంలో పోలీసు వ్యవస్థ విఫలమైందని తేల్చేశారాయన. ‘లోకేశ్‌పై కూడా రౌడీషీట్‌ పెట్టాలి’మంత్రి నారా లోకేశ్‌పై కూడా అంబటి రాంబాబు తీవ్ర వ్యాఖ్యలు చేశారు. చట్టానికి వ్యతిరేకంగా వ్యవహరించేవారిపై చర్యలు ఉండాలని, ప్రజాప్రతినిధులపై రౌడీషీట్లు తెరవడం ఏ ప్రాతిపదికన జరుగుతోందని ప్రశ్నించారు. మంత్రి లోకేశ్‌పై మాముళ్ల దందా నడిపిస్తున్నారని.. ఆయనపై కూడా రౌడీషీట్‌ పెట్టాలని అంబటి అన్నారు. పోలీసులు సివిల్ వార్ కోరుకుంటున్నారా?: ఎమ్మెల్సీ యేసురత్నంమేం ముందుగా చెప్పి నిరసనకు వస్తే అసలు వాళ్లకు(టీడీపీ నేతలకు) ఎలా అనుమతి ఇచ్చారు. ఇవాళ ఒక ప్రభుత్వం ఉంటుంది.. రేపు మరొకటి వస్తుంది. పోలీసులు పొలిటికల్ పార్టీల ఉచ్చులో పడొద్దు. పోలీసులు అంతర్యుద్ధం కోరుకుంటున్నారా? ఎలాంటి కేసులు పెట్టాలో వాళ్లకు తెలియదా ?. ఎవరి ప్రోద్బలంతోనే హత్యాయత్నం, అట్రాసిటీ కేసులు పెడితే మీరే సమాధానాలు చెప్పాలి. యూనిఫారం వేసుకుని ఇలాంటి తప్పులు చేయవద్దు. అని వైఎస్సార్‌సీపీ ఎమ్మెల్సీ యేసురత్నం హితవు పలికారు. చంద్రబాబు, లోకేష్ డీఎస్సీ విషయంలో చేసిన తప్పులు బయటపడ్డాయి. తప్ప చేశామని ఒప్పుకోవాలి.. ఆ శాఖ మంత్రి లోకేశ్‌ రాజీనామా చేయాలి. దౌర్జన్యంతో డీఎస్సీ అంశాన్ని పక్కదోవ పట్టించే ప్రయత్నం చేస్తున్నారు. మీ అధ్వర్యంలో జరిగిన డీఎస్సీ లో ఏం చేశారో అందరికీ అర్థమైంది. మేం తప్పు చేయలేదంటే సీబీఐ విచారణ చేయించుకుని కడిగిన ముత్యంలా బయటకు రండి. సాయికృష్ణ ఉదంతంలో పోలీసులను సుప్రీం కోర్టు చివాట్లు పెట్టింది. అసలు గతంలో మీ పార్టీ అధికారంలో ఉన్న సమయంలో ఊచకోతల వల్లే అట్రాసిటీ చట్టం వచ్చింది. తిరిగి ఆ చట్టాలు మామీద ప్రయోగం చేస్తున్నారు. దమ్ముంటే లోకల్ బాడీ ఎన్నికల్లో మామీద పోతే చేసి గెలవాలి. వ్యవస్థల్ని ధ్వంసం చేయాలి అనుకుంటే అది మిమ్మల్ని నాశనం చేస్తుంది అని మాజీ మంత్రి సాకే శైలజానాథ్ అన్నారు. పోలీసులు పక్షపాత వైఖరితో ముందుకు వెళ్తుంది. మా పార్టీలో క్రియాశీలకంగా పనిచేస్తున్న వారిపై అక్రమ కేసులు పెట్టే ప్రయత్నం చేస్తున్నారు. అర్ధరాత్రి ఇళ్లలోకి వెళ్లిన మా పార్టీ నేతలను తీసుకువెళ్తున్నారు. ఆరోజు నిరసన కార్యక్రమాన్ని పోలీసు డ్రోన్లు మొత్తం పర్యవేక్షించాయి. నాపైన కేసులు పెట్టిన వారిపై దాడి చేసి ఉంటే ఆ కేసులు బయటపెట్టాలి. మా నిరసన దగ్గరకు అసలు టీడీపీ వాళ్ళు ఎలా వచ్చారు. మాపైన దాడి చేసిన వారిపై ఎందుకు చర్యలు తీసుకోలేదు. డీఎస్సీ అంశాన్ని పక్కదారి పట్టించేందుకు టీడీపీ వాళ్ళతో మాపై దాడి చేయించారు. మేం అడుగుతుంది ఒక్కటే డీఎస్సీపై సీబీఐ విచారణ జరగాలి.. లోకేష్ రాజీనామా చేయాలి. నిరుద్యోగుల పక్షాన వైఎస్సార్‌సీపీ ఎప్పుడూ అండగా ఉంటుంది. మీరు ఫైనల్ గా కేసుల్లో ఉన్నవారి లిస్ట్ ఇవ్వండి.. అందరం స్టేషన్ దగ్గరకు వస్తాం. పోలీసులు మీ తీరు మార్చుకోకుంటే భవిష్యత్ కార్యాచరణ ప్రకటిస్తాం అని వైఎస్సార్‌సీపీ ఎమ్మెల్సీ లేళ్ల అప్పిరెడ్డి అల్టిమేటం జారీ చేశారు. డీఎస్సీ నియామకాల్లో అవకతవకలపై విచారణ కోరుతూ సెప్టెంబర్‌ 21న విజయవాడలోని శాప్‌ కార్యాలయం వద్ద వైఎస్సార్‌సీపీ ఆందోళన చేపట్టింది. ఆ సందర్భంగా టీడీపీ గూండాలు వైఎస్సార్‌సీపీ శ్రేణులపై దుర్మార్గంగా దాడులు జరిపారు. అనంతరం వైఎస్సార్‌సీపీ నేతలపైనే ఆశ్యర్యకరరీతిలో భారీగా కేసులు నమోదు కావడం కొసమెరుపు.ఇదీ చదవండి: పాత బండ్లకు కొత్త స్టిక్కర్లు.. ఓరీ నీ బిల్డప్‌ తగలేయ్యా!

టీమిండియా సీనియర్‌ ఆల్‌రౌండర్‌ హార్దిక్‌ పాండ్యాను దురదృష్టం వెంటాడుతోంది. ఇప్పటికే వివిధ గాయాల కారణంగా వరుస సిరీస్‌లకు దూరమైన అతడు.. ప్రస్తుతం బీసీసీఐ సెంటర్‌ ఆఫ్‌ ఎక్సలెన్స్‌లో పునరావాసం పొందుతున్నాడు.ఈ క్రమంలో కోలుకుంటున్న హార్దిక్‌ పాండ్యాను ఆస్ట్రేలియా- ‘ఎ’ జట్టుతో జరిగే అనధికారిక వన్డే సిరీస్‌కు సెలక్టర్లు ఎంపిక చేశారు. ఈ పేస్‌ బౌలింగ్‌ ఆల్‌రౌండర్‌ విషయంలో తొందరపాటు తగదని భావించి స్వదేశంలో వెస్టిండీస్‌తో జరిగే సిరీస్‌ల నుంచి మాత్రం పక్కనపెట్టారు. ఆసీస్‌తో సిరీస్‌కు ఎంపికఇదిలా ఉంటే.. అక్టోబరు 6- 11 మధ్య భారత్‌- ‘ఎ’- ఆసీస్‌- ‘ఎ’ జట్ల మధ్య అనధికారిక వన్డే సిరీస్‌కు షెడ్యూల్‌ ఖరారైంది. ఈ నేపథ్యంలో హార్దిక్‌ పాండ్యా తాజాగా మరోసారి గాయపడటం ఆందోళన రేకెత్తించింది. ప్రస్తుతం అతడు కుడికాలి మోకాలి కింది భాగంలో నొప్పితో బాధపడుతున్నట్లు సమాచారం.మూడు వారాల విశ్రాంతిఈ నేపథ్యంలో హార్దిక్‌ పాండ్యాకు సుమారు మూడు వారాల విశ్రాంతి అవసరమని వైద్యులు సూచించినట్లు తెలుస్తోంది. ఈ విషయం గురించి బీసీసీఐ సన్నిహిత వర్గాలు పీటీఐతో మాట్లాడుతూ.. ‘‘ఇది చాలా దురదృష్టకరం. హార్దిక్‌ పాండ్యా కుడికాలి మోకాలి కింది భాగంలో గాయం తీవ్రమైనట్లు స్కాన్‌ రిపోర్టుల్లో తేలింది.అతడికి రెండు- మూడు వారాల పాటు విశ్రాంతి ఇవ్వాలని డాక్టర్లు చెప్పారు. బీసీసీఐ వైద్య బృందానికి నాయకుడైన డాక్టర్‌ దిన్షా పార్దీవాలా జపాన్‌ నుంచి తిరిగి రాగానే హార్దిక్‌ రిపోర్టులు పరిశీలించి.. అతడు ఎప్పుడు బరిలోకి దిగాలనే అంశంపై స్పష్టతనిస్తారు’’ అని తెలిపాయి.హార్దిక్‌ స్థానంలో అతడే!కాగా వివిధ రకాల గాయాల కారణంగా హార్దిక్‌ పాండ్యా ఇప్పటికే స్వదేశంలో అఫ్గానిస్తాన్‌తో వన్డే సిరీస్‌కు, ఐర్లాండ్‌, ఇంగ్లండ్‌ పర్యటనలకు దూరమయ్యాడు. తాజాగా స్వదేశంలో అఫ్గాన్‌తో టీ20 సిరీస్‌, ఆసియా క్రీడలు-2026 టోర్నీకి అందుబాటులో లేకుండా పోయాడు.తాజాగా భారత్‌- ‘ఎ’ జట్టుకు కూడా హార్దిక్‌ పాండ్యా దూరమయ్యే పరిస్థితి తలెత్తింది. ఈ నేపథ్యంలో యువ పేస్‌ బౌలింగ్‌ ఆల్‌రౌండర్‌ సూర్యాంశ్‌ షెడ్గే హార్దిక్‌ స్థానంలో భారత్‌- ‘ఎ’ జట్టులో చేరనున్నట్లు సమాచారం. ప్రస్తుతం సూర్యాంశ్‌ సెంటర్‌ ఆఫ్‌ ఎక్సలెన్స్‌లో ఉన్నాడు. అక్కడ నెట్స్‌లో చెమటోడుస్తూ ప్రాక్టీస్‌ చేస్తున్నాడు. ఇటీవల సూర్యాంశ్‌ జింబాబ్వే పర్యటన సందర్భంగా తొలిసారి జాతీయ జట్టుకు ఎంపికైన సంగతి తెలిసిందే.చదవండి: ‘నా వికెట్‌ తాశావు.. సంబరాలు చేసుకో.. కానీ దూషిస్తే సహించను’

బెంగళూరు: చిత్రదుర్గకు చెందిన రేణుకాస్వామి హత్య కేసులో జైల్లో ఉన్న నటుడు దర్శన్‌కు అతడి అభిమానులు మద్దతుగా నిలబడ్డారు. దర్శన్‌కు త్వరగా బెయిల్‌ దొరకాలి. ఆరోగ్యాన్ని దృష్టిలో ఉంచుకుని కేసును మానవతా దృక్పథంతో విచారించాలని కోరుతూ దర్శన్‌ అభిమానులు రాష్ట్రపతి ద్రౌపది ముర్ముకు కన్నడలో లేఖ రాశారు. రాష్ట్రపతి ద్రౌపతి ముర్ముని పేదలు, ఆదివాసీలు, బాధితుల తరపున నిలిచిన కరుణామయి తల్లిగా లేఖలో అభివర్ణించారు. సంకష్టంలో ఉన్న కన్నడ నటుడు దర్శన్‌ ఆరోగ్యం, కుటుంబం అతడిని నమ్ముకుంది. అభిమానుల భావాలను పరిగణలోకి తీసుకోవాలని రాష్ట్రపతికీ రాసిన లేఖలో పేర్కొన్నారు. భారత రాజ్యాంగంపై పూర్తి నమ్మకం ఉంది. దర్శన్‌కు చట్టం ప్రకారం న్యాయం దొరికేలా చూడాలి. దర్శన్‌ను సత్వరంగా విడుదల చేయాలని రాష్ట్రపతికి దర్శన్‌ అభిమానులు మనవి చేశారు.

ఏషియన్‌ గేమ్స్‌ 2026 పురుషుల క్రికెట్‌లో నాలుగు క్వార్టర్‌ ఫైనల్‌ బెర్త్‌లు ఖరారయ్యాయి. గ్రూప్‌ దశ మ్యాచ్‌ల తర్వాత నేపాల్‌, ఆఫ్ఘనిస్తాన్‌, మలేషియా, హాంగ్‌కాంగ్‌ చైనా జట్లు ఫైనల్‌-8కు చేరుకున్నాయి. సీడింగ్‌, ఐసీసీ ర్యాంకింగ్‌ ఆధారంగా భారత్‌, శ్రీలంక, బంగ్లాదేశ్‌, పాకిస్తాన్‌ జట్లకు నేరుగా క్వార్టర్‌ఫైనల్‌ బెర్త్‌లు లభించిన విషయం తెలిసిందే.తాజాగా మలేషియా, ఒమన్‌ మధ్య జరగాల్సిన చివరి గ్రూప్‌-బి మ్యాచ్‌ వర్షం కారణంగా పూర్తిగా తుడిచిపెట్టుకుపోవడంతో గ్రూప్‌ టాపర్‌గా నిలిచిన మలేషియా, సెకెండ్‌ టాపర్‌ అయిన హాంగ్‌కాంగ్‌ చైనా క్వార్టర్స్‌కు చేరుకున్నాయి. ఒక్క మ్యాచ్‌ కూడా గెలవలేకపోయిన ఒమన్‌ టోర్నీ నుంచి నిష్క్రమించింది.అంతకుముందే గ్రూప్‌-ఏ నుంచి నేపాల్‌, ఆఫ్ఘనిస్తాన్‌ జట్లు క్వార్టర్స్‌కు చేరుకున్నాయి. జపాన్‌, నేపాల్‌ మధ్య జరగాల్సిన మ్యాచ్‌ వర్షం కారణంగా రద్దు కావడంతో ఈ రెండు జట్లు క్వార్టర్‌ ఫైనల్‌ బెర్త్‌లు దక్కించుకున్నాయి. టోర్నీలో ఒక్క మ్యాచ్‌ కూడా గెలవని జపాన్‌ టోర్నీ నుంచి నిష్క్రమించింది.క్వార్టర్స్‌లో ఎవరెవరు..?గ్రూప్‌-ఏ టాపర్‌గా నిలిచిన నేపాల్‌ సెప్టెంబర్‌ 29న జరిగే మూడో క్వార్టర్‌ ఫైనల్లో శ్రీలంకను ఢీకొంటుంది. అదే గ్రూప్‌లో రెండో స్థానంలో నిలిచిన ఆఫ్ఘనిస్తాన్‌ సెప్టెంబర్‌ 28న జరిగే రెండో క్వార్టర్‌ ఫైనల్లో భారత జట్టుతో తలపడనుంది.గ్రూప్‌-బి టాపర్‌గా నిలిచిన మలేషియా సెప్టెంబర్‌ 29న జరిగే నాలుగో క్వార్టర్‌ ఫైనల్లో బంగ్లాదేశ్‌తో తలపడుతుంది. రెండో స్థానంలో నిలిచిన హాంగ్‌కాంగ్‌ చైనా సెప్టెంబర్‌ 28న జరిగే తొలి క్వార్టర్‌ ఫైనల్లో పాకిస్తాన్‌ను ఢీకొంటుంది.ఇదీ చదవండి: ఏషియన్‌ గేమ్స్‌లో భారత్‌కు మరో గోల్డ్‌

కోర్టులో కుటుంబ వివాదంపై విచారణ జరుగుతోంది.. తండ్రి వాంగ్మూలం పూర్తయింది.. అంతా సవ్యంగానే ఉందనుకున్న సమయంలో ఒక్కసారిగా ఉద్రిక్తత! కోర్టు గది నుంచి బయటకు వచ్చిన మహిళపై ఆమె భర్తతో పాటు మరో ఇద్దరు దాడికి దిగారు. అంతటితో ఆగకుండా ఆమె గొంతు నులిమి చంపేందుకు ప్రయత్నించారని బాధితురాలు పోలీసులను ఆశ్రయించింది. అడ్డుకోబోయిన తండ్రి, సోదరిపైనా దాడి జరిగింది. ఈ ఘటనకు సంబంధించిన వీడియో సోషల్‌ మీడియాలో వైరల్‌గా మారింది. ఈ క్లిప్‌ను బాధితురాలు పోలీసులకు అందించింది.ఉత్తరప్రదేశ్‌లోని మహారాజ్‌గంజ్‌ కుటుంబ న్యాయస్థానంలో ఈ ఘటన జరిగినట్లు బాధితురాలు ప్రియా త్రిపాఠి ఫిర్యాదులో పేర్కొంది. పురందర్‌పూర్‌ పోలీస్‌స్టేషన్‌ పరిధిలోని సమర్ధీరా చౌరాహాకు చెందిన ప్రియాకు.. బృజ్‌మంజ్‌గంజ్‌ ప్రాంతంలోని కోయిలాడాడ్‌కు చెందిన మనీష్‌ కుమార్‌ మిశ్రాతో వివాహమైంది. భార్యాభర్తల మధ్య కొంతకాలంగా వివాదం కొనసాగుతోంది. ఈ నేపథ్యంలో భరణం కోసం ప్రియా కుటుంబ న్యాయస్థానాన్ని ఆశ్రయించింది. కేసు నంబర్‌ 641/2025తో విచారణ కొనసాగుతోంది.తండ్రి వాంగ్మూలం తర్వాతే..సెప్టెంబర్‌ 24న కేసు విచారణకు హాజరైన ప్రియా.. తన తండ్రి లక్ష్మీకాంత్‌, సోదరి ప్రియాంకతో కలిసి కోర్టుకు వెళ్లింది. తండ్రి వాంగ్మూలం పూర్తైన తర్వాత మధ్యాహ్నం 2 గంటల సమయంలో ముగ్గురూ కోర్టు గది నుంచి బయటకు వచ్చి గ్రౌండ్‌ ఫ్లోర్‌ హాల్‌లోకి వచ్చినట్లు ఆమె తెలిపింది. అదే సమయంలో తన భర్త మనీష్‌ మిశ్రాతో పాటు ప్రిన్స్‌ మిశ్రా, సతీష్‌ మిశ్రా అక్కడికి వచ్చారని.. ముగ్గురూ కలిసి తనపై దాడి చేశారని ప్రియా ఆరోపించింది. తనను కొట్టడంతో పాటు గొంతు నులిమి చంపేందుకు ప్రయత్నించారని పేర్కొంది.Inside court premises in Maharajganj, Uttar Pradesh. Women were beaten and tossed like an object infront of police and lawyers. pic.twitter.com/g3mZBkNSuK— Piyush Rai (@Benarasiyaa) September 26, 2026అడ్డుకోబోయిన వారిపైనా దాడి?ప్రియాపై దాడిని అడ్డుకునేందుకు ఆమె తండ్రి, సోదరి ప్రయత్నించగా.. వారిపైనా నిందితులు దాడి చేశారని ఫిర్యాదులో పేర్కొంది. వారిని కింద పడేసి గొంతు నులిమేందుకు ప్రయత్నించారని ఆరోపించింది. కచేరీ ప్రాంగణంలో ఒక్కసారిగా గొడవ జరగడంతో అక్కడున్న పోలీసులకు విషయం తెలియగా.. వారు వెంటనే అక్కడికి చేరుకుని జోక్యం చేసుకున్నారని తెలిపింది. పోలీసులు రావడంతో ముగ్గురూ అక్కడి నుంచి వెళ్లిపోయారని.. అయితే వెళ్లే సమయంలో కేసు విషయంలో కోర్టులో వాదనలు కొనసాగిస్తే చంపేస్తామని బెదిరించారని ప్రియా ఆరోపించింది.వీడియోతో పోలీసుల ముందుకు..తనపై జరిగిన దాడికి సంబంధించిన వీడియో క్లిప్‌ కూడా తన వద్ద ఉందని తెలిపిన ప్రియా.. దాన్ని పోలీసులకు అందించినట్లు పేర్కొంది. భర్త మనీష్‌ మిశ్రా, ప్రిన్స్‌ మిశ్రా, సతీష్‌ మిశ్రాలపై ఎఫ్‌ఐఆర్‌ నమోదు చేసి చర్యలు తీసుకోవాలని కోరింది. కోర్టు ప్రాంగణంలోనే మహిళపై దాడి జరిగిందన్న ఆరోపణలు రావడంతో ఈ ఘటన స్థానికంగా చర్చనీయాంశంగా మారింది. బాధితురాలు అందించిన వీడియో, ఫిర్యాదులో పేర్కొన్న అంశాలను పోలీసులు పరిశీలించి తదుపరి చర్యలు తీసుకోవాల్సి ఉంది.

సాక్షి కార్టూన్‌: 26-09-2026

తాడేపల్లి : చంద్రబాబు పబ్లిసిటీకి అడ్డూ అదుపు లేకుండా పోయిందని వైఎస్సార్‌సీపీ అధికార ప్రతినిధి పుత్తా శివశంకర్ ఆగ్రహం వ్యక్తం చేశారు. వేల కోట్ల రూపాయలు ప్రచారానికే ఖర్చు చేస్తున్నారని, ఇప్పుడు సోషల్ మీడియా ఇన్‌ఫ్లుయన్సర్‌లతో కూడా పబ్లిసిటీ చేసుకుంటారట అని శివశంకర్ పేర్కొన్నారు. వారితో అబద్దాలు ప్రచారం చేయిస్తారా? ప్రజలకు సమాచారాన్ని అందించడానికి ఐ ఆండ్‌ పిఆర్ వ్యవస్థ ఉంది. ఇప్పటికే రూ.330 కోట్లు ఆ వ్యవస్థ ద్వారా ఖర్చు చేశారు. ఇంకా కాంక్లైవ్ పేరుతో వందల కోట్లు నేషనల్ మీడియా ద్వారా పబ్లిసిటీ చేసుకున్నారు. ఆ డబ్బులు ప్రజల అవసరాలకు ఖర్చు చేయొచ్చుకదా? అని శివశంకర్ ‍ప్రశ్నించారు.రైతులు, నిరుద్యోగులు, విద్యార్థుల సమస్యలు కనపడటం లేదా? అంటూ వైఎస్సార్‌సీపీ అధికార ప్రతినిధి పుత్తా శివశంకర్ సీఎం చంద్రబాబును నిలదీశారు. వరదల వల్ల మునిగిపోయిన అమరావతిపై వారితో చెప్పించగలరా?, రాయలసీమ కరువు గురించి చెప్పించగలరా?, ఆ సమస్యలపై ఇన్‌ఫ్లుయన్సర్‌లతో మాట్లాడించండి. ఫాలోవర్స్‌ని బట్టి డబ్బులు ఇస్తామని ప్రభుత్వం చెప్తోంది. ఇన్‌స్టా, ఎక్స్, ఫేస్‌బుక్‌లలో డబ్బులు ఇస్తే ఫేక్ ఫాలోవర్స్ ని క్రియేట్ చేసుకోవచ్చు. అలాంటి ఫేక్ ఫాలోవర్స్‌కు డబ్బులు ఖర్చు చేస్తారా? అసలు చంద్రబాబు ప్రభుత్వం ఎవరి కోసం పని చేస్తోంది? ఉత్తరాంధ్ర వరదల్లో మునిగిపోతే చంద్రబాబు విదేశాలకు వెళ్లిపోతారా? రాష్ట్ర ప్రజల సమస్యలు చంద్రబాబుకు పట్టవా? అంత రహస్యంగా చంద్రబాబు విదేశాలకు వెళ్లాల్సిన అవసరం ఏంటి? అని నిలదీశారు.

తమిళనాడు: లాడ్జిలో వ్యభిచారం నిర్వహి స్తూ పట్టుబడిన డీఎంకే నాయకుడిని పార్టీ నుంచి బహిష్కరిస్తూ అధిష్టానం ఆదేశాలు జారీ చేసింది. తంజావూరు జిల్లా కుంభకోణం నాగేశ్వరన్‌ కోవిల్, రామసామి కోవిల్‌ సమీపంలోని వివిధ లాడ్జీలు, బ్యూటీ పార్లర్లలో వ్యభిచారం జరుగుతున్నట్లు పోలీసులకు ఫిర్యాదులు అందాయి. పోలీసులు జరిపిన సోదాల్లో 10 మంది మహిళలను రక్షించి హోమ్‌కు తరలించారు. నలుగురు విటు లను అరెస్ట్‌ చేశారు. మరికొందరి కోసం గాలిస్తున్నారు. ప్రైవేట్‌ లాడ్జి యజమాని, తంజావూరు ఉత్తర జిల్లా డీఎంకే ఇంజినీరింగ్‌ విభాగం నాయకుడు రాజా రఘుపతి, మరి కొందరిపై పోలీసులు కేసు నమోదు చేసి విచారణ జరుపుతున్నారు. ఈ నేపథ్యంలో రాజా రఘుపతిని పార్టీ నుంచి బహిష్కరించారు. రాజా రఘుపతి పార్టీకి కళంకం తెచ్చేలా ప్రవర్తించినందున, అతనిని పార్టీ ప్రాథమిక సభ్యత్వం సహా అన్ని పదవుల నుంచి తాత్కాలికంగా తొలగిస్తున్నట్లు డీఎంకే ప్రధాన కార్యదర్శి దురైమురుగన్‌ ప్రకటించారు.

ఇరాన్‌–అమెరికా యుద్ధానికి తెరపడుతుందన్న ఆశలు మళ్లీ ఆవిరవుతున్నాయా? హర్ముజ్‌ జలసంధిని ఏడు రోజుల్లో తెరిచి.. యుద్ధాన్ని నిలిపివేసేందుకు ఇరాన్‌ ప్రతిపాదించిన ప్లాన్‌ను అమెరికా అధ్యక్షుడు డొనాల్డ్‌ ట్రంప్‌ తిరస్కరించాడనే కథనాలు వెలువడుతున్నాయి. అయితే ఇదే నిజమైతే.. ఇప్పుడు ఇరాన్‌ తదుపరి అడుగు ఏంటి? హర్ముజ్‌ పరిస్థితి ఎలా మారుతుంది? యుద్ధం మళ్లీ తీవ్ర రూపం దాల్చుతుందా?.. ఐక్యరాజ్యసమితి జనరల్‌ అసెంబ్లీ వేదికగా ఇరాన్‌ తన ప్రతిపాదనను అమెరికా ముందుంచింది. ఖతార్‌ మధ్యవర్తిత్వంతో ఈ ప్రతిపాదనను వాషింగ్టన్‌కు పంపినట్లు ఇరాన్‌ విదేశాంగ మంత్రి అబ్బాస్‌ అరాఘ్చీ తెలిపారు. అమెరికా అంగీకరిస్తే ఏడు రోజుల కౌంట్‌డౌన్‌ మొదలై.. హర్ముజ్‌ జలసంధిలో సాధారణ నౌకాయానం పునరుద్ధరించవచ్చని చెప్పారు. అదే సమయంలో ప్రాంతీయంగా అన్ని రంగాల్లో పోరాటాన్ని నిలిపివేసి విస్తృత చర్చలకు వెళ్లొచ్చని ప్రతిపాదించారు.అయితే ఇందుకు ప్రతిగా అమెరికా ఇరాన్‌ పోర్టులపై దిగ్బంధాన్ని ఎత్తివేయాలని, స్తంభింపజేసిన ఇరాన్‌ నిధులను విడుదల చేయాలని, చమురు ఆంక్షలను తొలగించాలని ఇరాన్‌ కోరుతోంది. అణు కార్యక్రమంపై మాత్రం తమ హక్కుల్లో ఎలాంటి రాయితీ ఇవ్వబోమని ఇరాన్‌ వర్గాలు స్పష్టం చేశాయి. ముఖ్యంగా యురేనియం శుద్ధి విషయంలో రాజీ ఉండదని తెలిపాయి.ట్రంప్‌ తిరస్కరిస్తే.. తర్వాత?‘వాల్‌స్ట్రీట్‌ జర్నల్‌’ కథనం ప్రకారం.. ఇరాన్‌ తన డిమాండ్లను అంగీకరిస్తుందన్న నమ్మకం ట్రంప్‌కు లేదని, తిరిగి బాంబుల దాడి చేసే అవకాశం ఉందని ఆయన తన సిబ్బందితో చెప్పినట్లు అమెరికా అధికారులు పేర్కొన్నారు. మరో నివేదిక ప్రకారం.. నవంబర్‌లో జరిగే అమెరికా మధ్యంతర ఎన్నికల తర్వాత బాంబుల దాడులు మళ్లీ ప్రారంభమయ్యే అవకాశాన్ని ట్రంప్‌ అంచనా వేస్తున్నట్లు పేర్కొంది. గతంలోనూ చర్చల ప్రయత్నాలు విఫలమై.. కొంతకాలం కాల్పుల విరమణ తర్వాత మళ్లీ దాడులు జరిగిన నేపథ్యంలో తాజా పరిణామం ప్రాధాన్యం సంతరించుకుంది.హర్ముజ్‌ సంగతేంటి?ఇరాన్‌ ప్రతిపాదనలో కీలక అంశం హర్ముజ్‌ జలసంధి. ప్రపంచంలోని అత్యంత కీలకమైన చమురు రవాణా మార్గాల్లో ఒకటైన ఈ జలసంధి ద్వారా రవాణా తీవ్రంగా దెబ్బతినడంతో ఇప్పటికే ప్రపంచ ఇంధన సరఫరాపై ప్రభావం పడింది. అమెరికా–ఇరాన్‌ మధ్య ఒప్పందం కుదరకపోతే హర్ముజ్‌ పరిస్థితి మరింత కాలం అనిశ్చితంగానే కొనసాగే అవకాశం ఉంది. ఇరాన్‌ మాత్రం అమెరికా తమపై సైనిక ఒత్తిడి తగ్గించి, పోర్టుల దిగ్బంధాన్ని ఎత్తివేస్తే ఏడు రోజుల్లో జలసంధిని తిరిగి తెరవడానికి సిద్ధంగా ఉన్నామని చెబుతోంది. అంటే ఇప్పుడు బంతి అమెరికా కోర్టులోనే ఉందన్నది ఇరాన్‌ వాదన.ఇరాన్‌ ముందున్న దారులేంటి?అమెరికా తన ప్రతిపాదనను అంగీకరించకపోతే ఇరాన్‌ ముందున్న మార్గాలు ప్రధానంగా మూడు. మొదటిది.. దౌత్య మార్గాన్ని కొనసాగిస్తూ ఖతార్‌, ఒమన్‌ వంటి మధ్యవర్తుల ద్వారా చర్చలను ముందుకు తీసుకెళ్లడం. రెండోది.. హర్ముజ్‌ జలసంధిపై తన నియంత్రణను కొనసాగిస్తూ అమెరికాపై ఒత్తిడి పెంచడం. అయితే ఇది ప్రపంచ ఇంధన సరఫరాపై మరింత ప్రభావం చూపే అవకాశం ఉండటంతో ఇరాన్‌కూ ఆర్థిక, దౌత్యపరమైన ఒత్తిళ్లు పెరగొచ్చు. మూడోది.. అమెరికా సైనిక చర్యలకు ప్రతిస్పందిస్తూ ప్రాంతీయంగా తన మిత్ర బలగాల ద్వారా ఒత్తిడి పెంచడం. కానీ ఈ మార్గం యుద్ధం మరింత విస్తరించే ప్రమాదాన్ని పెంచుతుంది. మరోవైపు ఏడు రోజుల ప్రతిపాదనను ముందుకు తెచ్చిన ఇరాన్‌.. హర్ముజ్‌ను తిరిగి తెరవడం, కాల్పుల విరమణ, తదుపరి అణు చర్చలను ఒకే ప్యాకేజీగా మలచాలని చూస్తున్నట్లు కనిపిస్తోంది. అందువల్ల అమెరికా స్పందన ఆధారంగా ఈ మూడు మార్గాల్లో ఏది ముందుకు వస్తుందన్నది ఇప్పుడు కీలకంగా మారింది.మరోవైపు సౌదీపై హౌతీల దాడులుఇదిలా ఉండగా.. ఇరాన్‌ మద్దతుగల యెమెన్‌ హౌతీలు సౌదీ అరేబియాపై దాడులు కొనసాగిస్తున్నారు. రియాద్‌ వైపు వచ్చిన రెండు డ్రోన్లను, ఖమీస్‌ ముషైత్‌ వైపు ప్రయోగించిన బాలిస్టిక్‌ క్షిపణిని అడ్డుకున్నట్లు సౌదీ నేతృత్వంలోని సంకీర్ణం తెలిపింది. ఈ దాడులు కొనసాగుతున్న నేపథ్యంలో సౌదీ అరేబియా భద్రతకు మద్దతుగా పాకిస్థాన్‌, టర్కీ రక్షణాధికారులు రియాద్‌లో సమావేశమై భద్రతా పరిస్థితిపై చర్చించారు.ఇరాన్‌ ప్రతిపాదనకు అమెరికా స్పందన ఎలా ఉండబోతోంది? ట్రంప్‌ వైఖరి నేపథ్యంలో హర్ముజ్‌ జలసంధి తిరిగి తెరుచుకుంటుందా? లేదంటే పశ్చిమాసియాలో పోరాటం మళ్లీ ముదురుతుందా? అన్నదే ఇప్పుడు కీలకంగా మారింది. ఇరాన్‌ ఏడు రోజుల గడువుతో శాంతి ప్రతిపాదనను ముందుకు తెచ్చిన నేపథ్యంలో.. తదుపరి నిర్ణయం అమెరికా చేతుల్లోనే ఉందనే సంకేతాలు కనిపిస్తున్నాయి.ఇదీ చదవండి: ట్రంపరితనంతో మళ్లీ బాంబుల మోతేనా?

ముంబై: మహానగరం ముంబైలో గణేశ్ ఉత్సవాలు ఘనంగా ముగిశాయి. 12 రోజుల పాటు భక్తుల పూజలు అందుకున్న గణపతి విగ్రహాలు శనివారం ఉదయం నిమజ్జనమయ్యాయి. లాల్‌బాగ్చా రాజా, చించ్‌పోక్లిచా చింతామణి వంటి ప్రసిద్ధ విగ్రహాలకు భక్తులు కన్నీటి వీడ్కోలు పలికారు. శుక్రవారం ఉదయం ప్రారంభమైన నిమజ్జన ఊరేగింపులు రాత్రంతా కొనసాగి 21 గంటలకు పైగా సాగాయి.అరేబియా సముద్రంలో లాల్‌బాగ్చా రాజాభారీ భక్తజనం మధ్య లాల్‌బాగ్చా రాజా విగ్రహాన్ని శనివారం ఉదయం సుమారు 10.50 గంటలకు అరేబియా సముద్రంలో నిమజ్జనం చేశారు. సంప్రదాయ పూజలు, హారతి అనంతరం విగ్రహాన్ని బార్జ్‌పైకి తరలించారు. స్థానిక మత్స్యకారులు, భక్తుల సహకారంతో బార్జ్‌ను సముద్రంలోకి తీసుకెళ్లి నిమజ్జనం నిర్వహించారు.బార్జ్‌పై అనంత్ అంబానీప్రముఖ పారిశ్రామికవేత్త ముకేశ్ అంబానీ కుమారుడు అనంత్ అంబానీ కూడా లాల్‌బాగ్చా రాజా నిమజ్జన కార్యక్రమంలో పాల్గొన్నారు. గణేశ్ ఉత్సవాల సందర్భంగా ఆయన పలుమార్లు లాల్‌బాగ్‌చా రాజా మండపాన్ని సందర్శించారు. శనివారం నిమజ్జన ఊరేగింపులో పాల్గొని, విగ్రహాన్ని తీసుకెళ్లిన బార్జ్‌పై కూడా ఆయన ఉన్నారు.చింతామణికి ఘన వీడ్కోలుముంబైలోని మరో ప్రముఖ గణపతి విగ్రహం చించ్‌పోక్లిచా చింతామణిని ఉదయం సుమారు 10 గంటలకు నిమజ్జనం చేశారు. అనంతరం లాల్‌బాగ్‌లోని బాల గణేశ్ మండల్‌కు చెందిన బల్లాళేశ్వర్ విగ్రహాన్ని సుమారు 11 గంటలకు నిమజ్జనం చేశారు. వీటిని చూసేందుకు భారీ సంఖ్యలో భక్తులు తరలివచ్చారు.21 గంటలకు పైగా సాగిన ఊరేగింపులుఅనంత చతుర్దశి సందర్భంగా శుక్రవారం ఉదయం ముంబైలో గణపతి నిమజ్జన ఊరేగింపులు ప్రారంభమయ్యాయి. వేలాది మంది భక్తులు విగ్రహాలతో కలిసి ఊరేగింపుల్లో పాల్గొన్నారు. రాత్రంతా కొనసాగిన ఈ ప్రక్రియ శనివారం ఉదయం వరకు సాగింది. నగరంలోని చాలా నిమజ్జన కార్యక్రమాలు పూర్తయినప్పటికీ, శనివారం మధ్యాహ్నం వరకు కొన్ని భారీ విగ్రహాలు నిమజ్జనం కోసం వేచి ఉన్నాయని అధికారులు తెలిపారు.24 వేల మంది పోలీసులతో భద్రతముంబైలోని 67 సహజ నిమజ్జన ప్రదేశాలు, 383 కృత్రిమ చెరువుల్లో నిమజ్జనాలను సురక్షితంగా నిర్వహించేందుకు భారీ భద్రతా ఏర్పాట్లు చేశారు. 24 వేలకుపైగా ముంబై పోలీసులను మోహరించారు. బృహన్‌ముంబై మున్సిపల్ కార్పొరేషన్ 25 వేల మంది సిబ్బందిని రంగంలోకి దించింది. లైఫ్‌గార్డులు, వైద్య బృందాలు, భారీ క్రేన్లను కూడా అందుబాటులో ఉంచారు.నిమజ్జన ప్రదేశాల్లో శుభ్రత పనులు12 రోజుల గణేశ్ ఉత్సవాలు ముగియడంతో నిమజ్జన ప్రదేశాలు, ప్రధాన ఊరేగింపు మార్గాల్లో పారిశుద్ధ్య సిబ్బంది శుభ్రత పనులు ప్రారంభించారు. భారీ సంఖ్యలో విగ్రహాలు నిమజ్జనం కావడంతో ఏర్పడిన వ్యర్థాలను తొలగించే పనులు చేపట్టారు. ఇదీ చదవండి: మధుబాల రూ. 500 కానుక.. పూజారి సీన్‌ వైరల్‌!

పర్యాటకం అంటే కేవలం ఒక ప్రాంతం నుంచి మరో ప్రాంతా నికి వెళ్లడం కాదు. భిన్న సంస్కృతులను దగ్గర చేసే వంతెన. ఉపాధిని పెంచుతూ, ప్రజల మధ్య పరస్పర అవగాహనను పెంపొందించే శక్తిమంతమైన సాధనం. మనం సందర్శించే ప్రాంతం ప్రకృతికి, స్థానిక ప్రజలకు, భవిష్యత్‌ తరాలకు నష్టం కలగకుండా ఉండేలా చూసు కోవాలి. అందుకే పర్యాటక అభివృద్ధితో పాటు పర్యావరణ పరిరక్షణకు సమాన ప్రాధాన్యం ఇవ్వా ల్సిన అవసరం ఉంది.హోటళ్లు, రవాణా సంస్థలు, రెస్టారెంట్లు, చిరువ్యాపా రులు, హస్తకళాకారులు, గైడ్లు, స్థానిక కళాకారులు... ఇలా అనేక వర్గాలకు ఉపాధి, ఆదాయం లభిస్తాయి. పర్యాటకాన్ని ప్రోత్సహించడం అంటే స్థానిక ఆర్థిక వ్యవస్థకు కొత్త ఊపిరి ఇవ్వడమే.పర్యాటక ప్రాంతాల్లో తరచూ ప్లాస్టిక్, ఆహార వ్యర్థాలు పేరుకుపోతూ ఉండటం వల్ల ప్రకృతి సౌందర్యం దెబ్బ తినడమే కాదు, దానికి తీవ్రమైన హాని కలుగుతుంది. పర్యాటక అభివృద్ధి పేరుతో ప్రకృతిపై మితి మీరిన ఒత్తిడి తీసుకురావడం చివరకు పర్యాటకానికే నష్టం చేస్తుంది. ఈ పరిస్థితిని మార్చాలంటే ‘బాధ్యతాయుతమైన పర్యాటకం’ ఆచరణలోకి రావాలి.ఒక ప్రాంతం భరించగలిగిన దాని కంటే ఎక్కువమంది పర్యాట కులు ఒకేసారి చేరుకుంటే నీటి కొరత, చెత్త నిర్వహణ, ట్రాఫిక్, వసతి, పారిశుద్ధ్యం వంటి సమస్యలు తీవ్రతరం కావచ్చు. స్థానిక సంస్థలు కూడా శాస్త్రీయంగా వ్యర్థాలను నిర్వహించడం నేర్చుకోవాలి. అందుకు తగిన పటిష్టమైన వ్యవస్థను ఏర్పాటు చేయాలి.పర్యాటక అభివృద్ధి అంటే ఎక్కువ మంది పర్యాటకులను ఆకర్షించడం కాదు, ప్రకృతిని కాపాడే, స్థానికులకు ప్రయోజనం చేకూర్చే పర్యాటక విధానాన్ని రూపొందించడం కూడా! పర్యాటకులు, స్థానిక ప్రజలు, వ్యాపార వర్గాలు, ప్రభుత్వ విభాగాలు కలిసి పనిచేసినప్పుడే ఈ సమతు ల్యత సాధ్యం. భారతీయ సంస్కృతిలో ‘అతిథి దేవోభవ’ అనే గొప్ప భావన ఉంది.అదే సమయంలో అతిథిగా వచ్చే ప్రతి పర్యాటకుడు కూడా తాను సందర్శించే ప్రాంతాన్ని, సంస్కృతిని, స్థానిక ప్రజల జీవన విధానాన్ని గౌర వించాలి. ఆతిథ్యం ఇచ్చేవారు సౌకర్యాలు, భద్రత, పరిశుభ్రత కల్పిస్తే... పర్యాటకులు బాధ్యత, క్రమశిక్షణ, పర్యావరణ స్పృహతో వ్యవహరించాలి. అప్పుడే ‘అతిథి దేవోభవ’ స్ఫూర్తి పరిపూర్ణమవుతుంది.– వాడవల్లి శ్రీధర్‌, ఫ్రీలాన్స్‌ జర్నలిస్టు (రేపు ప్రపంచ పర్యాటక దినోత్సవం)ఇదీ చదవండి: ఆటపాటల ప్రజా కళాజాతర..

సాక్షి, హైదరాబాద్‌: హైదరాబాద్‌లో గణేష్‌ నిమజ్జన వేడుకల వేళ ఆకతాయిల ఆగడాలు వెలుగులోకి వచ్చాయి. నిమజ్జనానికి వచ్చిన యువతులతో అసభ్యకరంగా ప్రవర్తించిన 1,530 మందిని పోలీసులు గుర్తించారు. వీరిలో 724 మందికి షీటీమ్స్‌ కౌన్సెలింగ్‌ ఇవ్వగా.. 48 మందిని అరెస్ట్‌ చేశారు. మరోవైపు ట్యాంక్‌బండ్‌పై గణేష్‌ విగ్రహాల నిమజ్జనం కొనసాగుతుండటంతో నగరంలో భారీగా ట్రాఫిక్‌ రద్దీ నెలకొంది.నిమజ్జన ప్రక్రియను త్వరితగతిన పూర్తి చేసేందుకు పోలీస్‌, ట్రాఫిక్‌ సిబ్బంది నిరంతరం విధులు నిర్వహిస్తున్నారని హైదరాబాద్‌ సీపీ సజ్జనార్‌ తెలిపారు. నిమజ్జనోత్సవం ప్రశాంతంగా పూర్తయ్యేలా ప్రజలు సహకరించాలని కోరారు.నగర ప్రజలకు విజ్ఞప్తి!గణేశ్‌ నిమజ్జన శోభాయాత్ర నిన్నటి నుంచి ఎంతో ప్రశాంత వాతావరణంలో, వైభవంగా కొనసాగుతోంది. ఎటువంటి అవాంఛనీయ సంఘటనలు తలెత్తకుండా ఉత్సవాన్ని విజయవంతం చేస్తున్న ప్రజలందరికీ హైదరాబాద్ సిటీ పోలీస్ తరఫున ధన్యవాదాలు.ట్యాంక్‌బండ్, ఎన్టీఆర్ మార్గ్, నెక్లెస్ రోడ్,… pic.twitter.com/P2T6XfT0my— V.C. Sajjanar, IPS (@SajjanarVC_IPS) September 26, 2026శనివారం కూడా ట్రాఫిక్‌ ఆంక్షలు..నిమజ్జనాల నేపథ్యంలో శనివారం కూడా ప్రధాన మార్గాల్లో ట్రాఫిక్‌ ఆంక్షలు కొనసాగుతాయని సీపీ సజ్జనార్‌ తెలిపారు. ట్యాంక్‌బండ్‌, నెక్లెస్‌ రోడ్‌, ఎన్టీఆర్‌ మార్గ్‌, పీవీ స్టాచ్యూ, ఇందిరాగాంధీ రోటరీ పరిసరాల్లో సాధారణ వాహనాలకు అనుమతి ఉండదని స్పష్టం చేశారు. అత్యవసరమైతే తప్ప ఈ మార్గాల్లో ప్రయాణించవద్దని, వీలైతే ప్రయాణాలను వాయిదా వేసుకోవాలని లేదా ప్రత్యామ్నాయ మార్గాలను ఎంచుకోవాలని వాహనదారులకు సూచించారు. అనవసరంగా రోడ్లపైకి వచ్చి ట్రాఫిక్‌లో చిక్కుకోవద్దని కోరారు. ట్రాఫిక్‌ పోలీసులు జారీ చేసే అధికారిక అడ్వైజరీలను ఎప్పటికప్పుడు గమనించాలని సూచించారు.ట్యాంక్‌బండ్‌, ఎన్టీఆర్‌ మార్గ్‌, నెక్లెస్‌ రోడ్‌, లిబర్టీ, మోజంజాహీ మార్కెట్‌ ప్రాంతాలకు లక్షలాది మంది భక్తులు తరలివచ్చారని సీపీ తెలిపారు. భారీ రద్దీ కారణంగా వాహనాల రాకపోకలు మందగించడంతో నిమజ్జన ప్రక్రియ కొంత ఆలస్యమైందన్నారు. నిమజ్జన శోభాయాత్ర శనివారం మధ్యాహ్నం వరకు కొనసాగే అవకాశం ఉందని వెల్లడించారు. శాంతియుతంగా నిమజ్జనోత్సవం పూర్తయ్యేలా నగర ప్రజలు పోలీసులకు సహకరించాలని సీపీ సజ్జనార్‌ విజ్ఞప్తి చేశారు.#SHE Teams #Police Nabs individuals engaging in indecent acts with women at the #Khairatabad #Vinayaka idol viewing. pic.twitter.com/HmNDcqV5PP— shinenewshyd (@shinenewshyd) September 24, 2026Video Credit: shinenewshyd

కర్నూలు: ప్రభుత్వ ఆస్పత్రి అంటే పేద, మధ్య తరగతి ప్రజలకు భరోసా. అత్యవసర సమయంలో ప్రాణాలు కాపాడే వైద్య సిబ్బంది అక్కడ 24 గంటలు అందుబాటులో ఉంటారన్న నమ్మకం. కానీ అందుబాటులో ఒక్కరూ కూడా లేకపోతే పరిస్థితి ఎలా ఉంటుందో పెద్ద హరివాణం 30 పడకల ప్రాథమిక ఆరోగ్య కేంద్రంలో చోటు చేసుకున్న ఘటన ప్రశ్నిస్తోంది. ప్రసవ వేదనతో ఆసుపత్రికి వచ్చిన గర్భిణికి వైద్య సిబ్బంది అందుబాటులో లేకపోవడంతో ఆమె బంధువులే లేబర్‌ రూంకు తీసుకెళ్లి ప్రసవం చేయాల్సి వచ్చింది. ఈ ఘటన కలకలం రేపుతోంది. గొప్పలు చెప్పుకునే చంద్రబాబు ప్రభుత్వం ఈ ఘటనపై ఏం సమాధానం చెబుతుందనిగ్రామస్తులు ప్రశ్నిస్తున్నారు.ఉదయం 8 గంటలకు ఆసుపత్రికి.. కర్నూలు జిల్లా ఆదోని మండలం పెద్దహరివాణం గ్రామానికి చెందిన పవిత్ర రెండో కాన్పు కోసం పురిటి నొప్పులతో బుధవారం ఉదయం 8 గంటలకు పీహెచ్‌సీ కేంద్రానికి చేరుకున్నారు. ఆమె వెంట నానమ్మ లక్ష్మమ్మ, బంధువులు దేవేంద్ర, స్వామిదాస్, హనుమంతమ్మ ఉన్నారు. అయితే ఆ సమయంలో ఆసుపత్రిలో వైద్య సిబ్బంది ఒక్కరంటే ఒక్కరూ అందుబాటులో లేకపోయారు. ఒకవైపు నొప్పులతో గర్భిణి పవిత్ర అల్లాడిపోతూ కేకలు పెడుతున్నారు. ఆస్పత్రి సిబ్బందికి, ఉన్నతాధికారులకు ఫోన్‌ చేసినా ఎవరూ స్పందించలేదు. పవిత్ర పరిస్థితి విషమంగా మారడంతో చివరకు బంధువులే ఆస్పత్రిలోని లేబర్‌ రూంకు తీసుకెళ్లి తమకు తెలిసిన మిడిమిడి జ్ఞానంతో కాన్పు చేశారు. పవిత్ర ఆడబిడ్డకు జన్మనిచ్చారు. గ్రామ పెద్ద రాకతో కదలిక తీవ్ర ఆందోళన చెందిన పవిత్ర అన్న స్వామిదాస్‌ గ్రామ పెద్ద ఆదినారాయణ రెడ్డికి ఫోన్‌ చేసి సమా చారం అందించారు. ఆయన హుటాహుటిన ఆస్పత్రికి చేరుకుని సిబ్బంది విధులపై ఆరా తీశారు. అనంతరం డిప్యూటీ డీఎంహెచ్‌ఓ డాక్టర్‌ సత్యవతిని ఫోన్‌లో సంప్రదించగా పొంతన లేని సమాధానం రావడంతో పవిత్ర బంధువులు ఆగ్రహం వ్యక్తం చేశారు. అత్యవసర సమయంలో సిబ్బంది ఎక్కడ? ప్రసవం వంటి అత్యవసర పరిస్థితుల్లో వైద్య సిబ్బంది అందుబాటులో లేకపోవడంపై గ్రామస్తులు ఆగ్రహం వ్యక్తం చేస్తున్నారు. సకాలంతో వైద్య సహాయం అందకపోవడంతో బంధువులే ప్రసవం చేయాల్సి రావడం ఆందోళన కలిగించే అంశమని గ్రామస్తులు అంటున్నారు. ఏదైనా అనుకోని ఘటన జరిగి ఉంటే తల్లి, శిశువు ప్రాణాలకు ముప్పు ఏర్పడేదని ఆవేదన వ్యక్తం చేస్తున్నారు. ఈ ఘటనపై ఉన్నతాధికారులు వెంటనే విచారణ చేపట్టి వాస్తవాలను వెలుగులోకి తీసుకురావాలని గ్రామస్తులు కోరుతున్నారు. ఇదీ చదవండి: విజయవాడ మిస్సింగ్‌ కేసులో షాకింగ్ ట్విస్ట్‌.. టాటూ వల్లే కళ్యాణి..

‘నిజమైన గొప్ప కళ ఎల్లప్పుడూ ఆశాభావంతో కూడుకున్నది. కళాకారులు తమ సృజనాత్మక పనిలో సంతోషాన్ని పొందుతారు. గొప్ప కళలన్నీ విషాదాంతంగా ఉంటాయనేది వాస్తవమైనా పై అంశాన్ని ఏ మాత్రం మార్చలేదు’ అని ప్రముఖ సంఘసంస్కర్త, అమెరికన్‌ రచయిత అప్టన్‌ సింక్లెయిర్‌ సంస్కృతి, కళల పట్ల తన అభిప్రాయాలను నిర్మొహమాటంగా వెల్లడించారు.‘డ్రాగన్‌ టీత్స్‌’ (డ్రాగన్‌ కోరలు) అంటూ హిట్లర్‌ ఫాసిజాన్ని ఎండగట్టిన సింక్లేర్‌ తన పుస్తకానికి పులిట్జర్‌ బహుమతి పొందిన తర్వాత, ‘కళాకారులు కేవలం కళారూపాలను మాత్రమే కాదు, నూతన సమాజ సృష్టి కర్తలు కావాలన్న’ ఆకాంక్షను సైతం వెల్లడించారు. సకల వైవిధ్య జానపద కళలకు, పౌరాణిక వీరగాథలకు, పటాల కథలకు, విప్లవ గీతాలకు ప్రసిద్ధి పొందిన తెలంగాణలో ‘ప్రజా కళాజాతర’ సెప్టెంబర్‌ 26 ఉదయం నుండి 28 మధ్యాహ్నం వరకు 50 గంటల పాటు ఏకధాటిగా జరుగుతున్నది. సాంకేతికంగా అరుణోదయ ప్రజా గాయనిగా నా విప్లవ ప్రజా సాంస్కృతికోద్యమ 50 ఏళ్ల ప్రస్థానం సందర్భంగా ఇది జరుగుతున్నా దీనిని అచ్చమైన ‘ప్రజా కళాజాతర’ గానే పరిగణించి ఇందులో భాగస్వామ్యం కావాలని కోరుతున్నాను.సంస్కృతి–కళలు–సాహిత్యం ఆ యా కాలాలలో ఉనికిలో ఉన్న దోపిడి ఆర్థిక–రాజకీయ సామాజిక ప్రభావాలతో ముడిపడి ఉంటా యనేది వాస్తవమే. అదే సమయంలో ఆధిపత్య వర్గ–కుల రాజకీ యాలకు, సంస్కృతికి వ్యతిరేకంగా సాగుతున్న వర్గ–కుల పోరా టాలు కూడా చరిత్ర పొడవునా మనకు కనబడుతున్నాయి. మను వాద సంస్కృతి – కార్పొరేట్‌ దోపిడీ అనే సమ్మిళిత నకిలీ జాతీయ వాద ప్రభావాన్ని తట్టుకుంటూ మౌఖిక సంప్రదాయం నేటికీ సజీవంగా ఉంది.ఛత్రపతి శివాజీకి సమకాలికుడిగా ఉన్న సర్దార్‌ సర్వాయి పాపన్న చరిత్రను మనం శారద వీణపై పలికించిన శారద గాండ్ర నుండే సేకరించాము. అది బహుజన రాజకీయ చైతన్యాన్ని రగిలించింది. సమ్మక్క–సారమ్మల ధీరత్వం, ఆదివాసీ వీరుల వీరత్వం, బంజార యోధుల గాథలెన్నో ప్రజల నోట్లో నాను తున్నాయి. మహత్తర తెలంగాణ సాయుధ పోరాటం (1946–51) జానపద కళారూపాలెన్నింటినో ప్రజాస్వామీకరించి రూపాన్ని మార్చకుండానే, విప్లవ సారంతో దానికి వన్నెలద్దింది.నక్సల్బరీ–శ్రీకాకుళం–గోదావరిలోయ పోరాటాల ప్రేరణతో 1970ల కల్లోల దశాబ్దంలో 1974లో ‘అరుణోదయ’ పురుడు పోసు కుంది. ఏడేళ్ల వయసు నుండి మా నాయిన కామ్రేడ్‌ బండ్రు నర్సింహులు వేలు పట్టుకుని పాటలు పాడుతూ సాగిన నాకు 1974 తర్వాత అరుణోదయ జెండా చేతికందింది. అది జన విముక్తయినా, స్త్రీ విముక్తయినా, కుల నిర్మూలనైనా, ఆదివాసి స్వయం పాలనైనా, తెలంగాణ లాంటి ప్రాంతీయ ప్రజాస్వామ్య ఆకాంక్షలైనా ఉద్యమ గాయనిగా సుదీర్ఘంగా ప్రజలతోనే ఉంటున్నాను. ఈ సుదీర్ఘకాలంలో కళారంగమే జీవితంగా బతుకొచ్చని నిరూపించుకున్నా.ప్రత్యామ్నాయ ప్రజా సంస్కృతి నిర్మాణం ఏ ఒక్క సంస్థతోనో సాధ్యం కాదని తేలిపోయింది. 52 ఏళ్ల అరుణో దయలో, నా 50 ఏళ్ల విప్లవ ప్రజా సాంస్కృతికోద్యమ ప్రస్థానాన్ని వ్యక్తిగత ఉత్సవంగా కాకుండా ‘ప్రజా కళాజాతర’గా జరపడాన్ని నేను అంగీకరించాను. ప్రజా కవులు, కళాకారులు, జానపద కళాకారులు, వృత్తి కళా కారులు మొదలుకొని ప్రజా కళాభిమానులందరినీ ఒకచోట చేర్చుదాం.‘ఒకే దేశం–ఒకే సంస్కృతి’ అనే నియంతృత్వ పోకడ లను ఎదిరిస్తూ, వైవిధ్య సంస్కృతే ప్రజాస్వామ్యమని ‘గంగా జమునా తెహజీబ్‌’ (సంస్కృతి)గా ప్రసిద్ధిగాంచిన తెలంగాణ నేల నుండి చాటి చెబుదాం. ఆప్టన్‌ సింక్లెయిర్‌ మాత్రమే కాదు, వందల, వేలమంది ప్రగతికాముకులు కలగన్నట్టు మనం కళా రూపాలనే కాదు, నూతన సమాజ రూపురేఖలను చిత్రిస్తూ అమరుల కలలకు ఆచరణ రూపం ఇద్దాం.– ‘అరుణోదయ’ విమలక్క‘, సాంస్కృతిక కార్యకర్త (నేటి నుంచి హైదరాబాద్‌ ఆర్టీసీ కల్యాణ మండపంలో ఏకధాటిగా 50 గంటల ‘ప్రజా కళాజాతర’ సందర్భంగా)ఇదీ చదవండి: ఇంకా ప్రపంచానిది ఆటవిక న్యాయమేనా?

ది ప్యారడైజ్’ సినిమా చూసిన ప్రేక్షకులకు నాని పాత్రతో పాటు మరో క్యారెక్టర్ కూడా ఊహించని సర్‌ప్రైజ్ ఇచ్చింది. అదే ఎమ్మెల్యే శంకరన్న పాత్ర. ఈ పాత్రలో ప్రియదర్శి కనిపించిన తీరు ప్రేక్షకులను ఒక్కసారిగా ఆశ్చర్యానికి గురిచేసింది. లుక్ దగ్గర నుంచి మాట తీరు, హావభావాలు, డైలాగ్ డెలివరీ వరకు ఆయన చూపించిన విధానం తెలంగాణ మాజీ సీఎం కేసీఆర్‌ను గుర్తు చేసేలా ఉండటంతో థియేటర్లలో ప్రత్యేకమైన స్పందన వచ్చింది. రిలీజ్‌ వరకు ఈ పాత్రకు సంబంధించిన విషయాలను మేకర్స్‌ పూర్తిగా సీక్రెట్‌గా ఉంచడంతో.. తెరపై ప్రియదర్శిని చూసిన ఆడియన్స్‌కు ఇది బిగ్ సర్‌ప్రైజ్‌గా మారింది.‘ది ప్యారడైజ్‌’లో ఎమ్మెల్యే శంకరన్నగా ప్రియదర్శి తనదైన నటనతో అదరగొట్టారు. ఎప్పటికప్పుడు డిఫరెంట్‌ రోల్స్‌తో ప్రేక్షకులను మెప్పించే ఆయన.. ఈ సినిమాలో ప్రజల కోసం నిలబడే నేతగా కనిపించారు. ఆయన లుక్‌ను గమనించిన ప్రతిసారీ కేసీఆర్‌ గుర్తుకు వచ్చేలా దర్శకుడు శ్రీకాంత్ ఓదెల పాత్రను డిజైన్ చేశారు. ముఖ్యంగా ముక్కు ఆకారం, హెయిర్‌స్టైల్, బాడీ లాంగ్వేజ్‌, డైలాగ్‌ చెప్పే విధానం, హావభావాలు.. ఇలా ప్రతి అంశంలోనూ కేసీఆర్‌ ఛాయలు కనిపించేలా ప్రియదర్శి నటించారు.అయితే ఈ పాత్రను కేవలం ఇమిటేట్ చేయడంతోనే ఆపకుండా.. తనదైన నటనతో ప్రియదర్శి మరింత ఆసక్తికరంగా మలిచారు. సినిమాలో ఆయన కనిపించిన ప్రతిసారీ ప్రేక్షకుల నుంచి మంచి స్పందన రావడానికి ఇదే ప్రధాన కారణంగా చెప్పొచ్చు. నానికి ఎంతగా పేరు వచ్చిందో.. శంకరన్న పాత్రలో ప్రియదర్శికి కూడా అదే స్థాయిలో ప్రశంసలు దక్కుతున్నాయి. సోషల్ మీడియాలోనూ ప్రస్తుతం ఆయన పేరు మారుమోగుతోంది.(చదవండి: నాని 'ప్యారడైజ్'కి రెండు రోజుల్లో ఎంతొచ్చాయ్?)ఈ నేపథ్యంలో ప్రియదర్శి నటనపై తోటి నటుడు రాహుల్ రామకృష్ణ ప్రశంసలు కురిపించారు. సోషల్ మీడియా వేదికగా ప్రియదర్శిని ఉద్దేశిస్తూ ‘బాపూ.. ఇచ్చి పడేసినావు’ అంటూ రాహుల్ రామకృష్ణ పోస్ట్ చేశారు. దీనికి ప్రియదర్శి కూడా తన పాత్రను గుర్తుచేసేలా సరదాగా స్పందించారు. కేసీఆర్‌ గతంలో చేసిన ఓ వ్యాఖ్యను గుర్తుచేస్తూ.. ‘ఏమయ్యా రాహుల్.. గిదా పద్ధతి? గొర్రెపిల్లని కోసి దావత్ ఇయ్యాలే’అంటూ రిప్లై ఇచ్చారు.ప్రియదర్శి-రాహుల్ రామకృష్ణ మధ్య జరిగిన ఈ సరదా సోషల్‌ మీడియా పోస్టులు ప్రస్తుతం సోషల్ మీడియాలో వైరల్‌గా మారాయి. ‘ది ప్యారడైజ్‌’లో శంకరన్న పాత్రను మేకర్స్‌ ఇంతకాలం రహస్యంగా ఉంచడం.. ఇప్పుడు ఆ పాత్రకు వస్తున్న స్పందన సినిమాకు మరో ప్రత్యేక ఆకర్షణగా మారడం విశేషం. ముఖ్యంగా కేసీఆర్‌ను పోలిన లుక్‌, డైలాగ్ డెలివరీతో ప్రియదర్శి తెరపై కనిపించిన తీరు ప్రేక్షకులను ఆశ్చర్యపరుస్తోంది. మొత్తానికి ‘ది ప్యారడైజ్‌’తో ప్రియదర్శికి మరో గుర్తుండిపోయే పాత్ర దక్కిందనే చర్చ సోషల్ మీడియాలో వినిపిస్తోంది. Em vy Rahulluuu Gidha padhathi Gorre pilla kosi dawat iyyale🫂— Priyadarshi Pulikonda (@Preyadarshe) September 24, 2026

‘‘ఆరోజు జైసూ అవుట్‌ కాగానే నెమ్మదిగా డ్రెసింగ్‌ రూమ్‌ వైపు కదిలాడు. అతడు ఒక్క మాట కూడా మాట్లాడలేదు. మరోసారి ఫుటేజీలో చూసినా ఈ విషయం స్పష్టంగా తెలుస్తుంది. అకస్మాత్తుగా జైస్వాల్‌ వెనక్కి తిరిగినట్లు కనిపిస్తుంది. ఆరోజు శ్రీలంక పేసర్‌ అసభ్య పదజాలంతో జైస్వాల్‌ను దూషించాడు.అతడు అదే పనిగా తనను దూషిస్తున్నట్లు జైస్వాల్‌తో నాతో చెప్పాడు’’ అని టీమిండియా వికెట్‌ కీపర్‌ బ్యాటర్‌ ధ్రువ్‌ జురెల్‌ గత జ్ఞాపకాలు గుర్తుచేసుకున్నాడు. శ్రీలంక పేసర్‌ అసిత ఫెర్నాండో రెచ్చగొట్టినందు వల్లే జైస్వాల్‌ స్పందించాల్సి వచ్చిందని తాజాగా స్పష్టం చేశాడు.తీవ్రస్థాయిలో వాగ్వాదం కాగా గత నెల (ఆగష్టు)లో టీమిండియా శ్రీలంక పర్యటనకు వెళ్లిన సంగతి తెలిసిందే. ఇందులో భాగంగా ఆతిథ్య జట్టుతో రెండు టెస్టులు ఆడి.. సిరీస్‌ను 1-0తో కైవసం చేసుకుంది. అయితే, రెండో టెస్టు తొలి రోజు ఆట సందర్భంగా భారత ఓపెనర్‌ యశస్వి జైస్వాల్‌- లంక పేసర్‌ అసిత ఫెర్నాండో మధ్య వాగ్వాదం జరిగింది.మరుసటి బంతికే క్లీన్‌బౌల్డ్‌టీమిండియా ఇన్నింగ్స్‌లో అసిత.. 17వ ఓవర్‌ వేయగా.. అతడి బౌలింగ్‌లో జైస్వాల్‌ రెండు, నాలుగు, ఐదో బంతులకు ఫోర్లు బాదాడు. అయితే, ఆ మరుసటి బంతికే క్లీన్‌బౌల్డ్‌ అయిపోయాడు. దీంతో జైస్వాల్‌ మైదానం వీడుతున్న క్రమంలో.. అసిత ఏదో అన్నట్లు కనిపించింది.కొట్టుకునేదాకా వెళ్లారుఇందుకు జైసూ ఘాటుగానే బదులిస్తూ.. అసిత మీదకు దూసుకువెళ్లాడు. అసిత కళ్లల్లోకి కళ్లు పెట్టి చూస్తూ కోపంగా తన హెల్మెట్‌తో నెట్టేసే ప్రయత్నం చేశాడు. పరిస్థితిని గమనించిన లంక కెప్టెన్‌ ధనంజయ డి సిల్వ ఇద్దరినీ విడదీసే ప్రయత్నం చేశాడు.ఈ నేపథ్యంలో అంతర్జాతీయ క్రికెట్‌ మండలి జైస్వాల్‌, అసితలపై కఠిన చర్యలు తీసుకుంది. నిబంధనలు అతిక్రమించారన్న కారణంగా ఇద్దరి మ్యాచ్‌ ఫీజులో 25 శాతం కోత విధించడంతో పాటు.. ఇద్దరి ఖాతాలో చెరో డీ మెరిట్‌ పాయింట్‌ జతచేసింది.నా వికెట్‌ తీశావు.. కాబట్టి దూకుడుగా సంబరాలు చేసుకో.. కానీఈ విషయం గురించి తాజాగా ఆకాశ్‌ చోప్రా ఇంటర్వ్యూలో.. నాడు జైసూతో కలిసి మ్యాచ్‌ ఆడిన ధ్రువ్‌ జురెల్‌ స్పందించాడు. ఆరోజు జరిగిన ఘటనలో జైస్వాల్‌ తప్పేమీ లేదని స్పష్టం చేశాడు. ‘‘ఆరోజు జైస్వాల్‌ అవుటైన తర్వాత వెళ్లిపోతున్న సమయంలో అసిత రెచ్చగొట్టాడు.ఇందుకు బదులిస్తూ.. ‘నువ్వు నా వికెట్‌ తీశావు.. కాబట్టి దూకుడుగా సంబరాలు చేసుకో. కానీ నన్ను దూషించే హక్కు నీకు లేదు’ అని చెప్పాడు. అయినా జైస్వాల్‌ ఎప్పుడూ ఎవరినీ స్లెడ్జ్‌ చేయడు.ఎవరైనా తనను రెచ్చగొడితే మాత్రం అస్సలు ఊరుకోడు. వారి ప్రవర్తనకు తగ్గట్లే బదులిస్తాడు. క్రీజులో ఉన్నపుడు కేవలం బ్యాటింగ్‌ మీదే తన దృష్టి ఉంటుంది. కానీ ఎవరైనా ఇలా రెచ్చగొడితే మాత్రం చూస్తూ ఊరుకోడు’’ అని జురెల్‌ చెప్పుకొచ్చాడు.చదవండి: ఆసియా క్రీడలు- 2026: టీమిండియా క్వార్టర్‌ ఫైనల్‌ ప్రత్యర్థి ఖరారు

ఎవరైనా వెయ్యి రూపాయలతో అయ్యే పనికి ఐదువేలో, పది వేలో ఖర్చు చేస్తారా? అలా చేస్తామని అంటే జనం ఏమని అనుకుంటారు? అయితే చేతకాని తనమన్నా కావాలి. లేదా ఏదైనా స్వార్ధ ప్రయోజనం ఉండి ఉంటుందని అనుకోరా? సరిగ్గా ఇదే రీతిలో ఏపీ రాజధాని అమరావతి గ్రామాలలో జరుగుతోందనిపిస్తోంది.కొత్త ఎయిర్ పోర్టు కోసం ఇరవై వేల ఎకరాలు, రైల్వే లైన్, గ్రిడ్ రోడ్డు విస్తరణ వంటి కోసం 6212 ఎకరాలు తీసుకుంటారట. ఎయిర్ పోర్టుకు ఐదువేల ఎకరాలు సరిపోతుంది. కాని నాలుగురెట్లు ఎక్కువగాను, రైల్వేలైన్, తదితర అవసరాలకు 1581 ఎకరాలు చాలు. కాని నాలుగు రెట్లు అదనంగా పూలింగ్ చేస్తారట. ఇప్పటికే విజయవాడ సమీపంలోని గన్నవరం వద్ద అంతర్జాతీయ విమానాశ్రయం ఉంది. గతంలో దాని విస్తరణకు రైతులనుంచి భూములు తీసుకున్నారు. ఆ రైతులందరికి పూర్తి స్థాయి న్యాయం జరగలేదని ఈ మధ్యనే ఎయిర్ పోర్టు వద్ద ధర్నా కూడా జరిగింది.అయితే కొంతమంది పలుకుబడి కలిగినవారు ఈ భూములకు బదులు అమరావతి ప్రాంతంలో విలువైన ప్లాట్లు పొందారని కూడా చెబుతారు. దీనిని పక్కనబెడితే కూటమి ప్రభుత్వానికి లేడికి లేచిందే పరుగు అన్నట్లుగా, కొత్తగా మరో విమానాశ్రయం కట్టాలన్న ఆలోచన వచ్చింది. అది కూడా విజయవాడ, గుంటూరులకు సుదూరంగా ఉండే మారుమూల గ్రామాలలో కావడం విశేషం. ఇందుకోసం ఐదువేల ఎకరాలు అవసరమట. కాని 20వేల ఎకరాలు సేకరించవలసి ఉంటుందని పురపాలక శాఖ మంత్రి పీ.నారాయణ ప్రకటించారు. అదేమిటి? నాలుగు రెట్లు అధికంగా భూములు తీసుకోవడం ఏమిటన్న సందేహం ఎవరికైనా రావచ్చు. దానికి ఆయన ఇచ్చిన జవాబు ఏమిటంటే 20వేల ఎకరాలు తీసుకుంటే ప్రభుత్వానికి ఐదువేల ఎకరాలే మిగులుతుందట. మిగిలిన భూమిలో ప్లాట్లు అభివృద్ది చేసి రైతులకు ఇవ్వవలసి ఉంటుందట. అలాగే విద్యాసంస్థలు, ఆస్పత్రులు ఇతర అవసరాలకు కేటాయించాలట. ఇదే ప్రకారం రైల్వే లైన్, ఇన్నర్ రింగ్ రోడ్డు, గ్రిడ్ రోడ్లకు కూడా తీసుకుంటారట.ముఖ్యమంత్రి చంద్రబాబు నాయుడు గతంలో కేంద్రానికి రాసిన ఒక లేఖ ప్రకారం ప్లాట్ల అభివృద్దికి ఎకరాకు రెండు కోట్లు వ్యయం అవుతుంది. అది ఇప్పుడు మరికొంత పెరిగిందేమో తెలియదు. ఈ రకంగా చూస్తే ఎయిర్ పోర్టు భూమి పోను మిగిలిన 15వేల ఎకరాలనే పరిగణనలోకి తీసుకుంటే ఎకరాకు మినిమమ్ రెండు కోట్ల చొప్పున ముప్పైవేల కోట్ల వ్యయం అవుతుందన్నమాట. ఇంత భారీ వ్యయం చేసే బదులు అవసరమైన ఐదువేల ఎకరాలకు రెండు కోట్ల చొప్పున లెక్కగట్టి ఇస్తే పదివేల కోట్లు సరిపోతుంది కదా!లేదా మూడు కోట్లు ఇచ్చినా 15వేల కోట్లు అవుతుంది.రైల్వే లైన్ తదితర అవసరాలకోసం ఈ ప్రకారం లెక్కవేస్తే ప్లాట్ల అభివృద్దికే 18వేల కోట్లు అవుతుంది. కాని కొనుగోలు చేస్తే పది, పన్నెండువేల కోట్లు మించి కాకపోవచ్చు. దీనిని వదలి ఒక రియల్ ఎస్టేట్ వెంచర్ మాదిరి ఎందుకు భూములు సేకరిస్తున్నట్లు? రైతులకు ప్లాట్ల అభివృద్ది జరిగే వరకు కౌలు రూపేణా, రుణాల మాఫి రూపేణా, ఇతరత్రా కోట్ల రూపాయల మెత్తాలను వెచ్చించవలసి ఉంటుంది. దీనిని బట్టి ఏం అర్దం అవుతుంది. వెయ్యి రూపాయల ఖర్చు అయ్యేదానిని మూడు, నాలుగు రెట్లకు పెంచుతున్నారనిపించదా? ప్రభుత్వం ఏదో రకంగా దీనిని సమర్ధించుకోవచ్చు. కానీ అందులో హేతుబద్దత ఎంత అన్నదే చర్చ.ఇదీ చదవండి: నాడు ప్రశంసలు.. నేడు విమర్శలు.. బాబుకు కొత్త ఆందోళన!హైదరాబాద్ శంషాబాద్ వద్ద రైతుల నుంచి భూములను ప్రభుత్వం తీసుకుని పరిహారం చెల్లించిన అనుభవం ఉన్నప్పటికీ ఏపీ ప్రభుత్వం పూలింగ్ వైపే వెళుతోంది. రైతుల నుంచి భూములు తీసుకోవడంతో పచ్చని పంట పొలాలను నాశనం చేయడం ఒక ఎత్తు అయితే, వారి వద్దే భూములు ఉంటే ఎప్పుడైనా తమకు నచ్చిన రేటుకు అమ్ముకునే అవకాశం ఉండడం మరో ఎత్తుగా ఉంటుంది. వీటన్నిటిని కాదని ప్రభుత్వం భూములు తీసుకోవడం, నిర్మాణాల పేరిట వేల కోట్ల రూపాయలను అప్పు తెచ్చి మరీ వ్యయం చేయడంపై విమర్శలు వస్తున్నాయి.మాజీ మంత్రి, రైతు నాయకుడు వడ్డే శోభనాద్రీశ్వరరావు, మాజీ ఐఎఎస్, లిబరేషన్ కాంగ్రెస్ అధ్యక్షుడు విజయకుమార్ తదితరులు ముందుగా ఇప్పటికే తీసుకున్న భూమిని అభివృద్ది చేయకుండా కొత్తగా భూములు తీసుకోవడం ఏమిటని, పలు అనుభవాల రీత్యా చంద్రబాబునునమ్మడం ఎలా అని ప్రశ్నించారు. రెండో దశ భూ సేకరణ అంటే అవినీతికోసమేనని మరో మాజీ ఐపీఎస్ అధికారి ఏబీ వెంకటేశ్వరరావు కొంతకాలం క్రితం ఆరోపించారు. ఎవరు ఎన్ని హితోక్తులు చెప్పినా, విమర్శలు చేసినా.. ప్రభుత్వం మాత్రం తగ్గడం లేదు. ఆయా భవనాల నిర్మాణానికి పెడుతున్న వ్యయం చూస్తే ఎవరికైనా దిమ్మదిరగాల్సిందే.శాశ్వత సచివాలయ టవర్ల అద్దాలకు 2455 కోట్లు వ్యయం చేయబోతున్నారు. ఇందులో తొలుత ఉన్న అంచనా వ్యయం కన్నా 500 కోట్లు అధికంగా ఉందని మీడియాలో వార్తలు వచ్చాయి. అమరావతిలో విద్యుత్ సరఫరాను ప్రైవేటుకు అప్పగించాలన్నది మరో ఆలోచనట. దీనిపై నివేదికలు తయారు చేయడానికి టెండర్లు పిలిచారు. ఇప్పటికే వేల కోట్ల వ్యయం చేసి అండర్ గ్రౌండ్ విద్యుత్ సరఫరా, పంపిణీ వ్యవస్థను సీఆర్డిఏ తయారు చేస్తోంది. అంతా సిద్దం అయ్యాక ప్రైవేటువారికి దీనిని అప్పగిస్తారా? లేక ముందే ప్రైవేటుకు అప్పగిస్తారా? అన్న చర్చ జరుగుతోంది. ఇదంతా వినియోగదారులపై భారం కాదా అన్నది కొందరి సందేహం.అమరావతి చుట్టూరా అవుటర్ రింగ్ రోడ్డు నిర్మాణం చేయాలన్నది మరో ప్రతిపాదన. కేంద్రం దీనిపై కొన్ని అభ్యంతరాలు చెబుతున్నా రాష్ట్ర ప్రభుత్వం ఒప్పుకోవడం లేదు. సుమారు 30వేల కోట్ల వ్యయం అవుతుందని అంచనా అయితే ఇందులో రాష్ట్రం కూడా నాలుగువేల కోట్లకు పైగా భరించాల్సి ఉంటుందట. అసెంబ్లీ కొత్త భవనాన్ని నిర్మించడంలో భాగంగా కేవలం భవన శిఖరం(డూమ్) నిర్మాణానికి 660 కోట్లకు పరిపాలన అనుమతులు మంజూరు చేశారట. పార్లమెంటు కొత్త భవనం, తెలంగాణ సచివాలయంలకు పెట్టిన ఖర్చుతో పోల్చితే ఏపీ ఖర్చు గుండె బేజారెత్తిస్తుందని చెప్పాలి.కొండవీటి వాగు వరదనుంచి రక్షణ పొందడానికి కొన్నివందల కోట్లు వ్యయం చేస్తున్నారు. కృష్ణానది కుడి కరకట్ట విస్తరణకు 443 కోట్లు వెచ్చించబోతున్నారు. వివిధ ప్రభుత్వ కార్యాలయాలకు సెంట్రలైజ్‌డ్ కూలింగ్ వ్యవస్థ కోసం 415 కోట్లు పెట్టబోతున్నారు. గవర్నర్ నివాస భవన సముదాయానికే 200 కోట్లకు పైగా ఖర్చు అవుతుందని అంచనా అట. అమరావతిలో పెడుతున్న ఖర్చులో ఇవి కొన్నే. ఇందులో దుబారా, అవినీతిపై ఎవరైనా ప్రశ్నించినా పట్టించుకునే దశలో చంద్రబాబు సర్కార్ లేదు. మొత్తం రాష్ట్ర ప్రజలందరినుంచి వసూలు చేసే పన్నులలో నుంచే అమరావతి అప్పులను తీర్చవలసి ఉంటుంది. ఒకపక్క ఎల్ నినో కారణంగా కరువు తాండవిస్తుంటే, మరో పక్క అమరావతిలో వేల కోట్ల రూపాయలను విచ్చలవిడిగా వెచ్చించడం న్యాయమా అని సామాన్యుడు ప్రశ్నించినా వినే నాధుడు లేడు.-కొమ్మినేని శ్రీనివాసరావు, సీనియర్‌ జర్నలిస్ట్‌, రాజకీయ వ్యవహారాల వ్యాఖ్యాత.

కేంద్ర ఎన్నికల సంఘం వ్యవహారం.. ప్రతిపక్షాలను ఏకతాటిపైకి తెస్తోంది. ప్రధాన ఎన్నికల కమిషనర్‌ (సీఈసీ) జ్ఞానేశ్‌ కుమార్‌ రాజీనామా చేయాలన్న డిమాండ్‌తో ఆ పార్టీలు గళం వినిపిస్తున్నాయి. ఈ తరుణంలో పశ్చిమ బెంగాల్‌లో ఆసక్తికర పరిణామం చోటుచేసుకుంది. రాజకీయంగా బద్ధ విరోధులైన టీఎంసీ, వామపక్షాలు సీఈసీ విషయంలో ఒక్కతాటిపైకి వస్తున్న వేళ.. ఆ రాష్ట్ర అధికార పార్టీ మాత్రం జ్ఞానేశ్‌ కుమార్‌కు పద్మ అవార్డు ఇవ్వడం సరైందని అంటోంది. పశ్చిమ బెంగాల్‌ బీజేపీ అధ్యక్షుడు సమిక్‌ భట్టాచార్య సీఈసీ జ్ఞానేశ్‌ కుమార్‌కు మద్దతుగా నిలిచారు. బెంగాల్‌లో ప్రశాంతంగా అసెంబ్లీ ఎన్నికలు నిర్వహించడంతోపాటు ఓటర్ల జాబితా ప్రక్షాళనకు చర్యలు తీసుకున్నందుకు ఆయనకు కనీసం పద్మ భూషణ్‌ పురస్కారం ఇవ్వాలని కోరారు. ఎన్నికల సమయంలో ప్రజలను భయపెట్టే ఘటనలు లేకుండా స్వేచ్ఛగా ఓటు వేసే పరిస్థితి కల్పించడంలో జ్ఞానేశ్‌ కుమార్‌ కీలక పాత్ర పోషించారని అన్నారు. గతంలో రాష్ట్రంలో ఇలాంటి ప్రశాంతమైన ఎన్నికలను ప్రజలు అరుదుగా చూశారని పేర్కొన్నారు. జ్ఞానేశ్‌ కుమార్‌కు బెంగాల్‌ ప్రజల ఆశీస్సులు ఉన్నాయని వ్యాఖ్యానించారు.అక్రమంగా దేశంలోకి వచ్చిన బంగ్లాదేశీయుల పేర్లను పశ్చిమ బెంగాల్‌లో ఓటర్ల జాబితా నుంచి తొలగించేందుకు జ్ఞానేశ్‌ కుమార్‌ చర్యలు తీసుకున్నారని సమిక్‌ భట్టాచార్య పేర్కొన్నారు. ఎస్‌ఐఆర్‌ (స్పెషల్‌ ఇంటెన్సివ్‌ రివిజన్‌) ప్రక్రియను ప్రస్తావిస్తూ.. ఓటర్ల జాబితాను ‘ప్రక్షాళన’ చేయడంలో సీఈసీ కీలకంగా వ్యవహరించారని అన్నారు. మరోవైపు ఆగ్రహంజ్ఞానేశ్‌ కుమార్‌కు బీజేపీ నేత మద్దతు ప్రకటించిన సమయంలోనే.. మరోవైపు ఎన్నికల సంఘం పనితీరుపై ప్రతిపక్షాల విమర్శలు కొనసాగుతున్నాయి. సీఈసీ పోస్టుకు జ్ఞానేశ్‌ కుమార్‌ రాజీనామా చేయాలని ప్రతిపక్షాలు డిమాండ్‌ చేస్తున్నాయి. ఎస్‌ఐఆర్‌ ప్రక్రియకు సంబంధించిన కొన్ని నిర్ణయాలు తమకు తెలియకుండానే తమ పేర్లతో తీసుకున్నారంటూ ఇద్దరు ఎన్నికల కమిషనర్లు అభ్యంతరం వ్యక్తం చేసినట్లు వచ్చిన నివేదికలు ఈ వివాదాన్ని మరింత తీవ్రం చేశాయి.జ్ఞానేశ్‌ కుమార్‌ రాజీనామా చేయాలని కాంగ్రెస్‌ సహా పలు ప్రతిపక్ష పార్టీలు డిమాండ్‌ చేస్తున్నాయి. కాంగ్రెస్‌ దేశవ్యాప్తంగా నిరసనలు చేపట్టగా.. జ్ఞానేశ్‌ కుమార్‌ పదవి నుంచి తప్పుకోవాలని సీపీజే డెడ్‌లైన్‌ ఇవాళ్టితో ముగియనుంది. అయితే ఎన్నికల కమిషన్‌లో భిన్నాభిప్రాయాలు వ్యక్తమవడం అంటే ఆ సంస్థ ప్రజాస్వామ్య పద్ధతిలో పనిచేస్తోందనడానికి నిదర్శనమని బీజేపీ జాతీయ అధికార ప్రతినిధి సంబిత్‌ పాత్ర అంటున్నారు.సుప్రీంకోర్టులోనూ పిటిషన్‌కేంద్ర ఎన్నికల సంఘం తాజా పరిణామాలపై ఇప్పటికే సుప్రీం కోర్టులో ఓ పిటిషన్‌ దాఖలైంది. సోమవారం అది విచారణకు వచ్చే అవకాశం ఉంది. ఈ పరిణామాల మధ్యే.. జ్ఞానేశ్‌ కుమార్‌ను పదవి నుంచి తప్పుకోవాలని ప్రతిపక్షాలు డిమాండ్‌ చేస్తుండగా, ఇటు అధికార బీజేపీ మాత్రం మద్దతుగా నిలుస్తోంది.ఇదీ చదవండి: ఆయనకు ఢిల్లీని ఏలే సీన్‌ ఉందా?

ముంబై: ప్రముఖ నటి మధుబాల వినాయక చవితి వేళ ముంబైలోని ప్రసిద్ధ లాల్‌బాగ్చా రాజా గణపతి మండపాన్ని సందర్శించి గణపయ్య ఆశీస్సులు తీసుకున్నారు. అయితే ఆమె దర్శనానికి సంబంధించిన ఓ వీడియో ప్రస్తుతం సోషల్ మీడియాలో వైరల్‌గా మారింది. అందులో మధు సమర్పించిన రూ.500 నోటును సమీపంలో ఉన్న ఓ వ్యక్తి తీసుకుని వస్త్రం కింద పెట్టినట్లు కనిపించడం చర్చకు దారితీసింది.గణపతికి రూ.500 సమర్పించిన మధూ షావైరల్ వీడియోలో మధు లాల్‌బాగ్చా రాజా వద్దకు వెళ్లి రూ.500 నోటును సమర్పించినట్లు కనిపిస్తోంది. అనంతరం ఆమె అభిమానుల వైపు తిరిగి చేతులు ఊపారు. అదే సమయంలో అక్కడే ఉన్న ఓ వ్యక్తి ఆ నోటును తీసుకుని, ఓ వస్త్రం కింద పెట్టినట్లు వీడియోలో కనిపించింది. ఈ దృశ్యాన్ని ఎవరో కెమెరాలో చిత్రీకరించడంతో అది సోషల్ మీడియాలో వైరల్‌గా మారింది. పలువురు సోషల్ మీడియా యూజర్స్‌ దీనిపై స్పందించారు.కొందరు ఈ ఘటనను విరాళాల విషయంలో జరుగుతున్న మోసాలతో పోల్చారు. మరికొందరు ఆలయాలు, దర్గాల్లో సమర్పించే కానుకలు ఎక్కడికి చేరుతున్నాయనే అంశంపై తమ అనుభవాలను పంచుకున్నారు. మరో నెటిజన్ ‘రామాలయంలోనే దోపిడీ జరిగింది.. ఇందులో పూజారి తప్పేముంది?’ అంటూ ప్రశ్నించారు. ఇలా వైరల్ వీడియోపై సోషల్ మీడియాలో భిన్నమైన అభిప్రాయాలు వ్యక్తమవుతున్నాయి. కాగా లాల్‌బాగ్చా రాజా దర్శనానికి సంబంధించిన ఫొటోలను మధు స్వయంగా సోషల్ మీడియాలో షేర్ చేశారు. View this post on Instagram A post shared by Batamiwala (@marathi_batamiwala)ఇదీ చదవండి: వార్తల్లో మనోజ్ తివారీ రెండో భార్య.. ఏం చేస్తుంటారంటే..

సాక్షి, ఎన్టీఆర్‌ జిల్లా: ఎన్టీఆర్‌ జిల్లా ఇబ్రహీంపట్నంలో మహిళ శరీర భాగాలు లభ్యమైన కేసులో పోలీసులు కీలక పురోగతి సాధించారు. మృతురాలిని మంగళగిరికి చెందిన కళ్యాణిగా గుర్తించారు. చేతిపై ఉన్న టాటూ ఆధారంగా ఆమెను గుర్తించినట్లు పోలీసులు తెలిపారు. ఈ నెల 17న కళ్యాణి కనిపించకుండా పోగా.. అదే రోజు ఆమె హత్యకు గురైనట్లు దర్యాప్తులో ప్రాథమికంగా నిర్ధారించినట్లు సమాచారం. కళ్యాణి కనిపించకుండా పోయినప్పటి నుంచి ఆమె సోదరుడు ఆచూకీ కోసం వెతుకుతున్నాడు. ఈ క్రమంలో ఇన్‌స్టాగ్రామ్‌లో ఉన్న ఫొటోల ఆధారంగా ఆమె చేతిపై ఉన్న టాటూను గుర్తించి పోలీసులకు సమాచారం అందించినట్లు తెలుస్తోంది.ఏం జరిగిందంటే.. ఇబ్రహీంపట్నం సమీపంలోని ఎన్టీటీపీఎస్‌ చన్నీళ్ల కాలువలో రెండ్రోజులుగా మహిళకు సంబంధించిన శరీర భాగాలను వేర్వేరు సమయాల్లో స్థానిక పోలీసులు స్వాధీనం చేసుకున్నారు. మొదటిగా శుక్రవారం మహిళ మొండెంను సేకరించి విజయవాడ ప్రభుత్వాసుపత్రికి తరలించారు. మృతదేహం పరిస్థితి మేరకు హత్యగా భావించి, ఆ దిశగా పలు కోణాల్లో వివరాల గురించి ఆరా తీస్తున్నారు. అయితే మొండెం లభించిన తర్వాత తల, చేతులు, కాళ్లు శనివారం లభించాయి. ఎక్స్‌ఎల్‌ సైజులో ఉన్న బ్లూ రంగు టాప్‌ పంజాబీ డ్రస్‌, లెగ్గిన్‌, బంగారు రంగులో ఉన్న ముక్కు పుడక, చెవి రింగులు, గాజులు, వెండి పట్టీలు, చేతిపై నల్లని ఈక టాటూను గుర్తించారు.ఇక, ఈ కేసులో భవానీపురానికి చెందిన షఫీని ఇబ్రహీంపట్నం పోలీసులు అదుపులోకి తీసుకుని విచారిస్తున్నారు. పోలీసుల ప్రాథమిక దర్యాప్తు ప్రకారం.. కళ్యాణికి, షఫీకి గతంలో పరిచయం ఉండగా, వీరి మధ్య వివాహేతర సంబంధం కొనసాగుతున్నట్టు అనుమానం వ్యక్తమవుతోంది. కాగా, ఆమె కుమారుడిని షఫీ పెంచుకుంటున్నట్లు తెలుస్తోంది. కుమారుడి విషయంలో ఇద్దరి మధ్య కొంతకాలంగా వివాదం ఉన్నట్లు సమాచారం. తన కుమారుడిని తనకు అప్పగించాలని కళ్యాణి షఫీపై ఒత్తిడి తెచ్చినట్లు పోలీసులు అనుమానిస్తున్నారు. ఈ క్రమంలోనే షఫీ ఆమెను హత్య చేసి ఉంటాడని ప్రాథమికంగా నిర్ధారణకు వచ్చినట్లు సమాచారం. అయితే ఈ కేసులో పూర్తి కారణాలు, హత్యకు సంబంధించిన ఇతర వివరాలను పోలీసులు దర్యాప్తు చేస్తున్నారు.

శ్రీకాకుళం క్రైమ్‌ : ఒకటి కాదు రెండు కాదు దాదాపు 110 చోరీల కు పాల్పడిన వున్నా రాంబాబు మళ్లీ జిల్లా పోలీసు లకు పట్టుబట్టాడు. ఇతడి స్వస్థలం విజయనగరం జిల్లా చీపురుపల్లి. విజయవాడ సిటీ, కృష్ణా, విశాఖ పట్నం సిటీ, అనకాపల్లి, విజయనగరంలోనే కాక మన జిల్లాలో ఇతనిపై ఇప్పటికే 110 చోరీలకు సంబంధించి పాత కేసులు నమోదై ఉన్నాయి. జి.సిగ డాంకు చెందిన గిడిజాల కోటేశ్వరరావుతో కలసి 32 చోరీల్లో 112 తులాల బంగారాన్ని దోచేసి గత ఏడాది జనవరి 18న జేఆర్‌ పురం సీఐ ఎం.అవ తారం బృందానికి పట్టుబడి జైలుకు వెళ్లాడు. తాజాగా జిల్లాలో మరో 10 చోరీ కేసుల్లో పాల్గొని అదే సీఐ అవతారం బృందానికి శుక్రవారం పట్టుబడటంతో అరెస్ట య్యి కటకటాల పాలయ్యాడు. నిందితుడైన రాంబాబు నుంచి రూ. 41,50,000లు విలువ చేసే 1.29 కిలోల వెండి, 300 గ్రాముల బంగారం, రూ. 2,62,000 నగదు పోలీసులు స్వా«దీనం చేసుకున్నారు. జిల్లా కేంద్రంలోని గూనపాలెం సమీప సబ్‌డివిజనల్‌ కార్యాలయంలో డీఎస్పీ సీహెచ్‌ వివేకా నంద దీనికి సంబంధించిన వివరాలను విలేకరులకు వెల్లడించారు. వివరాల్లోకి వెళ్తే.. ఈ ఏడాది ఆగస్టు 28న జి.సిగడాంకు చెందిన టంకాల సత్యనారాయణ తన భార్యతో కలసి బంధువుల ఫంక్షన్‌కు విజయవాడ వెళ్లగా ఆయన ఇంటిలో చోరీ జరిగింది. సీఐ ఎం.అవతారం దర్యాప్తు చేపట్టి ఈనెల 24న జి.సిగడాం మండలం నడిమివలస జంక్షన్‌ వద్ద ఎస్‌ఐ అప్పలసూరి, సిబ్బందికి రాంబాబు చిక్కడంతో అదుపులోకి తీసుకున్నారు. సీఐ అవతారం విచారణ చేయగా అనేక విషయాలు బయటపడ్డాయి. రాంబాబు రూటే సెపరేటు.. పగటి పూట తాళం వేసిన ఇళ్లను రాంబాబు టార్గెట్‌ చేస్తాడు. ఇంటి వద్ద దాచే తాళాలనే తీసి ఇంట్లోకి చొరబడతాడు. ఇంట్లో వారికి అనుమానం రాకుండా ఒకటి రెండు వస్తువులకు మించి చోరీ చేయడు. ఇంటి దొంగ చేసిన పనిగా క్రియేట్‌ చేసి వారిలో వారే కొట్టుకునేటట్లు చేస్తాడు. ఎక్కడా వేలి ముద్రలు పడకుండా జాగ్రత్త పడతాడు. క్రికెట్‌ మోసానికి గురై.. ఇంటర్‌ వరకు చదివిన రాంబాబుకు మొబైల్‌ అప్లికేషన్లు, హార్డ్‌వేర్‌ వంటి సాంకేతిక పరిజ్ఞానంలో ప్రావీణ్యముంది. చిన్నప్పటినుంచి క్రికెట్‌పై మక్కువ ఉండటంతో విజయవాడలో తన అత్తగారింటి వద్దనున్నప్పుడు అక్కడి కోచ్‌ వద్ద మెలకువలు నేర్చుకున్నాడు. రంజీ జట్టు ఎంపిక విషయంలో కోచ్‌ మోసం చేయడంతో తట్టుకోలేక వ్యసనాల బాట పట్టాడు. క్రికెట్‌ బెట్టింగ్‌ కోసం డబ్బులు దుబారాగా ఖర్చుపెట్టేవాడు. చోరీ చేసిన ఆభరణాలను తన తల్లికి ఆరోగ్యం బాగోలేదని అబద్ధాలు చెప్పి స్నేహితులకు చెప్పి వారి ద్వారా బ్యాంకుల్లోనూ, ఫైనాన్స్‌ కంపెనీల్లో తాకట్టుపెట్టి డబ్బును పొందేవాడు. జైలుకు వెళ్లడం.. బెయిల్‌పై రావడం 2018 జనవరి 18న కోటేశ్వరరావుతో కలిసి పట్టు బడి అరెస్టై జైలుకు వెళ్లిన రాంబాబు బెయిల్‌పై విడుదలైన కొన్ని నెలలకే విజయవాడ సిటీ పరిధి లో జరిగిన చోరీల కేసులో పట్టుబడి జైలుకు వెళ్లా డు. మళ్లీ బెయిల్‌పై విడుదలై విశాఖపట్నం జిల్లా ఆనందపురంలో చోరీల కేసులో జైలుకు వెళ్లాడు. అక్కడా బెయిల్‌ పొంది విజయనగరం బొబ్బిలి పోలీసులకు చోరీల కేసులో పట్టుబడి చివరిసారిగా జైలుకెళ్లాడు. ఈ ఏడాది జులైలో విడుదలైన రాంబాబు మళ్లీ చోరీల బాట పట్టి సీఐ అవతారం సమక్షంలోని జె.ఆర్‌.పురం, సిగడాం పోలీసులకు పట్టుబడ్డాడని, నిందితున్ని రిమాండ్‌కు తరలిస్తున్నామ ని డీఎస్పీ వివేకానంద వెల్లడించారు.

దేశంలో దాదాపు అన్ని నగరాల్లోనూ రియల్‌ ఎస్టేట్‌ ధరలు వేగంగా పెరుగుతున్నాయి. ఐదేళ్ల క్రితం రూ.26 లక్షలకు కొనుగోలు చేసిన ఒక చిన్న ఫ్లాట్‌కు ఇప్పుడు రూ.42 లక్షల ఆఫర్‌ రావడం నోయిడా రియల్‌ ఎస్టేట్‌ మార్కెట్‌లో పెరిగిన ధరలకు ఉదాహరణగా నిలిచింది. నోయిడా సెక్టార్‌ 52లో 2021లో 1 బీహెచ్‌కే ఫ్లాట్‌ను పెట్టుబడి కోసం కొనుగోలు చేసిన వివేక్‌ అనే వ్యక్తి ఈ విషయాన్ని సోషల్‌ మీడియా వేదిక ఎక్స్‌లో వెల్లడించారు. అయితే మంచి ధర వచ్చినప్పటికీ ప్రస్తుతం ఆస్తిని విక్రయించే ఉద్దేశం తనకు లేదని ఆయన తెలిపారు.వివేక్‌ వెల్లడించిన వివరాల ప్రకారం.. 2021లో రూ.26 లక్షలకు ఫ్లాట్‌ను కొనుగోలు చేసిన ఆయన, అందులో తాను నివసించబోనని ముందే నిర్ణయించుకున్నారు. అందుకే దాన్ని పెట్టుబడిగా మాత్రమే చూశారు. కొనుగోలు అనంతరం ఫ్లాట్‌ను ఫర్నిష్‌ చేసి, అద్దెకు ఇచ్చే బాధ్యతను ఒక ఏజెంట్‌కు అప్పగించారు. గత ఐదేళ్లలో తాను ఆ ఫ్లాట్‌ను కేవలం రెండుసార్లు మాత్రమే సందర్శించినట్లు చెప్పారు. సెక్టార్‌ 52కు ఢిల్లీ మెట్రో, నోయిడా మెట్రో సదుపాయాలు అందుబాటులో ఉండటంతో దాదాపు మొత్తం కాలంలో ఫ్లాట్‌ అద్దెకు కొనసాగిందని ఆయన పేర్కొన్నారు.ఇటీవల ఏజెంట్‌ ఫోన్‌ చేసి, ఆ ఫ్లాట్‌ను కొనుగోలు చేసేందుకు ఓ వ్యక్తి రూ.42 లక్షలు ఆఫర్‌ చేస్తున్నట్లు చెప్పడంతో విషయం ఆసక్తికరంగా మారింది. అంటే ఐదేళ్లలో కొనుగోలు ధరపై రూ.16 లక్షల పెరుగుదల నమోదైంది. ఇది సుమారు 61.5 శాతం ధర పెరుగుదల. అయితే ఇది స్థూల ధర పెరుగుదల మాత్రమే. ఫర్నిషింగ్‌ ఖర్చులు, రిజిస్ట్రేషన్‌/లావాదేవీ వ్యయాలు, పన్నులు, నిర్వహణ ఖర్చులు వంటి వాటిని పరిగణనలోకి తీసుకుంటే వాస్తవ పెట్టుబడి రాబడి దీనికంటే భిన్నంగా ఉంటుంది. అదేవిధంగా ఈ లెక్కలో ఐదేళ్ల అద్దె ఆదాయం కూడా కలపలేదు.ధరల్లో భారీ మార్పువివేక్‌ వ్యక్తిగత అనుభవానికి మార్కెట్‌ గణాంకాలు కూడా కొంత మేర బలం చేకూరుస్తున్నాయి. అనరాక్‌ డేటా ప్రకారం 2020 తొలి త్రైమాసికం నుంచి 2025 తొలి త్రైమాసికం వరకు నోయిడాలో సగటు నివాస ధరలు చదరపు అడుగుకు రూ.4,795 నుంచి రూ.9,200కు పెరిగాయి. అంటే ఐదేళ్లలో సుమారు 92 శాతం వృద్ధి నమోదైంది. అదే కాలంలో గురుగ్రామ్‌లో సగటు ధరలు 84 శాతం పెరిగినట్లు ఆ నివేదిక ఆధారంగా వెల్లడైంది.ఏదేమైనా తన ఫ్లాట్‌ విలువ పెరిగిందని, భారీ ఆఫర్‌ వచ్చిందని వివేక్‌ సోషల్‌ మీడియాలో పెట్టిన పోస్ట్‌ నెటిజన్లను ఆకర్షిస్తోంది. చాలా మంది తమ అనుభవాలను, అభిప్రాయాలను కామెంట్‌ చేస్తున్నారు.ఇదీ చదవండి: రూ.711 కోట్ల ఇల్లు కొంటున్న ‘ఇంటర్‌’ బిజినెస్‌మ్యాన్‌!I purchased a 1 BHK flat in Noida for 26 lakhs in 2021, since I was never going to live there, it was purely an investment(no emotional baggage). Got it furnished & gave the keys to the agent to rent out. Visited only twice in last 5 years. Thanks to Sector 52 being near the Delhi and Noida metros, the flat was never vacant for even a week in the last five years. The agent called 2 days back saying someone is offering 42 lakhs to buy it. I am not going to sell it because I don’t need the money now and somehow I became emotionally attached to it too! Moral: Real estate is still giving good returns even in 2026 and overtime whether it’s a person or possession, you would start loving it for real.— VIVEK (@Mr_Vivekji) September 25, 2026

సాక్షి, సత్యసాయి జిల్లా: ఏపీ వైద్య ఆరోగ్య శాఖ మంత్రి సత్యకుమార్‌ వ్యవహారం చర్చనీయాంశంగా మారింది. గత వైఎస్సార్‌సీపీ హయాంలో కొనుగోలు చేసిన అంబులెన్స్‌లకు స్టిక్కర్లు మార్చి.. కొత్త వాహనాల మాదిరిగా ఆర్భాటంగా మంత్రి సత్యకుమార్‌ కార్యక్రమం ప్రారంభించారంటూ విమర్శలు వెల్లువెత్తుతున్నాయి.ధర్మవరం పట్టణంలో జరిగిన ఈ కార్యక్రమం వివాదాస్పదంగా మారడంతో స్థానికంగా పలువురు నేతలు, ప్రజలు అభ్యంతరం వ్యక్తం చేస్తున్నారు. మంత్రిపై సెటైర్లు వేస్తున్నారు. వైఎస్‌ జగన్‌ ప్రభుత్వ హయాంలో 2023లో కొనుగోలు చేసిన 71 అంబులెన్స్‌లను మంత్రి సత్యకుమార్‌ కొత్తగా జెండా ఊపి మళ్లీ ప్రారంభించారు. అలాగే 104 వాహనాలకు కొత్త స్టిక్కర్లు మార్చి వాటిని ‘ఆరోగ్య రథాలు’గా బిల్డప్‌ ఇచ్చారంటూ విమర్శలు వస్తున్నాయి.ఇప్పటికే వినియోగంలో ఉన్న లేదా గతంలో కొనుగోలు చేసిన వాహనాలకు కేవలం స్టిక్కర్లు మార్చి కొత్తగా ప్రారంభించడం ద్వారా కూటమి ప్రభుత్వం క్రెడిట్‌ తీసుకునే ప్రయత్నం చేసిందని వైఎస్సార్‌సీపీ నేతలు, స్థానిక ప్రజలు ఆరోపణ చేశారు. ధర్మవరంలో మంత్రి సత్యకుమార్‌ నిర్వహించిన కార్యక్రమం నేపథ్యంలో ఈ వ్యవహారం స్థానికంగా చర్చకు దారితీసింది.స్టిక్క‌ర్లు మార్చి.. పెయింటింగ్ వేసి.. కొత్తవిగా ప్రారంభంవివాదంలో ఏపీ వైద్య ఆరోగ్య శాఖ మంత్రి సత్యకుమార్ 108 వాహ‌నాల‌కు స్టిక్కర్లు మార్చి పాత వాహనాలను ఆర్భాటంగా ప్రారంభించిన మంత్రి సత్యకుమార్ వైఎస్ జగన్ హయాంలో 2023లో కొనుగోలు చేసిన 71 అంబులెన్స్ లను జెండా ఊపి ప్రారంభించిన… pic.twitter.com/8IMnkPXTyk— Telugu Feed (@Telugufeedsite) September 26, 2026ఇదీ చదవండి: టీడీపీ ఎమ్మెల్యే మాధవి రెడ్డికి బిగ్‌ షాక్‌

న్యూఢిల్లీ: కాక్రోచ్‌ జనతా పార్టీ(సీజేపీ) ఇచ్చిన నిరసనల పిలుపు నేపథ్యంలో ఎన్నికల సంఘం (ఈసీఐ) అప్రమత్తమైనట్లు కనిపిస్తోంది. ఢిల్లీలో డ్రాఫ్ట్ ఓటర్ల జాబితాలో పేర్లు గల్లంతైన అర్హులైన పౌరులకు మరో అవకాశం కల్పిస్తూ సెప్టెంబర్ 27న ప్రత్యేక శిబిరాలు నిర్వహించనుంది. స్పెషల్ ఇంటెన్సివ్ రివిజన్ (సర్‌)లో భాగంగా నిర్వహించే ఈ క్యాంపులు అన్ని పోలింగ్ స్టేషన్ ప్రాంతాల్లో జరగనున్నాయి. ఆగస్టు 31 నుంచి సెప్టెంబర్ 24 వరకు ఓటర్ల జాబితాలో పేర్లు చేర్చాలని కోరుతూ 1,21,224 ఫారం-6 దరఖాస్తులు అందాయి.సీజేపీ ఆందోళన పిలుపు నేపథ్యంలో..చీఫ్ ఎలక్షన్ కమిషనర్ జ్ఞానేశ్ కుమార్ రాజీనామా చేయాలని సీజేపీ డిమాండ్ చేసింది. 48 గంటల్లో ఆయన రాజీనామా చేయకపోతే దేశవ్యాప్తంగా ఆందోళనలు చేపడతామని హెచ్చరించింది. ఈ నేపథ్యంలోనే ఢిల్లీలో ఓటర్ల నమోదు కోసం ఈసీ ప్రత్యేక క్యాంపులు నిర్వహించనుండటం ప్రాధాన్యం సంతరించుకుంది.రేపు ఢిల్లీలో ప్రత్యేక క్యాంపులుసెప్టెంబర్ 27న ఢిల్లీ పరిధిలోని అన్ని పోలింగ్ స్టేషన్ ప్రాంతాల్లో ప్రత్యేక శిబిరాలు నిర్వహించనున్నట్లు ఢిల్లీ చీఫ్ ఎలక్టోరల్ ఆఫీసర్ కార్యాలయం ప్రకటించింది. డ్రాఫ్ట్ ఎలక్టోరల్ రోల్‌లో తమ పేర్లు లేని అర్హులైన పౌరులు ఈ అవకాశాన్ని వినియోగించుకోవచ్చు.1.21 లక్షల ఫారం-6 దరఖాస్తులుఆగస్టు 31 నుంచి సెప్టెంబర్ 24 వరకు మొత్తం 1,21,224 ఫారం-6 దరఖాస్తులు అందినట్లు తాజా గణాంకాలు వెల్లడించాయి. ఓటర్ల జాబితాలో పేర్లను చేర్చేందుకు అర్హులైన పౌరులు ఈ ఫారం ద్వారా దరఖాస్తు చేసుకున్నారు.ఇప్పటికే ఒక క్యాంపు నిర్వహణసెప్టెంబర్ 20న ఢిల్లీలో తొలి ప్రత్యేక శిబిరాన్ని నిర్వహించారు. అయినప్పటికీ డ్రాఫ్ట్ ఓటర్ల జాబితాలో పేర్లు లేని అర్హులైన పౌరులకు మరో అవకాశం కల్పించేందుకు సెప్టెంబర్ 27న రెండో విడత ప్రత్యేక క్యాంపులు నిర్వహిస్తున్నారు.అక్టోబర్ 2 నుంచి దేశవ్యాప్త నిరసనలు?సీజేపీ వ్యవస్థాపకుడు అభిజీత్ డిప్కే శుక్రవారం కీలక ప్రకటన చేశారు. చీఫ్ ఎలక్షన్ కమిషనర్ శనివారం నాటికి రాజీనామా చేయకపోతే అక్టోబర్ 2, గాంధీ జయంతి నుంచి దేశవ్యాప్తంగా నిరసనలు చేపడతామని హెచ్చరించారు.ఓటర్లకు మరో అవకాశంఢిల్లీలో ‘సర్‌’ ప్రక్రియ కొనసాగుతున్న సమయంలో ఈ ప్రత్యేక క్యాంపులు నిర్వహిస్తున్నారు. డ్రాఫ్ట్ ఎలక్టోరల్ రోల్‌లో తమ పేరు లేకపోయిన అర్హులైన పౌరులు సెప్టెంబర్ 27న జరిగే క్యాంపుల ద్వారా ఓటర్ల జాబితాలో తమ పేర్ల నమోదుకు సంబంధించిన ప్రక్రియను పూర్తిచేయవచ్చు. ఇదీ చదవండి: వార్తల్లో మనోజ్ తివారీ రెండో భార్య.. ఏం చేస్తుంటారంటే..

ఇండస్ట్రీలో రెమ్యునరేషన్ల విషయంలో ఎంత రచ్చ జరుగుతూ ఉంటుందో ప్రత్యేకంగా చెప్పనక్కర్లేదు. స్టార్స్ దగ్గర నుంచి చిన్న చిన్న ఆర్టిస్టులకు ఇవ్వాల్సిన పారితోషికాల్ని కొందరు నిర్మాతలు ఎగ్గేస్తుంటారు. కానీ ఒకప్పటి హీరోయిన్ లయకు మాత్రం ఓ దర్శకుడు.. పెళ్లి బహుమతిలా పారితోషికాన్ని ఇచ్చాడు. అయితే ఆయన అలా ఎందుకు చేయాల్సి వచ్చిందో తాజాగా ఓ ఇంటర్వ్యూలో లయ చెప్పుకొచ్చింది.(ఇదీ చదవండి: చిరంజీవి అన్నీ చూస్తున్నారు.. కానీ ఇలా మాట్లాడుతారనుకోలేదు)'నా పెళ్లి రిసెప్షన్‌కి పిలిస్తే చాలా పెద్ద డైరెక్టర్ ఒకరు రాలేకపోయారు. ఒక గిఫ్ట్‌లా ఏదో పార్సిల్ పంపిస్తే ఏదో గిఫ్ట్‌లే అనుకున్నాను. తెరిచి చూస్తే డబ్బులున్నాయి. అంత డబ్బులు ఎందుకు పంపిస్తారు ఎవరైనా? అని చూస్తే అందులో ఓ లెటర్ ఉంది. అమ్మా నేను నీకు ఇవ్వాల్సిన రెమ్యునరేషన్ ఇది. అప్పుడు ఇవ్వలేకపోయాను. కనీసం నీ పెళ్లి టైంలో అయినా ఇస్తున్నాను. ఇదే నీ గిఫ్ట్ అనుకో. దీవెనలు అనుకో అని రాసిస్తే నేను షాకైపోయాను. అసలు నేను అడగలేదు. పోయిందనే అనుకున్నాను. ఆయన ఇవ్వాల్సిన అవసరం లేదు. వదిలేసుకున్నాను కదా. ఆల్రెడీ అది జరిగి మూడు నాలుగేళ్లు అయిపోయింది. నేను పెళ్లి చేసుకుని వెళ్లిపోతున్నాను. ఇక నాతో ఆయనకు అసలు పనిలేదు. ఆయనంతట ఆయనే ఫీలై ఆయన దగ్గర అప్పుడు డబ్బులుండి.. అయ్యో అమ్మాయికి ఇవ్వలేదు. కాబట్టి నేను ఇస్తాననేది మంచి విషయమే కదా' అని లయ చెప్పుకొచ్చింది.అయితే లయ ప్రస్తావించిన విషయంలోని దర్శకుడు కె.విశ్వనాథ్ అని తెలుస్తోంది. 2004లో ఈయన దర్శకత్వంలో వచ్చిన 'స్వరాభిషేకం'లో లయ హీరోయిన్‌గా చేసింది. షూటింగ్ టైంలో ఇవ్వలేకపోయిన మిగిలిన పారితోషికాన్ని.. 2006లో లయ పెళ్లి చేసుకున్న టైంలో పూర్తిగా ఇచ్చేసినట్లు తెలుస్తోంది.(ఇదీ చదవండి: ఓటీటీలోకి సూపర్‌స్టార్ కూతురి లవ్‌స్టోరీ.. ట్రైలర్ రిలీజ్) View this post on Instagram A post shared by Unfilterd. by chakry (@unfilterdbychakry)

విశాఖపట్నం: మహిళా పోలీసుల పట్ల అనుచితంగా ప్రవర్తించిన కేసులో న్యాయవాది చందన గీతా ప్రసన్నను కోర్టులో హాజరుపరిచేందుకు ద్వారకానగర్‌ పోలీసులు పీటీ వారెంట్‌ దాఖలు చేయనున్నారు. ఇటీవల సైబర్‌ క్రైమ్‌ పోలీసులు అదుపులోకి తీసుకునే సమయంలో గీతా ప్రసన్న మహిళా పోలీసు సిబ్బందితో వాగ్వాదానికి దిగడంతో పాటు, వారి విధులకు ఆటంకం కలిగించారని పోలీసులు తెలిపారు. అంతేకాకుండా తన చెవిపోగుతో తనకు తానే గాయపరచుకునేందుకు ప్రయతి్నంచారని పేర్కొన్నారు. ఈ ఘటనపై ద్వారకానగర్‌ పోలీస్‌ స్టేషన్‌లో కేసు నమోదు చేశారు.ప్రస్తుతం సైబర్‌ క్రైమ్‌ కేసులో ఆమె సెంట్రల్‌ జైలులో రిమాండ్‌లో ఉన్నారు. వ్యక్తిగత ఫొటోలు, వీడియోలు, ఆడియోలు, ఇతర సున్నితమైన సమాచారాన్ని దురి్వనియోగం చేస్తూ బాధితులను బెదిరింపులకు, బ్లాక్‌మెయిల్‌కు గురిచేయడం, సోషల్‌ మీడియా, ఇతర డిజిటల్‌ మాధ్యమాల ద్వారా పరువు నష్టం కలిగించే చర్యలకు పాల్పడినట్లు వచ్చిన ఫిర్యాదుల ఆధారంగా సైబర్‌ క్రైమ్‌ పోలీసులు కేసు నమోదు చేశారు. ఈ కేసులో ఆమెను అరెస్టు చేసి సెంట్రల్‌ జైలుకు తరలించారు. వ్యక్తిగత వీడియోలు, ఇతర సున్నితమైన సమాచారాన్ని ఉపయోగించి బాధితులపై ఒత్తిడి తీసుకురావడం, తమకు అనుకూలంగా వీడియోలు చేయాలని బెదిరించడం, లేనిపక్షంలో ఆ సమాచారాన్ని మీడియా ద్వారా ప్రచారం చేస్తామని హెచ్చరించినట్లు పోలీసుల ప్రాథమిక దర్యాప్తులో వెల్లడైంది.దర్యాప్తులో సేకరించిన సాక్ష్యాలు, సాక్షుల వాంగ్మూలాలు, సాంకేతిక ఆధారాల ఆధారంగానే ఆమెను అరెస్టు చేసినట్లు పోలీసులు తెలిపారు. అయితే అరెస్టు సమయంలో ముగ్గురు మహిళా కానిస్టేబుళ్లు విధుల్లో ఉన్నారని, వారి విధులకు ఆటంకం కలిగించేలా గీతా ప్రసన్న వ్యవహరించారని పోలీసులు పేర్కొన్నారు. ఈ మేరకు మహిళా కానిస్టేబుల్‌ పిట్టా జయలక్ష్మి ద్వారకానగర్‌ పోలీస్‌ స్టేషన్‌లో ఫిర్యాదు చేశారు.ఫిర్యాదు ఆధారంగా కేసు నమోదు చేసిన పోలీసులు, తదుపరి విచారణ నిమిత్తం గీతా ప్రసన్నను కోర్టులో హాజరుపరిచేందుకు నేడో, రేపో పీటీ వారెంట్‌ దాఖలు చేయనున్నారు. ఇదీ చ‌ద‌వండి: కస్టమర్‌ లేకుండానే తుర్రుమన్న ర్యాపిడో రైడర్‌

ఏషియన్‌ గేమ్స్‌ 2026లో భారత్‌ ఖాతాలో మరో స్వర్ణం చేరింది. మహిళల కబడ్డీలో భారత జట్టు గోల్డ్‌ మెడల్‌ సాధించింది. హోరాహోరీగా సాగిన ఫైనల్ భారత్‌ ఇరాన్‌ను 37-34తో ఓడించి, వరుసగా రెండో ఆసియా క్రీడల్లో ఛాంపియన్‌గా నిలిచింది.ఫైనల్లో భారత జట్టు తొలి అర్ధభాగంలో ఆధిపత్యం ప్రదర్శించింది. విరామ సమయానికి 22-16తో ఆధిక్యంలో నిలిచింది. రెండో అర్ధభాగంలో ఇరాన్‌ గట్టిగా పోరాడింది. ఆ దశలో ఇరాన్‌ 18-15తో ఆధిక్యం సాధించినప్పటికీ.. తొలి అర్ధభాగంలో భారత్‌ సాధించిన ఆరు పాయింట్ల ఆధిక్యం కీలకంగా మారింది.చివరి నిమిషాల్లో ఇరాన్‌ వరుసగా పాయింట్లు సాధిస్తూ భారత్‌పై ఒత్తిడి పెంచింది. అయితే భారత డిఫెన్స్‌ కీలక సమయంలో పట్టు కోల్పోకుండా మ్యాచ్‌ను ముగించింది. చివరికి 37-34తో విజయం సాధించి స్వర్ణాన్ని కైవసం చేసుకుంది.ఈ విజయంతో ఆసియా క్రీడల మహిళల కబడ్డీలో భారత్‌ నాలుగో స్వర్ణ పతకం సాధించింది. 2018 జకార్తా ఆసియా గేమ్స్‌లో మాత్రమే భారత్‌ స్వర్ణాన్ని కోల్పోయింది. ఆ ఏడాది ఇరాన్‌ చేతిలో ఓడి రజతంతో సరిపెట్టుకుంది. 2023 హాంగ్‌జౌ ఆసియా క్రీడల్లోనూ భారత్‌ స్వర్ణం సాధించింది. తాజాగా ఇరాన్‌ను ఓడించి టైటిల్‌ను విజయవంతంగా నిలబెట్టుకుంది.విజయం అనంతరం భారత క్రీడాకారిణులు విజయోత్సవ ర్యాలీ నిర్వహించి ‘వందే మాతరం’ నినాదాలతో సంబరాలు చేసుకున్నారు.కాగా, మహిళల కబడ్డీలో పతకంతో భారత్‌ ఖాతాలో మూడో స్వర్ణం, మొత్తంగా 27వ పతకం చేరింది. ప్రస్తుతం భారత్‌ పతకాల పట్టికలో 12వ స్థానంలో కొనసాగుతోంది. చైనా 169 పతకాలతో అగ్రస్థానంలో దూసుకుపోతుంది. ఇదీ చదవండి: ఏషియన్‌ గేమ్స్‌ క్వార్టర్‌ ఫైనల్లో టీమిండియా ప్రత్యర్ది ఖరారు

విశాఖపట్నం: భీమిలి మండలంలో ప్రేమ వివాహం ఘర్షణకు దారితీసింది. ప్రేమించి పెళ్లి చేసుకున్నారన్న కక్షతో యువతి బంధువులు యువకుడి తరఫు వారిపై కత్తులు, కర్రలతో దాడికి పాల్పడ్డారు. ఈ ఘటనలో నలుగురు తీవ్రంగా గాయపడగా.. గొడవను ఆపబోయిన ఒక స్పెషల్‌ బ్రాంచ్‌ (ఎస్‌బీ) హెడ్‌ కానిస్టేబుల్‌పై కూడా దాడి చేసి గాయపరిచారు. వివరాల్లోకి వెళితే.. భీమిలి మండలంలోని మజ్జిపేటకు చెందిన గంగరాజు, తగరపువలస బంగ్లామెట్టకు చెందిన నీలిమ కొంతకాలంగా ప్రేమించుకుని వివాహం చేసుకున్నారు. అయితే వీరి పెళ్లిని యువతి తరఫు బంధువులు తీవ్రంగా వ్యతిరేకించారు. ఈ విషయమై ఇరువర్గాల మధ్య ఘర్షణ చెలరేగడంతో వివాదం పోలీసు స్టేషన్‌కు చేరింది. దీంతో పోలీసులు ఇరువర్గాలను స్టేషన్‌కు పిలిపించి సీఐ దివాకర్‌ యాదవ్‌ వారికి సర్దిచెప్పి, గొడవలకు దూరంగా ఉండాలని హెచ్చరించి పంపించారు. అడ్డుకుని మరీ దాడి.. : పోలీస్‌ స్టేషన్‌ నుంచి గంగరాజు, అతని వర్గీయులు వెళుతుండగా.. మార్గమధ్యలో వ్యవసాయ మార్కెట్‌ సమీపంలో యువతి నీలిమ వర్గీయులైన ఇంటి సతీ‹Ù, లావేటి వెంకటేష్, ఇంటి నర్సింగ్‌ మరికొందరితో కలిసి వారిని అడ్డుకున్నారు. ముందస్తు పథకం ప్రకారం కత్తులు, కర్రలతో విచక్షణారహితంగా దాడి చేశారు. ఈ దాడిలో సంపంగి ముత్యాలమ్మ (22), నీలాపు అప్పారావు (43), మీసాల బంగారయ్య (45), నీలాపు లక్ష్మి (35) తీవ్రంగా గాయపడ్డారు. హెడ్‌ కానిస్టేబుల్‌పై కూడా.. : అదే సమయంలో ఆ మార్గంలో వెళుతున్న స్పెషల్‌ బ్రాంచ్‌ (ఎస్‌బీ) హెడ్‌ కానిస్టేబుల్‌ ఊడికల ఆనంద్‌ గొడవను చూసి ఆగి, వారిని వారించేందుకు ప్రయతి్నంచారు. అయితే దుండగులు హెడ్‌ కానిస్టేబుల్‌ అని కూడా చూడకుండా ఆయనపై విరుచుకుపడి తీవ్రంగా కొట్టడంతో పాటు, ఆయన సెల్‌ఫోన్లను పగులగొట్టారు. సమాచారం అందుకున్న స్థానిక పోలీసులు వెంటనే సంఘటనా స్థలానికి చేరుకుని, తీవ్రంగా గాయపడ్డ క్షతగాత్రులను చికిత్స నిమిత్తం ప్రభుత్వ ఆసుపత్రికి తరలించారు. ఈ ఘటనపై పోలీసులు కేసు నమోదు చేసి దర్యాప్తు చేస్తున్నారు. ఇదీ చదవండి: భార్యను చంపేసి.. పరుపులో చుట్టేసి..

సోషల్‌ మీడియాలో లైక్స్‌, వ్యూస్‌ కోసం కొందరు హద్దులు దాటుతుంటారు. హోం టూర్‌ అంటూ ఇంటిని మొత్తం చూపించడమే కాకుండా.. అందులో ఉన్న బంగారం, నగదు, ఖరీదైన వస్తువులను సైతం కెమెరాకు ప్రదర్శిస్తుంటారు. తమ ఇంట్లో ఏముంది? ఎంత విలువైన వస్తువులున్నాయి? అనే విషయాలను తెలియకుండానే బహిరంగంగా చెప్పేస్తుంటారు. అలాంటి వారికి ఈ ఘటన ఓ గట్టి హెచ్చరిక తెలియజేస్తోంది.తమిళనాడులోని ఓ యూట్యూబర్‌ దంపతుల ఇంట్లో భారీ చోరీ జరిగింది. ఏకంగా 118 సవర్ల (944 గ్రాములు) బంగారు ఆభరణాలు, వజ్రాభరణాలు, నగదు అపహరణకు గురయ్యాయి. వాటి విలువ దాదాపుగా కోటి రూపాయల దాకా ఉన్నట్లు తెలుస్తోంది. సోషల్‌ మీడియా ఫాలోయింగ్‌ కోణంలోనూ పోలీసులు ఈ కేసు దర్యాప్తు చేస్తుండడం గమనార్హం.కన్యాకుమారి జిల్లా నాగర్‌కోయిల్‌ సమీపంలోని తమ్మట్టుకొణం వీఐపీ గార్డెన్‌లో వ్యాపారి కమ్‌ యూట్యూబర్‌ వినోద్‌కుమార్‌, యూట్యూబర్‌ మధుమిత దంపతులు నివసిస్తున్నారు. గురువారం సాయంత్రం కుటుంబంతో కలిసి బయటకు వెళ్లిన వారు రాత్రి ఇంటికి తిరిగి వచ్చేసరికి వెనుక తలుపు పగులగొట్టి ఉండటాన్ని గుర్తించారు. లోపలికి వెళ్లి చూడగా బెడ్‌రూమ్‌లోని బీరువా కూడా పగలకొట్టి ఉంది. అందులో ఉంచిన బంగారం, వజ్రాభరణాలు, నగదు కనిపించలేదు.రీల్స్‌లో అంతా కనిపించేలా..మధుమిత సోషల్‌ మీడియాలో బంగారు ఆభరణాలు, నగదు కట్టలను ప్రదర్శిస్తూ పలు వీడియోలు పోస్ట్‌ చేశారు. పూజా గదిలో, ఇంట్లో నగదు, బంగారం చూపించడం.. చిన్నారిపై నోట్లను చల్లడం వంటి దృశ్యాలు కూడా వీడియోల్లో ఉన్నాయి. అంతేకాదు, కుటుంబం ఎక్కడికి వెళ్తోంది, బంగారం కొనుగోలు చేస్తున్న విషయాలను కూడా సోషల్‌ మీడియాలో పంచుకుంటూ వచ్చారు.Kanyakumari influencer Madhumitha showed off her gold jewellery and cash in her reels.“Look how much gold I buy every month.”Now, thieves have reportedly broken into her house and escaped with 118 sovereigns of gold worth nearly ₹1 crore, along with cash.…— Oxomiya Jiyori 🇮🇳 (@SouleFacts) September 26, 2026పోస్టులే క్లూ ఇస్తాయా?చోరీపై రాజాక్కమంగళం పోలీసులు కేసు నమోదు చేసి దర్యాప్తు చేస్తున్నారు. ఇంటి వెనుక తలుపు కట్టింగ్‌ మెషీన్‌తో తెరిచి దొంగలు లోపలికి ప్రవేశించినట్లు ప్రాథమిక దర్యాప్తులో తేలింది. ఇంటి వద్ద, పరిసర ప్రాంతాల్లోని సీసీటీవీ ఫుటేజీని పోలీసులు పరిశీలిస్తున్నారు. ఫోన్‌ కాల్‌ రికార్డులు, దొంగల కదలికలపైనా దృష్టి పెట్టారు. ఈ కేసు దర్యాప్తు కోసం ఐదు ప్రత్యేక బృందాలను ఏర్పాటు చేసినట్లు తెలుస్తోంది.ఇదీ చదండి: వామ్మో.. పది వేల కోట్ల పరిహారమా తల్లి?

సముద్రాన్ని చూస్తూ.. వందేళ్లకు పైగా చరిత్రను మోస్తూ.. ముంబై నగరానికి ఓ ప్రత్యేక గుర్తింపుగా నిలిచిన తాజ్‌ మహల్‌ ప్యాలెస్‌ మరోసారి ప్రపంచ దృష్టిని ఆకర్షించింది. 2026లో ప్రపంచంలోని 50 ఉత్తమ హోటళ్ల జాబితాలో 30వ స్థానాన్ని దక్కించుకుంది. గతేడాది 38వ స్థానంలో ఉన్న ఈ చారిత్రక హోటల్‌ ఈసారి ఏకంగా ఎనిమిది స్థానాలు పైకి ఎగబాకింది. 1903లో ప్రారంభమైన ఈ హోటల్‌ నేటికీ తన రాజసాన్ని కోల్పోకుండా ప్రపంచ స్థాయి అతిథులను ఆకట్టుకుంటోంది. వైభవమైన నిర్మాణం, సముద్రతీర దృశ్యం, ఆతిథ్యానికి పేరుగాంచిన సేవలు.. ఇవన్నీ తాజ్‌ ప్రత్యేకతలు. ప్రపంచంలోని ప్రముఖ హోటల్‌ రంగ నిపుణులు, ప్రయాణ రచయితలు, అనుభవజ్ఞులైన ప్రయాణికుల అభిప్రాయాల ఆధారంగా ఈ జాబితా రూపొందింది.ఇదీ చదవండి: స్టూల్‌ మధ్యలో ఆ రంధ్రం ఎందుకో తెలుసా? కారణం తెలిస్తే షాక్‌!

ప్రొద్దుటూరు(వైఎస్‌ఆర్‌ జిల్లా ): అధికారంలో ఎవరుంటే వారి కాళ్ల కింద తివాచీ పరచడం, సీట్లలో ఎవరు కూర్చుంటే వారి ఫొటోలకు దండలేయడం కొందరు అధికారులకు వెన్నతో పెట్టిన విద్య. ప్రొద్దుటూరు మున్సిపల్‌ కమిషనర్‌ తూతిక శ్రీనివాస విశ్వనాథ్‌ కూడా ఇప్పుడు ఇదే ‘రాజకీయ భక్తి’ మార్గంలో నడుస్తూ బ్యూరోక్రసీ చరిత్రలోనే నిలిచిపోయే సరికొత్త వివాదాలకు కేరాఫ్‌ అడ్రస్‌గా మారారు. కమిషనర్‌ ఛాంబర్‌లో రాజ్యాంగబద్ధమైన హోదాలో ఉన్న ఉప ముఖ్యమంత్రి పవన్‌ కళ్యాణ్‌ ఫొటో ఉండేది. అయితే స్థానిక కూటమి ఎమ్మెల్యే నంద్యాల వరదరాజులరెడ్డిపై ఉన్న అమితమైన ‘ప్రేమ’ కొద్దీ, పవన్‌ ఫొటోను గుట్టుచప్పుడు కాకుండా పక్కనబెట్టి.. అదే స్థానంలో ఎమ్మెల్యే ఫొటోను తగిలించేశారు. ప్రభుత్వ ప్రొటోకాల్‌ను, నిబంధనలను బూజు పట్టిన కాగితాల్లా పక్కన పారేసి, స్థానిక బాస్‌ను ప్రసన్నం చేసుకునేందుకు కమిషనర్‌ పడిన తాపత్రయం అంతా ఇంతా కాదు. నెటిజన్ల షాక్‌.. కమిషనర్‌ యూ–టర్న్‌ డ్రామా అయితే, ఈ ‘ఫొటో మార్పిడి’ వ్యవహారాన్ని గమనించిన కొందరు నెటిజన్లు శుక్రవారం ఉదయం సోషల్‌ మీడియాలో కమిషనర్‌ అత్యుత్సాహంపై తీవ్రస్థాయిలో ట్రోలింగ్‌ మొదలుపెట్టారు. డిప్యూటీ సీఎం ఫొటో తీసేసి ఎమ్మెల్యే ఫొటో పెట్టడం ఏ చట్టంలో ఉందంటూ నెటిజన్లు ప్రశ్నించేసరికి కమిషనర్కు ఒక్కసారిగా చెమటలు పట్టాయి. వెంటనే తప్పు తెలుసుకున్న ఆయన.. పక్కన పారేసిన పవన్‌ కళ్యాణ్‌ ఫొటోను చకచకా తెచ్చి మళ్లీ పాత స్థానంలోనే తగిలించారు. అంతటితో ఆగకుండా, ఆ ఫొటోకు భక్తిశ్రద్ధలతో సెల్యూట్‌ చేస్తూ.. ‘సెల్యూట్‌ బాస్‌.. మనది విడదీయరాని బంధం, గుండెల్లో గూడు కట్టుకున్న అనుబంధం. అందుకో నా సెల్యూట్‌ బాస్‌.. మా పవన్‌ బాస్‌’ అంటూ తన అధికారిక సోషల్‌ మీడియా గ్రూపుల్లో కవిత్వాలు, పోస్టులు గుప్పించారు. రాజకీయాలు చేయాలనుకుంటే రాజీనామా చెయ్‌: ప్రజా సంఘాల ఆగ్రహం మున్సిపల్‌ కమిషనర్‌ హోదాలో ఉండి ఒక రాజకీయ నాయకుడిలా పవన్‌ కళ్యాణ్‌కు ఈ స్థాయి భజన చేస్తూ ఎలా పోస్టులు పెడతారంటూ దీనిపై ప్రజా సంఘాలు తీవ్రస్థాయిలో మండిపడ్డాయి.ఎమ్మార్పీఎస్ రాష్ట్ర అధికార ప్రతినిధి సుధాకర్‌ మాదిగ, జాతీయ మాలమహానాడు అధ్యక్షుడు గోసా మనోహర్, దళిత సంఘం నాయకుడు ఎమ్మన్యుయేల్‌ కమిషనర్‌ వ్యవహార శైలిపై నిప్పులు చెరిగారు. కూటమి నేతలపై అంతగా ప్రేమ ఉంటే ఉద్యోగానికి రాజీనామా చేసి, నేరుగా ఆ పార్టీల్లో చేరి జెండాలు మోసుకోవాలని ఘాటుగా విమర్శించారు. మరో తప్పు.. అంబేద్కర్‌తో పోలికా?! ప్రజా సంఘాల నుంచి విమర్శలు మరింత ముదరడంతో కమిషనర్‌ కంగారులో మరో తప్పిదానికి తెరలేపారు. ఈ వివాదాన్ని డైవర్ట్‌ చేయడానికి.. తాను గతంలో రాజ్యాంగ నిర్మాత డాక్టర్‌ బి.ఆర్‌.అంబేద్కర్‌ చిత్రపటానికి పూలమాల వేసి నమస్కరిస్తున్న ఒక పాత ఫొటోను తీసుకొచ్చి మళ్లీ అదే గ్రూపులో పోస్ట్‌ చేశారు. ఈ చర్యతో ప్రజా సంఘాల ఆగ్రహం కట్టలు తెంచుకుంది. దేశానికి రాజ్యాంగం రాసిన మహనీయుడు బాబాసాహెబ్‌ అంబేద్కర్‌ను, ఒక రాజకీయ పార్టీ నాయకుడైన పవన్‌కళ్యాణ్‌ను ఒకే తాటిపై తెచ్చి పోలుస్తారా?ఎంతటి అజ్ఞానం అంటూ వారు తప్పుబ ట్టారు. కుర్చీ కాపాడుకోవడానికి ప్రొటోకాల్‌ను ఖూ నీ చేసి,దొరికిపోయాక కవర్‌ చేసుకోవడానికి అంబేద్కర్‌ ను వాడుకుంటున్న కమిషనర్‌ తీరుపై ఇప్పుడు సోషల్‌ మీడియాలో విపరీతమైన ట్రోలింగ్‌ సాగుతోంది. ఇదీ చదవండి: టీడీపీ ఎమ్మెల్యే మాధవి రెడ్డికి భారీ షాక్‌

ముంబై: భోజ్‌పురి నటుడు, గాయకుడు, బీజేపీ ఎంపీ మనోజ్ తివారీ వ్యక్తిగత జీవితం మరోసారి చర్చనీయాంశంగా మారింది. ప్రస్తుతం ఆయన తన రెండో భార్య సురభి తివారీతో కలిసి ‘పతి పత్నీ ఔర్ పంగా’ రెండో సీజన్‌లో పాల్గొంటున్నారు. ఇదే సమయంలో ఆయన పెద్ద కుమార్తె రిథి తివారీ ‘బిగ్ బాస్ 20’లో పాల్గొంటూ తన తల్లిదండ్రుల విడాకుల గురించి మాట్లాడారు. మనోజ్ తివారీ జీవితంలోకి సురభి వచ్చినప్పుడు తాను ఎంతో సంతోషించానని రిథి తెలిపారు.2020లో మనోజ్ తివారీతో వివాహంసురభి తివారీకి ప్రస్తుతం 30 ఏళ్ల ఉంటాయని తెలుస్తోంది. 2020లో ఆమె మనోజ్ తివారీని వివాహం చేసుకున్నారు. వీరికి ఇద్దరు కుమార్తెలు ఉన్నారు. పెద్ద కుమార్తె సాన్విక అదే ఏడాది జన్మించింది. 2022లో చిన్న కుమార్తె మనోగ్య జన్మించింది.సినీ రంగంలో తెరవెనుక బాధ్యతలుసురభి తెరపై కనిపించరు. అయితే రెండు నిర్మాణ సంస్థల కార్యకలాపాలను ఆమె తెరవెనుక నిర్వహిస్తున్నట్లు సమాచారం. ఆమె పాటలు పాడటంతో పాటు సామాజిక సేవా కార్యక్రమాల్లోనూ పాల్గొంటున్నారు. పట్నాకు చెందిన సురభి మృదుల్ ఫౌండేషన్‌కు ట్రస్టీగా ఉన్నారు. అలాగే సాన్విక ఫిల్మ్స్, రిథి ప్రొడక్షన్స్ సంస్థలకు డైరెక్టర్‌గా వ్యవహరిస్తున్నారు.1999లో మొదటి వివాహంమనోజ్ తివారీ 1999లో ప్రతిమా పాండేతో వివాహం చేసుకున్నారు. వివాహం తర్వాత ఆమె పేరు రాణి తివారీగా మారింది. ఈ దంపతులకు రిథి తివారీ జన్మించారు. అయితే 2011లో మనోజ్, రాణి విడిపోయారు. 2012లో వారికి విడాకులు లభించాయి.తల్లిదండ్రుల విడిపోవడంపై రిథి వ్యాఖ్యలు‘బిగ్ బాస్ 20’లో రిథి తన బాల్యాన్ని గుర్తు చేసుకున్నారు. తన తండ్రి ఇంటి నుంచి వెళ్లిపోయే సమయానికి తనకు 8 ఏళ్ల వయసు అని, విడాకులు ఖరారైనప్పుడు తనకు 9 ఏళ్లు అని చెప్పారు. తన తల్లి రాణికే తన కస్టడీ లభించిందని తెలిపారు. తల్లిదండ్రులు మళ్లీ కలుస్తారని చాలా కాలం ఆశించానని రిథి పేర్కొన్నారు.తండ్రి, కుమార్తె మధ్య దూరంతన తండ్రిని కలిసిన సందర్భాల్లో తామిద్దరం భావోద్వేగానికి గురయ్యేవాళ్లమని రిథి చెప్పారు. ‘నా దగ్గర నాన్న లేరు.. ఆయన దగ్గర నేను లేను’ అనే బాధ ఉండేదని ఆమె వివరించారు. అయితే మనోజ్ తివారీకి సురభి జీవిత భాగస్వామిగా మారినప్పుడు తాను చాలా సంతోషించానని రిథి చెప్పడం ఇప్పుడు చర్చనీయాంశంగా మారింది.ఇదీ చదవండి: ఢిల్లీపై ప్రశాంత్ కిషోర్ ఫోకస్‌.. ‘జన్‌ సురాజ్‌’ విస్తరణకు సిద్ధం!

తల్లిదండ్రుల కీర్తిప్రఖ్యాతులు వారసులపై ఒక్కోసారి ప్రతికూల ప్రభావం చూపిస్తాయి. ముఖ్యంగా అమ్మ లేదా నాన్న ఏదేని రంగంలో నిష్ణాతులు, దిగ్గజాలుగా పేరొందితే.. వారి పిల్లలు కూడా అదే స్థాయిలో రాణించాలని అభిమానులు కోరుకుంటారు.క్రికెట్‌, సినీ రంగాల్లో ఇలాంటి అంచనాలు మరింత భారీగా ఉంటాయి. అయితే, ఇవి సదరు వారసులపై ఒత్తిడి పెంచుతాయే తప్ప ఎందుకూ పనికిరావు అంటున్నాడు టీమిండియా విధ్వంసకర ఓపెనింగ్‌ బ్యాటర్‌ వీరేందర్‌ సెహ్వాగ్‌.సెహ్వాగ్‌ తనయుడి అరంగేట్రంకాగా సెహ్వాగ్‌ పెద్ద కుమారుడు ఆర్యవీర్‌ సెహ్వాగ్‌ ఇటీవలే భారత అండర్‌-19 జట్టు తరఫున అరంగేట్రం చేశాడు. ఆస్ట్రేలియా అండర్‌-19 జట్టుతో యూత్‌ వన్డే సిరీస్‌లో మూడు మ్యాచ్‌లలో కలిపి 109 పరుగులు సాధించాడు.తండ్రి మాదిరే ఓపెనర్‌, కుడిచేతి వాటం బ్యాటర్‌ అయిన ఆర్యవీర్‌ దూకుడుగా ఆడి ఫోర్ల వర్షం కురిపించాడు. ఈ నేపథ్యంలో తండ్రికి తగ్గ తనయుడు అంటూ అప్పుడే అభిమానులు సంబరాలు చేసుకుంటున్నారు. ముఖ్యంగా ఫుట్‌వర్క్‌ విషయంలో పోలికలు ఎక్కువగా ఉంటున్నాయి. ఈ నేపథ్యంలో సెహ్వాగ్‌.. ఆర్యవీర్‌, దిగ్గజ బ్యాటర్‌ సచిన్‌ టెండుల్కర్‌ కుమారుడు అర్జున్‌ టెండుల్కర్‌ గురించి స్పందించిన తీరు చర్చనీయాంశంగా మారింది.మేము చాలా బాగా క్రికెట్‌ ఆడాముఎన్డీటీవీతో మాట్లాడుతూ.. ‘‘కచ్చితంగా ఇలాంటి పోలికలు ఉంటాయని తెలుసు. మేము చాలా బాగా క్రికెట్‌ ఆడాము. ఎన్నో రికార్డులు సాధించాము. ఇప్పుడు మా పిల్లలు క్రికెట్‌లోకి దిగారు. కాబట్టి ఈ పోలికలు సహజమే.అయితే, తండ్రుల ఆట తీరుతో పిల్లల ఆట తీరును పోల్చడం సరికాదు. అలా కాకుండా ఇప్పుడు వారికి పోటీగా ఉన్న, సమకాలీకులతో పోలిస్తే కాస్త బాగుంటుంది. అంతేతప్ప తండ్రులు ఎంతో సాధించారు.. కాబట్టి పిల్లలు కూడా అలాగే ఉండాలి అనే అంచనాలు, పోలికలు సరికాదు.వాడిని నాతో పోల్చడం అన్యాయంఇలాంటి పోలికల వల్ల పిల్లలు నిరాశ చెందుతారు. మీడియా, ప్రజలు అదే పనిగా ఆట గురించి రంధ్రాన్వేషణ చేస్తే వారు కుంగిపోయే పరిస్థితులు కూడా రావొచ్చు. ఆర్యవీర్‌కు ఇప్పుడు కేవలం పద్దెనిమిదేళ్లు.నేను నా జట్టు కోసం ఎంతో చేశాను. అయితే, ఆర్యవీర్‌ ఇప్పుడే తన ప్రయాణం మొదలుపెట్టాడు. కాబట్టి వాడిని నాతో పోల్చడం అన్యాయమే అవుతుంది. చాలా మంది సచిన్‌ టెండుల్కర్‌తో అతడి కుమారుడు అర్జున్‌ను పోలుస్తారు కూడా!అర్జున్‌కు సచిన్‌తో పోలికేంటి?అది కూడా అస్సలు సరికాదు. అర్జున్‌ ఫాస్ట్‌ బౌలింగ్‌ ఆల్‌రౌండర్‌. తన నైపుణ్యాలకు తగినట్లు ఆడుతున్నాడు. రంజీ మ్యాచ్‌లో సెంచరీ చేయడంతో పాటు ఐదు వికెట్లు కూడా కూల్చాడు. అది అతడి సత్తా. అయినా సరే దిగ్గజ బ్యాటర్‌ అయిన సచిన్‌తో అర్జున్‌ను పోలుస్తారు.ఇది తప్పు. అర్జున్‌ తనకంటూ సొంత గుర్తింపు దక్కించుకుంటున్నాడు. తండ్రి బాటలో అతడు నడవలేదు. బ్యాటర్‌గా కాకుండా తనకు నచ్చినట్లుగా ఆల్‌రౌండర్‌గా ముందుకు సాగుతున్నాడు. మా పిల్లల్ని స్వేచ్ఛగా ఆడనివ్వండిమా పిల్లల్ని స్వేచ్ఛగా ఆడనివ్వండి. వారు ఏదైనా సాధించే వరకు వేచి చూడండి. అప్పుడు పోలికలు మొదలుపెడితే కాస్త పద్ధతిగా ఉంటుంది’’ అని వీరేందర్‌ సెహ్వాగ్‌ చెప్పుకొచ్చాడు.కాగా సెహ్వాగ్‌ టీమిండియా తరఫున 104 టెస్టుల్లో 8586, 251 వన్డేల్లో 8273, 19 టీ20 మ్యాచ్‌లలో 394 పరుగులు సాధించాడు. ఇక క్రికెట్‌ దేవుడిగా పేరొందిన సచిన్‌ టెండుల్కర్‌ అంతర్జాతీయ క్రికెట్‌లో వంద శతకాలు సాధించిన ఏకైక ఆటగాడిగా, అత్యధిక పరుగుల వీరుడిగా చెక్కు చెదరని ప్రపంచ రికార్డు సాధించాడు. సచిన్‌- సెహ్వాగ్‌ ఓపెనింగ్‌ జోడీగానూ అద్బుతంగా రాణించారు.చదవండి: బ్యాటర్ల విధ్వంసం.. భారీ టార్గెట్‌ను ఊదేసి భారత్‌ సంచలన విజయం

సాక్షి, కడప: కడపలో అధికార టీడీపీలో రాజకీయ అంతర్గత విభేదాలు బహిర్గతమయ్యాయి. కడప ఎమ్మెల్యే మాధవి రెడ్డిపై టీడీపీ నేత చెన్నంశెట్టి మురళీ తీవ్రస్థాయిలో ఆరోపణలు చేస్తూ సవాల్‌ విసిరారు. అసెంబ్లీ ఎన్నికల్లో పార్టీ కార్యకర్తల బలంతో గెలిచారని, ఇప్పుడు అదే కార్యకర్తలను పక్కనపెట్టి వలస వచ్చిన వారికి ప్రాధాన్యం ఇస్తున్నారని ఆయన ఆరోపించారు. ‘దమ్ముంటే ఈ కార్పొరేషన్‌ ఎన్నికల్లో మీరు నిలబెట్టే అభ్యర్థులను గెలిపించుకోండి’ అంటూ ఎమ్మెల్యేకు సవాల్‌ చేశారు. దీంతో, టీడీపీ నేతల రాజకీయం చర్చనీయాంశంగా మారింది. గత రెండేళ్లలో కడప టీడీపీని నాశనం చేశారని ఆరోపిస్తూ చెన్నంశెట్టి మురళీ ఆడియో విడుదల చేశారు. పార్టీ జెండా మోసిన కార్యకర్తలు, నాయకులను విస్మరించి.. ఇతర పార్టీల నుంచి వచ్చిన వారికి ప్రాధాన్యం ఇస్తున్నారని ఆరోపించారు. ఎమ్మెల్యే వెంట అసలైన టీడీపీ కార్యకర్త ఒక్కరూ లేరని వ్యాఖ్యానించారు. కడప కార్పొరేషన్‌లోని అన్ని డివిజన్లలోనూ ఇదే పరిస్థితి ఉందని పేర్కొన్నారు. మాధవిరెడ్డి గెలుపు కోసం పోరాడి, కేసులు ఎదుర్కొన్న పార్టీ కార్యకర్తలను సైతం విస్మరించారని మురళీ ఆరోపించారు. చివరకు సొంత పార్టీ కార్యకర్తలపైనే దాడులకు దిగుతూ కేసులు పెట్టించడం దారుణమని అన్నారు.మంత్రులను తీసుకొచ్చి ప్రచారం చేసినా, పోలీసుల అండతో.. రౌడీషీటర్ల సహకారంతో ఎన్నికలకు వెళ్లినా ఓటమి తప్పదని మురళీ సంచలన వ్యాఖ్యలు చేశారు. కచ్చితంగా మీ ఓటమి ఖాయం. ప్రస్తుతం ఎమ్మెల్యే మాధవి రెడ్డి కంటే వ్యతిరేక వర్గానికే అధిక బలం ఉందని ఆయన పేర్కొన్నారు. దమ్ముంటే ఇప్పుడు మీ సొంత బలంతో గెలవండి చూద్దాం అంటూ సవాల్‌ విసిరారు. కార్పొరేషన్‌ ఎన్నికల నేపథ్యంలో ఈ వ్యాఖ్యలు కడప టీడీపీలోని అంతర్గత విభేదాలను మరోసారి తెరపైకి తెచ్చాయి.ఇదీ చదవండి: వరదల్లో ప్రజలు.. ఫారిన్‌ టూర్‌లో చంద్రబాబు ఫ్యామిలీ

ఒకవైపు ఆకాశమంతా దట్టమైన మేఘాలు.. మరోవైపు అసలు మేఘాల జాడే కనిపించని ప్రాంతాలు! ఎందుకిలా ఉందని అనుకుంటున్న వేళ.. మరో అసాధారణ దృశ్యం కళ్లముందుకొచ్చింది. అంతరిక్షం నుంచి చూస్తే మన దేశాన్ని రెండుగా చీల్చినట్లుగా భారీ మేఘాలు కనిపించాయి. ఈ అద్భుత దృశ్యాన్ని భారత అంతరిక్ష పరిశోధన సంస్థ (ఇస్రో)కు చెందిన ఇన్‌శాట్‌-3డీఎస్‌ వాతావరణ ఉపగ్రహం తన కెమెరాలో బంధించింది.అంతరిక్షం నుంచి భారత్‌ను చూస్తే వాతావరణం రెండు భాగాలుగా విడిపోయినట్లుగా కనిపిస్తోంది. తూర్పు, ఈశాన్య, దక్షిణ భారత ప్రాంతాలపై దట్టమైన మేఘాలు కమ్ముకోగా.. పశ్చిమ, వాయవ్య భారత్‌ మాత్రం చాలావరకు మేఘరహితంగా కనిపించింది. సెప్టెంబర్‌ 25న ఇన్‌శాట్‌-3డీఎస్‌ తీసిన చిత్రంలో బంగాళాఖాతం నుంచి తూర్పు, ఈశాన్య భారత్‌ మీదుగా విస్తరించిన భారీ మేఘ సమూహం స్పష్టంగా కనిపించింది. దక్షిణ ద్వీపకల్పం, దానికి ఆనుకుని ఉన్న సముద్ర ప్రాంతాల్లోనూ మేఘాల పొరలు ఉన్నాయి. దీనికి పూర్తి భిన్నంగా పశ్చిమ, వాయవ్య ప్రాంతాల్లో ఆకాశం చాలావరకు నిర్మలంగా కనిపించింది.ఉపగ్రహం 10.83 మైక్రోమీటర్ల తరంగదైర్ఘ్యంలోని థర్మల్‌ ఇన్‌ఫ్రారెడ్‌ ఛానల్‌ ద్వారా ఈ చిత్రాన్ని తీసింది. ఈ సాంకేతికతతో పగలు, రాత్రి అనే తేడా లేకుండా మేఘాల కదలికలు, విస్తరణను వాతావరణ నిపుణులు పరిశీలించగలరు.అసలు కారణం ఏంటంటే..ప్రస్తుతం నైరుతి రుతుపవనాలు తిరోగమన దశలోకి ప్రవేశిస్తున్నాయి. అదే సమయంలో బంగాళాఖాతం, మధ్య భారత ప్రాంతాల్లో ఏర్పడుతున్న వాతావరణ వ్యవస్థలు వర్షాలను ప్రభావితం చేస్తున్నాయి. తూర్పు, ఈశాన్య భారత్‌పై కనిపిస్తున్న దట్టమైన మేఘాలకు తేమతో కూడిన గాలులు, అల్పపీడన వ్యవస్థలు, ఇతర వాతావరణ పరిణామాలు కారణమై ఉండొచ్చని నిపుణుల అంచనా.ఇదే మేఘాలు.. జపాన్‌ దాకా!ఇదిలా ఉండగా.. మరో తాజా ఉపగ్రహ చిత్రంలో భారత్‌ నుంచి జపాన్‌ వరకు విస్తరించిన భారీ మేఘాల పట్టీ కనిపించింది. తూర్పు, ఈశాన్య భారత్‌ నుంచి ప్రారంభమైన మేఘ సమూహాలు హిమాలయ ప్రాంతం, చైనా మీదుగా కొరియా ద్వీపకల్పం, జపాన్‌ వైపు విస్తరించినట్లు చిత్రాల్లో కనిపిస్తోంది.బంగాళాఖాతం, తూర్పు భారత్‌ ప్రాంతాల్లో తేమతో కూడిన గాలులు భారీగా మేఘాలను ఏర్పరుస్తున్నాయి. ఆ తర్వాత ఉత్తరం వైపు చైనా దిశగా విస్తరించిన మేఘాల పట్టీ.. తూర్పు ఆసియా వరకు కొనసాగుతున్నట్లు కనిపించింది. అందుకే ఈ భారీ మేఘ సమూహాన్ని ‘క్లౌడ్‌ హైవే’గా అభివర్ణిస్తున్నారు.మరోసారి రుతుపవనాల జోరుప్రస్తుతం దక్షిణ ఛత్తీస్‌గఢ్‌, దానికి ఆనుకుని ఉన్న ఒడిశా ప్రాంతంలో ఏర్పడిన అల్పపీడన వ్యవస్థ ఉత్తర వాయవ్య దిశగా కదులుతోంది. దీని ప్రభావంతో మధ్య, తూర్పు భారతంలో విస్తృతంగా వర్షాలు కురిసే అవకాశం ఉంది. సెప్టెంబర్‌ 26, 27 తేదీల్లో ఉత్తరాఖండ్‌లో విస్తారంగా వర్షాలు, కొన్ని ప్రాంతాల్లో భారీ వర్షాలు కురిసే అవకాశం ఉందని వాతావరణ శాఖ అంచనా వేసింది. ఉత్తరప్రదేశ్‌లోనూ వర్షాలు పడే అవకాశముంది.దీనికి పశ్చిమ గాలుల వ్యవస్థ (వెస్ట్రన్‌ డిస్టర్బెన్స్‌) తోడైతే హిమాలయాల దిగువ ప్రాంతాల్లో వర్షాలు మరింత పెరిగే అవకాశం ఉంది. దీంతో కొండచరియలు విరిగిపడటం, ఆకస్మిక వరదలు, రహదారులపై అంతరాయాలు ఏర్పడే ప్రమాదం ఉందని వాతావరణ శాఖ హెచ్చరిస్తోంది.నైరుతి రుతుపవనాల తిరోగమనం ప్రారంభమైనప్పటికీ.. వాతావరణ వ్యవస్థల ప్రభావంతో మరోసారి భారీ మేఘాలు, వర్షాలు దేశంలోని పలు ప్రాంతాలను పలకరిస్తున్నాయి. అంతరిక్షం నుంచి తీసిన ఈ చిత్రాలు మాత్రం భారత్‌లోని వాతావరణ వైవిధ్యాన్ని, ఆసియా స్థాయిలో మేఘాల విస్తరణను ఒక్కసారిగా కళ్లముందు ఉంచుతున్నాయి.ఇదీ చదవండి: ఉప ఎన్నికల వేళ.. విజయ్‌ కామెంట్లకు అర్థమేంటి?

ఏషియన్‌ గేమ్స్‌ 2026 పురుషుల క్రికెట్‌లో భారత్‌ క్వార్టర్‌ఫైనల్‌ ప్రత్యర్థి ఖరారైంది. శ్రేయస్‌ అయ్యర్‌ నాయకత్వంలోని భారత జట్టు సోమవారం జరిగే రెండో క్వార్టర్‌ ఫైనల్లో ఆఫ్ఘనిస్తాన్‌తో తలపడనుంది. భారత్‌కు సీడింగ్‌, ఐసీసీ ర్యాంకింగ్‌ ఆధారంగా నేరుగా క్వార్టర్‌ఫైనల్‌ బెర్త్‌ లభించిన విషయం తెలిసిందే.ఆఫ్ఘనిస్తాన్‌ ఎలా క్వార్టర్‌ఫైనల్‌కు చేరింది..?జపాన్‌, నేపాల్‌ మధ్య ఇవాళ జరగాల్సిన మ్యాచ్‌ వర్షం కారణంగా రద్దు కావడంతో ఆఫ్ఘనిస్తాన్‌ క్వార్టర్‌ ఫైనల్‌కు చేరింది. గ్రూప్‌-ఏలో ఆఫ్ఘనిస్తాన్‌, జపాన్‌, నేపాల్‌ జట్లు పోటీపడగా.. నేపాల్‌, ఆఫ్ఘనిస్తాన్‌ తొలి రెండు స్థానాల్లో నిలిచి క్వార్టర్‌ ఫైనల్‌ బెర్త్‌లు దక్కించుకున్నాయి. గ్రూప్‌-ఏ టాపర్‌గా నిలిచిన నేపాల్‌ సెప్టెంబర్‌ 29న జరిగే మూడో క్వార్టర్‌ ఫైనల్లో శ్రీలంకను ఢీకొంటుంది. నేపాల్‌ తాజాగా జరిగిన గ్రూప్‌ మ్యాచ్‌లో తమకంటే మెరుగైన ఆఫ్ఘనిస్తాన్‌కు షాకిచ్చింది.మరో రెండు బెర్త్‌లు ఎవరివి..?గ్రూప్‌-ఏ నుంచి నేపాల్‌, ఆఫ్ఘనిస్తాన్‌ క్వార్టర్‌ ఫైనల్‌ బెర్త్‌లు ఖరారు చేసుకోగా.. గ్రూప్‌-బి బెర్త్‌లు ఖరారు కావాల్సి ఉంది. ఈ గ్రూప్‌లో మలేషియా, హాంగ్‌కాంగ్‌ చైనా, ఒమన్‌ జట్లు పోటీపడుతున్నాయి. ఈ గ్రూప్‌ నుంచి తొలి స్థానంలో నిలిచే జట్టు సెప్టెంబర్‌ 29న జరిగే నాలుగో క్వార్టర్‌ ఫైనల్లో బంగ్లాదేశ్‌తో తలపడుతుంది. రెండో స్థానంలో నిలిచే జట్టు సెప్టెంబర్‌ 28న జరిగే తొలి క్వార్టర్‌ ఫైనల్లో పాకిస్తాన్‌ను ఢీకొంటుంది. ప్రస్తుతం మలేషియా, హాంగ్‌కాంగ్‌ తలో 2 పాయింట్లతో మొదటి రెండు స్థానాల్లో ఉండగా.. ఒమన్‌ ఖాతా తెరవకుండా చివరి స్థానంలో ఉంది.ఇదిలా ఉంటే, ఈ క్రీడల్లో డిఫెండింగ్‌ ఛాంపియన్‌ భారత్‌ ఫుల్‌ మెంబర్స్‌ జట్టుతో బరిలోకి దిగింది. శ్రేయస్‌ అయ్యర్‌ నేతృత్వంలోని భారత జట్టులో అభిషేక్‌ శర్మ, సంజూ శాంసన్‌, ఇషాన్‌ కిషన్‌, శివమ్‌ దూబే, తిలక్‌ వర్మ, అక్షర్‌ పటేల్‌, వాషింగ్టన్‌ సుందర్‌, రవి బిష్ణోయ్‌, జస్ప్రీత్‌ బుమ్రా, హర్షిత్‌ రాణా, అర్ష్‌దీప్‌ సింగ్‌ తదితర స్టార్లు ఉన్నారు.ఇదీ చదవండి: తొలి వన్డేకు ముందు టీమిండియాకు భారీ షాక్‌

దేశంలో బంగారం ధరలు తడబడ్డాయి. గత కొన్ని రోజులుగా హెచ్చుతగ్గులకు లోనవుతున్న పసిడి ధరలు నేడు స్పల్పంగా క్షీణించాయి. ఇటీవల కాలంలో స్థిర ఆదాయం సమకూర్చే కమోడిటీ మార్కెట్లపైపు పెట్టుబడిదారులు మొగ్గు చూపుతున్నారు. అందులో భాగంగా బంగారం ధరల్లో మార్పులు వస్తున్నాయని నిపుణులు చెబుతున్నారు. ఇక వెండి ధరలు మాత్రం ఎటువంటి మార్పు లేకుండా నిలకడగా కొనసాగుతున్నాయి. దేశంలోని ప్రధాన నగరాల్లో నేడు బంగారం (Today Gold Rate), వెండి ధరలు (Today Silver Rate) ఎలా ఉన్నాయో కింద తెలుసుకుందాం.

సాధారణంగా మనం కూర్చునే ప్లాస్టిక్‌ స్టూల్‌ మధ్యలో రంధ్రం ఉంటుంది. మీరెపుడైనా ఆలోచించారా? అది ఎందుకు ఏర్పాటు చేస్తారో..! అది అలంకారం కోసం పెట్టింది కాదు. స్టూల్‌ను తయారు చేయడం, మోయడం, ఉపయోగించడం సులభంగా ఉండేందుకు ఈ చిన్న రంధ్రాన్ని ప్రత్యేకంగా ఏర్పాటు చేస్తారు.స్టూల్‌ మధ్యలో రంధ్రం ఉండటం వల్ల స్టూల్‌ను పట్టుకుని ఒకచోట నుంచి మరోచోటికి సులభంగా తరలించవచ్చు. అలాగే తయారీ సమయంలో ప్లాస్టిక్‌ పూర్తిగా ఒకే ముక్కగా ఉండకుండా, సరైన ఆకారంలోకి రావడానికి కూడా ఇది సహాయపడుతుంది. ముఖ్యంగా స్టూల్‌పై ఎవరైనా కూర్చున్నప్పుడు గాలి, ఒత్తిడి ప్రభావాన్ని కొంత తగ్గించడంలోనూ ఈ డిజైన్‌ ఉపయోగపడుతుంది.ఇదీ చదవండి: ఇల్లు ఎప్పుడూ నీట్‌గా ఉండాలా? ఈ ఒక్క రూల్‌ పాటించండి!

బెంగళూరు: భార్యను గొంతు నులిమి చంపి మృతదేహాన్ని ఇంట్లో మూడురోజులపాటు దాచిపెట్టిన అనంతరం పరుపులో చుట్టి ఖాళీ స్థలంలో పడేసిన భర్త ఉదంతం బెంగళూరులో వెలుగు చూసింది. ఒడిశాకు చెందిన అనసూయ(28), సాగర్‌చంద్ర రావత్‌ ప్రేమ వివాహం చేసుకున్నారు. ఇద్దరూ బెంగళూరుకు వలస వచ్చి హోటళ్లలో పనిచేసేవారు. సంపిగెహళ్లి పోలీస్‌స్టేషన్‌ పరిధిలో నివాసం ఉండేవారు. ఈనెల 11న డబ్బు విషయంలో దంపతుల మధ్య గొడవ జరిగింది. కోపోద్రిక్తుడైన సాగర్‌ అనసూయను గొంతు నులిమి చంపేశాడు.అనంతరం మూడు రోజుల పాటు మృతదేహాన్ని ఇంట్లో ఉంచాడు. తర్వాత పరుపులో చుట్టి సంపిగెహళ్లి ఎంఎస్‌.నగర అగ్రహార లేఔట్‌లోని ఖాళీ స్థలంలో పడేసి అక్కడి నుంచి ఉడాయించాడు. ఖాళీ స్థలాన్ని కారి్మకులు శుభ్రం చేస్తుండగా కుళ్లిన స్థితిలో కుక్కలు పీక్కుతిన్న గుర్తుతెలియని మహిళ శవం లభ్యమైంది. సంపిగెహళ్లి పోలీసులు వచ్చి పరిశీలించారు. మృతదేహంపై ఉన్న దుస్తులను పరిశీలించగా మాల్‌ట్యాగ్‌ లభించింది. దాని ఆధారంగా బిల్లు వివరాలను సేకరించి మృతురాలిని అనుసూయగా గుర్తించారు. గాలింపు చేపట్టి భర్త సాగర్‌చంద్ర రావత్‌ను శుక్రవారం అదుపులోకి తీసుకొని విచారణ చేపట్టగా తానే అంతమొందించినట్లు అంగీకరించాడు. దీంతో అతన్ని పోలీసులు అరెస్ట్‌ చేశారు. ఇదీ చదవండి: కూల్‌ డ్రింక్‌లో మత్తుమందు కలిపి లైంగిక దాడి

హైదరాబాద్‌: స్నేహంగా ఉన్నట్లు నటించి కూల్‌ డ్రింక్‌లో మత్తు మందు కలిపి లైంగిక దాడికి పాల్పడి వీడియోలు చిత్రీకరించాడు. ఆపై లాభాలు వస్తాయంటూ రూ.43 లక్షల పెట్టుబడి పెట్టించి తిరిగి డబ్బులు అడిగితే బ్లాక్‌ మెయిలింగ్‌కు పాల్పడుతున్న నిందితుడిని రాయదుర్గం పోలీసులు అరెస్ట్‌ చేసి రిమాండ్‌కు తరలించారు. ఇన్‌స్పెక్టర్‌ భూపతి తెలిపిన మేరకు.. పటాన్‌చెరుకు చెందిన షేక్‌ నబీ(36) నాలెడ్జీ సిటీలోని ఓ ఐటీ కంపెనీలో ఫుడ్‌ వెండర్‌గా పని చేస్తూ సమీపంలో బాక్స్‌ క్రికెట్‌ నిర్వహించేవాడు. అదే కంపెనీలో అడ్మిని్రస్టేషన్‌ ఆఫీసర్‌గా పని చేసే మహిళ(42) పరిచయమైంది. 2023లో బాక్స్‌ క్రికెట్‌ అడేందుకు సదరు కంపెనీ ఉద్యోగులు రాత్రి సమయంలో షేక్‌ నబీ నిర్వహించే బాక్స్‌ క్రికెట్‌కు వెళ్లారు. కూల్‌ డ్రింక్‌లో మత్తుమందు కలిపి ఓ గదిలో లైంగిక దాడికి పాల్పడ్డాడు. అదే సమయంలో వీడిమోలు, ఫొటోలు తీశాడు. ఆ వీడియోలను అడ్డు పెట్టుకొని లైంగిక దాడి కొనసాగిస్తూ రెస్టారెంట్‌లో పెట్టుబడి పెడితే లాబాలు వస్తాయని నమ్మించి రూ.43 లక్షలు పెట్టించాడు. డబ్బు తిరిగి వ్వాలని అడగడంతో వీడియోలు భర్త, పిల్లలకు పంపిస్తానని బ్లాక్‌మెయిల్‌ చేశాడు. మూడేళ్లుగా లైంగిక దాడి చేస్తున్నాడని, పెట్టుబడి పేరుతో రూ.43 లక్షలు మోసం చేశాడని బాధితురాలు రాయదుర్గం పీఎస్‌లో ఫిర్యాదు చేసింది. నిందితుడిని శుక్రవారం అరెస్ట్‌ చేసి రిమాండ్‌కు తరలించారు.

నాని 'ప్యారడైజ్' సినిమా గురించే గత రెండు రోజుల నుంచి సోషల్ మీడియాలో గట్టిగా చర్చ నడుస్తోంది. బాగుంది? బాగోలేదా? అనే కంటే మూవీలో సన్నివేశాలు, లాజిక్స్ గురించి జనాలు తెగ చర్చించుకుంటున్నారు. ఈ క్రమంలోనే తొలిరోజు భారీగా వచ్చిన కలెక్షన్స్.. రెండో రోజుకి వచ్చేసరికి చాలానే తగ్గిపోయినట్లు తెలుస్తోంది. ఇంతకీ ఇప్పటివరకు వచ్చిన వసూళ్లెంత?(ఇదీ చదవండి: బిగ్‌బాస్ 10: కెప్టెన్‌గా ముకేశ్.. వచ్చినరోజే జాక్ పాట్ కొట్టిన అపూర్వ)నాని 'ప్యారడైజ్' సినిమాకు ఏడాది ముందు నుంచే బీభత్సమైన హైప్ ఏర్పడింది. అందుకు తగ్గట్లే పాటలు హిట్టయ్యేసరికి బ్లాక్‌బస్టర్ కొట్టేస్తుందేమోనని అంతా అనుకున్నారు. అందుకు తగ్గట్లే తొలిరోజు రూ.88 కోట్ల గ్రాస్ కలెక్షన్ వచ్చినట్లు నిర్మాతలు అధికారికంగా ప్రకటించుకున్నారు. పోస్టర్ కూడా రిలీజ్ చేశారు. వసూళ్లు బాగానే వచ్చినప్పటికీ టాక్ రకరకాలుగా వినిపించింది. దీంతో రెండో రోజు ప్రపంచవ్యాప్తంగా రూ.22 కోట్ల గ్రాస్ మాత్రమే వచ్చినట్లు తెలుస్తోంది. అంటే ఇప్పటివరకు రూ.110 కోట్ల గ్రాస్ వచ్చిందనమాట.ఓవరాల్‌గా 'ప్యారడైజ్' సినిమా రూ.100 కోట్ల మార్క్ దాటినప్పటికీ టాక్ మిక్స్‌డ్ ఉంది. దీంతో తొలి వీకెండ్ పూర్తయ్యేసరికి ఎన్ని కోట్లు వస్తాయనేది ఇప్పుడు డిస్కషన్‌గా మారింది. ఇక మూవీ ఫలితం గురించి స్పందించిన నాని.. ట్రోల్స్ ఎంజాయ్ చేశాను. తప్పులు తెలుసుకున్నానని ట్వీట్ చేయడం కూడా ఆసక్తికరంగా మారింది.(ఇదీ చదవండి: ఓటీటీలోకి సూపర్‌స్టార్ కూతురి లవ్‌స్టోరీ.. ట్రైలర్ రిలీజ్)

అడవి అంటే పులులు, ఏనుగులే కాదు.. మన కంటికి చిక్కని ఎన్నో జీవుల ప్రపంచం కూడా! కేరళలోని పెరియార్‌ పులుల అభయారణ్యంలో నిర్వహించిన జీవ వైవిధ్య సర్వేలో ఆరు కొత్త జీవజాతులు వెలుగులోకి వచ్చాయి.నాలుగు రోజుల పాటు జరిగిన ఈ సర్వేలో ఒక పక్షి, ఒక సీతాకోకచిలుక, నాలుగు తూనీగ జాతులు తొలిసారిగా పెరియార్‌లో నమోదయ్యాయి. వీటిలో గోల్డెన్‌ –హెడ్‌ సిస్టికోలా అనే పక్షి, కామన్‌ ఓనిక్స్‌ అనే సీతాకోకచిలుకలు ఉన్నాయి. వీటిలో ప్యారకీట్‌ డార్నర్, ఫ్రేజర్స్‌ క్లబ్‌టైల్, స్పైని హార్న్‌టైల్, నీలగిరి క్లాటైల్‌ ఉన్నాయి.ఈ సర్వేలో 75 మంది నిపుణులు, 21 సంస్థలకు చెందిన ప్రతినిధులు, 21 బృందాలుగా ఏర్పడి, 20 ప్రాంతాల్లో సర్వే చేశారు. అయితే ఈ ఆవిష్కరణ పెరియార్‌ అడవిలో ఇంకా వెలుగులోకి రాని జీవ వైవిధ్యం ఎంత విస్తారంగా ఉందో చెబుతోంది. ఇలాంటి సర్వేలు అరుదైన జీవులను గుర్తించడంతో పాటు, వాటి సంరక్షణకు కూడా కీలకంగా మారుతున్నాయి.– నిర్వహణ రమా జంబులఇదీ చదవండి: ఇల్లు ఎప్పుడూ నీట్‌గా ఉండాలా? ఈ ఒక్క రూల్‌ పాటించండి!

హైదరాబాద్‌: బాలుడిపై లైంగిక దాడికి పాల్పడిన ఓ ట్రాన్స్‌జెండర్‌ను కాచిగూడ పోలీసులు అరెస్ట్‌ చేసి రిమాండ్‌కు తరలించారు. ఇన్‌స్పెక్టర్‌ రాజశేఖర్‌ తెలిపిన మేరకు.. నింబోలిఅడ్డాకు చెందిన జి.అవంతిక భార్గవ్‌ అలియాస్‌ శ్రవణ్‌ కుమార్‌(33) అనే ట్రాన్స్‌జెండర్‌ ఓ బాలుడి(14)పై లైంగిక దాడికి పాల్పడ్డాడు. కుటుంబసభ్యుల ఫిర్యాదు మేరకు కేసు నమోదు చేసుకున్న కాచిగూడ పోలీసులు నిందితుడిని అదుపులోకి తీసుకున్నారు.

ఏషియన్‌ గేమ్స్‌ 2026లో భారత్‌ పతకాల వేట నిదానంగా కొనసాగుతోంది. ఏడో రోజు ఉదయానికి భారత్‌ ఖాతాలో కేవలం 25 పతకాలు మాత్రమే ఉన్నాయి. ఈ ఎడిషన్‌ మరో ఎనిమిది రోజుల్లో (అక్టోబర్‌ 4) ముగియనున్న నేపథ్యంలో భారత్‌ గత ఎడిషన్‌ పతకాల రికార్డును తాకగలుగుతుందా అన్న చర్చ మొదలైంది.2022 హాంగ్‌జౌ ఆసియా క్రీడల్లో భారత్‌ రికార్డు స్థాయిలో 107 పతకాలు సాధించింది. భారత్‌ ఆసియా క్రీడల చరిత్రలోనే ఇదే అత్యధికం (పతకాల పరంగా). అయితే ఈసారి భారత్‌ మళ్లీ 100 పతకాల మార్క్‌ను దాటగలదా అన్నది ప్రస్తుతం ప్రశ్నార్థకంగా మారింది.భారత్‌ క్రితంసారి రికార్డును సమం చేయాలంటే ఇంకా 82 పతకాలు సాధించాలి. 100 మార్క్‌ను దాటాలంటే కనీసం 76 పతకాలు రావాలి. ప్రస్తుత పరిస్థితుల్లో పై రెండు లక్ష్యాలను చేరుకోవడం అంత సులభం కాదనే అనిపిస్తుంది. పలు వ్యక్తిగత, టీమ్‌ ఈవెంట్లలో భారత్‌ ఇప్పటికే పలు పతకాలు చేజార్చుకోవడం​ ఇందుకు కారణంగా తెలుస్తోంది. ఇకపై పతక అవకాశమున్న ప్రతి ఈవెంట్లో సత్తా చాటినా, భారత్‌ 107 పతకాల మార్కును తాకడం​ కష్టంగా కనిపిస్తుంది. అయితే ఇది అసాధ్యమైతే కాదు. ఎందుకంటే భారత్‌కు ఆ మార్కును దాటడానికి ఇంకా వీలైనన్ని అవకాశాలు ఉన్నాయి.కొన్ని ఈవెంట్లలో ఇంకా క్వాలిఫికేషన్‌ దశనే నడుస్తుండటం భారత్‌ పతకాల వేగం నిదానించడానికి కారణం​. తర్వాతి దశలో భారత్‌ షూటింగ్‌, ఆర్చరీ, అథ్లెటిక్స్‌, రెజ్లింగ్‌, బాక్సింగ్‌, బ్యాడ్మింటన్‌, స్క్వాష్‌, కబడ్డీ, హాకీ వంటి విభాగాల్లో మరిన్ని పతకాలు సాధించే అవకాశాలు ఉన్నాయి.ఎక్కడి నుంచి ఎక్కువ పతకాలు రావొచ్చు..?గత ఎడిషన్‌లో భారత్‌కు అత్యంత ఫలవంతమైన విభాగాల్లో షూటింగ్‌ ప్రధానమైంది. ఈసారి కూడా భారత్‌ ఈ క్రీడపై చాలా ఆశలు పెట్టుకుంది. అందుకు అనుగుణంగానే ఇప్పటికే పలు పతకాలు కూడా సాధించింది. మిగిలిన రోజుల్లో షూటింగ్‌లో భారత్‌ మరిన్ని పతకాలు సాధించవచ్చు.అథ్లెటిక్స్‌:సావన్‌ బర్వాల్‌ రజతం (మారథాన్‌) ఇప్పటికే భారత్‌ ఖాతాలో చేరింది. ట్రాక్‌ అండ్‌ ఫీల్డ్‌లో ఇంకా పలు ఈవెంట్లు మిగిలి ఉన్నాయి. గత ఎడిషన్‌లో భారత్‌ అథ్లెటిక్స్‌లో ఏకంగా 29 పతకాలు సాధించింది.ఆర్చరీ: కంపౌండ్‌, రికర్వ్‌ విభాగాల్లో భారత్‌కు వ్యక్తిగత, టీమ్‌ ఈవెంట్లలో అవకాశాలు ఉన్నాయి. ఏడో రోజు నుంచే క్వాలిఫికేషన్‌ రౌండ్లు కొనసాగుతున్నాయి.కబడ్డీ: పురుషులు, మహిళల జట్లు రెండూ పతక పోటీలో ఉన్నాయి. ఇవాళే (సెప్టెంబర్‌ 26) ఈ రెండు ఫైనల్స్‌ జరగనున్నాయి. ఈ రెండు ఈవెంట్లలో భారత్‌ స్వర్ణ పతకాలు ఆశిస్తుంది.స్క్వాష్‌, బాక్సింగ్‌, బ్యాడ్మింటన్‌, రెజ్లింగ్‌, హాకీ: నాకౌట్‌ దశల్లో భారత్‌కు మరిన్ని పతక అవకాశాలు ఉన్నాయి.ఇదీ చదవండి: షూటింగ్‌లో మరొకటి.. 25కు చేరిన భారత్‌ పతకాల సంఖ్య

ఇంట్లో చిన్నచిన్న పనులను పెండింగ్‌లో పెడితే.. అవే తర్వాత పెద్ద పనులుగా మారిపోతాయి. దీంతో గందరగోళం పెరగడమే కాదు, మనసుపై కూడా ఒత్తిడి పడుతుంది. దీనికి పరిష్కారమే.. 10 నిమిషాల రూల్‌.అంటే దీని ప్రకారం.. ఇంట్లో ఏదైనా చిన్న పని కనిపిస్తే దాన్ని తర్వాతకు వాయిదా వేయకుండా వెంటనే కొన్ని నిమిషాలు కేటాయించి పూర్తి చేయాలి. వంటగది కౌంటర్‌ శుభ్రం చేయడం, సోఫాపై ఉన్న వస్తువులను వాటి స్థానాల్లో పెట్టడం, బట్టలు సర్దడం, పాత్రలను సింక్‌లో పేరుకుపోకుండా చూడటం వంటివి.పది నిమిషాలే ఎందుకు?గంటల తరబడి ఇంటిని శుభ్రం చేయాలనే ఆలోచన చాలామందికి భారంగా అనిపిస్తుంది. కానీ కేవలం పది నిమిషాలు మాత్రమే కేటాయించాలనుకుంటే పని సులభంగా అనిపిస్తుంది. ఇలా రోజూ కొద్దిసేపు చేస్తే ఇంట్లో పనులు పేరుకుపోకుండా ఉంటాయి.మనసుకూ ప్రశాంతతే..చుట్టూ వస్తువులు చిందరవందరగా ఉన్నప్పుడు కొందరికి అసౌకర్యంగా అనిపించవచ్చు. వస్తువులను సర్దుకోవడం, చిన్న పనులను వెంటనే పూర్తి చేయడం వల్ల ఇంటి వాతావరణం ప్రశాంతంగా ఉంటుంది. దీంతో రోజువారీ పనులను నిర్వహించుకోవడం కూడా సులభమవుతుంది.రోజులో కేవలం పది నిమిషాలు చిన్న పనులకు కేటాయించడం ద్వారా ఇంట్లో గందరగోళాన్ని తగ్గించుకోవచ్చు. ఇల్లు సర్దితే.. మనసూ కాస్త తేలికవుతుంది!ఇదీ చదవండి: పాత న్యూస్‌ పేపర్లు పడేయకండి.. ఇలా చేస్తే స్టైలిష్‌ బ్యాగ్స్‌ రెడీ!

చాలామంది ఉద్యోగులకు ఏ వయసులో రిటైర్ అవ్వాలో స్పష్టత ఉంటుంది. కానీ, ఉద్యోగం ముగిశాక మరో 20 నుంచి 30 ఏళ్లపాటు జీవితాన్ని నిరంతరాయంగా గడపడానికి ఎంత పెద్ద మొత్తంలో రిటైర్మెంట్ కార్పస్ అవసరమో చాలా తక్కువమంది మాత్రమే ముందుగా అంచనా వేస్తారు. ఇది వారి ప్రత్యేక అవసరాలపై ఆధారపడి ఉంటుంది. సరిగ్గా ఇక్కడే మెజారిటీ ప్రజల ఆర్థిక ప్రణాళిక విఫలమవుతోందని ఆర్థిక నిపుణులు హెచ్చరిస్తున్నారు.నిధిని తగ్గించే అదృశ్య శక్తులుప్రస్తుతం నెలకు రూ.50,000 ఖర్చు అయ్యే కుటుంబ జీవనశైలికి 6 శాతం సగటు ద్రవ్యోల్బణం లెక్కిస్తే 20 ఏళ్ల తర్వాత రూ.1.6 లక్షలు, 30 ఏళ్ల తర్వాత ఏకంగా రూ.2.9 లక్షలు అవసరమవుతాయి.వయోభారంతో వచ్చే ఆరోగ్య సమస్యలు, వైద్య వ్యయాలు ద్రవ్యోల్బణం కంటే వేగంగా పెరుగుతాయి. రోజువారీ ఖర్చుల నిధితో సంబంధం లేకుండా ఆరోగ్య అత్యవసరాలకు ప్రత్యేక రక్షణ నిధి తప్పనిసరి.ఆధునిక రిటైర్మెంట్ జీవితంలో కేవలం విశ్రాంతి మాత్రమే తీసుకోవట్లేదు. ప్రయాణాలు, కొత్త వ్యాపకాలు, పిల్లలు స్థిరపడటం, వయోవృద్ధులైన తల్లిదండ్రుల సంరక్షణ బాధ్యతలు ఏకకాలంలో నిర్వహించాల్సి వస్తోంది.అధునాతన వైద్య సదుపాయాల వల్ల సగటు జీవిత కాలం పెరిగింది. ఒకప్పుడు 15 ఏళ్లు ఉండే రిటైర్మెంట్ జీవితం ఇప్పుడు 25-30 ఏళ్లకు పైగా సాగుతోంది.క్రమశిక్షణతో కూడిన వైఖరే మార్గంసాధారణ పొదుపు ఖాతాల్లో డబ్బు ఉంచితే దైనందిన అత్యవసర ఖర్చులకు సులభంగా విత్‌డ్రా అయ్యే ప్రమాదం ఉంది. అందుకే దీర్ఘకాలిక లాక్-ఇన్ వ్యవధితో కూడిన పెన్షన్, రిటైర్మెంట్ ప్లాన్లను ఎంచుకోవడం వల్ల క్రమశిక్షణతో కూడిన పొదుపు అలవడుతుంది. ఇది పదవీ విరమణ తర్వాత ప్రతి నెల స్థిరమైన ఆదాయాన్ని అందిస్తుంది.ముందస్తు ప్రణాళిక ముఖ్యం30 ఏళ్ల వయసులో పొదుపు ప్రారంభించే వ్యక్తికి, 40 ఏళ్లలో ప్రారంభించే వ్యక్తికి కాంపౌండింగ్ (చక్రీయ వృద్ధి) వల్ల పొందే లాభంలో చాలా వ్యత్యాసం ఉంటుంది. పన్ను ప్రయోజనాలు పొందుతూ ఎంత త్వరగా ఆర్థిక ప్రణాళిక ప్రారంభిస్తే అంత భారీ కార్పస్‌ను సృష్టించవచ్చు. పదవీ విరమణ అనేది కేవలం ఉద్యోగానికి వీడ్కోలు చెప్పే రోజు కాదు; అది ఆర్థిక ఆందోళనలు లేని స్వేచ్ఛాయుత భవిష్యత్తు వైపు వేసే మొదటి అడుగు!ఇదీ చదవండి: ఆధార్ వ్యవస్థనే అబ్బురపరిచిన కవలలు

సాక్షి, హైదరాబాద్‌: ఏటా గణేష్‌ నిమజ్జనం, శోభాయాత్రల్ని మంత్రులు, ఉన్నతాధికారులు హెలీకాఫ్టర్‌ నుంచి ఏరియల్‌ వ్యూ ద్వారా పర్యవేక్షిస్తుంటారు. సచివాలయంలో ఉన్న హెలీప్యాడ్, బేగంపేట ఎయిర్‌పోర్టుల నుంచి టేకాఫ్‌ తీసుకుంటారు. ఈ నేపథ్యంలోనే బంజారాహిల్స్‌లోని తెలంగాణ స్టేట్‌ ఇంటిగ్రేటెడ్‌ కమాండ్‌ కంట్రోల్‌ సెంటర్‌ (టీజీఐసీసీసీ) పై ఓ హెలీప్యాడ్‌ను నిర్మించారు. ఇది అందుబాటులోకి వచ్చి నాలుగేళ్లు అవుతున్నా వినియోగంలోకి రాకపోవడంతో శుక్రవారం మంత్రి పొన్నం ప్రభాకర్, డీజీపీ సీవీ ఆనంద్, సీపీ వీసీ సజ్జనర్‌లతో కూడిన హెలీకాఫ్టర్‌ బేగంపేట విమానాశ్రయం నుంచి రాకపోకలు సాగించింది. బంజారాహిల్స్‌లోని రోడ్‌ నెం.12లో 22+2 అంతస్తులతో ఐజీసీసీసీ నిర్మించారు. ఏ బ్లాక్‌ పైన హెలీప్యాడ్‌ ఏర్పాటు చేయాలని నిర్ణయించారు. అంత ఎత్తులో నిర్మిస్తే హెలీకాఫ్టర్ల రాకపోకలకు అనుమతి ఇవ్వలేమని పౌర విమానయాన మంత్రిత్వ శాఖ స్పష్టం చేసింది. దీంతో ఎత్తు తగ్గిస్తూ 18 అంతస్తుల్లో డిజైన్‌ ఖరారు చేశారు. నిర్మాణం పూర్తయ్యాక హెలీకాఫ్టర్ల రాకపోకలకు అనుమతి కోరుతూ కేంద్రం పౌర విమానయాన మంత్రిత్వ శాఖకు పోలీసు విభాగం దరఖాస్తు చేసింది. ఈ భవనం ప్రధాన రహదారి వైపు రోడ్డుకు సమానంగానే ఉన్నా... వెనుక వైపు మాత్రం రోడ్డు కంటే దిగువన ఉంటుంది. అధికారులు సెల్లార్‌ నుంచి ఎత్తును పరిగణనలోకి లెక్కించడంతో అది 83 మీటర్లకు చేరింది. హెలీప్యాడ్‌ ఆపరేటింగ్‌కు భవనం 70 మీటర్ల ఎత్తే ఉండాలని, ఇది 13 మీటర్లు అదనంగా ఉండటంతో అనుమతి ఇవ్వలేకపోతున్నామని మంత్రిత్వ శాఖ స్పష్టం చేసింది. దీంతో టీజీఐసీసీసీ పైన ఉన్న హెలీప్యాడ్‌ ఫొటోలకే పరిమితమైంది.

ఆరు దశాబ్దాల రాజకీయ అనుభవం.. రెండుసార్లు పంజాబ్‌ ముఖ్యమంత్రిగా పనిచేసిన ట్రాక్‌ రికార్డ్‌.. అయినా బీజేపీలో తన మాటకు విలువ లేదంటున్నారు మాజీ సీఎం కెప్టెన్‌ అమరీందర్‌ సింగ్‌. పంజాబ్‌ రాజకీయాలపై తన అభిప్రాయాలను పార్టీ అడగడం లేదని ఆయన చేసిన వ్యాఖ్యలు ఇప్పుడు చర్చనీయాంశంగా మారాయి. ఎన్నికలకు ముందు సొంత పార్టీ తీరుపైనే సీనియర్‌ నేత అసంతృప్తి వ్యక్తం చేయడం రాజకీయ వర్గాల్లో ఆసక్తి రేపుతోంది.మాజీ సీఎం అమరీందర్‌ సింగ్‌ తాజాగా ఓ జాతీయ చానెల్‌కు ఇచ్చిన ఇంటర్వ్యూలో మాట్లాడుతూ.. పంజాబ్‌ రాజకీయాలను దాదాపు 60 ఏళ్లుగా పరిశీలిస్తున్నాను. రాష్ట్రం అనేక సంక్లిష్ట పరిణామాలను ఎదుర్కొన్న సమయంలోనూ నేను పనిచేశాను. నా అనుభవం ఆధారంగా చెప్పే అభిప్రాయాలను బీజేపీ అడగడం లేదు. నా అభిప్రాయాలను పరిగణనలోకి తీసుకోవాలని మాత్రమే నేను కోరుకుంటున్నాను. పంజాబ్‌ వ్యవహారాలను చూసే బీజేపీకి చెందిన కొంతమంది పార్టీ పదాధికారులకు రాష్ట్ర రాజకీయాల్లో ఏడాది అనుభవం కూడా పూర్తికాలేదు. అయినప్పటికీ అలాంటి వారి అభిప్రాయాలను తీసుకుంటున్నారు. కానీ, నా వంటి సీనియర్‌ నేతల అభిప్రాయాలను పార్టీ కోరడం లేదు అంటూ ఆసక్తికర వ్యాఖ్యలు చేశారు. ఇదిలా ఉండగా.. ఆయన మళ్లీ కాంగ్రెస్‌లో చేరే అవకాశం ఉందన్న ఊహాగానాలపై కూడా స్పందించారు. రాజకీయ పార్టీల్లో మార్పులు సహజమేనని చెప్పిన అమరీందర్‌.. ప్రస్తుతం మాత్రం బీజేపీని వీడే ఆలోచన లేదని స్పష్టం చేశారు. పంజాబ్‌పై తన అభిప్రాయాలను పార్టీకి చెప్పడం బీజేపీ సభ్యుడిగా తన బాధ్యత అని పేర్కొన్నారు. దీంతో, కెప్టెన్‌ వ్యాఖ్యలు బీజేపీ హైకమాండ్‌కు షాక్‌ తగిలేలా చేశాయి. అలాగే, 84 ఏళ్ల వయసుపై అడిగిన ప్రశ్నకు స్పందిస్తూ.. వయసు రాజకీయ జీవితానికి తప్పనిసరిగా ముగింపు కాదని అన్నారు. మాజీ ప్రధాని మొరార్జీ దేశాయ్‌ 81 ఏళ్ల వయసులో ప్రధానమంత్రి అయ్యారని గుర్తుచేశారు.🚨 BREAKING NEWS: Amarinder Criticizes BJP Over Punjab ExclusionCaptain Amarinder Singh expressed disappointment that the BJP did not seek his views on Punjab's political direction. He clarified that his comments do not indicate a departure from the party or a return to… pic.twitter.com/pzLZusrz6v— Globenews (@newsglobeorg) September 26, 2026అయితే.. అమరీందర్‌ సింగ్‌ 2022లో తన పార్టీ పంజాబ్‌ లోక్‌ కాంగ్రెస్‌ను బీజేపీలో విలీనం చేశారు. అంతకుముందు కాంగ్రెస్‌తో విభేదాల నేపథ్యంలో ఆ పార్టీని వీడి సొంత పార్టీని ఏర్పాటు చేశారు. కాగా, 117 స్థానాలున్న పంజాబ్‌ అసెంబ్లీకి వచ్చే ఏడాది ఎన్నికలు జరగనున్నాయి. ఈ నేపథ్యంలో అమరీందర్‌ సింగ్‌ వ్యాఖ్యలు రాష్ట్ర బీజేపీ రాజకీయాలపై చర్చకు దారితీశాయి.ఇదీ చదవండి: వీరమణి కేసులో డీఎంకేపై విజయ్‌ సంచలన వ్యాఖ్యలు

ఉదయం లేచిన నుంచి .. పాలు తేవాలంటే ప్లాస్టిక్‌ కవర్, కూరగాయలకు ప్లాస్టిక్‌ కవర్, పండ్లకు ప్లాస్టిక్‌ కవర్‌.. బేకరీకి వెళ్తే ప్లాస్టిక్‌ కవర్‌.. ఇలా ప్రతీ అవసరానికి మనం ఒకరోజులో 5 నుంచి 10 వరకు ప్లాస్టిక్‌ కవర్‌లను వాడిపడేస్తూనే ఉంటాం. అలా కోట్లాది ప్లాస్టిక్‌ కవర్‌లు ప్రతి రోజూ భూమి, నీరుని కలుషితం చేస్తూనే ఉన్నాయి. పర్యావరణానికి భారంగా మారుతూనే ఉన్నాయి. అందుకే ప్లాస్టిక్‌ సంచులకు బదులుగా పేపర్‌ బ్యాగ్‌లను ఉపయోగిస్తే పర్యావరణానికి మనం ఎంతో మేలు చేసినవారమవుతాం.కాస్త సృజనాత్మకత, కొద్దిగా ఓపిక ఉంటే చాలు.. ఇంట్లోని వేస్ట్‌ మెటీరియల్‌తోనే వండర్స్‌ క్రియేట్‌ చేయవచ్చు. ముఖ్యంగా ప్లాస్టిక్‌ రహిత సమాజం వైపు అడుగులు వేస్తున్న తరుణంలో, షాపింగ్‌ నుంచి గిఫ్ట్‌ ప్యాకింగ్‌ వరకు అన్నింటికీ ఉపయోగపడే స్టైలిష్‌ పేపర్‌ బ్యాగులను ఇంట్లోనే రెడీ చేసుకోవచ్చు. పాత న్యూస్‌ పేపర్లు, చార్ట్‌ పేపర్లు, క్రాఫ్ట్‌ పేపర్లతో తక్కువ సమయంలోనే ముచ్చటైన సంచులను తయారుచేసుకోవచ్చు.కావలసిన వస్తువులుపాత న్యూస్‌ పేపర్లు, క్రాఫ్ట్‌ పేపర్లు, మందపాటి చార్ట్‌ పేపర్లు, కత్తెర, గమ్‌ లేదా డబుల్‌ సైడ్‌ టేప్, పంచ్‌ మెషిన్‌ (హ్యాండిల్స్‌ కోసం రంధ్రాలు చేయడానికి), పాత తాళ్ళు, రిబ్బన్లు లేదా జనపనార దారం– హ్యాండిల్స్‌ కోసం.క్లాసిక్‌ న్యూస్‌ పేపర్‌ గ్రాసరీ బ్యాగ్‌ ఇది రోజువారీ కూరగాయలు, కిరాణా సామాగ్రి కోసం ఉపయోగించే సాధారణ బ్యాగ్‌.- విధానం: రెండు లేయర్ల వార్తాపత్రికను తీసుకోండి (మందంగా ఉండటానికి). దీనిని దీర్ఘచతురస్రాకారంలో మడిచి, అంచులను గమ్‌తో అతికించి ఒక సిలిండర్‌ ఆకారాన్ని తయారు చేయండి. కింద ఉన్న భాగాన్ని కనీసం 2–3 అంగుళాలు పైకి మడిచి, త్రిభుజాకారపు అంచులతో బాక్స్‌ లాంటి అడుగు భాగాన్ని తయారు చేసి గమ్‌తో గట్టిగా అతికించండి. పైభాగాన్ని కొద్దిగా లోపలికి మడిచి, పంచ్‌ మెషిన్‌ సహాయంతో రంధ్రాలు చేసి పాత తాళ్ళను హ్యాండిల్స్‌గా కట్టండి.ఫ్లాట్‌ బాటమ్‌ షాపింగ్‌ బ్యాగ్‌బరువులను మోయగల షాపింగ్‌ బ్యాగ్‌ ఇది. - విధానం: ఒక పెద్ద చార్ట్‌ పేపర్‌ తీసుకుని దానిని సగానికి మడిచి, చివరలను అతికించండి. బ్యాగ్‌ ఇరుపక్కల లోపలికి మడతలు పెట్టండి, దీనివల్ల బ్యాగ్‌ వెడల్పు పెరుగుతుంది. అడుగు భాగాన్ని చతురస్రాకారంలో మడిచి, దానికి స΄ోర్ట్‌ కోసం ఒక చిన్న గట్టి కార్డ్‌బోర్డ్‌ ముక్కను లోపల అడుగున అతికించండి. పైన రిబ్బన్లు అమరిస్తే అందమైన షాపింగ్‌ బ్యాగ్‌ సిద్ధం.గిఫ్ట్‌ ప్యాకింగ్‌ ఎన్వలప్‌ బ్యాగ్‌ పెళ్ళిళ్ళు లేదా పుట్టినరోజు వేడుకల్లో బహుమతులు ఇవ్వడానికి హ్యాండిల్స్‌ లేని ఈ బ్యాగులు బాగుంటాయి.- విధానం: రంగుల క్రాఫ్ట్‌ పేపర్‌ లేదా డిజైనర్‌ పేపర్‌ను తీసుకోండి. ఒక కవర్‌ (ఎన్వలప్‌) ఆకారంలో వచ్చేలా మూడు వైపులా మడిచి అతికించండి. పైభాగాన్ని త్రిభుజాకారంలో లేదా వంపుగా కట్‌ చేసి, వస్తువు లోపల పెట్టిన తర్వాత కిందకు మడిచి క్లోజ్‌ చేసేలా ఒక అందమైన స్టిక్కర్‌ లేదా బో అతికించండి.డీ–కట్‌ హ్యాండిల్‌ బ్యాగ్‌తాళ్ళు కాకుండా పేపర్‌లోనే పట్టుకోవడానికి వీలుగా రంధ్రం ఉండే మోడల్‌ ఇది.- విధానం: మందపాటి పేపర్‌తో సాధారణ బ్యాగ్‌ తయారు చేయండి. పైభాగాన్ని లోపలికి రెండు సార్లు మడిచి.. పట్టుకున్నప్పుడు చిరిగి΄ోకుండా ఉండటానికి గట్టిగా అతికించండి. ఇప్పుడు పైభాగం నుంచి ఒక అంగుళం కిందగా ‘డి’ ఆకారంలో కత్తెరతో కట్‌ చేయండి. ఇప్పుడు తాళ్ళ అవసరం లేకుండా నేరుగా చేతితో పట్టుకోవడానికి వీలైన హ్యాండిల్‌ బ్యాగ్‌ తయారవుతుంది.ప్లాస్టిక్‌ వాడకాన్ని పూర్తిగా నిషేధించాలంటే ఇలాంటి చిన్న చిన్న ప్రయత్నాలు మన ఇంటి నుంచే ప్రారంభం కావాలి. ఖాళీ సమయంలో పిల్లలతో కలిసి ఇలాంటి పేపర్‌ బ్యాగులను తయారు చేయడం వల్ల వారికి పర్యావరణ స్పృహ కలుగడమే కాకుండా సృజనాత్మకత కూడా పెరుగుతుంది.ఇదీ చదవండి: రెస్ట్‌ అంటే గంటల తరబడి కాదు.. ఈ చిన్న బ్రేక్‌ చాలు!

పట్నా: బిహార్‌లో ఇటీవలి ఉప ఎన్నికల్లో కీలక విజయాన్ని అందుకున్న జన్‌ సురాజ్‌ పార్టీ ఇప్పుడు ఢిల్లీ వైపు అడుగులు వేస్తోంది. పార్టీ వ్యవస్థాపకుడు, రాజకీయ వ్యూహకర్తగా పేరున్న ప్రశాంత్‌ కిషోర్‌.. దేశ రాజధానిలో పార్టీని విస్తరించేందుకు సన్నాహాలు మొదలుపెట్టారు. ఆదివారం ఢిల్లీలో జన్‌ సురాజ్‌ మద్దతుదారులతో సమావేశం నిర్వహించనున్న ఆయన.. పార్టీ ఢిల్లీ విభాగాన్ని ఏర్పాటు చేసే దిశగా స్టీరింగ్‌ కమిటీని ప్రకటించనున్నట్లు సమాచారం.ఢిల్లీలో పార్టీ నిర్మాణానికి తొలి అడుగుజన్‌ సురాజ్‌ పార్టీని 2024 అక్టోబర్‌ 2న ప్రశాంత్‌ కిషోర్‌ స్థాపించారు. 2025 నవంబర్‌లో జరిగిన బిహార్‌ అసెంబ్లీ ఎన్నికల్లో తొలిసారి పోటీ చేసిన పార్టీ 243 స్థానాల్లో 238 చోట్ల అభ్యర్థులను నిలబెట్టినా ఒక్క స్థానంలోనూ విజయం సాధించలేకపోయింది. ఆ ఎన్నికల్లో బీజేపీ నేతృత్వంలోని ఎన్డీయే 202 స్థానాలు గెలుచుకోగా.. ఆర్జేడీ నేతృత్వంలోని మహాఘఠ్‌బంధన్‌ 35 స్థానాలు సాధించింది.బంకీపూర్‌ ఉప ఎన్నికలో విజయంతో..అయితే ఈ ఏడాది ఆగస్టులో జరిగిన బంకీపూర్‌ అసెంబ్లీ ఉప ఎన్నికలో ప్రశాంత్‌ కిషోర్‌ విజయం సాధించారు. ఆయనకు ఇది ప్రత్యక్ష ఎన్నికల్లో తొలి విజయం. బీజేపీ జాతీయ అధ్యక్షుడిగా నితిన్‌ నబీన్‌ ఎదగడం, రాజ్యసభకు ఎన్నిక కావడంతో బంకీపూర్‌ ఎమ్మెల్యే స్థానానికి రాజీనామా చేయడంతో ఉప ఎన్నిక అనివార్యమైంది. ఈ విజయంతో జన్‌ సురాజ్‌ పార్టీ బిహార్‌ వెలుపల కూడా తన కార్యకలాపాలను విస్తరించేందుకు ప్రయత్నాలు ప్రారంభించింది.పుర్వాంచలీలపై ప్రత్యేక దృష్టిఢిల్లీలో పార్టీ బలాన్ని పెంచుకోవడంలో బిహార్‌, తూర్పు ఉత్తరప్రదేశ్‌ మూలాలున్న పుర్వాంచలీలను కూడా కీలక వర్గంగా జన్‌ సురాజ్‌ చూస్తోంది. ఆదివారం జరిగే సమావేశానికి ఢిల్లీలో నివసిస్తున్న పలువురు జన్‌ సురాజ్‌ మద్దతుదారులు హాజరుకానున్నట్లు సమాచారం. ఢిల్లీ జనాభాలో పుర్వాంచలీలు సుమారు 25 శాతం మంది ఓటర్లుగా ఉన్నారని పార్టీ నేతలు చెబుతున్నారు. రాజధానిలోని ఈ వర్గం ఈశాన్య, తూర్పు, ఆగ్నేయ ప్రాంతాల్లోని 15-20 అసెంబ్లీ స్థానాల ఎన్నికల ఫలితాలపై ప్రభావం చూపే వర్గంగా పరిగణించబడుతోంది.స్టీరింగ్‌ కమిటీలో పలువురికి చోటుఢిల్లీలో పార్టీ కార్యకలాపాలను పర్యవేక్షించేందుకు ఏర్పాటు చేయనున్న స్టీరింగ్‌ కమిటీలో పలువురు ప్రముఖుల పేర్లు వినిపిస్తున్నాయి. మాజీ బక్సర్‌ ఎంపీ కేకే తివారీ కుమారుడు, న్యాయవాది తథాగత్‌ హర్షవర్ధన్‌, ఢిల్లీ యూనివర్సిటీలోని దేశ్‌బంధు కాలేజీ ప్రొఫెసర్‌ శాంతను కుమార్‌, హిమాచల్‌ప్రదేశ్‌ మాజీ అదనపు డీజీపీ జేపీ సింగ్‌ ఈ కమిటీలో ఉండే అవకాశం ఉందని వర్గాలు తెలిపాయి. వీరితో పాటు బిహార్‌ పార్టీ ఇంటెలెక్చువల్‌ సెల్‌ అధిపతి, మాజీ ఐఈఎస్‌ అధికారి కున్వర్‌ చంద్రేశ్‌, మైనారిటీ విభాగం చీఫ్‌ అబూ అఫాన్‌ ఫరూకీ, ప్రియాంక సింగ్‌, వ్యాపారవేత్త అజయ్‌ సింగ్‌, మాజీ ఓఎన్‌జీసీ డైరెక్టర్‌ బాది ఉడ్‌ దోజా పేర్లు కూడా పరిశీలనలో ఉన్నట్లు సమాచారం.2027 నుంచి వరుస ఎన్నికలపై కన్నుఢిల్లీలో పార్టీ సంస్థాగత నిర్మాణాన్ని ఏర్పాటు చేయడం, కార్యవర్గాన్ని నియమించడం స్టీరింగ్‌ కమిటీ ప్రధాన బాధ్యతగా ఉండనుంది. ఢిల్లీలో ఇప్పటికే పార్టీ కార్యాలయం కోసం రెండు మూడు ప్రాంతాలను పరిశీలించినట్లు, లీజు, అద్దెకు సంబంధించిన లాంఛనాలు పూర్తయ్యాక కార్యాలయాన్ని ఖరారు చేయనున్నట్లు వర్గాలు తెలిపాయి. 2027లో జరగబోయే ఢిల్లీ మున్సిపల్‌ కార్పొరేషన్‌ ఎన్నికల నుంచి 2029 లోక్‌సభ ఎన్నికలు, 2030 అసెంబ్లీ ఎన్నికల వరకు ఢిల్లీలో జరిగే అన్ని ఎన్నికల్లో పోటీ చేయాలని జన సురాజ్‌ భావిస్తున్నట్లు పార్టీ నేత శాంతను కుమార్‌ తెలిపారు. ఢిల్లీలో కాలుష్యం, యమునా శుద్ధి వంటి సమస్యలకు ఇప్పటికే ఉన్న వ్యవస్థలను మరింత సమర్థంగా ఉపయోగించడంతో పాటు కొత్త పరిష్కారాలను ప్రతిపాదిస్తామని ఆయన పేర్కొన్నారు.ఇదీ చదవండి: యూఎన్‌లో షరీఫ్‌ వ్యాఖ్యలు.. భారత్‌ ఘాటు కౌంటర్‌

కేంద్ర ఎన్నికల ప్రధాన కమిషనర్‌ జ్ఞానేశ్‌ కుమార్‌ చుట్టూ ఇప్పటికే వివాదం కొనసాగుతున్న వేళ.. ఆయన కుమార్తె మేధా రూపమ్‌ కూడా ఇప్పుడు వివాదంలో చిక్కుకున్నారు. ఆమె దాఖలు చేసిన ఓ పిటిషన్‌ సుప్రీంకోర్టులో ఏ బెంచ్‌ ముందు, ఎలా లిస్ట్‌ అయిందన్న దానిపై లాయర్స్‌ అసోసియేషన్‌ ఫర్‌ కాన్‌స్టిట్యూషన్‌ అభ్యంతరాలు వ్యక్తం చేసింది. అంతేకాదు.. విచారణ మధ్యలో వర్చువల్‌ కోర్టు ఆడియోను మ్యూట్‌ చేయడంపైనా ప్రశ్నలు లేవనెత్తింది. ఈ అంశాలపై సుప్రీంకోర్టు ప్రధాన న్యాయమూర్తి జస్టిస్‌ సూర్యకాంత్‌కు సంఘం ఓ లేఖ రాసింది. ఈ వివాదం నోయిడాలో కార్మికుల ఆందోళనకు సంబంధించినది. ఏప్రిల్‌లో జరిగిన కార్మికుల నిరసన నేపథ్యంలో ఢిల్లీ యూనివర్సిటీ విద్యార్థిని, కార్యకర్త ఆకృతి చౌదరిని జాతీయ భద్రతా చట్టం (ఎన్‌ఎస్‌ఏ) కింద నిర్బంధించారు. దీనిపై ఆమె అలహాబాద్‌ హైకోర్టును ఆశ్రయించారు. సెప్టెంబర్‌ 2న విచారణ జరిపిన హైకోర్టు.. ఆకృతి చౌదరి నిర్బంధాన్ని రద్దు చేసింది. ఆమెకు రూ.5 లక్షల పరిహారం చెల్లించాలని, ఆ మొత్తాన్ని నిర్బంధ ప్రక్రియలో భాగమైన అధికారుల జీతాల నుంచి వసూలు చేయాలని ఆదేశించింది. అందులో నోయిడా జిల్లా మేజిస్ట్రేట్‌(ఐఏఎస్‌) మేధా రూపమ్‌ కూడా ఉన్నారు. ఆమె సీఈసీ జ్ఞానేశ్‌ కుమార్‌ కూతురు. అంతేకాదు నోయిడాకు తొలి మహిళా మెజిస్ట్రేట్‌ కూడా.హైకోర్టు తన తీర్పులో నోయిడా యంత్రాంగం వ్యవహరించిన తీరుపై తీవ్ర వ్యాఖ్యలు చేసింది. ఎన్‌ఎస్‌ఏ వంటి కఠిన చట్టాన్ని ప్రయోగించే ముందు సంబంధిత రికార్డులను అధికారులు జాగ్రత్తగా పరిశీలించాల్సి ఉందని పేర్కొంది. ఈ నేపథ్యంలోనే మేధా రూపమ్‌ హైకోర్టు తీర్పును సవాలు చేస్తూ సుప్రీంకోర్టును ఆశ్రయించారు.అక్కడే కొత్త ప్రశ్నలుహైకోర్టు తీర్పులో తనపై చేసిన వ్యాఖ్యలు, రూ.5 లక్షల పరిహారాన్ని తన జీతం నుంచి వసూలు చేయాలన్న ఆదేశాలను సవాలు చేస్తూ మేధా రూపమ్‌ పిటిషన్‌ దాఖలు చేశారు. ఉత్తరప్రదేశ్‌ ప్రభుత్వం కూడా హైకోర్టు తీర్పును సవాలు చేసింది. సెప్టెంబర్‌ 23న జస్టిస్‌ సతీశ్‌ చంద్ర శర్మ, జస్టిస్‌ ఎన్‌. కోటిశ్వర్‌ సింగ్‌ ధర్మాసనం ఈ వ్యవహారాన్ని విచారించింది. మేధా రూపమ్‌ తరఫున సొలిసిటర్‌ జనరల్‌ తుషార్‌ మెహతా వాదించగా.. యూపీ ప్రభుత్వం తరఫున సీనియర్‌ న్యాయవాది ముకుల్‌ రోహత్గీ హాజరయ్యారు.అయితే విచారణ జరుగుతుండగానే వర్చువల్‌ కోర్టు ఆడియోను మ్యూట్‌ చేశారు. అనంతరం వర్చువల్‌ యాక్సెస్‌ను కూడా మూసివేశారు. దీంతో విచారణలోని కొంత భాగాన్ని మీడియా వినలేని పరిస్థితి ఏర్పడింది. ఈ అంశమే ఇప్పుడు లాయర్ల సంఘం అభ్యంతరాల్లో కీలకంగా మారింది. ఆ బెంచ్‌ ముందే ఎందుకు?ఇక మేధా రూపమ్‌ పిటిషన్‌ లిస్టింగ్‌పైనే లాయర్స్‌ అసోసియేషన్‌ ఫర్‌ కాన్‌స్టిట్యూషన్‌ ప్రధాన ప్రశ్నలు లేవనెత్తింది. జూలై 13 నుంచి అమల్లో ఉన్న సుప్రీంకోర్టు రోస్టర్‌ ప్రకారం.. నిర్బంధం, హెబియస్‌ కార్పస్‌ వంటి అంశాలు వేరే బెంచ్‌ల పరిధిలో ఉన్నాయని సంఘం పేర్కొంది. ఇదే కార్మికుల ఆందోళనకు సంబంధించిన ఇతర నిర్బంధ కేసులు జస్టిస్‌ బీవీ నాగరత్న నేతృత్వంలోని బెంచ్‌ ముందు పెండింగ్‌లో ఉన్నాయని తెలిపింది. అయినప్పటికీ మేధా రూపమ్‌ పిటిషన్‌ అనూహ్యంగా జస్టిస్‌ సతీశ్‌ చంద్ర శర్మ, జస్టిస్‌ ఎన్‌. కోటిశ్వర్‌ సింగ్‌ ధర్మాసనం ముందు ఎలా లిస్ట్‌ అయిందని ప్రశ్నించింది. దీనిని ‘ఔట్‌ ఆఫ్‌ టర్న్‌’ లిస్టింగ్‌గా పేర్కొంటూ.. కేసును ప్రత్యేకంగా ఒక బెంచ్‌కు కేటాయించారా? అనే సందేహాన్ని సంఘం వ్యక్తం చేసింది. మేధా రూపమ్‌ సీఈసీ జ్ఞానేశ్‌ కుమార్‌ కుమార్తె కావడంతో.. ఈ వ్యవహారంపై మరింత పారదర్శకత అవసరమని పేర్కొంటూ సీజేఐ జస్టిస్‌ సూర్యకాంత్‌కు లేఖ రాసింది. స్టే విషయంలోనూ గందరగోళమే!ఈ కేసులో సెప్టెంబర్‌ 23న సుప్రీంకోర్టు ఇచ్చిన మధ్యంతర ఆదేశంపైనా తొలుత కొంత గందరగోళం నెలకొంది. అనంతరం సెప్టెంబర్‌ 24న కోర్టు తన ఆదేశాన్ని సవరించింది. ఆకృతి చౌదరి ఎన్‌ఎస్‌ఏ నిర్బంధాన్ని రద్దు చేసిన అలహాబాద్‌ హైకోర్టు నిర్ణయంపై స్టే లేదని స్పష్టం చేసింది. మేధా రూపమ్‌పై హైకోర్టు చేసిన వ్యాఖ్యలు, రూ.5 లక్షల పరిహారాన్ని ఆమెతో పాటు ఇతర అధికారుల నుంచి వసూలు చేయాలన్న ఆదేశానికి సంబంధించిన భాగాలపైనే స్టే వర్తిస్తుందని తెలిపింది. తదుపరి విచారణను అక్టోబర్‌ 7కి వాయిదా వేసింది.అదే రోజు.. సీఈసీ నియామక కేసులోనూ జస్టిస్‌ శర్మసెప్టెంబర్‌ 23నే జస్టిస్‌ సతీశ్‌ చంద్ర శర్మ మరో కీలక కేసులోనూ ధర్మాసనంలో ఉన్నారు. ఎన్నికల కమిషన్‌ నియామక వ్యవస్థకు సంబంధించిన 2023 చట్టాన్ని సవాలు చేసిన పిటిషన్లపై జస్టిస్‌ దీపాంకర్‌ దత్తాతో కలిసి విచారణ జరిపారు. ఈ వ్యవహారంలో ఇద్దరు న్యాయమూర్తులు భిన్నాభిప్రాయాలు వ్యక్తం చేయడంతో.. తదుపరి చర్యల కోసం అంశం సీజేఐ పరిశీలనకు వెళ్లింది. మేధా రూపమ్‌ కేసుతో పాటు ఈ వ్యవహారాన్ని కూడా లాయర్ల సంఘం తన లేఖలో ప్రస్తావించింది. ఇప్పుడు అసలు ప్రశ్న ఇదే..సీఈసీ జ్ఞానేశ్‌ కుమార్‌ చుట్టూ ఎన్నికల కమిషన్‌కు సంబంధించిన వివాదాలు కొనసాగుతున్న సమయంలో.. ఆయన కుమార్తె మేధా రూపమ్‌ కేసు కూడా సుప్రీంకోర్టు లిస్టింగ్‌, విచారణ పారదర్శకతపై ప్రశ్నలకు దారితీసింది. నిర్బంధానికి సంబంధించిన కేసు ఈ బెంచ్‌ ముందుకు ఎలా వచ్చింది? విచారణ మధ్యలో ఆడియో ఎందుకు మ్యూట్‌ అయింది? అన్నదే ఇప్పుడు లాయర్ల సంఘం లేవనెత్తుతున్న ప్రధాన ప్రశ్న. ఈ అంశాలపై సీజేఐకి లేఖ వెళ్లడంతో.. సుప్రీంకోర్టు నుంచి ఎలాంటి వివరణ వస్తుంది? లిస్టింగ్‌ ప్రక్రియపై ఏదైనా స్పష్టత ఇస్తారా? అనేది ఇప్పుడు ఆసక్తికరంగా మారింది.ఇదీ చదవండి: మోదీని ఇలా మునుపెన్నడూ చూసి ఉండరు

అంతర్జాతీయ ఇంధన మార్కెట్‌లో సరఫరా కొరత, ధరల తీవ్రత నెలకొన్నప్పటికీ ముందుగా కుదుర్చుకున్న ఒప్పందాల ప్రకారం భారత్ తన డీజిల్‌ ఎగుమతులను యథావిధిగా కొనసాగిస్తుందని కేంద్ర పెట్రోలియం, సహజ వాయువుల శాఖ మంత్రి హర్దీప్‌ సింగ్ పురి స్పష్టం చేశారు. అమెరికా ప్రభుత్వం ఇంధన ఎగుమతులపై ఆంక్షలు విధించే యోచనలో ఉన్నట్లు వార్తలు వస్తున్న నేపథ్యంలో భారత ప్రభుత్వం తీసుకున్న ఈ నిర్ణయం ఇంధన వర్గాల్లో ప్రాధాన్యం సంతరించుకుంది.న్యూఢిల్లీలో నిర్వహించిన 13వ పబ్లిక్ అఫైర్స్ ఫోరమ్ ఆఫ్ ఇండియా (PAFI) వార్షిక సదస్సులో మాట్లాడిన మంత్రి ‘మేము చేసుకున్న అంతర్జాతీయ ఒప్పందాలకు ఎల్లప్పుడూ కట్టుబడి ఉంటాం. ఎగుమతుల ఉపసంహరణ ప్రసక్తే లేదు’ అని తేల్చిచెప్పారు. ఇండియన్ ఆయిల్ కార్పొరేషన్ ఇటీవల మారిషస్‌తో కుదుర్చుకున్న ఐదేళ్ల ఇంధన సరఫరా ఒప్పందాన్ని ఆయన ఈ సందర్భంగా ప్రస్తావించారు.ప్రపంచ డీజిల్‌ మార్కెట్‌లో భారత్‌ కీలక పాత్రరష్యా-ఉక్రెయిన్ యుద్ధం, పశ్చిమాసియా సంక్షోభాల వల్ల ప్రపంచవ్యాప్తంగా డీజిల్ సరఫరా వ్యవస్థ తీవ్ర ఒత్తిడికి గురైంది. రష్యా ఎగుమతులు తగ్గడంతో సముద్ర మార్గం గుండా డీజిల్ ఎగుమతి చేసే దేశాల్లో రష్యాను వెనక్కి నెట్టి భారత్ ప్రపంచంలోనే రెండో అతిపెద్ద డీజిల్ ఎగుమతిదారుగా (దాదాపు 10% వాటాతో) నిలిచింది.శుద్ధి సామర్థ్యం దిశగా వేగంగా అడుగులుప్రస్తుత సామర్థ్యం ఏడాదికి 267 మిలియన్ మెట్రిక్ టన్నులు (ఎంటీపీఏ). సమీప లక్ష్యం.. రాబోయే ఏడాది కాలంలో 290 ఎంటీపీఏ. దీర్ఘకాలిక లక్ష్యం.. 2030-32 నాటికి 320 ఎంటీపీఏకి పెంచడం. యూరప్‌లోని పలు శుద్ధి కర్మాగారాలు మూతపడుతున్న తరుణంలో భారత్ తన శుద్ధి సామర్థ్యాన్ని (రిఫైనింగ్‌ కెపాసిటీ) భారీగా పెంచుకోవడం గమనార్హం.గల్ఫ్‌ దిగ్గజాల ఆసక్తిభారత మార్కెట్ వేగంగా విస్తరిస్తుండటంతో గల్ఫ్ ఇంధన దిగ్గజాలైన సౌదీ అరామ్‌కో, అబుదాబి నేషనల్ ఆయిల్ కంపెనీ భారత రిఫైనింగ్ రంగంలో పెట్టుబడులు పెట్టేందుకు ఆసక్తి చూపిస్తున్నాయని మంత్రి వెల్లడించారు. దేశీయ అవసరాలను తీర్చడమే కాకుండా విశ్వసనీయ ఇంధన సరఫరాదారుగా భారత్ తన అంతర్జాతీయ ప్రతిష్టను నిలబెట్టుకుంటుందని ఆయన ధీమా వ్యక్తం చేశారు.ఇదీ చదవండి: ఆధార్ వ్యవస్థనే అబ్బురపరిచిన కవలలు

ఓటీటీల్లోకి రెగ్యులర్ సినిమాలతో పాటు అప్పుడప్పుడు ఒరిజినల్ సిరీస్‌లు కూడా వస్తుంటాయి. అలా ఇప్పుడు రొమాంటిక్ ప్రేమకథ వచ్చేందుకు సిద్ధమైంది. సూపర్‌స్టార్ కూతరు నిర్మించిన ఈ సిరీస్ ట్రైలర్ రిలీజ్ చేసి స్టోరీ ఏంటనేది చెప్పేశారు. ఇంతకీ దీని సంగతేంటి? ఎప్పటి నుంచి ఎందులోకి రానుంది?(ఇదీ చదవండి: శోభనం రాత్రి ఏం జరిగింది? ఓటీటీ సినిమా తెలుగు రివ్యూ)సూపర్ స్టార్ రజనీకాంత్ కూతురు సౌందర్య రజనీకాంత్ నిర్మించడంతో పాటు షో రన్నర్‌గా వ్యవహరించిన సిరీస్ 'లవ్'. అర్జున్ దాస్, ఐశ్వర్య లక్ష‍్మి ప్రధాన పాత్రలు చేశారు. వచ్చే శుక్రవారం(అక్టోబరు 02) నుంచి నెట్‌ఫ్లిక్స్‌లో తెలుగులోనూ స్ట్రీమింగ్ కానుంది. ఈ మేరకు ట్రైలర్ రిలీజ్ చేశారు.'లవ్' ట్రైలర్ బట్టి చూస్తే తారా(ఐశ్వర్య లక్ష‍్మి) ఫౌండ్ అనే డేటింగ్ యాప్ కంపెనీ నడిపిస్తూ ఉంటుంది. డేటింగ్ యాప్ కోసం పనిచేస్తున్నప్పటికీ ఈమెకు బాయ్ ఫ్రెండ్ ఉండడు. మరోవైపు మాథ్యూ(అర్జున్ దాస్) ఓ ఇన్వెస్టర్. అనుకోకుండా మాథ్యూ.. తారా కంపెనీలో తన డబ్బుని పెట్టుబడి పెడతాడు. అయితే తనకో మంచి అమ్మాయిని చూసి పెట్టాలని అంటాడు. దీనికి 60 రోజుల ఛాలెంజ్ ఇస్తాడు. ఒకవేళ తనకు ఏ అమ్మాయి సెట్ కాకపోతే తారా తనతో డేటింగ్ చేయాలని కండీషన్ పెడతాడు. తర్వాత ఏమైంది? వీళ్లిద్దరూ ప్రేమలో పడ్డారా? లేదా అనేది మిగతా స్టోరీలా అనిపిస్తుంది.(ఇదీ చదవండి: సడన్‌గా ఓటీటీలోకి వచ్చేసిన హిట్ సినిమా)

తమిళనాడులో పోక్సో కేసు వ్యవహారం రాజకీయంగా మరోసారి చర్చకు వచ్చింది. గ్రానైట్‌ వ్యాపారి వీరమణికి సంబంధించిన పోక్సో కేసును గతంలో అధికారంలో ఉన్న డీఎంకే ప్రభుత్వం దాచిపెట్టిందంటూ తమిళనాడు ముఖ్యమంత్రి విజయ్‌ ఆరోపించారు. ఈ వ్యవహారంపై డీఎంకే, అన్నాడీఎంకే ఎందుకు మౌనం వహిస్తున్నాయంటూ సీఎం ప్రశ్నించారు.మదురాంతకం ఉపఎన్నిక ప్రచారంలో పాల్గొన్న విజయ్‌.. ఈ కేసు గత డీఎంకే ప్రభుత్వ హయాంలోనే వెలుగులోకి వచ్చిందని, అయితే ఆ కేసును, దాని పూర్వాపరాలను ప్లాన్‌ ప్రకారమే దాచిపెట్టారని ఆరోపించారు. స్టాలిన్‌ సర్‌.. నోరు విప్పండి. ఈ విషయంలో అన్నాడీఎంకేతో పొత్తు పెట్టుకుని మౌనంగా ఉంటారా?’ అంటూ ప్రశ్నించారు. మహిళల భద్రత కోసం తామే పనిచేస్తున్నామని డీఎంకే చేస్తున్న ప్రచారాన్ని కూడా విజయ్‌ విమర్శించారు. వీరమణి ఎంతోమంది యువతుల జీవితాలను నాశనం చేశారని ఆరోపిస్తూ.. ప్రస్తుతం ఆయన జైలులో ఉన్నప్పటికీ డీఎంకే, అన్నాడీఎంకే ఈ అంశంపై ఎందుకు మాట్లాడటం లేదని ప్రశ్నల వర్షం కురిపించారు.పెన్‌డ్రైవ్‌తో మొదలై.. క్లోజర్‌ రిపోర్ట్‌ వరకు2025 అక్టోబర్‌లో ఓ స్వచ్ఛంద సంస్థకు గుర్తుతెలియని వ్యక్తి పెన్‌డ్రైవ్‌, లేఖ అందజేయడంతో ఈ వ్యవహారం వెలుగులోకి వచ్చింది. అందులో ఓ బాలికపై లైంగిక దాడికి సంబంధించిన వీడియో ఉందని పేర్కొంటూ వీరమణి పేరు ప్రస్తావించారు. అనంతరం పోలీసులు కేసు నమోదు చేసి దర్యాప్తు ప్రారంభించారు. సుమారు ఐదు నెలల విచారణ అనంతరం పోలీసులు క్లోజర్‌ రిపోర్టు దాఖలు చేశారు. వీడియోలో కనిపిస్తున్న బాలికను గుర్తించలేకపోవడం, ఒరిజినల్‌ వీడియో లభించకపోవడం, తగిన ఆధారాలు లేకపోవడం వంటి కారణాలను అందులో పేర్కొన్నారు. అయితే ప్రత్యేక పోక్సో కోర్టు ఈ క్లోజర్‌ రిపోర్టును అంగీకరించలేదు. మరింత దర్యాప్తు చేయాలని ఆదేశించింది.కోర్టు ఆదేశాలతో కేసులో కీలక మలుపుకోర్టు ఆదేశాల తర్వాత దర్యాప్తు వేగం పుంజుకుంది. వీడియోలో కనిపించిన బాలికను పోలీసులు గుర్తించి.. ఆమె వాంగ్మూలాన్ని మేజిస్ట్రేట్‌ ముందు నమోదు చేశారు. ఆ తర్వాత దర్యాప్తు విస్తరించడంతో మరికొందరు బాధితులు కూడా వెలుగులోకి వచ్చినట్లు పోలీసులు తెలిపారు. ఇప్పటివరకు ఏడుగురికి పైగా బాధితులను గుర్తించినట్లు తాజా నివేదికలు పేర్కొంటున్నాయి. వీరమణితో పాటు ఆయనకు చెందిన ఇద్దరు సహాయకులు మహేంద్ర సిమ్హన్‌, ఆయన భార్య శాంతిని ఆగస్టు 28న అరెస్టు చేశారు.విజయ్‌ సర్కార్‌ చర్యలుకేసు తీవ్రత పెరగడంతో తమిళనాడు ముఖ్యమంత్రి విజయ్‌ ప్రభుత్వం దర్యాప్తులో ఎలాంటి లోపాలకు తావులేకుండా చూడాలని ఆదేశించింది. గత దర్యాప్తులో ఎవరైనా నిర్లక్ష్యం వహించారా? కేసును బలహీనపరిచే ప్రయత్నం జరిగిందా? అన్న కోణాల్లోనూ విచారణ సాగుతోంది. పోలీసు వ్యవస్థలోని అధికారుల పాత్రపై కూడా సమీక్ష మొదలైంది. దీంతో ఈ కేసు కేవలం నిందితులపై దర్యాప్తుకే పరిమితం కాకుండా.. గతంలో కేసును హ్యాండిల్‌ చేసిన తీరుపైనా విచారణ జరుగుతున్న వ్యవహారంగా మారింది.విజయ్‌ సర్కార్‌పై స్టాలిన్‌ సమాధానం..ఇదిలా ఉండగా.. కేసును అడ్డుకున్నారంటూ గత డీఎంకే ప్రభుత్వంపై టీవీకే వర్గాల నుంచి ఆరోపణలు రావడంతో రాజకీయ దుమారం మొదలైంది. వీరమణిని కాపాడాలని తమ ప్రభుత్వం ఎలాంటి ఆదేశాలు ఇవ్వలేదని డీఎంకే అధినేత ఎంకే స్టాలిన్‌ స్పష్టం చేశారు. తనపై, తమ ప్రభుత్వంపై వస్తున్న ఆరోపణలు అసత్యం, పరువు నష్టం కలిగించేలా ఉన్నాయని ఆయన పేర్కొన్నారు. అంతేకాదు.. బాలికలకు న్యాయం జరగడమే ఈ వ్యవహారంలో అందరి ప్రధాన లక్ష్యం కావాలని స్టాలిన్‌ పేర్కొన్నారు. దీంతో వీరమణి కేసు ఇప్పుడు క్రిమినల్‌ దర్యాప్తుతో పాటు తమిళనాడు రాజకీయాల్లోనూ ప్రధాన చర్చగా మారింది.ఇదీ చదవండి: కర్ణాటక సీఎం నోట సంచలన వ్యాఖ్యలు..

న్యూయార్క్‌: ఐక్యరాజ్యసమితి సర్వసభ్య సమావేశం వేదికగా భారత్‌, పాకిస్థాన్‌ మధ్య మరోమారు మాటల యుద్ధం జరిగింది. పాకిస్థాన్‌ ప్రధాని షెహ్‌బాజ్‌ షరీఫ్‌.. కశ్మీర్‌, సింధు జలాల ఒప్పందం, 2025లో భారత్‌-పాక్‌ మధ్య జరిగిన ఘర్షణపై మాట్లాడగా.. భారత్‌ తీవ్రంగా స్పందించింది. సరిహద్దు ఉగ్రవాదానికి పాకిస్థాన్‌ మద్దతు కొనసాగితే తీవ్ర పరిణామాలు తప్పవని ఐక్యరాజ్యసమితిలో భారత దౌత్యవేత్త పెటల్‌ గహ్లోత్‌ స్పష్టం చేశారు.ఉగ్రవాదంపై భారత్‌ ఘాటు హెచ్చరికపాక్‌ ప్రధాని షెహ్‌బాజ్‌ షరీఫ్‌ వ్యాఖ్యలకు స్పందిస్తూ, ఐక్యరాజ్యసమితిలో భారత శాశ్వత మిషన్‌ ఫస్ట్‌ సెక్రటరీ పెటల్‌ గహ్లోత్‌ తీవ్ర వ్యాఖ్యలు చేశారు. పాకిస్థాన్‌ పదేపదే భారత్‌పై ఆరోపణలు చేసినంత మాత్రాన వాస్తవాలు మారవని అన్నారు. సరిహద్దు ఉగ్రవాదాన్ని పాకిస్థాన్‌ చాలాకాలంగా ప్రోత్సహిస్తున్నదని ఆరోపించారు.‘టెర్రరిస్టులకు దాక్కునే అవకాశం లేదు’గత ఏడాది భారత్‌ తమ వైఖరిని స్పష్టంగా చూపించిందని గహ్లోత్‌ పేర్కొన్నారు. ఉగ్రవాదులకు ఎక్కడా దాక్కునే అవకాశం ఉండదని అన్నారు. ఉగ్రవాదం, మోసం, ద్వంద్వ వైఖరి పాకిస్థాన్‌కు గానీ, ప్రపంచానికి గానీ ప్రయోజనం కలిగించవని ఆమె పేర్కొన్నారు.ట్రంప్‌ జోక్యంతో యుద్ధం ఆగిందన్న షరీఫ్‌యూఎన్‌ ప్రసంగంలో షెహ్‌బాజ్‌ షరీఫ్‌ 2025 మేలో భారత్‌, పాకిస్థాన్‌ మధ్య జరిగిన ఘర్షణను ప్రస్తావించారు. ఆ సమయంలో తమ దేశ స్పందన విజయవంతమైందని పేర్కొంటూ.. అమెరికా అధ్యక్షుడు డొనాల్డ్‌ ట్రంప్‌ జోక్యం చేసుకోవడం వల్ల పరిస్థితి మరింత తీవ్రం కాలేదని అన్నారు. రెండు అణ్వాయుధ దేశాలు పూర్తిస్థాయి యుద్ధం అంచున ఉన్న సమయంలో ట్రంప్‌ జోక్యం కీలకంగా పనిచేసిందని షరీఫ్‌ వ్యాఖ్యానించారు. అయితే కాల్పుల విరమణ విషయంలో మూడో దేశం జోక్యం లేదని భారత్‌ గతంలోనే స్పష్టం చేసింది. ఇరు దేశాల మధ్య ప్రత్యక్ష సంప్రదింపుల ద్వారానే కాల్పుల విరమణకు అంగీకారం కుదిరిందని భారత్‌ ఏనాడో స్పష్టం చేసింది.ఇదీ చదవండి: అమెరికా కోర్టులో ఆంత్రోపిక్‌కు ఎదురుదెబ్బ

సాక్షి, హైదరాబాద్‌: నగరంలో గణేష్‌ నిమజ్జనాలు కొనసాగుతున్నాయి. గణనాథుల శోభాయాత్రలతో ప్రధాన రహదారులు సందడిగా మారడంతో పలు ప్రాంతాల్లో భారీగా ట్రాఫిక్‌ జామ్‌ నెలకొంది. ట్యాంక్‌బండ్‌, నెక్లెస్‌రోడ్‌, ఎన్టీఆర్‌ మార్గ్‌ వైపు పెద్ద సంఖ్యలో విగ్రహాలు తరలివస్తున్నాయి. దీంతో ఆయా మార్గాల్లో వాహనాల రాకపోకలపై ఆంక్షలు విధించారు.ట్యాంక్‌బండ్‌, నెక్లెస్‌రోడ్‌, ఎన్టీఆర్‌ మార్గ్‌లో సాధారణ వాహనాలకు అనుమతి లేదని సీపీ సజ్జనార్‌ తెలిపారు. నిమజ్జనాల నేపథ్యంలో ట్రాఫిక్‌ రద్దీని నియంత్రించేందుకు అధికారులు విగ్రహాలను నెక్లెస్‌రోడ్‌ వైపు మళ్లిస్తున్నారు. దీంతో వాహనదారులు ప్రత్యామ్నాయ మార్గాలను ఎంచుకోవాలని పోలీసులు సూచించారు.మరోవైపు హుస్సేన్‌సాగర్‌లో వేలాది గణనాథుల నిమజ్జనం కొనసాగుతోంది. నిమజ్జన ప్రక్రియను ఉదయం 11 గంటలలోపు పూర్తి చేసేలా అధికారులు చర్యలు చేపట్టారు. ట్రాఫిక్‌ అడ్వైజరీలను గమనించి, పోలీసులకు సహకరించాలని సీపీ సజ్జనార్‌ వాహనదారులు, ప్రజలను కోరారు.ఇదీ చదవండి: ప్యారడైజ్‌ పాట.. దానం ఆట!

ఏషియన్‌ గేమ్స్‌ 2026లో ఏడో రోజు భారత్‌కు శుభారంభం లభించింది. ఒకే రోజు రెండు ఖాతాలో రజత పతకాలు చేరాయి. తొలుత పురుషుల మారథాన్‌లో సావన్‌ బర్వాల్‌ రజతం సాధించగా.. ఆతర్వాత మహిళల షూటింగ్‌ జట్టు కూడా సిల్వర్‌ మెడల్‌ గెలుచుకుంది.మారథాన్‌లో సావన్‌ బర్వాల్‌ చరిత్రపురుషుల మారథాన్‌లో సావన్‌ బర్వాల్‌ వ్యక్తిగత అత్యుత్తమ టైమింగ్‌ 2:11:37తో రజత పతకం సాధించాడు. దీంతో ఏషియన్‌ గేమ్స్‌ పురుషుల మారథాన్‌లో భారత్‌కు 44 ఏళ్ల తర్వాత పతకం లభించింది.షూటింగ్‌లో మహిళల జట్టుకు రజతంమహిళల 50 మీటర్ల రైఫిల్‌ 3 పొజిషన్స్‌ టీమ్‌ ఈవెంట్‌లో తిలోత్తమ సేన్‌, విదర్సా వినోద్‌, ఆశి చౌక్సేతో కూడిన భారత జట్టు రజత పతకం సాధించింది. ఇదే ఈవెంట్‌లో తిలోత్తమ సేన్‌, విదర్సా వినోద్‌ వ్యక్తిగత ఫైనల్‌కు కూడా అర్హత సాధించారు.25కు చేరిన భారత్‌ పతకాల సంఖ్యఏడో రోజు రెండు రజతాలు రావడంతో ప్రస్తుత ఏషియన్‌ గేమ్స్‌లో భారత్‌ పతకాల సంఖ్య 25కు చేరింది.ఇదీ చదవండి: భారత ఫుట్‌బాల్‌ జట్టు అద్భుత ప్రదర్శన

దేశీయ విదేశీ మారక ద్రవ్య (ఫారెక్స్) నిల్వలను బలోపేతం చేయడం, రూపాయి విలువను స్థిరీకరించడమే లక్ష్యంగా రిజర్వ్ బ్యాంక్ ఆఫ్ ఇండియా(ఆర్‌బీఐ) చర్యలు చేపట్టింది. ఎగుమతి చేసిన వస్తువులు, సేవల నిధులను (ఎక్స్‌పోర్ట్ ప్రొసీడ్స్) తిరిగి దేశానికి తీసుకురావడానికి ఉన్న సమయ పరిమితిని ఆర్‌బీఐ తగ్గించింది. ఫారిన్ ఎక్స్చేంజ్ మేనేజ్‌మెంట్ యాక్ట్ (ఫెమా) నూతన నిబంధనల ప్రకారం ఈ కొత్త గడువు అక్టోబర్ 1 నుంచి అమలులోకి రానుంది.ప్రధాన మార్పులుఇప్పటివరకు ఎగుమతిదారులు తమ ఎగుమతుల ద్వారా వచ్చే నిధులను పొందేందుకు 15 నెలల సమయం ఉండగా దాన్ని ఇప్పుడు 9 నెలలకు కుదించారు. ప్రత్యేక పరిస్థితుల్లో పొడిగించే గడువును కూడా 18 నెలల నుంచి 12 నెలలకు తగ్గించారు. ఈ నూతన ఉత్తర్వుల ప్రకారం, వస్తువులు లేదా సేవలు ఎగుమతి చేసిన 9 నెలలలోపే ఆ మొత్తాన్ని ఆథరైజ్డ్ డీలర్ (ఏడీ) బ్యాంకుల ద్వారా భారత్‌కు తీసుకురావడం నిబంధనల ప్రకారం తప్పనిసరి.నిర్ణయం వెనుక కారణాలుఅంతర్జాతీయ ఆర్థిక అనిశ్చితుల వేళ ఎగుమతి ఆదాయం త్వరగా దేశంలోకి ప్రవేశించడం వల్ల ఫారెక్స్ నిల్వలు పెరిగి విదేశీ మారక మార్కెట్‌లో రూపాయిపై ఒత్తిడి తగ్గుతుంది. పాత/నిలిచిపోయిన లావాదేవీల (లెగసీ ట్రాన్సాక్షన్స్‌) ఆమోద ప్రక్రియను ఆథరైజ్డ్ డీలర్ బ్యాంకులకు బదిలీ చేయడం ద్వారా పరిపాలనాపరమైన జాప్యాన్ని నివారించినట్లవుతుంది.పరిశ్రమలపై ప్రభావంఆర్‌బీఐ తాజా చర్య వల్ల దేశీయ వర్కింగ్ క్యాపిటల్ వ్యాపారాలపై, ప్రత్యేకించి చిన్న, మధ్యతరహా ఎగుమతిదారులపై స్వల్పకాలిక ఒత్తిడి పెరిగే అవకాశం ఉంది. ఎగుమతిదారులు తమ విదేశీ కస్టమర్లతో బిల్లింగ్ విధానాలను, పేమెంట్‌ సైకిల్స్‌ను కొత్త నిబంధనలకు అనుగుణంగా మార్చుకోవాల్సి ఉంటుంది. గడువు దాటితే ఫెమా చట్టం కింద జరిమానాలు ఎదురయ్యే ప్రమాదం ఉండటంతో వ్యాపార సంస్థలు తమ నగదు ప్రవాహాలను మరింత కచ్చితత్వంతో నిర్వహించుకోవాల్సిన అవసరం ఏర్పడింది.ఇదీ చదవండి: ఆధార్ వ్యవస్థనే అబ్బురపరిచిన కవలలు

రోజూ మన కళ్లముందు కనిపించే రోడ్లు.. ట్రాఫిక్‌.. నగరాల పరిస్థితి.. ఇవన్నీ మనకు అలవాటైపోయినవే. కానీ, కొన్నిసార్లు మరో దేశంలోని నగరాలను చూసిన తర్వాత.. మన చుట్టూ ఉన్న పరిస్థితులను కొత్త కోణంలో చూడాల్సి వస్తుంది. ఓ విదేశీ పర్యటన.. తిరిగొచ్చాక చేసిన ఓ సోషల్‌ మీడియా పోస్ట్‌.. ఇప్పుడు నెటిజన్ల మధ్య పెద్ద చర్చకు దారితీసింది.‘చైనాలోని సాధారణ నగరాలను సందర్శించి తిరిగి భారత వీధుల్లోకి వస్తే.. స్థానిక ఎమ్మెల్యేలు, ఎంపీలు, ఐఏఎస్‌ అధికారులు, మొత్తం వ్యవస్థ మనల్ని ఎంతగా మోసం చేసిందో అర్థమవుతుంది’ అంటూ భారతీయ మూలాలున్న అమెరికన్‌ ప్రొఫెసర్‌ రాజేశ్వరి అయ్యర్‌ ఎక్స్‌లో పోస్టు చేశారు. ఆమె పోస్టుకు భారీగా లైక్స్‌, షేర్లు, కామెంట్లు వచ్చాయి. చైనాలోని నగరాల దృశ్యాలతో కూడిన పోస్టులు కూడా సోషల్‌ మీడియాలో విస్తృతంగా చక్కర్లు కొడుతున్నాయి.‘ఇలాంటి పోస్టులు పెడితే పరువునష్టం కేసు ఎదుర్కోవాల్సి వస్తుంది’ అని ఓ నెటిజన్‌ కామెంట్‌ చేయగా.. ‘చైనా అభివృద్ధిని మెచ్చుకునేవాళ్లు.. అక్కడి నియంత్రణల గురించి కూడా మాట్లాడాలి’ అని మరో వ్యక్తి బదులిచ్చారు. ఇంకొకరు స్పందిస్తూ.. ‘చైనాలో ఇలా బహిరంగంగా మాట్లాడితే.. ఉదయానికే కనిపించరు. భారత్‌లో మాత్రం యువత రోడ్డెక్కి నిరసనలు తెలిపేంత స్వేచ్ఛ.. ఇంత ప్రజాస్వామ్యం ఉంది’ అని వ్యాఖ్యానించారు.Once you visit random cities in China and come back to Indian streets, you realize how much you’ve been scammed by your local MLAs, MPs, IAS and the whole system. pic.twitter.com/uETFhAjSvk— Dr. Rajeshwari Iyer (@RajeshwariRW) September 25, 2026అంత దాకా ఎందుకు..అయితే ఆమె వ్యాఖ్యలకు అందరూ ఏకీభవించలేదు. కొందరు నెటిజన్లు చైనాతో భారత్‌ను పోల్చాల్సిన అవసరం లేదని.. బ్యాంకాక్‌, వియత్నాం, ఇండోనేషియా, మలేసియా వంటి దేశాల్లోని నగరాలను చూసినా భారత్‌లో మౌలిక వసతులు, పరిశుభ్రత, పౌర సదుపాయాల్లో తేడా కనిపిస్తుందని కామెంట్‌ చేశారు. ‘చైనానే కాదు.. బ్యాంకాక్‌ వెళ్లినా అభివృద్ధి, పరిశుభ్రత, పౌరస్పృహలో భారీ వ్యత్యాసం కనిపిస్తుంది’ అంటూ ఒకరు స్పందించారు. మరికొందరు వియత్నాం, ఇండోనేషియా, మలేసియాలను కూడా ప్రస్తావించారు.చైనా మోడల్‌పై మరో వాదనమరోవైపు.. చైనా నగరాల్లో కనిపించే వేగవంతమైన రహదారులు, ఎక్స్‌ప్రెస్‌వేలు, హైస్పీడ్‌ రైళ్లను ప్రశంసించిన కొందరు నెటిజన్లు.. వాటిని భారత్‌లోని ప్రజాస్వామ్య వ్యవస్థతో నేరుగా పోల్చడం సరికాదని వాదించారు. చైనాలోని వేగవంతమైన అభివృద్ధి వెనుక ఒకే పార్టీ పాలన, కేంద్రీకృత నిర్ణయ వ్యవస్థ వంటి అంశాలు ఉన్నాయని కొందరు ప్రస్తావించారు. ప్రజా పర్యవేక్షణ, రాజకీయ స్వేచ్ఛ, సోషల్‌ క్రెడిట్‌ వ్యవస్థ వంటి అంశాలను కూడా వారు చర్చలోకి తీసుకొచ్చారు.భిన్నాభిప్రాయాలుచైనా హైస్పీడ్‌ రైళ్లను మెచ్చుకున్న ఒక నెటిజన్‌.. వాటి నిర్మాణానికి తక్కువ కార్మిక వ్యయం, జపాన్‌ నుంచి వచ్చిన సాంకేతిక పరిజ్ఞానం వంటి అంశాలు కూడా కారణమని వ్యాఖ్యానించారు. రైళ్ల నిర్మాణం ఒకవైపు ఉద్యోగాల కల్పన, మరోవైపు రవాణా వ్యవస్థ అభివృద్ధి కార్యక్రమంగా సాగిందని పేర్కొన్నారు. కేవలం రైళ్ల నిర్మాణాన్ని ఆధారంగా చేసుకుని దేశాల మధ్య పోటీని అంచనా వేయడం సరైందని కాదని అభిప్రాయపడ్డారు. అదే సమయంలో.. దుబాయ్‌లాంటి చోట్ల రోడ్లు, భవనాల నిర్మాణానికి మన దేశం నుంచి కార్మికులు వెళ్తారని, వాళ్లనే ఉపయోగించి ఇక్కడ హైక్లాస్‌ రోడ్లను నిర్మించడం మన ప్రభుత్వాలకు చేత కాదా? అంటూ ఒకరు ప్రశ్నించారు.నెహ్రూ.. మోదీని మాత్రమే నిందించాలా?భారత్‌లో మౌలిక వసతుల సమస్యలకు రాజకీయ నాయకులను మాత్రమే బాధ్యులను చేయడం సరిపోదని మరో నెటిజన్‌ వ్యాఖ్యానించారు. నెహ్రూ నుంచి మోదీ వరకు ప్రభుత్వాలను నిందించడం కంటే.. దశాబ్దాలుగా కొనసాగుతున్న అధికార యంత్రాంగం, అవినీతి, జవాబుదారీతనం వంటి అంశాలపై దృష్టి పెట్టాలని పేర్కొన్నారు. భారత్‌లో మౌలిక వసతుల అభివృద్ధికి రాజకీయ సంకల్పంతో పాటు అధికార వ్యవస్థలోనూ మార్పులు అవసరమని ఆ వ్యాఖ్య సారాంశం.ఎవరీ రాజేశ్వరి అయ్యర్‌?డాక్టర్‌ రాజేశ్వరి అయ్యర్‌ సోషల్‌ మీడియాలో యాక్టివ్‌గా ఉండే భారతీయ మూలాలున్న అమెరికన్‌ ప్రొఫెసర్‌. ఆమె ఎక్స్‌ ప్రొఫైల్‌లో ఎన్‌ఐటీ పుదుచ్చేరి, ఐఐటీ బాంబే పూర్వ విద్యార్థినిగా, డైరెక్టర్‌, ప్రొఫెసర్‌గా వివరాలు ఉన్నాయి. భారత్‌లో రిజర్వేషన్లు, పన్నులు, ప్రభుత్వ వ్యవస్థ, ప్రజా మౌలిక వసతులు వంటి అంశాలపై ఆమె తరచూ పోస్టులు చేస్తుంటారు. గతంలోనూ భారత్‌ నుంచి అమెరికాకు తిరిగి వెళ్లడానికి కారణాలను వివరిస్తూ ఆమె చేసిన పోస్టులు వార్తల్లో నిలిచాయి.She is visiting the Netherlands. This is how the Netherlands looks.Hope the Bihar MLA can transform Bihar and make it look like this one day. https://t.co/VzRVQ2rmZe pic.twitter.com/8qpU7yTFMi— Dr. Rajeshwari Iyer (@RajeshwariRW) September 26, 2026చైనా పర్యటన అనుభవం నుంచి మొదలైన ఈ పోస్టు ఇప్పుడు కేవలం చైనా-భారత్‌ నగరాల పోలికకే పరిమితం కాకుండా.. మౌలిక వసతులు, పట్టణ ప్రణాళిక, అధికార యంత్రాంగం, అవినీతి, ప్రజాస్వామ్యం, జవాబుదారీతనం వంటి విస్తృత అంశాలపై సోషల్‌ మీడియా చర్చకు దారితీసింది.

సాక్షి, హైదరాబాద్‌: గణేష్‌ ఉత్సవాలకు దేశంలోనే హైదరాబాద్‌ నగరానికి ప్రత్యేక గుర్తింపు ఉంది. ప్రత్యేకించి లడ్డూ ప్రసాదాన్ని సొంతం చేసుకోడానికి తీవ్రమైన పోటీ ఏర్పడుతోంది. ఈ ఏడాది బండ్లగూడ జాగీర్‌లోని కీర్తి రిచ్‌మండ్‌ విల్లాస్‌లో గురువారం రూ.1.05 కోట్లు పలకగా.. శుక్రవారం బాలాపూర్‌ గణేష్‌ లడ్డూను రూ.39 లక్షలకు సామ ప్రణీత్‌రెడ్డి కైవసం చేసుకున్నారు. కీర్తి రిచ్‌మండ్‌ విల్లాస్‌లో రూ.2.31 కోట్లు (2025) పలికింది. అధిక మొత్తానికి వేలంలో లడ్డూ దక్కించుకున్న వారు ముసారాంబాగ్‌ శాలివాహన నగర్‌లో 51 కిలోల లడ్డూ రూ. 51 లక్షలు పలికింది. స్థానిక వ్యాపారి రాజేష్‌ గోయల్‌ ఈ లడ్డూను దక్కించుకున్నారు. అత్తాపూర్‌: రూ.13.21 లక్షలకు భూపాల్‌రెడ్డి కూకట్‌పల్లి: రూ.7 లక్షలకు వడ్డేపల్లి రాజేశ్వరరావు రామాంతపూర్‌: రూ.6.51 లక్షలకు గరిక అశ్విన్ నానక్‌రాంగూడ: రూ.6.11 లక్షలకు జక్కుల సహదేవ్, న్యూ నాగోల్‌: రూ.5.30 లక్షలకు ఆవాల గీతా , రమేష్‌ రెడ్డి, చంపాపేట్‌: రూ.4.41 లక్షలకు సామ బబ్రువాహన్‌ రెడ్డి, ఎస్‌జీఆర్‌ కాలనీ: రూ.3.80 లక్షలకు దేవరశెట్టి సందీప్‌ పటేల్, శ్రీభాగ్యనగర్‌: రూ.3.55 లక్షలకు రాము, నారాయణ దాస్‌ సర్దార్‌ కుటుంబం, ఉప్పల్‌ భగాయత్‌: రూ.3.17 లక్షలకు పద్మజ శ్రీనివాస్, అలియాబాద్‌: రూ.3.09 లక్షలకు తిరుపతి నాగరాజ్, స్వరూప్‌నగర్‌: రూ.2.05 లక్షలకు అడపు నరేందర్, కుషాయిగూడ: మొదటి లడ్డూ రూ.2.05 లక్షలకు ప్రియా విశ్వప్రసాద్, రెండో లడ్డూ రూ.1.05 లక్షలకు కాంచన రామారావు, ఛత్రినాక: రూ.1.86 లక్షలకు పుపాల కేదార్‌ రావు. ఇదీ చదవండి: Laya: నాతో అసలు పనిలేదు.. అయినాసరే తిరిగిచ్చేశారు

యశవంతపుర: బెంగళూరు ఆర్‌ఆర్‌నగర బీజేపీ ఎమ్మెల్యే మునిరత్న బహిరంగ స్థలంలో మూత్ర విసర్జన చేస్తుండగా ప్రశ్నించిన వ్యక్తిపై దౌర్జన్యం చేసినట్లు అరోపణలు వస్తున్నాయి. బెంగళూరు సదాశివనగరలోని ఖాళీ స్థలంలో మూత్ర విసర్జన చేస్తుండగా అక్కడికి వెళ్లి ఓ యువకుడు ప్రశ్నించారు. యువకుడిని ఎమ్మెల్యే నోటికొచ్చినట్లు తిట్టారు. తన తల్లిని అవమానించేలా ఎలా మాట్లాడతావంటూ ఎమ్మెల్యేని నిలదీశారు. తిరగబడిన యువకుడిని కాలర్‌ పట్టుకుని ఎమ్మెల్యే బెదిరించినట్లు అరోపణలు వస్తున్నాయి. యువకుడు ఎమ్మెల్యేతో వాదులాడుతున్న సమయంలో అక్కడే ముగ్గురు పోలీసులు చూస్తూ ప్రేక్షకపాత్ర వహించిన దృశ్యాలు ఆ వీడియోలో ఉన్నాయి. ఈ వీడియో సామాజిక మాధ్యమాల్లో వైరల్‌గా మారింది.

భారత ఫుట్‌బాల్‌ జట్టు అద్భుత ప్రదర్శన కనబర్చింది. బెంగళూరులోని శ్రీ కంఠీరవ స్టేడియంలో పనామాతో జరిగిన అంతర్జాతీయ ఫ్రెండ్లీ మ్యాచ్‌ను 1-1తో డ్రా చేసుకుంది. పనామా భారత్‌ కంటే చాలా మెరుగైన జట్టు. ఫిఫా ర్యాంకింగ్స్‌లో ఆ జట్టు 44వ స్థానంలో ఉండగా.. భారత్‌ 138వ ర్యాంక్‌లో ఉంది. పైగా పనామా ఫిఫా ప్రపంచకప్‌లో పాల్గొంది. తమకంటే అన్ని విభాగాల్లో చాలా మెరుగైన జట్టు కావడంతో ఈ మ్యాచ్‌ భారత్‌కు చాలా ప్రత్యేంగా నిలిచింది. ఈ మ్యాచ్‌ను డ్రా చేసుకోవడం భారత్‌కు ఘనతగా చెప్పుకోవాలి.ఈ మ్యాచ్‌ ఆరంభం నుంచే భారత్‌ దూకుడుగా ఆడింది. రియాన్‌ విలియమ్స్‌ తొలి అర్ధభాగంలో గోల్‌ చేసి భారత్‌కు ఆధిక్యాన్ని అందించాడు. లాంగ్‌ పాస్‌ను అందుకున్న రియాన్‌ బాక్స్‌లోకి దూసుకెళ్లి గోల్‌కీపర్‌తో వన్‌-ఆన్‌-వన్‌ పరిస్థితిని సృష్టించాడు. అనంతరం ఎలాంటి తడబాటు లేకుండా బంతిని నెట్‌లోకి పంపి అద్భుతమైన గోల్‌గా మలిచాడు.రెండో అర్ధభాగంలో పనామా పుంజుకుంది. ఒమర్‌ వాలెన్సియా అద్భుతమైన గోల్‌తో స్కోరును సమం చేశాడు. బాక్స్‌ వెలుపల నుంచి ఎడమ కాలితో కొట్టిన అతడి షాట్‌ నేరుగా టాప్‌ కార్నర్‌లోకి దూసుకెళ్లింది. ఆ తర్వాత ఇరు జట్లు విజయం కోసం ఎంత ప్రయత్నించినా మరో గోల్‌ నమోదు కాలేదు. దీంతో మ్యాచ్‌ డ్రాగా ముగిసింది.ఇదీ చదవండి: ఏషియన్‌ గేమ్స్‌ మారథాన్‌లో భారత్‌కు రతజం

బిగ్‌బాస్ అంటేనే గొడవలు, కొట్లాటలు. అవి లేకపోతే షోలో మజా ఉండదు. ఈ విషయం నిర్వహకులకు కూడా తెలుసు. అందుకే ఎక్కడ ఇలాంటివి వర్కౌట్ అవుతాయా అని చూస్తుంటారు. అగ్నిపరీక్షలో పాల్గొన్న అపూర్వ, మిథిలేష్‌లని హౌస్‌లోకి ప్రవేశపెట్టిన బిగ్‌బాస్.. సామాన్యుల మధ్య చిచ్చు పెట్టాడు. ఇంతకీ 19వ రోజైన శుక్రవారం(సెప్టెంబరు 25) అసలేం జరిగింది? అనేది ఎపిసోడ్ హైలైట్స్‌లో చూద్దాం.(ఇదీ చదవండి: తాత–నాన్నలా జేసన్‌ గొప్ప స్థాయికి వెళ్లాలి: చిరంజీవి)ఇంట్లోని కంటెస్టెంట్స్ అందరూ వద్దనుకుని తక్కువ ఓట్లు వేసిన అపూర్వని బిగ్‌బాస్.. హౌస్‌లోకి తీసుకొచ్చి ట్విస్ట్ ఇచ్చాడు. నీకు, అపూర్వకు ఏదో ప్రాబ్లం ఉంది.. ఆమె రావడం నీకు ఇష్టం లేదని మాట్లాడుకుంటున్నారని షాలినీతో రోహిత్ అంటాడు. నేను మాట్లాడాను కానీ ఆమె మాట్లాడలేదు. అసలు ముఖేష్ అయితే ఆమె రావొద్దు అని కెమెరాల ముందుకు వెళ్లి అన్నాడు. ఇప్పుడేమో ఇలా ఉంటున్నాడు అని షాలినీ అంటుంది. ఇంతలో అక్కడొచ్చిన త్రిగుణ్.. నీకు, ఆమెకు ఏమైనా సమస్య ఉందా? అని అడిగితే.. నాకు అలాంటి ప్రాబ్లం ఏం లేదు అని షాలినీ సమాధానమిచ్చింది. మరో వైపు నరేష్ నిద్రపోయాడని బిగ్‌బాస్ హెచ్చరించడంతో.. కెప్టెన్ ఝాన్సీ ఇతడితో గుంజీలు తీయించింది.మిథిలేష్, రామకృష్ణకు సమానంగా ఓట్లు వచ్చాయని, అందుకే ఓ టాస్క్ ఇస్తున్నానని గెలిచిన వాళ్లికే ఇంట్లోకి ప్రవేశం ఉంటుందని బిగ్‌బాస్ చెప్పగా.. ఇచ్చిన టైర్ల టాస్క్‌లో గెలిచిన మిథిలేష్ ఇంట్లో అడుగుపెట్టాడు. ఇంటి పనుల విషయంలో త్రిగుణ్‌, అమన్‌ మధ్య చిన్న గొడవ జరిగింది. కెప్టెన్ చెప్తేనే వింటా నువ్వు చెప్తే ఎందుకు వింటా అని అమన్ అంటాడు. చిరాకేస్తుందని త్రిగుణ్ అనేసరికి గొడవ మరింత ముదురుతుంది. చివరకు త్రిగుణ్ వచ్చి అమర్‌కి సారీ చెప్పడంతో సద్దుమణిగింది.ఇక హౌస్‌లోకి వచ్చిన అపూర్వ, మిథిలేష్‌కు ఓ పవర్ ఇచ్చిన బిగ్‌బాస్.. కెప్టెన్సీ కంటెండర్లలో నుంచి ఇద్దరిని తీసేయాలని, దానికి తగిన కారణాలు చెప్పాలని అంటాడు. దీంతో మిథిలేష్.. ఝాన్సీ పేరు చెప్తాడు. శ్రష్టిని తీసేయాలని అపూర్వ ముందే ఫిక్స్ అవుతుంది. ఆమెకు సహనం లేదు. ఆ రోజు సుధీర్‌ని ఇష్టమొచ్చినట్టుగా తిట్టింది. చెత్త వేసి కొట్టిందని.. అపూర్వ, మిథిలేష్ తమ కారణాలు చెప్తారు. మరోవైపు అమన్ గురించి మాట్లాడుతూ.. అనవసరంగా ఫైర్ అయ్యాడు. స్క్రీన్ స్పేస్ కోసం చేసినట్టు అనిపించింది, కన్ఫ్యూజ్ అవుతాడు అని మిథిలేష్, అపూర్వ చెప్పారు. దీంతో కామరన్స్ మధ్య గొడవలు మొదలయ్యాయి. చూస్తుంటే సెలబ్రిటీల కంటే అగ్నిపరీక్ష నుంచి వచ్చిన సామాన్యుల మధ్య పుల్లలు పెట్టాలని బిగ్‌బాస్ ఫిక్స్ అయినట్లు ఉన్నాడనిపించింది.చివరగా అపూర్వ, ముఖేష్ ఒక జట్టుగా.. ఝాన్సీ, మిథిలేష్ మరో జంటగా ఓ గేమ్ ఆడతారు. ఈ టాస్క్‌లో అపూర్వ, ముఖేష్ గెలవగా.. ముఖేష్‌కి కెప్టెన్సీ బాధ్యతలు దక్కగా.. అపూర్వకి ఇమ్యూనిటీ ఉంటుందని బిగ్‌బాస్ చెప్పాడు. దీంతో ఇంట్లోకి అడుగుపెట్టిన రోజే అపూర్వ జాక్‌పాట్ కొట్టినట్లయింది. అలా శుక్రవారం ఎపిసోడ్ ముగిసింది.(ఇదీ చదవండి: చిరంజీవి అన్నీ చూస్తున్నారు.. కానీ ఇలా మాట్లాడుతారనుకోలేదు)

బెంగళూరు: ర్యాపిడో బైకు రైడరు ఒకరు యువతితో రైడ్‌లో నడుచుకున్న తీరు కర్ణాటకలో వైరల్‌గా మారింది. యువతిని బైకుపై కూర్చోబెట్టుకోలేదు. ఓటీపీ తీసుకుని యువతికి హెల్మెట్‌ ఇచ్చి 10 కి.మీ. దూరం వెళ్లారు. ప్రస్తుతం ఈ వీడియో సోషల్‌ మీడియాలో వైరల్‌గా మారింది. బెంగళూరు నగరంలో ఓ యువతి ర్యాపిడో బుక్‌ చేయగా రైడరు వచ్చాడు. వెంటనే యువతి ఓటీపీ తెలిపింది. రైడరు యువతికి హెల్మెట్‌ ఇవ్వగానే దానిని ధరించేందుకు ఆమె సిద్ధమైంది. ఆమె బైక్‌ ఎక్కినట్లు భావించిన రైడర్‌ ముందుకెళ్లి పోయాడు. ఇలా 10 కి.మీ. దూరం వెళ్లిన తర్వాత అసలు విషయం గుర్తించాడని రిటైర్‌ స్పోర్ట్స్‌ ఫ్యాన్‌ క్రిప్‌క్రాప్‌ అనే వ్యక్తి సోషల్‌ మీడియా ఎక్స్‌ అకౌంట్‌లో పోస్ట్‌ పెట్టారు. ప్రస్తుతం అది సోషల్‌ మీడియాలో వైరల్‌గా మారింది. ఈ విషయంపై పలువురు నెటిజన్లు పలు రకాలుగా స్పందించారు. కన్నడ సినిమా గాళిపటను గుర్తుకు తెచ్చుకున్నారు. మరికొందరు ఇలా జరగడం సహజమని తెలిపారు. ఇదీ చ‌ద‌వండి: డబ్బు ఎంతైనా.. ప్రసాదం దక్కాల్సిందే