మగవార్‌ని అర్ధం చేసుకుందాం!

భర్తవి కదా... భరించాలంటారు!నాన్నవి కదా... బాధ్యతలు మోయాలంటారు!అన్నయ్యవి కదా... అండగా నిలవాలంటారు!తమ్ముడివి కదా... త్యాగం చేయాలంటారు!కొడుకువి కదా... కుటుంబం కోసం బతకాలంటారు!చివరికి అన్నీ చేసినా, ‘నువ్వేం చేశావ్‌?’ అని ఒక్క మాటతో తీసిపారేస్తారు! ఈ మాటకు ఏడిస్తే చేతకానివాడు, నవ్వితే సిగ్గులేనివాడు, అలసిపోతే బలహీనుడు.. ఆఖరుకు ఈ బతుకు పోరాటంలో ఓడిపోతే పనికిరానివాడు! మరి, ‘అతనెవరు?’, బాధ్యతల బరువులో తన కలల్ని పాతిపెట్టినవాడు! అందరికీ అన్నీ అవుతూ.. ఎవరూ లేని మనిషి, మగాడు! కాని, ప్రతి మ‘గోడు’కీ ఓ భాష ఉంది, ఓ విలువ ఉంది! ఆ మౌనానికి అక్షర రూపం... నవంబర్‌ 19న అంతర్జాతీయ పురుషుల దినోత్సవం సందర్భంగా ఈ ప్రత్యేక కథనం!స్కూల్లో ఉన్నప్పుడు ఏదైనా సాధించాలనిపిస్తే ‘ముందు చదువు పూర్తిచెయ్‌... ఆ తర్వాత నీ ఇష్టం వచ్చినట్టు చేసుకోవచ్చు’ అంటారు తల్లిదండ్రులు. సరేనని బాగా చదివితే, వెంటనే ఉద్యోగం తెచ్చుకోమంటారు; ఉద్యోగం వచ్చాక పెళ్లి; ఆ తర్వాత ఇల్లు, పిల్లలు, కుటుంబ బాధ్యతలు! ఇలా ఒక్కో మెట్టు ఎక్కే క్రమంలో తనకంటూ ఉన్న కలలు మాత్రం ఎక్కడో వెనక్కి వెళ్లిపోతాయి. చిన్నప్పుడు క్రికెటర్‌ కావాలని కలలు కన్నవాడు– ఆఫీసులో నాలుగు అట్టల మధ్య ఉద్యోగిగా స్థిరపడతాడు.సొంతంగా వ్యాపారం మొదలుపెట్టాలనుకున్నవాడు– నెలవారీ జీతం, ఈఎంఐల లెక్కల్లో మునిగిపోతాడు. బైక్‌పై దేశమంతా తిరగాలనుకున్నవాడు– పిల్లల స్కూల్‌ సెలవుల కోసం ఎదురుచూస్తుంటాడు. సంగీతం నేర్చుకోవాలని, విదేశాలు చూడాలని, సముద్రంలో స్కూబా డైవింగ్‌ చేయాలని, కొండల మధ్య క్యాంపింగ్‌ చేయాలని, ఇష్టమైన కారు కొనాలని, తనకిష్టమైన పని చేయాలని– ఇలా ఎన్నో కోరికలు మనసులోనే ఉండిపోతాయి. ‘ఇవన్నీ ఎప్పటికైనా చేస్తా’ అని తనకు తానే మాటిచ్చుకుంటాడు.కానీ ఆ ఎప్పుడనేది మాత్రం ఎప్పుడూ రాదు! బాధ్యతల మధ్య బతుకుతూ తన కలలకూ ఓ చిన్న చోటు ఇవ్వాలనుకోవడమే ప్రతి మగాడి పెద్ద కోరిక కాని, అది ఎప్పుడూ బకెట్‌ లిస్ట్‌గా, కార్టులోనే ఉంటుంది. అతి కొద్దిమంది మాత్రమే దాన్ని పూర్తిచేయగలుగుతున్నారు.మీసం మెలేసినా... మనసు మెత్తనే!మగాడంటే కుటుంబానికి పెద్ద దిక్కు; సంపాదనకు చిరునామా; బాధ్యతలకు ప్రతిరూపం! కానీ ఇప్పటి మగాడి కథ అంత సింపుల్‌గా లేదు. ఉదయం అద్దం ముందు అందంలో హీరో– ఆఫీసులో అడుగుపెడితే బాధ్యతల బాస్‌. జిమ్‌లో ఫిట్‌నెస్‌ ఫ్రీక్‌– ఇంట్లో అడుగుపెడితే వంటింటి అసిస్టెంట్‌! పిల్లలతో ఆడుకునేటప్పుడు కోప్లేయర్‌.నెలాఖరులో బ్యాంకు బ్యాలెన్స్ చూస్తే మాత్రం తత్త్వవేత్త! ఇలా బయటకు గంభీరంగా కనిపించే ఈ మనిషి లోపల ఎన్నో భావోద్వేగాలు దాగున్నాయి. ఫ్యాషన్‌ నుంచి ఫిట్‌నెస్‌ వరకు; ప్రేమ నుంచి పేరెంటింగ్‌ వరకు; సంపాదన నుంచి సొంత కలల వరకు; ఒకటేమిటి? మగాడిలోనూ ఎన్నో షేడ్స్‌ ఉన్నాయి. మరి ఆ మల్టీటాలెంటెడ్‌ మిస్టర్‌ ప్రపంచాన్ని 360 డిగ్రీల్లో చూస్తే, అందులో దాగిన ఆసక్తికరమైన విషయాలు మీకు తెలుసా? అవే ఇవీ!అందగాడు!మగాళ్ల షాపింగ్‌ అంటే చాలావరకు రెండు జతల ప్యాంట్లు, నాలుగు చొక్కాలు, ఓ జత చెప్పులు! అంతే, వాటిని కూడా ప్రత్యేకంగా వెతికి వెతికి పది షాపులు తిరిగే పని లేకుండా, ఒకే షాపు, ఒకే దర్జీతో డిజైన్‌ చేయించుకునే వాడు. కానీ ఇప్పుడు సీన్‌ మారిపోయింది. ఏ సందర్భానికి ఎలాంటి దుస్తులు వేసుకోవాలి? ఏ రంగు చొక్కాకు ఏ రంగు ప్యాంటు సరిపోతుంది? ఏ షూస్‌తో లుక్‌ అదిరిపోతుంది? ఇలా మగాళ్ల ఫ్యాషన్‌ ఆలోచనలు కూడా ఫుల్‌ స్వింగ్‌లో ఉన్నాయి.గడ్డానికి ప్రత్యేక కేర్, జుట్టుకు ప్రత్యేక స్టయిల్, ముఖానికి ఫేస్‌వాష్, మాయిశ్చరైజర్, సన్ స్క్రీన్‌– ఇలా ఈ మధ్య బ్యూటీ షాపులలో అమ్మాయిల కంటే అబ్బాయిలే ఎక్కువ సమయం గడుపుతున్నారు! అయితే ఇందులో తప్పేముంది? అందంగా, శుభ్రంగా, ఆత్మవిశ్వాసంతో కనిపించాలను కోవడం ఎవరికైనా సహజమేనని ఇప్పుడిప్పుడే తెలుసుకొని, అందుకు తగ్గట్టుగా అందంగా కనిపించాలని కోరుకుంటున్నారు.ఆరోగ్యవంతుడు!సోషల్‌ మీడియాలో సిక్స్‌ ప్యాక్‌లు చూసి జిమ్‌లో చేరేవాళ్లు కొందరైతే, డాక్టర్‌ చెప్పే భవిష్యత్‌ అనారోగ్య సమస్యలకు భయపడి ఫిట్‌నెస్‌పై ఫుల్‌ ఫోకస్‌ పెడుతున్నారు! తెల్లవారుజామునే లేచి వాకింగ్, సైక్లింగ్, యోగా అంటూ రోజును చురుగ్గా మొదలుపెడుతున్నారు. నిజానికి ఆరోగ్యం విషయంలో మగాళ్లకు ఇంకా అవగాహన పెరగాల్సి ఉంది. కాని, ఇప్పటì కే ఆరోగ్యంగా, హుషారుగా ఉండాలనే ఆలోచనతోనూ చాలామంది చెమటోడుస్తున్నారు.ఆహారపు అలవాట్లు మార్చుకోవడం, నిద్రకు ప్రాధాన్యమివ్వడం, క్రమం తప్పకుండా ఆరోగ్య పరీక్షలు చేయించుకోవడంపైనా శ్రద్ధ పెరుగుతోంది. ముఖ్యంగా గుండె ఆరోగ్యం, బీపీ, షుగర్, కొలెస్ట్రాల్, ప్రొస్టేట్‌ సమస్యలపై అప్రమత్తంగా ఉంటున్నారు. అబ్బాయిలు కూడా సిక్స్‌ప్యాక్‌ కంటే హెల్త్‌ ప్యాక్‌ ఉంటేనే జీవితంలో అసలైన సక్సెస్‌గా పరిగణిస్తున్నారు.అసలైన అధికారి!ఉదయం అలారం మోగినప్పటి నుంచి రాత్రి కళ్లు మూసుకునే వరకు ఒక మగాడి పనుల జాబితాకు మాత్రం బ్రేకులుండవు! ఆఫీసులో లక్ష్యాలు, గడువులు, సమావేశాలు ఇంట్లో బిల్లులు, పిల్లల స్కూల్‌ పనులు, కుటుంబ అవసరాలు! ఉద్యోగంలో ప్రమోషన్ రావాలి, జీతం పెరగాలి, కుటుంబానికి మంచి జీవితం ఇవ్వాలి– ఇలా అంచనాలకు అంతే ఉండదు.ప్రతి సమస్యకూ పరిష్కారం చూపించాల్సిన బాధ్యత తనదేనని భావిస్తుంటాడు. ఈ క్రమంలో కెరీర్, వ్యక్తిగత జీవితం మధ్య సమతుల్యత కోసం పరుగులు తీస్తూ, ఒక్కోసారి ఒత్తిడికి బానిసైపోతుంటాడు. అయితే, ఇప్పుడిప్పుడే చాలామంది ఈ పరుగుకు బ్రేకులు వేస్తున్నారు. పనిని పంచుకోవడం, అవసరమైనప్పుడు ‘నో’ చెప్పడం, తమకంటూ కొంత సమయం కేటాయించుకోవడం నేర్చుకుంటున్నారు. ఎందుకంటే, తన జీవితానికి కూడా తానే కదా అసలైన అధికారి!వంటింట్లోనూ వీరుడే!నలభీమ పాకం ఎంత ప్రసిద్ధి చెందినా, వంటింటి బాధ్యతల నుంచి చాలాకాలం నుంచి చాలామంది ఎలా తప్పించుకున్నారో ఏమో! కానీ ఇప్పుడు మళ్లీ ఆ పాకశాస్త్ర వైభవం తిరిగొస్తోంది. ఒకప్పుడు వంటింటి వైపు కన్నెత్తి చూడని అబ్బాయిలే ఇప్పుడు గరిటె పట్టి తమ పాకప్రతిభను చాటుతున్నారు. ఇంట్లో అమ్మకు, భార్యకు సాయం చేయడం దగ్గర మొదలైన ఈ ప్రయాణం ఏకంగా షెఫ్‌లుగా, రెస్టారెంట్‌ నిర్వాహకులుగా, ఫుడ్‌ ఎంటర్‌ప్రెన్యూర్లుగా ఎదిగే వరకు సాగుతోంది.కొందరైతే వంటనే కెరీర్‌గా ఎంచుకుని పేరు, ఆదాయం రెండూ సంపాదిస్తున్నారు. ఇక ఇంట్లోనే ఉంటూ పిల్లల్ని చూసుకోవడం, గోరుముద్దలు తినిపించడం, డైపర్లు మార్చటంతో పాటు ఇంటి పనులు పంచుకుంటున్నారు. ఒకప్పుడు వంటింటి నుంచి తప్పించుకున్న అబ్బాయిలే ఇప్పుడు అదే వంటింట్లో రుచులతో మ్యాజిక్‌ చేస్తున్నారు. నలభీముల వారసులమని నిరూపిస్తున్నారు!ప్రేమలోనూ పార్ట్‌నరే!ప్రేమలో ఉన్నప్పుడు గంటల తరబడి ఫోన్లు మాట్లాడే అతను– పెళ్లయ్యాక అసలు పట్టించుకోవడం లేదనేది చాలామంది భాగస్వాముల ఫిర్యాదు! కానీ కెరీర్‌లో ఎదగాలి, మంచి స్థాయికి చేరుకోవాలి, కుటుంబానికి అన్ని సౌకర్యాలూ కల్పించాలనే లక్ష్యంతో మగాడు ఉరుకులు పరుగులు పెడుతుంటాడు. ఉదయం ఆఫీసుకు వెళ్తే రాత్రికి కానీ ఇంటికి రాడు. వచ్చినా ఫోన్ కాల్స్, ల్యాప్‌టాప్, మరుసటి రోజు పనుల ఆలోచనలే! కుటుంబం కోసమే ఇంత కష్టపడుతున్నానని అతను అనుకుంటాడు.కానీ రోజులో జరిగిన సంగతులు పంచుకోవాలని, కాసేపు మనసు విప్పి మాట్లాడాలని ఎదురుచూసే భాగస్వామి మాత్రం ఒంటరితనాన్ని అనుభవించవచ్చు. ఈ కెరీర్‌ మారథాన్ లో సంపాదన ఎంత ముఖ్యమో, బంధానికి సమయం కేటాయించడమూ అంతే ముఖ్యం. అందుకే తీరిక దొరికినప్పుడల్లా ఫోన్ పక్కనపెట్టి ఆమెతో కబుర్లు చెప్పడం, ఓ కప్పు టీ చేసి ఇవ్వడం, అలసిపోయినప్పుడు ఇంటి పనుల్లో చేయూతనివ్వడం, చెప్పకుండానే బాధ్యతలు పంచుకోవడం ద్వారా ప్రేమను చూపిస్తున్నాడు.జీతం జాడ ఉండదు!ప్రస్తుత రోజుల్లో మగాడి ఆర్థిక బాధ్యతలు మరింత పెరిగాయి. ఇంటి రుణం, కారు ఈఎంఐ, పిల్లల చదువులు, తల్లిదండ్రుల అవసరాలు, తన భవిష్యత్తు– ఇలా ఒక్క జీతంతో ఎన్నో పడవలు నడపాల్సి వస్తోంది. కొందరికి భాగస్వామి సహాయం చేసినా, ప్రస్తుత కనీస ఖర్చులు కూడా ఆకాశాన్ని దాటిపోయాయి. పైగా ఆన్ లైన్ షాపింగ్, క్రెడిట్‌ కార్డులు, ‘ఇప్పుడే కొనండి... తర్వాత చెల్లించండి’ అనే సౌకర్యాలు ఖర్చులకు కొత్త దారులు తెరిచాయి.అందుకే ఇప్పటి మగాళ్లు డబ్బు విషయంలో కాస్త తెలివిగా అడుగులు వేస్తున్నారు. నెలవారీ బడ్జెట్‌ తయారు చేసుకోవడం, అనవసర ఖర్చులకు కళ్లెం వేయడం, అత్యవసర నిధి ఏర్పాటు చేసుకోవడం, ఆరోగ్య బీమా, జీవిత బీమా, పెట్టుబడులపై అవగాహన పెంచుకుంటున్నారు. అవసరమైతే ఆర్థిక సలహాదారుల సహాయం కూడా తీసుకుంటున్నారు. డబ్బు సంపాదించడమే కాదు, దాన్ని తెలివిగా నిర్వహించడం కూడా ఒక కళే!బాధ్యతల మధ్య బిందాస్‌ లైఫ్‌!పెళ్లికి ముందు ఫ్రెండ్స్‌తో ట్రిప్పులు, అర్ధరాత్రి సినిమాలు, వీకెండ్‌ పార్టీలు– పెళ్లయ్యాక, పిల్లలు పుట్టాక మాత్రం ప్రతి ప్లాన్ కూ కుటుంబ క్యాలెండర్‌ అనుమతి తప్పనిసరి! అయినా సరే, తనకంటూ కొంత సమయం కేటాయించుకోవడం మర్చిపోవడం లేదు నేటి మగాడు. సరదాలు కాలంతో పాటు రూపం మార్చుకుంటున్నాయే తప్ప తగ్గడం లేదు.కొందరు స్నేహితులతో లాంగ్‌ డ్రైవ్‌లకు వెళ్తే, మరికొందరు కుటుంబంతో కొత్త ప్రదేశాలు చుట్టేస్తారు. ఇంకొందరికి ఒంటరిగా బైక్‌ రైడ్‌ చేయడం, పుస్తకాలు చదవడం, సంగీతం వినడం, సినిమాలు చూడటం ఇష్టం.మరికొందరు గేమింగ్, ఫొటోగ్రఫీ, క్రికెట్, తోటపని అంటూ తమకంటూ ఓ ప్రపంచాన్ని సృష్టించుకుంటారు. ఎవరి ఆనందం వారిది, ఎవరి ఇష్టం వారిది! తమ సరదాల కోసం కుటుంబ బాధ్యతలను పక్కనపెట్టకుండా, ఇతరులకు ఇబ్బంది కలిగించకుండా జీవితాన్ని ఆస్వాదిస్తున్నారు.నవ్వు వెనుక నిశ్శబ్దం!‘మగాళ్లు ఏడవకూడదు, బాధపడకూడదు, భయపడకూడదు, ఎప్పుడూ ధైర్యంగా ఉండాలి!’ చిన్నప్పటి నుంచి ఇలాంటి మాటలు వింటూ పెరిగేవాళ్లు చాలామందే! ఫలితంగా బాధొచ్చినా ‘ఏం లేదు’ అంటాడు. ఒత్తిడి పెరిగినా ‘బాగానే ఉన్నా’ అని నవ్వేస్తాడు. కుటుంబం ముందు ధైర్యంగా, స్నేహితుల ముందు సరదాగా, ఆఫీసులో ఆత్మవిశ్వాసంతో కనిపించేందుకు ప్రతిసారి ప్రయత్నిస్తాడు.కానీ మనసులోని మాట మాత్రం మనసులోనే ఉండిపోతుంది. అయితే, ఇప్పుడు ఈ ధోరణి మారుతోంది. తమ భావాలను పంచుకోవడం, సమస్యల గురించి మాట్లాడటం, అవసరమైతే మానసిక ఆరోగ్య నిపుణుల సహాయం తీసుకోవడంలోనూ, తన తప్పులను అంగీకరించడంలోనూ మగాళ్లు వెనకడుగు వేయడం లేదు. ఇవన్నీ కూడా నిజమైన బలానికి గుర్తులే!మగాడిగా జీవించలేం!మగాడిగా పుడితే జీవితంలో స్వేచ్ఛ ఎక్కువ, కష్టాలు తక్కువా? అనే ఈ సందేహానికి సమాధానం వెతుకుతూ అమెరికన్ జర్నలిస్టు నోరా విన్సెంట్‌ ఏకంగా మగవేషం వేసుకుంది. ముఖానికి గడ్డం అతికించుకుని, గొంతు, నడక, మాటతీరు మార్చుకుని ‘నెడ్‌’గా మారిపోయింది. అలా పద్దెనిమిది నెలలపాటు పురుషుల బౌలింగ్‌ క్లబ్, థెరపీ గ్రూపుల్లో తిరుగుతూ, డేటింగ్‌ చేస్తూ మగవాళ్ల ప్రపంచాన్ని దగ్గరగా చూసింది.బయటికి కనిపించే స్వేచ్ఛ వెనుక ఒంటరితనం, బాధలను బయటపెట్టుకోలేని పరిస్థితులు, సమాజం పెట్టే అంచనాలు ఉన్నాయని గుర్తించింది. ఈ అనుభవాలనే ‘సెల్ఫ్‌ మేడ్‌ మ్యాన్ ’ పుస్తకంగా రాసింది. అయితే మరో వ్యక్తిలా నిరంతరం నటించాల్సిన ఒత్తిడిని తట్టుకోలేక రెండేళ్ల ప్రయోగాన్ని 18 నెలలకే ముగించింది. 2022లో వైద్య సహాయంతో మరణించిన నోరా కథ మగవాళ్ల నవ్వుల వెనుక కూడా కన్నీళ్లు దాగి ఉంటాయని నిరూపించింది.అధ్యయనాల సంగతులివి!మగాడి జీవితం బయటికి కనిపించినంత సులభం కాదని పలు అధ్యయనాలు చెప్తున్నాయి. ప్రపంచ ఆరోగ్య సంస్థ 2020లో ప్రచురించిన అధ్యయనం ప్రకారం పురుషులు మానసిక సమస్యలు ఎదురైనప్పుడు మహిళలతో పోలిస్తే సహాయం కోరడానికి తక్కువగా ముందుకొస్తున్నారు. స్వతంత్రంగా ఉండాలనే ఒత్తిడి, భావాలను బయటపెట్టడంలో సంకోచం ఇందుకు ప్రధాన కారణాలు.ఇక 2024లో ‘అమెరికన్ జర్నల్‌ ఆఫ్‌ మెన్స్‌ హెల్త్‌’లో ప్రచురితమైన సమీక్ష 13 అధ్యయనాలను పరిశీలించి, సంప్రదాయ పురుషత్వ భావనలు పురుషుల్లో ఒంటరితనాన్ని పెంచుతాయని గుర్తించింది. స్నేహితులతో క్రికెట్, సినిమాలు, సరదా కబుర్లు ఉన్నా, మనసులోని బాధను పంచుకునే తోడు మాత్రం కొందరికి ఉండకపోవచ్చు.అందుకే సమస్య వచ్చినప్పుడు సహాయం కోరడం కంటే ‘నేనే చూసుకుంటాలే!’ అంటూ లోలోపలే సతమతమవుతుంటారు. అయితే ఈ పరిస్థితి అందరిలోనూ ఒకేలా ఉండదు. మొత్తానికి అధ్యయనాలు చెప్పేదొక్కటే! మనసు విప్పి మాట్లాడే స్వేచ్ఛను చాలామంది పురుషులు ఇంకా తీసుకోవటం లేదు.వయసుతో మారే ప్రాధాన్యాలు!వయసు పెరిగేకొద్దీ మగాడి ఆలోచనలు, ప్రాధాన్యాలు కూడా మారిపోతుంటాయి. ఒకప్పుడు స్నేహితులతో అర్ధరాత్రి వరకు తిరగడమే సరదా; ఇప్పుడు కుటుంబంతో ప్రశాంతంగా గడపడమే ఆనందం. ఒకప్పుడు తెల్ల వెంట్రుక కనిపిస్తే కంగారు; ఇప్పుడు వాటినే సాల్ట్‌ అండ్‌ పెప్పర్‌ స్టయిల్‌ అంటూ హుందాగా చూపించాలనుకుంటున్నాడు.కెరీర్, సంపాదన, బాధ్యతల వెంట పరుగెత్తినవాడు; క్రమంగా ఆరోగ్యం, నిద్ర, వ్యాయామం, ఇష్టమైన హాబీలకు సమయం కేటాయించడం నేర్చుకుంటున్నాడు. ఇదే కదా పరిపక్వత అంటే! వయసు పెరగడం అంటే యవ్వనం తగ్గిపోవడం కాదు, జీవితాన్ని చూసే చూపు మారడం.మీసం ఉన్నా లేకపోయినా, సిక్స్‌ ప్యాక్‌ ఉన్నా లేకపోయినా, సూటు వేసుకున్నా, లుంగీ కట్టుకున్నా, ఎవరైనా ఒక మనిషిగా మంచిగా ఉండటమే ముఖ్యం. ఈ మెన్స్ డే సందర్భంగా ప్రతి మగాడు ఒక్కటే గుర్తు చేసుకోవాలి. అందరిలాగే ఎవరి కోసం వారు జీవించండం స్వార్థేమేమీ కాదు, అది మానవ హక్కు! కొండి దీపిక

ఈ రాశి వారు నూతన పరిచయాలతో సంతోషాన్ని పొందుతారు.

గ్రహం అనుగ్రహం: శ్రీ పరాభవ నామ సంవత్సరం,దక్షిణాయనం, శరదృతువు,కార్తీక మాసం, తిథి: శు.షష్ఠి రా.9.55 వరకు తదుపరి సప్తమి, నక్షత్రం: ఉత్తరాషాఢ రా.8.44 వరకు, తదుపరి శ్రవణం, వర్జ్యం: రా.1.06 నుండి 2.51 వరకు, దుర్ముహూర్తం: సా.3.51 నుండి 4.36 వరకు, అమృత ఘడియలు: ప.1.40 నుండి 3.26 వరకు.సూర్యోదయం : 6.08సూర్యాస్తమయం : 5.21రాహుకాలం : సా.4.30 నుంచి 6.00 వరకుయమగండం : ప.12.00 నుంచి 1.30 వరకుమేషం... నూతన పరిచయాలు సంతోషం కలిగిస్తాయి. ఆలోచనలు కార్యరూపం దాలుస్తాయి. ధనలాభం. ఆధ్యాత్మిక చింతన. కొత్త వ్యాపారాలు ప్రారంభం. ఉద్యోగాలలో అబివృద్ధి.వృషభం... శ్రమాధిక్యం. పనుల్లో అవరోధాలు. ఆకస్మిక ప్రయాణాలు. ఆర్థిక ఇబ్బందులు. దైవదర్శనాలు. ఆరోగ్యం మందగిస్తుంది. వ్యాపారాలు, ఉద్యోగాలలో ఒత్తిడులు పెరుగుతాయి.మిథునం... శ్రమానంతరం పనులు పూర్తి. ఆకస్మిక ప్రయాణాలు. ఆలయాలు సందర్శిస్తారు. బంధువులు విరోధాలు. వ్యాపారాలు నిరుత్సాహం. ఉద్యోగాలలో కొత్త బాధ్యతలు.కర్కాటకం... దీర్ఘకాలిక సమస్యలు తీరతాయి. ఆప్తుల సలహాలు స్వీకరిస్తారు. పనులలో ఆటంకాలు తొలగుతాయి. వస్తు, వస్త్రలాభాలు. వ్యాపారాలు, ఉద్యోగాలు అనుకూలిస్తాయి.సింహం... శుభవార్తా శ్రవణం. ఆర్థికాభివృద్ధి. ముఖ్య నిర్ణయాలు. కొన్ని వ్యవహారాలు సాఫీగా సాగుతాయి. నూతన ఒప్పందాలు. వ్యాపారాలు, ఉద్యోగాలు ఆశాజనకంగా ఉంటాయి.కన్య... వ్యవహారాలు నిదానంగా కొనసాగుతాయి. ఆర్థిక లావాదేవీలు మందగిస్తాయి. ఆరోగ్య సమస్యలు. ఆకస్మిక ప్రయాణాలు. వ్యాపారాలు, ఉద్యోగాలు నిరాశాజనకంగా ఉంటాయి.తుల... సన్నిహితులు, మిత్రులతో విభేదాలు. ఆర్థిక లావాదేవీలు నిరాశ పరుస్తాయి. ఆకస్మిక ప్రయాణాలు. ఆలయాలు సందర్శిస్తారు. వ్యాపారాలు, ఉద్యోగాలలో ఆటంకాలు.వృశ్చికం... శుభవార్తలు వింటారు. ఆస్తి వ్యవహారాలు కొలిక్కి వస్తాయి. సేవాకార్యక్రమాలలో పాల్గొంటారు. కొన్ని బాకీలు వసూలవుతాయి. వ్యాపారాలు, ఉద్యోగాలలో ఎదురులేని పరిస్థితి.ధనుస్సు... ఆర్థిక పరిస్థితి సామాన్యంగా ఉంటుంది. సన్నిహితులతో మాటపట్టింపులు. ఆధ్యాత్మిక చింతన. ఆరోగ్యభంగం. వ్యాపారాలు, ఉద్యోగాలలో అదనపు పనిభారం.మకరం... వ్యవహారాలలో పురోగతి. ధన, వస్తులాభాలు. ఆశ్చర్యకరమైన విషయాలు తెలుస్తాయి. ప్రముఖులతో పరిచయాలు. వ్యాపారాలు, ఉద్యోగాలు సజావుగా సాగుతాయి.కుంభం... చేపట్టిన వ్యవహారాలలో అవాంతరాలు. దూరప్రయాణాలు. రుణాలు చేస్తారు. శ్రమ తప్ప ఫలితం కనిపించదు. అనారోగ్యం. వ్యాపారాలు, ఉద్యోగాలు నిదానిస్తాయి.మీనం... కొత్త పనులు చేపడతారు. ఆత్మీయుల సహాయం అందిస్తారు. ధనప్రాప్తి. సంఘంలో పేరుప్రతిష్ఠలు పెరుగుతాయి. వ్యాపారాలు లాభసాటిగా ఉంటాయి. ఉద్యోగాలలో కొత్త అవకాశాలు.

ఈ వారం మీ రాశి ఫలాలు ఎలా ఉన్నాయంటే..?

మేషం..కొత్త పనులను పూర్తి చేస్తారు. ఆత్మీయుల నుంచి శుభవార్తలు. స్థిరాస్తి వివాదాలు పరిష్కారమవుతాయి. ఆస్తి వివాదాల నుంచి గట్టెక్కుతారు. భూములు, వాహనాలు కొనుగోలు చేస్తారు. నిరుద్యోగులకు ఇంటర్వ్యూలు అందుతాయి. వ్యాపారాలు సజావుగా సాగుతాయి. ఉద్యోగాలలో ఇబ్బందులు తొలగుతాయి. కళాకారులు, పారిశ్రామికవర్గాలకు ఊహించని విదేశీ పర్యటనలు ఉంటాయి. వారం ప్రారంభంలో ధనవ్యయం. అనారోగ్యం. గులాబీ, నేరేడు రంగులు. శివాష్టకం పఠించండి.వృషభం..విద్యార్థులకు ఊహించని∙అవకాశాలు దక్కుతాయి. ఉన్నత వ్యక్తులు పరిచయమవుతారు. ముఖ్య కార్యక్రమాలు కొంత శ్రమపడ్డా పూర్తి చేస్తారు. ఆర్థిక వ్యవహారాలు మెరుగుపడతాయి. వాహనాలు కొనుగోలు చేస్తారు. వ్యాపారాలు విస్తరణలో అవాంతరాలు తొలగుతాయి. ఉద్యోగాలలో మరింత గుర్తింపు రాగలదు. క్రీడాకారులు, రాజకీయవర్గాలకు శుభవార్తలు అందుతాయి. వారం ప్రారంభంలో వ్యయప్రయాసలు. బంధువిరోధాలు. గులాబీ, ఆకుపచ్చ రంగులు. కనకధారా స్తోత్రాలు పఠించండి.మిథునం..సమయానికి డబ్బు చేతికందుతుంది. ముఖ్యమైన పనుల్లో విజయం సాధిస్తారు. శ్రమ పెరిగినా ఫలితం కనిపిస్తుంది. స్థిరాస్తి వివాదాలు పరిష్కారమవుతాయి. ఉద్యోగావకాశాలు దక్కించుకుంటారు. గృహ నిర్మాణయత్నాలు కలసివస్తాయి. వ్యాపారాలు బాగా సాగుతాయి. ఉద్యోగాలలో అనుకూల మార్పులు తథ్యం. పారిశ్రామికవర్గాలకు కొత్త అనుమతులు లభిస్తాయి. వారం మ«ధ్యలో ధనవ్యయం. అనారోగ్యం. ఎరుపు, లేత ఆకుపచ్చ రంగులు. గణేశాష్టకం పఠించండి.కర్కాటకం..వ్యవహారాలలో పురోగతి కనిపిస్తుంది. వాహనాలు, భూములు కొనుగోలు చేస్తారు. విద్యార్థులకు విద్యావకాశాలు దక్కుతాయి. ఆర్థిక లావాదేవీలు సంతృప్తికరం. వ్యాపారాలలో అభివృద్ధి కనిపిస్తుంది. ఉద్యోగాలలో అనుకున్న లక్ష్యాలు సాధిస్తారు. కళారంగం వారికి కొత్త అవకాశాలు. వారం చివరిలో ఆరోగ్యభంగం. శ్రమా«ధిక్యం. బంధువిరోధాలు. నీలం, నేరేడు రంగులు. నృసింహస్తోత్రాలు పఠించండి.సింహం..ముఖ్యమైన కార్యక్రమాలలో విజయం సాధిస్తారు. పరిచయాలు పెరుగుతాయి. ఆర్థిక పరిస్థితి మెరుగ్గా ఉంటుంది. భూవివాదాలు కొలిక్కి వస్తాయి. కొత్త కాంట్రాక్టులు దక్కుతాయి. విద్యార్థులు, నిరుద్యోగులకు ఆలోచనలు కలసివస్తాయి. వ్యాపారాలు విస్తరిస్తారు. కొత్త పెట్టుబడులు అందుతాయి. ఉద్యోగాలలో చిక్కులు తొలగుతాయి. రాజకీయవేత్తలు, కళారంగం వారికి శుభవర్తమానాలు. వారం చివరిలో ధనవ్యయం. కుటుంబంలో చికాకులు. ఎరుపు, నేరేడు రంగులు. రాఘవేంద్రస్తుతి మంచిది.కన్య..ఆర్థిక లావాదేవీలు ఆశాజనకం. ప్రముఖుల నుంచి ఆహ్వానాలు అందుతాయి. ఆస్తి వివాదాలు పరిష్కారమవుతాయి. సభలు, సమావేశాలలో పాల్గొంటారు. ముఖ్యమైన పనులు విజయవంతంగా సాగుతాయి. వ్యాపారాలు లాభిస్తాయి. ఉద్యోగాలలో ఒడిదుడుకుల నుంచి బయటపడతారు. రాజకీయ, పారిశ్రామికవర్గాలకు ఉత్సాహవంతంగా ఉంటుంది. వారం ప్రారంభంలో అనారోగ్యం. బంధువిరోధాలు. నీలం, నేరేడు రంగులు. విష్ణుసహస్రనామ పారాయణ చేయండి.తుల..అనుకున్న వ్యవహారాలు నెమ్మదిగా పూర్తి చేస్తారు. వ్యతిరేకులు కూడా అనుకూలురుగా మారతారు. ఆర్థిక పరిస్థితి మెరుగ్గా ఉంటుంది. కొన్ని శుభకార్యాలు నిర్వహిస్తారు. వాహనయోగం. ఒక ప్రకటన నిరుద్యోగులకు ఊరటనిస్తుంది. వ్యాపారాలు సజావుగా సాగుతాయి. ఉద్యోగాలలో సమస్యల నుంచి బయటపడతారు. రాజకీయవర్గాలకు మరింత ప్రోత్సాహకరంగా ఉంటుంది. వారం మధ్యలో బంధువిరోధాలు. శ్రమ పెరుగుతుంది. ఆకుపచ్చ, నేరేడు రంగులు. స్తోత్రాలు పఠించండి.వృశ్చికం..ఆర్థిక వ్యవహారాలలో ఆటుపోట్లు ఎదురవుతాయి. బంధువులతో తగాదాలు. శ్రమ తప్ప ఫలితం కనిపించదు. విద్యార్థులు, నిరుద్యోగుల యత్నాలు నెమ్మదిస్తాయి. ఆరోగ్య సమస్యలు ఎదురుకావచ్చు. వ్యాపారాలు సామాన్యంగా ఉంటాయి. ఉద్యోగాలలో పనిఒత్తిడులు పెరుగుతాయి. కళాకారులు, రాజకీయవర్గాలకు ఆకస్మిక విదేశీ పర్యటనలు. వారం మధ్యలో ధనలబ్ధి. వాహనయోగం. పసుపు, లేత ఎరుపు రంగులు. లక్ష్మీస్తుతి మంచిది.ధనుస్సు..పలుకుబడి, హోదాలు కలిగిన వారితో పరిచయాలు. ఆస్తుల వివాదాల నుంచి గట్టెక్కుతారు. ఆర్థిక పరిస్థితి మెరుగ్గా ఉంటుంది. నిరుద్యోగులకు ఉద్యోగలాభం. సోదరులతో సఖ్యత నెలకొంటుంది. వ్యాపారాలు లాభసాటిగా ఉంటాయి. ఉద్యోగాలలో అనుకున్న మార్పులు ఉండవచ్చు. పారిశ్రామికవర్గాలకు కొత్త ఆశలు చిగురిస్తాయి. వారం చివరిలో వ్యయప్రయాసలు. మిత్రులతో విభేదాలు. నీలం, నేరేడు రంగులు. నవగ్రహస్తోత్రాలు పఠించండి.మకరం..ముఖ్య వ్యవహారాలు విజయవంతంగా సాగుతాయి. ఆర్థిక పరిస్థితి ఆశాజనకం. స్థిరాస్తి వివాదాలను పరిష్కరించుకుంటారు. నిరుద్యోగులకు ఉద్యోగయోగం. గృహ నిర్మాణాలు చేపడతారు. ఎంతటి వారినైనా మాటలతో ఆకర్షిస్తారు. వ్యాపారాలు మరింత లాభిస్తాయి. ఉద్యోగాలలో కొత్త హోదాలు దక్కే అవకాశం. రాజకీయవర్గాలకు పదవులు వరించవచ్చు. వారం ప్రారంభంలో కుటుంబంలో చికాకులు. అనారోగ్యం. ఎరుపు, గులాబీ రంగులు. గణేశాష్టకం పఠించండి.కుంభం..మొదట కొన్ని ఇబ్బందులు ఎదురైనా ఆత్మవిశ్వాసంతో అధిగమిస్తారు. ఆశ్చర్యకరమైన విషయాలు తెలుస్తాయి. విద్యార్థులకు అనుకూల ఫలితాలు ఉంటాయి. స్థిరాస్తి వివాదాల పరిష్కారంపై చర్చలు జరుపుతారు. వ్యాపారాలు లాభసాటిగా ఉంటాయి. ఉద్యోగాలలో కొత్త హోదాలు దక్కుతాయి. పారిశ్రామికవేత్తలు, కళారంగం వారికి ప్రోత్సాహకరమైన సమయం. వారం చివరిలో అనారోగ్యం. మిత్రులతో విభేదాలు. నీలం, ఆకుపచ్చ రంగులు. హనుమాన్‌ చాలీసా పఠనం మంచిది.మీనం..మొదట్లో కొన్ని ఇబ్బందులు ఎదురుకావచ్చు. ఆత్మస్థైర్యంతో అధిగమిస్తారు. విద్యార్థులకు మంచి ఫలితాలు ఉంటాయి. చేపట్టిన వ్యవహారాలలో విజయం సాధిస్తారు. వాహనాలు కొంటారు. వ్యాపారాలు లాభసాటిగా ఉంటాయి. ఉద్యోగాలలో కొత్త హోదాలు దక్కుతాయి. క్రీడాకారులు, కళాకారుల ప్రతిభకు గుర్తింపు లభిస్తుంది. వారం చివరిలో అనారోగ్యం. నీలం, ఆకుపచ్చ రంగులు. దుర్గాస్తోత్రాలు పఠించండి.

Meet Dr.Stuti Khare Shukla-India's Hair Growth Queen

మీడియా, భారతదేశ ప్రభుత్వం నుంచి పలు పురస్కారాలను అందుకున్న ప్రముఖ డెర్మటాలజిస్ట్, అంతర్జాతీయంగా గుర్తింపు పొందిన హెయిర్ స్పెషలిస్ట్ డాక్టర్ స్తుతి ఖరే శుక్లా (Dr. Stuti Khare Shukla)ను అంతా ‘హెయిర్ గ్రోత్ క్వీన్ ఆఫ్ ఇండియా’ అని పిలుస్తుంటారు. వీఐపీల నుంచి అన్ని వర్గాల ప్రజల వరకు ప్రపంచవ్యాప్తంగా ఉన్న రోగులకు ఆమె సేవలు అందిస్తున్నారు. జుట్టు రాలే సమస్య, బట్టతల సమస్యలతో బాధపడుతున్న వ్యక్తులకు ఆమె హెయిర్ రీస్టొరేషన్ (జుట్టు పునరుద్ధరణ) సేవల ద్వారా ఆశాకిరణంగా నిలిచారు. బాలీవుడ్, హాలీవుడ్‌కు చెందిన పలువురు ప్రముఖులు ఆమె అందించే ఫలితాలపై నమ్మకం ఉంచారు.డాక్టర్ స్ఫుతి రూపొందించిన సిగ్నేచర్ ఇన్నోవేషన్లలో నాన్-సర్జికల్ హెయిర్ గ్రోత్ బూస్టర్ (Hair Growth Booster) చికిత్స ఒకటి. ఇది కేవలం ఐదు నిమిషాల వ్యవధిలో చేసే శస్త్రచికిత్స రహిత (నాన్-సర్జికల్) విధానం. ఎలాంటి సర్జరీ చేయించుకోవాల్సిన అవసరం లేకుండా, సర్జరీకి సంబంధించిన అసౌకర్యం కలగకుండా జుట్టు పెరిగేందుకు ఈ ట్రీట్‌మెంట్ ఒక చక్కటి మార్గాన్ని అందిస్తుంది. జుట్టు రాలే సమస్య, బట్టతలకు శస్త్రచికిత్స రహిత ప్రత్యామ్నాయాల కోసం వెతుకుతున్నవారికి ఇది ఎంతగానో ఉపయోగపడుతుంది.నాన్-సర్జికల్ హెయిర్ రీగ్రోత్ రంగంలో ఆమె చేసిన కృషికి గాను ప్రతిష్టాత్మకమైన ‘హెల్త్‌కేర్ లీడర్’ గుర్తింపు లభించింది. ఇటీవల జరిగిన ‘మిస్ యూనివర్స్ ఇండియా 2026’ పోటీలకు సంబంధించి సుస్మితా సేన్, సెలీనా జైట్లీ, ఊర్వశి రౌతేలా వంటి ప్రముఖులతో పాటు ఆమె జ్యూరీ ప్యానెల్‌లో సభ్యురాలిగా వ్యవహరించారు.అంతర్జాతీయ విద్య.. అధునాతన శిక్షణడాక్టర్ స్తుతి ఖరే శుక్లా విద్యాపరమైన ప్రయాణంలో భారతదేశంలో డెర్మటాలజీలో పోస్ట్ గ్రాడ్యుయేట్ శిక్షణతో పాటు ప్రపంచవ్యాప్తంగా ఉన్న ప్రముఖ వైద్య సంస్థలలో ప్రసిద్ధ కాస్మెటిక్‌ సర్జన్‌ల ఆధ్వర్యంలో నాలుగు అంతర్జాతీయ ఫెలోషిప్‌లు ఉన్నాయి.ఆమె పూర్తి చేసిన అంతర్జాతీయ ఫెలోషిప్‌లుయూఎస్ఏలోని లాస్ ఏంజిల్స్‌లో ఉన్న డాక్టర్ జెయిన్ ఒబాగి సెంటర్‌లో ‘అడ్వాన్స్‌డ్ స్కిన్ హెల్త్ ట్రీట్‌మెంట్స్’లో ఫెలోషిప్.యునైటెడ్ స్టేట్స్ ఆఫ్ అమెరికాలోని నాష్‌విల్లేలో ఉన్న డాక్టర్ గోల్డ్ స్కిన్ కేర్ సెంటర్‌లో ‘కాస్మెటిక్ డెర్మటాలజీ’లో ఫెలోషిప్.సింగపూర్‌లోని నేషనల్ స్కిన్ సెంటర్‌లో డెర్మటోసర్జరీలో ఫెలోషిప్.బ్యాంకాక్‌లోని సిరిరాజ్ హాస్పిటల్‌లో ‘లేజర్స్’ విభాగంలో ఫెలోషిప్.అంతర్జాతీయ శిక్షణను పూర్తి చేసుకున్న తర్వాత జుట్టు ఎదుగుదల చికిత్సల రంగంలో ఒక మైలురాయిని సృష్టించాలనే దృక్పథంతో ఆమె భారతదేశానికి తిరిగి వచ్చారు.ఆమె క్లినిక్ నెట్‌వర్క్ అయిన ‘ది ఎలిమెంట్స్ ఆఫ్ ఎస్తెటిక్స్’ (The Elements of Aesthetics), ముంబై, హైదరాబాద్, నాగ్‌పూర్ వంటి నగరాల్లో తన సేవలను విస్తరించి రోగులకు చికిత్సనందిస్తోంది.హైదరాబాద్‌లో ఓపీడీ సేవలుడాక్టర్ స్తుతి ఖరే శుక్లా నవంబర్ 21, 22 తేదీల్లో హైదరాబాద్‌లోని బంజారా హిల్స్‌లో ఉన్న ‘ది ఎలిమెంట్స్ ఆఫ్ ఎస్తెటిక్స్’ క్లినిక్‌లో ఓపీడీ ద్వారా సంప్రదింపులకు అందుబాటులో ఉంటారు.నేరుగా క్లినిక్‌కు రాలేనివారు ఆన్‌లైన్ కన్సల్టేషన్ ద్వారా కూడా సంప్రదించవచ్చు. దీనివల్ల వారు తమ ఇంట్లోనే ఉండి నిపుణుల సలహాలు పొందే అవకాశం లభిస్తుంది.ప్రపంచవ్యాప్తంగా జుట్టు రాలే సమస్య బాధితులకు చేరువవుతూ..నాన్-సర్జికల్ హెయిర్ గ్రోత్ ట్రీట్‌మెంట్స్‌లో డాక్టర్ స్తుతి ఖరే శుక్లా చేసిన కృషి అంతర్జాతీయ గుర్తింపును తెచ్చిపెట్టింది. భారతదేశంలోని వివిధ ప్రాంతాల నుంచే కాకుండా యునైటెడ్ స్టేట్స్, కెనడా, ఆస్ట్రేలియా, మధ్య ప్రాచ్యం (మిడిల్ ఈస్ట్), ఇతర ఆసియా దేశాల నుంచి కూడా రోగులు ఆమెను సంప్రదిస్తున్నారు.నాన్-సర్జికల్ హెయిర్ గ్రోత్ ట్రీట్‌మెంట్ విధానం కోసం అనేక మంది అంతర్జాతీయ రోగులు ఆమెను ఆశ్రయిస్తున్నారు. భౌగోళిక సరిహద్దులతో సంబంధం లేకుండా రోగులు ఆమె నైపుణ్యాన్ని, చికిత్స మార్గదర్శకత్వాన్ని పొందేలా ఆన్‌లైన్ కన్సల్టేషన్లు ఎంతగానో దోహదపడ్డాయి.అమెరికాలోని టెక్సాస్‌కు చెందిన హరీష్ రెడ్డి తీవ్రమైన బట్టతల సమస్యతో బాధపడుతున్నారు. అనేక రకాల ట్రీట్‌మెంట్‌లను పరిశీలించినప్పటికీ ఆయన ఆశించిన ఫలితం దక్కలేదు. చివరకు ఆయన ఆన్‌లైన్ కన్సల్టేషన్ ద్వారా డాక్టర్ స్తుతిని సంప్రదించారు. ఆ ట్రీట్‌మెంట్ తర్వాత తన జుట్టు ఎదుగుదలలో గణనీయమైన మెరుగుదల వచ్చినట్లు ఆయన తెలిపారు.సాంకేతికత కారణంగా ప్రత్యేకమైన హెయిర్ కేర్ సేవలు మరింత సులభతరమయ్యాయి. దీనివల్ల ప్రపంచంలోని వివిధ ప్రాంతాల రోగులు భారత్‌కు ప్రయాణించాల్సిన అవసరం లేకుండానే చికిత్స విధానాలను తెలుసుకోగలుగుతున్నారు.తీవ్రమైన బట్టతల కారణంగా హెయిర్ ట్రాన్స్‌ప్లాంటేషన్ (జుట్టు మార్పిడి) చేసుకోవడానికి తగిన అర్హత లేని రోగులతో కూడా డాక్టర్ స్తుతి పనిచేస్తున్నారు. అలాంటి రోగులకు ఆమె అందించే నాన్-సర్జికల్ హెయిర్ గ్రోత్ ట్రీట్‌మెంట్ వారి వ్యక్తిగత పరిశీలన ఆధారంగా మరొక చక్కటి మార్గంగా మారుతుంది.ఆమె క్లినికల్ సేవలలో అధునాతన స్థాయి బట్టతల, వంశపారంపర్యంగా వచ్చే జుట్టు రాలే సమస్య, అరుదైన జన్యుపరమైన జుట్టు సమస్యలు, హార్మోన్ల అసమతుల్యత, పీసీఓడీ (PCOD) వల్ల వచ్చే జుట్టు రాలే సమస్యలు వంటి ఎన్నో క్లిష్టమైన అంశాలు ఉన్నాయి.పరిశోధన, ఆవిష్కరణ, గ్లోబల్ కొలాబరేషన్స్క్లినికల్ సేవలతో పాటు డాక్టర్ స్తుతి రిసెర్చ్‌ అండ్‌ డెవలప్‌మెంట్‌ (R&D) కార్యకలాపాలలో కూడా చురుగ్గా పాల్గొంటున్నారు. జుట్టు సంరక్షణ ఉత్పత్తుల డెర్మటాలజికల్ మూల్యాంకనం కోసం ఆమె పారిస్‌లోని అధునాతన ల్యాబ్‌ బృందాలతో సహకరిస్తున్నారు. అలాగే ప్రపంచవ్యాప్తంగా ఉన్న ప్రముఖ శాస్త్రవేత్తలు, వైద్యులతో కలిసి పనిచేస్తున్నారు.ప్రముఖ అమెరికన్ జర్నల్స్‌లో 10కి పైగా అంతర్జాతీయ రీసెర్చ్ పబ్లికేషన్స్‌ను ఆమె రచించారు. పలు అంతర్జాతీయ సంస్థలకు కీలక అభిప్రాయ నాయకులుగా (Key opinion leader) సేవలందిస్తున్నారు. పారిస్, స్పెయిన్, యునైటెడ్ స్టేట్స్‌లో జరిగిన అంతర్జాతీయ సదస్సుల్లో ఆమె భారతదేశానికి ప్రాతినిధ్యం వహించారు.ఆమె సిగ్నేచర్ ‘హెయిర్ గ్రోత్ బూస్టర్’ చికిత్స ఫలితాలు ఇండియన్ మెడికల్ కౌన్సిల్ ఆమోదించిన జర్నల్‌లో ప్రచురితమయ్యాయి. ఈ ట్రీట్‌మెంట్‌కు ఎఫ్‌డీఏ (FDA) ఆమోదం కూడా లభించిందని, ఇది దీని అంతర్జాతీయ గుర్తింపును మరింత పెంచిందని పేర్కొన్నారు.నాన్-సర్జికల్ హెయిర్ రెస్టోరేషన్ టెక్నిక్స్‌లో వివిధ దేశాలకు చెందిన వైద్యులు కూడా ఆమె వద్ద శిక్షణ పొందుతున్నారు. ఇది ఈ రంగంలో పెరుగుతున్న ఆసక్తిని ప్రతిబింబిస్తోంది.డాక్టర్ స్తుతి గురించి మరిన్ని విషయాలు తెలుసుకోవాలంటే..నాన్-సర్జికల్ హెయిర్ గ్రోత్ ట్రీట్‌మెంట్స్‌లో డాక్టర్ స్తుతి ఖరే శుక్లా చేస్తున్న కృషిని, ఆమెను ‘హెయిర్ గ్రోత్ క్వీన్’ అని ఆప్యాయంగా పిలుచుకునే రోగుల అనుభవాలను ఆమె ఇన్‌స్టాగ్రామ్ పేజీ @dr.stutikhareshukla ద్వారా తెలుసుకోవచ్చు.డాక్టర్ స్తుతి ఖరే శుక్లా హెయిర్ గ్రోత్ ట్రీట్‌మెంట్‌ల గురించి మరింత తెలుసుకోవడానికి ఈ క్రింది ప్లాట్‌ఫారమ్‌లను సందర్శించండి.Instagram: https://instagram.com/dr.stutikhareshuklaWebsite: https://www.drstutikhareshukla.in/YouTube: https://youtube.com/@DrStutiKhareShuklaEmail: drstutikhareshukla@gmail.comఅపాయింట్‌మెంట్ విచారణల కోసం కాల్ లేదా వాట్సాప్ చేయాల్సిన నంబర్‌: +91 626 196 7835హైదరాబాద్ ఓపీడీ: నవంబర్ 21, 22 తేదీలుచిరునామా: ది ఎలిమెంట్స్ ఆఫ్ ఎస్తెటిక్స్, బంజారా హిల్స్, హైదరాబాద్Disclaimer: ఎలిమెంట్స్ ఆఫ్ ఎస్తెటిక్స్ క్లినిక్స్ ద్వారా ఈ కంటెంట్ రూపొందించబడింది.