దీపావళి స్పెషల్.. హీరోయిన్స్ ఇంత అందంగా ఉన్నారేంటి! (ఫొటోలు)

మోదీకి సీఎం విజయ్‌ రాసిన లేఖపై డీకే శివకుమార్‌ ఆగ్రహం

కావేరి నదిపై మేకెదాటు జలాశయం నిర్మించేందుకు ఎవరి అనుమతీ అవసరం లేదని కర్ణాటక ముఖ్యమంత్రి డీకే శివకుమార్‌ స్పష్టం చేశారు. ఈ ప్రాజెక్టుకు ఇతర కావేరి పరివాహక రాష్ట్రాల అంగీకారం తప్పనిసరి చేయాలని ప్రధానమంత్రి నరేంద్ర మోదీకి తమిళనాడు ముఖ్యమంత్రి సి. జోసెఫ్‌ విజయ్‌ లేఖ రాసిన నేపథ్యంలో ఆయన ఈ వ్యాఖ్యలు చేశారు.మేకెదాటు ఆనకట్ట నిర్మాణానికి తమిళనాడుతో పాటు ఇతర కావేరి పరివాహక రాష్ట్రాల సమ్మతి లేకుండా కర్ణాటకకు ఎలాంటి అనుమతులు మంజూరు చేయవద్దని విజయ్‌ తన లేఖలో ప్రధానిని కోరారు. దీనిపై ఆదివారం స్పందించిన శివకుమార్‌.. భూమి చట్టాల గురించి తమిళనాడు ముఖ్యమంత్రికి తెలిసి ఉంటుందని ఆశిస్తున్నట్లు చెప్పారు. మేకెదాటు ప్రాజెక్టు నిర్మాణానికి ఎవరి అనుమతీ అవసరం లేదన్నారు.''సుప్రీంకోర్టు ఇప్పటికే కర్ణాటకకు తన భూభాగంలో ఆనకట్ట నిర్మించుకునే అర్హత ఉందని స్పష్టం చేసింది. అయితే తమిళనాడుకు 177 టీఎంసీల నీటిని అందించాలనే షరతు విధించింది. అదే నిబంధన'' అని ఆయన పేర్కొన్నారు. మేకెదాటు జలాశయం వల్ల కర్ణాటక కంటే తమిళనాడుకే ఎక్కువ ప్రయోజనం కలుగుతుందని శివకుమార్‌ అభిప్రాయపడ్డారు. ''ఇది నీటి సమతుల్యతను కాపాడే జలాశయం. దీనివల్ల తమిళనాడుకే ఎక్కువ మేలు జరుగుతుంది'' అని వివరించారు.పర్యావరణ నిబంధనలను పాటించేందుకు పరిహార అటవీకరణ (నరికిన అడవుల స్థానంలో మరోచోట చెట్ల పెంపకం) కోసం 5,400 హెక్టార్ల అటవీ భూమిని గుర్తించినట్లు తెలిపారు. ఈ ప్రక్రియ ప్రస్తుతం కొనసాగుతోందని, అది పూర్తయిన తర్వాత అనుమతుల కోసం జలవనరుల సంఘాన్ని సంప్రదిస్తామని వెల్లడించారు.జలాశయంలో నిల్వ చేసే నీటిని దుర్వినియోగం చేయబోమని విజయ్‌కు శివకుమార్‌ హామీ ఇచ్చారు. ''తమిళనాడు ముఖ్యమంత్రికి విజ్ఞప్తి చేస్తున్నా. మీరు ఒక బృందాన్ని పంపించండి. మేం ఈ నీటిని దుర్వినియోగం చేయం. ఇచ్చిన మాటకు కట్టుబడి ఉంటాం'' అని చెప్పారు. కర్ణాటక, తమిళనాడు మధ్య నీటి విషయంలో ఘర్షణలకు తావులేదని ఆయన అన్నారు. ''పోరాటాలు చేసుకునే రోజులు ముగిశాయి. సుప్రీంకోర్టు తీర్పు ఇచ్చింది. మనం చట్టాన్ని గౌరవించాలి. కలిసి పనిచేయాలి. నీటిని పంచుకోవాలి'' అని పిలుపునిచ్చారు.కావేరి నది కర్ణాటక, తమిళనాడు, పుదుచ్చేరి, కేరళ రాష్ట్రాల్లో తాగునీరు, వ్యవసాయం, పశుపోషణ, పరిశ్రమలకు కీలకమైన వనరు అని శివకుమార్‌ గుర్తుచేశారు. కావేరి పరివాహక ప్రాంతాన్ని దేశానికి లభించిన వరంగా అభివర్ణించారు. రెండు రాష్ట్రాల మధ్య సంబంధాలను బలోపేతం చేస్తూ రైతుల సంక్షేమం కోసం కలిసి పనిచేయాలని విజయ్‌ను కోరారు.మేకెదాటు ప్రాజెక్టుపై కర్ణాటక, తమిళనాడు ప్రభుత్వాల మధ్య నెలకొన్న విభేదాల నేపథ్యంలో.. ఈ విషయంలో కేంద్ర ప్రభుత్వం, జలవనరుల సంఘం తదుపరి నిర్ణయాలు కీలకంగా మారనున్నాయి.

పంజాబ్ గ్యాంగ్‌స్టర్ అఫ్రిది అరెస్ట్.. భారత్‌కు తీసుకొచ్చిన పోలీసులు

సాక్షి, న్యూఢిల్లీ: 30కి పైగా తీవ్రమైన క్రిమినల్ కేసుల్లో నిందితుడిగా ఉన్న పంజాబ్ గ్యాంగ్‌స్టర్ గుర్విందర్ అలియాస్ అఫ్రిదిని పోలీసులు భారత్‌కు తీసుకొచ్చారు. ఇథియోపియాలో అతడిని అరెస్ట్ చేసిన పోలీసులు ఆదివారం ఢిల్లీకి తీసుకొచ్చారు. అనంతరం పంజాబ్ పోలీసులు తమ అదుపులోకి తీసుకున్నారు. అఫ్రిదిపై పంజాబ్ ప్రభుత్వం రూ.5 లక్షల రివార్డు కూడా గతంలో ప్రకటించింది.పంజాబ్‌లోని తరన్ తారన్‌ జిల్లాకు చెందిన అఫ్రిది.. డోనీ బాల్-ప్రభ్ దస్సువాల్ గ్యాంగ్‌లో కీలకంగా వ్యవహరిస్తున్నట్లు పోలీసులు ఆరోపిస్తున్నారు. ఐదు హత్య కేసులతో పాటు హత్యాయత్నం, బెదిరింపులు, అక్రమ వసూళ్లతో పాటు అక్రమ ఆయుధాల నిరోధక చట్టం కింద నమోదైన కేసుల్లో అతడు నిందితుడిగా ఉన్నాడు. పంజాబ్‌లో జరిగిన పలు కీలక హత్యల వెనుక అఫ్రిది ప్రమేయం ఉన్నట్లు పోలీసులు అనుమానిస్తున్నారు.2025 మార్చిలో నకిలీ పాస్‌పోర్టుతో అఫ్రిది ముంబై నుంచి యూఏఈకి పారిపోయాడు. అనంతరం టర్కీ, కెన్యా, అంగోలా మీదుగా ఇథియోపియాకు చేరుకున్నాడు. అతడి కోసం ఇంటర్‌పోల్ రెడ్ నోటీసు కూడా జారీ అయింది.పంజాబ్ పోలీసులు చేపట్టిన ‘ఆపరేషన్ షాహిద్’లో భాగంగా పది నెలల పాటు అంతర్జాతీయ స్థాయిలో నిఘా కొనసాగించి అతడిని పట్టుకున్నారు. అంతేకాదు ఆఫ్రికా దేశం నుంచి పరారీలో ఉన్న నేరస్థుడిని పంజాబ్ పోలీసులు భారత్‌కు తీసుకురావడం ఇదే తొలిసారి అని పోలీసు వర్గాలు వెల్లడించాయి. ప్రస్తుతం అతడిని పంజాబ్‌కు తరలించి తదుపరి చట్టపరమైన చర్యలు చేపట్టనున్నారు.ఇదీ చదవండి: ఇరాన్‌తో యుద్ధానికి ముగింపు.. చైనా సాయం కోరుతున్న అమెరికా?

పండగ పూట.. అక్క బర్త్ డేని సెలబ్రేట్ చేసిన మహేష్ బాబు

సూపర్ స్టార్ మహేష్‌ బాబు తన సోదరి మంజుల ఘట్టమనేని పుట్టినరోజు వేడుకల్లో పాల్గొన్నారు. ఈ రోజు (నవంబర్ 8) జరిగిన ఈ వేడుకకు ఘట్టమనేని కుటుంబ సభ్యులు హాజరై సందడి చేశారు. (ఇదీ చదవండి: మాట రాదు.. వినిపించదు.. నటనతో మెప్పిస్తూ..)ఈ సందర్భంగా కుటుంబ సభ్యులంతా ఒక్క దగ్గర సమావేశమయ్యారు. ఆమెతో కేక్ కట్ చేయించి, కేక్ తినిపిస్తూ ఆనందంగా గడిపారు. ఫొటోల్లో మహేష్ బాబుతో పాటు నమ్రత, సితార, నటుడు సుధీర్ బాబు, మహేష్ సోదరి ప్రియదర్శిని, మంజుల భర్త సంజయ్ స్వరూప్ కనిపించారు. కుటుంబ సభ్యులంతా కలిసి కనిపించడంతో ప్రస్తుతం ఈ ఫొటోలు వైరల్‌ అవుతున్నాయి.(ఇదీ చదవండి: సాయిపల్లవి చేతికి ఎప్పుడూ ఆ మాలే ఎందుకు?)తన సోదరి #Manjulaghattamaneni బర్త్ డే సెలబ్రేషన్స్ లో #Maheshbabu #Rudhra #Varanasi #Diwali2026 https://t.co/ttmuteIJ4T— SZN (@Suzenbabu) November 8, 2026