హన్మకొండ చౌరస్తా: ‘గాంధీ కుటుంబం గురించి ఇష్టారీతిన మాట్లాడితే సహించేదిలేదు, బండి సంజయ్‌ నోరు అదుపులో పెట్టుకో’ అని వరంగల్‌ పశ్చిమ ఎమ్మెల్యే నాయిని రాజేందర్‌రెడ్డి హెచ్చరించారు. హనుమకొండలోని డీసీసీ అధ్యక్షుడు ఇనగాల వెంకట్రాంరెడ్డితో కలిసి కాంగ్రెస్‌ భవన్‌లో మంగళవారం విలేకరుల సమావేశం ఏర్పాటు చేశారు. ఈసందర్భంగా ఎమ్మెల్యే నాయిని మాట్లాడుతూ కుటుంబ సభ్యులను సరిగ్గా పెంచడం చేతకాని నీకు, మామునూరు ఎయిర్‌పోర్ట్‌కు దొంగ గాంధీల పేర్లు పెట్టొద్దనే నైతికత లేదని కేంద్ర మంత్రి బండి సంజయ్‌పై నాయిని మండిపడ్డారు. సోమవారం వరంగల్‌ అభివృద్ధిపై సమగ్ర సమీక్ష నిర్వహించినట్లు తెలిపారు. దసరాలోపు రేవంత్‌రెడ్డి వరంగల్‌కు రానున్నట్లు, కేయూ 50 ఏళ్ల వేడుకలు, ఆర్ట్స్‌ కాలేజీ శతాబ్ధి ఉత్సవాలతో పాటు పలు అభివృద్ధి కార్యక్రమాల్లో పాల్గొంటారని తెలిపారు. కేసీఆర్‌ పాస్‌పోర్ట్‌ బ్రోకర్‌గా హైదరాబాద్‌లోని అబిడ్స్‌లో హోటల్‌ అద్దెకు తీసుకుని బిల్లు ఎగ్గొట్టాడని ఎద్దేవా చేశారు. ఎంజీఎం ఆస్పత్రిలో వైద్య పర్యవేక్షణకు ఐఏఎస్‌ అధికారిని నియమించాలని సీఎం రేవంత్‌రెడ్డిని తాను కోరినట్లు తెలిపారు. కార్యక్రమంలో టీపీసీసీ ప్రధాన కార్యదర్శి బొద్దిరెడ్డి ప్రభాకర్‌రెడ్డి, పీసీసీ సభ్యుడు బత్తిని శ్రీనివాసరావు, ఏనుమాముల వ్యవసాయ మార్కెట్‌ కమిటీ ౖచైర్‌పర్సన్‌ పులి ప్రియాంక, మాజీ కార్పొరేటర్లు వెంకటేశ్వర్లు, శ్రీమాన్‌, విజయశ్రీ, రవీందర్‌, జిల్లా మహిళా కాంగ్రెస్‌ అధ్యక్షురాలు బంక సరళ, మార్క విజయ్‌, తాడిశెట్టి విద్యాసాగర్‌, తోట పవన్‌, అర్శం అశోక్‌, తదితరులు పాల్గొన్నారు. పశ్చిమ ఎమ్మెల్యే నాయిని రాజేందర్‌రెడ్డి

వరంగల్‌ అర్బన్‌: గ్రేటర్‌ వరంగల్‌లో నేడు (బుధవారం) వినాయక నిమజ్జనం ఘనంగా నిర్వహించేందుకు అధికారులు అన్ని ఏర్పాట్లు చేశారు. నగరంలోని 19 చెరువుల వద్ద నిమజ్జనం జరగనుంది. అందుకోసం వివిధ శాఖల అధికారులు, సిబ్బంది విస్తృత ఏర్పాట్లు చేశారు. వరంగల్‌ మహా నగర పాలక సంస్థ పరిధిలోని ప్రముఖంగా చిన్నవడ్డేపల్లి చెరువు, ఉర్సు రంగసముద్రం, గొర్రెకుంట కట్టమల్లన్న, గుండు చెరువు అగర్తల, మామునూరు బెస్తం చెరువు వద్ద నిమజ్జనం జరగనుంది. హనుమకొండ, కాజీపేటలోని సిద్ధేశ్వర గుండం, బంధం చెరువు, హసన్‌పర్తి పెద్ద చె రువు, గోపాల్‌పూర్‌, భీమారం, కడిపికొండ, మడికొండ, సోమిడి, ఎల్లాపూర్‌, గుండ్ల సింగారం, రాంపూర్‌, సింగారం, చల్ల చెరువు వద్ద నిమజ్జన కేంద్రాల వద్ద ఏర్పాట్లు పూర్తయ్యాయి. శాఖల వారీగా ఏర్పాట్లు ఇలా.. ● మైనింగ్‌ శాఖ ఆధ్వర్యంలో 30 క్రేన్లు ఏర్పాటు చేశారు. వరంగల్‌ చిన్నవడ్డేపల్లి చెరువు వద్ద 7 క్రేన్లను, ఉర్సు రంగసముద్రం 6, బెస్తం చెరువు 2, ఖిలా వరంగల్‌ అగర్తలా ఒకటి చొప్పున ఏర్పాటు చేశారు. హనుమకొండ సిద్ధేశ్వర గుండం వద్ద 1, బంధం చెరువుల వద్ద 3, హసన్‌పర్తి పెద్ద చెరువు 2, కడిపికొండ, భీమారం, చల్ల చెరువు వద్ద ఒకటి తదితర విలీన గ్రామాల్లో క్రేన్లను అందుబాటులో ఉంచారు. ● బల్దియా ఆధ్వర్యంలో రోడ్లు చదును చేసి, ప్యాచ్‌ వర్క్‌లు, రోడ్డు విస్తరణకు రూ.కోటి ఖర్చు చేశారు. అన్ని చెరువుల వద్ద విద్యుత్‌ లైట్లతో జిగేల్‌మనేలా లైటింగ్‌ ఏర్పాటు చేశారు. ఆయా ప్రాంతాల్లో మంచి నీరు సరఫరా చేసేందుకు వాటర్‌ ట్యాంకర్లను సిద్ధం చేశారు. పారిశుద్ధ్య పనులు చేపట్టారు. ● ఎన్పీడీసీఎల్‌ అధికారులు నిమజ్జన ప్రాంతాల్లో విద్యుత్‌ సరఫరాకు ట్రాన్స్‌ఫార్మర్లను, జనరేటర్లను అందుబాటులో ఉంచారు. ● ఆర్‌అండ్‌బీ శాఖ నేతత్వంలో ఆరు కేంద్రాలలో బారికేడ్లను ఏర్పాటు చేశారు. ● మత్స్య శాఖ నుంచి 1,200 మంది గజఈతగా ళ్లు, 26 తెప్పలు, బ్యాలెన్సింగ్‌ల ద్వారా సేవలు అందించనున్నారు. రెవెన్యూ శాఖ ద్వారా ఐదుగురు తహసీల్దార్లు, రెవెన్యూ ఇన్‌స్పెక్టర్లు, సిబ్బంది ఏర్పాట్లలో తలమునకలయ్యారు. ● మెడికల్‌ అండ్‌ హెల్త్‌ శాఖ ప్రతి నిమజ్జన కేంద్రం వద్ద ఉచితంగా మెడికల్‌ క్యాంపులను ఏర్పాటు చేయనున్నారు. ● మెడికల్‌ అండ్‌ హెల్త్‌ ఆధ్వర్యంలో ఉచిత వైద్య శిబిరాలు, 108 వాహనాలు ఏర్పాటు చేశారు. ● పోలీస్‌ శాఖ ఆధ్వర్యంలో పటిష్ట బందోబస్తు, శాంతిభద్రత పర్యవేక్షణ, ట్రాఫిక్‌ నియంత్రణ చేయనున్నారు. గ్రేటర్‌ వరంగల్‌ నగరంలో నేడు వినాయక నిమజ్జనం జల వనరుల వద్ద 32 క్రేన్లు, 1,200 మంది గజ ఈతగాళ్లు శోభాయాత్ర దారిలో వీధిదీపాలు, ప్రధాన కేంద్రాల వద్ద సీసీ కెమెరాలు ఏర్పాట్లు పూర్తి చేసిన బల్దియా అధికారులుహన్మకొండ అర్బన్‌/న్యూశాయంపేట: వినాయక నిమజ్జనం ప్రశాంతంగా నిర్వహించాలని, అన్నిశాఖల అధికారులు సమన్వయంతో పనిచేయాలని హనుమకొండ, వరంగల్‌ కలెక్టర్లు చాహత్‌బాజ్‌పాయ్‌, సత్యశారద సూచించారు. మంగళవారం అదనపు కలెక్టర్‌ రవి, గ్రేటర్‌ వరంగల్‌ మున్సిపల్‌ కార్పొరేషన్‌ కమిషనర్‌ వెంకన్నతో కలిసి కలెక్టర్‌ చాహత్‌ బాజ్‌పాయ్‌ టెలికాన్ఫన్స్‌లో అధికారులకు సూచనలిచ్చారు. అదేవిధంగా ప్రజలకు ఎలాంటి అసౌకర్యం కలగకుండా అధికారులు సమన్వయంతో పనిచేయాలని వరంగల్‌ కలెక్టర్‌ సత్యశారద ఒక ప్రకటనలో పేర్కొన్నారు.

కాశిబుగ్గ: వరంగల్‌ ఎంజీఎం ఆస్ప్రతిలో వసతుల పరిశీలన, రోగుల ఇబ్బందులను తెలుసుకునేందుకు వచ్చిన మాజీ ఎమ్మెల్యే దాస్యం వినయ్‌భాస్కర్‌ను పోలీసులు అడ్డుకున్నారు. ఈ క్రమంలో ఆయన కాలికి, చేతికి గాయమైంది. తీవ్రనొప్పితో కన్నీరుపెట్టుకున్నారు. పెచ్చులూడిన ఘటనలో గాయపడ్డ వారి ఆరోగ్య పరిస్థితి తెలుసుకోవడానికి మానవతా దృక్పథంతో వచ్చిన వినయ్‌భాస్కర్‌ను ఎందుకు పంపించరు అంటూ ఆందోళన వ్యక్తం చేశారు. అక్కడే ఉన్న మహిళలు, కార్యకర్తలు పెద్దఎత్తున నినాదాలు చేస్తూ, తిరగబడ్డారు. దీంతో ఉద్రిక్తత నెలకొంది. రెండు రోజులక్రితం ఆస్పత్రిలో భవనం పైపెచ్చులు ఊడి రోగులు గాయపడిన విషయం తెలిసిందే. ఈ నేపథ్యంలో మంగళవారం ఎంజీఎం ఆస్పత్రిలోకి ఎవరూ రాకుండా పోలీసులు మొదటి గేట్‌, రెండో గేట్‌తో పాటు మార్చురీ గేట్‌ సైతం మూసేశారు. వరంగల్‌ పశ్చిమ మాజీ ఎమ్మెల్యే వినయ్‌భాస్కర్‌ మార్చురీ గేట్‌పక్కనే ఉన్న ప్రాంతం నుంచి వస్తుండగా పోలీసులు అడ్డుకున్నారు. బీఆర్‌ఎస్‌ నాయకులు, కార్యకర్తలు ఒకేసారి తరలిరావడంతో తోపులాట జరిగింది. వినయ్‌భాస్కర్‌కు పోలీసులకు మధ్య వాగ్వాదం చోటుచేసుకుంది. పోలీసులు వినయ్‌భాస్కర్‌పై పడడంతో కాలికి, చేతికి గాయలయ్యాయి. కాంగ్రెస్‌ ప్రభుత్వం కనుసన్నల్లో పోలీసులు తనపై దాడి చేశారని ఆరోపించారు. పోలీసులు కడుపులో తంతూ, కాళ్లు తొక్కారని కన్నీరుపెట్టారు. ఆయన అస్వస్థతకు గురికావడంతో చికిత్స నిమిత్తం మరో ఆస్పత్రికి తరలిస్తుండగా, తనను ఎంజీఎంకు తీసుకెళ్లాలంటూ మొరపెట్టుకున్నారు. కానీ, శాంతిభద్రతల దృష్ట్యా ములుగు రోడ్డులోని ఓ ప్రైవేట్‌ ఆస్పత్రికి తరలించారు. కాగా, చికిత్స పొందుతున్న వినయ్‌భాస్కర్‌ను మాజీ ఎంపీ బోయినపల్లి వినోద్‌కుమార్‌ పరామర్శించారు. బీఆర్‌ఎస్‌ నాయకుల రాస్తారోకో.. మాజీ ఎమ్మెల్యే దాస్యం వినయ్‌భాస్కర్‌ను ఎంజీఎం ఆస్పత్రికి వెళ్లనివ్వకుండా పోలీసులు అడ్డుకున్నారని నిరసన వ్యక్తం చేస్తూ బీఆర్‌ఎస్‌ నాయకులు పోతన నగర్‌ జంక్షన్‌ వద్ద ధర్నా, రాస్తారోకో చేపట్టారు. ఈ ధర్నాలో వినయ్‌భాస్కర్‌ పాల్గొని, పోలీసులు, అధికారుల తీరుపై నిరసన వ్యక్తం చేశారు. సీఐ కరుణాకర్‌రావు వారికి సర్దిచెప్పి ఆందోళన విరమింపజేశారు. సీపీఎం నాయకుల ఆందోళన ఎంజీఎంలో సమస్యలు పరిష్కరించాలని కోరుతూ సీపీఎం ఆధ్వర్యంలో ఆస్పత్రి గేట్‌ వద్ద ఆందోళన చేశారు. లోపలికి రావడానికి ప్రయత్నించగా పోలీసులు అడ్డుకున్నారు. పనులు త్వరగా పూర్తి చేసి కొత్త ఆస్పత్రిని ప్రారంభించాలని సీపీఎం నాయకులు డిమాండ్‌ చేశారు. పోలీసుల పహారాలో ఎంజీఎం.. ఎంజీఎం ఆస్పత్రిలో రెండు రోజుల నుంచి జరుగుతున్న ఘటనల నేపథ్యంలో పోలీసులు బందోబస్తును పెంచారు. మీడియా ప్రతినిధులను వెళ్లనీయకుండా అడ్డుకున్నారు. ఆస్ప్రతికి ఉన్న మూడు గే ట్లను బంద్‌ చేశారు. ఆస్పత్రిలో చికిత్స పొందుతున్న పేషంట్లను చూసేందుకు వచ్చిన అటెండెంట్లకు వెతలు తప్పలేదు. వారిని కూడా వెళ్లనీయకుండా పోలీసులు అడ్డుకునే పరిస్థితి ఏర్పడింది. ఉద్యోగులను వారి ఐడెంటిటీ కార్డు పరిశీలించిన తర్వాతే లోనికి పంపించారు. మాజీ ఎమ్మెల్యే వినయ్‌భాస్కర్‌ను అడ్డుకున్న పోలీసులు కాలికి, చేతికి గాయం.. ఆస్పత్రిలో చికిత్స పోలీసులు కడుపులో తన్నారని కన్నీరు పెట్టిన దాస్యం

● జీఎంహెచ్‌లో గతంలో షార్ట్‌సర్క్యూట్‌ ● అప్పటినుంచి పటిష్ట భద్రత ఏర్పాట్లు హన్మకొండ చౌరస్తా: హనుమకొండలోని ప్రభుత్వ ప్రసూతి ఆస్పత్రిలో సుమారు తొమ్మిదేళ్ల క్రితం జరిగిన ఘటన అధికారులను మేల్కొల్పింది. అక్టోబర్‌ 31, 2017న సాయంత్రం 6గంటలకు జనరేటర్‌ జంక్షన్‌ వద్ద విద్యుత్‌ షార్ట్‌సర్క్యూట్‌తో ఆస్పత్రి గందరగోళంగా మారింది. అప్పుడే పుట్టిన చిన్నారులను ఎత్తుకుని బాలింత బంధువులు పరుగులు తీయగా, గర్భిణులు, రోగి బంధువులు ప్రాణాలు అరచేతిలో పెట్టుకుని గడిపారు. సుమారు రెండు గంటల పాటు ప్రసూతి ఆస్పత్రిలో ఏం జరుగుతుందో అర్థం కాని పరిస్థితులు నెలకొన్నాయి. అలాంటి ఘటనలు పునరావృతం కాకుండా ఆస్పత్రి అధికారులు పటిష్ట భద్రత ఏర్పాట్లను కొనసాగిస్తున్నారు. శిశు సంజీవనిలో 20 బెడ్లు ప్రభుత్వ ప్రసూతి ఆస్పత్రి పైఅంతస్తులోని శిశు సంజీవని ప్రత్యేక నవజాత శిశు చికిత్స కేంద్రంలో బెడ్లు ఉన్నాయి. నలుగురు పిల్లల వైద్య నిపుణులు డిప్యుటేషన్‌పై విధులు నిర్వహిస్తుండగా.. ఇద్దరు రెగ్యులర్‌గా విధుల్లో ఉన్నట్లు జీఎంహెచ్‌ సూపరింటెండెంట్‌ డాక్టర్‌ విజయలక్ష్మి తెలిపారు. ప్రస్తుతం 15మంది నవజాత శిశువులు స్పెషల్‌ న్యూబార్న్‌ కేర్‌ యూనిట్‌లో చికిత్స పొందుతున్నట్లు డాక్టర్‌ విజయలక్ష్మి తెలిపారు.

హన్మకొండ: విద్యుత్‌ను పొదుపుగా వినియోగించడం వల్ల కేవలం విద్యుత్‌ బిల్లు మాత్రమే తగ్గదని, కుటుంబ ఆర్థిక స్థితి, విద్యుత్‌ వ్యవస్థ స్థిరత్వం, సహజ వనరుల పరిరక్షణ, పర్యావరణం వంటి అనేక అంశాల్లో మేలైన ప్రయోజనం కలుగుతుందని టీజీ ఎన్పీడీసీఎల్‌ వరంగల్‌, హనుమకొండ సర్కిల్‌ సూపరిండెంట్‌ ఇంజనీర్లు ఎ.ఆనందం, సామ్యానాయక్‌ ఒక ప్రకటనలో తెలిపారు. ఏసీని 24 డిగ్రీల సెల్సి యస్‌, అంతకంటే ఎక్కువ ఉష్ణోగ్రత వద్ద విని యోగించడం ద్వారా విద్యుత్‌ వినియోగాన్ని తగ్గించే అవకాశం ఉంటుందని వివరించారు. గీజర్లు, వాటర్‌ హీటర్లు, ఇసీ్త్ర పెట్టెలు వంటి అధిక విద్యుత్‌ వినియోగ పరికరాలను అవసరమైన మేరకే ఉపయోగించాలని సూచించారు. వరంగల్‌ స్పోర్ట్స్‌: హనుమకొండలోని జేఎన్‌ఎస్‌లో మంగళవారం నిర్వహించిన వరంగల్‌, హనుమకొండ జిల్లాల స్థాయి సబ్‌జూనియర్స్‌, జూనియర్స్‌ అథ్లెటిక్స్‌ పోటీల్లో 550 మంది అథ్లెట్లు హాజరయ్యారు. ఇందులో ఎంపికైన క్రీడాకారులు ఈనెల 26, 27 తేదీల్లో జేఎన్‌ఎస్‌ వేదికగా జరగనున్న రాష్ట్ర స్థాయి జూనియర్స్‌ బాలబాలికల పోటీల్లో, ఆసిఫాబాద్‌లో జరగనున్న సబ్‌జూనియర్స్‌ పోటీల్లో పాల్గొంటారని తెలిపారు. ముగింపు వేడుకలకు వరంగల్‌ జిల్లా అథ్లెటిక్స్‌ అసోసియేషన్‌ చైర్మన్‌ గట్టు మహేశ్‌బాబు ముఖ్య అతిథిగా హాజరై విజేతలకు సర్టిఫికెట్లు అందించారు. తెలంగాణ అథ్లెటిక్స్‌ అసోసియేషన్‌ రాష్ట్ర కార్యదర్శి సారంగపాణి, వరంగల్‌ జిల్లా అథ్లెటిక్స్‌ అసోసియేషన్‌ కార్యదర్శి ఊర యుగేంధర్‌రెడ్డి, బాధ్యులు పీడీలు కిషన్‌ కృష్ణమూర్తి, రజనీకాంత్‌, కోచ్‌లు పాల్గొన్నారు. ఖిలా వరంగల్‌: విపత్తులు, అత్యవసర పరిస్థితుల్లో ప్రాణ, ఆస్తి నష్టాలను నివారించడంలో ఆపద మిత్రల పాత్ర కీలకమని టీజీ ఎస్పీ నాలుగో బెటాలియన్‌ కమాండెంట్‌ ఎన్‌వీఎస్‌. శ్రీనివాస్‌రావు అన్నారు. మామునూరు 4వ బెటాలియన్‌ ఆవరణలో ఏడు రోజులుగా నిర్వహించిన యువ ఆపద మిత్ర శిక్షణ మంగళవారం ముగిసింది. ముఖ్య అతిథిగా కమాండెంట్‌ హాజరై 102 మంది శిక్షణార్థులు శిక్షణ పత్రాలు అందించి మాట్లాడారు. శిక్షణలో నేర్చుకున్న ప్రతీ అంశాలతో విపత్తు సమయాల్లో బాధితులకు అండగా నిలవాలన్నారు. కార్యక్రమంలో ఏసీ రాజేందర్‌, ఆర్‌ఐలు కార్తీక్‌, రవి, రాజ్‌కుమార్‌, రాంప్రసాద్‌, శిక్షణార్థులు పాల్గొన్నారు. కాజీపేట అర్బన్‌: నిట్‌ విద్యార్థులు ప్రజాసేవే కెరీర్‌గా ఎంచుకోవాలని నిట్‌ పూర్వ విద్యార్థి, ఐఏఎస్‌, కమిషనర్‌ బెంగళూరు నార్త్‌ సిటీ కార్పొరేషన్‌ పొమ్మాల సునీల్‌కుమార్‌ అన్నారు. నిట్‌ క్యాంపస్‌లో మంగళవారం ఏర్పాటు చేసిన ‘టాక్‌ ఆన్‌ ఐఏఎస్‌ ఆస్పిరెంట్స్‌’ అంశంపై ఐఏఎస్‌ పొమ్మాల సునీల్‌కుమార్‌ మాట్లాడుతూ.. నిట్‌ వరంగల్‌ క్యాంపస్‌లో 2002వ బ్యాచ్‌ ట్రిపుల్‌ఈ విద్యార్థినైన తాను ఐఏఎస్‌గా ఎంపికవడం నిట్‌లోని అత్యుత్తమ బోధనతోనే సాధ్యమైందన్నారు. ముందుగా నిట్‌ డైరెక్టర్‌ బిద్యాధర్‌ సుబుదీ మొక్కను అందించి క్యాంపస్‌కు స్వాగతం పలికారు. కార్యక్రమంలో ప్రొఫెసర్లు కిశోర్‌కుమార్‌, శ్రీనివాస్‌రావు, బెనర్జీబాబు పాల్గొన్నారు. కాజీపేట రూరల్‌: కాజీపేట–మోటమర్రి సెక్షన్‌లో మంగళవారం రైల్వే అధికారులు కవచ్‌ ట్రయల్స్‌ ప్రారంభించారు. భారత రైల్వే ప్రతిష్టాత్మక స్వదేశీ సాంకేతిక పరిజ్ఞనం కవచ్‌ వ్యవస్థను నిర్మించి ట్రయల్స్‌కు సిద్ధం చేసి నడిపించారు. సికింద్రాబాద్‌కు చెందిన డీఎస్‌టీఈ యుగేంధర్‌, ఏటీఎస్‌టీఈ వెంకటరమణ ఆధ్వర్యంలో ఎస్‌ఐఎల్‌–0 ట్రయల్స్‌ నిర్వహించారు. ఈ ప్రాజెక్ట్‌ను దక్షిణ మధ్య రైల్వే సీఎస్‌టీఈ ప్రాజెక్ట్స్‌ ఎం.కోటేశ్వర్‌రావు, డీపీఎస్‌టీఈ జి.కుమారన్‌ పర్యవేక్షిస్తున్నట్లు వారు తెలిపారు. కాజీపేటలో చేపట్టిన ట్రయల్స్‌లో కాజీపేట స్టేషన్‌ మేనేజర్‌ అగ్గి రవీందర్‌, ఇతర విభాగాల సిబ్బంది పాల్గొన్నారు.

సాక్షి, వరంగల్‌/కాశిబుగ్గ: పసికందుల ప్రాణాలను కాపాడాల్సిన ఎంజీఎం నవజాత శిశు చికిత్సా కేంద్రంలో మౌలిక వసతుల కొరతపై ఆందోళనలు వ్యక్తమవుతున్నాయి. ఉత్తర తెలంగాణలోని పలు జిల్లాల నుంచి నెలలోపు శిశువులను అత్యవసర చికిత్స కోసం ఇక్కడికి తీసుకొస్తుండగా.. అవసరమైన స్థాయిలో ప్రాణరక్షక పరికరాలు లేవన్న ఆరోపణలున్నాయి. తాజాగా ఆదిలాబాద్‌ రిమ్స్‌లోని నవజాత శిశు విభాగంలో అగ్ని ప్రమాదం జరిగి చిన్నారులు మృతిచెందిన నేపథ్యంలో ఎంజీఎంలో భద్రతా ఏర్పాట్లపై చర్చ మొదలైంది. మూడు యూనిట్లున్నా శిశువులకు తప్పని తిప్పలు.. ఎంజీఎంలోని నవజాత శిశు చికిత్స విభాగంలో స్పెషల్‌ న్యూ బార్న్‌ కేర్‌ యూనిట్‌ (ఎస్‌ఎన్‌సీయూ)లో రెండు యూనిట్లు, నియోనాటల్‌ ఇంటెన్సివ్‌ కేర్‌ యూనిట్‌ (ఎన్‌ఐసీయూ)లో ఒక యూనిట్‌ పనిచేస్తోంది. 40 పడకల సామర్థ్యమున్న ఈ యూనిట్‌లలో నెలలోపు పసికందుల్లో కామెర్లు, శ్వాస సంబంధిత సమస్యలు, ఇన్‌ఫెక్షన్లు, ఫిట్స్‌, తక్కువ బరువుతో పుట్టిన వారు, తీవ్ర అనారోగ్యంతో ఉన్న నవజాత శిశువులకు చికిత్స అందిస్తారు. ఎన్‌ఐసీయూలో అత్యంత సీరియస్‌ కేసులకు వెంటిలేటర్‌, తక్కువ బరువున్న శిశువులకు వార్మర్లు, శ్వాస ఇబ్బందులకు సీపాప్‌ తదితర పరికరాలు కీలకం. ఇవి అవసరానికి తగిన సంఖ్యలో లేవని ఆరోపణలు వస్తున్నాయి. ఒక వార్మర్‌లో వెచ్చదనం కోసం ఒకరిని పడుకోబెట్టాల్సి ఉండగా ఇద్దరిని పడుకోబెడుతున్నారనే ఆరోపణలు సైతం ఉన్నాయి. కొన్ని పనిచేయలేని పరిస్థితుల్లో ఉన్నా యి. సరిపడా వెంటిలేటర్లు, సీపాప్‌ సరిపోక శిశువుల ప్రాణాలు ప్రమాదంలో పడుతున్నాయనే విమర్శలున్నాయి. కొన్ని పరికరాలు పనిచేయకున్నా ప్రత్యామ్నాయాలు లేక అటు వైద్యులు, ఇటు శిశువులు ఇబ్బందులు పడుతున్నారన్న ఆరోపణలున్నాయి. ఎన్ని పరికరాలు అవసరం? ప్రస్తుతం ఎన్ని ఉన్నాయి? వాటిలో పనిచేస్తున్నవి ఎన్ని? అనే వివరాలపై ఆస్పత్రినుంచి సరైన సమాధానం రావ డం లేదు. పరికరాల కొరతపై అధికారులు, సిబ్బంది పలుమార్లు దృష్టికి తీసుకెళ్లినా బడ్జెట్‌ సమస్యల వల్ల పరిష్కారం ఆలస్యమవుతోందని తెలిసింది. ఎంజీఎం ఎస్‌ఎన్‌సీయూ, ఎన్‌ఐసీయూపై ఆందోళన ఇంక్యుబేటర్లు, వార్మర్లు, సీపాప్‌, వెంటిలెటర్ల కొరత అవసరమైనన్ని పరికరాలు లేకపోవడంతో తిప్పలు ఫలితంగా అత్యవసరంగా వైద్యం అందించడంలో ఇబ్బందులు విద్యుత్‌, ఫైర్‌ సేఫ్టీ ఆడిట్‌పై లేని స్పష్టతరిమ్స్‌ ఘటనతో సేఫ్టీపై ప్రశ్నలు..ఆదిలాబాద్‌ రిమ్స్‌ ఘటన నేపథ్యంలో రాష్ట్రంలోని ప్రభుత్వ ఆస్పత్రుల్లో భద్రత, ఫైర్‌ ప్రివెన్షన్‌ ఆడిట్‌పై ప్రభుత్వం దృష్టి పెట్టింది. దీంతో ఎంజీఎంలో ఫైర్‌ అలారం వ్యవస్థ, ఫైర్‌ ఎక్స్‌టింగ్విస్ట్టర్లు, ఎమర్జెన్సీ ఎగ్జిట్‌లు, విద్యుత్‌ వైరింగ్‌, జనరేటర్‌, ఏసీ యూనిట్లు, ఎలక్ట్రికల్‌ లోడ్‌, వార్షిక ఎలక్ట్రికల్‌ సేఫ్టీ ఆడిట్‌ జరుగుతున్నాయా? లేదా? అన్న ప్రశ్నలు తలెత్తుతున్నాయి. పెద్దల వార్డులతో పోలిస్తే నవజాత శిశు విభాగం పరిస్థితి పూర్తిగా భిన్నం. నడవలేని, స్వయంగా బయటకు రాలేని పసికందులు ఇంక్యుబేటర్లు, వార్మర్లలో ఉంటారు. అత్యవసర పరిస్థితి తలెత్తితే వారిని పరికరాలతో సహా సురక్షిత ప్రాంతానికి తరలించాలి. అందుకే వైద్య పరికరాల లభ్యతతోపాటు అత్యవసర తరలింపు ప్రణాళిక కూడా కీలకమని, ఏదైనా ప్రమాదం జరిగినా వారిని ప్రాణాలతో బయటకు తీసుకెళ్లడం ముఖ్యమని వైద్యవర్గాలంటున్నాయి. దీనిపై ఎంజీఎం ఉన్నతాధికారులు దృష్టి సారించాల్సిన అవసరముందన్న అభిప్రాయం వ్యక్తమవుతోంది.

హన్మకొండ అర్బన్‌: ప్రజావాణికి అందిన అర్జీలను త్వరగా పరిష్కరించాలని హనుమకొండ కలెక్టర్‌ చాహత్‌ బాజ్‌పాయ్‌ అధికారులను ఆదేశించారు. సోమవారం కలెక్టరేట్‌లో జిల్లా స్థాయి అధికారులతో కలిసి కలెక్టర్‌ చాహత్‌ బాజ్‌పాయ్‌, అదనపు కలెక్టర్‌ రవి అర్జీలు స్వీకరించారు. జిల్లా, రెవెన్యూ డివిజనల్‌, మండల స్థాయిలో నిర్వహించిన గ్రీవెన్స్‌ కార్యక్రమానికి మొత్తం 298 అర్జీలు అందా యి. అర్జీలను సంబంధిత శాఖల అధికారులు ఎ ప్పటికప్పుడు పరిష్కరించాలని, పెండింగ్‌లో ఉంచకుండా చర్యలు చేపట్టాలని కలెక్టర్‌ ఆదేశించారు. వర్చువల్‌ విధానంలో ఆర్డీఓలు, తహసీల్దార్లు, ఎంపీడీఓలతో మాట్లాడి అర్జీల పరిష్కారంపై సూచనలిచ్చారు. కార్యక్రమంలో స్థానిక సంస్థల ఇన్‌చార్జ్‌లు అదనపు కలెక్టర్‌ శేషాద్రి, జిల్లా రెవెన్యూ అధికారి శ్రీనివాస్‌, డీఆర్డీఓ మేన శ్రీను, సీపీఓ సత్యనారాయణరెడ్డి పాల్గొన్నారు. ● వరంగల్‌ జిల్లా అదనపు కలెక్టర్‌ ఎల్‌.కిశోర్‌కుమార్‌ ● 243 వినతుల స్వీకరణ న్యూశాయంపేట: ప్రజల నుంచి వచ్చిన అర్జీలు పెండింగ్‌లో ఉండొద్దని, త్వరితగతిన పరిష్కరించాలని వరంగల్‌ అదనపు కలెక్టర్‌(రెవెన్యూ) ఎల్‌.కిశోర్‌కుమార్‌ అన్నారు. సోమవారం గ్రీవెన్స్‌లో ఆయన ప్రజల నుంచి వినతులు స్వీకరించారు. మొత్తం 243 వినతులు రాగా, అందులో రెవెన్యూకు సంబంధించి 60, జీడబ్ల్యూఎంసీ 84, గృహ నిర్మాణ శాఖ 35, ఇతర శాఖలకు సంబంధించి 64 దరఖాస్తులు వచ్చినట్లు తెలిపారు. సంబంధిత శాఖల దరఖాస్తులను అధికారులకు ఎండార్స్‌ చేస్తూ త్వరగా పరిష్కరించాలని ఆదేశించారు. కార్యక్రమంలో అదనపు కలెక్టర్‌ (స్థానిక సంస్థలు) గణేశ్‌, డీఆర్‌ఓ విజయలక్ష్మి, హౌసింగ్‌ పీడీ విష్ణువర్ధన్‌రెడ్డి అధికారులు పాల్గొన్నారు.దరఖాస్తులు ఇలా..కలెక్టరేట్‌లో 130 దరఖాస్తులు ఆర్డీఓ కార్యాలయంలో 32 దరఖాస్తులు మండల కార్యాలయాల్లో 136 దరఖాస్తులు మొత్తం 298 దరఖాస్తులు హనుమకొండ కలెక్టర్‌ చాహత్‌ గ్రీవెన్స్‌కు 298 అర్జీలు

కాకతీయ హెరిటేజ్‌ ట్రస్ట్‌ డిమాండ్‌ హన్మకొండ అర్బన్‌: రామప్ప ప్రపంచ వారసత్వ ప్రదేశం, రామప్ప చెరువు, పరిసర పర్యావరణానికి ముప్పు కలిగించే వెంకటాపూర్‌ పీవీ నరసింహారావు ఓపెన్‌న్‌కాస్ట్‌ గని ప్రతిపాదనను ఉపసంహరించుకోవాలని కాకతీయ హెరిటేజ్‌ ట్రస్ట్‌ డిమాండ్‌ చేసింది. సోమవారం హనుమకొండ ప్రగతినగర్‌లోని ట్రస్ట్‌ కార్యాలయంలో రిటైర్డ్‌ ప్రొఫెసర్‌ ఎం. పాండురంగారావు అధ్యక్షతన రౌండ్‌ టేబుల్‌ సమావేశం నిర్వహించారు. ముఖ్య అతిథిగా మాజీ మేయర్‌ డాక్టర్‌ తక్కళ్లపల్లి రాజేశ్వరరావు హాజరై మాట్లాడుతూ రామప్ప దేవాలయం, చెరువు, పరిసర సహజ, జల, భౌగోళిక వ్యవస్థలను సమగ్రంగా పరిరక్షించాల్సిన అవసరం ఉందన్నారు. ప్రతిపాదిత గనిపై నిర్ణయం తీసుకునే ముందు సమగ్రంగా అధ్యయనాలు నిర్వహించాలని కోరారు. ప్రతిపాదిత గనిలో 300 మీటర్ల లోతు వరకు తవ్వకాలు జరిగే అవకాశం ఉన్నందున భూగర్భ జల ప్రవాహం, రామప్ప చెరువు నీటి మట్టం, కట్ట భద్రతపై అధ్యయనం చేయాలని నిపుణులు సూచించారు. యునైటెడ్‌ ఫోరం ఫర్‌ ఎన్విరాన్‌న్‌మెంటల్‌ ప్రొటెక్షన్‌ అధ్యక్షుడు కాజీపేట పురుషోత్తం, ప్రొఫెసర్‌ లక్ష్మారెడ్డి, ధర్మప్రకాశ్‌, ప్రొఫెసర్‌ శ్రీనివాసాచార్యులు, వాటర్‌మ్యాన్‌ వి.ప్రకాష్‌, రామ్‌మోఆన్‌రావు, జె.శ్రీధర్‌రావు ఉన్నారు.

హన్మకొండ: టీజీ ట్రాన్స్‌మిషన్‌ కార్పొరేషన్‌ (ట్రాన్స్‌కో) వరంగల్‌ జోన్‌ కార్యాలయంలో వివాదాలు చోటుచేసుకుంటున్నాయి. ఉన్నతాధికారులను బెదిరించి బలవంతంగా ఉత్తర్వులు మార్పించడాన్ని ట్రాన్స్‌ కో యాజమాన్యం సీరియస్‌గా తీసుకుంది. ఒకే తేదీతో ఇద్దరు డీఈలకు ఇన్‌చార్జ్‌ బాధ్యతలు ఇవ్వడం, ఇన్‌చార్జ్‌ బాధ్యతల ఉత్తర్వులు పొందడంలో జరిగిన దౌర్జన్యంపై సోమవారం ట్రాన్స్‌కో విజిలెన్స్‌ అధికారులు విచారణ చేపట్టారు. హైదరాబాద్‌ నుంచి హనుమకొండలోని టీజీ ట్రాన్స్‌కో వరంగల్‌ జోన్‌ కార్యాలయానికి విజిలెన్స్‌ అధికారులు చేరుకుని జరిగిన ఘటన, దౌర్జన్యం, ఇన్‌చార్జ్‌ ఉత్తర్వుల జారీపై రోజంతా వివరాలు సేకరించారు. విజిలెన్స్‌ నివేదిక అనంతరం పూర్తిస్థాయిలో శాఖాపరమైన విచారణ చేపట్టనున్నారు. ఏం జరిగిందంటే.. ట్రాన్స్‌కో వరంగల్‌ జోన్‌ కార్యాలయంలో ఆపరేషన్‌ అండ్‌ మెయింటెనెన్స్‌ జనగామ డీఈగా పని చేస్తున్న ఐ.సుదాకర్‌రావు ఈనెల 5 నుంచి 19 వరకు సెలవులో వెళ్లారు. ఈవిభాగంలో పాలనాపరమైన కార్యకలాపాలకు ఆటంకం కలగకుండా జాప్యం కాకుండా ఉండేందుకు ఈనెల 10న వరంగల్‌ ఎంఆర్‌టీ అండ్‌ ట్రాన్స్‌ఫార్మర్‌ డీఈ టి.రాజుకు ట్రాన్స్‌కో చీఫ్‌ ఇంజనీర్‌ మురళీసాగర్‌ అదనపు బాధ్యతలు అప్పగించారు. బాధ్యతలు చేపట్టిన టి.రాజు సజావుగా విధులు నిర్వహిస్తుండగా.. ఈనెల 18న వరంగల్‌ కన్‌స్ట్రక్షన్‌ డీఈ ఎల్‌.సంపతిరావు తనపై దౌర్జన్యం చేసి బలవంతంగా పాత (10వ) తేదీతో టి.రాజుకు అప్పగించిన బాధ్యతలు రద్దు చేస్తూ, తనకు అదనపు బాధ్యతలు ఇస్తున్నట్లు దొత్తిడి తీసుకొచ్చి ఉత్తర్వులు ఇప్పించుకున్నారని వరంగల్‌ జోన్‌ చీఫ్‌ ఇంజనీర్‌ మురళీసాగర్‌ టీజీ ట్రాన్స్‌కో గ్రిడ్‌ ఆపరేషన్‌ డైరెక్టర్‌కు ఫిర్యాదు చేశారు. ఇద్దరు డీఈలకు ఈ నెల 10వ తేదీతో అదనపు బాధ్యతలు అప్పగించినట్లు మెమోలు జారీ అయ్యాయి. ఆంతర్యమేంటి? విచిత్రమేంటంటే జనగామ ఆపరేషన్‌ అండ్‌ మెయింటెనెన్స్‌ డీఈ ఐ.సుధాకర్‌రావు ఈ నెల 19వ తేదీ వరకు సెలవు పెట్టారు. అయితే ఈనెల 18న అంటే ఒక రోజు ముందుగా బలవంతంగా ఎల్‌.సంపతిరావు అదనపు బాధ్యతలు పొందడంలోని ఆంతర్యమేంటని ట్రాన్స్‌ కో ఉద్యోగులు చర్చించుకుంటున్నారు. అప్పటికే అదనపు బాధ్యతలు చేపట్టిన టి.రాజు పాలనాపరమైన ఫైళ్లపై సంతకాలు చేయడం, కార్యకలాపాలు కొనసాగడం జరిగాయి. ఈనెల 18న పాత (10వ) తేదీతో అదనపు బాధ్యతలు పొందిన డీఈ గతంలో జరిగిన కార్యకలాపాలు ఎలా మేనేజ్‌ చేస్తారని ఉద్యోగులు ప్రశ్నిస్తున్నారు. ఇద్దరికి అదనపు బాధ్యతలు వివాదంగా మారాయి. 15 రోజుల అదనపు బాధ్యతలపై ఇంజనీర్స్‌ పరువు తీసుకుంటున్నారని సర్వత్రా విమర్శలు వెల్లువెత్తుతున్నాయి. కాగా ఈ మొత్తం ఘటనను యాజమాన్యం సీరియస్‌గా తీసుకుంది. ఒకే తేదీతో ఇద్దరికి ఇన్‌చార్జ్‌ బాధ్యతలు సెలవుపై వెళ్లిన డీఈ స్థానంలో మరో విభాగం డీఈకి అదనపు బాధ్యతలు జూనియర్‌కు ఎలా ఇస్తారని బాధ్యతలు పొందిన మరో డీఈ దౌర్జన్యంగా బాధ్యతలు తీసుకున్నారని ఫిర్యాదు విజిలెన్స్‌ అధికారుల విచారణ

ఐసీఎస్‌యూ వార్డులో.. కాశిబుగ్గ: ఉత్తర తెలంగాణ జిల్లాలకు ఆనాడు ఎంతో అందంగా కనిపించిన ఎంజీఎం ఆస్పత్రి భవనాల సముదాయం నేడు శిథిలావస్థకు చేరింది. అధికారులు సకాలంలో శాశ్వత మరమ్మతు పనులు చేయకపోవడంతో ఈ పరిస్థితి వచ్చిందని పలువురు పేర్కొంటున్నారు. పెద్దాస్పత్రి కావడం, పేషంట్ల రద్దీ పెరగడంతో అధికారులు పాత భవనంలోని వార్డుల్లో పేషంట్లకు చికిత్స అందిస్తున్నారు. దురదృష్టవశాత్తు పేషంట్లకు ప్రమాదం జరిగినప్పుడే అధికారులు స్పందిస్తూ చర్యలు తీసుకోవడం తప్ప శాశ్వత మరమ్మతుల జోలికి వెళ్లకపోవడంతో ఇలాంటి పరిస్థితులు ఏర్పడుతున్నాయని రోగుల అటెండెంట్లు ఆందోళన చెందుతున్నారు. తాజాగా, ఆదివారం ఎంజీఎంలోని ఆరోగ్యశ్రీ వార్డులో జరిగిన సీలింగ్‌ ఊడిన ఘటనలో పేషంట్లు, అటెండెంట్లు, శానిటేషన్‌ సిబ్బంది గాయపడ్డారు. సోమవారం సాక్షి మెయిన్‌లో ‘సీలింగ్‌ పెచ్చులు ఊడాయి’ అనే శీర్షికతో కథనం ప్రచురితమైంది. దీంతో రాష్ట్రస్థాయిలో ఉన్న వైద్య ఆరోగ్యశాఖ ప్రిన్సిపల్‌ సెక్రటరీ చోంగ్త్‌, డీఎంఈ వాణి, వరంగల్‌ కలెక్టర్‌ డాక్టర్‌ సత్యశారద సోమవారం కదిలివచ్చారు. ఆరోగ్యశ్రీ వార్డులో జరిగిన సంఘటన వివరాలపై ఆరా తీశారు. బర్న్స్‌ వార్డులో కరువైన ఏసీలు.. పాత భవనంలోని ఆరోగ్యశ్రీ వార్డుతో పాటు మరికొన్ని వార్డులు కూడా శిథిలావస్థ దశకు చేరుకుంటున్నాయి. అలాగే, కొన్ని వార్డుల్లో సీలింగ్‌ పెచ్చులు ఊడిపోయే దుస్థితి నెలకొంది. ఓ వార్డు వాష్‌ వద్ద స్లాబ్‌ పైనుంచి నెలరోజుల నుంచి నీళ్లు కారుతున్నా పట్టించుకునేవారు కరువయ్యారు. ముఖ్యంగా ఎంజీఎం సూపరింటెండెంట్‌ పాత చాంబర్‌ పక్కనే ఉన్న బర్న్స్‌ వార్డుపై దృష్టి పెట్టాల్సిన అవసరం ఉంది. అసలే కాలిన గాయాలతో బాధపడుతున్న పేషంట్లకు ఏసీలు లేకపోగా, ఉన్న వసతులు అంతంతమాత్రంగానే ఉన్నాయి. ఓ వార్డులో అయితే సీలింగ్‌ పెచ్చులు ఊడి ఉన్నాయి. పక్కనే ఫ్యాన్‌ తిరుగుతుంది. దీంతో మిగిలిన పెచ్చులు పేషంట్లపై పడిపోయే ప్రమాదం నెలకొంది. అలాగే, ఐసీఎస్‌యూ వార్డులో పేషంట్ల రద్దీ ఎక్కువగా ఉంటుంది. పోస్ట్‌ ఆపరేటివ్‌ వార్డు కావడంతో పేషంట్లు నడవలేని పరిిస్థితి ఉంటుంది. ఇందులో చికిత్స పొందుతున్న ఇద్దరు పేషంట్ల వద్ద సీలింగ్‌ పెచ్చులు ఊడి ఉన్నా అఽధికారులు పట్టించుకోవడం లేదు. వార్డు సిబ్బంది అధికారుల దృష్టికి తీసుకొచ్చినా ఫలితం లేకపోయిందనే ఆరోపణలు వస్తున్నాయి. ఇక న్యూ మెడికల్‌ వెస్ట్‌, మేల్‌ సర్టికల్‌ ఈస్ట్‌, మేల్‌ సర్జికల్‌ వెస్ట్‌ వార్డుల పరిస్థితి కూడా అధ్వానంగా మారింది. పక్కనే ఉన్న వాష్‌రూంలు, ఓ బాతురూం వద్ద నెలరోజుల పైనుంచి స్లాబ్‌ లీకేజీతో నీళ్లు కారుతున్నా పట్టించుకునేవారు కరవయ్యారని విమర్శలు వస్తున్నాయి. ఈ ప్రాంతం దారుణంగా నడవలేని పరిస్థితి ఉన్నా ఎవరూ కన్నెత్తి చూడడం లేదని అటెండెంట్లు ఆరోపిస్తున్నారు. అలాగే, ఎంఆర్‌డీలో కూడా కొన్ని గదులు శిథిలావస్థకు చేరుకున్నాయి. కాగా, ఆరు నెలల క్రితం ఏఎంసీ వార్డు వరండా నుంచి వెళ్తున్న స్వీపర్‌ తలపై పెచ్చులూడి గాయపడగా కుట్లు వేయించుకోవాల్సి వచ్చింది. మేల్‌ సర్జికల్‌ వార్డు సమీపంలోని వాష్‌ రూం వెళ్లే మార్గంలో నీటి లీకేజీ, మేల్‌ సర్జికల్‌ వార్డు పక్కన పగుళ్లు వచ్చిన గోడ బర్న్స్‌ వార్డులో ఊడిన స్లాబ్‌ పెచ్చులుఎంజీఎంలో శిథిలావస్థకు చేరిన పలు విభాగాలు అధ్వానంగా ఐసీఎస్‌యూ, బర్న్స్‌, మేల్‌ సర్జికల్‌ వార్డులు పాత భవనాల్లో భయంభయంగా రోగులు, అటెండెంట్లుప్రమాదం జరగకముందే చర్యలు తీసుకోండి.. పేషంట్లకు, అటెండెంట్లకు, సిబ్బందికి ప్రమాదాలు జరగకముందే అధికారులు తగిన చర్యలు తీసుకోవాలని పలువురు కోరుతున్నారు. ప్రమాదం జరిగిన తర్వాత ఉరుకులు, పరుగుల మీద వచ్చిన అధికారులు ముందు జాగ్రత్తలు తీసుకోవడం లేదని ఆరోపిస్తున్నారు. అధికారులు పేషంట్ల భద్రత కోసం అన్ని వార్డులు పరిశీలించాలని విజ్ఞప్తి చేస్తున్నారు.

కాశిబుగ్గ: వరంగల్‌లో నిర్మాణంలో ఉన్న సూపర్‌ స్పెషాలిటీ హాస్పిటల్‌ పనులు వేగవంతం చేయాలని వైద్య, ఆరోగ్య, కుటుంబ సంక్షేమశాఖ ప్రిన్సిపల్‌ సెక్రటరీ క్రిస్టినా జడ్‌ చోంగ్తూ అధికారులను ఆదేశించారు. సోమవారం వైద్య ఆరోగ్యశాఖ సంచాలకులు డాక్టర్‌ వాణి, వరంగల్‌ కలెక్టర్‌ డాక్టర్‌ సత్యశారద, హనుమకొండ కలెక్టర్‌ చాహత్‌ బాజ్‌పాయ్‌తో కలిసి సూపర్‌ స్పెషాలిటీ హాస్పిటల్‌ను సందర్శించారు. ఈ సందర్భంగా ఆమె వైద్య, ఆరోగ్యశాఖకు సంబంధించిన పలు అంశాలపై సుదీర్ఘంగా చర్చించారు. అలాగే, హాస్పిటల్‌ పనుల పురోగతిని పరిశీలించారు. అందుబాటులోకి రానున్న వైద్య సదుపాయాలు, మౌలిక వసతులు, తదితర అంశాలపై అధికారులతో సమీక్షించారు. అనంతరం ఆమె మాట్లాడుతూ మెరుగైన, నాణ్యమైన వైద్య సేవలందేలా చర్యలు చేపట్టాలని అధికారులకు సూచించారు. అలాగే, నిర్మాణ పనుల్లో నాణ్యత పాటిస్తూ, నిర్దేశిత గడువులోగా పూర్తిచేసేందుకు సంబంధిత శాఖలు సమన్వయంతో పనిచేయాలని పేర్కొన్నారు. ఎంజీఎంలో ఆరోగ్యశ్రీ వార్డు పరిశీలన.. వరంగల్‌ ఎంజీఎం ఆస్పత్రిలోని ఆరోగ్యశ్రీ వార్డును ప్రిన్సిపల్‌ సెక్రటరీ క్రిస్టినా జడ్‌ చోంగ్తూ పరిశీలించారు. ఆదివారం ఈ వార్డులో ఉన్న పలువురు పేషంట్లు, అటెండెంట్లపై సీలింగ్‌ పెచ్చులు ఊడిన విషయం విదితమే. దీంతో నేరుగా తెలుసుకోవడానికి వార్డుకు వచ్చారు. లోపలికి మీడియాను, ఇతర అధికారులను అనుమతించకుండా జరిగిన సంఘటన వివరాలు అడిగి తెలుసుకున్నారు. అలాగే, ఇంజనీరింగ్‌ అధికారులతో చర్చించారు. ఆమె వెంట డీఎంఈ డాక్టర్‌ వాణి, వరంగల్‌ కలెక్టర్‌ డాక్టర్‌ సత్యశారద, ఎంజీఎం సూపరింటెండెంట్‌ డాక్టర్‌ రాంకుమార్‌రెడ్డి, ఇంజనీరింగ్‌ అధికారులు ఉన్నారు.వైద్య, ఆరోగ్య, కుటుంబ సంక్షేమశాఖ ప్రిన్సిపల్‌ సెక్రటరీ క్రిస్టినా జడ్‌ చోంగ్తూ

హన్మకొండ: టీజీ ఎన్పీడీసీఎల్‌ను నమ్ముకుని పనిచేస్తున్న పీస్‌ వర్కర్లకు కనీస వేతనాలు ఇవ్వాలని, సబ్‌స్టేషన్‌ నిర్మాణాలకు భూములు ఇచ్చిన కుటుంబంలో ఒకరికి ఉద్యోగం ఇవ్వాలని తెలంగాణ యునైటెడ్‌ ఎలక్ట్రిసిటీ ఎంప్లాయీస్‌ యూనియన్‌ (టీయూఈఈయూ) రాష్ట్ర అధ్యక్షుడు కె.ఈశ్వర్‌రావు డిమాండ్‌ చేశారు. ఈ మేరకు సోమవారం హనుమకొండ నక్కలగుట్టలోని టీజీ ఎన్పీడీసీఎల్‌ ప్రధాన కార్యాలయం ఎదుట బిల్‌ కలెక్టర్లు, స్పాట్‌ బిల్లర్లు, ఎస్‌పీఎం కార్మికులు, అన్‌మ్యాన్డ్‌ వర్కర్లు ధర్నా చేశారు. ముందుగా పబ్లిక్‌ గార్డెన్‌ నుంచి ఎన్పీడీసీఎల్‌ ప్రధాన కార్యాలయం వరకు ధర్నా చేశారు. అనంతరం హెచ్‌ఆర్‌డీ డైరెక్టర్‌ సి.ప్రభాకర్‌, ఫైనాన్స్‌ డైరెక్టర్‌ వి.తిరుపతిరెడ్డిని కలిసి వినతిపత్రం అందించారు. ఈ సందర్భంగా ఆయన మాట్లాడుతూ గృహజ్యోతి, ఆన్‌న్‌లైన్‌ చెల్లింపుల కారణంగా బిల్‌ కలెక్టర్ల ఆదాయం గణనీయంగా తగ్గిపోయిందని ఆందోళన వ్యక్తం చేశారు. గతంలో నెలకు రూ.12 వేల నుంచి రూ.14 వేల వరకు ఆదాయం వచ్చేదని, ప్రస్తుతం రూ.3 వేల నుంచి రూ.4 వేలకే పరిమితమైందని తెలిపారు. జీఓ ప్రకారం కనీస వేతనాలు అమలు చేయాలని డిమాండ్‌ చేశారు. సీఐటీయూ హనుమకొండ జిల్లా కార్యదర్శి రాగుల రమేశ్‌, యునైటెడ్‌ ఎలక్ట్రిసిటీ ఎంప్లాయీస్‌ యూనియన్‌ నాయకులు ఎన్‌.స్వామి, ఎస్‌.చంద్రారెడ్డి, ఆంజనేయులు, ఎం.ప్రసాద్‌, శ్రీనివాస్‌, టి.రేఖ, డి.వీరన్న, డి.సదానందం, సోమేశ్‌, సందీప్‌రెడ్డి, ఉద్యోగులు పాల్గొన్నారు. టీయూఈఈయూ రాష్ట్ర అధ్యక్షుడు కె.ఈశ్వర్‌రావు

వరంగల్‌ అర్బన్‌: ప్రజలు అందించే ఫిర్యాదుల పరిష్కారంలో అలసత్వం వహించొద్దని, సత్వరమే పరిష్కారం చూపించాలని గ్రేటర్‌ వరంగల్‌ మున్సిపల్‌ కార్పొరేషన్‌ కమిషనర్‌ టి.వెంకన్న పేర్కొన్నారు. సోమవారం బల్దియా ప్రధాన కార్యాలయంలో నిర్వహించిన గ్రీవెన్స్‌ సెల్‌లో కమిషనర్‌ ప్రజల నుంచి వినతులు స్వీకరించారు. గతవారం ప్రజావాణిలో స్వీకరించిన వినతుల పరిష్కార స్థితిగతులను కమిషనర్‌ విభాగాల వారీగా సమీక్షించారు. బల్దియా గ్రీవెన్స్‌కు మొత్తం 94 ఫిర్యాదులు అందాయి. కార్యక్రమంలో అడిషనల్‌ కమిషనర్‌ జోనా, సూపరింటెండింగ్‌ ఇంజనీర్‌ రాజ్‌కుమార్‌, సిటీప్లానర్‌ రవీందర్‌ రాడేకర్‌, డిప్యూటీ కమిషనర్లు ప్రసన్నరాణి, సమ్మయ్య, సెక్రటరీ అనిల్‌బాబు, హార్టికల్చర్‌ అధికారి లక్ష్మారెడ్డి, పన్నుల అధికారి రామకృష్ణ అన్ని విభాగాల అధికారులు సిబ్బంది పాల్గొన్నారు. దరఖాస్తుల వివరాలుటౌన్‌ ప్లానింగ్‌ 41 ఇంజనీరింగ్‌ 29 ఆరోగ్యం, పారిశుద్ధ్యం 10 రెవెన్యూ 08 నీటి సరఫరా 05 హార్టికల్చర్‌ 01 బల్దియా కమిషనర్‌ వెంకన్న గ్రేటర్‌ వరంగల్‌ గ్రీవెన్స్‌కు 94 అర్జీలు

టీజీ ఎన్పీడీసీఎల్‌ సీఎండీ వరుణ్‌ రెడ్డి హన్మకొండ: టీజీ ఎన్పీడీసీఎల్‌లో క్రీడలకు అత్యంత ప్రాధాన్యం ఇస్తున్నామని చైర్మన్‌, మేనేజింగ్‌ డైరెక్టర్‌ కర్నాటి వరుణ్‌ రెడ్డి అన్నారు. ఈ నెల 17 నుంచి 19 వరకు నిజామాబాద్‌లో టీజీ ట్రాన్స్‌కో, డిస్కంల ఇంటర్‌ సర్కిల్‌ టేబుల్‌ టెన్నిస్‌ పోటీలు జరిగాయి. ఇందులో ఎన్పీడీసీఎల్‌ కార్పొరేట్‌ కార్యాలయం జట్టు విజేతగా నిలిచింది. సోమవారం హనుమకొండ నక్కలగుట్టలోని టీజీ ఎన్పీడీసీఎల్‌ ప్రధాన కార్యాలయంలో విజేతలు, చీఫ్‌ జనరల్‌ మేనేజర్‌ వి.వేణుబాబు, చీఫ్‌ ఇంజనీర్‌ ఎ.సురేందర్‌, జి.గణేశ్‌.. సీఎండీని కలిసి ట్రోఫీ అందజేశారు. కాగా, ఓపెన్‌ డబుల్స్‌లో వి.వేణుబాబు, సురేందర్‌ ప్రథమ స్థానం సాధించగా, ఓపెన్‌ సింగి ల్స్‌లో వి. వేణుబాబు తృతీయ స్థానం సాధించారు. కార్యక్రమంలో డైరెక్టర్లు మోహన్‌రా వు, తిరుపతిరెడ్డి, సి.ప్రభాకర్‌, జీఎం ఎం.హేమంత్‌ కుమార్‌ పాల్గొన్నారు.

మానకొండూర్‌(శంకరపట్నం): కరీంనగర్‌ జిల్లా శంకరపట్నం మండలం తాడికల్‌ గ్రామ సర్పంచ్‌ దుర్గపు సుజాత (45) ఆదివారం అనారోగ్యంతో మృతిచెందారు. ఇటీవల ఎన్నికల్లో అత్యధిక మెజార్టీతో గెలుపొందిన సుజాత కొంతకాలంగా అనారోగ్యంతో ఆసుపత్రిలో చికిత్స పొందుతున్నారు. పరిస్థితి విషమించి ఆదివారం మృతిచెందారు. సర్పంచ్‌ మృతితో గ్రామంలో విషాదఛాయలు నెలకొన్నాయి. ఎమ్మెల్యే డాక్టర్‌ కవ్వంపల్లి సత్యనారాయణ గ్రామానికి చేరుకుని సుజాత మృతదేహానికి పూలమాల వేసి, పార్టీ జెండా కప్పి నివాళి అర్పించారు. అనంతరం అంతిమయాత్రలో పాడెమోశారు. సర్పంచ్‌ మృతి తీరని లోటని, ఆమె చేసిన సేవలను గుర్తు చేశారు. మంత్రి పొన్నం ప్రభాకర్, టీపీసీసీ సభ్యుడు బత్తిని శ్రీనివాస్‌గౌడ్, కాంగ్రెస్‌ మండల అధ్యక్షుడు బండారి తిరుపతి, సహకార సంఘం చైర్మన్లు బసవయ్య, మహేశ్, సంపత్, మార్కెట్‌ వైస్‌ చైర్మన్‌ నాంపల్లి తిరుపతి, కాంగ్రెస్‌ శ్రేణులు, పలు గ్రామాల సర్పంచ్‌లు, నాయకులు సంతాపం వ్యక్తం చేశారు. మృతురాలికి భర్త తిరుపతి, కొడుకు, కూతురు ఉన్నారు.ఇదీ చదవండి: చెల్లిని కాపాడబోయి అక్క కూడా... కాసిందేవిపేటలో విషాదం!

హన్మకొండ కల్చరల్‌: రుద్రేశ్వరస్వామి వేయిస్తంభాల దేవాలయంలో ఉత్తిష్ట గణపతి నవరాత్రి ఉత్సవాలు వైభవంగా జరుగుతున్నాయి. ఇందులో భాగంగా ఏడో రోజు ఆదివారం మూలమహాగణపతిని శ్రీశ్వేతార్క గణపతిగా అలంకరించారు. ఆలయ ప్రధానార్చకుడు గంగు ఉపేంద్రశర్మ ఆధ్వర్యంలో అర్చకులు మణికంఠశర్మ, అర్చకుడు ప్రణవ్‌ ప్రత్యేక పూజలు చేశారు. పూజా కార్యక్రమాలకు చందుపట్ల సత్యపాల్‌రెడ్డి, సునీల్‌రెడ్డి, గుజ్జ సంపత్‌రావు, ప్రభాకర్‌ గౌడ్‌ ఉభయదాతలుగా వ్యవహరించారు. ఈఓ అనిల్‌కుమార్‌ ఏర్పాట్లను పర్యవేక్షించారు. వరంగల్‌ అర్బన్‌: వరంగల్‌ మహానగర పాలకసంస్థ (జీడబ్ల్యూఎంసీ) ప్రధాన కార్యాలయంలో సోమవారం గ్రీవెన్స్‌ నిర్వహిస్తున్నట్లు కమిషనర్‌ టి.వెంకన్న ఒక ప్రకటనలో పేర్కొన్నారు. ఉదయం 11 నుంచి మధ్యాహ్నం వరకు రాత పూర్వకంగా దరఖాస్తులు స్వీకరించనున్నట్లు తెలిపారు. సమస్యల పరిష్కారానికి గ్రీవెన్స్‌ను సద్వినియోగం చేసుకోవాలని ఆయన కోరారు. వరంగల్‌ కలెక్టరేట్‌లో.. న్యూశాయంపేట: వరంగల్‌ కలెక్టరేట్‌తో పాటు జిల్లాలోని రెవెన్యూ డివిజన్‌, ఎంపీడీఓ కార్యాలయాల్లో సోమవారం ఉదయం 10 గంటలకు గ్రీవెన్స్‌ నిర్వహిస్తున్నట్లు కలెక్టర్‌ డాక్టర్‌ సత్యశారద ఒక ప్రకటనలో తెలిపారు. సమస్యల పరిష్కారం కోసం ప్రజల నుంచి అర్జీలు స్వీకరించనున్నట్లు కలెక్టర్‌ పేర్కొన్నారు. న్యూశాయంపేట: బంగాళాఖాతంలో ఏర్పడిన అల్పపీడన ప్రభావంతో వరంగల్‌ జిల్లాలో ఈనెల 21, 22, 23, 24 తేదీల్లో నాలుగు రోజుల పాటు మోస్తారు వర్షాలు కురిసే అవకాశం ఉందని వాతావరణ శాఖ అధికారులు తెలిపారు. ఈ మేరకు ఆదివారం అధికారులు ఎల్లో, ఆరెంజ్‌ అలర్ట్‌ జారీ చేశారు. నేడు, రేపు జిల్లావ్యాప్తంగా మోస్తారు నుంచి భారీ వర్షాలు, 23, 24 తేదీల్లో భారీ నుంచి అతి భారీ వర్షాలు కురిసే అవకాశం ఉందన్నారు. ఉరుములు, మెరుపులు, బలమైన ఈదురుగాలులతో కూడిన వర్షాలు కురుస్తాయని, ప్రజలు అప్రమత్తంగా ఉండాలన్నారు. కాశిబుగ్గ: బెంగళూరులో జరిగిన రెటీనా సర్జికల్‌ సర్క్యూట్‌ కాన్ఫరెన్స్‌కు వరంగల్‌ ప్రాంతీయ నేత్ర వైద్యశాల ప్రొఫెసర్‌, డాక్టర్‌ వగ్జె శ్రీకుమార్‌ వెళ్లారు. ప్రపంచవ్యాప్తంగా లీడింగ్‌లో ఉన్న పది కంపెనీలు కలిసి ఏర్పాటు చేసిన మూడు రోజుల కాన్ఫరెన్స్‌లో డాకర్‌ శ్రీకుమార్‌ పాల్గొన్నారు. ఈసందర్భంగా ఆయన లూమినా రెటినా–26 కాన్ఫరెన్స్‌లో ఆధునాతన సర్జికల్‌ రెటీ నా విధానాలు, శస్త్ర చికిత్సలపై ప్రధానంగా దృష్టి సాధించి, వ్యవహరించే తీరుపై ఆయన తర్ఫీదు పొందారు. కమ్మర్‌పల్లి: నిజామాబాద్‌ జిల్లా కమ్మర్‌పల్లి మండల కేంద్రంలోని గ్రీన్‌ఫీల్డ్‌ మినీ స్టేడియంలో 11వ తెలంగాణ రాష్ట్ర సబ్‌ జూనియర్‌ సాఫ్ట్‌బాల్‌ బాలికల టోర్నీ పోటీలు హోరా హోరీగా జరిగాయి. ఆదివారం జరిగిన ఫైనల్‌ మ్యాచ్‌లో నిజామాబాద్‌, మహబూబ్‌నగర్‌ జట్లు తలపడగా.. 09–03 తేడాతో నిజామాబాద్‌ జట్టు ఘన విజయం సాధించి చాంపియన్‌గా నిలిచింది. మూడోస్థానం కోసం జరిగి న మ్యాచ్‌లో వరంగల్‌ జట్టు నల్లగొండ జట్టుపై 5–0 తేడాతో విజయం సాధించింది. పోటీలలో ప్రతిభ చూపినవారిని రాష్ట్ర జట్టుకు ఎంపిక చేశారు. వారి కమ్మర్‌పల్లి మినీ స్టేడియంలో ఐదురోజులపాటు శిక్షణ ఇవ్వనున్నారు. గోవిందరావుపేట: మండల పరిధిలోని లక్నవరంలో పర్యాటకుల సందడి నెలకొంది. ఆదివారం సెలవు దినం కావడంతో వివిధ ప్రాంతాల నుంచి తరలివచ్చిన సందర్శకులు సరస్సు అందాలను వీక్షించారు. అనంతరం బోటు షికారుతో పాటు జిప్‌ లైన్‌పై సైక్లింగ్‌ చేస్తూ ఉత్సాహంగా గడిపారు.

హసన్‌పర్తి: హసన్‌పర్తి మండలం భీమారం శివారులో స్పోర్ట్స్‌ స్కూల్‌ కోసం భూమిని గుర్తించారు. ఇప్పటికే ఈ భూమి సర్వే నిర్వహించి నివేదికను ప్రభుత్వానికి అందించారు. ఆమోదం వచ్చాక పనులు చేపట్టనున్నారు. ఏడాది క్రితం వరంగల్‌కు స్పోర్ట్స్‌ స్కూల్‌తోపాటు అంతర్జాతీయ ప్రమాణాలతో కూడిన క్రీడా మైదానాన్ని ప్రభుత్వం మంజూరు చేసింది. అయితే స్టేషన్‌ ఘన్‌పూర్‌ నియోజకవర్గంలోని ఉనికిచర్లలో (జాతీయ రహదారికి పక్కనే) భూమిని అధికారులు గుర్తించారు. స్టేషన్‌ ఘన్‌పురం ఎమ్మెల్యే కడియం శ్రీహరి మాత్రం తన నియోజకవర్గంలోనే స్పోర్ట్స్‌ స్కూల్‌ నిర్మించాలని పట్టుబట్టారు. ఉనికిచర్లలోని సర్వే నంబర్‌ 325లో సుమారు 30 ఎకరాల భూమిని స్పోర్ట్స్‌ స్కూల్‌, స్డేడియానికి సేకరించాలని అధికారులు నిర్ణయించారు. సేకరించే క్రమంలో అక్కడ భూమి వివాదంగా మారింది. దీంతో ఈ స్కూల్‌ను భీమారానికి షిఫ్ట్‌ చేశారు. భీమారంలోని సర్వే నంబర్‌ 70లో సుమారు 22 ఎకరాల భూమి అందుబాటులో ఉన్నట్లు అధికారులు సర్వే నిర్వహించి ప్రభుత్వానికి అందించారు. కలెక్టర్‌ పరిశీలన కాగా, స్పోర్ట్స్‌ కోసం భీమారం శివారులో అందుబాటులో ఉన్న ప్రభుత్వ భూమిని ఇటీవల హనుమకొండ కలెక్టర్‌ చాహత్‌ బాజ్‌పాయ్‌ పరిశీలించారు. సుమారు 35 ఎకరాల విస్తీర్ణం కలిగి ఉన్న ఈభుమిలో కస్తూర్బా గాంధీ విద్యాలయం, ఎస్టీ మహిళా హాస్టల్‌తో పాటు చేపల ఉత్పిత్తి కేంద్రం ఉన్నట్లు కలెక్టర్‌కు వివరించారు. ప్రభుత్వం 22 ఎకరాల అందుబాటులో ఉన్నట్లు చెప్పారు. ఇటు 563 జాతీయ రహదారి, అటూ 163 జాతీయ రహదారికి అనుకుని ఈ ప్రతిపాదిత స్థలం ఉన్నట్లు కలెక్టర్‌కు తెలిపారు. నిధులు మంజూరు.. స్పోర్ట్స్‌ స్కూల్‌ నిర్మాణానికి రూ.150 కోట్లు మంజూరు చేసింది. పనులు ప్రారంభం కాకపోవడం వల్ల స్పోర్ట్స్‌ స్కూల్‌ తరగతులు జవహర్‌లాల్‌ నెహ్రూ స్డేడియం భవనంలో తాత్కాలికంగా ప్రారంభించారు. స్పోర్ట్స్‌ స్కూల్‌ తరలింపు 22 ఎకరాల భూమి గుర్తింపు రూ.150 కోట్లు మంజూరు

హసన్‌పర్తి: ఎస్సై, కానిస్టేబుల్‌ ఉద్యోగార్థుల కోసం ఆదివారం నిర్వహించిన స్క్రీనింగ్‌ టెస్ట్‌కు మిశ్రమ స్పందన లభించింది. వరంగల్‌ కమిషనరేట్‌ పరిధి సీకేఎం కళాశాల, హనుమకొండలోని ఎస్‌వీఎస్‌ కళాశాల, జనగామలోని సీజేఐటీ ఇంజనీరింగ్‌ కళాశాల(యశ్వంతపురం రోడ్‌), పరకాలోని ప్రభుత్వ జూనియర్‌ కళాశాల, నర్సంపేటలోని బిట్స్‌ ఇంజనీరింగ్‌ కళాశాలల్లో పరీక్ష కేంద్రాలు ఏర్పాటు చేశారు. ఆన్‌లైన్‌ ద్వారా అభ్యర్థులు స్క్రీనింగ్‌ టెస్ట్‌ కోసం పేర్లు నమోదు చేసుకున్నారు. మొత్తం 1,966 మంది పేర్లు నమోదు చేసుకుంటే 975 మంది మాత్రమే పరీక్షకు (54.7 శాతం) హాజరయ్యారు. కాగా, పరీక్ష కేంద్రాలను పోలీస్‌ కమిషనర్‌ శ్వేతతో పాటు డీసీపీలు పరీక్ష నిర్వహణ తీరును పర్యవేక్షించారు. కోటను సందర్శించిన సీపీ ఖిలా వరంగల్‌: ఖిలా వరంగల్‌ కోటను ఆదివారం వరంగల్‌ పోలీస్‌ కమిషనర్‌ శ్వేత తన కుటుంబ సభ్యులతో సందర్శించారు. ఈసందర్భంగా నాలుగు కీర్తితోరణాల్లోని అద్భుతమైన శిల్పకళా సంపదను ఆసక్తిగా తిలకించారు. ఆతర్వాత ఖుష్‌మాహల్‌, రాతి, మట్టికోట, ఏకశిలగుట్ట అందాలు వీక్షించారు. కాకతీయుల చరిత్ర, విశిష్టతను గైడ్‌ దేనబోయిన రవియాదవ్‌ సీపీ శ్వేతకు వివరించారు. చరిత్రను కాపాడుకునే బాధ్యత మనపై ఉందని సీపీ శ్వేత పేర్కొన్నారు. కార్యక్రమంలో కో–ఆర్డినేటర్‌ శ్రీకాంత్‌, టీజీ టీడీసీ ఇన్‌చార్జ్‌ అజయ్‌ పాల్గొన్నారు.

హన్మకొండ: డిజిటల్‌ విద్యుత్‌ బిల్లుల చెల్లింపునకు ఆదరణ పెరుగుతోంది. హనుమకొండ జిల్లాలో ప్రతి ఏటా 10 శాతం వృద్ధి సాధిస్తోంది. విద్యుత్‌ వినియోగదారులు బిల్లులను సులభంగా, వేగంగా, ఎలాంటి వ్యయప్రయాసలు లేకుండా చెల్లించేందుకు తెలంగాణ ఉత్తర విద్యుత్‌ పంపిణీ సంస్థ లిమిటెడ్‌ (టీజీ ఎన్పీడీసీఎల్‌) డిజిటల్‌ చెల్లింపు విధానాలను విస్తృతంగా అందుబాటులోకి తీసుకువచ్చింది. సాంకేతిక పరిజ్ఞానం అందుబాటులోకి రావడంతో వినియోగదారులు ఇంటి వద్ద నుంచే తమ విద్యుత్‌ బిల్లులను చెల్లించే సౌకర్యాన్ని విస్తృతంగా వినియోగించుకుంటున్నారు. డిజిటల్‌ సౌకర్యం రాకముందు వినియోగదారులు బిల్‌ కౌంటర్ల వద్దకు చేరుకుని వరుసలో నిలబడి బిల్లులు చెల్లించే వారు. ప్రస్తుతం ఆ ఇబ్బందులు తప్పాయి. అందుబాటులో యాప్‌లు.. ప్రస్తుత సాంకేతిక యుగంలో డిజిటల్‌ చెల్లింపులు ప్రజల దైనందిన జీవితంలో భాగంగా మారాయి. విద్యుత్‌ బిల్లుల చెల్లింపుల కోసం గూగుల్‌ పే, ఫోన్‌పే, పేటీఎం, భీమ్‌ తదితర డిజిటల్‌ చెల్లింపు యాప్‌లతోపాటు టీజీ ఎన్పీడీసీఎల్‌ యాప్‌ అందుబాటులో ఉన్నాయి. ఫోన్లలోని ఈ యాప్‌ల ద్వారా వినియోగదారులు విద్యుత్‌ బిల్లును సులభంగా చెల్లిస్తున్నారు. భారత్‌ బిల్‌ పేమెంట్‌ సిస్టమ్‌ పరిధిలోని వివిధ బ్యాంకింగ్‌ యాప్‌ల ద్వారా కూడా విద్యుత్‌ బిల్లులు చెల్లించే సౌకర్యం అందుబాటులోకి వచ్చింది. దీంతో వినియోగదారులు తమకు అనుకూలమైన డిజిటల్‌ ప్లాట్‌ఫామ్‌ను ఎంచుకుని బిల్లులను సులభంగా చెల్లించవచ్చని విద్యుత్‌ అధికారులు తెలిపారు. టీజీఎన్పీడీసీఎల్‌ యాప్‌ ద్వారా.. వినియోగదారులు తమ ఆండ్రాయిడ్‌ మొబైల్‌ ఫోన్‌లోని గూగుల్‌ ప్లే స్టోర్‌ నుంచి టీజీ ఎన్పీడీసీఎల్‌ యాప్‌ను డౌన్‌ లోడ్‌ చేసుకుని, విద్యుత్‌ బిల్లుకు సంబంధించిన యూఎస్‌సీ నంబర్‌ను నమోదు చేయాలి. తద్వారా ప్రతి నెలనెలా విద్యుత్‌ బిల్లును సులభంగా చెల్లించడంతో పాటు బిల్లు వివరాలను తెలుసుకునే అవకాశం ఉంది. డిజిటల్‌ విధానంలో బిల్లులు చెల్లించడం వల్ల ప్రతి నెలా చెల్లించాల్సిన మొత్తం, బిల్లు వివరాలపై ముందస్తు సమాచారం పొందొచ్చు. సౌకర్యంగా చెల్లింపులు.. హనుమకొండ సర్కిల్‌లో 2024–2025 ఆర్థిక సంవత్సరంలో 20,06,649 మంది వినియోగదారులు ఆన్‌లైన్‌ ద్వారా విద్యుత్‌ బిల్లులు చెల్లించగా, 2025–2026 ఆర్థిక సంవత్సరంలో ఈ సంఖ్య 21,13,263 మందికి పెరిగింది. హనుమకొండ జిల్లాలో ఎల్‌టీ, హెచ్‌టీ కలుపుకుని మొత్తం విద్యుత్‌ సర్వీస్‌లు 5,00,623 ఉన్నాయి. ఇందులో గృహ విద్యుత్‌ వినియోగదారులు 3,70,724 మంది, వాణిజ్య వినియోగదారులు 49,280 మంది, పరిశ్రమలు 2,152, కుటీర పరిశ్రమలు 500, వ్యవసాయ సర్వీస్‌లు 69,335 ఉన్నాయి.డిజిటల్‌ విద్యుత్‌ బిల్లుల చెల్లింపులకు ఆదరణ హనుమకొండ జిల్లాలో 2024–2025లో 20,06,649 మంది చెల్లింపు 2025–26 ఆర్థిక సంవత్సరంలో 21,13,263 మందికి పెరుగుదలడిజిటల్‌ చెల్లింపులకు పెరుగుతున్న ఆదరణ.. విద్యుత్‌ బిల్లుల డిజిటల్‌ చెల్లింపులకు రోజురోజుకు ఆదరణ పెరుగుతోంది. ఇంటి వద్ద నుంచి క్షణాల్లో బిల్లులు చెల్లించే సౌకర్యం అందుబాటులోకి వచ్చింది. వినియోగదారులందరు అందుబాటులో ఉన్న డిజిటల్‌ చెల్లింపు సౌకర్యాలను సద్వినియోగం చేసుకుని సురక్షితంగా, సులభంగా, సకాలంలో బిల్లులు చెల్లించాలి. – బి.సామ్యానాయక్‌, ఎస్‌ఈ, టీజీఎన్పీడీసీఎల్‌ హనుమకొండ

వానాకాలంపై వరుణుడి చిన్నచూపుసాక్షి ప్రతినిధి, వరంగల్‌: వరుణుడు ముఖం చాటేసినా.. రైతు మాత్రం సాగును వీడలేదు. చినుకు కోసం ఆకాశం వైపు చూస్తూనే.. పంటను కాపాడుకునేందుకు చెమటోడుస్తున్నాడు. వర్షాభావం, కరెంట్‌ కోతలు వెంటాడుతున్నా పంటలు పండుతాయనే ధీమాతో ఉన్నాడు. ప్రతికూల పరిస్థితుల్లో రైతులను కదిలిస్తే చాలు కన్నీళ్లే వస్తున్నాయి. ఉమ్మడి వరంగల్‌లో ఈ వానాకాలం పరిస్థితి దారుణంగా మారింది. వ్యవసాయశాఖ తాజా గణాంకాలు సాగు పరిస్థితి, రైతు పట్టుదలకు అద్దం పడుతోంది. ఆరు జిల్లాల్లో సాధారణ సాగు విస్తీర్ణం 15.93 లక్షల ఎకరాలు కాగా.. గురువారం నాటికి 14.34 లక్షల ఎకరాల్లో పంటలు సాగయ్యాయి. అంటే దాదాపు 90 శాతం సాగు పూర్తయింది. ఇదే సమయంలో సాధారణంగా కురవాల్సిన 4,763.6 మిల్లీమీటర్ల వర్షపాతానికి 3,516.9 మిల్లీమీటర్లు మాత్రమే నమోదైంది. మొత్తంగా 26.2 శాతం లోటు వర్షపాతం నెలకొంది. పత్తి వైపే రైతు మొగ్గు జయశంకర్‌ భూపాలపల్లి జిల్లాలో సాధారణ సాగు విస్తీర్ణాన్ని మించి 102 శాతం సాగు నమోదవడం గమనార్హం. ములుగు జిల్లాలో మాత్రం 80 శాతంతో అత్యల్ప సాగు నమోదైంది. వర్షాభావ ప్రభావం వరి సాగుపై స్పష్టంగా కనిపిస్తోంది. ఆరు జిల్లాల్లో వరి సాధారణ సాగు విస్తీర్ణం 9,21,445 ఎకరాలు కాగా.. ఇప్పటివరకు 6,77,538 (73.5 శాతం) ఎకరాల్లోనే సాగైంది. నీటి లభ్యతపై అనిశ్చితి, వర్షాల కొరత కారణంగా వరి సాగు సాధారణ లక్ష్యానికి ఇంకా దూరంగానే ఉంది. నీటి పరిస్థితిని బట్టి రైతులు నిర్ణయాలు తీసుకుంటున్నారు. మరోవైపు పత్తి సాగు మాత్రం సాధారణ లక్ష్యాన్ని దాటింది. ఉమ్మడి వరంగల్‌లో పత్తి సాధారణ సాగు విస్తీర్ణం 5,54,387 ఎకరాలు కాగా.. 5,62,162 (101.4శాతం) ఎకరాల్లో సాగైంది. పప్పుధాన్యాల సాధారణ సాగు విస్తీర్ణం 10,18,774 ఎకరాలు కాగా.. ఇప్పటివరకు 8,48,193 (83.3 శాతం) ఎకరాల్లో సాగు నమోదైంది. చినుకు కోసం ఎదురుచూపు.. వర్షాలు ఆశించిన స్థాయిలో లేకపోవడంతో రైతులు వర్షం కోసం ఎదురుచూస్తున్నారు. బోర్లు, బావులు, ఇతర నీటి వనరుల సాయంతో పంటలను కాపాడుకునేందుకు ప్రయత్నిస్తున్నారు. వర్షాభావం అధికంగా ఉన్న హనుమకొండ, వరంగల్‌ జిల్లాల్లో పరిస్థితి మరింత ఆందోళనకరంగా ఉంది. హనుమకొండలో సాధారణ వర్షపాతం 730.1 మిల్లీమీటర్లు కాగా 422.9 మిల్లీమీటర్లు మాత్రమే నమోదై 42.1 శాతం లోటు ఏర్పడింది. వరంగల్‌లో సాధారణ వర్షపాతం 773.6 మిల్లీమీటర్లు కాగా 484 మిల్లీమీటర్లు నమోదై 37.4 శాతం లోటు కనిపించింది. వర్షాభావ ప్రభావం భూగర్భజలాలపైనా కనిపిస్తోంది. ఈ నెల మొదటి పక్షం నాటికి జిల్లాలవారీగా భూగర్భజల మట్టం ఇలా నమోదైంది.. జయశంకర్‌ భూపాలపల్లి జిల్లాలో 10.22 మీటర్ల లోతు కాగా, జనగామలో 9.50 మీటర్లు, హనుమకొండలో 6.83 మీటర్లుగా నమోదైంది. అలాగే, వరంగల్‌లో 6.28 మీటర్లు, ములుగులో 5.13 మీటర్లు, మహబూబాబాద్‌ జిల్లాలో 4.70 మీటర్లుగా భూగర్భ జలమట్టం ఉంది. ఒకవైపు 26.2 శాతం వర్షాభావం.. మరోవైపు 90 శాతానికి చేరిన సాగు. వరి సాగు లక్ష్యానికి ఇంకా దూరంగా ఉన్నా.. పత్తి మాత్రం సాధారణ విస్తీర్ణాన్ని దాటింది. 3,71,3181,29,8243,59,2811,04,4853,34,4793,26,5482,81,9432,38,9642,39,6722,11,6702,14,9732,13,435మహబూబాబాద్‌భూపాలపల్లిహనుమకొండజనగామములుగువరంగల్‌సాధారణ సాగు ఇప్పటివరకు సాగు వర్షాభావం, కరెంట్‌ కోతలతో రైతులు సతమతం ఆరు జిల్లాల్లో 26.2 శాతం వర్షాభావం 14.34 లక్షల ఎకరాల్లో పంటలు ఉమ్మడి వరంగల్‌లో 90 శాతం సాగుఆరు జిల్లాల్లో సాగు లెక్కలు (ఎకరాల్లో)

విద్యారణ్యపురి: ప్రభుత్వం ఇచ్చిన హామీ మేరకు పీఆర్సీ అమలు చేయాలని డీటీఎఫ్‌ రాష్ట్ర ప్రధాన కార్యదర్శి టి.లింగారెడ్డి డిమాండ్‌ చేశారు. ఆదివారం హనుమకొండలోని డీటీఎఫ్‌ జిల్లా కార్యాలయంలో నిర్వహించిన జిల్లాస్థాయి సమావేశంలో ఆయన మాట్లాడారు. డీటీఎఫ్‌ రాష్ట్ర కార్యదర్శి అటుకుల శ్రీనివాస్‌రెడ్డి, అధ్యాపక జ్వాల సంపాదకుడు డాక్టర్‌ ఎం గంగాధర్‌, జిల్లా అధ్యక్షుడు జి.ఉప్పలయ్య, జిల్లా ప్రధాన కార్యదర్శి కె.శ్రీనివాస్‌, జిల్లా కమిటీ బాధ్యులు గోవర్ధన్‌, అల్లం మల్లయ్య, ఎస్‌.సుమ, ఎం.హర్షవర్ధన్‌రెడ్డి, చిన్నేశ్వరరావు పాల్గొన్నారు.

కాజీపేట అర్బన్‌: నిట్‌ వరంగల్‌లోని అంబేడ్కర్‌ లెర్నింగ్‌ సెంటర్‌ ఆడిటోరియంలో ఆదివారం నిట్‌ 24వ స్నాతకోత్సవ సంబురం అట్టహాసంగా ముగిసింది. పీజీ పట్టాలందుకున్న విద్యార్థులు ఆకాశమే హద్దుగా ఆనందోత్సాహంతో మెడలోని కండువాలు ఎగురవేశారు. పీజీ, పీహెచ్‌డీ పూర్తి చేసుకున్న 1,067 మంది విద్యార్థులు ఆదివారం డిగ్రీ పట్టాలను బోర్డ్‌ ఆఫ్‌ గవర్నర్‌, సియాంట్‌ వ్యవస్థాపకుడు డాక్టర్‌ బీవీఆర్‌ మోహన్‌రెడ్డి చేతుల మీదుగా అందుకున్నారు. తొలిరోజు శనివారం టెక్సాస్‌ ఇన్‌స్ట్రుమెంట్స్‌ ఇండియా మేనేజింగ్‌ డైరెక్టర్‌ సంతోశ్‌కుమార్‌ చేతుల మీదుగా 945 మంది యూజీ విద్యార్థులు అందుకున్నారు. రెండు రోజుల స్నాతకోత్సవంలో మొత్తం 1,997 మంది డిగ్రీ పట్టాలు అందుకున్నారు. నిట్‌ విద్యార్థులు ప్రత్యేకం నిట్‌ విద్యార్థులు ప్రత్యేకంగా నిలవాలని, పీజీ పూర్తి చేసుకున్న వారి కోసం దేశం ఎదురుచూస్తోందని నిట్‌ బోర్డ్‌ ఆఫ్‌ గవర్నర్‌, సియాంట్‌ వ్యవస్థాపకుడు డాక్టర్‌ బీవీఆర్‌.మోహన్‌రెడ్డి తెలిపారు. నూతన ఆవిష్కరణలకు నాంది పలుకుతూ పరిశ్రమల్లో అనుభవాన్ని సాధించి, స్వయంగా పరిశ్రమలను ఏర్పాటు చేసి తోటి విద్యార్థులకు ఉద్యోగావకాశాలు కల్పించే స్థాయికి ఎదగాలని సూచించారు. బాధ్యత నిర్వర్తించే సమయమిది.. పట్టాలు అందుకున్న విద్యార్థులు తమ తల్లిదండ్రులు కన్నకలలను నెరవేర్చే సమయం ఆసన్నమైందని నిట్‌ డైరెక్టర్‌ బిద్యాధర్‌ సుబుదీ అన్నారు. నిట్‌లోని అత్యాధునిక బోధన, సౌకర్యాలు వినియోగించుకుని పట్టాలు అందుకున్న పీజీ విద్యార్థులు తాము నిట్‌ జెన్‌ జీ అని దేశం చెప్పుకునేలా ఆవిష్కరణలు చేపట్టాలన్నారు. ముగిసిన నిట్‌ 24వ కాన్వొకేషన్‌ పట్టాలు అందుకున్న 1,067 మంది పీజీ విద్యార్థులు డిగ్రీ పట్టాలందించిన నిట్‌ బోర్డ్‌ ఆఫ్‌ గవర్నర్‌ బీవీఆర్‌ మోహన్‌రెడ్డి డైరెక్టర్‌ గోల్డ్‌ మెడల్‌ సాధించిన ఆడెపు అంజలి, జలుమేడి భరణి ఉత్తమ పీహెచ్‌డీ థీసిస్‌, ఉత్తమ ఎంటెక్‌ డిసర్టేషన్‌ గోల్డ్‌ మెడల్స్‌ ప్రదానం

సోమవారం శ్రీ 21 శ్రీ సెప్టెంబర్‌ శ్రీ 2026‘గ్రేటర్‌’లో వ్యాపార సైన్‌ బోర్డుల సొమ్ము పక్కదారివరంగల్‌ అర్బన్‌: విద్య, వ్యాపార, వాణిజ్య కేంద్రంగా వెలుగొందుతున్న వరంగల్‌ మహా నగరంలో ప్రచార ప్రకటనలు హోరెత్తుతున్నాయి. భవన అంతస్తుల మేరకు వ్యాపార ప్రకటనలు నిలువెల్లా వెలుస్తున్నాయి. కానీ, బల్దియాకు ఆదాయం మాత్రం సున్నా. ప్రచార బోర్డులకు ఎలాంటి అనుమతులు తీసుకోకుండానే ఇష్టారాజ్యంగా ఏర్పాటు చేసినా బల్దియా టౌన్‌ప్లానింగ్‌ అధికారులు నిమ్మకు నీరెత్తిన్నట్లు వ్యవహరిస్తున్నారన్న విమర్శలు వినిపిస్తున్నాయి. ప్లానింగ్‌ విభాగం అధికారులు, సిబ్బంది ఏడాదికోసారి ప్రకటనల పేరుతో వసూళ్లను మరిచి మామూళ్ల మత్తులో జోగుతున్నారనే ఆరోపణలు వెల్లువెత్తుతున్నాయి. నగరంలో సుమారు 35 వేలకు పై చిలుకు వ్యాపార సంస్థల సైన్‌ బోర్డులున్నట్లు అంచనా. వీటి ద్వారా బల్దియాకు ప్రతీ ఏడాది రూ.3 కోట్లకుపైగా ఆదాయం సమకూరాల్సి ఉంది. కానీ, పదేళ్లుగా ఒక్క రూపాయి రావడం లేదు. ప్రతీ ప్రచార బోర్డుకు అనుమతి, పన్ను కట్టాలి.. బల్దియాకు వివిధ పద్దుల కింద వచ్చే ఆదాయాల్లో ప్రకటనలది ఒకటి. రాష్ట్రంలో హైదరాబాద్‌ తర్వాత రెండో పెద్ద నగరంగా వరంగల్‌కు గుర్తింపు ఉంది. వ్యాపార, వాణిజ్య పరంగా అభివృద్ధి బాట పడుతోంది. వాణిజ్య హోర్డింగులు, వ్యాపార, వాణిజ్య దుకాణాలు(గ్లో సైన్‌ బోర్డులు) ముందు పెట్టుకున్న బోర్డులనుంచి ప్రకటనలు భారీగా వెలుస్తున్నాయి. జీడబ్ల్యూఎంసీ నిబంధనల ప్రకారం దుకాణాల నేమ్‌ బోర్డు స్క్వేర్‌ మీటర్‌ ఆధారంగా లెక్కించి నిర్దేశించిన సొమ్మును ప్రతీ ఏడాది చెల్లించాలి. కానీ, అనుమతి తీసుకోకపోవడంతోపాటు పన్నులు చెల్లించడం లేదు. వ్యాపార సంస్థలపై వల్లమాలిన ప్రేమ నగరంలోని వ్యాపార, వాణిజ్య వర్గాల దుకాణాలముందు పెట్టుకున్న బోర్డులనుంచి ప్రకటనల పన్నులను వసూలు చేసేందుకు టెండర్‌ నిర్వహించి, ప్రైవేట్‌ సంస్థకు అప్పగించాల్సి ఉంటుంది. 2012–13 ఏట పన్నుల రూపంలో రూ.50 లక్షల వరకు ఆదాయం వచ్చింది. 2013–14 నుంచి టెండర్లు పిలవకుండా టౌన్‌ప్లానింగ్‌ అధికారులు, సిబ్బంది వసూలు చేస్తున్నారు. 2013–14లో గ్లో సైన్‌ బోర్డుల ద్వారా రూ.13.30 లక్షలు వసూలు చేశారు. 2014–15లో రూ. 52.39 లక్షలు, 2015–16లో రూ.9.54 లక్షలు, 2016–17లో రూ.4.57 లక్షలు వసూలు చేశారు. కానీ, గత పదేళ్లుగా డబ్బులు వసూలు చేయడం లేదు. రూ.20 కోట్ల ఆదాయానికి గండి.. గత పదేళ్లుగా ప్రకటనల బోర్డు ఆదాయాన్ని విస్మరించడంపై బల్దియాకు సుమారు రూ.20 కోట్ల మేర ఆదాయం నష్టపోవాల్సి వచ్చింది. ఆస్తి పన్ను చెల్లించకపోతే పేద, మధ్య తరగతి వర్గాల ప్రజల తలుపులు, కిటికీలు, టీవీలు, ఫర్నిచర్‌ జప్తు చేస్తూ పరువు తీస్తారు. కానీ, వ్యాపార నిర్వాహకుల నుంచి గ్లో సైన్‌ బోర్డుల ప్రకటనల పన్నులు వసూలు చేయకపోవడంపై తీవ్ర విమర్శలు వ్యక్తమవుతున్నాయి. ప్రస్తుతం పెరిగిన వ్యాపార వాణిజ్య సంస్థల వల్ల ఏడాదికి సుమారు రూ.3 కోట్లకు పైగా ఆదాయం రాకుండా పోతున్నట్లు అంచనా. వరంగల్‌ జేపీఎన్‌ రోడ్డులో దుకాణాలకు ఏర్పాటు చేసిన నేమ్‌ బోర్డులు పదేళ్లుగా వసూలు చేయని టౌన్‌ప్లానింగ్‌ విభాగం బల్దియా ఆదాయానికి భారీగా గండి ప్రభుత్వ నిబంధనలు లెక్క చేయకపోవడంపై విమర్శలుదుకాణాల ఎదుట పెట్టుకున్న ప్రకటనల పన్నులను వసూలు చేసేందుకు గ్రేటర్‌ టౌన్‌ ప్లానింగ్‌లో ప్రత్యేకంగా విభాగం లేదు. బిల్డింగ్‌ ఇన్‌స్పెక్టర్లు, చైన్‌మెన్లకు వసూళ్ల బాధ్యతలు కట్టబెట్టారు. సర్కిళ్ల వారీగా లక్ష్యాలను నిర్దేశించుకొని వసూలు చేయాల్సి ఉంది. కానీ, వ్యాపార, వాణిజ్య దుకాణాల వద్దకు ప్రకటనల పన్నుల కోసం వెళ్తున్న వీరు బేరసారాలకు దిగుతున్నట్లు తెలుస్తోంది. యజమానులనుంచి ఎంతోకొంత తీసుకుంటున్నట్లు సమాచారం. ఈ విషయం టౌన్‌ ప్లానింగ్‌ అధికారులకు తెలిసినా పట్టించుకోనట్లు వ్యవహరిస్తున్నారు. ఈ విషయాన్ని ఇప్పటికైనా గ్రేటర్‌ టౌన్‌ ప్లానింగ్‌ అధికార యంత్రాంగం సీరియస్‌గా తీసుకోవాల్సిన అవసరం ఉందన్న అభిప్రాయం వ్యక్తమవుతోంది. ప్రకటన పన్నుల వసూళ్లపై బల్దియా ఇన్‌చార్జ్‌ సిటీ ప్లానర్‌ రవీందర్‌ రాడేకర్‌ను వివరణ కోరగా.. ఆయన కార్యాలయంలో అందుబాటులో లేరు. ఫోన్‌ చేయగా మొబైల్‌ స్విచ్‌ ఆఫ్‌ అని వచ్చింది.

మరిపెడ/మరిపెడ రూరల్‌: ప్రజలకు న్యాయవస్థను మరింత చేరువ చేయడంతోపాటు పెండింగ్‌ కేసులు పరిష్కారంలో వేగం పెంచడమే లక్ష్యంగా పనిచేయాలని తెలంగాణ హైకోర్టు న్యాయమూర్తి, మహబూబాబాద్‌ జిల్లా పరిపాలన న్యాయమూర్తి జస్టిస్‌ ఈ.వి.వేణుగోపాల్‌ అన్నారు. బార్‌, బెంచ్‌ మధ్య సమన్వయం బలోపేతం అయిప్పుడే కక్షిదారులకు సత్వర న్యాయం అందుతుందని పేర్కొన్నారు. శనివారం మహబూబాబాద్‌ జిల్లా మరిపెడ మండల కేంద్రంలో నూతన జూనియర్‌ సివిల్‌ జడ్జి–కమ్‌ జ్యుడీషియల్‌ మేజిస్ట్రేట్‌ ఆఫ్‌ ఫస్ట్‌ క్లాస్‌ కోర్టు భవనాన్ని జస్టిస్‌ ఈ.వి. వేణుగోపాల్‌, జస్టిస్‌ ఎన్‌. రాజేశ్వర్‌రావు, జస్టిస్‌ బి.ఆర్‌.మధుసూదన్‌రావు ప్రారంభించారు. ఈ సందర్భంగా జస్టిస్‌ ఈ.వి.వేణుగోపాల్‌ మాట్లాడుతూ న్యాయవాదులు కేవలం కక్షిదారుల తరఫున వాదించేవారే కాకుండా ‘ఆఫీసర్‌ ఆఫ్‌ ది కోర్టు’గా వ్యవహరించాల్సిన బాధ్యత ఉందన్నారు. నూతనంగా ఏర్పాటు చేసిన మరిపెడ కోర్టు పరిధిలో ప్రస్తుతం 1,903 కేసులు ఉన్నాయని, మరోమారు తాము కోర్టును సందర్శించే సమయానికి కనీసం 1,000 కేసులు పరిష్కరించేలా పని చేయాలన్నారు. భారత రాజ్యాంగం ప్రతీ పౌరుడికి కల్పించిన ప్రాథమిక హక్కులు, న్యాయ రక్షణలు సమానంగా అందేలా చూడడం న్యాయవ్యవస్థ బాధ్యతని పేర్కొన్నారు. సామాజిక స్పృహతో వ్యవహరించాలి.. నేటి కార్పొరేట్‌ కల్చర్‌ యుగంలో న్యాయవాదులు సామాజిక స్పృహ కలిగి కక్షిదారులకు న్యాయం చేయని హైకోర్టు న్యాయమూర్తి జస్టిస్‌ నామవరపు రాజేశ్వరావు అన్నారు. దేశంలో రోజురోజుకూ కక్షిదారులు పెరిగి పోతున్నారని, నేటికి దేశ వ్యాప్తంగా 5.3 కోట్ల కేసులు కోర్టులో పెండింగ్‌లో ఉన్నాయన్నారు. వీటి సత్వర పరిష్కారానికి మధ్యవర్తిత్వం అత్యంత ఆవశ్యకమన్నారు. మహబూబాబాద్‌ జిల్లాలోని తన స్వగ్రామం సూదనపల్లి వాసిగా మరిపెడతో తనకు ప్రత్యేక అనుబంధం ఉందని, స్వగ్రామ ప్రాంతంలో న్యాయస్థానం ఏర్పాటవడం తనకు చాలా ఆనందంగా ఉందన్నారు. మరిపెడకు తగ్గిన దూరభారం.. మరిపెడ ప్రజలు కోర్టు పేషీల కోసం 45 కిలో మీటర్లు ప్రమాణం, సమయం, ఖర్చు చేసి సుదూర ప్రాంతాలకు వెళ్లాల్సి వచ్చేదని, జస్టిస్‌ వేణుగోపాల్‌ ఆధ్వర్యంలో మరిపెడలో కోర్టు ఏర్పాటు చేయడంతో ఈ ప్రాంత వాసులకు సత్వర సేవలు అందుతాయని హైకోర్టు న్యాయమూర్తి జస్టిస్‌ బి.ఆర్‌. మధుసూదన్‌రావు అన్నారు. ఈ కోర్టు పరిధిలో మరిపెడ, చిన్నగూడూరు, నర్సింహులపేట, సీరోలు మండలాలకు సంబంధించి నాలుగు పోలీస్‌ స్టేషన్లకు చెందిన 2,000 కేసులు జ్యుడీషియల్‌కు కేటాయిస్తారన్నారు. అంతకు ముందు ఆర్‌అండ్‌బీ గెస్ట్‌ హౌస్‌లో హైకోర్టు న్యాయమూర్తులకు ప్రభుత్వ విప్‌, డోర్నకల్‌ ఎమ్మెల్యే జాటోత్‌ రామచంద్రునాయక్‌, కలెక్టర్‌ స్నేహశబరీశ్‌ ఘనస్వాగతం పలికారు. కార్యక్రమంలో ప్రిన్సిపల్‌ అండ్‌ డిస్ట్రిక్ట్‌ అండ్‌ సెషన్స్‌ జడ్జి డి.కె.మురళీమోహన్‌, న్యాయమూర్తులు శాలిని షాకెల్లి, స్వాతిమురారి, కృష్ణతేజ్‌, ధీరజ్‌కుమార్‌, జీవన్‌కుమార్‌, మహతి వైష్ణవి, అఖిల్‌, దిలీప్‌కుమార్‌ నాయక్‌, సూర్యచంద్రకళ, కిరణ్‌లాల్‌, చండేశ్వరీదేవి, జోస్స్న, ఎస్పీ శబరీశ్‌, తొర్రూరు డీఎస్పీ కృష్ణకిశోర్‌, తదితరులు పాల్గొన్నారు. హైకోర్టు న్యాయమూర్తి జస్టిస్‌ ఈ.వి.వేణుగోపాల్‌ మరిపెడలో నూతన సివిల్‌ కోర్టు ప్రారంభం

హనుమకొండ కలెక్టర్‌ చాహత్‌ బాజ్‌పాయ్‌ హన్మకొండ అర్బన్‌: ఈనెల 27న ప్రపంచ పర్యాటక దినోత్సవం సందర్భంగా నిర్వహించే కార్యక్రమాలకు పటిష్ట కార్యాచరణ సిద్ధం చేయాలని హనుమకొండ కలెక్టర్‌ చాహత్‌ బాజ్‌పాయ్‌ అధికారులను ఆదేశించారు. శనివారం హనుమకొండ కలెక్టరేట్‌లో పర్యాటక, విద్యా, పురావస్తు, అటవీ తదితర శాఖల అధికారులతో ప్రపంచ పర్యాటక దినోత్సవ ఏర్పాట్లపై సమన్వయ సమావేశం నిర్వహించారు. ఈసందర్భంగా కలెక్టర్‌ మాట్లాడుతూ ఈనెల 24న ఉదయం 6 గంటలకు హనుమకొండ కలెక్టరేట్‌లో యోగా పోటీలతో ప్రారంభమై 27వ తేదీ వరకు ఉత్సవాలు నిర్వహించనున్నట్లు తెలిపారు. సమావేశంలో జిల్లా పర్యాటక శాఖ అధికారి శివాజీ, అదనపు కలెక్టర్‌ రవి, జిల్లా అటవీ శాఖ అధికారి ముకుందరెడ్డి, డీఈఓ గిరిరాజ్‌గౌడ్‌, హనుమకొండ ఏసీపీ నరసింహరావు, అడిషనల్‌ డీఆర్డీఏ వెంకటేశ్వర్లు, జీడబ్ల్యూఎంసీ సీఎంహెచ్‌ఓ రాజారెడ్డి, ఇరిగేషన్‌ ఈఈ మంగిలాల్‌, డీఐఈఓ గోపాల్‌, కేంద్ర పురావస్తు అధికారి అజిత్‌కుమార్‌, ఏఎస్‌ఎస్‌ అధికారి శ్రీనివాసరావు, అధికారులు పాల్గొన్నారు. పనులు త్వరగా పూర్తి చేయాలిఎంపీ ల్యాడ్స్‌ నిధులతో జిల్లాలో చేపట్టిన వివిధ అభివృద్ధి పనులు త్వరగా పూర్తి చేయాలని కలెక్టర్‌ చాహత్‌ బాజ్‌పాయ్‌ అధికారులను ఆదేశించారు. శనివారం కలెక్టరేట్‌లో ఎంపీ స్థానిక ప్రాంత అభివృద్ధి పథకం నిధులతో చేపట్టిన పనుల పురోగతిపై పంచాయతీరాజ్‌, ఆర్‌అండ్‌బీ, మిషన్‌ భగీరథ, టీజీఐడీసీ శాఖల అధికారులతో కలెక్టర్‌ సమీక్ష నిర్వహించారు. ఇందులో ముఖ్య ప్రణాళిక అధికారి సత్యనారాయణరెడ్డి, ఆర్‌అండ్‌బీ ఈఈ దేవిక చౌహాన్‌, మిషన్‌ భగీరథ ఇంట్రా ఈఈ గాయత్రి, పంచాయతీరాజ్‌ ఈఈ రాజగోపాల్‌రావు, డీఈలు శ్రీనివాసరావు, శిరీష, యుగంధర్‌, రామ్‌దేవ్‌, సాంకేతిక సలహాదారు నరేందర్‌రెడ్డి, టీజీఐడీసీ ఏఈ ఎండీ అజీజ్‌ఖాన్‌, పంచాయతీరాజ్‌ ఏఈలు, అధికారులున్నారు.

● జిల్లా ప్రధాన న్యాయమూర్తి ఎం.రామకృష్ణ సునీతహన్మకొండ అర్బన్‌: వినికిడి లోపం ఉన్న పిల్లలు, దివ్యాంగులకు అవసరమైన వైద్య సేవలు, న్యాయ సహాయం, సంక్షేమ పథకాలు అందేలా సంబంధిత శాఖలు సమన్వయంతో పనిచేయాలని హనుమకొండ జిల్లా ప్రధాన న్యాయమూర్తి, జిల్లా న్యాయసేవాధికార సంస్థ చైర్‌పర్సన్‌ ఎం.రామకృష్ణ సునీత అధికారులను ఆదేశించారు. ప్రపంచ బధిరుల దినోత్సవాన్ని పురస్కరించుకుని శనివారం హనుమకొండ జిల్లా న్యాయ సేవాధికార సంస్థ ఆధ్వర్యంలో మల్లికాంబ మనోవికాస కేంద్రంలో వినికిడి లోపం ఉన్న పిల్లలు, దివ్యాంగుల కోసం ప్రత్యేక ఈఎన్‌టీ వైద్య శిబిరం నిర్వహించారు. మల్లికాంబ మనోవికాస కేంద్రం పిల్లలు ప్రదర్శించిన నృత్యాలు ఆకట్టుకున్నాయి. కార్యక్రమానికి ముఖ్య అతిథిగా జిల్లా ప్రధాన న్యాయమూర్తి ఎం.రామకృష్ణ సునీత, ఈఎన్‌టీ వైద్య నిపుణుడు డాక్టర్‌ సుదీప్‌, ప్రిన్సిపల్‌ సీనియర్‌ సివిల్‌ జడ్జి జి.రామలింగం, జిల్లా న్యాయసేవాధికార సంస్థ కార్యదర్శి ఎన్‌.వెంకట హైమపూజిత, మల్లికాంబ మనోవికాస కేంద్రం వ్యవస్థాపకురాలు బి.రామలీల, డిప్యూటీ డీఎంహెచ్‌ఓ ఎం.ప్రదీప్‌, అదనపు జూనియర్‌ సివిల్‌ జడ్జిలు అనూష, శ్రీవల్లి శైలజ, మధులిక తేజ, జిల్లా సంక్షేమ అధికారి విశ్వజ, జిల్లా బాలల పరిరక్షణ అధికారి ఎస్‌.ప్రవీణ్‌కుమార్‌, ప్రొఫెసర్‌ పద్మ, బండ సదానందరావు, కొడం కల్యాణ్‌ తదితరులు పాల్గొన్నారు.

● ఆదివారంపేటలో ఘటన గూడూరు: విద్యుదాఘాతంతో ఓ రైతు మృతి చెందాడు. ఈ ఘటన శనివారం మహబూబాబాద్‌ జిల్లా గూడూరు మండలం సీతానగరం శివారు ఆదివారంపేటలో జరిగింది. పోలీసుల కథనం ప్రకారం.. గ్రామానికి చెందిన నూనావత్‌ వాల్యానాయక్‌ (60) తన ఇంటి వద్ద సంపుపై అమర్చిన విద్యుత్‌ మోటారు పై ఉన్న తాడు తీస్తున్నాడు. ఈ సమయంలో ప్రమాదవశాత్తు విద్యుత్‌ షాక్‌ తగిలి అక్కడికక్కడే మృతిచెందాడు. ఈ ఘటనపై మృతుడి పెద్ద కుమారుడు వెంకన్న ఫిర్యాదు మేరకు కేసు నమోదు చేసినట్లు సెకండ్‌ ఎస్సై యాదవరెడ్డి తెలిపారు.

వరంగల్‌ కలెక్టర్‌ సత్యశారద న్యూశాయంపేట: ఆరోగ్యశాఖతో సమన్వయం చేస్తూ టీబీపై ప్రజల్లో అవగాహన కల్పించాలని వరంగల్‌ కలెక్టర్‌ డాక్టర్‌ సత్యశారద ఆదేశించారు. కలెక్టరేట్‌లో టీబీ ముక్త్‌ అభియాన్‌ జిల్లాస్థాయి సమన్వయ కమిటీ సమావేశం శనివారం నిర్వహించారు. ఈసందర్భంగా కలెక్టర్‌ మాట్లాడుతూ.. జిల్లాలోని మండల ప్రత్యేకాధికారులు తమ పరి ధిలో టీబీ ముక్త్‌ అభియాన్‌ కమిటీలను ఏర్పాటు చేసి, నివారణ చర్యలు, తీసుకోవాల్సిన జాగ్రత్తలపై విస్తృత కార్యక్రమాలు నిర్వహించాలని సూచించారు. సమావేశంలో అదనపు కలెక్టర్‌ వైవీ గణేశ్‌, వైద్యారోగ్యశాఖాధికారి బి.రాజారెడ్డి, నర్సంపేట మెడికల్‌ కాలేజీ ప్రిన్సిపాల్‌, డాక్టర్‌ సంధ్యారాణి, ప్రభుత్వ జనరల్‌ ఆస్పత్రి సూపరింటెండెంట్‌ డాక్టర్‌ దామోదరబాయి, టీబీ ప్రోగ్రాం అధికారి డాక్టర్‌ అరుణ్‌జోషి, డీఆర్డీఓ నాగపద్మజ, జెడ్పీ సీఈఓ వసంత, ఎన్‌సీసీ కమాండర్‌ కెప్టెన్‌ సదానందం, ఎస్‌.కీర్తనమాల, మండల ప్రత్యేకాధికారులు, ఎన్‌సీసీ కేడెట్లు పాల్గొన్నారు. వర్షపు నీటిని ఒడిసి పట్టాలి.. ఎల్‌నినో ప్రభావం నేపథ్యంలో భూగర్భ జలాల పరిరక్షణ, వర్షపునీటిని ఒడిసి పట్టేలా చర్యలు తీసుకోవాలని వరంగల్‌ కలెక్టర్‌ సత్యశారద అధికారులను ఆదేశించారు. కలెక్టరేట్‌ కాన్ఫరెన్స్‌హాల్‌లో జిల్లా పంచాయతీ అభివృద్ధి ప్రణాళికపై శనివారం సమీక్ష సమావేశం నిర్వహించారు. ఈసందర్భంగా కలెక్టర్‌ మాట్లాడుతూ జలసిరి కార్యక్రమంలో భాగంగా ఇంకుడు గుంతలు, ఫాంపాండ్లు, వాటర్‌ హార్వెస్టింగ్‌ పనులు చేపట్టాలని సూచించారు. 39,855 మంది హియరింగ్‌ పూర్తి ప్రత్యేక సమగ్ర సవరణ (ఎస్‌ఐఆర్‌) ప్రక్రియలో భాగంగా వరంగల్‌ జిల్లాలో ఇప్పటి వరకు 1,94,395 మందికి నోటీసులు జారీ చేయగా 39,855 మంది హియరింగ్‌ పూర్తి చేసినట్లు కలెక్టర్‌ డాక్టర్‌ సత్యశారద తెలిపారు. నోటీసులపై నిర్ణీత మార్గదర్శకాల ప్రకారం పూర్తిచేసి తదుపరి ప్రక్రియ వేగవంతం చేయాలని అధికారులను ఆదేశించారు.

హసన్‌పర్తి: వినాయక నిమజ్జనాన్ని పురస్కరించుకుని గ్రేటర్‌ వరంగల్‌ నగరంలో ఆంక్షలు విధిస్తున్నట్లు పోలీస్‌ కమిషనర్‌ శ్వేత తెలిపారు. శుక్రవారం కమిషనరేట్‌లో నిర్వహించిన విలేకరుల సమావేశంలో ఆమె మాట్లాడుతూ ఈనెల 23వ తేదీ ఉదయం 10 గంటల నుంచి 25వ తేదీ సాయంత్రం 5 గంటల వరకు ఆంక్షలు అమల్లో ఉంటాయని పేర్కొన్నారు. వరంగల్‌, హనుమకొండ, కాజీపేట ట్రైసిటీ పరిధిలో వినాయక నిమజ్జనం సందర్భంగా శోభాయాత్ర కొనసాగుతుండడం వల్ల ప్రయాణికులకు ఎలాంటి ఇబ్బందులు కల్గకుండా ఉండేందుకు చర్యలు తీసుకుంటున్నట్లు సీపీ చెప్పారు. భారీ వినాయక విగ్రహాలు నిమజ్జనానికి తరలించే మార్గాల్లో ఎలాంటి ట్రాఫిక్‌ అంతరాయం కలుగకుండా ఉండేందుకు ట్రైసిటీ పరిధిలో వాహనాలకు ట్రాఫిక్‌ ఆంక్షలు విధిస్తున్నట్లు తెలిపారు. భారీ వాహనాల మళ్లింపు ఇలా.. ● ములుగు–భూపాలపల్లి వైపు నుంచి హైదరాబాద్‌కు వెళ్లే భారీ వాహనాలు ఆరెపల్లి రింగ్‌ రోడ్డు నుంచి చింతగట్టు మీదుగా.. ● భూపాలపల్లి – పరకాల నుంచి ఖమ్మం వెళ్లే వాహనాలు ఆరెపల్లి ఔటర్‌ రింగ్‌ రోడ్డు మీదుగా కరుణాపురం వయా వెంకటాపూరం, ఐనవోలు మీదుగా ● భూపాపల్లి–పరకాల నుంచి నర్సంపేటకు వెళ్లే వాహనాలు కొత్తపేట–రెడ్డిపాలెం మీదుగా.. ● కరీంనగర్‌ – ఖమ్మం వెళ్లే వాహనాలు చింతగట్టు ఓఆర్‌ఆర్‌ మీదుగా కరుణాపురం, వెంకటపూరం మీదుగా.. ● ఖమ్మంనుంచి కరీంనగర్‌–హైదరాబాద్‌ వైపునకు వెళ్లే భారీ వాహనాలు పున్నేలు క్రాస్‌ రోడ్డు, ఐనవోలు, వెంకటపూర్‌, కరుణాపురం మీదుగా.. ● హైదరాబాద్‌ నుంచి ఖమ్మం వెళ్లే వాహనాలు కరుణాపురం, వెంకటపూర్‌, ఐనవోలు, పున్నేలు క్రాస్‌రోడ్డు మీదుగా.. ● నగరంలోకి ప్రవేశించే భారీ వాహనాలు సిటీ అవతల నిలిపివేయాలి. నిమజ్జనం సందర్భంగా భారీ వాహనాలకు అనుమతి లేదు. ● హైదరాబాద్‌ నుంచి నర్సంపేటకు వెళ్లే వాహనాలు కరుణాపురం నుంచి ఓఆర్‌ఆర్‌ మీదుగా ఆరెపల్లి వయా ఆత్మకూరు, కటాక్షపూర్‌, మల్లంపల్లి మీదుగా.. ● నర్సంపేట నుంచి వరంగల్‌, హైదరాబాద్‌కు వెళ్లే వాహనాలు వయా మల్లంపల్లి, కటాక్షపూర్‌, ఆత్మకూరు, ఆరెపల్లి ఓఆర్‌ఆర్‌ మీదుగా.. సిద్ధేశ్వర గుండంలో నిమజ్జనం అనంతరం న్యూశాయంపేట వైపునకు న్యూశాయంపేట వైపు నుంచి వచ్చే వినాయక విగ్రహాల వాహనాలు హంటర్‌రోడ్డు, అదాలత్‌, హనుమకొండ చౌరస్తా, మీదుగా .. ఎకై ్సజ్‌ కాలనీ, రెవెన్యూ కాలనీ, వడ్డేపల్లి ప్రాంతాల నుంచి వచ్చే వినాయక విగ్రహాలు బంధం చెరువులో నిమజ్జనం చిన్న వడ్డేపల్లి చెరువులో నిమజ్జనం చేసిన వాహనాలు ఏనుమాముల రోడ్డు నుంచి నర్సంపేట రోడ్డు వైపునకు.. శోభాయాత్ర వెళ్లే మార్గాల్లో నిమజ్జనం జరిగే ప్రాంతాల్లో వాహనాలు నిలుపరాదు. ఇందుకు ట్రాఫిక్‌ పోలీసులకు సహకరించాలని సీపీ శ్వేత కోరారు. నిమజ్జన వేళ నగరంలో వాహనాల మళ్లింపు 23 నుంచి 25వ తేదీ వరకు అమలు భారీ వాహనాలకు అనుమతి నిరాకరణ వరంగల్‌ పోలీస్‌ కమిషనర్‌ శ్వేత ములుగు, పరకాల వైపు నుంచి హనుమకొండ వైపునకు వచ్చే ఆర్టీసీ బస్సులు వయా పెద్దమ్మ గడ్డ నుంచి కేయూసీ, సీవీఓ, అంబేడ్కర్‌ సెంటర్‌, ఏషియన్‌ శ్రీదేవి మాల్‌, మీదుగా బస్టాండ్‌ హనుమకొండ బస్టాండ్‌ నుంచి బయల్దేరి ములుగు, కరీంనగర్‌ వైపునకు వెళ్లే బస్సులు వయా ఏషియన్‌ శ్రీదేవిమాల్‌, అంబేడ్కర్‌ సెంటర్‌, సీపీఓ ద్వారా కేయూసీ జంక్షన్‌ మీదుగా.. హనుమకొండ బస్టాండ్‌ నుంచి బయల్దేరి నర్సంపేట, కొత్తగూడెం, భద్రాచలం, తొర్రూరు, ఖమ్మం వైపు వెళ్లే బస్సులు వయా బాలసముద్రం, అదాలత్‌, హంటర్‌ రోడ్డు మీదుగా.. వరంగల్‌ బస్టాండ్‌ నుంచి హనుమకొండ వైపు వచ్చే బస్సులు చింతల్‌ బ్రిడ్జి నుంచి రంగశాయిపేట మీదుగా నాయుడు పెట్రోల్‌ పంప్‌ సెంటర్‌, ఉర్సుగుట్ట అదాలత్‌, బాలసముద్రం రోడ్డు మీదుగా.. కాజీపేట నుంచి వరంగల్‌ వైపునకు వెళ్లే కార్లు, ఇతర చిన్న వాహనాలు ఫాతిమా జంక్షన్‌, వడ్డేపల్లి చర్చి, కేయూసీ జంక్షన్‌, పెద్దమ్మగడ్డ, ములుగు రోడ్డు, ఎంజీఎం, జెమిని, పోతన జంక్షన్‌, అండర్‌ బ్రిడ్జి, హెడ్‌ పోస్టాఫీస్‌, వరంగల్‌ బస్టాండ్‌, వెంకట్రామ సర్కిల్‌ వరంగల్‌ నుంచి కాజీపేట వైపునకు వెళ్లే కార్లు, ఇతర చిన్నవాహనాలు వెంకట్రామ సర్కిల్‌, వరంగల్‌ బస్టాండ్‌, హెడ్‌ పోస్టాఫీస్‌, అండర్‌ బ్రిడ్జి పోతన జంక్షన్‌, జెమిని, ఎంజీఎం, ములుగు రోడ్డు, పెద్దమ్మ గడ్డ, కేయూసీ జంక్షన్‌, వడ్డేపల్లి చర్చి, ఫాతిమా జంక్షన్‌

ఖిలా వరంగల్‌: క్రీడల్లో రాణించిన విద్యార్థులకు మంచి భవిష్యత్‌ ఉంటుందని కేయూ రిజిస్ట్రార్‌ ప్రొఫెసర్‌ జి.రామచంద్రం అన్నారు. శనివారం వరంగల్‌ బొల్లికుంటలోని వాగ్దేవి ఇంజనీరింగ్‌ కళాశాల క్రీడామైదానంలో వాగ్దేవి కళాశాల ఆఫ్‌ ఫిజికల్‌ ఎడ్యుకేషన్‌ ఆధ్వర్యంలో నిర్వహిస్తున్న కేయూ యూనివర్సిటీ అండ్‌ కాలేజ్‌ 2026–27 క్రీడోత్సవాలు ప్రారంభమయ్యాయి. ముఖ్య అతిథిగా రిజిస్ట్రార్‌ రామచంద్రం హాజరై క్రీడోత్సవాలను ప్రారంభించారు. వరంగల్‌, ఖమ్మం, ఆదిలాబాద్‌ తదితర ఉమ్మడి జిల్లాల నుంచి సుమారు 780 మంది మహిళా క్రీడాకారులు ఇందులో పాల్గొన్నారు. 21 తేదీ వరకు పోటీలు కొనసాగనున్నాయి. కార్యక్రమంలో స్పోర్ట్స్‌ బోర్డ్‌ సెక్రటరీ ప్రొఫెసర్‌ టి.శాస్త్రి, వాగ్దేవి కళాశాల డైరెక్టర్‌ వాణిదేవి, హెచ్‌.సుదర్శన్‌రెడ్డి, ప్రిన్సిపాల్‌ ప్రొఫెసర్‌ సునీల్‌రెడ్డి, ఆర్గనైజింగ్‌ సెక్రటరీ రవీందర్‌ తదితరులు పాల్గొన్నారు. వరంగల్‌ స్పోర్ట్స్‌: హనుమకొండలోని జవహర్‌లాల్‌ నెహ్రూ స్టేడియం వేదికగా రెండు రోజుల పాటు నిర్వహించిన పాఠశాల క్రీడల సమాఖ్య అండర్‌–14, 17, 19 బాలబాలికల క్రీడా ఎంపిక పోటీలు శనివారం ముగిశాయి. ఇందులో ప్రతిభ కనబర్చిన క్రీడాకారులను త్వరలో జరగనున్న రాష్ట్ర స్థాయి పోటీలకు ఎంపిక చేయనున్నట్లు ఎస్‌జీఎఫ్‌ అండర్‌–14, 17 హనుమకొండ జిల్లా కార్యదర్శి వాసుదేవరావు, అండర్‌–19 ఉమ్మడి వరంగల్‌ జిల్లా కార్యదర్శి శ్రీధర్‌ తెలిపారు. కార్యక్రమంలో రజిత, రాజేశ్వరి, స్వరూప, పార్థసారథి, ప్రశాంత్‌, శేఖర్‌, సురేశ్‌, రజనీకాంత్‌, బాలమురళీకృష్ణ పాల్గొన్నారు. హన్మకొండ కల్చరల్‌: వేయిస్తంభాల ఆలయంలో కొనసాగుతున్న ఉత్తిష్ట గణపతి నవరాత్రి మహోత్సవాలు శనివారం ఆరో రోజుకు చేరుకున్నాయి. ఉత్సవాల్లో భాగంగా మూలమహాగణపతిని శ్రీహేరంబగణపతిగా అలంకరించి దూర్వాయుగ్మ పూజ నిర్వహించారు. ఆలయ ప్రధానార్చకుడు గంగు ఉపేంద్రశర్మ ఆధ్వర్యంలో అర్చకులు ప్రత్యేక పూజలు నిర్వహించారు. మూలగణపతిని శ్రీహేరంబగణపతిగా అలంకరించి దూర్వాపత్రాలతో (గరిక) లక్షవినాయక నామాలతో లక్షగరిక పూజ నిర్వహించారు. పూజా కార్యక్రమాలకు విశ్వబ్రాహ్మణ సంఘం నాయకులు కాగితోజు శివలింగాచారి, సోమ సురేశ్‌, ఎర్రోళ్ల వంశీ, కట్ల రాజు, వృక్షాల చంద్రశేఖర్‌ ఉభయదాతలుగా వ్యవహరించారు. సాయంత్రం నృత్యగురువు బొంపల్లి సుధీర్‌రావు శిష్య బృందం చేసిన కూచిపూడి నృత్యాలు అలరించాయి. కాశిబుగ్గ: వరంగల్‌ కాశిబుగ్గలోని మణికంఠ కాలనీలో గణపతి నవరాత్రి ఉత్సవాల్లో భాగంగా 316 కిలోల బాహుబలి లడ్డూను తయారు చేసి పెద్ద ఎత్తును ఊరేగించారు. లడ్డూదాత బయ్య స్వప్న–అశోక్‌ ఇంటి వద్ద పోచమ్మ గుడి నుంచి మహాగణపతి మండపం వరకు డప్పు చప్పుళ్లు, కోలాటాలు, భక్తి పాటలు, కీర్తనలతో శోభాయాత్ర నిర్వహించారు. భక్తులు బాహుబలి లడ్డ్డూను ఆసక్తిగా తిలకించారు. కమల గణనాథుడికి 108 రకాల నైవేద్యం వరంగల్‌ చౌరస్తా: వరంగల్‌ నగరంలోని సత్యం కంప్యూటర్‌ ఎడ్యుకేషన్‌ ప్రాంగణంలో కొలువుదీరిన కమల గణనాథుడికి ఈ ఏడాది రజతోత్సవ వేడుకలు నిర్వహిస్తున్నారు. శనివారం సంస్థ అధినేత, వరంగల్‌ బీజేపీ జిల్లా అధ్యక్షుడు గంటా రవికుమార్‌ దంపతులు ప్రత్యేక పూజలు నిర్వహించారు. 108 ప్రసాదాలతో నైవేద్యం సమర్పించారు.

● టీపీసీసీ రాష్ట్ర అధికార ప్రతినిధి మానవతా రాయ్‌వరంగల్‌ చౌరస్తా: 22–ఏ నిషేధిత జాబితాలోని భూముల విషయంలో బీఆర్‌ఎస్‌ నేతలు ప్రజల్లో అనేక అపోహలు, అనుమానాలు సృష్టిస్తూ కాంగ్రెస్‌ ప్రభుత్వంపై తప్పుడు ఆరోపణలు చేస్తున్నారని టీపీసీసీ అధికార ప్రతినిధి, వరంగల్‌ – హనుమకొండ సమన్వయకర్త కోటూరి మానవతారాయ్‌ విమర్శించారు. శనివారం వరంగల్‌ జిల్లా కాంగ్రెస్‌ పార్టీ కార్యాలయంలో డీసీసీ అధ్యక్షుడు మహమ్మద్‌ ఆయూబ్‌ అధ్యక్షతన జరిగిన సమావేశంలో ఆయన మాట్లాడారు. కోట్లాది ఎకరాల ప్రజల భూములను రేవంత్‌రెడ్డి ప్రభుత్వం 22–ఏ నిషేధిత జాబితాలో చేర్చిందంటూ బీఆర్‌ఎస్‌ నేతలు విషప్రచారం చేస్తున్నారని పేర్కొన్నారు. 22–ఏ సమస్య కాంగ్రెస్‌ ప్రభుత్వం తీసుకొచ్చింది కాదని స్పష్టం చేశారు. వరంగల్‌, హనుమకొండ జిల్లాల అధ్యక్షులు అయూబ్‌, ఇనగాల వెంకట్రాంరెడ్డి భూదాన్‌, వక్ఫ్‌ బోర్డు భూముల ఆక్రమణలపై ప్రభుత్వం చర్యలు తీసుకుంటుందన్నారు. త్వరలోనే వరంగల్‌ జిల్లా ఇన్‌చార్జ్‌ మంత్రి పొంగులేటి శ్రీనివాస్‌రెడ్డితో ప్రత్యేకంగా సమావేశం ఏర్పాటు చేసి, జర్నలిస్టుల డబుల్‌ బెడ్‌రూం ఇళ్ల సమస్యను ఆయన దృష్టికి తీసుకెళ్తామని తెలిపారు. సమావేశంలో వరంగల్‌ జిల్లా ఎస్సీ సెల్‌ చైర్మన్‌ చిలువేరు శ్రీనివాస్‌, ఓబీసీ సెల్‌ చైర్మన్‌ ఓర్సు తిరుపతి, మహిళ జిల్లా అధ్యక్షురాలు కర్ణాటీ పార్వతమ్మ, జిల్లా యూత్‌ కాంగ్రెస్‌ అధ్యక్షుడు కొరివి పరమేష్‌, జిల్లా అధికార ప్రతినిధులు నిమ్మానిశేఖర్‌ రావు, ఎర్ర యాకూబ్‌రెడ్డి, శ్రీనివాస్‌రెడ్డి, కమలుద్దీన్‌, వర్ధన్నపేట టౌన్‌ అధ్యక్షుడు ఈగ దామోదర్‌, నాయకులు రహమతుల్లా, మహిబూద్‌ పాషా తదితరులు పాల్గొన్నారు.

● హనుమకొండ జిల్లాలో 9,896 మంది, వరంగల్‌ జిల్లాలో 3,234 మంది ఓటర్లు ● ఈనెల 24న నామినేషన్ల స్వీకరణ, అక్టోబర్‌ 4న ఎన్నికలుహన్మకొండ అర్బన్‌: ఇండియన్‌ రెడ్‌క్రాస్‌ సొసైటీ హనుమకొండ జిల్లా ఎన్నికల ప్రక్రియలో భాగంగా శనివారం తుది ఓటర్ల జాబితాను ఎన్నికల అధికారి, జిల్లా పరిశ్రమల కేంద్రం జనరల్‌ మేనేజర్‌ బి.నవీన్‌కుమార్‌ విడుదల చేశారు. జాబితాలో మొత్తం 9,896 మంది ఓటర్లు ఉన్నారు. ఎన్నికల షెడ్యూల్‌ ప్రకారం ఈనెల 24న ఉదయం 10 గంటల నుంచి మధ్యాహ్నం 1 గంట వరకు నామినేషన్లు స్వీకరిస్తారు. ప్రతీ నామినేషన్‌ను ఇద్దరు అర్హత కల్గిన సభ్యులు ప్రతిపాదించాలి, సమర్థించాలి. 25న నామినేషన్ల పరిశీలన, 26న నామినేషన్ల ఉపసంహరణ ఉంటుంది. అదే రోజు మధ్యాహ్నం 3 గంటలకు పోటీలో ఉన్న అభ్యర్థుల తుది జాబితాను ప్రకటిస్తారు. అక్టోబర్‌ 4న ఉదయం 8 గంటల నుంచి మధ్యాహ్నం 3 గంటల వరకు ఎన్నికలు నిర్వహిస్తారు. అదే రోజు సాయంత్రం 4 గంటల నుంచి ఓట్ల లెక్కింపు చేపట్టి అనంతరం ఫలితాలు ప్రకటిస్తారు. ఎన్నికల అనంతరం నూతనంగా ఎన్నికై న మేనేజింగ్‌ కమిటీ సభ్యులకు ఓటింగ్‌ నిర్వహించి జిల్లా రెడ్‌క్రాస్‌ చైర్మన్‌, వైస్‌ చైర్మన్‌, కోశాధికారి, రాష్ట్ర పాలక మండలి సభ్యులు, కమిటీ సభ్యులను ఎన్నుకోనున్నట్లు ఎన్నికల అధికారి తెలిపారు. ఎన్నికల ప్రక్రియ ఇండియన్‌ రెడ్‌క్రాస్‌ సొసైటీ కార్యాలయం, సుబేదారి, హనుమకొండలో జరుగుతుంది. తుది ఓటర్ల జాబితాను సెప్టెంబర్‌ 20 నుంచి రూ.2 వేలు చెల్లించి పొందవచ్చు. సెప్టెంబర్‌ 23న ఉదయం 10 గంటల నుంచి రెడ్‌క్రాస్‌ కార్యాలయంలో నామినేషన్‌ పత్రాలు అందుబాటులో ఉంటాయి. ప్రతీ అభ్యర్థికి గరిష్ఠంగా రెండు నామినేషన్లు మాత్రమే ఆమోదిస్తారు. నామినేషన్‌ పత్రంతో పాటు రూ.10 వేలు నాన్‌ రీఫండబుల్‌ భద్రతా డిపాజిట్‌ చెల్లించాల్సి ఉంటుంది. వరంగల్‌ జిల్లాలో.. న్యూశాయంపేట: ఇండియన్‌ రెడ్‌క్రాస్‌ సొసైటీ వరంగల్‌ జిల్లా ఎన్నికల కోసం తుది ఓటర్ల జాబితాను ఎన్నికల అధికారి, జెడ్పీ సీఈఓ ఎన్‌.వసంత శనివారం విడుదల చేశారు. ఈ సందర్భంగా ఎన్నికల అధికారి మాట్లాడుతూ సొసైటీలో మొత్తం 3,234 మంది ఓటర్లు ఉన్నారని తెలిపారు.

కాజీపేట అర్బన్‌: నిట్‌ వరంగల్‌ 24వ స్నాతకోత్సవ సంబురం అంబరాన్నంటింది. నిట్‌ క్యాంపస్‌లోని అంబేడ్కర్‌ లెర్నింగ్‌ సెంటర్‌ ఆడిటోరియంలో రెండు రోజులపాటు నిర్వహించనున్న కాన్వొకేషన్‌ మహోత్సవంలో తొలిరోజు శనివారం 930 మంది యూజీ, 22 మంది ఎగ్జిట్‌ డిగ్రీ పూర్తి చేసిన విద్యార్థులు పట్టాలు అందుకున్నారు. గౌరవ అతిథిగా నిట్‌ బోర్డ్‌ ఆఫ్‌ గవర్నర్‌, సియాంట్‌ వ్యవస్థాపకుడు డాక్టర్‌ బీవీఆర్‌ మోహన్‌రెడ్డి హాజరై అధికారికంగా స్నాతకోత్సవాన్ని ప్రారంభించారు. టెక్సాస్‌ ఇన్‌స్ట్రుమెంట్స్‌ ఇండియా మేనేజింగ్‌ డైరెక్టర్‌ సంతోశ్‌కుమార్‌ ముఖ్య అతిథిగా హాజరై విద్యార్థులకు గోల్డ్‌మెడల్స్‌, డిగ్రీ పట్టాలు అందించారు. వ్యక్తిత్వానికి దిక్సూచి.. నిట్‌ విద్యార్థులు వ్యక్తిత్వానికి దిక్సూచిగా నిట్‌ విద్యార్థులు నిలవాలని, వ్యక్తిత్వమే భవిష్యత్‌ను నిర్ణయిస్తుందని టెక్సాస్‌ ఇన్‌స్ట్రుమెంట్స్‌ ఇండియా మేనేజింగ్‌ డైరెక్టర్‌ సంతోశ్‌కుమార్‌ తెలిపారు. టెక్నికల్‌ స్కిల్స్‌, డిగ్రీలు, రెజ్యూమ్‌ ఒక వ్యక్తి కెరీర్‌కు సాఫ్ట్‌వేర్‌ వంటివి కాగా, వ్యక్తిత్వం, నిజాయతీ, విశ్వసనీయత హార్డ్‌వేర్‌ వంటి రెండింటినీ బ్యాలెన్స్‌ చేసుకుంటూ జీవనం కొనసాగించాలన్నారు. సెమీ కండక్టర్‌ పరిశ్రమలోని ఈల్డ్‌ను ఉదాహరణగా తీసుకుని వైఫల్యాలను అధిగమించి లక్ష్యాన్ని సాధించాలన్నారు. మైక్రో గ్రిడ్‌, వ్యవసాయ సెన్సార్లు, సురక్షిత తాగునీరు అందించడంలో ఎదురయ్యే సమస్యల పరిష్కారం నూతన ఆవిష్కరణలతోనే సాధ్యమని తెలిపారు. ఏఐ యుగంలోనూ ఇంజనీర్ల పాత్ర కీలకం నేటి ఏఐ యుగంలోనూ ఇంజనీర్ల పాత్ర కీలకమైందని నిట్‌ బోర్డ్‌ ఆఫ్‌ గవర్నర్‌, సియాంట్‌ వ్యవస్థాపకుడు డాక్టర్‌ బీవీఆర్‌.మోహన్‌రెడ్డి తెలిపారు. ‘ద రోల్‌ ఆఫ్‌ ద ఇంజనీర్స్‌ ఇన్‌ ద ఏఐ ఎరా’ అంశంపై మాట్లాడారు. వేగంగా విస్తరిస్తున్న ఆర్టిఫీషియల్‌ ఇంటెలిజెన్స్‌తో ఇంజనీర్ల బాధ్యతలు మరింతగా విస్తరిస్తున్నాయని, సమాజానికి సేవ చేయడానికి నిట్‌ విద్యార్థులు ముందుండాలన్నారు. విద్యార్థుల జీవితాల్లో నూతన అధ్యయనం స్నాతకోత్సవంలో డిగ్రీ పట్టాలను అందుకోవడం విద్యార్థుల జీవితాల్లో నూతన అధ్యాయానికి నాంది అని నిట్‌ డైరెక్టర్‌ బిద్యాధర్‌ సుబుదీ తెలిపారు. నిట్‌ వరంగల్‌లో విద్యార్థులకు 2026–27 విద్యా సంవత్సరంలో క్వాంటమ్‌ టెక్నాలజీ, ఆర్టిఫీషియల్‌ ఇంటెలిజెన్స్‌, ఎలక్ట్రికల్‌ వెహికిల్స్‌, మెటీరియల్‌ సైన్స్‌ అండ్‌ టెక్నాలజీ రంగంలో ఎంటెక్‌ విభాగంలో నూతన కోర్సులు ప్రారంభించినట్లు తెలిపారు. క్యాంపస్‌ సెలక్షన్స్‌లో యూజీ విద్యార్థులు 93.94 శాతం, పీజీ విభాగంలో 80.78 విద్యార్థులు సెలెక్ట్‌ అవుతున్నారని అత్యధిక ప్యాకేజీ రూ.1.27 కోట్లు నమోదైనట్లు తెలిపారు. నేడు పట్టాలందుకోనున్న పీజీ విద్యార్థులు.. నిట్‌ వరంగల్‌లో 24వ స్నాతకోత్సవంలో భాగంగా రెండో రోజు ఆదివారం పీజీ (బీటెక్‌, ఎంబీఏ, ఎంఎస్సీ)పీహెచ్‌డీ విద్యార్థులు బెస్ట్‌ పీహెచ్‌డీ ఽథీసిస్‌, బెస్ట్‌ ఎంటెక్‌ అవార్డులతో పాటు రోల్‌ ఆఫ్‌ హనర్‌ గోల్డ్‌ మెడల్స్‌ అందుకోనున్నారు. పీజీ విభాగంలో 945 పీజీ, 100 పీహెచ్‌డీ, 22 ఎగ్జిట్‌ డిగ్రీ పట్టాలను అందుకోనున్నారు.మాట్లాడుతున్న నిట్‌ బోర్డ్‌ ఆఫ్‌ గవర్నర్‌ బీవీఆర్‌ మోహన్‌రెడ్డి, టెక్సాస్‌ ఎండీ సంతోశ్‌కుమార్‌స్నాతకోత్సవంలో పాల్గొన్న నిట్‌ బోర్డ్‌ ఆఫ్‌ గవర్నర్‌ బీవీఆర్‌ మోహన్‌రెడ్డి, టెక్సాస్‌ ఎండీ సంతోశ్‌కుమార్‌, నిట్‌ డైరెక్టర్‌ బిద్యాధర్‌ సుబుదీ, అధ్యాపకులునిట్‌లో అంబరాన్నంటిన 24వ స్నాతకోత్సవం పట్టాలందుకున్న 930 యూజీ, 22 ఎగ్జిట్‌ డిగ్రీ విద్యార్థులు నేడు 1,067 మంది పీజీ విద్యార్థులకు ప్రదానం

● కేయూ రిజిస్ట్రార్‌ ఉత్తర్వులు జారీ కేయూ క్యాంపస్‌ : కాకతీయ యూనివర్సిటీలో ఆరుగురు సూపరింటెండెంట్లకు అసిస్టెంట్‌ రిజిస్ట్రార్లుగా పదోన్నతి కల్పిస్తూ రిజిస్ట్రార్‌ వి. రామచంద్రం శనివారం ఉత్తర్వులు జారీచేశారు. అలాగే, వారికి పోస్టింగ్‌ ఉత్తర్వులు కూ డా వీసీ కె. ప్రతాప్‌రెడ్డితో కలిసి అందజేశారు. అసిస్టెంట్‌ రిజిస్ట్రార్లుగా పదోన్నతులు పొందిన కె. భూపాల్‌రెడ్డి పరీక్షల విభాగం, ఎం. సునీల్‌ యూనివర్సిటీ ఆర్ట్స్‌ అండ్‌ సైన్స్‌ కళాశాల, ఎం. భాస్కర్‌ క్యాంపస్‌లోని మహిళా ఇంజనీరింగ్‌ కళాశాల, బి. ప్రభాకర్‌ కేయూ హాస్టల్‌ ఆఫీస్‌, కె. శ్రీనివాస్‌ పబ్లికేషన్‌ సెల్‌, జి. సురేశ్‌బాబుకు అకౌంట్స్‌ విభాగంలో పోస్టింగ్‌లు ఇస్తూ ఉత్తర్వులు అందజేశారు. ఇద్దరికి లైబ్రరీ అసిస్టెంట్‌ గ్రేడ్‌ –1గా పదోన్నతి కాకతీయ యూనివర్సిటీలో లైబ్రరీ అసెస్టెంట్‌ గ్రేడ్‌ –2గా పనిచేస్తున్న ఇద్దరికి అసిస్టెంట్‌ గ్రేడ్‌ –1గా పదోన్నతులు కల్పి స్తూ రిజిస్ట్రార్‌ రామచంద్రం ఉత్తర్వులు జారీచేశారు. హనుమకొండలోని యూనివర్సిటీ ‘లా’ కాలేజీలో లైబ్రరీ అసిస్టెంట్‌ గ్రేడ్‌–2గా పనిచేస్తున్న సుమలతకు, యూనివర్సిటీ ఆర్ట్స్‌అండ్‌ సైన్స్‌కళాశాలలో లైబ్రరీ అసిస్టెంట్‌ గ్రేడ్‌ –2గా పనిచేస్తున్న అశోక్‌కు లైబ్రరీ అసిస్టెంట్‌ గ్రేడ్‌ –1గా పదోన్నతి కల్పించారు.అలాగే వారిద్దరికి కాకతీయ యూనివర్సిటీలోని సెంట్రల్‌ లైబ్రరీలో పోస్టింగ్‌ ఉత్తర్వులు అందజేశారు. నలుగురు సీనియర్‌ అసిస్టెంట్‌లకు.. కాకతీయ యూనివర్సిటీలో వివిధ విభాగాల్లో పనిచేస్తున్న నలుగురు సీనియర్‌ అసిస్టెంట్‌లకు సూపరింటెండెంట్లుగా పదోన్నతి కల్పిస్తూ రిజిస్ట్రార్‌ రామచంద్రం శనివారం ఉత్తర్వులు జారీచేశారు. అందులో ముగ్గురికి సీనియర్‌ కోటా కింద, మరొకరికి టెస్ట్‌ కోటాలో పదోన్నతి కల్పించారు. హనుమకొండలోని సుబేదారి యూనివర్సిటీ పీజీ కళాశాలలో సీనియర్‌ అసిస్టెంట్‌ బోథ్‌రాజుకు సూపరింటెండెంట్‌గా పదోన్నతి కల్పిస్తూ క్యాంపస్‌లోని హాస్టల్‌ ఆఫీస్‌లో పోస్టింగ్‌ ఇచ్చారు. వీసీ పేషీలో సీనియర్‌ అసిస్టెంట్‌ సి. రవికి సూపరింటెండెంట్‌గా పదోన్నతి కల్పిస్తూ అక్కడే పోస్టింగ్‌ ఇచ్చారు. అకౌంట్స్‌ విభాగంలో సీనియర్‌ అసిస్టెంట్‌ వినయ్‌కు సూపరింటెండెంట్‌గా పదోన్నతి కల్పించి దూరవిద్య కేంద్రంలో పోస్టింగ్‌ ఇచ్చారు. కోఎడ్యుకేషన్‌ ఇంజనీరింగ్‌ కళాశాలలోని సీనియర్‌ అసిస్టెంట్‌ మదార్‌అలీకి సూపరింటెండెంట్‌గా పదోన్నతి కల్పించిఅదే ఇంజనీరింగ్‌ కళాశాలలో పోస్టింగ్‌ ఇచ్చారు. వీరికి వీసీ ప్రతాప్‌రెడ్డి ,రిజిస్ట్రార్‌ రామచంద్రం ఉత్తర్వులు అందజేశారు. 49మంది పార్ట్‌టైం లెక్చరర్ల నియామకంకాకతీయ యూనివర్సిటీలో 2026–2027విద్యాసంవత్సరానికి వివిధ విభాగాలు, ‘లా’ కళాశాలకు 49మంది పార్ట్‌టైం లెక్చరర్లను ఎంపిక చేశారు. ఈ మేరకు శనివారం రాత్రి రిజిస్ట్రార్‌ వి.రామచంద్రం జాబితా వెల్లడించి నోటీస్‌ బోర్డుపై ప్రదర్శించారు. కొన్నినెలల క్రితం అర్హులైన అభ్యర్థుల నుంచి దరఖాస్తులు స్వీకరించి సెలక్షన్‌ కమిటీల ద్వారా ఇంటర్వ్యూలు నిర్వహించారు. కెమిస్ట్రీ విభాగంలో 9మంది, కంప్యూటర్‌ సైన్స్‌ విభాగం ఏడుగురు, కామర్స్‌అండ్‌ బిజినెస్‌మేనేజ్‌మెంట్‌ విభాగం 14మంది, ఇంగ్లిష్‌ విభాగం ఇద్దరు, జియాలజీ ఒకరు, యూనివర్సిటీ ‘లా’ కాలేజీలో నలుగురు, లైబ్రరీ సైన్స్‌విభాగంలో ఒకరు, ఫిజిక్స్‌లో ఐదుగురు, పొలిటికల్‌ సైన్స్‌లో ఒకరు, సైకాలజీ ఇద్దరు, సొషియాలజీ ఒకరు, తెలుగులో ఒకరు, జువాలజీలో ఒకరిని ఎంపిక చేశారు. వీరికి ఈనెలాఖరులోపు ఆయా విభాగాల అధిపతులు ఉత్తర్వులు ఇవ్వాల్సింటుంది.

కేయూ క్యాంపస్‌: భారతదేశ అభివృద్ధికి మరిన్ని నూతన ఆవిష్కరణలు అవసరమని, అందుకనుగుణంగా జిజ్ఞాస పెంపొందించుకోవాలని హైదరాబాద్‌లోని సెయింట్‌ టెక్నాలజీస్‌ చైర్మన్‌, పద్మశ్రీ బి.వి మోహన్‌రెడ్డి అన్నారు. శనివారం కాకతీయ యూనివర్సిటీలోని సెనేట్‌హాల్‌లో విద్యార్థుల, వివిధ విభాగాల అధ్యాపకులతో నిర్వహించిన సమావేశంలో ఆయన మాట్లాడారు. భారత దేశంలో ప్రతీ ఏడాది సుమారు కోటిమంది ఉద్యోగ మార్కెట్‌లో ప్రవేశిస్తున్నారన్నారు. దేశానికి ఉన్న డెమోగ్రాఫిక్‌ డివిడెండ్‌ గొప్ప అవకాశమన్నారు. జనాభాలో సుమారు 70శాతం మంది పనిచేసే వయస్సులో ఉండడం దేశానికి బలమన్నారు. ఆధునిక సాంకేతిక పరిజ్ఞానం అత్యంత వేగంగా మారుతుందోన్నారు. దీనివలన ఇప్పటికి ఉన్న వ్యాపార నమూనాలు, ఉద్యోగాల స్వరూపం కూడా మారిపోతోందన్నారు. చాట్‌బాట్‌లు, కృత్రిమ మేధస్సు వంటి సాంకేతిక సాధనాలను ముప్పుగా కాకుండా ఉత్పాదతకంగా వినియోగించుకోవాలని సూచించారు. కేయూ రిజిస్ట్రార్‌ వి. రామచంద్రం, ఓఎస్‌డీ బి. వెంకట్రాంరెడ్డి, రూసా నోడల్‌ అధికారి ఆర్‌. మల్లికార్జున్‌రెడ్డి, తదితరులు పాల్గొన్నారు. హైదరాబాద్‌ సెయింట్‌ టెక్నాలజీస్‌ చైర్మన్‌ పద్మశ్రీ డాక్టర్‌ బి.వి మోహన్‌రెడ్డి

కాశిబుగ్గ: లర్నర్స్‌ ల్యాండ్‌ స్కూల్‌, తాళ్ల పద్మావ తి విద్యాసంస్థల అధినేత తాళ్ల మల్లేశం శని వారం రాత్రి (73) మృతిచెందారు. కొంతకాలంగా అనారోగ్యంతో బాధపడుతూ వరంగల్‌ చార్‌బౌళిలోని లర్నర్స్‌ల్యాండ్‌ కాలనీలో కన్నుమూశారు. ఆయన మృతికి పలు పాఠశాలల కరస్పాండెంట్లు, కాలనీ వాసులు నివాళులర్పించి, కుటుంబ సభ్యులను పరామర్శించారు. ఆయనకు భార్య ఝాన్సీ, కుమారులు వంశీ, తరుణ్‌ ఉన్నారు. కానిస్టేబుల్‌ భార్య ఆత్మహత్య నయీంనగర్‌ : కుటుంబ కలహాలతో సుబేదారి పోలీస్‌ స్టేషన్‌ పరిధిలోని హనుమకొండ దీన్‌దయాల్‌ నగర్‌లో కానిస్టేబుల్‌ బి.అనిల్‌ భార్య శిరీష (36) శుక్రవారం ఇంట్లో ఉరేసుకుని ఆత్మహత్యకు పాల్పడింది. పోలీసుల కథనం ప్రకారం.. కానిస్టేబుల్‌ బి. అనిల్‌ హనుమకొండ పోలీస్‌ హెడ్‌క్వార్టర్స్‌లో ఫింగర్‌ ప్రింట్‌ విభాగంలో విధులు నిర్వర్తిస్తున్నారు. ఈ క్రమంలో కుటుంబ కలహాలతో మనస్తాపం చెందిన శిరీష మనస్తాపానికి గురై ఆత్మహత్యకు పాల్పడింది. ఈ ఘటనపై మృతురాలి తండ్రి ఫిర్యాదు మేరకు కేసు నమోదు చేసి దర్యాప్తు చేస్తున్నట్లు పోలీసులు తెలిపారు. కాగా, శిరీషకు ఇద్దరు కూతుళ్లు, కుమారుడు ఉన్నారు.

హన్మకొండ/ఖిలావరంగల్‌: రైతులకు అవసరమైన ఎరువులు, పురుగు మందులు, విత్తనాల విక్రయాలపై ఆధారపడి వ్యాపారం నిర్వహిస్తున్న డీలర్లకు యూపీఐ లావాదేవీలపై చార్జీల నుంచి మినహాయింపు కల్పించాలని ప్రభుత్వాన్ని తెలంగాణ రాష్ట్ర ఫర్టిలైజర్స్‌, పెస్టిసైడ్స్‌ అండ్‌ సీడ్స్‌, డీలర్స్‌ వెల్ఫేర్‌ అసోసియేషన్‌ రాష్ట్ర అధ్యక్షుడు నాగుర్ల వెంకటేశ్వర్లు కోరారు. ప్రస్తుతం డిజిటల్‌ చెల్లింపుల వినియోగం రోజురోజుకూ పెరుగుతోందని, వ్యవసాయ ఉత్పత్తుల కొనుగోళ్లలోనూ రైతులు యూపీఐ ద్వారా చెల్లింపులు చేస్తున్నారని ఆయన ఒక ప్రకటనలో పేర్కొన్నారు. ఎరువులు, పురుగు మందులు, విత్తనాల విక్రయాల్లో డిజిటల్‌ లావాదేవీలు పెరుగుతున్న నేపథ్యంలో డీలర్లపై అదనపు లావాదేవీల వ్యయాలు పడకుండా చర్యలు తీసుకోవాల్సిన అవసరం ఉందని తెలిపారు. యూపీఐ చెల్లింపులపై డీలర్లకు ప్రత్యేక మినహాయింపు లేదా రాయితీ విధానం అమలు చేయాలని సూచించారు.

● టీజీ ఎన్పీడీసీఎల్‌ సీఎండీ కర్నాటి వరుణ్‌రెడ్డిహన్మకొండ: వినాయక నిమజ్జన ఏర్పాట్లు పకడ్బందీగా నిర్వహించేందుకు విద్యుత్‌ శాఖపరంగా అవసరమైన అన్ని ఏర్పాట్లను ముందుగానే పూర్తి చేయాలని టీజీఎన్పీడీసీఎల్‌ చైర్మన్‌, మేనేజింగ్‌ డైరెక్టర్‌ కర్నాటి వరుణ్‌ రెడ్డి.. అధికారులను ఆదేశించారు. శనివారం హనుమకొండలోని బందం చెరువు, సిద్ధేశ్వర గుండం, వరంగల్‌లోని ఉర్సుగుట్ట నిమజ్జన ప్రాంతాన్ని సందర్శించారు. విద్యుత్‌ సరఫరా ఏర్పాట్లను పరిశీలించారు. వినాయక నిమజ్జన కేంద్రాలు, ప్రధాన ఊరేగింపు మార్గాలు, గణేశ్‌ మండపాల వద్ద విద్యుత్‌ తీగల సరిజేత, సరఫరాలో ఎలాంటి అంతరాయం లేకుండా ప్రత్యేక చర్యలు చేపట్టాలని సూచించారు. నిమజ్జన ప్రాంతాల్లో విద్యుత్‌ లైన్లు, స్తంభాలు, ట్రాన్స్‌ఫార్మర్లు, స్టే వైర్లు, సర్వీస్‌ వైర్లు తదితర విద్యుత్‌ మౌలిక వసతులను క్షేత్రస్థాయిలో పరిశీలించాలన్నారు. ప్రమాదాలకు అవకాశం ఉన్న ప్రాంతాలను ముందుగానే గుర్తించి అవసరమైన చర్యలు తీసుకోవాలని అధికారులను ఆదేశించారు. కార్యక్రమంలో హనుమకొండ, వరంగల్‌ ఎస్‌ఈలు బి.సామ్యనాయక్‌, ఎ.ఆనందం, డీఈలు జి.సాంబరెడ్డి, ఎస్‌.మల్లి కార్జున్‌ ఏడీఈలు పి.శ్రీనివాస్‌రెడ్డి, ఎం.ఇంద్రసేనారెడ్డి, చంద్రమోహన్‌, ఏఈలు పాల్గొన్నారు.

హసన్‌పర్తి: పగలు ఆటో నడుపుతూ రాత్రివేళ చో రీలకు పాల్పడుతున్న ఓ నిందితుడిని పోలీసులు అరెస్ట్‌ చేశారు. ఈ మేరకు కాకతీయ యూనివర్సిటీ పోలీస్‌ స్టేషన్‌లో శనివారం ఏర్పాటు చేసిన సమావేశంలో చోరీ వివరాలను ఇన్‌స్పెక్టర్‌ రవికుమార్‌ వె ల్లడించారు. నగరంలోని ఏనుమాముల బాలాజీనగర్‌కు చెందిన పస్తం ఐలుకుమార్‌ హనుమకొండ బాలసముద్రంలో ఉంటూ ఆటో నడుపుతూ కుటుంబాన్ని పోషిస్తున్నాడు. ఈ క్రమంలో డబ్బు సరిపోక పార్కింగ్‌ చేసి ఉన్న వాహనాల బ్యాటరీల దొంగతనాలకు పాల్పడ్డాడు. ఫిర్యాదు మేరకు కేయూసీ పోలీసులు దర్యాప్తు చేపట్టారు. ఎర్రగట్టు గుట్ట వద్ద వాహనాల తనిఖీలు చేస్తుండగా కుమార్‌ను అదుపులోకి తీసుకుని విచారించగా 16 బ్యాటరీలు చోరీ చేసినట్లు అంగీకరించాడు. వాటి విలువ సుమారు రూ. లక్ష వరకు ఉంటుందని ఇన్‌స్పెక్టర్‌ రవికుమార్‌ వెల్లడించారు. గతంలో సెల్‌ఫోన్లు చోరీ చేసి జైల్‌కు కూడా వెళ్లినట్లు తెలి పారు. నిందితుడి పట్టుకున్న కేయూసీ ఇన్‌స్పెక్టర్‌ రవికుమార్‌, ఎస్సై నవీన్‌కుమార్‌, సిబ్బంది అహ్మద్‌పాషా, రాజశేఖర్‌ను సీపీ శ్వేత అభినందించారు.

బల్దియా కమిషనర్‌ టి.వెంకన్న వరంగల్‌ అర్బన్‌: వినాయక నిమజ్జనాన్ని ప్రశాంతంగా, సురక్షితంగా, భక్తిశ్రద్ధలతో నిర్వహించేందుకు అవసరమైన అన్ని ఏర్పాట్లను ఆదివారంలోగా పూర్తి చేయాలని గ్రేటర్‌ వరంగల్‌ మున్సిపల్‌ కార్పొరేషన్‌ కమిషనర్‌ టి.వెంకన్న అధికారులను ఆదేశించారు. శనివారం నగరంలోని కాజీపేట, హనుమకొండ, వరంగల్‌, విలీన గ్రామాల పరిధి చెరువుల వద్ద నిమజ్జన ఏర్పాట్లను ఆయన క్షేత్రస్థాయిలో పరిశీలించారు. మౌలిక వసతులు, పారిశుద్ధ్య చర్యలు, భద్రతా ఏర్పాట్లపై అధికారులకు సూచనలిచ్చారు. ఎస్‌ఈ రాజ్‌కుమార్‌, ఎంహెచ్‌ఓ రాజేశ్‌, ఈఈలు రవికుమార్‌, సంజయ్‌కుమార్‌, మహేందర్‌, సంతో శ్‌బాబు, మాధవీలత, డీఈ రాజ్‌కుమార్‌ తదితరులు ఉన్నారు. యూజీడీ పనులపై దృష్టి సారించాలి.. నగరంలో యూజీడీ ప్రాజెక్ట్‌ అమలుకు సంబంధించి నక్కలగుట్ట సర్కిల్‌ కార్యాలయ ఆవరణలో ఏర్పాటు చేస్తున్న ప్రాజెక్ట్‌ మేనేజ్‌మెంట్‌ యూనిట్‌ (పీఎంయూ) పనులను గడువులోగా పూర్తి చేయాలని కమిషనర్‌ వెంకన్న అధికారులను ఆదేశించారు. పీఎంయూ ఏర్పాట్లను పరిశీలించారు. పనులు వేగవంతం చేయండిహసన్‌పర్తి: హనుమకొండ–కరీంనగర్‌ ప్రధాన రహదారి మార్గమధ్యలోని కిట్స్‌ కళాశాల జంక్షన్‌ అభివృద్ధి పనులు వేగవంతం చేయాలని కమిషనర్‌ వెంకన్న ఆదేశించారు. శనివారం కిట్స్‌ కళాశాల జంక్షన్‌ ప్రాంతాన్ని క్షేత్రస్థాయిలో పరిశీలించారు.

హైకోర్టు న్యాయమూర్తి జస్టిస్‌ ఈ.వి.వేణుగోపాల్‌ ● మరిపెడలో సివిల్‌ కోర్టు ప్రారంభంమహబూబాబాద్‌ జిల్లా మరిపెడ మండల కేంద్రంలో నూతన జూనియర్‌ సివిల్‌ జడ్జి–కమ్‌ జ్యుడీషియల్‌ మేజిస్ట్రేట్‌ ఆఫ్‌ ఫస్ట్‌ క్లాస్‌ కోర్టు భవనాన్ని శనివారం హైకోర్టు న్యాయమూర్తులు జస్టిస్‌ ఈవీ వేణుగోపాల్‌, జస్టిస్‌ ఎన్‌.రాజేశ్వర్‌రావు, జస్టిస్‌ బి.ఆర్‌.మధుసూదన్‌రావు ప్రారంభించారు. ప్రజలకు న్యాయవస్థను మరింత చేరువ చేయడంతోపాటు పెండింగ్‌ కేసుల పరిష్కారంలో వేగం పెంచడమే లక్ష్యంగా పనిచేయాలని సూచించారు. – మరిపెడ/మరిపెడ రూరల్‌

● హాజరైన 800 మంది క్రీడాకారులు వరంగల్‌ స్పోర్ట్స్‌: 70వ పాఠశాల క్రీడల సమాఖ్య అండర్‌– 14, 17, 19 విభాగాల్లో బాలబాలికలకు వివిధ క్రీడాంశాల్లో ఉమ్మడి వరంగల్‌ జిల్లా స్థాయి ఎంపిక పోటీలను హనుమకొండలోని జేఎన్‌ఎస్‌ శుక్రవారం నిర్వహించారు. అండర్‌–14, 17 విభా గాల్లో షూటింగ్‌, స్కేటింగ్‌, హ్యాండ్‌ బాల్‌, గట్క, టేబుల్‌ టెన్నిస్‌, హాకీ, బాక్సింగ్‌లో ఎంపికలు నిర్వహించారు. అండర్‌–19 కేటగిరీలో హ్యాండ్‌బాల్‌, హాకీ, ఫుట్‌బాల్‌, బాస్కెట్‌బాల్‌, టేబుల్‌ టెన్నీస్‌, బేస్‌బాల్‌, గట్క, షూటింగ్‌లో ఎంపికలు నిర్వహించారు. ఇంటర్‌ ఆర్‌జేడీ గోపాల్‌, డీఐఈఓ శ్రీధర్‌ పోటీలను ప్రారంభించారు. 800 మంది క్రీడాకారు లు పాల్గొన్నట్లు ఎస్‌జీఎఫ్‌ అండర్‌–19 ఉమ్మడి వరంగల్‌ జిల్లా కార్యదర్శి శ్రీధర్‌, ఎస్‌జీఎఫ్‌ అండర్‌–14, 17 హనుమకొండ జిల్లా కార్యదర్శి వాసుదేవరావు తెలియజేశారు. ప్రభాకర్‌రెడ్డి, పార్థసారథి, బరుపాటి గోపి, కోట సతీష్‌ పాల్గొన్నారు.

వరంగల్‌ కలెక్టర్‌ డాక్టర్‌ సత్యశారద న్యూశాయంపేట: పర్యావరణ పరిరక్షణ, గ్రామీణ ప్రాంతాల్లో ఉపాధి, ఆర్థ్ధికాభివృద్ధికి దోహదపడే విలువైన సహజ వనరుగా వెదురు నిలుస్తుందని వరంగల్‌ కలెక్టర్‌ డాక్టర్‌ సత్యశారద అన్నారు. కలెక్టరేట్‌లో శుక్రవారం ప్రపంచ వెదురు దినోత్సవం నిర్వహించారు. ఈసందర్భంగా వెదురుతో తయారు చేసిన వస్తువులను అందజేశారు. కార్యక్రమంలో అదనపు కలెక్టర్లు ఎల్‌.కిశ్‌ర్‌కుమార్‌, వైవీ గణేశ్‌, బీసీ సంక్షేమాధికారి పుష్పలత, జెడ్పీ సీఈఓ వసంత, పశుసంవర్థక శాఖ అధికారి బాలాజీ, పలు శాఖల అధికారులు పాల్గొన్నారు. లక్ష్యాలను గడువులోగా పూర్తి చేయాలి.. జాతీయ డిజిటల్‌ పశుసంపద మిషన్‌ (నేషనల్‌ డిజిటల్‌ లైవ్‌స్టాక్‌ మిషన్‌) లక్ష్యాలను గడువులోగా పూర్తి చేయాలని కలెక్టర్‌ డాక్టర్‌ సత్యశారద అధికారులను ఆదేశించారు. కలెక్టరేట్‌లో శుక్రవారం నిర్వహించిన జిల్లాస్థాయి పర్యవేక్షణ కమిటీ సమావేశంలో పథకాల అమలు, సాధించిన ప్రగతిని సమీక్షించారు. సమావేశంలో అదనపు కలెక్టర్‌ వైవీ గణేశ్‌, జెడ్పీ సీఈఓ వసంత, డీపీఓ కల్పన, జిల్లా పశుసంవర్థక శాఖ అధికారి టి.బాలాజీ, వ్యవసాయశాఖాధికారి విజయభాస్కర్‌, విజయ డెయిరీ డీడీ ప్రదీప్‌ తదితరులు పాల్గొన్నారు. ప్రసూతి ఆస్పత్రి పరిశీలన ఖిలా వరంగల్‌: వరంగల్‌ ఉర్సు కరీమాబాద్‌లోని సీకేఎం ప్రభుత్వ అనుబంధ ప్రసూతి ఆస్పత్రిని శుక్రవారం కలెక్టర్‌ సత్యశారద సందర్శించారు. ఆపరేషన్‌ థియేటర్‌లో పరికరాలు ఎలా ఉన్నాయి, ఆస్పత్రి భవనం పరిసరాలు, అందుబాటులో ఉన్న వైద్య సదుపాయాలను కలెక్టర్‌ పరిశీలించారు. రోగులకు మెరుగైన వైద్యసేవలు అందించేందుకు చేపడుతున్న ఏర్పాట్లు, ఆస్పత్రి పనితీరును సమీక్షించారు. అలాగే, కరీమాబాద్‌లోని డ్రగ్స్‌ స్టోర్‌ను కలెక్టర్‌ తనిఖీ చేశారు. కలెక్టర్‌ వెంట ఆస్పత్రి సూపరింటెండెంట్‌ డాక్టర్‌ కె.లక్ష్మీదేవి, ఇన్‌చార్జ్‌ ఆర్‌ఎంఓ డాక్టర్‌ కె.సత్యజిత్‌రే, తహసీల్దార్‌ ఇక్బాల్‌ ఉన్నారు.

నిట్‌ వరంగల్‌లో నేడు, రేపు పట్టాల ప్రదానంకాజీపేట అర్బన్‌: కీలక ఘట్టం ఆవిష్కృతం కానుంది. ఏళ్ల కల నెరవేరనుంది. విద్యార్థుల శ్రమ, అకుంఠిత దీక్షకు నేడు(శనివారం), రేపు (ఆదివారం) పట్టాభిషేకం జరగనుంది. నిట్‌ వరంగల్‌లోని అంబేడ్కర్‌ లెర్నింగ్‌ సెంటర్‌ ఆడిటోరియంలో 24వ స్నాతకోత్సవం ఘనంగా నిర్వహించేందుకు అన్ని ఏర్పాట్లు చేశారు. క్యాంపస్‌లోని హోమీ బాబా సెమినార్‌హాల్‌లో శుక్రవారం ఏర్పాటు చేసిన విలేకరుల సమావేశంలో నిట్‌ డైరెక్టర్‌ బిద్యాధర్‌ సుబుదీ మాట్లాడుతూ.. విద్యార్థి జీవితంలో డిగ్రీ పట్టాల స్వీకరణ కీలక ఘట్టం అన్నారు. స్నాతకో త్సవం గురించి ఆయన తెలిసిన వివరాల ప్రకారం.. నిట్‌ 24వ కా న్వొకేషన్‌–26లో రెండు రోజుల పాటు 1,997 మంది యూజీ, పీజీ విద్యార్థులు పట్టాలు అందుకోనున్నారు. తొలి రోజు శనివారం ఉదయం 10 గంటల నుంచి స్నాతకోత్సవం ప్రారంభం అవుతుంది. యూజీ విద్యార్థులు 930 మంది పట్టాలు స్వీకరిస్తారు. రెండో రోజు ఆదివారం పీజీ, పీహెచ్‌డీ విద్యార్థులు 1,067 మంది పట్టాలు అందుకుంటారు. ముఖ్య అతిథి టెక్సాస్‌ ఇండియా ఎండీ స్నాతకోత్సవానికి ముఖ్య అతిథిగా టెక్సాస్‌ ఇన్‌స్ట్రుమెంట్స్‌ ఇండియా మేనేజింగ్‌ డైరెక్టర్‌ సంతోశ్‌కుమార్‌ హాజరై పట్టాలు అందజేస్తారు. స్నాతకోత్సంలో నిట్‌ చైర్‌పర్సన్‌ సేయాంట్‌ సాఫ్ట్‌వేర్‌ కంపెనీ చైర్మన్‌, డాక్టర్‌ బీవీఆర్‌ మోహన్‌రెడ్డి అధ్యత వహించనున్నారు. ప్రతీ విభాగంలో టాపర్లకు గోల్డ్‌మెడల్‌, ఓవరాల్‌ టాపర్‌కు ఇన్‌స్టిట్యూట్‌ గోల్డ్‌మెడల్‌తో పాటు ఇంజనీరింగ్‌ రంగంలో ప్రత్యేక పరిశోధనలకు ‘ఇన్నోవేటివ్‌ అప్లికేషన్స్‌ ఆఫ్‌ ఆటోమెటిక్‌ కంట్రోల్‌ టెక్నాలజీస్‌ టు ఏవియేషన్‌ అండ్‌ ఏరో స్పేస్‌ ఇంజనీరింగ్‌’ అంశంపై పరిశోధనలకు డాక్టర్‌ పద్మనాభన్‌ కె.మీనన్‌కు, ‘డాక్టర్‌ ఆఫ్‌ సైన్స్‌ డిగ్రీ, అడ్వాన్సింగ్‌ ఇండియాస్‌ సెమీ కండక్టర్‌ అంబీషన్స్‌ త్రూ విజనరీ టెక్నాలజీ లీడర్‌ షిప్‌’ అంశంపై పరిశోధనలకు ఆనంద్‌ రామమూర్తికి గౌరవ డాక్టర్‌ ఆఫ్‌ ఫిలాసఫీ (పీహెచ్‌డీ) పట్టాలు అందజేయనున్నారు. పట్టాల అందజేత ఇలా..డైరెక్టర్స్‌ గోల్డ్‌ మెడల్‌–అకడమిక్‌ విభాగం రోల్‌ ఆఫ్‌ హానర్‌ గోల్డ్‌మెడల్‌– సిద్ది బర్పూటే–బీటెక్‌ మెకానికల్‌ గోల్డ్‌ మెడల్‌ ప్రతి విభాగంలో.. బీటెక్‌..) ప్రియాంషుకుమార్‌సింగ్‌– సివిల్‌ నీలజాల జోషి – ఎలక్ట్రికల్‌ అండ్‌ ఎలక్ట్రానిక్స్‌ వలుస రఘువరణ్‌– మెకానికల్‌ దొండపాటి లోకేశ్వర్‌ ఎలక్ట్రానిక్స్‌ అండ్‌ కమ్యూనికేషన్‌ మదగాని సాత్విక్‌ – మెటలర్జీ సిద్ది బర్పూటే – కెమికల్‌ జయంతి అంషు – కంప్యూటర్‌ సైన్స్‌ అమన్‌ అబ్ధులాసమద్‌ ఇనామ్‌దార్‌ బయోటెక్నాలజీనిట్‌ వరంగల్‌ 24వ కాన్వొకేషన్‌ మహోత్సవంలో డిగ్రీ పట్టాలు స్వీకరించే విద్యార్థులు బాయ్స్‌ తెల్లటి కుర్తా పైజామా, గర్ల్స్‌ తెల్లటి కుర్తా పైజామా లేదా తెల్లటి చీర, విద్యార్థులు వారికి కేటాయించిన కండువాను మెడలో ధరించాలి. తెల్లటి వస్త్రాలతో పాటు చెప్పల్‌ లేదా షూస్‌ వేసుకుని హాజరు కావాలని నిట్‌ వరంగల్‌ నిబంధన పెట్టింది. అందుకోనున్న 1,997 మంది విద్యార్థులు విద్యార్థి జీవితంలో పట్టాల స్వీకరణ కీలక ఘట్టం : నిట్‌ డైరెక్టర్‌ బిద్యాధర్‌ సుబుదీ నిట్‌ 24వ స్నాతకోత్సవానికి సిద్ధం ముఖ్య అతిథిగా టెక్సాస్‌ ఇండియా ఎండీ సంతోశ్‌కుమార్‌ డిగ్రీ విద్యార్థులుయూజీ (బీటెక్‌) 930 పీజీ 945 పీహెచ్‌డీ 100 ఎగ్జిట్‌ డిగ్రీ 22 (మూడేళ్ల కోర్సు)

హనుమకొండ కలెక్టర్‌ చాహత్‌ బాజ్‌పాయ్‌ హన్మకొండ అర్బన్‌: హెచ్‌ఐవీ, ఎయిడ్స్‌, లైంగిక వ్యాధులు, టీబీ, రక్తదానంపై యువతకు విస్తృత అవగాహన కల్పించాలని హనుమకొండ కలెక్టర్‌ చాహత్‌ బాజ్‌పాయ్‌ అన్నారు. శుక్రవారం ఐడీఓసీ నుంచి నిట్‌ హనుమకొండ వరకు నిర్వహించిన అవగాహన బైక్‌ ర్యాలీని కలెక్టర్‌ జెండా ఊపి ప్రారంభించారు. ఈసందర్భంగా ఆమె మాట్లాడుతూ.. హనుమకొండ జిల్లాను హెచ్‌ఐవీ రహిత జిల్లాగా తీర్చిదిద్దేందుకు ప్రతి ఒక్కరూ కృషి చేయాలన్నారు. డీఎంహెచ్‌ఓ అప్పయ్య మాట్లాడుతూ ప్రతి గర్భిణి మొదటి, రెండో, మూడో త్రైమాసికాల్లో తప్పనిసరిగా హెచ్‌ఐవీ పరీక్షలు చేయించుకోవాలన్నారు. కార్యక్రమంలో టీబీ ఆస్పత్రి సూపరింటెండెంట్‌ డాక్టర్‌ పి.రవి, జిల్లా అదనపు వైద్యాధికారి టి.మదన్‌మోహన్‌రావు, కమ్యూనిటీ హెల్త్‌ ఆఫీసర్లు మాధవరెడ్డి, నెహ్రూనాయక్‌, హెచ్‌ఈఈఓ సందెల శ్రీనివాస్‌, డీపీఎంఓలు రవీందర్‌, దేవీసింగ్‌, సువార్త, సబ్‌ యూనిట్‌ అధికారి విప్లవ్‌కుమార్‌, పట్టణ ప్రాథమిక ఆరోగ్య కేంద్రాల సూపర్‌వైజర్లు, సిబ్బంది, డీపీఎం మాధురి, కమలాకర్‌, రామకృష్ణ, స్వచ్ఛంద సంస్థల ప్రతినిధులు, కళాజాత బృందం పాల్గొన్నారు.

కాశిబుగ్గ: వరంగల్‌లో నిర్మిస్తున్న సూపర్‌ స్పెషాలిటీ హాస్పిటల్‌ పనుల్లో నాణ్యతా ప్రమాణాలు పాటించాలని వరంగల్‌ కలెక్టర్‌ సత్యశారద అన్నారు. శుక్రవారం సూపర్‌ స్పెషాలిటీ ఆస్పత్రి పనులను పరిశీలించారు. పనుల పురోగతిపై సంబంధిత అధికారులతో సమీక్ష నిర్వహించారు. ఈ సందర్భంగా ఆస్పత్రి భవ న నిర్మాణ సముదాయం, మౌలిక వసతులు, విద్యుత్‌, పారిశుద్ధ్యం, తదితర పనుల గురించి అడిగి తెలుసుకున్నారు. నాణ్యతా ప్రమాణా లు పాటించకపోతే చర్యలు తీసుకోవా లని సూ చించారు. ముఖ్యంగా పనులను నిర్ధేశిత గడువులోగా పూర్తి చేసి, ఆస్పతిని ప్రజలకు అందుబాటులోకి తీసుకురావాలని అధికారులను ఆ దేశించారు. సమావేశంలో ఎంజీఎం సూపరింటెండెంట్‌ రాంకుమార్‌రెడ్డి, డి ప్యూటీ ఎగ్జిక్యూటివ్‌ ఇంజ నీర్‌ రాజకుమార్‌, ఎ న్పీడీసీఎల్‌ ఎస్‌ఈ ఆనందం, ఆర్‌ అండ్‌ బీ ఈఈ రాజేందర్‌, ఆర్డీఓ సుమ, ఎల్‌ అండ్‌ టీ ప్రాజెక్టు డైరెక్టర్‌ సర్వాణన్‌, తహసీల్దార్‌ శ్రీకాంత్‌, ఎంజీఎం ఆర్‌ఎంఓ డాక్టర్‌ అశ్విని పాల్గొన్నారు.రాష్ట్ర స్థాయి సాఫ్ట్‌బాల్‌ పోటీలకు జిల్లా జట్టు వరంగల్‌ స్పోర్ట్స్‌: ఈ నెల 19 నుంచి 21వ తేదీ వరకు నిజామాబాద్‌ జిల్లా కర్నపెల్లిలో జరగనున్న రాష్ట్ర స్థాయి సబ్‌జూనియర్స్‌ సాఫ్ట్‌బాల్‌ పోటీల్లో పాలొనే జిల్లా జట్టు శుక్రవారం బయల్దేరింది. ఈ సందర్భంగా ఏర్పాటు చేసిన అభినందన కార్యక్రమానికి ముఖ్య అతిథిగా ఉమ్మడి వరంగల్‌ జిల్లా సాఫ్ట్‌బాల్‌ అసోసియేషన్‌ అధ్యక్షుడు సాంబశివరావు హాజరై మాట్లాడారు. రాష్ట్రస్థాయికి ఎంపికై న జిల్లా క్రీడాకారులు జాతీయ స్థాయిలో రాణించాలని ఆకాంక్షించారు. కార్యక్రమంలో అసోసియేషన్‌ బాధ్యులు రాజేందర్‌, సాంబమూర్తి, సుమలత, కోచ్‌ వినయ్‌ కుమార్‌, పీడీలు రాజు, కిరణ్మయి తదితరులు పాల్గొన్నారు. ‘ఎఫ్‌ఎల్‌ఎన్‌’లో దరఖాస్తుల ఆహ్వానం కాళోజీ సెంటర్‌: ఎఫ్‌ఎల్‌ఎన్‌ (ఫౌండేషనల్‌ లిటరసీ అండ్‌ న్యూమరసీ) సెల్‌లో ఖాళీగా ఉన్న ఎల్‌ఎఫ్‌ఎల్‌ హెచ్‌ఎం ఒకటి, ఎస్‌జీటీ మూడు పోస్టులకు అర్హత, ఆసక్తి కలిగిన ఉపాధ్యాయుల నుంచి దరఖాస్తులను ఆహ్వానిస్తున్నట్లు వరంగల్‌ డీఈఓ బి.రంగయ్య నాయుడు తెలిపారు. దరఖాస్తులను ఈ నెల 22వ తేదీ సాయంత్రం 4 గంటల్లోపు జిల్లా విద్యాశాఖాధికారి కార్యాలయంలో సమర్పించాలని పేర్కొన్నారు. ప్రతి పోస్టుకు 1:2 నిష్పత్తిలో అభ్యర్థులను షార్ట్‌లిస్ట్‌ చేసి, కలెక్టర్‌, అదనపు కలెక్టర్‌, డీఈఓ తదితరులతో కూడిన కమిటీ ద్వారా ఇంటర్వ్యూ నిర్వహించి ఎంపిక చేస్తారని వివరించారు. ఎల్‌ఎఫ్‌ఎల్‌ పోస్టుకు కనీసం రెండేళ్ల హెడ్‌మాస్టర్‌ అనుభవంతో పాటు మొత్తం 10 ఏళ్ల సర్వీసు ఉండాలని, క్లస్టర్‌, మండల, జిల్లా లేదా రాష్ట్రస్థాయిలో రిసోర్స్‌ పర్సన్‌/ట్రైనర్‌గా పనిచేసిన అనుభవం, నాయకత్వం, శిక్షణ నిర్వహణ సామర్థ్యాలు, ఎంఎస్‌ ఆఫీస్‌ పరిజ్ఞానం, కమ్యూనికేషన్‌ నైపుణ్యాలు ఉండాలని పేర్కొన్నారు. ఎస్‌జీటీ పోస్టులకు తెలుగు, ఇంగ్లిష్‌, గణిత విభాగాల నుంచి ఒక్కొక్కరిని ఎంపిక చేస్తారని, కనీసం ఐదేళ్ల బోధనా అనుభవం, రిసోర్స్‌ పర్సన్‌/ట్రైనర్‌గా అనుభవం, ఎఫ్‌ఎల్‌ఎన్‌ బోధనా విధానంపై అవగాహన, ఎంఎస్‌ ఆఫీసర్‌ ప్రాథమిక పరిజ్ఞానం ఉండాలని, అభ్యర్థుల వయస్సు 56 సంవత్సరాలకు మించకూడదని తెలిపారు. ప్యానల్‌ ఇన్‌న్‌స్పెక్షన్‌ టీంలలో సభ్యులుగా ఉన్న ఎల్‌ఎఫ్‌ఎల్‌ హెచ్‌ఎంలు, ఎస్‌జీటీలు ఈ పోస్టులకు దరఖాస్తు చేసుకోవడానికి అనర్హులని స్పష్టం చేశారు.● వరంగల్‌ కలెక్టర్‌ సత్యశారద ● సూపర్‌ స్పెషాలిటీ హాస్పిటల్‌ పనుల పరిశీలన

న్యూశాయంపేట: విద్యా రుణాలపై అవగాహన పెంచి, విద్యార్థులకు రుణాలు అందించేలా సహకరించాలని శాసన మండలి డిప్యూటీ చైర్మన్‌ డాక్టర్‌ బండా ప్రకాశ్‌ అన్నారు. కలెక్టరేట్‌ కాన్ఫరెన్స్‌హాల్‌లో కలెక్టర్‌ డాక్టర్‌ సత్యశారద అధ్యక్షతన శుక్రవారం జిల్లాస్థాయి బ్యాంకర్ల సమావేశం నిర్వహించారు. ఈ సందర్భగా క్రెడిట్‌ప్లాన్‌ పురోగతిపై సమీక్షించారు. జిల్లా లీడ్‌ బ్యాంక్‌ మేనేజర్‌ గడ్డం జీవన్‌కుమార్‌ ప్రగతిని పీపీటీ ద్వారా వివరించారు. వ్యవసాయం, సూక్ష్మ, చిన్న, మధ్యతరహా పరిశ్రమలు, విద్య తదితర ప్రాధాన్యతా రంగాలకు నిర్దేశించిన రుణ లక్ష్యాలను సకాలంలో పూర్తి చేయాలని చైర్మన్‌ బండా ప్రకాశ్‌ సూచించారు. అనంతరం వార్షిక క్రెడిట్‌ పుస్తకాలను ఆవిష్కరించారు. అదనపు కలెక్టర్లు ఎల్‌.కిశోర్‌కుమార్‌, వైవీ గణేశ్‌, జెడ్పీ సీఈఓ వసంత, బ్యాంకు అధికారులు పాల్గొన్నారు. శాసన మండలి డిప్యూటీ చైర్మన్‌ బండా ప్రకాశ్‌ క్రెడిట్‌ ప్లాన్‌ పురోగతిపై వరంగల్‌ కలెక్టరేట్‌లో సమీక్ష

● ఫ్లెక్సీ దుకాణం నిర్వహిస్తున్న గణేష్‌యాదవ్‌ హన్మకొండ చౌరస్తా/నయీంనగర్‌: హనుమకొండలోని రాంనగర్‌కు చెందిన పెద్దబోయిన గణేష్‌యాదవ్‌(35) ఉరివేసుకుని ఆత్మహత్య చేసుకున్నాడు. ఈ ఘటన శుక్రవారం రాత్రి చోటుచేసుకుంది. హనుమకొండ పోలీసులు తెలిపిన వివరాల ప్రకారం.. గణేష్‌యాదవ్‌ స్థానిక నయీంనగర్‌లో మౌనిక యాడ్స్‌ పేరుతో ఫ్లెక్సీ ప్రింటింగ్‌ దుకాణం నడుపుతున్నాడు. షాప్‌లోనే ఫ్యాన్‌కు ఉరేసుకుని ఆత్మహత్య చేసుకున్నాడు. మృతుడికి భార్య రమ్య, ఇద్దరు పిల్లలు ఉన్నారు. మృతుడి తల్లి ఫిర్యాదు మేరకు కేసు నమోదు చేసుకుని దర్యాప్తు చేస్తున్నట్లు పోలీసులు తెలిపారు. కాగా, గణేష్‌యాదవ్‌ కాంగ్రెస్‌ పార్టీ కార్యకర్తగా పలు కార్యక్రమాల్లో చురుగ్గా పాల్గొనేవాడు.

కాజీపేట రూరల్‌: కాజీపేట మీదుగా వరంగల్‌ నుంచి సికింద్రాబాద్‌–సిర్పూర్‌ కాగజ్‌నగర్‌ మధ్య ప్రయాణించే పలు రైళ్లు ఆపరేషన్‌ కారణాల వల్ల ఈ నెల 20వ తేదీన రద్దు చేసినట్లు దక్షిణ మధ్య రైల్వే సీపీఆర్వో శ్రీధర్‌ శుక్రవారం ఒక ప్రకటనలో తెలిపారు. రద్దు చేసిన రైళ్ల వివరాలు సికింద్రాబాద్‌–వరంగల్‌ (67761) పుష్‌పుల్‌, వరంగల్‌–సికింద్రాబాద్‌ (67762) పుష్‌పుల్‌, సికింద్రాబాద్‌–సిర్పూర్‌ కాగజ్‌నగర్‌ (12757) ఎక్స్‌ప్రెస్‌, సిర్పూర్‌ కాగజ్‌నగర్‌–సికింద్రాబాద్‌ (12758) వెళ్లే ఎక్స్‌ప్రెస్‌ను రద్దు చేసినట్లు తెలిపారు. వరంగల్‌ మీదుగా 8 పండుగ ప్రత్యేక రైళ్లు వరంగల్‌ మీదుగా ఈ నెల 19 శనివారం నుంచి అక్టోబర్‌ 10వ తేదీ వరకు పండుగకు వివిధ ప్రాంతాలకు వెళ్లే ప్రయాణికులకు కోసం 8 సర్వీస్‌లుగా ప్రయాగ్‌రాజ్‌–తిరుణెలివెళ్లి మధ్య ప్రత్యేక రైళ్లను నడిపిస్తున్నట్లు ఆయన తెలిపారు. ప్రత్యేక రైళ్ల వివరాలు ఇలా.. ఈ నెల 19 శనివారం నుంచి అక్టోబర్‌ 10వ తేదీ వరకు 4 సర్వీస్‌లుగా ప్రయాగ్‌రాజ్‌–తిరుణెలివెళ్లి (04171) మధ్య ప్రయాణించే ఎక్స్‌ప్రెస్‌లు వరంగల్‌కు చేరుకుని వెళ్తాయి. ఈ నెల 21వ తేదీ నుంచి అక్టోబర్‌ 12వ తేదీ వరకు 4 సర్వీస్‌లుగా తిరుణెలివెళ్లి–ప్రయాగ్‌రాజ్‌ (04172) మధ్య ప్రయాణించే ఎక్స్‌ప్రెస్‌లు వరంగల్‌కు చేరుకొని వెళ్తాయి. ఈ రైళ్లకు అప్‌ అండ్‌ డౌన్‌ రూట్‌లో మాణిక్‌పూర్‌, సంత, కట్నీ, జబల్‌పూర్‌, ఇటార్సీ, నాగ్‌పూర్‌, చంద్రాపూర్‌, బల్లార్షా, సిర్పూర్‌ కాగజ్‌నగర్‌, రామగుండం, వరంగల్‌, ఖమ్మం, విజయవాడ, తెనాలి, ఒంగోలు, నెల్లూరు, గూడూరు, రేణిగుంట, కట్‌పాడి, జోలర్‌పెట్టాయ్‌, సేలేమ్‌, నమక్కల్‌, కౌసర్‌, దిండిగల్‌, మధురై, విరుదునగర్‌, సతర్‌, కోవిల్‌పట్టిలో హాల్టింగ్‌ సౌకర్యం కల్పించారు. వరంగల్‌ మీదుగా 8 పండుగ ప్రత్యేక రైళ్లు

సాక్షిప్రతినిధి, వరంగల్‌: వరంగల్‌–ఖమ్మం–నల్లగొండ పట్టభద్రుల ఎమ్మెల్సీ నియోజకవర్గానికి ఓటర్ల జాబితా తయారీ ప్రక్రియ ప్రారంభమైంది. ఎన్నికల సంఘం తాజా షెడ్యూల్‌ను విడుదల చేయడంతో కసరత్తు మొదలైంది. ఇప్పటికే ఓటరుగా నమోదైన వారు సైతం మళ్లీ ఫారం–18 ద్వారా దరఖాస్తు చేసుకోవాల్సి ఉంటుంది. పాత జాబితాలో పేరు ఉన్నదనే కారణంతో కొత్త జాబితాలో పేరు ఆటోమేటిక్‌గా కొనసాగదు. 2021లో 5.05 లక్షల మంది.. 2024 ఉప ఎన్నికలో తగ్గిన ఓటర్లు.. వరంగల్‌–ఖమ్మం–నల్లగొండ పట్టభద్రుల ఎమ్మెల్సీ స్థానానికి 2021 మార్చిలో ఎన్నికలు జరిగాయి. అప్పటి జాబితాలో 5,05,565 మంది ఓటర్లు ఉన్నారు. ఇందులో 3,32,634 మంది పురుషులు, 1,72,864 మంది మహిళలు, 67 మంది ఇతర ఓటర్లు ఉన్నారు. ఉమ్మడి వరంగల్‌ జిల్లా పరిధిలో 1,81,313 మంది ఓటర్లు నమోదయ్యారు. ఆ ఎన్నికల్లో పల్లా రాజేశ్వర్‌రెడ్డి విజయం సాధించారు. కాగా, 2023 అసెంబ్లీ ఎన్నికల్లో జనగామ నియోజకవర్గంనుంచి పల్లా రాజేశ్వర్‌రెడ్డి ఎమ్మెల్యేగా గెలుపొందారు. దీంతో ఆయన ఎమ్మెల్సీ పదవికి రాజీనామా చేయడంతో 2024లో ఉప ఎన్నిక నిర్వహించారు. ఈ ఉప ఎన్నికలో తీన్మార్‌ మల్లన్న విజయం సాధించారు. 2024 ఉప ఎన్నిక తుది ఓటర్ల జాబితాలో 4,61,806 మంది పట్టభద్ర ఓటర్లు ఉన్నారు. ఇందులో 2,87,007 మంది పురుషులు, 1,74,794 మంది మహిళలు, ఐదుగురు ఇతర ఓటర్లు ఉన్నారు. ఈసారి ఎంతమంది? 2021 ఎన్నికతో పోలిస్తే 2024 ఉప ఎన్నిక నాటికి ఓటర్ల సంఖ్య తగ్గింది. ఇప్పుడు మరోసారి కొత్తగా పట్టభద్రుల ఓటర్ల జాబితాను రూపొందించనుండడంతో ఈసారి ఎంతమంది అర్హులు దరఖాస్తు చేసుకుంటారు? తుది జాబితాలో ఓటర్ల సంఖ్య ఎంతకు చేరుతుంది? అన్నది ఆసక్తికరంగా మారింది. అర్హత ఉన్న ప్రతీ పట్టభద్రుడు ఫారం–18 దరఖాస్తు చేయడం కీలకం. నవంబర్‌ 6 తర్వాత మిగిలిన ప్రక్రియ కొనసాగి, డిసెంబర్‌ 30న తుది ఓటర్ల జాబితా వెలువడనుంది. ఇదిలా ఉండగా, ఇప్పటికే ఓటర్ల నమోదుపై దృష్టి సారించిన ప్రధాన పార్టీలు.. పోటాపోటీగా నమోదు చేయించేందుకు వ్యూహరచనలో ఉన్నాయి. ఈ నేపథ్యంలో 2021 ఎన్నికలకంటే ఈసారి 15 నుంచి 25 శాతం వరకు ఓటర్లు పెరగవచ్చన్న చర్చ జరుగుతోంది. అవసరమైన అర్హతలు ఉండాలి.. పట్టభద్రుల ఎమ్మెల్సీ ఓటర్ల జాబితాను కొత్తగా రూపొందించనున్నారు. ఇందుకోసం అర్హులైన పట్టభద్రులు నిర్ణీత గడువులో ఫారం–18 సమర్పించాలి. గతంలో ఇదే నియోజకవర్గంలో ఓటు వేసినవారు, ప్రస్తుతం ఓటు ఉన్నవారు కూడా కొత్తగా దరఖాస్తు చేసుకోవాల్సి ఉంటుంది. దరఖాస్తుతో విద్యార్హతకు సంబంధించిన ధ్రువీకరణ పత్రాలను సమర్పించాలి. ఓటు హక్కు పొందేందుకు డిగ్రీ ఉంటే సరిపోదు. ఎన్నికల నిబంధనల ప్రకారం నిర్ణీత అర్హత తేదీ నాటికి పట్టభద్రుడై ఉండడంతోపాటు అవసరమైన అర్హతలతో గడువులోగా దరఖాస్తు చేసుకోవాలి. ఎమ్మెల్సీ ఓటుకు మళ్లీ ‘ఫారం–18’ సమర్పించాల్సిందే ఈనెల 28న నోటీస్‌.. నవంబర్‌ 6 వరకు దరఖాస్తుల స్వీకరణ నవంబర్‌ 25న ముసాయిదా.. డిసెంబర్‌ 30న తుది జాబితా

2028 నాటికి విమానాల టేకాఫ్‌ లక్ష్యంగా ప్రాజెక్టు ముందుకుసాక్షి, వరంగల్‌: ఉమ్మడి వరంగల్‌ జిల్లా ప్రజల దశాబ్దాల నిరీక్షణకు తెరదించుతూ మామునూరు విమానాశ్రయం పునరుద్ధరణ పనులవైపు వేగంగా అడుగులు పడుతున్నాయి. ఎయిర్‌పోర్ట్స్‌ అథారిటీ ఆఫ్‌ ఇండియా (ఏఏఐ) విడుదల చేసిన తాజా టెండర్‌ డాక్యుమెంట్‌, ఇందుకు సంబంధించిన ప్రణాళికలు ఓరుగల్లు గగన విహారానికి సరికొత్త రూపురేఖలను అద్దనున్నాయి. ఇప్పటికే రూ.203.49 కోట్లతో రన్‌ వే ఆధునికీకరణ నుంచి టర్మినల్‌కు అనుసంధాన రహదారులు, విమానాల పార్కింగ్‌ అప్రాన్‌, ట్యాక్సీ వేలు, గ్రౌండ్‌ సపోర్ట్‌ సదుపాయాల వరకు టెండర్లు పిలిచిన ఏఏఐ...తాజాగా రూ. 213.59 కోట్ల అంచనా వ్యయంతో నూతన డొమెస్టిక్‌ టర్మినల్‌ బిల్డింగ్‌, ఏటీసీ టవర్‌ కం టెక్నికల్‌ బ్లాక్‌, ఎలక్ట్రికల్‌ సబ్‌స్టేషన్‌, ఫైర్‌ స్టేషన్‌, ఈ అండ్‌ ఎం వర్క్‌షాప్‌ వంటి కీలక మౌలిక వసతుల కల్పనకు టెండర్లు పిలిచింది. ఇందుకు సంబంధించి ఈనెల 28న వరంగల్‌ ఎయిర్‌పోర్ట్‌లో ప్రీ–బిడ్‌ సమావేశం నిర్వహించనున్నారు. నవంబర్‌ 3 వరకు బిడ్ల సమర్పణకు గడువు ఉంది. ఈ పనులను 18 నెలల కాలవ్యవధిలో పూర్తి చేయాలని గడువు విధించారు. ఎయిర్‌పోర్ట్‌ ప్రత్యేకతలు ఇలా.. ● కాకతీయ శైలిలో ఈ ప్రాజెక్టు కోసం మొత్తం 949.44 ఎకరాల ఎయిర్‌పోర్ట్‌ ప్రణాళిక విస్తీర్ణాన్ని సిద్ధం చేశారు. ఎయిర్‌బస్‌–320 వంటి పెద్ద ప్రయాణికుల విమానాలతో పాటు భారీ కార్గో విమానాలు కూడా దిగేలా 2,800 మీటర్ల పొడవు, 75 మీటర్ల వెడల్పుతో రన్‌వేను ఆధునికీకరిస్తున్నారు. ● ఫేజ్‌–1 కింద సుమారు 6,800 చదరపు మీటర్ల విస్తీర్ణంలో నిర్మించనున్న టర్మినల్‌ భవనం ద్వారా ఏటా 3.5 లక్షల మంది ప్రయాణికులకు సేవలందించవచ్చు. లోపలి అలంకరణలో కాకతీయ తోరణం శైలిని, తెలంగాణ జానపద సంస్కృతిని ప్రతిబింబించేలా శిల్పాలు, చిత్రాలను ఏర్పాటు చేయనున్నారు. ● ఈ విమానాశ్రయం అందుబాటులోకి వస్తే హైదరాబాద్‌, చైన్నె, బెంగళూరు, ఢిల్లీ, ముంబై వంటి నగరాలకు వరంగల్‌ నుంచి నేరుగా విమాన సర్వీసులు ప్రారంభమవుతాయి. ఇది కాకతీయ మెగా టెక్స్‌టైల్‌ పార్క్‌, ఐటీ కారిడార్లకు పెట్టుబడులను ఆకర్షించడమే కాకుండా, పర్యాటక రంగంలో రామప్ప దేవాలయం, వరంగల్‌ కోటకు సందర్శకులను పెంచుతుంది. 2028 నాటికి విమానాల టేకాఫ్‌ లక్ష్యంగా చేపట్టనున్న ఈ ప్రాజెక్టు వరంగల్‌ రూపురేఖలను మార్చనుంది. ఇప్పటికే రూ.203.49 కోట్లతో నిర్మాణ పనులకు టెండర్‌ తాజాగా రూ. 213.59 కోట్ల అంచనా వ్యయంతో మరో టెండర్‌ ఎయిర్‌పోర్ట్‌ అందుబాటులోకి వస్తే మారనున్న వరంగల్‌ రూపురేఖలు

కేయూ క్యాంపస్‌: కాకతీయ యూనివర్సిటీలోని న్యూపీజీ హాస్టల్‌ మెస్‌ వద్ద గురువారం రాత్రి తాగునీటిని వినియోగించుకునే సమయంలో ఇద్దరు విద్యార్థుల మధ్య తలెత్తిన వివా దం పరస్పర వాగ్వాదాల నుంచి చేయిచేసుకునేవరకు వెళ్లింది. ఇందులో ఓ విద్యార్థి సమాచారంతో అక్కడకు వచ్చిన నాన్‌బోర్డర్‌తోపాటు పలువురు మరో విద్యార్థిని కొట్టారని సమాచారం. విషయం తెలుసుకున్న కాకతీయ యూనివర్సి టీ పోలీసులు చేరుకుని విద్యార్థులకు సర్దిచెప్పేయత్నం చేశా రు. విద్యార్థిపై చేయిచేసుకున్న నాన్‌బోర్డర్‌పై ఓ విద్యార్థి చేయి చేసుకున్నాడని తెలిసింది. అయితే నాన్‌బోర్డర్‌ వచ్చి క్యాంపస్‌ విద్యార్థిని కొట్టడంపై కొందరు విద్యార్థులు శుక్రవారం కేయూ రిజిస్ట్రార్‌ రామచంద్రం దృష్టికి తీసుకెళ్లారు. నాన్‌బోర్డర్ల సమస్యను పరిష్కరించి హాస్టల్‌ మెస్‌కు రాకుండా చూడాలని రిజిస్ట్రార్‌ను కోరారు. దీంతో వివాదానికి గల కారణాలపై రిజిస్ట్రార్‌ ఆరా తీశారు. ఆ సమయంలో అక్కడే ఉన్న సీఐ రవికుమార్‌, ఎస్సై విజయ్‌ నాన్‌బోర్డర్లపై నిర్ణయం తీసుకుంటే తాము సహకరిస్తామని రిజిస్ట్రార్‌కు చెప్పారు. ఈవిషయంపై కేయూ రిజిస్ట్రార్‌ రామచంద్రంను సాక్షి వివరణ కోరగా ఇద్దరు విద్యార్థుల మధ్య మెస్‌ వద్ద వివాదం తలెత్తిందని తెలిపారు. నాన్‌బోర్డర్ల రాకతో ఘర్షణ వాతావరణం చోటుచేసుకుందన్నారు. పోలీసులు విచారణ జరిపి ఎవరిది తప్పనేది తేల్చి చర్యలు తీసుకుంటారని తనవద్దకు వచ్చినవారికి చెప్పినట్లు వివరించారు. కేయూ పోలీస్టేషన్‌ ఎస్సై విజయ్‌ను వివరణ కోరగా న్యూ పీజీ హాస్టల్‌ మెస్‌ వద్ద విద్యార్థుల మధ్య జరిగిన గొడవ సద్దుమణిగేలా చేశామని తెలిపారు. అయితే విద్యార్థులెవరూ పోలీస్టేషన్‌లో లిఖిత పూర్వకంగా ఫిర్యాదు చేయలేదని తెలిపారు. మెస్‌వద్ద ఇద్దరు విద్యార్థుల మధ్య తలెత్తిన వైరం పోలీసుల రాకతో సద్దుమణిగిన వివాదం పరస్పర ఆరోపణలతో రిజిస్ట్రార్‌ దృష్టికి..

వరంగల్‌ స్పోర్ట్స్‌: హనుమకొండలోని జవహర్‌లాల్‌ నెహ్రూ స్టేడియంలో ఈనెల 22న వరంగల్‌ జిల్లాస్థాయి అండర్‌–14, 16, 18, 20 మెన్‌ అండ్‌ ఉమెన్‌ అథ్లెటిక్స్‌ పోటీలు నిర్వహిస్తున్నట్లు అథ్లెటిక్స్‌ అసో సియేషన్‌ జిల్లా అధ్యక్ష, కార్యదర్శులు కిషన్‌, యు గంధర్‌రెడ్డి శుక్రవారం ఒక ప్రకటనలో తెలిపారు. ఎంపికై న క్రీడాకారులు 26, 27 తేదీల్లో జేఎన్‌ఎస్‌లో జరగనున్న తెలంగాణ రాష్ట్రస్థాయి జూనియర్‌ అథ్లెటిక్స్‌ పోటీల్లో, సబ్‌ జూనియర్‌ విభాగం 8, 10, 12 సంవత్సరాల బాలబాలికలు మంచిర్యాలలో జరిగే సబ్‌ జూనియర్‌ రాష్ట్రస్థాయి ఎంపికల్లో పాల్గొంటా రని పేర్కొన్నారు. ఎంపికలకు హాజరయ్యే అథ్లెట్లు 22న ఉదయం 9 గంటలకు జనన ధ్రువీకరణ పత్రం లేదా పదో తరగతి మెమో, ఎంట్రీ ఫీజు రూ.100తో జేఎన్‌ఎస్‌కు హాజరు కావాలని సూచించారు. విజేతలకు సర్టిఫికెట్లు, పతకాలు అందజేయనున్నట్లు తెలిపారు. పూర్తి వివరాలకు యుగంధర్‌ రెడ్డి (9866564422), కృష్ణమూర్తి (9000354465) నంబర్లలో సంప్రదించవచ్చని పేర్కొన్నారు. రాజీవ్‌ ఆరోగ్యశ్రీ ఉద్యోగుల జిల్లా కమిటీ కాశిబుగ్గ: వరంగల్‌ జిల్లా రాజీవ్‌ ఆరోగ్యశ్రీ ఉద్యోగుల జిల్లా కమిటీ నూత న కార్యవర్గాన్ని శుక్రవా రం ఎన్నుకున్నారు. అధ్యక్షుడిగా కొండపల్లి శ్రీకాంత్‌, జనరల్‌ సెక్రటరీగా నల్లబెల్లి అనిల్‌, ఉపాధ్యక్షుడిగా మోటే మహేశ్‌, ఆర్గనైజింగ్‌ సెక్రటరీగా దాంతోజు కుమారస్వామి, ట్రెజరర్‌గా గంట రజని, సభ్యులుగా నూనె ఆనంద్‌,పాలకుర్తి అనిల్‌ తేజ, సాంబారి రాజేష్‌, ఎగ్జిక్యూటివ్‌ కమిటీ సభ్యులుగా వినీత, కోమల, బేబీ రాణి, కరుణాకర్‌, స్వాతి ఎన్నియ్యారు. నాణ్యమైన వైద్య సేవలందించాలి ● వరంగల్‌ డీఎంహెచ్‌ఓ డాక్టర్‌ రాజారెడ్డి కాశిబుగ్గ: ప్రజలకు నాణ్యమైన వైద్య సేవలందిస్తూ, రికార్డులను ఎప్పటికప్పుడు ఆధునికీకరించాలని వరంగల్‌ డీఎంహెచ్‌ఓ డాక్టర్‌ బి.రాజారెడ్డి అన్నారు. ఎంజీఎం ఆస్పత్రి ఆవరణలో నిర్వహిస్తున్న వివిధ జాతీయ ఆరోగ్య మిషన్‌ సేవలను శుక్రవారం ఆయన పరిశీలించారు. ప్రజలకు అందుతున్న సేవలను అడిగి తెలుసుకున్నారు. సేవల్లో ఎలాంటి లోపాలు లేకుండా చూడాలని ఆదేశించారు.

హన్మకొండ కల్చరల్‌: వేయిస్తంభాల ఆలయంలో జరుగుతున్న ఉత్తిష్ట గణపతి నవరాత్రి మహోత్సవాల్లో భాగంగా ఐదోరోజు శుక్రవారం మూల మహాగణపతికి లక్ష పుష్పార్చన, శ్రీమహాలక్ష్మి యాగం నిర్వహించారు. ఆలయ ప్రధానార్చకుడు గంగు ఉపేంద్రశర్మ ఆధ్వర్యంలో అర్చకులు ఉదయం నుంచి రుద్రేశ్వరస్వామికి రుద్రాభిషేకం, పూజలు చేశారు. భక్తురాలు మంజుల అందజేసిన వివిధ రకాల పూలతో లక్షపుష్పార్చన నిర్వహించారు. పూజా కార్యక్రమాలకు మహేంద్ర కపూర్‌, రాజ్‌కరాని ఉభయదాతలుగా వ్యవహరించారు. భక్తులకు అన్నప్రసాదాల వితరణ చేశారు. సాయంత్రం నృత్యగురువు దేవులపల్లి శ్రీవిద్య శిష్య బృందం కూచిపూడి నృత్యాలు అలరించాయి. ఆలయ ఈఓ అనిల్‌కుమార్‌ పర్యవేక్షించారు. హన్మకొండ: ఉపాధి శిక్షణ ద్వారా మహిళలు సాధికారత సాధించవచ్చని హనుమకొండ జిల్లా న్యాయ సేవాధికార సంస్థ కార్యదర్శి, సీనియర్‌ సివిల్‌ జడ్జి నేరెళ్ల వెంకట హైమా పూజిత అన్నారు. శుక్రవారం హనుమకొండ సుబేదారిలోని అసుంత భవన్‌లో ఎఫ్‌ఎంఎం సాంఘిక సేవా సంస్థ ఆధ్వర్యంలో సంస్థ డైరెక్టర్‌ సిస్టర్‌ సహాయ అధ్యక్షతన కుట్టు, మగ్గం వర్క్‌లో శిక్షణ పొందిన మహిళలకు సర్టిఫికెట్‌ ప్రదానం చేశారు. నూతన బ్యాచ్‌కు శిక్షణ ప్రారంభించారు. ముఖ్య అతిథిగా హనుమకొండ న్యాయ సేవాధికార సంస్థ కార్యదర్శి, సీనియర్‌ సివిల్‌ జడ్జి నేరెళ్ల వెంకట హైమ పూజిత హాజరై మాట్లాడుతూ శిక్షణ పొందిన మహిళలు పేదరికాన్ని జయించాలన్నారు. కార్యక్రమంలో వరంగల్‌ పోలీస్‌ కమిషనరేట్‌ యాంటీ హ్యూమన్‌ ట్రాఫికింగ్‌ యూనిట్‌ ఇన్‌స్పెక్టర్‌ ఓరుగంటి రమేశ్‌, వరంగల్‌ జిల్లా ఎయిడ్స్‌ ప్రాజెక్ట్‌ కంట్రోల్‌ కార్యాలయం జిల్లా మేనేజర్‌ స్వప్న మాధురి, కేయూ పాలక మండలి సభ్యురాలు డాక్టర్‌ కె.అనితారెడ్డి, ఎఫ్‌ఎంఎం సాంఘిక సేవా సంస్థ ప్రాజెక్టు కో–ఆర్డినేటర్లు బత్తుల కరుణ, ఎర్ర శ్రీకాంత్‌, సిస్టర్‌ అల్బాట, ఫైనాన్స్‌ మేనేజర్‌ ఎం.అజయ్‌ కుమార్‌, ఫీల్డ్‌ కో–ఆర్డినేటర్‌ ఈసంపల్లి సుదర్శన్‌, ట్రైనర్‌ స్వప్న, భాగ్యలక్ష్మి, లత పాల్గొన్నారు. హన్మకొండ అర్బన్‌: పెన్షనర్లు తమ వివరాలను ఆన్‌లైన్‌లో సమర్పించాలని డిప్యూటీ డైరెక్టర్‌ ఎ.శ్రీనివాస్‌కుమార్‌ కోరారు. పెన్షనర్ల సంఘాలతో డీటీఓ కార్యాలయంలో శుక్రవారం సమావేశం నిర్వహించారు. ప్రభుత్వ ఉద్యోగులు, పెన్షనర్లకు ఆరోగ్య కార్డుల జారీ ప్రక్రియలో భాగంగా 93 శాతం మంది ఉద్యోగులు తమ వివరాలు నమోదు చేసుకున్నారని, పెన్షనర్లు ఇప్పటివరకు 25 శాతం మంది మాత్రమే నమోదు చేసుకున్నారని, మిగతా వారు చేసుకోవాలని కోరారు. వివరాలను https:// ifmis. telangana. gov. in/ pension /#/ ehct& form వెబ్‌సైట్‌లో నమోదు చేసుకోవాలని సూచించారు. సమావేశంలో పెన్షనర్ల సంఘాల ప్రతినిధులు తూపురాని సీతారాం, ఈ.నరసింహారెడ్డి, కుడూరు గోపాల్‌రెడ్డి, మల్లారెడ్డి, ఏటీఓలు వై.శ్రీనివాస్‌రెడ్డి, ఎం.డి.అన్వర్‌ హుస్సేన్‌, ఎస్టీఓలు దయాకర్‌రావు, చంద్రశేఖర్‌, ఆడిటర్లు ఖాజా, వేణు, సంతోశ్‌, శశికళ పాల్గొన్నారు. కేయూ క్యాంపస్‌: కాకతీయ యూనివర్సిటీలో కొంతకాలంగా పదోన్నతి కోసం నిరీక్షిస్తున్న సూపరింటెండెంట్లలో ఆరుగురికి అసిస్టెంట్‌ రిజిస్ట్రార్‌గా పదోన్నతి లభించనుంది. కొన్ని నెలల క్రితం 12 మంది సూపరింటెండెంట్లు దరఖాస్తులు చేసుకున్నారు. వారికి రాత పరీక్ష అనంతరం ఇంటర్వ్యూలు నిర్వహించారు. సెలక్షన్‌ కమిటీ ద్వారా ఎంపిక చేసినట్లు సమాచారం. కేయూ పాలక మండలి ఆమోదం కూడా లభించినట్లు తెలుస్తోంది. అయితే, 12 మంది సూపరింటిండెంట్ల విద్యార్హతలకు సంబంధించి విద్యార్హతల సర్టిఫికెట్ల జెన్యూనిటీ కోసం సంబంధిత వర్సిటీలకు కూడా పరిశీలన కు పంపినట్లు సమాచారం. నేడు (శనివారం) కేయూ వీసీ ప్రతాప్‌రెడ్డి యూనివర్సిటీకి రానున్నారు. ఆరుగురి సూపరింటిండెంట్లకు అసిస్టెంట్‌ రిజిస్ట్రార్‌లుగా పదోన్నతి కల్పిస్తూ ఉత్వర్లులు ఇస్తూనే వారికి వివిధ చోట్ల పోస్టింగ్‌లు ఇచ్చే అవకాశం ఉన్నట్లు వర్సిటీలో చర్చనీయాంశంగా మారింది.

సాక్షి, వరంగల్‌: దేశవ్యాప్తంగా సైబర్‌ నేరాలు మ్యూల్‌ ఖాతాల కేంద్రంగా జరుగుతుండడంతో ఈ ఖాతాదారులపై కూడా పోలీసులు కఠినంగా వ్యవహరిస్తున్నారు. చట్టబద్ధంగా చర్యలు తీసుకునేందుకు సిద్ధమవుతున్నారు. దేశంలో 185 సైబర్‌ నేరాలకు సంబంధించి లావాదేవీలు జరిగినట్టుగా పోలీసులు అనుమానిస్తున్న ఖాతాలు వరంగల్‌లో ఉన్నట్టుగా ధ్రువీకరించిన కేసులో ఇప్పటికే వరంగల్‌ సైబర్‌ క్రైమ్‌, టాస్క్‌ఫోర్స్‌, మీల్స్‌ కాలనీ పోలీసులు అరెస్టు చేసిన 22 మంది సభ్యుల్లో ఏజెంట్లతోపాటు మ్యూల్‌ ఖాతాదారులుండడం కలవరానికి గురిచేస్తోంది. ముద్ర లోన్‌, ఇతర రుణాల కోసమంటూ డబ్బు అవసరమున్న విద్యార్థులు, రైతులు, కార్మికులను గుర్తించి బ్యాంక్‌ ఖాతా తెరిచి సంబంధిత పత్రాలు, ఏటీఎం కార్డు ఇస్తే కమిషన్‌ ఇస్తామంటూ నమ్మబలికి ఆ ఖాతాలను సైబర్‌ నేరాల కోసం వినియోగిస్తుండడం సంచలనం రేపుతోంది. దీంతో కమిషన్‌ కోసం కక్కుర్తి పడితే కటకటాలు తప్పవని పోలీసులు హెచ్చరిస్తున్నారు. కమీషన్‌ కోసం ఇతరులకు మీ అకౌంట్‌ ఇచ్చి అది నేరానికి ఉపయోగించినట్లు తేలితే ఏడేళ్ల వరకు జైలు శిక్ష పడే అవకాశం ఉందంటున్నారు. ‘మ్యూల్‌ ఖాతా’ అంటే.. మోసపూరితంగా వచ్చిన డబ్బును సైబర్‌ నేరగాళ్లు నేరుగా తమ ఖాతాల్లోకి తీసుకోకుండా, ఇతరుల పేర్లతో తెరిచిన బ్యాంకు ఖాతాలను ఉపయోగిస్తారు. ఇలాంటి ఖాతాలను ‘మ్యూల్‌ అకౌంట్‌’గా పిలుస్తారు. నేరాల ద్వారా వచ్చిన డబ్బు ఈ ఖాతాల్లోకి చేరిన తర్వాత పలు ఖాతాలకు బదిలీ చేయడం, నగదుగా మార్చడం లేదా ఇతర మార్గాల్లో తరలిస్తారు. ప్రస్తుతం నమోదైన కేసులో కూడా ఇలాంటి ఖాతాలను సైబర్‌ నేరగాళ్లకు అందించే ప్రత్యేక నెట్‌వర్క్‌ ఉన్నట్లు పోలీసుల దర్యాప్తులో వెల్లడైంది. మధ్యవర్తి, ఏజెంట్లుగా వ్యవహరించేవారికి ఖాతాకు రూ.20 వేల నుంచి రూ.25 వేల వరకు వస్తే అసలు ఖాతాదారుడికి రూ.6,000 నుంచి రూ.8,000 మధ్య ఇస్తున్నట్లు సమాచారం. సైబర్‌ ముఠాల మూడంచెల వ్యూహం.. ● ఎర: కేంద్ర ప్రభుత్వ ‘ప్రధానమంత్రి ముద్ర రుణం’ కింద రూ.50,000 ఇప్పిస్తామంటూ నకిలీ పత్రాలతో నమ్మిస్తారు. ● కమీషన్‌: బ్యాంక్‌లో మీతోనే అకౌంట్‌ ఓపెన్‌ చేయించి.. పాస్‌బుక్‌, ఏటీఎం, సిమ్‌ కార్డు తీసుకుని రూ.6,000 నుంచి రూ.8,000 చేతిలో పెడతారు. ● నేరం: ఆ అకౌంట్లను (మ్యూల్‌ ఖాతాలు) దేశవ్యాప్తంగా జరిగే కోట్ల రూపాయల ట్రేడింగ్‌, ఇన్వెస్ట్‌మెంట్‌ మోసాలు, నల్లధనాన్ని మళ్లించడానికి వాడుకుంటారు. ఆశపడి బ్యాంక్‌ ఖాతాలిస్తే నేరమే.. కేసులు, ఆపై జైలుకు తప్పదంటున్న పోలీసులు తాజాగా వరంగల్‌ పోలీసులు ఛేదించిన కేసు చెబుతున్నదిదే..మ్యూల్‌ ఖాతాదారులైతే మూల్యం చెల్లించాల్సిందే..ఏం చేయాలి? 1. రుణాల కోసం నేరుగా గుర్తింపు పొందిన మధ్యవర్తులను నమ్మొద్దు. 2.మీ ఆధార్‌, పాన్‌ కార్డులను దేనికై నా ఇస్తే,వాటిపై ఏ అవసరం కోసం ఇస్తున్నారో పెన్నుతో రాయాలి. 3.మీ ప్రమేయం లేకుండా అకౌంట్‌ ఓపెన్‌ కార్డును ఇతరులకు వాడుకోమని హోమ్‌ బ్రాంచ్‌కు వెళ్లి చెక్‌ చేయాలి. 4.సైబర్‌ మోసానికి గురైతే ఆలస్యం చేయకుండా 1930 హెల్ప్‌లైన్‌ నంబర్‌కు కాల్‌ చేయాలి. ఏం చేయకూడదు? 1.రూ.50 వేల లోన్‌ ఆశ చూపే లోకల్‌ బ్రోకర్లు, అధికారిక బ్యాంకులనే ఆశ్రయించాలి. 2. కమీషన్‌ వస్తుందని ఆశపడి బ్యాంక్‌ పాస్‌బుక్‌, ఏటీఎం కార్డు, పిన్‌ ఇతరులకు ఇవ్వొద్దు. 3.మీ పేరు మీద తీసుకున్న సిమ్‌ అయిందని అనుమానం వస్తే వెంటనే ఇవ్వొద్దు. 4.నా అకౌంట్‌తో నేనేం మోసం చేయలేదు కదా అని నిర్లక్ష్యంగా ఉండొద్దు.

● 8మంది నిందితుల అరెస్ట్‌ కాజీపేట: కేంద్ర ప్రభుత్వం సుమారు పదేళ్ల క్రితం రద్దు చేసిన రూ.1.38 కోట్ల విలువ చేసే పాత కరెన్సీ నోట్లను రవాణా చేస్తున్న ముఠాను అదుపులోకి తీసుకుని కోర్టులో హాజరుపరిచినట్లు కాజీపేట ఏసీపీ పింగిళి ప్రశాంత్‌ రెడ్డి తెలిపారు. హనుమకొండ జిల్లా కాజీపేట పోలీస్‌స్టేషన్‌ ఆవరణలో శుక్రవారం రాత్రి ఏర్పాటు చేసిన విలేకరుల సమావేశంలో వివరాలు వెల్లడించారు. కాజీపేట చౌరస్తాలో వాహనాల తనిఖీ చేస్తుండగా ఓ వాహనంలోని వ్య క్తుల కదలికలు అనుమానాస్పదంగా ఉండడంతో సోదాలు చేశారు. దీంతో 2016లో ప్రభుత్వం రద్దు చేసిన రూ.500, రూ.వెయ్యి నోట్ల కట్టలు బయటపడ్డాయి. దీంతో వాహనంలో ప్రయాణిస్తున్న కర్ణాటక రాష్ట్రానికి చెందిన ముల్లా అబ్బాస్‌ (47), మంచిర్యాల జిల్లా హాజీపూర్‌కు చెందిన బాసవేని మల్లేష్‌, కరీంనగర్‌జిల్లా జమ్మికుంటకు చెందిన తంగళ్ల కృష్ణమోహన్‌, సిద్దిపేటకు చెందిన కుక్కల సంపత్‌, హనుమకొండకు చెందిన రైనాకుల శ్రీధర్‌, పల్లపు రాజు, వరంగల్‌ కరీమాబాద్‌కు చెందిన మహంకాళి శ్యాంసుందర్‌, నెక్కొండ మండలం చంద్రుగొండకు చెందిన మాంకాల గణేష్‌లను అరెస్ట్‌ చేశారు. వీరిని విచారించగా తమిళనాడు రాష్ట్రానికి చెందిన ఓ వ్యక్తి నోట్ల సరఫరాకు సహకరించినట్లు చెప్పారు. ఆ వ్యక్తి ప్రస్తుతం పరారీలో ఉండగా, పట్టుబడిన నిందితులను కోర్టులో హాజరుపరిచినట్లు ఏసీపీ తెలిపా రు. సమావేశంలో సీఐ శ్యాంసుదర్‌, ఎస్సైలు మౌని క, శివ, తాళ్లపల్లి యాదగిరి, శ్రీనివాస్‌, సిబ్బంది సునిత, అశోక్‌కుమార్‌, శ్రీధర్‌, క్రాంతికుమార్‌, కుమారస్వామి, విష్ణు, వినయ్‌ పాల్గొన్నారు.

కేయూ క్యాంపస్‌: ఆధునిక సాంకేతిక పరిజ్ఞానాన్ని విస్తృతంగా వినియోగిస్తున్నప్పటికీ విద్యార్థుల్లో మేధాశక్తికి గణితం కీలకంగా ఉంటుందని కాకతీయ యూనివర్సిటీ రిజిస్ట్రార్‌ రామచంద్రం అన్నారు. హనుమకొండలోని యూనివర్సిటీ ఆర్ట్స్‌ అండ్‌ సైన్స్‌ కళాశాలలో శుక్రవారం గణితం విభాగం ఆధ్వర్యంలో రాష్ట్రస్థాయి (ఎంటీటీఎస్‌) మ్యాథ్స్‌మెటిక్స్‌ ట్రైనింగ్‌ అండ్‌ టాలెంట్‌ సెర్చ్‌ ఓవర్‌చ్యూర్‌ –2026 ప్రోగ్రాంలో భాగంగా వివిధ జిల్లాలకు చెందిన డిగ్రీ విద్యార్థులకు నిర్వహించిన శిక్షణ కార్యక్రమంలో ఆయన ముఖ్యఅతిథిగా పాల్గొని మాట్లాడారు. గణతాన్ని కేవలం ఒక పాఠ్యాంశంగా కాకుండా నిత్యజీవితంలో విద్య, ఉద్యోగ, వ్యాపార రంగాల్లో ఉపయోగపడే నైపుణ్యాలుగా భావించాలన్నారు. హైదరాబాద్‌లోని ఐఐటీ ప్రొఫెసర్‌ సుకుమార్‌ మాట్లాడుతూ ఆధునిక పద్ధతులు, సాంకేతిక పరిజ్ఞానం ద్వారా గణితాన్ని సులభతరంగా నేర్చుకోవచ్చని వివరించారు. కేయూ ఓఎస్‌డీ ఆచార్య వెంకట్రామ్‌రెడ్డి మాట్లాడుతూ.. విద్యార్థులకు ప్రాథమిక గణితంలోని భావనలు, సూత్రాలపై అవగాహన ఎంతో అవసరమని అన్నారు. పోటీ పరీక్షలకు, ఉద్యోగాలు, ఆర్థిక వ్యవహారాల్లో గణిత పరిజ్ఞానం ఎంతో ఉపయోగపడుతుందన్నారు. సమావేశంలో యూనివర్సిటీ ఆర్ట్స్‌ అండ్‌ సైన్స్‌ కళాశాల ప్రిన్సిపాల్‌ ఆచార్య జ్యోతి, యూనివర్సిటీలోని గణితం విభాగం అధిపతి డాక్టర్‌ బీఎస్‌ఎల్‌ సౌజన్య, ప్రోగ్రామ్‌ కన్వీనర్‌ డాక్టర్‌ నాగయ్య, గణిత విభాగం అధ్యాపకురాలు డాక్టర్‌ శ్రీలక్ష్మి, రవికుమార్‌, అంజన్‌రావు, డాక్టర్‌ మంజుల, వైస్‌ ప్రిన్సిపాల్‌ డాక్టర్‌ రెహమాన్‌ మాట్లాడారు. కేయూ రిజిస్ట్రార్‌ రామచంద్రం

వర్ధన్నపేట: మెడిసిన్‌లో సీటు వచ్చినా.. ఫీజు చెల్లంచే స్థోమత లేక ఆందోళనలో ఉన్న వర్ధన్నపేటకు చెందిన పేద విద్యార్థి అఖిలకు ‘ఆపన్న హస్తం అందించరూ..’ అనే శీర్షికన శుక్రవారం సాక్షి దినపత్రికలో ప్రచురితమైన కథనానికి పలువురు దాతలు స్పందించారు. విద్యార్థిని చదువుకు తమవంతు సాయం అందించడంలో భాగంగా.. నీటిపారుదల ఇంజనీరింగ్‌ శాఖలో ప్రముఖ కాంట్రాక్టర్‌ గుజ్జ సుమన్‌రావు రూ. లక్ష, పట్టణంలోని వీరభధ్ర ఫిల్లింగ్‌ స్టేషన్‌ యాజమాన్యం రూ.25 వేలు, వాసవి క్లబ్‌ ఆధ్వర్యంలో రూ.35 వేలు, టీపీసీసీ జిల్లా అధికార ప్రతినిధి నిమ్మాని శేఖర్‌రావు, ఆరోగ్య శాఖ అధికారి నెహ్రునాయక్‌, రాజమణి దంపతులు రూ.10 వేల చొప్పున అందించారు. వీరితోపాటు మరికొంతమంది తమకు తోచిన సాయం అందించారు. దీంతో తన చదువుకు సాయం అందించేందుకు ముందుకొచ్చిన దాతలకు, తన విషయంపై కథనం ప్రచురించిన సాక్షి దినపత్రికకు అఖిల కృతజ్ఞతలు తెలియజేసింది. ఆపన్న హస్తం అందించిన దాతలు సాక్షి, దాతలకు కృతజ్ఞతలు తెలిపిన మెడికల్‌ విద్యార్థిని

ఖిలా వరంగల్‌ : కుటుంబ కలహాలతో ఒంటిపై పెట్రోల్‌ పోసుకుని నిప్పంటిచుకున్న ఓ యువకుడు చికిత్స పొందుతూ మృతి చెందాడు. పోలీసులు కథనం ప్రకారం.. వరంగల్‌ కరీమాబాద్‌లోని లక్ష్మీనగర్‌కు చెందిన కట్ల హరీశ్‌(27) అదే ప్రాంతానికి చెందిన వైష్ణవిని ఐదేళ్ల క్రితం ప్రేమ వివాహం చేసుకున్నాడు. ఈ దంపతులకు ఒక కుమారుడు ఉన్నాడు. అయితే కొంతకాలంగా దంపతుల మధ్య కుటుంబ కలహాలు చోటుచేసుకోవడంతో దూరంగా ఉంటున్నారు. ఈనెల 10న హరీశ్‌పై అతడి భార్య మిల్స్‌కాలనీ పోలీసులకు ఫిర్యాదు చేసింది. 11న హరీశ్‌కు స్టేషన్‌కు వెళ్లాడు. ప్రేమించి పెళ్లి చేసుకున్న భార్య, కొడుకు దూరమవుతున్నాడని మనస్తాపానికి లోనై హరీశ్‌ పెట్రోల్‌ ఒంటిపై పోసుకుని నిప్పంటించుకొని స్టేషన్‌లోకి పరుగులుతీశాడు. గాయాలైన అతడిని ఎంజీఎం తరలించగా చికిత్స పొందుతూ గురువారం మృతి చెందాడు. మృతుడి తల్లి రాజమణి ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఇన్‌స్పెక్టర్‌ కర్రె స్వామి తెలిపారు.

సాక్షి ప్రతినిధి, వరంగల్‌ : పోలీస్‌ శాఖలో ఏళ్లుగా పెండింగ్‌లో ఉన్న డీఎస్పీల పదోన్నతుల వ్యవహారంలో తాజాగా కదలిక మొదలైంది. 1991, 1995, 1996 బ్యాచ్‌లకు చెందిన పలువురు డీఎస్పీలు అదనపు ఎస్పీలుగా పదోన్నతి పొందాల్సి ఉండగా.. సీనియారిటీ వివాదాలు, కోర్టు కేసులు, జోనల్‌ అంశాలు, ఇతర పరిపాలన కారణాలతో ప్రక్రియ సుదీర్ఘకాలంగా నిలిచిపోయింది. తాజాగా ఈ సమస్యకు సమగ్ర పరిష్కారం చూపేందుకు డీజీపీ సీవీ ఆనంద్‌ చర్యలు చేపట్టారు. ఈ క్రమంలోనే ఇటీవల 1991, 1995, 1996 బ్యాచ్‌ల వరంగల్‌, హైదరాబాద్‌ సిటీ, హైదరాబాద్‌ రేంజ్‌లకు చెందిన అధికారులతో సమావేశమైన ఆయన.. కేసుల ఉప సంహరణ తర్వాత పదోన్నతుల ప్రక్రియ మొదలు పెట్టనున్నట్లు పేర్కొనడంపై ఆ జాబితాలో ఉన్నవారిలో ఆశలు చిగురిస్తున్నాయి. ఉద్యోగ విరమణకు ముందే ప్రమోషన్‌? 1991, 1995, 1996 బ్యాచ్‌ల అధికారులు ప్రస్తు తం డీఎస్పీలుగా పనిచేస్తున్నారు. వీరిలో కొందరు ఇప్పటికే అదనపు ఎస్పీ స్థాయి పదోన్నతి కోసం సంవత్సరాలుగా ఎదురుచూస్తున్నారు. మరోవైపు 1998 బ్యాచ్‌కు చెందిన కొంతమంది అధికారుల విషయంలోనూ పదోన్నతుల అంశం కొనసాగుతోంది. దీంతో ఒకేసారి సీనియారిటీ, అర్హత, ఖాళీలు, కోర్టు ఆదేశాలు వంటి అనేక అంశాలను పరిష్కరించాల్సిన పరిస్థితి ఏర్పడింది. పదోన్నతుల జాబితాలో పలువురు ఉన్నప్పటికీ ప్రస్తుతం అదనపు ఎస్పీ స్థాయిలో 37 పోస్టులు కోర్టు వ్యవహారాల కారణంగా ఖాళీగా ఉన్నాయని డీజీపీ సీవీ ఆనంద్‌ ఆ భేటీలో స్పష్టం చేశారు. పరస్పర విభేదాలు తమ కెరీర్‌పై ప్రభావం చూపకుండా చూడాలని సూచించారు. కోర్టుల్లో కొనసాగుతున్న కేసులను ఉపసంహరించుకుని, సీనియారిటీ–నిబంధనల ప్రకారం దశలవారీగా పదోన్నతులు కల్పించే మార్గానికి సహకరించాలని కోరారు. కేసుల ఉపసంహరణపై అధికారులు రెండు, మూడు రోజుల్లో తమ అభిప్రాయాలు తెలియజేస్తే ప్రక్రియ ముందుకు సాగనుంది.మల్టీజోన్‌ – 1లో పలువురికి చాన్స్‌.. కోర్టుల్లో పెండింగ్‌ కేసుల పరిష్కారం సుదీర్ఘకాలం పట్టే అవకాశం ఉన్న నేపథ్యంలో సమస్యను సమగ్రంగా పరిశీలించేందుకు ఇప్పటికి కమిటీని ఏర్పాటు చేశారు. సీనియారిటీ, సర్వీస్‌ రూల్స్‌, జోనల్‌ అంశాలు, ఖాళీలు తదితరాలను పరిగణనలోకి తీసుకుని కసరత్తు చేస్తున్నారు. దీంతో ఉమ్మడి వరంగల్‌, కరీంనగర్‌, ఖమ్మం, ఆదిలాబాద్‌ జిల్లాల్లో 1991,1995, 1996 బ్యాచ్‌లకు చెందిన పలువురు డీఎస్పీలకు అడిషనల్‌ ఎస్పీలుగా పదోన్నతులు దక్కనున్నాయి. మొదట 1991 బ్యాచ్‌లో వరంగల్‌ కమిషనరేట్‌ పరిధిలో నలుగురు డీఎస్పీ/ఏసీపీలు, ఇక్కడే లూప్‌లైన్‌లోని ఓ డీఎస్పీ ఈ జాబితాలో ఉండగా.. ఒకరికి కేసుల వివాదం ప్రమోషన్‌కు ప్రతిబంధకం కానుందన్న చర్చ పోలీసుశాఖలో సాగుతోంది. దశలవారీగా ప్రమోషన్ల ప్రతిపాదన.. అడిషనల్‌ ఎస్పీలుగా ప్రమోషన్లు 1991, 1995, 1996 బ్యాచ్‌ల వారీగా జాబితా సీనియారిటీ, జోనల్‌ వివాదాలతో ఏళ్లుగా పెండింగ్‌ డీజీపీ భేటీ తర్వాత చిగురిస్తున్న ఆశలు మల్టీజోన్‌లో పలువురికి చాన్స్‌

కాజీపేట రూరల్‌ : కాజీపేట జంక్షన్‌, వరంగల్‌ మీ దుగా ప్రయాణించే వివిధ వారాంతపు రైళ్లను అక్టోబర్‌ 3వ తేదీ నుంచి పొడిగించి నడిపిస్తున్నట్లు దక్షిణ మధ్య రైల్వే సీపీఆర్వో ఎ.శ్రీధర్‌ గురువారం తెలి పారు. కాజీపేట మీదుగా చర్లపల్లి–షాలిమార్‌–చర్లపల్లి 18 వీక్లీ రైళ్లను, వరంగల్‌ మీదుగా జోద్‌పూర్‌–చైన్నె బీచ్‌, చైన్నె సెంట్రల్‌–జోద్‌పూర్‌ 18 రైళ్లను, కాన్పూర్‌–ఎస్‌ఎంవీటీ బెంగళూర్‌–కాన్పూర్‌ 14 వీ క్లీ రైళ్లను పొడిగించి నడిపిస్తున్నట్లు తెలిపారు. కాజీపేట మీదుగా వెళ్లే వీక్లీ రైళ్లు.. అక్టోబర్‌ 3వ తేదీ నుంచి నవంబర్‌ 28వ తేదీ వరకు చర్లపల్లి–షాలిమార్‌ (08046) 9 వీక్లీ ఎక్స్‌ప్రెస్‌ రైళ్లు ప్రతీ శనివారం చర్లపల్లిలో బయలుదేరి కాజీపేటకు చేరుకుని వెళ్తాయి. అక్టోబర్‌ 2వ తేదీ నుంచి నవంబర్‌ 27వ తేదీ వరకు షాలిమార్‌–చర్లపల్లి (08045) 9 వీక్లీ ఎక్స్‌ప్రెస్‌ రైళ్లు ప్రతీ శుక్రవారం షాలిమార్‌లో బయలుదేరి మరుసటి రోజు కాజీపేటకు చేరుకుని వెళ్తాయి. ఈ రైళ్లకు కాజీపేట, వరంగల్‌, మహబూబాబాద్‌, ఖమ్మం, రాయన్‌పాడు, ఏలూరు, రాజమండ్రి, సామర్లకోట్‌, తుని, దువ్వాడ, విజయనగరం, శ్రీకాకుళం రోడ్‌, పలాస, బరంపూర్‌, కుర్ధారోడ్‌, భువనేశ్వర్‌, కటక్‌, జాజ్‌పూర్‌, కిన్జుహర్‌ రోడ్‌, భద్రక్‌, బాలసోర్‌, ఖరగ్‌పూర్‌, సంత్రగచ్చిలో హాల్టింగ్‌ కల్పించారు. వరంగల్‌ మీదుగా వెళ్లే వీక్లీ రైళ్లు.. అక్టోబర్‌ 11 నుంచి నవంబర్‌ 29వ తేదీ వరకు జోద్‌పూర్‌–చైన్నె బీచ్‌ (04815) 9 వీక్లీ ఎక్స్‌ప్రెస్‌ రైళ్లు ప్రతీ శనివారం జోద్‌పూర్‌లో బయలుదేరి మరుసటి రోజు వరంగల్‌కు చేరుకుని వెళ్తాయి. అక్టోబర్‌ 6వ తేదీ నుంచి చైన్నె సెంట్రల్‌–జోద్‌పూర్‌ (04816) 9 వీక్లీ ఎక్స్‌ప్రెస్‌లు ప్రతీ మంగళవారం చైన్నెలో బయలుదేరి మరుసటి రోజు వరంగల్‌కు చేరుకుని వెళ్తాయి. ఈ రైళ్లకు మేటరోడ్‌, దేగ్‌నా, మక్రానా, కుచమాన్‌ సిటీ, పెలేరా, జైపూర్‌, దుర్గాపూర్‌, సవాయ్‌మదోపూర్‌, సొగరియా, బరోన్‌, చాబ్రాగుగర్‌, రుతియాయ్‌, గుణబిణ, భోపాల్‌, ఇటార్సీ, నాగ్‌పూర్‌, బల్లార్షా, సిర్పూర్‌కాగజ్‌నగర్‌, మంచిర్యాల, వరంగల్‌, ఖమ్మం, విజయవాడ, బాపట్ల, చీరాల, ఒంగోలు, నెల్లూరు, గూడూరు, నాయుడుపేటలో హాల్టింగ్‌ కల్పించారు. అక్టోబర్‌ 4వ తేదీ నుంచి నవంబర్‌ 15వ తేదీ వరకు కాన్పుర్‌ సెంట్రల్‌–ఎస్‌ఎంవీటీ బెంగళూరు (04131) 7 వీక్లీ ఎక్స్‌ప్రెస్‌లు ప్రతీ ఆదివారం కాన్పూర్‌లో బయలుదేరి మరుసటి రోజు వరంగల్‌కు చేరుకొని వెళ్తాయి. అక్టోబర్‌ 7వ తేదీ నుంచి నవంబర్‌ 18వ తేదీ వరకు ఎస్‌ఎంవీటీ బెంగళూరు–కాన్పూర్‌ సెంట్రల్‌ (04132) 7 వీక్లీ ఎక్స్‌ప్రెస్‌లు ప్రతీ బుధవారం బెంగళూరులో బయలుదేరి మరుసటి రోజు వరంగల్‌కు చేరుకుని వెళ్తాయి. ఈ రైళ్లకు ఫత్తేపూర్‌, ప్రయాగ్‌రాజ్‌, శంకర్‌ఘర్‌, దాబురా, మాణిక్‌పూర్‌, సంత, కట్నీ, మదనమహాల్‌, ఇటార్సీ, నాగ్‌పూర్‌, బల్లార్షా, సిర్పూర్‌కాగజ్‌నగర్‌, బెల్లంపల్లి, మంచిర్యాల, వరంగల్‌, ఖమ్మం, విజయవాడ, చీరాల, ఒంగోలు, నెల్లూరు, రేణిగుంట, కట్‌పాడి, జోలర్‌పేట్టయ్‌,బంగార పేట్‌, కృష్ణార్జునాపురంలో హాల్టింగ్‌ కల్పించారు. వరంగల్‌ మీదుగా 32.. కాజీపేట మీదుగా 18.. అక్టోబర్‌, నవంబర్‌లో అమలు

గీసుకొండ: బాలయ్యపల్లె బోరుమంది. తమ బిడ్డలను ఇద్దరిని నేరేడు చెరువు పొట్టన పెట్టుకుందని కన్నీరుమున్నీరైంది. సంగారెడ్డి జిల్లా పటాన్‌చెరు పోలీస్‌స్టేషన్‌ పరిధిలోని పెద్ద కంజర్ల గ్రామంలోని నేరేడు చెరువులో బుధవారం వినాయక నిమజ్జనం చేయడానికి విద్యార్థులు వెళ్లగా ప్రమాదవశాత్తు ఆరుగురు నీట మునిగి మృత్యువాత పడిన విషయం తెలిసిందే. ఆరుగురు మృతుల్లో ఇద్దరు గీసుకొండ గ్రామ పరిధి (హామ్లెట్‌) బాలయ్యపల్లెకు చెందిన వారు కావడంతో గ్రామంలో విషాదం అలుముకుంది. బాలయ్యపల్లెకు చెందిన రాగిరి లింగమూర్తి, అనిత దంపతులకు కూతురు, కుమారుడు గణేశ్‌(18) ఉన్నారు. గణేశ్‌ పాలిటెక్నిక్‌ డిప్లొమా ద్వితీయ సంవత్సరం చదువుతున్నాడు. అదే గ్రామానికి చెందిన నల్ల అశోక్‌, ఉమ దంపతులకు ఇద్దరు కుమారులు ఉన్నారు. పెద్ద కుమారుడు సిద్దార్థ(17) పాలిటెక్నిక్‌ డిప్లొమా ప్రథమ సంవత్సరం చదువుతున్నాడు. వీరిద్దరు పెద్దకంజర్లలోని శిరీష చారిటబుల్‌ ట్రస్ట్‌ హాస్టల్‌లో ఉంటూ చదువుకుంటున్నారు. ఈ క్రమంలో బుధవారం వినాయకుడి విగ్రహాన్ని నిమజ్జనం చేయడానికి నేరేడు చెరువులో లోతు ప్రాంతానికి వెళ్లి ప్రాణాలు కోల్పోయారు. ఈ విషయాన్ని పోలీసులు మృతుల బంధువులకు తెలుపడంతో వారు అదే రోజు రాత్రి అక్కడికి వెళ్లారు. గురువారం పోస్టుమార్టం అనంతరం మృతదేహాలను సాయంత్రం గ్రామానికి తీసుకొచ్చి అంత్యక్రియలు నిర్వహించారు. గ్రామస్తులు విద్యార్థులకు కన్నీటి వీడ్కోలు పలికారు. కాగా, విద్యార్థులు మృతి చెందిన విషయం తెలుసుకున్న పరకాల ఎమ్మెల్యే రేవూరి ప్రకాశ్‌రెడ్డి బాధిత కుటుంబాలను పరామర్శించారు. ఒక్కో కుటుంబానికి దహన సంస్కారాల నిమిత్తం రూ. రూ.5 వేల సాయం అందించారు. అలాగే రాష్ట్ర ప్రభుత్వం ఒక్కో కుటుంబానికి రూ. 2 లక్షల ఎక్స్‌గ్రేషియా ప్రకటించిందని కాంగ్రెస్‌ పరకాల నియోజకవర్గ అధికార ప్రతినిధి చాడ కొమురారెడ్డి తెలిపారు. అలాగే, శిరీష చారిటబుల్‌ ట్రస్ట్‌ నిర్వాహకులు ఒక్కో కుటుంబానికి రూ. పది లక్షల సాయం అందించినట్లు తెలుస్తోంది. విద్యార్థులను కబళించిన నేరేడు చెరువు మృతుల్లో ఇద్దరు బాలయ్యపల్లె వాసులు

వెంకటాపురం(కె): ములుగు జిల్లా వెంకటాపురం(కె) మండలం సూరవీడు గ్రామంలో విషాదం అలుముకుంది. సంగారెడ్డి జిల్లా పఠాన్‌ చెరు పరిధిలోని పెద్ద కంజర్ల గ్రామ చెరువులో శిరీష చారిటబుల్‌ ట్రస్ట్‌లో ఉంటూ చదువుకుంటున్న ఆరుగురు విద్యార్థులు బుధవారం గణపతి నిమజ్జనం కోసం వెళ్లి మృతి చెందిన విషయం తెలిసిందే. ఇందులో సూరవీడుకు చెందిన ఇంటర్‌ సెకండియర్‌ విద్యార్థి సుమంత్‌ రెడ్డి(17) కూడా ఉన్నాడు. గ్రామానికి చెందిన బేరి ముత్యం రెడ్డి, లక్ష్మి దంపతులకు ముగ్గురు కూమారులు భాస్కర్‌ రెడ్డి, సుమంత్‌ రెడ్డి, హేమ సంజయ్‌ రెడ్డి ఉన్నారు. కాగా, సుమంత్‌రెడ్డి మృతదేహాన్ని కుటుంబీకులు హైదరాబాద్‌ నుంచి సూరవీడు తీసుకొచ్చి గురువారం సాయంత్రం అంత్యక్రియలు నిర్వహించారు. చేతికి అందొచ్చిన కుమారుడికి తల్లిదండ్రులు అంత్యక్రియలు చేయడం గ్రామస్తులను కంటతడి పెట్టించింది.

హసన్‌పర్తి : విద్యార్థులు భవిష్యత్‌ అవసరాలకనుగుణగా నైపుణ్యాలు పెంపొందించుకోవాలని ఎస్సార్‌ యూనివర్సిటీ చాన్స్‌లర్‌ వరదారెడ్డి అన్నారు. ఎస్సార్‌ యూనివర్సిటీ స్కూల్‌ ఆఫ్‌అగ్రికల్చర్‌లో బీఎస్సీ, ఎంఎస్సీ మొదటి సంవత్సరంల్లో ప్రవేశం పొందిన విద్యార్థులకు గురువారం ఓరియంటేషన్‌ నిర్వహించారు. ఈకార్యక్రమానికి వరదారెడ్డి ముఖ్యఅతిథిగా హాజరై మాట్లాడారు. పిల్లల భవిష్యత్‌ను తీర్చిదిద్దడంలో తల్లిదండ్రుల పాత్రకీలకమన్నారు. విద్యార్థులు అంకితభావంతో చదివి భవిష్యత్‌ను నిర్మించుకోవాలని పిలుపునిచ్చారు. ఎస్సార్‌ యూనివర్సిటీ వీసీ డాక్టర్‌ దీపక్‌ గార్గ్‌ మాట్లాడుతూ ఆధునిక సాంకేతిక పరిజ్ఞానం, స్కిల్‌ డెవలప్‌మెంట్‌ ప్రాధాన్యత వివరించారు. తొలుత జ్యోతి ప్రజ్వలన చేసి సమావేశాన్ని ప్రారంభించారు. స్కూల్‌ఆఫ్‌ అగ్రికల్చర్‌ డీన్‌ డాక్టర్‌ భూపాల్‌రాజ్‌, డీన్‌ అర్చనారెడ్డి, తదితరులు పాల్గొన్నారు. ఎస్సార్‌ యూనివర్సిటీ చాన్స్‌లర్‌ వరదారెడ్డి

హన్మకొండ: ఇటీవల అగ్నిప్రమాదంలో మృతి చెందిన లింగాల కేదారి దంపతుల కుటుంబాన్ని ఎమ్మెల్యే నాయిని రాజేందర్‌ రెడ్డితో కలిసి రాష్ట్ర రెవెన్యూ శాఖ మంత్రి పొంగులేటి శ్రీనివాస్‌ రెడ్డి పరామర్శించారు. ప్రజాపాలన దినోత్సవ వేడుకల్లో భాగంగా గురువారం తెలంగాణ అమరవీరుల స్తూపం వద్ద అమరులకు నివాళులర్పించిన అనంతరం ఎమ్మెల్యే నాయిని కోరిక మేరకు మంత్రి పొంగులేటి.. లింగాల కేదారి కుటుంబాన్ని పరామర్శించారు. ఉద్యమ కాలంలో కేదారి అందించిన సేవలను ఎమ్మెల్యే నాయిని.. మంత్రికి వివరించి ఆ కుటుంబానికి ప్రభుత్వం తరఫున సహకారం అందించాలని కోరారు. స్పందించిన మంత్రి.. అండగా ఉంటామని హామీ ఇచ్చారు. అనంతరం ఆర్థిక సాయం అందించారు. 20న ఎస్సై, కానిస్టేబుల్‌ ఉద్యోగార్థులకు స్క్రీనింగ్‌ టెస్ట్‌ హసన్‌పర్తి: ఎస్సై, కానిస్టేబుల్‌ ఉద్యోగార్థుల కోసం ఈనెల 20వ తేదీన నిర్వహించనున్న స్క్రీనింగ్‌ టెస్ట్‌కు పేర్లు నమోదు చేసుకోవాలని నిర్వాహకులు తెలిపారు. ప్రజాప్రతినిధులు, కలెక్టర్‌ సహకారంతో పోలీస్‌ ఉద్యోగానికి సిద్ధమవుతున్న అభ్యర్థులకు ఉచిత కోచింగ్‌ అందించేందుకు ఈ పరీక్ష నిర్వహించనున్నట్లు చెప్పారు. వరంగల్‌ కమిషనరేట్‌ పరిధిలోని వ రంగల్‌, హనుమకొండ, జనగామ జిల్లాలకు చెందిన ఆసక్తి గల అభ్యర్థులు httpscœ/form,gle/eD2e5jNfebo5prg8 వెబ్‌సైట్‌లోవివరాలు నమోదు చేసుకోవాలని సూచించారు. ఆదివారం (ఈనె20న) ఉద యం 10గంటల నుంచి మధ్యాహ్నం ఒంటి గంటల వరకు స్క్రీనింగ్‌ టెస్ట్‌ నిర్వహించనున్న ట్లు చెప్పారు. వరంగల్‌లోని సీకేఎం కళాశాల, హనుమకొండలోని ఎస్‌వీఎస్‌ కళాశాల, జనగామలోని సీజేఐటీ ఇంజనీరింగ్‌ కళాశాల, పరకాలలోని ప్రభుత్వ జూనియర్‌ కళాశాల, నర్సంపేటలోని బిట్స్‌ ఇంజనీరింగ్‌ కళాశాలలో పరీక్ష కేంద్రాలు ఏర్పాటు చేసినట్లు నిర్వాహకులు చెప్పారు. ఉద్యోగార్థులు ఈ అవకాశాన్ని సద్వినియోగం చేసుకోవాలని సూచించారు. ‘భద్రకాళి’ ఆదాయం రూ.72 లక్షలు హన్మకొండ కల్చరల్‌: శ్రీభద్రకాళి దేవాలయంలో గురువారం హుండీ లెక్కింపు నిర్వహించారు. 76 రోజులకు రూ.72,30,387 ఆదాయం లభించిందని వరంగల్‌ దేవాదాయశాఖ అసిస్టెంట్‌ కమిషనర్‌, ఆలయ ఈఓ రామల సునీత తెలిపారు. 628 యూఎస్‌ఏ డాలర్లు, 5 కెనడా డాలర్లు, 110 యూఏఈ దిరమ్స్‌, 10 బ్యాంక్‌ ఆఫ్‌ ఇంగ్లండ్‌ పౌండ్స్‌, 60 బ్యాంక్‌ ఆఫ్‌ అరేబియా మానిటరీ అథారిటీ, 10 యూరోలు లభించాయని తెలిపారు. లెక్కింపు కార్యక్రమంలో వరంగల్‌ జిల్లా దేవాదాయ ధర్మాదాయశాఖ పరిశీలకురాలు ఎన్‌.కవిత, ఆలయ ప్రధానార్చకుడు భద్రకాళి శేషు, ఆలయ సిబ్బంది, శ్రీలక్ష్మీ శ్రీనివాస సేవాట్రస్ట్‌ జి.కృష్ణారెడ్డి, శ్రీలక్ష్మీ వెంకటేశ్వర సేవాసమితి జి.నవీన్‌, 200 మంది సేవా సమితి సభ్యులు పాల్గొన్నారు.

వరంగల్‌ అర్బన్‌: వరంగల్‌ నగర సమగ్రాభివృద్ధికి ప్రపంచ బ్యాంకు ఆర్థిక సహకారం అందించనుందని జిల్లా ప్రజాప్రతినిధులు, అధికారులు పేర్కొన్నారు. హనుమకొండలోని ‘కుడా’ కార్యాలయంలో ప్రపంచ బ్యాంకు ప్రతినిధులతో ప్రజాప్రతినిధులు, అధికారుల సమావేశమమయ్యారు. ఎంపీ కడియం కావ్య, వరంగల్‌ పశ్చిమ ఎమ్మెల్యే నాయిని రాజేందర్‌రెడ్డి, ‘కుడా’ చైర్‌పర్సన్‌ గుండు సుధారాణి, హనుమకొండ, వరంగల్‌ కలెక్టర్లు చాహత్‌ బాజ్‌పాయ్‌, సత్యశారద, గ్రేటర్‌ వరంగల్‌ కమిషనర్‌ టి.వెంకన్నతో ప్రపంచ బ్యాంకు ప్రతినిధులు పూనం అహ్లూవాలియా ఖనిజో, అపూర్వ సెన్వి, నేహా ప్రవాస్‌ కుమార్‌ మిశ్రా, వెంకటరావు భయానతో భేటీ అయ్యారు. రాష్ట్రంలో పట్టణ ప్రాంతాల అభివృద్ధి కోసం రాష్ట్ర ప్రభుత్వం ప్రతిపాదించిన 300 మిలియన్‌ అమెరికన్‌ డాలర్ల ప్రపంచ బ్యాంకు రుణ ప్రతిపాదనకు సూత్రప్రాయంగా వారు ఆమోదించినట్లు అధికారులు పేర్కొన్నారు. ఈ నేపథ్యంలో ప్రపంచ బ్యాంకు ప్రతినిధులు వరంగల్‌లోని పలు ప్రాంతాల్లో పర్యటించారు. ఈ సందర్భంగా నగరంలో చేపట్టనున్న ప్రాజెక్టుల గురించి చర్చించారు. అశోకా జంక్షన్‌, భద్రకాళి ఆలయ ప్రాంతాల్లో మల్టీ లెవల్‌ కార్‌ పార్కింగ్‌, సెంట్రల్‌ ప్లాజా పునర్నిర్మాణం, రోప్‌వే, సెంట్రల్‌ బిజినెస్‌ డిస్ట్రిక్ట్‌, సమగ్ర స్టార్మ్‌ వాటర్‌ డ్రైనేజీ వ్యవస్థ తదితర ప్రాజెక్టుల గురించి పవర్‌పాయింట్‌ ప్రజంటేషన్‌ ద్వారా ప్రపంచ బ్యాంకు ప్రతినిధులకు అధికారులు వివరించారు. సమావేశంలో కుడా సీపీఓ అజిత్‌రెడ్డి, ఈఈ భీంరావు, జిల్లా పర్యాటక శాఖ అధికారి శివాజీ, అధికారులు ఆనంద్‌ తదితరులు పాల్గొన్నారు.

● వరంగల్‌ కలెక్టర్‌ డాక్టర్‌ సత్యశారద న్యూశాయంపేట: ప్రజలకు ఆరోగ్యశ్రీ సేవలు నిరంతరాయంగా అందేలా అధికారులు సమన్వయంతో పనిచేయాలని వరంగల్‌ కలెక్టర్‌ సత్యశారద సూచించారు. ఆరోగ్యశ్రీ కింద మంజూరైన నిధులు, రివాల్వింగ్‌ ఫండ్‌ వినియోగం, ఆస్పత్రి డెవలప్‌మెంట్‌ సొసైటీ సమావేశంలో తీసుకున్న నిర్ణయాల అమలు, పెండింగ్‌లో ఉన్న నియామకాలపై కలెక్టరేట్‌లో సంబంధిత అధికారులతో గురువారం సమీక్ష నిర్వహించారు. పెండింగ్‌ నియామకాలను త్వరితగతిన పూర్తిచేయాలని అధికారులను కలెక్టర్‌ ఆదేశించారు. సమావేశంలో వరంగల్‌ ఎంజీఎం సూపరింటెండెంట్‌ డాక్టర్‌ రాంకుమార్‌, నర్సంపేట మెడికల్‌ కళాశాల ప్రిన్సిపాల్‌ సంధ్య, సూపరింటెండెంట్‌ దామోదరీబాయి, తదితరులు పాల్గొన్నారు. వరంగల్‌ ఎయిర్‌పోర్ట్‌ అభివృద్ధిపై సమీక్ష న్యూశాయంపేట: వరంగల్‌ మామునూరు ఎయిర్‌పోర్ట్‌ అభివృద్ధి పనులపై సంబంధిత అధికారులతో వరంగల్‌ కలెక్టరేట్‌లో కలెక్టర్‌ డాక్టర్‌ సత్యశారద గురువారం సమీక్ష నిర్వహించారు. ఈ సందర్భంగా మౌలిక వసతులు, అభివృద్ధి పనులు, వివిధ శాఖల సమన్వయం, తదితర అంశాలపై చర్చించారు. పెండింగ్‌ అంశాలను త్వరితగతిన పరిష్కరించి అవసరమైన చర్యలు చేపట్టాలని అధికారులను కలెక్టర్‌ ఆదేశించారు. సమీక్షలో డీఆర్వో విజయలక్ష్మి, వరంగల్‌ ఆర్డీఓ సుమ, ఎన్పీడీసీఎల్‌ ఎస్‌ఈ ఆనందం, ఎయిర్‌పోర్ట్‌ అథారిటీ ఆఫ్‌ ఇండియా ప్రతినిధి నట రాజన్‌, ఆర్‌అండ్‌బీ ఈఈ రాజేందర్‌, ఖిలా వరంగల్‌ తహసీల్దార్‌ ఇక్బాల్‌, తదితరులు పాల్గొన్నారు.

● రిటైర్డ్‌ ఐఏఏస్‌ ఆకునూరి మురళినయీంనగర్‌ : ఐదేళ్లలో ఏటా అదనంగా రూ.6 వేల కోట్లతో తెలంగాణలో ప్రభుత్వ పాఠశాల విద్యను బలోపేతం చేయొచ్చని రిటైర్డ్‌ ఐఏఏస్‌, తెలంగాణ పీపుల్స్‌ ఫ్రంట్‌ (టీపీఎఫ్‌) సభ్యుడు ఆకునూరి మురళి అన్నారు. గురువారం హనుమకొండలోని గ్రేటర్‌ వరంగల్‌ ప్రెస్‌ క్లబ్‌లో టీపీఎఫ్‌ ఆధ్వర్యంలో నిర్వహించిన రౌండ్‌ టేబుల్‌ సమవేశంలో ఆయన మాట్లాడారు. పాఠశాల విద్య సంక్షోభాన్ని అధిగమించేందుకు, ప్రతీ చిన్నారికి నాణ్యమైన విద్యను అందుబాటులోకి తీసుకురావడానికి నిరంతరం ప్రభుత్వ పెట్టుబడులు అత్యవసరమన్నారు. కాగా, ప్రభుత్వ విద్యను బలోపేతం చేసేందుకు చర్యలు చేపట్టాలని డిమాండ్‌ చేయడంతోపాటు ప్రైవేట్‌ విద్య ఖర్చులను నియంత్రించాల్సిన అవసరాన్ని వివరించడం లక్ష్యంగా టీపీఎఫ్‌ చేపట్టిన 12 రోజుల ఎడ్యుకేషన్‌ బస్సు యాత్రలో భాగంగా ఈ రౌండ్‌ టేబుల్‌ సమావేశం నిర్వహించారు. అనంతరం టీపీఎఫ్‌ సభ్యుడు, రిటైర్డ్‌ ఐఏఏస్‌ ఎం.చంపాలాల్‌, ప్రొ.పద్మజా షా, ఎన్‌.రుబీనా, సృజన యాదవ్‌, కుమారన్న, విజయకృష్ణ, అశోక్‌కుమార్‌, పి.శంకర్‌, నాగేశ్వర్‌రావు తదితరులు ప్రసంగించారు.

గ్రేటర్‌ వరంగల్‌ మున్సిపల్‌ కమిషనర్‌ వెంకన్న వరంగల్‌ అర్బన్‌: ప్రజల భాగస్వామ్యంతోనే వరంగల్‌ను పరిశుభ్ర నగరంగా తీర్చిదిద్దవచ్చని జీడబ్ల్యూఎంసీ కమిషనర్‌ వెంకన్న పేర్కొన్నారు. స్వచ్ఛతా హీ సేవా–2026లో భాగంగా అలంకార్‌ జంక్షన్‌ వద్ద ఉన్న కాల్వలో పేరుకుపోయిన వ్యర్థాల తొలగింపును గురువారం ఆయన ప్రారంభించారు. ఈ సందర్భంగా కమిషనర్‌ మాట్లాడుతూ మన నగరం–మన బాధ్యత, మన పరిసరాలు–మన బాధ్యత అనే స్ఫూర్తితో ప్రజలు స్వచ్ఛత కార్యక్రమాల్లో పాల్గొని వరంగల్‌ను పరిశుభ్రమైన, ఆరోగ్యకరమైన నగరంగా తీర్చిదిద్దేందుకు సహకరించాలని కమిషనర్‌ కోరారు. శుక్రవారం నుంచి అక్టోబర్‌ 17 వరకు పలు కార్యక్రమాలు చేపడుతున్నట్లు తెలిపారు. అక్టోబర్‌ 2న ప్రత్యేక పారిశుద్ధ్య పనులతోపాటు ‘ఏక్‌ పేడ్‌ మాకే నామ్‌’లో భాగంగా మొక్కల పెంపకం చేపట్టనున్నట్లు కమిషనర్‌ వివరించారు. సీఎంహెచ్‌ఓ డాక్టర్‌ రాజారెడ్డి, ఎంహెచ్‌ఓ డాక్టర్‌ రాజేశ్‌ పాల్గొన్నారు.

హన్మకొండ: తెలంగాణ ప్రజల ఆత్మగౌరవం, పోరాట పటిమకు ప్రజాపాలన దినోత్సవం సజీవ సాక్ష్యమని టీజీ ఎన్పీడీసీఎల్‌ చైర్మన్‌, మేనేజింగ్‌ డైరెక్టర్‌ కర్నాటి వరుణ్‌ రెడ్డి అన్నారు. గురువారం హనుమకొండ నక్కలగుట్టలోని టీజీ ఎన్పీడీసీఎల్‌ ప్రధా న కార్యాలయంలో ప్రజాపాలన దినోత్సవ వేడుకలు నిర్వహించారు. ఈ సందర్భంగా సీఎండీ జాతీ య పతాకాన్ని ఆవిష్కరించి గీతం ఆలపించారు. అనంతరం ఆయన మాట్లాడుతూ సెప్టెంబర్‌ 17 తేదీ స్వాతంత్య్ర చరిత్రలో సువర్ణాక్షరాలతో లిఖించదగిన రోజన్నారు. నిజాం పాలన, ఫ్యూడల్‌ వ్యవస్థ, రజాకార్ల అరాచకాల మధ్య తెలంగాణ ప్రజలు తలవంచకుండా తమ హక్కుల కోసం పోరాడారని తెలిపారు. 1930, 1940 దశకాల్లో కమ్యూనిస్టులు, ప్రజాసంఘాల నాయకత్వంలో సాగిన ఉద్యమాలు తెలంగాణ విముక్తి పోరాటానికి పునాది వేశాయన్నారు. దేశానికి స్వాతంత్య్రం వచ్చినా.. హైదరాబాద్‌ ప్రత్యేక సంస్థానంగా కొనసాగిందన్నారు. ప్రజల సుదీర్ఘ పోరాటంతో అప్పటి కేంద్ర హోం మంత్రి వల్లబాయి పటేల్‌ నాయకత్వంలో జరిగిన సైనిక ఆపరేషన్‌తో నిజాం పాలన ముగిసి హైదరాబాద్‌ సంస్థానం భారత యూనియన్‌లో భాగమైందన్నారు. డైరెక్టర్లు వి.తిరుపతి రెడ్డి, టి.మధుసూదన్‌, సి.ప్రభాకర్‌, చీఫ్‌ విజిలెన్స్‌ ఆఫీసర్‌ బోనాల కిషన్‌, సీఈలు కె.తిరుమల్‌ రావు, అశోక్‌, అన్నపూర్ణ, వెంకటరమణ, గౌతమ్‌ రెడ్డి, మల్లికార్జున్‌, సీజీఎంలు చరణ్‌ దాస్‌, కిషన్‌, కంపెనీ సెక్రటరీ కె.వెంకటేశం, జాయింట్‌ సెక్రటరీలు రమేశ్‌, శ్రీకృష్ణ, తదితరులు పాల్గొన్నారు. కేయూలో ప్రజాపాలన దినోత్సవం.. కేయూ క్యాంపస్‌ : కాకతీయ యూనివర్సిటీలోని పరిపాలన భవనం ఆవరణలో గురువారం తెలంగాణ ప్రజాపాలన దినోత్సవం నిర్వహించారు. ఈ సందర్భంగా జాతీయ జెండాను వీసీ కె. ప్రతాప్‌రెడ్డి ఆవిష్కరించారు. కార్యక్రమంలో రిజిస్ట్రార్‌ వి. రామచంద్రం, ఓఎస్‌డీ బి. వెంకట్రాంరెడ్డి, కేయూ పాలకమండలి సభ్యులు బి. సురేశ్‌లాల్‌, ఎం. సుదర్శన్‌, చిర్ర రాజు, ప్రిన్సిపాళ్లు టి. మనోహర్‌, నర్సింహాచారి, ఎస్‌. నర్సింహాచారి, అవెన్యూ ప్లాంటేషన్‌ ఇన్‌చార్జ్‌ బి. వెంకటగోపినాథ్‌ తదితరులు పాల్గొన్నారు. టీజీ ఎన్పీడీసీఎల్‌ సీఎండీ వరుణ్‌ రెడ్డి

హనుమకొండ కలెక్టర్‌ చాహత్‌ బాజ్‌పాయ్‌హన్మకొండ అర్బన్‌: భూముల రీసర్వే పనులు వేగవంతం చేయాలని హనుమకొండ కలెక్టర్‌ చాహత్‌ బాజ్‌పాయ్‌ అధికారులను ఆదేశించారు. భూముల రీసర్వే పురోగతి, భూభారతి దరఖాస్తుల పరిష్కారం, 22ఏ భూముల దరఖాస్తుల పరిశీలనతోపాటు పీఎం–సేతు పథకం, ఐటీఐల్లో నైపుణ్యాభివృద్ధి బలోపేతం తదితర అంశాలపై గురువారం కలెక్టరేట్‌లో అధికారులతో కలెక్టర్‌ వేర్వేరుగా సమీక్షలు నిర్వహించారు. ఈ సందర్భంగా కలెక్టర్‌ మాట్లాడుతూ భూభారతి దరఖాస్తులను నిర్ణీత గడువులోగా పరిష్కరించాలని, నిషేధిత జాబితాలోని భూముల పరిశీలనలో ప్రభుత్వ మార్గదర్శకాలను తప్పనిసరిగా పాటించాలని సూచించారు. విద్యార్థులు, యువతకు మెరుగైన ఉపాధి అవకాశాలు కల్పించేందుకు కృషిచేయాలని పేర్కొన్నారు. ప్రభుత్వ ఐటీఐల అభివృద్ధి, నాణ్యమైన శిక్షణ, పరిశ్రమలతో అనుసంధానంపై నిరంతరం పర్యవేక్షణ కొనసాగించాలని అన్నారు. సమీక్షల్లో అదనపు కలెక్టర్‌ రవి, ఆర్డీఓలు వెంకటేశ్‌, వెంకన్నతోపాటు ప్రాంతీయ ఉపసంచాలకులు రాజా, జిల్లా పరిశ్రమల శాఖ జనరల్‌ మేనేజర్‌ నవీన్‌కుమార్‌, ఐటీఐల ప్రిన్సిపాల్స్‌ ఎం.చందర్‌, ఇ.సురేందర్‌, పి.వేణు తదితరులు పాల్గొన్నారు.

హన్మకొండ చౌరస్తా: బతికుండగానే తమ డబ్బులు ఇప్పించండంటూ ఆర్టీసీ కార్మికులు హైకోర్టులో పిటిషన్‌ దాఖలు చేసినట్లు ఆర్టీసీ విశ్రాంత ఉద్యోగుల జేఏసీ నాయకులు లక్ష్మ య్య, మనోహర్‌, వెంకన్న, రవీందర్‌, సోమయ్య తెలిపారు. హనుమకొండ పబ్లిక్‌గార్డెన్‌లో గురువారం సుమారు 300 మంది విశ్రాంత ఉద్యోగులు సమావేశమయ్యారు. ఈ సందర్భంగా జేఏసీ నాయకులు మాట్లాడుతూ తమ సమస్యలు పరిష్కరించాలని అనేకసార్లు బస్సు భవన్‌ దగ్గర నిరసన తెలిపామని, ఆర్టీసీ ఎండీకి పలుమార్లు వినతి పత్రాలు సమర్పించామన్నారు. అలాగే, మంత్రులు, ఎమ్మెల్యేలు, ఎమ్మెల్సీలకు విన్నవించినా ఎవరూ పట్టించుకోవడంలేదని ఆవేదన వ్యక్తం చేశారు. ఇప్పటికే వందలాదిమంది విశ్రాంత ఉద్యోగులు చనిపోయారని, వారి కుటుంబాల రోడ్డున పడ్డాయన్నారు. ఈ క్రమంలో అసెంబ్లీ సమావేశాల సందర్భంగా ఈ నెల 8న శాంతియుత నిరసన తెలపడానికి వెళ్తే వందలాది మందిని అరెస్ట్‌ చేశారన్నారు. ఎన్నికల సమయంలో కాంగ్రెస్‌ పార్టీ తమ సమస్యలు పరిష్కరిస్తామంటూ హామీ ఇచ్చి, ఇప్పుడు నిర్భందించడం సరి కాదన్నారు. హైకోర్టు అడ్వకేట్‌ ఎం. మోహన్‌ రావు మాట్లాడుతూ ఇప్పటికే సుమారు 500 మంది ఆర్టీసీ కార్మికుల తరఫున హైకోర్టులో పిటిషన్‌ దాఖలు చేశామన్నారు. దీంతో హైకోర్టు.. ఆర్టీసీ యాజమాన్యం, ప్రభుత్వానికి నాలుగు వారాల గడువిచ్చిందన్నారు. హనుమకొండ లేబర్‌ కోర్టు అడ్వకేట్‌ రమణ, జేఏసీ నాయకులు ఎంఎస్‌ రావు, రవీందర్‌ రెడ్డి, కె.ఎన్‌ రెడ్డి, సుధాకర్‌, ఈఎల్‌ నారాయణ, విశ్వనాథం, కోటగిరి వీరన్న, హయగ్రీవచారి తదితరులు పాల్గొన్నారు. హైకోర్టులో ఆర్టీసీ విశ్రాంత ఉద్యోగుల పిటిషన్‌

సాక్షిప్రతినిధి, వరంగల్‌: ఓరుగల్లు కేంద్రంగా సాగిన సైబర్‌ నేరాల వ్యవహారంలో విస్తుపోయే అంశాలు వెలుగులోకి వస్తున్నాయి. ఇతర రాష్ట్రాలనుంచి వచ్చిన వ్యక్తులు వరంగల్‌ పరిసరాల్లో మకాం వేసి.. స్థానికంగా పరిచయాలు పెంచుకుని సైబర్‌ నేరాలకు అవసరమైన మ్యూల్‌ బ్యాంకు ఖాతాల వ్యవహారానికి తెరలేపినట్లు పోలీసులు గుర్తించారు. ఈ కేసులో ఇప్పటివరకు 22 మందిని అరెస్టు చేసి రిమాండ్‌కు తరలించగా.. మరో నలుగురు పరారీలో ఉన్నట్లు పోలీసులు పేర్కొన్నారు. ఆ కీలక నిందితులు నలుగురు ఎక్కడ? అనే చర్చ ఉత్కంఠ రేపుతోంది. ఉమ్మడి వరంగల్‌లో పలువురితో దోస్తానా.. అరెస్టయిన 22 మందిలో గణనీయమైన సంఖ్యలో ఉమ్మడి వరంగల్‌ ప్రాంతానికి చెందినవారే ఉండటం కేసులో కీలక అంశంగా మారింది. ఒడిశా, ఛత్తీస్‌గఢ్‌, ఉత్తరప్రదేశ్‌కు చెందిన నరేంద్ర హైల్‌, సంకల్ప్‌ ఖైతాన్‌, హషీమ్‌లు.. మరో నలుగురు వరంగల్‌లో మకాం వేశారు. వీరు హనుమకొండలోని భవానీనగర్‌లో నివసిస్తున్నట్లు పోలీసులు గుర్తించారు. వరంగల్‌, హనుమకొండ, జనగామ, జయశంకర్‌ భూపాలపల్లి, ములుగు జిల్లాలకు చెందినవారు ఈ జాబితాలో ఉన్నారు. కరీంనగర్‌కు చెందిన ఇద్దరు, ఇతర రాష్ట్రాలకు చెందిన ముగ్గురు కూడా ఉన్నారు. దీంతో బయట ప్రాంతాలనుంచి వచ్చిన వ్యక్తులకు స్థానికంగా ఎవరు సహకరించారు? పరిచయాలు ఎలా ఏర్పడ్డాయి? ఖాతాలు సమకూర్చడంలో ఎవరి పాత్ర ఎంత? అనే కోణాల్లో దర్యాప్తు సాగుతోంది. రెండు ఠాణాల్లో కేసులు.. మ్యూల్‌ ఖాతాలు, సైబర్‌ లింకులు, నేరాలకు సంబంధించిన ఈ వ్యవహారంపై మొదట వరంగల్‌ సైబర్‌ క్రైమ్‌ పోలీస్‌స్టేషన్‌లో క్రైం నం.29/2026, ఆజంజాహి మిల్స్‌ కాలనీ పోలీస్‌స్టేషన్‌లో క్రైం నం.672/2026గా కేసులు నమోదయ్యాయి. నిందితులపై బీఎన్‌ఎస్‌ 316(2), 318(4), 319(2), 338, 336(3), 351(2), 111 ఆర్‌/డబ్ల్యూ 3(5) సెక్షన్లతో పాటు ఐటీ యాక్ట్‌ 66–సి, 66–డి కింద కేసులు నమోదు చేశారు. అక్కడినుంచే విచారణ చేపట్టిన పోలీసులు సాంకేతికత సహాయంతో అత్యంత గోప్యంగా నేరస్తుల కూపీ లాగారు. సైబర్‌ నేరాల్లో ఉపయోగించేందుకు బ్యాంకు ఖాతాలను సమకూర్చుకునే క్రమంలో స్థానికంగా పలువురిని సంప్రదించినట్లు కేసు వివరాలు సేకరించారు. ఈ కేసులో ఇప్పటికే 22 మందిని అరెస్టు చేసిన పోలీసులు.. మరో నలుగురి కోసం ఇతర రాష్ట్రాల్లో గాలింపు చేపట్టారు. కమీషన్‌ ఇస్తామనే ఆశ చూపడం.. ఖాతాలు/బ్యాంకింగ్‌ వివరాలు సమకూర్చుకోవడం.. వాటిని నేర కార్యకలాపాలకు వినియోగించడం వంటి కోణాల్లో పోలీసులు ఇంకా దర్యాప్తు చేస్తున్నారు. అయితే ఖాతాల ద్వారా జరిగిన లావాదేవీలు, కొల్లగొట్టిన మొత్తానికి సంబంధించిన పూర్తి వివరాలు ఆ దర్యాప్తు పూర్తయితే గాని తేలాల్సి ఉంది. రాష్ట్రాల సరిహద్దులు దాటిన నెట్‌వర్క్‌.. బయటి ప్రాంతాల నుంచి వచ్చిన వ్యక్తులు వరంగల్‌లో మకాం వేసి స్థానికులతో సంబంధాలు ఏర్పరచుకున్నారా? లేక స్థానికంగా ఉన్న వ్యక్తులను ఇతర రాష్ట్రాల నెట్‌వర్క్‌ సంప్రదించిందా? అన్నది పోలీసుల దర్యాప్తులో తేలాల్సి ఉంది. అరెస్ట్‌ చేసిన వారినుంచి లభించిన సమాచారం, బ్యాంకు ఖాతాలు, డిజిటల్‌ ఆధారాలు, ఫోన్‌ కమ్యూనికేషన్ల ఆధారంగా నెట్‌వర్క్‌లోని మిగిలిన వ్యక్తులపై దృష్టి సారించినట్లు తెలుస్తోంది. ముఖ్యంగా పరారీలో ఉన్న నలుగురి ఆచూకీ లభిస్తే మ్యూల్‌ ఖాతాల వ్యవహారం వెనుక ఉన్న పూర్తి నెట్‌వర్క్‌, నగదు లావాదేవీలు, స్థానిక–అంతర్రాష్ట్ర సంబంధాలపై మరింత స్పష్టత వచ్చే అవకాశం ఉంది.ఓరుగల్లుకు ‘సైబర్‌’ లింకులు.. తిష్టవేసిన నేరస్తులు ఢిల్లీ, హరియాణా, ఒడిశా, ఛత్తీస్‌గఢ్‌ నుంచి వచ్చి మకాం మ్యూల్‌ ఖాతాల బాగోతానికి శ్రీకారం ఉమ్మడి జిల్లాకు చెందిన పలువురితో దోస్తానా కమీషన్‌ ఆశ చూపి కోట్లు కొల్లగొట్టే స్కెచ్‌ గుట్టు రట్టు చేసిన వరంగల్‌ పోలీసులు ఢిల్లీ, ఒడిశా, ఛత్తీస్‌గఢ్‌, యూపీకి పోలీసు టీంలుఇంతకీ సూత్రధారులు ఎక్కడఈ వ్యవహారంలో కీలకంగా ఉన్నట్లు పోలీసులు పేర్కొన్న ఖైతాన్‌ సుధాంశు, ఆమీర్‌ అలియాస్‌ జాన్‌, హేమరాజ్‌ బెహెరా, మహేష్‌ టాండీ ఇంకా పోలీసులకు చిక్కలేదు. వీరి ఆచూకీ కోసం ప్రత్యేక బందాలు గాలిస్తున్నాయి. ఇప్పటికే ఇతర రాష్ట్రాలకు వెళ్లి నిందితులను పట్టుకొచ్చిన పోలీసులు.. పరారీలో ఉన్న నలుగురి కోసం కూడా ఒడిశా, ఛత్తీస్‌గఢ్‌ తదితర ప్రాంతాల్లో ఆరా తీస్తున్నట్లు వరంగల్‌ పోలీసు కమిషనర్‌ ఎన్‌.శ్వేత వెల్లడించారు.

శుక్రవారం శ్రీ 18 శ్రీ సెప్టెంబర్‌ శ్రీ 2026హన్మకొండ అర్బన్‌: సెప్టెంబర్‌ 17న నైజాం రాచరిక పాలననుంచి తెలంగాణ ప్రాంతానికి విముక్తి లభించిందని, ఆదేమాదిరిగా 33 నెలల క్రితం రాష్ట్రంలో నయా నిజాం పాలనకు ప్రజలు చరమగీతం పాడి ప్రజా ప్రభుత్వాన్ని తెచ్చుకున్నారని రాష్ట్ర రెవెన్యూ, గృహ నిర్మాణ, సమాచార, పౌర సంబంధాల శాఖ మంత్రి, ఉమ్మడి వరంగల్‌ జిల్లా ఇన్‌చార్జ్‌ మంత్రి పొంగులేటి శ్రీనివాస్‌రెడ్డి అన్నారు. తెలంగాణ రాష్ట్రం ఏర్పడిన తర్వాత సుమారు పదేళ్లపాటు జరిగిన అరాచకాలు మామూలుగా లేవన్నారు. ప్రశ్నించిన వారిని హింసించడం, కేసులు, జైళ్లు, వేధింపులు వంటి ఎన్నోరకాల నిర్భంధాలకు గురిచేశారన్నారు. ప్రస్తుతం ప్రజా ప్రభుత్వంలో ప్రజాపాలనతో రాష్ట్రం అభివృద్ధి, సంక్షేమం వైపు అడుగులు వేస్తోందన్నారు. తెలంగాణ ప్రజాపాలన దినోత్సవం సందర్భంగా గురువారం హనుమకొండ ఐడీఓసీ కార్యాలయంలో నిర్వహించిన కార్యక్రమంలో మంత్రి పొంగులేటి ముఖ్యఅతిథిగా పాల్గొని జాతీయ పతాకాన్ని ఆవిష్కరించారు. పోలీస్‌ పరేడ్‌ వందనం స్వీకరించి జిల్లా అభివృద్ధి, సంక్షేమ కార్యక్రమాలను వివరించారు. కార్యక్రమంలో వరంగల్‌ ఎంపీ కడియం కావ్య, ఎమ్మెల్యేలు నాయిని రాజేందర్‌రెడ్డి, కేఆర్‌ నాగరాజు, ఎమ్మెల్సీ బస్వరాజు సారయ్య, కుడా చైర్‌పర్సన్‌ గుండు సుధారాణి, పోలీస్‌ కమిషనర్‌ శ్వేత, కలెక్టర్‌ చాహత్‌ బాజ్‌పాయ్‌, బల్దియా కమిషనర్‌ వెంకన్న, మహిళా కాంగ్రెస్‌ రాష్ట్ర అధ్యక్షురాలు ఎర్రబెల్లి స్వర్ణ తదితరులు పాల్గొన్నారు. హైదరాబాద్‌ తరహా అభివృద్ధి హనుమకొండ–వరంగల్‌ నగరాలను హైదరాబాద్‌–సికింద్రాబాద్‌ తరహాలో అభివృద్ధి చేసి రాజధానికి దీటైన నగరంగా తీర్చిదిద్దడమే ప్రభుత్వ లక్ష్యమని మంత్రి పొంగులేటి శ్రీనివాస్‌రెడ్డి అన్నారు. నగరంలో తాగునీరు, మౌలిక వసతుల అభివృద్ధికి రూ.551 కోట్లు కేటాయించామని, బల్దియా పరిపాలనా భవనానికి రూ.32 కోట్లు, వీధి దీపాల వ్యవస్థకు రూ.30 కోట్లు మంజూరు చేశామని తెలిపారు. 45 కిలోమీటర్ల పొడవున 200 అడుగుల వెడల్పుతో నిర్మిస్తున్న ఇన్నర్‌ రింగ్‌ రోడ్డుకు రూ.572 కోట్లు ఖర్చు చేస్తున్నామని చెప్పారు. రోడ్లు, వంతెనలు.. మౌలిక వసతులపై దృష్టి జాతీయ రహదారులను అనుసంధానిస్తూ ఔటర్‌ రింగ్‌ రోడ్డు నిర్మాణంతో నగరంలో ట్రాఫిక్‌ రద్దీని తగ్గించడంతోపాటు పారిశ్రామిక ప్రాంతాలకు మెరుగైన రవాణా సౌకర్యం కల్పించనున్నట్లు మంత్రి తెలిపారు. రోడ్లు, వంతెనల నిర్మాణానికి రూ.574 కోట్లు, హైబ్రిడ్‌ యాన్యుటీ విధానంలో రహదారుల అభివృద్ధికి రూ.255 కోట్లు మంజూరు చేశామని తెలిపారు. పంచాయతీరాజ్‌ శాఖ ఆధ్వర్యంలో రూ.300 కోట్లతో 862 అభివృద్ధి పనులు చేపట్టామని చెప్పారు. విద్యాసంస్థలు.. వారసత్వ నగరంగా వరంగల్‌ జిల్లాలో నాలుగు తెలంగాణ ప్రభుత్వ పాఠశాలలు ఏర్పాటు చేయనున్నామని, రెండు యువ భారత సమగ్ర గురుకుల పాఠశాలలకు అనుమతి లభించడంతో పనులు ప్రారంభమయ్యాయని మంత్రి తెలిపారు. ఇందిరా మహిళా శక్తి భవన్‌ నిర్మాణ పనులు కొనసాగుతున్నాయని చెప్పారు. దేవాదుల జలాలతో సాగు, తాగునీటికి భరోసా రైతులకు సాగునీరు, ప్రజలకు తాగునీటి సమస్యలు తలెత్తకుండా దేవాదుల ద్వారా ధర్మసాగర్‌, చలివాగు ప్రాంతాలకు గోదావరి జలాలను తరలిస్తున్నామని మంత్రి చెప్పారు. ధర్మసాగర్‌ ఉత్తర, దక్షిణ కాలువల ద్వారా చెరువులు, కుంటలను నింపి ఖరీఫ్‌ పంటలకు సాగునీరు అందిస్తున్నామని తెలిపారు. సీఎం రేవంత్‌రెడ్డి నేతృత్వంలోని ప్రభుత్వం ప్రజాస్వామ్యం, సామాజిక న్యాయం, సమానత్వానికి ప్రాధాన్యమిస్తూ పాలన కొనసాగిస్తోందన్నారు. వరంగల్‌ చౌరస్తా: రాష్ట్రంలోని ప్రజా ప్రభుత్వం అన్ని వర్గాల ప్రజల మనస్సును గెలుచుకుందని తెలంగాణ ప్లానింగ్‌ బోర్డు వైస్‌ చైర్‌పర్సన్‌ గద్వాల విజయలక్ష్మి అన్నారు. వరంగల్‌ రాంకీ మైదానంలో గురువారం జరిగిన ప్రజా పాలన దినోత్సవంలో ఆమె ముఖ్య అతిథిగా పాల్గొని జాతీయ జెండాను ఆవిష్కరించారు. తెలంగాణ అమరవీరులకు నివాళులర్పించి అనంతరం ఆమె మాట్లాడారు. తెలంగాణ ప్రజాస్వామిక స్వేచ్ఛ కోసం యావత్‌ సమాజం ఉద్యమించిందని గుర్తుచేశారు. ఆ అపూర్వ ఘట్టాలు జాతి జీవనంలో నిరంతరం సజీవంగా నిలిచిపోతాయని కొనియాడారు. నాలుగు కోట్ల ప్రజల ఆకాంక్ష, వందలాది మంది బలిదానాలు, విద్యార్థుల అలుపెరుగని పోరాటాల ఫలితంగా ప్రత్యేక తెలంగాణ సాధ్యమైందని పేర్కొన్నారు. ప్రజలందరికి సామాజిక న్యాయం, సమాన అవకాశాలు కల్పిస్తూ తెలంగాణ ప్రజానీకం ఆకాంక్షలకు అనుగుణంగా అభివృద్ధి, సంక్షేమం వైపు కాంగ్రెస్‌ ప్రభుత్వం పయనిస్తోందని స్పష్టం చేశారు. ఆర్థిక ఇబ్బందులు ఎదురైనా ఎన్నికల హామీలైన ఆరు గ్యారంటీలతో పాటు అభివృద్ధి, సంక్షేమ పథకాలను ఆర్థిక క్రమశిక్షణతో అమలు చేస్తోందని అన్నారు. ముమ్మరంగా భూ రీసర్వే జిల్లాలో భూ రీసర్వే ప్రక్రియ వేగవంతంగా కొనసాగుతోందని, ఆధునిక పరికరాల సహాయంతో ఇప్పటివరకు 13 గ్రామాల్లో 5,180 ఎకరాలకుపైగా డిజిటల్‌ సర్వే పూర్తయిందని చెప్పారు. వాటిలో 4 గ్రామాల్లో భౌతిక తనిఖీ పూర్తయిందని, మిగిలిన 9 గ్రామాల్లో పనులు కొనసాగుతున్నాయని పేర్కొన్నారు. ప్రజాపాలన, రైతు భరోసా, భూభారతి, బ్యాంకు లింకేజీ, జిల్లా పంచాయతీలు, ఆహార భద్రత తదితర సంక్షేమ పథకాలపై విజయలక్ష్మి సవివరంగా వెల్లడించారు. కార్యక్రమంలో కలెక్టర్‌ సత్యశారద, వర్ధన్నపేట ఎమ్మెల్యే నాగరాజు, జిల్లా గ్రంథాలయ సంస్థ చైర్మన్‌ మీసాల ప్రకాశ్‌ పాల్గొన్నారు. కాంగ్రెస్‌ నేతల మధ్య వాగ్వాదం తెలంగాణ ప్రజాపాలన దినోత్సవలో కాంగ్రెస్‌ నేతల మధ్య వాగ్వాదం చోటు చేసుకుంది. జిల్లా గ్రంథాలయ చైర్మన్‌ మీసాల ప్రకాశ్‌ తీరుపై ఆ పార్టీ నేతలు ఆగ్రహం వ్యక్తం చేశారు. తాజా మాజీ మంత్రి కొండా సురేఖ కుమార్తె సుస్మిత పటేల్‌ ఇటీవల గీసుకొండలో సీఎం రేవంత్‌ రెడ్డిపై చేసిన ఆరోపణలను మీసాల ప్రకాశ్‌ ఖండించకపోవడం శోచనీయమని కాంగ్రెస్‌ పార్టీ యూత్‌ కాంగ్రెస్‌ నాయకుడు పరమేష్‌, నాయకుడు బాబు అసహనం వ్యక్తం చేశారు. అలాంటి వ్యక్తి అధికారిక కార్యక్రమాల్లో పాల్గొనడం ఏంటని ప్రశ్నించారు. దీంతో కొద్దిసేపు ఉద్రిక్త వాతావరణం నెలకొంది. అక్కడే ఉన్న కలెక్టర్‌ సత్యశారద.. ఇరువర్గాలు శాంతించాలని కోరడంతో సమస్య సద్దుమణిగింది. పడమరకోటలో అమరవీరుల స్తూపం వద్ద నివాళి ఖిలా వరంగల్‌: పడమర కోట జంక్షన్‌లోని అమరవీరుల స్తూపం వద్ద కలెక్టర్‌ డాక్టర్‌ సత్యశారదతో కలిసి గద్వాల విజయలక్ష్మి ఘనంగా నివాళులర్పించారు. వర్ధన్నపేట ఎమ్మెల్యే కేఆర్‌ నాగరాజు, ఈస్ట్‌ జోన్‌ డీసీపీ అంకిత్‌కుమార్‌, మేర కార్పొరేషన్‌ చైర్మన్‌ వెంకట్రాజం, జిల్లా గ్రంథాలయ సంస్థ చైర్మన్‌ మీసాల ప్రకాశ్‌, కాంగ్రెస్‌ పార్టీ జిల్లా అధ్యక్షుడు ఎండీ.అయూబ్‌, అదనపు కలెక్టర్లు గణేశ్‌, కిశోర్‌ కుమార్‌, డీఆర్వో విజయలక్ష్మి, ఆర్డీఓ సుమ, తహసీల్దార్లు శ్రీకాంత్‌, ఇక్బాల్‌, మార్కెట్‌ డైరెక్టర్‌ గజ్జెల శ్యాం తదితరులు పాల్గొన్నారు. భద్రకాళికి విజయలక్ష్మి పూజలు.. హన్మకొండ కల్చరల్‌: శ్రీభద్రకాళి దేవాలయాన్ని గద్వాల విజయలక్ష్మి సందర్శించి అమ్మవారికి పూజలు జరుపుకున్నారు. ఆమెకు అర్చకులు తీర్థప్రసాదాలు, అమ్మవారి శేషవస్త్రాలు అందించారు.ఆలస్యంగా.. ఉదయం 10గంటలకు కలెక్టరేట్‌లో జాతీయ పతాక ఆవిష్కరణ అంటూ అధికారికంగా సమాచారం ఇచ్చినప్పటికీ సుమారు గంట ఆలస్యంగా కార్యక్రమం ప్రారంభమైంది. ఇక వేదిక పైకి జిల్లా గ్రంథాలయ సంస్థ చైర్మన్‌ను పిలవక పోవడంపై ప్రొటోకాల్‌ పాటించలేదని కొందరు అసంతృప్తి వ్యక్తం చేశారు. ఈ విషయంలో అధికారులు వివరణ ఇవ్వడంతో సద్దుమణిగింది. సర్వేయర్లకు కిట్ల పంపిణీ.. న్యూశాయంపేట: హనుమకొండ ఐడీఓసీ ప్రాంగణంలో వరంగల్‌ జిల్లా సర్వే అండ్‌ ల్యాండ్‌ రికార్డ్స్‌ శాఖ ఆధ్వర్యంలో రీసర్వేలో భాగంగా లైసెన్డ్‌ సర్వేయర్లకు జిల్లా ఇన్‌చార్జ్‌ మంత్రి, రాష్ట్ర రెవెన్యూ, సమాచార, గృహనిర్మాణ శాఖ మంత్రి శ్రీనివాస్‌రెడ్డి చేతుల మీదుగా కిట్లను అందజేశారు.33 నెలల క్రితం ప్రజా ప్రభుత్వం ఏర్పడింది అభివృద్ధి, సంక్షేమమే లక్ష్యంగా సాగుతోంది ప్రజాపాలన దినోత్సవంలో రాష్ట్ర మంత్రి పొంగులేటి శ్రీనివాస్‌రెడ్డి ఘనంగా జాతీయ పతాకావిష్కరణ, తెలంగాణ అమరవీరులకు నివాళి

గ్రేటర్‌ కమిషనర్‌ వెంకన్న వరంగల్‌ అర్బన్‌: అనుమతి పొందిన ప్లాన్‌ ప్రకారమే భవన నిర్మాణాలు చేపట్టాలని గ్రేటర్‌ వరంగల్‌ మున్సిపల్‌ కార్పొరేషన్‌న్‌ కమిషనర్‌ టి.వెంకన్న అన్నారు. హనుమకొండలోని గోపాల్‌పూర్‌, కాజీపేట, ప్రకాశ్‌రెడ్డిపేట, పద్మాక్షికాలనీ తదితర ప్రాంతాల్లో నిర్మించిన భవనాలను క్షేత్రస్థాయిలో బుధవారం ఆయన పరిశీలించారు. ఈ సందర్భంగా కమిషనర్‌ మాట్లాడుతూ అనుమతించిన ప్లాన్‌న్‌కు విరుద్ధంగా భవనాలు నిర్మించొద్దని, భవన నిర్మాణానికి సంబంధించిన అన్ని నిబంధనలు, ప్రమాణాలు తప్పకుండా పాటించాలని స్పష్టం చేశారు. భవన నిర్మాణం పూర్తయిన అనంతరం ఆక్యుపెన్సీ సర్టిఫికెట్‌ కోసం దరఖాస్తు చేసుకునేటప్పుడు అనుమతి పొందిన ప్లాన్‌న్‌, వాస్తవంగా నిర్మించిన భవనం మధ్య ఎలాంటి వ్యత్యాసాలు లేకుండా చూసుకోవాలని కమిషనర్‌ సూచించారు. నిబంధనలకు అనుగుణంగా నిర్మాణాలు చేపడితే ఇబ్బందులు ఉండవని ఆయన పేర్కొన్నారు. సిటీప్లానర్‌ రవీందర్‌ రాడేకర్‌, టీపీఓ అవినాశ్‌ పాల్గొన్నారు. నిమజ్జన ఏర్పాట్లను పకడ్బందీగా చేయాలికాశిబుగ్గ; గ్రేటర్‌ వరంగల్‌ మున్సిపల్‌ కార్పొరేషన్‌ పరిధిలోని గణేశ్‌ నిమజ్జనకు పకడ్బందీ ఏర్పాట్లు చేయాలని కమిషనర్‌ టి.వెంకన్న అధికారులను ఆదేశించారు. దేశాయిపేటలోని చిన్న వడ్డేపల్లి చెరువులో గణేశ్‌ నిమజ్జన ప్రాంతాన్ని బుధవారం ఆయన పరిశీలించి అధికారులకు పలు సూచనలు చేశారు. నిమజ్జనం కోసం అధిక సంఖ్యలో విగ్రహాలను తరలివచ్చే అవకాశం ఉన్నందున అన్ని విభాగాల అధికారులు సమన్వయంతో ఏర్పాట్లు చేయాలని సూచించారు. అదేవిధంగా 12వ డివిజన్‌లోని దేశాయిపేట పరిధిలో పారిశుద్ధ్య నిర్వహణను పరిశీలించారు. సీఎంహెచ్‌ఓ డాక్టర్‌ రాజారెడ్డి, ఎంహెచ్‌ఓ డాక్టర్‌ రాజేశ్‌ పాల్గొన్నారు.

●● హనుమకొండలో అత్యధికంగా 1.27 లక్షల మంది.. ● మహబూబాబాద్‌లో 80,253.. భూపాలపల్లిలో మహిళా కార్మికుల వాటా అధికం ● తయారీ, వ్యాపారం, సేవారంగ సంస్థలు పరిగణనలోకి.. ● ఆరు జిల్లాల్లో 2.56 లక్షల అసంఘటిత సంస్థలు వరంగల్‌ డెస్క్‌: ఉమ్మడి వరంగల్‌ జిల్లాలో అసంఘటిత రంగం పెరిగిపోయింది. వ్యవసాయేతర అసంఘటిత రంగంలో ఆరు జిల్లాల పరిధిలో కలిపి సుమారు 3.48 లక్షల మంది కార్మికులు పనిచేస్తున్నట్లు జాతీయ గణాంకాల కార్యాలయం (ఎన్‌ఎస్‌ఓ) చేపట్టిన వార్షిక సర్వే అస్యూజ్‌–2025లో వెల్లడించింది. కేంద్ర ప్రభుత్వం ఇటీవల ఈ సర్వే నివేదికను వెల్లడించింది. ఈ నివేదికలో జిల్లాల వారీగా అసంఘటిత సంస్థలు, కార్మికుల వివరాలు పొందుపర్చారు. ఈ నివేదికలోని జిల్లాల అంచనాలు గ్రామీణ, పట్టణ ప్రాంతాలను కలిపి రూపొందించినట్లు పేర్కొంది. అసంఘటిత సంస్థల్లో హనుమకొండ జిల్లా అగ్రస్థానంలో ఉండగా.. ఆ తర్వాత మహబూబాబాద్‌ నిలిచింది. మొత్తం ఆరు జిల్లాల్లో కలిపి 2.56 లక్షల అసంఘటిత సంస్థలు ఉన్నట్లు అంచనా వేశారు. ఉమ్మడి వరంగల్‌లో అసంఘటిత కార్మికులు

ఉచిత యూపీఐ పేమెంట్లను కొనసాగించాలి. చిరు వ్యాపారులనుంచి మొదలుకుని అన్ని రకాల జీవిత బీమా పాలసీల ప్రీమియం చెల్లింపులు ఎక్కువగా యూపీఐ పేమెంట్స్‌లోనే జరుగుతున్నాయి. నేడు యూపీఐ చెల్లింపులకు పన్ను కట్టాలన్న విధానంపై మరోమారు ఆలోచన చేయాలి. – మేకల కేదారి యాదవ్‌, జీవిత బీమా ఏజెంట్‌, సోమిడి మా మార్జిన్‌పై ప్రభావం పడుతుంది యూపీఐ ద్వారా చెల్లింపులు పెరిగాయి. కస్టమర్‌కు, మాకు సౌకర్యంవంతంగా మారింది. ఇప్పుడు వ్యాపారిపై ఎండీఆర్‌ వస్తే మా మార్జిన్‌పై ప్రభావం ఉంటుంది. కస్టమర్‌పై అదనపు చార్జీ వేయకూడదని నిబంధన ఉంటే ఆ వ్యయాన్ని మేమే భరించాల్సి ఉంటుంది. ఇది మాకు నష్టమే. టి.సంజీవ్‌, కిరాణా వ్యాపారి, నయీంనగర్‌ అలవాటు చేసి ముంచే ప్రయత్నం... యూపీఐ పేమెంట్స్‌ ఉచితం అంటూ లేనిపోని అలవాట్లను చేసి ఆరేళ్ల తర్వాత నట్టేట ముంచే ప్రయత్నాలను కేంద్ర ప్రభుత్వం చేయడం అత్యంత బాధాకరం. ట్రావెల్స్‌ రంగంలో అన్ని పేమెంట్స్‌ ఆన్‌లైన్‌లోనే చేయడం అలవాటుగా మారింది. డబ్బులు చెల్లిస్తే పన్నులు కట్టాలి అనే విధానం ఇబ్బందికరంగానే మారుతుంది. –కాటపురం రాజు, ట్రావెల్‌ ఏజెంట్‌, కాజీపేట

కాజీపేట: కాజీపేట పోలీస్‌స్టేషన్‌లో సీపీ శ్వేత బుధవారం ఆకస్మిక తనిఖీ చేశారు. స్టేషన్‌ ఆవరణ, పరిసరాలు, రికార్డులు, కేసు ఫైళ్లను క్షుణ్ణంగా పరిశీలించారు. ఈ సందర్భంగా సీపీ మాట్లాడుతూ పెండింగ్‌ కేసులను త్వరితగతిన పరిష్కరించాలని ఆదేశించారు. అనంతరం గణపతి నవరాత్రి ఉత్సవాలు, నిమజ్జన ఏర్పాట్లపై సిబ్బందితో సమీక్షించారు. శాంతిభద్రతల పరిరక్షణకు పటిష్ట చర్యలు తీసుకోవాలని, నిమజ్జన సమయంలో ఎలాంటి అవాంఛనీయ సంఘటనలు జరగకుండా బందోబస్తు ఏర్పాటు చేయాలని అధికారులకు సూచించారు. సీపీ వెంట డీసీపీ ధార కవిత, ఏసీపీ పింగిళి ప్రశాంత్‌రెడ్డి, ఇన్‌స్పెక్టర్‌ శ్యాంసుందర్‌ ఉన్నారు.

ఖిలా వరంగల్‌: గ్రామీణ ప్రాంతాల్లో ఆర్థికంగా వెనుకబడిన, అల్పాదాయ వర్గాలకు చెందిన విద్యార్థులకు చక్కని అవకాశం కల్పిస్తోంది ఉమ్మడి వరంగల్‌ జిల్లాకు చెందిన మామునూరు జవహర్‌ నవోదయ విద్యాలయం(జేఎన్‌వీ). ఇందులో సీటు లభిస్తే విద్యార్థి భవిత బంగారంగా మారుతుంది. ఈ క్రమంలో 2027–2028 విద్యా సంవత్సరంలో 9వ,11వ తరగతుల్లో ఏర్పడిన ఖాళీలను భర్తీ చేయనున్నారు. ఈనేపథ్యంలో ప్రవేశాలకు దరఖాస్తు ఎలా చేసుకోవాలి? విద్యాలయంలో లభిస్తున్న సదుపాయాలు,సౌకర్యాలు, రి జర్వేషన్లు తదితర వివరాలపై ‘సాక్షి’ కథనం 9వ తరగతికి ఇలా.. 2026–2027 విద్యా సంవత్సరంలో 8వ తరగతి చ దువుతున్న విద్యార్థులు 9వ తరగతి ప్రవేశానికి దరఖాస్తు చేసుకోవచ్చు. విద్యార్థి 01–05–2012 నుంచి 31–07–2014 మధ్య జన్మించి ఉండాలి. పరీక్ష తేదీ వరకు ప్రభుత్వ లేదా ప్రభుత్వ గుర్తింపు పొందిన పాఠశాలలో 8వ తరగతి ఉత్తీర్ణత సాధించి విద్యా సంవత్సరం పూర్తి చేసి ఉండాలి. 11వ తరగతిలోకి.. 2026–2027 విద్యా సంవత్సరంలో 10వ తరగతి చదువుతున్న విద్యార్థులు 11వ తరగతి ప్రవేశానికి అర్హులు. 01–06–2010 నుంచి 31–07–2012 మధ్య జన్మించి ఉండాలి. జవహర్‌ నవోదయ విద్యాలయం ఉన్న అదే జిల్లాలోని ప్రభుత్వ లేదా ప్రభుత్వ గుర్తింపు పొందిన పాఠశాలలో 10వ తరగతి ఉత్తీర్ణత సాధించి, విద్యా సంవత్సరం పూర్తి చేసి ఉండాలి. గ్రామీణ విద్యార్థులకు 75 శాతం సీట్లు మామునూరు నవోదయ విద్యాలయ ప్రవేశాల్లో గ్రామీణ విద్యార్థులకు 75శాతం, పట్టణ ప్రాంత విద్యార్థులకు 25 శాతం సీట్లు కేటాయిస్తారు. విద్యార్థి తన చదువులో ఏదైనా భాగాన్ని పట్టణ, నగర ప్రాంతంలోని పాఠశాలలో చదివితే అర్బన్‌ అభ్యర్థిగా పరిగణిస్తారు. గ్రామీణ ప్రాంతంగా గ్రామ పంచాయతీ పరిధిలోని పాఠశాలలను, పట్టణ, నగర ప్రాంతంగా మున్సిపాలిటీ లేదా కార్పొరేషన్‌ పరిధిలోని పాఠశాలలను పరిగణిస్తారు. ఎస్సీ, ఎస్టీ, దివ్యాంగుల, బాలికలకు కేంద్ర ప్రభుత్వ నిబంధనల ప్రకారం రిజర్వేషన్లు వర్తిస్తాయి. ఉచిత వసతి.. విద్య మామునూరు జవహర్‌ నవోదయ విద్యాలయం పూర్తిగా ఉచిత విద్యనందించే సహ విద్య, నివాస పాఠశాలలు, 6 నుంచి 12వ తరగతి వరకు సీబీఎస్‌ ఈ అనుబంధంతో ఎన్‌సీఈఆర్‌టీ పాఠ్య ప్రణాళిక ఆధారంగా విద్యాబోధన కొనసాగుతోంది. విద్యార్థుల సమగ్ర వ్యక్తిత్వ వికాసానికి ప్రాధాన్యం ఇస్తూ, 9వ తరగతి నుంచి హిందీ మాట్లాడే ప్రాంతాలు–మాట్లాడని ప్రాంతాల మధ్య విద్యార్థుల మైగ్రేషన్‌ విధానం అమలు చేస్తారు. ఆన్‌లైన్‌లో దరఖాస్తులుఅర్హత కలిగిన విద్యార్థులు నవోదయ విద్యాలయ సమితి అధికారిక వెబ్‌సైట్‌ https:// cbseitms.nic.in/2026/nvsix&9 ద్వారా ఆన్‌లైన్‌లో దరఖాస్తు చేసుకోవచ్చు. 9వ, 11వ తరగతులకు ప్రత్యేకంగా దరఖాస్తు లింక్‌లు అందుబాటులో ఉంటాయి. విద్యార్థులు గడువులోగా దరఖాస్తు చేసుకోవాలని పీఎం పాఠశాల–జవహర్‌ నవోదయ విద్యాలయ ఇన్‌చార్జ్‌ ప్రిన్సిపాల్‌ టి.రమేశ్‌ కోరారు. మామునూరు జేఎన్‌వీలో 9వ, 11వ తరగతుల్లో ప్రవేశాలు ఖాళీ సీట్ల భర్తీకి లెట్రల్‌ ఎంట్రీ సెలక్షన్‌ టెస్ట్‌–2027 సెప్టెంబర్‌ 30వ తేదీ వరకు ఆన్‌లైన్‌లో దరఖాస్తులు ఏప్రిల్‌ 10న ప్రవేశ పరీక్ష 9వ ,11వ తరగతుల్లో ప్రవేశాల కోసం నిర్వహించే లెట్రల్‌ ఎంట్రీ సెలక్షన్‌ టెస్ట్‌–10 ఏప్రిల్‌ 2027న నిర్వహించనున్నారు. అర్హత ఉన్న విద్యార్థులు 30 సెప్టెంబర్‌, 2026 లోగా ఆన్‌లైన్‌ దరఖాస్తులు సమర్పించాలి.

● సీపీఐ రాష్ట్ర సహాయ కార్యదర్శి తక్కళ్లపల్లి శ్రీనివాసరావు హన్మకొండ: సామాన్యుల నడ్డివిరిచేలా కేంద్ర ప్రభుత్వం యూపీఐ చెల్లింపులపై చార్జీల భారం మోపుతుందని సీపీఐ రాష్ట్ర సహాయ కార్యదర్శి తక్కళ్లపల్లి శ్రీనివాసరావు విమర్శించారు. బుధవారం హనుమకొండ కాళోజీ సెంటర్‌లో కేంద్ర ప్రభుత్వం తీసుకొస్తున్న యూపీఐ చెల్లింపులపై చార్జీలకు వ్యతిరేకంగా నిరసన చేపట్టారు. చెల్లింపులపై చార్జీల బాదుడు మానుకోవాలని, కేంద్ర ప్రభుత్వం తన నిర్ణయాన్ని వెనక్కి తీసుకోవాలని, సామాన్యులపై భారం మోపుతున్న బీజేపీ ప్రభుత్వ వైఖరి నశించాలని ప్లకార్డులతో నినాదాలు చేశారు. కొన్నేళ్లుగా డిజిటల్‌ లావాదేవీలను ప్రోత్సహిస్తున్నామని గొప్పలు చెప్పుకుంటున్న మోదీ ప్రభుత్వం, తాజాగా యూపీఐ లావాదేవీలపై చార్జీలు వసూలు చేయడంపై మండిపడ్డారు. కార్యక్రమంలో ఆ పార్టీ జిల్లా సహాయ కార్యదర్శి కర్రె భిక్షపతి, నాయకులు ఆదరి శ్రీనివాస్‌, తోట భిక్షపతి, మద్దెల ఎల్లేష్‌, ఎన్‌.అశోక్‌ స్టాలిన్‌, నేదునూరి రాజమౌళి, ఏదునూరి వెంకట్రాజం తదితరులు పాల్గొన్నారు.

హనుమకొండలో మంత్రి పొంగులేటి, వరంగల్‌లో గద్వాల విజయలక్ష్మి ఉదయం 10 గంటలకు జెండావిష్కరణ సాక్షి ప్రతినిధి, వరంగల్‌: తెలంగాణ ప్రజా పాలన దినోత్సవం సందర్భంగా ఉమ్మడి వరంగల్‌ జిల్లాల పరిధిలోని ఆరు జిల్లా కేంద్రాల్లో గురువారం ఘనంగా వేడుకలు నిర్వహించనున్నారు. ఆయా జిల్లా కేంద్రాల్లో ఉదయం 10 గంటలకు జాతీయ జెండాను ఆవిష్కరించి, పోలీసుల గౌరవ వందనం స్వీకరించనున్నారు. హనుమకొండలో ఉమ్మడి జిల్లా ఇన్‌చార్జ్‌ మంత్రి, రాష్ట్ర రెవెన్యూ శాఖ మంత్రి పొంగులేటి శ్రీనివాస్‌రెడ్డి, వరంగల్‌లో రాష్ట్ర ప్లానింగ్‌ బోర్డు వైస్‌ చైర్‌పర్సన్‌ గద్వాల విజయలక్ష్మి, ములుగులో మంత్రి ధనసరి అనసూయ (సీతక్క), మహబూబాబాద్‌లో ప్రభుత్వ విప్‌ జె.రామచందర్‌నాయక్‌, జనగామలో ప్రభుత్వ విప్‌ బీర్ల ఐలయ్య, జయశంకర్‌ భూపాలపల్లిలో రాష్ట్ర బీసీ కమిషన్‌ చైర్మన్‌ జి. నిరంజన్‌ త్రివర్ణ పతాకాలను ఆవిష్కరించనున్నారు. ఈ మేరకు ప్రజాప్రతినిధులు, అధికారులు, వివిధ శాఖల సిబ్బంది, ప్రజలు పాల్గొనేలా ఏర్పాట్లు చేశారు. వేడుకలు జరిగే వరంగల్‌ ఓ సీటీ ఐడీఓసీ గ్రౌండ్‌ను బుధవారం సాయంత్రం వరంగల్‌ కలెక్టర్‌ డాక్టర్‌ సత్యశారద, ఆర్డీఓ సుమ, తహసీల్దార్‌ శ్రీకాంత్‌ పరిశీలించారు. హన్మకొండ కల్చరల్‌: శ్రీరుద్రేశ్వరస్వామి వేయిస్తంభాల దేవాలయంలో మూడో రోజు బుధవారం మూల మహాగణపతిని త్రిముఖ గణపతిగా అలంకరించి పూజలు నిర్వహించారు. ఆలయ ప్రధానార్చకుడు గంగు ఉపేంద్రశర్మ, అర్చకులు మణికంఠశర్మ, ప్రణవ్‌ అధ్వర్యంలో ఉదయం 5 గంటల నుంచి రుద్రేశ్వర స్వామివారికి రుద్రాభిషేకం, పూజలు చేశారు. పూజా కార్యక్రమాలకు వద్దిరాజు వెంకటేశ్వర్లు, ఉమాదేవి దంపతులు ఉభయదాతలుగా వ్యవహరించారు. సగర సంఘం రాష్ట్ర నాయకులు కంజుల మహేశ్‌ సౌజన్యంతో యాగశాలలో గణపతి నవగ్రహ రుద్రహవనం నిర్వహించారు. మధ్యాహ్నం అన్నప్రసాదాల వితరణ చేశారు. నృత్య గురువు పరమేశ్వర్‌ బృందం చేసిన కూచిపూడి నృత్యాలు అలరించాయి. ఈఓ అనిల్‌కుమార్‌, సిబ్బంది పర్యవేక్షించారు. హన్మకొండ అర్బన్‌: జాతీయ ఆరోగ్య మిషన్‌ కింద ల్యాబ్‌ టెక్నీషియన్‌, సీనియర్‌ ట్రీట్‌మెంట్‌ ల్యాబొరేటరీ సూపర్‌వైజర్‌ ఉద్యోగాలకు దరఖాస్తు చేసుకున్న అభ్యర్థుల తాత్కాలిక మెరిట్‌ జాబితాను విడుదల చేసినట్లు హనుమకొండ డీఎంహెచ్‌ఓ ఎ.అప్పయ్య తెలిపారు. జాబితాను జిల్లా అధికారిక వెబ్‌సైట్‌లో ఈ నెల 17న అప్‌లోడ్‌ చేయనున్నట్లు పేర్కొన్నారు. జాబితాలో పేర్లు ఉన్న అభ్యర్థులు తమ వివరాలను పూర్తిగా పరిశీలించుకోవాలని సూచించారు. ఏవైనా అభ్యంతరాలు ఉంటే సంబంధిత ఆధారాలతో ఈ నెల 19న సాయంత్రం 5 గంటల్లోగా డీఎంహెచ్‌ఓ కార్యాలయంలో సమర్పించాలని కోరారు. గడువు ముగిసిన తర్వాత వచ్చే అభ్యంతరాలను పరిగణనలోకి తీసుకోమని జిల్లా వైద్యారోగ్యశాఖాధికారి స్పష్టం చేశారు.

● వరంగల్‌ కలెక్టర్‌ డాక్టర్‌ సత్యశారద న్యూశాయంపేట: ఖరీఫ్‌ సీజన్‌ 2026 – 27కు సంబంధించిన ధాన్యం కొనుగోళ్లు సజావుగా నిర్వహించేందుకు, రైతులకు ఎలాంటి ఇబ్బందులు లేకుండా కొనుగోలు కేంద్రాల్లో మౌలిక వసతులు కల్పించాలని అధికారులను వరంగల్‌ కలెక్టర్‌ డాక్టర్‌ సత్యశారద ఆదేశించారు. కలెక్టరేట్‌ కాన్ఫరెన్స్‌ హాల్‌లో అదనపు కలెక్టర్‌ (రెవెన్యూ) ఎల్‌.కిశోర్‌కుమార్‌తో క లిసి ధాన్యం కొనుగోళ్లపై కలెక్టర్‌ బుధవారం సమీ క్షా సమావేశం నిర్వహించారు. జిల్లాలో ఖరీఫ్‌ సీజన్‌లో మొత్తం 98,539 ఎకరాల్లో వరి సాగు చేసినటఉల ఆమెకు అధికారులు వివరించారు. సుమారు 1.50 లక్షల మెట్రిక్‌ టన్నుల ధాన్యం వచ్చే అవకాశం ఉందని అంచనా వేశారు. కొనుగోళ్లకు జిల్లాలో 209 ప్యాడీ ప్రొక్యూర్‌మెంట్‌ సెంటర్లు (పీపీసీ) ఏర్పాటు చేయనున్నట్లు వివరించారు. సమావేశంలో అదనపు కలెక్టర్‌ (స్థానిక సంస్థలు) వైవీ.గణేష్‌, సివిల్‌ సప్‌లై డీఎం సంధ్యారాణి, డీసీఎస్‌ఓ కిష్టయ్య, డీఆర్డీఓ నాగపద్మజ, డీసీఓ నీరజ, ఆర్డీఓలు సుమ, ఉమారాణి పాల్గొన్నారు. ఉల్లాస్‌ పరీక్షలు విజయవంతంగా నిర్వహించాలి న్యూశాయంపేట: జిల్లాకు కేటాయించిన లక్ష్యానికి అనుగుణంగా ఉల్లాస్‌ పరీక్షలను విజయవంతంగా నిర్వహించి, నిర్దేశిత లక్ష్యాన్ని చేరుకోవాలని అధికారులను వరంగల్‌ కలెక్టర్‌ సత్యశారద ఆదేశించారు. కలెక్టరేట్‌లో బుధవారం నిర్వహించిన సమావేశంలో ఆమె మాట్లాడుతూ ఈనెల 20న నిర్వహించనున్న పరీక్షలకు ఉల్లాస్‌ పోర్టల్‌లో నమోదైన ప్రతీ మహిళ హాజరయ్యేలా చూడాల్సిన బాధ్యత మండల స్థాయిలోని అసిస్టెంట్‌ ప్రాజెక్ట్‌ మేనేజర్లపై ఉందని గుర్తుచేశారు. సమావేశంలో డీఆర్డీఓ నాగ పద్మజ, డీఈఓ రంగయ్యనాయుడు, అడల్ట్‌ ఎడ్యుకేషన్‌ ఉమ్మడి వరంగల్‌ జిల్లా డిప్యూటీ డైరెక్టర్‌ రమేష్‌రెడ్డి, డీఎంసీ రేణుక, ఓపెన్‌ స్కూల్‌ సొసైటీ ఉమ్మడి జిల్లా కోఆర్డినేటర్‌ సదానందం, ఉల్లాస్‌ జిల్లా ఇన్‌చార్జ్‌ నాగేశ్వర్‌రావు పాల్గొన్నారు. పర్యాటక దినోత్సవాన్ని విజయవంతం చేయాలి న్యూశాయంపేట: ఈనెల 27న ప్రపంచ పర్యాటక దినోత్సవం సందర్భంగా జిల్లాలోని పర్యాటక ప్రదేశాలను ప్రజలకు పరిచయం చేసే కార్యక్రమాలను రూపొందించి సమన్వయంతో విజయవంతం చే యాలని వరంగల్‌ కలెక్టర్‌ సత్యశారద సూచించా రు. కలెక్టరేట్‌లో బుధవారం జరిగిన సమన్వయ క మిటీ సమావేశంలో అధికారులకు దిశానిర్దేశం చేశారు.

రూ.2వేల వరకు ఉన్న పీ2ఎం యూపీఐ చెల్లింపులకు ఎండీఆర్‌ ఉండదు. అలాగే వ్యక్తి నుంచి వ్యక్తికి చేసే యూపీఐ బదిలీలకు మొత్తంతో సంబంధం లేకుండా ఈ ఎండీఆర్‌ వర్తించదు. క్యూఆర్‌ ద్వారా నెలకు రూ.లక్ష వరకు స్వీకరించే చిన్న వ్యాపారులకు కూడా ప్రత్యేక మినహాయింపు ఉంది. కాగా సాధారణ వ్యాపార చెల్లింపులపై 0.4 శాతం ఎండీఆర్‌ ఉండగా.. కొన్ని సేవలకు ప్రత్యేకంగా రూ.5ల ఫ్లాట్‌ ఎండీఆర్‌ విధానం ఉంటుంది. ఇందులో ప్రధానంగా.. విద్యుత్తు బిల్లులు, నీటి బిల్లులు, పైప్డ్‌ గ్యాస్‌, టెలికాం చెల్లింపులు, రైల్వే టికెట్లు, ఇంధనం, బీమా ప్రీమియంలు, కొన్ని ప్రభుత్వ/అవసర సేవలు ఉన్నాయి. రూ.2వేలు దాటిన అర్హత కలిగిన చెల్లింపులపై ఈ విభాగాల్లో ఒక్కో లావాదేవీకి రూ.5 ఫ్లాట్‌ ఎండీఆర్‌ వర్తిస్తుంది. కాగా వినియోగదారుడి యూపీఐ ఖాతా నుంచి నేరుగా ఎండీఆర్‌ కట్‌ చేయకూడదు. బ్యాంకులు, సిస్టమ్‌ ప్రొవైడర్లు ఎండీఆర్‌ భారాన్ని వినియోగదారుడిపై మళ్లించకుండా చర్యలు తీసుకోవాలని ప్రభుత్వం సూచించింది. ఇది కచ్చితంగా అమలయ్యేలా చూడాలని వివిధ వర్గాల ప్రజలు కోరుతున్నారు. నేషనల్‌ పేమెంట్స్‌ కార్పొరేషన్‌ ఆఫ్‌ ఇండియా (ఎన్‌పీసీఐ) గణాంకాల ప్రకారం హనుమకొండ, వరంగల్‌, కాజీపేట ట్రైసిటీల్లో నెలకు సుమారు రూ.కోటి నుంచి 1.2 కోట్ల వరకు యూపీఐ లావాదేవీలు జరుగుతున్నట్లు అంచనా. వీటి మొత్తం విలువ రూ.1,400–రూ.1,700 కోట్ల పరిధిలో ఉండొచ్చని తెలుస్తోంది. ఇందులో వ్యక్తి నుంచి వ్యక్తికి (పర్సన్‌ టు పర్సన్‌ (పీ2పీ))జరిగే చెల్లింపులు కూడా ఉంటాయి. కొత్త ఎండీఆర్‌ ప్రధానంగా వ్యక్తి నుంచి వ్యాపారికి జరిగే పర్సన్‌ టు మర్చంట్‌ (పీ2ఎం) చెల్లింపులకే వర్తిస్తుంది. పీ2పీ లావాదేవీలు మొత్తంగా ఈ ఎండీఆర్‌ నుంచి మినహాయింపులోనే ఉంటాయి. సాక్షిప్రతినిధి, వరంగల్‌ : నెలాఖరులో జీతం వచ్చేలోపే ఇంటి బడ్జెట్‌ తడిసిమోపెడవుతోంది. ఇంటి అద్దె.. కరెంట్‌ బిల్లు.. నీటి బిల్లు.. గ్యాస్‌.. పిల్లల స్కూల్‌, కాలేజీ ఫీజులు.. పాలు.. కిరాణా సరుకులు.. పెట్రోల్‌.. మొబైల్‌, ఇంటర్నెట్‌.. బీమా ప్రీమియం.. ఇలా ఒక్కో ఖర్చు కలుస్తూ మధ్యతరగతి కుటుంబాలపై భారాన్ని పెంచుతోంది. ఇలాంటి సమయంలో డిజిటల్‌ చెల్లింపులపై కేంద్రప్రభుత్వం కొత్తగా మర్చంట్‌ డిస్కౌంట్‌ రేటు (ఎండీఆర్‌) విధానం తెరపైకి వచ్చింది. ఇది మధ్య తరగతి ప్రజలకు భారంగా మారనుంది. వచ్చే నెల 15 నుంచి రూ.2,000కు మించిన కొన్ని యునిఫైడ్‌ పేమెంట్స్‌ ఇంటర్‌ఫేస్‌ (యూపీఐ) మర్చంట్‌ చెల్లింపులపై 0.4 శాతం ఎండీఆర్‌ విధానం అమల్లోకి రానుంది. రైల్వే, టెలికాం, బీమా, ఇంధనం వంటి ప్రత్యేక విభాగాల్లో రూ.2వేలకు మించిన లావాదేవీలకు ఒక్కో చెల్లింపుపై రూ.5ల ఫ్లాట్‌ ఎండీఆర్‌ విధిస్తారు. విద్యుత్‌, మున్సిపల్‌ నీటి బిల్లులు, పైప్డ్‌ గ్యాస్‌ వంటి యుటిలిటీ చెల్లింపులకూ రూ.2,000 దాటితే రూ.5 ఫ్లాట్‌ ఎండీఆర్‌ వర్తిస్తుంది. అన్ని రూ.2 వేల చెల్లింపులకూ 0.4 శాతం కాదు.. రూ.2 వేలకుపైబడి వ్యాపార చెల్లింపులపై 0.4శాతం ఎండీఆర్‌ వచ్చే నెల 15 నుంచి అమలుపై చర్చ రూ.5చార్జీ.. ఇంటి బడ్జెట్‌కు కొత్త లెక్క విద్యుత్‌, నీళ్లు, గ్యాస్‌, ఫీజులు, పెట్రోల్‌, బీమా, రైలు టికెట్లు

ఖిలా వరంగల్‌: ధాన్యం మిల్లింగ్‌ విషయంలో ప్రభుత్వం అనుసరిస్తున్న విధానాలపై రైస్‌ మిల్లర్లు ఆగ్రహం వ్యక్తం చేస్తున్నారు. తమ సమస్యలు పరిష్కరించాలని డిమాండ్‌ చేస్తూ ఈనెల 11 నుంచి పూర్తిస్థాయిలో నిరవధికంగా రైస్‌ మిల్లులను బంద్‌ చేసి సమ్మె బాట పట్టారు. దీంతో వరంగల్‌ జిల్లాలోని 102 రైస్‌ మిల్లులు మూతపడ్డాయి. సమస్యలు పరిష్కరించే వరకు మిల్లులు తెరిచేది లేదని మిల్లర్లు స్పష్టం చేస్తున్నారు. వరంగల్‌ జిల్లాలో మొత్తం 149 రైస్‌ మిల్లులుండగా 47 మిల్లులు వివిధ కారణాలతో మూతపడగా.. 102 మిల్లులు నడుస్తున్నాయి. అవి కూడా నిరవధికంగా మూతపడ్డాయి. సమస్యలు ఇలా.. ● ధాన్యం కేటాయించిన 15 రోజుల్లోనే ప్రభుత్వం బియ్యం తీసుకోవాల్సి ఉంటుంది. మిల్లర్లతో ప్రభుత్వం చేసే ఒప్పందంలో ఈ అంశం స్పష్టంగా ఉంటుంది. కానీ, ఎక్కడా 15 రోజుల్లో తీసుకున్న ఘటనల్లేవు. సాధారణ పరిస్థితుల్లో ఏడాది వరకు ప్రభుత్వం సమయం తీసుకుంటోంది. దీంతో ధాన్యంలో తరుగు పెరుగుతోంది. ● ప్రస్తుతం క్వింటా ధాన్యానికి 65.5 కిలోల బియ్యం ప్రభుత్వానికి మిల్లర్లు ఇవ్వాలి. అయితే, సన్నధాన్యం 63 కిలోలకు మించి రావడంలేదు. ఈ పరిమాణాన్ని 62 కిలోలకు తగ్గించాలని మిల్లర్లు కోరుతున్నారు. ● కేంద్రం ఇచ్చే తరుగును రాష్ట్ర ప్రభుత్వం మిల్ల ర్లకు ఇవ్వకపోవడం, గడిచిన 8 సీజన్లకు సంబంధించి మిల్లింగ్‌ చార్జీలు చెల్లించకపోవడం వంటి సమస్యలున్నాయి. సమస్యలు పరిష్కరించాలని డిమాండ్‌ నిరవధిక బంద్‌తో వరంగల్‌ జిల్లాలో మూతపడిన 102 మిల్లులునిబంధనలు సడలించాలి సీఎంఆర్‌ ఒప్పదం ఇరుపక్షాలకు ఆమోదయోగ్యంగా ఉండేలా రూపొందించాలి. రన్నింగ్‌ మిల్ల ర్లపై వేసిన కేసులను భేషరతుగా ఉపసంహరించుకోవాలి. క్వింటా ధాన్యానికి మిల్లింగ్‌ చార్జీ రా బియ్యానికి రూ.150, బాయిల్డ్‌ బియ్యానికి రూ.200లకు పెంచాలి.మిల్లింగ్‌ క్రమంలో 100 శాతానికి డ్యామేజ్‌, నూకలు, పరం సుమారు 15 నుంచి 20శాతం వరకు వచ్చే తరుగును పరిగణలోకి తీసుకోవాలి. – గోనెల రవీందర్‌, వరంగల్‌ జిల్లా అధ్యక్షుడు, రైస్‌ మిల్లర్స్‌ వెల్ఫేర్‌ అసోసియేషన్‌

కేయూ క్యాంపస్‌ : కాకతీయ యూనివర్సిటీ కాలేజీ ప్రిన్సిపాల్‌ కార్యాలయం సీనియర్‌ అసిస్టెంట్‌ మహ్మద్‌ ఆసిఫ్‌ను ఇటీవల సస్పెండ్‌ చేసినట్లు రిజిస్ట్రార్‌ వి. రామచంద్రం బుధవారం తెలిపారు. యూనివర్సిటీలోని ఓ విభాగానికి చెందిన విద్యార్థిని పట్ల అనుచితంగా, అసభ్యకరంగా ప్రవర్తించారనే ఆరోపణల ఫిర్యాదుతో కేయూలోని యాంటీ సెక్సువల్‌ హారాస్‌మెంట్‌ కమిటీతో విచారణ జరిపించామని తెలిపారు. ఆ కమిటీ నివేదిక ఆధారంగా మహ్మద్‌ ఆసిఫ్‌ను సస్పెండ్‌ చేసినట్లు రిజిస్ట్రార్‌ రామచంద్రం తెలిపారు. ● న్యాయ సేవాధికార సంస్థ కార్యదర్శి పూజ కాశిబుగ్గ: బాలల సంరక్షణ, వారి హక్కుల పరిరక్షణ కోసం ప్రత్యేక దృష్టి సారిస్తున్నట్లు వరంగల్‌ జిల్లా న్యాయ సేవాధికార సంస్థ కార్యదర్శి కందుకూరి పూజ తెలిపారు. ఆటోనగర్‌లోని బాలుర పరిశీలక గృహం, దేశాయిపేటలోని ఇండియా డీసీపీల్స్‌ మిషన్‌ చైల్డ్‌కేర్‌ ఇన్‌స్టిట్యూట్‌, సఖీ వన్‌స్టాఫ్‌ సెంటర్లను బుధవారం ఆమె సందర్శించారు. ఈ సందర్భంగా ఆమె బాలలతో ఆత్మీయంగా మాట్లాడారు. విద్య, ఆరోగ్యం, వసతి, భోజనం, భద్రత, ఇతర అవసరాల గురించి అడిగి తెలుసుకున్నారు. సమస్యలను తెలుసుకుని, అవసరమైన న్యాయ సాయం అందిస్తామమని హామీ ఇచ్చారు. సఖీ వన్‌స్టాఫ్‌ సెంటర్‌లో అందుతున్న సేవలు, బాధిత మహిళలకు కల్పిసున్న న్యాయ సాయం, పోలీసు సహకారం, సంబంధిత రికార్డులు, రిజిస్టర్లను తనిఖీ చేశారు. కార్యక్రమంలో బాలల పరిశీలక గృహం సూపరింటెండెంట్‌ శ్రీదేవి, సఖి సెంటర్‌ అడ్మినిస్ట్రేటర్‌ వల్లె శ్రీలత పాల్గొన్నారు. గైడ్‌కు అన్ని అంశాలపై అవగాహన ఉండాలి ● టూరిజం ప్రమోషన్‌ ఆఫీసర్‌ సూర్యకిరణ్‌ హన్మకొండ అర్బన్‌ : టూరిస్ట్‌ గైడ్‌ అన్ని అంశాలపై పూర్తి అవగాహన కలిగి ఉండాలని టూరిజం ప్రమోషన్‌ ఆఫీసర్‌ కుసుమ సూర్యకిరణ్‌ అన్నారు. ప్రభుత్వ మహిళా పింగిళి కళాశాలలో చరిత్ర విభాగం ఆధ్వర్యంలో నిర్వహిస్తున్న టూరిస్ట్‌ గైడ్‌ సర్టిఫికెట్‌ కోర్సులో భాగంగా బుధవారం నిర్వహించిన కార్యక్రమంలో ఆయన ముఖ్య అతిథిగా, ప్రధాన వక్తగా పాల్గొని మాట్లాడారు. ‘తెలంగాణ పర్యాటక సౌకర్యాలు, అభివృద్ధి–తెలంగాణ పర్యాటక ఉత్పత్తులు’ అంశంపై అవగాహన కల్పించారు. పర్యాటక ప్రాంతాల ప్రాముఖ్యత, సాంస్కృతిక ప్రదేశాలు, సందర్శకులకు మార్గదర్శకం అందించడంలో గైడ్‌ పాత్రను వివరించారు. రెండు రోజుల పర్యటనకు ముందుగానే ప్రణాళిక రూపొందించుకుని వాహనం, సమ యం, అవసరమైన వస్తువులు, సందర్శించాల్సిన ప్రాంతాలను నిర్ణయించుకోవాలన్నారు. కార్యక్రమానికి వైస్‌ ప్రిన్సిపాల్‌ జి. సుహాసిని అధ్యక్షత వహించారు. సర్టిఫికెట్‌ కోర్సు కన్వీనర్‌, చరిత్ర విభాగాధిపతి కొలిపాక శ్రీనివాస్‌, అధ్యాపకులు పి. నరేశ్‌, బి. జ్యోతి, విద్యార్థులు పాల్గొన్నారు.

కేయూ క్యాంపస్‌: కాకతీయ యూనివర్సిటీ జూవాలజీ ప్రొఫెసర్‌ జి.షమిత, జువాలజీ విభాగం పూర్వ పరిశోధకురాలు మౌనిక, హైదరాబాద్‌లోని సెయింట్‌ ఫ్రాన్సిస్‌ కళాశాలలోని మైక్రోబయాలజీ అసిస్టెంట్‌ ప్రొఫెసర్‌ గాయత్రి సంయుక్తంగా చేపట్టిన వినూత్న పరిశోధనకు పేటెంట్‌ లభించింది. సింథసిస్‌ ఆఫ్‌ యాంటీమైక్రోబియల్‌ సిల్వర్‌ నానోపార్టికల్స్‌ ఫ్రమ్‌ గట్‌ బాక్టీరియా ఆఫ్‌ టస్సర్‌ సిల్క్‌వార్మ్‌ అనే ఆవిష్కరణకు భారత ప్రభుత్వం నుంచి పేటెంట్‌ లభించిందని షమిత తెలిపారు. ఈ ఆవిష్కరణ ద్వారా టస్సర్‌ సిల్క్‌ వార్మ్‌కు సంభవించే వ్యాధులను నియంత్రించడంతోపాటు పట్టు ఉత్పత్తిని పెంచే అవకాశం ఉంటుందని ఆమె పేర్కొన్నారు. ఈ మేరకు బుధవారం యూనివర్సిటీలో షమిత, పూర్వపరిశోధకురాలు మౌనికను వీసీ కె.ప్రతాప్‌రెడ్డి, రిజిస్ట్రార్‌ వి.రామచంద్రం, ఓఎస్‌డీ బి.వెంకట్రాంరెడ్డి అభినందించారు.

హన్మకొండ అర్బన్‌: మహానగరంలో యూజీడీ (అండర్‌ గ్రౌండ్‌ డ్రైనేజీ) నిర్మాణానికి టెండర్లు ఆహ్వానించేందుకు చర్యలు చేపడతామని గ్రేటర్‌ వరంగల్‌ మున్సిపల్‌ కార్పొరేషన్‌ ప్రత్యేక అధికారి చాహత్‌ బాజ్‌పాయ్‌ తెలిపారు. హైదరాబాద్‌ నుంచి సీడీఎంఏ డాక్టర్‌ టీకే శ్రీదేవి వీడియో కాన్ఫరెన్‌్స్‌ ద్వారా ప్రాజెక్టుకు సంబంధించిన డీపీఆర్‌, టెండర్‌ ప్రక్రియ, పనులు చేపట్టే విధానంపై బుధవారం సమీక్షించారు. ఈ సందర్భంగా సీడీఎంఏ మాట్లాడుతూ డీపీఆర్‌కు సంబంధించిన అన్ని అంశాలను సమగ్రంగా క్రోడీకరించి, 15 రోజుల్లోగా టెండర్‌ పూర్తి చేసి పనులు వేగవంతం చేయాలని అధికారులను ఆదేశించారు. హనుమకొండ కలెక్టరేట్‌ నుంచి కలెక్టర్‌ చాహత్‌ బాజ్‌పాయ్‌ మాట్లాడుతూ ప్రాజెక్టుకు సంబంధించి ఏమైనా సమస్యలు ఉంటే పరిష్కారానికి చర్యలు తీసుకుంటామని తెలిపారు. గ్రేటర్‌ కమిషనర్‌ టి.వెంకన్న, ఎస్‌ఈ రాజ్‌కుమార్‌, ఈఈ రవికుమార్‌, సీపీఓ రవీంద్ర రాడేకర్‌, అధికారులు పాల్గొన్నారు.

పాఠశాల లేని నివాస ప్రాంతంలోని విద్యార్థులకు రవాణా భత్యం నిధులను సమగ్రశిక్ష మంజూరు చేసింది. జిల్లాల వారీగా సమగ్ర చిత్రం ఇలా..1 నుంచి ఎస్‌ఏ–1 పరీక్షలు ఉమ్మడి వరంగల్‌ జిల్లాలోని అన్ని యాజమాన్యాల పరిధిలోని పాఠశాలల విద్యార్థులకు సమ్మిటివ్‌ అసెస్‌మెంట్‌ పరీక్షలు అక్టోబర్‌ 1 నుంచి నిర్వహించనున్నారు. అసంఘటిత సంస్థలు15,369ములుగు జనగామ వరంగల్‌ భూపాలపల్లి మహబూబాబాద్‌ హనుమకొండ84,067కార్మికులు13,97138,26042,84128,72740,67835,90216,71646,40135,59480,25356,7291,26,908హనుమకొండ85,144

రజాకార్ల దమనకాండకు ఎదురొడ్డిన బత్తిని మొగిలయ్యఖిలా వరంగల్‌: చరిత్రకు సాక్ష్యంగా నిలిచిన ఓరుగల్లు కోట.. ఒకప్పుడు నిజాం నిరంకుశ పాలనకు వ్యతిరేకంగా ప్రజా చైతన్యానికి వేదికగా మారింది. భూస్వామ్య దోపిడీ, అధిక పన్నులు, వెట్టిచాకిరీ, రజాకార్ల దౌర్జన్యాలకు వ్యతిరేకంగా తెలంగాణ సాయుధ పోరాటం ఉవ్వెత్తున ఎగిసిపడుతున్న తరుణంలో కాకతీయుల కళా సామ్రాజ్యం కూడా ప్రతిఘటనకు కేంద్రంగా నిలిచింది. 1944లోనే పోరాట బీజాలు 1944లో వరంగల్‌ కోటలో జరిగిన ఆంధ్ర సారస్వత పరిషత్‌ వార్షిక సమావేశంలో మతతత్వ శక్తుల దాడిని ప్రతిఘటించే క్రమంలో బత్తిని మొగిలయ్య గౌడ్‌ గాయపడినా తన పోరాట పటిమను ఆపలేదు. ఈ ఘటన ఆయన పోరాట జీవితంలో కీలక ఘట్టంగా నిలిచింది. అనంతరం ఆర్యసమాజ్‌, కాంగ్రెస్‌ కార్యకలాపాల్లో భాగస్వాములై నిజాం నిరంకుశపాలనకు వ్యతిరేకంగా ప్రజలను సమీకరించడంలో ఆయన ప్రముఖ పాత్ర పోషించారు. కోటపై జెండా ఎగరేయడంతో.. 1946 ఆగస్టు 11న నిజాం పాలనలో జాతీయ జెండాను ఎగురవేయడంపై ఆంక్షలు ఉన్న సమయంలో చారిత్రక ఓరుగల్లు కోటపై త్రివర్ణ పతాకం ఎగురవేయడం ఉద్యమకారుల ధైర్య సాహసాలకు నిదర్శనంగా నిలిచింది. ఈ జెండా ఆవిష్కరణలో బత్తిని మొగిలయ్యగౌడ్‌ కీలక పాత్రను చారిత్రక రికార్డులు చెబుతున్నాయి. జెండా ఆవిష్కరణను అడ్డుకునేందుకు రజాకార్లు దాడికి దిగడంతో ఉద్రిక్త పరిస్థితులు నెలకొన్నాయి. రజాకార్ల దాడిని ఎదుర్కొంటూ బత్తిని మొగిలియ్య గౌడ్‌ వీరోచితంగా పోరాడి అమరుడయ్యారు. ఈ ఘటన ఓరుగల్లు ప్రజల్లో పోరాట స్ఫూర్తిని మరింత రగిలింపజేసింది. కాగా, స్థానిక చరిత్ర వృత్తాంతాల్లో టి.హయగ్రీవాచారి, తదితర కాంగ్రెస్‌ నాయకులు కూడా ఆ కార్యక్రమంలో పాల్గొన్నారు. నాటి త్యాగాలను యువత గుర్తుంచుకోవాలి నిజాం పాలన, రజాకార్ల అరాచకాలకు ఎదురొడ్డి మన ప్రాంత రైతాంగ పోరాటయోధులు ఎన్నో కష్టాలు పడ్డారు. 1944 నుంచి 1946 వరకు కాల్చివేతలు, దాడులు, హింసను లెక్కచేయకుండా హక్కుల కోసం పోరాడారు. ఓరుగల్లు కోటపై జాతీయ జెండా ఎగురవేయడం వంటి ఘటనలు అప్పటి ప్రజల ధైర్యానికి నిదర్శనం. ఆ త్యాగాలను నేటి తరానికి చెప్పుకోవడం మన బాధ్యత. స్వేచ్ఛ విలువ, పోరాటయోధుల త్యాగాలను యువత గుర్తుంచుకోవాలి. – గంట నరేందర్‌రెడ్డి, విద్యావేత్త, మామునూరు గత చరిత్రను తెలుసుకోవాలి స్వాతంత్య్రం, ప్రజల హక్కుల కోసం గత తరాల వారు చేసిన పోరాటం గురించి తెలుసుకోవాలి. భవిష్యత్‌కు బాటలు వేసుకోవాలి. రజాకార్లకు వ్యతిరేకంగా పోరాడిన రైతాంగ యోధుల త్యాగాలు పుస్తకాల్లోనే కాకుండా మన చారిత్రక ప్రదేశాల్లోనూ కనిపిస్తాయి. ఖిలా వరంగల్‌ చరిత్రను కూడా యువతకు వివరించాలి. అమరుల త్యాగాలను స్మరించుకుంటూ సమానత్వ, ప్రజాస్వామ్య విలువలను కాపాడే బాధ్యత మనపై ఉంది. – మేరుగు సన్నిహిత్‌, విద్యార్థి, వరంగల్‌

హన్మకొండ చౌరస్తా : తెలంగాణ రాష్ట్ర ఏర్పాటు కోసం త్యాగాలు, ఆత్మబలిదానాలు చేసిన ఉద్యమకారుల స్థితిగతులను తెలుసుకుని ప్రభుత్వానికి నివేదించేందుకు గురువారం (ఈనెల17) నుంచి ఓదార్పు యాత్రకు శ్రీకారం చుడుతున్నట్లు తెలంగాణ ఉద్యమకారుల ఐక్య వేదిక రాష్ట్ర చైర్మన్‌, ప్రముఖ న్యాయవాది గుడిమళ్ల రవికుమార్‌ తెలిపారు. ఈ మేరకు బుధవారం హనుమకొండ కాకతీయ కాలనీలోని వేదిక కార్యాలయంలో ఆయన విలేకరులతో మాట్లాడారు. మొదటి రోజు ఉదయం 10 గంటలకు వరంగల్‌లోని ఎస్‌బీఐ పక్కన గల తొలిదశ అమరవీరుడు చుంచు చంద్రమౌళి, షేక్‌ ఫకీర్‌ అలీ, ఆడెపు మార్కండేయ, గూడూరు వెంకటస్వామి జ్ఞాపకార్థం ఏర్పాటు చే సిన స్మారక జెండా వద్ద అమరులకు నివాళులర్పించనున్నట్లు తెలిపారు. 18,19,20 తేదీల్లో వరంగల్‌ జిల్లాలో అమరుల, ఉద్యమకారుల ఇళ్లకు వెళ్లి వారి సామాజిక, ఆర్థిక స్థితిగతులు తెలుసుకుంటూ వివరాలు రికార్డు చేయనున్నట్లు తెలిపారు. ఈ యాత్ర రాష్ట్ర వ్యాప్తంగా ఏడాదిన్నర పాటు కొనసాగుతుందని తెలిపారు. సమావేశంలో ఉద్యమకారుల ఓదార్పు యాత్ర రాష్ట్ర ఇన్‌చార్జ్‌ ఓడపెల్లి శ్యామకృష్ణ, తొలిదశ ఉద్యమకారుల రాష్ట్ర కన్వీనర్‌ టీఎన్‌ స్వామి, తొలిదశ ఉద్యమకారుడు కొండేటి నారాయణ రెడ్డి, ఎ.తిరుపతి రెడ్డి, తౌటం సమ్మయ్య, వరంగల్‌ జిల్లా ఓదార్పు యాత్ర ప్రచార కమిటీ సభ్యులు చాంద్‌ పాషా, చెన్నూరి నటరాజ్‌, ఇమ్మడిశెట్టి రాజు, మేకల కృష్ణ, అనుముల రమేశ్‌, మాధవీలత, మీడియా ఇన్‌చార్జ్‌ రాంపెల్లి శ్రీనివాసచారి, పద్మ , కిరణ్‌, చుంచు వెంకన్న తదితరులు పాల్గొన్నారు. ఉద్యమకారుల ఐక్య వేదిక రాష్ట్ర అధ్యక్షుడు గుడిమళ్ల

హన్మకొండ: విద్యుత్‌ పంపిణీలో స్మార్ట్‌గా సురక్షితంగా, మెరుగ్గా కృత్రిమ మేధస్సు (ఏఐ), డ్రోన్‌ టెక్నాలజీ, డేటా అనలిటిక్స్‌ వంటి ఆధునిక సాంకేతికతలను విస్తృతంగా వినియోగిస్తునందుకు, వినియోగదారులకు అందించే మెరుగైన సేవలు, ఆపరేషనల్‌ ఎక్సలెన్స్‌లో ఉత్తమ పనితీరు కనబరుస్తునందుకు టీజీ ఎన్పీడీసీఎల్‌ రెండు ప్రతిష్టాత్మక జాతీయ అవార్డులను సొంతం చేసుకుంది. ఈ నెల 9న బెంగళూర్‌లో టైమ్స్‌ అస్పైర్‌ ఆధ్వర్యంలో సౌత్‌ ఇండియా పీఎస్యూ – గవర్నెన్స్‌ ఎక్సలెన్స్‌ అవార్డును కంపెనీ సెక్రటరీ కె. వెంకటేశం అందుకున్నారు. ఈ నెల 10న న్యూఢిల్లీలో ది ఎకనామిక్స్‌ టైమ్స్‌ ఆధ్వర్యంలో అడాప్టింగ్‌ ఏఐ ఇన్‌ ఎనర్జీ అవార్డును చీఫ్‌ ఇంజనీర్‌ సురేందర్‌ అందుకున్నారు. ఈ అవార్డులను మంగళవారం హనుమకొండలోని ఎన్పీడీసీఎల్‌ ప్రధాన కార్యాలయంలో సీఎండీ కర్నాటి వరుణ్‌ రెడ్డికి డైరెక్టర్లు, అధికారులు అందించారు. డైరెక్టర్‌లు వి.తిరుపతిరెడ్డి, టి.మధుసూదన్‌, సి.ప్రభాకర్‌, సీఈ సురేందర్‌, కంపెనీ సెక్రటరీ వెంకటేశం పాల్గొన్నారు.

విద్యారణ్యపురి: విద్యార్థులకు ఇంటర్‌ విద్య కీలకమని ఇంటర్‌ విద్య ఇన్‌చార్జ్‌ ఆర్‌జేడీ ఎ.గోపాల్‌ అన్నారు. హనుమకొండలోని ప్రభుత్వ కోఎడ్యుకేషన్‌ జూనియర్‌ కళాశాలలో మంగళవారం విద్యార్థులకు బ్యాగులు, షూ, బెల్టులు పంపిణీ చేసి ఆయన మాట్లాడారు. త్వరలోనే విద్యార్థులకు యూనిఫామ్‌ కూడా అందించనున్నట్లు తెలిపారు. కార్యక్రమంలో ప్రిన్సిపాల్‌ ఆర్‌.శ్రీనివాస్‌రావు, అధ్యాపకులు యాకూబ్‌, భిక్షపతి, ఎస్‌.రాజ్‌కుమార్‌, ప్రసాద్‌, రాములు, ప్రవీణ్‌, రమేశ్‌, రేవతి, శ్రీదేవి విద్యార్థులు పాల్గొన్నారు. హన్మకొండ: ప్రయాణికుల సౌకర్యార్థం వరంగల్‌–కాజీపేట మధ్య హనుమకొండ జిల్లా బస్‌స్టేషన్‌, బాలసముద్రం కాళోజీ కళాక్షేత్రం మీదుగా లోకల్‌ బస్సులు నడుపుతున్నట్లు టీజీఎస్‌ ఆర్టీసీ వరంగల్‌ రీజినల్‌ మేనేజర్‌ ఎస్‌.భవానీప్రసాద్‌ తెలిపారు. రూట్‌ నంబర్‌ 1బీ పేరుతో వరంగల్‌–కాజీపేట, కాజీపేట–వరంగల్‌ మధ్య ప్రతిరోజు 46 ట్రిప్పులు తిప్పుతున్నట్లు ఆయన ఒక ప్రకటనలో పేర్కొన్నారు. వరంగల్‌ నుంచి హనుమకొండ చౌరస్తా, హనుమకొండ బస్టాండ్‌, కాళోజీ కళాక్షేత్రం, అదాలత్‌ మీదుగా కాజీపేటకు, అదేవిధంగా కాజీపేట నుంచి అదాలత్‌, బాలసముద్రం, కాళోజీ కళాక్షేత్రం, అశోకా జంక్షన్‌, హనుమకొండ చౌరస్తా మీదుగా వరంగల్‌కు ఈ బస్సులు నడుస్తున్నాయని వివరించారు. ప్రయాణికుల రద్దీని దృష్టిలో పెట్టుకొని అవసరమైతే మరిన్ని ట్రిప్పులు పెంచుతామని, ఈ అవకాశాన్ని ప్రయాణికులు సద్వినియోగం చేసుకోవాలని ఆయన కోరారు. కేయూ క్యాంపస్‌: హనుమకొండలోని యూనివర్సిటీ ఆర్ట్స్‌అండ్‌ స్సైన్స్‌ కళాశాల ఫిజిక్స్‌ కాంట్రాక్టు అసిస్టెంట్‌ ప్రొఫెసర్‌ డాక్టర్‌ ఎల్‌.జితేందర్‌కు ఎయిర్‌ ఫిల్ట్రేషన్‌ పరికరం డిజైన్‌పై పేటెంట్‌ లభించింది. మలేషియాలోని యూనివర్సిటీ, యూనివర్సిటీ ఆఫ్‌ ఢిల్లీ కోలబరేషన్‌లో సంయుక్తంగా పేటెంట్‌ను లభించినట్లు జితేందర్‌ తెలిపారు. భారత ప్రభుత్వ పేటెంట్లు డిజైన్లు, ట్రేడ్‌ మార్కుల కంట్రోల్‌ జనరల్‌ కార్యాలయం నుంచి సమాచారం అందిందని ఆయన పేర్కొన్నారు. ఈ మేరకు మంగళవారం కళాశాలలో ప్రిన్సిపాల్‌ ఎస్‌.జ్యోతి, అధ్యాపకులు తదితరులు జితేందర్‌ను అభినందించారు. సర్టిఫికెట్ల పరిశీలన ప్రారంభం బీఫార్మసీ, జీవవైవిధ్య ఇంజనీరింగ్‌ కోర్సుల్లో ప్రవేశాలకు సంబంధించిన సర్టిఫికెట్ల పరిశీలన యూనివర్సిటీ ఆర్ట్స్‌ అండ్‌ సైన్స్‌ కళాశాల హెల్ప్‌లైన్‌ సెంటర్‌లో మంగళవారం ప్రారంభమైంది. సర్టిఫికెట్ల పరిశీలన ధ్రువపత్రాలను కళాశాల ప్రిన్సిపాల్‌ ఎస్‌.జ్యోతి అభ్యర్థులకు అందజేశారు. హన్మకొండ అర్బన్‌: కొనుగోలు కేంద్రాల ద్వారా సేకరించిన ఖరీఫ్‌ ధాన్యాన్ని కేటాయించిన రైస్‌ మిల్లులకు పకడ్బందీగా తరలించేలా చర్యలు చేపట్టాలని హనుమకొండ అదనపు కలెక్టర్‌ ఎన్‌.రవి అధికారులను ఆదేశించారు. కలెక్టరేట్‌లో పౌరసరఫరాలు, సహకార శాఖల అధికారులు, ధాన్యం తరలింపు కాంట్రాక్టర్లతో మంగళవారం సమావేశం నిర్వహించారు. జిల్లా పౌరసరఫరాల శాఖ అధికారి మహేందర్‌, జిల్లా సహకార అధికారి మోహన్‌, పౌరసరఫరాల శాఖ డీటీలు భద్రునాయక్‌, నాగేంద్ర ప్రసాద్‌, భాస్కర్‌ రెడ్డి పాల్గొన్నారు.

వరంగల్‌ అర్బన్‌: వరంగల్‌ పాత బస్‌స్టేషన్‌ను కూల్చివేసి రూ.73.50 కోట్ల అంచనా వ్యయంతో నూతన బస్‌స్టేషన్‌ పనులను 2023 జూన్‌లో ప్రారంభించారు. రెండున్నర ఎకరాల్లో విశాలమైన బస్‌స్టేషన్‌ ప్రాంగణం, షాపింగ్‌ కాంప్లెక్స్‌ నిర్మాణ పనులు కొనసాగుతున్నాయి. తాత్కాలికంగా నిర్మించిన బస్‌ స్టాండ్‌లో మౌలిక వసతులు లేక ప్రయాణికులు అవస్థల పాలవుతున్నారు. బస్‌స్టేషన్‌ నుంచి బయటకు వెళ్లే మరో రోడ్డు గుంతలమయంగా మారింది. కంకర తేలి, గుంతలు పడి, ప్రమాదకరంగా కనిపిస్తున్న ఈ రోడ్డు మీదుగా వరంగల్‌ ఆర్టీసీ బస్‌స్టేషన్‌ నుంచి బస్సులు బయటకు వెళ్తాయి. ఇందులో ఒకటి స్మార్ట్‌సిటీ రోడ్డు, మరొకటి బల్దియా నిర్మించిన రోడ్డు. మరి ఇంజనీరింగ్‌ అధికారులకు ఏమైందో ఏమో కానీ ప్రజల ఇబ్బందులను పట్టించుకోవడం లేదనే విమర్శలు వస్తున్నాయి. ప్రమాదకర మలుపులు, ఎగుడు దిగుడు రోడ్డు, గుంతలు.. ప్రయాణికులు, డ్రైవర్ల, వాహనదారులకు చుక్కలు చూపిస్తున్నాయి. ఇప్పటికై నా గ్రేటర్‌ వరంగల్‌ మున్సిపల్‌ కార్పొరేషన్‌ అధికారులు స్పందించి రోడ్డును మరమ్మతులు చేయాలని నగర ప్రజలు, వాహనదారులు కోరుతున్నారు. రాళ్లు ఎగిరిపడుతున్నాయి.. కూరగాయల మార్కెట్‌ వెలుపల–చాంబర్‌ ఆఫ్‌ కామర్స్‌ రోడ్డు గుంతలు పడింది. వాహనాలు వెళ్తున్నప్పుడు గుంతల్లోని రాళ్లు ఎగిరిపడుతున్నాయి. ఇంత అధ్వానంగా రోడ్డు ఉన్నా అధికారులు, ప్రజాప్రతినిధులు పట్టించుకోవం లేదు. ఇప్పటికై నా గుంతలు పూడ్చాలి. – జగదీశ్వర్‌, ఆటోడ్రైవర్‌ వరంగల్‌ ఆర్టీసీ బస్‌స్టేషన్‌ సమీపంలో వాహనదారులకు తప్పని ఇబ్బందులు రోడ్డు మరమ్మతులను పట్టించుకోని జీడబ్ల్యూఎంసీ ఇంజనీర్లు ఈ ఫొటోలో కనిపిస్తున్నది వరంగల్‌ ఆర్టీసీ బస్‌స్టేషన్‌ నుంచి బస్సులు వెళ్లే రోడ్డు. మొత్తం మురుగునీటితో నిండిపోయింది. బస్‌స్టేషన్‌ అభివృద్ధి పనుల్లో భాగంగా ఏర్పాటు చేసిన తాత్కాలిక ఏర్పాట్లతో ఇరుకుగా మారింది. ఆపై వర్షపు నీటితో నిండిపోవడంతో వాహనదారులు, బాటసారులు తీవ్ర ఇక్కట్లకు గురవుతున్నారు.

● ఐద్వా జాతీయ కార్యదర్శి కనినికా ఘోష్‌ పాలకుర్తి టౌన్‌: పోరాటాలతోనే ప్రభుత్వాల మెడలు వంచి ప్రజలు తమ హక్కులు సాధించుకోవాలని ఐద్వా జాతీయ కార్యదర్శి కనినికా ఘోష్‌ పిలుపునిచ్చారు. బీజేపీ ‘సబ్‌ కా సాత్‌–సబ్‌ కా వికాస్‌’ నినాదాలను ఆచరణలో పెట్టకుండా ప్రచారానికే పరిమితమైందని విమర్శించారు. తెలంగాణ రైతాంగా సాయుధ పోరాట వారోత్సవాల్లో భాగంగా మంగళవారం జనగామ జిల్లా పాలకుర్తి మండల కేంద్రంలోని రాజీవ్‌ చౌరస్తాలో వీరవనితల స్ఫూర్తి యాత్రను ప్రారంభించారు. ఈ సందర్భంగా ఐలమ్మ విగ్రహానికి పూలమాల వేసి నివాళులర్పించారు. అనంతరం ఐద్వా జిల్లా కార్యదర్శి ఎండీ షబానా అధ్యక్షతన నిర్వహించిన సభలో జాతీయ ఉపాధ్యక్షురాలు ఎస్‌. పుణ్యవతితో కలిసి కనినికా ఘోష్‌ మాట్లాడారు. 1946 నుంచి 1951 వరకు సాగిన తెలంగాణ రైతాంగ పోరాటం దొరలు, భూస్వాములు, జాగీర్దాలు, నిజాం పాలనకు వ్యతిరేకంగా జరిగిందన్నారు. వీరనారి చాకలి ఐలమ్మ, మల్లు స్వరాజం స్ఫూర్తితో మహిళలు తమ హక్కుల కోసం ఉద్యమించాలని పిలుపునిచ్చారు. ఐద్వా రాష్ట్ర కార్యదర్శి మల్లు లక్ష్మి మాట్లాడుతూ రైతాంగ పోరాటంలో ఆర్‌ఎస్‌ఎస్‌, బీజేపీ పాత్ర లేదన్నారు. కార్యక్రమంలో ఐద్వా రాష్ట్ర అధ్యక్షురాలు అరుణాజ్యోతి, టి.జ్యోతి, రాష్ట్ర సహాయ కార్యదర్శి బుగ్గవేటి సరళ, కె. ఆశలత, నలిగంటి రత్నమాల, రాష్ట్ర కోశాధికారి మాచర్ల భారతి, బత్తుల హైమావతి, జిల్లా అధ్యక్షురాలు ఇ.వి అహల్య, తదితరులు పాల్గొన్నారు.పాలకుర్తిటౌన్‌ (దేవరుప్పుల) : కేంద్రంలోని బీజేపీ ప్రభుత్వం ‘సబ్‌ కా సాత్‌’ నినాదాలకే పరిమితమవుతున్న క్రమంలో సమస్యల పరిష్కారం కోసం నేటి మహిళలు.. చాకలి ఐలమ్మను స్ఫూర్తిగా తీసుకోవాలని ఐద్వా జాతీయ కార్యదర్శి కనినికా ఘోష్‌ అన్నారు. వీరవనితల స్ఫూర్తి యాత్రలో భాగంగా మంగళవారం దేవరుప్పుల మండలం ధర్మాపురంలో దర్గ్యా నాయక్‌ కుటుంబాన్ని పరామర్శించారు. అనంతరం కామారెడ్డిగూడెంలో షేక్‌ బందగీ, కడవెండిలో తెలంగాణ తొలి అమరుడు దొడ్డి కొమురయ్య స్మారక స్తూపం, విగ్రహానికి పూలమాలలు వేసి నివాళులర్పించి మాట్లాడారు.

ఖిలా వరంగల్‌ : వరంగల్‌ శాకరాసికుంట కట్టపై నార్కొటిక్‌, మిల్స్‌కాలనీ పోలీసులు సంయుక్తంగా నిర్వహించిన తనిఖీల్లో గంజాయి విక్రయ ముఠా పట్టుబడింది. వారి నుంచి 250 గ్రాముల ఎండు గంజాయి,139 మత్తు చాక్లెట్లు స్వాధీనం చేసుకుని నలుగురిని అరెస్ట్‌ చేసినట్లు మిల్స్‌కాలనీ ఎస్సై శ్రవణ్‌తెలిపారు. బిహార్‌కు చెందిన నలుగురు వ్యక్తులు ముఠాగా ఏర్పడి యువతను లక్ష్యంగా చేసుకుని ఎండు గంజాయి, మత్తు చాక్లెట్లు విక్రయిస్తున్నట్లు సమాచారం అందింది. ఈ మేరకు సోమవారం రాత్రి నార్కొటిక్‌, మిల్స్‌కాలనీ పోలీసులు సంయుక్తగా శాకరాసికుంట కట్టపై తనిఖీలు చేపట్టారు. ఇందులో బిహార్‌కు చెందిన పంచం కుమార్‌, సుమన్‌ కుమార్‌, వీరాజ్‌కుమార్‌, అఖిలేశ్‌ కుమార్‌ను అరెస్ట్‌ చేసినట్లు ఎస్సై శ్రవణ్‌ తెలిపారు. 250 గ్రాముల సరుకు, 139 మత్తు చాక్లెట్లు స్వాధీనం

● అసోసియేషన్‌ ఆఫ్‌ ఫిజియోథెరపిస్ట్స్‌ రాష్ట్ర అధ్యక్షుడు పెరుమాండ్ల రామకృష్ణ హన్మకొండ : రాష్ట్రంలో ఫిజియోథెరపీ కౌన్సిల్‌ ఏ ర్పాటు చేయాలని తెలంగాణ అసోసియేషన్‌ ఆఫ్‌ ఫిజియోథెరపిస్ట్స్‌ రాష్ట్ర అధ్యక్షుడు డాక్టర్‌ పెరుమాండ్ల రామకృష్ణ కోరారు. ఈ మేరకు మంగళవారం హనుమకొండ వంద ఫీట్ల రోడ్‌లోని అట్టూ బ్యా లెన్స్‌ ఫిజియోథెరఫీ క్లినిక్‌లో నిర్వహించిన అసోసియేషన్‌ రాష్ట్ర కమిటీ సమావేశంలో ఆయన మాట్లా డారు. ప్రభుత్వ ఆస్పత్రుల్లో ప్రత్యేక ఫిజియోథెరపీ విభాగాలు ఏర్పాటుకు సీఎం రేవంత్‌ రెడ్డి, రాష్ట్ర వైద్యారోగ్య శాఖ మంత్రి దామోదర రాజనర్సింహ సుముఖంగా ఉన్నారన్నారు. రాష్ట్రంలో ఫిజియోథెరపీ రంగం వేగంగా అభివృద్ధి చెందుతున్నప్పటికీ, వైద్యులు, మెరుగైన వ్యవస్థ అందుబాటులోకి రావాల్సిన అవసరం ఉందన్నారు. ఈ క్రమంలో రాష్ట్రంలో ప్రత్యేక ఫిజియోథెరపీ కౌన్సిల్‌ ఏర్పాటు చేయడంతోపాటు ప్రతీ ప్రభుత్వ ప్రధాన ఆస్పత్రిలో ప్రత్యేక ఫిజియోథెరపీ విభాగాలు ఏర్పాటు చేయాల్సిన అవసరముందన్నారు. ఈ దిశగా ప్రభుత్వం చొరవ తీసుకోవాలన్నారు. అసోసియేషన్‌ వ ర్కింగ్‌ ప్రెసిడెంట్‌ డాక్టర్‌ రాము, ఫిజియోథెరపిస్టులు డాక్టర్‌ శివరామకృష్ణ, వంశీ, క్రాంతి, ప్రకాశ్‌, సు రేశ్‌, రాజు మల్లేశ్‌, రాకేశ్‌, మధులత పాల్గొన్నారు.

కాశిబుగ్గ : వరంగల్‌లోని ప్రాంతీయ నేత్ర వైద్యశాల తొలిసారి ఇండియన్‌ కౌన్సిల్‌ ఆఫ్‌ మెడికల్‌ రీసెర్చ్‌ (ఐసీఎంఆర్‌)కు గ్రాంట్లకు గుర్తింపు పొందింది. 20 26 సంవత్సరానికి సంబంధించి వైద్యశాలకు చెందిన ముగ్గురు ఆప్తాల్మాలజీ జూనియర్‌ రెసిడెంట్‌ వై ద్యుల పరిశోధన ఽగ్రంథాలు ఎంపికయ్యాయి. ప్రొఫె సర్‌ డాక్టర్‌ వగ్గె శ్రీకుమార్‌ మార్గదర్శకంలో పరిశోధనలు చేస్తున్న జూనియర్‌ రెసిడెంట్లు డాక్టర్‌ గోగికర్‌ రమ్య, డాక్టర్‌ మాతం ప్రసన్నలక్ష్మి, డాక్టర్‌ దబ్బర హరిత సాయిలు సమర్పించిన దీసీస్‌లు ఎంపిక కా వడం విశేషం. ఈ సందర్భంగా డాక్టర్‌ శ్రీ కుమార్‌ మాట్లాడుతూ ప్రస్తుతం ఐ హాస్పిటల్‌లో తాను గైడ్‌ చేస్తున్న ముగ్గురు జూనియర్‌ వైద్యులు మొదటిసారి ఎంపిక కావడం సంతోషంగా ఉందన్నారు. ఇలాంటి ఆవిష్కరణలు భావితరాల వైద్యులకు మార్గదర్శకం నిలుస్తాయని పేర్కొన్నారు. కాగా, ముగ్గురు జూనియర్‌ రెసిడెంట్‌ వైద్యులు ఎంపిక కావడంపై హాస్పిటల్‌ సూపరింటెండెంట్‌ రవిశేఖర్‌, కేఎంసీ ప్రిన్సిపాల్‌ మోహన్‌దాస్‌.. గైడ్‌ డాక్టర్‌ శ్రీ కుమార్‌తో పాటు పరిశోధకులను అభినందించారు. ముగ్గురు రెసిడెంట్‌ వైద్యుల పరిశోధన గ్రంథాలు ఎంపిక

ఏటూరునాగారం : ఉమ్మడి వరంగల్‌ జిల్లాలోని ములుగు, జయశంకర్‌ భూపాలపల్లి, మహబూబాబాద్‌, హనుమకొండ, జనగామ, వరంగల్‌ జిల్లాలోని ఐటీడీఏ గిరిజన సంక్షేమశాఖ పరిధిలోని ఆశ్రమ పాఠశాలలు, హాస్టళ్లకు ఈనెల 17వ తేదీన సెలవు ఇస్తూ పీఓ లెనిన్‌ వత్సల్‌ టొప్పో మంగళవారం ఉత్తర్వులు జారీ చేశారు. గిరిజన సంప్రదాయ పండుగ ‘పెద్దల పండుగ’ ఈనెల 17న నిర్వహించుకునే అవకాశం ఉండడంతో వివిధ సంఘాల విజ్ఞప్తి మేరకు సెలవు ప్రకటించామని, ఈ సెలవును అక్టోబర్‌ 10వ తేదీ రెండో శనివారం వర్కింగ్‌ డేగా పరిగణనలోకి తీసుకోవాలని తెలిపారు. పాఠశాలల హెచ్‌ఎలు, వార్డెన్‌లు ఈ ఉత్తర్వులను పాటించాలని ఆదేశించారు. మక్కలకు రికార్డు ధర● క్వింటాల్‌కు రూ.2,750 రేటు ఖిలా వరంగల్‌: వరంగల్‌ ఏనుమాముల వ్యవసా య మార్కెట్‌ యార్డులో మక్కలకు రికార్డు ధర పలికింది. ఈనెల 11 నుంచి 14వ తేదీ వరకు మార్కెట్‌కు వరుస సెలవులు రాగా.. మంగళవారం పునః ప్రారంభమైంది. వరంగల్‌ జిల్లా నెక్కొండ మండలం గుండ్రపల్లి గ్రామానికి చెందిన రాజారపు పోశాలు 18 బ స్తాల మక్కలు మార్కెట్‌కు తీసుకొచ్చారు. మా ర్కెట్‌లోని ఓ వ్యాపారి క్వింటాల్‌కు రూ.2,750 ధర చెల్లించి కొనుగోలు చేశారు. దీంతో రైతు హర్షం వ్యక్తం చేశారు. ఈ సీజనల్‌లో మక్కలకు మంచి ధర రావడం ఇదే మొదటిసారి అని మార్కెట్‌ కార్యదర్శి శ్రీనివాస్‌ తెలిపారు.. కాజీపేట: వృద్ధాప్యం వయోవృద్ధులకు శాపంగా మారకూడదని, వారి సంరక్షణ బాధ్యతలను కన్నవారే చూసుకోవాలని జిల్లా లీగల్‌ సర్వీస్‌ అథారిటీ కార్యదర్శి నేరెళ్ల వెంకట హైమ పూజిత అన్నారు. కాజీపేట 61వ డివిజన్‌ ప్రశాంత్‌నగర్‌ కాలనీలోని సహృదయ అనాథ ఆశ్రమంలో మంగళవారం వృద్ధుల పోషణ, రక్షణ చట్టంపై వృద్ధులకు అవగాహన కల్పించారు. ఈ సందర్భంగా ఆమె మాట్లాడుతూ పిల్లల నిరాదరణకు గురైతే ట్రిబ్యునల్‌ కోర్టును ఆశ్రయిస్తే ఉచితంగా న్యాయ సాయం అందిస్తామని హామీ ఇచ్చారు. సదస్సులో డాక్టర్‌ కె.అనితారెడ్డి, సహృదయ ఆశ్రమ నిర్వాహకులు ఎండీ యాకూబీ, చోటు, రవి తదితరులు పాల్గొన్నారు.

కేయూ క్యాంపస్‌ : విద్యార్థులు పరీక్షల్లో వివిధ ప్రశ్నలకు జవాబులు చీటీలు చూసి రాసినా, లేదా పక్క విద్యార్థులు రాసిన ప్రతాలు చూసి రాసి పట్టుబడితే లేదా స్క్వాడ్‌ బృందాలు తనిఖీకి వచ్చినప్పుడు తాను కూర్చున ప్రాంతంలో నకలు చీటీ లభించినా మాల్‌ ప్రాక్టీస్‌ కింద బుక్‌ చేస్తుంటారు. ఒకరి బదులు మరొకరు పరీక్ష రాసి పట్టుబడినా డీబార్‌ చేయడమేగాకుండా పోలీసు కేసులు కూడా నమోదు చేస్తారు. ఇదిలా ఉండగా తెలిసోతెలియకోచేసే పొరపాట్లు కూడా మాల్‌ప్రాక్టీస్‌ కిందకే వస్తాయి. వద్దన్న చోట హాల్‌టికెట్‌ నంబర్‌ వేసినా ఆన్సర్‌షీట్‌ జవాబుపత్రాలు చించినా, వాల్యుయేటర్‌ గుర్తించేలా ఆన్సర్‌షీట్‌లలో తన గుర్తింపును వెల్లడించడం లాంటి పనులు కూడా మాల్‌ ప్రాక్టీస్‌ కిందకే వస్తుందనే విషయం ఎక్కువ శాతం మంది విద్యార్థులు తెలియదు. కాగా, కేయూలోని డిగ్రీ, పీజీ నాన్‌ప్రొఫెషనల్‌, వివిధ ప్రొఫెషనల్‌ కోర్సుల పరీక్షలకు సంబంధించి మాల్‌ప్రాక్టీస్‌ నిబంధనలు కఠినతరంగా ఉన్నాయి. దీనిపై విద్యార్థులకు అవగాహన ఉండాలి. ఫలితంగా పరీక్షల విషయంలో తస్మాత్‌ జాగ్త్రత్త అనే అభిప్రాయం వ్యక్తమవుతోంది. ఎందుకంటే కొన్ని నెలల క్రితం డిగ్రీ వివిధ సెమిస్టర్ల పరీక్షల్లో కొందరు విద్యార్థులు తమ సబ్జెక్టుల పరీక్షల ఆన్సర్‌షీట్‌లలో తమకు వచ్చిన జవాబులు రాసినా ఒక్కోవిద్యార్థి ఒక్కో పేపర్‌ను చించివేశారు. వీరి ఫలితాలను పరీక్షల విభాగం అధికారులు మాల్‌ప్రాక్టీస్‌ కిందనే పరిగణించి నిలిపివేశారు. దీంతో ఇటీవల ఆయా విద్యార్థులు తమ తల్లిదండ్రులతో కలిసొచ్చి పరీక్షల విభాగం అధికారులను అడుగుతున్నారు. మాల్‌ ప్రాక్టీస్‌ కింద లెక్క గట్టి సెమిస్టర్‌లోని మిగతా సబ్జెక్టుల ఫలితాలు కూడా నిలిపివేయడంతో ఆందోళన చెందుతున్నారు. డిగ్రీ 5,6 సెమిస్టర్లలో 21మంది, 1,2,3,4 సెమిస్టర్లలో 105 మంది విద్యార్థుల ఫలితాలు నిలిపివేత కేయూ పరిధిలోని డిగ్రీ బీఏ, బీకాం, బీబీఏ, బీఎస్సీ తదితర కోర్సుల్లో కొన్ని నెలల క్రితం 5,6 సెమిస్టర్ల పరీక్షలు జరగగా అధికారులు ఫలితాలు విడుదల చేశారు. 21మంది విద్యార్థులు తమ సబ్జెక్టుల ఆన్సర్‌షీట్‌లలో జవాబులు రాసినా ఒక్కో విద్యార్థి ఒక సబ్జెక్టులోని ఆన్సర్‌షీట్‌లో ఒక పేపర్‌ను చించి వేశారు. వారి ఫలితాలను మాల్‌ప్రాక్టీస్‌ కిందనే పరిగణించి పరీక్షల విభాగం అధికారులు నిలిపివేశారు. వారంతా డిగ్రీ ఫైనలియర్‌ విద్యార్థులు కావడం గమనార్హం. అలాగే, 1,2,3,4 సెమిస్టర్ల పరీక్షల్లోనూ వివిధ సబ్జెక్టుల పరీక్షల్లో ఆన్సర్‌షీట్‌లలో 105మంది విద్యార్థులు తాము రాసే సబ్జెక్టులలో ఒక సబ్జెక్టులో మాత్రం ఒక్కో పేపర్‌ చించివేసినట్లు అధికారులు గుర్తించారు. దీంతో ఆ 105మంది విద్యార్థుల జవాబుపత్రాలను మూల్యాంకనం చేయలేదు. మాల్‌ప్రాక్టీస్‌ కిందే పరిగణించి వారి ఫలితాలను నిలిపివేశారు. కాగా, సెమిస్టర్లకు సంబంధించిన సబ్జెక్టులన్నీ మాల్‌ప్రాక్టీస్‌ కింద పరిగణిస్తే ఆయా విద్యార్థులకు నష్టం కలగనుందని భావించి డిగ్రీ 1,2,3,4 సెమిస్టర్ల ఏ ఏ సబ్జెక్టులో ఆన్సర్‌షీట్‌లో పేపర్‌ను చించివేశారో ఆయా సబ్జెక్టులోనే ఫలితాలు నిలిపి మిగతా సబ్జెక్టుల ఫలితాలను వెల్లడించడానికి అఽధికారులు నిర్ణయించినట్లు సమాచారం.మాల్‌ప్రాక్టీస్‌ నిబంధనలు కఠినతరం ఆన్సర్‌షీట్‌లో పేపర్‌ చించినా మాల్‌ప్రాక్టీస్‌గానే పరిగణన డిగ్రీ 5,6 సెమిస్టర్లలో పేపర్‌ చించిన 21 మంది స్టూడెంట్స్‌ ఆ సెమిస్టర్లలో అన్ని సబ్జెక్టుల ఫలితాల నిలిపివేత 1,2,3,4 సెమిస్టర్లలో 105 మంది.. ఆందోళనలో విద్యార్థులుఆన్‌లైన్‌ మూల్యాంకనంతోనే గుర్తింపు.. ఈఏడాది నుంచే డిగ్రీ కోర్సుల పరీక్షల జవాబుపత్రాల ఆన్‌లైన్‌ మూల్యాంకన ప్రక్రియను ప్రారంభించారు. జవాబుపత్రాల బుక్‌లెట్‌లను ఒకసంస్థ పరీక్షల విభాగంలోనే స్కాన్‌చేసి ఆన్‌లైన్‌లో అధ్యాపకులకు పంపారు. ఆన్సర్‌షీట్‌ 28 పేజీల బుక్‌లెట్‌గా ఉంటుంది. ప్రతీ పేపర్‌కు పేజీ నంబర్‌ బార్‌కోడ్‌ కూడా ఉంటుంది. అన్ని పేజీలు ఉంటేనే కంప్యూటర్‌ స్కాన్‌ చేస్తుంది. 126మంది విద్యార్థుల ఆన్సర్‌షీట్‌లో ఒక్కో పేపర్‌ తక్కువగా ఉండడంతో కంప్యూటర్‌లో స్కాన్‌ కాకపోవడంతో ఆయా బుక్‌లెట్‌ను తెరిచి చూసి పేపర్‌ చించివేసినట్లు గుర్తించారు.

● గ్రేటర్‌లో ప్రారంభమైన నవరాత్రి ఉత్సవాలు ● మండపాల్లో కొలువుదీరిన గణనాథుడు ● ఉదయం, సాయంత్రం వేళ ప్రత్యేక పూజలు ఆది పూజ్యుడు, విఘ్నాలకు అధిపతి అయిన గణపతి నవరాత్రి ఉత్సవాలు గ్రేటర్‌ వరంగల్‌లో సోమవారం వైభవంగా ప్రారంభమయ్యాయి. వరంగల్‌, హనుమకొండ, కాజీపేటలోని పలు ప్రాంతాల్లో తీరొక్క వినాయకుడు కొలువుదీరాడు. 21 రకాల పత్రులు, పూలు, పండ్లు, ఉండ్రాళ్లు, కుడుములు, నైవేద్యాలతో ఉదయం, సాయంత్రం వేళ విశేష పూజలందుకుంటున్నాడు. – సాక్షి స్టాఫ్‌ ఫొటోగ్రాఫర్లు హన్మకొండ, వరంగల్‌ వరంగల్‌ కమిషనరేట్‌ ములుగుమహబూబాబాద్‌భూపాలపల్లికేసుల దర్యాప్తును పూర్తి చేయడానికి పడుతున్న సగటు సమయం విషయంలో వరంగల్‌ కమిషనరేట్‌ ముందుంది. ఇక్కడ సగటు దర్యాప్తు సమయం 43 రోజులు మాత్రమే. కేసు దర్యాప్తు ఆలస్యమైతే ఆధారాల సేకరణ, సాక్షుల వాంగ్మూలాలు, కోర్టు ప్రక్రియపై కూడా ప్రభావం పడే అవకాశం ఉండడంతో ఈ సూచీకి ప్రాధాన్యం ఉంది. శిక్షలు ఇలా..నేరాల ఛేదనలో ఇలా..చార్జ్‌షీట్‌ నమోదు..– మరిన్ని ఫొటోలు 9లో

హన్మకొండ అర్బన్‌: జిల్లాలో పశువుల వివరాలను సమగ్రంగా నమోదు చేయాలని హనుమకొండ కలెక్టర్‌ చాహత్‌ బాజ్‌పాయ్‌ అధికారులను ఆదేశించారు. కలెక్టరేట్‌లో జాతీయ డిజిటల్‌ పశుసంపద మిషన్‌, 19 పీఎంశ్రీ పాఠశాలల్లో నిధుల వినియోగంపై మంగళవారం వేర్వేరు సమీక్షలు నిర్వహించారు. ఈ సందర్భంగా కలెక్టర్‌ పశువుల నమోదు, టీకాల కార్యక్రమం, రైతుల ఆధార్‌ అనుసంధానం, పశువైద్యశాలల మ్యాపింగ్‌ తదితర అంశాలపై అధికారులను అడిగి తెలుసుకున్నారు. అనంతరం కలెక్టర్‌ మాట్లాడుతూ పెండింగ్‌లో ఉన్న వివరాల నమోదును వేగవంతం చేయాలన్నారు. పీఎంశ్రీ పాఠశాలల్లో చేపట్టిన అభివృద్ధి పనులు త్వరగా పూర్తి చేయాలని సూచించారు. సమీక్షల్లో జిల్లా పశుసంవర్థకశాఖ అధికారి రాధాకిషన్‌న్‌, జెడ్పీ సీఈఓ శేషాద్రి, జిల్లా వ్యవసాయ అధికారి విజయ్‌చంద్ర, విజయ డెయిరీ డీడీ ధనరాజ్‌, గ్రేటర్‌ ఎంహెచ్‌ఓ డాక్టర్‌ రాజేశ్‌, పశువైద్యాధికారి గోపాల్‌రావుతోపాటు విద్యాశాఖ ప్లానింగ్‌ కోఆర్డినేటర్‌ మహేశ్‌, అకడమిక్‌ మానిటరింగ్‌ ఆఫీసర్‌ డాక్టర్‌ మన్మోహన్‌, కమ్యూనిటీ మొబిలైజింగ్‌ కోఆర్డినేటర్‌ సుమాదేవి, లింగ సమానత్వ కోఆర్డినేటర్‌ సునీత, పీఎంశ్రీ పాఠశాలల ప్రధానోపాధ్యాయులు పాల్గొన్నారు. పీఎంశ్రీ పాఠశాలల్లో అభివృద్ధి పనులు పూర్తి చేయాలి అధికారుల సమీక్షల్లో హనుమకొండ కలెక్టర్‌ చాహత్‌ బాజ్‌పాయ్‌

హన్మకొండ చౌరస్తా: మూల మలుపు తిరుగుతున్న ఆర్టీసీ బస్సుకు విద్యుత్‌ వైర్లు చుట్టుకోవడం.. డ్రైవర్‌ అలానే ముందుకు వెళ్లడంతో చెట్ల కొమ్మలు విరిగిపడి పలు వాహనాలు ధ్వంసమయ్యాయి. అక్కడే ఉన్న పలువురు అప్రమత్తంగా ఉండడంతో పెనుప్రమాదం తప్పింది. స్థానికులు తెలిపిన వివరాల ప్రకారం.. సిరిసిల్ల డిపోనకు చెందిన ఆర్టీసీ బస్సు కరీంనగర్‌ నుంచి హనుమకొండ వస్తోంది. హనుమకొండలోని పబ్లిక్‌ గార్డెన్‌ మూలమలుపు వద్దకు చేరుకోగానే పక్కనే ఉన్న వృక్షం పక్కనుంచి వెళ్లిన విద్యుత్‌ వైర్లు బస్సుకు చుట్టుకున్నాయి. గమనించని బస్సు డ్రైవర్‌ వేగంగా నడపడంతో భారీ వృక్షం కొమ్మలు విరిగి రోడ్డు పక్కనే పార్కింగ్‌ చేసిన ఆటోలు, ద్విచక్రవాహనాలపై పడ్డాయి. దీంతో వాహనాలు ధ్వంసమయ్యాయి. ఈ ఘటనలో ఎలాంటి ప్రాణహాని లేదా గాయాలు కాకపోవడంతో స్థానికులు, ప్రయాణికులు ఊపిరి పీల్చుకున్నారు. బస్సు అతివేగంగా నడపడం, డ్రైవర్‌ నిర్లక్ష్యం కారణంగానే ఈ ప్రమాదం చోటుచేసుకుందని అక్కడున్న పలువురు ఆరోపించారు. ఈ ఘటనతో కొద్దిసేపు అక్కడ ఉద్రిక్త పరిస్థితి నెలకొంది. సమాచారం అందుకున్న పోలీసులు ఘటనాస్థలికి చేరుకు ని బస్సుపై పడిన కొమ్మలను తొలగించారు. ప్రమాదానికి గల కారణాలపై వివరాలు సేకరిస్తున్నారు. చెట్టుకొమ్మలు విరిగిపడి పలు వాహనాలు ధ్వంసం

వరంగల్‌ స్పోర్ట్స్‌: హనుమకొండలోని జవహర్‌లాల్‌ నెహ్రూ ఇండోర్‌ స్టేడియం ఆవరణలోని టెన్నిస్‌ కోర్టులో మంగళవారం నిర్వహించిన హనుమకొండ, వరంగల్‌ జిల్లాలస్థాయి అస్మిత సాఫ్ట్‌టెన్నిస్‌ బాలికల లీగ్‌పోటీలు ఉత్సాహంగా సాగాయి. ఈ పోటీలకు అతిథులుగా డీవైఎస్‌ఓ ప్రశాంత్‌, వరంగల్‌ క్లబ్‌ కార్యదర్శి డాక్టర్‌ ప్రవీణ్‌ హాజరై మాట్లాడారు. సాఫ్ట్‌టెన్నిస్‌ శారీరక దృఢత్వంతో పాటు చురుకుదనం, ఏకాగ్రతను పెంపొందిస్తుందని అన్నారు. బాలికల విభాగంలో అండర్‌–14 17, సీనియర్స్‌ మహిళలకు ఈ పోటీలు నిర్వహించినట్లు ఆర్గనైజింగ్‌ సెక్రెటరీ వెంకటేశ్వర్లు తెలిపారు. అనంతరం విజేతలకు బహుమతులు అందజేశారు. సాఫ్ట్‌టెన్నిస్‌ సంఘం రాష్ట్ర కార్యదర్శి వెంకటేశ్వర్లు, ప్రొఫెసర్‌ ఎరగ్రట్టు స్వామి, సీఐ వెంకటనారాయణ, సిరికొండ సుదర్శన్‌, కోచ్‌లు రమేష్‌, విష్ణువర్ధన్‌, స్వరూప తదితరులు పాల్గొన్నారు.

స్టేషన్‌ఘన్‌పూర్‌ : అజాగ్రత్తగా యూటర్న్‌ తీసుకుంటున్న ఆర్టీసీ బస్సును కారు ఢీకొంది. ఈ ప్రమాదంలో ఓ ఆయుర్వేద వైద్యుడు మృతి చెందాడు. ఈ ఘటన సోమవారం జనగామ జిల్లా ఘన్‌పూర్‌ శివారు తాటికొండ ఎక్స్‌ రోడ్డు వద్ద చోటు చేసుకుంది. పోలీసులు, మృతుడి భార్య కవిత కథనం ప్రకారం.. నల్లగొండ జిల్లా చండూరు మండలం కస్తాల గ్రామానికి చెందిన శివరాత్రి వెంకటేశ్వర్‌ (53) హైదరాబాద్‌ ఎల్‌బీ నగర్‌లో నివాసం ఉంటూ ఆయుర్వేద వైద్య వృత్తి చేస్తున్నాడు. కాగా, ఆయుర్వేద వైద్యం నిమిత్తం ఈనెల 12న కారులో వరంగల్‌ వెళ్లాడు. అక్కడ పనిముగించుకుని తిరిగి 14న (సోమవారం) హైదరాబాద్‌ బయలుదేరాడు. ఈ క్రమంలో స్టేషన్‌ఘన్‌పూర్‌లో తాటికొండ ఎక్స్‌రోడ్డు వద్ద మంచుప్పుల, పాలకుర్తి నుంచి హనుమకొండ వైపునకు వెళ్తున్న ఆర్టీసీ బస్సు అజాగ్రత్తగా ఎలాంటి సిగ్నల్స్‌ ఇవ్వకుండా సడన్‌గా రోడ్డు క్రాస్‌ చేస్తోంది. ఈ సమయంలో కారు.. బస్సును ఢీకొంది. ఈ ప్రమాదంలో కారు నడుపుతున్న వెంకటేశ్వర్‌కు తీవ్ర గాయాలయ్యాయి. గమనించిన స్థానికులు పోలీసులకు సమాచారం అందించగా వారు వెంటనే ఘటనాస్థలికి చేరుకుని క్షతగాత్రుడిని 108లో వరంగల్‌ ఎంజీఎం తరలిస్తుండగా మార్గమధ్యలో మృతిచెందాడు. ఈ ఘటనపై ఆర్టీసీ బస్సు డ్రైవర్‌ కుమ్మరి ప్రభాకర్‌పై మృతుడి భార్య కవిత ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఎస్సై వినయ్‌కుమార్‌ మంగళవారం తెలిపారు. ఆయుర్వేద వైద్యుడి మృతి ఘన్‌పూర్‌లో ఘటన

కుడా చైర్‌పర్సన్‌ గుండు సుధారాణి, వైస్‌ చైర్‌పర్సన్‌ చాహత్‌ బాజ్‌పాయ్‌ నయీంనగర్‌: కుడా పరిధిలో చేపట్టిన వివిధ అభివృద్ధి పనులు వేగంగా పూర్తిచేయాలని కుడా చైర్‌పర్సన్‌ గుండు సుధారాణి, వైస్‌ చైర్‌పర్సన్‌ చాహత్‌ బాజ్‌పాయ్‌ అధికారులను ఆదేశించారు. కుడా కార్యాలయంలో అభివృద్ధి పనుల పురోగతిపై అధికారులతో మంగళవారం నిర్వహించిన సమీక్షలో వారు మాట్లాడారు. వరంగల్‌ బస్‌స్టేషన్‌, ఇన్నర్‌, ఔటర్‌ రింగ్‌రోడ్డు, వేయి స్తంభాల గుడి అభివృద్ధి పనులు, ఉనికిచర్ల, హనుమకొండ చౌరస్తా రీడెవలప్‌మెంట్‌ పనులు పూర్తిచేయాలని సూచించారు. కుడా పీఓ అజిత్‌రెడ్డి, ఈఈ భీంరావు, అధికారులు పాల్గొన్నారు. రుద్రేశ్వరాలయంలో హన్మకొండ కల్చరల్‌: శ్రీరుద్రేశ్వరస్వామి వారి వేయిస్తంభాల దేవాలయంలో నవరాత్రి ఉత్సవాలను పశ్చిమ ఎమ్మెల్యే నాయిని రాజేందర్‌రెడ్డి–నీలిమ దంపతులు సోమవారం ప్రారంభించారు. ఆలయ ప్రధానార్చకుడు గంగు ఉపేంద్రశర్మ అధ్వర్యంలో వేదపండితుడు గంగు మణికంఠశర్మ, అర్చకులు ప్రణవ్‌, వేముగంటి దత్తుశర్మ సోమవారం ఉదయం 6 గంటల నుంచి పూజలు నిర్వహించారు. వేముల సత్యమూర్తి ఆధ్వర్యంలో నిత్యాన్నప్రసాదాల వితరణ ప్రారంభించారు.

న్యూశాయంపేట: దేశాభివృద్ధిలో ఇంజనీర్ల పాత్ర కీలకమని వరంగల్‌ కలెక్టర్‌ డాక్టర్‌ సత్యశారద అన్నారు. మంగళవారం భారతరత్న మోక్షగుండం విశ్వేశ్వరయ్య జయంతిని పురస్కరించుకుని జాతీయ ఇంజనీర్స్‌ డే సందర్భంగా కలెక్టర్‌ క్యాంప్‌ కార్యాలయంలోని విగ్రహానికి కలెక్టర్‌ నివాళులర్పించారు. ఈ కార్యక్రమంలో వివిధ శాఖల అధికారులు పాల్గొన్నారు. ప్రజాపాలన దినోత్సవాన్ని విజయవంతంగా నిర్వహించాలి ఈ నెల 17న ప్రజాపాలన దినోత్సవాన్ని విజయవంతంగా నిర్వహించాలని కలెక్టర్‌ సత్యశారద సూచించారు. మంగళవారం కలెక్టరేట్‌లో సంబంధిత శాఖ అధికారులతో సమీక్ష నిర్వహించి దిశా నిర్దేశం చేశారు. అన్ని శాఖలు సమన్వయంతో పనిచేయాలని ఆదేశించారు. సర్వే పారదర్శకంగా నిర్వహించాలి ఖిలా వరంగల్‌: భూముల రీసర్వే మరింత పారదర్శకంగా నిర్వహించాలని కలెక్టర్‌ డాక్టర్‌ సత్యశారద సూచించారు. మంగళవారం ఖిలావరంగల్‌ మండలం వసంతాపూర్‌లో భూ రీసర్వేను అదనపు కలెక్టర్‌ కె.కిశోర్‌కుమార్‌, ఆర్డీఓ సుమ, ఏడీ సర్వే అధికారి శ్రీనివాసులతో కలిసి కలెక్టర్‌ క్షేత్రస్థాయిలో పరిశీలించారు. అనంతరం భూముల సరిహద్దులు, సర్వే వివరాలు నమోదు తదితర అంశాల అధికారులను అడిగి తెలుసుకున్నారు. భూ వివరాల నమోదులో ఖచ్చితత్వం పాటించాలని అధికారులకు సూచించారు. కార్యక్రమంలో వరంగల్‌, ఖిలా వరంగల్‌ మండలాల తహసీల్దార్లు శ్రీకాంత్‌, ఇక్బాల్‌, సర్వేయర్లు, రైతులు పాల్గొన్నారు.వరంగల్‌ కలెక్టర్‌ డాక్టర్‌ సత్యశారద

హన్మకొండ/హన్మకొండ అర్బన్‌: ప్రైవేట్‌ ఆస్పత్రులు తెలంగాణ క్లినికల్‌ ఎస్టాబ్లిష్‌మెంట్‌ చట్టం నిబంధనలు పాటించాలని హనుమకొండ డీఎంహెచ్‌ఓ ఎ.అప్పయ్య అన్నారు. ఆరోగ్యశ్రీ కోఆర్డినేటర్‌ డాక్టర్‌ నిఖిల్‌, జిల్లా మేనేజర్‌ విక్రమ్‌, మున్సిపల్‌ ప్లానింగ్‌ సిబ్బందితో కలిసి ఆయన శనివారం హనుమకొండలోని రోహిణి, ఏకశిల హాస్పిటల్‌ను తనిఖీ చేశారు. స్పెషలిస్ట్‌ డాక్టర్ల వివరాలు, సేవలకు తీసుకునే ఫీజుల వివరాలతో కూడిన ధరల పట్టిక, వివిధ ప్రభుత్వ అనుమతుల పత్రాలు పరిశీలించారు. ఈ సందర్భంగా డీఎంహెచ్‌ఓ మాట్లాడుతూ డీఎంహెచ్‌ఓ కార్యాలయానికి వివిధ రిపోర్టులను సకాలంలో అందజేయాలన్నారు. ఫీజుల పట్టిక తగినం సైజులో ప్రదర్శించకపోవడంతో పాటు గుర్తించిన ఇతర లోపాలకు సంబంధించి రెండు ఆస్పత్రులకు నోటీసులు జారీ చేస్తామని డాక్టర్‌ అప్పయ్య తెలిపారు. క్లినికల్‌ ఎస్టాబ్లిష్‌మెంట్‌ చట్టం ప్రకారం కన్సల్టేషన్‌ ఫీజులు, వైద్య సేవలకు తీసుకోవాల్సిన ధరల పట్టిక, డాక్టర్ల వివరాలను పేషెంట్లు, వారి సహాయకులు పరిశీలించాలన్నారు. హనుమకొండ డీఎంహెచ్‌ఓ ఎ.అప్పయ్య రోహిణి, ఏకశిల ఆస్పత్రులకు నోటీసులు జారీ చేస్తామని వెల్లడి

వరంగల్‌ లీగల్‌: వరంగల్‌, హనుమకొండ జిల్లాల ప్రధాన న్యాయమూర్తులు, న్యాయ సేవాధికార సంస్థ చైర్‌పర్సన్లు బీవీ.నిర్మలా గీతాంబ, యం.రామకృష్ణ సునీత ఆధ్వర్యంలో శనివారం నిర్వహించిన లోక్‌ అదాలత్‌కు స్పందన లభించింది. వరంగల్‌ జిల్లాలో 9 బెంచ్‌ల ద్వారా 520 కేసులు, హనుమకొండ జిల్లాలో 12 బెంచ్‌ల ద్వారా 734 కేసులకు పరిష్కారం లభించింది. వరంగల్‌ జిల్లాలో పరిష్కరించిన కేసుల్లో 64 సివిల్‌, 53 ఎంవీఓపీ, 11 ఇతర సివిల్‌, 456 క్రిమినల్‌ కేసులు ఉన్నాయి. ఎంవీఓపీ కేసుల్లో మొత్తం రూ.6,72,17,640 పరిహారం చెల్లింపునకు పరిష్కారం చూపారు. 26 బ్యాంకు పీఎల్‌సీ, 6 బీఎస్‌ఎన్‌ఎల్‌ పీఎల్‌సీ, 63,002 ట్రాఫిక్‌ఈ–చాలన్‌ కేసులు, 19 సైబర్‌ క్రైమ్‌ కేసులను పరిష్కరించారు. హనుమకొండ జిల్లాలో 56 సివిల్‌, 47 ఎంవీఓపీ, 678 క్రిమినల్‌ కేసులు పరిష్కరించారు. ఎంవీఓపీ కేసుల్లో రూ.61,25,961 పరిహారానికి పరిష్కారం లభించింది. 41 బ్యాంకు పీఎల్‌సీ, 17 విద్యుత్‌ పీఎల్‌సీ, 36,622 ట్రాఫిక్‌ ఈ–చాలన్‌, 18 సైబర్‌ క్రైమ్‌ కేసులను పరిష్కరించారు. సీపీ శ్వేత, జిల్లా న్యాయసేవాధికార సంస్థ కార్యదర్శి కందుకూరి పూజ, హనుమకొండ జిల్లా న్యాయసేవాధికార సంస్థ ఇన్‌చార్జ్‌ కార్యదర్శి రామలింగం, న్యాయమూర్తులు, జిల్లాల న్యాయవాదుల సంఘం అధ్యక్షులు సీహెచ్‌.ఉపేందర్‌, సీహెచ్‌.రామకృష్ణ, డీసీపీ దార కవిత, న్యాయవాదుల సంఘం అధ్యక్షులు చకిలం ఉపేందర్‌, చొల్లేటి రామకృష్ణ పాల్గొన్నారు.

చెరువుకెళ్లి మట్టిని తెచ్చేవాళ్లు. భక్తితో ప్రతిమలు తయారు చేసేవాళ్లు. నిష్టగా ఉపవాసం ఉండేవాళ్లు. భజనలు, కీర్తనలతో మండపాల వద్ద గడిపేవారు. ఉప్పు ఒకరు, పప్పు ఒకరు తోచిందల్లా తీసుకొచ్చి అన్నదానం చేసేవారు. తోపుడు బండ్లపై సమీప చెరువులకు నిమజ్జనానికి తీసుకెళ్లేవారు. నిమజ్జన శోభాయాత్రలో నూనె పీపాలను కొట్టి శబ్దం చేసేవారు. ఆ మధుర జ్ఞాపకాలు రూపాంతరం చెందినా అంతే ఉత్సాహంగా నేటి తరం ఆ సంప్రదాయాన్ని కొనసాగిస్తోంది. ఐదు దశాబ్దాలు దాటిన ఆ జ్ఞాపకాలను సజీవంగా ఉంచుతూ ‘సాక్షి’ ప్రత్యేక కథనాలు అందిస్తోంది. – సాక్షి నెట్‌వర్క్‌నర్సంపేటలో మున్సిపల్‌ చైర్‌పర్సన్‌ పెండెం లక్ష్మీరామానంద్‌ ఆధ్వర్యంలో ఏర్పాటు చేసిన 14 ఫీట్ల మట్టి విగ్రహం

ఖిలా వరంగల్‌: వరంగల్‌ శివనగర్‌లో గణపతికి శాస్త్రోక్తంగా నిర్వహించే కనకాభిషేకం 52 ఏళ్లు పూర్తి చేసుకుంది. వాసవి కాలనీలో వినాయక ట్రస్టు ఆధ్వర్యంలో ఆర్యవైశ్యులు 1973 నుంచి ఇక్కడ మట్టి వినాయకుడిని పూజిస్తున్నారు. రూ.11తో మొదలైన కనకాభిషేకం.. నేడు కోట్ల రూపాయల నగదు కట్టల అలంకరతో గణనాథుడు పూజలందుకుంటున్నాడు. ప్రతి ఏడాది విఘ్నేశ్వరుడిని ఆకర్షణీయంగా తీర్చిదిద్దుతున్నారు. భారీ పోలీసు బందోబస్తు నడుమ విఘ్నేశ్వరుడికి కనక వర్షం కురిపిస్తున్నారు. కనకాభిషేకం ఘట్టం చూసేందుకు లక్షలాది మంది భక్తులు తరలి రావడం విశేషం

సాక్షి, వరంగల్‌: ఓటర్ల ప్రత్యేక సమగ్ర సవరణ (సర్‌)లో భాగంగా క్షేత్రస్థాయిలో గుర్తించిన అనామలీస్‌, నో మ్యాపింగ్‌ తదితర అంశాలపై ఓటర్లకు నోటీసులు వస్తున్నాయి. దీంతో పలువురు ఓటర్లు ఆందోళన చెందుతున్నారు. ఈ నేపథ్యంలో నోటీసులందుకున్న వారు తీసుకోవాల్సిన జాగ్రత్తలు, హియరింగ్‌లో ఎదురవుతున్న సమస్యలు, సమర్పించాల్సిన ఆధారాల గురించి వరంగల్‌ కలెక్టర్‌ డాక్టర్‌ సత్యశారద శనివారం ‘సాక్షి’ ఇంటర్వ్యూలో వివరించారు. ప్రశ్న: నోటీస్‌ అంటే ఓటు తొలగించినట్టేనా?కలెక్టర్‌: నోటీస్‌ రావడం అంటే ఓటు తొలగించినట్లు కాదు. ఓటరు వివరాల్లో ఏదైనా అనుమానం, అసమతుల్యత లేదా గత సర్‌ వివరాలతో సరిపోలకపోవడం గుర్తించినప్పుడు నోటీసు ఇస్తారు. ప్రశ్న: ఒకే కుటుంబంలో ఎక్కువ మంది పిల్లలున్నా అనుమానాస్పదంగా పరిగణిస్తారా?కలెక్టర్‌: అది ఆటోమేటిక్‌గా తప్పు అని అర్థం కాదు. వ్యవస్థలో ఒకే వ్యక్తిని తండ్రిగా ఆరుగురు లేదా అంతకంటే ఎక్కువ మంది పిల్లలకు మ్యాప్‌ చేసిన సందర్భాల్లో డేటా సరైందో కాదో నిర్ధారించడానికి పరిశీలిస్తారు. ప్రశ్న: హియరింగ్‌కు వెళ్లకపోతే ఏం చేయాలి?కలెక్టర్‌: నోటీసును నిర్లక్ష్యం చేయకూడదు. నిర్ణయించిన తేదీ, ప్రదేశానికి హాజరు కావాలి. అనివార్య పరిస్థితి ఉంటే సంబంధిత బీఎల్‌ఓ/ఎన్నికల అధికారులను సంప్రదించి వివరాలు తెలుసుకోవాలి. జిల్లాలో మొత్తం 1,94,395 నోటీసులు జనరేట్‌ కాగా 1,27,365 డెలివరీ అయ్యాయి. 67,030 నోటీసులు డెలివరీ పెండింగ్‌లో ఉన్నాయి. 12,502 హియరింగ్‌లు నిర్వహించగా, 96,969 హియరింగ్‌ తేదీలు ల్యాప్స్‌ అయ్యాయి. చాలా మంది వీకెండ్‌లలో వస్తామని సమాచారం ఇవ్వడంతో ఏఈఆర్‌ఓల సంఖ్యను పెంచి క్లియర్‌ చేయడంపై దృష్టి సారించారు. మొత్తం పెండింగ్‌ కేసులు 4,828 ఉండగా వీటిని శనివారం కలెక్టర్‌ సత్యశారద నేతృత్వంలోని బృందం క్లియర్‌ చేసింది.ఆధారాలతో హియరింగ్‌కు రండి ‘సాక్షి’ ఇంటర్వ్యూలో వరంగల్‌ కలెక్టర్‌ డాక్టర్‌ సత్యశారద

గోవిందరావుపేట: ములుగు జిల్లా గోవిందరావుపేట మండలం చల్వాయి గ్రామంలోని రామలింగేశ్వరస్వామి ఆలయంలో ఐదు దశాబ్దాలుగా గణపతి నవరాత్రి ఉత్సవాల సంప్రదాయం కొనసాగుతోంది. సుమారు 50 ఏళ్ల క్రితం గ్రామస్తులు ఎడ్లబండిపై గ్రామ సమీపంలోని చెరువుకు వెళ్లి రేగడి మట్టిని తీసుకొచ్చి వినాయకుడి విగ్రహాన్ని తయారు చేసి ప్రతిష్ఠించి పూజలు ప్రారంభించారు. అప్పటి నుంచి నిర్విరామంగా ప్రతీ ఏడాది ఏటా మట్టితో తయారు చేసిన విగ్రహాలను నిర్వహిస్తున్నారు. కాకతీయుల కాలంలో నిర్మించిన రామలింగేశ్వర స్వామి ఆలయం ఒకప్పుడు జరిగిన దాడులు, ఘర్షణల కారణంగా శిథిలావస్థకు చేరుకోగా.. 2007లో ఆలయాన్ని నూతనంగా పునర్నిర్మించారు. కాలం మారుతున్నా.. ఆలయ రూపురేఖలు మారుతున్నా.. గణపతి నవరాత్రి ఉత్సవాలు నిర్వహించే సంప్రదాయాన్ని మాత్రం ఇప్పటికీ అంతే భక్తిశ్రద్ధలతో కొనసాగిస్తూ వస్తున్నామని గ్రామానికి చెందిన వీరమాచినేని వెంకటేశ్వరరావు చెబుతున్నారు. ● అంబరాన్నంటేలా వేడుకలు ● సాంస్కృతిక కార్యక్రమాలు● అప్పుడు సాదాసీదాగా ఇప్పుడు ఆధునిక హంగులతో..● సంప్రదాయాన్ని కొనసాగిస్తున్న ఉత్సవ కమిటీలు, భక్తులుహన్మకొండ: హనుమకొండ అంబేడ్కర్‌ కూడలి (డిపో క్రాస్‌)లో ఏర్పాటు చేస్తున్న శ్రీ శివాజీ యువజన భక్త మండలి ఆధ్వర్యంలో నిర్వహిస్తున్న గణపతి నవరాత్రి ఉత్సవాలు 50వ సంవత్సరంలోకి అడుగుపెట్టాయి. ఈసారి స్వర్ణోత్సవాల నిర్వహణకు ఏర్పాట్లు చేస్తున్నారు. 1976లో ఏబీవీపీ నాయకుడు సామా జగన్మోహన్‌రెడ్డి నేతృత్వంలో శ్రీ శివాజీ యువజన భక్త మండలి ఆధ్వర్యంలో ఉత్సవాలు మొదలయ్యాయి. 12 మంది అర్చకుల వేదమంత్రోచ్ఛరణల మధ్య ఉత్సవాల్లో నిత్యం హోమం నిర్వహంచడం ఇక్కడి ప్రత్యేకత. కాగా, ఉత్సవాలు ప్రారంభించిన ఏడాది రూ.1200కే నాలుగు అడుగుల విగ్రహం లభించేదని, ఇప్పుడు రూ.65 నుంచి రూ.75 వేలు వెచ్చించాల్సి వస్తోందని నిర్వాహకులు తెలిపారు. 10 ఏళ్లుగా మట్టి విగ్రహాన్ని ప్రతిష్టిస్తున్నట్లు పి.అశోక్‌రావు, మార్తినేని ధర్మారావు, చాడా రఘునాథరెడ్డి, గుర్నాథ్‌ రెడ్డి, భాస్కర్‌రెడ్డి, పరమేశ్వర్‌, 30 మంది సభ్యులు చెబుతున్నారు. ఊరూవాడా ఆధ్యాత్మిక సందడి

కేయూ క్యాంపస్‌: కాకతీయ యూనివర్సిటీలోని ఎలక్ట్రికల్‌ అండ్‌ ఎలక్ట్రానిక్స్‌ ఇంజనీరింగ్‌ (ఈఈఈ) విభాగం బోర్డు ఆఫ్‌ స్టడీస్‌ చైర్మన్‌గా అసిస్టెంట్‌ ప్రొఫెసర్‌ డాక్టర్‌ రాము నియమితులయ్యారు. ఈమేరకు కేయూ రిజిస్ట్రార్‌ వి.రామచంద్రం శుక్రవారం ఉత్తర్వులు జారీచేశారు. ఇప్పటివరకు బీఓఎస్‌గా బాధ్యతలు నిర్వర్తించిన డాక్టర్‌ సుమలత నుంచి రాము బాధ్యతలు స్వీకరించనున్నారు. ప్రస్తుతం ఆయన కొత్తగూడెం డాక్టర్‌ మన్‌మోహన్‌ ఎర్త్‌ యూనివర్సిటీలో (మైనింగ్‌ ఇంజనీరింగ్‌ కళాశాలలో) విధులు నిర్వర్తిస్తున్నారు. హన్మకొండ: విద్యుత్‌ వినియోగదారులకు నాణ్యమైన, మెరుగైన విద్యుత్‌ సేవలు అందించేందుకు ఆధునిక సాంకేతికతను వినియోగిస్తున్నామని టీజీ ఎన్పీడీసీఎల్‌ వరంగల్‌ ఎస్‌ఈ ఎ.ఆనందం తెలిపారు. శనివారం వరంగల్‌లోని ఆజంజాహి మిల్స్‌ సబ్‌స్టేషన్‌లో రెండు 33 కేవీ బ్రేకర్లను ఆయన చార్జ్‌ చేశారు. ఈసందర్భంగా ఎస్‌ఈ మాట్లాడుతూ ఈ బ్రేకర్ల ద్వారా 12.5 ఎంవీఏ, 8 ఎంవీఏ పవర్‌ ట్రాన్‌న్స్‌ఫార్మర్లను సురక్షితంగా, సమర్థవంతంగా నియంత్రించేందుకు వీలు కలుగుతుందన్నారు. ఎన్పీడీసీఎల్‌ వరంగల్‌ టౌన్‌ డీఈ మల్లికార్జున్‌, ఏడీఈ కిశోర్‌, ఏఈలు, సిబ్బంది పాల్గొన్నారు. కాజీపేట రూరల్‌: కాజీపేట మీదుగా రెండు ప్రత్యేక రైళ్లను నడిపిస్తున్నట్లు దక్షిణ మధ్య రైల్వే సీపీఆర్వో ఎ.శ్రీధర్‌ శనివారం తెలిపారు. ఈనెల 14న సికింద్రాబాద్‌–సిర్‌పూర్‌కాగజ్‌నగర్‌ (07035) వెళ్లే ఎక్స్‌ప్రెస్‌ కాజీపేటకు 14–23 గంటలకు చేరుకొని వెళ్తుంది. ఇదే రైలు తిరుగు ప్రయాణంలో సిర్‌పూర్‌కాగజ్‌నగర్‌–హైదరాబాద్‌ (07036) వెళ్లే ఎక్స్‌ప్రెస్‌గా కాజీపేటకు 20–33 గంటలకు చేరుకొని వెళ్తుంది. ఏసీ కార్‌ అండ్‌ అన్‌ రిజర్వుడ్‌ జనరల్‌ సెకండ్‌ క్లాస్‌ కోచ్‌లతో ప్రయాణించే ఈ రెండు రైళ్లకు సికింద్రాబాద్‌, చర్లపల్లి, భువనగిరి, జనగామ, జమ్మికుంట, పెద్దపల్లి, రామగుండం, మంచిర్యాల, బెల్లంపల్లి, ఆసీఫాబాద్‌లో హాల్టింగ్‌ కల్పించారు. హన్మకొండ చౌరస్తా: తెలంగాణ ప్రదేశ్‌ ఆదివాసీ కాంగ్రెస్‌ కోఆర్డినేటర్‌ పూనమ్‌ చంద్రకళ దొర సూచనల మేరకు హనుమకొండ జిల్లా ఆదివాసీ కాంగ్రెస్‌ కమిటీ చైర్మన్‌ పదవి కోసం అభ్యర్థులు దరఖాస్తులు చేసుకోవాలని డీసీసీ అధ్యక్షుడు ఇనగాల వెంకట్రాంరెడ్డి శనివారం ఒక ప్రకటనలో పేర్కొన్నారు. ఆసక్తి గల వారు జత చేసిన పీడీఎఫ్‌ ఫాంను డౌన్‌న్‌లోడ్‌ చేసుకొని, పూర్తిగా నింపి ఈనెల 16లోపు హనుమకొండ డీసీసీ ఆఫీస్‌లో అందజేయాలని ఆయన కోరారు. కేయూ క్యాంపస్‌: ప్రజాగాయకుడు ఏపూరి సోమన్న రచించిన 25 సంవత్సరాల ఏపూరి పాటల ప్రవాహం పుస్తకాన్ని శనివారం కాకతీయ యూనివర్సిటీలోని సెనేట్‌హాల్‌లో రిజిస్ట్రార్‌ రామచంద్రం ఆవిష్కరించారు. ఈ సందర్భంగా ఆయన మాట్లాడారు. సోమన్న సామాజిక స్పృహ, ఉద్యమ స్ఫూర్తి పాటలతో ప్రజల్లో చైతన్యం కలిగిస్తున్నారని కొనియాడారు. ఏపూరి సోమన్న మాట్లాడుతూ రాష్ట్ర ప్రభుత్వం కళాకారులను గౌరవించాలని, కళాకారులకు కార్పొరేషన్‌ ఏర్పాటుచేసి నిధులు కేటాయించాలని కోరారు. కేయూ పాలక మండలిసభ్యులు డాక్టర్‌ చిర్ర రాజు గౌడ్‌, అధ్యాపకులు డాక్టర్‌ సంకినేని వెంకట్‌, బరిగెల బాబు, ఉమ్మడి జిల్లా కళాకారులు దార దేవేందర్‌, జూపాక శివ, మైసన్న, సునీల్‌, విద్యార్థి సంఘాల బాధ్యులు బొట్ల మనోహర్‌, మంద నరేశ్‌ తదితరులు పాల్గొన్నారు.

హనుమకొండ కలెక్టర్‌ చాహత్‌ బాజ్‌పాయ్‌ హన్మకొండ: పారదర్శకంగా, వేగంగా ఎస్‌ఐఆర్‌ను పూర్తిచేయాలని హనుమకొండ కలెక్టర్‌ చాహత్‌ బాజ్‌పాయ్‌ అధికారులను ఆదేశించారు. హనుమకొండలోని కనకదుర్గ కాలనీ, వడ్డేపల్లిలోని ప్రభుత్వ ఉన్నత పాఠశాల, సుధానగర్‌ బాలుర హాస్టల్‌లోని పోలింగ్‌ కేంద్రాల్లో సర్‌ ప్రక్రియను కలెక్టర్‌ పరిశీలించారు. వరంగల్‌ పశ్చిమ ఈఆర్‌ఓ, హనుమకొండ ఆర్డీఓ వెంకటేశ్‌, హనుమకొండ ఏఈఆర్‌ఓ, తహసీల్దార్‌ రవీందర్‌రెడ్డి పాల్గొన్నారు. ప్రత్యేక ప్రచార కార్యక్రమం పరిశీలన ఓటర్ల జాబితా ప్రత్యేక సమగ్ర సవరణ ప్రక్రియలో భాగంగా చేపట్టిన ప్రత్యేక ప్రచార కార్యక్రమాన్ని (స్పెషల్‌ క్యాంపెయిన్‌)ను హనుమకొండ అదనపు కలెక్టర్‌ ఎన్‌.రవి శనివారం పరిశీలించారు. వడ్డేపల్లిలోని ప్రభుత్వ ఉన్నత పాఠశాలలోని 182, 184 పోలింగ్‌ కేంద్రాల్లో ప్రత్యేక ప్రచార కార్యక్రమాన్ని పరిశీలించారు. బీఎల్‌ఓ సూపర్‌వైజర్‌ కరుణాసాగర్‌, బీఎల్‌ఓలు జ్యోతి, శ్రీలత పాల్గొన్నారు. హన్మకొండ అర్బన్‌: టీఎన్జీఓస్‌ యూనియన్‌ ఇంటర్‌ ఎడ్యుకేషన్‌ మినిస్టీరియల్‌ ఎంప్లాయీస్‌ ఫోరం హనుమకొండ జిల్లా నూతన కార్యవర్గాన్ని హనుమకొండలోని ప్రభుత్వ జూనియర్‌ కళాశాలలో శనివారం ఏకగ్రీవంగా ఎన్నుకున్నారు. ఎన్నికల అధికారి పనికల రాజేశ్‌ ఆధ్వర్యంలో అధ్యక్షుడిగా జి.నవీన్‌కుమార్‌, కార్యదర్శిగా జి.విజేందర్‌, ఉపాధ్యక్షులుగా ఎల్‌.సునీత, ఎ.రంజిత్‌రెడ్డి, వసీ మునీసా, కోశాధికారిగా శ్రీకాంత్‌, సంయుక్త కార్యదర్శులుగా వి.సంతోశ్‌కుమార్‌, బి.శ్వేత, సాయి వినీత్‌, ప్రచార బాధ్యుడిగా జి.శ్రీనివాస్‌, ఆర్గనైజింగ్‌ కార్యదర్శులుగా ఎం.భరత్‌, హెచ్‌.సత్యం, కార్యవర్గ సభ్యులుగా బి.రేణుక, సాత్విక, పి.పద్మను ఎన్నుకున్నారు. జిల్లా జేఏసీ చైర్మన్‌, టీఎన్జీఓస్‌ యూనియన్‌ జిల్లా అధ్యక్షుడు ఆకుల రాజేందర్‌, జిల్లా కార్యదర్శి బైరి సోమయ్య, జిల్లా అసోసియేట్‌ అధ్యక్షుడు పుల్లూరు వేణుగోపాల్‌, గౌరవ అధ్యక్షుడు శ్యాంసుందర్‌, రాజేశ్‌ ఖన్నా, రామాంజనేయులు, ప్రణయ్‌, ఎం.శివ, బి.రవిశంకర్‌, ఎం.ప్రభాకర్‌ తదితరులు పాల్గొన్నారు.

హన్మకొండ కల్చరల్‌: ఒకప్పుడు పబ్లిక్‌గార్డెన్‌ వద్ద నిర్వహించిన గణేశ్‌ ఉత్సవాన్ని 1933లో హనుమకొండలోని రాజరాజనరేంద్రాంధ్రభాషా నిలయంలోకి మార్చారు. 67 సంవత్సరాల క్రితం వేయిస్తంభాల దేవాలయానికి మార్చగా.. అప్పటి నుంచి నూతన గజానన మండలి అధ్వర్యంలో గణపతి ఉత్సవాలు నిర్వహిస్తూ వచ్చారు. దేవాదాయశాఖ ఆధ్వర్యంలో ఉత్సవాలు నిర్వహిస్తున్నారు. పర్యావరణ పరిరక్షణ కోసం మట్టివినాయకులను ప్రతిష్ఠించాలని పర్యావరణ ప్రేమికుల సూచన మేరకు 15 ఏళ్లుగా మట్టి వినాయకులను ప్రతిష్ఠిస్తున్నారు. కాగా, రాష్ట్రంలోని వివిధ ప్రాంతాల నుంచి వేయిస్తంభాల ఆలయంలోని గణపతి నవరాత్రి ఉత్సవాలకు భక్తులు తరలిరావడం ఇక్కడి ప్రత్యేకత. అదేవిధంగా నిమజ్జనం రోజున కూడా వేయిస్తంభాల దేవాలయం వినాయక నిమజ్జనోత్సవ రథాన్ని దర్శించుకోవడానికి ప్రజలు మంగళ హారతులతో ఎదురుచూస్తారు.

సాక్షి, వరంగల్‌: ‘వ్యవసాయ భూమి’.. ‘ఫామ్‌ ల్యాండ్‌’.. ‘ఆర్గానిక్‌ ఫామ్‌’.. ‘వీకెండ్‌ ఫామ్‌’.. పేర్లు వేరైనా వ్యాపారం మాత్రం ఒక్కటే. ఎకరాల కొద్ది వ్యవసాయ భూమిని సేకరించి రోడ్లు వేయడం, చిన్నచిన్న భాగాలుగా విభజించడం, భవిష్యత్‌ విలువ పెరుగుతుందని వినియోగదారులకు ప్లాట్లను విక్రయించడం.. ఇలా ఉమ్మడి వరంగల్‌ జిల్లాలో రియల్‌ ఎస్టేట్‌ విస్తరిస్తోంది. వ్యవసాయ భూమిని రియల్‌ ఎస్టేట్‌ ప్రాజెక్టుగా అభివృద్ధి చేసి విక్రయించే వ్యవహారాలపై రెరా (రియల్‌ ఎస్టేట్‌ రెగ్యులేటరీ అథారిటీ) నిబంధనలు కఠినంగా అమలు చేసేందుకు సిద్ధమైంది. ఇటీవలి ఎస్‌ఎస్‌ఎల్‌ ఇన్‌ఫ్రా డెవలపర్స్‌ వ్యవహారంలో తెలంగాణ రెరా, అనంతరం అప్పీళ్ల స్థాయిలో వెలువడిన తీర్పు నేపథ్యంలో రాష్ట్రవ్యాప్తంగా వ్యవసాయభూముల పేరుతో రియల్‌ ఎస్టేట్‌ చేస్తున్న ప్రాజెక్టులను గుర్తించి, వాటిని రెరా చట్టం కింద రిజిస్ట్రేషన్‌ చేసేందుకు చర్యలు తీసుకోవాలనడంతో ఉమ్మడి వరంగల్‌లోని వ్యవసాయ భూముల పేరుతో వెంచర్లు చేస్తున్న వా రిలో వణుకు మొదలైంది. వందలాది ఎకరాల్లో.. రూ.కోట్లలో ఈవ్యాపారం జరుగుతుందనే చెప్పాలి. ఆరు జిల్లాల్లో భూములకు డిమాండ్‌ వరంగల్‌, హనుమకొండ, జనగామ, జయశంకర్‌ భూపాలపల్లి, ములుగు, మహబూబాబాద్‌ జిల్లాల్లోని పట్టణాల చుట్టుపక్కల భూములకు డిమాండ్‌ పెరుగుతోంది. రైతుల నుంచి పెద్దఎత్తున భూములు కొనుగోలు చేసి వెంచర్లు చేసే సంస్కృతి పెరుగుతోంది. రెరా రిజిస్ట్రేషన్‌ లేకుండా ‘వెంచర్‌’, ‘ఫామ్‌ ప్లాట్‌’, ‘గేటెడ్‌ ఫామ్‌’ వంటి పేర్లతో మార్కెటింగ్‌ చేసే ప్రాజెక్టులపై అధికారులు దృష్టి సారించే అవకాశం ఉంది. కొనుగోలుదారుడికి లాభమేంటంటే? రెరా పరిధిలోకి వచ్చే ప్రాజెక్టుకు రిజిస్ట్రేషన్‌ ఉంటే కొనుగోలుదారుడికి ఆమోదిత లేఔట్‌, ప్రాజెక్టు వివరాలు, అభివృద్ధి దశ, బుకింగ్‌ స్థితి, అనుమతులు తదితర వివరాలు ఆన్‌లైన్‌లో చూసుకోవచ్చు. అలాగే, ప్రాజెక్జు రిజిస్ట్రేషన్‌కు ముందు మార్కెటింగ్‌, బుకింగ్‌, విక్రయాలపై కూడా రెరా చట్టం నియంత్రణ ఉంటుంది. రిజిస్ట్రేషన్‌ లేకుండా ప్రాజెక్టును ప్రచారం చేస్తే ప్రమోటర్‌పై చర్యలు, జరిమానా విధిస్తారు. చట్టబద్ధమైన వెంచర్లకు డిమాండ్‌.. ఇకపై వ్యవసాయం కోసం భూమి కొనేవారు, రియల్‌ ఎస్టేట్‌ ప్రాజెక్టులో ప్లాట్‌ కొనేవారు అనే తేడా కనిపించనుంది. అనుమతులు లేకుండా కేవలం భవిష్యత్‌ విలువ పేరుతో విక్రయించే ప్రాజెక్టులకు డిమాండ్‌ తగ్గి, చట్టబద్ధంగా అభివృద్ధి చేసిన వెంచర్లకు ప్రాధాన్యం పెరగవచ్చని రియల్‌ ఎస్టేట్‌ వర్గాలు భావిస్తున్నాయి. అన్ని అంశాలు పరిశీలించాలి,, కొనుగోలుదారులకు ‘ప్లాట్‌ ఎక్కడ ఉంది?’ అన్నదానికంటే ‘ఆ ప్లాట్‌ ఏ అనుమతుల పరిధిలో ఉంది?’ అన్నదే కీలకం. రెరా నంబర్‌, ఆమోదిత లేఔట్‌, భూమి హక్కులు, భూమి వినియోగం, నిషేధిత జాబితా, ఎన్‌కంబరెన్స్‌ వంటి అంశాలను పరిశీలించిన తర్వాతే పెట్టుబడి పెట్టడం సురక్షితం – అజిత్‌రెడ్డి, కుడా పీఓ వ్యవసాయ భూమి పేరుతో ప్లాట్లు చేసే ప్రాజెక్టులపై దృష్టి రెరా చట్టం కింద రిజిస్ట్రేషన్‌ చర్యలతో ఒక్కసారిగా చర్చ ఫలితంగా ఉమ్మడి వరంగల్‌లో రియల్‌ ఎస్టేట్‌పై ప్రభావంజిల్లా ప్రాజెక్టులువరంగల్‌ అర్బన్‌ 427 వరంగల్‌ రూరల్‌ 14 జనగామ 26 భూపాలపల్లి 12 మహబూబాబాద్‌ 29

హన్మకొండ: ఉప ముఖ్యమంత్రి మల్లు భట్టి విక్రమార్క, రవాణ శాఖ మంత్రి పొన్నం ప్రభాకర్‌ను తెలంగాణ ఎస్సీ, ఎస్టీ ఎలక్ట్రిసిటీ ఎంప్లాయీస్‌ వెల్ఫేర్‌ అసోసియేషన్‌ నాయకులు శుక్రవారం హైదరాబాద్‌లో కలిశారు. విద్యుత్‌ ఉద్యోగుల సమస్యలు పరిష్కరించాలని అసోసియేషన్‌ రాష్ట్ర అధ్యక్షుడు ఆరెపల్లి మోహన్‌, సెక్రటరీ జనరల్‌ బక్క దానయ్య, నాయకులు వారికి వినతిపత్రం అందించారు. అనంతరం సాంఘిక సంక్షేమ శాఖ మంత్రి అడ్లూరి లక్ష్మణ్‌, ఐటీ మంత్రి దుద్దిళ్ల శ్రీధర్‌బాబును కలిసి వినతిపత్రం సమర్పించారు. నాయకులు పి.రామస్వామి, దయానంద్‌, జిల్లా శంకర్‌, చాట్ల సుధాకర్‌, వెంకటేశ్వరరావు, సంతోష్‌, కృష్ణ, రవి, ఉప్పలయ్య, భాస్కర్‌ పాల్గొన్నారు.

వరంగల్‌ కలెక్టర్‌ సత్యశారద న్యూశాయంపేట: వరంగల్‌ జిల్లాలో నిర్వహించనున్న వినాయక విగ్రహాల నిమజ్జన కార్యక్రమాన్ని ప్రశాంతంగా పూర్తి చేసేందుకు అన్ని శాఖల అధికారులు సమన్వయంతో పకడ్బందీ ఏర్పాట్లు చేయాలని కలెక్టర్‌ సత్యశారద ఆదేశించారు. శుక్రవారం కలెక్టరేట్‌లో సంబంధిత అధికారులు, గణేశ్‌ ఉత్సవ కమిటీ సభ్యులతో సమీక్షించారు. సమావేశంలో ఈస్ట్‌జోన్‌ డీసీపీ అంకిత్‌కుమార్‌, అదనపు కలెక్టర్లు కిశోర్‌కుమార్‌, వైవీ.గణేశ్‌, డీఆర్‌ఓ విజయలక్ష్మి, జెడ్పీ సీఈఓ వసంత, వరంగల్‌ ఆర్డీఓ సుమ, హౌసింగ్‌ డీఈ గణేశ్‌ పాల్గొన్నారు. అవగాహన కల్పించాలి.. గర్భిణులు, బాలింతలు, చిన్నారుల పోషణ, ఆరోగ్యం, సంరక్షణపై గ్రామస్థాయిలో అవగాహన కార్యక్రమాలు నిర్వహించాలని కలెక్టర్‌ సత్యశారద సూచించారు. శుక్రవారం కలెక్టరేట్‌లో అంగన్‌వాడీ సూపర్‌వైజర్లతో నిర్వహించిన సమీక్ష సమావేశంలో ఆమె మాట్లాడుతూ.. అంగన్‌వాడీ కేంద్రాల ద్వారా లబ్ధిదారులకు నాణ్యమైన సేవలందేలా నిరంతరం పర్యవేక్షించాలన్నారు. అక్టోబర్‌ 8 వరకు నిర్వహించే పోషణ మాసం–26 పోస్టర్లను కలెక్టర్‌ ఆవిష్కరించారు. డీడబ్ల్యూఓ రాజమణి పాల్గొన్నారు.

● ట్రైసిటీలో కొన్ని చెరువుల్లో ఆశాజనకం, మరికొన్ని నీరు లేక వెలవెల ● ఆయా నీటి వనరుల వద్ద ఏర్పాట్లు పరిశీలిస్తున్న అధికారులువరంగల్‌ అర్బన్‌: నగరంలో ఈ ఏడాది తీవ్ర వర్షభావ పరిస్థితులు నెలకొన్నాయి. ఈ సీజన్‌లో ఇంత వరకు భారీ వర్షం కరవలేదు. ఇలాంటి పరిస్థితుల్లో గణపతి విగ్రహాలను నిమజ్జనం చేయడమెలా? అని మహా నగర పాలక సంస్థ అధికారులు ప్రత్యామ్నాయ చర్యలపై దృష్టిసారిస్తున్నారు. ఈనెల 14వ తేదీ నుంచి గణపతి నవరాత్రులు ప్రారంభం కానున్నాయి. తొమ్మిది రోజులు పూజలందుకున్న తర్వాత గణేశ్‌ నిమజ్జనం జరుగనుంది. ఈసారి నిమజ్జనం చేసేందుకు గ్రేటర్‌ వరంగల్‌ పరిధిలోని చెరువులు సరిపడా నీళ్లు లేక వెలవెలబోతున్నాయి. భారీ వర్షాలు కురిసిస్తే నిమజ్జనానికి నీటి కొరత తప్పుతుంది. సాధ్యమైనంత వరకు పెద్ద విగ్రహాలను చిన్నవడ్డేపల్లి చెరువులో నిమజ్జనం చేసేందుకు సన్నాహాలు చేస్తున్నారు. నీటి నిల్వలపై అధికారుల సమాలోచనలు హనుమకొండ, వరంగల్‌ కాజీపేట, చిన్న, పెద్ద చెరువుల్లో గతేడాది మొత్తం 7,500 వరకు ప్రతిమల నిమజ్జనం జరిగింది. ఈఏడాది 8 వేలకుగా ప్రతిష్టించే అవకాశం ఉన్నట్లు అధికారులు అంచనా వేస్తున్నారు. 90 శాతానికి పైగా ప్లాస్టర్‌ ఆఫ్‌ పారిస్‌ (పీఓపీ వినాయక ప్రతిమలు ఉన్నట్లు సమాచారం. ఆయా చెరువులు కొన్నింటిలో ఇప్పటికే గుర్రపు డెక్క, నాచు ఇతర వ్యర్థాలను శుభ్రం చేశారు. సిద్ధేశ్వర గుండం, బంధం చెరువుల్లో పూడికతీత పనులు చేపట్టాలని ఇరిగేషన్‌ ఇంజనీర్లకు జిల్లా అధికార యంత్రాంగం ఆదేశాలు జారీ చేసింది. ● వరంగల్‌ చిన్నవడ్డేపల్లి చెరువులో గతేడాది 3,230 ప్రతిమలు నిమజ్జనం చేశారు. ఈఏడాది 4,300కు పైగా ఉంటాయని అంచనా వేస్తున్నారు. చెరువులో నీటి నిల్వలు బాగానే ఉన్నాయి. నగరవ్యాప్తంగా భారీ విగ్రహాలను ఇక్కడికే తీసుకొచ్చేలా ఏర్పాట్లు చేస్తున్నారు. ● అండర్‌ రైల్వే గేట్‌ ఉర్సు రంగసముద్రంలో చెరువులో గతేడాది 700 విగ్రహాలు నిమజ్జనం కాగా, ఈ ఏడాది 750 వరకు వస్తాయని అంచనా. హనుమకొండ హంటర్‌ రోడ్డు ప్రాంతాల్లోని ప్రతిమలను ఉర్సు చెరువుకు మళ్లించనున్నారు. ● కట్టమల్లన్న చెరువులో గతేడాది వినాయక విగ్రహాలు 146 నిమజ్జనం కాగా, ఈ ఏడాది 170 వరకు వస్తాయని భవిస్తున్నారు. ఇక్కడ తెప్పలను ఎక్కువగా ఉపయోగించనున్నారు. ● హనుమకొండ సిద్ధేశ్వర గుండంలో గతేడాది 450 విగ్రహాలను నిమజ్జనం చేయగా, ఈ ఏడాది 500 ఉంటాయని అంచనా వేస్తున్నారు. ప్రస్తుతం నీటి నిల్వలు తక్కువగా ఉన్నాయి. పూడికతీత త్వరలో ప్రారంభం కానుంది. ● కాజీపేట బంధం చెరువులో గతేడాది 480 ప్రతిమలను నిమజ్జనం చేయగా, ఈ ఏడాది 540 వరకు వస్తాయని భావిస్తున్నారు. మత్తడి లెవల్‌ కొంత తక్కువ వాటర్‌ ఉంది. ఈ చెరువులో అధిక తెప్పలు ఏర్పాటు చేయనున్నారు. ● హసన్‌పర్తి పెద్ద చెరువులో సుమారు 250 వరకు విగ్రహాలు నిమజ్జనం కానున్నాయి. ● వరంగల్‌ ములుగు రోడ్డులోని కోట చెరువులో మూడేళ్లుగా గణేశ్‌ ప్రతిమల నిమజ్జనాలకు బ్రేక్‌ పడింది. చెరువు కలుషితం కాకుండా గ్రీన్‌ ట్రిబ్యునల్‌ ఇచ్చిన తీర్పు మేరకు అధికారులు ఎలాంటి ఏర్పాట్లు చేయలేదు.హనుమకొండ సిద్ధేశ్వరాలయ ఆవరణలోని కోనేరులో తక్కువగా ఉన్న నీరునీరు లేక వెలవెలబోతున్న కాజీపేట బంధం చెరువుభారీ వర్షం కురిస్తేనే ‘గ్రేటర్‌’ చెరువులకు జలకళ2003వ సంవత్సరంలో చెరువుల్లో నీరు లేక వాటర్‌ ట్యాంకర్ల ద్వారా నీటిని తెప్పించారు. గణేశ్‌నిమజ్జనం చేశారు. 2014లో వర్షాభావ పరిస్థితి నెలకొనడంతో భారీ వినాయక ప్రతిమలను పెద్ద చెరువుల్లోకి తరలించి, చిన్న విగ్రహాలను నగరంలోని చెరువుల్లో నిమజ్జనం చేశారు.

వరంగల్‌ పోలీస్‌ కమిషనర్‌ శ్వేత, కలెక్టర్లు సత్యశారద, చాహత్‌ బాజ్‌పాయ్‌ వరంగల్‌ అర్బన్‌: గణపతి విగ్రహాల నిమజ్జనానికి పకడ్బందీ ఏర్పాట్లు చేయాలని వరంగల్‌ పోలీస్‌ కమిషనర్‌ ఎన్‌.శ్వేత, వరంగల్‌, హనుమకొండ కలెక్టర్లు సత్యశారద, చాహత్‌ బాజ్‌పాయ్‌ అధికారులను ఆదేశించారు. కాజీపేట బంధం చెరువు, హనుమకొండ సిద్ధేశ్వర గుండం, వరంగల్‌ చిన్న వడ్డేపల్లి, ఉర్సు చెరువుల వద్ద గణపతి నిమజ్జన ఏర్పాట్లను శుక్రవారం వారు పరిశీలించారు. నిమజ్జనం ప్రశాంతంగా జరిగేలా అన్ని శాఖల అధికారులు సమన్వయంతో పనిచేయాలని వారు సూచించారు. సెంట్రల్‌ జోన్‌ డీసీపీ దార కవిత, ట్రాఫిక్‌ అడిషనల్‌ డీసీపీ ప్రభాకర్‌రావు, జీడబ్ల్యూఎంసీ ఎస్‌ఈ రాజ్‌కుమార్‌, ఈఈలు రవికుమార్‌, సంజయ్‌ కుమార్‌, హనుమకొండ ఆర్డీఓ వెంకటేశ్‌, డీఎంహెచ్‌ఓలు అప్పయ్య, రాజారెడ్డి, ఎన్పీడీసీఎల్‌ ఎస్‌ఈ సామ్యానాయక్‌, సాగునీటి పారుదల శాఖ అధికారులు కిరణ్‌కుమార్‌, మధుసూదన్‌రెడ్డి, జీడబ్ల్యూఎంసీ ఎంహెచ్‌ఓ రాజేశ్‌, ఆర్‌అండ్‌బీ ఈఈ దేవికాచౌహాన్‌, మైనింగ్‌ ఏడీ రామాచారి, కాజీపేట తహసీల్దార్‌ రాజు, ఏసీపీలు ప్రశాంత్‌రెడ్డి, సత్యనారాయణ, కాజీపేట పోలీస్‌ ఇన్‌స్పెక్టర్‌ శ్యాం సుందర్‌ పాల్గొన్నారు.

హనుమకొండ కలెక్టర్‌ చాహత్‌ బాజ్‌పాయ్‌ హన్మకొండ అర్బన్‌: ఈనెల 13న నిర్వహించే ఎన్‌డీఏ, నావల్‌ అకాడమీ–2, కంబైన్డ్‌ డిఫెన్స్‌ సర్వీసెస్‌–2 పరీక్షలకు పటిష్ట ఏర్పాట్లు చేయాలని కలెక్టర్‌ చాహత్‌ బాజ్‌పాయ్‌ అధికారులను ఆదేశించారు. పరీక్షకు హాజరయ్యే అభ్యర్థులు సకాలంలో కేంద్రాలకు చేరుకోవాలని కోరారు. ప్రతీ పరీక్ష సెషనన్‌కు అరగంట ముందే గేట్లు మూసేస్తామని తెలిపారు. శుక్రవారం కలెక్టరేట్‌ పరీక్షల నిర్వహణపై వివిధ శాఖల అధికారులతో కలెక్టర్‌ సమన్వయ సమావేశం నిర్వహించారు. హనుమకొండ సుబేదారిలోని యూనివర్సిటీ ఆర్ట్స్‌ అండ్‌ సైన్స్‌ కళాశాల, పింగిళి ప్రభుత్వ మహిళా డిగ్రీ, పీజీ కళాశాలలో చేపట్టిన ఏర్పాట్లు అడిగి తెలుసుకున్నారు. ఈసందర్భంగా కలెక్టర్‌ చాహత్‌ బాజ్‌పాయ్‌ మాట్లాడుతూ.. యూనివర్సిటీ ఆర్ట్స్‌ అండ్‌ సైన్స్‌ కళాశాల. పింగిళి ప్రభుత్వ మహిళా డిగ్రీ, పీజీ కళాశాలలో నిర్వహించే ఎన్‌డీఏ, నావల్‌ అకాడమీ పరీక్ష, సీడీఎస్‌ పరీక్షకు హాజరయ్యే అభ్యర్థలకు ఎలాంటి ఇబ్బందులు కల్గ కుండా ఏర్పాట్లు చేయాలని ఆదేశించారు. పరీక్ష కేంద్రాల వద్ద పటిష్ట బందోబస్తు ఏర్పాటు చేయాలన్నారు. సమావేశంలో కేంద్ర పరిశీలకులు ఉమేష్‌ మీనా, రాష్ట్ర పరిశీలకులు సురేశ్‌బాబు వీడియో కాన్ఫరెన్స్‌ ద్వారా కలెక్టర్‌, అధికారులతో మాట్లాడారు. సమావేశంలో జిల్లా రెవెన్యూ అధికారి శ్రీనివాస్‌, కలెక్టరేట్‌ ఏఓ గౌరీశంకర్‌, డీఎంహెచ్‌ఓ డాక్టర్‌ అప్పయ్య, మై భారత్‌ కో–ఆర్డినేటర్‌ భూక్య సంజీవ్‌, కళాశాలల ప్రిన్సిపాళ్లు జ్యోతి, డాక్టర్‌ సుహాసిని, ఎస్‌ఐ ప్రసాద్‌, విద్యుత్‌ శాఖ ఏఈ అలేఖ్య, ఇతర అధికారులు పాల్గొన్నారు.

హన్మకొండ అర్బన్‌: ‘సర్‌ ప్రక్రియలో భాగంగా నోటీసులు వచ్చినంత మాత్రాన ఆందోళన చెందాల్సిన పనిలేదు. నోటీసులో పేర్కొన్న ఆధారాలు సమర్పిస్తే సరిపోతుంది’ అని హనుమకొండ అదనపు కలెక్టర్‌ ఎన్‌.రవి అన్నారు. ఓటర్ల జాబితా ప్రత్యేక సమగ్ర సవరణ ప్రక్రియపై ఉన్న సందేహాలు నివృత్తి చేసేందుకు ‘సాక్షి’ ఆధ్వర్యంలో శుక్రవారం నిర్వహించిన ఫోన్‌ ఇన్‌ కార్యక్రమానికి విశేష స్పందన లభించింది. అదనపు కలెక్టర్‌ ఎన్‌.రవి కలెక్టరేట్‌ నుంచి ఫోన్‌ఇన్‌లో పాల్గొన్నారు. కలెక్టరేట్‌ ఎన్నికల విభాగం సూపరింటెండెంట్‌ జగత్‌సింగ్‌తో కలిసి జిల్లాలోని వివిధ ప్రాంతాల ప్రజల సందేహాలు నివృత్తి చేశారు. ప్రశ్న: ఆధార్‌, ఓటరు గుర్తింపు కార్డుల్లో పేరు తప్పుగా ఉంది.. ఏం చేయాలి?–నవీన్‌, పరకాల/స్వామి, రత్నగిరి, భీమదేవరపల్లి అదనపు కలెక్టర్‌: స్పెల్లింగ్‌ తప్పు పెద్ద సమస్యేమీ కాదు. నోటీస్‌ జారీ అయితే ఎన్నికల సంఘం సూచించిన 12 రకాల గుర్తింపు పత్రాల్లో పేరులో స్పెల్లింగ్‌ సరిగ్గా ఉన్న ఏదైనా ఒక పత్రాన్ని తీసుకెళ్లి బూత్‌ స్థాయి అధికారికి సమర్పించాలి. మీరు వెళ్లలేకపోతే బంధువులు, కుటుంబ సభ్యుల ద్వారా పత్రాలు అందించవచ్చు. ప్రశ్న: 25 ఏళ్లుగా గ్రామంలో ఉంటున్నాం. 2002 నాటి వివరాలు అడుగుతున్నారు.. ఏం చేయాలి?– అమ్మ అశోక్‌, పెద్దకోడెపాక, శాయంపేట అదనపు కలెక్టర్‌: నోటీసులు అందుకున్న వారు 1987 తర్వాత పుట్టినవారైతే వారి తల్లిదండ్రులకు సంబంధించిన వివరాలు సమర్పిస్తే సరిపోతుంది. నోటీసులో కోరిన ఆధారాలను బూత్‌ స్థాయి అధికారికి అందజేయాలి. ప్రశ్న: మా ఓట్లు తొలగించారు. ముసాయిదా జాబితాలో పేర్లు లేవు. మేం ఇచ్చిన వివరాలను బీఎల్‌ఓ నమోదు చేయలేదు. ఇప్పుడెలా?– ఎ.రవి, హనుమకొండ అదనపు కలెక్టర్‌: వివరాలు నమోదు చేయడంలో పొరపాటు జరిగి ఉంటే అధికారులు పరిశీలిస్తారు. అభ్యంతరాలు దాఖలు చేసేందుకు అవకాశం ఉంది. సంబంధిత సహాయ ఎన్నికల నమోదు అధికారికి లిఖితపూర్వకంగా దరఖాస్తు ఇవ్వాలి. ప్రశ్న: మా ఇంట్లో నలుగురికి నోటీసులు ఇచ్చారు. పాత వివరాలు అడుగుతున్నారు. ఏం ఇవ్వాలి? – డోలిపురి రామచంద్రన్‌, పరకాల అదనపు కలెక్టర్‌: పెద్దలకు బ్యాంక్‌ పాస్‌బుక్‌, పట్టాదారు పాస్‌బుక్‌ ఆధారాల్లో ఏదైనా సమర్పించాలి. యువతకు సంబంధించి నోటీసులు వస్తే జ నన ధ్రువపత్రాలు, పదో తరగతి మెమోతో పాటు తల్లిదండ్రుల ఓటరు వివరాలు అందించాలి. ఎక్కడున్నా ఓటర్‌ పోర్టల్‌లో వివరాలు పరిశీలించుకోవచ్చు హనుమకొండ అదనపు కలెక్టర్‌ ఎన్‌.రవి ‘సర్‌’ ప్రక్రియపై ‘సాక్షి’ ఫోన్‌ ఇన్‌ ఓటర్ల నుంచి విశేష స్పందనప్రశ్న: మాది దామెర గ్రామం. ప్రస్తుతం హైదరాబాద్‌లో ఉంటున్నాం. ఊరిలోనే ఓటు కావాలి. ముసాయిదా జాబితాను ఎలా చూసుకోవాలి? నోటీసులు ఎవరికి ఇస్తారు?– రాజు, దామెర అదనపు కలెక్టర్‌: మీరు ఎక్కడున్నా ఎన్నికల సంఘం ఓటర్‌ పోర్టల్‌లో మీ వివరాలను పరిశీలించుకోవచ్చు. అందులో పేరు ఉంటే ఇబ్బంది లేదు. ఒకవేళ పేరు ఉన్నప్పటికీ నోటీసు వచ్చినట్లు తెలిస్తే సంబంధిత బూత్‌ స్థాయి అధికారికి నోటీసులో అడిగిన వివరాలను అందజేయాలి.ప్రశ్న: నోటీసుకు ఇచ్చిన సమాధానంతో అధికారులు సంతృప్తి చెందారో లేదో ఎలా తెలుస్తుంది? – తారాబాయి, చైతన్యపురి కాలనీ, హనుమకొండఅదనపు కలెక్టర్‌: నోటీసు వచ్చిన అనంతరం తగిన ఆధారాలను అధికారికి సమర్పిస్తే ఆన్‌లైన్‌లో అప్‌లోడ్‌ చేస్తారు. ఒకవేళ తప్పుడు ధ్రువీకరణ పత్రాలు అందించినా, సమాచారం మిస్‌మ్యాచ్‌ అయినా రెండో నోటీస్‌ అందిస్తారు.

హన్మకొండ కల్చరల్‌: ఎంజీఎం ఎదురుగా ఉన్న శ్రీరాజరాజేశ్వరి దేవాలయంలో అమ్మవారికి శుక్రవారం విశేషపూజలు నిర్వహించా రు. ఆలయ అర్చకులు యెల్లంభట్ల లక్ష్మణశర్మ ఆధ్వర్యంలో అమ్మవారికి అభిషేకం, అర్చన జరిపారు. అనంతరం అమ్మవారికి ప్రీతికరమైన 1,008 తామరపూలతో ప్రత్యేక పూజలు నిర్వహించారు. ఆలయ చైర్మన్‌ వద్దిరాజు వెంకటేశ్వరరావు ఏర్పాట్లను పర్యవేక్షించారు. హన్మకొండ అర్బన్‌: ‘రెండు వారాలకు మించి దగ్గు, ఛాతిలో నొప్పి, దగ్గినప్పుడు తెమడ పడడం, బరువు తగ్గడం, ఆకలి లేకపోవడం, రాత్రిపూట జ్వరం వంటి లక్షణాలు ఉంటే ప్రతి ఒక్కరూ తెమడ పరీక్షతో పాటు ఎక్స్‌రే పరీక్ష చేయించుకోవాలి’ అని హనుమకొండ డీఎంహెచ్‌ఓ అప్పయ్య సూచించారు. ప్రధానమంత్రి టీబీ ముక్త్‌ భారత్‌ అభియాన్‌లో భాగంగా హసన్‌పర్తి ప్రాథమిక ఆరోగ్య కేంద్రంలో నిర్వహిస్తున్న ఎక్స్‌రే స్క్రీనింగ్‌ శిబిరాన్ని డీఎంహెచ్‌ఓ అప్పయ్య, జిల్లా క్షయ వ్యాధి నియంత్రణ అధికారి ప్రదీప్‌రెడ్డి శుక్రవారం పరిశీలించారు. కార్యక్రమంలో హసన్‌పర్తి ప్రాథమిక ఆరోగ్య కేంద్ర వైద్యాధికారి రామ్‌భార్గవ్‌, డాక్టర్‌ సురేశ్‌, సీహెచ్‌ఓ మాధవరెడ్డి, డీపీఎంఓ దేవ్‌సింగ్‌, ఆప్తాల్మిక్‌ అధికారి ప్రతాప్‌, జిల్లా క్షయ వ్యాధి నియంత్రణ కార్యాలయ సిబ్బంది, ప్రాథమిక ఆరోగ్య కేంద్ర సిబ్బంది పాల్గొన్నారు. కాజీపేట అర్బన్‌: నిట్‌ వరంగల్‌కు తొలిసారిగా డిప్యూటీ డైరెక్టర్‌గా ప్రొఫెసర్‌ పి.రతీశ్‌కుమార్‌ను నియమిస్తూ శుక్రవారం నిట్‌ వరంగల్‌ బోర్డు ఉత్తర్వులు జారీ చేసింది. గతంలో 31 నిట్‌లలో తొలి నిట్‌ వరంగల్‌గా నిలవగా.. ఇప్పుడు తొలి డిప్యూటీ డైరెక్టర్‌ను నియమించుకున్న తొలి నిట్‌ వరంగల్‌గా నిలిచింది. నిట్‌ సివిల్‌ ఇంజనీరింగ్‌ విభాగంలో ప్రొఫెసర్‌గా, డీన్‌ ప్లానింగ్‌ అండ్‌ డెవలప్‌మెంట్‌గా విధులు నిర్వర్తిస్తున్న రతీశ్‌కుమార్‌ను డిప్యూటీ డైరెక్టర్‌గా నియమించడంతో నిట్‌ యాజమాన్యం హర్షం వ్యక్తం చేసింది. హన్మకొండ: యూనిక్‌ పోల్‌ నంబరింగ్‌తో విద్యుత్‌ లోపాలు, సమస్యలను వేగంగా పరిష్కరిస్తున్నట్లు టీజీ ఎన్పీడీసీఎల్‌ హనుమకొండ ఎస్‌ఈ బి.సామ్యా నాయక్‌ తెలిపారు. అత్యుత్తమ సేవలు అందించేందుకు సాంకేతికతను అందిపుచ్చుకుంటూ, అందుకు అనుగుణంగా మరింత మెరుగైన, నాణ్యమైన విద్యుత్‌ సరఫరా అందిస్తున్నామని ఆయన ఒక ప్రకటనలో పేర్కొన్నారు. అసెట్‌ మ్యాపింగ్‌, ట్రాకింగ్‌లో భాగంగా 33 కేవీ, 11 కేవీ విద్యుత్‌ స్తంభాలకు యూనిక్‌ పోల్‌ నంబర్లను కేటాయించి పెయింటింగ్‌ ప్రక్రియను పూర్తి చేశామని తెలిపారు. ఇప్పటి వరకు 33 కేవీ పోల్‌ నంబరింగ్‌ 11,923 విద్యుత్‌ స్తంభాలకు, 11 కేవీ పోల్‌ నంబరింగ్‌ 80,461 విద్యుత్‌ స్తంభాలకు పూర్తి చేసినట్లు వివరించారు. ముగిసిన ఐఎఫ్‌ఏటీ ఇండియా ప్రదర్శనలువరంగల్‌ అర్బన్‌: ముంబైలో మూడు రోజులపాటు జరిగిన ఐఎఫ్‌ఏటీ ఇండియా–2026 ప్రదర్శనలు శుక్రవారం ముగిశాయి. ఈ సదస్సుకు బల్దియా కమిషనర్‌ టి.వెంకన్న హాజరయ్యారు. మంచినీటి సరఫరా, ఘనవ్యర్థాలు, అండర్‌గ్రౌండ్‌ డ్రెయినేజీ వ్యవస్థ, ఆధునిక పరిజ్ఞానం కోసం ప్రదర్శనలు ఎంతగానో దోహద పడుతాయని ఆయన పేర్కొన్నారు. వ్యర్థాల శాసీ్త్రయ నిర్వహణ, మురుగునీటి శుద్ధి, సీవరేజ్‌ నిర్వహణ రంగాల్లో అందుబాటులోకి వచ్చిన నూతన విధానాలను ఆయన పరిశీలించారు. సీడీఎంఏ జాయింట్‌ డైరెక్టర్‌ ఫల్గుణ్‌కుమార్‌, పలు కార్పొరేషన్ల కమిషనర్లు పాల్గొన్నట్లు కమిషనర్‌ పేర్కొన్నారు.

హన్మకొండ అర్బన్‌: యునైటెడ్‌ ఫోరం ఆఫ్‌ బ్యాంక్‌ యూనియన్‌ పిలుపు మేరకు శుక్రవారం గ్రేటర్‌ నగరంలో బ్యాంకు ఉద్యోగులు విధులు బహిష్కరించి పెద్ద ఎత్తున సమ్మె చేపట్టారు. నల్ల బ్యాడ్జీలతో ఆందోళనలో పాల్గొన్నారు. వరంగల్‌ ఎస్‌బీఐ ప్రధాన శాఖ వద్ద నిర్వహించిన కార్యక్రమంలో వందలాది మంది బ్యాంకు ఉద్యోగులు పాల్గొని తమ ఐక్యతను, పోరాట స్ఫూర్తిని చాటారు. కార్యక్రమంలో ఎస్‌బీఐ అధికారుల సంఘం డీజీఎస్‌ వై.ప్రవీణ్‌కుమార్‌, అవార్డు స్టాఫ్‌ డీజీఎస్‌ సీహెచ్‌.సంతోశ్‌కుమార్‌, ఓబీసీ డీజీఎస్‌ రజనీకాంత్‌, సేవా డీజీఎస్‌ రమణతో పాటు వివిధ ఉద్యోగ సంఘాల నాయకులు, అధిక సంఖ్యలో బ్యాంకు ఉద్యోగులు పాల్గొన్నారు. సమ్మె ఎఫెక్ట్‌ బ్యాంకు ఉద్యోగులు సమ్మెకు దిగడంతో శుక్రవారం బ్యాంకింగ్‌ కార్యకలాపాలు పూర్తిగా స్తంభించిపోయాయి. బ్యాంకు శాఖల్లో నగదు ఉపసంహరణ, డిపాజిట్లు, ఇతర లావాదేవీల కోసం వచ్చిన ఖాతాదారులు తీవ్ర ఇబ్బందులు ఎదుర్కొన్నారు. పలు ప్రాంతాల్లో ఏటీఎంలు కూడా అందుబాటులో లేకపోవడంతో అత్యవసర నగదు అవసరాలకు ప్రజలు ఇబ్బందులు పడాల్సి వచ్చింది.

సాక్షి ప్రతినిధి, వరంగల్‌: ఓరుగల్లు నగరానికి దశాబ్దాలుగా ఉన్న భూగర్భ డ్రెయినేజీ (యూజీడీ) కల సాకారమయ్యే సమయం ఎప్పుడొస్తుందా? అని నగరవాసులు ఎదురుచూస్తున్నారు. ప్రభుత్వం భారీగా నిధులు కేటాయించడంతో ఇక పనులు ప్రారంభమవుతాయని ఆశించిన ప్రజలకు మాత్రం ఇంకా నిరీక్షణే మిగిలింది. ‘అంగట్లో అన్నీ ఉన్నా.. అల్లుడి నోట్లో శని’ అన్నట్లుగా నిధులు.. డీపీఆర్‌.. అనుమతులు.. ఆర్థిక వనరుల సమీకరణ.. అన్నీ ఒక్కొక్కటిగా ముందుకు కదులుతున్నా.. టెండర్ల ప్రక్రియ మాత్రం ముందుకు కదలడం లేదు. ఎమ్మెల్యేలు, స్థానిక ప్రజాప్రతినిధుల వినతి మేరకు సీఎం రేవంత్‌రెడ్డి 2024 జూన్‌ 29న నిర్వహించిన జీడబ్ల్యూఎంసీ సమీక్షలో నగరానికి అండర్‌గ్రౌండ్‌ డ్రెయినేజీ వ్యవస్థ ఏర్పాటుకు అధికారులను ఆదేశించారు. ఆతర్వాత అదే ఏడాది నవంబర్‌లో డీపీఆర్‌ ప్రకారం రాష్ట్ర ప్రభుత్వం గ్రేటర్‌ వరంగల్‌ పరిధిలో సమగ్ర యూజీడీ వ్యవస్థ కోసం రూ.4,170 కోట్ల కేటాయింపునకు ఆమోదం తెలిపింది. ఆరు నెలలైనా కదలని టెండర్ల ప్రక్రియ.. ప్రాజెక్టు రూపకల్పన, డీపీఆర్‌, భవిష్యత్‌ జనాభా అవసరాలను పరిగణనలోకి తీసుకున్న తర్వాత యూజీడీ ప్రాజెక్టు పరిమాణం మరింత పెరిగింది. 2026 మార్చిలో రాష్ట్ర ప్రభుత్వం రూ.5,257.20 కోట్ల అంచనా వ్యయంతో సమగ్ర అండర్‌గ్రౌండ్‌ డ్రెయినేజీ ప్రాజెక్టుకు అనుమతి ఇచ్చింది. ఇది కేవలం పాత డ్రెయినేజీ పైపులు మార్చే పనికాదు. భవిష్యత్‌ వరంగల్‌ నగరాన్ని దృష్టిలో పెట్టుకుని భారీ స్థాయిలో మురుగునీటి సేకరణ, పైప్‌లైన్లు, సీవరేజ్‌ ట్రీట్‌మెంట్‌ ప్లాంట్లు తదితర మౌలిక వసతులను ఏర్పాటు చేయనున్న భారీ ప్రాజెక్టు. 2026, మార్చి 10న వరంగల్‌ నగరాభివృద్ధిపై హైదరాబాద్‌లో నిర్వహించిన సమీక్షలో మంత్రి పొంగులేటి, అప్పటి మంత్రి కొండా సురేఖలు ఎమ్మెల్యేలు, అధికారులతో యూజీడీపై చర్చించారు. రూ.5,257 కోట్లతో చేపట్టే భూగర్భ డ్రెయినేజీ పనులకు సంబంధించిన టెండర్‌ ప్రక్రియను ఏఫ్రిల్‌లో చేపట్టాలని ఆదేశించారు. భూసేకరణకు ఉత్తర్వులు.. యూజీడీ కోసం ఇంకా టెండర్లు పిలవనప్పటికీ భూసేకరణకు విదివిధానాలను ఖరారు చేస్తూ ఆగస్టు 28న, బుధవారం రెండు వేర్వేరు ఉత్తర్వులు జారీ చేశారు. భూసేకరణ, పునరావాస చట్టం – 2013 కింద సాధారణంగా చేపట్టాల్సిన సామాజిక ప్రభావ అంచనా (సోషల్‌ ఇంపాక్ట్‌ అసెస్‌మెంట్‌ (ఎస్‌ఐఏ)) ప్రక్రియ నుంచి ఈ ప్రాజెక్టుకు ఉత్తర్వుల ద్వారా మినహాయింపు ఇచ్చింది. బొల్లికుంట, ఉర్సు, ఖిలా వరంగల్‌, దేశాయిపేట, పైడిపల్లి, హసన్‌పర్తి, కాజీపేట ప్రాంతాల్లో భూసేకరణ చేయాలని కూడా సూచించింది. టెండర్ల విషయమై జీడబ్ల్యూఎంసీ ఇంజనీరింగ్‌ అధికారి ఒకరు మాట్లాడుతూ డీపీసీ ఆమోదం తర్వాత టెండర్ల ప్రక్రియ పబ్లిక్‌ హెల్త్‌ డిపార్టుమెంట్‌కు అప్పగించినట్లు చెప్పారు. ప్రజారోగ్యశాఖ అధికారులు మాత్రం టెండర్ల నిర్వహణకు కసరత్తు జరుగుతుందని, త్వరలోనే నోటిఫికేషన్‌ విడుదల చేసేందుకు సన్నాహాలు చేస్తున్నామని తెలిపారు. జీడబ్ల్యూఎంసీలో యూజీడీ పనులకు ఎదురుచూపులు నిధులు ప్రకటించినా టెండర్ల దశ దాటని కసరత్తు సీఎం రేవంత్‌రెడ్డి ప్రకటనకు రెండేళ్లు.. మంత్రి హామీకి ఏడాది రూ.4,170 కోట్ల నుంచి రూ.5,257.20 కోట్లకు ప్రాజెక్టు వ్యయం వర్షాలు పడితే తప్పని మురుగు ముంపు

వరంగల్‌ కలెక్టర్‌ డాక్టర్‌ సత్యశారద న్యూశాయంపేట: పర్యావరణానికి హాని కలిగించని మట్టి గణపతి విగ్రహాలను ప్రతిష్టించాలని వరంగల్‌ కలెక్టర్‌ డాక్టర్‌ సత్యశారద సూచించారు. కాలుష్య నియంత్రణ మండలి రూపొందించిన వాల్‌ పోస్టర్‌ను కలెక్టర్‌ కలెక్టరేట్‌లో గురువారం ఆవిష్కరించారు. ఈసందర్భంగా కలెక్టర్‌ మాట్లాడుతూ రసాయనాలు, హానికరమైన రంగులతో తయారు చేసిన విగ్రహాలతో నీరు కలుషితం అవుతుందని తెలిపారు. మట్టి విగ్రహాలను వినియోగిస్తే పర్యావరణాన్ని పరిరక్షించడంతో పాటు సహజ వనరులను కాపాడుకోవచ్చని అభిప్రాయపడ్డారు. కార్యక్రమంలో డీఆర్‌ఓ విజయలక్ష్మి, కాలుష్య నియంత్రణ మండలి ఈఈ సునీత, డీడబ్ల్యూఓ రాజమణి, అధికారులు పాల్గొన్నారు. ఓపెన్‌ స్కూల్‌ అడ్మిషన్ల పోస్టర్‌ ఆవిష్కరణ ఓపెన్‌ స్కూల్‌ అడ్మిషన్ల పోస్టర్‌ను కలెక్టరేట్‌లో గురువారం వరంగల్‌ కలెక్టర్‌ ఆవిష్కరించారు. అడ్మిషన్లకు ఈనెల 15 వరకు గడువు ఉందని, ఈ అవకాశాన్ని సద్వినియోగం చేసుకోవాలని ఆమె కోరారు. హియరింగ్‌ ప్రక్రియ పరిశీలన వరంగల్‌ చౌరస్తా: ఎస్‌ఐఆర్‌లో భాగంగా వరంగల్‌ ఏనుమాముల పరిధిలోని బాలాజీనగర్‌లో నిర్వహించిన హియరింగ్‌ ప్రక్రియను కలెక్టర్‌ డాక్టర్‌ సత్యశారద గురువారం పరిశీలించారు. ఈ సందర్భంగా కలెక్టర్‌ మాట్లాడుతూ.. అభ్యంతరాలు, దావాలను నిబంధనల ప్రకారం పరిశీలించి, అర్హుల వివరాలను సక్రమంగా నమోదు చేయాలని అధికారులకు సూచించారు.

సాక్షి, వరంగల్‌: వరంగల్‌ సమీపంలోని మామునూరులో ఎలక్ట్రిక్‌ బస్‌ డిపో ఏర్పాటుకు అడుగులు పడుతున్నాయి. పశుసంవర్థక శాఖకు చెందిన సుమారు 10 ఎకరాల భూమిని డిపో కోసం వినియోగించే అంశాన్ని అధికారులు పరిశీలిస్తున్నారు. ఇప్పటికే ఆర్టీసీ, రెవెన్యూ, జీడబ్ల్యూఎంసీ అధికారులు స్థలాన్ని పరిశీలించారు. భూముల బదలాయింపుపై కలెక్టర్‌ డాక్టర్‌ సత్యశారద నిర్ణయం తీసుకుంటే, వర్ధన్నపేట ఎమ్మెల్యే కేఆర్‌ నాగరాజు ప్రత్యేక చొరవ చూపెడితే ఈ ప్రాజెక్టు త్వరితగతిన పట్టాలెక్కనుంది. డిపో, విద్యుత్‌ మౌలిక వసతులకు నిధులు కేంద్ర భారీ పరిశ్రమల మంత్రిత్వ శాఖ 2024 అక్టోబర్‌ 28న పీఎం ఈబస్‌ సేవా–పేమెంట్‌ సెక్యూరిటీ మెకానిజం (పీఎస్‌ఎం) పథకాన్ని ప్రారంభించింది. కేంద్ర గృహ, పట్టణ వ్యవహారాల మంత్రిత్వ శాఖ ప్రకారం పీఎం ఈ–బస్‌ సేవా పథకం కింద వరంగల్‌కు 100 ఎలక్ట్రిక్‌ బస్సులు, నిజామాబాద్‌కు 50 బస్సులు అర్హత కల్పించారు. 2025లో కేంద్రం ఇచ్చిన సమాచారంలో వరంగల్‌ ఈ పథకంలో పాల్గొనలేదని పేర్కొంది. తాజా కేంద్ర వివరాల్లో కూడా వరంగల్‌కు 100 బస్సుల కేటాయింపు ఉండడంతో మామునూరులో ప్రతిపాదిస్తున్న డిపోనకు ప్రాధాన్యం పెరుగుతోంది. అవసరమైన భూమి, విద్యుత్‌ కనెక్షన్‌, చార్జింగ్‌ వ్యవస్థ, పార్కింగ్‌, వర్క్‌షాపు, సిబ్బంది, సౌకర్యాలు సిద్ధమైతే ఈ–బస్సుల నిర్వహణకు అనువైన కేంద్రంగా మారే అవకాశం ఉంది. విమానాశ్రయం, శివారు ప్రాంతాలకు లాభం మామునూరు డిపోకు మరో ప్రత్యేకత విమానాశ్రయం, నగరానికి సమీపంలో ఉండడం కలిసిరానుంది. భవిష్యత్‌లో విమానాశ్రయం నుంచి వరంగల్‌ నగరంలోని ప్రధాన ప్రాంతాలకు ఈ–బస్‌ సర్వీసులు నడిపే అవకాశం ఉంటుంది. అదే సమయంలో మామునూరు, వర్ధన్నపేట పరిసరాలు, నగర శివారు ప్రాంతాల ప్రజలకు నగరానికి చేరుకునే రవాణా సౌకర్యం మరింత మెరుగుపడుతుంది. పెరగనున్న ఉపాధి అవకాశాలు.. డిపో ఏర్పాటుతో డ్రైవర్లు, సాంకేతిక సిబ్బంది, చార్జింగ్‌ స్టేషన్ల నిర్వహణ, భద్రత, పారిశుద్ధ్యం, పరిపాలన, నిర్వహణ తదితర విభాగాల్లో ప్రత్యక్ష, పరోక్ష ఉపాధి అవకాశాలు పెరిగే అవకాశం ఉంది. చుట్టుపక్కల చిన్న వ్యాపారాలు కూడా అభివృద్ధి చెందుతాయి. మామునూరుకు రవాణా సౌకర్యం, వరంగల్‌కు పర్యావరణహిత ప్రజా రవాణా, యువతకు ఉపాధి అవకాశాలు దక్కే అవకాశం ఉంది. 10 ఎకరాల్లో ప్రతిపాదన.. 100 ఎలక్ట్రిక్‌ బస్సులకు అవకాశం చార్జింగ్‌ పాయింట్లు, మౌలిక వసతులు, వందల మందికి ఉపాధి కలెక్టర్‌ సత్యశారద త్వరగా నిర్ణయం తీసుకుంటే మేలు

రూ.5,257.20 కోట్ల ప్రాజెక్టులో నిధుల సమీకరణ కూడా ప్రత్యేక విధానంలో జరగనుంది. కేంద్ర, రాష్ట్ర ప్రభుత్వాల వాటాతోపాటు జర్మన్‌ డెవలప్‌మెంట్‌ బ్యాంకు కేఎఫ్‌డబ్ల్యూ నుంచి రుణం తీసుకునే ప్రతిపాదన ముందుకు వచ్చింది. కేంద్ర పట్టణాభిృద్ధి శాఖ పరిధిలోని అర్బన్‌ చాలెంజ్‌ ఫండ్‌ కింద వరంగల్‌ యూజీడీకి రూ.4,674.60 కోట్లకు ఆమోదం లభించినట్లు జూన్‌ 2026 నివేదికలు పేర్కొన్నాయి. ఇందులో కేంద్రం, రాష్ట్రం చెరో 25 శాతం వాటాగా రూ.1,168.65 కోట్ల చొప్పున, మిగిలిన రూ.2,337.30 కోట్లను కేఎఫ్‌డబ్ల్యూ రుణంగా సమకూర్చే విధానం ప్రతిపాదించారు. మొత్తం 4 ప్యాకేజీలు, 9 జోన్లు, 13 సబ్‌జోన్లుగా పనులను విభజించి టెండర్లు పిలవనున్నట్లు ప్రకటించినా ఇప్పటికీ ఆచరణకు నోచుకోలేదు. గ్రేటర్‌ వరంగల్‌లో పలు ప్రాంతాల్లో ఇప్పటికీ మురుగునీటి పారుదలకు ఓపెన్‌ డ్రెయినేజీ వ్యవస్థపైనే ఆధారపడాల్సి వస్తోంది. భారీ వర్షాలు కురిసినప్పుడు మురుగునీరు, వర్షపు నీరు కలవడం.. రోడ్లపైకి నీరు చేరడం.. కాలనీల్లో దుర్వాసన, దోమల బెడద పెరగడం సాధారణమైంది.

హన్మకొండ: హనుమకొండ కేఎల్‌ఎన్‌ రెడ్డి కాలనీలోని శక్తి సదన్‌ను హనుమకొండ కలెక్టర్‌ చాహత్‌ బాజ్‌పాయ్‌ గురువారం ఆకస్మికంగా తనిఖీ చేశారు. ఆశ్రయం పొందుతున్న బాలికలు, మహిళలతో మా ట్లాడి సమస్యలు తెలుసుకున్నారు. శక్తి సదన్‌లో అందిస్తున్న కంప్యూటర్‌ శిక్షణ, టైలరింగ్‌ శిక్షణ వంటి వృత్తి విద్యా కోర్సుల వివరాలు అడిగి తెలుసుకున్నా రు. విద్యాఽభ్యాసం పూర్తి చేసిన వారికి ఉపాధి అవకాశాలు కల్పిస్తామని భరోసా ఇచ్చారు. కలెక్టర్‌ వెంట జిల్లా సంక్షేమ అధికారి విశ్వజ, ఈఓ ఆశాదేవి, శక్తిసదన్‌ సూపరింటెండెంట్‌ శైలజ పాల్గొన్నారు. కాజీపేట బస్‌స్టేషన్‌ ప్రతిపాదిత స్థల పరిశీలన.. కాజీపేట రూరల్‌: కాజీపేట జంక్షన్‌లోని శాశ్వత ఆర్టీసీ బస్‌ స్టేషన్‌ నిర్మాణానికి రైల్వేకు సంబంధించిన ప్రతిపాదిత స్థలాన్ని హనుమకొండ కలెక్టర్‌ చాహత్‌బాజ్‌పాయ్‌ గురువారం పరిశీలించారు. ప్రస్తుతం సిటీ బస్సుల రాకపోకలు కొనసాగుతున్న రైల్వే స్టేషన్‌ ఎదుట ఉన్న స్థలాన్ని రైల్వే పాఠశాల స్థలం, రైల్వే స్టేడియం ప్రాంతంతో పాటు స్టేడియానికి ఎదురుగా ఉన్న రైల్వేకు చెందిన సుమారు ఎకరం భూమిని కలెక్టర్‌ అధికారులతో కలసి పరిశీలించారు. కాజీపేట ప్రధాన రహాదారి పక్కన ఉన్న హైదరాబాద్‌కు వెళ్లే ఆర్టీసీ బస్సులు ఆగే బస్టాండ్‌ను ఆమె పరిశీలించారు. కలెక్టర్‌ వెంట ఆర్టీసీ ఆర్‌ఎం భవానీ ప్రసాద్‌, డిప్యూటీ ఆర్‌ఎం కిషన్‌రావు, డీఎం ధరమ్‌సింగ్‌, కాజీపేట తహసీల్దార్‌ రాజు, కాజీపేట రైల్వే స్టేషన్‌ మేనేజర్‌ అగ్గి రవీందర్‌, ఐఓడబ్ల్యూ శ్రీనివాస్‌ పాల్గొన్నారు.

ఎమ్మెల్యే నాయిని రాజేందర్‌రెడ్డి హన్మకొండ అర్బన్‌: వినాయక చవితి, నిమజ్జన వేడుకలను ప్రశాంత వాతావరణంలో నిర్వహించేందుకు అన్ని శాఖల అధికారులు సమన్వయంతో పకడ్బందీగా ఏర్పాట్లు చేయాలని వరంగల్‌ పశ్చిమ ఎమ్మెల్యే నాయిని రాజేందర్‌రెడ్డి ఆదేశించారు. బుధవారం హనుమకొండ కలెక్టరేట్‌లో కలెక్టర్‌ చాహత్‌ బాజ్‌పాయ్‌తో కలిసి సంబంధిత అధికారులతో నిమజ్జన ఏర్పాట్లపై సమీక్ష నిర్వహించారు. ఈసందర్భంగా ఎమ్మెల్యే రాజేందర్‌రెడ్డి మాట్లాడుతూ.. నిమజ్జనానికి అనువైన చెరువులు, నీటి వనరులను ముందుగానే గుర్తించి అవసరమైన చోట నిమజ్జన పాండ్లు ఏర్పాటు చేయాలని సూచించారు. వినాయక మండపాలకు ఉచిత విద్యుత్‌ సరఫరా చేయాలని, మండపాల వద్ద విద్యుత్‌ వైరింగ్‌ను ముందుగానే తనిఖీ చేసి ప్రమాదాలు జరగకుండా చూడాలని ఆదేశించారు. కలెక్టర్‌ చాహత్‌ బాజ్‌పాయ్‌ మాట్లాడుతూ.. పర్యావరణ పరిరక్షణ కోసం మట్టి విగ్రహాలను ప్రతిష్ఠించేందుకు ప్రజలు ముందుకు రావాలని కోరారు. నీటి లభ్యత తక్కువగా ఉన్న నేపథ్యంలో నిమజ్జన సమయంలో ఇబ్బందులు తలెత్తకుండా తక్కువ ఎత్తు ఉన్న విగ్రహాలను ప్రతిష్ఠించాలని సూచించారు. సమావేశంలో అదనపు కలెక్టర్‌ రవి, రెడ్‌క్రాస్‌ రాష్ట్ర పాలక మండలి సభ్యుడు ఈవీ శ్రీనివాస్‌రావు, జీడబ్ల్యూఎంసీ, పట్టణ ప్రణాళిక, పోలీస్‌, విద్యుత్‌, వైద్య ఆరోగ్య, ట్రాఫిక్‌, రెవెన్యూ అధికారులు పాల్గొన్నారు.

కాజీపేట అర్బన్‌ : వీరనారి చాకలి ఐలమ్మ పోరాటం నేటితరానికి ఆదర్శమని కుడా చైర్‌పర్సన్‌ గుండు సుధారాణి అన్నారు. చాకలి ఐలమ్మ వర్ధంతి సందర్భంగా గురువారం న్యూశాయంపేట జంక్షన్‌లోని ఐలమ్మ విగ్రహానికి వరంగల్‌, హనుమకొండ కలెక్టర్లు డాక్టర్‌ సత్యశారద, చాహత్‌ బాజ్‌పాయ్‌తో కలిసి ఆమె పూలమాల వేసి నివాళులర్పించారు. ఈ సందర్భంగా సుధారాణి మాట్లాడుతూ.. ఐలమ్మ స్ఫూర్తితో సీఎం రేవంత్‌రెడ్డి సారథ్యంలోని రాష్ట్ర ప్రభుత్వం మహిళా సాధికారత, సామాజిక న్యాయం దిశగా అడుగులు వేస్తోందన్నారు. కార్యక్రమంలో అడిషనల్‌ కలెక్టర్లు ఎన్‌.రవి, వైవీ గణేశ్‌, ఎల్‌.కిషోర్‌కుమార్‌, హనుమకొండ తహసీల్దార్‌ రవీందర్‌రెడ్డి, బీసీ సంక్షేమాధికారి పుష్పలత, లక్ష్మణ్‌, మీసాల ప్రకాశ్‌ తదితరులు పాల్గొన్నారు. కుడా చైర్‌పర్సన్‌ గుండు సుధారాణి

ప్రస్తుతం హనుమకొండ జిల్లాలో కొనసాగుతున్న ఓటరు జాబితా ప్రత్యేక సమగ్ర సవరణ (సర్‌) నోటీసులు, వివరణలకు సంబంధించి అనుమానాలను నివృత్తి చేసుకునేందుకు ‘సాక్షి’ నేడు (శుక్రవారం) జిల్లా డిప్యూటీ ఎన్నికల అధి కారి, అదనపు కలెక్టర్‌ ఎన్‌.రవితో ఫోన్‌ ఇన్‌ కార్యక్రమం ఏర్పాటు చేసింది. నోటీసులు అందుకున్న వారు ఏం చేయాలన్న దానిపై నేరుగా జిల్లా డిప్యూటీ ఎన్నికల అధికారితో మాట్లాడి వివరాలు తెలుసుకోవచ్చు. ఎన్‌.రవి, డిప్యూటీ డిస్ట్రిక్ట్‌ ఎలక్షన్‌ ఆఫీసర్‌, జిల్లా అదనపు కలెక్టర్‌ సమయం : నేడు (శుక్రవారం) ఉదయం 11నుంచి మధ్యాహ్నం 12 గంటల వరకు.. ఫోన్‌ చేయాల్సిన నంబరు : 73373 24236

విద్యారణ్యపురి: హనుమకొండ డీఈఓ కార్యాలయంలో ఐదేళ్లకుపైగా రీ డిప్లాయిమెంట్‌ ప్రాతిపదికన అసిస్టెంట్‌ స్టాటిస్టికల్‌ ఆఫీసర్‌గా (ఏఎస్‌ఓ) విధులు నిర్వర్తిస్తున్న మ్యాథ్స్‌ స్కూల్‌ అసిస్టెంట్‌ పీవీ.రాజేశ్వర్‌ను ఈనెల 8న ఏఎస్‌ఓ విధుల నుంచి రిలీవ్‌ చేసినట్లు డీఈఓ ఎల్వీ గిరిరాజ్‌గౌడ్‌ గురువారం తెలిపారు. ఐదేళ్లకుపైగా.. ఏఎస్‌ఓగా సర్వీస్‌ పూర్తి కావడంతో రాజేశ్వర్‌కు గతంలోనే కేటాయించిన జనగామ జిల్లా డీఈఓ కార్యాలయంలో తక్షణమే రిపోర్ట్‌ చేయాల్సిందిగా ఉత్తర్వుల్లో పేర్కొన్నారు. ఈమేరకు రాజేశ్వర్‌ జనగామ డీఈఓ కార్యాలయంలో రిపోర్ట్‌ చేసినట్లు సమాచారం. కంప్యూటర్‌ పరిజ్ఞానం ఉన్న వారికే.. డీఈఓ కార్యాలయంలో కీలక అసిస్టెంట్‌ స్టాటిస్టిక్‌ ఆఫీసర్‌గా విధులు నిర్వర్తించేందుకు మ్యాథ్స్‌ స్కూల్‌ అసిస్టెంట్‌గా ఉండి కంప్యూటర్‌కు సంబంధించిన పూర్తి పరిజ్ఞానం కలిగిన వారినే డిప్యుటేషన్‌పై తీసుకుంటామని డీఈఓ ఎల్వీ గిరిరాజ్‌గౌడ్‌ గురువారం తెలిపారు. అర్హులు హనుమకొండ కలెక్టర్‌ అనుమతితో డిప్యూటేషన్‌పై తీసుకుంటామని తెలిపారు. కాజీపేట అర్బన్‌: నిట్‌ వరంగల్‌ డైరెక్టర్‌ బిద్యాధర్‌ సుబుదీని ఇండియా స్పార్క్‌ సంస్థ ఇండియా స్పార్క్‌ ఫేస్‌ ఆఫ్‌ ఇండియా–26కు ఎంపిక చేసి గురువారం సత్కరించింది. 2023వ సంవత్సరం నుంచి నిట్‌ వరంగల్‌ డైరెక్టర్‌గా, 30 ఏళ్ల నుంచి విద్యా పరిశోధన రంగాల్లో విశిష్ట ప్రతిభ కనబరుస్తున్న నిట్‌ డైరెక్టర్‌ను ఇండియా స్పార్క్‌ ఫేస్‌ ఆఫ్‌ ఇండియా–26కు ఎంపిక చేసినట్లు ఆ సంస్థ సీఈఓ రూపా తంతి తెలిపారు. వరంగల్‌ అర్బన్‌: ‘పుర సేవ పక్కదోవ’ శీర్షికన గురువారం ‘సాక్షి’లో ప్రచురితమైన కథనాన్ని బల్దియా కమిషనర్‌ వెంకన్న సీరియస్‌గా తీసుకున్నారు. సిటిజన్‌ చార్టర్‌ ప్రకారం గడువులోగా పరిష్కారానికి నోచుకోని ఫైళ్లపై వివరణ ఇవ్వాలని డిప్యూటీ కమిషనర్లు, ఇంజనీరింగ్‌ ఎస్‌ఈ, టౌన్‌ స్లానింగ్‌ సీపీని ఆదేశించారు. పౌర సేవలపై నిర్లక్ష్యం వహిస్తే శా ఖాపరమైన చర్యలు తప్పవని హెచ్చరించారు. ఆయా విభాగాల అధికారులు సిబ్బందికి క్లియరెన్స్‌ ఇవ్వాలని ఆదేశించారు. హన్మకొండ: రాష్ట్ర ప్రభుత్వ ఉద్యోగులు, ఉపాధ్యాయులు, పెన్షనర్ల జేఏసీ ఆధ్వర్యంలో గురువారం నిర్వహించాల్సిన ‘చలో హైదరాబాద్‌’ కార్యక్రమాన్ని వాయిదా వేయడంపై ఉద్యోగులు, పెన్షనర్లు తీవ్ర అసంతృప్తి, ఆగ్రహం వ్యక్తం చేస్తున్నట్లు ప్రభుత్వ రిటైర్డ్‌ ఉద్యోగుల సంఘం హనుమకొండ జిల్లా అధ్యక్షుడు కుందూరు గోపాల్‌రెడ్డి అన్నారు. హనుమకొండ రాంనగర్‌లోని అసోసియేషన్‌ జిల్లా కార్యాలయంలో గురువారం అత్యవసర సమావేశం నిర్వహించారు. జేఏసీ నాయకత్వం ప్రభుత్వ ప్రధాన కార్యదర్శితో కుదుర్చుకున్న ఒప్పందంపై సమగ్రంగా చర్చించేందుకు ఈ నెల 15న ఉదయం 11 గంటలకు రాంనగర్‌లోని జిల్లా కార్యాలయ ఆవరణలో జిల్లా విస్తృత స్థాయి సమావేశం నిర్వహించనున్నట్లు తెలిపారు. సమావేశంలో అసోసియేషన్‌ జిల్లా ప్రధాన కార్యదర్శి పిండి కుమారస్వామి, కోశాధికారి పుల్లూరు విద్యాసాగర్‌, ఉపాధ్యక్షుడు నారాయణరావు, కార్యవర్గ సభ్యులు ఎన్‌.సమ్మయ్య, ఎం.వెంకట్‌రెడ్డి, కె.జగదీశ్వర్‌రెడ్డి, శ్రీరాములు, ఎ.సారయ్య, పెద్ది ఆంజనేయులు, తాటికొండ సుధాకర్‌, గట్టు ఉప్పలయ్య పాల్గొన్నారు.

హన్మకొండ: విద్యుత్‌కు రోజురోజుకూ డిమాండ్‌ పెరుగుతోంది. వర్షాకాలంలో వేసవిని మించిపోతోంది. ఎల్‌నినో ప్రభావంతో వాతావరణంలో ఉష్ణోగ్రతలు తగ్గడం లేదు. వర్షాలు కురవకపోవడంతో వాతావరణం చల్లబడలేదు. ఎండలు మండుతుండడంతో ఉక్కపోత పెరిగింది. దీంతో ఉక్కపోతనుంచి ఉపశమనం కోసం విద్యుత్‌ ఉపకరణాలు వినియోగం కొనసాగుతోంది. విద్యుత్‌ వినియోగం గణనీయంగా పెరగడంతో డిమాండ్‌ సైతం పెరిగింది. ఈ డిమాండ్‌ నిలకడగా కాకుండా ప్రతీరోజు పెరుగుతూ రికార్డులు బ్రేక్‌ చేస్తోంది. టీజీ ఎన్పీడీసీఎల్‌లో అధికశాతం వ్యవసాయానికి, గృహ అవసరాలు, వ్యాపార వాణిజ్య అవసరాలు, చిన్న చిన్న పరిశ్రమలకు విద్యుత్‌ వినియోగిస్తారు. ఎన్పీడీసీఎల్‌ పరిధిలో పరిశ్రమలు పెద్దగా లేవు. అయినా విద్యుత్‌ డిమాండ్‌ విపరీతంగా పెరుగుతోంది. వానాకాలంలో ఈ నెల 9న వేసవినిమించి రికార్డు స్థాయిలో 6,948 మెగావాట్ల గరిష్ట డిమాండ్‌ నమోదైంది. అంతకుముందు మార్చి 27న నమోదైన 6,574 మెగావాట్ల డిమాండ్‌ అత్యధికం. దీన్ని బ్రేక్‌ చేస్తూ ఈ నెల 9న రికార్డు స్థాయిలో నమోదైంది. రాష్ట్రంలో గరిష్టంగా 19,543 మెగావాట్ల డిమాండ్‌ నమోదైంది. మార్చిలో అత్యధికంగా నమోదైన 18,548 మెగావాట్ల డిమాండ్‌నుఽ అధిగమించి ఇప్పుడు ఆల్‌టైం రికార్డు నమోదైంది. అదే విధంగా ఈ నెల 4న అత్యధికంగా 88.958 మిలియన్‌ యూనిట్ల విద్యుత్‌ వినియోగం జరిగింది. 5వ తేదీన 83.292 మిలియన్‌ యూనిట్లు, 6న 84.792, 7న 84.441, 8న 88.708, 9న 88.548 మిలియన్‌ యూనిట్లు విద్యుత్‌ను వినియోగించారు. గతేడాది వానాకాలంలో సెప్టెంబర్‌ 8న అత్యధికంగా 80.707 మిలియన్‌ యూనిట్లు విద్యుత్‌ వినియోగించగా, ప్రస్తుత వానాకాలంలో ఈ నెల 4న అత్యధికంగా 88.958 మిలియన్‌ యూనిట్ల విద్యుత్‌ వినియోగం జరిగింది. ముఖం చాటేసిన వర్షాలు ప్రస్తుత వర్షాకాలంలో వర్షాలు ముఖం చాటేశాయి. దీంతో పంటలు పూర్తిగా భూగర్భజలాలపై ఆధారపడి సాగు చేశారు. మోటార్లు వాడుతుండడంతో విద్యుత్‌ వినియోగం పెరిగింది. వరి పంటతో పాటు మెట్ట పంటలకు తడులు ఇస్తున్నారు. టీజీ ఎన్పీడీసీఎల్‌ పరిధిలోని 18 జిల్లాల్లో అన్ని పంటలు కలిపి ఈ వానాకాలంలో 64,26,574 ఎకరాల్లో సాగు చేశారు. గతేడాది యాసంగిలో 68,12,574 ఎకరాల్లో సాగు చేశారు. వ్యవసాయ అవసరాలతో పాటు గృహ, వాణిజ్య, ఇతర విభాగాల్లోను వినియోగం పెరిగింది. దీంతో విద్యుత్‌కు డిమాండ్‌ పెరిగింది. డిమాండ్‌ మేరకు విద్యుత్‌ సరఫరా ఎల్‌నినో ప్రభావం, వర్షాలు కురవకపోవడంతో వ్యవసాయంతోపాటు, ఇతర అవసరాలకు విద్యుత్‌ వినియోగం పెరిగింది. దీంతో గతంలో ఎన్నడూ లేని విధంగా గరిష్ట డిమాండ్‌ నమోదైంది. వినియోగదారుల డిమాండ్‌ మేరకు విద్యుత్‌ సరఫరా చేస్తాం. డిమాండ్‌ ఎంత పెరిగినా ఎదుర్కోవడానికి సంస్థ సిద్ధంగా ఉంది. – కర్నాటి వరుణ్‌రెడ్డి, టీజీ ఎన్పీడీసీఎల్‌ సీఎండీ టీజీ ఎన్పీడీసీఎల్‌లో 6,974 మెగావాట్ల గరిష్ట డిమాండ్‌ రాష్ట్రంలో 19,543 మెగావాట్ల గరిష్ట డిమాండ్‌ నమోదు 4న విద్యుత్‌ వినియోగం 88.958 మిలియన్‌ యూనిట్లు

హన్మకొండ కల్చరల్‌: గణపతి నవరాత్రి ఉత్సవాలను మత సామరస్యంతో, కులాలకు అతీతంగా ధార్మిక నిష్టతో జరుపుకోవాలని హంపీ విద్యారణ్య పీఠాధిపతి గోవిందానంద సరస్వతీస్వామి అన్నారు. బుధవారం రాత్రి హనుమకొండలోని వేయిస్తంభాల ఆలయాన్ని స్వామీజీ సందర్శించి రుద్రేశ్వరస్వామికి మహాస్యాసపూర్వక రుద్రాభిషేకం, పంచామృతాభిషేకం నిర్వహించుకున్నారు. ఈసందర్భంగా ఆలయ ఈఓ అనిల్‌కుమార్‌, ప్రధానార్చకుడు గంగు ఉపేంద్రశర్మ ఆయనను ఆలయ మర్యాదలతో స్వాగతించారు. పూజల అనంతరం ఆలయ మహామండపంలో స్వామీజీకి పండ్లు తాంబూలం అందజేశారు. భక్తులను ఉద్దేశించి స్వామిజీ అనుగ్రహభాషణం చేశారు. స్వామీజీ మాట్లాడుతూ.. వరంగల్‌లోనే చాతుర్మాస దీక్ష నిర్వహిస్తున్నానని, జిల్లాలోని దేవాలయాలను సందర్శించి శిథిలమైన దేవాలయాలను పునర్జీవింపజేసేందుకు ప్రభుత్వానికి నివేదిక అందజేస్తానని పేర్కొన్నారు. హంపీ విద్యారణ్య పీఠాధిపతి గోవిందానంద సరస్వతీస్వామి

కాజీపేట రూరల్‌ : కాజీపేట రైల్వే ఆస్పత్రి అభివృద్ధికి కృషి చేస్తామని దక్షిణ మధ్య రైల్వే ప్రిన్సిపల్‌ ఛీప్‌ మెడికల్‌ డైరెక్టర్‌ (పీసీఎండీ) నిర్మల రాజారాం అన్నారు. గురువారం కాజీపేట రైల్వే ఆస్పత్రిని తనిఖీ చేశారు. అనంతరం ఆస్పత్రిలో ఏర్పాటు చేసిన హెమటాలజీ సెల్‌ కౌంటర్‌ను ప్రారంభించి మాట్లాడారు. ఆస్పత్రిలో రైల్వే కార్మిక కుటుంబాలకు కావాల్సిన మెరుగైన వైద్య సదుపాయాలు, రిటైర్డ్‌ కార్మికుల వైద్య సమస్యలు పరిష్కరించేందుకు కృషి చేస్తామన్నారు. అంతకు ముందు మెడికల్‌ రిలీఫ్‌వ్యాన్‌ రైలు, రైల్వే ఆస్పత్రిని తనిఖీ చేసి నిర్వహణను అభినందిస్తూ చెరో రూ. 5 వేల చొప్పున క్యాష్‌ అవార్డు ప్రకటించినట్లు అధికారులు తెలిపారు. తనిఖీల్లో సికింద్రాబాద్‌ రైల్వే సీఎంఎస్‌ నారాయణస్వామి, కాజీపేట రైల్వే ఆస్పత్రి వైద్యులు నిరంజన్‌రావు, నరేందర్‌ హిర్వాని, యాకూబ్‌, హరిబాబు, తదితరులు పాల్గొన్నారు. కాగా, రైల్వే జేఏసీ కన్వీనర్‌ దేవులపల్లి రాఘవేందర్‌, రైల్వే మజ్దూర్‌ యూనియన్‌ సెక్రటరీ పాక వేదప్రకాశ్‌, చైర్మన్‌ ఎస్‌.కె.జానిమియా, తెలంగాణ రైల్వే పెన్షనర్స్‌ అసోసియేషన్‌ కాజీపేట బ్రాంచ్‌ సెక్రటరీ ఎం.కె.మూర్తి, ఎన్‌ఎఫ్‌ఐఆర్‌ రైల్వే పెన్షనర్స్‌ నాయకులు కృష్ణమూర్తి, సుధాకర్‌రావు ఆధ్వర్యంలో కాజీపేట నుంచి హైదరాబాద్‌లోని రెఫరెల్‌ ఆస్పత్రులకు నేరుగా పంపించేందుకు అనుమతి ఇవ్వాలని ఇతర సమస్యలు పరిష్కరించాలని వేర్వేరుగా పీసీఎండీకి వినతి పత్రాలు అందించారు. రైల్వే పీసీఎండీ నిర్మల రాజారాం

ఖిలా వరంగల్‌: వరంగల్‌ నగరంలోని ఓ ప్రముఖ ఆన్‌లైన్‌ ఫుడ్‌ డెలివరీ కేంద్రంలో కాలం చెల్లిన నిత్యావసర సరుకులు బయటపడటం కలకలం రేపింది. కరీమాబాద్‌ చెందిన నాగరాజు అనే వ్యక్తికి ఆన్‌లైన్‌ డెలివరీలో గడువు ముగిసిన జ్యూస్‌ రావడం.. దానిని తాగి అనారోగ్య గురయ్యాడు. వైద్య చికిత్స అనంతరం ఫుడ్‌సేఫ్టీ అధికారులకు ఫిర్యాదు చేయగా.. గురువారం రాత్రి నగరంలోని ఓ ప్రముఖ డెలివరీ కేంద్రంపై తనిఖీలు చేశారు. నాగరాజుకు పంపిన జ్యూస్‌తోపాటు మరిన్ని గడువు ముగిసిన సరుకులను గుర్తించినట్లు సమాచారం. అధికారులు వాటిని పరిశీలించి వివరాలు నమోదు చేశారు. కాలం చెల్లిన సరుకులను నిల్వ ఉంచడం, ఆన్‌లైన్‌ డెలివరీ చేయడంపై సంబంధిత నిర్వాహకుల మీద చట్టరీత్యా చర్యలకు తీసుకుంటామని ఫుడ్‌సేఫ్టీ ఆధికారి కృష్ణమూర్తి, ఇన్‌స్పెక్టర్‌ మౌనిక తెలిపారు. అదేవిధంగా హనుమకొండలోని పలు హోటళ్లలో కూడా తనిఖీలు చేశారు. పలు హోటళ్ల యజమానులకు నోటీసులు జారీ చేసి ఆహార పదార్థాల శాంపిళ్లను ల్యాబ్‌కు పంపారు. ఫుడ్‌సేఫ్టీ అధికారులు తనిఖీలు ఆన్‌లైన్‌ ఫుడ్‌ డెలివరీ కేంద్రంలో వెలుగులోకి..

హసన్‌పర్తి : ప్రజల భద్రతకు అత్యంత ప్రాధాన్యత ఇస్తూ, నేరాల నియంత్రణకు ముందస్తు చర్యలు చేపట్టాలని వరంగల్‌ పోలీస్‌ కమిషనర్‌ ఎన్‌.శ్వేత అధికారులకు సూచించారు. వరంగల్‌ పోలీస్‌ కమి షనరేట్‌ పరిధిలో నమోదైన నేరాలు, పెండింగ్‌ కేసు ల దర్యాప్తు పురోగతి, నిందితుల అరెస్టులు, సాక్ష్యాధారాల సేకరణ, కోర్టు కేసుల ప్రగతి తదితర అంశాలపై గురువారం కమిషనరేట్‌ కార్యాలయంలో డీసీపీలు, ఏసీపీలు, సంబంధిత పోలీసు అధికారులతో ఆమె సమీక్ష సమావేశం నిర్వహించారు. దీర్ఘకాలంగా పెండింగ్‌లో ఉన్న కేసులను గుర్తించి, వా టి దర్యాప్తు ఏ దశలో ఉందనే అంశంపై అధికారులను అడిగి తెలుసుకున్నారు. ఈ సందర్భంగా సీపీ మాట్లాడుతూ పెండింగ్‌ కేసుల్లో నిందితులు పరారీ లో ఉంటే ఆచూకీ కోసం ప్రత్యేక బృందాలను ఏ ర్పాటు చేసి, అందుబాటులో ఉన్న సాంకేతిక పరి జ్ఞానాన్ని వినియోగిస్తూ త్వరితగతిన అరెస్టు చేయాలని సూచించారు. మహిళలు, చిన్నారులపై నేరా లు, ఆస్తి, సైబర్‌ నేరాల దర్యాప్తును పారదర్శకంగా, చట్టపరమైన నిబంధనలకు అనుగుణంగా నిర్వహించాలన్నారు. ప్రతీ పోలీస్‌ స్టేషన్‌ అధికారి తమ పరిధిలో గణపతి నవరాత్రులు ప్రశాంత వాతావరణం నిర్వహించుకునేలా చర్యలు తీసుకోవాలన్నారు. ఈ సందర్భంగా కమిషనరేట్‌ పరిధిలో మ త్తుపదార్థాల నియంత్రణలో ప్రతిభ కనబరుస్తున్న డ్రగ్‌ కంట్రోల్‌ అధికారులు, సిబ్బందికి ప్రత్యేక అభినందనలు తెలిపి రివార్డులు అందజేశారు. డీసీపీలు అంకిత్‌ కుమార్‌, దార కవిత, రాజమహేంద్ర నాయక్‌, కిషన్‌ సింగ్‌, అదనపు డీసీపీలు ప్రభాకర్‌ రావు, బాలస్వామి, సురేష్‌ కుమార్‌ శ్రీనివాస్‌, పోలీసు అధికారులు పాల్గొన్నారు. వరంగల్‌ పోలీస్‌ కమిషనర్‌ ఎన్‌.శ్వేత

కేయూ క్యాంపస్‌ : కాకతీయ యూనివర్సిటీలో కొనసాగుతున్న వివిధ అభివృద్ధి పనుల్లో నాణ్యత ఉండాలని వీసీ కె. ప్రతాప్‌రెడ్డి అన్నారు. ఈ మేరకు గురువారం రిజిస్ట్రార్‌ వి రామచంద్రం, వివిధ విభాగాల ఆచార్యులతో కలిసి యూనివర్సిటీ క్యాంపస్‌లో పద్మాక్షి మహిళా హాస్టల్‌ భవనంలో నిర్మిస్తున్న డైనింగ్‌ హాల్‌, క్యాంటీన్‌ పక్కన రోడ్డు వద్ద నిర్మిస్తున్న సెంట్రల్‌ ఇన్‌స్ట్రుమెంటేషన్‌సెంటర్‌ భవనం నిర్మాణం, ఇంజనీరింగ్‌ కళాశాల సెమినార్‌హాల్‌, కంప్యూటర్‌ సెంటర్‌ పరిశీలించారు. ఆయా పనులు నాణ్యతతోపాటు త్వరితగతిన పూర్తి చేసి అందుబాటులోకి తీసుకురావాలన్నారు. అలాగే, కెహబ్‌లో కొనసాగుతున్న పనుల పురోగతిని పరిశీలించి పలు సూచనలు చేశారు. రూసానోడల్‌ అధికారి ఆర్‌. మల్లికార్జున్‌రెడ్డి, పూర్వ అభివృద్ధి అఽధికారి ఎన్‌.వాసుదేవరెడ్డి, అభివృద్ధి అధికారి వై. వెంకయ్య, యూనివర్సిటీ ఇంజనీర్‌ శంకరయ్య, పరీక్షల నియంత్రణాధికారి కె. రాజేందర్‌, హాస్టళ్ల డైరెక్టర్‌ పి. శ్రీనివాస్‌, కేయూ అవెన్యూప్లాంటేషన్‌ ఇన్‌చార్జ్‌ బి. వెంకటగోపినాథ్‌, ఇంజనీరింగ్‌ కళాశాల ప్రిన్సిపాల్‌ రమణ, పబ్లికేషన్‌ సెల్‌ విభాగం అసిస్టెంట్‌ రిజిస్ట్రార్‌ నర్సింహాచారి తదితరులు పాల్గొన్నారు. కేయూ వీసీ కె. ప్రతాప్‌రెడ్డి

ఖిలా వరంగల్‌: వరంగల్‌ ఆరెపల్లి శివా రు ములుగు రోడ్డుపై అగ్రికల్చర్‌ క ళాశాల సమీపంలో ఈనెల 8న తెల్ల వారు జామున జరిగిన రోడ్డు ప్రమాదంలో ఓ వ్యక్తి దుర్మరణం చెందాడు. ఈ ఘటన గురువారం ఆలస్యంగా వెలుగులోకి వచ్చింది. బాధితురాలు, పోలీసుల కథనం ప్రకారం.. మహబూబాబాద్‌ జిల్లా నెల్లికుదురు మండలం నల్లగుట్ట తండాకు చెందిన వాంకుడోతు అశోక్‌ (25) ఫొటోగ్రాఫర్‌గా పనిచేస్తున్నాడు. అశోక్‌, సోనియా దంపతులు హనుమకొండలోని జులైవాడలో నివాసం ఉంటున్నారు. ఈ క్రమంలో ఈనెల 7న ఫొటో షూట్‌ ఉందని చెప్పిన అశోక్‌.. తన స్నేహితుడు సోహెల్‌ అంబులెన్స్‌లో వెళ్లి తిరిగి రాత్రి ఇంటికి రాలేదు. ఉదయం సోనియా భర్త అశోక్‌కు ఫోన్‌ చేస్తే స్విచ్ఛాఫ్‌ వచ్చింది. దీంతో భర్త కనిపించడం లేదని 8వ తేదీన సోనియా సుబేదారి పోలీస్‌ స్టేషన్‌లో ఫిర్యాదు చేయగా.. కేసు నమోదు చేసి దర్యాప్తు చేస్తున్నారు. ఈక్రమంలో గురువారం ఉదయం ఆరెపల్లి గ్రామ శివారు అగ్రికల్చర్‌ కళాశాల సమీపాన బైక్‌ పడిపోయి ఉండగా.. ఓ యువకుడు మృతి చెంది ఉన్నాడని సోనియాకు ఓ వ్యక్తి కాల్‌ చేసి చెప్పాడు. దీంతో ఆమె వెంటనే ఘటనాస్థలికి చేరుకుని భర్త అశోక్‌ మృతదేహంగా గుర్తించింది. ఫొటో షూట్‌కు వెళ్లి తిరిగి బైక్‌పై వస్తున్న క్రమంలో రోడ్డు పక్కన గ్రానెట్‌ను ఢీకొని మృతి చెందినట్లు రోదిస్తూ తెలిపింది. ఈ ఘటనపై మృతుడి భార్య సోనియా ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఏనుమాముల ఇన్‌స్పెక్టర్‌ జవ్వాజి సురేశ్‌ తెలిపారు. చికిత్స పొందుతున్న హోంగార్డు మృతి మామునూరు: వరంగల్‌ – ఖమ్మం జాతీ య రహదారిపై టీజీఎస్పీ నాలుగో బెటా లియన్‌ వద్ద రోడ్డు దాటుతున్న నాలుగో బెటాలియన్‌ హోంగార్డు వరంగల్‌ జిల్లా వర్ధన్నపేట మండలం చెన్నారానికి చెందిన గట్టి కొప్పుల సుధాకర్‌ (56)ను కా రు ఢీకొంది. దీంతో అతనికి తీవ్ర గాయాలు కాగా, ఎంజీఎంలో చికిత్స పొందుతూ గురువారం మృతిచెందాడు. మృతుడికి భార్య మంగమ్మ, ము గ్గురు కుమార్తెలు ఉన్నారు. భార్య ఫిర్యాదు మేరకు కేసు న మోదు చేసి దర్యాప్తు చేస్తున్నట్లు ఇన్‌స్పెక్టర్‌ శ్రీనివాస్‌ తెలిపారు. రోడ్డు పక్కన మృతదేహం ఆలస్యంగా గుర్తింపు సుబేదారి పోలీస్‌ స్టేషన్‌లో మిస్సింగ్‌ కేసు నమోదు

● అదనపు కలెక్టర్‌ రవి హన్మకొండ అర్బన్‌: ఎస్‌ఐఆర్‌ ప్రక్రియలో నో మ్యాపింగ్‌, అనామలీస్‌ జాబితాలో ఉండి నోటీసులు అందుకున్న ఓటర్లు నోటీసులో పేర్కొన్న తేదీ, సమయంలో విచారణ కేంద్రానికి హాజరై ఎన్నికల సంఘం సూచించిన ధ్రువీకరణ పత్రాలను సమర్పించాలని హనుమకొండ అదనపు కలెక్టర్‌ రవి కోరారు. కలెక్టరేట్‌లో గురువారం రాజకీయ పార్టీల ప్రతినిధులతో ఎస్‌ఐఆర్‌ ప్రక్రియపై సమావేశం ని ర్వహించారు. ఈసందర్భంగా రవి మాట్లాడుతూ.. క్లెయిమ్స్‌, అభ్యంతరాల స్వీకరణ గడువును ఈనెల 16 నుంచి అక్టోబర్‌ 7 వరకు, వాటి విచారణ గడువును అక్టోబర్‌ 15 నుంచి నవంబర్‌ 5 వరకు ఎన్నికల సంఘం పొడిగించిందన్నారు. తుది ఓటర్ల జాబితాను నవంబర్‌ 9న ప్రకటించనున్నట్లు తెలి పారు. పరకాల, వరంగల్‌ పశ్చి మ నియోజకవర్గా ల ఈఆర్‌ఓలు డీఎస్‌ వెంకన్న, వెంకటేశ్‌, హనుమకొండ ఏఈఆర్‌ఓ రవీందర్‌రెడ్డి, ఎన్నికల విభాగం సూపరింటెండెంట్‌ జగత్‌సింగ్‌ పాల్గొన్నారు.

జనగామ రూరల్‌: చెల్లుబాటయ్యే డ్రగ్‌ లైసెన్స్‌ లే కుండా ఔషధాలను నిల్వ చేసి విక్రయిస్తున్న అ ర్హత లేని గ్రామీణ వైద్యుడి(ఆర్‌ఎంపీ)పై గురువారం క్రిమినల్‌ కేసు నమోదు చేసినట్లు జిల్లా ఔషధ నియంత్రణ శాఖ అధికారి బాలకృష్ణ తెలిపారు. జనగామ మండలం ఎర్రగొల్లపహాడ్‌లో నిర్వహించిన తనిఖీల్లో విక్రయానికి నిల్వ ఉంచిన 40 రకాల ఔషధాలను అధికారులు స్వాధీనం చేసుకున్నారు. వీటి అంచనా విలువ రూ.2,1 0,540గా ఉంటుందని వెల్లడించారు. డ్రగ్‌ ఇన్‌స్పెపెక్టర్‌ తెలిపిన వివరాలు ఇలా ఉన్నాయి. విశ్వసనీయ సమాచారం మేరకు వరంగల్‌ జోనన్‌్‌ సహాయ సంచాలకులు రాజ్యలక్ష్మి పర్యవేక్షణలో జనగామ, భూపాలపల్లి జిల్లాల డ్రగ్‌ ఇన్‌స్పెక్టర్లు ఏలె బాలకృష్ణ, పి.పావని సహకారంతో గ్రామానికి చెందిన ఆర్‌ఎంపీ పన్నీరు రమేశ్‌ ఇంట్లో తనిఖీ నిర్వహించారు. ఇందులో చెల్లుబాటయ్యే డ్రగ్‌ లైసెన్స్‌ లేకున్నా నిల్వ చేసిన 40 రకాల మందులు స్వాధీనం చేసుకున్నారు. వీటిలో యాంటీ బయోటిక్స్‌, స్టెరాయిడ్స్‌, రక్తపోటు నియంత్రణ మందులు, ఇతర ఔషధాలు, యాంటీ అల్సర్‌ మందులు, దగ్గు సిరప్‌లు, నొప్పి నివారణ మం దులు తదితర ఔషధాలు ఉన్నట్లు అధికారులు తెలిపారు. అనంతరం రమేశ్‌పై క్రిమినల్‌ కేసు నమోదు చేసినట్లు వివరించారు. తెలిపారు. లైసెన్స్‌ లేకుండా ఔషధాలు నిల్వ చేయడం, విక్రయించడం చట్టవిరుద్ధమని అధికారులు స్పష్టం చేశారు. రూ.2.10 లక్షల విలువైన మందులు స్వాధీనం అర్హత లేని గ్రామీణ వైద్యుడిపై కేసు

హన్మకొండ చౌరస్తా: బంగారం తాకట్టులో ఉందని నకిలీ పత్రం సృష్టించి గోల్డ్‌ ఫైనాన్స్‌ కంపెనీని మోసం చేసిన నిందితులను గురువారం హనుమకొండ పోలీసులు అరెస్ట్‌ చేశారు. ఇన్‌స్పెక్టర్‌ మచ్చ శివకుమార్‌ తెలిపిన వివరాలు ఇలా ఉన్నాయి. హనుమకొండ కొత్తూరుజెండా ప్రాంతానికి చెందిన ఏలిమి సంతోష్‌ హనుమకొండ మిషనరీ ఆస్పత్రి పక్కన ఎటుజెడ్‌ కాంప్లెక్స్‌లో శ్రీమాన్‌ కోఆపరేటివ్‌ క్రెడిట్‌ యూనియన్‌ చైర్మన్‌గా కొనసాగుతున్నాడు. ములుగుకు చెందిన వడ్డేపల్లి రంజిత్‌ ఆన్‌లైన్‌ బెట్టింగ్‌లతో ఆర్థికంగా నష్టపోయాడు. వీరద్దరి మధ్య పరిచయం ఏర్పడింది. ఇద్దరు కలిసి సుమారు 640 గ్రాముల బంగారం శ్రీమాన్‌ కోఆపరేటివ్‌ క్రెడిట్‌ యూనియన్‌లో తాకట్టులో ఉన్నట్లు చూపిస్తూ నకిలీ రసీదు తయారు చేసి నమ్మించారు. అయితే బంగారాన్ని ప్రత్యక్షంగా పరిశీలించకుండానే గోల్డ్‌ ఫైనాన్స్‌ కంపెనీ ప్రతినిధి తన బ్యాంకు నుంచి ఆర్‌టీజీఎస్‌ ద్వారా రూ.59.30 లక్షలు శ్రీమాన్‌ కోఆపరేటివ్‌ క్రెడిట్‌ యూనియన్‌ ఖాతాకు బదిలీ చేశారు. అనంతరం నకిలీ తాకట్టు పత్రమని తెలుసుకున్న గోల్డ్‌ కంపెనీ ప్రతినిధులు పోలీసులకు చెబుతామని హెచ్చరించారు. దీంతో నిందితులు ఖాతాలోని నగదును ఇతర అవసరాలకు మళ్లించారు. దీనిపై బాధితుల ఫిర్యాదు మేరకు మేరకు కేసు నమోదు చేసి నిందితులను అరెస్ట్‌ చేసి వారి వద్ద నుంచి మొబైల్‌ ఫోన్లు, ప్లెడ్జ్‌(తాకట్టు) కాపీని స్వాధీనం చేసుకున్నట్లు ఇన్‌స్పెక్టర్‌ వెల్లడించారు. అంతేకాకుండా ఈ మోసంలో ఇంకెవరికై నా ప్రమేయం ఉందా, ఇదే తరహాలో ఇతర గోల్డ్‌ ఫైనానన్స్‌ సంస్థలను మోసం చేశారా అనే కోణాల్లో కూడా విచారణ చేస్తున్నట్లు తెలిపారు. ఇద్దరు నిందితుల అరెస్ట్‌ వివరాలు వెల్లడించిన పోలీసులు

న్యూశాయంపేట: ఇండియన్‌ రెడ్‌క్రాస్‌ వరంగల్‌ జిల్లా సొసైటీ ఎన్నికల ఓటర్ల జాబితాను కలెక్టరేట్‌, జిల్లా పరిషత్‌ కార్యాలయం, డీఎంహెచ్‌ఓ కార్యాలయంలోని రెడ్‌క్రాస్‌ సొసైటీ కార్యాలయం, నర్సంపేట ఆర్డీఓ కార్యాలయం అందుబాటులో ఉంచినట్లు ఎన్నికల అధికారి, జిల్లా సహకార అధికారి నీరజ ఒక ప్రకటనలో తెలిపారు. ఏమైనా అభ్యంతరాలు, సవరణలు, చేర్పులు ఉంటే ఈనెల 15లోగా సమర్పించాలని ఆమె పేర్కొన్నారు. ముందుకు కదలని సర్‌ప్లస్‌ టీచర్ల జాబితా? ● కలెక్టరేట్‌లోనే మూలుగుతున్న ఫైల్‌ కాళోజీ సెంటర్‌: వరంగల్‌ జిల్లాలోని ప్రభుత్వ పాఠశాలల్లో మిగులు (సర్‌ప్లస్‌) టీచర్ల జాబితా ఫైల్‌ కలెక్టరేట్‌లో ముందుకు కదలడం లేదు. జిల్లాలో మూతపడిన 129 పాఠశాలల ఉపాధ్యాయులను సర్దుబాటు చేయడానికి డీఈఓ ఇటీవల మండల విద్యాశాఖ అధికారులతో సమావేశం నిర్వహించారు. సర్‌ప్లస్‌ టీచర్ల వివరాలు ఇవ్వాలని ఆదేశాలు ఇవ్వగా.. ఎంఈఓలు మిగులు ఉపాధ్యాయులను గుర్తించి డీఈఓకు నివేదిక అందజేశారు. డీఈఓ జాబితా ఫైల్‌ను కలెక్టర్‌ అనుమతి కోసం పంపగా ఇప్పటి వరకు ఆఫైల్‌ క్లియర్‌ కాలేదు. దీంతో విద్యార్థులు ఎక్కువగా ఉన్న పాఠశాలల్లో విద్యాబోధన కుంటుపడుతోందనే విమర్శలు వినిపిస్తున్నాయి. విద్యాశాఖ, పంచాయతీరాజ్‌ , డీఆర్‌డీఓ, మహిళా శిశు సంక్షేమ శాఖకు సంబంధించిన ప్రతి ఫైల్‌ను అదనపు కలెక్టర్‌ (లో కల్‌ బాడీ) పర్యవేక్షణలో తనకు పంపించాలని కలెక్టర్‌ ఇటీవల ఉత్తర్వులు జారీ చేశారు. అయినప్పటికీ ఫైల్‌ ఆలస్యమవుతోందని పలువురు చర్చించుకుంటున్నారు. దీనిపై జిల్లా విద్యాశాఖ అధికారులను వివరణ కోరేందుకు ప్రయత్నించగా అందుబాటులోకి రాలేదు. ప్రాణం తీసిన చేపల వేట.. ● కుంటలో పడి యువకుడి మృతి కాజీపేట అర్బన్‌ : చేపల వేట ఓ యువకుడి ప్రాణం తీసింది. ప్రమాదవశాత్తు కుంటలో పడి మృతి చెందాడు. ఈ ఘటన గురువారం కాజీపేట మండలం అమ్మవారిపేట కుంట వద్ద చోటు చేసుకుంది. మృతుడి తల్లి రోండ్ల రమ కథనం ప్రకారం.. కడిపికొండకు చెందిన రోండ్ల రమ కుమారుడు వెంకటేష్‌రెడ్డి(26) కూలీ చేసుకుంటూ జీవనం కొనసాగిస్తూ తరచూ చేపలు పట్టేవాడు. రోజు మాదిరిగానే ఈనెల 8వ తేదీన కూలీకి వెళ్లాడు. అదే రోజు రాత్రి 9 గంటలకు ఫోన్‌ చేయగా ఇంటికి వస్తున్నట్లు తెలిపి రాలేదు. ఉదయం వరకు వేచి ఉండి ఫోన్‌ చేయగా స్విచ్చాఫ్‌ వచ్చింది. ఆచూకీ కోసం తిరుగుతుండగా గురువారం రమ బంధువు శ్రీనివాస్‌రెడ్డి వచ్చి వెంకటేష్‌రెడ్డి బైక్‌ అమ్మవారిపేట కుంట వద్ద ఉందని తెలిపాడు. దీంతో తల్లి రమ అక్కడి వెళ్లి చూడగా వెంకటేష్‌రెడ్డి కుంటలో పడి చనిపోయాడు. చేపలు పట్టేందుకు వెళ్లి ప్రమాదవశాత్తు చనిపోయి ఉంటాడని, తమకు ఎవరిపై అనుమానం లేదని తెలిపింది. ఈ ఘటనపై మడికొండ పోలీసులు కేసు నమోదు చేసుకుని దర్యాప్తు చేస్తున్నారు. జీవించి సాదిద్దాం● డీఎంహెచ్‌ఓ అప్పయ్య హన్మకొండ అర్బన్‌: కష్టాలెన్ని ఉన్నా జీవించి సాధిద్దామని హనుమకొండ డీఎంహెచ్‌ఓ అప్పయ్య తెలిపారు. ప్రపంచ ఆత్మహత్యల నివారణ దినోత్సవం సందర్భంగా గురువారం సిద్దాపూర్‌ జెడ్పీహెచ్‌ఎస్‌లో ఆత్మహత్యల నివారణ, మానసిక ఆరోగ్యంపై అవగాహన కార్యక్రమం నిర్వహించారు. ఈసందర్భంగా డీఎంహెచ్‌ఓ అప్పయ్య మాట్లాడుతూ.. విద్యార్థులు చదువుతోపాటు హోంవర్క్‌ను అదే రోజు పూర్తి చేయాలని కోరారు. ఎవరైనా ఒంటరిగా ఉండడం, తమలో తాము మాట్లాడుకోవడం, మానసికంగా ఇబ్బందులు ఎదుర్కొంటున్నట్లు గుర్తిస్తే తల్లిదండ్రులు, ఉపాధ్యాయులతో సమస్యలను పంచుకోవాలని సూచించారు. మానసిక ఆరోగ్య సమస్యలపై 14416, 104 టోల్‌ఫ్రీ నంబర్లను సంప్రదించాలని కోరారు. అసంక్రమిత వ్యాధుల కార్యక్రమ అధికారి డాక్టర్‌ మురళి, పీహెచ్‌సీ వైద్యాధికారి డాక్టర్‌ శ్రీపాల్‌, ఆరోగ్య సిబ్బంది పాల్గొన్నారు.

నయీంనగర్‌: అద్దె డబ్బులు ఇవ్వడం లేదని హోటల్‌ భవన యజమాని తిట్టి తాళం వేయడంతో అవమానం భరించలేక లింగాల కేదారి దంపతులు ఆత్మహత్య చేసుకున్నట్టు పోలీసులు తెలిపారు. లింగాల కేదారి కొడుకు పృథ్వీ ఫిర్యాదు మేరకు బిల్డింగ్‌ యజమాని కుమారుడు రాముపై కేసు నమోదు చేసినట్టు సుబేదారి పోలీసులు గురువారం తెలిపారు. హనుమకొండ నక్కలగుట్టలోని అదాలత్‌ జంక్షన్‌ వద్ద అద్దె భవనంలో లింగాల కేదారి దంపతులు కొన్నేళ్లుగా తమ పేరుమీద హోటల్‌ నడుపుతున్నారు. అనివార్య కారణాలతో అద్దె చెల్లించడం లేదు. దీంతో భవన యజమాని కుమారుడు బుధవారం హోటల్‌ వద్దకు వచ్చి కిరాయి ఎందుకు ఇవ్వడం లేదని దూషించి తాళం వేశాడు. దీనిని అవమానంగా భావించిన లింగాల కేదారి దంపతులు సాయంత్రం హోటల్‌లోకి వెళ్లి తాళం తీసి లోనికి వెళ్లి ఒంటిపై పెట్రోల్‌ పోసుకొని నిప్పంటించుకున్నారు. లింగాల కేదారి అక్కడికక్కడే చనిపోగా, భార్య పుష్పలతకు తీవ్రగాయాలు కాగా, ఎంజీఎం ఆస్పత్రికి తరలించారు. చికిత్స పొందుతూ గురువారం ఉదయం చనిపోయినట్టు వైద్యులు ప్రకటించారు.కాగా, ఎంతోమందికి ఉచితంగా అన్నం పెట్టిన లింగాల కేదారి మరణవార్త విని అంతిమయాత్రకు ఉమ్మడి వరంగల్‌ జిల్లా నుంచి అభిమానులు పెద్దసంఖ్యలో తరలివచ్చారు. నగరంలో చదువుకునేందుకు వచ్చిన సమయంలో అతి తక్కువ ధరకు భోజనం పెట్టేవాడని, ఇప్పుడు ప్రభుత్వ ఉద్యోగులుగా పనిచేస్తున్నామని కన్నీరు పెట్టుకున్నారు. లింగాల కేదారి దంపతులకు మాజీ ఎమ్మెల్యే దాస్యం వినయ్‌భాస్కర్‌ నివాళులరి్పంచారు.దంపతుల అనుమానాస్పద మృతిపురుగుల మందు తాగి భార్య...రైలుకు ఎదురెళ్లి భర్త మృతి తండ్రి కళ్లముందే కొడుకు బలవన్మరణం ఇరువురి మధ్య గొడవలే కారణంసికింద్రాబాద్‌/అడ్డగుట్ట: పెళ్లై పదహారు నెలలు... రాఖీ పండుగకు సొంత ఊరికి వెళ్లి పది రోజుల కిందటే తిరిగి నగరానికి వచ్చారు. అంతలోనే ఏమైందో తెలియదు. దంపతులిద్దరూ ఆత్మహత్యకు పాల్పడ్డారు. భార్య ఇంట్లో పురుగుల మందు తాగి మృతి చెందగా... భర్త రైలుకిందపడి ఆత్మహత్య చేసుకున్న ఘటనలు తార్నాక విజయపురి కాలనీలో విషాదాన్ని నింపాయి. సికింద్రాబాద్‌ జీఆర్‌పీ ఇన్‌స్పెక్టర్‌ సాయీశ్వర్‌గౌడ్, లాలాగూడ ఇన్‌స్పెక్టర్‌ రవి కిరణ్‌లు తెలిపిన వివరాల ప్రకారం... కర్ణాటక రాష్ట్రం గుల్బర్గా జిల్లా అఫ్జల్‌పూర్‌ గ్రామానికి చెందిన శరణప్ప (28) ఉపాధి కోసం కొద్ది కాలం క్రితం నగరానికి వచ్చి తార్నాక విజయపురి కాలనీలోని ఓ ఇంట్లో భార్య లక్ష్మి, తల్లిదండ్రులతో కలిసి అద్దెకు ఉంటున్నాడు. శరణప్ప నాచారంలోని ఒక హోటల్‌లో పనిచేస్తూ కుటుంబాన్ని పోషించేవాడు. గురువారం ఉదయం శరణప్ప తండ్రి ధర్మన్న మంగ ఇద్దరూ కలిసి లాలాపేట విజయ డెయిరీ సమీపంలో టీ తాగేందుకు వెళ్లారు. అనంతరం, అక్కడి నుంచి శరణప్ప పనికి వెళ్తున్నానని తన తండ్రికి చెప్పి పట్టాల మార్గం గుండా నాచారం వైపు వెళ్తుండగా ఖర్చుల నిమిత్తం తనకు యాభై రూపాయలు కావాలని తండ్రి శరణప్ప అతడి వెనుకనే వెళ్లాడు. ఈ క్రమంలో మౌలాలి రైల్వే స్టేషన్‌ అప్‌లైన్‌ ప్రాంతంలో వేగంగా వస్తున్న రైలుకు ఎదురెళ్లి శరణప్ప ఆత్మహత్య చేసుకున్నాడు. కళ్ల ముందే కొడుకు ఆత్మహత్య చేసుకోవడంతో శోకసంద్రంలో మునిగిపోయాడు. సమాచారం అందుకున్న జీఆర్పీ పోలీసులు ఘటనా స్థలానికి చేరుకొని మృతుడి వద్ద గల ఆధార్‌ కార్డు ఆధారంగా వివరాలు గుర్తించారు. ఇంట్లో భార్య ఆత్మహత్యకేసు నమోదు చేసుకున్న జీఆర్పీ పోలీసులు విచారణ సాగించగా మరో ఆత్మహత్య ఘటన వెలుగుచూసింది. శరణప్పకు 16 నెలల క్రితం సొంత జిల్లాకు చెందిన లక్ష్మి (24)తో వివాహం జరిగింది.అప్పటి నుంచి వీరిద్దరిమధ్య ఆర్థిక సమస్యలు, కుటుంబపరమైన గొడవలు ఉన్నట్లు పోలీసులకు బంధువుల ద్వారా సమాచారం అందింది. ఇటీవల రాఖీ పండుగ కోసం దంపతులిద్దరూ కర్ణాటక వెళ్లి పది రోజుల క్రితమే నగరానికి వచ్చారు. ఆ తర్వాత కూడా నిత్యం గొడవలు జరుగుతుండేవని తెలిసింది. ఇదిలా ఉండగా బుధవారం రాత్రి లక్ష్మి పురుగుల మందు తాగి నిద్రపోయినట్లు పోలీసులు భావిస్తున్నారు. ఉదయం శరణప్ప నిద్రలేచేసరికి విగతజీవిగా పడిఉన్న భార్య లక్ష్మి మృతదేహాన్ని గుర్తించి ఉంటాడని, భార్య మరణంతో మనస్తాపం చెంది ఆత్మహత్యకు పాల్పడి ఉంటాడని పోలీసులు భావిస్తున్నారు. కేసులు నమోదు చేసుకున్న జీఆర్‌పీ, లాలాగూడ పోలీసులు ఇరువురి మృతదేహాలను గాం«దీమార్చురీకి తరలించి దర్యాప్తు చేస్తున్నారు.

● వరంగల్‌ ఎంపీ కడియం కావ్యహన్మకొండ కల్చరల్‌: మహాగణపతి నవరాత్రి మ హోత్సవాలను ఘనంగా నిర్వహించుకోవాలని వరంగల్‌ ఎంపీ కడియం కావ్య అన్నారు. రుద్రేశ్వరస్వామి ఆలయంలో ఈ నెల సెప్టెంబర్‌ 14వ తేదీ సోమవారం నుంచి 23వ తేదీ బుధవారం వరకు జరుగనున్న ఉత్తిష్ట గణపతి నవరాత్రి మహోత్సవాలను పురస్కరించుకుని బుధవారం ఆలయంలో జరిగిన సమావేశంలో ఎంపీ కావ్య పాల్గొని ఆల య ఈఓ అనిల్‌కుమార్‌, ప్రధానార్చకుడు గంగు ఉపేంద్రశర్మలతో కలిసి ఉత్సవాల కరపత్రాన్ని ఆవిష్కరించారు. ఈ సందర్భంగా ఎంపీ కావ్య మా ట్లాడుతూ వేయిస్తంభాల ఆలయ అభివృద్ధికి కేంద్ర పురావస్తుశాఖ అధికారులను, మంత్రులను ఒప్పించి నిధులు మంజూరయ్యేలా కృషి చేశానన్నారు. కాగా, బుధవారం మాసశివరాత్రిని పుస్కరించుకుని ఆలయ ప్రధానార్చకుడు గంగు ఉపేంద్రశర్మ ఆధ్వర్యంలో అర్చకులు ఉదయం రుద్రేశ్వరస్వామి వారికి లఘన్యాసపూర్వక ఏకాదశ రుద్రాభిషేకం నిర్వహించి ఆలయ నాట్య మండపంలో రుద్రేశ్వరీరుద్రేశ్వరస్వామికి మాసకల్యాణోత్సవం నిర్వహించారు. దేవాలయ ఈఓ అనిల్‌కుమార్‌ పాల్గొన్నారు.

గీసుకొండ : ఎయిడ్స్‌ నియంత్రణకు సంబంధిత శాఖల అధికారులు, వైద్య సిబ్బంది, స్వచ్ఛంద సంస్థలు సమన్వయంతో పనిచేయాలని వరంగల్‌ జిల్లా వైద్యారోగ్యశాఖ అధికారి బి. రాజారెడ్డి సూచించారు. బుధవారం డీఎంహెచ్‌ఓ కార్యాలయంలో ఉమ్మడి వరంగల్‌ జిల్లా సమీక్ష సమావేశం నిర్వహించారు. ఈ సందర్భంగా డీఎంహెచ్‌ఓ మాట్లాడుతూ ఐసీటీసీ సిబ్బంది మరింత చురుగ్గా పనిచేసి హెచ్‌ఐవీ స్క్రీనింగ్‌ శాతాన్ని పెంచాలని ఆదేశించారు. జిల్లాకు చెందిన హెచ్‌ఐవీ కేసులు ఇతర ప్రాంతాల్లో నమోదుకాకుండా గుర్తించి ఇక్కడే వైద్య సేవలు అందేలా చూడాలన్నారు. ఎన్‌జీఓలు ప్రజల్లో ఎయిడ్స్‌పై అవగాహన కల్పించేందుకు విస్తృతంగా ఐఈసీ కార్యక్రమాలు నిర్వహించాలని కోరారు. హెచ్‌ఐవీ నిర్ధారణ అయిన వ్యక్తుల వివరాలు గోప్యంగా ఉంచాలని, వారికి అవసరమైన కౌన్సెలింగ్‌, చికిత్సను ఏఆర్‌టీ కేంద్రాల ద్వారా నిరంతరం అందించాలని సూచించారు. హనుమకొండ జిల్లా ప్రోగ్రాం అధికారి మధన్‌ మోహన్‌ రావు, డీపీఎం స్వప్న మాధురి, డేటా మేనేజర్‌ కమలాకర్‌, డిప్యూటీ డెమో ఎస్‌. వెంకటేశ్వర్లు, వివిధ ఎన్‌జీఓల ప్రతినిధులు, ఐసీటీసీ, ఏఆర్‌టీ సిబ్బంది, వైద్య సిబ్బంది పాల్గొన్నారు. వరంగల్‌ డీఎంహెచ్‌ఓ రాజారెడ్డి

● కేయూ వీసీ ప్రతాప్‌రెడ్డికేయూ క్యాంపస్‌: ప్రజాకవి కాళోజీ.. ప్రజాగొంతుకని, అన్యాయాన్ని ప్రశ్నించిన ఆయన కలం నేటి తరానికి కూడా స్ఫూర్తి అని కాకతీయ యూనివర్సిటీ వీసీ కె. ప్రతాప్‌రెడ్డి అన్నారు. బుధవారం కేయూ పరిపాలన భవనం ప్రాంగణంలో నిర్వహించిన కాళోజీ నారాయణ రావు జయంతి సభలో ఆయన పాల్గొని మాట్లాడారు. కాళోజీ వ్యక్తి కాదని, ప్రజాశక్తి అన్నారు. సామాజిక చైతన్యం రగిలించారన్నారు. కాళోజీ ఆలోచనలు, సిద్ధాంతాలు కేవలం తెలంగాణలోని ఓరుగల్లు ప్రాంతానికే పరిమితం కాలేదని, ఆయన రచనలు ప్రజల వాణిగా నిలిచా యని కొనియాడారు. తెలంగాణ రాష్ట్ర సాధ న ఉద్యమానికి కాళోజీ రచనలు, ఆలోచనలు స్ఫూర్తినిచ్చాయన్నారు. తొలుత కాళోజీ నారాయణ రావు చిత్రపటానికి పూలమాలలువేసి నివాళులర్పించారు. కార్యక్రమంలో ఓఎస్‌డీ బి. వెంకట్రాంరెడ్డి, కేయూ పాలకమండలి సభ్యులు బి. సురేశ్‌లాల్‌, డాక్టర్‌ చిర్రరాజు, ఆచార్యులు పి. మల్లారెడ్డి, జి. హ నుమంతు, డాక్టర్‌ సోమయ్య, డాక్టర్‌ సదాశి వ్‌, డాక్టర్‌ మామిడి లింగయ్య పాల్గొన్నారు.

ఐఎఫ్‌ఏటీ సదస్సులో జీడబ్ల్యూఎంసీ కమిషనర్‌ వెంకన్న వరంగల్‌ అర్బన్‌: ముంబైలోని ‘బాంబే ఎగ్జిబిషన్‌ సెంటర్‌’లో జరుగుతున్న 13వ ఐఎఫ్‌ఏటీ ఇండియా–26 సదస్సులో గ్రేటర్‌ వరంగల్‌ మున్సిపల్‌ కార్పొరేషన్‌ కమిషనర్‌ టి.వెంకన్న బుధవారం పాల్గొన్నారు. తెలంగాణ మున్సిపల్‌ అడ్మినిస్ట్రేషన్‌ శాఖ ఆధ్వర్యంలోని ప్రతినిధి బృందంలో పాల్గొన్న కమిషనర్‌ పట్టణ నీటి నిర్వహణ, మురుగునీటి శుద్ధి, ఘన వ్యర్థాల నిర్వహణ, రీసైక్లింగ్‌, బయోగ్యాస్‌, ఈ–వేస్ట్‌ తదితర రంగాల్లో ఆధునిక సాంకేతికతలు, వినూత్న విధానాలు పరిశీలించారు. అంతర్జాతీయ స్థాయిలో అమలవుతున్న ఉత్తమ పద్ధతులను అధ్యయనం చేసి, వాటిని వరంగల్‌ నగర అవసరాలకు అనుగుణంగా వినియోగించడం ద్వారా పరిశుభ్రమైన, పచ్చదనంతో కూడిన, పర్యావరణహిత వరంగల్‌ నిర్మాణానికి మరింత ఊతమివ్వనున్నట్లు కమిషనర్‌ తెలిపారు. సాంకేతిక పరిజ్ఞానం, నిపుణుల సూచనలు, జ్ఞాన మార్పిడి కార్యక్రమాలు నగర పారిశుద్ధ్యం, వ్యర్థాల నిర్వహణను మరింత సమర్థవంతంగా తీర్చిదిద్దేందుకు దోహదపడనున్నాయని కమిషనర్‌ పేర్కొన్నారు.

కలెక్టర్‌, సొసైటీ అధ్యక్షురాలు సత్యశారద న్యూశాయంపేట: వరంగల్‌ జిల్లా రెడ్‌క్రాస్‌ సొసైటీ ఎన్నికలు పారదర్శకంగా నిర్వహించాలని కలెక్టర్‌, సొసైటీ అధ్యక్షురాలు సత్యశారద అన్నారు. ఎన్నికల నిర్వహణపై బుధవారం కలెక్టరేట్‌లో సమావేశం నిర్వహించారు. ఎన్నికల ప్రక్రియను సజావుగా నిర్వహించేందుకు ఎన్నికల పర్యవేక్షకుడిగా అదనపు కలెక్టర్‌ వై.వీ.గణేశ్‌ను, ఎన్నికల అధికారిగా జిల్లా సహకార అధికారి నీరజను నియమించినట్లు తెలిపారు. ఈసందర్భంగా డ్రాఫ్ట్‌ ఓటర్ల జాబితాను కలెక్టర్‌ విడుదల చేశారు. జాబితాను కలెక్టరేట్‌, జెడ్పీ కార్యాలయాల్లో ప్రదర్శించినట్లు తెలిపారు. జాబితాపై అభ్యంతరాలు, చేర్పులు, సవరణలకు నిర్ణీత గడువులోగా దరఖాస్తులు సమర్పించాలని కలెక్టర్‌ కోరారు. ఈనెల 14 వరకు జాబితా ప్రదర్శన, అభ్యంతరాల స్వీకరణ జరుగుతుంది. అక్టోబర్‌ 4న ఎన్నికలు నిర్వహించి, అదే రోజు ఫలితాలు ప్రకటిస్తారు. పర్యాటకాభివృద్ధికి ప్రత్యేక కార్యాచరణ పర్యాటకాభివృద్ధికి మూడేళ్ల ప్రత్యేక కార్యాచరణ రూపొందించాలని రాష్ట్ర పర్యాటక శాఖ ప్రత్యేక ముఖ్య కార్యదర్శి ఏ.వాణి ప్రసాద్‌ అన్నారు. బుధవారం పర్యాటక అభివృద్ధి, జ్ఞాన భారతం మిషన్‌పై కలెక్టర్లతో వీడియో కాన్ఫరెన్స్‌ నిర్వహించారు. ఈనెల 27న ప్రపంచ పర్యాటక దినోత్సవాన్ని ప్రతి జిల్లాలోని ముఖ్యమైన పర్యాటక ప్రాంతాల్లో నిర్వహించాలని తెలిపారు. ఆయా సమావేశాల్లో అదనపు కలెక్టర్‌ వై.వీ.గణేష్‌, డీఆర్‌ఓ విజయలక్ష్మి, రెడ్‌ క్రాస్‌ సొసైటీ పాలక మండలి సభ్యుడు ఈ.వీ.శ్రీనివాస్‌, డీసీఓ నీరజ, అసిస్టెంట్‌ లేబర్‌ ఆఫీసర్‌ భార్గవ్‌, ఉపాధి కల్పనాధికారి సాత్విక, ఏడీ ఆర్కియాలజీ గంగా పాల్గొన్నారు.