అమెరికాలో అదిరిపోయిన సంబరాలు : తొలిసారి ఐదు రాష్ట్రాల్లో ఘనంగా దీపావళి

అమెరికాలో దీపావళికి ప్రాముఖ్యత పెరుగుతోంది. గత రెండేళ్లుగా ఈ మార్పు మరింత వేగవంతమైంది. 2024లో పెన్సిల్వేనియా రాష్ట్రం దీపావళిని అధికారిక సెలవుదినంగా ప్రకటించిన మొదటి అమెరికన్ రాష్ట్రంగా నిలిచింది. ఆ తర్వాత 2025లో కనెక్టికట్ మరియు కాలిఫోర్నియా రాష్ట్రాలు కూడా దీనికి చట్టపరమైన గుర్తింపునిచ్చాయి. మరోవైపు, న్యూయార్క్ నగరం 2023లోనే దీపావళి రోజున ప్రభుత్వ పాఠశాలలకు సెలవు ప్రకటించింది. ఈ ఏడాది, ఈ పండుగ మరో కీలక మైలురాయిని చేరుకుంది.ఐదు రాష్ట్రాల్లో తొలిసారి...బిన్నత్వంలో ఏకత్వమే తమ బలంఅమెరికాలోని ఐదు రాష్ట్రాల గవర్నర్లు తమ అధికారిక నివాసాలు, రాష్ట్ర కాపిటల్ ప్రాంగణాలలో తొలిసారిగా అధికారికంగా దీపావళి వేడుకలను నిర్వహించడం విశేషం. అలాగే పసిఫిక్ వాయువ్య ప్రాంతంలోని 21 నగరాల మేయర్లు, తమ రాష్ట్ర రాజధానులలో, గవర్నర్ నివాసాలలో మరియు నగర పాలక కార్యాలయాలలో మొదటిసారిగా దీపావళి వేడుకలను నిర్వహించారు. వ్యాపార, ప్రజాసేవ, సాంస్కృతిక రంగాలలో భారతీయ అమెరికన్ల ప్రాముఖ్యతను, వారు అందిస్తున్న సేవలను అభినందించారు. ఐడాహో, నెబ్రాస్కా, మోంటానా, నార్త్ డాకోటా, వాషింగ్టన్ రాష్ట్రాలలో ఈ వేడుకలు జరిగాయి. అక్టోబర్ మధ్యలో ప్రారంభమైన ఈ సంబరాలు నవంబర్ 10న సేలమ్‌లోని ఒరెగాన్ స్టేట్ కాపిటల్‌లో జరిగే ఆరో వేడుకతో ముగియనున్నాయి. అంతేకాదు అమెరికా అధ్యక్ష భవనమైన వైట్ హౌస్‌లో కూడా అధ్యక్షుడు డోనాల్డ్ ట్రంప్ దీపావళి వేడుకలను నిర్వహించనున్నారు.VIDEO | The Governors of Idaho, Nebraska, Montana, North Dakota and Washington hosted first-ever Diwali celebrations at their State Capitol Rotundas and Governors’ Mansions this year. Organised in partnership with the Consulate General of India in Seattle, the celebrations were attended by US Senators, Members of Congress, Mayors and members of the Indian-American community. Across Washington State, 22 cities held Diwali ceremonies in their City Council chambers, where Mayors and council members lit ceremonial lamps. Several states and cities also issued official proclamations recognising Diwali and the contributions of the Indian-American community. The celebrations began in mid-October and will conclude on November 10, 2026, with a state-level celebration hosted by the Governor of Oregon at the State Capitol in Salem, alongside ceremonies at Seattle City Hall and the King County Council. (Source: Consulate General of India, Seattle) (Full video available on PTI Videos - https://t.co/bIyFWTfmBd)— Press Trust of India (@PTI_News) November 6, 2026ఇడాహో, నెబ్రాస్కా, మోంటానా, నార్త్ డకోటా , వాషింగ్టన్ రాష్ట్రాల గవర్నర్లు తమ అధికారిక నివాసాలు చరాష్ట్ర రాజధానులలో తొలిసారిగా దీపావళి వేడుకలను నిర్వహించారు. ఈ కార్యక్రమాలకు అమెరికా చట్టసభ సభ్యులు , భారతీయ-అమెరికన్ సమాజ సభ్యులు హాజరయ్యారు. సియాటిల్‌లోని భారత కాన్సులేట్ జనరల్ భాగస్వామ్యంతో ఈ వేడుకలను నిర్వహించారు. సంబంధిత రాష్ట్రాల గవర్నర్ల అధికారిక నివాసాలు, కాపిటల్ భవనాల్లో దీపావళి వేడుకలు జరగడం ఇదే తొలిసారని సీటెల్‌లోని భారత కాన్సులేట్ ప్రకటనలో తెలిపింది.కమ్యూనిటీ నాయకులతో కలిసి భారత కాన్సులేట్ ఈ వేడుకలను నిర్వహించింది. కేవలం రాష్ట్ర స్థాయిలోనే కాకుండా, వాషింగ్టన్ రాష్ట్రంలోని పలు నగరాల్లో కూడా కౌన్సిల్ సభ్యుల సమక్షంలో మేయర్లు దివ్యదీపాలను వెలిగించి దీపావళిని జరుపుకున్నారు. నవంబర్ 4న ఒలింపియాలోని స్టేట్ కాపిటల్‌లో జరిగిన వేడుకలో వాషింగ్టన్ గవర్నర్ బాబ్ ఫెర్గూసన్ మాట్లాడుతూ, భారతీయ అమెరికన్ సమాజం వేగంగా విస్తరిస్తోందని, రాష్ట్ర అభివృద్ధిలో వారి పాత్ర కీలకమైనదని కొనియాడారు."అమెరికాలోనే అత్యధిక సంఖ్యలో భారతీయ అమెరికన్లకు ఆశ్రయం కల్పిస్తున్న రాష్ట్రాలలో మాది ఒకటిగా ఉండటం గర్వకారణం. గత దశాబ్ద కాలంలో దేశంలోనే అత్యంత వేగంగా భారతీయ అమెరికన్ల జనాభా పెరిగిన రాష్ట్రం మాదే. మన రాష్ట్ర పురోగతికి ఈ సమాజం ఎంతో సహకారం అందించింది" అని ఫెర్గూసన్ తెలిపారు. ఒలింపియాలో జరిగిన కార్యక్రమంలో భారతీయ శాస్త్రీయ నృత్య ప్రదర్శన ప్రత్యేక ఆకర్షణగా నిలిచింది. చీకటిపై వెలుగు సాధించిన విజయానికి ప్రతీకగా నిలిచే దీపావళి సందేశాన్ని వివరిస్తూ, సాంస్కృతిక వైవిధ్యమే తమ బలానికి మూలమని ఫెర్గూసన్ పేర్కొన్నారు.గ్రేటర్ సీటెల్ ప్రాంతంలో దాదాపు 2 లక్షల మంది భారతీయ అమెరికన్లు నివసిస్తున్నారని కాన్సులేట్ వెల్లడించింది. అంతేకాకుండా, దీపావళి పండుగ ప్రాముఖ్యతను స్థానిక ఆర్థిక, సాంస్కృతిక రంగానికి భారతీయులు చేస్తున్న సేవలను గుర్తిస్తూ రాష్ట్ర, నగర ప్రభుత్వాలు అధికారిక ప్రకటనలను (ప్రోక్లమేషన్స్) కూడా విడుదల చేశాయి. అక్టోబర్ 16న బోయిసీలోని స్టేట్ కాపిటల్ వద్ద ఐడాహో గవర్నర్ బ్రాడ్ లిటిల్ దీపావళి వేడుకలకు ఆతిథ్యమిచ్చారు. ప్రజలకు సేవ చేయడం, పౌర భాగస్వామ్యం మరియు ఆర్థిక వృద్ధికి భారతీయులు అందిస్తున్న సహకారంపై ఆయన మాట్లాడారు. "దాతృత్వాన్ని ఎంచుకోవడం, జ్ఞానాన్ని పెంపొందించుకోవడం, ఇతరులకు సేవ చేయడం, సవాళ్లు ఎదురైనప్పుడు కూడా ఆశను కోల్పోకుండా ఉండటంలోని ప్రాముఖ్యతను దీపావళి మనకు గుర్తు చేస్తుందన్నారు లిటిల్. అక్టోబర్ 20న లింకన్‌లో నెబ్రాస్కా గవర్నర్ జిమ్ పిల్లెన్ దీపావళి వేడుకలను నిర్వహించి, తమ సంస్కృతీ సాంప్రదాయాలను కాపాడుకోవాలని కుటుంబాలకు పిలుపునిచ్చారు. ఈ వేడుకలో పాల్గొన్న అమెరికా ప్రజాప్రతినిధి డోన్ బాకన్ కూడా భారతీయ అమెరికన్ సమాజంపై ప్రశంసల వర్షం కురిపించారు.అక్టోబర్ 26న హెలెనాలోని గవర్నర్ భవనంలో మోంటానా గవర్నర్ గ్రెగ్ జియాన్ఫోర్టే అతిథులకు స్వాగతం పలికారు. వేర్వేరు సంస్కృతులు, నేపథ్యాలు ఉన్న ప్రజలను ఒకే వేదికపైకి తీసుకువచ్చి, బంధాలను బలోపేతం చేసుకోవడంపై ఆయన మాట్లాడారు.ఆ తర్వాత మూడు రోజులకు (అక్టోబర్ 29న) బిస్మార్క్‌లోని గవర్నర్ నివాసంలో నార్త్ డాకోటా గవర్నర్ కెల్లీ ఆర్మ్‌స్ట్రాంగ్ దీపావళి వేడుకలను నిర్వహించారు. ఆర్మ్‌స్ట్రాంగ్, ఆయన భార్య కెర్ స్టీ ఆర్మ్‌స్ట్రాంగ్ మరియు కాన్సుల్ జనరల్ కలిసి సాంప్రదాయబద్ధంగా జ్యోతి ప్రజ్వలన చేశారు."మనం ఈ సంబంధాలను, స్నేహాలను వేడుకలా జరుపుకోవాలి. మన మధ్య ఉన్న వైవిధ్యమే మన బలం" అని ఆర్మ్‌స్ట్రాంగ్ వ్యాఖ్యానించారు. వర్తకం, దౌత్యం, రాష్ట్ర స్థాయి భాగస్వామ్యాల ద్వారా భారత్‌తో ఉన్న సంబంధాలను ఆయన ప్రస్తావించారు. శాన్ ఫ్రాన్సిస్కోలో మొదటిసారిగా సిటీ హాల్‌లో దీపావళి వేడుకలు జరిగాయి. ఈ సందర్భంగా మేయర్ స్వయంగా దీపాలను వెలిగించే కార్యక్రమంలో పాల్గొన్నారు. భారతీయ అమెరికన్ సమాజానికి ఇది ఒక అద్భుతమైన మైలురాయి అంటూ అక్కడ స్థానికుల్లో అనందం వెల్లివిరిసింది. This is special. San Francisco just celebrated Diwali inside City Hall for the very first time, with the Mayor joining the diya lighting ceremony. A beautiful milestone for the Indian American community. ❤️🪔 https://t.co/2hjrEPZhdC— LIFE IS 🎶BEAUTIFUL (@DEVIKA12327912) November 6, 2026వాషింగ్టన్ రాష్ట్రంలో ఆబర్న్, బెల్లెవ్యూ, కిర్క్‌లాండ్, ఎవెరెట్, బోథెల్, టాకోమా, స్పోకేన్, కెంట్ తదితర నగరాల్లో కూడా ఈ వేడుకలు జరిగాయని కాన్సులేట్ తెలిపింది. స్నోక్వాల్మీ, కింగ్ కౌంటీ, సీటెల్‌లలో మరిన్ని వేడుకలతోపాటు,ముగింపు వేడుకలు నిర్వహించనున్నారు.

ఎన్‌కౌంటర్‌ భయం : ఆ నిందితులకు బుల్లెట్‌ప్రూఫ్ జాకెట్లు

ఫేక్ ఎన్‌కౌంటర్ (fake encounter) చేస్తారనే భయంతో ఖైదీలుగా ఉన్న ఇద్దరు గ్యాంగ్‌స్టర్లు బుల్లెట్‌ప్రూఫ్ జాకెట్లు కోరడం నెట్టింట హాట్‌ టాపిక్‌గా నిలిచింది. ఉత్తరప్రదేశ్‌లోని తిహార్ జైలు నుండి శామ్లీ కోర్టుకు తరలించే సమయంలో తమకు సంకెళ్లు, బేడీలు వేయడంతో పాటు బుల్లెట్‌ప్రూఫ్ జాకెట్లు కూడా అందించాలని వీరు అభ్యర్థించారు. దీన్ని కోర్టు అంగీకరించి, సంబంధిత ఆదేశాలు జారీ చేయడం గమనార్హం.యూపీ పోలీసులు తమను ఎన్‌కౌంటర్‌ పేరుతో చంపేస్తారనే భయం ఉందంటూ నిందితుల తరఫు న్యాయవాది దాఖలు చేసిన పిటిషన్‌ను కోర్టు పరిగణనలోకి తీసుకుంది. పటియాలా హౌస్ కోర్టు అడిషనల్ సెషన్స్ జడ్జి సౌరభ్ ప్రతాప్ సింగ్ లాలెర్ ఈ విజ్ఞప్తిని పురస్కరించుకుని, శామ్లీలోని చీఫ్ జుడీషియల్ మేజిస్ట్రేట్ (CJM) కోర్టుకు, తిరిగి తిహార్ జైలుకు తీసుకొచ్చే సమయంలో ​కూడా నిందితులకు బేడీలు, బుల్లెట్‌ప్రూఫ్ జాకెట్లు ధరింప జేయాలని నవంబరు 3న జైలు అధికారులను ఆదేశించారు. నిందితులకు పూర్తి భద్రత కల్పించా లంటూ జైలు అధికారులు, డెప్యూటీ కమిషనర్ ఆఫ్ పోలీసులను కోర్టు ఆదేశించింది. ఎలాంటి అవాంఛనీయ సంఘటనలు జరగకూడదని స్పష్టం చేస్తూ, ఈ ఉత్తర్వుల ప్రతులను జైలు సూపరింటెండెంట్, సంబంధిత పోలీస్ అధికారులకు తక్షణమే పంపాలని కూడాబఆదేశించింది. ఇదీ చదవండి: వామ్మో..ఆ స్పీడ్‌ ఏంటి! నువ్వు లక్కీ బ్రో..!ఆగస్టులో శామ్లీలోని కొత్వాలి ప్రాంతంలోని ఒక జిమ్ వెలుపల హర్యానా గాయకుడు అంకిత్ బాలియాన్‌ను కాల్చి చంపిన కేసులో దీపక్ అలియాస్ తీతర్, యోగేష్ అలియాస్ తుండా అనే ఈ ఇద్దరు గ్యాంగ్‌స్టర్లను శామ్లీ పోలీసులు అరెస్టు చేశారు. ప్రస్తుతం వీరిద్దరూ ఢిల్లీలోని తిహార్ జైలులో ఉన్నారు. దర్యాప్తులో భాగంగా వారిని ట్రాన్సిట్ రిమాండ్‌పై శామ్లీ కోర్టులో హాజరు పరుస్తారు.ఇదీ చదవండి: అమెరికాలో అదిరిపోయిన సంబరాలు : తొలిసారి ఐదు రాష్ట్రాల్లో ఘనంగా దీపావళి

సూర్య ‘సీన్‌’మూవీ రివ్యూ

ఆవేశం’ ఫేమ్‌ జితు మాధవన్‌ దర్శకత్వంలో సూర్య, నజ్రియా నజీమ్‌ జంటగా నటించిన చిత్రం ‘సీన్‌’. నస్లేన్, ఆనంద్‌ రాజ్, లాల్, రాజ్‌ ప్రియన్‌ కీలక పాత్రలు పోషించారు. జ్యోతిక, సూర్య అగరం స్టూడియోస్, 2డీ ఎంటర్‌టైన్ మెంట్‌ బ్యానర్లపై ఈ చిత్రాన్ని నిర్మించారు. ఈ మూవీ దీపావళి కానుకగా నేడు(నవంబర్ 6) ప్రేక్షకుల ముందుకు వచ్చింది. మరి ఈ సినిమా ఎలా ఉందో రివ్యూ లో చూద్దాం.కథేంటంటే.. క్రైమ్ బ్రాంచ్‌లో డీఎస్పీగా పని చేసే ప్రేమ్ రాజ్‌ (సూర్య) తన తెలివి తేటలతో క్లిష్టమైన కేసులను ఈజీగా సాల్వ్‌ చేస్తుంటాడు. సీరియల్ కిల్లర్ విక్టర్ (టోవినో థామస్)ను అరెస్ట్ చేసిన తర్వాత తన ఉద్యోగానికి రాజీనామా చేయాలని నిర్ణయించుకుంటాడు. అది పెండింగ్‌లో ఉండగానే నగరంలో వరుస హత్యలు జరుగుతుంటాయి. అవన్నీ సీరియల్‌ కిల్లర్‌ విక్టర్‌ చేసిన మర్డర్స్‌ మాదిరే ఉంటాయి. విక్టర్‌ జైల్లో ఉంటే.. బయట ఆ హత్యలు ఎవరు చేస్తున్నారనేది మిస్టరీగా మారుతుంది. అదే సమయంలో ప్రేమ్‌ సంబంధించిన ఓ సంచలన నిజం క్రైమ్‌ బ్రాంచ్‌ చీఫ్‌ స్టీఫెన్‌కి తెలుస్తుంది. దీంతో విక్టర్‌ని ఉద్యోగం నుంచి తప్పిస్తాడు. అయినప్పటికీ సీరియల్‌ కిల్లర్‌ కేసుని ప్రేమ్‌ సవాల్‌గా తీసుకుంటాడు. మాయ(నజ్రీయా) సాయంతో ఈ కేసులను విచారిస్తుంటాడు. అసలు ఆ హత్యలు చేస్తున్నదెవరు? ప్రేమ్‌ ఆ సీరియల్‌ కిల్లర్‌ని ఎలా పట్టుకున్నాడు? పై అధికారుల దగ్గర ప్రేమ్‌ దాచిన నిజం ఏంటి? ప్రేమ్‌కు ఉన్న సమస్య ఏంటి? ఈ కేసు విచారణలో ప్రేమ్‌కి మాయ ఎలాంటి సహాయం చేసింది? ఈ కథలో ఈశ్వరన్‌ (నస్లేన్‌) పాత్ర ఏంటి అనేది తెలియాలంటే సినిమా చూడాల్సిందే. ఎలా ఉందంటే.. పోలీసు అధికారిగా పనిచేయాలంటే అడ్డంకిగా మారే ఓ ఆరోగ్య సమస్యతో హీరో బాధపడుతుంటాడు. హీరోయిన్‌కు మరో సమస్య ఉంటుంది. ఇక హీరో తల్లిదండ్రులకూ ఆరోగ్య సమస్యలు ఉంటాయి. ఇలా భిన్నమైన సమస్యలతో సతమతమయ్యే వీరంతా కలిసి ఓ సీరియల్ కిల్లర్ కేసును ఎలా ఛేదించారన్నదే ఈ సినిమా కథ. సూర్యకు ఉన్న ఇమేజ్‌కు భిన్నంగా కథను రూపొందించి, అందులో కామెడీకి పెద్దపీట వేశారు దర్శకుడు జీతూ మాధవన్. క్రైమ్ థ్రిల్లర్‌కు హాస్యాన్ని జోడిస్తూ ఆయన చేసిన ఈ ప్రయత్నం కొంతవరకు ఆకట్టుకుంటుంది.(చదవండి: రామాయణం మూవీ రివ్యూ)సినిమా ప్రారంభమైన తొలి పావు గంట సాధారణ క్రైమ్ థ్రిల్లర్‌లా కథనం సాగుతుంది. అయితే హీరో దాచిన ఓ నిజం బయటపడిన తర్వాత కథ అసలు మలుపు తీసుకుంటుంది. అప్పటి నుంచి కామెడీ, మొదలవుతాయి. ముఖ్యంగా మాయా పాత్ర ఎంట్రీ తర్వాత సినిమా మరింత ఆసక్తికరంగా మారుతుంది. హీరో, హీరోయిన్ కలిసి చేసే ప్రయాణం, సాగించే ఇన్వెస్టిగేషన్ ఒకవైపు నవ్వులు పూయిస్తూనే మరోవైపు ఉత్కంఠను రేకెత్తిస్తాయి. వీరికి హీరో తల్లిదండ్రులు తోడవడంతో వినోదం మరింత పెరుగుతుంది. ఇంటర్వెల్ సన్నివేశాలు థ్రిల్లింగ్‌గా సాగుతూ సెకండాఫ్‌పై ఆసక్తిని పెంచుతాయి. ఇక ద్వితియార్థంలో కథనం కొంత నెమ్మదిగా సాగుతుంది. అయితే హీరోయిన్‌ చేసే యాక్షన్‌ సీన్‌ మాత్రం అదిరిపోతుంది.హీరోని వేధిస్తున్న సమస్యకు అసలు కారణమేంటి? అనే ప్రశ్నలకు దర్శకుడు సరైన సమాధానాలు ఇవ్వకపోవడం కొంత అసంతృప్తిని కలిగిస్తుంది. మరోవైపు హీరో సీరియల్ కిల్లర్‌ను గుర్తించే విధానం, తొలిసారి అతడిని ఎదుర్కొనే సన్నివేశాలు ఆకట్టుకుంటాయి. ఈ క్రమంలో ఇద్దరి మధ్య జరిగే మైండ్ గేమ్ సినిమాకు కావాల్సిన థ్రిల్‌ను అందిస్తుంది. ముఖ్యంగా ప్రీక్లైమాక్స్ నుంచి కథనం వేగం పుంజుకుంటుంది. యాక్షన్ సన్నివేశాలను తెరకెక్కించిన విధానం బాగుంది. అయితే కథ, కథనాలు, పాత్రల చిత్రీకరణ మాత్రం లాజిక్‌కు సుదూరంగా ఉంటాయి. కొన్ని సీన్లు సినిమాటిక్ ఉండటంతో నమ్మశక్యంగా ఉండవు. కథలో బలమైన పాయింట్ లేకపోవడం, కథనంలో కొత్తదనం లేకపోవడంతో ‍కొన్ని చోట్ల సాదాసీదా సినిమాను చూస్తున్న ఫీలింగ్ కలుగుతుంది. లాజిక్‌లు వెతకుండా వెళితే ఈ క్రైమ్‌ కామెడీ చిత్రం ఎంటర్‌టైన్‌ చేస్తుంది. (ఇదీ చదవండి: నయనతార ‘మహాశక్తి’ మూవీ రివ్యూ అం‍డ్‌ రేటింగ్‌)ఎవరెలా చేశారంటే.. ప్రేమ్‌రాజ్‌ పాత్రలో సూర్య ఒదిగిపోయాడు. గతంలో ఈ తరహా పాత్రను ఆయన చేయలేదనే చెప్పాలి. కామెడీతో పాటు యాక్షన్‌ సీన్స్‌ కూడా ఇరగదీశాడు. ఇక మాయ పాత్రకు నజ్రియా పూర్తి న్యాయం చేసింది. తొలిసారి ఇందులో యాక్షన్‌ కూడా చేసింది. ఆ సీన్‌ అదిరిపోతుంది. ప్రేమలు ఫేమ్‌ నస్లేన్‌ సీరియల్‌ కిల్లర్‌గా తనదైన నటనతో ఆకట్టుకున్నాడు. టోవినో థామస్‌ది అతిథి పాత్రే. పార్ట్‌ 2 మొత్తం ఆయన చుట్టూ తిరిగేలా ఉంది. హీరో తండ్రిగా ఆనంద్‌ రాజ్‌తో పాటు మిగిలిన నటీనటులు తమ పాత్రల పరిధిమేర చక్కగా నటించారు. సాంకేతికంగా ఈ సినిమా పర్వాలేదు. సుశిన్‌ నేపథ్య సంగీతం బాగుంది. విజువల్స్‌ బాగున్నాయి. ఎడిటింగ్‌ ఓకే. నిర్మాణ విలువలు బాగున్నాయి.

ఓబీసీ క్రీమీ లేయర్‌పై సుప్రీంకోర్టు కీలక తీర్పు

సాక్షి,న్యూఢిల్లీ: ఇతర వెనుకబడిన తరగతుల (ఓబీసీ) రిజర్వేషన్లకు సంబంధించి క్రీమీ లేయర్ నిర్ధారణపై శుక్రవారం (నవంబర్‌ 06న) సుప్రీంకోర్టు కీలక తీర్పును వెలువరించింది. ఈ ఏడాది మార్చి 11న ఇచ్చిన జస్టిస్‌ పీఎస్‌ నరసింహ, జస్టిస్‌ ఆర్. మాహదేవన్‌ నేతృత్వంలోని ధర్మాసనం ఇచ్చిన సంచలన తీర్పుపై వివరణ ఇవ్వాలని కేంద్ర ప్రభుత్వం పిటిషన్‌ దాఖలు చేసింది. కేంద్రం దాఖలు చేసిన వివరణ పిటిషన్‌పై అత్యున్నత న్యాయస్థానం కీలక తీర్పిచ్చింది. ఈ తాజా తీర్పుతో దేశవ్యాప్తంగా ఉద్యోగులు, అభ్యర్థుల్లో నెలకొన్న తీవ్ర గందరగోళానికి తెరపడింది.మార్చి 11న ఇచ్చిన తీర్పు వల్ల గతంలో ఎప్పుడో పూర్తయిన నియామకాలు, ఎంపికలు, పదోన్నతులు, సీనియారిటీ జాబితాలకు ఎలాంటి ఇబ్బంది ఉండదని సుప్రీంకోర్టు జస్టిస్‌ పీఎస్‌ నరసింహ, జస్టిస్‌ ఆర్. మాహదేవన్‌ ధర్మాసనం స్పష్టం చేసింది. పాత నియామకాలను తిరగరాయడానికి ఈ తీర్పును కారణంగా చూపరాదని తేల్చిచెప్పింది. దీంతో ఇప్పటికే ఉద్యోగాలు పొందిన వేలాది మంది ఉద్యోగులకు పూర్తి రక్షణ లభించినట్టయింది. అలాగే వివిధ కోర్టులు, ట్రిబ్యునళ్లలో పెండింగ్‌లో ఉన్న ఇలాంటి కేసులను సంబంధిత న్యాయస్థానాలు వాటి మెరిట్స్ ఆధారంగా పరిష్కరించుకోవచ్చని పేర్కొంది.సివిల్ సర్వీసెస్ - 2025 అభ్యర్థులకు కొత్త రూల్స్యూపీఎస్సీ సివిల్ సర్వీసెస్ పరీక్ష-2025 ద్వారా ఎంపికైన 958 మంది అభ్యర్థులకు సర్వీసులు (ఐఏఎస్‌,ఐపీఎస్‌ మొదలైనవి) కేటాయించే ప్రక్రియ ఇంకా పూర్తి కాలేదని కోర్టు గుర్తుచేసింది. ఈ కేటాయింపు ప్రక్రియ పెండింగ్‌లో ఉన్నందున, వీరికి మాత్రం తాజా మార్గదర్శకాల ప్రకారమే (క్రీమీ లేయర్ నిర్ణయానికి జీతంతో పాటు హోదాను కూడా పరిగణలోకి తీసుకునే విధానం) ఓబీసీ క్రీమీ లేయర్ నిబంధన వర్తిస్తుందని సుప్రీంకోర్టు తేల్చిచెప్పింది.క్రీమీ లేయర్ లెక్కించే విధానంపై స్పష్టతఇకపై క్రీమీ లేయర్‌ను నిర్ణయించేటప్పుడు కేవలం తల్లిదండ్రుల జీతాన్ని మాత్రమే ప్రాతిపదికగా తీసుకోవడానికి వీల్లేదని కోర్టు పునరుద్ఘాటించింది. జీతంతో పాటు వారు పనిచేసిన ఉద్యోగ హోదా, పోస్ట్ కేటగిరీ కూడా కీలకమని స్పష్టం చేసింది. 1993 నాటి కేంద్ర ప్రభుత్వ ఆఫీస్ మెమోరాండం ప్రకారమే ఇది అమలవ్వాలని పేర్కొంది.కేంద్ర ప్రభుత్వానికి స్వేచ్ఛప్రభుత్వ ఉద్యోగాలతో సమానమైన హోదాలను పీఎస్‌యూలు, బ్యాంకులు, ప్రైవేటు సంస్థల్లో గుర్తించేందుకు రెండేళ్ల గడువు కావాలని కేంద్రం కోరినప్పటికీ, దానికి నిర్దిష్ట గడువు పెట్టేందుకు సుప్రీంకోర్టు నిరాకరించింది. ఇలాంటి విధానపరమైన నిర్ణయాలు, చట్టాల రూపకల్పన పూర్తిగా కేంద్ర ప్రభుత్వం, చట్టసభల పరిధిలోని అంశాలని స్పష్టం చేస్తూ, ఓబీసీ క్రీమీ లేయర్‌పై కొత్త పాలసీని రూపొందించుకునే పూర్తి స్వేచ్ఛ కేంద్రానికి ఉందని అత్యున్నత న్యాయస్థానం వ్యాఖ్యానించింది.కేసు పూర్వపరాల్ని పరిశీలిస్తేకేంద్ర ప్రభుత్వం, ప్రభుత్వ రంగ సంస్థలు అనుసరిస్తున్న నిబంధనల వల్ల తమకు ఓబీసీ ‘నాన్-క్రీమీ లేయర్’ సర్టిఫికెట్ నిరాకరించడాన్ని సవాల్ చేస్తూ పలువురు అభ్యర్థులు మద్రాస్‌ కోర్టును ఆశ్రయించారు. సివిల్ సర్వీసెస్ లేదా ఇతర కేంద్ర ప్రభుత్వ ఉద్యోగాల భర్తీలో ఓబీసీ రిజర్వేషన్లు పొందేందుకు అభ్యర్థులు అర్హులారా కాదా అని తేల్చేటప్పుడు.. కేంద్రం జారీ చేసిన మార్గదర్శకాల ప్రకారం, తల్లిదండ్రుల జీతం ఒక నిర్దిష్ట పరిమితిని దాటితే వారిని క్రీమీ లేయర్ కిందకు చేర్చి రిజర్వేషన్లకు అనర్హులుగా ప్రకటిస్తున్నారు.ప్రభుత్వ రంగ సంస్థలు,ప్రైవేట్ రంగాలలో పనిచేసే ఉద్యోగుల జీతభత్యాలను, ప్రభుత్వంలోని గ్రూప్-ఎ, గ్రూప్-బి అధికారులతో సమానంగా అంచనా వేసే విషయంలో అధికారులు యాంత్రికంగా వ్యవహరిస్తున్నారని, కేవలం జీతం ఆధారంగానే తమను క్రీమీ లేయర్‌లోకి నెట్టి రిజర్వేషన్లు నిరాకరిస్తున్నారని అభ్యర్థులు వాదించారు. ఈ విధానం అన్యాయమని, ఇది ప్రాథమిక నిబంధనలకు విరుద్ధమని మద్రాస్ హైకోర్టులో పిటిషన్లు దాఖలయ్యాయి.యూనియన్ పబ్లిక్ సర్వీస్‌ కమిషన్ నిర్వహించిన పరీక్షల ద్వారా సివిల్ సర్వీసెస్, ఇతర కేంద్ర సేవల కేటాయింపునకు సంబంధించి రిజర్వేషన్ ప్రయోజనాలు కోల్పోయిన కొందరు అభ్యర్థులు (ఉదాహరణకు యూనియన్ ఆఫ్ ఇండియా వర్సెస్ రోహిత్ నాథన్ (ఐపీఎస్‌)కేసు తదితరులు) సెంట్రల్ అడ్మినిస్ట్రేటివ్ ట్రిబ్యునల్, చెన్నై బెంచ్‌ను ఆశ్రయించారు. అక్కడ ప్రతికూల తీర్పు రావడంతో.. ఆ అభ్యర్థుల తరఫున,కేంద్ర ప్రభుత్వం దీనిపై పరస్పరం మద్రాస్ హైకోర్టులో రిట్ పిటిషన్లు దాఖలు చేశాయి. హైకోర్టు ఆ పిటిషన్లను విచారించి, జీతాన్ని మాత్రమే ప్రాతిపదికగా తీసుకోవడం చెల్లదని అభ్యర్థులకు అనుకూలంగా తీర్పునిచ్చింది. ఆ తర్వాత ఆ తీర్పును సవాల్ చేస్తూ కేంద్ర ప్రభుత్వం సుప్రీంకోర్టును ఆశ్రయించింది. ఇవాళ సుప్రీంకోర్టు ఆ తీర్పుపై స్పష్టత నిచ్చింది.ఇదీ చదవండి: తెలంగాణ హౌసింగ్‌ బోర్డుకు సుప్రీంకోర్టు అల్టిమేటం