Kamareddy

కామారెడ్డి రూరల్‌: మున్సిపల్‌ పరిధిలోని దేవునిపల్లి ప్రాంతం దేవి విహార్‌ 3 ఫేజ్‌ వద్ద హైమాస్ట్‌ లైట్లు వెలగడం లేదు. దీంతో కాలనీ అంధకారంలో మగ్గుతోంది. గతేడాది కురిసిన భారీ వర్షానికి డివైడర్లు కొట్టుకుపోయాయి. దీంతో కాలనీలోని 3వ ఫేజ్‌ నుంచి ఉన్న నాలుగు హైమాస్ట్‌ లైట్ల కనెక్షన్‌ వైర్లు ఉడిపోయాయి. నాటి నుంచి నేటి వరకు వాటికి మరమ్మతులు చేయకపోవడంతో లైట్లు వెలగక చీకటి నెలకొంటోంది. లైట్లు లేక ప్రమాదాలు చోటు చేసుకుంటున్నాయని కాలనీవాసులు పేర్కొంటున్నారు. ఇకనైనా మున్సిపల్‌ అధికారులు స్పందించి ఈ ప్రాంతంలో లైట్ల సౌకర్యం కల్పించాలని వారు కోరుతున్నారు.

కామారెడ్డి అర్బన్‌: జిల్లా నెట్‌బాల్‌ అసోసియేష న్‌ ఆధ్వర్యంలో ఈ నెల 30న బుధవారం ఉద యం 10 గంటలకు భిక్కనూర్‌ జిల్లా పరిషత్‌ బాలికల పాఠశాలలో సబ్‌జూనియర్‌ అండర్‌–16, జూనియర్‌ 19 బాలబాలికలు, సీని యర్‌ పురుషులు, మహిళలు జిల్లాస్థాయి ఎంపి కలు నిర్వహించనున్నట్టు అసోసియేషన్‌ జిల్లా ప్రధాన కార్యదర్శి బి.రఘురామ్‌ ఒక ప్రకటనలో తెలిపారు. క్రీడాకారులు తమ ఆధార్‌, స్పోర్ట్స్‌ డ్రెస్‌తో హాజరుకావాలని సూచించారు. 28న ఉమ్మడి జిల్లాస్థాయి రగ్బీ ఎంపికలు కామారెడ్డి అర్బన్‌: ఎస్‌జీఎఫ్‌ ఆధ్వర్యంలో ఈ నెల 28న సోమవారం ఉదయం 9 గంటలకు మాచారెడ్డి జిల్లా పరిషత్‌ ఉన్నత పాఠశాలలో ఉమ్మడి జిల్లా అండర్‌–14 బాల బాలికల రగ్బీ ఎంపికలు నిర్వహించనున్నట్లు జిల్లా కార్యదర్శి ఈ.శ్రీధర్‌, పీడీ విజయలక్ష్మి తెలిపారు. పూర్తి వివరాలకు 99493 77983, 94400 04112 నంబర్లకు సంప్రదించాలని సూచించారు. పంట సాగు వివరాలు నమోదు చేసుకోవాలి కామారెడ్డి రూరల్‌: రైతులు తమ భూముల్లో సాగు చేస్తున్న పంటల వివరాలను నమోదు చేసుకోవాలని ఏఈవో ప్రతిమ సూచించారు. శుక్రవారం మండలంలోని గూడెం గ్రామంలో క్షేత్రస్థాయిలో నిర్వహిస్తున్న డిజిటల్‌ క్రాఫ్ట్‌ సర్వే ప్రక్రియను పరిశీలించారు. రైతులు సర్వే యర్‌కి అందుబాటులో ఉండి సర్వే నంబర్ల వారిగా, వారు సాగు చేస్తున్న పంట వివరాల ను నమోదు చేసుకోవాలన్నారు. అలాగే ఫార్మ ర్‌ రిజిస్ట్రీ ప్రక్రియ కొనసాగిస్తున్నట్లు పేర్కొన్నా రు. సర్పంచ్‌ యాదగిరిగౌడ్‌, సర్వేయర్‌ భాను, ఉప సర్పంచ్‌ అశోక్‌, రైతులు పాల్గొన్నారు. కల్యాణ లక్ష్మి చెక్కుల పంపిణీ పెద్దకొడప్‌గల్‌(జుక్కల్‌): మండలంలోని తహసీల్‌ కార్యాలయంలో పలువురు లబ్ధిదారులకు మంజూరైన కల్యాణ లక్ష్మి, షాదీ ముబారక్‌ చెక్కులను తహసీల్దార్‌ రాజశేఖర్‌ శుక్రవారం పంపిణీ చేశారు. కార్యక్రమంలో జీపీవో రాములు, కాంగ్రెస్‌ పార్టీ మండల మాజీ అధ్యక్షుడు మహేందర్‌ రెడ్డి, సీనియర్‌ నాయకులు మల్లప్ప పటేల్‌ తదితరులు పాల్గొన్నారు. సరిహద్దుల కోసం సర్వే నాగిరెడ్డిపేట: మండలంలోని పోచారం గ్రామసమీపంలోని వేంకుంట సరిహద్దులను గుర్తించేందుకు రెవెన్యూ, ఇరిగేషన్‌ అధికారులు శుక్రవారం సంయుక్తంగా సర్వే చేశారు. వేంకుంటకు సంబంధించిన శిఖం భూమి కబ్జాకు గురైందని గ్రామానికి చెందిన శ్రీనివాసరావు మండలస్థాయి ప్రజావాణిలో ఇటీవల ఫిర్యాదు చేశారు. ఈ మేరకు ఇరిగేషన్‌ ఏఈ అక్షయ్‌కుమార్‌ ఆధ్వర్యంలో సర్వే అధికారులు వేంకుంట సరిహద్దులను గుర్తించేందుకు సర్వే చేపట్టారు. సర్వే నివేదికను ఉన్నతాధికారులకు అందించనున్నట్లు అధికారులు తెలిపారు. ఇంటర్‌లో స్పాట్‌ అడ్మిషన్లు బాన్సువాడ రూరల్‌: దుర్కి గ్రామంలో కొనసాగుతున్న హన్మాజీపేట్‌ గిరిజన బాలికల గురుకుల కళాశాలలో ఇంటర్‌ స్పాట్‌ అడ్మిషన్లు నిర్వహిస్తున్నట్లు ప్రిన్సిపాల్‌ శ్యామలదేవి శుక్రవారం తెలిపారు. ఎంపీసీ, బైపీసీ ఆంగ్లమాద్యమ విభాగంలో పరిమిత సంఖ్యలో సీట్లు ఖా ళీగా ఉన్నాయని అర్హులు శనివారం కళాశాలలో ధ్రువపత్రాలతో హాజరు కావాలని కోరారు.

మద్నూర్‌(జుక్కల్‌): మండల కేంద్రంలో ఎస్‌టీవో కార్యాలయాన్ని ట్రెజరీ అసిస్టెంట్‌ డైరెక్టర్‌ వెంకటేశ్వర్లు శుక్రవారం ప్రారంభించారు. తహసీల్‌ కార్యాలయం పక్కన ఉన్న నిజాంకాలం నాటి ఎస్‌టీవో కార్యాలయం వర్షాలకు ఊరుస్తుండటంతో ఉన్నతాధికారులు నిధులు మంజూరు చేసి మరమ్మతులు చేపట్టారు. ఏడాది పాటు ఎంపీడీవో కార్యాలయంలో కొనసాగిన ఎస్‌టీవో కార్యాలయం శుక్రవారం సొంత భవనంలోకి మారింది. కార్యక్రమంలో ఎస్‌టీవో అడ్మిన్‌ సాయిరెడ్డి, తహసీల్దార్‌ ముజీబ్‌, ఎస్‌టీవో శివరాజ్‌, సిబ్బంది పవన్‌కుమార్‌, రవీందర్‌ తదితరులు పాల్గొన్నారు.

ఎల్లారెడ్డిలో గీతాలాపన చేస్తున్న నాయకులు, పాత బాన్సువాడలో.. విద్యార్థులు, గ్రామ పెద్దలుఎల్లారెడ్డి/ బాన్సువాడ: ఎల్లారెడ్డిలో వీహెచ్‌పీ, సరస్వతి శిశుమందిర్‌ ఆధ్వర్యంలో శుక్రవారం వందేమాతరం గీతం సామూహికంగా ఆలాపన చేశారు. వందేమాతరం గీతం 150 ఏళ్లు పూర్తయిన సందర్భంగా ఎల్లారెడ్డిలో విశ్వహిందు పరిషత్‌ ఆధ్వర్యంలో గాంధీచౌక్‌లో ప్రత్యేక కార్యక్రమం నిర్వహించి వందేమాతరం గీతాన్ని ఆలపించారు. కార్యక్రమంలో వీహెచ్‌పీ నాయకులు, శిశుమందిర్‌ ఆచార్యులు కిరణ్‌, నాగరాజు, నవీన్‌ తదితరులు పాల్గొన్నారు. బాన్సువాడ పట్టణంలోని పాత బాన్సువాడ చావిడి వద్ద సరస్వతి శిశు మందిర్‌ విద్యార్థులు, గ్రామ పెద్దలు వందేమాతం ఆలపించారు. వందేమాతం విశిష్టతను విద్యార్థులకు వివరించారు. పాఠశాల హెచ్‌ఎం నాగిరెడ్డి, గ్రామ పెద్దలు నాగులగామ వెంకన్న, సూర్యకాంత్‌రావు, గాజుల రాజులు, కోనాల గంగారెడ్డి, గుడాల నగేశ్‌, రాంరెడ్డి, అశోక్‌రెడ్డి, పాశం భాస్కర్‌రెడ్డి, చీకట్ల రాజు, మోహన్‌రెడ్డి, పుట్టి సాయిలు, గాండ్ల కృష్ణ, విఠల్‌రెడ్డి, బత్తిని సురేశ్‌, గొల్ల వెంకటి, రాము తదితరులు ఉన్నారు.

సాక్షి నెట్‌వర్క్‌: నవరాత్రులు విశేష పూజలందుకున్న బొజ్జ గణపయ్య.. గంగమ్మ ఒడికి చేరాడు. జిల్లాలో శుక్రవారం ప్రారంభమైన వినాయక విగ్రహాల నిమజ్జన శోభాయాత్ర కనులపండువగా సాగింది. నగరంలో వరుసగా కదులుతున్న గణనాథులను చూడడానికి వేలాది మంది తరలివచ్చారు. నిమజ్జనం జరిగే వినాయకుల బావి వద్ద మున్సిపల్‌, రెవెన్యూ, విద్యుత్‌ శాఖల ఆధ్వర్యంలో పటిష్ట ఏర్పాట్లు చేశారు. నిమజ్జన ప్రక్రియ వేగవంతంగా పూర్తయ్యేలా చర్యలు చేపట్టారు. ఉంచారు. శోభాయాత్ర, నిమజ్జనం ప్రశాంత వాతావరణంలో ముగిసేలా జిల్లా పోలీస్‌ యంత్రాంగం పకడ్బందీ బందోబస్తు నిర్వహించింది. నగరంలో శుక్రవారం నిర్వహించిన గణే శ్‌ నిమజ్జన శోభాయాత్రలో ఎన్‌సీసీ 12 తెలంగాణ బెటాలియన్‌ కమాండర్‌ కల్నల్‌ ప్రియాజిత్‌ సూర్‌ ఆదేశాల మేరకు పోలీస్‌ శాఖకు సహకరిస్తూ, జి ల్లాలోని గిరిరాజ్‌ ప్రభుత్వ కళాశాల, సీఎస్‌ఐ. కళాశాల, ప్రభుత్వ పాలిటెక్నిక్‌ కళాశాలలకు చెందిన ఎ న్‌సీసీ కెడెట్లు, అధికారులు లెఫ్టినెంట్‌ రామస్వా మి, కెప్టెన్‌ రాజేశ్వర్‌, నరేష్‌ బందోబస్తు విధుల్లో పాల్గొన్నారు. పోలీస్‌ శాఖకు ఎన్‌ సీసీ కెడెట్లు తమ సహకారాన్ని అందించారు. వారి సేవలను సీపీ సాయి చైతన్య అభినందించారు.

నిజాంసాగర్‌(జుక్కల్‌): మండలంలోని మల్లూర్‌తండా జీపీలో సర్పంచ్‌ కెతావత్‌ నారాయణ స్మార్ట్‌ రేషన్‌ కార్డులను లబ్ధిదారులకు శుక్రవారం పంపిణీ చేశారు. కార్యక్రమంలో ఉప సర్పంచ్‌, వార్డు సభ్యులు పాల్గొన్నారు. రామేశ్వర్‌పల్లిలో.. భిక్కనూరు: భిక్కనూరు మండలంలోని రామేశ్వర్‌పల్లి గ్రామంలో స్మార్ట్‌ రేషన్‌ కార్డులను సర్పంచ్‌ చేపూరి రాణిరాజు, ఉపసర్పంచ్‌ వినోద్‌కుమార్‌గౌడ్‌ లబ్ధిదారులకు పంపిణి చేశారు. కార్యక్రమంలో వీడీసీ అధ్యక్షుడు సూర్యకాంత్‌రెడ్డి, నేతలు రమేశ్‌, బాల్‌రెడ్డి తదితరులు పాల్గొన్నారు.

లింగంపేట: విద్యార్థులు నెల వారిగా సామర్థ్యాలు సాధించేలా చూడాలని ఎంఈవో అంజల్‌రెడ్డి సూచించారు. శుక్రవారం మండల కేంద్రంలో ప్రాథమిక, ప్రాథమికోన్నత, ఉన్నత పాఠశాలల ప్రధానోపాధ్యాయులతో నిర్వహించిన సమావేశంలో మాట్లాడారు. విద్యా ప్రమాణాలు మెరుగుపడేలా చూడాల్సిన బాధ్యత ప్రతి ఉపాధ్యాయుడిపై ఉందన్నారు. నాస్‌ నేషనల్‌ అచీవ్‌మెంట్‌ సర్వే విద్యార్థుల సమార్థ్యాలను, ఉపాధ్యాయుడి బోధనా స్థాయిని అంచనా వేస్తుందన్నారు. ప్రతీ ఏటా ఈ పరీక్షను నిర్వహిస్తున్నట్లు తెలిపారు. పాఠశాలల రిపోర్టులను ఎప్పటికప్పుడు ఎమ్మార్సీకి అందజేయాలని సూచించారు. అనంతరం నల్లమడుగు కాంప్లెక్స్‌ హెచ్‌ఎం కోటేశ్వర్‌రావు గ్రాంట్స్‌ గురించి వివరించారు. పాఠశాలలకు వచ్చిన గ్రాంట్స్‌ గైడ్‌ లైన్స్‌ ప్రకారం ఖర్చు చేయాలని సూచించారు. కార్యక్రమంలో బాలుర ఉన్నత పాఠశాల కాంప్లెక్స్‌ హెచ్‌ఎం వహీద్‌సిద్ధికీ, కృష్ణప్రసాద్‌, ఆయా పాఠశాలల హెచ్‌ఎంలు, ఎమ్మార్సీ సిబ్బంది, సీఆర్పీలు తదితరులు పాల్గొన్నారు.

మోపాల్‌: మండలంలోని న్యాల్‌కల్‌ మాసాని చెరువు సమీపంలోగల నిజాంసాగర్‌ కెనాల్‌లో ఓ వ్యక్తి గల్లంతయ్యాడు. వివరాలు ఇలా.. గ్రామానికి చెందిన దశరథ్‌ (41) కూలీ పని చేసుకుంటూ జీవనం సాగిస్తున్నాడు. అతడు శుక్రవారం స్నానం చేసేందుకు కెనాల్‌లో దిగాడు. ప్రమాదవశాత్తు నీట మునిగిపోయాడు. స్థానికులు గమ నించి పోలీసులకు సమాచారమిచ్చారు. దశరథ్‌ కోసం ఈతగాళ్లతో గాలింపు చర్యలు చేపట్టినా ఫలితం లేకుండా పోయింది. రాత్రయినా మృతదేహం లభించలేదు. వైద్యం వికటించి మహిళ మృతి! మోపాల్‌: మండలంలోని కాల్‌పోల్‌ తండాకు చెందిన బస్సీ అనవి బాయి (52) వైద్యం వికటించి మృతిచెందినట్లు గ్రామస్తులు తెలిపారు. అనవి బాయికి ఇటీవల జ్వరం రావడంతో భర్త మోహన్‌తో కలిసి మంచిప్పలోని ఓ ప్రయివేటు వైద్యుడి(ఆర్‌ఎంపీ)ని సంప్రదించారు. ఆమెను పరీక్షించిన వైద్యుడు సైలెన్‌తోపాటు పలు ఇంజక్షన్లు ఇచ్చాడు. ఐదు నిమిషాల వ్యవధిలోనే ఆమె పరిస్థితి విషమంగా మారి, స్ఫృహ కోల్పోయింది. వెంటనే ప్రయివేటు వాహనం (ఓమినీ)లో అనవిబాయిని నగరంలోని ఓ ప్రయివేటు ఆస్పత్రికి తరలించారు. అక్కడి వైద్యులు పరీక్షించగా, అప్పటికే మృతిచెందిందని నిర్ధారించారు. మంచిప్పలో వైద్యుడి కారణంగానే అనవిబాయి మృతిచెందిందని గ్రామస్తులు ఆరోపిస్తున్నారు. విషయం తెలుసుకున్న సదరు వైద్యుడు అప్పటి నుంచి అందుబాటులో లేడని పేర్కొంటున్నారు. ఆస్పత్రిసైతం మూసి ఉంచినట్లు సమాచారం. నాగిరెడ్డిపేట(ఎల్లారెడ్డి): మండలంలోని చిన్నఆత్మకూరు గ్రామంలో ఓ యువకుడు ఆత్మహత్యకు పాల్పడ్డాడు. పోలీసులు తెలిపిన వివరాలు ఇలా.. మండలంలోని చిన్నఆత్మకూరు గ్రామానికి చెందిన సందిల భానుప్రకాశ్‌(21)కు ఇటీవల వివాహం జరిగింది. గురువారం రాత్రి ఇంట్లో నుంచి బయటకు వెళ్లిను భాను ప్రకాశ్‌ తిరిగి రాలేదు. కుటుంబ సభ్యులు అతని కోసం గాలించగా గ్రామశివారులోని పొలం వద్ద చిన్న గుడిసె సమీపంలో ఉరేసుకున్న స్థితిలో భానుప్రకాశ్‌ మృతదేహం లభ్యమైంది. కుటుంబ సమస్యల కారణంగా మృతి చెందాడని బాధిత కుటుంబసభ్యుల ఫిర్యాదు మేరకు కేసు నమోదు చేసినట్లు ఎస్సై భార్గవ్‌ గౌడ్‌ తెలిపారు. లింగంపేట(ఎల్లారెడ్డి): మండల కేంద్రంలో గురువారం రాత్రి జరిగిన వినాయక నిమజ్జనంలో పోలీసుల విధులకు ఆటంకం కలిగించి పోలీసులపై దాడికి యత్నించిన ఐదుగురిపై కేసులు నమోదు చేసినట్లు ఎస్సై దీపక్‌కుమార్‌ తెలిపారు. దూరిశెట్టి ఉమేష్‌, పెద్దపులి నరేష్‌, నవీన్‌, శెట్పల్లి శివసాయి, పంబల వినోద్‌లపై కేసు నమోదు చేసినట్లు తెలిపారు. అలాగే పొల్కంపేట గ్రామంలో వినాయ నిమజ్జనంలో నిబంధనలకు విరుద్దంగా ఏర్పాటు చేసిన డీజేను సీజ్‌ చేసినట్లు తెలిపారు. లింగంపేట(ఎల్లారెడ్డి): మండలంలోని జల్దిపల్లి గ్రామానికి చెందిన కల్లు రాజును రిమాండుకు తరలించినట్లు అటవీ శాఖ సెక్షన్‌ ఆఫీసర్‌ భాస్కర్‌ శుక్రవారం తెలిపారు. సదరు నిందితుడు అటవీ భూమిని ఆక్రమించి సాగు చేసేందుకు ప్రయత్నించినట్లు తెలిపారు. ఈ విషయమై అటవీ శాఖ అధికారులు చట్టపరమైన చర్యలు చేపట్టి ఎల్లారెడ్డి జ్యుడీషియల్‌ ఫస్ట్‌క్లాస్‌ మెజిస్ట్రేట్‌ కోర్టు ఎదుట అతడిని హాజరుపర్చగా 14 రోజుల రిమాండు విధించినట్లు తెలిపారు. అటవీ శాఖ అధికారులు సారంగాపూర్‌ సెంట్రల్‌ జైలుకు తరలించినట్లు పేర్కొన్నారు. ఎఫ్‌బివో భాస్కర్‌రావు, ఎఫ్‌ఎస్‌వో భాస్కర్‌ తదితరులు పాల్గొన్నారు. నిజాంసాగర్‌(జుక్కల్‌): మండలంలోని గిర్నితండా గ్రామ పంచాయతీలో గణేశ్‌ నిమజ్జన శోభాయాత్రలో శుక్రవారం డీజే పెట్టడంతో మండలి సభ్యులతోపాటు డీజే నిర్వాహకుడిపై కేసు నమోదు చేశామని ఎస్సై శివ కుమార్‌ తెలిపారు. డీజేను సీజ్‌ చేసి పోలీస్‌ స్టేషన్‌కు తరలించామని చెప్పారు.

కామారెడ్డి అర్బన్‌: జాతీయ మత్స్యఅభివృద్ధి బోర్డు ఆధ్వర్యంలో హైదరాబాద్‌లో నిర్వహించిన మూడు రోజుల జాతీయస్థాయి వర్క్‌షాప్‌లో కామారెడ్డి ఆ ర్ట్స్‌ అండ్‌ సైన్స్‌ కళాశాల జువాలజీ, ఫిషరీస్‌ వి ద్యార్థులు వంశీకృష్ణ, బాల్‌రాజ్‌ ఉత్తమ ప్రతిభ చూపి ప్రశంసాపత్రాలు పొందారు. శుక్రవారం కళాశాలలో నిర్వహించిన సమావేశంలో వంశీకృష్ణ, బాల్‌రాజ్‌ను ప్రిన్సిపాల్‌ విజయ్‌కుమార్‌, అధ్యాపకులు అభినందించారు. ఆయా విభాగాల అధిపతులు మ ల్సూర్‌ తిరుమల, దినకర్‌ చిన్న, జీ శ్రీనివాస్‌రావు, అధ్యాపకులు పవన్‌కుమార్‌, మైత్రి, రాజేశ్వర్‌, ప్రత్యూష, సౌందర్య తదితరులు పాల్గొన్నారు.

రామారెడ్డి (ఎల్లారెడ్డి): ‘దసరా, సంక్రాంతి వంటి పెద్ద పండుగలు వచ్చాయంటే గ్రామాల్లో కోలాహలం మొదలవుతుంది. ఆ కోలాహలాన్ని మరింత పెంచేందుకు, ’బొమ్మలక్కో... బొమ్మలక్క’ అంటూ గంగిరెద్దులను ఆడించేవారు భాగవతులు. ఈక్రమంలో శుక్రవారం తమ జీవనాధారమైన ఎద్దులతో పాటు, తమకు తోడుగా ఉండే శునకాలను కూడా వారు తమ వెంట తీసుకువెళ్తున్నారు. కామారెడ్డి వైపు నుంచి రామారెడ్డి గ్రామానికి వస్తున్న ఒక గంగిరెద్దుపై, వారు మోస్తున్న రంగురంగుల దుప్పట్లు, సామగ్రితో పాటు, వారి పెంపుడు కుక్క కూడా చాలా రాజసంగా ఆ ఎద్దుపై కూర్చుని ప్రయాణిస్తోంది. ఈ చిత్రాన్ని శుక్రవారం ‘సాక్షి’కి చిక్కింది. ఎద్దు నడుస్తుంటే, కుక్క ఏమాత్రం భయపడకుండా, తన ప్రయాణాన్ని ఆస్వాదిస్తూ కనిపించింది. డీజేకు అనుమతి ఇవ్వలేదని ట్యాంకు ఎక్కిన యువకుడు రామారెడ్డి (ఎల్లారెడ్డి): వినాయక శోభాయాత్రలో డీజేలకు అనుమతించడంలేదని ఓ యువకుడు వాటర్‌ ట్యాంకు ఎక్కి హల్‌చల్‌ చేసిన ఘటన రామారెడ్డి మండలం పోసానిపేట్‌లో గ్రామంలో చోటుచేసుకుంది. గ్రామస్తులు తెలిపిన వివరాలు ఇలా.. పోసానిపేట గ్రామంలో గురువారం వినాయక నిమజ్జన శోభాయాత్ర ప్రారంభమై శుక్రవారం రాత్రి వరకు కొనసాగింది. ఈక్రమంరలో గ్రామానికి చెందిన చెల్మెటి మహేష్‌(35) అనే యువకుడు డీజేలకు అనుమతిలేకపోవడంతో గ్రామంలోని వాటర్‌ ట్యాంక్‌ ఎక్కి నిరసన తెలిపాడు. ఘటన స్థలానికి రూరల్‌ సీఐ శ్రీధర్‌గౌడ్‌, రామారెడ్డి ఎస్సై మురళి చేరుకుని మహేష్‌ను సముదాయించి కిందకు దించి కుటుంబ సభ్యులకు అప్పగించారు.

కామారెడ్డి టౌన్‌: వైద్యరంగంలో ఫార్మసిస్టుల పాత్ర అత్యంత కీలకమని జీజీహెచ్‌ సూపరింటెండెంట్‌ డాక్టర్‌ పీ వెంకటేశ్వర్లు అన్నారు. జిల్లా కేంద్రంలోని ప్రభుత్వ జనరల్‌ ఆస్పత్రిలో శుక్రవారం ప్రపంచ ఫార్మసిస్టుల దినోత్సవాన్ని ఘనంగా నిర్వహించారు. తెలంగాణ గవర్నమెంట్‌ ఫార్మసీ అసోసియేషన్‌ ఆధ్వర్యంలో నిర్వహించిన ఈ వేడుకల్లో ముఖ్య అతిథులుగా జీజీహెచ్‌ సూపరింటెండెంట్‌ వెంకటేశ్వర్లు, జిల్లా వైద్యారోగ్య శాఖాధికారి వెంకటి హాజరై కేక్‌ కట్‌ చేశారు. కార్యక్రమంలో టీజీపీవోఏ జిల్లా అధ్యక్షుడు ఎన్‌ లింగయ్య, వైద్యులు, ఫార్మసీ అధికారులు, సిబ్బంది పాల్గొన్నారు.

నాగిరెడ్డిపేట(ఎల్లారెడ్డి): శ్మశాన వాటికకు సరైన దారిలేక, ఆఖరి మజిలీ అగచాట్లమయంగా మారింది. నాగిరెడ్డిపేట మండలం చిన్న ఆత్మకూర్‌ గ్రామానికి చెందిన వృద్ధురాలు దుర్గవ్వ అంత్యక్రియల నిర్వహణలో కుటుంబసభ్యులు, బంధువులు అవస్థలు పడ్డారు. మృతదేహాన్ని ఖననం చేసే సంప్రదాయం కలిగిన కుటుంబాలు గ్రామ శివారులోని శ్మశాన వాటికకు తరలిస్తారు. అయితే, శ్మశానవాటికకు సరైన దారిలేక పోవడంతో దుర్గవ్వ పార్థివదేహాన్ని పంట పొలాల మధ్య నుంచే అవస్థలు పడుతూ మోసుకెళ్లారు. శ్మశాన వాటికకు దారి ఏర్పాటు చేయాలని గ్రామస్తులు పలుమార్లు అధికారులకు విన్నవించినా ఫలితం లేకుండా పోయింది.

ఎల్లారెడ్డి: జాతీయ రహదారి 765/1 పనులు ఎల్లారెడ్డి పట్టణంలో నత్తనడకన సాగుతున్నాయి. దీంతో పట్టణ ప్రజలు తీవ్ర ఇబ్బందులు ఎదుర్కొంటున్నారు. పట్టణంలోని ట్యాంక్‌బండ్‌ నుంచి ఫైర్‌ స్టేషన్‌ వరకు దాదాపు 3.5 కిలోమీటర్ల రహదారికి (రెండు వైపులా కలిపి 7 కిలోమీటర్ల) నేషనల్‌ హైవే పనులు ప్రారంభించి దాదాపు ఆరు నెలలు కావొస్తున్నది. అయితే, పట్టణ ప్రాంతంలో వేగంగా పూర్తి చేయాల్సిన పనులు నెమ్మదిగా కొనసాగుతుండటంపై ప్రజలు ఆగ్రహం వ్యక్తం చేస్తున్నారు. ఒకవైపు రోడ్డును పూర్తి చేసిన తర్వాత మరోవైపు పనులు చేపడితే ఇబ్బందులు తలెత్తేవి కాదు. రెండు వైపులా పనులు ప్రారంభించడంతో ట్రాఫిక్‌కు తీవ్ర అంతరాయం ఏర్పడుతోంది. నిత్యం వందలాది మంది వచ్చి పోయే తహసీల్‌ కార్యాలయ ప్రధాన ద్వారం వద్ద, ప్రయివేటు ఆస్పత్రులు, ప్రధాన కూడలి అయిన అంబేడ్కర్‌ చౌరస్తా వద్ద పనులు నెమ్మదిగా సాగుతున్నాయి. తహసీల్‌ కార్యాలయ గేట్‌ వద్ద డ్రెయినేజీ నిర్మాణ పనులు రోజులు కావొస్తున్నా పూర్తి కావడం లేదని సిబ్బంది తెలిపారు. గేట్‌ ముందర తవ్విన గుంతలను దాటుకొని కార్యాలయానికి వెళ్లలేక ప్రజలు ఇబ్బందిపడుతున్నారు. ఎల్లారెడ్డి–కామారెడ్డి–మెదక్‌ ప్రధాన రహదారిపై ఉన్న అంబేడ్కర్‌ చౌరస్తా వద్ద పనులు పూర్తికాకపోవడంతో ట్రాఫిక్‌కు తీవ్ర అంతరాయం ఏర్పడుతోంది. నత్తనడకన హైవే నిర్మాణ పనులు కార్యాలయాలు, ఆస్పత్రులు, ప్రధాన కూడళ్ల వద్ద నెలల తరబడి సాగుతున్న వైనం ఇబ్బందులుపడుతున్న పట్టణ ప్రజలు

తాడ్వాయి(ఎల్లారెడ్డి): ఫార్మర్‌ రిజిస్ట్రేషన్‌, పంటల సాగు వివరాల సేకరణ కోసం ప్రారంభమైన డిజిటల్‌ క్రాప్‌ సర్వేను ముమ్మరం చే యాలని వ్యవసాయ శాఖ జిల్లా అధికారి మో హన్‌ రెడ్డి అన్నారు. తాడ్వాయి మండలంలోని బ్రహ్మాజివాడి గ్రామంలో శు క్రవారం ఆయన పర్యటించారు. అనంతరం రైతువేదికలో మా ట్లాడుతూ రైతులు ఏ పంటను, ఎంత విస్తీర్ణంలో సాగు చేస్తున్నారనే వివరాలను ఏఈవోల పర్యవేక్షణలో సర్వేయర్లు ప్రత్యేక మొబైల్‌ యా ప్‌ ద్వారా నమో దు చేయాలన్నారు. రైతులు తప్పనిసరిగా పంటలను నమోదు చేయించుకోవాలని సూ చించారు. ఫార్మర్‌ రిజిస్ట్రేషన్‌ చేసుకోవాలని పేర్కొన్నారు. ఆయన వెంట వ్యవసాయ విస్తరణ అధికారి దేవేందర్‌, ప్రజాప్రతినిధులు, రైతులు ఉన్నారు. సదాశివనగర్‌(ఎల్లారెడ్డి): ప్రభుత్వ పాఠశాలల్లోనే నాణ్యమైన విద్య లభిస్తోందని జిల్లా విద్యాశాఖ అధికారి మల్లికార్జున్‌ పేర్కొన్నారు. సదాశివనగర్‌ మండల కేంద్రంలోని ఎమ్మార్సీ, ఉన్నత పాఠశాలను శుక్రవారం ఆయన తనిఖీ చేశారు. ఈ సందర్భంగా రికార్డులను పరిశీలించారు. అనంతరం ఉన్నత పాఠశాల విద్యార్థులతో మాట్లాడారు. వెనుకబడ్డ విద్యార్థులపై ప్రత్యేక దృష్టి సారించాలని ఉపాధ్యాయులకు సూచించారు. ఎస్సెస్సీ పరీక్షల్లో ఉత్తమ ఫలితాలు సాధించాలని సూచించారు. ఆయన వెంట ఎంఈ వో యోసెఫ్‌, హెచ్‌ఎం శోభారాణి, సీఆర్పీ లు నందురావు, ఉపాధ్యాయులు ఉన్నారు.నేడు ఉమ్మడి జిల్లా షటిల్‌ బ్యాడ్మింటన్‌ పోటీలు కామారెడ్డి అర్బన్‌: స్కూల్‌ గేమ్స్‌ ఫెడరేషన్‌ (ఎస్‌జీఎఫ్‌) ఆధ్వర్యంలో శనివారం ఉద యం గంటలకు కామారెడ్డి భవానీరోడ్డులో ని ఖేలో ఇండియా బ్యాడ్మింటన్‌ అకాడమీలో ఉమ్మడి జిల్లా స్థాయి అండర్‌–14 బాలబాలి కల షటిల్‌ బ్యాడ్మింటన్‌ ఎంపికలు నిర్వహించనున్నట్లు జిల్లా కార్యదర్శి ఈ. శ్రీధర్‌ ఒక ప్రకటనలో తెలిపారు. 1 జనవరి 2013 త ర్వాత జన్మించిన, 6 నుంచి 10వ తరగతి చ దువుతున్న క్రీడాకారులు పాల్గొనాలని కోరా రు. పూర్తి వివరాలకు 94409 26006, 9440 004112 నంబర్లలో సంప్రదించాలన్నారు. మద్నూర్‌(జుక్కల్‌): ‘క్లాస్‌ రూంలో కాంచన’ అనే శీర్షికతో ఈ నెల 24న సాక్షి దినపత్రికలో ప్రచురితమైన కథనానికి అధికారులు స్పందించారు. మండల కేంద్రంలోని రాంసుఖ్‌ బాల్‌ముకుంద్‌ ఇనానీ ప్రభుత్వ జూనియర్‌ కళాశాలలో శుక్రవారం జిల్లా ఇంటర్‌ నోడల్‌ అధికారి షేక్‌ సలాం విచారణ చేపట్టారు. అధ్యాపకులతోపాటు ప్రిన్సిపల్‌ పాండురంగతో మాట్లాడారు. సినిమా ప్రదర్శించిన మాథ్స్‌ లెక్చరర్‌పై తీవ్రంగా మండిపడ్డారు. సినిమా చూపించిన లెక్చరర్‌కు షోకాజ్‌ నోటీసులు అందించారు. ఇక నుంచి తప్పు జరగకుండా చూస్తామని లెక్చరర్‌లు వివరణ ఇచ్చినట్లు నోడల్‌ అధికారి తెలిపారు. భిక్కనూరు: భారతీ య వైమానిక దళం(ఐఏఎఫ్‌) ఉద్యోగానికి మండల కేంద్రానికి చెందిన ముదాం రో హన్‌ ఎంపికయ్యారు. భిక్కనూరుకు చెందిన ముదాం బాబు కవితల కుమారుడు రోహన్‌ కామారెడ్డిలో బీఎస్సీ అగ్రికల్చర్‌ కోర్సు పూర్తి చేసి బెంగళూరులో ప్రత్యేక కోచింగ్‌ తీసుకున్నారు. ఐఏఎఫ్‌ రిక్రూట్‌మెంట్‌ టెస్టులో అర్హత సాధించి మెడికల్‌ అసిస్టెంట్‌ పోస్టుకు ఎంపికయ్యారు. శుక్రవారం రాజస్థాన్‌ రాష్ట్రం జైపూర్‌లోని వైమానిక కార్యాలయంలో విధుల్లో చేరాడు. భిక్కనూరు మండల కేంద్రం నుంచి ఐఏఎఫ్‌లో ఉద్యోగం సాధించిన తొలి యువకుడిగా రోహన్‌ నిలిచాడు. ఈ సందర్భంగా రోహన్‌ ‘సాక్షి’తో మాట్లాడుతూ తాను చిన్నతనం నుంచి కలలు కన్న వైమానికదళంలో చేరడం సంతోషంగా ఉందని తెలిపారు.

ఒకప్పుడు కూతురు భారం అనుకునేవారు..! తరం మారుతున్న కొద్దీ కుమారుల కంటే కూతురేం తక్కువ కాదని తల్లిదండ్రులు ఘంటాపథంగా చెబుతున్నారు. కూతుళ్లు ఏ రంగం ఎంచుకున్నా సరే విజయపథంలో దూసుకెళ్తూ తల్లిదండ్రులకు పేరు తెస్తున్న వారెందరో ఉన్నారు. ఏ చిన్న అవకాశం దొరికినా ఇదీ మా కూతురు గొప్పదనం అంటూ ఉదాహరణలెన్నో చెబుతా రు. ఆ గొప్పదనం మరింత మందితో పంచుకునేలా సాక్షి దినపత్రిక అవకాశం కల్పిస్తోంది. కూతురు గొప్పదనం గురించి నాలుగు వాక్యాలు శనివారం సాయంత్రం 5గంటల వరకు మా వాట్సప్‌ నంబర్‌కు పంపించండి. ఈ నెల 27న కూతుళ్ల దినోత్సవం సందర్భంగా ‘సాక్షి’ లో ప్రచురిస్తాం. మీ కూతురుతో దిగిన సెల్ఫీ ఫొటో పంపించడం మర్చిపోవద్దు. పేర్లు, ఊరు, మండలం వివరాలు ఉండాలి.83328 87332

● నిజామాబాద్‌లో ఘనంగా వినాయక నిమజ్జనం ● కనుల పండువగా శోభాయాత్ర నిజామాబాద్‌ రూరల్‌: భక్తుల విశేష పూలందుకున్న గణనాథుడు గంగమ్మ చెంతకు చేరుకున్నాడు. నిజామాబాద్‌ జిల్లా కేంద్రంతోపాటు బోధన్‌, ఆర్మూర్‌ పట్టణాలు, గ్రామాల్లో నిమజ్జనం కార్యక్రమాన్ని వైభవంగా నిర్వహించారు. శుక్రవారం మధ్యాహ్నం 2గంటలకు జిల్లా కేంద్రంలోని దుబ్బ సార్వజనిక్‌ గణేశ్‌ మండలి ఆధ్వర్యంలో నిమజ్జన రథయాత్ర ప్రారంభమైంది. పీసీసీ చీఫ్‌, ఎమ్మెల్సీ మహేశ్‌కుమార్‌గౌడ్‌, అర్బన్‌ ఎమ్మెల్యే ధన్‌పాల్‌ సూర్యనారాయణ తదితరులు రథానికి ప్రత్యేక పూజలు నిర్వహించి శోభాయాత్రను ప్రారంభించారు. భక్తులు తాళ్లతో రథాన్ని లాగారు. భక్తుల జయజయధ్వనాల మధ్య దుబ్బ నుంచి 21 జతల ఎడ్లతో కదిలిన రథం శివాజీవిగ్రహం, రైల్వేగేట్‌, గంజ్‌, బోధన్‌ బస్టాండ్‌, గోల్‌హనుమాన్‌ చౌరస్తా, పూలాంగ్‌ చౌరస్తా మీదుగా వినాయకుల బావికి చేరింది. 8 అడుగుల కన్నా ఎత్తున్న విగ్రహాలను ఉమ్మెడ, యంచ గోదావరి తీరానికి తరలించారు. వినాయక నిమజ్జనం సందర్భంగా పోలీసులు భారీ బందోబస్తు ఏర్పాటు చేశారు.

● హాజరుకానున్న ఉమ్మడి నిజామాబాద్‌, కరీంనగర్‌, ఆదిలాబాద్‌ జిల్లాల ప్రజాప్రతినిధులు, అధికారులు సాక్షి ప్రతినిధి, కామారెడ్డి : రాష్ట్ర పంచాయతీ రాజ్‌, మహిళా,శిశు సంక్షేమ శాఖల మంత్రి సీతక్క ఈ నెల 28న మూడు ఉమ్మడి జిల్లాల కు సంబంధించిన పంచాయతీరాజ్‌, గ్రామీణాభివృద్ధి, గ్రామీణ నీటి సరఫరా విభాగాలపై కామారెడ్డి జిల్లా కలెక్టరేట్‌లో సమీక్షించనున్నారు. ఉమ్మడి నిజామాబాద్‌తోపాటు ఆదిలాబాద్‌, కరీంనగర్‌ జిల్లాలకు సంబంధించి సమీక్ష కామారెడ్డిలో నిర్వహించనున్నట్టు ఉన్నతాధికారుల నుంచి ఉత్తర్వులు వెలువడ్డాయి. ఆయా జిల్లాలకు చెందిన ఎమ్మెల్యేలు, ఎంపీలు, కలెక్టర్లు, అధికారులు రివ్యూకు హాజరు కానున్నారు. గ్రామీణాభివృద్దితోపాటు పంచాయతీరాజ్‌ శాఖ ద్వారా చేపట్టే పనుల పురోగతి, గ్రామీణ తాగునీటిపైనా సమీక్షించనున్నారు. ఈ నేపథ్యంలో అధికారు లు ఏర్పాట్లు చేస్తున్నారు.

● వెల్లివిరిసిన దేశభక్తికామారెడ్డి అర్బన్‌: వందేమాతర గేయం రచించి 150 సంవత్సరాలు పూర్తి చేసుకున్న సందర్భంగా శుక్రవారం కామారెడ్డి పట్టణంలోని ప్రధాన కూడళ్లలో దేశభక్తిభావం వెల్లివిరిసింది. విద్యాభారతి అఖిల భారతీయ శిక్షా సంస్థాన్‌ ఆధ్వర్యంలో ‘నమామి భారతం–వందేమాతరం 150 సంవత్సరాలు’ కార్యక్రమం నిర్వహించారు. పట్టణంలోని శ్రీసరస్వతి విద్యామందిర్‌, శిశుమందిర్‌, నిజాంసాగర్‌ చౌరస్తా, కొత్త బస్టాండ్‌, ఆర్ట్స్‌ అండ్‌ సైన్స్‌ కళాశాల, టేక్రియాల్‌ కేజీబీవీ, జేపీఎన్‌ రోడ్డు, సర్ధార్‌ పటేల్‌ విగ్రహం ప్రాంతాల్లో పాఠశాలల విద్యార్థులు, పట్టణ ప్రముఖులు పాల్గొని వందేమాతరం ఆలపించారు. ఈ సందర్భంగా వక్తలు మాట్లాడుతూ వందేమాతరం ఒక గేయం కాదని, ప్రతి భారతీయుడిలో దేశభక్తిని నింపే స్ఫూర్తి నినాదమని అన్నారు. కార్యక్రమంలో ప్రతినిధులు శ్యాంసుందర్‌, రంజిత్‌మోహన్‌, బొడ్డు శంకర్‌, ప్రతాప్‌గౌడ్‌, సామల గంగారెడ్డి, అర్కల మల్లేశ్‌ యాదవ్‌, పక్కి శ్రీనివాస్‌, సురేందర్‌రెడ్డి, ఎస్‌ఎన్‌.చారి, ఎం.ఆనంద్‌, పి.కృష్ణమూర్తి తదితరులు పాల్గొన్నారు.

● మీడియా అకాడమీ కార్యదర్శి వెంకటేశ్వరరావు కామారెడ్డి క్రైం: బాన్సువాడలోని ఎస్‌ఆర్‌ఎన్‌కే ప్రభుత్వ డిగ్రీ కళాశాలలో ఈనెల 29, 30 తేదీల్లో జర్నలిస్టులకు శిక్షణ ఇవ్వనున్నట్లు తెలంగాణ మీడియా అకాడమీ కార్యదర్శి వెంకటేశ్వరరావు తెలిపారు. గురువారం కలెక్టరేట్‌కు వచ్చిన ఆయనకు కలెక్టర్‌ ఆశిష్‌ సంగ్వాన్‌ స్వాగతం పలికారు. ఈ సందర్భంగా వెంకటేశ్వరరావు మాట్లాడుతూ సమాచార హక్కు చట్టం, తప్పొప్పుల పరిశీలన, నేర వార్తల కవరేజ్‌, వార్తా కథనాల రూపకల్పన, వార్తా సేకరణ, వార్తల ప్రాధాన్యత నిర్ణయం, వాస్తవ నిర్ధారణ, మీడియా చట్టాలు–నైతిక నియమాలు, జర్నలిజంలో పాటించాల్సిన వృత్తిపరమైన ప్రమా ణాలు తదితర అంశాలపై జర్నలిస్టులకు శిక్షణ ఇవ్వనున్నామన్నారు. సమావేశంలో అదనపు కలెక్టర్‌ ఎన్‌వై గిరి, మీడియా అకాడమీ చైర్మన్‌ ఓఎస్డీ రహ్మాన్‌, మేనేజర్‌ శైలేష్‌ రెడ్డి తదితరులు పాల్గొన్నారు. ఏర్పాట్ల పరిశీలన.. బాన్సువాడ : బాన్సువాడలోని ఎస్‌ఆర్‌ఎన్‌కే ప్రభుత్వ డిగ్రీ కళాశాలలో నిర్వహించే వర్క్‌ షాప్‌ ఏర్పాట్లను గురువారం మీడియా అకాడమీ కార్యదర్శి పరిశీలించారు. ఈనెల 29, 30 తేదీల్లో ఉదయం 10 గంటల నుంచి సాయంత్రం ఐదు గంటల వరకు జర్నలిస్టులకు శిక్షణ తరగుతులు ఉంటాయని పేర్కొన్నారు. శిక్షణకు హాజరయ్యే జర్నలిస్టులకు మెటీరియల్‌, సర్టిఫికెట్లు అందజేస్తామన్నారు. ఆయన వెంట టీయూడబ్ల్యూజే జిల్లా అధ్యక్షుడు రజినీకాంత్‌, కళాశాల ప్రిన్సిపల్‌ గంగాధర్‌, వర్క్‌షాప్‌ నిర్వహణ కమిటీ సభ్యులు ఉన్నారు.

డొంకేశ్వర్‌(ఆర్మూర్‌): ఇటు రాష్ట్రంలో, అటు కేంద్రంలో కాంగ్రెస్‌ పార్టీ మళ్లీ అధికారంలోకి వస్తుందని జిల్లా కాంగ్రెస్‌ పార్టీ అధ్యక్షుడు నగేశ్‌ రెడ్డి అన్నారు. డొంకేశ్వర్‌ మండల కేంద్రానికి గురువారం ఆయన విచ్చేసి, కర్ర గణపతికి దర్శించుకొని ప్రత్యేక పూజలు నిర్వహించారు. అనంతరం నిర్వహించిన విలేకరుల సమావేశంలో ఆయన మాట్లాడారు. ఇప్పటికే రాష్ట్రంలో అందిస్తున్న ప్రజాపాలనతో కాంగ్రెస్‌ ప్రభుత్వం ప్రజల నుంచి మంచి ఆదరణ పొందుతుందన్నారు. దీంతో వచ్చే ఎన్నికల్లో ప్రజలు కాంగ్రెస్‌కే పట్టం కడుతారని అన్నారు. బీఆర్‌ఎస్‌ అధినేత కేసీఆర్‌ ప్రతిపక్ష హోదాను విస్మరించి, అసెంబ్లీకి రాకుండా ఫామ్‌హౌస్‌కే పరిమితం అయ్యారని ఎద్దేవా చేశారు. గుత్ప నీరు తాము వదిలితే బీజేపీ నాయకులు సంబరాలు చేసుకోవడం హాస్యాస్పదంగా ఉందన్నారు. ఆర్మూర్‌లో వచ్చేసారి కాంగ్రెస్‌ జెండా ఎగురవేద్దామని పిలుపునిచ్చారు. ప్రజాప్రతినిధులు, నాయకులు బాపూరావు, వెంకటేశ్‌, భరత్‌రెడ్డి, భోజారెడ్డి, సంజీవ్‌రాజ్‌, ఎర్రం లింగం తదితరులు పాల్గొన్నారు.

పెద్దకొడప్‌గల్‌: కాస్లాబాద్‌లోని అంగన్‌వాడీ కేంద్రం నిర్వహణపై పలు ఆరోపణలు వెల్లువెత్తుతున్నాయి. అంగన్‌వాడీ కేంద్రంలో నమోదైన బాలింతలు, చిన్నారులకు సరిపడా పౌష్టికాహరం అందడం లేదని స్థానికులు ఆవేదన వ్యక్తం చేస్తున్నారు. అంగన్‌వాడీ కేంద్రంలో సుమారు 12 మంది బాలింతలు, 11 మంది చిన్నారులు ఉన్నప్పటీకి వంట చేసేందుకు కేవలం నామమాత్రపు బియ్యం మాత్రమే ఉపయోగిస్తున్నారనే ఆరోపణలు వినిపిస్తున్నాయి. ఇకనైనా సంబంధిత అధికారులు స్పందించి చిన్నారులు, బాలింతలకు అందించే పౌష్టికాహరంపై దృష్టిసారించాలని స్థానికులు కోరుతున్నారు.

చెరువులో నీట మునిగి ఒకరి మృతి దోమకొండ: మండల కేంద్రంలోని కుడి చెరువులోకి దిగిన ఓ వ్యక్తి ప్రమాదవశాత్తు నీటమునిగి మృతిచెందాడు. స్థానికులు, పోలీసులు తెలిపిన వివరాలు ఇలా.. బీబీపేట మండల కేంద్రానికి చెందిన లింగారి నవీన్‌(17) అనే యువకుడు పాత సామాన్లు, ఇనుప వస్తువులు ఎరుకుని అమ్ముకుంటూ జీవనం సాగించేవాడు. దోమకొండలో గణపతుల నిమజ్జనం పూర్తయిందని, ప్రతిమల కింద ఉన్న ఇనుప స్టాండ్లను అమ్ముకుందామనే ఆలోచనతో మిత్రుడితో కలిసి అతడు గురువారం చెరువు వద్దకు చేరుకున్నాడు. నీటిలోకి దిగిన తర్వాత తిరిగి ఒడ్డుకు చేరుకునే క్రమంలో ఊపిరి ఆడక మృతిచెందాడు. అదే సమయంలో దోమకొండకు చెందిన నూనె నవీన్‌ అనే వ్యక్తి సైతం అక్కడికి చేరుకున్నాడు. ఇరువురు వెంటనే విషయం పోలీసులకు, మృతుడి కుటుంబసభ్యులకు తెలియజేశారు. పోలీస్‌ రెస్క్యూ టీం ఘటన స్థలానికి చేరుకుని నవీన్‌ మృతదేహాన్ని బయటకు తీశారు. మృతుడి తల్లి లక్ష్మి ఫిర్యాదు మేరకు కేసు నమోదు చేసి మృతదేహాన్ని పోస్టుమార్టం నిమిత్తం కామారెడ్డి ఏరియా ఆస్పత్రికి తరలించినట్లు ఎస్సై ప్రభాకర్‌ తెలిపారు. నిజామాబాద్‌ లీగల్‌: విధి నిర్వహణలో ఉన్న హోంగార్డును బైక్‌తో ఢీకొట్టి గాయపరిచిన కేసులో నిందితుడికి ఆరు నెలల జైలు శిక్ష విధిస్తూ నిజామాబాద్‌ నాల్గవ అదనపు జిల్లా సెషనన్స్‌ జడ్జి దారావత్‌ దుర్గాప్రసాద్‌ గురువారం తీర్పు వెలువరించారు. వివరాలు ఇలా.. నగరంలోని పవర్‌హౌస్‌ చౌరస్తాలో మార్చి 30న నిజామాబాద్‌ ట్రాఫిక్‌ పోలీసులు డ్రంకన్‌డ్రైవ్‌ తనిఖీలు చేపట్టారు. ఈక్రమంలో ఇందల్వాయి మండలం తిర్మన్‌పల్లి గ్రామానికి చెందిన బొక్క దీపక్‌ పోలీసులకు సహకరించకుండా, తన బైక్‌ను అతివేగంగా నడిపి విధుల్లో ఉన్న హోంగార్డు నర్సింగ్‌ను ఢీకొట్టాడు. ఈ ఘటనలో నర్సింగ్‌ తీవ్రంగా గాయపడగా పోలీసులు కేసు నమోదు చేసి దీపక్‌ను కోర్టుకు తరలించారు. విచారణ చేపట్టిన జడ్జి నిందితుడికి ఆరు నెలల జైలు శిక్ష, రూ. వెయ్యి జరిమానా విధించారు.

బాన్సువాడ: బాన్సువాడ మున్సిపల్‌ పరిధిలో శుక్ర, శనివారం నిర్వహించే వినాయక నిమజ్జన ఏర్పాట్లను ఆర్డీవో రవీందర్‌రెడ్డి, మున్సిపల్‌ కమిషనర్‌ గంగాధర్‌ గురువారం పరిశీలించారు. శోభాయాత్ర రూట్‌ మ్యాప్‌ను తయారు చేశారు. కిందికి వేలాడే విద్యుత్‌ వైర్లను సరి చేయించారు. అవసరమైన చోట్ల పెద్ద పెద్ద విద్యుత్‌ స్థంబాలను ఏర్పాటు చేయించారు. అనంతరం నిమజ్జనం చేసే కల్కి చెరువు ప్రాంతాన్ని పరిశీలించారు. వినాయక మండపాల నిర్వాహకులు విధి నిర్వహణలో ఉండే అధికారులు, పోలీసులకు సహకరించాలని ఆర్డీవో కోరారు. కో–ఆప్షన్‌ సభ్యులు కాసుల రోహిత్‌, ఆర్‌ఐ అలీం, మున్సిపల్‌ సిబ్బంది హన్మాండ్లు, సతీశ్‌, లక్ష్మణ్‌ తదితరులు ఉన్నారు. కామారెడ్డి అర్బన్‌: సామాజిక సేవతోనే వ్యక్తిత్వ వికాసం సాధ్యమవుతుందని కామారెడ్డి ఆర్ట్స్‌ అండ్‌ సైన్స్‌ కళాశాల ప్రిన్సిపాల్‌ విజయ్‌కుమార్‌ అన్నారు. జాతీయ సేవా పథకం వ్యవస్థాపక దినోత్సవాన్ని గురువారం కళాశాలలో ఘనంగా నిర్వహించారు. యువత తమ శక్తి, సామర్థ్యాలను తక్కువగా అంచనా వేసుకోవద్దని, క్రమశిక్షణ, ఆత్మవిశ్వాసంతో జాతి నిర్మాణానికి, సామాజిక సేవకు అంకితం కావాలని వైస్‌ ప్రిన్సిపాల్‌ కిష్టయ్య, సమన్వయకర్తలు శ్రీనివాస్‌రావు, విశ్వప్రసాద్‌, జయప్రకాశ్‌, సుధాకర్‌, రాములు అన్నారు. ఎన్‌ఎస్‌ఎస్‌ అధికారులు రాజ్‌ గంభీర్‌రావు, చంద్రశేఖర్‌గౌడ్‌, రాజశ్రీ, వలంటీర్లు పాల్గొన్నారు.

● బోధన్‌లో మూడేళ్ల క్రితమే పూర్తయిన డబుల్‌బెడ్‌రూం ఇళ్ల నిర్మాణాలు ● ఇప్పటికీ అర్హులకు అందించని అధికారులు బోధన్‌: బీఆర్‌ఎస్‌ ప్రభుత్వ హయాంలో నిరుపేదల సొంతింటి కలను నెరవేర్చడానికి డబుల్‌బెడ్‌రూం ఇళ్ల నిర్మాణాలు చేపట్టింది. ఇందులో భాగంగా పట్టణంలోని పాండుతర్ఫా శివారులో ఏడేళ్ల క్రితం 360 డబుల్‌ బెడ్‌రూం ఇళ్ల సముదాయం నిర్మాణం చేపట్టగా, మూడేళ్ల క్రితం పనులు పూర్తయ్యాయి. కానీ ఇప్పటికీ లబ్ధిదారులకు అందించకపోవడంతో ఆశావహుల్లో నైరాశ్యం నెలకొంది. ఈ అంశంపై పలు దఫాలుగా అధికారులు, ప్రజాప్రతినిధులు సమీక్షలు నిర్వహిస్తున్నా.. పంపిణీలో మాత్రం తీవ్ర జాప్యం నెలకొంటుంది. జిల్లాకేంద్రంలోని కలెక్టరేట్‌లో బుధవారం నిర్వహించిన సమావేశంలో కలెక్టర్‌ భవేశ్‌మిశ్రా మాట్లాడుతూ.. జిల్లాలో గత ప్రభుత్వ హయాంలో నిర్మాణాలు పూర్తి చేసిన డబుల్‌ బెడ్‌రూం ఇళ్లను ఈ నెలాఖరు వరకు పంపిణీ చేయాలని అధికారులకు ఆదేశించారు. దీంతో ఏళ్లుగా అద్దె ఇళ్లల్లో నివాసం ఉంటున్న పట్టణ పేదలు ఇళ్ల కోసం ఎదురు చూస్తున్నారు. ఇళ్లు 360.. దరఖాస్తులు 6882.. పట్టణంలో మొత్త 38 వార్డులు ఉండగా డబుల్‌ బెడ్‌రూం ఇళ్ల కోసం సుమారు 6882 దరఖాస్తులు వచ్చాయి. మొత్తం 360 ఇళ్లు ఉండగా పంపిణిలో జాప్యం జరుగుతుంది. పేదల నుంచి వెల్లువలా దరఖాస్తులు రావడం, మారిన రాజకీయ పరిస్థితులు, ఇళ్ల సంఖ్య తక్కువగా ఉండటంతో లబ్ధిదారుల ఎంపిక ప్రక్రియ ముందుకు సాగడం లేదు. పలు చోట్ల వివాదాలు చోటుచేసుకుంటున్నాయి. రెండు నెలక్రితం ఎమ్మెల్యే సుదర్శన్‌రెడ్డి అధికారులతో సమీక్ష నిర్వహించి లబ్ధిదారుల ఎంపికను త్వరితగతిన పూర్తి చేయాలని అధికారులను ఆదేశించారు. ఈమేరకు అధికారులు వెరిఫికేషన్‌ ప్రక్రియను పూర్తి చేయించారు. దరఖాస్తుదారుల్లో సుమారు 2వేల మంది పైచిలుకు అర్హులుగా గుర్తించినట్టు తెలుస్తోంది. వార్డుల వారీగా లబ్ధిదారులను ఎంపిక చేయాల్సి ఉండగా ఎప్పుడు పూర్తి చేస్తారో తెలియని పరిస్థితి నెలకొంది.పట్టణ పేదలు డబుల్‌ ఇళ్ల కోసం పెట్టుకున్న దరఖాస్తులను క్షేత్రస్థాయికి వెళ్లి వెరిఫికేషన్‌ ప్రక్రియను పూర్తి చేశాం. లబ్ధిదారుల ఎంపిక ప్రక్రియ ప్రాసెస్‌లో ఉంది. ప్రభుత్వ నిబంధనలు, జిల్లా అధికారులు మార్గదర్శకాల మేరకు లబ్ధిదారుల ఎంపికను త్వరితగతిన పూర్తి చేసేందుకు ప్రత్యేక దృష్టిసారించాం. –విజయ కుమారి, ఆర్డీవో బోధన్‌

మద్నూర్‌(జుక్కల్‌): డోంగ్లి మండలంలోని చిన్న టాక్లీ లోని అంగన్‌వాడీ కేంద్రంలో గురువారం పోషణమాసంలో భాగంగా తల్లులు, గర్భిణులు, బాలింతలకు క్విజ్‌ పోటీలు నిర్వహించారు. ఐసీడీఎస్‌ సీడీపీవో కళా వతి మాట్లాడుతూ.. పుట్టిన బిడ్డకు గంటలోపు తప్పకుండా ముర్రుపాలు తాగించాలన్నారు. గర్భిణులు, బాలింతలు హిమోగ్లోబిన్‌ పెరుగుదల కోసం ఐరన్‌ మాత్రలు తీసుకోవాలన్నారు. మద్నూర్‌ మండల కేంద్రంలోని గణేశ్‌ మండపం వద్ద పోషణ మాస సంబరాలు నిర్వహించారు. కార్యక్రమంలో అంగన్‌వాడీ టీచర్లు సచిత, కళావతి, చంపా, తల్లులు పాల్గొన్నారు. వెంకటాపూర్‌లో సామూహిక సీమంతాలు ఎల్లారెడ్డిరూరల్‌: మండలంలోని వెంకటాపూర్‌ గ్రామంలోని అంగన్‌వాడీ కేంద్రంలో గురువారం సామూహిక సీమంతాలు నిర్వహించారు. గర్భిణులకు అంగన్‌వాడీ కేంద్రాల ద్వారా పౌష్టికాహారం అందిస్తున్నట్లు సర్పంచ్‌ సాయిలు అన్నారు. కార్యక్రమంలో అంగన్‌వాడీ సిబ్బంది తదితరులు పాల్గొన్నారు.

బాన్సువాడ: బాన్సువాడ ప్రభుత్వ ఆస్పత్రిలో విధులు నిర్వహించే వైద్యుడు సీను నాయక్‌ మూడు రోజుల నుంచి అనారోగ్యానికి గురయ్యారు. ప్రతీ రోజు రాత్రి వేళల్లో విధులు నిర్వహిస్తున్నారు. వివిధ ప్రాంతాల నుంచి వచ్చే రోగులకు వైద్య సేవలందించడంలో ఆటంకం ఏర్పడకుండా ఉండేందుకు అనారోగ్యానికి గురైనా డ్యూటీ వేయించుకుని సెలన్‌ పెట్టుకుని మరీ విధులకు హాజరయ్యారు. సిబ్బంది సెలన్‌ పట్టుకుని వైద్యుడి వెంట తిరుగుతూ ఆస్పత్రికి వచ్చే రోగులకు వైద్య సేవందించారు. రోగుల కుటుంబ సభ్యులు వైద్యుడి తీరుపై సంతృప్తి వ్యక్తం చేస్తున్నారు.

పెద్దకొడప్‌గల్‌: రా హుల్‌ గాంధీ ప్రధాని కావాలని ఆంధ్రప్రదేశ్‌ హైకోర్టు అడ్వకేట్‌ కాటూరి వెంకటేశ్వర్లు కన్యాకుమారి నుంచి కశ్మీర్‌ వరకు చేపట్టిన పాదయాత్ర గురువారం బేగంపూర్‌ చౌరస్తా వద్దకు చేరుకుంది. పెద్ద కొడప్‌గల్‌ మండల కాంగ్రెస్‌ పార్టీ నాయకులు పాదయాత్రకు ఘన స్వాగతం పాలికారు. పార్టీ మండల అధ్యక్షుడు శామప్ప పటేల్‌, పార్టీ మాజీ ఎస్సీ సెల్‌ చైర్మన్‌ సౌదగార్‌ అరవింద్‌, పార్టీ మండల మాజీ అధ్యక్షడు మహేందర్‌ రెడ్డి, నాయకులు బస్వరాజ్‌ దేశాయి, నాగిరెడ్డి, పండరి, మోహన్‌ తదితరులు ఉన్నారు.

తెయూ(డిచ్‌పల్లి): విద్యార్థులు చదువుతోపాటు స మాజ సేవలో ముందుండాలని తెలంగాణ యూనివర్సిటీ రిజిస్ట్రార్‌ యాదగిరి అన్నారు. యూనివర్సిటీలో గురువారం జాతీయ సేవా పథకం (ఎన్‌ఎస్‌ఎస్‌) ఆధ్వర్యంలో ఎన్‌ఎస్‌ఎస్‌ డే వేడుకలను ఘ నంగా నిర్వహించారు. కార్యక్రమానికి ఆయన ము ఖ్యఅతిథిగా హాజరై, మాట్లాడారు. 1969 సెప్టెంబర్‌ 24న‘సేవ ద్వారా విద్య’ అనే భావనకు మూలస్ఫూర్తిగా ఎన్‌ఎస్‌ఎస్‌ ప్రారంభమైందన్నారు. విద్యార్థులు తరగతి గదిలో పొందిన జ్ఞానాన్ని సమాజ సేవకు అన్వయించాలని ఆయన సూచించారు. ఎన్‌ఎస్‌ఎస్‌ ద్వారా యువతలో సేవాభావం, సామాజి క బాధ్యత,నాయకత్వ లక్షణాలు పెంపొందుతాయన్నారు.అనంతరం ఆరు ఎన్‌ఎస్‌ఎస్‌ యూనిట్ల వ లంటీర్లకు వివిధ పోటీలు నిర్వహించగా, విజేతల కు బహుమతులు అందజేశారు. జిల్లా యువజన అ ధికారి రమేష్‌,తెయూ ఎన్‌ఎస్‌ఎస్‌ ప్రోగ్రామ్‌ కోఆర్డి నేటర్‌ అపర్ణ, ప్రొఫెసర్లు సీహెచ్‌ ఆరతి, రాంబాబు, అంద జీవన్‌ రావు, తదితరులు పాల్గొన్నారు.

● జుక్కల్‌ ఎమ్మెల్యే తోట లక్ష్మీకాంతారావు నిజాంసాగర్‌(జుక్కల్‌): ప్రజా సంక్షేమమే ప్రభుత్వ ధ్యేయమని జుక్కల్‌ ఎమ్మెల్యే తోట లక్ష్మీకాంతారావు అన్నారు. మండలంలోని అచ్చంపేట శివారులో మంజీరా నదిపరీవాహక ప్రాంతంలో కల్వర్టు నిర్మాణ పనులకు ఎమ్మెల్యే గురువారం భూమి పూజ నిర్వహించారు. గతేడాది కురిసిన వర్షాలకు మంజీరా నదిలో వరద ప్రవాహంతో కల్వర్టు కొట్టుకుపోయింది. కల్వర్టు నిర్మాణానికి ఉపాధి హామీ కింద రూ. 50 లక్షలు మంజూరయ్యాయి. ఈ మేరకు ఎమ్మెల్యే చేతుల మీదుగా కల్వర్టు నిర్మాణ పనులకు భూమిపూజ చేపట్టారు. కార్యక్రమంలో డీసీసీ అధ్యక్షుడు మల్లికార్జున్‌, ఏఎంసీ చైర్మన్‌ చీకోటి మనోజ్‌కుమార్‌, సర్పంచ్‌ లక్ష్మయ్య, పార్టీ మండల అధ్యక్షుడు పండరి తదితరులు పాల్గొన్నారు. అదేవిధంగా మండల కేంద్రంలోని ఎంపీడీవో కార్యాలయంలో పలువురు లబ్ధిదారులకు మంజూరైన కల్యాణలక్ష్మి చెక్కులను, రేషన్‌కార్డు లబ్ధిదారులకు స్మార్ట్‌ రేషన్‌ కార్డులను పంపిణీ చేశారు. కార్యక్రమంలో తహసీల్దార్‌ భుజంగరావు, అధికారులు, సిబ్బంది తదితరులు ఉన్నారు.

● ఆదర్శంగా నిలుస్తున్న పలు పల్లెలు ● గ్రామాల్లో స్టీల్‌ బ్యాంకుల ఏర్పాటు వేల్పూర్‌: మండలంలోని ఐదు గ్రామాలలో ప్లాస్టిక్‌ వాడకాన్ని రూపుమాపడానికి సర్పంచులు పక్కా వ్యూహంతో ముందుడుగు వేస్తున్నారు. ప్లాస్టిక్‌ వస్తువులను పూర్తిగా మానేసి, వాటి స్థానంలో పూర్వపు మాదిరిగా స్టీలు పాత్రలను వాడడానికి నడుం బిగించారు. అన్నదాన సత్రాలు, శుభకార్యాలు జరిగినప్పుడు వేలాదిగా ప్లాస్టిక్‌ ఇస్తార్లు, గ్లాసులు వాడడం వల్ల వాటితో ప్రకృతికి, ప్రజల ప్రాణాలకు తీవ్రమైన ముప్పు ఏర్పడుతోంది. దీంతో మండలంలోని మోతె గ్రామంలో సర్పంచ్‌ దొల్ల రమేశ్‌రెడ్డి గ్రామస్తుల సహాయంతో స్టీలు పాత్రల బ్యాంకు ప్రారంభించారు. దీంతో వేల్పూర్‌, అక్లూర్‌, అంక్సాపూర్‌, కోమన్‌పల్లి సర్పంచులు సైతం ప్లాస్టిక్‌ వాడకాన్ని పూర్తిగా ఆపేయడానికి ముందుకు వచ్చారు. గ్రామ పంచాయతీల ఆధ్వర్యంలో స్టీలు పాత్రల బ్యాంకులను ఏర్పాటు చేశారు. ఈక్రమంలో గణేశ్‌ ఉత్సవాల్లో అన్నదానాలకు ప్లాస్టిక్‌ ప్లేట్లను ఆపేసి, స్టీలు ప్లేట్లు, గ్లాసులు వినియోగించారు. అలాగే హోటళ్లలో ప్లాస్టిక్‌ కప్పుల వినియోగాన్ని ఆపేసి, గ్లాసుల వినియోగాన్ని ప్రారంభించారు. అంతేగాక దుకాణాల నుంచి సరుకులు తెచ్చుకోడానికి 25 మైక్రాన్లతో తయారైన కవర్లను వినియోగించే విధంగా చర్యలు చేపడుతున్నారు. దీంతో ఆయా గ్రామాల నిర్ణయాన్ని పలువురు అభినందిస్తూ, ఆదర్శంగా తీసుకుంటున్నారు. శుభకార్యాలు,అన్నదాన సత్రా లు చేయాలంటే ప్లాస్టిక్‌ ఇస్తా ర్లు,గ్లాసులకు సుమారు రూ. వే లల్లో ఖర్చు అవుతుంది. స్టీలు ప్లేట్లు వాడడం వల్ల ఆ ఖర్చు తప్పుతుంది. అంతేగాక ఇస్తార్ల వ్యర్థాల సమస్య ఉండదు. పర్యావరణానికి మేలు జరుగుతుంది. –మొండి అశోక్‌, సర్పంచ్‌, వేల్పూర్‌

భిక్కనూరు: మండల కేంద్రంలో స్వయంభూగా వెలిసిన అనంతపద్మనాభ స్వామి ఆలయంలో శుక్రవారం అనంత చతుర్దశి వేడుకలను నిర్వహించేందుకు ఏర్పాట్లు పూర్తి చేసినట్లు నిర్వాహకులు గురువారం తెలిపారు. ఆలయ అర్చకులు పెద్దెడ్ల జయప్రకాశ్‌శర్మ, రామకృష్ణశర్మ ఆధ్వర్యంలో స్వామి వారికి వేకువ జామునుంచే పంచామృతాభిషేకాలు, అర్చనలు నిర్వహించనున్నట్లు పేర్కొన్నారు. అలాగే భక్తులు వెలిగించుకునే కోటి ఒత్తులకు ఏర్పాట్లు పూర్తి చేశామన్నారు. జిల్లాలోనే ఏకై క ఆలయంగా పేరొందిన భిక్కనూరు స్వయంభూగా వెలిసిన అనంత పద్మనాభస్వామి ఆలయానికి చుట్టుపక్కల జిల్లాల నుంచి భక్తులు అధిక సంఖ్యలో ప్రతి ఏటా అనంత చతుర్దశి రోజున వస్తారని అన్నారు. వారికి ఎలాంటి ఇబ్బందులు కలుగకుండా చర్యలు తీసుకున్నట్లు నిర్వాహకులు తెలిపారు. ఉత్సవాలను భక్తులు విజయవంతం చేయాలని కోరారు. బాన్సువాడ రూరల్‌: బాన్సువాడలో ఈనెల 27న నిర్వహించే జాతీయ సమైక్యతా సదస్సుకు హాజరు కావాలని కోరుతూ బాన్సువాడ ఎమ్మెల్యే పోచారం శ్రీనివాస్‌రెడ్డికి నిర్వాహకులు ముఫ్తీ ఉమర్‌ బిన్‌ ఈసా ఆహ్వాన పత్రికను గురువారం అందించారు. జాతీయ సమైక్యత, పరస్పర సోదరభావం, మతసామరస్యంతో పాటు శాంతిని పెంపొందించే లక్ష్యంతో నిర్వహిస్తున్న ఈకార్యక్రమానికి అన్ని రాజకీయ పార్టీల నాయకులు, ప్రముఖులు, అన్ని వర్గాల ప్రజలు హాజరు కావాలని కోరారు. కార్యక్రమంలో మౌలాన రఫీఖ్‌, నాయకులు వాహబ్‌, అఫ్రోజ్‌ తదితరులు పాల్గొన్నారు. ఆర్మూర్‌టౌన్‌: పట్టణంలోని మల్లారెడ్డి చెరువు వద్ద బుధవారం రాత్రి కొండచిలువ సంచారం కలకలం రెపింది. మాల్లారెడ్డి చెరువు సమీపంలో కొండచిలువ రోడ్డు దాటుతుండగా స్థానికులు చూసి భయందోళనకు గురైయ్యారు. ఆ తర్వాత అది మళ్లీ చెరువులోకి వెళ్లిపోయినట్లు స్థానికులు తెలిపారు. కామారెడ్డి అర్బన్‌: శ్రీసరస్వతి విద్యామందిర్‌, విద్యాభారతి అఖిల భారతీయ శిక్షా సంస్థాన్‌ ఆధ్వర్యంలో శుక్రవారం పట్టణంలోని వివిధ ప్రాంతాల్లో నమామి భారతం వందేమాతరం పూర్తి గేయాలాపన చేయనున్నట్లు ప్రతినిధులు శ్యాంసుందర్‌, హరిస్మరణ్‌రెడ్డి, రాజారెడ్డి, మల్లేష్‌యాదవ్‌, గంగారెడ్డి, ఎం.ఆనంద్‌, ప్రతాప్‌గౌడ్‌ తెలిపారు. పట్టణంలోని శ్రీసరస్వతి విద్యామందిర్‌ హైస్కూల్‌, జీవదాన్‌ సర్ధార్‌ పటేల్‌ విగ్రహం, నిజాంసాగర్‌ చౌరస్తా, కొత్తబస్టాండ్‌, శివాజీ విగ్రహం, ప్రభుత్వ డిగ్రీ కళాశాల, జయప్రకాశ్‌ నారాయణ విగ్రహం, భగత్‌సింగ్‌ నగర్‌ సరస్వతి శిశుమందిర్‌ వద్ద వందేమాతం పూర్తి గేయాలాపన ఉంటుందని అన్నారు.

● వర్నిలో ప్రారంభం ● ఎకరానికి 45 క్వింటాళ్ల దిగుబడి సాధించిన రైతువర్ని: నిజామాబాద్‌ జిల్లాలో ఖరీఫ్‌ సీజన్‌ వరి కోతలు ప్రారంభమయ్యాయి. రాష్ట్రంలో ఏటా తొలిసారిగా వర్ని మండలంలో వరి పంట చేతికొస్తుంది. జూన్‌ మాసంలో నారుమడులు వేసిన ఇక్కడి రైతులు సెప్టెంబర్‌ చివరి వారంలో కోతలు ప్రారంభించారు. మొదట కోత ప్రారంభించిన రైతు ఇంట ధాన్యపు సిరులు కురిశాయి. వర్ని మండలం సత్యనారాయణపురం శివారులో శ్రీనగర్‌ గ్రామానికి చెందిన గుణ్ణం సత్తిబాబు రెండు ఎకరాల్లో సాగు చేసిన వరిని గురువారం కోశారు. ఎకరానికి 45 క్వింటాళ్ల దిగుబడి వచ్చింది. కునారం 1638 స్వల్పకాలిక రకం సాగు చేసిన ఆయనకు 120 రోజులకే పంట చేతికి వచ్చింది. కాగా, వర్షాభావ పరిస్థితుల నేపథ్యంలో రాష్ట్ర వ్యాప్తంగా వరి సాగు తగ్గడంతో జిల్లాలో పండించిన ధాన్యం అధిక ధర పలుకుతోంది. వ్యాపారులు ప్రస్తుతం పచ్చి ధాన్యం క్వింటాలుకు రూ.2,900 చెల్లిస్తున్నారు. ‘జిల్లాలో 4.30 లక్షల ఎకరాల్లో వరి సాగైంది. నీటి ఎద్దడి లేకుండా పంటలు చేతికి వస్తాయి. పచ్చి ధాన్యానికి రూ.3వేల వరకు ధర పలికే అవకాశం ఉంది.’ అని డీఏవో వీరాస్వామి ‘సాక్షి’కి తెలిపారు.

మద్నూర్‌: తడిహిప్పర్గాలో మద్య నిషేధం విధించినట్లు సర్పంచ్‌ అశ్విని తెలిపారు. గురువారం ఈ విషయమై గ్రామంలో ఏకగ్రీవ తీర్మానం చేశారు. గ్రామంలో ఎక్కడా మద్యం అమ్మరాదని, ఎవరైన ఈ నిబంధనను అతిక్రమిస్తే జరిమానాలు విధిస్తామని సర్పంచ్‌ హెచ్చరించారు. భిక్కనూరు: పెద్దమల్లారెడ్డిలో భీందళ్‌ ఆధ్వర్యంలో ప్రతిష్ఠించిన వినాయక విగ్రహం వద్ద నవరాత్రులు పూజలు అందుకున్న వినాయక లడ్డూను గురువారం వేలం వేశారు. హైదరాబాద్‌కు చెందిన రాజశేఖర్‌ తన అమ్మమ్మ గ్రామమైన పెద్దమల్లారెడ్డికి వచ్చి వేలంలో పాల్గొన్నారు. ఆయన రూ. 1,11,116 లకు లడ్డూను సొంతం చేసుకున్నారు.కామారెడ్డి అర్బన్‌: జిల్లా స్థాయి హ్యాండ్‌బాల్‌ అండర్‌–14, 17 బాలబాలికల టోర్నమెంట్‌ ఎంపికలు ఈ నెల 25న ఉదయం 9 గంటల నుంచి గాంధారి మండలం పోతంగల్‌లో నిర్వహించనున్నట్టు ఎస్‌జీఎఫ్‌ జిల్లా కార్యదర్శి ఈ.శ్రీధర్‌ ఒక ప్రకటనలో తెలిపారు. అండర్‌–14 క్రీడాకారులు 1 జనవరి 2013 తర్వాత, అండర్‌–17 క్రీడాకారులు 1 జనవరి 2010 తర్వాత జన్మించి ఉండాలని, బోనాఫైడ్‌, ఆధార్‌ కార్డుతోపాటు క్రీడాదుస్తులు, షూస్‌తో హాజరుకావాలని పేర్కొన్నారు. వివరాలకు 9440004112, 94410 42622 నంబర్లలో సంప్రదించాలని తెలిపారు. కామారెడ్డి అర్బన్‌: ఉమ్మడి నిజామాబాద్‌ జిల్లా స్థాయి అర్చరీ అండర్‌–14, 17 బాలబాలికల ఎంపిక పోటీలను శనివారం నిర్వహించనున్నారు. బాన్సువాడ మండలంలోని కొత్తాబాది తిర్మలాపూర్‌ క్యాంప్‌ జెడ్పీ హైస్కూల్‌లో ఉదయం 8 గంటలకు పోటీలు ప్రారంభమవుతాయని ఎస్‌జీఎఫ్‌ జిల్లా కార్యదర్శి శ్రీధర్‌ ఒక ప్రకటనలో తెలిపారు. క్రీడాకారులు బోనఫైడ్‌, ఆధార్‌, స్పోర్ట్స్‌ డ్రెస్‌, పరికరాలతో హాజరు కావాలని, వివరాలకు 94400 04112, 94415 79518 నంబర్లలో సంప్రదించాలని సూచించారు. నిజామాబాద్‌ రూరల్‌: జిల్లాలో పర్యాటక రంగ అభివృద్ధికి యువత, ప్రజలు సహకరించాలని జిల్లా పరిషత్‌ సీఈవో సాయాగౌడ్‌ కోరారు. ప్రపంచ పర్యాటక దినోత్సవాన్ని గురువారం జెడ్పీలో నిర్వహించగా ఆయన ముఖ్య అతిథిగా హాజరై వివిధ పోటీల్లో గెలుపొందిన పాఠశాల, కళాశాల విద్యార్థులను అభినందించారు. ప్రపంచ పర్యాటక దినోత్సవం సందర్భంగా నిర్వహించే పోటీల్లో విజేతలుగా నిలిచిన వారిని రాష్ట్రస్థాయి పోటీలకు పంపిస్తామని జిల్లా పర్యాటకశాఖ అధికారి పవన్‌కుమార్‌ తెలిపారు. కార్యక్రమంలో పాలి టెక్నిక్‌ కళాశాల అధ్యాపకులు రాఘవేంద్ర, లలిత, సురేశ్‌, గంగాదాస్‌ పాల్గొన్నారు.

బిచ్కుంద(జుక్కల్‌): ధాన్యం కొనుగోలు కోసం ఏర్పాటు చేసిన ఐకేపీ నిర్వాహకులకు కమీషన్‌ డబ్బులు ఇవ్వడంలో తీవ్ర జాప్యం జరుగుతోంది. 2025 ఖరీఫ్‌, యాసంగి సీజన్‌ల కొనుగోళ్లు ముగిసి నెలలు గడుస్తున్నా కమీషన్‌ రాలేదు. దీంతో మహిళా సంఘాల సభ్యులు ఇబ్బందులు ఎదుర్కొంటున్నారు. 15.90 లక్షల క్వింటాళ్ల ధాన్యం సేకరణ జిల్లాలో 2025 ఖరీఫ్‌, యాసంగి సీజన్‌లలో మహిళా సంఘాల ఆధ్వర్యంలో 174 కొనుగోలు కేంద్రాలను ఏర్పాటు చేశారు. మొత్తం 21,308 మంది రైతుల నుంచి 15 లక్షల 90 వేల క్వింటాళ్ల ధాన్యం సేకరించారు. కొనుగోలు చేసిన ధాన్యానికి ప్రభుత్వం ఫుడ్‌ కార్పొరేషన్‌ ద్వారా క్వింటాలుకు రూ.32 చొప్పున కమీషన్‌ అందిస్తుంది. ధాన్యం సేకరించి నెలలు దాటుతున్నా కమీషన్‌ డబ్బులు చెల్లించడానికి అధికారులు తమకేమీ పట్టనట్లుగా వ్యవహరిస్తున్నారని మహిళా సంఘాల సభ్యులు ఆగ్రహం వ్యక్తంచేస్తున్నారు. మొత్తం రూ.5.08 కోట్ల కమీషన్‌ రావాల్సి ఉండగా, అధికారులు రూ.3.56 కోట్లు చెల్లించారని, ఇంకా రూ.1.52 కోట్లు చెల్లించాల్సి ఉందని వాపోతున్నారు. సంఘాల అభివృద్ధికి ఇబ్బందులు ధాన్యం కొనుగోళ్ల ద్వారా కమీషన్‌ రూపంలో వచ్చే నిధులను సామూహిక మహిళా సంఘాల అభివృద్ధికి వినియోగించుకోవాలని సంఘం సభ్యులు భావిస్తున్నారు. సంఘ కార్యకలాపాలను విస్తరించడం, సభ్యులకు అవసరమైన సౌకర్యాలు కల్పించడం, స్త్రీనిధి రుణాలు పొందడానికి డిపాజిట్లు చేయడం, ఆదాయ మార్గాలు పెంచుకోవడానికి కమీషన్‌ నిధులు ఉపయోగపడతాయని అనుకున్నారు. పూర్తిస్థాయిలో కమీషన్‌ అందకపోవడంతో ఆర్థికంగా ఎదగలేకపోతున్నామని ఆవేదన వ్యక్తం చేస్తున్నారు. కలెక్టర్‌ ప్రత్యేక చొరవ తీసుకొని కమీషన్‌ త్వరగా అందేలా చూడాలని కోరుతున్నారు. ఎదురుచూస్తున్న ఐకేపీ కొనుగోలు కేంద్రాల నిర్వాహకులు గత ఖరీఫ్‌, యాసంగిలో 174 కొనుగోలు కేంద్రాల ఏర్పాటు రూ.1.52 కోట్ల బకాయిలు

● కలెక్టర్‌ ఆశిష్‌ సంగ్వాన్‌కామారెడ్డి క్రైం: జిల్లా కేంద్రంలోని అడ్లూర్‌ ఎల్లా రెడ్డి (టేక్రియాల్‌) చెరువులో జరుగుతున్న వినా యక నిమజ్జన కార్యక్రమ తీరును కలెక్టర్‌ ఆశిష్‌ సంగ్వాన్‌ గురువారం పరిశీలించారు. చెరువు వద్ద చేపట్టిన ఏర్పాట్లు, భద్రతా చర్యలపై సంబంధిత అధికారులను అడిగి తెలుసుకున్నారు. ఈ సందర్భంగా కలెక్టర్‌ మాట్లాడుతూ టేక్రియాల్‌ చెరువులో 700 పైగా గణేశ్‌ విగ్రహాలు నిమజ్జనం చేసే అవకాశం ఉందన్నారు. అవాంఛనీయ ఘటనలు చోటుచేసుకోకుండా చెరువు వద్ద పటిష్టమైన బారికేడింగ్‌ ఏర్పాటు చేయాలన్నారు. అనుమతిలేని వ్యక్తులు చెరువులోకి వెళ్లకుండా చర్యలు తీసుకోవాలని సూచించారు. పెద్ద క్రేన్లను, గజ ఈతగాళ్లను అందుబాటులో ఉంచాలని ఆదేశించారు. చెరువు వద్ద రెవెన్యూ, ఇరిగేషన్‌, మున్సిపల్‌, అగ్నిమాపక శాఖలతో సమన్వయం చేసుకుంటూ కంట్రోల్‌ రూం ఏర్పాటు చేయాలని సూచించారు. విద్యుత్‌ వైర్లు గణేశ్‌ విగ్రహాలకు తగలకుండా తగిన ఎత్తులో ఏర్పాటు చేయడంతోపాటు అవసరమైన ప్రాంతాల్లో విద్యుద్దీపాలను తప్పనిసరిగా ఏర్పాటు చేయాలని విద్యుత్‌ శాఖ అధికారులను ఆదేశించారు. భక్తులు నిమజ్జన కార్యక్రమంలో జాగ్రత్తలు పాటిస్తూ అధికారులకు సహకరించాలని కలెక్టర్‌ సూచించారు.

● ప్రాణాలను అరచేతిలో పెట్టుకుని బడికి వెళ్తున్న విద్యార్థులు ● ఏటా తప్పని ఇబ్బందులు ● వంతెన నిర్మించాలని కోరుతున్న ప్రజలుపెద్దకొడప్‌గల్‌: వర్షాకాలంలో బడికి వెళ్లాలంటే ఆ ఊరి విద్యార్థుల గుండెల్లో రైళ్లు పరిగెత్తుతాయి. ప్రాణాలను అరచేతిలో పెట్టుకుని బిక్కుబిక్కుమంటూ చెరువు అలుగును దాటుకుంటూ వెళ్లాల్సి వస్తుంది. వివరాలిలా ఉన్నాయి. కుబ్యానాయక్‌ తండా గ్రామ పంచాయతీ పరిధిలోని దుబ్బ తండాకు చెందిన విద్యార్థులు చదువుకోవడం కోసం రెండు కిలోమీటర్ల దూరంలో ఉన్న కాస్లాబాద్‌ గ్రామ పాఠశాలకు వెళ్తుంటారు. ఈ దారి మధ్యలో పెద్ద చెరువు ఉంది. వర్షాలు కురిసి, అలుగు పారితే ఈ మార్గంలో రాకపోకలకు అంతరాయం ఏర్పడుతుంటుంది. నాలుగైదు రోజులుగా కురుస్తున్న వర్షాలతో చెరువు అలుగు పారుతుండడంతో విద్యార్థులు బడికి వెళ్లడానికి అవస్థలు పడ్డారు. ఏటా వర్షాలు కురిసినప్పుడు ఇదే ఇబ్బంది ఉంటోందని తండావాసులు ఆవేదన వ్యక్తం చేస్తున్నారు. వేరే మార్గంలో వెళ్లాలంటే ఏడు కిలోమీటర్లు ప్రయాణించాల్సి ఉంటుందని, అందుకే కష్టమైనా ఇదే దారిలో వెళ్తున్నామని చెబుతున్నారు. ప్రభుత్వం స్పందించి వంతెన నిర్మించాలని కోరుతున్నారు.విద్యార్థులు పడుతున్న ఇబ్బందుల గురించి తెలుసుకున్న తహసీల్దార్‌ గురువారం పెద్దచెరువు ప్రాంతాన్ని పరిశీలించారు. బ్రిడ్జి నిర్మించాల్సిన అవసరం ఉందని పేర్కొన్నారు. ఈ విషయాన్ని ఉన్నతాధికారుల దృష్టికి తీసుకువెళ్తానన్నారు.

ఎల్లారెడ్డి: భూగర్భ జలాల పెంపునకు, వ్యవసాయ అవసరాలకు ఉపయోగపడేలా ఫాంపాండ్‌లను నిర్మించుకుని, సద్వినియోగం చేసుకోవాలని కలెక్టర్‌ ఆశిష్‌ సంగ్వాన్‌ సూచించారు. మీసాన్‌పల్లి గ్రామ శివారులో నిర్మిస్తున్న ఫాంపాండ్‌ను గురువారం ఆయన పరిశీలించారు. పాండ్‌ నిర్మాణం, నీటి నిల్వ సామర్థ్యం, సౌకర్యాలు, పాండ్‌ వినియోగం తదితర అంశాలపై అధికారులను అడిగి తెలుసుకున్నారు. పాండ్‌ వద్ద పనిచేసే వారికి అవసరమైన తాగునీరు, ఇతర మౌలిక సౌకర్యాలు అందుబాటులో ఉండేలా చర్యలు తీసుకోవాలని అధికారులకు సూచించారు. పనులను నాణ్యతా ప్రమాణాలతో, నిర్దేశిత లక్ష్యాలకు అనుగుణంగా పూర్తిచేయాలని అధికారులను ఆదేశించారు. అటవీ ప్రాంతం నుంచి వర్షపు నీరు వృథాగా పోతోందని, ఫీడర్‌ చానల్‌ ద్వారా నీరు మళ్లిస్తే చెరువు పూర్తిస్థాయిలో నిండుతుందని రైతులు కలెక్టర్‌కు వివరించారు. ఈ విషయమై ప్రతిపాదనలు పంపాలని డీఆర్డీవోకు కలెక్టర్‌ సూచించారు. ఆయన వెంట సర్పంచ్‌ మైసయ్య, డీఆర్డీవో దామోదర్‌రెడ్డి, మండల స్పెషల్‌ ఆఫీసర్‌ నరసయ్య, ఆర్డీవో ప్రభాకర్‌, ఎంపీడీవో తాహేరా బేగం, తహసీల్దార్‌ ప్రేమ్‌కుమార్‌, ఎంఈవో రాజులు, ఏపీవో వినోద్‌ తదితరులున్నారు. ధాన్యం నిల్వకు ఫంక్షన్‌ హాల్‌ పరిశీలన లింగంపేట(ఎల్లారెడ్డి): ఖరీఫ్‌ సీజన్‌లో రైతుల నుంచి సేకరించే ధాన్యం నిల్వ చేసేందుకు కలెక్టర్‌ ఆశిష్‌ సంగ్వాన్‌ గురువారం గోదాములను పరిశీలించారు. లింగంపేట మండల కేంద్రంలోని ప్రముఖ హైకోర్టు న్యాయవాది మోహిన్‌ అమ్మద్‌ ఖాద్రీ రీసార్ట్‌లోని ఫంక్షన్‌ హాల్‌ను పరిశీలించి, సాధ్యాసాధ్యాలపై అధికారులతో చర్చించారు. మార్పులు చేయాల్సి ఉంటే యజమాని అనుమతితో చేయించాలని అధికారులను ఆదేశించారు. క్యాప్‌(కవర్‌ అండ్‌ ప్లింత్‌) పద్ధతిలో ధాన్యం నిల్వ చేసే అవకాశాలను కూడా పరిశీలించాలని సూచించారు. కలెక్టర్‌ వెంట ఆర్డీవో ప్రభాకర్‌, సివిల్‌ సప్లయ్‌ అధికారి వెంకటేశ్‌, తహసీల్దార్‌ సురేశ్‌, ఎంపీడీవో ప్రవీణ్‌కుమార్‌, ఎంపీవో మలహరి, ఏఈలు, ఎన్‌ఫోర్స్‌మెంట్‌ అధికారులు, కార్యదర్శులు తదితరులు ఉన్నారు. మ్యాపులు సిద్ధం చేయాలి నిజాంసాగర్‌: రెవెన్యూ గ్రామాలు, భూములు, అటవీ విస్తీర్ణం, రెవెన్యూ స్థలాలను గుర్తించి మ్యాపులను సిద్ధం చేయాలని కలెక్టర్‌ ఆశిష్‌ సంగ్వాన్‌ అధికారులను ఆదేశించారు. గురువారం మహమ్మద్‌నగర్‌ మండలం కొనంపల్లిలో రెవెన్యూ గ్రామ భూముల రీసర్వేను కలెక్టర్‌ తనిఖీ చేశారు. అటవీ, రెవెన్యూ శాఖల వారీగా అధికారులు క్షేత్రస్థాయిలో సర్వే చేపట్టి గ్రామాల వారీగా మ్యాపులు, సరిహద్దులను ఏర్పాటు చేయాలన్నారు. ఆయన వెంట బాన్సువాడ ఆర్డీవో రవీందర్‌రెడ్డి, మహమ్మద్‌నగర్‌ తహసీల్దార్‌ లత, బాన్సువాడ అటవీ శాఖ సబ్‌ డీఎఫ్‌వో సునీత, ఎఫ్‌ఆర్‌వో అబీబ్‌, బీట్‌ అధికారి స్వరూప తదితరులున్నారు.

జిల్లాకేంద్రంలో శోభాయమానంగా సాగుతున్న నిమజ్జనోత్సవంకామారెడ్డి టౌన్‌ : నవరాత్రులు విశేష పూజలందుకున్న బొజ్జ గణపయ్య.. గంగమ్మ ఒడికి చేరాడు. జిల్లా కేంద్రంలో బుధవారం రాత్రి ప్రారంభమైన వినాయక విగ్రహాల నిమజ్జన శోభాయాత్ర గురువారం కనులపండువగా సాగింది. గణపతి బప్పా మోరియా నినాదాలు, డప్పు చప్పుళ్లతో పురవీధులు మారుమోగాయి. వరుసగా కదులుతున్న గణనాథులను చూడడానికి వేలాది మంది తరలివచ్చారు. దీంతో పట్టణం జనసంద్రంగా మారింది. ఇందిరాచౌక్‌ వద్ద విశ్వహిందూ పరిషత్‌, ఉత్సవ కమిటీల ప్రతినిధులు విగ్రహాలకు స్వాగతం పలికి నిర్వాహకులను ఘనంగా సన్మానించారు. డప్పు చప్పుళ్లు, నాసిక్‌ డోల్‌, తీన్మార్‌ బ్యాండ్‌ల దరువులకు అనుగుణంగా యువత ఉత్సాహంగా నృత్యం చేసింది. ధర్మశాల నుంచి మొదలైన నిమజ్జన శోభాయాత్ర సిరిసిల్లరోడ్‌, ఇందిరా చౌక్‌, రైల్వేస్టేషన్‌ రోడ్‌, సుభాష్‌ రోడ్‌, మాయాబజార్‌, పాంచ్‌రస్తా, గోపాలస్వామిరోడ్‌, పెద్దబజార్‌, రైల్వే కమాన్‌, నిజాంసాగర్‌ చౌరస్తా మీదుగా టేక్రియాల్‌ చెరువు వరకు సాగింది.శోభాయాత్ర, నిమజ్జనం ప్రశాంత వాతావరణంలో ముగిసేలా జిల్లా పోలీస్‌ యంత్రాంగం పకడ్బందీ బందోబస్తు నిర్వహించింది. ఎస్పీ రాజేశ్‌ చంద్ర పర్యవేక్షణలో డీఎస్పీలు, సీఐలు, ఎస్సైలు, ప్రత్యేక బలగాలు బందోబస్తు విధుల్లో పాల్గొన్నాయి. మున్సిపల్‌ పర్సన్‌ ఉమారాణి, మున్సిపల్‌ కమిషనర్‌ పర్వతాలు తదితరులు శోభాయాత్ర, నిమజ్జన ఏర్పాట్లను ఎప్పటికప్పుడు పరిశీలించారు. జిల్లా కేంద్రంలో గణేష్‌ నిమజ్జనోత్సవం ప్రశాంతంగా ముగియడంతో అధికారులు ఊపిరి పీల్చుకున్నారు.టేక్రియాల్‌ పెద్ద చెరువు వద్ద మున్సిపల్‌, రెవెన్యూ, విద్యుత్‌ శాఖల ఆధ్వర్యంలో పటిష్ట ఏర్పాట్లు చేశారు. నిమజ్జన ప్రక్రియ వేగవంతంగా పూర్తయ్యేలా భారీ క్రేన్లు, డోజర్లను అందుబాటులో ఉంచారు. ఎలాంటి అవాంఛనీయ ఘటనలు జరగకుండా చెరువు లోతు ప్రాంతాల వద్ద మున్సిపల్‌ సిబ్బంది, గజ ఈతగాళ్లు అందుబాటులో ఉన్నారు. ఘనంగా వినాయక విగ్రహాల నిమజ్జనోత్సవం నాసిక్‌ డోల్‌, డప్పు చప్పుళ్లతో మారుమోగిన పురవీధులు కనులపండువగా సాగిన శోభాయాత్ర

● జిల్లాకేంద్రంలో 22,206 మందికి నోటీసులు జారీ ● హియరింగ్‌కు 11,029 మందే..సాక్షి ప్రతినిధి, కామారెడ్డి : ఓటర్ల జాబితా ప్రత్యేక సమగ్ర సవరణ (సర్‌) ప్రక్రియ కొనసాగుతోంది. అనామలిస్‌ జాబితాలో ఉన్న ఓటర్లకు నోటీసులు జారీ చేసి హియరింగ్‌ నిర్వహిస్తున్నారు. జిల్లాలో 1,73,216 మంది ఓటర్లకు నోటీసులు జారీ కాగా.. 1,12,404 మంది హియరింగ్‌కు హాజరయ్యారు. మిగిలినవారు హియరింగ్‌కు దూరంగా ఉన్నట్లు నివేదికలు చెబుతున్నాయి. కాగా ఈ ప్రక్రియకు పట్టణ ఓటర్ల నుంచి స్పందన అంతంత మాత్రంగానే ఉంది. ముఖ్యంగా కామారెడ్డి జిల్లా కేంద్రంలో 26,108 మందికి నోటీసులు సిద్ధం చేసి, 22,206 మందికి అందజేశారు. ఇంకా 3,902 మందికి నోటీసులు చేరాల్సి ఉంది. అయితే నోటీసుల్లో పేర్కొన్న తేదీలలో 11,029 మంది మాత్రమే హియరింగ్‌కు హాజరయ్యారు. అందులో 8,988 మంది వివరాలను ఆన్‌లైన్‌లో నమోదు చేసి ఫైనల్‌ పబ్లికేషన్‌లో చేర్చనున్నారు. మిగిలినవారు హియరింగ్‌కు హాజరుకాలేదు. కామారెడ్డి మండలంలోని గ్రామాల్లో కూడా ఓటర్లు ఆసక్తి చూపడం లేదు. 11,716 మందికి నోటీసులు జారీ కాగా.. 4,591 మంది మాత్రమే హియరింగ్‌కు హాజరై ఆధారాలను సమర్పించారు. మిగతా ప్రాంతాల్లో ఓటర్లు తమకు వచ్చిన నోటీసులను పట్టుకుని బీఎల్‌వోల దగ్గరకు వెళ్లి ఆధారాలను సమర్పించడానికి ఆసక్తి చూపుతుంటే కామారెడ్డి పట్టణంలో మాత్రం అందుకు భిన్నంగా పరిస్థితి ఉంది. అనామలిస్‌ జాబితాలో ఉన్న ఓటర్లలో 34.08 శాతం మాత్రమే సరైన ఆధారాలు చూపించారని అధికారులు చెబుతున్నారు. మిగతా పట్టణాలలో.. బిచ్కుంద పట్టణంలో నోటీసులు అందుకున్నవారు హియరింగ్‌కు హాజరై వివరాలు సమర్పిస్తున్నారు. ఇక్కడ 1,937 మందికి నోటీసులు జారీ చేయగా.. 1,649 మంది హియరింగ్‌కు హాజరయ్యారు. ఎల్లారెడ్డి మున్సిపాలిటీలో 3,644 మందికి నోటీసులు జారీ కాగా.. 2,773 మంది హియరింగ్‌కు హాజరయ్యారు.బిచ్కుంద మండలంలో 92.52 శాతం మంది హియరింగ్‌కు హాజరయ్యారు. రాజంపేట మండలంలో 92.52 శాతం మంది, ఎల్లారెడ్డి మండలంలో 90.30 శాతం, పాల్వంచలో 86.91 శాతం, డోంగ్లీలో 84.31 శాతం, నాగిరెడ్డిపేటలో 80.78 శాతం, పిట్లంలో 76.14 శాతం హియరింగ్‌కు హాజరై ఆధారాలు సమర్పించారు.

● సీపీని కలిసిన బాధితులు నిజామాబాద్‌అర్బన్‌: ఏర్గట్ల మండలం తాళ్లారాంపూర్‌ వీడీసీ తమను సాంఘిక బహిష్కరణ చేసినట్లు 49 కుటుంబాలు ఆరోపించాయి. బుధవారం సీపీ సాయిచైతన్యను కలిసి సాంఘిక బహిష్కరణ చేసిన వారిపై చర్యలు తీసుకోవాలని వినతిపత్రం అందజేశారు. ఈ సందర్భంగా వారు మాట్లాడుతూ గ్రామానికి చెందిన 39 గౌడ, 10 ఎస్సీ కుటుంబాలను వీడీసీ సభ్యులు మంగళవారం సాంఘిక గ్రామ బహిష్కరణ చేసినట్లు తెలిపారు. బహిష్కరణ చేయడం ఇది రెండోసారని పేర్కొన్నారు. బహిష్కరణ చేసిన కుటుంబాలతో ఎవరూ మాట్లాడొద్దని, సామగ్రి ఇవ్వొద్దని కిరాణా దుకాణాల్లో సైతం వీడీసీ ఆంక్షలు విధించినట్లు తెలిపారు. ఎవరైనా మాట్లాడినా, సరుకులు ఇచ్చినా రూ.25వేల జరిమానా విధిస్తామని హుకుం జారీ చేసినట్లు పేర్కొన్నారు. గ్రామ బహిష్కరణకు ప్రధాన కారకులైన వీడీసీతోపాటు ఇతరులపై చర్యలు తీసుకోవాలని సీపీని కోరారు.

కామారెడ్డి టౌన్‌ : దేశం ఇంధన రంగంలో స్వయం సమృద్ధి సాధించడమే లక్ష్యంగా ముందుకు సాగాలని, అందులో యువత కీలక పాత్ర పోషించాలని జిల్లా సైన్స్‌ అధికారి సిద్ధరాంరెడ్డి పేర్కొన్నారు. బుధవారం జిల్లా కేంద్రంలోని ఆర్కిడ్స్‌ హైస్కూల్‌లో భారత ఇంధన బాస్కెట్‌–2047, అవకాశాలు, సవాళ్లు అనే అంశంపై జిల్లా స్థాయి సైన్స్‌ సెమినార్‌ను నిర్వహించారు. ఈ సందర్భంగా సిద్ధరాంరెడ్డి మాట్లాడుతూ విద్యార్థులు చిన్నతనం నుంచే శాసీ్త్రయ ఆలోచనా విధానాన్ని పెంపొందించుకుని, భావి భారత శాస్త్రవేత్తలుగా ఎదిగి దేశ నిర్మాణంలో భాగస్వాములు కావాలని సూచించారు. సెమినార్‌లో పాల్గొన్న విద్యార్థులు భవిష్యత్‌ భారత ఇంధన అవసరాలు, సంప్రదాయేతర ఇంధన వనరుల ఆవశ్యకత, ఇంధన సంరక్షణపై ప్రదర్శనలిచ్చారు. ఈ ప్రదర్శనలో విజేతలకు బహుమతులను అందజేశారు. కార్యక్రమంలో పాఠశాల హెచ్‌ఎం గోవర్ధన్‌రెడ్డి, ఉపాధ్యాయులు ప్రతాప్‌రెడ్డి, కృష్ణాకర్‌, సురేష్‌, మల్లేష్‌, లలిత పాల్గొన్నారు.● పాఠాలు పక్కనపెట్టి విద్యార్థులకు సినిమా చూపించిన లెక్చరర్‌ మద్నూర్‌: మండల కేంద్రంలోని రాం సుఖ్‌ బాల్‌ముకుంద్‌ ఇనాని ప్రభుత్వ జూనియర్‌ కళాశాలలో డిజిటల్‌ క్లాస్‌ల నిర్వహణకు ఉపయోగించాల్సిన తెరపై బుధవారం సినిమాను ప్రదర్శించారు. ఇది వివాదాస్పదంగా మారింది. విద్యార్థులకు పాఠాలు చెప్పి వారి అభ్యున్నతికి కృషి చేయాల్సిన లెక్చరర్‌.. తరగతి గదిలో కాంచన సినిమా చూపించడంతో ఇతర గ్రూప్‌ల విద్యార్థులు ఇబ్బందిపడ్డారు. దీనిపై తోటి లెక్చరర్లు ప్రశ్నించగా.. సదరు లెక్చరర్‌ వారితో వాగ్వాదానికి దిగి, దుర్భాషలాడినట్లు తెలుస్తోంది. ఈ కళాశాలలో ఫలితాలు ఆశాజనకంగా ఉండడం లేదు. విద్యార్థులకు అదనపు తరగతులు నిర్వహించి, మంచి ఫలితాల కోసం కృషి చేయాల్సిన లెక్చరర్‌.. పాఠ్యాంశాలకు సంబంధంలేని సినిమా చూపించడం ఏమిటని విద్యాభిమానులు ప్రశ్నిస్తున్నారు. దీనిపై కళాశాల ప్రిన్సిపల్‌ పాండురంగ్‌ను వివరణ కోరగా.. తరగతి గదిలో సినిమా ప్రదర్శన విషయాన్ని ఇంటర్‌ నోడల్‌ అధికారి దృష్టికి తీసుకువెళ్లామని, సదరు లెక్చరర్‌పై చర్యలు తీసుకుంటామని తెలిపారు. మాచారెడ్డి: భవానీపేట శివారులో కామారెడ్డి – సిరిసిల్ల ప్రధాన రహదారి పక్కన గత ప్రభుత్వ హయాంలో చేపట్టిన డబుల్‌ బెడ్రూం ఇళ్ల నిర్మాణం అసంపూర్తిగా నిలిచిపోయింది. ఇక్కడ 42 ఇళ్ల నిర్మాణం చేపట్టారు. సుమారు 80 శాతం పనులు పూర్తయ్యాయి. నిధులు లేకపోవడంతో తర్వాతి పనులు పూర్తి చేయలేకపోయారు. ఆ తర్వాత పట్టించుకునేవారు లేకపోవడంతో నిర్మాణాల చుట్టూ పిచ్చి మొక్కలు పెరిగాయి. పాలకులు స్పందించి నిర్మాణాలను పూర్తి చేసి పంపిణీ చేయాలని పేదలు కోరుతున్నారు.

కామారెడ్డి క్రైం: గణేశ్‌ శోభాయాత్ర, నిమజ్జన కార్యక్రమాల్లో తగిన జాగ్రత్తలు పాటించాలని, ప్రతి ఒక్కరూ భద్రతకు ప్రాధాన్యతనిస్తూ ఉత్సవాలను సురక్షితంగా నిర్వహించుకోవాలని ఎస్పీ రాజేశ్‌ చంద్ర సూచించారు. కామారెడ్డిలోని కల్కి, ఏకదంత, శివసేన, బాల గణేష్‌ మండపాలను బుధవారం సందర్శించి పూజా కార్యక్రమాల్లో పాల్గొన్నారు. వినాయక నిమజ్జనం జరిగే అడ్లూర్‌ ఎల్లారెడ్డి (టేక్రియాల్‌) చెరువు ప్రాంతాన్ని సందర్శించి అధికారులకు సూచనలిచ్చారు. భక్తులకు ఎలాంటి అసౌకర్యం కలగకుండా, ట్రాఫిక్‌కు అంతరాయం లేకుండా ముందస్తు చర్యలు చేపట్టాలని అధికారులకు సూచించారు. బందోబస్తు, ట్రాఫిక్‌ నియంత్రణ, ప్రజల భద్రత, పార్కింగ్‌, గజ ఈతగాళ్లను సిద్ధంగా ఉంచడంలాంటి అంశాలపై ప్రత్యేక దృష్టి సారించాలన్నారు. కార్యక్రమంలో కామారెడ్డి డీఎస్పీ మధుసూదన్‌, టౌన్‌ ఎస్‌హెచ్‌వో నరహరి, రూరల్‌ సీఐ శ్రీధర్‌, దేవునిపల్లి ఎస్సై రంజిత్‌, సిబ్బంది పాల్గొన్నారు.

బీబీపేట/సదాశివనగర్‌(ఎల్లారెడ్డి): జిల్లాలోని పలు మండలాల్లో నిబంధనలు ఉల్లంఘిస్తూ వినియోగిస్తున్న డీజేలను పోలీసులు సీజ్‌ చేశారు. పలువురు నిర్వాహకులపై కేసులు నమోదు చేశారు. బీబీపేట మండల కేంద్రంలో ఓ యూత్‌ ఆధ్వర్యంలో వినాయక నిమజ్జనానికి అనుమతి లేకుండా పెట్టిన డీజేను పోలీసులు పట్టుకున్నారు. స్టేషన్‌కు తరలించి కేసు నమోదు చేసినట్లు ఎస్సై నవీన్‌ చంద్ర తెలిపారు. సదాశివనగర్‌ మండలంలోని ధర్మారావ్‌పేట్‌, అమర్లబండ గ్రామాల్లో డీజే నిర్వాహకులు, ఆపరేటర్లపై కేసు నమోదు చేసినట్లు ఎస్సై పుష్పరాజ్‌ తెలిపారు. ప్రజలకు ఇబ్బంది కలిగించేలా డీజేలు, ఇతర శబ్ద పరికరాలు వినియోగిస్తే చట్టప్రకారం చర్యలు తీసుకుంటామని హెచ్చరించారు.

కామారెడ్డి క్రైం: వినాయక విగ్రహాల నిమజ్జనోత్సవం సందర్భంగా జిల్లా కేంద్రంలో పోలీసుశాఖ భారీ బందోబస్తు ఏర్పాటు చేసింది. అధికారులు, సిబ్బంది కలిపి మొత్తం 420 మందికి విధులు కేటాయించారు. ఇందులో ముగ్గురు డీఎస్పీలు, 15 మంది సీఐలు, 16 మంది ఎస్సైలు, ఇతర సిబ్బంది ఉన్నారు. శోభాయాత్ర మార్గంలో 3 డ్రోన్లు, 162 అదనపు సీసీ కెమెరాలతో ప్రత్యేక నిఘా ఏర్పాటు చేశారు. జనసంచారం అధికంగా ఉండే ప్రాంతాలు, ప్రధాన ట్రాఫిక్‌ జంక్షన్లు, నిమజ్జన ఘాట్ల వద్ద అదనపు బందోబస్తు ఏర్పాటు చేయడంతో పాటు అవసరమైన చోట బారికేడ్లు, ట్రాఫిక్‌ మళ్లింపు చర్యలు చేపట్టారు. ఎక్కడైనా అనుమానాస్పద వ్యక్తులు, వస్తువులు కనిపించినా లేదా ఏదైనా అవాంఛనీయ పరిస్థితి ఎదురైనా వెంటనే సమీపంలోని పోలీసులకు లేదా డయల్‌ 112కు సమాచారం అందించాలని పోలీసులు సూచిస్తున్నారు.

● మరో ఇద్దరికి తీవ్ర గాయాలురామారెడ్డి: కామారెడ్డి జిల్లా రామారెడ్డి మండల కేంద్ర శివారులో ఎదురెదురుగా వస్తున్న రెండు బైక్‌లు ఢీకొన్న ఘటనలో దంపతులిద్దరు మృతి చెందారు. మరో ఇద్దరికి తీవ్ర గాయాలయ్యాయి. వివరాలిలా ఉన్నాయి. రామారెడ్డి మండలం మద్దికుంటకు చెందిన దుంపల రాజయ్య (45), బాలమణి(40) దంపతులు బుధవారం సాయంత్రం కామారెడ్డినుంచి స్వగ్రామానికి బైక్‌పై వెళ్తున్నారు. రామారెడ్డి శివారులోని సబ్‌స్టేషన్‌ సమీపంలో ఎదురుగా వస్తున్న బైక్‌ వీరిని ఢీకొట్టింది. ఆ బైక్‌పై నలుగురు వ్యక్తులున్నారు. ఈ ప్రమాదంలో రాజయ్య, బాలమణితోపాటు మరోబైక్‌పై ఉన్న రామారెడ్డి మండల కేంద్రానికి చెందిన రాఘవేంద్ర, నరేందర్‌ తీవ్రంగా గాయపడ్డారు. వీరిని కామారెడ్డి ఆస్పత్రికి తరలించగా.. అక్కడ చికిత్స పొందుతూ రాజయ్య, బాలమణి మృతిచెందారు. మృతులకు ఒక కుమారుడు, ఒక కూతురు ఉన్నారు. ఇటీవలే కూతురు వివాహం జరిగింది. రామారెడ్డి పోలీసులు కేసు నమోదు చేసుకున్నారు.

ఆర్మూర్‌: మండలంలోని అంకాపూర్‌ గ్రామంలో లచ్చాగౌడ్‌, వీడీసీ ఫంక్షన్‌ హాల్‌లో హిందూ సేవా సమితి ఆధ్వర్యంలో ఏర్పాటు చేసిన కర్ర గణపతి విగ్రహానికి సీపీ సాయిచైతన్య బుధవారం ప్రత్యేక పూజలు నిర్వహించారు. అనంతరం నిర్వాహకులతో మాట్లాడుతూ గణేశ్‌ నవరాత్రులను భక్తిశ్రద్ధలతో ప్రశాంతమైన వాతావరణంలో నిర్వహించుకోవాలన్నారు. ప్రజల భద్రతకు పోలీస్‌ శాఖ అన్ని రకాల భద్రతా చర్యలు చేపడుతోందని, ప్రజలు పోలీస్‌ శాఖకు సహకరించాలని కోరారు. సీపీ వెంట ఆర్మూర్‌ ఏసీపీ వెంకటేశ్వర రెడ్డి, ఎస్‌హెచ్‌వో సత్యనారాయణ గౌడ్‌, అంకాపూర్‌ సర్పంచ్‌ దేవేందర్‌, బుర్రన్న, రాజన్న, రమణారెడ్డి, హిందూ సేవా సమితి సభ్యులు, గ్రామస్తులు పాల్గొన్నారు.

● నిధులు మంజూరైనా ప్రారంభం కాని ప్యాచ్‌ వర్క్‌లు ● గుంతలతో ఇబ్బందిపడుతున్న వాహనదారులుఎల్లారెడ్డిరూరల్‌: గ్రామీణ రహదారులు అధ్వానంగా మారాయి. రోడ్డు దెబ్బతిని గుంతలమయంగా మారడంతో వాహనదారులు ఇబ్బందులు పడుతున్నారు. ఎల్లారెడ్డి మండలంలోని తిమ్మారెడ్డి, వెల్లుట్ల, అడివిలింగాల, కల్యాణి గ్రామాలకు వెళ్లే రోడ్లు దెబ్బతిన్నాయి. దీంతో రాకపోకలకు ఇబ్బందులు ఎదురవుతున్నాయి. గుంతల మరమ్మతుల కోసం నిధులు మంజూరైనప్పటికీ రోడ్డు ప్యాచ్‌ వర్కులు చేయడానికి ఎవరూ ముందుకు రావడం లేదని తెలుస్తోంది. దీంతో పనులు జరగడం లేదు. మరోవైపు గుంతల దారిలో ప్రయాణించడానికి వాహనదారులు అష్టకష్టాలు పడుతున్నారు. ఆరోగ్య సమస్యలు వస్తున్నాయని, వాహనాలు చెడిపోతున్నాయని పేర్కొంటున్నారు. ఉన్నతాధికారులు స్పందించి త్వరగా ప్యాచ్‌ వర్క్‌లు ప్రారంభమయ్యేలా చూడాలని కోరుతున్నారు. ఈ విషయమై ఎల్లారెడ్డి పంచాయతీరాజ్‌ ఏఈ పిచ్చయ్యను వివరణ కోరగా.. అడివిలింగాల, తిమ్మారెడ్డి, వెల్లుట్ల గ్రామాలకు సంబంధించిన రోడ్ల మరమ్మతులకు టెండర్‌ ప్రక్రియ పూర్తయ్యిందని, అగ్రిమెంట్‌ పూర్తి కాగానే పనులను ప్రారంభిస్తామని తెలిపారు.

● జిల్లా కేంద్రంలో వైభవంగా నిమజ్జనోత్సవం ప్రారంభం ● శోభాయాత్రను ప్రారంభించిన కలెక్టర్‌ ఆశిష్‌ సంగ్వాన్‌, ఎస్పీ రాజేశ్‌ చంద్రనిమజ్జనానికి తరలుతున్న యువజన సమాఖ్య గణనాథుడుకామారెడ్డి టౌన్‌ : నవరాత్రులు పూజలందుకున్న లంబోదరుడికి భక్తులు ఘనంగా వీడ్కోలు పలికారు. జిల్లా కేంద్రంలో వినాయక విగ్రహాల నిమజ్జనోత్సవ శోభాయాత్ర బుధవారం రాత్రి వైభవంగా ప్రారంభమైంది. పట్టణంలోని ధర్మశాల వద్ద యువజన సమాఖ్య వినాయకుడికి కలెక్టర్‌ ఆశిష్‌ సంగ్వాన్‌, ఎస్పీ రాజేశ్‌ చంద్ర ప్రత్యేక పూజలు నిర్వహించి శోభాయాత్రను ప్రారంభించారు. నిమజ్జనోత్సవాన్ని తిలకించేందుకు పట్టణవాసులతో పాటు సమీప గ్రామాల నుంచి భక్తులు భారీ సంఖ్యలో తరలివచ్చారు. దీంతో సుభాష్‌ రోడ్డు, జేపీఎన్‌ రోడ్డు, సిరిసిల్ల రోడ్డు, మాయాబజార్‌, పాంచ్‌రస్తా, పెద్దబజార్‌, పాత పట్టణ వీధులు భక్తజనంతో కిటకిటలాడాయి. పట్టణంలో సుమారు 400లకు పైగా విగ్రహాలను ప్రతిష్టించగా భారీ విగ్రహాలను వాహనాల్లోకి ఎక్కించేందుకు మున్సిపాలిటీ, పోలీస్‌, రెవెన్యూ శాఖల ఆధ్వర్యంలో భారీ క్రేన్లను ఏర్పాటు చేశారు. టేక్రియాల్‌ చెరువులో విగ్రహాలను నిమజ్జనం చేయనున్నారు. ఇందిరాచౌక్‌ వద్ద విశ్వహిందూ పరిషత్‌ ఆధ్వర్యంలో వేదిక ఏర్పాటు చేసి మండపాల నిర్వాహకులను ఘనంగా సన్మానించారు. ఆకట్టుకున్న విగ్రహాలు.. శోభాయాత్రలో భారీ విగ్రహాలతో పాటు విభిన్న రూపాల్లో కొలువుదీరిన గణనాథులు భక్తులను విశేషంగా ఆకట్టుకున్నాయి. వాహనాలను రంగురంగుల విద్యుత్‌ దీపాలు, పూలతో అలంకరించారు. నాసిక్‌ డోలు, డప్పు చప్పుళ్లు, యువకుల నృత్యాల నడుమ శోభాయాత్ర వైభవంగా సాగింది. కార్యక్రమంలో మున్సిపల్‌ చైర్‌పర్సన్‌ ఇప్ప ఉమారాణి, మున్సిపల్‌ కౌన్సిలర్లు, వివిధ శాఖల అధికారులు, భక్తులు పెద్ద సంఖ్యలో పాల్గొన్నారు.

● ఇంటి నిర్మాణాలు పూర్తయినా కరెంట్‌ కరువు ● పట్టించుకోని అధికారులు ● ఇబ్బంది పడుతున్న లబ్ధిదారులుదోమకొండ: ఇందిరమ్మ ఇళ్ల నిర్మాణం పూర్తి చేసుకున్న లబ్ధిదారులకు విద్యుత్‌ కనెక్షన్లు అందక ఇబ్బందులు ఎదురవుతున్నాయి. ఇళ్లు నిర్మించుకున్నా కరెంట్‌ లేకపోవడంతో చీకట్లోనే గడపాల్సిన పరిస్థితి నెలకొంది. అధికారులు స్పందించి వెంటనే విద్యుత్‌ కనెక్షన్లు మంజూరు చేయాలని లబ్ధిదారులు కోరుతున్నారు. మండల కేంద్రానికి మొత్తం 164 ఇందిరమ్మ ఇళ్లు మంజూరు కాగా.. ఇప్పటి వరకు సుమారు 30 మంది లబ్ధిదారులు ఇళ్లు నిర్మాణాలను పూర్తి చేశారు. అయితే ఇళ్ల నిర్మాణాలు పూర్తయినా విద్యుత్‌ కనెక్షన్లు లేకపోవడంతో వారు తీవ్ర ఇబ్బందులు పడుతున్నారు. మరోవైపు దోమకొండలో ఇంటి నిర్మాణం పూర్తయినా కరెంట్‌ కనెక్షన్‌ లేక ఇబ్బందులు పడుతున్న మరో 10 మంది లబ్ధిదారులు ఉన్నారు. నిర్మాణం పూర్తయిన ఇళ్లకు విద్యుత్‌ సౌకర్యం కల్పించాల్సి ఉన్నప్పటికీ సంబంధిత అధికారులు పట్టించుకోవడం లేదని లబ్ధిదారులు ఆవేదన వ్యక్తం చేస్తున్నారు. అప్పులు చేసి, కూలి పనులు చేసుకుంటూ ఇళ్లు నిర్మాంచుకున్నామని, ఇప్పుడు విద్యుత్‌ కనెక్షన్‌ కోసం కార్యాలయాల చుట్టూ తిరగాల్సి వస్తోందని వాపోతున్నారు.

మండల కేంద్రంలోని శివరాంమందిర్‌ ప్రాంతంలో ఇందిరమ్మ పథకం కింద ఇల్లు మంజూరు కాగా నిర్మాణం పూర్తి చేశా. ఇప్పటికి ఇంటికి విద్యుత్‌ కనెక్షన్‌ ఇవ్వలేదు. ఇంటికి దూరంగా విద్యుత్‌ స్తంభాలు ఉన్నాయని, అదనపు విద్యుత్‌ స్తంబాలు బిగించిన తర్వాత ఇస్తామని అధికారులు చెబుతున్నారు. దీంతో నిర్మాణం పూర్తయినా గృహ ప్రవేశం చేయలేదు. విద్యుత్‌ కనెక్షన్‌ కోసం జీపీ, విద్యుత్‌ కార్యాలయాల చుట్టూ తిరుగుతున్నా అధికారులు స్పందించడం లేదు. – రేణుక, ఇందిరమ్మ లబ్ధిదారు, దోమకొండ

బాన్సువాడ రూరల్‌: మండలంలోని కొయ్యగుట్ట సమీపంలో బుధవారం మధ్యాహ్నం జరిగిన రోడ్డు ప్రమాదంలో సింగితం గ్రామానికి చెందిన కంచం ఇందు (21) అనే యువతి మృతి చెందింది. స్థానికులు, పోలీసుల కథనం ప్రకారం.. సింగీతం గ్రామంలోని బాగ్వాన్‌బాబకు చెందిన పప్పు బ్యాగులతో కూడిన ప్యాసింజర్‌ ఆటో బాన్సువాడ వైపు వస్తోంది. ఆటోలోని డ్రైవర్‌ పక్కన సీటులో ఇందు కూర్చొని ప్రయాణిస్తుంది. కొయ్యగుట్ట సమీపంలో ఆటో అదుపుతప్పి బోల్తా పడింది. ఇందుపై ఆటో పడటంతో ఆమె అక్కడికక్కడే మృతి చెందగా, డ్రైవర్‌ స్వల్పగాయాలతో బయటపడ్డాడు. మృతురాలి తల్లి లక్ష్మి ఫిర్యాదు మేరకు బాన్సువాడ పోలీసులు కేసు దర్యాప్తు చేస్తున్నారు. కాగా, కంచం ఇందు తండ్రి చనిపోయాడని, భర్త కొన్నేళ్ల క్రితం వదిలేశాడు. మూడేళ్ల కుమారుడు, అనారోగ్యంతో బాధపడుతున్న తల్లి లక్ష్మి, చెల్లెలితో కలిసి ఉండేది. ఇళ్లలో పనిచేస్తూ కుమారుడు, తల్లి, చెల్లిని పోషించేదని, ఆమె మృతితో వారంతా అనాథలయ్యారని గ్రామస్తులు తెలిపారు. తాడ్వాయి(ఎల్లారెడ్డి): ఆర్థిక ఇబ్బందులతో ఒకరు ఆత్మహత్యకు పాల్పడిన ఘటన తాడ్వాయి మండలం కృష్ణాజివాడి గ్రామంలో బుధవారం చోటు చేసుకుంది. పోలీసులు తెలిపిన వివరాల ప్రకారం..గ్రామానికి చెందిన తొడెంగల స్వామి(42) అలియాస్‌ టింగుల సాయిలు కృష్ణాజివాడి శివారులో కొంత భూమిని కౌలుకు తీసుకొని వ్యసాయం చేసుకుంటూ జీవనం గడుపుతున్నాడు. ఈ క్రమంలో అప్పులు పెరిగాయి. అప్పు తీర్చే మార్గంలేక తీవ్ర మనస్తాపానికి గురై, జీవితంపై విరక్తితో స్వామి గ్రామ శివారులోని చెట్టుకు ఉరేసుకొని ఆత్మహత్యకు పాల్పడ్డాడు. మృతుడికి భార్య స్వాతి, ఇద్దరు కుమారులు ఉన్నారు. భార్య ఫిర్యాదు మేరకు కేసు నమోదు చేసుకొని మృతదేహాన్ని కామారెడ్డి ప్రభుత్వ ఆస్పత్రికి తరలించినట్లు పోలీసులు తెలిపారు. గాంధారి(ఎల్లారెడ్డి): అవమానం భరించలేక ఒకరు ఆత్మహత్యకు పాల్పడిన ఘటన గాంధారి మండల కేంద్రంలో బుధవారం చోటు చేసుకుంది. ఎస్సై మహేందర్‌ తెలిపిన వివరాల ప్రకారం.. గ్రామానికి చెందిన బుర్రి సంతోష్‌ (35) తాను ఉంటున్న కాలనీకి చెందిన ఓ మహిళకు మంగళవారం రాత్రి ఫోన్‌ చేశాడని సదరు మహిళ కుమారులకు చెప్పింది. దీంతో ఆమె ఇద్దరు కొడుకులు ప్రభుత్వ ప్రాథమిక పాఠశాల సమీపంలో రోడ్డుపై సంతోష్‌ను పట్టుకొని చితకబాదారు. రాత్రి ఇంటికి వచ్చి పడుకున్న సంతోష్‌ బుధవారం ఉదయం ఇంటి నుంచి బయటికి వెళ్లాడు. వాగు అవతలి వైపు పెద్దమ్మ చెలక శివారులో చెట్టుకు ఉరేసుకొని ఆత్మహత్యకు పాల్పడ్డాడు. మృతుడి భార్య మానస ఫిర్యాదు మేరకు మహిళతోపాటు ఆమె ఇద్దరు కొడుకులపై కేసు నమోదు చేసినట్లు ఎస్సై తెలిపారు. రైలు కిందపడి గుర్తు తెలియని వృద్ధుడు.. డిచ్‌పల్లి: డిచ్‌పల్లి రైల్వేస్టేషన్‌కు సమీపంలో బుధవారం మధ్యాహ్నం గుర్తుతెలియని వృద్ధుడు (50) గూడ్స్‌ రైలు కిందపడి ఆత్మహత్యకు పాల్పడినట్లు ఎస్సై సాయిరెడ్డి తెలిపారు. మృతుడిని గుర్తించేందుకు ఎలాంటి ఆధారాలు లభించలేదని పేర్కొన్నారు. సంబంధీకులు ఎవరైనా ఉంటే నిజామాబాద్‌ రైల్వే పోలీసులను సంప్రదించాలని తెలిపారు. కేసు దర్యాప్తు చేస్తున్నట్లు ఎస్సై పేర్కొన్నారు. తాడ్వాయి(ఎల్లారెడ్డి): వ్యవసాయ పొలంలో విద్యుదాఘాతంతో రైతు మరణించిన ఘటన తాడ్వాయి మండలం చందాపూర్‌లో బుధవారం చోటు చేసుకుంది. ఎస్సై నరేశ్‌ తెలిపిన ప్రకారం.. చందాపూర్‌ గ్రామానికి చెందిన ఎండీ నాజర్‌ అహ్మద్‌(57) పంటకు నీరు పెట్టేందుకు మధ్యాహ్నం పొలానికి వెళ్లాడు. స్టార్టర్‌లో మరమ్మతులు చేసేందుకు ప్రయత్నిస్తుండగా విద్యుత్‌ సరఫరా కావడంతో షాక్‌కు గురై కింద పడిపోయాడు. విషయం తెలుసుకున్న కుటుంబసభ్యులు ఘటనా స్థలానికి చేరుకొని, అపస్మారకస్థితిలో ఉన్న నాజర్‌ను చికిత్స నిమిత్తం కామారెడ్డి ప్రభుత్వ ఆస్పత్రికి తరలించారు. వైద్యులు పరీక్షించి నాజర్‌ మృతి చెందినట్లు నిర్ధారించారు. మృతుడి బంధువు మొహమ్మద్‌ ఫహీం ఫిర్యాదు మేరకు కేసు నమోదు చేసుకొని దర్యాప్తు చేస్తున్నామని ఎస్సై వివరించారు. జనగామలో మహిళ.. బీబీపేట: ఇంటి వద్ద బల్బును అమర్చే క్రమంలో ప్రమాదవశాత్తు విద్యుత్‌ షాక్‌ తగిలి మహిళ మృతి చెందిన ఘటన బుధవారం జనగామ గ్రామంలో చోటు చేసుకుంది. ఎస్సై నవీన్‌చంద్ర తెలిపిన వివరాల ప్రకారం.. గ్రామానికి చెందిన బైకరి నర్సవ్వ (55) ఇంటి వద్ద బల్బును పెడుతుండగా విద్యుత్‌ షాక్‌ తగిలి అక్కడికక్కడే మరణించింది. పోలీసులు ఘటన స్థలానికి చేరుకొని, మృతదేహాన్ని పోస్టుమార్టం కోసం కామారెడ్డి ఆస్పత్రికి తరలించారు. వర్ని: మండలంలోని ఓ తండాకు చెందిన వివాహిత, మూడేళ్ల కుమారుడు అదృశ్యమైనట్లు ఎస్సై వంశీకృష్ణారెడ్డి తెలిపారు. ఈ నెల 21న ఆస్పత్రికి వెళ్లిన ఆమె తిరిగి రాలేదు. కుటుంబీకులు పలుచోట్ల వెతికినా ఆచూకీ లభించలేదు. కుటుంబ సభ్యుల ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఎస్సై తెలిపారు.

● ఎన్‌డీసీసీబీ సీఈవో నాగభూషణం వందే సుభాష్‌నగర్‌: సహకార ప్రబోధిని విద్యా మాసపత్రిక సహకార రంగంలో విశేష సేవలు అందిస్తుందని ఎన్‌డీసీసీబీ సీఈవో నాగభూషణం వందే తెలిపారు. బుధవారం సహకార ప్రబోధిని మాస పత్రిక సంపాదకుడు భూమయ్య సాంబరపు జిల్లా కేంద్రంలోని ఎన్‌డీసీసీబీ ప్రధాన కార్యాలయాన్ని సందర్శించారు. ఈ సందర్భంగా నాగభూషణం వందే మాట్లాడుతూ సహకార రంగంలో ఆయన చేస్తున్న విశిష్ట సేవలకు గుర్తింపుగా, ఐక్యరాజ్యసమితి ఆధ్వర్యంలో న్యూయార్క్‌లో నిర్వహించనున్న అంతర్జాతీయ సహకార ఆర్థిక సంస్థల సింపోజియానికి హాజరై అనుభవాలు, అభిప్రాయాలు పంచుకోవాలని ప్రత్యేక ఆహ్వానం అందడం విశేషమని కొనియాడారు. ప్రపంచ స్థాయి వేదికపై సహకార రంగానికి సంబంధించిన చర్చల్లో పాల్గొనే అవకాశం లభించడం భూమయ్య సాంబరపు సహకార రంగ సేవలకు లభించిన ప్రత్యేక గుర్తింపుగా భావించవచ్చన్నారు. సహకార రంగానికి సంబంధించిన విజ్ఞానాన్ని విస్తృతంగా ప్రజల్లోకి తీసుకెళ్తూ ‘సహకార ప్రబోధిని’ ద్వారా అందిస్తున్న సేవలు అభినందనీయమని కొనియాడారు. అనంతరం భూమయ్యను సీఈవో ఘనంగా సత్కరించారు. అనంతరం సహకార రంగ అభివృద్ధి, సహకార బ్యాంకుల పాత్ర తదితర అంశాలపై వారితో చర్చించారు. కార్యక్రమంలో బ్యాంకు ఉన్నతాధికారి అనుపమ, ఉద్యోగులు పాల్గొన్నారు.

రుద్రూర్‌: విద్యుత్‌ సరఫరాను మరింత మెరుగుపరిచేందుకు చర్యలు చేపడుతున్నట్లు టీజీఎన్పీడీసీఎల్‌ ఎస్‌ఈ రాజేశ్వర్‌రావు అన్నారు. మండలంలోని అంబం (ఆర్‌) విద్యుత్‌ సబ్‌స్టేషన్‌కు గ్రామశివారులో ఏర్పాటు చేసిన 3 మెగావాట్ల సామర్థ్యం గల సౌర విద్యుత్‌ ప్లాంట్‌ గ్రిడ్‌కు అనుసంధానించి బుధవారం టెక్నికల్‌ చార్జింగ్‌ చేశారు. ఈ ప్లాంట్‌ అందుబాటులోకి రావడంతో స్థానికంగా విద్యుత్‌ సరఫరా మెరుగుపడుతుందని అధికారులు తెలిపారు. రాయకూర్‌, అంబం(ఆర్‌) సబ్‌స్టేషన్‌లకు ఐదు మెగావాట్ల సౌర విద్యుత్‌ అందుతున్నట్లు పేర్కొన్నారు. కార్యక్రమంలో డీఈ వెంకటరమణ, మహమ్మద్‌ ముక్తార్‌, ఏడీఈ నవీన్‌ రెడ్డి, ఏఈ శ్రీనివాస్‌, సబ్‌ ఇంజనీర్లు నవీన్‌కుమార్‌, గిరిధర్‌, ఎస్‌ఎల్‌ఐ శ్రీనివాస్‌ తదితరులు పాల్గొన్నారు.

కామారెడ్డి క్రైం: ఆహార భద్రతపై ప్రత్యేక దృష్టి సారించాలని కలెక్టర్‌ ఆశిష్‌ సంగ్వాన్‌ అధికారులను ఆదేశించారు. కలెక్టరేట్‌లో జిల్లా స్థాయి ఆహార భద్రత సలహా మండలి సమావేశాన్ని బుధవారం నిర్వహించారు. జిల్లాలో ఆహార భద్రత ప్రమాణాల అమలు, ఆహార పదార్థాల నాణ్యత, పరిశుభ్రత, ప్రజలకు సురక్షితమైన ఆహారం అందేలా చేపట్టాల్సిన చర్యలపై సమీక్షించారు. పాఠశాలలు, వసతి గృహాల్లో పరిశుభ్రమైన వాతావరణం, సురక్షిత తాగునీటి లభ్యతను నిర్ధారించేందుకు క్రమం తప్పకుండా తనిఖీలు నిర్వహించాలని సూచించారు. నిబంధనలు పాటించని ఫుడ్‌ బిజినెస్‌ ఆపరేటర్లపై కఠిన చర్యలు తీసుకోవాలన్నారు. కార్యక్రమంలో అదనపు కలెక్టర్‌ గిరి, ఫుడ్‌ సేఫ్టీ ఆఫీసర్‌ విక్రమ్‌, జిల్లా సంక్షేమ అధికారి ప్రసన్న, డీపీవో మురళి తదితరులు పాల్గొన్నారు.

కామారెడ్డి రూరల్‌: కామారెడ్డి మున్సిపల్‌ పరిధిలోని టేక్రియాల్‌ గ్రామ శివారు బైపాస్‌ రోడ్డుపై ఆలుగడ్డల లోడ్‌తో వెళ్తున్న లారీ బుధవారం బోల్తా పడింది. ఈ ప్రమాదంలో డ్రైవర్‌, క్లీనర్‌కు గాయాలయ్యాయి. దేవునిపల్లి పోలీసులు, స్థానికులు తెలిపిన వివరాల ప్రకారం.. నాగపూర్‌ నుంచి హైదరాబాద్‌ వైపు ఆలుగడ్డల లోడ్‌తో వెళ్తున్న లారీ టేక్రియాల్‌ బైపాస్‌ రోడ్డుపై అదుపుతప్పి బోల్తా పడింది. గమనించిన స్థానికులు పోలీసులకు సమాచారం అందించారు. ఘటనా స్థలానికి చేరుకున్న దేవునిపల్లి పోలీసులు గాయపడిన డ్రైవర్‌, క్లీనర్‌లను చికిత్స నిమిత్తం కామారెడ్డి ప్రభుత్వ ఆస్పత్రికి తరలించారు. కేసు దర్యాప్తు చేపడుతున్నట్లు దేవునిపల్లి పోలీసులు తెలిపారు.

● పార్కింగ్‌లేక.. రోడ్లపైనే వాహనాలు ● నిబంధనలు కాగితాలకే పరిమితం ● ట్రాఫిక్‌ రద్దీతో వాహనదారుల అవస్థలు బాన్సువాడ: బాన్సువాడ పట్టణంలో వాణిజ్య భవనాల నిర్మాణంలో నిబంధనలు గాలికొదిలేస్తున్నారు. భవన నిర్మాణ అనుమతులు తీసుకునే సమయంలో సెల్లార్‌ పార్కింగ్‌ చూపిస్తున్నా.. నిర్మాణం పూర్తయ్యే నాటికి ఆ ప్రాంతాన్ని వ్యాపార అవసరాలకు వినియోగిస్తున్నారనే ఆరోపణలు ఉన్నాయి. దీంతో ప్రధాన రహదారులు, వాణిజ్య ప్రాంతాల్లో పార్కింగ్‌ సమస్య రోజురోజుకూ తీవ్రమవుతోంది. వాహనాలను రోడ్లపైనే నిలిపివేయడంతో ట్రాఫిక్‌కు అంతరాయం కలుగుతోంది. 50 వేలకు పైగా జనాభా.. బాన్సువాడ మున్సిపల్‌ పరిధిలోని పలు ప్రాంతాల్లో భారీగా వాణిజ్య భవనాలు వెలుస్తున్నాయి. 19 వార్డుల్లో సుమారు 20 వేలకు పైగా కుటుంబాలు ఉన్నట్లు అంచనా. మరోవైపు పట్టణ విస్తరణతో జనాభా కూడా పెరుగుతోంది. దీంతో ప్రధాన రహదారులపై వాహనాల రద్దీ అధికమవుతోంది. పార్కింగ్‌ కోసం ప్రత్యేక స్థలం లేకపోవడంతో రోడ్లపైనే వాహనాలు నిలుపుతున్నారు. వాణిజ్య భవనాల నిర్మాణానికి అనుమతులు ఇచ్చే సమయంలో సెల్లార్‌ పార్కింగ్‌ను తప్పనిసరిగా చూపిస్తున్నప్పటికీ.. నిర్మాణం పూర్తయిన తర్వాత పరిస్థితి మారుతోందన్న విమర్శలు ఉన్నాయి. కొన్ని భవనాల్లో పార్కింగ్‌ కోసం కేటాయించిన సెల్లార్‌ ప్రాంతాలను దుకాణాలు, ఇతర వ్యాపార కార్యకలాపాలకు వినియోగిస్తున్నట్లు తెలుస్తోంది. దీంతో భవనాలకు వచ్చే వినియోగదారులు వాహనాలను రోడ్లపైనే నిలపాల్సి వస్తోంది. అధికారుల తనిఖీలు శూన్యం పట్టణంలో కొత్తగా నిర్మిస్తున్న భవనాల్లో సెల్లార్‌ పా ర్కింగ్‌ నిబంధనలు అమలవుతున్నాయా లేదా అనే విషయంపై అధికారులు క్షేత్రస్థాయిలో పరిశీలించాల్సిన అవసరం ఉంది. అనుమతుల సమయంలో చూపించిన పార్కింగ్‌ స్థలాన్ని నిర్మాణం పూర్తయిన తర్వాత కూడా అదే విధంగా వినియోగిస్తున్నారా.. లేదా వ్యాపార అవసరాలకు మార్చేశారా? అనే అంశంపై తనిఖీలు చేపట్టాలని ప్రజలు కోరుతున్నారు. ఇకనైనా సంబంధిత ఉన్నతాధికారులు స్పందించి నిబంధనలు ఉల్లంఘించే వారిపై తగు చర్యలు తీసుకోవాల్సిన అవసరం ఎంతైనా ఉంది.

వేల్పూర్‌(ముప్కాల్‌): ముప్కాల్‌ మండల కేంద్రంలోని భూదేవి ఇండోర్‌ స్టేడియంలో 22 మంది క్రీడాకారులతో జిల్లా జూనియర్‌ బాలికల కబడ్డీ జట్టు ప్రాబబుల్స్‌ను బుధవారం ఖరారు చేసినట్లు కబడ్డీ అసోసియేషన్‌ జిల్లా అధ్యక్ష, కార్యదర్శి లింగయ్య, గంగాధర్‌రెడ్డి తెలిపారు. జట్టుకు ఏర్గట్ల మండల కేంద్రంలో పీడీ జ్యోతి పర్యవేక్షణలో వచ్చే నెల 1 నుంచి 6 వరకు శిక్షణ నిర్వహించి, ఫైనల్‌ జట్టును ఖరారు చేస్తారన్నారు. ఫైనల్‌ జట్టు వచ్చే నెల 9 నుంచి 11 వరకు భద్రాద్రి కొత్తగూడెంలో జరిగే అంతర్‌జిల్లా కబడ్డీ చాంపియన్‌షిప్‌లో పాల్గొంటుందని పేర్కొన్నారు. కార్యక్రమంలో సీనియర్‌ కబడ్డీ క్రీడాకారులు తిరుపతిరెడ్డి, ముప్కాల్‌ కబడ్డీ అసోసియేషన్‌ అధ్యక్షుడు ఏలేటి విజయ్‌, పీడీలు అశోక్‌, ప్రసాద్‌, రాజ్‌కుమార్‌, అనురాధ, జ్యోతి, కవిత, అన్వేష్‌, స్పోర్ట్స్‌ అకాడమీ కోచ్‌ సాయిలు, సురేశ్‌, శ్రీకాంత్‌, క్రీడాకారులు పాల్గొన్నారు.

కామారెడ్డి అర్బన్‌: పాండిచ్చేరిలో నిర్వహించిన 37వ సౌత్‌జోన్‌ జూనియర్‌ అథ్లెటిక్స్‌ చాంపియన్‌షిప్‌–2026 అండర్‌–16 బాలుర విభాగం లాంగ్‌ జంప్‌లో రజత పతకం సాధించిన కామారెడ్డి మై నారిటీ పాఠశాల పూర్వ విద్యార్థి ఏ.అభిలాష్‌గౌడ్‌ను మంగళవారం కలెక్టర్‌ ఆశిష్‌ సంగ్వాన్‌ అభినందించి స్పోర్ట్‌ మెటీరియల్‌ కోసం రూ.20వేల ఆర్థిక సహాయం అందజేశారు. కార్యక్రమంలో అడిషనల్‌ కలెక్టర్‌ ఎన్‌వై గిరి, జిల్లా క్రీడలు, యువజన అధికారి వెంకటేశ్వరగౌడ్‌, మైనారిటీ పాఠశాల ప్రిన్సిపల్‌ నాగరాజు చారి, పీఈటీ మనోజ్‌రెడ్డి, కోచ్‌ శివాగౌడ్‌, ఎస్‌ఎల్‌సీ భరత్‌ తదితరులున్నారు. సేవలను సద్వినియోగం చేసుకోవాలి మద్నూర్‌ : బ్యాంకు సేవలను ప్రజలు సద్వినియోగం చేసుకోవాలని తెలంగాణ గ్రామీణ బ్యాంక్‌ మేనేజర్‌ రవి అన్నారు. డోంగ్లీ బ్రాంచ్‌ తెలంగాణ బ్యాంకు మేనేజర్‌గా పనిచేసిన చంద్రకాంత్‌ బదిలీ కాగా, నూతనంగా మంగళవారం రవి మేనేజర్‌గా బాధ్యతలు స్వీకరించారు. కాంగ్రెస్‌ పార్టీ నాయకులు ప్రవీణ్‌కుమార్‌, గ్రామస్తులు ఇద్దరిని ఘనంగా సన్మానించారు. సంతోష్‌కుమార్‌, హన్మంత్‌, బస్వరాజ్‌, అనిల్‌, నితిన్‌, ఆశోక్‌ తదితరులున్నారు. కృత్రిమ మేధ పై వర్క్‌షాప్‌ రాజంపేట(భిక్కనూరు): రాజంపేట మండలం తలమడ్ల ప్రభుత్వ ఉన్నత పాఠశాలలో రోబోటిక్స్‌, కృత్రిమ మేధపై మంగళవారం వర్క్‌షాప్‌ నిర్వహించారు. ప్రభుత్వ ఉన్నత పాఠశాలలో లోకల అటల్‌ టింకరింగ్‌ ల్యాబ్‌లో బాఘంగా సోహం అకాడమీ ఆధ్వర్యంలో విద్యార్థుల చేత ప్రయోగాలను చేయించారు.

● బిచ్కుందలో పన్ను వసూలు టార్గెట్‌ రూ.3 కోట్లు ● ఒకేసారి పన్నుల భారం పెరగడంతో వ్యాపారుల్లో ఆందోళనబిచ్కుంద: గ్రామ పంచాయతీ స్థాయి నుంచి మున్సిపాలిటీగా మారిన బిచ్కుంద బల్దియా ఆదాయాన్ని పెంచుకునే దిశగా అడుగులు వేస్తోంది. ఈనేపథ్యంలో నిబంధనల ప్రకారం ఆస్తిపన్ను, వాణిజ్య పన్ను ఇతర రకాల రుసుమును లెక్కించి వసూలు చేసే ప్రక్రియకు అధికారులు శ్రీకారం చుట్టారు. ఈ పన్నుల ద్వారా మున్సిపాలిటీకి ఆదాయం గణనీయంగా పెంచాలనే లక్ష్యంగా పెట్టుకున్నారు. రూ. 3 కోట్ల వరకు ఆదాయం సమకూర్చాలనే అధికారులు టార్గెట్‌ నిర్దేశించుకున్నారు. జీపీ నుంచి బల్దియాగా... ఇప్పటి వరకు గ్రామ పంచాయతీ పరిధిలో కొనసాగిన పన్ను బిచ్కుంద మున్సిపాలిటీగా మారడంతో పరిపాలన విధానాల్లోను మార్పులు వచ్చాయి. పట్టణంలో ఉన్న ఇళ్లు, వ్యాపార సముదాయాలు ఇతర ఆస్తులకు బల్దియా నిబంధనల ప్రకారం అధికారులు పన్ను నిర్ధారణ చేపడుతున్నారు. గత జీపీలో ఉన్న పన్నుతో పోలిస్తే కొత్త పన్నులతో ప్రజలపై అదనపు ఆర్థిక భారం పడుతుండటంతో ప్రజలు, చిరువ్యాపారులు ఆందోళన చెందుతున్నారు. ముఖ్యంగా చిన్న వ్యాపారులు, చిరు వ్యాపారులు, అద్దె దుకాణాలపై ఆధారపడి జీవించే కుటుంబాలు కొత్త పన్ను విధానంతో అసంతృప్తి వ్యక్తం చేస్తున్నారు. 10 ఫీట్లు వెడల్పు, పొడవు ఉన్న దుకాణానికి గతంలో రూ.200 పన్ను ఉండేది. ఇప్పుడు ఏకంగా అధికారులు సుమారు వెయ్యి నుంచి రూ.1200 పెంచనున్నారు. భూమి విలువ ప్రకారం 0.25 శాతం కమర్షియల్‌ టాక్స్‌ విధించడం జరుగుతుందని అధికారులు చెబుతున్నారు. బల్దియాగా మారిన వెంటనే ఈస్థాయిలో పన్ను పెంచడం సరికాదని, విడతల వారీగా సర్దుబాటు చేయాలని ప్రజలు కోరుతున్నారు. ఏప్రిల్‌ నుంచి ఇప్పటి వరకు సుమారు రూ.12 లక్షలు వసూలు చేసినట్లు తెలుస్తోంది.ప్రజలు సకాలంలో పన్ను చెల్లించి బిచ్కుంద బ ల్దియా అభివృద్ధికి సహకారం అందించాలి. వసూలు చేసిన పన్నుతో మౌలిక సదుపాయాలు కల్పించడం జ రుగుతుంది. కనీసం రూ.3 కోట్లు పన్ను వసూలు చే యాలనే లక్ష్యంతో ఉన్నాం. గతంలో జీపీ పన్నుతో పో ల్చితే బల్దియా పన్ను ఎక్కువగా ఉంది. ప్రజలు, వ్యా పారస్తులు సహకారం అందించాలని కోరుతున్నాం. – శ్రీనివాస్‌, రెవెన్యూ అధికారి, బిచ్కుందబల్దియా ఆదాయం పెంచుకోవడం అవసరమే అయినప్పటికి ప్రజల నుంచి వసూలు చేస్తున్న పన్నులకు అనుగుణంగా మౌలిక వసతులు, పట్టణ సేవలు అందించాలనే ప్రజల నుంచి డిమాండ్‌ వినిపిస్తోంది. డ్రెయినేజీ వసతులు, పారిశుద్ధ్యం, రోడ్ల పరిిస్థితి, కలుషితమైన తాగునీరు వంటి సమస్యలను పరిష్కరించడంలో బల్దియా పూర్తిగా విఫలమైందని ఆరోపణలు ఉన్నాయి. పన్ను వసూళ్లపై ఉన్న శ్రద్ధ సమస్యల పరిష్కరించడంలో లేదని ప్రజలు, కొంత మంది కౌన్సిలర్లు బహిరంగంగానే ఆరోపిస్తున్నారు. అధికారులు పన్ను వసూళ్లతో పాటు మెరుగైన సేవలు అందించాలని ప్రజలకు కోరుతున్నారు.

కామారెడ్డి టౌన్‌ : వినాయక నవరాత్రి ఉత్సవాలు ముగింపు దశకు చేరుకున్నాయి. తొమ్మిది రోజుల పాటు ఘనంగా పూజలందుకున్న గణపయ్య.. గంగమ్మ ఒడికి చేరే సమయం ఆసన్నమైంది. జిల్లా కేంద్రంలో బుధవారం నిమజ్జనోత్సవాన్ని ప్రారంభించనున్నారు. రెండు రోజుల పాటు కనులపండువగా సాగే ఈ వేడుకకు అధికార యంత్రాంగం అన్ని ఏర్పాట్లూ చేసింది. రెండురోజులపాటు.. జిల్లా కేంద్రంలో సుమారు 400లకుపైగా గణేశ్‌ విగ్రహాలను ప్రతిష్ఠించారు. బుధవారం ప్రారంభమయ్యే ఈ నిమజ్జనోత్సవాలు గురువారం రాత్రి వరకు కొనసాగనున్నాయి. స్థానిక టేక్రియాల్‌ చెరువులో విగ్రహాలను నిమజ్జనం చేయనున్నారు. అవాంఛనీయ సంఘటనలు జరగకుండా పోలీసులు పటిష్ట బందోబస్తు ఏర్పాటు చేశారు. బుధవారం సాయంత్రం సిరిసిల్ల రోడ్డులోని ధర్మశాల వద్ద శోభాయాత్రను ప్రారంభించనున్నారు. రెండు రోజుల పాటు సాగే ఈ శోభాయాత్రను తిలకించడానికి సమీప గ్రామాల ప్రజలే కాకుండా, చుట్టుపక్కల జిల్లాల నుంచి భక్తులు తరలివస్తారు.కామారెడ్డి క్రైం: శోభాయాత్ర సందర్భంగా జిల్లా కేంద్రంలో బుధవారం సాయంత్రం 6 గంటల నుంచి తాత్కాలికంగా ట్రాఫిక్‌ను మళ్లించనున్నట్లు ఎస్పీ రాజేశ్‌ చంద్ర మంగళవారం ఒక ప్రకటనలో తెలిపారు. సాయంత్రం 6 గంటల నుండి గణేష్‌ విగ్రహాల నిమజ్జన శోభాయాత్ర పూర్తయ్యే వరకు భారీ వాహనాలకు కామారెడ్డి పట్టణంలోకి ప్రవేశం లేదని పేర్కొన్నారు. శోభాయాత్ర జరిగే మార్గంలో కూడా ఎలాంటి వాహనాలకు అనుమతి ఉండదని తెలిపారు. మళ్లింపు ఇలా.. ● కరీంనగర్‌ వైపు నుంచి కామారెడ్డికి వచ్చే వాహనాలు సిరిసిల్ల రోడ్‌లో ఉన్న బైపాస్‌ నుంచి జాతీయ రహదారి గుండా టేక్రియాల్‌ బైపాస్‌ మార్గం ద్వారా పట్టణంలోకి ప్రవేశించాల్సి ఉంటుంది. ● కామారెడ్డి నుంచి కరీంనగర్‌ వైపు వెళ్లే వాహనాలు కామారెడ్డి కొత్త బస్టాండ్‌ నుంచి ఇందిరాగాంధీ స్టేడియం మీదుగా టేక్రియాల్‌ బైపాస్‌ నుంచి సిరిసిల్ల బైపాస్‌ మార్గం ద్వారా వెళ్లాలి. ● కొత్త బస్టాండ్‌ నుంచి పాత బస్టాండ్‌ వైపు వెళ్లే వాహనాలు కొత్త బస్టాండ్‌ నుంచి అశోక్‌నగర్‌ రైల్వే గేట్‌ వరకు వచ్చి, కలెక్టర్‌ కార్యాలయం ముందు నుంచి గుమస్తా కాలనీ మీదుగా రామారెడ్డి వైపు, లేదా ఓం శాంతి భవనం వద్దనుంచి రాజీవ్‌నగర్‌ కాలనీ మీదుగా టీచర్స్‌ కాలనీ, ఇంద్రనగర్‌ కాలనీ వైపు వెళ్లవచ్చు. ● హైదరాబాద్‌ వైపు యథావిధిగా పాత మార్గం ద్వారానే వెళ్లాలి. ● హైదరాబాద్‌, పాత రాజంపేట వైపు నుంచి కామారెడ్డి పట్టణంలోకి వచ్చే వాహనాలు మాత్రం టేక్రియాల్‌ బైపాస్‌ మీదుగా ఇందిరాగాంధీ స్టేడియం ముందు నుంచి కొత్త బస్టాండ్‌ మార్గం ద్వారా పట్టణంలోకి ప్రవేశించాల్సి ఉంటుంది.శోభాయాత్రకు సంబంధించిన రూట్‌ మ్యాప్‌ను అధికారులు విడుదల చేశారు. రైల్వే స్టేషన్‌లోని యువజన సమాఖ్య వినాయకుడితో ధర్మశాల వద్ద నిమజ్జనోత్సవ శోభాయాత్ర ప్రారంభమవుతుంది. అక్కడి నుంచి సిరిసిల్ల రోడ్‌, ఇందిరా చౌక్‌ మీదుగా సాగుతుంది. ఇందిరా చౌక్‌ వద్ద వీహెచ్‌పీ ఆధ్వర్యంలో ఏర్పాటు చేసిన వేదికపైన మండపాల నిర్వాహకులను సన్మానిస్తారు. అక్కడి నుంచి స్టేషన్‌రోడ్‌, సుభాష్‌ రోడ్‌, తిలక్‌ రోడ్‌, జేపీఎన్‌ చౌరస్తా, వీక్లీ మార్కెట్‌ రోడ్‌, పాంచ్‌ రస్తా, గోపాలస్వామి రోడ్‌, పెద్దబజార్‌, రైల్వే బ్రిడ్జి, అంబేడ్కర్‌ విగ్రహం, నిజాంసాగర్‌ చౌరస్తా, కొత్త బస్టాండ్‌ మీదుగా టేక్రియాల్‌ చెరువు వరకు శోభాయాత్ర సాగుతుంది. అనంతరం చెరువులో విగ్రహాలను నిమజ్జనం చేస్తారు. మరికొన్ని విగ్రహాలను బాసరకు తరలిస్తారు.టేక్రియాల్‌ చెరువు వద్ద మున్సిపల్‌ శాఖ ఆధ్వర్యంలో మూడు భారీ క్రేన్లు, ఒక డోజర్‌ను అందుబాటులో ఉంచారు. వీటి ద్వారా విగ్రహాలను చెరువులో నిమజ్జనం చేస్తారు. భక్తులు నీటిలోకి దిగకుండా బారికేడ్లను ఏర్పాటు చేశారు. భక్తుల సౌకర్యార్థం చెరువు ప్రాంగణంలో ప్రత్యేక సహాయ కేంద్రాలను ఏర్పాటు చేశారు. ఎస్పీ పర్యవేక్షణలో ముగ్గురు డీఎస్పీలు, సీఐలు, ఎస్సైలు, ఏఎస్సైలు, సీఆర్‌పీఎఫ్‌ బలగాలు, హోంగార్డులతో కట్టుదిట్టమైన భద్రత కల్పించారు. విద్యుత్‌ శాఖ ఆధ్వర్యంలో మార్గమధ్యలో వేలాడుతున్న విద్యుత్‌ వైర్లను సరిచేసి, ఎటువంటి ప్రమాదాలు జరగకుండా ముందస్తుగా సిబ్బందిని మోహరించారు. మొత్తం ప్రక్రియను రెవెన్యూ అధికారులు పర్యవేక్షిస్తున్నారు. నేడు జిల్లాకేంద్రంలో వినాయక విగ్రహాల నిమజ్జనోత్సవం ప్రారంభం తరలిరానున్న భక్తులు ఏర్పాట్లు చేసిన అధికారులు

కామారెడ్డి రూరల్‌: విద్యార్థులు చదువుతోపాటు క్రీడల్లోనూ ప్రతిభ కనబరచాలని కలెక్టర్‌ అశిష్‌ సంగ్వాన్‌ సూచించారు. నర్సన్నపల్లి జిల్లా పరిషత్‌ ఉన్నత పాఠశాలను మంగళవారం ఆయన సందర్శించారు. విద్యార్థుల అభ్యసన సామర్థ్యాలను పరిశీలించారు. పాఠశాలలో అదనంగా 2 మరుగుదొడ్ల నిర్మాణానికి నిధులు మంజూరు చేసినట్లు తెలిపారు. అనంతరం గ్రామంలో ఎస్‌ఐఆర్‌ ప్రక్రియను పరిశీలించారు. దరఖాస్తులు, అభ్యంతరాలను నిర్ణీ త గడువులోగా పరిష్కరించాలని అధికారులను ఆదేశించారు. గ్రామంలో పూర్తయిన ఇందిరమ్మ ఇళ్లను పరిశీలించి, లబ్ధిదారులతో మాట్లాడారు. ఆయన వెంట డీఈవో మల్లికార్జున్‌, స్పెషల్‌ ఆఫీసర్‌ శ్రీధర్‌రెడ్డి, తహసీల్దార్‌ హిమబిందు, ఎంపీడీవో హెప్సిబారాణి, ఎంఈవో ఎల్లయ్య, హెచ్‌ఎం శ్రీవాణి, ఏపీవో అన్నపూర్ణ, సర్పంచ్‌ రవి, ఉపసర్పంచ్‌ శేఖర్‌ తదితరులున్నారు.

వాగులు, వంకలు పారినా...ఎల్‌నినో ప్రభావంతో ఈ ఏడాది వానాకాలం ఆరంభంలో వర్షాలు కురియలేదు. నెలన్నర ఆలస్యంగా జిల్లాలో వానలు దంచికొట్టాయి. దీంతో వాగులు వంకలు పారాయి. మధ్యలో మూడు వారాలు వరుణుడు ముఖం చాటేసినప్పటికీ.. ఇటీవల కురిసిన ఒకటి రెండు వర్షాలతో పంటలకు మేలు జరిగింది. జిల్లాలో ఒకటి రెండు మండలాలు మినహా మిగతా అన్నిచోట్లా సాధారణ వర్షపాతం నమోదైంది. తుఫానులపైనే ఆశలు... జిల్లాలో రెండు మూడు రోజులుగా తుఫాను ప్రభావంతో అక్కడక్కడ మోస్తరు నుంచి భారీ వర్షాలు కురుస్తున్నాయి. ఒకటి రెండు భారీ వర్షాలు కురిస్తే చెరువులు, కుంటలు నిండుతాయని రైతులు ఆశతో ఉన్నారు. జలనవరులన్నీ నిండితేనే యాసంగికి భరోసా ఉంటుందంటున్నారు. లేకపోతే పంటల సాగులో ఇబ్బందులు పడాల్సిందేనన్న అభిప్రాయం వ్యక్తమవుతోంది.వర్షాకాలం సీజన్‌ మొదలైన జూన్‌ 1 నుంచి నేటి వరకు జిల్లాలో సాధారణ వర్షపాతం 762.4 మి.మీ.లు కాగా.. ఇప్పటివరకు 814.1 మి.మీ. వర్షపాతం నమోదైంది. అంటే ఏడు శాతం అదనంగా వర్షాలు కురిశాయి. మద్నూర్‌, పెద్దకొడప్‌గల్‌ మండలాల్లో మాత్రం 25 శాతం లోటు వర్షపాతం రికార్డయ్యింది. సదాశివనగర్‌, రామారెడ్డి, కామారెడ్డి, బీబీపేట, మహ్మద్‌నగర్‌ మండలాల్లో సాధారణం కన్నా కాస్త ఎక్కువ వర్షం కురిసింది. మిగతా మండలాల్లో సాధారణ వర్షపాతం నమోదయ్యింది.కొన్ని ప్రాంతాల్లో కురిసిన భారీ వర్షాలతో వరదలొచ్చాయి. వాగులు పొంగి ప్రవహించాయి. జిల్లాలో కురిసిన వర్షాలతో వరదలొచ్చినప్పటికీ చాలా చెరువులు వెలవెలబోతున్నాయి. కాలువలు చాలాచోట్ల ఆక్రమణలకు గురవడం, కొన్నిచోట్ల ఆనవాళ్లు కోల్పోవడం, మరికొన్నిచోట్ల చెట్లు, పొదలతో నిండిపోవడంతో చాలావరకు నీరు చెరువుల్లోకి చేరలేదు. జిల్లాలో 1,426 చెరువులు, కుంటలు ఉండగా.. 46 చెరువులు మాత్రమే అలుగులు పారాయి. ఇందులో సదాశివనగర్‌లో 11, తాడ్వాయిలో 11, నాగిరెడ్డిపేటలో తొమ్మిది, గాంధారిలో తొమ్మిది, రామారెడ్డిలో మూడు, కామారెడ్డిలో మూడు చెరువులు, కుంటలు అలుగులు పారినట్టు నీటిపారుదల శాఖ నివేదికలు చెబుతున్నాయి. 46 చెరువులు అలుగులు పారగా.. 423 చెరువుల్లో యాభై శాతం నుంచి 75 శాతం దాకా నీరొచ్చింది. రెండు వందల చెరువులు సగం కూడా నిండలేదు. మరో 102 చెరువుల్లో కొద్దిపాటి నీరు వచ్చింది. ప్రాజెక్టుల్లోకి నీరొచ్చినా, చెరువులు, కుంటలు నిండకపోవడం విచిత్రంగా భావిస్తున్నారు. జిల్లాలో సాధారణ వర్షపాతం నమోదు ఇప్పటిదాకా అలుగెల్లింది 46 చెరువులే... భారీ వర్షాలు కురిస్తేనే యాసంగికి భరోసా

నిజాంసాగర్‌: నాగమడుగు ఎత్తిపోతల పైప్‌లైన్‌ ఏర్పాటుకు సంబంధించి భూనిర్వాసితులకు ఎకరానికి రూ. 17.42 లక్షల చొప్పున పరిహారం చెల్లిస్తున్నామని బాన్సువాడ ఆర్డీవో రవీందర్‌రెడ్డి తెలిపారు. మంగళవారం మండల కేంద్రంలోని తహసీల్‌ కార్యాలయాన్ని ఆయన సందర్శించారు. ఈ సందర్భంగా మాట్లాడుతూ గతంలో ఈ పరిహారం ఎకరానికి రూ.16.9 లక్షల చొప్పున ఉండేదని, మార్కెట్‌ విలువకు అనుగుణంగా దానిని పెంచామని పేర్కొన్నారు. ఒడ్డేపల్లి, జక్కాపూర్‌లకు చెందిన రైతులకు రూ. 73.20 లక్షల విలువైన చెక్కులు వచ్చాయన్నారు. జాయింట్‌ సర్వే.. మల్లూర్‌ శివారులోని 765 సర్వే నంబర్‌లోని భూముల సమస్య పరిష్కారానికి రెవెన్యూ, అటవీశాఖ జాయింట్‌ సర్వే పూర్తి చేస్తామని ఆర్డీవో తెలిపారు. మంగళవారం మల్లూర్‌లో 765 సర్వే నంబర్‌లోని భూములకు సంబంధించిన మ్యాప్‌ను పరిశీలించారు. జాయింట్‌ సర్వేకు రైతులు సహకరించాలని కోరారు. ఆయన వెంట మల్లూర్‌ సర్పంచ్‌ శారద, తహసీల్దార్‌ భుజంగరావు తదితరులున్నారు.

ఎల్లారెడ్డి/ఎల్లారెడ్డిరూరల్‌: మున్సిపల్‌ కార్యాలయంలో మంగళవారం స్మార్ట్‌ రేషన్‌ కార్డులను మున్సిపల్‌ చైర్మన్‌ పద్మ శ్రీకాంత్‌ పంపిణీ చేశారు.మున్సిపల్‌ కమిషనర్‌ జగ్జీవన్‌, వైస్‌ చైర్మన్‌ మత్తమాల భాగ్యవతి, సొసైటీ వైస్‌ చైర్మన్‌ ప్రశాంత్‌ గౌడ్‌, కౌన్సిలర్లు చంద్రయ్య, గఫార్‌, కోఆప్షన్‌ సభ్యులు పప్పు వెంకటేశం, గిర్దావార్‌ భరత్‌, కాంగ్రెస్‌ నాయకులు విద్యాసాగర్‌,రఫీక్‌, శంకర్‌, రాములు పాల్గొన్నారు. అభివృద్ధి పనులకు భూమిపూజ ఎల్లారెడ్డి మున్సిపల్‌ పరిధిలోని పలు వార్డులలో మున్సిపల్‌ చైర్మన్‌ అభివృద్ధి పనులకు భూమిపూజ చేశారు. ఎమ్మెల్యే మదన్‌మోహన్‌రావు సహకారంతో విడుదల చేసిన ఎస్‌డీఎఫ్‌ నిధులతో ముదిరాజ్‌ సంఘం భవన పనులకు రూ. 5 లక్షలు, మదర్సాకు రూ. 2 లక్షలు మంజూరు చేయడంతో అభివృద్ధి పనులకు ఆయన భూమి పూజ చేశారు. షీటీంకు సమాచారమివ్వాలి ఎల్లారెడ్డిరూరల్‌: ఈవ్‌టీజింగ్‌కు పాల్పడితే విద్యార్థినులు షీటీంకు సమాచారం అందించాలని షీటీం పోలీసు సిబ్బంది అన్నారు. మంగళవారం ఎల్లారెడ్డి మోడల్‌ స్కూల్లో షీ టీం సభ్యులు విద్యార్థులకు గుడ్‌ టచ్‌ బ్యాడ్‌ టచ్‌పై అవగాహన కల్పించారు.ప్రిన్సిపాల్‌ తోట గాంధీ, వైస్‌ ప్రిన్సిపాల్‌ అల్తమాష్‌ జహంగీర్‌, ఉపాధ్యాయులు, తదితరులున్నారు.

పెద్దకొడప్‌గల్‌/బీబీపేట/బాన్సువాడ రూరల్‌: వి నాయక నిమజ్జనాన్ని ప్రశాంతంగా జరుపుకోవా లని ఎస్సై అరుణ్‌ కుమార్‌ తెలిపారు. మంగళవారం నిమజ్జనం చేసే చెరువును ఎస్సై పరిశీలించారు.ఎంపీడీవో అభినవ్‌ చెందర్‌,ఎంపీవో లక్ష్మీకాంత్‌ రెడ్డి, నాయకులు తదితరులున్నారు. బీబీపేట పెద్ద చెరువులో జరగనున్న గణపతి నిమజ్జనానికి పంచాయతీ పాలకవర్గం సభ్యులు ప్రత్యేక ఏర్పాట్లు చేశారు.చెరువు వద్ద ఉన్నటువంటి మహాంకాళి అమ్మవారి ఆలయం నుంచి చెరువు వరకు జేసీబీ ద్వారా రహదారి, పరిసరాలను శుభ్రం చేయించారు.సర్పంచ్‌ సాద్విక సాయినాథ్‌, ఉప సర్పంచ్‌ ప్రశాంత్‌, వార్డు సభ్యులు తదితరులున్నారు. గణేశ్‌ విగ్రహాల ఊరేగింపు, నిమజ్జన కార్యక్రమం ప్రశాంతంగా నిర్వహించాలని బాన్సువాడ అధికారుల బృందం కోనాపూర్‌లో మండప నిర్వాహకులకు సూచించారు. ట్రాలీ వాహనాలకు లీకేజీలు లేని నాణ్యతగల కేబుల్స్‌ ఉపయోగించాలని ట్రాన్స్‌కో ఏఈ అనిల్‌కుమార్‌ సూచించారు. సర్పంచ్‌ కిష్టవ్వ, నాయకులు దిల్‌రాజు, ఉప సర్పంచ్‌ ఉన్నారు.

కామారెడ్డి అర్బన్‌: విశ్వకర్మ సమాజ అభివృద్ధి కోసం జాతీయ విశ్వకర్మ నైపుణ్య సంప్రదాయ సాంకేతిక విశ్వవిద్యాలయం ఏర్పాటు చేయాలని విశ్వకర్మ నాల్డెజ్‌ సెంటర్‌ వ్యవస్థాపకులు విశ్వనాథుల పుష్పగిరి డిమాండ్‌ చేశారు. ఈ డిమాండ్‌తో హైదరాబాద్‌లోని బోరుబండ విశ్వకర్మ ఆలయం నుంచి న్యూఢిల్లీ వరకు చేపట్టిన ఏక్తాయాత్ర మంగళవారం కామారెడ్డికి చేరుకుంది. కామారెడ్డి శ్రీరామకృష్ణ వైదిక ధర్మపీఠం అధిపతి శీర్లవంచ కృష్ణామాచార్యులు యాత్రకు స్వాగతం పలికారు. విశ్వకర్మల డిమాండ్లను ప్రభుత్వానికి తెలియజేయడం కోసం ఈ యాత్ర చేపట్టామన్నారు. కార్యక్రమంలో సంస్థ ప్రతినిధులు రామయ్యచారి, మహారాణి దీన్‌ విశ్వకర్మ, నరేష్‌చారి, రవిచారి, సత్తయ్యచారి, నరేందర్‌చారి తదితరులు పాల్గొన్నారు.మద్నూర్‌: గ్రామాల అభివృద్ధిపై కార్యదర్శులు, అధికారులు ప్రత్యేక చొరవ చూపాలని జుక్కల్‌ నియోజకవర్గ ప్రత్యేకాధికారి, జెడ్పీ సీఈవో చందర్‌నాయక్‌ సూచించారు. మండల కేంద్రంలోని ఎంపీడీవో కార్యాలయంలో మంగళవారం మద్నూర్‌, డోంగ్లీ మండలాల గ్రామ పంచాయతీ కార్యదర్శులతో సమీక్ష నిర్వహించారు. గ్రామాల్లో ఇందిరమ్మ ఇళ్లు, ఫాంపాండ్స్‌, ఇంకుడు గుంతలు, ఉపాధి హామీ పనుల వివరాలు తెలుసుకున్నారు. కార్యక్రమంలో డోంగ్లీ మండల ప్రత్యేక అధికారి, జిల్లా మార్కెటింగ్‌ శాఖ అధికారి రమ్య, ఎంపీడీవోలు జగదీశ్‌, సాయిలు, మండల పంచాయతీ అధికారి సత్యనారయణ, ఏపీవో పద్మ, కార్యదర్శులు పాల్గొన్నారు. కామారెడ్డి అర్బన్‌: జిల్లాకేంద్రంలోని శ్రీసంకష్టహర మహాగణపతి ఆలయంలో మంగళవారం శ్రీసిద్ధిబుద్ధి సమేత స్వామివారి కల్యాణోత్సవాన్ని ఘనంగా నిర్వహించారు. 56 రకాల మిఠాయిలతో స్వామివారికి నైవేద్యం సమర్పించి భక్తులకు ప్రసాదంగా అందజేశారు. ఈ సందర్భంగా నిర్వహించిన భక్తి సంగీత కచేరి భక్తులను అలరించింది. కార్యక్రమంలో మహాగణపతి లడ్డూను వేలంగా వేయగా.. వసంత, మహిపాల్‌రెడ్డి దంపతులు రూ.1.55 లక్షలకు దక్కించుకున్నారు. సిద్ధి అమ్మవారి లడ్డూను భవాని మహిళా సేవా సమితి రూ.1.51 లక్షలకు, బుద్ధి అమ్మవారి లడ్డూను బాలరాజు దంపతులు రూ.లక్షకు పొందారు. అర్చకులు యజ్ఞం సంపత్‌కుమార్‌శర్మ, ఆలయ కమిటీ ప్రతినిధులు అంజయ్య, రవీందర్‌గౌడ్‌, విశ్వనాథం, భవాని తదితరులు పాల్గొన్నారు. ● మూలనపడ్డ ప్రధాన యంత్రం.. ● చెడిపోయిన మరో మొబైల్‌ యూనిట్‌ ● పట్టించుకోని వైద్యాధికారులు కామారెడ్డి టౌన్‌: జిల్లా కేంద్రంలోని ప్రభుత్వ జనరల్‌ ఆస్పత్రి (జీజీహెచ్‌)లో ఎక్స్‌రే మిష న్లు పనిచేయడం లేదు. ఆస్పత్రిలోని ప్రధాన ఎక్స్‌రే యంత్రం కొద్దికాలం క్రితం మూలన ప డింది. రెండు నెలలుగా చిన్న మొబైల్‌ ఎక్స్‌రే యంత్రంతోనే నెట్టుకొస్తున్నారు. మంగళవా రం ఆ యంత్రం కూడా మొరాయించడంతో సేవలు నిలిచిపోయాయి. ఫలితంగా అత్యవస ర చికిత్స కోసం వచ్చే క్షతగాత్రులు, రోగులు తీవ్ర ఇబ్బందులు ఎదుర్కొన్నారు. తీవ్ర అస హనానికి గురైన రోగులు, వారి సహాయకులు రేడియాలజిస్ట్‌, ఆస్పత్రి వైద్యాధికారులతో వాగ్వాదానికి దిగారు. చివరకు గత్యంతరం లేక అత్యవసర పరిస్థితిలో ప్రయివేట్‌ డయాగ్నోస్టిక్‌ సెంటర్లను ఆశ్రయించారు. మరికొందరిని వైద్య కళాశాల సమీపంలోని ‘టి–హబ్‌’ సెంటర్‌కు రిఫర్‌ చేశారు. ఉన్నతాధికారులు స్పందించి, ఎక్స్‌రే యంత్రాలకు మరమ్మతులు చేయించాలని ప్రజలు కోరుతున్నారు.

లింగంపేట: సమాజ హితానికి మించిన మతం లేదని, ప్రతి ఒక్కరూ సమాజ సేవ చేయాలని ప్రముఖ హైకోర్టు న్యాయవాది మోహిన్‌ అహ్మద్‌ ఖాద్రీ అన్నారు. మంగళవారం ఆయన లింగంపేట సరస్వతి శిశుమందిర్‌ విద్యాలయంలో ఏర్పాటు చేసిన కార్యక్రమంలో పాల్గొని పాఠశాల అభివృద్ధికి రూ. 25 లక్షలు విరాళం ప్రకటించారు. భవిష్యత్తులో విద్యార్థులకు ల్యాప్‌ట్యాప్‌లు అందజేస్తానని హామీ ఇచ్చారు. తను పుట్టిపెరిగి విద్యనభ్యసించిన ఊరు లింగపేట అని, గ్రామఅభివృద్ధి కోసం తన వంతు సహకారం అందిస్తున్నానని పేర్కొన్నారు. విద్యార్థుల సాంస్కృతిక కార్యక్రమాలు అలరించాయి. పాఠశాల అభివృద్ధి కమిటీ సభ్యులు, ఆచార్యులు ఖాద్రీ కుటుంబ సభ్యులను సన్మానించారు. ఉపసర్పంచ్‌ ప్రసాద్‌గౌడ్‌, శిశుమందిర్‌ ప్రతినిధులు రాజారెడ్డి, ఆ నంద్‌, శ్రీనివాస్‌, దుర్గయ్య, శివ్వయ్య, ఉదేశ్‌, లక్ష్మీనారాయణ, బాలరాజగౌడ్‌, శ్రీకాంత్‌, చంద్రయ్య, సంజీవులు, రంజిత్‌ పాల్గొన్నారు. భిక్కనూరు: ప్రభుత్వ పాఠశాలల్లో ఉత్తమ బోధన అని జిల్లా గ్రంథాలయ సంస్థ చైర్మన్‌ మద్ది చంద్రకాంత్‌రెడ్డి అన్నారు. మంగళవారం రామేశ్వర్‌పల్లిలో ప్రాథమిక పాఠశాల విద్యార్థులకు హెచ్‌ఎం పద్మజ అందించిన స్కూల్‌ బ్యాగులు, క్రీడల డ్రెస్‌లను ఆయన పంపిణీ చేశారు. పీసీసీ ప్రధాన కార్యదర్శి ఇంద్రకరణ్‌రెడ్డి, సర్పంచ్‌ చేపూరి రాణి రాజు,ఉపసర్పంచ్‌ వినోద్‌కుమార్‌గౌడ్‌, ఎంఈవో రాజ్‌గంగారెడ్డి,వీడీసీ అధ్యక్షుడు సూర్యకాంత్‌రెడ్డి, కార్యదర్శి శ్యాం, టీచర్లు,వార్డు సభ్యులు పాల్గొన్నారు. ఆర్‌యూబీ నిర్మించాలి కామారెడ్డి టౌన్‌ : జిల్లా కేంద్రంలో ట్రాఫిక్‌ సమస్య పరిష్కారం కోసం వికాస్‌నగర్‌ మీదుగా ఆర్‌యూబీ (రైల్వే అండర్‌ బ్రిడ్జ్‌) నిర్మించాలని 29వ వార్డు కౌన్సిలర్‌ అంజాద్‌ దక్షిణ మధ్య రైల్వే జనరల్‌ మేనేజర్‌ సంజయ్‌ కుమార్‌ శ్రీవాస్తవను కోరారు. జిల్లా కేంద్రంలోని రైల్వే స్టేషన్‌ను సందర్శించడానికి వచ్చిన జీఎంకు సమస్యను వివరించి, వినతిపత్రం అందించారు. కార్యక్రమంలో నాయకులు ఇమ్రాన్‌, లడ్డూ, స్థానికులు పాల్గొన్నారు.

పెద్దకొడప్‌గల్‌: మండల కేంద్రంలోని తండాలో రోడ్లపై నిలిచిన మురుగునీరు చెరువులను తలపిస్తోందంటూ ఈ నెల 14న ప్రచురితమైన కథనానికి అధికారులు స్పందించారు. ఈమేరకు మంగళవారం రోడ్లుపై నిలిచిన నీటిని పొక్లెయిన్‌ సహాయంతో అధికారులు తొలగించారు. తాత్కాలిక మరమ్మతులు చేస్తుండటంతో తండావాసులు తీవ్ర ఆగ్రహం వ్యక్తం చేశారు.దీంతో పంచాయతీ కార్యదర్శి గీత చేపట్టిన పనులను అడ్డుకున్నారు. రోడ్లపైకి మురుగునీరు రాకుండా డ్రెయినేజీ నిర్మాణాలను చేపట్టాలని సమస్యకు శాశ్వత పరిష్కారం చూపిన తర్వాతే పనులు చేయాలని వారు డిమాండ్‌ చేశారు. శాశ్వత డ్రెయినేజీ వ్యవస్థ ఏర్పాటు చేసే వరకు తాము వెనక్కి తగ్గేది లేదని స్పష్టం చేశారు. గ్రామ పంచాయతీ సిబ్బంది వెంకట్‌, తండావాసులు తదితరులు పాల్గొన్నారు.

నిజాంసాగర్‌(జుక్కల్‌): టీపీసీసీ అధ్యక్షుడు మహేశ్‌కుమార్‌గౌడ్‌ను హైదరాబాద్‌లోని ప్రజాభవన్‌లో మంగళవారం ఉమ్మడి జిల్లాల కాంగ్రెస్‌ పార్టీ అధ్యక్షుడు ఏలే మల్లికార్జున్‌, కాటిపల్లి నగేష్‌రెడ్డి మర్యాదపూర్వకంగా కలిశారు. తెలంగాణ ప్రదేశ్‌ కాంగ్రెస్‌ కమిటీ అధ్యక్షులుగా ఎన్నికై రెండు సంవత్సరాలు పూర్తి కావడంతో శుభాకాంక్షలు తెలిపారు. కాంగ్రెస్‌ పార్టీ బలోపేతం కోసం మరింత సేవలు అందించాలని వారు కోరారు. డీసీసీబీ మాజీ చైర్మన్‌ పోచారం భాస్కర్‌ రెడ్డి తదితరులు ఉన్నారు. డిగ్రీలో ప్రవేశం కోసం స్పాట్‌ అడ్మిషన్‌ బాన్సువాడ రూరల్‌: మండలంలోని శ్రీరాం నారాయణ ఖేడియా ప్రభుత్వ డిగ్రీ కళాశాలలో మొదటి సంవత్సరం స్పాట్‌ అడ్మిషన్‌ల కోసం నోటిఫికేషన్‌ విడుదలైందని కళాశాల ప్రిన్సిపాల్‌ డాక్టర్‌ ఇందూర్‌ గంగాధర్‌ మంగళవారం తెలిపారు. సెప్టెంబర్‌ 24, 25 తేదీల్లో స్పాట్‌ అడ్మిషన్‌ ప్రక్రియ ఉంటుందని, ఇంటర్మీడియట్‌ పాసై డిగ్రీలో అడ్మిషన్‌ ఇప్పటివరకు పొందని విద్యార్థులు ఈ అవకాశాన్ని వినియోగించుకోవాలన్నారు.

కామారెడ్డి టౌన్‌ : ప్రజల్లో సరైన అవగాహన కల్పించడం ద్వారా హెచ్‌ఐవీ వ్యాప్తిని సమర్థవంతంగా అడ్డుకోవచ్చని డీఎంహెచ్‌వో వెంకట్‌ పేర్కొన్నారు. రాష్ట్ర ఎయిడ్స్‌ నియంత్రణ సంస్థ ఆదేశాల మేరకు జిల్లా వైద్య ఆరోగ్యశాఖ ఆధ్వర్యంలో సోమవారం కొత్త బస్టాండ్‌లో కళాజాత నిర్వహించారు. ఈ సందర్భంగా ఆయన మాట్లాడుతూ గ్రామీణ ప్రాంత ప్రజలకు సంక్లిష్టమైన ఆరోగ్య అంశాలు, వ్యాధులపై సులభంగా అవగాహన కల్పించేందుకు కళాజాత, పల్లె సుద్దుల వంటి సాంస్కృతిక ప్రదర్శనలు ఎంతగానో దోహదపడతాయన్నారు. జిల్లావ్యాప్తంగా వారం పాటు రోజూ రెండు చొప్పున ప్రదర్శనలు ఇవ్వనున్నట్లు తెలిపారు. కార్యక్రమంలో ప్రోగ్రాం ఆఫీసర్‌ ప్రదీప్‌, డిప్యూటీ డెమో వేణుగోపాల్‌, డీపీఎం సుధాకర్‌, ఐసీటీసీ కౌన్సిలర్లు నాగరాజు, నందిని తదితరులు పాల్గొన్నారు.కామారెడ్డి టౌన్‌ : జిల్లాలోని పాఠశాల విద్యార్థులకు కంటి పరీక్షల చేసేందుకు దినసరి వేతన ప్రాతిపదికన ఇద్దరు ఆప్తాల్మిక్‌ అసిస్టెంట్లు లేదా ఆప్టోమెట్రిస్ట్‌ల నుంచి దరఖాస్తులను ఆహ్వానిస్తున్నట్లు డీఎంహెచ్‌వో వెంకట్‌ సోమ వారం ఒక ప్రకటనలో తెలిపారు. జాతీయ అంధత్వ, దృష్టిలోప నివారణ కార్యక్రమం కింద 2026–27 విద్యా సంవత్సరానికి సంబంధించి జిల్లాలోని 373 పాఠశాలల్లో 51,693 మంది విద్యార్థులకు కంటి స్క్రీనింగ్‌ నిర్వహించాల్సి ఉందని పేర్కొన్నారు. డిప్లొమా లేదా గ్రాడ్యుయేట్‌ ఇన్‌ ఆప్టోమెట్రీ, డిప్లొమా ఆప్తాల్మిక్‌ అసిస్టెంట్‌ విద్యార్హత ఉన్నవారు అర్హులని తెలిపారు. ఎంపికై న వారికి రోజుకు రూ. 1,000 వేతనం చెల్లిస్తామని, గరిష్టంగా 50 పని దినాలు లేదా ఈ ఏడాది డిసెంబర్‌ 31 వరకు విధులు ఉంటాయని పేర్కొన్నారు. అర్హత గల అభ్యర్థులు తమ ధ్రువపత్రాలతో జిల్లా కేంద్రంలోని కలెక్టరేట్‌లోగల డీఎంహెచ్‌వో కార్యాలయంలో ఈనెల 30వ తేదీలోపు దరఖాస్తు చేసుకోవాలని సూచించారు. కామారెడ్డి అర్బన్‌: తాడ్వాయిలోని మహా గార్డెన్‌లో బుధవారం జిల్లా స్థాయి అండర్‌ –20 కబడ్డీ బాలికల జట్టు ఎంపిక పోటీలు నిర్వహించనున్నారు. ఈ విషయాన్ని జిల్లా కబడ్డీ అసోసియేషన్‌ చైర్మన్‌, జిల్లా అధ్యక్ష, ప్రధాన కార్యదర్శులు జి.భాస్కర్‌, బి.భాస్కర్‌, రాజు ఓ ప్రకటనలో తెలిపారు. 2006 జనవరి ఒకటో తేదీ తర్వాత జన్మించిన క్రీడాకారులు డ్రెస్‌కోడ్‌, మ్యాట్‌ షూతో పోటీలకు హాజరు కావాలని పేర్కొన్నారు. ఇతర వివరాల కోసం 99892 15251 నంబరులో సంప్రదించాలని సూచించారు. ● కేసు నమోదు చేసిన అధికారులు రామారెడ్డి: రెడ్డిపేటలోని రైస్‌మిల్‌లో సోమవారం ఎన్‌ఫోర్స్‌మెంట్‌ అధికారులు తనిఖీలు నిర్వహించారు. తనిఖీల ద్వారా 638 సంచుల పీడీఎస్‌ బియ్యం పట్టుకున్నట్లు ఎన్‌ఫోర్స్‌మెంట్‌ డీఎస్పీ శేఖర్‌రెడ్డి తెలిపారు. రైస్‌మిల్‌ మేనేజర్‌ నరేశ్‌తోపాటు బియ్యం తరలిస్తున్న మునీందర్‌ అనే వ్యక్తిపై కేసు నమోదు చేసి తదుపరి దర్యాప్తు కోసం రామారెడ్డి పోలీసులకు కేసును అప్పగించామన్నారు. పట్టుకున్న బియ్యం సంచులను గోదాములకు తరలించారు. కామారెడ్డి అర్బన్‌: కామారెడ్డి ఆర్ట్స్‌ అండ్‌ సైన్స్‌ కళాశాల విద్యార్థులకు స్వయం ఉపాధి అవకాశాలను మెరుగుపరిచే లక్ష్యంతో సర్టిఫికెట్‌ కోర్సులను ప్రారంభించారు. హోం నీడ్స్‌ కెమికల్స్‌, ఆఫీస్‌ మేనేజ్‌మెంట్‌ టూల్స్‌ కోర్సులను తొలుత ప్రారంభిస్తున్నామని, వీటి ఫలితాల ఆధారంగా మరిన్ని కోర్సులు ప్రవేశ పెడతామని ప్రిన్సిపల్‌ విజయ్‌కుమార్‌ తెలిపారు. కార్యక్రమంలో వైస్‌ ప్రిన్సిపల్‌ కిష్టయ్య, లెక్చరర్లు మానస, శారద, దినకర్‌, రాజశ్రీ, శ్రీనివాస్‌, రాజశ్రీ, శ్రీలత, రాంప్రసాద్‌, అనిల్‌కృష్ణ, దేవేందర్‌, సమన్వయకర్త జయప్రకాష్‌ తదితరులు పాల్గొన్నారు. కామారెడ్డి అర్బన్‌: రిలయన్స్‌ జియోలో 20 హోం సర్వీస్‌ ఉద్యోగాల కోసం బుధవారం ఉదయం 10.30 గంటలకు కలెక్టరేట్‌లో జాబ్‌మేళా నిర్వహించనున్నారు. ఈ విషయాన్ని జిల్లా ఉపాధి కల్పనాధికారి కిరణ్‌కుమార్‌ ఒక ప్రకటనలో తెలిపారు. ఐటీఐ, డిప్లొమా చేసిన 18 నుంచి 25 ఏళ్లలోపు పురుషులు అర్హులని, పూర్తి వివరాలకు 93915 39320 నంబర్‌లో సంప్రదించాలని సూచించారు.

● లంచం తీసుకుంటూ అవినీతి నిరోధకశాఖకు పట్టుబడిన మున్సిపల్‌ ఉద్యోగి ● అవుట్‌సోర్సింగ్‌ ఉద్యోగి సైతం అరెస్ట్‌ నిజామాబాద్‌ అర్బన్‌: ఉద్యోగం చేరిన 13 నెలలకే లంచం తీసుకుంటూ మున్సిపల్‌ అధికారి ఏసీబీకి ప ట్టుబడ్డాడు. అదీ మాతృశాఖలో పని చేసి రిటైర్‌ అయి న ఉద్యోగి నుంచి డబ్బులు తీసుకుంటూ.. జిల్లా కేంద్రానికి చెందిన ఓ మహిళ మున్సిపల్‌ కార్పొరేషన్‌ లో పదవీ విరమణ చేసింది. ఆమెకు రావాల్సిన రిటైర్మెంట్‌ బెనిఫిట్స్‌ కోసం మున్సిపల్‌ కార్యాలయంలోని ఎస్టాబ్లిష్‌మెంట్‌ సెక్షన్‌ను ఆశ్రయించింది. పని కావాలంటే ముందుగా డబ్బులు ఇవ్వాలని ఎస్టాబ్లిష్‌మెంట్‌ సెక్షన్‌ జూనియర్‌ అసిస్టెంట్‌ అశోక్‌, అవుట్‌సోర్సింగ్‌ ఉద్యోగి కిరణ్‌కుమార్‌ రూ.35వేలు డిమాండ్‌ చే శారు. ముందుగా రూ.15 వేలు ఇవ్వాలన్నారు. దీంతో బాధితులు ఏసీబీని ఆశ్రయించారు. సోమవారంబాధితురాలి కుమారుడు సీతారాంనగర్‌ కాలనీ పద్మశాలి సంఘం వద్ద ఇద్దరు ఉద్యోగులకు డబ్బులు ఇస్తుండగా ఏసీబీ అధికారులు పట్టుకున్నారు. అనంతరం మున్సిపల్‌ కార్యాలయానికి తీసుకువచ్చి విచారించారు. మున్సిపల్‌ కార్యాలయంలో పబ్లిక్‌ హెల్త్‌ వర్కర్‌గా పనిచేసి మరణించిన అమ్మాయి కుమారుడు అశోక్‌ కారుణ్య నియామకం కింద 13 నెలల క్రితం ఉద్యోగం చేరాడు. ఉద్యోగం వచ్చిన కొన్ని నెలలకే లంచం డిమాండ్‌ చేసి ఏసీబీ అధికారులకు పట్టుబడడం చర్చనీయాంశమైంది. ఇద్దరిని అరెస్టు చేసి హైదరాబాద్‌లోని ఏసీబీ కోర్టులో ప్రవేశపెట్టనున్నట్లు ఏసీబీ డీఎస్పీ సుదర్శన్‌ తెలిపారు.

కామారెడ్డి క్రైం: ప్రభుత్వం అందిస్తున్న స్వయం ఉపాధి అవకాశాలను మహిళలు సద్వినియోగం చేసుకోవాలని కలెక్టర్‌ ఆశిష్‌ సంగ్వాన్‌ సూచించారు. స్వయం సహాయక సంఘాల సభ్యుల జీవనోపాధి మెరుగుదల, స్వయం ఉపాధి కల్పనలో భాగంగా సీ్త్రనిధి రుణ సహాయం ద్వారా కొనుగోలు చేసిన ఎలక్ట్రిక్‌ ఆటోలను సోమవారం కామారెడ్డి కలెక్టరేట్‌లో లబ్ధిదారులకు పంపిణీ చేశారు. బాన్సువాడ మండలం దేశాయిపేట గ్రామానికి చెందిన మహిళా సంఘాల సభ్యులు రజిత, శోభలకు సీ్త్రనిధి ద్వారా రూ.3 లక్షల చొప్పున మొత్తం రూ.6 లక్షల రుణ సహాయం అందించినట్లు అధికారులు తెలిపారు. ఈ సందర్భంగా కలెక్టర్‌ మాట్లా డుతూ సీ్త్రనిధి ద్వారా పొందిన రుణాలతో ఆదాయాన్ని సమకూర్చే ఉపాధి మార్గాలను ఎంచుకొని, కుటుంబ ఆర్థిక పరిస్థితిని మెరుగుపరుచుకోవాలని సూచించారు. కార్యక్రమంలో అదనపు కలెక్టర్‌ ఎన్‌వై గిరి, డీఆర్‌డీవో దామోదర్‌రెడ్డి, అదనపు డీఆర్‌డీవో విజయలక్ష్మి, డీఆర్‌వో పాండు, సీ్త్రనిధి ఆర్‌ఎం కిరణ్‌ తదితరులు పాల్గొన్నారు.

కామారెడ్డి క్రైం: జిల్లాలో గణేశ్‌ ఉత్సవాలు, శోభాయాత్రల సందర్భంగా డీజే సౌండ్‌ సిస్టమ్‌ల వినియోగానికి ఎట్టి పరిస్థితుల్లోనూ అనుమతి లేదని ఎస్పీ రాజేశ్‌ చంద్ర స్పష్టం చేశారు. జిల్లా పోలీస్‌ కార్యాలయంలో సోమవారం జిల్లాలోని డీజేల నిర్వాహకులతో ప్రత్యేక సమావేశం నిర్వహించారు. డీజేల కారణంగా ప్రాణహాని, ఇతర ఇబ్బందులు కలిగే అవకాశం ఉంటుందన్నారు. సుప్రీం కోర్టు ఆదేశాల ప్రకారం డీజే పెట్టడం నిషిద్ధమన్నారు. వినాయక విగ్రహాల నిమజ్జన కార్యక్రమాల్లో సంప్రదాయ డప్పులు, వాయిద్యాలను వినియోగించాలని సూచించారు. ఇప్పటికే అడ్వాన్సులు తీసుకుని ఉంటే వాపస్‌ ఇచ్చేయాలని డీజేల నిర్వాహకులకు సూచించారు. సమావేశంలో ఏఎస్పీ నరసింహారెడ్డి, కామారెడ్డి డీఎస్పీ మదుసూదన్‌ తదితరులు పాల్గొన్నారు.

పర్యావరణహిత పునరుత్పాదక ఇంధన వనరుల అభివృద్ధి దిశగా అడుగులు వేస్తున్న ప్రభుత్వం.. ఫ్లోటింగ్‌ సోలార్‌ ప్రాజెక్టులపై దృష్టి సారిస్తోంది. భూసేకరణ సమస్య లేకపోవడం, నీటి ఆవిరి నష్టాలను తగ్గించే అవకాశం ఉండడంతో ఈ ప్లాంట్ల ఏర్పాటువైపు మొగ్గుచూపుతోంది. ఈ నేపథ్యంలో నేషనల్‌ ఇనిస్టిట్యూట్‌ ఆఫ్‌ సోలార్‌ ఎనర్జీ(నైస్‌) నిర్వహించిన అధ్యయనంలో నిజాంసాగర్‌ ప్రస్తావన రావడం చర్చనీయాంశంగా మారింది. – సాక్షి ప్రతినిధి, కామారెడ్డి● అనుకూలంగా నిజాంసాగర్‌ ప్రాజెక్టు ● 1.11 గిగా వాట్ల విద్యుదుత్పత్తికి అవకాశం ● నేషనల్‌ ఇన్‌స్టిట్యూట్‌ ఆఫ్‌ సోలార్‌ ఎనర్జీ అధ్యయనంలో వెల్లడిమంజీర నదిపై అచ్చంపేట ప్రాంతంలో నిర్మించిన నిజాంసాగర్‌ ప్రాజెక్టు వద్ద జల విద్యుదుత్పత్తి కేంద్రం ఉంది. ఇక్కడ గతంలో ఏటా రెండు టర్బయిన్ల ద్వారా విద్యుత్‌ ఉత్పత్తి జరిగేది. అయితే జల విద్యుదుత్పత్తి కేంద్రాన్ని ఆధునికీకరిస్తుండడంతో కొన్నేళ్లుగా ఉత్పత్తి ప్రక్రియ నిలిచిపోయింది. మరమ్మతులు పూర్తవగానే విద్యుత్‌ తయారీని పునరుద్ధరించనున్నారు. కాగా పర్యావరణ అనుకూల పునరుత్పాదక ఇంధన వనరులపై సర్కారు దృష్టి సారిస్తోంది. సౌర విద్యుదుత్పత్తిని ప్రోత్సహిస్తున్న కేంద్రం.. భూసేకరణ సమస్య లేని నీటిపై తేలియాడే సౌర విద్యుత్‌ ప్లాంట్ల (ఫ్లోటింగ్‌ సోలార్‌) ఏర్పాటుకు మొగ్గు చూపుతోంది. నీటి ఉపరితలంపై సౌరఫలకలు ఏర్పాటు చేసి విద్యుత్‌ ఉత్పత్తి చేసే విధానమే ఫ్లోటింగ్‌ సోలార్‌. జలాశయాలపై ఈ ప్లాంట్లను ఏర్పాటు చేయడానికి పెద్దగా భూమి కూడా అవసరం ఉండదు. నీటి ఉపరితలంపై సోలార్‌ ఫలకలు ఏర్పాటు చేయడం ద్వారా నీరు ఆవిరవడం కూడా కొంతమేర తగ్గుతుంది. అసెంబ్లీలో ప్రస్తావించిన ఎల్లారెడ్డి ఎమ్మెల్యే ఫ్లోటింగ్‌ సోలార్‌ ఎనర్జీ ప్లాంట్ల గురించి ఇటీవల అసెంబ్లీ సమావేశాల్లో ఎల్లారెడ్డి ఎమ్మెల్యే మదన్‌మోహన్‌రావు ప్రస్తావించారు. ఎల్లారెడ్డి నియోజకవర్గంలోని పోచారం ప్రాజెక్టులో ఫ్లోటింగ్‌ సోలార్‌ ప్లాంట్‌ ఏర్పాటు అంశాన్ని పరిశీలించాలని ఆయన ప్రభుత్వాన్ని కోరారు. పోచారం ప్రాజెక్టు ఏటా నిండడంతో పాటు రెండు పంటలకూ నీరందిస్తున్నామని, ఈ ప్రాంతం ఫ్లోటింగ్‌ సోలార్‌ పవర్‌ ప్లాంట్‌ ఏర్పాటుకు అనుకూలంగా ఉంటుందని పేర్కొన్నారు. ఇదే సమయంలో నిజాంసాగర్‌ ప్రాజెక్టుకు సంబంధించి ఇప్పటికే నైస్‌ నివేదిక కూడా ఉండడంతో ఫ్లోటింగ్‌ సోలార్‌ గురించి చర్చ నడుస్తోంది.దేశవ్యాప్తంగా ఎల్‌ నినో ప్రభావంతో ఎక్కడా పెద్దగా వర్షాలు కురవడం లేదు. జిల్లాలో సాధారణ వర్షపాతం నమోదైనప్పటికీ భారీ నీటిపారుదల ప్రాజెక్టు అయిన నిజాంసాగర్‌ ఇప్పటికీ నిండలేదు. శ్రీరాంసాగర్‌ ప్రాజెక్టుదీ అదే పరిస్థితి ఉంది. ఈ రెండు ప్రాజెక్టుల ద్వారా జల విద్యుత్‌ ఉత్పత్తి జరిగేది. నిజాంసాగర్‌లో ఆధునికరణ పనులు జరుగుతుండగా, శ్రీరాంసాగర్‌కు వరద పోటెత్తకపోవడంతో ఉత్పత్తి లేదు. భారీ వరదలు వచ్చి జలాశయం నిండితేగానీ విద్యుత్‌ ఉత్పిత్తి జరిగే అవకాశం లేదు. ఈ నేపథ్యంలో జల విద్యుత్‌ ఉత్పత్తికి ఫ్లోటింగ్‌ సోలార్‌ ఎనర్జీ ప్లాంట్ల ఏర్పాటు ప్రత్యామ్నాయం అవుతుందని భావిస్తున్నారు.నేషనల్‌ ఇన్‌స్టిట్యూట్‌ ఆఫ్‌ సోలార్‌ ఎనర్జీ (నైస్‌) అనేది దేశంలో సౌర శక్తి రంగానికి సంబంధించిన అత్యున్నత పరిశోధన, అభివృద్ధి సంస్థ. ఫ్లోటింగ్‌ సోలార్‌ ప్లాంట్ల ఏర్పాటుపై ఈ సంస్థ ఇటీవల రూపొందించిన ఫ్లోటింగ్‌ సోలార్‌ సామర్థ్య నివేదికలో తెలంగాణలోని పలు జలవనరులను ప్రస్తావించారు. ఇందులో రాష్ట్రంలోని ప్రధాన జలాశయాల్లో ఒకటైన నిజాంసాగర్‌ గురించి ప్రత్యేకంగా పేర్కొనడం ప్రాధాన్యత సంతరించుకుంది. నిజాంసాగర్‌ ప్రాజెక్టులో 20 శాతం నీటి ఉపరితల వినియోగ పరిమితిని పరిగణనలోకి తీసుకున్నపుడు 1.11 గిగా వాట్ల (1,110 మెగావాట్ల) విద్యుత్‌ ఉత్పత్తి చేయవచ్చని అంచనా వేశారు. కాగా శ్రీరాంసాగర్‌కు 1.85 గిగావాట్లు, సింగూరుకు 1.09 గిగావాట్ల విద్యుదుత్పత్తి సామర్థ్యం ఉందని నివేదికలో పేర్కొన్నారు.

కామారెడ్డి క్రైం: ప్రజావాణిలో వచ్చిన ఫిర్యాదులను వెంటనే పరిష్కరించాలని కలెక్టర్‌ ఆశిష్‌ సంగ్వాన్‌ అధికారులకు సూచించారు. కలెక్టరేట్‌లో సోమవారం నిర్వహించిన ప్రజావాణి కార్యక్రమానికి మొత్తం 68 ఫిర్యాదులు వచ్చాయి. వాటిలో భూసమస్యలు, రేషన్‌ కార్డులు, పింఛన్లు, ఇందిరమ్మ ఇళ్లు, బిల్లుల మంజూరు లాంటి ఫిర్యాదులు, వినతులు ఎక్కువగా ఉన్నాయని అధికారులు తెలిపారు. కలెక్టర్‌ మాట్లాడుతూ.. దరఖాస్తులను సంబంధిత శాఖల అఽధికారులు వెంటనే పరిశీలించాలన్నారు. ఫిర్యాదులను ఎప్పటికప్పుడు ఆన్‌లైన్‌లో నమోదు చేయాలన్నారు. అదనపు కలెక్టర్లు విక్టర్‌, గిరి, కలెక్టరేట్‌ పాలనాధికారి మసూర్‌ అహ్మద్‌, అధికారులు, సిబ్బంది పాల్గొన్నారు. పౌల్ట్రీ యాజమాన్యంపై చర్యలు తీసుకోవాలి కోళ్లకు సంబంధించిన వ్యర్థాలను వదులుతుండడంతో చెరువు కలుషితం అవుతున్నదని భిక్కనూర్‌ మండలం కాచాపూర్‌ జీపీ పాలకవర్గం తీవ్ర ఆగ్రహాన్ని వ్యక్తం చేసింది. ఈ విషయమై ఫిర్యాదు చేసేందుకు వారు కలెక్టరేట్‌కు తరలివచ్చారు. ఉప సర్పంచ్‌ దశరథం, స్ధానిక నాయకులు సంతోష్‌ గౌడ్‌, స్వామి, వార్డు సభ్యులు మాట్లాడుతూ.. కొంతకాలంగా కేజేఎల్‌ పౌ ల్ట్రీ వారు వ్యర్థాల నిర్వహణను పాటించకుండా గ్రా మంలోని పెద్ద చెరువు లోకి వదులుతున్నారని తెలిపా రు. అధికారులు స్పందించి తగిన చర్యలు తీసుకోవాలని కోరారు. ఇందిరమ్మ ఇళ్లలో అక్రమాలు ఇందిరమ్మ ఇళ్ల కేటాయింపుల్లో అక్రమాలు జరుగుతున్నాయని రామారెడ్డి మండలం మోషంపూర్‌ గ్రామానికి చెందిన రాజశేఖర్‌ ఫిర్యాదు చేశారు. నిరుపేద కుటుంబం నుంచి వచ్చిన తనకు ఎలాంటి ఆస్తులు లేవన్నారు. గ్రామంలో ఆర్థిక, రాజకీయ పలుకుబడి ఉన్నవారికే ఇళ్లు కేటాయిస్తున్నారని ఆరోపించారు. సర్పంచ్‌, కార్యదర్శులపై విచారణ చేపట్టి న్యాయం చేయాలని ప్రజావాణిలో ఫిర్యాదు చేశాడు.సాక్షి ప్రతినిధి, కామారెడ్డి : ప్రజల సమస్యలు తెలుసుకుని వాటికి పరిష్కారం చూపేందుకు ప్రతి సోమవారం కలెక్టరేట్‌లో నిర్వహించే ప్రజావాణికి జిల్లా అధికారులు సమయానికి చేరుకోవడం లేదు. సోమవారం ఉదయం 10.30 గంటలకు కలెక్టర్‌ ఆశిష్‌ సంగ్వాన్‌ ప్రజావాణి నిర్వహించే సమావేశ మందిరానికి చేరుకోగా.. అప్పుటికి నలుగురైదుగురు అధికారులు మాత్రమే వచ్చారు. వేదికపైకి వెళ్లిన కలెక్టర్‌.. ఏ అధికారి ఏ సమయానికి వస్తున్నారో గమనించారు. కొందరు పది నిమిషాలు, మరికొందరు ఇరవై నిమిషాలు, ఇంకొందరు అరగంట ఆలస్యంగా, మరికొందరు 11 గంటల తర్వాతా వచ్చారు. ఆలస్యంగా వచ్చిన అధికారులను ఒక్కొక్కరినీ పిలిపించి ఎందుకు ఆలస్యంగా వచ్చారో ప్రశ్నించారు. సమయపాలనపై కలెక్టర్‌ దృష్టి పెట్టడంతో అధికారుల్లో వణుకు మొదలైంది.

కామారెడ్డి టౌన్‌: జిల్లా కేంద్రంలో నిర్వహించే వినాయక విగ్రహాల నిమజ్జన శోభాయాత్రకు అన్ని ఏర్పాట్లు చేస్తున్నట్లు మున్సిపల్‌ చైర్‌పర్సన్‌ ఉమారాణి తెలిపారు. సోమవారం అధికారులతో కలిసి శోభాయాత్ర, నిమజ్జన ఏర్పాట్లను పరిశీలించారు. భక్తులకు ఎలాంటి అసౌకర్యం కలగకుండా అన్ని ఏర్పాట్లు పూర్తి చేయాలని అధికారులను ఆదేశించారు. నిమజ్జన ఊరేగింపు రూట్‌ మ్యాప్‌, టేక్రియాల్‌ చెరువు వద్ద నిమజ్జన ఏర్పాట్లను అధికారులతో కలిసి పరిశీలించారు. డీఎస్పీ మధుసూదన్‌, మున్సిపల్‌ కమిషనర్‌ పర్వతాలు, సీఐ నరహరి, డీఈ హన్మంతారావు, ఏఈ వేణుప్రసాద్‌, టీపీవో వినీత్‌, ఎలక్ట్రిసిటీ డీఈ నందకుమార్‌, కౌన్సిలర్లు, నాయకులు శ్రీనివాస్‌, షేరూ తదితరులు పాల్గొన్నారు.

● వీడియో కాన్ఫరెన్స్‌లో నీటిపారుదల శాఖ మంత్రి ఉత్తమ్‌కుమార్‌రెడ్డికామారెడ్డి క్రైం: సాగునీటి ప్రాజెక్టులకు సంబంధించి భూసేకరణ, పునరావాస ప్రక్రియను వేగవంతం చేయాలని నీటిపారుదల శాఖ మంత్రి ఉత్తమ్‌కుమార్‌రెడ్డి సూచించారు. సోమవారం ఆయన రాష్ట్ర సచివాలయం నుంచి వీడియో కాన్ఫరెన్స్‌ ద్వారా కలెక్టర్లతో సాగునీటి ప్రాజెక్టుల భూసేకరణ, పునరావాసం, పునర్వ్యవస్థీకరణ అంశాలపై సమీక్షించారు. పునరావాస కేంద్రాల ఏర్పాటు, పరిహారం చెల్లింపు, నిర్వాసిత కుటుంబాలకు కల్పించాల్సిన మౌలిక సదుపాయాలు, ఇతర పునరావాస చర్యల పురోగతిని సమీక్షించారు. క్షేత్రస్థాయిలో ఎదురవుతున్న సమస్యలను గుర్తించి, వాటి పరిష్కారానికి చర్యలు చేపట్టాలని సూచించారు. గడువులోగా పరిష్కరించాలి కామారెడ్డి క్రైం: సర్‌ ప్రక్రియలో భాగంగా స్వీకరించిన దరఖాస్తులను గడువులోగా పరిష్కరించాలని రాష్ట్ర ప్రధాన ఎన్నికల అధికారి సుదర్శన్‌రెడ్డి అధికారులను ఆదేశించారు. సోమవారం రాష్ట్ర ఎన్నికల కార్యాలయం నుంచి వీడియో కాన్ఫరెన్స్‌ ద్వారా సర్‌ ప్రక్రియపై జిల్లాలవారీగా సమీక్షించారు. ఓటరు నమోదు, పేర్ల తొలగింపు, వివరాల సవరణకు సంబంధించిన దరఖాస్తులపై అవసరమైన విచారణలను సకాలంలో పూర్తి చేయాలన్నారు. సంబంధిత వ్యక్తులకు నోటీసులు తప్పనిసరిగా అందేలా చర్యలు తీసుకోవాలన్నారు. వీసీలో కలెక్టర్‌ ఆశిష్‌ సంగ్వాన్‌, డీఎఫ్‌వో నీరజ్‌, అదనపు కలెక్టర్‌ గిరి, ట్రెయినీ డిప్యూటీ కలెక్టర్‌ రవితేజ తదితరులు పాల్గొన్నారు.

కామారెడ్డి టౌన్‌ : జిల్లా కేంద్రంలోని యోగా భవన్‌లో ఆదివారం తెలంగాణ రాష్ట్ర గెజిటెడ్‌ ప్రధానోపాధ్యాయుల సంఘం (టీఎస్‌జీహెచ్‌ఎంఏ) సర్వసభ్య సమావేశాన్ని నిర్వహించారు. ఇందులో జిల్లా నూతన కార్యవర్గాన్ని ఎన్నుకున్నారు. ఎన్నికల అధికారులు ఎల్‌.రాజులు, శివ నరసింహారావుల ఆధ్వ ర్యంలో ఎన్నికల ప్రక్రియ సాగింది. జిల్లా అధ్యక్షుడిగా నీలం లింగం, ప్రధాన కార్యదర్శిగా ఎస్‌.వెంకటరమణ, కోశాధికారిగా డి. చందర్‌, రాష్ట్ర కౌన్సిలర్లుగా వెంకటేశం, సాయిరెడ్డి, రాజేంద్రప్రసాద్‌ ఏకగ్రీవంగా ఎన్నికయ్యారు. ఈ కార్యక్రమంలో సంఘం రాష్ట్ర అధ్యక్షుడు రాజ గంగారెడ్డి, జిల్లాలోని గెజిటెడ్‌ ప్రధానోపాధ్యాయులు పాల్గొన్నారు. బీర్మల్‌ తండాను సందర్శించిన తమిళనాడు పీఎస్‌ గాంధారి: తమిళనాడు ప్రభుత్వ ప్రిన్సిపల్‌ సెక్రెటరీ టీఎన్‌ వెంకటేశ్‌ ఆదివారం బీర్మల్‌ తండాను సందర్శించారు. మధుర లంబాడీలు తయారు చేసిన ఎంబ్రాయిడరీలను పరిశీలించారు. తయారీ విధానాన్ని తెలుసుకున్నారు. వారితో సరదాగా ముచ్చటించి అభినందించారు. కార్యక్రమంలో తహసీల్దార్‌ రేణుక చౌహాన్‌, అధికారులు, తండావాసులు పాల్గొన్నారు. జిల్లా కబడ్డీ అసోసియేషన్‌ ఎన్నిక తాడ్వాయి : జిల్లా కబడ్డీ అసోసియేషన్‌ కార్యవర్గాన్ని ఆదివారం ఎన్నుకున్నారు. మండల కేంద్రంలోని గార్డెన్‌లో ఎన్నికల అధికారులు బత్తుల నారాయణ, విఠల్‌ రావు పాటిల్‌ సమక్షంలో ఎన్నికల ప్రక్రియ సాగింది. అధ్యక్షుడిగా బి.భాస్కర్‌రెడ్డి, ఉపాధ్యక్షులుగా ఏ.మధుసూదన్‌ రెడ్డి, ఏ.శ్యాంరావు, సీహెచ్‌.రవితేజ గౌడ్‌, దత్తు, ఎన్‌.మధుసూదన్‌రెడ్డి, జనరల్‌ సెక్రెటరీగా సీహెచ్‌.రాజు, జాయింట్‌ సెక్రెటరీలుగా పి.జగదీశ్వర్‌, తిరుమలరెడ్డి, సురేందర్‌గౌడ్‌, నరేష్‌, రాజేందర్‌ ఏకగ్రీవంగా ఎన్నికయ్యారు. కార్యవర్గ సభ్యులుగా జి.లక్ష్మణ్‌, కె.నాగరాజు, లక్ష్మణ్‌ రాథోడ్‌, కె.శివారెడ్డి, సీహెచ్‌.శ్రీనివాస్‌, ఎం.నవీన్‌, జి.లక్ష్మణ్‌, పి.సందీప్‌. గౌరవ అధ్యక్షుడిగా సుభాష్‌రెడ్డి, అసోసియేషన్‌ చైర్మన్‌గా గడీల భాస్కర్‌లను ఎన్నుకున్నట్లు సంఘం ప్రతినిధులు తెలిపారు.

సాక్షి ప్రతినిధి, కామారెడ్డి : జిల్లా కేంద్రంతో పాటు పలు ప్రాంతాల్లో ఆదివారం మధ్యాహ్నం ఓ మోస్తరు నుంచి భారీ వర్షం కురిసంది. ఉదయం ఎండ, ఉక్కపోతతో ఇబ్బందికరంగా ఉన్న వాతావరణం.. మధ్యాహ్నం ఒక్కసారిగా కురిసిన వర్షంతో ఆహ్లాదకరంగా మారిపోయింది. జిల్లా కేంద్రంలో కురిసిన భారీ వర్షంతో లోతట్టు ప్రాంతాలు జలమయమయ్యాయి. తాడ్వాయి మండలంలో మక్క, జొన్న, పత్తి, సోయా పంటలు దెబ్బతిన్నాయి. గాంధారి మండలంలో ఉరుములు, మెరుపులతో కూడిన వర్షం కురిసింది. పలుచోట్ల పిడుగులు పడ్డాయి. ఆ సమయంలో బొప్పాజువాడి శివారులోని పత్తి చేనులో పనిచేసుకుంటున్న గ్రామానికి చెందిన మ్యాకల సూర్యకాంత్‌, బూర్గుల్‌ గ్రామానికి చెందిన గైని శంకర్‌ల సెల్‌ఫోన్లు పేలడంతో తీవ్రంగా గాయపడ్డారు. వారిని తోటి రైతులు కొంతదూరం ఎడ్లబండిపై తీసుకువెళ్లి అంబులెన్స్‌లో గాంధారి ఆస్పత్రికి తరలించారు. అక్కడినుంచి మెరుగైన వైద్యం కోసం కామారెడ్డిలోని జిల్లా జనరల్‌ ఆస్పత్రికి తీసుకువెళ్లారు. మండల కేంద్రంలో నిర్మాణంలో ఉన్న జగదాంబ, సేవాలాల్‌ గుడిపై పిడుగు పడడంతో శిఖరం ధ్వంసమయ్యింది.

బాన్సువాడ : ప్రజలు సొంతింటి కల నెరవేర్చుకునే క్రమంలో ఫైనాన్స్‌లను ఆశ్రయించి అప్పుల ఊబిలో కూరుకుపోతున్నారు. కమీషన్‌ ఇస్తే చాలు పనంతా తామే చేస్తామని చెబుతూ ఏజెంట్లు వక్రమార్గంలో రుణాలు ఇప్పిస్తున్నారు. ఆ తర్వాత ఒక్క నెల వాయిదా చెల్లించకపోయినా ఆయా సంస్థల ప్రతినిధులు ఇళ్లకు వచ్చి మానసికంగా వేధిస్తుండడంతో ఇబ్బందులు పడుతున్నారు. బాన్సువాడ, బీర్కూర్‌, నస్రుల్లాబాద్‌ మండలాల్లో ఫైనాన్స్‌ కంపెనీల ఏజెంట్ల ద్వారా ఇంటి నంబర్ల దందా జోరుగా సాగుతోంది. లే అవుట్‌ లేకుండానే ఇళ్లు నిర్మించుకున్న యజమానులకు అక్రమ మార్గాల ద్వారా ఇంటి నంబర్లు కేటాయిస్తున్నట్లు తెలుస్తోంది. దీని ఆధారంగా యజమానుల పేరిట రిజిస్ట్రేషన్లు చేయించి ఫైనాన్సులో రుణాలు ఇప్పిస్తున్నారు. ఈ ఏడాది ఇంటి నంబర్ల ఆధారంగానే 600లకు పైగా రిజిస్ట్రేషన్లు అయినట్లు తెలుస్తోంది. జిల్లాలో ప్రయివేటు ఫైనాన్స్‌లు పుట్టగొడుగుల్లా వెలుస్తున్నాయి. ఒక్క బాన్సువాడ పట్టణంలోనే 20కి పైగా ఫైనాన్స్‌లున్నాయి. పదుల సంఖ్యలో ఏజెంట్లను నియమించి రుణాలు ఇస్తూ అదే క్రమంలో కిస్తీలను వసూలు చేస్తున్నాయి. వ్యాపారాలు చేసుకునే వారు ఎలాగోలా కిస్తీలు కడుతున్నా.. కొందరు వ్యవసాయ కూలీలు, కూలీలు అప్పులు తీసుకొని కిస్తీలు కట్టలేక నానా అవస్థలు పడుతున్నారు. వ్యవసాయ కూలీలు పనులు దొరక్క కిస్తీలు చెల్లించలేని పరిస్థితి నెలకొంది. కీస్తీలు కట్టని వారిని రికవరీ ఏజెంట్లు మానసికంగా వేధిస్తున్నారు. దీంతో రుణాలు తీసుకున్నవారు నలిగిపోతున్నారు. ఇంటి నంబర్ల దందా విషయమై నస్రుల్లాబాద్‌ ఎంపీవో సూర్యకాంత్‌ను ‘సాక్షి’ వివరణ కోరగా ఈ విషయం తమ దృష్టికి రాలేదన్నారు. జోరుగా ఇంటి నంబర్ల దందా కమీషన్‌ ఇస్తే చాలు పనంతా ఏజెంట్లదే! ఇంటి నంబర్లతో రిజిస్ట్రేషన్లు.. ఫైనాన్సుల్లో తనఖా పెట్టి లోన్లు.. అప్పుల ఊబిలో పేదలు బస్వాయిపల్లికి చెందిన పిట్లం విఠల్‌(28) తీసుకున్న రుణం డబ్బులు కట్టకపోవడంతో ఫైనాన్స్‌ ప్రతినిధులు అతడి ఇంటిని సీజ్‌ చేశా రు. దీంతో మనస్తాపానికి గురైన విఠల్‌ ఇటీవ ల ఇంట్లో ఉరేసుకొని ఆత్మహత్యకు పాల్పడ్డాడు. గతేడాది ఇంటి రుణం కోసం నస్రుల్లాబాద్‌ మండలానికి చెందిన ఓ వ్యక్తి పంచాయతీ కార్యదర్శి సంతకాన్ని ఫోర్జరీ చేసి ఫైనాన్స్‌లో రుణం తీసుకున్నాడు. విషయం తెలుసుకున్న సదరు కార్యదర్శి పోలీసులకు ఫిర్యాదు చేశారు.

● వసతులు లేక ఇతర ప్రాంతాలలో నిర్వహణ ● ఇబ్బందులు పడుతున్న విద్యార్థులు నాగిరెడ్డిపేట: నియోజకవర్గంలో విద్యాభివృద్ధికి గురుకులాలు మంజూరైనా.. సరైన వసతులు లేకపోవడంతో వాటిని వేరే చోట నిర్వహించాల్సి వస్తోంది. దీంతో విద్యార్థులు ఇబ్బందులు పడుతున్నారు. ఆయా విద్యాలయాలకు మంజూరైన చోటే సొంత భవనాలు నిర్మించాలని విద్యార్థుల తల్లిదండ్రులు కోరుతున్నారు. నాగిరెడ్డిపేటనుంచి సరంపల్లికి తరలింపు.. నాగిరెడ్డిపేట మండలానికి 2016లో గిరిజన బాలు ర గురుకుల పాఠశాల మంజూరయ్యింది. అప్పట్లో గురుకుల పాఠశాలను మండలకేంద్రం గోపాల్‌పేటలోని ఓ అద్దెభవనంలో ప్రారంభించారు. ఏడాదిపాటు కొనసాగింది. విద్యార్థుల సంఖ్య పెరిగిన నేపథ్యంలో సరైన వసతులు కలిగిన భవనం మండలకేంద్రంలో అందుబాటులో లేకపోవడంతో మా ల్తుమ్మెదలోని మరో అద్దెభవనంలోకి తరలించారు. రెండేళ్ల తర్వాత విద్యార్థుల సంఖ్య మరింత పెరగడంతో కామారెడ్డి సమీపంలోని సరంపల్లి వద్ద గల ప్రైవేట్‌ భవనంలోకి మార్చారు. నాగిరెడ్డిపేట మండలానికి సంబంధించిన గురుకుల పాఠశాల ఏడేళ్లుగా సరంపల్లిలోనే కొనసాగుతోంది. లింగంపేట నుంచి కామారెడ్డికి.. లింగంపేట మండలానికి 2016లో ఎస్సీ బాలికల గురుకుల పాఠశాల మంజూరయ్యింది. సరైన వసతులతో కూడిన భవనం అందుబాటులో లేకపోవడంతో తాడ్వాయి మండలం ఎర్రాపహాడ్‌కు తరలించారు. నాలుగేళ్ల తర్వాత కామారెడ్డికి మార్చారు. ఇప్పటికీ అక్కడే తరగతులు నిర్వహిస్తున్నారు. తాడ్వాయి నుంచి కుప్రియాల్‌కు.. తాడ్వాయి మండలానికి 2017లో మహాత్మాగాంధీ జ్యోతీబా ఫూలే బీసీ బాలికల గురుకుల పాఠశాల మంజూరయ్యింది. వసతుల లేమితో మొదట్లో మండలంలోని కృష్ణాజీవాడిలో పాఠశాలను నిర్వహించారు. రెండేళ్ల తర్వాత సదాశివనగర్‌ మండలంలోని కుప్రియాల్‌కు తరలించారు. ఎర్రాపహాడ్‌నుంచి లింగంపేటకు.. తాడ్వాయి మండలానికి 2019లో బీసీ బాలుర గు రుకుల పాఠశాల మంజూరయింది. ఎర్రాపహాడ్‌లో రెండేళ్లపాటు తరగతులు నిర్వహించి.. సౌకర్యాల లేమి సాకుతో లింగంపేటకు తరలించారు. ప్రస్తు తం తాడ్వాయి మండలానికి చెందిన గురుకుల పా ఠశాల లింగంపేటలో కొనసాగుతోంది.

కామారెడ్డి అర్బన్‌: రాష్ట్రస్థాయి జూనియర్‌ అథ్లెటిక్స్‌ పోటీల్లో పాల్గొనే జిల్లా క్రీడాకారులకు ఆదివారం ఎంపిక పోటీలు నిర్వహించారు. జిల్లాకేంద్రంలోని ఇందిరా గాంధీ స్టేడియంలో అండర్‌–14, 16, 18, 20 బాలబాలికలు, మెన్‌, ఉమెన్‌లకు రన్స్‌, త్రోస్‌, జంప్స్‌ అంశాల్లో పోటీలు జరిగాయి. ఈ పోటీలలో ప్రతిభ చూపినవారిని ఈనెల 26, 27 తేదీల్లో హనుమకొండలోని జేఎన్‌ స్టేడియంలో నిర్వహించే రాష్ట్రస్థాయి పోటీలకు ఎంపిక చేశామని జిల్లా అథ్లెటిక్స్‌ అసోసియేషన్‌ అధ్యక్ష, ప్రధాన కార్యదర్శులు జైపాల్‌రెడ్డి, అనిల్‌కుమార్‌ తెలిపారు. కార్యక్రమంలో పీఈటీలు శ్రీనివాన్‌, శివాగౌడ్‌, మహేష్‌, ధర్మేంద్ర, అశోక్‌, నవీన్‌, హన్మంత్‌రెడ్డి తదితరులు పాల్గొన్నారు.

నిజామాబాద్‌ రూరల్‌: వెయ్యి రోజుల కాంగ్రెస్‌ పరిపాలనలో విద్యా రంగం కుదేలు అయ్యిందని ఎస్‌ఎఫ్‌ఐ రాష్ట్ర అధ్యక్షుడు శనిగరపు రజినీకాంత్‌ రాష్ట్ర ప్రభుత్వంపై మండిపడ్డారు. ఎస్‌ఎఫ్‌ఐ జిల్లా కమిటీ సమావేశం స్థానిక నాందేవాడ లోని జిల్లా కార్యాలయంలో ఆదివారం నిర్వహించారు. ఈ సందర్భంగా రజినీకాంత్‌ మాట్లాడుతూ.. ప్రభుత్వం పెండింగ్‌లో ఉన్న పాత బకాయిలను విడుదల చేయాలని కోరారు. పాలిటెక్నిక్‌ విద్యార్థులతో నిర్వహించిన హై లెవెల్‌ కమిటీ సమావేశంలో విద్యార్థులను కేకే కమిటీ సభ్యులు దుర్భాషలాడడం సరికాదని అన్నారు. ప్రభుత్వ పాలిటెక్నిక్‌ పై అనాలోచిత నిర్ణయాలు తీసుకోవద్దన్నారు. బెస్ట్‌ అవైలబుల్‌ స్కీమ్‌ బకాయిలను ఇవ్వకుండా ప్రైవేట్‌ విద్యా సంస్థలను ఇబ్బంది చేయకూడదని అన్నారు. వెంటనే యూనివర్సిటీలకు నిధులను పెంచాలని లేకుంటే రాష్ట్ర వ్యాప్తంగా ఉద్యమాలు చేపట్టి ప్రభుత్వాన్ని గద్దె కూలుస్తామని హెచ్చరించారు. కార్యక్రమంలో జిల్లా కార్యదర్శి రాచకొండ విఘ్నేశ్‌, జిల్లా అధ్యక్షులు దీపికా, జిల్లా సహాయ కార్యదర్శి చక్రి, రాజు, గోవింద్‌, ఆదిత్య, యశ్వంత్‌, రాహుల్‌, వేణు, వరప్రసాద్‌ నాయకులు పాల్గొన్నారు.

● జిల్లాలో 22 సొసైటీలు ఎఫ్‌పీవోలుగా ఎంపిక ● ప్రతి ఎఫ్‌పీవోలో 750 మంది రైతులు ఎల్లారెడ్డిరూరల్‌: రైతులను అభివృద్ధి చేయాలనే ఉద్దేశ్యంతో ప్రభుత్వం పలు ప్రాథమిక సహకార సంఘాలను ఫార్మర్‌ ప్రొడ్యూసర్‌(ఎఫ్‌పీవో)లుగా మార్చేందుకు ప్రభుత్వం చర్యలు చేపట్టింది. రైతులు స్వయంగా వ్యాపారాలు చేసుకోవడం, ఎక్విప్‌మెంట్లు కొనుగోలు చేసుకుని వ్యాపారాలు నిర్వహించి ఆదాయాన్ని పెంచుకునేందుకు వీటిని ఏర్పాటు చేస్తున్నారు. జిల్లాలో 56 ప్రాథమిక సహకార సంఘాలు.. జిల్లాలో 56 ప్రాథమిక సహకార సంఘాలున్నాయి. వీటిలో 22 సొసైటీలు కామారెడ్డి, ఎల్లారెడ్డి, మాచారెడ్డి, తాండూర్‌ కిచ్చన్నపేట, దోమకొండ, అడ్లూర్‌ ఎల్లారెడ్డి, బీబీపేట, పెద్ద కొడప్‌గల్‌, లింగంపేట, గాంధారి, నాచుపల్లి, ఆర్గొండ, చిల్లర్గి, బాన్సువాడ, సదాశివనగర్‌, జంగంపల్లి, తాడ్వాయి, బీర్కూర్‌, డోంగ్లీ, జుక్కల్‌, గున్కుల్‌, మద్నూర్‌ సొసైటీలను ఎ ంపిక చేశారు. వీటిలో ఇప్పటికే కామారెడ్డి, చిల్లర్గి, ఆర్గొండ, బీబీపేట, పెద్దకొడప్‌గల్‌ సొసైటీలు లక్ష్యాన్ని సాధించాయి. వీటిలో 750 మంది రైతులు సభ్యత్వం తీసుకున్నారు. వారం రోజుల్లో మిగితా సొసైటీలలో సైతం రైతులు సభ్యత్వం పూర్తికానుంది. రూ. 30 లక్షలతో వ్యాపారం.. జిల్లాలో ఎంపిక చేసిన ఎఫ్‌పీవోలలో 750 మంది రైతులు ఉంటారు. ప్రతి రైతు రూ. 2వేలు చెల్లించి ఎఫ్‌పీవో సభ్యత్వాన్ని తీసుకోవాలి. దీనికి ప్రభుత్వం రైతుల పేరిట మరో రూ. 2వేలు జమ చేస్తుంది. ప్రతి ఎఫ్‌పీవోలో రైతుల వాటా రూ. 15 లక్షలు ఉండగా ప్రభుత్వం మరో రూ. 15 లక్షలు జమ చేస్తుంది. రూ. 30 లక్షలతో చేసిన వ్యాపారం ద్వారా వచ్చిన లాభాన్ని 750 మంది రైతులకు అందిస్తుంది. ఇలా రైతుల అభివృద్ధికి తోడ్పడుతుంది. జిల్లాలో ఉన్న ప్రాథమిక సహకార సంఘాలలో 22 సొసైటీలు ఎఫ్‌పీవోలుగా ఎంపికయ్యాయి. వీటిలో 750 మంది రైతులు సభ్యత్వాన్ని తీసుకుంటారు. రైతుల అభివృద్ధికి ప్రభుత్వం ఎఫ్‌పీవోలను ఏర్పాటు చేసింది. రైతులు జమ చేసిన రూ. 15 లక్షలకు ప్రభుత్వం మరో రూ. 15 లక్షలు జమచేసి రైతుల అభివృద్ధికి తోడ్పాటును అందిస్తుంది. – రామ్మోహన్‌రావు, డీసీవో, కామారెడ్డి

● నిమజ్జన ప్రాంతాలపై పోలీసుల ప్రత్యేక దృష్టి ● బాన్సువాడ డివిజన్‌లో 1405 వినాయక మండపాలు బాన్సువాడ : వినాయక నవరాత్రి ఉత్సవాలు వైభవంగా కొనసాగుతున్నాయి. బాన్సువాడ డివిజన్‌లో ఐదు రోజుల నుంచి ప్రారంభమైన నిమజ్జనాల సందడి 11వ రోజుల పాటు కొనసాగుతుంది. ఈ నేపథ్యంలో శోభాయాత్ర, గణపతిని గంగమ్మ ఒడికి చేర్చే సమయంలో అప్రమత్తంగా ఉండాలని పోలీసులు సూచిస్తున్నారు. ఇటీవల సంగారెడ్డి జిల్లా పటాన్‌చెరులో నిమజ్జనానికి వెళ్లిన ఆరుగురు విద్యార్థులు ప్రమాదవశత్తు నీటిలో మునిగి మృతి చెందిన ఘటన విషాదాన్ని మిగిల్చింది. ఇలాంటి ఘటనలు పునరావృతం కాకుండా నిర్వాహకులు, భక్తులు ముందస్తు జాగ్రత్త తీసుకోవాల్సిన అవసరం ఎంతైన ఉందని పోలీసులు, అధికారులు సూచిస్తున్నారు. బాన్సువాడ డివిజన్‌ పరిధిలో 1405 వినాయక మండపాలు ఏర్పాటు చేశారు. ప్రధానంగా బాన్సువాడ, బిచ్కుంద, బీర్కూర్‌, మద్నూర్‌, నిజాంసాగర్‌ ప్రాంతాల్లో నిఘా ఏర్పాటు చేశారు. ఇటీవల ఎస్పీ రాజేశ్‌ చంద్ర బాన్సువాడ పట్టణంలో శోభాయాత్ర రూట్‌, నిమజ్జనం ప్రాంతాలను సందర్శించి నిర్వాహకులు, పోలీసులకు సలహాలు, సూచనలు ఇచ్చారు. మండపాల నిర్వాహణ, శోభాయాత్రలపై నిర్వాహకులతో స్థానిక పోలీసులు సమావేశాలు నిర్వహించి దిశానిర్దేశం చేశారు. ప్రణాళికబద్దంగా గణేశ్‌ ప్రతిమల నిమజ్జనం జరిగేలా చర్యలు తీసుకుంటున్నాం. వివిధ శాఖల సమన్వయంతో ప్రత్యేక నిఘా ఏర్పాటు చేశాం. పటిష్ట బందోబస్తు కల్పిస్తాం. – విఠల్‌రెడ్డి, డీఎస్పీ బాన్సువాడ

లింగంపేట: మండలంలోని నాగారం గ్రామ శివారులోని పంట పొలాల వద్ద శనివారం రాత్రి ఓ మహిళ హత్యకు గురైన ఘటన ఆదివారం వెలుగులోకి వచ్చింది. ఎస్సై దీపక్‌ కుమార్‌ తెలిపిన వివరాల ప్రకారం.. నాగారం గ్రామానికి చెందిన చింతకుంట అనసూయ(34) అదే గ్రామానికి చెందిన వ్యక్తితో 14 ఏళ్ల క్రితం వివాహం జరిగింది. వీరికి ఓ కుమారుడు తిరుపతి ఉన్నాడు. దంపతుల మధ్య మనస్పర్థలు రావడంతో కొన్నేళ్ల తర్వాత భర్త అనసూయను వదిలిపెట్టి వెళ్లిపోయాడు. కాగా అనసూయ కొర్పోల్‌కు చెందిన గుట్టమీది సాయిలుతో దశాబ్ద కాలంగా సహజీవనం కొనసాగిస్తున్నట్లు గ్రామస్తులు తెలిపారు. మృతురాలు అనసూయ తల్లి చంద్రవ్వ, తిరుపతితో కలిసి హైదరాబాద్‌లో జీవిస్తోంది. ఇంటి వద్ద సాగు చేస్తున్న పంట పొలాలను చూసేందుకు వారానికి ఒక సారి వచ్చి చూసి వెళ్లేది. ఈ క్రమంలో గ్రామానికి వచ్చిన అనసూయ తన పంట పొలానికి శనివారం వెళ్లింది. సహజీవనం కొనసాగిస్తున్న వ్యక్తి ఆమెను పొలంలో ఇనురాడ్‌తో తలపై బలంగా కొట్టడంతో అక్కడికక్కడే మృతి చెందింది. ఘటన స్థలానికి ఎల్లారెడ్డి సీఐ రాజారెడ్డి, లింగంపేట ఎస్సై దీపక్‌కుమార్‌ సిబ్బందితో చేరుకొని మృతదేహాన్ని పరిశీలించారు. హత్య జరిగిన స్థలంలో లభించిన ఇనుపరాడ్‌ను స్వాధీనం చేసుకున్నారు. ఫింగర్‌ ప్రింట్‌ సిబ్బందితో వేలిముద్రలు సేకరించారు. మృతురాలు తల్లి ఫిర్యాదు మేరకు కేసు నమోదు చేసి దర్యాప్తు చేస్తున్నట్లు తెలిపారు. హత్యకు గల కారణాలు తెలియాల్సి ఉందని ఎస్సై పేర్కొన్నారు.

రుద్రూర్‌: పోతంగల్‌ మండల కేంద్రానికి చెందిన జంగం ప్రదీప్‌ నాగలింగప్ప స్వామికి మ హారాష్ట్ర రాష్ట్రస్థాయి వేదశాస్త్రి పురస్కారం లభించింది. మహారాష్ట్రలోని సోలాపూర్‌ శివ యోగి సిద్ధ రామేశ్వర వైదిక పాఠశాలలో వేద అధ్యాపకులుగా సేవలందిస్తున్న ఆయనను ఆదివారం నాందేడ్‌లో ఘనంగా సత్కరించా రు. ప్రదీప్‌ జంగం స్వామి వేద విద్యను భవిష్యత్‌ తరాలకు అందించడంతో పాటు పలువురు విద్యార్థులకు వేదాధ్యయనంలో మార్గదర్శకులుగా నిలుస్తున్నారు. వేదశాస్త్ర రంగంలో ఆయన అందిస్తున్న సేవలను గుర్తిస్తూ మహా రాష్ట్ర ప్రభుత్వం రాష్ట్రస్థాయి పురస్కారానికి ఎంపిక చేసింది. గ్రామస్తులు హర్షం వ్యక్తం చేశారు.

బాన్సువాడ రూరల్‌: పట్టణ ప్రజలకు మాత్రమే పరిమితమైన పచ్చని పార్కులు పల్లెల్లోనూ ఉండాలనే సదుద్దేశంతో గత ప్రభుత్వం ప్రతి గ్రామ పంచాయతీ పరిధిలో పల్లె ప్రకృతి వనాలు ఏర్పాటు చేసింది. కొన్ని గ్రామాల్లో కాంట్రాక్టర్ల నిర్లక్ష్యం, అధికారుల అలసత్వం కారణంగా మొక్కలకు సరైన విధంగా నీటిసౌకర్యం కల్పించలేదు. దీంతో పెద్దగా పెరిగిన మొక్కలు నీటిసౌకర్యం లేక ఎండిపోయాయి. మరికొన్ని చోట్ల పంచాయతీ పాలకులు కనీసం పట్టించుకోకపోవడంతో పార్కుల్లో గడ్డి ఏపుగా పెరిగింది. పిచ్చిమొక్కలు విపరీతంగా పెరగడంతో పాముల భయంతో అక్కడకు వెళ్లాలంటే ప్రజలు భయపడుతున్నారు. కోనాపూర్‌ గ్రామంలో పార్కును సగానికి పైగా తొలగించి మైదానంగా మార్చారు. అధికారులు ఉపాధి హామీ లేదా పంచాయతీ నిధులు వెచ్చించి పార్కులకు పూర్వవైభవం తేవాలని ప్రకృతి ప్రేమికులు కోరుతున్నారు.

నవీపేట: మండలంలోని ఫతేనగర్‌ శివారులోని కుంటలో ప్రమాదవశాత్తు మునిగిపోయి ఆదివారం షేక్‌ అఫాన్‌(18) అనే యువకుడు మృతి చెందినట్లు ఎస్సై శ్రీకాంత్‌ తెలిపారు. బోధన్‌లోని రాకాసిపేట్‌కు చెందిన షేక్‌ ఫసియొద్దీన్‌ రెండు నెలల కిందట మండలంలోని ఫతేనగర్‌ ఫస్ట్‌ప్లాట్‌కు వచ్చి కుటుంబ సభ్యులతో ఉంటున్నాడు. ఆదివారం సెలవు కావడంతో ఫసియొద్దీన్‌ కుమారుడు షేక్‌ అఫాన్‌ ఇద్దరు స్నేహితులు సోహెల్‌, అల్తమాస్‌లతో కలిసి శివారులోని కుంటలో సరదాగా స్నానానికి వెళ్లారు. ఈత రాకపోవడంతో షేక్‌ అఫాన్‌ నీటిలో మునిగి మృతి చెందాడు. ఈ విషయాన్ని కుటుంబసభ్యులకు తెలుపగా వారు వచ్చి పోలీసులకు సమాచారమిచ్చారు. మృతదేహాన్ని బయటకు తీశారు. తండ్రి ఫసియొద్దీన్‌ ఫిర్యాదు మేరకు కేసు నమోదు చేసుకుని దర్యాప్తు చేస్తున్నామన్నారు. గాంధారి (ఎల్లారెడ్డి): మండల కేంద్రంలో గల మొఖరం చెరువులో ప్రమాదవశాత్తు పడి గ్రామానికి చెందిన దొల్లు చిన్న సాయిలు (50) మృతి చెందాడు. ఎస్సై మహేందర్‌ తెలిపిన వివరాలు.. సాయిలు కొన్నేళ్ల క్రితం బ్రిడ్జిపై నుంచి వాగులో పడి గాయపడ్డాడు. అప్పటి నుంచి మతిస్థిమితం సరిగ్గా లేదు. శనివారం బయటకు వెళ్లి తిరిగిరాకపోవడంతో బంధువులు అంతటా అతనికోసం వెతికారు. ఆదివారం చెరువులో చిన్న సాయిలు మృతదేహాన్ని గ్రామస్తులు గుర్తించి పోలీసులకు సమాచారం ఇచ్చారు. మృతుని భార్య దొల్లు లక్ష్మి ఫిర్యాదు మే రకు కేసు నమోదు చేసి దర్యాప్తు చేస్తున్నామన్నారు.

కామారెడ్డి అర్బన్‌: మున్నూరుకాపులు సమాజాభివృద్ధిలో చురుకుగా పాల్గొనాలని మున్నూరుకాపు సంఘం జిల్లా గౌరవ అధ్యక్షుడు మామిండ్ల అంజయ్య, రాష్ట్ర కార్యదర్శి నీలం నర్సింలు అన్నారు. ఆదివారం కామారెడ్డిలో ఏర్పాటు చేసిన సమావేశంలో కొత్తగా ఎన్నికై న రామారెడ్డి మండల మున్నూరుకాపు సంఘం కార్యవర్గసభ్యులను ఘనంగా సన్మానించి మాట్లాడారు. సంఘం రామారెడ్డి మండల అధ్యక్షుడు ల్యాగల మహిపాల్‌, ప్రధాన కార్యదర్శి బండి లింగం, గౌరవ అధ్యక్షుడు చెన్నంశెట్టి రమేష్‌, ప్రతినిధులు భైరయ్య, సాయికుమార్‌, జిల్లా ప్రతినిధులు రావుల గంగాధర్‌, ముల్కరాజు, రాజు, రవి, లింగం తదితరులున్నారు. భిక్కనూరు: మండలంలోని లక్ష్మీదేవునిపల్లి గ్రామ యూత్‌ కాంగ్రెస్‌ నూతన కార్యవర్గాన్ని ఆదివారం కార్యకర్తలు ఏకగ్రీవంగా ఎన్నుకున్నారు. యూత్‌ కాంగ్రెస్‌ గ్రామ కమిటీ అధ్యక్షుడిగా ఆత్మకూరి అనిల్‌రెడ్డి, ఉపాధ్యాక్షుడిగా మాగిని రమేష్‌, పుల్లురి భూమయ్య, ప్రధాన కార్యదర్శిగా ఆలకుంట శ్రీకాంత్‌, సహాయకార్యదర్శులుగా మాగిని నరేష్‌, ప్రశాంత్‌, సోషల్‌ మీడియా ఇన్‌చార్జి ఆలకుంట మహేశ్‌, సలహాదారులుగా ఏనుగు మాదవ్‌రెడ్డి, ఎన్గు శ్రీనివాస్‌రెడ్డి, లింబారెడ్డి, రామ్‌రెడ్డి, నాగిరెడ్డి,మైపాల్‌రెడ్డి, రమేష్‌, ఎల్లం, నర్సింలు, భూమయ్యలు పాల్గొన్నారు. బాన్సువాడ రూరల్‌: మండలంలోని బోర్లం గ్రామ లక్ష్మీనరసింహ స్వామి కల్యాణ మండపం, రెడ్డి సంఘం నూతన కార్యవర్గాన్ని ఆదివారం ఏకగ్రీవంగా ఎన్నుకున్నారు. అధ్యక్షులుగా సంగం సాయిరెడ్డి, ప్రధాన కార్యదర్శిగా పెద్ద పట్లోళ్ల దేవేందర్‌రెడ్డి, ఉపాధ్యక్షులుగా భాస్కర్‌రెడ్డిలను ఎన్నుకున్నారు. అలాగే సంయుక్త కార్యదర్శిగా సుధాకర్‌రెడ్డి, కోశాధికారిగా రాజిరెడ్డిలను ఎన్నుకున్నారు. ఈసందర్బంగా నూతన పాలకవర్గాన్ని సభ్యులు అభినందించారు. మద్నూర్‌ : మండల కేంద్రానికి చెందిన ఉత్తుర్‌వార్‌ సాయితేజకు ఎంబీబీఎస్‌లో మంచి సీటు రావడంతో మండల కేంద్రంలో ఆదివారం గ్రామస్తులు ఆదివారం సన్మానించారు. మండలంలోని ఐదుగురు విద్యార్థులు మెడికల్‌ పరీక్షలో ఉత్తీర్ణులై ప్రతిభను చాటుకున్నారు. మద్నూర్‌కు చెందిన మెడికల్‌ దుకాణం యజమాని సంతోష్‌ కుమారుడు రాష్ట్రంలో 866వ ర్యాంకు సాధించడంతో సాయితేజ్‌కు శాలువాతో సత్కరించి ఊరి పేరును నిలబెట్టాలని గ్రామస్తులు కోరారు. నాందేవ్‌మేసీ్త్ర, రచ్చ కుషాల్‌, శ్రీధర్‌, సంతోష్‌, పెంటేష్‌, నాగేశ్‌, యాదవ్‌రావ్‌ పలువురు ఉన్నారు. భిక్కనూరు: అక్కినేని నాగేశ్వర్‌రావు 101వ జయంతి ఉత్సవాల సందర్బంగా హన్మకొండలో నిర్వహించిన నీరజ ఓరుగల్లు స్వరాలజల్లు కార్యక్రమంలో పాల్గొన్న భిక్కనూరు వాసి ట్రాన్స్‌కో ఉద్యోగి బాల్‌రాజును నిర్వాహకులు ఘనంగా సన్మానించారు. బంగారు కుటుంబం సినిమాలోని అమ్మంటే ప్రేమకు రూపం పాటను బాలరాజు అలపించి అందరిని అలరించాడు.దీంతో నిర్వహకులు బాలురాజు సత్కరించి మెమెంటోను అందజేశారు. సంగీత దర్శకుడు రుద్రారపు విల్సన్‌, జబర్దస్త్‌ కమెడియన్‌ ప్రసాద్‌,నిర్వహకురాలు నీరజలు పాల్గొన్నారు. నిజాంసాగర్‌(జుక్కల్‌): రాహుల్‌గాంధీ ప్రధానమంత్రి కావాలని కన్యాకుమారి నుంచి కశ్మీర్‌కు పాదయాత్ర చేస్తున్న అడ్వకేట్‌ వెంకటేశ్వరరావుకు ఆదివారం మండలంలోని నర్సింగ్‌రావ్‌పల్లి చౌరస్తా వద్ద మండల కాంగ్రెస్‌ పార్టీ అ ధ్యక్షుడు ప్రజాపండరి స్వాగతం పలికారు. ఆయనతో పాటు మూడు కిలోమీటర్లు పాదయాత్ర చేశారు. కాంగ్రెస్‌ నాయకులు చాకలి. సాయిలు, వీరారెడ్డి, గైని. దత్తు, గైని. జగన్‌ తదితరులు పాల్గొన్నారు.

నిజాంసాగర్‌(జుక్కల్‌): సర్వీస్‌ రోడ్లపై పశువులు కట్టేయడం, ట్రాక్టర్లను పార్కింగ్‌ చేసి, రోడ్లు బ్లాక్‌ చేస్తే చట్ట పరమైన కేసులు నమోదు చేస్తామని ఎస్సై శివకుమార్‌ హెచ్చరించారు. ఆదివారం మహమ్మద్‌ నగర్‌ మండలం గిర్నితండా గ్రామ పంచాయతీలోని కొన, నడిమి, గిర్నితండాల్లో రైతులు, గిరిజనులతో సమావేశం నిర్వహించారు. ఈ సందర్బంగా ఆయన మాట్లాడుతూ రోడ్డు ప్రమాదాల నివారణతో పాటు ట్రాఫిక్‌ ఇబ్బందులు కల్గకుండా సర్వీస్‌ రోడ్లు వేశారన్నారు. ద్విచక్రవాహనదారులతో పాటు ప్రైవేట్‌, ఆర్టీసీ వాహనాల ప్రయాణానికి ఆటంకం కల్గించవద్దన్నారు.కార్యక్రమంలో నాయకులు సవాయిసింగ్‌, గంగారాం, మోహిన్‌ తదితరులు ఉన్నారు.

సిరికొండ: మండల కేంద్రానికి చెందిన పారిపల్లి సాయికుమార్‌(32) అనే యువకుడు ఆదివారం గ్రామ సమీపంలోని ఎల్లమ్మ చెరువులో దూకి ఆత్మహత్యకు పాల్పడినట్లు ఎస్సై రామకృష్ణ తెలిపారు. చెరువులో దూకడం గమనించిన గ్రామస్తులు సాయికుమార్‌ను బయటకు తీసి జీజీహెచ్‌కు తరలిస్తుండగా మార్గమధ్యలో మృతి చెందాడు. మృతుడి తల్లి ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఎస్సై పేర్కొన్నారు. మృతుడికి రెండు నెలల క్రితం కుమారుడు జన్మించాడు. యువకుడి మృతితో గ్రామంలో విషాదచాయలు అలుముకున్నాయి. మృతికి గల కారణాలు తెలియరాలేదు.సిరికొండ: మైలారం గ్రామ శివారులో ఆదివారం మధ్యాహ్నం పిడుగుపాటుకు గేదె మృతి చెందింది. సిరికొండ జీపీ పరిధిలోని సేవాలాల్‌ తండాకు చెందిన బాదావత్‌ లింబాద్రి తన గేదెను తండా సమీపంలోని పొలాల వద్ద మేపుతున్నాడు. గేదె మేత మేస్తుండగా దానికి కొద్ది దూరంలో అతడు ఉన్నాడు. వర్షం వచ్చే సమయంలో పిడుగు పడటంతో లింబాద్రి స్పృహ తప్పి పడిపోయాడు. కొద్ది సేపటి తర్వాత అతను కోలుకొని చూసేసరికి గేదె మృతి చెంది ఉన్నట్లు స్థానికులు తెలిపారు. గేదె విలువ రూ. లక్ష వరకు ఉంటుందని, ఆర్థికంగా నష్టపోయిన ఆదుకోవాలని బాధితుడు కోరాడు. రుద్రూర్‌: కుటుంబ కలహాల నేపథ్యంలో ఓ మహిళ తన ముగ్గురు పిల్లలతో కలిసి అదృశ్యమైన ఘటన కోటగిరి మండలంలోని ఓ గ్రామంలో చోటుచేసుకుంది. కోటగిరి ఎస్సై శ్రీనివాస్‌ యాదవ్‌ తెలిపిన వివరాల ప్రకారం.. ఆ మహిళకు భర్తతో శుక్రవారం గొడవ జరిగింది. అనంతరం తన పుట్టింటికి వెళ్తున్నట్లు చెప్పి ముగ్గురు పిల్లలతో కలిసి ఇంటి నుంచి వెళ్లింది. తర్వాత ఆమె ఆచూకీ లభించకపోవడంతో భర్త ఈ విషయాన్ని ఆమె తండ్రికి సమాచారం ఇచ్చాడు. దీంతో భర్త, మహిళ కుటుంబ సభ్యులతో కలిసి గాలించినా ఆచూకీ లభించలేదు. భర్త ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఎస్సై తెలిపారు.

● ఈదురు గాలుల బీభత్సంతో కన్నీరుమున్నీరు ● నష్ట పరిహారం ఇప్పించాలని కోరుతున్న రైతులు పెద్దకొడప్‌గల్‌(జుక్కల్‌): మండలంలోని సముందర్‌ తండాలో ఇటీవల ఆకస్మాత్తుగా వీచిన ఈదురు గాలులతో కూడిన వర్షం స్థానిక రైతులకు తీవ్ర నష్టం కలిగించింది. చేతికి వస్తుందనుకున్న పంటంతా కళ్లెదుటే నేలకూలడంతో అన్నదాతలు నెత్తినోరు బాదుకుంటున్నారు. తండాలో చాలా మంది రైతులు ఎంతో కష్టపడి, పెట్టుబడులు పెట్టి ఆరుగాలం శ్రమించి మొక్కజొన్న పంటను సాగుచేశారు. ప్రస్తుతం ఈ పంట పాలుపోసుకునే(గింజ ఏర్పడే) కీలక దశలో ఉంది. ఈ తరుణంలో వీచిన బలమైన ఈదురు గాలులకు భారీ ఎత్తున మొక్కజొన్న చేలన్నీ పూర్తిగా నేలకొరిగాయి. ఈ దశలో మొక్కజొన్న మొక్క విరిగిపడినా, నేలకొరిగినా గింజలో పూర్తిస్థాయిలో విత్తు(ధాన్యం)నిండదని, దాంతో దిగుబడి పూర్తిగా దెబ్బతింటుందని రైతులు వాపోతున్నారు. పెట్టిన పెట్టుబడి కూడా చేతికి అందే పరిస్థితి లేదని, తాము తీవ్ర ఆర్థిక నష్టాల బారిన పడ్డామని కన్నీరుమున్నీరవుతున్నారు. అన్నదాతలను ఆదుకోవడానికి వ్యవసాయ శాఖ అధికారులు వెంటనే స్పందించి, నేలకొరిగిన మొక్కజొన్న పంటను పరిశీలించి నష్టపరిహారం అందజేయాలని తండా రైతులు కోరుతున్నారు.

జక్రాన్‌పల్లి: మండలంలోని పడకల్‌ గ్రామానికి సైదు వరుణ్‌తేజ్‌ సీబీఎస్‌ఈ రుక్మాపూర్‌ సైనిక్‌ పాఠశాలకు ఎంపికయ్యా రు. కరీంనగర్‌లోని రుక్మాపూర్‌లో ఉన్న సైనిక్‌ పాఠశాలకు తమ కుమారుడు 8వ తరగతిలో ప్రవేశం కోసం ఎంపికై నట్లు విద్యార్థి తండ్రి రా ము తెలిపారు. జిల్లా స్థాయిలో మొదటి ర్యాంకు, రాష్ట్ర స్థాయిలో రెండో ర్యాంకు సాధించిన ట్లు ఆయన పేర్కొన్నారు. వరుణ్‌తేజ్‌ను సర్పంచ్‌ లోక స్వప్న, ఉపసర్పంచ్‌ లోక పురుషోత్తంరెడ్డి, వార్డు సభ్యులు, గ్రామ కమిటీ చైర్మన్‌ అంకం రాజేందర్‌, సభ్యులు అభినందించారు.

బాన్సువాడ : వ్యవసాయ బోర్ల కేబుల్‌ వైర్లను చోరీ చేసిన ఇద్దరిని అరెస్ట్‌ చేసి రిమాండ్‌కు పంపినట్లు బీర్కూర్‌ ఎస్సై రాములు తెలిపారు. బీర్కూర్‌ మండలం వీరాపూర్‌ శివారులో 21 బోర్ల వద్ద గల కేబుల్‌ వైర్లు కట్‌ చేసి దొంగిలించుకుపోయినట్లు రైతులు ఫిర్యాదు మేరకు కేసు నమోదు చేసినట్లు ఎస్సై తెలిపారు. ఈకేసు విషయంలో గ్రామంలోని ఇద్దరు వ్యక్తులను అదుపులోకి తీసుకుని విచారించగా వైర్లు చోరీ చేసింది తామే అని అంగీకరించారన్నారు. ఇరువురిని అరెస్ట్‌ చేసి రిమాండ్‌కు పంపినట్లు ఎస్సై పేర్కొన్నారు.

గాంధారి: రైతులు వానాకాలంలో సాగు చేసిన పంటల వివరాలను డిజిటల్‌ సర్వే చేయించుకోవాలని ఏఈవో విఘ్నేష్‌ కోరారు. పంటల డిజిటల్‌ సర్వే చేయడంకోసం ప్రత్యేకంగా సర్వేయర్లను నియమించినట్లు తెలిపారు. ఈ సర్వే ఆధారంగానే కొనుగోలు కేంద్రాల్లో తాము పండించిన పంటలను విక్రయించడానికి వీలవుతుందన్నారు. సర్వేయర్లు, ఆయా గ్రామాల రైతులు పాల్గొన్నారు. సోయా పంట పరిశీలన బిచ్కుంద: మండలంలోని పెద్ద దేవాడ గ్రామంలో శనివారం ఏవో అమర్‌ ప్రసాద్‌ సోయా పంటను పరిశీలించారు. వాతావరణ మార్పులతో సోయా పంటకు చీడపీడలు, తెగుళ్లు ఆశించాయని గుర్తించారు. ఆకుపచ్చ తెగుళ్లు, దోమ వైరస్‌ తెగుళ్లు సోకి పంటకు నాశనం చేస్తోందని, తెగుళ్ల నివారణ కోసం పాఫికోనాజోల్‌ ఎకరానికి 200 ఎంఎల్‌ లేదా టేబుకొనాజోల్‌ 200 ఎంఎల్‌తో పిచికారీ చేయాలని సూచించారు. వైరస్‌ వ్యాపించే దోమ నివారణ కోసం థయోమితగ్జామ్‌ 80 గ్రామల చొప్పున పిచికారి చేసుకోవాలన్నారు. పత్తి ఇతర పంటలపై తెగుళ్ల రాకుండా తీసుకోవాల్సిన జాగ్రత్తలపై అవగాహన కల్పించారు. పీఎంజేయూజీఏ పథకంపై అవగాహన నస్రుల్లాబాద్‌: కేంద్ర ప్రభుత్వం ప్రవేశపెట్టిన ప్రధాన మంత్రి జన్‌ జాతీయ ఉన్నత్‌ గ్రామ్‌ అభియాన్‌ పథకంపై మండల పశువైద్యాధికారి డా.విజయ్‌ అవగాహన కల్పించారు. శనివారం మండలంలోని అంకోల్‌తండా, సంగం, హాజీపూర్‌ గ్రామాల్లో పర్యటించిన ఆయన గిరిజన రైతులకు ఈ పథకం వివరాలను తెలియజేశారు. ఈ పథకం ద్వారా 90% వరకు సబ్సిడీతో గొర్రెలు/మేకలు, దేశీ కోళ్లు, పందుల యూనిట్లను పొందవచ్చని తెలిపారు. ఎఫ్‌ఆర్‌ఏ పట్టా కలిగి ఉన్న ఎస్టీ కులానికి చెందిన వారు మాత్రమే ఈ పథకానికి అర్హులని పేర్కొన్నారు. ఆధార్‌కార్డు, ఎఫ్‌ఆర్‌ఏ పట్టా, బ్యాంకు పాస్‌ బుక్‌, ఎస్టీకుల ధృవీకరణ పత్రం జిరాక్స్‌ లను గ్రామ కార్యదర్శికి అందజేయాలని సూచించారు. పాముకాటుపై.. బాన్సువాడ రూరల్‌/లింగంపేట : బాన్సువాడ మండలం హన్మాజీపేట్‌ పీహెచ్‌సీలో శనివారం ప్రపంచ పాముకాటు అవగాహన దినోత్సవం నిర్వహించారు. ఈసందర్బంగా మెడికల్‌ ఆఫీసర్‌ ప్రసన్నమీన ఆస్పత్రిలో అవగాహన సదస్సు నిర్వహించి మాట్లాడారు. పాముకాటుకు గురైన వెంటనే సమీపంలోని అస్పత్రికి తరలించి అత్యవసర వైద్యం అందించాలన్నారు. పాముకాటు నివారణకు పరిసరాలను పరిశుభ్రంగా ఉంచుకోవాలన్నారు. చెట్ల పొదలు, పొలాలు, రాత్రిపూట సంచరించేటప్పుడు కాళ్లకు మోకాలి వరకు ఉండే బూట్లు ధరించాలన్నారు. ఆస్పత్రి వైద్య సిబ్బంది పాల్గొన్నారు. లింగంపేట పీహెచ్‌సీలో ప్రపంచ పాముకాటు అవగాహన దినోత్సవం సందర్బంగా మండల వైద్యాధికారి హిమబిందు మాట్లాడారు. పాముకాటును నివారిద్దాం–ప్రాణాలను కాపాడుదాం అనే నినాదంతో గ్రామీన ప్రాంతాల్లో అవగాహన కల్పించాలని సిబ్బందికి సూచించారు. ఎయిడ్స్‌ వ్యాధిపై.. మద్నూర్‌: హెచ్‌ఐవీ ఎయిడ్స్‌పై మండల కేంద్రంలోని ప్రభుత్వ డిగ్రీ, జూనియర్‌ కళాశాలలో శనివారం విద్యార్థులకు అవగాహన సదస్సు నిర్వహించారు. ఈ సందర్బంగా తెలంగాణ రాష్ట్ర ఎయిడ్స్‌ నియంత్రణ సంస్థ ఆధ్వర్యంలో ఐసీటీసీ కౌన్సెలర్‌ జయసూర్య పలు అంశాలను వివరించారు. కార్యక్రమంలో కళాశాల ప్రిన్సిపల్‌ ఆశోక్‌, పాండురంగ్‌, లెక్చరర్లు, విద్యార్థులు పాల్గొన్నారు.

● మధ్యాహ్న భోజనంలో సక్రమంగా అందని పరిస్థితి ● పెరిగిన ధరలకనుగణుంగా స్లాబ్‌రేటు ఇవ్వాలంటున్న ఎండీఎం నిర్వాహకులు సదాశివనగర్‌(ఎల్లారెడ్డి): ప్రైవేటుకు దీటుగా విద్య నందించాలనే లక్ష్యంతో, పాఠశాలల్లో డ్రాప్‌ అవుట్స్‌ తగ్గించేందుకు విద్యార్థులకు పోషకాహారం అందించాలని కేంద్ర, రాష్ట్ర ప్రభుత్వాలు సంయుక్తంగా మధ్యాహ్నభోజన పథకాన్ని అమలు చేస్తున్నాయి. ఇందులో భాగంగా ఉడకబెట్టిన కోడి గుడ్డును వారంలో సోమ, బుధ, శుక్రవారాల్లో వడ్డించాల్సి ఉంది. కోడి గుడ్డూ ధర తరుచూ పెరుగుతుంది. దీంతో మధ్యాహ్న భోజన నిర్వాహకులకు ఇది భారంగా మారుతోంది. చాలా పాఠశాల్లో ఇది సక్రమంగా అమలు కావడం లేదు. కొన్ని పాఠశాలల్లో నెలలో నాలుగైదు సార్లు మాత్రమే పెడుతున్నట్లు విమర్శలున్నాయి. దీంతో విద్యార్థులకు పోషకాహారం దూరమవుతోంది. సదాశివనగర్‌ మండలంలో 46 ప్రభుత్వ పాఠశాలలున్నాయి. ఈ పాఠశాలల పరిధిలో 3వేల 556 మంది విద్యార్థులు చదువుతుకుంటున్నారు. 45 ండీఎం ఏజన్సీలు పని చేస్తున్నాయి. ప్రభుత్వం రూ. 6 మాత్రమే చెల్లిస్తోంది.. నిబంధనల ప్రకారం వారంలో మూడు రోజులు రాగి జావ అందిస్తున్నారు.మూడు రోజులు కోడి గుడ్లు అందించాలి. ప్రభుత్వం గుడ్డుకు రూ.6 మాత్రమే చెల్లిస్తుంది. మార్కెట్‌లో రూ.7 దాటింది. దీంతో గుడ్డుకు రూ.1 అదనంగా చెల్లించడంతో భారమవుతుందని ఎండీఎం నిర్వాహకులు పేర్కొంటున్నారు. ఒక్కో విద్యార్థికి అయ్యే ఖర్చులో 60 శాతం కేంద్రం, 40 శాతం రాష్ట్ర ప్రభుత్వం భరిస్తోంది. ధరలు పెంచితేనే విద్యార్థులకు పోషకాహారం అందుతుందని అభిప్రాయం వ్యక్తమవుతోంది. గిట్టుబాటు కావడం లేదు... మార్కెట్‌లో గుడ్డు ధర ఎక్కువగా పెరగడంతో కొన్ని పాఠశాలల్లో అటకెక్కిస్తున్నారనే విమర్శలు వినిపిస్తున్నాయి. అధికారులు రెండు రోజులు గుడ్డు అందించి ఒక రోజు అరటి పండు ఇవ్వాలని మౌఖికంగా చెబుతున్న అమలుకు నోచుకోవడం లేదని నిర్వాహకులు వాపోతున్నారు. అంగన్‌వాడీల మాదిరిగానే నిత్యవసర సరుకులు కోడి గుడ్లు అందించాలని డిమాండ్‌ను వంట ఏజెన్సీ నిర్వాహకులు కోరుతున్నారు.

కామారెడ్డి అర్బన్‌: ఈనెల 27న ఆచార్య కొండా లక్ష్మణ్‌ బాపూజీ జయంతిని ప్రభుత్వపరంగా ఘనంగా నిర్వహించాలని పట్టణ పద్మశాలి సంఘం నాయకులు కోరారు. ఈమేరకు శనివారం కామారెడ్డి పట్టణ పద్మశాలి సంఘం అధ్యక్షుడు సబ్బని కృష్ణహరి, ప్రధాన కార్యదర్శి జీఎన్‌ స్వామి, నాయకులు బాల్‌నర్సయ్య, శివరాములు, వెంకటస్వామి, నర్సయ్యలు అడిషనల్‌ కలెక్టర్‌ ఎన్‌వై గిరిని కలిసి వినతిపత్రం అంజేశారు. కామారెడ్డి టౌన్‌ : పట్టణంలో చాలా ఏళ్లుగా ప్రమాదకరంగా మారిన పాత ఇనుప స్తంభాలను విద్యుత్‌ శాఖ అధికారులు తొలగించారు. శనివారం జిల్లా కేంద్రంలోని జేపీఎన్‌ రోడ్డు, సుభాష్‌ రోడ్డు, మాయాబజార్‌, సిరిసిల్లా రోడ్డు, స్టేషన్‌ రోడ్డు ప్రాంతాల్లో ఉన్న ఇనుప స్తంభాలను తొలగించి, వాటి స్థానంలో ఎత్తయిన సిమెంట్‌ స్తంభాలను అమర్చారు. ప్రమాదాల నివారణ చర్యల్లో భాగంగా, అలాగే వినాయక చవితి శోభాయాత్ర నేపథ్యంలో విద్యుత్‌ తీగలు తగలకుండా ఎత్తుగా ఉండేలా ఈ చర్యలు చేపట్టినట్లు పట్టణ ఏఈ మనోరంజన్‌ తెలిపారు. లైన్‌ ఇన్‌స్పెక్టర్‌ శివరాములు, లైన్‌మెన్‌ స్వామి పాల్గొన్నారు. పెద్దకొడప్‌గల్‌: మండల కేంద్రంలోని డబుల్‌ బెడ్‌ రూం ఇళ్ల సమస్యలను పరిష్కరించాలని తహసీల్దార్‌ రాజశేఖర్‌ను శనివారం కాంగ్రెస్‌పార్టీ ఎస్సీ సెల్‌ మాజీ చైర్మన్‌ సౌదగర్‌ అరవింద్‌ కోరారు. దీంతో డబుల్‌ బెడ్‌ రూం ఇళ్ల లబ్ధిదారులకు ఇంటి నంబర్లను కేటాయించారు. త్వరలో విద్యుత్‌ సమస్యను పరిష్కరిస్తానని అరవింద్‌ పేర్కొన్నారు. డబుల్‌ బెడ్‌ రూమ్‌ కాలనీవాసులు కృతజ్ఞతలు తెలిపారు. పెద్దకొడప్‌గల్‌: మండలంలోని బాబుల్‌గావ్‌ గ్రామ శివారులో రూ. 7లక్షల ఆర్‌డబ్ల్యూఎస్‌ నిధులతో శనివారం నూతన బోరు వేయించినట్లు ఎంపీడీవో అభినవ్‌ చందర్‌ తెలిపారు. మండలంలోని బాబుల్‌గావ్‌ గ్రామంలో నెలకొన్న తాగునీటి ఎద్దడిపై ‘సాక్షి’లో కథనం ప్రచురితమైన విషయం తెలిసిందే. దీంతో సమస్యల పరిష్కారంపై కలెక్టర్‌ ఆశిష్‌ సంగ్వాన్‌ ప్రత్యేక దృష్టి సారించారు. తాగునీటి సమస్య పరిష్కారం కావడంతో గ్రామస్తులు హర్షం వ్యక్తం చేశారు. ఆర్‌డబ్ల్యూఎస్‌ ఏఈ రాచప్ప, సర్పంచ్‌ రవికుమార్‌, మాజీ ఎంపీటీసీ విఠల్‌ రెడ్డి, ఉప సర్పంచ్‌ బీరప్ప పాల్గొన్నారు. ● నిజామాబాద్‌ ఆర్‌ఎం.కృష్ణమూర్తి నిజామాబాద్‌ రూరల్‌: టీజీఎస్‌ ఆర్టీసీలో గుర్తింపు సంఘం ఎన్నికలు అక్టోబర్‌ 9న నిర్వహించనున్నట్లు నిజామాబాద్‌ రీజియన్‌ మేనేజర్‌ కృష్ణమూర్తి ‘సాక్షి’కి తెలిపారు. రీజియన్‌ పరిధిలో నిజామాబాద్‌–1, 2 కామారెడ్డి, బోధన్‌, ఆర్మూర్‌, బాన్సువాడ డిపోల వారీగా ఎన్నికలు ఉంటాయని పేర్కొన్నారు. ఓటరు జాబితాను త్వరలోనే విడుదల చేస్తామని తెలిపారు. ఎన్నికలను కార్మిక శాఖ ఆధ్వర్యంలో నిర్వహిస్తారని, అక్టోబర్‌ 17న ఫలితాల వెల్లడి ఉంటుందని వివరించారు.

కామారెడ్డి రూరల్‌: కామారెడ్డి మండలం క్యాసంపల్లి గ్రామశివారులో శుక్రవారం రాత్రి ఒంటి గంట ప్రాంతంలో జరిగిన రోడ్డు ప్రమాదంలో ఒకరు మృతి చెందగా మరొకరు తీవ్రంగా గాయపడ్డారు. దేవునిపల్లి ఎస్సై రంజిత్‌ తెలిపిన వివరాల ప్రకారం.. కామారెడ్డి పట్టణంలోని అయ్యప్పనగర్‌కు చెందిన సాయివర్ధన్‌, షేర్‌గల్లీకి చెందిన నందు దోమకొండకు పని నిమిత్తం వెళ్లి తిరిగి బైక్‌పై కామారెడ్డికి వస్తున్నారు. కామారెడ్డి బైపాస్‌ నుంచి క్యాసంపల్లికి వెళ్లే రోడ్డు వద్ద డంపింగ్‌ యార్డుకు వెళ్తున్న ట్రాక్టర్‌ డ్రైవర్‌ ఒక్కసారిగా యూటర్న్‌ తీసుకోవడంతో బైక్‌ ఢీకొట్టింది. దీంతో సాయివర్ధన్‌(20) అక్కడికక్కడే మృతి చెందగా, నందుకు తీవ్రగాయాలయ్యాయి. నందును కామారెడ్డి ఏరియా ఆస్పత్రికి తరలించారు. సాయివర్ధన్‌ మృతదేహాన్ని పోస్టుమార్టం నిమిత్తం ఆస్పత్రికి తరలించారు. దేవునిపల్లి పోలీసులు కేసు దర్యాప్తు చేస్తున్నారు. రామారెడ్డి (ఎల్లారెడ్డి): మద్యానికి బానిసై ఒకరు ఆత్మహత్యకు పాల్పడిన ఘటన మండలంలోని రెడ్డిపేట గ్రామంలో శనివారం చోటు చేసుకుంది. గ్రామస్తులు, పోలీసులు తెలిపిన వివరాల ప్రకారం.. రెడ్డిపేట గ్రామానికి చెందిన మహమ్మద్‌ ఆజాద్‌ (38) శనివారం సాయంత్రం ఇంట్లో ఆత్మహత్య చేసుకున్నాడు. పోలీసుల ఘటనా స్థలానికి చేరుకొని కేసు దర్యాప్తు చేస్తున్నారు.

● తప్పిన పెను ప్రమాదం కామారెడ్డి రూరల్‌: కామారెడ్డి మండలం క్యాసంపల్లి గ్రామ శివారులో భారీ ప్రమాదం తప్పింది. గ్యాస్‌ లోడ్‌తో వెళ్తున్న హెచ్‌పీ వాహనం శనివారం అదుపుతప్పి రోడ్డు పక్కన బోల్తాపడింది. దేవునిపల్లి పోలీసులు తెలిపిన వివరాల ప్రకారం.. హైదరాబాద్‌లోని చర్లపల్లి నుంచి గ్యాస్‌ లోడ్‌ తీసుకొని నాగ్‌పూర్‌ వైపు వెళ్తుండగా అదుపుతప్పిన వాహనం రోడ్డు పక్కన బోల్తాపడింది. ప్రమాదంలో ట్యాంకర్‌ డ్రైవర్‌కు తీవ్ర గాయాలయ్యాయి. సమాచారం అందుకున్న పోలీసులు వెంటనే ఘటనా స్థలానికి చేరుకొని, డ్రైవర్‌ను చికిత్స నిమిత్తం కామారెడ్డి ప్రభుత్వ ఆస్పత్రికి తరలించారు. అయితే, ట్యాంకర్‌ బోల్తాపడినప్పటికీ గ్యాస్‌ లీకేజీ కాకపోవడంతో భారీ ప్రమాదం తప్పింది. ఫైర్‌ సిబ్బంది, పోలీసులు ముందస్తు భద్రతా చర్యలు చేపట్టారు.

ఎల్లారెడ్డి/సదాశివనగర్‌/తాడ్వాయి: తల్లిదండ్రులు తమ పిల్లలపై దృష్టి పెట్టాలని, చదివేలా చూడాల్సిన బాధ్యత తల్లిదండ్రులపై ఉందని ప్రిన్సిపాల్‌ రాజిరెడ్డి అన్నారు. శనివారం పాఠశాలలో ఏర్పాటు చేసిన తల్లిదండ్రుల సమావేశంలో మాట్లాడారు. ఇంగ్లిష్‌లో ప్రతిభ కలిగిన విద్యార్థులచే డ్రామా కన్వర్జేషన్‌ ఒక పండుగ మాట్లాడించడం జరిగిందన్నారు. ఈవిషయాలతో ఉత్తమ ప్రతిభ కనబరిచిన విద్యార్థులను అభినందించారు. నో బ్యాగ్‌ డే సందర్భంగా విద్యార్థులు యూనియన్‌ బ్యాంక్‌ను సందర్శించి బ్యాంక్‌ వారి రోజు కార్యాకలాపలను తెలుసుకున్నారు. ఎల్లారెడ్డి మోడల్‌ స్కూల్‌ లో శనివారం పేరెంట్స్‌ టీచర్స్‌ మీటింగ్‌ నిర్వహించారు. పాఠశాలలో నిర్వహించిన పేరెంట్స్‌ టీచర్స్‌ సమావేశంలో ఇన్‌చార్జి ప్రిన్సిపల్‌ అల్తమాష్‌ జహంగీర్‌ మాట్లాడుతూ ప్రభుత్వ పాఠశాలలో చదివే విద్యార్థులకు ప్రభుత్వం ఉచితంగా పాఠ్యపుస్తకాలు, యూనిఫాం, షూస్‌, మధ్యాహ్నం భోజనం అందిస్తుందన్నారు.తాడ్వాయి కృష్ణాజివాడి పాఠశాలలో నిర్వహించిన విద్యార్థుల తల్లిదండ్రులు, ఉపాధ్యాయుల సమావేశంలో ఎంఈవో రామస్వామి మాట్లాడారు. చైల్డ్‌ ప్రొటెక్షన్‌ జిల్లా ఆఫీసర్‌ మోహన్‌ మాట్లాడుతూ విద్యార్థుల తల్లిదండ్రులకు పోక్సో చట్టంపై అవగాహన కలిగి ఉండాలన్నారు. కార్యక్రమంలో ఉపాధ్యాయలు, విద్యార్థులు తదితరులున్నారు.

● డీఈవో మల్లికార్జున్‌ ● ఘనంగా హిందీ దివస్‌ కామారెడ్డి అర్బన్‌ : హిందీ భాష మాధుర్యాన్ని సమాజంలోని ప్రతి ఒక్కరికి చేరాలని డీఈవో మల్లికార్జున్‌ అన్నారు. కామారెడ్డి జిల్లా హిందీ ఫోరం ఆధ్వర్యంలో శనివారం స్థానిక వరలక్ష్మి ఫంక్షన్‌హాల్‌లో హిందీ దివస్‌ ఘనంగా నిర్వహించారు. ముఖ్యఅతిథులుగా డీఈవోతో పాటు శాతవాహన విశ్వవిద్యాలయం హిందీ ప్రాఫెసర్‌ వాసాల వరప్రసాద్‌ హాజరై జ్యోతి వెలిగించి ప్రారంభించారు. హిందీ అభ్యాస దీపిక ను ఆవిష్కరించారు. అనంతరం ప్రోఫెసర్‌ వరప్రసాద్‌ మాట్లాడుతూ హిందీ ప్రాచీన భాషగా ప్రపంచ వ్యాప్తంగా గుర్తింపు పొందిందన్నారు. హిందీలో ఉన్నత విద్య అభ్యసించిన వారికి ఉపాధి అవకాశాలు బాగా ఉన్నాయని అన్నారు. హిందీ దివస్‌ సందర్భంగా ఆయా పాఠశాలల్లో విద్యార్థులకు చిత్రలేఖనం, వ్యాసరచన పోటీలు నిర్వహించగా విజేతలకు బహుమతులు అందజేశారు. సీనియర్‌ హిందీ పండితులను సన్మానించారు. కార్యక్రమంలో హిందీ ఫోరం జిల్లా అధ్యక్ష,ప్రధాన కార్యదర్శులు ఇంద్రశేఖర్‌, సహేందర్‌నాథ్‌, ప్రతినిధులు గఫూర్‌శిక్షక్‌, అరుణ్‌కుమార్‌, చింతల లింగం, గిరి, రమేష్‌, వంశీధర్‌, పంచశీల, విద్యాశాఖ సెక్టోరీయల్‌ అధికారులు బలరాం, లింగం, వేణుశర్మ , జిల్లాలోని హిందీ పండితులు, హిందీ భాషప్రియులు హాజరయ్యారు. అలాగే కామారెడ్డి ఆర్ట్స్‌ అండ్‌ సైన్స్‌ కళాశాల హిందీ విభాగం ఆధ్వర్యంలో ప్రిన్సిపల్‌ విజయ్‌కుమార్‌ అధ్యక్షతన హిందీ దినోత్సవం నిర్వహించారు. హిందీ జాతీయ సమైక్యత, సంస్కృతి, జ్ఞాన సమృద్ధి అనే అంశంపై ప్రొఫెసర్‌ వరప్రసాద్‌ ముఖ్యఅతిథిగా హాజరై మాట్లాడారు. విద్యార్థులకు వ్యాసరచన, వక్తృత్వ, క్విజ్‌ పోటీల విజేతలకు ప్రశంస పత్రాలు అందజేశారు. వైస్‌ ప్రిన్సిపల్‌ కిష్టయ్య, హిందీ విభాగాధిపతి జి.శ్రీనివాస్‌రావు, సమన్వయకర్తలు విశ్వప్రసాద్‌, జయప్రకాష్‌, సుధాకర్‌, దినకర్‌, అధ్యాపకులు బాలాజీ, రమేశ్‌ తదితరులున్నారు. గాంధారిలో.. గాంధారి: స్థానిక ప్రభుత్వు జూనియర్‌ కాలేజీలో శనివారం హిందీ భాషా దినోత్సవాన్ని ఘనంగా నిర్వహించినట్లు హిందీ అద్యాపకుడు సంబాజీ తెలిపారు. ఈ సందర్భంగా ప్రిన్సిపాల్‌ గంగారాం మాట్లాడారు. దేశంలోని వేర్వేరు రాష్ట్రాల, వేర్వేరు భాషలను అనుసంధానం చేస్తుందన్నారు. అధ్యాపకులు, విద్యార్థులు పాల్గొన్నారు.

● ఉద్యోగాలు చేస్తూనే చదువు.. ● ఒకే వేదికపై పట్టా అందుకున్న వనజ, తిరుమల దంపతులుసాక్షి ప్రతినిధి, కామారెడ్డి : ఆ దంపతులిద్దరూ కుటుంబ బాధ్యతలు మోస్తూ, అధ్యాపకులుగా బాధ్యతలు నిర్వహిస్తూనే నిత్య విద్యార్థులుగా కొనసాగారు. ఎంచుకున్న అంశాలపై పరిశోధనలు చేసి ఇటీవల జరిగిన ఉస్మానియా యూనివర్సిటీ 85వ స్నాతకోత్సవంలో ఒకే వేదికపై ఒకరి వెనక ఒకరు డాక్టరేట్‌ పట్టా అందుకున్నారు. వైకల్యాన్ని ఎదిరించి.... కామారెడ్డి ప్రభుత్వ ఆర్ట్స్‌ అండ్‌ సైన్స్‌ డిగ్రీ కాలేజీలో జువాలజీ విభాగంలో అసిస్టెంట్‌ ప్రొఫెసర్‌గా పనిచేస్తున్న మల్సూర్‌ తిరుమల, సదాశివనగర్‌ మండలం మర్కల్‌ వద్ద ఉన్న తెలంగాణ సోషల్‌ వెల్ఫేర్‌ రెసిడెన్షియల్‌ డిగ్రీ కాలేజీలో లెక్చరర్‌గా పనిచేస్తున్న వనజ భార్యాభర్తలు. మల్సూర్‌ తిరుమల అంగవైకల్యం ఉన్నా ఆత్మవిశ్వాసంతో చదువులో రాణించాడు. అదే సమయంలో ఉన్నత చదువులు చదివిన వనజ తోడైంది. ఇద్దరూ ఇష్టపడి పెళ్లి చేసుకున్నారు. వివాహం తర్వాతా విద్యా ప్ర యాణం కొనసాగించారు. తిరుమల ‘స్ట డీస్‌ ఆన్‌ వాటర్‌ క్వాలిటీ అండ్‌ అసెస్‌మెంట్‌ ఆఫ్‌ మెటల్స్‌ ఇన్‌ వేరియస్‌ టి ష్యూస్‌ ఆఫ్‌ ఫిష్‌ ఫ్రమ్‌ కాచాపూర్‌ లేక్‌, కామారెడ్డి డిస్ట్రిక్ట్‌, తెలంగాణ, ఇండి యా’ అనే అంశంపై ఉస్మానియా యూ నివర్సిటీ నుంచి డాక్టరేట్‌ పట్టా అందుకున్నారు. వనజ ‘డైవర్సిటీ, డిస్ట్రిబ్యూషన్‌ స్టేటస్‌ అండ్‌ ఎకాలజీ ఆఫ్‌ బట్టర్‌ఫ్లైస్‌ ఆఫ్‌ నిజామాబాద్‌ డిస్ట్రిక్ట్‌, తెలంగాణ ఇన్‌ ఇండియా’ అన్న అంశంపై పీహెచ్‌డీ పూర్తి చేసి ఉస్మానియా యూనివర్సిటీ నుంచి డాక్టరేట్‌ పట్టా అందుకున్నారు. భార్యాభర్తలిద్దరూ ఉద్యోగాలు చేస్తూ కుటుంబ బాధ్యతలు మోస్తూనే పరిశోధనలు కొనసాగించి డాక్టరేట్‌ పట్టా అందుకోవడం గమనార్హం. ఒకరినొకరం ప్రోత్సహించుకుంటూ ముందుకు సాగామని, పరిశోధన పూర్తి చేసి డాక్టరేట్‌ సాధించామని వారు పేర్కొంటున్నారు.

బిచ్కుంద: పంట సాగులో రైతులకు అవసరమైన సలహాలు, సూచనలు అందిస్తూ పంట ఉత్పాదకతను పెంచాలన్న ఉద్దేశంతో కేంద్ర ప్రభుత్వం ఆర్టిఫిషియల్‌ ఇంటెలిజెన్స్‌ (ఏఐ)తో కూడిన ‘భారత్‌ విస్తార్‌’ యాప్‌ను తీసుకువచ్చింది. ఈ యాప్‌ వ్యవసాయంలోని ప్రతి దశలో ఓ డిజిటల్‌ వ్యవసాయాధికారిలా సేవలందిస్తోంది. పంటలను ఆశించే చీడపీడలు, తెగుళ్ల పరిష్కారానికి సూచనలు అందించడంతోపాటు ఽపంట ఉత్పత్తుల విక్రయంలోనూ తోడ్పడుతోంది. సమగ్ర సమాచారం.. సాధారణంగా రైతులు వాతావరణ సమాచారం, మార్కెట్‌ ధరలు, తెగుళ్ల నివారణ, సాగు విధానం, ప్రభుత్వ పథకాల సమాచారాన్ని తెలుసుకోవడానికి వివిధ శాఖల అధికారులు, కార్యాలయాలను సంప్రదిస్తారు. ఈ సేవలన్నింటినీ ఒకే వేదికపై అందించేందుకు కేంద్రం యాప్‌ను తీసుకువచ్చింది. ‘భారత్‌ విస్తార్‌’ యాప్‌తో ఆయా సమాచారం తెలుసుకునే వీలుంది. పైరును చీడపీడలు ఆశించినప్పుడు, పోషకాల లోపాలు ఉన్నప్పుడు వాటి ఫొటోలు తీసి సమస్యను వివరించి యాప్‌లో అప్‌లోడ్‌ చేయగానే ఆ చిత్రాల ఆధారంగా పంటకు వచ్చిన తెగుళ్లు, పంట ఎదుగుదల, చీడపీడల నివారణకు ఏ పురుగు మందులు వాడాలి, ఎంత పరిమాణంలో మందులు పిచికారీ చేయాలనే సూచనలను అందిస్తుంది. అలాగే ఉత్పత్తులను ఏ మార్కెట్‌లో అమ్మితే గిట్టుబాటు ధర లభిస్తుంది, వివిధ రకాల పంటల ధరలు, ఏ కాలంలో ఏ పంటలు వేస్తే లాభదాయకంగా ఉంటుందనే సమాచారం కూడా అందిస్తుంది. కాగా ఎంతో ఉపయోగకరంగా ఉన్న ఈ యాప్‌పై రైతులకు అవగాహన కల్పించే విషయమై వ్యవసాయ శాఖ దృష్టి సారించడం లేదు. ఇప్పటికై నా అధికారులు స్పందించి భారత్‌ విస్తార్‌ యాప్‌పై రైతులకు అవగాహన కల్పించాలని యువ రైతులు కోరుతున్నారు. ‘భారత్‌ విస్తార్‌’ యాప్‌ రైతులకు చాలా ఉపయోగకరంగా ఉంది. తెగుళ్లు, పురుగులు ఆశించకుండా నివారణ చర్యలు, ఎలాంటి మందులు వాడాలి, ఉత్పత్తుల విక్రయాలు తదితర సమాచారాన్ని తెలుసుకోవచ్చు. యాప్‌పై రైతులకు అవగాహన కల్పిస్తున్నాం. ఏఐ ఇచ్చే సూచనను తుది నిర్ణయంగా కాకుండా వ్యవసాయ నిపుణుల సలహాలు కూడా తీసుకోవడం మంచిది. – అమర్‌ ప్రసాద్‌, ఏవో బిచ్కుంద డిజిటల్‌ వ్యవసాయ అధికారిగా ‘భారత్‌ విస్తార్‌’ యాప్‌ అవగాహన లేక వినియోగించుకోలేకపోతున్న రైతులు

● క్షేత్ర స్థాయిలో పరిశీలిస్తున్న అధికారులు ● దళారులను నమ్మి మోసపోవద్దని సూచనకామారెడ్డి టౌన్‌ : చేయూత పెన్షన్ల కోసం జిల్లాలో 14,570 దరఖాస్తులు వచ్చాయి. వాటిలో అర్హులను గుర్తించేందుకు అధికారులు క్షేత్రస్థాయిలో పర్యటిస్తున్నారు. జిల్లాలో ప్రస్తుతం 1.55 లక్షల మంది చేయూత పింఛన్ల ద్వారా లబ్ధి పొందుతున్నారు. వీరికోసం ప్రభుత్వం ప్రతినెలా రూ.37.61 కోట్లను వెచ్చిస్తోంది. కొత్తగా లబ్ధిదారులను ఎంపిక చేసేందుకు ప్రభుత్వం ఇటీవల దరఖాస్తులు ఆహ్వానించింది. అయితే వృద్ధాప్య పెన్షన్లు, బీడీ కార్మికుల జీవన భృతి కాకుండా.. మిగతా పెన్షన్లకోసం మాత్రమే ఈనెల 16 వరకు దరఖాస్తులు స్వీకరించింది. ఆయా పింఛన్ల కోసం జిల్లాలో 14,570 అప్లికేషన్లు వచ్చాయి. ఇందులో అర్హులను తేల్చే పనిలో అధికార యంత్రాంగం నిమగ్నమైంది. కొత్త పింఛన్ల మంజూరు ప్రక్రియ మొదలవడంతో దళారులు రంగంలోకి దిగి అమాయక ప్రజలను మోసం చేసేందుకు యత్నిస్తున్నారు. పింఛన్‌ మంజూరు చేయిస్తామంటూ డబ్బులు వసూలు చేస్తున్నట్లు తెలుస్తోంది. అయితే పింఛన్ల కోసం ఎవరూ దళారులను ఆశ్రయించవద్దని అధికారులు సూచిస్తున్నారు. ప్రభుత్వ నిబంధనల ప్రకారమే అర్హులను ఎంపిక చేస్తామని, ఎవరికీ రూపాయి కూడా లంచం ఇవ్వాల్సిన అవసరం లేదని చెబుతున్నారు. క్షేత్రస్థాయి పరిశీలన తర్వాతే దరఖాస్తులు ఆమోదం పొందుతాయని, ఇందులో ఎవరి ప్రమేయం ఉండదని పేర్కొంటున్నారు. ఎవరైనా పింఛన్‌ ఇప్పిస్తామని వస్తే సంబంధిత మున్సిపల్‌, మండల అధికారులకు ఫిర్యాదు చేయాలని సూచిస్తున్నారు.

జిల్లాలో ఖరీఫ్‌ సీజన్‌కు సంబంధించిన వడ్ల సేకరణకు కసరత్తు మొదలయ్యింది. 7.10 లక్షల టన్నుల ధాన్యం దిగుబడి వస్తుందని అంచనా వేస్తున్న అధికారులు.. ఇందులో 4.59 లక్షల టన్నులు కొనుగోలు కేంద్రాలకు చేరుతుందని భావిస్తున్నారు. ఈ ధాన్యం సేకరణ కోసం 414 కొనుగోలు కేంద్రాలను ఏర్పాటు చేయనున్నారు. కామారెడ్డి క్రైం : జిల్లా వ్యాప్తంగా ఖరీఫ్‌ సీజన్‌లో 3,19,361 ఎకరాల్లో వరి సాగవుతోంది. ప్రభుత్వం సన్నాల సాగుకు ప్రోత్సాహకంగా క్వింటాలు వడ్లకు రూ.500 బోనస్‌ ఇస్తుండడం, దీనిపై సీజన్‌ ప్రారంభంలో గ్రామాల్లో విస్తృతంగా అవగాహన కల్పించడంతో రైతులు ఈసారి పెద్ద ఎత్తున సన్నాల సాగుపై దృష్టి పెట్టారు. దీంతో 2,79,027 ఎకరాల్లో సన్నరకాలు వేయగా.. 40,335 ఎకరాల్లోనే దొడ్డు రకాలు సాగవుతున్నాయి. అన్ని రకాలు కలిపి జిల్లాలో ఈసారి 7,10,661 మెట్రిక్‌ టన్నుల ధాన్యం ఉత్పత్తి కావచ్చని ఆశిస్తున్నారు. ఇందులో రైతుల అవసరాలు, బయటి విక్రయాలుపోను 4,59,295 లక్షల మెట్రిక్‌ టన్నుల ధాన్యం కొనుగోలు కేంద్రాలకు రావచ్చని అధికారులు అంచనా వేస్తున్నారు. కాగా గతేడాది ఖరీఫ్‌లో 4.10 లక్షల మెట్రిక్‌ టన్నుల ధాన్యాన్ని కొనుగోలు కేంద్రాల ద్వారా సేకరించారు. జిల్లాలో ప్రస్తుత సీజన్‌కు సంబంధించిన వరి పంట త్వరలో చేతికి రానుంది. వ చ్చే నెల రెండో వారం నుంచి కేంద్రాలకు ధాన్యం వచ్చే అవకాశాలు ఉంటాయి. ఈ నేపథ్యంలో కొనుగోళ్లకు ముందస్తుగా ఏర్పాట్లు చే స్తున్నాం. కొనుగోలు కేంద్రాల్లో రైతులకు ఎలాంటి ఇబ్బందులు కలుగకుండా చూస్తాం. – శ్రీకాంత్‌, డీఎం, సివిల్‌ సప్లయ్‌ కార్పొరేషన్‌, కామారెడ్డి సేకరణకు ఏర్పాట్లు.. గత అనుభవాలను దృష్టిలో ఉంచుకుని ఈసారి ధాన్యం సేకరణకు పకడ్బందీగా ఏర్పాట్లు చేయాలని అధికార యంత్రాంగం నిర్ణయించింది. ముఖ్యంగా హమాలీల కొరత, రవాణా అంశాలపై ప్రత్యేక దృష్టి సారిస్తున్నారు. అక్టోబర్‌ రెండో వారంలో బాన్సువాడ, ఎల్లారెడ్డి డివిజన్ల పరిధిలో, నవంబర్‌ మొదటి వారం నుంచి కామారెడ్డి డివిజన్‌లో ధాన్యం సేకరణ ప్రారంభమయ్యే అవకాశం ఉంది. ఇందుకోసం జిల్లావ్యాప్తంగా ఐకేపీ, సింగిల్‌ విండోల ఆధ్వర్యంలో మొత్తం 414 కొనుగోలు కేంద్రాలు ఏర్పాటు చేయాలని ప్రతిపాదించారు. ఇందులో ఐకేపీ ఆధ్వర్యంలో 184, సింగిల్‌ విండోల ద్వారా 230 కేంద్రాలు ఏర్పాటు చేయనున్నారు. వరద ముప్పు ఉన్నట్లు గుర్తించిన 34 కొనుగోలు కేంద్రాలను సురక్షిత ప్రాంతాలకు తరలించాలని ఇప్పటికే కలెక్టర్‌ అధికారులకు సూచించారు. కేంద్రాలో ధాన్యం సేకరణకు అవసరమైన ప్యాడీ క్లీనర్లు, తేమ కొలిచే పరికరాలు, వేయింగ్‌ స్కేళ్లు, హస్క్‌ రిమూవర్లు ఇప్పటికే సమకూర్చారు. అదనంగా అవసరమైన టార్పాలిన్లు, ఆటోమెటిక్‌ ప్యాడీ క్లీనర్లను సమకూర్చుతున్నారు. కొనుగోలు ప్రక్రియ, నిబంధనలు, పాటించాల్సిన ప్రమాణాలపై అన్ని సొసైటీల కార్యదర్శులు, ఏపీఎంలు, సెంటర్‌ల ఇన్‌చార్జీలకు ఈనెల 22 న ప్రత్యేక శిక్షణ ఇవ్వనున్నారు. ఖరీఫ్‌ సీజన్‌కు సంబంధించి ధాన్యం సేకరణకు కసరత్తు జిల్లాలో 3,19,361 ఎకరాల్లో వరి సాగు 7.10 లక్షల టన్నుల ధాన్యం దిగుబడి అంచనా 414 కేంద్రాలను ఏర్పాటు చేయనున్న అధికారులు

కామారెడ్డి టౌన్‌ : జిల్లా కేంద్రంలోని సిరిసిల్ల ప్రధాన రహదారిపై నిర్మించిన డివైడర్లు ప్రమాదకరంగా మారాయి. నాసిరకం పనులతోపాటు నిర్వహణ సరిగా లేక ధ్వంసమవుతున్నాయి. దీంతో కూలిపోయిన డివైడర్‌ రాళ్లు రోడ్డుపై పడి ప్రమాదకరంగా మారాయి. పట్టణంలోని పాత బస్టాండ్‌ నుంచి ధర్మశాల, పొట్టి శ్రీరాములు విగ్రహం, రామారెడ్డిరోడ్‌, రాజీవ్‌పార్క్‌, అయ్యప్పకమాన్‌, రాజీవ్‌ పార్క్‌ మీదుగా సిరిసిల్లరోడ్‌ బైపాస్‌ వరకు 2 కిలో మీటర్ల మేర రహదారి గుండా డివైడర్‌లు ఉన్నాయి. అయితే పనులను నాసిరకంగా చేపట్టడంతో గాలి, వానలతోపాటు వాహనాలు కొద్దిగా తగిలినా ఇవి కూలిపోతున్నాయి. పనుల్లో నాణ్యతను పర్యవేక్షించడంలో మున్సిపల్‌ ఇంజినీరింగ్‌ విభాగం విఫలమైందనే ఆరోపణలు వినిపిస్తున్నాయి. పొంచి ఉన్న ప్రమాదం.. సిరిసిల్ల రోడ్డులోని వైన్స్‌ సమీపంలో డివైడర్‌ పూర్తిగా ధ్వంసమై రాళ్లు రోడ్డుపైకి వచ్చాయి. రాజీవ్‌ పార్కు ముందు భాగంలో డివైడర్‌ దెబ్బతింది. రెండు పెట్రోల్‌ బంక్‌ల ఎదుట కూడా ఇదే పరిస్థితి.. రామేశ్వరపల్లి వైపు వెళ్లే ప్రధాన మలుపు వద్ద డివైడర్‌ కూలిపోవడంతో.. దానిని గమనించక మలుపు తిరిగే వాహనదారులు అదుపుతప్పి ప్రమాదాల బారిన పడుతున్నారు. రైస్‌మిల్‌ సమీపంలోనూ డివైడర్‌ కూలిపోయి రోడ్డు మధ్యలో ప్రమాదకరంగా మారింది. స్ట్రీట్‌ లైట్లు సరిగా వెలగని ప్రాంతాల్లో రాత్రి వేళల్లో మరింత ప్రమాదకరంగా మారాయి. కొన్నిచోట్ల వాహనాలు డివైడర్లను ఢీకొన్నప్పుడు విరిగిన భాగాలను అలాగే వదిలేయడంతో అవి రోడ్డును ఆక్రమించాయి. అయినా బల్దియా అధికారులు వాటిని తొలగించడానికి ఎలాంటి చర్యలు తీసుకోవడం లేదు. ఇప్పటికై నా ఉన్నతాధికారులు స్పందించి నాసిరకం పనులపై విచారణ జరపాలని, దెబ్బతిన్న డివైడర్లకు మరమ్మతులు చేపట్టాలని ప్రజలు కోరుతున్నారు. పట్టణంలోని సిరిసిల్ల రోడ్‌లో కూలిపోతున్న, ధ్వంసమైన డివైడర్లకు మరమ్మతులు చేయిస్తాం. ఈ అంశంపై కౌన్సిల్‌ సమావేశంలో చర్చించి అవసరమైన నిధులు కేటాయిస్తాం. ప్రమాదాలు జరగకుండా తగిన చర్యలు తీసుకుంటాం. – పర్వతాలు, మున్సిపల్‌ కమిషనర్‌, కామారెడ్డిసిరిసిల్లరోడ్‌లోని రైస్‌మిల్‌ వద్ద..సిరిసిల్లరోడ్‌లోని పెట్రోల్‌ బంక్‌ వద్ద దెబ్బతిన్న డివైడర్‌ నాసిరకం పనులు.. దెబ్బతింటున్న నిర్మాణాలు జిల్లాకేంద్రంలోని సిరిసిల్ల రోడ్డులో ప్రమాదకరంగా పరిస్థితి పట్టించుకోని పాలకులు

కామారెడ్డి అర్బన్‌: ఇండియన్‌ రెడ్‌క్రాస్‌ సొసైటీ జిల్లా పాలకమండలి ఎన్నికలకు సంబంధించిన నోటిఫికేషన్‌ను శనివారం అదనపు కలెక్టర్‌, ఎన్నికల అధికారి ఎన్‌వై గిరి విడుదల చేశారు. ఈనెల 24న ఉదయం 10 గంటల నుంచి మధ్యాహ్నం ఒంటి గంట వరకు కలెక్టరేట్‌లోని రెండో నంబర్‌ గదిలో నామినేషన్లు స్వీకరిస్తామని తెలిపారు. 25న నామినేషన్ల పరిశీలన, 26న ఉపసంహరణకు గడువు ఉంటుందని పేర్కొన్నారు. అదేరోజు మధ్యాహ్నం 3 తర్వాత బరిలో ఉన్న అభ్యర్థుల జాబితా ప్రకటించి ఎన్నికల గుర్తుల కేటాయిస్తామని తెలిపారు. అక్టోబర్‌ 4న ఉదయం 8 గంటల నుంచి మధ్యాహ్నం 3 గంటల వరకు కామారెడ్డిలోని జెడ్పీ బాలుర ఉన్నత పాఠశాలలో పోలింగ్‌, ఆ తర్వాత ఓట్ల లెక్కింపు ఉంటాయని పేర్కొన్నారు. ఏవైనా సందేహాలుంటే 99894 87624 నంబర్‌లో సంప్రదించాలని సూచించారు. కార్యక్రమంలో సహకార శాఖ సహాయ రిజిస్ట్రార్‌ ప్రశాంత్‌రెడ్డి తదితరులు పాల్గొన్నారు. డీజే అడ్వాన్స్‌ వాపస్‌ ఇప్పించిన పోలీసులు మాచారెడ్డి: వినాయక విగ్రహాల నిమజ్జన శో భాయాత్ర సందర్భంగా డీజేలకు అనుమతి లేదంటున్న పోలీసులు.. దీనిపై విస్తృతంగా ప్రచారం చేస్తున్నారు. ఈ నేపథ్యంలో మా చారెడ్డి పోలీసులు డీజే కోసం ఇచ్చిన అడ్వాన్స్‌ను మండప నిర్వాహకులకు ఇప్పించారు. ఎస్సై విజయ్‌ తెలిపిన వివరాలిలా ఉన్నా యి. అక్కాపూర్‌ గ్రామానికి చెందిన గడ్డం శ్రీ కాంత్‌ గణేశ్‌ శోభాయాత్ర నిమిత్తం సిరిసిల్ల జిల్లా ఎల్లారెడ్డిపేట మండలం రాజన్నపేట గ్రామానికి చెందిన లడ్డు ఆర్‌ఆర్‌ఆర్‌ డీజే ని ర్వాహకులకు 15 రోజుల క్రితం రూ. 60 వే లు చెల్లించారు. డీజేలు వినియోగిస్తే చర్యలు తీసుకుంటామన్న హెచ్చరికల నేపథ్యంలో శ్రీకాంత్‌ పోలీసులను ఆశ్రయించాడు. దీంతో ఎస్సై విజయ్‌ చొరవ తీసుకొని డీజే ని ర్వాహకులతో మాట్లాడి శనివారం డబ్బులు వాపస్‌ ఇప్పించారు. ‘సాగర్‌’లోకి 3,970 క్యూసెక్కుల ఇన్‌ఫ్లో నిజాంసాగర్‌ : ఎగువ ప్రాంతాల్లో కురుస్తున్న వర్షాలకు శనివారం నిజాంసాగర్‌ ప్రాజెక్టులోకి శనివారం 3,970 క్యూసెక్కుల వరద నీరు వచ్చి చేరుతోందని అధికారులు తెలిపారు. ఉమ్మడి మెదక్‌ జిల్లాలో కురిసిన వర్షాలకు ఘనపురం ఆనకట్ట పొంగిపొర్లుతుండడం, హల్దీవాగు, పసుపులేరు ఉధృతంగా ప్రవహిస్తుండడంతో నిజాంసాగర్‌లో ఇన్‌ఫ్లో పెరుగుతోందన్నారు. ప్రాజెక్టు పూర్తిస్థాయి నీటిమట్టం 1,405 అడుగులు (17.8 టీఎంసీలు) కాగా.. శనివారం సాయంత్రానికి 1,400.67 అడుగులు (12.088 టీఎంసీలు) నీరు నిల్వ ఉందని తెలిపారు. రెండోరోజూ రైతుల నిరసన మాచారెడ్డి : పాల్వంచ మండలం ఫరీద్‌పేటలో యూరియా బస్తాలు మాయమైన ఘటనపై శనివారం వరుసగా రెండోరోజూ ఆందోళన కొనసాగింది. పీఏసీఎస్‌లో పనిచేస్తున్న కాంట్రాక్ట్‌ ఉద్యోగి యూరియా అమ్ముకొని డబ్బులు చెల్లించకపోవడంతో గందరగోళం నెలకొంది. రైతులు ఆందోళన చేశారు. విషయం తెలుసుకున్న కామారెడ్డి ఏడీఏ అపర్ణ ఫరీద్‌పేటకు చేరుకొని రైతులతో మాట్లాడారు. సదరు ఉద్యోగినుంచి డబ్బులు రికవరీ చేశామని సొసైటీ అధికారులు తెలిపారు. దీంతో రైతులు శాంతించారు.

● హైదరాబాద్‌లోని ప్రభుత్వ డెంటల్‌ కాలేజీలో బీడీఎస్‌ పూర్తి చేసిన శ్రీనివాస్‌ ● తండ్రి బాటలోనే తనయుడు రుత్విక్‌ ● ఎంబీబీఎస్‌ను కాదనుకుని బీడీఎస్‌లో చేరికసాక్షి ప్రతినిధి, కామారెడ్డి : తండ్రి చదివిన కోర్సులో చేరేవారు చాలా మంది ఉంటారు. కానీ తండ్రి చదివిన కాలేజీలోనే సీటు పొందేవారు తక్కువ. అదీ బీడీఎస్‌ కోర్సులో.. కామారెడ్డికి చెందిన రుత్విక్‌ తండ్రి శ్రీనివాస్‌ చదివిన కళాశాలలోనే బీడీఎస్‌ కోర్సులో చేరారు. వివరాలిలా ఉన్నాయి. కామారెడ్డిలో దంత వైద్యుడిగా సుపరిచితులైన ఏవీ శ్రీనివాస్‌.. 1996 లో హైదరాబాద్‌లోని ప్రభుత్వ దంత వైద్య కళాశాలలో బీడీఎస్‌ చదివారు. ఆ తర్వాత కామారెడ్డిలో ప్రాక్టీస్‌ ప్రారంభించారు. ప్రభుత్వ వైద్యుడిగా ఉద్యోగంలో చేరి రెండు దశాబ్దాలుగా సేవలందిస్తున్నారు. ప్రస్తుతం సివిల్‌ సర్జన్‌ (డెంటల్‌)గా సిద్దిపేట జిల్లాలోని దుబ్బాక ఆస్పత్రిలో విధులు నిర్వహిస్తున్నారు. ఆయన సతీమణి భార్గవి కూడా డెంటిస్ట్‌గా కామారెడ్డిలో ప్రైవేటు ప్రాక్టీస్‌ చేస్తున్నారు. శ్రీనివాస్‌ కుమారుడు రుత్విక్‌ సైతం తండ్రి బాటలో పయనిస్తున్నాడు. ఎంబీబీఎస్‌ సీటు వచ్చే అవకాశం ఉన్నా.. దానిని కాదనుకుని బీడీఎస్‌ను ఎంచుకున్నాడు. తండ్రి చదివిన హైదరాబాద్‌లోని ప్రభుత్వ దంత వైద్య కళాశాలలోనే రుత్విక్‌కు సైతం సీటు రావడం విశేషం. కుటుంబంలో మరికొందరు.. ఏవీ శ్రీనివాస్‌ తన దగ్గరి బంధువులకు మార్గదర్శిగా ఉన్నారు. ఆయన అక్క కుమారుడు పేరమ్‌ వినీత్‌ 2020లో బీడీఎస్‌ పూర్తి చేసి కామారెడ్డిలో ప్రాక్టీస్‌ చేస్తున్నారు. మరో సోదరి కూతురు కరిపె సంతోషి శ్రావణి వీళ్ల వద్దే ఉండి చదువుకుని 2023 లో డిచ్‌పల్లిలోని తిరుమల డెంటల్‌ కాలేజీలో బీడీఎస్‌లో చేరింది. ప్రస్తుతం ఫైనల్‌ ఇయర్‌ చదువుతోంది. అన్న కూతురు అక్షిత గతేడాది గాంధీ మెడికల్‌ కాలేజీలో ఎంబీబీఎస్‌ సీటు పొంది మొదటి సంవత్సరం పూర్తి చేసింది.

లింగంపేట: వైకల్యం ఉన్న వారిపై వివక్ష చూపకుండా పెంచాలని జిల్లా న్యాయమూర్తి నాగరాణి కోరారు. మండల కేంద్రంలోని భవిత సెంటర్‌లో నిర్వహిస్తున్న ఫిజియోథెరఫీ కేంద్రాన్ని శుక్రవారం ఆమె సందర్శించారు. విద్యార్థుల తల్లిదండ్రులతో మాట్లాడారు. ప్రభుత్వం అందిస్తున్న సౌకర్యాలను సద్వినియోగం చేసుకోవాలన్నారు. అనంతరం బాలికల ఉన్నత పాఠశాలలో నిర్వహించిన న్యాయ సేవా సదస్సులో పాల్గొని, విద్యార్థినులకు చట్టాలపై అవగాహన కల్పించారు. కార్యక్రమంలో ఎంఈవో అంజల్‌రెడ్డి, హెచ్‌ఎం శోభారాణి, భవిత సెంటర్‌ ఇన్‌చార్జి అశ్విని, ఉపాధ్యాయులు, ఎమ్మార్సీ సిబ్బంది, సీఆర్పీలు పాల్గొన్నారు. ఎల్లారెడ్డి: మహిళా సంఘాలకు సంబంధించిన బ్యాంకు లింకేజీ రుణాల లక్ష్యాన్ని 15 రోజులలో పూర్తి చేయాలని అడిషనల్‌ డీఆర్డీవో విజయలక్ష్మి సూచించారు. మీసాన్‌పల్లి రైతు వేదికలో శుక్రవారం ఎల్లారెడ్డి, లింగంపేట, నాగిరెడ్డిపేట, నిజాంసాగర్‌ మండలాల ఐకేపీ సిబ్బందితో ఆమె సమావేశం నిర్వహించారు. బ్యాంకు లింకేజీ, సీ్త్రనిధి రుణాలకు సంబంధించి ఇచ్చిన లక్ష్యాన్ని త్వరితగతిన పూర్తి చేయాలని సిబ్బందికి సూచించారు. కార్యక్రమంలో ప్రోగ్రాం మేనేజర్‌ వినోద్‌, ఏపీఎంలు రాంనారాయణగౌడ్‌, ప్రసన్నరాణి, వినోద్‌, దత్తు తదితరులు పాల్గొన్నారు. నిజాంసాగర్‌: అంతర్రాష్ట్ర లెండి ప్రాజెక్టు పనుల పూర్తి కోసం రాష్ట్ర ప్రభుత్వం రూ.161 కోట్ల నిధు లు ఇవ్వాలని జుక్కల్‌ ఎమ్మెల్యే లక్ష్మీకాంతారావు కోరారు. అసెంబ్లీ సమావేశాల్లో శుక్రవారం ఆయన మాట్లాడారు. మంజీర నదిపై రూ. 475 కోట్లతో నాగమడుగు ఎత్తిపోతల పనులకు భూసేకరణ కోసం రూ. 3.66 కోట్లు చెల్లించాలన్నారు. ఈ ప్రాజెక్టు డిజైన్‌ మార్పు కోసం రూ. 35 లక్షలు విడుదల చేస్తే కొత్త డిజైన్‌ ప్రకారం పనులు జరుగుతాయని పేర్కొన్నారు. మాచారెడ్డి: అప్రకటిత విద్యుత్‌ కోతలపై రైతులు ఆందోళనకు దిగారు. మాచారెడ్డి మండల కేంద్రంలో శుక్రవారం విద్యుత్‌ కోతలతో పంటలు ఎండిపోతున్నాయని పేర్కొంటూ రోడ్డెక్కారు. ఈ సందర్భంగా వారు మాట్లాడుతూ త్రీఫేజ్‌ కరెంట్‌ను ఐదు నుంచి ఆరు గంటలు మాత్రమే సరఫరా చేస్తున్నారని, దాంతో పొలాలు నీరు పారక ఎండిపోతున్నాయని ఆవేదన వ్యక్తం చేశా రు. విద్యుత్‌ కోతలు ఇలాగే కొనసాగితే పంటలు పండక నష్టపోయి, అప్పుల పాలవు తామని ఆవేదన వ్యక్తం చేశారు. విషయం తెలుసుకున్న మాచారెడ్డి ఎస్సై విజయ్‌ అక్కడికి చేరుకొని రైతులను సముదాయించి ఆందోళన విరమింపజేశారు.

● అధికారుల నిర్లక్ష్యంపై డీఎఫ్‌వో సీరియస్‌ ● ఇప్పటికే ముగ్గురు అధికారులు సస్పెండ్‌ ● మరికొందరిపై కొనసాగుతున్న విచారణసాక్షి ప్రతినిధి, కామారెడ్డి : అటవీ భూముల ఆక్రమణలకు పాల్పడకుండా చూడాల్సిన అధికారులు నిర్లక్ష్యంగా వ్యవహరించడంపై జిల్లా అటవీ అధికారి నీరజ్‌కుమార్‌ సీరియస్‌ అయ్యారు. బాధ్యులపై కొరడా ఝుళిపిస్తున్నారు. ఇటీవల జిల్లాలోని ఎల్లారెడ్డి రేంజ్‌ పరిధిలో ముగ్గురు అధికారులపై సస్పెన్షన్‌ వేటు వేశారు. మరికొందరిపైనా విచారణ జరుగుతోంది. రేంజ్‌ పరిధిలో శెట్పల్లి బీట్‌ ఆఫీసర్‌గా పనిచేసిన శ్యాంసుందర్‌, జల్దిపల్లి బీట్‌ ఆఫీసర్‌ శేఖర్‌రెడ్డి, బొల్లారంలో సెక్షన్‌ ఆఫీసర్‌ విక్కీ మార్టిన్‌లు సస్పెన్షన్‌కు గురయ్యారు. జిల్లాలో ఇప్పటికే వేలాది ఎకరాల్లో అడవులు ఆక్రమణలకు గురయ్యాయి. ఆక్రమణకు గురైన అటవీ భూములను స్వాధీనం చేసుకునేందుకు ఒకవైపు చర్యలు తీసుకుంటుండగా.. మరోవైపు అడవులు నరికివేతకు పాల్పడుతున్న సంఘటనలు చోటు చేసుకుంటున్నాయి. దీనిని జిల్లా అటవీ అధికారి సీరియస్‌గా తీసుకున్నారు. అటవీ భూముల్లో ట్రాక్టర్లతో దున్నితే వెంటనే సీజ్‌ చేయాలని ఆయా రేంజ్‌లలో అధికారులకు స్పష్టమైన ఆదేశాలున్నాయి. కొన్ని ప్రాంతాల్లో అటవీ అధికారులు అటవీ భూముల్లో దున్నకాలు జరిపిన ట్రాక్టర్లను సీజ్‌ చేస్తున్నారు. అయితే ఎల్లారెడ్డి రేంజ్‌ పరిధిలో కట్టడి చేయడంలో అధికారులు విఫలమయ్యారన్న ఆరోపణలున్నాయి. ఈ నేపథ్యంలో డీఎఫ్‌వో నీరజ్‌కుమార్‌ ఆయా ప్రాంతాలపై దృష్టి సారించారు. ఎక్కడెక్కడ ఆక్రమణలు జరుగుతున్నాయి? అటవీ అధికారులు ఏం చేస్తున్నారు? అన్న అంశాలపై ఆరా తీశారు. ఆక్రమణలు జరగకుండా కట్టడి చేయాల్సిన అధికారులు నిర్లక్ష్యంగా వ్యవహరించినట్లు గుర్తించి ఆయన సీరియస్‌గా స్పందించారు. విధుల్లో నిర్లక్ష్యం వహించిన ముగ్గురిపై వివిధ సందర్భాల్లో సస్పెన్షన్‌ వేటు వేశారు. మరికొందరిపైనా విచారణ జరుగుతున్నట్లు తెలుస్తోంది.డ్యూటీ విషయంలో నిర్లక్ష్యం క్షమించరానిది. అలాంటి వారిపై చర్యలు తప్పవు. జిల్లాలో ఇప్పటికే ముగ్గురు సస్పెండ్‌ అయ్యారు. సర్కిల్‌ ఆఫీస్‌ ద్వారా శాఖాపరమైన విచారణ జరుగుతోంది. అటవీ సంరక్షణకు ఎవరి పరిధిలో వారు బాధ్యతగా విధులు నిర్వహించాలి. – నీరజ్‌ కుమార్‌, జిల్లా అటవీ అధికారి, కామారెడ్డిఅడవుల నరికివేత, భూముల ఆక్రమణలు జరగకుండా నిరోధించాల్సిన ఉద్యోగులు.. విధి నిర్వహణలో నిర్లక్ష్యం వహించడంపై డీఎఫ్‌వో ఆగ్రహం వ్యక్తం చేస్తున్నారు. సస్పెన్షన్‌ వేటు వేస్తున్నారు. దీంతో ఉద్యోగుల్లో వణుకు మొదలైంది. జిల్లాలో కామారెడ్డి, ఎల్లారెడ్డి, మాచారెడ్డి, గాంధారి, బాన్సువాడ తదితర రేంజ్‌ల పరిధిలో గతంలో వేలాది ఎకరాల్లో అటవీ భూములు ఆక్రమణలకు గురయ్యాయి. పోడు సేద్యం చేస్తున్న గిరిజనులకు అప్పట్లో ఆర్‌వోఎఫ్‌ఆర్‌ పట్టాలు వచ్చాయి. అయితే చాలాచోట్ల కొత్తగా అడవులను నరికివేస్తుండడాన్ని ప్రభుత్వం సైతం సీరియస్‌గా తీసుకుంటోంది. కొత్తగా అడవులు ఆక్రమణలకు గురికాకుండా చూడాలని ఉన్నతాధికారులు ఆదేశాలు జారీ చేశారు. దీంతో క్షేత్ర స్థాయిలో పనిచేసే అధికారులు, సిబ్బంది నిరంతరం అడవులపై నిఘా పెట్టాల్సి ఉంటుంది. కొన్నిచోట్ల అటవీ అధికారుల కన్నుగప్పి చెట్లను నరికివేసి దున్నకాలు సాగిస్తుండడం ఉద్యోగులకు ఇబ్బందికరంగా మారింది. కొన్ని ప్రాంతాల్లో అడ్డుకున్న ఉద్యోగులపై దౌర్జన్యాలు కూడా జరిగాయి. అయితే ఉద్యోగుల విధులకు ఆటంకం కలిగించే వారి విషయంలో అటవీ శాఖ కఠిన చర్యలు తీసుకుంటోంది.

జిల్లా కేంద్రంలో గణేశ్‌ నవరాత్రి ఉత్సవాలు వైభవంగా కొనసాగుతున్నాయి. పట్టణంలోని వాడవాడలా కొలువుదీరిన లంబోదరుడి విభిన్న ప్రతిమలు భక్తులను విశేషంగా ఆకట్టుకుంటున్నాయి. వినాయక మండపాల కమిటీలు వినూత్న రీతుల్లో, సరికొత్త కాన్సెప్ట్‌లతో ప్రతిష్ఠించిన గణనాథులను దర్శించుకునేందుకు పట్టణ ప్రజలతోపాటు చుట్టుపక్కల గ్రామాల నుంచి భక్తులు భారీగా తరలివస్తున్నారు. పట్టణ మున్నూరుకాపు, పద్మశాలి, ముదిరాజ్‌, స్వర్ణకార, యువజన సమాఖ్య, నోబుల్‌ యూత్‌, శివవినాయక, కల్కి, పాంచ్‌రస్తా, కిరాణవర్తక, శాస్త్రి ఆదర్శ, గంజువర్తక, హిందుసేన, ఏక్‌దంత్‌, హిందూదళ్‌, వాయుసేన, బీడీఎస్‌ఎస్‌ తదితర సంఘాల మండపాల వినాయకులు ఆకట్టుకుంటున్నాయి. – కామారెడ్డిటౌన్‌సిరిసిల్లారోడ్‌లోని నోబుల్‌ యూత్‌ మండపంలో ధనుర్ధారి గణనాథుడుగొల్లవాడలో కాజు, బాదంలతో తయారు చేసిన వినాయకుడుగర్ల్స్‌ హైస్కూల్‌ వద్దనున్న కల్కి యూత్‌ మండపంలో ఆటలాడుకుంటున్న గణపతిహిందుసేన మండపంలో తండ్రి చేతుల్లో బాల గణేశుడు

సాక్షి ప్రతినిధి, నిజామాబాద్‌: రైస్‌మిల్లర్లు సమ్మె చేస్తుండడంతో జిల్లావ్యాప్తంగా ఉన్న మిల్లులకు తాళాలు పడ్డాయి. పది రోజులుగా ధాన్యపు కర్మాగారాలన్నీ నిర్మానుష్యంగా మారాయి. వలస కార్మికులే అధికం.. ఉమ్మడి నిజామాబాద్‌ జిల్లాలో సుమారు 450 రైస్‌మిల్లులు ఉన్నాయి. వీటి ద్వారా నిత్యం 5 వేల మెట్రిక్‌ టన్నులకుపైగా ధాన్యాన్ని మరాడించేందుకు అవకాశం ఉంది.జిల్లావ్యాప్తంగా ఉన్న రైస్‌మిల్లుల్లో సుమారు 20 వేలకు పైగా కార్మికులు వివిధ పనులు చేస్తూ ఉపాధి పొందుతున్నారు. వీరిలో ఇతర రాష్ట్రాల నుంచి వలస వచ్చిన కార్మికులే అధికంగా ఉన్నారు. బిహార్‌, ఉత్తరప్రదేశ్‌, ఛత్తీస్‌గఢ్‌, మహారాష్ట్ర, ఒడిశా తదితర రాష్ట్రాల నుంచి పెద్ద సంఖ్యలో కార్మికులు జిల్లాలోని రైస్‌మిల్లులు, ధాన్యపు గోదాముల్లో పనిచేస్తున్నారు. వీరిలో కొందరు కుటుంబాలతో సహా వచ్చి ఇక్కడే ఉంటున్నారు. మిల్లుల్లో ధాన్యాన్ని ఆరబెట్టడం, మరపట్టించడం, సంచుల్లో నింపడం, గోదాముల్లోకి తరలించడం వరకూ పనులన్నీ చేస్తూ పొట్టనింపుకుంటున్నారు. అయితే పది రోజులుగా రైస్‌మిల్లర్లు సమ్మెకు చేస్తుండడంతో వీరికి ఉపాధి కరువైంది. జిల్లావ్యాప్తంగా రైస్‌మిల్లులన్నింటికీ తాళాలు పడగా, కార్మికులు చేసేదేమీ లేక దిక్కుతోచని పరిస్థితిలో ఉన్నారు. మిల్లులను ఎప్పుడు తెరుస్తారో, తమకు మళ్లీ పని ఎప్పుడు దొరుకుతుందోనని ఎదురుచూస్తున్నారు. ముదురుతున్న పంచాయితీ ప్రభుత్వం రైస్‌మిల్లులకు అప్పగించిన ధాన్యాన్ని సీఎమ్మార్‌ కింద మిల్లర్లు బియ్యాన్ని తిరిగి అప్పగించాల్సి ఉంది. ఈ విషయంలో ఏళ్లుగా ప్రభుత్వానికి ఇవ్వాల్సిన ధాన్యం పెండింగ్‌లోనే ఉంటోంది. దీంతో సీఎమ్మార్‌ అప్పగించని మిల్లుల్లో విజిలెన్స్‌, ఎన్‌ఫోర్స్‌మెంట్‌ అధికారులు విస్త్రృతంగా దాడులు నిర్వహిస్తున్నారు. కొన్ని మిల్లుల్లో ఇప్పటికే ధాన్యం మాయం కాగా సదరు యజమానులపై కేసులు నమోదు చేస్తున్నారు. ఈ క్రమంలో ప్రభుత్వ ఒత్తిళ్లు, దాడులు నిలిపివేయాలని డిమాండ్‌ చేస్తూ మిలర్లు సమ్మెకు దిగారు. ప్రభుత్వం తమతో చర్చించి సమస్యలను పరిష్కరించాలని కోరుతున్నారు. అయితే, పది రోజులు గడిచినా ప్రభుత్వానికి, మిల్లర్లకు మధ్య పంచాయితీ సద్దుమణగడం లేదు. పైగా ఈ వివాదం ఇంకా ముదురుతూనే ఉంది. నెలరోజుల్లో వరి కోతలు జిల్లాలోని చాలా ప్రాంతాల్లో వరి పంట మరో నెల రోజుల వ్యవధిలోనే చేతికి రానుంది. అక్టోబర్‌ నెలలోనే కోతలు ప్రారంభంకానున్నాయి. అయితే, మిల్లుల మూసివేత, సమ్మె కొనసాగింపు నేపథ్యంలో ధాన్యం కొనుగోళ్లపై రైతుల్లోనూ ఆందోళన నెలకొంది. మిల్లర్ల సమస్యలను పరిష్కరించి కొనుగోళ్లు సాఫీగా జరిగేలా చూడాలని రైతులు కోరుతున్నారు.బోధన్‌ మండలం ఎరాజ్‌పల్లి సమీపంలోని రైస్‌మిల్లులో పనిలేక ఖాళీగా కూర్చున్న కార్మికులు జిల్లాలో పది రోజులుగా మూతబడిన రైస్‌మిల్లులు ప్రభుత్వ తనిఖీలు, దాడులతో సమ్మెకు దిగిన మిల్లర్లు కార్మికుల ఉపాధికి దెబ్బ జిల్లా వ్యాప్తంగా రైస్‌మిల్లుల్లో 20 వేలకు పైగా కార్మికులు

● కలెక్టర్‌ ఆశిష్‌ సంగ్వాన్‌ ● ప్లాస్టిక్‌ రహిత గ్రామంగా ‘గొట్టిముక్కుల’ ప్రకటనదోమకొండ: ప్రజలు ప్లాస్టిక్‌ వినియోగాన్ని తగ్గించాలని, ఇందుకోసం సమష్టిగా కృషి చేయాలని కలెక్టర్‌ ఆశిష్‌ సంగ్వాన్‌ సూచించారు. ప్లాస్టిక్‌ రహిత గ్రామంగా తీర్చిదిద్దేందుకు మండలంలోని గొట్టిముక్కులలో జీపీ పాలకవర్గం చేపడుతున్న కార్యక్రమాలను కలెక్టర్‌ శుక్రవారం పరిశీలించి, అభినందించారు. గ్రామాన్ని ప్లాస్టిక్‌ రహిత గ్రామంగా ప్రకటించారు. కమ్యూనిటీల వారీగా స్టీల్‌ ప్లేట్లు, స్టీల్‌ గ్లాసులు కొనుగోలు చేసి, వివిధ శుభకార్యాలు, సామాజిక కార్యక్రమాల్లో వాటిని వినియోగించేలా చర్యలు చేపట్టినట్లు సర్పంచ్‌ వివరించారు. ప్లాస్టిక్‌ వ్యర్థాలను గ్రామపంచాయతీకి అందజేసే వారికి ప్రోత్సాహకంగా స్టీల్‌ వాటర్‌ బాటిళ్లను అందిస్తున్నట్లు తెలిపారు. అనంతరం గ్రామంలో చేయూత పెన్షన్లకు సంబంధించిన దరఖాస్తుల ఆన్‌లైన్‌ ప్రక్రియను కలెక్టర్‌ పరిశీలించి, సిబ్బందికి పలు సూచనలు ఇచ్చారు. గ్రామంలోని ఆరు మహిళా సంఘాలకు బ్యాంక్‌ లింకేజీ కింద రూ.కోటి రుణాలు మంజూరు కాగా.. ఆయా సంఘాల ప్రతినిధులకు చెక్కులను అందజేశారు. కార్యక్రమంలో సర్పంచ్‌ సంజీవ్‌, అదనపు కలెక్టర్‌ గిరి, డీఆర్డీవో దామోదర్‌రెడ్డి, స్పెషల్‌ ఆఫీసర్‌ జ్యోతి, డీఎల్‌పీవో శ్రీనివాస్‌, ఎంపీడీవో మధురిమ, తహసీల్దార్‌ స్వప్న, ఏవో మణిదీపిక, కెనరా బ్యాంక్‌ అధికారులు, మహిళా సంఘాల సభ్యులు తదితరులు పాల్గొన్నారు. ఆరోగ్య మందిరం తనిఖీ.. ముత్యంపేటలోని ఆయుష్మాన్‌ ఆరోగ్య మందిరాన్ని శుక్రవారం కలెక్టర్‌ తనిఖీ చేసి, సిబ్బందికి పలు సూచనలు ఇచ్చారు. రోగులకు నాణ్యమైన వైద్య సేవలు అందేలా నిరంతరం పర్యవేక్షించాలని వైద్య సిబ్బందికి సూచించారు. కార్యక్రమంలో అదనపు కలెక్టర్‌ గిరి, డీఎంహెచ్‌వో వెంకట్‌, సర్పంచ్‌ కవిత, ఉపసర్పంచ్‌ దేవేందర్‌గౌడ్‌, వైద్య ఆరోగ్య శాఖ అధికారులు, సిబ్బంది తదితరులు పాల్గొన్నారు.

● ఎమ్మార్సీలకు చేరుతున్న ప్యాకెట్లు ● పంపిణీ బాధ్యత ఎంఈవోలకు.. ● వేలాది మంది ‘సర్కారు’ విద్యార్థినులకు ప్రయోజనంసాక్షి ప్రతినిధి, కామారెడ్డి : రాష్ట్రంలోని ప్రభుత్వ ఉన్నత పాఠశాలల్లో చదువుతున్న బాలికల వ్యక్తిగత పరిశుభ్రత, ఆరోగ్య పరిరక్షణకు ప్రభుత్వం ప్రాధాన్యత ఇస్తోంది. ఇందులో భాగంగా రాష్ట్రీయ కిషోర్‌ స్వాస్థ్య కార్యక్రమం (ఆర్‌కేఎస్‌కే) కింద మెన్‌స్ట్రువల్‌ హైజీన్‌ స్కీంను అమలు చేయడానికి చర్యలు చేపట్టింది. ఈ పథకంలో భాగంగా బాలికలకు సానిటరీ నాప్కిన్‌లను పంపిణీ చేస్తారు. రాష్ట్రంలోని 5,702 ఉన్నత పాఠశాలల్లో 3,95,751 మంది కిశోర బాలికలున్నారు. వీరికోసం 13,88,739 నాప్కిన్‌ ప్యాక్‌లను సరఫరా చేయనున్నారు. ఒక్కో ప్యాక్‌లో ఎనిమిది సానిటరీ నాప్‌కిన్‌లుంటాయి. వీటిని రాష్ట్రంలోని 630 మండల రిసోర్స్‌ సెంటర్లకు పంపిస్తున్నారు. ఇప్పటికే కొన్ని జిల్లాలకు చేరాయి. ఎమ్మార్సీలనుంచి పాఠశాలలకు పంపిస్తారు. నిజామాబాద్‌ జిల్లాలోని 33 ఎమ్మార్సీలకు 77,883 నాప్కిన్‌ ప్యాక్‌లు, కామారెడ్డి జిల్లాలో 25 ఎమ్మార్సీలకు 59,949 ప్యాక్‌లు రానున్నాయి. కాగా నాప్కిన్‌ ప్యాకెట్లను పంపిణీ, పర్యవేక్షణ బాధ్యతలను ఆయా మండలాల విద్యాశాఖ అధికారులకు అప్పగించారు. జిల్లా స్థాయిలో డీఈవో ఎప్పటికప్పుడు పర్యవేక్షించనున్నారు. సర్కారు నిర్ణయంపై టీపీటీఎఫ్‌ రాష్ట్ర అధ్యక్ష, కార్యదర్శులు చకినాల అనిల్‌కుమార్‌, నన్నెబోయిన తిరుపతిలు ఒక ప్రకటనలో హర్షం వ్యక్తం చేశారు. ప్రభుత్వ ఉన్నత పాఠశాలల్లో చదువుతున్న పేద విద్యార్థినులకు సానిటరీ న్యాప్‌కిన్స్‌ అందించాలని తాము గతంలో డైరెక్టర్‌ ఆఫ్‌ స్కూల్‌ ఎడ్యుకేషన్‌ నవీన్‌ నికోలస్‌కు విన్నవించామని పేర్కొన్నారు. అన్ని ప్రభుత్వ పాఠశాలలకు సానిటరీ ప్యాడ్స్‌ అందించేందుకు చర్యలు తీసుకున్న డైరెక్టర్‌ ఆఫ్‌ స్కూల్‌ ఎడ్యుకేషన్‌కు కృతజ్ఞతలు తెలిపారు.

● ‘సాగర్‌’లోకి 2,945 క్యూసెక్కుల ఇన్‌ఫ్లో ● నాగమడుగు వద్ద నీటమునిగిన రోడ్డునిజాంసాగర్‌: ఎగువ ప్రాంతాల్లో గురువారం రాత్రి కురిసిన భారీ వర్షానికి నల్లవాగు మత్తడికి వరద పోటెత్తింది. మత్తడిలోకి 15 వేల క్యూసెక్కులకుపైగా ఇన్‌ఫ్లో వస్తోంది. దీంతో అలుగుపైనుంచి వరదనీరు ఉధృతంగా ప్రవహిస్తుండడంతో అచ్చంపేట వద్ద నాగమడుగు లోలెవల్‌ వంతెన నీటమునిగింది. అచ్చంపేట– నిజాంసాగర్‌ గ్రామాల మధ్య కొన్ని గంటల పాటు రాకపోకలు స్తంభించాయి. నిజాంసాగర్‌లోకి.. నిజాంసాగర్‌ ప్రాజెక్టులోకి శుక్రవారం 2,945 క్యూసెక్కుల వరద నీరు వచ్చి చేరుతోందని ప్రాజెక్టు అధికారులు తెలిపారు. ప్రాజెక్టు పూర్తిస్థాయి నీటిమట్టం 1,405 అడుగులు (17.8 టీఎంసీలు) కాగా.. శుక్రవారం సాయంత్రానికి 1,400.25 అడుగుల (11.622 టీఎంసీలు) నీరు నిల్వ ఉందన్నారు. దెబ్బతిన్న మక్కపంట పెద్దకొడప్‌గల్‌: సముందర్‌ తండాలో గురువారం రాత్రి బలమైన గాలులతో కూడిన వర్షం కురిసింది. దీంతో మొక్కజొన్న నేలవాలింది. పంటను పరిశీలించి నష్ట పరిహారం అందించాలని రైతులు కోరుతున్నారు.

భిక్కనూరు పోలీస్‌స్టేషన్‌లో నిర్వహించిన అన్నదానంలో పాల్గొన్న డీఎస్పీ మధుసూదన్‌ తాడ్వాయిలోని గణేశ్‌ మండపంలో లడ్డూలను పంపిణీ చేస్తున్న కాంగ్రెస్‌ పార్టీ నాయకులుభిక్కనూరు/కామారెడ్డి రూరల్‌/తాడ్వాయి/నిజాంసాగర్‌/దోమకొండ/గాంధారి: అన్ని దానాల కన్నా అన్నదానం ఎంతో గొప్పదని కామారెడ్డి డీఎస్పీ మధుసూదన్‌ అన్నారు. భిక్కనూర్‌ పోలీస్‌స్టేషన్‌లో వినాయక మండపం వద్ద బుధవారం పోలీస్‌ శాఖ ఆధ్వర్యంలో అన్నదాన కార్యక్రమం నిర్వహించారు. ఈ సందర్భంగా ఆయన పాల్గొని అన్నదానం చేశారు. అనంతరం మాట్లాడుతూ వినాయక నవరాత్రి ఉత్సవాలను ప్రతి ఒక్కరూ భక్తిశ్రద్ధలతో జరుపుకోవాలని సూచించారు. నిమజ్జనాన్ని పురస్కరించుకొని ఎవరైనా డీజేలు పెడితే కేసులు నమోదు చేస్తామని హెచ్చరించారు.తాడ్వాయి మండలంలో 50 గణేశ్‌ మండపాలను లడ్డూలను కాంగ్రెస్‌ పార్టీ నాయకులు పంపిణీ చేశారు. మాగి గాయత్రి కర్మాగారంలోని గణనాథుడికి బుధవారం సీడీసీ చైర్మన్‌ షాదుల్లా, కేన్‌ మేనేజర్‌ వెంగళ్‌రెడ్డి ప్రత్యేక పూజలు చేశారు. దోమకొండలో నేషనల్‌ యూత్‌ క్లబ్‌ గణేశ్‌ మండపాన్ని భిక్కనూరు సీఐ నరేశ్‌ సందర్శించారు. నిమజ్జన వేడుకలను ప్రశాంతంగా జరపుకోవాలని సీఐ, ఎస్సై ప్రభాకర్‌ నిర్వాహకులకు సూచించారు. గాంధారి, కామారెడ్డి మండలాల పరిధిలోని గ్రామాల్లో వినాయక మండపాల వద్ద గణనాథులకు పూజలు కొనసాగుతున్నాయి. నిర్వాహకులు అన్నదానం చేశారు.

ిపట్లం: మండలంలోని లోధా సామాజిక వర్గానికి తగిన న్యాయం చేస్తామని తెలంగాణ బీసీ కమిషన్‌ చైర్మన్‌ నిరంజన్‌ పేర్కొన్నారు. పిట్లంను బుధవారం తెలంగాణ బీసీ కమిషన్‌ చైర్మన్‌, సభ్యులు సందర్శించారు. మండలకేంద్రంలోని ఫంక్షన్‌హాలులో లోధా/లోధి సామాజిక వర్గానికి సంబంధించిన అంశాలపై విచారణ నిర్వహించారు. ఆ సామాజికవర్గానికి చెందినవారు హాజరై తమ సమస్యలు, అభ్యర్థనలను కమిషన్‌ దృష్టికి తీసుకువచ్చారు. ఈ సందర్భంగా చైర్మన్‌ నిరంజన్‌ మాట్లాడుతూ హైదరాబాద్‌, రంగారెడ్డి, సంగారెడ్డి తదితర ప్రాంతాలలో లోధా, లోధి సామాజిక వర్గానికి బీసీ బి సర్టిఫికెట్‌ ఇచ్చారన్నారు. పిట్లం, బిచ్కుంద తదితర ప్రాంతాలలో వీరు లొద్ద కులంగా ప్రాచుర్యం పొంది, బీసీ డి సర్టిఫికెట్‌ పొందారని, కానీ బీసీ బీకి మార్చాలని వినతులు రావడంతో ఇక్కడికి వచ్చామని పేర్కొన్నారు. పిట్లం మండలంలో మొత్తం 108 కుటుంబాలలో 452 వందల సభ్యులు ఉన్నారని, నివేదికలను ప్రభుత్వానికి సమర్పించి తగిన న్యాయం చేస్తామని పేర్కొన్నారు. బీసీ సంఘ నాయకులు, అధికారులు, ప్రజాప్రతినిధులు పాల్గొన్నారు.

● కలెక్టర్‌కు అనుభవాలు వివరించిన జిల్లా ఉపాధ్యాయులుకామారెడ్డి టౌన్‌: జపాన్‌లో నిర్వహించిన ‘టీచర్‌ ఎక్స్‌పోజర్‌ విజిట్‌–2026’లో పాల్గొన్న జిల్లా ఉపాధ్యాయులు బుధవారం కలెక్టరేట్‌లో కలెక్టర్‌ ఆశిష్‌ సంగ్వాన్‌ను మర్యాదపూర్వకంగా కలిసి తమ పర్యటన అనుభవాలను వివరించారు. చిన్నమల్లారెడ్డి ఉన్నత పాఠశాల భౌతికశాస్త్ర ఉపాధ్యాయుడు పిల్లమారి ప్రవీణ్‌కుమార్‌, కొండాపూర్‌ ఉన్నత పాఠశాల ఉపాధ్యాయురాలు ఇందిర జపాన్‌లోని పాఠశాలల నిర్వహణ, బోధనా పద్ధతులను కలెక్టర్‌ దృష్టికి తీసుకెళ్లారు. అక్కడి పాఠశాలల్లో విద్యార్థి కేంద్రీకృత బోధన, క్రమశిక్షణ, నైతిక విలువలు, సమయపాలన, పరిశుభ్రత, స్వయం బాధ్యత, ప్రయోగాత్మక విద్య వంటి అంశాలు ఎంతగానో ఆకట్టుకున్నాయని వారు తెలిపారు. జపాన్‌ విద్యా విధానంలోని ఉత్తమ పద్ధతులను మన పరిస్థితులకు అనుగుణంగా ఇక్కడి పాఠశాలల్లో అమలు చేసేందుకు తోటి ఉపాధ్యాయులతో పంచుకుంటామని పేర్కొన్నారు. ఈ సందర్భంగా జపాన్‌ ఇంటర్నేషనల్‌ కోఆపరేషన్‌ సెంటర్‌ (జేఐసీఈ) డైరెక్టర్‌ తమకు అందజేసిన ధ్రువీకరణ పత్రాలను కలెక్టర్‌కు చూపించారు. ఈ పర్యటన ద్వారా పొందిన అనుభవాలు విద్యార్థుల అభ్యసన ప్రమాణాల పెంపునకు కృషి చేయాలని కలెక్టర్‌ ఉపాధ్యాయులకు సూచించారు. ఈ కార్యక్రమంలో డీఈవో మల్లికార్జున్‌ ఉన్నారు. ప్రభుత్వ పథకాలపై అవగాహనలో మీడియాదే కీలక పాత్ర కామారెడ్డి క్రైం: ప్రభుత్వ పథకాలపై ప్రజలకు అవగాహన కల్పించడంలో మీడియాదే కీలక పాత్ర అని కలెక్టర్‌ ఆశిష్‌ సంగ్వాన్‌ అన్నారు. కేంద్ర ప్రభుత్వ వార్తలాప్‌ మీడియా పీఐజీ ఆధ్వర్యంలో నషా ముక్త్‌ భారత్‌ అభియాన్‌, సైబర్‌ సెక్యూరిటీ అనే అంశాలపై బుధవారం కలెక్టరేట్‌లో జర్నలిస్టులకు వర్క్‌షాప్‌ నిర్వహించారు. ముఖ్య అతిథిగా హాజరైన కలెక్టర్‌ మాట్లాడుతూ పట్టణాలు, నగరాల్లోని ప్రజలకు చేరువ కావడం, ముఖ్యమైన అంశాలపై ప్రజలను మీడియా ద్వారా చైతన్యపరచడం లక్ష్యంగా సమాచార, ప్రసార మంత్రిత్వ శాఖ ఇలాంటి కార్యక్రమాలను నిర్వహిస్తోందన్నారు. అనంతరం నషా ముక్త్‌ భారత్‌ అభియాన్‌కు సంబంధించిన అంశాలను ఈగల్‌ ఫోర్స్‌ డీఎస్పీ సోమనాథం వివరిస్తూ మాదకద్రవ్యాల దుర్వినియోగంతో కలిగే దుష్ప్రభావాలను ప్రజలకు అవగాహన కల్పించాల్సిన అవసరం ఉందన్నారు. సైబర్‌ సెక్యూరిటీపై సీడాక్‌ సీనియర్‌ సైంటిస్ట్‌ జగదీష్‌బాబు మాట్లాడుతూ సైబర్‌ మోసాలపై అప్రమత్తంగా ఉండాలని సూచించారు. పీఐబీ జాయింట్‌ డైరెక్టర్‌ డా. మనస్‌ కృష్ణకాంత్‌, స్థానిక సంస్థల అదనపు కలెక్టర్‌ ఎన్‌వై గిరి, ఎకై ్సజ్‌ సూపరింటెండెంట్‌ ముకుందరెడ్డి, పీఐబీ మీడియా, కమ్యూనికేషన్‌ ఆఫీసర్‌ శివచరణ్‌ రెడ్డి, తదితరులు పాల్గొన్నారు.

● రోడ్డు ప్రమాదంలో ఒకరి మృతి ● నలుగురికి తీవ్రగాయాలు మాచారెడ్డి: దైవ దర్శనానికి ఆటోలో వెళ్లి వస్తున్న ఓ కుటుంబాన్ని ఆర్టీసీ బస్సు ఢీకొన్నది. ప్రమాదంలో ఒకరు మృతి చెందగా నలుగురికి తీవ్ర గాయాలయ్యాయి. ఈ ఘటన పాల్వంచ మండల సమీపంలోని కామారెడ్డి సిరిసిల్ల రహదారిపై బుధవారం చోటు చేసుకుంది. మాచారెడ్డి ఎస్సై విజయ్‌ తెలిపిన వివరాల ప్రకారం.. కామారెడ్డి జిల్లా కేంద్రంలోని బతుకమ్మ కుంట కాలనీకి చెందిన కీర్తి రాజు, ఆయన భార్య చిత్ర(30), కుమారుడు జై సాత్విక్‌, కుమార్తె హర్షిని, వారి సమీప బంధువు శంకరమ్మతో కలిసి ఆటోలో మాచారెడ్డి మండలం చుక్కాపూర్‌ లక్ష్మీనృసింహస్వామి దర్శనానికి వెళ్లారు. దైవదర్శనం అనంతరం అదే ఆటోలో కామారెడ్డికి వస్తుండగా ఎదురుగా వస్తున్న ఆర్టీసీ బస్సు వీరిని వేగంగా ఢీకొన్నది. ప్రమాదంలో చిత్ర అక్కడికక్కడే మృతిచెందగా రాజుతో పాటు కుటుంబ సభ్యులకు తీవ్ర గాయాలయ్యాయి. ఘటన స్థలికి చేరుకున్న పోలీసులు 108 అంబులెన్స్‌లో క్షతగాత్రులను ్‌కామారెడ్డి ప్రభుత్వ ఆస్పత్రికి తరలించారు. కేసు నమోదు చేసి దర్యాప్తు చేస్తున్నట్లు ఎస్సై విజయ్‌ తెలిపారు.

కామారెడ్డి టౌన్‌ : బల్దియాలో మెరుగైన పారిశుద్ధ్యమే లక్ష్యమని మున్సిపల్‌ చైర్‌పర్సన్‌ ఇప్ప ఉమారాణి తెలిపారు. మున్సిపల్‌ కార్యాలయ ఆవరణలో బుధవారం నూతనంగా కొనుగోలు చేసిన నాలుగు ఇంటింటా చెత్త సేకరణ ఆటోలను ప్రారంభించారు. ఈ సందర్భంగా చైర్‌పర్సన్‌ మాట్లాడుతూ.. పట్టణ విస్తరణకు అనుగుణంగా వార్డుల్లో చెత్త సేకరణ, పారిశుద్ధ్య పనులను సమర్థవంతంగా చేపట్టేందుకు ఈ నూతన వాహనాలను కొనుగోలు చేసామన్నారు. ఈ ఆటోలను 1, 2, 13, 45, 38.39, 26,27,28 వార్టులకు కేటాయించామని తెలిపారు. వైస్‌ చైర్‌పర్సన్‌ కాసర్ల గోదావరి, కమిషనర్‌ పర్వతాలు, కాంగ్రెస్‌, బీఆర్‌ఎస్‌, బీజేపీ కౌన్సిలర్లు, కో ఆప్షన్‌ సభ్యులు, అధికారులు, సిబ్బంది తదితరులు పాల్గొన్నారు. బాన్సువాడ రూరల్‌: గ్రామాల్లో పారిశుద్ధ్య నిర్వహణకు పంచాయతీ కార్యదర్శులు ప్రాధాన్యం ఇవ్వాలని బాన్సువాడ డీఎల్‌పీవో ప్రసాద్‌ అన్నారు. బుధవారం ఆయన తాడ్కోల్‌ గ్రామంలో పర్యటించారు. గ్రామంలో కొనసాగుతున్న పారిశుద్ధ్య పనులను గ్రామ సర్పంచ్‌ అందె రమేష్‌తో కలిసి పరిశీలించారు. ఆయన వెంట మండల కార్యాలయ సిబ్బంది ఉన్నారు. లింగంపేట : మండల కేంద్రంలోని కస్తూర్బా బాలికల గురుకుల పాఠశాలలో బుధవారం ఐకేపీ అసిస్టెంట్‌ ప్రాజెక్టు డైరెక్టర్‌(ఏపీడీ) విజయలక్ష్మి విద్యార్థులకు అందజేసిన ఏకరూప దుస్తులను పరిశీలించారు. ఈ సందర్భంగా విద్యార్థుల యునిఫామ్‌ స్టిచ్చింగ్‌ నాణ్యత, కొలతలు, ఫిట్టింగ్‌, కుట్టు పనితనం తదితర విషయాలను విద్యార్థులను, సిబ్బందిని అడిగి తెలుసుకున్నారు. కాంప్లెక్స్‌ ప్రధానోపాధ్యాయురాలు శోభారాణి, ప్రత్యేకాధికారి వాసంతి, ఏపీఎం వినోద్‌కుమార్‌, సీసీలు గంగరాజం, మమత, కవిత, అశోక్‌ తదితరులు పాల్గొన్నారు. ఎల్లారెడ్డి: సైబర్‌ నేరాలపై జాగ్రత్తగా ఉండాలని ఏఎస్సై దేవాగౌడ్‌ అన్నారు. బుధవారం ఎల్లారెడ్డి బస్టాండ్‌లో పోలీసు కళాజాత బృందం చేత ప్రజలకు పలు అంశాలపై అవగాహన కల్పించారు.మత్తు పదార్థాలకు బానిసలు కావొద్దని, మద్య సేవించి వాహనాలను నడపొద్దని, మైనర్లకు వాహనాలు ఇవ్వవద్దని కళాజాత ద్వారా వివరించారు. కళాజాత బృందం సభ్యులు తిరుపతి, శేషారావు, ప్రభాకర్‌, సాయిలు, మహేందర్‌, రచన పాల్గొన్నారు.

మద్నూర్‌: మండల కేంద్రం నుంచి రైల్వే లైన్‌ ఏర్పాటుపై రైల్వే కమర్షియల్‌ ఇన్‌స్పెక్టర్‌ అఖిల్‌ విచారణ చేపట్టారు. మద్నూర్‌లో రైల్వేలైన్‌ ఏర్పాటుపై మండలకేంద్రానికి చెందిన సామాజిక కార్యకర్త బండివార్‌ హన్మండ్లు ఇటీవల దక్షిణ మధ్య రైల్వే నాందేడ్‌ డివిజన్‌ డివిజినల్‌ రైల్వే మేనేజర్‌కు ఈ మెయిల్‌ చేశాడు. దీంతో బుధవారం రైల్వేశాఖ అధికారి అఖిల్‌ మండల కేంద్రంలోని గ్రామ పంచాయతీ కార్యాలయంలో కార్యదర్శి సందీప్‌, సామాజిక కార్యకర్త హన్మండ్లుతో పలు వివరాలు అడిగి తెలుసుకున్నారు. మహారాష్ట్రలోని నాందేడ్‌ నుంచి పక్కన ఉన్న దేగ్లూర్‌ మీదుగా కర్ణాటకలోని బీదర్‌ వరకు రైల్వే లైన్‌ వెళ్లనుంది. దేగ్లూర్‌ నుంచి తెలంగాణలోని మద్నూర్‌ మీదుగా రైల్వేలైన్‌ ఏర్పాటు చేస్తే ఈ ప్రాంత ప్రజలకు ఎంతో ఉపయోగపడుతుందని ఈ ప్రాంతం అభివృద్ధి చెందడానికి ఆస్కారం ఉంటుందని వారు రైల్వే అధికారితో విన్నవించారు.

కామారెడ్డి రూరల్‌: ప్రమాదవశాత్తు చెరువులో పడి ఒకరు మృతి చెందిన ఘటన లింగాపూర్‌లో చోటు చేసుకుంది. దేవునిపల్లి ఎస్సై రంజిత్‌ తెలిపిన వివరాల ప్రకారం.. కామారెడ్డి మున్సిపల్‌ పరిధిలోని లింగాపూర్‌ గ్రామానికి చెందిన మ్యాదరి పిల్లి రవి(45) వినాయక చవితి రోజున రాత్రి ఇంటి నుంచి బయటకు వెళ్లి తిరిగి రాలేదు. పలు చోట్ల వెతికినా ఆచూకీ లభించకపోవడంతో కుటుంబీకులు పోలీసులకు ఫిర్యాదు చేశారు. బుధవారం ఉదయం లింగాపూర్‌ చెరువులో రవి మృతదేహం బయటకు తేలడంతో స్థానికులు కుటుంబీకులకు సమాచారం అందించారు. కాలకృత్యాలు తీర్చుకునేందుకు వెళ్లి ప్రమాదవశాత్తు చెరువులో పడి మృతి చెందాడని ఎస్సై తెలిపారు. మృతుడి భార్య ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఎస్సై పేర్కొన్నారు. ఇందల్వాయి: మండలంలోని మేఘ్యనాయక్‌ తండాకు చెందిన లకావత్‌ పరశురామ్‌(38) అనే వ్యక్తి గన్నారం శివారులో రోడ్డుపై అనుమానాస్పద స్థితిలో మృతి చెందినట్లు ఎస్సై సుమలత బుధవారం తెలిపారు. ఎస్సై తెలిపిన వివరాల ప్రకారం.. మేఘ్యనాయక్‌ తండాకు చెందిన పరశురామ్‌ జిల్లా కేంద్రంలో ఉన్న బంధువు రాథోడ్‌ సంతోష్‌ వద్దకు మంగళవారం మధ్యాహ్నం వెళ్లాడు. అయితే బుధవారం ఉదయం గన్నారం గ్రామ శివారులో రోడ్డుపై రక్తపు మడుగులో పడి మృతి చెంది ఉండటాన్ని స్థానికుల ద్వారా తెలిసినట్లు ఎస్సై పేర్కొన్నారు. మృతుడి తల్లి ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఎస్సై తెలిపారు. ప్రమాదంలో ఒకరికి తీవ్రగాయాలు పెద్దకొడప్‌గల్‌: బైక్‌ అదుపుతప్పి కిందపడిన ఘటనలో ఒకరికి తీవ్ర గాయాలయ్యాయి. పోలీసులు తెలిపిన వివరాలు.. డోంగ్లీ గ్రామానికి చెందిన హనుమంత్‌ అనే వ్యక్తి మంగళవారం అర్ధరాత్రి దెగ్లూర్‌ నుంచి హైదరాబాద్‌కు బైక్‌పై వెళ్తుండగా మండలంలోని కౌలాస్‌ ఎల్లమ్మ చౌరస్తా సమీపంలో ప్రమాదవశాత్తు వాహనం అదుపుతప్పి కింద పడిపోయాడు. ప్రమాదంలో అతనికి తీవ్రగాయాలు కావడంతో స్థానికులు హైవే అంబులెన్స్‌లో ప్రభుత్వ ఆస్పత్రికి తరలించారు.

● 765 డీ రహదారిపై పలుచోట్ల తరచూ ప్రమాదాలు ● ఆరు నెలల్లో పదికిపైగా ప్రమాదాలు ● పెరిగిన వాహనాల వేగంతో ఆందోళననాగిరెడ్డిపేట: రాష్ట్ర రహదారిగా ఉన్న హెచ్‌ఎంబీ రోడ్డును ప్రభుత్వం గతేడాది జాతీయ రహదారి–765డీ గా ప్రకటించింది. అనంతరం మెదక్‌ నుంచి గోపాల్‌పేట, ఎల్లారెడ్డి, బొగ్గుగుడిసె, మహ్మద్‌నగర్‌, బాన్సువాడ, వర్ని, రుద్రూర్‌ వరకు రహదారి విస్తరణ పనులు ప్రారంభమయ్యాయి. మెదక్‌ నుంచి బొగ్గుగుడిసె వరకు ఒక సంస్థ, బొగ్గుగుడిసె నుంచి రుద్రూర్‌ వరకు మరో సంస్థ పనులు చేపట్టింది. మెదక్‌–బొగ్గుగుడిసె మధ్య పనులు దాదాపు పూర్తయ్యే దశకు చేరుకున్నాయి. జాతీయ రహదారిగా మారిన తర్వాత మెదక్‌–గోపాల్‌పేట–ఎల్లారెడ్డి మార్గంలో వాహనాల వేగం పెరిగింది. మండలంలోని పోచారం, గోపాల్‌పేట, ధర్మారెడ్డి, మాచాపూర్‌ తదితర ప్రాంతాల్లో మెయిన్‌ రోడ్డుతోపాటు ఇరువైపులా సర్వీస్‌ రోడ్లు ఏర్పాటు చేశారు. అయితే సర్వీస్‌ రోడ్డు నుంచి ప్రధాన రహదారిపైకి వచ్చే సమయంలో వాహనదారులు అప్రమత్తంగా వ్యవహరించకపోవడంతో ప్రమాదాలు చోటుచేసుకుంటున్నాయి. జాతీయ రహదారి నిబంధనలపై గ్రామీణ ప్రాంత వాహనదారుల్లో అవగాహన పెంచాలి. ద్విచక్రవాహనదారులు, వృద్ధులు, ట్రాక్టర్లు, ఆటో లు, ఇతర గ్రామీణ వాహనాల డ్రైవర్లు ప్రధాన రహదారిపైకి వచ్చే సమయంలో మరింత జాగ్రత్తగా ఉండాలి. సర్వీస్‌ రోడ్డు నుంచి మెయిన్‌ రోడ్డులోకి ప్రవేశించే ప్రాంతాల్లో వేగ నియంత్రణపై ప్రత్యేక చర్యలు చేపట్టాలి. మండలంలోని మాల్తుమ్మెదగేట్‌, చీనూర్‌, బంజార, ఆత్మకూర్‌గేట్‌ ప్రాంతాల్లో తర చూ ప్రమాదాలు జరుగుతున్నాయి. గోపాల్‌పేట మండల కేంద్రంలో సర్వీస్‌ రోడ్ల నుంచి ప్రధాన రహదారిపైకి వచ్చే ప్రాంతాలు కూడా ప్రమాదకరంగా మారాయి. బస్టాండ్‌, పెట్రోల్‌బంక్‌ సమీపంలో తరచూ ప్రమాదాలు చోటు చేసుకుంటున్నాయి. జాతీయ రహదారిపై జరుగుతున్న ప్రమాదాలను నియంత్రించేందుకు నాగిరెడ్డిపేట పోలీసులు తగుచర్యలు చేపడుతున్నారు. పెట్రోల్‌బంక్‌ సమీపంలో ఉన్న దారులకు అడ్డంగా బారీకేడ్లను ఏర్పాటుచేశారు. మండలంలోని బంజార, లింగంపల్లికలాన్‌ గ్రామాల్లోకి వెళ్లే రోడ్లపై సైతం బ్యారెళ్లను ఏర్పాటు చేశారు. జాతీయ రహదారిపై యాక్సిడెంట్‌ పాయింట్లుగా గుర్తించిన ప్రాంతాల్లో పోలీసులు హైవే అథారిటీ అధికారుల సహకారంతో రంబుల్‌ స్టిప్స్‌ వేయించారు. మార్చి – గోపాల్‌పేట: మండల కేంద్రం గోపాల్‌పేటలో జాతీయ రహదారి నుంచి చీనూర్‌ రోడ్డులోకి వెళ్తున్న బైక్‌ను ఆర్టీసీ బస్సు ఢీకొన్నది. ఈ ప్రమాదంలో మహదేవునిగడ్డ తండాకు చెందిన వ్యక్తి మృతిచెందాడు. ఏప్రిల్‌ – ఆత్మకూర్‌గేట్‌: ఆత్మకూర్‌గేట్‌ సమీపంలో బైక్‌పై వెళ్తున్న వ్యక్తిని ఎదురుగా వచ్చిన కారు బలంగా ఢీకొన్నది. ప్రమాదంలో అతను ప్రాణాలు కోల్పోయాడు. ఏప్రిల్‌ – మాల్తుమ్మెదగేట్‌: మాల్తుమ్మెదగేట్‌ వద్ద ఎక్సెల్‌పై వెళ్తున్న వ్యక్తిని ఇన్నోవా కారు ఢీకొన్నది. ఈ ఘటనలో వ్యక్తి మృతిచెందాడు. మే – మాల్తుమ్మెదగేట్‌: ఇదే ప్రాంతంలో ఎక్సెల్‌పై వెళ్తున్న వ్యక్తిని ఆటో ఢీకొనడంతో అతను మృతిచెందాడు. జూలై – మాల్తుమ్మెదగేట్‌: వరినాట్లు పూర్తి చేసుకుని ఇంటికి వెళ్తున్న కూలీలతో ప్రయాణిస్తున్న ఆటో గేదెను ఢీకొని బోల్తాపడింది. ప్రమాదంలో పలువురు మహిళలు గాయపడ్డారు. ఆగస్టు 10 – గోపాల్‌పేట: మండలకేంద్రంలోని పెట్రోల్‌బంక్‌ సమీపంలో ఆటోను కారు ఢీకొన్నది. ప్రమాదంలో ఆటోడ్రైవర్‌ మృతిచెందాడు. సెప్టెంబర్‌ 1 – బంజారతండా: మండలంలోని బంజారతండా వద్ద ఆటో, బైక్‌ ఢీకొన్న ఘటనలో ఎనిమిది మంది తీవ్రంగా గాయపడ్డారు. సెప్టెంబర్‌ 12 – బంజారతండా: బంజారతండా వద్ద ట్రాక్టర్‌, బైక్‌ ఢీకొన్న ప్రమాదంలో ఓ వ్యక్తి తీవ్రంగా గాయపడ్డాడు. సెప్టెంబర్‌ 13 – ఆత్మకూర్‌గేట్‌: ఆత్మకూర్‌గేట్‌ వద్ద ట్రాక్టర్‌, బైక్‌ ఢీకొన్న ప్రమాదంలో ఓ యువకుడు ప్రాణాలు కోల్పోయాడు. నియంత్రణ చర్యలు చేపడుతున్నాం మండలంలో జాతీయ రహదారి ఏర్పాటు అయ్యాక చాలా రోడ్డు ప్రమాదాలు జరిగాయి. తరచూ ప్రమాదాలు జరుగుతున్న ప్రాంతాలను యాక్సిడెంట్‌ పాయింట్లుగా గుర్తించాం. యాక్సిడెంట్‌ పాయింట్లలో బ్యారెళ్లను ఏర్పాటు చేసి వాహనాల వేగాన్ని నియంత్రిస్తున్నాం. అయినా సర్వీస్‌ రోడ్ల నుంచి సడెన్‌గా మెయిన్‌ రోడ్డులోకి వచ్చి ప్రమాదాలకు గురవుతున్నారు. తగు చర్యలు చేపడుతున్నాం. – భార్గవ్‌గౌడ్‌, ఎస్సై, నాగిరెడ్డిపేట

బిచ్కుంద: మండలంలోని గుండెనెమ్లిలో అంగన్‌వాడీ కేంద్రం నుంచి అక్రమంగా బియ్యం తరలిస్తుండగా గ్రామస్తులు బుధవారం పట్టుకున్నారు. అంగన్‌వాడీ టీచర్‌ శ్వేత భర్త బైక్‌ పై సెంటర్‌లో ఉన్న బియ్యాన్ని ఎవరికీ తెలియకుండా అక్రమంగా యాభై కిలోల బియ్యాన్ని తీసుకెళ్తుండగా స్థానికులు అడ్డుకొని పట్టుకున్నారు. అనంతరం ఐసీడీఎస్‌ సుపర్‌వైజర్‌ కళావతికి ఫిర్యాదు చేశారు. విచారణ చేపట్టి శాఖపరమైన చర్యలు తీసుకుంటామని ఆమె తెలిపారు. ఎల్లారెడ్డిరూరల్‌: ఎల్లారెడ్డి మున్సిపాలిటి పరిధి గండిమాసానిపేట జిల్లా పరిషత్‌ ఉన్నత పాఠశాలకు గ్రామానికి చెందిన దినేష్‌గౌడ్‌ బుధవారం డెస్కులను అందించినట్లు హెచ్‌ఎం రాజులు తెలిపారు. పాఠశాలలో విద్యార్థులకు సరిపడా బెంచీలు లేక పోవడంతో దినేష్‌గౌడ్‌ స్పందించి రూ. 80 వేల విలువ చేసే డెస్కులను అందించారు. దినేష్‌గౌడ్‌కు విద్యార్థులు, టీచర్లు కృతజ్ఞతలు తెలిపారు. ఆలయ అభివృద్ధికి.. మాచారెడ్డి: మండలంలోని చుక్కాపూర్‌ లక్ష్మీనరసింహస్వామి ఆలయ అభివృద్ధి కోసం బుధవారం కోడిచర్ల గ్రామానికి చెందిన సంకరి అశోక్‌, కళ్యాణి దంపతులు రూ. పదివేల విరాళాన్ని అందజేశారు. ఆలయ అర్చకుడు పరందామాచార్యులు దాతలకు స్వామివారి చిత్రపటాన్ని బహూకరించి సత్కరించారు.

● కలెక్టర్‌ ఆశిష్‌ సంగ్వాన్‌కామారెడ్డి క్రైం: జిల్లాలో ఽఖరీఫ్‌ సీజన్‌ ధాన్యం కొనుగోళ్లకు ఏర్పాట్లు చేయాలని కలెక్టర్‌ ఆశిష్‌ సంగ్వాన్‌ ఆదేశించారు. కలెక్టరేట్‌లో బుధవారం ధాన్యం కొనుగోళ్ల సన్నద్ధతపై సమావేశం నిర్వహించారు. ఈ సందర్భంగా మాట్లాడుతూ ప్రస్తుత ఖరీఫ్‌లో జిల్లావ్యాప్తంగా 7,10,661 టన్నుల ధాన్యం దిగుబడి వస్తుందన్న అంచనాలున్నాయన్నారు. అందులో 4,59,295 టన్నులను కొనుగోలు కేంద్రాల ద్వారా సేకరించాలని లక్ష్యమన్నారు. కొనుగోలు ప్రక్రియ, నిబంధనలపై అన్ని సొసైటీల కార్యదర్శులు, ఏపీఎంలు, సెంటర్‌ల ఇన్‌చార్జీలకు ఈ నెల 22న ప్రత్యేక శిక్షణ ఇవ్వాలని సూచించారు. ఇప్పటివరకు దాదాపు 70 వేల టన్నుల నిల్వ సామర్థ్యం ఉన్న గోదాములను గుర్తించామన్నారు. అదనంగా కర్ణాటకలోని బీదర్‌ పరిసర ప్రాంతాల్లో కూడా ధాన్యం నిల్వకు అవసరమైన సౌకర్యాల ఏర్పాటునకు అవకాశాలను పరిశీలించాలని సూచించారు. అలాగే ధాన్యం రవాణాకు వినియోగించే వాహనాలన్నీ ఈ నెల 25లోగా జీపీఎస్‌ సదుపాయంతో సిద్ధంగా ఉండేలా రవాణా కాంట్రాక్టర్లు చర్యలు తీసుకోవాలన్నారు. అభివృద్ధి ప్రణాళిక రూపొందించాలి గ్రామీణ ప్రాంతాల సమగ్ర అభివృద్ధి, ప్రజలకు అవసరమైన మౌలిక సదుపాయాల కల్పనకు అత్యధిక ప్రాధాన్యతనిస్తూ జిల్లా పంచాయతీ అభివృద్ధి ప్రణాళికను రూపొందించాలని కలెక్టర్‌ ఆదేశించారు. కలెక్టరేట్‌లో బుధవారం జిల్లా పంచాయతీ అభివృద్ధి ప్రణాళిక కమిటీ సమావేశం నిర్వహించారు. ఈ సందర్భంగా ఆయన మాట్లాడుతూ టైడ్‌ గ్రాంట్ల ద్వారా ప్రధానంగా పారిశుద్ధ్యం, తాగునీటి సరఫరా, వాటర్‌ వర్క్స్‌కు సంబంధించిన పనులను చేపట్టేలా ప్రణాళికలు రూపొందించాలన్నారు. కార్యక్రమంలో జెడ్పీ సీఈవో చందర్‌, అదనపు కలెక్టర్‌ గిరి, డీపీవో మురళి, డీఈవో మల్లికార్జున్‌, డీఎంహెచ్‌వో వెంకట్‌, డీడబ్ల్యూవో ప్రసన్న తదితరులు పాల్గొన్నారు.

సిగ్నల్‌ ఎక్కడుంటే..● ఓటర్ల వివరాల ఆన్‌లైన్‌కు ఇబ్బందులు ● నెట్‌వర్క్‌ ఉన్న ప్రాంతాలకు వెళ్తున్న ఎన్నికల సిబ్బందిఓటర్ల జాబితా ప్రత్యేక సమగ్ర సవరణ(సర్‌)లో భాగంగా అనామలిస్‌ జాబితాలో ఉన్న వారికి నోటీసులు జారీ చేసి, వారిచ్చే ఆధారాలను ఆన్‌లైన్‌లో నమోదు చేయడానికి ఎన్నికల సిబ్బందికి సిగ్నల్‌ సమస్య ఇబ్బందికరంగా మారింది. కామారెడ్డి జిల్లాలోని మూడు రాష్ట్రాల సరిహద్దు ప్రాంతమైన జుక్కల్‌ నియోజకవర్గం పరిధిలో ఉన్న జుక్కల్‌, పెద్దకొడప్‌గల్‌, డోంగ్లీ తదితర మండలాల్లోని పలు గ్రామాల్లో ఈ సమస్య ఎక్కువగా ఉంది. దీంతో ఓటర్ల వివరాలను ఆన్‌లైన్‌లో నమోదు చేయడానికి నానా పాట్లు పడుతున్నారు. గ్రామంలో సెల్‌ఫోన్‌ సిగ్నల్‌ ఎక్కడుంటే అక్కడికి ఓటర్లను తీసుకువెళ్లి వారి ఫొటోలు తీసుకుంటూ వివరాలను ఆన్‌లైన్‌లో అప్‌లోడ్‌ చేస్తున్నారు. మరికొన్నిచోట్ల ఓటర్లను మండల కేంద్రానికి, పక్క ఊరుకు తీసుకువెళ్తున్నారు. ఇంకొన్ని చోట్ల ఓటర్ల వివరాలను ఫొటో తీసుకుని సిగ్నల్‌ వచ్చిన చోటుకు వెళ్లి ఆన్‌లైన్‌లో నమోదు చేస్తున్నారు.జుక్కల్‌ నియోజక వర్గంలోని కొన్ని గ్రామాల్లో నెట్వర్క్‌ సమస్యతో ఓటర్ల వివరాలను నమోదు చేసుకోవడానికి ఇబ్బంది అవుతోంది. అయినా సిబ్బంది బాధ్యతగా పనిచేస్తూ నోటీసులు అందుకున్న వారి నుంచి ఆధారాలు సేకరించి ఆన్‌లైన్‌లో నమోదు చేయడానికి కష్టపడుతున్నారు. సిగ్నల్‌ ఎక్కడ వస్తే అక్కడికి తీసుకువెళ్లి వివరాలను నమోదు చేయిస్తున్నారు. – విక్టర్‌, అదనపు కలెక్టర్‌(రెవెన్యూ), కామారెడ్డిపెద్దకొడప్‌గల్‌ మండలంలోని పెద్దదేవిసింగ్‌ తండాలో సిగ్నల్‌ రాకపోవడంతో అక్కడి ఓటర్లను వడ్లం శివారు ప్రాంతానికి తీసుకువెళ్లి ఆన్‌లైన్‌లో నమోదు చేస్తున్నారు. పోచారం తండాకు చెందిన ఓటర్లను పెద్దకొడప్‌గల్‌ తహసీల్‌ కార్యాలయానికి, తబ్దల్‌ గ్రామం నుంచి ఓటర్లను చిన్నతక్కడ్‌పల్లికి తీసుకువెళ్తున్నారు. జుక్కల్‌ మండలం చండేగావ్‌, మాదాపూర్‌, హంగర్గ గ్రామాలలో సిగ్నల్‌ ఉన్న ప్రాంతానికి ఓటర్లను రప్పించి సర్‌ ప్రక్రియను నిర్వహిస్తున్నారు. డోంగ్లీ మండలం సిర్‌పూర్‌, డోంగ్లీ, మొగ, మల్లాపూర్‌, పెద్దకొడప్‌గల్‌ మండలంలోని బాబుల్‌గావ్‌, విఠల్‌వాడీ, లింగంపల్లి, బూరుగుపల్లి, అంజని, శివాపూర్‌ తదితర గ్రామాల్లో సిగ్నల్స్‌ సమస్య తీవ్రంగా ఉంది.పెద్దకొడప్‌గల్‌ మండలంలో 27 పోలింగ్‌ బూత్‌ల పరిధిలో 145 మంది ఓటర్ల వివరాలు మ్యాపింగ్‌ కాలేదు. 6,146 మంది ఓటర్ల వివరాల్లో తేడాలున్నాయి. 6,289 మందికి నోటీసులు సిద్ధం చేసి, 3,937 మందికి నోటీసులు జారీ చేశారు. ఇంకా 2,352 మందికి నోటీసులు ఇవ్వాల్సి ఉంది. 2,004 మంది ఓటర్ల హియరింగ్‌ పూర్తయ్యింది. డోంగ్లీ మండలంలో 18 పోలింగ్‌ బూత్‌ల పరిధిలో 260 మంది ఓటర్ల మ్యాపింగ్‌ జరగలేదు. 4,781 మంది ఓటర్లను అనామలిస్‌ జాబితాలో చేర్చారు. 5,043 మంది ఓటర్లకు నోటీసులు సిద్ధం చేసి, 4,710 మందికి నోటీసులు జారీ చేశారు. 333 మంది నోటీసులు పెండింగులో ఉన్నాయి. 4,211 మంది ఓటర్ల హియరింగ్‌ పూర్తయ్యింది. జుక్కల్‌ మండలంలో 50 పోలింగ్‌ బూత్‌ల పరిధిలో 424 ఓట్లు మ్యాపింగ్‌ కాకపోవడం, 11,232 మంది ఓటర్ల వివరాల్లో తేడాలుండడంతో అనామలిస్‌ జాబితాలో ఉంచారు. మొత్తంగా 11,656 మంది ఓటర్లకు నోటీసులు రెడీ చేయగా.. 11,205 మందికి నోటీసులు జారీ చేశారు. ఇంకా 452 మందికి నోటీసులు పెండింగులో ఉన్నాయి. 5,583 మంది ఓటర్ల హియరింగ్‌ పూర్తయ్యింది.

మాచారెడ్డి: ఆటల్లో గెలుపోటములు సహజమని, వాటిని క్రీడాకారులు సమానంగా తీసుకోవాలని డీఈవో మల్లికార్జున్‌ పేర్కొన్నారు. బుధవారం చుక్కాపూర్‌ ఉన్నత పాఠశాల ఆవరణలో ఎస్జీఎఫ్‌ ఆధ్వర్యంలో ఉమ్మడి నిజామాబాద్‌ జిల్లాస్థాయి 70వ సెపక్‌ తక్రా పోటీలు నిర్వహించారు. క్రీడాకారులు జిల్లాస్థాయిలో ప్రతిభ కనబరిచి రాష్ట్రస్థాయికి ఎదగాలని సూచించారు. 18 మండలాల నుంచి 90 మంది క్రీడాకారులు పాల్గొన్నారు. కార్యక్రమంలో ఎంఈవో దేవేందర్‌రావు, ఎస్జీఎఫ్‌ జిల్లా కార్యదర్శి శ్రీధర్‌, పీడీ రసూల్‌, సర్పంచ్‌ ఆంజనేయులు తదితరులు పాల్గొన్నారు. రాష్ట్ర స్థాయి సెపక్‌ తక్రాకు 20మంది ఎంపిక పోటీలలో సత్తాచాటినవారికి రాష్ట్రస్థాయి పోటీలకు ఎంపిక చేశామని ఎస్జీఎఫ్‌ ప్రతినిధులు తెలిపారు. అండర్‌ 14 విభాగంలో ఐదుగురు బాలురు, ఐదుగురు బాలికలను, అండర్‌ 17 విభాగంలో ఐదుగురు బాలు రు, ఐదుగురు బాలికలను ఎంపిక చేశామన్నారు. 20న జిల్లాస్థాయి అథ్లెటిక్స్‌ ఎంపికలు.. కామారెడ్డి అర్బన్‌: జిల్లాకేంద్రంలోని ఇందిరాగాంధీ స్టేడియంలో ఈనెల 20న ఉదయం 8గంటలకు జిల్లా స్థాయి జూనియర్స్‌ అథ్లెటిక్స్‌ అండర్‌–14, 16, 18, 20 మెన్‌, ఉమెన్‌ జట్ల ఎంపిక పోటీలు నిర్వహించనున్నారు. ఈ విషయాన్ని జిల్లా అథ్లెటిక్‌ అసోసియేషన్‌ అధ్యక్ష, ప్రధాన కార్యదర్శులు జైపాల్‌రెడ్డి, అనిల్‌కుమార్‌ తెలిపారు. రన్స్‌, త్రోస్‌, జంప్స్‌ అంశాల్లో ఎంపికలుంటాయని, ప్రతి పాఠశాల నుంచి ఒక్కో అంశం, విభాగంలో ఇద్దరు క్రీడాకారులకు మాత్రమే అవకాశం ఉంటుందని పేర్కొన్నారు. క్రీడాకారులు పుట్టిన తేదీ సర్టిఫికెట్‌ లేదా పదో తరగతి మెమోతో రావాలని సూచించారు.క్రీడా సమాచారం

● ఇప్పటికే గెజిట్‌ విడుదల సాక్షి ప్రతినిధి, కామారెడ్డి : జిల్లా కేంద్రంలోని అశోక్‌నగర్‌ రైల్వే గేటు స్థానంలో రైల్వే ఓవర్‌ బ్రిడ్జీ (పై వంతెన) నిర్మించాలని కేంద్ర ప్రభుత్వం నిర్ణయించింది. దీనికి సంబంధించి ఈ ఏడాది జూలై 9 తేదీతో గెజిట్‌ కూడా విడుదలయ్యింది. అవసరమైన భూసేకరణకు కాంపోనెంట్‌ అథారిటీగా కామారెడ్డి రెవెన్యూ డివిజనల్‌ అధికారిని నియమించారు. అందులో భాగంగానే వంతెన నిర్మించాల్సిన చోట కొలతలు వేసి మార్కింగ్‌ ఇచ్చారు. మార్కింగ్‌ చేయడాన్ని గమనించిన తర్వాత ఇళ్లు, ప్లాట్ల యజమానులు తమకు తీరని అన్యాయం జరుగుతుందంటూ ఆందోళన వ్యక్తం చేశారు. వంతెన నిర్మాణ స్థలాన్ని మార్చాలని ప్రభుత్వాన్ని కోరారు. అంతటితో ఆగకుండా జహీరాబాద్‌ ఎంపీ సురేశ్‌ షెట్కార్‌, ప్రభుత్వ సలహాదారు షబ్బీర్‌ అలీని కలిసి విన్నవించారు. ఎవరూ ఆందోళన చెందవద్దని వారిద్దరు భరోసా ఇచ్చారు. అయితే ఇప్పటికే గెజిట్‌ కూడా విడుదలైన నేపథ్యంలో ఇళ్లు, ప్లాట్ల యజమానుల్లో ఆందోళన నెలకొంది. ● ముఖ్య అతిథిగా వీహెచ్‌ సాక్షి ప్రతినిధి, కామారెడ్డి : తెలంగాణ ప్రజాపాలన దినోత్సవాన్ని ఈ నెల 17న కలెక్టరేట్‌లో నిర్వహించేందుకు అధికారులు ఏర్పాట్లు చేశారు. వేడుకలకు ప్రభుత్వ బీసీ సంక్షేమం, అభివృద్ధి సలహాదారు వి.హనుమంతరావు ముఖ్యఅతిథిగా హాజరుకానున్నారు. వేడుకల్లో భాగంగా జాతీయ జెండాను ఎగురవేయనున్నారు. నిజామాబాద్‌లో.. నిజామాబాద్‌ అర్బన్‌: తెలంగాణ ప్రజాపాలన దినోత్సవాన్ని సమీకృత జిల్లా కార్యాలయాల సముదాయంలో గురువారం ఘనంగా నిర్వహించేందుకు అధికారులు ఏర్పాట్లు పూర్తి చేశారు. రాష్ట్ర ప్రభుత్వ సలహాదారు సుదర్శర్‌రెడ్డి వేడుకలకు ముఖ్య అతిథిగా హాజరై.. ఉదయం 10గంటలకు జాతీయ జెండాను ఆవిష్కరించనున్నారు. నిజాంసాగర్‌: ఎన్నో ఏళ్లుగా పెండింగ్‌ ఉన్న అంతర్రాష్ట్ర లెండి ప్రాజెక్టు పనులను త్వరితగతిన పూర్తి చేయాలని జుక్కల్‌ ఎమ్మెల్యే తోట లక్ష్మీకాంతారావ్‌ ప్రభుత్వాన్ని కోరారు. బుధవారం జరిగిన అసెంబ్లీ సమావేశాల్లో ఆయన మాట్లాడారు. తలాపునే నిజాంసాగర్‌ ప్రాజెక్టు ఉన్నప్పటికి జుక్కల్‌ నియోజకవర్గానికి ఎటువంటి ప్రయోజనం లేదన్నారు. ముఖ్యమంత్రి రేవంత్‌రెడ్డి, నీటి పారుదల శాఖ మంత్రి ఉత్తమ్‌కుమార్‌రెడ్డి లెండి ప్రాజెక్టు పనులపై చొరవ చూపుతున్నారన్నారు. జుక్కల్‌ నియోజకవర్గ రైతులు పండిస్తున్న పప్పు దినుసులు, బొప్పాయి, ఆయిల్‌పామ్‌ విక్రయాలకు మార్కెట్‌ సదుపాయం కల్పించాలని కోరారు. కామారెడ్డి అర్బన్‌: కామారెడ్డి ఆర్ట్స్‌ అండ్‌ సైన్స్‌ కళాశాలలో కానిస్టేబుల్‌ స్క్రీనింగ్‌ టెస్ట్‌ నిర్వహించనున్నట్లు కళాశాల కాంపిటేటీవ్‌ కోచింగ్‌ కన్వీనర్‌ కిష్టయ్య ఓ ప్రకటనలో తెలిపారు. గురువారం మధ్యాహ్నం 12 గంటల నుంచి ఒంటి గంట వరకు నిర్వహించే స్క్రీనింగ్‌ పరీక్షకు హాజరు కావాలని తమ కళాశాల విద్యార్థులకు సూచించారు. ఎంపికై నవారికి ఉచిత శిక్షణ అందిస్తామని పేర్కొన్నారు. బీబీపేట: రైతులు తమ పొలాల్లో ఫాంపాండ్‌లను నిర్మించుకోవాలని జెడ్పీ సీఈవో చందర్‌ నాయక్‌ సూచించారు. బుధవారం మండల కేంద్రంలో రైతు నిర్మించుకున్న ఫాంపాండ్‌ను పరిశీలించారు. ఫాంపాండ్‌లతో భూగర్భ జలాలు పెరుగుతాయని, చేపల పెంపకం ద్వారా అదనపు ఆదాయం పొందవచ్చని పేర్కొన్నారు. అనంతరం మహిళా సమాఖ్య భవన నిర్మాణాన్ని పరిశీలించారు. ఆయన వెంట ఎంపీడీవో గంగాధర్‌, ఎంపీవో అబ్బాగౌడ్‌, సర్పంచ్‌ సాద్విక తదితరులున్నారు.

కామారెడ్డి క్రైం: గణేశ్‌ విగ్రహాల నిమజ్జనోత్సవాలకు పటిష్ట భద్రతా ఏర్పాట్లు చేస్తున్నామని కలెక్టర్‌ ఆశిష్‌ సంగ్వాన్‌ తెలిపారు. పట్టణంలోని పాత బస్టాండ్‌ పోలీస్‌ బూత్‌లో ఏర్పాటు చేసిన ట్రాఫిక్‌ గణపతిని బుధవారం ఆయన ఎస్పీ రాజేశ్‌చంద్రతో కలిసి, దర్శించుకుని ప్రత్యేక పూజలు చేశారు. అనంతరం సంబంధిత శాఖల అధికారులు, గణేశ్‌ ఉత్సవ సమితుల ప్రతినిధులతో కలిసి ప్రత్యేక బస్సులో శోభాయాత్ర రూట్‌మ్యాప్‌ను పరిశీలించారు. శోభాయాత్ర మార్గంలో అవసరమైన అన్ని ఏర్పాట్లు చేయాలన్నారు. నిమజ్జన ప్రదేశాల్లో గజ ఈతగాళ్లు, రెస్క్యూ బృందాలు, వైద్య సిబ్బందిని సిద్ధంగా ఉంచాలన్నారు. సంప్రదాయ పద్ధతిలో గణేశ్‌ ఉత్సవాలు నిర్వహించుకోవాలని పిలుపునిచ్చారు. శోభాయాత్ర జరిగే దారిలో రద్దీని నియంత్రించేందుకు ప్రత్యేక ట్రాఫిక్‌ ప్రణాళికను అమలు చేయడంతో పాటు, సీసీ కెమెరాలు, డ్రోన్ల ద్వారా పరిస్థితిని నిరంతరం పర్యవేక్షిస్తూ చర్యలు చేపడతామని ఎస్పీ రాజేశ్‌ చంద్ర తెలిపారు. కార్యక్రమంలో మున్సిపల్‌ చైర్‌పర్సన్‌ ఉమారాణి, అదనపు ఎస్పీ నరసింహారెడ్డి, అదనపు కలెక్టర్‌ గిరి, డీఎస్పీ మధుసూదన్‌, పట్టణ ఎస్‌హెచ్‌వో నరహరి తదితరులున్నారు.

కామారెడ్డి టౌన్‌ : సిర్నాపల్ల్లి–ఉప్పల్‌వాయి రైల్వే స్టేషన్ల మధ్య ఉన్న లెవల్‌ క్రాసింగ్‌ గేట్‌ నంబర్‌–205టీ ని ఈనెల 17 నుంచి 19 వరకు మూసి ఉంచనున్నట్లు రైల్వే సీనియర్‌ సెక్షన్‌ ఇంజినీర్‌ రవి నాగశంకర్‌ మంగళవారం ఒక ప్రకటనలో తెలిపారు. ఎమర్జెన్సీ రైల్‌ రెన్యువల్స్‌, ట్రాక్‌ ఓవర్‌ హాలింగ్‌ పనుల నిమిత్తం ఈ నిర్ణయం తీసుకున్నామని పేర్కొన్నారు. వాహనాలను అడ్లూర్‌–ఎల్లారెడ్డి గ్రామం మీదుగా ఉన్న లెవల్‌ క్రాసింగ్‌ గేట్‌ నం. 207 ద్వారా మళ్లించనున్నట్లు తెలిపారు. ఉప్పల్‌వాయి, రామారెడ్డి, తిర్మన్‌పల్లి, మర్కంటి, సదాశివనగర్‌, రంగంపేట, మోషంపూర్‌, పోసానిపేట తదితర గ్రామాల ప్రజలు, వాహనదారులు దీనిని గమనించి, రైల్వే శాఖకు సహకరించాలని కోరారు.కామారెడ్డి అర్బన్‌: కలెక్టరేట్‌లోని 121 నంబర్‌ గదిలో గురువారం ఉదయం 10.30 నుంచి మధ్యాహ్నం 2 గంటల వరకు జాబ్‌మేళా నిర్వహించనున్నట్టు జిల్లా ఉపాధి కల్పనాధికారి కిరణ్‌కుమార్‌ ఒక ప్రకటనలో తెలిపారు. ఫోన్‌పేలో ఫీల్డ్‌ సేల్స్‌ ఎగ్జిక్యూటివ్‌ అసోసియేట్‌ ఉద్యోగాల భర్తీ కోసం ఈ మేళా నిర్వహిస్తున్నారని పేర్కొన్నారు. 19 నుంచి 35 ఏళ్లలోపు వయసున్న కనీసం ఇంటర్‌ చదివినవారు అర్హులని, పూర్తి వివరాలకు 91777 95825, 63057 43423 నంబర్లలో సంప్రదించాలని సూచించారు. సాక్షి ప్రతినిధి, కామారెడ్డి : కామారెడ్డిలో రైల్వే ఓవర్‌ బ్రిడ్జీకి బదులు, అండర్‌ బ్రిడ్జీ నిర్మించే విషయమై అధికారులతో మాట్లాడుతామని ఎంపీ సురేశ్‌ షెట్కార్‌ ప్రజలకు హామీ ఇచ్చా రు. జిల్లా కేంద్రంలోని అశోక్‌నగర్‌ రైల్వే గేటు వద్ద పై వంతెన నిర్మిస్తే తమకు నష్టం జరుగుతుందంటూ స్థానిక ఇళ్ల యజమానులు మంగళవారం కామారెడ్డిలో ఎంపీ షెట్కార్‌, ప్రభు త్వ సలహాదారు షబ్బీర్‌ అలీలను కలిసి మొరపెట్టుకున్నారు. ఈ సందర్బంగా ఎంపీ మా ట్లాడుతూ ఆర్వోబీతో ఇళ్లు నష్టపోతామని ఎ వరూ ఆందోళన చెందొద్దన్నారు. తాను కామారెడ్డి ప్రజలకు ఏ ఆపదా వచ్చినా అండగా ఉంటానని ప్రభుత్వ సలహాదారు షబ్బీర్‌అలీ పే ర్కొన్నారు. పాత బస్టాండ్‌ నుంచి అడ్లూర్‌ రో డ్డు అధ్వానంగా తయారైనా ఈ రోడ్డు మీదు గా తిరిగే ఎమ్మెల్యే పట్టించుకోలేదని, తాను అధికారులతో గట్టిగా మాట్లాడి వెంటనే పను లు మొదలుపెట్టించానని వివరించారు. వంద ఫీట్ల రోడ్డు వేయిస్తానన్న ఎమ్మెల్యే.. రోడ్డు మీద పడిన గుంతలను కూడా పూడ్చేయించలేదని విమర్శించారు.

● బడుల్లో మౌలిక సదుపాయాల కల్పనకు ప్రాధాన్యం ● జిల్లా ఇన్‌చార్జి మంత్రి సీతక్కసాక్షి ప్రతినిధి, కామారెడ్డి: ప్రభుత్వ బడులను బలోపేతం చేయడంతోపాటు నాణ్యమైన విద్యనందించడమే సర్కారు లక్ష్యమని రాష్ట్ర పంచాయతీరాజ్‌, గ్రామీణాభివృద్ధి శాఖల మంత్రి సీతక్క పేర్కొన్నారు. జిల్లా కేంద్రంలోని జెడ్పీహెచ్‌ఎస్‌(బాలుర)ను తెలంగాణ పబ్లిక్‌ స్కూల్‌గా అభివృద్ధి చేయడానికి మంగళవారం నూతన భవన నిర్మాణానికి ఆమె శంకుస్థాపన చేశారు. ఈ సందర్భంగా సీతక్క మాట్లాడుతూ కొత్త భవనంలో ఆధునిక సౌకర్యాలు ఉంటాయన్నారు. షబ్బీర్‌అలీ మాట్లాడుతూ తాను చదువుకున్న బడి.. తన భావి జీవితానికి పునాది వేసిన ప్రదేశమన్నారు. పాఠశాలకు ఏ అవసరం ఉన్నా సొంత డబ్బులతో సమకూరుస్తానన్నారు. అనంతరం జిల్లా కేంద్రంలో ఉద్యోగినుల వసతి కోసం నిర్మించిన సఖి నివాస్‌ భవనాన్ని మంత్రి ప్రారంభించారు. కార్యక్రమంలో ఎంపీ సురేశ్‌ షెట్కార్‌, జుక్కల్‌ ఎమ్మెల్యే లక్ష్మీకాంతారావ్‌, కలెక్టర్‌ ఆశిష్‌ సంగ్వాన్‌, ఎస్పీ రాజేశ్‌ చంద్ర, అదనపు కలెక్టర్లు విక్టర్‌, ఎన్‌వై గిరి, మున్సిపల్‌ చైర్‌పర్సన్‌ ఇప్ప ఉమారాణి, గ్రంథాలయ సంస్థ చైర్మన్‌ చంద్రకాంత్‌రెడ్డి, జిల్లా కాంగ్రెస్‌ అధ్యక్షుడు మల్లికార్జున్‌, కాంగ్రెస్‌ నేతలు ఇంద్రకరణ్‌రెడ్డి, సందీప్‌, శ్రీనివాస్‌రెడ్డి, రాజు, మోహన్‌రెడ్డి, అశోక్‌రెడ్డి, తిర్మల్‌గౌడ్‌ తదితరులు పాల్గొన్నారు.

● కీలక సమయంలో కరుణించిన వరుణుడు ● మూడు రోజులపాటు జల్లులు ● వరికి సైతం ప్రయోజనంకళకళలాడుతున్న సోయా పంటజిల్లాలో వానాకాలం సీజన్‌లో 5,53,473 ఎకరాల్లో పంటలు సాగయ్యాయి. ఇందులో వరి 3,19,361 ఎకరాల్లో సాగవగా.. వర్షాధార పంటలు 2,34,113 ఎకరాల్లో సాగయ్యాయి. మొదట్లో ఎల్‌ నినో ప్రభావంతో వర్షాలు కురవవని, లోటు వర్షపాతం నమోదవుతుందని అధికారులు హెచ్చరించారు. ఆరుతడి పంటలు సాగు చేసుకోవాలని ప్రభుత్వం పెద్ద ఎత్తున ప్రచారం నిర్వహించింది. ఊరూరా రైతులతో సమావేశాలు ఏర్పాటు చేసి అవగాహన కల్పించింది. అధికారుల హెచ్చరికలకు అనుగుణంగానే సీజన్‌ ప్రారంభంలో వర్షాలు లేకపోవడంతో రైతులు ఆందోళన చెందారు. అయితే నెలన్నర ఆలస్యంగా వరుణుడు కరుణించాడు. వాగులు, వంకలు పారాయి. చెరువులు, కుంటలు జలకళ సంతరించుకున్నాయి. సగానికి పైగా చెరువులు, కుంటలు అలుగులు పోశాయి. నిజాంసాగర్‌ మినహా జిల్లాలోని ప్రాజెక్టులన్నీ నిండాయి. దీంతో జిల్లాలో జోరుగా పంటలు సాగయ్యాయి. ఎల్‌ నినో ప్రభావంతో ఈసారి వరి సాగు విస్తీర్ణం తగ్గుతుందని భావించగా.. భారీ వర్షాలతో రైతులు విస్తృతంగా నాట్లు వేయడంతో దాదాపు గతేడాదితో సమానంగా వరి నాట్లు పడ్డాయి. అలాగే ఆరుతడి పంటలు కూడా ఎక్కువ విస్తీర్ణంలో సాగయ్యాయి. మూడు వారాలు ముఖం చాటేసి.. సుమారు నెలపాటు మురిపించిన వరుణుడు.. ఆ తర్వాత ముఖం చాటేశాడు. దాదాపు మూడు వారాలుగా వర్షాలు లేకపోవడం పంటలకు ఇబ్బందికరంగా మారింది. ఇదే సమయంలో ఉష్ణోగ్రతలు పెరగడం, విద్యుత్‌ కోతలు రైతాంగానికి కునుకులేకుండా చేశాయి. దీంతో ప్రధానంగా ఆరుతడి పంటలు నీరు లేక ఎండుముఖం పట్టాయి.పంటలకు కీలకమైన సమయంలో వర్షాలు లేకపోవడంతో రైతులు ఆందోళన చెందారు. నీటి తడి లేక ఆరుతడి పంటలు ఎండుముఖం పట్టాయి. అలాగే వరి పొట్ట దశలో ఉండగా.. కరెంటు కోతలు పెరిగి చాలా ప్రాంతాల్లో పంటలు దెబ్బతినే పరిస్థితి తలెత్తింది. దీంతో రైతులు సబ్‌స్టేషన్ల ముందు ఆందోళనకు దిగారు. అయితే రైతుల ఆశలు ఆవిరవుతున్న తరుణంలో వరుణుడు మళ్లీ వర్షించాడు. తుఫాన్‌ ప్రభావంతో ఈనెల 12, 13, 14 తేదీలలో కురిసిన జల్లులు అన్ని పంటలకు కాస్త ఊపిరి పోశాయి. సదాశివనగర్‌, భిక్కనూరు, కామారెడ్డి, రామారెడ్డి, పిట్లం, పెద్దకొడప్‌గల్‌, పాల్వంచ, మాచారెడ్డి, గాంధారి, డోంగ్లీ, జుక్కల్‌, నస్రుల్లాబాద్‌, దోమకొండ, నిజాంసాగర్‌, మహ్మద్‌నగర్‌, బిచ్కుంద తదితర మండలాల్లో మూడు రోజుల పాటు కురిసిన జల్లులు, ముసురు పంటలకు ఎంతో మేలు చేసింది.ఎండుముఖం పడుతున్న పంటలపై వరుణుడు కరుణ చూపాడు. మూడు రోజులపాటు అడపాదడపా కురిసిన వర్షాలతో ఆరుతడి పంటలకు మళ్లీ జీవకళ వచ్చింది. వరికి సైతం మేలు జరిగింది. – సాక్షి ప్రతినిధి, కామారెడ్డి

కామారెడ్డి టౌన్‌ : అంబేడ్కర్‌పై అనుచిత వ్యాఖ్యలు చేసిన హమారా ప్రసాద్‌పై కఠిన చర్యలు తీసుకోవాలని దళిత, ప్రజాసంఘాల నాయకులు డిమాండ్‌ చేశారు. అంబేడ్కర్‌పై అనుచిత వ్యాఖ్యలు చేసిన వారిని తక్షణమే శిక్షించాలంటూ ఎస్సీ, ఎస్టీ ఉపాధ్యాయ సంఘం రాష్ట్ర అధ్యక్షుడు కొంగల వెంకట్‌ మున్సిపల్‌ కార్యాలయం ముందు చేపట్టిన నిరాహార దీక్షకు నాయకులు మంగళవారం పలు సంఘాల నేతలు మద్దతు ప్రకటించారు. ఈ అంశంపై ఎస్సీ, ఎస్టీ మంత్రులు, ఎంపీలు, ఎమ్మెల్యేలు తక్షణమే స్పందించాలని కోరారు. అనుచిత వ్యాఖ్యలు చేసిన వ్యక్తిని వెంటనే అరెస్ట్‌ చేసి చట్టపరంగా శిక్షించాలని డిమాండ్‌ చేశారు. అనంతరం మున్సిపాలిటీనుంచి నిజాంసాగర్‌ చౌరస్తా వరకు ర్యాలీ తీశారు. మానవహారం ఏర్పాటు చేశారు. కార్యక్రమంలో వివిధ సంఘాల నేతలు గంగారాం, గైని రాజు, కొత్తపల్లి సుధాకర్‌, సత్తిగారి లక్ష్మి, బాగయ్య, మద్దెల రాజు, రాజలింగం, కొత్తపల్లి మల్లన్న, ముదాం సాయిలు, కోమటిపల్లి గంగన్న, రాములు తదితరులు పాల్గొన్నారు.

కామారెడ్డి క్రైం: ట్రాఫిక్‌ రూల్స్‌పై ప్రజలకు అవగాహన కల్పించేందుకు కామారెడ్డి పోలీసులు వినూత్నంగా ట్రాఫిక్‌ పోలీస్‌ రూపంలో ఉన్న గణపతిని ప్రతిష్ఠించారు. జిల్లా కేంద్రంలోని పాత బస్టాండ్‌ ఆవరణలో ఉన్న ట్రాఫిక్‌ పోలీస్‌ బూత్‌ను వినాయక మండపంగా తీర్చిదిద్దారు. మండపం వద్ద ట్రాఫిక్‌ రూల్స్‌కు సంబంధించిన ఫ్లెక్సీలను ఏర్పాటు చేశారు. భక్తితో పాటు రహదారి భద్రతపై బాధ్యతను గుర్తుచేసేలా ఈ వినూత్న కార్యక్రమం చేపట్టినట్లు పోలీసులు తెలిపారు. విగ్రహ ప్రతిష్ఠాపన వేడుకల్లో ఎస్పీ రాజేశ్‌ చంద్ర పాల్గొని ప్రత్యేక పూజలు చేశారు. ఈ సందర్భంగా ఆయన మాట్లాడుతూ విఘ్నాలను తొలగించే విఘ్నేశ్వరుడి ఆశీస్సులు ప్రజలందరిపై ఉండాలని ఆకాంక్షించారు. ట్రాఫిక్‌ నిబంధనలు కేవలం జరిమానాలు, కేసుల కోసమే కాదన్నారు. ప్రజల ప్రాణాలను కాపాడటమే ప్రధాన ఉద్దేశమని పేర్కొన్నారు. ప్రతి ఒక్కరూ హెల్మెట్‌ ధరించడంతో పాటు రహదారి భద్రత, నిబంధనలపై అవగాహన పెంచుకోవాలని సూచించారు. కార్యక్రమంలో ఏఎస్పీ నరసింహారెడ్డి, డీఎస్పీ మధుసూదన్‌, పట్టణ ఎస్‌హెచ్‌వో నరహరి, ట్రాఫిక్‌ ఎస్సై చంద్రశేఖర్‌ తదితరులు పాల్గొన్నారు.

● ఎస్పీ రాజేశ్‌ చంద్రకామారెడ్డి క్రైం: సోషల్‌ మీడియాలో వచ్చే వదంతులను నమ్మొద్దని ఎస్పీ రాజేశ్‌ చంద్ర సూచించారు. డీజేలకు అనుమతులు లేకపోవడంతో డప్పు కళాకారులను గౌరవిస్తూ, వారిని ప్రోత్సహిస్తూ వేడుకలు జరుపుకోవాలన్నారు. పట్టణంలోని జిల్లా పోలీసు కార్యాలయం నుంచి అన్ని పీఎస్‌ల ఎస్‌హెచ్‌వోలతో మంగళవారం ఆయన వీడియో కాన్ఫరెన్స్‌ ద్వారా నెలవారీ సమావేశం, గణేష్‌ నవరాత్రి ఉత్సవాల భద్రతపై సమీక్ష నిర్వహించారు. ఈ సందర్భంగా ఎస్పీ మాట్లాడుతూ ప్రతి గణేష్‌ మండపాన్ని పోలీస్‌ అధికారులు, సిబ్బంది తప్పనిసరిగా రోజూ సందర్శించి భద్రతా ఏర్పాట్లను పరిశీలించాలన్నారు. నిమజ్జనాలు నిర్వహించే ప్రాంతాలను ముందుగానే గుర్తించి, ఆయా ప్రాంతాల్లో అవసరమైన పోలీస్‌ బందోబస్తు, గస్తీ, ట్రాఫిక్‌ నియంత్రణ ఏర్పాట్లు చేయాలని ఆదేశించారు. డీజేలకు అనుమతులు లేవన్నారు. జిల్లాలో ఇప్పటికే 3 చోట్ల డీజేలపై కేసులు నమోదు చేసి వాటిని స్వా ధీనం చేసుకున్నామన్నారు. జిల్లా పోలీస్‌ కార్యాలయం నుంచి సోషల్‌ మీడియాపై ప్రత్యేకంగా నిరంతర పర్యవేక్షణ కొనసాగుతోందన్నారు. ప్రజలు ఏదైనా అనుమానాస్పద లేదా వివాదాస్పద సమాచారాన్ని గమనించినప్పుడు దానిని ఫార్వర్డ్‌ చేయకుండా వెంటనే పోలీసుల దృష్టికి తీసుకురావాలని సూచించారు. వీసీలో డీఎస్పీలు మధుసూదన్‌, శ్రీనివాసరావు, విఠల్‌రెడ్డి, గట్టుమల్లు, ఎస్బీ సీఐ మధుసూదన్‌ తదితరులు పాల్గొన్నారు.

ఎల్లారెడ్డి: పట్టణంలో అమృత్‌ 2.0 పథకం పనులు నత్తనడకన సాగుతుండడంతో ప్రజలకు ఇబ్బందులు తప్పడం లేదు. పలు చోట్ల పనులను అసంపూర్తిగా వదిలేయడంతో రోడ్లన్నీ గుంతలయంగా మారాయి. దీంతో ప్రజలు అవస్థలు పడుతున్నారు. ఆర్నెళ్లుగా సాగుతూ.. ఇంటింటికీ కుళాయి కనెక్షన్‌ కోసం ఎల్లారెడ్డి పట్టణానికి అమృత్‌ 2.0 పథకం కింద సుమారు రూ.20కోట్ల నిధులు మంజూరయ్యాయి. దీంతో ఆర్నెళ్ల క్రితం పనులు ప్రారంభం కాగా ఇంకా సాగుతునే ఉన్నాయి. నల్లాల ఏర్పాట కోసం పట్టణంలోని వీధుల్లో సీసీ రోడ్లను తవ్వారు. పలుచోట్ల గుంతలను అసంపూర్తిగా వదిలేశారు. తవ్వకాలతో దారులన్నీ గుంతలమయం కావడంతో స్థానికులు తీవ్ర ఇబ్బందులు పడుతున్నారు. చిన్నచిన్న వీధుల్లో రోడ్ల మధ్యలో నుంచి గుంతలను తవ్వడం వల్ల ఆ వీధుల్లోకి వెళ్లడం దాదాపు అసాధ్యమవుతుంది. రాత్రివేళ చీకట్లో గుంతలు కనపడక పలువురు ప్రమాదాలకు గురవుతున్నారు. వర్షాకాలం కారణంగా గుంతల కోసం తవ్విన మట్టి బురదమయంగా మారడంతో వాహనాలతోపాటు పాదచారులు జారిపడుతున్నారు. ఓవైపు పట్టణంలో ప్రధాన రహదారిపై రోడ్డు విస్తరణ పనులు కొనసాగుతుండడంతో ట్రాఫిక్‌ను గల్లీల్లోకి మళ్లిస్తున్నారు. గల్లీల గుండా వెళదామంటే అమృత్‌ పథకం కోసం తవ్విన గుంతలు కారణంగా ఇబ్బందులు ఏర్పడుతున్నాయి. ఇప్పటికై నా ఉన్నతాధికారులు స్పందించి పనులను వేగవంతంగా చేయడంతోపాటు ధ్వంసమైన రోడ్లకు మరమ్మతులు చేపట్టాలని ప్రజలు కోరుతున్నారు. ఎల్లారెడ్డిలో నత్తనడకన అమృత్‌ 2.0 పనులు కుళాయి కనెక్షన్ల కోసం సీసీరోడ్లు ధ్వంసం ఇబ్బందులు పడుతున్న ప్రజలు

నస్రుల్లాబాద్‌: సైకిల్‌, బైక్‌ ఢీకొన్న ఘటనలో ఒకరు మృతి చెందినట్లు ఎస్సై రాఘవేంద్ర తెలిపారు. ఎస్సై తెలిపిన వివరాల ప్రకారం.. నస్రుల్లాబాద్‌ మండలం దుర్కి గ్రామానికి చెందిన పాషా(61) సోమవారం రాత్రి రోడ్డు గుండా సైకిల్‌పై బాన్సువాడకు వెళ్తుండగా వెనుక నుంచి వేగంగా వచ్చిన బైక్‌ ఢీకొన్నది. ఈ ఘటనలో తీవ్రంగా గాయపడ్డ పాషాను కుటుంబీకులు మొదట బాన్సువాడకు ఆ తర్వాత హైదరాబాద్‌కు తరలించగా చికిత్స పొందుతూ మంగళవారం మృతి చెందాడు. బైక్‌ నడుపుతున్న వాజీద్‌నగర్‌కు చెందిన కులకర్ణి వంశీపై కేసు నమోదు చేసి దర్యాప్తు చేస్తున్నట్లు ఎస్సై తెలిపారు. భిక్కనూరు: యాసిడ్‌ గాయాలకు గురైన ఓ వివాహిత చికిత్స పొందుతూ మృతి చెందినట్లు ఎస్సై అనిల్‌ తెలిపారు. ఎస్సై తెలిపిన వివరాల ప్రకారం.. భిక్కనూరుకు చెందిన దివ్యవాణి(33)కి నిజామాబాద్‌ జిల్లా కేంద్రానికి చెందిన అరవింద్‌తో ఏడేళ్ల క్రితం వివాహం జరిగింది. అత్తింట్లో తరచూ గొడవలు జరుగుతుండడంతో ఇటీవల పిల్లలతో కలిసి పుట్టింటికి వచ్చింది. ఈ నెల 11న రాత్రి ఒంటరిగా బయటకు వెళ్లిన ఆమె ఆదివారం సాయంత్రం జంగంపల్లి శివారులో యాసిడ్‌ గాయాలతో ప్రత్యక్షమైంది. కుటుంబీకులు వెంటనే మెరుగైన వైద్యం కోసం హైదరాబాద్‌కు తరలించగా చికిత్స పొందుతూ సోమవారం మృతి చెందింది. నిజామాబాద్‌ జిల్లా కేంద్రంలో మంగళవారం అంత్యక్రియలు జరిగాయి. మృతురాలి తండ్రి మధుసూదన్‌ ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఎస్సై అనిల్‌ తెలిపారు. నస్రుల్లాబాద్‌: మండల కేంద్రంలోని ప్రధాన రహదారిపై జరిగిన రోడ్డు ప్రమాదంలో ఒకరికి తీవ్ర గాయాలయ్యాయి. స్థానికులు తెలిపిన వివరాల ప్రకారం.. ఎల్లారెడ్డి మండలం సోమల్గల్‌ తండాకు చెందిన అజ్మీర్‌ కిషన్‌ అనే వ్యక్తి పెట్రోల్‌ బంక్‌ సమీపంలో బైక్‌పై ప్రయాణిస్తున్న సమయంలో ఇతర వాహనాలు స్పీడ్‌ గా రావడంతో కిషన్‌ అదుపుతప్పి డివైడర్‌ను ఢీకొన్నాడు. ప్రమాదంలో అతనికి తీవ్ర గాయాలయ్యాయి. ఒక కాలు విరిగింది. సమాచారం అందుకున్న 108 సిబ్బంది కిషన్‌ను బాన్సువాడ ప్రభుత్వ ఆస్పత్రికి తరలించారు. డీజే నిర్వాహకుడిపై కేసు నమోదు కామారెడ్డి రూరల్‌: అనుమతి లేకుండా డీజేను ఏర్పాటు చేసిన వ్యక్తిపై కేసు నమోదు చేసినట్లు ఎస్సై రంజిత్‌ మంగళవారం తెలిపారు. కామారెడ్డి మండలం శాబ్దిపూర్‌ తండాలో వినాయక ప్రతిష్ఠాపనలో అనుమతి లేకుండా డీజే ఏర్పాటు చేసినందుకు యజమానిపై కేసు నమోదు చేసి డీజేను స్వాధీనం చేసుకున్నట్లు పేర్కొన్నారు. ఎవరైనా ప్రభుత్వ నిబంధనలు ఉల్లంఘిస్తే కఠిన చర్యలు తప్పవని ఎస్సై హెచ్చరించారు. సదాశివనగర్‌: మండలంలోని కుప్రియాల్‌ శివారులో పేకాట స్థావరంపై దాడి చేసినట్లు ఎస్సై పుష్పరాజ్‌ మంగళవారం తెలిపారు. గ్రామంలోని ఓ పౌల్ట్రీ ఫామ్‌లో పేకాట ఆడుతున్నట్లు సమాచారం రావడంతో దాడి చేశామన్నారు. ఈ దాడిలో పేకాట ఆడుతున్న నలుగురిని అదుపులోకి తీసుకోగా వారి నుంచి రూ. 2,080 నగదు, నాలుగు సెల్‌ ఫోన్స్‌, నాలుగు బైక్‌లను స్వాధీనం చేసుకొని కేసు నమోదు చేసినట్లు ఎస్సై తెలిపారు. గ్రామాల్లో ఎవరైనా పేకాట ఆడితే కఠిన చర్యలు తప్పవని హెచ్చరించారు.

బాన్సువాడ రూరల్‌: వినాయక చవితి ఉత్సవాలను ప్రతి ఒక్కరూ భక్తి శ్రద్ధలతో, శాంతియుత వాతావరణంలో నిర్వహించాలని బాన్సువాడ సీఐ తుల శ్రీధర్‌ సూచించారు. మంగళవారం ఆయన గట్టుమీది గ్రామాల్లో పర్యటించి వినాయక మండప నిర్వాహకులకు పలుసూచనలు చేశారు. ఊరేగింపులు, నిమజ్జన కార్యక్రమాల సందర్భంగా పోలీస్‌ శాఖ సూచించిన నియమ నిబంధనలను తప్పనిసరిగా పాటించాలన్నారు. కోనాపూర్‌, హన్మాజీపేట్‌ సర్పంచ్‌లు కిష్టవ్వ దిల్‌రాజు, లావణ్య వెంకగౌడ్‌ తదితరులు పాల్గొన్నారు. ఎల్లారెడ్డిలో గణేశ్‌ నిమజ్జన రూట్‌ పరిశీలన ఎల్లారెడ్డి: ఎల్లారెడ్డిలో గణేశ్‌ నిమజ్జన శోభాయాత్ర రూట్‌ను ఆర్డీవో ప్రభాకర్‌, డీఎస్పీ శ్రీనివాస్‌రావులు మంగళవారం పరిశీలించారు. శోభాయాత్రలో ఎలాంటి అవాంఛనీయ సంఘటనలు జరుగకుండా తీసుకోవాల్సిన జాగ్రత్తలను అధికారులతో చర్చించారు. తహసీల్దార్‌ ప్రేమ్‌కుమార్‌, మున్సిపల్‌ కమిషనర్‌ జగ్జీవన్‌, ట్రాన్స్‌కో ఏఈ వెంకటస్వామి, కౌన్సిలర్‌ సిద్ది శ్రీధర్‌ తదితరులున్నారు. ఎల్లారెడ్డిరూరల్‌: రాష్ట్రస్థాయి ఖో–ఖో పోటీలకు ఎల్లారెడ్డి సాంఘిక సంక్షేమ బాలుర గురుకుల పాఠశాలకు చెందిన విద్యార్థి శ్రీనివాస్‌ ఎంపికై నట్లు ప్రిన్సిపల్‌ నాగేశ్వర్‌రావు తెలిపారు. జిల్లా కేంద్రంలో నిర్వహించిన ఉమ్మడి జిల్లా స్థాయి ఖో– ఖో పోటీలలో అత్యుత్తమ ప్రతిభ కనబర్చి అండర్‌ 17 విభాగంలో ఖో– ఖో లో రాష్ట్రస్థాయికి ఎంపికై నట్లు ఆయన పేర్కొన్నారు. శ్రీనివాస్‌ను ఉ పాధ్యాయులు, విద్యార్థులు అభినందించారు. లింగంపేట: మహిళల ఆరోగ్య రక్షణపై మంగళవారం ప్రాథమిక ఆరోగ్య కేంద్రంలో వైద్య సి బ్బందికి ఎల్లారెడ్డి డివిజన్‌ సీహెచ్‌వో ఠాగూర్‌ అవగాహన కల్పించారు. లింగంపేట ప్రాథమి క ఆరోగ్య కేంద్రంతో అమ్మ ఒడి, ఆరోగ్య మ హిళా, హెచ్‌పీవీ వ్యాక్సినేషన్‌ కార్యక్రమం నిర్వహించారు.ఈ సందర్భంగా ఆయన మాట్లాడా రు. జాతీయ కార్యక్రమాల పురోగతిని సమీక్షించి లక్ష్యాలను త్వరగా పూర్తి చేయాలని సిబ్బందికి సూచించారు. మండల వైద్యాఽధికారి హిమబిందు,రమేశ్‌,వెంకటనారాయణ,ఫారీదా,చంద్రకళ,యాదగిరి,సిబ్బంది పాల్గొన్నారు. ఎల్లారెడ్డి: ఎల్లారెడ్డి ప్రభుత్వ డిగ్రీ కళాశాలలో మంగళవారం ప్రిన్సిపల్‌ లక్ష్మీనారాయణ, అధ్యాపకులతో కలిసి ‘బీసీ కలాల అలయ్‌ బలయ్‌’ కార్యక్రమ వాల్‌పోస్టర్లను ఆవిష్కరించారు. ఈనెల 20న బీసీ రచయితల సమాఖ్య తరఫున ‘బీసీ కలాల అలాయ్‌ బలాయ్‌’ కార్యక్రమం హైదరాబాద్‌లో నిర్వహించనున్నట్లు ప్రిన్సిపల్‌ తెలిపారు. అధ్యాపకులు శంకరయ్య, చంద్రకాంత్‌, జంగం శివకుమార్‌, సిద్ధురాజు, సురేశ్‌ రెడ్డి, లక్ష్మణ్‌, నరేశ్‌ గౌడ్‌, తదితరులు పాల్గొన్నారు.

● కొన్ని నెలలుగా ఇరిగేషన్‌ కార్యాలయం చుట్టూ తిరుగుతున్నానని ఆవేదన ● రిటైర్మెంట్‌ బెనిఫిట్స్‌ ఫైల్‌పై నిర్లక్ష్యం చేస్తున్నారని ఆగ్రహం కామారెడ్డి టౌన్‌: జిల్లా కేంద్రంలోని నీటిపారుదల శాఖ కార్యాలయంలో అధికారులను ఓ రిటైర్డ్‌ ఉద్యోగిని నిలదీశారు. తనకు రావాల్సిన రిటైర్‌మెంట్‌ ప్రయోజనాల ఫైల్‌ను కదల్చకుండా నిర్లక్ష్యం చేస్తున్నారంటూ కుటుంబ సభ్యులతో కలిసి కార్యాలయంలో మంగళవారం నిరసన చేపట్టారు. వివరాలు ఇలా.. ఇరిగేషన్‌ శాఖలో విధులు నిర్వహించిన జ్యోతి ఈ ఏడాది జూన్‌ 30న పదవీ విరమణ పొందారు. తనకు రావాల్సిన ఇంక్రిమెంట్లు, ఇతర ఉద్యోగ విరమణ ప్రయోజనాల ఫైళ్లను సిద్ధం చేయాల్సి ఉండగా, కార్యాలయ అధికారులు తీవ్ర నిర్లక్ష్యం ప్రదర్శిస్తున్నారని మండిపడ్డారు. ఫైల్‌ సిద్ధం చేసేందుకు తన వద్ద డబ్బులు డిమాండ్‌ చేశారని ఆమె ఆరోపించారు. పని పూర్తి కాకపోవడంతో పెన్షన్‌ రాక, బ్యాంకు లోన్లు చెల్లించలేక తీవ్ర ఆర్థిక ఇబ్బందులు ఎదుర్కొంటున్నానని ఆవేదన వ్యక్తం చేశారు. ఈక్రమంలో తీవ్ర అసహనానికి గురైన ఆమె కార్యాలయానికి చేరుకుని సూపరింటెండెంట్‌ భీమరాజుతో వాగ్వాదానికి దిగారు. జూనియర్‌ అసిస్టెంట్‌ అందుబాటులో లేకపోవడంతో ఫోన్‌లో నిలదీశారు. తోటి ఉద్యోగులు కల్పించుకుని సూపరింటెండెంట్‌కు నచ్చజెప్పడంతో, రెండు రోజుల్లో ప్రక్రియ పూర్తి చేస్తామని హామీ ఇవ్వడంతో బాధితురాలు ఆందోళన విరమించారు. ఈ ఆరోపణలపై భీమరాజు వివరణ ఇస్తూ.. జ్యోతి ఫైల్‌ విషయంలో తాము ఎలాంటి నిర్లక్ష్యం చేయలేదన్నారు. సంతకం చేయాల్సిన సంబంధిత ఉద్యోగి సెలవులో ఉండడం వల్లే ప్రక్రియలో కొంత ఆలస్యం జరిగిందని తెలిపారు.

భిక్కనూరు: సార్‌ యాదికొస్తున్నావు.. నీవు నేర్పిన పాఠాలు, క్రమశిక్షణ ఎప్పటికి మరువలేమంటూ భిక్కనూరు ప్రభుత్వ ఉన్నత పాఠశాల పూర్వ విద్యార్థులు కంట తడిపెట్టారు. స్థానిక బాలుర ప్రభుత్వ ఉన్నత పాఠశాల హెచ్‌ఎం శ్రీనాథ్‌ గుండెపోటుతో మృతి చెందడంతో పూర్వ విద్యార్థులు తీవ్ర సంతాపం వ్యక్తం చేశారు. మంగళవారం పాఠశాల ఆవరణంలో ఆయన చిత్రపటానికి పూలమాలలు వేసి నివాళులు అర్పించారు. అనంతరం పూర్వ విద్యార్థులు మాట్లాడుతూ.. శ్రీనాథ్‌ పాఠశాలను అభివృద్ధి చేశారని గుర్తు చేశారు. ఎంతోమంది విద్యార్థులను ఉన్నత స్థాయికి తీర్చిదిద్దారన్నారు. ఆయన ఆత్మకు శాంతి చేకూరాలని మౌనం పాటించారు. కార్యక్రమంలో పూర్వ విద్యార్థులు రాజ సింహారెడ్డి, అఖిల్‌, జాన్‌ హరిచరణ్‌, చంద్రశేఖర్‌, అశ్విత్‌ , శ్రేయస్‌, అఖిల్‌ పాల్గొన్నారు.

● 17న తండాల్లో నిరసనలు ● మాజీ ఎమ్మెల్యే బాజిరెడ్డి గోవర్ధన్‌ బాన్సువాడ: గడిచిన వెయ్యి రోజుల్లో రాష్ట్ర ప్రభుత్వం గిరిజనులను మోసం చేసిందని మాజీ ఎమ్మెల్యే బాజిరెడ్డి గోవర్ధన్‌ అన్నారు. బాన్సువాడలోని బీఆర్‌ఎస్‌ కార్యాలయంలో మంగళవారం నిర్వహించిన సమావేశంలో ఆయన మాట్లాడారు. కాంగ్రెస్‌ తీరును నిరసిస్తూ ఈనెల 17న తండాల్లో నిరసన కార్యక్రమాలు చేపట్టనున్నట్లు తెలిపారు. బీఆర్‌ఎస్‌ హయాంలో గిరిజనుల కోసం రూ.28 వేల కోట్లు ఖర్చు చేసిందని, గిరిజనులకు రిజర్వేషన్లు పెంచిన ఘనత కేసీఆర్‌కే దక్కిందన్నారు. కాంగ్రెస్‌ ప్రభుత్వం వచ్చాక గిరిజనుల అభివృద్ధి మరిచి మోసం చేసిందన్నారు. సేవాలాల్‌, లంబాడ కార్పొరేషన్లు ఏర్పాటు చేస్తామన్న రేవంత్‌రెడ్డి వారిని పట్టించుకోవడం లేదన్నారు. అనంతరం పలువురు నాయకులు ఆయన సమక్షంలో బీఆర్‌ఎస్‌లో చేరారు. నాయకులు షేక్‌ జుబేక్‌, మోరిల్‌ శ్రీనివాస్‌రావు, అంజిరెడ్డి, రాంచందర్‌, ఎర్రవాటి సాయిబాబా, మోచీ గణేష్‌, బాడి శ్రీనివాస్‌, ఖలీల్‌, ధర్మతేజ, శివసూరి, సాయిలు, ఫేరోజ్‌, అందేరాజు, గాండ్ల కృష్ణ, పోల్కం గోపి, రాము, పీర్‌సింగ్‌, రాహుల్‌, కిరణ్‌, ఆదికేశవ్‌, రాంచందర్‌, మోహాన్‌, విజయ్‌, రాజ్‌కుమార్‌ తదితరులు ఉన్నారు. పెద్దకొడప్‌గల్‌(జుక్కల్‌): మండల కేంద్రంలోని బీఆర్‌ఎస్‌ కార్యాలయంలో మంగళవారం జుక్కల్‌ నియోజకవర్గ స్థాయి గిరిజన నాయకుల సమావేశం నిర్వహించారు. కార్యక్రమంలో మాజీ ఎమ్మెల్యే హన్మంత్‌సింధే పాల్గొని మాట్లాడారు. గిరిజనుల అభివృద్ధి, సంక్షేమం కోసం మాజీ సీఎం కేసీఆర్‌ అనేక కార్యక్రమాలు చేపట్టారన్నారు. గిరిజన ప్రజలతోపాటు అన్ని వర్గాల ప్రజలను కాంగ్రెస్‌ ప్రభుత్వం మోసం చేసిందన్నారు. 17న తెలంగాణ విలీన దినోత్సవం సందర్భంగా బీఆర్‌ఎస్‌ శ్రేణులు ర్యాలీ నిర్వహించి, కేసీఆర్‌ చిత్రపటానికి క్షీరాభిషేకం నిర్వహించాలని పిలుపునిచ్చారు. ఇచ్చిన హామీలను వెంటనే అమలు చేయాలి ఎల్లారెడ్డి: కాంగ్రెస్‌ పార్టీ ఎన్నికల సమయంలో గిరిజనులకు ఇచ్చిన హామీలను నెరవేర్చాలని బీఆర్‌ఎస్‌ గిరిజన సంఘం నాయకులు శ్రీనివాస్‌ నాయక్‌ అన్నారు. మంగళవారం ఎల్లారెడ్డిలో ఏర్పాటు చేసిన విలేకరుల సమావేశంలో ఆయన మాట్లాడారు. ఎన్నికల సమయంలో గిరిజనులకు అనేక హామీలు ఇచ్చిన కాంగ్రెస్‌ పార్టీ, అధికారంలోకి వచ్చిన తర్వాత వాటిని అమలు చేయకుండా గిరిజనులను మోసం చేసిందని విమర్శించారు. కాంగ్రెస్‌ ప్రభుత్వం 1000 రోజుల పాలనలో గిరిజనులకు చేసిందేమీ లేదన్నారు. గిరిజన బీఆర్‌ఎస్‌ నాయకులు తదితరులు పాల్గొన్నారు.

● జిల్లా ఇన్‌చార్జి మంత్రి సీతక్క ● భూకోన్‌పల్లి హనుమాన్‌ ఆలయాభివృద్ధి పనులకు శంకుస్థాపన ● రూ. 50 లక్షలు మంజూరు కామారెడ్డి రూరల్‌: ప్రభుత్వం ఆలయాల అభివృద్ధి, భక్తులకు మెరుగైన సౌకర్యాల కల్పనకు ప్రాధాన్యత ఇస్తోందని రాష్ట్ర పంచాయతీరాజ్‌ శాఖ మంత్రి, జిల్లా ఇన్‌చార్జి మంత్రి సీతక్క అన్నారు. మంగళవారం కామారెడ్డి మున్సిపల్‌ పరిధిలోని సరంపల్లి గ్రామ శివారులో ఉన్న భూకోన్‌పల్లి ఆంజనేయస్వామి ఆలయ అభివృద్ధి పనులకు మంత్రి సీతక్క, రాష్ట్ర ప్రభుత్వ సలహాదారు షబ్బీర్‌ అలీ, జహీరాబాద్‌ ఎంపీ సురేష్‌ కుమార్‌ షెట్కార్‌, జుక్కల్‌ ఎమ్మెల్యే తోట లక్ష్మీకాంత్‌ రావులతో కలిసి శంకుస్థాపన చేశారు. ఆలయంలో స్వామివారికి మంత్రి సీతక్క ప్రత్యేక పూజలు చేపట్టారు. ఈ సందర్భంగా మంత్రి సీతక్క మాట్లాడుతూ..ఆలయ అభివృద్ధికి ప్రభుత్వం రూ.50 లక్షలు మంజూరు చేసిందన్నారు. పనులు నాణ్యతో చేపట్టి త్వరితగతిన ఆలయాన్ని ప్రజలకు అందుబాటులోకి తీసుకురావాలని అధికారులను ఆదేశించారు. కార్యక్రమంలో కలెక్టర్‌ అశిష్‌ సంగ్వాన్‌, మున్సిపల్‌ చైర్‌పర్సన్‌ ఇప్ప ఉమారాణి, డీసీసీ అధ్యక్షుడు మల్లికార్జున్‌, డీసీసీ మాజీ అధ్యక్షుడు కై లాస్‌ శ్రీనివాస్‌, పట్టణ అధ్యక్షులు సందీప్‌, మండల అధ్యక్షుడు ధర్మగోని రాజాగౌడ్‌, పీఏసీఎస్‌ చైర్మన్‌ గూడెం శ్రీనివాస్‌రెడ్డి, స్థానిక కౌన్సిలర్‌ నిట్టు గంగాధర్‌, ఎస్సీ సెల్‌ జిల్లా అధ్యక్షుడు భూమని బాలరాజు, తదితరులు పాల్గొన్నారు. అభివృద్ధికి నిధులు మంజూరు చేయాలని వినతి కామారెడ్డి టౌన్‌ : బల్దియా సమగ్ర అభివృద్ధి, ఇటీవల కురిసిన భారీ వర్షాలతో దెబ్బతిన్న రోడ్లు, డ్రెయినేజీ వ్యవస్థ పునరుద్ధరణకు ప్రత్యేక నిధులు మంజూరు చేయాలని మున్సిపల్‌ చైర్‌పర్సన్‌ ఇప్ప ఉమారాణి రాష్ట్ర పంచాయతీరాజ్‌, గ్రామీణాభివృద్ధి, మహిళా,శిశు శాఖ మంత్రి అనసూయ (సీతక్క)ను కోరారు. ఈ మేరకు మంగళవారం జిల్లా పర్యటనలో మంత్రికి వినతిపత్రం అందజేశారు. డ్రెయినేజీ వ్యవస్థ సరిగా లేకపోవడంతో వర్షపు నీరు నిలిచి కాలనీలు ముంపునకు గురవుతున్నాయన్నారు. రోడ్ల మరమ్మతులు, పునర్నిర్మాణానికి రూ.10 కోట్లు, వరద నీరు సాఫీగా వెళ్లేందుకు అవసరమైన సీసీ డ్రైన్ల నిర్మాణానికి మరో రూ.10 కోట్లు ప్రత్యేక నిధులు మంజూరు చేయాలని కోరారు. జిల్లా కేంద్రంలో ఇంజినీరింగ్‌, లా, నర్సింగ్‌, పాలిటెక్నిక్‌ కళాశాలలతో పాటు స్కిల్‌ డెవలప్‌మెంట్‌ కేంద్రాలను ఏర్పాటు చేయాలని విజ్ఞప్తి చేశారు. అలాగే పట్టణ సుందరీకరణలో భాగంగా క్లాక్‌ టవర్లు, వెల్‌కమ్‌ ఆర్చ్‌ల నిర్మాణం, విద్యుత్‌ ఆదా కోసం సోలార్‌ ప్యానెళ్ల ఏర్పాటుకు ప్రభుత్వ నిధులు మంజూరు చేసి ఆదుకోవాలని కోరారు. మంత్రి సీతక్క సానుకూలంగా స్పందించి, ప్రభుత్వపరంగా తగిన చర్యలు తీసుకుంటామని హామీ ఇచ్చినట్లు తెలిపారు. భిక్కనూరు సర్పంచ్‌.. భిక్కనూరు: మండలకేంద్రం అభివృద్ధికి నిధులు మంజూరు చేయాలని భిక్కనూరు సర్పంచ్‌ రేఖ మంత్రి సీతక్క ను కలిసి విన్నవించుకున్నారు. మంగళవారం రాష్ట్ర పంచాయతీరాజ్‌ శాఖ మంత్రి సీతక్కను కలిసి వినతిపత్రం అందజేశారు. అనంతరం ఆమె మాట్లాడుతూ పట్టణంలో అండర్‌ గ్రౌండ్‌ డ్రెయినేజీ లేకపోవడంతో ప్రజలు ఇబ్బందులు పడుతున్నారని తెలిపారు. పట్టణంలో మౌలిక వసతుల కల్పన కోసం కావలసిన నిధులు మంజూరు చేయాలని కోరారు. సిద్ధిరామేశ్వర ఆలయ పునర్‌ నిర్మాణ కమిటీ చైర్మన్‌ లింబాద్రి, జిల్లా కాంగ్రెస్‌ కార్యదర్శి రాజబాబు గౌడ్‌, మండలం బ్లాక్‌ కాంగ్రెస్‌ అధ్యక్షులు సుదర్శన్‌ ఉన్నారు.

తెయూ(డిచ్‌పల్లి): తెలంగాణ విశ్వవిద్యాలయం బీపీఎడ్‌–2026 2వ, 4వ సెమిస్టర్‌, బీఈడీ 2వ సెమిస్టర్‌ పరీక్షా ఫలితాలను వైస్‌ చాన్స్‌లర్‌ టీ యాదగిరిరావు వర్సిటీ రిజిస్ట్రార్‌ ఎం యాదగిరి, కంట్రోలర్‌ కే సంపత్‌కుమార్‌తో కలిసి మంగళవారం విడుదల చేశారు. బీపీఎడ్‌ 4వ సెమిస్టర్‌ ఫలితాల్లో విద్యార్థులు వందశాతం ఉత్తీర్ణత సాధించినట్లు వీసీ తెలిపారు. బీఈడీ 2వ సెమిస్టర్‌ పరీక్షలకు మొత్తం 1,334 మంది విద్యార్థులు హాజరు కాగా అందులో 241 మంది బాలురు, 1,093 మంది బాలికలు ఉండగా 1,173 మంది ఉత్తీర్ణత సాధించారు. బీపీఎడ్‌ 2వ సెమిస్టర్‌ పరీక్షలకు మొత్తం వంద మంది విద్యార్థులు హాజరు కాగా అందులో 52 మంది బాలురు, 48 మంది బాలికలు ఉన్నారని, వారిలో 90 మంది ఉత్తీర్ణత సాధించారు.

గాంధారి/ కామారెడ్డి అర్బన్‌: మండల పరిధిలోని నర్సాపూర్‌ రైతును ఫోన్‌లో అసభ్య పదజాలంతో దూషించి బెదిరించిన మండల వ్యవసాయాధికారి రాజలింగంపై చర్యలు తీసుకోవాలని జాతీయ కిసాన్‌ సంఘ్‌ నాయకులు బాధిత రైతు రవితో కలిసి సంబంధిత అధికారులకు మంగళవారం ఫిర్యాదు చేశారు. సంఘ్‌ నాయకుడు శంకర్‌రావు తెలిపిన వివరాల ప్రకారం.. గ్రామానికి చెందిన రైతు రవి ఏవో రాజలింగానికి ఆదివారం రోజున సాయంత్రం ఫోన్‌ చేసి తనకు చెందిన ఓ సర్వే నంబరు భూమికి యూరియా రావడం లేదని యూరియా ఇప్పించేలా చర్యలు తీసుకోవాలని కోరాడు. ఏవో పొంతన లేని సమాధానాలు చెప్పి పెట్టేశాడు. రవి మళ్లీ ఫోన్‌ చేయడంతో అసభ్యపాదజాలంతో దూషించి, బెదిరించాడు. అధికారిపై తగిన చర్యలు తీసుకోవాలని డిమాండ్‌ చేస్తూ స్థానిక పోలీస్‌స్టేషన్‌లో, జిల్లా వ్యవసాయాధికారి కార్యాలయం, అదనపు కలెక్టర్‌కు ఫిర్యాదు చేశారు. ఈ విషయమై ఏవో రాజలింగాన్ని ‘సాక్షి’ వివరణ కోరగా ఆదివారం రాత్రి రైతు రవి ఫోన్‌ చేసి బీమా కాలేదని తెలిపాడు. అందరితో పాటు నీది కూడా అవుతుందని చెప్పినా పదే పదే ఫోన్‌ చేస్తూ అతనే అమర్యాదగా మాట్లాడి దూషించి ఫోన్‌ పెట్టేశాడు. మళ్లీ నేను ఫోన్‌ చేయగా తాను మాట్లాడింది మాత్రమే రికార్డు చేసి వైరల్‌ చేశాడని తెలిపారు.

అవ్వ తాతలుఆదివారం శ్రీ 13 శ్రీ సెప్టెంబర్‌ శ్రీ 2026– 8లో uగ్రాండ్‌ పేరెంట్స్‌ నిస్వార్థమైన ప్రేమకు ప్రతిరూపాలు.. తల్లిదండ్రుల కోపం నుంచి పిల్లలను రక్షించే కవచాలు.. అనుభవాల నిధులు.. నిజమైన స్నేహితులు.. మార్గదర్శకులు.. ఆధునిక కాలంలో బంధాలు, బంధుత్వాలు, మానవీయ విలువలు అడుగంటుతున్నాయి. భావితరాలకు దిక్సూచీలుగా నిలిచే తాత, నాయనమ్మ, అమ్మమ్మలను విస్మరించడంతో అనుబంధ సంపదను కోల్పోతున్నారు. ఆనందతీరాల నుంచి దూరమవుతున్నారు. అయితే గ్రాండ్‌ పేరెంట్స్‌ మాత్రం తమ వారసులకు ప్రేమను పంచుతూనే ఉన్నారు. వారి ఉన్నతికి తమవంతు కృషి చేస్తూనే ఉన్నారు. ఆదివారం గ్రాండ్‌ పేరెంట్స్‌ డే సందర్భంగా అలాంటి అమ్మమ్మలు, నానమ్మలపై కథనం.. భావితరాలకు దిక్సూచీలు అనుబంధాలకు తీపి గురుతులు నేడు గ్రాండ్‌ పేరెంట్స్‌ డే

జిల్లాలో అధికారికంగా నమోదైన డెంగీ కేసుల వివరాలు కామారెడ్డి టౌన్‌ : జిల్లాలో డెంగీ మహమ్మారి తీవ్ర రూపం దాల్చుతోంది. పల్లె, పట్టణం అనే తేడా లేకుండా ప్రజలు విషజ్వరాలతో అల్లాడిపోతున్నారు. వాతవరణంలో మార్పులు, పారిశుద్ధ్య లోపం, చెత్తాచెదారంతో దోమలు స్వైరవిహారం చేస్తున్నాయి. ఇళ్లలోని కుటుంబాలకు కుటుంబాలే మంచాన పడుతున్నాయి. జిల్లాలోని ప్రభుత్వ, ప్రయివేటు ఆస్పత్రులన్నీ రోగులతో కిటకిటలాడుతున్నాయి. పడిపోతున్న ప్లేట్‌లెట్స్‌.. గడిచిన నెల రోజుల్లో అధికారిక లెక్కల ప్రకారం జిల్లాలో 15 డెంగీ కేసులు నమోదయ్యాయి. అయి తే, క్షేత్రస్థాయిలో మాత్రం పరిస్థితి ఇందుకు భిన్నంగా ఉంది. జిల్లా వ్యాప్తంగా ప్రభుత్వంతోపాటు ప్రయివేటు ఆస్పత్రులు, క్లినిక్‌లలో వందలాది మంది డెంగీ లక్షణాలతో చికిత్స పొందుతున్నారు. జ్వరం, ఒళ్లు నొప్పులు, ప్లేట్‌లెట్లు పడిపోవడంతో రో గులు బెంబేలెత్తుతున్నారు. ఇదే అదనుగా ప్రయివే టు ఆస్పత్రులు రక్త పరీక్షలు, సైలెన్ల పేరిట వేలల్లో ఫీజులు దండుకుంటూ సామాన్యుల జేబులకు చి ల్లులు పెడుతున్నాయి. జిల్లా కేంద్రంలోని ప్రభుత్వ జనరల్‌ ఆస్పత్రి(జీజీహెచ్‌)తోపాటు, జిల్లాలోని రెండు ఏరియా ఆస్పత్రులు, ఏడు సీహెచ్‌సీలు, 19 పీహెచ్‌సీలు, రెండు అర్బన్‌ పీహెచ్‌సీలలో నిత్యం వందల సంఖ్యలో జ్వర బాధితులు వైద్యం కోసం వస్తున్నారు. ఒక్క జీజీహెచ్‌లోనే చిన్నపిల్లల నుంచి వృద్ధుల వరకు 60కిపైగా జ్వరబాధితులు అడ్మిట్‌ అయి చికిత్స పొందుతున్నారు. కానరాని పారిశుద్ధ్య చర్యలు జిల్లాలోని మున్సిపాలిటీలు, గ్రామ పంచాయతీల్లో పారిశుద్ధ్య నిర్వహణ గాడితప్పింది. డ్రెయినేజీల్లో పూడికతీత పనులు సక్రమంగా చేపట్టకపోవడం, మురుగు నీరు రోడ్లపైనే నిలవడంతో దోమలు విపరీతంగా వృద్ధి చెందుతున్నాయని ప్రజలు వాపోతున్నారు. పట్టింపు కరువు.. జిల్లాలో విషజ్వరాలు విజృంభిస్తున్నా వైద్యారోగ్యశాఖ నిమ్మకు నీరెత్తినట్లు వ్యవహరిస్తోందనే ఆరోపణలు వెల్లువెత్తుతున్నాయి. గ్రామాల్లో, సమస్యాత్మక ప్రాంతాల్లో ప్రత్యేక వైద్య శిబిరాలు నిర్వహించడంలో తీవ్ర నిర్లక్ష్యం కనిపిస్తోంది. పీహెచ్‌సీల్లో సరిపడా మందులు, రక్త పరీక్షల కిట్లు అందుబాటులో లేకపోవడంతో పేద రోగులు ప్రయివేటు ల్యాబ్‌లను ఆశ్రయించాల్సి వస్తోంది. ఏడాది కేసులు 2024 180 2025 111 2026 15జిల్లా వ్యాప్తంగా డెంగీ నివారణకు చర్యలు చేపడుతున్నాం. డెంగీ కేసులు నమోదవుతున్న ఏరియాల్లో సర్వేలు నిర్వహిస్తున్నాం. ప్రభుత్వ ఆస్పత్రుల్లో వైద్య సేవలు అందిస్తున్నాం. కావాల్సిన మందులు అందుబాటులో ఉన్నాయి. ప్రజలు ఇంటి పరిసరాలను శుభ్రంగా ఉంచుకోవాలి. – డాక్టర్‌ వెంకటి, డీఎంహెచ్‌వో, కామారెడ్డి● 15 రోజుల క్రితం బీబీపేటకు చెందిన యువకుడు నరేశ్‌కు ప్లేట్‌లెట్స్‌ పడిపోవడంతో ఓ ప్రయివేటు ఆస్పత్రిలో అడ్మిట్‌ అయ్యాడు. వైద్యులు డెంగీగా నిర్ధారణ చేసి ప్లేట్‌లెట్స్‌ ఎక్కించారు. వారంపాటు చికిత్స పొంది డిశ్చార్జ్‌ అయ్యాడు. జ్వరాలతో మంచం పడుతున్న ప్రజలు నెల రోజుల్లో అధికారికంగా 15 డెంగీ కేసులు అనధికారికంగా ప్రయివేటు ఆస్పత్రుల్లో వందల్లో బాధితులు పల్లెలు, పట్టణాల్లో పారిశుద్ధ్యంపై కొరవడిన పర్యవేక్షణ పట్టించుకోని వైద్య ఆరోగ్యశాఖ మాచారెడ్డి మండలం గజ్యానాయక్‌ తండా చౌరస్తాకు చెందిన అద్వైత, సాయివైష్ణవి, మనులకు రెండు రోజుల క్రితం డెంగీ పాజిటివ్‌ వచ్చింది. స్థానిక పీహెచ్‌సీలో వైద్యం పొందుతున్నారు. నెల రోజుల క్రితం జిల్లా కేంద్రానికి చెందిన నాలుగేళ్ల దివ్యాంశ్‌కు డెంగీ సోకింది. ఓ ప్రయివేటు ఆస్పత్రిలో చికిత్స పొంది ప్రాణాలతో బయటపడ్డాడు.

కామారెడ్డి టౌన్‌ : నిరసనలు, ఆందోళనల సమయంలో పోలీసులు అత్యంత సంయమనంతో వ్యవహరిస్తూ శాంతిభద్రతలను కాపాడాలని ఎస్పీ రాజేశ్‌ చంద్ర సూచించారు. శనివారం జిల్లా పోలీసు కార్యాలయంలో హోంగార్డు స్థాయి నుంచి అధికారుల వరకు బందోబస్తు నిర్వహణ, విధులపై పవర్‌పాయింట్‌ ప్రజెంటేషన్‌ ద్వారా ప్రత్యేక అవగాహన కల్పించారు. ప్రజాస్వామ్యబద్ధంగా నిరసన తెలిపే హక్కును గౌరవిస్తూనే, చట్టవ్యతిరేక చర్యలకు తావులేకుండా సమర్థవంతంగా శాంతిభద్రతలను పరిరక్షించాలన్నారు. పోలీసు సిబ్బంది వ్యక్తిగత జీవితంలోనూ క్రమశిక్షణ పాటించాలని, ఎట్టి పరిస్థితుల్లోనూ ఆన్‌లైన్‌ బెట్టింగ్‌లు, గేమ్స్‌ జోలికి వెళ్లొద్దని హెచ్చరించారు. ఎవరైనా సహచర సిబ్బంది వీటికి అలవాటు పడితే నాకెందుకులే అని ఉపేక్షించకుండా, వారిని ఆ ఊబి నుంచి బయటకు తెచ్చే బాధ్యత స్నేహితులుగా తీసుకోవాలని సూచించారు. కార్యక్రమంలో స్పెషల్‌ బ్రాంచ్‌ ఇన్‌స్పెక్టర్‌ మధుసూదన్‌, రిజర్వ్‌ ఇన్‌స్పెక్టర్లు సంతోష్‌కుమార్‌, నవీన్‌, ఆర్‌ఎస్సైలు, సిబ్బంది పాల్గొన్నారు. డ్రంక్‌ అండ్‌ డ్రైవ్‌లో 32 మందికి జైలు కామారెడ్డి టౌన్‌ : మద్యం సేవించి వాహనాలు నడుపుతూ పట్టుబడిన 32 మందికి న్యాయస్థానాలు శిక్షలు విధించాయని ఎస్పీ రాజేశ్‌ చంద్ర తెలిపారు. జిల్లావ్యాప్తంగా నిర్వహించిన డ్రంక్‌ అండ్‌ డ్రైవ్‌ తనిఖీల్లో 367 మందిపై కేసులు నమోదు చేశామన్నారు. పట్టుబడిన వాహనదారులను శనివారం జిల్లాలోని వివిధ కోర్టులలో హాజరుపరచగా న్యాయమూర్తులు వారికి మొత్తం రూ.5,17,750 జరిమానా విధించారన్నారు. వీరిలో మద్యం తీవ్రత ఎక్కువగా ఉన్న 32 మందికి జైలు శిక్షలు ఖరారయ్యాయన్నారు. ఏడుగురికి ఒక్క రోజు, 13 మందికి రెండు రోజులు, ఆరుగురికి మూడు రోజులు, ముగ్గురికి నాలుగు రోజులు, మరో ముగ్గురికి ఐదు రోజుల చొప్పున జైలు శిక్ష పడిందని తెలిపారు. పారా కిక్‌బాక్సింగ్‌లో స్వర్ణ పతకం కామారెడ్డి రూరల్‌: మధ్యప్రదేశ్‌లోని ఇండోర్‌లో ఈనెల 11న నిర్వహించిన జాతీయ స్థాయి వాకో పారా కిక్‌ బాక్సింగ్‌ చాంపియన్‌షిప్‌లో గూడెం గ్రామానికి చెందిన అరవింద్‌ కుమార్‌ సత్తా చాటారు. పీ1 కేటగిరీలో అరవింద్‌కుమార్‌ స్వర్ణ పతకం సాధించారని కోచ్‌ సూర్యప్రసాద్‌ తెలిపారు.

● జాతీయ లోక్‌ అదాలత్‌లో 3,173 కేసుల పరిష్కారం ● రోడ్డు ప్రమాద బాధితులకు రూ.1.17 కోట్ల పరిహారంకామారెడ్డి టౌన్‌: పరస్పర సఖ్యత, రాజీమార్గమే వివాద పరిష్కారానికి రాజమార్గమని జిల్లా ప్రధాన న్యాయమూర్తి, జిల్లా న్యాయ సేవాధికార సంస్థ చైర్‌పర్సన్‌ పి.ముక్తిద అన్నారు. శనివారం జిల్లా కేంద్రంలోని కోర్టులో నిర్వహించిన జాతీయ లోక్‌ అదాలత్‌లో ఆమె మాట్లాడారు. లోక్‌ అదాలత్‌ సమర్థవంతమైన ప్రత్యామ్నాయ వివాద పరిష్కార వేదిక ని తెలిపారు. ఇందులో వెలువడే అవార్డు తుది తీర్పుగా పరిగణించబడుతుందని, దీనిపై ఎలాంటి అప్పీల్‌కు అవకాశం ఉండదని స్పష్టంచేశారు. రాజీమార్గంతో సమాజంలో శాంతి, సామరస్యం నెల కొనడంతోపాటు ఆర్థిక, మానసిక ఒత్తిళ్లు తగ్గుతాయన్నారు. కార్యక్రమంలో డీఎల్‌ఎస్‌ఏ కార్యదర్శి టి. నాగరాణి, సీనియర్‌ సివిల్‌ జడ్జి డాక్టర్‌ సూర సుమలత, అదనపు జూనియర్‌ సివిల్‌ జడ్జి బి. దీక్ష, బార్‌ అసోసియేషన్‌ అధ్యక్షుడు నారాయణ, కోర్టు సూపరింటెండెంట్లు వెంకట్‌రెడ్డి, చంద్రసేన్‌రెడ్డి, ఖాన్‌, బ్యాంకర్లు, న్యాయవాదులు పాల్గొన్నారు. నాలుగు కోర్టుల్లో నిర్వహణ జిల్లాలోని కామారెడ్డి కోర్టులో 1,676, బాన్సువాడ 635, ఎల్లారెడ్డి 385, బిచ్కుందలో 477 కేసులు, మొత్తం 3,173 కేసులు రాజీమార్గంలో పరిష్కారమయ్యాయి. ఇందులో 21 సివిల్‌, 3,085 క్రిమినల్‌, 67 ప్రీలిటిగేషన్‌ కేసులు ఉన్నాయి. 11 మోటార్‌ వాహన ప్రమాద కేసులను పరిష్కరించి, బాధితు లకు మొత్తం రూ.1,17,66,000 పరిహారంగా మంజూరు చేశారు. నిజాంసాగర్‌, మాచారెడ్డి పోలీస్‌ స్టేషన్ల పరిధిలోని ఇద్దరు పోక్సో బాధితులకు రూ.2 లక్షలు, రూ.3 లక్షల చొప్పున జిల్లా జడ్జి పరిహార చెక్కులను అందజేశారు. లోక్‌ అదాలత్‌కు హాజరైన సుమారు 300 మంది కక్షిదారులకు డీఎల్‌ఎస్‌ఏ ఆఫీస్‌ అసిస్టెంట్‌ జె. సాయి ప్రణీత్‌ పులిహోర పంపిణీ చేశారు.

వర్ని : రైతు బాగుంటేనే రాజ్యం బాగుంటుందని, నియోజకవర్గంలోని ప్రతి గుంటకూ సాగు నీరందించడమే తన లక్ష్యమని ప్రభుత్వ వ్యవసాయ సలహాదారు, బాన్సువాడ ఎమ్మెల్యే పోచారం శ్రీనివాస్‌రెడ్డి అన్నారు. నిజాంసాగర్‌ ప్రధాన కాలువపై చందూర్‌ శివారులో నిర్మించిన లిఫ్ట్‌ను జహీరాబాద్‌ ఎంపీ సురేశ్‌ షెట్కార్‌తో కలిసి పోచారం శనివారం ప్రారంభించారు. ఈ సందర్భంగా ఆయన మాట్లాడుతూ.. నియోజకవర్గంలో 1.45 లక్షల ఎకరాలకు సాగునీరు అందించాలనే లక్ష్యంతో పనిచేస్తున్నానన్నారు. నిజాంసాగర్‌ కాలువల ద్వారా అందించే సాగునీటితోపాటు నిజాంసాగర్‌ కాలువ ఎగువన ఉన్న నాన్‌ కమాండ్‌ ఏరియా పంట పొలాలకు సాగునీరందించేందుకు రూ.106 కోట్లతో చందూర్‌, జాకోరా, చింతకుంట లిఫ్ట్‌ ఇరిగేషన్‌ల నిర్మాణం చేపట్టినట్లు వెల్లడించారు. తన రాజకీయ జీవితంలో వ్యక్తిగత స్వార్థం కోసం ఏనాడూ పనిచేయలేదని స్పష్టం చేశారు. రాష్ట్రంలో ఎక్కడా లేని విధంగా సాగునీటి రంగానికి అధిక నిధులు మంజూరు చేయించానని, ఇళ్లు లేని పేదల కోసం వేలాది ఇళ్లు మంజూరు చేయించి నిర్మాణం చేపట్టినట్లు తెలిపారు. అభివృద్ధి పనులు ప్రారంభం చందూర్‌ నుంచి లక్ష్మాపూర్‌ వరకు చేపట్టనున్న బీటీ రోడ్డు పనులను పోచారం శ్రీనివాస్‌రెడ్డి ప్రారంభించారు. చందూర్‌ బస్టాండ్‌ వద్ద శివాజీ విగ్రహాన్ని ఆవిష్కరించడంతోపాటు లబ్ధిదారులకు స్మార్ట్‌ రేషన్‌ కార్డులను పంపిణీ చేశారు. ఆగ్రో ఇండస్ట్రీస్‌ మాజీ చైర్మన్‌ కాసుల బాలరాజు, డీసీసీబీ మాజీ చైర్మన్‌ పోచారం భాస్కర్‌రెడ్డి, వర్ని మార్కెట్‌ కమిటీ చైర్మన్‌ సురేశ్‌బాబా, చందూర్‌ సర్పంచ్‌ మాధవరెడ్డి, సహకార సంఘం అధ్యక్షుడు ప్యారం అశోక్‌, మాజీ ఎంపీపీ శ్రీనివాస్‌గౌడ్‌, మాజీ సర్పంచ్‌ సాయిరెడ్డి తదితరులు పాల్గొన్నారు. ప్రతి గుంటకూ నీరందించడమే లక్ష్యం ప్రభుత్వ వ్యవసాయ సలహాదారు పోచారం శ్రీనివాస్‌రెడ్డి ఎంపీ షెట్కార్‌తో కలిసి చందూర్‌ లిఫ్ట్‌ ప్రారంభం