Vizianagaram

విజయనగరం: విజయనగరం మున్సిపల్‌ కార్పొరేషన్‌ అభివృద్ధే తన అజెండా అని, నగర ప్రజలంతా తమ బిడ్డగా ఆశీర్వదించి త్వరలో జరగనున్న ఎన్నికల్లో ఫ్యాన్‌ గుర్తుకు ఓటేసి మేయర్‌ అభ్యర్థిగా గెలిపించాలని మాజీ డిప్యూటీ మేయర్, వైఎస్సార్‌సీపీ రాష్ట్ర మహిళా విభాగం ప్రధాన కార్యదర్శి కోలగట్ల శ్రావణి అభ్యర్థించారు. ప్రస్తుత కార్పొరేషన్‌ ఎన్నికల్లో ప్రతి ఒక్క ఓటరుకు రెండు ఓట్లు ఉంటాయని, ఒక ఓటు మేయర్‌ అభ్యర్థిగా తనకు, మరో ఓటు స్థానిక కార్పొరేటర్‌ అభ్యర్థిగా వైఎస్సార్‌సీపీ తరఫున పోటీ చేసే అభ్యర్థికి ఫ్యాన్‌ గుర్తుపై వేసి అత్యధిక మెజార్టీతో గెలిపించాలని విజ్ఞప్తి చేశారు. విజయనగరం మున్సిపల్‌ కార్పొరేషన్‌ మేయర్‌ అభ్యర్థిగా వైఎస్సార్‌సీపీ తరఫున ఆమె శుక్రవారం నామినేషన్‌ దాఖలు చేశారు. అంతకుముందు మాజీ డిప్యూటీ స్పీకర్‌ కోలగట్ల నివాసంలో వేదపండితుల ఆశీర్వచనాలు అందుకున్నారు. అనంతరం తల్లిదండ్రులు కోలగట్ల వీరభద్రస్వామి, వెంకటరమణి, భర్త జి.ఈశ్వర్‌కౌశిక్, వందలాదిమంది పార్టీ శ్రేణులతో కలిసి మేళతాళాలతో మున్సిపల్‌ కార్యాలయానికి చేరుకుని అక్కడి అధికారులకు నామినేషన్‌ పత్రాలను దాఖలు చేశారు. అనంతరం స్థానిక విలేకరుతో ఆమె మాట్లాడుతూ మాజీ ముఖ్యమంత్రి వై.ఎస్‌.జగన్‌మోహన్‌రెడ్డి, శాసనమండలి విపక్షనేత బొత్స సత్యనారాయణ, మాజీ డిప్యూటీ స్పీకర్‌ కోలగట్ల వీరభద్రస్వామి ఆశీస్సులతో విజయనగరం మున్సిపల్‌ కార్పొరేషన్‌ మేయర్‌ అభ్యర్థిగా వైఎస్సార్‌సీపీ తరఫున నామినేషన్‌ దాఖలు చేసినట్టు తెలిపారు. తన 10 ఏళ్ల రాజకీయ జీవితం మొత్తం విజయనగరం ప్రజలతో మమేకమై గడిపానన్నారు. తాను పుట్టినప్పటి నుంచి విజయనగరమే తన ప్రపంచమని చెప్పారు. వై.ఎస్‌.జగన్‌మోహన్‌రెడ్డి ఆశీస్సులతో విజయనగరం మున్సిపల్‌ కార్పొరేషన్‌కు మొట్టమొదటి సారిగా జరిగిన ఎన్నికల్లో విజయం సాధించి డిప్యూటీ మేయర్‌గా సేవలందించానని గుర్తు చేశారు. తనకు విజయనగరం కార్పొరేషన్‌పై పూర్తి స్థాయిలో అవగాహన ఉందని, ప్రతి రోజు వందలాది మందితో మమేకమై వారి కష్టసుఖాల తెలుసుకుంటూ స్థానిక సమస్యల పరిష్కారానికి కృషి చేసినట్టు తెలిపారు. గడిచిన వైఎస్సార్‌సీపీ పాలకవర్గంలో నగరాన్ని అన్ని రంగాల్లో అభివృద్ధి చేశామన్నారు. పార్కులు, వాటర్‌ ట్యాంక్‌లు, పాఠశాలల ఆధునీకరణ, రోడ్ల విస్తరణ, ప్రధాన కూడళ్ల అభివృద్ధి, తదితర కార్యక్రమాలు చేపట్టి విజయనగరం ప్రజలు తలెత్తుకునేలా అభివృద్ధి కార్యక్రమాలు చేసిన విషయం ప్రజలందరికీ తెలిసిందేనన్నారు. యువత రాజకీయాల్లో రావాలన్నదే తమ అభిమతమని, యువ నాయకత్వం తలచుకుంటే ఏం సాధిస్తారో చేసి చూపిస్తానని తెలిపారు. మేయర్, మున్సిపల్‌ చైర్మన్‌ అభ్యర్థులను గెలిపిద్దాం మున్సిపల్‌ ఎన్నికల్లో విజయనగరం మేయర్‌ పీఠంతో పాటు మిగిలిన మున్సిపాలిటీలు, నగర పంచాయతీలను వైఎస్సార్‌సీపీ దక్కించుకుని మాజీ ముఖ్యమంత్రి వైఎస్‌ జగన్‌మోహన్‌రెడ్డికి కానుకగా ఇస్తామని మాజీ ఎంపీ, వైఎస్సార్‌సీపీ జిల్లా అధ్యక్షుడు బెల్లాన చంద్రశేఖర్‌ అన్నారు. మున్సిపల్‌ ఎన్నికల నేపథ్యంలో రాష్ట్రంలో మొదటి అభ్యర్థినిగా వైఎస్సార్‌సీపీ తరఫున కోలగట్ల శ్రావణి పేరును జగన్‌మోహన్‌రెడ్డి ప్రకటించారన్నారు. అభివృద్ధి ప్రస్థానంలో పూర్తి స్థాయి అవగాహన కలిగి, రాజకీయాల్లో చురుకుగా ఉండే కోలగట్ల శ్రావణిని గెలిపించాలన్నారు. కార్యక్రమంలో ఎమ్మెల్సీ డాక్టర్‌ పెనుమత్స సురేష్‌బాబు, పార్టీ నగర అధ్యక్షుడు ఆశపు వేణు, మాజీ ఫ్లోర్‌ లీడర్‌ శెట్టివీరవెంకట రాజేష్, తదితరులు పాల్గొన్నారు.

బొండపల్లి: కూటమి ప్రభుత్వం ఇచ్చిన హమీలను ఒక్కటి కూడా అమలు చేయక, తర్వలో జరగనున్న స్థానిక సంస్థల ఎన్నికల్లో ప్రజలను మాయ మాటలతో మభ్య పెట్టనున్న విషయాలను గ్రామగ్రామాన విస్తృతంగా ప్రచారం చేయాలని శాసన మండలి విపక్షనేత బొత్స సత్యనారాయణ, మాజీ ఎమ్మెల్యే, వైఎస్సార్‌సీపీ గజపతినగరం నియోజకవర్గం ఇన్‌చార్జ్‌ బొత్స అప్పలనరసయ్యలు అన్నారు. ఈ మేరకు బొండపల్లి మండలంలోని కొత్త పాలెం గ్రామానికి చెందిన టీడీపీ సీనియర్‌ నాయకుడు, మాజీ వైస్‌ ఎంపీపీ బొడ్డు రాముతో పాటు గ్రామ మాజీతాజా సర్పంచ్‌ బొడ్డు సత్యవతి, మరో వంద కుటుంబాల వారు జిల్లా కేంద్రంలోని బొత్స అప్పలనరసయ్య క్యాంపు కార్యాలయంలో శుక్రవారం టీడీపీని వీడి వైఎస్సార్‌సీపీలో చేరారు. వారికి బొత్స అప్పలనరసయ్య పార్టీ కండువాలు కప్పి సాదరంగా పార్టీలోకి ఆహ్వానించారు. ఈ సందర్భంగా పార్టీలో చేరిన వారు మాట్లాడుతూ గత ప్రభుత్వ హయాంలో జరిగిన అభివృద్ధి తప్ప నియోజకవర్గానికి ఈ కూటమి ప్రభుత్వంలో చేసిన అభివృద్ధి శూన్యమన్నారు. కార్యక్రమంలో వైఎస్సార్‌సీపీ యువ నాయకుడు బొత్స సాయిగురునాయుడు, పార్టీ రాష్ట్ర కార్యవర్గ సభ్యుడు బీవీ ప్రభూజీరాజు, మాజీ ఎంపీపీ చల్లా చలం నాయుడు, పార్టీ మండల అధ్యక్షుడు బొద్దల చిన్నం నాయుడు నాయకులు మహంతి రమణ, కర్రోతు శ్రీనివాసరావు, సాలాపు పెంటం నాయుడు, మంత్రి గోవింద, పల్లి రఘు, వేమలి వెంకటరావు, బోడసింగి జగదీశ్వర్రావు, సిరిపురం నాయుడుబాబు తదితరులు పాల్గొన్నారు.వైఎస్సార్‌సీపీలో పలువురి చేరిక రామభద్రపురం: మండలంలోని కొండకెంగువ గ్రామపంచాయతీ రెండవ వార్డుకు చెందిన తాజా మాజీ వార్డు మెంబర్లు కర్రి దాలినానాయుడు, పెదపల్లి సీతారాంల తో పాటు పలు కుటుంబాలు గురువారం మాజీ ఎమ్మెల్యే శంబంగి వెంకట చినఅప్పలనాయుడు, మాజీ ఎంపీపీ చొక్కాపు లక్ష్మణరావు, వైఎస్సార్‌సీపీ మహిళా విభాగం జిల్లా ఉపాధ్యక్షురాలు అప్పికొండ నిర్మల సమక్షంలో వైఎస్సార్‌సీపీలో చేరారు. ఈ సందర్భంగా మాజీ ఎమ్మెల్యే శంబంగి వారికి పార్టీ కండువాలు వేసి ఆహ్వానించారు. కార్యక్రమంలో గ్రామ సీనియర్‌ నాయుకుడు బెవర ప్రసాదరావు, మాజీ ఎంపీటీసీ కంచుపల్లి రాము తదితరులు పాల్గొన్నారు.స్థానిక సమరానికి వైఎస్సార్‌సీపీ సన్నద్ధం పార్వతీపురం రూరల్‌: స్థానిక సంస్థల ఎన్నికల్లో విజయబావుటా ఎగురవేసే లక్ష్యంతో పార్వతీపురం వైఎస్‌స్రా్‌సీపీ శ్రేణులు కదనోత్సాహంతో సన్నద్ధమవుతున్నాయి. పురపాలక ఎన్నికల సమరానికి సన్నద్ధమవుతూ శుక్రవారం పలువురు నాయకులు మాజీ శాసనసభ్యుడు అలజంగి జోగారావు సమక్షంలో పార్టీ కండువా కప్పుకున్నారు. ఎన్నికల క్షేత్రంలో నాయకులు, కార్యకర్తలు సమన్వయంతో అడుగులేసి, ఉమ్మడి కృషితో పార్టీ విజయానికి అహర్నిశలు శ్రమించాలని ఈ సందర్భంగా జోగారావు శ్రేణులకు దిశానిర్దేశం చేశారు. స్థానిక క్యాంపు కార్యాలయంలో జరిగిన ఈ కార్యక్రమంలో..టీడీపీ నుంచి 20వ వార్డుకు చెందిన నాగిరెడ్డి ధనుంజయ్‌, రాధ, అలాగే 31వ వార్డు నుంచి సారిక సుధాకరరావు (భవాని) పార్టీలో చేరారు. వారికి పార్టీ కండువాలు కప్పి సాదరంగా ఆహ్వానించిన మాజీ ఎమ్మెల్యే, వారినే ఆయా వార్డుల వైఎస్సార్‌సీపీ అభ్యర్థులుగా అధికారికంగా ప్రకటించారు. అందరూ కలిసికట్టుగా కదిలి ప్రజాక్షేత్రంలో అభ్యర్థుల గెలుపునకు బాటలు వేయాలని ఆయన పిలుపునిచ్చారు. కార్యక్రమంలో పార్టీ జిల్లా ఎస్సీ సెల్‌ అధ్యక్షుడు సర్వీశెట్టి శ్రీనివాసరావు, జిల్లా యువజన విభాగం ఉపాధ్యక్షుడు గాడు శంకరరావు, సీనియర్‌ నాయకులు నిమ్మకాయల సుందరరావు, బొంగు సురేష్‌, రాధ, ధర్మవరపు గురుమూర్తితో పాటు పలువురు కార్యకర్తలు పాల్గొన్నారు.వైఎస్సార్‌సీపీలో 17 కుటుంబాలు చేరిక గుర్ల: స్థానిక ఎన్నికల్లో వైఎస్సార్‌సీపీ అభ్యర్థులు గెలుపునకు ప్రతి ఒక్కరూ కృషి చేయాలని శాసన మండలి ప్రతిపక్ష నేత, ఎమ్మెల్సీ బొత్స సత్యనారాయణ సూచించారు. ఈ మేరకు గుర్ల మండలంలోని సొలిపిసోమరాజు పేటకు చెందిన 17 కుటుంబాల వారు గంటాన ప్రవీణ్‌, గంటాన గోవింద్‌, గంటాన వంశీ, గిడిజాల రాజయ్య, గొడ్డు సాయి, బూర రాజు, టొంపల శివ, గిడిజాల రాంబాబు, బండి సుగుణకుమార్‌, గిడిజాల అప్పలరాజు, గిడిజాల వర ప్రసాద్‌, గిడిజాల పైడిరాజు, గిడిజాల రాజారావు, గిడిజాల వంశీ, గంటాన శంకర్‌లకు ఎమ్మెల్సీ బొత్స సత్యనారాయణ వైఎస్సార్‌సీపీ కండువాలు వేసి పార్టీలోకి ఆహ్వనించారు. గరివిడి క్యాంపు కార్యాలయంలో గుర్ల మండల నాయకులతో శుక్రవారం ఆయన సమావేశమైన సందర్భంగా పార్టీలో చేరికలు జరిగాయి. కార్యక్రమంలో వైఎస్సార్‌సీపీ రాష్ట్ర కార్యదర్శి కేవీ సూర్యనారాయణ రాజు, పార్టీ మండల అధ్యక్షుడు పొట్నూరు సన్యాసినాయుడు, మాజీ జెడ్పీటీసీ శీర అప్పలనాయుడు, వైఎస్సార్‌సీపీ నాయకులు వరదా ఈశ్వరరావు, బెల్లాన బంగారునాయుడు, జమ్ము స్వామినాయుడు, తోట తిరుపతిరావు పాల్గొన్నారు. శాసనమండలి విపక్షనేత బొత్స సత్యనారాయణ, మాజీ ఎమ్మెల్యే అప్పలనరసయ్య టీడీపీని వీడి వైఎస్సార్‌సీపీలో చేరిన మాజీ వైస్‌ ఎంపీపీ రాము, 100 కుటుంబాల వారు

విజయనగరం: జిల్లా పరిధిలోని మున్సిపాలిటీలు, కార్పొరేషన్‌లో రాజకీయ వేడి పెరుగుతోంది. నామినేషన్ల స్వీకరణకు మరో రెండు రోజులు సమయం మాత్రమే ఉంది. చైర్‌పర్సన్‌ అభ్యర్థుల నుంచి కార్పొరేటర్లు, కౌన్సిలర్ల వరకు అందరి గుండెల్లోనూ రైళ్లు పరిగెడుతున్నాయి. సమయం తక్కువగా ఉండడం, అధికారిక లాంఛనాలు పూర్తి కావాల్సి ఉండడంతో ఉత్కంఠగా మారింది. ముహూర్తం బాగుండాలని.. పార్టీల నుంచి ఆశీస్సులు లేదా అనధికారికంగా అభ్యర్థిత్వంపై స్పష్టత లభించిన వారు..ఇప్పటికే తమ హడావుడిని మొదలుపెట్టేశారు. సరిగ్గా మూడు రోజులే గడువు ఉండడంతో నామినేషన్‌ దాఖలుకు ’మంచి ముహూర్తం’, శుభ ఘడియల కోసం జ్యోతిష్యులను ఆశ్రయిస్తున్నారు. నిమిషం ఆలస్యమైనా కలిసొచ్చే అదష్టం చేజారిపోతుందనే నమ్మకంతో గడియారపు ముళ్లతో పోటీపడుతున్నారు. అన్నింటినీ సిద్ధం చేసుకుంటూ.. టికెట్‌ ఖరారైన వారితో పాటు..ఇంకా స్పష్టత రాని ఆశావహులు ముందస్తు జాగ్రత్త చర్యల్లో భాగంగా అన్నీ సిద్ధం చేసుకుంటున్నారు. చివరి నిమిషంలో అధిష్ఠానం కరుణిస్తే..క్షణం ఆలస్యం చేయకుండా నామినేషన్‌ దాఖలు చేసేందుకు సిద్ధంగా ఉంటున్నారు. ఈ క్రమంలో సెంటిమెంట్లు తెరపైకి వచ్చాయి. స్థానిక ప్రముఖ దేవాలయాలు, ప్రసిద్ధ పుణ్యక్షేత్రాల్లో ప్రత్యేక పూజలు, అభిషేకాలు నిర్వహిస్తున్నారు. కొందరు తమ ఇష్టదైవాలను దర్శించుకుని, కొబ్బరికాయలు కొట్టి నామినేషన్‌ పత్రాలపై సంతకాలకు సిద్ధమవుతున్నారు. మరికొందరు కుటుంబసభ్యుల సమక్షంలో సెంటిమెంట్‌ రంగుల దుస్తులు ధరించి..నామినేషన్‌ కేంద్రాల బాట పట్టేందుకు సన్నద్ధమవుతు న్నారు. పత్రాల వేటలో పరుగులు అభ్యర్థిత్వాలపై ఒకవైపు ఉత్కంఠ కొనసాగుతుంటే..మరోవైపు ‘నో డ్యూస్‌’ సర్టిఫికెట్లు, కుల, ఆదాయ ధ్రువీకరణ పత్రాలు, నామినేషన్‌ సెట్లు సిద్ధం చేసుకోవడం అభ్యర్థులకు కత్తి మీద సాములా మారింది. వ్యవధి తక్కువగా ఉండడంతో ప్రభుత్వ కార్యాలయాల చుట్టూ తిరుగుతూ.. ధ్రువీకరణ పత్రాలు సమకూర్చుకునేందుకు పరుగులు పెడుతున్నారు. రెండు రోజులు ఎలా ఉంటాయో..? మున్సిపల్‌ పీఠాలను కై వసం చేసుకునేందుకు రాజకీయ పార్టీలు వ్యూహాలకు పదును పెడుతుంటే.. క్షేత్రస్థాయిలో అభ్యర్థులు మాత్రం ముహూర్తాలు, సెంటిమెంట్ల నడుమ ఉత్కంఠ పోరును ఎదుర్కొంటున్నారు. రానున్న రెండు రోజులు పురపాలక రాజకీయం ఎలాంటి అనూహ్య పరిణామాలకు తెరలేస్తుందోనని సర్వత్రా ఆసక్తి నెలకొంది. ఇవి తెలుసుకోండి.. నగరపాలక సంస్థలో మేయర్‌, కార్పొరేటర్‌ పదవులకు పోటీ చేసేవారు ఫారం–8లో నామినేషన్‌ సమర్పించాలి. పురపాలికల్లో చైర్మన్‌, కౌన్సిలర్‌ అభ్యర్థులు ఫారం–1 ఉపయోగించాలి. నామినేషన్‌ పత్రాలను ఎన్నికల అధికారి కార్యాలయం నుంచి ఉచితంగా పొందవచ్చు. అభ్యర్థులకు కనీసం 21 ఏళ్లు నిండి ఉండాలి. ● అభ్యర్థి పేరు, తండ్రి లేదా భర్త పేరు, వయసు, చిరునామా, సామాజికవర్గం, ఓటరు జాబితాలో పేరు ఉన్న వార్డు, క్రమసంఖ్య వివరాలు నమోదు చేయాలి. ● మేయర్‌, కార్పొరేటర్‌ అభ్యర్థులు జనరల్‌ అయితే రూ.5 వేలు, ఎస్సీ, ఎస్టీ, బీసీ వర్గాలకు చెందినవారైతే రూ.2,500, మున్సిపల్‌ చైర్మన్‌, కౌన్సిలర్‌ అభ్యర్థులు జనరల్‌ అయితే రూ.3 వేలు, ఎస్సీ, ఎస్టీ, బీసీలకు రూ.1500 డిపాజిట్‌ చెల్లించాలి. ● ఒక అభ్యర్థి ఒకే పదవికి గరిష్టంగా 4 నామినేషన్‌ పత్రాలు సమర్పించే అవకాశం ఉంది. ఏదైనా పత్రంలో లోపం ఉన్నప్పటికీ మరో పత్రం నిబంధనలకు అనుగుణంగా ఉంటే సరిపోతుంది. అభ్యర్ధుల్లో తీరని గుబులు నామినేషన్‌లు వేసేందుకు సన్నాహాలు మంచి ముహూర్తం కోసం పండితుల చుట్టూ ప్రదక్షిణ అవసరమైన పత్రాల కోసం వెతకులాట

లక్కవరపుకోట: తప్పుడు ఫిర్యాదులతో వేధింపులు తాళలేక మనస్తాపానికి గురై తల్లి అనారోగ్యంతో మృతి చెందగా, ఆ బాధను తట్టుకోలేకపోయిన కుమారుడు ఉరివేసుకుని ప్రాణ ం తీసుకున్నాడు ఈ ఘటన విజయనగరం జిల్లా లక్కవరపుకోట మండలం కళ్లేపల్లి గ్రామంలో శుక్రవారం జరిగింది. కేవలం 25 రోజుల వ్యవధిలో తల్లీకొడుకులు పాలిక దేముడమ్మ(46), సురేష్‌(27) మృతి చెందడంతో గ్రామంలో విషాదం అలుముకుంది. తల్లీకొడుకులపై తప్పుడు ఫిర్యాదులు చేసి పోలీస్‌స్టేషన్‌కు రప్పించి వేదనకు గురిచేసిన మహిళపై బాధిత కుటుంబం ఎల్‌.కోట పోలీసులకు ఫిర్యాదు చేసింది. ఈ ఘటనకు సంబందించి ఎస్సై జె.రామకృష్ణ, బాధిత కుటుంబ సభ్యులు తెలిపిన వివరాలిలా ఉన్నాయి. కళ్లేపల్లి గ్రామానికి చెందిన పాలిక సురేష్‌ ఆటో నడుపుకుంటూ తల్లిదండ్రుల వద్ద ఉంటూ జీవనం సాగిస్తున్నాడు. ఈ క్రమంలో విశాఖపట్నానికి చెందిన భర్తకు దూరంగా 12 సంవత్సరాల బాలుడితో ఉంటున్న ఓ వివాహితతో సురేష్‌కు పరిచయం ఏర్పడింది. ఈ విషయం ఆమె ఇంట్లో తెలియడంతో వారిద్దరికీ ఓ గుడిలో పెళ్లి చేశారు. అప్పటి నుంచి వారిద్దరూ కొన్నాళ్లు విశాఖపట్నంలో.. మరి కొన్నాళ్లు కళ్లేపల్లి గ్రామంలో ఉండేవారు. ఈ నేపథ్యంలో కొద్ది రోజుల తరువాత తనకు భర్తతో విడాకులు తీసుకుందని మాయమాటలు చెప్పి బలవంతంగా గుడిలో పెళ్లి చేశారంటూ సురేష్‌ ఆమెకు దూరంగా ఉండడం మొదలు పెట్టాడు. ఈ క్రమంలో ఆమె గత నెల 17వ తేదీన విశాఖపట్నం నాలుగవ పట్టణ పోలీస్‌స్టేషన్‌లో సురేష్‌తో పాటు కుటుంబ సభ్యులపై ఫిర్యాదు చేసింది. ఈ మేరకు పోలీసులు సురేష్‌ కుటుంబాన్ని పోలీస్‌స్టేషన్‌కు పిలిచి విచారణ చేశారు. అనంతరం కౌన్సెలింగ్‌ చేసి ఇంటికి పంపించేశారు. ఈ ఘటనతో మనస్తాపానికి లోనై ఆరోగ్యం క్షీణించిన సురేష్‌ తల్లి దేముడమ్మ గతనెల 22వ తేదీన మృతి చెందింది. మరోమారు సదరు మహిళ ఈ నెల 14న అదే పోలీస్‌స్టేషన్‌లో ఫిర్యాదు చేయడంతో సురేష్‌ తండ్రి పాలిక సత్యనారాయణ, ఆయన ఇద్దరు కుమార్తెలు, ఇద్దరు అల్లుళ్లను పోలీస్‌ స్టేషన్‌కు రావాలని పోలీసులు ఫోన్‌ చేశారు. దీంతో సురేష్‌ మినహా అందరూ వెళ్లారు. సురేష్‌ పోలీస్‌స్టేషన్‌కు రాకపోవడంతో 15వ తేదీకి మళ్లీ రావాలని పోలీసులు సూచించారు. తల్లి మరణించి కర్మకాండలు పూర్తి కాలేదు. గ్రామ పొలిమేర దాటకూడదన్న ఉద్దేశంతో సురేష్‌ పోలీస్‌స్టేషన్‌కు హాజరు కాలేదు. సురేష్‌ రావాల్సిందేనని పోలీసులు పట్టుపట్టడంతో చేసేది లేక గ్రామంలో ఉన్న తన సొంత ఇంటిలో గురువారం రాత్రి ఫ్యాన్‌కు ఉరి వేసుకుని ఆత్మహత్యకు పాల్పడ్డాడు. దీంతో కుటుంబ సభ్యులు ఎల్‌.కోట పోలీసులకు ఫిర్యాదు చేయగా శవ పంచనామా నిర్వహించి మృతదేహాన్ని ఎస్‌.కోట సీహెచ్‌సీకి తరలించారు. మృతుడి తండ్రి సత్యనారాయణ ఇచ్చిన ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఎస్సై జె.రామకృష్ణ తెలిపారు. పోలీసుల వేధింపులకు ఓ కుటుంబం బలి! 25 రోజుల వ్యవధిలో తల్లీకొడుకుల మృతి మనస్తాపంతో ఆరోగ్యం క్షీణించి తల్లిమృతి ఉరివేసుకుని కుమారుడి ఆత్మహత్య తప్పుడు ఫిర్యాదుల వేధిపులే కారణమంటూ పోలీసులకు ఫిర్యాదు

రాజాం: మండలంలోని కంచరాం జిల్లా పరిషత్‌ ఉన్నత పాఠశాలకు చెందిన పలువురు విద్యార్థులు రాష్ట్ర స్థాయి స్కూల్‌ గేమ్స్‌ఫెడరేషన్‌ పోటీల్లో సత్తా చాటారు. ఈనెల 10 నుంచి 13 వరకు పల్నాడు జిల్లా కారంపూడిలో ఈ పోటీలు జరగ్గా, అండర్‌–17 విభాగంలో 46 కిలోల ప్రీస్టైల్‌ రెజ్లింగ్‌ పోటీల్లో ఎస్‌.అపర్ణ రాష్ట్ర స్థాయిలో ద్వితీయ స్థానాన్ని సాధించి, కాంస్యపతకం గెలవగా, ఇదే పోటీల్లో కె.లావణ్య 65 కిలోల ప్రీస్టైల్‌ విభాగంలో రాష్ట్రస్థాయిలో తృతీయస్థానాన్ని దక్కించుకుని రజతపతకం సాధించిందని పీడీ దుర్గారావు తెలిపారు. ఈ సందర్భంగా విద్యార్థులను హెచ్‌ఎం వై.గౌరునాయుడు, పాఠశాల కార్యదర్శి, ఏపీటీఎఫ్‌ జిల్లా అధ్యక్షులు మజ్జి మదన్‌మోహన్‌, పీడీ తాలాడ దుర్గారావు, ఉపాధ్యాయులు పి.వేణుగోపాలరావు, వై.భాస్కరరావు, ఎం.కిషోర్‌, లెంక శ్రీనివాసరావు, బి.మహేష్‌, ఎం.గౌరీశంకర్‌, అరుణ, టి.అనూరాధ, పి.కోటేశ్వరరావు, మంజుల, సుమలత, ముత్యాలమ్మ, సుభాషిణి, లక్ష్మి, పీఈటీ బి.నారాయణనాయుడు తదితరులు శుక్రవారం అభినందించారు.

విజయనగరం ఫోర్ట్‌: పట్టణంలోని ఆర్‌అండ్‌బీ రైతు బజార్‌లో ఎన్నికల కోడ్‌ ఉన్నప్పటికీ సీఎం,మంత్రులతో కూడిన ఫ్లెక్సీలు ఏర్పాటు చేశారనే అంశంపై శుక్రవారం రైతు బజార్‌లో ఎన్నికల కోడ్‌ ఉల్లంఘన అనే శీర్షికన ప్రచురించిన కథనానికి రైతు బజార్‌ అధికారులు స్పందించారు. ఫ్లెక్సీలను, బియ్యం బస్తాలపై ఉన్న సీఎం, మంత్రుల ఫొటోలను తొలగించారు. బోలెరో వ్యాన్‌ డ్రైవర్‌ అరెస్టుబొండపల్లి: మండలంలోని నెలివాడ జంక్షన్‌ వద్ద జాతీయ రహదారి26పై జరిగిన రోడ్డు ప్రమాదంలో ద్విచక్ర వాహనదారు తీవ్రంగా గాయపడడానికి కారణమైన బొలెరో వ్యాన్‌ డ్రైవర్‌ను అరెస్టు చేసి రిమాండ్‌కు పంపించినట్లు ఎస్సై యు.మహేష్‌ తెలిపారు. సీతానగరం మండలంలోని లక్ష్మీపురం గ్రామానికి చెందిన గొర్లె శంకర్రావు ఈనెల 14న విజయనగరం నుంచి ద్విచక్ర వాహనంపై సీతానగరం వైపు వెళ్తుండగా ఎదురుగా వస్తున్న బొలెరో వ్యాన్‌ ఢీకొట్టింది. దీంతో గాయపడిన వ్యక్తి ఫిర్యాదు చేయడంతో కేసు నమోదు చేసి దర్యాప్తు నిర్వహించి నిందితుడిని కోర్టులో శుక్రవారం హాజరు పరిచినట్లు తెలిపారు. విద్యుత్‌ షాక్‌తో యువకుడి మృతికొత్తవలస: మండలంలోని దేవాడ గ్రామంలో ఒక ఇంటి శ్లాబ్‌ పనులకు సంబంధించి రాడ్‌బెండింగ్‌ పనులు నిర్వహిస్తున్న సమయంలో విద్యుత్‌ షాక్‌కు గురై జామి మండలం జి.సింగవరం గ్రామానికి చెందిన మద్దిల రమణ (33) శుక్రవారం మృతిచెందాడు. ఈ ఘటనకు సంబంధించి సీఐ విజయకుమార్‌ తెలిపిన వివరాలిలా ఉన్నాయి. రమణ రాడ్‌బెడింగ్‌ పనులను నిర్వహిస్తూ కుటుంబాన్ని పోషించుకుంటున్నాడు.ఈ క్రమంలో దేవాడ గ్రామంలో ఒక ఇంటికి శ్లాబ్‌ పనులకు సంబంధించి రాడ్‌బెండింగ్‌ పనులు నిర్వహిస్తుండగా రాడ్‌ కట్‌ చేసే మిషన్‌ హ్యాండిల్‌కు విద్యుత్‌ సరఫరా కావడంతో తీవ్ర షాక్‌కు గురయాడు. దీంతో స్థానికులు చెంతనే గల వియ్యంపేట పీహెచ్‌సీకి తరలించారు. అక్కడి నుంచి మెరుగైన వైద్యం కోసం కొత్తవలసలో ఓ ప్రైవేట్‌ ఆసుపత్రికి తరలిస్తుండగా మృతిచెందాడు. మృతుడి తల్లి ఈశ్వరమ్మ ఫిర్యాదు మేరకు కేసు నమోదు చేసి దర్యాప్తు చేస్తున్నట్లు సీఐ తెలిపారు. ఉరివేసుకుని వ్యక్తి ఆత్మహత్యవిజయనగరం టౌన్‌: జిల్లా కేంద్రంలోని కమ్మవీధిలో నివాసం ఉంటున్న తియ్యాల గోపి (45) టిఫిన్‌ షాపు పెట్టుకుని భార్య, ఇద్దరు ఆడపిల్లలతో జీవనం సాగిస్తున్నాడు. షాపు పూర్తయిన తర్వాత ఇంటికి వచ్చిన గోపీ స్నానం చేయడానికి బెడ్‌రూమ్‌లోకి వెళ్లాడు. కాసేపటి తర్వాత భార్య జ్యోతిస్వరూప ఎంతపిలిచినప్పటికీ రాకపోయేసరికి తలుపులు కొట్టగా తీయలేదు. లోపల గడియ పెటి ఉందని తెలుసుకున్న ఆమె గట్టిగా తలుపులు తోసి లోపలికి వెళ్లి చూసేసరికి భర్త ఉరివేసుకుని కనిపించడంతో కేకలువేసింది. చుట్టుపక్కల వారు వచ్చి గోపీని కిందకు దించి ఆటోలో ప్రభుత్వ ఆస్పత్రికి తరలించగా అప్పటికే మృతిచెందినట్లు పోలీసులు ధ్రువీకరించారు. ఏ కారణంతో తన భర్త చనిపోయాడో తెలియదని భార్య ఫిర్యాదులో పేర్కొంది. మృతుని భార్య జ్యోతిస్వరూప ఫిర్యాదు మేరకు టూటౌన్‌ సీఐ టి.శ్రీనివాస్‌ కేసునమోదుచేసి దర్యాప్తు చేస్తున్నారు.

● ఎస్పీలు, ఎస్డీపీఓలతో విశాఖ రేంజ్‌ ఐజీపీ సమీక్ష విజయనగరం టౌన్‌: పోలీసు అధికారులు, సిబ్బంది రాజకీయ ప్రభావాలకు అతీతంగా నిష్పక్షపాతంగా విధులు నిర్వహించాలని విశాఖ రేంజ్‌ ఐజీపీ గోపీనాథ్‌ జెట్టి అధికారులకు దిశానిర్దేశం చేశారు. ఈ మేరకు శుక్రవారం ఆయా జిల్లాల పరిఽధిలో ఉన్న ఎస్పీలతో పాటు ఎసీడీపీఓలతో జూమ్‌ కాన్ఫరెన్స్‌ ద్వారా సమీక్షా సమావేశం నిర్వహించారు. ఎన్నికల ప్రవర్తనా నియమావళి ఉల్లంఘనలపై తక్షణమే చట్టపరమైన చర్యలు తీసుకోవాలని ఆదేశించారు. ప్రతి జిల్లాలో పోలింగ్‌ కేంద్రాలు, సమస్యాత్మక ప్రాంతాలు, సున్నితమైన గ్రామాలను గుర్తించి అవసరమైన పోలీసు బలగాలు, అదనపు సిబ్బంది, రిజర్వు బలగాల మోహరింపునకు పక్కా ప్రణాళిక రూపొందించాలని సూచించారు. హిస్టరీషీట్లు కలిగిన వారు, రౌడీషీటర్లు, పాత నేరస్తులు, ఎన్నికల సమయంలో అల్లర్లకు పాల్పడే అవకాశం ఉన్న వ్యక్తులపై నిఘా ఉంచి, అవసరమైన వారిపై బైండోవర్‌, చట్టపరమైన ముందస్తు చర్యలు చేపట్టాలని చెప్పారు. పెండింగ్‌ నాన్‌ బెయిల్‌బుల్‌ వారెంట్ల అమలును వేగవంతం చేయాలని ఆదేశించారు. స్పెషల్‌ బ్రాంచ్‌ అధికారులు రాజకీయ విభేదాలు, వర్గ ఘర్షణలు, ఉద్రిక్తతలకు దారితీసే పరిస్ధితులపై ముందస్తు సమాచారాన్ని సేకరించి, సంబంధిత అధికారులతో తక్షణమే పంచుకోవాలని సూచించారు. అవాంఛనీయ ఘటనలు జరగకుండా నివారణ చర్యలు చేపట్టాలని స్పష్టం చేశారు. ఒడిశా రాష్ట్రం నుంచి ఆంధ్రప్రదేశ్‌లోకి జరిగే సారా, అక్రమ మద్యం రవాణాను అరికట్టేందుకు ఎకై ్సజ్‌ శాఖతో సమన్వయం చేసుకోవాలన్నారు. కాన్ఫరెన్స్‌లో విజయనగరం ఎస్పీ ఏఆర్‌ దామోదర్‌, పార్వతీపురం మన్య జిల్లా ఎస్పీ ఎస్‌వీ మాధవ రెడ్డి ఇతర జిల్లాల ఎస్పీలు, ఎస్డీపీఓలు పాల్గొన్నారు.

చీపురుపల్లి: పట్టణంలోని మెయిన్‌రోడ్‌లో అర్ధరాత్రి సమయంలో వాహనాలు అటకాయించి, అల్లరి చేసి, డబ్బులు డిమాండ్‌ చేస్తున్న ఆకతాయిలను చీపురుపల్లి ఎస్సై ఉమా వెంకటేశ్వరరావు శుక్రవారం సాయంత్రం అరెస్టు చేశారు. అర్ధరాత్రి సమయంలో వాహనదారులను అడ్డగించి భయాందోళనకు గురి చేసిన నలుగురు యువకులను గుర్తించారు. ఈ మేరకు చీపురుపల్లిలోని కుమ్మరికాలనీకి చెందిన శఠగోపం కార్తీక్‌, అలజంగి కార్తీక్‌, గరివిడి మండలంలోని కేఎల్‌.పురం గ్రామానికి చెందిన ముల్లు దుర్గాప్రసాద్‌లను అరెస్టు చేసి రిమాండ్‌కు తరలించినట్లు ఎస్సై తెలిపారు. నాలుగో యువకుడు రాజాం పట్టణానికి చెందిన వ్యక్తి అని అదుపులోకి తీసుకునేందుకు ప్రయత్నిస్తున్నట్లు చెప్పారు. పట్టణంలోని మెయిన్‌రోడ్‌లో ఈ సంఘటన ఈ నెల 12న అర్ధరాత్రి జరిగింది. దీనిపై ఈ నెల 14న సాక్షి పత్రికలో ‘అర్థరాత్రి గంజాయిబాబుల అలజడి’ శీర్షికన కథనం వెలువడిన సంగతి తెలిసిందే. దీనిపై దర్యాప్తు నిర్వహించి మెయిన్‌రోడ్‌లో సంఘటన జరిగిన స్థలంలో సీసీ కెమెరాల ఫుటేజీ సేకరించారు. దీంతో పాటు చీపురుపల్లి నుంచి శివరాం గ్రామానికి టాటామ్యాజిక్‌లో వెళ్తున్న హరిబాబు అనే వ్యక్తిని రెడ్డిపేట తోటపల్లి కాలువ వద్ద అటకాయించి ప్రాణభయం కలిగించి డబ్బులు లాగేశారు. దీనిపై బాధితుడు హరిబాబు పోలీసులకు ఫిర్యాదు కూడా చేశాడు. ఈ మేరకు స్థానిక పోలీస్‌స్టేషన్‌లో దారిదోపిడీ సెక్షన్‌ కింద కేసు నమోదు చేసి ముగ్గురు యువకులను అరెస్టు చేసినట్లు ఎస్సై తెలిపారు. మిగిలిన వారి కోసం గాలిస్తున్నామని త్వరలో వారిని కూడా అరెస్టు చేస్తామని స్పష్టం చేశారు.

గంట్యాడ: కోడి విషయంలో భార్యాభర్తల మధ్య జరిగిన గొడవ ఓ వ్యక్తి హత్యకు దారితీసింది. వివాదాన్ని సర్దిచెప్పేందుకు ప్రయత్నించిన వ్యక్తిని కత్తితో పొడిచి హతమార్చిన ఘటన గంట్యాడ మండలం, రేగూరు గ్రామంలో జరిగింది. ఈ ఘటనపై పోలీసులు తెలిపిన వివరాల ప్రకారం..డి.కె.పర్తి పంచాయతీ పరిధి రేగూరు గ్రామానికి చెందిన నేగలి పోలయ్య(35) గురువారం రాత్రి తన భార్యతో కోడి విషయంలో గొడవపడ్డాడు. అదే గ్రామానికి చెందిన నేగలి గంగులు అలియాస్‌ గంగారాజు(41) జోక్యం చేసుకుని, భార్యను ఎందుకు కొడుతున్నావంటూ పోలయ్యను వారించే ప్రయత్నం చేశాడు. దీంతో ఆగ్రహానికి గురైన పోలయ్య..కోడిని కోసేందుకు తన వద్ద ఉన్న కత్తితో గంగులు ఛాతీలో పొడిచాడు. తీవ్ర రక్తస్రావమై గంగులు అక్కడికక్కడే మృతిచెందాడు. ఈ సమాచారం అందుకున్న గంట్యాడ ఎస్సై కె.లక్ష్మణరావు, ఇన్‌చార్జి సీఐ టి.శ్రీనివాసరావు ఘటనా స్థలాన్ని పరిశీలించారు. క్లూస్‌ టీమ్‌, ఫోరెన్సిక్‌ నిపుణులు ఆధారాలు సేకరించారు. మృతుడి మొదటి భార్య ఫిర్యాదు మేరకు పోలీసులు కేసు నమోదు చేసి దర్యాప్తు చేపట్టారు. మృతదేహాన్ని పోస్టుమార్టం నిమిత్తం తరలించి, నిందితుడిపై చట్టపరమైన చర్యలు చేపట్టినట్లు పోలీసులు తెలిపారు. భామిని: మండలంలోని దిమ్మిడిజోలకు చెందిన వివాహిత కేవటి సరస్వతి(36) శుక్రవారం చెట్టుకు ఉరివేసుకుని మృతి చెందినట్లు బత్తిలి ఎస్సై కె.రవీంద్ర తెలిపారు.దిమ్మిడిజోల–లోవగూడల మధ్య తోటలో చెట్టుకు వేలాడుతున్న సరస్వతి(36) మృతదేహాన్ని స్థానికులు గుర్తించి సమాచారం అందించారు. మూడేళ్ల క్రితం భర్త మృతి చెందడంతో ఇద్దరు పిల్లలతో దిమ్మిడిజోల వచ్చి తండ్రి కేవటి ఆదినారాయణ ఇంటిలో సరస్వతి ఉంటోంది. రోజువారీ కూలి పనులతో జీవనం సాగిస్తున్న తరుణంలో ఘనసరకు చెందిన నారాయణ అనే యువకుడితో వివాహేతర సంబంధం ఏర్పడిందని దాని కారణంగా ఈ సంఘటన జరిగి ఉండవచ్చని స్థానికులు అనుమానాలు వ్యక్తం చేశారు. ఈ విషయంపై మృతురాలి తండ్రి ఆదినారాయణ పోలీసులకు ఫిర్యాదు చేస్తూ తన కూతురు సరస్వతి మృతికి ఘనసరకు చెందిన నారాయణే కారణమని పేర్కొన్నాడు. ఫిర్యాదు మేరకు పోలీసులు కేసు నమోదు చేసి మృతదేహాన్ని పోస్ట్‌మార్టం కోసం తరలించారు.

విజయనగరం: ముఖ్యమంత్రి చంద్రబాబు నేతృత్వంలోని కూటమి ప్రభుత్వం రాష్ట్రంలో అరాచక పాలన సాగిస్తోందని మాజీ ఎంపీ, వైఎస్సార్‌సీపీ జిల్లా అధ్యక్షుడు బెల్లాన చంద్రశేఖర్‌ మండిపడ్డారు. డాక్టర్‌ బీఆర్‌ అంబేడ్కర్‌ రాసిన రాజ్యాంగాన్ని పక్కన పెట్టి రెండ్‌ బుక్‌ రాజ్యాంగాన్ని అమలు చేస్తోందన్నారు. విజయనగరం మున్సి పల్‌ కార్పొరేషన్‌ మేయర్‌ అభ్యర్థిగా వైఎస్సార్‌సీపీ తరఫున శుక్రవారం నామినేషన్‌ వేసిన కోలగట్ల శ్రావణికి మద్దతు తెలియజేందుకు వచ్చిన ఆయన ఎమ్మెల్సీ సురేష్‌బాబుతో కలిసి మీడియాతో మాట్లాడారు. చిత్తూరు జిల్లా పుంగనూరులో నామినేషన్లు వేసేందుకు వెళ్లిన వైఎస్సార్‌సీపీ శ్రేణులతో పాటు ఎంపీ మిథున్‌రెడ్డిపై జరిగిన దాడిని తీవ్రంగా ఖండించారు. ఏంపీ మిథున్‌రెడ్డి కాన్వాయ్‌ సహా పలు వాహనాలను ధ్వంసం చేయడం దుర్మార్గమన్నారు. ఎన్నికలను సజావుగా జరపాలన్న ఉద్దేశం చంద్రబాబు ప్రభుత్వానికి లేదని విమర్శించారు. తీవ్ర ప్రజా వ్యతిరేకత నడుమ ఓడిపోతారనే భయంతో ఎన్నికలకు ముందే భయభ్రాంతులకు గురి చేస్తున్నారని విమర్శించారు. స్థానిక సంస్థల ఎన్నికలను కేంద్ర బలగాల సమక్షంలో నిర్వహించాలని వైఎస్సార్‌సీపీ తరఫున సుప్రీంకోర్టును ఆశ్రయించామన్నారు. రాష్ట్రంలోని పోలీస్‌ వ్యవస్థ పూర్తిగా కూటమి ప్రభుత్వంతో చేతులు కలిపి ప్రజాస్వామ్యాన్ని ఖూనీ చేస్తున్నారని ఆవేదన వ్యక్తం చేశారు. అధికారాన్ని అడ్డంపెట్టుకుని అడ్డుకుంటే పోరాటానికి సిద్ధంగా ఉన్నామన్నారు. అభ్యర్థులు లేక... విజయనగరం మున్సిపల్‌ కార్పొరేషన్‌తో పాటు నెల్లిమర్ల నగర పంచాయతీ తదితర మున్సిపాలిటీల్లో ఇప్పటి వరకు మేయర్‌, చైర్మన్‌, వార్డు మెంబర్లను ప్రకటించే పరిస్థితిలో కూటమి లేకపోవడం విచారకరమని, టీడీపీ వారినే జనసేనలోకి మార్పుచేసి పోటీచేయించే పరిస్థితి నెలకొందని బెల్లాన ఎద్దేవాచేశారు. జనసేన పార్టీ నాయకులు, కార్యకర్తలు జెండా కూలీలుగానే మిగిపోయారే తప్ప ప్రశ్నించే పరిస్థితి లేదన్నారు. స్థాఽనిక సంస్థల ఎన్నికలు జరుగుతున్న తరుణంలో పార్టీని ముందుండి నడిపించాల్సిన పార్టీ అధ్యక్షుడు హైదరాబాద్‌లో కూర్చున్నారంటే పరిస్థితి అర్ధమవుతుందన్నారు. ప్రస్థుతం జరుగుతున్న స్థానిక సంస్థల ఎన్నికల్లో ఓటమి భయంతోనే వైఎస్సార్‌సీపీ శ్రేణులను, ఓటర్లను భయభ్రాంతులకు గురి చేస్తున్నారన్నారు. రాష్ట్రంలోని పాలన సాగిస్తున్న కూటమి ప్రభుత్వంలో పార్లమెంట్‌ సభ్యులకే రక్షణ లేకపోతే సామాన్య ప్రజల పరిస్థితి ఏమిటని ఎమ్మెల్సీ డాక్టర్‌ పెనుమత్స సురేష్‌బాబు ప్రశ్నించారు. ఓటర్లను, వైఎస్సార్‌సీపీ అభ్యర్థులను భయపెట్టేందుకు ముఖ్యమంత్రి చంద్రబాబు చేస్తున్న అదిపెద్ద కుట్రగా పేర్కొన్నారు. రెండున్నరేళ్ల కూటమి ప్రభుత్వ దుష్టపరిపాలనకు వ్యతిరేకంగా ప్రజలంతా ఓటేసేందుకు సిద్ధంగా ఉన్నారనే భయంతో దాడులకు తెగబడుతున్నారని వాపోయారు. ఎంపీలకే రక్షణ లేకుంటే సామాన్యుల పరిస్థితి ఏంటి...? అంబేడ్కర్‌ రాజ్యాంగాన్ని విస్మరించి రెడ్‌బుక్‌ రాజ్యాంగం అమలు పుంగనూరులో వైఎస్సార్‌సీపీ శ్రేణులపై దాడి అప్రజాస్వామికం ఓటమి భయంతో భయభ్రాంతులకు గురి చేసేందుకు కుట్రలు కేంద్ర బలగాలతోనే సజావుగా స్థానిక సంస్థల ఎన్నికలు మాజీ ఎంపీ, వైఎస్సార్‌సీపీ జిల్లా అధ్యక్షుడు బెల్లాన చంద్రశేఖర్‌

విజయనగరం అర్బన్‌: జిల్లాలోని విజయనగరం నగరపాలక సంస్థ, బొబ్బిలి మున్సిపాలిటీ, నెల్లిమర్ల నగర పంచాయతీల్లో శుక్రవారం నామినేషన్ల పర్వం ప్రారంభమైంది. రిటర్నింగ్‌ అధికారులు నోటీసులు జారీ చేయడంతోనే నామినేషన్ల స్వీకరణకు శ్రీకారం చుట్టారు. మేయర్‌, మున్సిపల్‌ చైర్మన్‌ పదవులకు ప్రత్యక్ష ఎన్నికలు జరగనున్న నేపధ్యంలో వార్డు సభ్యుల స్థానాలతో పాటు ఆయా ప్రధాన పదవులకు వేర్వేరుగా నామినేషన్లు స్వీకరించేందుకు ప్రత్యేక కౌంటర్లు ఏర్పాటు చేశారు. తొలిరోజు విజయనగరం కార్పొరేషన్‌లో మేయర్‌ స్థానానికి ఒక నామినేషన్‌ దాఖలవగా, నెల్లిమర్లలో చైర్‌పర్సన్‌ స్థానానికి రెండు నామినేషన్లు వచ్చాయి. విజయనగరం నగరపాలక సంస్థ పరిధిలోని 62 వార్డులకు, మేయర్‌ స్థానానికి వేర్వేరుగా నామినేషన్లు స్వీకరిస్తున్నారు. బొబ్బిలి మున్సిపాలిటీలో 36 వార్డులకు, చైర్మన్‌ స్థానానికి, నెల్లిమర్ల నగర పంచాయతీలో 23 వార్డులకు, చైర్‌పర్సన్‌ స్థానానికి నామినేషన్ల ప్రక్రియ ప్రారంభమైంది. ● తొలిరోజు 35 నామినేషన్లు తొలిరోజు విజయనగరం కార్పొరేషన్‌లో మేయర్‌ స్థానానికి ఒకటి, వార్డు సభ్యుల స్థానాలకు 18 నామినేషన్లు దాఖలయ్యాయి. బొబ్బిలి మున్సిపాలిటీలో వార్డు సభ్యుల స్థానాలకు ఆరు నామినేషన్లు వచ్చాయి. నెల్లిమర్ల నగర పంచాయతీలో చైర్‌పర్సన్‌ స్థానానికి రెండు, వార్డు సభ్యుల స్థానాలకు ఆరు నామినేషన్లు వచ్చాయి. నెల్లిమర్ల నగర పంచాయతీలో చైర్‌పర్సన్‌ స్థానానికి రెండు, వార్డు సభ్యుల స్థానాలకు ఎనిమిది నామినేషన్లు దాఖలయ్యాయి. మూడు పట్టణ స్థానిక సంస్థల్లో కలిపి తొలిరోజు మొత్తం 35 నామినేషన్లు నమోదయ్యాయి. ఎన్నికల షెడ్యూల్‌ ఇదీ.. ఈ నెల 18వ తేదీ నామినేషన్ల దాఖలుకు చివరి గడువు. 19న నామినేషన్ల పరిశీలన, 21న ఉపసంహరణ ప్రక్రియ నిర్వహించి తుది అభ్యర్థుల జాబితాను ప్రకటిస్తారు. ఈ నెల 28న పోలింగ్‌ జరగనుండగా అవసరమైన చోట 29న రీపోలింగ్‌ నిర్వహిస్తారు. 30న ఓట్ల లెక్కింపు చేపట్టి ఫలితాలను ప్రకటించనున్నారు.ఏర్పాట్లను పరిశీలించిన కలెక్టర్‌ విజయనగరం నగరపాలక సంస్థలో నామినేషన్‌ స్వీకరణకు చేసిన ఏర్పాట్లను జిల్లా ఎన్నికల అధికారి, కలెక్టర్‌ ఎస్‌.రాంసుందర్‌రెడ్డి శుక్రవారం పరిశీలించారు. ఈ సందర్భంగా మున్సిపల్‌ కమిషనర్‌ బాలస్వామి ఇతర అధికారులకు పలు సూచనలు చేశారు. ఎన్నికల కమిషన్‌ ఆదేశాలకు అనుగుణంగా నామినేషన్ల ప్రక్రియ నిర్వహించాలని, నిబంధనల ఉల్లంఘనలకు తావివ్వకుండదని స్పష్టం చేశారు. ఎన్నికల ప్రవర్తనా నియమావళిని పక్కాగా అమలు చేయాలని ఆదేశించారు. విజయనగరంలో మేయర్‌ స్థానానికి ఒక నామినేషన్‌ నెల్లిమర్లలో చైర్‌పర్సన్‌కు రెండు విజయనగరం కార్పొరేషన్‌, బొబ్బిలి మున్సిపాలిటీ, నెల్లిమర్ల నగర పంచాయతీలో ప్రారంభమైన నామినేషన్‌ ప్రక్రియ

విజయనగరం గంటస్తంభం: జిల్లాలో స్థానిక సంస్థల ఎన్నికల నేపథ్యంలో ఎన్నికల ప్రవర్తనా నియమావళి అమల్లోకి వచ్చినందున ప్రజాఫిర్యాదుల పరిష్కార వేదిక (పీజీఆర్‌ఎస్‌), డైలీ గ్రీవెన్స్‌ కార్యక్రమాలను తాత్కాలికంగా నిలిపివేస్తున్నట్టు కలెక్టర్‌ ఎస్‌.రాంసుందర్‌ రెడ్డి తెలిపారు. ఎన్నికల కోడ్‌ ముగిసే వరకు అక్టోబర్‌ 14 నుంచి డిసెంబర్‌ 3 వరకు మున్సిపల్‌, ఎంపీటీసీ, జెడ్పీటీసీ, సర్పంచ్‌ ఎన్నికల ప్రక్రియ కొనసాగుతున్న నేపథ్యంలో పీజీఆర్‌ఎస్‌ రద్దుచేస్తున్నట్టు స్పష్టంచేశారు. ప్రభుత్వ శాఖలన్నీ ఎన్నికల నిబంధనలను విధిగా పాటించాలని ఆదేశించారు. ప్రజలు తమ సమస్యలకు సంబంధించి వినతులను కలెక్టరేట్‌ కార్యాలయ పనివేళల్లో హెల్ప్‌డెస్క్‌ లేదా తపాలా విభాగంలో అందజేయవచ్చని సూచించారు. ఎన్నికల విధుల్లో నిర్లక్ష్యం వద్దు విజయనగరం గంటస్తంభం: జిల్లాలో స్థానిక సంస్థల ఎన్నికలను ప్రశాంతంగా, పారదర్శకంగా నిర్వహించేందుకు పకడ్బందీ ఏర్పాట్లు చేపట్టాలని జిల్లా ఎన్నికల అధికారి, కలెక్టర్‌ ఎస్‌.రాంసుందర్‌ రెడ్డి అధికారులను ఆదేశించారు. ఎన్నికల సిబ్బంది కేటాయింపు, రాండమైజేషన్‌, రవాణా ఏర్పాట్లను వేగవంతం చేయాలని సూచించారు. కలెక్టరేట్‌లో జాయింట్‌ కలెక్టర్‌ సేతుమాధవన్‌తో కలిసి సంబంధిత శాఖల అధికారులతో ఎన్నికల సన్నద్ధతపై శుక్రవారం సమీక్షించారు. జిల్లాలో మున్సిపల్‌, ఎంపీటీసీ, జెడ్పీటీసీ ఎన్నికల నిర్వహణకు మొత్తం 12,944 మంది సిబ్బంది అవసరమని అంచనా వేయగా, 17,487 మంది సిబ్బందిని ప్రతిపాదించినట్లు కలెక్టర్‌ తెలిపారు. వివిధ శాఖల నుంచి సిబ్బంది వివరాలను సేకరించి, నిబంధనల ప్రకారం విధులు కేటాయించాలని ఆదేశించారు. జిల్లాలో మున్సిపల్‌ ఎన్నికలకు సంబంధించి 121 వార్డులు, 322 పోలింగ్‌ స్టేషన్లు ఉండగా, మొత్తం 4,91,409 మంది ఓటర్లు ఉన్నట్లు అధికారులు వివరించారు. ప్రతి పోలింగ్‌ కేంద్రంలో అవసరమైన సిబ్బంది, ఎన్నికల సామగ్రి, మౌలిక సదుపాయాలు సమకూర్చి ఓటర్లకు ఎలాంటి ఇబ్బందులు కలగకుండా చర్యలు తీసుకోవాలని కలెక్టర్‌ సూచించారు. ఎన్నికల విధుల నుంచి మినహాయింపులు కోరే అభ్యర్థనలను నిబంధనల మేరకు పరిశీలించాలని, గర్భిణులు, వైద్యపరమైన సమస్యలు ఉన్నవారి వివరాలను పరిశీలించి తగిన నిర్ణయాలు తీసుకోవాలని స్పష్టం చేశారు. సమావేశంలో డీఆర్వో సీహెచ్‌ సత్తిబాబు, స్పెషల్‌ డిప్యూటీ కలెక్టర్‌ ఇ.మురళి, జెడ్పీ సీఈఓ లవరాజు, డీఈఓ యు.మణిక్యంనాయుడు, ఎన్నికల విభాగం సూపరింటెండెంట్‌ ప్రసాద్‌, మున్సిపల్‌, జీఎస్‌డబ్ల్యూఎస్‌, ఆర్టీసీ, అగ్నిమాపక శాఖల అధికారులు పాల్గొన్నారు. సాంకేతిక పరిజ్ఞానంపై అవగాహన కల్పించాలి ● పీటీసీని సందర్శించిన డీఐజీ(శిక్షణ) విశాల్‌ గున్నీ విజయనగరం టౌన్‌: పోలీస్‌ శిక్షణకు వచ్చే అభ్యర్థులకు సంప్రదాయ పోలీసింగ్‌తో పాటు నూతన సాంకేతిక పరిజ్ఞానంపై అవగాహన కల్పించాలని డీఐజీ (శిక్షణ) విశాల్‌గున్నీ అధికారులకు సూచించారు. విజయనగరం పీటీసీని శుక్రవారం ఆయన సందర్శించి, కళాశాలలోని వివిధ విభాగాలు, పరిపాలన కార్యాలయం, తరగతి గదులు, శిక్షణ మైదానం, అధికారుల లాంజ్‌, తదితర వసతులను పరిశీలించారు. పరిపాలన కార్యాయంలో నిర్వహిస్తున్న విధులు, రికార్డుల నిర్వహణ, తరగతి గదుల్లో అందుబాటులో ఉన్న బోధన సదుపాయాలు, మైదానంలో నిర్వహిస్తున్న శారీరక శిక్షణ కార్యక్రమాలు, అధికారుల లాంజ్‌ నిర్వహణ తీరును అధికారులను అడిగి తెలుసుకున్నారు. సైబర్‌ నేరాలు, సైబర్‌ భద్రత, కృత్రిమ మేధస్తు (ఏఐ), సీసీటీఎన్‌ఎస్‌, డిజిటల్‌ పోలీసింగ్‌, ఆన్‌లైన్‌ మోసాల దర్యాప్తు, డిజిటల్‌ సాక్ష్యాల సేకరణ, ఆధునిక నేర పరిశోధనా పద్ధతుల పరిజ్ఞానం అందించాలని ఆదేశించారు. కార్యక్రమంలో పీటీసీ ప్రిన్సిపాల్‌ డి.రామచంద్రరాజు, వైస్‌ ప్రిన్సిపాల్‌ డి.కోటేశ్వరబాబు, డీఎస్పీ టి.రమేష్‌, అధికారులు, సిబ్బంది పాల్గొన్నారు.

● కళ్లముందే జరిగిన ప్రమాదంలో తండ్రి మృతి ● కన్నీరుపెట్టిన కుమారుడు దత్తిరాజేరు: నాన్నా.. లే నాన్నా... ఒక్కసారి కళ్లు తెరువు నాన్నా.. ఆస్పత్రికి తీసుకెళ్తాను... నిన్ను బతికించుకుంటాను.. అంటూ తండ్రి మృతదేహాన్ని పట్టుకుని కొడుకు పెట్టిన కన్నీరు అక్కడి వారిని కన్నీరు పెట్టించింది. దత్తిరాజేరు మండలం కోమటిపల్లి వద్ద జాతీయ రహదారిపై శుక్రవారం రాత్రి జరిగిన రోడ్డు ప్రమాదంలో లారీ డ్రైవర్‌ దమ్ము చిన్నోడు (58) అక్కడికక్కడే మృతి చెందాడు. పెదమానాపురం ఎస్సై కళాధర్‌, స్థానికులు తెలిపిన వివరాల ప్రకారం.. జాతీయ రహదారి పక్కన మరమ్మతులకు గురై నిలిచిపోయిన లారీని మరో లారీ సహాయంతో పక్కకు తరలిస్తున్నారు. ఈ క్రమంలో లారీ డ్రైవర్‌ చిన్నోడు రోడ్డు దాటుతుండగా.. రామభద్రపురం నుంచి విజయనగరం వెళ్తున్న ఆర్టీసీ బస్సు ఢీ కొనడంతో ప్రమాదం జరిగింది. మృతుడిది ఎల్‌.కోట మండలం పోతంపేట గ్రామం. పోస్టు మార్టం నిమిత్తం మృతదేహాన్ని గజపతినగరం సామాజిక ఆస్పత్రికి తరలించారు. కళ్లముందే తండ్రి మృతిచెందడంతో క్లీనర్‌ అయిన కుమారుడు దమ్ము అప్పలరాజు కన్నీటిపర్యంతమయ్యాడు. ఆయన ఇచ్చిన ఫిర్యాదు మేరకు పోలీసులు కేసు నమోదు చేసి దర్యాప్తు చేస్తున్నారు.

● ప్రథమ, ద్వితీయ స్థానాలను సాధించిన బాలురు, బాలికల జట్లుతెర్లాం: రాష్ట్రస్థాయి సాఫ్ట్‌బాల్‌ పోటీల్లో జిల్లాకు చెందిన బాలురు, బాలికల జట్లు సత్తా చాటాయి. రాష్ట్రస్థాయిలో జరిగిన పోటీల్లో జిల్లాకు చెందిన బాలుర జట్టు ప్రథమ స్థానం, బాలికల జట్టు ద్వితీయ స్థానంలో నిలిచాయి. అండర్‌–17 జూనియర్‌ రాష్ట్ర స్థాయి పోటీలు వైఎస్సార్‌ కడప జిల్లాలో ఈనెల 12 నుంచి 15వరకు జరిగాయి. ఈ పోటీల్లో జిల్లాకు చెందిన బాలురు, బాలికల జట్లు పాల్గొన్నాయి. రాష్ట్రస్థాయి సాఫ్ట్‌బాల్‌ పోటీల్లో మొదటి నుంచి మంచి ప్రతిభ కనబరచిన జిల్లా బాలురు, బాలికల జట్లు ఫైనల్‌ పోటీలకు చేరాయి. ఫైనల్‌ పోటీల్లో జిల్లాకు చెందిన బాలురు జట్టు కడప జిల్లా జట్టుతో పోటీపడి విజయం సాధించి రాష్ట్ర స్థాయిలో ప్రథమ స్థానాన్ని కై వసం చేసుకుంది. అలాగే జిల్లాకు చెందిన బాలికల జట్టు రాష్ట్రస్థాయిలో ద్వితీయ స్థానాన్ని సొంతం చేసుకుంది. జిల్లాకు చెందిన రెండు జట్లు అత్యుత్తమ ఆటతీరు కనబరిచి రాష్ట్ర స్థాయిలో ప్రథమ, ద్వితీయ స్థానాలను, వ్యక్తిగత గోల్డ్‌ మెడల్స్‌తోపాటు షీల్డ్‌లను క్రీడాకారులు కై వసం చేసుకున్నారు. ఇరుజట్ల క్రీడాకారులను జిల్లా సాఫ్ట్‌బాల్‌ అసోసియేషన్‌ అధ్యక్ష, కార్యదర్శులు, పలువురు పీడీలు, పీఈటీలు, కోచ్‌లు అభినందించారు. మరిన్ని పోటీల్లో బాగా రాణించి జిల్లాకు మంచి పేరు తీసుకురావాలని వారంతా ప్రోత్సహించారు.

విజయనగరం ఫోర్ట్‌: నమ్మించడం.. మోసం చేయడం చంద్రబాబుకు తెలిసినట్టుగా మరెవరికీ తెలియదన్నది రాజకీయ విశ్లేషకులు తరచూ చెప్పేమాట. అధికారం చేపట్టి రెండున్నరేళ్లవుతుంది. కొత్తగా ఒక్కరికి కూడా పింఛన్‌ ఇచ్చిన దాఖలాలు లేవు. దీంతో వేలాది మంది పింఛన్ల కోసం ఎదురు చూశారు. భర్త చనిపోయిన వితంతువులు, 60 ఏళ్లు నిండిన వృద్ధులు, దివ్యాంగులు, చేనేత కార్మికులు, డప్పు కళాకారులు, గీత కార్మికులు, చర్మకారులు కొత్త పింఛన్ల కోసం సచివాలయాల చుట్టూ తిరిగినా నిరాశే ఎదురైంది. స్థానిక ఎన్నికల వేళ గత నెలలో పింఛన్‌ వెబ్‌సైట్‌ను ఓపెన్‌ చేశారు. దరఖాస్తుకు 9 పనిదినాలు మాత్రమే అవకాశం ఇచ్చారు. ఆ తర్వాత వెబ్‌సైట్‌ను మూసేశారు. అష్టకష్టాలు పడి జిల్లా వ్యాప్తంగా వేలాది మంది కొత్త పింఛన్‌ కోసం దరఖాస్తు చేశారు. అక్టోబర్‌ నెలలోనే కొత్త పింఛన్లు మంజూరుచేస్తామని చంద్రబాబు సర్కార్‌, ఆ పార్టీ పాలకులు, నేతలు గొప్పగా ప్రచారం చేసుకున్నారు. పింఛన్‌ ఎక్కడ మంజూరు కాదో అన్న భయంతో చాలా మంది టీడీపీ నాయకులను ప్రసన్నం చేసుకున్నారు. చివరకు నిరాశే ఎదురైంది. ఇప్పుడు స్థానిక సంస్థల నోటిఫికేషన్‌ విడుదల కావడం, కోడ్‌ అమల్లో ఉండడంతో పింఛన్‌ మంజూరు ప్రక్రియ నిలిచిపోయింది. స్థానిక సంస్థల ఎన్నికల్లో లబ్ధిపొందేందుకే పింఛన్ల దరఖాస్తుకు చంద్రబాబు సర్కార్‌ అవకాశం కల్పించిందనే విమర్శలు వినిపిస్తున్నాయి. 2027 సంవత్సరంలోనూ డౌటే! ‘ఏరుదాటేవరకు ఏరు మల్లన్న... ఏరు దాటిన తర్వాత బోడిమల్లన్న’ సామెత చందాన సీఎం చంద్రబాబు వ్యవహరిస్తారన్న విమర్శ ఉంది. స్థానిక సంస్థలు ముగిసిన తర్వాత చంద్రబాబు సర్కారు పింఛన్లు మంజూరు చేస్తుందని నమ్మలేమని లబ్ధిదారులు వ్యాఖ్యానిస్తున్నారు. ఎన్నికల్లో లబ్ధి పొందేందుకు పింఛన్‌ దరఖాస్తులు స్వీకరించారనే విమర్శలు వినిపిస్తున్నాయి. ● విజయనగరం మండలానికి చెందిన బి.సంతోష్‌ అనే దివ్యాంగుడికి రెండున్నరేళ్ల కిందట నరాలకు సంబంధించిన సమస్యపై వైద్యులు సదరం ధ్రువపత్రం అందజేశారు. వెబ్‌సైట్‌ ఓపెన్‌ కాకపోవడంతో ఇన్నాళ్లు దరఖాస్తు చేసేందుకు వీలుకాలేదు. గత నెలలో పింఛన్‌ కోసం దరఖాస్తు చేశాడు. అక్టోబర్‌ నెలలో పింఛన్‌ వస్తుందని ఆశపడినా నిరాశే ఎదురైంది. మరో రెండు నెలల పాటు వచ్చే అవకాశం లేదు. ఆ తర్వాత సర్కారు ఏ నిర్ణయం తీసుకుంటుందోనని మనోవేదన చెందుతున్నాడు. ఎన్నికల వేళ పింఛన్ల దరఖాస్తుల స్వీకరణ అక్టోబర్‌ నెల మంజూరు చేయని వైనం ఇప్పుడు ఎన్నికల కోడ్‌ రావడంతో పింఛన్లు ఇచ్చే పరిస్థితి లేదు అవసరం తీరిన తర్వాత చంద్రబాబు సర్కార్‌ పరిస్థితి అందరికీ తెలిసిందే.. జిల్లాలో 52,090 మంది దరఖాస్తు 52,090 దరఖాస్తులు వచ్చాయి.. జిల్లా వ్యాప్తంగా అన్ని మండలాలు నుంచి వేలల్లో దరఖాస్తులు వచ్చాయి. పింఛన్ల కోసం కొత్తగా 52,090 మంది దరఖాస్తు చేసుకున్నారు. అత్యధికంగా 27,764 మంది వృద్ధాప్య పింఛన్‌ కోసం దరఖాస్తు చేసుకున్నారు. వితంతువులు 10,048 మంది, దివ్యాంగులు 5,815 మంది, గీత కార్మికులు 1262 మంది, డప్పు కళాకారులు 3,169 మంది, చేనేత కార్మికులు 501 మంది, ఒంటిరి మహిళలు 332 మంది, ట్రాన్స్‌జెండర్స్‌ 9 మంది, చర్మకారులు 2,303 మంది, మత్య్సకారులు 887 మంది దరఖాస్తు చేశారు. గంట్యాడ మండలానికి చెందిన ఎస్‌.కాంతమ్మ భర్త రెండేళ్ల కిందట చనిపోయాడు. పింఛన్‌ కోసం దరఖాస్తు చేయడానికి ప్రభుత్వం వెబ్‌సైట్‌ ఓపెన్‌ చేయలేదు. సెప్టెంబర్‌ నెలలో పింఛన్‌ వెబ్‌సైట్‌ను ఓపెన్‌ చేయడంతో దరఖాస్తు చేసింది. అక్టోబర్‌ నెల నుంచి పింఛన్‌ అందుతుంది.. ఆర్థిక కష్టాలు తీరుతాయని ఆశపడింది. ప్రభుత్వం అక్టోబర్‌లో కొత్త పింఛన్లు మంజూరు చేయలేదు. ప్రస్తుతం ఎన్నికల కోడ్‌ రావడంతో నవంబర్‌, డిసెంబర్‌ నెలల్లో కూడా కొత్త పింఛన్‌ వచ్చే పరిస్థితి లేదని తెలిసి మనోవేదన చెందుతోంది. అసలు పింఛన్‌ వస్తుందోరాదోనని బెంగపడుతోంది.

● కుటుంబసభ్యులకు అప్పగించిన పోలీసులు కొత్తవలస: మండలంలోని ఓ గ్రామానికి చెందిన యువతి ఈ నెల 13న ఇంటి నుంచి అదృశ్యమవగా ఆమె అక్క ఇచ్చిన ఫిర్యాదు మేరకు ఎస్సై జోగారావు కేసు నమోదు చేసి దర్యాప్తు ప్రారంభించారు. కుటుంబసభ్యులు ఇష్టంలేని పెళ్లి చేసేందుకు ఏర్పాట్లు చేస్తుండగా అది నచ్చక ఇంటి నుంచి యువతి వెళ్లిపోయినట్లు పోలీసులు గుర్తించారు.13న ఆటో ఎక్కి విశాఖపట్నం ఆర్‌టీసీ కాంప్లెక్స్‌కు వెళ్లి అక్కడినుంచి విజయవాడ వెళ్లినట్లు తెలిపారు. 14వ తేదీన పత్రికల్లో వచ్చిన వార్త ఆమె సెల్‌ఫోన్‌కు రావడంతో గ్రహించి తిరిగి గురువారం మండలానికి చేరుకోవడంతో ఆమె కుటుంబ సభ్యులకు అప్పజెప్పినట్లు ఎస్సై తెలిపారు. దుర్గమ్మ సేవలో కేశలి అప్పారావు విజయనగరం కల్చరల్‌(క్రైమ్‌): స్థానిక కానుకుర్తి వీధిలో శ్రీఆదిభట్ల ఫౌండేషన్‌ ఆధ్వర్యంలో జరుగుతున్న దేవీ నవరాత్రి మహోత్సవాలకు చైల్డ్‌ వెల్ఫేర్‌ కమిషన్‌ మాజీ చైర్మన్‌ కేశలి అప్పారావు గురువారం హాజరై దుర్గమ్మను దర్శించుకున్నారు. ఉత్సవాల్లో భాగంగా నిర్వహించిన ప్రత్యేక హారతి కార్యక్రమానికి ఆయన హాజరు కాగా ఆయనకు ఉత్సవ కమిటీ సాదరంగా ఆహ్వానించి, అమ్మవారి ఆశీర్వచనాలు అందజేశారు. అనంతరం శ్రీఆదిభట్ల ఫౌండేషన్‌ ప్రతినిధి ఆనందనారాయణదాసు ఆయనను ఘనంగా సత్కరించి, అమ్మవారి ప్రసాదాలు అందజేశారు.

విజయనగరం ఫోర్ట్‌: విజయనగరంలో ఈఎస్‌ఐ 100 పడకల ఆస్పత్రి నిర్మాణం నత్తనడకన సాగుతోంది. నిర్మాణం ఎప్పటికి పూర్తవుతుందో తెలియని పరిస్థితి. 100 పడకల ఆస్పత్రి పూర్తయితే కార్మికులకు మెరుగైన వైద్య సేవలు అందుతాయని భావించారు. ఏళ్లు గడుస్తున్నా నిర్మాణం అయితే పూర్తి కాకపోవడంతో కార్మికులకు మెరుగైన వైద్య సేవలు అందని పరిస్థితి. కార్మికులకు మెరుగైన వైద్య సేవలు అందించడంతో పాటు విశాఖపట్నం ఈఎస్‌ఐ ఆస్పత్రికి రిఫర్‌ల్స్‌ తగ్గించాలనే ఉద్దేశంతో జిల్లాకు మంజూరు చేసిన ఈఎస్‌ఐ ఆస్పత్రి నిర్మాణంపై నీలినీడలు కమ్ముకున్నాయి. ఈఎస్‌ఐ ఆస్పత్రి జిల్లాలో లేక పోవడం వల్ల కేవలం ఓపీ సేవలు మాత్రమే కార్మికులకు అందుతున్నాయి. దీంతో ఇన్‌పేషేంట్‌ సేవలు కావాలన్నా, స్పెషాలిటీ వైద్య సేవలు కావాలన్నా విశాఖపట్నంలో ఉన్న ఈఎస్‌ఐ ఆస్పత్రికి పరుగుతీయాల్సిన పరిస్థితి. మా కష్టాలు ఎప్పుడు తీరుతాయోనని కార్మికులు ఆవేదన వ్యక్తం చేస్తున్నారు. అన్ని ఉన్నా అల్లుడు నోట్లో శని అన్న సామెత మాదిరి ఆస్పత్రి మంజూరైనా నిర్మాణం పూర్తి చేయక పోవడం వల్ల కష్టాలు తప్పడం లేదని కార్మికులు వాపోతున్నారు. శిథిలావస్థలో డయోగ్నోస్టిక్‌ సెంటర్‌ ఈఎస్‌ఐ డయోగ్నోస్టిక్‌ సెంటర్‌ శిథిలావస్థకు చేరింది. దీంతోవైద్య సిబ్బంది, చికిత్స కోసం కార్మికులు ఆందోళన చెందుతున్నారు. భవనం పెచ్చులు ఊడుతుండడంతో ఎప్పుడు ఏ ప్రమాదం జరుగుతుందోనని కార్మికులు ఆవేదన చెందుతున్నారు. జిల్లాలో ఈఎస్‌ఐ కార్పొరేషన్‌ పరిధిలో ఉన్న కార్మికులకు డయోగ్నోస్టిక్‌ సెంటర్‌ సేవలే దిక్కుగా నిలిచాయి. కేవలం ఓపీ సేవలే తప్ప ఇన్‌పేషేంట్‌ సేవలు అందని పరిస్థితి. ఆర్థో, గైనిక్‌, జనరల్‌ సర్జరీ, రేడియాలజీ, పిడియాట్రిక్‌, ఈఎన్‌టీ, జనరల్‌ మెడిసిన్‌ విభాగాలకు సంబంధించి ఓపీ సేవలే అందుతున్నాయి. డయోగ్నొస్టిక్‌ సెంటర్‌ కావడం వల్ల మధ్యాహ్నం 3 గంటలకే ఓపీ సేవలు బంద్‌ అవుతున్నాయి. ఆ తర్వాత ఏ సేవలు కావాలన్నా మరుసటి రోజు రావాల్సిన పరిస్థితి. అత్యవసర పరిస్థితి అయితే విశాఖపట్నంలో ఉన్న ఈఎస్‌ఐ ఆస్పత్రికి గాని రిఫరల్‌ ఆస్పత్రికి గాని వెళ్లాల్సిన పరిస్థితి.కొన్ని నెలలు పడుతుంది ఈఎస్‌ఐ 100 పడకల ఆస్పత్రి నిర్మాణం ఇంకా పూర్తి కాలేదు. నిర్మాణం పూర్తికావడానికి ఇంకా కొన్ని నెలలు సమయం పట్టే అవకాశం ఉంది. జీవన్‌, కార్మిక రాజ్య బీమా సంస్థ, మేనేజర్‌

● 775 గ్రామ పంచాయతీలు, 7,312 వార్డులకు రిజర్వేషన్లు ఖరారు ● గజిట్‌ నోటిఫికేషన్‌ జారీ విజయనగరం రూరల్‌: స్థానిక ఎన్నికల నిర్వహణకు ఎన్నికల కమిషన్‌ పచ్చజెండా ఊపింది. మున్సిపల్‌, కార్పొరేషన్‌, జెడ్పీటీసీ, ఎంపీపీ, ఎంపీటీసీ ఎన్నికలకు సంబంధించి ఎన్నికల సంఘం షెడ్యూల్‌ను ప్రకటించింది. వీటికి సంబంధించి రిజర్వేషన్లు ఖరారు చేస్తూ కలెక్టర్‌ గజిట్‌ నోటిఫికేషన్‌ను మంగళవారమే జారీ చేశారు. అలాగే, గ్రామ పంచాయతీలు, వార్డులకు సంబంధించి రిజర్వేషన్లు ఖరారయ్యాయి. గ్రామ పంచాయతీ ఎన్నికలకు సంబంధించి మూడు దశల్లో ఎన్నికల షెడ్యూల్‌ను ఎన్నికల సంఘం ప్రకటించింది. గ్రామ పంచాయతీల రెండో సాధారణ ఎన్నికలకు సంబంధించి రిజర్వేషన్లు ఖరారు చేస్తూ కలెక్టర్‌ ఎస్‌.రాంసుందర్‌ రెడ్డి బుధవారం గజిట్‌ నోటిఫికేషన్‌ జారీచేశారు. పంచాయతీ సర్పంచుల రిజర్వేషన్లు ఇలా... జిల్లాలో 27 మండలాల పరిధిలో 777 గ్రామ పంచాయతీలు ఉండగా 775 గ్రామ పంచాయతీలకు, వాటి పరిధిలో ఉన్న 7,312 వార్డులకు రిజర్వేషన్లు ఖరారు చేశారు. గ్రామ పంచాయతీకి సంబంధించి 379 స్థానాలు మహిళలకు కేటాయించగా, 396 పంచాయతీలు జనరల్‌కు కేటాయించారు. గరివిడి మండలం నీలాద్రిపురం, రేవిడి అగ్రహారం పంచాయతీలపై కోర్టు స్టే ఉండడంతో ఆ రెండు గ్రామ పంచాయతీలకు ఎన్నికలు నిర్వహించడం లేదు. ఎస్టీ వర్గానికి 18 (మహిళలు–3, జనరల్‌–15), ఎస్సీలకు 83 (మహిళలు–35, జనరల్‌–48), బీసీలకు 279 (మహిళలు–133, జనరల్‌–146), జనరల్‌ 395 (మహిళలు–206, జనరల్‌–189) గ్రామ పంచాయతీలు కేటాయించారు. 7312 వార్డు స్థానాలకు రిజర్వేషన్లు ఇలా... జిల్లాలో 775 గ్రామ పంచాయతీలకు ఎన్నికలు నిర్వహించనుండగా వాటి పరిధిలోని 7,312 వార్డులకు రిజర్వేషన్లు ఖరారయ్యాయి. వీటిలో 162 ఎస్టీ స్థానాలకు, 777 ఎస్సీ స్థానాలకు కేటాయించారు. బీసీలకు 2,731 స్థానాలు రిజర్వ్‌ కాగా, జనరల్‌కు 3,642 స్థానాలు రిజర్వ్‌ అయ్యాయి. మహిళలకు 3,655 వార్డు స్థానాలు కేటాయించగా, జనరల్‌ 3,657 స్థానాలు కేటాయించారు. ● ఆశావహుల హడావిడి.. పార్టీలకు అతీతంగా గ్రామ పంచాయతీ ఎన్నికలు జరగనుండగా ప్రధాన పార్టీలు అభ్యర్థుల ఖరారులో నిమగ్నమయ్యాయి. దీంతో గ్రామాల్లో ఆశావాహుల హడావిడి మొదలయ్యింది. ఇప్పటికే ప్రధాన పార్టీల తరఫున ఎంపీటీసీ, జెడ్పీటీసీ, ఎంపీపీల అభ్యర్థిత్వం ఖరారులో నిమగ్నం కాగా, పార్టీల రహితంగా నిర్వహించే సర్పంచ్‌ అభ్యర్థులపై ఫోకస్‌ చేశాయి. ప్రధాన ప్రతిపక్షమైన వైఎస్సార్‌ సీపీ నుంచి ఇప్పటికే అనేక గ్రామాల్లో అభ్యర్థుల ఎంపికలు జరుగుతున్నాయి. పోలింగ్‌ తేదీ మార్చాలని విజ్ఞప్తి.. విజయనగరం గంటస్తంభం: అక్టోబర్‌ 27న ఉత్తరాంధ్రుల ఆరాధ్య దైవం పైడితల్లి అమ్మవారి సిరిమానోత్సవం వైభవంగా జరగనున్న నేపథ్యంలో, విజయనగరం కార్పొరేషన్‌ పరిఽధిలో పోలింగ్‌, కౌంటింగ్‌ తేదీలను మార్చాలని రాష్ట్ర ఎన్నికల సంఘాన్ని కోరినట్లు కలెక్టర్‌ ఎస్‌.రాంసుందర్‌రెడ్డి తెలిపారు. పోలింగ్‌ తేదీని అక్టోబర్‌ 28కి బదులుగా అక్టోబర్‌ 29కి మార్చితే ప్రజలకు, అధికార యంత్రాంగానికి సౌకర్యవంతంగా ఉంటుందని ప్రతిపాదించినట్లు చెప్పారు. బ్యాలెట్‌ పేపర్లు, బ్యాలెట్‌ బాక్సులు, సిబ్బంది నియామకం, స్ట్రాంగ్‌ రూమ్‌ల భద్రతపై ముందస్తు కసరత్తు పూర్తి చేశామని, సమస్యాత్మక పోలింగ్‌ కేంద్రాలపై ప్రత్యేక దృష్టి సారించామని వివరించారు. అర్హులైన ఓటర్లందరూ నిర్భయంగా ఓటు హక్కును వినియోగించుకోవాలని కలెక్టర్‌ కోరారు. సమావేశంలో జాయింట్‌ కలెక్టర్‌ ఎస్‌.సేతుమాధవన్‌, డీఆర్వో సీహెచ్‌.సత్తిబాబు పాల్గొన్నారు.

● నిబంధనలు అతిక్రమిస్తే జైలుకే ● పారదర్శకంగా ఎన్నికల నిర్వహణకు చర్యలు ● సమావేశంలో కలెక్టర్‌, ఎస్పీ విజయనగరం టౌన్‌: స్థానిక సంస్థల ఎన్నికలను సజావుగా సాగించేందుకు పటిష్టమైన కార్యాచరణ చేపట్టినట్లు కలెక్టర్‌ ఎస్‌.రామసుందర్‌ రెడ్డి, ఎస్పీ ఏఆర్‌.దామోదర్‌లు స్పష్టం చేశారు. ఈ మేరకు కలెక్టరేట్‌లో గురువారం నిర్వహించిన సమావేశంలో వివరాలు వెల్లడించారు. ఈ సందర్భంగా ఎస్పీ దామోదర్‌ మాట్లాడుతూ గతంలో నిర్వహించిన ఎన్నికల్లో నమోదైన కేసుల్లో నిందితులుగా ఉన్న వారిపై కోర్టులో కేసులు నడుస్తున్నాయని, వారిపై ప్రత్యేకంగా నిఘా కూడా పెట్టామన్నారు. క్షేత్రస్థాయిలో సమస్యలను సృష్టించే వ్యక్తులను పార్టీలకతీతంగా 20వేల మందికి పైగా గుర్తించి, ఇప్పటికి వారి నుంచి రూ. 2 నుంచి రూ. 3 లక్షలకు సొంత పూచీకత్తుగా మండల ఎగ్జిక్యూటివ్‌ కార్యాలయంలో బాండ్లు తీసుకున్నామన్నారు. ఎవరైనా నిబంధనలకు విరుద్ధంగా వ్యవహరిస్తే వారి నుంచి సొంత పూచీకత్తుగా బాండులో సూచించిన మొత్తాన్ని చెల్లించే విధంగా చర్యలు చేపట్టి, వారిని జైలుకు పంపిస్తామన్నారు. ఎన్నికల నిర్వహణ సమయంలో చెక్‌పోస్టులను ఏర్పాటుచేసి, వాహన తనిఖీలను నిర్వహిస్తామన్నారు. రైతులు, వ్యాపారస్తులు , ప్రజలు ఎక్కువ మొత్తంలో నగదును తమ అవసరాల నిమిత్తం ఇతర ప్రాంతాలకు తీసుకువెళ్లే సమయంలో సరైన ఆధారాలు చూపించాలని స్పష్టం చేశారు. చాలా వరకూ ఆన్‌లైన్‌ లావాదేవీలు జరిపేందుకు మాత్రమే ప్రాధాన్యత కల్పించాలన్నారు.సజావుగా ఎన్నికల నిర్వహణకు చర్యలు కలెక్టర్‌ ఎస్‌.రామసుందర్‌ రెడ్డి మాట్లాడుతూ రాష్ట్ర ఎన్నికల కమిషన్‌ స్థానిక సంస్థల ఎన్నికల షెడ్యూల్‌ను విడుదల చేయడంతో దానికి అనుగుణంగా మున్సిపల్‌, ఎంపీటీసీ, జెడ్పీటీసీ, పంచాయతీ ఎన్నికలను సజావుగా, శాంతియుతంగా నిర్వహించేలా ముందస్తు చర్యలను చేపడుతున్నామన్నారు. విజయనగరం మున్సిపాలిటీ ఎన్నికలను అక్టోబరు 28న నిర్వహించాల్సి ఉండగా, అక్టోబరు 27న పట్టణంలో శ్రీ పైడితల్లి అమ్మవారి సిరిమానోత్సవం నిర్వహించాల్సి ఉందన్నారు. ఈ నేపథ్యంలో అక్టోబరు 28న జరగాల్సిన మున్సిపల్‌ ఎన్నికలను అక్టోబరు 29న నిర్వహించే విధంగా చర్యలు చేపట్టాలని రాష్ట్ర ఎన్నికల కమిషన్‌ను కోరినట్లు చెప్పారు. సమావేశంలో జాయింట్‌ కలెక్టర్‌ సేతు మాధవన్‌, డీఆర్‌ఓ సీహెచ్‌.సత్తిబాబు పాల్గొన్నారు.ఆధారాలు లేకుండా వార్తలు ప్రసారం చేస్తే చర్యలు అదేవిధంగా ఎటువంటి నిర్ధారణ లేకుండా అసత్యవార్తలను సోషల్‌ మీడియాలో ప్రచారం చేసినా, ప్రచురించినా, సర్క్యులేట్‌ చేసినా, వారిపై చట్టపరమైన చర్యలు తప్పవని ఎస్పీ హెచ్చరించారు. స్థానిక సంస్థల ఎన్నికల దృష్ట్యా బ్యాంకుల్లో విధులు నిర్వహించే ఆయుధాలను మినహాయించి, మిగిలిన వారి నుంచి లైసెన్స్‌డ్‌ ఆయుధాలను సీజ్‌ చేశామన్నారు. ఎన్నికల నిర్వహణ సమయంలోనే విజయనగరం ఉత్సవాలు, శ్రీ పైడితల్లి అమ్మవారి సిరిమానోత్సవం ఒక్కసారే నిర్వహించాల్సి రావడం వలన ఇతర శాఖల అధికారులను సమన్వయం చేసుకుంటూ విజయనగర ఉత్సవాలు, పైడితల్లి సిరిమానోత్సవం, మున్సిపల్‌ ఎన్నికలను శాంతియుతంగా, సజావుగా, ఎటువంటి అవాంఛనీయ సంఘటనలు జరగకుండా నిర్వహిస్తామని, ప్రజలందరూ జిల్లా యంత్రాంగానికి సహకరించాలని కోరారు.

పార్వతీపురం రూరల్‌/విజయనగరం టౌన్‌: రానున్న స్థానిక సంస్థల ఎన్నికల సన్నద్ధత, భద్రతా ఏర్పాట్లపై విశాఖపట్నం రేంజ్‌ ఐజీపీ గోపీనాథ్‌ జెట్టి గురువారం నిర్వహించిన దూర దృశ్య సమీక్షా సమావేశంలో విజయనగరం జిల్లా ఎస్పీ ఏ ఆర్‌ దామోదర్‌, పార్వతీపురం మన్యం జిల్లా ఎస్పీ ఎస్‌.వి.మాధవ్‌ రెడ్డి పాల్గొన్నారు. రేంజ్‌ పరిధిలోని ఆరు జిల్లాల ఎస్పీలతో నిర్వహించిన ఈ భేటీలో స్థానిక పోరు భద్రతా చర్యలపై ఐజీపీ సమగ్రంగా చర్చించారు. ఎన్నికలను శాంతియుతంగా, స్వేచ్ఛగా నిర్వహించేందుకు పకడ్బందీ ప్రణాళికలు రూపొందించాలని ఐజీపీ ఆదేశించారు. జిల్లాలోని పోలింగ్‌ కేంద్రాలు, సమస్యాత్మక ప్రాంతాలను అంచనా వేసి అదనపు బలగాల మోహరింపునకు ముందస్తు చర్యలు చేపట్టాలన్నారు. రౌడీషీటర్లు, పాత నేరస్తులపై నిరంతర నిఘా ఉంచి, చట్ట ప్రకారం బైండోవర్‌ కేసులు నమోదు చేయాలని సూచించారు. పెండింగ్‌ నాన్‌–బెయిలబుల్‌ వారెంట్లను త్వరితగతిన అమలు చేయాలని ఆదేశించారు. సిబ్బంది రాజకీయ ప్రభావాలకు అతీతంగా నిష్పక్షపాతంగా విధులు నిర్వహించాలని, కోడ్‌ ఉల్లంఘనలపై తక్షణ చర్యలు తీసుకోవాలని స్పష్టం చేశారు. రెవెన్యూ, ఎన్నికల అధికారులతో సమన్వయం చేసుకుంటూ ముందస్తు భద్రతా చర్యలు పూర్తి చేయాలని సూచించారు.

చీపురుపల్లి రూరల్‌(గరివిడి): గరివిడి(శ్రీరామ్‌నగర్‌) జిల్లా పరిషత్‌ ఉన్నత పాఠశాలలో ఎనిమిదో తరగతి చదువుతున్న గరివిడి పట్టణానికి చెందిన విద్యార్థిని సింగవరపు లక్ష్మి జాతీయస్థాయి రెజ్లింగ్‌ పోటీలకు ఎంపికై ంది. ఈనెల 10 నుంచి 12 వరకు పల్నాడు జిల్లాలోని కారంపూడి బాలుర ఉన్నత పాఠశాలలో జరిగిన రాష్ట్రస్థాయి స్కూల్‌గేమ్స్‌ రెజ్లింగ్‌ పోటీల్లో జిల్లా తరఫున ప్రాతినిధ్యం వహించి బంగారు పతకం సాధించింది. దేశ రాజధాని డిల్లీలో అఖిల భారత స్కూల్‌గేమ్స్‌ సమాఖ్య ఆధ్యర్యంలో నిర్వహించే జాతీయస్థాయి పోటీల్లో ఈ విద్యార్థిని పాల్గొననుంది. జాతీయస్థాయి క్రీడా పోటీలకు లక్ష్మి ఎంపిక కావడం పట్ల ప్రధానోపాధ్యాయురాలు ఎం.నిర్మల, పీడీ ఉదయ్‌కుమార్‌, ఎస్‌ఎంసీ చైర్మన్‌ వాండ్రంగి వెంకటేష్‌, సహాపాధ్యాయులు ఆమెను గురువారం అభినందించారు. కురుపాం: మండల కేంద్రంలోని మహాత్మాగాంధీ జ్యోతిబా పూలే సంక్షేమ ఆశ్రమ పాఠశాల సమీపంలో గురువారం రెండు ద్విచక్రవాహణాలు ఎదురెదురుగా బలంగా ఢీకొన్న సంఘటనలో ముగ్గురికి తీవ్రగాయాలయ్యాయి. ఈ సంఘటనపై స్థానికులు అందించిన వివరాల్లోకి వెళ్తే..దుడ్డుఖల్లు గ్రామం నుంచి కురుపాం వైపు ఎర్ర నవీన్‌, వర్రి దేముడుబాబు బైక్‌పై వస్తుండగా ఎదురుగా కురుపాం మండలం చెరువు కొమ్మవలస గ్రామానికి చెందిన పల్ల రవి పామాయిల్‌ తోటకు వెళ్తుండగా రెండు బైక్‌లు బలంగా ఢీకొన్నాయి దీంతో ముగ్గురు వ్యక్తులకు తీవ్ర గాయాలు కాగా వెంటనే కురుపాం సామాజిక ఆరోగ్య కేంద్రానికి తరలించారు. ఈ ప్రమాదంలో ఎర్ర నవీన్‌కు ఎడమచేయి విరగగా, వర్రి దేముడు బాబుకు కుడి కాలు విరిగిందని, పల్ల రవికి ముఖంపై తీవ్రగాయాలయ్యాయని ప్రథమ చికిత్సను అందించిన వైద్య సిబ్బంది తెలిపారు మెరుగైన వైద్యసేవల కోసం పార్వతీపురం ఏరియా ఆస్పత్రికి తరలించారు. ఈ మేరకు పోలీసులు కేసు నమోదు చేయాల్సి ఉంది. బస్సు ఢీకొని ఇద్దరికి..గజపతినగరం రూరల్‌: మండలంలోని మధుపాడ 26వ నంబర్‌ జాతీయ రహదారి సమీపాన గల పాలధార చెరువు వద్ద బుధవారం రాత్రి రోడ్డు ప్రమాదం జరిగి ఒకరు తీవ్రంగా గాయపడగా, మరొకరికి స్వల్ప గాయాలయ్యాయి. ఈ విషయమై గురువారం స్థానిక పోలీసులు తెలిపిన వివరాల ప్రకారం..ఒడిశా వైపు నుంచి విజయనగరం వెళ్తున్న బస్సు, మండలంలోని రామన్నపేట గ్రామంలో పెళ్లి చూసుకుని ద్విచక్ర వాహనంపై మరుపల్లి వైపు వెళ్తున్న ధనాల గోపి, తుపాకుల వాసు ప్రయాణిస్తున్న మోటార్‌సైకిల్‌ను ఢీకొట్టింది. రాత్రి సుమారు 10.45 గంటల సమయంలో జరిగిన ఈ ప్రమాదంలో ధనాల గోపికి తీవ్ర గాయాలు కాగా, తుపాకుల వాసుకు స్వల్ప గాయాలయ్యాయి. క్షతగాత్రులను 108 అంబులెన్‌న్స్‌లో విజయనగరంలోని ప్రభుత్వ కేంద్రాస్పత్రికి తరలించారు. ఈ ఘటనపై ఎస్సై కె.కిరణ్‌ కుమార్‌ నాయుడు కేసు నమోదు చేసి దర్యాప్తు చేస్తున్నారు. 17 నుంచి రాష్ట్ర స్థాయి క్లాసికల్‌ ఓపెన్‌ చెస్‌ పోటీలువిజయనగరం: ఉత్తరాంధ్రల ఇలవేల్పు పైడితల్లమ్మవారి జాతర మహోత్సవాన్ని పురష్కరించుకుని ఈనెల 17 నుంచి 19వ తేదీ వరకు చెస్‌ అసోసియేషన్‌ ఆఫ్‌ విజయనగరం, ఫైర్‌ చెస్‌ స్కూల్‌ ఆధ్వర్యంలో రాష్ట్ర స్థాయి క్లాసికల్‌ ఓపెన్‌ చెస్‌ పోటీలు జరగనున్నట్లు అసోసియేషన్‌ జిల్లా సీఈఓ కెవి.జ్వాలాముఖి తెలిపారు. విజయనగరం జిల్లా కేంద్రంలోని ఫైర్‌చెస్‌ స్కూల్‌లో నిర్వహించే పోటీల్లో విజేతలుగా నిలిచే క్రీడాకారులకు మొత్తంగా రూ.50వేల నగదు బహుమతులు ప్రదానం చేయనున్నట్లు తెలిపారు. అండర్‌–07,09,11,13 విభాగాలతో పాటు ఓపెన్‌ విభాగాల్లో పోటీలు నిర్వహిస్తామని పోటీల్లో పాల్గొనే క్రీడాకారులు సెల్‌నంబర్‌ 7416666567కు కాల్‌ చేసి పేర్లు నమోదు చేసుకోవాలని సూచించారు.

సాక్షి ప్రతినిధి, విజయనగరం: తెలుగుదేశంలో ఎన్నడూ లేనివిధంగా మున్సిపాలిటీలోని క్యాడర్‌ అధిష్టానం మీద తిరుగుబాటు చేసింది. ఇదివరకు ఏ ఎన్నికలు జరిగినా అధిష్ఠానమే దేవాలయం.. నాయకులే దేవుళ్లు అంటూ చేతులు జోడించి నిలబడిన నాయకులు.. ఇప్పుడు మాత్రం తమ గళం విప్పారు. పార్టీలో పాతికేళ్లుగా ఉంటున్న తమను కాదని ఎవరో కొత్తవాళ్లకు మేయర్‌ అభ్యర్థిత్వం ఎలా కేటాయిస్తారంటూ ఎమ్మెల్యే అదితి గజపతి ఎదుటనే నిలదీశారు. ఇస్తే గిస్తే మన పార్టీలో మొదట్నుంచి ఉన్నవాళ్లకు ఇవ్వాలి కానీ నిన్నగాక మొన్న పార్టీలో చేరిన చిన్నశ్రీను కూతురు సిరి సహస్రకు ఎలా ఇస్తారంటూ ఆగ్రహం వ్యక్తంచేశారు. అసలు ఆమెకు ఏ ప్రాతిపదికన టికెట్‌ ఇస్తారు.. ఎందుకు ఇవ్వాలి.. ఇలాగైతే మేమంతా పార్టీకి రాజీనామా చేసేస్తాం అంటూ మాజీ కార్పొరేట ర్లు, వార్డు ఇన్‌చార్జులు .. ఇలా రకరకాల స్థాయిల్లోని నాయకులూ సిరిసహస్ర పట్ల తమ వ్యతిరేకతను బాహాటంగా వెల్లడించారు. పత్రికా సమావేశం పెట్టిమరీ తమ అవిధేయతను, వ్యతిరేకతను అదితి ద్వారా అధిష్ఠానానికి పంపించారు. దీంతో ఇదేదో తేడా కొట్టేసినట్లుందని భావించిన పార్టీ పెద్దలు.. ఈపూటకు ఆపుదాం.. రేపు చూద్దాం అన్నట్లుగా శుక్రవారానికి మేయర్‌ అభ్యర్థి ప్రకటనను వాయిదా వేశారు. స్కెచ్‌ వేసింది అదితి.. క్యాడర్‌తో లెటర్లు ... మరోవైపు ఎమ్మెల్యే అదితి కూడా సిరి సహస్ర విషయంలో అంతగా మొగ్గుచూపడంలేదని తెలుస్తోంది. ప్రస్తుతం విజయనగరంలో అశోక్‌ బంగ్లా వేదికగా రాజకీయాలు జరుగుతున్నాయి. చిన్న గుమ స్తా బదిలీ నుంచి తహసీల్దార్ల పోస్టింగ్‌లు వరకూ బంగ్లాలోనే నిర్ణయాలు జరుగుతున్నాయి. మున్సిపాలిటీలో కమిషనర్‌ మొదలు అందులోని కాంట్రాక్టులు.. అభివృద్ధి పనులు.. బిల్లుల చెల్లింపు.. చిరుద్యోగుల పోస్టింగుల బదిలీలు కూడా అదితి చెబితేనే జరుగుతున్నాయి. గెలిచే అవకాశం లేకపోయినా... పొరపాటున సిరిసహస్ర మేయర్‌ అయితే పరిస్థితి పూర్తిగా మారిపోతుందని, పట్టణం మొత్తం ఆమె గుప్పిట్లోకి వచ్చేయగా కొన్ని పల్లెలు.. చిన్న గ్రామాలు మాత్రమే అదితికి మిగులుతాయన్న బెంగ ఆమెను వెంటాడుతోందట. కొండచిలువ పిల్లను చంకలో పెంచుకున్నట్లే... పోన్లే అని ఇప్పుడు కానీ సిరి అభ్యర్థిత్వాన్ని అదితి మొహమాటానికో.. కాదనలేకనో ఒప్పేసుకుంటే ఇక తన రాజకీయ సమాధికి అడ్వాన్స్‌ ఇచ్చేసినట్లే. పైగా చిన్నశ్రీను డామినేషన్‌ గురించి అదితికి పూర్తిగా తెలుసు. సిరి మేయర్‌ అయిన మరుక్షణం నుంచి క్యాడర్‌ మొత్తం చిన్న శ్రీను ఇంటి చుట్టూ తిరుగుతుంది. పట్టణం మొత్తం ఆయన కంట్రోల్లోకి వెళ్తుంది. రేపు మళ్లీ అసెంబ్లీ ఎన్నికలు వచ్చినప్పుడు అదితి గెలవాలా? ఓడిపోవాలా? అనేది చిన్నశ్రీను డిసైడ్‌ చేసే పరిస్థితి వస్తుంది. సిరి గెలిచిన వారం తరువాత ఆటోమేటిగ్గా బంగ్లా బోసిపోతుంది. ఇవన్నీ ఆలోచించిన అదితి.. సిరిసహస్రకు మేయర్‌ పదవి ఇవ్వడాన్ని అడ్డుకోకపోతే పట్టణంలో తన ఉనికి కూడా ఉండదని అర్థమైందట. బయటకు మాత్రం అధిష్టానమే ఫైనల్‌ అని చెబుతున్న లోలోన మాత్రం ఆమె ఈ తంతు నడిపించినట్లు సమాచారం. ఈ గోల ఇప్పుడే ఎందుకని అధిష్ఠానం ఈ ఎపిసోడ్‌ ఈపూటకు ముగించి రేపు చూద్దాం అని వర్తమానం పంపింది. సిరిసహస్ర మేయర్‌ అభ్యర్థిత్వానికి అదితి నో! 60 మంది టీడీపీ నేతల లేఖలు.. ఆమెకు టికెట్‌ ఇస్తే రాజీనామా చేస్తామని అల్టిమేటం అభ్యర్థి ప్రకటన రేపటికి వాయిదా

పెందుర్తి: ఓ నిరాశ్రయ వృద్ధుడికి పెందుర్తి పోలీసులు ఆశ్రయం కల్పించారు. పెందుర్తి కూడలి అనకాపల్లి బస్టాప్‌ వద్ద నంబారు ఆంథోని(70) అనే వృద్ధుడు కొద్దిరోజులుగా తిరుగాడుతున్న విషయాన్ని బ్లూకోట్స్‌ కానిస్టేబుల్‌ లెక్కల చంద్రశేఖర్‌ గుర్తించారు. వెంటనే విషయాన్ని సీఐ కేవీ సతీష్‌కుమార్‌ దృష్టికి తీసుకెళ్లారు. సీఐ ఆదేశాల మేరకు ఆంథోనీని స్థానిక లయోలా వృద్ధాశ్రమంలో చేర్చారు. అతని కుటుంబ సభ్యులు విజయనగరం జిల్లా కొత్తవలస మండలం గొల్లలపాలెంలో ఉన్నట్లు గుర్తించామని..వారిని పిలిపించి అప్పగంచే ప్రయత్నం చేస్తున్నట్లు సీఐ వెల్లడించారు.

● నూతనోత్సాహంలో వైఎస్సార్‌సీపీ నాయకులులక్కవరపుకోట: వైఎస్సార్‌ కాంగ్రెస్‌ పార్టీలో ప్రతి కార్యకర్తా క్రియాశీలక నాయకుడేనని శాసన మండలి విపక్షనేత, మాజీ మంత్రి బొత్స సత్యనారాయణ పేర్కొన్నారు. పార్టీ బలోపేతంలో కార్యకర్తలే కీలకమని, వారి కృషి, అంకితభావమే పార్టీకి బలమని తెలిపారు. ఈ మేరకు ఎస్‌.కోట మాజీ శాసనసభ్యుడు కడుబండి శ్రీనివాసరావు ఆధ్వర్యంలో లక్కవరపుకోట మేజర్‌ పంచాయతీ మాజీ సర్పంచ్‌, తెలుగుదేశం పార్టీకి చెందిన నాయకుడు సంగం గోవిందరావు విజయనగరంలో బొత్స సత్యనారాయణ సమక్షంలో వైఎస్సార్‌సీపీలో గురువారం చేరారు.ఆయనతో పాటు గ్రామానికి చెందిన 150 కుటుంబాలు వారు సైతం వైఎస్సార్‌సీపీలో చేరారు. వారందరికీ మాజీ మంత్రి బొత్స సత్యనారాయణ పార్టీ కండువాలు వేసి సాదరంగా ఆహ్వానించారు. ఈ సందర్భంగా నూతనంగా పార్టీలో చేరిన గోవిందరావు మాట్లాడుతూ రానున్న స్థానిక సంస్థల ఎన్నికల్లో పార్టీని విజయపథంలో నిలబట్టేందుకు కృషి చేస్తానని తెలిపారు. పార్టీ ఏ బాధ్యత అప్పగించినా తు.చ తప్పక నిర్వర్తిస్తానని స్పష్టం చేశారు. లక్కవరపుకోట మాజీ సర్పంచ్‌తో పాటు పెద్ద సంఖ్యలో తెలుగుదేశం పార్టీకి చెందిన కుటుంబాలు వైఎస్సార్‌సీపీలో చేరడంతో రాజకీయ వర్గాల్లో చర్చనీయాంశంగా మారింది. కార్యక్రమంలో మాజీ ఎంపీపీ గేదెల శ్రీనివాసరావు, మాజీ ఎంపీటీసీ యడ్ల కిశోర్‌కుమార్‌, ఎల్‌.కోట మేజర్‌ పంచాయతీ మాజీ సర్పంచ్‌ జామి అప్పలరాజు, ప్రముఖ న్యాయవాది తూర్పాటి శివాజీ, పలు గ్రామాల మాజీ సర్పంచ్‌లు ఏడువాక కిశోర్‌కుమార్‌, కొట్యాడ మహేష్‌, వైఎస్సార్‌ సీసీ మండల యూత్‌ అధ్యక్షుడు తూర్పాటి అప్పలరాజు తదితరులు పాల్గొన్నారు.

విజయనగరం లీగల్‌: శాశ్వత లోక్‌ అదాలత్‌ను వినియోగించుకోవాలని జిల్లా ప్రధాన న్యాయమూర్తి బబిత అన్నారు. ఈ మేరకు గురువారం జిల్లా న్యాయ సేవ అధికార సంస్థ ఆధ్వర్యంలో శాశ్వత ప్రజా న్యాయ పీఠంపై న్యాయ అవగాహన సదస్సు జరిగింది.ఈ సందర్భంగా జిల్లా ప్రధాన న్యాయమూర్తి బబిత మాట్లాడుతూ శాశ్వత ప్రజా న్యాయ పీఠం ఏ సేవలు అందిస్తుందో వివరించారు. పలు సేవలకు సంబంధించిన తగాదాలను రాజీ మార్గం ద్వారా లేదా తుది తీర్పు ద్వారా పరిష్కరిస్తుందన్నారు. బీమా. బ్యాంకింగ్‌ ఆర్థిక సంస్థల సేవలు. విద్య, విద్యాసంస్థలకు సంబంఽధించిన కేసులు, ఉపాధి హామీ పథకానికి సంబంధించిన తగాదాలు, పారిశుధ్య సేవలు, ఆస్పత్రి లేక నర్సింగ్‌ హోమ్‌ సేవలపై తగాదాలు రాజీ మార్గం ద్వారా పరిష్కరించుకోవచ్చని వివరించారు. శాశ్వత లోక్‌ అదాలత్‌ ద్వారా కోర్టు ఫీజు కూడా ఉచితం. శాశ్వత అదాలత్‌ ద్వారా వచ్చిన కోర్టు తీర్పును అప్పీల్‌ చేసుకు అవకాశం లేదన్నారు. కార్యక్రమంలో శాశ్వత లోక్‌ అదాలత్‌ చైర్మన్‌ దుర్గయ్య, న్యాయ అధికార సంస్థ కార్యదర్శి కృష్ణ ప్రసాద్‌, బార్‌ అసోసియేషన్‌ ప్రెసిడెంట్‌. రమేష్‌ కుమార్‌, స్టేట్‌ బార్‌ కౌన్సిల్‌ మెంబర్‌ బెల్లాన. రవి, బ్యాంకు అధికారులు, ఇన్సూరెన్స్‌ కంపెనీ అధికారులు, న్యాయవాదులు, పోస్టల్‌ అధికారులు, అడ్వకేట్స్‌ పాల్గొన్నారు జిల్లా ప్రధాన న్యాయమూర్తి బబిత

● రెవెన్యూలో విచిత్ర విన్యాసాలు ● జూనియర్లకు తహసీల్దార్‌ బాధ్యతలు ● ఎన్నికల వేళ ఆందోళనవిజయనగరం గంటస్తంభం: జిల్లా రెవెన్యూ శాఖలో వింత పోకడలు జోరందుకున్నాయి. మండల స్థాయిలో అత్యంత కీలకమైన తహసీల్దార్‌ పోస్టుల నిర్వహణలో తీవ్ర గందరగోళం నెలకొంది. అర్హత, అపార అనుభవం కలిగిన సీనియర్‌ అధికారులను పక్కనపెట్టి, రీసర్వే కోసం నియమించిన జూనియర్‌ రీసర్వే డిప్యూటీ తహసీల్దార్ల(ఆర్‌ఎస్‌డీటీ) చేతుల్లోకి తహసీల్దార్‌ బాధ్యతలు వెళ్లిపోవడం రెవెన్యూ వర్గాల్లో హాట్‌ టాపిక్‌గా మారింది. ఒక చోట పోస్టింగ్‌..ఇంకోచోట బాధ్యతలు జిల్లాలోని పలు మండలాల్లో రెగ్యులర్‌ తహసీల్దార్లు లేకపోవడం, ఉన్నవారిని ఇష్టారాజ్యంగా డిప్యుటేషన్లపై తిప్పడం సర్వసాధారణమైపోయింది. వంగర, రేగిడి మండలాలకు పూర్తిస్థాయి తహసీల్దార్లు లేకపోవడంతో ఆర్‌ఎస్‌డీటీలకే పూర్తి బాధ్యతలు అప్పగించారు. వంగర తహసీల్దార్‌గా శివనాగజ్యోతిని నియమించినప్పటికీ, ఆమెను చీపురుపల్లి ఆర్డీవో కార్యాలయంలో ఏవోగా డిప్యుటేషన్‌పై పంపారు. సీఎస్‌డీటీపై వేటు పడడంతో చివరకు ఆర్‌ఎస్‌డీటీ శ్రీనివాసరావుకు బాధ్యతలు వచ్చాయి. రేగిడిలోనూ కృష్ణలత రిలీవ్‌ కావడంతో ఆర్‌ఎస్‌డీటీ ఈశ్వరరావుకే తహసీల్దార్‌ బాధ్యతలు కట్టబెట్టారు. పదోన్నతులు వచ్చినా పోస్టింగులు శూన్యం గత జూన్‌ 24న విశాఖపట్నం నుంచి స్వర్ణబాయికి గంట్యాడ తహసీల్దార్‌గా పోస్టింగ్‌ ఇస్తూ ఉత్తర్వులు వచ్చాయి. కానీ ఆమెను చీపురుపల్లిలో పనిచేస్తున్న సూర్యకాంతం స్థానంలో గంట్యాడకు డిప్యుటేషన్‌పై ఉంచి, కలెక్టరేట్‌లోనే కొనసాగిస్తున్నారు. మరోవైపు కొద్ది నెలల క్రితం తహసీల్దార్‌ నుంచి ప్రత్యేక డిప్యూటీ కలెక్టర్‌గా పదోన్నతి పొందిన పద్మావతికి ఇప్పటివరకు ఎటువంటి పోస్టింగ్‌ ఇవ్వకుండా ఖాళీగా ఉంచడం విస్మయం కలిగిస్తోంది. భోగాపురం, విజయనగరం రూరల్‌ మండలాల్లోనూ డిప్యుటేషన్ల పర్వమే సాగుతోంది. ఎన్నికల వేళ తప్పిదాలు జరిగితే ఎవరిది బాధ్యత? గతంలో రీసర్వేలో భూసరిహద్దు సమస్యల పరిష్కారానికి ప్రత్యేకంగా ఆర్‌ఎస్‌డీటీ పోస్టులను సృష్టించి సీనియర్‌ అసిస్టెంట్లు, ఆర్‌ఐలకు పదోన్నతులు కల్పించారు. వీరికి పరిపాలనాపరంగా అనుభవం తక్కువగా ఉంటుంది. స్థానిక సంస్థల ఎన్నికలు సమీపిస్తున్న తరుణంలో, అనుభవం లేని వారితో కీలక కార్యకలాపాలు నడిపించడం వల్ల తీవ్ర లోపాలు తలెత్తే ప్రమాదం ఉందని ఉద్యోగ వర్గాలు ఆందోళన వ్యక్తం చేస్తున్నాయి. తప్పనిసరి పరిస్థితుల్లోనే అప్పగించాం ఈ అంశంపై జిల్లా రెవెన్యూ అధికారి(డీఆర్వో) సీహెచ్‌ సత్తిబాబు వివరణ ఇస్తూ..తహసీల్దార్‌ స్వర్ణబాయికి డిప్యూటీ కలెక్టర్‌ వద్ద పోస్టింగ్‌ చూపించామని, పద్మావతికి కూడా తగిన బాధ్యతలు అప్పగిస్తామని తెలిపారు. తప్పనిసరి పరిస్థితుల్లోనే ఆర్‌ఎస్‌డీటీలకు తహసీల్దార్‌ బాధ్యతలు ఇవ్వాల్సి వచ్చిందని స్పష్టం చేశారు.

● శాసన మండలి విపక్షనేత బొత్స సత్యనారాయణ బొండపల్లి: స్థానిక సంస్థల ఎన్నికల్లో సత్తాచాటి పార్టీకి పూర్వ వైభవం తీసుసుకురావాలని శాసనమండలి విపక్షనేత బొత్స సత్యనారాయణ, మాజీ ఎమ్మెల్యే, వైఎస్సార్‌సీపీ గజపతినగరం ఇన్‌చార్జి బొత్స అప్పలనరసయ్య అన్నారు. మండలంలోని చిన్నతామారపల్లి మాజీ సర్పంచ్‌, టీడీపీ సీనియర్‌ నాయుకుడు పిళ్లా గురునాయుడుతో పాటు అతని అనుచరులు రెడ్డి సత్తిబాబు, పిళ్లా రామునాయుడుతో పాటు 50 కుటుంబాలు టీడీపీ వీడి వైఎస్సార్‌సీపీలో చేరాయి. అలాగే బి.రాజేరు గ్రామంలో టీడీపీ నుంచి ఆ పార్టీకి చెందిన మాజీ సర్పంచ్‌ ఈదుబిల్లి కృష్ణ వర్గానికి చెందిన నాయకులు లచ్చిరెడ్డి ఎర్రి నాయుడుతో పాటు చొక్కాకుల అప్పలనాయుడు, 10 కుటుంబాలు వారు టీడీపీ నుంచి వైఎస్సార్‌సీపీలో చేరారు. వీరికి బొత్స పార్టీ కండువాలు వేసి ఆహ్వానించారు. కూటమి ప్రభుత్వం పట్ల ప్రజల్లో తీవ్ర వ్యతిరేకత ఉందని, రాష్ట్రంలో తీవ్ర కరువు పరిస్థితులు నెలకొన్నా ఇంత వరకు రైతులను ఆదుకోనే ఒక్క చర్య తీసుకోలేదని బొత్స మండిపడ్డారు. కార్యక్రమంలో మాజీ ఎంపీపీ చల్లా చలంనాయుడు, పార్టీ రాష్ట్ర కార్యవర్గ సభ్యుడు బి.వి.ప్రభూజీరాజు, పార్టీ యువ నాయకుడు బొత్స సాయిగురునాయుడు, పార్టీ మండలాధ్యక్షుడు బొద్దల చిన్నంనాయుడు, నాయకులు సాలాపు పెంటంనాయుడు, మహంతి రమణ, కర్రోతు శ్రీనివాసరావు, బోడసింగి జగదీశ్వరరావు, వేమలి వెంకటరావు, బొడ్డు మాధవ్‌, తదితరులు పాల్గొన్నారు.

విజయనగరం ఫోర్ట్‌: స్థానిక సంస్థల ఎన్నికలకు ఎన్నికల కోడ్‌ ఈనెల 14వతేదీ నుంచి అమల్లోకి వచ్చింది. ఎన్నికల సంఘం కూడా 14 వతేదీ నుంచి కోడ్‌ అమల్లోకి వస్తుందని ప్రకటించింది. అయినప్పటికీ విజయనగరం పట్టణంలోని ఆర్‌అండ్‌బీ రైతు బజార్‌లో సీఎం, మంత్రుల ఫొటోలతో ముద్రించిన ఫ్లెక్సీలు ఇంకా ఉంచడం గమనార్హం. అంతేకాకుండా ధరణి పేరుతో రాయితీపై సీఎం చంద్రబాబు, మంత్రుల ఫొటోలతో ముద్రించిన బియ్యం బస్తాలను కూడా విక్రయిస్తున్నారు. ఇది చూసిన వారంతా ఎన్నికల కోడ్‌ వీరికి వర్తించదా? అని గుసగుసలు ఆడుకుంటున్నారు.

● వైఎస్సార్‌సీపీ మేయర్‌ అభ్యర్థిగా కోలగట్ల శ్రావణి ఎంపిక ● ప్రచార ప్రణాళిక సిద్ధం.. ● కార్పొరేటర్ల ఎంపికలోనూ ముందంజ ● నేడు నామినేషన్‌ దాఖలు సాక్షి ప్రతినిధి, విజయనగరం: పురపోరుకు ఘంటారావం మోగింది. అధికార కూటమిలో సీట్లు కుమ్ములాటలు ఆరంభమయ్యాయి. ప్రతిపక్ష వైఎస్సార్‌ కాంగ్రెస్‌ పార్టీ తన అభ్యర్థిగా మాజీ డిప్యూటీ మేయర్‌, వైఎస్సార్‌సీపీ రాష్ట్ర మహిళా ప్రధాన కార్యదర్శిగా పనిచేసిన కోలగట్ల శ్రావణిని బరిలో దించేందుకు రంగం సిద్ధంచేసింది. ఏపీ శాసన సభ మాజీ డిప్యూటీ స్పీకర్‌ కోలగట్ల వీరభద్రస్వామి రాజకీయ వారసత్వాన్ని ఒడిసి పట్టిన శ్రావణి.. పార్టీ అధినేత వైఎస్‌ జగన్‌మోహన్‌రెడ్డి ఆశీస్సులతో ఈ సారి నేరుగా మేయర్‌గా పోటీ చేసేందుకు బరిలోకి దిగారు. నగర ప్రజల సంపూర్ణ మద్దతు కూడగట్టి ప్రత్యక్ష ఎన్నికల బరికి ఏర్పాట్లు చేసుకుంటున్నారు. వార్డుల వారీగా రిజర్వేషన్లు ఖరారు కావడంతో ఎక్కడెక్కడ ఎవరు బలమైన అభ్యర్థులు, ఎవరిని ఎలా కలుపుకొని పోవాలి? ఆయా వార్డుల్లో అవతల వైపు ఎవరెవరు పోటీ చేస్తున్నారు? వారిని ఎలా ఢీకొనాలి అనే సమీకరణాలు వేస్తూ ప్రచార ప్రణాళికలు సిద్ధం చేస్తున్నారు. ● ప్రజలతో మమేకం.. శ్రావణికి నగరంలో బంధుగణంతో పాటు అభిమానులు అధికమంది ఉన్నారు. పార్టీ శ్రేణులతో స్నేహపూర్వక సంబంధాలు ఉన్నాయి. గతంలో పనిచేసిన వార్డు వలంటీర్లను పేర్లుపెట్టిపిలిచే చనువు, ఆయా కుటుంబాలతో అనుబంధం ఉంది. పార్టీ నాయకుల వద్ద గౌరవం ఉంది. ప్రతీ వార్డు ప్రజలను ఆత్మీయంగా అక్కున చేర్చుకునే గుణం ఆమె సొంతం. ఇవన్నీ ఆమె విజయానికి పునాదులుగా మారుతాయని రాజకీయ విశ్లేషకులు చెబుతున్నారు. ● మేయర్‌ పీఠంపై జనసేన ఆశలు ఇదిలా ఉండగా విజయనగరం మేయర్‌ పదవి తమకు కేటాయించాలని జనసేన పట్టుపడుతోంది. ఈ మేరకు జనసేన నాయకులు కొందరు ఇప్పటికే అధినేత పవన్‌ కల్యాణ్‌ను కలిసినట్టు తెలిసింది. ఈ మేరకు తాము రూ.10 కోట్ల నుంచి రూ.15 కోట్లు ఖర్చు పెట్టుకోవడానికి సిద్ధం అని ప్రతిపాదనలు సైతం పంపించారని భోగట్టా. మేయర్‌ వాటాల పంపిణీలో టీడీపీ, జనసేనల్లో ఎవరికి వస్తుందన్నది ఇంకా తేలలేదు. మరోవైపు పట్టణంలోని 62 వార్డుల్లో తెలుగుదేశం, జనసేన, బీజేపీలకు ఎవరికి ఎన్ని వార్డులు కేటాయిస్తారన్నది కూడా స్పష్టత లేదు. ఈ విషయంలో కూడా కూటమి పార్టీల మధ్య చర్చ ఇంతవరకు జరగలేదు. దీంతో ఏ వార్డులో ఎవరు పోటీ చేయాలన్నదానిమీద కూడా స్పష్టత లేకపోవడంతో కూటమి పార్టీల మధ్య స్తబ్ధత నెలకొంది. ఒకవార్డు నుంచి టీడీపీ అభ్యర్థి పోటీ చేయాలనుకున్నా అదికాస్తా జనసేనకు కేటాయిస్తే తన శ్రమ..ఖర్చు వృథా అయిపోతాయన్న ఆందోళన టీడీపీ వారిలో నెలకొంది. అందుకే ఎక్కడివారు అక్కడే గప్‌ చుప్‌గా ఉన్నారు. దీంతో ఎవరికి.. ఎక్కడ ఏ స్థానం దక్కుతుందో తెలియక టెన్షన్‌తో గుడ్లు మీటకరించి చూస్తున్నారు. మరోవైపు మేయర్‌ స్థానాన్ని పొరపాటున టీడీపీకి కేటాయిస్తే ఓడిస్తామంటూ జనేసేన శ్రేణులు కొందరు బహిరంగ వ్యాఖ్యలు చేస్తుండడంతో టెన్షన్‌ మొదలైంది. నేడు మేయర్‌ అభ్యర్థిగా కోలగట్ల శ్రావణి నామినేషన్‌ విజయనగరం: విజయనగరం మున్సిపల్‌ కార్పొరేషన్‌ మేయర్‌ అభ్యర్థిగా వైఎస్సార్‌సీపీ తరఫున పార్టీ రాష్ట్ర మహిళా విభాగం ప్రధాన కార్యదర్శి, మాజీ డిప్యూటీ మేయర్‌ కోలగట్ల శ్రావణి శుక్రవారం నామినేషన్‌ దాఖలు చేయనున్నారు. ఉదయం 10 గంటలకు మాజీ డిప్యూటీ స్పీకర్‌ కోలగట్ల వీదభద్ర స్వామి ఇంటి నుంచి భారీ ర్యాలీగా కార్పారేషన్‌ కార్యాల యానికి తరలివెళ్లనున్నారు. నగరంపై సంపూర్ణ అవగాహన... డిప్యూటీ మేయర్‌గా పనిచేసిన అనుభవంతో పాటు పట్టణంలోని అన్ని వార్డులను గత ఐదేళ్లపాటు కలియదిరిగిన శ్రావణి ఆయా వార్డులోని ప్రధాన సమస్యలు, వాటి పరిష్కారానికి చేపట్టాల్సిన చర్యలకు సంబంధించి పూర్తి అవగాహన ఉంది. ఇది మన విజయనగరం అని ప్రజలు గర్వంగా చెప్పుకునేలా గత వైఎస్సార్‌సీపీ ప్రభుత్వంలో కోలగట్ల వీరభద్రస్వామి అభివృద్ధి పనులు చేశారు. అదే ఒరవడిలో ఆమె తనయ కూడా ప్రతివార్డు అభివృద్ధి ప్రణాళికను సిద్ధం చేసుకుని ఎన్నికల వైపు అడుగువేస్తున్నారు. విజయమే లక్ష్యంగా ముందుకు సాగుతున్నారు.

విజయనగరం గంటస్తంభం: జిల్లాలో స్థానిక సంస్థల ఎన్నికలను పారదర్మకంగా, ప్రశాంతంగా నిర్వహించేందుకు పకడ్బందీ ఏర్పాట్లు చేయాలని కలెక్టర్‌ ఎస్‌.రాంసుందర్‌ రెడ్డి అధికారులను ఆదేశించారు. జెడ్పీటీసీ, ఎంపీటీసీ, ఎంపీపీ, మున్సిపల్‌ ఎన్నికల ఏర్పాట్లపై సంబంధిత అధికారులతో గురువారం టెలికాన్ఫరెన్స్‌ నిర్వహించారు. ఓటర్ల జాబితాల పరిశీలన, పోలింగ్‌ కేంద్రాల్లో మౌలిక సదుపాయాలు, సమస్యాత్మక కేంద్రాల గుర్తింపు, భద్రతా ఏర్పాట్లపై ప్రత్యేక దృష్టి సారించాలన్నారు. ఎన్నికల ప్రవర్తనా నియమావళిని పటిష్టంగా అమలు చేయాలని, పోలింగ్‌ సామగ్రి, బ్యాలెట్‌ పేపర్ల ముద్రణ, కౌంటింగ్‌ కేంద్రాలు, స్ట్రాంగ్‌ రూములు, వాహనాల ఏర్పాటు చేసి, ప్రక్రియను వీడియో రికార్డింగ్‌ చేయాలని, ఎన్నికల విధుల్లో ఉన్న సిబ్బందికి అవసరమైన శిక్షణ అందించాలని ఆదేశించారు. సమావేశాల్లో జాయింట్‌ కలెక్టర్‌ ఎస్‌.సేతుమాధవన్‌, జిల్లా రెవెన్యూ అధికారి సీహెచ్‌ సత్తిబాబు, ఇతర అధికారులు పాల్గొన్నారు. జిల్లాలో 100 శాతం టెలికాం కనెక్టివిటీకి చర్యలు ● 37 మొబైల్‌ టవర్‌ సైట్ల కేటాయింపు విజయనగరం గంటస్తంభం: జిల్లాలో 100 శాతం టెలికాం కనెక్టివిటీ లక్ష్య సాధనకు చర్యలు చేపడుతున్నట్టు జాయింట్‌ కలెక్టర్‌ ఎస్‌.సేతుమాధవన్‌ తెలిపారు. రాష్ట్ర ఐటీ, ఎలక్ట్రానిక్స్‌, కమ్యూనికేషన్స్‌ శాఖ ప్రభుత్వ కార్యదర్శి కాటమనేని భాస్కర్‌ నిర్వహించిన వీడియో కాన్ఫరెన్స్‌కు గురువారం ఆయన హాజరయ్యారు. ఈ సందర్భంగా టెలికాం కనెక్టివిటీ, డిజిటల్‌ భారత్‌నిధి(డీబీఎన్‌) ప్రాజెక్టుల పురోగతి, మొబైల్‌ టవర్ల ఏర్పాటుకు భూకేటాంపులు, పెండింగ్‌ అనుమతులపై సమీక్షించారు. జిల్లాలో మొత్తం 37 మొబైల్‌ టవర్‌ సైట్లను కేటాయించగా, బీఎస్‌ఎన్‌ఎల్‌కు 15, ఎయిర్‌టెల్‌కు 13, జియోకు 6, వొడాఫోన్‌ ఐడియాకు 3 కేటాయించామన్నారు. వీటిలో 12 చోట్ల క్షేత్ర పరిశీలన, భూమి కోఆర్డినేట్ల నిర్ధారణ పూర్తయ్యాయని, ఎనిమిది సైట్లకు భూమి అప్పగింత ధ్రువీకరణ పత్రాలు అందాయని తెలిపారు.

● అంగన్‌వాడీ కేంద్రాలకు అందనిపాలు ● 14వ తేదీ వచ్చినా సరఫరా కాని పౌష్టికాహారం విజయనగరం ఫోర్ట్‌: అంగన్‌వాడీ కేంద్రాల పరిధిలో ఉన్న లబ్ధిదారులకు పౌష్టికాహార లోపం నివారించేందుకు ప్రతిరోజు పాలు అందిస్తారు. కేంద్రాలకు వచ్చే లబ్ధిదారులకు కేంద్రంలో మరిగించి పాలు ఇస్తారు. గర్భిణులు, బాలింతలు, 7 నెలల నుంచి 3 సంవత్సరాల లోపు పిల్లలకు ఇంటికి పాలు అందిస్తారు. అయితే ఈనెల 14 వతేదీ వచ్చినా ఇంతవరకు అంగన్‌వాడీ కేంద్రాలకు పాలు చేరలేదు. దీంతో లబ్ధిదారులకు పాలు అందలేదనే ఆరోపణలు వినిపిస్తున్నాయి. అంగన్‌వాడీ కేంద్రాలకు వచ్చే పిల్లల్లో అధికశాతం మంది పేద వారే. జిల్లాలో ఐసీడీఎస్‌ ప్రాజెక్టుల వివరాలు జిల్లాలో బాడంగి, భోగాపురం, బొబ్బిలి, చీపురుపల్లి, గజపతినగరం, గంట్యాడ, గరివిడి, రాజం, ఎస్‌.కోట, వియ్యంపేట, విజయనగరం ఐసీడీఎస్‌ ప్రాజెక్టులు ఉన్నాయి. వాటి పరిధిలో 2499 అంగన్‌వాడీ కేంద్రాలు ఉన్నాయి. వాటిలో 292 మినీ అంగన్‌వాడీ కేంద్రాలు, 2,207 మెయిన్‌ అంగన్‌వాడీ కేంద్రాలు ఉన్నాయి. 71,991 మంది లబ్ధిదారులు జిల్లాలో ఉన్న అంగన్‌వాడీ కేంద్రాల పరిధిలో 71,991 మంది లబ్ధిదారులు ఉన్నారు. గర్భిణులు 7,300 మంది, బాలింతలు 7, 077 మంది ఉన్నారు. ఆరు నెలల లోపు చిన్నారులు 6,509 మంది , ఏడు నెలల నుంచి 3 సంవత్సరాల లోపు పిల్లలు 35,208మంది ఉన్నారు. 3 నుంచి ఆరు సంవత్సరాల లోపు పిల్లలు 15897 మంది ఉన్నారు. 100 ఎంఎల్‌ పాలు ఇవ్వాలి అంగన్‌వాడీ కేంద్రాలకు వచ్చే చిన్నారులకు ప్రతిరోజూ 100 ఎంఎల్‌ పాలు ఇవ్వాలి. గర్భిణులు, బాలింతలకు నెలకు 5 లీటర్ల పాలు ఇవ్వాలి. 7 నెలల నుంచి 3 ఏళ్ల లోపు పిల్లలకు నెలకు రెండున్నర లీటర్ల పాలు ఇవ్వాలి. ఈ లెక్కన నెలకు 1,99,647 లీటర్ల పాలు జిల్లాకు అవసరం. ప్రతి నెల ఒకటో తేదీనాటికి పాలు అంగన్‌వాడీ కేంద్రాలకు చేరాల్సి ఉంది. ఒకటో తేదీ నాటికి పాలు చేరినట్లయితే అంగన్‌వాడీ కార్యకర్తలు బాలింతలు, గర్భిణులు, 3 ఏళ్ల లోపు చిన్నారులకు ఇంటికి పాలు అందిస్తారు. అయితే ఈనెల 14వతేదీ వచ్చినా కేంద్రాలకు పాలు చేరకపోవడంతో లబ్ధిదారులకు అందని పరిస్థితి. అంగన్‌వాడీ కేంద్రాల పరిధిలో పిల్లలు, గర్భిణులు, బాలింతలు పౌష్టికాహార లోపం బారిన పడకుండా ఉండాలనే ఉద్దేశంతో అంగన్‌వాడీ పిల్లలకు భోజనం పెడుతున్నారు. గర్భిణులు, బాలింతలకు టేక్‌హోం రేషన్‌ పేరుతో బియ్యం, బెల్లం, ఖర్జూరం, వేరుశెనగ చక్కీలు, గుడ్లు , రాగి పిండి, అటుకులు, పాలు ఇస్తారు. అయితే ఈ పౌష్టికాహారం సకాలంలో లబ్ధిదారులకు చేరినట్లయితే లక్ష్యం నేరవేరతుంది. విచారణ చేసి చర్యలు కొన్ని కేంద్రాలకు పాలు చేరాయి. ఏ కేంద్రాలకు అయితే పాలు చేరలేదో విచారణ చేసి చర్యలు తీసుకుంటాం. కేవీ బాలమణి, పీడీ, ఐసీడీఎస్‌

మక్కువ: ఉత్తరాంద్రుల ఇలవేల్పు శంబర పోలమాంబ అమ్మవారు బుధవారం లలితా త్రిపురసుందరిదేవి రూపంలో భక్తులకు దర్శనమిచ్చారు. శంబర గ్రామంలోని చదురుగుడిలో కొలువైన పోలమాంబ అమ్మవారిని ప్రత్యేకంగా అలంకరించారు. దేవీ శరన్నవరాత్రి ఉత్సవాల్లో భాగంగా ఆలయంలో లలితా హోమం నిర్వహించారు. పూజలలో పాల్గొన్న భక్తులకు అమ్మవారి ప్రసాదాన్ని దేవదాయ శాఖ ఆధ్వర్యంలో అందించారు. కార్యక్రమంలో ట్రస్ట్‌ బోర్డు చైర్మన్‌ నైదాన తిరుపతి, ఆలయ ఈవో వి వి.సూర్యనారాయణ, ఆలయ కమిటీ సభ్యులు, గ్రామ పెద్దలు, భక్తులు పాల్గొన్నారు. జిల్లా అటవీ అధికారిగా బబితా కుమారి బాధ్యతల స్వీకరణవిజయనగరం గంటస్తంభం: జిల్లా అటవీ శాఖ అధికారిగా బబితా కుమారి (ఐఎఫ్‌ఎస్‌) బుధవారం బాధ్యతలు స్వీకరించారు. ఇప్పటివరకు అదనపు బాధ్యతలు నిర్వహిస్తున్న శ్యామ్‌ సుందరం నుంచి ఆమె బాధ్యతలు తీసుకున్నారు. జిల్లాలో అటవీ సంపద పరిరక్షణతో పాటు నగరవనాలు, ఎకో టూరిజం పార్కుల అభివృద్ధికి కృషి చేస్తానని ఈ సందర్భంగా ఆమె తెలిపారు. విజయవాడలీగల్‌: బ్లేడుతో గాయపరిచిన కేసులో ముద్దాయికి ఏడాది జైలుశిక్ష, వెయ్యి రూపాయల జరిమానా విధిస్తూ 13వ అదనపు జిల్లా సెషన్స్‌ కోర్టు న్యాయమూర్తి ఎం.సుధ బుధవారం తీర్పునిచ్చారు. విజయనగరం జిల్లా గంట్యాడ గ్రామానికి చెందిన వ్యక్తి విజయవాడ గవర్నర్‌ పేట పోలీస్‌ స్టేషన్‌ పరిధిలోని పెద్దిబోట్ల వారి వీధిలోని ఓ హాస్టల్‌లో ఉంటూ చదువుకుంటున్నాడు. 2022 ఏప్రిల్‌ మూడో తేదీ సాయంత్రం ఐస్‌క్రీమ్‌ బండి వద్దకు వెళ్లాడు. అదే సమయంలో విజయవాడకు చెందిన కందుల విఘ్నేశ్వరరావు అలియాస్‌ విఘ్నేష్‌ అక్కడికి వచ్చి గంట్యాడకు చెందిన వ్యక్తిని డబ్బు ఇవ్వాలని డిమాండ్‌ చేశారు. డబ్బులు ఇవ్వకపోవడంతో విఘ్నేష్‌ తన వద్ద ఉన్న బ్లేడ్‌తో అతని మెడ, చేతి మీద గాయపరిచి పారిపోయాడు. ఈ ఘటనపై గవర్నర్‌పేట పోలీసులు కేసు నమోదు చేశారు. నిందితుడు విఘ్నేష్‌ను అదే నెల నాలుగో తేదీన అరెస్ట్‌ చేసి న్యాయస్థానంలో హాజరుపరిచారు. ప్రాసిక్యూషన్‌ తరఫున అడిషనల్‌ పబ్లిక్‌ ప్రాసిక్యూటర్‌ గీతా పూర్ణిమ, ప్రస్తుత ఇన్‌స్పెక్టర్‌ బాలమురళీకృష్ణ, సీఎంఎస్‌ ఇన్‌స్పెక్టర్‌ వాసవి, సీఎంఎస్‌ సిబ్బంది పర్యవేక్షణలో ఆరుగురు సాక్షులను విచారించారు. నిందితుడిపై నేరం రుజువుకావడంతో న్యాయమూర్తి పైవిధంగా తీర్పునిచ్చారు.రోడ్డు ప్రమాదంలో వ్యక్తి మృతి● మరొకరికి తీవ్ర గాయాలు గంట్యాడ: మండల పరిధిలోని కొర్లాం గ్రామ సమీపంలో గ్రీన్‌ఫీల్డ్‌ హైవే–516 పై బుధవారం జరిగిన రోడ్డు ప్రమాదంలో ఒకరు మృతి చెందగా, మరొకరు తీవ్రంగా గాయపడ్డారు. వివరాల్లోకి వెళితే..కె.కోటపాడు మండలం వారాడ సంతపాలెం గ్రామానికి చెందిన జాగరపు దేవుడు(55), చుక్క నాగమనాయుడు ఈనెల 13న బంధువుల ఇంట శుభకార్యం నిమిత్తం సాలూరు వెళ్లారు. తిరిగి ద్విచక్ర వాహనంపై వస్తుండగా కొర్లాం సమీపంలో వాహనం అదుపుతప్పింది. ఈ ప్రమాదంలో బైక్‌ వెనుక కూర్చున్న జాగరపు దేవుడు తీవ్ర గాయాల పాలై అక్కడికక్కడే మృతి చెందాడు. బైక్‌ నడుపుతున్న నాగమనాయుడు తీవ్రంగా గాయపడడంతో మెరుగైన చికిత్స నిమిత్తం విశాఖపట్నం ఆస్పత్రికి తరలించారు. ఈ సమాచారం అందుకున్న గంట్యాడ ఎస్సై కె.లక్ష్మణరావు ఘటనా స్థలానికి చేరుకుని కేసు నమోదు చేసి దర్యాప్తు చేపట్టారు.

● చిన్నారి ఆలోచనలు.. జాతీయ స్థాయి ఆవిష్కరణలు! ● ఒకరిది ఆరోగ్య భద్రత..మరొకరిది రైతుకు ఊరటవిజయనగరం అర్బన్‌: చిన్న వయసులోనే వినూత్నంగా ఆలోచించారు.. నిత్యజీవితంలో ఎదురయ్యే సమస్యలకు సాంకేతిక పరిష్కారాలు చూపించారు. తమ ఆలోచనలకు ప్రాజెక్టుల రూపమిచ్చి జాతీయ స్థాయిలో గుర్తింపు పొందారు విజయనగరం జిల్లాకు చెందిన ఇద్దరు విద్యార్ధినులు. న్యూఢిల్లీలో నిర్వహించిన 12వ జాతీయ స్థాయి ఇన్‌స్పైర్‌ మనక్‌ నేషనల్‌ ఎగ్జిబిషన్‌ అండ్‌ ప్రాజెక్ట్‌ కాంపిటేషన్స్‌కు వీరు రూపొందించిన రెండు ప్రాజెక్టులు ఎంపిక కావడం విశేషం. ఒక ప్రాజెక్టు నిద్రలోనూ ఆరోగ్య పరిస్థితులను పర్యవేక్షించే విధంగా ఉండగా.. మరొకటి తక్కువ ఖర్చుతో ధాన్యాన్ని శుభ్రం చేసేందుకు ఉపయోగపడేలా రూపొందించారు. నిద్రలోనూ ఆరోగ్యంపై నిఘా.. మలిచర్ల జిల్లా పరిషత్‌ ఉన్నత పాఠశాలలో ఆరోతరగతి చదువుతున్న ఎ.సాయివైష్టవి ‘రిమోట్‌ స్లీప్‌ మానిటరింగ్‌ అండ్‌ మెడికల్‌ అలారం సిస్టమ్‌’ను గైడ్‌ టీచర్‌ సైన్స్‌ ఉపాధ్యాయుడు సుబ్రహ్మణ్యం సహకారంతో రూపొందించారు. నిద్రిస్తున్న సమయంలో వ్యక్తి ఆరోగ్య పరిస్థితులను పర్యవేక్షిస్తూ, అవసరమైన సందర్భాల్లో వైద్యపరమైన హెచ్చరికలు అందించాలన్నది ఈ ప్రాజెక్టు ప్రధాన ఉద్దేశం. నిద్రలో ఉన్నవారి ఆరోగ్య పరిస్థితిపై కుటుంబ సభ్యులు, సంరక్షకులు అప్రమత్తంగా ఉండేందుకు సాంకేతిక పరిజ్ఞానాన్ని ఉపయోగించవ్చనే ఆలోచన ఇందులో కనిపిస్తుంది. ఆరో తరగతిలోనే ఆరోగ్య భద్రతపై దృష్టి సారించి ప్రాజెక్టును రూపొందించడం సాయి వైష్టవి సృజనాత్మకతకు నిదర్శనం. రైతుకు తక్కువ ఖర్చుతో పరిష్కారం.. కొండవెలగాడ జిల్లా పరిషత్‌ ఉన్నత పాఠశాలలో తొమ్మిదో తరగతి చదువుతున్న ఎల్‌.లిడియో గ్రేస్‌ వ్యవసాయానికి ఉపయోగపడే ప్రాజెక్టును గైడ్‌ టీచర్‌ సైన్స్‌ ఉపాధ్యాయుడు కృష్ణమోహన్‌ సహకారంతో రూపొందించారు. ‘లో కాస్ట్‌ విన్నోయింగ్‌ యూనిట్‌’ పేరుతో రూపొందించిన ఈ నమూనా ద్వారా ధాన్యం నుంచి పొట్టు, తేలికపాటి వ్యర్ధాలను వేరు చేయవచ్చు. సాధారణంగా ధాన్యాన్ని తూర్పారబట్టే ప్రక్రియలో శ్రమ, సమయం అవసరమవుతాయి. ఈ పనిని తక్కువ ఖర్చుతో సులభతరం చేయాలన్న ఆలోచనతో లిడియో గ్రేస్‌ తన ప్రాజెక్టును రూపొందించారు. రైతులకు ఉపయోగపడే పరిష్కారాన్ని ఆవిష్కరించాలన్న తపన ఈ నమూనాలో ప్రతిబింబిస్తోంది. సృజనాత్మకతకు జాతీయ గుర్తింపు విద్యార్థుల్లో శాసీ్త్రయ దృక్పథం, పరిశోధనా ఆసక్తి, నూతన ఆవిష్కరణల పట్ల అభిరుచిని పెంపొందించడమే ఇన్‌స్పైర్‌ మనక్‌ కార్యక్రమ లక్ష్యం. ఈ వేదిక ద్వారా విద్యార్థులు తమ చుట్టూ ఉన్న సమస్యలను గుర్తించి, వాటికి పరిష్కారాలను అన్వేషించే అవకాశం లభిస్తుంది. ఈ క్రమంలో జిల్లాకు చెందిన ఇద్దరు విద్యార్ధినులు రూపొందించిన ప్రాజెక్టులు జాతీయ స్థాయికి ఎంపిక కావడంతో విద్యారంగంలో జిల్లాకు గర్వకారణంగా నిలిచింది. విద్యార్థినుల ప్రతిభను డీఈఓ యూ.మాణిక్యం నాయుడు, జిల్లా సైన్స్‌ అధికారి టి.రాజేష్‌ అభినందించారు. వారికి మార్గదర్శకత్వం వహించిన ఉపాధ్యాయులు, ప్రధానోపాధ్యాయులను ప్రశంసించారు. భవిష్యత్తులో మరిన్ని వినూత్న ఆవిష్కరణలతో జిల్లాకు మంది పేరుతేవాలంటూ ప్రోత్సహించారు.

● ఎస్పీ మాధవ్‌ రెడ్డి ● ‘మీ పోలీస్‌–మీకు తెలుసా’ విజేతలకు బహుమతులుపార్వతీపురం రూరల్‌: రానున్న స్థానిక సంస్థల ఎన్నికల నేపథ్యంలో పోలీసు అధికారులు, సిబ్బంది సమయస్ఫూర్తితో, అప్రమత్తంగా విధులు నిర్వర్తించాలని పార్వతీపురం మన్యం ఎస్పీ ఎస్‌.వి. మాధవ్‌ రెడ్డి ఆదేశించారు. ఈ మేరకు జిల్లా పోలీసు కార్యాలయంలో బుధవారం నిర్వహించిన మాసాంతపు నేర సమీక్షా సమావేశంలో ఆయన మాట్లాడారు. ఎన్నికల నమూనా ప్రవర్తనా నియమావళి అమలు, సున్నిత, అతి సున్నిత ప్రాంతాలపై ప్రత్యేక నిఘా, ముందస్తు బైండోవర్‌ చర్యలు చేపడుతూ అల్లర్ల నివారణకు ప్రణాళికలు సిద్ధం చేయాలని సూచించారు. అలాగే పెండింగ్‌ కేసుల దర్యాప్తు పురోగతి, గంజాయి నియంత్రణ, రోడ్డు భద్రతపై అధికారులకు దిశానిర్దేశం చేశారు. విధి నిర్వహణలో ప్రతిభ కనబరిచిన 37 మంది పోలీసు అధికారులకు, సిబ్బందికి ఈ సందర్భంగా ప్రశంసాపత్రాలు అందజేశారు. ‘మీ పోలీస్‌ – మీకు తెలుసా?’ విజేతలకు బహుమతులు.. విద్యార్థుల్లో చట్టాలపై అవగాహన పెంచేందుకు నిర్వహించిన ‘మీ పోలీస్‌ – మీకు తెలుసా?’ పరీక్షలో ఉత్తమ ప్రతిభ కనబరిచిన విద్యార్థులకు ఎస్పీ ప్రశంసాపత్రాలు, బహుమతులు పంపిణీ చేశారు. సైబర్‌ నేరాలు, మాదకద్రవ్యాల నివారణ, రహదారి భద్రత, మహిళా రక్షణ తదితర అంశాలపై 21 ఏళ్లలోపు విద్యార్థులకు ఈ పోటీ నిర్వహించారు. ఈ కార్యక్రమాల్లో అదనపు ఎస్పీ ఎం. వెంకటేశ్వరరావు, డీఎస్పీలు శేషయ్య, రాంబాబు, సీఐలు, ఎస్సైలు, పోలీసు సిబ్బంది పాల్గొన్నారు.

● అధికారులను ఆదేశించిన కలెక్టర్‌ రాంసుందర్‌రెడ్డి విజయనగరం గంటస్తంభం: ఎన్నికల నోటిఫికేషన్‌ విడుదలైనందున జిల్లాలో ఎన్నికల ప్రవర్తనా నియమావళి(కోడ్‌)ని తక్షణమే అమలు చేయాలని కలెక్టర్‌ ఎస్‌.రాంసుందర్‌ రెడ్డి అధికారులను ఆదేశించారు. ఎన్నికల ఏర్పాట్లపై అధికారులతో ఆయన బుధవారం సాయంత్రం అత్యవసర టెలికాన్ఫరెన్స్‌ నిర్వహించారు. ఈ సందర్భంగా కలెక్టర్‌ మాట్లాడుతూ, రాజకీయ పార్టీల ఫ్లెక్సీలు, వాల్‌ పోస్టర్లు, హోర్డింగులను వెంటనే తొలగించాలన్నారు. నాయకుల విగ్రహాలకు ముసుగులు వేయాలని, శిలాఫలకాలపై పేర్లు కనిపించకుండా చర్యలు తీసుకోవాలని స్పష్టం చేశారు. ఫ్లయింగ్‌ స్క్వాడ్స్‌, ఎస్‌ఎస్‌టీ, ఎంసీసీ, ఎక్స్‌పెండిచర్‌ మానిటరింగ్‌ బృందాలను వెంటనే రంగంలోకి దించాలని సూచించారు. స్ట్రాంగ్‌ రూమ్‌లు, కౌంటింగ్‌ కేంద్రాలు, సామగ్రి పంపిణీ కేంద్రాలను గుర్తించి రూట్‌ మ్యాప్‌లతో నివేదిక సమర్పించాలని మున్సిపల్‌ కమిషనర్లు, ఎంపీడీఓలను ఆదేశించారు. సమస్యాత్మక, అతి సమస్యాత్మక పోలింగ్‌ కేంద్రాలను గుర్తించడంతో పాటు, సర్పంచ్‌ స్థానాల రిజర్వేషన్ల ప్రక్రియను వేగంగా పూర్తి చేయాలని కలెక్టర్‌ స్పష్టంచేశారు. కంట్రోల్‌ రూమ్‌ పాత్ర కీలకం.. ఎన్నికల పర్యవేక్షణలో కంట్రోల్‌ రూమ్‌ పాత్ర అత్యంత కీలకమని కలెక్టర్‌ పేర్కొన్నారు. కంట్రోల్‌ రూమ్‌ 24 గంటల పాటు నిరంతరాయంగా పనిచేయాలని, సిబ్బందికి షిప్టుల వారీగా బాధ్యతలు కేటాయించాలని అధికారులను ఆదేశించారు. ఎన్నికల ఏర్పాట్లు, సమాచార మార్పిడి, ఫిర్యాదుల పరిష్కారం, అత్యవసర పరిస్థితుల వివరాలను ఎప్పటికప్పుడు ఉన్నతాధికారులకు నివేదించాలన్నారు. సమావేశంలో జేసీ సేతుమాధవన్‌, డీఆర్వో సత్తిబాబు, తదితరులు పాల్గొన్నారు.

గంట్యాడ: ఉత్తరప్రదేశ్‌లోని లక్నోలో జరుగుతున్న 39వ ఆలిండియా పోస్టల్‌ చాంపియన్‌షిప్‌లో లక్కిడాం గ్రామానికి చెందిన గొళ్లు కుమార్‌ ప్రతిభ చాటి స్వర్ణ పతకాన్ని కై వసం చేసుకున్నారు. వెయిట్‌లిఫ్టింగ్‌ విభాగంలో పోటీపడిన ఆయన స్నాచ్‌లో 115 కిలోలు, క్లీన్‌ అండ్‌ జర్క్‌లో 150 కిలోలు చొప్పున మొత్తం 265 కిలోల బరువును ఎత్తి అగ్రస్థానంలో నిలిచారు. జాతీయ స్థాయిలో బంగారు పతకం సాధించి తన గ్రామానికి, ప్రాంతానికి మంచి గుర్తింపు తెచ్చిన గొళ్లు కుమార్‌ను పలువురు క్రీడాకారులు, గ్రామ ప్రముఖులు అభినందించారు. జాతీయ స్థాయి జూడో పోటీలకు కొట్టక్కి విద్యార్థినిరామభద్రపురం: మండలంలోని కొట్టక్కి గ్రామానికి చెందిన విద్యార్థిని రొంగలి మౌనిక జాతీయ స్థాయి జూడో పోటీలకు ఎంపికై నట్లు జిల్లా జూడో సంఘం ప్రతినిధి బి. రత్నకిషోర్‌ తెలిపారు. మౌనిక తిరుపతిలో ఈ నెల 12వ తేదీన నిర్వహించిన రాష్ట్రస్థాయి అండర్‌ 19 జూడో పోటీల్లో 48 కేజీల విభాగంలో స్వర్ణ పతకం సాధించి జాతీయ స్థాయి పోటీలకు ఎంపికై నట్లు తెలిపారు. ఈ సందర్భంగా హెచ్‌ఎం, ఉపాధ్యాయులు మౌనికను అభినందించారు.

● వరి పంటలు, మొక్కజొన్న కండెలు ధ్వంసం ● ఆందోళన చెందుతున్న రైతులు మక్కువ: అడవుల్లో తిరగాల్సిన ఏనుగులు, మైదాన ప్రాంతాల పొలాల వైపు దారి మళ్లగా, తాజాగా పొలాల బాట నుంచి రోడ్డెక్కాయి. ఏనుగుల గుంపు రహదారులపై సంచరిస్తుండడంతో ప్రజలు బెంబేలెత్తుతున్నారు. ఎటువంటి జంకు, భయం లేకుండా అడవులలో సంచరించే విధంగా రోడ్లపై ఏనుగులు గుంపు తిరుగుతున్నాయి. ఏనుగుల కదలికలను అటవీశాఖ అధికారులు, ట్రాకర్స్‌ ఎప్పటికప్పుడు గమనిస్తూ, ఏనుగుల గుంపును అనుసరిస్తున్నారు. అయినప్పటికీ అవి మాత్రం చేయాల్సిన నష్టాన్ని చేస్తున్నాయని రైతులు ఆవేదన చెందుతున్నారు. నష్టపోతున్న రైతులు మండలంలోకి ఏనుగులు ప్రవేశించి సుమారు పది రోజులు దాటిపోతోంది. వరి పంటలను నాశనం చేయడంతో పాటు, రైతులు పొలాల్లో, కళ్లాలు, రహదారులపై ఎండబెట్టిన మొక్కజొన్న కండెలను తినివేస్తుండడంతో రైతులు నష్టపోతున్నారు. అలాగే అక్కడక్కడ వ్యవసాయ పంపు సెట్లు పాడుచేశాయని రైతులు ఆవేదన చెందుతున్నారు. ఏనుగులను మచ్చికచేసుకుని, వాటిని తరలించేందుకు కుంకీ ఏనుగులను తీసుకువచ్చినప్పటికీ ప్రయోజనం లేకపోయిందని పలువురు విమర్శిస్తున్నారు. ఏనుగులు మన్యం జిల్లాలోకి ప్రవేశించి సుమారు 10 ఏళ్లు కావస్తోంది. అధికారులు సరైన చర్యలు చేపట్టకపోవడంతో మన్యం ప్రజలకు గజరాజుల నుంచి అవస్థలు తప్పడంలేదని వాపోతున్నారు. గతంలో నాలుగు ఏనుగులు మన్యం జిల్లాలోకి ప్రవేశించగా, ప్రస్తుతం వాటి సంఖ్య ఎనిమిదికి చేరింది. ఇప్పటికై నా ఉన్నతాధికారులు స్పందించి ఏనుగుల గుంపును తరలించేలా చర్యలు చేపట్టకపోతే వాటి సంఖ్య గణనీయంగా పెరిగే అవకాశం లేకపోలేదు. ఏనుగుల సంఖ్య పెరిగే కొద్దీ మరింత విధ్వంసం జరిగే అవకాశం ఉంటుందని మన్యం ప్రజలు ఆవేదన చెందుతున్నారు.

● సరిహద్దులో ఎకై ్సజ్‌ దాడులు ● రాయగడ జిల్లాలో 4 కేసులు నమోదుపార్వతీపురం రూరల్‌: జిల్లాలోకి ఒడిశా నుంచి సారా అక్రమ రవాణాను అరికట్టేందుకు ఎకై ్సజ్‌ అధికారులు దాడులు చేపట్టారు. ఉన్నతాధికారుల ఆదేశాల మేరకు, అసిస్టెంట్‌ సూపరింటెండెంట్‌ ఎ.సంతోష్‌ నేతృత్వంలో బుధవారం ఈ అంతర్రాష్ట్ర ఆపరేషన్‌ నిర్వహించారు. ఒడిశాలోని రాయగడ జిల్లా పరిధిలో కెరడ, అనేజా గ్రామాల్లో ఏపీ ఎకై ్సజ్‌ అధికారులు, ఒడిశాలోని శేషఖాల్‌ పోలీసుల సహకారంతో విస్తృతంగా తనిఖీలు చేపట్టారు. ఈ దాడుల్లో కురుపాం, సీతానగరం ఎకై ్సజ్‌ సిబ్బందితో పాటు పార్వతీపురం, విజయనగరం ఎనన్‌ఫోర్స్‌మెంట్‌ విభాగాలు సంయుక్తంగా పాల్గొన్నాయి. ఈ సోదాల్లో సారా తయారీకి సిద్ధం చేసిన సుమారు 8,600 లీటర్ల ఎఫ్‌జె ఊటను అధికారులు గుర్తించి, అక్కడికక్కడే ధ్వంసం చేశారు. ఈ ఆపరేషన్‌న్‌లో భాగంగా మొత్తం 4 కేసులు నమోదు చేశారు. సరిహద్దుల్లో సారా రవాణాను అరికట్టేందుకు రాబోయే రోజుల్లోనూ ఇలాంటి దాడులు కొనసాగిస్తామని అధికారులు ఈ సందర్భంగా స్పష్టం చేశారు.

● రోడ్డు ప్రమాద బాధితుడికి కళావతి సపర్యలు ● 108 సాయంతో ఆస్పత్రికి తరలింపుపాలకొండ రూరల్‌: వైఎస్సార్‌సీపీ నాయకురాలు, నియోజకవర్గ మాజీ ఎమ్మెల్యే విశ్వాసరాయి కళావతి తన మానవత్వం చాటుకున్నారు. రోడ్డు ప్రమాదంలో గాయపడిన వ్యక్తికి ఘటనా స్థలంలో సపర్యలు చేయడంతో పాటు 108కు సమాచారం అందించి క్షతగాత్రుడిని ఆస్పత్రికి తరలించారు. భామిని మండలం తాలాడకు చెందిన కొవ్వాడ మురళి అనే వ్యక్తి ద్విచక్రవాహనంపై పాలకొండ వచ్చాడు. స్థానిక యాలాం కూడలి వద్ద సీతంపేట నుంచి శ్రీకాకుళం రహదారిలోకి వెళ్తున్న లారీ ముందు చక్రం మురళి ఎడమకాలి పాదంపై నుంచి వెళ్లిపోయింది. దీంతో పాదం పూర్తిగా నుజ్జునుజ్జయిది. ఈ సమయంలో భామిని నుంచి పట్టణంలోకి వస్తున్న మాజీ ఎమ్మెల్యే కళావతి తన వాహనం నిలిపి, బాధితుడికి సపర్యలు చేశారు. తీవ్రగాయంతో విలవిల్లాడుతున్న మురళికి ధైర్యం చెప్పడంతో పాటు 108కి సమాచారం అందించారు. వాహనం అక్కడికి చేరుకునే వరకూ ఉండి క్షతగాత్రుడిని స్థానిక ఏరియా ఆస్పత్రికి తరలించే ఏర్పాటు చేశారు. గాయం తీవ్రత అధికంగా ఉండడంతో వైద్యులు బాధితుడిని శ్రీకాకుళం రిఫర్‌ చేశారు.

విజయనగరం టౌన్‌: మున్సిపల్‌ ఎన్నికలను స్వేచ్ఛగా, శాంతియుతంగా, నిష్పక్షపాతంగా నిర్వహించేందుకు ఎన్నికల ప్రవర్తనా నియమావళిని తప్పనిసరిగా ప్రతి ఒక్కరూ పాటించాలని ఎస్పీ ఏఆర్‌.దామోదర్‌ సూచించారు. ఎన్నికల సమయంలో ఓటర్లను ప్రలోభపెట్టేందుకు డబ్బు, మద్యం,బహుమతులు, ఇతర వస్తువులు పంపిణీ చేయడం చట్టవిరుద్ధమని, అటువంటి చర్యలకు ఎవరూ పాల్పడవద్దన్నారు. ఓటువేయాలని, లేదా వేయవద్దని ఓటర్లపై ఒత్తిడి చేయడం, బెదిరించడం, భయపెట్టడం వంటి చర్యలకు పాల్పడకూడదన్నారు. కులం, మతం, ప్రాంతం, భాష తదితర అంశాల ఆధారంగా ప్రజలను రెచ్చగొట్టేలా ప్రచారం చేయడం, విద్వేషాలను ప్రేరేపించే వ్యాఖ్యలు చేయరాదన్నారు. ఇతర అభ్యర్థులపై నిర్ధారణ లేని ఆరోపణలు, అసత్య ప్రచారాలు చేయకుండా ఎన్నికల ప్రచారంలో సంయమనం పాటించాలని సూచించారు. ఎన్నికల సమయంలో అనుమతి లేకుండా ర్యాలీలు, సమావేశాలు, లౌడ్‌ స్పీకర్లు వినియోగించడం , గోడలపై రాతలు రాయడం, అనధికారికంగా పోస్టర్లు, బ్యానర్లు ఏర్పాటుచేయడం వంటి చర్యలకు పాల్పడరాదని పేర్కొన్నారు. ఇతర అభ్యర్థుల ప్రచార సామగ్రిని చించివేయడం లేదా ధ్వంసం చేయడం చేయకూడదన్నారు సోషల్‌ మీడియాలో కూడా ప్రతి ఒక్కరూ బాధ్యతాయుతంగా వ్యవహరించాలని, తప్పుడు వార్తలు, మార్పింగ్‌ ఫొటోలు, వీడియోలు, అభ్యంతరకరమైన, రెచ్చగొట్టే పోస్టులను ప్రచారం చేయరాదని సూచించారు. అనధికారంగా పెద్ద మొత్తంలో డబ్బులను వెంట తీసుకువెళ్లవద్దని, ఆన్‌లైన్‌ లావాదేవీలు మాత్రమే చేయడం శ్రేయస్కరమని ప్రజలకు సూచించారు. ఎన్నికల సమయంలో అనుమానాస్పదంగా నగదు, మద్యం , ఇతర వస్తువుల పంపిణీ జరుగుతున్నట్లు తెలిసినా, శాంతి భద్రతలకు విఘాతం కలిగించే చర్యలు జరుగుతున్నా వెంటనే డయల్‌ 100కు లేదా స్థానిక పోలీసులకు సమాచారమందించాలని కోరారు. ఎన్నికల నియమాలను ఉల్లంఘించే వారిపై చట్టప్రకారం కఠిన చర్యలు చేపడతామని స్పష్టం చేశారు. ఎస్పీ ఏఆర్‌ దామోదర్‌

● ఎల్‌హెచ్‌ఎంఎస్‌ సేవలు వినియోగించుకోవాలిరాజాం సిటీ: మీ ప్రయాణమే వరంగా దొంగలు భావించి ఇళ్లల్లో చోరీలకు పాల్పడే అవకాశాలు ఉన్నాయి. ఇంట్లో దాచుకునే సొత్తు క్షణాల్లో దోచుకెళ్లిపోయే ప్రమాదం ఉంది. ఇంటిల్లిపాది దూర ప్రాంతాలకు ప్రయాణాలకు వెళ్లేటప్పుడు దొంగతనాలపై అప్రమత్తంగా వ్యవహరించాల్సిన అవసరం ఎంతైనా ఉంది. ఇప్పుడు తాళం వేసిన ఇల్లు కనిపిస్తే చాలు పట్టపగలే దొంగతనాలు జరుగుతున్నాయి. దూర ప్రయాణాలు చేసేవారు ఎల్‌హెచ్‌ఎంఎస్‌ (లాక్డ్‌ హౌస్‌ మానిటరింగ్‌ సిస్టమ్‌)ను సద్వినియోగం చేసుకోవాలని పోలీసులు సూచిస్తున్నారు. క్యాంపులు వెళ్లేవారంతా ఆభరణాలను ఇళ్లలో ఉంచకుండా బ్యాంకు లాకర్లలో భద్రపర్చుకోవాలి. సుదూర ప్రాంతాలకు వెళ్లిన వారు ఎల్‌హెచ్‌ఎంఎస్‌ యాప్‌ను మొబైల్‌లో డౌన్‌లోడ్‌ చేసుకుని రిజిస్ట్రేషన్‌ చేయించుకున్న వారి ఇళ్లకు పోలీసులు సీసీ కెమెరాలు అమర్చడంతో పాటు పర్యవేక్షణ చేపట్టనున్నారు. దీనికి ఎటువంటి ఖర్చులేకుండా సేవలు పొందవచ్చు.జాగ్రత్తలు తప్పనిసరి.. ● ఊరికి వెళ్లే సమయంలో ఇంటిలోని అన్ని తలుపులకు తాళాలు వేయాలి. ● ముఖ్యంగా ఇంటి ముఖద్వారానికి వేసే తాళం నాసిరకం కాకుండా చూసుకోవాలి. ● ఇరుగుపొరుగు వారికి తమ ఇంటిని గమనిస్తూ ఉండమని చెప్పాలి. అలాగే రోజుకు ఒకటిరెండుసార్లు తమ ఇంటి గురించి ఫోన్‌చేసి తెలుసుకుంటూ ఉండాలి. ● నమ్మకమైన వ్యక్తులను రాత్రిపూట పడుకునేలా ఏర్పాటుచేయడం శ్రేయస్కరం. ● లాకర్‌ ఉన్న వారు బంగారు ఆభరణాలను లాకర్‌లో భద్రపర్చుకోవడం మంచిది. ● ప్రస్తుతం మార్కెట్‌లో వైఫైతో కూడిన సీసీ కెమెరాలు అందుబాటులో ఉన్నాయి. వాటి ధర మధ్యతరగతి ప్రజలకు అందుబాటులో ఉన్నాయి. వాటిని అమర్చుకుని ఆండ్రాయిడ్‌ఫోన్‌కు అనుసంధానం చేసుకుంటే ఎప్పటికప్పుడు ఇంటిని పరిశీలించుకోవచ్చు.

పూసపాటిరేగ: విజయనగరం జిల్లా భోగాపురంలోని అల్లూరి సీతారామరాజు అంతర్జాతీయ విమానాశ్రయం మొదలు సన్‌రే రిసార్ట్‌ వరకు రోడ్డుకు ఇరు వైపులా భారీ జనసందోహం వైఎస్సార్‌సీపీ అధ్యక్షుడు, మాజీ ముఖ్యమంత్రి వైఎస్‌ జగన్‌మోహన్‌రెడ్డికి ఘన స్వాగతం పలికింది. బుధవారం సన్‌రే రిసార్ట్‌లో జరిగిన వైఎస్సార్‌సీపీ రాష్ట్ర జాయింట్‌ సెక్రటరీ ఉప్పాడ శివారెడ్డి, తనూజాల వివాహానికి విచ్చేసిన జననేత వధూవరులను ఆశీర్వదించారు. అంతకు ముందు విమానాశ్రయం ముఖ ద్వారం నుంచే వైఎస్‌ జగన్‌కు దారిపొడవునా ప్రజలు, అభిమానులు, పార్టీ శ్రేణులు ఘ­నం­గా స్వాగతం పలికారు. సన్‌రే రిసార్ట్‌కు వెళ్లేంత వరకు దారి పొడవునా అభిమానులకు అభివా­దం చేస్తూ వైఎస్‌ జగన్‌ ముందుకు సాగారు. గూడపువలస కూడలి, రాయివలస లేఅవుట్, సన్‌రే ముఖద్వారం వద్ద వేలాది మంది అభిమానులు రహదారిపైకి వచ్చి జై జగన్‌ అంటూ నినాదాలు చేశారు. సన్‌రే రిసార్టు పరిసరాలు జనసందోహంతో కిక్కిరిశాయి. సన్‌రే రిసార్ట్‌లో 500 మంది మహిళలు కోలాటం చేస్తూ.. పూలు చల్లుతూ స్వాగతం పలికారు. ఈ కార్యక్రమంలో శాసన మండలి విపక్ష నేత బొత్స సత్యనారాయ­ణ, మాజీ ఎంపీలు బెల్లాన చంద్రశేఖర్, బొత్స ఝా­న్సీలక్ష్మి, మాజీ ఎమ్మెల్యేలు బొత్స అప్పలనరసయ్య, కరణం ధర్మశ్రీ, గొర్లె కిరణ్‌కుమార్, వైఎస్సార్‌సీపీ నెల్లిమర్ల నియోజకవర్గం సమన్వయకర్త గదల సన్యాసినాయుడు, పార్టీ నేతలు ఉప్పాడ సూర్యనారాయణరెడ్డి, కె.కె.రాజు,పతివాడ అప్పలనాయుడు, పిన్నింటి తమ్మునాయు­డు, బొత్స చైతన్యబాబు, పతివాడ సత్యనారాయ­ణ, మహంతి జనార్దనరావు, రేగాని శ్రీనివాస­రావు, సుందర హరీష్‌ తదితరులు పాల్గొన్నారు.

సాక్షి, విజయనగరం జిల్లా: వైఎస్సార్‌సీపీ అధ్యక్షుడు, మాజీ ముఖ్యమంత్రి వైఎస్‌ జగన్‌మోహన్‌రెడ్డి ఇవాళ(బుధవారం) విజయనగరం జిల్లా భోగాపురంలో పర్యటించారు. భోగాపురంలోని సన్ రే విలేజ్ రిసార్ట్‌లో జరిగిన వైఎస్సార్‌సీపీ స్టేట్ జాయింట్ సెక్రటరీ ఉప్పాడ శివారెడ్డి వివాహ వేడుకకు వైఎస్‌ జగన్‌ హాజరయ్యారు.ఈ సందర్భంగా నూతన వధూవరులు తనూజ–శివారెడ్డిలను ఆశీర్వదించి.. వారికి వివాహ శుభాకాంక్షలు తెలిపారు. నూతన దంపతులు సుఖసంతోషాలతో ఆనందమయమైన దాంపత్య జీవితాన్ని గడపాలని ఆకాంక్షించారు.ఇదీ చదవండి: పదవి కోసమే టీడీపీ నేత పరిణయమా..?

విజయనగరం టౌన్‌: జిల్లాలో వివిధ ప్రాంతాల్లో పోగొట్టుకున్న మొబైల్స్‌ను సైబర్‌ సెల్‌ పోలీసులు ట్రాక్‌ చేసి రూ.15లక్షల12వేల 500 విలువైన వివిధ బ్రాండ్‌లకు చెందిన 121 మొబైల్స్‌ను ఎస్పీ ఏఆర్‌.దామోదర్‌ చేతుల మీదుగా బాధితులకు మంగళవారం జిల్లా పోలీసు కార్యాలయంలో అందజేశారు. ఈ సందర్భంగా ఎస్పీ మాట్లాడుతూ వివిధ ప్రాంతాల్లో బాధితులు పోగొట్టుకున్న మొబైల్స్‌ వివరాలను సీఈఐఆర్‌ పోర్టల్‌లో నమోదు చేసి, పోయిన మొబైల్స్‌ను ట్రాక్‌ చేసేందుకు ప్రత్యేకంగా మిస్సింగ్‌ మొబైల్‌ ట్రాకింగ్‌ సిస్టమ్‌ను వినియోగిస్తున్నామన్నారు. బాధితులు స్థానిక పోలీసుస్టేషన్‌లో కానీ, సైబర్‌ సెల్‌లో గానీ నేరుగా పోర్టల్‌లో కానీ నమోదుచేయవచ్చన్నారు. మహిళలు తమ మొబైల్స్‌లో శక్తి యాప్‌ను తప్పనిసరిగా నిక్షిప్తం చేసుకోవాలని సూచించారు. మొబైల్‌ఫోన్‌లను ట్రాక్‌ చేసి, బాధితులకు అందజేయడంలో ప్రతిభ కనబర్చిన సైబర్‌ సెల్‌ సీఐ శోభన్‌బాబు, ఎస్సై ఆర్‌.జయంతి, సిబ్బంది శ్రీనివాసరావు, తిరుపతినాయుడు, రాజేష్‌, సతీష్‌లను ఎస్పీ అభినందించారు.

● జగన్‌ పర్యటనను విజయవంతం చేయాలి ● ఎమ్మెల్సీ డాక్టర్‌ పెనుమత్స, వైఎస్సార్‌సీపీ నెల్లిమర్ల నియోజకవర్గ సమన్వయకర్త సన్యాసినాయుడు నెల్లిమర్ల రూరల్‌: మాజీ ముఖ్యమంత్రి, వైఎస్సార్‌ సీపీ జాతీయ అధ్యక్షుడు వైఎస్‌ జగన్‌ మోహన్‌రెడ్డి బుధవారం భోగాపురం రానున్నారు. ఆయన పర్యటనను విజయవంతం చేయాలని ఎమ్మెల్సీ డాక్టర్‌ పెనుమత్స సూర్యనారాయణరాజు (సురేష్‌ బాబు), వైఎస్సార్‌ సీపీ నెల్లిమర్ల నియోజకవర్గ ఇన్‌చార్జి గదల సన్యాసినాయుడు (సన్నీ) పిలుపునిచ్చారు. నెల్లిమర్ల మండలం మొయిద గ్రామంలో ఎమ్మెల్సీ పెనుమత్స స్వగృహంలో పార్టీ నేతలు, కార్యకర్తలతో మంగళవారం ఏర్పాటుచేసిన సమావేశంలో వారు మాట్లాడారు. భోగాపురం మండలం ఉప్పాడపేటకు చెందిన వైఎస్సార్‌ సీపీ రాష్ట్ర కార్యదర్శి ఉప్పాడ శివారెడ్డి వివాహ వేడుకకు బుధవారం మధ్యాహ్నం 3 గంటలకు సన్‌రే రిసార్ట్స్‌కు అధినేత హాజరవుతారన్నారు. ఆయనకు ఘనస్వాగతం పలికేందుకు నియోజకవర్గంలోని నాలుగు మండలాల నుంచి నాయకులు, కార్యకర్తలు పెద్దఎత్తున తరలిరావాలని కోరారు. కార్యక్రమంలో నాయకులు పతివాడ సత్యనారాయణ, ఎస్‌.రామారావు, రేగాన శ్రీను, తదితరులు పాల్గొన్నారు.

విజయనగరం అర్బన్‌: స్కూల్‌ గేమ్స్‌ ఫెడరేషన్‌ ఆఫ్‌ ఇండియా (ఎస్‌జీఎఫ్‌ఐ) ఆధ్వర్యంలో జిల్లా స్థాయిలో ఇటీవల నిర్వహించిన క్రీడా ఎంపికల్లో గురజాడ పాఠశాల విద్యార్థులు ప్రతిభ చూపారు. క్రికెట్‌ విభాగంలో డి.భార్గవ్‌, అథ్లెటిక్స్‌లో 110 మీటర్ల హార్డిల్స్‌ ఈవెంట్‌లో ఎస్‌.పార్థు రాష్ట్రస్థాయి పోటీలకు అర్హత సాధించారు. పదోతరగతి చదువుతున్న ఇద్దరు విద్యార్థులను పాఠశాల డైరెక్టర్‌ డాక్టర్‌ ఎంవీఆర్‌ కృష్ణాజీ, కరస్పాండెంట్‌ ఎం.స్వరూప, హెచ్‌ఎం పూడిశేఖర్‌, వ్యాయామ ఉపాధ్యాయుడు పి.సన్యాసినాయుడు అభినందించారు. జిల్లా అదనపు ఎస్పీగా పద్మలత విజయనగరం టౌన్‌: జిల్లా అదనపు ఎస్పీ (అడ్మిన్‌)గా ఎ.పద్మలతను నియమిస్తూ ప్రభుత్వ ప్రిన్సిపల్‌ సెక్రటరీ కుమార్‌ విశ్వజీత్‌ మంగళవారం ఉత్తర్వులు జారీచేశారు. ఆమె ఇప్పటివరకూ సీఐడీ విభాగంలో అదనపు ఎస్పీగా విధులు నిర్వహించారు. ప్రస్తుతం ఇక్కడ అదనపు ఎస్పీ(అడ్మిన్‌)గా పనిచేసిన సౌమ్యలతను విజిలెన్స్‌కు బదిలీ చేస్తూ ఉత్తర్వులు జారీచేశారు. పణుకువలస వద్ద డైవర్షన్‌ రోడ్డు తెర్లాం: రాజాం–రామభద్రపురం ఆర్‌అండ్‌బీ రోడ్డులో తెర్లాం మండలంలోని పణుకువలస కూడలి వద్ద డైవర్షన్‌ రోడ్డు నిర్మాణానికి ఆర్‌అండ్‌బీ శాఖ రూ.67లక్షలు మంజూరు చేసింది. గత నెలలో పణుకువలస కూడలి వద్ద ఉన్న వంతెన కూలిపోయిన విషయం తెలిసిందే. వాహన రాకపోకలు నిలిపివేయడంతో ప్రయాణికులు ఇబ్బందులు పడుతున్నారు. వంతెన వద్ద తాత్కాలికంగా డైవర్షన్‌ రోడ్డు నిర్మించేందుకు రూ.75 లక్షలతో ఆర్‌అండ్‌బీ అధికారులు ప్రభుత్వానికి ప్రతిపాదనలు పంపించగా రూ.67లక్షలు మంజూరు చేస్తూ ఉత్తర్వులు జారీ చేసింది. భోజనం బాగులేదు ● ఆరోగ్యశ్రీ రోగుల ఆవేదన ● ఐవీఆర్‌ఎస్‌ కాల్స్‌కు రోగుల సమాధానం విజయనగరం ఫోర్ట్‌: ప్రభుత్వ సర్వజన ఆస్పత్రిలో ఆరోగ్యశ్రీ రోగులకు అందించే భోజనం బాగులేదంటూ అధికమంది రోగులు ఐవీఆర్‌ఎస్‌ ఫోన్‌ కాల్స్‌కు సమాధానం చెప్పారు. అలాగే, ప్రభుత్వాస్పత్రులతో పాటు ప్రైవేటు ఆరోగ్యశ్రీ (ఎన్‌టీఆర్‌వైద్య సేవ) ఆస్పత్రుల్లో పారిశుద్ధ్యం అధ్వానంగా ఉందని, రోగులకు కేటాయించే వార్డులు అపరిశుభ్రతకు నిలయాలుగా మారాయని వాపోయారు. కొన్నిచోట్ల మందులు, ఆపరేషన్‌ ఖర్చుల పేరుతో రోగుల నుంచి అదనపు వసూళ్లు (కో పేమెంట్‌) చేస్తున్నట్టు తెలియజేశారు. మెనూ ప్రకా రం భోజనం అందేలా చూడాలని విజ్ఞప్తి చేసినట్టు తెలిసింది. ఇదే విషయంపై ఆరోగ్యశ్రీ కో ఆర్డినేట్‌ కె.సాయిరాం స్పందిస్తూ ఐవీఆర్‌ఎస్‌ కాల్స్‌ వచ్చిన ఫిర్యాదులపై విచారణ చేసి చర్యలు తీసుకుంటామన్నారు. నెట్‌వర్క్‌ ఆస్పత్రుల్లో భోజనం, పారిశుధ్యం మెరుగ్గా ఉండేలా చర్యలు తీసుకుంటున్నామని, అదనపు వసూళ్లకు పాల్పడితే చర్యలు తీసుకుంటామని చెప్పారు. సెంచూరియన్‌లో బిగ్‌ ఫెస్ట్‌నెల్లిమర్ల రూరల్‌: మండలంలోని టెక్కలి గ్రామంలో ఉన్న సెంచూరియన్‌ విశ్వ విద్యాలయంలో స్కూల్‌ ఆఫ్‌ మేనేజ్‌మెంట్‌ ఆధ్వర్యంలో మంగళవారం బిగ్‌ ఫెస్ట్‌–2026 కార్యక్రమం ఘనంగా జరిగింది. ఈ సందర్భంగా ఏర్పాటు చేసిన అవగాహన కార్యక్రమంలో వీసీ ప్రొఫెసర్‌ ప్రశాంత్‌ కుమార్‌ మహంతి మాట్లాడుతూ మేనేజ్‌మెంట్‌ విద్యార్థులకు వ్యాపార ఆలోచనలతో పాటు నైపుణ్యాలు ఎంతో అవసరమన్నారు. ముఖ్య అతిథిగా హాజరైన ఐఐఎం విశాఖ ప్రొఫెసర్‌ పంకజ్‌ విశకర్మ వ్యాపారాల్లో అనుసరించాల్సిన మార్కెటింగ్‌ వ్యూహాలను వివరించారు. కార్యక్రమంలో బోర్డు సభ్యుడు నరేంద్ర, సిబ్బంది పల్లవి, రవికుమార్‌, తదితరులు పాల్గొన్నారు.

చీపురుపల్లి: అదేదో మారుమూల ప్రాంతం కాదు.. సాక్షాత్తూ చీపురుపల్లి పట్టణంలోని విజయనగరం–పాలకొండ మెయిన్‌రోడ్డులో సోమవారం అర్ధరాత్రి గంజాయి, మద్యం మత్తులో కొందరు యువకులు అలజడి సృష్టించారు. ఆ రోడ్డు గుండా వచ్చే వాహనచోదకులపై ఇష్టారాజ్యంగా ప్రవరిస్తూ భయాందోళనకు గురిచేశారు. ఆంజనేయపురం మెయిన్‌ రోడ్‌లో వచ్చే వాహనాలను అడ్డుకుని వికృతంగా ప్రవర్తించినట్టు చూసిన వారు చెబుతున్నారు. లారీలను అడ్డగించి కదలనివ్వకుండా వారి నుంచి డబ్బులు డిమాండ్‌ చేసినట్లు తెలిసింది. అదే రోడ్డులో ప్రయాణించే కార్లును సైతం అడ్డగించి అసభ్యకరంగా ప్రవర్తించారని పలువురు ప్రయాణికులు తెలిపారు. పట్టణంలోని మెయిన్‌రోడ్‌లో ఇంత జరుగుతున్నా పోలీసు గస్తీ లేకపోవడంపై పట్టణ ప్రజలు మండిపడుతున్నారు. మెయిన్‌రోడ్‌లోనే పరిస్థితి ఇలా ఉంటే ఇక కాలనీల్లో ఎలా ఉంటుందో అర్థం చేసుకోవచ్చని పలువురు చర్చించుకుంటున్నారు. అదే సమయంలో చీపురుపల్లి పట్టణంలోని లావేరురోడ్‌లో ఐదు దుకాణాల్లో చోరీ జరగడం సైతం చర్చాంశనీయాంశంగా మారింది. చీపురుపల్లి మెయిన్‌ రోడ్‌లో వాహనాలు అడ్డగించి హడావిడి కానరాని పోలీస్‌ పెట్రోలింగ్‌ భయాందోళనలకు గురైన వాహనచోదకులు

ఈ చిత్రంలో కనిపిస్తున్నది బొబ్బిలి మండలం చల్లారపు వలసలో టీడీపీ నాయకుల కళ్లాలకు వెళ్లేందుకు అనువుగా వేసుకున్న సీసీ రోడ్డు. దీనికోసం రూ.3.50లక్షల ప్రజాధనం ఖర్చుచేశారు. టీడీపీ నాయకుడే కాంట్రాక్టర్‌ కావడంతో ఆ పార్టీ కార్యకర్తల కళ్లాలకు రోడ్డు వేసుకున్నారని, పల్లె పండగ పేరుతో ప్రజాధనాన్ని ప్రభుత్వం టీడీపీ నాయకులకు దోచిపెడుతోందని స్థానికులు విమర్శిస్తున్నారు. చిత్రంలో కనిపిస్తున్నది బొబ్బిలి మండలం సీతయ్యపేట గ్రామ శివారున నిర్మించిన సీసీ రోడ్డు. పల్లె పండగ పేరుతో రూ.4.50 లక్షల వ్యయంతో సీసీ రోడ్డు వేశారు. నాణ్యతకు పూర్తిగా తిలోదకాలిచ్చేశారని, ఊరు శివారున కావడంతో రోడ్డు పనులను ఎవరూ పట్టించుకోలేదని గ్రామస్తులు చెబుతున్నారు. రూ.2 లక్షలు కూడా ఖర్చుకాని రోడ్డు పనులకు ఏకంగా రూ.4.50 లక్షలు వెచ్చించడంపై ముక్కునవేలేసుకుంటున్నారు. రోడ్డు నాణ్యతను పరిశీలించి చర్యలు తీసుకోవాలని కోరుతున్నారు. చిత్రంలో కనిపిస్తున్న సీసీ రోడ్డు బొబ్బిలి మండలం సీహెచ్‌ బొడ్డవలసలోనిది. అసలు జనావాసాలు లేనిచోట రూ.4లక్షల ఖర్చుతో సీసీ రోడ్డు నిర్మించారని, దీనివల్ల కాంట్రాక్టర్‌కు డబ్బులు మిగిలాయే తప్ప ప్రజలకు ప్రయోజనం లేదని గ్రామస్తులు పలువురు చెబుతున్నారు.

మక్కువ: మక్కువ మండలాన్ని గడిచిన పది రోజులుగా ఏనుగుల గుంపు వదలడం లేదు. మండలంలోని పలు గ్రామాల సమీపంలో నదులు, చెరువుల్లో నీరు పుష్కలంగా ఉండడంతో పాటు, ఆయిల్‌ పామ్‌ తోటలు, జీడితోటలు, ఎత్తైన కొండలు ఉన్నందున సేదదీరుతూ సంచరిస్తున్నాయి. మంగళవారం తెల్లవారుజామున మక్కువ, డబ్బూరివలస గ్రామ సమీపాల్లోని వరిపంట పొలాల గట్లపై నుంచి చెరువుకు చేరుకున్నాయి. చెరువులో సేదదీరుతున్న ఏనుగుల గుంపును చూసేందుకు మండలంలోని పలు గ్రామాల నుంచి పెద్ద ఎత్తున ప్రజలు చేరుకున్నారు. ఏనుగులు ప్రజలకు ఎటువంటి హాని చేయకుండా అటవీ శాఖ సిబ్బంది, ట్రాకర్స్‌ చర్యలు చేపట్టారు. చెరువులో సేదదీరిన ఏనుగుల గుంపు, కొంత సమయం పోయిన తర్వాత సువర్ణముఖి నదిలోకి జారుకున్నాయి. ఆందోళనలో ప్రజలు రెండు రోజులుగా మార్కొండ పుట్టి, సరాయవలస పంచాయతీల పరిధిలోని పలు గ్రామాల్లో ఏనుగులు సంచరించడంతో ఆయా గ్రామాల ప్రజలు, రైతులు ఆందోళన చెందుతున్నారు. రాత్రి వేళ ఏనుగులు గ్రామాల సమీపంలో సంచరిస్తుండడంతో, ఏ హాని తలపడతాయోనని బిక్కుబిక్కు మంటూ ఉన్నారు. వారం రోజుల క్రితం వరకు పంట పొలాల్లో సంచరించిన ఏనుగుల గుంపు, పంథా మార్చి, జనావాసాల్లోకి వస్తుండడంతో ఏం జరుగుతుందోనని మండల ప్రజలు ఆందోళన చెందుతున్నారు. ఏనుగులను చూసేసరికి ప్రజలు గట్టిగా కేరింతలు కొట్టడంతో, ఏనుగులు విసుగుచెంది జనావాసాల్లోకి చొరబడితే పెద్ద నష్టం జరిగే ఆస్కారం ఉంటుంది. ఏనుగులను రెచ్చగొట్టే ధోరణలో ప్రజలెవరూ వ్యవహరించరాదని అటవీశాఖ అధికారులు విజ్ఞప్తి చేస్తున్నారు. వ్యవసాయ పొలాలకు విద్యుత్‌ సరఫరా బంద్‌ ఏనుగులు సంచరిస్తున్న గ్రామాల సమీపంలోని పంట పొలాలకు విద్యుత్‌ సరఫరా నిలిచిపోతుండడంతో రైతులు ఆవేదన చెందుతున్నారు. ఎండలు అధికంగా ఉండడం, వర్షాలు కురవకపోవడంతో, పంటలు ఎండిపోతున్నాయి. వ్యవసాయ మోటార్ల ద్వారా పంట పొలాలకు నీరు అందించేందుకు, ఏనుగులు తిరిగే ప్రదేశంలో విద్యుత్‌ సరఫరా నిలిపివేయడంతో, పంటలకు నీరు అందించలేకపోతున్నామని రైతులు వాపోతున్నారు. ఇప్పటికై నా ఉన్నతాధికారులు స్పందించి ఏనుగుల గుంపును తరలించేలా చర్యలు చేపట్టాలని మక్కువ మండల ప్రజలు కోరుతున్నారు. భయాందోళనకు గురి చేస్తున్న ఏనుగుల గుంపు చూసేందుకు తరలివచ్చిన ప్రజలు నిలిచిపోతున్న విద్యుత్‌ సరఫరా ఆందోళనలో అన్నదాతలు

చీపురుపల్లి: పట్టణంలోని మెయిన్‌రోడ్‌లో వరుసగా ఐదు దుకాణాల్లో జరిగిన చోరీ కలకలం రేపింది. సోమవారం రాత్రి జరిగిన ఈ చోరీ వ్యాపారుల్లో గుబులు రేపింది. పట్టణంలోని లావేరురోడ్‌లో వరుసగా ఐదు దుకాణాల్లో సోమవారం అర్ధరాత్రి చోరీ జరిగింది. ఈ చోరీలో కలివరపు విశ్వేశ్వరరావుకు చెందిన కిరాణా దుకాణంలో రూ.50 వేలు నగదు అపహరణకు గురైంది. మిగిలిన నాలుగు దుకాణాల్లో చోరీకి ప్రయత్నించిన దుండగులు ఏమీ లభ్యంకాకపోవడంతో దుకాణాల్లో వస్తువులు చిందరవందర చేసి వెళ్లిపోయారు. దీంతో మంగళవారం ఉదయం బాధితులు చీపురుపల్లి పోలీసులకు ఫిర్యాదు చేశారు. ఎస్సై ఉమా వెంకటేశ్వరరావు చోరీకి గురైన దుకాణాలను పరిశీలించారు. బాధితులకు అండగా వైఎస్సార్‌సీపీ ఇదిలా ఉండగా విషయం తెలుసుకున్న వైఎస్సార్‌సీపీ జిల్లా అధ్యక్షుడు బెల్లాన చంద్రశేఖర్‌, వైఎస్సార్‌సీపీ మండల అధ్యక్షుడు మీసాల వరహాలనాయుడు, పార్టీ జిల్లా ప్రధాన కార్యదర్శి ఇప్పిలి అనంతం, నియోజకవర్గ యువజన విభాగం అధ్యక్షుడు బెల్లాన వంశీకృష్ణ, గవిడి సురేష్‌లు చోరీ జరిగిన దుకాణాలను పరిశీలించారు. అనంతరం బాధితులతో మాట్లాడి అండగా ఉంటామని భరోసా కల్పించారు. జిల్లా పార్టీ అధ్యక్షుడు బెల్లాన చంద్రశేఖర్‌ అక్కడి నుంచి పోలీసులతో మాట్లాడి త్వరితగతిన విచారణ జరిపి బాధితులకు న్యాయం చేయాలని కోరారు.

పార్వతీపురం రూరల్‌: విజయవాడలోని జగ్గయ్యపేట ఏసీఎస్‌ కళాశాల వేదికగా నిర్వహించిన జాతీయస్థాయి థాంగ్‌–టా మార్షల్‌ ఆర్ట్స్‌ పోటీల్లో పార్వతీపురం మన్యం జిల్లా యువకుడు శనపతి వినయ్‌ కుమార్‌ స్వర్ణ పతకం సాధించాడు. అండర్‌–19 విభాగంలో ప్రథమ స్థానంలో నిలిచి పసిడి పతకాన్ని గెలుపొందాడు. పార్వతీపురం పట్టణంలోని వివేకానంద కాలనీ ఉజ్జిడితల్లి వీధికి చెందిన శనపతి చంద్రరావు, సంధ్యారాణి దంపతుల కుమారుడు వినయ్‌ కుమార్‌. కోచ్‌ ఎస్‌.మురళి వద్ద మార్షల్‌ ఆర్ట్స్‌లో శిక్షణ పొందాడు. జాతీయస్థాయిలో స్వర్ణ పతకం సాధించి జిల్లాకు గుర్తింపు తెచ్చిన వినయ్‌ను తల్లిదండ్రులు, బంధువులు, స్నేహితులు, స్థానికులు అభినందించారు. భవిష్యత్తులో మరిన్ని విజయాలు సాధించి ఉన్నత స్థాయికి ఎదగాలని వారు ప్రోత్సహించారు.

విజయనగరం టౌన్‌: జిల్లాలోని వివిధ మొడికల్‌ షాప్స్‌లో నార్కోటిక్‌ కంట్రోల్‌ బ్యూరో (ఎన్‌సిబి) విశాఖ జోన్‌ అధికారులు, వన్‌టౌన్‌ పోలీసులు, ఈగల్‌ టీమ్‌ సంయుక్త ఆధ్వర్యంలో మంగళవారం తనిఖీలు నిర్వహించారు. పట్టణంలోని వెంకటపద్మ మెడికల్స్‌, ధన్వి, మువ్వగోపాల, అపోలో ఫార్మసీ, కస్వీ, తిరుమల మెడికవర్‌ హోల్‌సేల్‌, రిటైల్స్‌ షాపులలో తనిఖీలు చేశారు. ఈ సందర్భంగా ఎన్‌సీబీ ఇన్‌స్పెపెక్టర్‌ సతీష్‌కుమార్‌, స్టేట్‌ డ్రగ్స్‌ శాఖకు చెందిన లావణ్యలు మాట్లాడుతూ నార్కోటిక్‌ డ్రగ్స్‌, సైకోట్రోఫిక్‌ పదార్థాల అక్రమ నిల్వలు, విక్రయాలు, వాటికి సంబంధించిన రికా ర్డుల నిర్వహణ పరిశీలించామన్నారు. మెడికల్‌ షాపుల నిర్వహకులందరూ ఔషధాల విక్రయాలు, నిల్వలు, రికార్డుల నిర్వహణకు సంబంధించిన నిబంధనలు, మార్గదర్శకాలను తప్పనిసరిగా పాటించాలన్నారు. తనిఖీల సమయంలో సరైన డాక్యుమెంటేషన్‌, రికార్డులు, వైద్యుల ప్రిస్క్రప్షన్‌, లేదా చెల్లుబాటయ్యే లైసెన్స్‌లు లేనట్లు గుర్తిస్తే నిబంధనల ప్రకారం ఆషాపు లైసెన్స్‌ తక్షణమే రద్దుచేస్తామన్నారు. నిబంధనలు ఉల్లంఘించిన వారిపై నార్కోటిక్‌ డ్రగ్స్‌ అండ్‌ సైకోట్రోఫిక్‌ సబ్‌స్టాన్సెస్‌ (ఎన్‌డీపీఎస్‌) చట్టంప్రకారం కఠినచర్యలు చేపడతామని స్పష్టం చేశారు. కార్యక్రమంలో ఈగల్‌ టీమ్‌ ఎస్‌ఐ స్వీటీ, వన్‌టౌన్‌ పోలీసులు పాల్గొన్నారు.

పార్వతీపురం రూరల్‌: అరుణోదయ యూనివర్సిటీ పరిశోధన మార్గదర్శకుడు, స్టూడెంట్‌ సక్సెస్‌ సొసైటీ అధ్యక్షుడు డాక్టర్‌ శంకరరావు కోచెర్లకు ‘డాక్టర్‌ ఏపీజే. అబ్దుల్‌ కలాం జాతీయ విద్యావేత్త పురస్కారం’ లభించింది. విద్యారంగంలో ఆయన చేసిన కృషి, పరిశోధనా మార్గదర్శకత్వానికి గుర్తింపుగా వెల్‌రెడ్‌ ఫౌండేషన్‌ ఈ పురస్కారాన్ని అందించింది. ఈ పురస్కారానికి సంబంధించిన అధికారిక పత్రాన్ని ఫౌండేషన్‌ డైరెక్టర్‌ శ్రబానీ కాయేత్‌ జారీ చేశారు. కేంద్ర ప్రభుత్వ కార్పొరేట్‌ వ్యవహారాల మంత్రిత్వ శాఖ పరిధిలో (సెక్షప్‌ 8 కింద) నమోదైన ఈ లాభాపేక్షలేని సంస్థ, డాక్టర్‌ శంకరరావు వత్తిపరమైన అంకితభావాన్ని, విద్యార్థుల సాధికారతకు ఆయన చేస్తున్న సేవలను పత్రంలో పొందుపరిచింది. యువతలో విద్యావగాహన, నాయకత్వ లక్షణాలు పెంపొందించడం ద్వారా సామాజిక అభివృద్ధికి ఆయన చేస్తున్న కృషికి ఈ పురస్కారం గుర్తింపుగా ఫౌండేషన్‌ పేర్కొంది. పైడితల్లి జాతరకు 100 ప్రత్యేక బస్సులు విజయనగరం అర్బన్‌: దసరా పండగను పురస్కరించుకుని ప్రయాణికుల సౌకర్యార్థం విజయనగరం నుంచి విశాఖపట్నం, పార్వతీపురం, శ్రీకాకుళం, రాజాం, ఎస్‌.కోట తదితర ప్రాంతాలకు సుమారు 100 ప్రత్యేక బస్సులను నడపనున్నట్లు జిల్లా ప్రజా రవాణా అధికారి జి.వరలక్ష్మి తెలిపారు. ఈ మేరకు మంగళవారం ఏర్పాటు చేసిన విలేకరుల సమావేశంలో ఆమె మాట్లాడుతూ పండగ రద్దీకి అనుగుణంగా ప్రత్యేక బస్సులను అందుబాటులోకి తీసుకువస్తామన్నారు. అదేవిధంగా విజయనగరానికి చెందిన ఉత్తరాంధ్ర ఇలవేల్పు శ్రీపైడితల్లమ్మ జాతర సందర్భంగా వివిధ డిపోల నుంచి 100కు పైగా ప్రత్యేక బస్సులను నడిపేందుకు ఏర్పాట్లు చేస్తున్నట్లు వెల్లడించారు. జాతరకు వచ్చే భక్తులకు రవాణా ఇబ్బందులు కలగకుండా అవసరమైన మేరకు బస్సు సర్వీసులు అందుబాటులో ఉంచుతామని తెలిపారు. ప్రయాణికులు ఆర్టీసీ ప్రత్యేక బస్సు సౌకర్యాలను వినియోగించుకోవాలని కోరారు. ఆటో, క్యాబ్‌ డ్రైవర్లకు సంక్షేమ బోర్డు ఏర్పాటు చేయాలి● ఊబర్‌, ఓలా, ర్యాపిడోలను రద్దు చేయాలి విజయనగరం గంటస్తంభం: ఆటో, క్యాబ్‌ డ్రైవర్లకు సంక్షేమ బోర్డు ఏర్పాటు చేయాలని, ఊబర్‌ ఓలా, ర్యాపిడోలను రద్దుచేసి ప్రభుత్వమే యాప్‌ను తీసుకురావాలని, శ్రీ శక్తి పథకంతో నష్టపోయిన డ్రైవర్లకు తక్షణ సాయం కింద రూ.20000 ప్రకటించాలని కోరుతూ మంగళవారం విజయనగరం జిల్లా ఆటో – ట్రాన్స్‌పోర్ట్‌ వర్కర్స్‌ యూనియన్‌ ఆధ్వర్యంలో నిరసన చేపట్టారు. మొదటగా విజయనగరం కలెక్టరేట్‌ ఏవో ఆఫీసులో వినతిపత్రం అందజేశారు. కలెక్టరేట్‌ గేటు వద్ద ధర్నాకు అనుమతించక పోవడంతో కంటోన్మెంట్‌ పార్కు వద్ద ధర్నా నిర్వహించి, నిరసన వ్యక్తం చేశారు. ఈ సందర్భంగా సీఐటీయూ జిల్లా కోశాధికారి ఎ. జగన్మోహన్‌రావు మాట్లాడుతూ ప్రధానమంత్రి నరేంద్ర మోడీ, ముఖ్యమంత్రి చంద్రబాబు కార్పొరేట్‌ సంస్థల లాభాల కోసం పనిచేస్తున్నారని, అందులో భాగంగానే ఆటో, క్యాబ్‌ డ్రైవర్‌ల పొట్టకొట్టి ఉబర్‌, ఓలా, ర్యాపిడో సంస్థలకు అనుమతులతో పాటు పార్కింగ్‌ స్థలాలు ఇస్తున్నారని ధ్వజమెత్తారు. వైట్‌ బోర్డు వాహనదారులు సైతం యాప్‌ ద్వారా పాసింజర్‌ సర్వీస్‌ చేస్తున్నారని, వాటిని నియంత్రించాలన్నారు. శ్రీ శక్తి పథకంతో నష్టపోతున్న ఆటో, క్యాబ్‌ డ్రైవర్లకు రాష్ట్ర ప్రభుత్వం తక్షణ సహాయం రూ.20,000 ప్రకటించాలని డిమాండ్‌ చేశారు. 2023, 24 నుంచి పెండింగ్‌లో ఉన్న ఈ చలానా కేసులు పూర్తిగా ఎత్తివేయాలని, క్యాబ్‌ లకు టోల్‌ చార్జీలు మినహాయింపు ఇవ్వాలని , ఒకే దేశం ఒకే పన్ను తరహాలో పెట్రోల్‌, డీజిల్‌ను జీఎస్టీ పరిధిలోకి తేవాలని, ఎల్లో బోర్డు వాహనాలకు రాయితీపై ఇవ్వాలని డిమాండ్‌ చేశారు. సమస్యలు పరిష్కరించాలని కోరుతూ డిసెంబర్‌ 1, 2, 3 తేదీల్లో ఢిల్లీలో ధర్నా చేపడుతున్నామని డ్రైవర్‌లంతా పాల్గొని విజయవంతం చేయాలని పిలుపునిచ్చారు. ధర్నాలో సీఐటీయూ జిల్లా ఉపాధ్యక్షురాలు వి.లక్ష్మి, కార్యదర్శి బి.రమణ, ఆటో యూనియన్‌ రాష్ట్ర కమిటీ సభ్యులు సీహెచ్‌ ముత్యాలు, నాయకులు పాపారావు, రామునాయుడు, కూర్మారావు, ఈశ్వరరావు, లక్ష్మ ణరావు, డీఎల్‌ఎన్‌, సంతోష్‌, శివ తదితరులు పాల్గొన్నారు.

● జాతీయ స్థాయి పోటీలకు ఎంపిక ● అభినందించిన కుటుంబసభ్యులు, గ్రామస్తులుతెర్లాం: మండలంలోని కూనాయవలస గ్రామానికి చెందిన బొమ్మి యశ్వంత్‌ రాష్ట్రస్థాయి లాన్‌ టెన్నిస్‌ పోటీల్లో సత్తా చాటాడు. ఈనెల 10 నుంచి 12వరకు శ్రీకాళహస్తిలోని విక్రం టెన్నిస్‌ అకాడమీలో 70వ స్కూల్‌ గేమ్స్‌ ఫెడరేషన్‌ లాన్‌ టెన్నిస్‌ అండర్‌–17 విభాగంలో జరిగిన రాష్ట్రస్థాయి పోటీల్లో పాల్గొన్న యశ్వంత్‌ అత్యంత ప్రతిభ కనబరిచి విజేతగా నిలిచాడు. ఇటీవల శ్రీకాళహస్తిలో జరిగిన 70వ ఏపీ స్కూల్‌ గేమ్స్‌ పోటీల్లో అండర్‌–17 విభాగంలో పాల్గొని రాష్ట్రస్థాయిలో ప్రథమ స్థానంలో నిలిచి బంగారు పతకం, ప్రశంసా పత్రాన్ని సాధించాడు. ఈ పోటీల్లో బాగా రాణించడంతో జాతీయ స్థాయిలో జరగనున్న లాన్‌టెన్నిస్‌ పోటీలకు ఆంధ్రప్రదేశ్‌ రాష్ట్రం తరఫున ఎంపికయ్యాడు. వైఎస్సార్‌ సీపీ రాష్ట్ర బీసీసెల్‌ ప్రధాన కార్యదర్శి, బొబ్బిలి మాజీ ఏఎంసీ చైర్మన్‌, కూనాయవలసకు చెందిన బొమ్మి శ్రీనివాసరావు కుమారుడు యశ్వంత్‌. లాన్‌టెన్నిస్‌లో యశ్వంత్‌ చూపిన ప్రతిభకు కుటుంబసభ్యులు, గ్రామస్తులు, వైఎస్సార్‌సీపీ మండల నాయకులు అభినందించారు.

విశాఖపట్నం: స్థానిక ద్వారకా బస్‌స్టేషన్‌ ముఖద్వారం వద్ద ఆర్టీసీ బస్సు ఢీకొని మంగళవారం రాత్రి ఓ తాపీమేస్త్రి మృతి చెందాడు. దీనిపై టూటౌన్‌ ట్రాఫిక్‌ ఎస్సై సింహాచలం తెలిపిన వివరాలిలా ఉన్నాయి. విజయనగరం జిల్లా బూర్జవలసకు చెందిన వి.చంద్ర(51) భార్య సీతతో కలిసి సీతంపేటలో మేస్త్రి పని ముగించుకుని కేజీహెచ్‌ సమీపంలోని ఇంటికి వెళ్తున్నారు. ఈ క్రమంలో మంగళవారం రాత్రి 7.45 గంటల సమయంలో గాజువాక నుంచి ఆర్టీసీ కాంప్లెక్స్‌కు వస్తున్న 38ఎన్‌ బస్సు చంద్రను ఢీకొంది. దీంతో ఆయన బస్సు వెనుక చక్రం కింద పడిపోగా, చక్రం తలపై నుంచి వెళ్లడంతో అక్కడికక్కడే మృతిచెందాడు. కళ్లెదుటే భర్త ప్రాణాలు కోల్పోవడంతో సీత కన్నీరుమున్నీరుగా విలపించింది. ఈ సమాచారం అందుకున్న ట్రాఫిక్‌ ఎస్సై సింహాచలం ఘటనా స్థలానికి చేరుకుని మృతదేహాన్ని కేజీహెచ్‌ మార్చురీకి తరలించారు. భార్య సీత ఫిర్యాదు మేరకు కేసు నమోదు చేసి దర్యాప్తు చేస్తున్నట్లు తెలిపారు.

రామభద్రపురం: మండలంలోని నాయుడువలసలో వైఎస్సార్‌సీపీ మద్దతుదారులైన రైతులకు చెందిన మినీ గోకులాల నిర్మాణాలకు అధికారులు చర్యలు చేపట్టారు. కూటమి పాలనలో పాలకులు, అధికారులు పాడిరైతులపై వివక్ష చూపుతున్నారు. అధికారులు స్థానిక అధికార పార్టీ నేతల ఒత్తిళ్లకు తలొగ్గి రాజకీయాలు చేస్తూ వైఎస్సార్‌సీపీ మద్దతుదారు పాడి రైతులను ఇబ్బందులు పెడుతున్నారని ఈ నెల 12వ తేదీన ‘ఇదేం పాడి పని’ శీర్షికన సాక్షి కథనం ప్రచురించింది. ఈ కథనానికి స్పందించిన ఉన్నతాధికారులు రాజకీయాలకతీతంగా పాడి రైతుల సమస్యలు పరిష్కరించాలని తక్షణమే పాడిరైతులకు మంజూరు చేసిన మినీ గోకులాల నిర్మాణాలు చేపట్టేలా చర్యలు తీసుకోవాలని మండల వీబీజీ రాంజీ అధికారులను ఆదేశించారు. ఉన్నతాధికారుల ఆదేశాల మేరకు ఏపీవో త్రినాథరావు, టెక్నికల్‌ అసిస్టెంట్‌ నటరాజ్‌లు నాయుడువలస గ్రామానికి వెళ్లారు.అక్కడ నిలిపేసిన వైఎస్‌ఆర్‌సీపీ మద్దతుదారులైన పాడిరైతులు కేతిరెడ్డి సూర్యనారాయణ, అంబటి శ్రీనివాసరావులకు చెందిన మినీ గోకులాల నిర్మాణాలకు మార్కింగ్‌ ఇచ్చి నిర్మాణాలు చేపట్టేలా చర్యలు తీసుకున్నారు. దీంతో ఆయా రైతులు ఆనందం వ్యక్తంచేస్తూ సాక్షికి కృతజ్ఞతలు తెలిపారు.

● 17న పార్వతీపురంలో రైతుల ప్రదర్శనపార్వతీపురం రూరల్‌: జంఝావతి ప్రాజెక్టును పూర్తిచేసే వరకు తమ పోరాటం కొనసాగుతుందని సాధన సమితి, గ్లోబల్‌ స్ఫూర్తి డెవలప్‌మెంట్‌ సొసైటీ నాయకులు స్పష్టం చేశారు. ఈ మేరకు పార్వతీపురంలో జరుగుతున్న జంఝావతి సాధన దీక్షలు మంగళవారానికి 22వ రోజుకు చేరుకున్నాయి. ఈ దీక్షలకు మద్దతుగా గ్లోబల్‌ స్ఫూర్తి సొసైటీ సభ్యులు చర్చి వీధి పార్కు నుంచి శిబిరం వరకు ర్యాలీ నిర్వహించారు.ఐదు దశాబ్దాలుగా ప్రాజెక్టు పూర్తికాక రైతులకు నష్టం జరుగుతోందని నాయకులు ఈ సందర్భంగా పేర్కొన్నారు. కేంద్రం, రాష్ట్రం, ఒడిశాలో ఎన్డీఏ ప్రభుత్వాలే అధికారంలో ఉన్నందున, రాష్ట్ర ప్రభుత్వం వెంటనే చొరవ తీసుకుని ప్రాజెక్టును పూర్తిచేయాలని వారు డిమాండ్‌ చేశారు. ప్రాజెక్టు సాధన కోసం ఈ నెల 17న పార్వతీపురంలో రైతుల ప్రదర్శన నిర్వహిస్తున్నట్లు ప్రకటించారు. కార్యక్రమంలో స్ఫూర్తి సొసైటీ రాష్ట్ర అధ్యక్షురాలు బలగ రాధానాయుడు, ఉపాధ్యక్షుడు అనంతరావు, సాధన సమితి నాయకులు చుక్క భాస్కరరావు తదితరులు పాల్గొన్నారు.

కురుపాం: ఆంధ్ర–ఒడిశా సరిహద్దు ప్రాంతాల్లో ఇరు రాష్ట్రాల పోలీసులు మంగళవారం సంయుక్త దాడులు నిర్వహించారు. కురుపాం ఎకై ్సజ్‌ శాఖ సర్కిల్‌ ఇన్‌స్పెక్టర్‌ పి.శ్రీనివాసరావు దీనిపై మాట్లాడుతూ స్థానిక ఎన్నికల నేపథ్యంలో సారా తయారీ, రవాణాను నిరోధించే చర్యల్లో భాగంగా అనిజ, కెరడ, వలవ గ్రామాల్లో తనిఖీలు చేపట్టామన్నారు. సారా తయారీ కోసం నిల్వచేసిన 8,600 లీటర్ల పులిసిన బెల్లం ఊటనుఽ ధ్వంసం చేసినట్లు తెలిపారు. అనధికార మద్యం విక్రయాల విషయమై జియ్యమ్మవలస మండలం బిత్రపాడు గ్రామానికి చెందిన జి.గౌరీశంకర్‌, గుమ్మలక్ష్మీపురం మండలం బీరుపాడు గ్రామానికి చెందిన శకుంతలను అదుపులోకి తీసుకున్నట్లు చెప్పారు. వారి నుంచి 22 మద్యం సీసాలు స్వాఽ దీనం చేసుకుని కేసులు నమోదు చేశామన్నారు. చెప్పా రు. ఈ దాడుల్లో విజయనగరం ఎన్‌ఫోర్స్‌మెంట్‌ ఏఈ ఎస్‌ ఎంవీ.గోపాల కృష్ణ, పార్వతీపురం మన్యం జిల్లా అసిస్టెంట్‌ ఎకై ్సజ్‌ సూపరింటెండెంట్‌ ఎ.సంతోష్‌, కురుపాం ఎకై ్సజ్‌ శాఖ ఎస్‌ఐ జె.రాజశేఖర్‌, సిబ్బంది పాల్గొన్నారు.

● కలెక్టర్‌ ఎస్‌.రాంసుందర్‌ రెడ్డి ● పీజీఆర్‌ఎస్‌కు 218 వినతులురాజీపురానికి చెందిన దివ్యాంగ విద్యార్థి జి.దీపిక మోటరైజ్డ్‌ త్రిచక్ర వాహనం మంజూరు చేయాలని కోరగా, వినతిని పరిశీలించాలని సంబంధిత అధికారులను ఆదేశించారు. విజయనగరం నగరంలోని కణపాక చెరువు పరిసరాల్లో దుర్వాసన, దోమల బెడద నివారణతో పాటు రాజీవ్‌నగర్‌లో కుక్కలు, పందులు నియంత్రణకు చర్యలు తీసుకోవాలని స్థానికులు కోరారు. గుర్ల మండలం జమ్మిపేట పాఠశాల ఉపాధ్యాయుడిపై వచ్చిన ఫిర్యాదుపై తగిన చర్యలు తీసుకోవాలని విద్యాశాఖ అధికారులకు సూచించారు. కార్యక్రమంలో జాయింట్‌ కలెక్టర్‌ సేతుమాధవన్‌, జిల్లా రెవెన్యూ అధికారి సీహెచ్‌.సత్తిబాబు, పీజీఆర్‌ఎస్‌ నోడల్‌ అధికారి ఈ.మురళి, ఆర్డీఓలు, వివిధ శాఖల జిల్లా అధికారులు పాల్గొన్నారు. ఫిర్యాదుల పరిష్కారానికి కృషి విజయనగరం టౌన్‌: ప్రజా సమస్యల పరిష్కార వేదికలో ప్రజల నుంచి వచ్చిన ఫిర్యాదులను తక్షణమే పరిష్కరించే దిశగా అధికారులు కృషిచేయాలని ఎస్పీ ఏఆర్‌ దామోదర్‌ సంబంధిత అధికారులకు దిశానిర్దేశం చేశారు. ఈ మేరకు సోమవారం జిల్లా పోలీసు కార్యాలయంలో ఫిర్యాదుదారుల నుంచి 36 ఫిర్యాదులను స్వీకరించారు. వాటిలో భూతగాదాలకు సంబంధించి 14, కుటుంబ కలహాలకు సంబంధించి నాలుగు, మోసాలకు పాల్పడినట్లు ఎనిమిది, ఇతర అంశాలకు సంబంధించి పది ఫిర్యాదులు ఉన్నాయి. గ్రీవెన్స్‌సెల్‌లో స్వీకరించిన ఫిర్యాదులపై తక్షణమే స్పందించి, ఏడు పనిదినాల్లో ఫిర్యాదుదారుల సమస్యలను పరిష్కరించేందుకు చర్యలు చేపట్టాలని, తీసుకున్న చర్యల వివరాలను నివేదిక రూపంలో జిల్లా పోలీసు కార్యాలయానికి పంపించాలని అధికారులకు ఎస్పీ సూచించారు. కార్యక్రమంలో డీసీఆర్‌బీ సీఐ కె.కుమారస్వామి, ఎస్బీ సీఐ ఏవీ.లీలారావు, ఎస్సైలు ప్రభావతి, పద్మావతి, పాపారావు తదితరులు పాల్గొన్నారు.విజయనగరం గంటస్తంభం: ప్రజా సమస్యల పరిష్కారమే ప్రభుత్వ అత్యంత ప్రాధాన్యమని కలెక్టర్‌ ఎస్‌.రాంసుందర్‌ రెడ్డి స్పష్టం చేశారు. ఈ మేరకు విజయనగరంలోని కలెక్టరేట్‌ ఆడిటోరియంలో సోమవారం నిర్వహించిన ప్రజా సమస్యల పరిష్కార వ్యవస్థ(పీజీఆర్‌ఎస్‌), రెవెన్యూ క్లినిక్‌ కార్యక్రమాల్లో ప్రజల నుంచి మొత్తం 218 వినతులు స్వీకరించారు. వాటిలో 106 వినతులు రెవెన్యూ శాఖకు సంబంధించినవే కావడం గమనార్హం. పెండింగ్‌ అర్జీలను సత్వరం పరిష్కరించాలని, అర్హులైన ఫిర్యాదుదారులకు నిబంధనల ప్రకారం న్యాయం చేయాలని అధికారులను కలెక్టర్‌ ఆదేశించారు. భూ సమస్యలు, డీ–పట్టా భూముల రీ–సర్వే, ఆన్‌లైన్‌ భూ రికార్డుల్లో పేర్లు నమోదు, ఎల్‌ఎస్‌ సమ్యసల పరిష్కారం కోరుతూ పలువురు వినతులు సమర్పించారు. వాటిపై స్పందించిన కలెక్టర్‌ సంబంధిత ఆర్డీఓలు, తహసీల్దార్లు తగిన చర్యలు తీసుకోవాలని సూచించారు. ఐఐటీ ఖరగ్‌పూర్‌లో చదువుతున్న దత్తిరాజేరు మండలం, భూపాల

విజయనగరం కల్చరల్‌ (క్రైమ్‌): పైడితల్లి సిరిమానోత్సవంలో భాగంగా సిరిమాను చెట్టు తరలింపు ప్రక్రియ సోమవారం సంబరంగా సాగింది. విజయనగరం మండలం జొన్నవలసలో సిరిమాను, ఇరుసుమాను చెట్లకు భక్తులు ప్రత్యేక పూజలు చేశారు. పసుపుకుంకుమలు సమర్పించారు. ముహూర్తం ప్రకారం సిరిమాను పూజారి బంటుపల్లి వెంకటరావు, ఆలయ అధికారులు, ప్రజాప్రతినిధులు సిరిమాను చెట్టు కొట్టేందుకు గొడ్డలితో గాట్లు పెట్టారు. వడ్రంగులు రెండు చింత చెట్లను నరికి ఎడ్లబళ్లకు కట్టి తరలింపునకు ఏర్పా ట్లు చేశారు. జొన్నవలసలో సాయంత్రం ఆరంభమైన సిరిమాను చెట్టు తరలింపు లో వేలాది మంది భక్తులు పాల్గొన్నా రు. దారి పొడవునా మహిళలు పసుపునీళ్లతో సిరిమాను చెట్టుకు చల్లదనం చేశారు. జొన్నవలస నుంచి దుప్పా డ, బంగ్లారోడ్డు, ఎత్తుబ్రిడ్జి, వనంగుడి మీదుగా గంటస్తంభం, చదురుగుడి, శివాలయం మీదు గా హుకుంపేటకు తరలించారు. సుమారు 8 కిలోమీటర్ల మీర సాగిన సిరిమాను చెట్టు తరలింపు ప్రక్రియ భక్తుల జయజయ ధ్వానాలు, సాంస్కృతిక ప్రదర్శనల నడుమ సాగింది. ఎక్కడా ట్రాఫిక్‌ ఇబ్బందులు తలెత్తకుండా పోలీసులు బందోబస్తు విధులు నిర్వహించారు. తల్లీ కరుణించు... నమస్కరిస్తున్న చిన్నారి 1 సిరిమాను చెట్టుకు పసుపునీళ్లతో చల్లదనం దారిపొడవునా పైడిమాంబకు జేజేలు సిరిమాను తరలింపులో పాల్గొన్న యువకులు ట్రాఫిక్‌ సమస్యలేకుండా పోలీస్‌ బందోబస్తు హుంకుంపేటకు చేరిన సిరిమాను చెట్టు సిరిమాను చెట్టును దర్శించుకున్న నేతలు, భక్తులు సిరిమాను చెట్టును మంత్రి కొండపల్లి శ్రీనివాస్‌, ఎమ్మెల్యే అదితి గజపతిరాజు, ఎంపీ కలిశెట్టి అప్పలనాయుడు, ఎమ్మెల్సీ గాదె శ్రీనివాసులనాయుడు, మాజీ డిప్యూటీ స్పీకరల్‌ కోలగట్ల వీరభద్రస్వామి, మాజీ డిప్యూటీ మేయర్‌, వైఎస్సార్‌సీపీ రాష్ట్ర మహిళా ప్రధానకార్యదర్శి కోలగట్ల శ్రావణి, బీజేపీ జిల్లా అధ్యక్షుడు రాజేష్‌ వర్మ, పైడితల్లి ఆలయ ఈఓ శిరీష, సిరిమాను పూజారి బంటుపల్లి వెంకటరావు, సిరిమాను చెట్ల దాతలు బూర్లి శ్రీనివాసరావు, రవి, వారి కుటుంబ సభ్యులు ప్రత్యేక పూజలు చేశారు. పసుపుకుంకుమలు సమర్పించారు. సిరిమాను తరలింపులో భాగంగా శ్రీనివాసరావు కల్లాంలో అన్నసంతర్పణ చేశారు.

పాలకొండ రూరల్‌: జాతీయ స్థాయి వెయిట్‌లిఫ్టింగ్‌ పోటీలకు స్థానిక పెద్దకాపు వీధికి చెందిన పొగిరి కిశోర్‌ ఎంపికయ్యారు. ఈ నెల 9,10,11 తేదీల్లో కాకినాడలో జరిగిన రాష్ట్రస్థాయి పోటీలో వివిధ విభాగాల్లో 181 కేజీల మేర బరువు ఎత్తి ప్రథమ స్థానంలో నిలవడంతో పాటు జాతీయ స్థాయి పోటీలకు ఎంపికయ్యారు. దేశ రాజధాని ఢిల్లీలో వచ్చే నెల 30న జరగనున్న జాతీయస్థాయిలో పాల్గొననున్నాడు. ఆయన తల్లిదండ్రులు వెంకటరమణ ఎలక్ట్రీషియన్‌ కాగా తల్లి జ్యోతి గృహిణి. కిశోర్‌ గత ఏడాది వీఎల్‌ఎం కేటగిరిలో సిల్వర్‌ మెడల్‌ సాధించాడు. ఈ మేరకు క్రీడాకారుడిని పార్వతీపురం మన్యం జిల్లా కబడ్డీ అసోసియేషన్‌ గౌరవాధ్యక్షుడు పల్లా కొండలరావు తదితరులు పాలకొండలో సోమవారం అభినందించారు. జాతీయ స్థాయిలో సత్తాచాటాలంటూ ప్రోత్సహించారు.రైతుబజార్‌లో బియ్యం కౌంటర్‌పునఃప్రారంభంవిజయనగరం ఫోర్ట్‌: రైతు బజార్లలో బియ్యం కౌంటర్లు ఎత్తేయడంతో వినియోగదారులు ఇబ్బంది పడుతున్నారనే అంశంపై ఈనెల 9న సాక్షిలో బియ్యం కౌంటర్లు ఎత్తేశారు శీర్షికన ప్రచురించిన కథనానికి అధికారులు స్పందించారు.ఈ మేరకు సోమవారం ఆర్‌అండ్‌బీ రైతు బజార్‌లో మార్కెటింగ్‌శాఖ ఎ.డి రవికిరణ్‌, సివిల్‌సప్‌లైస్‌ డీఎం బి. శాంతిలు ధరణి పేరుతో బియ్యం కౌంటర్లను పునఃప్రారంభించారు. ఐటీఐలో క్యాంపస్‌ ప్లేస్‌మెంట్స్‌ డ్రైవ్‌ రేపుసాలూరు: పట్టణంలోని ప్రభుత్వ ఐటీఐ కళాశాలలో బుధవారం క్యాంపస్‌ ప్లేస్‌మెంట్‌ డ్రైవ్‌ నిర్వహిస్తున్నట్లు ఇన్‌చార్జ్‌ ప్రిన్సిపాల్‌, ప్లేస్‌మెంట్‌ ఆఫీసర్‌ కోట్ల శ్రీనివాసరావు ఓ ప్రకటనలో తెలిపారు. స్కైనిడర్‌ ఎలక్ట్రిక్‌ ప్రైవేట్‌ లిమిటెడ్‌, టీవీఎస్‌ ట్రైనింగ్‌ అండ్‌ సర్వీసెస్‌ తదితర కంపెనీలు ఈ ప్లేస్‌మెంట్‌కు వస్తాయన్నారు.ఆసక్తిగల అభ్యర్థులు తమ బయోడేటా, సర్టిఫికెట్లతో హాజరుకావాలని సూచించారు. మరిన్ని వివరాలకు ఫోన్‌ 9573644439 నంబరును సంప్రదించాలని పిలుపునిచ్చారు. హుండీ ఆదాయం చోరీదత్తిరాజేరు: మండల కేంద్రంలోని శివాలయంలో ఉన్న హుండీని గుర్తు తెలియని వ్యక్తులు చోరీ చేసినట్లు శివాలయం కమిటీ సభ్యులు సోమవారం తెలిపారు. భక్తులు హుండీలో వేసిన డబ్బులు అధిక మొత్తంలో ఉండడంతో గుర్తు తెలియని వ్యక్తులు సోమవారం తెల్లవారుజామున చోరీకి పాల్పడినట్లు తెలిపారు.ఈ విషయమై పెదమానాపురం పోలీసులకు సమాచారం అందించడంతో వారు వచ్చి పరిశీలించినట్లు గ్రామ మాజీ సర్పంచ్‌ మహదేవ్‌ ఫణీంద్రుడు తెలిపారు. బంగారం చోరీకేసులో నిందితుడి అరెస్టుబాడంగి: మండలంలోని గజరాయునివలసలో గ్రామంలో జరిగిన బంగారం చోరీ కేసులో నిందితుడిని పోలీసులు అరెస్ట్‌ చేసి బొబ్బిలికోర్టుకు తరించగా న్యాయమూర్తి రిమాండ్‌ విధించారు. దీనికి సంబంధించి ఎస్సై సూర్యకుమారి అందించిన వివరాలిలా ఉన్నాయి. గజరాయునివలస గ్రామానికి చెందిన గిరి జాపు సురేష్‌ ఇంటిలో సోమవారం ఉదయం దొంగతనం జరిగిందని తమకు ఫిర్యాదు అందింది. ఫిర్యాదుమేరకు కేసునమోదుచేసి దర్యాప్తు చేసి అదే గ్రామానికి చెందిన పక్కింటి వ్యక్తి దొంగతనం చేసినట్లు రుజువవడంతో నిందితుడి దగ్గర నుంచి ముప్పావుతులం బంగారాన్ని స్వాధీనం చేసుకుని అరెస్ట్‌ చేసి కోర్టుకు తరలించామని ఎస్సై చెప్పారు.

విజయనగరం గంటస్తంభం: భోగాపురం ప్రాంతంలో డేటా సెంటర్‌ ఏర్పాటుకు వ్యతిరేకంగా కలెక్టరేట్‌ వేదికగా రైతులు గర్జించారు. తమ భూములు లాక్కుంటే ఊరుకునేది లేదంటూ సర్కారును హెచ్చరించారు. తొలుత 12 ఎకరాల భూమి అవసరమని చెప్పి, ఇప్పుడు 1,200 ఎకరాలు కావాలంటున్నారని ఆగ్రహం వ్యక్తం చేశారు. ఇప్పటికే భోగాపురం విమానాశ్రయం నిర్మాణం కోసం భూములు ఇచ్చి నష్టపోయామని, ఇప్పుడు మరోసారి భూములు కోల్పోతే తమ కుటుంబాల జీవనాధారం ఏమవుతుందని ప్రశ్నించారు. వ్యవసాయ భూములే తమకు జీవనాధారమని, వాటిని కోల్పోతే ఉపాధి కోసం ఎక్కడికి వెళ్లాలని ఆవేదన వ్యక్తంచేశారు. ప్రాజెక్టు విషయంలో ప్రభుత్వం తమ అభ్యంతరాలను పరిగణనలోకి తీసుకోవాలని కోరారు. మహిళలు సహా గ్రామస్తులు పెద్ద సంఖ్యలో పాల్గొని ప్రభుత్వానికి వ్యతిరేకంగా నినాదాలు చేశారు. 20 నెలల మెస్‌ బిల్లులు చెల్లించాలి.. పెండింగ్‌ వేతనాలు, మెస్‌ బిల్లులు చెల్లించాలంటూ మధ్యాహ్న భోజన నిర్వాహకులు కలెక్టరేట్‌ ఎదుట ధర్నా నిర్వహించారు. మోడల్‌ స్కూళ్లకు సంబంధించిన 20 నెలల బిల్లులు చెల్లించాలని, మెస్‌చార్జీ రూ.20, కనీస వేతనం రూ.10 వేలు ఇవ్వాలని డిమాండ్‌ చేశారు. ప్రభుత్వాలు మారినప్పుడు కార్మికులను తొలగించే విధానాన్ని ఆపాలని సంఘం రాష్ట్ర ప్రధాన కార్యదర్శి కె.స్రవంతి, ఏఐటీయూసీ జిల్లా ప్రధాన కార్యదర్శి బుగత అశోక్‌ కోరారు. నెలల తరబడి బిల్లులు పెండింగ్‌లో ఉండడంతో కార్మికులు ఆర్థిక ఇబ్బందులు ఎదుర్కొంటున్నారని పేర్కొన్నారు. అనంతరం కలెక్టర్‌కు వినతిపత్రం అందజేశారు. కార్యక్రమంలో ఏఐటీయూసీ జిల్లా కార్యదర్శి పురం అప్పారావు, మధ్యాహ్న భోజన నిర్వాహకుల సంఘం జిల్లా అధ్యక్షురాలు పెంకి లక్ష్మి, ప్రధాన కార్యదర్శి డేగల అప్పలరాజు, రాజీ, ధనలక్ష్మి, చిన్నారి, కుసుమ, తదితరులు పాల్గొన్నారు. డేటా సెంటర్‌కు భూములు లాక్కోవద్దంటూ ఆందోళన కలెక్టరేట్‌ వద్ద ధర్నా బకాయిలు చెల్లించాలని మధ్యాహ్న భోజన కార్మికుల నిరసన

● మగ్గూరు వద్ద ఇసుక లారీలు అడ్డగింత వంగర: ఇసుకను అక్రమంగా తరలిస్తే ఉపేక్షించేది లేదని మగ్గూరు గ్రామస్తులు హెచ్చరించారు. ఓనె అగ్రహారం సమీపంలోని నాగావళి నది నుంచి ఇసుకను అక్రమంగా తరలిస్తున్న లారీలను మగ్గూరు వద్ద అడ్డుకున్నారు. రెవెన్యూ అధికారులు, పోలీసులకు సమాచారం ఇచ్చారు. గ్రామం మీదుగా 20 రోజులు మాత్రమే ఇసుక తరలిస్తామని చెప్పారని, ఇప్పుడు మూడు నెలలుగా ఇసుకను తరలిస్తున్నారని, దీనివల్ల రోడ్లు, కాలువలు ధ్వంసమయ్యాయని, ఇళ్ల గోడలు బీటలు వారుతున్నాయని మండిపడ్డారు. అనుమతులు లేకుండా ఇసుక తరలింపును అడ్డుకోవాలంటూ నినాదాలు చేశారు. మక్కువ: ఉత్తరాంధ్రుల ఆరాధ్యదైవం శంబర పోలమాంబ అమ్మవారు సోమవారం గాయత్రి దేవి అలంకరణలో భక్తులకు దర్శనమిచ్చారు. చదురుగుడిలో కొలువైన పోలమాంబ అమ్మవారిని అర్చకులు పసుపు కొమ్ములతో ప్రత్యేకంగా అలంకరించారు. శరన్నవరాత్రి ఉత్సవా ల్లో భాగంగా ఆలయంలో గణపతి హోమం నిర్వ హించారు. పూజల్లో పాల్గొన్న భక్తులకు అమ్మ వారి ప్రసాదాన్ని అందజేశారు. కార్యక్రమంలో ట్రస్టు బోర్డు చైర్మన్‌ నైదాన తిరుపతి, ఆలయ ఈఓ వి.వి.సూర్యనారాయణ, ఆలయ కమిటీ సభ్యులు, గ్రామ పెద్దలు, భక్తులు పాల్గొన్నారు. భామిని: మండలంలోని బత్తిలిలో వెలసిన శ్రీ లలితాత్రిపుర సుందరీదేవికి సమర్పించేందుకు సోమవారం లక్ష పసుపుకొమ్ములను భక్తులు మంగళవాయిద్యాల నడుమ ఊరేగింపుగా సోమవారం తీసుకెళ్లారు. పసుపుకొమ్ముల అభిషేకానికి ఆలయ కమిటీ సభ్యులు ప్రత్యేక ఏర్పాట్లు చేశారు.

రామభద్రపురం: పేద, మధ్యతరగతి ప్రజల ఆశలను అలుసుగా చేసుకుని కొంతమంది ఇతర రాష్టాలకు చెందిన మోసగాళ్లు వ్యాపార అవతారమెత్తి ప్రజలను మోసగిస్తున్నారు. దుకాణాలు ఏర్పాటు చేసి ఇంటికి కావాల్సిన సామగ్రి తక్కువ ధరలకు ఇస్తామని నమ్మబలికి ముందుగా వినియోగదారుల నుంచి సుమారు రూ.5 లక్షల వరకు డబ్బులు వసూలూ చేసి ఉడాయించడంతో బాధితులు లబోదిబో మంటున్నారు. ఈ విషయం ఆలస్యంగా వెలుగులోకి వచ్చింది. దీనిపై బాధితులు, స్థానికులు తెలిపిన వివరాలిలా ఉన్నాయి. తమిళనాడుకు చెందిన పలువురు యువకులు నెలరోజుల క్రితం మండలకేంద్రంలో ఓ దుకాణం అద్దెకు తీసుకున్నారు. అందులో వీపీఆర్‌ హోమ్‌ నీడ్స్‌ అండ్‌ ఆర్డర్‌ సప్లయర్స్‌ పేరిట బీరువాలు, మంచాలు, పరుపులు, ఫ్రిజ్‌లు, కుక్కర్లు కుర్చీలు తదితర ఇంటికి కావలసిన సామగ్రి పెట్టారు.అయితే ఆ సామగ్రిని ఎంఆర్‌పీ కంటే తక్కువ ధరకు విక్రయిస్తామని, ముందుగా డబ్బులు కడితే పది రోజుల్లో 40 శాతం నుంచి 50 శాతం వరకు ధర తగ్గించి సామగ్రి ఇంటికే సరఫరా చేస్తామని ఆటో ద్వారా ప్రచారం చేయడంతో పాటు కరపత్రాలు పంపిణీ చేశారు. తక్కువ ధరకు వస్తున్నాయని ఆశపడిన కొంతమంది వినియోగదారులు ముందుగా డబ్బులు చెల్లించగా వారికి 10 రోజుల్లో వారు బుక్‌ చేసుకున్న సామగ్రి ఇంటికి పట్టుకెళ్లి ముట్టజెప్పారు. దీంతో మరింత నమ్మకంపెంచుకున్న మరి కొంత మంది కొత్త వినియోగదాలరులు మరికొన్ని వస్తువులకు ముందుగానే డబ్బులు చెల్లించారు.ఆ డబ్బులతో మోసగాళ్లు ఉడాయించారు. అలాగే అవే సామగ్రి విజయనగరంలో ఓ హోమ్‌నీడ్స్‌ షాపు, మండలకేంద్రంలోని ఓ స్టీలు దుకాణం వద్ద కూడా ఆ మోసగాళ్లు ముందుగా డబ్బులు చెల్లించి వస్తువులు పట్టుకెళ్లడం చేసేవారు. కొద్ది రోజులు లావాదేవీలు జరిపి పూర్తిగా నమ్మకం కలిగించారు.ఆఖరికి ఆ దుకాణాదారులకు కూడా సుమారు రూ.2 లక్షల వరకు టోకరా పెట్టినట్లు తెలిసింది.అయితే బాధితుల్లో 10 మంది వరకు చెప్పేందుకు భయపడుతుండగా 15 మంది పోలీసులకు ఫిర్యాదు చేశారు. బాధితుల ఫిర్యాదు మేరకు పోలీసులు దుకాణానికి తాళం వేయడంతో పాటు బాధితుల వివరాలు సేకరించి మోసగాళ్ల కోసం గాలిస్తున్నారు. తక్కువ ధరకే ఇంటి వస్తు సామగ్రి ఇస్తామని నమ్మబలికి.. డబ్బులు వసూలు చేసి మోసగాళ్ల పరారీ లబోదిబోమంటున్న బాధితులు

● ఎమ్మెల్సీ పాలవలస విక్రాంత్‌వంగర: రైతులను ఆదుకోవడంలో చంద్రబాబు ప్రభుత్వం పూర్తిగా విఫలమైందని ఎమ్మెల్సీ పాలవలస విక్రాంత్‌ అన్నారు. ఈ మేరకు ఆయన సోమవారం వంగరలో విలేకరులతో మాట్లాడారు. ఇటీవల సంభవించిన తుపాను కారణంగా కొప్పర, కొండచాకరాపల్లి, గీతనాపల్లి గ్రామాలు ముంపునకు గురయ్యాయని, ఆయా గ్రామస్తులకు పునరావాస సౌకర్యాలు సకాలంలో కల్పించడంలో ప్రభుత్వ, అధికార యంత్రాంగం విఫలమయ్యాయన్నారు. ఆయా గ్రామాల్లో సువర్ణముఖి నది ఉధృతి వల్ల పంటలకు తీవ్రనష్టం జరిగిందని, ఏ ఒక్క రైతును ప్రభుత్వం ఆదుకోలేదన్నారు. నష్టం వాటిల్లిన రైతులకు ఎకరాకు రూ.20 వేలు అందజేయాలని డిమాండ్‌ చేశారు. గత ప్రభుత్వం హయాంలో మాజీ ముఖ్యమంత్రి వైఎస్‌ జగన్‌మోహన్‌రెడ్డి నిష్పక్షపాతంగా పంటల బీమా పథకాన్ని అమలు చేశారని, ప్రీమియం డబ్బులు ప్రభుత్వమే చెల్లించి రైతులు సాగు చేసిన పంటలకు రక్షణ కల్పించారని గుర్తు చేశారు. చంద్రబాబు ప్రభుత్వం రైతులను ఆదుకోవడంలో విఫలమైందని, ఇది రైతు వ్యతిరేక ప్రభుత్వమన్నారు. కార్యక్రమంలో వైఎస్సార్‌సీపీ మండల అధ్యక్షుడు కరణం సుదర్శనరావు, మండల యూత్‌ విభాగం అధ్యక్షుడు బొక్కేల వెంకటప్పలనాయుడు, మాజీ ఎంపీటీసీ కనగల పద్మ, మాజీ సర్పంచ్‌ కనగల భారతి, కాంబోతుల భగవతి, దేవకివాడ దుర్గప్పలనాయుడు, పాలవలస ధవళేశ్వరరావు పాల్గొన్నారు.

విజయనగరం: మాజీ ముఖ్యమంత్రి, వైఎస్సార్‌సీపీ జాతీయ అధ్యక్షుడు వై.ఎస్‌.జగన్‌మోహన్‌రెడ్డి ఈ నెల 14న విజయనగరం జిల్లాలో పర్యటించనున్నారు. ఈ మేరకు పర్యటన వివరాలను పార్టీ జిల్లా అధ్యక్షుడు బెల్లాన చంద్రశేఖర్‌ పార్టీ జిల్లా కార్యాలయంలో సోమవారం సాయంత్రం నిర్వహించిన సమావేశంలో వెల్లడించారు. భోగాపురం మండల కేంద్రంలో పార్టీ నాయకుడు ఉప్పాడ శివారెడ్డి వివాహ వేడుక కోసం ఆ రోజు మధ్యాహ్నం మూడున్నర గంటలకు భోగాపురంలోని అల్లూరి సీతారామరాజు అంతర్జాతీయ విమానాశ్రయానికి చేరుకుంటారు. అక్కడ నుంచి నేరుగా సమీపంలోని సన్‌రే రిసార్ట్స్‌కు చేరుకుని నూతన వధూవరులను ఆశీర్వదిస్తారు. అంతకుముందు విమానాశ్రయంలో ఉమ్మడి విజయనగరం జిల్లాకు చెందిన పార్టీ ముఖ్య నాయకులంతా ఘన స్వాగతం పలకనున్నారు. కార్యక్రమం అనంతరం సాయంత్రం 4.15 గంటలకు సన్‌ రే రీసార్ట్స్‌ నుంచి బయలుదేరి ఎయిర్‌ పోర్టుకు చేరుకున్న అనంతరం నేరుగా బెంగుళూరు పయనమవుతారు. వై.ఎస్‌.జగన్‌మోహన్‌రెడ్డి జిల్లా పర్యటన పార్టీశ్రేణులంతా విజయవంతం చేయాలని బెల్లాన పిలుపునిచ్చారు. సమావేశంలో ఎమ్మెల్సీ డాక్టర్‌ పెనుమత్స సురేష్‌బాబు, నెల్లిమర్ల నియోజకవర్గ ఇన్‌చార్జి గదల సన్యాసినాయుడు, పార్టీ రాష్ట్ర కార్యదర్శి కె.వి.సూర్యనారాయణరాజు, పార్టీ జిల్లా ప్రధాన కార్యదర్శి ఇప్పిలి అనంత్‌, పూసపాటిరేగ మండలాధ్యక్షుడు పతివాడ అప్పలనాయుడు, పార్టీ ఉపాధ్యక్షుడు పతివాడ సత్యనారాయణ, పార్టీ నాయకులు డోల మన్మథకుమార్‌, సముద్రపు రామారావు, తదితరులు పాల్గొన్నారు. వైఎస్సార్‌సీపీ జిల్లా అధ్యక్షుడు బెల్లాన చంద్రశేఖర్‌ ఓ వివాహ వేడుకకు హాజరుకానున్న మాజీ సీఎం

బొబ్బిలి పట్టణానికి చెందిన ఓ సాఫ్ట్‌వేర్‌ ఉద్యోగి ఏడాదికి రూ.30 లక్షల వార్షిక వేతనం తీసుకుంటున్నారు. వయస్సు 37 ఏళ్లు. వధువు వయస్సు ఆయన వయస్సుకు ఐదారేళ్ల వ్యత్యాసం ఉండాలన్న అభిప్రాయానికి అనుకూలమైన సంబంధం దొరకడంలేదు. పెళ్లి అవుతుందా లేదా అన్న బెంగ ఇప్పుడు ఆయనను వెంటాడుతోంది. రేగిడి మండలంలోని ఓ గ్రామానికి చెందిన వ్యక్తికి ప్రస్తుతం 40 ఏళ్లు వచ్చాయి. అతను తన 25వ ఏట నుంచే పెళ్లి సంబంధాలు వెతకడం ప్రారంభించాడు. డిగ్రీ చదివిన ఆయన పోటీపరీక్షలకు సిద్ధమైనా ఉద్యోగం రాలేదు. తల్లిదండ్రులు నుంచి వచ్చిన పదెకరాలు వ్యవసాయభూమిని సాగుచేసుకుంటూ పదిమందికి ఉపాధి కల్పిస్తున్నాడు. స్థిరాస్తులు ఉన్నప్పటికీ అతనికి ఉద్యోగం లేదన్న సాకుతో ఆడపిల్లనిచ్చేందుకు తల్లిదండ్రులు ఆసక్తిచూపడం లేదు. రాజాం పట్టణంలోని ఓ యువకుడికి నాలుగేళ్ల కిందట రెసిడెన్సియల్‌ స్కూల్‌లో టీచర్‌ ఉద్యోగం వచ్చింది. ప్రస్తుతం రూ.52 వేలు జీతం. తల్లిదండ్రులు మూడేళ్ల కిందట మృతిచెందారు. ప్రస్తుతం ఆయన వయస్సు 40 ఏళ్లు కావడంతో అతనితో పెళ్లికి ఆడపిల్లలు ఆసక్తి చూపడం లేదు. ఉద్యోగం ఉంటే భార్యను సుఖంగా చూసుకోవచ్చని కష్టపడి చదివిన ఆయనకు ఉద్యోగం వచ్చే సమయానికి వయస్సు దాటిపోవడంతో పెళ్లికాని పురుషుల జాబితాలో చేరిపోయాడు. విజయనగరం: జిల్లాలో పెళ్లికాని పురుషుల సంఖ్య రోజురోజుకూ పెరుగుతోంది. 30 ఏళ్లు దాటినా పెళ్లికాక చాలా మంది యువకులు ఆవేదన చెందుతున్నారు. పల్లెలు, పట్టణాలు అనేతేడా లేకుండా ఈ సమస్య కనిపిస్తోంది. ఒకప్పుడు పెళ్లి ఈడు రాగానే అమ్మాయిలు..అబ్బాయిల్లో పెళ్లి కళ కనిపించేది. అమ్మాయిల తల్లిదండ్రులకు బెంగ ఉండేది. సకాలంలో ఎవరో ఒక అయ్య చేతిలో పెట్టేస్తే బాధ్యత తీరుపోతుందిలే అనుకునేవారు. 18 ఏళ్లు దాటిన వెంటనే బంధువులను సంప్రదిస్తూ ఆడపిల్లలకు పెళ్లిసంబంధాలు కావాలని అడిగేవారు.భార్యను పోషించుకునే స్థోమత ఉంటే చాలు అనుకునేవారు. ఇప్పుడు పరిస్థితి పూర్తిగా భిన్నం. అమ్మాయిలు చక్కగా చదువుకుంటున్నారు. ఉన్నత స్థానాల్లో స్థిరపడుతున్నారు. తమకు కావాల్సిన వరుడు కూడా తమ స్థాయికి తగ్గట్టుగా ఉండాలని భావిస్తున్నారు. అదే విషయం తల్లిదండ్రులకు చెబుతున్నారు. వయస్సు 30 ఏళ్లు వచ్చినా అమ్మాయిల విషయంలో తల్లిదండ్రులు తొందరపడడం లేదు. అబ్బాయిలు విషయంలో ప్రస్తుత పరిస్థితి దారుణంగా మారింది. పుట్టినప్పుడు అబ్బాయి పుడితే బాగుండేది అనుకున్న తల్లిదండ్రులు వారికి పెళ్లి ఈడు వచ్చేటప్పటికి ఆందోళన చెందుతున్నారు. స్థిరపడకపోతే పెళ్లి ఎలా అవుతుంది.. ఎవరైనా పిల్లనిస్తే పెళ్లిచేద్దామన్న యాతనలో పడ్డారు. చివరకు సకాలంలో పెళ్లిళ్లు చేయలేక చతికిలపడుతున్నారు. మనోవేదనతో కుంగిపోతున్నారు. ఉద్యోగం ఉంటేనే... జిల్లాలో నిరుద్యోగ సమస్య రాజ్యమేలుతోంది. ప్రభుత్వ నోటిఫికేషన్లు సకాలంలో రాకపోవడం, వచ్చిన నోటిఫికేషన్లలో తక్కువ సంఖ్యలో మాత్రమే ఉద్యోగాలు ఉండడం, అవి కూడా ఎన్నో ఏళ్లుగా ఆయా ఉద్యోగాలకోసం పరితపించేవారికే రావడంతో తక్కువ వయసులో ఉద్యోగాలు పొందేవారి సంఖ్య తగ్గిపోయింది. ఇలా తక్కువ వయస్సు ఉండి, ఉద్యోగం పొందినవారికి మాత్రమే 30 ఏళ్లు లోపు పెళ్లిళ్లు అవుతున్నాయి. 30 ఏళ్లు మార్జిన్‌ దాటిన తరువాత ఉద్యోగం ఉన్నా పిల్లని ఇచ్చేందుకు తల్లిదండ్రులు నిరాకరిస్తున్నారు. పెద్దలు నచ్చజెప్పినా ఆడ పిల్లలు ఒప్పుకోవడం లేదు. కొంతమంది ప్రైవేట్‌ రంగంలో ఉద్యోగాలు సంపాదించినప్పటికీ వాటిలో స్థిరత్వంలేకపోవడంతో ఆడ పిల్లలు తల్లిదండ్రులు అటువంటి ఉద్యోగులకు పిల్లలను ఇవ్వడంలేదు. యువత కూడా తమకు సరైన ఆదాయ మార్గాలు, నిలకడతో కూడిన ఉద్యోగాలు లేక తమ భార్యలను పోషించగలమో లేదో అనే బెంగతో పెళ్లిళ్లకు వెనుకడుగువేస్తున్నారు. మరో వైపు ఆడపిల్లల తల్లిదండ్రులు కూడా ప్రభుత్వ ఉద్యోగులు, స్థిరమైన ప్రైవేటు ఉద్యోగులవైపు దృష్టిసారిస్తూ, ఆ సంబంధాలనే నిశ్చయం చేసుకుంటున్నారు. ఇవి కూడా ఒకరకంగా కారణాలే.. ఉద్యోగ నోటిఫికేషన్లు ప్రభుత్వం ఇవ్వకపోవడం, యువత స్థిరపడకపోడం స్కిల్‌ డెవలప్‌మెంట్‌ ట్రైనింగ్‌ సెంటర్లు జాడలేకపోవడం, స్వయం ఉపాధి అవకాశాలు తగ్గడం, రుణాలు మంజూరు లేకపోవడం స్థిరపడిన యువకులకే పిల్ల నిచ్చేందుకు తల్లిదండ్రులు ఆసక్తి చూపడం వ్యవసాయం, కూలి పనులు చేసేవారికి అమ్మాయిలు నో చెప్పడం. యువత కూడా పనిపాటా చేయకుండా వ్యసనాలకు బానిసలు కావడం. చూస్తుండగానే యువతలో వయస్సు పెరగడం, మానసిక ఒత్తిడికి గురికావడం. స్త్రీ నిష్పత్తి ఎక్కువగా ఉన్నా.. జిల్లాలో ఆడపిల్లల నిష్పత్తి మగపిల్లలు కంటే ఎక్కువగా ఉంది. ప్రతీ 1000 మంది పురుషులకు 1019 మంది స్త్రీలు ఉన్నారు. అయినప్పటికీ మగపిల్లలకు సకాలంలో పెళ్లిళ్లు జరగడంలేదు. స్థిరాస్తులు (వ్యవసాయ భూములు, అద్దెషాపులు, అద్దె భవనాలు), ఆదాయ వనరులు ఉన్న వారిని సైతం పెళ్లిచేసుకునేందుకు అమ్మాయిలు నిరాకరిస్తున్నారు. వీటికి తోడు గతంలో మాదిరిగా కాకుండా ఉమ్మడి కుటుంబాన్ని పూర్తిగా వ్యతిరేకిస్తున్నారు. తల్లిదండ్రులకు దూరంగా ఉండే అబ్బాయిలు, తల్లిదండ్రులు లేని ఏకాకి జీవితం గడిపే అబ్బాయిలు, అక్కచెల్లెళ్లు లేని అబ్బాయిలు ఉన్న సంబంధాలు చూసుకుంటున్నారు. విలాసవంతమైన ప్రాంతాల్లో ఉండేవారిపై మొగ్గుచూపుతున్నారు. ఇవన్నీ పెళ్లికాని పురుషుల సంఖ్య పెరుగుదలకు కారణమవుతున్నాయి.

సాక్షి ప్రతినిధి, విజయనగరం: జింకులో కావాలా.. బంకులో కావాలా.. స్టీల్‌ ప్లాంటా.. షిప్‌యార్డా అని అన్నీ అడిగి చివరకు ముంబై రోడ్ల మీద పావ్‌బజ్జీ దుకాణం పెట్టించిన పట్నాయక్ సీన్‌ గుర్తుంది కదా.. అచ్చం జెడ్పీ మాజీ చైర్మన్‌ చిన్న శ్రీను పరిస్థితి కూడా అలాగే అయింది. ఆయన టీడీపీలో చేరగానే జిల్లా పరిషత్‌ చైర్మన్‌ ఇస్తారన్నారు.. రెండ్రోజులు గడిచాక అబ్బబ్బ అదికాదు మేయర్‌ అన్నారు... అది కాకపోయినా ఉత్తరాంధ్ర కోఆర్డినేటర్‌ ఇచ్చి మూడు జిల్లాలను లాక్కొచ్చే పని అప్పగిస్తారన్నారు. అలాంటి ప్రోమోలు వేసి జిల్లాలో అక్కడక్కడ కొద్దిమంది వైఎస్సార్‌సీపీ క్యాడర్‌ను టీడీపీలో చేర్చుకున్నారు.. ప్రోమో వరకు బాగానే ఉంది కానీ అసలు సినిమా రిలీజ్‌ అయ్యేసరికి సీన్‌ అర్థమైపోయింది. ఆయనది మెయిన్‌ క్యారెక్టర్‌ కాదు సైడ్‌ రోల్‌ అని తెలిసేసరికి ఆయన అనుచరులకు దెబ్బడిపోయింది. అరకు పరిశీలకుడిగా ఏం చేస్తారు... ఇప్పటికే అరకు టీడీపీ పార్లమెంట్‌ ఇన్‌చార్జిగా తేజోవతి ఉన్నారు. ఆమె ఇప్పటికే సాలూరు, పాలకొండ , కురుపాం, అరకు.. పాడేరు ప్రాంతాల్లో విస్తృతంగా తిరుగుతూ వచ్చే ఎన్నికల్లో ఏదో చోట నుంచి టిక్కెట్‌ తెచ్చుకునే పనిలో ఉన్నారు. ఇక ఇప్పుడు ఆమెకు సహాయకుడి పాత్రలో పరిశీలకుడిగా నియమితులైన చిన్నశ్రీను అక్కడ ఎలాంటి పాత్ర పోషిస్తారు అనేదానిపై క్యాడర్లో ఉన్న మబ్బులు తొలగిపోయాయి. మేయర్‌.. జెడ్పీ.. జిల్లా పోస్ట్‌.. ఉత్తరాంధ్ర కోఆర్డినేటర్‌ అనే స్థాయి నుంచి ఏకంగా మన్యం నియోజకవర్గానికి పంపడం అంటే ఆయన స్థాయిని తగ్గించడమా? కాదా? అనేది ఇప్పటికే జనాలకు అర్థమైపోయింది.మన్యం బాట... రాజవుతాడుకున్న రాముడు కైక పుణ్యాన వనవాసం పేరిట అడవుల బాట పట్టినట్టు.. జిల్లా అధ్యక్షుడవుతాడనుకున్న చిన్నశ్రీను మన్యం బాట పట్టాల్సి వచ్చిందన్నది ఇప్పుడు జిల్లాలో సాగుతున్న చర్చ. ఇక మన్యం ఏజన్సీ ప్రాంతాల నుంచి ఆయనకు నిష్కృతి ఎప్పుడన్నది అధినేత చంద్రబాబుకు తప్ప ఎవరికి తెలియదు. టీడీపీలో చేరినప్పుడు ఆయనకు ఇచ్చిన ఎలివేషన్లకు.. క్యాడర్లో కలి్పంచిన ఆశలకు ఇప్పుడు ప్రాక్టికల్‌గా కనిపిస్తున్న దానికి బోల్డంత తేడా కనిపిస్తోంది. అయోమయంలో క్యా‘డర్‌ ’.. గతంలో చిన్నశ్రీను స్థాయి వేరు... పరిసరాల్లోని అన్నిజిల్లాల నాయకులు, మంత్రులు, ఎంపీలు, ఎమ్మెల్యేలు, నాయకులు అందరూ ఆయన ఇంటికి వచ్చి ప్రసన్నం చేసుకునేవారు. అదే స్థాయి గుర్తింపు, ప్రాధాన్యం దక్కుతుంది. ఆయన వెంట నడిస్తే రాజకీయ భవిష్యత్తు ఉంటుందనే ఆశతో కొంతమంది ఆయన వెంట నడిచారు. అయితే, ఇప్పుడు వారి భ్రమలు తొలగుతున్నాయి. జిల్లా అధ్యక్షుడు అవుతాడునుకున్న తమ నేత జిల్లా సరిహద్దుల అవతలకు విసిరేయబడితే ఇక తమ స్థాయి.. తమకు ఎలాంటి గుర్తింపు వస్తుంది? అక్కడికెళ్లి ఏం బావుకుంటాం అనే మీమాంస ఆయన అనుచరుల్లో నెలకొంది. లీడ్‌ రోల్‌ అన్నారు... సైడ్‌ క్యారెక్టర్‌తో సరిపెట్టారు.. పార్టీలో చేరగానే ప్రధాన బాధ్యతలు ఇస్తారని ప్రచారం చేశారు. కోరుకున్న పదవి.. బాధ్యత ఇచ్చి ఆయనను ముందు పెట్టీ టీడీపీ జిల్లా రాజకీయాలు నడిపిస్తారని అన్నారు. తీరా చూస్తే ఆయనను కానరాని కానలకు పరిశీలకుడిగా వేసి గెస్ట్‌ పాత్రకు పరిమితం చేశారు. ట్రైలర్లో చూపించిన ఎలివేషన్‌ సీన్లన్నీ ఎడిటింగ్‌లో కట్‌ అయిపోయినట్లు అయిందని ఆయన అనుచరులు కొందరు లోలోన ఫీలవుతుండగా, పెద్దదో..చిన్నదో..గుర్తింపు ఉన్నదో లేనిదో ఏదో ఒకటి ఇచ్చారులే.. లేనిబావ కన్నా గుడ్డిబావ నయం అన్నట్లుగా మరికొందరు సమాధానపర్చుకుంటున్నారు.

● ఉత్సాహంగా పాల్గొన్న 70 మంది విద్యార్థులు ● విజేతలకు బెల్లులు, సర్టిఫికెట్ల ప్రదానంవిజయనగరం: విజయనగరంలోని మదర్‌ థెరిసా క్లబ్‌లో తైక్వాండో బెల్ట్‌ టెస్ట్‌ కార్యక్రమం అత్యంత ఉత్సాహభరిత వాతావరణంలో ఆదివారం విజయవంతంగా నిర్వహించారు. ఈ పరీక్షల్లో మొత్తం 70 మంది విద్యార్థులు పాల్గొని తమ నైపుణ్యాన్ని ప్రదర్శించారు. బెల్ట్‌ టెస్ట్‌లో వివిధ విభాగాల వారీగా విద్యార్థులు ప్రతిభ కనబరిచారు. ఇందులో ఎల్లో బెల్ట్‌ విభాగంలో 30 మంది, ఎల్లో–1 విభాగంలో 9 మంది, గ్రీన్‌–1 విభాగంలో 10 మంది, బ్లూ–1 విభాగంలో 5 మంది, రెడ్‌–1 విభాగంలో 16 మంది విద్యార్థులు పాల్గొన్నారు. ఈ కార్యక్రమానికి ముఖ్య అతిథులుగా గురాన అయ్యలు, అవనాపు విజయ్‌, న్యూ ఆంధ్రప్రదేశ్‌ తైక్వాండో అసోసియేషన్‌ జనరల్‌ సెక్రటరీ బి.వేణుగోపాల్‌రావు హాజరయ్యారు. బెల్ట్‌ టెస్ట్‌లో అర్హత సాధించిన విద్యార్థులకు అతిథుల చేతుల మీదుగా బెల్ట్‌లు, ప్రశంసా పత్రాలు (సర్టిఫికెట్లు) అందజేసి, వారిని అభినందించారు. కార్యక్రమం విజయవంతంగా పూర్తి కావడంతో విద్యార్థులు, వారి తల్లిదండ్రులు సంతోషం వ్యక్తం చేశారు.

సంతకవిటి: మండల కేంద్రానికి చెందిన జరజాన ప్రసాద్‌ శ్రీకాకుళం 1 డిపోలో ఆర్‌టీసీ డ్రైవర్‌గా విధులు నిర్వహిస్తున్నారు. శనివారం, ఆదివారం గుంటూరు జిల్లా మంగళగిరి ఆచార్య నాగార్జున విశ్వవిద్యాలయంలో జరిగిన రాష్ట్రస్థాయి అథ్లెటిక్స్‌ పోటీల్లో ప్రతిభ కనబర్చారు. 55 ఏళ్లు పైబడిన వారి విభాగంలో హైజంప్‌, లాంగ్‌ జంప్‌ పోటీల్లో ప్రథమ స్థానంలో నిలిచి బంగారు పతకం, 100 మీటర్ల పరుగులో ద్వితీయ స్థానం సాధించి రజత పతకం సాధించినట్లు ఆయన తెలిపారు. అన్నదానానికి రూ లక్ష విరాళంపాలకొండ: కోటదుర్గమ్మ సన్నిధిలో దసరా శరన్నవరాత్రి ఉత్సవాల్లో అన్నదాన కార్యక్రమం కోసం ఏరియా ఆస్పత్రి సూపరింటెండెంట్‌ కడియం చిరంజీవి దంపతులు రూ.లక్ష రూపాయల విరాళం అందించారు. ఈ చెక్కును ఆలయ ఈవో వీవీ సూర్యానాయణకు అందజేశారు. పట్టణంలోని పలువురు భక్తులు అన్నదానం కోసం విరాళాలు అందించారు.వేగావతిలో మునిగి జోడెద్దులు మృతిబొబ్బిలిరూరల్‌: మండలంలోని గొర్లె సీతారాం పురం గ్రామస్తుడు మరడ ఈశ్వర్రావుకు చెందిన జోడెద్దులు ఆదివారం వేగావతి నదిలో మునిగి మృతిచెందాయి. ఇంటి నిర్మాణానికి అవసరమైన ఇసుకను వేగావతి నుంచి సేకరించేందుకు భోజరాజపురం వద్ద నదిలో ఎడ్ల బండిని దించగా నది ప్రవాహం, లోతైన ప్రాంతం కావడంతో బండి పూర్తిగా నీటిలో మునిగిపోయింది.బండిపై ఉన్న ఈశ్వర్రావు నదిలోకి దూకి ఒడ్డుకు చేరుకోగా ఎడ్లు నీటిలో పూర్తిగా మునిగి పోయి మృత్యువాత పడ్డాయి.దీంతో రైతు తీవ్ర ఆవేదన వ్యక్తం చేస్తున్నాడు. దాదాపు రూ.లక్షన్నర విలువైన జోడెద్దులు మృతి చెందగా ఇన్నాళ్లు తన కుటుంబ పోషణకు అండగా నిలిచిన ఎద్దులు మృత్యువాత పడడంతో లబోదిబో మంటున్నాడు. ఇన్నాళ్లూ వాటితో చేసిన సహవాసాన్ని గుర్తు చేసుకుని కుటుంబసభ్యులు కన్నీటిపర్యంతమ వుతున్నారు. పిచ్చికుక్క కరిచి ఆరుగురికి గాయాలుజియ్యమ్మవలస రూరల్‌: మండలంలో ఒకేరోజు ఆరుగురిని పిచ్చికుక్క కరవడంతో గాయాలపాలయ్యారు. బాసంగి గ్రామానికి చెందిన జి. తిరుపతి నాయుడు, పి సీతారాం, సింగనాపురం గ్రామంలో ఎల్‌ లీలావతి, కిల్లాడ జానకి, పరజపాడు గ్రామానికి చెందిన బి మహిత, కుందరతిరువాడలో తవిటిన్నదొర ఆదివారం పిచ్చికుక్క దాడికి గురయ్యారు. వారిని స్థానిక చినమేరంగి సామాజిక ఆరోగ్య కేంద్రానికి తీసుకువెళ్లగా వైద్యుడు సీహెచ్‌ అభిజ్ఞ చికిత్స అందించారు. ప్రస్తుతం వారి ఆరోగ్యం నిలకడగానే ఉందని వైద్యాధికారి తెలిపారు. గాయపడిన వ్యక్తి మృతిభామిని: మండలంలోని మూలగూడకు చెందిన బిడ్డిక కృష్ణ(43) అనే గిరిజనుడు కేజీహెచ్‌లో వైద్య సేవలు పొందుతూ ఆదివారం మృతి చెందాడని కుటుంబ సభ్యులు తెలిపారు. భామిని–లివిరి గ్రామాల మధ్య శనివారం జరిగిన రోడ్డు ప్రమాదంలో ద్విచక్ర వాహనంపై నుంచి పడిపోయిన కృష్ణ తీవ్రంగా గాయపడ్డాడు. బాధితుడికి భామిని పీహెచ్‌సీలో ప్రాథమిక వైద్యం తరువాత సీతంపేట ఏరియా ఆస్పత్రికి తరలించారు. పరిస్థితి విషమించడంతో మెరుగైన వైద్యం కోసం శ్రీకాకుళం రిమ్స్‌కు తరలించారు. అనంతరం వైజాగ్‌ కేజీహెచ్‌కు తరలించి వైద్య సేవలు అందిస్తుండగా మృత్యువాత పడినట్లు కులుంబసభ్యులు తెలిపారు. మృతుడికి భార్య దమయంతి, ఇద్దరు కూతుర్లు, ఒక కొడుకు ఉన్నారు.

సోమవారం శ్రీ 12 శ్రీ అక్టోబర్‌ శ్రీ 2026ఆదేశాలు బేఖాతరు! శరన్నవరాత్రి ఉత్సవాలు ఆదివారం ఘనంగా ప్రారంభమయ్యాయి. అంబటివలస లోని సంతోషిమాత ఆలయంలో ఏర్పాటు చేసిన దుర్గాదేవి విగ్ర హం చూపరులను ఆకర్షిస్తోంది. – బొండపల్లిషికారుగంజి వద్ద జరిగిన రోడ్డు ప్రమాదంలో నుజ్జయిన ఆటో(ఫైల్‌) కటిక చీకట్లో బతుకు ఛిద్రం పార్వతీపురం రూరల్‌ : పుట్టుకతోనే కంటి చూపు కరువైన తల్లి... ఈ తల్లికి దివ్యాంగురాలైన కుమార్తె... ఇంకేముంది.. ఆ ఇంట బతుకు చిత్రం కటిక చీకట్లోనే మగ్గుతోంది. అయినా పాలకులు, అధికారులకు వీరి దయనీయమైన దుస్థితి కనిపించడం లేదు. వారి గోడు చెవులకు వినిపించడం లేదు. చూసే వారికి అయ్యో... అన్న బాధ కలుగుతున్నా... అధికారుల కంటికి వీరి బాధ కనిపించక, వీరి గోడు పాలకులకు వినిపించక దినదినం అష్టకష్టాలు పడుతున్నారు. మన్యం జిల్లా పార్వతీపురం మండలం డోకిశీల పంచాయతీ కొత్తవలసకు చెందిన గమ్మెల శాంతి హృదయ విదారక పరిస్థితి ఇది. జన్మతః అంధురాలైన శాంతికి ఆపరేషన్‌ చేసినా చూపు రాదని వైద్యులు తేల్చేశారు. ఆమె భర్త మద్యానికి బానిసయ్యాడు. శాంతికి ఇద్దరు కుమార్తెలు కాగా.. పెద్దమ్మాయి లావణ్య సైతం పుట్టుకతోనే దివ్యాంగురాలు. గత వైఎస్సార్‌సీపీ ప్రభుత్వంలో ఆ పాపకు మంజూరైన పింఛన్‌ డబ్బులతోనే ప్రస్తుతం ఆ కుటుంబ జీవనం సాగుతోంది. తేలునాయుడువలసలో బడికి వెళ్లొస్తూ.. ఆ చిన్నారే తల్లికి పనుల్లో సాయపడుతోంది. నిస్సహాయ స్థితిలో ఉన్న తనకు దివ్యాంగుల పింఛన్‌ కోసం దరఖాస్తు చేసుకోగా నేటికీ మంజూరు కాలేదని శాంతి ఆవేదన వ్యక్తం చేస్తోంది. ఇప్పటికై నా అధికారులు, పాలకులు స్పందిస్తారా? విజయనగరం టౌన్‌: సిరులతల్లి శ్రీ పైడితల్లి అమ్మవారి జాతర మహోత్సవాల్లో భాగంగా జొన్నవలస గ్రామంలో కొలువుదీరిన సిరిమా ను, ఇరుసుమానులను సోమవారం శాస్త్రోక్తంగా విజయనగరం హుకుంపేటకు తీసుకువచ్చే క్రమంలో జిల్లా పోలీసు శాఖ పటిష్ట చర్యలు చేపట్టింది. వేలాది మంది భక్తులు తరలివచ్చే అవకాశం ఉన్న నేపథ్యంలో విజయనగరం డీ ఎస్పీ ఎస్‌.లక్ష్మణమూర్తి స్వీయ పర్యవేక్షణలో నలుగురు సీఐలు, 12 మంది ఎస్‌ఐలు, 160 మంది సిబ్బందితో ప్రత్యేక ఏర్పాట్లు చేశారు. సిరిమాను ప్రాంతంలో బారికేడింగ్‌లు, రోప్‌ పార్టీలు ఏర్పాటు చేశామని, స్టాపర్స్‌ పెట్టించామన్నారు. నిరంతరం సీసీ పర్యవేక్షణలో ప్రత్యే క క్యూలైన్స్‌ మెయింటెన్స్‌ చేపట్టామన్నారు. ప్రమాదాలవే షికారుగంజి కూడలి వద్ద జరిగిన రోడ్డు ప్రమాదంలో లారీ టైర్‌ కిందపడిన వ్యక్తి (ఫైల్‌) దత్తిరాజేరు: ● గత నెల 12న జాతీయ రహదారి–26పై షికారు గంజి కూడలి వద్ద బాడంగి మండలం గజరా యునివలసకు చెందిన ముగ్గురు ఆటోలో వెళ్తుండగా లారీ ఢీకొనడంతో అక్కడికక్కడే మృ తి చెందారు. ఎన్‌హెచ్‌–26పై ప్రయాణం ప్రమాదకరంగా మారింది. రోడ్డెక్కిన వారు తిరిగి ఇంటికి చేరుకునేవరకు బెంగపడాల్సిన పరిస్థితి. ఇటీవల కాలంలో ఎస్‌.భూర్జవలస–పెదమానాపురం పోలీస్‌ స్టేషన్ల మధ్య వరుసగా జరిగిన ప్రమాదాల్లో ఆరుగురు దుర్మరణం చెందగా, మరికొందరు గాయపడ్డారు. ప్రమాదాల్లో విగత జీవులుగా మారిన వారిని చూసి కుటుంబ సభ్యులు కన్నీరు పెడుతున్నారు. తెల్లారుతున్న బతుకులు పెదమానాపురం–ఎస్‌.భూర్జవలస పోలీస్‌స్టేషన్ల మధ్యలో 26వ జాతీయ రహదారిపై కొద్ది రోజులుగా తెల్లవారు జామునే ఎక్కువ ప్రమాదాలు జరుగుతున్నాయి. గమ్యస్థానాలకు చేరుకోవాలన్న ఆత్రుతలో వాహనాలను వేగంగా నడపడం, రోడ్డు నిబంధనలు పాటించకపోవడం, రోడ్డుపై ఉన్న స్టాపర్లను గమనించకుండా ఢీ కొట్టడం, నిద్రమత్తులో ముందు వెళ్తున్న వారిని ఢీ కొనడంతో ప్రమాదాలు సంభవిస్తున్నాయి. ఎంతోమంది బతుకులు తెల్లారుతున్నాయి. కుటుంబ సభ్యులకు శోకాన్ని మిగుల్చుతున్నాయి. జాతీయ రహదారిపై వరుస ప్రమాదాలు జరుగుతున్నా ఎన్‌హెచ్‌ఏఐ అధికారులు, పోలీసులు ఎటువంటి చర్యలు చేపట్టడం లేదనే ఆరోపణలు వినిపిస్తున్నాయి. ప్రమాదకర మలుపులు, బ్లాక్‌స్పాట్ల వద్ద హెచ్చరిక బోర్డులు ఏర్పాటు చేయకపోవడం, స్టాపర్లుగా ఇసుక డ్రమ్ములు, పాత టైర్లు ఉంచడం, వీటికి రేడియం స్టిక్కర్లు లేక పోవడం, రాత్రి సమయాలలో వర్షం కురిసినప్పుడు విద్యుత్‌ అంతరాయానికి అవి కనిపించకపోవడంతో ద్విచక్ర వాహనదారులు వాటిని ఢీకొని గాయాలపాలవుతున్నారు. కొన్నిసార్లు ప్రాణాలు విడుస్తున్నారు. మద్యం మత్తులో వాహనాలు నడపడం కూడా ప్రమాదాలకు కారణంగా తెలుస్తోంది. జాతీయ రహదారిపై రోడ్డు ప్రమాదాలు జరగకుండా స్టాప ర్లు ఏర్పాటు చేయడంతో పాటు నిత్యం డ్రైవర్లకు, సాధారణ ప్రజలకు, వాహన చోదకులకు రోడ్డు ప్రమాదాలపై అవగాహన కల్పిస్తున్నాం. అతి వేగంగా వాహనాలు నడుపుతున్న డ్రైవర్లు ప్రమాదాలకు కారణమవుతున్నారు. ప్రమాద స్థలాల్లో హెచ్చరిక బోర్డులు ఏర్పాటు చేస్తాం. – ఎస్‌.సన్యాసినాయుడు, సీఐ, గజపతినగరం విజయనగరం ఫోర్ట్‌: జిల్లా వైద్య ఆరోగ్య శాఖ అధికారులకు బాస్‌ అయిన డైరెక్టర్‌ ఆఫ్‌ హెల్త్‌ ఆదేశాలు సైతం విజయనగరం జిల్లా వైద్య ఆరోగ్యశాఖ అధి కారి (డీఎంహెచ్‌ఓ ) అమలు చేయడం లేదని తెలిసింది. రాష్ట్రంలోని అన్ని జిల్లాల డీఎంహెచ్‌ఓలు డైరెక్టర్‌ ఆఫ్‌ హెల్త్‌ ఆదేశాలు ఇచ్చిన మరుసటే రోజు అమలు చేశారు. విజయనగరం జిల్లాలో మాత్రం ఇంతవరకు అమలు చేయకపోవడం పట్ల విమర్శ లు వ్యక్తం అవుతున్నాయి. జిల్లా వైద్య ఆరోగ్య శాఖ కార్యాలయాల్లో సీసీ(క్యాంప్‌ క్లర్క్‌)లను క్షేత్ర స్థాయి లో పనిచేసే సిబ్బంది ఉంటే వారిని వెనక్కి పంపించేయాలని, వారి స్థానంలో మినిస్టీరియల్‌ సిబ్బంది ని నియమించుకోవాలని డైరెక్టర్‌ ఆఫ్‌ హెల్త్‌ ఆగస్టు నెలలో రాష్ట్రంలోని అందరు డీఎంహెచ్‌ఓలకు ఆదేశాలు జారీ చేశారు. దీంతో అందరూ డీఎంహెచ్‌ఓ లు వారి ఆదేశాలు అమలు చేశారు. రెండు నెలలు కావస్తున్నా.. విజయనగరం డీఎంహెచ్‌ఓ మాత్రం ఇంకా ఫీల్డ్‌ సిబ్బందినే సీసీలుగా కొనసాగిస్తున్నా రు. ఒక్కరు కాదు, ఇద్దరు సీసీలుగా కొనసాగించ డం పట్ల సర్వత్రా ఆరోపణలు వినిపిస్తున్నాయి. వీరి ద్వారానే అన్ని రకాల వ్యవహారాలు జరుగుతుండడం వల్ల వారిని రిలీవ్‌ చేయడానికి డీఎంహెచ్‌ఓ ఇష్టపడడం లేదనే విమర్శలు వినిపిస్తున్నాయి. ఇదే విషయమై డీఎంహెచ్‌ఓ డాక్టర్‌ ఎస్‌.జీవనరాణి వద్ద ప్రస్తావించగా త్వరలోనే చర్యలు చేపడతామని తెలిపారు.

రామభద్రపురం: మండలంలోని ఎస్‌.సీతారాపురంలో ఆదివారం పాముకాటుతో ఓ మహిళ మృతిచెందింది. గ్రామానికి చెందిన తెలుగు గంగమ్మ(48) ఆదివారం గ్రామ పరిధిలోని గుంటూరు నాయుడుకు చెందిన పొలంలో వ్యవసాయ కూలి పనులకు వెళ్లింది.పత్తి తీస్తున్న సమయంలో గుర్తుతెలియని విషసర్పం కాటువేసింది. దీంతో వెంటనే అపస్మారక స్థితికి చేరుకుంది. ఈ విషయం తెలుసుకున్న కుమార్తె రామారపు వరలక్ష్మి వెంటనే సంఘటనా స్థలానికి చేరుకుని తల్లిని ప్రథమ చికిత్స నిమిత్తం ఆటోలో బాడంగి సీహెచ్‌సీకి తరలించారు.అక్కడ వైద్యాధికారులు చికిత్స అందిస్తుండగా మృతిచెందింది.కుమార్తె ఫిర్యాదుమేరకు ఎస్‌ఐ జ్ఞానప్రసాద్‌ కేసునమోదు చేసి దరాప్తుచేస్తున్నారు.

రాజకీయ ఒత్తిళ్లకు తలొగ్గితే అధికారులకే ఇబ్బంది ప్రభుత్వాలు మంజూరు చేసిన సంక్షేమ పథకాలు రాజకీయాలకతీతంగా అర్హులైన ప్రతి ఒక్కరికీ ఇవ్వాలి. రాజకీయ ఒత్తిళ్లకు తలొగ్గి ప్రజలకు అన్యాయం చేస్తే అధికారులే ఇబ్బంది పడతారు. నాయుడువలస పాడిరైతు సూర్యనారాయణకు గోకులం షెడ్డు మంజూరై గుర్తింపు సంఖ్య వచ్చినప్పటికీ స్థానిక టీడీపీ నాయకుల ఒత్తిళ్లతో సంబంధిత అధికారులు నిర్మాణాన్ని అడ్డుకుంటున్నారు.ఆ రైతుకు న్యాయం జరగకుంటే అధికారులపై కోర్టుకు వెళతాం. – బెల్లాన చందుశేఖర్‌,మాజీ ఎంపీ, శంబంగి వెంకట చినఅప్పలనాయుడు,మాజీ ఎమ్మెల్యేరామభద్రపురం: కూటమి పాలనలో పాలకులు, అధికారులు పాడిరైతులపై రైతులపై వివక్షచూపుతున్నారన్న విమర్శలు వ్యక్తమవుతున్నాయి. పాడిరైతులకు కేంద్రప్రభుత్వం అందిస్తున్న సంక్షేమ పఽథకాలు అందివ్వడంలో అధికార పార్టీ నాయుకుల ఒత్తిళ్లకు తలొగ్గి రాజకీయాలు చేస్తూ ఇబ్బందులు పెడుతున్నారన్న ఆరోపణలు ఉన్నాయి. దీంతో పాడిరైతులకు అవస్థలు తప్పడం లేదు. 2018–19 వరకు వరకు అధికారంలో ఉన్న టీడీపీ ప్రభుత్వం గోకులం పేరుతో పశువులు,గొర్రెలు,మేకలు,కోళ్లకు షెడ్లు నిర్మించే కార్యక్రమం చేపట్టింది. అప్పట్లో జాతీయ గ్రామీణ ఉపాధిహామీ నిధులతో ఈ నిర్మాణాలు చేపట్టారు.అయితే టీడీపీ కార్యకర్తలకే వాటిని కేటాయించారనే ఆరోపణలు అప్పట్లో వెల్లువెత్తాయి.అలాగే ఇప్పుడు అధికారంలోకి వచ్చిన కూటమి ప్రభుత్వం పాడిరైతులకు మినీ గోకులాల మంజూరుకు ఆదేశాలు జారీ చేసింది. దీంతో జిల్లా వ్యాప్తంగా 2088 మినీ గోకులాలు లక్ష్యంకాగా ఇప్పటి వరకు 1899 మంజూరయ్యాయి.ఇందులో 468 మాత్రమే నిర్మాణాలు ప్రారంభించారు. వాటిని అధికార పార్టీ పాలకులు టీడీపీ కార్యకర్తలకే మినీ గోకులాలు మంజూరు చేయాలి తప్ప వైఎస్‌ఆర్‌సీపీ కార్యకర్తలకు మంజూరు చేస్తే ఊరుకునేది లేదని సంబంధిత అధికారులపై ఒత్తిడి తెస్తున్నారు. ఈ మేరకు సంబంధిత అధికారులు కూడా వారు చెప్పిన విధంగానే వైఎస్పార్‌సీపీ మద్దతు దారులుగా పేరున్న పాడిరైతులకు మినీ గోకులాలు మంజూరై, నిర్మాణాల ప్రారంభానికి కొలతలు కొలిచి కూడా మధ్యలో ఆపేసిన పరిస్థితి నెలకొంది. పచ్చనేతల్లా వ్యవహరిస్తున్న అధికారులు.. మండలంలో ఎంపీడీవో, వీబీజీ రాంజీ సిబ్బంది పచ్చనేతల్లా వ్యవహరిస్తున్నారని విమర్శలు వినిపిస్తున్నాయి. ఇందుకు నిదర్శనం..నాయుడువలసలో ఆరుగురు పాడి రైతులకు ఆరు మినీ గోకులాల షెడ్లు మంజూరయ్యాయి.అందులో నాలుగు టీడీపీకి చెందిన పాడిరైతులవి కాగా మిగతా రెండూ వైఎస్సార్‌సీపీకి చెందిన పాడిరైతులవి. ఇందులో వైఎస్‌ఆర్‌సీపీకి చెందిన పాడిరైతు కేతిరెడ్డి సూర్యనారాయణకు ఒక గోకులం మంజూరైంది. అయితే ఆ రైతు నిర్మాణం ప్రారంభిస్తానంటే సంబంధిత టెక్నికల్‌ అసిస్టెంట్‌ వెళ్లి కొలతలు కూడా తీశారు.ఆ కొలతల పక్రారం రైతు మినీ గోకులం ప్రారంభించేసరికి స్థానిక టీడీపీ నాయకుల నుంచి నిర్మాణం ఆపించాలని ఎంపీడీవో, వీబీజీ రాంజీ సిబ్బందికి ఆదేశాలు వచ్చాయి.ఆదేశాలు రావడమే తడువు ఆయా అధికారులు ఆగమేఘాల మీద వెళ్లి మినీ గోకులం నిర్మాణాన్ని ఆపేశారు. నింబంధనలు పాటించాల్సిన అధికారులే పక్షపాత వైఖరి ప్రదర్శిచడంపై పాడిరైతులు ముక్కున వేలేసుకుంటున్నారు. ఈ నేపథ్యంలో పాడిరైతు సూర్యనారాయణ సోమవారం కలెక్టర్‌ కార్యాలయంలో నిర్వహించిన పీజీఆర్‌ఎస్‌లో సమస్యపై వినతి ఇచ్చి విన్నవించుకున్నాడు.సమస్య పరిష్కారానికి చర్యలు తీసుకుంటాం.. పాడిరైతు పీజీఆర్‌ఎస్‌కు వెళ్లింది వాస్తవమే. కలెక్టర్‌ దగ్గర నుంచి సమస్య పరిష్కరించాలని ఆదేశాలు వచ్చాయి. ఏపీవోతో చర్చించి మినీ గోకులం షెడ్డు సమస్య పరిష్కారానికి చర్యలు తీసుకుంటాం. – రత్నం, ఎంపీడీవో,రామభద్రపురం వీబీజీ రాంజీ నిధులతో పశువుల షెడ్లు టీడీపీ కార్యకర్తలకే కేటాయించాలని అధికారులపై ఒత్తిళ్లు వైఎస్సార్‌సీపీ మద్దతు దారు పాడిరైతులకు మంజూరైన గోకులం నిర్మాణాల నిలిపివేత

విజయనగరం: వచ్చే నవంబర్‌ 12 నుంచి 15 వరకు జరగబోయే పారా (దివ్యాంగుల) జాతీయ స్థాయి స్విమ్మింగ్‌ పోటీలకు విజయనగరం జిల్లాకు చెందిన పారా స్విమ్మర్‌ జాగారణ సత్యనారాయణ ఎంపికై నట్లు పారా స్పోర్ట్స్‌ అసోసియేషన్‌ జిల్లా అధ్యక్షుడు కె. దయానంద్‌ తెలిపారు. ఈ మేరకు ఆదివారం ఆయన విలేకరులతో మాట్లాడుతూ ఇటీవల విజయవాడలో నిర్వహించిన 8వ రాష్ట్ర స్థాయి పారా స్విమ్మింగ్‌ పోటీలలో సత్యనారాయణ అత్యుత్తమ ప్రతిభ కనబరిచి రెండు పతకాలు సాధించాడని పేర్కొన్నారు. పారాలింపిక్‌ కమిటీ నిబంధనల ప్రకారం కనీస అర్హత సమయం నమోదు చేయడంతో సత్యనారాయణ జాతీయ స్థాయి పోటీలకు అర్హత సాధించాడని వివరించారు. ఈ సందర్భంగా సత్యనారాయణకు అభినందనలు తెలిపిన దయానంద్‌, రాబోయే జాతీయ స్థాయి పోటీలలో కూడా విజయం సాధించి జిల్లాకు మరిన్ని పతకాలు, మంచి పేరు తీసుకురావాలని ఆకాంక్షించారు.

రైల్వేస్టేషన్‌లోకి నిషేధిత పదార్ధాలను తీసుకువస్తే చట్టప్రకారం చర్యలు తప్పవు. నిబంధనలకనుగుణంగా ప్రయాణాలను చేసుకోవాలి. రానున్న స్థానిక సంస్ధల ఎన్నికల నేపథ్యంలో ఎటువంటి అవాంఛనీయ సంఘటనలు సంభవించకుండా ఆర్‌పీఎఫ్‌ కట్టుదిట్టమైన భద్రతా ఏర్పాట్లు చేస్తున్నాం. ప్రస్తుతానికి తెలియకుండా చేసిన తప్పులకు కౌన్సెలింగ్‌ చేస్తున్నాం. బల్క్‌లో ఎటువంటి వస్తువులు తీసుకురాకూడదు. ఒకవేళ వస్తే వాటికి సంబంధించిన రసీదులు అధికారులకు చూపించాల్సిందే. లేకుంటే సీజ్‌ చేస్తాం. రైల్వే యాక్ట్‌ ప్రకారం చర్యలు ఉంటాయి. – రెయ్యి కుమారరావు, ఆర్‌పీఎఫ్‌ ఇన్‌స్పెక్టర్‌, విజయనగరం.

● పార్టీ కండువాలు వేసి ఆహ్వానించిన మాజీ డిప్యూటీ సీఎంజియ్యమ్మ వలస రూరల్‌: మండలంలోని డంగభద్ర పంచాయతీకి చెందిన సుమారు టీడీపీ 30 కుటుంబాల వారు ఆదివారం వైఎస్సార్‌సీపీ తీర్థం పుచ్చుకున్నారు. స్థానిక వైఎస్సార్‌సీపీ నాయకుడు బెజ్జిపురపు మురళి ఆధ్వర్యంలో మాజీవైస్‌ సర్పంచ్‌ లింగురౌతు గోవిందరావు, రాగోలు గంగునాయుడు, గంట్యాడ గణపతి నాయుడు, వావిలపల్లి తాతబాబు, రమణ నాయుడు, తోట నవీన్‌, రాయల కుమార్‌,చందక భాస్కరరావు, కొండగొర్రి లక్ష్మణరావు, వూలక చంద్రశేఖర్‌తో పాటు 30 కుటుంబాల వారు వైఎస్సార్‌సీపీలో చేరారు. వైఎస్సార్‌సీపీ మన్యం జిల్లా అధ్యక్షుడు శత్రుచర్ల పరీక్షిత రాజు, మాజీ ఉప ముఖ్యమంత్రి పాముల పుష్ప శ్రీవాణి వారికి పార్టీ కండువాలు వేసి సాదరంగా పార్టీలోకి ఆహ్వానించారు. మాజీ ముఖ్యమంత్రి వైఎస్‌ జగన్‌మోహన్‌ రెడ్డి పాలనలో ప్రతి కుటుంబానికి సచివాలయాల ద్వారా అనేక సంక్షేమ పథకాలు అందించి పేద, మధ్య తరగతి కుటుంబాలకు ఆర్థిక భరోసా ఇచ్చి ఆదుకున్నారని, వైఎస్సార్‌సీపీ పాలనలో ఐదేళ్లు అన్ని వర్గాల ప్రజలు సుభిక్షంగా ఉన్నారని, నేడు అలాంటి పరిస్థితి లేదని పార్టీలో చేరిన వారంతా తెలిపారు. చంద్రబాబు కేవలం ముఖ్యమంత్రి అయినంత వరకు ప్రజలను నమ్మించి అమలు కాని హామీలను ఇచ్చి, నేడు అవి నెరవేర్చలేదని మాయ మాటలు నమ్మిన ప్రజలు మోసపోయారన్నారు. వైఎస్‌ జగన్‌మోహన్‌ రెడ్డి మళ్లీ సీఎం కావాలని, మాట తప్పని మడమ తిప్పని నేత జగన్‌మోహన్‌ రెడ్డితోనే సుపరిపాలన సాధ్యమన్నారు. అంతకు మించి పుష్ప శ్రీవాణి, పరీక్షిత్‌రాజుల నాయకత్వంలో ఉండాలని ఆశిస్తూ రేపు జరిగే స్థానిక ఎన్నికల్లో వైఎస్సార్‌సీపీ అభ్యర్థులను గెలిపించుకుంటామన్నారు. దీంతో వారందరికీ పుష్పశ్రీవాణి, పరీక్షిత్‌ రాజులు అభినందనలు తెలిపారు. కార్యక్రమంలో వైఎస్సార్‌సీపీ మండల కన్వీనర్‌ కోట రమేష్‌ నాయుడు, లోలుగు నారాయణరావు, ఎం.కిషోర్‌, వెంకటరమణ, మన్మథరావు తదితరులు పాల్గొన్నారు.

వీరఘట్టం: మండలంలోని సీఎస్‌పీ రోడ్డు చిట్టపులివలస జంక్షన్‌ వద్ద, నడిమికెల్ల వద్ద శుక్రవారం రాత్రి జరిగిన వరుస రోడ్డు ప్రమాదాల్లో నలుగురు వ్యక్తులకు గాయాలయ్యాయి. నడుకూరు గ్రామానికి చెందిన చిప్పాడ రామకృష్ణ పశువులను తోలుకుంటూ ఇంటికి వస్తుండగా వెనుక నుంచి బైక్‌పై వచ్చిన అప్పన్న అనే వ్యక్తి బలంగా ఢీకొట్టడంతో రామకృష్ణ తల, నడుముకు తీవ్ర గాయాలయ్యాయి.అలాగే అప్పన్న బైక్‌ ముందుబాగం నుజ్జునుజ్జయింది. నడిమికెల్ల వద్ద ఎదురెదురుగా వచ్చిన రెండు బైక్‌లు ఢీకొట్టడంతో నరేంద్ర అనే వ్యక్తి కుడికాలి రెండు వేళ్లు తెగిపోయాయి. మరో వ్యక్తికి కూడా గాయాలయ్యాయి.గాయపడిన ముగ్గురు వ్యక్తులు వీరఘట్టం పీహెచ్‌సీకి రావడంతో వారికి సిబ్బంది వైద్య చికిత్సలు అందజేశారు. రామకృష్ణ పరిస్థితి ఆందోళనగా ఉండడంతో పాలకొండ ఆస్పత్రికి రిఫర్‌ చేశారు. అయితే 108 వాహనానికి కాల్‌ చేసినా అందుబాటులో లేకపోవడంతో క్షతగాత్రుడు రామకృష్ణను బంధువులు ఆటోలో పాలకొండ తరలించారు. అపస్మారక స్థితిలో ఉన్న అప్పన్నకు వీరఘట్టం పీహెచ్‌సీ సిబ్బంది వైద్య చికిత్స అందజేశారు.

విజయనగరం ఫోర్ట్‌: డ్రైవింగ్‌ స్కూళ్ల నిర్వాహకులు నిబంధనలు పాటించడం లేదనే విమర్శలు పెద్దెత్తున వినిపిస్తున్నాయి. డ్రైవింగ్‌ స్కూల్‌ నిర్వాహణకు అవసరమై న సౌకర్యాలు లేకుండానే నిర్వహించేస్తున్నారనే గుసగుసలు వినిపిస్తున్నాయి. నిబంధనలు పాటించకుండా స్కూళ్లు నిర్వహించడం వల్ల ఏదైనా ప్రమాదం జరిగితే ఎవరు బాధ్యత వహిస్తారనే.. ప్రశ్నలు తలెత్తుతున్నాయి. కొంతమంది నిర్వాహ కులు సాధారణ కారులను సైతం డ్రైవింగ్‌ నేర్పించడానికి వినియోగిస్తున్నారు. ఇది నిబంధనలకు విరుద్ధమైనప్పటకీ రవాణ శాఖ అధికారులు చూసీ చూడనట్లు వ్యవహరిస్తున్నారనే ఆరోపణలు ఉన్నాయి. నిబంధనలు ఇలా.. డ్రైవింగ్‌ చేసేటప్పుడు పాటించాల్సిన నిబంధనలు గురించే చెప్పడానికి ఒక తరగతి గది ఉండాలి. ఒక మెకానిక్‌ రూమ్‌ కూడా ఉండాలి. డ్రైవింగ్‌ నేర్పే వ్యక్తికి ఐదేళ్లు నిండిన డ్రైవింగ్‌ లైసెన్సు ఉండాలి. ఐటీఐ డీజిల్‌ మెకానిక్‌ చదివి ఉండాలి. మో డల్‌ వెహికల్‌ (ఫిట్‌నెస్‌ కల్గిన) వాహనం ఉండాలి. అదే విధంగా డ్రైవింగ్‌ స్కూల్‌ నిర్వహించే భవనానికి సంబంధించిన లీజు అగ్రిమెంట్‌ ఉండాలి. రూ.వేలల్లో ఫీజులు.. కారు డ్రైవింగ్‌ నేర్పించే వారికి 20 రోజుల పాటు శిక్షణ ఇస్తారు. రోజుకి 10 కిలోమీటర్లు చొప్పన 200 కిలోమీటర్లు డ్రైవింగ్‌ నేర్పిస్తారు. ఇందుకుగాను డ్రైవింగ్‌ స్కూల్‌ నిర్వాహకులు అధిక మొత్తంలో ఫీజులు వసూలు చేస్తున్నారనే విమర్శలు ఉన్నాయి. గతంలో రూ.1500 నుంచి రూ.2 వేలు ఉండేది. ఇప్పుడు ఈ ఫీజును ఏకంగా రెట్టింపు చేసేశారు. రూ.4 వేలు నుంచి రూ.4500 వరకు ఫీజు వసూలు చేస్తున్నారు. జిల్లాలో 30 పైబడి స్కూళ్లు జిల్లాలో 30 నుంచి 40 వరకు డ్రైవింగ్‌ స్కూళ్లు ఉన్నాయి. కొందరు రవాణ శాఖ వద్ద అనుమతి లేకుండానే డ్రైవింగ్‌ స్కూల్‌ నిర్వహిస్తున్నారనే ఆరోపణలు ఉన్నాయి. డ్రైవింగ్‌ స్కూల్‌ అనే బోర్డు లేకుండా కారుల్లో కూడా డ్రైవింగ్‌ కొంతమంది నేర్పించేస్తున్నారు. ఇటువంటి వారు నెలవారీ మామూళ్లు రవాణ శాఖ అధికారులకు ముట్టజెబుతున్నారనే ఆరోపణలు ఉన్నాయి. దీంతో సంబంధిత అధికారులు ఇటువంటి స్కూళ్ల వైపు కన్నెత్తి చూడడం లేదనే విమర్శలు ఉన్నాయి. నిబంధనలు ప్రకారం డ్రైవింగ్‌ స్కూళ్లు నిర్వహించాలి. ఇటీవల కొంతమంది డ్రైవింగ్‌ స్కూళ్ల నిర్వాహకులకు నోటీసులు కూడా ఇచ్చాం. నిబంధనలు పాటించకుంటే చర్యలు తీసుకుంటాం. – మణికుమార్‌, డిప్యూటీ ట్రాన్స్‌పోర్ట్‌ కమిషనర్‌

● ఆందోళన వ్యక్తం చేస్తున్న రైతులుకొమరాడ: విశాఖపట్నం నుంచి రాయపూర్‌కు వెళ్లే హెచ్‌పీసీఎల్‌ కంపెనీ క్రూడాయిల్‌ పైప్‌లైన్‌ పనుల్లో భాగంగా కొమరాడ మండలంలోని కెమిశీల,శిఖవరం, గాజులగూడ, నాయుడువలస, తులసివలస, కొట్టు,రాయిపురం తదితర గ్రామాల మీదుగా తవ్వకాలు చేపడుతున్నారు. అయితే పొలాల్లో పంట పూర్తిస్థాయిలో పెరిగి చేతికొచ్చే దశలో ఉన్న సమయంలో జేసీబీలతో తవ్వకాలు జరుపుతుండడంపై రైతులు త్రీవ ఆందోళన వ్యక్తం చేస్తున్నారు. ఆరుగాలం కష్టపడి వేలాది రూపాయలు అప్పులు చేసి పెట్టుబడి పెట్టి సాగు చేసిన పంటలను కోసే సమయం దగ్గర పడుతున్న తరుణంలో తవ్వకాలు చేపట్టడం వల్ల తమకు త్రీవనష్టం వాటిల్లే ప్రమాదం ఉందని రైతులు ఆవేదన వ్యక్తం చేస్తున్నారు. పంటకోతకు సిద్ధంగా ఉన్న సమయంలో యంత్రాలతో పొలాలను తవ్వడంతో వల్ల పంటనష్టం జరుగుతుందని రైతులు ఆందోళన చెందుతున్నారు. ఇప్పటికే విత్తనాలు, ఎరువులు, పురుగుమందులు, కూలీల ఖర్చుల కోసం అప్పుల చేసి వ్యవసాయం చేస్తున్నా రైతులకు పంటనష్టం జరిగితే ఆర్థికంగా మరింత ఇబ్బందులు ఎదురయ్యే పరిస్థితి ఏర్పడుతుందని పేర్కొంటున్నారు.ఒక వైపు వ్యవసాయం పెట్టబడులు పెరిగిపోతుండగా మరో వైపు పంట చేతికొచ్చే సమయంలో ఇటువంటి తవ్వకాలు చేపట్టడం తమ జీవనోపాధిపై ప్రభావం చూపుతుందని రైతులు వాపోతున్నారు. పంట కోతల వరకు తవ్వకాలు వాయిదా వేయాలి పైప్‌లైన్‌ పనులు చేపట్టే మందు రైతులకు తగిన సమాచారం అందించి పంట కోత పూర్తయ్యే వరకు తవ్వకాలు వాయిదా వేయాలని తప్పనిసరిగ్గా పనులు చేపట్టాల్సి వస్తే ముందుగా కనీసం పంటనష్టాన్ని అంచనా వేసి న్యాయమైన పరిహారం అందించేలా చర్యలు తీసుకోవాలని రైతులు విజ్ఞప్తి చేస్తున్నారు. సంబంధిత అధికారులు, హెచ్‌పీసీఎల్‌ ప్రతినిధులు క్షేత్రస్ధాయిలో పర్యటించి రైతుల సమస్యలను పరిశీలించాలని పంటనష్టం జరగకుండా తగిన చర్యలు తీసుకోవాలని రైతులు కోరుతున్నారు. రైతుల అభ్యంతరాలను పరిగణనలోకి తీసుకుని వారి జీవనోపాధికి నష్టం కలగకుండా పైప్‌లైన్‌ పనులు నిర్వహించాల్సిన అవసరం ఉందని వారు పేర్కొంటున్నారు.ఇష్టారాజ్యంగా వ్యవహారం అభివృద్ధి పేరిట కార్పొరేట్‌ కంపెనీలు నిండు పంటపొలాలపై తవ్వకాలు జరపడం దారుణం. కనీసం సమాచారం లేకుండా క్షేతస్ధాయిలో రైతులు సమావేశం కానీ, పంచాయతీ తీర్మానం కానీ లేకుండా తమ ఇష్టారాజ్యం వ్యవహరించడంపై రైతులతో కలిసి పోరాటం చేస్తాం. – తాడంగి భీమయ్య, మాజీ సర్పంచ్‌, కెమిశీల పంచాయతీ

విజయనగరం రూరల్‌: ఉత్తరాంధ్ర ఇలవేల్పు పైడితల్లి అమ్మవారి సిరి మాను ఉత్సవంలో ప్రధాన ఘట్టమైన సిరిమాను వృక్షాలను సోమవారం జొన్నవలస నుంచి తీసుకువచ్చే కార్యక్రమానికి అన్ని ఏర్పాట్లు పూర్తయ్యాయ ని విజయనగరం గ్రామీణ తహసీల్దార్‌ జి.హేమంత్‌కుమార్‌ తెలిపారు. దీనికి సంబంధించి ఆదివారం తన కార్యాలయంలో ఏర్పాటు చేసిన విలేకరుల సమావేశంలో రెవెన్యూ, పోలీసు, దేవదాయ శాఖ అధికారులతో కలిసి ఆయన మాట్లాడారు. ఈ సందర్భంగా తహసీల్దార్‌ మాట్లాడుతూ అమ్మవారిని దర్శించుకునేందుకు తరలివచ్చే భక్తులకు ఎలాంటి ఇబ్బందులు కలగకుండా రెవెన్యూ, పోలీసు శాఖలు సమన్వయంతో ఏర్పాట్లు చేశాయని చెప్పారు. రెండు మార్గాలు... నాలుగు పార్కింగ్‌ ప్రదేశాలు భక్తుల సౌకర్యార్థం విజయనగరం నుంచి దుప్పాడ మీదుగా, వీటి అగ్రహారం – బైపాస్‌ – సారిక రోడ్డు గుండా రెండు మార్గాల్లో వాహనాలపై వచ్చే భక్తుల కు రెండు ప్రధాన పార్కింగ్‌ కేంద్రాలు, రెండు అదనపు పార్కింగ్‌ కేంద్రాలు ఏర్పాటు చేసినట్లు ఆయన తెలిపారు. విజయనగరం టౌన్‌ నుంచి దుప్పాడ మీదుగా వచ్చేవారికి జొన్నవలసలోని జానకిరామ నగర్‌ లే ఔట్‌లో ప్రధాన పార్కింగ్‌, దుప్పాడ కాలనీ సమీపంలో అదనపు పార్కింగ్‌ కేంద్రం ఏర్పాటు చేశామని తెలిపారు. బైపాస్‌ రోడ్డు నుంచి జొన్నవ లస గ్రామానికి వచ్చేవారికి మాజీ ఎంపీటీసీ ఇంటి ఎదురుగా ఉన్న ఖాళీ స్థలంలో ప్రధాన పార్కింగ్‌, జొన్నవలస వాటర్‌ ట్యాంక్‌ వద్ద అదనపు పార్కింగ్‌ ఏర్పాటు చేశామన్నారు. సిరిమాను వృక్షం సమీపంలోనే రెవెన్యూ, పోలీస్‌, అగ్నిమాపక శాఖల కంట్రో ల్‌ రూములు ఏర్పాటు చేశామని, వైద్య శిబిరంతో పాటు 108 అంబులెన్స్‌ను అందుబాటులో ఉంచా మని పేర్కొన్నారు. మధ్యాహ్నం రెండున్నర గంటలకు తరలింపు ప్రక్రియ పైడితల్లి అమ్మవారి సిరిమాను వృక్షం తరలింపు ప్రక్రియ సోమవారం మధ్యాహ్నం 2.30 గంటలకు జొన్నవలస నుంచి ప్రారంభమవుతుందని తహసీల్దార్‌ తెలిపారు. దుప్పాడ, రైతుబజార్‌, ఆర్‌అండ్‌బీ జంక్షన్‌, ఎత్తు బ్రిడ్జి మీదుగా రైల్వే స్టేషన్‌, సీఎంఆర్‌ జంక్షన్‌, కన్యకా పరమేశ్వరి జంక్షన్‌ మీదుగా హుకుంపేటకు రాత్రి 11 నుంచి 12 గంటల మధ్యలో చేరుకుంటుందని అధికారులు తెలిపారు. పట్టణంలో సిరిమాను తరలింపు సమయంలో ప్రజలు ట్రాఫిక్‌ ఇబ్బంది లేకుండా పోలీసుల సూచనలు పాటించి, సహకరించాలని కోరారు. సమావేశంలో అర్బన్‌ తహసీల్దార్‌ శ్రీనివాసరావు, గ్రామీణ సీఐ శ్రీనివాసరావు, దేవదాయ శాఖ అధికారులు పాల్గొన్నారు.

విజయనగరం ఫోర్ట్‌: మా న్యాయమైన సమస్యలను పరిష్కరించాలని ఏపీ కాంట్రాక్ట్‌ మెడికల్‌, హెల్త్‌ ఉద్యోగుల జేఏసీ చైర్మన్‌ ఎస్‌.స్వాతి, కో కన్వీనర్‌ శ్రీనివాసరావు అన్నారు. తమ సమస్యలను పరిష్కరించాలని డిమాండ్‌ చేస్తూ ఐదు రోజు శనివారం కూడా సమ్మె కొనసాగించారు. ఈ సందర్భంగా మాట్లాడుతూ కాంట్రాక్ట్‌ ఉద్యోగుల సమ్మె వల్ల పేద రోగులు ఇబ్బంది పడుతున్నారని అన్నారు. సమస్యలు పరిష్కరిస్తే రోగులకు చిత్తశుద్ధితో సేవలు అందిస్తామన్నారు. ఆందోళనలో కాంట్రాక్ట్‌ మెడికల్‌, హెల్త్‌ ఉద్యోగులు పాల్గొన్నారు. సమస్యల పరిష్కారంలో జాప్యంపై నిరసన తెలుపుతున్న కాంట్రాక్టు వైద్య ఉద్యోగులుయువకుడి అదృశ్యం చీపురుపల్లి రూరల్‌(గరివిడి): గరివిడి పట్టణంలో సుంకర దినేష్‌కుమార్‌(22) అనే యువకుడు అదృశ్యమైనట్లు పోలీసులు కేసు నమోదు చేశారు. వివరాల్లోకి వెళ్తే.. గరివిడి పట్టణంలోని తహసీల్దార్‌ కార్యాలయం వెనుక కుటుంబ సభ్యులతో కలిసి దినేష్‌కుమార్‌ నివాసం ఉంటున్నాడు. నెల్లిమర్లలోని మిమ్స్‌ కళాశాలలో ఫిజియోథెరపి కోర్సు చదువుతున్నాడు. ఈ నెల 6వ తేదీ సాయంత్రం 4గంటల సమయంలో ఇంటి నుంచి బయటకు వెళ్లి వస్తానని చెప్పి వెళ్లిన దినేష్‌కుమార్‌ తిరిగి ఇంటికి చేరుకోలేదు. దీంతో ఆందోళన చెందిన కుటుంబ సభ్యులు చుట్టుప్రక్కల ప్రాంతాలతో పాటుగా బంధువుల ఇళ్ల వద్ద వెతికినప్పటికీ ఆచూకీ లభించలేదు. ఈ మేరకు దినేష్‌కుమార్‌ తండ్రి సుంకర సుధాకర్‌ గరివిడి పోలీసుస్టేషన్‌లో ఫిర్యాదు చేశారు. పోలీసులు కేసు నమోదు చేసి దర్యాప్తు చేస్తున్నారు. భర్త అదృశ్యంపై భార్య ఫిర్యాదు రాజాం సిటీ: రేగిడి మండలం కోడిశ గ్రామానికి చెందిన కాయల శివుడు కనిపించడం లేదని అతని భార్య లక్ష్మి ఫిర్యాదు చేసిందని ఎస్‌ఐ మహ్మద్‌ సల్మాన్‌బేగ్‌ శనివారం తెలిపారు. పశువుల వ్యాపారం చేస్తున్న శివుడు ఈ నెల 8న సమీప బంధువైన కాయల సాంబయ్యతో కలిసి పశువుల విక్రయానికి రాజాం వచ్చారు. పని పూర్తయిన తరువాత సాంబయ్య స్వగ్రామం చేరుకోగా శివుడు కనిపించలేదని ఫిర్యాదులో పేర్కొన్నట్టు తెలిపారు. భార్య లక్ష్మి ఫిర్యాదు మేరకు కేసు నమోదుచేసి దర్యాప్తు చేస్తున్నామని చెప్పారు.

● సర్వజన ఆస్పత్రిలో నిలిచిన టూడిఈకో సేవలు ● ఇబ్బందిపడుతున్న రోగులు ● చోద్యం చూస్తున్న అధికారులు విజయనగరం ఫోర్ట్‌: వీరిద్దరే కాదు. ప్రభుత్వ సర్వజన ఆస్పత్రికి వైద్యకోసం వచ్చిన చాలామంది రోగులకు గత ఐదురోజులుగా టూడిఈకో స్కాన్‌ కష్టాలు తప్పడంలేదు. బీపీ, ఈసీజీలో తేడా ఉన్నవారికి, శ్వాస తీసుకోవడంలో ఇబ్బంది ఉన్నవారికి గుండె సమస్యలు గుర్తించేందుకు టూడీఈకో స్కాన్‌ చేస్తారు. ఈ నివేదికను చూసి వైద్యులు సరైన మందులు ఇచ్చేందుకు అవకాశం ఉంటుంది. అయితే, సర్వజన ఆస్పత్రిలో కాంట్రాక్టు పద్ధతిలో పనిచేస్తున్న టూడిఈకో టెక్నీషియన్లు ముగ్గురు సమ్మెలో ఉన్నారు. అత్యవసర విభాగంలో పనిచేసే టెక్నీషియన్లు సమ్మెకు వెళ్తే ప్రత్యామ్నాయ ఏర్పాట్లు చేయాల్సిన అధికారులు మిన్నకుండడంతో రోగులకు ఇబ్బందులు తప్పడంలేదు. గుండె సంబంధిత రోగులకు సకాలంలో వైద్యసేవలందకపోతే ప్రాణాలు పోయే అవకాశం ఉందంటూ బంధువులు ఆందోళన వ్యక్తంచేస్తున్నారు. జిల్లాకే పెద్దాస్పత్రిలో ప్రత్యామ్నాయ ఏర్పాట్లు చేయకపోవడంపై మండిపడుతున్నారు. సమ్మెలో ఉండడం వల్లే.. టూడిఈకో టెక్నీషయన్లు సమ్మెలో ఉన్నారు. అందువల్ల టూడిఈకో తీయలేదు. ప్రత్యామ్నాయ ఏర్పాట్లు చేసి రోగులకు ఇబ్బంది లేకుండా చూస్తాం. – డాక్టర్‌ అల్లు పద్మజ, సూపరింటెండెంట్‌, ప్రభుత్వ సర్వజన ఆస్పత్రి

విజయనగరం టౌన్‌: కుటుంబ సమేతంగా చూడవలసిన చిత్రం ‘చకోర’ అని చిత్ర హీరో శ్రవణ్‌ కుమార్‌ పేర్కొన్నారు. ఇటీవల తెలుగు రాష్ట్రాల్లో విడుదలైన చకోర చిత్ర యూనిట్‌ శనివారం విజయనగరంలో సందడి చేసింది. సీఎంఆర్‌ కూడలి నుంచి ఎన్‌సీఎస్‌ థియేటర్‌ వరకూ ఓపెన్‌ టాప్‌ కార్‌లో ఊరేగింపుగా వచ్చారు. ఈ సందర్భంగా హీరో మాట్లాడుతూ సొంత జిల్లాలో తనకు ఎనలేని ఆదరణ లభించిందని ఆనందం వ్యక్తం చేశారు. సినిమా బాగా వచ్చిందని, యువత ఎ క్కువగా ఆదరిస్తున్నారన్నారు. యూత్‌పుల్‌ లవ్‌స్టోరీలో ట్రూలవ్‌ కాన్సెప్ట్‌ అందరినీ ఆకట్టుకుంటుందన్నారు. తొలి చిత్రాన్ని చేయడానికి కారణమైన తన తల్లి లక్ష్మి, కుటుంబ సభ్యులకు కృతజ్ఞతలు తెలిపారు. అనంతరం కుటుంబ సభ్యులు, అభిమానులతో కలిసి ఆయన సినిమా వీక్షించారు.

● రేగిడి మండలంలోని ఓ గ్రామానికి చెందిన వ్యక్తికి ప్రస్తుతం 40 ఏళ్లు వచ్చాయి. అతను తన 25వ ఏట నుంచే పెళ్లి సంబంధాలు వెతకడం ప్రారంభించాడు. డిగ్రీ చదివిన ఆయన పోటీపరీక్షలకు సిద్ధమైనా ఉద్యోగం రాలేదు. తల్లిదండ్రులు నుంచి వచ్చిన పదెకరాలు వ్యవసాయభూమిని సాగుచేసుకుంటూ పదిమందికి ఉపాధి కల్పిస్తున్నాడు. స్థిరాస్తులు ఉన్నప్పటికీ అతనికి ఉద్యోగం లేదన్న సాకుతో ఆడపిల్లనిచ్చేందుకు తల్లిదండ్రులు ఆసక్తిచూపడం లేదు. ● బొబ్బిలి పట్టణానికి చెందిన ఓ సాఫ్ట్‌వేర్‌ ఉద్యోగి ఏడాదికి రూ.30 లక్షల వార్షిక వేతనం తీసుకుంటున్నారు. వయస్సు 37 ఏళ్లు. వధువు వయస్సు ఆయన వయస్సుకు ఐదారేళ్ల వ్యత్యాసం ఉండాలన్న అభిప్రాయానికి అనుకూలమైన సంబంధం దొరకడంలేదు. పెళ్లి అవుతుందా లేదా అన్న బెంగ ఇప్పుడు ఆయనను వెంటాడుతోంది. ● రాజాం పట్టణంలోని ఓ యువకుడికి నాలుగేళ్ల కిందట రెసిడెన్సియల్‌ స్కూల్‌లో టీచర్‌ ఉద్యోగం వచ్చింది. ప్రస్తుతం రూ.52 వేలు జీతం. తల్లిదండ్రులు మూడేళ్ల కిందట మృతిచెందారు. ప్రస్తుతం ఆయన వయస్సు 40 ఏళ్లు కావడంతో అతనితో పెళ్లికి ఆడపిల్లలు ఆసక్తి చూపడం లేదు. ఉద్యోగం ఉంటే భార్యను సుఖంగా చూసుకోవచ్చని కష్టపడి చదివిన ఆయనకు ఉద్యోగం వచ్చే సమయానికి వయస్సు దాటిపోవడంతో పెళ్లికాని పురుషుల జాబితాలో చేరిపోయాడు. ప్రస్తుతం విజయనగరం జిల్లా జనాభా 24.50 లక్షల మంది పురుషులు : 12,13,472మహిళలు: 12,36,528 21–30 ఏళ్ల మధ్య యువత జనాభా: 4.28 లక్షలు అమ్మాయిలు: 2.16లక్షలు అబ్బాయిలు: 2.12లక్షలు సీ్త్ర,పురుష నిష్పత్తి : 1019:1000జిల్లా ఎంప్లాయ్‌మెంట్‌లో నమోదైన నిరుద్యోగుల సంఖ్య: 90,000 (వాస్తవంగా ఈ సంఖ్య రెట్టింపు ఉంటుంది) ఇందులో 30 ఏళ్లుదాటినవారి సంఖ్య : 30,000 జిల్లాలో ఆడపిల్లల నిష్పత్తి మగపిల్లలు కంటే ఎక్కువగా ఉంది. ప్రతీ 1000 మంది పురుషులకు 1019 మంది సీ్త్రలు ఉన్నారు. అయినప్పటికీ మగపిల్లలకు సకాలంలో పెళ్లిళ్లు జరగడంలేదు. స్థిరాస్తులు (వ్యవసాయ భూములు, అద్దెషాపులు, అద్దె భవనాలు), ఆదాయ వనరులు ఉన్న వారిని సైతం పెళ్లిచేసుకునేందుకు అమ్మాయిలు నిరాకరిస్తున్నారు. వీటికి తోడు గతంలో మాదిరిగా కాకుండా ఉమ్మడి కుటుంబాన్ని పూర్తిగా వ్యతిరేకిస్తున్నారు. తల్లిదండ్రులకు దూరంగా ఉండే అబ్బాయిలు, తల్లిదండ్రులు లేని ఏకాకి జీవితం గడిపే అబ్బాయిలు, అక్కచెల్లెళ్లు లేని అబ్బాయిలు ఉన్న సంబంధాలు చూసుకుంటున్నారు. విలాసవంతమైన ప్రాంతాల్లో ఉండేవారిపై మొగ్గుచూపుతున్నారు. ఇవన్నీ పెళ్లికాని పురుషుల సంఖ్య పెరుగుదలకు కారణమవుతున్నాయి. రాజాం: జిల్లాలో పెళ్లికాని పురుషుల సంఖ్య రోజురోజుకూ పెరుగుతోంది. 30 ఏళ్లు దాటినా పెళ్లికాక చాలా మంది యువకులు ఆవేదన చెందుతున్నారు. పల్లెలు, పట్టణాలు అనేతేడా లేకుండా ఈ సమస్య కనిపిస్తోంది. ఒకప్పుడు పెళ్లి ఈడు రాగానే అమ్మాయిలు..అబ్బాయిల్లో పెళ్లి కళ కనిపించేది. అమ్మాయిల తల్లిదండ్రులకు బెంగ ఉండేది. సకాలంలో ఎవరో ఒక అయ్య చేతిలో పెట్టేస్తే బాధ్యత తీరుపోతుందిలే అనుకునేవారు. 18 ఏళ్లు దాటిన వెంటనే బంధువులను సంప్రదిస్తూ ఆడపిల్లలకు పెళ్లిసంబంధాలు కావాలని అడిగేవారు. భార్యను పోషించుకునే స్థోమత ఉంటే చాలు అనుకునేవారు. ఇప్పుడు పరిస్థితి పూర్తిగా భిన్నం. అమ్మాయిలు చక్కగా చదువుకుంటున్నారు. ఉన్నత స్థానాల్లో స్థిరపడుతున్నారు. తమకు కావాల్సిన వరుడు కూడా తమ స్థాయికి తగ్గట్టుగా ఉండాలని భావిస్తున్నారు. అదే విషయం తల్లిదండ్రులకు చెబుతున్నారు. వయస్సు 30 ఏళ్లు వచ్చినా అమ్మాయిల విషయంలో తల్లిదండ్రులు తొందరపడడం లేదు. అబ్బాయిలు విషయంలో ప్రస్తుత పరిస్థితి దారుణంగా మారింది. పుట్టినప్పుడు అబ్బాయి పుడితే బాగుండేది అనుకున్న తల్లిదండ్రులు వారికి పెళ్లి ఈడు వచ్చేటప్పటికి ఆందోళన చెందుతున్నారు. స్థిరపడకపోతే పెళ్లి ఎలా అవుతుంది.. ఎవరైనా పిల్లనిస్తే పెళ్లిచేద్దామన్న యాతనలో పడ్డారు. చివరకు సకాలంలో పెళ్లిళ్లు చేయలేక చతికిలపడుతున్నారు. మనోవేదనతో కుంగిపోతున్నారు. సీ్త్ర నిష్పత్తి ఎక్కువగా ఉన్నా.. ఉద్యోగం ఉంటేనే... జిల్లాలో నిరుద్యోగ సమస్య రాజ్యమేలుతోంది. ప్రభుత్వ నోటిఫికేషన్లు సకాలంలో రాకపోవడం, వచ్చిన నోటిఫికేషన్లలో తక్కువ సంఖ్యలో మాత్రమే ఉద్యోగాలు ఉండడం, అవి కూడా ఎన్నో ఏళ్లుగా ఆయా ఉద్యోగాలకోసం పరితపించేవారికే రావడంతో తక్కువ వయసులో ఉద్యోగాలు పొందేవారి సంఖ్య తగ్గిపోయింది. ఇలా తక్కువ వయస్సు ఉండి, ఉద్యోగం పొందినవారికి మాత్రమే 30 ఏళ్లు లోపు పెళ్లిళ్లు అవుతున్నాయి. 30 ఏళ్లు మార్జిన్‌ దాటిన తరువాత ఉద్యోగం ఉన్నా పిల్లని ఇచ్చేందుకు తల్లిదండ్రులు నిరాకరిస్తున్నారు. పెద్దలు నచ్చజెప్పినా ఆడ పిల్లలు ఒప్పుకోవడం లేదు. కొంతమంది ప్రైవేట్‌ రంగంలో ఉద్యోగాలు సంపాదించినప్పటికీ వాటిలో స్థిరత్వంలేకపోవడంతో ఆడ పిల్లలు తల్లిదండ్రులు అటువంటి ఉద్యోగులకు పిల్లలను ఇవ్వడంలేదు. యువత కూడా తమకు సరైన ఆదాయ మార్గాలు, నిలకడతో కూడిన ఉద్యోగాలు లేక తమ భార్యలను పోషించగలమో లేదో అనే బెంగతో పెళ్లిళ్లకు వెనుకడుగువేస్తున్నారు. మరో వైపు ఆడపిల్లల తల్లిదండ్రులు కూడా ప్రభుత్వ ఉద్యోగులు, స్థిరమైన ప్రైవేటు ఉద్యోగులవైపు దృష్టిసారిస్తూ, ఆ సంబంధాలనే నిశ్చయం చేసుకుంటున్నారు. ఇవి కూడా ఒకరకంగా కారణాలే.. ఉద్యోగ నోటిఫికేషన్లు ప్రభుత్వం ఇవ్వకపోవడం, యువత స్థిరపడకపోడం స్కిల్‌ డెవలప్‌మెంట్‌ ట్రైనింగ్‌ సెంటర్లు జాడలేకపోవడం, స్వయం ఉపాధి అవకాశాలు తగ్గడం, రుణాలు మంజూరు లేకపోవడం స్థిరపడిన యువకులకే పిల్ల నిచ్చేందుకు తల్లిదండ్రులు ఆసక్తి చూపడం వ్యవసాయం, కూలి పనులు చేసేవారికి అమ్మాయిలు నో చెప్పడం. యువత కూడా పనిపాటా చేయకుండా వ్యసనాలకు బానిసలు కావడం. చూస్తుండగానే యువతలో వయస్సు పెరగడం, మానసిక ఒత్తిడికి గురికావడం. 30 ఏళ్లు వచ్చినా పెళ్లికి దూరంగానే యువకులు వెంటాడుతున్న నిరుద్యోగ సమస్య ఉద్యోగం వచ్చేనాటికి మీరుతున్న పెళ్లివయస్సు నిరుద్యోగులకు పోషించలేమనే బెంగ మద్యం, గంజాయికి బానిసలుగా మారుతున్న వైనం ఆస్తులు ఉన్నా ఆడపిల్లలను ఇచ్చేందుకు మక్కవ చూపని తల్లిదండ్రులు స్థిరపరులకు, తక్కువ వయస్సువారివైపే ఆసక్తి పల్లెలు..పట్టణాల్లో ఇదే పరిస్థితి

విజయనగరం అర్బన్‌: సత్య డిగ్రీ, పీజీ కళాశాల గ్రౌండ్స్‌లో శిక్షణ పొందుతున్న వివిధ పాఠశాలల విద్యార్థులు జాతీయ స్థాయి కరాటే పోటీల్లో 22 పతకాలు సాధించారు. అక్టోబర్‌ 4న కొత్తవలస సమీపంలోని తుమ్మికపల్లె గ్రామం వీరభద్రపురంలోని ఎన్‌ఎస్‌ఆర్‌ కల్యాణ వేదికలో నిర్వహించిన ఇన్విటేషన్‌ నేషనల్‌ కరాటే ఛాంపియన్‌షిప్‌–2026 (ఛాంపియన్స్‌ కప్‌ 3.0)లో 5 బంగారు, 6 వెండి, 11 కాంస్య పతకాలు కై వసం చేసుకున్నారు. ఒకినావా స్పోర్ట్స్‌ కరాటే–డో అసోసియేషన్‌ ఆఫ్‌ ఆంధ్రప్రదేశ్‌ ఆధ్వర్యంలో జరిగిన పోటీల్లో కుమిటే, కాటా విభాగాల్లో విద్యార్థులు ప్రతిభ కనబరిచారు. కోచ్‌లు సంతోష్‌, అసిస్టెంట్‌ కోచ్‌ సుధీర్‌, పిభార్గవ్‌లను కళాశాల డైరెక్టర్‌ డాక్టర్‌ ఎం.శశిభూషణరావు, ప్రిన్సిపాల్‌ డాక్టర్‌ ఎంవీ సాయిదేవమణి అభినందించారు.

విజయనగరం టౌన్‌: దసరా, శరన్నవరాత్రి మహోత్సవాలకు సొంత జిల్లాలకు రైళ్ల ద్వారా వద్దామనుకునే ప్రయాణికులకు తీవ్ర నిరాశే మిగిలింది. 60 రోజులు ముందుగానే రిజర్వేషన్‌ బుకింగ్‌లు ప్రారంభం కావడం, అంతా ఆన్‌లైన్‌ సౌకర్యం ఏర్పాటు చేయడంతో రిజర్వేషన్‌ కౌంటర్‌కి వెళ్లి క్యూలైన్‌లో నిల్చొని, తమ మొబైల్‌ ద్వారా టికెట్‌ బుకింగ్‌ చేసేసుకుంటున్న పరిస్థితి వచ్చింది. సౌత్‌కోస్ట్‌ రైల్వే డివిజన్‌ విజయనగరం మీదుగా ప్రతీ రోజు 200 రైళ్లు అప్‌ అండ్‌ డౌన్‌లో తిరుగుతుంటాయి. ఇవికాకుండా పండగ పర్వదినాల్లో సౌత్‌కోస్ట్‌ జోన్‌ అధికారులు ప్రత్యేకంగా 19 రైళ్లను అప్‌ అండ్‌ డౌన్‌లో ఏర్పాటు చేశారు. అయితే వీటిలో ఏ ఒక్క రైలుకు రిజర్వేషన్‌ బెర్త్‌లు ఖాళీల్లేకపోవడంతో ప్రయాణికులు తీవ్ర నిరాశ వ్యక్తం చేస్తున్నారు. తత్కాల్‌ కోసం రాత్రంతా రిజర్వేషన్‌ కౌంటర్‌ల వద్ద పడిగాపులు కాస్తున్న పరిస్థితి దాపురించింది. 60 రోజుల ముందు రిజర్వేషన్‌లు చేయించుకునేందుకు వచ్చేవారికి కూడా కొద్ది నిమషాల్లోనే రైళ్లన్నీ పుల్‌ అయిపోతూ వెయిటింగ్‌ లిస్టులు కనిపిస్తుండడంతో ఏం చేయాలో తెలియక అవస్థలు పడుతున్నారు. ఇక ప్రయాణికుల రద్దీని దృష్టిలో పెట్టుకుని రైలు నెంబర్‌ 07268/07267 జనసాధారణ రైలు మెమూ స్పెషల్‌ విశాఖ నుంచి పార్వతీపురం వరకూ మాత్రమే ఈ నెల 20 వరకూ నడుస్తుందని అధికారులు పేర్కొన్నారు. ఉదయం 10 గంటలకు విశాఖలో బయలుదేరి, పార్వతీపురం మధ్యాహ్నం 12.25 గంటలకు చేరుతుంది. తిరుగు ప్రయాణంలో 12.35 గంటలకు బయలుదేరి సాయంత్రం 4 గంటలకు విశాఖ చేరుతుంది. విశాఖ, సింహాచలం, కొత్తవలస, విజయనగరం, గజపతినగరం, కోమటిపల్లి, డొంకినవలస, బొబ్బిలి, సీతానగరం, నర్సిపురం హాల్ట్‌, పార్వతీపురం వరకూ మాత్రమే ప్రత్యేక రైలును ఏర్పాటు చేశారు. పైడితల్లి పండగకు ప్రత్యేక రైళ్లు ఉన్నట్టా? లేనట్టా? ఉత్తరాంధ్రుల ఆరాధ్య దైవం శ్రీ పైడితల్లి అమ్మవారు పండగకు గతంలో ఈస్ట్‌కోస్ట్‌ రైల్వే అధికారులు ప్రత్యేక రైళ్లను కేటాయించారు. ఈ ఏడాది సౌత్‌ కోస్ట్‌ రైల్వేగా మారిన తర్వాత ఈ ఏడాది పైడితల్లి పండగకు ప్రత్యేక రైళ్లు ఉన్నట్టా? లేనట్టా? అని ప్రయాణికులు ఆవేదన వ్యక్తం చేస్తున్నారు. ఈ ఏడాది అక్టోబరు 26, 27 తేదీల్లో నిర్వహించే తొలేళ్లు, సిరిమాను సంబరాలకు లక్షలాది మంది భక్తులు విజయనగరానికి తరలివస్తారు. ప్రయాణికుల రద్దీని దృష్టిలో పెట్టుకుని రాష్ట్ర పండగ నేపథ్యంలో అమ్మజాతరకు వచ్చే భక్తులకు రైల్వే అధికారులు ఈ ఏడాది ప్రత్యేక రైళ్లను త్వరితగతిన కేటాయించాలని ఆ దిశగా ప్రజాప్రతినిధులు దృష్టి సారించాలని కోరుతున్నారు. రెండు నెలల వరకూ వెయిటింగ్‌ లిస్టే దర్శనం 20వ తేదీ వరకూ విశాఖ–పార్వతీపురం వరకు జన సాధారణ రైలు జనరద్దీని బట్టి ప్రత్యేక రైళ్లను వేస్తూ ఉండాలి పైడితల్లి పండగకు ప్రత్యేకరైళ్లు ఉన్నట్టా? లేనట్టా?అదనపు రైళ్లను కేటాయించాలి దసరా, సంక్రాంతి పర్వదినాల్లో రిజర్వేషన్‌లు ఖాళీ ఉండవు. అటువంటి సమయాల్లో అవసరాన్ని బట్టి మరిన్ని రైళ్లను రద్దీ ప్రాంతాల్లో నడిపే విధంగా రైల్వే ఉన్నతాధికారులు చర్యలు చేపట్టాలి. దీనిపై ఎంపీ, స్థానిక ఎమ్మెల్యేలు ప్రత్యేక శ్రద్ధ కనబర్చాలి. రానున్న పైడితల్లి అమ్మవారి పండగకు ఒడిశా నుంచి అధికంగా భక్తులు తరలివస్తారు. జనసాధారణ రైళ్లను నాలుగైదు వేస్తే బావుంటుంది. – పావని పాత్రో, ప్రయాణికురాలు

విజయనగరం టౌన్‌: నేర నియంత్రణకు హైక్వాలిటీ నైట్‌ విజన్‌ సీసీ కెమెరాలను పట్టణంలోని ప్రధాన కూడళ్లలో అదనంగా ఏర్పాటు చేస్తున్నట్లు ఎస్పీ ఎఆర్‌.దామోదర్‌ తెలిపారు. వన్‌టౌన్‌ పోలీసుల ఆధ్వర్యంలో స్థానిక ఆర్‌టీసీ కాంప్లెక్స్‌, రైల్వేస్టేషన్‌ పరిసర ప్రాంతాల్లో సీసీ కెమెరాలను ఏర్పాటు చేశారు. ఈ మేరకు శనివారం వాటిని ప్రారంభించారు. ఆర్టీసీ కాంప్లెక్స్‌ వద్ద ఏర్పాటు చేసిన సీసీ కెమెరాల ప్రారంభ కార్యక్రమానికి ముఖ్య అతిథిగా ఎస్పీ హాజరై, పరిశీలించారు. అనంతరం ఆయన మాట్లాడుతూ ఆర్‌టీసీ కాంప్లెక్స్‌కు ప్రతీరోజూ పెద్ద సంఖ్యలో ప్రయాణికులు వివిధ ప్రాంతాల నుంచి రాకపోకలు సాగిస్తుంటారన్నారు. జేబు దొంగతనాలు, బ్యాగ్‌ కటింగ్స్‌, చైన్‌ స్నాచింగ్స్‌, ఈవ్‌ టీజింగ్‌, గంజాయి అక్రమ రవాణాను నియంత్రించేందుకు కొత్తగా 12 హైక్వాలిటీ నైట్‌ విజన్‌ సీసీ కెమెరాలను ఏర్పాటు చేశామన్నారు. ఆర్‌టీసీ కాంప్లెక్స్‌లో పోలీసుల సహాయ కేంద్రాన్ని ఏర్పాటు చేసేందుకు అధికారులు స్ధలం కేటాయించాలని కోరారు. నేర నియంత్రణలో భాగంగా పోలీసుశాఖ చేపడుతున్న చర్యలకు ఆర్‌టీసీ అధికారులు, ప్రజలు సహకరించాలని కోరారు. అనంతరం కాంప్లెక్స్‌ పరిసర ప్రాంతాలను సందర్శించి, సీసీ పుటేజ్‌ పనితీరు పర్యవేక్షించారు. కార్యక్రమంలో విజయనగరం డీఎస్పీ ఎస్‌.లక్ష్మణమూర్తి, వన్‌టౌన్‌ సీఐ ఆర్‌విఆర్‌కె.చౌదరి, సీసీఎస్‌ సీఐ డిడి.నాయుడు, ఆర్‌టీసీ డిపో మేనేజర్‌ జె.శ్రీనివాసరావు, ఎస్‌ఐలు సురేంద్రనాయుడు, రవి, ప్రసన్నకుమార్‌, స్టేషన్‌ మేనేజర్‌ సిహెచ్‌.దుర్గరాజు తదితరులు పాల్గొన్నారు.

విజయనగరం టౌన్‌: మనస్తాపంతో విద్యార్థి ఆత్మహత్య చేసుకున్న సంఘటన జిల్లా కేంద్రంలో చోటుచేసుకుంది. దీనికి సంబంధించి టూ టౌన్‌ పోలీసులు శనివారం అందించిన వివరాలిలా ఉన్నాయి. స్థానిక కొత్తపేట గొల్లవీధికి చెందిన యర్ర జశ్వంత్‌ (18) ఇంటర్‌మీడియట్‌ ఫస్ట్‌ ఇయర్‌ ఫెయిలయ్యాడు. దాంతో మరి చదవనని ఇంట్లోనే ఉంటూ ఎవరితోనూ మాట్లాడకుండా, మానసికంగా బాధపడేవాడు. భోజనం కూడా సరిగ్గా చేయకుండా ఉండడంతో పలుసార్లు అనారోగ్యానికి గురయ్యాడు. ఈ క్రమంలో శుక్రవారం సాయంత్రం ఇంట్లోనే బెడ్‌ రూమ్‌లో సీలింగ్‌ ప్యాన్‌కు చున్నీతో ఉరి వేసుకుని మృతి చెందినట్టు కుటుంబ సభ్యులు ఫిర్యాదు చేశారు. మృతుని తల్లిదండ్రులు యర్ర ప్రసాద్‌, సుజాత ఫిర్యాదు మేరకు టూ టౌన్‌ సీఐ టి.శ్రీనివాసరావు కేసు నమోదు చేసి దర్యాప్తు చేస్తున్నారు.

విజయనగరం రూరల్‌: స్థానిక సంస్థల ఎన్నికల రిజర్వేషన్లపై సుప్రీంకోర్టు తీర్పుతో చంద్రబాబు ప్రభుత్వానికి ఎదురుదెబ్బతగిలింది. మొత్తం రిజర్వేషన్లు 50 శాతానికి మించకూడదన్న రాజ్యాంగ నిబంధనను కాదని, బీసీలకు 34 శాతం సీట్లు ఇస్తామంటూ ముఖ్యమంత్రి చంద్రబాబు నాయుడు ఆడిన నాటకాన్ని అత్యున్నత న్యాయస్థానం బట్టబయలు చేసింది. 50 శాతం పరిమితిని దాటేందుకు వీలులేదని తీర్పులో వెలువరించింది. సత్వరమే ఎన్నికలు నిర్వహించాలని ఆదేశించడంతో ప్రభుత్వం స్థానిక ఎన్నికలకు సమాయత్తమైంది. ఈ క్రమంలో మొత్తం 8 కేటగిరీలుగా రిజర్వేషన్లు ఖరారు చేసింది. దీనికి సంబంధించిన జీఓ విడుదల కావాల్సి ఉంది. ఎన్నికల నిర్వహణ ఇలా.. స్థానిక సంస్థల ఎన్నికల నిర్వహణపై రాష్ట్ర ఎన్నికల సంఘం శనివారం కీలక వివరాలు వెల్లడించింది. గ్రామ పంచాయతీలకు మూడు దశల్లో ఎన్నికలు నిర్వహిస్తామని, ఎంపీటీసీ, జెడ్పీటీసీ ఎన్నికలు రెండు దశల్లో నిర్వహించేందుకు పరిశీలిస్తున్నట్లు ఎన్నికల కమిషనర్‌ ప్రకటించారు. పంచాయతీ ఎన్నికలు, నోటిఫికేషన్‌ వెలువడిన 14 రోజుల్లోనే నిర్వహించి, అదేరోజు ఫలితాలు విడుదల చేయనున్నారు. ఎంపీటీసీ, జెడ్పీటీసీ ఎన్నికలు నోటిఫికేషన్‌ జారీ చేసిన 16 రోజుల్లో నిర్వహించి రెండు రోజులు అనంతరం ఫలితాలు ప్రకటించనున్నారు. çÜ${ï³…-MøÆý‡$t E™èl¢-Æý‡$Ó-ÌS™ø Ð]l*ǯ]l ˘ సమీకరణాలు రిజర్వేషన్లు ఖరారు చేసినా జీఓ జారీ చేయని చంద్రబాబు సర్కారు ఏ క్షణమైనా జీఓ జారీ అయ్యే అవకాశం జిల్లాలో రాజకీయ వేడి స్థానిక పోరులో చంద్రబాబు సర్కార్‌కు నిరసన సెగ! న్యాయస్థానాల ఉత్తర్వులతో ఎన్నికల నగారా మోగడంతో విజయనగరం జిల్లా రాజకీయ వాతావరణం ఒక్కసారిగా వేడెక్కింది. బీసీ రిజర్వేషన్ల కోతపై క్షేత్రస్థాయిలో ప్రజలకు సమాధా నం చెప్పుకోలేక అధికార కూటమి నాయకులు తలలు పట్టుకుంటున్నారు. ప్రజా సమస్యలను గాలికొదిలేసి, రిజర్వేషన్ల విషయంలో నాటకాలాడుతున్న కూటమి ప్రభుత్వానికి రాబోయే స్థానిక సంస్థల ఎన్నికల్లో తగిన బుద్ధి చెప్పడానికి విజయనగరం జిల్లా ఓటర్లు సిద్ధమవుతున్నారు. జిల్లాలో ఓటర్ల వివరాలు ఇలా.. పాత ఓటర్ల జాబితా ప్రకారం.. జిల్లాలో 12,85,691 మంది ఓటర్లు ఉండగా వీరిలో పురుషులు 6,35,994 మంది, మహిళలు 6,59,660 మంది కాగా ఇతరులు 37 మంది ఉన్నారు. వీరిలో బీసీ ఓటర్లు 10,38,667 మంది , ఎస్సీ ఓటర్లు 1,33,033 మంది, ఎస్టీ ఓటర్లు 30,593 మంది ఉన్నారు. ఇతర కులాలకు చెందిన వారు 83,398 మంది నమోదై ఉన్నారు. పంచాయతీలకు సంబంధించి 7,398, ఎంపీటీసీలకు 1586 పోలింగ్‌ కేంద్రాలు ఉన్నాయి.

● మేయర్‌, జెడ్పీచైర్మన్‌ అంటూ భారీ ‘ట్రైలర్‌’... ● చివరకు అరకులో ’సైడ్‌ రోల్‌’తో సరి ● కేడర్లో నైరాశ్యం సాక్షి ప్రతినిధి, విజయనగరం: జింకులో కావాలా.. బంకులో కావాలా.. స్టీల్‌ ప్లాంటా.. షిప్‌యార్డా అని అన్నీ అడిగి చివరకు ముంబై రోడ్ల మీద పావ్‌బజ్జీ దుకాణం పెట్టించిన పట్నాయక్‌ సీన్‌ గుర్తుంది కదా.. అచ్చం జెడ్పీ మాజీ చైర్మన్‌ చిన్న శ్రీను పరిస్థితి కూడా అలాగే అయింది. ఆయన టీడీపీలో చేరగానే జిల్లా పరిషత్‌ చైర్మన్‌ ఇస్తారన్నారు.. రెండ్రోజులు గడిచాక అబ్బబ్బ అదికాదు మేయర్‌ అన్నారు... అది కాకపోయినా ఉత్తరాంధ్ర కోఆర్డినేటర్‌ ఇచ్చి మూడు జిల్లాలను లాక్కొచ్చే పని అప్పగిస్తారన్నారు. అలాంటి ప్రోమోలు వేసి జిల్లాలో అక్కడక్కడ కొద్దిమంది వైఎస్సార్‌సీపీ క్యాడర్‌ను టీడీపీలో చేర్చుకున్నారు.. ప్రోమో వరకు బాగానే ఉంది కానీ అసలు సినిమా రిలీజ్‌ అయ్యేసరికి సీన్‌ అర్థమైపోయింది. ఆయనది మెయిన్‌ క్యారెక్టర్‌ కాదు సైడ్‌ రోల్‌ అని తెలిసేసరికి ఆయన అనుచరులకు దెబ్బడిపోయింది. అరకు పరిశీలకుడిగా ఏం చేస్తారు... ఇప్పటికే అరకు టీడీపీ పార్లమెంట్‌ ఇన్‌చార్జిగా తేజోవతి ఉన్నారు. ఆమె ఇప్పటికే సాలూరు, పాలకొండ , కురుపాం, అరకు.. పాడేరు ప్రాంతాల్లో విస్తృతంగా తిరుగుతూ వచ్చే ఎన్నికల్లో ఏదో చోట నుంచి టిక్కెట్‌ తెచ్చుకునే పనిలో ఉన్నారు. ఇక ఇప్పుడు ఆమెకు సహాయకుడి పాత్రలో పరిశీలకుడిగా నియమితులైన చిన్నశ్రీను అక్కడ ఎలాంటి పాత్ర పోషిస్తారు అనేదానిపై క్యాడర్లో ఉన్న మబ్బులు తొలగిపోయాయి. మేయర్‌.. జెడ్పీ.. జిల్లా పోస్ట్‌.. ఉత్తరాంధ్ర కోఆర్డినేటర్‌ అనే స్థాయి నుంచి ఏకంగా మన్యం నియోజకవర్గానికి పంపడం అంటే ఆయన స్థాయిని తగ్గించడమా? కాదా? అనేది ఇప్పటికే జనాలకు అర్థమైపోయింది. మన్యం బాట... రాజవుతాడుకున్న రాముడు కైక పుణ్యాన వనవాసం పేరిట అడవుల బాట పట్టినట్టు.. జిల్లా అధ్యక్షుడవుతాడనుకున్న చిన్నశ్రీను మన్యం బాట పట్టాల్సి వచ్చిందన్నది ఇప్పుడు జిల్లాలో సాగుతున్న చర్చ. ఇక మన్యం ఏజన్సీ ప్రాంతాల నుంచి ఆయనకు నిష్కృతి ఎప్పుడన్నది అధినేత చంద్రబాబుకు తప్ప ఎవరికి తెలియదు. టీడీపీలో చేరినప్పుడు ఆయనకు ఇచ్చిన ఎలివేషన్లకు.. క్యాడర్లో కల్పించిన ఆశలకు ఇప్పుడు ప్రాక్టికల్‌గా కనిపిస్తున్న దానికి బోల్డంత తేడా కనిపిస్తోంది. అయోమయంలో క్యా‘డర్‌ ’.. గతంలో చిన్నశ్రీను స్థాయి వేరు... పరిసరాల్లోని అన్నిజిల్లాల నాయకులు, మంత్రులు, ఎంపీలు, ఎమ్మెల్యేలు, నాయకులు అందరూ ఆయన ఇంటికి వచ్చి ప్రసన్నం చేసుకునేవారు. అదే స్థాయి గుర్తింపు, ప్రాధాన్యం దక్కుతుంది. ఆయన వెంట నడిస్తే రాజకీయ భవిష్యత్తు ఉంటుందనే ఆశతో కొంతమంది ఆయన వెంట నడిచారు. అయితే, ఇప్పుడు వారి భ్రమలు తొలగుతున్నాయి. జిల్లా అధ్యక్షుడు అవుతాడునుకున్న తమ నేత జిల్లా సరిహద్దుల అవతలకు విసిరేయబడితే ఇక తమ స్థాయి.. తమకు ఎలాంటి గుర్తింపు వస్తుంది? అక్కడికెళ్లి ఏం బావుకుంటాం అనే మీమాంస ఆయన అనుచరుల్లో నెలకొంది. లీడ్‌ రోల్‌ అన్నారు... సైడ్‌ క్యారెక్టర్‌తో సరిపెట్టారు.. పార్టీలో చేరగానే ప్రధాన బాధ్యతలు ఇస్తారని ప్రచారం చేశారు. కోరుకున్న పదవి.. బాధ్యత ఇచ్చి ఆయనను ముందు పెట్టీ టీడీపీ జిల్లా రాజకీయాలు నడిపిస్తారని అన్నారు. తీరా చూస్తే ఆయనను కానరాని కానలకు పరిశీలకుడిగా వేసి గెస్ట్‌ పాత్రకు పరిమితం చేశారు. ట్రైలర్లో చూపించిన ఎలివేషన్‌ సీన్లన్నీ ఎడిటింగ్‌లో కట్‌ అయిపోయినట్లు అయిందని ఆయన అనుచరులు కొందరు లోలోన ఫీలవుతుండగా, పెద్దదో..చిన్నదో..గుర్తింపు ఉన్నదో లేనిదో ఏదో ఒకటి ఇచ్చారులే.. లేనిబావ కన్నా గుడ్డిబావ నయం అన్నట్లుగా మరికొందరు సమాధానపర్చుకుంటున్నారు.

రామభద్రపురం: భూ పట్టాలు ఇప్పిస్తామని గ్రామానికి చెందిన టీడీపీ నాయకుడు బొబ్బిలి కోటకు తీసుకెళ్లి ఎమ్మెల్యే బేబీనాయనతో పార్టీ కండువాలు వేయించి మోసం చేశారని కొట్టక్కి గ్రామానికి చెందిన సోషల్‌ మీడియా ప్రతినిధి రాంబార్కి కిరణ్‌కుమార్‌తో పాటు పలువురు యువకులు మాజీ ఎమ్మెల్యే శంబంగి వెంకట చినఅప్పలనాయుడు ముందు ఏకరువు పెట్టుకున్నారు. మండల పార్టీ కార్యాలయంలో శనివారం మాజీ ఎమ్మెల్యే శంబంగిని కలిసిన వారు భూ పట్టాలు ఇస్తామని చెప్పి ఇప్పటికీ మూడు నెలలవుతున్నా ఇంత వరకు ఆ ఊసే లేదని, పట్టాలు ఎప్పుడిస్తారని అడిగితే టీడీపీ నాయకులు మాట్లాడటం లేదని ఆవేదన వ్యక్తం చేశారు. టీడీపీ నాయకుల మాటలు నమ్మి కండువాలు వేసుకుని మోసపోయామని, ఇక నుంచి అలా జరగకుండా వైఎస్సార్‌సీపీకి మద్దతు ఇస్తూ మీ వెంట నడుస్తామని చెప్పారు. కిలాడి అభిషేక్‌, వసంతుల బాలాజీ, రావాడ వేణు, ఇనుచుప్పల ఉమామహేష్‌, ఇనుచుప్పల వెంకటరమణ పాల్గొన్నారు.

సంతకవిటి: మండలంలోని రంగారాయపురం వద్ద గల నారాయణపురం ఆనకట్ట నుంచి ప్రారంంభమైన కుడి ప్రధాన కాలువలోకి 400 వందల క్యూసెక్కుల సాగునీటిను శుక్రవారం రాత్రి విడుదల చేశారు. ఇటీవల సాయన్న గెడ్డలో వచ్చిన వరద ఉధృతి కారణంగా నారాయణపురం కుడి ప్రధాన కాలువకు అనేక చోట్ల అతి భారీ నుంచి చిన్న గండ్లు వరకు దాదాపు పది చోట్ల గండ్లు పడ్డాయి. దీంతో గండ్లను తాత్కాలికంగా పూడ్చి వేసే పనులు శుక్రవారం సాయంత్రానికి పూర్తవడంతో రాత్రి 8 గంటల సమయంలో సాగు నీరు విడిచి పెట్టినట్లు డీఈ వై.రవీంద్ర నాయుడు శనివారం తెలిపారు.

● ఉబర్‌, ఓలా, ర్యాపిడో అనుమతులు రద్దు చేయాలని డిమాండ్‌ ● అక్టోబర్‌ 13న కలెక్టరేట్‌ వద్ద మహాధర్నాకు పిలుపువిజయనగరం గంటస్తంభం: ప్రభుత్వ విధానాలతో ఆటో, క్యాబ్‌ డ్రైవర్ల బతుకులు రోడ్డున పడుతున్నాయని, కార్పొరేట్‌ యాప్‌లకు వత్తాసు పలకడం మానుకోవాలని సీఐటీయూ జిల్లా కోశాధికారి ఎ.జగన్మోహన్‌రావు డిమాండ్‌ చేశారు. రాష్ట్రవ్యాప్త పిలుపులో భాగంగా శుక్రవారం స్థానిక కోట జంక్షన్‌ వద్ద డ్రైవర్లు ఆటోను తాడుతో లాగుతూ వినూత్న రీతిలో నిరసన తెలిపారు. ఈ సందర్భంగా నగర కార్యదర్శి బి.రమణ, ఉపాధ్యక్షుడు రెడ్డి శంకర్‌ రావులతో కలిసి ఆయన మాట్లాడుతూ, రవాణా రంగం ద్వారా కేంద్ర, రాష్ట్ర ప్రభుత్వాలకు వేల కోట్ల రూపాయల ఆదాయం వస్తున్నా డ్రైవర్లను పట్టించుకోవడం లేదని మండిపడ్డారు. పెంచిన ఫీజులు, జరిమానాలు, చలానాల పేరుతో వేధిస్తున్నారని ఆవేదన వ్యక్తం చేశారు. సంక్షేమ బోర్డు ఏర్పాటు చేయాలని, ఉబర్‌, ఓలా, ర్యాపిడో సంస్థల అనుమతులను తక్షణమే రద్దు చేయాలని డిమాండ్‌ చేశారు. డ్రైవర్లకు రూ.20 వేల ఆర్ధిక సాయం అందించాలని, జీవో నంబర్‌ 21ని రద్దు చేయాలని కోరారు. సమస్యల పరిష్కారం కోసం అక్టోబర్‌ 13న కలెక్టరేట్‌ ఎదుట నిర్వహించే ధర్నాలో కార్మికులంతా పెద్దఎత్తున పాల్గొనాలని పిలుపునిచ్చారు. కార్యక్రమంలో నాయకులు బి.పాపారావు, బి.రామునాయుడు, గంగరాజు, లక్ష్మణరావు తదితరులు పాల్గొన్నారు.

విజయనగరం టౌన్‌: వివిధ క్రిమినల్‌ కేసుల్లో నిందితులను అరెస్టు చేసే సమయంలో వ్యక్తిని పూర్తిస్థాయిలో విచారణ చేసి, చిరునామా, ఆధార్‌, పాన్‌, బ్యాంక్‌, ఫోన్‌ నంబర్లు, కుటుంబ సభ్యుల వివరాలను, ఫొటోలు, వారి ఫోన్‌ నంబర్లు, పనిచేస్తున్న కార్యాలయం చిరునామా వంటి పూర్తి వివరాలను సేకరించి స్టేషన్‌ రికార్డుల్లో భద్రపర్చాలని పోలీస్‌ అధికారులను ఎస్పీ ఏఆర్‌ దామోదర్‌ ఆదేశించారు. ఈ మేరకు జిల్లాలో వివిధ స్టేషన్‌లలో పనిచేస్తున్న పోలీసు అధికారులతో ఎస్పీ ఏఆర్‌.దామోదర్‌ శుక్రవారం జిల్లా పోలీసు కార్యాలయంలో మాసాంతర నేర సమీక్షా సమావేశం నిర్వహించారు. స్థానిక సంస్థలకు ఎన్నికలు రానున్న నేపథ్యంలో పెండింగులో ఉన్న నాన్‌ బెయిల్‌బుల్‌ వారెంట్లను ఎగ్జిక్యూట్‌ చేయాలని, ఎగ్జిక్యూట్‌ చేయని వారంట్లకు సహేతుకరమైన కారణాలను తెలపాలని స్పష్టం చేశారు. గ్రామాల్లో సమస్యలు సృష్టించే వ్యక్తులను పార్టీలకతీతంగా గుర్తించి, వారిపై బైండోవర్‌ కేసులు నమోదుచేయాలని, మండల ఎగ్జిక్యూటివ్‌ ఆఫీసుల్లో , సెక్యురిటీగా బాండ్‌లను ఎగ్జిక్యూట్‌ చేయాలని సూచించారు. కేసుల దర్యాప్తును పూర్తిగా పరిశీలించిన తర్వాతనే న్యాయస్ధానాల్లో అభియోగపత్రాలను దాఖలు చేయాలన్నారు. సీసీ కెమెరాల పట్ల అవగాహన కల్పించాలి నేరాల నియంత్రణకు క్రైమ్‌ ఫ్రోన్‌ ప్రాంతాల్లో సీసీ కెమెరాలను ఏర్పాటుచేయాలని, సీసీ కెమెరాలు ఏర్పాటుచేయడం పట్ల షాపు యజమానులు, గృహ సముదాయాల యజమానులకు అవగాహన కల్పించాలన్నారు. స్థానిక సంస్ధల ఎన్నికలను సజావుగా, శాంతియుతంగా నిర్వహించేందుకు పల్లెనిద్ర, గ్రామసభలను చేపట్టాలని, ఎన్నికల నిబంధనలు, ప్రవర్తనా నియమావళి పట్ల అవగాహన కల్పించాలన్నారు. మున్సిపల్‌ ఎన్నికలు, పైడితల్లి అమ్మవారి పండగలో ఎటువంటి అవాంఛనీయ సంఘటనలు జరగకుండా విజయవంతంగా పూర్తిచేసేందుకు అధికారులు సిద్ధం కావాలన్నారు. రహదారి ప్రమాదాల నియంత్రణకు ఏర్పాటుచేస్తున్న స్టాపర్లు, రాత్రి సమయాల్లో వాహనదారులకు కనిపించే విధంగా వాటిపై రేడియం స్టిక్కర్లను ఏర్పాటుచేయాలని అధికారులను ఆదేశించారు. మిస్సింగ్‌ కేసుల్లో అదృశ్యమైన వ్యక్తులను గుర్తించాలని, వారి ఫోటోలను 360 డిగ్రీస్‌ యాప్‌లో అప్‌లోడ్‌ చేసి, విచారణ చేపట్టాలని అధికారులను ఆదేశించారు. వివిధ పోలీసుస్టేషన్‌లో నమోదై , దర్యాప్తులో ఉన్న లాంగ్‌ పెండింగు కేసులను, ఎస్‌సి, ఎస్‌టి, పోక్సో, ఎన్‌డీపీఎస్‌, మిస్సింగ్‌, చోరీ కేసులను, మహిళలపై జరుగుతున్న దాడులు కేసులను , గ్రేవ్‌, నాన్‌గ్రేవ్‌, ఎన్‌ఫోర్స్‌మెంట్‌ కేసులను ఎస్పీ సమీక్షించి, ఆయా కేసుల దర్యాప్తు పెండింగులో ఉండడానికి గల కారణాలను సంబంధిత అధికారులను అడిగి తెలుసుకుని, దర్తాప్తు పూర్తి చేయడానికి అధికారులకు దిశా నిర్దేశం చేశారు. సమావేశంలో అడ్మిన్‌ ఎస్పీ పి.సౌమ్యలత, విజయనగరం డీఎస్పీ ఎస్‌.లక్ష్మణమూర్తి, బొబ్బిలి డీఎస్పీ ఆర్‌.గోవిందరావు, చీపురుపల్లి డీఎస్పీ ఎస్‌.రాఘవులు, ఎస్సీ, ఎస్టీ సెల్‌ డీఎస్పీ ఎం.వీరకుమార్‌, న్యాయసలహాదారులు వై.పరశురామ్‌, పలువురు సీఐలు, ఎస్సైలు, ఇతర పోలీసు అధికారులు, సిబ్బంది పాల్గొన్నారు. ఎస్పీ ఏఆర్‌ దామోదర్‌

విజయనగరం ఫోర్ట్‌: ఈ ఫొటోలో కనిపిస్తున్న మహిళ పేరు డి.వరలక్ష్మి. ఈమెది విజయనగరం పట్టణంలోని తోటపాలేం గ్రామం. తన భర్త ఆదినారాయణకు పార్కిన్‌సెన్స్‌ అనే వ్యాధి ఉండడంతో ప్రభుత్వ సర్వజన ఆస్పత్రిలో చూపించారు. అతడిని పరీక్షించిన వైద్యులు వ్యాధి తగ్గడానికి పలు రకాల మందులు రాసి ఇచ్చారు. అవి పట్టుకుని మందుల గది వద్దకు వెళ్లారు. వైద్యులు రాసిన మందుల్లో సగమే అక్కడ సిబ్బంది ఇవ్వడంతో ఎందుకు తక్కువ ఇచ్చారని అడగడంతో మందులు తక్కువ ఉన్నాయి, అందుకే తక్కువ ఇచ్చానని చెప్పడంతో చేసేది లేక ఇంటికి వెళ్లి పోయారు. మిగతా మందులు ప్రైవేటు మందుల దుకాణంలో రూ.2 వేలు పెట్టి కొనుగోలు చేశారు. విజయనగరం కామాక్షినగర్‌కు చెందిన కన్నా అనే వ్యక్తి నరాల సంబంధిత వ్యాధితో బాధపడుతున్నాడు. అతను కూడా ప్రభుత్వ సర్వజన ఆస్పత్రిలో వైద్యులను ఆశ్రయించాడు. ఓపీ చీటిపై జబ్బునయమయ్యేందుకు అవసరమైన మందులు రాసి ఇచ్చారు. ఇతనికి కూడా సగం మందులు ఇచ్చారు. దీంతో నిరాశతో వెనుదిరిగారు. వీరు ఇద్దరికే కాదు. వందలాది మంది రోగులకు ఇదే పరిస్థితి ఎదురవుతోంది. జిల్లాలోనే అతిపెద్ద ప్రభుత్వాస్పత్రి అయిన సర్వజన ఆస్పత్రిలో మందులు లేకపోవడం రోగులు, వారి బంధువులను ఆవేదనకు గురిచేస్తోంది. అప్పుచేసి ప్రైవేటు దుకా ణాల్లో మందులు కొనుగోలు చేయాల్సిన దుస్థితి నెలకొంది. ప్రతి రోజు ఆస్పత్రిలో ఓపీ 1200 నుంచి 1400 వరకు నమోదవుతుంది. ఇన్‌పేషేంట్లుగా 100 మంది వరకు చేరుతారు. వైద్యులు రోగులను పరీక్షించి మందులు రాసినా పూర్తిస్థాయిలో ఇవ్వక పోవడంపై ఆందోళన వ్యక్తమవుతోంది. వైద్యులు 60 రాస్తే 30 మాత్రలు, 90 రాస్తే 50 మాత్రలు, 30 రాస్తే 15 మాత్రలు ఇస్తున్నారని రోగులు ఆరోపిస్తున్నారు. రోగుల ఆరోగ్యం పట్ల చంద్రబాబు సర్కార్‌ చిన్నచూపు చూస్తోందని విమర్శిస్తున్నారు. వైద్యులు సూచించిన ప్రకారం మందులు పూర్తి స్థాయిలో ఇవ్వాలి. మందులు తక్కువగా ఉంటే ప్రస్తుతం కొన్ని ఇచ్చి కొద్ది రోజుల తర్వాత మళ్లీ రమ్మని మిగిలినవి ఇస్తారు. – డాక్టర్‌ అల్లు పద్మజ, సూపరింటెండెంట్‌, ప్రభుత్వ సర్వజన ఆస్పత్రి

కొత్తవలస: జాతీయ స్థాయి కరాటే పోటీల్లో కొత్తవలస మండలంలోని అర్ధానపాలెం గ్రామం సమీపంలో గల ఏపీ మోడల్‌ స్కూల్‌లో ఇంటర్‌ ప్రథమ సంవత్సరం చదువుతున్న గనివాడ సాయిచైతన్య బంగారు పతకం సాధించినట్లు ప్రిన్సిపాల్‌ జి.ప్రసన్న శుక్రవారం తెలిపారు. మండలంలోని తుమ్మికాపల్లి గ్రామం సమీపంలో గల ఎన్‌ఎస్‌ఆర్‌ కల్యాణ మంటపంలో ఇటీవల జాతీయస్థాయి కరాటే బెల్ట్‌ పోటీలను నిర్వహించారు.ఈ పోటీలకు దేశంలో గల 14 రాష్ట్రాలకు చెందిన సుమారు 700 మందికి పైగా క్రీడాకారులు పాల్గొన్నారు. ఈ పోటీల్లో సాయిచైతన్య విశేష ప్రతిభ కనబరిచి బంగారు పతకం సాధించినట్లు ఆమె తెలిపారు.ఈ సందర్భంగా సాయిచైతన్యను బోధనా సిబ్బంది శివప్రసాద్‌, పీడీ పి.మణి తదితరులు అభినందించారు. ఆర్టీసీలో ఐటీఐ అప్రెంటిస్‌షిప్‌ దరఖాస్తుల స్వీకరణపార్వతీపురం రూరల్‌: ఏపీఎస్‌ఆర్టీసీలో ఐటీఐ అప్రెంటిస్‌షిప్‌ కోసం ఆన్‌న్‌లైన్‌లో దరఖాస్తులు స్వీకరిస్తున్నట్లు పార్వతీపురం మన్యం జిల్లా ప్రజా రవాణా అధికారి శ్రీ గౌతమ్‌ ఛటర్జీ తెలిపారు. జిల్లాలో డీజిల్‌ మెకానిక్‌, మోటార్‌ మెకానిక్‌, ఎలక్ట్రీషియన్‌, డ్రాఫ్ట్‌మెన్‌ సివిల్‌ విభాగాల్లో ఖాళీలు ఉన్నాయని వెల్లడించారు. అర్హులైన అభ్యర్థులు //డబ్ల్యూ డబ్ల్యూ డబల్యు.అప్రెంటిస్‌షిప్‌ ఇండియా.జివోవి.ఇన్‌// వెబ్‌సైట్‌ ద్వారా అక్టోబర్‌ 11 నుంచి 26వ తేదీ లోపు ఆన్‌లైన్‌లో దరఖాస్తు చేసుకోవాలని, ఆ తర్వాత వచ్చే దరఖాస్తులు పరిగణనలోకి తీసుకోరని స్పష్టం చేశారు. ఆన్‌లైన్‌లో దరఖాస్తు చేసుకున్న విజయనగరం, పార్వతీపురం మన్యం, శ్రీకాకుళం జిల్లాల అభ్యర్థులకు అక్టోబర్‌ 30న ఉదయం 10 గంటలకు విజయనగరం వీటీ అగ్రహారంలోని ఆర్టీసీ జోనల్‌ స్టాఫ్‌ ట్రైనింగ్‌ కళాశాలలో ధ్రువీకరణ పత్రాల పరిశీలన జరుగుతుంది. అభ్యర్థులు రిజిస్ట్రేషన్‌ ఫారం, పదో తరగతి, ఐటీఐ మార్కుల జాబితాలు, కుల, నివాస ధ్రువీకరణ పత్రాలు, ఆధార్‌, పాన్‌కార్డు, బయోడేటాతో పాటు అసలు సర్టిఫికెట్లు, ఒక సెట్‌ జిరాక్స్‌ కాపీలను వెంట తీసుకురావాలి. సర్టిఫికెట్ల పరిశీలన సమయంలో అభ్యర్థులు రూ.118 ప్రాసెసింగ్‌ ఫీజు చెల్లించాల్సి ఉంటుంది. ఇదివరకే అప్రెంటిస్‌షిప్‌ పూర్తి చేసిన వారు దరఖాస్తుకు అనర్హులు. ఇతర సందేహాలకు పని వేళల్లో ఫోన్‌ 08922–294906 నంబరును సంప్రదించవచ్చని సూచించారు. రన్నింగ్‌ ట్రైన్‌లో మొబైల్స్‌ దొంగ అరెస్ట్‌విజయనగరం టౌన్‌: రైల్వేస్టేషన్‌, ఫ్లాట్‌ఫామ్‌, రన్నింగ్‌ ట్రైన్స్‌లో ప్రయాణికుల వద్ద మొబైల్‌ ఫోన్‌లను దొంగతనం చేస్తున్న ఛత్తీస్‌గఢ్‌ రాష్ట్రం, రాయపూర్‌కి చెందిన శత్రుఘ్న అనే వ్యక్తిని ఆర్‌పీఎఫ్‌, జీఆర్‌పీ సిబ్బంది శుక్రవారం విజయనగరం రైల్వేస్టేషన్‌లో గుర్తించి అదుపులోకి తీసుకున్నారు. నిందితుడి నుంచి రూ. 20వేలు విలువ కలిగిన మొబైల్‌ను స్వాధీనం చేసుకుని, నిందితుడిని అరెస్టు చేసి, రిమాండ్‌ నిమిత్తం రైల్వేకోర్టుకు తరలించారు. కార్యక్రమంలో ఆర్‌పీఎఫ్‌ ఎస్సై గోవిందరావు, జీఆర్‌పీ హెచ్‌సీ రవికుమార్‌, తదితరులు పాల్గొన్నారు.పాము కాటుతో వ్యక్తి మృతితెర్లాం: మండలంలోని అప్పలంపేట గ్రామంలో పాముకాటుకు గురైన ఓ వ్యక్తి మృతి చెందాడు, ఈ సంఘటనకు సంబంధించి తెర్లాం ఎస్సై బి.సాగర్‌బాబు శుక్రవారం తెలిపిన వివరాలిలా ఉన్నాయి. గ్రామానికి చెందిన సాకేటి నాగభూషణరావు(51) గురువారం సాయంత్రం పొలానికి వెళ్లి తిరిగి ఇంటికి వస్తుండగా గట్టుపై పాము కాటువేసింది. వెంటనే చికిత్స నిమిత్తం రాజాంలోని ఆస్పత్రికి తరలించగా పరిస్థితి విషమించడంతో మెరుగైన వైద్య సేవలు అందించేందుకు శ్రీకాకుళం రిమ్స్‌ ఆస్పత్రికి తరలించారు. అక్కడ చికిత్స పొందుతూ శుక్రవారం ఉదయం మృతి చెందాడు. మృతుడికి భార్య కల్యాణి, వివాహితుడైన కుమారుడు సాయి ఉన్నారు. భర్త మృతి చెందడంతో తనకు దిక్కెవరంటూ భార్య కన్నీరుమున్నీరుగా విలపిస్తోంది. మృతుని కుటుంబ సభ్యుల ఫిర్యాదుపై ఎస్సై కేసు నమోదు చేసి దర్యాప్తు చేస్తున్నారు.

● శాసన మమండలి విపక్షనేత బొత్స సత్యనారాయణ బాడంగి: ప్రజలకు ఉచిత హామీలిచ్చి మోసం చేసిన కూటమిని రానున్న స్థానిక సంస్థల ఎన్నికల్లో మట్టి కరిపిద్దామని మాజీ మంత్రి, శాసనమండలి విపక్షనేత బొత్స సత్యనారాయణ వైఎస్సార్‌సీపీ శ్రేణులకు పిలుపునిచ్చారు. బాడంగిలోని స్వామి కల్యాణ మండపం వద్ద పార్టీ మండలాధ్యక్షుడు యామల శివప్రసాద్‌ అధ్యక్షతన శుక్రవారం నిర్వహించిన వైఎస్సార్‌సీపీ మండల విస్తృతస్థాయి సమావేశంలో ఆయన మాట్లాడారు. రాష్ట్రంలో రెండున్నరేళ్లుగా అరాచక పాలన సాగుతోందన్నారు. రైతులు కరువుతో అలమటిస్తున్నా పట్టించుకునేవారే కరువయ్యారన్నారు. నిత్యావసర సరుకుల ధరలు మండిపొతున్నాయని, పచ్చడికి శనగపప్పు కుడా కొనుక్కోలేని స్థితిలో ప్రజలు బాధపడుతున్నా పాలకులకు పట్టడంలేదన్నారు. అధికారం కట్టబెట్టిన ప్రజలను కూటమి నేతలు చిన్నచూపు చూస్తున్నారన్నారు. ప్రజా సంక్షేమం పట్టడం లేదని విమర్శించారు. ఎన్నికల్లో 50 ఏళ్లకే పింఛన్‌, నిరుద్యోగభృతి, ఆడబిడ్డ నిధి కింద మహిళలకు నెలకు రూ.1500 ఇస్తామని హామీ ఇచ్చి మోసం చేశారన్నారు. డ్వాక్రా మహిళలకు సున్నావడ్డీ అందకపోవడంతో ఇప్పుడు వడ్డీలు భరించలేక సంఘాల నుంచి తప్పుకుంటున్నారన్నారు. రైతులకు ఎరువులు, పంట నష్టపరిహారం వంటివి అందే పరిస్థితులు కనిపించడంలేదన్నారు. దాచుకోవడం, దోచుకోవడం తప్ప ఈ ప్రభుత్వానికి వేరే ఆలోచన లేదని విమర్శించారు. బీసీలకు 34శాతం రిజర్వేషన్‌ కల్పిస్తామంటూ మోసం చేసేందుకు ప్రయత్నించి కోర్టులో భంగపడ్డారన్నారు. కార్యకర్తలే వైఎస్సార్‌సీపీ బలమని, బాడంగి మండలంలో సుమారు 9 వేల మంది క్రియాశీలక కార్యకర్తలకు గుర్తింపు కార్డులు ఇచ్చినట్టు తెలిపారు. స్థానిక సంస్థల ఎన్నికల్లో పార్టీ అభ్యర్థుల విజయానికి సమష్టిగా కృషిచేయాలని పిలుపునిచ్చారు. చంద్రబాబు, కరువు కవలలుగా వస్తాయని, రైతులు, అన్నివర్గాల ప్రజలను అవస్థలకు గురిచేస్తాయని విమర్శించారు. రాష్ట్రంలో వెన్నుపోటునాయకుడు ఎవరని కార్యకర్తలను బొబ్బిలి మాజీ ఎమ్మెల్యే శంబంగి వెంకట చిన అప్పలనాయుడు ప్రశ్నించగా తడుముకోకుండా చంద్రబాబు అని సమాధానమివ్వడంతో సభలో ఒక్కసారిగా చప్పట్లుమోగాయి. మామతో పాటు నమ్మిన ప్రజలకు వెన్నుపొడిచిన నాయకుడు చంద్రబాబని విమర్శించారు. బొబ్బిలిలో బినామీ పాలనకు చరమగీతం పాడాలని పిలుపునిచ్చారు. సూపర్‌ సిక్స్‌ అంటూ హామీలిచ్చి అమలుచేయడంలో చంద్రబాబు ఫ్లాప్‌ అయ్యారని బొత్స తనయుడు, యువ నాయకుడు బొత్స సందీప్‌ అన్నారు. స్థానిక సంస్థల ఎన్నికల్లో కలిసికట్టుగా పనిచేసి వైఎస్సార్‌సీపీ అభ్యర్థులను గెలిపిద్దామన్నారు. వచ్చే సాధారణ ఎన్నికల్లో వై.ఎస్‌.జగన్‌మోహన్‌రెడ్డిని సీఎం చేసుకుందామన్నారు. సమావేశంలో పలువురు కార్యకర్తలకు పార్టీ ఐడీకార్డులను అందజేశారు. కార్యక్రమంలో పార్టీ జిల్లా ప్రధాన కార్యదర్శి శంబంగి వేణుగోపాలనాయుడు, పార్టీ వైద్యవిభాగం రాష్ట్ర ప్రధాన కార్యదర్శి డాక్టర్‌ బొత్సకాశి నాయుడు, పార్టీ జిల్లా అధికార ప్రతినిధి బొద్దాన సత్యనారాయణ, బొబ్బిలి మున్సిపల్‌ మాజీ చైర్మన్‌ ఎస్‌.వెంకట మురళీకృష్ణ, బొబ్బిలిమండల పార్టీ అధ్యక్షుడు తమ్మిరెడ్డి దామోధరరావు, జిల్లా కమిటీ సభ్యుడు ఆవు సత్యనారాయణ, మాజీ జెడ్పీటీసీ సభ్యుడు పెద్దింటి రామారావు, నియోజకవర్గ యువజన విభాగం అధ్యక్షుడు బేతనపల్లి శంకరరావు, మాజీ ఎంపీపీ భోగి గౌరి, మండలంలోని తాజా మాజీ ఎంపీటీసీలు, సర్పంచ్‌లు పాల్గొన్నారు.

విజయనగరం అర్బన్‌: జిల్లాలోని 27 మండలాల పరిధిలోని అన్ని ప్రభుత్వ యాజమాన్య పాఠశాల ల్లో పనిచేస్తున్న ఉపాధ్యాయులు, ఉపాధ్యాయేతర సిబ్బందిలో వైద్య పరమైన కారణాలతో ప్రాధాన్య తా కేటగిరీ ప్రయోజనం పొందుతున్న వారు తమ వైద్య అర్హతలను ధ్రువీకరించుకోవాలని డీఈఓ యు.మాణిక్యంనాయుడు తెలిపారు. ఈ నెల 12, 13, 14 తేదీల్లో విజయనగ రం జిల్లా ఆస్పత్రిలో వైద్య పరీక్షలు చేస్తారని పేర్కొన్నా రు. ఏపీ స్థానిక కేడర్‌ ఏర్పా టు, ప్రత్యక్ష నియామకాల నియంత్రణ ఉత్తర్వులు–2025 ప్రకారం ఈ ప్రక్రి య చేపడుతున్నట్లు వివరించారు. నిర్దేశించిన గడువులోగా వైద్య పరీక్షలు చేయించుకుని కొత్త ధ్రువీకరణ పత్రాలు సమర్పించాలని స్పష్టం చేశారు.

● ఆపన్న హస్తాల కోసం ఎదురు చూస్తున్న పేద కుటుంబంకురుపాం: ఆ చిన్ని గుండెకు పెద్ద కష్టం వచ్చింది. దాతల సహాయం కోసం ఓ నిరుపేద కుటుంబం ఆశగా ఎదురు చూస్తోంది. అభంశుభం తెలియని వయస్సులో గుండెకు సంబంధించిన రోగం రావడంతో ఏం చేయాలో తెలియక అవస్థలు పడుతున్న సమయంలో విజయవాడలోని ఓ ప్రైవేటు ఆస్పత్రిలో ఉచితంగా ఓపెన్‌ హార్ట్‌ సర్జరీ చేసి ప్రాణాలు నిలబెట్టారు. కానీ రోజువారి మందులకు, పలుమార్లు వైద్య తనిఖీలకు, ఇబ్బందులు పడుతున్నారు. సహాయం అందించే ఆపన్న హస్తం కోసం ఆశగా ఎదురు చూస్తున్నారు. కురుపాం మండల కేంద్రంలోని శివ్వన్నపేట లో కొత్తపట్నం కౌశిక్‌ (10) తండ్రి రాము, తల్లి త్రివేణిలు నివాసం ఉంటున్నారు. తండ్రి సిమెంట్‌ పని కూలి చేస్తేనే పూట గడుస్తుంది. కౌశిక్‌ కు గత నెలలో గుండెకు శస్త్ర చికిత్సను విజయవాడలోని హెల్ప్‌ ఆస్పత్రి వారు ఉచితంగా చేసి సహాయం అందించారు. అయితే ప్రతి నెల విజయవాడ వెళ్లి తనిఖీ చేసుకోవాల్సి ఉంది. మందులు కొనుక్కో వడానికి ఆర్థికంగా బాగా ఇబ్బంది పడుతున్నారు. ఈ సమస్యల పరిష్కారానికి కలెక్టర్‌ నిర్వహించే ప్రజా సమస్యల పరిష్కార వేదికలో విన్నవించుకోగా ఇలాంటి కేసులకు ఆర్థికంగా సహాకారం అందించే పథకం ఏదీ లేదని మందుల కోసం సమీప మాదలింగి పీహెచ్‌సీకి వెళ్లాలని సూచించారు. అక్కడికి వెళ్తే ఈ మందులు ఇక్కడ దొరకవు పార్వతీపురం ఏరియా ఆస్పత్రికి వెళ్లాలని సూచించారని ఇలా తిరగడమే మిగులుతుందని రోజు రోజుకు తమ కుమారుడి ఆరోగ్యం క్షీణిస్తోందని ఆవేదన వ్యక్తం చేస్తూ దాతలు కనికరించి ఆర్థిక సాయం అందజేయాలని నిరుపేద తల్లిదండ్రులు కోరుతున్నారు.

రాజాం: పేదలకు కార్పోరేట్‌వైద్యం అందించాలనే లక్ష్యంతో గత వైఎస్‌ఆర్‌ కాంగ్రెస్‌ పార్టీ ఎంతో కృషిచేసింది. పేదలకు మెరుగైన వైద్యం అందించేందుకు ఆరోగ్యశ్రీ అమలుతో పాటు ప్రభుత్వ ఆస్పత్రుల్లో ఇంటిగ్రేటెడ్‌ ల్యాబ్‌లు, ఆపరేషన్‌ థియేటర్లు, ఆక్సిజన్‌ ప్లాంట్లు ఏర్పాటు చేసింది. అరకొరగా ఉన్న వైద్యుల పోస్టులు భర్తీచేసింది. ప్రతి మూడునెలలకు ఒక దఫా ఆస్పత్రి అభివృద్ధి కమిటీ సమావేశాలను పక్కాచేసింది. అందులో ప్రస్తావించే సమస్యలను ఆరు నెలల వ్యవధిలో పరిష్కరించేది. ఇప్పుడు ఆ పరిస్థితి మారింది. ఆస్పత్రి అభివృద్ధి కమిటీల సమావేశాలు తూతూ మంత్రంగానే జరుగుతున్నాయి. అంతేకాకుండా గత ప్రభుత్వం ఏర్పాటుచేసిన ఆపరేషన్‌ థియేటర్లు, ల్యాబ్‌లు సేవలు అంతంత మాత్రంగానే కనిపిస్తున్నాయి. వైద్యుల్లో అలసత్వం, పాలకమండలి పట్టించుకోకపోవడం, అభివృద్ధి కమిటీల అడ్రస్‌లేకపోవడంతో ప్రభుత్వ ఆస్పత్రుల్లో పేదలకు వైద్యం అందని ద్రాక్షగా మారుతోంది. ఓపీలు ఎక్కువే..ఆపరేషన్లు తక్కువ రాజాం ఏరియా ఆస్పత్రిలో ఆర్థోపెడిక్‌ విభాగానికి డిమాండ్‌ ఉంది. ప్రతిరోజూ 10 నుంచి 15మందికి వరకూ రోగులు ఆర్థో విభాగానికి వస్తున్నారు. వారిలో ఎముకలు విరిగినవారు, మోకాళ్లు, నడుము, కండరాల సమస్యలతో బాధపడుతున్నవారంతా వస్తున్నారు. ప్రమాదాల బారిన పడి గాయాలైనవారు సైతం ఇక్కడి ఆస్పత్రినే తొలుత ఆశ్రయిస్తున్నారు. వారందరికీ ఓపీ వైద్య పరీక్షల అనంతరం ఆపరేషన్ల నిమిత్తం ఇక్కడి వైద్యులు ప్రైవేట్‌ ఆస్పత్రులను సూచిస్తున్నారు. దగ్గరుండి ఫలానా ఆస్పత్రికి వెళ్తే ఆరోగ్యశ్రీ వర్తిస్తుందని, రూ.10వేల నుంచి రూ.50 వేలు అదనంగా చెల్లిస్తే మంచి వైద్యం అందుతుందని, ఇక్కడ ప్రభుత్వ ఆస్పత్రిలో చేరితే ఫలితమేమీ ఉండదని వైద్యులే నేరుగా చెబుతున్నారు. మేం అంత డబ్బులు పెట్టుకోలేమని చెప్పేవారిని శ్రీకాకుళం, విజయనగరం, విశాఖపట్నం ఆస్పత్రులకు రిఫర్‌చేసి పంపించేస్తున్నారు. చిన్నచిన్న సమస్యలకు ఇక్కడే కట్లు కట్టి మమ అనిపిస్తున్నారు. వారికి కూడా ఆస్పత్రిలో ల్యాబ్‌, ఎక్స్‌రే విభాగాలు ఉన్నా పైవేట్‌ ల్యాబ్‌ సెంటర్లకు పంపించి రిపోర్టులు తెప్పించుకుంటున్నారు. అక్కడి నుంచి ప్రైవేట్‌ ఆస్పత్రులకు తరలింపు చేసి, లోపాయికారీ ఒప్పందాలకు పాల్పడుతున్నారనే ఆరోపణలు ఉన్నాయి. నెలకు కనీసం 30 ఆపరేషన్లు కూడా ఇక్కడ నమోదుకాకపోవడం ఒక ఎత్తైతే, కాస్తో కూస్తో ఆర్థో వైద్యసేవలు కట్టుకట్టడం వంటివి కావడం మరో ఎత్తు. ముగ్గురు ఉన్నా..ఫలితం సున్నా.. రాజాం ఏరియా ఆస్పత్రి పరిధిలో 5 లక్షలకు పైగా జనాభా ఉంది. ఇందులో సాధారణ, మధ్యతరగతి కుటుంబాలు అధికంగా ఉన్నాయి. ఇక్కడి ఆస్పత్రిలో అన్నిరకాల వైద్యసేవలు, వైద్య పరీక్షలు అందుబాటులో ఉన్నాయని ప్రచారం చేసుకుంటున్న అధికారులు ఆర్థోవిభాగంలో పేదలకు సకాలంలో సేవలు అందించ లేకపోతున్నారనే విమర్శలు వెల్లువెత్తుతున్నాయి. ఒక రెగ్యులర్‌ ఆర్థో వైద్యుడితో పాటు ఇద్దరు పీజీ వైద్యులు ఉన్నారు. ముగ్గురున్నప్పటికీ ఏ ఒక్కరూ సకాలంలో స్పందిండంలేదని, ఆస్పత్రిలో ఓపీ తీసుకుని వైద్యం నిమిత్తం చేరితే ఒకటి రెండు రోజులు దాటితేకానీ వైద్యం చేయడంలేదని, ఆపరేషన్లు చేయాల్సిన వైద్యానికి కట్టుకట్టి విడిచిపెడుతున్నారని రోగులు వాపోతున్నారు. ఇప్పటికై నా ఉన్నతాధికారులు స్పందించి ఇక్కడి ఆర్థోసేవలపై దృష్టిసారించాలని, ఆపరేషన్లు వంటివి చేయాలని కోరుతున్నారు. నిర్లక్ష్యం వహిస్తున్న వైద్యులపై చర్యలకు డిమాండ్‌ చేస్తున్నారు. ఈ సమస్యపై ఆస్పత్రి సూపరింటెండెంట్‌ దామోదర్‌ ప్రధాన్‌ వద్ద సాక్షి ప్రస్తావించగా రాజాం ఏరియా ఆస్పత్రిలో ఆర్థో సేవలు బాగానే జరుగుతున్నాయని, చిన్నచిన్నలోటుపాట్లు ఉంటాయని వెల్లడించారు. ముగ్గురు వైద్యులతో సేవలు అందిస్తున్నామని చెప్పారు. ఇక్కడ వైద్యంకుదరకపోతే ఇతర ఆస్పత్రులకు పంపిస్తున్నట్లు ఉన్నారని, దర్యాప్తు చేస్తామని పేర్కొన్నారు. రోజు గడిచినా పట్టించుకోలేదుమేం ఆస్పత్రిలో చేరి ఒకరోజు అవుతోంది. ఇంట్లో పనిచేస్తుండగా జారడంతో చేయి మలపడింది. విరిగినట్లు అనిపిస్తోంది. ఇక్కడికి వచ్చి ఓపీ తీసుకుంటే వార్డులో ఉండమన్నారు. ఇంతవరకూ ఎవరూ రాలేదు..పట్టించుకోలేదు. ఎక్స్‌రే, స్కానింగ్‌ వంటివి చేయలేదు. బ్లడ్‌ టెస్టు చేయాలన్నారు..అది కూడా చేయలేదు. ఇక్కడ వైద్యం చేస్తారో..చేయరో తెలియని పరిస్థితి కనిపిస్తోంది. జి.పార్వతి, రాజాం.

విజయనగరం క్రైమ్‌: దసరా సందర్భంగా విజయనగరం కాంప్లెక్స్‌ నుంచి ప్రత్యేక బస్సులు నడు పుతున్నట్టు ఆర్టీసీ జిల్లా ప్రజా రవాణా అధికారి వరలక్ష్మి శుక్రవారం తెలిపారు. విశాఖపట్నం, సింహాచలం, అనకాపల్లి, శ్రీకాకుళం, చీపురుపల్లి, పాలకొండ, సాలూరు, పార్వతీపురం, ఎస్‌.కోట రూట్‌లలో 100 సర్వీసులు నడుపుతామన్నారు. ఆదివా రం అదనంగా 10 స్పెషల్స్‌ బస్సులు, సోమ వారం 15 స్పెషల్స్‌ బస్సులు వేస్తామని చెప్పా రు. దూర ప్రాంత సర్వీసులను కూడా పెంచామని, ప్రయాణికులు ఈ ప్రత్యేక సర్వీసులను సద్వినియోగం చేసుకోవాలని కోరారు. విజయనగరం ఫోర్ట్‌: ఆడపిల్లల పట్ల వివక్ష చూపకూడదని డీఎంహెచ్‌ఓ జీవనరాణి అన్నా రు. అంతర్జాతీయ బాలికల దినోత్సవం సందర్భంగా శుక్రవారం విజయనగరం జిల్లా వైద్య ఆరోగ్యశాఖ కార్యాలయం వద్ద నిర్వహించిన ర్యాలీని జెండా ఊపి ప్రారంభించారు. ఈ సందర్భంగా ఆమె మాట్లాడుతూ పిల్లలను సమభావంతో చూడాలన్నారు. ప్రస్తుత రోజుల్లో ఆడపిల్లలు అన్ని రంగాల్లో రాణిస్తున్నారన్నా రు. కార్యక్రమంలో డిప్యూటీ డీఎంహెచ్‌ఓ ఎన్‌.సూర్యనారాయణ, డాక్టర్‌ దీప్‌ చంద్‌, తదితరు లు పాల్గొన్నారు. పార్వతీపురం రూరల్‌: ఆడుకుందామని ఉత్సాహంగా చెట్టెక్కిన ఓ బాలుడు ప్రమాదవశాత్తూ కిందపడి తీవ్రంగా గాయపడిన ఘటన విజయనగరం జిల్లా గుమ్మలక్ష్మీపురం మండలం పెదఖర్జ గ్రామంలో చోటు చేసుకుంది. గ్రామానికి చెంది న మండంగి సుమన్‌ కుమారుడు వరుణ్‌ తేజ్‌ స్థానిక ప్రభుత్వ పాఠశాలలో ఏడవ తరగతి చదువుతున్నాడు. సాయంత్రం సమయంలో ఆడుకునేందుకు ఇంటి ఆవరణ లోని పూలచెట్టు ఎక్కాడు. అదుపుతప్పి బాలు డు కిందకు జారి పడిపోయాడు. ఈ క్రమంలో కింద ఉన్న ఓ కర్ర ముక్క బాలుడి ఎడమ కాలి తొడ భాగంలోకి బలంగా గుచ్చుకుంది. తొడ కింద నుంచి పైకిరావడంతో కుటుంబ సభ్యు లు ఆందోళనకు గురయ్యారు. వెంటనే పార్వతీపురం జిల్లా ఆస్పత్రికి తరలించారు. అక్కడ వైద్యులు బాలుడికి ప్రాథమిక చికిత్స అందించారు. గాయం తీవ్రత ఎక్కువగా ఉండడం, కర్రముక్క కాలిలో ప్రమాదకరంగా ఇరుక్కుపోవడంతో మెరుగైన వైద్యం నిమిత్తం విశాఖ కేజీహెచ్‌కు తరలించారు.

● బీసీలపై చంద్రబాబుది కపట ప్రేమ.. ● జిల్లాలో బీసీలకు పదవులెక్కడ? ● ఎన్నికల వేళే గుర్తుకొస్తారా.. ● జనాభాలో సగానికిపైగా.. రాజకీయ ప్రాతినిధ్యంలో మాత్రం అన్యాయమా.. ముఖ్యమంత్రి చంద్రబాబునాయుడుకి బీసీలు అంటే నచ్చదు. ఎన్నికల్లో బీసీల ఓట్లు కోసం ఉత్తుత్తి హామీలు ఇస్తుంటారు. అధికారంలోకి వచ్చిన తరువాత బీసీలకు ఎసరుపెడుతుంటారు. ఇదంతా ప్రతి ఎన్నికలో టీడీపీ అనుసరిస్తున్న విధానం. గత వైఎస్సార్‌సీపీ ప్రభుత్వం బీసీలకు పెద్దపీట వేసింది. స్థానిక సంస్థలు, నామినేటెడ్‌ పదవులతో పాటు అన్ని రంగాల్లో బీసీలకు ప్రాధాన్యం ఇచ్చింది. ఇప్పుడున్న కూటమి ఎన్నికలు ముందు ఇచ్చిన హమీలు నిలబెట్టుకోలేకపోయింది. కోర్టులో బీసీల రిజర్వేషన్లు పెంపును దక్కించుకునే అవకాశం ఉన్నా పట్టించుకోకుండా వదిలేసింది. – రాగోలు రమేష్‌నాయుడు, బీసీ సంఘనాయకుడు, గోవిందపురం, సంతకవిటి మండలం విజయనగరం అర్బన్‌/రాజాం/దత్తిరాజేరు: బీసీలకు 34 శాతం రిజర్వేషన్లు అంటూ సీఎం చంద్రబాబు డ్రామాలకు సుప్రీంకోర్టు తీర్పు చెంపపెట్టుగా మారింది. బీసీలపై కపటప్రేమ కోర్టు సాక్షిగా బట్టబయలైంది. రాజకీయంగా సముచిత స్థానం కల్పిస్తామంటూ.. స్థానిక సంస్థల ఎన్నికల్లో 34 శాతం రిజర్వేషన్లు అమలు చేస్తామంటూ జారీ చేసిన జీఓలు తీరా.. న్యాయస్థానంలో నిలవకపోవ డం ప్రభుత్వం తీరుపై అనుమానాలు వ్యక్తమవుతున్నాయి. జిల్లా రాజకీయాల్లో ఈ అంశం మరోసారి చర్చనీయాంశమైంది. ఈ నిర్ణయాలు నిలువవని తెలిసీ న్యాయస్థానాలను ఆశ్రయించడం చూస్తుంటే ... బీసీలకు నిజంగా రాజకీయ ప్రాతినిధ్యం కల్పించాలన్న చిత్తశుద్ధి చంద్రబాబు ప్రభుత్వానికి ఉందా? లేక ఎన్నికల వేళ వారి మద్దతు పొందేందుకే రిజర్వేషన్ల అంశాన్ని రాజకీయంగా ఉపయోగించుకుంటోందా? అన్న ప్రశ్నలు బీసీ వర్గాల నుంచి వినిపిస్తున్నాయి. ఈ పరిణామంపై ప్రతిపక్ష వర్గాలు, బీసీ సంఘాల్లోని కొందరు నాయకులు తీవ్రంగా స్పందిస్తున్నారు. న్యాయపరమైన చిక్కులు ఎదుర య్యే అవకాశాలను ముందుగానే పరిశీలించి, వాటిని అధిగమించే విధంగా చర్యలు తీసుకోవాల్సిన బాధ్యత ప్రభుత్వంపై లేదా? అని ప్రశ్నిస్తున్నా రు. బీసీలకు మేలు చేయాలన్న లక్ష్యం నిజమైతే, కోర్టులో నిలిచేలా అవసరమైన ప్రక్రియను పూర్తి చేసి రిజర్వేషన్లు అమలు చేయాల్సిందని అభిప్రా యపడుతున్నారు. బీసీ వర్గాల సామాజిక, విద్యా, ఆర్థిక పరిస్థితులు, జనాభా, స్థానిక సంస్థల్లో ప్రాతనిధ్యం తదితర అంశాలను అధ్యయనం చేసేందుకు ప్రభుత్వం ఏర్పాటు చేసిన స్వతంత్ర డెడికేటెడ్‌ కమిషన్‌ నివేదిక గత ఆగస్టులోనే సమర్పించినప్పటికీ దాని వివరాలు, సిఫార్సులు ప్రజలకు పూర్తి స్థాయి లో అందుబాటులో లేకపోవడం అనేక ప్రశ్నలకు తావిస్తోంది. రిజర్వేషన్ల పేరుతో హామీలు ఇచ్చి, చివరకు న్యాయపరమైన అడ్డంకులు ఎదురైతే బీసీలకు ప్రయోజనం ఏమిటన్న ప్రశ్న బీసీ వర్గాల నుంచి వ్యక్తమవుతోంది. బీసీల సంక్షేమం, రాజకీయ ప్రాతినిధ్యం పేరుతో జీఓలు జారీ చేసి, ఆ తర్వాత న్యాయపరమైన అడ్డంకులు ఎదురైతే నష్టపోయేది బీసీ వర్గాలేనన్న అభిప్రాయం వ్యక్తమవుతోంది. 65 శాతం మంది బీసీలే ఉన్నా... జిల్లాలోని 27 మండలాల్లో దాదాపు 65 శాతం వరకు జనాభా బీసీ వర్గాలకు చెందిన వారే. గ్రామీణ, పట్టణ ప్రాంతాల్లో బీసీలకు తగిన రాజకీయ ప్రాతినిధ్యం దక్కాలంటే రాష్ట్రస్థాయిలో రిజకూటమి ప్రభుత్వం బీసీలపట్ల మెతకవైఖరి అనుసరిస్తోంది. లక్షల్లో ఉద్యోగాలు తీస్తామని చెప్పి హామీని నిలబెట్టుకోలేకపోయింది. గత ప్రభుత్వం సచివాలయ ఉద్యోగాలతో పాటు వలంటీర్లు నియామకంలో, ఇతర అవుట్‌సోర్సింగ్‌ ఉద్యోగాల్లో బీసీలకు ప్రాధాన్యత ఇచ్చింది. ఇప్పుడున్న ప్రభుత్వం 25 శాతం (బీసీ–ఈతో కలిపి 29 శాతం) కూడా దాటని పరిస్థితి ఉంది. అటు స్థానిక సంస్థల్లో ఇచ్చిన మాట నిలబెట్టుకోలేని కూటమి ప్రభుత్వం, ఇటు ఉద్యోగాల్లో సైతం బీసీలకు న్యాయం చేయలేని పరిస్థితి ఉంది. రాష్ట్ర ప్రభుత్వానికి సుప్రీంకోర్టు చెంపదెబ్బకొట్టింది. జరగని హామీని ఎన్నికల్లో పెట్టి బీసీలను చంద్రబాబునాయుడు మభ్యపెట్టారు. నిజంగా చంద్రబాబుకు చిత్తశుద్ధి ఉంటే రాజ్యాంగ సవరణ చేసి, బీసీలు పట్ల ప్రేమ, అభిమానం చాటుకోవాలి. – మరిశర్ల గంగారావు, విశ్రాంత ఉపాధ్యాయుడు, వంగర ర్వేషన్‌ శాతం ప్రకటించడంతో సరిపోదని, స్థానిక సంస్థల వారీగా జనాభా, ప్రాతినిధ్యం, చట్టపరమైన నిబంధనలను పరిగణనలోకి తీసుకోవాలని అభిప్రాయపడుతున్నారు. డెడికేటెడ్‌ కమిషన్‌లో జిల్లాకు సంబంధించి ఏ వివరాలు పొందుపరిచారు? వివిధ బీసీ కులాల సామాజిక పరిస్థితులను ఎలా అంచనా వేశారు? స్థానిక సంస్థల్లో బీసీలకు ఎంతమేర ప్రాతినిధ్యం కల్పించాలన్న అంశంపై ఏ సిఫార్సులు చేశారు? వంటి వివరాలు వెల్లడిస్తేనే జిల్లాలో బీసీలు దక్కే రాజకీయవాటాపై స్పష్టత వస్తుంది. అయితే కూటమి ప్రభుత్వ ఆదిశగా అవగాహన కలిగించే పని చేయలేదని విమర్శిస్తున్నారు.

రాజాం: అనుకోని రోడ్డు ప్రమాదం హాయిగా సాగిపోతున్న జీవితంలో కష్టాలు తెచ్చిపెట్టింది. కూలిపనిచేస్తే కానీ డొక్కాడని ఇంటిలో కొండంత ఆపద తీసుకొచ్చింది. రోడ్డు ప్రమాదం రూపంలో విధివంచనకు బలైన ఆ కుటుంబం సాయం చేసే చేతుల కోసం ఎదురుచూస్తోంది. ఆ వివరాలు ఇలా ఉన్నాయి. రాజాం మండలం పొగిరి గ్రామానికి చెందిన కొండేటి రాజేశ్వరి గత ఐదునెలలుగా ఆస్పత్రిలో మంచానికే పరిమితమైంది. అంతకుముందు భర్త అచ్చియ్యతో కలిసి కూలిపనులు చేసుకుంటూ కుటుంబాన్ని నెట్టుకొచ్చేది. అచ్చయ్య తన కులవృత్తి నాయిబ్రాహ్మణ పనిచేస్తూ, ఖాళీ సమయంలో కూలిపనికి వెళ్లేవాడు. వారికి ఇద్దరు మగపిల్లలు. భార్యాభర్తలు కష్టపడి ఇద్దరి పిల్లలను ప్రభుత్వబడిలో చదివించుకుంటూ హాయీగా జీవించేవారు. రోడ్డు ప్రమాదంతో తారుమారు ఐదునెలల క్రితం బంధువులతో కలిసి రాజేశ్వరి ఆటోలో పెళ్లికి వెళ్తుండగా, పాలకొండ సమీపంలో తుమరాడ దగ్గర రోడ్డు ప్రమాదం జరిగింది. ఆటో బోల్తా పడడంతో ఆటోలోని ప్రయాణికులు గాయాలపాలయ్యారు. వారిలో రాజేశ్వరికి తీవ్రగాయాల య్యాయి. రెండు కాళ్లూ విరిగిపోయాయి. నడుమువరకూ మాంసం కొట్టుకుపోయింది. డబ్బులుపెట్టి ప్రైవేట్‌ ఆస్పత్రికి వెళ్లే స్థోమత లేక ఈ కుటుంబం శ్రీకాకుళంలోని రిమ్స్‌ ఆస్పత్రిలో వైద్యంకోసం చేరింది. అప్పటినుంచి రెండు పర్యాయాలు ఈమెకు వైద్యులు ఆపరేషన్‌ చేశారు. ఇప్పటికీ రెండు కాళ్లు తిరిగిరాలేదు. ఊడిపోయిన కండభాగం తిరిగి పునరుద్ధరణ అవలేదు. వైద్యం ఉచితంగా అందుతున్నప్పటికీ చిన్నచిన్న ఖర్చులు, ఆస్పత్రిలోనే భార్యతో పాటు భర్త ఉండిపోవడం, భోజన ఖర్చులు అధికమవడం, ఇంటి వద్ద కూలీనాలీ లేకపోవడంతో వారికి ఇప్పుడు అప్పులభారం పెరిగింది. ఐదునెలలుగా ఇంటిముఖం ఎలా ఉంటుందో భార్యాభర్తలకు తెలియదు. ఇప్పటికీ ఆస్పత్రిలోనే ఇద్దరు ఆలుమగలు ఉంటున్నారు. ఇతర ఖర్చుల నిమిత్తం వారికి రూ.1.50 లక్షలు మేర అప్పులు పెరిగిపోయాయి. ఇప్పుడు అప్పు ఇచ్చే దాతలేకుండా పోయాడు. అటు వైద్యం పూర్తికాలేదు. ఇంటికి వెళ్లొద్దు అంటూ వైద్యుల సూచన. చేసేది లేక మంచానికే పరిమితమైన భార్య రాజేశ్వరిని చూస్తూ భర్త అచ్చయ్య దీనంగా గడుపుతున్నాడు. ఈ కష్టాల సుడిగుండంనుంచి గట్టెక్కించే దాతల కోసం ఎదురుచూస్తున్నాడు. తన ఇద్దరు మగపిల్లలను అరసబ లగ వద్ద తమ బంధువుల ఇంటికి పంపించేశాడు.దాతలు ముందుకు వచ్చి తనకు (ఫోన్‌నంబర్‌ 7680019084) ఆర్థిక సాయం చేయాలని, తన భార్య ఆరోగ్యాన్ని కాపాడాలని కోరుతున్నాడు. రోడ్డు ప్రమాదంలో కాళ్లు పోగొట్టుకున్న మహిళ ఐదునెలలుగా వైద్యం ఇంటిముఖం చూడని కుటుంబం అనాథలుగా పిల్లలు కనీస ఖర్చులకు నగదులేక ఇబ్బందుల్లో బాధితులు

మక్కువ: ఉత్తరాంధ్ర ఇలవేల్పు శంబర పోలమాంబ అమ్మవారి ఆలయంలో ఈ నెల11వ తేదీ నుంచి 20వరకు శరన్నవరాత్రి మహోత్సవా(దసరా ఉత్సవాలు)లు జరపనున్నట్లు ఈవో వీవీ సూర్యనారాయణ తెలిపారు. ఈ మేరకు పోలమాంబ అమ్మవారి చదురుగుడిలో శుక్రవారం ఆలయ కమిటీ చైర్మన్‌ నైదాన చిన్నతిరుపతి, కమిటీ సభ్యులు, దేవాదాయ శాఖ సిబ్బంది, గ్రామ పెద్దలు దేవి శరన్నవరాత్రుల మహోత్సవాల తేదీలను, జరపనున్న పూజలను కరపత్రం ద్వారా విడుదల చేశారు. ఈ కార్యక్రమంలో దేవాదాయ శాఖ సిబ్బంది మురళీకృష్ణ మూర్తి నాయుడు తదితరులు పాల్గొన్నారు.గోడ కూలి వ్యక్తి మృతివిజయనగరం టౌన్‌: స్థానిక రైల్వేస్టేషన్‌ ఫ్లాట్‌ఫామ్‌ నంబర్‌ ఐదులో కూలి పనులు చేస్తుండగా ప్రమాదవశాత్తు తాగునీటి పైపు గోడ కూలి ఒక్కసారిగా పడిపోవడంతో ఓ వ్యక్తి శుక్రవారం రాత్రి మృతిచెందాడు. దీనికి సంబంధించి జీఆర్‌పీ సిబ్బంది తెలిపిన వివరాలిలా ఉన్నాయి. రోజు కూలీగా పనిచేస్తూ జీవనం సాగిస్తున్న గుర్ల మండలం గూడెం గ్రామానికి బూర్లె నారాయణప్పడు (40) రైల్వేస్టేషన్‌లో జరుగుతున్న పనులకు కూలీకి వచ్చాడు. ఐదో నంబర్‌ ఫ్లాట్‌ఫామ్‌పై తాగునీటి పైపు పక్కన పనులు చేస్తుండగా తాగునీటి పైపు గోడ కూలి నారాయణప్పడు పైన పడిపోయింది. దీంతో అక్కడికక్కడే మృతిచెందాడు. మృతుడికి భార్య సూర్యకాంతంతో పాటూ బాబు, పాప ఉన్నారు. జీఆర్‌పీ హెచ్‌సీ రవి కేసు నమోదుచేసి దర్యాప్తు చేస్తున్నారు.

విజయనగరం టౌన్‌: గంజాయి నియంత్రణ, రహ దారి భద్రత చర్యల్లో భాగంగా శుక్రవారం జిల్లా కేంద్రంలో మెగా వాహన తనిఖీలు చేపట్టారు. గంజా యి కిట్స్‌తో చేపట్టిన తనిఖీల్లో గంజాయి సేవించిన ఏడుగురు వ్యక్తులను గుర్తించినట్టు ఎస్పీ ఏఆర్‌ దామోదర్‌ తెలిపారు. వారిపై చట్టపరమైన చర్యలు చేపట్టడంతో పాటు డీ అడిక్షన్‌ సెంటర్స్‌కు చికిత్స కోసం పంపిస్తామన్నారు. వాహనదారులకు హెల్మె ట్‌, ఇన్సూరెన్స్‌, లైసెన్స్‌ లేని వాహనదారులకు పోలీసులు కౌన్సెలింగ్‌ ఇచ్చారు. రైల్వేస్టేషన్‌, లంకాపట్నం, పూల్‌బాగ్‌ కాలనీలో వంద గంజాయి కిట్స్‌తో గంజాయి వినియోగించే వారిని గుర్తించిన ట్టు ఎస్పీ తెలిపారు. వాహన తనిఖీల్లో విజయనగరం, చీపురుపల్లి డీఎస్పీలు ఎస్‌.లక్ష్మణమూర్తి, ఎస్‌.రాఘవులు, వన్‌టౌన్‌ సీఐ ఆర్‌వీఆర్‌కే చౌదరి, ఎస్‌ బీ సీఐ ఎ.వి.లీలారావు, రాజాం సీఐ నవీన్‌కుమార్‌, ఈగల్‌ టీమ్‌ ఎస్‌ఐ స్వీటీ, ఎస్‌ఐలు రవికుమార్‌, నవీన్‌పడాల్‌, లక్ష్మీప్రసన్న పాల్గొన్నారు.

విజయనగరం: రాష్ట్రస్థాయిలో జరగనున్న స్కూల్‌గేమ్స్‌ పోటీల్లో జిల్లా నుంచి ప్రాతినిధ్యం వహిస్తున్న క్రీడాకారులు విజేతలుగా నిలవాలని జిల్లా స్కూల్‌గేమ్స్‌ ఫెడరేషన్‌ కార్యదర్శులు ఆర్‌.వాణిశ్రీ, బి.శ్రీనివాస్‌ ఆకాంక్షించారు. అండర్‌–14,17 టెన్నిస్‌ క్రీడాంశంలో పాల్గొనబోయే బాలబాలికలకు 10,11,12 తేదీలోల తెనాలిలో జరగనున్న పోటీల్లో ప్రాతినిధ్యం వహించనుండగా..అండర్‌–14,17,19 వయస్సుల విభాగంలో హ్యాండ్‌బాల్‌ బాల,బాలికల జట్లు శ్రీకాళహస్తిలో జరగనున్న పోటీలకు పయనమయ్యాయి. రాష్ట్రస్థాయిలో జరిగే పోటీల్లో పాల్గొనబోయే క్రీడాకారులు ఉత్తమ క్రీడా ప్రతిభ కనబరిచి విజేతలుగా తిరిగి రావాలని ఆకాంక్షించారు. కార్యక్రమంలో పలువురు వ్యాయామ ఉపాధ్యాయులు పాల్గొన్నారు.

సాక్షి, విజయనగరం: బీసీలను చంద్రబాబు మోసం చేస్తూనే ఉన్నారంటూ వైఎస్సార్‌సీపీ నేత, మాజీ మంత్రి బొత్స సత్యనారాయణ ఆగ్రహం వ్యక్తం చేశారు. శుక్రవారం ఆయన మీడియాతో మాట్లాడుతూ.. జీవోతో రిజర్వేషన్‌ రాదని తెలిసినా కోర్టులకు వెళ్లారు. జీవో కాదు.. రాజ్యాంగ సవరణ చేయాలని మొదటి నుంచి చెప్తున్నాం. గత స్థానిక ఎన్నికల్లో పోటీ చేయకుండా టీడీపీ పారిపోయింది’’ అని బొత్స గుర్తు చేశారు.‘‘మాకు దమ్ము ఉంది కాబట్టే అన్ని స్థానాల్లో పోటీ చేస్తున్నాం. బీసీలకు ఎవరేం చేశారో చర్చించే దమ్ముందా?. వైఎస్సార్‌సీపీ హయాంలో బీసీలకు ఎన్ని సీట్లు ఇచ్చామో చెబుతాం. టీడీపీ.. బీసీలకు ఎన్ని సీట్లు ఇచ్చిందో లెక్కలు తీయాలి. మీ హయాంలో ఎన్ని పరిశ్రమలు వచ్చాయి? ఎన్ని ఉద్యోగాలిచ్చారు?. సూపర్‌ సిక్స్‌.. సూపర్‌ హిట్‌ అనడానికి సిగ్గుందా?..న్యాయపరంగా బీసీ రిజర్వేషన్ ప్రక్రియ చేయలేదు. ఈ మోసాలను ఇకనైనా చంద్రబాబు ఆపాలి. ఇకనైనా అబద్ధాలు, మోసాలు, వెన్నుపోటుతో కాకుండా జీవితం గడపాలి. ప్రభుత్వం ఇచ్చిన జీవోలు తప్పు అని ఆ రోజే చెప్పాం. మేము ఎన్నికలను అడ్డుకోలేదు. జరపాలనే చెప్తున్నాం’’ అని బొత్స పేర్కొన్నారు.‘‘ప్రజలకు ఇచ్చిన హామీల అమలుపై ప్రభుత్వం బాధ్యత వహించాలి. రాష్ట్రంలో కూరగాయల ధరలు పెరగడంతో సామాన్య ప్రజలు తీవ్ర ఇబ్బందులు పడుతున్నారు. గత రెండేళ్లలో కూరగాయల ధరలు సుమారు 62 శాతం పెరిగాయని ప్రసంగంలో పేర్కొన్నారు. నిత్యావసర ధరల నియంత్రణకు ప్రభుత్వం తక్షణ చర్యలు తీసుకోవాలి...విద్యుత్ సరఫరా సమస్యలు, ఉద్యోగ సంఘాల సమస్యలను పరిష్కరించడంపై దృష్టి పెట్టాలి. ప్రజా సమస్యలను పక్కనపెట్టి రాజకీయ ప్రచారానికే పరిమితం కావడం సరికాదు. బీసీలకు ఇచ్చిన హామీలను అమలు చేయాలి.. లేదంటే ప్రజలకు సమాధానం చెప్పాలి. బలహీన వర్గాలకు న్యాయం జరిగే వరకు వైఎస్సార్‌సీపీ ప్రజల తరఫున పోరాటం కొనసాగిస్తుంది’’ అని బొత్స సత్యనారాయణ పేర్కొన్నారు.ఇదీ చదవండి: ఈసీకి వైఎస్సార్‌సీపీ 3 కీలక లేఖలు

● ఆందోళన కొనసాగించిన కాంట్రాక్టు వైద్య ఉద్యోగులు ● నలుపు రిబ్లన్లు ధరించి ప్రభుత్వం తీరుపై నిరసన విజయనగరం ఫోర్ట్‌: న్యాయపరమైన సమస్యలు పరిష్కరించకుండా ఆందోళన చేస్తున్నవారికి చంద్రబాబు ప్రభుత్వం షోకాజ్‌ నోటీసులు జారీచేయడంపై కాంట్రాక్టు వైద్య ఉద్యోగులు మండిపడ్డారు. ప్రభుత్వం తీరుపై నలుపురిబ్బన్లు ధరించి సర్వజన ఆస్పత్రి వద్ద గురువారం నిరసన తెలిపారు. సమాన పనికి సమాన వేతనం చెల్లించాలని, ఉద్యోగుల సర్వీసును రెగ్యులర్‌ చేయాలని డిమాండ్‌ చేశారు. సుమారు 400 మంది ఉద్యోగుల సమ్మెతో ఆస్పత్రుల్లో సేవలకు తీవ్ర అంతరాయం కలిగింది. సమ్మె ఉద్ధృతం చేస్తాం సమ్మెను రోజురోజుకు ఉద్ధృతం చేస్తాం. షోకాజ్‌ నోటీస్‌లు ఇచ్చినా సమ్మె ఆగదు. ఉద్యోగుల న్యాయమైన డిమాండ్లు నెరవేర్చాలి. – ఎస్‌.స్వాతి, జేఏసీ చైర్మన్‌ సమ్మె కొనసాగిస్తాం కాంట్రాక్ట్‌ ఉద్యోగుల జేఏసీ కో కన్వీనర్‌ అయిన నాకు, జేఏసీ చైర్మన్‌కు షోకాజ్‌ నోటీసులు జారీచేశారు. వీటికి భయపడే ప్రసక్తే లేదు. ఉద్యోగుల సమస్యలు పరిష్కరించేవరకు పోరాటం కొనసాగిస్తాం. – ఆర్‌.శ్రీనివాసరావు, ఏపీమెడికల్‌, హెల్త్‌ ఉద్యోగుల సంఘం జేఏసీ కో కన్వీనర్‌

ఉల్లిపాయలు సరఫరా కాలేదు.. జిల్లాలోని ఏడు రైతు బజార్లకు రాయితీ ఉల్లి ఇంకా సరఫరా కాలేదు. 3, 4 రోజుల్లో వచ్చే అవకాశం ఉంది. బియ్యం కూడా మిల్లర్లు సరఫరా చేయాల్సి ఉంది. – బి.రవికిరణ్‌, ఏడీ, మార్కెటింగ్‌ శాఖవిజయనగరం ఫోర్ట్‌: ప్రజలకు ఊరడించేలా ప్రకటనలు చేయడం.. నమ్మించడం.. తర్వాత మోసం చేయడం చంద్రబాబు సర్కారుకు రివాజుగా మారింది. చెప్పేదానికి చేసేదానికి అస్సలు పొంతన ఉండదు. దీనికి రైతు బజార్లలో ఉల్లిపాయల అమ్మకాలు లేకపోవడమే నిదర్శనం. బయట మార్కెట్‌లో ఉల్లిపాయలు కిలో రూ.55 నుంచి రూ.60 మధ్య పలుకుతోంది. దీంతో సామాన్యులు, మధ్యతరగతి ప్రజలు గగ్గోలు పెడుతున్నారు. ధరలు కట్టడి చేయాలంటూ ఆందోళన వ్యక్తంచేస్తున్నారు. వీరి దృష్టి మరల్చేలా రైతు బజార్లలో రాయితీపై కిలో రూ.35కే ఉల్లి పాయలు అందిస్తామని 20 రోజుల కిందట చంద్రబాబు ప్రభుత్వం ప్రకటించింది. అయితే, ఇంతవరకు ఎక్కడా ఒక్క కిలోకూడా సరఫరా చేసింది లేదు. ప్రభుత్వం రాయితీ ఉల్లిపాయలు సరఫరా చేస్తామని ప్రకటించడంతో చాలా మంది రైతు బజార్లకు ఉల్లిపాయలు కోసం వెళ్లి నిరాశతో వెనుదిరుగుతున్నారు. బియ్యం కౌంటర్లూ ఎత్తేశారు... బియ్యం ధరలు రోజురోజుకు పెరుగుతున్నాయి. రైతు బజార్లలో రాయితీపై బియ్యం అందిస్తామని చంద్రబాబు సర్కారు ప్రత్యేక బియ్యం కౌంటర్లు తెరిచింది. అవి కూడా వారం రోజులుగా మూత పడ్డాయి. రాయితీ బియ్యం కోసం వచ్చిన వినియోగదారులు వెనుదిరుగుతున్నారు. స్డీమ్‌ బియ్యం (బీపీటీ) కిలో మార్కెట్‌లో రూ.62 ఉంది. వాటిని రూ.52కు, రా బియ్యం (బీపీటీ) రూ.58 ఉండగా రూ.50కు విక్రయిస్తున్నట్టు చేసిన ప్రకటనలు ఫ్లెక్సీలకే పరిమితమయ్యాయంటూ వినియోగదారులు వాపోతున్నారు. రైతు బజార్లలో రాయితీపై ఉల్లి సరఫరా చేస్తామని ప్రకటించిన చంద్రబాబు సర్కార్‌ మార్కెట్‌ కిలో ఉల్లి రూ.60 రైతు బజార్లలో రాయితీపై రూ.35కే ఇస్తామని ప్రకటన బియ్యం కౌంటర్లు ఎత్తేశారు

విజయనగరం రూరల్‌: కోరుకొండ సైనిక పాఠశాలలో దేశ వైమానిక దళ 94వ దినోత్సవం గురువారం ఘనంగా నిర్వహించారు. కేక్‌ కట్‌చేసి విద్యార్థులకు పంచిపెట్టారు. ఈ సందర్భంగా సైనిక్‌ స్కూల్‌ ప్రిన్సిపాల్‌, గ్రూప్‌ కెప్టెన్‌ ఎస్‌.ఎస్‌.శాస్త్రి మాట్లాడుతూ దేశాన్ని కంటికి రెప్పలా కాపాడుతున్న వైమానిక యోధుల ధైర్యసాహసాలు, శౌర్యం, అంకితభావాన్ని వివరించారు. వైమానిక దళ ఘన చరిత్ర, సాంకేతిక పురోగతి, అమరుల త్యాగాలను స్మరించారు. భారత వైమానిక దళం ప్రతిబింబించే క్రమశిక్షణ, ధైర్యం, సేవాభావాన్ని విద్యార్థులు తమ జీవితాల్లో అలవర్చుకోవాలని పిలుపునిచ్చారు. కార్యక్రమంలో వైస్‌ ప్రిన్సిపాల్‌, వింగ్‌ కమాండర్‌ వి.కిరణ్‌, క్యాడెట్లు, డే స్కాలర్లు, బోధన, బోధనేతర సిబ్బంది పాల్గొన్నారు. వైఎస్సార్‌సీపీ సీఈసీ మెంబర్‌గా రొంగలి జగన్నాథం బొబ్బిలి: వైఎస్సార్‌సీపీ బొబ్బిలి పరిశీలకుడు రొంగలి జగన్నాథంను వైఎస్సార్‌ సీపీ సెంట్రల్‌ ఎగ్జిక్యూటివ్‌ మెంబర్‌గా పార్టీ అధిష్టానం నియమించినట్టు కేంద్ర కార్యాలయం ఓ ప్రకటనలో తెలిపింది. రాష్ట్ర మాజీ ముఖ్యమంత్రి, వైఎస్సార్‌ సీపీ జాతీయ అధ్యక్షుడు వైఎస్‌ జగన్‌మోహన్‌ రెడ్డి ఆదేశాల మేరకు ప్రకటన విడుదల చేయడం ఆనందంగా ఉందని రొంగలి జగన్నాథం సాక్షికి తెలిపారు. పార్టీ పటిష్టతకు కృషిచేస్తానన్నారు. వంగర ఎంఈఓపై యూటీఎఫ్‌ నాయకుల ఫిర్యాదు వంగర: మండల విద్యాశాఖాధికారి–1 యు.గణేష్‌నాయుడుపై ఆ మండలానికి చెందిన యూటీఎఫ్‌ నాయకులు ఎంపీడీఓ తులా రాజారావుకు ఫిర్యాదు చేశారు. జీతాల చెల్లింపులో తప్పులను సరిచేయాలని ఏడాదికాలంగా కోరుతున్నా ఎంఈఓ స్పందించడంలేదని ఆరోపించారు. తప్పులు సరిచేయాలని అడిగితే అసభ్య పదజాలంతో ఉపాధ్యాయులను తిడు తూ కించపరుస్తున్నారని వాపోయారు. ఎంఈఓ తీరుపై సమగ్ర విచారణ చేపట్టి చర్యలు తీసుకోవాలని డిమాండ్‌ చేశారు. ఫిర్యాదు చేసినవారిలో యూటీఎఫ్‌ అధ్యక్ష, ప్రధాన కార్యదర్శులు సీహెచ్‌ నారాయణరావు, పి.గౌరీశంకరరావు, జిల్లా ఆడిట్‌ కమిటీ సభ్యులు బలగ ప్రసాద్‌, నాయకులు పి.మురళీ, కె.రమణ, శ్రీను, భాస్కర్‌, తిరుపతి, వెంకటేష్‌, కృష్ణారావు, కిశోర్‌, తదితరులు పాల్గొన్నారు.

రాజాం: ఇల్లు.. పేదవాడి జీవిత కల. దానికోసం కూలి డబ్బుల నుంచి రూపాయిరూపాయి పోగు చేస్తారు. కలల సౌథం నిర్మించుకోవాలని ఇంటిల్లిపాదీ తాపత్రయపడతారు. గత జగన్‌మోహన్‌రెడ్డి ప్రభుత్వంలో లక్షలాది మంది పేదల కల నెరవేరింది. స్థలం, ఇంటి నిర్మాణ సాయం పక్కాగా అందడంతో పేదలు ఒక ఇంటివారయ్యారు. ఏ ఊరు వెళ్లినా జగనన్న కాలనీలు దీనికి ప్రత్యక్ష సాక్ష్యంగా కనిపిస్తున్నాయి. ఇప్పుడు ఆ పరిస్థితి లేదు. అధికారంలోకి వచ్చి న వెంటనే పేదలకు రెండుసెంట్లు ఇంటి స్థలం, రూ.3 లక్షల ఆర్థిక సాయం అందజేస్తామని హామీ ఇచ్చిన చంద్రబాబు మోసం చేశారు. మరోవైపు నిర్మాణ సామగ్రి ధరలు పెరగడంతో ఇంటి నిర్మాణం పేదలకు భారంగా మారింది. ● పెరుగుతున్న నిర్మాణ సామగ్రి ధరలు గత రెండు నెలల కిందటి వరకూ సిమెంట్‌ బస్తా ధర రూ.260 నుంచి రూ.280ల మధ్య ఉండేది. ఈ మధ్యకాలంలో బస్తాపై రూ.20లు పెరిగింది. ఇప్పుడు బస్తా ధర రూ.300లు పలుకుతోంది. ఇందులో ఓపీసీ గ్రేడ్‌ సిమెంట్‌ రూ.320ల పైబడి ఉంది. ఒక చిన్నపాటి శ్లాబ్‌ ఇంటి నిర్మాణం పూర్తికావాలంటే సుమారు 500 బస్తాల సిమెంట్‌ అవసరం. కేవలం సిమెంట్‌కే ప్రస్తుత పరిస్థితుల్లో నిర్మాణదారుడు రూ.1.60 లక్షల మేర డబ్బులు ఖర్చుచేయాల్సి వస్తోంది. గత వైఎస్‌ఆర్‌సీపీ ప్రభుత్వంలో ధరలతో పోల్చితే ఒక్కో సిమెంట్‌ బస్తాపై రూ.70లు పెరుగుదల కనిపిస్తోంది. ● గతంలో టన్ను ఐరన్‌ ధర రూ.60వేల నుంచి రూ.61 వేల మధ్య ఉండేది. గత రెండేళ్ల కిందట టన్ను ధర రూ.45 వేలు నుంచి రూ. 50 వేల మధ్య కొనసాగేది. ఇప్పుడు టన్నుకు ఏకంగా రూ.24 వేల వరకూ పెరుగుదల వచ్చింది. చిన్నపాటి ఇంటి నిర్మాణానికి రెండు నుంచి రెండున్నర టన్నుల ఐరన్‌ అవసరం. దీనికోసం రూ.1.50 లక్షలు పెట్టుబడి పెట్టాల్సి వస్తోంది. ఇసుక కోసం మరో రూ.1.20లక్షలు ఖర్చుచేయాల్సి వస్తోంది. ఇటుకల ధరకు రెక్కలు గతంలో ఇళ్ల నిర్మాణాలు అధికంగా ఉండడంతో ఎక్కడికక్కడే ఇటుక పరిశ్రమలు ఉండేవి. విరివిగా అమ్మకాలు ఉండడంతో ఇటుకలు ధర ఒక మార్జిన్‌లో వెళ్లేది. బంకమట్టి ఇటుక ట్రాక్టర్‌ లోడ్‌ (2000 ఇటుక) రూ.8వేలకు తెచ్చి విక్రయించేవారు. ఇప్పుడు నిర్మాణాలు లేక, ప్రభుత్వం ఇల్లు మంజూరుచేయక ఇటుక పరిశ్రమలు తగ్గుముఖం పట్టాయి. ఉన్న కొద్దిపాటి ఇటుక పరిశ్రమలు వద్ద ఇటుకలు ప్రతికూల పరిస్థితులు తట్టుకుని తయారీ చేస్తుండడంతో వీటి ధర గతంలో కంటే పెరిగింది. బట్టీలు వద్దే ట్రాక్టర్‌ ఇటుకల ధర రూ. 10 వేలు దాటుతోంది. చిన్న ఇల్లు నిర్మాణానికి ఇటుకల కోసం రూ.1 లక్ష వరకూ వెచ్చించాల్సి వస్తోంది. పెరిగిన ఇంటి నిర్మాణ సామగ్రి ధరలు సిమెంట్‌ బస్తా రూ.300 గతంలో కంటే రూ.20లు పెరుగుదల ఓపీసీ గ్రేడ్‌ సిమెంట్‌ రూ.320 టన్ను ఐరన్‌ ధర రూ.74వేలు గతంలో కంటే రూ.13 వేలు పెరుగుదల ఇంటి నిర్మాణాలకు సామాన్యులు వెనుకంజ ప్రభుత్వం నుంచి అందని ఇంటి సాయం పేదలకు కష్టాలు చంద్రబాబు ప్రభుత్వం వచ్చాక పేదలకు అన్ని విధాలా కష్టాలు తప్పడం లేదు. ఓ వైపు సంక్షేమ పథకాలు అందడం లేదు. మరోవైపు ఇంటి స్థలం, నిర్మాణానికి ఆర్థిక సాయం అందని ద్రాక్షగా మారాయి. స్థానిక ఎన్నికల నేథప్యంలో ఇల్లు ఇస్తామంటూ పేర్లు, జిరాక్స్‌లు సేకరించడం ఇల్లు మంజూరు కనిపించడంలేదు. – కరణం శ్రీనివాసరావు, మాజీ సర్పంచ్‌, మజ్జిరాముడుపేట, రేగిడి మండలం పేదలు ఇబ్బందులు పట్టడం లేదు.. సిమెంట్‌, ఐరన్‌ ధరలు అమాంతంగా పెరిగిపోతున్నాయి. ప్రభుత్వం ఆర్థిక సాయం అందజేయడంలేదు. పేదలు సొంతిల్లు నిర్మించుకోవడం భారంగా మారింది. ఇంటి నిర్మాణ ముడిసరుకుల ధరలకు ప్రభుత్వం కళ్లెం వేయడంలేదు. రాష్ట్రంలో ఆర్థిక అసమానతలు, ఇబ్బందులు పెరిగిపోతున్నాయి. – వాకముల్ల చిన్నంనాయుడు, మాజీ సర్పంచ్‌, అంతకాపల్లి, రాజాం మండలం గత వైఎస్సార్‌ సీపీ ప్రభుత్వం ప్రతీ పేదవానికి ఇంటి నిర్మాణం కోసం ఆర్థిక సాయం అందించింది. ఇంటిని నిర్మించుకోలేని వారికి నిర్మించి ఇచ్చేది. కుటుంబం కష్టపడితే రూ.2.50 లక్షలు పెట్టుబడికి తమకు నచ్చినవిధంగా పేదలు ఇంటిని నిర్మించుకునేవారు. అప్పట్లో తాపీమేసీ్త్ర వేతనం రోజుకు రూ. 500లు ఉండేది. ఇప్పుడు ఆ ధర రూ. 850 నుంచి రూ.1000 కి చేరింది. కూలీల ధర రూ. 500లు పైబడే ఉంది. పెరిగిన ధరలు, ప్రభుత్వం నుంచి సాయం అందకపోవడంతో పేదలు, చిన్న, సన్నకారు కుటుంబాలు ఇంటి నిర్మాణం ఆలోచనను విరమించుకుంటున్నాయి.

● పాఠశాల, ఆర్డీఓ కార్యాలయానికి పొంచి ఉన్న ప్రమాదం ● ఆర్డీఓకు ఫిర్యాదు చేసిన ఉపాధ్యాయులు ● చర్యలకు ఆదేశించిన ఆర్డీఓచీపురుపల్లి: గ్రావెల్‌ అక్రమ తవ్వకాలకు బడి, గుడి ఎలాగూ లేదు సరికదా సాక్షాత్తు ఆర్డీఓ కార్యాలయం ఉన్నా కూడా అక్రమార్కులు లెక్క చేయడం లేదు. కొండ కనిపిస్తే గ్రావెల్‌ తవ్వడమే పనిగా పెట్టుకున్నారు. అది కూడా రాత్రి సమయాల్లో జేసీబీ యంత్రాలతో కొండలు తవ్వి, లారీలు, ట్రాక్టర్లలో గ్రావెల్‌ రవాణా సాగిస్తున్న అక్రమార్కులు పగలు మాత్రం అటువైపు కన్నెత్తి చూడడం లేదు. ఇదంతా ఎక్కడో కాదు సాక్షాత్తు రెవెన్యూ డివిజిన్‌ కార్యాలయాన్ని ఆనుకుని, రామాంజనేయకాలనీ జిల్లా పరిషత్‌ ఉన్నత పాఠశాల ఆవరణలోనే జరుగుతున్నప్పటికీ అక్రమార్కుల ఆగడాలను అడ్డుకునేదెవరో తెలియడం లేదు. కొద్దికాలం క్రితం సైతం ఇదే కొండల్లో ఇష్టారాజ్యంగా గ్రావెల్‌ అక్రమ తవ్వకాలు యథేచ్ఛగా జరిగాయి. అప్పట్లో కూడా అక్రమార్కులపై చర్యలు తీసుకునేందుకు అధికార యంత్రాంగం ఎలాంటి చొరవ చూపించకపోవడంతో విమర్శలు వ్యక్తమయ్యాయి. దీంతో తాజాగా మళ్లీ చీపురుపల్లి– గరివిడి పట్టణాల మధ్య రామాంజనేయకాలనీ జిల్లా పరిషత్‌ ఉన్నత పాఠశాల, రెవెన్యూ డివిజిన్‌ కార్యాలయాన్ని ఆనుకుని ఉన్న కొండల్లో రాత్రి సమయాల్లో అక్రమార్కులు గ్రావెల్‌ తవ్వకాలు ప్రారంభించారు. దీనిపై స్వయంగా ఉపాధ్యాయులే ఆర్డీఓ సుధారాణికి ఫిర్యాదు చేశారు. దీనికి స్పందించిన ఆర్డీఓ సుధారాణి తక్షణమే విచారణ జరిపి నివేదిక ఇవ్వాలని రెవెన్యూ యంత్రాంగాన్ని ఆదేశించారు. అక్రమ తవ్వకాలతో ప్రమాదంలో పాఠశాల గ్రావెల్‌ అక్రమ తవ్వకాలు జరుపుతున్న కొండకు దిగువ భాగంలో రామాంజనేయకాలనీ జిల్లా పరిషత్‌ ఉన్నత పాఠశాల ఉంది. ఈ పాఠశాల పరిసరాల్లో కొండ వరకు ఆట స్థలం క్రింద ఉపాధ్యాయులే చదును చేయించారు. తాజాగా అక్రమార్కులు రాత్రి సమయాల్లో కొండ కింద భాగంలో జేసీబీ యంత్రాలతో గ్రావెల్‌ తవ్వకాలు జరుపుతున్నారు. దీంతో వర్షాలు కురిసినప్పుడు కొండ మట్టి పెళ్లలు విరిగిపడితే అదే సమయంలో విద్యార్థులు అక్కడ ఆడుకుంటే పెద్ద ప్రమాదం జరుగుతుందని ఉపాధ్యాయులు భావిస్తున్నారు. అంతేకాకుండా గ్రావెల్‌ కోసం తవ్వకాలు జరిపే ప్రాంతంలో వర్షాలు కురిసినప్పుడు నీళ్లతో నిండి ఉండడం ఆ గుంతల్లోకి పొరపాటున విద్యార్థులు వెళ్తే ప్రమాదం తప్పదని ఆందోళన చెందుతున్నారు. ఆర్డీఓ కార్యాలయం ఉందన్న భయం కూడా లేకుండా.. గ్రావెల్‌ అక్రమ తవ్వకాలు జరిపే కొండను ఆనుకుని రామాంజనేయకాలనీ జిల్లా పరిషత్‌ ఉన్నత పాఠశాల ఉండడం ఒకెత్తు అయితే అదే కొండను ఆనుకుని రెవెన్యూ డివిజినల్‌ కార్యాలయం కూడా ఉంది. ఆర్డీఓ కార్యాలయం ఉందనే భయం కూడా అక్రమార్కుల్లో లేదనే చర్చ జరుగుతోంది. దాదాపు ఆర్డీఓ కార్యాలయం ప్రహరీ వరకు గ్రావెల్‌ తవ్వకాలు జరపడం కొసమెరుపు.

● పాస్‌ పుస్తకాల్లో తప్పుల నమోదుతో రైతుల ఆందోళన ● తహసీల్దార్‌కు వినతిపత్రం అందజేసిన కొట్టక్కి దళిత రైతులు రామభద్రపురం: చంద్రబాబు ప్రభుత్వం భూముల రీ సర్వేలో అందిస్తున్న పాస్‌ పుస్తకాలు, జారీ చేసిన వన్‌బీల్లో తప్పుల నమోదుతో రైతులు ఆవేదన చెందుతున్నారు. తప్పులు సరిచేయాలంటూ తహసీల్దార్‌ కార్యాలయాల చుట్టూ తిరుగుతున్నారు. రాజముద్రతో కూడిన పాస్‌ పుస్తకాలు ఇస్తామంటూ ప్రచారం చేసి... ఇప్పుడు తప్పుల తడకగా జారీ చేయడంపై మండిపడుతున్నారు. రామభద్రపురం మండలంలోని కొట్టక్కి గ్రామానికి చెందిన ఎస్సీ రైతులు తహసీల్దార్‌ కార్యాలయం వద్ద గురువారం ఆందోళన చేశారు. గ్రామానికి చెందిన 60 మంది రైతులకు సర్వే నంబర్‌ 537లో ఎకరా చొప్పున 2005–06 సంవత్సరంలో అప్పటి ముఖ్యమంత్రి వైఎస్‌ రాజశేఖరరెడ్డి అప్పగించారు. డీ పట్టాలు మంజూరు చేశారు. ఆ భూమికి సంబంధించిన సర్వే గత వైఎస్సార్‌సీ ప్రభుత్వంలో జరిగింది. ఆ తర్వాత అధికారంలోకి వచ్చిన చంద్రబాబు ప్రభుత్వం ఆ సర్వేను ఆపేసి పట్టాదారు పాస్‌ పుస్తకాలు పంపిణీ చేయకుండా నిలిపేసింది. ఇటీవల తప్పులుగా ముద్రించిన పాస్‌పుస్తకాలను ఇవ్వడంతో రైతులు లబోదిబోమంటున్నారు. సీపీఐ జిల్లా నాయుకుడు అలమండ ఆనందరావు ఆధ్వర్యంలో తహసీల్దార్‌ కార్యాలయం వద్ద ఆందోళన చేశారు. వన్‌బీలో తప్పులను సరిచేయాలని తహసీల్దార్‌ అజూరఫీజాన్‌కు వినతిపత్రం అందజేశారు.

● భర్త ఫిర్యాదుతో వెలుగులోకి వచ్చిన ఘటన విజయనగరం ఫోర్ట్‌: అప్పులు తీర్చేందుకు ఓ తల్లి సొంత బిడ్డను అమ్మేసిన ఘటన విజయనగరం జిల్లాలో ఆలస్యంగా వెలుగులోకి వచ్చింది. వివరాల్లోకి వెళ్తే... విజయనగరం పట్టణానికి చెందిన ఓ మహిళ పట్టణంలోని ఓ ప్రైవేటు ఆస్పత్రిలో గతనెలలో మగబిడ్డకు జన్మనిచ్చింది. ఆస్పత్రి నుంచి డిశ్చార్జ్‌ అయ్యాక బిడ్డను వేరొకరికి రూ.3.50 లక్షలకు విక్రయించింది. కుటుంబ కలహాలతో రెండు నెలలుగా భార్యకు దూరంగా నివసిస్తున్న భర్త పుట్టిన బిడ్డను ఏం చేశావని ప్రశ్నించడంతో చనిపోయాడని పొంతనలేని సమాధానం చెప్పింది. అనుమానం వచ్చిన భర్త ఈనెల 5వ తేదీన పీజీఆర్‌ఎస్‌లో కలెక్టర్‌ ఎస్‌.రాంసుందర్‌రెడ్డికి ఫిర్యాదు చేశాడు. దీనిపై పూర్తి విచారణ చేయాలని జిల్లా బాలల సంరక్షణ విభాగం అధికారులను కలెక్టర్‌ ఆదేశించారు. దీంతో అసలు విషయం వెలుగుచూసింది. భర్త ఆదరణ లేకపోవడం, డ్వాక్రా అప్పు తీర్చేందుకు వేరే దారిలేక శిశువును వేరొకరికి విక్రయించినట్టు అధికారుల వద్ద తల్లి వాపోయింది. ఇది చట్టరీత్యా నేరమని చెబుతూ శిశువును బాలల సంక్షేమ కమిటీకి అప్పగించారు. పట్టణంలోని శిశుగృహకు గురువారం తరలించి సంరక్షిస్తున్నారు. కార్యక్రమంలో బాలల సంరక్షణ అధికారులు బి.రామకోటి, యాళ్ల నాగరాజు, శిశు గృహ మేనేజర్‌ త్రివేణి, తదితరులు పాల్గొన్నారు.

విజయనగరం: రాష్ట్రస్థాయిలో జరగనున్న రగ్బీ అండర్‌–14 బాల, బాలికల పోటీల్లో పాల్గొనబోయే జిల్లా క్రీడాకారులు గురువారం పయనమయ్యారు. ఈ నెల 9 నుంచి 11వ తేదీ వరకు అన్నమయ్య జిల్లాలోని వాయలపాడు మండలం కోటమంచూరులో జరగనున్న పోటీలకు 25 మంది క్రీడాకారులు విజయనగరం జిల్లా నుంచి ప్రాతినిధ్యం వహించనున్నారు. ఈ మేరకు క్రీడాకారులకు జిల్లా స్కూల్‌గేమ్స్‌ ఫెడరేషన్‌ కార్యదర్శులు ఆర్‌.వాణిశ్రీ, బి.శ్రీనివాసరావులు సూచనలు, సలహాలు చేశారు. రాష్ట్ర స్థాయి పోటీల్లో ఉత్తమ ప్రతిభ కనబరిచి జాతీయస్థాయి పోటీలకు అర్హత సాధించడం ద్వారా క్రీడాకారులు తమ ఉజ్వల భవిష్యత్‌కు బాటలు వేసుకోవాలని సూచించారు. కార్యక్రమంలో పలువురు వ్యాయామ ఉపాధ్యాయులు పాల్గొన్నారు. రెండు ముక్కలైన విద్యుత్‌ స్తంభం● విద్యుత్‌ స్తంభాన్ని ఢీకొన్న ట్రాక్టరు బొండపల్లి: మండలంలోని కనిమెరక–దేవుపల్లి గ్రామాల మధ్య ఎంఎన్‌ చానల్‌ గట్టుకు అనుకుని గ్రావెల్‌ లోడుతో వస్తున్న ట్రాక్టర్‌ అదుపుతప్పి హెచ్‌టీ విద్యుత్‌ స్తంభాన్ని ఢీకొట్టడంతో ఆ స్తంభం రెండు ముక్కలైంది. గురువారం జరిగిన ఈ సంఘటనకు సంబంధించి వివరాలు ఇలా ఉన్నాయి. గ్రావెల్‌ లోడుతో ట్రాక్టర్‌ డ్రైవర్‌ మితిమీరిన వేగంతో వెళ్తూ అదుపు తప్పడంతో పక్కనే ఉన్న స్తంభాన్ని బలంగా ఢీకొట్టాడు. దీంతో జరిగిన ప్రమాదంలో 17 గ్రామాలకు విద్యుత్‌ సరఫరా అయ్యే ప్రధాన స్తంభం రెండు ముక్కలైపోయింది. అయితే అదృష్టవశాత్తు ట్రాక్టర్‌ డ్రైవర్‌తో పాటు, కూలీలు, రహదారిపై ప్రయాణాలు సాగించే వారికి ఎటువంటి ప్రమాదం జరగకపోవడంతో స్థానికులు, అధికారులు ఊపిరి పీల్చుకున్నారు. విరిగిపోయిన స్తంభాన్ని మార్చి ఎటువంటి విద్యుత్‌ సరఫరాకు అంతరాయం కలగకుండా అన్ని చర్యలు తీసుకున్నట్లు ఏఈఈ శంకర్రావు తెలిపారు. ప్రొఫెసర్‌ లజపతిరాయ్‌కు స్పిరిచ్యువల్‌ సైంటిస్ట్‌ అవార్డునెల్లిమర్ల రూరల్‌: ప్రముఖ విద్యావేత్త, మాజీ వైస్‌ చాన్సలర్‌, రామాయణ పరిశోధకుడు ప్రొఫెసర్‌ హనుమంతు లజపతిరాయ్‌ను ప్రతిష్టాత్మక స్పిరిచ్యువల్‌ సైంటిస్ట్‌ అవార్డుకు ఎంపిక చేసినట్లు అసావేరి సెంటర్‌ ఫర్‌ ఇండిక్‌ నాలెడ్జ్‌ సిస్టమ్స్‌ వ్యవస్థాపక అధ్యక్షుడు ప్రొఫెసర్‌ డాక్టర్‌ కృష్ణవీర్‌ అభిషేక్‌ తెలిపారు. ఈ మేరకు మండలంలోని టెక్కలి గ్రామంలో ఉన్న సెంచూరియన్‌ యూనివర్సిటీలో గురువారం ఆయన మాట్లాడారు. వచ్చే నెల విశాఖలో అవార్డును ప్రదానం చేయనున్నట్లు వెల్లడించారు. విద్య, ప్రజా పరిపాలన, రామాయణ పరిశోధన, సామాజిక రంగాల్లో ఆయన చేసిన విశిష్ట సేవలను గుర్తించి ఈ పురస్కారానికి ఎంపిక చేసినట్లు తెలిపారు. కోడిగుడ్ల వ్యాన్‌ బోల్తా● పగిలిపోయిన రూ.1.50లక్షల విలువ చేసే గుడ్లు తెర్లాం: మండలంలోని లోచర్ల వద్ద కోడిగుడ్లతో వెళ్తున్న వ్యాన్‌ బోల్తా పడడంతో సుమారు రూ.లక్షా 50వేల విలువ చేసే కోడిగుడ్లన్నీ పూర్తిగా పగిలిపోయాయి. రాజాం నుంచి బలిజిపేట వెళ్లేందుకు కోడిగుడ్ల వ్యాన్‌ గురువారం ఉదయం పణుకువలస మీదుగా వస్తోంది. లోచర్ల వచ్చేసరికి ఎదురుగా వస్తున్న ద్విచక్ర వాహనాన్ని తప్పించబోయి రోడ్డుపై ఎండ బెట్టిన మొక్కజొన్న గింజలపై వ్యాన్‌ ఎక్కడంతో అదుపుతప్పి వ్యాన్‌ బోల్తా పడింది. ఈ ప్రమాదంలో వ్యాన్‌ డ్రైవర్‌కు గానీ, సహాయకుడికి గానీ ఎటువంటి గాయాలు కాలేదు, అలాగే వ్యాన్‌కు ఎటువంటి నష్టం జరగలేదు. అయితే వ్యాన్‌లో రవాణా చేస్తున్న రూ.1.50లక్షలు విలువ చేసే కోడిగుడ్లు రోడ్డుపై పడిపోవడంతో అవన్నీ పూర్తిగా పగిలిపోయాయి. రోడ్డుపై పడిపోయి పగిలిపోయిన కోడిగుడ్లను స్థానికులు ఇంటికి తీసుకు వెళ్లిపోయారు.

● పట్టాభిషిక్తుడైన శ్రీరామచంద్రమూర్తినెల్లిమర్ల రూరల్‌: సుప్రసిద్ధ పుణ్యక్షేత్రం రామతీర్థంలోని శ్రీ సీతారామస్వామి దేవస్థానంలో గడిచిన మూడు రోజుల నుంచి జరుగుతున్న పవిత్రోత్సవాలు గురువారం వైభవంగా ముగిశాయి. వేకువజామున స్వామికి ప్రాతః కాలార్చన, బాలభోగం నిర్వహించిన తరువాత పవిత్ర విసర్జన కార్యక్రమాన్ని జరిపించారు. అనంతరం యాగశాలలో మూడు రోజులుగా చేస్తున్న ప్రాయశ్చిత్త హోమాలు, సుందరకాండ హోమాలకు మహా పూర్ణాహుతి కార్యక్రమాన్ని కనులపండువగా జరిపించారు. వెండి మంటపంలోని ఉత్సవమూర్తుల వద్ద స్వామి కల్యాణమహోత్సవాన్ని ఘనంగా జరిపించి శ్రీరామచంద్రమూర్తిని పట్టాభిషిక్తుడిని చేశారు. అనంతరం భక్తులకు తీర్థ ప్రసాదాలు అందజేశారు. కార్యక్రమంలో ఈఓ వై శ్రీనివాసరావు, అర్చకులు సాయిరామాచార్యులు, నరసింహాచార్యులు, కిరణ్‌, వర ప్రసాద్‌, భక్తులు అధిక సంఖ్యలో పాల్గొన్నారు.

చికెన్‌విజయనగరం: రాష్ట్రస్థాయిలో జరగనున్న స్కూల్‌ గేమ్స్‌ పోటీల్లో పాల్గొనే జిల్లా జట్లలోకి విజయనగరం మున్సిపల్‌ కార్పొరేషన్‌ పరిధిలోని కంటోన్మెంట్‌ ఉన్నత పాఠశాల విద్యార్థులు అర్హత సాధించారు. ఇటీవల నిర్వహించిన జిల్లా స్థాయి ఎంపిక పోటీల్లో ఉత్తమ ప్రతిభ కనబరిచిన ముగ్గురు క్రీడాకారులు త్వరలో జరగనున్న రాష్ట్రస్థాయి పోటీల్లో పాల్గొనున్నారు. అండర్‌–14 హ్యాండ్‌బాల్‌ క్రీడలో ఆర్‌.సుదర్శన్‌ కుమార్‌, అండర్‌–14 ఫుట్‌బాల్‌ జట్టులో ఎం. రాహుల్‌, అండర్‌–17 క్రికెట్‌ జట్టులో ఒ.షణ్ముకేశ్వర ఎంపికై నట్లు పాఠశాల ప్రధానోపాధ్యాయిని ఎం.కాంచన తెలిపారు. క్రీడాకారులు రాష్ట్ర స్థాయి పోటీల్లో ఉత్తమ ప్రతిభ కనబరిచి జాతీయ స్థాయి పోటీలకు అర్హత సాధించాలని ఆకాంక్షించారు. కార్యక్రమంలో పాఠశాల వ్యాయామ ఉపాధ్యాయులు రమేష్‌, గోపాల్‌లు పాల్గొన్నారు.

● తహసీల్దార్‌ కార్యాలయం ఎదుట ఆందోళన ● న్యాయం చేయాలని డీటీకి వినతిపత్రం అందజేత పూసపాటిరేగ: పోలిపల్లిలో డేటా సెంటర్‌ నిర్మాణానికి అవసరమైన భూ సేకరణకు రైతులకు ఎలాంటి నోటీసులు ఇవ్వకుండా నోటిఫికేషన్‌ ఎలా ఇస్తారంటూ రైతులు ఆగ్రహం వ్యక్తంచేశారు. భోగాపురం తహసీల్దార్‌ కార్యాలయం ఎదుట పోలిపల్లి గ్రామ రైతులు గురువారం నిరసన తెలిపారు. కనీసం గ్రామసభ కూడా నిర్వహించకపోవడాన్ని ఆక్షేపించారు. నోటిఫికేషన్‌లో ఉన్న విస్తీర్ణానికి, రికార్డు పాప్తికి వ్యత్యాసం ఉందన్నారు. డీ పట్టాలో హక్కు దారులు కాకుండా నోటిఫికేషన్‌లో వేరే వ్యక్తులు పేర్లు ఎలా వచ్చాయని అధికారులను ప్రశ్నించారు. న్యాయపరమైన స్పష్టత వచ్చే వరకు భూసేకరణ ప్రక్రియ నిలుపుదల చేయాలని డిమాండ్‌ చేశారు. ఈ మేరకు డిప్యూటీ తహసీల్దార్‌ సుభాష్‌కు వినతిపత్రం అందజేశారు. కార్యక్రమంలో పోలిపల్లి రైతులు పి.రవిశంకర్‌, ఎ.శ్రీను, ఎస్‌.రాము, పి.కనకమహాలక్ష్మి పాల్గొన్నారు.

సాక్షి, విశాఖపట్నం: కూటమి ప్రభుత్వ ‘వెన్నుపోటు’ రాజకీయాన్ని, బీసీలకు జరిగిన వంచనను ఎండగట్టేందుకు ఈ నెల 16న విశాఖలో నిర్వహించనున్న ‘బీసీ గర్జన’ను విజయవంతం చేయాలని వైఎస్సార్‌సీపీ నేతలు పిలుపునిచ్చారు. ఉత్తరాంధ్ర జోన్‌–1 పరిధిలో బీసీ గర్జన సన్నాహక సమావేశాన్ని గురువారం ఎండాడలోని వైఎస్సార్‌సీపీ కార్యాలయంలో పార్టీ బీసీ సెల్‌ రాష్ట్ర అధ్యక్షుడు, ఎమ్మెల్సీ రమేష్‌ యాదవ్‌ ఆధ్వర్యంలో నిర్వహించారు. ఉత్తరాంధ్రలోని బీసీ నేతల నుంచి సూచనలు, సలహాలు స్వీకరించారు. రాష్ట్రంలోని 139 బీసీ కులాల సమస్యలను తెలుసుకుని, వాటిని ప్రజల్లోకి తీసుకెళ్లే అంశాలపై చర్చించారు. ఎన్నికలకు ముందు కూటమి ఇచ్చిన హామీలు, అధికారంలోకి వచ్చిన తర్వాత బీసీలకు జరిగిన అన్యాయం, వైఎస్సార్‌సీపీ ప్రభుత్వంలో బీసీలకు అందిన సంక్షేమాన్ని ప్రజలకు వివరించాలని నేతలు సూచించారు. కార్యక్రమంలో వైఎస్సార్‌సీపీ విజయనగరం జిల్లా అధ్యక్షుడు బెల్లాన చంద్రశేఖర్‌, మాజీ ఎమ్మెల్యేలు బొత్స అప్పలనర్సయ్య, శోభా హైమావతి, సమన్వయకర్తలు బొత్స అనూష, బీసీ సెల్‌ అధ్యక్షడు మామిడి శ్రీకాంత్‌, తదితరులు పాల్గొన్నారు. మోసాలను ప్రజల్లోకి తీసుకెళ్లాలి: ధర్మాన బీసీల పార్టీగా చెప్పుకొనే టీడీపీ.. బీసీలకు చేసింది మోసం, దగా తప్ప మరేమీ లేదని మాజీ మంత్రి ధర్మాన ప్రసాదరావు అన్నారు. వైఎస్సార్‌సీపీ ప్రభుత్వంలో బీసీలకు అనేక సంక్షేమ పథకాలు అమలు చేశామని, వాటిని ప్రజల్లోకి తీసుకెళ్లాల్సిన బాధ్యత బీసీ నాయకులు, కార్యకర్తలపై ఉందన్నారు. ప్రభుత్వ భూములను కారుచౌకగా కేటాయిస్తున్నారని, విశాఖలో ఇటీవల 16 హోటళ్లకు ప్రభుత్వ భూములు కేటాయించిన అంశాన్ని ప్రజలకు వివరించాలన్నారు. బీసీలకు విద్య, వైద్యం అందని పరిస్థితి నెలకొందని విమర్శించారు. స్థానిక సంస్థల ఎన్నికల్లో పార్టీని బలోపేతం చేసి, బీసీల హక్కుల కోసం ఐక్యంగా పోరాడాలని పిలుపునిచ్చారు. 20 ఏళ్ల పాలనలో అన్యాయం: బూడి చంద్రబాబు ఉమ్మడి, విభజిత ఆంధ్రప్రదేశ్‌లో సుమారు 20 ఏళ్లు పాలించినా బీసీలకు తీవ్ర అన్యాయం చేశారని మాజీ డిప్యూటీ సీఎం బూడి ముత్యాలనాయుడు విమర్శించారు. 2014లో ఇచ్చిన హామీలను అమలు చేయకుండా, 2024లోనూ మరోసారి బీసీలను మోసం చేశారని అన్నారు. టీడీపీ బీసీల పార్టీ కాదని, వంచించిన పార్టీ అని ధ్వజమెత్తారు. హామీలతో మభ్యపెట్టి.. అధికారంలోకి వచ్చాక మోసం వైఎస్సార్‌సీపీ హయాంలోనే బీసీలకు పెద్దపీట వైఎస్సార్‌సీపీ బీసీ నేతలు బొత్స, ధర్మాన 16వ తేదీన విశాఖలో ఉత్తరాంధ్ర జోన్‌–1 బీసీ గర్జన మేలు కన్నా మోసమే ఎక్కువ: బొత్స నాలుగు దఫాలుగా ముఖ్యమంత్రిగా పనిచేసిన చంద్రబాబు బీసీలకు చేసిన మేలు కన్నా మోసమే ఎక్కువని శాసనమండలి విపక్షనేత బొత్స సత్యనారాయణ విమర్శించారు. ఐదేళ్లు అధికారంలో ఉన్న వైఎస్‌ జగన్‌మోహన్‌రెడ్డి బీసీలకు చారిత్రాత్మక మేలు చేశారని అన్నారు. 2019లో బీసీ గర్జనలో ఇచ్చిన హామీలను మేనిఫెస్టోలో చేర్చి అమలు చేశామని గుర్తుచేశారు. సర్పంచ్‌ స్థాయి నుంచి జిల్లా స్థాయి వరకు బీసీ కమిటీలను సమన్వయం చేసుకుని గర్జనను విజయవంతం చేయాలని కోరారు.

● ఇద్దరు నిందితుల అరెస్ట్‌ విశాఖ: క్రికెట్‌ బెట్టింగ్‌లకు అలవాటుపడి, వాహన చోరీలకు పాల్పడిన ఇద్దరు నిందితులను అరెస్ట్‌ చేసి, వారి నుంచి రూ.10.65 లక్షలు విలువైన 21 బైక్‌లను స్వాధీనం చేసుకున్నట్లు ద్వారకా సబ్‌–డివిజన్‌ క్రైం సీఐ వి.చక్రధరరావు తెలిపారు. ఈ మేరకు ఆరిలోవ పోలీస్‌ స్టేషన్‌లో ఎస్‌ఐ శ్రీనివాసరావుతో కలిసి గురువారం ఆయన మీడియాకు వివరాలు వెల్లడించారు. సత్యం జంక్షన్‌ నివాసి వెంపటాపు షణ్ముఖ తన ఇంటి ముందు గత నెల 6న బైక్‌ పార్క్‌ చేశాడు. మరుసటి రోజు ఉదయం చూసేసరికి బైక్‌ కనిపించలేదు. దీనిపై ఆయన ఈ నెల 15న క్రైం పోలీసులకు ఫిర్యాదు చేశారు. అదే సమయంలో ద్వారకా పోలీస్‌ స్టేషన్‌ పరిధిలో మరికొన్ని మోటార్‌ సైకిల్‌ చోరీలు జరగడంతో పోలీసులు దర్యాప్తు చేపట్టారు. ఘటన జరిగిన ప్రాంతాలతో పాటు వివిధ ప్రాంతాల్లోని సీసీటీవీ ఫుటేజీలను పరిశీలించి, నిందితుల ఫోన్‌ నంబర్లను గుర్తించారు. కాకినాడ జిల్లా తిరుమలి గ్రామానికి చెందిన గుదే రాంబాబు, హైదరాబాద్‌ బాలానగర్‌ ప్రాంతానికి చెందిన జిడ్డు పవన్‌ ఈ బైక్‌లను దొంగిలించినట్లు తేల్చారు. వారిని అదుపులోకి విచారించగా, వారు ఎక్కడెక్కడ వాహనాలు దొంగిలించింది బయటపడింది. నిందితులిద్దరూ స్నేహితులని, క్రికెట్‌ బెట్టింగ్‌లకు అలవాటుపడి ఈ దొంగతనాలకు పాల్పడినట్లు సీఐ వెల్లడించారు. గత మూడు నెలలుగా వీరు ద్వారకా, ఎంవీపీ, ఎయిర్‌పోర్టు, గాజువాకతో పాటు కాకినాడ, ఎలమంచిలి, రామభద్రపురం, ఖమ్మం తదితర ప్రాంతాలలో బైక్‌లను దొంగిలించి, తక్కువ ధరలకు విక్రయిస్తూ సొమ్ము చేసుకుంటున్నట్లు గుర్తించారు. నిందితుల నుంచి స్వాధీనం చేసుకున్న 21 ద్విచక్ర వాహనాలను ఆరిలోవ పోలీస్‌ స్టేషన్‌ ఆవరణకు తరలించామని, తదుపరి చర్యల నిమిత్తం వాటిని కోర్టుకు అప్పగిస్తామని సీఐ తెలిపారు. గురువారం నిందితులను రిమాండ్‌కు తరలించారు.

● ఫీజు ప్రక్రియతో ప్రభుత్వానికి రూ.9.51 కోట్ల ఆదాయం ● జిల్లా ప్రొహిబిషన్‌ అండ్‌ ఎకై ్సజ్‌ అధికారి బి.శ్రీనాథుడువిజయనగరం రూరల్‌: విజయనగరం జిల్లాలో మద్యం దుకాణాల (ఎ–4 షాపుల) కేటాయింపునకు నిర్వహించిన లక్కీ డ్రా ప్రక్రియ గురువారం విజయవంతంగా పూర్తయింది. నిబంధనల ప్రకారం కలెక్టర్‌ ఎన్‌.రాంసుందర్‌ రెడ్డి చేతుల మీదుగా జిల్లాలోని 25 మద్యం దుకాణాలకు లాటరీ ప్రక్రియను నిర్వహించారు. జిల్లాలో 169 మద్యం దుకాణాలు ఉండగా 2026 27 ఆర్థిక సంవత్సరానికి రెన్యువల్‌ చేసుకోవడానికి ప్రభుత్వం ఉత్తర్వులు జారీ చేయగా గడువు ముగిసే నాటికి 139 మద్యం దుకాణాలు రెన్యువల్‌ అయ్యాయి. మిగిలిన 30 దుకాణాలను లాటరీ పద్ధతిలో కేటాయించేందుకు అధికారులు నోటిఫికేషన్‌ జారీ చేయగా ఈనెల 6న గడువు ముగిసేనాటికి 25 మద్యం దుకాణాలకు 138 దరఖాస్తులు వచ్చాయి. ఈ 25 మద్యం దుకాణాల నిర్వహణకు వచ్చిన దరఖాస్తులను పరిశీలించి, కలెక్టరేట్‌ ఆడిటోరియంలో గురువారం లాటరీ ప్రక్రియ నిర్వహించినట్లు డీఈఈవో శ్రీనాథుడు తెలిపారు. మద్యం దుకాణాల రెన్యువల్‌, 25 ఎ–4 మద్యం దుకాణాలకు సంబంధించి లైసెన్‌న్స్‌ ఫీజు, పర్మిట్‌ రూమ్‌ ఫీజు ప్రక్రియ ద్వారా ప్రభుత్వానికి రూ.9.51 కోట్ల ఆదాయం సమాకూరిందని ఆయన వెల్లడించారు. ఇంకా మిగిలిపోయిన ఐదు మద్యం దుకాణాలకు కేటాయింపులకు కొద్ది రోజుల్లో నోటిఫికేషన్‌ జారీ చేయనున్నట్లు ఆయన తెలిపారు. కార్యక్రమంలో డిప్యూటీ కమిషనర్‌ శ్రీనివాస్‌ చౌదరి, ఎకై ్సజ్‌ అధికారులు, సిబ్బంది పాల్గొన్నారు. జిల్లావ్యాప్తంగా రూ.52.88 కోట్ల వార్షిక ఆదాయం అంచనా పార్వతీపురం రూరల్‌: పార్వతీపురం మన్యం జిల్లాలో 2026–27 లైసెన్స్‌ సంవత్సరానికి గాను నోటిఫై చేసిన 9 ఎ–4 ఓపెన్‌ కేటగిరీ మద్యం దుకాణాలకు 8.10.2026న కలెక్టరేట్‌లోని సువర్ణముఖి సమావేశ మందిరంలో లాటరీ నిర్వహించారు. జాయింట్‌ కలెక్టర్‌ వైశాలి పర్యవేక్షణలో లాటరీ ద్వారా 9 దుకాణాలకు దరఖాస్తుదారుల ఎంపిక జరిగింది. పాలకొండ, పార్వతీపురం, సాలూరు, సీతానగరం ప్రాంతాల్లోని దుకాణాలకు కేటాయింపులు పూర్తయ్యాయి. ఈ 9 దుకాణాలకు గాను 45 దరఖాస్తులు రాగా, తిరిగి చెల్లించని దరఖాస్తు రుసుము ద్వారా ప్రభుత్వానికి రూ.1,35,00,000 ఆదాయం సమకూరింది. జిల్లాలో 52 ఓపెన్‌ కేటగిరీ, 4 గీత కులాల దుకాణాలు కలుపుకుని మొత్తం 56 దుకాణాలు ఉన్నాయి. వాటిలో 47 దుకాణాలు ఇప్పటికే రెన్యువల్‌ అయ్యాయి. మొత్తం 56 దుకాణాలకు సంబంధించి వార్షిక రిటైల్‌ ఎకై ్సజ్‌ పన్ను (ఆర్‌ఇటి), పర్మిట్‌ రూమ్‌ ఆర్‌ఈటీ, రెన్యువల్‌ ఆర్‌ఈటీ, దరఖాస్తు రుసుము అన్నీ కలిపి 2026–27 సంవత్సరానికి గాను మొత్తం రూ.52,88,70,000 వార్షిక ఆదాయం సమకూరనుంది. ప్రస్తుతం 47 దుకాణాల రెన్యువల్‌, అన్ని దుకాణాల తొలి వాయిదాలు, దరఖాస్తు రుసుములతో కలుపుకుని మొత్తం రూ.23,16,92,500 ఆదాయం ప్రభుత్వానికి చేరిందని జిల్లా ప్రొహిబిషన్‌, ఎకై ్సజ్‌ అధికారి పత్రికా ప్రకటనలో వెల్లడించారు.

రాజాం: మండలంలోని కంచరాం జెడ్‌పీహైస్కూల్‌ పీడీ తాలాడ దుర్గారావు స్కూల్‌ గేమ్స్‌ ఫెడరేషన్‌ నిర్వహిస్తున్న రాష్ట్రస్థాయి పోటీలకు కోచ్‌గా ఎంపికయ్యారు. ఈనెల 10 నుంచి 12 వరకూ పల్నాడు జిల్లా కారంపూడిలో జరుగనున్న పోటీలకు ఈయన ఉమ్మడి శ్రీకాకుళం జిల్లాకు చెందిన రెజ్లింగ్‌ టీమ్‌కు కోచ్‌గా వ్యవహరించనున్నారని స్కూల్‌ గేమ్స్‌ కమిటీ గురువారం తెలిపింది. ఈ మేరకు ఆయన రెజ్లింగ్‌ టీమ్‌తో కోచ్‌గా పోటీలకు బయల్దేరారు. ఈ సందర్భంగా ఆయన్ని పాఠశాల హెచ్‌ఎం వై.గౌరునాయుడు, ఏపీటీఎఫ్‌ జిల్లా అధ్యక్షుడు మజ్జి మదన్‌మోహన్‌, ఉపాధ్యాయులు లంక శ్రీనివాసరావు, పి.వేణుగోపాలరావు, వై.భాస్కరరావు, బి.మహేష్‌, గౌరీశంకరరావు, టి.అనూరాధ, అరుణ, వల్లూరి ముత్యాలమ్మ తదితరులు అభినందించారు. జర్నలిస్టు అవార్డులకు దరఖాస్తు గడువు పెంపుపార్వతీపురం: ఉత్తమ జర్నలిస్టుల అవార్డులకు దరఖాస్తు చేసుకునే గడువును అక్టోబర్‌ 15వరకు పొడిగించినట్లు సమాచార పౌరసంబంధాలశాఖ ఒక ప్రకటనలో తెలిపింది. ప్రింట్‌, ఎలక్ట్రానిక్‌ మీడియా జర్నలిస్టులకు పది విభాగాల్లో మొత్తం 12 అవార్డులు అందజేయనున్నట్లు పేర్కొన్నారు. అవార్డుల నగదు పారితోషికం రూ. లక్ష నుంచి రూ.2 లక్షల వరకు ఉంటుంది. అర్హులైన జర్నలిస్టులు తమ దరఖాస్తులతోపాటు 2025లో ప్రచురితమైన, ప్రసారమైన కనీసం ఐదు వార్తా కథనాలు, వ్యాసాలు, ఫొటోలు సంబంధిత ఆధారాలను జతచేయాలి. దరఖాస్తులను డైరెక్టర్‌, సమాచార పౌరసంబంధాల శాఖ, రెండవ అంతస్తు, ఎన్‌టీఆర్‌ పరిపాలన భవనం, పండిట్‌ నెహ్రూ బస్టేషన్‌ విజయవాడ చిరునామాకు నేరుగా లేదా పోస్టు ద్వారా పంపించాలని సూచించారు.

గంట్యాడ: మండలంలోని బురదపాడు గ్రామానికి చెందిన లచ్చిరెడ్డి వెంకట్రావు(45) పాము కాటుతో గురువారం మృతిచెందాడు. పొలం పనులకు వెళ్తుండగా గట్టుపై పాము కాటేయడంతో అపస్మారక స్థితికి చేరుకున్నాడు. జిల్లా కేంద్రాస్పత్రికి తరలించగా అప్పటికే మృతి చెందినట్లు వైద్యులు నిర్ధారించారు. మృతుడికి భార్య వరలక్ష్మి, ఇద్దరు కుమారులు ఉన్నారు. చెరువులో పడి మరో వ్యక్తి..గంట్యాడ: మండలంలోని చిన్నమానాపురం గ్రామానికి చెందిన పాసల రమాకాంత్‌(34) కారు ప్రమాదంలో మృతిచెందాడు. బుధవారం రాత్రి కొటారుబిల్లి మీదుగా చిన్నమానాపురం వెళ్తుండగా నీలావతి పెట్రోల్‌ స్టాక్‌ పాయింట్‌ వద్ద కారు అదుపుతప్పి గంట్యాడ పెద్దచెరువులోకి దూసుకెళ్లింది. కారును నడుపుతున్న రమాకాంత్‌ నీటిలో మునిగి ఊపిరాడక మృతి చెందినట్లు పోలీసులు తెలిపారు. కుటుంబ సభ్యుల ఫిర్యాదు మేరకు మృతదేహాన్ని పోస్టుమార్టం నిమిత్తం తరలించినట్లు ఎస్సై సాయికృష్ణ తెలిపారు. మృతుడికి తల్లి, సోదరుడు ఉన్నారు.

విజయనగరం రూరల్‌: జిల్లాలోని ఏ–4 మద్యం దుకాణాల పునరుద్ధరణ (రెన్యువల్‌) ప్రక్రియలో భాగంగా మిగిలిన 30 మద్యం దుకాణాలకు గడువు ముగిసేనాటికి 25 మద్యం దుకాణాలకు 138 దరఖాస్తులు అందాయని ఎకై ్సజ్‌ అధికారి బి.శ్రీనాథుడు బుధవారం తెలిపారు. జిల్లాలోని 169 మద్యం దుకాణాల రైన్యువల్‌కు 139 మద్యం దుకాణాలు రెన్యువల్‌ కాగా 30 మద్యం దుకాణాలు రెన్యువల్‌ కాకుండా మిగిలిపోయాయి. వీటిని లాటరీ పద్ధతిలో కేటాయించేందుకు అధికారులు దరఖాస్తులు ఆహ్వానించారు. ఈనెల 6న దరఖాస్తు గడువు ముగిసే నాటికి 138 దరఖాస్తులు అందాయి. వీటివల్ల ప్రభుత్వానికి మొత్తం రూ.4,14,00,000ల ఆదాయం సమకూరింది. 25 ఏ4 మద్యం దుకాణాలకు దరఖాస్తు చేసుకున్న అభ్యర్థులకు ఈ నెల 8న ఉదయం 8 గంటలకు కలెక్టర్‌ కార్యాలయంలోని ఆడిటోరియంలో కలెక్టర్‌ రాంసుందర్‌రెడ్డి ఆధ్వర్యంలో లాటరీ పద్ధతిలో కేటాయిస్తామని తెఎకై ్సజ్‌ అధికారి లిపారు. జిల్లా బూత్‌ కమిటీ వింగ్‌ ప్రెసిడెంట్‌గా పొన్నాడ చీపురుపల్లిరూరల్‌(గరివిడి): వైఎస్సార్‌ కాంగ్రెస్‌ పార్టీ జిల్లా బూత్‌ కమిటీ వింగ్‌ ప్రెసిడెంట్‌గా చీపురుపల్లి నియోజకవర్గం గరివిడి మండలంలోని అర్తమూరు గ్రామానికి చెందిన పొన్నాడ కుమార్‌ నియామకమయ్యారు. వైఎస్సార్‌సీపీ జాతీయ అధ్యక్షుడు వై.ఎస్‌.జగన్‌మోహన్‌రెడ్డి ఆదేశాల మేరకు పార్టీ కేంద్ర కార్యాలయం ఉత్వర్వులు వెలువరించింది. రాములోరికి పట్టుపవిత్రాల సమర్పణ ● మంగళవాయిద్యాలతో పట్టుపవిత్రాల ఊరేగింపు ● పాల్గొన్న భక్తజనం ● నేడు స్వామివారికి పట్టాభిషేక మహోత్సవం నెల్లిమర్ల రూరల్‌: సుప్రసిద్ధ పుణ్యక్షేత్రం రామతీర్థం సీతారామస్వామి వారి దేవస్థానంలో స్వామివారికి పట్టు పవిత్రాల సమర్పణ కార్యక్రమం బుధవారం అత్యంత వైభవంగా జరిగింది. వేకువ జామున ప్రాతఃకాలార్చన పూజలనంతరం మంగళాశాసనం, తీర్థ గోష్ఠి కార్యక్రమాలను పూర్తిచేశారు. పారాయణాలు, జపములు, హవనాలు నిర్వహించి అష్ట కలశస్నపన మహోత్సవం జరిపించారు. అనంతరం దేవస్థాన అర్చకులు, వివిధ ప్రాంతాల నుంచి విచ్చేసిన వేద రుత్విక్కుల ఆధ్వర్యంలో శ్రీరంగం నుంచి తీసుకువచ్చిన పట్టు పవిత్రాలను మంగళవాయిద్యాల నడుమ దేవస్థాన వెలుపుల ఊరేగింపు జరిపించి సీతారామస్వామికి సమర్పించారు. పవిత్రోత్సవాల్లో భాగంగా గురువారం పవిత్ర విసర్జన, పూర్ణాహుతి, శాంతి కల్యాణంతో పాటు పట్టాభిషేక మహోత్సవాన్ని జరిపిస్తామని అర్చకులు తెలిపారు. కార్యక్రమంలో ఈఓ శ్రీనివాసరావు, అర్చకులు సాయిరామాచార్యులు, నరసింహాచార్యులు, కిరణ్‌, వర ప్రసాద్‌, రామగోపాల్‌ పాల్గొన్నారు.

భోగాపురంలో డేటా సెంటర్‌ నిర్మాణానికి ప్రభుత్వం ఇచ్చిన నోటిఫికేషన్‌ తక్షణమే రద్దు చేయాలి. ఇప్పటికే భోగాపురంలో వందలాది ఎకరాల భూమిని ప్రభుత్వం తీసుకుంది. మరలా ఇదే గ్రామంలో అభివృద్ధి పేరిట ప్రైవేటు వ్యక్తులకు విలువైన భూములు దారాదత్తం చేయడం దుర్మార్గం. భూ సేకరణ నిర్ణయం వెనుకకు తీసుకోకపోతే ఉద్యమం తీవ్రతరం చేస్తాం. – దేవ పుష్పలత, మాజీ ఎంపీపీ, భోగాపురం ఆత్మహత్యలే శరణ్యం నిరుపేద రైతుల నుంచి భూములు లాక్కుంటే ఆత్మహత్యలే శరణ్యం. జీవనాధారం కోల్పోతే వేరే గత్యంతరం లేదు. ఉన్నపాటి కొద్దిపాటి భూములను ఎటువంటి సమాచారం ఇవ్వకుండానే సేకరణకు నోటిఫికేషన్‌ ఇవ్వడం దారుణం. చంద్రబాబు ప్రభుత్వం నిరుపేద రైతుల పొట్ట కొట్టి ప్రైవేటు వ్యక్తులకు భూములు ఇచ్చేందుకు చూస్తోంది. – ఎస్‌.పుష్ప, మహిళా రైతు, భోగాపురం భూసేకరణ ఆపాలి డేటా సెంటర్‌ కోసం ప్రభుత్వ భూ సేకరణ నిర్ణయం వెనక్కి తీసుకోవాలి. ఎయిర్‌ పోర్టు పేరిట ఇప్పటికే గ్రామానికి చెందిన 900 ఎకరాలు తీసుకోగా, మరలా డేటా సెంటర్‌ కోసం 350 ఎకరాల కోసం నోటిఫికేషన్‌ ఇచ్చారు. ప్రభుత్వం నిర్ణయం సరికాదు. – పి.భానుప్రకాష్‌, భోగాపురం రైతు

● పార్టీ శ్రేణులకు పిలుపునిచ్చిన శాసనమండలి విపక్షనేత బొత్స సత్యనారాయణ చీపురుపల్లి రూరల్‌ (మెరకముడిదాం): రాబోయే స్థానిక సంస్థల ఎన్నికల్లో వైఎస్సార్‌సీపీ అభ్యర్థుల విజయమే లక్ష్యంగా నాయకులు, కార్యకర్తలు సమష్టిగా పనిచేయాలని వైఎస్సార్‌సీపీ శాసన మండలి విపక్షనేత బొత్స సత్యనారాయణ పిలుపునిచ్చారు. మెరకముడిదాం మండలం గర్భాంలో బుధవారం నిర్వహించిన మండల విస్త్రతస్థాయి సమావేశంలో ఆయన మాట్లాడారు. వచ్చే ఎన్నికల్లో ఎంపీటీసీ, జెడ్పీటీసీ, సర్పంచ్‌ స్థానాల్లో పార్టీ అభ్యర్థులను గెలిపించే బాధ్యత మనపై ఉందన్నారు. గ్రామాల్లో నాయకులు ప్రజల్లోకి వెళ్లి వారి సమ స్యలు తెలుసుకోవాలని, సాధ్యమైన సమస్యలు పరిష్కరించేలా చర్యలు తీసుకోవాలని సూచించారు. అవసరమైతే తనను ఫోన్‌లో సంప్రదించాలని, సమస్యల పరిష్కారానికి కలిసి పనిచేద్దామని కార్యకర్తలకు భోరోసా ఇచ్చారు. ● కార్యకర్తలకు గుర్తింపు కార్డులు.. వైఎస్సార్‌సీపీ అధ్యక్షుడు జగన్‌మోహన్‌రెడ్డి చీపురుపల్లి నియోజకవర్గంలో 11,700 మంది క్రియాశీలక కార్యకర్తలకు గుర్తింపు కార్డులు అందజేశారన్నారు. ఆపద సమయాన రూ.5 లక్షల ఆర్థిక సదుపాయం సైతం కల్పించారన్నారు. కార్యకర్తల కష్టసుఖాల్లో పార్టీ అండగా ఉండాలనే మానవతా దృక్పథంతోనే కార్యక్రమాన్ని రూపొందించినట్లు వివరించారు. కార్యకర్తలే పార్టీకి బలమని, భవిష్యత్తులో ప్రభుత్వానికి–ప్రజలకు మధ్య అనుసంధాన కర్తలుగా గుర్తింపు లభిస్తుందని పేర్కొన్నారు. ● మెరకముడిదాం మండలంలో తాగునీటి సమస్య పరిష్కారానికి కృషిచేస్తానని బొత్స స్పష్టంచేశారు. కూటమి ప్రభుత్వం అధికారంలోనికి రాకముందు స్థానిక ఎమ్మెల్యే కిమిడి కళావెంకటరావు సుజల స్రవంతి పథకాన్ని తీసుకువచ్చి తాగునీటి సమస్య పరిష్కరిస్తామని హామీ ఇచ్చారని, ఆ దిశగా చర్యలు కనిపించడం లేదని ఆయన విమర్శించారు. 2029లో వైఎస్సార్‌సీపీ ప్రభుత్వం అధికారంలోనికి వచ్చిన వెంటనే పథకాన్ని తీసుకువచ్చి తాగునీటి సమస్యకు పరిష్కారం చూపుతామని హామీ ఇచ్చారు. తుఫాన్‌ గాలివలే రాజకీయాల్లోకూడా అప్పుడపుపడు చిన్నచిన్న గాలులు రావడం, పోవడం సహజమని, వాటిని పట్టించుకోవాల్సిన అవసరం లేదన్నారు. ఎన్నికల సమయంలో కళావెంకటరావు, సినీనటుడు బాలకృష్ణ ఈప్రాంతానికి వచ్చిన సందర్భంలో ఒక వ్యక్తి ఆర్థిక లావాదేవీలు, ఆక్రమణలకు పాల్పడుతున్నాడన్న ఆరోపణలు చేశారని.. ఇప్పుడు అదే వ్యక్తిని పార్టీలోకి ఎలా తీసుకున్నారని ప్రశ్నించారు. ఇప్పుడు నీతివంతుడయ్యాడా అంటూ ఎద్దేవా చేశారు. సమష్టిగా సాగుదాం పార్టీ జిల్లా అధ్యక్షుడు, పీఏసీ సభ్యుడు, మాజీ ఎంపీ బెల్లాన చంద్రశేఖర్‌ మాట్లాడుతూ స్థానిక సంస్థల ఎన్నికల్లో వైఎస్సార్‌సీపీ విజయం సాధించేలా అందరూ సమష్టిగా పనిచేయాలన్నారు. ప్రస్తుత కూటమి ప్రభుత్వంలో అన్ని వర్గాల వారు మోసపోయారని విమర్శించారు. మహిళలకు సున్నా వడ్డీలేదు. రుణమాఫీ వర్తింపజేయడంలేదు. నెలనెలా ఇస్తామన్న రూ.15 వందలు ఇవ్వడంలేదు. విద్యార్థులకు ఫీజు రీయింబర్స్‌మెంట్‌ బకాయిలు చెల్లించడంలేదు. నిరుద్యోగ భృతి ఊసే లేదు. రైతులకు ఎరువులు, విత్తనాలు లేవు. ప్రకృతి వైపరీత్యాల్లో పంటలను నష్టపోయిన రైతులను ఆదుకునే పరిస్థితి కనిపించడంలేదని విమర్శించారు. కార్యక్రమంలో వైఎస్సార్‌సీపీ భీమిలి నియోజకవర్గ సమన్వయకర్త బొత్స అనూష, బొత్స సందీప్‌, పార్టీ మండలాధ్యక్షుడు కేవీఆర్‌కే ప్రసాద్‌(రాము), నాయకులు ఎస్‌.వి.రమణరాజు, తాడ్డి వేణు, కృష్ణవేణి, చీపురుపల్లి, గరివిడి, గుర్ల మండల నాయకులు మీసాల వరహాలనాయుడు, ఇప్పిలి అనంతం, బెల్లాన వంశీకృష్ణ, మీసాల విశ్వేశ్వరరావు, కె.వి.సూర్యనారాయణరాజు, సీర అప్పలనాయుడు, పొట్నూరు సన్యాసినాయుడు, అంబళ్ల శ్రీరాములునాయుడు, నాయకులు, కార్యకర్తలు పాల్గొన్నారు.

● నేత్రాలపట్ల అప్రమత్తత అవసరం ● కంటిసమస్యలపై నిర్లక్ష్యం తగదు ● నేడు ప్రపంచ దృష్టి దినోత్సవం కంటి సంరక్షణకు తీసుకోవాల్సిన జాగ్రత్తలు ● ఎలాంటి సమస్య లేకున్నా ఏడాదికి ఒకసారి అయినా కంటి పరీక్షలు చేయించుకోవాలి. ● ఆకుకూరలు, పండ్లు, విటమిన్‌ ఎ అధికంగా ఉండే కూరగాయలను ఆహారంలో భాగంగా చేసుకోవాలి. ● బీపీ, సుగర్‌ అదుపులో ఉంచుకోవాలి. ● మురికి చేతులతో కళ్లను పదేపదే రుద్దడం వల్ల ఇన్‌ఫెక్షన్లు వచ్చే ప్రమాదముంది. ● వెల్డింగ్‌, పరిశ్రమలు, వ్యవసాయ పనుల్లో ఉన్నప్పుడు ప్రొటెక్టివ్‌ గ్లాసెస్‌ వాడాలి. ● వైద్యుని సలహా లేకుండా కంటి డ్రాప్స్‌ వాడకూడదు. ● ఆకస్తాత్తుగా చూపు మందగించడం, తీవ్రమైన నొప్పి కంటి గాయాలైతే వెంటనే నేత్ర వైద్యుడిని సంప్రదించాలి.ప్రభుత్వ సర్వజన ఆస్పత్రిలో కంటిరోగిని పరీక్షిస్తున్న వైద్యుడు నేడు ప్రపంచ దృష్టి దినోత్సవంవిజయనగరం ఫోర్ట్‌: మనిషిజీవితంలో అత్యంతఅమూల్యమైన వరం కంటి చూపు. ఉదయం లేచింది మొదలు రాత్రి నిద్రపోయే వరకు ప్రతి క్షణం ప్రపంచాన్ని అస్వాదించాలన్నా, చదువు, ఉద్యోగ, కుటుంబ బాధ్యతలను నిర్వర్తించాలన్నా చూపు సక్రమంగా ఉండడం ఎంతో ముఖ్యం. అయితే చాలా మంది కంటి సమస్యలను ప్రారంభంలో నిర్లక్ష్యం చేస్తుంటారు. ఇదే అసలు ముప్పునకు దారితీస్తోంది.గురువారం ప్రపంచ దృష్టి దినోత్సవం సందర్భంగా సాక్షి అందిస్తున్న ప్రత్యేక కథనం. కంటి చూపు తగ్గేవరకు ఆగకుండా ముందే కంటి పరీక్షలు చేయించుకోవాలి. దూరంగా ఉన్న వస్తువులు మసకగా కనిపించడం, చదవడంలో ఇబ్బంది తరచూ తలనొప్పి కళ్లలో మంట లేదా అలసట వంటిలక్షణాలు చాలా మంది పట్టించుకోరు. కాపీ ఈలక్షణాలు గ్లకోమా, రెటీనా, కంటి శుక్లం సమస్యలకు సంకేతం కావచ్చు. గ్లకోమా ప్రారంభదశలో ఎటువంటి లక్షణాలు చూపించకుండానే క్రమంగా చూపును దెబ్బతీస్తుంది. కంటిచూపుపై మొబైల్స్‌ ప్రభావం నేటి ఽఆధునిక కాలంలో మొబైల్స్‌, ల్యాప్‌టాప్‌లు, ఆన్‌లైన్‌ క్లాసుల కారణంగా పిల్లల కంటి చూపుపై తీవ్ర ప్రభావం పడుతోంది. పాఠశాల స్థాయిలోనే పిల్లలకు దృష్టి పరీక్షలు చేయించడం చాలా ముఖ్యం. క్లాస్‌ రూమ్‌లో బ్లాక్‌ బోర్డు సరిగా కనిపించకపోవడం, పుస్తకాన్ని ముక్కుకు దగ్గరగా పెట్టుకుని చదవడం, కళ్లను పదేపదే రుద్దడం వంటి లక్షణాలు కనిపిస్తే తల్లిదండ్రులు వెంటనే అప్రమత్తం కావాలి. స్క్రీన్‌ టైమ్‌ను తగ్గించి పిల్లలు రోజూ బయట ఆట ఆడేలా ప్రోత్సహించాలి. 20 అడుగుల దూరంలో ఉన్న వస్తువును 20 సెకన్ల పాటు చూడడం పాటించాలి.కంటి సమస్యలు అశ్రద్ధ చేయరాదుకంటి ఆరోగ్యంపై ప్రతి ఒక్కరూ బాధ్యత వహించాలి. కంటి సమస్యలను అశ్రద్ధ చేయకూడదు. అదేవిధంగా సొంతంగా మందులు వాడడం గాని, పసరు మందులు గాని వేసుకోకూడదు. చూపు లేకపోతే జీవితం అంధకారమే. కావును కళ్లను పరిరక్షించుకోవాలి. డాక్టర్‌ కె. త్రినాథ్‌ రావు, జిల్లా అంధత్వ నివారణ సంస్థ పోగ్రాం మేనేజర్‌ సుగర్‌ వ్యాధిగ్రస్తులు అప్రమత్తం సుగర్‌ వ్యాధి గుండె, కిడ్నీలపైనే కాకుండా కళ్లపై కూడా తీవ్ర ప్రభావం చూపుతుంది. సుగర్‌ లెవల్స్‌ అదుపులో లేకపోతే డయాబెటిక్‌ రెటినోపతి కారణంగా చూపు కోల్పేయే ప్రమాదం ఉంది. కాబట్టి సుగర్‌ ఉన్న ప్రతి బక్కరూ రెటీనా పరీక్షలు చేయించుకోవాలి.

ఉపాధిహామీ వేతన బకాయిలు కోట్లు! రూ.విజయనగరం ఫోర్ట్‌: ఉపాధి హామీ పధకం పేరు వీబీజీరామ్‌జీగా మారిందే తప్ప వేతనదారులకు తిప్పలు తప్పడం లేదు. పని దినాలు 100 రోజుల నుంచి 125 రోజులకు పెంచినా నెలల తరబడి వేతనాలు చెల్లించకపోవడం ఆవేదనకు, ఆర్థిక ఇబ్బందులకు గురిచేస్తోంది. వీబీజీరామ్‌జీ పథకం కింద పనిచేసిన 15 రోజుల్లో వేతనాలు చెల్లిస్తామని చంద్రబాబు సర్కారు గొప్పగా ప్రచారం చేసుకుంది. అయితే, వాస్తవ పరిస్థితి భిన్నంగా ఉందంటూ వేతనదారులు వాపోతున్నారు. వాస్తవంగా వీబీజీరామ్‌జీ పథకంలో పనికి వెళ్లిన వారంతా పేదవారే. రెక్కాడితేగాని డొక్కాడని పరిస్థితి. కుటుంబ పోషణ కోసం పనికి వెళ్తే వేతనాలు సకాలంలో చెల్లించకపోవడంతో ఇబ్బంది పడుతున్నారు. దీనికి తోడు జిల్లాలోని 22 మండలాల్లో కరువు అలుముకుంది. 10 మండలాల్లో తీవ్ర కరువు ఉండగా 12 మండలాల్లో మధ్యస్థ కరువు ఉన్నట్టు ప్రభుత్వం ప్రకటించింది. పంట భూములు సాగుకు నోచుకోక, గ్రామాల్లో పనులు దొరకక వేతనదారులకు కష్టాలు తప్పడంలేదు. ఈ పరిస్థితుల్లో కూడా పనికి వెళ్లిన వారికి వేతనాలు చెల్లించకపోవడంపై ఆగ్రహం వ్యక్తమవుతోంది. ఇదీ పరిస్థితి.. జిల్లాలో వీబీజీ రామ్‌జీ పథకం జాబ్‌ కార్డులు 3.34 లక్షలు ఉన్నాయి. ఇందులో వేతనదారులు 5.34 లక్షల మంది ఉన్నారు. ఆగస్టు, సెప్టెంబర్‌ నెలలో చేసిన పనులకు సంబంధించి వేతనదారులకు రూ.50 కోట్ల మేర బకాయిలు ప్రభుత్వం చెల్లించాల్సి ఉంది. వేతనబకాయిల అంశాన్ని డ్వామా పీడీ ఎస్‌.శారదాదేవి వద్ద ‘సాక్షి’ ప్రస్తావించగా బకాయిల మాట వాస్తవమేనని, నిధులు విడుదలైతే వేతనదారుల ఖాతాలకే జమవుతాయని చెప్పారు. ఆర్థిక ఇబ్బందుల్లో వేతనదారులు వేతనాల చెల్లింపుల్లో టీడీపీ సర్కారు జాప్యంపై ఆవేదన

సర్కారుతోపూసపాటిరేగ: భోగాపురంలో ఎయిర్‌పోర్టు పేరుతో ఇప్పటికే 900 ఎకరాలు సేకరించారు... మళ్లీ డేటా సెంటర్‌ పేరుతో మరో 350 సేకరణకు రైతులకు ఎలాంటి ముందస్తు సమాచారం లేకుండా నోటిఫికేషన్‌ ఇచ్చారు... ఇలా అయితే రైతులందరూ జీవనాధారం కోల్పోయి నిరాశ్రయులుగా మిగులుతారు.. బతుకు మార్గం ఉండదు.. ప్రభుత్వ నిర్ణయాన్ని తక్షణమే వెనుకకు తీసుకోవాలి... అప్పటివరకు ఉద్యమం ఆగదు.. తాడోపేడో తేల్చుకుంటామంటూ రైతులు ఆందోళన చేశారు. ప్రభుత్వ నిర్ణయంపై నిరసన తెలిపారు. భోగాపురం బజారు కూడలి నుంచి వందలాది మంది రైతులు భోగాపురం మెయిన్‌వీధి, పంచాయతీ కార్యాలయం, సినిమా థియేటర్‌, జిల్లాపరిషత్‌ పాఠశాల, జాతీయరహదారి మీదుగా తహసీల్దార్‌ కార్యా లయం వరకు ర్యాలీగా వెళ్లి కార్యాలయాన్ని ముట్టడించారు. రైతుల ఆందోళనతో తహసీల్దార్‌ కార్యాలయం తలుపులు వేయడంతో అక్కడే బైఠాయించి ఆందోళన చేశారు. డేటా సెంటర్‌ నిర్మాణానికి భూములు ఇచ్చేది లేదని తేల్చిచెప్పారు. బలవంతంగా భూములు తీసుకుంటే ఆత్మహత్యలే శరణ్యమన్నారు. చంద్రబాబు ప్రభుత్వం అభివృద్ధి పేరిట నిరుపేదల భూములు లాక్కొని ప్రైవేటు వ్యక్తులకు కట్టబెడుతోందంటూ ఆగ్రహం వ్యక్తం చేశారు. ఎలాంటి ముందస్తు సమాచారం లేకుండా తాతముత్తాతల నుంచి వారసత్వంగా వస్తున్న జిరాయితీ భూముల సేకరణకు ఎలా నోటిఫికేషన్‌ ఇస్తారని ప్రశ్నించారు. భూములను వదులుకోవడానికి సిద్ధంగా లేమని, తమ అభ్యంతరాలను రెవెన్యూ అధికారులు పరిగణలోకి తీసుకోవాలని పట్టుబట్టారు. భూ సేకరణ నిర్ణయం వెనుకకు తీసుకునేవరకు పోరాటం ఆగదన్నారు. అనంతరం తహసీల్దార్‌ జి.హేమంత్‌కుమార్‌కు వినతిపత్రం అందజేశారు. కార్యక్రమంలో గ్రామానికి చెందిన కొమ్మూ రు సుభూషణరావు, పడాల శ్రీనివాసరావు, సుందర హరీష్‌, దేవ పుష్పలత, పడాల భానుప్రకాష్‌, శిరుగుడు వాసుదేవరావుతో పాటు గ్రామానికి చెందిన వందలాది మంది రైతులు పాల్గొన్నారు. భోగాపురంలో డేటా సెంటర్‌కు భూ సేకరణకు వ్యతిరేకంగా కదంతొక్కిన రైతులు తహసీల్దార్‌ కార్యాలయం ముట్టడి జీవనాధారమైన భూములను లాక్కుంటే బతికేది ఎలా అంటూ ఆవేదన చంద్రబాబు సర్కారు తీరుపై ఆగ్రహం

విజయనగరం రూరల్‌: జవహర్‌లాల్‌ నెహ్రూ టెక్నలాజికల్‌ యూనివర్సిటీ గురజాడ విజయనగరం (జేఎన్‌టీయూజీవీ), విశాఖపట్నానికి చెందిన శ్రీయాన్‌ ఇంటర్నేషనల్‌ బిజినెస్‌ అడ్వైజరీ ప్రైవేట్‌ లిమిటెడ్‌ సంస్థతో బుధవారం కీలక అవగాహన ఒప్పందం (ఎంవోయూ) కుదుర్చుకుంది. ఈ సందర్భంగా వర్సిటీ వీసీ వి.వి.సుబ్బారావు, రిజిస్ట్రార్‌ కె.సి.బి.రావు, శ్రీయానన్‌ డైరెక్టర్‌ ఎస్‌.కిరణ్‌కుమార్‌ ఎంవోయూపై సంతకం చేశారు. ఈ ఒప్పందంతో విద్య–పరిశ్రమ అనుసంధానం మరింత బలోపేతం కావడంతో పాటు, భవిష్యత్‌ గ్రీన్‌ టెక్నాలజీలు, ఏఐ, రోబోటిక్స్‌, సుస్థిరత రంగాల్లో విద్యార్థుల నైపుణ్యాలు పెంపొందేందుకు అవకాశం కలుగుతుందని వర్సిటీ వర్గాలు పేర్కొన్నాయి. పునరుత్పాదక ఇంధనం, సుస్థిరత, ఇంధన పొదుపు, కత్రిమ మేధ (ఏఐ), రోబోటిక్స్‌, ఈఎస్‌జీ, కార్బన్‌ మేనేజ్‌మెంట్‌ తదితర ఆధునిక రంగాల్లో విద్యార్థులకు పరిశ్రమ ఆధారిత నైపుణ్య శిక్షణ, ప్రాజెక్టు ఆధారిత అభ్యాసం, పరిశోధన, ఇంటర్న్‌షిప్‌లను అందించడమే ఈ ఒప్పందం ప్రధాన ఉద్దేశమన్నారు. విద్యార్థులకు పరిశ్రమల సమస్యల పరిష్కాంపై ప్రాక్టికల్‌ శిక్షణ, నిపుణుల మార్గదర్శకత్వం, ఇంటర్న్‌షిప్‌లు అందించే అవకాశం ఉంటుంది. బీటెక్‌ చివరి సంవత్సరం, ఎంటెక్‌, పీహెచ్‌డీ విద్యార్థుల ప్రాజెక్టులకు పరిశ్రమ నిపుణులు మార్గదర్శకత్వం అందించడంతో పాటు విద్యార్థుల ఆలోచనలను ప్రోటోటైప్‌ నుంచి వ్యాపార నమూనా, వాణిజ్యీకరణ దిశగా తీసుకెళ్లేందుకు సహకారం అందించనున్నారు. ‘లివింగ్‌ ల్యాబొరేటరీ’గా జేఎన్‌టీయూ జీవీ క్యాంపస్‌ జేఎన్‌టీయూ జీవీ ప్రాంగణాన్ని దశలవారీగా సుస్థిర, స్మార్ట్‌ క్యాంపస్‌ ‘లివింగ్‌ ల్యాబొరేటరీ’గా అభివద్ధి చేసే అవకాశాన్ని ఎంవోయూ ప్రతిపాదిస్తోంది. సౌర విద్యుత్‌, ఇంధన సామర్థ్యం, నీరు–వ్యర్థాల నిర్వహణ, గ్రీనన్‌ ఇన్‌ప్రాస్ట్రక్చర్‌, ఎలక్ట్రిక్‌ వాహనాల చార్జింగ్‌, ఈఎస్‌జీ డేటా మానిటరింగ్‌ వంటి అంశాల్లో ప్రయోగాత్మక కార్యకలాపాలకు అవకాశం కల్పించనున్నారు. సోలార్‌ ట్రైనింగ్‌ ల్యాబ్‌, బ్యాటరీ ఎనర్జీ స్టోరేజ్‌, ఈవీ ఛార్జింగ్‌ డెమో యూనిట్లు, ఐఓటీ/ఏఐ ఆధారిత ఎనర్జీ మేనేజ్‌మెంట్‌, రోబోటిక్స్‌ డెమో యూని ట్లు, కార్బన్‌–ఈఎస్‌జీ డేటా ల్యాబ్‌తో కూడిన ‘రెన్యూవబుల్‌ ఎనర్జీ, ఈఎస్‌జీ అండ్‌ ఇన్నోవేషన్‌ సెంటర్‌’ ఏర్పాటును కూడా పరిశీలించనున్నారు. కార్బన్‌ ఫుట్‌ప్రింట్‌ అధ్యయనాలు, కార్బన్‌ బేస్‌ లైన్‌ అంచనాలు, ఉద్గారాాల విశ్లేషణ, కార్బన్‌ డ్యాష్‌ బోర్డులు, ఉద్గారాల తగ్గింపు అవకాశాల గుర్తింపు వంటి కార్యక్రమాల్లో విద్యార్థులను భాగస్వాములను చేసే అవకాశం కలుగుతుంది.

విజయనగరం రూరల్‌: సైనికుల పునరావాసానికి నైపుణ్య శిక్షణ ఎంతో కీలకమని సీటీయూ ఉపకులపతి టి.శ్రీనివాసన్‌ అన్నారు. ఈ మేరకు కేంద్రియ గిరిజన విశ్వవిద్యాలయం (సీటీయూ) ఆధ్వర్యంలో పుణే సైనిక పునరావాస సంచాలక కార్యాలయం సహకారంతో జాబ్‌ ఓరియెంటెడ్‌ ఎడ్యుకేషన్‌ అండ్‌ రీసెటిల్మెంట్‌ కార్యక్రమంలో భాగంగా ‘సర్టిఫికెట్‌ ప్రోగ్రాం ఇన్‌ ట్రావెల్‌ కన్సల్టెన్సీ కోర్సు’ బుధవారం ఘనంగా ప్రారంభమైంది. ఈ సందర్భంగా ఉపకులపతి టి.శ్రీనివాసన్‌ మాట్లాడుతూ విద్యను ఉపాధి అవకాశాలతో అనుసంధానించడంలో ఇటువంటి నైపుణ్యాభివృద్ధి కార్యక్రమాలు కీలకపాత్ర పోషిస్తాయని పేర్కొన్నారు. ప్రస్తుత ఉద్యోగ రంగంలో మారుతున్న అవసరాలకు అనుగుణంగా నూతన నైపుణ్యాలను అభివృద్ధి చేసుకోవడంతో శిక్షణార్థులు మెరుగైన ఉపాధి, స్వయం ఉపాధి అవకాశాలను అందిపుచ్చుకోవచ్చని తెలిపారు. శిక్షణలో పొందే జ్ఞానం, అనుభవాన్ని సద్వినియోగం చేసుకుని తమ వృత్తిపరమైన సామర్థ్యాలను మరింత పెంపొందించుకోవాలని, భవిష్యత్‌లో ఆత్మవిశ్వాసంతో కొత్త అవకాశాలను అందిపుచ్చుకోవాలని శిక్షణార్థులకు సూచించారు. పర్యాటక రంగంలో అవకాశాలు రిజిస్ట్రార్‌ జితేంద్ర మోహన్‌ మిశ్రా మాట్లాడుతూ, సైనిక సేవల అనంతరం పునరావాసం పొందే వారికి నైపుణ్యాభివృద్ధి ద్వారా ఉపాధి అవకాశాలు కల్పించడం ఈ కార్యక్రమం ప్రధాన ఉద్దేశమని తెలి పారు. ప్రయాణం, పర్యాటక రంగాల్లో పెరుగుతు న్న అవకాశాల నేపథ్యంలో ఈ కోర్సు ఎంతో ఉపయోగకరమని పేర్కొన్నారు. కన్సల్టెంట్‌ డాక్టర్‌ ఉజ్వల్‌ కుమార్‌ ఘటక్‌ మాట్లాడుతూ, సైనిక సేవల అనంతరం కొత్త వృత్తి జీవితాన్ని ప్రారంభించేందుకు నైపుణ్య శిక్షణ ఎంతో అవసరమన్నారు. ఈ కార్యక్రమంలో సైనిక పునరావాస సంచాలక కార్యాలయం ప్రతినిధి డీజీఆర్‌ (సౌత్‌) లెఫ్టినెంట్‌ కల్నల్‌ నీరజ్‌ కుమార్‌ మాట్లాడుతూ భారత సైన్యం, భార త నౌకాదళం, భారత వైమానిక దళంలో సేవానంతరం పునరావాసం, ప్రత్యామ్నాయ ఉపాధి అవకా శాలు కల్పించడంలో తమ కార్యాలయం కీలకపాత్ర పోషిస్తోందని తెలిపారు. నైపుణ్య శిక్షణ ద్వారా మాజీ సైనికులు కొత్త వృత్తుల్లో స్థిరపడేందుకు, స్వయం ఉపాధి పొందేందుకు ఇటువంటి కార్యక్రమాలు ఎంతో ప్రయోజనకరమని పేర్కొన్నారు. కా ర్యక్రమంలో సీటీయూ ఏవో ఎన్‌వీఎస్‌ సూర్యనారా యణ, ఆర్మీ, నేవీకి చెందిన 45 మంది సైనిక శిక్షణార్థులు, అధ్యాపకులు, విద్యార్థులు పాల్గొన్నారు. సీటీయూ ఉపకులపతి టి.శ్రీనివాసన్‌

కురుపాం: జాతీయస్థాయి మాస్టర్స్‌ అథ్లెటిక్స్‌ పోటీలకు కురుపాం జిల్లా పరిషత్‌ ఉన్నత పాఠశాల వ్యాయామ ఉపాధ్యాయుడు పి.హరికృష్ణ ఎంపికై నట్లు ప్రధానోపాధ్యాయుడు తోట శంకరరావు బుధవారం తెలిపారు. గత నెల 12,13 వ తేదీల్లో పశ్చిమగోదావరి జిల్లా తణుకు లో జరిగిన రాష్ట్రస్థాయి పోటీల్లో పరుగు పందెంలో ప్రథమ స్థానం సాధించి జాతీయ స్థాయి పోటీలకు ఎంపికై నట్లు తెలిపారు.ఈ నెల 9వ తేదీన కోయంబత్తూరులో జరగనున్న జాతీయ స్థాయి పోటీల్లో ఐదు కిలోమీటర్ల విభాగం, 800 మీటర్ల విభాగం, లాంగ్‌ జంప్‌ మొత్తం మూడు విభాగాలో జరిగే పోటీల్లో హరికృష్ణ పాల్గొంటారని తెలిపారు. ప్రతి సంవత్సరం దేశ వ్యాప్తంగా ఉద్యోగ, ఉపాధ్యాయుల కోసం ఈ పోటీలు నిర్వహిస్తారన్నారు. 8నుంచి స్కూల్‌ గేమ్స్‌ జిల్లా జట్ల ఎంపికవిజయనగరం: రాష్ట్రస్థాయిలో జరగనున్న స్కూల్‌గేమ్స్‌ పోటీల్లో పాల్గొనబోయే జిల్లా క్రీడాకారుల ఎంపిక పోటీలు ఈనెల 8,9,10 తేదీల్లో నిర్వహించనున్నట్లు జిల్లా స్కూల్‌ గేమ్స్‌ ఫెడరేషన్‌ కార్యదర్శులు ఆర్‌.వాణిశ్రీ, బి.శ్రీనివాసరావులు తెలిపారు. ఈనెల 8వ తేదీన బాడంగి మండలంలో గల ఏపీడబ్ల్యూఆర్‌ఎస్‌ గురుకుల పాఠశాలలో అండర్‌–14,17,19 వయస్సుల విభాగాల్లో బాల,బాలికలకు మాల్కబ్‌ క్రీడాంశంలో ఎంపికలు నిర్వహిస్తామన్నారు. అదేవిధంగా 9వ తేదీన అండర్‌–17 బాల, బాలిలకు విజ్జి స్టేడియంలో అథ్లెటిక్స్‌ క్రీడాంశంలో ఎంపికలు జరుగుతాయని పేర్కొన్నారు. 9,10 తేదీల్లో అండర్‌–11,14,17,19 వయస్సుల విభాగాల్లో బాల, బాలికలకు స్కేటింగ్‌ క్రీడాంశంలో ఎంపికలు జరుగుతాయని వివరించారు. అర్హత, ఆసక్తి గల క్రీడాకారులు ఎంపిక పోటీల్లో పాల్గొనవచ్చని, జిల్లాస్థాయి పోటీల్లో ఉత్తమ ప్రతిభ కనబరిచిన క్రీడాకారులను రాష్ట్రస్థాయి పోటీలకు ఎంపిక చేయనున్నట్లు తెలిపారు. సారాతో వ్యక్తి అరెస్టుకురుపాం: నవోదయం 2.0 కార్యక్రమంలో భాగంగా కురుపాం ఎకై ్సజ్‌ సర్కిల్‌ పరిధిలో ఉన్న జియ్యమ్మవలస మండలం చినమేరంగి గ్రామ సమీపంలో బుధవారం దాడులు నిర్వహించగా సారా విక్రయిస్తున్న ఒక వ్యక్తిని అరెస్టు చేసినట్లు ఎకై ్సజ్‌ సీఐ పి.శ్రీనివాసరావు తెలిపారు. ఈ సందర్భంగా ఆయన మాట్లాడుతూ మల్లుగూడ గ్రామానికి చెందిన బిడ్డిక గోపాలరావు ఐదు లీటర్ల సారా కలిగి ఉన్నట్లు గుర్తించి నిందితుడిని న్యాయ స్థానం నందు హాజరుపరచగా న్యాయస్థానం 14 రోజుల రిమాండ్‌ విధించిందన్నారు. సారా రవాణా, తయారీ, విక్రయాలపై నిఘా పెడుతున్నామని సారా సమాచారం తెలిస్తే ఫోన్‌ 6302936599 నంబర్‌కు ప్రజలు తెలియజేయాలని కోరారు. ఈ దాడుల్లో కురుపాం ఎకై ్సజ్‌ స్టేషన్‌ సిబ్బంది పాల్గొన్నారు. 22 మంది కోడి పందాల రాయుళ్ల అరెస్టు● నిందితుల నుంచి రూ.61,330, 19 సెల్‌ఫోన్లు, 13కోళ్లు, 10 ద్విచక్రవాహనాలు,13 కార్లు స్వాధీనం వేపాడ: మండలంలోని కొండగంగుబూడి పంచాయతీ ఎస్‌.కోట సీతారాంపురం సమీపంలోని కొండల్లో బుధవారం సాయంత్రం వల్లంపూడి పోలీసులు నిర్వహించిన దాడుల్లో 22 మంది కోడి పందాల రాయుళ్లు పట్టుబడినట్లు వల్లంపూడి ఎస్సై ఎస్‌.సుదర్శన్‌ తెలిపారు. ఇందుకు సంబంధించి పోలీసులు తెలిపిన వివరాలిలా ఉన్నాయి. పోలీసులకు అందిన సమాచారం మేరకు ఎస్సై సుదర్శన్‌తో పాటు సిబ్బంది నిర్వహించిన దాడుల్లో 22 మంది కోడి పందాల రాయుళ్లు పట్టుబడ్డారని తెలిపారు. వారి నుంచి రూ.61,330, 19 సెల్‌ ఫోన్లు, 13 పందెం కోళ్లు, 10 ద్విచక్రవాహనాలు, 13 కార్లు స్వాధీనం చేసుకుని కేసు నమోదు చేసినట్లు ఎస్సై సుదర్శన్‌ తెలిపారు. గుర్తు తెలియని వ్యక్తి మృతివిజయనగరం టౌన్‌: రైల్వేస్టేషన్‌ పరిసరాల్లో గుర్తు తెలియని వ్యక్తి మృతిచెందినట్లు వన్‌టౌన్‌ పోలీసులు బుధవారం తెలిపారు. సుమారు 25 నుంచి 30 ఏళ్ల వయసు కలిగిన వ్యక్తి మృతిచెందినట్లు స్థానికులు అందించిన సమాచారంతో అక్కడికి వెళ్లి పరిశీలించామన్నారు. మృతదేహాన్ని జిల్లా కేంద్రాస్పత్రికి తరలించి కేసు నమోదుచేసి దర్యాప్తు చేస్తున్నట్లు వన్‌టౌన్‌ సీఐ ఆర్‌వీఆర్‌కే.చౌదరి తెలిపారు. ఆచూకీ తెలిసిన వారు వన్‌టౌన్‌ పోలీసులను సంప్రదించాలని కోరారు.

● వరుసగా ముగ్గురు బాలింతల మృతి ● గిరిజన పల్లెల్లో కలవరంపాచిపెంట: తొమ్మిది నెలలు కడుపులో మోసి..బిడ్డను ఎప్పుడు చేతుల్లోకి తీసుకుంటానా అని ఎదురుచూశారు. పురిటి నొప్పులను భరించి పండంటి బిడ్డకు జన్మనిచ్చారు. ఆ చిన్నారి బోసినవ్వులు చూస్తూ మురిసిపోవాల్సిన వేళ..విధి వారి జీవితాలను అర్ధాంతరంగా ముగించింది. అమ్మ ఒడిలో పెరగాల్సిన పసిబిడ్డలకు తల్లి ప్రేమ దూరమైంది. ఒక ఇంట్లో తల్లిని కోల్పోయిన పసికందు మిగిలితే.. మరో ఇంట్లో బిడ్డతోపాటే తల్లి ప్రాణమూ పోయింది. రోజుల వ్యవధిలో పాచిపెంట మండలంలోని గిరిజన గ్రామాలకు చెందిన ముగ్గురు బాలింతలు కన్నుమూయడం ఆయా కుటుంబాల్లో తీరని శోకాన్ని నింపడంతోపాటు గిరిజన పల్లెల్లో కలవరం రేపుతోంది. పురిటి ఆనందం పూర్తిగా ఆస్వాదించకముందే ఆ కుటుంబాలను విషాదం చుట్టుముట్టడం అందరినీ కలిచివేస్తోంది. పసిబిడ్డను వదిలి..తల్లి గొట్టూరు పంచాయతీ మూలపాడుకు చెందిన పోయి రంభ (25) ఈ ఏడాది మార్చి 21న గురువునాయుడుపేట పీహెచ్‌సీలో మగబిడ్డకు జన్మనిచ్చింది. గత 15 రోజులుగా కాళ్లు, చేతులు, ముఖం వాపులు, నొప్పులతో బాధపడుతున్న ఆమె సాలూరులోని ఓ ప్రైవేట్‌ ఆస్పత్రిలో చికిత్స పొందడంతోపాటు నాటు మందులు వాడినట్లు కుటుంబ సభ్యులు తెలిపారు. పరిస్థితి విషమించి బుధవారం మృతిచెందింది. బిడ్డ క్షేమంగా ఉన్నాడు. బిడ్డతో పాటు తల్లి కూడా.. కేరంగి పంచాయతీ దొరలద్దండికి చెందిన పాడి సీతమ్మ (41) గత నెల 25న ప్రసవం కోసం గురువునాయుడుపేట పీహెచ్‌సీకి రాగా సాలూరు ఏరియా ఆస్పత్రికి రిఫర్‌ చేశారు. అక్కడ సిజేరియన్‌ ద్వారా మగబిడ్డకు జన్మనివ్వగా శిశువు మృతి చెందింది. ఆమె పరిస్థితి విషమించడంతో విజయనగరం జిల్లా కేంద్రాస్పత్రికి తరలించగా చికిత్స పొందుతూ సీతమ్మ కూడా మృతి చెందినట్లు వైద్యాధికారి సురేష్‌ చంద్రదేవ్‌ తెలిపారు. మరో గిరిజన కుటుంబంలోనూ విషాదమే.. పాంచాలి పంచాయతీ జీలుగువలసకు చెందిన కొర్రా లక్ష్మి (28) ఆగస్టు 30న సాలూరు ఏరియా ఆస్పత్రిలో మగబిడ్డకు జ న్మనిచ్చింది. ఈ నెల 3న అనారోగ్యానికి గురై స్థా నికంగా నాటు వైద్యం చేయించుకుని పసరు మందు వాడినట్లు సమాచారం. ఆరోగ్యం క్షీణించడంతో గురువునాయుడుపేట పీహెచ్‌సీ నుంచి సా లూరు, అనంతరం విజయనగరం కేంద్రాస్పత్రికి తరలించగా చికిత్స పొందుతూ మృతి చెందింది. కారణాలపై విచారణ అవసరం వరుస మరణాలతో గిరిజన పల్లెల్లో ఆందోళన నెలకొంది. ప్రసవానంతరం బాలింతల ఆరోగ్యాన్ని క్రమం తప్పకుండా పర్యవేక్షిస్తున్నారా? అనారోగ్య లక్షణాలను ముందుగానే గుర్తిస్తున్నారా? నాటు, పసరు మందులపై తగిన అవగాహన కల్పిస్తున్నారా? అనే ప్రశ్నలు తలెత్తుతున్నాయి. అయితే ముగ్గురి మరణాలకు ఒకే కారణమని నిర్ధారణ కాలేదు. నాటు మందులే కారణమని తేల్చడం సరికాదు. వైద్య రికార్డులు, చికిత్స వివరాలను పరిశీలించి మరణాలకు గల కారణాలపై సమగ్ర విచారణ జరపడంతోపాటు గిరిజన గ్రామాల్లో బాలింతల ఆరోగ్యంపై ప్రత్యేక పర్యవేక్షణ చేపట్టాలని స్థానికులు కోరుతున్నారు.పూసపాటిరేగ: భోగాపురం మండలంలోని ముక్కాం గ్రామంలో బుధవారం గెడ్డలో పడి నాలుగేళ్ల బాలుడు ప్రాణాలు కోల్పోయాడు. ఈ ఘటనపై పోలీసులు తెలిపిన వివరాల ప్రకారం.. ప్రస్తుతం విశాఖపట్నంలో నివాసముంటున్న బడే గుర్రమ్మ తన నాలుగేళ్ల కుమారుడు వెంకీతో కలిసి ఐదు రోజుల క్రితం తమ సొంత గ్రామమైన ముక్కాంలో ఉన్న అక్క కారి అప్పయ్యమ్మ ఇంటికి వచ్చి కుమారుడిన వదిలి విశాఖ వెళ్లింది. బుధవారం ఉదయం సుమారు 11 గంటల సమయంలో బాలుడు వెంకీ కనిపించడం లేదని గుర్రమ్మకు అక్క అప్పయ్యమ్మ ఫోన్‌ చేసి తెలపడంతో గుర్రమ్మ వెంటనే విశాఖ నుంచి గ్రామానికి చేరుకుంది. బాలుడి కోసం చుట్టుపక్కల వెతుకుతుండగా, సాయంత్రం సుమారు 4:30 గంటల సమయంలో గ్రామానికి ఆనుకుని ఉన్న పక్క గెడ్డలో బాలుడు శవమై తేలియాడడం గుర్తించారు. ఆటలాడుకుంటూ వెళ్లి ప్రమాదవశాత్తు గెడ్డలో పడిపోవడం వల్లే బాలుడు మృతి చెంది ఉంటాడని భావిస్తున్నారు. తల్లి గుర్రమ్మ ఇచ్చిన ఫిర్యాదు మేరకు పోలీసులు కేసు నమోదు చేసుకుని దర్యాప్తు చేపట్టారు. బాలుడు మృతదేహం వద్ద విలపిస్తున్న తల్లి, కుటుంబ సభ్యులు

చీపురుపల్లిరూరల్‌(గరివిడి): కూటమి ప్రభుత్వం అధికారంలోనికి వచ్చిన రెండున్నరేళ్ల కాలంలో అప్పులే తప్ప అభివృద్ధి, సంక్షేమం కనిపించడం లేదు... అప్పుచేసిన రూ.4 లక్షల కోట్లు ఏం చేశారంటూ వైఎస్సార్‌సీపీ శాసనమండలి విపక్షనేత బొత్స సత్యనారాయణ కూటమి ప్రభుత్వం పాలన తీరుపై ధ్వజమెత్తారు. గరివిడి మండలం గెడ్డపువలస గ్రామంలో బుధవారం టీడీపీకి చెందిన 20 కుటుంబాలు స్థానిక నాయకుడు కొణిస కల్యాణ్‌, వైఎస్సార్‌ సీపీ మండలాధ్యక్షుడు మీసాల విశ్వేశ్వరరావు సమక్షంలో పార్టీలో చేరారు. వీరందరికీ పార్టీ నాయకులు కండువాలు వేసి పార్టీలోకి ఆహ్వానించారు. ఈ సందర్భంగా బొత్స మాట్లాడుతూ చంద్రబాబు ప్రభుత్వం అధికారంలోకి వచ్చాక సున్నావడ్డీ రుణాలు లేవని, పింఛన్లు అందడం లేదని, ఆడబిడ్డ నిధి, నిరుద్యోగ భృతిని ఎగ్గొట్టారని, ఫీజురీయింబర్స్‌మెంట్‌ బకాయిలు చెల్లించడం లేదని, అప్పుచేసిన రూ.4లక్షల కోట్లు ఏం చేశారని శాసనమండలిలో ప్రశ్నిస్తే సమాధానం కరువైందన్నారు. ప్రభుత్వ వైఫల్యాలను ప్రజలకు వివరిస్తూ పార్టీ శ్రేణులు ముందుకు సాగాలని, అందరికీ అండగా ఉంటామని భరోసా ఇచ్చారు. ● పార్టీ జిల్లా అధ్యక్షుడు, మాజీ ఎంపీ బెల్లాన చంద్రశేఖర్‌ మాట్లాడుతూ బొత్స సత్యన్నారాయణ జిల్లాకు పెద్ద దిక్కుగా ఉన్నారని, ఆయన హాయంలో ఎన్నో అభివృద్ధి కార్యక్రమాలు చేసుకున్నామని గుర్తుచేశారు. వైఎస్సార్‌సీపీ హయాంలో నాడు–నేడు పనులు, సచివాలయాలు, రైతు భరోసా కేంద్రాలు, విలేజ్‌ హెల్త్‌వెల్‌నెస్‌ కేంద్రాలు, జగనన్నకాలనీలు ఇలా.. ప్రజలకు ఉపయోగపడే ఎన్నో కార్యక్రమాలు జరిగాయని, కూటమి ప్రభుత్వంలో ఏమిచేశారో చెప్పగలరా అని ప్రశ్నించారు. 2029 ఎన్నికల్లో వైఎస్సార్‌సీపీని గెలిపించి జగన్‌మోహన్‌రెడ్డిని ముఖ్యమంత్రిని చేస్తు మళ్లీ ప్రజల వద్దకు సంక్షేమ పాలన వస్తుందన్నారు. ● భీమిలి నియోజకవర్గ సమన్వయకర్త బొత్స అనూష, బొత్స సందీప్‌ మాట్లాడుతూ రెండున్నరేళ్లు ఓపిక పడితే వైఎస్సార్‌సీపీ ప్రభుత్వం వస్తుందని, జగన్‌మోహన్‌రెడ్డి సీఎం అవుతారన్నారు. ప్రజలకు మంచి జరుగుతందన్నారు. గెడ్డపువలసలో టీడీపీ నుంచి వైఎస్సార్‌ సీపీలో చేరిన ఎడ్ల పైడినాయుడు, ఈశ్వరరావు, ఎడ్ల అప్పలనాయు డు, ఎడ్ల కృష్ణ, ఎడ్ల శంకరరావు, మీసాల గోవింద్‌, మీసాల సన్యాసిరావు, రెల్లి రామారావు తదితరులకు పార్టీ కండువాలను వేసి ఆహ్వానించారు. కార్యక్రమంలో నాయకులు ఎడ్ల అప్పారావు, జి.శ్రీరాములనాయుడు, కడుమల రాంబాబు, గుడివాడ తమ్మినాయడుపాల్గొన్నారు. శాసనమండలి విపక్షనేత బొత్స సత్యనారాయణ వైఎస్సార్‌సీపీలో చేరిన గెడ్డపువలస, బుదరాయవలస, ఇప్పలవలస, నరసయ్యపేట గ్రామస్తులు

సీతంపేట: ఏజెన్సీ చిన్నారులపై మృత్యుపంజా శీర్షికన సాక్షిలో బుధవారం ప్రచురితమైన కథనంపై సంబంధిత అధికారులు స్పందించారు. ఈమేరకు ఐటీడీఏ డిప్యూటీ డీఎంహెచ్‌వో విజయపార్వతి, సీడీపీఓ బి.సిమ్మాలమ్మతో పాటు వైద్యసిబ్బంది చిన్నకంబ, వంబరెల్లి గ్రామాల్లో ఇటీవల మృతిచెందిన ఇద్దరు చిన్నారుల కుటుంబాల వద్దకు వెళ్లి వివరాలు సేకరించారు. మృతికి గల కారణాలు తెలుసుకున్నారు. ఇద్దరు చిన్నారుల పోషకస్థితి సంబంధిత రికార్డుల్లో నార్మల్‌గా నమోదు చేశారని, రక్తహీనత లేదన్నారు. ఒక చిన్నారికి బ్లడ్‌ ఇన్‌ఫెక్షన్‌, జ్వరం కారణంగా చికిత్స అందించామన్నారు. మరొకరికి యాస్పిరేషన్‌, న్యుమేనియా చికిత్స అందజేశారని, వైద్యశాఖలో నమోదైన మరణానికి కూడా ఇవే కారణాలని పేర్కొన్నారు.

రేగిడి: మండల పరిధిలోని సంకిలి చక్కెర కర్మాగారంలో క్రషింగ్‌ నిలిపివేస్తామని యాజమాన్యం ప్రకటించడంతో చెరకు రైతులంతా సంఘటితంగా ఏర్పడి ఉద్యమం లేవనెత్తారు. ఆంధ్రప్రదేశ్‌ చెరకు రైతుల సంఘం ఆధ్వర్యంలో ఇటీవల రైతులంతా రోడ్డెక్కి ఆందోళన బాట పట్టారు. దీనికి స్పందించిన చక్కెర కర్మాగార యాజమాన్యం ఈ నెల 8న మధ్యాహ్నం 3 గంటలకు చెరకు రైతులతో చర్చలకు ఆహ్వానించినట్లు చెరకురైతుల సంఘం రాష్ట్ర ప్రధాన కార్యదర్శి బుడితి అప్పలనాయుడు తెలిపారు. ఈ మేరకు బుధవారం సంకిలి వద్ద చెరకు రైతులతో సమావేశం నిర్వహించారు. ఈ సందర్భంగా ఆయన మాట్లాడుతూ చెరకు రైతుల పరిరక్షణ సమితి ఏర్పాటుతో యాజమాన్యం చర్చలకు పిలవడం శుభపరిణామమన్నారు. స్థానిక చక్కెర పరిశ్రమను నిలబెట్టుకునేందుకు రైతులంతా ఏకతాటిపై ఉన్నారన్నారు. ఎప్పటిలాగే యాజమాన్యం చెరకు పండించిన రైతులకు రాయితీలు తదితర వాటిని అందజేస్తే భవిష్యత్తులో అధికంగా చెరకు పంట వేసేందుకు అవకాశం ఉందన్నారు. ఈ సమావేశంలో కిమిడి సూరపునాయుడు, కింజరాపు సురేష్‌, నిష్టల సూర్యప్రకాష్‌ గుప్త, చింత సంగంనాయుడు తదితరులు పాల్గొన్నారు.

● ఇండోర్‌లో జరిగిన పోటీల్లో 8 కాంస్య పతకాలు కై వసంవిజయనగరం: మధ్యప్రదేశ్‌లోని ఇండోర్‌లో అక్టోబర్‌ 2 నుంచి 4 వరకు జరిగిన 43వ నేషనల్‌ జూనియర్‌, 40వ నేషనల్‌ సబ్‌–జూనియర్‌ క్యోరుగి తైక్వాండో చాంపియనన్‌ షిప్‌–2026లో విజయనగరం జిల్లా క్రీడాకారులు విశేష ప్రతిభ కనబరిచి 8 కాంస్య పతకాలను కై వసం చేసుకున్నారు. ఆంధ్రప్రదేశ్‌కు ప్రాతినిధ్యం వహించిన ఎన్‌.హర్షిణి, వి.రోహిణి, ఎస్‌.జాజిలి, కె. నీహారిక, ఆర్‌. పూర్ణ చందు, డి. కార్తికేయ, డి. ధనేష్‌లు ఒక్కో కాంస్య పతకం సాధించగా, టి. జతిన్‌ రెండు కాంస్య పతకాలను గెలుచుకున్నాడు. జాతీయస్థాయిలో జిల్లాకు ఘనత తెచ్చిన ఈ విజేతలకు విజయనగరం రైల్వే స్టేషన్‌లో జిల్లా తైక్వాండో అసోసియేషన్‌ అధ్యక్షుడు గురాన అయ్యలు, రాష్ట్ర కార్యదర్శి సీహెచ్‌. వేణుగోపాల్‌ రావు, కోచ్‌లు, తల్లిదండ్రులు ఘన స్వాగతం పలికి అభినందనలు తెలిపారు. భవిష్యత్తులో వీరు అంతర్జాతీయ స్థాయిలో కూడా మెరిసి మరిన్ని విజయాలు సాధించాలని ప్రతినిధులు ఆకాంక్షించారు.

సాక్షి, విజయనగరం: కొందరు తమ స్వార్థ ప్రయోజనాలతో వైఎస్సార్‌సీపీని వీడవచ్చని శాసన మండలి ప్రతిపక్ష నేత బొత్స సత్యనారాయణ ఆరోపించారు. వైఎస్సార్‌సీపీలో ఉన్నప్పుడు కొందరిని విమర్శించిన టీడీపీ నేతలు.. ఇప్పుడు వారినే తమ పార్టీలోకి తీసుకుంటున్నారని ఘాటు వ్యాఖ్యలు చేశారు. ఇదే సమయంలో వైఎస్సార్‌సీపీని వీడిన వారిని ఉద్దేశించి ‘గడ్డి తిన్నవారే పార్టీ వీడారు’ అంటూ మండిపడ్డారు.మండలి ప్రతిపక్ష నేత బొత్స సత్యనారాయణ తాజాగా మాట్లాడుతూ..‘కొందరు తమ స్వార్థంతో పార్టీని వీడవచ్చు. గడ్డి తిన్నవారే పార్టీ వీడారు. వైఎస్సార్‌సీపీలో ఉన్న వాళ్లని బాలకృష్ణ, కళా వెంకటరావులు విమర్శించి ఇప్పుడు వారినే టీడీపీలోకి తీసుకున్నారు. ఇప్పుడు వాళ్లు పూనీతులు అయిపోయారా?. రానున్న స్థానిక సంస్థల ఎన్నికల్లో వైఎస్సార్‌సీపీ అన్ని గ్రామాల్లో పోటీ చేయాలి. పుకార్లను నమ్మకుండా పార్టీ శ్రేణులు ఎన్నికలకు సిద్ధం కావాలని సూచించారు. అన్ని స్థానాల్లో గెలుపే లక్ష్యంగా పనిచేయాలని అన్నారు. గ్రామాల్లో ఏకాభిప్రాయంతో పోటీ చేసే అభ్యర్థులను ఎంపిక చేసుకోవాలని పార్టీ శ్రేణులకు సూచించారు.రెండేళ్లలో వైఎస్సార్‌సీపీ మళ్లీ అధికారంలోకి వస్తుంది. అన్ని గ్రామాల్లో అభివృద్ధి పనులు జరుగుతాయి. టీడీపీ ప్రభుత్వం పోలవరం ఎత్తు తగ్గించేశారు. అందువలన సుజల స్రవంతికి నీరు వచ్చే పరిస్థితి లేదు. వైఎస్సార్‌సీపీ అధికారంలోకి వస్తే ఎత్తిపోతల పధకంతో సాగునీరు ఇస్తాం. వైఎస్సార్‌సీపీ గుర్తింపు కార్డు ఉన్న వారంతా వైఎస్ జగన్ సైన్యం. రానున్న ప్రభుత్వంలో వీరిదే అధికారం అని కామెంట్స్‌ చేశారు.ఇదీ చదవండి: స్థానిక ఎన్నికల్లో వైఎస్సార్‌సీపీ దూకుడు.. తొలి అభ్యర్థి ప్రకటన

ఏజెన్సీ చిన్నారులపై● మూడు రోజుల్లో ఇద్దరి మృతి ● ఆందోళనలో తల్లిదండ్రులు సీతంపేట: ఏజెన్సీలో చిన్నారుల వరుస మరణాలు కలవర పెడుతున్నాయి. మూడు రోజుల వ్యవధిలో ఇద్దరు చిన్నారులు మృతి చెందడం తల్లిదండ్రుల్లో ఆందోళన కలిగిస్తోంది. శనివారం వంబరెల్లికి చెందిన రెండు నెలల పసిబిడ్డ రోజంతా గుక్కతిప్పకుండా ఏడుస్తుండడంతో స్థానిక ఏరియా ఆస్పత్రికి తీసుకువచ్చారు. పరిస్థితి విషమించడంతో శ్రీకాకుళం రిమ్స్‌కు రిఫర్‌ చేశారు.అక్కడ చికిత్సపొందుతూ మృతిచెందాడు. చిన్నకంబకు చెందిన మరో ఆరునెలల బాలుడు ఉన్నట్టుండి ఇంటివద్ద తీవ్ర అస్వస్థతకు గురికావడంతో స్థానిక ఏరియా ఆస్పత్రికి తీసుకువచ్చారు. పరిస్థితి విషమించడంతో శ్రీకాకుళం సర్వజన ఆస్పత్రికి రిఫర్‌ చేశారు.అక్కడ నాలుగు రోజులుగా చికిత్స పొందుతూ సోమవారం మృతిచెందాడు. వరుసగా సంభవిస్తున్న ఈ ఘటనలు సీతంపేట ఏజెన్సీలో చిన్నారుల ఆరోగ్యపరిస్థితిపై కలకలం రేపుతున్నాయి. ఏం జరుగుతోంది..? అంగన్‌వాడీ కేంద్రాల ద్వారా గర్భిణులు, బాలింతలు, చిన్నారులకు పోషకాహారం అందిస్తున్నారు. అయినా చిన్నారులు అనారోగ్యానికి గురై ప్రాణాలు కోల్పోవడానికి పోషకాహారలోపం, రక్తహీనత, తక్కువ బరువు వంటి కారణాలేమైనా ఉన్నాయా? అన్నది పరిశీలించాల్సి ఉంది. ప్రతి చిన్నారి ఆరోగ్య పరిస్థితిపై క్రమం తప్పకుండా పర్యవేక్షణ జరుగుతోంది. ఎత్తు, బరువులు ఎప్పటికప్పుడు పర్యవేక్షించే వ్యవస్థ ఏర్పాటు చేశారు. వైద్యశాఖ ద్వారా సకాలంలో టీకాలు వేసే కార్యక్రమం చేస్తున్నారు. ఇన్ని చేస్తున్నా మరణాలు ఎందుకు సంభవిస్తున్నాయనేది ప్రశ్నార్థకంగా మారింది. ఇటీవల మృతిచెందిన చిన్నారుల వైద్యచరిత్ర, పోషక స్థితి, రక్తహీనత, బరువు, వ్యాధి తీవ్రత తదితర అంశాలు పరిశీలించాల్సి ఉందని పలువురు తెలియజేస్తున్నారు. ఒక్కో చిన్నారి మృతి వెనుక ఒక్కో కుటుంబం తీరని విషాదంలో మునిగిపోతోంది. కారణం పోషకాహార లోపమా..? వైద్యసేవల కొరతా? లేదా మరేదైనా కారణమా అన్నది శోధించాల్సి ఉందని పలువురు తెలియజేస్తున్నారు. వెలుగులోకి వస్తున్న మరణాలు కొన్నైతే, మారుమూల ప్రాంతాల్లో వెలుగులోకి రానివి ఎన్నో ఉంటాయని పలువురు చెబుతున్నారు. మరో చిన్నారి ప్రాణం పోయే వరకు వేచిచూడకుండా చిన్నారుల ఆరోగ్యంపై ప్రత్యేక దృష్టి సారించాల్సిన అవసరం ఉందని పలువురు చెబుతున్నారు. పోషకాహారం సక్రమంగా అందిస్తున్నాం చిన్నారులకు సరైన పోషకాహారం అందిస్తున్నాం. ప్రతి రోజూ అంగన్‌వాడీ కేంద్రాలు తెరిచి ఉంచి పిల్లలను పర్యవేక్షిస్తున్నాం. ఎత్తు, బరువులు ఎప్పటికప్పుడు చూస్తున్నాం. పిల్లల పర్యవేక్షణలో తల్లిదండ్రులు పూర్తిగా అవగాహన కలిగి ఉండాలి.

విజయనగరం అర్బన్‌: జననం..మరణం..ప్రతి కుటుంబానికి తప్పనిసరిగా ఎదురయ్యే ప్రక్రియ. కానీ ఇకపై ఈ వివరాలను సకాలంలో నమోదు చేయకపోతే సామాన్యులకు అదనపు ఇబ్బందులు తప్పేలా లేవు. జనన, మరణ ధ్రువీకరణ వత్రాల నమోదుకు 21 రోజుల గడువు విధించడంతో పాటు, ఆలస్యమయ్యే కొద్దీ నిబంధనలను కఠినతరం చేశారు. దీంతో నిర్లక్ష్యం చేసినా.. పరిస్థితుల కారణంగా ఆలస్యమైనా..తర్వాత ధ్రువీకరణ పత్రం కోసం అధికారుల చుట్టూ తిరగాల్సిన పరిస్థితి ఏర్పడనుంది. కేంద్ర ప్రభుత్వ ఆదేశాల మేరకు ఈ నెల 1వ తేదీ నుంచి రాష్ట్రవ్యాప్తంగా మున్సిపల్‌ కార్పొరేషన్లు, మున్సిపాలిటీలు, నగర పంచాయతీలు, గ్రామ పంచాయతీల్లో కొత్త నిబంధనలు అమల్లోకి వచ్చాయి. రిజిస్ట్రేషన్‌ ఆఫ్‌ బర్‌త్స్‌ అండ్‌ డెత్స్‌ యాక్ట్‌–1969లోని సెక్షన్‌ 13కు చేసిన సవరణల ఆధారంగా ఆలస్య నమోదుకు కొత్త విధానం అమలు చేస్తున్నారు. 21 రోజుల్లోనే సులువు..ఆతర్వాతే అసలు చిక్కు జననం లేదా మరణం జరిగిన 21 రోజుల్లోపు వివరాలు నమోదు చేస్తే ధ్రువీకరణ పత్రం జారీ ప్రక్రియ సులభంగా ఉంటుంది. కానీ ఆ గడువు దాటితే ఆలస్య నమోదుకు సంబంధించిన నిబంధనలు వర్తిస్తాయి. దీంతో సాధారణంగా రిజిస్ట్రార్‌ వద్ద పూర్తయ్యే ప్రక్రియ క్రమంగా ఉన్నతాధికారుల అనుమతుల దిశగా వెళ్తుంది. ఏడాది దాటితే జిల్లా మెజిస్ట్రేట్‌ లేదా డివిజనల్‌ మెజిస్ట్రేట్‌ ఆదేశాలు అవసరం. రెండేళ్లు దాటితే ఫస్ట్‌ క్లాస్‌ జ్యుడిషియల్‌ మెజిస్ట్రేట్‌ ఆదేశాలు తీసుకోవాల్సి ఉంటుంది. అంటే గడువు పెరిగే కొద్దీ దరఖాస్తుదారుపై ప్రక్రియాపరమైన భారం కూడా పెరగనుంది. పత్రం కోసం..అధికారుల చుట్టూ తిరగాల్సిందేనా? జనన ధ్రువీకరణ పత్రం లేకపోతే పిల్లల స్కూల్‌ అడ్మిషన్లు, విద్యా ధ్రువీకరణ పత్రాలు తదితర అవసరాల్లో ఇబ్బందులు తలెత్తే అవకాశం ఉంటుంది. మరణ ధ్రువీకరణ పత్రం లేకపోతే వారసత్వం, ఆస్తి, ప్రభుత్వ పథకాలు, ఇతర అధికారిక వ్యవహారాలు ముందుకు సాగడం కష్టమవుతుంది. ఇలాంటి కీలక పత్రాల విషయంలో కుటుంబాలు సకాలంలో నమోదు చేయకపోతే తర్వాత అదనపు ధ్రువీకరణలు, అధికారుల ఆదేశాలు, కార్యాలయల చుట్టూ తిరిగే పరిస్థితి రావచ్చని ఆందోళన వ్యక్తమవుతోంది. జిల్లా మారితే..ఇబ్బంది లేదంటున్న అధికారులు ఒక జిల్లాకు చెందిన వ్యక్తి మరో జిల్లాలో మరణించినా కుటుంబ సభ్యులు తప్పనిసరిగా సొంత కార్యాలయాల చుట్టూ తిరగాల్సిన అవసరం లేదని అధికారులు చెబుతున్నారు. పోస్టుమార్టం అనంతరం ఆస్పత్రి ఇచ్చే ధ్రువీకరణ పత్రాన్ని మీసేవా కేంద్రాల్లో సమర్పించి డెత్‌ సర్టిఫికెట్‌ పొందే అవకాశం ఉందని పేర్కొంటున్నారు. జనన, మరణ నమోదుకు కఠిన నిబంధనలు ఆలస్యమైతే అధికారుల చుట్టూ తిరగాల్సిందే ఏడాది దాటితే మెజిస్ట్రేట్‌ ఆదేశాలు రెండేళ్లు దాటితే కోర్టు చుట్టూ ప్రదక్షిణలు 1వ తేదీ నుంచి అమలవుతున్న కొత్త నిబంధనలుఆలస్యం చేయకుండా వెంటనే నమోదు చేసుకోండి కేంద్ర ప్రభుత్వ తాజా సవరణ చట్టం ప్రకారం జనన, మరణాల నమోదులో కీలక మార్పులు అమల్లోకి వచ్చాయి. ఏడాది లోపు అయితే తహసీల్దార్‌ స్థాయిలో పరిశీలన జరుగుతుంది. ఏడాది దాటి రెండేళ్ల లోపు ఆలస్యమైతే ఆర్డీవో స్థాయి అధికారులు విచారణ జరిపి ఉత్తర్వులు ఇస్తారు. ఇక రెండేళ్లు దాటిన పాత కేసుల నమోదుకు మాత్రం ఫస్ట్‌ క్లాస్‌ జ్యుడిషియల్‌ మెజిస్ట్రేట్‌ కోర్టు ఆదేశాలు తప్పనిసరి. కోర్టుల చుట్టూ తిరిగి ఇబ్బందులు పడకూడదంటే, ఇంట్లో ఎవరైనా జన్మించినా లేక మరణించినా అశ్రద్ధ చేయకుండా వెంటనే సచివాలయాల్లో దరఖాస్తు చేసుకోవాలి. – ఎస్‌.సుధాసాగర్‌, ఆర్డీవో, విజయనగరం

సీతానగరం: మండలంలోని ప్రధానరహదారిపై హనుమాన్‌ జంక్షన్‌ వద్ద ఆటో ద్విచక్రవాహనం ‘ఢీ’కొట్టిన సంఘటనలో ద్విచక్రవాహనంపై వెళ్తున్న వ్యక్తి గాయాలపాలయ్యాడు. దీనిపై స్థానికులు తెలిపిన వివరాలిలా ఉన్నాయి. సాలూరు నుంచి పార్వతీపురం పేపర్‌ ప్లేట్ల లోడ్‌తో ఆటో వెళ్తుండగా సీతానగరం మండలంలోని హనుమాన్‌ జంక్షన్‌ దాటుతున్న సమయంలో సీతానగరం గ్రామంలోని సుంకరివీధికి చెందిన కర్రోతు మహేష్‌ హైవేరోడ్డుకు ఎడమ భాగాన ఉన్న హడ్కో కాలనీ రోడ్డు నుంచి ద్విచక్రవాహనంపై ఇంటికి రోడ్డు దాటుకుని వస్తుండగా ఆటో ఢీకొట్టడంతో తలకు గాయాలయ్యాయి. ద్విచక్ర వాహనంపై నుంచి మహేష్‌ కిందకు పడిపోవడంతో రోడ్డు తగిలి తలకు గాయాలయ్యాయి. గాయాల పాలైన వ్యక్తిని గమనించిన స్థానికులు వెంటనే స్థానిక ప్రాధమిక ఆరోగ్య కేంద్రానికి తరలించారు. డాక్టర్‌ పి.ఉషారాణి ప్రాథమిక వైద్యసేలందించిన అనంతరం మెరుగైన వైద్య సహాయం నిమిత్తం 108 వాహనం సహాయంతో పార్వతీపురం ప్రభుత్వ జిల్లా కేంద్రాస్పత్రికి తరలించారు. సీతానగరం పోలీసులు ప్రమాద జరిగిన స్థలాన్ని పరిశీలించారు.

● స్పందించిన రెవెన్యూ అధికారులు ● స్థలం కేటాయింపు వేపాడ: మండలంలోని జాకేరు గ్రామానికి చెందిన ముస్లింలు శ్మశాన వాటికకు స్థలం కేటాయించాలంటూ మృతదేహంతో మంగళవారం ఆందోళన చేశా రు. గ్రామానికి చెందిన షేక్‌ దర్గా మదీనా (48) అనారోగ్యంతో కేజీహెచ్‌లో చికిత్స పొందుతూ సోమవా రం రాత్రి మృతిచెందారు. మృతదేహాన్ని గ్రామానికి తీసుకొచ్చి ఆందోళన చేపట్టారు. గ్రామపెద్ద బుద్దా అప్పలనాయుడు, వీఆర్వో అప్పలరాము స్పందించి శ్మశానవాటిక పక్కన, లేదంటే సొంత స్థలంలో మూడుసెంట్లు స్థలం ఇస్తామని చెప్పినా ఆందోళన విరమించలేదు. తహసీల్దార్‌ జె.రాములమ్మ గ్రామానికి చేరుకుని హిందువుల శ్మశానవాటికను ఆనుకుని సర్వే నంబర్‌ 45/10లో మూడు సెంట్లు స్థలాన్ని కేటాయించారు. ప్రహరీ నిర్మాణానికి కృషి చేస్తామని చెప్పడంతో ఆందోళన విరమించారు.

రేగిడి: మండల పరిధిలోని కొమెర గ్రామానికి చెందిన పాడి గాయత్రి చక్కని ప్రతిభ కనబరిచింది. ఈ నెల 5న విడుదలైన అగ్రిసెట్‌లో రాష్ట్రస్థాయిలో 69వ ర్యాంకు సాధించింది. ఆమె తల్లిదండ్రులు పాడి రామమోహన్‌, పాడి కవిత వ్యవసాయ కుటుంబానికి చెందినవారు. ఈ సందర్భంగా తల్లిదండ్రులతో పాటు గ్రామస్తులు గాయత్రిని అభినందించారు.మెగా జాబ్‌ మేళా రేపుపార్వతీపురం రూరల్‌: ఆంధ్రప్రదేశ్‌ నైపుణ్యాభివృద్ధి, ఉపాధి కల్పన శాఖ ఆధ్వర్యంలోని మోడల్‌ కెరీర్‌ సెంటర్‌ సౌజన్యంతో అక్టోబర్‌ 8న గురువారం పార్వతీపురం మన్యం జిల్లాలో మెగా జాబ్‌ మేళా నిర్వహించనున్నట్లు జిల్లా ఉపాధి, నైపుణ్యాభివృద్ధి అధికారి సీహెచ్‌. సుబ్బారెడ్డి మంగళవారం ఒక ప్రకటనలో తెలిపారు. స్థానిక గాయత్రి డిగ్రీ కళాశాల ప్రాంగణంలో ఉదయం 10 గంటలకు ఈ మేళా జరుగుతుంది. టాటా ఎలక్ట్రానిక్స్‌, ఫాక్స్‌కాన్‌, ఫ్లిప్‌కార్ట్‌, కియా మోటార్స్‌, మదర్‌సన్‌, హెటిరోతో సహా మొత్తం 10 సంస్థలు ఈ జాబ్‌ మేళాలో పాల్గొంటున్నాయి. 8, 10వ తరగతి, ఇంటర్‌, ఐటీఐ, డిప్లమో, ఏదైనా డిగ్రీ, బీటెక్‌ (బ్యాక్‌లాగ్స్‌ ఉన్నవారూ అర్హులే), ఎంఎస్సీ చదివిన వారు ఈ ఉద్యోగాలకు దరఖాస్తు చేసుకోవచ్చు. అభ్యర్థుల వయోపరిమితి 18 నుంచి 40 ఏళ్ల మధ్య ఉండాలి. ఎంపికై న వారికి కంపెనీని బట్టి నెలకు రూ.9,500 నుంచి రూ.35,800 వరకు వేతనం చెల్లిస్తారు. సంస్థల నిబంధనల ప్రకారం పీఎఫ్‌, ఈఎస్‌ఐతో పాటు ఉచిత భోజనం, వసతి, రవాణా సదుపాయాలు కల్పిస్తారు. ఆసక్తి గల అభ్యర్థులు ముందుగా ఆన్‌న్‌లైన్‌ ఫారం ద్వారా రిజిస్ట్రేషన్‌ చేసుకోవచ్చని, ఇంటర్వ్యూకు హాజరయ్యేటప్పుడు తప్పనిసరిగా తమ బయోడేటా (రెజ్యూమె), పాస్‌పోర్ట్‌ సైజ్‌ ఫొటోలను తీసుకురావాలని అధికారులు సూచించారు.

● అడుగడుగునా దౌర్జన్యం.. అధికార దుర్వినియోగం ● ఎస్‌ఎంసీ చైర్మన్‌ అభ్యర్థి సుంకర గణపతి ఆరోపణగజపతినగరం రూరల్‌: తొలిసారి వాయిదా అనంతరం ఈ నెల మూడో తేదీన రెండోసారి నిర్వహించిన మండలంలోని లోగిశ పాఠశాల యాజమాన్య కమిటీ (ఎస్‌ఎంసి) ఎన్నికల్లో అడుగడుగున దౌర్జన్యాలు, అధికార దుర్వినియోగం స్పష్టంగా కనిపించిందని, అధికారులను తమ గుప్పెట్లో పెట్టుకుని టీడీపీ మద్దతుదారులు ఎన్నిక వాయిదా వేయించారని.. దీనిపై న్యాయస్థానాన్ని ఆశ్రయిస్తామని లోగిశ జెడ్పీ హైస్కూల్‌ ఎస్‌ఎంసీ చైర్మన్‌ అభ్యర్థి సుంకరి గణపతి అన్నారు. ఈ మేరకు మంగళవారం ఆయన విలేకరులతో మాట్లాడుతూ, ప్రశాంతంగా ఎన్నికలు జరగాలని తాము ఆశించినా.. అధికార పార్టీ అండదండలతో టీడీపీ మద్దతు దారులు రెచ్చిపోయి దాడులకు దిగారని ఆరోపించారు. దూర ప్రాంతాల నుంచి తమకు మద్దతు తెలిపే తల్లిదండ్రులను ఆటోలో తీసుకువస్తే ఆ ఆటోలపై దాడి చేసి తల్లిదండ్రులను భయభ్రాంతులకు గురి చేశారని తెలిపారు. అలాగే ఓటర్లు కానివారు పాఠశాల లోపలికి ప్రవేశించి గందరగోళం సష్టించి ఘర్షణకు దిగారని, ఇవన్నీ పోలీసుల సమక్షంలోనే జరిగినా ప్రేక్షకపాత్ర వహించారే తప్ప ఎటువంటి చర్యలు తీసుకోలేదని ఆరోపించారు. తమను రెచ్చగొట్టే ప్రయత్నం కూడా చేశారన్నారు. ఎస్సై కిరణ్‌ కుమార్‌ నాయుడిని అధికార పార్టీ నాయకులు తమ ఇళ్లల్లోకి, తమ పార్టీ కార్యాలయంలోనికి పంపించి నానా యాగీ చేయించారని..ఇది ఎంతవరకు సమంజసమని ప్రశ్నించారు. 165 మంది తల్లిదండ్రులు సంతకాలు పెట్టినా ఎందుకు ఎన్నిక నిర్వహించలేదని ప్రశ్నించారు. టీడీపీ మద్దతుదారులకు పూర్తి బలం ఉంటే.. ఎన్నిక వాయిదా పడేది కాదు కదా అన్నారు. ఆ బలం లేకే అధికారాన్ని ఉపయోగించుకుని ప్రధానోపాధ్యాయులు, పోలీసుల సహకారంతో ఎన్నిక వాయిదా వేసే పన్నాగం పన్నారని ఆరోపించారు. ఇది ముమ్మాటికీ అప్రజాస్వామికనని, దీనికి సంబంధించి తమ వద్ద అన్ని రకాల ఆధారాలు ఉన్నాయని.. న్యాయ స్థానంలో తేల్చుకుంటామని స్పష్టం చేశారు.

విజయనగరం: పారా స్విమ్మింగ్‌ రాష్ట్ర స్థాయి పోటీల్లో జిల్లాకు చెందిన క్రీడాకారులు సత్తా చాటారు. ఇటీవల విజయవాడ గాంధీనగర్‌లోని సర్‌ విజ్జి మున్సిపల్‌ స్విమ్మింగ్‌ పూల్‌ వేదికగా జరిగిన ఆంధ్రప్రదేశ్‌ రాష్ట్ర 8 వ పారా స్విమ్మింగ్‌ చాంపియన్‌ షిప్‌ –2026 లో జిల్లాకు చెందిన హేమవతి 50 మీటర్ల ఫ్రీ స్టైల్‌ విభాగంలో అత్యుత్తమ ప్రతిభ కనబరిచి గోల్డ్‌ మెడల్‌ గెలుచుకోగా, జాగారణ సత్యనారాయణ 50 మీటర్ల బెస్ట్‌ స్ట్రోక్‌ విభాగంలో సిల్వర్‌ మెడల్‌, ఫ్రీ స్టైల్‌ విభాగంలో బ్రాంజ్‌ మెడల్‌ సాధించారు. జాతీయ పోటీలకు ఎంపికై న వారి వివరాలు త్వరలో ప్రకటిస్తారని పారా స్పోర్ట్స్‌ అసోసియేషన్‌ జిల్లా అధ్యక్షుడు కె. దయానంద్‌ తెలిపారు. రాష్ట్రస్థాయి పోటీల్లో సత్తా చాటిన క్రీడాకారులను ఆయన అభినందించారు.

నెల్లిమర్ల రూరల్‌: సుప్రసిద్ధ పుణ్యక్షేత్రం రామతీర్థంలోని శ్రీ సీతారామస్వామి దేవస్థానంలో పవిత్రోత్సవాలు వైభవంగా కొనసాగుతున్నాయి. పవిత్రోత్సవాల్లో భాగంగా మంగళవారం ఉదయం యాగశాలలో విశ్వేక్సేన ఆరాధన, స్వస్తి పుణ్యాహవచనం, ఆఘారం, అగ్ని ప్రతిష్టాపన, పవిత్ర శుద్ధి, తదితర కార్యక్రమాలను అర్చకలు శాస్త్రోక్తంగా జరిపించారు. వివిధ ప్రాంతాల నుంచి వచ్చిన 30 మంది రుత్వికుల ఆధ్వర్యంలో రామాయణం, సుందరకాండ, దివ్య ప్రబంధం, శ్రీరామ మూలమంత్ర జపంతో పాటు సుందరకాండ హవనం నిర్వహించారు. సాయంత్రం వేద రుత్విక్కుల ఆధ్వర్యంలో పంచశయనాది వాసం నిర్వహించారు. కార్యక్రమంలో ఈఓ వై శ్రీనివాసరావు, భక్తులు పాల్గొన్నారు.మక్కువ ఏజెన్సీలో గజరాజులుమక్కువ: మండలంలోని ఏజెన్సీ గ్రామాల్లో గజరాజుల గుంపు తిరుగుతుండడంతో ఏజెన్సీ వాసులు భయభ్రాంతులకు గురవుతున్నారు. మండలంలోని ఎరస్రామంతవలస గ్రామ సమీపంలో ఆయిల్‌ తోటలు, వరి పొలాల పక్కన ఏనుగుల గుంపు సంచరిస్తోంది. కొద్ది రోజులుగా మండలంలో ఎనిమిది ఏనుగుల గుంపు తిరుగుతుండడంతో ఆయా గ్రామాల సమీపంలోనే పంట పొలాలకు వెళ్లేందుకు రైతులు భయపడుతున్నారు. రైతులు సాగు చేస్తున్న వరి పంట పొలాల్లో ఏనుగులు తిరుగుతుండడంతో వరి పంటలు పాడైపోతున్నాయని రైతులు వాపోతున్నారు. ఏనుగులు తిరుగుతున్న ప్రదేశానికి ఎవరూ వెళ్లరాదని, ఎటువంటి కవిపు చర్యలు చేపట్టరాదని అటవీశాఖ అధికారులు దండోరా వేయిస్తున్నారు.పురుగు మందు తాగిన యువతి మృతివీరఘట్టం: మండలంలోని గడగమ్మ గ్రామానికి చెందిన కందుల నవ్యశ్రీ(21) ఈనెల 1న పురుగు మందు తాగి ఆత్మహత్నాయత్నం చేయగా కుటుంబసభ్యులు గమనించి శ్రీకాకుళం రిమ్స్‌లో చేర్చగా చికిత్స పొందుతూ మంగళవారం మృతి చెందినట్లు ఎస్సై ఎస్‌.షణ్ముఖరావు తెలిపారు. వివరాలిలా ఉన్నాయి. కందుల మధు, శ్రీదేవి దంపతుల చిన్న కుమార్తె నవ్యశ్రీ బీఫార్మశీ చదివింది. ప్రస్తుతం హైదరాబాద్‌లో ఓ చిన్న ఉద్యోగం చేస్తోంది. అయితే తాను ఎం.ఫార్మసీ చదువుతానని ఇటీవల తల్లిదండ్రులకు చెప్పింది. ఎం.ఫార్మశీ చదివేందుకు రూ.లక్షలు ఖర్చు అవుతాయి. అంత ఖర్చు ఇప్పుడు చేయలేమని తల్లిదండ్రులు చెప్పడంతో మనస్తాపానికి గురైన నవ్యశ్రీ,ఈనెల 1న ఇంట్లో ఉన్న పురుగు మందు డబ్బాలో కొంత మందును తాగేసింది. వెంటనే కుటుంబసభ్యులు ఆస్పత్రికి తరలించగా చికిత్స పొందుతూ మృతి చెందింది. మృతురాలి తండ్రి ఇచ్చిన ఫిర్యాదుపై కేసు నమోదు చేసి దర్యాప్తు చేస్తున్నట్లు ఎస్సై తెలిపారు.

పూసపాటిరేగ: త్రిశూల్‌తో యువత చైతన్యవంతులు కావాలని విజయనగరం ఎస్పీ ఏఆర్‌ దామోదర్‌ అన్నారు. ఈ మేరకు మంగళవారం ఆయన పూసపాటిరేగ మండలం సీహెచ్‌ అగ్రహారంలో గల ఓ ప్రైవేట్‌ లే అవుట్‌లో విద్యార్థులు, యువతకు మహిళల భద్రత, రహదారి భద్రత, డ్రగ్స్‌ పట్ల అవగాహన కల్పించారు. ఈ సందర్భంగా మాట్లాడుతూ విద్యార్థులు, యువత రహదారి భద్రత, మహిళలు, బాలల భద్రత, మాదక ద్రవ్యాల పట్ల తప్పనిసరిగా అవగాహన కలిగి ఉండాలని సూచించారు. ఇందులో భాగంగా జిల్లా పోలీస్‌ శాఖ త్రిశూల్‌ పేరుతో యువతలో చైతన్యం నింపేందుకుచర్యలు చేపడుతున్నట్లు తెలిపారు. మహిళలు, బాలల భద్రత, రహదారి భద్రత పట్ల ప్రతి ఒక్కరూ తప్పనిసరిగా అవగాహన కలిగి ఉండాలని సూచించారు. బాలికలు, మహిళల పట్ల లైంగిక వేధింపులకు పాల్పడితే తగిన చర్యలు తీసుకుంటామని హెచ్చరించారు. బాలికలపై లైంగికదాడులకు పాల్పడే నిందితులపై న్యాయస్థానాల్లో నేరాలు రుజువయ్యేలా జిల్లా పోలీస్‌ శాఖ చేపట్టిన చర్యల ఫలితంగా 35పోక్సో కేసుల్లో 20 సంవత్సరాలకు పైబడి శిక్షల పడినట్లు తెలిపారు. యువత ఆకతాయిపనులకు స్వస్తి పలికి మహిళలు, బాలికల పట్ల గౌరవ భావంతో మెలగాలని వారికి భద్రత కల్పించడంలో భాగస్వాములు కావాలని యువతకు పిలుపునిచ్చారు. రహదారి భద్రత పాటించకుంటే తప్పు చేయని కుటుంబాలు భారీ మూల్యం చెల్లించుకోవాల్సి వస్తుందన్నారు. కుటుంబాన్ని పెంచే యజమాని లేక వారి పిల్లల భవిష్యత్‌ అంధకారంలోకి వెళ్తుందన్నారు. ద్విచక్ర వాహనంపై వెళ్లేటప్పుడు హెల్మెట్‌ ధరించేవిధంగా చూడాలని , రహదారి భద్రతా నియమాలు, నిబంధనలు పాటించాలని కోరారు. యువత డ్రగ్స్‌, గంజాయికి అలవాటు పడితే జీవితాలు నాశనమవుతాయని హెచ్చరించారు. యువత భవిష్యత్‌ను నాశనం చేసే క్రికెట్‌ బెట్టింగ్స్‌, రమ్మీ ఆటలకు దూరంగా ఉండాలన్నారు. ఇటువంటి యాప్స్‌ ఉపయోగించడం వల్ల అప్పుల బారిన పడే అవకాశాలు ఏర్పడతాయన్నారు. యువత మంచి క్రమశిక్షణ, నడవడికతో చదువులపై దృష్టి సారించి భవిష్యత్‌కు బంగారు బాట వేసుకోవాలని హితవు పలికారు. కార్యక్రమంలో ఇన్‌చార్జి డీఎస్పీ ఎస్‌.రాఘవులు,భోగాపురం రూరల్‌ సీఐ ఎన్‌. శ్రీనివాసరావు, పూసపాటిరేగ ఎస్సై వి. అరుణ్‌కిరణ్‌తో పాటు పెద్ద సంఖ్యలో విద్యార్థులు, యువత పాల్గొన్నారు.

విజయనగరం టౌన్‌: విజయనగరం రూరల్‌ మండలంలో ని జొన్నవలస గ్రామానికి చెందిన దొంతల జగదీష్‌ (30) మనస్తాపంతో ఉరి వేసుకుని ఆత్మహత్యకు పాల్పడ్డాడు. ఈ ఘటన వివరాలిలా ఉన్నాయి. జగదీష్‌కు అదే గ్రామానికి చెందిన అమ్మాయితో వివాహం జరిగింది. వారికి ఓ పాప కూడా ఉంది. చిన్నపాటి కూలిపని చేసుకుంటూ జీవనం సాగించే జగదీష్‌కు వేరే అమ్మాయితో వివాహేతర సంబంధం ఉంది. అయితే ఆ అమ్మాయి తనను పెళ్లిచేసుకోవాలని కోరుతూ మహిళా పోలీసుస్టేషన్‌లో ఫిర్యాదు చేసింది. దీంతో పోలీసులు కేసు నమోదుచేశారు. 53 రోజులు జైలుశిక్ష అనుభవించిన తర్వాత తిరిగి తన భార్యా,బిడ్డను చూసేందుకు వెళ్లాడు. పెద్దల సమక్షంలో అన్నీ తేలిన తర్వాతనే వస్తానని భార్య చెప్పడంతో మనస్తాపం చెందిన జగదీష్‌ తన ఇంటికి చేరుకుని ఇంట్లో ఉన్న సీలింగ్‌ ఫ్యాన్‌కు ఉరివేసుకున్నాడు. మృతుని తల్లి లక్ష్మి ఇచ్చిన ఫిర్యాదు మేరకు రూరల్‌ ఎస్సై వెలమల ప్రసాదరావు కేసు నమోదుచేసి దర్యాప్తు చేస్తున్నారు.

చీపురుపల్లి: పట్టణంలోని దేవాంగులవీధిలో పిచ్చి కుక్క స్వైర విహారం చేసింది. ఏకకాలంలో ఒకే కుటుంబంలోని నలుగురు వ్యక్తులపై దాడి చేసి స్థానికులను ఆందోళనకు గురి చేసింది. సోమవారం రాత్రి 9 గంటల సమయంలో దేవాంగులవీధిలో వాకిట్లో నిలబడిన పండిత సంతోష్‌ కుమార్‌, పండిత విష్ణుప్రియ, పండిత కళ్యాణి, పండిత గోవర్ధన్‌లను పిచ్చి కుక్క ఇష్టారాజ్యంగా కరిచి అక్కడి నుంచి పరారైంది. అకస్మాత్తుగా వీధిలోకి వచ్చిన పిచ్చి కుక్క స్థానికులను కరిచి వేస్తుండడంతో స్థానికులు గుర్తించి వెంబడించగా అక్కడి నుంచి సమీపంలోని రైల్వేస్టేషన్‌ వైపు పరుగులు తీసి పరారైంది. దీంతో కుక్క కాటుకు గురైన వారిని స్థానికులు ప్రభుత్వ ఆస్పత్రికి తీసుకెళ్లగా అక్కడ వారికి టీకాలు వేశారు.

విజయనగరం: మోసం. అబద్ధం.. నమ్మించి వంచించడం ముఖ్యమంత్రి చంద్రబాబుకు వెన్నతోపెట్టిన విద్య అని మాజీ ఎంపీ, వైఎస్సార్‌సీపీ జిల్లా అధ్యక్షుడు బెల్లాన చంద్రశేఖర్‌ విమర్శించారు. 2024 సార్వత్రిక ఎన్నికల్లో బీసీలకు 34 శాతం రిజర్వేషన్లు కల్పిస్తామని హమీ ఇచ్చిన చంద్రబాబు దానిని అమలు చేయకపోవడం దారుణమన్నారు. త్వరలో జరగనున్న స్థానిక సంస్థల ఎన్నికలకు ముందు ప్రజలను మభ్యపెట్టే ప్రయత్నాలు చేయ డం సిగ్గుచేటన్నారు. విజయనగరంలోని పార్టీ జిల్లా కార్యాలయంలో మంగళవారం ఏర్పాటుచేసిన విలేకరుల సమావేశంలో ఆయన మాట్లాడారు. బీసీలకు చంద్రబాబు కల్పిస్తామన్న 34 శాతం రిజర్వేషన్లపై రాష్ట్ర అత్యున్నత న్యాయ స్థానం మొట్టికాయలు పెట్టిన తరువాత సుప్రీంకోర్టును ఆశ్రయించడం విడ్డూరంగా ఉందన్నారు. ఈ నెల 28లోగా బీసీలకు కల్పించే రిజర్వేషన్‌లపై చట్టబద్ధమైన రక్షణ కల్పిస్తారా? లేదా? అన్నది తెలియజేయాలని సూటిగా ప్రశ్నించడం చంద్రబాబు ప్రభుత్వానికి చెంపపెట్టుగా వాఖ్యానించారు. స్థానిక సంస్థల్లో బీసీలకు 34 శాతం రిజర్వేషన్లపై హైకోర్టు తీర్పుతో ప్రభుత్వం ఇరకాటంలో పడిందన్నారు. రిజర్వేషన్‌ అంశం రాజ్యాంగ సవరణ ద్వారానే సాధ్యమని, లేని పక్షంలో ఇంటింటికీ వెళ్లి కుటుంబ వివరాలు సేకరించి, వాటి ఆధారంగా బీసీ జనాభా, వెనుకబాటు తనాన్ని లెక్కించే సర్వే నిర్వహించి కేంద్రానికి నివేదించిన తరువాత అమలు సాధ్యమవుతుందన్నారు. ఇవేమీ చేయని చంద్రబాబు ప్రభుత్వం సుప్రీంకోర్టును ఆశ్రయిస్తూ స్థానిక సంస్థల ఎన్నికల నిర్వహణపై ప్రభుత్వం వెనుకంజ వేస్తున్న అంశాన్ని ప్రజలంతా గమనిస్తున్నారన్నారు. 12న తాజా మాజీ ప్రజాప్రతినిధులకు సన్మానం మాజీ ముఖ్యమంత్రి వైఎస్‌ జగన్‌మోహన్‌రెడ్డి హయాంలో స్థానిక సంస్థలైన కార్పొరేషన్‌, మున్సిపాలీటీలు, నగర పంచాయతీలు, ఎంపీపీ తదితర ప్రజాప్రతినిధులను పార్టీ తరఫున ఈ నెల 12న సన్మానిస్తామని బెల్లాన చంద్రశేఖర్‌ వెల్లడించారు. వైఎస్సార్‌సీపీ జిల్లా పార్టీ కార్యాలయంలో ముఖ్యనాయకుల చేతుల మీదుగా సన్మాన కార్యక్రమం నిర్వహిస్తామన్నారు. సమావేశంలో పార్టీ నాయకులు అంబళ్ల శ్రీరాములనాయుడు, పీరుబండి జైహింద్‌కుమార్‌, డోల మన్మథకుమార్‌, పతివాడ అప్పలనాయుడు, తదితరులు పాల్గొన్నారు. 34 శాతం రిజర్వేషన్ల కల్పనపై మభ్యపెట్టే ప్రయత్నం ఎన్నికలకు ముందు హమీ ఇచ్చి నేడు మోసం చేస్తున్న వైనం హైకోర్టు విధించిన డైడ్‌లైన్‌ కాదని... సుప్రీంకోర్టుకు వెళ్లడంలో ఆంతర్యమేమిటి..? ఈ నెల 12న తాజా మాజీలకు సన్మానం మాజీ ఎంపీ, వైఎస్సార్‌సీపీ జిల్లా అధ్యక్షుడు బెల్లాన చంద్రశేఖర్‌