Anakapalle

తుని: ఓ మహిళ బ్యాగ్‌ను మరిచిపోగా, తిరిగి ఆమెకు తుని జీఆర్పీ, ఆర్పీఎఫ్‌ పోలీసులు అప్పగించారు. శుక్రవారం రాత్రి జరిగిన సంఘటనకు సంబంధించి జీఆర్పీ ఎస్‌ఐ వి.సత్తిబాబు తెలిపిన వివరాలు... అనకాపల్లి జిల్లా చిన్న గుమ్ములూరుకు చెందిన ఎర్ర దుర్గా అంబికాదేవి సికింద్రాబాద్‌ నుంచి జన్మభూమి ఎక్స్‌ప్రెస్‌లో ప్రయాణించి తుని రైల్వే స్టేషన్‌లో దిగింది. రెండో నంబరు ప్లాట్‌ఫామ్‌ నుంచి ఒకటో నంబరు ప్లాట్‌ఫామ్‌కు వచ్చి టికెట్‌ బుకింగ్‌ కౌంటర్‌ వద్ద బ్యాగులు పెట్టింది. సామాన్లు తీసుకువెళ్లే సమయంలో హ్యాండ్‌ బ్యాగ్‌ను మరిచిపోయి ఇంటికి వెళ్లిపోయింది. జీఆర్పీ, ఆర్పీఎఫ్‌ పోలీసులు సాధారణ తనిఖీలు నిర్వహిస్తున్న సమయంలో బుకింగ్‌ కౌంటర్‌ దగ్గర హ్యాండ్‌ బ్యాగ్‌ కనిపించింది. బ్యాగ్‌ తెరిచి చూడగా, అందులో 52 గ్రాముల బంగారు వస్తువులు, 250 గ్రాముల వెండి వస్తువులు, రూ.3,200 నగదుతో పాటు ఆధార్‌కార్డు, సెల్‌ఫోన్‌ ఉన్నాయి. ఆధార్‌కార్డులో చిరునామా ప్రకారం పోలీసులు ఫోన్‌ ద్వారా బాధిత మహిళకు సమాచారం అందించారు. ఆ బ్యాగ్‌ను దుర్గా అంబికాదేవికి అప్పగించడంతో పోలీసులకు కృతజ్ఞతలు తెలిపింది.

ప్రకృతి రమణీయతకు అద్దం పట్టే పరిసరాలు... మైదానంలో మన్యం అందాలను తలపించే గిరి శిఖరాలు... జలపాతాలు, తీర ప్రాంతాల సోయగాలు, ఏలేరు కాలువ పరవళ్లు, తాండవ జలాశయం...సుందరకోట అడవులు..ఘాట్‌రోడ్డులో మైమరిపించే దృశ్యాలు... ఇక వెండితెరపై ఆవిష్కృతం కానున్నాయి... సినీ ప్రేక్షకులను మైమరపించనున్నాయి... తరుచూ సినిమా షూటింగ్‌లతో జిల్లాలోని అందమైన లొకేషన్లు వాసికెక్కుతున్నాయి... షూటింగ్‌లకు అనువైన ప్రాంతంగా తాండవ ప్రాజెక్టు ఊపందుకున్న సినిమా చిత్రీకరణలు నవంబర్‌, డిసెంబర్‌లో షూటింగ్‌లకు లొకేషన్ల పరిశీలనలు తరలివస్తున్న చిత్ర బృందాలునీటిలో బోటుపై కెమెరాతో షూటింగ్‌ దృశ్యాలు (ఫైల్‌)నాతవరం : ఉమ్మడి విశాఖతో సినీ పరిశ్రమకు ఎంతో అనుబంధం ఉంది. విశాఖ తీర ప్రాంతాలు, మన్యం అందాలను తెరపై ఆవిష్కరించి ఎన్నో ప్రముఖ చిత్రాలు ఇక్కడ చిత్రీకరణ జరుపుకొని ప్రేక్షకులను రంజింపజేశాయి. ఇపుడు మన్యానికి ముఖద్వారం వంటి నర్సీపట్నం పరిసరాల్లో అందమైన లొకేషన్లు సినీ షూటింగ్‌లకు రారమ్మని పిలుస్తున్నాయి. రాష్ట్రంలో జిల్లాల విభజన తర్వాత నాతవరం మండలంలో పలు ప్రాంతాలు సినిమా షూటింగ్‌లకు నెలవుగా మారాయి. జిల్లాలో గల 24 మండలాల్లో ఎక్కడా లేని విధంగా తాండవ రిజర్వాయరు, సరుగుడు, సుందరకోట అడవులతో ఘాట్‌రోడ్డు, జలపాతాలు, ఏలేరు కాలువ సొరంగం మార్గాల్లో తరుచూ సినిమా షూటింగ్‌లు జరుగుతున్నాయి. తాండవ ప్రాజెక్ట్‌ వద్ద ఇంతవరకు ఐదు సినిమాలకు సంబంధించి సన్నివేశాలను చిత్రీకరించారు. కనుచూపు మేర తాండవ ప్రాజెక్టులో నీటి నిల్వలు మరో పక్క ఎత్తయిన కొండలు, ఏజెన్సీని తలపించేలా ఘాట్‌ రోడ్డు సినిమా షూటింగ్‌లకు అనుకూలంగా ఉన్నాయి. ముఖ్యంగా జిల్లాలో ప్రధానంగా తాండవ రిజర్వాయరు, సరుగుడు ఏజెన్సీ ప్రాంతాల్లో పలువురు సినీ దర్శకులు నిర్మాతలు సినిమా షూటింగ్‌లు చేసేందుకు ఆసక్తి చూపిస్తున్నారు. ఇటీవల కాలంలో ప్రముఖ సినిమా అరిస్టులు రాజేంద్రప్రసాద్‌, బెనర్జి, ఆర్‌.నారాయణమూర్తి, బ్రహ్మాజితో పాటు ఆదర్శ బాలకృష్ణ, జోగి బ్రదర్స్‌, ఇతరత్రా పలువురు అరిస్టులు తాండవ ప్రాజెక్టులో సినిమాకు సన్నివేశాలు చిత్రీకరణలో పాల్గొన్నారు. సుందరకోట ఘాట్‌ రోడ్డు కొండలపై పలు సన్నివేశాలు చిత్రీకరించారు. విశాఖపట్నం స్టీల్‌ప్లాంట్‌, జీవీఎంసీ ఇతర పరిశ్రమలకు ఏలేరు కాలువ ద్వారా నీరు సరఫరా చేసేందుకు జిల్లేడుపూడి వద్ద ఏర్పాటు చేసిన సొరంగ మార్గంలోనూ షూటింగ్‌లు జరిపేందుకు లోకేషన్లు పరిశీలిస్తున్నారు. వచ్చే నెలలో పలు చిత్ర బృందాలు సన్నివేశాలు ఇక్కడ షూటింగ్‌లు జరిపే అవకాశం ఉంది. తాండవ ప్రాజెక్టు, సుందరకోట ప్రాంతాల్లో ఇటీవల ‘అనుభవించు రాజా’ సినిమా డైరెక్టరు గవిరెడ్డి శ్రీనివాస్‌ ఆధ్వర్యంలో ఆదర్శ బాలకృష్ణ, పలువురు ఆర్టిస్టులతో సినిమా షూటింగ్‌ జరిపారు. శ్రీనివాస్‌ తీసే సినిమాల్లో స్థానిక కళాకారులకు నటించే అవకాశం కల్పించారు. నవంబరు, డిసెంబరు నెలలో ప్రముఖ హీరోయిన్‌ అనుష్కతో పాటు పెద్ద హీరోలు తాండవలో షూటింగ్‌కు వస్తారని ప్రచారం జరుగుతుంది. పొలాచ్చిని తలపించేలా... తాండవ రిజర్వాయరు లాంటి నీటి మట్టం ఉన్న ప్రాంతం కోసం పలు సినిమాల్లో దృశ్యాలను చిత్రీకరించేందుకు షూటింగ్‌కు పొలాచ్చి వెళ్లాం. పొలాచ్చి ప్రాంతాన్ని తలపించేలా ఇక్కడ తాండవ ప్రాజెక్టు ఉంది. తక్కువ ఖర్చుతో ప్రేక్షకులను మరిపించే దృశ్యాలను ఈ రిజర్వాయరు సమీపంలో చిత్రీకరించవచ్చు. ఇటీవల కొత్త సినిమా షూటింగ్‌ను తాండవలో జరుపుతున్నాం. రానున్న కాలంలో ఈ ప్రాంతాల్లో మరిన్ని షూటింగ్‌లు జరిగే అవకాశం ఉందని భావిస్తున్నాను. – గాంధీ, ఆర్ట్‌ డైరెక్టర్‌, హైదరాబాద్‌ అందమైన లొకేషన్లు కరోనా సమయంలో మా సొంత గ్రామం చెర్లోపాలెం వచ్చినప్పుడు తాండవ ప్రాజెక్టు, ఇతర ప్రాంతాలనుస స్వయంగా చూశాను. సినిమా షూటింగ్‌లకు కావలసి అందమైన లొకేషన్లు ఇక్కడ ఉన్నాయి. ఈ విషయాన్ని ‘మా’ ఎన్నికలు జరిగినప్పుడుకొందరు సినీవర్గాల వద్ద ప్రస్తావించాను. కొంతమంది డైరెక్టర్లు, నిర్మాతలు ఇక్కడకు స్వయంగా వచ్చి లొకేషన్లు చూసి సినిమా షూటింగ్‌లు జరుపుతున్నారు. అది చూసి చాలా ఆనందపడ్డాను. ఎల్‌.జోగినాయుడు (జోగిబ్రదర్స్‌) సినీ నటుడు ఊహించలేదు ఇక్కడ ఇలాంటి అందమైన లొకేషన్లు ఉన్నట్టు ఇంతవరకూ నాకు తెలియదు. తాండవ ప్రాజెక్టు, సుందరకోట కొండలపై ఉన్న ఘాట్‌ రోడ్డుపై ఐదు రోజుల పాటు సినిమా షూటింగ్‌లో భాగంగా పలు సన్నివేశాలు చిత్రీకరించాం. వచ్చే నెలలో ప్రముఖ హీరో, హీరోయిన్లతో ఇక్కడ షూటింగ్‌లు జరపనున్నాం. –గవిరెడ్డి శ్రీనివాస్‌ సినిమా డైరెక్టర్‌

రాష్ట్ర హాకీ పోటీలకు ఎంపికై న విద్యార్థినులు నక్కపల్లి : ఇటీవల నక్కపల్లిలో జరిగిన హాకీ పోటీల్లో నక్కపల్లి గురుకుల పాఠశాల విద్యార్థులు రాష్ట్రస్థాయి పోటీలకు ఎంపికయ్యారు. అండర్‌17, అండర్‌ 19 విభాగంలో బాలబాలికలకు జరిగిన పోటీల్లో ఐదుగురు విద్యార్థులు రాష్ట్ర స్థాయి పోటీలకు ఎంపికయ్యారు. అండర్‌17 విభాగంలో ఎం.కుసుమ, కె.అస్మిత, కె.కుసుమ, ఐ.మెర్సి, అండర్‌ 19 విభాగంలో కె.దీపిక ఎంపికై నట్టు ప్రన్సిపాల్‌ ఉషారాణి తెలిపారు. తైక్వాండోలో... పాయకరావుపేట : స్కూల్‌గేమ్స్‌ ఫెడరేషన్‌ ఆధ్వర్యంలో ఇటీవల విశాఖపట్నంలో జరిగిన అండర్‌19 కేటగిరి తైక్వాండో పోటీల్లో పాయకరావుపేట శ్రీప్రకాష్‌ విద్యార్థులు ప్రతిభ కనపరిచారు. ఎం.సాయిగణేష్‌, కె.వి.ఎన్‌.కిషోర్‌ అత్యుత్తమ ప్రతిభ కనపరచి రాష్ట్ర స్థాయి పోటీలకు ఎంపికై నట్టు ప్రిన్సిపాల్‌ వి.వి.ఎస్‌.ఎన్‌ భానుమూర్తి తెలిపారు. ఆయా విద్యార్థులను విద్యాసంస్థల అధినేత నరసింహరావు, సంయుక్త కార్యదర్శి విజయ్‌ప్రకాష్‌ అభినందించారు.

ఎస్‌.రాయవరం : రాష్ట్ర స్థాయి పుడ్‌బాల్‌ పోటీలకు 10 మంది విద్యార్థులు ఎంపికై నట్టు ఆయా పాఠశాలల ఉపాధ్యాయులు తెలిపారు. ఇటీవల స్కూల్‌ గేమ్స్‌ ఫెడరేషన్‌ అండర్‌ 14 విభాగంలో చినగుమ్ములూరు ఉన్నత పాఠశాల నుంచి 8 మంది, ఎస్‌.రాయవరం బాలికల ఉన్నత పాఠశాల నంచి ఇరువురు విద్యార్థులు ఎంపికై నట్టు ప్రధానోపాధ్యాయులు శకుంతల, వీసం ప్రసాద్‌ తెలిపారు. ఉమ్మడి విశాఖపట్నం జిల్లా సెలక్షన్స్‌లో ఈ విద్యార్థులు ఎంపికై నట్టు చెప్పారు. చిగుమ్ములూరు నుంచి త్రిపుర, దీపిక, భవ్యశ్రీ, పి.హాసిని, భవిష్య, భవానీ, తనీష, భార్గవ్‌ కాగా, ఎస్‌.రాయవరం నుంచి ఎండి, హాలీమున్నీసా, టి.హారిక ఎంపికై నట్టు చెప్పారు. ఈ మేరకు వారిని ఆయా పాఠశాలల ఉపాధ్యాయులు, స్థానిక గ్రామస్తులు అభినందించారు.

అన్నవరం : సత్యదేవుని దర్శనానికి వస్తున్న భవానీ భక్తుల ఆటో శనివారం దేవస్థానం ఘాట్‌ రోడ్డులో బోల్తా పడింది. ఈ ప్రమాదంలో ఇద్దరు భవానీదీక్షధారులకు గాయాలయ్యాయి. వివరాలివి. అనకాపల్లి జిల్లా నక్కపల్లి మండలం రేవు పోలవరం శివారు గుడివాడకు చెందిన ఐదుగురు భవానీలు దీక్ష పూర్తి చేసుకుని, శనివారం సత్యదేవుని ఆలయానికి బయల్దేరారు. వారు ప్రయాణిస్తున్న ఆటో రత్నగిరి మొదటి ఘాట్‌ రోడ్డు రెండో మలుపులో బోల్తా పడింది. ఈ ప్రమాదంలో భవానీలు సంజయ్‌, సురంధర్‌ గాయపడ్డారు. ఈ విషయం తెలిసిన వెంటనే దేవస్థానం అధికారులు 108 అంబులెన్స్‌కు ఫోన్‌ చేసి క్షతగాత్రులను తుని ప్రభుత్వ ఆసుపత్రికి తరలించారు. వారికి ఎటువంటి ప్రాణాపాయం లేదని వైద్యులు తెలిపారు.

సాక్షి, అనకాపల్లి : ‘గెడ్డ భూముల కబ్జాకు స్కెచ్‌!’ శీర్షికతో సాక్షిలో ప్రచురితమైన కథనానికి రెవెన్యూ సిబ్బంది స్పందించింది. అనకాపల్లి మండలంలోని గోపాలపురం శివారు వెంకటరమణ పేట సర్వే నంబర్‌ 107లోని 16 ఎకరాల గెడ్డ పోరంబోకు భూమిలో యూకలిప్టస్‌ చెట్లను నరికివేత, ఆక్రమణలపై సాక్షి కథనం ప్రచురించిన సంగతి తెలిసిందే. ఆయా యూకలిప్టస్‌ చెట్లను నరికేస్తున్నట్టు ప్రాథమికంగా గుర్తించి, భూముల హక్కుకు సంబంధించి ఉన్న ధ్రువీకరణ పత్రాలతో తహసీల్దార్‌ రమ్మని కోరినప్పటికీ ఎవరూ రాలేదని రెవెన్యూ వర్గాలు చెబుతున్నాయి. దీంతో శనివారం మధ్యాహ్నం వీఆర్‌వో చంద్రశేఖర్‌ పర్యవేక్షణలో హెచ్చరిక బోర్డులు ఏర్పాటు చేశారు. సదరు భూముల్లోకి అనుమతి లేకుండా ప్రవేశించినా, ఆక్రమించేందుకు యత్నించినా సెక్షన్‌ 4(1), 4(2),4(3) ఏపీ ల్యాండ్‌ గ్రాబింగ్‌ యాక్ట్‌ ప్రకారం చర్యలు తీసుకుంటామని హెచ్చరిస్తూ సదరు బోర్డులు ఏర్పాటు చేయడం గమనార్హం.

తుమ్మపాల : మున్సిపల్‌, పంచాయతీ ఎన్నికల నిర్వహణకు అధికారులు ముందస్తు సన్నద్ధతతో ఎలాంటి లోపాలకు తావు లేకుండా అవసరమైన చర్యలు చేపట్టాలని కలెక్టర్‌ విజయకృష్ణన్‌ అధికారులను ఆదేశించారు. ఎన్నికల నోటిఫికేషన్‌ వెలువడనున్న నేపథ్యంలో శనివారం సంబంధిత అధికారులతో కలెక్టరేట్‌లో నిర్వహించిన సమీక్ష సమావేశంలో ఆమె మాట్లాడుతూ ఎంపీడీవోలు, తహసీల్దార్లు, పోలీసు అధికారులు సమన్వయంతో స్ట్రాంగ్‌ రూమ్‌లను పరిశీలించి, అవసరమైన మరమ్మతులను వెంటనే పూర్తి చేయించాలన్నారు. ఎన్నికల విధులు నిర్వహించే అధికారులు రిజర్వేషన్ల నిబంధనలపై పూర్తి అవగాహన కలిగి ఉండాలని, రిజర్వేషన్ల ప్రక్రియలో ఎలాంటి పొరపాట్లకు తావులేకుండా నిబంధనల ప్రకారం చర్యలు తీసుకోవాలని స్పష్టం చేశారు. అధికారులు వ్యక్తిగతంగా పోలింగ్‌ కేంద్రాలను సందర్శించి, అక్కడి సమస్యలను గుర్తించి పరిష్కరించాలని ఆదేశించారు. పోలింగ్‌ కేంద్రాలకు వెళ్లే మార్గాల్లో రహదారులపై గుంతలు, ఇరుకై న రహదారుల వల్ల రాకపోకలకు ఇబ్బందులు ఉంటే తన దృష్టికి తీసుకురావాలన్నారు. ఆయా రహదారులకు మరమ్మతులు చేయించి, ఎన్నికల నిర్వహణకు అనుకూలంగా తీర్చిదిద్దేందుకు చర్యలు తీసుకుంటామని తెలిపారు. సంబంధిత శాఖల అధికారులు పరస్పర సమన్వయంతో పనిచేస్తూ తమకు అప్పగించిన బాధ్యతలను సమర్ధంగా నిర్వర్తించాలన్నారు. ఈ కార్యక్రమంలో ఎస్పీ తుహిన్‌ సిన్హా, జాయింట్‌ కలెక్టర్‌ శౌర్యమాన్‌ పటేల్‌, జిల్లా రెవెన్యూ అధికారి వై. సత్యనారాయణరావు, ఆర్డీవోలు, జిల్లా పరిషత్‌ సీఈవో, డిప్యూటీ సీఈవో, ఎంపీడీవోలు, తహసీల్దార్లు, పోలీసు అధికారులు, సంబంధిత శాఖల అధికారులు పాల్గొన్నారు. పట్టణానికి చేరిన బ్యాలెట్‌ బాక్సులుఅనకాపల్లి టౌన్‌ : రాష్ట్ర ఎన్నికల సంఘం ఆదేశాల మేరకు జీవీఎంసీ ఎన్నికల ఏర్పాట్లు ఊపదుకున్నాయి. జీవీఎంసీ పరిదిలో ఆరు వార్డుల్లో ఎన్నికలు జరగనున్నాయి. ఈ వార్డులలో మెత్తం 79, 950 ఓటర్లు ఉన్నారు. ఈ మేరకు 196 బ్యాలెట్‌ బ్యాక్స్‌లు, ఎన్నికల నిర్వహణకు అవసరమయ్యే ఇంకులు, పెన్నులు తదితర సామగ్రి అంతా పట్టణానికి చేరాయి. వీటిని రావు గోపాలరావు కళాకేంద్రంలో భద్రపరిచారు. ఈ ఎన్నికల నిమిత్తం 89 పోలింగ్‌ స్టేషన్లు, 20 రూట్లను ఏర్పాటు చేసినట్టు జోనల్‌ కమిషనర్‌ కె.చక్రవర్తి తెలిపారు. పీఓ, ఏపిఓలకు ఈ నెల 14,15 తేదీలలో ట్రైనింగ్‌ ఇవ్వనున్నట్లు, అలాగే పలు సమస్యాత్మక ప్రాంతాలను గుర్తించినట్లు తెలిపారు.

ట్రాఫిక్‌ పోలీసులు స్వాధీనపర్చుకున్న ఓవర్‌ లోడ్‌తో వెళతున్న లారీ యలమంచిలి రూరల్‌ : పరిమితికి మించి ఫ్లైయాష్‌ లోడ్‌తో వెళ్తున్న రెండు పెద్ద టిప్పర్‌ లారీలకు ఒక్కోదానికి రూ.20,035 చొప్పున మొత్తం రూ.40,070 జరిమానా విధించినట్టు యలమంచిలి ట్రాఫిక్‌ ఎస్‌ఐ బెజవాడ రామకృష్ణ తెలిపారు. ఈ రెండు వాహనాలు పరవాడ నుంచి కాకినాడకు వెళ్తున్నాయని, అధిక లోడుతో పాటు వాటి నుంచి ఫ్లైయాష్‌ రహదారిపై ఎగిరి పడేలా నిర్లక్ష్యం వహించినట్టు గుర్తించామన్నారు. వాహనాలన్నీ రవాణా శాఖ నిబంధనలు పాటించాలని, అధిక లోడుతో ప్రయాణించకూడదని ఆయన స్పష్టం చేశారు. అలాంటి వాహనాలపై నిబంధనల ప్రకారం చర్యలు తీసుకుంటామన్నారు. రహదారిపై ప్రయాణించేవారికి ఇబ్బంది కలిగించడం, ప్రమాదాలు జరిగేందుకు కారణమయ్యే వారిపై చట్ట ప్రకారం చర్యలుంటాయని హెచ్చరించారు.

పట్టుబడిన గంజాయి నిందితుడితో టౌన్‌ సీఐ గఫూర్‌, సిబ్బంది నర్సీపట్నం : గంజాయి తరలిస్తున్న వ్యక్తిని నర్సీపట్నం టౌన్‌ పోలీసులు శుక్రవారం అరెస్ట్‌ చేసి రిమాండ్‌కు తరలించారు. సీఐ ఎస్‌.కె.గఫూర్‌ అందించిన వివరాలివి. ముందస్తు సమాచారం మేరకు ఎస్‌ఐ రమేష్‌, సిబ్బంది ఆర్టీసీ ఇన్‌గేట్‌ వద్ద తనిఖీలు చేపట్టారు. అనుమానస్పదంగా బ్యాగుతో వెళ్తున్న తమిళనాడుకు చెందిన జయశీలన్‌(43)ను అదుపులోకి తీసుకున్నారు. బ్యాగ్‌ తనిఖీ చేయగా 6 కిలోల గంజాయి లభించింది. ఒడిశాలో ఒక వ్యక్తి వద్ద గంజాయి కొనుగోలు చేసినట్టు విచారణలో తేలింది. తమిళనాడుకి తీసుకువెళ్తున్నట్టు నిందితులు అంగీకరించారు. నిందితుడు నుంచి గంజాయితో పాటు సెల్‌ఫోన్‌ను స్వాధీనం చేసుకున్నారు.

బృందగాన పోటీల విజేతలు అనకాపల్లి టౌన్‌ : భారతీయ సంస్కృతి, సంప్రదాయాలు, దేశభక్తి, జాతీయ సమైక్యతా భావాన్ని గీతాల ద్వారా చాటిచెప్పే లక్ష్యంతో భారత వికాస పరిషత్‌ ఆధ్వర్యంలో పట్టణంలో నిర్వహించిన రాష్ట్ర స్థాయి బృంద గాన పోటీల్లో పట్టణానికి చెందిన డీఏవీ పబ్లిక్‌ స్కూల్‌ విద్యార్థులు ప్రథమ స్థానం సాధించారు. ద్వితీయ, తృతీయ బహుమతులను శ్రీ ప్రకాష్‌ విద్యార్థులు గెలుచుకున్నారు. ఈ కార్యక్రమానికి ముఖ్య అతిథులుగా మాజీ ఎంపీ సత్యవతి, డాక్టర్‌ కె.విష్ణుమూర్తి హాజరయ్యారు. వారు మాట్లాడుతూ భారతీయ సంస్కృతులు ప్రపంచానికే ఆదర్శప్రాయమన్నారు. అనేక భాషలు, మతాలు, ఆచారాలు, సంప్రదాయాలు ఉన్నప్పటికీ భిన్నత్వంలో ఏకత్వాన్ని చాటి చెప్పడం మన దేశ ప్రత్యేకకత అని అన్నారు. ఈ బృందగాన పోటీలలో విజేతలకు వారు బహుమతులను అందజేశారు. కార్యక్రమంలో భారత వికాస పరిషత్‌ సభ్యులు పాల్గొన్నారు.

రాంబిల్లి : గొరపూడి శివారు అప్పన్నపాలెంలో శనివారం ఉద్రిక్త పరిస్థితి తలెత్తింది. నష్ట పరిహారం ఇవ్వకుండా తమ భూముల్లో ఫెన్సింగ్‌ పనులు చేపట్టడం, అక్రమ కేసులు బనాయించడంపై రైతులు ఆందోళనకు దిగారు. దీంతో భారీగా పోలీసులు చేరుకొని టెంట్‌ను తొలగించారు. అనుమతులు లేవంటూ పోలీసులు టెంట్‌ను తొలగించారని రైతు నాయకులు గొర్లె నర్సింగరావు, గొర్లె సత్యనారాయణ, లాలం తాతబాబు, నెక్కల నర్సింగరావు తెలిపారు. దీంతో రైతులు పక్కనే ఉన్న ప్రదేశంలో కూర్చొని ప్రభుత్వ తీరుకు నిరసన వ్యక్తం చేశారు. ఎకరాకు రూ 50 లక్షలు చెల్లించాకే భూములను స్వాధీనం చేసుకోవాలన్నారు. కోర్టుల్లో కేసులు వేశామని, కోర్టులను గౌరవించి తమకు ప్రభుత్వం న్యాయం చేయాలని రైతులు కోరారు. తమకు నష్టపరిహారం చెల్లించే వరకు ఫెన్సింగ్‌ పనులను నిలిపివేయాలని డిమాండ్‌ చేశారు. తాము ఇంత ఇబ్బందుల్లో ఉంటే అఽధికారంలో ఉన్న కూటమి పెద్దలు కన్నెత్తి చూడడం లేదని వాపోయారు.

మాడుగుల రూరల్‌ : షటిల్‌ బాడ్మింటన్‌ పోటీల్లో జి. అగ్రహారం జిల్లా పరిషత్‌ హైస్కూలు పదో తరగతి విద్యార్థిని పి. పునీత రాష్ట్ర స్థాయి పోటీలకు ఎంపికయ్యారు. కాగా ఈ విద్యార్థిని అనకాపల్లి జార్జి క్లబ్‌లో ఇటీవల జరిగిన ఉమ్మడి విశాఖ జిల్లా షటిల్‌ బాడ్మింటన్‌ పోటీల్లో అండర్‌ 17 విభాగంలో విజేతగా నిలిచింది. ఈమె ఈ నెల 14, 15, 16, తేదీల్లో కడపలో జరిగే పోటీల్లో పాల్గొంటుందని పాఠశాల హెచ్‌ఎం ఉమాశంకర్‌ శనివారం తెలిపారు. పునీతను పాఠశాల పీఈటీ ఎల్‌.ఎ.నాయుడు, పాఠశాల ఉపాధ్యాయులతో పాటు గ్రామంలో గల మాజీ ప్రజా ప్రతినిధులు, గ్రామ పెద్దలు, పాఠశాల కమిటీ చైర్మన్‌, సభ్యులు అభినందించారు.

రోలుగుంట : తమ గ్రామాల్లో రోడ్డు కోసం అర్ల పంచాయతీ కొండ శిఖరాగ్రాన ఉన్న పీత్రుగెడ్డ, పెదగరువు, లోసింగి తదితర గ్రామాలకు చెందిన గిరిజనులు సీపీఎం ఆధ్వర్యంలో శనివారం మూడు కిలోమీటర్లు ర్యాలీ, అర్ధనగ్నంగా మోకాళ్లతో నిరసన తెలిపారు. ఈ సందర్భంగా ఈ కార్యక్రమానికి సారధ్యం వహించిన సీపీఎం జిల్లా ప్రతినిధి కె.గోవింద వీరి సమస్యలపై మాట్లాడారు. అర్ల పంచాయతీ శివారు కొండ శిఖరాగ్రాన ఉన్న పాత లోసింగి. కొత్తలోసింగి, పెదగరువు పివిటిజి కొందుజాతికి చెందిన 250 గిరిజన కుటుంబాలు జీవనం సాగిస్తున్నారు. పల్లె పండగ 1.0 మొదటి అడవితల్లి బాట ప్రోగ్రాంలో భాగంగా రూ. 2,50 కోట్లు మంజూరు చేసి శంకుస్థాపన చేసి పనులు ప్రారంభించారు. ఎర్త్‌ వర్కు చేసి పనులు అపేశారు. ఆ తరువాత కురిసిన భారీ వర్షాలకు కొట్టుకుపోయింది. ‘ఒక నెల నాలుగు విజిట్లు’ చోడవరం నియోజకవర్గంలో భాగంగా ప్రజలతో కలసి ఎమ్మెల్యే కె.ఎస్‌.ఎన్‌.రాజుకు వినతి పత్రం అందజేయడం జరిగింది. రోడ్డు పనులు మొదలు పెడతామని ఎమ్మెల్యే హామీ ఇచ్చారు. నేటికి నాలుగు మాసాలు అవుతుంది. 3.0 పల్లె పండగలో అభివృద్ధి చేస్తామని ప్రకటనలు చేస్తున్నారు తప్ప రోడ్డు పనులు చేపట్టడం లేదు. ఈ రోడ్డు పనులు 2020 లోనే శ్రమదానం, ఇక్కడ కుటుంబాల వారు ఒక్కో ఇంటికి రూ.2 వేలు చొప్పున సొంత నిధులు సమకూర్చుకుని ఫార్మేషన్‌ చేసుకున్నారు. మండల పరిషత్‌ నుంచి ఇచ్చిన రూ.10 లక్షలతో కాంట్రాక్టర్‌ రోడ్డు వేశారు. వర్షానికి కొట్టుకుపోయింది, ఎమ్మెల్యే శంకుస్థాపన చేసిన రోడ్డు పనులు కూడా కాంట్రాక్టరు తూతూమంత్రంగా రోడ్డు వేసి రూ.8 లక్షలు నిధులు మంజూరు చేసుకున్నారు. రోడ్డు దుస్థితిపై అధికారుల దృష్టికి పలు దఫాలు విన్నవించుకున్నా ఫలితం లేదని కిలో నర సయ్య, పాంగి నాగేషు, కొండ తాంబులి, సత్తిబాబు తదితరులు ఆవేదన వ్యక్తం చేశారు.

అనకాపల్లి : జీవీఎంసీ మొయిన్‌రోడ్డు పెద్ద హైస్కూల్‌కు చెందిన 9వ తరగతి విద్యార్థి జి.సుభాని వెయిట్‌ లిఫ్టింగ్‌లో ఉమ్మడి విశాఖ జిల్లా నుంచి రాష్ట్ర స్థాయి పోటీలకు ఎంపికై నట్టు స్కూల్‌ హెచ్‌ఎం బ్రహ్మాజీ శనివారం ఒక ప్రకటనలో పేర్కొన్నారు. వారం రోజుల్లో కాకినాడ జిల్లాలో జరిగే రాష్ట్ర స్థాయి వెయిట్‌ లిఫ్టింగ్‌ పోటీల్లో ప్రథమ స్థానం సాధించాలని ఆకాంక్షించారు. ఈ సందర్భంగా ఆయన మాట్లాడుతూ విద్యార్థి దశ నుంచి క్రీడలపై ఆసక్తి పెంచుకోవాలని కోరారు. క్రీడాకోటాలో ప్రభుత్వ ఉద్యోగాలు సాధించవచ్చన్నారు.

ఎస్‌.రాయవరం: ఆగి ఉన్న ట్రాలీని వ్యాన్‌ ఢీకొనడంతో ఓ వ్యక్తి మృతి చెందగా, మరో ఇద్దరు స్వల్ప గాయాలతో బయటపడ్డారు. ఈ ఘటనకు సంబంధించి ఎస్‌ఐ రమేష్‌ శుక్రవారం తెలిపిన వివరాలివి. ఓ వ్యాన్‌ అనకాపల్లి నుంచి ద్వారపూడి వెళ్తుండగా, అడ్డురోడ్డు వద్దకు చేరుకునేసరికి డ్రైవర్‌ నిద్రమత్తులోకి జారుకున్నాడు. దీంతో రహదారిపై ఆగి ఉన్న ట్రాలీని వ్యాన్‌ ఢీకొంది. ఈ ప్రమాదంలో వ్యాన్‌లో ప్రయాణిస్తున్న సిరిపురి శ్రీనివాస్‌, కోరనాల నాగబాబు క్యాబిన్‌లో ఇరుక్కుపోయారు. నాగబాబుకు తీవ్ర గాయాలయ్యాయి. స్థానికులు వారిని బయటకు తీసి నక్కపల్లి ప్రభుత్వ ఆసుపత్రికి తరలించారు. అక్కడ చికిత్స పొందుతూ నాగబాబు మృతి చెందాడు. డ్రైవర్‌, శ్రీనివాస్‌ స్వల్ప గాయాలతో బయటపడ్డారు. ఈ ఘటనపై కేసు నమోదు చేసి దర్యాప్తు చేస్తున్నట్లు ఎస్‌ఐ తెలిపారు.

సీతంపేట : ఆంధ్రప్రదేశ్‌ రాష్ట్ర విపత్తు స్పందన, అగ్నిమాపక సేవల అసోసియేషన్‌ ఆధ్వర్యంలో రాష్ట్రవ్యాప్తంగా నిర్వహిస్తున్న జోనల్‌ సమావేశాల్లో భాగంగా శుక్రవారం విశాఖలో జోన్‌–1 ఉత్తరాంధ్ర జిల్లాల స్థాయి సమావేశం నిర్వహించారు. ఆర్టీసీ కాంప్లెక్స్‌ సమీపంలోని ఎల్‌ స్క్వేర్‌ ఫంక్షన్‌ హాల్‌లో జరిగిన ఈ సమావేశానికి అసోసియేషన్‌ రాష్ట్ర అధ్యక్షుడు కె. చంద్రశేఖర్‌ అధ్యక్షత వహించారు. సమావేశానికి ముఖ్య అతిథిగా హాజరైన రీజినల్‌ ఫైర్‌ ఆఫీసర్‌ నిరంజన్‌ రెడ్డి మాట్లాడుతూ క్షేత్రస్థాయిలో పనిచేస్తున్న సిబ్బంది సమస్యలను ప్రత్యక్షంగా తెలుసుకుని, తన పరిధి లో ఉన్న సమస్యలను వెంటనే పరిష్కరించేందుకు కృషి చేస్తానని తెలిపారు. అసోసియేషన్‌ రాష్ట్ర అధ్యక్షుడు కె.చంద్రశేఖర్‌ మాట్లాడుతూ అగ్నిమాపక సిబ్బంది ఎదుర్కొంటున్న సమస్యలను గుర్తించి, వాటి పరిష్కారానికి సమష్టిగా కృషి చేయడమే జోనల్‌ సమావేశాల ప్రధాన ఉద్దేశమని తెలిపారు. రాష్ట్రపతి ఉత్తర్వుల ప్రకారం ఉద్యోగుల విభజన నేపథ్యంలో సిబ్బంది ఎదుర్కొంటున్న ఇబ్బందులను రాతపూర్వకంగా సేకరించి, సంబంధిత అధికారుల దృష్టికి తీసుకెళ్లనున్నట్లు వెల్లడించారు. శాఖలోని రెండు క్యాడర్ల మధ్య ప్రమోషన్‌ చానల్‌కు సంబంధించి న సమస్యల పరిష్కారం అత్యంత ముఖ్యమని పేర్కొన్నారు. కొత్త సర్వీస్‌ రూల్స్‌ రూపొందించాలన్న న్యాయస్థాన ఆదేశాల మేరకు కమిటీ ఏర్పాటు చేయడం అభినందనీయమన్నారు. ఫైర్‌ సర్వీసుల ఆధునికీకరణకు ప్రభుత్వం సహకరిస్తుండటం శుభపరిణామమని తెలిపారు.అనంతరం ఉద్యోగుల సమస్యలపై రీజనల్‌ ఫైర్‌ ఆఫీసర్‌ నిరంజన్‌ రెడ్డికి వినతిపత్రం అందజేశారు.కార్యక్రమంలో జిల్లా అగ్నిమాపక అధికారి సత్యనారాయణ, విజయనగరం జిల్లా అగ్నిమాపక అధికారి సాయి రాజేష్‌, పార్వతీపురం మన్యం జిల్లా అగ్నిమాపక అధికారి సింహాచలం, పెదగంట్యాడ, విశాఖపట్నం–1 స్టేషన్ల సహా య జిల్లా అగ్నిమాపక అధికారులు గోపీకృష్ణ, వరప్రసాద్‌, అసోసియేషన్‌ ప్రధాన కార్యదర్శి బాలకృష్ణ, కోశాధికారి పి.వి. సత్యనారాయణ, నాయకులు డి.ఎల్‌. నారాయణ తదితరులు పాల్గొన్నారు. రీజినల్‌ ఫైర్‌ ఆఫీసర్‌

మాకవరపాలెం: కారు ఢీకొని భార్యాభర్తలకు గాయాలయ్యాయి. గొలుగొండకు చెందిన బంగారు బాలకృష్ణ, గంగాభవానీ స్కూటీపై శుక్రవారం కశింకోట మండలం తాళ్లపాలెంలోని గురుకుల పాఠశాలలో చదువుతున్న తమ కుమార్తెను దసరా సెలవులకు తీసుకువచ్చేందుకు బయలుదేరారు. మండలంలోని సర్పానది వంతెన సమీపంలోకి వచ్చేసరికి నర్సీపట్నం వెళ్తున్న కారు మొదట స్యూటీని ఢీకొని ఆపై రోడ్డ పక్కన చెట్టును బలంగా ఢీ కొట్టింది. ఈ సంఘటనలో బాలకృష్ణకు స్వల్ప గాయాలు కాగా, భార్య గంగాభవానీకి కుడికాలు విరిగిపోయింది. వీరిని ప్రాథమిక చికిత్సల అనంతరం 108లో నర్సీపట్నం ఏరియా ఆస్పత్రికి తరలించారు. కారులోని ఎయిర్‌ బ్యాగ్స్‌ తెరుచుకోవడంతో అందులో ఉన్న ఇద్దరు సురక్షితంగా బయటపడ్డారు. స్కూటీ నుజ్జునుజ్జు అయింది. ఈ ఘటనపై పోలీసులు కేసు దర్యాప్తు చేస్తున్నారు. భార్యాభర్తలకు గాయాలు

సబ్బవరం: దేవరాపల్లికి చెందిన మొల్లి సతీష్‌(28) మండలంలోని గుల్లేపల్లిలో ఉన్న తన అత్తారింట్లో ఉరివేసుకున్న స్థితిలో మృతి చెందడం కలకలం రేపింది. భార్య, అత్తింటి వేధింపులే మృతికి కారణమని అతడి సోదరుడు వంశీ ఆరోపించారు. పోలీసులు, మృతుడి కుటుంబ సభ్యులు తెలిపిన వివరాలు.. మొల్లి సతీష్‌కు గుల్లేపల్లికి చెందిన జయశ్రీతో 2021లో వివాహమైంది. వీరికి శాన్విక(4), చేతన్‌(1) అనే ఇద్దరు పిల్లలు ఉన్నారు. కొంతకాలం దేవరాపల్లిలో నివసించిన దంపతులు అనంతరం గుల్లేపల్లికి మారారు. సతీష్‌ తన స్వగ్రామంలోని బంధువులు, స్నేహితుల వద్ద సుమారు రూ.40 లక్షలు అప్పుగా తీసుకుని, ఆ మొత్తాన్ని గుల్లేపల్లిలో స్థలం కొనుగోలుకు పెట్టుబడిగా పెట్టినట్లు కుటుంబ సభ్యులు ఆరోపించారు. అప్పులు ఇచ్చినవారు డబ్బులు తిరిగి చెల్లించాలని ఒత్తిడి చేయడంతో ఇటీవల ఆ స్థలాన్ని సుమారు రూ.40 లక్షలకు విక్రయించినట్లు తెలిపారు. అయితే, ఆ డబ్బును అప్పులు తీర్చేందుకు ఇవ్వాలని సతీష్‌ కోరినా భార్య, అత్తింటివారు ఇవ్వలేదని ఆరోపించారు. ఈ వ్యవహారంలో వారి నుంచి వేధింపులు ఎదుర్కొన్నాడని పేర్కొన్నారు. గతంలోనూ డబ్బుల విషయమై ఇరువర్గాల మధ్య వివాదాలు తలెత్తడంతో పెందుర్తి పోలీస్‌స్టేషన్‌లో ఫిర్యాదులు చేసుకుని, పంచాయితీలు నిర్వహించినట్లు కుటుంబ సభ్యులు తెలిపారు. సతీష్‌ ఉరివేసుకుని మృతి చెందినట్లు సమాచారం అందడంతో అతడి సోదరుడు వంశీ కుటుంబ సభ్యులతో కలిసి అక్కడికి చేరుకున్నారు. సతీష్‌ మృతిపై అనుమానం వ్యక్తం చేస్తూ పోలీసులకు ఫిర్యాదు చేశాడు. ఈ ఘటనపై సబ్బవరం సీఐ జి.రామచంద్రరావు మాట్లాడుతూ.. అనుమానాస్పద మృతిగా కేసు నమోదు చేసినట్లు తెలిపారు. మృతదేహాన్ని పోస్టుమార్టం నిమిత్తం అనకాపల్లిలోని ఎన్టీఆర్‌ ఆసుపత్రికి తరలించామన్నారు. కుటుంబ సభ్యులు చేసిన ఆరోపణల్లో వాస్తవాలు, మృతికి గల కారణాలు దర్యాప్తులో తేలాల్సి ఉందన్నారు. భార్య, అత్తింటి వేధింపులే కారణమని మృతుడి కుటుంబ సభ్యుల అరోపణ

బీసీలకు సాక్షి, విశాఖపట్నం: స్థానిక సంస్థల ఎన్నికల నేపథ్యంలో బీసీ రిజర్వేషన్లను 34 శాతానికి పెంచుతూ కూటమి ప్రభుత్వం జారీ చేసిన జీవోలను హైకోర్టు, సుప్రీంకోర్టులు కొట్టివేయడంతో చంద్రబాబు కపట ప్రేమ మరోసారి తేటతెల్లమైంది. ‘మేం 34 శాతం ఇవ్వాలనే అనుకున్నాం.. కానీ కోర్టులే కొట్టేశాయి’ అని సానుభూతి పొందుతూ చేతులు దులిపేసుకునేందుకే చంద్రబాబు ఈ డ్రామా ఆడారని బీసీ వర్గాలు మండిపడుతున్నాయి. చట్టబద్ధత లేని జీవోలు ఇచ్చి, అవి వీగిపోయాక న్యాయస్థానాలపై నెపాన్ని నెట్టేయడం చంద్రబాబుకు అలవాటుగా మారిందని, ఇది అక్షరాలా బీసీలకు తీరని ద్రోహం చేయడమేనని ప్రతిపక్షాలు, సామాజికవర్గ ప్రతినిధులు ధ్వజమెత్తుతున్నారు. బీసీల ముందు మొసలి కన్నీరు మొత్తం రిజర్వేషన్లు 50 శాతానికి మించకూడదన్న సుప్రీంకోర్టు స్పష్టమైన తీర్పులు ఉన్నాయని తెలిసీ చంద్రబాబు ఈ నాటకానికి తెరతీశారు. చట్టపరంగా నిలబడవని తెలిసినా, ఎన్నికల ముందు బీసీ ఓటు బ్యాంకును ఆకర్షించేందుకే హడావుడిగా రెండు జీవోలు (జీవో నెం: 105, 106) జారీ చేశారు. కోర్టు ఆ జీవోలను కొట్టివేయగానే బీసీల ముందు మొసలి కన్నీరు కార్చాలన్నదే కూటమి ప్రభుత్వ పక్కా వ్యూహమని స్పష్టమవుతోంది. నాడు బీసీలకు అగ్రపీఠం సరిగ్గా ఇదే పరిస్థితి 2021 స్థానిక ఎన్నికల సమయంలో ఎదురైనప్పుడు వైఎస్‌ జగన్‌మోహన్‌ రెడ్డి వ్యవహరించిన తీరుకూ, నేడు చంద్రబాబు ఆడుతున్న డ్రామాలకు నక్కకూ నాకలోకానికీ ఉన్నంత తేడా కనిపిస్తోంది. అప్పట్లో వైఎస్‌ జగన్‌ బీసీలకు 34 శాతం రిజర్వేషన్లు ఇవ్వాలని భావిస్తే, టీడీపీ తెరవెనుక శక్తులు కోర్టుకు వెళ్లి దాన్ని నిలిపివేయించాయి. దాంతో రిజర్వేషన్లు 24 శాతానికి తగ్గాయి. అయితే వైఎస్‌ జగన్‌ కోర్టు తీర్పును సాకుగా చూపి వదిలేయలేదు. ఆ కోత పడిన 10 శాతం లోటును వైఎస్సార్‌సీపీ సొంత కేటాయింపుల (బీ–ఫారాల) ద్వారా భర్తీ చేసి బీసీలకు అగ్రపీఠం వేశారు. జీవీఎంసీ ఎన్నికలే ప్రత్యక్ష నిదర్శనం 2021 విశాఖ గ్రేటర్‌ ఎన్నికల్లో మొత్తం 98 వార్డులు ఉంటే, వైఎస్సార్‌సీపీ ఏకంగా 65 వార్డులను బీసీలకే కేటాయించి చరిత్ర సృష్టించింది. నిబంధనల ప్రకారం ఇవ్వాల్సింది 33 సీట్లే అయినా, వైఎస్‌ జగన్‌ తన సొంత కోటాలో అదనంగా మరొక 32 సీట్లను బీసీలకే ఇచ్చి సామాజిక న్యాయాన్ని చేతల్లో చూపించారు. కూటమిది రాజకీయ నాటకం బీసీలకు 34 శాతం రిజర్వేషన్లు ఇస్తామని కూటమి జారీ చేసిన జీవోను కోర్టు కొట్టేవేయడం ప్రభుత్వానికి చెంప పెట్టు. సుప్రీంకోర్టు తీర్పుతో చంద్రబాబు అడుతున్న రిజర్వేషన్ల డ్రామా బయటపడింది. – సుర్ల చంద్రశేఖర్‌, బీసీ నాయకుడు, నర్సీపట్నం పార్టీ తరఫున వైఎస్‌ జగన్‌ బీసీలకు ప్రాధాన్యం రాష్ట్రంలో 50 శాతం రిజర్వేషన్లు మించరాదని కోర్టు చెప్పడంతో వైఎస్‌ జగన్‌ వైఎస్సార్‌సీపీ తరఫున బీసీలకు అవకాశాలు కల్పించారు. చంద్రబాబుకు ఈ విషయం తెలిసినా బీసీలను మోసం చేయాలని ప్రయత్నించారు. – కర్రి రుద్రినాయుడు, జిల్లా బీసీ సంఘాల నాయకుడు, అనకాపల్లి కపట ప్రేమను గమనిస్తున్నారు.. చంద్రబాబు కపట ప్రేమను బీసీలు గమ నిస్తున్నారు. ఎన్నికల్లో లబ్ధి కోసమే జీవోలను తెచ్చి కోర్టుకు వెళ్లారు. వైఎస్సార్‌సీపీని అభాసుపాలు చేయాలని ప్రయ త్నించి చివరకు ఆయనే బోర్లాపడ్డారు. – దోమాడ సుందరరావు, బీసీ నాయకుడు, పాయకరావుపేట బీసీలపై చంద్రబాబుది సవతి తల్లి ప్రేమే బీసీలను ఓటు బ్యాంకు గా చంద్రబాబు చూస్తు న్నారు. అమలు సాధ్యం కాని 34 శాతం రిజర్వేషన్ల జీవోను తెరమీదకు తెచ్చారు. బీసీలపై చంద్రబాబుది సవతి తల్లి ప్రేమ. రిజర్వేషన్లు ఇచ్చే చిత్తశుద్ధి లేదు. అంతా ఎన్నికల స్టంట్‌ మాత్రమే. – జి.గోవిందరావు, బీసీ నాయకుడు, నక్కపల్లి సుప్రీం తీర్పు బాబుకు చెంప దెబ్బ బీసీలకు 34 శాతం రిజ ర్వేషన్లపై సుప్రీం తీర్పు బాబుకు చెంప దెబ్బలాంటిది. కోర్టు నిరాకరిస్తుందని తెలిసే జీవోలు ఇచ్చి నాటకమాడారు. ఇది బీసీలను మోసం చేయడమే. బీసీ రిజర్వేషన్లపై కూటమికి చిత్తశుద్ధి లేదు. – గొర్ల నర్సింహమూర్తి, వైఎస్సార్‌సీపీ బీసీ సెల్‌ జిల్లా అధ్యక్షుడు 50 శాతం పరిమితి దాటుతుందని తెలిసీ రిజర్వేషన్ల జీవోలు న్యాయస్థానాల్లో నిలవని హామీలతో బీసీలను మభ్యపెట్టే యత్నం నాడు 65 శాతానికి పైగా పదవులిచ్చి అండగా నిలిచిన వైఎస్‌ జగన్‌ కూటమి నయవంచనపై క్షేత్రస్థాయిలో రగులుతున్న బీసీలు

● చెల్లించకపోతే బుద్ధి చెప్పడం ఖాయం ● సూపర్‌ సిక్స్‌ పథకాల పేరిట మోసం ● మాజీ ఎమ్మెల్యే ఉమాశంకర్‌ గణేష్‌ నర్సీపట్నం: చంద్రబాబు వెన్నుపోటు పాలనకు రెండున్నరేళ్లు.. ఒక్క హామీ కూడా అమలు చేయకుండా సూపర్‌ సిక్స్‌ పేరిట ప్రజలను మోసం చేశారని మాజీ ఎమ్మెల్యే ఉమాశంకర్‌ గణేష్‌ ధ్వజమెత్తారు. కూటమి ప్రభుత్వం హామీలను వెంటనే నెరవేర్చాలని డిమాండ్‌ చేస్తూ శుక్రవారం ఆయన వైఎస్సార్‌సీపీ నాయకులతో కలిసి స్థానిక ఆర్డీవో కార్యాలయంలో వినతిపత్రం అందజేశారు. ఈ సందర్భంగా మీడియాతో మాట్లాడుతూ 2024 ఎన్నికల్లో సూపర్‌ సిక్స్‌ పేరుతో ఇచ్చిన హామీలను నమ్మి ప్రజలు కూటమి ప్రభుత్వానికి పట్టం కట్టారన్నారు. అధికారంలోకి వచ్చి 28 నెలలు కావస్తున్నా, ఇప్పటి వరకు వాగ్దానాలను నెరవేర్చలేదన్నారు. ఇచ్చిన హామీల మేరకు నియోజకవర్గ ప్రజలకు స్పీకర్‌ చింతకాయల అయ్యన్నపాత్రుడు రూ.990 కోట్లు బాకీ పడ్డారన్నారు. దీనికి ప్రభుత్వం ప్రజలకు సమాధానం చెప్పాలన్నారు. ఉచిత బస్సు ప్రయాణమని ఆశ చూపి 16 కేటగిరీల బస్సులు ఉండగా, కేవలం 5 కేటగిరీలకే అవకాశం కల్పించారు. ఉచిత గ్యాస్‌ సిలిండర్లు 6 ఇవ్వాల్సి ఉండగా, ఒక్కటి మాత్రమే ఇచ్చారు. నిరుద్యోగ భృతి నెలకు రూ.3 వేల చొప్పున 28 నెలలకు ఒక్కొక్క నిరుద్యోగికి రూ.84 వేలు బాకీ పడ్డారు. నియోజకవర్గంలో 10 వేల మంది నిరుద్యోగులు ఉన్నారు. ఆడబిడ్డ నిధి కింద 18 నుంచి 59 ఏళ్లు ఉన్న మహిళలకు నెలకు రూ.15 వేల చొప్పున 28 నెలలకు ఒక్కొక్కరికి రూ.42 వేలు బాకీ పడ్డారు. 87 వేల మంది మహిళలకు రూ.367.60 కోట్లు బాకీ పడ్డారు. 50 ఏళ్లకే పింఛన్‌ నెలకు రూ.4 వేల చొప్పున 28 నెలల్లో ఒక్కొక్కరికి రూ.1.12 కోట్లు కాగా, అర్హులైన 27,500 మందికి గాను రూ.308 కోట్లు ఇవ్వాలని డిమాండ్‌ చేశారు. కేంద్రంతో సంబంధం లేకుండా అన్నదాత సుఖీభవ కింద రైతులకు ఏటా రూ.20 వేలు ఇస్తామని చెప్పి, మొదటి ఏడాది ఇవ్వాల్సిన రూ.70 కోట్లు, రెండో ఏడాది బకాయిలు రూ.21 కోట్లు కలిపి నియోజకవర్గంలో 35 వేల మంది రైతులకు రూ.91 కోట్లు బాకీ పడ్డారన్నారు. నియోజకవర్గంలో కూటమి ప్రభుత్వం వివిధ సంక్షేమ పథకాల కింద ప్రజలకు రూ.990 కోట్లు బాకీ పడిందన్నారు. గత పాలనలో రెండేళ్లలో రూ.341 కోట్లు గత వైఎస్సార్‌సీపీ హయాంలో వైఎస్సార్‌ ఆసరా ద్వారా 5,228 గ్రూపులకు చెందిన 58,970 మంది మహిళలకు రూ.80 కోట్లుకు పైగా రుణమాఫీ, చేయూత అందించామని మాజీ ఎమ్మెల్యే గణేష్‌ తెలిపారు. సున్నా వడ్డీ మొదటి ఏడాది రూ.4.5 కోట్లు, రెండో ఏడాది రూ.5.5 కోట్లు కలిపి మొత్త రూ.10 కోట్లు జమ చేశాం. వైఎస్సార్‌ చేయూత 45 నుంచి 60 ఏళ్లు మహిళలకు మొదటి విడద రూ.27 కోట్లు, రెండో విడత రూ. 31 కోట్లు కలిపి మొత్తం రూ.58 కోట్లు అందజేశామని గుర్తు చేశారు. జగనన్న అమ్మ ఒడి ద్వారా మొదటి విడత రూ.45 కోట్లు, రెండో ఏడాది రూ.48 కోట్లు కలిపి మొత్తం రూ.93.5 కోట్లు విద్యార్థుల తల్లుల ఖాతాలో జమ చేశాం. గత వైఎస్సార్‌సీపీ కేవలం రెండేళ్ల పాలనలో వివిధ సంక్షేమ పథకాల ద్వారా రూ.341 కోట్లు నేరుగా అందించామని గుర్తు చేశారు. రాబోయే రోజుల్లో కూటమి ప్రభుత్వం ప్రజలకు బాకీ ఉన్న రూ.990 కోట్లు చెల్లించకపోతే ప్రజలు బుద్ధి చెప్పేందుకు సిద్దంగా ఉన్నారని హెచ్చరించారు. పార్టీ రాష్ట్ర కార్యదర్శి చింతకాయల సన్యాసిపాత్రుడు, పార్టీ టౌన్‌ అధ్యక్షుడు ఏకా శివ, నాలుగు మండలాల అధ్యక్షులు నాగేశ్వరరావు, చిటికెల రమణ, పాణిశాంతరామ్‌, శానాపతి వెంకటరత్నం, మాజీ జెడ్పీటీసీ సుర్ల గిరిబాబు, మాజీ ఎంపీపీ రుత్తల సత్యనారాయణ పాల్గొన్నారు.

యలమంచిలి రూరల్‌: పట్టణంలోని ఆర్టీసీ బస్‌ కాంప్లెక్స్‌లో శుక్రవారం సాయంత్రం రద్దీగా ఉన్న పల్లెవెలుగు బస్సు నుంచి ఓ విద్యార్థిని జారిపడి గాయపడింది. అనకాపల్లి నుంచి పాయకరావుపేట వెళ్తున్న అనకాపల్లి డిపోకు చెందిన బస్సు నుంచి జారిపడిన విద్యార్థినిని యలమంచిలి మండలం పులపర్తికి చెందిన కె.స్వాతిగా తోటి విద్యార్థులు గుర్తించారు. సాయంత్రం పాఠశాలలు, కళాశాలలు విడిచిపెట్టే సమయంలో వందలాది మంది విద్యార్థులు ఇళ్లకు వెళ్లేందుకు బస్సుల కోసం వేచి ఉంటున్నారు. అయితే విద్యార్థుల సంఖ్యకు అనుగుణంగా ఆర్టీసీ బస్సు సర్వీసులు లేకపోవడంతో కొందరు విద్యార్థులు ఫుట్‌బోర్డులపై వేలాడుతూ ప్రమాదకరంగా ప్రయాణిస్తున్నారు. ఇప్పటికై నా ఆర్టీసీ అధికారులు స్పందించి అదనపు బస్సులు నడపాలని విద్యార్థులు, తల్లిదండ్రులు కోరుతున్నారు.

తొండంగి: బెండపూడి హైవేపై శుక్రవారం జరిగిన ప్రమాదంలో యువకుడు మృతి చెందాడు. తొండండి ఎస్‌ఐ జగన్మోహన్‌రావు కథనం ప్రకారం.. నాతవరం గ్రామానికి చెందిన తాపీమేస్త్రి నందిక గోవిందుకు సంతోష్‌కుమార్‌, బుల్లిరాజు(20) కుమారులు ఉన్నారు. సంతోష్‌కుమార్‌ డ్రైవర్‌గా, బుల్లిరాజు తాపీమేస్త్రిగా పనిచేస్తున్నారు. డ్రిల్లింగ్‌ మెషీన్‌ కొనుగోలు చేసేందుకు శుక్రవారం ఉదయం నాతవరంలో అన్నయ్య బైక్‌ తీసుకుని బుల్లిరాజు రాజమహేంద్రవరం బయలుదేరాడు. ఈ నేపథ్యంలో బెండపూడి హైవే వద్దకు వచ్చేసరికి వెనుక నుంచి గుర్తుతెలియని వాహనం ఢీకొంది. దీంతో బుల్లిరాజు అక్కడికక్కడే మృతి చెందాడు. ఘటనా స్థలాన్ని ఎస్‌ఐ పరిశీలించారు.

తుమ్మపాల: యువతలోని సృజనాత్మకతను వెలికి తీసి, వారి ప్రతిభను ప్రోత్సహించడమే లక్ష్యంగా యువజన ఉత్సవాలను నిర్వహిస్తున్నట్లు జిల్లా ఇంటర్మీడియట్‌ విద్యాశాఖాధికారి ఎం.వినోద్‌బాబు తెలిపారు. యువజన సర్వీసుల శాఖ, సెట్విస్‌ ఆధ్వర్యంలో శుక్రవారం అనకాపల్లి మండలం రేబాక ప్రభుత్వ పాలిటెక్నిక్‌ కళాశాలలో జిల్లా స్థాయి యువజనోత్సవాలను ఘనంగా నిర్వహించారు. ఈ వేడుకలను జిల్లా ఇంటర్మీడియట్‌ విద్యాశాఖాధికారి ఎం.వినోద్‌బాబు, జిల్లా విద్యాశాఖాధికారి నాగేశ్వరరావు, మై భారత్‌ డిప్యూటీ డైరెక్టర్‌ మహేశ్వరరావు, కళాశాల ప్రిన్సిపాల్‌ ఐవీవీఎస్‌ శ్రీనివాసరావు, యువజన సర్వీసుల శాఖ ముఖ్య కార్యనిర్వహణాధికారి ఎం.రమ్యజ్యోతి జ్యోతి ప్రజ్వ లన చేసి ప్రారంభించారు. అనంతరం స్వామి వివేకానంద చిత్రపటానికి పూలమాలలు వేసి నివాళులర్పించారు. ఈ సందర్భంగా వివిధ కళాశాలలకు చెందిన విద్యార్థులు సాంస్కృతిక కార్యక్రమాల ప్రదర్శనతో ఆకట్టుకున్నారు. యువజనోత్సవాల్లో భాగంగా జానపద గేయాలు, జానపద నృత్యాలు, నుక్కడ్‌ నాటక్‌, పెయింటింగ్‌, కవిత్వం తదితర ఐదు విభాగాల్లో పోటీలు నిర్వహించారు. ఆయా పోటీల్లో ప్రతిభ కనబరిచి మొదటి మూడు స్థానాల్లో నిలిచిన విజేతలకు బహుమతులు అందజేశారు. యువత తమలోని నైపుణ్యాలను గుర్తించి, వివిధ రంగాల్లో రాణించేందుకు ఇలాంటి ఉత్సవాలు ఎంతగానో దోహదపడతాయని నిర్వాహకులు పేర్కొన్నారు.

అనకాపల్లి: ఆచార్య ఎన్జీ రంగా వ్యవసాయ విశ్వవిద్యాలయం పరిధిలో వ్యవసాయ డిగ్రీ కోర్సుల్లో ప్రవేశాల కోసం నిర్వహించిన అగ్రిసెట్‌ పరీక్ష ఫలితాలు శుక్రవారం విడుదలయ్యాయి. ఈ ఫలితాల్లో అనకాపల్లి వ్యవసాయ పాలిటెక్నిక్‌కు చెందిన విద్యార్థులు పలు ర్యాంకులు సాధించినట్లు కళాశాల ప్రిన్సిపాల్‌ సీహెచ్‌.ముకుందరావు, వైస్‌ ప్రిన్సిపాల్‌ ఎం.చారుమతి తెలిపారు. ర్యాంకులు సాధించిన వారిలో వేగి హారిక వరలక్ష్మీ 7వ ర్యాంకు, మజ్జి కావ్య 11, పినిశెట్టి కొండమ్మ 14, సోమిరెడ్డి రేవతి 21, పరవాడ కిరణ్‌ 22, కొండిశెట్టి సత్యశ్రీ 25, యండపల్లి తేజ 26వ ర్యాంకు సాధించారు. పేడాడ శ్రావ్య 34వ ర్యాంకు, మద్దు శ్రీవల్లి 39, ఉప్పలపు నవ్యభావన 40, దత్తి ఆశ్రిత 41, దీపక్‌ 43, పి.పావనిసాయి దుర్గా 62, ఎస్‌.సునందిని 64వ ర్యాంకు సాధించినట్లు వారు వివరించారు.

తుమ్మపాల: పదో తరగతి పబ్లిక్‌ పరీక్షల్లో ఉత్తమ ఫలితాలు సాధించేలా ఉపాధ్యాయులు ప్రత్యేక ప్రణాళికతో ముందుకు సాగాలని డీఈవో నాగేశ్వరరావు సూచించారు. కోడూరు మర్రిపాలెం జెడ్పీ హైస్కూల్‌ను శుక్రవారం ఆయన సందర్శించారు. పదో తరగతి విద్యార్థులను ప్రశ్నలు అడిగి వారి సబ్జెక్టు పరిజ్ఞానం, అభ్యసన స్థాయిలను తెలుసుకున్నారు. రానున్న పబ్లిక్‌ పరీక్షల్లో మెరుగైన ఫలితాలు సాధించేందుకు అనుసరించాల్సిన వ్యూహాలపై అవగాహన కల్పించారు. రాబోయే ఎస్‌ఏ–1 పరీక్షలకు సమాయత్తం కావాలన్నారు. ప్రధానోపాధ్యాయుడు పద్మాకర్‌, ఉపాధ్యాయులు పాల్గొన్నారు.

● రాజకీయ పబ్బం గడుపుకునేందుకే చంద్రబాబు కుతంత్రాలు ● వైఎస్సార్‌సీపీ జిల్లా అధ్యక్షుడు బొడ్డేడ ప్రసాద్‌ మునగపాక: స్థానిక సంస్థల ఎన్నికల్లో బీసీలకు 34 శాతం రిజర్వేషన్ల అమలు విషయంలో సీఎం చంద్రబాబు ప్రజలను మభ్యపెట్టే ప్రయత్నం చేస్తున్నారని వైఎస్సార్‌సీపీ జిల్లా అధ్యక్షుడు బొడ్డేడ ప్రసాద్‌ విమర్శించారు. రిజర్వేషన్లు అమలు కావని తెలిసినా రాజకీ య పబ్బం గడుపుకునేందుకు కుతంత్రాలకు పాల్ప డుతున్నారని ఆరోపించారు. శుక్రవారం స్థానిక వైఎస్సార్‌సీపీ కార్యాలయంలో నిర్వహించిన విలేకరుల సమావేశంలో ఆయన మాట్లాడారు. బీసీలకు 34 శాతం రిజర్వేషన్లు అమలు చేస్తామంటూ చంద్రబాబు కపట ప్రేమను ప్రదర్శిస్తున్నారని విమర్శించారు. హైకోర్టు తీర్పును సవాలు చేస్తూ సుప్రీంకోర్టును ఆశ్రయించడం వెనుక చంద్రబాబు అసలు ఉద్దేశం బయటపడిందన్నారు. చంద్రబాబుకు నిజంగా చిత్తశుద్ధి ఉంటే బీసీ రిజర్వేషన్లకు చట్టబద్ధత కల్పించేలా కేంద్రంపై ఒత్తిడి తీసుకువచ్చేవారని పేర్కొన్నారు. ప్రజలను మభ్యపెట్టేందుకే రిజర్వేషన్ల అంశాన్ని తెరపైకి తీసుకువచ్చారని ఆరోపించారు. హామీలు అమలులో విఫలం ఎన్నికల ముందు ఇచ్చిన హామీలను అమలు చేయడంలో చంద్రబాబు విఫలమయ్యా రని ప్రసాద్‌ విమర్శించారు. స్థానిక సంస్థల ఎన్నికలు సమీపిస్తున్న తరుణంలో రిజర్వేషన్ల పేరుతో మరోసారి ప్రజలను మోసం చేసేందుకు ప్రయత్నిస్తున్నారని ఆరోపించారు. చంద్రబాబు ఎన్ని కుట్రలు, కుతంత్రాలకు పాల్పడినా స్థానిక సంస్థల ఎన్నికల్లో వైఎస్సార్‌సీపీ విజయం సాధిస్తుందని ధీమా వ్యక్తం చేశారు. రాష్ట్రంలో చంద్రబాబు పాలనపై ప్రజలు విసుగు చెందారని, మళ్లీ వైఎస్‌ జగన్‌ పాలన కోసం ఎదురుచూస్తున్నారని ఆయన చెప్పారు. ఎన్నికలు ఎప్పుడు వచ్చినా ప్రజలు వైఎస్సార్‌సీపీకి అండగా ఉంటారన్నారు. రిజర్వేషన్ల అంశాన్ని రాజకీయ ప్రయోజనాల కోసం ఉపయోగించుకోవాలని భావించిన చంద్రబాబుకు సుప్రీంకోర్టు తీర్పు గుణపాఠమని వ్యాఖ్యానించారు.

అచ్యుతాపురం రూరల్‌ : నెల్లూరు జిల్లా బుచ్చిరాజుపాలెంలో ఈ నెల 8, 9 తేదీల్లో నిర్వహించిన రాష్ట్రస్థాయి వుషు పోటీల్లో అచ్యుతాపురం కేజీబీవీకి చెందిన 9వ తరగతి విద్యా ర్థిని వాసుపల్లి మాధవి స్వర్ణ పతకం సాధించారు. జమ్మూ కశ్మీర్‌లో జరగనున్న జాతీయ స్థాయి పోటీలకు ఎంపికయ్యారు. ఆమెను జిల్లా అదనపు పథక సమన్వయకర్త శ్రీరాము లు, జీసీడీవో జెమిమా అభినందించారు. వుషు పోటీల్లో స్వర్ణ పతకం నర్సీపట్నం: నెల్లూరు జిల్లాలో అండర్‌ – 17 బాలికల విభాగం వుషు పోటీల్లో విద్యార్థిని సకిరెడ్డి హరిణి 60 కేజీల విభాగంలో స్వర్ణ పతకం సాధించింది. నర్సీపట్నం జిల్లా పరిషత్‌ బాలికల ఉన్నత పాఠశాలలో పదో తరగతి చదువుతున్న విద్యార్థిని హరిణి, పీడీ వెంకటలక్ష్మిని హెచ్‌ఎం మాధవి, ఉపాధ్యాయులు అభినందించారు.

● జిల్లాలో ఎన్నికల నిర్వహణకు అధికారుల కసరత్తు ● బ్యాలెట్‌ బాక్సులకు మరమ్మతులు, ఓటర్ల జాబితాల సిద్ధం నక్కపల్లి: స్థానిక ఎన్నికల నిర్వహణకు అధికార యంత్రాంగం సమాయత్తమవుతోంది. బీసీలకు 34 శాతం రిజర్వేషన్ల అమలుకు సంబంధించి కూటమి ప్రభుత్వానికి సుప్రీంకోర్టులో ఎదురుదెబ్బ తగలడంతో స్థానిక ఎన్నికల నిర్వహణపై కసరత్తు వేగవంతమైంది. ఏ క్షణంలోనైనా ఎన్నికల నోటిఫికేషన్‌ వెలువడే అవకాశాలున్న నేపథ్యంలో అధికారులు ముందస్తు ఏర్పాట్లు చేస్తున్నారు. ఇప్పటికే ఓటర్ల జాబితాలు, పోలింగ్‌ కేంద్రాలు, వార్డుల వారీగా ఓటర్ల వివరాలతో కూడిన జాబితాలను సిద్ధం చేశారు. తుది జాబితాలను ఆయా పంచాయతీ కార్యాలయాలతోపాటు మండల పరిషత్‌, రెవెన్యూ కార్యాలయాల్లో అందుబాటులో ఉంచారు. పంచాయతీల్లో వార్డుల సంఖ్య, కులాల వారీగా ఓటర్ల వివరాలను సిద్ధం చేశారు. ఎన్నికలు బ్యాలెట్‌ పద్ధతిలో జరిగే అవకాశాలుండటంతో బ్యాలెట్‌ బాక్సులను సిద్ధం చేసే పనిలో అధికారులు నిమగ్నమయ్యారు. వాటిని శుభ్రం చేయడంతోపాటు అవసరమైన వాటికి మరమ్మతులు చేయిస్తున్నారు. స్థానాలకు రిజర్వేషన్ల ఖరారుకు సన్నాహాలు వార్డులు, పంచాయతీలు, ఎంపీటీసీ సెగ్మెంట్లు, ఎంపీపీ, జెడ్పీటీసీ స్థానాలకు రిజర్వేషన్ల ఖరారు ప్రక్రియ మాత్రమే మిగిలి ఉన్నట్లు తెలుస్తోంది. ఎన్నికల నోటిఫికేషన్‌ వెలువడితే రిజర్వేషన్లను ఖరారు చేసి ఎన్నికల నిర్వహణకు ముందుకు వెళ్లే అవకాశముంది. జిల్లాలో 24 మండలాలు ఉండగా, ఆయా మండలాల పరిధిలోని పంచాయతీలు, ఎంపీటీసీ సెగ్మెంట్లతోపాటు యలమంచిలి, నర్సీపట్నం మున్సిపాలిటీలకు ఎన్నికలు నిర్వహించాల్సి ఉంది. ఈ నేపథ్యంలో రాజకీయ పార్టీలు ఎన్నికల కోసం ఎదురుచూస్తున్నాయి. జిల్లాలో ఎన్నికల జరగనున్న స్థానాలు

కె.కోటపాడు: మహిళలు, విద్యార్థినులపై వేధింపులకు పాల్పడే వారిపై చట్ట ప్రకారం కఠిన చర్యలు తీసుకుంటామని 9వ అదనపు జిల్లా కోర్టు న్యాయమూర్తి హరినారాయణ హెచ్చరించారు. మండల న్యాయ సేవాధికార సంస్థ ఆధ్వర్యంలో శుక్రవారం ఎ.కోడూరులో నిర్వహించిన న్యాయ విజ్ఞాన సదస్సులో ఆయన మాట్లాడారు. చిన్న చిన్న తగాదాలకు కోర్టులను ఆశ్రయించి సమయం, డబ్బు వృథా చేసుకోవద్దని సూచించారు. యువత గంజాయి, మత్తు పదార్థాలకు దూరంగా ఉండాలన్నారు. వ్యసనాలకు బానిసలైతే జీవితం చెడు మార్గంలో పయనిస్తుందని హెచ్చరించారు. కె.కోటపాడు సీఐ కిలపర్తి కృష్ణ మాట్లాడుతూ యువత మంచి విద్యను అభ్యసించి ఉన్నత లక్ష్యాల దిశగా పయనించాలని సూచించారు. న్యాయవాదులు డి.శివప్రసాద్‌, ఎస్‌.అప్పారావు పాల్గొన్నారు.

రాంబిల్లి: జనసేన పార్టీ రాంబిల్లి మండల ఉపా ధ్యక్షుడు ఉరిటి నానాజీ తన పార్టీ పదవులు, ప్రాథమిక సభ్యత్వానికి శుక్రవారం రాజీనామా చేశారు. అప్పారాయుడుపాలెం పంచాయతీ శివారు భోగాపురం గ్రామానికి చెందిన నానాజీ జనసేన యలమంచిలి కోర్‌ కమిటీ సభ్యుడిగా, రాంబిల్లి పీఏసీఎస్‌ డైరెక్టర్‌గా వ్యవహరిస్తున్నారు. పంచదార్ల అక్రమ గ్రావెల్‌ తవ్వకాలపై కలెక్టర్‌కు తాను ఫిర్యాదు చేయడం, నో మైనింగ్‌ జోన్‌గా ప్రక టించడం వంటి ఘటనలతో తనపై వివక్ష చూపుతున్నారని ఆవేదన వ్యక్తం చేశారు. పార్టీలో ఏళ్ల తరబడి కష్టపడిన వారిని స్థానిక ఎమ్మెల్యే పక్కన పెడుతున్నారని ఆరోపించారు. జనసేన కోసం పనిచేసి తీరా అధికారంలోకి వచ్చాక అవమానాల బారిన పడటం తనను కలచివేయడంతో పార్టీకి రాజీనామా చేసినట్టు నానాజీ ఓ ప్రకటనలో పేర్కొన్నారు.

కె.కోటపాడు: మండలంలోని ఎ.కోడూరు పాఠశాలకు చెందిన నలుగురు విద్యార్థులు రాష్ట్ర స్థాయి రగ్బీ పోటీలకు ఎంపికయ్యారు. అండర్‌–14 జిల్లా స్థాయి రగ్బీ పోటీలు ఈ నెల 7న భీమునిపట్నంలో జరిగాయి. ఈ పోటీల్లో పాఠశాలకు చెందిన విద్యార్థులు అమల అజేయన్‌, గుంపాన గంగరాజు మంచి ప్రతిభ చూపారు. అన్నమయ్య జిల్లాలో ఈ నెల 9, 10 తేదీల్లో జరిగే రాష్ట్ర స్థాయిలో పోటీల్లో పాల్గొనున్నారు. ఈ నెల 8న గోవాడలో అండర్‌–17 రగ్బీ పోటీలు జరిగాయి. ఈ పోటీల్లో పాఠశాలకు చెందిన వి.సాధ్విక్‌, టి.వైష్ణవి ప్రతిభ చూపి రాష్ట్ర స్థాయి పోటీలకు ఎంపికయ్యారు. ఈ నెల 12, 13 తేదీల్లో కాకినాడలో నిర్వహించే రాష్ట్ర స్థాయి పోటీల్లో వీరిద్దరూ పాల్గొనున్నట్లు ఫిజికల్‌ డైరెక్టర్లు కె. చిట్టిప్రసాద్‌, ఆర్‌.తమ్మునాయుడు తెలిపారు. ఎంపికై న విద్యార్థులను శుక్రవారం పాఠశాలలో ఎంఈవో ఎ.శేఖర్‌, పీడీలు, ఉపాధ్యాయులు బొడ్డు శివప్రసాద్‌, సూర్రెడ్డి బాబూరావు, పీఎంసీ కమిటీ చైర్మన్‌ డి.రమేష్‌ అభినందించారు.

తుమ్మపాల : స్థానిక సంస్థలు, పురపాలక ఎన్నికల రిజర్వేషన్ల ప్రక్రియను, నిర్వహణకు అవసరమైన ముందస్తు ఏర్పాట్లు పూర్తి చేసినట్టు కలెక్టర్‌ విజయకృష్ణన్‌ తెలిపారు అమరావతిలోని రాష్ట్ర ఎన్నికల సంఘం కార్యాలయం నుంచి గురువారం ఎన్నికల కమిషనర్‌ అనిల్‌ చంద్ర పునేఠ ఆధ్వర్యంలో కలెక్టర్లు, ఎస్పీలు, సంబంధిత శాఖల అధికారులతో జరిగిన వీడియో కాన్ఫరెన్స్‌లో కలెక్టరేట్‌ నుంచి ఆమెతో పాటు ఎస్పీ తుహిన్‌ సిన్హా, జాయింట్‌ కలెక్టర్‌ శౌర్యమాన్‌ పటేల్‌ హాజరయ్యారు. జిల్లాలో రెండు మున్సిపాలిటీలతో పాటు గ్రేటర్‌ విశాఖపట్నం మున్సిపల్‌ కార్పొరేషన్‌ పరిధిలోని 9వ జోన్‌ ఉందన్నారు. పట్టణ, గ్రామీణ స్థానిక సంస్థల రిజర్వేషన్ల ఖరారు వరకు చేపట్టాల్సిన ప్రక్రియను పూర్తి చేసామన్నారు. ఎన్నికల నిర్వహణకు జిల్లా యంత్రాంగం పూర్తిస్థాయిలో సిద్ధంగా ఉందన్నారు. సమస్యాత్మక కేంద్రాల జాబితా సిద్ధం చేయాలి జిల్లాలోని 6,333 పోలింగ్‌ కేంద్రాలను సాధారణ, సమస్యాత్మక, అత్యంత సమస్యాత్మక కేంద్రాలుగా వర్గీకరించి జాబితాను సిద్ధం చేయాలని అధికారులను ఆదేశించారు. గత ఐదేళ్లలో పోలింగ్‌ సమయంలో చోటుచేసుకున్న సమస్యలు, ఘర్షణల వివరాలను స్థానిక సీఐలు, ఎంఆర్‌ఓలతో సమగ్రంగా పరిశీలించాలని సూచించారు. పోలింగ్‌ కేంద్రాల వర్గీకరణ ఆధారంగా సీసీ కెమెరాలు, వీడియోగ్రఫీ, పోలీసు బలగాల మోహరింపుపై పక్కా ప్రణాళిక రూపొందించాలన్నారు. ఎన్నికల ప్రక్రియ అత్యంత పవిత్రమైనదని, రాజకీయ ఒత్తిళ్లకు తలొగ్గకుండా నిబంధనలకు అనుగుణంగా విధులు నిర్వహించాలని అధికారులను హెచ్చరించారు. నిర్లక్ష్యం వహిస్తే కఠిన చర్యలు తప్పవని స్పష్టం చేశారు. ఎస్పీ తుహిన్‌ సిన్హా మాట్లాడుతూ గత ఎన్నికల పరిస్థితులు ప్రస్తుతం మారినందున ఎస్‌హెచ్‌ఓలతో కలిసి పోలింగ్‌ కేంద్రాలను పునఃపరిశీలించి వర్గీకరించాలని సూచించారు. పరిమితంగా ఉన్న పోలీసు బలగాలను సమర్థవంతంగా వినియోగించుకోవాలని తెలిపారు. పోలింగ్‌ కేంద్రాలకు కాంపౌండ్‌ వాల్స్‌ ఉండేలా చూడాలని, అవసరమైన చోట్ల మరమ్మతులు చేపట్టాలని సూచించారు. సమస్యాత్మక కేంద్రాల్లో కంట్రోల్‌ రూమ్‌కు అనుసంధానించేలా సీసీ కెమెరాలు ఏర్పాటు చేయాలని తెలిపారు. ఓటర్లకు తాగునీరు, మరుగుదొడ్లు వంటి మౌలిక సదుపాయాలు కల్పించి, అన్ని శాఖలు సమన్వయంతో పనిచేసి శాంతిభద్రతలకు ఎలాంటి విఘాతం కలగకుండా చర్యలు చేపట్టాలని కోరారు. ఈ కార్యక్రమంలో జిల్లా రెవెన్యూ అధికారి వై. సత్యనారాయణరావు, జెడ్పీ డిప్యూటీ సీఈవో సందీప్‌, మున్సిపల్‌ కమిషనర్లు, రిటర్నింగ్‌ అధికారులు పాల్గొన్నారు.

అనకాపల్లి : సేవా సంకల్ప్‌ అబియాన్‌–2026 కార్యక్రమాన్ని ఈనెల 17వ తేదీ వరకూ జిల్లాలో ప్రభుత్వ ఆస్పత్రుల్లో నిర్వహించడం జరుగుతుందని కలెక్టర్‌ విజయకృష్ణనన్‌, ఎమ్మెల్యే కొణతాల రామకృష్ణ అన్నారు. స్థానిక ఎన్టీఆర్‌ ఆస్పత్రి ఎదురుగా క్రిటికల్‌ కేర్‌ ఆస్పత్రిలో గురువారం మెగా ఉచిత వైద్యశిబిరాన్ని వారు ప్రారంబించారు. ఈ సందర్బంగా కలెక్టర్‌ మాట్లాడుతూ అక్రమంగా పిల్లల దత్తత తీవ్ర నేరమని, డీఏఆర్‌ఏ పోర్టల్‌ ద్వారానే పిల్లల దత్తత తీసుకోవాలన్నారు. జిల్లా మహిళా, శిశు సంక్షేమశాఖ ఆధ్వర్యంలో జిల్లా బాలల సంరక్షణ విభాగ పరిధిలో ప్రత్యేక దత్తత విభాగం కొనసాగుతుందన్నారు. 0 నుంచి 6 సంవత్సరాలలోపు వయస్సు ఉన్న పిల్లలు, తల్లిదండ్రులను కోల్పోయిన అనాథ పిల్లలను సంరక్షణార్థ శిశు సంక్షేమ శాఖ పర్యవేక్షణలో ఉంటుందన్నారు. అనంతరం గర్భిణులకు సీమంతాలు, బాలింతలకు పౌష్టికాహారం పంపిణీ, చిన్నారులకు అన్నప్రాసనము చేపట్టారు. ఈ కార్యక్రమంలో ఎమ్మెల్యే కొణతాల రామకృష్ణ, డీసీహెచ్‌ఎస్‌ ఎస్‌.శ్రీనివాసరావు, ఎన్టీఆర్‌ ఆస్పత్రి సూపరింటెండెంట్‌ రవికుమార్‌ పాల్గొన్నారు.

సాక్షి, విశాఖపట్నం: కూటమి ప్రభుత్వ ‘వెన్నుపోటు’ రాజకీయాన్ని, బీసీలకు జరిగిన వంచనను ఎండగట్టేందుకు ఈ నెల 16న విశాఖలో నిర్వహించనున్న ‘బీసీ గర్జన’ను విజయవంతం చేయాలని వైఎస్సార్‌సీపీ నేతలు పిలుపునిచ్చారు. ఉత్తరాంధ్ర జోన్‌–1 పరిధిలో బీసీ గర్జన సన్నాహక సమావేశాన్ని గురువారం ఎండాడలోని వైఎస్సార్‌సీపీ కార్యాలయంలో పార్టీ బీసీ సెల్‌ రాష్ట్ర అధ్యక్షుడు, ఎమ్మెల్సీ రమేష్‌ యాదవ్‌ ఆధ్వర్యంలో నిర్వహించారు. ఉత్తరాంధ్రలోని బీసీ నేతల నుంచి సూచనలు, సలహాలు స్వీకరించారు. రాష్ట్రంలోని 139 బీసీ కులాల సమస్యలను తెలుసుకుని, వాటిని ప్రజల్లోకి తీసుకెళ్లే అంశాలపై చర్చించారు. ఎన్నికలకు ముందు కూటమి ఇచ్చిన హామీలు, అధికారంలోకి వచ్చిన తర్వాత బీసీలకు జరిగిన అన్యాయం, వైఎస్సార్‌సీపీ ప్రభుత్వంలో బీసీలకు అందిన సంక్షేమాన్ని ప్రజలకు వివరించాలని నేతలు సూచించారు. మోసాలను ప్రజల్లోకి తీసుకెళ్లాలి: ధర్మాన బీసీల పార్టీగా చెప్పుకొనే టీడీపీ.. బీసీలకు చేసింది మోసం, దగా తప్ప మరేమీ లేదని మాజీ మంత్రి ధర్మాన ప్రసాదరావు అన్నారు. వైఎస్సార్‌సీపీ ప్రభుత్వంలో బీసీలకు అనేక సంక్షేమ పథకాలు అమలు చేశామని, వాటిని ప్రజల్లోకి తీసుకెళ్లాల్సిన బాధ్యత బీసీ నాయకులు, కార్యకర్తలపై ఉందన్నారు. ప్రభుత్వ భూములను కారుచౌకగా కేటాయిస్తున్నారని, విశాఖలో ఇటీవల 16 హోటళ్లకు ప్రభుత్వ భూములు కేటాయించిన అంశాన్ని ప్రజలకు వివరించాలన్నారు. బీసీలకు విద్య, వైద్యం అందని పరిస్థితి నెలకొందని విమర్శించారు. స్థానిక సంస్థల ఎన్నికల్లో పార్టీని బలోపేతం చేసి, బీసీల హక్కుల కోసం ఐక్యంగా పోరాడాలని పిలుపునిచ్చారు. మేలు కన్నా మోసమే ఎక్కువ: బొత్స నాలుగు దఫాలుగా ముఖ్యమంత్రిగా పనిచేసిన చంద్రబాబు బీసీలకు చేసిన మేలు కన్నా మోసమే ఎక్కువని శాసనమండలి విపక్షనేత బొత్స సత్యనారాయణ విమర్శించారు. ఐదేళ్లు అధికారంలో ఉన్న వైఎస్‌ జగన్‌మోహన్‌రెడ్డి బీసీలకు చారిత్రాత్మక మేలు చేశారని అన్నారు. 2019లో బీసీ గర్జనలో ఇచ్చిన హామీలను మేనిఫెస్టోలో చేర్చి అమలు చేశామని గుర్తుచేశారు. సర్పంచ్‌ స్థాయి నుంచి జిల్లా స్థాయి వరకు బీసీ కమిటీలను సమన్వయం చేసుకుని గర్జనను విజయవంతం చేయాలని కోరారు. ఎన్నికల వేళ కొత్త డ్రామా: రమేష్‌ యాదవ్‌ ఎన్నికలు సమీపిస్తున్న నేపథ్యంలో చంద్రబాబు మరోసారి బీసీలను మభ్యపెట్టేందుకు కొత్త డ్రామాకు తెరలేపారని పార్టీ బీసీ సెల్‌ రాష్ట్ర అధ్యక్షుడు, ఎమ్మెల్సీ రమేష్‌ యాదవ్‌ విమర్శించారు. వైఎస్సార్‌సీపీ ప్రభుత్వంలో చట్టసభల్లో బీసీలకు పెద్దపీట వేశామని, 14 కార్పొరేషన్లను 56కు పెంచి 672 మందికి చైర్మన్‌, డైరెక్టర్‌ పదవులు ఇచ్చామని తెలిపారు. బీసీలంటే చులకన: తమ్మినేని చంద్రబాబు, ఆయన అనుచరులకు బీసీలంటే చులకన భావమని మాజీ స్పీకర్‌ తమ్మినేని సీతారాం అన్నారు. బలహీన వర్గాలమైనా బలహీనులం కాదని గతంలోనే నిరూపించామని, వెన్నుపోటు రాజకీయాలపై బీసీలంతా గళం విప్పాలని పిలుపునిచ్చారు. 20 ఏళ్ల పాలనలో అన్యాయం: బూడి చంద్రబాబు ఉమ్మడి, విభజిత ఆంధ్రప్రదేశ్‌లో సుమారు 20 ఏళ్లు పాలించినా బీసీలకు తీవ్ర అన్యాయం చేశారని మాజీ డిప్యూటీ సీఎం బూడి ముత్యాలనాయుడు విమర్శించారు. 2014లో ఇచ్చిన హామీలను అమలు చేయకుండా, 2024లోనూ మరోసారి బీసీలను మోసం చేశారని అన్నారు. టీడీపీ బీసీల పార్టీ కాదని, వంచించిన పార్టీ అని ధ్వజమెత్తారు. బీసీలకు వైఎస్సార్‌సీపీ పెద్దపీట: చెల్లుబోయిన చంద్రబాబు హయాంలో 2014–19 మధ్య ఒక్క బీసీకి మాత్రమే డిప్యూటీ సీఎం పదవి ఇస్తే, వైఎస్సార్‌సీపీ ప్రభుత్వంలో నలుగురు బీసీలకు ఉప ముఖ్యమంత్రి పదవులు ఇచ్చామని మాజీ మంత్రి చెల్లుబోయిన వేణుగోపాలకృష్ణ తెలిపారు. నామినేటెడ్‌ పదవుల్లో 50 శాతానికి పైగా అవకాశాలు కల్పించామని చెప్పారు. కాలర్‌ పట్టుకుని నిలదీయాలి: వరుదు కళ్యాణి బీసీలకు ఇచ్చిన హామీలు నెరవేర్చని కూటమి ప్రభుత్వాన్ని ఇప్పుడు బీసీలంతా కలిసి నిలదీయాలని ఎమ్మెల్సీ వరుదు కల్యాణి అన్నారు. ప్రజలను మభ్యపెట్టేందుకు మంత్రులు ఢిల్లీకి వెళ్లి డ్రామాలు చేస్తున్నారని విమర్శించారు. బీసీలకు జగన్‌ చేసిన మేలును ప్రజల్లోకి తీసుకెళ్లాలని పిలుపునిచ్చారు. 139 కులాలను ఓన్‌ చేసుకోవాలి: వాసుపల్లి బీసీల్లోని 139 కులాలను ఓన్‌ చేసుకుని, కులాల వారీగా సమస్యలను పరిష్కరించేందుకు కార్యాచరణ రూపొందించాలని మాజీ ఎమ్మెల్యే వాసుపల్లి గణేష్‌కుమార్‌ అన్నారు. భూసేకరణలో మత్స్యకారులకు న్యాయం చేయాలని డిమాండ్‌ చేశారు. 2029లో జగన్‌ను ముఖ్యమంత్రిని చేయాల్సిన అవసరం ఉందన్నారు. సంఘటిత శక్తిగా ఎదగాలి: ధర్మాన కృష్ణదాస్‌ బీసీలకు జరుగుతున్న అన్యాయంపై ప్రజల్లో చైతన్యం తీసుకురావాలని మాజీ డిప్యూటీ సీఎం ధర్మాన కృష్ణదాస్‌ అన్నారు. బీసీలకు 34 శాతం రిజర్వేషన్లు సాధ్యం కాదని తెలిసినా చంద్రబాబు జీవోలు ఇచ్చి మరోసారి మోసం చేస్తున్నారని విమర్శించారు. స్థానిక ఎన్నికల్లో ఈ కుట్రలను తిప్పికొట్టాలని పిలుపునిచ్చారు. బీసీలను చైతన్యపరచాలి: సీదిరి వైఎస్సార్‌సీపీ ప్రభుత్వంలో బీసీ, ఎస్సీ, ఎస్టీ, మైనారిటీలకు చట్టసభల్లో 50 శాతానికి పైగా ప్రాతినిధ్యం కల్పించామని మాజీ మంత్రి సీదిరి అప్పలరాజు తెలిపారు. కూటమి ప్రభుత్వంలో బీసీలకు జరిగిన అన్యాయాన్ని సోషల్‌ మీడియా ద్వారా ప్రజలకు వివరించాలని కోరారు. నర్సీపట్నం నుంచే గర్జన ప్రారంభించాలి: పెట్ల ఉత్తరాంధ్రలో అత్యధిక బీసీలు ఉన్న నర్సీపట్నం నుంచి నియోజకవర్గ స్థాయి బీసీ గర్జనను ప్రారంభించాలని మాజీ ఎమ్మెల్యే పెట్ల ఉమాశంకర్‌ గణేష్‌ కోరారు. 2019లో జగన్‌ ప్రచారయాత్ర నర్సీపట్నం నుంచే ప్రారంభమైన విషయాన్ని గుర్తుచేశారు. మన హక్కుల కోసం పోరాడదాం: బొడ్డేడ బీసీలకు ఇచ్చిన హామీలను నెరవేర్చని కూటమి ప్రభుత్వాన్ని నిలదీసేందుకు అన్ని బీసీ కులాలు ఐక్యంగా పోరాడాలని వైఎస్సార్‌సీపీ అనకాపల్లి జిల్లా అధ్యక్షుడు బొడ్డేడ ప్రసాద్‌ పిలుపునిచ్చారు. ఈ నెల 16న జరిగే ఉత్తరాంధ్ర జోన్‌–1 బీసీ గర్జనకు ప్రతి బీసీ నాయకుడు, కార్యకర్త బాధ్యత తీసుకుని విజయవంతం చేయాలని కోరారు. ఈ కార్యక్రమంలో జెడ్పీ మాజీ చైర్‌పర్సన్‌ పిరియా విజయ, పార్టీ విజయనగరం జిల్లా అధ్యక్షుడు బెల్లాన చంద్రశేఖర్‌రావు, మాజీ ఎమ్మెల్యేలు కరణం ధర్మశ్రీ, తిప్పల నాగిరెడ్డి, అన్నంరెడ్డి అదీప్‌రాజ్‌, తైనాల విజయ్‌కుమార్‌, తిప్పల గురుమూర్తి రెడ్డి, బొత్స అప్పలనర్సయ్య, శోభా హైమావతి, సమన్వయకర్తలు బొత్స అనూష, మొల్లి అప్పారావు, తిప్పల దేవన్‌రెడ్డి, బీసీ సెల్‌ రాష్ట్ర వర్కింగ్‌ ప్రెసిడెంట్‌ రమణ, మాజీ మేయర్‌ గొలగాని హరివెంకటకుమారి, మాజీ ఎంపీ భీశెట్టి సత్యవతి, సీఈసీ సభ్యులు రొంగలి జగన్నాథం, కోలా గురువులు, రాష్ట్ర కార్యదర్ళులు గండి రవికుమార్‌, పైలా శ్రీనివాసరావు, పైలా సన్యాసిరాజు, ముఖ్యనేతలు కొండా రాజీవ్‌, యల్లపు రఘురామ్‌, గొలగాని శ్రీనివాస్‌, రామన్నపాత్రుడు, మెంటాడ స్వరూప్‌, పేడాడ రమణికుమారి, అంబటి శైలేష్‌, బొడ్డెపల్లి పద్మజ, వివిధ జిల్లాల బీసీ సెల్‌ అధ్యక్షలు సనపల రవీంధ్ర భరత్‌, పిల్లి సుజాత, ఆడారి దివ్యకళ, నరసింహమూర్తి, అశోక్‌, మామిడి శ్రీకాంత్‌, దొడ్డి కిరణ్‌, అందవరపు సూరిబాబు, ఎర్ని ధనుంజయ్‌ పాల్గొన్నారు.

పోర్టు ప్రతిపాదిత ప్రాంతాన్ని పరిశీలిస్తున్న సీపీఎం నాయకులు నక్కపల్లి: డీఎల్‌పురం వద్ద ఆర్సెలర్‌ మిట్టల్‌ స్టీల్‌ప్లాంట్‌ యాజమాన్యం నిర్మిస్తున్న క్యాప్టివ్‌ పోర్టుకు సంబంధించి ఈ నెల 15న నిర్వహించనున్న ప్రజాభిప్రాయ సేకరణను నిలిపివేయాలని సీపీఎం నాయకులు, రైతులు డిమాండ్‌ చేశారు. బుధవారం పోర్టు నిర్మించనున్న ప్రాంతాలను సీపీఎం జిల్లా కార్యవర్గ సభ్యుడు అప్పలరాజు తదితరులు పరిశీలించారు. ఈ సందర్భంగా వారు మాట్లాడుతూ డీఎల్‌పురం గ్రామంలోని సర్వే నంబర్లు 85, 82లో సుమారు 202 ఎకరాల భూములను పేదలు సాగు చేసుకుంటున్నారని తెలిపారు. ఎటువంటి నష్టపరిహారం చెల్లించకుండానే కూటమి ప్రభుత్వం ఈ భూములను స్టీల్‌ప్లాంట్‌కు అప్పగించిందని ఆరోపించారు. సాగుదారులకు నష్టపరిహారం చెల్లించకుండా పోర్టు నిర్మాణానికి ఎలా అనుమతులు ఇస్తారని ప్రశ్నించారు. పోర్టు నిర్మాణం జరిగితే భూములపై ఆధారపడి జీవిస్తున్న రైతులు ఉపాధి కోల్పోయే పరిస్థితి ఏర్పడుతుందని ఆవేదన వ్యక్తం చేశారు. ముందుగా సాగుదారులందరికీ నష్టపరిహారం చెల్లించాలని డిమాండ్‌ చేశారు. ఈ కార్యక్రమంలో రైతులు శ్రీనివాస్‌, గోవిందు, సత్తిబాబు, రాజేష్‌, చంద్రరావు, కనకారావు, వెంకటరమణ తదితరులు పాల్గొన్నారు.

దుర్గారెడ్డికి సర్టిఫికెట్‌ అందజేస్తున్న దృశ్యం మునగపాక: కాకరాపల్లికి చెందిన కొల్లి పృధ్వీ సాయి దుర్గారెడ్డి బాక్సింగ్‌ పోటీల్లో సత్తా చాటారు. తిరుపతిలోని శ్రీవేంకటేశ్వర విశ్వవిద్యాలయంలో ఇంజినీరింగ్‌ విద్యను అభ్యసిస్తున్న దుర్గారెడ్డి గురువారం నిర్వహించిన బాక్సింగ్‌ పోటీల్లో 80–86 కిలోల విభాగంలో బంగారు పతకం సాధించారు. ఈ నెల 27న ఉత్తరప్రదేశ్‌లో నిర్వహించనున్న ఆలిండియా ఇంటర్‌ యూనివర్సిటీ బాక్సింగ్‌ పోటీల్లో దుర్గారెడ్డి పాల్గొననున్నట్లు నిర్వాహకులు తెలిపారు.

విద్యార్థులతో ఉపాధ్యాయులు, కమిటీ సభ్యులు గొలుగొండ: ఇటీవల జరిగిన క్రీడా పోటీల్లో చోద్యం జిల్లా పరిషత్‌ విద్యార్థులు ప్రతిభను కనపరచారు. అల్లూరి జిల్లా కొయ్యూరులో జరిగిని రెజ్లింగ్‌ పోటీల్లో అండర్‌ 14–లో అమర్‌, అండర్‌ –17లో లోకసాయి మంచి ప్రతిభ కనపరచడంతో రాష్ట్రస్ధాయి పోటీలకు ఎంపిక కావడం జరిగింది.అలాగే అరకులో జరిగిన ఎస్‌జీఎఫ్‌ స్కూల్‌గేమ్స్‌లో వెయిట్‌ లిప్టింగ్‌లో బాగంగా అండర్‌ 19లో పి వసంత, జె సుజాత ఇద్దరు రాష్ట్ర స్థాయి పోటీలకు ఎంపిక కావడం జరిగిందని హైస్కూల్‌ హెచ్‌ఎం శ్రీనువాసరావు తెలిపారు.

● వైద్య సహాయం కోరుతూ ఫండ్‌ రైజింగ్‌ ర్యాలీ ఫండ్‌ రేజింగ్‌ ర్యాలీలో పాల్గొన్న యువత, స్వచ్ఛంద కార్యకర్తలు, విద్యార్థులు నర్సీపట్నం : అరుదైన వ్యాధి డీఎండీతో బాధపడుతున్న బాలుడును ఆదుకునేందుకు కొంత మంది ముందుకు వచ్చి పట్టణంలో ఫండ్‌ రైజింగ్‌ ర్యాలీ నిర్వహించారు. ఈ ర్యాలీలో యువత, స్వచ్ఛంద కార్యకర్తలు పెద్ద ఎత్తున పాల్గొన్నారు. శ్రీదుర్గామల్లేశ్వరి ఆలయం నుండి అబిద్‌సెంటర్‌ వరకు ర్యాలీ కొనసాగింది. కశింకోట మండలం, జమ్మాదులపాలెం గ్రామానికి చెందిన పొన్నగంటి ప్రణయ్‌ సూర్య(7) అరుదైన ప్రాణాంతకమైన డుచెన్‌ మస్కులర్‌ డిస్ట్రోఫీ వ్యాధితో బాధపడుతున్నాడు. వైద్యం కొరకు రూ.42 లక్షల వరకు ఖర్చు అవుతుందని వైద్యులు సూచించడంతో చిన్నారి తల్లిదండ్రులు సురేష్‌ కుమార్‌ దాతలను ఆశ్రయిస్తున్నారు. దీనిలో భాగంగా ఈ ర్యాలీ నిర్వహించారు. శ్రీవిద్య, ప్రగతి, శ్రీసాయి కాలేజీల అధ్యాపకులు, విద్యార్థులు పాల్గొని తమ వంతు ఆర్థిక సహాయం అందజేశారు.

సాక్షి, అనకాపల్లి : రెవెన్యూలో అధికారిగా పనిచేసి రిటైరైన వ్యక్తి కనుసన్నల్లో రూ. 32 కోట్ల విలువైన గెడ్డ పోరంబోకు భూమిపై ఆక్రమణదారుల కన్ను పడింది. ఇటీవల కాలంలో రాష్ట్ర ప్రభుత్వం 22ఏ మినహాయింపు ఉత్తర్వుల్ని తమకు అనుకూలంగా మలుచుకుంటూ యాభై లక్షల రూపాయల విలువైన పంట ఫలాన్ని, 32 కోట్ల రూపాయల ప్రభుత్వ భూముల్ని కొట్టేసే బలమైన స్కెచ్‌కు బీజం పడింది. జిల్లా కలెక్టరేట్‌కు అత్యంత సమీపంలో ఉన్న ఈ గెడ్డ పోరంబోకు విషయంలో అధికారుల వింత వైఖరి సైతం అక్రమార్కులకు అనుకూలంగా మారుతోంది. వివరాల్లోకి వెళితే... గోపాలపురం శివారు గ్రామంలో ... అనకాపల్లి మండలంలోని గోపాలపురం గ్రామ శివారున ఉన్న వెంకటరమణ పేట పరిధిలో సుమారు 16 ఎకరాల విస్తీర్ణంలో గెడ్డ పోరంబోకు ఉంది. వాస్తవానికి ఈ ప్రాంతానికి సమీపంలోని ఉన్న కొండల నుంచి వచ్చే వర్షపు నీరు గతంలో లోతట్టు ప్రాంతంగా ఉండే భూమిలో ఇంకేది. కాలానుగుణంగా పరిసర గ్రామాల్లో ఏర్పాటు చేసిన లే అవుట్ల కారణంగా గెడ్డలు, కాలువలు, చెరువులు క్రమక్రమంగా ఆక్రమణకు గురయ్యాయి. మూడు నాలుగు దశాబ్ధాల క్రితమే ఈ గెడ్డ పోరంబోకు భూమిపై కన్నేసిన ఆక్రమణదారులు యూకలిప్టస్‌ తోటలు వేశారు. నీటి పారుదల శాఖకు బదలాయించాల్సిన ఈ భూముల్ని రెవెన్యూ అధికారులు నిర్లిప్తత ప్రదర్శించారు. ఎస్‌ఎఫ్‌ఏ ప్రకారం గెడ్డ పోరంబోకుగా ఉన్న ఈ భూముల్లో యూకలిప్టస్‌ తోటలు పెంచడాన్ని అడ్డుకోని రెవెన్యూ శాఖ ఇప్పుడు ఆక్రమణదారులకు అండగా మారే పనిలో పడింది. దీనికి రిటైరయిన మాజీ రెవెన్యూ అధికారి ప్రణాళిక రూపొందించినట్టు బాహాటంగా చెప్పుకుంటున్నారు. యూకలిప్టస్‌ చెట్ల నరికివేత కొద్ది రోజుల నుంచి 16 ఎకరాల్లో సాగవుతున్న యూకలిప్టస్‌ చెట్లను నరికివేసి తరలిస్తున్నారు. ఈ చెట్ల విలువ కనీసం యాభై లక్షల రూపాయల వరకూ ఉంటుందని సమాచారం. దీనిపై ఆరోపణలు వినవస్తున్నా, పత్రికల్లో కథనాలు వస్తున్నప్పటికీ రెవెన్యూ శాఖ ఉన్నతాధికారులు పట్టించుకోవడం లేదు. దీనికి గానూ రెవెన్యూ అధికారులు చెబుతున్న వివరణ ఆసక్తికరంగా ఉంది. రాంబిల్లి మండలంలోని ఏపీఐఐసీ సేకరిస్తున్న భూములకు సంబంధించిన పనుల్లో బిజీగా ఉండడంతో ఇంకా వెంకటరమణపేట భూముల్ని పరిశీలించలేదని చెబుతున్నారు. సదరు భూముల్లో ఆక్రమణదారులు ఉన్నారని, వారిని తహసీల్దార్‌ కార్యాలయానికి పిలిచామని రెవెన్యూ శాఖ చెబుతోంది. అయితే ముందు గెడ్డపోరంబోకు భూమిలో ఉన్న యూకలిప్టస్‌ తోటలు ఎవరు వేశారు..? నీటి వనరైన ఆ భూముల్లోకి ఆక్రమణ దారులు ఎలా వచ్చారు..? సుప్రీంకోర్టు నిబంధనల మేరకు గెడ్డపోరంబోకు భూములను కాపాడాల్సిన బాధ్యత ఎందుకు విస్మరించారు.. రెవెన్యూ శాఖ ఆ భూముల్ని నీటి పారుదల శాఖకు ఎందుకు బదలాయించలేదు..? అనే అంశాలపై దర్యాప్తు జరపాలని పలువురు కోరుతున్నారు. స్వాధీనం చేసుకుంటాం అనకాపల్లి మండలంలోని వెంకటరమణ పేటలో సర్వే నంబర్‌ 107లో ఎస్‌ఎఫ్‌ఏ ప్రకారం 16 ఎకరాలు ఉంది. దిగువ స్థాయి రెవెన్యూ సిబ్బంది అయిన వీఆర్‌ఓతో పాటు స్థానిక సమాచారం మేరకు ఆక్రమణదారులు ఉన్నారని చెబుతున్నారు. వారి వద్ద ఉన్న ధృవీకరణ పత్రాలను తీసుకురమ్మన్నాం. ఆ భూముల్ని స్వాధీనం చేసుకొని, ఫెన్సింగ్‌ వేస్తాం. ఆక్రమణదారులకు చట్టబద్ధంగా హక్కు ఉంటే దానిని పరిశీలిస్తాం. ప్రభుత్వ భూముల్ని పరిరక్షిస్తాం. – తహసీల్దార్‌, ఆనంద్‌

బుచ్చెయ్యపేట : వడ్డాది వేంకటేశ్వరస్వామి ఆస్తులను అటు దేవస్థానం, ఇటు రెవెన్యూ అధికారులు తేటతెల్లం చేయలేకపోతున్నారు. ఉత్తరాంధ్రలోనే ప్రసిద్ధి చెందిన వడ్డాది వేంకటేశ్వరస్వామి కోరిన కోర్కెలు తీర్చే దైవంగా భక్తులు నమ్ముతారు. ప్రతి సంవత్సరం మార్చి నెలలో జరిగే స్వామి వారి ఐదు రోజుల కల్యాణానికి ఉత్తరాంధ్ర నుండే కాక ఇతర రాష్ట్రాల నుంచి లక్షలాది మంది భక్తులు తరలివచ్చి స్వామి వారిని దర్శించుకుని మొక్కులు తీర్చుకుంటారు. సుమారు 153 ఏళ్ల చరిత్ర ఉన్న వడ్డాది వేంకటేశ్వరస్వామి ఆలయాన్ని దొండా భగవంతులయ్య కుటుంబ సభ్యులు నిర్మించారు. అప్పట్లో స్వామి ధూపదీప నైవేద్యాల కోసం 1938లో సర్వే నెంబర్‌ 293–5లో 105 ఎకరాలు భూమిని దేవుడికి రాసి ఇచ్చినట్లు దేవస్థానం రికార్డుల్లో ఉంది. తరవాత 1995 ప్రాంతంలో రెవెన్యూ రికార్డుల్లో మాత్రం వేంకటేశ్వరస్వామికి సర్వే నెంబర్‌ 176–5ఎలో 53 ఎకరాలు మాత్రమే ఉన్నట్టు నమోదు చేశారు. ఇటీవల ప్రభుత్వం చేపడుతున్న భూ సమగ్ర సర్వేలో వేంకటేశ్వరస్వామికి 46 ఎకరాలు మాత్రమే ఉన్నట్లు రెవెన్యూ అధికారులు గుర్తించారు. దీంతో భక్తులు అసలు స్వామి వారి ఆస్తులెంత అని అయోమయంలో పడ్డారు. ఇదే గ్రామంలో 65 మంది రైతులు ఆలయ భూములను ఆనుకుని దశాబ్దాల కాలం నుంచి సాగు చేసుకుంటున్నారు. రైతుల సాగు భూములను దేవుడి మాన్యంగా రికార్డుల్లో తప్పుడుగా నమోదు చేశారు. అత్యవసర సమయంలో భూములు అమ్ముకోవడానికి, బ్యాంకు రుణాలు తెచ్చుకోవడానికి వీలు పడడం లేదని న్యాయం చేయాలని పలుసార్లు రైతులు జిల్లా కలెక్టర్‌కు, మండల తహసీల్దార్‌ కార్యాలయాలకు కాళ్లు అరిగేలా తిరిగినా న్యాయం జరగ లేదు. అసలు వేంకటేశ్వరస్వామి భూమి ఎక్కడ ఉన్నది ఎన్ని ఎకరాలు ఉన్నది దేవస్థానం, రెవెన్యూ అధికారులు నిగ్గు తేల్చడం లేదు. పలువురు రైతులు మా జిరాయితీ భూములను దేవుడి మాన్యం భూముల రికార్డుల నుంచి తొలగించి న్యాయం చేయాలని జిల్లా కలెక్టర్‌కు నేరుగా కలిసి వేడుకున్నారు. దీంతో కలెక్టర్‌ ఆదేశాలతో శుక్రవారం వడ్డాదిలో స్వామివారి ఆలయ భూములపై సమగ్ర సర్వే చేయానికి చర్యలు చేపట్టారు. దేవస్థానం, రెవెన్యూ అధికారులు జాయింట్‌ సర్వే చేపట్టారు. ఎండోమెంట్‌ అసిస్టెంట్‌ కమిషనర్‌ సుధారాణి,కలెక్టర్‌ కార్యాలయం ఏడీ, తహసీల్దార్‌ లక్ష్మి, ఈవో శర్మ,మండల సర్వేయర్‌, ఎండోమెంట్‌ ఇన్‌స్పెక్టర్‌, వీఆర్వో, సర్వేయర్‌ తదితర అధికారుల సమక్షంలో వడ్డాదిలో సర్వే చేయనున్నారు. దీంతో మేజర్‌ పంచాయతీ వడ్డాదిలో పలువురు రైతులు ఇప్పటికై నా తమకు న్యాయం జరుగుతుందా లేదా అని ఎదురు చూస్తున్నారు.

సదస్సు కరపత్రాలను ఆవిష్కరిస్తున్న రాష్ట్ర కన్వీనర్‌ చిట్టియ్య, నాయకులు నర్సీపట్నం : ఈ నెల 11న అనకాపల్లిలో ఉత్తరాంధ్ర బహుజన ఉద్యోగుల న్యాయభేరి సభను విజయవంతం చేయాలని రాష్ట్ర కన్వీనర్‌ ఎం.చిట్టియ్య పిలుపునిచ్చారు. రిజర్వేషన్‌ పరిరక్షణ సమితి, రిజర్వేషన్‌ ఎంప్లాయీస్‌ ఫెడరేషన్‌ ఆధ్వర్యంలో న్యాయభేరి కరపత్రాలను ఆవిష్కరించారు. ఈ సందర్భంగా ఆయన మాట్లాడుతూ భారత రాజ్యాంగాన్ని పరిరక్షించుకోవాల్సిన అవసరం ఎంతైనా ఉందన్నారు. రిజర్వేషన్‌ వర్గాల ఉద్యోగుల హక్కుల కోసం, న్యాయపరమైన డిమాండ్లు నెరవేర్చుకోవడానికి ఈ సదస్సు ఏర్పాటు చేశామన్నారు. 60 శాతం బీసీ జనాభా ఉన్నప్పటికీ రిజర్వేషన్‌ 25 శాతం కేటాయించడం దారుణమన్నారు. ఈ సదస్సుకు బహుజనులు అందరూ తరలిరావాలని ఆయన పిలుపునిచ్చారు. ఈ కార్యక్రమంలో ఎంప్లాయీస్‌ ఫెడరేషన్‌ నాయకులు జి.పంతులుబాబు, గిరిజన ఉద్యోగుల సంఘం అధ్యక్షులు ధనార్జన్‌, ప్రధాన కార్యదర్శి ధర్మరాజు, ప్రకాష్‌, బహుజన ఐక్యవేదిక నాయకులు బొట్టా నాగరాజు పాల్గొన్నారు.

మాడుగుల బీసీ వసతి గృహం వద్ద విద్యార్థులతో కలసి ఆందోళన చేస్తున్న నాయకులు మాడుగుల: పట్టణంలో 52 ఏళ్లుగా కొనసాగుతున్న బీసీ హాస్టల్‌ను మూసివేయొద్దని విద్యార్థులు, జనసేన పార్టీ నాయకులు గురువారం ఆందోళన నిర్వహించారు. ఇక్కడ హాస్టల్‌లో విద్యార్థుల సంఖ్య తక్కువ ఉందని మూసివేయడం విరమించుకోవాలని జనసేన నాయకుడు రొబ్బా మహేష్‌ తదితరులు డిమాండ్‌ చేశారు. ప్రస్తుతం 42 మంది విద్యార్థులు వసతి గృహంలో ఉన్నారని, కలెక్టర్‌ స్పందించి న్యాయం చేయాలని కోరారు. ఈ విషయమై వార్డెన్‌ శ్రీరాంమూర్తిని సంప్రదించగా, వసతి గృహ భవనం మరమ్మతులకు గురవడంతో ఈ ఏడాది విద్యార్థులు చేరలేదన్నారు. నిబంధనల ప్రకారం 50 మందికి తక్కువ ఉంటే, మరో వసతి గృహానికి మార్చాలని ఆదేశాలు వచ్చాయన్నారు.

యూనిట్‌ మ్యాప్‌ను పరిశీలిస్తున్న జీసీసీ ఎండీ శోబిక మాకవరపాలెం: కాఫీ ప్రాసెసింగ్‌ యూనిట్‌ నిర్మాణ స్థలాన్ని జీసీసీ మేనేజింగ్‌ డైరెక్టర్‌ శోబిక సందర్శించారు. మండలంలోని శెట్టిపాలెంలో రూ.10 కోట్లతో నిర్మించే కాఫీ ప్రాసెసింగ్‌ యూనిట్‌కు 12 ఎకరాలు సేకరించారు. ఈ నెల 13న ప్రాసెసింగ్‌ యూనిట్‌ నిర్మాణానికి స్పీకర్‌ అయ్యన్నపాత్రుడు భూమిపూజ చేయనున్నారు. ఈ నేపథ్యంలో ఈ ప్రాంతాన్ని గురువారం ఎండీ జీసీసీ అధికారులతో కలసి సందర్శించారు. యూనిట్‌కు సంబంధించిన మ్యాప్‌ను కూడా పరిశీలించి సిబ్బందికి పలు సూచనలు చేశారు. కార్యక్రమంలో శెట్టిపాలెం, భీమబోయినపాలెం మాజీ సర్పంచ్‌లు అల్లు రామునాయుడు, రుత్తల నందకిషోర్‌, జీసీసీ అధికారులు పాల్గొన్నారు.

బుచ్చెయ్యపేట: మండలంలోని మల్లాం, ఎంబీ పాలెం గ్రామాలకు చెందిన టీడీపీ కార్యకర్తలు నియోజకవర్గ సమన్వయకర్త, మాజీ మంత్రి గుడివాడ అమర్‌నాథ్‌ సమక్షంలో గురువారం వైఎస్సార్‌సీపీలో చేరారు. రెండు గ్రామాలకు చెందిన ముఖ్య నాయకులు గొలగాని గోవిందరాజు, గొలగాని రమణ, బోగాది అప్పారావు, గొలగాని రామునాయుడు, మురుగుటి రాజు, చందక దేముడు, కలం చిన్ననాయుడు తదితర 40 మంది తమ కుటుంబ సభ్యులతో కలిసి వైఎస్సార్‌సీపీ తీర్థం పుచ్చుకున్నారు. వీరందరికీ అమర్‌నాథ్‌ పార్టీ కండువాలను కప్పి సాదరంగా ఆహ్వానించారు. తెలుగుదేశం పార్టీ పరిపాలన విధానం నచ్చక ఆ పార్టీని వీడి వైఎస్సార్‌సీపీలో చేరినట్లు వారు తెలిపారు. ఇకపై మాజీ ముఖ్యమంత్రి వైఎస్‌ జగన్‌మోహన్‌రెడ్డి, మాజీ మంత్రి గుడివాడ అమర్‌నాఽథ్‌ల అడుగుజాడల్లో నడుచుకుంటామని తెలిపారు. కార్యక్రమంలో వైఎస్సార్‌సీపీ మండలాధ్యక్షుడు జోగా కొండబాబు, మాజీ జెడ్పీటీసీ దొండా రాంబాబు, రాష్ట్ర బీసీ సెల్‌ కార్యదర్శి కె. అచ్చింనాయుడు, తాజా మాజీ సర్పంచ్‌లు బర్ల శివ, నమ్మి అప్పలరాజు, మండల బీసీ సెల్‌ కార్యదర్శి పల్లా పోలినాయుడు, గ్రామ అధ్యక్షుడు మువ్వల అప్పారావు, మాజీ ఉప సర్పంచ్‌ అప్పాన రాము, నాయకులు వాయిబోయిన అప్పలనాయుడు, గొలగాని లోవరాజు, బర్నికాన చిన అప్పలనాయుడు, గారపాటి రమణ, కరణం నర్సింగరావు, గణేష్‌ పాల్గొన్నారు.

పులపర్తి పోలింగ్‌ కేంద్రంలో సర్‌ ప్రక్రియ తనిఖీ చేస్తున్న పరిశీలకురాలు గౌతమి యలమంచిలి రూరల్‌ : అర్హత కలిగిన ఏ ఒక్కర్నీ ఓటరు జాబితా నుంచి తొలగించొద్దని ఓటరు జాబితా పరిశీలకురాలు ఎం గౌతమి స్పష్టం చేశారు. గురువారం జిల్లాలో యలమంచిలి, పాయకరావుపేట, చోడవరం నియోజకవర్గాల్లో పలు పోలింగ్‌ కేంద్రాలను,ఆయా కేంద్రాల్లో ఓటరు జాబితాను ఆమె ఆకస్మికంగా తనిఖీ చేశారు. బీఎల్‌వోలు ఓటర్ల తొలగింపుల విషయంలో ఇళ్లకు వెళ్లి సమగ్రమైన వివరాలు సేకరించాలన్నారు. పులపర్తిలో పోలింగ్‌ కేంద్రాన్ని పరిశీలించిన ఆమె సర్‌ ప్రక్రియపై ఆరా తీశారు. యలమంచిలి నియోజకవర్గ ఈఆర్వో మనోరమ, ఏఈఆర్వో కె.వరహాలు, డీటీ బాలేశ్వర్రావు పాల్గొన్నారు.

నక్కపల్లి : జాతీయ రహదారిపై నక్కపల్లి ఏరియా ఆస్పత్రి సమీపంలో గురువారం రాత్రి జరిగిన రోడ్డు ప్రమాదంలో ఇద్దరు వ్యక్తులు దుర్మరణం పాలయ్యారు. మరో ఇద్దరికి తీవ్రగాయాలయ్యాయి. వివరాలివి. మండలంలో సారిపల్లిపాలెం గ్రామానికి చెందన శీరం నూకరాజు 38, పొల్నటి సూర్యకుమార్‌ 30 నక్కపల్లి నుంచి సారిపల్లిపాలెం మోటారు సైకిల్‌పై వెళ్తూ ఆస్పత్రి ఎదురుగా రోడ్డు వద్ద మలుపు తిరుగుతుండగా అడ్డురోడ్డు నుంచి నక్కపల్లి వైపు వస్తున్న మరో బైక్‌ వీరి బైక్‌ను ఢీకొట్టింది. ఈ ఘటనలో నూకరాజు, సూర్యలు బైక్‌పై నుంచి కిందపడడంతో తలకు బలమైన గాయాలై సంఘటన స్థలంలోనే మరణించారు. వీరి బైక్‌ను ఢీకొట్టిన మరో ఇద్దరు పిట్టా రామకృష్ణ, నాగేశ్వరరావులకు తీవ్రగాయాలయ్యాయి. వీరిని చికిత్స కోసం నక్కపల్లి ఆస్పత్రికి తరలించారు. ఐదు నిమిషాల్లో ఇంటికి చేరేలోగా... సారిపల్లిపాలెం గ్రామానికి చెందిన నూకరాజు, సూర్యలు స్నేహితులు. ఐదు నిమిషాల్లో ఇంటికి చేరిపోతామనగా మృత్యువు రోడ్డు ప్రమాదం రూపంలో వీరిని కబళించింది. మృతుల్లో సూర్యకు ఆరు నెలల క్రితం వివాహం జరిగింది. గ్రామస్తులు, బంధువులు పెద్ద ఎత్తున ఘటనా స్థలానికి చేరుకుని భోరున విలపించారు. గ్రామానికి చెందిన ఇద్దరి మృతితో గ్రామంలో విషాద ఛాయలు అలమకున్నాయి. పోలీసులు కేసు నమోదు చేసి దర్యాప్తు చేస్తున్నారు. మృతులు నూకరాజు, సూర్య (ఫైల్‌)

అనకాపల్లి : జిల్లా పోలీస్‌ శిక్షణ కేంద్ర డీఎస్పీగా డి.శ్రీహరిరాజు గురువారం ఎస్పీ కార్యాలయంలో బాధ్యతలు స్వీకరించారు. అంతకుముందు ఎస్పీ తుహిన్‌ సిన్హాను మర్యాద పూర్వకంగా కలిసి రాజు పుష్ఫగుచ్ఛం అందజేశారు. రాష్ట్ర డీజీపీ ఉత్తర్వుల మేరకు అనకాపల్లి జిల్లాకు రావడం జరిగిందని డి.శ్రీహరిరాజు చెప్పారు. రాజమహేంద్రవరం మహిళా పోలీస్‌స్టేషన్‌లో డీఎస్పీగా విధులు నిర్వహించి, సాధారణ బదిలీలో ఇక్కడకు రావడం జరిగిందన్నారు. ఎస్పీని కలిసిన డీఎస్పీ నరసింహారావు అనకాపల్లి నూతన డీఎస్పీగా బాధ్యతలు స్వీకరించిన పి.వి.వి.నరసింహారావు గురువారం ఎస్పీ కార్యాలయంలో ఎస్పీ తుహిన్‌ సిన్హాను మర్యాదపూర్వకంగా కలిసి పుష్ఫగుచ్ఛం అందజేశారు. ఈ సందర్బంగా డీఎస్పీ మాట్లాడుతూ పోలీస్‌ సబ్‌డివిజన్‌ పరిధిలో శాంతిభద్రతల పరిరక్షణకు తమ వంతు సహకారం అందిస్తామన్నారు. దిగువ స్థాయి సిబ్బందితో నిత్యం సమావేశాలు నిర్వహించి, సమస్యాత్మకమైన ప్రాంతాల్లో ప్రత్యేక పోలీస్‌ బందోబస్తును ఏర్పాటు చేయడం జరుగుతుందన్నారు. రానున్న స్థానిక సంస్థల ఎన్నికలు ప్రశాంతమైన వాతావరణంలో నిర్వహించేందుకు ఉన్నతస్థాయి అధికారుల సూచనల మేరకు చర్యలు చేపట్టడం జరుగుతుందన్నారు.

మళ్లీ పార్టనర్‌షిప్‌, ప్రాంతీయ సదస్సులంటూ హడావుడి ప్రజాధనాన్ని దుర్వినియోగం చేస్తున్న చంద్రబాబు ప్రభుత్వం ఒక్క రీజనల్‌ సమ్మిట్‌కే రూ.2 కోట్ల వ్యయం విశాఖ జిల్లా ఖజానా నుంచి ఇప్పటికే రూ.250 కోట్లు స్వాహా వచ్చేది రూ.100.. పోయేది రూ.150 అన్నట్లు ప్రభుత్వ వ్యవహారం విశాఖ అభివృద్ధికి అర్థ రూపాయి కూడా ఖర్చు చేయని వైనంసాక్షి, విశాఖపట్నం: ‘నమస్తే.. నేను మీ విశాఖపట్నాన్ని! ఈ మధ్య టీవీల్లో, పత్రికల్లో చంద్రబాబు, లోకేష్‌ల మాటల గారడీ చూసి మీరంతా మురిసిపోతుంటారు. విశాఖలో రోజూ పండుగేనని, వీఐపీల హడావుడితో, అంతర్జాతీయ సదస్సులతో నగరం వెలిగిపోతోందని అనుకుంటున్నారు. కానీ, ఆ కాంతుల కింద నా చీకటి బతుకుని.. పరిచిన రెడ్‌ కార్పెట్‌ కింద నా కన్నీళ్లను ఎవరూ చూడటం లేదు. నిజం చెప్పాలంటే.. నాకిప్పుడు శ్వాస ఆడటం లేదు, ఆత్మ బరువెక్కిపోతోంది. ఇప్పుడిదంతా ఎందుకు చెబుతున్నానంటే.. భవిష్యత్తులో జరగబోయే భారీ సదస్సుకు ముందస్తుగా, బుధవారం గంభీరంలోని ఐఐఎంలో ‘రీజనల్‌ సమ్మిట్‌’ పేరుతో ఓ హడావిడి కార్యక్రమం నిర్వహించారు. మంత్రుల ఊకదంపుడు ఉపన్యాసాలు, కాగితాలకే పరిమితమైన రూ.కోట్ల ఒప్పందాలతో గొప్పలు చెప్పుకున్నారు. అందుకే నా వేదనను మీతో పంచుకుంటున్నాను. నిన్నటి ఆశ.. నేటి నిరాశ! 2024 వరకు నాలో ఒక ఆశ ఉండేది. గత వైఎస్సార్‌సీపీ ప్రభుత్వం నన్ను ‘ఎగ్జిక్యూటివ్‌ క్యాపిటల్‌’గా ప్రకటించింది. మాటలకే పరిమితం కాకుండా రోడ్లు వెడల్పు చేసింది, జంక్షన్లను సుందరీకరించింది. విశాఖ ప్రజల కోసం అడుగడుగునా వార్డు సచివాలయాలు, హెల్త్‌ క్లినిక్‌లు ఏర్పాటు చేసింది. ‘బీచ్‌ ఐటీ’ కాన్సెప్ట్‌తో ఇన్ఫోసిస్‌ వంటి దిగ్గజ సంస్థ నగరానికి వచ్చింది. దీంతో నా దశ నిజంగానే మారుతోందని, ఇక తిరుగుండదని భావించాను. కానీ, ప్రభుత్వం మారగానే మళ్లీ 1996 నాటి పాత క్యాసెట్‌ మొదలైంది. ‘విశాఖను ఆర్థిక రాజధాని చేస్తాం’ అని చంద్రబాబు ప్రచారం చేస్తున్నారు. 2014–19 లోనూ నన్ను జాతీయ, అంతర్జాతీయ సదస్సులకు ఒక ‘ఫంక్షన్‌ హాల్‌’లా, ‘షూటింగ్‌ స్పాట్‌’లా వాడుకున్నారు. ఇప్పుడు మళ్లీ అదే నాటకంతో ముందుకు వచ్చారు. మాటల్లో ఆకాశాన్ని చూపిస్తూ.. ఆచరణలో పాతాళానికి తొక్కేస్తున్నారు. నిన్నగాక మొన్న బీచ్‌రోడ్డులో ‘మురీ మిక్చర్‌’ తింటూ చంద్రబాబు ఎంత బాగా నటించారో చూశారు కదా! గడిచిన రెండేళ్లుగా నా పరిస్థితి సరిగ్గా అలాగే ఉంది. ఇంట్లో వాళ్ల కడుపు కొట్టి.. ఊరి వాళ్లకు విందు! నా ప్రజలు ఎంతో కష్టపడి ఆస్తి, నీటి, వర్తక పన్నుల రూపంలో జీవీఎంసీ, వీఎంఆర్‌డీఏల చేతుల్లో డబ్బులు పెడతారు. ఆ నిధులతో డ్రైనేజీలు బాగుచేయాలి, రోడ్ల గుంతలు పూర్చాలి, వీధి దీపాలు వెలిగించాలి. కానీ ఈ ప్రచారార్భాట ప్రభుత్వం.. ప్రజలకు ఖర్చు చేయాల్సిన సొమ్మును లాక్కొని, సదస్సుల పేరుతో వీఐపీల విమాన ప్రయాణాలకు, ఫైవ్‌ స్టార్‌ హోటళ్ల బసకు, అలంకరణలకు నీళ్లలా ఖర్చు చేస్తోంది. నా జేబుకు పడుతున్న చిల్లుల చిట్టా జిల్లా ఖజానా నుంచి ఇప్పటికే సుమారు రూ.250 కోట్లు కేవలం ఈ సదస్సుల హడావుడికే ఆవిరైపోయాయి. బుధవారం జరిగిన ఒక్క రీజనల్‌ సదస్సుకే ఏకంగా రూ.2 కోట్లు వదిలించేశారంటే ఎంత బాధాకరమో ఆలోచించండి. యోగాంధ్ర ఉత్సవం: ఈ ఈవెంట్‌ కోసం రూ.100 కోట్లు ఖర్చు చేశారు. ఇందుకోసం జీవీఎంసీ రూ.10 కోట్లు, వీఎంఆర్‌డీఏ రూ.12 కోట్లు అప్పు చేసి మరీ ఇచ్చాయి. కేంద్ర ప్రభుత్వం తన వంతు వాటా సొమ్మును రాష్ట్ర ఖజానాకు పంపినా, చంద్రబాబు ప్రభుత్వం నాకు తిరిగి ఇవ్వలేదు. ఏడాదిన్నర గడుస్తున్నా ఆ డబ్బుల ఊసే లేదు సరేకదా, పైగా ఇంకా రూ.40 కోట్లు బకాయిలు పెట్టింది. భాగస్వామ్య సదస్సు : 2025 సీఐఐ సదస్సు కోసం రూ.77 కోట్లు ఖర్చయింది. ప్రోటోకాల్‌ కోసం రెవెన్యూ శాఖ రూ.7 కోట్లు, సుందరీకరణ కోసం జీవీఎంసీ రూ.60 కోట్లు, వీఎంఆర్‌డీఏ రూ.10 కోట్లు భరించాయి. ఆ రూ.60 కోట్లు నా మౌలిక వసతులకు ఇచ్చి ఉంటే రూపురేఖలు మారిపోయేవి. కానీ రూపాయి కూడా తిరిగి రాలేదు. ఇతర సదస్సులు: ఎంఎస్‌ఎంఈ, క్లీన్‌ ఎనర్జీ, విశాఖ రీజియన్‌ డెవలప్‌మెంట్‌ అంటూ జరిపిన అనేక సదస్సులకు మరో రూ.100 కోట్లు బూడిదలో పోసిన పన్నీరు చేశారు. సదస్సుల వల్ల వచ్చే పెట్టుబడులు రూ.100 అయితే, ఖజానా నుంచి పోయేది రూ.150. ఈ ప్రచారార్భాటం వల్ల నా భవిష్యత్తు అప్పుల కుప్పగా మారుతోంది. ఇదీ అసలు కథ! పెట్టుబడుల పేరుతో ఈవెంట్‌ మేనేజ్‌మెంట్లకు వందల కోట్లు ధారపోస్తున్నారు. కానీ, నగరంలో రోడ్లు బాలేవు, డ్రైనేజీలు పొంగుతున్నాయి.. ఒక రూ.10 కోట్లు ఇవ్వండని అధికారులు అడిగితే పట్టించుకోవడం లేదు. బిల్లులు ఇవ్వాలంటూ జీవీఎంసీ కాంట్రాక్టర్లు, జీతాల కోసం సచివాలయ ఉద్యోగులు ధర్నాలు చేస్తున్నా ప్రభుత్వం స్పందించడం లేదు. కానీ, ఈవెంట్ల మేకప్‌తో విశాఖను ఓహో అని పొగిడేందుకు సోషల్‌ మీడియా టీమ్‌లను ఏర్పాటు చేసి, డప్పు కొట్టిస్తూ రీల్స్‌ గోల చేస్తున్నారు. ఆ రీల్స్‌ చూసి మోసపోకండి.. లోపల కదిలిపోతున్న నా పునాదుల దుస్థితిని చూడండి. సంపద సృష్టించడంలో ఎక్స్‌పర్ట్‌ అని చెప్పుకునే చంద్రబాబు.. ఉన్న సంపదనంతా తన ప్రచారం కోసం ఖర్చు చేస్తున్నారు. విశ్వనగరంగా వెలగాల్సిన నన్ను ‘ఉత్తుత్తి నగరం’గా మార్చేస్తున్నారు. చంద్రబాబుకు పట్టిన ఈ ప్రచార యావ ఎప్పుడు తగ్గుతుందో.. అప్పుడే నాతో పాటు ఈ రాష్ట్రం బాగుపడుతుంది. ఇక సెలవు. ఇట్లు, చంద్రబాబు సదస్సుల సాగర నగరి

బుచ్చెయ్యపేట : విజయరామరాజుపేట డైవర్షన్‌ రోడ్డులో ఇసుక లోడుతో వెళ్తున్న ట్రాక్టర్‌ బోల్తా పడడడంతో ట్రాఫిక్‌కు తీవ్ర అంతరాయం కలిగింది. బుధవారం చీడికాడ మండలం దిబ్బూరు నుండి వడ్డాది వైపు వస్తున్న ఇసుక ట్రాక్టర్‌ విజయరామరాజుపేట తాచేరు వెంతెన వద్ద డైవర్షన్‌ రోడ్డు గోతుల్లో బోల్తా పడింది. గతంలో తాచేరు వంతెన కూలిపోవడంతో కూలిన వంతెన పక్క నుంచి రాకపోకలు సాగేలా ఇరుకుగా డైవర్షన్‌ రోడ్డు ఏర్పాటు చేశారు. డైవర్షన్‌ రోడ్డు గోతులు పడి రాళ్లు తేలి రాకపోకలకు అనుకూలంగా లేదు. ఇసుక లోడుతో వస్తున్న ట్రాక్టర్‌ గోతుల్లో పడి ఇరుసు విరిగిపోయి రోడ్డుపై బోల్తా పడింది. దీంతో వడ్డాది, చోడవరం మధ్యన తిరిగే ఆర్టీసీ బస్సులతో పాటు ఇతర వాహనాల రాకపోకలకు తీవ్ర అంతరాయం కలిగింది. సమాచారం తెలుసుకున్న బుచ్చెయ్యపేట ఎస్‌ఐ పి.మనోజ్‌కుమార్‌ పొక్లెయిన్‌ను తీసుకొచ్చి ట్రాక్టర్‌ను పక్కకు తీయించి రోడ్డుపై పడిన ఇసుకను తొలగించారు. ట్రాక్టర్‌ బోల్తా పడినపుడు ఆ పక్క నుంచి ఎటువంటి వాహనాలు రాకపోవడంతో పెద్ద ప్రమాదం తప్పింది.

కశింకోట : విద్యార్థులు క్రమం తప్పకుండా పాఠశాలలకు హాజరయ్యేలా చర్యలు తీసుకోవాలని జిల్లా విద్యాశాఖ అధికారి జి.జి.ఎస్‌ నాగేశ్వరరావు ప్రధానోపాధ్యాయులను ఆదేశించారు. కశింకోటలోని ఎంఆర్‌సీలో మండల పాఠశాలల ప్రధానోపాధ్యాయులకు బుధవారం సమీక్ష సమావేశం నిర్వహించారు. ఈ సందర్భంగా మాట్లాడుతూ విద్యార్థులు ఎక్కువ రోజులు గైర్హాజరు కారాదన్నారు. వచ్చే దసరా సెలవుల్లో విద్యార్థులకు ఇవ్వవలసిన హోం వర్క్‌ గురించి ముందుగా ప్రణాళిక సిద్ధం చేసుకోవాలని సూచించారు. టెన్త్‌ క్లాస్‌ మిషన్‌ మార్చి ప్రోగ్రాం పకడ్బందీగా నిర్వహించాలన్నారు. ఉపాధ్యాయులు పాఠశాలకు వచ్చినప్పుడు, వెళ్లినప్పుడు తప్పనిసరిగా హాజరు వేయాలన్నారు. అనంతరం స్థానిక 4 వ ప్రాథమిక పాఠశాలను సందర్శించారు. పాఠశాల పనితీరును పరిశీలించారు. విద్యార్థులతో మమేకమయ్యారు. విద్యార్థులు తయారు చేసిన నో బ్యాగ్‌ నమూనాలను పరిశీలించి అభినందించారు. వారి చదువు తీరును తెలుసుకున్నారు. పాఠశాలలో శిథిల భవనాల తొలగింపు కార్యక్రమాన్ని పరిశీలించారు. ఎంఈవో రమణశ్రీ, ఉపాధ్యాయులు ఎస్‌. భవాని, జి. హేమకుమారి, తదితరులు కార్యక్రమంలో పాల్గొన్నారు.

అనకాపల్లి : బైక్‌ చోరీకి పాల్పడిన ఇద్దరు వ్యక్తులపై కేసు నమోదు చేసినట్టు పట్టణ క్రైం ఎస్‌ఐ అల్లు వెంకటేశ్వరరావు బుధవారం చెప్పారు. ఏలూరు జిల్లా తెంగళ్లమూడి, పుష్పలీలానగర్‌కు చెందిన సిద్దాంతపు హరీష్‌ అలియాస్‌ హనోక్‌, రాజమహేంద్రవరం రూరల్‌ శాటిలైట్‌ సిటీ, నామవరం గ్రామానికి చెందిన పెద్దసింగ్‌ రేవంత్‌ అలియాస్‌ సాయిలు ఈ ఏడాది సెప్టెంబర్‌ 21న అనకాపల్లి పట్టణంలో వేంకటేశ్వరస్వామి దేవాలయం వెనుక పార్కింగ్‌ చేసిన రాయల్‌ ఇన్‌ఫీల్డ్‌ బుల్లెట్‌ వాహనాన్ని అపహరించారు. వాహనదారు ఇచ్చిన ఫిర్యాదు మేరకు కేసు నమోదు చేసి దర్యాప్తు చేశారు. జాతీయ రహదారి వద్ద వాహనాలు తనిఖీ చేస్తుండగా ఇద్దరు వ్యక్తులను పట్టుకోవడం జరిగిందని ఎస్‌ఐ చెప్పారు. ఈ మేరకు ఇద్దరిని కోర్టులో హాజరుపర్చగా 14 రోజులు రిమాండ్‌ విధించినట్టు ఎస్‌ఐ తెలిపారు.

దేవరాపల్లి: జిల్లాలో పెండింగ్‌లో ఉన్న రూ. 110 కోట్లు ఉపాధి హామీ పనుల బకాయిలను తక్షణమే చెల్లించాలని ఏపీ వ్యవసాయ కార్మిక సంఘం జిల్లా ప్రధాన కార్యదర్శి డి. వెంకన్న డిమాండ్‌ చేశారు. మండల కేంద్రం దేవరాపల్లిలో బుధవారం ఆయన స్థానిక విలేకర్లతో మాట్లాడారు. జిల్లాలో ఈ ఏడాది జూన్‌ 30 వరకు ఎంజీఎన్‌ఆర్‌ఈజీఎస్‌ పథకంలో చేపట్టిన పనులకు రూ. 54.64 కోట్లు, జూలై ఒకటి నుంచి అమలులోకి వచ్చిన వీబీజీరాంజీ పథకంలో చేపట్టిన రూ. 55.89 కోట్లు మేర బకాయిలు చెల్లించాల్సి ఉందన్నారు. వెరసి జిల్లాలో 2,44,823 మంది వేతనదారులు కూలి సొమ్ము కోసం ఎదరు చూస్తున్నారని ఆవేదన వ్యక్తం చేశారు. కూలీల పట్ల కూటమి ప్రభుత్వం నిర్లక్ష్యంగా వ్యవహరించడంతో కొందరు వలసలు పోతున్నారని ఆగ్రహం వ్యక్తం చేశారు. కొత్త, పాత పథకాలలో పని చేసిన పనులకు వేతనాలు అందక కూలీలు ఆర్థిక ఇబ్బందులతో దుర్భర పరిస్థితిని ఎదుర్కొంటున్నారని తెలిపారు. నిత్యవసరాల కోసం కూడా అప్పులు చేయాల్సిన దయనీయ పరిస్థితి నెలకొందన్నారు. ఇప్పటికై నా ప్రభుత్వం స్పందించి పెండింగ్‌ సొమ్మును చెల్లించాలని లేకుంటే జిల్లా వ్యాప్తంగా ఉపాధి కూలీలతో కలిసి ఉద్యమం చేపడతామని హెచ్చరించారు.

పేదల ఇళ్లపై నాతవరం : కూటమి ప్రభుత్వం జగనన్న కాలనీలపై కక్ష కట్టింది. వై.ఎస్‌. జగన్‌మోహన్‌రెడ్డి హయాంలో పేదలకు సొంత ఇల్లు నిర్మించేందుకు జిల్లాలో గల 24 మండలాల్లో 761 లేఅవుట్లు ఏర్పాటు చేశారు. జగనన్న లే అవుట్లలో రాజకీయాలకు అతీతంగా అర్హతే ప్రమాణికంగా ఇంటి స్థలంతో పాటు హౌసింగ్‌ స్కీమ్‌లో జిల్లాలో 25,761 ఇళ్లు మంజూరు చేశారు. వాటిలో గత ప్రభుత్వంలో 14,429 ఇళ్ల నిర్మాణాలు పూర్తి చేసుకుని లబ్ధిదారులు గృహ ప్రవేశాలు చేసేశారు. మిగిలినవి శ్లాబు లెవెల్‌లో 686, రూఫ్‌ లెవెల్‌లో 895, పునాదుల స్థాయిలో 6,978 ఉండగా, మిగిలినవి వివిధ స్థాయి నిర్మాణాల్లో ఉండేవి. గత ప్రభుత్వ హయాంలో ఇల్లు నిర్మించుకునే లబ్ధిదారులకు సకాలంలోనే బిల్లులు చెల్లించేవారు. జగనన్న కాలనీలో ప్రజలకు ఎలాంటి ఇబ్బందులు లేకుండా ప్రతి లేఅవుట్‌కు ప్రత్యేకంగా నిధులు మంజూరు చేశారు. ఈ నిధులతో విద్యుత్‌, తాగునీరు, వీధి రోడ్లు వంటి మౌలిక సదుపాయాలు కల్పించారు. కూటమి ప్రభుత్వం అధికారంలోకి వచ్చాక జగనన్న కాలనీల్లో సదుపాయాల కల్పనను పూర్తిగా నిర్లక్ష్యం చేసేంది. లబ్ధిదారులు నిర్మించుకునే ఇళ్లకు బిల్లులు నిలుపుదల చేసేశారు. మంజూరైన ఇళ్లు రద్దు.. జిల్లాలో 761 లేఅవుట్లలో కొన్నింటిని ఇంటి నిర్మాణాలు చేయలేదన్న సాకుతో రద్దు చేసి ఆ స్థలాన్ని మరలా ప్రభుత్వ అధీనంలోకి తీసుకుంది. లే అవుట్లు రద్దు చేసి ఆ ప్రాంతాల్లో లబ్ధిదారులకు మరల హౌసింగ్‌ స్కీమ్‌ కోసం ఆన్‌లైన్‌లో దరఖాస్తు చేసుకునే అవకాశం లేకుండా తీసేశారు. జగనన్న లే అవుట్లలో సదుపాయాల కల్పనలో ఎక్కడ చూసినా తీవ్ర నిర్లక్ష్యం కనిపిస్తుంది.కుళాయిలు శిథిలమై తాగునీటి కోసం లబ్ధి దారులు తీవ్ర ఇబ్బందులు పడుతున్నారు. విద్యుత్‌ పనులు పూర్తి చేయక చిమ్మ చీకట్లో కాలం వెళ్లదీస్తున్నారు. జగనన్న కాలనీ లేఅవుట్లు గ్రామానికి దూరంగా ఏర్పాటు చేయడంతో ప్రస్తుతం రోడ్లు అభివృద్ధి చేయక రాకపోకలు సాగించేందుకు ఇబ్బందులు పడుతున్నారు. కూటమి ప్రభుత్వం వచ్చాక కొత్తగా ఏ ఒక్క లబ్ధిదారుకు మంజూరు చేసిన దాఖలాలు లేదు. గతంలో మంజూరు చేసిన ఇల్లు కట్టుకుని బిల్లుల కోసం రెండున్నరేళ్లుగా ఎదురు చూస్తున్నా బిల్లుల చెల్లింపులో అంతులేని జాప్యం జరుగుతుంది. నాతవరం మండలంలో 56 లే అవుట్లు ఏర్పాటు చేయగా అందులో 2 వేలకు పైగా ఇళ్లు మంజూరు చేశారు. చాలా వరకు ఇళ్ల నిర్మాణాలు పూర్తి చేసుకున్నారు. మిగిలిన లేఅవుట్లలో లబ్ధిదారులకు కూటమి ప్రభుత్వం చుక్కలు చూపిస్తోంది. ●ఏజెన్సీ సరుగుడులో ఏర్పాటు చేసిన లేఅవుట్లలో 80 మందికి స్థలాలతో పాటు ఇళ్లు మంజూరు చేశారు. ప్రస్తుతం ఈ కాలనీలో పరిస్థితి దారుణంగా ఉంది. తాగునీటి పథకం పైపులు శిథిలమై తాగునీరు వృధాగా పోతుంది. వీధుల్లో ఏర్పాటు చేసిన కుళాయిలు నిరుపయోగంగా దర్శనమిస్తున్నాయి. వీధిలైట్లు లేక పొద్దుపోతే చిమ్మ చీకట్లో కాలం వెళ్లదీస్తున్నారు. బిల్లులు అందక చాలా మంది లబ్ధిదారులు పునాది స్థాయిలో నిర్మాణాలు అపేశారు. ఈ కాలనీకి వెళ్లే రోడ్డు అభివృద్ధి చేయక అడవిని తలపించేలా దర్శనమిస్తుంది. ●మండల కేంద్రం నాతవరం లే అవుట్లలో 300 మంది లబ్ధిదారులకు స్థలాలు, ఇళ్లు ఇచ్చారు. ఈ కాలనీలో తాగునీటి పథకం నిర్మాణం అసంపూర్తి దశలో ఉంది. తాగునీటి కోసం కాలనీవాసులు ఇబ్బందులు పడుతున్నారు. ఈ కాలనీలో 100 మంది లబ్ధిదారులు ఇళ్ల నిర్మాణాలకు నీరు లేక అసంపూర్తి నిర్మాణంతో కాలం వెళ్లదీస్తున్నారు. తాండవ జంక్షన్‌లో జగనన్న కాలనీలో ఇళ్ల నిర్మాణాలు చేసుకున్నా విద్యుత్‌ లైను ఏర్పాటు చేయక గృహ ప్రవేశాలు చేయకుండా ఎదురుచూస్తున్నారు. ఈ కాలనీ వాసులు సమస్యను నేరుగా స్పీకరు అయ్యన్నపాత్రుడు దృష్టికి స్వయంగా తీసుకెళ్లినా ప్రయోజనకం కలగలేదు. కలెక్టర్‌కు పీజీఆర్‌ఎస్‌లో ఫిర్యాదు చేసినా కాలనీ వాసులకు న్యాయం జరగలేదు. ఈ విధంగా జిల్లావ్యాప్తంగా జగనన్న లేఅవుట్లలో పలు సమస్యలు వెంటాడుతున్నాయి.

చదరంగం పోటీల్లో పాల్గొన్న క్రీడాకారులు అచ్యుతాపురం రూరల్‌ : చదరంగం క్రీడ మనోవికాసానికి దోహదపడడంతో పాటు జ్ఞానాన్ని పెంపొందిస్తుందని ప్రముఖ వ్యాపారి కర్రి వరహ పైడిరాజు పేర్కొన్నారు. బుధవారం తిమ్మరాజుపేటలో జిల్లా స్థాయి చదరంగం పోటీలను ఆయన ప్రారంభించారు. ఈ సందర్భంగా చెస్‌ అసోసియేషన్‌ గౌరవధ్యక్షుడు తనకాల అనంతరావు మాట్లాడుతూ చదరంగం, జీవితం రెండింటిలోనూ ప్రారంభం, మధ్య, ముగింపు దశలు ఉంటాయని ప్రతి దశలోనూ అప్రమత్తంగా వ్యవహరిస్తే విజయాన్ని సాధించవచ్చన్నారు. జిల్లా నలుమూలల నుంచి సుమారు 40 మంది క్రీడాకారులు పాల్గొన్నారు. మొదటిరోజు మూడు రౌండ్లు జరిగాయని నిర్వాహకులు తెలిపారు.

పాయకరావుపేట : స్థానిక చేనేత కార్మికుల సహకార సంఘంలో నేతన్న సేవా పథకం అమలులో అక్రమాలు జరిగాయని అందిన ఫిర్యాదు మేరకు చేనేత జౌళి శాఖ ఉన్నతాధికారులు విచారణ చేపట్టారు. అక్రమాలు రుజువు కావడంతో సంఘ మేనేజర్‌ గోరు వీర నాగేశ్వరరావును సస్పెండ్‌ చేయడంతో పాటు బుధవారం కార్యాలయాన్ని స్వాధీనం చేసుకున్నట్టు విచారణ అధికారి యశ్వంత్‌ తెలిపారు. వివరాల్లోకి వెళ్తే పాయకరావుపేట పట్టణంలో చేనేత సహకారం సంఘం ఉంది. నేతన్న సేవా పథకం కింద నేతన్నలకు మంజూరు చేసిన పథకాలను మేనేజర్‌ వీర నాగేశ్వరరావు పక్కదారి పట్టించాడు. బంధువులకు, తనకు కావాల్సిన వారికి పథకాలను వర్తింపజేసే విధంగా వ్యవహరించాడు. చేనేత సహకార సంఘానికి చెందిన కమ్యూనిటీ హాలును ఫంక్షన్‌ హాల్‌గా మార్చి డైనింగ్‌ షెడ్డును, ప్రింటింగ్‌ ప్రెస్‌ను, అద్దెకు ఇచ్చి వాటి ద్వారా పదేళ్ల నుంచి వచ్చిన సుమారు రూ.1.65 కోట్లు స్వాహా చేశాడని, సంఘ సభ్యులు గతంలో ఉన్నతాధికారులకు ఫిర్యాదు చేశారు. దీనిపై ఉన్నతాధికారులు విచారణ నిర్వహించారు. బుధవారం మేనేజర్‌ నాగేశ్వరరావును సస్పెండ్‌ చేయడంతో పాటు, సంఘ కార్యాలయ భవనాన్ని అతని నుంచి స్వాధీనం చేసుకున్నారు. నాగేశ్వరరావు అద్దెకు ఇచ్చిన ఫంక్షన్‌ హాలు, డైనింగ్‌హాలు, ప్రింటింగ్‌ ప్రెస్‌లను కూడా స్వాధీనం చేసుకుని తాళాలు వేశారు. సంఘంలో ఉన్న కార్మికులు, సభ్యులంతా కొత్తగా కమిటీ ఏర్పాటు చేసుకోవాలని, కొత్త మేనేజర్‌ను నియమించడం జరుగుతుందని, కమిటీ వారి సమక్షంలో తిరిగి కార్యాలయాన్ని అప్పగించడంతో పాటు సంఘానికి పూర్వ వైభవం తీసుకు వస్తామని ఈ సందర్భంగా ఏడీ యశ్వంత్‌ తెలిపారు.

హెడ్‌ కానిస్టేబుల్‌ శ్రీనివాసరావును అభినందిస్తున్న రూరల్‌ సీఐ రేవతమ్మ నర్సీపట్నం : ఆంధ్రప్రదేశ్‌ రాష్ట్ర బెంచ్‌ ప్రెస్‌ 13వ చాంపియన్‌ షిప్‌ పోటీలు ఇటీవల ఎన్టీఆర్‌ జిల్లా, తిరువూరులో జరిగాయి. ఈ బాడీ బిల్డింగ్‌ పోటీల్లో కె.డి.పేట పోలీసు స్టేషన్‌లో హెడ్‌ కానిస్టేబుల్‌గా పనిచేస్తున్న కె.శ్రీనివాసరావు అద్భుతమైన ప్రతిభ కనబరిచి బ్రాంజ్‌ మెడల్‌ సాధించాడు. ఈ సందర్భంగా నర్సీపట్నం రూరల్‌ సీఐ ఎల్‌.రేవతమ్మ, సిబ్బంది శ్రీనివాసరావుకు శాలువా కప్పి సత్కరించారు. విధి నిర్వహణలో సమర్ధవంతంగా పని చేయడమే కాకుండా క్రీడల్లో రాణించడం పోలీసు డిపార్టుమెంట్‌కు గర్వకారణమని సీఐ పేర్కొన్నారు.

● సమీక్ష సమావేశంలో జేసీ ఆదేశాలుసమావేశంలో మాట్లాడుతున్న జేసీ శౌర్యమాన్‌ పటేల్‌ అనకాపల్లి : మ్యుటేషన్‌ దరఖాస్తులు ఎట్టి పరిస్థితుల్లోనూ బియాండ్‌ ఎస్‌ఎల్‌ఏలో ఉండకుండా నిర్ణీత గడువులోనే పరిష్కరించాలని జేసీ శౌర్యమాన్‌పటేల్‌ అన్నారు. కలెక్టరేట్‌ కార్యాలయంలో బుధవారం రెవెన్యూ, సర్వే, భూమి రికార్డులు, పౌర సరఫరాల శాఖపై మండల, డివిజన్‌ స్థాయి అధికారులతో సమీక్షా సమావేశం జరిగింది.ఈ సందర్బంగా ఆయన మాట్లాడుతూ సంబంధిత అధికారులు ప్రతి రోజు క్షేత్రస్థాయిలో పర్యవేక్షణ చేసి, రెవెన్యూ సేవలలో ఆలస్యం లేకుండా ప్రజలకు త్వరితగతిన సేవలు అందించాలన్నారు. ప్రభుత్వ భూములను పరిరక్షిస్తూ, ఆక్రమణలను నివారించేందుకు కఠిన చర్యలు తీసుకోవాలన్నారు డీఆర్వో, ఆర్డీవోలు, తహసీల్దార్లు ఎప్పటికప్పుడు పర్యవేక్షణ ఉండాలన్నారు. జిల్లాలో వివాదరహిత భూ రికార్డులు, బాధ్యతాయుత రెవెన్యూ పరిపాలన కోసం అధికారులు మరింత చురుగ్గా పనిచేయాలన్నారు. ఈ కార్యక్రమంలో డీఆర్‌వో వై.సత్యనారాయణరావు, ప్రత్యేక డిప్యూటీ కలెక్టర్లు, వివిధ శాఖల అధికారులు పాల్గొన్నారు.

అక్కిరెడ్డిపాలెం: వైఎస్‌ జగన్‌మోహన్‌రెడ్డి నాయకత్వంలోని వైఎస్సార్‌సీపీ ప్రభుత్వం ఎస్సీ, ఎస్టీల అభ్యున్నతికి అనేక సంక్షేమ కార్యక్రమాలు అమలు చేసిందని రాజ్యసభ సభ్యుడు గొల్ల బాబూరావు అన్నారు. జీవీఎంసీ 68వ వార్డు పరిధి మింది ఎస్సీ కాలనీలో ఎంపీ ల్యాడ్స్‌ నిధులు రూ.10 లక్షలతో నిర్మించిన మల్టీపర్పస్‌ భవనాన్ని బుధవారం ఆయన ప్రారంభించారు. ఈ సందర్భంగా మాజీ మంత్రి గుడివాడ అమర్‌నాథ్‌తో కలిసి బీఆర్‌ అంబేడ్కర్‌, బాబు జగ్జీవన్‌రామ్‌ విగ్రహాలను ఆవిష్కరించారు. మాజీ కార్పొరేటర్‌ గుడివాడ అనూష, గుడివాడ లతీష్‌ అధ్యక్షతన జరిగిన కార్యక్రమంలో గొల్ల బాబురావు మాట్లాడుతూ.. అంబేడ్కర్‌, బాబు జగ్జీవన్‌రామ్‌ ఆశయాలు బడుగు, బలహీన వర్గాల అభ్యున్నతికి మార్గదర్శకాలన్నారు. మల్టీపర్పస్‌ భవనం, మహనీయుల విగ్రహాల ఏర్పాటుకు సహకరించిన దాతలు, గుడివాడ అప్పన్న మెమోరియల్‌ ట్రస్ట్‌ ప్రతినిధులను అభినందించారు. గుడివాడ అమర్‌నాథ్‌ మాట్లాడుతూ.. వైఎస్సార్‌సీపీ ప్రభుత్వం సంక్షేమంతో పాటు ఎస్సీలకు రాజకీయంగా ప్రాధాన్యం కల్పించిందన్నారు. మింది అభివృద్ధికి గొల్ల బాబూరావు గతంలోనూ సహకరించారని తెలిపారు. అంబేడ్కర్‌ విగ్రహ ఏర్పాటుకు చిన్నారావు, గనుగుల శ్యామలరావు రూ.23 వేలు, జగ్జీవన్‌రామ్‌ విగ్రహానికి గుడివాడ అప్పన్న మెమోరియల్‌ ట్రస్ట్‌ రూ.23 వేలు, పార్కు అభివృద్ధికి రూ.75 వేలు విరాళంగా అందించారు. కార్యక్రమంలో నియోజకవర్గ సమన్వయకర్త తిప్పల దేవన్‌రెడ్డి, ట్రస్ట్‌ చైర్మన్‌ గుడివాడ అప్పల రామ్మూర్తి, వార్డు అధ్యక్షుడు సండ్రాన నూకరాజు, నాయకులు చిన్న హుస్సేన్‌, ఎస్సీ కాలనీ పెద్దలు పాల్గొన్నారు.

● పాడేరులో ముగిసిన చవితి ఉత్సవాలుపాడేరులో వినాయక విగ్రహం ఊరేగింపు సాక్షి, పాడేరు: పట్టణంలోని సుండ్రుపుట్టు వినాయక గుడి వద్ద వినాయకచవితి ఉత్సవాలు బుధవారం రాత్రి ఘనంగా ముగిశాయి. పండగ రోజు నుంచి కొలువుదీరిన భారీ గణపతి విగ్రహానికి ఉత్సవ కమిటీతో పాటు భక్తులు ప్రత్యేక పూజలు నిర్వహించారు. అనంతరం గణపతి విగ్రహాన్ని పురవీధుల్లో ఊరేగించి స్థానిక గెడ్డలో నిమజ్జనం చేశారు. లడ్డూ వేలం పాట కూడా పోటాపోటీగా సాగింది. రూ.1.35 లక్షలకు భక్తుడు వందేమాతరం శ్రీనివాస్‌ లడ్డూ ప్రసాదాన్ని దక్కించుకున్నారు.

రైల్వే ట్రాక్‌ నుంచి కృష్ణప్రసాద్‌ను తీసుకొస్తున్న ఎస్‌ఐ రమేష్‌, కృష్ణప్రసాద్‌ను కుటుంబ సభ్యులకు అప్పగిస్తున్న ఎస్‌ఐ ఎస్‌.రాయవరం : మండల కేంద్రానికి చెందిన ఓ వ్యక్తి అప్పుల బాధ తాళలేక రైలు కింద పడి ఆత్మహత్యకు పాల్పడబోయాడు. ఆ సమయంలో గమనించిన మరో వ్యక్తి రైలు వచ్చేలోపు అతనిని బయటకు లాగి ప్రాణాలు కాపాడారు. ఈ ఘటనపై ఎస్‌ఐ రమేష్‌ అందించిన వివరాలిలా ఉన్నాయి. ఒక వ్యక్తి చనిపోతున్నాడన్న వీడియోరావడంతో ఆ ఫోన్‌ లోకేషన్‌ ద్వారా ఆచూకీ తెలుసుకుని యలమంచిలి మండలం పులపర్తి రైల్వే ట్రాక్‌వద్దకు వెళ్లామన్నారు. ట్రాక్‌పై ఎస్‌.రాయవరానికి చెందిన అద్దాల కృష్ణప్రసాద్‌ ఉన్నట్టు గుర్తించామన్నారు. అదే సమయంలో ప్రసాద్‌ అనే వ్యక్తి పట్టాల నుంచి కృష్ణప్రసాద్‌ను బయటకు లాగడంతో ప్రాణాపాయం తప్పిందన్నారు. ఈ మేరకు కృష్ణ ప్రసాద్‌ను అదుపులోనికి తీసుకుని కౌన్సెలింగ్‌ చేసి కుటుంబ సభ్యులకు అప్పగించామన్నారు. ఫైనాన్స్‌ అప్పులు ఎక్కువగా ఉండడం వల్ల వారి వేధింపులతో అతను ఈ చర్యకు పాల్పడినట్టు కృష్ణప్రసాద్‌ ద్వారా తెలుసుకున్నామన్నారు. తాత్కాలికంగా అతనిపై వేధింపులు రాకుండా చర్యలు తీసుకుంటున్నట్టు చెప్పారు.

కశింకోట : మండలంలోని జమాదులపాలెం గ్రామంలో గౌరీ పరమేశ్వరుల (గౌరమ్మ) ఉత్సవం బుధవారం ఘనంగా జరిగింది. అమ్మవారిని స్థానికులతోపాటు జిల్లాలోని వివిధ ప్రాంతాల నుంచి ఎక్కువ సంఖ్యలో భక్తులు దర్శించి చీరలు, రవికెలు, తలనీలాలు, అరటి గెలలు తదితర రూపాల్లో సమర్పించి మొక్కుబడులు తీర్చుకున్నారు. వైఎస్సార్‌సీపీ నియోజకవర్గ సమన్వయకర్త మలసాల భరత్‌కుమార్‌ గౌరమ్మను దర్శించి ప్రత్యేక పూజలు చేశారు. ఈ సందర్భంగా ఆయనను గ్రామ కాలనీ నుంచి ఆలయం వరకు ఊరేగింపుగా పార్టీ శ్రేణులు తీసుకు వచ్చారు. మంగళ హారతులతో స్వాగతం పలికి పూలమాలలు వేసి దుశ్శాలువాలు కప్పి సత్కరించారు. వైఎస్సార్‌సీపీ మండలాధ్యక్షుడు మలసాల కిషోర్‌, జిల్లా కార్యదర్శి కరక సోమునాయుడు, పార్టీ యువజన విభాగం రాష్ట్ర కార్యదర్శి మలసాల కుమార్‌రాజా, మండల మాజీ ప్రధాన కార్యదర్శి కరక శేషు, పార్టీ నాయకులు ఒమ్మి గంగునాయుడు, వియ్యపు భూలోకనాయుడు, నాగ అప్పారావు, ఎంపీటీసీ మాజీ సభ్యురాలు గూడుపు లక్ష్మి, తదితరులు పాల్గొన్నారు. మాజీ ఎమ్మెల్యే పీలా గోవింద సత్యనారాయణ, జనసేన నియోజకవర్గ ఇన్‌ఛార్జి రాంకీ, టీడీపీ జిల్లా ఉపాధ్యక్షుడు మురళీధర్‌, టీడీపీ బీసీ విభాగం జిల్లా అధ్యక్షుడు ఒమ్మి సత్యనారాయణ, మార్కెట్‌ కమిటీ వైస్‌ చెర్మన్‌ కర్రి సత్యనారాయణ పాల్గొన్నారు. మధ్యాహ్నం భారీ అన్న సమారాధన జరిగింది. రాత్రి గౌరమ్మ విగ్రహాన్ని గ్రామంలో డప్పులు, వాయిద్యాలు, నేల వేషాలు, బాణసంచా నడుమ ఊరేగించి, చెరువులో నిమజ్జనం చేశారు. డాన్స్‌ బేబీ డాన్స్‌ వంటి పలు సాంస్కృతిక ప్రదర్శనలు సందర్శకులను అలరించాయి. సీఐ అల్లు స్వామినాయుడు ఆధ్వర్యంలో ఎస్‌ఐలు లక్ష్మణరావు, సతీష్‌, సిబ్బంది పోలీస్‌ బందోబస్తు నిర్వహించారు.

నక్కపల్లి : మండలంలో వివిధ గ్రామాల్లో అభివృద్ధి పనులకు ఎంపీ నిధులు మంజూరు చేయాలని పలువురు నాయకులు రాజ్యసభ సభ్యుడు గొల్ల బాబూరావును కోరారు. బుధవారం బాబూరావు మండలంలో దేవవరం, డీఎల్‌పురం, రాజయ్యపేట తదితర గ్రామాల్లో పర్యటించారు. ఈ సందర్భంగా పార్టీ ప్రధాన కార్యదర్శి శీరం నర్సింహమూర్తి, ప్రచార విభాగం రాష్ట్ర కార్యదర్శి లొడగల చంద్రరావు, మండల పార్టీ కార్యదర్సి ఎరిపల్లి నాగేశు తదితరులు బాబూరావును కలిసి పలు వినతి పత్రాలు అందజేసారు. కూటమి ప్రభుత్వం వచ్చేక గ్రామాల్లో టీడీపీ వాళ్లకే నిధులు కేటాయిస్తున్నారన్నారు. వైఎస్సార్‌సీపీ కార్యకర్తలు ఉన్న ఏరియాలో నిధులు కేటాయించడం లేదన్నారు. ఎంపీ నిధులు కేటాయిస్తే గ్రామాల్లో అభివృద్ధి పనులు చేపడతామన్నారు. త్వరలోనే నిధులు మంజూరు చేస్తామని బాబూరావు హామీ ఇచ్చారు. ఎంపీని కలిసిన వారిలో నాయకులు లొడగల కృష్ణ, ప్రసాదుల శ్రీను అల్లురమణ పాల్గొన్నారు.

పోటీలకు ఎంపికై న విద్యార్థులను భినందిస్తున్న ప్రిన్సిపాల్‌ విక్టర్‌ పాల్‌ గొలుగొండ : ఇటీవల అల్లూరి జిల్లా కొయ్యూరు మండలంలో జరిగిన 14,17 సంవత్సరాల విభాగంలో గొలుగొండ డా..బి.ఆర్‌.అంబేద్కర్‌ గురుకుల పాఠశాలకు చెందిన కె.కార్తీక్‌, బి.అరవింద్‌, యు.మహీధర్‌, ఎ.సంతోష్‌ అద్భుతమైన ప్రతిభ కనబరిచి, రాష్ట్రస్థాయి పోటీలకు అర్హత సాధించారు. వీరిని ప్రిన్సిపాల్‌ ఎస్‌.విక్టర్‌ పాల్‌, వైస్‌ ప్రిన్సిపాల్‌ ఆర్‌.ఐజాక్‌, పీఈటీ సంతోష్‌ అభినందించారు. ఈ నెల 10,11,12 తేదీల్లో జరిగే రాష్ట్రస్థాయి పోటీల్లో పాల్గోనున్నారు.

సర్వే సిబ్బందితో మాటల్లాడుతున్న ఎప్‌బీవో వసంత మాకవరపాలెం : పైడిపాల రెవెన్యూలో జరుగుతున్న సర్వేను ఫారెస్టు అధికారులు అడ్డుకున్నారు. పరిశ్రమల ఏర్పాటు కోసం పైడిపాల, పెద్దిపాలెం, బూరుగుపాలెం, తూటిపాల రెవెన్యూల్లో అధికారులు 4250 ఎకరాలను ఎంపిక చేశారు. దీనిలో భాగంగా మొదటగా రైతుల ఆక్రమణల్లో ఉన్న 630 ఎకరాల ప్రభుత్వ భూమిని సర్వే చేసి రైతుల జాబితాలను వెల్లడించారు. వీటిలో భూములు లేని వారి పేర్లు జాబితాల్లో చేర్చారని, ఇక భూమి ఎక్కువగా ఉన్నా తక్కువ ఉన్నట్టు చూపారంటూ రైతులు రెవెన్యూ అధికారులకు ఫిర్యాదులు చేశారు. ఈ నేపథ్యంలో పైడిపాల రెవెన్యూలో సర్వే చేపట్టారు. దీనిని ఫారెస్ట్‌ అధికారులు బుధవారం అడ్డుకున్నారు. సర్వే చేస్తున్న భూమి ఫారెస్ట్‌ పరిధిలో ఉందని ఫారెస్ట్‌ బీట్‌ ఆఫీసర్‌ వసంత రెవెన్యూ సర్వే సిబ్బందికి తెలిపారు. దీంతో సర్వే నిలిపివేశారు. ఇదే విషయమై తహసీల్దార్‌ నూకరాజుతో మాట్లాడగా ఫారెస్ట్‌ భూమిగా ఉన్న రికార్డులు పరిశీలించి తదుపరి చర్యలు తీసుకుంటామన్నారు.

వై.ఎస్‌.జగన్‌మోహన్‌రెడ్డి హయాంలో పేదలకు ఇంటి స్థలంతో పాటు ఇల్లు ఇచ్చి నిర్మాణాలు చేయడంతో కొత్తగా గ్రామాలు ఏర్పాటయ్యాయి. ఏ ప్రభుత్వం చేయలేని విధంగా ప్రత్యేకంగా లేఅవుట్లు వేసి స్థలమే కాకుండా ఇల్లు కూడా మంజూరు చేసి పేదల సొంత ఇంటి కలను నిజనం చేశారు. దానిని కూటమి నేతలు జీర్ణించుకోలేపోతున్నారు. స్పీకర్‌ అయ్యన్నపాత్రుడు ఇలకాలో చాలా చోట్ల లే అవుట్లలో ఊహించని విధంగా సమస్యలు వెంటాడుతున్నా కనీసం పట్టించుకోవడం లేదు. సమస్యలపై స్పందించని ఈ ప్రభుత్వానికి ప్రజలు బుద్ధి చెప్పే రోజులు దగ్గర పడుతున్నాయి. –పెట్ల ఉమా శంకర్‌ గణేష్‌ మాజీ ఎమ్మెల్యే

● వైద్య, ఆరోగ్య కాంట్రాక్టు ఉద్యోగుల నిరసనఎన్టీఆర్‌ ఆస్పత్రి వద్ద మోకాళ్లపై నిరసన దీక్ష చేస్తున్న కాంట్రాక్టు ఉద్యోగులు అనకాపల్లి : ఎన్నికల సమయంలో బూటకపు హామీలను నమ్మి మోసపోయామని, ప్రభుత్వం తక్షణమే న్యాయమైన సమస్యలు పరిష్కరించాలని ఏపీ మెడికల్‌ అండ్‌ హెల్త్‌ కాంట్రాక్టు ఉద్యోగుల అసోసియేషన్‌ జిల్లా అధ్యక్షురాలు ఎస్‌.జయలక్ష్మి అన్నారు. స్థానిక ఎన్టీఆర్‌ ఆస్పత్రి ఆవరణలో అసోసియేషన్‌ ఆధ్వర్యంలో రెండోరోజు బుధవారం ఉద్యోగులు మోకాళ్లపై నిరసన దీక్షలు చేపట్టారు. ఈ సందర్భంగా ఆయన మాట్లాడుతూ దశలవారీగా ఉద్యమాలు చేస్తున్నా ఉద్యోగుల సమస్యలు పరిష్కరించడంలో ప్రభుత్వం విఫలమైయిందన్నారు. ఈ కార్యక్రమంలో అసోసియేషన్‌ ఉద్యోగులు తదితరులు పాల్గొన్నారు.

పెద్దేరు కాలువలో పడి వృద్ధుడి మృతి అనకాపల్లి: పట్టణ పరిధిలో చైన్‌స్నాచింగ్‌కు పాల్పడుతున్న ఇద్దరు అంతర్రాష్ట్ర నిందితులను పోలీసులు అరెస్టు చేశారు. వారి వద్ద నుంచి 4.5 తులాల బంగారాన్ని స్వాధీనం చేసుకున్నట్లు పట్టణ క్రైం ఎస్‌ఐ అల్లు వెంకటేశ్వరరావు మంగళవారం తెలిపారు. సుంకరమెట్ట జంక్షన్‌ వద్ద వాహనాల తనిఖీల్లో అనుమానాస్పదంగా కనిపించిన ఇద్దరిని అదుపులోకి తీసుకుని విచారించగా చోరీల విషయం వెలుగులోకి వచ్చిందన్నారు. రాజస్థాన్‌లోని నాగౌర్‌ జిల్లా పంచవటి గ్రామానికి చెందిన, ప్రస్తుతం మధురవాడ చంద్రంపాలెంలో నివాసం ఉంటున్న మహేందర్‌ సింగ్‌ అలియాస్‌ మహేంద్ర (మాజీ రాపిడో బైక్‌ రైడర్‌), కొమ్మాది జంక్షన్‌ శ్రీకృష్ణ గాయత్రి వైభవ్‌నగర్‌కు చెందిన మండ్రు లతారత్నాకర్‌ (52)ను అరెస్టు చేసినట్లు తెలిపారు. ప్రధాన నిందితుడు మహేందర్‌ సింగ్‌ 2007లో సైబరాబాద్‌ కమిషరేట్‌ పరిధిలో హోంగార్డుగా పనిచేశాడని, అనంతరం జల్సాలు, మద్యానికి బానిసై నేరాల బాట పట్టాడని చెప్పారు. 2013–2015 మధ్య జీడిమెట్ల, కూకట్‌పల్లి, కేపీహెచ్‌బీ, మియాపూర్‌ తదితర ప్రాంతాల్లో ఒంటరి మహిళలను లక్ష్యంగా చేసుకుని సుమారు 36 బంగారు గొలుసుల చోరీలకు పాల్పడి జైలుశిక్ష అనుభవించాడన్నారు. జైలు నుంచి విడుదలైన అనంతరం మధురవాడకు మకాం మార్చిన మహేంద్ర రాపిడో బైక్‌ నడుపుతూ విశాఖ, అనకాపల్లి, శ్రీకాకుళం, రాజమండ్రి, కాకినాడ, నెల్లూరు తదితర ప్రాంతాల్లో ఒంటరిగా వెళ్లే మహిళలను లక్ష్యంగా చేసుకుని చైన్‌స్నాచింగ్‌కు పాల్పడేవాడని ఎస్‌ఐ తెలిపారు. చోరీ చేసిన బంగారాన్ని లతారత్నాకర్‌కు అప్పగించేవాడని, ఆమెకు పరిచయమున్న నగల దుకాణాల్లో వాటిని విక్రయించి వచ్చిన సొమ్మును ఇద్దరూ పంచుకునేవారని వివరించారు. అరెస్టు చేసిన ఇద్దరినీ కోర్టులో హాజరుపర్చగా న్యాయమూర్తి 14 రోజుల రిమాండ్‌ విధించినట్లు ఎస్‌ఐ తెలిపారు. పోలీసు సిబ్బంది హెచ్‌సీ జి.గాంధీ, కానిస్టేబుళ్లు ఎం.సముద్రం, ఆర్‌.పి.నాయుడు, టి.ఎస్‌.నాయుడు తదితరులు పాల్గొన్నారు.

నక్కపల్లి: ఓటమి భయంతోనే పెదతీనార్ల, పెంటకోట మత్స్యకార సొసైటీ ఎన్నికలు వాయిదా వేశారని వైఎస్సార్‌సీపీ పాయకరావుపేట నియోజకవర్గ సమన్వయకర్త, మాజీ ఎమ్మెల్యే కంబాల జోగులు ఆరోపించారు. మంగళవారం ఆయన విలేకర్లతో మాట్లాడుతూ హోంమంత్రి అనిత నియోజకవర్గంలో చిన్న గ్రామంలో శాంతి భద్రతలను అదుపులో పెట్టలేని ప్రభుత్వం రాష్ట్రంలో శాంతి భద్రతలను ఎలా కాపాడుతుందని ప్రశ్నించారు. ఒక పక్క బీసీలకు 34 శాతం రిజర్వేషన్లు కల్పిస్తామంటూ కూటమి ప్రభుత్వం దొంగ వాగ్దానాలు చేస్తూ మరో పక్క బీసీలైన మత్స్యకార సొసైటీ ఎన్నికల్లో గెలిచే సత్తాలేక ఎన్నికలు వాయిదా వేయిస్తున్నారన్నారు. సత్తా ఉంటే పోటీ చేసి గెలుపొందాలని సవాల్‌ విసిరారు. రాజయ్యపేట ఎన్నికల్లో కూడా ఓటర్లను భయబ్రాంతులకు గురిచేశారన్నారు. ‘పింఛన్లు రద్దు చేస్తాం, సీఎం రిలీఫ్‌ ఫండ్‌ ఆపేస్తాం, రేషన్‌ కార్డులు రద్దు చేస్తాం’అంటూ బెదిరించారని విమర్శించారు. అధికారంలో ఉన్నప్పటికీ గ్రామస్థాయి ఎన్నికలను ఎదుర్కొనే ధైర్యం లేకపోవడం సిగ్గుచేటన్నారు. ఇలా అయితే రాబోయే స్థానిక ఎన్నికలను ఎలా ఎదుర్కొంటారని ప్రశ్నించారు.

నిరాహార దీక్ష శిబిరంలో మాట్లాడుతున్న అసోసియేషన్‌ జిల్లా అధ్యక్షురాలు జయలక్ష్మి అనకాపల్లి: సార్వత్రిక ఎన్నికల సమయంలో సీఎం చంద్రబాబు ఇచ్చిన హామీ మేరకు ప్రభుత్వ ఆస్పత్రుల్లో కాంట్రాక్టు పద్ధతిలో పనిచేస్తున్న ఉద్యోగులను రెగ్యులర్‌ ఉద్యోగులుగా గుర్తించాలని ఏపీ మెడికల్‌ అండ్‌ హెల్త్‌ కాంట్రాక్టు ఉద్యోగుల అసోసియేషన్‌ జిల్లా అధ్యక్షురాలు ఎస్‌.జయలక్ష్మి, కన్వీనర్‌ రాజాబాబు, ప్రధాన కార్యదర్శి జయరత్నం డిమాండ్‌ చేశారు. హామీ ఇచ్చి సుమారు రెండున్నరేళ్లు కావస్తున్నా అమలు చేయకపోవడంతో దశలవారీగా ఉద్యమాలు చేపడుతున్నామని తెలిపారు. స్థానిక ఎన్టీఆర్‌ ఆస్పత్రి వద్ద మంగళవారం అసోసియేషన్‌ ఆధ్వర్యంలో నిరాహార దీక్ష చేపట్టారు. ఈ సందర్భంగా వారు మాట్లాడుతూ సుమారు 100 రోజులుగా వివిధ రూపాల్లో నిరసనలు చేపడుతున్నా ప్రభుత్వం స్పందించడం లేదన్నారు. 15 ఏళ్లుగా చాలీచాలని వేతనాలతో కాంట్రాక్టు పద్ధతిలో విధులు నిర్వహిస్తున్నామని, రెగ్యులర్‌ ఉద్యోగులతో సమానంగా బాధ్యతలు నిర్వర్తిస్తున్నా తమ సమస్యలను పట్టించుకోకపోవడం అన్యాయమన్నారు. నిరాహార దీక్ష చేస్తున్న ఉద్యోగులకు ఏపీ ఎన్జీవోస్‌ జిల్లా అధ్యక్షుడు రవికుమార్‌ సంఘీభావం తెలిపారు. ఈ కార్యక్రమంలో ఏఐటీయూసీ జిల్లా గౌరవాధ్యక్షుడు వై.ఎన్‌.భద్రం, అసోసియేషన్‌ ఉద్యోగులు జగదీశ్వరీ, దుర్గ, ఇమామ్‌, సౌజన్య, సందీప్‌, మోహన్‌, బొజ్జన్న తదితరులు పాల్గొన్నారు.

రావికమతం: విజయవాడలో సోమవారం జరిగిన రాష్ట్ర స్థాయి 8వ పారా స్విమ్మింగ్‌ చాంపియన్‌ షిప్‌–2026 పోటీల్లో రావికమతం మండలానికి చెందిన దివ్యాంగ విద్యార్థులు సత్తా చాటి రెండు సిల్వర్‌ మెడల్స్‌ సాధించారు. రాష్ట్ర వ్యాప్తంగా తరలివచ్చిన 150 మంది పారా క్రీడాకారులు పాల్గొన్న ఈ పోటీల్లో కొట్యాడ రాము 50 మీటర్లు, సలాది మురళీ 100 మీటర్ల శారీరక వైకల్యం విభాగాల్లో ఈ పతకాలు సాధించారు. వీరికి పారా స్పోర్ట్స్‌ అసోసియేషన్‌ ఆఫ్‌ ఆంధ్రప్రదేశ్‌ అధ్యక్షుడు గోనుగుంట్ల కోటేశ్వరరావు, రాష్ట్ర సెక్రటరీ వి. రామస్వామి, ఏపీ సమగ్ర శిక్ష సహిత విద్యా విభాగం కన్సల్టెంట్‌ డాక్టర్‌ నరసింహం మెడల్స్‌ ప్రదానం చేశారు. మంగళవారం మేడివాడ జెడ్పీ పాఠశాలలో రాము, మురళీలను ప్రత్యేక ఉపాధ్యాయుడు బొడ్డు మహాలక్ష్మినాయుడు, ఎంఈవోలు లింగమూర్తి, బ్రహ్మాజీ, తదితరులు అభినందించారు.

అచ్యుతాపురం రూరల్‌: రాంచీలో విధి నిర్వహణలో ఉండగా ఈ నెల 4న గుండెపోటుతో మృతి చెందిన మండలానికి చెందిన సీఐఎస్‌ఎఫ్‌ జవాన్‌ ఎరికిరెడ్డి భూషణం(38) అంత్యక్రియలు మంగళవారం స్వగ్రామం మడుతూరులో సైనిక లాంఛనాలతో నిర్వహించారు. భూషణం మృతదేహాన్ని స్వగ్రామానికి తీసుకురావడంతో కుటుంబ సభ్యులు, బంధువులు, గ్రామస్తులు పెద్ద సంఖ్యలో తరలివచ్చి కన్నీటి వీడ్కోలు పలికారు. మృతదేహాన్ని చూసిన భార్య సూర్యకళ, ఇద్దరు పిల్లలు, కుటుంబ సభ్యులు, బంధువుల రోదనలు అక్కడున్న వారిని కలచివేశాయి. భర్త ఇక లేడన్న నిజాన్ని జీర్ణించుకోలేక సూర్యకళ కన్నీరుమున్నీరుగా విలపించారు. చిన్న వయస్సులోనే తండ్రిని కోల్పోయిన ఇద్దరు పిల్లలను చూసి గ్రామస్తులు సైతం కంటతడి పెట్టుకున్నారు.

నక్కపల్లి/ఎస్‌.రాయవరం: ఆశా కార్యకర్తలకు రెండేళ్లుగా నిరాశే ఎదురవుతోందని, ఎన్నికల ముందు ఇచ్చిన హామీలను కూటమి ప్రభుత్వం అమలు చేయాలని డిమాండ్‌ చేస్తూ ఆశా వర్కర్లు ఆందోళన బాట పట్టారు. ఇందులో భాగంగా పాయకరావుపేట నియోజకవర్గంలోని వివిధ గ్రామాల్లో పనిచేస్తున్న వందలాది మంది ఆశా కార్యకర్తలు మంగళవారం అడ్డురోడ్డు జంక్షన్‌ నుంచి హోంమంత్రి వంగలపూడి అనిత క్యాంపు కార్యాలయం వరకు భారీ నిరసన ర్యాలీ నిర్వహించారు. మంత్రి అనితను కలిసి తమ సమస్యలు వివరించి వినతిపత్రం అందజేయాలని ఆశా కార్యకర్తలు ప్రయత్నించినప్పటికీ ఆమె అందుబాటులో లేకపోవడంతో క్యాంపు కార్యాలయం వద్ద ఉన్న భద్రతా సిబ్బందికి వినతిపత్రం అందజేశారు. ఏళ్ల తరబడి తమతో వెట్టిచాకిరీ చేయిస్తున్నారని, కనీసం ఉద్యోగ భద్రత కూడా కల్పించడం లేదని వారు ఆవేదన వ్యక్తం చేశారు. ప్రభుత్వం అందిస్తున్న రూ.10 వేలతోనే కుటుంబాలను పోషించుకోవాల్సి వస్తోందని పేర్కొన్నారు. విధుల్లో భాగంగా నెలలో నాలుగైదుసార్లు పీహెచ్‌సీలకు వెళ్లేందుకు సుమారు రూ.4 వేల వరకు ఖర్చవుతోందని తెలిపారు. మిగిలిన రూ.6 వేలతో కుటుంబాలను ఎలా పోషించుకోవాలని ప్రశ్నించారు. ప్రతిపక్షంలో ఉన్న సమయంలో కూటమి నాయకులు ఆశా కార్యకర్తలను పర్మినెంట్‌ చేయాలని, ఉద్యోగ భద్రత కల్పించాలని అప్పటి ప్రభుత్వాన్ని డిమాండ్‌ చేశారని గుర్తుచేశారు. అధికారంలోకి రాకముందు తమ సమస్యలను పరిష్కరిస్తామని హామీ ఇచ్చారని, రెండేళ్లు గడిచినా ఒక్క సమస్య కూడా పరిష్కరించలేదని ఆరోపించారు. వేతనాలు పెంచాలని, సమాన పనికి సమాన వేతనం చెల్లించాలని, ఉద్యోగ భద్రత కల్పించాలని,, దహన సంస్కారాలకు నిధులు మంజూరు చేయాలని, పీహెచ్‌సీలకు వెళ్లేందుకు టీఏ, డీఏలు చెల్లించాలని, రూ.10 లక్షల బీమా అమలు చేయాలని, గ్రాట్యుటీ సీలింగ్‌ ఎత్తివేయాలని, అన్ని రకాల సెలవులు మంజూరు చేయాలని, పని ఒత్తిడితో ఇబ్బందులు ఎదుర్కొంటున్న ఆశా కార్యకర్తలకు హెల్త్‌కార్డులు ఇవ్వాలని డిమాండ్‌ చేశారు. ఈ ఆందోళనలో సీఐటీయూ నాయకులు శాంతి, సత్యనారాయణ, రాజేష్‌తో పాటు వందలాది మంది ఆశా కార్యకర్తలు పాల్గొన్నారు. అనకాపల్లి: ఆశా కార్యకర్తలకు కనీస వేతనాలు అమలు చేయాలని, ప్రభుత్వ సంక్షేమ పథకాలు అమలు చేయాలని, పనిభారం తగ్గించాలని ఆశా వర్కర్ల యూనియన్‌(సీఐటీయూ) జిల్లా అధ్యక్షుడు వి.వి.శ్రీనివాసరావు డిమాండ్‌ చేశారు. స్థానిక ఎన్టీఆర్‌ బెల్లం మార్కెట్‌ నుంచి ఎమ్మెల్యే కొణతాల రామకృష్ణ క్యాంపు కార్యాలయం వరకూ యూనియన్‌ ఆధ్వర్యంలో ర్యాలీ నిర్వహించి, వినతిపత్రం అందజేశారు. ఈ సందర్భంగా ఆయన మాట్లాడుతూ పెరుగుతున్న నిత్యావసర ధరలకు అనుగుణంగా ఆశా కార్యకర్తలకు వేతనాలు పెంచాలన్నారు. సమస్యలు పరిష్కరించని ఎడల రాష్ట్ర వ్యాప్తంగా సమ్మెకు సిద్ధంగా ఉన్నామని ఆయన హెచ్చరించారు. ఈ కార్యక్రమంలో సీఐటీయూ జిల్లా కోశాధికారి గనిశెట్టి సత్యనారాయణ, ఆశ కార్యకర్తల యూనియన్‌ నాయకులు సూర్యకళ, లక్ష్మి, రమణమ్మ, బంగారమ్మ, తదితరులు పాల్గొన్నారు.

అమ్మవారి ఉత్సవ విగ్రహానికి అభిషేకాలు చేస్తున్న కలెక్టర్‌, జేసీ, ఎమ్మెల్యే అనకాపల్లి: జిల్లాలో సకాలంలో వర్షాలు కురిసి పాడి, పంటలు అభివృద్ధి చెంది రైతులు, ప్రజలు ఆరోగ్యంగా జీవించాలని కలెక్టర్‌ విజయకృష్ణన్‌, ఎమ్మెల్యే కొణతాల రామకృష్ణ ఆకాంక్షించారు. గవరపాలెంలోని నూకాంబిక అమ్మవారి ఆలయంలో దేవదాయ ధర్మదాయ శాఖ ఆధ్వర్యంలో మంగళవారం వరుణ యాగం, హోమం నిర్వహించారు. అనంతరం అమ్మవారికి పంచామృతాభిషేకాలు చేశారు. ఈ సందర్భంగా వారు మాట్లాడుతూ ప్రకృతిని పరిరక్షించాల్సిన బాధ్యత ప్రతి ఒక్కరిపైనా ఉందన్నారు. ఈ కార్యక్రమంలో జేసీ సౌర్యమాన్‌ పటేల్‌, ఆలయ సహాయ కమిషనర్‌ యాళ్ల శ్రీధర్‌, చైర్మన్‌ పీలా నాగశ్రీను, కమిటీ సభ్యులు పాల్గొన్నారు.

బ్యాడ్మింటన్‌ టోర్నీకి ఎంపికై న ఉమ్మడి విశాఖ జిల్లా క్రీడాకారులతో పీఈటీలు అనకాపల్లి: ఉమ్మడి విశాఖ జిల్లా స్కూల్‌ గేమ్స్‌ ఫెడరేషన్‌ ఆధ్వర్యంలో అండర్‌–17 బ్యాడ్మింటన్‌ ఎంపిక పోటీలు మంగళవారం అనకాపల్లి మెయిన్‌ రోడ్డులోని జార్జిక్లబ్‌ ఆవరణలో నిర్వహించారు. ఈ పోటీలకు ఉమ్మడి జిల్లా పరిధి నుంచి 125 మంది బాలురు, 25 మంది బాలికలు హాజరై ప్రతిభను చాటారు. వీరిలో బాలురు, బాలికల విభాగాల్లో ఆరుగురు చొప్పున మొత్తం 12 మందిని రాష్ట్రస్థాయి బ్యాడ్మింటన్‌ పోటీలకు ఎంపిక చేసినట్లు జిల్లా ఎస్‌జీఎఫ్‌ కార్యదర్శి ఎం.ఎం.మనోహర్‌ తెలిపారు. ఈ కార్యక్రమంలో క్రీడా అడ్మిన్‌ కార్యదర్శి కమల, మాజీ స్పోర్ట్స్‌ డైరెక్టర్‌ కొణతాల సత్యనారాయణ, వ్యాయామ ఉపాధ్యాయులు కె.ఎం.నాయుడు, పీలా వీరునాయుడు, జయబాబు, తదితరులు పాల్గొన్నారు.

తుమ్మపాల: గర్భిణులు, బాలింతలు, శిశువులకు సకాలంలో వైద్య సేవలు అందేలా వైద్యాధికారులు ప్రత్యేక దృష్టి సారించాలని కలెక్టర్‌ విజయకృష్ణన్‌ ఆదేశించారు. శిశు, నవజాత శిశు మరణాల రేటును మరింత తగ్గించేందుకు వైద్యులు, పారామెడికల్‌ సిబ్బంది సమష్టిగా కృషి చేయాలని సూచించారు. రాష్ట్ర వైద్య ఆరోగ్య శాఖ మంత్రి సత్యకుమార్‌ యాదవ్‌ కృష్ణా జిల్లా గుడివాడ నియోజకవర్గం జనార్దనపురం నుంచి అనకాపల్లి జిల్లాలో నూతనంగా నిర్మించిన నాలుగు ఆయుష్మాన్‌ ఆరోగ్య మందిర్‌–విలేజ్‌ క్లినిక్‌ భవనాలను మంగళవారం వర్చువల్‌గా ప్రారంభించారు. కలెక్టరేట్‌లో నిర్వహించిన కార్యక్రమంలో కలెక్టర్‌ మాట్లాడుతూ గ్రామీణ ప్రాంతాల ప్రజలు విలేజ్‌ హెల్త్‌ క్లినిక్‌లను సమర్థవంతంగా వినియోగించుకోవాలన్నారు. ముఖ్యంగా పునరుత్పత్తి ఆరోగ్య సేవలను మరింత మెరుగుపరచాల్సిన అవసరం ఉందన్నారు. జిల్లాలో నిర్మాణంలో ఉన్న 96 విలేజ్‌ హెల్త్‌ క్లినిక్‌ల పనులను వేగవంతం చేసి డిసెంబర్‌ నాటికి పూర్తి చేయాలని సంబంధిత అధికారులను ఆదేశించారు. యలమంచిలి నియోజకవర్గం అచ్యుతాపురం మండలం పెదపాడులో రూ.32 లక్షలు, కాజీపాలెంలో రూ.32 లక్షలు, నర్సీపట్నం నియోజకవర్గం నర్సీపట్నం మండలం ధర్మసాగరంలో రూ.24 లక్షలు, పాయకరావుపేట నియోజకవర్గం కోటవురట్ల మండలం చౌడువాడలో రూ.26 లక్షలతో నిర్మించిన విలేజ్‌ క్లినిక్‌ భవనాలను ప్రారంభించారు. ఈ కార్యక్రమంలో యలమంచిలి ఎమ్మెల్యే విజయకుమార్‌, జేసీ శౌర్యమాన్‌ పటేల్‌, డీఎంహెచ్‌వో డాక్టర్‌ అచ్యుతకుమారి, ఏపీ అర్బన్‌ ఫైనాన్స్‌ కార్పొరేషన్‌ చైర్మన్‌ పీలా గోవింద సత్యనారాయణ, హౌసింగ్‌ కార్పొరేషన్‌ చైర్మన్‌ తాతబాబు, డీసీఎంఎస్‌ చైర్మన్‌ బాలాజీ, గవర కార్పొరేషన్‌ చైర్మన్‌ మళ్ల సురేంద్ర పాల్గొన్నారు.

మహారాణిపేట: స్థానిక సంస్థల ఎన్నికలకు సిద్ధం చేసిన ఓటర్ల జాబితాల్లో లోపాలు వెలుగుచూస్తున్నాయి. జిల్లా పరిషత్‌ ప్రాదేశిక నియోజకవర్గం (జెడ్‌పీటీసీ), మండల పరిషత్‌ ప్రాదేశిక నియోజకవర్గం (ఎంపీటీసీ) ఎన్నికల కోసం రూపొందించిన జాబితాల్లో పలువురి పేర్లు లేకపోవడం, పేర్లు, ఇంటి పేర్లు, వయస్సు వివరాల్లో తప్పులు నమోదవడంపై అభ్యంతరాలు వ్యక్తమవుతున్నాయి. ఎన్నికల నిర్వహణలో భాగంగా అధికారులు ఓటర్ల జాబితాలు, పోలింగ్‌ కేంద్రాలను ఖరారు చేశారు. అయితే జనవరి 31 తర్వాత కొత్తగా ఓటర్లుగా నమోదైన పలువురి పేర్లు తాజా జాబితాల్లో కనిపించకపోవడంతో ఆందోళన నెలకొంది. కొత్త ఓటర్లకు నిరాశ ఈ ఏడాది జనవరి 31 నాటికి ఉమ్మడి విశాఖ పరిధిలో 18,95,962 మంది ఓటర్లు ఉన్నారు. అనంతరం తొమ్మిది నెలల్లో పెద్ద సంఖ్యలో కొత్త ఓటర్లు నమోదయ్యారు. కానీ స్థానిక ఎన్నికల జాబితాల్లో వీరిలో చాలామంది పేర్లు లేకపోవడంతో తమ ఓటు హక్కు కోల్పోతామేమోనని ఆందోళన చెందుతున్నారు. వివరాల్లోనూ తప్పులు ఓటర్ల జాబితాల్లో పేర్లు, ఇంటి పేర్లు, వయస్సు వివరాలు తప్పుగా నమోదైనట్లు ఫిర్యాదులు వస్తున్నాయి. కొన్నిచోట్ల మరణించిన వారి పేర్లు కూడా కొనసాగుతున్నాయన్న ఆరోపణలు ఉన్నాయి. జాబితాలను మరోసారి క్షుణ్ణంగా పరిశీలించి లోపాలను సరిచేయాలని ప్రజలు కోరుతున్నారు. పోలింగ్‌ కేంద్రాల్లో మార్పులు ఓటర్ల జాబితాలతో పాటు పోలింగ్‌ కేంద్రాల సంఖ్యలోనూ మార్పులు చోటుచేసుకున్నాయి. విశాఖ జిల్లాలోని నాలుగు మండలాలకు తొలుత 200 కేంద్రాలను ప్రతిపాదించగా, తుది జాబితాలో వాటి సంఖ్య 203కు చేరింది. అనకాపల్లి జిల్లాలో 1,536 నుంచి 1,530కు, అల్లూరి సీతారామరాజు జిల్లాలో 616 నుంచి 617కు మారింది. జాబితా తయారీపై ఫిర్యాదులు ఓటర్ల జాబితా తయారీ ప్రక్రియలో నిబంధనలు పాటించలేదన్న ఫిర్యాదులు వస్తున్నాయి. స్థానిక స్థాయిలో మార్పులు, చేర్పులపై అనుమానాలు వ్యక్తమవుతున్నాయి. స్పెషల్‌ సమ్మరీ రివిజన్‌లో తొలగించిన పేర్లనే పరిగణనలోకి తీసుకున్నారన్న ఆరోపణలు కూడా వినిపిస్తున్నాయి. నిబంధనల ప్రకారం రెవెన్యూ అధికారులు రూపొందించిన జాబితాలను పరిశీలించి ఖరారు చేయాల్సి ఉండగా, క్షేత్రస్థాయిలో జోక్యాలు జరిగాయన్న విమర్శలు ఉన్నాయి. నర్సీపట్నం పరిధిలో ఎక్కువ అభ్యంతరాలు నర్సీపట్నం నియోజకవర్గ పరిధిలో ఓటర్ల జాబితాపై ఎక్కువగా అభ్యంతరాలు వస్తున్నాయి. నాతవరం మండలంలోని పలు పంచాయతీల్లో పేర్ల నమోదు, తొలగింపుల్లో అవకతవకలు జరిగాయన్న ఆరోపణలు ఉన్నాయి. నక్కపల్లి, పాయకరావుపేట, ఎస్‌.రాయవరం, ఎలమంచిలి, కోటవురట్ల, రావికమతం, చోడవరం, మాడుగుల మండలాల్లోనూ ఇలాంటి ఫిర్యాదులు వచ్చినట్లు సమాచారం. 39 మండలాలు.. 2,350 పోలింగ్‌ కేంద్రాలు మొత్తం మూడు జిల్లాల పరిధిలోని 39 మండలాల్లో 652 ఎంపీటీసీ స్థానాలకు ఎన్నికలు జరగనున్నాయి. ఇందుకోసం 2,350 పోలింగ్‌ కేంద్రాలను సిద్ధం చేశారు. విశాఖ జిల్లాలో భీమిలి, ఆనందపురం, పద్మనాభం, పెందుర్తి మండలాల్లో 53 ఎంపీటీసీ స్థానాలకు 203 కేంద్రాలు, అనకాపల్లి జిల్లాలో 427 స్థానాలకు 1,530 కేంద్రాలు, అల్లూరి సీతారామరాజు జిల్లాలో 172 స్థానాలకు 617 కేంద్రాలు ఏర్పాటు చేశారు. స్థానిక ఎన్నికల్లో కీలకమైన ఓటర్ల జాబితాలో ఎలాంటి లోపాలు లేకుండా తుది పరిశీలన చేపట్టాలని ప్రజలు కోరుతున్నారు.

తుమ్మపాల: ప్రజల ఆర్థిక ప్రగతికి, పేదలు, ఔత్సాహికుల స్వయం ఉపాధికి విరివిగా రుణాలు అందించి జిల్లా అభివృద్ధిలో బ్యాంకులు కీలక పాత్ర పోషించాలని కలెక్టర్‌ విజయ కృష్ణన్‌ కోరారు. మంగళవారం కలెక్టరేట్‌ సమావేశ మందిరంలో నిర్వహించిన డిస్ట్రిక్ట్‌ కన్సల్టేటివ్‌ కమిటీ(డీసీసీ) బ్యాంకర్ల సమావేశంలో ఆమె మాట్లాడారు. కేంద్ర, రాష్ట్ర ప్రభుత్వాలు అమలు చేస్తున్న సంక్షేమ, ఆర్థికాభివృద్ధి పథకాలకు అనుగుణంగా అర్హులకు రుణ సదుపాయాలు కల్పించాలన్నారు. విద్యా రుణాలు, ఎంఎస్‌ఎంఈ, పీఎం సూర్య ఘర్‌, వ్యవసాయ, ఇన్వెస్ట్‌మెంట్‌ క్రెడిట్‌ రుణాల మంజూరును పెంచాలని సూచించారు. బ్యాంకులు నిర్దేశించిన రుణ లక్ష్యాలను సాధించేలా చర్యలు తీసుకోవాలన్నారు. సంక్షేమ కార్పొరేషన్ల ద్వారా అమలు చేస్తున్న పథకాలకు పెద్దఎత్తున రుణాలు మంజూరు చేయాలన్నారు. అధికారులు, స్వయం సహాయక సంఘాల మహిళలు, బ్యాంకర్లతో సమన్వయ సమావేశాలు నిర్వహించి రుణాల మంజూరులో ఎదురవుతున్న సమస్యలను పరిష్కరించుకోవాలని సూచించారు. విద్యార్థులకు విద్యా రుణాలపై విస్తృత అవగాహన కల్పించి, వాటిని సద్వినియోగం చేసుకునేలా ప్రోత్సహించాలన్నారు. పీఎం సూర్య ఘర్‌ పథకం కింద రుణాల మంజూరును పెంచడంతో పాటు సౌర విద్యుత్‌ వినియోగంపై ప్రజలకు అవగాహన కల్పించాలని సూచించారు. వ్యవసాయ రుణాల మంజూరు, రెన్యువల్‌ సమయంలో రీసర్వే కారణంగా సమస్యలు తలెత్తితే రెవెన్యూ అధికారులతో చర్చించి పరిష్కరించుకోవాలని బ్యాంకర్లను ఆదేశించారు. యూనియన్‌ బ్యాంక్‌ రీజినల్‌ మేనేజర్‌, డీసీసీ/డీఎల్‌ఆర్‌సీ కన్వీనర్‌ మాధురి తోలేనా, లీడ్‌ బ్యాంక్‌ మేనేజర్‌ జగదీశ్వరరావు, డీఆర్‌డీఏ పీడీ శచీదేవి, వివిధ బ్యాంకుల మేనేజర్లు, జిల్లా అధికారులు పాల్గొన్నారు.

నర్సీపట్నం: పెదబొడ్డేపల్లి జిల్లా పరిషత్‌ ఉన్నత పాఠశాల విద్యార్థులు రాష్ట్ర స్థాయి పోటీలకు ఎంపికయ్యారు. ఉమ్మడి జిల్లా స్థాయి స్కూల్‌ గేమ్స్‌ ఫెడరేషన్‌ ఆధ్వర్యంలో జరిగిన వెయిట్‌ లిఫ్టింగ్‌ పోటీల్లో ఇ.తేజస్విని, ఆర్‌.తనుశ్రీ, పి.యమున, యు.జాహ్నవి, పి.మేఘన జిల్లా స్థాయి పోటీల్లో మంచి ప్రతిభ కనబరిచారు. వీరిని వ్యాయామ ఉపాధ్యాయులు పి.అచ్చమ్మ, బి.లక్ష్మిలను హెచ్‌ఎం జి.రవి, చైర్మన్‌ మాకిరెడ్డి సంతోషి అభినందించారు. ఈ నెల 9, 10, 11 తేదీల్లో కాకినాడలో జరిగే రాష్ట్ర స్థాయి పోటీల్లో వీరు పాల్గొననున్నారని హెచ్‌ఎం తెలిపారు. కశింకోట: స్థానిక డీపీఎన్‌ జెడ్పీ హైస్కూల్‌ విద్యార్థి ఎస్‌.యోగేంద్రబాబు రాష్ట్ర స్థాయి టేబుల్‌ టెన్నిస్‌ పోటీలకు ఎంపికయ్యాడు. గోపాలపట్నం జెడ్పీ హైస్కూలులో నిర్వహించిన స్కూలు గేమ్స్‌ ఫెడరేషన్‌ ఆధ్వర్యంలో నిర్వహించిన జిల్లా స్థాయి పోటీలో యోగేంద్రబాబు సత్తా చాటాడు. ఈ నెల 9 నుంచి మూడు రోజుల పాటు భీమవరంలో జరిగే రాష్ట్ర స్థాయి పోటీల్లో విద్యార్థి పాల్గొంటాడని హెచ్‌ఎం ప్రసాద్‌ తెలిపారు.

కశింకోట: నకిలీ పత్రాలతో ప్రభుత్వ సంస్థలను, బాధితున్ని మోసగించారనే అభియోగంపై ఇద్దరు నిందితులను అరెస్టు చేసినట్టు సీఐ అల్లు స్వామినాయుడు సోమవారం రాత్రి తెలిపారు. స్థానిక పోలీస్‌ స్టేషన్‌ పరిధిలో ఒక స్థల వివాదానికి సంబంధించి కోర్టు నుంచి అందిన ఎండార్స్‌మెంట్‌ పిటీషన్‌పై సమగ్ర దర్యాప్తు చేపట్టామన్నారు. దీనిలో భాగంగా జిల్లా రిజిస్ట్రేషన్‌ శాఖ అధికారులు, తహసీల్దార్‌ కార్యాలయం అధికారులు, కశింకోట పంచాయతీ కార్యాలయ అధికారులు, ఇతర ముఖ్య సాక్షులనుక్షుణ్ణంగా విచారించామన్నారు. సంబంధిత పత్రాలను పరిశీలించి నకిలీ, ఫోర్జరీ పత్రాలను ఉపయోగించి బాధితుడ్ని, ప్రభుత్వ సంస్థలను మోసగించినట్లు ప్రాథమికంగా నిర్థారించి స్థానికులైన ప్రధాన నిందితులు పెంటకోట నాయుడు, పెంటకోట సత్యనారాయణలను అరెస్టు చేసినట్టు తెలిపారు. వీరిని కోర్టులో హాజరుపర్చగా మేజిస్ట్రేట్‌ నిందితులకు 12 రోజులు జ్యుడిషియల్‌ రిమాండ్‌ విధించారన్నారు. సీఐ పర్యవేక్షణలో ఎస్‌ఐ కె. లక్ష్మణరావు కేసు దర్యాప్తు చేస్తున్నారు.

ఎంపికై న విద్యార్థులతో హెచ్‌ఎం సరోజిని, చైర్మన్‌ రాజేష్‌ తదితరులు నర్సీపట్నం: ఉమ్మడి జిల్లా స్థాయి స్కూల్‌ గేమ్స్‌ ఫెడరేషన్‌ పోటీల్లో చెట్టుపల్లి జెడ్పీ ఉన్నత పాఠశాలకు చెందిన ఏడుగురు విద్యార్థులు ప్రతిభ కనబరిచి రాష్ట్ర స్థాయి పోటీలకు ఎంపికయ్యారు. రెజ్లింగ్‌ పోటీల్లో బి.యశ్వంత్‌, ఎం.మహీధర్‌, టి.గౌతమ్‌(9వ తరగతి), రోషిణి(7వ తరగతి) ఈ నెల 10, 11, 12 తేదీల్లో పల్నాడు జిల్లాలో జరిగే రాష్ట్ర స్థాయి పోటీల్లో పాల్గొనున్నారు. వెయిట్‌ లిప్టింగ్‌ పోటీల్లో టి.లక్ష్మి(7వ తరగతి), కె.భవ్య(8వ తరగతి), ఎం.అమృతవల్లీ(9వ తరగతి) కాకినాడలో జరిగే రాష్ట్ర స్థాయి పోటీల్లో పాల్గొననున్నారు. క్రీడాకారులు, వ్యాయామ ఉపాధ్యాయిని గుడివాడ దేవిని హెచ్‌ఎం వి.సరోజిని, చైర్మన్‌ బి.రాజేష్‌, వైస్‌ చైర్మన్‌ నానాజీ, ఉపాధ్యాయులు అభినందించారు.

మాడుగుల దేవీ ఆలయం ఎదుట దసరా ఉత్సవాలకు పందిరి రాట వేస్తున్న దృశ్యం మాడుగుల : స్థానిక దేవి ఆలయం వద్ద దసరా ఉత్సవాలకు సంబందించి సోమవారం ఉదయం పందిరి రాట వేశారు. ఈ నెల 11 వ తేదీ నుంచి ప్రారంభం కానున్న దసరా ఉత్సవాలకు ఏర్పాట్లు కొనసాగుతున్నాయని కమిటీ వర్గాలు తెలిపాయి. కార్యక్రమంలో ఏఎంసీ చైర్మన్‌ పుప్పాల అప్పలరాజు, మాజీ ఎంపీపీ వేమవరపు రామధర్మజ, మాజీ సర్పంచ్‌లు దంగేటి సూర్యారావు, ఎడ్ల కళావతి, ఆలయ కమిటీ కార్యదర్శి అన్నంవీటి ప్రసాద్‌రావు సభ్యులు ఎస్వీరంగారావుతో పాటు కమిటీ సభ్యులు, భక్తులు పడాల అప్పలనాయుడు, పుట్టా మురళీ కృష్ణ, కరణం త్రినాదరావు, గ్రామస్తులు పాల్గొన్నారు.

తుమ్మపాల : జిల్లాలో నిషేధిత జాబితాలో నమోదై ఉన్న ఐదు మండలాలకు చెందిన భూములకు విముక్తి లభించింది. కలెక్టర్‌ ఆదేశాలతో కలెక్టరేట్‌లో నిర్వహించిన ప్రత్యేక డ్రైవ్‌లో భాగంగా పరవాడ, అచ్యుతాపురం, నక్కపల్లి, నర్సీపట్నం, కోటపాడు మండలాల్లోని పలు భూములను నిషేధిత జాబితా నుంచి తొలగిస్తూ జారీ చేసిన ఉత్తర్వులను కలెక్టరేట్‌లో సోమవారం జాయింట్‌ కలెక్టర్‌ శౌర్యమాన్‌ పటేల్‌, డీఆర్‌వో సత్యనారాయణరావు లబ్ధిదారులకు అందించారు. పరవాడ మండలం దేసపాత్రునిపాలెంలో 2.31 సెంట్లు, అచ్యుతాపురం మండలం ఇరువాడలో 5.76 సెంట్లు, నక్కపల్లి మండలం చినదొడ్డిగల్లులో 2.03 సెంట్లు, నర్సీపట్నం మండలం బలిఘట్టంలో 1.05 సెంట్లు, కోటపాడు మండలం గవరపాలెంలో 0.85 సెంట్లు మొత్తం 16 ఎకరాలకు పైగా భూములను నిషేధిత జాబితా నుంచి తొలగించేందుకు చర్యలు చేపట్టినట్టు అధికారులు తెలిపారు. సంబంధిత మార్పులు రిజిస్ట్రేషన్‌ రికార్డుల్లో అమలు చేయడానికి జిల్లా రిజిస్ట్రార్‌కు ఉత్తర్వులు జారీ చేశారు.

నర్సీపట్నం : నర్సీపట్నం రేంజర్‌గా సోమవారం వెంకటరావు బాధ్యతలు స్వీకరించారు. అల్లూరి జిల్లా సీలేరు రేంజర్‌గా పని చేస్తున్న వెంకటరావును నర్సీపట్నం రేంజర్‌గా నియమిస్తూ ప్రభుత్వం ఉత్తర్వులు జారీ చేసింది. నర్సీపట్నం రేంజర్‌ రాజేష్‌ను అల్లూరి జిల్లా లంబసింగికి బదిలీ అయ్యారు. బాధ్యతలు స్వీకరించిన వెంకటరావును సిబ్బంది మర్యాద పూర్వకంగా కలిసి పుష్పగుచ్చాలు అందజేసి అభినందనలు తెలియజేశారు. అటవీ సంపద పరిరక్షణకు కృషి చేస్తానని తనను కలిసిన విలేకర్లకు ఆయన తెలిపారు. అడవుల ఆవశ్యకత గురించి ప్రజల్లో విస్తృతంగా అవగాహన కల్పించేందుకు అవగాహన కార్యక్రమాలు చేపడతామన్నారు.

విద్యార్ధులకు బస్సు సౌకర్యం కల్పించాలనిపీడీఎస్‌ఓ జిల్లా కమిటీ నిరసన పట్టణ, గ్రామీణ ప్రాంతాల విద్యార్థులకు బస్సు సౌకర్యం కల్పించాలని డిమాండ్‌ చేస్తూ కలెక్టరేట్‌ వద్ద పీడీఎస్‌వో జిల్లా కమిటీ నాయకులు నిరసన వ్యక్తం చేశారు. ఈ సందర్భంగా పీడీఎస్‌వో జిల్లా కార్యదర్శి ఎస్‌.రుద్రి మాట్లాడుతూ బస్సుల్లో రద్దీ కారణంగా విద్యార్థులు ఇబ్బందులు పడుతున్నారని, ఆటోలను ఆశ్రయించాల్సి వస్తోందన్నారు. గతంలో నిలిపివేసిన బస్సులను పునరుద్ధరించడంతో పాటు కొత్త బస్సులు ఏర్పాటు చేయాలని కోరారు. చోడవరం–కోనాం, చోడవరం–అనకాపల్లి, చోడవరం–మాడుగుల, చోడవరం–రావికమతం, అనకాపల్లి–నర్సీపట్నం, యలమంచిలి–వెంకటాపురం, యలమంచిలి–బంగారంపాలెం రూట్లలో అదనపు బస్సులు ఏర్పాటు చేయాలని పీడీఎస్‌వో జిల్లా ఉపాధ్యక్షుడు కె.మణికుమార్‌ కోరారు. సమస్యలు పరిష్కరించకపోతే కలెక్టరేట్‌ వద్ద విద్యార్థులతో నిరసన చేపడతామని తెలిపారు.

యలమంచిలి : పెళ్లయినప్పటి నుంచి ఆ దంపతులిద్దరూ ఒకరినొదిలి ఒకరు ఉండేవారు కాదు. మూడు దశాబ్దాలకు పైగా ఎంతో అన్యోన్యంగా జీవించారు. ఆ దంపతుల అనురాగాన్ని చూసి విధికి కన్నుకుట్టిందేమో. సోమవారం వేకువజామున ఎప్పటిలాగే ఇంటి నుంచి పొలంలోకి గోమాతల నుంచి పాలు తీసేందుకు వెళ్తుండగా మృత్యువు కబళించింది. గుర్తు తెలియని వాహనం అతివేగంగా వచ్చి ఢీకొనడంతో భార్యా,భర్తలు అక్కడికక్కడే దుర్మరణం చెందారు. వారితో పాటు ఉన్న సైకిల్‌ను కిలోమీటరు దూరం వాహనం ఈడ్చుకుపోయింది. భార్యా, భర్తల మృతదేహాలు నుజ్జునుజ్జయ్యాయి. మృతురాలి తల మొండెం నుంచి వేరుపడింది. యలమంచిలి మండలం పులపర్తిలో తీవ్ర విషాదం నింపిన ఈ సంఘటనకు సంబంధించిన వివరాలివి... పులపర్తికి చెందిన శానాపతి పాపారావు(57), శానాపతి అమ్మాజీ (53) దంపతులు ఎంతో అన్యోన్యంగా వుండేవారు. పొలం పని చేసుకుని జీవనం సాగిస్తున్నారు. ఎప్పటిలాగా సోమవారం ఉదయం 5 గంటలకు ఇంటి నుంచి పొలంలోకి ఈ దంపతులిద్దరూ బయల్దేరారు. ఆవులకు, పాడి గేదెలకు గడ్డి వేసి, పాలు తీయడానికి బయల్దేరారు. పాపారావు సైకిల్‌ నడిపిస్తుండగా, అతని భార్య అమ్మాజీ ఆయన వెంట నడుస్తోంది. మరో ఐదు నిమిషాల్లో పొలంలోకి చేరకుంటామనుకునే లోగా వారి ఆశలను మృత్యువు చిదిమివేసింది. అనకాపల్లి నుంచి అడ్డరోడ్డు వైపు వెళ్తున్న గుర్తు తెలియని వాహనం ఢీకొనడంతో అక్కడికక్కడే ఆ దంపతులిద్దరూ మృతి చెందారు. ఈ ప్రమాదంలో పాపారావు భార్య అమ్మాజీ తల మొండెం నుంచి వేరవ్వడాన్ని చూసిన వారంతా భయాందోళన చెందారు. ఆమె తల సమీపంలో వున్న పొలంలోకి ఎగిరిపడింది. ఈ దంపతులకు ఒక కుమారుడున్నట్టు బంధువులు చెప్పారు. భార్యాపిల్లలతో హైదరాబాద్‌లో ఉంటున్న కుమారుడు తల్లిదండ్రుల మరణ వార్త విని హతాశుడయ్యాడు. ఈ సంఘటన గ్రామంలో తీవ్ర విషాద ఛాయలు నింపింది. ఒకరినొదిలి ఒకరుండలేని ఈ దంపతులిద్దరూ మరణంలో కూడా తిరిగిరాని లోకాలకు వెళ్లిపోయారు. సంఘటనపై యలమంచిలి రూరల్‌ పోలీసులు కేసు నమోదు చేశారు. ప్రమాదానికి కారణమైన వాహనం కోసం గాలింపు చర్యలు చేపడుతున్నట్టు యలమంచిలి రూరల్‌ ఇన్‌చార్జి ఎస్‌ఐ బెజవాడ రామకృష్ణ తెలిపారు. సమీపంలో పలు హైవే జంక్షన్లలో వున్న సీసీ కెమెరాల పుటేజీలను పోలీసులు పరిశీలిస్తున్నారు. ఒక లారీపై అనుమానం ఉండడంతో దాని కదలికలను గుర్తించేందుకు సాంకేతిక ఆధారాలు పరిశీలిస్తున్నారు. పాపారావు, అమ్మాజీల మృతదేహాలను యలమంచిలి మార్చురీకి తరలించి శవపంచనామా అనంతరం పోస్టుమార్టం పూర్తి చేసి కుటుంబసభ్యులకు అప్పగించారు. యలమంచిలిలో శవాగారం వద్దకు పెద్ద సంఖ్యలో గ్రామస్థులు చేరుకుని మృతుల కుటుంబసభ్యులకు సానుభూతి తెలిపారు. పోస్టుమార్టం అనంతరం పులపర్తిలో మృతులకు అంత్యక్రియలు పూర్తి చేశారు. గ్రామస్తులు శ్మశానవాటికకు తరలివచ్చి వీడ్కోలు చెప్పారు.

వీఆర్‌ఎస్‌ సొమ్ముకు.. సాక్షి, విశాఖపట్నం: కన్నతల్లి లాంటి కర్మాగారం కష్టాల్లో ఉందని యాజమాన్యం కోరగానే 1,600 మంది ఉద్యోగులు తమ శాశ్వత ఉద్యోగాలను త్యాగం చేశారు. దీంతో వైజాగ్‌ స్టీల్‌ప్లాంట్‌పై నెలకు సుమారు రూ.60 కోట్ల జీతాల భారం తగ్గింది. అయితే సంస్థను ఆదుకున్న ఆ ఉద్యోగులకే ఇప్పుడు యాజమాన్యం తీరని ద్రోహం తలపెడుతోంది. నిబంధనల ప్రకారం పదవీ విరమణ రోజే అందాల్సిన వీఆర్‌ఎస్‌ ప్రయోజనాలను ఏడాది గడుస్తున్నా పూర్తిగా చెల్లించకుండా నడివీధిన నిలబెట్టింది. కొందరికి 50 శాతం, మరికొందరికి 25 శాతం మాత్రమే చెల్లించి మిగిలిన మొత్తాన్ని వాయిదాల్లో ఇస్తామని తాజాగా సర్క్యులర్‌ జారీ చేయడం గమనార్హం. ఇదిలా ఉంటే.. కాగితాల్లో మాత్రం పూర్తి ప్యాకేజీ చెల్లించినట్లు చూపిస్తూ.. చేతికి అందని సొమ్ముపైనా టీడీఎస్‌ కోత విధించడం ఉద్యోగుల పాలిట ఆశనిపాతంగా మారింది. ఈ వ్యవహారంపై ప్రధాని కార్యాలయానికి, కేంద్ర ప్రభుత్వానికి ఉద్యోగ సంఘాలు ఫిర్యాదు చేశాయి. 2025 అక్టోబర్‌లో వీఆర్‌ఎస్‌–2 కింద, 2026 ఏప్రిల్‌లో వీఆర్‌ఎస్‌–3 కింద ఉద్యోగాల నుంచి వైదొలిగిన వారికి ఇప్పటికీ పూర్తి ప్యాకేజీ అందలేదు. వీఆర్‌ఎస్‌–2 ఉద్యోగులకు రెండు నెలల తర్వాత 50 శాతం మాత్రమే చెల్లించగా మిగతా సగం పెండింగ్‌లో ఉంది. వీఆర్‌ఎస్‌–3 ఉద్యోగులకు 25 శాతం మాత్రమే అందింది. తాజాగా సెప్టెంబర్‌ 28న జారీ చేసిన సర్క్యులర్‌లో అక్టోబర్‌ నుంచి మిగిలిన బకాయిలను ఆరు నెలల వాయిదాల్లో చెల్లిస్తామని యాజమాన్యం పేర్కొంది. వీఆర్‌ఎస్‌–2, 3లో జాప్యం స్టీల్‌ప్లాంట్‌ ఆర్థిక పరిస్థితిని గాడిలో పెట్టేందుకు కేంద్రం ప్రకటించిన రూ.11,440 కోట్ల పునరుద్ధరణ ప్యాకేజీలో భాగంగా వీఆర్‌ఎస్‌ పథకాన్ని ప్రవేశపెట్టారు. సంస్థ ప్రయోజనాల కోసం సుమారు 1,600 మంది ఉద్యోగులు స్వచ్ఛంద పదవీ విరమణ తీసుకున్నారు. ఆర్‌ఐఎన్‌ఎల్‌ సర్క్యులర్‌, ప్రభుత్వ రంగ సంస్థల విభాగం మార్గదర్శకాల ప్రకారం పూర్తి వీఆర్‌ఎస్‌ ప్యాకేజీని, ఆర్జిత సెలవుల మొత్తంతో సహా పదవీ విరమణ రోజే చెల్లించాల్సి ఉంది. వీఆర్‌ఎస్‌–2, 3 ఉద్యోగుల విషయంలో యాజమాన్యం జాప్యం చేస్తోంది. వాస్తవానికి 1,600 మంది సీనియర్‌ ఉద్యోగులు వైదొలగడంతో నెలకు రూ.60 కోట్ల వరకు ఆదా అవుతోంది. వీఆర్‌ఎస్‌ ప్యాకేజీ మొత్తాన్ని 2025 అక్టోబర్‌లోనే ఉద్యోగులకు చెల్లించినట్లు యాజమాన్యం రికార్డుల్లో చూపించింది. ఆ మొత్తానికి టీడీఎస్‌ కట్‌ చేసింది. వాస్తవానికి వీఆర్‌ఎస్‌–2 ఉద్యోగులకు 50 శాతం, వీఆర్‌ఎస్‌–3 ఉద్యోగులకు 25 శాతం మాత్రమే చెల్లించి.. సుమారు రూ.75 కోట్ల బకాయిలను ఏడాదిగా ఇవ్వకుండా తిప్పుతోంది. ప్రధాని కార్యాలయానికీ ఫిర్యాదు చేశాం నిబంధనల ప్రకారం వీఆర్‌ఎస్‌ బకాయిలను వెంటనే చెల్లించాలని కోరుతూ ప్రధాని కార్యాలయానికి, కేంద్ర ప్రభుత్వానికి ఫిర్యాదు చేశాం. కేంద్రం తక్షణమే జోక్యం చేసుకుని ఉద్యోగులకు రావాల్సిన బకాయిలన్నింటినీ వడ్డీతో సహా ఏకమొత్తంగా చెల్లించేలా ఆదేశాలు జారీ చేయాలి. – పాడి త్రినాథరావు, ప్రధాన కార్యదర్శి, విశాఖ స్టీల్‌ ఎంప్లాయిస్‌ యూనియన్‌

జాతీయ కరాటే పోటీల్లో సత్తా చాటిన విద్యార్థులతో కోచ్‌ శివ మునగపాక : మండలంలోని నారాయుడుపాలెం గ్రామానికి చెందిన అన్నపూర్ణ కరాటే అకాడమీ విద్యార్థులు జాతీయ స్థాయి కరాటే చాంపియన్‌షిప్‌ పోటీల్లో సత్తా చాటారు. ఈ నెల 4వ తేదీన కొత్తవలసలో నిర్వహించిన జాతీయ కరాటే పోటీల్లో అన్నపూర్ణ కరాటే అకాడమీ విద్యార్థులు పలు పతకాలు సాధించినట్టు కోచ్‌ శివ తెలిపారు. వి.ఇంద్రకుమార్‌ బ్లాక్‌బెల్ట్‌, వి.దుర్గా, యు.విశాల్‌, ఈ.జ్యోతి స్వరూప్‌, పి.నానాజీలు బంగారు పతకాలు సాధించారు. ఎ.లహరి, రజి, ఈశ్వర్‌, వాసంతి, యోగి తదితరులు కాంస్య పతకాలు సాధించినట్టు తెలిపారు.

రాంబిల్లి : ఐనాక్స్‌ ఎయిర్‌ కంపెనీని సోమవారం పరిశ్రమల శాఖ మంత్రి టీజీ భరత్‌ ప్రారంభించారు. ఈ సందర్భంగా ఆయన మాట్లాడుతూ, దాదాపు 200 కోట్ల రూపాయలతో 6 ఎకరాల విస్తీర్ణంలో ఐనాక్స్‌ కంపెనీ ఏర్పాటైందన్నారు. కరోనా కాలంలో ఐనాక్స్‌ కంపెనీ ఆక్సిజన్‌ అందించి వేలాది మంది ప్రాణాలను కాపాడిందన్నారు. పరిశ్రమలు ఏర్పాటు చేస్తామని చెప్పి ప్రభుత్వం నుంచి భూములు తీసుకొని పరిశ్రమలు ఏర్పాటు చేయకపోతే సంబంధిత యాజమాన్యాలకు నోటీసులు ఇచ్చి ఆయా భూములను స్వాధీనం చేసుకుంటామన్నారు. ఎమ్మెల్యే విజయ్‌కుమార్‌, రోడ్‌ డెవలప్‌మెంట్‌ కార్పొరేషన్‌ చైర్మన్‌ నాగేశ్వరరావు పాల్గొన్నారు.

పవర్‌ లిఫ్టింగ్‌ పోటీల్లో వివిధ విభాగాల్లో పతకాలు సాధించిన క్రీడాకారులతో బద్రినాథ్‌ అనకాపల్లి : ఈనెల 3, 4 తేదీల్లో ఎన్టీఆర్‌ జిల్లా తిరుపూరు గ్రామంలో రాష్ట్ర స్థాయి సబ్‌ జూనియర్‌, జూనియర్‌, సీనియర్‌ మాస్టర్స్‌ సీ్త్ర పురుషుల పవర్‌ లిఫ్టింగ్‌ పోటీలు జరిగాయి. ఈ పోటీల్లో జిల్లా క్రీడాకారులు పతకాలు సాధించినట్టు ఎస్‌ఎస్‌ఎస్‌ జిమ్‌ వ్యవస్థాపకుడు బద్రి సోమవారం చెప్పారు. సబ్‌ జూనియర్‌ విభాగంలో ఐ.గౌతమి స్విలర్‌ మెడల్‌, జూనియర్‌ విభాగంలో పి.యోగేంద్రకుమార్‌, కె.ప్రవల్లికలు గోల్డ్‌ మెడల్‌, సీనియర్‌ విభాగంలో ఎస్‌.గౌతమ్‌, ఎ.గణేష్‌ గోల్డ్‌ మెడల్‌, మాస్టర్‌ విభాగంలో జి.ఎల్‌వి.నాగరాజు, ఎ.గణేష్‌, బి.వి.రామకృష్ణ గోల్డ్‌ మెడల్‌, కె.శ్రీనివాస్‌ కాంస్య పతకాలు సాధించారు. టీం ఛాంపియన్‌షిప్‌ రాష్ట్రంలో మూడో స్థానం అనకాపల్లి జిల్లాకు రావడం జరిగిందన్నారు.

నర్సీపట్నం/గొలుగొండ: పదే పదే గంజాయి కేసుల్లో పట్టుబడితే పీడీ యాక్ట్‌ ప్రయోగిస్తామని రూరల్‌ సీఐ ఎల్‌.రేవతమ్మ హెచ్చరించారు. ఎన్‌డీపీఎస్‌ చట్ట కింద నర్సీపట్నం రూరల్‌ పోలీసులు సోమవారం అంతర్రాష్ట్ర గంజాయి స్మగ్లర్‌ను అరెస్ట్‌ చేశారు. సీఐ అందించిన వివరాల ప్రకారం.. డీఎస్పీ పి.శ్రీనివాసరావు పర్యవేక్షణలో గొలుగొండ మండలం పాత కేడీపేట గ్రామానికి చెందిన ఉప్పాటి వెంకటేష్‌(23) అల్లూరి జిల్లాలో గంజాయి కొనుగోలు చేసి విశాఖపట్నం, విజయవాడ, హైదరాబాద్‌ తదితర ప్రాంతాలకు తరలిస్తున్నాడు. ఇతనిపై గతంలో పలు పోలీస్‌ స్టేషన్లలో 4 గంజాయి కేసులు ఉన్నాయి. కేడీపేట 1 కేసు, కాకినాడ జిల్లా ఏలేశ్వరం పోలీసు స్టేషన్‌–2, అదే జిల్లా అన్నవరం పోలీసు స్టేషన్‌ –1 కేసు చొప్పున ఉన్నాయి. ఈ నేపథ్యంలో ఎస్పీ తుహిన్‌ సిన్హా ఆదేశాల మేరకు సీఐ రేవతమ్మ, ఎన్‌డీపీఎస్‌ సెల్‌ ఇన్‌స్పెక్టర్‌ పిల్లా రమేష్‌, కేడీపేట ఎస్సై రుషికేశ్వరరావు, సిబ్బంది నిందితుడిని అరెస్ట్‌ చేసి విశాఖ సెంట్రల్‌ జైలుకు తరలించారు.

రాష్ట్ర స్థాయి జూడో, వెయిట్‌లిఫ్టింగ్‌ పోటీలకు ఎంపికై న విద్యార్థులను అభినందిస్తున్న హెచ్‌ఎం ప్రసాద్‌ కశింకోట: స్థానిక డీపీఎన్‌ జెడ్పీ హైస్కూలుకి చెందిన ముగ్గురు విద్యార్థులు రాష్ట్ర స్థాయి జూడో, వెయిట్‌లిఫ్టింగ్‌ పోటీలకు ఎంపికయ్యారు. కొమ్మాదిలో జరిగిన ఉమ్మడి విశాఖ జిల్లా స్థాయి పోటీల్లో జూడోలో ఈ పాఠశాలకు చెందిన ఎస్‌.పవన్‌, జె. వినయ్‌కుమార్‌ ఎంపిక కాగా, అరకులో జరిగిన వెయిట్‌లిఫ్టింగ్‌ పోటీలో బొండా ప్రవీణ్‌ రాష్ట్ర స్థాయి పోటీలకు ఎంపికయ్యారు. వీరికి హెచ్‌ఎం ప్రసాద్‌, విద్యా కమిటీ ప్రతినిధులు, పీఈటీలు వి. ప్రభాకరరావు, పెంటకోట కమల, ఉపాధ్యాయులు అభినందనలు తెలిపారు.

పెబుత్వం మాది.. మాకే ఓటేయాలంటన్నారు.. సోమవారం రాత్రి టీడీపీ నాయకులు మా ఇంటికి వచ్చేరు. మీ భర్త ఎవరికి ఓటేస్తారని అడిగారు. వైఎస్సార్‌సీపీ నిలబెట్టిన కాశీకి ఓటేస్తామని చెబితే చెంపమీద కొడుతూ ఎలా వేస్తావు.. కూటమి పార్టీ బలపరిచిన అభ్యర్థికి ఓటేయకపోతే మీకు మంజూరు చేసిన సీఎం రిలీఫ్‌ ఫండ్‌ వెనక్కి ఇచ్చేయాల్సిందే అని బెదిరించారు. పెబుత్వం మాది మాకే ఓటేయాలి. వేయకపోతే ఊరుకోము అంటూ బెదిరించారు. ఇదెక్కడి న్యాయం.. – బోంది చినతల్లి, రాజయ్యపేట నా ఓటు నా యిష్టం... మా ఓటు మా ఇష్ట ప్రకారం వేసుకోడానికి అవ్వదా. మేము వైఎస్సార్‌సీపీ అభ్యర్థికి ఓటేస్తామని చెబితే ఎందుకు వేస్తారు, అని బెదిరిస్తున్నారు. ఒకరికి మాట ఇచ్చేసాం. మీ రాజకీయ నాయకుల్లా డబ్బులు తీసుకుని మాట మార్చము. మాకు నచ్చినట్లు ఓటేసుకుంటామంటే కుదరదు మా పార్టీకే వేయాలి అని బెదిరిస్తున్నారు. పెబుత్వం మాది మేము చెప్పినోళ్లకే ఓటేయాలి అంటున్నారు. ఇదెక్కడి న్యాయం. నా ఓటు నాకు నచ్చినోడికే వేస్తాను. –యజ్జల సత్తిబాబు, రాజయ్యపేట నక్కపల్లి : నక్కపల్లి, పాయకరావుపేట మండలాల్లోని 7 గ్రామాల్లో మైరెన్‌ ఫిషరమెన్‌ కో ఆపరేటివ్‌ సొసైటీలకు మంగళవారం ఎన్నికలు జరగనున్నాయి. ప్రత్యక్ష పద్ధతిలో చేతులు ఎత్తే విధానం ద్వారా సొసైటీ అధ్యక్ష, ఉపాధ్యక్షులను, ఇతర డైరెక్టర్లను ఎన్నుకుంటారు. పాయకరావుపేట నియోజకవర్గంలో 17 మత్య్సకార గ్రామాలున్నాయి. ఈ గ్రామాల్లో సుమారు 30 వేల మందికి పైగా మత్స్యకారులు నివసిస్తున్నారు. 7వేల మందికి పైగా మత్స్యకారులు బోట్లు, తెప్పలు, ఇంజను కలిగిన బోట్లపై వేట సాగిస్తుంటారు. ప్రస్తుతం 7 ఫిషర్‌మెన్‌ సొసైటీలకు ఎన్నికలు జరుగుతున్నాయి. మొత్తం 3374 మంది ఓటు హక్కు వినియోగించుకోనున్నారు. నక్కపల్లి మండలంలో రాజయ్యపేట (887 మంది సభ్యులు), బోయపాడు(635 మంది సభ్యులు), పెదతీనార్లలో (558 మంది), చినతీనార్ల (165 మంది), దొండవాక(278మంది), బంగారయ్యపేటలో (461మంది) సభ్యులు ఉన్నారు. పాయకరావుపేట మండలం పెంటకోటలో (360 మంది) తమ ఓటు హక్కు వినియోగించుకోనున్నారు. ప్రతిష్టాత్మకంగా ఎన్నికలు మంగళవారం ఉదయం ఎన్నికల నిర్వహణకు మత్స్యశాఖ అధికారులు ఏర్పాట్లు పూర్తి చేశారు. పార్టీ రహితంగా జరిగే ఎన్నికలు అయినప్పటికీ సొసైటీ ప్రెసిడెంట్‌గా బరిలో నిలిచిన అభ్యర్థికి ఏదో ఒక పార్టీ మద్దతు ఉంటుంది. దీంతో ఇరు పార్టీలకు చెందిన గ్రామ స్థాయి నాయకులు తమ మద్దతుదారు విజయానికి తీవ్రంగా కృషి చేస్తున్నారు. ఇక్కడ ఓట్లు కలిగిన వారిలో చాలా మంది వేటరీత్యా పూరి, పరదీప్‌, భువనేశ్వర్‌, శ్రీశైలం, నాగార్జునసాగర్‌ వంటి ప్రాంతాలకు వలస వెళ్లిపోయారు. బరిలో నిలిచిన అభ్యర్థులు ఆయా ప్రాంతాలకు వెళ్లి వీరందరిని కలిసి తమను గెలిపించాలని అభ్యర్థించడంతో పాటు రానుపోను దారి ఖర్చులు కూడా భరిస్తున్నారు. సొసైటీ ద్వారా ప్రభుత్వం మత్స్యకారుల కోసం అనేక సంక్షేమ పఽథకాలు అమలు చేస్తుంది. సబ్సిడీతో కూడిన ఇంజిన్లు, వలలు, బోట్లు, ఇతర వేట సామగ్రితో పాటు, పింఛన్లు, సబ్సిడీపై డీజిల్‌ వంటి సదుపాయాలు కల్పించడంతో ఈ సొసైటీ ప్రెసిడెంట్‌ పదవులకు తీవ్ర పోటీ ఏర్పడింది. ఎన్నికల సందర్భంగా ఘర్షణలు తలెత్తకుండా డీఎస్పీ పి.శ్రీనివాసరావు ఆధ్వర్యంలో పోలీసులు భారీ బందోబస్తు ఏర్పాటు చేస్తున్నారు. డివిజన్‌లో 144వ సెక్షన్‌ అమలు చేస్తున్నారు. ఎన్నికలు జరిగే అన్ని గ్రామాల్లోను డీఎస్పీ శ్రీనివాసరావు, సీఐ మురళి, ఎస్‌ఐ సన్నిబాబు పర్యటించారు. కూటమి ప్రలోభాలు.. బెదిరింపులువైఎస్సార్‌సీపీ బలపరచిన అభ్యర్థుల విజయావకాశాలు ఎక్కువగా ఉండడంతో కూటమి పార్టీల నాయకులు ఓటర్లను ప్రలోభపెడుతున్నారు. తాము మద్దతు ఇచ్చిన వారికి ఓటు వేయకపోతే రేషన్‌ కార్డులు నిలిపివేస్తాం, పింఛన్లు రద్దు చేస్తాం, ఇళ్ల స్థలాలు రాకుండా చేస్తామంటూ బెదిరింపులకు పాల్పడుతున్నారు. కాగా పెంటకోట, పెదతీనార్ల గ్రామాల్లో తమ పార్టీ బలపరచిన అభ్యర్థులు ఓడిపోతారనే భయంతో కూటమి నాయకులు ఈ రెండు సొసైటీ ఎన్నికలను వాయిదా వేయించే ప్రయత్నాలు చేస్తున్నారన్న ప్రచారం జరుగుతోంది. రాజయ్యపేటలో మత్స్యకార సొసైటీ ఎన్నికలు ప్రశాంతంగా నిర్వహించేలా చర్యలు తీసుకోవాలని వైఎస్సార్‌సీపీ రాష్ట్ర కార్యదర్శి వీసం రామకృష్ణ పోలీసులను కోరారు. కూటమి నాయకులు ఓటమి భయంతో ఎన్నికల్లో గలాటా సృష్టించి వాయిదా వేయాలని చూస్తున్నారన్నారు. తక్షణమే భారీ బందోబస్తు ఏర్పాటు చేసి స్వేచ్చగా ఓటు వేసుకునే ఆవకాశం కల్పించాలని కోరారు.

ఎస్పీ తుహిన్‌ సిన్హాను మర్యాదపూర్వకంగా కలిసిన ఎస్‌బీ డీఎస్పీ వి.బాజ్జీరావు అనకాపల్లి : అనకాపల్లి జిల్లా స్పెషల్‌ బ్రాంచ్‌ డీఎస్పీగా వి.బాబ్జీరావు సోమవారం బాధ్యతలను ఎస్పీ తుహిన్‌ సిన్హా కార్యాలయంలో స్వీకరించారు. అంతకుముందు ఎస్పీ తుహిన్‌ సిన్హాను మర్యాదపూర్వకంగా కలిసి పుష్పగుచ్ఛం అందజేశారు. ఈ సందర్బంగా డీఎస్పీ మాట్లాడుతూ 1995లో పోలీస్‌శాఖలో ఎస్‌ఐగా విధులు నిర్వహించి, విశాఖ ఉమ్మడి జిల్లాలో వివిధ పోలీస్‌స్టేషన్‌ల్లో ఎస్‌ఐ, సీఐగా పనిచేయడం జరిగిందన్నారు. ప్రస్తుతం సీఐడీ విభాగంలో పనిచేసి డీఎస్పీగా పదోన్నతిపై అనకాపల్లి జిల్లా ఎస్‌బీగా రావడం జరిగిందన్నారు. శాంతిభద్రతల పరిరక్షణకు స్పెషల్‌ బ్రాంచి విభాగం గుండెకాయ వంటిదన్నారు. సమస్యాత్మక ప్రాంతాలు, సంఘటనలపై ముందస్తు సమాచారాన్ని (ఇంటెలిజెన్స్‌) ఎప్పటికప్పుడు సేకరించి అప్రమత్తం చేయడంలో ఎస్‌బీ కీలక పాత్ర పోషిస్తుందన్నారు. ఆధునిక సాంకేతికతను ఉపయోగించి జిల్లాలో ప్రశాంతమైన వాతావారణంలో ఉండే విధంగా కృషి చేస్తామన్నారు.

యలమంచిలి రూరల్‌: తాను నటించిన పెదబాబు చిత్రంలో ‘నవ్వవయ్య బాబూ..నీ సొమ్మేం పోయింది నీ సోకేం పోయింది’ పాటకు అదిరే స్టెప్పులతో డాన్స్‌ చేసిన యువకుడ్ని నటుడు జగపతిబాబు ప్రశంసించారు. నా డాన్స్‌ని కూడా ఇమిటేట్‌ చేయగలిగినవాడున్నాడు అన్నమాట గొప్పోడివయ్యా అంటూ తన ఇన్‌స్టా అకౌంట్‌ జగ్గూభాయ్‌ ద్వారా యువకుడికి కామెంట్‌ పంపించారు. జగపతిబాబుతో పాటు జబర్దస్త్‌ కమేడియన్‌ అదిరే అభి కూడా యువకుడు పట్నాల రమణను అభినందిస్తూ పోస్ట్‌ చేశారు. ఈ కామెంట్లు సోషల్‌ మీడియాలో వైరల్‌ అయ్యాయి. తన డాన్స్‌తో ఉన్న వీడియో పోస్టు చేసిన ఇన్‌ స్ట్రాగామ్‌ ఖాతాకు ఇప్పటి వరకు 8 లక్షలకు పైగా వ్యూస్‌ వచ్చాయని రమణ తెలిపాడు. ఇటీవల తమ వీధిలో వినాయక నవరాత్రుల సందర్భంగా తాను స్టేజీపై చేసిన డాన్స్‌ను వీడియోగా చిత్రీకరించి సామాజిక మాధ్యమాల్లో పోస్టు చేసినట్టు చెప్పాడు.వీడియో బాగా వైరల్‌ కావడం,నటుడు జగపతిబాబు ప్రశంసించడం పట్ల రమణ సంతోషం వ్యక్తం చేశాడు.

క్రీడాకారులతో ప్రిన్సిపాల్‌ భానుమూర్తి పాయకరావుపేట: రాష్ట్ర స్థాయి క్రీడా పోటీలకు ఎంపికైన విద్యార్థులను శ్రీప్రకాష్‌ విద్యా సంస్థల అధినేత సి.హెచ్‌.వి.కె. నరసింహారావు, సంయుక్త కార్యదర్శి సీహెచ్‌.విజయ్‌ప్రకాష్‌ అభినందించారు. జిల్లా కబడ్డీ అసోసియేషన్‌ ఆధ్వర్యంలో గాంధీనగరంలో జరిగిన కబడ్డీ పోటీల్లో విద్యార్థులు పి. శివాజీ, పి.హేమంత్‌, ఎం.ప్రవీణ్‌కుమార్‌ ప్రతిభ చూపారు. కృష్ణా జిల్లా నూజివీడులో ఈ నెల 11 నుంచి 13 వరకు జరిగే రాష్ట్ర పోటీలు పాల్గొంటారని ప్రిన్సిపాల్‌ భాను మూర్తి తెలిపారు. స్కూల్‌ గేమ్స్‌ ఫెడరేషన్‌ ఆధ్వర్యంలో కృష్ణాపురంలో జరిగిన అండర్‌ –17 జిల్లా స్థాయి హ్యాండ్‌బాల్‌ పోటీల్లో ఆర్‌.నవీన్‌, రిషిరాజ్‌ ప్రతిభ చూపారు. వీరు ఈ నెల 9 నుంచి 11వ తేదీ వరకు తెనాలిలో జరిగే రాష్ట్ర పోటీల్లో పాల్గొంటారని తెలిపారు.

తుమ్మపాల: పీజీఆర్‌ఎస్‌కు వచ్చిన వినతుల పరిష్కారంలో అధికారులు తీవ్ర నిర్లక్ష్యం వహిస్తున్నారు. దీంతో ప్రతి సోమవారం అర్జీదారులు కలెక్టరేట్‌ చుట్టూ తిరగవలసి వస్తోంది. వ్యయప్రయాసలకోర్చి వచ్చి ఫిర్యాదు చేసినా పట్టించుకునే పరిస్థితి లేదని పలువురు వాపోతున్నారు. కలెక్టరేట్‌లో స్వీకరిస్తున్న అర్జీల్లో పునరావృతమైనవే ఎక్కువగా ఉంటున్నాయి. జిల్లాలో అన్ని శాఖల్లోనూ పునరావృత అర్జీలు నమోదవడం ఆయా శాఖల పనితీరుపై ప్రశ్నలు రేకెత్తిస్తోంది. ముఖ్యంగా రెవెన్యూ శాఖకు సంబంధించిన సమస్యలే అత్యధికంగా నమోదవుతున్నాయి. భూ సర్వే, పంచాయతీరాజ్‌, పోలీస్‌ శాఖలకు సంబంధించిన అర్జీల సంఖ్య కూడా అధికంగానే ఉంటోంది. గతంలో కొన్ని శాఖలకు మాత్రమే పరిమితమైన అర్జీలు ఇటీవల అన్ని శాఖల్లోనూ అధికంగా నమోదవుతున్నాయి. ఆయా శాఖల పరిధిలో ప్రజలకు క్షేత్రస్థాయిలో అందాల్సిన సేవలు సక్రమంగా అందకపోవడం, సమస్యలు స్థానికంగానే పరిష్కారం కాకపోవడంతోనే ప్రజలు కలెక్టరేట్‌కు పెద్ద ఎత్తున వచ్చి అర్జీలు అందజేస్తున్నారు. పీజీఆర్‌ఎస్‌లో అర్జీ నమోదు చేసిన తర్వాత సమస్య పరిష్కారంపై అధికారులు దృష్టి సారించడం లేదని విమర్శలు వస్తున్నాయి. కేవలం అర్జీదారులకు ఫోన్‌ చేసి వివరాలు అడిగి తెలుసుకునేందుకే పరిమితమవుతున్నారని, అనంతరం అర్జీని పరిష్కరించినట్లు నమోదు చేస్తున్నారని పలువురు అర్జీదారులు వాపోతున్నారు. జిల్లా అధికారుల వద్ద మొరపెట్టుకుంటున్నా పరిష్కారం చూపడం లేదని సోమవారం కలెక్టరేట్‌ వద్ద జరిగిన పీజీఆర్‌ఎస్‌లో పలువురు అసహనం వ్యక్తం చేశారు. మొత్తం 302 అర్జీలు నమోదు కాగా అత్యధికంగా పునరావృతమైనవే ఉన్నాయి. రెవెన్యూ శాఖకు సంబంధించి 176, సర్వే విభాగం 22, పంచాయతీరాజ్‌ 18, పోలీస్‌ 11, మిగిలినవి వివిధ శాఖలకు సంబంధించినవి ఉన్నాయి. అర్జీదారుల సమస్యలపై నిర్లక్ష్యం వద్దు... ప్రజల నుంచి వచ్చే అర్జీల పరిష్కారంలో అధికారులు నిర్లక్ష్యం వహించరాదని, సమస్యలను వ్యక్తిగతంగా తెలుసుకుని, క్షేత్రస్థాయిలో పర్యటించి సంతృప్తి చెందేలా పరిష్కరించాలని కలెక్టర్‌ విజయ కృష్ణన్‌ అధికారులను ఆదేశించారు. ముఖ్యంగా భూ సంబంధిత సమస్యలను రెవెన్యూ క్లినిక్‌ ద్వారా సత్వరమే పరిష్కరించాలన్నారు. సోమవారం కలెక్టరేట్‌ సమావేశ మందిరంలో నిర్వహించిన పీజీఆర్‌ఎస్‌, రెవెన్యూ క్లినిక్‌ కార్యక్రమంలో ఆమెతో పాటు జాయింట్‌ కలెక్టర్‌ శౌర్యమాన్‌ పటేల్‌, డీఆర్వో వై.సత్యనారాయణరావు అర్జీలు స్వీకరించారు.ఆయా అర్జీలపై సంబంధిత అధికారులను వివరాలు అడిగి తెలుసుకుని, సమస్యల పరిష్కారానికి తక్షణ చర్యలు తీసుకోవాలని ఆదేశించారు. ఈ కార్యక్రమంలో ఐసీడీఎస్‌ పీడీ సూర్యలక్ష్మి, జిల్లా ఎకై ్సజ్‌ అధికారి వి.సుధీర్‌, జిల్లా సర్వే, భూ రికార్డుల సహాయ సంచాలకులు గోపాల్‌రాజా, అన్ని శాఖల జిల్లా అధికారులు పాల్గొన్నారు. నిత్యావసర సరుకుల ధరలు తగ్గించాలి నిత్యావసర సరుకుల ధరలను తగ్గించి పేద, మధ్యతరగతి ప్రజలపై భారం పడకుండా చూడాలని డిమాండ్‌ చేస్తూ ఐద్వా జిల్లా అధ్యక్షురాలు పి.మాణిక్యం, కార్యదర్శి డి.డి.వరలక్ష్మి, కోశాధికారి కె.వి.ఎస్‌.సూర్యప్రభ, జాయింట్‌ సెక్రటరీ ఆర్‌.లక్ష్మిసత్య కలెక్టరేట్‌ వద్ద నిరసన వ్యక్తం చేసి, జేసీకి వినతిపత్రం అందజేశారు. బియ్యం, పప్పులు, వంట నూనెలు, పంచదార, ఉల్లిపాయలు, కూరగాయల ధరలు భారీగా పెరిగిపోయాయని, గ్యాస్‌, పెట్రోల్‌, డీజిల్‌ ధరల పెరుగుదలతో అదనపు భారం పడుతోందన్నారు. మరోవైపు ఎల్‌నినో ప్రభావంతో గ్రామీణ, పట్టణ ప్రాంతాల్లో పనులు తగ్గిపోవడంతో ఆదాయం పడిపోయి పేదలు, దిగువ మధ్యతరగతి కుటుంబాలు తీవ్ర ఇబ్బందులు ఎదుర్కొంటున్నారని చెప్పారు. రేషన్‌ దుకాణాల ద్వారా 14 రకాల నిత్యావసర సరుకులు అందజేస్తామని ప్రభుత్వం ప్రకటించినప్పటికీ, ఆ హామీ ఇంకా పూర్తిస్థాయిలో అమలు చేయకపోవడం దారుణమని విమర్శించారు. ఈ సమస్యల పరిష్కారం కోసం మహిళలతో సంతకాల సేకరణ కార్యక్రమం చేపట్టామని, జిల్లాలోని పలు మండలాల్లో సంతకాలు సేకరించినట్లు తెలిపారు. అక్రమ టోల్‌ వసూళ్లపై విచారణ జరపాలి ప్రభుత్వ నిబంధనలకు విరుద్ధంగా ఏఎంఆర్‌ సంస్థ అక్రమ టోల్‌ గేట్లను ఏర్పాటు చేసి, క్వారీల నుంచి తరలించే మెటీరియల్‌పై టన్నుకు రూ.170 చొప్పున అక్రమంగా వసూలు చేస్తోందని సీపీఎం అనకాపల్లి మండల కన్వీనర్‌ గంటా శ్రీరామ్‌ ఫిర్యాదు చేశారు. ప్రభుత్వానికి రావాల్సిన ఆదాయాన్ని అక్రమ వసూళ్లతో దోచుకుంటోందని ఆరోపించారు. ఈ వ్యవహారంపై సమగ్ర విచారణ జరిపి చర్యలు తీసుకోవాలని కోరారు. అక్రమ మైనింగ్‌ను అవకాశంగా తీసుకుని ఏఎంఆర్‌ సంస్థ ప్రతినిధులు బాబ్జి, సుధాకర్‌ ఆధ్వర్యంలో బృందాలుగా ఏర్పడి లారీలను వెంబడించి మరీ అక్రమంగా వసూళ్లు చేస్తున్నారని పేర్కొన్నారు. ప్రభుత్వంతో ఏఎంఆర్‌ సంస్థ చేసుకున్న ఒప్పందంలోని నిబంధనలను ఉల్లంఘిస్తూ వసూళ్లు జరపడంపై పూర్తిస్థాయి దర్యాప్తు నిర్వహించాలని కోరారు. అక్రమ మైనింగ్‌, అక్రమ రవాణాను అరికట్టి ప్రభుత్వానికి రావాల్సిన ఆదాయాన్ని రాబట్టాలన్నారు. కాంట్రాక్ట్‌ వైద్య ఉద్యోగులను రెగ్యులరైజ్‌ చేయాలి రాష్ట్ర వైద్య, ఆరోగ్య, కుటుంబ సంక్షేమ శాఖ పరిధిలో పనిచేస్తున్న కాంట్రాక్ట్‌ ఉద్యోగులను రెగ్యులరైజ్‌ చేయడంతో పాటు 100 శాతం గ్రాస్‌ జీతాన్ని పునరుద్ధరించాలని ఏపీ మెడికల్‌ అండ్‌ హెల్త్‌ కాంట్రాక్ట్‌ జాయింట్‌ యాక్షన్‌ కమిటీ డిమాండ్‌ చేసింది. ఈ మేరకు కలెక్టరేట్‌ వద్ద ప్లకార్డులతో ఆందోళన చేసి కలెక్టర్‌, జిల్లా వైద్య ఆరోగ్య శాఖ అధికారులకు వినతిపత్రం సమర్పించినట్లు కమిటీ ప్రతినిధులు తెలిపారు. స్టాఫ్‌ నర్సులు, ల్యాబ్‌ టెక్నీషియన్లు, ఫార్మసీ అధికారులు, ఇతర పారామెడికల్‌, అనుబంధ విభాగాల ఉద్యోగులు అత్యవసర వైద్య సేవల్లో కీలక పాత్ర పోషిస్తున్నట్టు చెప్పారు. అర్హత, అనుభవం ఉన్న సిబ్బంది దీర్ఘకాలంగా కాంట్రాక్ట్‌ ఉద్యోగులుగానే మిగిలిపోయామన్నారు. తమ డిమాండ్లను నెరవేర్చాలని కోరారు.

అభివృద్ధికి ఆవల.. సాక్షి, అనకాపల్లి : అభివృద్ధిని బూచిగా చూపి క్వారీ లీజులివ్వడంలో మైనింగ్‌ శాఖ అధికారులు అందెవేసిన చేయిగా మారారు. భవిష్యత్‌ తరాలకు చుక్కానిలా నిలిచే వనరుల్ని సద్వినియోగం చెయ్యడం, వాటికి భద్రత కల్పించడం అధికారుల బాధ్యత. కానీ అనకాపల్లి జిల్లాలో వివిధ ప్రభుత్వ శాఖలు చోద్యం చూస్తున్నాయి. చివరకు విజిలెన్స్‌ బృందం సైతం క్వారీ తవ్వకాల్లో లోపాలు కనపించాయని చెప్పినా చేతులు దులుపుకొని క్వారీ కార్యకలాపాలను నిర్వహించడం అనకాపల్లి జిల్లాలోనే సాధ్యమైందని చెప్పొచ్చు. వివరాల్లోకి వెళితే... అనకాపల్లి–అచ్యుతాపురం రహదారి విస్తరణ పనుల్ని ఒక ప్రైవేట్‌ సంస్థ చేపడుతోంది. నిర్వాసితులకు నష్టపరిహారం అందించడంతో పాటు, అలైన్‌మెంట్‌ మార్పులు, రహదారి పనులకు అవసరమైన మైనింగ్‌ నిక్షేపాలు లభించడంలో ఏర్పడిన ప్రతిష్టంభనను సాంకేతికంగా అధిగమించాల్సిన నిర్మాణ సంస్థ అధికారుల సాయంతో సహజ వనరుల దోపిడీకి పాల్పడుతోంది. నిస్సిగ్గుగా సాగుతున్న ఈ తతంగం సాక్షిగా ఆయా గ్రామాల ప్రజలు పాలకుల బెదిరింపులతో తెల్లముఖం వెయ్యడం తప్ప అడ్డుకోలేని దయనీయ స్థితిలో ఉన్నారు. అనుమతులు ఇవ్వడమే తప్పిదం..! అనకాపల్లి జిల్లా అచ్యుతాపురం మండలంలోని అందలాపల్లి కొండకు విశిష్టత ఉంది.సమీపంలో ఉన్న కొండకర్ల ఆవలో విడిది చేసే పక్షులకు రాత్రి వేళ ఆవాసంగా అందలాపల్లి కొండపై భాగాన ఉన్న వృక్షాలు ఉపయోగపడతాయి. దీనికి తోడు ఈ ఆవ సరిహాద్దుల్లో ఎకోటూరిజం మేరకు చిత్తడి నేలల పరిరక్షణ కమిటీలను కూడా గతంలో నియమించాలని, దీంట్లో స్థానికుల భాగస్వామ్యం తీసుకోవాలని నిర్ణయించారు. ఇంతటి ప్రాధాన్యం ఉన్న అందలాపల్లి కొండపై పర్యావరణ అనుమతులు లేకుండా ఎటువంటి తవ్వకాలు చేపట్టరాదు. పర్యావరణ అనుమతులు ఇచ్చేందుకు గతంలో ఉన్న జటిలమైన నిబంధనల్ని తూతూ మంత్రంగా మార్చిన ఇప్పటి ప్రభుత్వం స్థానిక పంచాయతీ పాలక వర్గం సమ్మతి లేకుండానే ఎన్‌ఓసీని జారీ చేశారు. ఈ క్రమంలో గతంలో ఇక్కడి క్వారీ ప్రాంతం వద్ద స్థానికులు నిరసన తెలిపిన సందర్భాలు కూడా ఉన్నాయి. అనుమతులు ఒక చోట... తవ్వకాలు మరో చోట అందలాపల్లి కొండ శిఖర భాగాన క్వారీకి అడ్డగోలుగా అనుమతి ఇచ్చారు. అది కూడా లూజ్‌ సాయిల్‌ను తవ్వుకొని రహదారి లెవెలింగ్‌కు ఉపయోగించుకోవాలనేది అడ్డగోలు అనుమతి సారాంశం. కానీ ఇక్కడ గ్రావెల్‌ అనేది లేదు. దీంతో పెద్ద పెద్ద బండరాళ్లను డ్రిల్లింగ్‌ చేసి మరీ పెకిలిస్తున్నారు. అనుమతుల్లో ఉన్న సర్వే నంబర్‌ కాకుండా పక్కన పూర్తిగా కొండను ధ్వంసం చేశారు. దీనికి పెద్ద పెద్ద సంస్థలు, ఆయా ప్రతినిధుల ఒత్తిడి ఉండడంతో ఇక్కడేం జరగనట్లు మైనింగ్‌ శాఖ మిన్నకుంటున్నది. తూతూ మంత్రంగా విజిలెన్స్‌... ఈ క్వారీపై గతంలో విజిలెన్స్‌కు ఫిర్యాదు చేసిన స్థానికులు సైతం ఆ విభాగ తీరును ప్రశ్నిస్తున్నారు. విజిలెన్స్‌ అధికారులు వచ్చి నామ మాత్రపు నివేదికతో కూడిన సంతకాలు తీసుకొని వదిలేశారు. దీంతో అక్రమ క్వారీ ద్వారా వచ్చిన బండరాళ్లను అచ్యుతాపురం–అనకాపల్లి రహదారి విస్తరణ పనుల లెవెలింగ్‌ పనులు దర్శనమిస్తున్నాయి. క్వారీ ఎక్కడ అనుమతి ఇచ్చారో, ఎక్కడి నుంచి మెటల్‌ తవ్వుతున్నారో క్షేత్ర స్థాయి పరిశీలన జరపని మైనింగ్‌ అధికారుల ఉదాసీన వైఖరి కారణంగా పొంతన లేని సీనరేజ్‌ వసూలు బిల్లుల్ని పట్టుకొని క్వారీ వాహనదారులు దర్జాగా అందలాపల్లి కొండను తొలిచేస్తున్నారు. ఈ కొండ పూర్తిగా కరిగిపోతే ఈ ప్రాంతానికి వరంగా ఉన్న పర్యాటక అందాలు కనుమరుగవ్వడం ఖాయమని స్థానికులు వాపోతున్నారు.

అనకాపల్లి : యువత క్రీడా ప్రతిభను వెలికితీసేందుకు ఇండోర్‌ స్టేడియం ఎంతగానో ఉపయోగపడుతుందని కలెక్టర్‌ విజయకృష్ణన్‌ అన్నారు. స్థానిక గవరపాలెం ఇండోర్‌ స్టేడియంను సోమవారం ప్రారంభించారు. ఈ సందర్భంగా ఆమె మాట్లాడుతూ ప్రజలకు, యువత ఈ ఇండోర్‌ స్టేడియంను సద్వినియోగం చేసుకోవాలన్నారు. జీవీఎంసీ కమిషనర్‌ కేతన్‌ గార్గ్‌ మాట్లాడుతూ క్రీడా సదుపాయాలను అందుబాటులోకి తీసుకురావడంలో రాజీవ్‌గాంధీ ఇండోర్‌ స్టేడియం కీలకంగా నిలుస్తుందన్నారు. సీఎస్‌ఆర్‌ రూ.2కోట్ల నిధులతో స్టేడియంను అభివృద్ధి చేశామన్నారు. ఎమ్మెల్యే కొణతాల రామకృష్ణ, ఎన్‌టీపీసీ సింహాద్రీ ఎగ్జిక్యూటివ్‌ డైరెక్టర్‌ అయస్కాంత్‌ జెనా, కూటమి నాయకులు పాల్గొన్నారు.

ఉపాధి హామీ పథకం పేరు మారినా తీరు మారలేదు. ఈ ఏడాది జూలై 1 నుంచి వీబీజీరామ్‌జీగా కొత్త విధానంతో పథకం అమలవుతున్నా శ్రామికులకు సకాలంలో వేతనాలు అందడం లేదు. కొత్త విధానంలో పని దినాలు పెరగడంతో పాటు ప్రతి వారం సకాలంలో వేతనాలు వచ్చేస్తాయని అధికారులు గ్రామ సభల్లో చెప్పారు. కానీ క్షేత్రస్థాయిలో పరిస్థితి అందుకు భిన్నంగా ఉంది. వేతనాల్లేని.. జూన్‌ 8 తర్వాత నుంచి ఎదురుచూపులే ఇల్లు గడవక కూలీల ఇబ్బందులు వీబీజీరామ్‌జీ పథకం అమల్లోకి వచ్చినా మారని తీరు జిల్లాలో బకాయిలు 110.53 కోట్లు మొత్తం జాబ్‌ కార్డులు 2,73,320వేతనదారులు 2,44,8232026–27 ఆర్థిక సంవత్సరంలో పని దినాలు : 1,08,22,802 యలమంచిలి రూరల్‌: ఓ పక్క వర్షాలు కురవక జిల్లాలో పంటల సాగు గణనీయంగా తగ్గింది. వేసిన పంటలూ ఎండిపోయాయి. వ్యవసాయ పనులు దొరకడం లేదు. జిల్లాలో రాంబిల్లి, మాడుగుల మండలాలు మినహా మిగతా 22 మండలాలను అధికారులు కరువు మండలాలుగా ప్రకటించారు. ఉన్న ఊర్లు వదిలి వలస వెళ్లాల్సిన దుస్థితి దాపురించింది. ఈ కష్టకాలంలో కల్పతరువుగా నిలవాల్సిన ఉపాధి పథకం సకాలంలో వేతనాలు చెల్లించకపోవడంతో కూలీలకు కష్టాలు తెచ్చిపెడుతోంది.ఈ ఏడాది జూన్‌ 9 నుంచి జిల్లాలో చేసిన పనులకు బిల్లులు అందక శ్రామికులు ఆర్థిక ఇబ్బందులతో సతమతమవుతున్నారు. చేతిలో చిల్లిగవ్వ లేక నిత్యావసరాల కోసం అప్పులు చేయాల్సి వస్తోందని కూలీలు వాపోతున్నారు. రూ.110 కోట్ల బకాయిలు జిల్లాలో 2,44,823 మంది వేతనదారులకు 110.53 కోట్ల మేర బకాయిలు చెల్లించాల్సి ఉంది. వేతనాల కోసం ఎదురుచూస్తున్న వీరందని పరిస్థితి దయనీయంగా ఉంది. కేంద్ర, రాష్ట్రాల్లో అధికారంలో ఉన్న కూటమి ప్రభుత్వాలు కూలీల పరిస్థితిని పట్టించుకోకపోవడంతో వారంతా ఇబ్బందులు ఎదుర్కొంటున్నారు. ఇతర ప్రాంతాలకు వలసలు వెళ్లిపోదామన్నా కుటుంబ పరిస్థితులు అనుకూలించడం లేదని, వెంటనే బకాయి వేతనాలను చెల్లించండి మహాప్రభో అని వారంతా వేడుకుంటున్నారు. వేతనం పెంచినా.. వీబీజీరామ్‌జీ పథకం అమల్లోకి వచ్చిన తర్వాత రోజువారీ గరిష్ట వేతనాన్ని రూ.307 నుంచి రూ.312కి పెంచారు. ఎల్‌నినో ప్రభావంతో గ్రామాల్లో పనులకు వచ్చే కూలీల సంఖ్య కూడా గణనీయంగా పెరిగింది. గ్రామాల్లో జల వనరుల సంరక్షణ, పంట కాలువల్లో పూడికతీత, రోడ్లు, డ్రెయిన్ల నిర్మా ణం, పండ్ల తోటల పెంపకం వంటి పనులను చేశారు. ఆలస్యం లేకుండా త్వరగా వేతనాలు అందించడం వీబీజీరామ్‌జీ పథకం లక్ష్యం కాగా ఆరంభంలోనే వేతనాలకు శ్రామికులు ఇబ్బందులు పడే పరిస్థితులు నెలకొనడం పట్ల కూలీల నుంచి తీవ్ర అసంతృప్తి వ్యక్తమవుతోంది. పనులు చేసినా వేతనాలు లేవు ఈ ఏడాది జూన్‌ 30 వరకు మహాత్మాగాంధీ జాతీయ గ్రామీణ ఉపాధి హామీ పథకం కింద చేపట్టిన పనులకు రూ.54.64 కోట్లు, జూలై 1వ తేదీ నుంచి అమలవుతున్న వీబీజీరామ్‌జీ పథకం కింద రూ.55.89 కోట్లు మొత్తం రూ.110.53 కోట్ల బకాయిలు కూలీలకు చెల్లించాల్సి ఉంది. పాత, కొత్త పథకాల కింద పనులు చేసినా వేతనాలు అందని దుస్థితి జిల్లాలో నెలకొంది. బిల్లుల కోసం వేలాది కుటుంబాలు ఆశగా ఎదురుచూస్తున్నాయి.

కశింకోట: కశింకోటలోని డీపీఎన్‌జెడ్పీ హైస్కూలుకి చెందిన ఐదుగురు విద్యార్థులు రాష్ట్ర స్థాయి కుస్తీ పోటీలకు ఎంపికయ్యారు. కొయ్యూరులో స్కూల్‌ గేమ్స్‌ ఫెడరేషన్‌ ఆధ్వర్యంలో జరిగిన జిల్లా స్థాయి పోటీలో ఇక్కడి పాఠశాల నుంచి ఫ్రీ స్టయిల్‌ విభాగంలో డి. లోకేష్‌, జి. హరనాథ్‌, గ్రీకో రోమన్‌ విభాగంలో ఎ. స్వరూప్‌, జి. భరత్‌కుమార్‌, జి.చందులను రాష్ట్ర స్థాయి పోటీలకు ఎంపిక చేశారని హెచ్‌ఎం ఎన్‌.జె.వి ప్రసాద్‌ తెలిపారు. వీరు ఈ నెల 10,11 తేదీల్లో పల్నాడులో జరిగే రాష్ట్ర స్థాయి పోటీలో పాల్గొంటారని తెలిపారు. వీరిని ఆయనతోపాటు వ్యాయామ ఉపాధ్యాయులు వి.ప్రభాకరరావు, పెంటకోట కమల, ఉపాధ్యాయులు, పాఠశాల యాజమాన్య కమిటీ ప్రతినిధులు అభినందించారు. వెయిట్‌ లిఫ్టింగ్‌ పోటీల్లో... నర్సీపట్నం: మున్సిపాలిటీ పరిధి బలిఘట్టం జిల్లా పరిషత్‌ హైస్కూల్‌లో 8వ తరగతి చదువుతున్న మందడపు నాగశ్రీ స్కూల్‌ గేమ్స్‌ ఫెడరేషన్‌ ఆధ్వర్యంలో జరిగిన వెయిట్‌ లిప్టింగ్‌ పోటీల్లో మంచి ప్రతిభ కనబరిచి రాష్ట్ర స్థాయి పోటీలకు ఎంపికై ంది. ఈ నెల 9,10,11 తేదీల్లో కాకినాడలో జరిగే రాష్ట్రస్థాయి పోటీల్లో విద్యార్థిని పాల్గొంటుంది. క్రీడాకారిణి నాగశ్రీ, వ్యాయామ ఉపాధ్యాయుడు నాగేశ్వరరావును పాఠశాల హెచ్‌ఎం శ్రీదేవి, ఉపాధ్యాయులు ఐ.శ్రీనివాసరావు అభినందించారు.

పెందుర్తి: తన కుమారుడు మరణించినా.. అతడి కళ్ల ద్వారా మరో ఇద్దరికి చూపు కలగాలని భావించిన తల్లి మానవత్వాన్ని చాటుకున్నారు. పెందుర్తికి చెందిన పట్నాల అరవింద్‌ రామస్వామి (28) అనారోగ్యంతో కేజీహెచ్‌లో చికిత్స పొందుతూ మృతి చెందాడు. విషయం తెలుసుకున్న సాయి హెల్పింగ్‌ హ్యాండ్స్‌ చారిటబుల్‌ ట్రస్ట్‌ ప్రతినిధులు మృతుడి కుటుంబ సభ్యులను సంప్రదించి నేత్రదానంపై అవగాహన కల్పించారు. తీవ్ర విషాదంలోనూ అరవింద్‌ రామస్వామి తల్లి పట్నాల స్వరూప నేత్రదానానికి అంగీకరించారు. కేజీహెచ్‌లో మృతుడి నేత్రాలను ఎల్‌వీ ప్రసాద్‌ నేత్ర వైద్య సంస్థకు చెందిన రమ్య, వాణి సేకరించారు. ఈ సందర్భంగా ట్రస్ట్‌ అధ్యక్షుడు దాడి శ్రీను మాట్లాడుతూ.. కుటుంబ సభ్యుడిని కోల్పోయిన బాధలోనూ నేత్రదానానికి అంగీకరించిన స్వరూపను, ఆమె కుటుంబ సభ్యులను అభినందించారు. వారి కుటుంబానికి కృతజ్ఞతలు తెలిపారు.

కొమ్మాది: భీమిలి బీచ్‌ రోడ్డు మంగమారిపేట సాగరతీరంలో ఆదివారం షూటింగ్‌ సందడి నెలకొంది. దర్శకుడు రవిబాబు నేలకుడితి దర్శకత్వంలో ఎస్‌ఎల్‌వీ సినిమాస్‌ బ్యానర్‌పై తెరకెక్కుతున్న చిత్రానికి సంబంధించిన పలు సన్నివేశాలను ఇక్కడ చిత్రీకరించారు. ఈ షూటింగ్‌లో భాగంగా హీరో దుల్కర్‌ సల్మాన్‌, హీరోయిన్‌ పూజా హెగ్డే పాల్గొని సందడి చేశారు. ఆదివారం కావడంతో ఒకవైపు పర్యాటకులు, మరోవైపు చిత్ర బృందంతో మంగమారిపేట తీరం సందడిగా మారింది. సినీ తారలను చూసేందుకు సమీప ప్రాంతాల నుంచి అభిమానులు పెద్ద సంఖ్యలో తరలివచ్చారు. మంగమారిపేట బీచ్‌ వద్ద హీరో దుల్కర్‌ సల్మాన్‌, హీరోయిన్‌ పూజా హెగ్డే

రాంబిల్లి: సెజ్‌ రెండో విడత భూ సేకరణలో గల గొరపూడి భూముల్లో ఫెన్సింగ్‌ పనులను తక్షణమే ఆపాలని యలమంచిలి నియోజకవర్గ వైఎస్సార్‌సీపీ సమన్వయకర్త కరణం ధర్మశ్రీ డిమాండ్‌ చేశారు. ఆదివారం ఆయన వైఎస్సార్‌సీపీ జిల్లా అధ్యక్షుడు బొడ్డేడ ప్రసాద్‌తో కలిసి గొరపూడి శివారు అప్పన్నపాలెంకు చెందిన లాలం నర్సింగరావు మృతదేహాన్ని సందర్శించి కుటుంబసభ్యులకు ఽధైర్యం చెప్పారు. తమ భూములకు నష్టపరిహారం చెల్లించకుండా ఫెన్సింగ్‌ పనులు అధికారులు చేపట్టడంతో ఆందోళనకు లోనై తన తండ్రి మృతి చెందారని కుమార్తెలు నిరీష, కుమారి అన్నారు. కనీసం మృతదేహంపై టెంట్‌ కూడా అధికారులు వేసుకోకుండా చేశారని భార్య నారాయణమ్మ వాపోయారు. దీనికి స్పందించిన ధర్మశ్రీ అధికారుల తీరుపై ఆగ్రహం వ్యక్తం చేశారు. సమస్యను శాంతియుతంగా పరిష్కరించాలని ధర్మశ్రీ ఆర్డీవో రామలక్ష్మిని కోరారు. రైతులకు నష్టపరిహారం చెల్లించకుండా భూముల్లో ఫెన్సింగ్‌ పనులు చేస్తే చూస్తూ ఊరుకోమని తహసీల్దార్‌ పీవీ రత్నంకు స్పష్టం చేశారు. రాజ్యాంగం, కోర్టు నిబంధనలు కాదని ఫెన్సింగ్‌ వేస్తే రైతులతో కలిసి యంత్రాలతో ఫెన్సింగ్‌ తీసివేస్తామని ధర్మశ్రీ హెచ్చరించారు. నష్టపరిహారం చెల్లించకుండా భూములు స్వాధీనం చేసుకోవడం దారుణమని బొడ్డేడ ప్రసాద్‌ ద్వజమెత్తారు. రైతులకు తమ పార్టీ అండగా ఉంటుందన్నారు. జిల్లా కలెక్టర్‌ సమక్షంలో రైతులతో చర్చలు జరిపిన తర్వాతే పనులు నిర్వహించాలని అప్పటివరకు పనులు ఆపాలన్నారు. అలాగే మృతి చెందిన రైతు కుటుంబాన్ని ఆదుకోవాలన్నారు. దీనిపై తహసీల్దార్‌ పీవీ రత్నం మాట్లాడుతూ, ఈ భూములు లారస్‌ కంపెనీకి ప్రభుత్వం కేటాయించిందని, ఆయా కంపెనీ యాజమాన్యం రూ 25 లక్షలతో పాటు కుమార్తెలకు ఉద్యోగాలు ఇచ్చేందుకు అంగీకరించిందన్నారు. కాగా గొరపూడి వెళ్లేందుకు వస్తున్న ధర్మశ్రీని వెంకటాపురం వద్ద పోలీసులు అరగంట సేపు అడ్డుకున్నారు. ఈ కార్యక్రమంలో వైఎస్సార్‌సీపీ నాయకులు పిన్నంరాజు కిషోర్‌, గొట్టిముక్కల శ్రీనుబాబు, ధూళి నాగరాజు, ఎన్‌వీ సూర్యనారాయణ, శంకర్రావు, గొర్లె నర్సింగరావు, రుత్తల గణేష్‌ తదితరులు పాల్గొన్నారు.

మునగపాక: మండలంలోని తిమ్మరాజుపేట డావెన్సీ అంతర్జాతీయ పాఠశాలలో ఆదివారం నిర్వహించిన రాష్ట్రస్థాయి పుట్‌బాల్‌ పోటీలకు విశేష స్పందన వచ్చింది. మొత్తం 14 టీమ్‌లు ఈ పోటీల్లో పాల్గొన్నాయి. సింహాచలానికి చెందిన బూట్స్‌ టీమ్‌కు ప్రథమ స్థానం రాగా విశాఖకు చెందిన సిద్దార్ధ టీమ్‌ ద్వితీయ స్థానం సాధించింది. విజేతలకు పాఠశాల మేనేజింగ్‌ డైరెక్టర్‌ కర్రి సుందరయ్య, డైరెక్టర్‌ రమణాజీలు బహుమతులు అందించారు. ఈ సందర్భంగా వారు మాట్లాడుతూ విద్యార్థులు చదువుతో పాటు క్రీడల్లో రాణించాలన్నారు. తద్వారా ఉద్యోగ, ఉపాధి అవకాశాలు ఉంటాయన్నారు. క్రీడల ద్వారా మానసిక ఉల్లాసంతో పాటు శరీర ధారుఢ్యం పెరుగుతుందన్నారు. జిల్లా పుట్‌బాల్‌ అసోసియేషన్‌ అధ్యక్షుడు గణేష్‌, కార్యదర్శి రామకృష్ణ, సహాయ కార్యదర్శి నరేష్‌ల పర్యవేక్షణలో పోటీలు జరిగాయి. కార్యక్రమంలో పాఠశాల ఉపాధ్యాయులతో పాటు పలువురు క్రీడాకారులు పాల్గొన్నారు.

అనకాపల్లి: ఉత్తరాంధ్ర జిల్లా బహుజన ఉద్యోగుల ఆధ్వర్యంలో ఈనెల 11న న్యాయభేరి బహిరంగ సభ తుమ్మపాల పంచాయతీ ఏలేరు కాలువ వద్ద కల్యాణి వెంకటేశ్వర ఫంక్షన్‌ హాల్లో నిర్వహించడం జరుగుతుందని రిజర్వేషన్‌ పరిరక్షణ సమితి రాష్ట్ర యూత్‌ కన్వీనర్‌ శేఖర్‌, జిల్లా వర్కింగ్‌ అధ్యక్షుడు బోయిన చిన్నారావు అన్నారు. స్థానిక ఆర్టీసీ కాంప్లెక్స్‌ రహ దారి సీఐటీయూ కార్యాలయంలో ఆదివారం కరప త్రాలను ఆవిష్కరించారు. ఈ సందర్భంగా వారు మాట్లాడుతూ రాజ్యాంగ పరిరక్షణ, న్యాయ వ్యవస్థలో రిజర్వేషన్లు అమలు, ప్రభుత్వ ఉద్యోగాలలో చట్టం అమలు చట్టసభలలో బీసీలకు 44శాతం రిజర్వేషన్లు కల్పించాలన్నారు. కాంట్రాక్టు, అవుట్‌సోర్సింగ్‌ ఉద్యోగులను రెగ్యులర్‌ చేయాలని, పరిశ్రమల్లో స్థానిక యువతకు ఉద్యోగ అవకాశాలు కల్పించాలన్నారు. విశాఖ స్టీల్‌ప్లాంట్‌కు క్యాప్టివ్‌ గనులను కేటాయించి ప్రైవేటీకరణ అపాలని, 1/70 చట్టాలను కఠినంగా అమలు చేయాలని కోరుతున్నామన్నారు.

విశాఖవిద్య: ఆంధ్ర విశ్వవిద్యాలయానికి చెందిన వందల కోట్ల విలువైన భూములను ఇతర అవసరాలకు కేటాయించే ప్రతిపాదనలపై పూర్వ విద్యార్థులు, విద్యావేత్తలు, విశ్వవిద్యాలయ వర్గాల్లో తీవ్ర ప్రశ్నలు వ్యక్తమవుతున్నాయి. నగర నడిబొడ్డులో ఉన్న ఏయూ భూములను భవిష్యత్‌ అవసరాల కోసం కాపాడాల్సిన బాధ్యత యంత్రాంగంపై ఉందని వారు పేర్కొంటున్నారు. కంప్యూటర్‌ ఇంజినీరింగ్‌ విభాగం సమీపంలోని సుమారు రెండు ఎకరాల భూమిని సిటీ సెంట్రల్‌ లైబ్రరీ ఏర్పాటుకు కేటాయించే ప్రతిపాదనపై పునరాలోచించాలని కోరుతున్నారు. రూ.300 కోట్ల భూమి బదలాయింపా? ఏయూలో కీలక ప్రాంతంలో ఉన్న ఈ రెండు ఎకరాల భూమి ప్రస్తుత మార్కెట్‌ విలువ ప్రకారం సుమారు రూ.300 కోట్లకు తగ్గదని వర్గాలు పేర్కొంటున్నాయి. ఇంత విలువైన భూమిని బదలాయించే ముందు, దాని వల్ల విశ్వవిద్యాలయానికి కలిగే ప్రత్యక్ష, దీర్ఘకాలిక ప్రయోజనం ఏమిటో వెల్లడించాలని డిమాండ్‌ చేస్తున్నారు. భవిష్యత్‌ విస్తరణకు అవసరమయ్యే భూములను ఇప్పుడు ఇతర అవసరాలకు కేటాయించడం ఎంతవరకు సమంజసమనే ప్రశ్నలు తలెత్తుతున్నాయి. రూ.5 కోట్లతో వీఎస్‌ కృష్ణా లైబ్రరీ ఆధునికీకరణ సాధ్యం కాదా? సిటీ సెంట్రల్‌ లైబ్రరీ కోసం కొత్తగా భూమి కేటాయించే బదులు, ఇప్పటికే ఉన్న వీఎస్‌ కృష్ణా లైబ్రరీని ఆధునికీకరించాలని పూర్వ విద్యార్థులు సూచిస్తున్నారు. సుమారు రూ.5 కోట్లతో డిజిటల్‌ లైబ్రరీ, ఈ–జర్నల్స్‌, పరిశోధనా సదుపాయాలు, ఆధునిక పఠన గదులు ఏర్పాటు చేయవచ్చని పేర్కొంటున్నారు. వీఎస్‌ కృష్ణా లైబ్రరీ ఏయూ చరిత్రలో కీలక భాగమని, ఇక్కడ చదువుకున్న అనేక మంది విద్యార్థులు సివిల్‌ సర్వెంట్లు, వైద్యులు, న్యాయవాదులు, పోలీసు అధికారులు, పారిశ్రామికవేత్తలుగా ఎదిగారని గుర్తుచేస్తున్నారు. మెగా హాస్టళ్లపై సందేహాలు ఏయూలో ఇప్పటికే 40కి పైగా హాస్టళ్లు ఉన్నాయని, ప్రధాన సమస్య హాస్టళ్ల కొరత కాదని విద్యార్థి వర్గాలు చెబుతున్నాయి. నిర్వహణ, మరమ్మతులు, పారిశుధ్యం, మౌలిక సదుపాయాల ఆధునికీకరణపై దృష్టి పెట్టాలని సూచిస్తున్నారు. గతంలో ఒక్కో హాస్టల్‌లో సుమారు 200 మందికి మించకుండా ఉండే విధంగా ఏర్పాటు చేయడం వల్ల నిర్వహణ సులభంగా ఉండేదని పేర్కొంటున్నారు. భారీ వ్యయంతో మెగా హాస్టళ్ల నిర్మాణం ఎంతవరకు ప్రయోజనకరమనే ప్రశ్నలు వ్యక్తమవుతున్నాయి. రూ.44 కోట్ల మెగా మెస్‌.. సాధ్యమేనా? సుమారు 500 ఎకరాల విస్తీర్ణంలో ఉన్న ఏయూ క్యాంపస్‌లో రూ.44 కోట్లతో ఒకే మెగా మెస్‌ నిర్మించే ప్రతిపాదనపైనా చర్చ జరుగుతోంది. ఒకే మెస్‌ ద్వారా విద్యార్థుల భోజన సమస్యలను పరిష్కరించవచ్చని చెబుతున్నప్పటికీ, వేలాది మంది విద్యార్థులు ఒకే చోటకు వెళ్లడం వల్ల దూరం, రద్దీ, సమయపాలన, ఆహార పంపిణీ వంటి సమస్యలు తలెత్తే అవకాశం ఉందని పలువురు అభిప్రాయపడుతున్నారు. రూ.5 కోట్ల ఇంటర్నెట్‌ కేబులింగ్‌ వెనుక మతలబు క్యాంపస్‌లో ఇంటర్నెట్‌ కేబులింగ్‌ కోసం సుమారు రూ.5 కోట్లు ఖర్చు చేసే ప్రతిపాదనపైనా అభ్యంతరాలు వ్యక్తమవుతున్నాయి. కేబుల్‌, ఇంటర్నెట్‌ ఆపరేటర్లు ఉచితంగా కేబులింగ్‌ చేసేందుకు ముందుకు వస్తున్న పరిస్థితుల్లో, విశ్వవిద్యాలయ నిధులతో తవ్వకాలు చేపట్టాల్సిన అవసరం ఏమిటని ప్రశ్నిస్తున్నారు. ఏయూ ఇప్పటికే ఆప్టికల్‌ ఫైబర్‌, వైర్డ్‌, వైర్‌లెస్‌ నెట్‌వర్క్‌ సదుపాయాలు ఉన్నట్లు అధికారిక వెబ్‌సైట్‌లో పేర్కొన్న నేపథ్యంలో కొత్త కేబులింగ్‌ అవసరంపై స్పష్టత ఇవ్వాలని కోరుతున్నారు. 2018 భూమి ఆదాయం ఏది? 2018లో బీచ్‌ రోడ్డులోని సుమారు రెండు ఎకరాల ఏయూ భూమిని వుడాకు యుద్ధ విమానాల మ్యూజియం కోసం కేటాయించారని, దాని ద్వారా వచ్చే ఆదాయాన్ని విశ్వవిద్యాలయంతో పంచుకుంటామని అప్పట్లో చెప్పినప్పటికీ ఇప్పటివరకు ఏయూకు ఒక్క రూపాయి కూడా అందలేదని ఆరోపిస్తున్నారు. గతంలో ఇచ్చిన భూముల ప్రయోజనాలపై స్పష్టత లేకుండానే మరో విలువైన భూమిని కేటాయించే ప్రతిపాదనపై సమాధానం ఇవ్వాలని కోరుతున్నారు. నిర్ణయాలపై పారదర్శకత అవసరం ఏయూ భూముల కేటాయింపులు, భారీ నిర్మాణాలు, ఖర్చుల విషయంలో విశ్వవిద్యాలయా నికి కలిగే ప్రయోజనాలను బహిరంగంగా వెల్లడించాలని పూర్వ విద్యార్థులు, విద్యావేత్తలు కోరుతున్నారు. విలువైన ఆస్తులను కాపాడటంతో పాటు అనవసర వ్యయాలను నివారించాలని విజ్ఞప్తి చేస్తున్నారు.

అనకాపల్లి: జాతీయ రహదారి మారేడుపూడి పంచాయతీ సర్వే నంబర్‌ 357లో ప్రభుత్వ స్థలాల్లో కూటమి పాలనలో కబ్జాల పర్వం కొనసాగుతోంది. మారేడుపూడీ బీసీ కాలనీలో ఇప్పటికే ప్రభుత్వ స్థలాలను అక్రమించి, రెండు, మూడు అంతస్తుల భవనాలు నిర్మించారు. మరికొన్ని గృహాలు పక్కన ఉన్న ప్రభుత్వ స్థలంలో ముందుగా టార్పాలిన్లు కట్టి, మొక్కలు నాటి కొన్ని రోజులు గడిచిన తరువాత ప్రభుత్వ స్థలాన్ని దర్జాగా కబ్జా చేసి, గృహాల నిర్మాణానికి చర్యలు చేపడుతున్నారు. ఆదివారం మారేడుపూడి బీసీ కాలనీలో ముగ్గురు ప్రభుత్వ ఉద్యోగుల్లో ఒక వ్యక్తి పదవీ విరమణ చెందగా మరో ఇద్దరు ప్రభుత్వ శాఖలో పనిచేస్తూ దర్జాగా ప్రభుత్వ స్థలాన్ని అక్రమించి, ప్రహరీ గోడ నిర్మాణ పనులు చేపడుతున్నారు. గోడకు అడ్డంగా ఎర్రటి సైడ్‌వాల్‌ను నిర్మించి, దానికి అనుకుని సుమారుగా నాలుగు సెంట్లలో ప్రహరీ గోడ నిర్మాణం జరుగుతుంది. విషయం తెలుసుకున్న స్థానిక వీఆర్వో సంఘటన స్థలానికి చేరుకుని ప్రభుత్వ స్థలంలో ప్రహరీ గోడ నిర్మించవద్దని కోరగా అక్కడే నిర్మాణం చేపడుతున్న ప్రభుత్వ ఉద్యోగులు వీఆర్వో, వీఆర్‌ఏలపై దురుసుగా ప్రవర్తించారని స్థానిక ప్రజలు ఆవేదన వ్యక్తం చేస్తున్నారు. ప్రభుత్వ స్థలాల్లో రెవెన్యూ అధికారులు బోర్డులను ఏర్పాటు చేయాలని స్థానిక ప్రజలు సూచిస్తున్నారు. ఈ విషయంలో ఉన్నత స్థాయి రెవెన్యూ అధికారులు ప్రత్యేక చర్యలు చేపట్టాలని ప్రజలు కోరుతున్నారు.

నర్సీపట్నం: మున్సిపాలిటీ పరిధి పెదబొడ్డేపల్లి థెరిస్సా కాలనీకి చెందిన కృష్ణ ఓ గ్యాస్‌ ఏజెన్సీలో వినియోగదారుడుగా ఉన్నాడు. అతనికి గ్యాస్‌ అవసరమై పది వారం రోజుల క్రితం బుక్‌ చేసుకున్నారు. ఐదు రోజులు కావస్తున్నా.. సిలిండర్‌ రాలేదు. ఇళ్లకు పంపిణీ చేసే బాయ్‌కి ఫోన్‌ చేస్తే స్విచ్‌ ఆఫ్‌ వస్తోంది..డీలరుకు ఫోన్‌ చేస్తే స్పందించడం లేదు. సిలిండరు వస్తుందో..? రాదో..? తేలియక వినియోగదారులు అయోమయానికి గురయ్యాడు. గత్యంతరం లేక సదరు వ్యక్తి గ్యాస్‌ డీలర్‌ కార్యాలయానికి వెళ్లి ఆరా తీస్తే బుకింగ్‌ క్యాన్సిల్‌ అయినట్టు సిబ్బంది చెప్పారు. మరలా బుక్‌ చేసుకోవాలని సూచించారు. గొడౌన్‌కు వచ్చి సిలిండర్‌ తీసుకువెళ్లాలని సూచించారు. విధిలేని పరిస్థితిల్లో ఖాళీ సిలిండర్‌ అప్పగించి నిండిన సిలిండర్‌ తీసుకెళ్లేందుకు ఖరీదు రూ.960 అయితే రూ.వెయ్యి తీసుకున్నారని వినియోగదారుడు వాపోయారు. దందాలో సిబ్బంది పాత్ర గ్యాస్‌ సిబ్బంది సాంకేతికతను వినియోగించుకుని కొత్త తరహాలో దందాకు తెరతీశారు. వినియోగదారులకు తెలియకుండా సిలిండర్లను బుక్‌ చేసి పక్కదారిని వ్యాపారులకు విక్రయిస్తున్నారు. వాస్తవానికి వినియోగదారుడికి గ్యాస్‌ డెలివరీ చేసే సమయంలో ఫోన్‌కు ఓటీపీ వస్తుంది. డెలివరీ బాయ్‌కి ఆ ఓటీపీ చెబితే సిలిండర్‌ అందజేస్తారు. ఇవన్నీ చేయకుండా ఏజెన్సీ సిబ్బంది సాంకేతిక పరిజ్ఞానంతో వాటిని పక్కదారి పట్టిస్తున్నారు. నర్సీపట్నం, రోలుగుంట, గొలుగొండ, నాతవరం, మాకవరపాలెం, కోటవురట్ల మండలాల్లో సుమారు 45 వేల గ్యాస్‌ కనెక్షన్లు ఉన్నాయి. అందులో పేరుకే 500 పైనే వాణిజ్య కనెక్షన్లు ఉన్నాయి. టీ స్టాల్‌ దగ్గర నుంచి పెద్ద హోటళ్ల వరకు వేలల్లో ఉన్నాయి. వీరంతా డొమిస్టిక్‌ సిలిండర్లను వినియోగిస్తున్నారు. ప్రస్తుతం గృహ అవసరాలకు వినియోగించే సిలిండరు రూ.980, వాణిజ్య రకం(19కేజీలు) రూ.3500 ఉంది. ఇటీవల పశ్చిమాసియా యుద్ధం నేపథ్యంలో గ్యాస్‌ కొరత ఏర్పడింది. దీంతో వాణిజ్య సిలిండర్ల సరఫరా సంఖ్యను కుదించారు. వినియోగదారులకు గ్రామాల్లో 45 రోజుల నిబంధన పెట్టారు. దీన్ని అదునుగా తీసుకున్న గ్యాస్‌ ఏజెన్సీ నిర్వాహకులు హోటళ్లు, ఇతర వాణిజ్య అవసరాలకు గృహ వినియోగ సిలిండర్లను అక్రమ మార్గంలో ఒక్కొక్కటి రూ.1800 చొప్పున విక్రయిస్తున్నారు. ప్రస్తుతం కొరత తగ్గింది. కానీ దందాకు అలవాటు పడిన గ్యాస్‌ నిర్వాహకులు వినియోగదారులకు తెలియకుండా వారి పేరుతో బుక్‌ చేసి వ్యాపారులకు రూ.1800 చొప్పున అమ్ముకుంటున్నారు. అదనంగా వసూలు గ్యాస్‌ నిర్వాహకులు సిలిండర్‌ను డోర్‌ డెలివరీ ఇవ్వాల్సి ఉండగా ప్రధాన కూడళ్ల వద్ద వాహనాలను నిలిపి అక్కడికి వచ్చి తీసుకెళ్లాలని చెబుతున్నట్టు ఆరోపణలున్నాయి. అదేమని అడిగితే గోదాము దగ్గరకొచ్చి తెచ్చుకోండి..అంటూ నిర్లక్ష్యంగా సమాధానం చెబుతున్నారని ధర కంటే అదనంగా రూ.100 నుంచి రూ.150 వసూలు చేస్తున్నుట్టు వినియోగదారులు వాపోతున్నారు. ఈ విషయంపై సీఎస్‌డీటీ అశోక్‌ను వివరణ కోరగా బ్లాక్‌లో సిలిండర్లు విక్రయిస్తే ఏజెన్సీ నిర్వాహకులపై చర్యలు తీసుకుంటామన్నారు. డీలర్‌, కార్యాలయం సిబ్బంది వినియోగదారులకు జవాబుదారీగా ఉండాలని, ఫిర్యాదులు అందితే నిర్వాహకులపై చర్యలు తీసుకుంటామని స్పష్టం చేశారు.

రాంబిల్లి: దిమిలి గ్రామానికి చెందిన పౌరాణిక, సాంఘిక, జానపద కళాకారుడు, రిటైర్డు ప్రధానోపాధ్యాయుడు కోవెల వెంకటరావు ఆదివారం మృతి చెందారు. ఆయన గత 8 నెలలుగా అనారోగ్యంతో బాధపడుతున్నారు. ఉపాధ్యాయుడుగా, కళాకారుడుగా ఆయన పేరు సంపాదించారు. వరకట్న వేధింపులు, దేశ భక్తి మేళవింపులతో కట్టుబోలులో శతాబ్దాల క్రితం జరిగిన యధార్ధ ఘటనను బాలసన్యాసమ్మ పేరుతో నాటకాన్ని ఉమ్మడి విశాఖపట్నం , శ్రీకాకుళం, విజయనగరంతో పాటు ఉభయ గోదావరి ఇతర జిల్లాలో ప్రదర్శించారు. ఇందులో ఆయన హీరో చెంచన్న పాత్ర పోషించేవారు. శ్రీకృష్ణాంజనేయ యుద్ధం, సీతారామ కళ్యాణం వంటి పౌరాణిక నాటకాల్లో నటించారు. వెంకటరావు మాస్టారు అంత్యక్రియలు దిమిలిలో నిర్వహించారు. రాంబిల్లి మండల కళాకారుల సంఘం నాయకులు డి.వి. సన్నయ్య తదితరులు సంతాపం వ్యక్తం చేశారు.

సాక్షి, అనకాపల్లి: అనకాపల్లి జిల్లా నూతన పంచాయతీ అఽధికారిగా ఎం.కిరణ్‌కుమార్‌ను నియమిస్తూ ప్రభుత్వ ప్రధాన కార్యదర్శి కాంతిలాల్‌ దండే ఆదివారం ఉత్తర్వు లు జారీ చేశారు. ఇప్పటి వరకూ డీపీఓగా వ్యవహరిస్తున్న సందీప్‌ను అనకాపల్లి జిల్లా పరిషత్‌ డిప్యూటీ సీఈవోగా బదిలీ చేసిన నేపథ్యంలో కొత్త డీపీఓ నియామకం జరిగింది. కిరణ్‌కుమార్‌ ప్రస్తుతం బొబ్బిలి డీఎల్‌డీవోగా విధులు నిర్వహిస్తున్నారు. కాగా అనకాపల్లి డీఎల్‌డీవో మంజులావాణిని ముందుగా డీపీవోగా నియమిస్తూ జారీ చేసిన ఉత్తర్వుల్ని రద్దు చేశారు. కిరణ్‌ కుమార్‌ ఈ వారంలో బాధ్యతలు స్వీకరించే అవకాశం ఉంది.

రోలుగుంట: దళితులకు డీ పట్టా భూములు పునరుద్ధరణ చేయాలంటూ ఆదివారం రావికమతం తహసీల్దార్‌ కార్యాలయం వద్ద అందోళన చేశారుజ. దీనికి సారధ్యం వహించిన సీపీఎం జిల్లా ప్రతినిధి కె.గోవింద మాట్లాడుతూ గర్నికం గ్రామానికి చెందిన సాగులో ఉన్న వారి భూములను రెవెన్యూ రికార్డుల్లో గయాలీ భూములుగా మార్చేశారన్నారు. రీ సర్వే జరగక ముందే వెబ్‌ల్యాండ్‌ రికార్డుల్లో పట్టాదారుగా సాగుదారుగా నమోదు చేసి ఉన్నారన్నారు. రైతు భరోసా, ఎరువులు, విత్తనాలు , బ్యాంకు రుణాలు పొందే వారిని, రీ సర్వే అయిన తరువాత దళిత గిరిజన భూములను అన్యాయంగా ప్రభుత్వం రికార్డుల నుంచి తొలగించిందన్నారు. వారికి అన్నదాత సుఖీభవ వంటి పథకాలు అందడం లేదన్నారు. బ్యాంకు అధికారులు తీసుకున్న రుణాలు తీర్చలేదని, ఒత్తిడి తీసుకురావడంతో ప్రైవేటు వ్యాపారుల నుంచి అప్పులు తీసుకొని బ్యాంకు రుణాలు చెల్లించామని రుణగ్రస్తులు ఆవేదన వ్యక్తం చేశారు. తిరిగి రుణాలు ముంజూరు కావాలంటే వన్‌బీ కాపీ ఇస్తేనే రుణాలు మంజూరు అవుతాయని అధికారులు చెబుతున్నారన్నారు. వన్‌బీ రికార్డులో దళితుల పేర్లు లేవని, 2008లో ఇచ్చిన డీ పట్టాలు ఉన్నాయని తెలిపారు. బ్యాంకు అధికారులు రీ సర్వే అయిన తరువాత పట్టాదారు పాస్‌ పుస్తకాలివ్వాలంటున్నారని, కానీ రెవెన్యూ అధికారులు ఇవ్వడం లేదని ఆవేదన వ్యక్తం చేశారు. తక్షణమే మా భూములు రెవెన్యూ రికార్డుల్లో నమోదు చేసి, పట్టాదార్‌ పాస్‌ బుక్‌లు ఇవ్వాలని, లేకుంటే ఆందోళనకు దిగుతామని కార్యవర్గ సభ్యులు కె.గోవిందరావు, కె.వి.పి.ఎస్‌ జిల్లా నాయకుడు సిహెచ్‌.సూరిబాబు, ఎద్దుల కళ్యాణం తదితరులు పేర్కొన్నారు.

నాతవరం: గత ప్రభుత్వంలో ఏలేరు కాలువకు ప్రైవేట్‌ చానల్‌ (అనుసంధాన కాలువ) నిర్మాణం చేయడంతో ఇటీవల సంభవించిన తుఫాన్ల నుంచి ముంపు ముప్పు తలెత్తలేదు. గతంలో తుఫాన్లు సంభవించినపుడు ఏలేరు కాలువలో నీరు ఉప్పొంగి గండిపడడం జరిగేది. అలాగే కాలువకు ఇరువైపులా ఉన్న గ్రామాలతో పాటు పంట పొలాలు సైతం ముంపునకు గురికావడంతో తీవ్ర నష్టం కలిగించేది. ఈ సమస్య ఉమ్మడి తూర్పుగోదావరి జిల్లా ఏలేశ్వరం ప్రాజెక్టు నుంచి ఉమ్మడి విశాఖపట్నం జిల్లా పరిధిలో ఉన్న ఏలేరు కాలువ 154 కిలోమీటర్లు పొడవునా వెంటాడేది. తుఫాన్లు వచ్చినప్పుడల్లా ఏలేరు కాలువ అధికారులతో పాటు కాలువ సమీపంలో ఉన్న మండలాలు, అధికారులు, గ్రామస్తులు ఏలేరు కాలువ నీటి కారణంగా ఏ సమయంలో ఏప్రమాదం సంభవిస్తుందోనని భయం గుప్పెట్లో కాలం వెళ్లదీసేవారు. గత ప్రభుత్వం ఏలేరు కాలువ ప్రమాద సమయంలో గండి పడకుండా, గ్రామాలు ముంపునకు గురి కాకుండా చర్యలు చేపట్టారు. రూ 2 కోట్లతో ఏలేరు కాలువపై ప్రైవేట్‌ చానల్‌ నిర్మాణం చేపట్టారు. నాతవరం మండలంలో రాజుపేట అగ్రహారం వద్ద తాండవ నదిలోకి నీరు పోయే విధంగా అనకాపల్లి మండలంలో శారద నదిలోకి నీరు పోయే విధంగా ప్రైవేట్‌ చానల్స్‌ నిర్మాణం చేశారు. ఈ చానల్‌ ద్వారా ఏలేరు కాలువలో నీటిని విడుదల చేయడం ద్వారా ఇటీవల కురిసిన వర్షాలకు రెండు జిల్లాల పరిధిలో ఏలేరు కాలువకు ఎక్కడా గండి పడలేదు. అలాగే గ్రామాలకు ముంపునకు గురి కావడం గానీ పంట పొలాలకు ఎలాంటి నష్టం జరగలేదు. నాతవరం మండలంలో 18 కిలోమీటర్ల పొడవునా 12 గ్రామాలు మధ్యలోంచి ఏలేరు కాలువ ప్రవహిస్తుంది. జిల్లాలో నర్సీపట్నం, కోటవురట్ల, మాకవరపాలెం, కశింకోట, అనకాపల్లి, పరవాడ తదితర మండలాల మీదుగా విశాఖపట్నం స్టీల్‌ప్లాంటుకు ఏలేరు కాలువ ద్వారా నీరు ప్రవహిస్తుంది. ముంపు సమస్య తప్పింది ఏలేరు కాలువపై చానల్‌ నిర్మాణం చేయకముందు వర్షం పడినా, కాలువ ఊప్పొంగిన సమయంలో రాత్రి పగలనే తెలియకుండా కాలువపై తిరిగేవాళ్లం. అయినా ఏదో ఒక చోట నీటి ఉధృతికి కాలువ గండిపడడం పంటపొలాలు మునిగిపోవడం, లోతట్టు గ్రామాలు ముంపునకు గురి కావడం జరిగేది. గండి పడిన చోట పనులు చేసేందుకు రూ. లక్షలు ఖర్చు చేసేవాళ్లం. ఇటీవల తుఫాన్లు సమయంలో ఏలేరు కాలువకు ఎక్కడా గండి పడలేదు. పంటపొలాలు, గ్రామాలకు ఎలాంటి ఇబ్బంది లేదు. మేము కూడా కాలువపై ధైర్యంగా తిరుగుతున్నాం. –గోపినాథ్‌, ఏలేరు కాలువ జేఈ భయం గుప్పెట్లో కాలువ సమీప గ్రామాలు

డాబాగార్డెన్స్‌: శ్రీ కనకమహాలక్ష్మి దేవస్థానంలో ఈ నెల 11 నుంచి 20వ తేదీ వరకు శరన్నవరాత్రి ఉత్సవాలు వైభవంగా జరగనున్నాయి. ఈ సందర్భంగా అమ్మవారు వివిధ అలంకరణల్లో భక్తులకు దర్శనమివ్వనున్నారు. 11న ఆదిలక్ష్మి అలంకరణలో దర్శనమిచ్చే అమ్మవారికి లక్ష కుంకుమార్చన నిర్వహించనున్నారు. 12న ధనలక్ష్మిగా అలంకరించి లక్ష చామంతులతో పూజలు చేస్తారు. 13న ధాన్యలక్ష్మి అలంకరణలో దర్శనమివ్వగా, లడ్డూలతో సహస్రనామార్చన నిర్వహిస్తారు. 14న ధైర్యలక్ష్మిగా అలంకరించి తులసీదళాలతో సహస్రనామార్చన చేస్తారు. 15న సంతానలక్ష్మిగా అలంకరించి కలువపూలతో పూజలు నిర్వహిస్తారు. 16న విద్యాలక్ష్మి అలంకరణలో పంచపుష్పార్చన, 17న విజయలక్ష్మి అలంకరణలో గులాబీ పూలతో పూజలు నిర్వహించనున్నారు. 18న గజలక్ష్మి అలంకరణలో దర్శనమివ్వనున్న అమ్మవారికి లక్ష గాజులతో సహస్రనామార్చన చేస్తారు. 19న మహాలక్ష్మి అలంకరణలో శాకాంబరిగా వివిధ రకాల కూరగాయలతో పూజలు నిర్వహిస్తారు. చివరి రోజైన 20న స్వర్ణకవచాలంకరణలో దర్శనమివ్వనున్న అమ్మవారికి 108 పుష్పాలతో స్వర్ణ పుష్పార్చన చేయనున్నారు. రోజువారీ పూజలు ఇలా.. ప్రతిరోజూ ఉదయం 5 గంటలకు పంచామృతాభిషేకం, ఉదయం 9 నుంచి సాయంత్రం 5 గంటల వరకు అష్టలక్ష్మి అలంకరణలో అమ్మవారి దర్శనం కల్పిస్తారు. సాయంత్రం 6 గంటలకు పంచామృతాభిషేకం, రాత్రి 7 గంటల నుంచి సర్వదర్శనాలు ఉంటాయి.

తాటిచెట్లపాలెం: ప్రయాణికులకు సురక్షితమైన తాగునీరు అందేలా ప్రతి వారం తనిఖీలు నిర్వహించాలని సౌత్‌కోస్ట్‌ రైల్వే జనరల్‌ మేనేజర్‌ సందీప్‌ మాధుర్‌ అధికారులను ఆదేశించారు. రైల్వేస్టేషన్లు, కాలనీలు, ఆస్పత్రులు, హెల్త్‌ యూనిట్లు, పాఠశాలలు, కార్యాలయాల్లోని తాగునీటి వసతులను క్రమం తప్పకుండా పరిశీలించాలని సూచించారు. రైల్వే ప్రయాణికులకు అందుతున్న తాగునీటి నాణ్యతపై సౌత్‌కోస్ట్‌ రైల్వే ప్రత్యేక దృష్టి సారించినట్లు తెలిపారు. నాలుగు డివిజన్ల పరిధిలోని స్టేషన్లు, రైల్వే కాలనీలు, ఆస్పత్రులు, పాఠశాలలు, కార్యాలయాల్లో ఆకస్మిక తనిఖీలు చేపట్టడంతో పాటు నీటి నమూనాలను సేకరించి పరీక్షలు నిర్వహించినట్లు చెప్పారు. వారం రోజులు ప్రత్యేక డ్రైవ్‌ గత నెల 25 నుంచి ఈ నెల 1వ తేదీ వరకు నిర్వహించిన ప్రత్యేక డ్రైవ్‌లో సుమారు 70 స్టేషన్ల నుంచి 2,677 నమూనాలు సేకరించి రెసిడ్యువల్‌ క్లోరిన్‌ పరీక్షలు నిర్వహించినట్లు వివరించారు. 82 స్టేషన్ల నుంచి సేకరించిన 226 నమూనాల్లో బ్యాక్టీరియలాజికల్‌ పారామీటర్లను పరీక్షించగా అన్నింటిలోనూ ఫలితాలు సంతృప్తికరంగా ఉన్నాయన్నారు. ఏడు స్టేషన్ల నుంచి సేకరించిన ఏడు నమూనాలను రసాయన పరీక్షలకు పంపగా.. ఆరు నమూనాల ఫలితాలు సంతృప్తికరంగా వచ్చాయని, మరో నమూనా ఫలితం రావాల్సి ఉందని పేర్కొన్నారు. రైల్వే కాలనీల్లో సేకరించిన నమూనాల ఫలితాలు కూడా సంతృప్తికరంగా ఉన్నాయన్నారు. రైల్వే అధికారులు, సూపర్‌వైజర్లు ఆయా ప్రాంతాలను వ్యక్తిగతంగా పరిశీలించాలని, క్రమం తప్పకుండా ఆకస్మిక తనిఖీలు చేపట్టాలని జీఎం ఆదేశించారు.

డాబాగార్డెన్స్‌: విశాఖలో ఏర్పాటు చేస్తున్న ఏఐ డేటా సెంటర్ల వల్ల ప్రజలకు, పర్యావరణానికి తీవ్ర ముప్పు పొంచి ఉందని ఫ్రీ సాఫ్ట్‌వేర్‌ మూవ్‌మెంట్‌ ప్రతినిధి ఫణీంద్ర పేర్కొన్నారు. డాబాగార్డెన్స్‌లోని అల్లూరి విజ్ఞాన కేంద్రంలో ఆదివారం నిర్వహించిన మానవ హక్కుల వేదిక (హెచ్‌ఆర్‌ఎఫ్‌) 10వ జిల్లా మహాసభలో ఆయన మాట్లాడారు. 8 గిగావాట్ల ఏఐ డేటా సెంటర్ల నిర్వహణకు 40 గిగావాట్ల సోలార్‌ విద్యుత్‌, 5 టీఎంసీల నీరు అవసరమవుతుందన్నారు. పోలవరం నీటిని డేటా సెంటర్లకు తరలించే ప్రయత్నాలు జరుగుతున్నాయని ఆరోపించారు. డేటా సెంటర్లతో 1.8 లక్షల ఉద్యోగాలు వస్తాయని తొలుత ప్రచారం చేసి, ఆ తర్వాత ఆ సంఖ్యను 10 వేల నుంచి 20 వేల వరకు తగ్గించారని మండిపడ్డారు. పర్యావరణ అనుమతులు తొమ్మిది రోజుల్లోనే ఇచ్చారని, ప్రజాభిప్రాయ సేకరణ లేకుండానే ప్రాజెక్టులను ముందుకు తీసుకెళ్తున్నారని ఆగ్రహం వ్యక్తం చేశారు. ఏజెన్సీ ప్రాంతాల్లో పంప్‌డ్‌ స్టోరేజీ హైడ్రో ప్రాజెక్టుల పేరుతో అడవుల విధ్వంసం, గ్రామాల తరలింపు జరుగుతుందని ఆందోళన వ్యక్తం చేశారు. ఒకవైపు గ్రీన్‌ ఎనర్జీ అంటూనే శ్రీకాకుళంలో 3,200 మెగావాట్ల థర్మల్‌ విద్యుత్‌ కేంద్రం ఏర్పాటు చేస్తున్నారని మండిపడ్డారు. అనంతరం ఏఐ డేటా సెంటర్ల వల్ల ఎదురయ్యే ప్రమాదాలపై రూపొందించిన షార్ట్‌ఫిల్మ్‌ను ప్రదర్శించారు. హెచ్‌ఆర్‌ఎఫ్‌ ప్రతినిధి కె.అనురాధ అధ్యక్షతన జరిగిన కార్యక్రమంలో రాష్ట్ర ప్రధాన కార్యదర్శి వై.రాజేష్‌, తెలుగు రాష్ట్రాల సమన్వయ కమిటీ సభ్యుడు వీఎస్‌ కృష్ణ, ప్రతినిధులు సుధ, శరత్‌, ప్రజాసంఘాల ప్రతినిధులు పాల్గొన్నారు.

రావికమతం: మండలంలోని గర్నికం గ్రామంలో వ్యాపారి బండారు అచ్చుతరావు(60) ఇంటి ఆవరణలో ఆదివారం ఒంటిపై పెట్రోల్‌ పోసుకొని ఆత్మహత్యకు పాల్పడ్డారు. భార్య రమాదేవి ఫిర్యాదు మేరకు రావికమతం పోలీసులు కేసు నమోదు చేశారు. ఘటనపై ఎస్‌ఐ రఘువర్మ, స్థానికులు తెలిపిన వివరాలిలా ఉన్నాయి. బండారు అచ్చుతరావు (60) కొంతకాలంగా తీవ్ర అనారోగ్య సమస్యలతో బాధపడుతున్నాడు. అప్పుల వ్యవహారంలో మనస్థాపం చెంది ఆదివారం సాయంత్రం ఇంట్లో ఎవరూ లేని సమయంలో అచ్చుతరావు ఇంటి ఆవరణలో ఒంటిపై పెట్రోల్‌ పోసుకొని నిప్పంటించుకున్నాడు. మంటలు వ్యాపించి కలు వేయడంతో చుట్టుపక్కల వారు వెళ్లి చూసేసరికే శరీరం అంతా 80 శాతం వరకు కాలిపోయి మృతి చెందాడు. స్థానికులు 100కు ఫోన్‌ చేసి సమాచారం అందించారు. అచ్చుతరావుది వ్యాపార కుటుంబం. ఆయనకు భార్య రమాదేవి, కుమారుడు వెంకటేష్‌, కుమార్తె రామలక్ష్మి ఉన్నారు. కొడుకు, కూతురుకి వివాహం అయింది. గతంలో అచ్చుతరావు ఫ్యాన్సీ వ్యాపారం నిర్వహించేవారు. ప్రసుత్తం అతడి కుమారుడు బంగారు దుకాణం నిర్వహిస్తున్నాడు. మృతుడి భార్య ఫిర్యాదు మేరకు ఎస్‌ఐ రఘువర్మ పోలీస్‌ సిబ్బందితో కలిసి ఘటనా స్థలానికి వెళ్లి పరిశీలించారు. గర్నికం వీఆర్వో ప్రసాద్‌, వీఆర్‌ఏ సాయి, కుటుంబ సభ్యుల సమక్షంలో సంఘటనపై ఆరా తీశారు. కేసు నమోదు చేశారు. సోమవారం శవ పంచనామా నిర్వహించి మృతదేహాన్ని పోస్టుమార్టంకు తరిలిస్తామని ఎస్‌ఐ తెలిపారు.

ఎంపికై న ప్రభుత్వ పాఠశాలల విద్యార్థినులు నర్సీపట్నం : ఉమ్మడి జిల్లాల స్కూల్‌ గేమ్స్‌ రెజ్లింగ్‌ సెలెక్షన్‌ పోటీలు శనివారం అల్లూరి జల్లా కొయ్యూరు ఆశ్రమ స్కూల్‌లో జరిగాయి. పోటీల్లో ప్రతిభ కనబరిచిన జెడ్పీ హైస్కూల్‌ నుంచి మద్దిల కావ్య, సియాద్రి త్రివేణి, ఉపాటి మహాలక్ష్మి, వంతల నల్లి, జెడ్పీ బాలికల హైస్కూల్‌ నుంచి సకిరెడ్డి హరిణి, గవర్నమెంట్‌ హైస్కూల్‌ నుంచి నిహాల్‌ మొదటి స్థానంలో నిలిచారు. వీరంతా ఈ నెల 10 నుంచి 12వ తేదీ వరకు పల్నాడు జిల్లాలో జరి గే రాష్ట్ర స్థాయి రెజ్లింగ్‌ పోటీల్లో పాల్గొంటారని శాప్‌ కోచ్‌ అబ్బు తెలిపారు.

నర్సీపట్నం: ఎంప్లాయీస్‌ హెల్త్‌ స్కీమ్‌ బకాయిలు పేరుకుపోవడంతో ఉపాధ్యాయులు, ఉద్యోగులకు ఆస్పత్రుల్లో వైద్య సేవలు అందటం లేదని ఉపాధ్యాయ ఎమ్మెల్సీ గాదె శ్రీనివాసులనాయుడు వాపోయారు. శనివారం నర్సీపట్నంలో ఆయన మాట్లాడుతూ ఈ విషయాన్ని సీఎం చంద్రబాబునాయుడు దృష్టికి తీసుకెళ్లడంతో ప్రభుత్వ వాటా, ఉపాధ్యాయుల వాటాను నేరుగా ఎన్టీఆర్‌ ట్రస్ట్‌కు జమయ్యేటట్లు ఉత్తర్వులు ఇచ్చారన్నారు. పది రోజుల్లో హాస్పిటళ్లకు బిల్లులు చెల్లింపులు జరుగుతాయన్నారు. ఉద్యోగ సంఘాల చెల్లింపుల్లో 15 శాతం డిడక్షన్‌ చేసినట్లయితే అన్‌లిమిటెడ్‌ వైద్య సదుపాయాలు పొందేందుకు అవకాశం ఉంటుందన్నారు. ఈ అంశం ప్రభుత్వ పరిశీలనలో ఉందన్నారు. ఏకీకృత సర్వీసు రూల్స్‌ ఏర్పాటు మార్గం సుగమమైందన్నారు. స్కూల్‌ అసిస్టెంట్లు హెచ్‌ఎం(గ్రేడ్‌–2) జోనల్‌ క్యాడర్‌లను ఏర్పాటు చేస్తూ ఉత్తర్వులు ఇవ్వడం వల్ల దీర్ఘకాలికంగా పెండింగ్‌లో ఉన్న ఏకీకృత సర్వీసు రూల్స్‌కు మోక్షం లభించిందన్నారు. పీఆర్టీయూ జిల్లా అధ్యక్షుడు డి.గోపీనాథ్‌, జిల్లా అసోసియేషన్‌ అధ్యక్షుడు కురసా రమణ, మండల అధ్యక్షుడు అడిగర్ల వరహాలనాయుడు, జిల్లా కార్యదర్శి శ్రీను తదితరులు పాల్గొన్నారు.

చోడవరం : చెరకు రైతుల ఉసురు తీసింది టీడీపీ కూటమి ప్రభుత్వం. రైతుల బకాయిలకు గ్రాంట్‌ రూపంలో నిధులు ఇచ్చి ఆదుకుంటుందనుకున్న ప్రభుత్వం చివరికి ఫ్యాక్టరీని మూసివేసే దిశగా, అమ్మకానికి అనువుగా ఆదేశాలు ఇచ్చింది. తమ కనుసన్నల్లో ఉన్న రాజకీయ వ్యాపారులకు ఫ్యాక్టరీని అప్పజెప్పేందుకు, ఏపీఐఐసీకి పూర్తి హక్కులు కల్పిస్తూ విడుదల చేసిన జీఓపై రైతు సంఘాలు తీవ్ర ఆగ్రహం వ్యక్తం చేస్తున్నాయి. గెలిస్తే ఫ్యాక్టరీని అభివృద్ధి చేసి టన్నుకి రూ.4వేలు గిట్టుబాటు ధర ఇస్తామని ప్రగల్భాలు పలికిన కూటమి పార్టీల ఎమ్మెల్యేలు, ఎంపీ ఇపుడు రైతులను నిండా మోస ం చేశారన్న విమర్శలు వినిపిస్తున్నాయి. దశాబ్దాలుగా తీపిని పంచి... జిల్లాలో రైతులు చెరకు పంటతో తీపిని పంచి వేలాది మంది రైతులు, కూలీలు, కార్మికులకు జీవనాధారంగా ఉంటుందని 1962లో గోవాడ సుగర్‌ ఫ్యాక్టరీని స్థాపించారు. ఎన్ని ఒడిదుడుకులు వచ్చినా ఎక్కడా చెక్కుచెదరని ఆత్మ విశ్వాసంతో దినదినాభివృద్ధి చెందుతూ 24వేల మంది సభ్యరైతులు, 1500 మంది కార్మికులతో రోజువారీ క్రషింగ్‌ 1000 టన్నుల సామర్థ్యం నుంచి 5.25 లక్షల టన్నుల సామర్‌ాధ్యనికి విస్తరించింది. 2024 క్రషింగ్‌ సీజన్‌ వరకూ 62యేళ్లపాటు నిరాటకంగా పంచదార తయారీతో పాటు కోజనరేషన్‌ ప్లాంట్‌ ఏర్పాటు చేసుకొని కరెంటు ఉత్పత్తి చేసి సొంతానికి ఆ కరెంటును వినియోగిస్తూ మరో 50 లక్షలకు పైబడి యూనిట్లు విద్యుత్‌ను ఏపీఈపీడీసీఎల్‌కు అమ్ముతూ రాష్ట్రంలో అన్ని చక్కెర కర్మాగారాలకు ఒక దిక్సూచిలా గోవాడ సుగర్‌ ఫ్యాక్టరీ ఉండేది. అలాంటి ఫ్యాక్టరీకి 2013లో టీడీపీకి చెందిన పాలకవర్గం వచ్చి ఐదేళ్లపాలనలో సుమారు రూ. 130 కోట్లు వరకూ అప్పుల్లోకి తీసుకెళ్లారు.ఆ రోజు మొదలుకొని ఫ్యాక్టరీ అప్పుల ఊబిలోంచి బయటకు రాలేకపోయింది. ఆదుకున్న వైఎస్సార్‌..ఊపిరి తీస్తున్న చంద్రబాబు 2004లో మహానేత రాజశేఖరరెడ్డి ముఖ్యమంత్రి అయ్యాక చెరకు మద్దతు ధర టన్నుకు అప్పటి వరకూ రూ.750 ఉండే ధరను రూ.1350–1846 పెంచి చెరకు రైతులను ఆదుకున్నారు. తర్వాత 2019లో వై.ఎస్‌.జగన్‌మోహన్‌రెడ్డి ముఖ్యమంత్రి అయ్యాక రూ.90 కోట్లు వరకూ సాయం చేసి రైతులను, ఫ్యాక్టరీని ఐదేళ్లపాటు ఆదుకున్నారు. 2024లో టీడీపీ కూటమి ప్రభుత్వం వచ్చాక ఒక్క రూపాయి కూడా సాయం ఇవ్వకపోగా పూర్తిగా ఫ్యాక్టరీ క్రషింగ్‌నే నిలిపివేశారు. రెండేళ్లుగా ఫ్యాక్టరీ మహాజనసభలు సైతం నిర్వహించలేదు. 2023–24 క్రషింగ్‌ సీజన్‌లో చెరకు సరఫరా చేసిన రైతులకు ఇప్పటి వరకూ చెరకు పేమెంట్స్‌ చేయలేదు.అంతేకాదు కార్మికులకు ఏడాదిగా జీతాలు కూడా ఇవ్వలేదు. రైతులకు కార్మికులకు కలిసి సుమారు రూ.29కోట్లు తక్షణం చెల్లించాల్సి ఉంది. ఇందుకోసం ఏడాదిగా రైతులు, కార్మికులు, రైతు సంఘాలు, ప్రతిపక్షాలు ఆందోళనలు చేస్తూనే ఉన్నాయి. అయినా ఇప్పటికీ బకాయిలు చెల్లించలేదు. కార్మికులకు వీఆర్‌ఎస్‌లు ఇచ్చే దిశగా... ఫ్యాక్టరీని ఏపీఐఐసీకి ఇచ్చేయడం, క్రషింగ్‌ చేయకుండా రెండేళ్లుగా మూసివేయడంతో ఇక కార్మికులు, సిబ్బందిని కూడా ఇంటికి పంపించేందుకు రంగం సిద్ధం చేస్తున్నారు. వెయ్యి మంది కార్మికులు, సిబ్బందితో ఉండే ఈ ఫ్యాక్టరీలో కార్మికులను ఇప్పటికే విధులకు రానవసరంలేదని చెప్పగా పనిచేస్తున్న 50మంది యాజమాన్య సిబ్బందికి బలవంతంగా వీఆర్‌ఎస్‌ ఇచ్చి ఇంటికి పంపించేందుకు రంగం సిద్దం చేశారు. ఫ్యాక్టరీ అమ్మకానికి అంతా సిద్ధం రైతులకు చెల్లించాల్సిన రూ. 28.43 కోట్లు గ్రాంటు రూపంలోనో, వడ్డీలేని అప్పుగానో ఇచ్చి ఫ్యాక్టరీని నడిపించాల్సిన ప్రభుత్వం ఆ దిశగా ఆలోచన చేయలేదు. రైతులు, కార్మికుల పట్ల నిర్లక్ష్య ధోరణితో ప్రభుత్వం ఫ్యాక్టరీని ఏపీఐఐసీకి పూర్తి హక్కులతో అప్పగిస్తూ రూ. 250జీవోను కూడా విడుదల చేసింది. ఏపీఐఐసీ ఇచ్చిన డబ్బులతో రైతులకు బకాయిలు చెల్లిస్తున్నారు. అంటే ఫ్యాక్టరీని అమ్మేసి రైతులకు బకాయి డబ్బులు ఇస్తున్నారే తప్ప ప్రభు త్వం ఒక్క రూపాయి కూడా సాయం చేయలేదు. దీంతో 64యేళ్ల చరిత్ర ఉన్న గోవాడ సుగర్‌ ఫ్యాక్టరీ ఇక చరిత్రలో ఒక అధ్యాయంగా మిగిపోనుందనేది స్పష్టమవుతోంది. ఫ్యాక్టరీ అమ్మకాన్ని అడ్డుకుంటాం: రైతు సంఘాలు, ప్రతిపక్షాలు చెరకు రైతుల సమస్యలు పట్టించుకోకుండా ప్రభుత్వం తీసుకున్న నిర్ణయాన్ని అఖిలపక్ష పార్టీలు, రైతు సంఘాలు తీవ్రంగా వ్యతిరేకిస్తున్నాయి. 24వేల మంది చెరకు రైతులు, కార్మికుల జీవితాలతో చెలగాడం ఆడితే సహించేది లేదని వారంతా ధ్వజమెత్తుతున్నారు. ఫ్యాక్టరీని మూసివేసి అమ్మేసే పరిస్థితి తెస్తే ఉద్యమానికి దిగుతామని ఇప్పటికే వైఎస్సార్‌సీపీ, సీపీఐ, సీపీఎం, చెరకు రైతు సంఘాలు, కార్మిక, రైతు కూలీసంఘాలు ప్రభుత్వానికి అల్టిమేటం ఇచ్చాయి. గోవాడ సుగర్‌ ఫ్యాక్టరీఎన్నికల నాటి మాటలు.. నీటి మూటలు ఎన్నికల ముందు చంద్రబాబు, పవన్‌కల్యాణ్‌, లోకేష్‌, స్థానిక ఎంపీలు, ఎమ్మెల్యేలు అంతా ఫ్యాక్టరీని ఆదుకుంటాం. ఆధునికీకరిస్తాం, చెరకు రైతులకు టన్నుకి రూ. 4వేటు గిట్టుబాటు ధర ఇస్తామని అనేక హామీలు ఇచ్చారు. వారంతా ఇప్పుడు ఫ్యాక్టరీపై నోరు మెదపడం లేదు. చోడవరం ఎమ్మెల్యే కె.ఎస్‌.ఎన్‌.ఎస్‌ రాజు ఏకంగా చెరకు బదులు ప్రత్యామ్నాయంగా మొక్కజొన్న వేసుకోండంటూ రైతులకు బహిరంగంగానే చెబుతున్నారు. ఇప్పుడు ఫ్యాక్టరీ మూతబడిపోయినా ప్రభుత్వంపై ఎటువంటి ఒత్తిడి తీసుకురాకుండా ఇటు రైతులకు , కార్మికులకు తీవ్ర అన్యాయమే చేశారు. క్షేత్రస్థాయిలో ఫ్యాక్టరీని నమ్ముకొని చెరకు పండించిన 24వేల మంది రైతులు, కార్మికుల మనుగడ ఏమిటనే ఆలోచన కూడా ప్రభుత్వం చేయకపోవడంపై రైతులు ఆగ్రహంతో ఉన్నారు.తీయని మాటలతో.. నిండా ముంచారుఫ్యాక్టరీ గేటు వద్ద రైతులు, కార్మికుల ఆందోళన (ఫైల్‌)

అచ్యుతాపురం రూరల్‌ : వెదురువాడ మరిడిమాంబ కాలనీలో శుక్రవారం రాత్రి చోరీ జరిగింది. తెన్నేటి మోహన్‌రావు ఆయన భార్య లక్ష్మి నివాసం ఉంటున్న ఇంట్లోకి దొంగలు చొరబడి నాలుగు తులాల బంగారం, రూ.70వేల నగదు అపహరించారు. భార్యాభర్తలు శనివారం స్థానిక పోలీస్‌స్టేషన్‌లో ఇచ్చిన ఫిర్యాదుపై కేసు నమోదు చేసినట్టు ఎస్‌ఐ సుధాకర్‌ తెలిపారు. వివరాల్లోకి వెల్తే భార్యాభర్తలు సమీపంలోని అల్లుడి ఇంటికి వెళ్లి అక్కడే నిద్రించి, శనివారం ఉదయం ఇంటికి చేరుకునే సరికి చోరీ జరిగిన విషయం గుర్తించారు. మోహన్‌రావు అచ్యుతాపురం అయ్యప్పస్వామి ఆలయంలో అర్చకునిగా సేవలందిస్తున్నారు. సీఐ చంద్రశేఖర్‌రావు ఆధ్వర్యంలో క్లూస్‌, క్రైమ్‌ టీమ్‌లు ఆధారాలు సేకరిస్తున్నట్టు తెలిపారు. మరో మూడిళ్లలో...యలమంచిలి రూరల్‌ : పట్టణంలోని ఓరుగంటి వారి వీధి, న్యూ స్టేట్‌ బ్యాంక్‌ కాలనీల్లో శనివారం తెల్లవారుజామున పలు ఇళ్లలో చోరీలు జరిగాయని స్థానికులు తెలిపారు. ఓరుగంటి వారి వీధికి చెందిన చెక్క వాసుమాంబ ఇటీవల శ్రీశైలం తీర్థయాత్రకు వెళ్లారు. శనివారం సాయంత్రం 4 గంటల సమయంలో తిరిగి ఇంటికి చేరుకున్నపుడు ఇంటి తాళాలు పగులగొట్టి తలుపులు తెరిచి ఉన్నట్టు గమనించారు. ఇంట్లోకి వెళ్లి చూడగా బీరువా పగులగొట్టి అందులో భద్రపరచిన 5 తులాల బంగారు, కిలో వెండి వస్తువులు అపహరణకు గురైనట్టు గుర్తించి పట్టణ పోలీసులకు ఫిర్యాదు చేశారు. ఈ మేరకు కేసు నమోదు చేసినట్టు పట్టణ ఎస్‌ఐ సావిత్రి తెలిపారు. న్యూ స్టేట్‌ బ్యాంక్‌ కాలనీలో మళ్ల కన్నారావు, పద్మావతి ఇళ్లలో కూడా చోరీలు జరిగాయి. పట్టణ ఎస్‌ఐ సావిత్రి, జిల్లాకు చెందిన క్లూస్‌ టీం బృందం చోరీ జరిగిన ఇళ్లను పరిశీలించి, ఆధారాలు సేకరించారు. చోరీలు జరిగిన ఇళ్లన్నీ తాళం వేసి ఉన్నవే. ఆయా ఇళ్లలో వారు ఇతర ప్రాంతాలకు వివిధ పనులపై వెళ్లినట్టు తెలుస్తోంది.

అనకాపల్లి : రానున్న స్థానిక సంస్థల ఎన్నికల్లో పోటీకి వైఎస్సార్‌సీపీ సిద్ధంగా ఉందని మాజీ ఉప ముఖ్యమంత్రి బూడి ముత్యాలనాయుడు స్పష్టం చేశారు. అనకాపల్లిలోని పార్టీ కార్యాలయంలో శనివారం పార్టీ జిల్లా అధ్యక్షుడు బొడ్డేడ ప్రసాద్‌ అధ్యక్షతన జరిగిన జిల్లా ముఖ్య నాయకుల సమావేశంలో స్థానిక సంస్థల ఎన్నికల విషయమై చర్చించి ప్రసంగించారు. హైకోర్టు తీర్పు నేపథ్యంలో స్థానిక సంస్థల ఎన్నికలకు ఏ క్షణాన్నైనా ప్రకటన వెలువడవచ్చునన్నారు. ఇందుకు రాష్ట్ర ప్రభుత్వం, ఎన్నికల సంఘం సమాయత్తం అవుతున్నాయన్నారు. గత వైఎస్సార్‌సీపీ ప్రభుత్వంలో స్థానిక ఎన్నికల్లో ఎటువంటి అరాచకాలు చేయలేదన్నారు. కానీ కూటమి పాలనలో రెండున్నరేళ్లలో ఇచ్చిన హామీలేవీ నెరవేర్చలేకపోయారన్నారు. దీంతో గెలుస్తామనే నమ్మకం లేక స్వేచ్ఛగా ఎన్నికలు జరపకుండా ఏదో విధంగా అరాచకాలు చేసి, తప్పుడు కేసులతో స్థానిక ఎన్నికల్లో కూటమి ప్రభుత్వం గెలవాలని చూస్తోందని విమర్శించారు. ప్రభుత్వం ఎన్ని అరాచకాలు చేసినా, కేసులు పెట్టాలని, పోలీసులతో ఇబ్బందులు కలిగిస్తున్నా వెరవకుండా స్థానిక ఎన్నికల్లో పోటీ చేయడానికి సిద్ధంగా ఉన్నామన్నారు. పార్టీ శ్రేణులు పోటీకి సమాయత్తం చేశామన్నారు. ఈ విషయమై పార్టీ అధినేత వై.ఎస్‌.జగన్‌మోహన్‌రెడ్డి స్థానిక ఎన్నికలకు సమాయత్తంపై దిశానిర్దేశం చేశారన్నారు. స్థానిక ఎన్నికల్లో జిల్లా సమస్యలతో పాటు ఆయా నియోజకవర్గాల్లోను, మండలాల్లోని సమస్యలు, ప్రభుత్వ వైఫల్యాలను క్రోడీకరించి ఎన్నికల ప్రచారంలో దిగువ స్థాయి వరకు తీసుకెళ్లాలన్నారు. చోడవరం, మాడుగులకు సంబంధించి నడుస్తున్న గోవాడ సుగర్‌ ఫ్యాక్టరీని పూర్తి స్థాయిలో మూతపడే స్థితికి ఏ విధంగా తీసుకెళ్లారనే విషయాన్ని తీసుకెళ్లాలన్నారు. యలమంచిలిలో పంచదార్ల సమస్యను తీసుకు వచ్చారన్నారు. ఇలా నియోజక వర్గాల్లో ప్రభుత్వ వైఫల్యాలను ఎండగట్టాలన్నారు. ఎప్పుడు ఎన్నికలు వచ్చినా సిద్ధంగా ఉండాలని, విజయమే లక్ష్యంగా కలసికట్టుగా పని చేయాలని పార్టీ నాయకులు, శ్రేణులకు పిలుపు నిచ్చారు. పశ్చిమగోదావరి జిల్లా వైఎస్సార్‌సీపీ రీజనల్‌ కో–ఆర్డినేటర్‌, మాజీ మంత్రి గుడివాడ అమర్‌నాథ్‌, పార్టీ పార్లమెంటు పరిశాలకురాలు శోభా హైమావతి నియోజక వర్గాల పార్టీ సమన్వయకర్తలు కరణం ధరశ్రీ(యలమంచిలి), పెట్ల ఉమాశంకర్‌ గణేష్‌ (నర్సీపట్నం), కంబాల జోగులు (పాయకరావుపేట), అన్నంపురెడ్డి అదీప్‌రాజ్‌(పెందుర్తి) సమావేశంలో పాల్గొన్నారు. ఈ కార్యక్రమంలో వైఎస్సార్‌సీపీ ఉత్తరాంధ్ర జిల్లాల మహిళా విభాగం వర్కింగ్‌ అధ్యక్షురాలు ఈర్లె అనురాధ, పార్లమెంట్‌ పరిశీలకురాలు శోభా హైమావతి, మాజీ ఎంపీ బి.వి.సత్యవతి, వివిధ నియోజకవర్గాల పరిశీలకులు పి.సతీష్‌వర్మ, చిక్కాల రామారావు, దంతులూరి దిలీప్‌కుమార్‌, గండి రవి, పార్టీ పట్టణ అధ్యక్షుడు మందపాటి జానకీరామరాజు, నియోజకవర్గ యువజన విభాగం అధ్యక్షుడు జాజుల రమేష్‌ పాల్గొన్నారు.

తుమ్మపాల : జాతీయ గ్రామీణ ఉపాధి హామీ పథకంలో పనిచేస్తున్న ఫీల్డ్‌ అసిస్టెంట్లకు కనీస వేతనం రూ.26 వేలు ఇవ్వాలని, ఉద్యోగ భద్రత కల్పించాలని డిమాండ్‌ చేస్తూ కలెక్టరేట్‌ వద్ద ఏపి ఫీల్డ్‌ అసిస్టెంట్‌ జాయింట్‌ యాక్షన్‌ కమిటీ, సీఐటీయు ఆధ్వర్యంలో ఫీల్డ్‌ అసిస్టెంట్లు ఆందోళన చేసి జాయింట్‌ కలెక్టర్‌ శౌర్యమాన్‌ పటేల్‌కు వినతిపత్రం అందించారు. ఈ సందర్భంగా సీఐటీయు జిల్లా అధ్యక్షులు వి.వి.శ్రీనివాసరావు, జిల్లా కోశాధికారి గనిశెట్టి సత్యనారాయణ, ఫీల్డ్‌ అసిస్టెంట్‌ యూనియన్‌ నాయకులు కె.సూర్యనారాయణ, గోవిందు మాట్లాడుతూ ఉపాధి హామీ పథకంలో గత 19 సంవత్సరాల నుంచి పని చేస్తున్న ఫీల్డ్‌ అసిస్టెంట్లకు కేవలం రూ.5,745 వేతనంతో బతుకుతున్నారని ప్రభుత్వాలకు ఎన్నిసార్లు విన్నవించిన తమకు కనీస వేతనాలు అమలు చేయడకుండా తాత్సారం చేస్తున్నాయన్నారు. తమకు పెరుగుతున్న ధరలకు అనుగుణంగా కనీస వేతనం ఇవ్వాలని, ఫీల్డ్‌ అసిస్టెంట్లపై రాజకీయ జోక్యం పెరిగి తొలగింపులకు పాల్పడుతున్నారని, ఎటువంటి ఉద్యోగ భద్రతా లేకపోవడంతో ఉద్యోగులు అవస్థలు పడుతున్నారని అన్నారు. రాష్ట్రంలో కూటమి ప్రభుత్వం వచ్చిన తర్వాత సమస్యలు పరిష్కారం అవుతాయని ఆశించిన ఫీల్డ్‌ అసిస్టెంట్లకు గత రెండున్నర సంవత్సరాలుగా ఎటువంటి న్యాయం జరగకపోగా, పెద్ద ఎత్తున అన్యాయంగా అక్రమ తొలగింపులకు పాల్పడ్డారని, ఇలాంటి పరిస్థితులను తట్టుకోలేక కొంత మంది ఫీల్డ్‌ అసిస్టెంట్లు ఆత్మహత్యలు కూడా పాల్పడ్డారని అన్నారు. ఫీల్డ్‌ అసిస్టెంట్లకు ఉద్యోగ భద్రత కల్పించాలని డిమాండ్‌ చేశారు. తమ సమస్యలు పరిష్కారానికి ప్రభుత్వం స్పందించకపోతే తమ ఆందోళన మరింత ఉధృతం చేస్తామనిహెచ్చరించారు. ఈ నిరసన అనంతరం జాయింట్‌ కలెక్టర్‌కు వినతిపత్రం సమర్పించారు.

రాష్ట్రస్థాయి పోటీలకు ఎంపికై న వారిని అభినందిస్తున్న తహసీల్దార్‌ ప్రసాదరావు, పీడీ నూకరాజు కొయ్యూరు: ఉమ్మడి విశాఖ జిల్లా 70వ భారత పాఠశాల సమాఖ్య కుస్తీ పోటీలు శనివారం కొయ్యూరు బాలుర ఆశ్రమ పాఠశాల–1లో ఘనంగా నిర్వహించారు. తహశీల్దారు ప్రసాదరావు ఈ పోటీలను ప్రారంభించారు. అండర్‌–14, 17, 19 విభాగాలలో నిర్వహించిన ఈ పోటీలకు ఉమ్మడి జిల్లా వ్యాప్తంగా మొత్తం 160 మంది విద్యార్థులు హాజరయ్యారు. ప్రతిభ కనబరిచిన క్రీడాకారులు రాష్ట్రస్థాయి పోటీలకు ఎంపికయ్యారు. అండర్‌–14కు 10 మంది బాలురు, 10 మంది బాలికలు, అండర్‌–17కు 20 మంది బాలురు, 10 మంది బాలికలు, అండర్‌ 19కు 6 మంది బాలురు, 7 మంది బాలికలు చొప్పున 63 మంది క్రీడాకారులు రాష్ట్రస్థాయి పోటీలకు అర్హత సాధించినట్లు కొయ్యూరు కుస్తీ అకాడమీ కోచ్‌, పీడీ అంబటి నూకరాజు తెలిపారు. ఎంపికై న విద్యార్థులకు ఈ నెల 11 నుంచి 13 వరకు పల్నాడు జిల్లా (ఎన్టీఆర్‌ జిల్లా పరిధి)లో జరిగే రాష్ట్రస్థాయి పోటీలలో పాల్గొంటారని వెల్లడించారు.

చోడవరం: విద్యార్థుల ఫీజు రీయింబర్స్‌మెంటు, స్కాలర్‌ షిప్‌ బకాయిలు వెంటనే విడుదల చేయాలని పీడీఎస్‌వో రాష్ట్ర ప్రధాన కార్యదర్శి ఎ. సురేష్‌ డిమాండ్‌ చేశారు. ప్రగతిశీల ప్రజాస్వామ్య విద్యార్థి సంస్థ (పీడీఎస్‌వో) జిల్లా మహాజన సభ చోడవరంలో శనివారం జరిగింది. ఈ సందర్భంగా సురేష్‌ మాట్లాడుతూ విద్యార్థులకు రూ. 7 వేల కోట్లు ప్రభుత్వం చెల్లించాల్సి ఉందన్నారు. ధరలకు అనుగుణంగా హాస్టల్‌ విద్యార్థులకు మెస్‌ చార్జీ రూ. 3 వేలకు పెంచాలని, ఖాళీగా ఉన్న వార్డెన్స్‌, కుక్స్‌, కమాటీ, వాచ్‌మెన్‌ పోస్టులను వెంటనే భర్తీ చేయాలని డిమాండ్‌ చేశారు. హాస్టళ్లకు సొంత భవనాలు నిర్మాణానికి నిధులు మంజూరు చేయాలని, విద్యార్థులకు దుప్పట్లు, దోమతెరలు ఇవ్వాలన్నారు. జనసాహితీ జిల్లా కార్యవర్గ సభ్యుడు గౌరీశంకర్‌ మాట్లాడుతూ నీట్‌ వంటి అత్యున్నత పరీక్షల్లో సైతం పేపర్‌ లీకేజీలు జరిగితే విద్యార్థుల భవిష్యత్‌ ఏంటని ప్రశ్నించారు. అటువంటి పేపర్‌ లీకేజీలు జరగకుండా ప్రభుత్వం చర్యలు తీసుకోవాలన్నారు. సమావేశానికి ముందు మెయిన్‌రోడ్డుపై విద్యార్థులంతా భారీ ర్యాలీ నిర్వహించారు. చోడవరం, నర్సీపట్నం, ఎలమంచిలి ప్రాంతాల్లో బడిబస్సులు సకాలంలో లేక విద్యార్థులు ఇబ్బందులు పడుతున్నారని, వెంటనే బడిబస్సులు నడపాలని, అనకాపల్లిలో ప్రభుత్వం డిగ్రీ కాలేజీ ఏర్పాటు చేయాలని, నిరుద్యోగుల ఆకలి చావులు ఆగాలంటే ఉద్యోగ, ఉపాధి అవకాశాలు మెరుగుపర్చాలని తీర్మానాలు చేశారు. కార్యక్రమంలో పీడీఎస్‌వో రాష్ట్ర, జిల్లా ప్రతినిధులు ఎస్‌. రుద్రి, నందారపు భాస్కరరావు, బి. రాజేష్‌, కారే మణికుమార్‌, గౌతం కుమార్‌, పి. సాయి పాల్గొన్నారు. ఈ సందర్భంగా సంస్థ నూతన జిల్లా కార్యవర్గాన్ని ఎన్నుకున్నారు.

తుమ్మపాల : స్వచ్చాంధ్ర–స్వర్ణాంధ్ర కార్యక్రమంలో భాగంగా జిల్లాకు నాలుగు రాష్ట్ర స్థాయి అవార్డులు రావడం ఆనందంగా ఉందని కలెక్టర్‌ విజయ కృష్ణన్‌ ఒక ప్రకటనలో తెలిపారు. జిల్లాను అభివృద్ధి పథంలో నడిపించేందుకు నిరంతరం కృషి చేస్తామని, వచ్చే ఏడాది మరిన్ని అవార్డులు జిల్లాకు వచ్చేలా పనిచేస్తామని తెలిపారు. గాంధీ జయంతి సందర్భంగా శుక్రవారం విజయవాడ ఏ కన్వెన్షన్‌ సెంటర్‌లో నిర్వహించిన స్వచ్చాంధ్ర–స్వర్ణాంధ్ర కార్యక్రమంలో ముఖ్యమంత్రి చేతుల మీదుగా జిల్లా అధికారులకు అవార్డులను ప్రదానం చేసినట్లు ఆమె తెలిపారు. 50 వేలలోపు జనాభా కలిగిన మున్సిపాలిటీల కేటగిరీలో యలమంచిలి మున్సిపాలిటీ స్వచ్ఛ మున్సిపాలిటీగా ఎంపికై నందున అవార్డును మున్సిపల్‌ కమిషనర్‌ ప్రసాద్‌ రాజు అందుకున్నారు. గ్రామ పంచాయతీల కేటగిరీలో అనకాపల్లి మండలం మార్టూరు గ్రామపంచాయతీ స్వచ్ఛ గ్రామపంచాయతీగా ఎంపికై ందున అవార్డును అనకాపల్లి ఎంపీడీవో ఆశాజ్యోతి, పంచాయతీ కార్యదర్శి శ్రీనివాసరావు అందుకున్నారు. స్వచ్ఛ హాస్పిటల్‌ కేటగిరీలో అనకాపల్లి జీఏడీ ఆసుపత్రి ఎంపికై నందున ఆసుపత్రి తరఫున ఆయుష్‌ డాక్టర్‌ లావణ్య పురస్కారాలను అందుకున్నారు. స్వచ్ఛ హాస్టల్స్‌ కేటగిరీలో తాండవ ప్రభుత్వ గిరిజన సంక్షేమ ఆశ్రమ బాలికల పాఠశాల స్వచ్ఛ హాస్టల్‌ అవార్డును పాఠశాల హెచ్‌ఎం విమలకుమారి, సంక్షేమ అధికారి మంగవేణి అందుకున్నారు. ఈ సందర్భంగా నాలుగు అవార్డులు సాధించిన సంస్థలు, అధికారులు, సిబ్బందికి కలెక్టర్‌ విజయకృష్ణన్‌ అభినందనలు తెలిపారు.

అనకాపల్లి : పోలీస్‌ సిబ్బంది, హోంగార్డుల సంక్షేమాన్ని దృష్టిలో పెట్టుకుని అత్యవసర అనారోగ్య పరిస్థితుల్లో ఎదురయ్యే భారీ వైద్య ఖర్చుల భారం నుంచి కుటుంబాలకు పూర్తిరక్షణ కల్పించే లక్ష్యంతో ప్రత్యేక చర్యలు చేపట్టడం జరుగుతుందని అదనపు ఎస్పీ ఎల్‌.మోహన్‌రావు అన్నారు. ఎస్పీ కార్యాలయంలో హెల్త్‌ ఇన్సూరెన్స్‌, సంక్షేమ పథకాలు, వివిధ బ్యాంకు ప్రతినిధులతో అవగాహన సదస్సును శనివారం నిర్వహించారు. ఈ సందర్భంగా మాట్లాడుతూ రాష్ట్ర ప్రభుత్వం వివిధ బ్యాంకులతో కుదుర్చుకున్న ఒప్పందాలు, పోలీస్‌ శాలరీ ప్యాకేజీ ఆధారంగా ఈ కార్యక్రమన్ని నిర్వహించడం జరిగిందన్నారు. పోలీస్‌ కుటుంబాల ఆరోగ్య భధ్రతపై ప్రత్యేక దృష్టి సారించామన్నారు. ప్రస్తుత పరిస్థితుల్లో వైద్య చికిత్సల వ్యయం భారీగా పెరిగినందున, అదనపు రక్షణ అవసరం ఎంతైనా ఉందన్నారు. వివిధ బ్యాంకులు అందిస్తున్న ఆరోగ్య బీమా, టాప్‌–అప్‌ పాలసీలు ఉద్యోగుల కుటుంబాలకు ఎంతగానో ఉపయోగపడుతాయన్నారు. కేంద్ర ప్రభుత్వం సామాజిక భద్రతా పథకాలైన ప్రధానమంత్రి జీవన్‌జ్యోతి బీమా యోజన, ప్రధానమంత్రి సురక్షా బీమా యోజన, ఆటల్‌ పెన్షన్‌ యోజన ప్రతి ఒక్కరూ సద్వినియోగం చేసుకోవాలన్నారు. వివిధ బ్యాంక్‌ మేనేజర్లు ప్రతినిధులు మాట్లాడుతూ శాలరీ ప్యాకేజీ ద్వారా లభించే హెల్త్‌ పాలసీలు, ఫ్యామిలీ ఫ్లోటర్‌ ప్లాన్లు, తక్కువ ప్రీమియంతో అధిక కవరేజీ, క్యాష్‌లెస్‌ ట్రీట్‌మెంట్‌ నెట్‌వర్కు ఆస్పత్రుల వివ రాలు, టాప్‌–అప్‌ ప్లాన్ల వివరాలను వివరించారు. డీఎస్పీలు బాబ్జీరావు, రవికుమార్‌, సీఐలు రామకృష్ణారావు, టి.లక్ష్మి, శ్రీనివాసరావు, రమేష్‌ పాల్గొన్నారు.

కశింకోట : హరిదాసులను గుర్తించి ప్రభుత్వం ఆదుకోవాలని జై శ్రీమన్నారాయణ జిల్లా హరి దాసుల సంక్షేమ సంఘం అధ్యక్షుడు మైచర్ల అప్పారావు కోరారు. మండలంలోని తాళ్లపాలెం సంత వద్ద జిల్లా స్థాయి హరి దాసుల సంక్షేమ సంఘం సమావేశం శనివారం నిర్వహించారు. ఈ సందర్భంగా మాట్లాడుతూ సుమారు నాలుగు దశాబ్దాలుగా దాసరి కులస్తులు హరిదాసు వృత్తిని నమ్ముకొని జీవనం సాగిస్తున్నారన్నారు. జిల్లాలోని 9 మండలాల్లో హరి దాసులున్నప్పటికి ప్రభుత్వం నుంచి గుర్తింపు, ఆదరణ లేదన్నారు. హరి నామ స్మరణ చేస్తూ ప్రజల సుఖ సంతోషాలను ఆకాంక్షిస్తూ తమ వృత్తిని కొనసాగిస్తున్నామన్నారు. అడుగంటిపోతున్న హరిదాసుల వృత్తిని పరి రక్షిస్తూ ప్రభుత్వం తమను కళాకారులుగా గుర్తించాలన్నారు. గుర్తింపు కార్డులు మంజూరు చేసి, సంక్షేమ పథకాలను అందించాలని, సమావేశాలు నిర్వహించుకునేందుకు కమ్యూనిటీ భవనాలు ఏర్పాటు చేయాలని విజ్ఞప్తి చేశారు. సమాజ హితాన్ని కోరుకునే హరిదాసు వృత్తి అంతరించిపోకుండా తమ పిల్లలు, భవిష్యత్‌ తరాలు కూడా ఈ సంప్రదాయాన్ని కొనసాగించేలా తమ వంతు కృషి చేస్తున్నామన్నారు. సమావేశంలో జిల్లా సంఘం గౌరవాధ్యక్షుడు కోట్ల భీమరాజు, కార్యదర్శి కందుల నూకరాజు, కోశాధికారి మైచర్ల అప్పారావు తదితరులు మాట్లాడారు. జిల్లాలో సుమారు 104 మంది హరిదాసులు సమావేశంలో పాల్గొన్నారు.

బంగారుమెట్ట గోతుల్లో బోల్తా పడిన ట్రాక్టర్‌ బుచ్చెయ్యపేట: భీమునిపట్నం – నర్సీపట్నం(బీఎన్‌) రోడ్డులో బంగారుమెట్ట వద్ద ఆయిల్‌పామ్‌ గెలల లోడుతో వెళ్తున్న ట్రాక్టర్‌ బోల్తా పడింది. మాడుగుల మండలం కృష్ణపాలెంకు చెందిన రైతు తన పొలంలో పండిన ఆయిల్‌పామ్‌ గెలలను లోపూడి వద్ద ఫ్యాక్టరీకి తరలిస్తున్నాడు. శనివారం రాత్రి బంగారుమెట్ట గోతులు వద్ద ట్రాక్టర్‌ అదుపుతప్పి బోల్తా పడింది. దీంతో వడ్డాది, రావికమతం మధ్య వాహనాలు నిలిచిపోయి రాకపోకలకు తీవ్ర అంతరాయం ఏర్పడింది. దాంతో పామాయిల్‌ ఫ్యాక్టరీ నుంచి మరో ట్రాక్టర్‌ను రప్పించి గెలలను లోడ్‌ చేసి ట్రాఫిక్‌కు ఇబ్బందులు లేకుండా చేశారు. ప్రమాద సమయంలో గోతులు వద్ద వాహనదారులు లేకపోవడంతో పెద్ద ప్రమాదం తప్పింది. తక్షణమే రోడ్డు గోతులను పూడ్చాలని పలువురు కోరుతున్నారు.

స్కూల్‌ కమిటీ ఎన్నికల్లో టీడీపీ బరి తెగించింది. అధికార పార్టీ అభ్యర్ధులను గెలిపించాలని విద్యార్థుల తల్లిదండ్రులను బెదిరించారు. ఓటు వేయకపోతే మీ కుటుంబ సభ్యుల పింఛన్లు తొలగిస్తామని, ఇళ్లు మంజూరు చేయబోమని, పాఠశాల నుంచి మీ విద్యార్ధులను ఇళ్లకు పంపించేస్తామని భయభ్రాంతులకు గురి చేశారు.. అంతేకాకుండా డబ్బులు, చీరలు కూడా పంపిణీ చేసి తమకు అనుకూలంగా ఓటు వేసేలా ప్రలోభాలకు గురి చేశారు. వెరసి దేవాలయాల్లాంటి పాఠశాలలను రాజకీయ రొంపిలోకి దించడంపై విద్యార్థుల తల్లిదండ్రులు తీవ్ర ఆవేదన వ్యక్తం చేశారు. తమ పిల్లల భవిష్యత్తుపై ఆందోళన చెందుతున్నారు. బుచ్చెయ్యపేట : గత నెల 29న స్కూల్‌ కమిటీ ఎన్నికలు జరగ్గా ఆ రోజు వాయిదా పడిన 6 ఎస్‌ఎంసీ ఎన్నికలను తిరిగి శనివారం నిర్వహించారు. మేజర్‌ పంచాయతీ వడ్డాదిలో కోవెల అప్పనదొర జిల్లా పరిషత్‌ హైస్కూల్‌, కేజీబీవీ పాఠశాల వద్ద టీడీపీ నాయకులు స్ధానిక ఎన్నికలను తలపించేలా చెట్లు వేసి శిబిరాలు ఏర్పాటు చేశారు. ఓటు వేయకపోతే ప్రభుత్వ పథకాలు అందవని, మీ పిల్లలు ఇబ్బందులు పడతారని బెదిరింపులకు పాల్పడ్డారు. ఓటుకు రూ, 500 చొప్పున నగదు పంపిణీ చేశారు. సీతయ్యపేట, కరక, పీపీ అగ్రహారం తదితర గ్రామాల్లో టీడీపీ నాయకులు చీరలు పంపిణీ చేశారు. ఆర్‌.భీమవరంలో వైఎస్సార్‌సీపీకి, టీడీపీకి సమాన ఓట్లు రాగా అక్కడ అంగన్‌వాడీ టీచర్‌, ఆయా పోస్టులను ఇస్తామని ప్రలోభాలకు గురి చేసి దొడ్డిదారిలో గెలిచారు. స్వయంగా ఎమ్మెల్యే రాజుతో పాటు మండల టీడీపీ నాయకులు రెండు పాఠశాలల వద్ద శిబిరాల్లో పాల్గొని తమ అభ్యర్థులను గెలిపించుకునేందుకు కుయుక్తులు పన్నారు. హైస్కూల్‌, కేజీబీవీలో తమ అభ్యర్థులను గెలిపించేలా తల్లిదండ్రులను బెదిరింపులకు గురి చేశారు. గతంలో ఎన్నడూ లేని విధంగా కొత్తకోట సీఐ కోటేశ్వరరావుతో పాటు ఇతర మండలాల ఎస్‌ఐలను, పోలీసు సిబ్బందిని పాఠశాల వద్ద బందోబస్తు ఏర్పాటు చేసి విద్యా వ్యవస్థను కూడా రాజకీయ వ్యవస్థగా మార్చేశారని పలువురు తల్లిదండ్రులు ఆరోపించారు. పెదపూడిలో వైఎస్సార్‌సీపీ బలపరిచిన గుమ్మిడి తలుపునాయుడు చైర్మన్‌, కోరుబిల్లి తులసి వైస్‌ చైర్మన్‌గా ఎన్నికయ్యారు. సీతయ్యపేట హైస్కూల్‌లో చైర్మన్‌గా నందవరపు సత్తిబాబు, వైస్‌ చైర్మన్‌గా చీపురపల్లి లక్ష్మి వైఎస్సార్‌సీపీ బలపరిచిన అభ్యర్థులు గెలుపొందారు. వడ్డాది హైస్కూల్‌ చైర్మన్‌గా కోవెల వెంకట రమణ, వైస్‌ చైర్మన్‌గా భారతి, కేజీబీవీ చైర్మన్‌గా వెలుగుల వసంత, వైస్‌ చైర్మన్‌గా గాడి శ్రీను గెలుపొందారు. ఆర్‌.భీమవరంలో చైర్మన్‌గా రమణ, వైస్‌ చైర్మన్‌గా లావణ్య, చిన అప్పనపాలెంలో చైర్మన్‌గా మంగమ్మ, వైస్‌ చైర్మన్‌గా అప్పలనరస ఎన్నికయ్యారు. మరోసారి ఎస్‌ఎంసీ ఎన్నికలు వాయిదా అనకాపల్లి టౌన్‌ : జిల్లాలో మెత్తం 1432 ప్రభుత్వ పాఠశాలలో సెప్టెంబర్‌ 29న ఎస్‌ఎమ్‌సి ఎన్నికలు నిర్వహించగా, 1403 పాఠశాలలో ఎన్నికలు పూర్తి అయ్యాయి. మిగిలిన 29 పాఠశాలలో 50 శాతం కోరం పూర్తి కాకపోవడంతో ఎన్నికలు వాయిదా పడ్డాయి. వాయిదా పడిన 29 పాఠశాలల్లో శనివారం ఎన్నికలు నిర్వహించగా, ఇందులో 22 పాఠశాలల్లో ఎన్నికలు నిర్వహించారు. మిగిలిన ఆరు పాఠశాలలో ఎస్‌ఎంసీ ఎన్నికలు మరోసారి వాయిదా పడ్డాయని జిల్లా సమగ్రశిక్ష ప్రాజెక్ట్‌ కోఆర్డినేటర్‌ శ్రీరాములు తెలిపారు.

ఎస్‌.రాయవరం: మండలంలో ప్రభుత్వ భూముల ఆక్రమణలు కొనసాగుతూనే ఉన్నాయి. ఎకరాలకు ఎకరాలు ఆక్రమిస్తున్నా పట్టించుకునే వారే కరవయ్యారు. చినఉప్పలం ఆర్‌అండ్‌బీ రోడ్డుకు ఆనుకుని ప్రభుత్వ భూముల్లో దర్జాగా నిర్మాణాలు ప్రారంభించారు. స్థానికులు పీజీఆర్‌ఎస్‌లో ఫిర్యాదు చేసినా అధికారులు చర్యలు తీసుకోవడం లేదని విమర్శలు వ్యక్తమవుతున్నాయి. తిమ్మాపురంలో నిర్మాణదారులు ఎప్పటికప్పుడు రోడ్లు, కాలువలు, ప్రభుత్వ భూములు ఆక్రమిస్తున్నా పట్టించుకున్న నాథుడే లేడు. కొరుప్రోలులో సర్వే నంబర్‌ 252లో ఆక్రమణలు లెక్కకు మించి ఉన్నాయి. ప్రతి రోజూ గ్రామంలో ఏదో ఒక మూలన ప్రభుత్వ భూమిని ఆక్రమించి నిర్మాణాలు చేస్తూనే ఉన్నారు. కొందరు తాత్కాలిక నిర్మాణాలతో సరిపెట్టుకుంటే మరికొందరు శాశ్వత నిర్మాణాలు చేపట్టారు. గుర్రాజుపేట, రేవుపోలవరంలలో అక్రమ నిర్మాణాలు జోరుగా సాగుతున్నాయి. తీర ప్రాంత భూములను వ్యాపార కార్యకలాపాలు నిర్వహించేందుకు ఆక్రమించుకుంటున్నారు. ఉప్పరాపల్లి, వాకపాడు, బంగారమ్మపాలెం, ధర్మవరం అగ్రహారం, పెనుగొల్లు, గోకులపాడు, దార్లపూడి, వమ్మవరం గెడ్డపాలెం, పెదగుమ్ములూరు తదితర గ్రామాల్లో ప్రభుత్వ భూములను యథేచ్ఛగా ఆక్రమించి భవనాలు నిర్మిస్తున్నారు. ఆక్రమణలపై స్థానిక రెవెన్యూ అధికారులు సమగ్ర నివేదికలు ఇవ్వకపోవడంతో ఉన్నత స్థాయి అధికారులు చర్యలు తీసుకునేందుకు వెనుకాడుతున్నారని స్థానికులు చెబుతున్నారు. మండలంలో పలు గ్రామాల్లో పదుల సంఖ్యలో ఎకరాలు ఆక్రమణలకు గురవుతున్నా అధికారులు పట్టించుకోవడం లేదని స్థానికులు ఆరోపిస్తున్నారు. ప్రభుత్వ భూములు ఆక్రమిస్తే చర్యలు ప్రభుత్వ భూములు ఆక్రమిస్తే కఠిన చర్యలు తీసుకుంటాం. వీఆర్వోలతో చర్చించి ఆక్రమణలపై నివేదికలు తెప్పించి, చర్యలు తీసుకుంటాం. అందిన ఫిర్యాదుల మేరకు ఆక్రమణదారులకు నోటీసులు ఇచ్చి, నిర్మాణాలను అడ్డుకున్నాం. – జె.రమేష్‌బాబు, తహసీల్దార్‌, ఎస్‌.రాయవరం

కశింకోట : కశింకోట పోలీస్‌స్టేషన్‌లో నమోదైన మూడు దొంగతనం కేసుల్లో నేరం రుజువు కావడంతో ఇద్దరు నిందితులకు వేర్వేరు జైలు శిక్షలు విధిస్తూ అనకాపల్లి 12వ అదనపు మెట్రోపాలిటన్‌ కోర్టు మేజిస్ట్రేట్‌ ఎ.రమేష్‌ శనివారం తీర్పు చెప్పారు. సీఐ అల్లు స్వామినాయుడు అందజేసిన వివరాలివి. మండలంలోని తాళ్లపాలెం గ్రామానికి చెందిన కొల్లి సత్యవతి ఇంట్లో 2023లో 8 తులాల బంగారు ఆభరణాలు చోరీకి గురయ్యాయి. అదే గ్రామానికి చెందిన గమ్మిని నాగేశ్వరరావు ఇంట్లో కూడా ఈ ఏడాది బంగారు, వెండి ఆభరణాలతోపాటు రూ.లక్ష నగదు చోరీ అయింది. చెరకాం గ్రామానికి చెందిన గుర్రి దేముళ్లు ఇంట్లో గత ఏడాది బంగారు గొలుసు, ఉంగరాలు, చెవి దిద్దులు చోరీకి గురయ్యాయి. ఈ మేరకు బాధితులు చేసిన ఫిర్యాదు మేరకు వరుసగా ఎస్‌ఐలు జక్కుల నాగేశ్వరరావు,కె. లక్ష్మణరావు, పి. మనోజ్‌కుమార్‌ వేర్వేరుగా కేసులు నమోదు చేసి దర్యాప్తు చేసి కోటవురట్ల మండలం రాజుపేటకు చెందిన పొలమరశెట్టి దుర్గా ప్రసాద్‌, మునగపాక మండలం నాగులాపల్లికి చెందిన దొడ్డి ఆదిబాబు ఆయా నేరాలకు పాల్పడినట్టు గుర్తించారు. చోరీ సొత్తు రికవరీ చేసి కోర్టులో అభియోగపత్రాలు దాఖలు చేశారు. విచారణ అనంతరం తుది తీర్పునకు రావడం, నిందితులు దొంగతనాలు చేసినట్టు రుజువు కావడంతో దుర్గా ప్రసాద్‌కు 15 నెలల కఠిన కారాగార శిక్ష, రూ.1500 జరిమానా, ఆదిబాబుకు 3 నెలల కఠిన కారాగార శిక్ష, రూ.5 వేల జరిమానా విధిస్తూ 12వ మెట్రో పాలిటన్‌ మేజిస్ట్రేట్‌ తీర్పు చెప్పారు. సీఐ స్వామినాయుడు పర్యవేక్షణలో సమర్ధంగా దర్యాప్తు నిర్వహించి నిందితులకు శిక్ష పడేలా చేసిన పోలీసు అధికారులు, సిబ్బంది, పబ్లిక్‌ ప్రాసిక్యూటర్‌ ఆర్‌. వాణిలను పోలీసు సూపరింటెండెంట్‌ తుహిన్‌ సిన్హా అభినందించారు.

అల్లిపురం: నేల ఆరోగ్యంపై ప్రజల్లో అవగాహన కల్పించేందుకు నగరానికి చెందిన 58 ఏళ్ల చార్టర్డ్‌ సివిల్‌ ఇంజినీర్‌ సుబ్రహ్మణ్య శర్మ చల్లా చేపట్టిన ‘సేవ్‌ సాయిల్‌’ పరుగు యాత్ర కొనసాగుతోంది. ఇందులో భాగంగా శుక్రవారం విజయవాడలో నిర్వహించిన ‘స్వచ్ఛథాన్‌–2026’ హాఫ్‌ మారథాన్‌లో ఆయన 21.1 కిలోమీటర్ల పరుగును విజయవంతంగా పూర్తి చేశారు. ‘సేవ్‌ సాయిల్‌’ జెండాను చేతబూని నాలుగున్నరేళ్లుగా దేశవ్యాప్తంగా వివిధ పరుగు కార్యక్రమాల్లో పాల్గొంటున్న శర్మ ఇప్పటివరకు విశాఖ, విజయవాడ, కాకినాడ, అమలాపురం, హైదరాబాద్‌, బెంగళూరు, గోవా, రాయ్‌పూర్‌, భువనేశ్వర్‌, సంబల్‌పూర్‌, బలంగీర్‌ తదితర నగరాల్లో సుమారు 7,600 కిలోమీటర్లు పరుగెత్తారు. ఈ సందర్భంగా శర్మ మాట్లాడుతూ వాయు, జల కాలుష్యంపై ప్రజల్లో అవగాహన పెరుగుతున్నప్పటికీ, నేల ఆరోగ్యంపై మరింత చైతన్యం అవసరమన్నారు. నేల మనకు ఆహారాన్ని అందించడంతో పాటు సమస్త జీవ వ్యవస్థకు ఆధారంగా నిలుస్తుందని పేర్కొన్నారు. నేలను సంరక్షించి, దాని సారాన్ని పునరుద్ధరించాల్సిన ఆవశ్యకతను ప్రజలకు తెలియజేయడమే తన పరుగు యాత్ర లక్ష్యమని తెలిపారు. సద్గురు ప్రారంభించిన ‘సేవ్‌ సాయిల్‌’ ఉద్యమం స్ఫూర్తితో శర్మ నాలుగున్నరేళ్ల క్రితం ఈ పరుగు యాత్రను ప్రారంభించారు. అప్పటి నుంచి మారథాన్‌లు, సుదూర పరుగుల్లో పాల్గొంటూ నేల సంరక్షణ, సారవంతమైన మట్టి ప్రాధాన్యతపై ప్రజల్లో అవగాహన కల్పిస్తున్నారు. ‘స్వచ్ఛథాన్‌–2026’లో 21.1 కి.మీ. పరుగు పూర్తి చేయడం తన ‘సేవ్‌ సాయిల్‌’ ప్రచార యాత్రలో మరో మైలురాయిగా నిలిచిందని శర్మ తెలిపారు.

డుంబ్రిగుడ: మండలంలోని సొవ్వ పంచాయతీ పరిధిలోని కొరొంజిగుడ ఘాట్‌ రోడ్డు మలుపు వద్ద శుక్రవారం రోడ్డు ప్రమాదం జరిగింది. ఎదురెదురుగా వస్తున్న బైక్‌, స్కూటీ ఢీకొనడంతో ఐదుగురికి తీవ్ర గాయాలయ్యాయి. సొవ్వ వైపు నుంచి అరకు వారపు సంతకు బైక్‌పై గొప్పులవలస గ్రామానికి చెందిన నూకన్న, ఆయన భార్య డాలిమ్మతో పాటు మాలింగవలస గ్రామానికి చెందిన హరిశ్చంద్రప్రసాద్‌ ప్రయాణిస్తున్నారు. అదే సమయంలో అరకు వైపు నుంచి సొవ్వకు స్కూటీపై సొవ్వ వీఆర్పీ లక్ష్మి, ఆమె భర్త స్వామి వస్తుండగా.. కొరొంజిగుడ మలుపు వద్ద రెండు వాహనాలు ఎదురెదురుగా ఢీకొన్నాయి. ఈ ప్రమాదంలో బైక్‌పై ప్రయాణిస్తున్న ముగ్గురితో పాటు స్కూటీపై ఉన్న ఇద్దరికీ తీవ్ర గాయాలయ్యాయి. ప్రమాద విషయం తెలుసుకున్న సొవ్వ మాజీ సర్పంచ్‌, వైఎస్సార్‌సీపీ మండల ఉపాధ్యక్షుడు పొట్టంగి రామ్‌ప్రసాద్‌ తక్షణమే స్పందించారు. స్థానిక యువకులు గుంటా సాంబ, ఎస్‌. కృష్ణ, నాగేష్‌, చిన్న, కోటి తదితరులతో కలిసి వెంటనే అంబులెన్స్‌ను రప్పించి, క్షతగాత్రులను అరకులోయ ఏరియా ఆసుపత్రికి తరలించి మెరుగైన వైద్యం అందించారు.

పాయకరావుపేట: సీబీఎస్‌ఈ జాతీయ స్థాయి యోగా పోటీల్లో శ్రీప్రకాష్‌ విద్యార్థులు ప్రతిభ చాటారు. హర్యానాలోని కర్నాల్‌లో గత నెల 25 నుంచి 28 వరకు నిర్వహించిన పోటీల్లో గ్రూప్‌ యోగా విభాగంలో ద్వితీయ స్థానం సాధించి రజిత పతకాలు కై వసం చేసుకున్నారు. గ్రూప్‌ యోగా విభాగంలో బండారు దేవాన్ష్‌, పినపాత్రుని సోహ న్‌శ్రీ, చింతకాయల జయదీప్‌, చింతా రక్షిత్‌, కాలిబోయిన వెంకట్‌ పాల్గొన్నారు. వారి సమన్వయం, నైపుణ్యం న్యాయనిర్ణేతలను ఆకట్టుకుంది. విజేతలను విద్యాసంస్థల అధినేత నరసింహారావు, సంయుక్త కార్యదర్శి విజయప్రకాష్‌, సీనియర్‌ ప్రిన్సిపాల్‌ ఎంవీవీఎస్‌ మూర్తి, యోగాగురువులు సురేష్‌, జయంతి, ఉపాధ్యాయులు అభినందించారు.

రావికమతం: గర్నికం కస్తూర్బా గాంధీ బాలికా విద్యాలయం(కేజీబీవీ)లో నైట్‌ వాచ్‌వుమన్‌గా పని చేస్తున్న ఆకుల లక్ష్మి గురువారం రాత్రి అధిక మోతాదులో థైరాయిడ్‌, పెయిన్‌కిల్లర్‌ మాత్రలు మింగి ఆత్మహత్యకు యత్నించింది. ఇందుకు పని ఒత్తిడే కారణమని ఆమె భర్త తలుపులు ఆరోపించారు. అపస్మారక స్థితిలోకి వెళ్లిన లక్ష్మిని తోటి సిబ్బంది వెంటనే రావికమతం ప్రాథమిక ఆరోగ్య కేంద్రానికి తరలించి, అనంతరం మెరుగైన చికిత్స కోసం అనకాపల్లి ఎన్టీఆర్‌ ఆస్పత్రికి, అక్కడి నుంచి విశాఖపట్నం కేజీహెచ్‌కు తరలించారు. ప్రస్తుతం ఆమె కేజీహెచ్‌లో చికిత్స పొందుతోంది. ఘటనపై రావికమతం ఎస్‌ఐ రఘువర్మ, ఎంఈవో లింగమూర్తి, జిల్లా గర్ల్‌ చైల్డ్‌ డెవలప్‌మెంట్‌ అధికారి జమీమా శుక్రవారం కేజీబీవీని సందర్శించి ఉపాధ్యాయులు, సిబ్బంది, విద్యార్థులను విడివిడిగా విచారించారు. విచారణలో నైట్‌ వాచ్‌వుమన్‌పై ఎలాంటి అదనపు పని ఒత్తిడి లేదని తేలిందని అధికారులు తెలిపారు. కేజీబీవీ స్పెషల్‌ ఆఫీసర్‌ నాగలక్ష్మి మాట్లాడుతూ జాబ్‌ చార్ట్‌లో ఉన్న పనులనే అప్పగిస్తున్నామని, ఎలాంటి వేధింపులు లేవని స్పష్టం చేశారు.

పురస్కారాలు పొందిన గాయత్రి స్కూలు ఉపాధ్యాయులు విజయదుర్గ, హరిచందన కశింకోట: మండలంలోని తాళ్లపాలెంలో గాయత్రి స్కూలుకు చెందిన ఉపాధ్యాయులు ఎ.విజయదుర్గ, సి.హెచ్‌. హరిచందనలకు ఉభయ విశాఖ జిల్లా స్థాయి ఉత్తమ ఉపాధ్యాయ పురస్కారాలు లభించాయి. విశాఖపట్నంలో ఉభయ జిల్లాల ఆధ్వర్యంలో నిర్వహించిన కార్యక్రమంలో ఆదికవి నన్నయ యూనివర్సిటీ పూర్వ వైస్‌ చాన్సలర్‌ ఆచార్య ఎం.ముత్యాలనాయుడు, ఏపీపీయూఎస్‌ఎంఏ రాష్ట్ర మాజీ అధ్యక్షుడు ఎ.కృష్ణారెడ్డి, ప్రాంతీయ అధ్యక్షుడు ఎం.వి.రావు చేతుల మీదుగా వారు పురస్కారాలు అందుకున్నారు. ఈ సందర్భంగా పాఠశాల యాజమాన్య కమిటీ సభ్యులు, ఉపాధ్యాయులు శుక్రవారం వారిని అభినందించారు. చెరువులో పడి వృద్ధుడి మృతి

తాటిచెట్లపాలెం: సౌత్‌ కోస్ట్‌ రైల్వే విశాఖపట్నం డివిజన్‌ పరిధిలో విస్తృతంగా స్వచ్ఛతా హీ సేవా కార్యక్రమాలు నిర్వహించినట్లు డివిజనల్‌ రైల్వే మేనేజర్‌ లలిత్‌ బోహ్రా తెలిపారు. గాంధీ జయంతి సందర్భంగా శుక్రవారం డీఆర్‌ఎం కార్యాలయం వద్ద ఆయన మాట్లాడుతూ గత నెల 17 నుంచి ఈ నెల 2 వరకు చేపట్టిన స్వచ్ఛతా పక్షోత్సవాల ద్వారా ప్రయాణికులకు, ప్రజలకు శుభ్రత, పర్యావరణ పరిరక్షణపై అవగాహన కల్పించామన్నారు. రైల్వే అధికారులు, సిబ్బంది, సఫాయి మిత్ర, విద్యార్థులు, ప్రతినిధుల సహకారంతో సౌత్‌ కోస్ట్‌ రైల్వే ప్రధాన కార్యాలయం ద్వారా నిర్దేశించిన 700 క్లీన్లినెస్‌ టార్గెట్‌ యూనిట్స్‌లో 650 యూనిట్స్‌లో ప్రత్యేక కార్యక్రమాలు నిర్వహించి, పరిశుభ్రంగా ఉంచగలిగామని చెప్పారు. 130 ఏళ్ల విశాఖపట్నం రైల్వే స్టేషన్‌ వేడుకలను అత్యంత ఘనంగా నిర్వహించి.. హెరిటేజ్‌ గ్యాలరీ వంటివి ఏర్పాటు చేశామన్నారు. స్కూల్‌ విద్యార్థులకు ఎస్టీపీ ప్లాంట్ల పరిశీలన, చిత్రలేఖన పోటీలు, క్రీడలు, సామాజిక కార్యక్రమాలు నిర్వహించామన్నారు. రైల్వే సఫాయి మిత్రల సంక్షేమం కోసం ఆరోగ్య తనిఖీలు, అవగాహన కార్యక్రమాలు, సన్మానాలు చేసినట్లు తెలిపారు. అనంతరం డీఆర్‌ఎం కార్యాలయం నుంచి సైకిల్‌ ర్యాలీ, అవగాహన ర్యాలీలు నిర్వహించారు. డీఆర్‌ఎంతోపాటు రైల్వే అధికారులు, సిబ్బంది, శానిటేషన్‌ కార్మికులు, స్కౌట్స్‌, అండ్‌ గైడ్స్‌, డివిజనల్‌ కల్చరల్‌ అసోసియేషన్‌ ప్రతినిధులు, సౌత్‌ కోస్ట్‌ రైల్వే ఉమెన్స్‌ వెల్ఫేర్‌ ఆర్గనైజేషన్‌ డివిజన్‌ సభ్యులు పాల్గొన్నారు.

ఆరిలోవ: క్షణికావేశంలో తప్పులు చేసి పలువురు జైలుకు వస్తున్నారని ప్రిన్సిపల్‌ డిస్ట్రిక్ట్‌ అండ్‌ సెషన్స్‌ జడ్జి జి. శ్రీనివాస్‌ అన్నారు. కేంద్ర కారాగారంలో శుక్రవారం గాంధీ జయంతి సందర్భంగా ఖైదీల దినోత్సవాన్ని నిర్వహించారు. ఈ సందర్భంగా కలెక్టర్‌ ఎం. అభిషిక్త్‌ కిశోర్‌, జైలు సూపరింటిండెంట్‌ బి. చంద్రశేఖర్‌ తదితరులతో కలిసి గాంధీ, లాల్‌ బహదూర్‌ శాస్త్రి చిత్రపటాలకు పూలమాలలు వేసి నివాళులర్పించారు. ఖైదీల కోసం జైలు అధికారులు ముందుగా నిర్వహించిన క్రీడా పోటీల్లో ప్రతిభ కనబరిచిన వారికి న్యాయమూర్తి, కలెక్టర్‌ బహుమతులు అందజేశారు.ఇటీవల జైలులో నిర్వహించిన ఆఫీస్‌ అసిస్టెంట్‌ కోర్సు పూర్తి చేసిన ఖైదీలకు సర్టిఫికెట్లు అందించారు. అనంతరం న్యాయమూర్తి శ్రీనివాస్‌ మాట్లాడుతూ.. ప్రతికూల పరిస్థితులు, అనుకోని సంఘటనల కారణంగా చాలామంది తప్పులు చేస్తున్నారని అన్నారు. జైలులో శిక్ష అనుభవిస్తున్న కాలాన్ని శిక్షణ కాలంగా భావించాలని సూచించారు. విడుదలైన తర్వాత తిరిగి తప్పులు చేయకుండా మంచి పౌరులుగా సమాజంలో జీవించాలని ఆకాంక్షించారు.కలెక్టర్‌ అభిషిక్త్‌ కిశోర్‌ మాట్లాడుతూ.. జైలులో పరిశ్రమలు నిర్వహించి ఖైదీలతోనే పనులు చేయించడం మంచి పరిణామమన్నారు. దీనివల్ల వారికి ఉపాధి లభించడంతో పాటు ప్రవర్తనలోనూ మార్పు వస్తుందని ఆశాభావం వ్యక్తం చేశారు. కార్యక్రమంలో డీఎల్‌ఎస్‌ఏ కార్యదర్శి ఆర్‌. సన్యాసినాయుడు, జైలు డిప్యూటీ సూపరింటిండెంట్‌ సూర్యకుమార్‌, ద్వారకా ఏసీపీ మల్లేశ్వరరావు, జైలు సిబ్బంది తదితరులు పాల్గొన్నారు.

ఎస్పీ కార్యాలయంలో గాంధీజీ, లాల్‌బహుదూర్‌ శాసి్త్ర చిత్రపటాలకు పూలమాలలు వేసి నివాళులర్పిస్తున్న డీఎస్పీ శ్రీనివాసులు అనకాపల్లి: అహింస, సత్యం అనే ఆయుధాలతో బ్రిటిష్‌ పాలనకు ఎదురొడ్డి శాంతియుత పోరాటంతో దేశానికి స్వాతంత్య్రం సాధించిపెట్టిన మహాత్ముడు గాంధీజీ అని డీఎస్పీ ఈ.శ్రీనివాసులు అన్నారు. స్థానిక ఎస్పీ కార్యాలయంలో శుక్రవారం మహాత్మాగాంధీ, లాల్‌బహుదూర్‌ శాస్త్రి జయంతి సందర్భంగా వారి చిత్రపటాలకు పూలమాలలు వేసి నివాళులర్పించారు. ఈ సందర్భంగా ఆయన మాట్లాడుతూ నాలుగు దశాబ్దాలపాటు సాగిన గాంధీజీ సుదీర్ఘ పోరాటం బ్రిటిష్‌ సామ్రాజ్యాన్నే తలవంచేలా చేసిందన్నారు. బాపూజీ ఆలోచనలు, గాంధేయ సిద్ధాంతాలు నేటికీ ప్రపంచానికి మార్గదర్శకమని పేర్కొన్నారు. గ్రామ స్వరాజ్యం, స్వదేశీ, సామాజిక సామరస్యం ప్రతి ఒక్కరూ ఆచరించాల్సిన విలువలని తెలిపారు. అలాగే నిరాడంబరత, నిజాయితీకి ప్రతీక అయిన మాజీ ప్రధాని లాల్‌బహుదూర్‌ శాస్త్రి దేశానికి చేసిన సేవలను స్మరించుకున్నారు. ‘జై జవాన్‌, జై కిసాన్‌’నినాదంతో దేశ రక్షణ, ఆహార భద్రత ప్రాధాన్యతలను చాటిచెప్పిన మహానీయుడు శాస్త్రి అని కొనియాడారు. ఇద్దరు మహానీయుల త్యాగాలు, ఆదర్శాలు ప్రజలకు నిత్య స్ఫూర్తిగా నిలుస్తాయన్నారు.

నర్సీపట్నం: నర్సీపట్నం మండలం గురంధరపాలెం గ్రామంలో శుక్రవారం విషాదం చోటుచేసుకుంది. పాఠశాలకు సెలవు కావడంతో స్నేహితులతో కలిసి క్రికెట్‌ ఆడేందుకు వెళ్లిన పదో తరగతి విద్యార్థి చెరువులో మునిగి మృతి చెందాడు. క్షణాల్లో జరిగిన ఈ ప్రమాదం కుటుంబాన్ని శోకసంద్రంలో ముంచింది. రూరల్‌ ఎస్‌ఐ రామారావు తెలిపిన వివరాలిలా ఉన్నాయి. మేరకుం యనమిరెడ్డి చరణ్‌ శ్రీనివాస్‌రెడ్డి పట్టణంలోని నలంద పాఠశాలలో పదో తరగతి చదువుతున్నాడు. పాఠశాలకు సెలవు ఉండడంతో తోటి విద్యార్థులతో కలిసి జగనన్న కాలనీ సమీపంలోని లక్ష్మమ్మ చెరువు వద్ద ఉన్న మైదానంలో క్రికెట్‌ ఆడేందుకు వెళ్లాడు. ఆటలో భాగంగా బంతి చెరువులో పడడంతో దానిని తీసేందుకు చెరువులోకి దిగాడు. ఈ క్రమంలో ప్రమాదవశాత్తు మునిగిపోయాడు. విషయం తెలుసుకున్న తోటి విద్యార్థులు వెంటనే కుటుంబ సభ్యులకు సమాచారం అందించారు. దీంతో తల్లిదండ్రులు, బంధువులు చెరువు వద్దకు పరుగులు తీశారు. ఎస్‌ఐ రామారావు, సిబ్బంది, అగ్నిమాపక సిబ్బంది చెరువులో గాలింపు చేపట్టి విద్యార్థి మృతదేహాన్ని బయటకు తీశారు. కాసేపటి క్రితమే స్నేహితులతో ఆటలో మునిగిపోయిన బాలుడు రెప్పపాటులో ప్రాణాలు కోల్పోవడంతో గ్రామంలో విషాదం నెలకొంది. తల్లిదండ్రుల రోదనలు హృదయాలను కలిచివేస్తున్నాయి. ఈ ఘటనపై కేసు నమోదు చేసి దర్యాప్తు చేస్తున్నట్లు ఎస్‌ఐ తెలిపారు.

వందేళ్ల చరిత్ర కలిగిన విజ్ఞాన ఖని.. ఆంధ్ర విశ్వవిద్యాలయం(ఏయూ)లో ఇప్పుడు విద్యార్థుల చదువులకంటే.. నిధుల మళ్లింపు, అడ్డగోలు అంచనాల పెంపు హాట్‌ టాపిక్‌గా మారాయి! వర్సిటీ ఖజానాలో ఉన్న సొమ్మును ఎవరికి నచ్చినట్లు వారు ధారాదత్తం చేస్తుంటే.. వర్సిటీ వర్గాలు, అలుమ్ని మాత్రం ‘మా ఏయూకు ఏమైంది?’అంటూ తలలు పట్టుకుంటున్నాయి. ఏయూలో విశాఖ విద్య: సొంత ఇంజినీరింగ్‌ విభాగం..సాంకేతిక నిపుణులు.. నిర్మాణ పనుల అనుభవం.. అన్నీ ఉన్నా భారీ పనులు మాత్రం బయట సంస్థకు! మరోవైపు వర్సిటీ అంతర్గత నిధులు రూ.కోట్లలో ఇతర అవసరాలకు మళ్లింపు. ఏకంగా రూ.250 కోట్ల మేర నిర్మా ణ పనులను ఏపీ విద్య, సంక్షేమ మౌలిక సదుపాయా ల అభివృద్ధి సంస్థ(ఏపీఈడబ్ల్యూఐడీసీ)కు అప్పగింత, రూ.300 కోట్లను ఏపీ ఫైనాన్షియల్‌ కార్పొరేషన్‌కు బదలాయింపు, జీతాలు, పెన్షన్లకూ అంతర్గత నిధులు వెచ్చించడం తదితర అంశాలు ఇప్పుడు ఏయూ వర్గాల్లో తీవ్ర చర్చనీయాంశంగా మారాయి. బయటి సంస్థకు రూ.250 కోట్ల పనులు? ఏయూకు ప్రత్యేక ఇంజినీరింగ్‌ విభాగం ఉంది. నిర్మాణ పనులకు అవసరమైన ఇంజినీర్లు, సాంకేతిక సిబ్బంది, అంచనాల తయారీ, టెండర్ల నిర్వహణ, పనుల పర్యవేక్షణ వంటి వ్యవస్థలు ఉన్నాయి. అయినప్పటికీ రూ.250 కోట్ల విలువైన నిర్మాణ పనులను ఏపీఈడబ్ల్యూఐడీసీకి అప్పగించడంపై అనుమానాలు తలెత్తుతున్నాయి. అక్కడ మైనస్‌ 15.. ఇక్కడ 15 ప్లస్‌ 7! వర్సిటీ వర్గాల ఆరోపణల మేరకు కొన్ని పనులు వర్సిటీ ఇంజినీరింగ్‌ విభాగం ద్వారా 15 శాతం తక్కువకే లభిస్తుండగా, ఏపీఈడబ్ల్యూఐడీసీ ద్వారా చేపట్టే పనులకు 12–15 శాతం ఎక్కువ కోట్‌ చేయడంతో పా టు, దానికి మరో 7 శాతం కన్సల్టెన్సీ చార్జీ అదనం. రూ.300 కోట్లు ఏపీ ఫైనాన్స్‌ కార్పొరేషన్‌కు! రిజిస్ట్రార్‌ పరిధిలోని వివిధ ఖాతాలు, అనుబంధ కళాశాలలు, దూరవిద్యా విభాగం ద్వారా సమకూరిన నిధులను సాధారణ రెవెన్యూ ఖాతాలోకి మళ్లించినట్లు వర్సిటీ వర్గాలు ఆరోపిస్తున్నాయి. అందులో భాగంగా.. జనవరి 29న రూ.150 కోట్లు, ఏప్రిల్‌ 15న మరో రూ.150 కోట్లను ఏపీ ఫైనాన్షియల్‌ కార్పొరేషన్‌కు బదలాయించినట్లు తెలిసింది. దీనిపైనా అనుమానాలు వ్యక్తమవుతున్నాయి. కొత్త ఈసీతో పాత నిర్ణయాలకు ‘రాటిఫికేషన్‌’? జూలై 31న కొత్త ఈసీ ఏర్పడింది.గతంలో తీసుకున్న పలు నిర్ణయాలను రాటిఫికేషన్‌ కోసం కొత్త ఈసీ ముందుంచినట్లు ఆరోపణలున్నాయి. గత ఈసీ అభ్యంతరం వ్యక్తం చేసిన కొన్ని అంశాలను కూడా కొత్త కమిటీ ముందు మళ్లీ ప్రవేశపెట్టి ఆమోదం పొందేందుకు ప్రయత్నించడం విమర్శలకు తావిస్తోంది. జీతాలు.. పెన్షన్లకూ సొంత నిధులేనా! ప్రభుత్వ ట్రెజరీ నుంచి రావాల్సిన బ్లాక్‌ గ్రాంట్‌ అందని సమయంలో కొన్ని నెలల జీతాలు, పెన్షన్లు వర్సిటీ అంతర్గత నిధుల నుంచి చెల్లించినట్లు సమాచారం. గతేడాది సెప్టెంబర్‌తో పాటు ఈ ఏడాది తొలి మూడు నెలల్లో ఈ విధంగా చెల్లింపుల వల్ల రూ.180 కోట్లకు పైగా అంతర్గత నిధులకు గండి పడిందని తెలుస్తోంది. ఈ చెల్లింపులను సెప్టెంబర్‌ 29న జరిగిన ఈసీ సమావేశంలో రాటిఫికేషన్‌ కోసం ఉంచి ఆమోదించినట్లు బోగట్టా. ఏళ్లుగా ఉన్న డిపాజిట్లు ఉపసంహరణ? పలు జాతీయ బ్యాంకుల్లో సంవత్సరాలుగా ఉన్న వర్సిటీ నిధులను ఉపసంహరించి సాధారణ రెవెన్యూ ఖాతాకు బదలాయించినట్లు ఆరోపణలున్నాయి. అంతర్గత నిధుల వినియోగం పెరుగుతున్న కొద్దీ భవిష్యత్తులో వర్సిటీ ఆర్థిక పరిస్థితిపై ప్రభావం పడుతుందన్న ఆందోళన ఉద్యోగ, అధ్యాపక వర్గాల్లో వ్యక్తమవుతోంది. ఈ నిధులు ఎవరి నిర్ణయంతో తరలించారు? ఏ ప్రాతిపదికన వినియోగించారు? అన్న ప్రశ్నలకు స్పష్టతనివ్వాలని సిబ్బంది కోరుతున్నారు. ఊసులో లేని రూ.500 కోట్ల సాయం హామీ వర్సిటీకి ప్రభుత్వం నుంచి రూ.500 కోట్ల ఆర్థిక సహాయం అందిస్తామని హామీ ఇచ్చినా ఇప్పటివరకు ఒక్క పైసా కూడా విడుదల కాలేదని వర్సిటీ వర్గాలు చెబుతున్నాయి. మరోవైపు వర్సిటీ అంతర్గత నిధులను భారీగా ఖర్చు చేయడం, ఇతర సంస్థలకు బదలాయించడం ఎందుకనే ప్రశ్న తలెత్తుతోంది. కబడ్డీ సబ్‌ జూనియర్‌ జిల్లా జట్టు ఎంపిక రేపు అనకాపల్లి: ఏపీ అంతర్‌ జిల్లాల 36వ సబ్‌ జూనియర్‌ కబడ్డీ పోటీలకు అనకాపల్లి జిల్లా జట్టు ఎంపిక ఆదివారం ఉదయం 9 గంటలకు స్థానిక జీవీఎంసీ గాంధీనగర్‌ హైస్కూల్‌లో నిర్వహించనున్నట్లు అనకాపల్లి కబడ్డీ అసోసియేషన్‌ అధ్యక్ష, కార్యదర్శులు శాంతకుమారి, దాడి శ్యామ్‌ప్రసాద్‌ శుక్రవారం ఒక ప్రకటనలో తెలిపారు. ఎంపికలో పాల్గొనే క్రీడాకారులు 2010 డిసెంబర్‌ 12 తరువాత జన్మించి ఉండాలని పేర్కొన్నారు. నిబంధనల ప్రకారం బాలురు 60 కిలోలు, బాలికలు 55 కిలోల లోపు బరువు ఉండాలని సూచించారు. మరిన్ని వివరాలకు 9705143380 నంబర్‌ను సంప్రదించాలని కోరారు. ఇంటర్‌ విద్యార్థిని అదృశ్యం యలమంచిలి రూరల్‌: మున్సిపాలిటీ పరిధి పెదపల్లికి చెందిన బంగారు గీతిక(16) అదృశ్యమైనట్టు యలమంచిలి ట్రాఫిక్‌ ఎస్‌ఐ బెజవాడ రామకృష్ణ తెలిపారు. యలమంచిలి ప్రభుత్వ జూనియర్‌ కళాశాలలో ఇంటర్మీడియట్‌ ద్వితీయ సంవత్సరం చదువుతున్న గీతిక గురువారం ఉదయం 10 గంటలకు ఇంటి నుంచి కళాశాలకు బయలుదేరి వెళ్లి సాయంత్రం తిరిగి ఇంటికి చేరుకోలేదు. కుటుంబ సభ్యులు ఆమె కోసం వెతికినా ఆచూకీ లభించలేదు. పుట్టుకతోనే మూగ, చెవుడుతో బాధపడుతున్న ఆమె కాలేజీ యూనిఫాంతోనే ఇంటి నుంచి వెళ్లినట్టు పోలీసులకు ఇచ్చిన ఫిర్యాదులో తండ్రి అప్పారావు పేర్కొన్నాడు. దీనిపై దర్యాప్తు చేస్తున్నామని ఎస్‌ఐ తెలిపారు. ఆమె ఆచూకీ తెలిస్తే 9490617629, 9440796104 నంబర్లకు ఫోన్‌ చేసి సమాచారం అందించాలని ఆయన కోరారు. అభ్యంతరాలున్నా.. అదే సంస్థకు పనులు! ఏపీఈడబ్ల్యూఐడీసీపై గతంలోనూ అభ్యంతరాలున్నట్లు వర్సిటీ వర్గాలు చెబుతున్నాయి. రూసా ఫేజ్‌–1లో భాగంగా 2016–18 మధ్య చేపట్టిన కొన్ని పనుల విషయంలో అప్పటి వీసీ జి.నాగేశ్వరరావు 2018లో ప్రభుత్వానికి లేఖ రాశారు. అందులో సంస్థ అదనంగా వసూలు చేస్తున్న 7 శాతం కన్సల్టెన్సీ చార్జీని ప్రస్తావించినట్లు సమాచారం. ఆ తరువాత వీసీ ప్రసాద్‌రెడ్డి హయాంలో వర్సిటీ ఇంజినీరింగ్‌ విభాగం ద్వారా పనులు చేపట్టడం వల్ల నిధులు ఆదా అయినట్లు సమాచారం. ఈ నేపథ్యంలో తాజా అంచనాల ఆమోదంపై సందేహాలు ముసురుకుంటున్నాయి. ఈస్ట్‌కోస్ట్‌కు అదనపు కోచ్‌ తాటిచెట్లపాలెం: ప్రయాణికుల రద్దీ దృష్ట్యా షాలిమర్‌–చర్లపల్లి (08045) ఈస్ట్‌కోస్ట్‌ ఎక్స్‌ప్రెస్‌కు ఈనెల 3 నుంచి 7వ తేదీ వరకు అదనంగా ఒక థర్డ్‌ ఏసీ కోచ్‌ను జత చేస్తున్నట్లు రైల్వే అధికారులు తెలిపారు. ఆరు మాసాల్లోనే అంచనాలు మూడింతలు! తొలుత ఏయూ ఇంజినీరింగ్‌ విభాగం రూ.45.75 కోట్లతో ఇంజినీరింగ్‌ కళాశాల సెంటినరీ బాయ్స్‌ హాస్టల్‌, రూ.34.80 కోట్లతో సైన్స్‌ కళాశాల గర్‌ల్స్‌ హాస్టల్‌, రూ.14.50 కోట్లతో ఇంజినీరింగ్‌ కళాశాల మెగా మెస్‌ నిర్మాణ అంచనాలు రూపొందించింది. దీన్ని మార్చి 31న జరిగిన పాలక మండలి(ఈసీ) సమావేశంలో ఆమోదించారు. అవే పనులను ఏపీఈడబ్ల్యూఐడీసీకి అప్పగించేటపుడు అంచనాలు గణనీయంగా పెంచడం ఆరోపణలకు తావిస్తోంది. పెరిగిన భారీ అంచనాలు బాయ్స్‌ హాస్టల్‌ – రూ.94.75 కోట్లు ఉమెన్స్‌ హాస్టల్‌ – రూ.73 కోట్లు మెగా మెస్‌ – రూ.42.40 కోట్లు

సింథియా: తూర్పు నావికాదళ కమాండ్‌ ప్రధాన కార్యాలయంలో కమాండ్‌ మెడికల్‌ ఆఫీసర్‌గా రియర్‌ అడ్మిరల్‌ డాక్టర్‌ జంధ్యాల శ్రీధర్‌ శుక్రవారం బాధ్యతలు స్వీకరించారు. 1993 జూన్‌ 30న భారత నౌకాదళంలో చేరిన ఆయన విశాఖలోని టింపనీ స్కూల్‌, పుణేలోని ఏఎఫ్‌ఎంసీ పూర్వ విద్యార్థి. చర్మవ్యాధుల వైద్య నిపుణుడైన ఆయనకు మూడు దశాబ్దాలకు పైగా సేవా అనుభవం ఉంది. కోవిడ్‌ సమయంలో విశాఖలోని ఐఎన్‌హెచ్‌ఎస్‌ కళ్యాణి కమాండింగ్‌ ఆఫీసర్‌గా, ముంబైలోని ఇన్‌స్టిట్యూట్‌ ఆఫ్‌ నేవల్‌ మెడిసిన్‌లో డైరెక్టర్‌, డీన్‌గా, ఐఎన్‌హెచ్‌ఎస్‌ అశ్వినీ, ఐఎన్‌హెచ్‌ఎస్‌ సంజీవనిలో సీనియర్‌ అడ్వైజర్‌గా కీలక బాధ్యతలు నిర్వహించారు.

యలమంచిలి రూరల్‌: యాభై వేల లోపు జనాభా ఉన్న పట్టణాల్లో స్వచ్ఛత ప్రమాణాల్లో యలమంచిలి పురపాలక సంఘం రాష్ట్రంలో రెండో స్థానంలో నిలిచింది. ఈ మేరకు స్వచ్ఛాంధ్ర కార్పొరేషన్‌ ఎండీ సునీల్‌ కుమార్‌రెడ్డి నుంచి అందిన సమాచార మేరకు శుక్రవారం విజయవాడలోని ఏ కన్వెన్షన్‌లో నిర్వహించిన కార్యక్రమంలో ముఖ్యమంత్రి చంద్రబాబు చేతుల మీదుగా పురపాలక కమిషనర్‌ బీజేఎస్‌ ప్రసాదరాజు స్వచ్ఛ అవార్డును స్వీకరించరాఉ. ఈ విజయానికి సహకరించిన పట్టణ ప్రజలు, పారిశుధ్య కార్మికులు, అధికారులకు కమిషనర్‌ కృతజ్ఞతలు తెలిపారు.

అనకాపల్లి టౌన్‌: సుదీర్ఘకాలంగా పరారీలో ఉన్న పాత కేసు నిందితుడిని పట్టణ పోలీసులు అరెస్ట్‌ చేశారు. ఉత్తరప్రదేశ్‌కు చెందిన ఓం ప్రకాశ్‌ యాదవ్‌ అలియాస్‌ ప్రకాశ్‌ యాదవ్‌పై 2011లో స్థానిక పోలీస్‌ స్టేషన్‌ పరిధిలో కేసు నమోదైంది. కేసు విచారణలో భాగంగా కోర్టు విధించిన వాయిదాలకు హాజరు కాకుండా నిందితుడు కొంతకాలంగా తప్పించుకుని తిరుగుతున్నాడు. దీంతో 10వ అదనపు జిల్లా సెషన్స్‌ న్యాయస్థానం నిందితుడిపై నాన్‌బెయిల్‌బుల్‌ వారెంట్‌ జారీ చేసింది. ఎస్పీ తుహిన్‌ సిన్హా ఆదేశాల మేరకు టౌన్‌ సీఐ ప్రేమ్‌కుమార్‌ పర్యవేక్షణలో ప్రత్యేక బృందం గాలింపు చేపట్టింది. కానిస్టేబుళ్లు టి.ఎస్‌.నాయుడు, జగ్గారావు పక్కా సమాచారంతో నిందితుడిని అదుపులోకి తీసుకుని మెజిస్ట్రేట్‌ న్యాయస్థానం ఎదుట హాజరుపరిచారు. నిందితుడికి న్యాయమూర్తి 14 రోజుల రిమాండ్‌ విధించినట్లు సీఐ తెలిపారు.

ఫెన్సింగ్‌ క్రీడాకారిణి పలివెల సాహితీ అచ్యుతాపురం రూరల్‌: ఉత్తరాఖండ్‌లో జరిగిన జాతీయ స్థాయి ఫెన్సింగ్‌ చాంపియన్‌షిప్‌లో ఎర్రవరం గ్రామానికి చెందిన పలివెల సాహితీ అండర్‌–17 విభాగంలో రజత పతకం సాధించి ప్రతిభ చాటింది. ప్రస్తుతం ఆమె నెల్లూరులోని అక్షర విద్యాలయంలో ఇంటర్మీడియట్‌ మొదటి సంవత్సరం చదువుతోంది. జాతీయ స్థాయి పోటీల్లో మెరుగైన ప్రదర్శన కనబరిచిన సాహితీని తల్లిదండ్రులు, గ్రామస్తులు అభినందించారు. భవిష్యత్తులో విద్యతో పాటు క్రీడల్లో మరిన్ని విజయాలు సాధించి ఉన్నత శిఖరాలు అధిరోహించాలని ఆకాంక్షించారు.

మునగపాక: దళితుల అభ్యున్నతికి మాజీ సీఎం వైఎస్‌ జగన్‌మోహన్‌రెడ్డి పెద్దపీట వేశారని వైఎస్సార్‌సీపీ జిల్లా అధ్యక్షుడు బొడ్డేడ ప్రసాద్‌ అన్నారు. ఈ నెల 11న నిర్వహించనున్న పార్టీ ఎస్సీ సెల్‌ జిల్లా విస్తృత స్థాయి సమావేశం విజయవంతంలో భాగంగా శుక్రవారం స్థానిక పార్టీ కార్యాలయంలో సన్నాహక సమావేశం నిర్వహించారు. ఈ సందర్భంగా ఆయన మాట్లాడుతూ దళితుల అభ్యున్నతికి ఎంతో కృషి చేసిన వైఎస్‌ జగన్‌ మరోసారి సీఎం కావడం కోసం ప్రతి ఒక్కరూ కృషి చేయాలన్నారు. రానున్న స్థానిక సంస్థల ఎన్నికల్లో వైఎస్సార్‌సీపీ విజయమే లక్ష్యంగా పాటు పడాలన్నారు. నియోజకవర్గాల సమన్వయకర్తల సూచనలు, సలహాలు పాటిస్తూ దళితుల ఐక్యతను చాటాలన్నారు. 11న జరగనున్న సమావేశానికి పెద్ద ఎత్తున దళితులు తరలిరావాలన్నారు. ఎస్సీ సెల్‌ జిల్లా ఽఅధ్యక్షుడు సురేష్‌ రాజు అధ్యక్షతన జరిగిన ఈ సమావేశంలో ఎస్సీ విభాగం రాష్ట్ర అధికార ప్రతినిధి అల్లంపల్లి రాజుబాబు, రాష్ట్ర ప్రధాన కార్యదర్శి ఐడీ బాబు, రాష్ట్ర కార్యదర్శులు వేచలపు ప్రకాష్‌, దండా జ్ఞానదీప్‌, సుధీర్‌, రాజాన బుజ్జి, కోనపల్లి రామ్మోహనరావు, దిమ్మల శివ, పలు నియోజకవర్గ, మండల శాఖ అధ్యక్షులు పాల్గొన్నారు. గాంధీ ఆశయ సాధనకు కృషి చేయాలి ప్రతి ఒక్కరూ జాతిపిత మహాత్మాగాంధీ ఆశయ సాధనకు పాటుపడాలని వైఎస్సార్‌సీపీ జిల్లా అధ్యక్షుడు బొడ్డేడ ప్రసాద్‌ పిలుపునిచ్చారు. స్థానిక పార్టీ కార్యాలయంలో గాంధీ జయంతి వేడుకల్లో భాగంగా బాపూజీ చిత్ర పటానికి ప్రసాద్‌తో పాటు పలువురు నేతలు నివాళులర్పించారు.

గతంలో పశువులకు వ్యాధి నిర్ధారణ పరీక్షల కోసం వ్యయ ప్రయాసలతో విశాఖ వెళ్లేవాళ్లం. మాజీ సీఎం వైఎస్‌ జగన్‌ అధికారంలోకి రాగానే పశువులకు బాగోకపోతే టోల్‌ప్రీ నంబరు 1962కు సమాచారం అందిస్తే పశువుల పాకల వద్దకు పశు అంబులెన్స్‌లు వచ్చి ప్రాథమిక చికిత్స అనంతరం మెరుగైన వైద్యం కోసం ప్రాంతీయ పశువైద్యశాలకు తరలించే సౌకర్యం కల్పించారు. అక్కడ అగ్రి టెస్టింగ్‌ ల్యాబ్‌లో 15 నిమిషాల్లో పరీక్షలు నిర్వహించి వ్యాధి నిర్ధారణ చేసి, మందులు అందజేసేవారు. ఒక్క రూపాయి ఖర్చు లేకుండా పశువులకు వైద్యం అందేది. ప్రస్తుతం మాడుగుల అగ్రి ల్యాబ్‌లో టెక్నీషియన్‌ లేకపోవడంతో శాంపుల్స్‌ తీసుకుని చోడవరం, అనకాపల్లి పంపిస్తున్నారు. దీంతో సకాలంలో వైద్యం అందడం లేదు. – తంటపురెడ్డి బన్నీ, పాడి రైతు, కొత్తపట్నం, అవురువాడ వీరానారాయణం పంచాయతీ

అనకాపల్లి: మహాత్మ గాంధీజీ ఆలోచనలను ఆచరిస్తూ పరిశుభ్రత, సేవాభావం వంటి విలువలను ప్రతి ఒక్కరూ పాటించాలని రాష్ట్ర హోంమంత్రి వంగలపూడి అనిత పిలుపునిచ్చారు. స్థానిక రింగ్‌రోడ్డులోని పెంటకోట కన్వెన్షన్‌ హాల్లో శుక్రవారం స్వచ్ఛాంధ్ర–స్వర్ణాంధ్ర అవార్డుల ప్రదానోత్సవ కార్యక్రమం కలెక్టర్‌ విజయకృష్ణన్‌ అధ్యక్షతన ఘనంగా జరిగింది. ముందుగా మహాత్మా గాంధీ జయంతి సందర్భంగా బాపూజీ చిత్రపటానికి హోంమంత్రి, కలెక్టర్‌, ఎమ్మెల్యే కొణతాల రామకృష్ణ పూలమాలలు వేసి నివాళులర్పించారు. ఈ సందర్భంగా హోంమంత్రి మాట్లాడుతూ పరిసరాలను పరిశుభ్రంగా ఉంచుకోవడం ప్రతి ఒక్కరి బాధ్యత అన్నారు. గోదావరి జలాలు ఉత్తరాంధ్రకు రావడం ఒకప్పుడు కలగా ఉండేదన్నారు. ప్రస్తుతం జిల్లాలో అన్ని రంగాల్లో అభివృద్ధి జరుగుతోందని తెలిపారు. కలెక్టర్‌ విజయకృష్ణన్‌ మాట్లాడుతూ స్వచ్ఛ ఆంధ్ర, స్వర్ణ ఆంధ్ర లక్ష్యాల సాధనలో భాగంగా జిల్లాను పరిశుభ్రంగా తీర్చిదిద్దేందుకు ప్రజలందరూ భాగస్వాములు కావాలని కోరారు. గాంధీ జయంతి సందర్భంగా ప్రతి ఏడాది రాష్ట్రంలో స్వచ్ఛ ఆంధ్ర అవార్డులు అందజేస్తున్నట్లు తెలిపారు. పారిశుధ్యం, పరిశుభ్రత, వ్యర్థాల నిర్వహణలో ఉత్తమ పనితీరు కనబరిచిన పట్టణ సంస్థలు, గ్రామ పంచాయతీలు, ప్రభుత్వ, వాణిజ్య, కమ్యూనిటీ సంస్థలను ప్రోత్సహించేందుకు ఈ అవార్డులు ప్రదానం చేస్తున్నామన్నారు. 2026లో నిర్వహించిన రెండు రాష్ట్ర స్థాయి సర్వేల ఆధారంగా జిల్లాకు మొత్తం 67 అవార్డులు లభించినట్లు వెల్లడించారు. ఈ కార్యక్రమంలో జాయింట్‌ కలెక్టర్‌ శౌర్యమాన్‌పటేల్‌, వివిధ కార్పొరేషన్ల చైర్మన్లు, జిల్లా అధికారులు పాల్గొన్నారు.

● మునగపాకలో గాంధీ విగ్రహానికి అంగన్‌వాడీల వినతి సీఎం చంద్రబాబుకు జ్ఞానోదయం కల్పించాలని కోరుతూ గాంధీజీ విగ్రహానికి వినతిపత్రం అందిస్తున్న సీఐటీయూ నేతలు, అంగన్‌వాడీ సిబ్బంది మునగపాక: ముఖ్యమంత్రి చంద్రబాబుకు జ్ఞానోదయం కలిగించి, ఎన్నికల ముందు ఇచ్చిన హామీలు అమలు చేసేలా బుద్ధి ప్రసాదించాలని కోరుతూ శుక్రవారం మునగపాకలో మహాత్మాగాంధీ విగ్రహానికి సీఐటీయూ మండల కార్యదర్శి ఎస్‌.బ్రహ్మాజీతో కలిసి అంగన్‌వాడీ సిబ్బంది వినతి పత్రం సమర్పించారు. ఈ సందర్భంగా ఆయన మాట్లాడుతూ అధికారంలోకి వస్తే ఆంగన్‌వాడీ సమస్యలను పరిష్కరిస్తామంటూ ఇచ్చిన హామీలను ప్రభుత్వం గాలికొదిలేసిందని ఆరోపించారు. ఇచ్చిన మాట నిలబెట్టుకునేలా సీఎం చంద్రబాబుకు మంచి జ్ఞానం కలగాలని కోరారు. మోసపూరిత హామీలతో అధికారంలోకి వచ్చిన ప్రభుత్వానికి రాబోయే రోజుల్లో ప్రజలు తగిన గుణపాఠం చెప్పడం ఖాయమని హెచ్చరించారు. ఈ కార్యక్రమంలో అంగన్‌వాడీ టీచర్లు రామలక్ష్మి, తులసి, అంజలి, తదితరులు పాల్గొన్నారు.

ల్యాబ్‌ ఉంది.. ప్రజలకు ఆరోగ్య కేంద్రాల వలే మూగజీవాలకు సైతం వైద్య పరీక్షలు అందుబాటులోకి తీసుకురావాలన్న సదుద్దేశంతో మాజీ సీఎం వైఎస్‌ జగన్‌మోహన్‌రెడ్డి అగ్రిల్యాబ్‌లకు శ్రీకారం చుట్టారు. వైఎస్సార్‌సీపీ హయాంలో జిల్లా వ్యాప్తంగా రూ.5.53 కోట్లతో ఏడు నియోజకవర్గాల్లో ఒక్కొక్కటి చొప్పున నిర్మించి 2023లోనే అందుబాటులోకి తీసుకొచ్చారు. వ్యవసాయ, మత్స్య, పశుసంవర్థక శాఖలను కలుపుతూ ఏర్పాటు చేసిన ఈ అగ్రిల్యాబ్‌లు చంద్రబాబు ప్రభుత్వం నిర్లక్ష్యం కారణంగా ప్రస్తుతం ఆశించిన స్థాయిలో సేవలు అందడం లేదు. ఇందుకు మాడుగుల నియోజకవర్గంలో ఉన్న అగ్రిల్యాబే నిదర్శనం. ఇక్కడ 2024 నుంచి ల్యాబ్‌ టెక్నీషియన్‌ లేక సేవలు పూర్తిగా నిలిచిపోయాయి. మాడుగుల: రైతులకు నాణ్యమైన విత్తనాలు, ఎరువులు, పశువైద్య సేవలు అందించాలనే లక్ష్యంతో వైఎస్సార్‌సీపీ ప్రభుత్వం జిల్లా వ్యాప్తంగా రూ.5.53 కోట్లతో 7 అగ్రి టెస్టింగ్‌ ల్యాబ్‌లను ఏర్పాటు చేసింది. 2023లో ప్రారంభమైన ఈ ల్యాబ్‌ల సేవలు ప్రస్తుతం ఆశించిన స్థాయిలో అందడం లేదు. ముఖ్యంగా మాడుగుల నియోజకవర్గంలో రూ.79 లక్షల వ్యయంతో నిర్మించిన డాక్టర్‌ వైఎస్సార్‌ అగ్రి టెస్టింగ్‌ ల్యాబ్‌లో ల్యాబ్‌ టెక్నీషియన్‌ లేకపోవడంతో సేవలు అందడం లేదు. జూలై 8, 2023న ప్రారంభమైన ఈ ల్యాబ్‌ ద్వారా పశువులకు సంబంధించిన రక్త, పేడ, మూత్ర పరీక్షలు, పాల నాణ్యత, దిగుబడి సమస్యల నిర్ధారణతో పాటు విత్తనాల మొలకశాతం, ఎరువుల నాణ్యత పరీక్షలు వేగంగా నిర్వహించేవారు. గంటలో ఫలితాలు అందించే ఆధునిక పరికరాలు అందుబాటులోకి తీసుకొచ్చారు. అయితే సిబ్బంది కొరతతో ప్రస్తుతం సేవలు అందడం లేదు. దీంతో రైతులు నమూనాలను చోడవరం, అనకాపల్లి వంటి దూర ప్రాంతాలకు పంపించాల్సి వస్తోంది. పరీక్షల ఫలితాలు ఆలస్యంగా రావడంతో పశువులకు తగిన సమయంలో చికిత్స అందడం లేదని పాడి రైతులు ఆవేదన వ్యక్తం చేస్తున్నారు.