బ్రిస్బేన్‌: ఆ్రస్టేలియాలోని ప్రఖ్యాత క్రికెట్‌ స్టేడియం ‘గాబా’ కనుమరుగు కానుంది. సుదీర్ఘకాలంగా ఎన్నో చిరస్మరణీయ మ్యాచ్‌లకు ఆతిథ్యమిచ్చిన బ్రిస్బేన్‌లోని ‘గాబా’ మైదానాన్ని 2032 ఒలింపిక్స్‌ తర్వాత కూల్చివేయనున్నారు. 2028 ఒలింపిక్స్‌కు లాస్‌ ఏంజెలిస్‌ ఆతిథ్యమిస్తుండగా... మరో నాలుగేళ్ల తర్వాత బ్రిస్బేన్‌ వేదికగా విశ్వక్రీడలు జరగనున్నాయి. దాని కోసం ఆ్రస్టేలియా ఇప్పటి నుంచే కసరత్తులు చేస్తోంది. ఇందులో భాగంగా... క్వీన్స్‌లాండ్‌ ప్రభుత్వం వేదికలపై కీలక నిర్ణయాలు తీసుకుంది. ఒలింపిక్స్‌ కోసం విక్టోరియా పార్క్‌లో 63 వేల మంది ప్రేక్షకుల సామర్థ్యంతో కూడిన నూతన అధునాతన స్టేడియం నిర్మాణం చేపట్టనున్నట్లు వెల్లడించింది. ఇందులోనే ఒలింపిక్స్‌ ఆరంభ, ముగింపు వేడుకలు నిర్వహించనున్నారు. విశ్వక్రీడలు ముగిసిన అనంతరం ‘గాబా’ మైదానాన్ని పూర్తిగా పడగొట్టి ఒలింపిక్స్‌ కోసం నిర్మించిన కొత్త స్టేడియంలోనే క్రికెట్‌ మ్యాచ్‌లు జరపనున్నారు. ఒకవేళ 2032 ఒలింపిక్స్‌ క్రీడల్లో క్రికెట్‌ మెడల్‌ ఈవెంట్‌గా కొనసాగితే క్రికెట్‌ ఈవెంట్‌ స్వర్ణ పతక పోరుకు మాత్రం పాత ‘గాబా’ మైదానమే ఆతిథ్యమివ్వనుంది. ‘గాబా స్టేడియానికి ఎంతో చరిత్ర ఉంది. దశాబ్దాలుగా ఇక్కడ ఎన్నో మరపురాని మ్యాచ్‌లు జరిగాయి. ఆటగాళ్లకు, అభిమానులకు ఈ మైదానంతో ఎన్నో జ్ఞాపకాలు ఉన్నాయి.అయితే భవిష్యత్తు అవసరాల దృష్ట్యా ఈ మైదానాన్ని కూల్చివేయనున్నారు. దీని స్థానంలో క్వీన్స్‌ల్యాండ్‌లో మరో కొత్త స్టేడియం సిద్ధమవుతుంది. అందులో ఐసీసీ ఈవెంట్‌లు, యాషెస్‌ సిరీస్, ‘బోర్డర్‌–గావస్కర్‌ ట్రోఫీ’ వంటి ప్రతిష్టాత్మక మ్యాచ్‌లు యధావిధిగా జరుగుతాయి’ అని క్వీన్స్‌ల్యాండ్‌ క్రికెట్‌ సీఈవో టెర్రీ స్వెన్సన్‌ మంగళవారం ఒక ప్రకటనలో పేర్కొన్నారు. » 1931 నుంచి టెస్టు మ్యాచ్‌లకు ఆతిథ్యమిస్తున్న ‘గాబా’ స్టేడియంలో ఇప్పటి వరకు 67 పురుషుల టెస్టు మ్యాచ్‌లు, 2 మహిళల టెస్టులు జరిగాయి. »పేస్‌కు పెట్టింది పేరైన ‘గాబా’ పిచ్‌పై ఆ్రస్టేలియా జట్టు 1988 నుంచి 2021 వరకు ఒక్క టెస్టు మ్యాచ్‌ కూడా ఓడలేదు. 2020–21 పర్యటనలో భాగంగా ఆతిథ్య ఆస్ట్రేలియాపై టీమిండియా విజయం సాధించింది. »2032 ఒలింపిక్స్‌ ప్రణాళికల్లో భాగంగా ‘గాబా’ మైదానాన్ని ఆధునీకికరించాలని తొలుత భావించారు. అయితే అధిక వ్యయం కారణంతో ఆ ప్రణాళికను పక్కన పెట్టి పార్క్‌ల్యాండ్‌ ఇన్నర్‌ సిటీలో కొత్త స్టేడియం నిర్మాణం చేపడుతున్నారు. »ఒలింపిక్స్‌ ఆతిథ్య హక్కులు దక్కించుకున్న సమయంలో ‘గాబా’ మైదానాన్ని మరింత మెరుగు పరచాలని భావించినా... ఇప్పటికి నాలుగేళ్లు గడిచినా ఎలాంటి చర్యలు చేపట్టలేదు. »విశ్వక్రీడలకు మరో ఏడేళ్ల సమయమే ఉండటంతో కొత్త స్టేడియం నిర్మాణానికే మొగ్గుచూపారు. »ఇటీవల ఐఓసీ అధ్యక్షురాలిగా ఎన్నికైన క్రిస్టీ కొవెంట్రీ ప్రణాళికల విషయంలో పక్కాగా ఉండటంతో... ఆ్రస్టేలియా ప్రభుత్వం వేదికల నిర్మాణాన్ని వేగవంతం చేసింది.

న్యూఢిల్లీ: ఐపీఎల్‌ అనంతరం జరగనున్న ఇంగ్లండ్‌ పర్యటనకు బీసీసీఐ ప్రత్యేక ప్రణాళికలు వేస్తోంది. ఈ టూర్‌లో భాగంగా ఇంగ్లండ్‌తో టీమిండియా 5 మ్యాచ్‌ల టెస్టు సిరీస్‌ ఆడనుంది. 2007 తర్వాత ఇంగ్లండ్‌ గడ్డపై భారత జట్టు టెస్టు సిరీస్‌ గెలవలేదు. దీంతో ఈసారి మెరుగైన ఫలితం సాధించాలనే ఉద్దేశంతో టెస్టు సిరీస్‌ ఆరంభానికి ముందు ఇంగ్లండ్‌ లయన్స్‌ జట్టుతో భారత ‘ఎ’ టీమ్‌ రెండు ప్రాక్టీస్‌ మ్యాచ్‌లు ఆడనుంది. ఎర్రబంతితో నాలుగు రోజుల పాటు సాగనున్న ఈ మ్యాచ్‌ల్లో ప్రధాన ఆటగాళ్లు కూడా బరిలోకి దిగే అవకాశాలున్నాయి. భారత్, ఇంగ్లండ్‌ మధ్య జూన్‌ 20 నుంచి హెడింగ్లే వేదికగా తొలి టెస్టు జరగనుంది. దానికంటే ముందే భారత ‘ఎ’ జట్టు ఇంగ్లండ్‌లో పర్యటించనుంది. ‘ఇంగ్లండ్‌ లయన్స్, భారత్‌ ‘ఎ’ జట్ల మధ్య మే 30న కాంటర్‌బరీలో తొలి ప్రాక్టీస్‌ మ్యాచ్‌ జరుగుతుంది. జూన్‌ 6 నుంచి నార్తంప్టన్‌లో రెండో మ్యాచ్‌ నిర్వహిస్తాం’ అని ఇంగ్లండ్, వెల్స్‌ క్రికెట్‌ బోర్డు (ఈసీబీ) వెల్లడించింది. ప్రస్తుతం టీమిండియా ప్లేయర్లంతా ఐపీఎల్‌లో బిజీగా ఉన్నారు. మే 25 ఐపీఎల్‌ ఫైనల్‌ జరగనుండగా... ఆ తర్వాతే ఇంగ్లండ్‌ పర్యటన ప్రారంభం కానుంది. కరుణ్‌ నాయర్‌కు పిలుపు.. దేశవాళీల్లో నిలకడగా రాణిస్తున్న సీనియర్‌ బ్యాటర్‌ కరుణ్‌ నాయర్‌ను భారత్‌ ‘ఎ’ జట్టు తరఫున ఇంగ్లండ్‌కు పంపాలని బీసీసీఐ భావిస్తోంది. విదర్భ జట్టు రంజీ ట్రోఫీ చేజిక్కించుకోవడంలో కీలకపాత్ర పోషించిన కరుణ్‌ నాయర్‌.. సయ్యద్‌ ముస్తాక్‌ అలీ ట్రోఫీలోనూ అత్యధిక పరుగులు చేసిన ఆటగాడిగా నిలిచాడు. ‘జట్టును ప్రకటించేందుకు ఇంకా చాలా సమయం ఉంది. ఐపీఎల్‌ ప్లేఆఫ్స్‌కు ముందు ఆటగాళ్ల ఎంపికపై ఒక స్పష్టత వస్తుంది’ అని బీసీసీఐ వర్గాలు వెల్లడించాయి. ఇక సొంతగడ్డపై న్యూజిలాండ్‌ చేతిలో ‘వైట్‌ వాష్‌’కు గురైన టీమిండియా... ఆ తర్వాత ఆస్ట్రేలియాతో ‘బోర్డర్‌–గావస్కర్‌ ట్రోఫీ’లోనూ ఓటమి పాలైంది. దీంతో ప్రపంచ టెస్టు చాంపియన్‌íÙప్‌ (డబ్ల్యూటీసీ) ఫైనల్‌కు అర్హత సాధించలేకపోయింది. ఇంగ్లండ్‌ పర్యటనతో టీమిండియా 2025–27 డబ్ల్యూటీసీ సైకిల్‌ను ప్రారంభించనుంది.

షిల్లాంగ్‌: ఆసియా కప్‌–2027 క్వాలిఫయింగ్‌ టోర్నమెంట్‌ మూడో రౌండ్‌ను భారత జట్టు ‘డ్రా’తో ప్రారంభించింది. బంగ్లాదేశ్‌ జట్టుతో మంగళవారం జరిగిన మ్యాచ్‌ను భారత్‌ 0–0తో ‘డ్రా’గా ముగించింది. నిర్ణీత 90 నిమిషాల్లో రెండు జట్లు గోల్స్‌ చేయడంలో విఫలమయ్యాయి. తొలి అర్ధభాగంలో బంగ్లాదేశ్‌ దూకుడు ప్రదర్శించగా... రెండో అర్ధభాగంలో భారత్‌ జోరు కనబరిచింది. రెండు జట్లు గోల్స్‌ అవకాశాలు సృష్టించుకున్నా వాటిని సద్వినియోగం చేసుకోవడంలో విఫలమయ్యాయి. 68వ నిమిషంలో శుభాశీష్‌ బోస్, 81వ నిమిషంలో భారత కెప్టెన్ సునీల్‌ ఛెత్రి బంగ్లాదేశ్‌ గోల్‌పోస్ట్‌ లక్ష్యంగా కొట్టిన షాట్‌లు బయటకు వెళ్లాయి. గ్రూప్‌ ‘సి’లో భారత్‌తోపాటు బంగ్లాదేశ్, హాంకాంగ్, సింగపూర్‌ జట్లున్నాయి. భారత్‌ తమ తదుపరి మ్యాచ్‌ను జూన్‌ 10న సింగపూర్‌తో ఆడుతుంది. గ్రూప్‌ ‘సి’లో అగ్రస్థానంలో నిలిచిన జట్టు 2027 ఆసియా కప్‌ టోర్నీకి అర్హత సాధిస్తుంది.

న్యూఢిల్లీ: ఈ ఏడాది భారత్‌ ఆతిథ్యమివ్వనున్న మహిళల వన్డే వరల్డ్‌కప్‌ క్రికెట్‌ టోర్నమెంట్‌ వేదికల వివరాలు బహిర్గతమయ్యాయి. ముల్లాన్‌పూర్‌ (పంజాబ్‌)లోని మహారాజా యాదవేంద్ర సింగ్‌ అంతర్జాతీయ స్టేడియం ఈ మెగా టోర్నీ ఫైనల్‌ మ్యాచ్‌కు ఆతిథ్యమివ్వనుందని సమాచారం. 34 వేల మంది ప్రేక్షకుల సామర్థ్యంగల ఈ స్టేడియం ఐపీఎల్‌లో పంజాబ్‌ కింగ్స్‌ జట్టుకు రెండో హోంగ్రౌండ్‌గా ఉంది.ముల్లాన్‌పూర్‌తోపాటు విశాఖపట్నం, తిరువనంతపురం, ఇండోర్, రాయ్‌పూర్‌లలో వరల్డ్‌కప్‌ మ్యాచ్‌లు నిర్వహిస్తారు. ముల్లాన్‌పూర్, తిరువనంతపురం, రాయ్‌పూర్‌లలో ఇప్పటి వరకు మహిళల అంతర్జాతీయ మ్యాచ్‌లు జరగలేదు. » అంతర్జాతీయ క్రికెట్‌ కౌన్సిల్‌ (ఐసీసీ) ఆధ్వర్యంలో భారత క్రికెట్‌ నియంత్రణ మండలి (బీసీసీఐ) నిర్వహించనున్న మహిళల వన్డే వరల్డ్‌కప్‌ ఈ ఏడాది సెపె్టంబర్‌ 29 నుంచి అక్టోబర్‌ 26 వరకు జరగనుంది. అయితే ఈ తేదీలను ఐసీసీ, బీసీసీఐ ఇంకా అధికారికంగా ప్రకటించలేదు. » ఎనిమిది దేశాల మధ్య వన్డే వరల్డ్‌కప్‌ జరగనుంది. మొత్తం 31 మ్యాచ్‌లు జరుగుతాయి. ఆతిథ్య దేశం భారత్‌తోపాటు ఆస్ట్రేలియా, ఇంగ్లండ్, న్యూజిలాండ్, దక్షిణాఫ్రికా, శ్రీలంక జట్లు ఇప్పటికే ఈ మెగా టోర్నీకి అర్హత సాధించాయి. » ఏప్రిల్‌ 9 నుంచి 19 వరకు లాహోర్‌లో జరిగే క్వాలిఫయింగ్‌ టోర్నీ ద్వారా చివరి రెండు జట్లు ఖరారవుతాయి. క్వాలిఫయింగ్‌ టోర్నీలో పాకిస్తాన్, వెస్టిండీస్, స్కాట్లాండ్, బంగ్లాదేశ్, ఐర్లాండ్, థాయ్‌లాండ్‌ జట్లు పోటీపడనున్నాయి. ఒకవేళ పాకిస్తాన్‌ వరల్డ్‌కప్‌కు అర్హత సాధిస్తే మెగా టోర్నీని హైబ్రిడ్‌ మోడల్‌లో నిర్వహిస్తారు. పాకిస్తాన్‌ జట్టు ఆడే మ్యాచ్‌లను శ్రీలంక లేదా యూఏఈలలో నిర్వహిస్తారు. » భారత్‌ నాలుగోసారి మహిళల వన్డే వరల్డ్‌కప్‌ టోర్నీకి ఆతిథ్యమివ్వనుంది. గతంలో భారత్‌ 1978, 1997, 2013లలో ఈ మెగా టోర్నీని నిర్వహించింది. ఇప్పటి వరకు వన్డే వరల్డ్‌కప్‌ 12 సార్లు జరగ్గా... భారత్‌ రెండుసార్లు (2005, 2017) రన్నరప్‌గా నిలిచింది.

కొత్త కెప్టెన్ శ్రేయస్‌ అయ్యర్‌ సారథ్యంలో పంజాబ్‌ కింగ్స్‌ తొలి విజయం నమోదు చేసుకుంది. బ్యాటర్ల జోరుకు బౌలర్ల సహకారం తోడవడంతో... ఐపీఎల్‌ 18వ సీజన్‌లో గుజరాత్‌ టైటాన్స్‌పై పంజాబ్‌ పంజా విసిరింది. ఆరంభంలో ప్రియాంశ్‌ ఆర్య మెరుపులు... చివర్లో శశాంక్‌ సింగ్‌ ఫినిషింగ్‌ టచ్‌... ఇన్నింగ్స్‌ ఆసాంతం శ్రేయస్‌ అయ్యర్‌ దూకుడు... వెరసి పంజాబ్‌ కింగ్స్‌ భారీ స్కోరు చేయగా... ఛేదనలో తగ్గేదేలే అన్నట్లు బాదిన గుజరాత్‌ చివరకు 11 పరుగుల తేడాతో ఓటమి పాలైంది. అహ్మదాబాద్‌: ఇండియన్‌ ప్రీమియర్‌ లీగ్‌ (ఐపీఎల్‌) టి20 టోర్నమెంట్‌ 18వ సీజన్‌లో పంజాబ్‌ కింగ్స్‌ శుభారంభం చేసింది. మంగళవారం జరిగిన పోరులో పంజాబ్‌ 11 పరుగుల తేడాతో మాజీ చాంపియన్‌ గుజరాత్‌ టైటాన్స్‌పై గెలిచింది. మొదట పంజాబ్‌ 20 ఓవర్లలో 5 వికెట్ల నష్టానికి 243 పరుగులు చేసింది. కెప్టెన్ శ్రేయస్‌ అయ్యర్‌ (42 బంతుల్లో 97 నాటౌట్‌; 5 ఫోర్లు, 9 సిక్స్‌లు) సెంచరీకి మూడు పరుగుల దూరంలో నిలిచిపోగా... ప్రియాంశ్‌ ఆర్య (23 బంతుల్లో 47; 7 ఫోర్లు, 2 సిక్స్‌లు), శశాంక్‌ సింగ్‌ (16 బంతుల్లో 44 నాటౌట్‌; 6 ఫోర్లు, 2 సిక్స్‌లు) ధాటిగా ఆడారు. ‘ప్లేయర్‌ ఆఫ్‌ ద మ్యాచ్‌’ శ్రేయస్‌ సిక్సర్లతో రెచ్చిపోగా... శశాంక్, ప్రియాంశ్‌ ఆర్య బౌండరీల మోత మోగించారు. గుజరాత్‌ టైటాన్స్‌ బౌలర్లలో సాయికిషోర్‌ 3 వికెట్లు పడగొట్టాడు. లక్ష్యఛేదనలో గుజరాత్‌ 20 ఓవర్లలో 5 వికెట్లకు 232 పరుగులు చేసింది. సాయి సుదర్శన్‌ (41 బంతుల్లో 74; 5 ఫోర్లు, 6 సిక్స్‌లు), బట్లర్‌ (33 బంతుల్లో 54; 4 ఫోర్లు, 2 సిక్స్‌లు) అర్ధశతకాలు సాధించగా... కెప్టెన్‌ శుబ్‌మన్‌ గిల్‌ (14 బంతుల్లో 33; 2 ఫోర్లు, 3 సిక్స్‌లు), షెర్ఫాన్‌ రూథర్‌ఫర్డ్‌ (28 బంతుల్లో 46; 4 ఫోర్లు, 3 సిక్స్‌లు) పోరాడినా ఫలితం లేకపోయింది. కెప్టెన్‌ ఇన్నింగ్స్‌... టాస్‌ ఓడి మొదట బ్యాటింగ్‌కు దిగిన పంజాబ్‌కు శుభారంభం దక్కలేదు. ప్రభ్‌సిమ్రన్‌ సింగ్‌ (5) తక్కువ స్కోరుకే వెనుదిరగడంతో 28 పరుగుల వద్ద పంజాబ్‌ తొలి వికెట్‌ కోల్పోయింది. అయితే మరో ఎండ్‌లో ప్రియాంశ్‌ దూకుడు కనబర్చడంతో స్కోరు బోర్డు పరుగులు పెట్టింది. ఇన్నింగ్స్‌ రెండో బంతికి ఫోర్‌తో ఖాతా తెరిచిన ప్రియాంశ్‌... సిరాజ్‌ వేసిన మూడో ఓవర్‌లో 6, 4 బాదాడు. అయ్యర్‌ వచ్చిరాగానే 4, 6తో చాంపియన్స్‌ ట్రోఫీ ఫామ్‌ కొనసాగించగా... ఐదో ఓవర్‌లో ప్రియాంశ్‌ 4, 4, 6, 4 కొట్టాడు. దీంతో పవర్‌ప్లే ముగిసేసరికి పంజాబ్‌ 73/1తో నిలిచింది. ఆ తర్వాత గుజరాత్‌ బౌలర్లు కాస్త ఒత్తిడి పెంచడంతో పరుగుల రాక మందగించగా... సాయికిషోర్‌ వరుస బంతుల్లో అజ్మతుల్లా (16), మ్యాక్స్‌వెల్‌ (0)లను పెవిలియన్‌కు పంపాడు. ఎదుర్కొన్న తొలి బంతికే మ్యాక్స్‌వెల్‌ వికెట్ల ముందు దొరికిపోయాడు. అయితే రివ్యూలో బంతి వికెట్ల మీద నుంచి వెళ్తున్నట్లు తేలింది. 2 రివ్యూలు ఉన్నా పంజాబ్‌ సరైన సమయంలో వినియోగించుకోలేక స్టార్‌ బ్యాటర్‌ వికెట్‌ కోల్పోయింది. అవన్నీ మరిపించేలా అయ్యర్, శశాంక్‌ ఆఖర్లో బౌండరీలతో రెచ్చిపోయారు. సాయికిషోర్‌ ఓవర్‌లో 2 సిక్సర్లు బాదిన శ్రేయస్‌... రషీద్‌ ఖాన్‌ బౌలింగ్‌లోనూ రెండు సిక్స్‌లు కొట్టాడు. కొన్ని చక్కటి షాట్లు ఆడిన స్టొయినిస్‌ (20; 1 ఫోర్, 2 సిక్స్‌లు) కూడా సాయికిషోర్‌కు వికెట్‌ సమర్పించుకోగా... ప్రసిధ్‌ కృష్ణ వేసిన ఇన్నింగ్స్‌ 17వ ఓవర్‌లో శ్రేయస్‌ 6, 4, 6, 6 కొట్టి 90 పరుగుల మీదకు చేరాడు. మరో 3 ఓవర్ల ఆట మిగిలి ఉండటంతో ఐపీఎల్లో అయ్యర్‌ తొలి సెంచరీ ఖాయమే అనుకుంటే... ఆఖర్లో అతడికి ఎక్కువ బ్యాటింగ్‌ చేసే అవకాశం రాలేదు. 18వ ఓవర్లో 6, 4, 6 కొట్టిన శశాంక్‌ సింగ్‌.. చివరి ఓవర్‌లో 5 ఫోర్లు బాది జట్టుకు భారీ స్కోరు అందించాడు. చివర్లో చిత్తు... భారీ లక్ష్యం కళ్లెదురుగా ఉన్నా... గుజరాత్‌ ఏమాత్రం వెనకడుగు వేయలేదు. నాలుగో ఓవర్‌లో గిల్‌ 6, 6, 4తో మోత ప్రారంభించగా... సుదర్శన్‌ దాన్ని కొనసాగించాడు. బౌలర్‌తో సంబంధం లేకుండా బంతి తన పరిధిలో ఉంటే దానిపై విరుచుకుపడ్డాడు. వేగంగా ఆడే క్రమంలో గిల్‌ వెనుదిరగగా... బట్లర్‌ చక్కటి షాట్లతో అలరించాడు. ఫలితంగా 10 ఓవర్లు ముగిసేసరికి గుజరాత్‌ 104/1తో నిలిచింది. ఈ క్రమంలో సుదర్శన్‌ 31 బంతుల్లో అర్ధశతకం పూర్తి చేసుకున్నాడు. 11వ ఓవర్లో బట్లర్‌ 2 సిక్స్‌లు కొట్టగా... తదుపరి ఓవర్లో సుదర్శన్‌ 4, 6, 4 బాదాడు. సుదర్శన్‌ ఔటయ్యాక ఇంపాక్ట్‌ ప్లేయర్‌గా క్రీజులోకి వచ్చిన రూథర్‌ఫర్డ్‌ కూడా అలరించాడు. చివర్లో వైశాఖ్‌ కట్టుదిట్టంగా బౌలింగ్‌ చేయడంతో... లక్ష్యంవైపు సజావుగా సాగుతున్న గుజరాత్‌ ఒక్కసారిగా వెనుకబడింది. చివరి ఓవర్లో టైటాన్స్‌ విజయానికి 27 పరుగులు అవసరం కాగా.. ఆ జట్టు 15 పరుగులే చేసింది. స్కోరు వివరాలు పంజాబ్‌ కింగ్స్‌ ఇన్నింగ్స్‌: ప్రియాంశ్‌ ఆర్య (సి) సాయి సుదర్శన్‌ (బి) రషీద్‌ 47; ప్రభ్‌సిమ్రన్‌ (సి) అర్షద్‌ (బి) రబడ 5; శ్రేయస్‌ అయ్యర్‌ (నాటౌట్‌) 97; అజ్మతుల్లా (సి) అర్షద్‌ (బి) సాయికిషోర్‌ 16; మ్యాక్స్‌వెల్‌ (ఎల్బీ) (బి) సాయికిషోర్‌ 0; స్టొయినిస్‌ (సి) అర్షద్‌ (బి) సాయికిషోర్‌ 20; శశాంక్‌ సింగ్‌ (నాటౌట్‌) 44; ఎక్స్‌ట్రాలు 14; మొత్తం (20 ఓవర్లలో 5 వికెట్లకు) 243. వికెట్ల పతనం: 1–28, 2–79, 3–105, 4–105, 5–162. బౌలింగ్‌: సిరాజ్‌ 4–0– 54–0; రబడ 4–0–41–1; అర్షద్‌ 1–0–21 –0; రషీద్‌ 4–0–48–1; ప్రసిధ్‌ కృష్ణ 3–0–41–0; సాయికిషోర్‌ 4–0–30–3.గుజరాత్‌ టైటాన్స్‌ ఇన్నింగ్స్‌: సుదర్శన్‌ (సి) శశాంక్‌ (బి) అర్ష్ దీప్ 74; గిల్‌ (సి) ప్రియాంశ్‌ (బి) మ్యాక్స్‌వెల్‌ 33; బట్లర్‌ (బి) యాన్సెన్‌ 54; రూథర్‌ఫర్డ్‌ (బి) అర్ష్ దీప్ 46; తెవాటియా (రనౌట్‌) 6; షారుక్‌ (నాటౌట్‌) 6; అర్షద్‌ (నాటౌట్‌) 1; ఎక్స్‌ట్రాలు 12; మొత్తం (20 ఓవర్లలో 5 వికెట్లకు) 232. వికెట్ల పతనం: 1–61, 2–145, 3–199, 4–217, 5–225, బౌలింగ్‌: అర్ష్ దీప్ 4–0–36–2; అజ్మతుల్లా 2–0–29–0; యాన్సెన్‌ 4–0–44–1; మ్యాక్స్‌వెల్‌ 2–0–26–1; స్టొయినిస్‌ 2–0–31–0; చహల్‌ 3–0–34–0; వైశాఖ్‌ 3–0–28–0. ఐపీఎల్‌లో నేడురాజస్తాన్‌ X కోల్‌కతావేదిక: గువాహటిరాత్రి 7: 30 గంటల నుంచి స్టార్‌ స్పోర్ట్స్, జియో హాట్‌స్టార్‌లో ప్రత్యక్ష ప్రసారం

ఐపీఎల్‌-2025లో పంజాబ్ కింగ్స్ శుభారంభం చేసింది. ఈ మెగా ఈవెంట్‌లో భాగంగా అహ్మ‌దాబాద్ వేదిక‌గా గుజ‌రాత్ టైటాన్స్‌తో జ‌రిగిన హై స్కోరింగ్ థ్రిల్ల‌ర్‌లో 11 ప‌రుగుల తేడాతో పంజాబ్ విజ‌యం సాధించింది. 244 ప‌రుగుల భారీ ల‌క్ష్యంతో బ‌రిలోకి దిగిన గుజ‌రాత్ టీమ్ నిర్ణీత ఓవ‌ర్ల‌లో 5 వికెట్లు కోల్పోయి 232 ప‌రుగులు చేసింది. గుజ‌రాత్ బ్యాట‌ర్ల‌లో సాయిసుద‌ర్శ‌న్‌(74), జోస్ బ‌ట్ల‌ర్‌(54) రూథ‌ర్ ఫ‌ర్డ్‌(46) పోరాడిన‌ప్ప‌ట‌కి త‌మ జ‌ట్టును విజ‌యతీరాల‌కు చేర్చ‌లేక‌పోయారు. కెప్టెన్ శుబ్‌మ‌న్ గిల్‌(33) త‌న వంతు ప్ర‌య‌త్నం చేశాడు. కానీ కొండంత ల‌క్ష్యాన్ని క‌రిగించ‌లేక‌పోయారు. పంజాబ్ బౌల‌ర్ల‌లో అర్ష్‌దీప్ సింగ్‌ రెండు, జానెస‌న్‌, మాక్స్‌వెల్ త‌లా వికెట్ సాధించారు.శ్రేయ‌స్ అయ్య‌ర్ విధ్వంసం..అంత‌కుముందు బ్యాటింగ్ చేసిన బ్యాటింగ్ చేసిన పంజాబ్ కింగ్స్ నిర్ణీత 20 ఓవ‌ర్ల‌లో 5 వికెట్ల న‌ష్టానికి 243 ప‌రుగులు చేసింది. పంజాబ్ బ్యాట‌ర్ల‌లో కెప్టెన్ శ్రేయ‌స్ అయ్య‌ర్‌( 42 బంతుల్లో 5 ఫోర్లు, 9 సిక్స్‌ల‌తో 97) అద్భుత‌మైన ఇన్నింగ్స్ ఆడాడు. అయ్య‌ర్‌తో పాటు శ‌శాంక్ సింగ్‌(16 బంతుల్లో 6 ఫోర్లు, 2 సిక్స్‌ల‌తో 44), ప్రియాన్ష్ ఆర్య‌(47) మెరుపులు మెరిపించారు. గుజ‌రాత్ బౌల‌ర్ల‌లో సాయికిషోర్ మూడు వికెట్లు ప‌డ‌గొట్ట‌గా.. ర‌షీద్ ఖాన్‌, ర‌బాడ త‌లా వికెట్ సాధించారు. శ్రేయ‌స్ అయ్య‌ర్‌కు ప్లేయ‌ర్ ఆఫ్‌ది మ్యాచ్ అవార్డు ద‌క్కింది.

ఐపీఎల్‌-2025 సీజ‌న్‌ను పంజాబ్ కింగ్స్ ఆల్‌రౌండ‌ర్ గ్లెన్ మాక్స్‌వెల్ పేల‌వంగా ఆరంభించాడు. ఈ టోర్నీలో భాగంగా అహ్మ‌దాబాద్ వేదిక‌గా గుజ‌రాత్ టైటాన్స్‌తో జ‌రుగుతున్న మ్యాచ్‌లో మాక్స్‌వెల్ గోల్డెన్ డ‌కౌట్‌గా వెనుదిరిగాడు. స్పిన్న‌ర్ సాయి కిషోర్ బౌలింగ్‌లో రివ‌ర్స్ స్వీప్ ప్ర‌య‌త్నించి వికెట్ల ముందు మాక్స్‌వెల్ దొరికిపోయాడు. ఒక‌వేళ మాక్సీ రివ్యూ తీసుకుని ఉండి ఉంటే ఔట‌య్యే ప్ర‌మాదం నుంచి త‌ప్పించుకునేవాడు. ఎందుకంటే బంతి రిప్లేలో వికెట్స్‌ను మిస్ అవుతున్న‌ట్లు తేలింది. త‌ర్వాత డ‌గౌట్ నుంచి రిప్లే చూసిన మాక్సీ షాక‌య్యాడు. ఇక ఈ మ్యాచ్‌లో డ‌కౌటైన మాక్స్‌వెల్ అత్యంత చెత్త రికార్డును త‌న పేరిట లిఖించుకున్నాడు. ఇండియన్ ప్రీమియర్ లీగ్ (ఐపీఎల్)లో అత్యధిక డకౌట్‌లు అయిన ఆట‌గాడిగా మాక్స్‌వెల్ నిలిచాడు. ఈ ఆస్ట్రేలియా స్టార్ ఆల్‌రౌండ‌ర్ ఐపీఎల్‌లో ఇప్ప‌టివ‌ర‌కు 19 సార్లు డ‌కౌట‌య్యాడు. ఇంత‌కుముందు ఈ చెత్త రికార్డు సాధించిన జాబితాలో రోహిత్ శ‌ర్మ‌(18), దినేష్ కార్తీక్‌(18)లో క‌లిసి మాక్సీ సంయుక్తంగా ఉన్నాడు. ఇప్పుడు తాజా మ్యాచ్‌తో ఈ చెత్త రికార్డును త‌న ఒక్క‌డి ఖాతాలో వేసుకున్నాడు.ఇక ఈ మ్యాచ్‌లో టాస్ ఓడి తొలుత బ్యాటింగ్ చేసిన పంజాబ్ కింగ్స్ నిర్ణీత 20 ఓవ‌ర్ల‌లో 5 వికెట్ల న‌ష్టానికి 243 ప‌రుగులు చేసింది. పంజాబ్ బ్యాట‌ర్ల‌లో కెప్టెన్ శ్రేయ‌స్ అయ్య‌ర్‌( 42 బంతుల్లో 5 ఫోర్లు, 9 సిక్స్‌ల‌తో 97) అద్భుత‌మైన ఇన్నింగ్స్ ఆడాడు. గుజ‌రాత్ బౌల‌ర్ల‌లో సాయికిషోర్ మూడు, ర‌బాడ‌, ర‌షీద్ ఖాన్ త‌లా వికెట్ సాధించారు.చ‌ద‌వండి: IPL 2025: 'సెల్ఫ్‌లెస్‌ శ్రేయ‌స్ అయ్య‌ర్' .. జ‌ట్టు కోసం సెంచ‌రీ త్యాగం

ఐపీఎల్‌-2025ను పంజాబ్ కింగ్స్ కెప్టెన్‌, టీమిండియా స్టార్ ప్లేయ‌ర్ శ్రేయ‌స్ అయ్య‌ర్ ఘ‌నంగా ఆరంభించాడు. ఈ మెగా ఈవెంట్‌లో భాగంగా అహ్మ‌దాబాద్ వేదిక‌గా గుజ‌రాత్ టైటాన్స్‌తో మ్యాచ్‌లో అయ్య‌ర్ ఆకాశ‌మే హ‌ద్దుగా చెల‌రేగిపోయాడు. ఫ‌స్ట్ డౌన్‌లో బ్యాటింగ్‌కు వ‌చ్చిన శ్రేయ‌స్ అయ్య‌ర్ ప్ర‌త్య‌ర్ధి బౌల‌ర్ల‌ను ఊచ‌కోత కోశాడు. క్రీజులోకి వ‌చ్చిన‌ప్ప‌టి నుంచే బౌండ‌రీల వ‌ర్షం కురిపించాడు.అత‌డి ఆప‌డం ఎవ‌రి త‌రం కాలేదు. అయితే అద్బుత‌మైన ఇన్నింగ్స్ ఆడిన శ్రేయ‌స్ అయ్య‌ర్ త‌న తొలి ఐపీఎల్ సెంచ‌రీ మాత్రంను అందుకోలేక‌పోయాడు. సెంచ‌రీకి మూడు ప‌రుగుల దూరంలో అయ్యర్ నిలిచిపోయాడు. ఈ ముంబైక‌ర్‌ 42 బంతుల్లో 5 ఫోర్లు, 9 సిక్స్‌ల‌తో 97 ప‌రుగులు చేసి ఆజేయంగా నిలిచాడు.'సెల్ఫ్‌లెస్‌ శ్రేయ‌స్ అయ్య‌ర్' కాగా ఈ మ్యాచ్‌లో అయ్య‌ర్‌కు సెంచ‌రీ చేసే అవ‌కాశ‌మున్న‌ప్ప‌టికి.. జట్టు ప్ర‌యోజ‌నం కోసం నాన్ స్ట్రైక్‌లోనే ఉండిపోయాడు. త‌న సెంచ‌రీ కంటే జ‌ట్టుకు ప‌రుగులు రావ‌డమే ముఖ్య‌మ‌ని అయ్య‌ర్ నిర్ణ‌యించుకున్నాడు. ఈ క్ర‌మంలో ఆఖ‌రి ఓవ‌ర్‌లో స్ట్రైక్ అంటిపెట్టుకునే ఛాన్స్ వ‌చ్చిన‌ప్ప‌టికి అయ్య‌ర్ మాత్రం రెండో ప‌రుగుకు ప‌రిగెత్తి శ‌శాంక్ సింగ్‌కు స్ట్రైక్ ఇచ్చాడు. నా సెంచ‌రీ కోసం ఆలోచించ‌కు నీవు హిట్టింగ్ చేయు అని శశాంక్‌కు అయ్య‌ర్ పూర్తి స్వేఛ్చ‌ను ఇచ్చాడు. దీంతో శ‌శాంక్ ఏకంగా ఆఖ‌రి ఓవ‌ర్‌లో 23 ప‌రుగులు రాబ‌ట్టాడు. దీంతో తొలుత బ్యాటింగ్ చేసిన పంజాబ్ కింగ్స్ నిర్ణీత 20 ఓవ‌ర్ల‌లో 5 వికెట్ల న‌ష్టానికి 243 ప‌రుగులు చేసింది. ఈ క్ర‌మంలో సెల్ఫ్‌లెస్ ఇన్నింగ్స్ ఆడిన అయ్య‌ర్‌పై స‌ర్వ‌త్రా ప్ర‌శంస‌ల వ‌ర్షం కురుస్తోంది.చ‌ద‌వండి: IPL 2025: గ‌వ‌ర్న‌మెంట్ స్కూల్ టీచ‌ర్ కొడుకు.. క‌ట్ చేస్తే! తొలి మ్యాచ్‌లోనే విధ్వంసం

ఢిల్లీ బ్యాటింగ్ సంచలనం ప్రియాన్ష్‌ ఆర్య త‌న ఐపీఎల్ అరంగేట్రంలోనే అద‌ర‌గొట్టాడు. ఐపీఎల్‌-2025లో భాగంగా అహ్మదాబాద్ వేదిక‌గా గుజ‌రాత్ టైటాన్స్‌పై పంజాబ్ కింగ్స్ త‌ర‌పున ఈ క్యాష్ రిచ్ లీగ్‌లో ఆర్య‌ అడుగుపెట్టాడు. ఈ మ్యాచ్‌లో ఆర్య ఆకాశ‌మే హ‌ద్దుగా చెల‌రేగాడు.ఓపెన‌ర్‌గా బ‌రిలోకి దిగిన ప్రియాన్ష్‌ క్రీజులో ఉన్నంత‌సేపు బౌండ‌రీల వ‌ర్షం కురిపించాడు. ఇన్నింగ్స్ రెండో ఓవ‌ర్‌లో ఔట‌య్యే ప్రమాదం నుంచి త‌ప్పించుకున్న ఆర్య‌.. ఆ త‌ర్వాత మాత్రం ప్ర‌త్య‌ర్ధి బౌల‌ర్ల‌ను ఊచ‌కోత కోశాడు. గుజ‌రాత్ స్టార్ పేస‌ర్లు మ‌హ్మ‌ద్ సిరాజ్‌, అర్ష‌ద్ ఖాన్ బౌలింగ్‌ల‌ను ప్రియాంష్ ఊతికారేశాడు. ఈ మ్యాచ్‌లో కేవ‌లం 23 బంతులు మాత్ర‌మే ఎదుర్కొన్న ఆర్య‌.. 7 ఫోర్లు, 2 సిక్స్‌ల‌తో 47 ప‌రుగులు చేసి ఔట‌య్యాడు. అత‌డి దూకుడుకు గుజ‌రాత్ స్పిన్న‌ర్ ర‌షీద్ ఖాన్ అడ్డుక‌ట్ట‌వేశాడు. ఇక అరంగేట్రంలోనే దుమ్ములేపిన ప్రియాన్ష్‌ ఆర్య గురించి ప‌లు ఆస‌క్తిక‌ర విష‌యాలు తెలుసుకుందాం.ఎవరీ ప్రియాన్ష్‌ ఆర్య..?24 ఏళ్ల ప్రియాన్ష్‌ ఆర్య లిస్ట్‌-ఎ క్రికెట్‌లో ఢిల్లీ త‌ర‌పున ఆడుతున్నాడు. అత‌డి తల్లిదండ్రులు పవన్ ఆర్య, రాధా బాల ఇద్ద‌రూ ఢిల్లీలోని ప్రభుత్వ పాఠశాలల్లో ఉపాధ్యాయులగా ప‌నిచేస్తున్నారు. న్యూఢిల్లీలోని అశోక్ విహార్‌లో పెరిగిన ప్రియాంష్‌కు చిన్న‌త‌నం నుంచే క్రికెట్‌పై మ‌క్కువ‌. ప్రియాన్ష్‌కు అత‌డి త‌ల్లిదండ్ర‌లు ఎంతో మ‌ద్ద‌తుగా నిలిచారు. ఇటు క్రికెట్‌, అటు విద్యను బ్యాలెన్స్ చేసుకుంటూ ఆర్య ముందుకు సాగాడు.ఆర్య ఢిల్లీ విశ్వవిద్యాలయంలోని స్వామి శ్రద్ధానంద్ కళాశాల నుండి బి.ఎ. పూర్తి చేశాడు. ఇక ప్రియాన్స్‌ ఆర్యా 2019లో భార‌త్‌ అండర్‌-19 జ‌ట్టుకు ప్రాతినిథ్యం వ‌హించాడు. ఇప్పుడు భారత సీనియర్‌ జట్టు తరఫున ఆడుతున్న యశస్వి జైస్వాల్, రవి బిష్ణోయ్‌తో కలిసి అత‌డు ఆడాడు. అయితే ఢిల్లీ ప్రీమియ‌ర్ లీగ్‌-2024 ద్వారా ప్రియాన్ష్ వెలుగులోకి వ‌చ్చాడు. ఈ ఏడాది డీపీఎల్‌లో సౌత్‌ ఢిల్లీ సూపర్‌ స్టార్స్ త‌ర‌పున ఆర్య‌ ఆరు బంతుల్లో ఆరు సిక్స్‌లు కొట్టి ఓవ‌ర్‌నైట్ స్టార్‌గా మారిపోయాడు. టోర్నీ ఆసాంతం ప్రియాన్ష్ అద్బుత‌మైన ప్ర‌ద‌ర్శ‌న కన‌బరిచాడు.ఈ టోర్నీలో ఆర్య 198.69 స్ట్రైక్‌రేటుతో 608 ప‌రుగులు చేశాడు. టీ20ల్లో కూడా మంచి రికార్డు ఈ యువ క్రికెట‌ర్‌కు ఉంది. ఇప్ప‌టివ‌ర‌కు 11 మ్యాచ్‌లు ఆడి 356 ప‌రుగులు చేశాడు. ఈ క్ర‌మంలోనే అత‌డిని ఐపీఎల్ మెగా వేలంలో పంజాబ్ సొంతం చేసుకుంది.

GT vs PBKS Live Updates And highlights: గుజరాత్‌పై పంజాబ్‌ విజయంఐపీఎల్‌-2025ను గుజరాత్‌ విజయంతో ఆరంభించింది. ఈ మెగా ఈవెంట్‌లో భాగంగా అహ్మ‌దాబాద్ వేదిక‌గా గుజ‌రాత్ టైటాన్స్‌తో జ‌రిగిన హై స్కోరింగ్ థ్రిల్ల‌ర్‌లో 11 ప‌రుగుల తేడాతో పంజాబ్ విజ‌యం సాధించింది. 244 ప‌రుగుల భారీ ల‌క్ష్యంతో బ‌రిలోకి దిగిన గుజ‌రాత్ టీమ్ నిర్ణీత ఓవ‌ర్ల‌లో 5 వికెట్లు కోల్పోయి 232 ప‌రుగులు చేసింది. గుజ‌రాత్ బ్యాట‌ర్ల‌లో సాయిసుద‌ర్శ‌న్‌(74), జోస్ బ‌ట్ల‌ర్‌(54) రూథ‌ర్ ఫ‌ర్డ్‌(46) పోరాడిన‌ప్ప‌ట‌కి త‌మ జ‌ట్టును విజ‌యతీరాల‌కు చేర్చ‌లేక‌పోయారు. కెప్టెన్ శుబ్‌మ‌న్ గిల్‌(33) త‌న వంతు ప్ర‌య‌త్నం చేశాడు. కానీ కొండంత ల‌క్ష్యాన్ని క‌రిగించ‌లేక‌పోయారు. పంజాబ్ బౌల‌ర్ల‌లో అర్ష్‌దీప్ సింగ్‌ రెండు, జానెస‌న్‌, మాక్స్‌వెల్ త‌లా వికెట్ సాధించారు.17 ఓవ‌ర్ల‌కు గుజ‌రాత్ స్కోర్‌: 187/217 ఓవ‌ర్లు ముగిసే స‌రికి గుజ‌రాత్ టైటాన్స్ రెండు వికెట్ల న‌ష్టానికి 187 ప‌రుగులు చేసింది. క్రీజులో జోస్ బ‌ట్ల‌ర్‌(47), రూథ‌ర్ ఫ‌ర్డ్‌(23) ప‌రుగుల‌తో ఉన్నారు.15 ఓవ‌ర్ల‌కు గుజ‌రాత్ స్కోర్‌: 174/215 ఓవ‌ర్లు ముగిసే స‌రికి గుజ‌రాత్ టైటాన్స్ రెండు వికెట్ల న‌ష్టానికి 174 ప‌రుగులు చేసింది. క్రీజులో జోస్ బ‌ట్ల‌ర్‌(40), రూథ‌ర్ ఫ‌ర్డ్‌(20) ప‌రుగుల‌తో ఉన్నారు.సుద‌ర్శ‌న్ ఆన్ ఫైర్‌..12 ఓవ‌ర్లు ముగిసే స‌రికి గుజ‌రాత్ టైటాన్స్ వికెట్ న‌ష్టానికి 134 ప‌రుగులు చేసింది. క్రీజులో సాయిసుద‌ర్శ‌న్‌(74), జోస్ బ‌ట్ల‌ర్‌(25) ఉన్నారు. గుజ‌రాత్ విజ‌యానికి 46 బంతుల్లో 106 ప‌రుగులు కావాలి.తొలి వికెట్ డౌన్‌..శుబ్‌మ‌న్ గిల్ రూపంలో గుజ‌రాత్ టైటాన్స్ తొలి వికెట్ కోల్పోయింది. 33 ప‌రుగులు చేసిన గిల్‌.. మాక్స్‌వెల్ బౌలింగ్‌లో ఔట‌య్యాడు. క్రీజులోకి జోస్ బ‌ట్ల‌ర్ వ‌చ్చాడు. 7 ఓవ‌ర్ల‌కు గుజ‌రాత్ స్కోర్‌: 75/1దూకుడుగా ఆడుతున్న గుజ‌రాత్ ఓపెన‌ర్లు..245 ప‌రుగుల భారీ ల‌క్ష్యంతో బ‌రిలోకి దిగిన గుజ‌రాత్ టైటాన్స్ దూకుడుగా ఆడుతోంది. 5 ఓవ‌ర్లు ముగిసే స‌రికి గుజ‌రాత్ వికెట్ న‌ష్ట‌పోకుండా 51 ప‌రుగులు చేసింది. క్రీజులో కెప్టెన్ శుబ్‌మ‌న్ గిల్‌(27), సాయిసుద‌ర్శ‌న్(23) ఉన్నారు.శ్రేయ‌స్‌, శశాంక్ విధ్వంసం.. గుజ‌రాత్ ముందు భారీ టార్గెట్అహ్మ‌దాబాద్ వేదిక‌గా గుజ‌రాత్ టైటాన్స్‌తో జ‌రుగుతున్న మ్యాచ్‌లో పంజాబ్ బ్యాట‌ర్లు ఆకాశ‌మే హ‌ద్దుగా చెల‌రేగారు. టాస్ ఓడి తొలుత బ్యాటింగ్ చేసిన పంజాబ్ కింగ్స్ నిర్ణీత 20 ఓవ‌ర్ల‌లో 5 వికెట్ల న‌ష్టానికి 243 ప‌రుగులు చేసింది. పంజాబ్ బ్యాట‌ర్ల‌లో కెప్టెన్ శ్రేయ‌స్ అయ్య‌ర్‌( 42 బంతుల్లో 5 ఫోర్లు, 9 సిక్స్‌ల‌తో 97) అద్భుత‌మైన ఇన్నింగ్స్ ఆడాడు. పంజాబ్ ఐదో వికెట్ డౌన్‌.. స్టోయినిష్ ఔట్‌మార్క‌స్ స్టోయినిష్ రూపంలో పంజాబ్ కింగ్స్ ఐదో వికెట్ కోల్పోయింది. 20 ప‌రుగులు చేసిన స్టోయినిష్‌.. సాయికిషోర్ బౌలింగ్‌లో పెవిలియ‌న్‌కు చేరాడు. 16 ఓవర్లకు పంజాబ్‌ స్కోర్‌: 165/5. క్రీజులో కెప్టెన్ శ్రేయ‌స్ అయ్య‌ర్‌(66) ప‌రుగుల‌తో ఉన్నాడు.కిషోర్ ఆన్ ఫైర్‌.. ఒకే ఓవ‌ర్‌లో రెండు వికెట్లుపంజాబ్ కింగ్స్ వ‌రుస క్ర‌మంలో రెండు వికెట్లు కోల్పోయింది. 11 ఓవ‌ర్ వేసిన సాయికిషోర్ బౌలింగ్‌లో మూడో బంతికి ఒమ‌ర్జాయ్‌(16), నాలుగో బంతికి గ్లెన్ మాక్స్‌వెల్‌(0) ఔట‌య్యాడు. 12 ఓవర్లకు పంజాబ్‌ స్కోర్‌: 108/4పంజాబ్ రెండో వికెట్ డౌన్‌..ప్రియాంష్ ఆర్య రూపంలో పంజాబ్ కింగ్స్ రెండో వికెట్ కోల్పోయింది. కేవ‌లం 20 బంతుల్లో 42 ప‌రుగులు చేసిన ప్రియాంష్‌.. రషీద్ ఖాన్ బౌలింగ్‌లో ఔట‌య్యాడు. 6 ఓవ‌ర్లు ముగిసే స‌రికి పంజాబ్ కింగ్స్ రెండు వికెట్ల‌ న‌ష్టానికి 73 ప‌రుగులు చేసింది. క్రీజులో శ్రేయ‌స్ అయ్య‌ర్‌(14), ఒమ‌ర్జాయ్‌(6) ప‌రుగుల‌తో ఉన్నారు.తొలి వికెట్ కోల్పోయిన పంజాబ్‌..టాస్ ఓడి బ్యాటింగ్‌కు దిగిన పంజాబ్ కింగ్స్ తొలి వికెట్ కోల్పోయింది. 5 ప‌రుగులు చేసిన ప్ర‌భుసిమ్రాన్.. ర‌బాడ బౌలింగ్‌లో ఔట‌య్యాడు. 4 ఓవ‌ర్లు ముగిసే స‌రికి పంజాబ్ కింగ్స్ వికెట్ న‌ష్టానికి 42 ప‌రుగులు చేసింది. క్రీజులో ప్రియాంష్ ఆర్య(17), శ్రేయ‌స్ అయ్య‌ర్‌(14) ప‌రుగుల‌తో ఉన్నారు.ఐపీఎల్‌-2025లో అహ్మ‌దాబాద్ వేదిక‌గా గుజ‌రాత్ టైటాన్స్‌, పంజాబ్ కింగ్స్ జ‌ట్లు త‌ల‌ప‌డుతున్నాయి. ఈ మ్యాచ్‌లో టాస్ గెలిచిన గుజ‌రాత్ టైటాన్స్ తొలుత బౌలింగ్ ఎంచుకుంది. టీమిండియా స్టార్ పేస‌ర్ మ‌హ్మ‌ద్ సిరాజ్ గుజ‌రాత్ త‌ర‌పున అరంగేట్రం చేశాడు.తుది జట్లుపంజాబ్ కింగ్స్ (ప్లేయింగ్ XI): ప్రభ్‌సిమ్రాన్ సింగ్ (వికెట్ కీపర్‌), ప్రియాంష్ ఆర్య, శ్రేయాస్ అయ్యర్ (కెప్టెన్‌), శశాంక్ సింగ్, మార్కస్ స్టోయినిస్, గ్లెన్ మాక్స్‌వెల్, సూర్యాంశ్ షెడ్జ్, అజ్మతుల్లా ఒమర్జాయ్, మార్కో జాన్సెన్, అర్ష్‌దీప్ సింగ్, యుజ్వేంద్ర చాహల్గుజరాత్ టైటాన్స్ (ప్లేయింగ్ XI): శుభమన్ గిల్(కెప్టెన్‌), జోస్ బట్లర్(వికెట్ కీపర్‌), సాయి సుదర్శన్, షారుక్ ఖాన్, రాహుల్ తెవాటియా, రవిశ్రీనివాసన్ సాయి కిషోర్, అర్షద్ ఖాన్, రషీద్ ఖాన్, కగిసో రబడ, మహ్మద్ సిరాజ్, ప్రసిద్ధ్ కృష్ణ

ఐపీఎల్‌-2025ను ల‌క్నో సూప‌ర్ జెయింట్స్ ఓట‌మితో ఆరంభించిన సంగ‌తి తెలిసిందే. సోమవారం(మార్చి 24) వైజాగ్ వేదిక‌గా జ‌రిగిన ఢిల్లీ క్యాపిట‌ల్స్‌తో జ‌రిగిన మ్యాచ్‌లో లక్నో ఒక్క వికెట్ తేడాతో అనూహ్యంగా ఓట‌మి పాలైంది. 210 ప‌రుగుల భారీ ల‌క్ష్యాన్ని ల‌క్నో బౌల‌ర్లు కాపాడుకోలేక‌పోయారు.తొలి 10 ఓవ‌ర్లు అద్బుతంగా బౌలింగ్ చేసిన‌ప్ప‌టి.. ఆఖ‌రి 10 ఓవ‌ర్ల‌లో ల‌క్నో బౌల‌ర్లు తేలిపోయారు. ఢిల్లీ ఆట‌గాడు అశుతోష్ శర్మ‌(31 బంతుల్లో 5 ఫోర్లు, 5 సిక్సులతో 66 పరుగులు) త‌న విధ్వంస‌క‌ర ఇన్నింగ్స్‌తో ల‌క్నో నుంచి మ్యాచ్ లాగేసుకున్నాడు.ఇక ల‌క్నో సూప‌ర్ జెయింట్స్ త‌మ తదుప‌రి మ్యాచ్‌లో మార్చి 27న ఉప్ప‌ల్‌ వేదిక‌గా స‌న్‌రైజ‌ర్స్ హైద‌రాబాద్‌తో త‌ల‌ప‌డ‌నుంది. ఈ మ్యాచ్‌కు ముందు ల‌క్నోకు ఓ గుడ్‌న్యూస్ అందింది. లక్నో సూపర్ జెయింట్స్ శిబిరంలో చేరడానికి స్టార్ పేస‌ర్ అవేష్ ఖాన్‌కు బీసీసీఐ సెంటర్ ఆఫ్ ఎక్సలెన్స్ ఫిట్ సర్టిఫికేట్ ఇచ్చింది. మోకాలి గాయంతో బాధపడుతున్న అవేశ్ ఖాన్‌ ప్ర‌స్తుతం బెంగ‌ళూరులోని సెంటర్ ఆఫ్ ఎక్సలెన్స్‌లో పున‌రావ‌సం పొందుతున్నాడు.దీంతో అత‌డు ఈ ఏడాది ఐపీఎల్ సీజ‌న్‌లో ల‌క్నో ఆడే తొలి మూడు మ్యాచ్‌లకు దూరం కానున్న‌ట్లు వార్త‌లు వినిపించాయి. కానీ త్వ‌ర‌గా కోలుకున్న అవేష్ ఖాన్‌.. మార్చి 24(సోమవారం) నిర్వ‌హించిన ఫిట్‌నెస్ ప‌రీక్ష‌లో పాసైన‌ట్లు తెలుస్తోంది. దీంతో అత‌డు అనుకున్న దానికంటే ముందుగానే ల‌క్నో జ‌ట్టుతో చేర‌నున్నాడు.కాగా ఢిల్లీతో జ‌రిగిన మ్యాచ్‌లో అవేష్ లేని లోటు ల‌క్నో జ‌ట్టులో క‌న్పించింది. మ‌రోవైపు ల‌క్నోను గాయాల బెడ‌ద వెంటాడుతోంది. స్టార్ పేస‌ర్ మోహ్షిన్ ఖాన్ గాయం కార‌ణంగా ఈ ఏడాది సీజ‌న్‌కు ఇప్ప‌టికే దూరం కాగా.. రూ. 11 కోట్లు వెచ్చించి రిటైన్ చేసుకున్న మయాంక్ యాదవ్ టోర్నమెంట్ మొదటి అర్ధభాగానికి దూరమయ్యే అవకాశం ఉంది.వీరిద్ద‌రితో పాటు ఆకాష్ దీప్ మరో రెండు మ్యాచ్‌లు దూరమయ్యే సూచ‌న‌లు క‌న్పిస్తున్నాయి. ఈ క్ర‌మంలో అవేష్ ఖాన్ గాయం నుంచి కోలుకోవ‌డం ల‌క్నోకు భారీ ఊర‌ట క‌లిగించింది అనే చెప్పాలి. కాగా మోహ్షిన్ ఖాన్ స్ధానంలో స్టార్ ఆల్‌రౌండ‌ర్ శార్ధూల్ ఠాకూర్‌తో ల‌క్నో ఒప్పందం కుదుర్చుకుంది.చ‌ద‌వండి: IPL 2025: అశుతోష్ కాదు.. అత‌డు కూడా హీరోనే! ఎవ‌రీ విప్రాజ్ నిగ‌మ్‌?

పొట్టి ఫార్మాట్‌ క్రికెట్‌లో మ్యాచ్‌ల ఫలితం ఎప్పుడూ అనూహ్యంగా ఉంటుంది. ఢిల్లీ కేపిటల్స్- లక్నో సూపర్ జెయింట్స్ మధ్య సోమవారం విశాఖపట్నం వేదికగా జరిగిన మ్యాచ్ ఈ విషయాన్ని మరో మారు స్పష్టమైంది.సత్తా చాటిన శార్దూల్ఇండియన్ ప్రీమియర్ లీగ్ (IPL)- 2025లో భాగంగా.. ఈ మ్యాచ్ ప్రారంభం నుంచి అదే ధోరణిలో జరిగింది. భారత్ జట్టులో స్థానం కోల్పోయి, వేలంలో అమ్ముడుపోక దిక్కుతోచని స్థితిలో ఉన్న అల్ రౌండర్ శార్దూల్ ఠాకూర్... మీడియం పేసర్ మొహ్సిన్ ఖాన్ గాయం కారణంగా తప్పుకోవడంతో జట్టులోకి వచ్చి.. సత్తా చాటడం ఒక ఎత్తు.ఇక ఇంగ్లండ్ కౌంటీ లో ఎసెక్స్ జట్టు తరపున ఆడాలని నిర్ణయించుకుని ఫ్లయిట్ ఎక్కడానికి సిద్ధంగా ఉన్న అతడు.. అనూహ్యంగా దక్కిన అవకాశాన్ని పూర్తిగా సద్వినియోగం చేసుకున్నాడు. మొదటి ఓవర్‌లో ఢిల్లీ ఓపెనర్ జేక్ ఫ్రేజర్-మెక్‌గుర్క్ మరియు అభిషేక్ పోరెల్ ల వికెట్లు పడగొట్టాడు.దిక్కుతోచని స్థితిమరో వైపు ఎడమచేతి వాటం స్పిన్నర్ ఎం సిద్ధార్థ్ కు సమీర్ రిజ్వి ని అవుట్ చేయడంతో ఢిల్లీ రెండో ఓవర్ లోనే 7 పరుగులకు మూడు వికెట్లు కోల్పోయింది. 209 పరుగుల విజయ లక్ష్యాన్ని ఛేదించే క్రమంలో ఢిల్లీ ఒక దశలో 66 పరుగులకే ఐదు వికెట్లు కోల్పోయి దిక్కుతోచని స్థితికి చేరింది. ఈ దశలో ఉత్తర్ ప్రదేశ్ అల్ రౌండర్ విప్రజ్ నిగమ్ 15 బంతుల్లో 39 పరుగులు చేసి ఢిల్లీకి కొంత ఉపశమనాన్నిచ్చాడు. ఇంపాక్ట్ ప్లేయర్ గా బ్యాటింగ్ కి వచ్చిన ఢిల్లీ బ్యాట్స్మన్ అశుతోష్ శర్మ తాను ఎదుర్కొన్న తొలి 20 బంతుల్లో కేవలం 20 పరుగులు మాత్రమే చేశాడు.ఇక ఢిల్లీకి లక్ష్య సాధన దాదాపు కష్టమన్న దశలో అశుతోష్ శర్మ పూనకం వచ్చిన రీతిలో బ్యాటింగ్ చేసి తదుపరి 11 బంతుల్లో 46 పరుగులు సాధించాడు. అందులో ఐదు ఫోర్లు, ఐదు సిక్సర్లు ఉన్నాయి. దీనితో ఓటమి చేరువులో ఉన్న ఢిల్లీ కి ఇంకా మూడు బంతులు మిగిలి ఉండగానే ఒక వికెట్ తేడాతో అద్భుత విజయాన్ని అందించాడు.లక్నోను ఆదుకున్న మార్ష్, పూరన్గత సీజన్ లో తరచుగా పవర్ ప్లేలో వెనుకబడి ఉన్నట్లు కనిపించిన లక్నో ఈ సీజన్ లో దానిని సరిదిద్దే ప్రయత్నం చేసింది. జట్టులోని ఇద్దరు విదేశీ ఆటగాళ్ల కు ఆ బాధ్యతను అప్పగించింది. ఆస్ట్రేలియా ఆల్ రౌండర్ మిచెల్ మార్ష్, వెస్టిండీస్ వికెట్ కీపర్ బ్యాటర్‌ నికోలస్ పూరన్ రెండవ వికెట్‌కు కేవలం 42 బంతుల్లో 87 పరుగులు జోడించారు. పూరన్ 30 బంతుల్లో ఆరు ఫోర్లు, ఏడు సిక్సర్లు లతో 75 పరుగులు చేయగా, మార్ష్ 36 బంతుల్లో ఆరు ఫోర్లు, ఆరు సిక్సర్ల తో 72 పరుగులు సాధించాడు. ఫలితంగా లక్నో జట్టు 250 పరుగులు పైగా సాధిస్తుందని భావిస్తున్న తరుణంలో ఆస్ట్రేలియా పేసర్ మిచెల్ స్టార్క్ మరియు భారత్ స్పిన్నర్ కుల్దీప్ యాదవ్ వరుసగా వికెట్లు తీసి లక్నోని దెబ్బతీశారు. లక్నో 14 నుంచి 19 ఓవర్లలో కేవలం 33 పరుగులు మాత్రమే జోడించి ఆరు వికెట్లు కోల్పోయింది.ఈ దశలో లక్నో 200 పరుగులు దాటడమే కష్టమని భావిస్తున్న తరుణంలో డేవిడ్ మిల్లర్ ఇన్నింగ్స్ చివరి రెండు బంతుల్లో మీడియం పేసర్ మోహిత్‌ శర్మ రెండు సిక్సర్లు కొట్టడంతో స్కోరు 209కి చేరింది. నిజానికి ఢిల్లీ స్కోరు 204/9 వద్ద ఉన్న సమయంలో మోహిత్‌ శర్మను స్టంపౌట్‌ చేసే అవకాశాన్ని పంత్‌ మిస్‌ చేశాడు. ఆఖరి ఓవర్‌ మొదటి బంతికి షాబాజ్‌ అహ్మద్‌ బౌలింగ్‌లో బాల్‌ మోహిత్‌ ప్యాడ్లను తాకినట్లుగా అనిపించింది.పంత్‌ చేసిన ఆ ఒక్క తప్పు వల్లేఅయితే, అంతలోనే అతడు పరుగు కోసం క్రీజును వీడగా కీపర్‌ పంత్‌ స్టంపింగ్‌ చేయకుండా.. రివ్యూకు వెళ్లాడు. ఎల్బీడబ్ల్యూకు అప్పీలు చేశాడు. అయితే, రీప్లేలో బంతి స్టంప్స్‌ను మిస్‌ అవుతోందని థర్డ్‌ అంపైర్‌ నుంచి నిర్ణయం వెలువడగా.. సేఫ్‌ అయ్యాడు మోహిత్‌. నిజానికి అతడిని స్టంపౌట్‌ చేస్తే.. పదో వికెట్‌ కోల్పోయి అప్పుడే ఢిల్లీ కథ ముగిసేది. అదే ఓవర్లో మూడో బంతికి అశుతోష్‌ సిక్సర్‌ బాది మ్యాచ్‌ను ముగించాడు. అలా నాటకీయ పరిణామాలతో ఢిల్లీ ఈ మ్యాచ్ లో విజయం సాధించడం విశేషం. Never gave up hope 💪Never stopped believing 👊A special knock and match to remember for the ages 🥳#DC fans, how's the mood? 😉Scorecard ▶ https://t.co/aHUCFODDQL#TATAIPL | #DCvLSG | @DelhiCapitals pic.twitter.com/HYeLTrEjTn— IndianPremierLeague (@IPL) March 24, 2025pic.twitter.com/JBNXCNw3Ql— The Game Changer (@TheGame_26) March 25, 2025 చదవండి: ‘గిల్‌ ఒక్కడే ఏమీ చేయలేడు.. మేమంతా ఉంటేనే ఏదైనా సాధ్యం’

ఐపీఎల్‌-2025లో సోమ‌వారం వైజాగ్ వేదిక‌గా ల‌క్నో సూప‌ర్ జెయింట్స్‌, ఢిల్లీ క్యాపిట‌ల్స్ మ‌ధ్య జ‌రిగిన‌ ఉత్కంఠ భరిత పోరు అభిమానుల‌ను మునివేళ్ల‌పై నిల‌బెట్టింది. ఆఖ‌రి వ‌ర‌కు నువ్వానేనా అన్న‌ట్లు సాగిన ఈ మ్యాచ్‌లో ఒకే ఒక్క వికెట్ తేడాతో ఢిల్లీ క్యాపిట‌ల్స్ విజ‌యం సాధించింది. ఈ విజ‌యంలో ఢిల్లీ ఆట‌గాడు అశుతోష్ శ‌ర్మ‌ది కీల‌క పాత్రం. ఇంపాక్ట్ ప్లేయ‌ర్‌గా బరిలోకి దిగిన అశుతోష్ త‌న ఫైటింగ్ నాక్‌తో ఢిల్లీకి సంచ‌ల‌న విజ‌యాన్ని అందించాడు.ఓట‌మి త‌ప్ప‌ద‌నుకున్న చోటు అశుతోష్ శర్మ అజేయ ఇన్నింగ్స్‌తో అసాధ్యాన్ని సాధ్యం చేశాడు. అశుతోష్ 31 బంతుల్లో 5 ఫోర్లు, 5 సిక్సులతో 66 పరుగులు చేసి ఆజేయంగా నిలిచాడు. ఇక ఢిల్లీ ఈ సంచ‌ల‌న విజ‌యం సాధించ‌డంలో అశుతోష్ పాత్ర ఎంత కీలకమైందో మ‌రో ఆట‌గాడు విప్రాజ్‌ నిగ‌మ్‌ పాత్ర కూడా అంతే వెల కట్టలేనిది. ఢిల్లీ విజ‌యానికి 45 బంతుల్లో 97 ప‌రుగులు కావాల్సిన స‌మ‌యంలో విప్ర‌జ్ క్రీజులోకి వ‌చ్చాడు. అప్ప‌టివ‌ర‌కు దూకుడుగా ఆడుతున్న ట్రిస్ట‌న్ స్ట‌బ్స్ ఔట్ కావ‌డంతో ఢిల్లీ ఓట‌మి లాంఛ‌న‌మే అంతా అనుకున్నారు. కానీ క్రీజులోకి వ‌చ్చిన వ‌చ్చిన విప్రాజ్‌త‌న దూకుడైన బ్యాటింగ్‌తో గెలుపుపై ఆశలు రేకెత్తించాడు. ఐపీఎల్‍లో తొలి మ్యాచ్‍ ఆడుతున్నాన్న భ‌యం కానీ బెరుకు కానీ అత‌డిలో క‌న్పించ‌లేదు. ప్ర‌త్య‌ర్ధి బౌల‌ర్ల‌ను విప్రాజ్ ఊచ‌కోత కోశాడు. విప్రాజ్ కేవ‌లం 15 బంతుల్లోనే 5 ఫోర్లు, 2 సిక్స్‌లతో 39 పరుగులు చేశాడు. విప్రాజ్ బౌలింగ్‍లోనూ ఓ కీల‌క‌ వికెట్ పడగొట్టాడు. ఆ త‌ర్వాత బ్యాటింగ్‌లోనూ స‌త్తాచాటాడు. ఈ క్ర‌మంలో ఎవ‌రీ విప్రాజ్ నిగ‌మ్ అని నెటిజన్లు తెగ వెతికేస్తున్నారు.ఎవ‌రీ విప్రాజ్ నిగ‌మ్‌?20 ఏళ్ల విప్రాజ్ నిగ‌మ్‌.. ఫస్ట్ క్లాస్ క్రికెట్‌లో ఉత్త‌ర‌ప్ర‌దేశ్‌కు ప్రాతినిథ్యం వ‌హిస్తున్నాడు. గ‌తేడాది రంజీ సీజన్‌తో అత‌డు ఫ‌స్ట్ క్లాస్ క్రికెట్‌లోకి అడుగుపెట్టాడు. విప్ర‌జ్ బ్యాటింగ్‌లో కంటే బౌలింగ్‌లో ఎక్కువ‌గా అద్భుతాలు చేశాడు. 3 ఫ‌స్ట్ క్లాస్ మ్యాచ్‌లో 13 వికెట్లు ప‌డ‌గొట్టి స‌త్తాచాటాడు. సయ్యద్ ముష్తాక్ అలీ 2024-25 ట్రోఫీలోనూ విప్రాజ్ నిగ‌మ్ అద‌ర‌గొట్టాడు. ఈ టోర్నీలో అత‌డు ఏడు మ్యాచ్‌ల్లో ఎనిమిది వికెట్లు పడగొట్టాడు. ఆంధ్రప్రదేశ్‌తో జరిగిన మ్యాచ్‌లో కేవలం ఎనిమిది బంతుల్లో 27 పరుగులు ప‌రుగులు చేసి యూపీకి సంచ‌ల‌న విజ‌యాన్ని అందించాడు.దీంతో ఒక్క‌సారిగా అత‌డు వెలుగులోకి వ‌చ్చాడు. యూపీటీ20 2024 సీజన్‍లో కూడా విప్రాజ్ దుమ్ములేపాడు. ఈ టోర్నీలో యూపీ ఫాల్కన్స్ తరఫున 12 మ్యాచ్‍లు ఆడిన ఈ స్పిన్నర్ 20 వికెట్లు పడగొట్టాడు. ఈ క్ర‌మంలో ఐపీఎల్ 2025 వేలంలో విప్రాజ్ నిగమ్‍ను రూ.50లక్షలకు ఢిల్లీ క్యాపిటల్స్ జట్టు సొంతం చేసుకుంది. ఈ ఏడాది ఐపీఎల్ సీజ‌న్ ఆరంభానికి ముందు జ‌రిగిన ఢిల్లీ క్యాపిటల్స్ ఇంట్రా-స్క్వాడ్ ప్రాక్టీస్ గేమ్‌లో నిగ‌మ్ త‌న బ్యాటింగ్ స్కిల్స్‌ను ప్ర‌ద‌ర్శించాడు. 29 బంతుల్లో ఏడు ఫోర్లు, రెండు సిక్సర్లతో 54 పరుగులు చేశాడు. ఈ ఏడాది సీజ‌న్‌లో ఢిల్లీకి మంచి ఆల్‌రౌండ‌ర్ దొరికిన‌ట్లే.ఐపీఎల్‌-2025: ల‌క్నో వ‌ర్సెస్ ఢిల్లీ స్కోర్లు👉ల‌క్నో- 209/8 (20)👉ఢిల్లీ- 211/9 (16.2)👉ఫలితం- ఒక్క వికెట్ తేడాతో ల‌క్నోపై ఢిల్లీ గెలుపుచ‌ద‌వండి: అస్సలు జీర్ణించుకోలేకపోయా.. అయినా భాయ్‌కు అంతా తెలుసు: సిరాజ్‌

ఇండియన్‌ ప్రీమియర్‌ లీగ్‌ (IPL)-2025లో కొత్త ఫ్రాంఛైజీ తరఫున ఆడబోతున్నాడు టీమిండియా స్టార్‌ పేసర్‌ మహ్మద్‌ సిరాజ్‌. దాదాపు ఏడేళ్ల పాటు రాయల్‌ చాలెంజర్స్‌ బెంగళూరు (RCB)కి ఆడిన ఈ హైదరాబాదీని.. మెగా వేలానికి ముందు ఆ ఫ్రాంఛైజీ వదిలేసింది. ఈ క్రమంలో రూ. 12.25 కోట్లకు గుజరాత్‌ టైటాన్స్‌ సిరాజ్‌ను కొనుగోలు చేసింది.బౌలర్ల కెప్టెన్‌ఇక ఐపీఎల్‌-2025లో తమ తొలి మ్యాచ్‌లో భాగంగా గుజరాత్‌ మంగళవారం పంజాబ్‌ కింగ్స్‌తో తలపడనుంది. ఈ నేపథ్యంలో ‘బోరియా సీజన్‌ సిక్స్‌’తో ముచ్చటించిన సిరాజ్‌ ఆసక్తికర వ్యాఖ్యలు చేశాడు. ‘‘శుబ్‌మన్‌ గిల్‌ (Shubman Gill) బౌలర్ల కెప్టెన్‌. గొప్ప సారథి.బౌలర్లు ఏది అడిగినా.. కాదనడు. వాళ్లకు కావాల్సిన సదుపాయాలన్నీ ఏర్పాటు చేస్తాడు. స్వేచ్ఛనిస్తాడు. మా ఇద్దరి మధ్య మంచి అనుబంధం ఉంది. నేను, రిషభ్‌ పంత్‌, శుబ్‌మన్‌, అక్షర్‌ పటేల్‌.. కలిసి తరచుగా డిన్నర్లకు వెళ్తూ ఉంటాం. గిల్‌, నేను ఒకేసారి టెస్టుల్లో అడుగుపెట్టాము. అందుకే మా బంధం ఇంతగా బలపడి ఉంటుంది’’ అని గిల్‌తో తనకున్న స్నేహం గురించి చెప్పుకొచ్చాడు.ఆయనొక లెజెండ్‌ఇక గుజరాత్‌ కోచ్‌ ఆశిష్‌ నెహ్రా గురించి మాట్లాడుతూ.. ‘‘ఆయనొక లెజెండ్‌. నెహ్రా భాయ్‌ నుంచి చాలా విషయాలు నేర్చుకున్నా. ముఖ్యంగా క్లిష్ట పరిస్థితుల్లోనూ సంయమనం కోల్పోకుండా ఎలా ఉండాలో ఆయనను చూసే తెలుసుకున్నా. గతంలో షమీ భాయ్‌ ఈ ఫ్రాంఛైజీకి ఆడాడు.నేను కూడా తనలా అద్భుతంగా ఆడి వికెట్లు తీయడం మీద మాత్రమే దృష్టి పెట్టాను. జట్టు విజయాల కోసం నా శాయశక్తులా కృషి చేస్తా’’ అని సిరాజ్‌ పేర్కొన్నాడు. ఇక ఈ సందర్భంగా చాంపియన్స్‌ ట్రోఫీ-2025 జట్టులో చోటు దక్కకపోవడం గురించి ప్రస్తావన రాగా.. ఈ హైదరాబాదీ పేసర్‌ హుందాగా స్పందించాడు.అస్సలు జీర్ణించుకోలేకపోయా.. ‘‘జట్టు గురించి ప్రకటన రాగానే తొలుత ఈ విషయాన్ని జీర్ణించుకోలేకపోయాను. ఐసీసీ ఈవెంట్‌ ఆడే జట్టులో నాకు చోటు లేదే అని బాధపడ్డాను. అయితే, జట్టు ప్రయోజనాల గురించే రోహిత్‌ భాయ్‌ ఆలోచిస్తాడని నాకు తెలుసు.దుబాయ్‌లో పేసర్లకు పెద్దగా పని ఉండదని భాయ్‌కు తెలుసు. ఆయన ఎంతో అనుభవజ్ఞుడైన కెప్టెన్‌. అక్కడి పిచ్‌లు స్పిన్నర్లకు అనుకూలంగా ఉంటాయని ఆయనకు తెలుసు. అందుకే నన్ను పక్కనపెట్టాలని వాళ్లు నిర్ణయించుకున్నారు’’ అని సిరాజ్‌ పేర్కొన్నాడు.విశ్రాంతి దొరికిందిఏదేమైనా దేశం కోసం ఆడేటప్పుడు ఆటగాళ్లలో ఆత్మవిశ్వాసం మరింతగా పెరుగుతుందని.. ముఖ్యంగా ఐసీసీ టోర్నీల్లో ఆడాలని ప్రతి ఒక్క క్రికెటర్‌ కోరుకుంటాడని సిరాజ్‌ అన్నాడు. ఇక చాంపియన్స్‌ట్రోఫీ జట్టులో లేనందు వల్ల తనకు చాలాకాలం పాటు విశ్రాంతి లభించిందని.. ఆ సమయాన్ని ఫిట్‌నెస్‌ మెరుగుపరచుకునేందుకు ఉపయోగించుకున్నానని తెలిపాడు.కాగా పాకిస్తాన్‌ చాంపియన్స్‌ ట్రోఫీ-2025కి ఆతిథ్యం ఇవ్వగా.. టీమిండియా మాత్రం తమ మ్యాచ్‌లన్నీ దుబాయ్‌లో ఆడింది. ఇక ఈ మెగా వన్డే టోర్నమెంట్లో గ్రూప్‌ దశలో బంగ్లాదేశ్‌, పాకిస్తాన్‌, న్యూజిలాండ్‌లను ఓడించిన రోహిత్‌ సేన.. సెమీస్‌లో ఆస్ట్రేలియాపై గెలిచింది. ఫైనల్లో న్యూజిలాండ్‌ను చిత్తు చేసి ట్రోఫీని ముద్దాడింది.ఇక సిరాజ్‌ చివరగా ఆస్ట్రేలియా పర్యటనలో బోర్డర్‌- గావస్కర్‌ ట్రోఫీ టెస్టు సిరీస్‌ ఆడాడు. తదుపరి జూన్‌లో ఇంగ్లండ్‌ టూర్‌కు వెళ్లే జట్టుకు అతడు ఎంపికయ్యే అవకాశం ఉంది. ఇక మళ్లీ పరిమిత ఓవర్ల జట్టులో తిరిగి స్థానం సంపాదించాలంటే సిరాజ్‌ మియా.. ఐపీఎల్‌-2025లో సత్తా చాటాల్సి ఉంటుంది.చదవండి: ‘గిల్‌ ఒక్కడే ఏమీ చేయలేడు.. మేమంతా ఉంటేనే ఏదైనా సాధ్యం’

స్వదేశంలో పాకిస్తాన్‌తో మూడు వ‌న్డేల‌ సిరీస్ కోసం 13 మంది స‌భ్యుల‌తో కూడిన త‌మ జ‌ట్టును న్యూజిలాండ్ క్రికెట్ ప్ర‌క‌టించింది. ఈ జట్టుకు స్టార్ వికెట్ కీప‌ర్ బ్యాట‌ర్ టామ్ లాథ‌మ్ నాయ‌కత్వం వ‌హించ‌నున్నాడు. రెగ్యూల‌ర్ కెప్టెన్ మిచెల్ శాంట్న‌ర్ ఐపీఎల్‌-2025లో పాల్గోనేందుకు వెళ్ల‌డంతో లాథ‌మ్‌ను సార‌థిగా కివీస్ సెలక్ట‌ర్లు ఎంపిక చేశారు.ఛాంపియ‌న్స్ ట్రోఫీ న్యూజిలాండ్ జ‌ట్టులో భాగ‌మైన ఎనిమిది మంది ఆట‌గాళ్లు పాక్‌తో సిరీస్‌కు ఎంపిక‌య్యారు. డెవాన్ కాన్వే, ర‌చిన్ ర‌వీంద్ర‌, ఫిలిప్స్ వంటి స్టార్ ప్లేయ‌ర్లు ఐపీఎల్‌లో బీజీబీజీగా ఉండ‌డంతో ఈ సిరీస్‌కు ఎంపిక కాలేక‌పోయారు. మ‌రోవైపు స్టార్ పేస‌ర్ మాట్ హెన్రీ గాయం కార‌ణంగా వ‌న్డే సిరీస్‌కు కూడా దూర‌మ‌య్యాడు. అదేవిధంగా కైల్ జామిసన్ కు సెలక్ట‌ర్లు విశ్రాంతి ఇచ్చారు. ఇక బ్యాట‌ర్లు నిక్ కెల్లీ, ముహమ్మద్ అబ్బాస్‌ల‌కు తొలిసారి కివీస్ జ‌ట్టులో చోటు ద‌క్కింది. దేశ‌వాళీ క్రికెట్‌లో దుమ్ములేపుతుండ‌డంతో వీరిద్ద‌రికి సెల‌క్ట‌ర్లు అవ‌కాశ‌మిచ్చారు. నిక్ కెల్లీ ప్లంకెట్ షీల్డ్‌లో నాలుగు సెంచరీలతో సహా 749 పరుగులు చేయ‌గా.. ముహమ్మద్ అబ్బాస్, వన్డే టోర్నమెంట్ ఫోర్డ్ ట్రోఫీలో 340 ప‌రుగులు చేశాడు. పాకిస్తాన్ మూలాలు ఉన్న అబ్బాస్‌కు అద్బుతమైన బ్యాటింగ్ స్కిల్స్ ఉన్నాడు. అవ‌స‌ర‌మైతే బంతితో కూడా అత‌డు రాణించగ‌ల‌డు. అదేవిధంగా స్పిన్న‌ర్ అదితి ఆశోక్ కూడా దాదాపు రెండేళ్ల త‌ర్వాత కివీస్ జ‌ట్టులోకి వ‌చ్చాడు. వ‌న్డే ప్ర‌పంచ‌క‌ప్ మ‌రో రెండేళ్ల‌లో జ‌ర‌గ‌నుండ‌డంతో, కొత్త ఆటగాళ్లకు అవకాశాలు ఇవ్వడానికి ఇదే స‌రైన స‌మ‌య‌మ‌ని కివీస్ క్రికెట్ సెల‌క్ట‌ర్ ఒక‌రు పేర్కొన్నారు. కాగా న్యూజిలాండ్‌-పాక్ మ‌ధ్య వ‌న్డే సిరీస్ మార్చి 29 నుంచి ప్రారంభం కానుంది. ఇప్ప‌టికే ఐదు మ్యాచ్‌ల టీ20 సిరీస్‌ను కివీస్ మ‌రో మ్యాచ్ మిగిలూండ‌గానే 3-1 తేడాతో సొంతం చేసుకుంది.పాకిస్తాన్ సిరీస్ కోసం న్యూజిలాండ్ వన్డే జట్టు: టామ్ లాథమ్ (కెప్టెన్), ముహమ్మద్ అబ్బాస్, ఆది అశోక్, మైఖేల్ బ్రేస్‌వెల్, మార్క్ చాప్‌మన్, జాకబ్ డఫీ, మిచ్ హే, నిక్ కెల్లీ, డారిల్ మిచెల్, విల్ ఓ'రూర్కే, బెన్ సియర్స్, నాథన్ స్మిత్, విల్ యంగ్

‘‘నాకు విడాకులు మాత్రమే కావాలి.. అతడి నుంచి ఒక్క పైసా కూడా అవసరం లేదు’’ అంటూ భారత బాక్సర్‌, ప్రపంచ చాంపియన్‌ స్వీటీ బూరా (Saweety Boora) తీవ్ర భావోద్వేగానికి గురైంది. భర్త దీపక్‌ హుడా (Deepak Hooda)తో వీలైనంత త్వరగా వైవాహిక బంధం తెంచుకోవాలని మాత్రమే భావిస్తున్నట్లు తెలిపింది. కాగా స్వీటీతో పాటు దీపక్‌ కూడా దేశానికి ప్రాతినిథ్యం వహించిన ప్రముఖ కబడ్డీ ఆటగాడు.అంతేకాదు.. 2019- 2022 వరకు భారత కబడ్డీ జట్టు కెప్టెన్‌గానూ ఉన్నాడు. ప్రొ కబడ్డీ లీగ్‌లోనూ తెలుగు టైటాన్స్‌, పుణేరి పల్టన్‌, పట్నా పైరేట్స్‌ తదితర జట్లకు ప్రాతినిథ్యం వహించాడు. మరోవైపు.. స్వీటీ బూరా 81 కిలోల విభాగంలో 2023లో ప్రపంచ బాక్సింగ్‌ చాంపియన్‌షిప్‌లో పసిడి పతకం సాధించింది.అదనపు కట్నం కోసం ఇక దీపక్‌తో పాటు స్వీటీ కూడా అర్జున అవార్డు గ్రహీత కావడం విశేషం. ఈ క్రీడా జంట 2022లో వివాహం చేసుకున్నారు. అయితే, భర్తతో పాటు అత్తింటి వారు తనను అదనపు కట్నం కోసం వేధిస్తున్నారని స్వీటీ బూరా ఇటీవలే పోలీసులకు ఫిర్యాదు చేసింది. వాళ్లు కోరినట్లుగా గతంలోనే విలాసవంతమైన కారు ఇచ్చినా.. ఇంకా డబ్బు కావాలంటూ తనను హింసిస్తున్నారని ఫిర్యాదులో పేర్కొంది.ఈ క్రమంలో ఫిబ్రవరి 25న దీపక్‌పై పోలీసులు ఎఫ్‌ఐఆర్‌ నమోదు చేశారు. అయితే, ఇందుకు సంబంధించి పోలీసులు నోటీసులు ఇచ్చినా దీపక్‌ కుటుంబం నుంచి ఎలాంటి స్పందనా రాలేదని హిస్సార్‌ పోలీసులు జాతీయ మీడియాకు తెలిపారు. ఈ నేపథ్యంలో తన భర్తలో మార్పు రావడం కష్టమని భావించిన స్వీటీ బూరా విడాకుల కోసం దరఖాస్తు చేసినట్లు సమాచారం. ఈ క్రమంలో ఇటీవల పోలీస్‌ స్టేషన్‌లో స్వీటీ- దీపక్‌లు తమ మద్దతుదారులతో కలిసి సెటిల్‌మెంట్‌ కోసం రాగా.. కోపోద్రిక్తురాలైన స్వీటీ భర్తపై దాడి చేసింది. పోలీస్‌ స్టేషన్‌లోనే అతడిపై పిడిగుద్దులు కురిపించింది. ఇందుకు సంబంధించిన వీడియోలు సోషల్‌ మీడియాలో వైరల్‌ అయ్యాయి. ఈ నేపథ్యంలో స్వీటీ సహనం నశించినందు వల్లే ఇలా చేసిందని కొంతమంది మద్దతునివ్వగా.. భరణం కోసం డిమాండ్‌ చేస్తోందంటూ మరికొంత మంది ఆరోపించారు. అయితే, స్వీటీ మాత్రం వీటిని కొట్టిపారేసింది. మీడియాతో మాట్లాడుతూ.. ‘‘నాకు విడాకులు కావాలి. అతడి నుంచి ఎలాంటి భరణం అక్కర్లేదు.నేనేమీ బికారిని కాదు.. ఆ దెయ్యం డబ్బు నాకొద్దునా వస్తువులు నాకు తిరిగి ఇచ్చేస్తే చాలు. ఈ సమస్యకు శాంతియుతమైన పరిష్కారం లభించాలని మాత్రమే కోరుకుంటున్నా. హింసకు, అణచివేతకు వ్యతిరేకంగా గొంతెత్తడమే నేను చేసిన తప్పు అనుకుంటా.విడాకుల కోసం నేను కోర్టులో పిటిషన్‌ వేశాను. ఇందుకు సంబంధించి అన్ని ఆధారాలు సమర్పించా. ఆ వ్యక్తి విడాకులు వద్దంటూ నాపై ఒత్తిడి తెస్తున్నాడు. అయినా ఆ దెయ్యం డబ్బులు నాకెందుకు? నేనేమీ బికారిని కాదు. నాకు న్యాయం మాత్రమే కావాలి. ఇంకేమీ వద్దు’’ అంటూ స్వీటీ బూరా తీవ్ర భావోద్వేగానికి లోనైంది. చదవండి: చహల్‌ మాజీ భార్య అంటే రోహిత్‌ శర్మ సతీమణికి పడదా.. ఎందుకు ఇలా చేసింది..?

బంగ్లాదేశ్‌ దిగ్గజ బ్యాటర్‌, ఆ దేశ మాజీ కెప్టెన్‌ తమీమ్‌ ఇక్బాల్‌ (36) నిన్న ఉదయం తీవ్రమైన గుండెపోటుకు గురయ్యాడు. ఢాకా ప్రీమియర్‌ లీగ్‌లో మ్యాచ్‌ ఆడుతుండగా ఈ ఘటన జరిగింది. ఫీల్డింగ్‌ చేస్తుండగా తమీమ్‌కు రెండు సార్లు ఛాతీ నొప్పి వచ్చినట్లు తెలుస్తుంది. విషయం తెలిసి అందుబాటులో ఉన్న వారు తమీమ్‌ను ఆసుపత్రికి తరలించారు. స్పృహ కోల్పోయిన తమీమ్‌కు ఆసుపత్రిలో డాక్టర్లు గంట సేపు సీపీఆర్‌ చేశారు. డాక్టర్లు తమీమ్‌ గుండె ధమనాల్లో పూడికలు ఉన్నట్లు గుర్తించారు. నిన్ననే తమీమ్‌ గుండెకు స్టంట్‌లు వేశారు. తమీమ్‌ ఆసుపత్రికి చేరిన సమయంలో పరిస్థితి విషమంగా ఉండిందని డాక్టర్లు తెలిపారు. ఆసుపత్రికి రావడం లేట్‌ అయ్యుంటే తమీమ్‌ ప్రాణాలు కోల్పోయేవాడని అన్నారు.ప్రస్తుతం తమీమ్‌ ప్రాణాపాయస్థితి నుంచి బయటపడి కోలుకునే క్రమంలో ఉన్నాడని తెలుస్తుంది. తమీమ్‌ ఇవాళ ఉదయమే స్పృహలోకి వచ్చాడని సమాచారం​. తమీమ్‌ తన కుటుంబ సభ్యులతో మాట్లాడాడని బంగ్లాదేశ్‌ క్రికెట్‌ వర్గాలు వెల్లడించాయి.తమీమ్‌ గుండెపోటుకు గురయ్యాడని తెలిసి క్రికెట్‌ ప్రపంచం స్పందించింది. తమీమ్‌ కుటుంబ సభ్యుల్లో మనో ధైర్యాన్ని నింపే ప్రయత్నం చేసింది. తమీమ్‌ త్వరగా కోలుకోవాలని ఆకాంక్షించింది. నిన్ననే పుట్టిన రోజు జరుపుకున్న బంగ్లాదేశ్‌ స్టార్‌ క్రికెటర్‌ షకీబ్‌ అల్‌ హసన్‌ తమీమ్‌ త్వరగా కోలుకోవాలని దేవుడిని వేడుకున్నాడు. తమీమ్‌ ఆరోగ్యం గురించి ప్రార్థనలు చేయాలని అభిమానులకు పిలుపునిచ్చాడు.తమీమ్‌ పరిస్థితి తెలిసి టీమిండియా మాజీ ఆటగాడు, సిక్సర్ల వీరుడు యువరాజ్‌ సింగ్‌ కూడా స్పందించాడు. ఇంతకంటే కఠినమైన పరిస్థితులను మైదానంలో ఎదుర్కొన్నావు. విజయవంతమయ్యావు. ఇప్పుడూ అంతే, త్వరగా కోలుకుని విజయవంతంగా తిరిగొస్తావంటూ ట్వీట్‌ చేశాడు.కాగా, తమీమ్‌ బంగ్లాదేశ్‌ తరఫున 16 ఏళ్ల కెరీర్‌లో 391 మ్యాచ్‌లు ఆడి 15000 పైచిలుకు పరుగులు చేశాడు. బంగ్లాదేశ్‌ క్రికెట్‌ చరిత్రలో అత్యధిక పరుగులు చేసిన ఆటగాడిగా చలామణి అవుతున్నాడు. తమీమ్‌ బంగ్లాదేశ్‌ తరఫున అత్యధిక సెంచరీలు చేసిన ఆటగాడిగా కూడా రికార్డు కలిగి ఉన్నాడు. తమీమ్‌ తన అంతర్జాతీయ కెరీర్‌లో మొత్తం 25 సెంచరీలు బాదాడు. తమీమ్‌ 2020-2023 మధ్యలో బంగ్లాదేశ్‌ వన్డే జట్టు కెప్టెన్‌గా వ్యవహరించాడు.

న్యూజిలాండ్‌ ఆల్‌రౌండర్‌ గ్లెన్‌ ఫిలిప్స్‌ (Glenn Phillips) గుజరాత్‌ టైటాన్స్‌ కెప్టెన్‌ శుబ్‌మన్‌ గిల్‌ (Shubman Gill)ను ఉద్దేశించి ఆసక్తికర వ్యాఖ్యలు చేశాడు. గతేడాది టైటాన్స్‌ వైఫల్యాలకు అతడు ఏమాత్రం కారణం కాదని పేర్కొన్నాడు. కెప్టెన్‌ ఒక్కడి ప్రదర్శన మీద జట్టు జయాపజయాలు ఆధారపడి ఉండవని.. ఆటగాళ్లంతా సమిష్టిగా రాణిస్తేనే గెలుపు వరిస్తుందని ఫిలిప్స్‌ అన్నాడు.అరంగేట్ర సీజన్‌లోనే చాంపియన్‌గాకాగా 2022లో గుజరాత్‌ టైటాన్స్‌ ఇండియన్‌ ప్రీమియర్‌ లీగ్‌ (IPL)లో అడుగుపెట్టిన విషయం తెలిసిందే. హార్దిక్‌ పాండ్యా సారథ్యంలో.. తమ అరంగేట్ర సీజన్‌లోనే చాంపియన్‌గా నిలిచి చరిత్ర సృష్టించింది. ఆ తర్వాతి ఏడాది ఫైనల్‌ చేరింది. అయితే, 2024లో పాండ్యా టైటాన్స్‌ను వీడి తన సొంతజట్టు ముంబై ఇండియన్స్‌లో చేరాడు. ఫలితంగా టైటాన్స్‌ పగ్గాలను యాజమాన్యం భారత యువ తార గిల్‌కు అప్పగించింది.పేలవ ప్రదర్శన అయితే, గతేడాది తొలిసారిగా గిల్‌ కెప్టెన్సీలో బరిలోకి దిగిన గుజరాత్‌ టైటాన్స్‌ పేలవ ప్రదర్శన కనబరిచింది. పద్నాలుగు మ్యాచ్‌లకు గానూ కేవలం ఐదే గెలిచి.. పది పాయింట్లతో పట్టికలో ఎనిమిదో స్థానానికి పరిమితమైంది. పాండ్యా జట్టును వీడటంతో పాటు మహ్మద్‌ షమీ (అప్పుడు టైటాన్స్‌ జట్టులో) గాయం వల్ల సీజన్‌ మొత్తానికి దూరం కావడం టైటాన్స్‌ ప్రదర్శనపై ప్రభావం చూపింది.అయితే, ఈసారి తాము ఆ ప్రతికూలతలు అధిగమించి అనుకున్న ఫలితాలు రాబడతామని గిల్‌ స్పష్టం చేశాడు. తమ జట్టు ప్రస్తుతం అన్ని విభాగాల్లో పటిష్టంగా ఉందని ధీమా వ్యక్తం చేశాడు. ఈ నేపథ్యంలో గ్లెన్‌ ఫిలిప్స్‌ హిందుస్తాన్‌ టైమ్స్‌తో మాట్లాడుతూ.. ‘‘క్రికెట్‌ జట్టుగా ఆడాల్సిన ఆట.గిల్‌ ఒక్కడే ఏమీ చేయలేడు.. మేమంతా ఉంటేనే ఏదైనా సాధ్యంఒక్క ఆటగాడు లేదా కెప్టెన్‌ జట్టు మొత్తాన్ని గెలిపించలేదు. కాబట్టి శుబ్‌మన్‌ గిల్‌ కెప్టెన్సీ వల్లే గతేడాది గుజరాత్‌ ప్రదర్శన బాలేదని చెప్పడం సరికాదు. టీ20 క్రికెట్‌ స్వరూపమే వేరు. మ్యాచ్‌ రోజు ఎవరు ఫామ్‌లో ఉంటారో వారిదే పైచేయి అవుతుంది. గతేడాది సన్‌రైజర్స్‌, కేకేఆర్‌ సీజన్‌ ఆసాంతం ఒకే లయను కొనసాగించి ఫైనల్‌ వరకు చేరాయి.ఏదేమైనా తమ తొలి రెండు సీజన్లలో గుజరాత్‌ అద్భుతంగా ఆడింది. మంచి ఫామ్‌ కనబరిచింది. ఈ ఏడాది అదే ఫలితాన్ని పునరావృతం చేయగలమని నమ్ముతున్నా. శుబ్‌మన్‌ గిల్‌ కెప్టెన్సీ విషయంలో ఒత్తిడికి గురవుతాడని నేను అస్సలు అనుకోను. అతడు టీమిండియా ప్రధాన ప్లేయర్‌. జాతీయ జట్టుకు ఆడటం కంటే లీగ్‌ క్రికెట్‌లో ఆడటం తేలికే’’ అని గిల్‌కు ఫిలిప్స్‌ మద్దతు ప్రకటించాడు.రూ. 2 కోట్లకు కొనుగోలుకాగా 2021లో గ్లెన్‌ ఫిలిప్స్‌ను రాజస్తాన్‌ రాయల్స్‌ కొనుక్కోగా.. ఆ మరుసటి ఏడాది సన్‌రైజర్స్‌ హైదరాబాద్‌ రూ. 1.5 కోట్లకు అతడిని సొంతం చేసుకుంది. కానీ తుదిజట్టులో మాత్రం ఎక్కువగా అవకాశాలు ఇవ్వలేదు. ఈ క్రమంలో మెగా వేలం-2025కి ముందు రైజర్స్‌ అతడిని విడిచిపెట్టింది. దీంతో గుజరాత్‌ టైటాన్స్‌ రూ. 2 కోట్లకు అతడిని వేలంపాటలో కొనుక్కుంది.ఇక ఇప్పటి వరకు ఐపీఎల్‌లో కేవలం ఎనిమిది మ్యాచ్‌లు ఆడిన ఫిలిప్స్‌ 65 పరుగులు చేశాడు. ఇందులో మూడు ఫోర్లు, ఆరు సిక్సర్లు ఉన్నాయి. ఇదిలా ఉంటే.. ఐపీఎల్‌-2025లో భాగంగా గుజరాత్‌ టైటాన్స్‌ మంగళవారం తమ తొలి మ్యాచ్‌లో భాగంగా పంజాబ్‌ కింగ్స్‌ను ఢీకొట్టనుంది. అహ్మదాబాద్‌లోని నరేంద్ర మోదీ స్టేడియం ఇందుకు వేదిక.చదవండి: అలా అయితే.. నేను జట్టులో ఉండటం వేస్ట్‌: ధోని

టీమిండియా క్రికెటర్‌ యుజ్వేంద్ర చహల్‌-ధనశ్రీ వర్మ ఇటీవలే విడాకులు తీసుకున్న విషయం తెలిసిందే. విడాకుల అనంతరం చహల్‌.. ధనశ్రీకి రూ. 4.75 కోట్ల భరణం చెల్లించేందుకు ఒప్పుకున్నాడు. ధనశ్రీ చహల్‌ను భరణం పేరుతో డబ్బు డిమాండ్‌ చేయడం క్రికెట్‌ అభిమానులకు నచ్చలేదు. దీంతో ధనశ్రీపై నిరాధారమైన ఆరోపణలు చేస్తున్నారు. ధనశ్రీ చహల్‌ను కేవలం డబ్బు కోసమే పెళ్లి చేసుకుందని అంటున్నారు. ఈ విషయంలో చహల్‌కు అండగా నిలుస్తున్నారు. చాలా మంది క్రికెట్‌ అభిమానుల్లాగే టీమిండియా కెప్టెన్‌ రోహిత్‌ శర్మ భార్య రితికా సజ్దే కూడా చహల్‌కు మద్దతుగా నిలిచినట్లనిపిస్తుంది.తాజాగా ధనశ్రీని విమర్శిస్తూ శుభాంకర్‌ మిశ్రా అనే జర్నలిస్ట్‌ సోషల్‌మీడియాలో ఓ వీడియో షేర్‌ చేశాడు. దీనికి రితిక లైక్‌ కొట్టింది. ఇది తెలిసి అభిమానులు ధనశ్రీ అంటే రితికకు సరిపోదా అని చర్చించుకుంటున్నారు. ధనశ్రీపై శుభాంకర్‌ విమర్శలతో ఏకీభవించే రితిక ఇలా చేసుంటుందని అనుకుంటున్నారు.ఇంతకీ ఆ వీడియోలో ఏముందంటే..?శుభాంకర్‌ మిశ్రా ధనశ్రీ వర్మను 'గోల్డ్‌ డిగ్గర్‌' అని సంబోధించాడు. గోల్డ్‌ డిగ్గర్‌ అంటే డబ్బు కోసం ఓ వ్యక్తితో సంబంధం పెట్టుకునే మహిళ అని అర్దం. వీడియోలో శుభాంకర్‌ ధనశ్రీని ఉద్దేశిస్తూ ఇలా కూడా అన్నాడు. విడాకుల తర్వాత ధనశ్రీ ఆర్దిక ఇబ్బందులు ఎదుర్కొనుంది. అందకే ఆమె చహల్‌ను భరణం పేరుతో డబ్బు డిమాండ్‌ చేసింది. భరణం పేరుతో భర్త నుంచి డబ్బు తీసుకుంటే అది సాధికారత ఎలా అవుతుంది. ఇలా చేసి స్వయంకృషితో ఎదిగిన మహిళ అని ఎలా చెప్పుకుంటారంటూ వ్యంగ్యంగా విమర్శించాడు.కాగా, చహల్‌, ధనశ్రీ వర్మ 2020లో ప్రేమించి పెళ్లి చేసుకున్నారు. కొరియోగ్రాఫర్‌ అయిన ధనశ్రీ దగ్గర చహల్‌ డాన్స్‌ నేర్చుకునేందుకు వెళ్లేవాడు. అక్కడ వారి పరిచయం ప్రేమగా మారి పెళ్లికి దారి తీసింది. పెళ్లి తర్వాత చహల్‌, ధనశ్రీ సోషల్‌మీడియాలో చాలా యాక్టివ్‌గా ఉండేవారు. ఈ ఏడాది మార్చి 20న చహల్‌, ధనశ్రీకి విడాకలు మంజూరయ్యాయి. గత ఏడాదిన్నరగా వీరిద్దరు కలిసి లేరని తెలుస్తుంది. అంటే వీరి వివాహ బంధం ముచ్చటగా మూడేళ్లు మాత్రమే సాగిందన్న మాట.ఇదిలా ఉంటే, చహల్‌ ప్రస్తుతం ఐపీఎల్‌-2025తో బిజీగా ఉన్న విషయం తెలిసిందే. చహల్‌ను ఇటీవలే (మెగా వేలంలో) పంజాబ్‌ కింగ్స్‌ రూ. 18 కోట్ల రికార్డు ధరకు సొంతం చేసుకుంది. చహల్‌ గత సీజన్‌ వరకు రాజస్థాన్‌ రాయల్స్‌కు ఆడాడు. అంతకుముందు అతను ఆర్సీబీకి ప్రాతినిథ్యం వహించే వాడు. చహల్‌ ఐపీఎల్‌లో అద్భుతంగా రాణిస్తున్నా టీమిండియాలో చోటు మాత్రం దక్కడం లేదు. పరిమిత ఓవర్ల క్రికెట్‌లో భారత స్పిన్‌ విభాగం​ అత్యంత పటిష్టంగా ఉండటంతో చహల్‌కు అవకాశాలు రావడం లేదు. చహల్‌ పంజాబ్‌ జెర్సీలో ఇవాళ (మార్చి 25) తన తొలి మ్యాచ్‌ ఆడనున్నాడు. నేటి మ్యాచ్‌లో పంజాబ్‌ గుజరాత్‌ను వారి సొంత మైదానంలో ఢీకొట్టనుంది. ధనశ్రీ విషయానికొస్తే.. ఆమె ఇటీవలే ఓ ప్రైవేట్‌ వీడియో ఆల్బమ్‌ రిలీజ్‌ చేసింది. ఈ వీడియోపై సోషల్‌మీడియాలో ద్వంద అభిప్రాయాలు వ్యక్తమవుతున్నాయి.

ఐపీఎల్‌ 2025లో భాగంగా నిన్న (మార్చి 24) జరిగిన రసవత్తర మ్యాచ్‌లో ఢిల్లీ క్యాపిటల్స్‌ చేతిలో లక్నో సూపర్‌ జెయింట్స్‌ షాకింగ్‌ ఓటమికి గురైంది. ఈ మ్యాచ్‌లో లక్నో గెలుపుకు సువర్ణావకాశాలు లభించినా ఒడిసి పట్టుకోలేకపోయింది. తొలుత బ్యాటింగ్‌ చేస్తూ అతి భారీ స్కోర్‌ చేసే అవకాశం (14 ఓవర్లలోనే 161 పరుగులు) వచ్చినా 209 పరుగులకే పరిమితమైంది. అనంతరం ఛేదనలో 113 పరుగులకే 6 వికెట్లు తీసినా మ్యాచ్‌ను కాపాడుకోలేకపోయింది. ఆశుతోష్‌ శర్మ (31 బంతుల్లో 66 నాటౌట్‌; 5 ఫోర్లు, 5 సిక్సర్లు), విప్రాజ్‌ నిగమ్‌ (15 బంతుల్లో 39; 5 ఫోర్లు, 2 సిక్సర్లు) మెరుపు ఇన్నింగ్స్‌లు ఆడి ఢిల్లీని గెలిపించారు.ఈ మ్యాచ్‌లో లక్నో ఓటమికి కెప్టెన్‌ పంత్‌ ప్రధాన కారకుడయ్యాడు. తొలుత బ్యాటింగ్‌లో 6 బంతులాడి డకౌట్‌ అయిన పంత్‌.. ఆతర్వాత ఛేదనలో అత్యంత కీలక సమయంలో స్టంపింగ్‌ మిస్‌ చేసి ఢిల్లీకి మ్యాచ్‌ను వదిలేశాడు. 9 వికెట్లు కోల్పోయిన ఢిల్లీకి చివరి ఓవర్‌లో గెలుపుకు 6 పరుగులు అవసరం​ కాగా.. తొలి బంతికి పంత్‌ మొహిత్‌ శర్మను స్టంపౌట్‌ చేసే సువర్ణావకాశాన్ని జారవిడిచాడు. ఆతర్వాతి బంతికి సింగిల్‌ తీసిన మోహిత్‌ అశుతోష్‌కు స్ట్రయిక్‌ ఇచ్చాడు. అ‍ప్పటికే జోష్‌లో ఉండిన అశుతోష్‌ మూడో బంతిని సిక్సర్‌గా మలిచి ఢిల్లీకి అపురూప విజయాన్నందించాడు.Bro ! Pant you lost the match here ! Misses the match stumping ! #LSGvsDC #IPL2025 #RishabhPant #starc #NupurSharma #kunalkamra #HarbhajanSingh #NicholasPooran #asutosh pic.twitter.com/BjzoJN0mQM— fart cat 🐱 smokimg🚬 (@gajendra87pal) March 24, 2025మ్యాచ్‌ అనంతరం లక్నో ఓనర్‌ సంజీవ్‌ గొయెంకా కెప్టెన్‌ పంత్‌ ప్రదర్శన పట్ల అసంతృప్తిగా ఉన్నట్లు కనిపించాడు. గొయెంకా-పంత్‌ వాడి వేడిగా చర్చిస్తున్నట్లు కనిపించే దృశ్యాలు సోషల్‌మీడియాలో వైరలవుతున్నాయి. వారి మధ్య సంభాషణ గతేడాది కేఎల్‌ రాహుల్‌ ఉదంతాన్ని గుర్తు చేసింది. గత సీజన్‌లో ఎస్‌ఆర్‌హెచ్‌ చేతిలో ఓటమి అనంతరం గొయెంకా నాటి కెప్టెన్‌ రాహుల్‌ను దుర్భాషలాడినట్లు ప్రచారం జరిగింది. తాజా ఓటమి తర్వాత గొయెంకా పం​త్‌పై కూడా అదే రేంజ్‌లో ఫైరయ్యాడని టాక్‌ నడుస్తుంది. ఈ ఘటన కారణంగానే రాహుల్‌ లక్నోను వీడాడన్నది కాదనలేని సత్యం. ఈ విషయంపై రాహుల్‌ ఎక్కడా నోరు విప్పకపోయినా ఆ సీన్‌ చూసిన జనాలకు విషయం ఇట్టే అర్దమవుతుంది. Once a toxic Manager always a toxic Manager #DCvLSGRishabh Pant #KLRahul Sanjiv Goenka pic.twitter.com/MmFZ4MlCRq— Ex Bhakt (@exbhakt_) March 24, 2025రాహుల్‌ను కాదనుకునే పంత్‌ను తెచ్చిపెట్టుకున్న గొయెంకా ఇప్పుడు అతనితోనూ అలాగే ప్రవర్తిస్తున్నట్లున్నాడు. ఇదే రిపీటైతే పంత్‌ కూడా వచ్చే సీజన్‌లో లక్నోకు టాటా చెప్పడం ఖాయం. కాగా, పంత్‌ను గొయెంకా ఈ సీజన్‌ మెగా వేలంలో ఐపీఎల్‌ చరిత్రలో అత్యధిక ధర (రూ. 27 కోట్లు) వెచ్చించి సొంతం చేసుకున్నాడు. పంత్‌ గత సీజన్‌ వరకు ఢిల్లీకి ఆడాడు. ఢిల్లీతో ఉన్న అనుబంధం ఇంకా తగ్గలేదో ఏమో మరి, ఈ మ్యాచ్‌లో పంత్‌ తన స్థాయి మేరకు రాణించలేకపోయాడు. ఇదే కొనసాగితే పంత్‌ మహా కోపిష్టి అయిన గొయెంకా చేతిలో మున్ముందైనా అవమానాలకు గురి కావల్సి ఉం‍టుంది. ఢిల్లీ తమ తదుపరి మ్యాచ్‌లో ఎస్‌ఆర్‌హెచ్‌ను వైజాగ్‌లో ఢీకొట్టనుంది. ఈ మ్యాచ్‌ మార్చి 30న మధ్యాహ్నం 3:30 గంటలకు ప్రారంభమవుతుంది.

సెలబ్రిటీలను ఆరాధ్య దైవంగా భావించే యువత మన దేశంలో చాలా మందే ఉన్నారు. క్రికెటర్లు, సినీ నటులను చూసేందుకు ఎంతకైనా తెగించేందుకు సిద్ధపడతారు. ఈ క్రమంలో.... ఒక్కోసారి తొందరపాటు చర్యలు, అత్యుత్సాహం కారణంగా జైలు పాలుకావాల్సిన పరిస్థితి కూడా వస్తుంది. పద్దెమినిదేళ్ల రితూపర్నో పఖిరా కూడా ఈ కోవకే చెందుతాడు.భారత్‌లో క్రికెట్‌ కూడా ఓ మతం లాంటిది. సచిన్‌ టెండుల్కర్‌ (Sachin Tendulkar), విరాట్‌ కోహ్లి, మహేంద్ర సింగ్‌ ధోని, రోహిత్‌ శర్మ (Rohit Sharma).. ఇలా టీమిండియా దిగ్గజాలను దేవుళ్లలా భావించే ఫ్యాన్స్‌ కోకొల్లలు. వారిలో ఒకడే రితూపర్నో. ఇండియన్‌ ప్రీమియర్‌ లీగ్‌ (IPL)- 2025 ఆరంభ మ్యాచ్‌ సందర్భంగా తన అభిమాన ఆటగాడు విరాట్‌ కోహ్లిని చూసేందుకు ఈడెన్‌ గార్డెన్స్‌లోకి దూసుకువచ్చాడు.ఒకరోజు జైలులోఈ రన్‌మెషీన్‌ పాదాలకు నమస్కరించి.. అతడిని ఆలింగనం చేసుకుని జన్మధన్యమైనట్లు తరించాడు. ఈ హఠాత్పరిణామంతో కంగుతిన్న భద్రతా సిబ్బంది పరుగుపరుగున వచ్చి రితూపర్నోను మైదానం నుంచి తీసుకుని వెళ్లి పోలీసులకు అప్పగించారు. పోలీసులు అతడిని అరెస్టు చేసి ఒకరోజు జైలులో ఉంచినట్లు సమాచారం. అనంతరం.. మెజిస్ట్రేట్‌ ముందు హాజరుపరచగా.. ఓ షరతు మీద రితూపర్నోకు బెయిల్‌ మంజూరు చేశారు. ఈ ఐపీఎల్‌ సీజన్‌ మొత్తం ఈడెన్‌ గార్డెన్స్‌ వైపు వెళ్లకుండా ఉండాలని మెజిస్ట్రేట్‌ రితూపర్నోకు కండిషన్‌ విధించారు. PC: BCCI/IPLపశ్చాత్తాపం లేదుఅయితే, అతడి వైఖరిలో మాత్రం ఎటువంటి మార్పూ రాలేదు. బెయిలు మీద బయటకు వచ్చిన తర్వాత టైమ్స్‌ ఆఫ్‌ ఇండియాతో మాట్లాడుతూ.. ‘‘విరాట్‌ కోహ్లి పాదాలను తాకగానే ఆయన నా భుజాలు పట్టుకుని పైకి లేపారు. నా పేరేమిటని అడిగారు.ఇక్కడి నుంచి త్వరగా పారిపో అని చెప్పారు. అంతేకాదు.. నా పట్ల కాస్త సౌమ్యంగా వ్యవహరించాలని భద్రతా సిబ్బందికి చెప్పారు కూడా. నన్ను కొట్టవద్దని వారికి పదే పదే చెప్పారు. ఎలాగైనా ఆరోజు మైదానంలోకి వెళ్లాలని నేను ముందుగానే ప్రణాళికలు రచించుకున్నా.ఈ విషయంలో నాకు ఎలాంటి పశ్చాత్తాపం లేదు. నా దేవుడి పాదాలు తాకే అవకాశం వచ్చినందుకు చాలా చాలా సంతోషంగా ఉన్నా’’ అని రితూపర్నో చెప్పడాన్ని బట్టి అతడి మానసిక పరిపక్వత ఎలా ఉందో అర్థం చేసుకోవచ్చు.పెద్ద మనసుతో క్షమించండిఅయితే, రితూపర్నో తల్లి మాత్రం తన కుమారుడు తెలియక చేసిన తప్పును క్షమించాలని న్యాయ వ్యవస్థను వేడుకుంటున్నారు. ‘‘విరాట్‌ కోహ్లిని ఆరాధిస్తాడు. వాడికి ఆయన దేవుడితో సమానం. అందుకే ఇలాంటి పని చేశాడు.వాడి వయసు, కెరీర్‌ను దృష్టిలో పెట్టుకుని పోలీసులు, న్యాయమూర్తి నా కుమారుడి తప్పులను పెద్ద మనసుతో క్షమించాలి’’ అని విజ్ఞప్తి చేశారు. కాగా రితూపర్నో 12వ ఏట నుంచి జమాల్‌పూర్‌లో ఉన్న నేతాజీ అథ్లెటిక్స్‌ క్లబ్‌లో క్రికెట్‌ కోచింగ్‌ తీసుకుంటున్నాడు. కాగా రితూపర్నో మైదానంలోకి దూసుకువచ్చి.. కోహ్లి కాళ్లు మొక్కడంపై భారత క్రికెట్‌ నియంత్రణ మండలి (బీసీసీఐ) ఉపాధ్యక్షుడు రాజీవ్‌ శుక్లా స్పందించిన తీరు విమర్శలకు దారి తీసిన విషయం తెలిసిందే.శుక్లా తీరుపై విమర్శలు‘‘కోహ్లి క్రేజ్‌ ఇలా ఉంటుంది’’ అని రాజీవ్‌ శుక్లా ట్వీట్‌ చేయగా.. ‘‘భద్రతా వైఫల్యాన్ని కప్పిపుచ్చుకునేందుకు ఇలాంటి మాటలు మాట్లాడుతున్నారా? ఒకవేళ ఆ వ్యక్తి సాధారణ పౌరుడు కాకుండా.. ఓ ఆటంకావాదో అయి ఉంటే కోహ్లి పరిస్థితి ఏమిటి? ఆటగాళ్లకు సరైన భద్రత కల్పించండి. అలాగే ఇలాంటి యువత తమ భవిష్యత్తు నాశనం చేసుకునేందుకు ఆస్కారం ఇవ్వకండి’’ అని నెటిజన్లు చురకలు అంటించారు.కాగా ఐపీఎల్‌-2025 కోల్‌కతాలోని ప్రఖ్యాత ఈడెన్‌ గార్డెన్స్‌లో అంగరంగ వైభవంగా శనివారం మొదలైంది. డిఫెండింగ్‌ చాంపియన్‌ కోల్‌కతా నైట్‌ రైడర్స్‌- రాయల్‌ చాలెంజర్స్‌ బెంగళూరు మధ్య జరిగిన ఆరంభ మ్యాచ్‌లో కోహ్లి అద్భుత ఇన్నింగ్స్‌ ఆడాడు. కేవలం 36 బంతుల్లోనే 59 పరుగులతో అజేయంగా నిలిచి బెంగళూరును గెలిపించాడు.ఐపీఎల్‌-2025: కోల్‌కతా వర్సెస్‌ ఆర్సీబీ స్కోర్లు👉కోల్‌కతా- 174/8 (20)👉ఆర్సీబీ- 177/3 (16.2)👉ఫలితం- ఏడు వికెట్ల తేడాతో కోల్‌కతాపై ఆర్సీబీ గెలుపుచదవండి: విఘ్నేశ్‌ పుతూర్‌ను ‘సన్మానించిన’ నీతా అంబానీ.. పాదాలకు నమస్కరించిన స్పిన్నర్‌

సాక్షి, సిటీబ్యూరో: సచిన్‌ టెండూల్కర్, రిషబ్‌ పంత్‌ తర్వాత ఆ్రస్టేలియాలో శతకం సాధించిన మూడో అత్యంత పిన్న వయస్కుడిగా తెలుగు క్రికెటర్‌ నితీష్‌ కుమార్‌ రెడ్డి చరిత్రలో నిలిచాడు. ఆ మ్యాచ్‌కు ముందు విరాట్‌ కోహ్లీ తనకు కానుకగా ఇచ్చిన షూతో ఆడి సెంచరీ చేశానని నితీష్‌ వెల్లడించాడు. ప్రస్తుతం జరుగుతున్న ఐపీఎల్‌ సీజన్‌లో హైదరాబాద్‌ జట్టు సన్‌ రైజర్స్‌ ఆల్‌రౌండర్‌గా నితీష్‌ కుమార్‌ రెడ్డి ఆడుతున్నాడు. ఈ నేపథ్యంలో తను బ్రాండ్‌ అంబాసిడర్‌గా వ్యవహరిస్తున్న ప్యూమా ఇండియా ఆధ్వర్యంలో నిర్వహించిన ఓ కార్యక్రమంలో తన క్రికెట్‌ అనుభవాలను పంచుకున్నాడు. విరాట్‌ కోహ్లీ ఇచ్చిన ప్రత్యేక బహుమతి మొదలు తన మొదటి టెస్ట్‌ అర్ధ శతకం తరువాత వేసిన పుష్పా స్టెప్‌ వరకూ నితీష్‌ పంచుకున్న అనుభవాలు ఆయన మాటల్లోనే.. కోహ్లీ షూ కోసం అబద్దం చెప్పాను.. ‘డ్రెస్సింగ్‌ రూమ్‌లో కోహ్లీ.. సర్ఫరాజ్‌ ఖాన్‌ వద్దకు వచ్చి ‘సర్ఫూ, నీ షూ సైజ్‌ ఎంత?’ అని అడగ్గా.. తను ‘తొమ్మిది’ అని చెప్పాడు. తర్వాత నన్ను చూసి షూ నంబర్‌ ఎంత అన్నాడు. ఆ క్షణం ఎలాగైనా నా ఫేవరెట్‌ కోహ్లీ బూట్లు పొందాలనే ఆశతో నా సైజ్‌ కాకుండా ‘పది’ అని చెప్పాను. వెంటనే కోహ్లీ వాటిని నాకు ఇచ్చాడు. తదుపరి మ్యాచ్‌లో ఆ షూస్‌ వేసుకుని సెంచరీ కొట్టాను. ఆ జ్ఞాపకం ఎప్పటికీ మర్చిపోలేను. 21 ఏళ్ల వయస్సులో మొదటి టెస్ట్‌ అర్ధ శతకాన్ని చేసిన తరుణంలో ఆ సంతోషాన్ని పుష్పా సినిమా తగ్గేదెలే అనే స్టయిల్లో సెలబ్రేట్‌ చేసుకున్నాను. ‘నేను తెలుగు సినిమా అభిమాని.. నేను తెలుగు వాడిని కాబట్టి టాలీవుడ్‌ అభిమానులు ఆనందించేలా సెలబ్రేట్‌ చేసుకున్నాను. తర్వాతి మ్యాచ్‌లలో కూడా మరికొన్ని సినిమా సెలబ్రేషన్స్‌ ప్లాన్‌ చేసుకున్నాను.నా విజయంలో మామయ్య త్యాగం.. నా క్రికెట్‌ ప్రయాణంలో కుటుంబ ప్రాముఖ్యత ప్రధానమైనది. ఆర్థిక పరిస్థితులు అనుకూలించకపోయినా.. మా మామయ్య అండగా నిలిచాడు. ‘ఆర్థిక సమస్యల కారణంగా మా నాన్న నాకు స్పైక్‌ షూస్, క్రికెట్‌ బ్యాట్‌ కొనలేని సందర్భాల్లో మామయ్య తన తక్కువ జీతంలోనే నేను కోరుకున్న విరాట్‌ కోహ్లీ ధరించే షూస్‌ కొనిచ్చాడు. ఆ బూట్లు వేసుకుని మైదానంలో కోహ్లీలా ఫీలయ్యేవాడిని. అలాంటిది 2024లో ప్యూమా ఇండియా బ్రాండ్‌ అంబాసిడర్‌గా మారడం గర్వంగా ఉంది. పాడ్‌కాస్ట్‌లో మామయ్యకు వీడియో కాల్‌ చేసి, ప్యూమా షూస్‌ గిఫ్ట్‌గా ఇస్తున్నట్టు తెలిపాను. ఆయన చేసిన త్యాగం తీర్చలేనిది.. ఇది ఆయనను సంతోషపెట్టడానికి నా చిన్న ప్రయత్నం.కాగా, గత సీజన్‌ రన్నరప్‌ అయిన సన్‌రైజర్స్‌ హైదరాబాద్‌ ఈ సీజన్‌ను మెరుపు విజయంతో ప్రారంభించింది. సొంత మైదానంలో రాజస్థాన్‌ రాయల్స్‌తో జరిగిన మ్యాచ్‌లో ఆరెంజ్‌ ఆర్మీ 44 పరుగుల తేడాతో గెలుపొందింది. ఈ మ్యాచ్‌లో తొలుత బ్యాటింగ్‌ చేసిన సన్‌రైజర్స్‌ ఇషాన్‌ కిషన్‌ సుడిగాలి సెంచరీతో విరుచుకుపడటంతో 286 పరుగుల రికార్డు స్కోర్‌ చేసింది. సన్‌రైజర్స్‌ భారీ స్కోర్‌లో నితీశ్‌ కూడా భాగమయ్యాడు. 15 బంతుల్లో 4 ఫోర్లు, సిక్సర్‌ సాయంతో 30 పరుగులు చేశాడు. దాదాపుగా అసాధ్యమైన లక్ష్యం కావడంతో రాయల్స్‌ ఛేదనలో తడబడింది. అయినా ఆ జట్టు అద్భుతంగా పోరాడి 20 ఓవర్లలో 242 పరుగులు చేయగలిగింది. సంజూ శాంసన్‌, దృవ్‌ జురెల్‌ మెరుపు అర్ద సెంచరీలతో పోరాడారు. సన్‌రైజర్స్‌ తమ తదుపరి మ్యాచ్‌ను లక్నో సూపర్‌ జెయింట్స్‌తో ఆడుతుంది. ఈ మ్యాచ్‌ మార్చి 27న హైదరాబాద్‌లోనే జరుగనుంది.

ఇండియన్‌ ప్రీమియర్‌ లీగ్‌ (IPL)- 2025 సీజన్‌ను ఢిల్లీ క్యాపిటల్స్‌ గెలుపుతో ఆరంభించింది. ల​క్నో సూపర్‌ జెయింట్స్‌తో ఆఖరి వరకు ఉత్కంఠగా సాగిన పోరులో ఒక్క వికెట్‌ తేడాతో సంచలన విజయం సాధించింది. ఇందుకు ప్రధానం కారణం ఢిల్లీ లోయర్‌ ఆర్డర్‌ బ్యాటర్లు.సుడిగాలి ఇన్నింగ్స్‌ముఖ్యంగా ఏడో స్థానంలో బ్యాటింగ్‌ చేసిన అశుతోష్‌ శర్మ (Ashutosh Sharma) ఆకాశమే హద్దుగా చెలరేగడంతో.. చేజారిందనుకున్న మ్యాచ్‌ ఢిల్లీ సొంతమైంది. 26 ఏళ్ల ఈ బ్యాటింగ్‌ ఆల్‌రౌండర్‌.. కేవలం 31 బంతుల్లోనే 66 పరుగులతో అజేయంగా నిలిచి జట్టును విజయతీరాలకు చేర్చడంలో కీలక పాత్ర పోషించాడు. ఇంపాక్ట్‌ ప్లేయర్‌గా బరిలోకి దిగిన అశుతోష్‌ ఇన్నింగ్స్‌లో ఐదు ఫోర్లు, ఐదు సిక్సర్లు ఉన్నాయి.ఇక లక్నోతో మ్యాచ్‌ సందర్భంగా సుడిగాలి ఇన్నింగ్స్‌ ఆడిన అశుతోష్‌ శర్మ సరికొత్త చరిత్ర సృష్టించాడు. ఐపీఎల్‌లో.. విజయంతమైన లక్ష్య ఛేదనలో ఏడు లేదంటే ఆ తర్వాతి స్థానాల్లో బ్యాటింగ్‌కు వచ్చి.. అత్యధిక స్కోరు సాధించిన భారత తొలి బ్యాటర్‌గా నిలిచాడు. ఈ క్రమంలో యూసఫ్‌ పఠాన్‌ రికార్డును అశుతోష్‌ బద్దలు కొట్టాడు.సెంచూరియన్‌ వేదికగా 2009లో యూసఫ్‌ పఠాన్‌ రాజస్తాన్‌ రాయల్స్‌ తరఫున బరిలోకి దిగి.. ఢిల్లీపై 62 పరుగులు సాధించి నాడు తన జట్టును గెలిపించుకున్నాడు. ఇక ఈ జాబితాలో ఓవరాల్‌గా డ్వేన్‌ బ్రావో 68 పరుగులతో టాప్‌లో కొనసాగుతున్నాడు.ఏడు లేదా ఆ తర్వాతి స్థానాల్లో వచ్చి లక్ష్య ఛేదనలో జట్టును గెలిపించిన బ్యాటర్లు👉డ్వేన్‌ బ్రావో- 2018లో ముంబై వేదికగాచెన్నై సూపర్‌ కింగ్స్‌ తరఫున ముంబై ఇండియన్స్‌పై 68 పరుగులు👉అశుతోష్‌ శర్మ- 2025లో విశాఖపట్నం వేదికగా ఢిల్లీ క్యాపిటల్స్‌ తరఫున లక్నో సూపర్‌ జెయింట్స్‌పై 66 నాటౌట్‌👉ఆండ్రీ రసెల్‌- 2015లో పుణె వేదికగా కోల్‌కతా నైట్‌ రైడర్స్‌ తరఫున పంజాబ్‌ కింగ్స్‌పై 66 పరుగులు👉యూసఫ్‌ పఠాన్‌- 2009లొ సెంచూరియన్‌ వేదికగా రాజస్తాన్‌ రాయల్స్‌ తరఫున ఢిల్లీపై 62 పరుగులు👉ప్యాట్‌ కమిన్స్‌- 2022లో పుణె వేదికగా కోల్‌కతా నైట్‌ రైడర్స్‌ తరఫున ముంబై ఇండియన్స్‌పై 56 పరుగులుమొదటి జట్టుగా ఢిల్లీ అరుదైన రికార్డుమరోవైపు.. ఢిల్లీ క్యాపిటల్స్‌ కూడా సరికొత్త రికార్డు సాధించింది. ఐపీఎల్‌ చరిత్రలో ఓ జట్టు తరఫున ఏడు, ఆ తర్వాతి స్థానాల్లో వచ్చిన బ్యాటర్లు వందకు పైగా పరుగులు సాధించి.. జట్టును గెలిపించడం ఇదే తొలిసారి. అంతకు ముందు ఈ రికార్డు చెన్నై సూపర్‌ కింగ్స్‌ పేరిట ఉండేది. 2018లో ముంబై ఇండియన్స్‌తో మ్యాచ్‌ సందర్భంగా చెన్నై లోయర్‌ ఆర్డర్‌ బ్యాటర్లు 79 పరుగులు చేసి జట్టును గెలిపించారు.ఏడు లేదా ఆ తర్వాతి స్థానాల్లోని బ్యాటర్లు లక్ష్య ఛేదనలో అత్యధిక పరుగులతో జట్టును గెలిపించిన సందర్భాలు👉2025- ఢిల్లీ క్యాపిటల్స్‌- లక్నో సూపర్‌ జెయింట్స్‌పై 113 రన్స్‌👉2018- చెన్నై సూపర్‌ కింగ్స్‌- ముంబై ఇండియన్స్‌పై 79 పరుగులు.ఐపీఎల్‌-2025: ఢిల్లీ వర్సెస్‌ లక్నో👉వేదిక: డాక్టర్‌ వైఎస్‌ రాజశేఖరరెడ్డి ఏసీఏ- వీడీసీఏ క్రికెట్‌ స్టేడియం, విశాఖపట్నం👉టాస్‌: ఢిల్లీ క్యాపిటల్స్‌.. తొలుత బౌలింగ్‌👉లక్నో స్కోరు: 209/8 (20)👉ఢిల్లీ స్కోరు: 211/9 (19.3)👉ఫలితం: ఒక వికెట్‌ తేడాతో లక్నోపై ఢిల్లీ గెలుపు👉ప్లేయర్‌ ఆఫ్‌ ది మ్యాచ్‌: అశుతోష్‌ శర్మ. చదవండి: అలా అయితే.. నేను జట్టులో ఉండటం వేస్ట్‌: ధోనిClose finish ✅Safe to say, the #DC dugout was a bunch of emotions in those last couple of overs of a nail-biter! 😦 ☺𝗥𝗮𝘄 𝗩𝗶𝘀𝘂𝗮𝗹𝘀! 🎥 🔽 #TATAIPL | #DCvLSG | @DelhiCapitals pic.twitter.com/0EIdIQ7VTt— IndianPremierLeague (@IPL) March 25, 2025

ఐపీఎల్‌ 2025లో ఇవాళ (మార్చి 25) గుజరాత్‌ టైటాన్స్‌, పంజాబ్‌ కింగ్స్‌ తలపడనున్నాయి. ఈ మ్యాచ్‌లో గుజరాత్‌ హోం గ్రౌండ్‌ నరేంద్ర మోదీ స్టేడియంలో జరుగనుంది. రాత్రి 7:30 గంటలకు ఈ మ్యాచ్‌ ప్రారంభం కానుంది. ఈ మ్యాచ్‌కు ముందు గుజరాత్‌, పంజాబ్‌ ఐదు సందర్భాల్లో ఎదురుపడ్డాయి. ఇందులో గుజరాత్‌ 3, పంజాబ్‌ 2 మ్యాచ్‌ల్లో గెలుపొందాయి. ఇరు జట్ల మధ్య చివరిగా జరిగిన మ్యాచ్‌లో పంజాబ్‌ విజయం సాధించింది. గత సీజన్‌లో జరిగిన ఆ మ్యాచ్‌లో పంజాబ్‌ గుజరాత్‌ను వారి సొంత మైదానంలోనే ఓడించింది.ఈ సీజన్‌లో గుజరాత్‌ సాధారణ జట్టుతో బరిలోకి దిగనుండగా.. పంజాబ్‌ విధ్వంసకర ఆల్‌రౌండర్లతో తమ తొలి టైటిల్‌ వేటను ప్రారంభించనుంది. గుజరాత్‌ సైతం జోస్‌ బట్లర్‌, గ్లెన్‌ ఫిలిప్స్‌ లాంటి మెరుపు వీరులను కొత్తగా జట్టులో చేర్చుకున్నా.. పంజాబ్‌ హిట్టర్లు స్టోయినిస్‌, మ్యాక్స్‌వెల్‌ ముందు వారు దిగదుడుపే అనిపిస్తుంది. ఈ సీజన్‌లో పంజాబ్‌ శ్రేయస్‌ అయ్యర్‌ను కెప్టెన్‌గా చేసుకోగా.. గుజరాత్‌ శుభ్‌మన్‌ గిల్‌ నేతృత్వంలోనే తమ అదృష్టాన్ని పరీక్షించుకోనుంది.ఈ సీజన్‌లో గుజరాత్‌తో పోలిస్తే.. పంజాబ్‌ అన్ని విభాగాల్లో పటిష్టంగా కనిపిస్తుంది. పంజాబ్‌లో విధ్వంసకర బ్యాటర్లు (శ్రేయస్‌, ప్రభ్‌సిమ్రన్‌, శశాంక్‌ సింగ్‌), ఆల్‌రౌండర్లతో (స్టోయినిస్‌, మ్యాక్స్‌వెల్‌, జన్సెన్‌) పాటు లోకీ ఫెర్గూసన్‌, అర్షదీప్‌ సింగ్‌, చహల్‌ లాంటి స్పెషలిస్ట్‌ బౌలర్లు ఉన్నారు.గుజరాత్‌ విషయానికొస్తే.. ఈ జట్టులో కూడా గిల్‌, బట్లర్‌, ఫిలిప్స్‌, తెవాటియా, షారుక్‌ ఖాన్‌ లాంటి విధ్వంసకర బ్యాటర్లు ఉన్నా నాణ్యమైన ఆల్‌రౌండర్లు కొరవడ్డారు. వాషింగ్టన్‌ సుందర్‌ ఉన్నా అతను అంత ప్రభావితం చేయగలడో లేదో చూడాలి. రషీద్‌ ఖాన్‌ వారి బౌలింగ్‌ తరుపుముక్క అనడంలో సందేహం లేదు. ఈ సీజన్‌లో గుజరాత్‌ కొత్తగా రబాడ, మహ్మద్‌ సిరాజ్‌, ప్రసిద్ద్‌ కృష్ణ లాంటి పేసర్లను పంచన చేర్చుకుంది.అరంగేట్రం నాటి నుంచి గుజరాత్‌ ఇలాగే సాధారణ జట్టులా కనిపించినా అద్భుత విజయాలు సాధించిన విషయాన్ని గమనించాలి. ఆ జట్టుకు ఐపీఎల్‌లో ఏ జట్టుకూ లేని విజయాల శాతం ఉంది. గుజరాత్‌ ఐపీఎల్‌లో ఇప్పటివరకు ఆడిన 45 మ్యాచ్‌ల్లో 28 గెలిచి 17 మ్యాచ్‌ల్లో మాత్రమే ఓడింది. ఈ జట్టు హార్దిక్‌ నేతృత్వంలో ఓ సారి టైటిల్‌ సాధించి, ఓ సారి రన్నరప్‌గా నిలిచింది. గుజరాత్‌కు (24 మ్యాచ్‌ల్లో 17 విజయాలు) ఛేదనలోనూ మంచి రికార్డు ఉంది. గతాన్ని పక్కన పెడితే నేటి మ్యాచ్‌లో ఏ జట్టు గెలుస్తుందో వేచి చూడాలి.నేటి మ్యాచ్‌లో తుది జట్ల అంచనా..గుజరాత్‌: శుభ్‌మన్ గిల్ (కెప్టెన్‌), జోస్ బట్లర్, సాయి సుదర్శన్, షారుక్ ఖాన్, గ్లెన్ ఫిలిప్స్, వాషింగ్టన్ సుందర్, రాహుల్ తెవాటియా, రషీద్ ఖాన్, కగిసో రబడ, ప్రసిద్ధ్ కృష్ణ, మహ్మద్ సిరాజ్పంజాబ్‌: శ్రేయస్ అయ్యర్ (కెప్టెన్‌), ప్రభ్‌సిమ్రన్ సింగ్, ప్రియాంష్ ఆర్య, మార్కస్ స్టోయినిస్, గ్లెన్ మాక్స్‌వెల్, శశాంక్ సింగ్, మార్కో జన్సెన్, హర్‌ప్రీత్ బ్రార్, లాకీ ఫెర్గూసన్, అర్ష్‌దీప్ సింగ్‌, యుజ్వేంద్ర చాహల్,పూర్తి జట్లు..పంజాబ్ కింగ్స్: జోష్ ఇంగ్లిస్, ప్రభ్‌సిమ్రాన్ సింగ్, శ్రేయస్ అయ్యర్(కెప్టెన్‌), గ్లెన్ మాక్స్‌వెల్, నేహాల్ వధేరా, మార్కస్ స్టోయినిస్, శశాంక్ సింగ్, మార్కో జన్సెన్, హర్‌ప్రీత్ బ్రార్, అర్ష్‌దీప్ సింగ్, యుజ్వేంద్ర చాహల్, విజయ్‌కుమార్ వైశాక్, ప్రవీణ్‌ దూబే, లోకీ ఫెర్గూసన్‌, జేవియర్‌ బార్ట్‌లెట్‌, విష్ణు వినోద్‌, యశ్ ఠాకూర్, ఆరోన్ హార్డీ, అజ్మతుల్లా ఒమర్జాయ్, కుల్దీప్ సేన్, ప్రియాంష్ ఆర్య, సూర్యాంశ్ షెడ్గే, హర్నూర్ సింగ్, ముషీర్ ఖాన్, పైలా అవినాష్గుజరాత్ టైటాన్స్: జోస్ బట్లర్, శుభ్‌మన్ గిల్(కెప్టెన్‌), సాయి సుదర్శన్, గ్లెన్ ఫిలిప్స్, షారుక్ ఖాన్, వాషింగ్టన్ సుందర్, రాహుల్ తెవాటియా, రషీద్ ఖాన్, రవిశ్రీనివాసన్ సాయి కిషోర్, కగిసో రబడ, మహమ్మద్ సిరాజ్, ప్రసిద్ధ్ కృష్ణ, ఇషాంత్ శర్మ, జయంత్‌ యాదవ్‌, మహిపాల్‌ లోమ్రార్‌, కరీమ్‌ జనత్‌, కుల్వంత్ ఖేజ్రోలియా, అనుజ్ రావత్, గెరాల్డ్ కోయెట్జీ, షెర్ఫన్‌ రూథర్‌ఫోర్డ్, మానవ్ సుతార్, కుమార్ కుషాగ్రా, అర్షద్ ఖాన్, గుర్నూర్ బ్రార్, నిశాంత్ సింధు

ఆక్లాండ్‌: మరో అవకాశం కోసం వేచి చూడకుండా... అందివచ్చిన అవకాశాన్ని సద్వినియోగం చేసుకొని... న్యూజిలాండ్‌ పురుషుల ఫుట్‌బాల్‌ జట్టు దర్జాగా ప్రపంచకప్‌ ప్రధాన టోర్నమెంట్‌కుఅర్హత సాధించింది. పది దేశాలు పోటీపడ్డ ఓసియానియా జోన్‌ నుంచి 2026 ప్రపంచకప్‌ టోర్నీ (FIFA 2026 World Cup)కి అర్హత పొందిన తొలి జట్టుగా న్యూజిలాండ్‌ నిలిచింది. సోమవారం జరిగిన ఓసియానియా జోన్‌ ఫైనల్లో న్యూజిలాండ్‌ 3–0 గోల్స్‌ తేడాతో న్యూ కాలడోనియా జట్టుపై గెలిచింది.న్యూజిలాండ్‌ తరఫున మైకేల్‌ జోసెఫ్‌ బాక్సల్‌ (61వ నిమిషంలో), బార్సరూసెస్‌ (66వ నిమిషంలో), హెన్రీ జస్ట్‌ (80వ నిమిషంలో) ఒక్కో గోల్‌ చేశారు. ఫైనల్లో ఓడిపోయిన న్యూ కాలడోనియా జట్టుకు ప్రపంచకప్‌ బెర్త్‌ దక్కించుకునే మరో అవకాశం మిగిలి ఉంది. ఆసియా, ఆఫ్రికా, ఉత్తర, మధ్య, దక్షిణా అమెరికా జోన్‌లకు చెందిన ఆరు జట్లు పోటీపడే ఇంటర్‌ కాంటినెంటల్‌ ప్లే ఆఫ్‌ టోర్నీలో విజేతగా నిలిస్తే న్యూ కాలడోనియా జట్టు కూడా ప్రపంచకప్‌కు అర్హత పొందుతుంది. 2026లో ప్రపంచకప్‌ టోర్నీకి అమెరికా, మెక్సికో, కెనడా దేశాలు సంయుక్తంగా ఆతిథ్యమివ్వనున్నాయి. ఆతిథ్య దేశాల హోదాలో అమెరికా, కెనడా, మెక్సికో ఇప్పటికే ప్రపంచకప్‌కు అర్హత పొందగా... జపాన్, న్యూజిలాండ్‌ ఈ మూడు జట్లతో చేరాయి. వందేళ్ల చరిత్ర కలిగిన ప్రపంచకప్‌ టోర్నీలో న్యూజిలాండ్‌ పోటీపడనుండటం ఇది మూడోసారి. తొలిసారి 1982లో వరల్డ్‌కప్‌లో ఆడిన న్యూజిలాండ్‌ రెండోసారి 2010 ప్రపంచకప్‌లో పోటీపడింది. ఆ తర్వాత 2014, 2018, 2022 ప్రపంచకప్‌ టోరీ్నలకు న్యూజిలాండ్‌ అర్హత సాధించడంలో విఫలమైంది. సెమీస్‌లో పోర్చుగల్‌ లిస్బన్‌: నేషన్స్‌ లీగ్‌ టోర్నమెంట్‌లో పోర్చుగల్‌ సెమీఫైనల్లోకి దూసుకెళ్లింది. డెన్మార్క్‌తో జరిగిన రెండో అంచె క్వార్టర్‌ ఫైనల్లో పోర్చుగల్‌ 5–2 గోల్స్‌ తేడాతో గెలిచింది. తొలి అంచె క్వార్టర్‌ ఫైనల్లో డెన్మార్క్‌ చేతిలో ఒక గోల్‌ తేడాతో ఓడిన పోర్చుగల్‌ ఈ మ్యాచ్‌లో స్పష్టమైన విజయాన్ని అందుకుంది. నిరీ్ణత సమయం ముగిసేసరికి పోర్చుగల్‌ 3–2తో గెలిచింది. అయితే గోల్స్‌ సగటు 3–3తో సమం కావడంతో విజేతను నిర్ణయించేందుకు అదనపు సమయం ఆడించారు. అదనపు సమయంలో పోర్చుగల్‌ మరో రెండు గోల్స్‌ సాధించింది.

సరైన సమయంలో సరైన నిర్ణయం తీసుకోవడం కూడా పెద్ద పరీక్షలాంటిదే. క్రీడాకారుడిగా కెరీర్‌ బాగా సాగుతున్న దశలోనే ఆట నుంచి వీడ్కోలు తీసుకోవాలంటే తెగువ అవసరం. ఆశించిన విజయాలు లభించకపోయినా... ఆటగాడిగా కొనసాగుతూ... ఇతరుల అవకాశాలను ప్రభావితం చేసే బదులు... వర్ధమాన క్రీడాకారులు తమ కెరీర్‌లో మరింత ఎదిగేందుకు మార్గదర్శిగా మారడం విజ్ఞుల లక్షణం. ఆ కోవలోకే తాను వస్తానని తెలంగాణకు చెందిన అంతర్జాతీయ బ్యాడ్మింటన్‌ క్రీడాకారుడు బసి సుమీత్‌ రెడ్డి చాటుకున్నాడు. ప్రపంచ బ్యాడ్మింటన్‌ సమాఖ్య (బీడబ్ల్యూఎఫ్‌) మిక్స్‌డ్‌ డబుల్స్‌ ర్యాంకింగ్స్‌లో 25వ ర్యాంక్‌లో ఉన్న సుమీత్‌ రెడ్డి క్రీడాకారుడిగా తన ఇన్నింగ్స్‌ ముగిసిందని సోమవారం ప్రకటించాడు. కోచ్‌ రూపంలో ఇప్పటికే రెండో ఇన్నింగ్స్‌ మొదలుపెట్టానని... భవిష్యత్‌లో భారత్‌కు మెరికల్లాంటి షట్లర్లను తయారు చేయడమే లక్ష్యంగా కోచ్‌గా స్థిరపడతానని సుమీత్‌ స్పష్టం చేశాడు. సాక్షి, హైదరాబాద్‌: బ్యాడ్మింటన్‌లో ఉన్న అన్ని ప్రముఖ టోర్నమెంట్‌లలో... నాలుగేళ్లకోసారి జరిగే ఆసియా క్రీడలు, కామన్వెల్త్‌ గేమ్స్, ఒలింపిక్స్‌ క్రీడల్లో భారత జట్టుకు ప్రాతినిధ్యం వహించే అవకాశం దక్కించుకోవడమంటే ఆషామాషీ కాదు. తెలంగాణకు చెందిన 33 ఏళ్ల బుసి సుమీత్‌ రెడ్డి తన కెరీర్‌లో ఇవన్నీ సాకారం చేసుకున్నాడు. ఇక తన కెరీర్‌లో మళ్లీ ఉన్నతస్థితికి చేరుకునే అవకాశం లేదని భావించిన సుమీత్‌ ఆటకు వీడ్కోలు పలకడమే ఉత్తమం అని ఆలోచించాడు. తన ఆలోచనను నిజం చేస్తూ బ్యాడ్మింటన్‌ క్రీడాకారుడిగా రిటైర్‌ అవుతున్నట్లు సోమవారం ఇన్‌స్ట్రాగామ్‌ వేదికగా ప్రకటించాడు.ఇక మీదట తన దృష్టంతా కోచింగ్‌పైనే ఉంటుందని ఈ సందర్భంగా సుమీత్‌ రెడ్డి స్పష్టం చేశాడు. ‘రిటైరయ్యాను. గర్వంగా ఉన్నాను. కెరీర్‌లోని తర్వాతి అధ్యాయం కోసం ఉత్సుకతతో ఉన్నాను. నేనీ స్థాయికి చేరుకోవడంలో ముఖ్యపాత్ర పోషించిన కుటుంబసభ్యులు, మిత్రులు, శ్రేయోభిలాషులకు కృతజ్ఞతలు తెలుపుకుంటున్నాను’ అని సుమీత్‌ తన పోస్ట్‌లో పేర్కొన్నాడు. ‘నా పరిమితికి మించి ఫలితాలు సాధించాలనే లక్ష్యంతో నిరంతరం శ్రమించాను. ప్రస్తుతం ప్రపంచ ర్యాంకింగ్స్‌లో 25వ స్థానంలో ఉన్నప్పటికీ నా కెరీర్‌లో ఉన్నత దశ దాటిపోయానని భావిస్తున్నాను. ఇతరత్రా కారణాలతోనూ నా ప్రొఫెషనల్‌ కెరీర్‌ నుంచి వైదొలుగుతున్నాను. ఇక ఆటను ఆపేయాలనే సంకేతాలు మన మదిలో మెదిలినపుడు ఎలాంటి సంకోచం లేకుండా నిర్ణయం తీసుకోవాలి. వెన్నునొప్పి కారణంగా ఒకదశలో వైద్యులు బ్యాడ్మింటన్‌ను వదిలేయాలని సూచించారు. కానీ హెడ్‌ కోచ్‌ పుల్లెల గోపీచంద్‌ ఇచి్చన ప్రోత్సాహంతో, ఆయన ఇచ్చిన సలహాలతో డబుల్స్‌ వైపు అడుగులు వేసి కెరీర్‌ను తీర్చిదిద్దుకున్నాను’ అని సుమీత్‌ వ్యాఖ్యానించాడు. నాన్న ప్రోద్భలంతో... అథ్లెటిక్స్‌ నేపథ్యమున్న తన తండ్రి భాస్కర్‌ రెడ్డి ప్రోత్సాహంతో 2001లో బ్యాడ్మింటన్‌ రాకెట్‌ పట్టిన సుమీత్‌ 2007లో ఆసియా జూనియర్‌ చాంపియన్‌షిప్‌లో భారత జూనియర్‌ జట్టుకు తొలిసారి ప్రాతినిధ్యం వహించాడు. ఐదేళ్ల తర్వాత 2012లో చైనా ఓపెన్‌ సూపర్‌ సిరీస్‌ టోర్నీ ద్వారా భారత సీనియర్‌ జట్టు తరఫున తొలిసారి బరిలోకి దిగాడు. అప్పటి నుంచి పుష్కరకాలం పాటు జాతీయ జట్టులో సభ్యుడిగా కొనసాగాడు.భార్య సిక్కి రెడ్డికి జోడీగామనూ అత్రితో కలిసి సుమీత్‌ రెడ్డి 2015లో పురుషుల డబుల్స్‌లో కెరీర్‌ బెస్ట్‌ 17వ ర్యాంక్‌ను అందుకోగా... భార్య సిక్కి రెడ్డితో కలిసి సుమీత్‌ 2025 మార్చిలో మిక్స్‌డ్‌ డబుల్స్‌లో కెరీర్‌ బెస్ట్‌ 25వ ర్యాంక్‌లో నిలిచాడు. 2014 ఇంచియోన్‌ ఆసియా క్రీడల్లో, 2018 జకార్తా ఆసియా క్రీడల్లో టీమ్‌ విభాగంలో భారత జట్టుకు ప్రాతినిధ్యం వహించిన సుమీత్‌ రెడ్డి 2016 రియో ఒలింపిక్స్‌లో మనూ అత్రికి కలిసి పురుషుల డబుల్స్‌ విభాగంలో పోటీపడ్డాడు. ఒక విజయం, రెండు పరాజయాలు నమోదు చేసుకొని సుమీత్‌ రెడ్డి–మనూ అత్రి ద్వయం రియో ఒలింపిక్స్‌లో గ్రూప్‌ దశలోనే నిష్క్రమించింది. 12 అంతర్జాతీయ టైటిల్స్‌... 2022 బర్మింగ్‌హామ్‌ కామన్వెల్త్‌ గేమ్స్‌లో మిక్స్‌డ్‌ టీమ్‌ ఈవెంట్‌లో రజతం నెగ్గిన భారత జట్టులో సుమీత్‌ సభ్యుడిగా ఉన్నాడు. 2016లో హైదరాబాద్‌ వేదికగా జరిగిన ఆసియా టీమ్‌ చాంపియన్‌షిప్‌లో కాంస్యం సాధించిన టీమిండియాలోనూ సుమీత్‌ సభ్యుడిగా నిలిచాడు. 2016లో గువాహటిలో జరిగిన దక్షిణాసియా క్రీడల్లో, 2019లో కఠ్మాండూలో జరిగిన దక్షిణాసియా ఆసియా క్రీడల్లో సుమీత్‌ రెడ్డి పురుషుల డబుల్స్, పురుషుల టీమ్‌ ఈవెంట్స్‌లో స్వర్ణ పతకాలు సొంతం చేసుకున్నాడు.ప్రపంచ బ్యాడ్మింటన్‌ సమాఖ్య (బీడబ్ల్యూఎఫ్‌) సర్క్యూట్‌లో సుమీత్‌ రెడ్డి ఓవరాల్‌గా 12 టైటిల్స్‌ సాధించాడు. ఇందులో గ్రాండ్‌ప్రి స్థాయికి చెందిన రెండు పురుషుల డబుల్స్‌ టైటిల్స్‌ (2015లో మనూ అత్రితో కలిసి మెక్సికో సిటీ గ్రాండ్‌ప్రి; 2016లో మనూ అత్రితో కలిసి కెనడా ఓపెన్‌) ఉన్నాయి. అంతర్జాతీయ చాలెంజ్, అంతర్జాతీయ సిరీస్‌ కేటగిరీల్లో కలిపి సుమీత్‌ 10 టైటిల్స్‌ గెలిచాడు. 2021లో భార్య సిక్కి రెడ్డితో కలిసి హైదరాబాద్‌లో సిక్కీ సుమీత్‌ బ్యాడ్మింటన్‌ అకాడమీని ప్రారంభించి ఒకవైపు కెరీర్‌ను కొనసాగిస్తూనే చిన్నారులకు శిక్షణ ఇచ్చాడు. ప్రస్తుతం జాతీయ డబుల్స్‌ కోచ్‌ల ప్యానెల్‌లో సభ్యుడిగా ఉన్న సుమీత్‌ భవిష్యత్‌లో భారత జట్టు బ్యాడ్మింటన్‌ పవర్‌హౌస్‌గా మారుతుందని విశ్వాసం వ్యక్తం చేశాడు.

ఐపీఎల్‌ 2025లో భాగంగా నిన్న (మార్చి 24) జరిగిన రసవత్తర సమరంలో లక్నో సూపర్‌ జెయింట్స్‌పై ఢిల్లీ క్యాపిటల్స్‌ పరుగు తేడాతో గెలిచింది. లక్నో నిర్దేశించిన భారీ లక్ష్య ఛేదనలో ఢిల్లీ ఆదిలో తడబడినా చివరికి విజయం సాధించింది. ఆశుతోష్‌ శర్మ (31 బంతుల్లో 66 నాటౌట్‌; 5 ఫోర్లు, 5 సిక్సర్లు), విప్రాజ్‌ నిగమ్‌ (15 బంతుల్లో 39; 5 ఫోర్లు, 2 సిక్సర్లు) సంచలన ఇన్నింగ్స్‌లు ఆడి ఢిల్లీని గెలిపించారు.టాస్‌ ఓడి తొలుత బ్యాటింగ్‌ చేసిన లక్నో.. మిచెల్‌ మార్ష్‌ (36 బంతుల్లో 72; 6 ఫోర్లు, 6 సిక్సర్లు), నికోలస్‌ పూరన్‌ (30 బంతుల్లో 75; 6 ఫోర్లు, 7 సిక్సర్లు) విధ్వంసకర ఇన్నింగ్స్‌లతో విరుచుకుపడటంతో నిర్ణీత ఓవర్లలో 8 వికెట్ల నష్టానికి 209 పరుగులు చేసింది. అనంతరం ఛేదనలో 65 పరుగులకే సగం వికెట్లు కోల్పోయిన ఢిల్లీని అశుతోష్‌.. ట్రిస్టన్‌ స్టబ్స్‌ (22 బంతుల్లో 34; ఫోర్‌, 3 సిక్సర్లు), విప్రాజ్‌ నిగమ్‌ సాయంతో గెలిపించాడు. అప్పటికే 9 వికెట్లు కోల్పోయిన ఢిల్లీకి చివరి ఓవర్‌లో గెలుపుకు 6 పరుగులు కావాలి. తొలి బంతికి లక్నో కెప్టెన్‌ రిషబ్‌ పంత్‌ మోహిత్‌ శర్మ స్టంపింగ్‌ను మిస్‌ చేశాడు. దీంతో ఊపిరిపీల్చుకున్న ఢిల్లీ ఆ తర్వాత మూడో బంతిని అశుతోష్‌ సిక్సర్‌గా మలచడంతో సంబరాలు చేసుకుంది. ఐపీఎల్‌లో ఇంత భారీ లక్ష్యాన్ని (210) ఛేదించడం ఢిల్లీకి ఇదే మొదటిసారి. ఐపీఎల్‌లో ఓ జట్టు లక్నోపై 200 ప్లస్‌ టార్గెట్‌ను ఛేదించడం​ కూడా ఇదే మొదటిసారి.మ్యాచ్‌ అనంతరం​ విన్నింగ్‌ కెప్టెన్‌ అక్షర్‌ పటేల్‌ మాట్లాడుతూ ఇలా అన్నాడు. ఎందుకో తెలీదు నా కెప్టెన్సీలోనే ఇలా జరుగుతుంది. పరిస్థితులు అప్‌ అండ్‌ డౌన్‌గా ఉంటాయి. మొత్తానికి మేం గెలిచాం. ఇప్పుడు ఆ ఓవర్ స్టబ్స్‌కి ఎందుకు ఇచ్చావని జనాలు నన్ను తిట్టరు. చివరిసారిగా ఇలాంటి ఉత్కంఠభరితమైన మ్యాచ్‌ ఎప్పుడు చూశానో గుర్తులేదు.మొదటి ఆరు ఓవర్లలో వాళ్ళు (మార్ష్‌, పూరన్‌) ఆడిన తీరు చూస్తే ఈజీగా 240 పైచిలుకు పరుగులు సాధిస్తారని అనుకున్నా. మా బౌలర్లు చాలా ఎక్కువ పరుగులు ఇచ్చారని అనిపించింది. మొదట్లో మేము కొన్ని క్యాచ్‌లు కూడా వదిలేశాము. అయినా తిరిగి ఆటలోకి రాగలిగాము. విప్రాజ్‌ సామర్థ్యం గురించి మాకు ముందే తెలుసు.కాగా, ఈ మ్యాచ్‌లో అక్షర్‌ ట్రిస్టన్‌ స్టబ్స్‌తో 13వ ఓవర్‌ వేయించాడు. అప్పటికే శివాలెత్తిపోయిన పూరన్‌ స్టబ్స్‌ బౌలింగ్‌లో మరింత రెచ్చిపోయి వరుసగా నాలుగు సిక్సర్లు, బౌండరీ సహా 28 పరుగులు పిండుకున్నాడు. అక్షర్‌ ఆ సమయంలో స్టబ్స్‌తో ఎందుకు బౌలింగ్‌ చేయించాడో ఎవరికీ అర్దం కాలేదు.

ఐపీఎల్‌ 2025 సీజన్‌లో భాగంగా నిన్న (మార్చి 24) జరిగిన ఉత్కంఠ పోరులో లక్నో సూపర్‌ జెయింట్స్‌పై ఢిల్లీ క్యాపిటల్స్‌ వికెట్‌ తేడాతో గెలుపొందింది. లక్నో నిర్దేశించిన 210 పరుగుల భారీ లక్ష్య ఛేదనలో ఆదిలోనే చేతులెత్తేసిన ఢిల్లీని ఆశుతోష్‌ శర్మ (31 బంతుల్లో 66 నాటౌట్‌; 5 ఫోర్లు, 5 సిక్సర్లు), విప్రాజ్‌ నిగమ్‌ (15 బంతుల్లో 39; 5 ఫోర్లు, 2 సిక్సర్లు) సంచలన ఇన్నింగ్స్‌లు ఆడి గెలిపించారు. ఈ మ్యాచ్‌లో ఢిల్లీ గెలుస్తుందని ఎవరూ ఊహించలేదు.టాస్‌ ఓడి తొలుత బ్యాటింగ్‌ చేసిన లక్నో.. మిచెల్‌ మార్ష్‌ (36 బంతుల్లో 72; 6 ఫోర్లు, 6 సిక్సర్లు), నికోలస్‌ పూరన్‌ (30 బంతుల్లో 75; 6 ఫోర్లు, 7 సిక్సర్లు) విధ్వంసకర ఇన్నింగ్స్‌లతో విరుచుకుపడటంతో నిర్ణీత ఓవర్లలో 8 వికెట్ల నష్టానికి 209 పరుగులు చేసింది. మార్ష్‌, పూరన్‌ మినహా లక్నో ఇన్నింగ్స్‌లో ఎవరూ రాణించలేదు. వీరిద్దరూ బ్యాటింగ్‌ చేస్తున్నంత సేపు లక్నో 250 పైచిలుకు పరుగులు సాధిస్తుందని అంతా అనుకున్నారు. అయితే మార్ష్‌, పూరన్‌ ఔటయ్యాక ఆ జట్టు​ మిడిలార్డర్‌ అనూహ్యంగా కుప్పకూలింది. రిషబ్‌ పంత్‌ 6 బంతుల్లో​ డకౌట్‌ కాగా.. ఆయుశ్‌ బదోని 4, శార్దూల్‌ ఠాకూర్‌ 0, షాబాజ్‌ అహ్మద్‌ 9, బిష్ణోయ్‌ 0 పరుగులకు ఔటయ్యారు. చివరి ఓవర్‌లో డేవిడ్‌ మిల్లర్‌ (19 బంతుల్లో 27 నాటౌట్‌; ఫోర్‌, 2 సిక్సర్లు) రెండు సిక్సర్లు బాదడంతో లక్నో 200 పరుగుల మార్కును దాటింది. ఢిల్లీ బౌలర్లలో స్టార్క్‌ 3, కుల్దీప్‌ 2, విప్రాజ్‌, ముకేశ్‌ కుమార్‌ తలో వికెట్‌ తీశారు.అనంతరం 210 పరుగుల లక్ష్యాన్ని ఛేదించేందుకు బరిలోకి దిగిన ఢిల్లీ.. 65 పరుగులకే సగం వికెట్లు కోల్పోయి గెలుపుపై ఆశలు వదులుకుంది. ఈ దశలో అశుతోష్‌ అద్భుతం చేశాడు. ట్రిస్టన్‌ స్టబ్స్‌ (22 బంతుల్లో 34; ఫోర్‌, 3 సిక్సర్లు), విప్రాజ్‌ నిగమ్‌ సాయంతో ఢిల్లీకి ఊహించని విజయాన్నందించాడు. చివరి ఓవర్‌ మూడో బంతికి సిక్సర్‌ కొట్టి తన జట్టును విజయతీరాలకు చేర్చాడు. ఢిల్లీ ఇన్నింగ్స్‌లో డుప్లెసిస్‌ (29), అక్షర్‌ పటేల్‌ (22) రెండంకెల స్కోర్లు చేయగా, మిగతా వారంతా సింగిల్‌ డిజిట్లకే పరిమితమయ్యారు. లక్నో బౌలరల్లో శార్దూల్‌ ఠాకూర్‌, మణిమారన్‌ సిద్దార్థ్‌, దిగ్వేశ్‌ రతీ, రవి బిష్ణోయ్‌ తలో రెండు వికెట్లు తీశారు.కాగా, ఈ మ్యాచ్‌లో లక్నో కెప్టెన్‌ రిషబ్‌ పంత్‌ ఆ జట్టు ఓటమికి ప్రత్యక్ష కారకుడయ్యాడు. తొలుత బ్యాటింగ్‌లో 6 బంతులు ఆడి డకౌటైన పంత్‌.. ఛేదనలో (ఢిల్లీ 9 వికెట్లు కోల్పోయిన దశలో) చివరి ఓవర్‌ తొలి బంతికి స్టంపింగ్‌ మిస్‌ చేసి లక్నో చేతుల్లో నుంచి మ్యాచ్‌ను వదిలేశాడు. పంత్‌ ఈ స్టంపింగ్‌ చేసుంటే లక్నో మ్యాచ్‌ గెలిచేది.మ్యాచ్‌ అనంతరం మాట్లాడుతూ పంత్‌ ఇలా అన్నాడు. మా టాపార్డర్ బ్యాటర్లు చాలా బాగా ఆడారు. ఈ వికెట్‌పై ఇది చాలా మంచి స్కోర్‌. దురదృష్టవశాత్తు మేము ఆ స్కోర్‌ను కాపాడుకోలేకపోయాము. మేము ప్రారంభంలో వికెట్లు తీసినప్పటికీ.. ఇది బ్యాటింగ్ చేయడానికి మంచి వికెట్ అని తెలుసు. వారు (ఢిల్లీ) రెండు మంచి భాగస్వామ్యాలు (స్టబ్స్‌తో, విప్రాజ్‌ నిగమ్‌తో అశుతోష్‌) నెలకొల్పారు. విప్రాజ్‌ నిగమ్ చాలా బాగా ఆడాడు. అతడే మా నుంచి మ్యాచ్‌ను దూరం చేశాడు.బౌలర్లకు ఈ పిచ్‌పై తగినంత ఉంది. కానీ మేము కొన్ని బేసిక్స్‌ మిస్‌ అయ్యాము. చివర్లో ఒత్తిడికి లోనయ్యాము. ఇది ఇంకా తొలి మ్యాచే. ఓటమిని అధిగమించి ట్రాక్‌లో పడతాము. ఈ మ్యాచ్ నుండి తీసుకోవలసిన సానుకూల అంశాలు చాలా ఉన్నాయి. ఖచ్చితంగా ఈ ఆటలో అదృష్టం కీలక పాత్ర పోషిస్తుంది. స్టంపింగ్‌ మిస్‌పై స్పందిస్తూ.. బంతి మోహిత్ ప్యాడ్‌లకు తాకకపోయుంటే స్టంపింగ్‌కు అవకాశం ఉండేది. క్రికెట్లో ఇలాంటివి జరుగుతూ ఉంటాయి. వీటినే పట్టించుకుంటూ పోతే ఆటపై దృష్టి పెట్టలేము.

ఐపీఎల్‌ 2025 సీజన్‌లో నిన్న (మార్చి 24) అత్యంత ఉత్కంఠభరితమైన మ్యాచ్‌ జరిగింది. విశాఖ వేదికగా ఢిల్లీ, లక్నో హోరాహోరీగా తలపడ్డాయి. అంతిమంగా ఢిల్లీ విజయం సాధించింది. ఈ మ్యాచ్‌లో టాస్‌ ఓడి తొలుత బ్యాటింగ్‌ చేసిన లక్నో.. మిచెల్‌ మార్ష్‌ (36 బంతుల్లో 72; 6 ఫోర్లు, 6 సిక్సర్లు), నికోలస్‌ పూరన్‌ (30 బంతుల్లో 75; 6 ఫోర్లు, 7 సిక్సర్లు) విధ్వంసకర ఇన్నింగ్స్‌లతో విరుచుకుపడటంతో నిర్ణీత ఓవర్లలో 8 వికెట్ల నష్టానికి 209 పరుగులు చేసింది.అనంతరం ఛేదనలో ఆదిలో చేతులెత్తేసిన ఢిల్లీ.. ఆశుతోష్‌ శర్మ (31 బంతుల్లో 66 నాటౌట్‌; 5 ఫోర్లు, 5 సిక్సర్లు) హీరోయిక్‌ ఇన్నింగ్స్‌ ఆడటంతో సంచలన విజయం సాధించింది. 113 పరుగులకే 6 వికెట్లు కోల్పోయి ఓటమి దిశగా పయనిస్తున్న ఢిల్లీని అశుతోష్‌.. అరంగేట్రం ఆటగాడు విప్రాజ్‌ నిగమ్‌ (15 బంతుల్లో 39; 5 ఫోర్లు, 2 సిక్సర్లు) సాయంతో గెలిపించాడు. అశుతోష్‌ నమ్మశక్యంకాని రీతిలో షాట్లు ఆడి ఢిల్లీకి చిరస్మరణీయ విజయాన్ని అందించాడు.అశుతోష్‌ లోయర్‌ మిడిలార్డర్‌లో వచ్చి ఇలాంటి ఇన్నింగ్స్‌లు ఆడటం ఇది మొదటిసారి కాదు. గత సీజన్‌లో అతను పంజాబ్‌ కింగ్స్‌ తరఫున ఇలాంటి ఇన్నింగ్స్‌లు చాలా ఆడాడు. అయితే గత సీజన్‌లో అశుతోష్‌ మెరుపు ఇన్నింగ్స్‌లు ఆడినా తన జట్టును గెలిపించలేకపోయాడు. తద్వారా అతనికి గుర్తింపు దక్కలేదు. ఈ సీజన్‌లో సీన్‌ మారింది. ఢిల్లీ తరఫున తొలి మ్యాచ్‌లోనే అశుతోష్‌ తన సహజ శైలిలో రెచ్చిపోయాడు. గత సీజన్‌ వీకనెస్‌ను (చివరి దాకా క్రీజ్‌లో నిలబడటం) అధిగమించి చివరి దాకా క్రీజ్‌లో నిలబడి తన జట్టును విజయతీరాలకు చేర్చాడు. ఫలితంగా రాత్రికిరాత్రి హీరో అయిపోయాడు. మ్యాచ్‌ అనంతరం అశుతోష్‌ ఓ విషయాన్ని ప్రస్తావించాడు. తన మెంటార్‌ శిఖర్‌ ధవన్‌ సలహాలతో గత సీజన్‌ లోపాలను అధిగమించానని చెప్పుకొచ్చాడు. ఇందు కోసం చాలా కష్ట పడ్డానని తెలిపాడు.అశుతోష్‌ మ్యాచ్‌ విన్నింగ​్‌ ఇన్నింగ్స్‌ అనంతరం అభిమానులు అతన్ని పొగడ్తలతో ముంచెత్తుతున్నారు. ఈ అశుతోష్‌ మామూలోడు కాదంటూ కితాబునిస్తున్నారు. 26 ఏళ్ల అశుతోష్‌ మధ్యప్రదేశ్‌లోని రత్లామ్‌లో జన్మించాడు. అశుతోష్‌ బ్యాటింగ్‌తో పాటు బౌలింగ్‌ (రైట్‌ ఆర్మ్‌ మీడియం పేసర్‌) కూడా చేయగలడు.దేశవాలీ టీ20ల్లో అశుతోష్‌కు ఓ అద్భుతమైన రికార్డు ఉంది. అరుణాచల్‌ ప్రదేశ్‌తో జరిగిన ఓ మ్యాచ్‌లో అతను 11 బంతుల్లోనే హాఫ్‌ సెంచరీ చేశాడు. టీ20ల్లో భారత్‌ తరఫున ఇదే ఫాసెస్ట్‌ హాఫ్‌ సెంచరీ.అశుతోష్‌లోని హార్డ్‌ హిట్టింగ్‌ టాలెంట్‌ చూసి 2024 వేలంలో పంజాబ్‌ అతన్ని 20 లక్షలకు సొంతం చేసుకుంది. అయితే పంజాబ్‌ అశుతోష్‌ను ఈ ఏడాది మెగా వేలానికి ముందు వదిలేసింది. అశుతోష్‌ గురించి ముందే తెలిసిన శిఖర్‌ ధవన్‌ అతన్ని ఢిల్లీ యాజమాన్యానికి సిఫార్సు చేశాడు. ఢిల్లీ అతన్ని మెగా వేలంలో రూ. 3.8 కోట్లు వెచ్చించి సొంతం చేసుకుంది. గత సీజన్‌లో అశుతోష్‌ ఆడిన కొన్ని మెరుపు ఇన్నింగ్స్‌లు..గుజరాత్‌పై 17 బంతుల్లో 31సన్‌రైజర్స్‌పై 15 బంతుల్లో 33 నాటౌట్‌రాజస్థాన్‌పై 16 బంతుల్లో 31ముంబై ఇండియన్స్‌పై 28 బంతుల్లో 61

కేఎల్‌ రాహుల్‌ ఐపీఎల్‌లో కొత్త ఫ్రాంచైజీ ఢిల్లీ తరఫున తొలి మ్యాచ్‌లో బరిలోకి దిగలేదు. వ్యక్తిగత కారణాలతో మ్యాచ్‌కు దూరమైనట్లు ముందుగా ఫ్రాంచైజీ ప్రకటించింది. మ్యాచ్‌ సాగుతున్న సమయంలో రాహుల్‌ శుభవార్త ట్వీట్‌ చేశాడు. తమకు అమ్మాయి పుట్టినట్లు రాహుల్, అతియా శెట్టి ప్రకటించారు. 2023 జనవరిలో వీరిద్దరి పెళ్లి జరిగింది.

న్యూఢిల్లీ: భారత మహిళా క్రికెటర్ల వార్షిక కాంట్రాక్ట్‌ (2024–25)ల జాబితాను బీసీసీఐ సోమవారం ప్రకటించింది. మొత్తం 16 మంది ప్లేయర్లను ‘ఎ’, ‘బి’, ‘సి’ గ్రేడ్‌లుగా విభజించి బోర్డు కాంట్రాక్ట్‌లు అందించింది. గత సీజన్‌లో ఈ జాబితాలో 17 మంది ఉండగా ఇప్పుడు ఈ సంఖ్య 16కు తగ్గింది. 2022 అక్టోబర్‌ తర్వాత భారత జట్టుకు ఆడని ఆంధ్ర ఓపెనింగ్‌ బ్యాటర్‌ సబ్బినేని మేఘన, 2023 జనవరి తర్వాత టీమిండియాకు ప్రాతినిధ్యం వహించని ఆంధ్ర లెఫ్టార్మ్‌ పేస్‌ బౌలర్‌ అంజలి శర్వాణిలకు కొత్త కాంట్రాక్ట్‌ జాబితాలో స్థానం లభించలేదు. హైదరాబాద్‌కు చెందిన పేస్‌ బౌలర్‌ అరుంధతి రెడ్డికి తొలిసారి ఈ అవకాశం దక్కింది. అరుంధతి భారత్‌ తరఫున 5 వన్డేలు, 33 టి20 మ్యాచ్‌లు ఆడింది. ఆరుగురు ప్లేయర్లను కాంట్రాక్ట్‌ నుంచి తొలగించి ఐదుగురిని కొత్తగా ఎంపిక చేశారు. అనూహ్యాలేమీ లేకుండా టాప్‌ ప్లేయర్లు కెపె్టన్‌ హర్మన్‌ప్రీత్‌ కౌర్, ఓపెనర్‌ స్మృతి మంధాన, ఆల్‌రౌండర్‌ దీప్తి శర్మలు ‘ఎ’ గ్రేడ్‌లోనే కొనసాగుతున్నారు. గత ఏడాది అక్టోబర్‌ తర్వాత భారత జట్టులో చోటు కోల్పోయినా... షఫాలీ వర్మ తన ‘బి’ గ్రేడ్‌ కాంట్రాక్ట్‌ను నిలబెట్టుకోవడం విశేషం. హెడ్‌ కోచ్‌ అమోల్‌ మజుందార్, సెలక్షన్‌ కమిటీ చైర్మన్‌ నీతూ డేవిడ్‌ సిఫారసు ప్రకారం బోర్డు ఈ కాంట్రాక్ట్‌లను అందించింది. భారత క్రికెటర్ల కాంట్రాక్ట్‌ జాబితా గ్రేడ్‌ ‘ఎ’ (ఏడాదికి రూ. 50 లక్షలు): హర్మన్‌ప్రీత్‌ కౌర్, స్మృతి మంధాన, దీప్తి శర్మ. గ్రేడ్‌ ‘బి’ (ఏడాదికి రూ. 30 లక్షలు): రేణుకా ఠాకూర్, జెమీమా రోడ్రిగ్స్, రిచా ఘోష్, షఫాలీ వర్మ. గ్రేడ్‌ ‘సి’ (ఏడాదికి రూ. 10 లక్షలు): యస్తిక భాటియా, రాధా యాదవ్, శ్రేయాంక పాటిల్, టిటాస్‌ సాధు, అరుంధతి రెడ్డి, అమన్‌జోత్‌ కౌర్, ఉమా ఛెత్రి, స్నేహ్‌ రాణా, పూజ వస్త్రకర్‌.

లక్నోతో మ్యాచ్‌లో 210 పరుగుల లక్ష్య ఛేదనలో ఢిల్లీ స్కోరు 113/6... మరో 45 బంతుల్లో 97 పరుగులు రావాలి. అశుతోష్, తొలి ఐపీఎల్‌ మ్యాచ్‌ ఆడుతున్న విప్‌రాజ్‌ కలసి 22 బంతుల్లో 55 పరుగులు జోడించి ఆశలు రేపారు. మరో 42 పరుగులు చేయాల్సిన స్థితిలో విప్‌రాజ్‌ వెనుదిరగడంతో ఢిల్లీ గెలుపు కష్టమనిపించింది. కానీ అశుతోష్‌ మరోలా ఆలోచించాడు. తాను ఎదుర్కొన్న తర్వాతి 8 బంతుల్లోనే 2 ఫోర్లు, 4 సిక్స్‌లతో 35 పరుగులు బాది జట్టును విజయతీరం చేర్చాడు. మూడు బంతులు మిగిలి ఉండగానే గెలిపించి టీమ్‌ మెంటార్‌ పీటర్సన్‌ను అనుకరిస్తూ విజయనాదం చేశాడు. గెలుపునకు చేరువగా వచ్చి అనూహ్యంగా ఓడటంతో లక్నో కొత్త కెపె్టన్‌ పంత్‌లో తీవ్ర నిరాశ కనిపించింది. సాక్షి, విశాఖపట్నం: ఐపీఎల్‌లో ఉత్కంఠభరితంగా సాగిన పోరులో లక్నో సూపర్‌ జెయింట్స్‌ జట్టుపై ఢిల్లీ క్యాపిటల్స్‌ పైచేయి సాధించింది. సోమవారం డాక్టర్‌ వైఎస్‌ రాజశేఖర రెడ్డి ఏసీఏ–వీడీసీఏ స్టేడియంలో జరిగిన మ్యాచ్‌లో ఢిల్లీ క్యాపిటల్స్‌ ఒక వికెట్‌ తేడాతో లక్నోపై చిరస్మరణీయ విజయం సాధించింది. టాస్‌ ఓడి ముందుగా బ్యాటింగ్‌కు దిగిన లక్నో 20 ఓవర్లలో 8 వికెట్ల నష్టానికి 209 పరుగులు చేసింది. నికోలస్‌ పూరన్‌ (30 బంతుల్లో 75; 6 ఫోర్లు, 7 సిక్స్‌లు), మిచెల్‌ మార్ష్ (36 బంతుల్లో 72; 6 ఫోర్లు, 6 సిక్స్‌లు) మెరుపు బ్యాటింగ్‌తో చెలరేగారు. వీరిద్దరు రెండో వికెట్‌కు 42 బంతుల్లోనే 87 పరుగులు జోడించారు. అనంతరం ఢిల్లీ 19.3 ఓవర్లలో 9 వికెట్లకు 211 పరుగులు చేసి గెలిచింది. ‘ప్లేయర్‌ ఆఫ్‌ ద మ్యాచ్‌’ అశుతోష్‌ శర్మ (31 బంతుల్లో 66 నాటౌట్‌; 5 ఫోర్లు, 5 సిక్స్‌లు) అద్భుత బ్యాటింగ్‌తో జట్టును గెలిపించగా... విప్‌రాజ్‌ నిగమ్‌ (15 బంతుల్లో 39; 5 ఫోర్లు, 2 సిక్స్‌లు), ట్రిస్టన్‌ స్టబ్స్‌ (22 బంతుల్లో 34; 1 ఫోర్, 3 సిక్స్‌లు) అండగా నిలిచారు. పంత్‌ విఫలం... లక్నో ఇన్నింగ్స్‌ను మార్ష్ దూకుడుగా మొదలు పెట్టగా, తడబడుతూ ఆడిన మార్క్‌రమ్‌ (13 బంతుల్లో 15; 1 ఫోర్, 1 సిక్స్‌) ఆరంభంలోనే వెనుదిరిగాడు. అయితే మార్ష్, పూరన్‌ భాగస్వామ్యం ఢిల్లీ బౌలర్లకు చుక్కలు చూపించింది. వీరిద్దరు వరుస బౌండరీలతో చెలరేగి ప్రత్యర్థిపై సంపూర్ణ ఆధిక్యం కనబర్చారు. ఈ జోరులో 21 బంతుల్లోనే మార్ష్ హాఫ్‌ సెంచరీ పూర్తయింది. మార్ష్ వెనుదిరిగిన అనంతరం వచ్చిన రిషభ్‌ పంత్‌ (6 బంతుల్లో 0) డకౌటై నిరాశపర్చాడు. ఢిల్లీ కట్టుదిట్టమైన బౌలింగ్‌తో లక్నో 33 పరుగుల వ్యవధిలో 6 వికెట్లు చేజార్చుకుంది. అయితే చివరి రెండు బంతుల్లో డేవిడ్‌ మిల్లర్‌ (19 బంతుల్లో 27 నాటౌట్‌; 1 ఫోర్, 2 సిక్స్‌లు) రెండు సిక్స్‌లు బాదడంతో స్కోరు 200 పరుగులు దాటింది. ఆ రెండు ఓవర్లు... లక్నో ఇన్నింగ్స్‌లో రెండు వేర్వేరు ఓవర్లు హైలైట్‌గా నిలిచాయి. తొలి ఐపీఎల్‌ మ్యాచ్‌ ఆడిన లెగ్‌స్పిన్నర్‌ విప్‌రాజ్‌ నిగమ్‌ వేసిన 7వ ఓవర్లో తొలి బంతికి మార్ష్ సిక్స్‌ కొట్టగా, అదే ఓవర్లో పూరన్‌ 3 సిక్సర్లు బాదడంతో మొత్తం 25 పరుగులు వచ్చాయి. ఈ ఓవర్లో 17 పరుగుల వ్యక్తిగత స్కోరు వద్ద పూరన్‌ ఇచ్చిన సునాయాస క్యాచ్‌ను రిజ్వీ వదిలేశాడు. స్టబ్స్‌ వేసిన 13వ ఓవర్లో పూరన్‌ పండగ చేసుకున్నాడు. తొలి బంతికి పరుగు రాకపోగా, తర్వాతి ఐదు బంతుల్లో అతను వరుసగా 6, 6, 6, 6, 4 కొట్టడం విశేషం. దాంతో మొత్తం 28 పరుగులు లభించాయి. అద్భుత పోరాటం... ఆరంభంలో ఢిల్లీ స్కోరు 7 పరుగులకు 3 వికెట్లు. దీని ప్రభావం తర్వాతి బ్యాటర్లపై పడింది. డుప్లెసిస్‌ (18 బంతుల్లో 29; 3 ఫోర్లు, 2 సిక్స్‌లు), కెప్టెన్‌ అక్షర్‌ పటేల్‌ (11 బంతుల్లో 22; 3 ఫోర్లు, 1 సిక్స్‌) ఇన్నింగ్స్‌ను చక్కదిద్దేందుకు కొంత ప్రయతి్నంచారు. చేయాల్సిన రన్‌రేట్‌ బాగా పెరిగిపోతున్న దశలో లోయర్‌ ఆర్డర్‌ బ్యాటర్లు భారీ షాట్లతో పోరాడారు. దూకుడుగా ఆడి స్టబ్స్‌ ని్రష్కమించిన తర్వాత గెలుపు కష్టమే అనిపించినా... అశుతోష్, నిగమ్‌ కలిసి సాధ్యం చేసి చూపించారు. స్కోరు వివరాలు లక్నో సూపర్‌ జెయింట్స్‌ ఇన్నింగ్స్‌: మార్క్‌రమ్‌ (సి) స్టార్క్‌ (బి) నిగమ్‌ 15; మార్ష్ (సి) స్టబ్స్‌ (బి) ముకేశ్‌ 72; పూరన్‌ (బి) స్టార్క్‌ 75; పంత్‌ (సి) డుప్లెసిస్‌ (బి) కుల్దీప్‌ 0; మిల్లర్‌ (నాటౌట్‌) 27; బదోని (సి) స్టబ్స్‌ (బి) కుల్దీప్‌ 4; శార్దుల్‌ (రనౌట్‌) 0; షహబాజ్‌ (సి) (సబ్‌) విజయ్‌ (బి) స్టార్క్‌ 9; రవి బిష్ణోయ్‌ (బి) స్టార్క్‌ 0; దిగ్వేష్‌ రాఠీ (నాటౌట్‌) 0; ఎక్స్‌ట్రాలు 7; మొత్తం (20 ఓవర్లలో 8 వికెట్లకు) 209. వికెట్ల పతనం: 1–46, 2–133, 3–161, 4–169, 5–177, 6–177, 7–194, 8–194. బౌలింగ్‌: స్టార్క్‌ 4–0–42–3, అక్షర్‌ 3–0–18–0, విప్‌రాజ్‌ నిగమ్‌ 2–0–35–1, ముకేశ్‌ కుమార్‌ 2–0–22–1, కుల్దీప్‌ 4–0–20–2, మోహిత్‌ 4–0–42–2, స్టబ్స్‌ 1–0–28–0. ఢిల్లీ క్యాపిటల్స్‌ ఇన్నింగ్స్‌: జేక్‌ ఫ్రేజర్‌ (సి) బదోని (బి) శార్దుల్‌ 1; డుప్లెసిస్‌ (సి) మిల్లర్‌ (బి) బిష్ణోయ్‌ 29; పొరేల్‌ (సి) పూరన్‌ (బి) శార్దుల్‌ 0; రిజ్వీ (సి) పంత్‌ (బి) సిద్ధార్థ్‌ 4; అక్షర్‌ (సి) పూరన్‌ (బి) రాఠీ 22; స్టబ్స్‌ (బి) సిద్ధార్థ్‌ 34; అశుతోష్‌ (నాటౌట్‌) 66; విప్‌రాజ్‌ (సి) సిద్ధార్థ్‌ (బి) రాఠీ 39; స్టార్క్‌ (సి) పంత్‌ (బి) బిష్ణోయ్‌ 2; కుల్దీప్‌ (రనౌట్‌) 5; మోహిత్‌ (నాటౌట్‌) 1; ఎక్స్‌ట్రాలు 8; మొత్తం (19.3 ఓవర్లలో 9 వికెట్లకు) 211. వికెట్ల పతనం: 1–2, 2–2, 3–7, 4–50, 5–65, 6–113, 7–168, 8–171, 9–192. బౌలింగ్‌: శార్దుల్‌ ఠాకూర్‌ 2–0–19–2, సిద్ధార్థ్‌ 4–0–39–2, దిగ్వేశ్‌ రాఠీ 4–0–31–2, రవి బిష్ణోయ్‌ 4–0–53–2, ప్రిన్స్‌ యాదవ్‌ 4–0–47–0, షహబాజ్‌ అహ్మద్‌ 1.3–0–22–0.

ఐపీఎల్‌-2025లో వైజాగ్ వేదిక‌గా ఢిల్లీ క్యాపిట‌ల్స్‌, ల‌క్నో సూప‌ర్ జెయింట్స్ మ‌ధ్య జ‌రిగిన మ్యాచ్ థ్రిల్ల‌ర్ సినిమాను త‌ల‌పించింది. ఆఖ‌రివ‌ర‌కు ఉత్కంఠ భ‌రితంగా సాగిన ఈ మ్యాచ్‌లో ఢిల్లీ క్యాపిటల్స్ ఒక్క వికెట్ తేడాతో విజ‌యాన్ని అందుకుంది. ఓట‌మి త‌ప్ప‌ద‌నుకున్నచోట ఢిల్లీ క్యాపిట్స్ ఆట‌గాడు అశుతోష్ శ‌ర్మ‌ అద్బుతం చేశాడు. ఇంపాక్ట్ ప్లేయ‌ర్‌గా బ‌రిలోకి దిగిన అశుతోష్‌.. త‌న విరోచిత పోరాటంతో ఢిల్లీకి సంచ‌ల‌న విజ‌యాన్ని అందించాడు.తొలుత 20 బంతుల్లో 20 ప‌రుగులు చేసిన అశుతోష్‌.. 15వ త‌ర్వాత ఆకాశ‌మే హ‌ద్దుగా చెల‌రేగాడు. మ‌రో ఎండ్‌లో ఉన్న విప్ర‌జ్ నిగ‌మ్‌తో క‌లిసి స్కోర్ బోర్డును ప‌రుగులు పెట్టించాడు. అయితే దూకుడుగా ఆడుతున్న విప్ర‌జ్ నిగ‌మ్, వెంట‌నే మిచెల్ స్టార్క్ కూడా ఔట్ కావ‌డంతో ఢిల్లీకి ఓట‌మి త‌ప్ప‌దని అంతా అనుకున్నారు. కానీ క్రీజులో ఉన్న అశుతోష్ మాత్రం త‌గ్గేదేలే అన్న‌ట్లు బ్యాటింగ్ చేశాడు. వ‌రుస‌గా బౌండ‌రీలు బాదుతూ ప్ర‌త్య‌ర్ధి బౌల‌ర్ల‌ను ఒత్తిడిలోకి నెట్టాడు.త‌న‌దైన స్టైల్లో బ్యాటింగ్ చేసిన అశుతోష్ ఆఖ‌రి ఓవ‌ర్‌లో సిక్స్ కొట్టి మ్యాచ్‌ను ఫినిష్ చేశాడు. అశుతోష్ త‌న ఎదుర్కొన్న ఆఖ‌రి 11 బంతుల్లో ఏకంగా 44 ప‌రుగులు చేయ‌డం విశేషం. మొత్తంగా 31 బంతుల్లో 5 ఫోర్లు, 5 సిక్స్‌ల‌తో 66 ప‌రుగులు చేసి మ్యాన్ ఆఫ్‌ది మ్యాచ్‌గా నిలిచాడు. అత‌డి విధ్వంసం ఫ‌లితంగా ఢిల్లీ.. 210 ప‌రుగుల భారీ ల‌క్ష్యాన్ని 9 వికెట్లు కోల్పోయి 19.3 ఓవ‌ర్ల‌లో అందుకుంది. ఢిల్లీ బ్యాట‌ర్ల‌లో అశుతోష్‌తో పాటు విప్ర‌జ్ నిగ‌మ్‌( 15 బంతుల్లో 5 ఫోర్లు, 2 సిక్స్‌ల‌తో 39), స్ట‌బ్స్‌(34) కీల‌క ఇన్నింగ్స్‌లు ఆడారు. ల‌క్నో బౌల‌ర్ల‌లో శార్ధూల్ ఠాకూర్‌, సిద్దార్ద్‌, బిష్ణోయ్‌, దిగ్వేష్ త‌లా రెండు వికెట్లు సాధించారు. అంత‌కుముందు బ్యాటింగ్ చేసిన ల‌క్నో నిర్ణీత 20 ఓవ‌ర్ల‌లో 8 వికెట్ల న‌ష్టానికి 209 ప‌రుగులు చేసింది. ల‌క్నో బ్యాట‌ర్ల‌లో మిచెల్ మార్ష్‌( 36 బంతుల్లో 6 ఫోర్లు, 6 సిక్స్‌ల‌తో 72), నికోల‌స్ పూర‌న్‌( 30 బంతుల్లో 6 ఫోర్లు, 7 సిక్స్‌ల‌తో 75 ప‌రుగులు) హాఫ్ సెంచ‌రీల‌తో మెరిశారు. ఢిల్లీ బౌల‌ర్ల‌లో మిచెల్ స్టార్క్ మూడు వికెట్లు, కుల్దీప్ యాద‌వ్ రెండు వికెట్లు సాధించ‌గా.. విప్రాజ్ నిగ‌మ్‌, ముఖేష్ కుమార్ త‌లా వికెట్ సాధించారు. ఇక ఈ మ్యాచ్‌లో విరోచిత ఇన్నింగ్స్ ఆడిన అశుతోష్ ఎక్స్‌లో ట్రెండింగ్‌గా నిలిచాడు. ఈ క్ర‌మంలో ఎవ‌రీ అశుతోష్ అని నెటిజ‌న్లు తెగ‌వెతికేస్తున్నారు.ఎవ‌రీ అశుతోష్‌?26 ఏళ్ల అశుతోష్‌ రాంబాబు శ‌ర్మ‌.. ఫ‌స్ట్ క్లాస్ క్రికెట్‌లో రైల్వేస్ కు ప్రాతినిథ్యం వ‌హిస్తున్నాడు. 8 ఫస్ట్‌క్లాస్‌ మ్యాచ్‌లు, 7 లిస్ట్‌-ఏ, 31 టీ20లు ఆడాడు. ఫస్ట్‌ క్లాస్‌ కెరీర్‌లో సెంచరీ, రెండు హాఫ్‌ సెంచరీలు చేసిన అశుతోష్‌.. టీ20ల్లో 47 అర్దసెంచరీలు నమోదు చేశాడు. ఇక అశుతోష్ ఐపీఎల్ అభిమానులకు సుప‌రిచిత‌డే. ఐపీఎల్‌-2024 సీజ‌న్‌తో పంజాబ్ కింగ్స్ త‌ర‌పున అశుతోష్.. ఈ క్యాష్ రిచ్ లీగ్‌లోకి అడుగుపెట్టాడు. మినీ వేలంలో పంజాబ్‌ కింగ్స్‌ తన బేస్‌ ధర రూ. 20 లక్షలకు సొంతం చేసుకుంది. గ‌తేడాది సీజ‌న్‌లో ఏ మాత్రం అంచ‌నాలు లేకుండా బ‌రిలోకి దిగిన త‌న అద్బుత ప్ర‌ద‌ర్శ‌న‌తో రెండు మ్యాచ్‌ల్లో పంజాబ్‌ను గెలిపించాడు. అయిన‌ప్ప‌టికి పంజాబ్ మాత్రం ఐపీఎల్‌-2025 మెగా వేలానికి ముందు విడిచిపెట్టింది. దీంతో వేలంలోకి వ‌చ్చిన ఈ ప‌వ‌ర్ హిట్ట‌ర్‌ను రూ.3.8 కోట్ల‌కు ఢిల్లీ కొనుగోలు చేసింది. ఢిల్లీ త‌న‌పై పెట్టుకున్న న‌మ్మ‌కాన్ని ఈ మ‌ధ్య‌ప్ర‌దేశ్ క్రికెట‌ర్ నిల‌బెట్టుకున్నాడు. LONG LIVE, IPL.....!!! 👏- One of the greatest run chases in history, take a bow Ashutosh Sharma. 🫡pic.twitter.com/rxVzthPDC0— Mufaddal Vohra (@mufaddal_vohra) March 24, 2025

ఐపీఎల్‌-2025ను ల‌క్నో సూప‌ర్ జెయింట్స్ కెప్టెన్ రిష‌బ్ పంత్ పేల‌వంగా ఆరంభించాడు. ఐపీఎల్ చ‌రిత్ర‌లోనే అత్య‌ధిక ఖ‌రీదైన ఆట‌గాడిగా నిలిచిన రిష‌బ్ పంత్‌.. తొలి మ్యాచ్‌లోనే తీవ్ర నిరాశ‌ప‌రిచాడు. ఈ మెగా టోర్నీలో భాగంగా వైజాగ్ వేదిక‌గా ఢిల్లీ క్యాపిట‌ల్స్‌తో మ్యాచ్‌లో పంత్‌ డ‌కౌట‌య్యాడు. నాలుగో స్ధానంలో బ్యాటింగ్‌కు వ‌చ్చిన పంత్‌.. ఆరు బంతులు ఎదుర్కొని ఖాతా తెర‌వ‌కుండానే పెవిలియ‌న్‌కు చేరాడు.కుల్దీప్ యాద‌వ్ బౌలింగ్‌లో ఫాఫ్ డుప్లెసిస్‌కు క్యాచ్ ఇచ్చి ఔట‌య్యాడు. దీంతో పంత్‌ను నెటిజ‌న్లు ట్రోలు చేస్తున్నారు. ఈ మాత్రం ఆట‌కేనా రూ. 27 కోట్లు అంటూ పోస్ట్‌లు పెడుతున్నారు. కాగా గ‌తేడాది జ‌రిగిన మెగా వేలంలో రూ. 27 కోట్ల భారీ ధ‌ర‌కు పంత్‌ను ల‌క్నో కొనుగోలు చేసింది. ఇక ఈ మ్యాచ్‌లో పంత్ విఫ‌ల‌మైన‌ప్ప‌టికి మిగితా బ్యాట‌ర్లు మాత్రం విధ్వంసం సృష్టించారు. టాస్ ఓడి తొలుత బ్యాటింగ్‌కు దిగిన ల‌క్నో నిర్ణీత 20 ఓవ‌ర్ల‌లో 8 వికెట్ల న‌ష్టానికి 209 ప‌రుగులు చేసింది. ల‌క్నో బ్యాట‌ర్ల‌లో మిచెల్ మార్ష్‌( 36 బంతుల్లో 6 ఫోర్లు, 6 సిక్స్‌ల‌తో 72), నికోల‌స్ పూర‌న్‌( 30 బంతుల్లో 6 ఫోర్లు, 7 సిక్స్‌ల‌తో 75 ప‌రుగులు) హాఫ్ సెంచ‌రీల‌తో చెలరేగారు. ఓ దశలో ఈజీగా 250 పైగా లక్నో స్కోర్ దాటుతుందని భావించారు. కానీ 15 ఓవర్ల తర్వాత ఢిల్లీ బౌలర్లు కమ్‌బ్యాక్ ఇచ్చారు. ఢిల్లీ బౌల‌ర్ల‌లో మిచెల్ స్టార్క్ మూడు వికెట్లు, కుల్దీప్ యాద‌వ్ రెండు వికెట్లు సాధించ‌గా.. విప్రాజ్ నిగ‌మ్‌, ముఖేష్ కుమార్ త‌లా వికెట్ సాధించారు. Blind slogger sympathy merchant Rishabh Pant gone for 6 balls duck.He had created a ecosystem which presented him as a big match winner and a great clutch player, media people & commentators even hyped him in T2OIs & ODIs.Can't believe Goenka paid 27 crores for him & shame on… pic.twitter.com/PJMzI07FzF— Rajiv (@Rajiv1841) March 24, 2025

ఐపీఎల్‌-2025లో వైజాగ్ వేదిక‌గా ఢిల్లీ క్యాపిట‌ల్స్‌తో మ్యాచ్‌లో ల‌క్నో సూప‌ర్ జెయింట్స్ స్టార్ ప్లేయ‌ర్‌ నికోలస్ పూరన్ విధ్వంసకర ప్రదర్శన చేశాడు. ఫ‌స్ట్ డౌన్‌లో బ్యాటింగ్‌కు వ‌చ్చిన పూర‌న్ ఆకాశ‌మే హ‌ద్దుగా చెల‌రేగిపోయాడు. 17 ప‌రుగుల వ్య‌క్తిగ‌త స్కోర్ వద్ద ఔట‌య్యే ప్ర‌మాదం నుంచి త‌ప్పించుకున్న పూర‌న్‌.. ఆ త‌ర్వాత సిక్స‌ర్ల వ‌ర్షం కురిపించాడు.ప్ర‌త్య‌ర్ధి బౌల‌ర్ల‌ను ఊచ‌కోత కోశాడు. ఈ క్ర‌మంలో పూర‌న్ కేవ‌లం 24 బంతుల్లోనే త‌న హాఫ్ సెంచ‌రీ మార్క్‌ను అందుకున్నాడు. ముఖ్యంగా పార్ట్ టైమ్ బౌల‌ర్ ట్రిస్ట‌న్ స్ట‌బ్స్‌ను ఈ కరీబియ‌న్ వికెట్ కీప‌ర్ బ్యాట‌ర్‌ ఊతికారేశాడు. ల‌క్నో ఇన్నింగ్స్ 13వ ఓవ‌ర్ వేసిన స్ట‌బ్స్ బౌలింగ్‌లో పూర‌న్ వ‌రుస‌గా 4 సిక్స‌ర్లు, ఒక ఫోర్ బాదాడు.దీంతో ఆ ఓవ‌ర్‌లో ఏకంగా 28 ప‌రుగులు వ‌చ్చాయి. అత‌డి ఇన్నింగ్స్‌కు సంబంధించిన వీడియో ప్ర‌స్తుతం సోష‌ల్ మీడియాలో వైర‌ల‌వుతోంది. పూర‌న్‌ ఓవ‌రాల్‌గా 30 బంతుల్లో 6 ఫోర్లు, 7 సిక్స్‌ల‌తో 75 ప‌రుగులు చేశాడు. అత‌డితో పాటు మిచెల్ మార్ష్ కూడా తుపాన్ ఇన్నింగ్స్ ఆడాడు.మార్ష్ 36 బంతుల్లో 6 ఫోర్లు, 6 సిక్స్‌ల‌తో 72 ప‌రుగులు చేశాడు. వీరిద్ద‌రి విధ్వంసం ఫ‌లితంగా తొలుత బ్యాటింగ్ చేసిన ల‌క్నో నిర్ణీత 20 ఓవ‌ర్ల‌లో 8 వికెట్ల న‌ష్టానికి 209 ప‌రుగులు చేసింది. ఢిల్లీ బౌల‌ర్ల‌లో మిచెల్ స్టార్క్ మూడు వికెట్లు, కుల్దీప్ యాద‌వ్ రెండు వికెట్లు సాధించ‌గా.. విప్రాజ్ నిగ‌మ్‌, ముఖేష్ కుమార్ త‌లా వికెట్ సాధించారు. 6, 6, DROPPED, 6! 💥A tough start for debutant Vipraj Nigam as he conceded a 25-run over against Pooran & Marsh! 😳 Watch LIVE action: https://t.co/mQP5SyTHlW#IPLonJioStar 👉 #DCvLSG | LIVE NOW on Star Sports 1, Star Sports 1 Hindi & JioHotstar! pic.twitter.com/9g3GOI0wVl— Star Sports (@StarSportsIndia) March 24, 2025 The art 🎨The artist 😎Mitchell Starc gets one on target ⚡️Nicholas Pooran goes back after a breathtaking 75(30) 🔥Updates ▶ https://t.co/aHUCFODDQL#TATAIPL | #DCvLSG pic.twitter.com/SQcmxUD8La— IndianPremierLeague (@IPL) March 24, 2025

అర్జున్ టెండూల్కర్.. ఇప్ప‌టివ‌ర‌కు దేశ‌వాళీ క్రికెట్‌లో గానీ, ఐపీఎల్‌లో గానీ త‌న మార్క్‌ను చూపించ‌లేక‌పోయాడు. భార‌త క్రికెట్ దిగ్గ‌జం స‌చిన్ టెండూల్క‌ర్ వారుసుడిగా కెరీర్‌ను మొదలు పెట్టిన అర్జున్‌.. అంచ‌నాల‌కు త‌గ్గ‌ట్టు రాణించ‌లేక‌పోతున్నాడు. లిస్ట్‌-ఎ క్రికెట్‌లో తొలుత ముంబైకి ప్రాతినిథ్యం వహించిన టెండూల్కర్‌.. ఫస్ట్ క్లాస్ క్రికెట్‌లో మాత్రం గోవా తరపున అరంగేట్రం చేశాడు. తన ఫస్ట్ క్లాస్ డెబ్యూలోనే సెంచరీ చేశాడు. ఆ తర్వాత మాత్రం పూర్తిగా తేలిపోయాడు. ఫ‌స్ట్‌క్లాస్ క్రికెట్‌లో అర్జున్ పేరిట 37 వికెట్ల‌తో పాటు ఒక సెంచ‌రీ ఉంది. అటు ఐపీఎల్‌లోనూ కూడా అర్జున్ విఫ‌ల‌మ‌య్యాడు. ముంబై ఇండియన్స్ తరపున నాలుగు మ్యాచ్ ల్లో మూడు వికెట్లు పడగొట్టాడు. గ‌తేడాది సీజ‌న్‌ల ఆడిన ఏకైక మ్యాచ్ లో ఒక్క వికెట్ కూడా ఈ జూనియ‌ర్ టెండూల్క‌ర్‌ తీయలేకపోయాడు. తాజాగా అర్జున్ ఉద్దేశించి భారత మాజీ క్రికెటర్, లెజెండరీ ఆల్ రౌండర్ యువరాజ్ సింగ్ తండ్రి యోగరాజ్ సింగ్ ఆస‌క్తిక‌ర వ్యాఖ్య‌లు చేశాడు. అర్జున్ బ్యాటింగ్ ఆల్ రౌండర్ కాబట్టి ఎక్కువ‌గా బ్యాటింగ్ పై దృష్టి పెట్టాలని యోగరాజ్ అన్నాడు. కాగా యోగ‌రాజ్ అర్జున్ కు కొంతకాలం శిక్షణ ఇచ్చాడు. ఆ త‌ర్వాత అత‌డు రంజీ ట్రోఫీలో సెంచ‌రీ కూడా సాధించాడు."అర్జున్ టెండూల్కర్ నా ద‌గ్గ‌ర‌కు వ‌స్తే ఆరు నెలల్లో అతన్ని ప్రపంచంలోనే గొప్ప బ్యాట‌ర్‌గా త‌యారుచేస్తాను. అత‌డికి అద్భుత‌మైన బ్యాటింగ్ స్కిల్స్ ఉన్నాయి. అతని సామర్థ్యం ఎవరికీ తెలియదు. అత‌డికి 12 రోజుల పాటు నేను శిక్ష‌ణ ఇచ్చాడు. అప్పుడే అతడి బ్యాటింగ్ సామర్ధ్యాన్ని గుర్తించాను. రంజీ ట్రోఫీ అరంగేట్రంలో సెంచరీ చేశాడు. స‌చిన్‌, యువ‌రాజ్ ఇద్ద‌రూ అర్జున్ టెండూల్కర్‌ను త‌న ప‌ర్య‌వేక్ష‌ణ‌లోకి తీసుకోమ‌ని చెప్పారు. అత‌డు దాదాపు 10 నుంచి 12 రోజుల పాటు కోచింగ్ ఆకాడ‌మీలో ఉన్నాడు. అత‌డు మంచి బ్యాట‌ర్ కానీ బౌలింగ్‌లో ఎక్కువ‌గా స‌మ‌యం వృధా చేస్తాను. అత‌డు బ్యాటింగ్ ఆల్‌రౌండ‌ర్‌గా బ్యాటింగ్‌పై దృష్టిపెట్టాలి అని యోగరాజ్ తరువార్ కోహ్లీకి ఇచ్చిన ఇంటర్వ్యూలో పేర్కొన్నాడు.

బాలీవుడ్‌ భామ అతియా శెట్టి పండంటి బిడ్డకు జన్మనిచ్చింది. ఈ విషయాన్ని సోషల్ మీడియా ద్వారా వెల్లడించింది. తనకు పాప పుట్టారని ఇన్‌స్టాలో పోస్ట్ చేసింది. దీంతో టీమిండియా స్టార్ క్రికెటర్‌ కేఎల్ రాహుల్‌ తండ్రి అయ్యారు. ఈ విషయం తెలుసుకున్న అభిమానులు ఈ స్టార్ జంటకు అభినందనలు చెబుతున్నారు. పలువురు సినీతారలు సైతం కంగ్రాట్స్ అంటూ పోస్టులు పెడుతున్నారు. కాగా.. గతంలోనే అతియాశెట్టి గర్భంతో ఉన్నట్లు రాహుల్‌ సోషల్‌మీడియా వేదికగా వెల్లడించారు. ఈ ఏడాదిలోనే మా ఇంటికి అందమైన ఆశీర్వాదం రాబోతుందని పోస్ట్‌ చేశారు.కాగా.. అతియా శెట్టి బాలీవుడ్ నటుడు సునీల్ శెట్టి ముద్దుల కూతురిగా సినిమాల్లో ఎంట్రీ ఇచ్చింది. అతియా శెట్టి చివరిసారిగా 2019లో వచ్చిన చిత్రం 'మోతీచూర్ చక్నాచూర్'లో కనిపించింది. ఈ చిత్రంలో నవాజుద్దీన్ సిద్ధిఖీ సరసన నటించింది. ఆమె మొదట 2015లో 'హీరో' మూవీ ద్వారా సూరజ్ పంచోలి సరసన బాలీవుడ్‌లో అడుగుపెట్టింది. అర్జున్ కపూర్ నటించిన 'ముబారకన్' సినిమాలో అతియా కీలక పాత్ర పోషించింది.కేఎల్, అతియా శెట్టి ప్రేమ వివాహంఅయితే కొన్నేళ్ల పాటు డేటింగ్‌లో ఉన్న ఈ జంట పెద్దల సమక్షంలో ఒక్కటయ్యారు. కేఎల్ రాహుల్‌, అతియా శెట్టిల వివాహం 2023, జనవరి 23న ముంబయిలోని ఫామ్‌హౌస్‌లో గ్రాండ్‌గా జరిగింది. ఈ పెళ్లి వేడుకలో బాలీవుడ్ సినీతారలు, పలువురు క్రికెటర్ల సందడి చేశారు. View this post on Instagram A post shared by Athiya Shetty (@athiyashetty)

IPL 2025 LSG vs DC live updates and highlights: వారెవ్వా అశుతోష్‌.. ఉత్కంఠ‌పోరులో ఢిల్లీ విజ‌యంవైజాగ్ వేదిక‌గా ల‌క్నో సూప‌ర్ జెయింట్స్‌తో జ‌రిగిన మ్యాచ్‌లో ఒక్క వికెట్ తేడాతో ఢిల్లీ క్యాపిట‌ల్స్ సంచ‌ల‌న విజ‌యం సాధించింది. చివ‌రి వర‌కు ఉత్కంఠ‌భ‌రితంగా సాగిన ఈ మ్యాచ్‌లో అశుతోష్ శ‌ర్మ ఢిల్లీని గెలిపించాడు. ఇంపాక్ట్ ప్లేయ‌ర్‌గా వ‌చ్చిన అశుతోష్.. త‌న విరోచిత పోరాటంతో ఢిల్లీని ఓట‌మి నుంచి గ‌ట్టెక్కించాడు. ఫ‌లితంగా 210 ప‌రుగుల భారీ ల‌క్ష్యాన్ని ఢిల్లీ.. 9 వికెట్లు కోల్పోయి 19.3 ఓవ‌ర్ల‌లో అందుకుంది. ఢిల్లీ బ్యాట‌ర్ల‌లో అశుతోష్‌తో పాటు విప్ర‌జ్ నిగ‌మ్‌( 15 బంతుల్లో 5 ఫోర్లు, 2 సిక్స్‌ల‌తో 39), స్ట‌బ్స్‌(34) కీల‌క ఇన్నింగ్స్‌లు ఆడారు.ర‌స‌వ‌త్త‌రంగా మ్యాచ్‌..ఢిల్లీ క్యాపిటల్స్‌, ల‌క్నో సూప‌ర్ జెయింట్స్ మ‌ధ్య మ్యాచ్ ర‌స‌వత్త‌రంగా సాగుతోంది. ఢిల్లీ విజ‌యానికి 12 బంతుల్లో 22 ప‌రుగులు కావాలి. క్రీజులో అశుతోష్ శ‌ర్మ‌(48) ప‌రుగుల‌తో ఉన్నారు.దూకుడుగా ఆడుతున్న విప్ర‌జ్‌విప్రజ్ నిగమ్(11 బంతుల్లో 30) దూకుడుగా ఆడుతున్నాడు. విప్ర‌జ్ త‌న బ్యాటింగ్‌తో ఢిల్లీ క్యాపిట‌ల్స్ శిబిరంలో ఆశ‌లు రెకెత్తించాడు. ఢిల్లీ విజ‌యానికి 30 బంతుల్లో 62 ప‌రుగులు కావాలి.ఢిల్లీ ఆరో వికెట్ డౌన్‌ట్రిస్టన్ స్టబ్స్ రూపంలో ఢిల్లీ క్యాపిట‌ల్స్ ఆరో వికెట్ కోల్పోయింది. 34 ప‌రుగులు చేసిన స్ట‌బ్స్‌.. సిద్దార్ధ్ బౌలింగ్‌లో క్లీన్ బౌల్డ‌య్యాడు. ఢిల్లీ విజ‌యానికి 42 బంతుల్లో 94 ప‌రుగులు కావాలి. క్రీజులో అశుతోష్ శ‌ర్మ‌(17), విప్రాజ్ నిగమ్‌(2) ఉన్నారు.క‌ష్టాల్లో ఢిల్లీ క్యాపిట‌ల్స్‌..210 ప‌రుగుల భారీ ల‌క్ష్యంతో బ‌రిలోకి ఢిల్లీ క్యాపిట‌ల్స్ త‌డ‌బ‌డుతోంది. ఢిల్లీ కేవ‌లం 66 ప‌రుగుల‌కే 5 వికెట్లు కోల్పోయి క‌ష్టాల్లో ప‌డింది. అక్ష‌ర్ ప‌టేల్‌(22) నాలుగో వికెట్ వెనుదిర‌గగా.. ఫాఫ్ డుప్లెసిస్‌(29) ఐదో వికెట్‌గా పెవిలియ‌న్‌కు చేరాడు. 4 ఓవర్లకు ఢిల్లీ స్కోర్‌: 32/34 ఓవ‌ర్లు ముగిసే స‌రికి ఢిల్లీ 3 వికెట్ల న‌ష్టానికి 32 ప‌రుగులు చేసింది. క్రీజులో ఫాప్ డుప్లెసిస్‌(14), అక్ష‌ర్ ప‌టేల్‌(13) ప‌రుగుల‌తో ఉన్నారు.ఢిల్లీ క్యాపిట‌ల్స్‌కు బిగ్ షాక్‌.. తొలి ఓవ‌ర్‌లో రెండు వికెట్లు210 ప‌రుగుల భారీ ల‌క్ష్యంతో బ‌రిలోకి ఢిల్లీ క్యాపిట‌ల్స్‌కు భారీ షాక్ త‌గిలింది. శార్థూల్ ఠాకూర్ వేసిన తొలి ఒవ‌ర్‌లో వ‌రుస‌గా జాక్ ఫ్రెజ‌ర్ మెక్‌గ‌ర్క్(1), అభిషేక్ పోరెల్‌(0) ఔట‌య్యాడు.మార్ష్‌, పూర‌న్ ఊచ‌కోత‌.. ఢిల్లీ ముందు భారీ టార్గెట్‌వైజాగ్ వేదికగా ఢిల్లీ క్యాపిట‌ల్స్‌తో జ‌రుగుతున్న మ్యాచ్‌లో ల‌క్నో సూప‌ర్ జెయింట్స్ బ్యాట‌ర్లు అద‌ర‌గొట్టారు. టాస్ ఓడి తొలుత బ్యాటింగ్‌కు దిగిన ల‌క్నో నిర్ణీత 20 ఓవ‌ర్ల‌లో 8 వికెట్ల న‌ష్టానికి 209 ప‌రుగులు చేసింది. ల‌క్నో బ్యాట‌ర్ల‌లో మిచెల్ మార్ష్‌( 36 బంతుల్లో 6 ఫోర్లు, 6 సిక్స్‌ల‌తో 72), నికోల‌స్ పూర‌న్‌( 30 బంతుల్లో 6 ఫోర్లు, 7 సిక్స్‌ల‌తో 75 ప‌రుగులు) హాఫ్ సెంచ‌రీల‌తో మెరిశారు. ఢిల్లీ బౌల‌ర్ల‌లో మిచెల్ స్టార్క్ మూడు వికెట్లు, కుల్దీప్ యాద‌వ్ రెండు వికెట్లు సాధించ‌గా.. విప్రాజ్ నిగ‌మ్‌, ముఖేష్ కుమార్ త‌లా వికెట్ సాధించారు.18 ఓవర్లకు ఢిల్లీ స్కోర్‌: 188/6ఢిల్లీ క్యాపిట‌ల్స్ వ‌రుస క్ర‌మంలో వికెట్లు కోల్పోయింది. 18 ఓవ‌ర్లు ముగిసే స‌రికి 6 వికెట్ల న‌ష్టానికి 188 ప‌రుగులు చేసింది. క్రీజులో డేవిడ్ మిల్ల‌ర్‌(12), షెబాజ్ ఆహ్మ‌ద్‌(4) ఉన్నారు.మిచెల్ మార్ష్ ఔట్‌.. ల‌క్నో సూప‌ర్ జెయింట్స్ మిచెల్ మార్ష్ రూపంలో రెండో వికెట్ కోల్పోయింది. 72 ప‌రుగులు చేసిన మార్ష్‌.. ముఖేష్ కుమార్ బౌలింగ్‌లో ఔట‌య్యాడు. క్రీజులోకి రిషబ్‌ పంత్‌ వచ్చాడు. 14 ఓవర్లకు లక్నో స్కోర్‌: 161/2. క్రీజులో నికోలస్‌ పూరన్‌(70), రిషబ్‌ పంత్‌(0) పరుగులతో ఉన్నారు.భారీ స్కోర్‌ దిశగా లక్నో..11 ఓవర్లు ముగిసే సరికి లక్నో వికెట్‌ నష్టానికి 125 పరుగులు చేసింది. క్రీజులో మిచెల్‌ మార్ష్‌(65), నికోలస్‌ పూరన్‌(41) పరుగులతో ఉన్నారు.మార్ష్ హాఫ్ సెంచ‌రీ..ల‌క్నో స్టార్ ఓపెన‌ర్ మిచెల్ మార్ష్ ఆర్ధ‌శ‌త‌కం సాధించాడు. మార్ష్ 21 బంతుల్లో త‌న హాఫ్ సెంచ‌రీ మార్క్‌ను అందుకున్నాడు. క్రీజులోకి వ‌చ్చిన నికోల‌స్ పూర‌న్ సైతం దూకుడుగా ఆడుతున్నాడు. 8 ఓవర్లకు లక్నో స్కోర్‌: 98/1. ప్ర‌స్తుతం క్రీజులో మిచెల్ మార్ష్‌(20), నికోల‌స్ పూర‌న్(31) ఉన్నారు.తొలి వికెట్ కోల్పోయిన లక్నో..ఐడైన్ మార్‌క్రమ్ రూపంలో లక్నో సూపర్ జెయింట్స్ తొలి వికెట్ కోల్పోయింది. 15 పరుగులు చేసిన మార్‌క్రమ్‌.. విప్రజ్ నిగమ్ బౌలింగ్‌లో ఔటయ్యాడు. 5 ఓవర్లకు లక్నో స్కోర్‌: 50/1దూకుడుగా ఆడుతున్న లక్నో..టాస్ ఓడి బ్యాటింగ్ దిగిన లక్నో సూపర్ జెయింట్స్ వికెట్ నష్టపోకుండా 33 పరుగులు చేసింది. ఓపెనర్లు ఐడైన్ మార్‌క్రమ్‌(13), మిచెల్ మార్ష్‌(20) దూకుడుగా ఆడుతున్నారు.తుది జ‌ట్లుఢిల్లీ క్యాపిటల్స్ (ప్లేయింగ్ XI): జేక్ ఫ్రేజర్-మెక్‌గుర్క్, ఫాఫ్ డు ప్లెసిస్, అభిషేక్ పోరెల్(వికెట్ కీప‌ర్‌), సమీర్ రిజ్వి, అక్షర్ పటేల్(కెప్టెన్), ట్రిస్టన్ స్టబ్స్, విప్రజ్ నిగమ్, మిచెల్ స్టార్క్, కుల్దీప్ యాదవ్, మోహిత్ శర్మ, ముఖేష్ కుమార్లక్నో సూపర్ జెయింట్స్ (ప్లేయింగ్ XI): ఐడెన్ మార్క్రామ్, మిచెల్ మార్ష్, నికోలస్ పూరన్, ఆయుష్ బడోని, రిషబ్ పంత్(కెప్టెన్‌), డేవిడ్ మిల్లర్, ప్రిన్స్ యాదవ్, దిగ్వేష్ రాఠీ, షాబాజ్ అహ్మద్, శార్దూల్ ఠాకూర్, రవి బిష్ణోయ్

ఐపీఎల్‌-2025లో ఢిల్లీ క్యాపిట‌ల్స్ తమ తొలి మ్యాచ్‌లో విశాఖ‌ప‌ట్నం వేదిక‌గా ల‌క్నో సూప‌ర్ జెయింట్స్‌తో తలపడుతోంది. ఈ మ్యాచ్‌లో టాస్ గెలిచిన ఢిల్లీ తొలుత బౌలింగ్ ఎంచుకుంది. అయితే ఈ మ్యాచ్‌కు ఢిల్లీ క్యాపిటల్స్ స్టార్ ప్లేయర్ కేఎల్ రాహుల్ వ్యక్తిగత కారణాల వల్ల దూరమయ్యాడు.అతడి భార్య తొలి బిడ్డకు జన్మనివ్వనుండడంతో రాహుల్ ఇంకా జ‌ట్టుతో చేర‌లేదు. రాహుల్ స్ధానంలో సమీర్ రిజ్వీ తుది జట్టులో చోటు ద‌క్కించుకున్నాడు. కేఎల్ త్వ‌ర‌లోనే జ‌ట్టుతో చేర‌నున్నాడు. ఐపీఎల్‌-2025 మెగా వేలంలో రూ.14 కోట్ల భారీ ధ‌ర‌కు ఢిల్లీ కొనుగోలు చేసింది.తుది జ‌ట్లుఢిల్లీ క్యాపిటల్స్ (ప్లేయింగ్ XI): జేక్ ఫ్రేజర్-మెక్‌గుర్క్, ఫాఫ్ డు ప్లెసిస్, అభిషేక్ పోరెల్(వికెట్ కీప‌ర్‌), సమీర్ రిజ్వి, అక్షర్ పటేల్(కెప్టెన్), ట్రిస్టన్ స్టబ్స్, విప్రజ్ నిగమ్, మిచెల్ స్టార్క్, కుల్దీప్ యాదవ్, మోహిత్ శర్మ, ముఖేష్ కుమార్లక్నో సూపర్ జెయింట్స్ (ప్లేయింగ్ XI): ఐడెన్ మార్క్రామ్, మిచెల్ మార్ష్, నికోలస్ పూరన్, ఆయుష్ బడోని, రిషబ్ పంత్(కెప్టెన్‌), డేవిడ్ మిల్లర్, ప్రిన్స్ యాదవ్, దిగ్వేష్ రాఠీ, షాబాజ్ అహ్మద్, శార్దూల్ ఠాకూర్, రవి బిష్ణోయ్

పాకిస్తాన్ సూపర్ లీగ్ (PSL) 2025 సీజ‌న్‌లో కరాచీ కింగ్స్ (KK) కెప్టెన్‌గా ఆస్ట్రేలియా స్టార్ ఓపెన‌ర్ డేవిడ్ వార్న‌ర్ ఎంపిక‌య్యాడు. ఈ విష‌యాన్ని క‌రాచీ కింగ్స్ ఫ్రాంచైజీ సోమవారం సోష‌ల్ మీడియా వేదిక‌గా వెల్ల‌డించింది. పీఎస్ఎల్‌లో డేవిడ్‌ వార్న‌ర్ యాక్ష‌న్ కోసం మేము ఆస‌క్తిగా ఎదురుచూస్తున్నాము. కెప్టెన్ సాబ్ మీరు సిద్దంగా ఉన్నారా? అని క‌రాచీ కింగ్స్ ఎక్స్‌లో ఓ వీడియోను పోస్ట్ చేసింది. పాకిస్తాన్ సూపర్ లీగ్ డేవిడ్ భాయ్ ఆడ‌టం ఇదే తొలిసారి. ఇండియన్ ప్రీమియర్ లీగ్ (IPL) 2025 మెగా వేలంలో అమ్ముడుపోకపోవడంతో వార్న‌ర్‌ తన పేరును పీఎస్ఎల్ డ్రాప్ట్‌లో నమోదు చేసుకున్నాడు. దీంతో జనవరిలో జరిగిన పీఎస్ఎల్‌ వేలంలో 300,000 డాల‌ర్లు (రూ. 2.56 కోట్లు)కు వార్న‌ర్‌ను క‌రాచీ కింగ్స్ కొనుగోలు చేసింది.మ‌సూద్‌పై వేటు..గ‌త సీజ‌న్ వ‌ర‌కు త‌మ జ‌ట్టు కెప్టెన్‌గా వ్య‌వ‌హ‌రించిన షాన్ మ‌సూద్‌పై క‌రాచీ కింగ్స్ వేటు వేసింది. అత‌డి స్ధానంలో డేవిడ్ వార్న‌ర్‌కు త‌మ జ‌ట్టు ప‌గ్గాల‌ను క‌రాచీ అప్ప‌గించింది. కాగా గ‌తేడాదిలో జూన్‌లో అంత‌ర్జాతీయ క్రికెట్ నుంచి రిటైర్ అయినప్పటి నుండి, వార్నర్ ప్రపంచవ్యాప్తంగా ఉన్న ఫ్రాంచైజీ లీగ్‌లలో ఆడుతున్నాడు.ఈ క్ర‌మంలో ఐపీఎల్ వేలంలో అమ్ముడుపోక‌పోవ‌డంతో పాకిస్తాన్‌లో ఆడాల‌ని ర్ణయించుకున్నాడు. పీఎస్ఎల్ డ్రాప్ట్‌లో ప్లాటినం విభాగంలో అత‌డిని కేకే ఫ్రాంచైజీ ద‌క్కించుకుంది. క‌రాచీ జ‌ట్టులో ఆడమ్ మిల్నే, జేమ్స్ విన్స్,టిమ్ సీఫెర్ట్ వంటి విదేశీ స్టార్లు ఉన్నారు. ఇక పీఎస్ఎల్‌-2025 సీజ‌న్ ఏప్రిల్ 11 నుంచి ప్రారంభం కానుంది.క‌రాచీ కింగ్స్ జ‌ట్టు: అబ్బాస్ అఫ్రిది, ఆడమ్ మిల్నే, డేవిడ్ వార్నర్, హసన్ అలీ, జేమ్స్ విన్స్, ఖుష్దిల్ షా, ఇర్ఫాన్ ఖాన్ నియాజీ, షాన్ మసూద్, అమీర్ జమాల్, అరాఫత్ మిన్హాస్, టిమ్ సీఫెర్ట్, జాహిద్ మహమూద్, లిట్టన్ దాస్, మీర్ హమ్జా, కేన్ విలియమ్సన్, ఇమ్మాద్ మమ్‌జామ్, ఎమ్బియామ్‌సన్ యూసుఫ్, ఫవాద్ అలీ, రియాజుల్లాచ‌ద‌వండి: IPL 2025: సీఎస్‌కేతో మ్యాచ్‌.. ఆర్సీబీకి గుడ్ న్యూస్‌! స్వింగ్ కింగ్ వ‌చ్చేస్తున్నాడు?

ఐపీఎల్‌-2025 సీజ‌న్‌ తొలి మ్యాచ్‌లోనే కేకేఆర్‌ను చిత్తు చేసిన రాయ‌ల్ ఛాలెంజ‌ర్స్ బెంగ‌ళూరు.. ఇప్పుడు మ‌రో కీల‌క పోరుకు సిద్ద‌మవుతోంది. ఆర్సీబీ త‌మ రెండో మ్యాచ్‌లో భాగంగా మార్చి 28న చెపాక్ వేదిక‌గా చెన్నై సూప‌ర్ కింగ్స్‌తో త‌ల‌ప‌డ‌నుంది. సీఎస్‌కే కూడా త‌మ మొద‌టి మ్యాచ్‌లో ముంబై పై విజ‌యం సాధించి మంచి జోష్ మీద ఉంది. దీంతో ఈ రెండు జ‌ట్ల మ‌ధ్య పోరు మ‌రోసారి అభిమానుల‌ను మునివేళ్ల‌పై నిల‌బెట్ట‌డం ఖాయం.ఇక ఈ మ్యాచ్‌కు ఆర్సీబీకి ఓ గుడ్ న్యూస్ ఉంది. కేకేఆర్‌తో జ‌రిగిన తొలి మ్యాచ్‌కు గాయం కార‌ణంగా దూర‌మైన స్పీడ్ స్టార్ భువ‌నేశ్వ‌ర్ కుమార్.. ఇప్పుడు ఫుల్ ఫిట్‌నెస్ సాధించిన‌ట్లు తెలుస్తోంది. భువీ నెట్స్‌లో బౌలింగ్ ప్రాక్టీస్‌ను మొద‌లు పెట్టిన‌ట్లు వార్త‌లు వినిపిస్తున్నాయి. ఆర్సీబీ కూడా తాజాగా భువీ బంతి ప‌ట్టికుని ఉన్న ఫోటోను షేర్ చేసింది.అందుకు క్యాప్ష‌న్‌గా "భువీ త్వ‌ర‌లోనే బంతిని స్వింగ్ చేస్తాడు. అత‌డు మ‌రింత బ‌లంగా తిరిగిరానున్నాడ‌ని" బెంగ‌ళూరు ఫ్రాంచైజీ రాసుకొచ్చింది. దీంతో ఆర్సీబీ త‌దుపరి మ్యాచ్‌లో భువ‌నేశ్వ‌ర్ ఆడ‌టం దాదాపు ఖాయ‌మైన‌ట్లే. కాగా మొద‌టి మ్యాచ్‌కు భువ‌నేశ్వ‌ర్ కుమార్ స్ధానంలో జ‌మ్మూ కాశ్మీర్ బౌల‌ర్‌రసిఖ్ సలాం చోటు ద‌క్కించుకున్నాడు. కానీ అత‌డు అంత ప్ర‌భావం చూప‌లేదు. మూడు ఓవ‌ర్లు బౌలింగ్ చేసి 35 ప‌రుగుల‌తో పాటు ఓ వికెట్ ప‌డ‌గొట్టాడు. భువీ ఎంట్రీ ఇస్తే ధార్ సలీం బెంచ్‌కు ప‌రిమితం కానున్నాడు. కాగా 35 ఏళ్ల భువ‌నేశ్వ‌ర్ కుమార్‌కు అద్భుత‌మైన రికార్డు ఉంది. 176 ఐపిఎల్ మ్యాచ్‌లు ఆడిన ఈ యూపీ ఫాస్ట్ బౌల‌ర్‌.. 7.56 ఎకానమీతో 181 వికెట్లు త‌న ఖాతాలో వేసుకున్నాడు. కాగా గ‌త కొన్ని సీజ‌న్ల‌గా స‌న్‌రైజ‌ర్స్ హైదరాబాద్‌కు ప్రాతినిథ్యం వ‌హించిన భువనేశ్వర్‌ను ఐపీఎల్‌-2025 వేలంలో రూ. 10.75 భారీ ధరకు ఆర్సీబీ కొనుగోలు చేసింది. కాగా సీఎస్‌కేపై భువనేశ్వర్‌కు అంత‌మంచి రికార్డు లేదు. సీఎస్‌కేపై 20 మ్యాచ్‌ల్లో అత‌డు 39 సగటుతో 20 వికెట్లు మాత్రమే పడగొట్టాడు. ఐపీఎల్‌-2025కు ఆర్సీబీ తుది జ‌ట్టు ఇదేరజత్ పాటిదార్ (కెప్టెన్‌), విరాట్ కోహ్లి, యశ్ దయాల్, జోష్ హేజిల్‌వుడ్, ఫిల్ సాల్ట్, జితేష్ శర్మ, లియామ్ లివింగ్‌స్టోన్, రసిఖ్ దార్, సుయాష్ శర్మ, కృనాల్ పాండ్యా, భువనేశ్వర్ కుమార్, స్వప్నిల్ సింగ్, టిమ్ డేవిడ్, రొమారియో షెపర్డ్, నువాన్ తుషార, మనోజ్ స్వేఖ్ భండాగే, జాకబ్ బండెక్, జాకబ్ బంధేజ్ లుంగీ ఎంగిడీ, అభినందన్ సింగ్, మోహిత్ రాథీ.చ‌ద‌వండి: DC vs LSG: విశాఖలో మ్యాచ్‌.. తుదిజట్లు ఇవే!.. వర్షం ముప్పు?

ముంబై ఇండియన్స్‌ యువ సంచలనం విఘ్నేశ్‌ పుతూర్‌ (Vignesh Puthur)పై ఆ జట్టు యజమాని నీతా అంబానీ ప్రశంసలు కురిపించారు. అరంగేట్ర మ్యాచ్‌లోనే అద్భుతంగా ఆడావని కొనియాడారు. భవిష్యత్తులోనూ ఇదే తరహాలో అద్భుతంగా ఆడాలని ఆకాంక్షించారు. ఈ సందర్భంగా ‘బెస్ట్‌ బౌలర్‌’ బ్యాడ్జ్‌ను నీతా అంబానీ (Nita Ambani) విఘ్నేశ్‌కు అందించారు.కాగా ఐపీఎల్‌-2025 మార్చి 22న ప్రారంభమైన విషయం తెలిసిందే. ఈ క్రమంలో చిరకాల ప్రత్యర్థులు చెన్నై సూపర్‌ కింగ్స్‌- ముంబై ఇండియన్స్‌ మధ్య ఆదివారం (మార్చి 23) మ్యాచ్‌ జరిగింది. చెన్నైలోని చెపాక్‌ స్టేడియం ఇందుకు వేదిక కాగా.. టాస్‌ గెలిచిన రుతురాజ్‌ సేన తొలుత బౌలింగ్‌ చేసింది.నామమాత్రపు స్కోరుఈ క్రమంలో బ్యాటింగ్‌కు దిగిన ముంబై జట్టు స్టార్‌ బ్యాటర్లు విఫలం కావడంతో నామమాత్రపు స్కోరుకే పరిమితమైంది. ఓపెనర్లలో రోహిత్‌ శర్మ (Rohit sharma) డకౌట్‌ కాగా.. రియాన్‌ రెకెల్టన్‌ 13 పరుగులకే పెవిలియన్‌ చేరాడు. వన్‌డౌన్‌లో వచ్చిన విల్‌ జాక్స్‌ 11 రన్స్‌ మాత్రమే చేయగా.. తాత్కాలిక కెప్టెన్‌ సూర్యకుమార్‌ యాదవ్‌ 29, తిలక్‌ వర్మ 31, దీపక్‌ చహర్‌ 28(నాటౌట్‌) చెప్పుకోదగ్గ స్కోర్లు చేశారు.ఈ క్రమంలో నిర్ణీత 20 ఓవర్లలో ముంబై ఇండియన్స్‌ తొమ్మిది వికెట్ల నష్టానికి 155 పరుగులు చేసింది. ఇక లక్ష్య ఛేదనకు దిగిన చెన్నై టార్గెట్‌ను సులువుగానే పూర్తి చేస్తుందని అంతా భావించారు. ఓపెనర్‌ రచిన్‌ రవీంద్ర (65 నాటౌట్‌), కెప్టెన్‌ రుతురాజ్‌ గైక్వాడ్‌ (26 బంతుల్లో 53) అద్భుత అర్ధ శతకాలు సాధించారు. అయితే, మ్యాచ్‌ను ఆఖరి వరకు తీసుకువెళ్లింది మాత్రం ముంబై అరంగేట్ర బౌలర్‌ విఘ్నేశ్‌ పుతూర్‌ అని చెప్పవచ్చు. స్పిన్‌ మాయాజాలంతోరుతురాజ్‌తో పాటు శివం దూబే(9), దీపక్‌ హుడా(3) వికెట్లను విఘ్నేశ్‌ తన ఖాతాలో వేసుకున్నాడు. తన స్పిన్‌ మాయాజాలంతో సీఎస్‌కే మూడు కీలక వికెట్లను కూల్చి సత్తా చాటాడు. అయితే, ఈ మ్యాచ్‌లో మరో ఐదు బంతులు మిగిలి ఉండగానే చెన్నై లక్ష్యాన్ని ఛేదించింది. దీంతో ముంబై ఇండియన్స్‌కు పరాజయం తప్పలేదు. తాజా ఎడిషన్‌ ఆరంభ సీజన్‌లో చెన్నై చేతిలో నాలుగు వికెట్ల తేడాతో ముంబై ఓటమిని చవిచూసింది.విఘ్నేశ్‌ ఎక్కడ?అయితే, విఘ్నేశ్‌ ప్రదర్శన మాత్రం జట్టు యాజమాన్యానికి సంతృప్తినిచ్చింది. ఈ క్రమంలో మ్యాచ్‌ అనంతరం డ్రెసింగ్‌ రూమ్‌కి వెళ్లిన ముంబై జట్టు యజమాని నీతా అంబానీ విఘ్నేశ్‌ను ప్రత్యేకంగా అభినందించారు. ‘‘ఈరోజు మొదటి అవార్డును మన యువ స్పిన్నర్‌.. ముంబై ఇండియన్స్‌కు తొలిసారిగా ఆడిన విఘ్నేశ్‌కు ఇస్తున్నా. విఘ్నేశ్‌ ఎక్కడ?’’ అంటూ అక్కడున్న ఆటగాళ్లను అడిగారు.ఇంతలో గుంపులో నుంచి పరిగెత్తుకు వచ్చిన విఘ్నేశ్‌కు నీతా అంబానీ స్వయంగా బ్యాడ్జ్‌ తొడిగారు. అద్భుతంగా ఆడావు అంటూ అతడికి కితాబు ఇచ్చారు. ఈ పరిణామంతో ఆనందంతో ఉబ్బితబ్బిబ్బపోయిన విఘ్నేశ్‌ నీతా అంబానీ పాదాలకు నమస్కరించి కృతజ్ఞతలు తెలియజేశాడు.థాంక్యూ సూర్య భాయ్‌‘‘నాకు మ్యాచ్‌ ఆడే అవకాశం ఇచ్చిన ముంబై ఫ్రాంఛైజీకి ధన్యవాదాలు. అసలు ఇలా నేను స్టార్లతో కలిసి ఆడతానని అస్సలు ఊహించలేదు. చాలా చాలా సంతోషంగా ఉంది. ఈరోజు మేము గెలవలేకపోవడం మాత్రం కాస్త బాధగా ఉంది.మా జట్టు మొత్తానికి థాంక్స్‌ చెప్పాలి. ముఖ్యంగా సూర్య భాయ్‌ నాకు పూర్తి మద్దతుగా నిలిచాడు. అందుకే నేను ఏమాత్రం ఒత్తిడికి లోనుకాలేదు. నాకు అండగా ఉన్నందుకు థాంక్యూ భయ్యా’’ అని విఘ్నేశ్‌ పుతూర్‌ సహచర ఆటగాళ్లకు ధన్యవాదాలు తెలిపాడు. ఇందుకు సంబంధించిన వీడియోను ముంబై ఇండియన్స్‌షేర్‌ చేయగా వైరల్‌గా మారింది.కాగా కేరళకు చెందిన విఘ్నేశ్‌ స్పిన్‌ బౌలర్‌. 24 ఏళ్ల ఈ స్పిన్నర్‌ ఇంత వరకు డొమెస్టిక్‌ క్రికెట్‌లోనూ అరంగేట్రం చేయలేదు. అయితే, అతడిలోని ప్రతిభను గుర్తించిన ముంబై ఫ్రాంఛైజీ మెగా వేలంలో రూ. 30 లక్షలకు కొనుగోలు చేసింది.చదవండి: అలా అయితే.. నేను జట్టులో ఉండటం వేస్ట్‌: ధోనిLocal Kerala talent ➡️ MI debut in a big game ➡️ Wins the Dressing Room Best Bowler 🏅Ladies & gents, Vignesh Puthur! ✨#MumbaiIndians #PlayLikeMumbai #TATAIPL #CSKvMI pic.twitter.com/UsgyL2awwr— Mumbai Indians (@mipaltan) March 24, 2025

భారత క్రికెట్‌ నియంత్రణ మండలి (BCCI) మహిళా క్రికెటర్లకు సంబంధించి వార్షిక కాంట్రాక్టుల జాబితా విడుదల చేసింది. 2024-25 ఏడాదికి గానూ గ్రేడ్‌-ఎ, బి, సిలలో చోటు దక్కించుకున్న ప్లేయర్ల పేర్లను సోమవారం వెల్లడించింది. కెప్టెన్‌ హర్మన్‌ప్రీత్‌ కౌర్‌, వైస్‌ కెప్టెన్‌ స్మృతి మంధాన (Smriti Mandhana), ఆల్‌రౌండర్‌ దీప్తి శర్మ గ్రేడ్‌-‘ఎ’లో తమ స్థానాన్ని నిలబెట్టుకున్నారు.మరోవైపు.. రేణుకా ఠాకూర్‌ (Renuka Thakur), జెమీమా రోడ్రిగ్స్‌, రిచా ఘోష్‌, షఫాలీ వర్మ గ్రేడ్‌-‘బి’లో స్థానం పదిలం చేసుకున్నారు. అయితే, బౌలర్‌ రాజేశ్వర్‌ గైక్వాడ్‌కు మాత్రం ఈసారి ఈ జాబితాలో చోటు దక్కలేదు.వాళ్లపై వేటు.. వీరికి తొలిసారి చోటుఇక గ్రేడ్‌-‘సి’లో ఉన్న హర్లీన్‌ డియోల్‌, మేఘనా సింగ్‌, దేవికా వైద్య, సబ్బినేని మేఘన, అంజలి శర్వాణిలపై బీసీసీఐ ఈసారి వేటు వేసింది. వర్ధమాన స్టార్లు శ్రేయాంక పాటిల్‌, టైటస్‌ సాధు, అరుంధతి రెడ్డి, అమన్‌జ్యోత్‌ కౌర్‌, ఉమా ఛెత్రిలకు తొలిసారిగా, గ్రేడ్‌-‘సి’లో చోటు ఇచ్చింది.ఈ మేరకు.. ‘‘టీమిండియా సీనియర్‌ వుమెన్‌ జట్టుకు సంబంధించి బీసీసీఐ వార్షిక కాంట్రాక్టులు ప్రకటించింది. 2024-2025 సీజన్‌ (అక్టోబరు 1, 2024-సెప్టెంబరు 30, 2025)గానూ వివరాలు వెల్లడించడమైనది’’ అని బీసీసీఐ సోమవారం నాటి ప్రకటనలో పేర్కొంది. సమీప భవిష్యత్తులో ప్రకటించంఅయితే, పురుషుల సీనియర్‌ జట్టుకు సంబంధించి సమీప భవిష్యత్తులో వార్షిక కాంట్రాక్టుల జాబితా ప్రకటించబోమని బీసీసీఐ కార్యదర్శి దేవజిత్‌ సైకియా గురువారం స్పోర్ట్స్‌ స్టార్‌కు వెల్లడించిన విషయం తెలిసిందే.ఇదిలా ఉంటే.. మహిళా క్రికెటర్ల వార్షిక కాంట్రాక్టులకు సంబంధించి మూడు గ్రేడ్‌ల ప్లేయర్ల జీతాలు వేరుగా ఉంటాయి. అయితే, ఆ మొత్తం ఎంత అన్నది మాత్రం బీసీసీఐ ఈసారి వెల్లడించలేదు. ఆఖరిసారిగా బీసీసీఐ అధికారికంగా ప్రకటించిన వివరాల ప్రకారం.. గ్రేడ్‌-‘ఎ’లో ఉన్న ప్లేయర్లకు రూ. 50 లక్షలు, గ్రేడ్‌-‘బి’లో ఉన్న క్రికెటర్లకు రూ. 30 లక్షలు, గ్రేడ్‌-‘సి’లో ఉన్న ప్లేయర్లకు రూ. 10 లక్షల చొప్పున వార్షిక వేతనం చెల్లిస్తారు.అయితే, పురుష క్రికెటర్లతో పోలిస్తే మహిళా క్రికెటర్లకు చెల్లించే మొత్తం అసలు ఏమాత్రం లెక్కకాదు. పురుష క్రికెటర్లలో A+ గ్రేడ్‌లో ఉన్న వారికి రూ. 7 కోట్లు, A గ్రేడ్‌లో ఉన్నవారికి రూ. 5 కోట్లు, B గ్రేడ్‌లో ఉన్న వారికి రూ. 3 కోట్లు, C గ్రేడ్‌లో ఉన్నవారికి రూ. కోటి చొప్పున బీసీసీఐ చెల్లిస్తోంది.బీసీసీఐ వార్షిక కాంట్రాక్టులు(2024-25)గ్రేడ్‌-ఎ: హర్మన్‌ప్రీత్‌ కౌర్‌, స్మృతి మంధాన, దీప్తి శర్మగ్రేడ్‌-బి : రేణుకా సింగ్‌ ఠాకూర్‌, జెమీమా రోడ్రిగ్స్‌, రిచా ఘోష్‌, షఫాలీ వర్మగ్రేడ్‌-సి : యస్తికా భాటియా, రాధా యాదవ్‌, శ్రేయాంక పాటిల్‌, టైటస్‌ సాధు, అరుంధతి రెడ్డి, అమన్‌జోత్‌ కౌర్‌, ఉమా ఛెత్రి, స్నేహ్‌ రాణా, పూజా వస్త్రాకర్‌.చదవండి: కలకాలం గుర్తుండిపోతుంది!.. ఎవరీ విఘ్నేశ్‌?.. ధోని కూడా ఫిదా!

ఐపీఎల్‌-2025 (IPL)లో మరో ఆసక్తికర మ్యాచ్‌కు రంగం సిద్ధమైంది. ఢిల్లీ క్యాపిటల్స్‌ (Delhi Capitals)- లక్నో సూపర్‌ జెయింట్స్‌ (Lucknow Super Giants) మధ్య సోమవారం పోటీ జరుగనుంది. విశాఖపట్నంలోని వైఎస్సార్‌ ఏసీఏ–వీడీసీఏ స్టేడియం ఇందుకు వేదిక. కాగా ఢిల్లీ క్యాపిటల్స్‌కు ఇది రెండో హోంగ్రౌండ్‌ అన్న విషయం తెలిసిందే.ఇదిలా ఉంటే.. ఢిల్లీకి గతేడాది సారథ్యం వహించిన టీమిండియా స్టార్‌ రిషభ్‌ పంత్‌.. ఈసారి లక్నో సూపర్‌ జెయింట్స్‌కు కెప్టెన్‌ అయ్యాడు. రూ. 27 కోట్ల భారీ ధరకు లక్నో ఫ్రాంఛైజీ కొనుక్కోగా.. ఈ సీజన్‌లో తొలి మ్యాచ్‌లోనే తన పాత జట్టుపై ఈ వికెట్‌ కీపర్‌ ప్రతాపం చూపేందుకు సిద్ధమయ్యాడు.పంత్‌ వర్సెస్‌ అక్షర్‌!మరోవైపు.. పంత్‌ నిష్క్రమణతో ఖాళీ అయిన ఢిల్లీ క్యాపిటల్స్‌ కెప్టెన్సీ పోస్టును టీమిండియా ఆల్‌రౌండర్‌ అక్షర్‌ పటేల్‌ భర్తీ చేశాడు. ఈ జట్టులో మరో టీమిండియా స్టార్‌ కేఎల్‌ రాహుల్‌ కూడా కీలకం కానున్నాడు. అయితే, లక్నోతో మ్యాచ్‌కు అతడు దూరమయ్యే అవకాశాలు ఎక్కువగా ఉన్నాయి. రాహుల్‌ భార్య అతియా శెట్టి త్వరలోనే తమ తొలి సంతానానికి జన్మనివ్వనుండటం ఇందుకు కారణంగా తెలుస్తోంది.గాయాల బెడదఇదిలా ఉంటే.. లక్నో జట్టును గాయాల బెడద వేధిస్తోంది. ఆ జట్టు పేసర్‌ మొహ్సిన్‌ ఖాన్‌ సీజన్‌ మొత్తానికి దూరం కాగా.. అతడి స్థానంలో శార్దూల్‌ ఠాకూర్‌ జట్లుఓకి వచ్చాడు. అయితే, కీలక పేసర్లు మయాంక్‌ యాదవ్‌, ఆవేశ్‌ ఖాన్‌, ఆకాశ్‌ దీప్‌ కూడా గాయాల బారిన పడ్డారు. వీరంతా ప్రస్తుతం చికిత్స తీసుకుంటున్నారు.ఇలా స్టార్‌ పేసర్లంతా గాయపడటం లక్నో తుదిజట్టు కూర్పుపై కచ్చితంగా ప్రభావం చూపనుంది. మరోవైపు.. ఢిల్లీ రాహుల్‌ సేవలను కోల్పోయినా జేక్‌ ఫ్రేజర్‌-మెగర్క్‌తో పాటు ఫాఫ్‌ డుప్లెసిస్‌ అందుబాటులో ఉండటం.. ఆ జట్టుకు సానుకూలాంశంగా పరిణమించింది. అంతేకాదు ప్రపంచస్థాయి పేసర్‌ మిచెల్‌ స్టార్క్‌ కూడా జట్టుతో ఉండటం ఢిల్లీకి కలిసి రానుంది.లక్నోదే పైచేయిఇక లక్నో మిచెల్‌ మార్ష్‌తో అర్షిన్‌ కులకర్ణిని ఇన్నింగ్స్‌ ఆరంభించేందుకు పంపే సూచనలు ఉన్నాయి. పంత్‌ వికెట్‌ కీపర్‌గా బాధ్యతలు నిర్వర్తించడంతో పాటు నాయకుడిగానూ జట్టును ముందుండి నడిపించనుండగా.. నికోలస్‌ పూరన్‌ స్పెషలిస్టు బ్యాటర్‌గా అందుబాటులో ఉన్నాడు. ఇంపాక్ట్‌ ప్లేయర్‌గా ఆకాశ్‌ సింగ్‌ లేదంటే షాబాజ్ అహ్మద్‌ బరిలోకి దిగే ఛాన్స్‌ ఉంది. కాగా ఢిల్లీ- లక్నో జట్లు ఇప్పటి వరకు ముఖాముఖి ఐదుసార్లు తలపడగా.. ఢిల్లీ రెండుసార్లు, లక్నో మూడుసార్లు గెలిచాయి.వర్షం ముప్పు?ఇదిలా ఉంటే.. విశాఖపట్నంలో ఒక్కసారిగా వాతావరణం మారిపోయింది. ఉరుములతో ఆకాశం మేఘావృతమైంది. ఇక హైదరాబాద్‌లో ఇప్పటికే కుండపోత వర్షం కురుస్తుండగా.. విశాఖలోనూ వాన పడితే ఢిల్లీ- లక్నో మ్యాచ్‌పై ప్రభావం పడనుంది.ఐపీఎల్‌-2025: ఢిల్లీ వర్సెస్‌ లక్నో తుదిజట్లు (అంచనా)ఢిల్లీజేక్ ఫ్రేజర్-మెగర్క్, ఫాఫ్ డు ప్లెసిస్, అభిషేక్ పోరెల్ (వికెట్‌ కీపర్‌), కరుణ్ నాయర్, అక్షర్ పటేల్ (కెప్టెన్‌), ట్రిస్టన్ స్టబ్స్, అశుతోష్ శర్మ, మిచెల్ స్టార్క్, కుల్దీప్ యాదవ్, ముకేష్ కుమార్, టి.నటరాజన్ఇంపాక్ట్‌ ప్లేయర్‌: మోహిత్‌ శర్మలక్నోఅర్షిణ్‌ కులకర్ణి, మిచెల్‌ మార్ష్‌, రిషభ్‌ పంత్‌(కెప్టెన్‌, వికెట్‌ కీపర్‌), నికోలస్‌ పూరన్‌, ఆయుశ్‌ బదోని, డేవిడ్‌ మిల్లర్‌, అబ్దుల్‌ సమద్‌, శార్దూల్‌ ఠాకూర్‌, రాజ్‌వర్ధన్‌ హంగ్రేకర్‌, రవి బిష్ణోయి, షమార్‌ జోసెఫ్‌ఇంపాక్ట్‌ ప్లేయర్‌: ఆకాశ్‌ సింగ్‌/షాబాజ్‌ అహ్మద్‌.చదవండి: కలకాలం గుర్తుండిపోతుంది!.. ఎవరీ విఘ్నేశ్‌?.. ధోని కూడా ఫిదా!Captains 👍Match-day rivals 🆚Friends through & through 🤝𝗠. 𝗢. 𝗢. 𝗗 Axar & Rishabh as we gear up for tonight's #DCvLSG clash 👌👌#TATAIPL | @DelhiCapitals | @LucknowIPL | @akshar2026 | @RishabhPant17 pic.twitter.com/mI2RI3WHYF— IndianPremierLeague (@IPL) March 24, 2025

కోల్‌కతా నైట్‌ రైడర్స్‌ (KKR) కెప్టెన్‌గా టీమిండియా వెటరన్‌ క్రికెటర్‌ అజింక్య రహానేకు శుభారంభం లభించలేదు. అతడి సారథ్యంలో డిఫెండింగ్‌ చాంపియన్‌ తమ తొలి మ్యాచ్‌లోనే ఘోర ఓటమిని చవిచూసింది. ఐపీఎల్‌-2025 ఆరంభ మ్యాచ్‌లో భాగంగా రాయల్‌ చాలెంజర్స్‌ బెంగళూరు (RCB) చేతిలో ఏడు వికెట్ల తేడాతో పరాజయం పాలైంది.ఇక కేకేఆర్‌ సారథిగా అజింక్య రహానే ఈ మ్యాచ్‌తో తన ప్రయాణం మొదలుపెట్టగా.. ఆర్సీబీ కెప్టెన్‌గా రజత్‌ పాటిదార్‌కు కూడా ఇదే తొలి మ్యాచ్‌ కావడం విశేషం. అయితే, సీనియర్‌ అయిన రహానే.. పాటిదార్‌ పన్నిన వ్యూహాల ముందు తేలిపోవడం గమనార్హం. ఈ నేపథ్యంలో భారత మాజీ క్రికెటర్‌ ఆకాశ్‌ చోప్రా కీలక వ్యాఖ్యలు చేశాడు.కేకేఆర్‌- ఆర్సీబీ మ్యాచ్‌ ఆరంభంలో తాను పాటిదార్‌ను తక్కువగా అంచనా వేశానని.. అయితే, రహానే తన చెత్త నిర్ణయాలతో అతడి ముందు తలవంచాడని పేర్కొన్నాడు. ఈ మేరకు.. ‘‘రజత్‌ పాటిదార్‌ కెప్టెన్‌గా రాణించగలడా? అనే సందేహం ఉండేది.కేకేఆర్‌తో మ్యాచ్‌లో తొలి మూడు ఓవర్లు ఆర్సీబీకి బాగానే సాగింది. కానీ నాలుగో ఓవర్లో పాటిదార్‌.. రసిఖ్‌ సలామ్‌ను తీసుకువచ్చాడు. ఐదో ఓవర్లో కృనాల్‌ పాండ్యాను బరిలోకి దించాడు. దయచేసి ఇలా చేయకు పాటిదార్‌ అని మనసులో అనుకుంటూనే ఉన్నాను.రహానే బ్యాట్‌తో చెలరేగడంతో కేకేఆర్‌ పది ఓవర్లలో వంద పరుగుల మార్కు అందుకుంది. నిజానికి ఆ జట్టు 200కు పైగా స్కోరు చేయాల్సింది. కానీ పాటిదార్‌ వ్యూహాలు అప్పుడే పని చేయడం మొదలుపెట్టాయి. తొలి పది ఓవర్లలో పాటిదార్‌కు కెప్టెన్‌గా అసలు మార్కులేమీ వేయలేకపోయాను.నిజానికి ఆర్సీబీ బలహీనత స్పిన్నర్లు. కానీ కృనాల్‌ సేవలను పాటిదార్‌ ఉపయోగించుకున్న తీరు అద్బుతం. స్పిన్నర్లనే జట్టుకు బలంగా మార్చాడు. కృనాల్‌ తొలి ఓవర్లో భారీగా పరుగులు ఇచ్చినా.. తర్వాత మూడు వికెట్లు తీశాడు. సూయశ్‌ లూజ్‌ బాల్స్‌ వేసినా.. రసెల్‌ రూపంలో కీలక వికెట్‌ దక్కించుకున్నాడు.దీంతో కేకేఆర్‌ కనీసం 175 పరుగుల మార్కు కూడా దాటలేకపోయింది. నేను పాటిదార్‌ గురించి ఏమనుకున్నానో.. అది రహానే విషయంలో నిజమైంది. నిజానికి నరైన్‌ను ఆరంభంలోనే బౌలింగ్‌ చేయించాల్సింది. ఆర్సీబీ బ్యాటర్లు పరుగులు పిండుకుంటున్నా.. నరైన్‌ను రహానే ఆలస్యంగా పిలిపించడం ప్రభావం చూపింది.రహానే ట్రిక్‌ మిస్సయ్యాడు. దానిని ఆర్సీబీ క్యాష్‌ చేసుకుంది. కెప్టెన్‌గా పాటిదార్‌ హిట్టయితే.. రహానే మాత్రం గతంలో కెప్టెన్‌గా పనిచేసిన అనుభవం ఉన్నా తేలిపోయాడు. ఇక బ్యాటర్‌గానూ పాటిదార్‌ అదరగొట్టాడు. సునిల్‌ నరైన్‌ బౌలింగ్‌లో అతడు మూడు సిక్సర్లు బాదడం మామూలు విషయం కాదు.రోహిత్ శర్మ, విరాట్‌ కోహ్లి, మహేంద్ర సింగ్‌ ధోని నరైన్‌ బౌలింగ్‌ను చాలాసార్లు ఎదుర్కొన్నారు. అయితే, ముగ్గురూ కలిసి అతడి బౌలింగ్‌లో కేవలం నాలుగు సిక్సర్లే కొట్టారు. అయితే, పాటిదార్‌ మాత్రం ఇక్కడే తన సుప్రిమసీ చూపించాడు. కెప్టెన్‌గా గొప్ప ఆరంభం అందుకున్నాడు’’ అని ఆకాశ్‌ చోప్రా తన యూట్యూబ్‌ చానెల్‌ వేదికగా పేర్కొన్నాడు. కాగా రహానే గతంలో రైజింగ్‌ పూణె సూపర్‌జెయింట్‌(ఇప్పుడు లేదు), రాజస్తాన్‌ రాయల్స్‌ జట్లకు సారథిగా పనిచేశాడు.ఐపీఎల్‌-2025: కేకేఆర్‌ వర్సెస్‌ ఆర్సీబీ స్కోర్లుకేకేఆర్‌- 174/8 (20)ఆర్సీబీ- 177/3 (16.2)ఫలితం: ఏడు వికెట్ల తేడాతో కేకేఆర్‌పై ఆర్సీబీ గెలుపు

బంగ్లాదేశ్‌ దిగ్గజ బ్యాటర్‌ తమీమ్‌ ఇక్బాల్‌కు (36) ఇవాళ (మార్చి 23) ఉదయం గుండెపోటు వచ్చింది. ఢాకా ప్రీమియర్‌ లీగ్‌లో మ్యాచ్‌ ఆడుతుండగా తమీమ్‌ తీవ్రమైన ఛాతీ నొప్పికి గురయ్యాడు. దీంతో అతన్ని హుటాహుటిన సమీపంలోని ఆసుపత్రికి తరలించారు. తమీమ్‌ పరిస్థితి విషమంగా ఉందని వైద్యులు తెలిపారు. ప్రస్తుతం అతనికి వెంటిలేటర్‌పై చికిత్స అందిస్తున్నారు. తమీమ్‌ గుండె ధమనాల్లో పూడికలు ఉన్నట్లు తెలుస్తుంది. తమీమ్‌ ఇవాళ ఉదయమే రెండు సార్లు ఛాతీ నొప్పికి గురైనట్లు సమాచారం. తమీమ్‌ పరిస్థితి తెలిసి బంగ్లాదేశ్‌ క్రికెట్‌ బోర్డు తమ కార్యకలాపాలన్నిటినీ వాయిదా వేసుకుంది. బోర్డు డైరెక్టర్లు తమీమ్‌ను చూసేందుకు ఆసుపత్రికి క్యూ కట్టారు.తమీమ్‌ బంగ్లాదేశ్‌ క్రికెట్‌లో అత్యంత సఫలమైన ఆటగాడు. తమీమ్‌ 2023లో అంతర్జాతీయ క్రికెట్‌కు రిటైర్మెంట్‌ ప్రకటించాడు. ప్రస్తుతం అతను లోకల్‌ క్రికెట్ ఆడుతూ వ్యాఖ్యాతగా కొనసాగుతున్నాడు. తమీమ్‌ పేరిట బంగ్లాదేశ్‌ క్రికెట్‌కు సంబంధించి ఎన్నో రికార్డులు ఉన్నాయి. తమీమ్‌ తన అంతర్జాతీయ కెరీర్‌లో (మూడు ఫార్మాట్లలో) 15000 పైచిలుకు పరుగులు సాధించాడు. బంగ్లాదేశ్‌ క్రికెట్‌ చరిత్రలో ఇన్ని పరుగులు ఎవరూ చేయలేదు. తమీమ్‌ బంగ్లాదేశ్‌ తరఫున అత్యధిక సెంచరీలు చేసిన ఆటగాడిగా కూడా రికార్డు కలిగి ఉన్నాడు. తమీమ్‌ తన అంతర్జాతీయ కెరీర్‌లో మొత్తం 25 సెంచరీలు బాదాడు. తమీమ్‌ 2020-2023 వరకు బంగ్లాదేశ్‌ వన్డే జట్టు కెప్టెన్‌గా కూడా వ్యవహరించాడు.

ఐపీఎల్‌ 2025 సీజన్‌లో భాగంగా నిన్న (మార్చి 23) రాత్రి జరిగిన మ్యాచ్‌లో చిరకాల ప్రత్యర్థులు ముంబై ఇండియన్స్‌, చెన్నై సూపర్‌ కింగ్స్‌ తలపడ్డాయి. ఈ మ్యాచ్‌లో సీఎస్‌కే విజేతగా నిలిచింది. టాస్‌ ఓడి తొలుత బ్యాటింగ్‌ చేసిన ముంబై.. నిర్ణీత 20 ఓవర్లలో 9 వికెట్ల నష్టానికి 155 పరుగులు చేయగా.. సీఎస్‌కే మరో 5 బంతులు మిగిలుండగానే లక్ష్యాన్ని ఛేదించింది.ఈ మ్యాచ్‌లో ముంబై బ్యాటింగ్‌లో ఘోరంగా విఫలమైంది. ఒక్కరు కూడా చెప్పుకోదగ్గ స్కోర్‌ చేయలేకపోయారు. తిలక్‌ వర్మ (31) టాప్‌ స్కోరర్‌గా నిలువగా.. సూర్యకుమార్‌ యాదవ్‌ (29), దీపక్‌ చాహర్‌ (28 నాటౌట్‌) ఓ మోస్తరు స్కోర్లు చేశారు. సీఎస్‌కే బౌలర్లలో నూర్‌ అహ్మద్‌ (4-0-18-4), ఖలీల్‌ అహ్మద్‌ (4-0-29-3) అద్భుతంగా బౌలింగ్‌ చేసి ముంబైని కట్టడి చేశారు.అనంతరం ఓ మోస్తరు లక్ష్య ఛేదనలో రచిన్‌ రవీంద్ర (45 బంతుల్లో 65 నాటౌట్‌; 2 ఫోర్లు, 4 సిక్సర్లు), రుతురాజ్‌ గైక్వాడ్‌ (26 బంతుల్లో 53; 6 ఫోర్లు, 3 సిక్సర్లు) మెరుపు అర్ద సెంచరీలు చేసి సీఎస్‌కేను గెలిపించారు. రుతురాజ్‌ 22 బంతుల్లోనే హాఫ్‌ సెంచరీ చేసి సీఎస్‌కే గెలుపుకు బలమైన పునాది వేయగా.. రచిన్‌ చివరి వరకు క్రీజ్‌లో ఉండి సిక్సర్‌తో మ్యాచ్‌ను ముగించాడు. ఈ మ్యాచ్‌లో ముంబై ఓడినా అద్భుతంగా ప్రతిఘటించింది. అరంగేట్రం​ స్పిన్నర్‌ విజ్ఞేశ్‌ పుథుర్‌ (4-0-32-3) సీఎస్‌కేకు దడ పుట్టించాడు. విజ్ఞేశ్‌తో పాటు విల్‌ జాక్స్‌ (4-0-32-1), నమన్‌ ధిర్‌ (3-0-12-0) కూడా రాణించారు. మిడిల్‌ ఓవర్లలో ఈ ముగ్గురు సత్తా చాటినా అప్పటికే జరగాల్సిన నష్టం​ జరిగిపోయింది.ఇదిలా ఉంటే, గత ఏడు సీజన్ల పాటు చెన్నై సూపర్‌కింగ్స్‌కు ఆడిన దీపక్‌ చాహర్‌ ఈ మ్యాచ్‌తో ముంబై ఇండియన్స్‌ తరఫున అరంగేట్రం చేశాడు. ఈ మ్యాచ్‌లో చాహర్‌ తొలుత బ్యాటింగ్‌లో సత్తా చాటి ఆతర్వాత బౌలింగ్‌లో పర్వాలేదనిపించాడు. ఇన్నింగ్స్‌ చివర్లో బ్యాటింగ్‌కు దిగిన చాహర్‌ 15 బంతులు ఎదర్కొని 2 ఫోర్లు, 2 సిక్సర్ల సాయంతో 28 పరుగులు చేసి అజేయంగా నిలిచాడు. చాహర్‌ బ్యాట్‌ ఝులిపించకపోయుంటే ఈ మ్యాచ్‌లో ముంబై ఈ మాత్రం స్కోర్‌ కూడా చేయలేకపోయేది. అనంతరం బౌలింగ్‌లోనూ చాహర్‌ ఆదిలోనే సీఎస్‌కేను దెబ్బకొట్టాడు. చాహర్‌ ఇన్నింగ్స్‌ రెండో ఓవర్‌లోనే సీఎస్‌కే ఓపెనర్‌ రాహుల్‌ త్రిపాఠిని పెవిలియన్‌కు పంపాడు. ఈ మ్యాచ్‌లో చాహర్‌ 2 ఓవర్లలో వికెట్‌ తీసి 18 పరుగులు మాత్రమే ఇచ్చాడు.చాహర్‌ ముంబై ఇండియన్స్‌ తరఫున గ్రాండ్‌గా అరంగేట్రం చేయడాన్ని అతని సోదరి మాల్తి చాహర్‌ ఓ హాస్యాస్పదమైన మీమ్‌ షేర్ చేయడం (సోషల్‌మీడియాలో) ద్వారా సెలబ్రేట్‌ చేసుకుంది. చాహర్‌ తన పాత జట్టుకు (సీఎస్‌కే) వ్యతిరేకంగా అద్భుతంగా ఆడినందుకు సరదాగా ట్రోల్ చేసింది. Malti Chahar's Instagram story. pic.twitter.com/1bfxj4kcU4— Mufaddal Vohra (@mufaddal_vohra) March 24, 2025చాహర్‌ను "బాహుబలి" సినిమాలోని కట్టప్ప పాత్రతో పోల్చింది. ఆ సినిమాలో హీరో ప్రభాస్‌ను (అమరేంద్ర బాహుబలి) అతని మామ కట్టప్ప వెనుక నుంచి కత్తితో పొడుస్తాడు. ఈ మ్యాచ్‌లో చాహర్‌ కూడా కట్టప్పలా తనను ధీర్ఘకాలంగా అక్కున చేర్చుకున్న సీఎస్‌కేను దెబ్బతీసే ప్రయత్నం చేశాడని అర్దం వచ్చేలా మాల్తి సరదాగా ఓ మీమ్‌ను పోస్ట్‌ చేసింది. ఈ పోస్ట్‌ సోషల్‌మీడియాలో వైరలవుతుంది.

చెన్నై సూపర్‌ కింగ్స్‌.. మహేంద్ర సింగ్‌ ధోని (MS Dhoni).. ఈ రెండు పేర్లను విడివిడిగా చూడటం కష్టం. ఇండియన్‌ ప్రీమియర్‌ లీగ్‌ (IPL) చరిత్రలో అత్యంత విజయవంతమైన జట్టుగా చెన్నై నిలవడానికి ప్రధాన కారణం ధోని. వేలంలో అనుసరించాల్సిన వ్యూహాలు మొదలు.. మైదానంలో అమలు చేసే ప్రణాళికల వరకు అంతా తానే!ఐపీఎల్‌ ఆరంభ సీజన్‌ (2008) నుంచి చెన్నైకి ప్రాతినిథ్యం వహిస్తున్న ఈ దిగ్గజ కెప్టెన్‌.. గతేడాది సారథ్య బాధ్యతల నుంచి పూర్తిగా తప్పుకొన్నాడు. మహారాష్ట్ర బ్యాటర్‌ రుతురాజ్‌ గైక్వాడ్‌ (Ruturaj Gaikwad)ను తన వారసుడిగా ఎంపిక చేశాడు. అయితే, మైదానంలో రుతుకు సూచనలు ఇస్తూ అతడికి దిశానిర్దేశం చేసే పాత్రలో ధోని ఇప్పటికీ కొనసాగుతున్నాడు.రెప్పపాటులో స్టంపౌట్‌లోయర్‌ ఆర్డర్‌లో బ్యాటింగ్‌కు వచ్చే ధోని 43 ఏళ్ల వయసులోనూ.. ధనాధన్‌ ఇన్నింగ్స్‌ ఆడటంతో పాటు.. మెరుపు వేగంతో స్టంపౌట్లు చేయడంలోనూ దిట్ట. ఐపీఎల్‌-2025లో తమ ఆరంభ మ్యాచ్‌లో ముంబై ఇండియన్స్‌తో ఆదివారం నాటి పోరులో ఈ విషయాన్ని మరోసారి నిరూపించాడు. ముంబై కెప్టెన్‌ సూర్యకుమార్‌ యాదవ్‌ను రెప్పపాటులో స్టంపౌట్‌ చేసి ఔరా అనిపించాడు.𝙁𝙖𝙨𝙩. 𝙁𝙖𝙨𝙩𝙚𝙧. 𝙈𝙎 𝘿𝙝𝙤𝙣𝙞 🫡📹 Watch #CSK legend's jaw-dropping reflexes behind the stumps 🔥Updates ▶ https://t.co/QlMj4G7kV0#TATAIPL | #CSKvMI | @ChennaiIPL | @msdhoni pic.twitter.com/S26cUYzRd8— IndianPremierLeague (@IPL) March 23, 2025ఇక మిచెల్‌ సాంట్నర్‌ వికెట్‌కు సంబంధించి.. డీఆర్‌ఎస్‌ విషయంలోనూ రుతును సరైన సమయంలో అలర్ట్‌ చేసి.. జట్టుకు వికెట్‌ దక్కడంలో కీలక పాత్ర పోషించాడు. అందుకే సీఎస్‌కేను, ధోనిని వేరువేరుగా చూడలేము అనేది!అలా అయితే.. నాతో నయాపైసా ఉపయోగం ఉండదుఅయితే, ఈ మ్యాచ్‌కు ముందు ధోని చేసిన వ్యాఖ్యలు నెట్టింట వైరల్‌గా మారాయి. ఒకవేళ తాను వికెట్‌ కీపర్‌గా బరిలోకి దిగకపోతే.. జట్టులో ఉండీ ఏమాత్రం ఉపయోగం లేదంటూ.. ఈ ఫైవ్‌టైమ్‌ చాంపియన్‌ అన్నాడు. జియోహాట్‌స్టార్‌ ఇంటర్వ్యూలో మాట్లాడుతూ.. ‘‘ఇప్పటికీ ఆటగాడిగా కొనసాగడం అతిపెద్ద సవాలు.ఇంకో ఆసక్తికర విషయం ఏమిటంటే.. ఒకవేళ నేను కీపింగ్‌ బాధ్యతలు నిర్వర్తించకపోతే.. మైదానంలో నేను ఉండీ నయాపైసా ఉపయోగం ఉండదు. ఎందుకంటే.. వికెట్ల వెనుక నుంచే నేను మ్యాచ్‌ పరిస్థితిని బాగా అర్థం చేసుకుంటాను.వికెట్ల వెనుక నుంచి విశ్లేషించగలుగుతాబౌలర్‌ ఎలా బంతిని వేస్తున్నాడు? పిచ్‌ స్వభావం ఎలా ఉంది?.. ఇలాంటి పరిస్థితుల్లో ఎలాంటి వ్యూహాలు సిద్ధం చేయాలి? వంటి విషయాలన్నీ ఆలోచించగలను. ముఖ్యంగా మొదటి ఆరు ఓవర్లలో కొత్త బంతి ఎలాంటి ప్రభావం చూపుతోందని గమనిస్తా.ఆ తర్వాత పరిస్థితులు ఏవిధంగా మారుతున్నాయి? బౌలర్లను మార్చాలా? లేదంటే ప్రణాళికలు మార్చాలా? లాంటి అంశాల గురించి కెప్టెన్‌కు సరైన సందేశం ఇవ్వగలుగుతా. ఉత్తమ బంతికి బ్యాటర్‌ సిక్సర్‌ బాదాడా?లేదంటే.. చెత్త బంతికి షాట్‌ కొట్టాడా? అన్నది వికెట్ల వెనుక నుంచి విశ్లేషించగలుగుతా’’ అని ధోని పేర్కొన్నాడు. కాగా కెప్టెన్‌గా చెన్నైని ఐదుసార్లు చాంపియన్‌గా నిలిపిన ధోని.. గతేడాది నుంచి వికెట్‌ కీపర్‌ బ్యాటర్‌గా కొనసాగుతున్నాడు.బౌలర్ల విజృంభణఇక ఐపీఎల్‌-2025లో తమ తొలి మ్యాచ్‌లో చెన్నై ముంబైని నాలుగు వికెట్ల తేడాతో ఓడించింది. సొంతమైదానం చెపాక్‌లో ఆదివారం నాటి మ్యాచ్‌లో టాస్‌ గెలిచిన రుతుసేన తొలుత బౌలింగ్‌ చేసింది. బౌలర్ల విజృంభణ కారణంగా ముంబైని 155 పరుగులకే కట్టడి చేసింది.రచిన్‌, రుతు హాఫ్‌ సెంచరీలులక్ష్య ఛేదనలో ఓపెనర్‌ రచిన్‌ రవీంద్ర అర్ధ శతకం(45 బంతుల్లో 65 నాటౌట్‌)తో చెలరేగగా.. కెప్టెన్‌ రుతురాజ్‌ మెరుపు ఇన్నింగ్స్‌ (26 బంతుల్లో 53)తో ఆకట్టుకున్నాడు. ఈ క్రమంలో మరో ఐదు బంతులు ఉండగానే టార్గెట్‌ పూర్తి చేసిన చెన్నై.. ఈ సీజన్‌ను విజయంతో ఆరంభించింది. ముంబైని స్వల్ప స్కోరుకే పరిమితం చేయడంలో కీలక పాత్ర పోషించిన స్పిన్నర్‌ నూర్‌ అహ్మద్‌ (4/18)కు ‘ప్లేయర్‌ ఆఫ్‌ ది మ్యాచ్‌’ అవార్డు లభించింది. ఇక ఈ మ్యాచ్‌లో ఎనిమిదో స్థానంలో బ్యాటింగ్‌కు వచ్చిన ధోని రెండు బంతులు ఎదుర్కొని పరుగులేమీ చేయకుండా.. అజేయంగా నిలిచాడు.

అమెరికా అధ్యక్షుడు డొనాల్డ్‌ ట్రంప్‌ మాజీ కోడలు వనెస్సా ట్రంప్‌తో దిగ్గజ గోల్ఫర్‌ టైగర్‌ వుడ్స్‌ ప్రేమాయణం నడిపిస్తున్నాడు. వనెస్సాతో రిలేషిప్‌ విషయాన్ని వుడ్స్‌ సోషల్‌మీడియా వేదికగా ప్రకటించాడు. వనెస్సాతో బంధాన్ని వెల్లడిస్తూ వుడ్స్‌ తన సోషల్‌మీడియా ఖాతాల్లో ఇలా రాసుకొచ్చాడు. నీ ప్రేమలో ఉంటే గాల్లో తేలినట్లుంది. నువ్వు నా పక్కన ఉంటే జీవితం అద్భుతంగా ఉంది. కలిసి జీవితంలో ముందుకు సాగేందుకు ఎదురు చూస్తున్నాం. ఈ సమయంలో మా గోప్యతను గౌరవించినందుకు ధన్యవాదాలు. మా హృదయాలకు దగ్గరిగా ఉన్న వారి గోప్యత కొరకు కూడా అభ్యర్దిస్తున్నామంటూ వెనెస్సాతో సన్నిహితంగా ఉన్న దృష్యాలను షేర్‌ చేశాడు. Love is in the air and life is better with you by my side! We look forward to our journey through life together. At this time we would appreciate privacy for all those close to our hearts. pic.twitter.com/ETONf1pUmI— Tiger Woods (@TigerWoods) March 23, 2025వుడ్స్‌ చేసిన ఈ పోస్ట్‌ ప్రస్తుతం సోషల్‌మీడియాలో వైరలవుతుంది. వ్యక్తిగత జీవితాన్ని ఎప్పుడూ గోప్యంగా ఉంచుకునే వుడ్స్‌ పబ్లిక్‌గా వెనెస్సాతో బంధాన్ని అనౌన్స్‌ చేయడం ఆసక్తికరంగా మారింది. వెనెస్సా ట్రంప్‌ ఎవరు..?వెనెస్సా ట్రంప్‌ అమెరికా అధ్యక్షుడు డొనాల్డ్‌ ట్రంప్‌ కుమారుడు డొనాల్డ్‌ ట్రంప్‌ జూనియర్‌ మాజీ భార్య. వీరిద్దరు 12 ఏళ్లు వివాహ బంధాన్ని కొనసాగించి ఆ తర్వాత విడిపోయారు. వీరికి ఐదుగురు సంతానం.వెనెస్సా కూమార్తెలలో ఒకరైన కాయ్‌, వుడ్స్‌ ఇద్దరు సంతానం సామ్‌, ఛార్లీ ఒకే స్కూల్‌లో (ద బెంజమిన్‌ స్కూల్‌) చదువుకుంటున్నారు. కాయ్‌, ఛార్లీ ఇటీవల ఓ జూనియర్‌ గోల్ఫ్‌ టోర్నమెంట్‌లో పాల్గొన్నారు.సామ్‌, ఛార్లీ.. వుడ్స్‌ అతని మాజీ భార్య ఎలిన్‌ నార్‌డెగ్రెన్‌కు కలిగిన సంతానం. వుడ్‌ ఎలిన్‌తో 2010లో విడిపోయాడు. వెనెస్సాకు ముందు వుడ్స్‌ ఎరికా హెర్మన్‌తో కొద్దికాలం సహజీవనం చేశాడు. వీరిద్దరి బంధం 2022లో ముగిసింది. 49 ఏళ్ల వుడ్స్‌ ప్రస్తుతం గాయంతో బాధపడుతూ మాస్టర్స్‌ టోర్నీతో పాటు మిగిలిన గోల్ఫ్‌ సీజన్‌ మొత్తానికి దూరమయ్యాడు. 1996లో ప్రొఫెషనల్‌ గోల్ఫర్‌గా మారిన వుడ్స్‌ తన కెరీర్‌లో 15 మేజర్‌ ఛాంపియన్షిప్స్‌ను సొంతం చేసుకున్నాడు. 1997 నుంచి వరుసగా 683 వారాల పాటు వరల్డ్‌ నంబర్‌ వన్‌ గోల్ఫర్‌గా చలామణి అయిన ఈ అమెరికన్‌ గోల్ఫ్‌ దిగ్గజం 82 సార్లు పీజీఏ టూర్‌ విజయాలు, 41 సార్లు యూరోపియన్‌ టూర్‌లో విజయాలు సాధించాడు. 2021లో వుడ్స్‌ గోల్ఫ్‌ హాల్‌ ఆఫ్‌ ఫేమర్ల జాబితాలో చోటు దక్కించుకున్నాడు.

ఇండియన్‌ ప్రీమియర్‌ లీగ్‌ (IPL)లో అత్యంత ఆసక్తికర మ్యాచ్‌ అంటే చెన్నై సూపర్‌ కింగ్స్‌ (CSK)- ముంబై ఇండియన్స్‌ (MI)మధ్య పోరు అని చెప్పవచ్చు. చెరో ఐదుసార్లు చాంపియన్లుగా నిలిచిన ఈ జట్ల మధ్య పోటీ క్రికెట్‌ ప్రేమికులకు కావాల్సినంత వినోదాన్ని పంచుతుంది. ఐపీఎల్‌-2025లో భాగంగా ఇరుజట్ల మధ్య ఆదివారం ఆఖరి ఓవర్‌ వరకు ఉత్కంఠగా సాగిన తీరు ఇందుకు నిదర్శనం.ఇక ఈ మ్యాచ్‌లో సీఎస్‌కే స్టార్లు రచిన్‌ రవీంద్ర (45 బంతుల్లో 65), రుతురాజ్‌ గైక్వాడ్‌ (26 బంతుల్లో 53)ల మెరుపులు.. మహేంద్ర సింగ్‌ ధోని మెరుపు స్టంపింగ్‌లతో పాటు.. ముంబై ఇండియన్స్‌కు చెందిన ఓ కుర్రాడు హైలైట్‌గా నిలిచాడు. అరంగేట్ర మ్యాచ్‌లోనే అద్భుత ప్రదర్శనతో ఆకట్టుకుని ధోని చేత ప్రశంసలు అందుకున్నాడు.ఇంతకీ ఎవరా ప్లేయర్‌?అతడిపేరు విఘ్నేశ్‌ పుతూర్‌. లెఫ్టార్మ్‌ రిస్ట్‌ స్పిన్‌ బౌలర్‌. 24 ఏళ్ల ఈ కుర్ర బౌలర్‌ స్వస్థలం కేరళలోని మలప్పురం. పదకొండేళ్ల వయసులో క్రికెట్‌ ఆడటం మొదలుపెట్టాడు. కేరళ క్రికెట్‌ లీగ్‌లో తన స్పిన్‌ మాయాజాలంతో బ్యాటర్లకు చుక్కలు చూపించిన విఘ్నేశ్‌.. ముంబై ఇండియన్స్‌ స్కౌట్స్‌ దృష్టిని ఆకర్షించాడు.అతడి ప్రతిభకు ఫిదా అయిన ముంబై యాజమాన్యం.. ఇంతవరకు కేరళ తరఫున కనీసం దేశవాళీ క్రికెట్‌లో అడుగుపెట్టకపోయినప్పటికీ... ఐపీఎల్‌ కాంట్రాక్టు ఇచ్చింది. రూ. 30 లక్షలకు ఐపీఎల్‌-2025 మెగా వేలంలో అతడిని కొనుగోలు చేసింది.ఈ క్రమంలో పద్దెనిమిదవ ఎడిషన్‌లో తమ తొలి మ్యాచ్‌లో భాగంగా సీఎస్‌కేతో పోరు సందర్భంగా విఘ్నేశ్‌ను బరిలోకి దించింది. రోహిత్‌ శర్మ స్థానాన్ని భర్తీ చేస్తూ.. ఇంపాక్ట్‌ ప్లేయర్‌గా జట్టులోకి వచ్చిన ఈ స్పిన్‌ బౌలర్‌.. రుతురాజ్‌ గైక్వాడ్‌, శివం దూబే (9), దీపక్‌ హుడా (3) రూపంలో మూడు కీలక వికెట్లు దక్కించుకున్నాడు.చెన్నై చేతిలో ముంబై సులువుగానే ఓటమిని అంగీకరిస్తుందా? అనే పరిస్థితి నుంచి .. చివరి ఓవర్‌ దాకా మ్యాచ్‌ సాగేలా చేయడంలో విఘ్నేశ్‌ కీలక పాత్ర పోషించాడు. మొత్తంగా నాలుగు ఓవర్ల బౌలింగ్‌ కోటా పూర్తి చేసి 32 పరుగులు ఇచ్చి మూడు వికెట్లు తన ఖాతాలో వేసుకున్నాడు.ఈ నేపథ్యంలో మ్యాచ్‌ అనంతరం ధోని విఘ్నేశ్‌ను ప్రత్యేకంగా అభినందించడం విశేషం. అతడి భుజం తట్టి శెభాష్‌ అంటూ తలా.. ఈ కుర్రాడికి ఆల్‌ ది బెస్ట్‌ చెప్పాడు. ఇందుకు సంబంధించిన దృశ్యాలు అభిమానుల మనసు దోచుకుంటున్నాయి.The men in 💛 take home the honours! 💪A classic clash in Chennai ends in the favour of #CSK ✨Scorecard ▶ https://t.co/QlMj4G7kV0#TATAIPL | #CSKvMI | @ChennaiIPL pic.twitter.com/ZGPkkmsRHe— IndianPremierLeague (@IPL) March 23, 2025 తండ్రి ఆటో డ్రైవర్‌.. కొడుకు ఐపీఎల్‌ స్టార్‌అన్నట్లు విఘ్నేశ్‌ పుతూర్‌ తండ్రి ఆటోరిక్షా డ్రైవర్‌. కష్టపడుతూ కుటుంబాన్ని పోషించే ఆయన.. కొడుకులోని ప్రతిభను గుర్తించి క్రికెట్‌ ఆడేలా ప్రోత్సహించాడు. కేరళ క్రికెటర్‌ మహ్మద్‌ షరీఫ్‌ సలహాతో మీడియం పేసర్‌ బౌలర్‌ నుంచి స్పిన్నర్‌గా మారిన విఘ్నేశ్‌ ఐపీఎల్‌లో తన ఆగమనాన్ని ఘనంగా చాటాడు. కలకాలం గుర్తుండిపోతుంది!‘‘ధోని.. విఘ్నేశ్‌ పుతూర్‌ భుజం తట్టి అభినందించాడు. నాకు తెలిసి తన జీవితకాలం ఈ కుర్రాడు ఈ సంఘటనను గుర్తుంచుకుంటాడు’’- కామెంటేటర్‌ రవిశాస్త్రి చేసిన వ్యాఖ్యలు ఇవి. అవును.. విఘ్నేశ్‌ పుతూర్‌కు ఇది లైఫ్‌టైమ్‌ మొమరీగా ఉండిపోతుందనడంలో సందేహం లేదు. అయితే, ఈ సీజన్‌లో బౌలర్‌గా తనదైన ముద్ర వేయగలిగితే.. ఐపీఎల్‌ ద్వారా వెలుగులోకి వచ్చి టీమిండియాలో చోటు సంపాదించిన ఆటగాళ్ల జాబితాలో.. త్వరలోనే విఘ్నేశ్‌ కూడా చేరే అవకాశాలను కొట్టిపారేయలేము!! ఏమంటారు?!ఐపీఎల్‌-2025: చెన్నై వర్సెస్‌ ముంబై స్కోర్లు👉వేదిక: ఎంఏ చిదంబరం స్టేడియం, చెన్నై👉టాస్‌: చెన్నై.. తొలుత బౌలింగ్‌👉ముంబై స్కోరు: 155/9 (20)👉చెన్నై స్కోరు: 158/6 (19.1)👉ఫలితం: నాలుగు వికెట్ల తేడాతో ముంబైపై చెన్నై గెలుపు👉ప్లేయర్‌ ఆఫ్‌ ది మ్యాచ్‌: నూర్‌ అహ్మద్‌ (చెన్నై స్పిన్నర్‌- 4/18).చదవండి: జట్టు స్వరూపమే మారిపోయింది.. కావ్యా మారన్‌కు ఇంతకంటే ఏం కావాలి?

ఐపీఎల్‌ 2025లో భాగంగా చెన్నై సూపర్‌ కింగ్స్‌తో నిన్న (మార్చి 23) జరిగిన మ్యాచ్‌లో ముంబై ఇండియన్స్‌ తాత్కాలిక సారధి సూర్యకుమార్‌ యాదవ్‌ ఓ అరుదైన ఘనత సాధించాడు. ఈ మ్యాచ్‌లో 29 పరుగులు చేసిన స్కై.. ఐపీఎల్‌లో ముంబై ఇండియన్స్‌ తరఫున 3000 పరుగులు పూర్తి చేసుకున్నాడు. తద్వారా రోహిత్‌ శర్మ, కీరన్‌ పోలార్డ్‌ తర్వాత ఈ ఘనత సాధించిన మూడో ఆటగాడిగా రికార్డుల్లోకెక్కాడు. రోహిత్‌ 209 ఇన్నింగ్స్‌ల్లో 5458 పరుగులు చేసి ముంబై ఇండియన్స్‌ తరఫున లీడింగ్‌ రన్‌ స్కోరర్‌గా కొనసాగుతుండగా.. పోలార్డ్‌ 171 ఇన్నింగ్స్‌ల్లో 3412, స్కై 95 ఇన్నింగ్స్‌ల్లో 3015 పరుగులు చేశాడు. ఈ ముగ్గురి తర్వాత ఎంఐ తరఫున అత్యధిక పరుగులు చేసిన ఆటగాడిగా అంబటి రాయుడు ఉన్నాడు. రాయుడు 107 ఇన్నింగ్స్‌ల్లో 2416 పరుగులు చేశాడు.ఇదిలా ఉంటే, సీఎస్‌కేతో నిన్న జరిగిన మ్యాచ్‌లో ముంబై ఇండియన్స్‌ 4 వికెట్ల తేడాతో పరాజయం పాలైంది. సీజన్‌ ఆరంభ మ్యాచ్‌ల్లో ఓడటం ముంబైకి ఇది వరుసగా 13వ సారి. ఈ మ్యాచ్‌లో సీఎస్‌కే బ్యాటింగ్‌, బౌలింగ్‌ విభాగాల్లో సత్తా చాటి ముంబై ఇండియన్స్‌ను ఓడించింది. బ్యాటింగ్‌లో విఫలమైన ముంబై ఆతర్వాత బౌలింగ్‌లో రాణించినప్పటికీ అప్పటికే జరగాల్సిన నష్టం జరిగిపోయింది.టాస్‌ ఓడి తొలుత బ్యాటింగ్‌ చేసిన ముంబై.. నూర్‌ అహ్మద్‌ (4-0-18-4), ఖలీల్‌ అహ్మద్‌ (4-0-29-3) విజృంభించడంతో 155 పరుగులకే (9 వికెట్ల నష్టానికి) పరిమితమైంది. ముంబై ఇన్నింగ్స్‌లో ఒక్కరు కూడా చెప్పుకోదగ్గ స్కోర్‌ చేయలేదు. సూర్యకుమార్‌ (29), తిలక్‌ వర్మ (31), ఆఖర్లో దీపక్‌ చాహర్‌ (15 బంతుల్లో 28 నాటౌట్‌) ఓ మోస్తరు స్కోర్లు చేశారు. రోహిత్‌ శర్మ డకౌట్‌ కాగా.. విధ్వంసకర వీరులు రికెల్టన్‌ (13), విల్‌ జాక్స్‌ (11), అరంగ్రేటం ఆటగాడు రాబిన్‌ మింజ్‌ (3), నమన్‌ ధిర్‌ (17), సాంట్నర్‌ (11) తక్కువ స్కోర్లకే ఔటయ్యారు. సీఎస్‌కే బౌలర్లలో అశ్విన్‌, ఇల్లిస్‌ కూడా తలో వికెట్‌ తీశారు.ఛేదనలో రచిన్‌ రవీంద్ర (45 బంతుల్లో 65 నాటౌట్‌; 2 ఫోర్లు, 4 సిక్సర్లు), రుతురాజ్‌ గైక్వాడ్‌ (26 బంతుల్లో 53; 6 ఫోర్లు, 3 సిక్సర్లు) మెరుపు అర్ద సెంచరీలు చేసి సీఎస్‌కేను గెలిపించారు. రుతురాజ్‌ 22 బంతుల్లోనే హాఫ్‌ సెంచరీ చేసి సీఎస్‌కే గెలుపుకు బలమైన పునాది వేయగా.. రచిన్‌ చివరి వరకు క్రీజ్‌లో ఉండి సిక్సర్‌తో మ్యాచ్‌ను ముగించాడు. ఈ మ్యాచ్‌లో ముంబై ఓడినా అద్భుతంగా ప్రతిఘటించింది. అరంగేట్రం​ స్పిన్నర్‌ విజ్ఞేశ్‌ పుథుర్‌ (4-0-32-3) అద్భుతంగా బౌలింగ్‌ చేసి ఓ దశలో సీఎస్‌కేకు దడ పుట్టించాడు. ముంబై బౌలర్లలో విజ్ఞేశ్‌తో పాటు విల్‌ జాక్స్‌ (4-0-32-1), నమన్‌ ధిర్‌ (3-0-12-0) కూడా రాణించారు. మిడిల్‌ ఓవర్లలో వీరిద్దరు సీఎస్‌కేను ఇబ్బంది పెట్టారు. మొత్తంగా మ్యాచ్‌ ఓడినా ముంబై మంచి మార్కులే కొట్టేసింది. సీఎస్‌కే తమ తదుపరి మ్యాచ్‌లో ఆర్సీబీతో (మార్చి 28) తలపడనుండగా.. ముంబై ఇండియన్స్‌ గుజరాత్‌ను (మార్చి 29) ఢీకొట్టనుంది.

గత సీజన్లో సన్‌రైజర్స్ హైదరాబాద్ జట్టు లో కొన్ని కీలక మార్పులు చేసింది. అందులో మొదటిది ఆస్ట్రేలియా ప్రస్తుత కెప్టెన్, పేస్ బౌలర్ పాట్ కమిన్స్‌ (Pat Cummins)కి నాయకత్వ బాధ్యతలను అప్పగించడం.. రెండోది ఆస్ట్రేలియాకే చెందిన ఓపెనర్, టీమిండియాకు ‘తలనొప్పి’ తెప్పించే ట్రావిస్ హెడ్‌ (Travis Head)ని అభిషేక్ శర్మకి జతగా ఓపెనింగ్‌కి పంపాలని నిర్ణయించడం. ఈ రెండు నిర్ణయాలు సన్‌రైజర్స్ హైదరాబాద్ జట్టు స్వరూపాన్నే మార్చేశాయి.పవర్ ప్లే అంటే ప్రత్యర్థికి దడేఅంతవరకూ ఎప్పుడూ విజయం కోసం ఎదురు చూసిన జట్టు.. ఇప్పుడు ప్రత్యర్థులను భయపెట్టే స్థాయికి చేరిపోయింది. మ్యాచ్ తొలి ఓవర్లలో, ముఖ్యంగా పవర్ ప్లే లో ట్రావిస్ హెడ్, అభిషేక్ శర్మల ద్వయం ప్రత్యర్థి బౌలర్ల పై విరుచుకుపడి విధ్వంసకర బ్యాటింగ్ తో వారి రిథమ్‌ని దెబ్బతీశారు. ఫలితంగా పరుగుల వెల్లువ ప్రవహించింది. వీరిద్దరూ ఐపీఎల్ అత్యధిక స్కోర్ రికార్డులను తిరగరాశారు. ఈ ఫార్ములా అద్భుతంగా పనిచేసింది. గత సంవత్సరం ఫైనల్ లో కోల్‌కతా నైట్ రైడర్స్ చేతిలో పరాజయం పాలైనప్పటికీ.. సన్‌రైజర్స్ హైదరాబాద్ టైటిల్‌కు చేరువగా రావడంలో బ్యాటర్లదే కీలక పాత్ర.సన్‌రైజర్స్ ఫార్ములాకి అప్‌గ్రేడ్ కిషన్ఇంత అద్భుత ఫలితాల్నిచ్చిన ఫార్ములాను సన్‌రైజర్స్ హైదరాబాద్ వదులుకుఉంటుందా? అందుకే అదే ఫార్ములాను అప్‌గ్రేడ్ చేసింది. భారత్ జట్టులో స్థానం కోల్పోయి అవకాశం కోసం ఎదురు చేస్తున్న ఇషాన్ కిషన్ ని మునుపటి నంబర్ 3 బ్యాటర్ రాహుల్ త్రిపాఠి స్థానం లో తీసుకొచ్చింది. ఈ నేపధ్యం లో సొంతగడ్డ పై సన్‌రైజర్స్ హైదరాబాద్ తన సత్తా మరోసారి ప్రదర్శించింది.ఇందుకు రాజస్థాన్ రాయల్స్ కూడా సన్‌రైజర్స్ కి తన వంతు సహకారం అందించింది. ఎందుకంటే అలాంటి ఊపు మీదున్న సన్‌రైజర్స్ బ్యాట్స్మన్ కి టాస్ గెలిచినప్పటికీ ముందుగా బ్యాటింగ్ కి ఆహ్వానించడం రాయల్స్ చేసిన పెద్ద తప్పిదనం. ఇందుకు భారీ మూల్యమే చెల్లించాల్సివచ్చింది.రాయల్స్ కొంపముంచిన టాస్రాయల్స్ కెప్టెన్ రియాన్ పరాగ్ టాస్ గెలిచి మొదట బౌలింగ్ ఎంచుకున్న తర్వాత సన్‌రైజర్స్ బ్యాటర్లు ఆ జట్టు బౌలర్ల పై విరుచుకు పడ్డారు. ట్రావిస్ హెడ్, అభిషేక్ శర్మ మొదటి ఆరు ఓవర్లలో 94 పరుగులు చేయడంతో స్కోర్ రాకెట్ వేగంతో ముందుకు పోయింది. వీరిద్దరి నిష్క్రమణ తర్వాత ఇషాన్ కిషన్ నంబర్ 3 స్థానంలో బ్యాటింగ్ కి వచ్చి అదే ఊపును కొనసాగించాడు.గతంలో ముంబై ఇండియన్స్ కి ప్రాతినిధ్యం వహించిన కిషన్ 47 బంతుల్లో 11 బౌండరీలు, ఆరు సిక్సర్లుతో అజేయంగా నిలిచి 106 పరుగులు చేశాడు. ఇషాన్ కిషన్ కి ఐపీఎల్ లో ఇది మొదటి సెంచరీ. ఫలితంగా సన్‌రైజర్స్ హైదరాబాద్ నిర్ణీత 20 ఓవర్లలో 6 వికెట్లకు 286 పరుగులు చేసి మరోసారి సత్తా చాటింది. గత సంవత్సరం బెంగళూరు లోని చిన్నస్వామి స్టేడియంలో బెంగుళూరు తో జరిగిన మ్యాచ్ లో 5 వికెట్ల నష్టానికి 287 పరుగుల ఐపీఎల్ స్కోర్ ని ఒక్క పరుగుతో వెనుక పడింది.చివరి వరకూ పోరాడిన రాయల్స్ఇంత అత్యధిక లక్ష్యాన్ని సాధించడం ఏ జట్టుకైనా కష్టమే. అయితే నిజానికి రాయల్స్ చివరి వరకూ పోరాడింది. ప్రారంభంలోనే భారత్ ఓపెనర్ యశస్వి జైస్వాల్ మరియు కెప్టెన్ రియాన్ పరాగ్‌ల వికెట్లను కోల్పోయినప్పటికీ తన పోరాటాన్ని కొనసాగించింది. ఇద్దరు వికెట్ కీపర్ బ్యాట్సమన్ సంజు సామ్సన్, మరియు ధ్రువ్ జురెల్ రాయల్స్‌ను జట్టుకి ఆత్మవిశ్వాసం కలిగించే రీతిలో ఆడారు.నాల్గవ వికెట్‌కు వారిద్దరు 111 పరుగుల భాగస్వామ్యాన్ని నెలకొల్పారు. సామ్సన్ 66 పరుగులు చేయగా, జురెల్ 70 పరుగులు చేశాడు. చివర్లో షిమ్రాన్ హెట్మైర్, శుభం దూబే వచ్చి స్కోర్ ని పరుగు పెట్టించినప్పటికీ ఫలితం లేకపోయింది. హెట్మైర్ 44 పరుగులు సాధించగా దూబే 32 పరుగులు చేయడంతో రాయల్స్ స్కోర్ ఆరు వికెట్ల నష్టానికి 242 కి చేరింది. కావ్యా మారన్‌ కళ్లలో ఆనందంఈ మ్యాచ్ లో చివరికి రాయల్స్ 44 పరుగుల తేడాతో పరాజయం చవిచూసినప్పటికీ ముందు జరిగే మ్యాచ్ లకు కొండంత ఆత్మ విశ్వాసాన్నిచిదనడంలో సందేహంలేదు. ఇక క్లాసెన్‌, ఇషాన్‌ కిషన్‌ ప్ర్యతర్థి జట్టు బౌలింగ్‌ను చితక్కొడుతుంటే.. రైజర్స్‌ జట్టు యజమాని కావ్యా మారన్‌ పలికించిన హావభావాలు, భావోద్వేగానికి గురైన తీరు జట్టు ప్రదర్శన పట్ల ఆమె ఎంత సంతోషంగా ఉన్నారో చెప్పేందుకు నిదర్శనాలుగా నిలిచాయనడంలో అతిశయోక్తి లేదు.చదవండి: మా వాళ్లకు అస్సలు బౌలింగ్‌ చేయను.. అతడొక అసాధారణ బ్యాటర్‌: కమిన్స్‌An epic run-fest goes the way of @SunRisers 🧡The Pat Cummins-led side registers a 4️⃣4️⃣-run win over Rajasthan Royals 👏Scorecard ▶ https://t.co/ltVZAvInEG#TATAIPL | #SRHvRR pic.twitter.com/kjCtGW8NdV— IndianPremierLeague (@IPL) March 23, 2025

ఐపీఎల్‌ 2025 సీజన్‌లో భాగంగా చెన్నై సూపర్‌కింగ్స్‌తో నిన్న (మార్చి 23) జరిగిన మ్యాచ్‌లో ముంబై ఇండియన్స్‌ స్టార్‌ ఆటగాడు రోహిత్‌ శర్మ ఓ చెత్త రికార్డును సమం చేశాడు. ఈ మ్యాచ్‌లో 4 బంతులు ఎదర్కొని డకౌటైన హిట్‌మ్యాన్‌ ఐపీఎల్‌ చరిత్రలో అత్యధిక డకౌట్లు అయిన ఆటగాడిగా నిలిచాడు. ఈ చెత్త రికార్డును రోహిత్‌.. గ్లెన్‌ మ్యాక్స్‌వెల్‌, దినేశ్‌ కార్తీక్‌లతో కలిసి షేర్‌ చేసుకున్నాడు. ఈ ముగ్గురు ఐపీఎల్‌లో ఇప్పటివరకు 18 సార్లు ఖాతా తెరవకుండా నిష్క్రమించారు. రోహిత్‌ 253 ఇన్నింగ్స్‌ల్లో 18 సార్లు డకౌట్‌ కాగా.. మ్యాక్సీ 129, డీకే 234 ఇన్నింగ్స్‌ల్లోనే 18 సార్లు డకౌటయ్యారు. ఈ మ్యాచ్‌లో రోహిత్‌ ఖలీల్‌ అహ్మద్‌ బౌలింగ్‌లో శివమ్‌ దూబేకు క్యాచ్‌ ఇచ్చి వెనుదిరిగాడు.మ్యాచ్‌ విషయానికొస్తే.. సీఎస్‌కే ముంబైపై నాలుగు వికెట్ల తేడాతో గెలుపొందింది. సీజన్‌ ఆరంభ మ్యాచ్‌లో ఓడటం ముంబైకి ఇది వరుసగా 13వ సారి. ఈ మ్యాచ్‌లో టాస్‌ ఓడి తొలుత బ్యాటింగ్‌ చేసిన ముంబై బ్యాటర్ల వైఫల్యం కారణంగా 155 పరుగులకే పరిమితమైంది. సీఎస్‌కే బౌలర్లలో నూర్‌ అహ్మద్‌ 4 వికెట్లు తీసి ముంబైకి కళ్లెం వేశాడు. పేసర్‌ ఖలీల్‌ అహ్మద్‌ కూడా రాణించి 3 వికెట్లు తీశాడు. ఇల్లిస్‌, అశ్విన్‌ తలో వికెట్‌ పడగొట్టారు. ముంబై బ్యాటర్లలో తిలక్‌ వర్మ (31) టాప్‌ స్కోరర్‌గా నిలువగా.. సూర్యకుమార్‌ యాదవ్‌ (29), దీపక్‌ చాహర్‌ (28 నాటౌట్‌) ఓ మోస్తరు స్కోర్లు చేశారు.అనంతరం ఛేదనకు దిగిన సీఎస్‌కే ఆదిలోనే ఓపెనర్‌ రాహుల్‌ త్రిపాఠి (2) వికెట్‌ కోల్పోయినప్పటికీ.. ఆతర్వాత పుంజుకుంది. రచిన్‌ రవీంద్ర (65 నాటౌట్‌), కెప్టెన్‌ రుతురాజ్‌ గైక్వాడ్‌ (53) మెరుపు అర్ద సెంచరీలు సాధించి సీఎస్‌కేను గెలిపించారు. రుతురాజ్‌ 22 బంతుల్లోనే హాఫ్‌ సెంచరీ చేసి సీఎస్‌కే గెలుపుకు బలమైన పునాది వేయగా.. రచిన్‌ చివరి వరకు క్రీజ్‌లో ఉండి సిక్సర్‌తో మ్యాచ్‌ను ముగించాడు. ఈ మ్యాచ్‌లో ముంబై ఓడినప్పటికీ అద్భుతంగా ప్రతిఘటించింది. స్వల్ప స్కోర్‌ను కాపాడుకనేందుకు ముంబై బౌలర్లు విశ్వప్రయత్నాలు చేశారు. ముఖ్యంగా అరంగేట్రం​ స్పిన్నర్‌ విజ్ఞేశ్‌ పుథుర్‌ (4-0-32-3) అద్భుతంగా బౌలింగ్‌ చేసి ఓ దశలో సీఎస్‌కేకు దడ పుట్టించాడు. సీఎస్‌కే తమ తదుపరి మ్యాచ్‌లో ఆర్సీబీతో (మార్చి 28) తలపడనుండగా.. ముంబై ఇండియన్స్‌ గుజరాత్‌ను (మార్చి 29) ఢీకొట్టనుంది.

ఇండియన్‌ ప్రీమియర్‌ లీగ్‌ (IPL) తాజా ఎడిషన్‌ను సన్‌రైజర్స్‌ హైదరాబాద్‌ (Sunrisers Hyderabad) అద్భుత విజయంతో ఆరంభించింది. గత సీజన్‌ తాలుకు విధ్వంసకర బ్యాటింగ్‌ను కొనసాగిస్తూ ఉప్పల్‌ స్టేడియంలో పరుగుల సునామీ సృష్టించింది. తమ తొలి మ్యాచ్‌లో రాజస్తాన్‌ రాయల్స్‌ను 44 పరుగుల తేడాతో చిత్తు చేసింది.‘పాకెట్‌ డైనమైట్‌’ సెంచరీస్టార్‌ ఓపెనర్‌ ట్రవిస్‌ హెడ్‌ (31 బంతుల్లో 67) తనదైన శైలిలో చెలరేగగా.. జట్టులోకి కొత్తగా వచ్చిన ఇషాన్‌ కిషన్‌ (Ishan kishan) ఆకాశమే హద్దుగా దూసుకుపోయాడు. ఈ పాకెట్‌ డైనమైట్‌ రాజస్తాన్‌ బౌలింగ్‌ను చితకొట్టి.. అజేయ అద్భుత శతకం సాధించాడు. కేవలం 47 బంతుల్లోనే 11 ఫోర్లు, ఆరు సిక్సర్ల సాయంతో 106 పరుగులు సాధించాడు.𝙄.𝘾.𝙔.𝙈.𝙄 🔥Ishan Kishan dealt in sixes on his way to a magnificent maiden #TATAIPL 💯 😮 👊Updates ▶ https://t.co/ltVZAvHPP8#SRHvRR | @SunRisers | @ishankishan51 pic.twitter.com/9PjtQK231J— IndianPremierLeague (@IPL) March 23, 2025 ఇక హెన్రిచ్‌ క్లాసెన్‌ క్రీజులో ఉన్నది కాసేపే అయినా ధనాధన్‌ ఇన్నింగ్స్‌ (14 బంతుల్లో 34)తో దుమ్ములేపాడు. ఫలితంగా నిర్ణీత ఇరవై ఓవర్లలో ఆరు వికెట్ల నష్టానికి రికార్డు స్థాయిలో రైజర్స్‌ 286 పరుగులు సాధించింది. లక్ష్య ఛేదనలో రాజస్తాన్‌ 242 పరుగులకే పరిమితం కావడంతో జయకేతనం ఎగురువేసింది.మా వాళ్లకు అస్సలు బౌలింగ్‌ చేయనుఈ నేపథ్యంలో విజయానంతరం సన్‌రైజర్స్‌ కెప్టెన్‌ ప్యాట్‌ కమిన్స్‌ ఆసక్తికర వ్యాఖ్యలు చేశాడు. తమ జట్టు బ్యాటర్లకు పొరపాటున కూడా బౌలింగ్‌ చేయబోనంటూ సహచర ఆటగాళ్ల దూకుడును ప్రశంసించాడు. ఇషాన్‌ కిషన్‌ అసాధారణ ఇన్నింగ్స్‌ ఆడాడని కొనియాడాడు. ‘‘నమ్మశక్యం కాని బ్యాటింగ్‌ ఇది. నేను మా వాళ్లకు అస్సలు బౌలింగ్‌ చేయను.బాబోయ్‌.. భయపెట్టేశారుప్రత్యర్థి జట్టు బౌలర్లను భయపెట్టేశారు. ఇలాంటి బ్యాటర్లు ఉంటే బౌలర్లకు చుక్కలే. వికెట్‌ తీయడం గురించి కాకుండా.. పరుగులను ఎలా నియంత్రించాలన్న అంశం మీదే ఎక్కువగా దృష్టి పెట్టాల్సి వస్తుంది. మేము గత వైభవాన్ని కొనసాగించాలని ఫిక్సయ్యాం. అసాధారణ ఇన్నింగ్స్‌ గతంలో ఆడిన ఒకరిద్దరు ప్లేయర్ల సేవలను ఈసారి మేము కోల్పోయాం. అయితే, వారి స్థానంలో వచ్చిన ఇషాన్‌ కిషన్‌ అసాధారణ ఇన్నింగ్స్‌ ఆడాడు. స్వేచ్ఛగా బ్యాటింగ్‌ చేయాలని.. ఆటను పూర్తిగా ఆస్వాదించాలని అతడు భావించాడు. మైదానంలో ఆ పని చేసి చూపించాడు.ప్రాక్టీస్‌లో మా బాయ్స్‌ కష్టపడ్డారు. అద్భుత రీతిలో మ్యాచ్‌కు సన్నద్ధమయ్యారు. ఇక మా కోచ్‌ల గురించి ప్రత్యేకంగా చెప్పాల్సిందేమీ లేదు. వారంతా అద్భుతం. గత మూడు- నాలుగు వారాలుగా మాతో పాటు ఉన్నారు. ఏదేమైనా మా వాళ్లు తమ భీకర బ్యాటింగ్‌తో సీజన్‌కు బ్లూప్రింట్‌లాంటిది తయారు చేశారు. మా బ్యాటర్లను ఎంత ప్రశంసించినా తక్కువే’’ అని కమిన్స్‌ జట్టు ప్రదర్శన పట్ల సంతృప్తి వ్యక్తం చేశాడు.ఐపీఎల్‌-2025: సన్‌రైజర్స్‌ వర్సెస్‌ రాజస్తాన్‌ స్కోర్లు👉వేదిక: రాజీవ్‌ గాంధీ అంతర్జాతీయ స్టేడియం, ఉప్పల్‌, హైదరాబాద్‌👉టాస్‌: రాజస్తాన్‌ రాయల్స్‌.. తొలుత బౌలింగ్‌👉సన్‌రైజర్స్‌ స్కోరు: 286/6 (20)👉రాజస్తాన్‌ స్కోరు: 242/6 (20)👉ఫలితం: 44 పరుగుల తేడాతో రాజస్తాన్‌పై సన్‌రైజర్స్‌ విజయం👉ప్లేయర్‌ ఆఫ్‌ ది మ్యాచ్‌: ఇషాన్‌ కిషన్‌చదవండి: IPL 2025 RCB Vs KKR: చరిత్ర సృష్టించిన విరాట్ కోహ్లి.. ఒకే ఒక్కడు

ఐపీఎల్‌-2025 సీజన్‌లో భాగంగా నిన్న (మార్చి 23) రాత్రి జరిగిన మ్యాచ్‌లో ముంబై ఇండియన్స్‌పై చెన్నై సూపర్‌ కింగ్స్‌ 4 వికెట్ల తేడాతో గెలుపొందింది. సీజన్‌ ఓపెనింగ్‌ మ్యాచ్‌లో ఓడటం ముంబై ఇండియన్స్‌కు ఇది వరుసగా 13వ సారి. ఐపీఎల్‌ 2021 సెకెండ్‌ లెగ్‌ నుంచి ఇప్పటివరకు ముంబైతో జరిగిన ఏడు మ్యాచ్‌ల్లో సీఎస్‌కే ఏడింట విజయాలు సాధించింది. నిన్నటి మ్యాచ్‌లో సీఎస్‌కేను అరంగేట్రం ఆటగాడు నూర్‌ అహ్మద్‌, రచిన్‌ రవీంద్ర, రుతురాజ్‌ గైక్వాడ్‌ అద్భుత ప్రదర్శనలతో గెలిపించారు.తొలుత నూర్‌ (4-0-18-4) తన మాయాజాలం ప్రదర్శించి ముంబైని 155 పరుగులకే పరిమితం చేయగా.. ఆ తర్వాత రచిన్‌ రవీంద్ర (45 బంతుల్లో 65 నాటౌట్‌; 2 ఫోర్లు, 4 సిక్సర్లు), రుతురాజ్‌ గైక్వాడ్‌ (26 బంతుల్లో 53; 6 ఫోర్లు, 3 సిక్సర్లు) తమ బ్యాటింగ్‌ విన్యాసాలతో సీఎస్‌కేను గెలిపించారు. ఈ మ్యాచ్‌లో సీఎస్‌కే పేసర్‌ ఖలీల్‌ అహ్మద్‌ (4-0-29-3) కూడా రాణించాడు. ధోని మెరుపు స్టంపింగ్‌ (సూర్యకుమార్‌ యాదవ్‌) చేసి వింటేజ్‌ ధోనిని గుర్తు చేశాడు.ఈ మ్యాచ్‌లో ముంబై స్వల్ప స్కోర్‌కే పరిమితమైనా.. లక్ష్యాన్ని కాపాడుకోవడంలో అద్భుతమైన పోరాటపటిమ కనబర్చింది. ముంబై బౌలర్లు సీఎస్‌కేను అంత ఈజీగా గెలవనివ్వలేదు. రుతురాజ్‌ క్రీజ్‌లో ఉన్నంత సేపు సీఎస్‌కే వైపే ఏకపక్షంగా సాగిన మ్యాచ్‌.. ఆతను ఔటయ్యాక మలుపులు తిరిగింది. ఓ దశలో ముంబై అరంగేట్రం స్పిన్నర్‌ విజ్ఞేశ్‌ పుథుర్‌ (4-0-32-3) రెచ్చిపోవడంతో సీఎస్‌కే కష్టాల్లో పడినట్లు కనిపించింది. అయితే రచిన్‌ చివరి వరకు క్రీజ్‌లో ఉండి సిక్సర్‌తో తన జట్టును విజయతీరాలకు చేర్చాడు. ఆఖర్లో రవీంద్ర జడేజా (17) రనౌట్‌ కావడంతో ధోని క్రీజ్‌లోకి వచ్చాడు. ధోని బ్యాటింగ్‌కు దిగినా పరుగులేమీ చేయలేదు (2 బంతులు ఎదుర్కొని). ధోని రాకతో చెపాక్‌ స్టేడియం హోరెత్తింది. ముంబై బౌలర్లలో విజ్ఞేశ్‌తో పాటు విల్‌ జాక్స్‌ (4-0-32-1), నమన్‌ ధిర్‌ (3-0-12-0) కూడా రాణించారు. మిడిల్‌ ఓవర్లలో వీరిద్దరు సీఎస్‌కేను తెగ ఇబ్బంది పెట్టారు. అంతకుముందు ముంబై బ్యాటింగ్‌లో ఘోరంగా విఫలమైంది. ఒక్కరు కూడా చెప్పుకోదగ్గ స్కోర్‌ చేయలేకపోయారు. సూర్యకుమార్‌ (29), తిలక్‌ వర్మ (31), ఆఖర్లో దీపక్‌ చాహర్‌ (28 నాటౌట్‌) ఓ మోస్తరు స్కోర్లు చేశారు. ఓపెనర్‌ రోహిత్‌ శర్మ డకౌటై నిరాశపర్చగా.. విధ్వంసకర ఆటగాళ్లు రికెల్టన్‌ (13), విల్‌ జాక్స్‌ (11) తక్కువ స్కోర్లకే ఔటయ్యారు.మ్యాచ్‌ అనంతరం విన్నింగ్‌ కెప్టెన్‌ రుతురాజ్‌ మాట్లాడుతూ ఇలా అన్నాడు. గెలిచిన జట్టులో ఉండటం ఆనందంగా ఉంది. మరింత క్లినికల్‌గా ఉండటం నాకు చాలా ఇష్టం. కానీ ఆట ఇలాగే సాగుతుంది. బ్యాటింగ్‌ ఆర్డర్‌లో మూడో స్థానంలో రావడంపై స్పందిస్తూ.. అది జట్టు అవసరం. నేను మూడో స్థానంలో బ్యాటింగ్‌ రావడం జట్టుకు మరింత సమతుల్యతను ఇస్తుంది. నా స్థానాన్ని మార్చుకోవడం (గతంలో ఓపెనర్‌గా వచ్చే వాడు) పట్ల నాకు ఎలాంటి బాధ లేదు. వాస్తవానికి ఇంకా సంతోషంగా ఉంది.స్పిన్నర్లు సరైన పాయింట్‌పై ఉన్నారు. ఈ మ్యాచ్‌లో వారు ముగ్గురు (నూర్‌, అశ్విన్‌, జడేజా) మంచి లయతో బౌలింగ్‌ చేశారు. ఇది మాకు శుభసూచకం. ఖలీల్ అనుభవజ్ఞుడు. అతని అనుభవం మాకు కలిసొచ్చింది. నూర్ ఓ ఎక్స్‌ ఫ్యాక్టర్, అందుకే అతన్ని జట్టులో చేర్చుకోవాలనుకున్నాము. అశ్విన్‌ జట్టులో ఉండటం మాకు బలాన్ని ఇస్తుంది. ధోని ఈ సంవత్సరం మరింత ఫిట్‌గా ఉన్నాడు. అతను ఇప్పటికీ యవ్వనంగా కనిపిస్తున్నాడు.

ఐపీఎల్‌ 2025లో ఇవాళ (మార్చి 24) మరో ఆసక్తికర సమరం జరుగనుంది. విశాఖ వేదికగా లక్నో సూపర్‌ జెయింట్స్‌, ఢిల్లీ క్యాపిటల్స్‌ కత్తులు దూసుకోనున్నాయి. రాత్రి 7:30 గంటలకు ఈ మ్యాచ్‌ ప్రారంభం కానుంది.ఐపీఎల్‌లో ఇరు జట్లు ఇప్పటివరకు ఐదు మ్యాచ్‌ల్లో తలపడగా.. లక్నో 3, ఢిల్లీ 2 మ్యాచ్‌ల్లో విజయాలు సాధించాయి. ఢిల్లీ ఎల్‌ఎస్‌జీపై సాధించిన రెండు విజయాలు గత సీజన్‌లో వచ్చినవే. నేటి మ్యాచ్‌లో భారీ స్కోర్లు నమోదయ్యే అవకాశం ఉంది. విశాఖ పిచ్‌ బ్యాటంగ్‌కు స్వర్గధామమని చెప్పవచ్చు. గత సీజన్‌లో ఇక్కడ జరిగిన ఓ మ్యాచ్‌లో కేకేఆర్‌ రికార్డు స్థాయిలో 272 పరుగులు చేసింది.గత సీజన్‌లో ఢిల్లీ కెప్టెన్‌గా ఉన్న పంత్‌ ఈ సీజన్‌లో లక్నో సారధిగా వ్యవహరిస్తున్నాడు. గత సీజన్‌లో లక్నో కెప్టెన్‌గా ఉన్న రాహుల్‌ ఈ సీజన్‌లో ఢిల్లీ ఆటగాడిగా బరిలోకి దిగనున్నాడు. తనను వదిలించుకున్న మాజీ జట్టుపై రాహుల్‌ ఏ మేరకు సత్తా చాటుతాడన్నది ఆసక్తికరంగా మారింది.సీజన్‌ ప్రారంభ మ్యాచ్‌కు ముందే లక్నోను గాయాల సమస్య వేధిస్తుంది. ఆ జట్టుకు చెందిన ముగ్గురు పేసర్లు (మయాంక​్‌ యాదవ్‌, ఆవేశ్‌ ఖాన్‌, ఆకాశ్‌దీప్‌) గాయాలతో బాధపడుతున్నారు. ఓ పేసర్‌ (మొహిసిన్‌ ఖాన్‌) ఏకంగా సీజన్‌ మొత్తానికే దూరమ్యాడు. మొహిసిన్‌ స్థానంలో శార్దూల్‌ ఠాకూర్‌ కొత్తగా జట్టులో చేరాడు. మరోవైపు ఢిల్లీని కూడా ఓ సమస్య ఇరుకునపెడుతుంది. ఆ జట్టు మిడిలార్డర్‌ బ్యాటర్‌ హ్యారీ బ్రూక్‌ గత సీజన్‌లాగే ఈ సీజన్‌లో కూడా హ్యాండిచ్చాడు. బ్రూక్‌ లేకపోవడం ఢిల్లీ మిడిలార్డర్‌ కూర్పును దెబ్బతీస్తుంది. బ్రూక్‌ లేకపోయినా లక్నోతో పోలిస్తే ఢిల్లీ అన్ని విభాగాల్లో పటిష్టంగా కనిపిస్తుంది. ఆ జట్టులో విధ్వంకర వీరులతో పాటు ప్రామిసింగ్‌ ఆల్‌రౌండర్లు, నాణ్యమైన స్పిన్నర్లు, వరల్డ్‌ క్లాస్‌ పేసర్లు ఉన్నారు.లక్నోతో నేటి మ్యాచ్‌లో జేక్‌ ఫ్రేజర్‌, డుప్లెసిస్‌ ఢిల్లీ ఇన్నింగ్స్‌ను ప్రారంభించే అవకాశం ఉంది. జేక్‌ ఫ్రేజర్‌ తాజాగా జరిగిన ఓ ఇంట్రా స్క్వాడ్‌ మ్యాచ్‌లో విధ్వంసకర సెంచరీ చేసి మంచి ఫామ్‌లో ఉన్నాడు. అభిషేక్‌ పోరెల్‌, కేఎల్‌ రాహుల్‌, అక్షర్‌ పటేల్‌, ట్రిస్టన్‌ స్టబ్స్‌, అశుతోష్‌ శర్మతో ఢిల్లీ మిడిలార్డర్‌ పటిష్టంగా ఉంది. మిచెల్‌ స్టార్క్‌, కుల్దీప్‌ యాదవ్‌, ముకేశ్‌ కుమార్‌, నటరాజన్‌తో బౌలింగ్‌ విభాగం కూడా బలంగా ఉంది. కరుణ్‌ నాయర్‌, మోహిత్‌ శర్మ ఇంపాక్ట్‌ ప్లేయర్లుగా ఉండవచ్చు.లక్నో విషయానికొస్తే.. అర్శిన్‌ కులకర్ణి, మిచెల్‌ మార్ష్‌ ఈ జట్టు ఇన్నింగ్స్‌ను ప్రారంభించవచ్చు. లక్నో మిడిలార్డర్‌ మెరుపు వీరులతో నిండి ఉంది. వన్‌డౌన్‌లో పంత్‌, నాలుగో స్థానంలో పూరన్‌, ఐదో స్థానంలో బదోని, ఆరో ప్లేస్‌తో మిల్లర్‌, ఏడో స్థానంలో అబ్దుల్‌ సమద్‌ బరిలోకి దిగవచ్చు. ఆల్‌రౌండర్‌ కోటాలో శార్దూల్‌.. బౌలర్లుగా రాజవర్దన్‌ హంగార్గేకర్‌, రవి బిష్ణోయ్‌, షమార్‌ జోసఫ్‌ తుది జట్టులో ఉండే అవకాశం ఉంది. ఆకాశ్‌ సింగ్‌, షాబాజ్‌ అహ్మద్‌, మణిమారన్‌ సిద్దార్థ్‌ ఇంపాక్ట్‌ ప్లేయర్లుగా బరిలోకి దిగవచ్చు.పూర్తి జట్లు..లక్నో సూపర్ జెయింట్స్: అర్షిన్ కులకర్ణి, మిచెల్ మార్ష్, రిషబ్ పంత్(కెప్టెన్‌), నికోలస్ పూరన్, ఆయుష్ బదోని, డేవిడ్ మిల్లర్, అబ్దుల్ సమద్, శార్దూల్ ఠాకూర్, ఆర్ఎస్ హంగర్గేకర్, రవి బిష్ణోయ్, షమర్ జోసెఫ్, ఆకాష్ దీప్, షాబాజ్‌ అహ్మద్‌, మణిమారన్‌ సిద్దార్థ్‌, ఆకాశ్‌ మహారాజ్‌ సింగ్‌, ఎయిడెన్‌ మార్క్రమ్‌, అవేష్ ఖాన్, హిమ్మత్ సింగ్, మాథ్యూ బ్రీట్జ్కే, ఆర్యన్ జుయల్, యువరాజ్ చౌదరి, మయాంక్ యాదవ్, ప్రిన్స్ యాదవ్, దిగ్వేష్ రాఠీఢిల్లీ క్యాపిటల్స్: జేక్ ఫ్రేజర్-మెక్‌గుర్క్, ఫాఫ్ డు ప్లెసిస్, అభిషేక్ పోరెల్, కేఎల్ రాహుల్, అక్షర్ పటేల్(కెప్టెన్‌), ట్రిస్టన్ స్టబ్స్, అశుతోష్ శర్మ, మిచెల్ స్టార్క్, కుల్దీప్ యాదవ్, ముఖేష్ కుమార్, టి నటరాజన్, కరుణ్ నాయర్, మొహిత్‌ శర్మ, దుష్మంత చమీరా, అజయ్‌ జాదవ్‌ మండల్‌, దర్శన్‌ నల్కండే, సమీర్ రిజ్వీ, డోనోవన్ ఫెరీరా, త్రిపురాన విజయ్, మన్వంత్ కుమార్ ఎల్, విప్రజ్ నిగమ్, మాధవ్ తివారీ

ఐపీఎల్‌ 2025 సీజన్‌లో చెన్నై సూపర్‌ కింగ్స్‌ బోణీ కొట్టింది. తొలి మ్యాచ్‌లో ఓడిపోయే ఆనవాయితీని ముంబై ఇండియన్స్‌ కొనసాగించింది. వరుసగా 13వ ఏడాది ముంబై తమ తొలి మ్యాచ్‌లో ఓటమిపాలైంది. చెన్నైలోని చెపాక్‌ స్టేడియం వేదికగా నిన్న (మార్చి 23) రాత్రి జరిగిన మ్యాచ్‌లో సీఎస్‌కే ముంబైపై 4 వికెట్ల తేడాతో గెలిచింది. ఈ మ్యాచ్‌లో టాస్‌ ఓడి తొలుత బ్యాటింగ్‌ చేసిన ఎంఐ తడబడింది. సీఎస్‌కే బౌలర్లు అద్భుతంగా బౌలింగ్‌ చేయడంతో నిర్ణీత ఓవర్లలో 9 వికెట్లు కోల్పోయి 155 పరుగులు మాత్రమే చేయగలిగింది. రోహిత్‌ శర్మ డకౌటై నిరాశపరిచగా.. విధ్వంసకర వీరులు రికెల్టన్‌ (13), విల్‌ జాక్స్‌ (11), తాత్కాలిక కెప్టెన్‌ సూర్యకుమార్‌ (29), తిలక్‌ వర్మ (31) తక్కువ స్కోర్లకే ఔటయ్యారు. అరంగేట్రం ఆటగాడు రాబిన్‌ మి​ంజ్‌ (3) తేలిపోయాడు. నమన్‌ ధిర్‌ 17, సాంట్నర్‌ 11 పరుగులు చేయగా.. ఆఖర్లో దీపక్‌ చాహర్‌ (15 బంతుల్లో 28 నాటౌట్‌) బ్యాట్‌ ఝులిపించాడు. సీఎస్‌కే బౌలర్లలో నూర్‌ అహ్మద్‌ (4-0-18-4) ఐపీఎల్‌ కెరీర్‌ను అద్భుతంగా ప్రారంభించాడు. ఖలీల్‌ అహ్మద్‌ (4-0-29-3) సత్తా చాటాడు. వెటరన్‌ రవిచంద్రన్‌ అశ్విన్‌, నాథన్‌ ఇల్లిస్‌ తలో వికెట్‌ తీశారు.స్లో ట్రాక్‌పై ఓ మోస్తరు లక్ష్య ఛేదనకు దిగిన సీఎస్‌కే ఆదిలోనే వికెట్‌ కోల్పోయింది. దీపక్‌ చాహర్‌ ఓపెనర్‌ రాహుల్‌ త్రిపాఠిని 2 పరుగులకే ఔట్‌ చేశాడు. వన్‌డౌన్‌లో బరిలోకి దిగిన కెప్టెన్‌ రుతురాజ్‌ గైక్వాడ్‌ మ్యాచ్‌ స్వరూపాన్నే మార్చేశాడు. రుతు 26 బంతుల్లో 6 ఫోర్లు, 3 సిక్సర్ల సాయంతో 53 పరుగులు చేసి మ్యాచ్‌ను ముంబై చేతుల్లో నుంచి లాగేసుకున్నాడు. మరో ఎండ్‌లో రచిన్‌ రవీంద్ర (45 బంతుల్లో 65 నాటౌట్‌; 2 ఫోర్లు, 4 సిక్సర్లు) బాధ్యతాయుతంగా ఆడి చివరి వరకు క్రీజ్‌లో ఉన్నాడు. సిక్సర్‌తో మ్యాచ్‌ను ముగించాడు. రుతురాజ్‌ ఔటయ్యాక సీఎస్‌కే కాస్త తడబడింది. అరంగేట్రం స్పిన్నర్‌ విజ్ఞేశ్ పుథుర్‌ వరుసగా తన మూడు ఓవర్లలో మూడు వికెట్లు తీసి ముంబైని తిరిగి మ్యాచ్‌లోకి తెచ్చినట్లు కనిపించాడు. ఈ దశలో విల్‌ జాక్స్‌, నమన్‌ ధిర్‌ కూడా అద్బుతంగా బౌలింగ్‌ చేశారు. సీఎస్‌కే ఆటగాళ్లను కట్టడి చేసి పరుగులు రానివ్వకుండా చేశారు. అయితే అప్పటిదాకా అద్బుతంగా బౌలింగ్‌ చేసిన విజ్ఞేశ్‌ పుథుర్‌ను 18వ ఓవర్‌లో బౌలింగ్‌కు దించి ముంబై కెప్టెన్‌ స్కై పెద్ద తప్పు చేశాడు. ఆ ఓవర్‌లో రచిన్‌ చెలరేగిపోయి 2 సిక్సర్ల సాయంతో 15 పరుగులు పిండుకున్నాడు. ఆ ఓవర్‌లోనే ముంబై ఓటమి ఖరారైపోయింది. 19వ ఓవర్‌లో నమన్‌ ధిర్‌ జడ్డూ వికెట్‌ తీసి కేవలం 2 పరుగులే ఇచ్చినా చివరి ఓవర్‌ తొలి బంతికే సిక్సర్‌ బాది రచిన్‌ సీఎస్‌కేను విజయతీరాలకు చేర్చాడు. ఈ మ్యాచ్‌లో ధోని సూర్యకుమార్‌ను మెరుపు స్టంపింగ్‌ చేసి వింటేజ్‌ ధోనిని గుర్తు చేశాడు.మ్యాచ్‌ అనంతరం సూర్యకుమార్‌ స్పందిస్తూ.. మేము 15-20 పరుగులు తక్కువ చేశాం. అయినా మా కుర్రాళ్ల పోరాటం ప్రశంసనీయం. యువకులకు అవకాశాలు ఇవ్వడంలో ముంబై ఇండియన్స్‌ ప్రసిద్ధి చెందింది . ఎంఐ స్కౌట్స్ ఏడాదిలో 10 నెలలు టాలెంట్‌ను వెతికే పనిలో ఉంటారు. విజ్ఞేశ్‌ పుథుర్‌ దాని ఫలితమే. తొలి మ్యాచ్‌లోనే విజ్ఞేశ్‌ అద్భుతంగా బౌలింగ్‌ చేశాడు. తన తొలి 3 ఓవర్లలో 3 వికెట్లు తీసి తిరిగి తమను మ్యాచ్‌లోకి తెచ్చాడు. ఆట లోతుగా సాగితే అతని కోసమని ఓ ఓవర్‌ను స్పేర్‌గా ఉంచాను. అది మిస్‌ ఫైర్‌ అయ్యింది. 18వ ఓవర్ విజ్ఞేశ్‌కు ఇచ్చి తప్పు చేశాను. మ్యాచ్‌ జరుగుతుండగా మంచు ప్రభావం లేదు. కానీ కాస్త జిగటగా ఉండింది. రుతురాజ్ బ్యాటింగ్ చేసిన విధానం మ్యాచ్‌ను మా నుండి దూరం చేసింది. ఇది తొలి మ్యాచే. ఇంకా చాలా దూరం వెళ్లాల్సి ఉందని అన్నాడు. కాగా, ముంబై తమ రెండో మ్యాచ్‌లో గుజరాత్‌ టైటాన్స్‌ను ఢీకొంటుంది. ఈ మ్యాచ్‌ మార్చి 29న అహ్మదాబాద్‌లో జరుగనుంది.

షాంఘై: గత ఏడాది ఫార్ములావన్‌ సీజన్‌ ఆరంభంలో రెడ్‌బుల్‌ జట్టు అదరగొట్టగా... ఈసారి మెక్‌లారెన్‌ జట్టు మెరిపిస్తోంది. ఈ సీజన్‌లోని తొలి రేసు ఆస్ట్రేలియా గ్రాండ్‌ప్రిలో మెక్‌లారెన్‌ డ్రైవర్‌ లాండో నోరిస్‌ విజేతగా నిలువగా... రెండో రేసు చైనా గ్రాండ్‌ప్రిలో మెక్‌లారెన్‌కే చెందిన రెండో డ్రైవర్‌ ఆస్కార్‌ పియాస్ట్రి టైటిల్‌ సొంతం చేసుకున్నాడు. ఆదివారం జరిగిన ప్రధాన రేసును ‘పోల్‌ పొజిషన్‌’తో ఆరంభించిన 23 ఏళ్ల పియాస్ట్రి రేసు ముగిసే వరకు తన ఆధిక్యాన్ని నిలబెట్టుకున్నాడు. నిర్ణీత 56 ల్యాప్‌ల రేసును ఆ్రస్టేలియా జాతీయుడైన పియాస్ట్రి అందరికంటే వేగంగా, అందరికంటే ముందుగా 1 గంట 30 నిమిషాల 55.026 సెకన్లలో ముగించి చాంపియన్‌గా అవతరించాడు. 2023లో మెక్‌లారెన్‌ జట్టు తరఫునే ఫార్ములావన్‌లో అరంగేట్రం చేసిన పియాస్ట్రి వరుసగా మూడో ఏడాది అదే జట్టుతో ఉన్నాడు. గత ఏడాది హంగేరి గ్రాండ్‌ప్రి, అజర్‌బైజాన్‌ గ్రాండ్‌ప్రిలలో అగ్రస్థానాన్ని దక్కించుకున్న పియాస్ట్రి తాజా గెలుపుతో తన కెరీర్‌లో మూడో విజయాన్ని అందుకున్నాడు.మెక్‌లారెన్‌కే చెందిన లాండో నోరిస్‌ రెండో స్థానంలో నిలిచాడు. నోరిస్‌ 1 గంట 31 నిమిషాల 04.774 సెకన్లలో గమ్యానికి చేరాడు. ఫార్ములావన్‌ రేసులో ఓవరాల్‌గా 1–2 స్థానాలు మెక్‌లారెన్‌ డ్రైవర్లే సొంతం చేసుకోవడం ఇది 50వ సారి కావడం విశేషం. మెర్సిడెస్‌ డ్రైవర్‌ జార్జి రసెల్‌ మూడో స్థానంలో నిలువగా... ప్రస్తుత ప్రపంచ చాంపియన్, రెడ్‌బుల్‌ జట్టు డ్రైవర్‌ మాక్స్‌ వెర్‌స్టాపెన్‌ నాలుగో స్థానంతో సరిపెట్టుకున్నాడు. ఆ ముగ్గురిపై వేటు ఫెరారీ జట్టు డ్రైవర్లు చార్లెస్‌ లెక్‌లెర్క్, లూయిస్‌ హామిల్టన్‌ వరుసగా ఐదు, ఆరు స్థానాల్లో నిలువగా... పియరీ గ్యాస్లీ (ఆలై్పన్‌) 11వ స్థానంలో నిలిచారు. అయితే సాంకేతిక కారణాలరీత్యా రేసు ముగిశాక ఈ ముగ్గురిపై అనర్హత వేటు వేశారు. లెక్‌లెర్క్‌ 10 పాయింట్లను, హామిల్టన్‌ 8 పాయింట్లను చేజార్చుకున్నారు. 11వ స్థానంలో నిలిచినందుకు గ్యాస్లీకి ఎలాంటి పాయింట్లు లభించలేదు. ఫార్ములావన్‌ నిబంధనల ప్రకారం రేసు ముగిసిన తర్వాత డ్రైవర్ల కారు కనిష్ట బరువు 800 కేజీలు ఉండాలి. అయితే లెక్‌లెర్క్, హామిల్టన్, గ్యాస్లీల కార్ల బరువు 799 కేజీలు చూపించింది. దాంతో ఈ ముగ్గురిపై రేసు నిర్వాహకులు వేటు వేసి వారి ఫలితాలను రద్దు చేశారు. సీజన్‌లోని తదుపరి రేసు జపాన్‌ గ్రాండ్‌ప్రి ఏప్రిల్‌ 6న సుజుకా సర్క్యూట్‌లో జరుగుతుంది. సీజన్‌లోని తొలి రెండు రేసులు ముగిశాక డ్రైవర్స్‌ చాంపియన్‌షిప్‌లో లాండో నోరిస్‌ 44 పాయింట్లతో తొలి స్థానంలో ఉండగా... 36 పాయింట్లతో వెర్‌స్టాపెన్‌ రెండో స్థానంలో, 35 పాయింట్లతో జార్జి రసెల్‌ మూడో స్థానంలో నిలిచారు. కన్‌స్ట్రక్టర్స్‌ చాంపియన్‌షిప్‌లో మెక్‌లారెన్‌ 78 పాయింట్లతో అగ్రస్థానంలో ఉంది.

మౌంట్‌ మాంగనీ (న్యూజిలాండ్‌): బ్యాటర్ల దూకుడుకు... బౌలర్ల క్రమశిక్షణ తోడవడంతో... పాకిస్తాన్‌తో నాలుగో టి20లో న్యూజిలాండ్‌ ఘనవిజయం సాధించింది. ఆదివారం ఏకపక్షంగా సాగిన పోరులో ఆతిథ్య న్యూజిలాండ్‌ 115 పరుగుల తేడాతో పాకిస్తాన్‌పై గెలుపొందింది. ఫలితంగా 5 మ్యాచ్‌ల సిరీస్‌ను న్యూజిలాండ్‌ మరో మ్యాచ్‌ మిగిలుండగానే 3–1తో సొంతం చేసుకుంది. మొదట బ్యాటింగ్‌ చేసిన న్యూజిలాండ్‌ నిర్ణీత 20 ఓవర్లలో 6 వికెట్ల నష్టానికి 220 పరుగులు చేసింది. ఓపెనర్లు టిమ్‌ సీఫెర్ట్‌ (22 బంతుల్లో 44; 3 ఫోర్లు, 4 సిక్స్‌లు), ‘ప్లేయర్‌ ఆఫ్‌ ద మ్యాచ్‌’ ఫిన్‌ అలెన్‌ (20 బంతుల్లో 50; 6 ఫోర్లు, 3 సిక్స్‌లు) ఆకాశమే హద్దుగా చెలరేగారు. బ్రేస్‌వెల్‌ (26 బంతుల్లో 46 నాటౌట్‌; 5 ఫోర్లు, 2 సిక్స్‌లు) కెప్టెన్‌ ఇన్నింగ్స్‌ ఆడగా... మార్క్‌ చాప్‌మన్‌ (24; 2 ఫోర్లు, 2 సిక్స్‌లు), మిచెల్‌ (29; 1 ఫోర్, 1 సిక్స్‌) ఉన్నంతసేపు దూకుడు కనబర్చారు. పాకిస్తాన్‌ బౌలర్లలో హరీస్‌ రవూఫ్‌ 3, అబ్రార్‌ అహ్మద్‌ 2 వికెట్లు పడగొట్టారు. అనంతరం లక్ష్యఛేదనలో పాకిస్తాన్‌ పూర్తిగా తడబడింది. 16.2 ఓవర్లలో 105 పరుగులకే ఆలౌటైంది. మొత్తం జట్టులో అబ్దుల్‌ సమద్‌ (30 బంతుల్లో 44; 4 ఫోర్లు, 2 సిక్స్‌లు), ఇర్ఫాన్‌ ఖాన్‌ (24; 4 ఫోర్లు, 1 సిక్స్‌) మాత్రమే రెండంకెల స్కోరు చేశారు. గత మ్యాచ్‌ సెంచరీ హీరో హసన్‌ నవాజ్‌ (1), కెప్టెన్ ఆఘా సల్మాన్‌ (1), మొహమ్మద్‌ హరీస్‌ (2), షాదాబ్‌ ఖాన్‌ (1), ఖుష్‌దిల్‌ షా (6) విఫలమయ్యారు. న్యూజిలాండ్‌ బౌలర్లలో జాకబ్‌ డఫీ 4, ఫోల్క్స్‌ 3 వికెట్లు పడగొట్టారు. కివీస్‌ ఓపెనర్‌ అలెన్‌కు ‘ప్లేయర్‌ ఆఫ్‌ ద మ్యాచ్‌’అవార్డు దక్కింది. ఇరు జట్ల మధ్య నామమాత్రమైన చివరి టి20 బుధవారం వెల్లింగ్టన్‌లో జరుగుతుంది. బాదుడే బాదుడు... టాస్‌ ఓడి మొదట బ్యాటింగ్‌కు దిగిన న్యూజిలాండ్‌కు ఓపెనర్లు సీఫెర్ట్, అలెన్‌ అదిరిపోయే ఆరంభాన్నిచ్చారు. బౌలర్‌తో సంబంధం లేకుండా ఈ జోడీ ఎడాపెడా బౌండరీలతో చెలరేగడంతో స్కోరు బోర్డు పరుగులు పెట్టింది. ఇన్నింగ్స్‌ ఆరంభ ఓవర్‌లో 2 సిక్స్‌లు బాదిన సీఫెర్ట్‌... అబ్రార్‌ వేసిన నాలుగో ఓవర్‌లో 6, 4, 6 కొట్టాడు. దీంతో 4 ఓవర్లు ముగిసేసరికి న్యూజిలాండ్‌ 54 పరుగులు చేసింది. మరో భారీ షాట్‌కు యత్నించి సీఫెర్ట్‌ అవుట్‌ కాగా... ఆ తర్వాత బాదే బాధ్యత అలెన్‌ తీసుకున్నాడు. బంతి తన పరిధిలో ఉంటే చాలు దానిపై విరుచుకుపడిన అలెన్‌... అబ్రార్‌ వేసిన ఏడో ఓవర్‌లో 2 ఫోర్లు, ఒక సిక్స్‌ కొట్టాడు. ఫలితంగా 8 ఓవర్లలోనే కివీస్‌ వంద పరుగుల మార్క్‌ దాటింది. షాదాబ్‌ బౌలింగ్‌లో వరుసగా 4, 4, 6, 6 కొట్టిన అలెన్‌ 19 బంతుల్లో అర్ధశతకం పూర్తి చేసుకోగా... 10 ఓవర్లు ముగిసేసరికి న్యూజిలాండ్‌ 134/2తో నిలిచింది. ఈ దూకుడు చూస్తుంటే కివీస్‌ మరింత భారీ స్కోరు చేయడం ఖాయమే అనిపించినా... ఆ తర్వాత తేరుకున్న పాక్‌ బౌలర్లు ఒత్తిడి పెంచి కివీస్‌ను కాస్త కట్టడి చేశారు. చివర్లో బ్రాస్‌వెల్‌ కొన్ని చక్కటి షాట్లతో జట్టుకు మంచి స్కోరు అందించాడు. పెవిలియన్‌కు ‘క్యూ’ భారీ లక్ష్యఛేదనలో పాకిస్తాన్‌ ఏ దశలోనూ ఆకట్టుకోలేకపోయింది. ఇన్నింగ్స్‌ రెండో బంతికే హరీస్‌ క్లీన్‌»ౌల్డ్‌ కాగా... గత మ్యాచ్‌లో సెంచరీతో జట్టుకు చక్కటి విజయాన్ని అందించిన హసన్‌ నవాజ్‌ రెండో ఓవర్‌లో కీపర్‌కు క్యాచ్‌ ఇచ్చి పెవిలియన్‌కు చేరాడు. బాధ్యతగా ఆడాల్సిన కెప్టెన్ సల్మాన్‌ కూడా కీపర్‌ క్యాచ్‌గా వెనుదిరగగా... ఇర్ఫాన్‌ ఖాన్‌ కాసేపు పోరాడాడు. షాదాబ్, ఖుష్‌దిల్‌ షా, అబ్బాస్‌ అఫ్రిది (1), షాహీన్‌ షా అఫ్రిది (6) ఇలా వచ్చి అలా వెళ్లారు. ఫలితంగా ఒక దశలో పాకిస్తాన్‌ 56 పరుగులకే 8 వికెట్లు కోల్పోయి మరింత ఘోరం పరాజయం మూటగట్టుకునేలా కనిపించినా... ఆఖర్లో సమద్‌ కీలక ఇన్నింగ్స్‌తో జట్టును వంద పరుగుల మైలురాయి దాటించాడు. కివీస్‌ బౌలర్లలో జాకబ్‌ డఫీ (4/20), ఫోల్‌్క్స (3/25) కలిసి 7 వికెట్లు ఖాతాలో వేసుకున్నారు.

పనాజీ: ఐ–లీగ్‌ జాతీయ ఫుట్‌బాల్‌ చాంపియన్‌షిప్‌లో హైదరాబాద్‌కు చెందిన శ్రీనిధి డెక్కన్‌ ఫుట్‌బాల్‌ క్లబ్‌ (ఎఫ్‌సీ) జట్టు ఆరో ‘డ్రా’ నమోదు చేసుకుంది. చర్చిల్‌ బ్రదర్స్‌ ఎఫ్‌సీ జట్టుతో ఆదివారం జరిగిన మ్యాచ్‌ను శ్రీనిధి డెక్కన్‌ ఎఫ్‌సీ జట్టు 1–1 గోల్స్‌తో ‘డ్రా’ చేసుకుంది. ఇంటర్‌ కాశీ జట్టుతో జరిగిన గత మ్యాచ్‌లో స్టాపేజ్‌ టైమ్‌లో గోల్‌ సమరి్పంచుకొని గెలవాల్సిన మ్యాచ్‌ను శ్రీనిధి జట్టు ‘డ్రా’తో సరిపెట్టుకోగా... చర్చిల్‌ బ్రదర్స్‌ జట్టుతో స్టాపేజ్‌ టైమ్‌లో (90+11వ నిమిషంలో) గోల్‌ సాధించి ఓడిపోవాల్సిన మ్యాచ్‌లో ‘డ్రా’తో గట్టెక్కింది. స్టాపేజ్‌ టైమ్‌లో లభించిన పెనాల్టీ కిక్‌ను శ్రీనిధి డెక్కన్‌ జట్టు స్టార్‌ ప్లేయర్‌ డేవిడ్‌ కాస్టనెడా గోల్‌గా మలిచాడు. ఈ లీగ్‌లో ‘టాప్‌ గోల్‌స్కోరర్‌’గా కొనసాగుతున్న కాస్టనెడాకిది 15వ గోల్‌ కావడం విశేషం. అంతకుముందు 29వ నిమిషంలో పాపె గసామా చేసిన గోల్‌తో చర్చిల్‌ బ్రదర్స్‌ జట్టు 1–0తో ఆధిక్యంలోకి వెళ్లింది. 13 జట్లు పోటీపడుతున్న ఐ–లీగ్‌లో శ్రీనిధి డెక్కన్‌ జట్టు 20 మ్యాచ్‌లు పూర్తి చేసుకుంది. ఇందులో 7 మ్యాచ్‌ల్లో గెలిచి, 7 మ్యాచ్‌ల్లో ఓడి, 6 మ్యాచ్‌లను ‘డ్రా’గా ముగించి 27 పాయింట్లతో ఆరో స్థానంలో ఉంది. శ్రీనిధి జట్టు తమ తదుపరి మ్యాచ్‌లో ఈనెల 30 గోకులం కేరళ ఎఫ్‌సీ జట్టుతో ఆడుతుంది.

తొలి 42 బంతుల్లో 100 పరుగులు... 87 బంతుల్లో 200 పరుగులు... ఇక మిగిలింది 300 లక్ష్యమే... ఐపీఎల్‌లో 300 పరుగులు సాధ్యమా అనే ప్రశ్నకు జవాబిచ్చేలా ఆడిన సన్‌రైజర్స్‌ హైదరాబాద్‌ జట్టు దానిని ఈసారి అందుకోలేకపోయినా దాదాపు చేరువగా వచ్చిoది. తమ అత్యధిక టీమ్‌ స్కోరుకు ఒక పరుగు మాత్రమే తక్కువ చేసి ఐపీఎల్‌ టోర్నీ చరిత్రలో రెండో అత్యధిక స్కోరును తమ పేరిటే లిఖించుకుంది. మారింది సీజన్‌ మాత్రమే తాము కాదు అంటూ సన్‌రైజర్స్‌ బ్యాటర్లు చెలరేగిపోయారు. గత ఏడాది లాగే అభిషేక్‌ శర్మ, ట్రావిస్‌ హెడ్‌ మెరుపులకు తోడు ఈసారి కొత్తగా జట్టులో చేరిన ఇషాన్‌ కిషన్‌ కూడా దూకుడుగా ఆడడంతో జట్టు ఆకాశమే హద్దుగా చెలరేగింది. ఛేదనకు ముందే ఓటమిని అంగీకరించినట్లు కనిపించిన రాజస్తాన్‌ కొంత పోరాడినా లక్ష్యం మరీ పెద్దది కావడంతో చివరకు ఆ జట్టుకు ఓటమి తప్పలేదు. మొత్తానికి 528 పరుగుల మ్యాచ్‌తో హైదరాబాద్‌ అభిమానులు ఆదివారం పండుగ చేసుకున్నారు. సాక్షి, హైదరాబాద్‌: ఐపీఎల్‌–18 సీజన్‌లో సన్‌రైజర్స్‌ హైదరాబాద్‌ తమదైన రీతిలో మెరుపు బ్యాటింగ్‌తో చెలరేగింది. ఘన విజయంతో టోర్నీని మొదలు పెట్టింది. ఆదివారం ఉప్పల్‌ స్టేడియంలో జరిగిన మ్యాచ్‌లో గత ఏడాది రన్నరప్‌ సన్‌రైజర్స్‌ 44 పరుగుల తేడాతో మాజీ చాంపియన్‌ రాజస్తాన్‌ రాయల్స్‌ను ఓడించింది. టాస్‌ ఓడి ముందుగా బ్యాటింగ్‌కు దిగిన హైదరాబాద్‌ 20 ఓవర్లలో 6 వికెట్ల నష్టానికి 286 పరుగులు చేసింది.‘ప్లేయర్‌ ఆఫ్‌ ద మ్యాచ్‌’ ఇషాన్‌ కిషన్‌ (47 బంతుల్లో 106 నాటౌట్‌; 11 ఫోర్లు, 6 సిక్స్‌లు) సెంచరీతో కదం తొక్కాడు. ట్రావిస్‌ హెడ్‌ (31 బంతుల్లో 67; 9 ఫోర్లు, 3 సిక్స్‌లు) అర్ధసెంచరీ సాధించాడు. హెన్రిచ్‌ క్లాసెన్‌ (14 బంతుల్లో 34; 5 ఫోర్లు, 1 సిక్స్‌), నితీశ్‌ కుమార్‌ రెడ్డి (15 బంతుల్లో 30; 4 ఫోర్లు, 1 సిక్స్‌) కూడా దూకుడుగా ఆడారు. సన్‌రైజర్స్‌ టాప్‌–5 బ్యాటర్లంతా 200కు పైగా స్ట్రయిక్‌రేట్‌తో పరుగులు సాధించడం విశేషం. 3ఇషాన్‌ కిషన్‌పరుగులు 106 బంతులు 47 ఫోర్లు 11 సిక్స్‌లు 6 స్ట్రయిక్‌రేట్‌ 225.53 అనంతరం 287 పరుగుల విజయలక్ష్యంతో బరిలోకి దిగిన రాజస్తాన్‌ రాయల్స్‌ 20 ఓవర్లలో 6 వికెట్లకు 242 పరుగులు చేసి ఓడిపోయింది. ధ్రువ్‌ జురేల్‌ (35 బంతుల్లో 70; 5 ఫోర్లు, 6 సిక్స్‌లు), సంజూ సామ్సన్‌ (37 బంతుల్లో 66; 7 ఫోర్లు, 4 సిక్స్‌లు) మెరుపు అర్ధ సెంచరీలతో ఆకట్టుకున్నారు. సన్‌రైజర్స్‌ బౌలర్లలో సిమర్‌జీత్‌ సింగ్, హర్షల్‌ పటేల్‌ రెండు వికెట్ల చొప్పున తీశారు. సన్‌రైజర్స్‌ జట్టు తమ తదుపరి మ్యాచ్‌ను ఈనెల 27న ఉప్పల్‌ స్టేడియంలోనే లక్నో సూపర్‌ జెయింట్స్‌ జట్టుతో ఆడుతుంది. మెరుపు బ్యాటింగ్‌... అభిషేక్‌ శర్మ (11 బంతుల్లో 24; 5 ఫోర్లు), హెడ్‌ ఎప్పటిలాగే రైజర్స్‌కు శుభారంభం అందించారు. ఫారుఖీ ఓవర్లో అభిషేక్‌ మూడు ఫోర్లు కొట్టగా, అదే ఓవర్లో హెడ్‌ సిక్స్‌ కొట్టాడు. తొలి వికెట్‌కు 19 బంతుల్లో 45 పరుగుల భాగస్వామ్యం తర్వాత అభిషేక్‌ వెనుదిరిగాడు. అభిషేక్‌ స్థానంలో వచ్చిన ఇషాన్‌ కిషన్‌ కూడా అదే జోరును కొనసాగించాడు. ఆర్చర్‌ వేసిన ఐదో ఓవర్లో హెడ్‌ చెలరేగిపోయాడు. ఈ ఓవర్లో అతను 4 ఫోర్లు, సిక్స్‌ బాదడంతో మొత్తం 23 పరుగులు వచ్చాయి. పవర్‌ప్లే ముగిసేసరికి సన్‌రైజర్స్‌ స్కోరు 94 పరుగులకు చేరగా, 21 బంతుల్లోనే హెడ్‌ హాఫ్‌ సెంచరీ పూర్తయింది. ఎట్టకేలకు హెడ్‌ను తుషార్‌ అవుట్‌ చేసినా... కిషన్‌ తనదైన శైలిలో ధాటిగా ఆడాడు. హెడ్, కిషన్‌ రెండో వికెట్‌కు 39 బంతుల్లోనే 85 పరుగులు జోడించారు. ఆర్చర్‌ ఓవర్లో రెండు వరుస సిక్స్‌లతో కిషన్‌ 25 బంతుల్లో హాఫ్‌ సెంచరీని అందుకున్నాడు. అదే ఓవర్లో అతను మరో సిక్సర్‌ బాదాడు. మరోవైపు నితీశ్‌ రెడ్డి, క్లాసెన్‌ ఎక్కడా తగ్గలేదు. వీరిద్దరు దూకుడుతో స్కోరు వేగంగా దూసుకుపోయింది. సందీప్‌ ఓవర్లో వరుసగా 6, 4 కొట్టిన క్లాసెన్, ఆర్చర్‌ ఓవర్లో మూడు ఫోర్లు కొట్టాడు. సందీప్‌ ఓవర్లో వరుసగా రెండు సిక్స్‌లు బాది 98కి చేరిన కిషన్‌ తర్వాతి బంతికి రెండు పరుగులు చేసి సెంచరీ (45 బంతుల్లో)తో విజయనాదం చేశాడు. శతక భాగస్వామ్యం... దాదాపు అసాధ్యమైన లక్ష్య ఛేదనకు బరిలోకి దిగిన రాజస్తాన్‌ 50 పరుగులకే 3 కీలక వికెట్లు కోల్పోయింది. యశస్వి జైస్వాల్‌ (1), రియాన్‌ పరాగ్‌ (4), నితీశ్‌ రాణా (11) వెనుదిరగడంతో జట్టు ఛేదనావకాశాలు తగ్గిపోయాయి. అయితే సామ్సన్, జురేల్‌ కొద్దిగా ప్రయత్నం చేశారు. సిమర్‌జీత్‌ ఓవర్లో సామ్సన్‌ 2 ఫోర్లు, సిక్స్‌ కొట్టగా, కమిన్స్‌ ఓవర్లో జురేల్‌ 3 ఫోర్లు, సిక్స్‌ కొట్టడం హైలైట్‌గా నిలిచాయి. రాయల్స్‌ బ్యాటర్లు కూడా అక్కడక్కడా మెరుపులు మెరిపించినా హైదరాబాద్‌ ఇన్నింగ్స్‌ ముందు అవన్నీ దిగదుడుపుగా కనిపించాయి. నాలుగో వికెట్‌కు 60 బంతుల్లో 111 పరుగులు జత చేసిన అనంతరం ఒకే స్కోరు వద్ద సామ్సన్, జురేల్‌ అవుట్‌ కావడంతో రాజస్తాన్‌ ఆశలు అడుగంటాయి. చివర్లో హెట్‌మైర్‌ (23 బంతుల్లో 42; 1 ఫోర్, 4 సిక్స్‌లు), శుభమ్‌ దూబే (11 బంతుల్లో 34 నాటౌట్‌; 1 ఫోర్, 4 సిక్స్‌లు) పోరాడినా లాభం లేకపోయింది. స్కోరు వివరాలుసన్‌రైజర్స్‌ హైదరాబాద్‌ ఇన్నింగ్స్‌: అభిషేక్‌ శర్మ (సి) యశస్వి జైస్వాల్‌ (బి) తీక్షణ 24; హెడ్‌ (సి) హెట్‌మైర్‌ (బి) తుషార్‌ దేశ్‌పాండే 67; ఇషాన్‌ కిషన్‌ (నాటౌట్‌) 106; నితీశ్‌ కుమార్‌ రెడ్డి (సి) యశస్వి జైస్వాల్‌ (బి) తీక్షణ 30; క్లాసెన్‌ (సి) పరాగ్‌ (బి) సందీప్‌ 34; అనికేత్‌ (సి) ఆర్చర్‌ (బి) తుషార్‌ దేశ్‌పాండే 7; అభినవ్‌ మనోహర్‌ (సి) పరాగ్‌ (బి) తుషార్‌ దేశ్‌పాండే 0; కమిన్స్‌ (నాటౌట్‌) 0; ఎక్స్‌ట్రాలు 18; మొత్తం (20 ఓవర్లలో 6 వికెట్లకు) 286. వికెట్ల పతనం: 1–45, 2–130, 3–202, 4–258, 5–279, 6–279. బౌలింగ్‌: ఫారుఖీ 3–0–49–0, తీక్షణ 4–0–52–2, ఆర్చర్‌ 4–0–76–0, సందీప్‌ శర్మ 4–0–51–1, నితీశ్‌ రాణా 1–0–9–0, తుషార్‌ దేశ్‌పాండే 4–0–44–3. రాజస్తాన్‌ రాయల్స్‌ ఇన్నింగ్స్‌: యశస్వి జైస్వాల్‌ (సి) మనోహర్‌ (బి) సిమర్‌జీత్‌ 1; సంజూ సామ్సన్‌ (సి) క్లాసెన్‌ (బి) హర్షల్‌ పటేల్‌ 66; పరాగ్‌ (సి) కమిన్స్‌ (బి) సిమర్‌జీత్‌ 4; నితీశ్‌ రాణా (సి) కమిన్స్‌ (బి) షమీ 11; ధ్రువ్‌ జురేల్‌ (సి) ఇషాన్‌ కిషన్‌ (బి) ఆడమ్‌ జంపా 70; హెట్‌మైర్‌ (సి) మనోహర్‌ (బి) హర్షల్‌ పటేల్‌ 42; శుభమ్‌ దూబే (నాటౌట్‌) 34; ఆర్చర్‌ (నాటౌట్‌) 1; ఎక్స్‌ట్రాలు 13; మొత్తం (20 ఓవర్లలో 6 వికెట్లకు) 242. వికెట్ల పతనం: 1–20, 2–24, 3–50, 4–161, 5–161, 6–241. బౌలింగ్‌: మొహమ్మద్‌ షమీ 3–0–33–1, సిమర్‌జీత్‌ సింగ్‌ 3–0–46–2, కమిన్స్‌ 4–0–60–0, అభిషేక్‌ 2–0–17–0, ఆడమ్‌ జంపా 4–0–48–1, హర్షల్‌ పటేల్‌ 4–0–34–2.286 ఐపీఎల్‌లో ఇది రెండో అత్యధిక స్కోరు. గత ఏడాది రాయల్‌ చాలెంజర్స్‌ బెంగళూరుపై సన్‌రైజర్స్‌ చేసిన 287 పరుగుల స్కోరు అగ్రస్థానంలో ఉంది. ఐపీఎల్‌ చరిత్రలో టాప్‌–5 అత్యధిక టీమ్‌ స్కోర్లలో నాలుగు సన్‌రైజర్స్‌ పేరిటే ఉండటం విశేషం.76 జోఫ్రా ఆర్చర్‌ ఇచ్చిన పరుగులు. ఐపీఎల్‌లోని ఒక మ్యాచ్‌లో ఒక బౌలర్‌ ఇచ్చిన అత్యధిక పరుగులు ఇవే. గత ఏడాది ఢిల్లీ క్యాపిటల్స్‌తో మ్యాచ్‌లో గుజరాత్‌ టైటాన్స్‌ బౌలర్‌ మోహిత్‌ శర్మ అత్యధికంగా 73 పరుగులు ఇచ్చాడు. మోహిత్‌ పేరిట ఉన్న రికార్డును ఆర్చర్‌ తన పేరిట లిఖించుకున్నాడు. 34 టి20 ఫార్మాట్‌లో ఒక మ్యాచ్‌ ఇన్నింగ్స్‌లో అత్యధిక ఫోర్లు (34) కొట్టిన జట్టుగా సన్‌రైజర్స్‌ రికార్డు నెలకొల్పింది. గతంలో ఈ రికార్డు మిడిల్‌సెక్స్‌ కౌంటీ (33 ఫోర్లు; సర్రే జట్టుపై 2023లో) జట్టు పేరిట ఉంది. ఐపీఎల్‌ టోర్నీ మ్యాచ్‌లో ఒక ఇన్నింగ్స్‌లో అత్యధిక బౌండరీలు కొట్టిన రికార్డు ఢిల్లీ డేర్‌డెవిల్స్‌ (31 ఫోర్లు; 2017లో గుజరాత్‌ లయన్స్‌పై) జట్టు పేరిట ఉంది. దానిని కూడా సన్‌రైజర్స్‌ బ్రేక్‌ చేసింది. 3 ఐపీఎల్‌లో ఫాస్టెస్ట్‌ సెంచరీ చేసిన మూడో భారత ప్లేయర్‌గా ఇషాన్‌ కిషన్‌ (45 బంతుల్లో) గుర్తింపు పొందాడు. తొలి స్థానంలో యూసుఫ్‌ పఠాన్‌ (37 బంతుల్లో ముంబై ఇండియన్స్‌పై 2010లో) ఉన్నాడు. తాజా ఇన్నింగ్స్‌తో మయాంక్‌ అగర్వాల్‌ (45 బంతుల్లో; రాజస్తాన్‌ రాయల్స్‌పై 2020లో) సరసన ఇషాన్‌ కిషన్‌ చేరాడు.

సీజన్‌ ఆరంభ మ్యాచ్‌లో పరాజయం పాలయ్యే ఆనవాయితీని ముంబై ఇండియన్స్‌ మరోసారి కొనసాగించింది. వరుసగా 13వ ఏడాది ముంబై జట్టు ఐపీఎల్‌లో తాము ఆడిన తొలి మ్యాచ్‌లో ఓటమి పాలైంది. గతేడాది పాయింట్ల పట్టిక అట్టడుగున నిలిచిన ముంబై ఇండియన్స్‌ ఆదివారం జరిగిన మ్యాచ్‌లో చెన్నై సూపర్‌ కింగ్స్‌ చేతిలో నాలుగు వికెట్ల తేడాతో ఓడింది. బ్యాటింగ్‌లో మెరుపులు మెరిపించలేకపోయిన ముంబై... బౌలింగ్‌లోనూ ఎలాంటి ప్రభావం చూపలేకపోయింది. చెన్నై: ఐదుసార్లు చాంపియన్‌ చెన్నై సూపర్‌ కింగ్స్‌ ఐపీఎల్‌ 18వ సీజన్‌లో శుభారంభం చేసింది. ఆదివారం జరిగిన తమ తొలి మ్యాచ్‌లో చెన్నై నాలుగు వికెట్ల తేడాతో ఐదుసార్లు చాంపియన్‌ ముంబై ఇండియన్స్‌పై గెలిచింది. 2012 ఐపీఎల్‌లో చివరిసారి తాము ఆడిన తొలి మ్యాచ్‌లో నెగ్గిన ముంబై జట్టు ఆ తర్వాత ఇప్పటి వరకు మొదటి పోరులో శుభారంభం చేయలేకపోయింది. మొదట ముంబై ఇండియన్స్‌ 20 ఓవర్లలో 9 వికెట్ల నష్టానికి 155 పరుగులు చేసింది. హైదరాబాద్‌ యువతార ఠాకూర్‌ తిలక్‌ వర్మ (25 బంతుల్లో 31; 2 ఫోర్లు, 2 సిక్స్‌లు) టాప్‌ స్కోరర్‌ కాగా... తాత్కాలిక కెప్టెన్‌ సూర్యకుమార్‌ యాదవ్‌ (26 బంతుల్లో 29; 2 ఫోర్లు, 1 సిక్స్‌), దీపక్‌ చాహర్‌ (15 బంతుల్లో 28 నాటౌట్‌; 2 ఫోర్లు, 2 సిక్స్‌లు) తలా కొన్ని పరుగులు చేశారు. స్టార్‌ ఓపెనర్‌ రోహిత్‌ శర్మ (0) డకౌట్‌ కాగా... రికెల్టన్‌ (13), విల్‌ జాక్స్‌ (11) ఎక్కువసేపు నిలవలేకపోయారు. చెన్నై బౌలర్లలో ‘ప్లేయర్‌ ఆఫ్‌ ద మ్యాచ్‌’ నూర్‌ అహ్మద్‌ 4, ఖలీల్‌ అహ్మద్‌ 3 వికెట్లు పడగొట్టారు. అనంతరం చెన్నై 19.1 ఓవర్లలో 6 వికెట్లు కోల్పోయి 158 పరుగులు చేసింది. రచిన్‌ రవీంద్ర (45 బంతుల్లో 65 నాటౌట్‌; 2 ఫోర్లు, 4 సిక్స్‌లు), కెప్టెన్‌ రుతురాజ్‌ గైక్వాడ్‌ (26 బంతుల్లో 53; 6 ఫోర్లు, 3 సిక్స్‌లు) అర్ధశతకాలతో రాణించారు. స్కోరు వివరాలు ముంబై ఇండియన్స్‌ ఇన్నింగ్స్‌: రోహిత్‌ (సి) దూబే (బి) ఖలీల్‌ 0; రికెల్టన్‌ (బి) ఖలీల్‌ 13; జాక్స్‌ (సి) దూబే (బి) అశ్విన్‌ 11; సూర్యకుమార్‌ (స్టంప్డ్‌) ధోని (బి) నూర్‌ 29; తిలక్‌ వర్మ (ఎల్బీ) (బి) నూర్‌ 31; రాబిన్‌ (సి) జడేజా (బి) నూర్‌ 3; నమన్‌ (బి) నూర్‌ 17; సాంట్నర్‌ (ఎల్బీ) (బి) ఎలీస్‌ 11; దీపక్‌ చాహర్‌ (నాటౌట్‌) 28; బౌల్ట్‌ (సి) రుతురాజ్‌ (బి) ఖలీల్‌ 1; సత్యనారాయణ రాజు (నాటౌట్‌) 1; ఎక్స్‌ట్రాలు 10; మొత్తం (20 ఓవర్లలో 9 వికెట్లకు) 155. వికెట్ల పతనం: 1–0, 2–21, 3–36, 4–87, 5–95, 6–96, 7–118, 8–128, 9–141. బౌలింగ్‌: ఖలీల్‌ అహ్మద్‌ 4–0–29–3; స్యామ్‌ కరన్‌ 1–0–13–0; ఎలీస్‌ 4–0–38–1; అశ్విన్‌ 4–0– 31–1; జడేజా 3–0–21–0; నూర్‌ అహ్మద్‌ 4–0– 18–4. చెన్నై సూపర్‌ కింగ్స్‌ ఇన్నింగ్స్‌: రచిన్‌ (నాటౌట్‌) 65; రాహుల్‌ త్రిపాఠి (సి) రికెల్టన్‌ (బి) చాహర్‌ 2; రుతురాజ్‌ (సి) జాక్స్‌ (బి) విఘ్నేశ్‌ 53; దూబే (సి) తిలక్‌ వర్మ (బి) విఘ్నేశ్‌ 9; దీపక్‌ హుడా (సి) సత్యనారాయణ (బి) విఘ్నేశ్‌ 3; కరన్‌ (బి) జాక్స్‌ 4; జడేజా (రనౌట్‌) 17; ధోని (నాటౌట్‌) 0; ఎక్స్‌ట్రాలు 5; మొత్తం (19.1 ఓవర్లలో 6 వికెట్లకు) 158. వికెట్ల పతనం: 1–11, 2–78, 3–95, 4–107, 5–116, 6–152. బౌలింగ్‌: బౌల్ట్‌ 3–0–27–0; చాహర్‌ 2–0–18–1; సత్యనారాయణ 1–0–13–0; సాంట్నర్‌ 2.1–0–24–0; జాక్స్‌ 4–0–32–1; విఘ్నేశ్‌ 4–0–32–3; నమన్‌ 3–0–12–0. ఐపీఎల్‌లో నేడుఢిల్లీ X లక్నో వేదిక: విశాఖపట్నంరాత్రి 7: 30 గంటల నుంచి స్టార్‌ స్పోర్ట్స్, జియో హాట్‌స్టార్‌లో ప్రత్యక్ష ప్రసారం

ఐపీఎల్‌-2025ను చెన్నై సూపర్ కింగ్స్ అద్బుతమైన విజయంతో ఆరంభించింది. చెపాక్ వేదికగా ముంబై ఇండియ‌న్స్‌తో జ‌రిగిన మ్యాచ్‌లో 4 వికెట్ల తేడాతో చెన్నై సూప‌ర్ కింగ్స్ విజయం సాధించింది. 156 పరుగుల లక్ష్యాన్ని సీఎస్‌కే 6 వికెట్లు కోల్పోయి 19.1 ఓవర్లలో చేధించింది. చెన్నై బ్యాటర్లలో రచిన్‌ రవీంద్ర(65 నాటౌట్‌), రుతురాజ్‌ గైక్వాడ్‌(53) హాఫ్‌ సెంచరీలతో రాణించారు. ఓ దశలో వరుస క్రమంలో వికెట్లు కోల్పోయినప్పటికి.. రవీంద్ర మాత్రం ఆచితూచి ఆడుతూ మ్యాచ్‌ను ముగించాడు.ముంబై బౌలర్లలో విఘ్నేష్ మూడు వికెట్లు పడగొట్టగా.. దీపక్‌ చాహర్‌, జాక్స్‌ తలా వికెట్‌ సాధించారు. అంతకుముందు బ్యాటింగ్‌ చేసిన నిర్ణీత 20 ఓవ‌ర్ల‌లో 9 వికెట్ల న‌ష్టానికి 155 ప‌రుగులు చేసింది. ముంబై బ్యాట‌ర్ల‌లో తిల‌క్ వ‌ర్మ‌(31) టాప్ స్కోర‌ర్‌గా నిల‌వ‌గా.. ఆఖ‌రిలో దీప‌క్ చాహ‌ర్‌(28) కీల‌క ఇన్నింగ్స్ ఆడారు. రోహిత్‌ శర్మ(0) ఈ మ్యాచ్‌లో నిరాశపరిచాడు. ఇక సీఎస్‌కే బౌల‌ర్ల‌లో నూర్ అహ్మ‌ద్ నాలుగు వికెట్లు ప‌డ‌గొట్ట‌గా.. ఖాలీల్ అహ్మ‌ద్ మూడు వికెట్లు సాధించాడు.చ‌ద‌వండి: IPL 2025: వారెవ్వా ధోని.. కేవ‌లం 0.12 సెక‌న్ల‌లోనే! వీడియో వైర‌ల్‌

ఐపీఎల్‌-2025లో ఉప్ప‌ల్ వేదిక‌గా స‌న్‌రైజ‌ర్స్ హైద‌రాబాద్‌తో జ‌రిగిన మ్యాచ్‌లో రాజ‌స్తాన్ రాయ‌ల్స్ స్టార్ పేస‌ర్, జోఫ్రా ఆర్చ‌ర్ దారుణ ప్ర‌ద‌ర్శ‌న క‌న‌బ‌రిచాడు. ఈ మ్యాచ్‌లో ఆర్చర్‌కు ఎస్ఆర్‌హెచ్ బ్యాట‌ర్లు చుక్క‌లు చూపించారు. ఈ ఇంగ్లండ్ ఫాస్ట్ బౌల‌ర్ తన నాలుగు ఓవ‌ర్ల కోటాలో ఏకంగా 76 పరుగులు సమర్పించుకున్నాడు.తొలి ఓవర్ లోనే 23 పరుగులు ఇచ్చిన‌ ఆర్చర్.. ఆ తర్వాత మూడు ఓవర్ల‌లో వ‌రుస‌గా 12, 22,23 పరుగులు వ‌చ్చాయి. ఈ క్ర‌మంలో ఆర్చ‌ర్ ఓ చెత్త రికార్డును త‌న పేరిట లిఖించుకున్నాడు. ఐపీఎల్ చరిత్రలోనే అత్యంత చెత్త గణాంకాలు నమోదు చేసిన బౌల‌ర్‌గా ఆర్చ‌ర్ రికార్డుల‌కెక్కాడు.ఇప్ప‌టివ‌ర‌కు ఈ రికార్డు టీమిండియా వెట‌ర‌న్ పేస‌ర్ మొహిత్ శ‌ర్మ పేరిట ఉండేది. ఐపీఎల్‌-2024 సీజ‌న్‌లో గుజ‌రాత్ టైటాన్స్ త‌ర‌పున ఆడిన మోహిత్ శర్మ.. ఢిల్లీ క్యాపిటల్స్‌తో జ‌రిగిన మ్యాచ్‌లో 73 పరుగులు ఇచ్చాడు. తాజా మ్యాచ్‌తో మొహిత్ రికార్డును ఆర్చ‌ర్(78) బ్రేక్ చేశాడు. ఇక మ్యాచ్ విష‌యానికి వ‌స్తే.. రాజ‌స్తాన్‌పై 44 ప‌రుగుల తేడాతో ఎస్ఆర్‌హెచ్ ఘ‌న విజ‌యం సాధించింది. తొలుత బ్యాటింగ్ చేసిన స‌న్‌రైజ‌ర్స్‌.. ఇషాన్ కిష‌న్‌(106 నాటౌట్‌) సెంచ‌రీతో చెల‌రేగ‌డంతో నిర్ణీత ఓవ‌ర్ల‌లో 6 వికెట్ల నష్టానికి 286 పరుగుల భారీ స్కోర్ చేసింది. కిష‌న్‌తో పాటు ట్రావిస్‌ హెడ్‌(67), క్లాసెన్‌(34), నితీశ్‌ కుమార్‌(30) పరుగులతో రాణించారు. రాజస్తాన్‌ బౌలర్లలో తుషార్‌ దేశ్‌పాండే మూడు వికెట్లు పడగొట్టగా.. థీక్షణ రెండు, సందీప్‌ శర్మ ఒక్క వికెట్‌ సాధించారు.అనంత‌రం 287 ప‌రుగుల ల‌క్ష్యంతో బరిలోకి దిగిన రాజ‌స్తాన్ 6 వికెట్లు కోల్పోయి 242 ప‌రుగులు మాత్ర‌మే చేయ‌గ‌ల్గింది. ఎస్ఆర్‌హెచ్ బౌల‌ర్ల‌లో సిమర్జీత్ సింగ్, హ‌ర్ష‌ల్ ప‌టేల్ త‌లా రెండు వికెట్లు ప‌డగొట్టగా.. షమీ, జంపా చెరో వికెట్ సాధించారు. రాజ‌స్తాన్ బ్యాట‌ర్ల‌లో ధ్రువ్ జురెల్(70) టాప్ స్కోర‌ర్‌గా నిలిచాడు.చ‌ద‌వండి: IPL 2025: చరిత్ర సృష్టించిన సన్‌రైజర్స్‌.. ప్రపంచంలోనే తొలి జట్టుగా

ఎంఎస్ ధోని.. ప్ర‌పంచ క్రికెట్‌లో అత్యుత్త‌మ వికెట్ కీప‌ర్ బ్యాట‌ర్ల‌లో ఒక‌డిగా పేరు సంపాదించుకున్నాడు. ఈ జార్ఖండ్ డైన్‌మేట్.. విధ్వంస‌క‌ర బ్యాటింగ్‌తో పాటు అద్బుత‌మైన వికెట్ కీపింగ్ స్కిల్స్‌కు పెట్టింది పేరు. తాజాగా ధోని మరోసారి తన కీపింగ్ స్కిల్స్‎తో అభిమానులను అలరించాడు.ఐపీఎల్‌-2025లో చెపాక్ వేదిక‌గా ముంబై ఇండియ‌న్స్‌తో జ‌రుగుతున్న మ్యాచ్‌లో సీఎస్‌కే త‌ర‌పున ఆడుతున్న ధోని.. అద్బుత‌మైన స్టంపింగ్‌తో మెరిశాడు. ఈ మ్యాచ్‌లో ముంబై ఇండియ‌న్స్ కెప్టెన్ సూర్య‌కుమార్ యాద‌వ్‌ను మెరుపు స్టంప్ ఔట్ చేసి ధోని పెవిలియ‌న్‌కు పంపిచాడు.అస‌లేమి జ‌రిగిదంటే?ముంబై ఇన్నింగ్స్ 11 ఓవ‌ర్ వేసిన లెగ్ స్పిన్న‌ర్ నూర్ అహ్మ‌ద్‌.. మూడో బంతిని సూర్య‌కు గూగ్లీగా సంధించాడు. ఆ బంతిని సూర్య‌కుమార్ క్రీజు నంచి బ‌య‌ట‌కు వ‌చ్చి షాట్ ఆడేందుకు ప్రయత్నించాడు. కానీ బంతి అద్భుతంగా ట‌ర్న్ అయ్యి అత‌డి బ్యాట్‌ను మిస్ అయ్యి వికెట్ల వెన‌క ఉన్న ధోని చేతికి వెళ్లింది.ఈ క్ర‌మంలో మిస్ట‌ర్ కూల్‌.. తన వింటేజ్ స్టైల్‌లో రెప్పపాటులో బెయిల్స్‌ను పడగొట్టాడు. ఫీల్డ్ అంపైర్ థ‌ర్డ్ అంపైర్‌కు రిఫ‌ర్ చేసిన‌ప్ప‌టికి.. సూర్య మాత్రం క‌నీసం వెన‌క్కి తిర‌గ‌కుండా మైదానం విడిచివెళ్లిపోయాడు. ధోని కేవలం 0.12 సెకండ్ల వ్యవధిలోనే స్టంప్ ఔట్ చేయ‌డం గ‌మ‌నార్హం. ఇందుకు సంబంధించిన వీడియో ప్ర‌స్తుతం సోష‌ల్ మీడియాలో వైర‌ల‌వుతోంది. ఈ మ్యాచ్‌లో టాస్ ఓడి తొలుత బ్యాటింగ్ చేసిన ముంబై నిర్ణీత 20 ఓవ‌ర్ల‌లో 9 వికెట్ల న‌ష్టానికి 155 ప‌రుగులు చేసింది. ముంబై బ్యాట‌ర్ల‌లో తిల‌క్ వ‌ర్మ‌(31) టాప్ స్కోర‌ర్‌గా నిల‌వ‌గా.. ఆఖ‌రిలో దీప‌క్ చాహ‌ర్‌(28) కీల‌క ఇన్నింగ్స్ ఆడారు. సీఎస్‌కే బౌల‌ర్ల‌లో నూర్ అహ్మ‌ద్ నాలుగు వికెట్లు ప‌డ‌గొట్ట‌గా.. ఖాలీల్ అహ్మ‌ద్ మూడు వికెట్లు సాధించాడు. 𝙁𝙖𝙨𝙩. 𝙁𝙖𝙨𝙩𝙚𝙧. 𝙈𝙎 𝘿𝙝𝙤𝙣𝙞 🫡📹 Watch #CSK legend's jaw-dropping reflexes behind the stumps 🔥Updates ▶ https://t.co/QlMj4G7kV0#TATAIPL | #CSKvMI | @ChennaiIPL | @msdhoni pic.twitter.com/S26cUYzRd8— IndianPremierLeague (@IPL) March 23, 2025

ఐపీఎల్‌-2025ను సన్‌రైజర్స్ హైదరాబాద్ అద్బుత‌మైన విజ‌యంతో ప్రారంభించింది. ఉప్పల్ వేదికగా రాజస్తాన్ రాయల్స్‌తో జ‌రిగిన మ్యాచ్‌లో 44 ప‌రుగుల తేడాతో ఎస్ఆర్‌హెచ్ గెలుపొందింది. 287 ప‌రుగుల ల‌క్ష్యంతో బరిలోకి దిగిన రాజ‌స్తాన్ 6 వికెట్లు కోల్పోయి 242 ప‌రుగులు మాత్ర‌మే చేయ‌గ‌ల్గింది. ఎస్ఆర్‌హెచ్ బౌల‌ర్ల‌లో సిమర్జీత్ సింగ్, హ‌ర్ష‌ల్ ప‌టేల్ త‌లా రెండు వికెట్లు ప‌డగొట్టగా.. షమీ, జంపా చెరో వికెట్ సాధించారు. రాజ‌స్తాన్ బ్యాట‌ర్ల‌లో ధ్రువ్ జురెల్(70) టాప్ స్కోర‌ర్‌గా నిలిచాడు.ఈ మ్యాచ్‌లో సన్‌రైజర్స్ హైదరాబాద్ బ్యాటర్లు ఆకాశమే హద్దుగా చెలరేగారు. టాస్ ఓడి బ్యాటింగ్‌కు దిగిన ఎస్‌ఆర్‌హెచ్ 6 వికెట్ల నష్టానికి 286 పరుగుల భారీ స్కోర్ చేసింది. ఇన్నింగ్స్ ఆరంభం నుంచే రాజస్తాన్ బౌలర్లను సన్‌రైజర్స్ బ్యాటర్లు ఊచకోత కోశారు. క్రీజులోకి వచ్చిన ప్రతీ బ్యాటర్ బంతిని స్టాండ్స్‌కు తరలించాడు. ఎస్‌ఆర్‌హెచ్ బ్యాటర్లలో ఇషాన్ కిషన్ అద్బుతమైన సెంచరీతో చెలరేగాడు. కేవలం 47 బంతుల్లో 11 ఫోర్లు, 6 సిక్స్‌లతో 106 పరుగులు చేసి ఆజేయంగా నిలిచాడు. ఇషాన్‌కు ఇదే తొలి ఐపీఎల్ సెంచరీ కావడం గమనార్హం. కాగా ఐపీఎల్‌-2025 మెగా వేలంలో కిషన్‌ను రూ.11.25 కోట్లకు ఎస్‌ఆర్‌హెచ్ కొనుగోలు చేసింది. కిష‌న్‌తో పాటు ట్రావిస్‌ హెడ్‌(67), క్లాసెన్‌(34), నితీశ్‌ కుమార్‌(30) పరుగులతో రాణించారు. రాజస్తాన్‌ బౌలర్లలో తుషార్‌ దేశ్‌పాండే మూడు వికెట్లు పడగొట్టగా.. థీక్షణ రెండు, సందీప్‌ శర్మ ఒక్క వికెట్‌ సాధించారు. ఇక ఈ మ్యాచ్‌లో భారీ స్కోర్ చేసిన స‌న్‌రైజ‌ర్స్ ఓ అరుదైన రికార్డును త‌మ పేరిట లిఖించుకుంది.ఎస్ఆర్‌హెచ్ వ‌ర‌ల్డ్ రికార్డు..టీ20 క్రికెట్‌లో అత్య‌ధిక సార్లు 250 ప్ల‌స్ స్కోర్లు సాధించిన తొలి జ‌ట్టుగా ఎస్ఆర్‌హెచ్ వర‌ల్డ్ రికార్డు సృష్టించింది. సన్‌రైజర్స్ ఇప్పటివరకు 4 సార్లు 250 పైగా పరుగులు చేసింది. ఇంతకుముందు రికార్డు ఇంగ్లండ్ క్రికెట్ క్లబ్ సర్రే పేరిట ఉండేది. సర్రే 3 సార్లు 250 ప్ల‌స్ స్కోర్లు నమోదు చేసింది. తాజా మ్యాచ్‌తో సర్రే అల్‌టైమ్ రికార్డును కమ్మిన్స్ సేన బ్రేక్ చేసింది. అదేవిధంగా ఐపీఎల్ చరిత్రలో ఇది రెండో అత్యధిక స్కోర్ కావడం గమనార్హం.చ‌ద‌వండి: IPL 2025: ముంబై ఇండియ‌న్స్ వదిలేసింది.. క‌ట్ చేస్తే! తొలి మ్యాచ్‌లోనే భారీ సెంచ‌రీ

ఐపీఎల్-2025లో స‌న్‌రైజ‌ర్స్ హైద‌రాబాద్ శుభారంభం చేసింది. రాజీవ్‌గాంధీ అంత‌ర్జాతీయ క్రికెట్ స్టేడియం వేదిక‌గా రాజ‌స్తాన్ రాయ‌ల్స్‌తో జ‌రిగిన మ్యాచ్‌లో 44 ప‌రుగుల తేడాతో ఎస్ఆర్‌హెచ్ ఘ‌న విజ‌యం సాధించింది. 287 పరుగుల భారీ లక్ష్యంతో బరిలోకి దిగిన రాజ‌స్తాన్ వికెట్లు కోల్పోయి 242 పరుగులు చేయగలిగింది. ధ్రువ్ జురేల్(70), సంజు శాంసన్(66) ధనాధన్ ఇన్నింగ్స్ ఆడిన‌ప్ప‌టికి ఈ భారీ టార్గెట్‌ను రాజ‌స్తాన్ అందుకోలేక‌పోయింది. ఎస్ఆర్‌హెచ్ బౌల‌ర్ల‌లో సిమర్జీత్ సింగ్, హ‌ర్ష‌ల్ ప‌టేల్ త‌లా రెండు వికెట్లు ప‌డగొట్టగా.. షమీ, జంపా చెరో వికెట్ సాధించారు.ఇషాన్ సూప‌ర్ సెంచ‌రీ..తొలుత బ్యాటింగ్ చేసిన హైదరాబాద్ జట్టు నిర్ణీత 20 ఓవ‌ర్ల‌లో 6 వికెట్ల న‌ష్టానికి 286 పరుగులు భారీ స్కోర్ చేసింది. ఎస్ఆర్‌హెచ్ బ్యాట‌ర్ల‌లో ఇషాన్ కిష‌న్ అద్బుత‌మైన సెంచ‌రీతో చెల‌రేగాడు. హెడ్‌తో క‌లిసి స్కోర్ బోర్డును ప‌రుగులు పెట్టించాడు. ట్రావిస్ హెడ్, ఇషాన్ కిషన్ రెండో వికెట్ కు 39 బంతుల్లో 85 పరుగులు జోడించారు. కిష‌న్ కేవలం 47 బంతుల్లో 11 ఫోర్లు, 6 సిక్స్‌లతో 106 పరుగులు చేసి ఆజేయంగా నిలిచాడు. కిష‌న్‌కు ఇదే తొలి ఐపీఎల్ సెంచ‌రీ. ట్రావిస్‌ హెడ్‌(67) హాఫ్‌ సెంచరీతో మెరవగా.. క్లాసెన్‌(34), నితీశ్‌ కుమార్‌(30) పరుగులతో రాణించారు. రాజస్తాన్‌ బౌలర్లలో తుషార్‌ దేశ్‌పాండే మూడు వికెట్లు పడగొట్టగా.. థీక్షణ రెండు, సందీప్‌ శర్మ ఒక్క వికెట్‌ సాధించారు. సెంచ‌రీ హీరో ఇషాన్ కిష‌న్‌కు ప్లేయ‌ర్ ఆఫ్‌ది మ్యాచ్ అవార్డు ద‌క్కింది. ఇక ఎస్ఆర్‌హెచ్ త‌మ త‌దుప‌రి మ్యాచ్‌లో మార్చి 27న ల‌క్నో సూప‌ర్ జెయింట్స్‌తో త‌ల‌ప‌డ‌నుంది.చ‌ద‌వండి: IPL 2025: ముంబై ఇండియ‌న్స్ వదిలేసింది.. క‌ట్ చేస్తే! తొలి మ్యాచ్‌లోనే భారీ సెంచ‌రీ

సీఎస్‌కే ఘన విజయం..చెపాక్ వేదిక‌గా ముంబై ఇండియ‌న్స్‌తో జ‌రిగిన మ్యాచ్‌లో 4 వికెట్ల తేడాతో చెన్నై సూప‌ర్ కింగ్స్ విజయం సాధించింది. 156 పరుగుల లక్ష్యాన్ని సీఎస్‌కే 6 వికెట్లు కోల్పోయి 19.1 ఓవర్లలో చేధించింది. చెన్నై బ్యాటర్లలో రచిన్‌ రవీంద్ర(65 నాటౌట్‌), రుతురాజ్‌ గైక్వాడ్‌(53) హాఫ్‌ సెంచరీలతో రాణించారు. ముంబై బౌలర్లలో విఘ్నేష్ మూడు వికెట్లు పడగొట్టగా.. దీపక్‌ చాహర్‌, జాక్స్‌ తలా వికెట్‌ సాధించారు. అంతకుముందు బ్యాటింగ్‌ చేసిన నిర్ణీత 20 ఓవ‌ర్ల‌లో 9 వికెట్ల న‌ష్టానికి 155 ప‌రుగులు చేసింది. ముంబై బ్యాట‌ర్ల‌లో తిల‌క్ వ‌ర్మ‌(31) టాప్ స్కోర‌ర్‌గా నిల‌వ‌గా.. ఆఖ‌రిలో దీప‌క్ చాహ‌ర్‌(28) కీల‌క ఇన్నింగ్స్ ఆడారు. సీఎస్‌కే బౌల‌ర్ల‌లో నూర్ అహ్మ‌ద్ నాలుగు వికెట్లు ప‌డ‌గొట్ట‌గా.. ఖాలీల్ అహ్మ‌ద్ మూడు వికెట్లు సాధించాడు.సీఎస్‌కే ఐదో వికెట్ డౌన్‌..సీఎస్‌కే ఐదో వికెట్ కోల్పోయింది. 4 ప‌రుగులు చేసిన సామ్ కుర్రాన్‌.. విల్ జాక్స్ బౌలింగ్‌లో ఔట‌య్యాడు. క్రీజులో ర‌చిన్ ర‌వీంద్ర‌(20), ర‌వీంద్ర జ‌డేజా(5) ఉన్నారు. 16 ఓవ‌ర్ల‌కు సీఎస్‌కే స్కోర్‌: 125/5సీఎస్‌కే మూడో వికెట్ డౌన్‌.. దూబే ఔట్‌శివ‌మ్ దూబే రూపంలో సీఎస్‌కే మూడో వికెట్ కోల్పోయింది. 9 ప‌రుగులు చేసిన దూబే.. విఘ్నేష్ బౌలింగ్‌లో ఔట‌య్యాడు. 11 ఓవ‌ర్లకు సీఎస్‌కే స్కోర్‌: 100/3.సీఎస్‌కే రెండో వికెట్ డౌన్‌.. గైక్వాడ్ ఔట్‌రుతురాజ్ గైక్వాడ్ రూపంలో సీఎస్‌కే రెండో వికెట్ కోల్పోయింది. 53 ప‌రుగులు చేసిన రుతురాజ్ విఘ్నేష్ బౌలింగ్‌లో ఔట‌య్యాడు. 8 ఓవ‌ర్లకు సీఎస్‌కే స్కోర్‌: 79/2.6 ఓవ‌ర్ల‌కు సీఎస్‌కే స్కోర్‌: 62/16 ఓవ‌ర్లు ముగిసే స‌రికి సీఎస్‌కే వికెట్ న‌ష్టానికి 62 ప‌రుగులు చేసింది. క్రీజులో రుతురాజ్ గైక్వాడ్‌(42), ర‌చిన్ ర‌వీంద్ర‌(20) ఉన్నారు.తొలి వికెట్ డౌన్..156 ప‌రుగుల ల‌క్ష్యంతో బరిలోకి దిగిన సీఎస్‌కే తొలి వికెట్ కోల్పోయింది. 2 పరుగులు చేసిన రాహుల్ త్రిపాఠి.. దీప‌క్ చాహ‌ర్ బౌలింగ్‌లో ఔట‌య్యాడు. 4 ఓవ‌ర్లకు సీఎస్‌కే స్కోర్‌: 35/1. క్రీజులోకి కెప్టెన్ రుతురాజ్ గైక్వాడ్(18), ర‌చిన్ ర‌వీంద్ర‌(14) ప‌రుగుల‌తో ఉన్నారు.రాణించిన సీఎస్‌కే బౌల‌ర్లు..చెపాక్ వేదిక‌గా చెన్నై సూప‌ర్ కింగ్స్‌తో జ‌రుగుతున్న మ్యాచ్‌లో ముంబై ఇండియ‌న్స్ నామ‌మాత్ర‌పు స్కోర్‌కే ప‌రిమిత‌మైంది. టాస్ ఓడి తొలుత బ్యాటింగ్ చేసిన ముంబై నిర్ణీత 20 ఓవ‌ర్ల‌లో 9 వికెట్ల న‌ష్టానికి 155 ప‌రుగులు చేసింది. ముంబై బ్యాట‌ర్ల‌లో తిల‌క్ వ‌ర్మ‌(31) టాప్ స్కోర‌ర్‌గా నిల‌వ‌గా.. ఆఖ‌రిలో దీప‌క్ చాహ‌ర్‌(28) కీల‌క ఇన్నింగ్స్ ఆడారు. సీఎస్‌కే బౌల‌ర్ల‌లో నూర్ అహ్మ‌ద్ నాలుగు వికెట్లు ప‌డ‌గొట్ట‌గా.. ఖాలీల్ అహ్మ‌ద్ మూడు వికెట్లు సాధించాడు.నూర్ ఆన్ ఫైర్‌..ముంబై ఇండియన్స్ వ‌రుస క్ర‌మంలో వికెట్లు కోల్పోయింది. ముంబై ఇన్నింగ్స్ 13వ ఓవ‌ర్ వేసిన నూర్ అహ్మ‌ద్ బౌలింగ్‌లో నాలుగో బంతికి రాబిన్ మింజ్ ఔట్ కాగా.. ఆఖ‌రి బంతికి తిల‌క్ వ‌ర్మ‌(31) పెవిలియ‌న్‌కు చేరాడు. 13 ఓవ‌ర్లకు ముంబై స్కోర్: 96/6సూర్య‌కుమార్ ఔట్..సూర్య‌కుమార్ యాద‌వ్ రూపంలో ముంబై ఇండియ‌న్స్ నాలుగో వికెట్ కోల్పోయింది. 29 ప‌రుగులు చేసిన సూర్యకుమార్‌.. నూర్ అహ్మ‌ద్ బౌలింగ్‌లో స్టంపౌట్‌గా వెనుదిరిగాడు. ధోని అద్భుత‌మైన స్టంపింగ్‌తో మెరిశాడు. 12 ఓవ‌ర్ల‌కు ముంబై స్కోర్‌: 92/4ముంబై మూడో వికెట్ డౌన్‌..విల్ జాక్స్ రూపంలో ముంబై మూడో వికెట్ కోల్పోయింది. 11 ప‌రుగులు చేసిన జాక్స్‌.. అశ్విన్ బౌలింగ్‌లో దూబేకు క్యాచ్ ఇచ్చి ఔట‌య్యాడు. క్రీజులోకి తిల‌క్ వ‌ర్మ వ‌చ్చాడు. 6 ఓవ‌ర్లకు ముంబై స్కోర్: 52/3ముంబై రెండో వికెట్ డౌన్ర్యాన్ రికెల్ట‌న్ రూపంలో ముంబై రెండో వికెట్ కోల్పోయింది. 13 ప‌రుగులు చేసిన రికెల్ట‌న్ ఖాలీల్ అహ్మ‌ద్ బౌలింగ్లో బౌల్డ‌య్యాడు. క్రీజులోకి కెప్టెన్ సూర్య‌కుమార్ యాద‌వ్ వచ్చాడు. 4 ఓవ‌ర్లకు ముంబై స్కోర్: 30/2రోహిత్ శ‌ర్మ ఔట్‌..టాస్ ఓడి తొలుత బ్యాటింగ్‌కు దిగిన ముంబైకు ఆదిలోనే బిగ్ షాక్ త‌గిలింది. స్టార్ ఓపెన‌ర్ రోహిత్ శ‌ర్మ ఖాతా తెర‌వ‌కుండానే పెవిలియ‌న్‌కు చేరాడు. ఖాలీల్ ఆహ్మ‌ద్ బౌలింగ్‌లో దూబేకు క్యాచ్ ఇచ్చి రోహిత్ ఔట‌య్యాడు. 2 ఓవ‌ర్లకు ముంబై స్కోర్: 17/1ఐపీఎల్‌-2025లో చెపాక్ వేదికగా చెన్నై సూపర్ కింగ్స్‌, ముంబై ఇండియన్స్ జట్లు తలపడతున్నాయి. ఈ మ్యాచ్‌లో టాస్ గెలిచిన సీఎస్‌కే తొలుత బౌలింగ్‌ ఎంచుకుంది. ఈ మ్యాచ్‌తో ఆంధ్ర ఫాస్ట్ బౌలర్ సత్యనారాయణ రాజు ముంబై తరపున ఐపీఎల్ అరంగేట్రం చేశాడు. కాగా ఈ మ్యాచ్‌కు ముంబై ఇండియన్స్‌ రెగ్యూలర్‌ కెప్టెన్‌ హార్దిక్‌ పాండ్యా దూరం కావడంతో సూర్యకుమార్‌ యాదవ్‌ సారథ్యం వహిస్తున్నాడు.తుది జ‌ట్లుముంబై ఇండియన్స్ (ప్లేయింగ్ XI): రోహిత్ శర్మ, ర్యాన్ రికెల్టన్(వికెట్ కీప‌ర్‌), విల్ జాక్స్, సూర్యకుమార్ యాదవ్(కెప్టెన్‌), తిలక్ వర్మ, నమన్ ధీర్, రాబిన్ మింజ్, మిచెల్ సాంట్నర్, దీపక్ చాహర్, ట్రెంట్ బౌల్ట్, సత్యనారాయణ రాజుచెన్నై సూపర్ కింగ్స్ (ప్లేయింగ్ XI): రుతురాజ్ గైక్వాడ్ (కెప్టెన్‌), రచిన్ రవీంద్ర, దీపక్ హుడా, శివమ్ దూబే, రవీంద్ర జడేజా, సామ్ కర్రాన్, ఎంఎస్ ధోని (వికెట్ కీప‌ర్‌), రవిచంద్రన్ అశ్విన్, నూర్ అహ్మద్, నాథన్ ఎల్లిస్, ఖలీల్ అహ్మద్

ఐపీఎల్‌-2025లో తొలి సెంచరీ నమోదైంది. ఉప్పల్‌ స్టేడియం వేదికగా రాజస్తాన్ రాయల్స్‌తో మ్యాచ్‌లో సన్‌రైజర్స్ హైదరాబాద్ ఆటగాడు ఇషాన్ కిషన్(Ishan Kishan) అద్బుతమైన సెంచరీతో మెరిశాడు. ఎస్‌ఆర్‌హెచ్ తరపున ఆడిన తొలి మ్యాచ్‌లోనే ఇషాన్ విధ్వంసం సృష్టించాడు. ఫస్ట్ డౌన్‌లో బ్యాటింగ్‌కు వచ్చిన కిషన్ ఆకాశమే హద్దుగా చెలరేగాడు. తన ఇన్నింగ్స్ ఆరంభం నుంచే ప్రత్యర్ధి బౌలర్లను ఈ జార్ఖండ్ డైన్‌మేట్ ఊచకోత కోశాడు. ట్రావిస్ హెడ్‌, నితీశ్‌, క్లాసెన్‌తో కలిసి స్కోర్ బోర్డును పరుగులు పెట్టించాడు. ఈ క్రమంలో కేవలం ఇషాన్ కేవలం 45 బంతుల్లోనే తన తొలి ఐపీఎల్ సెంచరీ మార్క్‌ను అందుకున్నాడు.ఓవరాల్‌గా 47 బంతులు ఎదుర్కొన్న కిషన్‌.. 11 ఫోర్లు, 6 సిక్స్‌లతో 106 పరుగులు చేసి ఆజేయంగా నిలిచాడు. అతడి ఇన్నింగ్స్‌కు సంబంధించిన వీడియో ప్రస్తుతం సోషల్ మీడియాలో వైరలవుతోంది. కాగా గత కొన్ని సీజన్లగా ముంబై ఇండియన్స్‌కు ప్రాతినిథ్యం వహించిన కిషన్‌ను ఎస్‌ఆర్‌హెచ్ రూ.11.25 కోట్ల‌కు కొనుగోలు చేసింది. ఇక మ్యాచ్ విషయానికి వ‌స్తే.. టాస్ ఓడి తొలుత బ్యాటింగ్‌కు దిగిన ఎస్‌ఆర్‌హెచ్ నిర్ణీత 20 ఓవర్లలో 6 వికెట్ల నష్టానికి 286 పరుగుల భారీ స్కోర్ చేసింది. కిష‌న్‌తో పాటు ట్రావిస్‌ హెడ్‌(67), క్లాసెన్‌(34), నితీశ్‌ కుమార్‌(30) పరుగులతో రాణించారు. రాజస్తాన్‌ బౌలర్లలో తుషార్‌ దేశ్‌పాండే మూడు వికెట్లు పడగొట్టగా.. థీక్షణ రెండు, సందీప్‌ శర్మ ఒక్క వికెట్‌ సాధించారు. ఐపీఎల్‌ చరిత్రలో ఇది రెండో అత్యధిక స్కోర్‌ కావడం గమనార్హం.𝙏𝙝𝙖𝙩 𝙢𝙖𝙞𝙙𝙚𝙣 #TATAIPL 𝙘𝙚𝙣𝙩𝙪𝙧𝙮 𝙛𝙚𝙚𝙡𝙞𝙣𝙜 🧡A special first for Ishan Kishan as he brought up his 💯 off just 45 balls 🔥Updates ▶️ https://t.co/ltVZAvInEG#SRHvRR | @SunRisers | @ishankishan51 pic.twitter.com/8n92H58XbK— IndianPremierLeague (@IPL) March 23, 2025చదవండి: IPL 2025: ట్రావిస్ హెడ్ ఊచ‌కోత‌.. ఎగిరి గంతేసిన కావ్య పాప! వీడియో వైర‌ల్‌

ఐపీఎల్‌-2025ను స‌న్‌రైజ‌ర్స్ స్టార్ ఓపెన‌ర్ ట్రావిస్ హెడ్ త‌నదైన స్టైల్లో ఆరంభించాడు. ఈ మెగా టోర్నీలో భాగంగా ఉప్ప‌ల్ స్టేడియంలో రాజ‌స్తాన్ రాయ‌ల్స్‌తో జ‌రుగుతున్న మ్యాచ్‌లో హెడ్ విధ్వంస‌కర‌ హాఫ్ సెంచ‌రీతో చెల‌రేగాడు. రాజ‌స్తాన్ బౌల‌ర్లను హెడ్ ఊచ‌కోత కోశాడు. ఉప్ప‌ల్ మైదానంలో ఈ ఆసీస్ ఓపెన‌ర్ బౌండ‌రీల వర్షం కురిపించాడు. రాజ‌స్తాన్ స్టార్ పేస‌ర్ జోఫ్రా అర్చ‌ర్‌ను అయితే హెడ్ ఓ ఆట ఆడేసికున్నాడు. 5వ ఓవ‌ర్ వేసిన అర్చ‌ర్ బౌలింగ్‌లో హెడ్ ఏకంగా 22 ప‌రుగులు పిండుకున్నాడు. ఈ క్ర‌మంలో హెడ్ కేవ‌లం 21 బంతుల్లోనే త‌న హాఫ్ సెంచ‌రీ మార్క్‌ను అందుకున్నాడు. ఓవ‌రాల్‌గా 31 బంతులు ఎదుర్కొన్న హెడ్‌.. 9 ఫోర్లు, 3 సిక్స్‌ల‌తో 67 ప‌రుగులు చేసి ఔట‌య్యాడు. అత‌డి ఇన్నింగ్స్‌కు సంబంధించిన వీడియో ప్ర‌స్తుతం సోష‌ల్ మీడియాలో వైర‌ల‌వుతోంది.ఆనందంలో కావ్య‌పాప‌..కాగా ఈ మ్యాచ్‌లో హెడ్ ఓ భారీ సిక్స‌ర్ బాదాడు. జోఫ్రా ఆర్చర్ బౌలింగ్‌లో డీప్ మిడ్ వికెట్ మీద‌గా 105 మీటర్ల సిక్స్‌ను హెడ్ కొట్టాడు. ఈ క్ర‌మంలో స్టాండ్స్‌లో ఉన్న ఎస్ఆర్‌హెచ్ ఓన‌ర్ కావ్య మార‌న్ ఎగిరి గంతేసింది. చ‌ప్ప‌ట్లు కొడుతూ హెడ్‌ను అభినందించింది. ఆ షాట్ చూసి ఎస్ఆర్‌హెచ్ కెప్టెన్ ప్యాట్ క‌మ్మిన్స్ కూడా షాకయ్యాడు.Hurricane Head graces #TATAIPL 2025 🤩Travis Head smashing it to all parts of the park in Hyderabad 💪👊Updates ▶️ https://t.co/ltVZAvInEG#SRHvRR | @SunRisers pic.twitter.com/cxr6iNdR3S— IndianPremierLeague (@IPL) March 23, 2025

IPL 2025- SRH VS Rajasthan Royals Match Live Updatesఎస్ఆర్‌హెచ్ ఘ‌న విజయం..ఐపీఎల్-2025లో స‌న్‌రైజ‌ర్స్ హైద‌రాబాద్ బోణీ కొట్టింది. ఉప్ప‌ల్ వేదిక‌గా రాజ‌స్తాన్ రాయ‌ల్స్‌తో జ‌రిగిన మ్యాచ్‌లో 44 ప‌రుగుల తేడాతో ఎస్ఆర్‌హెచ్ ఘ‌న విజయం సాధించింది. 287 ప‌రుగుల ల‌క్ష్యంతో బరిలోకి దిగిన రాజ‌స్తాన్ 6 వికెట్లు కోల్పోయి 242 ప‌రుగులు మాత్ర‌మే చేయ‌గ‌ల్గింది. రాజ‌స్తాన్ బ్యాట‌ర్ల‌లో ధ్రువ్ జురెల్‌( 35 బంతుల్లో 5 ఫోర్లు, 6 సిక్స్‌ల‌తో 70) టాప్ స్కోర‌ర్‌గా నిల‌వ‌గా.. సంజూ శాంస‌న్(66), హెట్‌మైర్‌(42) ప‌రుగుల‌తో పోరాడారు. ఎస్ఆర్‌హెచ్ బౌల‌ర్ల‌లో సిమర్జీత్ సింగ్, హ‌ర్ష‌ల్ ప‌టేల్ త‌లా రెండు వికెట్లు ప‌డగొట్టగా.. షమీ, జంపా చెరో వికెట్ సాధించారు. శాంస‌న్‌, జురెల్ ఔట్‌దూకుడుగా ఆడిన సంజూ శాంస‌న్‌(66), ధ్రువ్ జురెల్(70) వరుస క్రమంలో ఔటయ్యారు. హర్షల్‌ పటేల్‌ బౌలింగ్‌లో శాంసన్‌ ఔట్‌ కాగా.. జంపా బౌలింగ్‌లో జురెల్‌ పెవిలియన్‌కు చేరాడు.శాంస‌న్‌, జురెల్ హాఫ్ సెంచ‌రీలు..రాజ‌స్తాన్ రాయ‌ల్స్ బ్యాట‌ర్లు సంజూ శాంస‌న్‌(59), ధ్రువ్ జురెల్(69) దూకుడుగా ఆడుతున్నారు. 13 ఓవ‌ర్లు ముగిసే స‌రికి 3 వికెట్ల న‌ష్టానికి 151 ప‌రుగులు చేసింది. 15 ఓవర్లకు రాజస్తాన్‌ స్కోర్‌: 169/5.9 ఓవర్లకు రాజస్తాన్‌ స్కోర్‌: 108/39 ఓవర్లు ముగిసే సరికి రాజస్తాన్‌ రాయల్స్‌ 3 వికెట్ల నష్టానికి 108 పరుగులు చేసింది. క్రీజులో సంజూ శాంసన్‌(48), ధ్రువ్‌జురెల్‌(38) ఉన్నారు.రాజస్తాన్‌ మూడో వికెట్‌ డౌన్‌నితీష్‌ రాణా రూపంలో రాజస్తాన్‌ మూడో వికెట్‌ కోల్పోయింది. 11 పరుగులు చేసిన రాణా.. మహ్మద్‌ షమీ బౌలింగ్‌లో ఔటయ్యాడు. 5 ఓవర్లకు రాజస్తాన్‌ స్కోర్‌: 57/3. క్రీజులో సంజూ శాంసన్‌(32), ధ్రువ్‌జురెల్‌(3) ఉన్నారు.రాజస్తాన్‌కు భారీ షాక్‌..287 ప‌రుగుల భారీ ల‌క్ష్యంతో బ‌రిలోకి దిగిన రాజ‌స్తాన్ రాయ‌ల్స్‌కు భారీ షాక్ త‌గిలింది. సిమ్రాన్‌జీత్ సింగ్‌ వేసిన రెండో ఓవర్‌లో రాజస్తాన్‌ వరుసగా రెండు వికెట్లు కోల్పోయింది. తొలుత య‌శ‌స్వి జైశ్వాల్‌(1).. తర్వాత రియాన్‌ పరాగ్‌(4) పెవిలియన్‌కు చేరాడు. 3 ఓవర్లకు ఎస్‌ఆర్‌హెచ్‌ స్కోర్‌: 35/2భారీ ‍స్కోర్‌ చేసిన సన్‌రైజర్స్‌..ఉప్ప‌ల్ స్టేడియం వేదిక‌గా రాజ‌స్తాన్ రాయ‌ల్స్‌తో జ‌రుగుతున్న మ్యాచ్‌లో స‌న్‌రైజ‌ర్స్ హైద‌రాబాద్ బ్యాట‌ర్లు విధ్వంసం సృ​‍ష్టించారు. టాస్ ఓడి తొలుత బ్యాటింగ్‌కు దిగిన ఎస్‌ఆర్‌హెచ్ నిర్ణీత 20 ఓవర్లలో 6 వికెట్ల నష్టానికి 286 పరుగుల భారీ స్కోర్ చేసింది. ఎస్‌ఆర్‌హెచ్ బ్యాటర్లలో ఇషాన్ కిషన్ అద్బుతమైన సెంచరీతో చెలరేగాడు. కేవలం 47 బంతుల్లో 11 ఫోర్లు, 6 సిక్స్‌లతో 106 పరుగులు చేసి ఆజేయంగా నిలిచాడు. అతడితో పాటు ట్రావిస్‌ హెడ్‌(67) హాఫ్‌ సెంచరీతో మెరవగా.. క్లాసెన్‌(34), నితీశ్‌ కుమార్‌(30) పరుగులతో రాణించారు. రాజస్తాన్‌ బౌలర్లలో తుషార్‌ దేశ్‌పాండే మూడు వికెట్లు పడగొట్టగా.. థీక్షణ రెండు, సందీప్‌ శర్మ ఒక్క వికెట్‌ సాధించారు. ఐపీఎల్‌ చరిత్రలో ఇది రెండో అత్యధిక స్కోర్‌ కావడం గమనార్హం.ఇషాన్ కిష‌న్ సెంచరీ..రాజ‌స్తాన్‌తో జ‌రుగుతున్న మ్యాచ్‌లో ఎస్ఆర్‌హెచ్ ఓపెన‌ర్ ఇషాన్ కిష‌న్ సెంచ‌రీతో మెరిశాడు. కేవ‌లం 45 బంతుల్లోనే త‌న తొలి ఐపీఎల్ సెంచ‌రీని కిష‌న్ అందుకున్నాడు.మూడో వికెట్ డౌన్‌నితీశ్ రెడ్డి రూపంలో ఎస్ఆర్‌హెచ్ మూడో వికెట్ కోల్పోయింది. 30 ప‌రుగులు చేసిన నితీశ్.. థీక్ష‌ణ బౌలింగ్‌లో పెవిలియ‌న్‌కు చేరాడు. క్రీజులో ఇషాన్ కిష‌న్(75), క్లాసెన్‌(1) ఉన్నారు. 16 ఓవ‌ర్ల‌కు ఎస్ఆర్‌హెచ్ స్కోర్‌: 219/3. ఇషాన్ కిష‌న్ హాఫ్ సెంచ‌రీ..ఇషాన్ కిష‌న్ హాఫ్ సెంచ‌రీతో మెరిశాడు. 25 బంతుల్లో కిష‌న్ త‌న హాఫ్ సెంచ‌రీ మార్క్‌ను అందుకున్నాడు. 70 ప‌రుగులతో కిష‌న్ త‌న బ్యాటింగ్‌ను కొన‌సాగిస్తున్నాడు. అత‌డి ఇన్నింగ్స్‌లో ఇప్ప‌టివ‌ర‌కు 7 ఫోర్లు, 4 సిక్స్‌లు ఉన్నాయి. 14 ఓవ‌ర్ల‌కు ఎస్ఆర్‌హెచ్ స్కోర్‌: 196/2. ఎస్ఆర్‌హెచ్ రెండో వికెట్ డౌన్‌..ట్రావిస్ హెడ్ రూపంలో ఎస్ఆర్‌హెచ్ రెండో వికెట్ కోల్పోయింది. 67 ప‌రుగులు చేసిన హెడ్‌.. తుషార్ దేశ్ పాండే బౌలింగ్‌లో ఔట‌య్యాడు. 11 ఓవ‌ర్ల‌కు ఎస్ఆర్‌హెచ్ స్కోర్‌: 147/2. క్రీజులో నితీష్ కుమార్‌రెడ్డి(15), ఇషాన్ కిష‌న్(35) ఉన్నారు.ట్రావిస్ హెడ్ ఫిప్టీ.. ఎస్ఆర్‌హెచ్ ఓపెన‌ర్ ట్రావిస్ హెడ్ హాఫ్ సెంచ‌రీతో మెరిశాడు. కేవ‌లం 21 బంతుల్లోనే హెడ్ త‌న హాఫ్ సెంచ‌రీ మార్క్‌ను అందుకున్నాడు. హెడ్ 59 ప‌రుగుల‌తో త‌న బ్యాటింగ్‌ను కొన‌సాగిస్తున్నాడు. అత‌డి ఇన్నింగ్స్‌ల‌లో ఇప్ప‌టివ‌ర‌కు 8 ఫోర్లు, 3 సిక్స్‌లు ఉన్నాయి. 9 ఓవ‌ర్ల‌కు ఎస్ఆర్‌హెచ్ స్కోర్‌: 124/1.దూకుడుగా ఆడుతున్న హెడ్‌..ఎస్ఆర్‌హెచ్ ఓపెన‌ర్ ట్రావిస్ హెడ్ దూకుడుగా ఆడుతున్నాడు. కేవ‌లం 15 బంతుల్లో 41 ప‌రుగుల‌తో త‌న బ్యాటింగ్‌ను కొన‌సాగిస్తున్నాడు. అత‌డితో పాటు ఇషాన్ కిష‌న్‌(20) ప‌రుగులతో క్రీజులో ఉన్నాడు. 6 ఓవ‌ర్ల‌కు ఎస్ఆర్‌హెచ్ స్కోర్‌: 94/1తొలి వికెట్‌ డౌన్‌..టాస్ ఓడి బ్యాటింగ్‌కు దిగిన స‌న్‌రైజ‌ర్స్ హైద‌రాబాద్ తొలి వికెట్ కోల్పోయింది. 24 ప‌రుగులు చేసిన అభిషేక్ శ‌ర్మ‌.. మ‌హేష్ థీక్ష‌ణ బౌలింగ్‌లో పెవిలియ‌న్‌కు చేరాడు. క్రీజులోకి ఇషాన్ కిష‌న్ వ‌చ్చాడు. 5 ఓవ‌ర్ల‌కు ఎస్ఆర్‌హెచ్ స్కోర్‌: 55/1ఐపీఎల్ 25 లో భాగంగా సన్ రైజర్స్ హైదరాబాద్ తో ఉప్పల్‌ లోని రాజీవ్‌ గాంధీ అంతర్జాతీయ స్టేడియం వేదికగా జరుగుతున్న మ్యాచ్ లో రాజస్తాన్ రాయల్స్ టాస్ గెలిచి బౌలింగ్ ఎంచుకుంది. టాస్ గెలిచిన రాజస్తాన్ కెప్టన్ రియాన్ పరాగ్.. ముందుగా సన్ రైజర్స్ ను బ్యాటింగ్ ఆహ్వానించాడు. పిచ్ ను చూస్తుంటే డ్రై వికెట్ గా ఉందని, దాంతోనే ముందుగా బౌలింగ్ తీసుకున్నట్లు తెలిపాడు.ఇరు జట్ల బలాబలాలు..ఐపీఎల్‌ 2025 సీజన్‌లో భాగంగా ఇవాళ (మార్చి 23) మధ్యాహ్నం జరుగబోయే మ్యాచ్‌లో సన్‌రైజర్స్‌ హైదరాబాద్‌, రాజస్థాన్‌ రాయల్స్‌ తలపడనున్నాయి. ఈ మ్యాచ్‌కు ఎస్‌ఆర్‌హెచ్‌ హోం గ్రౌండ్‌ ఉప్పల్‌ స్టేడియం (హైదరాబాద్‌) వేదిక కానుంది. గత సీజన్‌ ఫైనల్లో కేకేఆర్‌ చేతిలో ఓడి తృటిలో టైటిల్‌ చేజార్చుకున్న ఆరెంజ్‌ ఆర్మీ.. తొలి మ్యాచ్‌లో గెలిచి సీజన్‌ను ఘనంగా ప్రారంభించాలని భావిస్తుంది. గతేడాది మూడో స్థానంతో సరిపెట్టుకున్న రాయల్స్‌ సైతం గెలుపుతో సీజన్‌ను ప్రారంభించాలని పట్టుదలగా ఉంది.ఇరు జట్ల మధ్య హెడ్‌ టు హెడ్‌ రికార్డులు పరిశీలిస్తే.. రాయల్స్‌పై సన్‌రైజర్స్‌ కాస్త పైచేయి కలిగి ఉంది. ఇరు జట్లు ఇప్పటివరకు 20 మ్యాచ్‌ల్లో తలపడగా.. సన్‌రైజర్స్‌ 11, రాయల్స్‌ 9 మ్యాచ్‌ల్లో గెలుపొందాయి. ఇరు జట్లు మధ్య జరిగిన గత మూడు మ్యాచ్‌ల్లో సన్‌రైజర్సే విజయం సాధించింది. హైదరాబాద్‌లో ఇరు జట్లు తలపడిన చివరిసారి (2023) మాత్రం రాయల్స్‌నే విజయం వరించింది. ఇరు జట్లు హైదరాబాద్‌లో నాలుగుసార్లు తలపడగా రాయల్స్‌ ఆ ఒక్కసారి మాత్రమే గెలుపొందింది.సన్ రైజర్స్ తుది జట్టుప్యాట్ కమిన్స్( కెప్టెన్‌), ట్రావిస్‌ హెడ్‌, అభిషేక్‌ శర్మ, ఇషాన్‌ కిషన్‌, నితీష్‌ కుమార్‌ రెడ్డి, క్లాసెన్‌, అంకిత్‌ వర్మ, అభినవ్‌ మనోహర్‌, సిమర్‌ జీత్‌ సింగ్‌, హర్షల్‌ పటేల్‌​; మహ్మద్‌ షమీరాజస్తాన్‌ తుది జట్టురియాన్‌ పరాగ్‌(కెప్టెన్‌), యశస్వి జైశ్వాల్‌, శివం దూబే, నితీష్‌ రానా, ధృవ్‌ జురెల్‌, షిమ్రోన్‌ హెట్‌ మెయిర్‌, జోఫ్రా ఆర్చర్‌, మహేశ్‌ తీక్షనా, తుషారా దేశ్‌ పాండే, సందీప్‌ శర్మ, ఫజల్‌ హక్‌ పరూఖి

ఐపీఎల్‌-2025లో భాగంగా ఇవాళ (మార్చి 23) రాత్రి (7:30 గంటలకు) రసవత్తర సమరం జరుగనుంది. చెన్నైలోని చెపాక్‌ స్టేడియం వేదికగా ముంబై ఇండియన్స్, చెన్నై సూపర్‌ కింగ్స్‌ ఢీకొంటున్నాయి. క్రికెట్‌లో ఈ రెండు జట్ల మ్యాచ్‌ను ఎల్‌ క్లాసికోగా పిలుస్తారు. ఈ మ్యాచ్‌పై జనాల్లో భారీ అంచనాలు ఉన్నాయి. ఐపీఎల్‌లో ముంబై, సీఎస్‌కే జట్లు అత్యంత విజయవంతమైన జట్లు. ఈ రెండు జట్లు చెరో ఐదు సార్లు టైటిల్స్‌ సాధించాయి. ఇరు జట్లు నేటి మ్యాచ్‌తో ఆరో టైటిల్‌ వేటను ప్రారంభిస్తాయి.నేటి మ్యాచ్‌లో ముంబై ఇండియన్స్‌కు సూర్యకుమార్‌ యాదవ్‌ కెప్టెన్‌గా వ్యవహరించనున్నాడు. నిషేధం కారణంగా రెగ్యులర్‌ కెప్టెన్‌ హార్దిక్‌ పాండ్యా ఈ మ్యాచ్‌కు అందుబాటులో లేడు. సీఎస్‌కే విషయానికొస్తే.. రుతురాజ్‌ గైక్వాడ్‌ ఈ జట్టును ముందుండి నడిపించనున్నాడు.తొలి మ్యాచ్‌లో ముంబై ఇండియన్స్‌కు ప్రధాన పేసర్‌ జస్‌ప్రీత్‌ బుమ్రా సేవలు కూడా అందుబాటులో లేవు. గాయం నుంచి బుమ్రా ఇంకా కోలుకోలేదు. నేటి మ్యాచ్‌లో ముంబై ఇండియన్స్‌ తుది జట్టు కూర్పును పరిశీలిస్తే.. ఓపెనర్‌గా రోహిత్‌ శర్మ వస్తాడు. హిట్‌మ్యాన్‌ను జత ఎవరన్నదే ఆసక్తికరంగా మారింది. విల్‌ జాక్స్‌ లేదా ర్యాన్‌ రికెల్టన్‌లలో ఎవరో ఒకరు హిట్‌మ్యాన్‌తో పాటు బరిలోకి దిగుతారు. వన్‌ డౌన్‌ తిలక్‌ వర్మ, నాలుగో స్థానంలో సూర్యకుమార్‌ యాదవ్‌, ఐదో ప్లేస్‌లో నమన్‌ ధిర్‌ రావడం ఖరారైంది. నేటి మ్యాచ్‌తో రాబిన్‌ మింజ్‌ ఐపీఎల్‌ అరంగేట్రం​ చేయవచ్చు. స్పెషలిస్ట్‌ స్పిన్నర్లుగా మిచెల్‌ సాంట్నర్‌, కర్ణ శర్మ బరిలో ఉంటారు. పేసర్లుగా దీపక్‌ చాహర్‌, కార్బిన్‌ బాష్‌, ట్రెంట్‌ బౌల్ట్‌ తుది జట్టులో ఉండే అవకాశం ఉంది.సీఎస్‌కే విషయానికొస్తే.. ఓపెనర్లుగా రుతురాజ్ గైక్వాడ్, డెవాన్ కాన్వే బరిలో నిలిచే అవకాశం ఉంది. వన్‌డౌన్‌లో రచిన్ రవీంద్ర, ఆతర్వాత దీపక్ హుడా, శివమ్ దూబే, రవీంద్ర జడేజా, ఎంఎస్ ధోని (వికెట్ కీప‌ర్‌) బరిలోకి దిగవచ్చు. స్పెషలిస్ట్‌ స్పిన్నర్‌గా రవిచంద్రన్ అశ్విన్, పేసర్లుగా సామ్ కర్రన్, మతీషా పతిరణ, అన్షుల్ కాంబోజ్ తుది జట్టులో ఉండే అవకాశం ఉంది.హెడ్‌ టు హెడ్‌ రికార్డ్స్‌ను పరిశీలిస్తే.. ఐపీఎల్‌లో సీఎస్‌కే, ముంబై ఇండియన్స్‌ ఇప్పటివరకు 37 మ్యాచ్‌ల్లో ఎదురెదురుపడ్డాయి. ఇందులో సీఎస్‌కే 17, ముంబై 20 మ్యాచ్‌ల్లో గెలుపొందాయి.ముంబై ఇండియన్స్‌..రోహిత్‌ శర్మ, తిలక్‌ వర్మ, సూర్యకుమార​ యాదవ్‌, నమన్‌ ధిర్‌, బెవాన్‌ జాకబ్స్‌, రాజ్‌ బవా, విల్‌ జాక్స్‌, హార్దిక్‌ పాండ్యా (కెప్టెన్‌), విజ్ఞేశ్‌ పుథుర్‌, సత్యనారాయణ రాజు, కార్బిన్‌ బాష్‌, మిచెల్‌ సాంట్నర్‌, అర్జున్‌ టెండూల్కర్‌, ర్యాన్‌ రికెల్టన్‌, కృష్ణణ్‌ శ్రీజిత్‌, రాబిన్‌ మింజ్‌, జస్ప్రీత్‌ బుమ్రా, అశ్వనీ కుమార్‌, కర్ణ్‌ శర్మ, ట్రెంట్‌ బౌల్ట్‌, దీపక్‌ చాహర్‌, ముజీబ్‌ ఉర్‌ రెహ్మాన్‌చెన్నై సూపర్ కింగ్స్..రుతురాజ్ గైక్వాడ్ (కెప్టెన్‌), ఎంఎస్ ధోని , రవీంద్ర జడేజా, శివం దూబే, మతీషా పతిరానా, నూర్ అహ్మద్, రవిచంద్రన్ అశ్విన్, డెవాన్ కాన్వే, సయ్యద్ ఖలీల్ అహ్మద్, రచిన్ రవీంద్ర, రాహుల్ త్రిపాఠి, విజయ్ శంకర్, సామ్ కర్రాన్, షేక్ రషీద్, అన్షుల్ కాంబోజ్, ముఖేష్ చౌదరి, దీపక్ హుడా, గుర్జన్‌ప్రీత్ సింగ్, నాథన్ ఎల్లిస్, జామీ ఓవర్టన్, కమలేష్ నాగర్‌కోటి, రామకృష్ణన్ ఘోష్, శ్రేయాస్ గోపాల్, వంశ్ బేడి, ఆండ్రీ సిద్దార్థ్.

మౌంట్‌ మాంగనూయ్‌ వేదికగా పాకిస్తాన్‌తో ఇవాళ (మార్చి 23) జరుగుతున్న నాలుగో టీ20లో న్యూజిలాండ్‌ భారీ స్కోర్‌ చేసింది. ఫిన్‌ అలెన్‌, టిమ్‌ సీఫర్ట్‌, బ్రేస్‌వెల్‌ మెరుపు ఇన్నింగ్స్‌లతో విరుచుకుపడటంతో ఆ జట్టు నిర్ణీత 20 ఓవర్లలో 6 వికెట్ల నష్టానికి 220 పరుగులు చేసింది. టాస్‌ ఓడి పాక్‌ ఆహ్వానం మేరకు బ్యాటింగ్‌కు దిగిన న్యూజిలాండ్‌కు ఓపెనర్లు టిమ్‌ సీఫర్ట్‌, ఫిన్‌ అలెన్‌ సుడిగాలి ప్రారంభాన్ని అందించారు. వీరిద్దరి ధాటికి న్యూజిలాండ్‌ తొలి నాలుగు ఓవర్లలో 54 పరుగులు చేసింది. 22 బంతుల్లో 3 ఫోర్లు, 4 సిక్సర్ల సాయంతో 44 పరుగులు చేసిన అనంతరం సీఫర్ట్‌ హరీస్‌ రౌఫ్‌ బౌలింగ్‌లో ఔటయ్యాడు. ఖుష్దిల్‌ షా అద్భుతమైన క్యాచ్‌ పట్టి సీఫర్ట్‌ను పెవిలియన్‌కు పంపాడు.అప్పటివరకు నివురుగప్పిన నిప్పులా ఉండిన అలెన్‌.. సీఫర్ట్‌ ఔట్‌ కాగానే జూలు విదిల్చాడు. హరీస్‌ రౌఫ్‌ మినహా ప్రతి పాక్‌ బౌలర్‌ను ఎడాపెడా వాయించాడు. షాదాబ్‌ ఖాన్‌ వేసిన ఇన్నింగ్స్‌ 10వ ఓవర్‌లో అలెన్‌ విధ్వంసం తారా స్థాయికి చేరింది. ఈ ఓవర్‌లో అతను వరుసగా 2 ఫోర్లు, 2 సిక్సర్లు బాది మొత్తంగా 23 పరుగులు పిండుకున్నాడు. ఈ క్రమంలో అలెన్‌ కేవలం 19 బంతుల్లోనే హాఫ్‌ సెంచరీ పూర్తి చేశాడు. న్యూజిలాండ్‌ తరఫున టీ20ల్లో ఇది ఎనిమిదో ఫాస్టెస్ట్‌ హాఫ్‌ సెంచరీ.అలెన్‌ (20 బంతుల్లో 50; 6 ఫోర్లు, 3 సిక్సర్లు) ఔటయ్యాక న్యూజిలాండ్‌ స్కోర్‌ ఒ‍క్కసారిగా మందగించింది. 11 నుంచి 16వ ఓవర్‌ వరకు పాక్‌ బౌలర్లు అద్భుతంగా బౌల్‌ చేశారు. 10వ ఓవర్‌ తర్వాత 134 పరుగులున్న న్యూజిలాండ్‌ స్కోర్‌ 16 ఓవర్ల తర్వాత 166 పరుగులుగా మాత్రమే ఉంది. ఈ 6 ఓవర్లలో న్యూజిలాండ్‌ 3 వికెట్లు కోల్పోయి కేవలం 32 పరుగులు మాత్రమే చేయగలిగింది. ఆఖర్లో కెప్టెన్‌ బ్రేస్‌వెల్‌ మూగబోయిన న్యూజిలాండ్‌ ఇన్నింగ్స్‌ను మేల్కొలిపాడు. బ్రేస్‌వెల్‌ వచ్చీ రాగానే పాక్‌ బౌలర్లపై విరుచుకుపడ్డాడు. 17వ ఓవర్‌లో షాహీన్‌ అఫ్రిది బౌలింగ్‌లో వరుసగా సిక్సర్‌, బౌండరీ బాదిన బ్రేస్‌వెల్‌ ఆతర్వాత మరో అఫ్రిది (అబ్బాస్‌) వేసిన ఓవర్‌లోనూ అదే సీన్‌ను రిపీట్‌ చేశాడు. ఆ ఓవర్‌లో బ్రేస్‌వెల్‌తో పాటు డారిల్‌ మిచెల్‌ కూడా చెలరేగడంతో న్యూజిలాండ్‌కు 23 పరుగులు వచ్చాయి. 19వ ఓవర్‌లో డారిల్‌ మిచెల్‌ ఔట్‌ కావడంతో స్కోర్‌ మళ్లీ నెమ్మదించింది. ఆ ఓవర్‌లో కేవలం​ 5 పరుగులే వచ్చాయి. షాహీన్‌ అఫ్రిది వేసిన చివరి ఓవర్‌లో బ్రేస్‌వెల్‌ మరోసారి విరుచుకుపడటంతో న్యూజిలాండ్‌ ఇన్నింగ్స్‌ 220 పరుగుల వద్ద ముగిసింది. 26 బంతుల్లో 5 ఫోర్లు, 2 సిక్సర్ల సాయంతో 46 పరుగులు చేసిన బ్రేస్‌వెల్‌ అజేయంగా నిలిచాడు. న్యూజిలాండ్‌ ఇన్నింగ్స్‌లో చాప్‌మన్‌ 24, డారిల్‌ మిచెల్‌ 29, నీషమ్‌ 3, హే 3 పరుగులు చేసి ఔటయ్యారు. పాక్‌ బౌలర్లలో హరీస్‌ రౌఫ్‌ పొదుపుగా బౌలింగ్‌ చేయడమే కాకుండా 3 వికెట్లు తీయగా.. అబ్రార్‌ అహ్మద్‌ 2, అబ్బాస్‌ అఫ్రిది ఓ వికెట్‌ పడగొట్టారు. కాగా, ఐదు మ్యాచ్‌ల సిరీస్‌లో భాగంగా జరుగుతున్న నాలుగో టీ20 ఇది. దీనికి ముందు జరిగిన మూడు మ్యాచ్‌ల్లో తొలి రెండు న్యూజిలాండ్‌ గెలువగా.. మూడో టీ20లో పాక్‌ విజయం సాధించింది. 5 టీ20లు, 3 వన్డేల సిరీస్‌ల కోసం పాకిస్తాన్‌ న్యూజిలాండ్‌లో పర్యటిస్తుంది.

ఐపీఎల్‌ 2025 సీజన్‌లో భాగంగా ఇవాళ (మార్చి 23) మధ్యాహ్నం జరుగబోయే మ్యాచ్‌లో సన్‌రైజర్స్‌ హైదరాబాద్‌, రాజస్థాన్‌ రాయల్స్‌ తలపడనున్నాయి. ఈ మ్యాచ్‌కు ఎస్‌ఆర్‌హెచ్‌ హోం గ్రౌండ్‌ ఉప్పల్‌ స్టేడియం (హైదరాబాద్‌) వేదిక కానుంది. గత సీజన్‌ ఫైనల్లో కేకేఆర్‌ చేతిలో ఓడి తృటిలో టైటిల్‌ చేజార్చుకున్న ఆరెంజ్‌ ఆర్మీ.. తొలి మ్యాచ్‌లో గెలిచి సీజన్‌ను ఘనంగా ప్రారంభించాలని భావిస్తుంది. గతేడాది మూడో స్థానంతో సరిపెట్టుకున్న రాయల్స్‌ సైతం గెలుపుతో సీజన్‌ను ప్రారంభించాలని పట్టుదలగా ఉంది.ఇరు జట్ల మధ్య హెడ్‌ టు హెడ్‌ రికార్డులు పరిశీలిస్తే.. రాయల్స్‌పై సన్‌రైజర్స్‌ కాస్త పైచేయి కలిగి ఉంది. ఇరు జట్లు ఇప్పటివరకు 20 మ్యాచ్‌ల్లో తలపడగా.. సన్‌రైజర్స్‌ 11, రాయల్స్‌ 9 మ్యాచ్‌ల్లో గెలుపొందాయి. ఇరు జట్లు మధ్య జరిగిన గత మూడు మ్యాచ్‌ల్లో సన్‌రైజర్సే విజయం సాధించింది. హైదరాబాద్‌లో ఇరు జట్లు తలపడిన చివరిసారి (2023) మాత్రం రాయల్స్‌నే విజయం వరించింది. ఇరు జట్లు హైదరాబాద్‌లో నాలుగుసార్లు తలపడగా రాయల్స్‌ ఆ ఒక్కసారి మాత్రమే గెలుపొందింది.జట్లను పరిశీలిస్తే.. బ్యాటింగ్‌ విభాగంలో ఇరు జట్లు సమవుజ్జీలుగా కనిపిస్తున్నా.. బౌలింగ్‌లో మాత్రం సన్‌రైజర్స్‌దే పైచేయిగా తెలుస్తుంది. సన్‌రైజర్స్‌లో సమర్దవంతమైన పేసర్లతో (కమిన్స్‌, షమీ, హర్షల్‌ పటేల్‌, జయదేవ్‌ ఉనద్కత్‌) పాటు నాణ్యమైన స్పిన్నర్లు (రాహుల్‌ చాహర్‌, ఆడమ్‌ జంపా, కమిందు మెండిస్‌, అభిషేక్‌ శర్మ, ట్రవిస్‌ హెడ్‌) ఉన్నారు. రాయల్స్‌లో అది లోపించింది. పేసర్లలో సందీప్‌ శర్మ, జోప్రా ఆర్చర్‌.. స్పిన్నర్లలో హసరంగ, తీక్షణ మాత్రమే ఆ జట్టు తరఫున అనుభవజ్ఞులుగా ఉన్నారు. బ్యాటింగ్‌ విషయానికొస్తే.. ఇరు జట్లలో విధ్వంసకర వీరులు ఉన్నారు. సన్‌రైజర్స్‌లో హెడ్‌, అభిషేక్‌, క్లాసెన్‌, ఇషాన్‌ కిషన్‌ ఉండగా.. రాయల్స్‌లో సంజూ శాంసన్‌, యశస్వి జైస్వాల్‌, షిమ్రోన్‌ హెట్‌మైర్‌, రియాన్‌ పరాగ్‌ లాంటి మెరుపు వీరులు ఉన్నారు. ఇరు జట్ల బ్యాటర్లు సీజన్‌ ప్రారంభానికి ముందు ఆడిన ఇంట్రా స్క్వాడ్‌ మ్యాచ్‌ల్లో బీభత్సమైన ఫామ్‌ కనబర్చారు. దీన్ని బట్టి చూస్తే నేటి మ్యాచ్‌లో పరుగుల వరద పారడం ఖాయమనిపిస్తుంది. గత సీజన్‌లో సన్‌రైజర్స్‌ ఐపీఎల్‌ చరిత్రలోనే అత్యధిక స్కోర్‌ (ఆర్సీబీపై 287) నమోదు చేయడంతో పాటు మూడు సార్లు 250 ప్లస్‌ స్కోర్లు నమోదు చేసిన విషయం తెలిసిందే.సన్‌రైజర్స్‌ హైదరాబాద్‌..పాట్‌ కమిన్స్‌ (కెప్టెన్‌), అథర్వ్‌ తైడే, అభినవ్‌ మనోహర్‌, అనికేత్‌ వర్మ, సచిన్‌ బేబి, ట్రవిస్‌ హెడ్‌, నితీశ్‌ కుమార్‌ రెడ్డి, కమిందు మెండిస్‌, వియాన్‌ ముల్దర్‌, అభిషేక్‌ శర్మ, హెన్రిచ్‌ క్లాసెన్‌, ఇషాన్‌ కిషన్‌, జీషన్‌ అన్సారీ, మహ్మద్‌ షమీ, హర్షల్‌ పటేల్‌, రాహుల్‌ చాహర్‌, సిమర్‌జీత్‌ సింగ్‌, ఎషాన్‌ మలింగ, ఆడమ్‌ జంపా, జయదేవ్‌ ఉనద్కత్‌రాజస్థాన్‌ రాయల్స్‌..సంజూ శాంసన్‌ (కెప్టెన్‌), వైభవ్‌ సూర్యవంశీ, యశస్వి జైస్వాల్‌, నితీశ్‌ రాణా, శుభమ్‌ దూబే, షిమ్రోన్‌ హెట్‌మైర్‌, రియాన్‌ పరాగ్‌, యుద్ద్‌వీర్‌ సింగ్‌ చరక్‌, వనిందు హసరంగ, దృవ్‌ జురెల్‌, కునాల్‌ సింగ్‌ రాథోడ్‌, సందీప్‌ శర్మ, తుషార్‌ దేశ్‌పాండే, కుమార్‌ కార్తీకేయ, ఆకాశ్‌ మధ్వాల్‌, క్వేనా మపాకా, మహీశ్‌ తీక్షణ, ఫజల్‌ హక్‌ ఫారూకీ, అశోక్‌ శర్మ, జోఫ్రా ఆర్చర్‌

ఐపీఎల్‌-2025లో ఇవాళ (మార్చి 23) డబుల్‌ హెడర్‌ మ్యాచ్‌లు జరుగుతున్న విషయం తెలిసిందే. మధ్యాహ్నం 3:30 గంటలకు ప్రారంభమయ్యే మ్యాచ్‌లో గత సీజన్‌ రన్నరప్‌ సన్‌రైజర్స్‌ హైదరాబాద్‌ రాజస్థాన్‌ రాయల్స్‌తో తలపడనుంది. రాత్రి 7:30 గంటలకు ప్రారంభమయ్యే మ్యాచ్‌లో సీఎస్‌కే, ముంబై ఇండియన్స్‌ను ఢీకొట్టనుంది. ఎస్‌ఆర్‌హెచ్‌, రాయల్స్‌ మ్యాచ్‌ హైదరాబాద్‌లో జరుగనుండగా.. సీఎస్‌కే, ఎంఐ మ్యాచ్‌కు చెన్నై ఆతిథ్యమివ్వనుంది.రాజస్థాన్‌, ఎస్‌ఆర్‌హెచ్‌ మ్యాచ్‌ విషయానికొస్తే.. ఈ సీజన్‌లో ఇరు జట్లకు ఇదే తొలి మ్యాచ్‌. గత సీజన్‌లో తృటిలో టైటిల్‌ చేజార్చుకున్న సన్‌రైజర్స్‌ ఈ సీజన్‌లో ఎలాగైనా చేజారిన టైటిల్‌ను చేజిక్కించుకోవాలన్న కసితో బరిలోకి దిగుతుంది. గత సీజన్‌లో తమ విజయాల్లో కీలక పాత్ర పోషించిన చాలామంది ఆటగాళ్లను సన్‌రైజర్స్‌ ఈ సీజన్‌లోనూ కొనసాగించింది. ఈ సీజన్‌లో కొత్తగా షమీ, హర్షల్‌ పటేల్‌, ఇషాన్‌ కిషన్‌, ఆడమ్‌ జంపా జట్టులో చేరారు.రాజస్థాన్‌తో మ్యాచ్‌లో సన్‌రైజర్స్‌కు తుది జట్టు కూర్పు సవాలుగా మారనుంది. బ్యాటర్ల విషయంలో ఆ జట్టుకు ఓ ఐడియా ఉన్నా బౌలర్ల ఎంపికలో మాత్రం తలనొప్పులు ఉన్నాయి. పేసర్లుగా కమిన్స్‌, షమీ, హర్షల్‌ పటేల్‌ స్థానాలు ఖరారైనా.. స్పిన్నర్లలో స్వదేశీ రాహుల్‌ చాహర్‌కు అవకాశం ఇవ్వాలా లేక విదేశీ స్టార్‌ స్పిన్నర్‌ ఆడమ్‌ జంపాకు చోటు ఇవ్వాలా అన్న సందిగ్దత నెలకొంది. రాహుల్‌కు అవకాశం ఇస్తే పేస్‌ బౌలింగ్‌ ఆల్‌రౌండర్‌ వియాన్‌ ముల్దర్‌ లేదా స్పిన్‌ బౌలింగ్‌ ఆల్‌రౌండర్‌ కమిందు మెండిస్‌ను తుది జట్టులోకి తీసుకోవచ్చు. ఒకవేళ జంపానే కావాలనుకుంటే ఓ విదేశీ ఆల్‌రౌండర్‌ను త్యాగం చేయాల్సి వస్తుంది. అదనంగా బ్యాటర్లు సచిన్‌ బేబి, అనికేత్‌ వర్మలో ఎవరో ఒకరికి అవకాశం ఇవ్వవచ్చు.బ్యాటింగ్‌ కూర్పు విషయానికొస్తే.. ట్రవిస్‌ హెడ్‌, అభిషేక్‌ శర్మ ఓపెనర్లుగా బరిలోకి దిగుతారు. ఇషాన్‌ కిషన్‌ వన్‌డౌన్‌లో బ్యాటింగ్‌ చేయడం ఖాయం. మిడిలార్డర్‌లో నితీశ్‌ రెడ్డి, క్లాసెన్‌ ఉంటారు. ఇంపాక్ట్‌ ప్లేయర్‌గా అభినవ్‌ మనోహర్‌ బరిలోకి దిగవచ్చు.రాజస్థాన్‌తో మ్యాచ్‌లో సన్‌రైజర్స్‌ తుది జట్టు (అంచనా)ట్రవిస్‌ హెడ్‌, అభిషేక్‌ శర్మ, ఇషాన్‌ కిషన్‌, నితీశ్‌ రెడ్డి, హెన్రిచ్‌ క్లాసెన్‌, అభినవ్‌ మనోహర్‌, వియాన్‌ ముల్దర్‌/కమిందు మెండిస్‌, పాట్‌ కమిన్స్‌ (కెప్టెన్‌), మహ్మద్‌ షమీ, రాహుల్‌ చాహర్‌, హర్షల్‌ పటేల్‌2025 ఐపీఎల్‌ సీజన్‌లో సన్‌రైజర్స్‌ హైదరాబాద్‌ పూర్తి జట్టు..పాట్‌ కమిన్స్‌ (కెప్టెన్‌), అథర్వ్‌ తైడే, అభినవ్‌ మనోహర్‌, అనికేత్‌ వర్మ, సచిన్‌ బేబి, ట్రవిస్‌ హెడ్‌, నితీశ్‌ కుమార్‌ రెడ్డి, కమిందు మెండిస్‌, వియాన్‌ ముల్దర్‌, అభిషేక్‌ శర్మ, హెన్రిచ్‌ క్లాసెన్‌, ఇషాన్‌ కిషన్‌, జీషన్‌ అన్సారీ, మహ్మద్‌ షమీ, హర్షల్‌ పటేల్‌, రాహుల్‌ చాహర్‌, సిమర్‌జీత్‌ సింగ్‌, ఎషాన్‌ మలింగ, ఆడమ్‌ జంపా, జయదేవ్‌ ఉనద్కత్‌

టీమిండియా స్టార్‌ ఆల్‌రౌండర్‌ శార్దూల్‌ ఠాకూర్‌ లేట్‌గా ఐపీఎల్‌-2025లోకి ఎంట్రీ ఇచ్చాడు. ఈ సీజన్‌ మెగా వేలంలో అన్‌ సోల్డ్‌గా ఉన్న శార్దూల్‌ను తాజాగా లక్నో సూపర్‌ జెయింట్స్‌ సొంతం చేసుకుంది. లక్నో లెఫ్ట్‌ ఆర్మ్‌ పేసర్‌ మొహిసిన్‌ ఖాన్‌ గాయం కారణంగా సీజన్‌ మొత్తానికే దూరం కావడంతో అతనికి ప్రత్యామ్నాయంగా శార్దూల్‌ ఎంపిక​ జరిగింది. శార్దూల్‌ను రిజిస్టర్‌ అవైలబుల్‌ ప్లేయర్‌ పూల్‌ (RAPP) నుంచి లక్నో ఎంపిక చేసుకుంది. లక్నో అతన్ని బేస్‌ ధర రూ. 2 కోట్లకు దక్కించుకుంది. శార్దూల్‌ ఎంపికతో బలహీనంగా ఉన్న లక్నో పేస్‌ బౌలింగ్‌ విభాగానికి కొత్త జోష్‌ వచ్చింది. ఈ సీజన్‌లో లక్నో పేస్‌ బౌలింగ్‌ యూనిట్‌ గాయాలతో సతమతమవుతుంది. ఆ జట్టు పేస్‌ బౌలింగ్‌ సంచలనం మయాంక్‌ యాదవ్‌, సీనియర్లు ఆవేశ్‌ ఖాన్‌, ఆకాశ్‌దీప్‌ గాయాలతో పోరాడుతున్నారు. ప్రస్తుతం ఎన్‌సీఏలో ఉన్న మయాంక్‌ ఏప్రిల్‌ 15 తర్వాత జట్టులో చేరతాడని తెలుస్తుంది. ఆవేశ్‌ ఖాన్‌, ఆకాశ్‌దీప్‌ లక్నో తొలి మూడు మ్యాచ్‌ల తర్వాత జట్టులో చేరతారని సమాచారం.ఇటీవలికాలంలో దేశవాలీ మ్యాచ్‌ల్లో అదరగొట్టిన శార్దూల్‌ను ఎందుకో మెగా వేలంలో ఏ ఫ్రాంచైజీ తీసుకోలేదు. లేట్‌గా అయినా శార్దూల్‌ ఐపీఎల్‌ 2025లోకి ఎంట్రీ ఇచ్చాడు. 33 ఏళ్ల శార్దూల్‌కు ఐపీఎల్‌లో 95 మ్యాచ్‌ల అనుభవం ఉంది. ఇందులో అతను 94 వికెట్లు తీశాడు. లోయర్‌ ఆర్డర్‌లో శార్దూల్‌ ఉపయోగకరమైన బ్యాటర్‌ కూడా. ఇటీవలి దేశవాలీ సీజన్‌లో శార్దూల్‌ బ్యాట్‌తోనూ మెరిపించాడు. శార్దూల్‌కు ఐపీఎల్‌లో ఐదు జట్లకు (పంజాబ్‌, రైజింగ్‌ పూణే సూపర్‌ జెయింట్స్‌, సీఎస్‌కే, ఢిల్లీ, కేకేఆర్‌) ఆడిన అనుభవం ఉంది. అతను ఐపీఎల్‌లో రెండు టైటిళ్లలో భాగమయ్యాడు. 2018, 2021లో సీఎస్‌కే విన్నింగ్‌ టీమ్‌లో సభ్యుడిగా ఉన్నాడు.ఇదిలా ఉంటే, ఈ సీజన్‌లో​ లక్నో సూపర్‌ జెయింట్స్‌ తమ టైటిల్‌ వేటను మార్చి 24న ఢిల్లీ క్యాపిటల్స్‌తో జరిగే మ్యాచ్‌తో ప్రారంభిస్తుంది. ఈ మ్యాచ్‌ ఢిల్లీ సెకెండ్‌ హోం గ్రౌండ్‌ అయిన వైజాగ్‌లో జరుగనుంది. 2022లో ఐపీఎల్‌ అరంగేట్రం చేసిన లక్నో తొలి రెండు సీజన్లలో (2022, 2023) మూడో స్థానంలో నిలిచి, గత సీజన్‌లో (2024) ఏడో స్థానానికి పడిపోయింది. గత సీజన్‌లో లక్నో ప్రదర్శన చాలా దారుణంగా ఉండింది. ఈ కారణంగానే ఆ జట్టు కేఎల్‌ రాహుల్‌ను కెప్టెన్‌గా దించేసి రిషబ్‌ పంత్‌ను కొత్త కెప్టెన్‌గా ఎంపిక చేసుకుంది. పంత్‌ను లక్నో ఐపీఎల్‌ హిస్టరీలోనే అత్యధిక ధర (రూ. 27 కోట్లు) వెచ్చించి సొంతం చేసుకుంది.ఐపీఎల్‌ 2025 సీజన్‌లో లక్నో సూపర్‌ జెయింట్స్‌..రిషబ్‌ పంత్‌ (కెప్టెన్‌), డేవిడ్‌ మిల్లర్‌, హిమ్మత్‌ సింగ్‌, ఎయిడెన్‌ మార్క్రమ్‌, ఆయుశ్‌ బదోని, అబ్దుల్‌ సమద్‌, యువరాజ్‌ చౌదరీ, షాబాజ్‌ అహ్మద్‌, మిచెల్‌ మార్ష్‌, అర్శిన్‌ కులకర్ణి, ఆర్‌ఎస్‌ హంగార్గేకర్‌, మాథ్యూ బ్రీట్జ్కీ, నికోలస్‌ పూరన్‌, ఆర్యన్‌ జుయల్‌, రవి బిష్ణోయ్‌, మయాంక్‌ యాదవ్‌, ఆకాశ్‌దీప్‌, మణిమారన్‌ సిద్దార్థ్‌, షమార్‌ జోసఫ్‌, ఆవేశ్‌ ఖాన్‌, ప్రిన్స్‌ యాదవ్‌, శార్దూల్‌ ఠాకూర్‌, ఆకాశ్‌ మహారాజ్‌ సింగ్‌, దిగ్వేశ్‌ రతీ

సాక్షి,హైదరాబాద్‌ : ఐపీఎల్‌ సీజన్-18 మ్యాచ్‌ కోసం రాజీవ్‌ గాంధీ ఇంటర్నేషనల్‌ క్రికెట్‌ స్టేడియం (ఉప్పల్ స్టేడియం) ముస్తాబైంది. ఉప్పల్‌ స్టేడియంలో ఆదివారం హైదరాబాద్ సన్ రైజర్స్ వర్సెస్ రాజస్థాన్ రాయల్స్ మ్యాచ్‌ జరగనుండడంతో ఉప్పల్‌ స్టేడియం వద్ద సందడి షురూ అయ్యింది.ఈ తరుణంలో హైదరాబాద్‌ పోలీసులు ఉప్పల్ స్టేడియం వేదికగా జరిగే ఐపీఎల్‌ మ్యాచ్‌ కోసం 2700 మంది పోలీస్ బలగాలు రంగంలోకి దిగాయి. 450 సీసీటీవీ కెమెరాలతో ప్రత్యేక నిఘా ఏర్పాటు చేశారు. ఐపీఎల్‌ సీజన్‌లో మొత్తం 10 జట్లు.. మొత్తం 73 మ్యాచ్‌లు ఆడనున్నాయి. మే 25న ఐపీఎల్‌ ఫైనల్ మ్యాచ్‌ జరగనుంది. దీంతో గతంతో పోలిస్తే ఈసారి భారీ బెట్టింగ్స్ బుకీలు ప్లాన్ చేస్తున్నారనే సమాచారంతో పోలీసులు అప్రమత్తమయ్యారు. ఉప్పల్ స్టేడియం పరిసర ప్రాంతాలలో కట్టుదిట్టమైన భద్రతను ఏర్పాటు చేశారు. హోటల్స్,రిసార్ట్స్, రెస్టారెంట్స్ క్లబ్స్‌పై ఓ కన్నేశారు. ఏమాత్రం తేడా వచ్చినా బెట్టింగ్ రాయుళ్ల తాటతీస్తామని పోలీసులు హెచ్చరిస్తున్నారు. తొక్కిసలాట జరగకుండా జాగ్రత్తలు39వేల మంది కూర్చునే సామర్థ్యం ఉన్న స్టేడియం కావడంతో.. ఎలాంటి తొక్కిసలాటలు జరగకుండా స్టేడియంలో ఏర్పాట్లు పూర్తి చేశారు. మ్యాచ్‌ అనంతరం ప్రేక్షకులు తిరిగి వెళ్లేందుకు మెట్రో సేవలనూ అర్ధరాత్రి వరకూ పెంచుతున్నట్లు హైదరాబాద్‌ మెట్రో రైల్‌ అధికారులు వెల్లడించారు. రాజస్థాన్ రఫ్ఫాడిస్తుందా..సన్‌రైజర్స్ సత్తా చాటుతుందా ఇదిలా ఉంటే ఉప్పల్‌ స్టేడియంలో ఇవాళ మధ్యాహ్నం 3 గంటల 30 నిమిషాలకు సన్‌రైజర్స్‌ హైదరాబాద్‌ వర్సెస్‌ రాజస్థాన్‌ రాయల్స్‌ మ్యాచ్‌ మొదలు కానుంది. దీంతో హైదరాబాద్‌ గట్టుపై బోణీ కొట్టేదెవరని క్రికెట్‌ లవర్స్‌ ఆసక్తిగా ఎదురు చూస్తున్నారు. రాజస్థాన్ రఫ్ఫాడిస్తుందా..ఈ సారి కూడా సన్‌రైజర్స్ సత్తా చాటుతుందా అని ఉత్కంఠగా ఎదురు చూస్తున్నారు. పట్టిష్టంగా ఇరు జట్లుసన్ రైజర్స్ హైదరాబాద్ టీం ట్రావిస్ హెడ్, అభిషేక్ శర్మ, క్లాసెన్, నితీశ్ కుమార్ రెడ్డి, ఇషాన్ కిషన్, హర్షల్ పటేల్, మహ్మద్ షమీతో హైదరాబాద్‌ టీమ్‌ పటిష్టంగా కనిపిస్తుండగా..ఉప్పల్‌ స్టేడియం పిచ్ బ్యాటర్లకు అనుకూలం కావడంతో..హెడ్, అభిషేక్, క్లాసెన్‌లు ఉగ్రరూపం చూపించాలని ఫ్యాన్స్ ఆశిస్తున్నారు. రాజస్థాన్ రాయల్స్‌‌ కూడా ఏమాత్రం తక్కువ లేదు. యశస్వి జైశ్వాల్, నితీశ్ రాణా, రియాన్ పరాగ్, హెట్మేయర్ రూపంలో ఆ జట్టు బలమైన బ్యాటింగ్ లైనప్ ఉంది. ఇరు జట్లు ఇప్పటివరకు 20 మ్యాచ్‌లు ఆడగా…అందులో ఎస్‌ఆర్‌హెచ్ 11 విజయాలు నమోదు చేసింది. రాజస్థాన్ 9 మ్యాచ్‌లలో విజయం సాధించింది.

ఆర్సీబీతో జరిగిన సీజన్‌ ఓపెనర్‌లో (IPL 2025) డిఫెండింగ్‌ ఛాంపియన​్‌ కేకేఆర్‌ ఓటమి చవి చూసింది. సొంత మైదానంలో (ఈడెన్‌ గార్డెన్స్‌) జరిగిన మ్యాచ్‌ అయినా కేకేఆర్‌కు పరాభవం తప్పలేదు. ఈ మ్యాచ్‌లో తొలుత బ్యాటింగ్‌ చేసిన కేకేఆర్‌.. నరైన్‌ (26 బంతుల్లో 44; 5 ఫోర్లు, 3 సిక్సర్లు), రహానే (31 బంతుల్లో 56; 6 ఫోర్లు, 3 సిక్సర్లు) మెరుపు ఇన్నింగ్స్‌లతో విరుచుకుపడటంతో భారీ స్కోర్‌ చేసేలా కనిపించింది. అయితే 10 ఓవర్‌ తర్వాత సీన్‌ ఒక్కసారిగా మారిపోయింది. మూడు బంతుల వ్యవధిలో నరైన్‌, రహానే ఔటయ్యారు. దీంతో పరుగులు రావడం చాలా కష్టమైంది. ఈ దశలో ఆర్సీబీ స్పిన్నర్లు రెచ్చిపోయారు. పొదుపుగా బౌలింగ్‌ చేయడంతో పాటు క్రమం తప్పకుండా వికెట్లు తీశారు. ఫలితంగా 200 దాటుతుందనుకున్న కేకేఆర్‌ స్కోర్‌ 174 పరుగులకే పరిమితమైంది. ఛేదనలో ఆర్సీబీకి ఫిల్‌ సాల్ట్‌ (31 బంతుల్లో 56; 9 ఫోర్లు, 2 సిక్సర్లు), విరాట్‌ కోహ్లి (36 బంతుల్లో 59 నాటౌట్‌; 4 ఫోర్లు, 3 సిక్సర్లు) మెరుపు ఆరంభాన్నందించారు. వీరిద్దరూ పవర్‌ ప్లేలో 80 పరుగులు చేసి కేకేఆర్‌ చేతిలో నుంచి మ్యాచ్‌ను అప్పుడే లాగేసుకున్నారు. సాల్ట్‌, కోహ్లితో పాటు పాటిదార్‌ (16 బంతుల్లో 34; 5 ఫోర్లు, సిక్స్‌) కూడా మెరుపు ఇన్నింగ్స్‌ ఆడటంతో ఆర్సీబీ మరో 22 బంతులు మిగిలుండగానే విజయతీరాలకు చేరింది. ఆర్సీబీ గెలుపులో బౌలర్లు ప్రధాన పాత్ర పోషించారు. ప్లేయర్‌ ఆఫ్‌ ద మ్యాచ్‌ కృనాల్‌ పాండ్యా అద్భుతంగా బౌలింగ్‌ చేసి 4 ఓవర్లలో 29 పరుగులిచ్చి 3 వికెట్లు తీశాడు. హాజిల్‌వుడ్‌ సామర్థ్యం మేరకు రాణించి 4 ఓవర్లలో 22 పరుగులిచ్చి 2 వికెట్లు పడగొట్టాడు. యశ్‌ దయాల్‌ (3-0-25-1) పర్వాలేదనిపించాడు. సుయాశ్‌ శర్మ, రసిక్‌ సలామ్‌ తలో వికెట్‌ తీసినా ధారాళంగా పరుగులు సమర్పించుకున్నారు.ఓటమి అనంతరం కేకేఆర్‌ కెప్టెన్‌ రహానే ఇలా అన్నాడు. 13వ ఓవర్ వరకు మంచి స్కోర్‌ సాధిస్తామని అనుకున్నాను. కానీ ఆ దశలో వికెట్లు కోల్పోవడంతో తామనుకున్నది జరగలేదు. వరుస క్రమాల్లో వికెట్లు కోల్పోవడం​ తమ జోరుకు అడ్డుకట్ట వేసింది. నా తర్వాత (ఇన్నింగ్స్‌లో) వచ్చిన బ్యాటర్లు వారి శక్తి మేరకు ప్రయత్నించినప్పటికీ వర్కౌట్ కాలేదు. నేను, వెంకీ (అయ్యర్‌) బ్యాటింగ్ చేస్తున్నప్పుడు 200-210 పరుగులు సాధించవచ్చని చర్చించుకున్నాం. కానీ వరుస వికెట్లు తమ జోరును నీరుగార్చాయి. పవర్‌ ప్లేలో సాల్ట్‌, కోహ్లి అద్భుతంగా ఆడారు. అప్పుడే మ్యాచ్‌ మా నుంచి చేజారింది. మంచు కూడా వారి గెలుపుకు సహకరించింది. 200 పైబడిన స్కోర్‌ చేసుంటే పరిస్థితి వేరేలా ఉండేది. ఓవరాల్‌గా క్రెడిట్‌ ఆర్సీబీ ఆటగాళ్లకు దక్కుతుంది. కీలక దశలో తమను కట్టడి చేయడంతో పాటు పవర్‌ ప్లేలో వారి బ్యాటింగ్‌ అద్భుతంగా ఉండింది. ఈ మ్యాచ్‌ గురించి ఇంకా డిస్కస్‌ చేయాలని అనుకోవడం లేదు. కొన్ని అంశాల్లో మెరుగ్గా రాణించేందుకు ప్రయత్నిస్తామని తెలిపాడు. కాగా, కేకేఆర్‌ కెప్టెన్‌గా రహానేకు ఇది తొలి మ్యాచ్‌. తొలి మ్యాచ్‌లోనే ఓటమితో రహానే కాసింత నిరాశకు లోనైనట్లు కనిపించాడు. వ్యక్తిగతంగా అతను రాణించినా కేకేఆర్‌కు అది వర్కౌట్‌ కాలేదు. ఈ మ్యాచ్‌లో కేకేఆర్‌ బౌలింగ్‌ చాలా బలహీనంగా కనిపించింది. ఆర్సీబీ బ్యాటర్ల ముందు వారు తేలిపోయారు. ముఖ్యంగా వారి జట్టులో ఒక్క అనుభవజ్ఞుడైన పేసర్‌ కూడా లేడు. ఈ లోటు కొట్టొచ్చినట్లు కనిపించింది. గత సీజన్‌లో కేకేఆర్‌ విజయాల్లో పేసర్లు ప్రధాన పాత్ర పోషించారు. కానీ ఈ సీజన్‌లో ఆ జట్టు పేసర్లను కాకుండా స్పిన్నర్లనే ఎక్కువ నమ్ముకుంది. మరి స్పిన్నర్లు కేకేఆర్‌ను టైటిల్‌ నిలబెట్టుకునేలా చేస్తారో లేదో వేచి చూడాలి.కాగా, ఈ సీజన్‌లో కేకేఆర్‌ తమ తదుపరి మ్యాచ్‌ను మార్చి 26న ఆడుతుంది. గౌహతి వేదికగా నాడు జరిగే మ్యాచ్‌లో కేకేఆర్‌ రాజస్థాన్‌ రాయల్స్‌ను ఢీకొంటుంది.

ఆర్సీబీ నయా కెప్టెన్‌ రజత్‌ పాటిదార్‌ ఐపీఎల్‌ ఫుల్‌టైమ్‌ కెప్టెన్‌గా తన కెరీర్‌ను గెలుపుతో ప్రారంభించాడు. నిన్న (మార్చి 22) జరిగిన సీజన్‌ ఓపెనర్‌లో ఆర్సీబీ డిఫెండింగ్‌ ఛాంపియన్‌ కేకేఆర్‌ను చిత్తు చేసింది. ఈ గెలుపుతో పాటిదార్‌ కెప్టెన్‌గా తన ఖాతాను ఓపెన్‌ చేయడంతో పాటు ఈ సీజన్‌లో ఆర్సీబీ​కి తొలి విజయాన్నందించాడు.ఈడెన్‌ గార్డెన్స్‌ వేదికగా జరిగిన ఈ మ్యాచ్‌లో ఆర్సీబీ 7 వికెట్ల తేడాతో ఘన విజయం సాధించింది. కేకేఆర్‌ నిర్దేశించిన 175 పరుగుల లక్ష్యాన్ని మరో 22 బంతులు మిగిలుండగానే ఛేదించే అద్భుత విజయం సాధించింది. ఈ మ్యాచ్‌లో ఆర్సీబీ అన్ని విభాగాల్లో అద్భుతంగా రాణించి కొత్త జోష్‌తో టైటిల్‌ వేటను ప్రారంభించింది.కొత్తగా వచ్చిన ఫిల్‌ సాల్ట్‌, కృనాల్‌ పాండ్యా ఆర్సీబీ గెలుపులో ప్రధాన పాత్ర పోషించారు. విరాట్‌ కోహ్లి (59 నాటౌట్‌) తన సహజశైలిలో అద్భుతంగా ఆడి ఆర్సీబీని విజయతీరాలకు చేర్చాడు. హాజిల్‌వుడ్‌, యశ్‌ దయాల్‌, పాటిదార్‌ ఆర్సీబీ గెలుపులో తమవంతు పాత్ర పోషించారు. సుయాశ్‌ శర్మ (4-0-47-1), రసిక్‌ సలామ్‌ (3-0-35-1) తలో వికెట్‌ తీసినా ధారాళంగా పరుగులు సమర్పించుకున్నారు. తొలి మ్యాచ్‌లో గెలుపు అనంతరం పాటిదార్‌ ఇలా అన్నాడు. ఇలాగే గెలుస్తూ పోతే ఈ సీజన్‌లో టైటిల్‌ తమదే అని ధీమా వ్యక్తం చేశాడు. కెప్టెన్‌గా తొలి మ్యాచ్‌ కావడంతో కాస్త ఒత్తిడికి గురైనట్లు తెలిపాడు. మొత్తంగా ఇది తనకు మంచి రోజని అన్నాడు. సుయాష్ ధారాళంగా పరుగులు సమర్పించుకోవడంపై స్పందిస్తూ.. తనకు అభ్యంతరం లేదని తెలిపాడు. సుయాష్‌ తమ ప్రధాన వికెట్ టేకింగ్ బౌలరని అన్నాడు. కెప్టెన్‌గా అతనికి మద్దతు ఇచ్చానని తెలిపాడు. పొదుపుగా బౌలింగ్‌ చేయడమే కాకుండా 3 వికెట్లు తీసి జట్టు విజయంలో ప్రధానపాత్ర పోషించిన కృనాల్‌ పాండ్యాను పొగడ్తలతో ముంచెత్తాడు. గెలుపు క్రెడిట్‌లో కృనాల్, సుయాష్‌కు మెజార్టీ వాటా దక్కుతుందని తెలిపాడు. 13 ఓవర్ల తర్వాత వారు ధైర్యం, దృఢ సంకల్పం చూపించారని కితాబునిచ్చాడు. వారిలో వికెట్లు తీయాలనే తపన అద్భుతంగా ఉండిందని కొనియాడాడు.కోహ్లి గురించి మాట్లాడుతూ.. అతని లాంటి ఆటగాడు జట్టులో ఉండటం అదృష్టమని అన్నాడు. కోహ్లి లాంటి ఆటగాడు జట్టులో ఉంటే కెప్టెన్‌ పని సులువవుతుందని తెలిపాడు. క్రీడలో గొప్ప ఆటగాడి (కోహ్లి) నుంచి నేర్చుకోవడానికి ఇది తనకు గొప్ప అవకాశమని అన్నాడు. హర్షిత్ రాణా బౌలింగ్‌లో బ్యాక్‌వర్డ్ పాయింట్‌ దిశగా ఆడిన షాట్‌పై స్పందిస్తూ.. అది ముందుగా నిర్ణయించుకుని ఆడిన షాట అని తెలిపాడు. కాగా, 2021 సీజన్‌ నుంచి కేకేఆర్‌తో ఆడిన ఏడు మ్యాచ్‌ల్లో ఆర్సీబీ ఆరింట ఓడింది. గత రెండు సీజన్లలో నాలుగు మ్యాచ్‌ల్లో నాలుగింట ఓటమిపాలైంది. తాజా గెలుపుతో ఆర్సీబీ కేకేఆర్‌పై తమ ట్రాక్‌ రికార్డు కాస్త మెరుగుపర్చుకుంది. ‌ఆర్సీబీ తమ తదుపరి మ్యాచ్‌లో సీఎస్‌కే ఢీకొంటుంది. మార్చి 28న చెన్నై వేదికగా ఈ మ్యాచ్‌ జరుగుతుంది. ఇక నేటి (మార్చి 23) మ్యాచ్‌ల విషయానికొస్తే.. ఇవాళ డబుల్‌ హెడర్‌ మ్యాచ్‌లు జరుగనున్నాయి. మధ్యాహ్నం జరిగే మ్యాచ్‌లో సన్‌రైజర్స్‌, రాజస్థాన్‌ రాయల్స్‌ (హైదరాబాద్‌లో).. రాత్రి మ్యాచ్‌లో సీఎస్‌కే, ముంబై ఇండియన్స్‌ (చెన్నై) ఢీకొంటాయి.

తెలుగు రాష్ట్రాల నుంచి ఏకైక అమ్మాయిని మహిళల ఫుట్‌బాల్‌ జట్టుకు అందించిన ఊరు అది. క్రీడలను ఎంతగానో ప్రేమించే ఆ ప్రాంతం ఎందరినో జాతీయ, రాష్ట్రస్థాయి క్రీడా పోటీలకు పరిచయం చేసి, క్రీడాకారుల కర్మాగారంగా గుర్తింపు సాధించింది. ఆటగాళ్ల ఊరుగా పేరుపొందిన ఆత్మకూరుపై ఈ కథనం..తిరుమలరావు కరుకోల, సాక్షి విజయవాడ: అనంతపురం జిల్లా రాప్తాడు నియోజక వర్గంలోని ఆత్మకూరు క్రీడాకారుల కర్మాగారంగా పేరుపొందింది. ఇక్కడి జిల్లా పరిషత్‌ ఉన్నత పాఠశాల ప్రాంగణంలోకి అడుగుపెడితే చాలు, మూడున్నర ఎకరాల మైదానంలో ఏదో ఒక మూల కొందరు విద్యార్థులు క్రీడల్లో సాధన చేస్తున్న దృశ్యాలు కనిపిస్తాయి. ఇక్కడ ఫుట్‌బాల్, హాకీ, క్రికెట్‌తో పాటు పలు వ్యక్తిగత క్రీడాంశాల్లోనూ శిక్షణ ఇస్తారు. ఇక్కడి స్థానికులు కూడా చాలామంది ఏదో ఒక సమయంలో మైదానానికి వస్తుంటారు. వృద్ధులు నడక కోసం వస్తుంటారు. ఉద్యోగార్థులు శరీర దారుఢ్యాన్ని పెంచుకోవడానికి వస్తుంటారు. ఇక్కడి జిల్లా పరిషత్‌ ఉన్నత పాఠశాల 2015–16 నుంచి క్రీడల్లో సత్తా చాటుకుంటోంది. ఈ పాఠశాలలో ఒక గది నిండా క్రీడా పోటీల్లో విద్యార్థులు సాధించిన జ్ఞాపికలు, ప్రశంసాపత్రాలు, క్రీడా సామగ్రి కనిపిస్తాయి. ఫుట్‌బాల్, హాకీ, క్రికెట్, ఖోఖోతో పాటు అథ్లెటిక్స్‌ విభాగంలో ఏటా ఇక్కడి విద్యార్థులు రాష్ట్ర, జాతీయస్థాయి పోటీలకు ఎంపికవుతూ వస్తున్నారు. క్రీడల పోటీల్లో అబ్బాయిల కంటే అమ్మాయిలు ప్రతిభ చూపుతుండటం విశేషం. ఇక్కడే చదువుతున్న విష్ణు ప్రణవి, అస్మిత, శ్వేత, రియాన్షిక సాయి, కీర్తిలక్ష్మి ఫుట్‌బాల్‌లో రాణిస్తున్నారు. స్థానిక వ్యాయామ ఉపాధ్యాయుడు గోవర్ధన్‌ సహకారంతో వీరు శిక్షణలో రాటు దేరారు. నిరంతర సాధనతో ఈ ఐదుగురూ అండర్‌–13 జాతీయ ఫుట్‌బాల్‌ పోటీలకు ఎంపికయ్యారు. 2015–16 నుంచి క్రీడా పరంపరఈ పాఠశాలలో క్రీడా పరంపర 2015–16 నుంచి మొదలైంది. ఆ ఏడాది పాఠశాల నుంచి జాతీయ స్థాయి ఫుట్‌బాల్‌ పోటీలకు ముగ్గురు, క్రికెట్‌కు ఒకరు ఎంపికయ్యారు. రాష్ట్ర స్థాయి ఫుట్‌బాల్‌కు పదిమంది, క్రికెట్‌కు ఒకరు ఎంపికయ్యారు. దాంతో విద్యార్థుల్లో క్రీడోత్సాహం పెరిగి, ఖాళీ వేళల్లో మైదానం బాటపట్టారు. వారి ఆసక్తిని గుర్తించిన వ్యాయామ ఉపాధ్యాయుడు గోవర్ధన్‌ విద్యార్థులకు శిక్షణ ఇవ్వడం ప్రారంభించారు. అప్పటి నుంచి ఈ పాఠశాల నుంచి రాష్ట్ర, జాతీయ స్థాయి క్రీడా పోటీలకు ఎంపికయ్యే విద్యార్థుల సంఖ్య నానాటికీ పెరుగుతూ వస్తోంది. ఈ పాఠశాల నుంచి 2023–24లో ఫుట్‌బాల్‌ జాతీయ స్థాయి పోటీల్లో ముగ్గురు, రాష్ట్రస్థాయి ఫుట్‌బాల్‌ పోటీల్లో ముగ్గురు, అథ్లెటిక్స్‌లో ముగ్గురు ఆడారు. ప్రస్తుత విద్యాసంవత్సరంలో ఈ సంఖ్య ఏ మేరకు పెరుగుతుందో చూడాలి.మాస్టర్‌ అథ్లెట్స్‌లోనూ మేటిఆత్మకూరులో విద్యార్థులు, యువతే కాదు, నలభై ఏళ్ల వయసుకు పైబడినవారు సైతం మాస్టర్‌ అథ్లెట్స్‌లో సత్తా చాటుతున్నారు. ఇక్కడి నుంచి యాభయ్యేళ్లు దాటిన నలుగురు జాతీయస్థాయి అథ్లెటిక్స్‌కు ఎంపికయ్యారు. వీరిలో ట్రిపుల్‌ జంప్, జావెలిన్‌ త్రోలో జగన్‌మోహన్‌ రెడ్డి ప్రథమస్థానంలో నిలిచారు. లాంగ్‌ జంప్‌లో ద్వితీయస్థానం కైవసం చేసుకున్నారు. అలాగే 200 మీటర్లు, 400 మీటర్ల పరుగు పందెంలో మహమ్మద్‌ షఫీ మొదటి స్థానంలో నిలిచారు. వీరిద్దరూ క్రీడల కోటాలోనే కొలువులు సాధించారు. ఇక్కడి నుంచి క్రీడల కోటాలో కేంద్ర, రాష్ట్ర శాఖల్లో కొలువులు సాధించిన వారు దాదాపు ముప్పయి మంది వరకు ఉండటం విశేషం.ఫొటోలు: ముల్లా ఖాసింవలీ, ఆత్మకూరు, అనంతపురంజాతీయ ఫుట్‌బాల్‌కు ఏకైక తెలుగమ్మాయిఆత్మకూరు జిల్లా పరిషత్‌ ఉన్నత పాఠశాల నుంచి మందల అనూష జాతీయ స్థాయి ఫుట్‌బాల్‌ జట్టులో చోటు దక్కించుకుంది. తెలుగు రాష్ట్రాల నుంచి జాతీయ స్థాయి ఫుట్‌బాల్‌ జట్టుకు ఎంపికైన తొలి అమ్మాయిగా ఆమె అరుదైన ఘనత సాధించింది. ఆమె తల్లిదండ్రులు వ్యవసాయ కూలీలు. వారికి ముగ్గురూ ఆడపిల్లలే! అనూష అందరికంటే చిన్నమ్మాయి. ఆమె అక్కలు చందన, రాజేశ్వరి కూడా ఫుట్‌బాల్‌ ఆడేవారు. వారికి పెళ్లిళ్లు కావడంతో ఆటకు దూరమయ్యారు. అనూష 2017లో జరిగిన మిక్స్‌డ్‌ జెండర్‌ ఫుట్‌బాల్‌ పోటీల్లో ఉత్తమ క్రీడాకారిణిగా పురస్కారాన్ని అందుకుంది. బెంగళూరులోని రూట్‌ క్లబ్‌ తరఫున 2022లోను, కెంప్‌ ఫుట్‌బాల్‌ క్లబ్‌ తరఫున 2024లోను బెంగళూరు, ముంబై, హైదరాబాద్‌లలో జరిగిన టోర్నీలలో పాల్గొంది. అనంతపురంలో 2024 నవంబర్‌లో జరిగిన జాతీయ ఫుట్‌బాల్‌ టోర్నీలో సత్తా చాటి, అండర్‌–20 భారత మహిళా ఫుట్‌బాల్‌ జట్టుకు ఎంపికైంది. బెంగళూరులో 2024 డిసెంబర్‌లో జరిగిన భారత్‌–మాల్దీవుల ఫుట్‌బాల్‌ మ్యాచ్‌లో సత్తా చాటుకుంది.

ఐపీఎల్‌ 2025 సీజన్‌ ఘనంగా ప్రారంభమైంది. ఈడెన్‌ గార్డెన్స్‌ వేదికగా నిన్న (మార్చి 22) జరిగిన ఆరంభ మ్యాచ్‌లో డిఫెండింగ్‌ ఛాంపియన్‌ కేకేఆర్‌ను ఆర్సీబీ చిత్తు చేసింది. ఈ మ్యాచ్‌లో ఆర్సీబీ బ్యాటింగ్‌, బౌలింగ్‌ విభాగాల్లో అద్భుతంగా రాణించి, సీజన్‌ను విజయంతో ప్రారంభించింది. ఈ మ్యాచ్‌లో టాస్‌ ఓడి ఆర్సీబీ ఆహ్వానం మేరకు తొలుత బ్యాటింగ్‌ చేసిన కేకేఆర్‌ నిర్ణీత ఓవర్లలో 8 వికెట్ల నష్టానికి 174 పరుగులు చేసింది. వెటరన్లు సునీల్‌ నరైన్‌ (26 బంతుల్లో 44; 5 ఫోర్లు, 3 సిక్సర్లు), అజింక్య రహానే (31 బంతుల్లో 56; 6 ఫోర్లు, 3 సిక్సర్లు) మెరుపు ఇన్నింగ్స్‌లు ఆడి కేకేఆర్‌కు గౌరవప్రదమైన స్కోర్‌ అందించారు. వీరు మినహా కేకేఆర్‌ ఇన్నింగ్స్‌లో ఎవరూ చెప్పుకోదగ్గ స్కోర్లు చేయలేదు. యువ ఆటగాడు అంగ్‌క్రిష్‌ రఘువంశీ 30 పరుగులు చేసినా నిదానంగా ఆడాడు. డికాక్‌ 4, వెంకటేశ్‌ అయ్యర్‌ 6, రింకూ సింగ్‌ 12, రసెల్‌ 4 పరుగులకు ఔటయ్యారు. ఆర్సీబీ బౌలర్లలో కృనాల్‌ పాండ్యా అద్భుతంగా బౌలింగ్‌ చేసి 4 ఓవర్లలో 29 పరుగులిచ్చి 3 వికెట్లు తీశాడు. హాజిల్‌వుడ్‌ సామర్థ్యం మేరకు రాణించి 4 ఓవర్లలో 22 పరుగులిచ్చి 2 వికెట్లు తీశాడు. యశ్‌ దయాల్‌ (3-0-25-1) పర్వాలేదనిపించాడు. సుయాశ్‌ శర్మ, రసిక్‌ సలామ్‌ తలో వికెట్‌ తీసినా ధారాళంగా పరుగులు సమర్పించుకున్నారు.అనంతరం ఓ మోస్తరు లక్ష్య ఛేదనకు దిగిన ఆర్సీబీకి నయా ఓపెనింగ్‌ జోడి ఫిల్‌ సాల్ట్‌ (31 బంతుల్లో 56; 9 ఫోర్లు, 2 సిక్సర్లు), విరాట్‌ కోహ్లి (36 బంతుల్లో 59 నాటౌట్‌; 4 ఫోర్లు, 3 సిక్సర్లు) మెరుపు ఆరంభాన్ని అందించింది. వీరిద్దరు పవర్‌ ప్లేలో (తొలి 6 ఓవర్లలో) చెలరేగి పోయి 80 పరుగులు సాధించారు. మంచి పునాది పడటంతో ఈ మ్యాచ్‌లో ఆర్సీబీ సునాయాసంగా విజయం సాధించింది. సాల్ట్‌ ఔటయ్యాక క్రీజ్‌లోకి వచ్చిన దేవ్‌దత్‌ పడిక్కల్‌ (10 బంతుల్లో 10) నిరాశపర్చినా ఆతర్వాత వచ్చిన రజత్‌ పాటిదార్‌ (16 బంతుల్లో 34; 5 ఫోర్లు, సిక్స్‌) ఆర్సీబీని వేగంగా గెలుపుతీరాలకు చేర్చాడు. ఆఖర్లో లివింగ్‌స్టోన్‌ (5 బంతుల్లో 15 నాటౌట్‌; 2 ఫోర్లు, సిక్స్‌) మెరుపు ఇన్నింగ్స్‌ ఆడి మ్యాచ్‌ను లాంఛనంగా ముగించాడు. కేకేఆర్‌ బౌలర్లలో వైభవ్‌ అరోరా, వరుణ్‌ చక్రవర్తి, సునీల్‌ నరైన్‌ తలో వికెట్‌ తీశారు. ఈ మ్యాచ్‌లో సునీల్‌ నరైన్‌ (4-0-27-1) మినహా కేకేఆర్‌ బౌలర్లందరినీ ఆర్సీబీ బ్యాటర్లు ఉతికి ఆరేశారు. ఛేదనలో ఆర్సీబీకి డ్యూ ఫ్యాక్టర్‌ కలిసొచ్చింది. తొలి 10 ఓవర్లలోనే కేకేఆర్‌ విషయంలో జరగాల్సిన నష్టం జరిగిపోయింది.ఇదిలా ఉంటే, నిన్నటి మ్యాచ్‌లో ఓ వివాదాస్పద ఘటన చోటు చేసుకుంది. కేకేఆర్‌ బ్యాటింగ్‌ చేస్తుండగా ఇన్నింగ్స్‌ 7వ ఓవర్‌లో సునీల్‌ నరైన్‌ బ్యాట్‌ వికెట్లకు తాకింది. బెయిల్స్‌ కూడా కింద పడ్డాయి. అయితే అంపైర్లు మాత్రం నరైన్‌ను హిట్‌ వికెట్‌గా ప్రకటించలేదు. pic.twitter.com/wcHGSw8Svz— kuchnahi123@12345678 (@kuchnahi1269083) March 22, 2025సదరు బంతిని అంపైర్‌ వైడ్‌ బాల్‌గా సిగ్నల్‌ ఇవ్వడం.. అప్పటికే వికెట్ కీపర్ జితేష్ శర్మ బంతిని సేకరించడం, నరైన్ తన డెలివరీ యాక్షన్‌ను పూర్తి చేయడంతో అంపైర్ నరైన్‌ను హిట్‌వికెట్‌గా ప్రకటించలేదు.ఎంసీసీ నియమాల ప్రకారం, ఒక బ్యాటర్‌ బంతిని ఆడుతున్నప్పుడు లేదా పరుగు కోసం స్టార్ట్ అవుతున్నప్పుడు లేదా వికెట్‌ను కాపాడుకోవడానికి రెండవ హిట్ చేస్తున్నప్పుడు బ్యాట్‌ స్టంప్‌లను తగిలితే అప్పుడు ఆ బ్యాటర్‌‌ను ఔట్‌ హిట్ వికెట్‌గా పరిగణిస్తారు. షాట్ ఆడిన తర్వాత లేదా డెలివరీ పూర్తయిన తర్వాత బ్యాట్‌ స్టంప్‌లను తాకితే అది ఔట్‌ హిట్‌ వికెట్‌గా పరిగణించబడదు. తాజా ఉదంతంలో బంతి వికెట్ కీపర్ చేతుల్లోకి వెళ్లిన తర్వాత నరైన్ బ్యాట్ స్టంప్‌లను తాకినందున, ఎంసీసీ లా 35.2 ప్రకారం దానిని నాటౌట్‌గా ప్రకటించారు.

బాదుడే పరామావధిగా చెలరేగి గత సీజన్‌లో రన్నరప్‌గా నిలిచిన సన్‌రజర్స్‌ హైదరాబాద్‌... ఈ ఏడాది అదే జోరు కొనసాగించేందుకు సిద్ధమైంది. సొంతగడ్డపై మాజీ చాంపియన్‌ రాజస్తాన్‌ రాయల్స్‌తో... నేడు కమిన్స్‌ సేన కప్‌ వేట ప్రారంభించనుంది. ట్రావిస్‌ హెడ్, అభిషేక్‌ శర్మ, ఇషాన్‌ కిషన్, నితీశ్‌కుమార్‌ రెడ్డి, హెన్రిచ్‌ క్లాసెన్‌తో సన్‌రైజర్స్‌ బ్యాటింగ్‌ లైనప్‌ శత్రు దుర్బేధ్యంగా ఉండగా... యశస్వి జైస్వాల్, సంజూ సామ్సన్, రియాన్‌ పరాగ్, హెట్‌మైర్, ధ్రువ్‌ జురెల్‌తో సవాలు విసిరేందుకు రాజస్తాన్‌ రాయల్స్‌ రెడీ అయింది. మరి రైజర్స్‌ దూకుడుకు రాయల్స్‌ అడ్డుకట్ట వేస్తుందా చూడాలి! సాక్షి, హైదరాబాద్‌: గత ఏడాది అందినట్లే అంది దూరమైన ఐపీఎల్‌ ట్రోఫీని ఈసారైనా ఒడిసి పట్టాలనే లక్ష్యంతో సన్‌రైజర్స్‌ హైదరాబాద్‌ జట్టు తొలి మ్యాచ్‌కు రెడీ అయింది. ఐపీఎల్‌ 18వ సీజన్‌లో భాగంగా జరగనున్న తొలి ‘డబుల్‌ హెడర్‌’లో ఆదివారం జరగనున్న తొలి మ్యాచ్‌లో రాజస్తాన్‌ రాయల్స్‌తో హైదరాబాద్‌ అమీతుమీ తేల్చుకోనుంది. ఒకప్పుడు కట్టుదిట్టమైన బౌలింగ్‌కు కేరాఫ్‌ అడ్రస్‌గా నిలిచిన సన్‌రైజర్స్‌... గత సీజన్‌లో విధ్వంసక బ్యాటింగ్‌తో రికార్డులు తిరగరాసింది. ఓపెనర్లు అభిషేక్‌ శర్మ, ట్రావిస్‌ హెడ్‌ నుంచి మొదలు పెట్టుకొని కెప్టెన్‌ కమిన్స్‌ వరకు ప్రతి ఒక్కరూ దూకుడుగా ఆడేవాళ్లు ఉండటం రైజర్స్‌కు కలిసి రానుండగా... సీజన్‌ ఆరంభ మ్యాచ్‌లో ఆరెంజ్‌ ఆర్మీ ఎలాంటి ప్రదర్శన కనబరుస్తుందో చూడాలి. గత ఏడాది మ్యాచ్‌ మ్యాచ్‌కు మరింత రాటుదేలుతూ అరాచకం సృష్టించిన రైజర్స్‌ బ్యాటర్లు... ఈ సీజన్‌లో తొలి మ్యాచ్‌ నుంచే జోరు కనబర్చాలని తహతహలాడుతున్నారు. ప్రాక్టీస్‌ సెషన్‌లలో హెడ్, క్లాసెన్, అభిషేక్, నితీశ్‌ వంతులు వేసుకొని మరి భారీ షాట్లు సాధన చేశారు. ఉప్పల్‌లోని రాజీవ్‌ గాంధీ అంతర్జాతీయ క్రికెట్‌ స్టేడియంలో జరగనున్న ఈ మ్యాచ్‌లో సన్‌రైజర్స్‌ ఫేవరెట్‌గా బరిలోకి దిగుతోంది. వేలంలో కొత్తగా తీసుకున్న ఇషాన్‌ కిషన్‌ రాకతో రైజర్స్‌ బ్యాటింగ్‌ మరింత పదునెక్కింది. గతేడాది ఒకటికి మూడుసార్లు 250 పైచిలుకు పరుగులు చేసిన రైజర్స్‌... ఈ సారి 300 మార్క్‌ అందుకోవాలనే లక్ష్యంతో కనిపిస్తోంది. గాయం నుంచి కోలుకున్న ఆంధ్ర ఆల్‌రౌండర్‌ నితీశ్‌ కుమార్‌ రెడ్డి మిడిలార్డర్‌లో కీలకం కానున్నాడు. మరోవైపు వేలి గాయంతో ఇబ్బంది పడుతున్న రాజస్తాన్‌ రాయల్స్‌ రెగ్యులర్‌ కెప్టెన్‌ సంజూ సామన్స్‌ ఈ మ్యాచ్‌లో కేవలం ప్లేయర్‌గా బరిలోకి దిగనున్నాడు. సీజన్‌ తొలి మూడు మ్యాచ్‌లకు సామ్సన్‌ స్థానంలో రియాన్‌ పరాగ్‌ రాయల్స్‌కు కెప్టెన్‌గా వ్యవహరించనున్నాడు. సామ్సన్‌ ఇంపాక్ట్‌ ప్లేయర్‌గా... స్వదేశీ ఆటగాళ్ల నైపుణ్యంపైనే ప్రధానంగా ఆధారపడుతున్న రాజస్తాన్‌ రాయల్స్‌కు... రెగ్యులర్‌ కెప్టెన్‌ సంజూ సామ్సన్‌ గాయం ఇబ్బంది పెడుతోంది. అతడు కేవలం బ్యాటర్‌గా మాత్రమే బరిలోకి దిగనున్నాడు. అంటే ఇంపాక్ట్‌ ప్లేయర్‌గా బ్యాటింగ్‌ చేసే అవకాశాలు ఉన్నాయి. అతడి స్థానంలో రియాన్‌ పరాగ్‌ జట్టును నడిపించనుండగా... ధ్రువ్‌ జురెల్‌ వికెట్‌ కీపింగ్‌ బాధ్యతలు అందుకోనున్నాడు. యశస్వి జైస్వాల్, సామ్సన్, నితీశ్‌ రాణా, పరాగ్, ధ్రువ్‌ జురేల్‌ ఇలా టాప్‌–5లో స్వదేశీ ఆటగాళ్లే బ్యాటింగ్‌ చేయనున్నారు. మిడిలార్డర్‌లో విండీస్‌ హిట్టర్‌ హెట్‌మైర్‌ కీలకం కానుండగా... ఆర్చర్, తీక్షణ, వనిందు హసరంగ బౌలింగ్‌ భారం మోయనున్నారు. విధ్వంసానికి కేరాఫ్‌ అడ్రస్‌గా నిలుస్తున్న రైజర్స్‌ బ్యాటింగ్‌ లైనప్‌ను రాయల్స్‌ బౌలింగ్‌ దళం ఎలా అడ్డుకుంటుందనే దానిపైనే ఈమ్యాచ్‌ విజయావకాశాలు ఆధారపడి ఉన్నాయి. బ్యాటింగ్‌ బలంగా... ఇంటా బయటా అనే తేడా లేకుండా గతేడాది బరిలోకి దిగిన ప్రతి మ్యాచ్‌లో పరుగుల వరద పారించిన సన్‌రైజర్స్‌... ముఖ్యంగా ఉప్పల్‌లో ఊచకోత సాగించింది. లక్నో సూపర్‌ జెయింట్స్‌తో పోరులో ఆ జట్టు నిర్దేశించిన 166 పరుగుల లక్ష్యాన్ని ఆరెంజ్‌ ఆర్మీ 9.4 ఓవర్లలో వికెట్‌ కోల్పోకుండానే ఛేదించి సంచలనం సృష్టించింది.ఓపెనర్లు అభిషేక్‌ శర్మ, హెడ్‌ బంతిపై పగబట్టినట్లు విజృంభిస్తుండటం రైజర్స్‌కు ప్రధాన బలం కాగా... ఇషాన్‌ కిషన్, నితీశ్‌ కుమార్‌ రెడ్డి, హెన్రిచ్‌ క్లాసెన్‌తో కూడిన మిడిలార్డర్‌ జట్టుకు మరింత బలాన్నిస్తోంది. అయితే ఫ్రాంఛైజీ తరఫున తొలిసారి బరిలోకి దిగనున్న అభినవ్‌ మనోహర్, అనికేత్‌ వర్మ ఎలాంటి ప్రదర్శన కనబరుస్తారనేది ఆసక్తికరం. గాయం కారణంగా శ్రీలంకతో పర్యటనతో పాటు ఐసీసీ చాంపియన్స్‌ ట్రోఫీకి దూరమైన ఆ్రస్టేలియా స్టార్‌ పేసర్‌ ప్యాట్‌ కమిన్స్‌... గాయం నుంచి కోలుకొని జట్టును నడిపించేందుకు సిద్ధమయ్యాడు. పేస్‌ బౌలింగ్‌లో మొహమ్మద్‌ షమీ, హర్షల్‌ పటేల్‌ కీలకం కానుండగా, ఆడమ్‌ జంపా స్పిన్‌ బాధ్యతలు మోయనున్నాడు. తుది జట్లు (అంచనా) సన్‌రైజర్స్‌ హైదరాబాద్‌: కమిన్స్‌ (కెప్టెన్‌), హెడ్, అభిషేక్, ఇషాన్‌ కిషన్, నితీశ్‌ రెడ్డి, క్లాసెన్, అనికేత్‌ వర్మ, అభినవ్‌ మనోహర్, హర్షల్‌ పటేల్, రాహుల్‌ చాహర్, షమీ, జాంపా. రాజస్తాన్‌ రాయల్స్‌: రియాన్‌ పరాగ్‌ (కెప్టెన్‌), యశస్వి జైస్వాల్, సంజూ సామ్సన్, నితీశ్‌ రాణా, ధ్రువ్‌ జురెల్, హెట్‌మైర్, హసరంగ, శుభమ్‌ దూబే, ఆర్చర్, తీక్షణ, సందీప్‌ శర్మ, తుషార్‌ దేశ్‌ పాండే. పిచ్, వాతావరణం గతేడాది ఉప్పల్‌లో జరిగిన మ్యాచ్‌ల్లో పరుగుల వరద పారింది. మొత్తం 13 మైదానాల్లో ఐపీఎల్‌ మ్యాచ్‌లు జరగగా... అందులో రెండో అత్యధికం (ఓవర్‌కు 10.54 పరుగులు) హైదరాబాద్‌లో నమోదైంది. ఈసారి కూడా అందుకు భిన్నంగా ఉండకపోవచ్చు. మ్యాచ్‌కు వర్ష సూచన లేదు. చెన్నై X ముంబైసాయంత్రం గం. 7:30 నుంచిచెన్నై: ఇండియన్‌ ప్రీమియర్‌ లీగ్‌ (ఐపీఎల్‌) 18వ సీజన్‌లో మరో కీలక పోరుకు రంగం సిద్ధమైంది. లీగ్‌లో అత్యంత విజయవంతమైన జట్లుగా చెరో ఐదు సార్లు ట్రోఫీలు గెలిచిన ముంబై ఇండియన్స్, చెన్నై సూపర్‌ కింగ్స్‌ మధ్య చెపాక్‌ వేదికగా ఆదివారం రెండో మ్యాచ్‌ జరగనుంది. గాయం కారణంగా ప్రధాన పేసర్‌ జస్‌ప్రీత్‌ బుమ్రా, నిషేధం కారణంగా హార్దిక్‌ పాండ్యా ఈ మ్యాచ్‌కు అందుబాటులో లేకపోగా... సూర్యకుమార్‌ యాదవ్‌ ముంబై ఇండియన్స్‌ జట్టును నడిపించనున్నాడు. రోహిత్‌ శర్మ, తిలక్‌ వర్మ, సూర్యకుమార్‌ యాదవ్, రికెల్టన్, నమన్‌ ధిర్‌తో ముంబై బ్యాటింగ్‌ బలంగానే ఉంది. బౌలింగ్‌లో ట్రెంట్‌ బౌల్ట్‌ అనుభవం ముంబైకి ప్రధానాయుధం కాగా... దీపక్‌ చాహర్, కరణ్‌ శర్మ, సాంట్నర్, ముజీబ్‌ ఉర్‌ రహమాన్‌ మిగిలిన బాధ్యతలు చూసుకోనున్నారు. మరోవైపు ఇటీవల అంతర్జాతీయ క్రికెట్‌కు వీడ్కోలు పలికిన రవిచంద్రన్‌ అశ్విన్‌ సుదీర్ఘ విరామం తర్వాత చెన్నై జట్టులో తిరిగి చేరాడు. చెపాక్‌ లాంటి స్లో పిచ్‌పై అశ్విన్, జడేజా, నూర్‌ అహ్మద్‌ను ఎదుర్కోవడం కష్టమైన పనే. ఎప్పట్లాగే మహేంద్ర సింగ్‌ ధోని వికెట్ల వెనుక నుంచి చెన్నై జట్టుకు దిశానిర్దేశం చేయనుండగా... బ్యాటింగ్‌లో కెప్టెన్‌ రుతురాజ్‌ గైక్వాడ్, కాన్వే, రాహుల్‌ త్రిపాఠి, శివమ్‌ దూబే, స్యామ్‌ కరన్, జడేజా కీలకం కానున్నారు. గత సీజన్‌లో ఎక్కువ శాతం బ్యాటింగ్‌కు రాని ధోని ఈ సారి బ్యాటింగ్‌ ఆర్డర్‌లో ముందుకు వస్తాడా చూడాలి. ఇరు జట్ల మధ్య చివరగా జరిగిన ఐదు మ్యాచ్‌ల్లో నాలుగింట చెన్నై విజయం సాధించింది. గత సీజన్‌లో పేలవ ప్రదర్శనతో పట్టిక అట్టడుగు స్థానంలో నిలిచిన ముంబై ఇండియన్స్‌ ఈ సీజన్‌ను తాజాగా ప్రారంభించాలని చూస్తోంది.

షాంఘై: ఫార్ములావన్‌ సీజన్‌ రెండో రేసు చైనీస్‌ గ్రాండ్‌ప్రిలో మెక్‌లారెన్‌ డ్రైవర్‌ ఆస్కార్‌ పియాస్ట్రి (ఆస్ట్రేలియా) పోల్‌ పోజిషన్‌ సాధించాడు. ఫార్ములావన్‌ కెరీర్‌లో అతడికి ఇదే తొలి పోల్‌ పొజిషన్‌ కావడం విశేషం. 23 ఏళ్ల ఆసీస్‌ రేసర్‌ శనివారం జరిగిన క్వాలిఫయింగ్‌ సెషన్‌లో అందరికంటే వేగంగా, అందరికంటే ముందుగా... 1 నిమిషం 30.641 సెకన్లలో ల్యాప్‌ పూర్తిచేశాడు. ఆదివారం జరగనున్న ప్రధాన రేసును పియాస్ట్రి తొలి స్థానం నుంచి ప్రారంభించనున్నాడు. మెర్సెడెస్‌ డ్రైవర్‌ రసెల్‌ (1 నిమిషం 30.723 సెకన్లు) రెండో స్థానంలో నిలిచాడు. గత వారం ఆ్రస్టేలియా గ్రాండ్‌ ప్రిలో పెద్దగా ప్రభావం చూపలేకపోయిన ప్రపంచ మాజీ చాంపియన్‌ లూయిస్‌ హామిల్టన్‌ (బ్రిటన్‌) చైనీస్‌ గ్రాండ్‌ప్రి క్వాలిఫయింగ్‌ ఈవెంట్‌లో ఐదో స్థానంలో నిలిచాడు. 56 ల్యాప్‌లతో కూడిన రేసులో మెక్‌లారెన్‌ జట్టుకే చెందిన మరో డ్రైవర్‌ లాండో నోరిస్‌ (1 నిమిషం 30. 793 సెకన్లు) మూడో స్థానంలో నిలిచాడు. గత వారం సీజన్‌ ఆరంభ ఆ్రస్టేలియా గ్రాండ్‌ప్రిలో విజేతగా నిలిచిన నోరిస్‌ ఈ రోజు జరగనున్న రేసును మూడో స్థానంతో ప్రారంభించనున్నాడు. మాజీ చాంపియన్, రెడ్‌బుల్‌ డ్రైవర్‌ మ్యాక్స్‌ వెర్‌స్టాపెన్‌ (1 నిమిషం 30.817 సెకన్లు) నాలుగో ‘ప్లేస్‌’లో నిలిచాడు. ఆదివారం జరగనున్న ప్రధాన రేసులో 10 జట్లకు చెందిన 20 మంది డ్రైవర్లు పాల్గొంటున్నారు.

న్యూఢిల్లీ: జాతీయ సీనియర్‌ మహిళల చాలెంజర్‌ ట్రోఫీ కోసం భారత క్రికెట్‌ నియంత్రణ మండలి (బీసీసీఐ) శనివారం జట్లను ప్రకటించింది. డెహ్రాడూన్‌ వేదికగా ఈ నెల 25 నుంచి ఏప్రిల్‌ 8 వరకు ఈ టోర్నీ నిర్వహించనున్నారు. మూడు రోజుల ఫార్మాట్‌లో ఈ మ్యాచ్‌లు నిర్వహిస్తుండగా, ఇందులో 4 జట్లు పాల్గొంటున్నాయి. స్టార్‌ ప్లేయర్లు హర్మన్‌ప్రీత్‌ కౌర్, స్మృతి మంధాన ఈ టోర్నీనకి దూరం కాగా... యంగ్‌ ప్లేయర్లకు అవకాశం దక్కింది. ‘సీనియర్‌ మహిళల మల్టీ డే చాలెంజర్‌ ట్రోఫీ కోసం మహిళల సెలెక్షన్‌ కమిటీ 4 జట్లను ఎంపిక చేసింది. ఎర్రబంతితో జరగనున్న ఈ టోర్నీని డెహ్రాడూన్‌లోని రెండు వేదికల్లో నిర్వహిస్తాం’ అని బీసీసీఐ కార్యదర్శి దేవజిత్‌ సైకియా వెల్లడించాడు. మిన్ను మణి, హర్లీన్‌ డియోల్, జెమీమా రోడ్రిగ్స్, స్నేహ్‌ రాణా నాలుగు జట్లకు సారథ్యం వహించనుండగా... భారత మహిళల అండర్‌–19 జట్టుకు రెండోసారి ప్రపంచకప్‌ అందించడంలో కీలక పాత్ర పోషించిన తెలంగాణ ఆల్‌రౌండర్‌ గొంగడి త్రిషకు టీమ్‌ ‘డి’లో చోటు దక్కింది. జట్ల వివరాలు టీమ్‌ ‘ఎ’: మిన్ను మణి (కెప్టెన్‌), రిచాఘోష్, శిప్రా గిరి, సుభ సతీశ్, శ్వేతా షెహ్రావత్, వృందా దినేశ్, ముక్తా మగ్రే, హెన్‌రిట్టా పెరీరా, తనూజ కన్వర్, వాసవి పావని, ప్రియా మిశ్రా, అరుంధతి రెడ్డి, సయాలీ సత్‌ఘరే, అనాడీ తగ్డే, ప్రగతి సింగ్‌. టీమ్‌ ‘బి’: హర్లీన్‌ డియోల్‌ (కెప్టెన్‌), యస్తిక భాటియా, మమత, ప్రతీక రావల్, ఆయుశ్‌ సోని, ఆరుశీ గోయల్, కనిక అహూజ, మితా పాల్, శ్రీ చరణి, మమత పాస్వాన్, ప్రేమ రావత్, నందిని శర్మ, క్రాంతి గౌడ్, అక్షర, టిటాస్‌ సాధు. టీమ్‌ ‘సి’: జెమీమా రోడ్రిగ్స్‌ (కెప్టెన్‌), ఉమా ఛెత్రి, రియా చౌదరి, షఫాలీ వర్మ, త్రిప్తి సింగ్, తనుశ్రీ సర్కార్, తేజల్‌ హసబ్నిస్, సుశ్రీ దివ్యదర్శిని, సుచి ఉపాధ్యాయ, రాజేశ్వరి గైక్వాడ్, శరణ్య గద్వాల్, జోషిత, శబ్నమ్, సైమా ఠాకూర్, గరిమా యాదవ్‌. టీమ్‌ ‘డి’: స్నేహ్‌ రాణా (కెప్టెన్‌), నందిని కశ్యప్, శివంగి యాదవ్, గొంగడి త్రిష, జిన్సీ జార్జ్, రాఘవి, ధార గుజ్జర్, సంస్కృతి గుప్తా, యమున రాణా, వైష్ణవి శర్మ, కీర్తన, అమన్‌జ్యోత్‌ కౌర్, కాశ్వీ గౌతమ్, మనాలీ దక్షిణి, మోనిక పటేల్‌.

డిఫెండింగ్‌ చాంపియన్‌ కోల్‌కతా నైట్‌రైడర్స్‌ కొత్త సీజన్‌ను ఓటమితో మొదలు పెట్టింది. సొంతగడ్డ ఈడెన్‌ గార్డెన్స్‌లో ఆడిన మ్యాచ్‌లోనూ శుభారంభం చేయలేకపోయింది. బ్యాటింగ్‌లో రహానే, నరైన్‌ మెరుపులతో ఒక దశలో 200 సాధించగలదనిపించిన టీమ్‌ ఆ తర్వాత ఒక్కసారిగా కుప్పకూలి స్వల్ప స్కోరుకే పరిమితమైంది.ఆర్‌సీబీ బౌలర్లు కేకేఆర్‌ను సరైన సమయంలో నిలువరించడంలో సఫలమయ్యారు. ఆ తర్వాత సాల్ట్, కోహ్లి మెరుపు ఓపెనింగ్‌తో విజయానికి బాటలు వేసుకున్న బెంగళూరు ఆశావహ దృక్పథంతో తమ ప్రయాణాన్ని మొదలు పెట్టింది. మరో 22 బంతులు మిగిలి ఉండగానే గెలిచిన మ్యాచ్‌తో రజత్‌ పాటీదార్‌ కెపె్టన్‌గా శుభారంభం చేశాడు. కోల్‌కతా: ఐపీఎల్‌ తొలి పోరులో రాయల్‌ చాలెంజర్స్‌ బెంగళూరు పైచేయి సాధించింది. శనివారం జరిగిన మ్యాచ్‌లో ఆర్‌సీబీ 7 వికెట్ల తేడాతో డిఫెండింగ్‌ చాంపియన్‌ కోల్‌కతా నైట్‌రైడర్స్‌ను చిత్తు చేసింది. టాస్‌ ఓడి ముందుగా బ్యాటింగ్‌కు దిగిన కోల్‌కతా 20 ఓవర్లలో 8 వికెట్ల నష్టానికి 174 పరుగులు చేసింది. అజింక్య రహానే (31 బంతుల్లో 56; 6 ఫోర్లు, 4 సిక్స్‌లు) అర్ధసెంచరీ సాధించగా... సునీల్‌ నరైన్‌ (26 బంతుల్లో 44; 5 ఫోర్లు, 3 సిక్స్‌లు), అంగ్‌కృష్‌ రఘువంశీ (22 బంతుల్లో 30; 2 ఫోర్లు, 1 సిక్స్‌) రాణించారు. రహానే, నరైన్‌ రెండో వికెట్‌కు 55 బంతుల్లోనే 103 పరుగులు జోడించారు. ‘ప్లేయర్‌ ఆఫ్‌ ద మ్యాచ్‌’ కృనాల్‌ పాండ్యా (3/29) కీలక సమయంలో 3 వికెట్లతో ప్రత్యర్థిని దెబ్బ తీశాడు. అనంతరం బెంగళూరు 16.2 ఓవర్లలో 3 వికెట్లకు 177 పరుగులు సాధించింది. విరాట్‌ కోహ్లి (36 బంతుల్లో 59 నాటౌట్‌; 4 ఫోర్లు, 3 సిక్స్‌లు), ఫిల్‌ సాల్ట్‌ (31 బంతుల్లో 56; 9 ఫోర్లు, 2 సిక్స్‌లు) హాఫ్‌ సెంచరీలతో చెలరేగగా...తొలి సారి కెప్టెన్‌గా వ్యవహరించి రజత్‌ పాటీదార్‌ (16 బంతుల్లో 34; 5 ఫోర్లు, 1 సిక్స్‌) కూడా దూకుడుగా ఆడాడు. భారీ భాగస్వామ్యం... 10 ఓవర్లలో 107 పరుగులు...ఇన్నింగ్స్‌ తొలి భాగంలో కోల్‌కతా బ్యాటింగ్‌ జోరింది. డి కాక్‌ (4) మొదటి ఓవర్లోనే వెనుదిరిగిన తర్వాత రహానే, నరైన్‌ కలిసి చెలరేగిపోయారు. సలామ్‌ ఓవర్లో ఫోర్, 2 సిక్స్‌లు బాదిన రహానే...కృనాల్‌ ఓవర్లో వరుసగా రెండు ఫోర్లు కొట్టాడు. అదే ఓవర్లో సిక్స్‌తో నరైనా కూడా జత కలిశాడు. దయాళ్‌ ఓవర్లో కూడా ఇదే తరహాలో రహానే 2 ఫోర్లు, సిక్స్‌తో చెలరేగిపోయాడు. సుయాశ్‌ ఓవర్లో సిక్స్‌తో 25 బంతుల్లోనే రహానే అర్ధ సెంచరీ పూర్తి చేసుకోగా...చివరి రెండు బంతులను రహానే సిక్స్, ఫోర్‌గా మలిచాడు. సలామ్‌ తర్వాతి ఓవర్లో కూడా 4, 6 కొట్టిన నరైన్‌ అదే ఊపులో చివరి బంతికి అవుటయ్యాడు. ఇక్కడే కేకేఆర్‌ ఇన్నింగ్స్‌ మలుపు తిరిగింది. ఒక్కసారిగా చెలరేగిన బెంగళూరు బౌలర్లు ప్రత్యర్థిపై పట్టు సాధించారు. 16 పరుగుల తేడాతో రహానే, వెంకటేశ్‌ అయ్యర్‌ (6) వెనుదిరగ్గా...ఐదు పరుగుల వ్యవధిలో భారీ హిట్టర్లు రింకూ సింగ్‌ (12), ఆండ్రీ రసెల్‌ (4) వికెట్లను జట్టు కోల్పోయింది. దాంతో అంచనాలకు అనుగుణంగా భారీ స్కోరును సాధించలేకపోయింది. దూకుడుగా దూసుకుపోయి... ఛేదనలో బెంగళూరు చెలరేగిపోయింది. ఇన్నింగ్స్‌ తొలి బంతినే ఫోర్‌గా మలచిన సాల్ట్‌ ఘనంగా మొదలు పెట్టగా, అతనికి కోహ్లి తోడవడంతో టీమ్‌ లక్ష్యం దిశగా సునాయాసంగా దూసుకుపోయింది. అరోరా ఓవర్లో సాల్ట్‌ 2 ఫోర్లు, ఒక సిక్స్‌ కొట్టగా, కోహ్లి మరో ఫోర్‌ బాదడంతో మొత్తం 20 పరుగులు వచ్చాయి. నైట్‌రైడర్స్‌ ఎంతో ఆశలు పెట్టుకున్న వరుణ్‌ చక్రవర్తికి తొలి ఓవర్లో బాగా దెబ్బ పడింది. వరుస బంతుల్లో సాల్ట్‌ 4, 6, 4, 4 బాదడంతో పరిస్థితి అంతా ఆర్‌సీబీకి అనుకూలంగా మారిపోయింది. జాన్సన్‌ ఓవర్లో వరుసగా రెండు సిక్స్‌లు బాది తానూ తగ్గలేదని కోహ్లి చూపించగా, 25 బంతుల్లో సాల్ట్‌ హాఫ్‌ సెంచరీని అందుకున్నాడు. తక్కువ వ్యవధిలో సాల్ట్, పడిక్కల్‌ (10) వికెట్లు తీసి కోల్‌కతా కాస్త ఊరట చెందినా...తర్వాత వచ్చిన పాటీదార్‌ కూడా బౌండరీల వర్షం కురిపించాడు. రాణా ఓవర్లోనే అతను ఏకంగా 4 ఫోర్లు కొట్టడం విశేషం. 30 బంతుల్లో విరాట్‌ హాఫ్‌ సెంచరీ సాధించాడు. చివర్లో వరుసగా 6, 4 కొట్టి లివింగ్‌స్టోన్‌ (15 నాటౌట్‌) మ్యాచ్‌ ముగించాడు. స్కోరు వివరాలుకోల్‌కాత నైట్‌రైడర్స్‌ ఇన్నింగ్స్‌: డి కాక్‌ (సి) జితేశ్‌ (బి) హాజల్‌వుడ్‌ 4; నరైన్‌ (సి) జితేశ్‌ (బి) సలామ్‌ 44; రహానే (సి) సలామ్‌ (బి) పాండ్యా 56; వెంకటేశ్‌ (బి) పాండ్యా 6; రఘువంశీ (సి) జితేశ్‌ (బి) దయాళ్‌ 30; రింకూ (బి) పాండ్యా 12; రసెల్‌ (బి) సుయాశ్‌ 4; రమణ్‌దీప్‌ (నాటౌట్‌) 6; హర్షిత్‌ (సి) జితేశ్‌ (బి) హాజల్‌వుడ్‌ 5; జాన్సన్‌ (నాటౌట్‌) 1; ఎక్స్‌ట్రాలు 6; మొత్తం (20 ఓవర్లలో 8 వికెట్లకు) 174. వికెట్ల పతనం: 1–4, 2–107, 3–109, 4–125, 5–145, 6–150, 7–168, 8–173. బౌలింగ్‌: హాజల్‌వుడ్‌ 4–0–22–2, యశ్‌ దయాళ్‌ 3–0–25–1, రసిఖ్‌ సలామ్‌ 3–0–35–1, కృనాల్‌ పాండ్యా 4–0–29–3, సుయాశ్‌ శర్మ 4–0–47–1, లివింగ్‌స్టోన్‌ 2–0–14–0. రాయల్‌ చాలెంజర్స్‌ బెంగళూరు ఇన్నింగ్స్‌: సాల్ట్‌ (సి) జాన్సన్‌ (బి) వరుణ్‌ 56; కోహ్లి (నాటౌట్‌) 59; పడిక్కల్‌ (సి) రమణ్‌దీప్‌ (బి) నరైన్‌ 10; పటీదార్‌ (సి) రింకూ (బి) అరోరా 34; లివింగ్‌స్టోన్‌ (నాటౌట్‌) 15; ఎక్స్‌ట్రాలు 3; మొత్తం (16.2 ఓవర్లలో 3 వికెట్లకు) 177. వికెట్ల పతనం: 1–95, 2–118, 3–162. బౌలింగ్‌: వైభవ్‌ అరోరా 3–0–42–2, స్పెన్సర్‌ జాన్సన్‌ 2.2–0–31–0, వరుణ్‌ చక్రవర్తి 4–0–43–1 హర్షిత్‌ రాణా 3–0–32–0, సునీల్‌ నరైన్‌ 4–0–27–1. సందడిగా ప్రారంభోత్సవంతొలి మ్యాచ్‌కు ముందు ఈడెన్‌ గార్డెన్స్‌లో ఐపీఎల్‌ ప్రారంభ వేడుకలు జరిగాయి. షారుఖ్‌ ఖాన్‌ వ్యాఖ్యానంతో ఈ కార్యక్రమం మొదలు కాగా...ఆ తర్వాత ప్రముఖ గాయని శ్రేయా ఘోషాల్‌ తన పాటతో అలరించింది. అనంతరం దిశా పటాని తన డ్యాన్స్‌తో ఆకట్టుకుంది. సింగర్‌ కరణ్‌ ఔజ్లా ఆమెకు జత కలిశాడు. చివర్లో షారుఖ్‌ చిత్రం ‘పఠాన్‌’లోని సూపర్‌ హిట్‌ పాటకు అతనితో కలిసి విరాట్‌ కోహ్లి వేసిన స్టెప్పులు హైలైట్‌గా నిలిచాయి. తొలి ఐపీఎల్‌ నుంచి ఇప్పటి వరకు ఆడుతున్న విరాట్‌ కోహ్లికి బీసీసీఐ ప్రత్యేక ‘18’ జ్ఞాపికను అందించింది. ఐపీఎల్‌లో నేడుహైదరాబాద్‌ X రాజస్తాన్‌ వేదిక: హైదరాబాద్‌ మధ్యాహ్నం 3: 30 గంటల నుంచి చెన్నై X ముంబైవేదిక: చెన్నైరాత్రి 7: 30 గంటల నుంచి స్టార్‌ స్పోర్ట్స్, జియో హాట్‌స్టార్‌లో ప్రత్యక్ష ప్రసారం

ఐపీఎల్‌-2025ను రాయ‌ల్ ఛాలెంజ‌ర్స్ బెంగ‌ళూరు స్టార్ ప్లేయ‌ర్ విరాట్ కోహ్లి ఘ‌నంగా ఆరంభించాడు. ఈ టోర్నీలో భాగంగా ఈడెన్ గార్డెన్స్ వేదిక‌గా కోల్‌క‌తా నైట్‌రైడ‌ర్స్‌తో జ‌రిగిన మ్యాచ్‌లో కోహ్లి అద్భుత‌మైన హాఫ్ సెంచ‌రీతో చెల‌రేగాడు. 175 ప‌రుగుల ల‌క్ష్య చేధ‌నలో కోహ్లి త‌న క్లాస్ చూపించాడు. కేకేఆర్ బౌల‌ర్ల‌ను కింగ్ కోహ్లి ఓ ఆట ఆడేసుకున్నాడు.విరాట్ మ‌రో ఓపెన‌ర్ ఫిల్ సాల్ట్‌తో స్కోర్ బోర్డున ప‌రుగులు పెట్టించాడు. ఆఖ‌రి వ‌ర‌కు క్రీజులో ఉండి మ్యాచ్‌ను ముగించాడు. విరాట్ 36 బంతుల్లో 4 ఫోర్లు, 3 సిక్స్‌ల‌తో 59 ప‌రుగులు చేసి ఆజేయంగా నిలిచాడు. కోహ్లికి ఇది 55వ హాఫ్ సెంచ‌రీ కావ‌డం విశేషం. ఇక ఈ మ్యాచ్‌లో హాఫ్ సెంచ‌రీతో మెరిసిన కోహ్లి పలు అరుదైన రికార్డులను త‌న పేరిట లిఖించుకున్నాడు.చరిత్ర సృష్టించిన కోహ్లి..👉విరాట్‌ కోహ్లికి ఇది 400వ టీ20 మ్యాచ్‌ కావడం గమనార్హం. తద్వారా టీ20 ఫార్మాట్‌లో 400 మ్యాచ్ లు ఆడిన మూడో భారత ఆటగాడిగా కోహ్లి నిలిచాడు. రోహిత్ శర్మ (448), దినేశ్ కార్తీక్ (412) తొలి రెండు స్థానాల్లో కొనసాగుతున్నారు. కాగా భారత్‌ తరపున 125 మ్యాచ్‌లు ఆడిన కోహ్లి..ఆర్సీబీ తరపున 268 మ్యాచ్ లాడాడు.👉ఐపీఎల్‌లో ​​కేకేఆర్‌పై 1000 పరుగుల మైలు రాయిని అందుకున్న మూడో క్రికెటర్‌గా కోహ్లి నిలిచాడు. కేకేఆర్ పై అత్య‌ధిక ప‌రుగులు సాధించిన ఆట‌గాళ్ల జాబితాలో ఆసీస్ స్టార్ ఓపెనర్‌ డేవిడ్ వార్న‌ర్ అగ్ర‌స్థానంలో ఉన్నాడు. వార్న‌ర్ 28 ఇన్నింగ్స్‌ల్లో 43.72 స‌గ‌టుతో 1,093 ప‌రుగులు చేశాడు. రెండో స్థానంలో ముంబై ఇండియ‌న్స్ స్టార్ ఆట‌గాడు రోహిత్ శ‌ర్మ ఉన్నాడు. హిట్‌మ్యాన్ 34 ఇన్నింగ్స్‌ల్లో 39.62 స‌గ‌టుతో 1,070 ప‌రుగులు చేశాడు.👉ఐపీఎల్ చ‌రిత్ర‌లో నాలుగు జ‌ట్ల‌పై 1000 ప‌రుగులు పూర్తి చేసుకున్న తొలి క్రికెట‌ర్‌గా విరాట్ రికార్డుల‌కెక్కాడు. ఢిల్లీ క్యాపిటల్స్, చెన్నై సూపర్ కింగ్స్, పంజాబ్ కింగ్స్, కోల్‌కతా నైట్ రైడర్స్ జట్లపై 1000కి పైగా ర‌న్స్ చేశాడు. ఇక మ్యాచ్‌లో కేకేఆర్‌పై 7 వికెట్ల తేడాతో ఆర్సీబీ ఘన విజయం సాధించింది.చదవండి: IPL 2025: కృనాల్ సూపర్ బాల్‌.. రూ.23 కోట్ల ఆటగాడికి ఫ్యూజ్‌లు ఔట్‌! వీడియో

ఐపీఎల్‌-2025లో రాయల్ ఛాలెంజర్స్ బెంగళూరు శుభారంభం చేసింది. ఈ టోర్నీలో భాగంగా ఈడెన్ గార్డెన్స్ వేదికగా కోల్‌కతా నైట్‌రైడర్స్‌తో జరిగిన తొలి మ్యాచ్‌లో 7 వికెట్ల తేడాతో ఆర్సీబీ ఘన విజయం సాధించింది. ఈ మ్యాచ్‌లో తొలుత బ్యాటింగ్ చేసిన కేకేఆర్ నిర్ణీత 20 ఓవర్లలో 8 వికెట్ల నష్టానికి 174 పరుగులు చేసింది. ఆరంభంలోనే క్వింటన్ డికాక్ వికెట్ కోల్పోయినప్పటికి కేకేఆర్ కెప్టెన్ అజింక్య రహానే(31 బంతుల్లో 6 ఫోర్లు, 4 సిక్స్‌లతో 56), సునీల్ నరైన్‌(26 బంతుల్లో 44) అద్బుతమైన ఇన్నింగ్స్‌లు ఆడారు.వీరితో పాటు రఘువంశీ(30) పరుగులతో రాణించాడు. డికాక్‌తో పాటు వెంకటేశ్ అయ్యర్‌(6), అండ్రీ రస్సెల్‌(4), రింకూ సింగ్‌(12) తీవ్ర నిరాశపరిచారు. ఆర్సీబీ బౌలర్లలో కృనాల్ పాండ్యా మూడు వికెట్లతో సత్తాచాటగా.. హాజిల్ వుడ్ రెండు, రసీఖ్ ధార్ సలీం, యశ్‌దయాల్ తలా వికెట్ సాధించారు.కోహ్లి, సాల్ట్ విధ్వంసం..175 పరుగుల లక్ష్యాన్ని ఆర్సీబీ కేవలం మూడు వికెట్లు మాత్రమే కోల్పోయి 16.2 ఓవర్లలో చేధించింది. ఆర్సీబీ బ్యాటర్లలో విరాట్‌ కోహ్లి(59 నాటౌట్‌) టాప్‌ స్కోరర్‌గా నిలవగా.. ఫిల్‌సాల్ట్‌(31 బంతుల్లో 56), పాటిదార్‌(16 బంతుల్లో 34) మెరుపు ఇన్నింగ్స్‌ ఆడారు. పవర్‌ప్లేలో కోహ్లి, సాల్ట్ చాలా దూకుడుగా ఆడారు.వీరిద్దరి విధ్వంసం ఫలితంగా ఆర్సీబీ స్కోర్ ఆరు ఓవర్లలోనే 80 పరుగులు దాటేసింది. ఇక​ కేకేఆర్ బౌలర్లలో వరుణ్ చక్రవర్తి, వైభవ్ అరోరా,సునీల్ నరైన్ తలా వికెట్ సాధించారు. ఆర్సీబీ స్టార్‌ ఆల్‌రౌండర్‌ కృనాల్‌ పాండ్యాకు ప్లేయర్‌ ఆప్‌ది మ్యాచ్‌ అవార్డు దక్కింది.చదవండి: IPL 2025: కృనాల్ సూపర్ బాల్‌.. రూ.23 కోట్ల ఆటగాడికి ఫ్యూజ్‌లు ఔట్‌! వీడియో

ఐపీఎల్‌-2025 సీజ‌న్ అట్ట‌హాసంగా ప్రారంభ‌మైంది. ఈడెన్‌ గార్డెన్స్ వేదిక‌గా కోల్‌క‌తా నైట్‌రైడ‌ర్స్‌తో జరిగిన తొలి మ్యాచ్‌లో 7 వికెట్ల తేడాతో రాయ‌ల్ ఛాలెంజ‌ర్స్ బెంగ‌ళూరు ఘనవిజయం సాధించింది. 175 పరుగుల లక్ష్యాన్ని ఆర్సీబీ కేవలం మూడు వికెట్లు మాత్రమే కోల్పోయి చేధించింది. ఆర్సీబీ బ్యాటర్లలో విరాట్‌ కోహ్లి(59), ఫిల్‌ సాల్ట్‌(56) హాఫ్‌ సెంచరీలతో మెరిశారు. అయితే ఈ మ్యాచ్‌తో టీమిండియా వెట‌రన్ పేస‌ర్ భువ‌నేశ్వ‌ర్ కుమార్ ఆర్సీబీ తరపున రీ ఎంట్రీ ఇస్తాడని అంతా భావించారు. కానీ ఆర్సీబీ తుది జ‌ట్టులో భువీ చోటు ద‌క్క‌క‌పోవ‌డం అభిమానులను ఆశ్చ‌ర్య‌ప‌రిచింది.దీంతో భువీని ఎందుకు అవ‌కాశ‌మివ్వలేద‌న్న చ‌ర్చ సోష‌ల్ మీడియాలో మొదలైంది. ఈ క్ర‌మంలో తొలి మ్యాచ్‌లో భువనేశ్వ‌ర్‌ ఆడకపోవ‌డంపై ఆర్సీబీ మెనెజ్‌మెంట్ అప్‌డేట్ ఇచ్చింది. భువ‌నేశ్వ‌ర్ ప్ర‌స్తుతం స్వ‌ల్ప గాయంతో బాధ‌ప‌డుతున్న‌ట్లు ఆర్సీబీ తెలిపింది. అతి త్వరలోనే అతడు జట్టులోకి వస్తాడని ఆర్సీబీ పేర్కొంది. భువీ స్ధానంలో యువ పేస‌ర్ రసిఖ్ దార్ సలీమ్ తుది జ‌ట్టులోకి వ‌చ్చాడు. ఐపీఎల్‌-2025 వేలంలో రూ. 10.75 భారీ ధరకు భువనేశ్వర్‌ను ఆర్సీబీ కొనుగోలు చేసింది.తుది జట్లురాయల్ ఛాలెంజర్స్ బెంగళూరు (ప్లేయింగ్ XI): విరాట్ కోహ్లీ, ఫిలిప్ సాల్ట్(వికెట్ కీపర్‌), రజత్ పాటిదార్(కెప్టెన్‌), లియామ్ లివింగ్‌స్టోన్, జితేష్ శర్మ, టిమ్ డేవిడ్, కృనాల్ పాండ్యా, రసిఖ్ దార్ సలామ్, సుయాష్ శర్మ, జోష్ హేజిల్‌వుడ్, యష్ దయాల్కోల్‌కతా నైట్ రైడర్స్ (ప్లేయింగ్ XI): క్వింటన్ డి కాక్(వికెట్‌), వెంకటేష్ అయ్యర్, అజింక్యా రహానే(కెప్టెన్‌​), రింకు సింగ్, అంగ్క్రిష్ రఘువంశీ, సునీల్ నరైన్, ఆండ్రీ రస్సెల్, రమణదీప్ సింగ్, స్పెన్సర్ జాన్సన్, హర్షిత్ రాణా, వరుణ్ చక్రవర్తి

ఐపీఎల్‌-2025లో ఈడెన్‌గార్డెన్స్ వేదిక‌గా రాయల్ ఛాలెంజర్స్ బెంగళూరుతో జరుగుతున్న మ్యాచ్‌లో కోల్‌క‌తా నైట్‌రైడ‌ర్స్ ఆటగాడు వెంకటేశ్ అయ్యర్ తీవ్ర నిరాశపరిచాడు. నాలుగో స్దానంలో బ్యాటింగ్‌కు వచ్చిన అయ్యర్‌.. కేవలం 6 పరుగులు మాత్రమే చేసి ఔటయ్యాడు. ఆర్సీబీ స్పిన్నర్‌ కృనాల్ పాండ్యా అద్భుతమైన బంతితో అయ్యర్‌ను బోల్తా కొట్టించాడు. కేకేఆర్ ఇన్నింగ్స్ 13వ ఓవర్ వేసిన కృనాల్‌.. తొలి బంతిని వెంకటేశ్‌కు లెంగ్త్ డెలివరీగా సంధించాడు.ఆ బంతిని అయ్యర్ డిఫెన్స్ ఆడే ప్రయత్నం చేశాడు. కానీ కృనాల్ ఎక్కువ వేగంతో బంతిని సంధించడంతో.. అది అయ్యర్ బ్యాట్‌, ప్యాడ్ మధ్యలో నుంచి వెళ్లి స్టంప్స్‌ను గిరాటేసింది. దీంతో వెంకటేశ్ అయ్యర్ ఒక్కసారిగా బిత్తరపోయాడు. ఇందుకు సంబంధించిన వీడియో ప్రస్తుతం సోషల్ మీడియాలో వైరలవుతోంది. ఆ తర్వాత రింకూ సింగ్‌ను కూడా ఇదే తరహా బంతితో పాండ్యా బోల్తా కొట్టించాడు. ఓవరాల్‌గా ఈ మ్యాచ్‌లో పాండ్యా మూడు వికెట్లు పడగొట్టాడు.అయ్యర్‌పై భారీ ధర..కాగా ఐపీఎల్‌-2025 మెగా వేలంలో వెంక‌టేశ్ అయ్య‌ర్‌పై కేకేఆర్ భారీ ధ‌ర వెచ్చింది. అత‌డిని ఏకంగా రూ. 23.75 కోట్లకు కొనుగోలు చేసింది. కేకేఆర్ తీసుకున్న ఈ నిర్ణ‌యం అంద‌రిని ఆశ్చ‌ర్య‌ప‌రిచింది. అంతేకాకుండా త‌మ జ‌ట్టు వైస్ కెప్టెన్సీని కూడా కేకేఆర్ అప్ప‌గించింది. కానీ వెంకటేశ్‌ మాత్రం మొదటి మ్యాచ్‌లో తన మార్క్‌ను చూపించలేకపోయాడు.ఆర్సీబీ ఘనవిజయం..కాగా ఈ మ్యాచ్‌లో కేకేఆర్‌పై ఆర్సీబీ 7 వికెట్ల తేడాతో ఘన విజయం సాధించింది.175 పరుగుల లక్ష్యాన్ని ఆర్సీబీ కేవలం మూడు వికెట్లు మాత్రమే కోల్పోయి 16.2 ఓవర్లలో చేధించింది. ఆర్సీబీ బ్యాటర్లలో విరాట్‌ కోహ్లి(59) టాప్‌ స్కోరర్‌గా నిలవగా.. ఫిల్‌సాల్ట్‌(31 బంతుల్లో 56), పాటిదార్‌(16 బంతుల్లో 34) మెరుపు ఇన్నింగ్స్‌ ఆడారు. కేకేఆర్ బౌలర్లలో వరుణ్ చక్రవర్తి, వైభవ్ అరోరా,సునీల్ నరైన్ తలా వికెట్ సాధించారు.ఇక తొలుత బ్యాటింగ్‌ చేసిన కేకేఆర్‌ నిర్ణీత 20 ఓవర్లలో 8 వికెట్ల నష్టానికి 174 పరుగులు చేసింది. కేకేఆర్‌ బ్యాటర్లలో అజింక్య రహానే(56) టాప్‌ స్కోరర్‌గా నిలవగా.. సునీల్‌ నరైన్‌(44),రఘువంశీ(30) రాణించారు. ఆర్సీబీ బౌలర్లలో కృనాల్‌ మూడు వికెట్లు పడగొట్టగా.. యశ్‌ దయాల్‌, సుయాష్‌ శర్మ, సలీం​ తలా వికెట్‌ సాధించారు.చదవండి: IPL 2025: అజింక్య ర‌హానే విధ్వంసం.. కేవ‌లం 25 బంతుల్లోనే! వీడియో వైరల్‌pic.twitter.com/b5mlBsskAg— kuchnahi123@12345678 (@kuchnahi1269083) March 22, 2025

ఐపీఎల్‌-2025లో తొలి హాఫ్ సెంచరీ నమోదైంది. ఈడెన్ గార్డెన్స్ వేదికగా రాయల్ ఛాలెంజర్స్ బెంగళూరుతో జరుగుతున్న మ్యాచ్‌లో కోల్‌కతా నైట్‌రైడర్స్ కెప్టెన్ అజింక్య రహానే అద్భుతమైన హాఫ్ సెంచరీతో మెరిశాడు. తొలి ఓవర్‌లోనే క్రీజులోకి వచ్చిన రహానే.. ఆరంభం నుంచే ఆర్సీబీ బౌలర్లపై విరుచుపడ్డాడు.తనదైన శైలిలో స్టైల్లో షాట్లు ఆడుతూ అభిమానులను అలరించాడు. ఈడెన్ గార్డెన్స్ మైదానంలో బౌండరీల వర్షం కురిపించాడు. ఈ క్రమంలో రహానే కేవలం 25 బంతుల్లో తన హాఫ్ సెంచరీ మార్క్‌ను అందుకున్నాడు. ఓవ‌రాల్‌గా 31 బంతులు ఎదుర్కొన్న రహానే.. 4 ఫోర్లు, 6 సిక్స్‌లతో 56 పరుగులు చేసి ఔటయ్యాడు. కృనాల్‌ పాండ్యా బౌలింగ్‌లో భారీ షాట్‌కు ప్రయత్నించి ఔటయ్యాడు.రహానే అరుదైన రికార్డు..కాగా ఈ మ్యాచ్‌తో ర‌హానే ఓ అరుదైన ఘ‌న‌త‌ను త‌న పేరిట లిఖించుకున్నాడు. ఐపీఎల్ చరిత్రలోనే మూడు ఫ్రాంచైజీలకు సారథిగా వ్యవహరించిన తొలి భారత ఆటగాడిగా ర‌హానే రికార్డుల‌కెక్కాడు. రహానే తొలిసారిగా 2017 ఐపీఎల్‌ సీజన్‌లో రైజింగ్ పూణే సూపర్‌జెయింట్ (RPS) జట్టుకు సారథిగా వ్యవహరించాడు. ఆ త‌ర్వాత ఐపీఎల్‌-2019లో రాజ‌స్తాన్ రాయ‌ల్స్‌కు నాయ‌క‌త్వం వ‌హించిన ర‌హానే.. ఇప్పుడు మ‌ళ్లీ కేకేఆర్ జ‌ట్టును ముందుండి న‌డిపిస్తున్నాడు. దీంతో ఈ రికార్డును తన ఖాతాలో వేసుకున్నాడు. అయితే ఐపీఎల్‌-2025లో మెగా వేలంలో ర‌హానేను కేవ‌లం రూ. 1.5 కోట్ల‌కు కొనుగోలు చేసింది. తొలి రౌండ్‌లో అమ్ముడుపోని ర‌హానే ఆఖ‌రి రౌండ్‌లో కేకేఆర్ సొంతం చేసుకుంది. Proud of You My Man Sir AJINKYA RAHANE 🥹❤️🫡 pic.twitter.com/VeNXSmW2n1— Malay 🇮🇳❤ (@malay_chasta) March 22, 2025

పదిహేడు సీజన్లు విజయంతంగా పూర్తి చేసుకున్న ఇండియన్‌ ప్రీమియర్‌ లీగ్‌ (IPL) మరోసారి అభిమానులకు కనువిందు చేసేందుకు సిద్ధమైంది. పొట్టి ఫార్మాట్‌ క్రికెట్‌లోని అసలైన మజాను అందించేందుకు.. రెండు నెలలకు పైగా వినోదం అందించేందుకు సిద్ధంగా ఉంది. కోల్‌కతా- బెంగళూరు మధ్య మ్యాచ్‌తో మార్చి 22న మొదలుకానున్న ఐపీఎల్‌-2025 సీజన్‌ మే 25న ఫైనల్‌తో ముగియనుంది.ఈ నేపథ్యంలో ఇప్పటికే ప్లే ఆఫ్స్‌ చేరే జట్లు, విజేత, ఆరెంజ్‌ క్యాప్‌, పర్పుల్‌ క్యాప్‌ విజేతలపై మాజీ క్రికెటర్లు తమ అంచనాలు తెలియజేస్తున్నారు. ఈసారి ముంబై ఇండియన్స్‌ గెలిచే అవకాశాలు ఎక్కువగా ఉన్నాయని ఇంగ్లండ్‌ మాజీ కెప్టెన్‌ మైకేల్‌ వాన్‌ అంచనా వేశాడు.మరోవైపు.. ముంబై ఇండియన్స్‌, గుజరాత్‌ టైటాన్స్‌, కోల్‌కతా నైట్‌ రైడర్స్‌, రాయల్‌ చాలెంజర్స్‌ బెంగళూరు ప్లే ఆఫ్స్‌ చేరతాయని సౌతాఫ్రికా దిగ్గజ బ్యాటర్‌ ఏబీ డివిలియర్స్‌ జోస్యం చెప్పాడు. ఈ క్రమంలో టీమిండియా మాజీ ఓపెనర్‌ వసీం జాఫర్‌ ఆరెంజ్‌ క్యాప్‌, పర్పుల్‌ విజేతలపై తన అంచనా తెలియజేశాడు.‘‘ఐపీఎల్‌ సందడి మొదలైపోయింది. మీ ఆరెంజ్‌ క్యాప్‌, పర్పుల్‌ క్యాప్‌ విన్నర్లు ఎవరు? నేనైతే ఐపీఎల్‌-2025లో సాయి సుదర్శన్‌, అర్ష్‌దీప్‌ సింగ్‌లకు ఓటు వేస్తా’’ అని వసీం జాఫర్‌ ఎక్స్‌ వేదికగా పేర్కొన్నాడు. కాగా తమిళనాడుకు చెందిన సాయి సుదర్శన్‌ గతేడాది గుజరాత్‌ టైటాన్స్‌కు ఆడాడు.ఐపీఎల్‌-2024లో ఈ 23 ఏళ్ల ఎడమచేతి వాటం బ్యాటర్‌.. 12 ఇన్నింగ్స్‌ ఆడి ఏకంగా 527 పరుగులు రాబట్టాడు. ఇందులో ఓ శతకం కూడా ఉండటం విశేషం. టైటాన్స్‌ తరఫున టాప్‌ రన్‌ స్కోరర్‌గా నిలవడంతో పాటు.. అత్యధిక పరుగుల వీరుల జాబితాలో ఆరో స్థానంలో నిలిచాడు.ఈ మేర అద్భుత ప్రదర్శన కనబరిచిన చెన్నై చిన్నోడు సాయి సుదర్శన్‌ను మెగా వేలానికి ముందు గుజరాత్‌ టైటాన్స్‌ ఏకంగా రూ. 8.50 కోట్లకు రిటైన్‌ చేసుకుంది. మరోవైపు.. టీమిండియా టీ20 స్పెషలిస్టు, భారత్‌ తరఫున పొట్టి ఫార్మాట్లో అత్యధిక వికెట్ల వీరుడిగా ఉన్న అర్ష్‌దీప్‌ సింగ్‌.. గతేడాది పంజాబ్‌ కింగ్స్‌కు ఆడాడు.మొత్తంగా 14 మ్యాచ్‌లలో కలిపి 10.03 ఎకానమీ రేటుతో ఏకంగా పందొమ్మిది వికెట్లు కూల్చాడు. కానీ.. మెగా వేలానికి ముందు పంజాబ్‌ ఈ లెఫ్టార్మ్‌ పేసర్‌ను రిటైన్‌ చేసుకోలేదు. ​అయితే, వేలంపాటలో రూ. 18 కోట్ల మొత్తానికి రైట్‌-టు- మ్యాచ్‌ కార్డు (వేరే ఫ్రాంఛైజీ సొంతం చేసుకునే ముందు.. అంతే మొత్తానికి తిరిగి దక్కించుకునే అవకాశం) ఉపయోగించి మళ్లీ అతడిని తమ జట్టులో చేర్చుకుంది.ఇదిలా ఉంటే.. ఐపీఎల్‌-2024లో ఆర్సీబీ సూపర్‌ స్టార్‌ విరాట్‌ కోహ్లి 741 పరుగులతో ఆరెంజ్‌ క్యాప్‌ సొంతం చేసుకోగా.. హర్షల్‌ పటేల్‌(పంజాబ్‌ కింగ్స్‌) 24 వికెట్లతో పర్పుల్‌ క్యాప్‌ గెలుచుకున్నాడు. అంతకుముందు శుబ్‌మన్‌ గిల్‌(గుజరాత్‌ టైటాన్స్‌) 890 పరుగులతో అత్యధిక పరుగుల వీరుడిగా నిలవగా.. మహ్మద్‌ షమీ (గుజరాత్‌ టైటాన్స్‌) తరఫున 28 వికెట్లు తీసి అత్యధిక వికెట్ల వీరుడిగా నిలిచాడు.

ఇంగ్లండ్ మ‌హిళ‌ల జ‌ట్టు కెప్టెన్ హీథ‌ర్ నైట్ సంచ‌ల‌న నిర్ణ‌యం తీసుకుంది. కెప్టెన్సీ నుంచి హీథ‌ర్ నైట్ త‌ప్పుకుంది.ఈ విష‌యాన్ని ఇంగ్లండ్ వేల్స్ క్రికెట్ బోర్డు ధ్రువీక‌రించింది. "ఇంగ్లండ్ మహిళల జట్టు కెప్టెన్సీ పదవి నుంచి హీథర్ నైట్ వైదొలిగింది. 9 ఏళ్ల పాటు కెప్టెన్ సేవ‌లు అందించినందుకు థాంక్యూ నైట్" అని ఈసీబీఎక్స్‌లో పేర్కొంది.2016లో కెప్టెన్‌గా ఎంపికైన హీథర్ నైట్.. 199 మ్యాచ్‌ల్లో ఇంగ్లండ్ ఉమెన్స్ టీమ్‌ను ముం‍దుండి నడిపించింది. ఆమె సార‌థ్యంలోనే 2017 వ‌న్డే ప్ర‌పంచ‌క‌ప్‌ను ఇంగ్లండ్ గెలుచుకుంది. అంతేకాకుండా ఇంగ్లండ్ జ‌ట్టును ఐసీసీ టోర్న‌మెంట్ల‌లో ఫైన‌ల్‌కు కూడా నైట్ చేర్చింది.కాగా ఇంగ్లండ్ మ‌హిళ‌ల క్రికెట్ చ‌రిత్ర‌లో హీథ‌ర్ నైట్ త‌న పేరును సువ‌ర్ణ అక్ష‌రాల‌తో లిఖించుకుంది. 199 మ్యాచ్‌ల్లో ఇంగ్లండ్ జ‌ట్టుకు సార‌థ్యం వ‌హించిన నైట్‌.. 134 మ్యాచ్‌ల్లో త‌న జ‌ట్టుకు అద్బుత‌మైన విజ‌యాల‌ను అందించింది. ఆమె వ‌రుస‌గా రికార్డు స్దాయిలో ఎనిమిది వన్డే సిరీస్‌ల‌ను ఇంగ్లండ్‌కు అందించింది.అయితే ఇటీవ‌ల కాలంలో మాత్రం నైట్ సార‌థ్యంలోని ఇంగ్లండ్ జ‌ట్టు దారుణ ప్ర‌ద‌ర్శ‌న క‌న‌బ‌రిచింది. గ‌తేడాది యూఏఈ వేదిక‌గా జ‌రిగిన టీ20 ప్ర‌పంచ‌క‌ప్‌లో గ్రూపు స్టేజిలోనే ఇంగ్లీష్ జ‌ట్టు ఇంటిముఖం ప‌ట్టింది. ఆ త‌ర్వాత యాషెస్ సిరీస్‌లో కూడా అదే తీరును ఇంగ్లండ్‌ను క‌న‌బ‌రిచింది. ఈ క్రమంలోనే ఇంగ్లండ్‌ జట్టు పగ్గాల నుంచి ఆమె తప్పుకుంది. ఇంగ్లండ్‌ కొత్త కెప్టెన్‌గా నాట్‌ స్కీవర్‌ బ్రంట్‌ ఎంపికయ్యే ఛాన్స్‌ ఉంది.చదవండి: IPL 2025: ఈసారి ఆరెంజ్‌ క్యాప్‌, పర్పుల్‌ క్యాప్‌ విజేతలు వీరే!

ఇండియన్‌ ప్రీమియర్‌ లీగ్‌ (IPL)- 2025 ఆరంభ వేడుకలు అట్టహాసంగా సాగాయి. కోల్‌కతాలోని ‍ప్రఖ్యాత ఈడెన్‌ గార్డెన్స్‌ మైదానంలో బాలీవుడ్‌ సెలబ్రిటీలు తమ ఆట, పాటలతో ప్రేక్షకులను ఉర్రూతలూగించారు.Photo Courtesy: BCCI/IPLడిఫెండింగ్‌ చాంపియన్‌ కోల్‌కతా నైట్‌ రైడర్స్‌(కేకేఆర్‌) జట్టు సహ యజమాని, బాలీవుడ్‌ బాద్‌ షా షారుఖ్‌ ఖాన్‌ మైదానంలో సందడి చేశౠడు. కేకేఆర్‌ కెప్టెన్‌ అజింక్య రహానే, రాయల్‌ చాలెంజర్స్‌ బెంగళూరు(ఆర్సీబీ) సారథి రజత్‌ పాటిదార్‌లతో కాసేపు ముచ్చటించాడు.Photo Courtesy: BCCI/IPLఅనంతరం వేదికపైకి వచ్చి తనదైన శైలిలో ప్రసంగించాడు. ప్రపంచవ్యాప్తంగా అత్యంత ప్రజాదరణ కలిగిన క్రికెట్‌ లీగ్‌గా వెలుగొందుతున్న ఐపీఎల్‌లో భాగం కావడం సంతోషంగా ఉందని షారుఖ్‌ హర్షం వ్యక్తం చేశాడు. ఆ తర్వాత ప్రముఖ సింగర్‌ శ్రేయా ఘోష​ల్‌ తన గాత్రంతో ప్రేక్షకులను సమ్మోహనపరిచింది. హిందీ పాటలతో పాటు పుష్ప-2 సినిమాలోని పాపులర్‌ సాంగ్‌ ..‘‘సూసేకి అగ్గిరవ్వ మాదిరి ఉంటాడే నా సామీ’’.. తెలుగులో పాడటం విశేషం.ఆ తర్వాత స్టార్‌ హీరోయిన్‌ దిశా పటానీ హుషారైన స్టెప్పులతో అభిమానులను ఉర్రూతలూగించింది.ఆ తర్వాత టీమిండియా, ఆర్సీబీ సూపర్‌స్టార్‌ విరాట్‌ కోహ్లిని షారుఖ్‌ స్టేజీ మీదకు ఆహ్వానించాడు. కోహ్లితో ముచ్చటించిన అనంతరం.. కేకేఆర్‌ యువ తార రింకూ సింగ్‌ను కూడా వేదిక మీదకు పిలిచాడు. ముగ్గురూ కలిసి కాసేపు స్టెప్పులు వేశారు. అనంతరం బీసీసీఐ అధ్యక్షుడు రోజర్‌ బిన్నీతో పాటు ఉపాధ్యక్షుడు రాజీవ్‌ శుక్లా, కార్యదర్శి దేవజిత్‌ సైకియా, ఐపీఎల్‌ చైర్మన్‌ అరుణ్‌ ధుమాల్‌లను వేదిక మీదకు ఆహ్వానించగా... ఐపీఎల్‌-18 కేక్‌ కట్‌ చేసి సంబరాలు చేసుకున్నారు.Photo Courtesy: BCCI/IPL

క్రికెట్‌ ప్రేక్షకులు ఎంతగానో ఎదురుచూస్తున్న ఐపీఎల్‌ కొత్త సీజన్‌ (IPL 2025) మొదలైంది. ఈడెన్‌ గార్డెన్స్‌ మైదానంలో అంగరంగ వైభవంగా ప్రారంభోత్సవ వేడుకలు జరుగుతున్నాయి. ఈ వేడుకల్లో మొదటగా స్టార్‌ హీరో షారూఖ్‌ ఖాన్‌ ప్రసంగించాడు. అనంతరం సింగర్‌ శ్రేయా ఘోషల్‌ (Shreya Ghoshal) తన గాత్రంతో అందరినీ మైమరిపించింది. బ్లాక్‌బస్టర్‌ హిందీ సాంగ్స్‌తో ఆడియన్స్‌లో జోష్‌ నింపింది. అలాగే అల్లు అర్జున్‌ బ్లాక్‌బస్టర్‌ మూవీ 'పుష్ప 2' (Pushpa 2: The Rule)లోని సూసేకి అగ్గిరవ్వ మాదిరి ఉంటాడే నా సామీ.. పాటను తెలుగులో పాడి అదరగొట్టింది.టాప్‌ సింగర్‌..శ్రేయా ఘోషల్‌ విషయానికి వస్తే.. ఈమె ఏ భాషలోనైనా ఇట్టే పాటలు పాడగలదు. తెలుగులో.. నువ్వేం మాయ చేశావో గానీ.. (ఒక్కడు), నమ్మిన నా మది.. (రాఘవేంద్ర), కోపమా నాపైనా.. (వర్షం), నీకోసం నీకోసం..(నేనున్నాను), అందాల శ్రీమతికి (సంక్రాంతికి), పిల్లగాలి అల్లరి (అతడు), జలజలజలపాతం నువ్వు.. (ఉప్పెన), సూసేకి అగ్గిరవ్వమాదిరి (పుష్ప 2), హైలెస్సో హైలెస్సా.. (తండేల్‌).. ఇలా చెప్పుకుంటూ పోతే వందలకొద్దీ పాటలు పాడింది.చదవండి: నాకు కోపమొస్తే తెలుగులోనే బూతులు తిడతా..: తమన్నా

IPL 2025 RCB vs KKR 1st Match Live Updates: బోణీ కొట్టిన ఆర్సీబీ..ఐపీఎల్‌-2025లో ఆర్సీబీ బోణీ కొట్టింది. ఈడెన్ గార్డెన్స్ వేదిక‌గా కోల్‌క‌తా నైట్‌రైడ‌ర్స్‌తో జ‌రిగిన తొలి మ్యాచ్‌లో 7 వికెట్ల తేడాతో ఆర్సీబీ విజ‌యం సాధించింది. 175 పరుగుల లక్ష్యాన్ని ఆర్సీబీ కేవలం మూడు వికెట్లు మాత్రమే కోల్పోయి 16.2 ఓవర్లలో చేధించింది. ఆర్సీబీ బ్యాటర్లలో విరాట్‌ కోహ్లి(59) టాప్‌ స్కోరర్‌గా నిలవగా.. ఫిల్‌సాల్ట్‌(31 బంతుల్లో 56), పాటిదార్‌(16 బంతుల్లో 34) మెరుపు ఇన్నింగ్స్‌ ఆడారు. కేకేఆర్ బౌలర్లలో వరుణ్ చక్రవర్తి, వైభవ్ అరోరా,సునీల్ నరైన్ తలా వికెట్ సాధించారు.విజయం దిశగా ఆర్సీబీ..తొలి మ్యాచ్‌లో ఆర్సీబీ విజయం దిశగా అడుగులు వేస్తోంది. 15 ఓవర్లు ముగిసే సరికి ఆర్సీబీ 2 వికెట్ల నష్టానికి 157 పరుగులు చేసింది. ఆర్సీబీ విజయానికి ఇంకా 18 పరుగులు కావాలి. క్రీజులో విరాట్‌ కోహ్లి(50), రజిత్‌ పాటిదార్‌(30) పరుగులతో ఉన్నారు.విరాట్‌ కోహ్లి హాఫ్‌ సెంచరీ..ఆర్సీబీ స్టార్‌ ప్లేయర్‌ విరాట్‌ కోహ్లి తన హాఫ్‌ సెంచరీ మార్క్‌ను అందుకున్నాడు. కేవలం 30 బంతుల్లోనే 4 ఫోర్లు, 3 సిక్స్‌లతో కోహ్లి హాఫ్‌ సెంచరీ సాధించాడు. కోహ్లి 54 పరుగులతో బ్యాటింగ్‌ కొనసాగిస్తున్నాడు. 13 ఓవర్లకు ఆర్సీబీ స్కోర్‌: 134/2తొలి వికెట్‌ డౌన్‌..95 పరుగుల వద్ద ఆర్సీబీ తొలి వికెట్‌ కోల్పోయింది. 56 పరుగులు చేసిన ఫిల్‌ సాల్ట్‌.. వరుణ్‌ చక్రవర్తి బౌలింగ్‌లో ఔటయ్యాడు. క్రీజులోకి దేవ్‌దత్త్‌ పడిక్కల్‌ వచ్చాడు. 9 ఓవర్లకు ఆర్సీబీ స్కోర్‌: 96/16 ఓవర్లకు ఆర్సీబీ స్కోర్‌: 80/06 ఓవర్లు ముగిసే సరికి ఆర్సీబీ వికెట్‌ నష్టపోకుండా 80 పరుగులు చేసింది. క్రీజులో ఫిల్‌ సాల్ట్‌(49), విరాట్‌ కోహ్లి(29) పరుగులతో ఉన్నారు.దూకుడుగా ఆడుతున్న ఆర్సీబీ..175 పరుగుల లక్ష్యంతో బరిలోకి దిగిన ఆర్సీబీ ఓపెనర్లు దూకుడుగా ఆడుతున్నారు. 3 ఓవర్లు ముగిసే సరికి ఆర్సీబీ వికెట్ నష్టపోకుండా 39 పరుగులు చేసింది. క్రీజులో ఫిల్ సాల్ట్‌(26), విరాట్ కోహ్లి(11) ఉన్నారు.రహానే హాఫ్‌ సెంచరీ.. ఆర్సీబీ టార్గెట్‌ ఎంతంటే?ఈడెన్‌ గార్డెన్స్‌ వేదికగా ఆర్సీబీతో జరుగుతున్న మ్యాచ్‌లో టాస్‌ ఓడి తొలుత బ్యాటింగ్‌ దిగిన కేకేఆర్‌ నిర్ణీత 20 ఓవర్లలో 8 వికెట్ల నష్టానికి 174 పరుగులు చేసింది. కేకేఆర్‌ బ్యాటర్లలో అజింక్య రహానే(56) టాప్‌ స్కోరర్‌గా నిలవగా.. సునీల్‌ నరైన్‌(44),రఘువంశీ(30) రాణించారు. ఆర్సీబీ బౌలర్లలో కృనాల్‌ మూడు వికెట్లు పడగొట్టగా.. యశ్‌ దయాల్‌, సుయాష్‌ శర్మ, సలీం​ తలా వికెట్‌ సాధించారు.173 పరుగుల వద్ద ఎనిమిదో వికెట్‌ కోల్పోయిన కేకేఆర్‌హర్షిత్‌ రానా(5) ఔట్‌ఏడో వికెట్‌ కోల్పోయిన కేకేఆర్‌168 పరుగుల వద్ద ఆర్సీబీ ఏడో వికెట్‌ కోల్పోయింది. 30 పరుగులు చేసిన రఘువంశీ యశ్‌ దయాల్‌ బౌలింగ్‌లో ఔటయ్యాడు.18 ఓవర్లు ముగిసే సరికి కేకేఆర్‌ స్కోర్‌ 165/618 ఓవర్లు ముగిసే సరికి కేకేఆర్‌ 6 వికెట్ల నష్టానికి 165 పరుగులు చేసింది. క్రీజ్‌లో రఘు వంశీ(28), రమణ్‌ దీప్‌ సింగ్‌(5) ఉన్నారు.కేకేఆర్‌ ఆరో వికెట్‌ డౌన్‌.. రస్సెల్‌ ఔట్‌రస్సెల్‌ రూపంలో కేకేఆర్‌ ఆరో వికెట్‌ కోల్పోయింది. 4 పరుగులు చేసిన రస్సెల్‌.. సుయాష్‌ బౌలింగ్‌లో క్లీన్‌ బౌల్డయ్యాడు.కృనాల్‌ సూపర్‌ బాల్‌.. రింకూ ఫ్యూజ్‌లు ఔట్‌కేకేఆర్‌ వరుస క్రమంలో వికెట్లు కోల్పోతుంది. 12 పరుగులు చేసిన రింకూ సింగ్‌.. కృనాల్‌ పాండ్యా బౌలింగ్‌లో క్లీన్‌ బౌల్డయ్యాడు. క్రీజులోకి అండ్రీ రస్సెల్‌ వచ్చాడు. 15 ఓవర్లకు కేకేఆర్‌ స్కోర్‌: 145/5నాలుగో వికెట్‌ డౌన్‌..వెంకటేశ్‌ అయ్యర్‌ రూపంలో కేకేఆర్‌ నాలుగో వికెట్‌ కోల్పోయింది. 6 పరుగులు చేసిన అయ్యర్‌.. కృనాల్‌ పాండ్యా బౌలింగ్‌లో క్లీన్‌ బౌల్డయ్యాడు. 14 ఓవర్లకు కేకేఆర్‌ స్కోర్‌: 141/4రహానే ఔట్‌..109 పరుగుల వద్ద కేకేఆర్‌ రెండో వికెట్‌ కోల్పోయింది. 56 పరుగులు చేసిన రహానే.. కృనాల్‌ పాండ్యా బౌలింగ్‌లో ఔటయ్యాడు. క్రీజులోకి రఘువన్షి వచ్చాడు. 11 ఓవర్లకు కేకేఆర్‌ స్కోర్‌: 110/3కేకేఆర్‌ రెండో వికెట్‌ డౌన్‌.. సునీల్‌ నరైన్‌ రూపంలో కేకేఆర్‌ రెండో వికెట్‌ కోల్పోయింది. 44 పరుగులు చేసిన నరైన్‌.. రసీఖ్‌ ధార్‌ సలీం బౌలింగ్‌లో ఔటయ్యాడు. క్రీజులోకి వెంకటేశ్‌ అయ్యర్‌ వచ్చాడు.రహానే హాఫ్‌ సెంచరీ..కేకేఆర్‌ కెప్టెన్‌ అజింక్య రహానే హాఫ్‌ సెంచరీతో మెరిశాడు. 54 పరుగులతో తన బ్యాటింగ్‌ను కొనసాగిస్తున్నాడు. అతడితో పాటు సునీల్‌ నరైన్‌(34) ఉన్నాడు. 9 ఓవర్లకు కేకేఆర్‌ స్కోర్‌: 96/1దూకుడుగా ఆడుతున్న రహానే..6 ఓవర్లు ముగిసే సరికి కేకేఆర్‌ వికెట్‌ నష్టానికి 60 పరుగులు చేసింది. కెప్టెన్‌ అజింక్య రహానే(39) దూకుడుగా ఆడుతున్నాడు.4 ఓవర్లకు కేకేఆర్‌ స్కోర్‌: 25/14 ఓవర్లు ముగిసే సరికి కేకేఆర్‌ వికెట్‌ నష్టానికి 25 పరుగులు చేసింది. క్రీజులో కెప్టెన్‌ అజింక్య రహానే(16), వెంకటేశ్‌ అయ్యర్‌(5) పరుగులతో ఉన్నారు.కేకేఆర్‌​ తొలి వికెట్‌ డౌన్‌..టాస్‌ ఓడి తొలుత బ్యాటింగ్‌కు దిగిన కేకేఆర్‌కు ఆదిలోనే బిగ్‌ షాక్‌ తగిలింది. జోష్‌ హాజిల్‌వుడ్‌​ తొలి ఓవర్‌లోనే కేకేఆర్‌ స్టార్‌ ఓపెనర్‌ క్వింటన్‌​ డికాక్‌(4)ను పెవిలియన్‌కు పంపాడు. క్రీజులోకి కెప్టెన్‌ అజింక్య రహానే వచ్చాడు.టాస్‌ గెలిచి బౌలింగ్‌ ఎంచుకున్న ఆర్సీబీ..ఐపీఎల్‌-2025 తొలి మ్యాచ్‌లో ఈడెన్ గార్డెన్స్ వేదిక‌గా కోల్‌క‌తా నైట్‌రైడర్స్‌, రాయల్ ఛాలెంజర్స్ బెంగళూరు జట్లు తలపడతున్నాయి. ఈ మ్యాచ్‌లో టాస్ గెలిచిన ఆర్సీబీ తొలుత బౌలింగ్ ఎంచుకుంది. తొలి పోరులో ఆర్సీబీ ముగ్గురు ఫాస్ట్ బౌలర్లు, ఇద్దరు స్పిన్నర్లతో బరిలోకి దిగింది.తుది జట్లురాయల్ ఛాలెంజర్స్ బెంగళూరు (ప్లేయింగ్ XI): విరాట్ కోహ్లీ, ఫిలిప్ సాల్ట్(వికెట్ కీపర్‌), రజత్ పాటిదార్(కెప్టెన్‌), లియామ్ లివింగ్‌స్టోన్, జితేష్ శర్మ, టిమ్ డేవిడ్, కృనాల్ పాండ్యా, రసిఖ్ దార్ సలామ్, సుయాష్ శర్మ, జోష్ హేజిల్‌వుడ్, యష్ దయాల్కోల్‌కతా నైట్ రైడర్స్ (ప్లేయింగ్ XI): క్వింటన్ డి కాక్(వికెట్‌), వెంకటేష్ అయ్యర్, అజింక్యా రహానే(కెప్టెన్‌​), రింకు సింగ్, అంగ్క్రిష్ రఘువంశీ, సునీల్ నరైన్, ఆండ్రీ రస్సెల్, రమణదీప్ సింగ్, స్పెన్సర్ జాన్సన్, హర్షిత్ రాణా, వరుణ్ చక్రవర్తి 👉ఐపీఎల్‌-18వ సీజన్‌ ట్రోఫీని ఆవిష్కరించిన ఆర్సీబీ కెప్టెన్‌ రజిత్‌ పాటిదార్‌, కేకేఆర్‌ కెప్టెన్‌ అజింక్య రహానే.👉షారుఖ్‌ ఖాన్‌తో కలిసి డ్యాన్స్‌ చేసిన విరాట్‌ కోహ్లి, రింకూ సింగ్‌👉 కోల్‌కతా జట్టు సహ యజమాని, బాలీవుడ్‌ బాద్‌ షా షారుఖ్‌ ఖాన్‌తో కలిసి ఆర్సీబీ స్టార్‌ విరాట్‌ కోహ్లి ప్రసంగిస్తున్నాడు. వీరితో కేకేఆర్‌ ఫినిషర్‌ రింకూ సింగ్‌ జతకట్టాడు.డ్యాన్స్‌తో అదరగొడుతున్న దిశాబాలీవుడ్ హీరోయిన్ దిశా పటానీ తన డ్యాన్స్‌తో అభిమానులను అలరిస్తోంది. ఈడెన్‌ గార్డెన్స్‌ స్టేడియం అభిమానులతో కిక్కిరిసిపోయింది.👉తన గాత్రంతో ప్రేక్షకులను మెస్మరైజ్‌ చేస్తున్న శ్రేయా ఘోషల్‌ఈడెన్‌ గార్డెన్స్‌లో ఐపీఎల్-2025 ఓపెనింగ్‌ సెర్మనీ వేడుకలు అట్టహాసంగా ప్రారంభమయ్యాయి. ప్రముఖ గాయని శ్రేయా ఘోషల్ (Shreya Ghoshal) తన గాత్రంతో అభిమానులను మంత్రముగ్ధులను చేస్తోంది. పుష్ఫ-2 సినిమాలోని ‘సూసేకి అగ్గిరవ్వ మాదిరి ఉంటాడే నా సామీ’ పాటను తెలుగులో పాడటం విశేషం.Shreya Ghosal is here. ❤️ pic.twitter.com/apPUNS1mG4— Kohlistic🔥 (@Kohlistic18) March 22, 2025👉ఈడెన్‌ గార్డెన్స్‌ షారుఖ్‌ ఖాన్‌ సందడిప్రఖ్యాత ఈడెన్‌ గార్డెన్స్‌ మైదానంలో డిఫెండింగ్‌ చాంపియన్‌ కోల్‌కతా జట్టు సహ యజమాని, బాలీవుడ్‌ బాద్‌ షా ప్రసంగించాడు. ప్రపంచంలోనే అత్యంత ప్రజాదరణ పొందిన లీగ్‌గా వెలుగొందిన క్రికెట్‌ లీగ్‌లో భాగం కావడం సంతోషంగా ఉందని హర్షం వ్యక్తం చేశాడు.👉మరి కాసేపటిలో ఓపెనింగ్‌ సెర్మనీఐపీఎల్ 2025 ప్రారంభోత్సవ వేడుకలు మరి కాసేపటిలో ప్రారంభం కానున్నాయి. ప్రముఖ గాయకులు శ్రేయా ఘోషల్, అర్జిత్ సింగ్, కరణ్ ఔజ్లా అభిమానులను అలరించేందుకు సిద్దమయ్యారు. వీరితో పాటు బాలీవుడ్ హీరోయిన్ దిశా పటానీ తన డ్యాన్స్ ప్రదర్శనతో అదరగొట్టబోతోంది. ఇందుకోసం వీరు నలుగురు కోల్‌కతాలోని ఈడెన్ గార్డెన్స్‌కు చేరుకున్నారు.👉ఐపీఎల్‌-2025కు సర్వం సిద్దం.. ఐపీఎల్‌-2025 సీజ‌న్‌కు మ‌రి కాసేప‌టిలో తెర‌లేవ‌నుంది. కోల్‌క‌తాలోని ఈడెన్ గార్డెన్స్ వేదిక‌గా డిఫెండింగ్ ఛాంపియ‌న్ కోల్‌క‌తా నైట్‌రైడ‌ర్స్- రాయల్‌ చాలెంజర్స్‌ బెంగళూరు జ‌ట్లు త‌ల‌ప‌డ‌నున్నాయి. ఈ మ్యాచ్‌లో ఎలాగైనా గెలిచి శుభారంభం చేయాల‌ని ఇరు జ‌ట్లు భావిస్తున్నాయి. రాత్రి ఏడు గంటలకు టాస్‌ పడనుంది. 👉స్టేడియానికి చేరుకున్న ఇరు జట్లుఇక తొలి మ్యాచ్ కోసం కేకేఆర్‌, ఆర్సీబీ జట్లు ఈడెన్‌గార్డెన్స్ మైదానానికి చేరుకున్నాయి. ఫ్యాన్స్ కూడా భారీగా తరలివస్తున్నారు. ఈడెన్‌గార్డెన్స్ వద్ద సందడి వాతావరణం నెలకొంది.👉అభిమానులకు గుడ్‌న్యూస్‌కోల్‌క‌తాలో గ‌త రెండు రోజులగా వ‌ర్షాలు కురుస్తున్న సంగ‌తి తెలిసిందే. దీంతో తొలి మ్యాచ్‌కు వ‌రుణుడు అడ్డింకిగా మారుతాడో ఏమో అని అభిమానులు ఆందోళ‌ను చెందుతున్నారు. అయితే ఐపీఎల్ ల‌వ‌ర్స్‌కు ఓ గుడ్ న్యూస్‌. ప్ర‌స్తుతం కోల్‌క‌తాలో వ‌ర్షం ప‌డ‌డం లేదు. ఆకాశం మేఘావృతం ఉన్నప్పటికి వాతావరణం పొడిగా ఉంది.Reached Eden garden.. kya mast dikh rha hai yaar stadium#KKRvsRCB #KKRvsRCB pic.twitter.com/adGP1GcRhl— Ajay anshu (@Ajayanshu5) March 22, 2025

ద‌క్షిణాఫ్రికా క్రికెట్ జ‌ట్టు ఈ ఏడాది ఆఖ‌రిలో భార‌త ప‌ర్య‌ట‌న‌కు రానుంది. ఈ టూర్‌లో భాగంగా సౌతాఫ్రికా ఆతిథ్య టీమిండియాతో రెండు టెస్టులు, మూడు వ‌న్డేలు, ఐదు టీ20ల సిరీస్‌లో త‌ల‌ప‌డ‌నుంది. ఈ క్ర‌మంలో ఈ సిరీస్‌ల‌కు సంబంధించిన షెడ్యూల్‌ను ఇరు దేశాల క్రికెట్ బోర్డులు ఖారారు చేసిన‌ట్లు తెలుస్తోంది. బీసీసీ వ‌ర్గాల స‌మాచారం ప్ర‌కారం.. టెస్టు సిరీస్‌తో ప్రోటీస్ జట్టు భారత పర్యటన ప్రారంభం కానుంది. ఢిల్లీలోని అరుణ్‌జైట్లీ స్టేడియం వేదిక‌గా తొలి టెస్టు జ‌ర‌గ‌నుంది. అయితే ఈ మ్యాచ్‌కు సంబంధించిన తేదీల‌ను ఇంకా వెల్ల‌డించ‌లేదు. ఇక రెండో టెస్టు మాత్రం గౌహ‌తిలోని బర్సాపర క్రికెట్ స్టేడియం వేదికగా నవంబర్ 22 నుండి నవంబర్ 26 వరకు జరగనుంది. గౌహతి టెస్ట్ మ్యాచ్‌కు ఆతిథ్యం ఇవ్వడం ఇదే తొలిసారి కావడం విశేషం. అనంతరం నవంబ‌ర్ 30న రాంఛీ వేదిక‌గా జ‌ర‌గ‌నున్న తొలి వ‌న్డేతో వైట్‌బాల్ సిరీస్‌ ప్రారంభం కానుంది. రెండో వ‌న్డే డిసెంబ‌ర్ 3న రాయ్‌పూర్‌, మూడో వ‌న్డే డిసెంబ‌ర్ 6న వైజాగ్ వేదిక‌ల‌గా జ‌ర‌గ‌నుంది.మరో టీ20 వ‌ర‌ల్డ్‌క‌ప్‌పై క‌న్ను..ఐపీఎల్‌-2025 ముగిసిన త‌ర్వాత టీమిండియా టీ20 వ‌ర‌ల్డ్‌క‌ప్‌-2026కు స‌న్న‌ద్దం కానుంది. వ‌చ్చే ఏడాది ఆరంభంలో జ‌ర‌గ‌నున్న పొట్టి ప్ర‌పంచ‌క‌ప్‌ను దృష్టిలో పెట్టుకుని బీసీసీఐ ఎక్కువగా టీ20 సిరీస్‌లను షెడ్యూల్ చేసింది. ఈ మెగా టోర్నీకి ముందు భారత జట్టు ఏకంగా 23 టీ20 మ్యాచ్‌లు ఆడనుంది. ఇందులో భాగంగానే స్వదేశంలో సౌతాఫ్రికాతో ఐదు మ్యాచ్‌ల టీ20 సిరీస్‌లో టీమిండియా అమీతుమీ తెల్చుకోనుంది. డిసెంబర్ 9న కటక్ వేదికగా జరగనున్న తొలి టీ20తో ఈ సిరీస్ ప్రారంభం కానుంది.భారత్ వర్సెస్ సౌతాఫ్రికా టెస్టు సిరీస్‌తొలి టెస్టు: - : ఢిల్లీలోని అరుణ్‌ జైట్లీ స్టేడియంరెండో టెస్టు: నవంబర్ 22 నుండి నవంబర్ 26-గౌహతిభారత్ వర్సెస్ సౌతాఫ్రికా వన్డే సిరీస్:నవంబర్ 30: రాంచీడిసెంబర్ 3: రాయ్‌పూర్‌డిసెంబర్ 6: వైజాగ్భారత్ vs సౌతాఫ్రికా T20I సిరీస్:1st T20I: డిసెంబర్ 9: కటక్2nd T20I: డిసెంబర్ 11: నాగ్‌పూర్3rd T20I: డిసెంబర్ 14: ధర్మశాల4th T20I: డిసెంబర్ 17: లక్నో5th T20I: డిసెంబర్ 19: అహ్మదాబాద్చదవండి: ఐపీఎల్‌-2025 తొలి మ్యాచ్‌ కేకేఆర్‌ వర్సెస్‌ ఆర్సీబీ: తుదిజట్లు ఇవే!?

క్రికెట్ ప్రేమికులందరూ ఎదురు చూస్తున్న.. ఇండియన్ ప్రీమియర్ లీగ్ 2025 (IPL 2025) ప్రారంభం కానుంది. మొదటి మ్యాచ్ కోల్‌కతా నైట్‌రైడర్స్ (KKR), రాయల్ చాలెంజర్స్ బెంగళూరు (RCB) మధ్య జరగనుంది. ఐపీఎల్ కేవలం క్రికెట్ అభిమానులను మాత్రమే కాకుండా.. అన్ని రంగలవారిని ఆకర్షిస్తోంది. ఆటకు అందం తోడైతే.. ఆ కిక్కే వేరు. ఐపీఎల్ అంటే ప్రీతి జింటా, కావ్య మారన్ పేర్లు మాత్రమే కాదు.. ఇప్పుడు 'జాహ్నవి మెహతా' (Jahnavi Mehta) పేరు కూడా ఎక్కువగా వినిపిస్తోంది. ఇంతకీ ఈమె ఎవరు?, ఈమె నెట్‍వర్త్ ఎంత? అనే వివరాలను ఈ కథనంలో వివరంగా తెలుసుకుందాం.ఎవరీ జాహ్నవి మెహతా?జాహ్నవి మెహతా తల్లి ప్రముఖ నటి 'జూహి చావ్లా', తండ్రి ఫేమస్ బిజినెస్ మ్యాన్ 'జయ్ మెహతా'. అయితే 24 ఏళ్ల వయసులోనే జాహ్నవి ఐపీఎల్ వేలంపాటలతో సహా ప్రధాన కార్యక్రమాల్లో పాల్గొంటూ సుపరిచితురాలుగా మారింది. ముఖ్యంగా ఈమె తన తండ్రి సహ యాజమాన్యంలోని కోల్‌కతా నైట్ రైడర్స్ ఐపీఎల్ ఫ్రాంచైజీలో ఎక్కువగా పాల్గొంటోంది. 2025 వేలానికి హాజరై, జట్టుతో తన సంబంధాన్ని.. కేకేఆర్ కార్యకలాపాల నిర్వహణలో ఆమె పాత్రను మరింత పటిష్టం చేసుకుంది.క్రికెట్ అంటే కేవలం వ్యాపారం మాత్రమే కాదు, జాహ్నవికి ఇష్టం కూడా. ఈ కారణంగానే ఈమె కేకేఆర్ జట్టును ఫాలో అవుతూ వచ్చింది. కోల్‌కతా నైట్ రైడర్స్ ఐపీఎల్ ఫ్రాంచైజీలో భాగస్వామిగా ఉన్న షారుఖ్ ఖాన్ పిల్లలు సుహాన్ ఖాన్, ఆర్యన్ ఖాన్ ఇప్పటికి కూడా కేకేఆర్ జట్టు బాధ్యతలలోకి నేరుగా ప్రవేశించలేదు. కానీ జాహ్నవి మాత్రం తన తెలివితేటలతో.. కేకేఆర్ జట్టుకు సంబంధించిన కీలక వ్యవహారాలను చూసుకుంటోంది.నెట్‍వర్త్ ఎంతంటే?జాహ్నవి స్కూల్‌ చదువు ఇంగ్లండ్‌లోనే అక్కడి చాటర్‌ హౌస్‌ స్కూల్లో సాగింది. అంతకుముందు ముంబైలోని ధీరూబాయి అంబానీ ఇంటర్నేషనల్‌ స్కూల్లో చదివింది. కొలంబియా యూనివర్శిటీ నుంచి గ్రాడ్యుయేషన్‌ పూర్తి జాహ్నవి మెహతా.. వేలకోట్ల సామ్రాజ్యానికి వారసురాలు. ఈమె ఆస్తి ఏకంగా రూ.4,000 కోట్ల కంటే ఎక్కువ అని తెలుస్తోంది. ఈమె తండ్రి జయ్ మెహతా.. తన మామ నాంజీ కాళిదాస్ మెహతా స్థాపించిన బహుళజాతి సమ్మేళన సంస్థ అయిన మెహతా గ్రూప్ చైర్మన్. ఈ సంస్థ ప్యాకేజింగ్, హార్టికల్చర్, సిమెంట్, నిర్మాణ సామగ్రి వంటి విభిన్న రంగాల కలయిక.మెహతా గ్రూప్ ఒక్క భారతదేశంలో మాత్రమే కాకుండా.. కెనడా, ఉగాండా, కెన్యా, యునైటెడ్ స్టేట్స్ వంటి దేశాలలో కూడా విస్తరించి ఉంది. ఈ కంపెనీ గత కొంత కాలంగా గణనీయమైన అభివృద్ధి చెందుతూనే ఉంది. జూహి చావ్లా ప్రపంచంలోనే అత్యంత సంపన్నురాలైన హీరోయిన్.ఇదీ చదవండి: వారానికి 70 గంటల పని: మొదటిసారి స్పందించిన సుధామూర్తి

ఇండియన్‌ ప్రీమియర్‌ లీగ్‌ (IPL) తాజా సీజన్‌కు కోల్‌కతా నైట్‌ రైడర్స్‌ (KKR)- రాయల్‌ చాలెంజర్స్‌ బెంగళూరు (RCB) మధ్య మ్యాచ్‌తో శనివారం తెరలేవనుంది. ఇందుకు ప్రఖ్యాత ఈడెన్‌ గార్డెన్స్‌ వేదిక. ఇక ఈసారి ఈ రెండు జట్లు కొత్త కెప్టెన్లతో బరిలోకి దిగుతున్నాయి.గతేడాది తమను చాంపియన్‌గా నిలిపిన శ్రేయస్‌ అయ్యర్‌ను వదిలేసిన కోల్‌కతా.. ఈసారి వెటరన్‌ ప్లేయర్‌ అజింక్య రహానేకు సారథ్య బాధ్యతలు అప్పగించింది. మరోవైపు.. బెంగళూరు ఫ్రాంఛైజీ అనూహ్య రీతిలో రజత్‌ పాటిదార్‌ను కెప్టెన్‌గా ఎంపిక చేసింది. ఇక​ మెగా వేలం-2025 నేపథ్యంలో జట్లలోనూ భారీ మార్పులు చోటుచేసుకున్న విషయం తెలిసిందే.ఈ నేపథ్యంలో కొత్త కెప్టెన్లు, కొత్త జట్లతో కేకేఆర్‌- ఆర్సీబీ ఏమేరకు సత్తా చాటుతాయనేది ఆసక్తికరంగా మారింది. తొలి మ్యాచ్‌లో గెలుపొంది సీజన్‌లో శుభారంభం అందుకోవాలని ఇరుజట్లు పట్టుదలగా ఉన్నాయి.వర్షం ముప్పు లేనట్లే?మరోవైపు.. వర్షం ఈ మ్యాచ్‌కు ఆటంకం కలిగిస్తుందన్న వార్తల నడుమ.. కోల్‌కతాలో వాన తెరిపినిచ్చిందని, ఎండ కూడా కాస్తోందన్న తాజా సమాచారం సానుకూలాంశంగా పరిణమించింది. మరి క్యాష్‌ రిచ్‌ లీగ్‌-2025 ఎడిషన్‌ ఆరంభ మ్యాచ్‌లో కేకేఆర్‌, ఆర్సీబీ తుదిజట్లు ఎలా ఉండబోతున్నాయో చూద్దామా?కేకేఆర్‌ మరోసారి స్పిన్‌ బౌలింగ్‌ ఆల్‌రౌండర్‌ సునిల్‌ నరైన్‌ను ఓపెనర్‌గా కొనసాగించనుండగా.. అతడికి జోడీగా సౌతాఫ్రికా స్టార్‌ క్వింటన్‌ డికాక్‌ బరిలోకి దిగడం ఖాయమైనట్లు కనిపిస్తోంది. మూడో స్థానంలో పేస్‌ బౌలింగ్‌ ఆల్‌రౌండర్‌ వెంకటేశ్‌ అయ్యర్‌, నాలుగో స్థానంలో కెప్టెన్‌ రహానే ఆడనున్నారు.కోహ్లికి జోడీగా సాల్ట్‌!వీరితో పాటు రింకూ సింగ్‌, ఆండ్రీ రసెల్‌, రమణ్‌దీప్‌ సింగ్‌లతో కేకేఆర్‌ బ్యాటింగ్‌ లైనప్‌ పటిష్టంగానే ఉంది. మరోవైపు.. ఆర్సీబీ తరఫున సూపర్‌స్టార్‌ విరాట్‌ కోహ్లితో పాటు ఫిల్‌ సాల్ట్‌ ఓపెనింగ్‌కు రానున్నాడు. వీరితో పాటు లియామ్‌ లివింగ్‌స్టోన్‌, టిమ్‌ డేవిడ్‌, జితేశ్‌ శర్మ బ్యాటింగ్‌ విభాగంలో కీలకం కానున్నారు.ఇక బౌలర్ల విషయానికొస్తే.. కేకేఆర్‌కు పేసర్లు హర్షిత్‌ రాణాతో పాటు వైభవ్‌ అరోరా, స్పెన్సర్‌ జాన్సన్‌లు.. స్పిన్‌ విభాగంలో వరుణ్‌ చక్రవర్తి సేవలు అందించనున్నారు. ఇంపాక్ట్‌ ప్లేయర్‌గా అంగ్‌క్రిష్‌ రఘువన్షీ బరిలోకి దిగే అవకాశం ఉంది.అదే విధంగా.. ఆర్సీబీ పేస్‌ దళం టీమిండియా స్వింగ్‌ సుల్తాన్‌ భువనేశ్వర్‌ కుమార్‌, యశ్‌ దయాళ్‌, జోష్‌ హాజిల్‌వుడ్‌లతో పటిష్టంగా కనిపిస్తోంది. ఆర్సీబీ తరఫున స్పిన్నర్‌ సూయశ్‌ శర్మ లేదంటే స్వప్నిల్‌ సింగ్‌ ఇంపాక్ట్‌ ప్లేయర్‌గా వచ్చే అవకాశం ఉంది.కేకేఆర్‌ వర్సెస్‌ ఆర్సీబీ తుదిజట్లు (అంచనా)కేకేఆర్‌సునిల్‌ నరైన్‌, క్వింటన్‌ డి కాక్‌(వికెట్‌ కీపర్‌), అజింక్య రహానే (కెప్టెన్‌), వెంకటేశ్‌ అయ్యర్‌, రింకూ సింగ్‌, ఆండ్రీ రసెల్‌, రమణ్‌దీప్‌ సింగ్‌, స్పెన్సర్‌ జాన్సన్‌, వైభవ్‌ అరోరా, హర్షిత్‌ రాణా, వరుణ్‌ చక్రవర్తి.ఇంపాక్ట్‌ ప్లేయర్‌: అంగ్‌క్రిష్‌ రఘువన్షీ.ఆర్సీబీఫిల్‌ సాల్ట్‌, విరాట్‌ కోహ్లి, దేవ్‌దత్‌ పడిక్కల్‌, రజత్‌ పాటిదార్‌ (కెప్టెన్‌), లియామ్‌ లివింగ్‌స్టోన్‌, జితేశ్‌ శర్మ (వికెట్‌ కీపర్‌), టిమ్‌ డేవిడ్‌, కృనాల్‌ పాండ్యా, భువనేశ్వర్‌ కుమార్‌, జోష్‌ హాజిల్‌వుడ్‌, యశ్‌ దయాళ్‌. చదవండి: ఇంతకంటే చెత్త ఫ్రాంఛైజీ మరొకటి ఉండదు: ‘లక్నో’పై నెటిజన్లు ఫైర్‌

ఇండియన్‌ ప్రీమియర్‌ లీగ్‌ (IPL)-2025లో డిఫెండింగ్‌ చాంపియన్‌గా కోల్‌కతా నైట్‌ రైడర్స్‌ బరిలోకి దిగనుంది. తాజా సీజన్‌లో తొలి మ్యాచ్‌లో భాగంగా సొంతమైదానం ఈడెన్‌ గార్డెన్స్‌లో రాయల్‌ చాలెంజర్స్‌ బెంగళూరుతో శనివారం తలపడనుంది. ఈ నేపథ్యంలో టీమిండియా మాజీ ఓపెనర్‌ ఆకాశ్‌ చోప్రా.. కోల్‌కతా స్టార్‌ సునిల్‌ నరైన్‌ (Sunil Narine) గురించి ఆసక్తికర వ్యాఖ్యలు చేశాడు.ఐపీఎల్‌-2025 ఆరంభ మ్యాచ్‌లో అందరి కళ్లు నరైన్‌పైనే ఉన్నాయని.. ఈసారి కూడా గతేడాది మాదిరి అతడు రాణిస్తే కేకేఆర్‌కు తిరుగు ఉండదని పేర్కొన్నాడు. బ్యాట్‌తో, బంతితో రాణించగల ఈ వెస్టిండీస్‌ ఆటగాడు మరోసారి కోల్‌కతాకు కీలకం కాబోతున్నాడని ఆకాశ్‌ చోప్రా (Aakash Chopra) పేర్కొన్నాడు.పవర్‌ ప్లేలో ధనాధన్‌ ఇన్నింగ్స్‌తోకాగా గతేడాది కేకేఆర్‌ చాంపియన్‌గా నిలవడంలో సునిల్‌ నరైన్‌ది కీలక పాత్ర. ఈ స్పిన్‌ బౌలింగ్‌ ఆల్‌రౌండర్‌ ఓపెనర్‌గా బరిలోకి దిగి పరుగుల సునామీ సృష్టించాడు. పవర్‌ ప్లేలో ధనాధన్‌ ఇన్నింగ్స్‌తో దంచికొట్టి కేకేఆర్‌ విజయాలకు బాట వేశాడు. గత సీజన్‌లో పద్నాలుగు ఇన్నింగ్స్‌లో మొత్తంగా 488 పరుగులు సాధించాడు ఈ ఎడమచేతి వాటం బ్యాటర్‌. 180.74 స్ట్రైక్‌రేటుతో పరుగులు రాబట్టి కేకేఆర్‌ తరఫున టాప్‌ రన్‌ స్కోరర్‌గా నిలిచాడు.ఈ నేపథ్యంలో కామెంటేటర్‌ ఆకాశ్‌ చోప్రా మాట్లాడుతూ.. ‘‘ఓపెనర్‌ సునిల్‌ నరైన్‌. నాలుగు ఓవర్లపాటు పూర్తి స్థాయిలో బౌలింగ్‌ చేయగలడు కూడా! అయితే, ఈసారి బ్యాట్‌తో ఎలా విజృంభిస్తాడన్నది ఆసక్తికరం.అతడిని ఆపటం ఎవరితరం కాలేదుగతేడాది కేకేఆర్‌ విజయాలను నిర్దేశించింది అతడే! అతడి అద్భుత ప్రదర్శన కారణంగా కేకేఆర్‌ రాత మారిపోయింది. నరైన్‌ బ్యాట్‌ నుంచి సెంచరీ కూడా జాలువారింది. ముఖ్యంగా పవర్‌ప్లేలో నిలకడైన బ్యాటింగ్‌తో పరుగులు రాబట్టిన తీరు అద్బుతం.టీ20 క్రికెట్‌కు ఏం కావాలో నరైన్‌ అది చేసి చూపించాడు. పరుగులు రాబట్టుకుంటూ పోయాడు. అతడిని ఆపటం ఎవరితరం కాలేదు. బౌలర్లు ఎన్ని వ్యూహాలు మార్చినా నరైన్‌ను కట్టడి చేయలేకపోయారు. సునిల్‌ నరైన్‌ ఈసారి కూడా అలాగే రాణిస్తే కేకేఆర్‌కు తిరుగు ఉండదు’’ అని పేర్కొన్నాడు. ఆర్సీబీ స్పిన్నర్లే కీలకంఇక తొలి మ్యాచ్‌లో కేకేఆర్‌- ఆర్సీబీ తలపడనున్న నేపథ్యంలో.. ‘‘ఆర్సీబీ స్పిన్నర్లు ఎలా బౌలింగ్‌ చేస్తారన్న అంశం మీదే మ్యాచ్‌ ఫలితం ఆధారపడి ఉంటుంది. కృనాల్‌ పాండ్యా, సూయశ్‌ శర్మలతో పాటు లియామ్‌ లివింగ్‌స్టోన్‌, జేకబ్‌ బెతెల్‌ ప్రదర్శనే ఆర్సీబీకి కీలకం కానుంది.ఇక కేకేఆర్‌కు ఈసారి మిచెల్‌ స్టార్క్‌ లేడు. అతడి స్థానంలో స్పెన్సర్‌ జాన్సన్‌ లేదంటే అన్రిచ్‌ నోర్జే ఆడతారు. బ్యాటర్ల విషయానికొస్తే ఫిల్‌ సాల్ట్‌, శ్రేయస్‌ అయ్యర్‌లను కేకేఆర్‌ కోల్పోయింది. నరైన్‌.. క్వింటన్‌ డికాక్‌ లేదంటే రహ్మనుల్లా గుర్బాజ్‌తో కలిసి ఓపెనింగ్‌ చేసే అవకాశం ఉంది. టాపార్డర్‌ రాణిస్తేనే కోల్‌కతాకు గెలుపు అవకాశాలు ఎక్కువగా ఉంటాయి’’ అని ఆకాశ్‌ చోప్రా అభిప్రాయపడ్డాడు.చదవండి: నమ్మశక్యం కాని ఇన్నింగ్స్‌.. అతడి బ్యాటింగ్‌ అద్భుతం: కివీస్‌ కెప్టెన్‌

లండన్‌: ఇంగ్లండ్‌ మహిళల క్రికెట్‌ జట్టుకు కోచ్‌ పదవి నుంచి జాన్‌ లూయిస్‌ తప్పుకొన్నాడు. మహిళల టీ20 ప్రపంచకప్‌లో పేలవ ప్రదర్శనకు తోడు యాషెస్‌ సిరీస్‌లో మెరుగైన ఫలితాలు సాధించలేకపోవడంతో జాన్‌ లూయిస్‌ కోచింగ్‌ బాధ్యతల నుంచి వైదొలిగాడు. 2022 నుంచి జాన్‌ ఇంగ్లండ్‌ మహిళల జట్టు కోచ్‌గా వ్యవహరిస్తుండగా... ఆ జట్టు 2024 టీ20 ప్రపంచకప్‌లో గ్రూప్‌ దశకే పరిమితమైంది.ఇక వేర్వేరు ఫార్మాట్లలో ఆస్ట్రేలియాతో జరిగిన సిరీస్‌ల్లోనూ ఇంగ్లండ్‌ జట్టు పేలవ ప్రదర్శన కనబర్చింది. ‘ఐసీసీ మహిళల టీ20 ప్రపంచకప్‌తో పాటు ఆస్ట్రేలియాతో యాషెస్‌ సిరీస్‌లో ఇంగ్లండ్‌ ప్రదర్శన స్థాయికి తగ్గట్లు లేదు. జట్టులో ప్రతిభకు లోటు లేదు. మరో మెరుగైన కోచ్‌ను నియమిస్తాం. త్వరలో జరగనున్న వన్డే ప్రపంచకప్, టి20 ప్రపంచకప్‌లో ఇంగ్లండ్‌ మంచి ఫలితాలు సాధిస్తుందనే నమ్మకముంది’ అని ఇంగ్లండ్, వేల్స్‌ క్రికెట్‌ బోర్డు (ఈసీబీ) శుక్రవారం ఒక ప్రకటనలో తెలిపింది. ఇదీ చదవండి: హైదరాబాద్‌ పరాజయంగువాహటి: జాతీయ అండర్‌–23 మహిళల వన్డే ట్రోఫీ క్రికెట్‌ టోర్నమెంట్‌లో హైదరాబాద్‌ జట్టు పోరాటం ముగిసింది. శుక్రవారం జరిగిన నాలుగో క్వార్టర్‌ ఫైనల్లో ఉత్తరప్రదేశ్‌ జట్టు ఎనిమిది వికెట్ల తేడాతో మమత సారథ్యంలోని హైదరాబాద్‌ జట్టుపై విజయం సాధించి సెమీఫైనల్లోకి దూసుకెళ్లింది. మొదట బ్యాటింగ్‌కు దిగిన హైదరాబాద్‌ జట్టు 49.1 ఓవర్లలో 202 పరుగులకు ఆలౌటైంది. స్టార్‌ ప్లేయర్‌ గొంగడి త్రిష (14 బంతుల్లో 3) విఫలమవ్వగా... కెప్టెన్, వికెట్‌ కీపర్‌ మమత (83 బంతుల్లో 77; 7 ఫోర్లు) టాప్‌ స్కోరర్‌గా నిలిచింది.సాక్షి రావు (37 బంతుల్లో 36; 1 ఫోర్‌), కావ్య (63 బంతుల్లో 30; 3 ఫోర్లు) రాణించారు. ఉత్తరప్రదేశ్‌ బౌలర్లలో గరీమా యాదవ్, సోనమ్‌ యాదవ్‌ 3 వికెట్ల చొప్పున తీయగా... ఏక్తాకు 2 వికెట్లు లభించాయి. అనంతరం ఉత్తరప్రదేశ్‌ జట్టు 44.2 ఓవర్లలో 2 వికెట్లు కోల్పోయి 203 పరుగులు సాధించి విజయం ఖరారు చేసుకుంది. తృప్తి సింగ్‌ (99 బంతుల్లో 73; 10 ఫోర్లు), ముస్కాన్‌ మాలిక్‌ (92 బంతుల్లో 68 నాటౌట్‌; 6 ఫోర్లు) అర్ధ సెంచరీలు చేసి ఉత్తరప్రదేశ్‌ విజయంలో కీలకపాత్ర పోషించారు. హైదరాబాద్‌ బౌలర్లలో కేసరి ధృతి, సాక్షి రావు ఒక్కో వికెట్‌ తీశారు.

ఇండియన్‌ ప్రీమియర్‌ లీగ్‌ (IPL) ఆరంభానికి ముందు లక్నో సూపర్‌ జెయింట్స్‌ తీవ్ర స్థాయిలో విమర్శలు మూటగట్టుకుంటోంది. ఇంతకంటే చెత్త ఫ్రాంఛైజీ ఇంకొకటి ఉండదంటూ క్రికెట్‌ ప్రేమికులు సోషల్‌ మీడియా వేదికగా ఆగ్రహం వ్యక్తం చేస్తున్నారు. డబ్బులు పెట్టి కొనుకున్నాం కాబట్టి.. ఆటగాళ్ల భావోద్వేగాలతో ఆడుకోవచ్చనే సంస్కృతికి వీడ్కోలు పలకాలని హితవు పలుకుతున్నారు.భారీ ధరకు కొనుగోలుఅసలేం జరిగిందంటే.. ఐపీఎల్‌ మెగా వేలం-2025లో లక్నో యాజమాన్యం సౌతాఫ్రికా హార్డ్‌ హిట్టర్‌ డేవిడ్‌ మిల్లర్‌ (David Miller)ను సొంతం చేసుకున్న విషయం తెలిసిందే. గతేడాది గుజరాత్‌ టైటాన్స్‌కు ఆడిన ఈ విధ్వంసకర వీరుడు ఆక్షన్‌లోకి రాగా.. రూ. 7.5 కోట్లకు లక్నో కొనుగోలు చేసింది.ఇక మార్చి 22న ఐపీఎల్‌ తాజా ఎడిషన్‌ ఆరంభం కానుండగా.. మార్చి 24న లక్నో తమ తొలి మ్యాచ్‌ ఆడనుంది. విశాఖపట్నం వేదికగా ఢిల్లీ క్యాపిటల్స్‌తో తలపడనుంది. ఈ నేపథ్యంలో ఇప్పటికే ఇరుజట్లు విశాఖకు చేరుకున్నాయి. ఇదిలా ఉంటే.. లక్నో ఫ్రాంఛైజీ డేవిడ్‌ మిల్లర్‌తో ఓ ఇంటర్వ్యూయర్‌ జరిపిన సంభాషణకు సంబంధించిన వీడియోను విడుదల చేసింది. ఇందులో ఓ వ్యక్తి.. మీ కెరీర్‌లో బిగ్గర్‌ హార్ట్‌బ్రేక్‌ ఏది? అంటూ మిల్లర్‌ను ప్రశ్నించాడు. బిగ్గర్‌ హార్ట్‌బ్రేక్‌ ఏది? నవ్వుతూ ప్రశ్నలుఇందులో.. ‘‘గుజరాత్‌ టైటాన్స్‌ తరఫున 2023 ఫైనల్లో ఓటమి.. 2014లో పంజాబ్‌ కింగ్స్‌ ఫైనల్‌ ఓటమి.. లేదంటే.. వరల్డ్‌కప్‌-2019, 2021లలో సౌతాఫ్రికా గ్రూప్‌ దశలోనే నిష్క్రమించడం.. లేదా టీ20 వరల్డ్‌కప్‌-2024 ఫైనల్లో ఓటమి.. అదీ కాదంటే వన్డే వరల్డ్‌కప్‌-2023 సెమీస్‌లో ఓటమి.. లేదంటే.. చాంపియన్స్‌ ట్రోఫీ-2025లో న్యూజిలాండ్‌ చేతిలో ఓటమి.. వీటిల్లో మీ హృదయాన్ని ముక్కలు చేసిన సంఘటన ఏది?’’ అంటూ బోలెడన్ని ఆప్షన్లు కూడా ఇచ్చాడు.అంతేకాదు.. సదరు వ్యక్తి నవ్వుతూ ఈ ప్రశ్నలు అడగటం గమనార్హం. ఇందుకు మిల్లర్‌ బాధగా, దిగాలుగా ముఖం పెట్టుకుని సమాధానాలు ఇచ్చాడు. అయితే, ఇంటర్వ్యూయర్‌ మాత్రం నవ్వుతూనే ఉన్నాడు. ఇందుకు సంబంధించిన వీడియోను సోషల్‌ మీడియాలో పోస్ట్‌ చేసిన లక్నో.. ‘ఇకపై మిల్లర్‌కు ఇలాంటి బాధలు ఉండవు’ అంటూ తాము ఈసారి టైటిల్‌ గెలవబోతున్నట్లు క్యాప్షన్‌ ఇచ్చింది.ఇంతకంటే చెత్త ఫ్రాంఛైజీ మరొకటి లేదుమిలియన్‌కు పైగా వ్యూస్‌ సాధించిన ఈ వీడియోపై నెటిజన్లు మండిపడుతున్నారు. ‘‘ఇది వినోదం కాదు.. ఓ ఆటగాడిని మానసికంగా వేధించడం లాంటిది. ఓటములను గుర్తుచేస్తూ అతడి మనసును మరింత బాధపెట్టడం సరికాదు. వీడియోలు సృజనాత్మకంగా ఉండాలి గానీ.. ఇలా ఆటగాడి మనసును నొప్పించేలా ఉండకూడదు.డబ్బులు పెట్టి కొన్నారు కాబట్టి ఆటగాళ్లంతా తాము చెప్పినట్లు నడచుకోవాలనే లక్నో యాజమాన్యం అహంభావ వైఖరికి ఇది నిదర్శనం. గత సీజన్లో కేఎల్‌ రాహుల్‌ను అవమానించిన తీరును మేము ఇప్పటికీ మర్చిపోలేకపోతున్నాం. ఐపీఎల్‌లో ఇంతకంటే చెత్త ఫ్రాంఛైజీ మరొకటి లేదు’’ అంటూ తీవ్ర స్థాయిలో ట్రోల్‌ చేస్తున్నారు.రాహుల్‌ పట్ల అదే తీరుకాగా గతేడాది సన్‌రైజర్స్‌ హైదరాబాద్‌ చేతిలో ఓటమి తర్వాత లక్నో జట్టు యజమాని సంజీవ్‌ గోయెంకా.. అప్పటి తమ కెప్టెన్‌ కేఎల్‌ రాహుల్‌పై మైదానంలోనే అరిచేశాడు. అందుకు సంబంధించిన దృశ్యాలు విస్తృతంగా వైరల్‌ కాగా.. గోయెంకాపై తీవ్ర స్థాయిలో విమర్శలు వచ్చిన విషయం తెలిసిందే.ఇక ఈ పరిణామాల నేపథ్యంలో కేఎల్‌ రాహుల్‌ లక్నోను వీడి వేలంలోకి రాగా.. ఢిల్లీ క్యాపిటల్స్‌ కొనుగోలు చేసింది. మరోవైపు.. మరో టీమిండియా స్టార్‌ రిషభ్‌ పంత్‌ను రికార్డు స్థాయిలో రూ. 27 కోట్లకు కొన్న లక్నో.. కెప్టెన్‌గా అతడికి పగ్గాలు అప్పగించింది. చదవండి: నమ్మశక్యం కాని ఇన్నింగ్స్‌.. అతడి బ్యాటింగ్‌ అద్భుతం: కివీస్‌ కెప్టెన్‌Manifesting zero heartbreaks for Miller bhai this season 🤞 pic.twitter.com/4zd5FbtblW— Lucknow Super Giants (@LucknowIPL) March 20, 2025

నవతరం స్పిన్నర్ల తీరును భారత స్పిన్‌ దిగ్గజం హర్భజన్‌ సింగ్‌ (Harbhajan Singh) విమర్శించాడు. ముఖ్యంగా టీ20 ఫార్మాట్లో చాలా మంది స్పిన్నర్లు తమ సహజత్వానికి భిన్నంగా బౌలింగ్‌ చేస్తున్నారన్నాడు. బంతిని స్పిన్‌ చేసేందుకు బదులు.. డిఫెన్సివ్‌గా ఆడేందుకే ఎక్కువగా మొగ్గుచూపుతున్నారని విమర్శలు గుప్పించాడు.కాగా ఇండియన్‌ ప్రీమియర్‌ లీగ్‌ (IPL)- 2025 సీజన్‌ శనివారం ఆరంభం కానున్న విషయం తెలిసిందే. ప్రఖ్యాత ఈడెన్‌ గార్డెన్స్‌ మైదానంలో కోల్‌కతా నైట్‌ రైడర్స్‌, రాయల్‌ చాలెంజర్స్‌ బెంగళూరు మధ్య మ్యాచ్‌తో క్యాష్‌ రిచ్‌ లీగ్‌ తాజా సీజన్‌కు తెరలేవనుంది. ఇదిలా ఉంటే.. ఐపీఎల్‌లో గత పదిహేడు ఎడిషన్లలో స్పిన్నర్లు కేవలం మూడుసార్లు మాత్రమే పర్పుల్‌ క్యాప్‌ గెలుచుకున్నారు.ఇమ్రాన్‌ తాహిర్‌, ప్రజ్ఞాన్‌ ఓజా తర్వాత.. 2022లో అత్యధిక వికెట్ల వీరుడిగా టీమిండియా లెగ్‌బ్రేక్‌ స్పిన్నర్‌ యజువేంద్ర చహల్‌ ఈ ఘనత సాధించాడు. ఈ నేపథ్యంలో టీమిండియా మాజీ క్రికెటర్‌ హర్భజన్‌ సింగ్‌ ఆసక్తికర వ్యాఖ్యలు చేశాడు.ఫాస్ట్‌ బౌలర్ల మాదిరి బౌలింగ్‌ దేనికి? ఆ మాత్రం ధైర్యం లేదా?‘‘టీ20లలో.. మరీ ముఖ్యంగా ఐపీఎల్‌లో చాలా మంది స్పిన్నర్లు ఫాస్ట్‌ బౌలర్ల మాదిరి బౌలింగ్‌ చేస్తున్నారు. బంతిని స్పిన్‌ చేసేందుకు ఏమాత్రం ప్రయత్నించడం లేదు. అసలు బ్యాటర్లపై అటాకింగ్‌ చేయడమే లేదు. వికెట్లు తీయాలనే తాపత్రయం వారిలో కరువైంది.వికెట్లు తీసే విషయంలో స్పిన్నర్లు కాస్త ధైర్యం చూపించాలి. ప్రతిసారీ ఆత్మరక్షణ ధోరణితో ఉండటం సరికాదు’’ అని భజ్జీ స్పిన్నర్ల తీరును విమర్శించాడు. ఇండియా టుడేతో ఈ మేరకు వ్యాఖ్యలు చేశాడు.కాగా మిస్టరీ స్పిన్నర్‌ వరుణ్‌ చక్రవర్తి.. తన బౌలింగ్‌ శైలి ఫాస్ట్‌ బౌలర్ల మాదిరి ఉంటుంది కాబట్టి తాను కేవలం వన్డే, టీ20లు ఆడతానని.. టెస్టులకు సరిపడనని ఇటీవలే పేర్కొన్న విషయం తెలిసిందే. ఇక ఐపీఎల్‌-2025 సీజన్‌లో బంతిపై సెలైవా (లాలాజలం) ఉపయోగించేందుకు భారత క్రికెట్‌ నియంత్రణ మండలి (BCCI) అనుమతించిన విషయం తెలిసిందే.ఐపీఎల్‌-2025 కెప్టెన్ల సమావేశం తర్వాత.. వారి అంగీకారంతో ఈ మేరకు సెలైవా ఉపయోగంపై విధించిన నిషేధాన్ని ఎత్తివేస్తున్నట్లు బోర్డు ప్రకటించింది. అయితే, అంతర్జాతీయ క్రికెట్‌లో మాత్రం ఐసీసీ నిబంధనలకు కట్టుబడి ఉంటామని స్పష్టం చేసింది.స్వాగతించదగ్గ విషయంఈ నేపథ్యంలో హర్భజన్‌ సింగ్‌ స్పందిస్తూ.. ‘‘బౌలర్లు సెలైవా ఉపయోగించేందుకు అనుమతి లభించడం స్వాగతించదగ్గ విషయం. అంతర్జాతీయ క్రికెట్‌లోనూ ఇదే మాదిరి లాలాజలంతో బంతిని నునుపు చేసేందుకు అనుమతి వస్తే.. పేసర్లు బంతిని మరింత స్వింగ్‌ చేయగలుగుతారు. స్పిన్నర్లకు కూడా ప్రయోజనకరంగానే ఉంటుంది’’ అని అభిప్రాయపడ్డాడు.కాగా కోవిడ్‌-19 మహమ్మారి వ్యాప్తి నేపథ్యంలో అప్పట్లో లాలాజలంతో బంతిని రుద్దకుండా ఐసీసీ నిషేధం విధించిన విషయం తెలిసిందే. ఇదిలా ఉంటే.. హర్భజన్‌ సింగ్‌ టీమిండియా తరఫున టెస్టుల్లో 417, వన్డేల్లో 269, టీ20లలో 25 వికెట్లు తీశాడు. ఐపీఎల్‌లో 163 మ్యాచ్‌లు ఆడిన ఈ ఆఫ్‌ స్పిన్నర్‌ 150 వికెట్లు కూల్చాడు.చదవండి: నమ్మశక్యం కాని ఇన్నింగ్స్‌.. అతడి బ్యాటింగ్‌ అద్భుతం: కివీస్‌ కెప్టెన్‌

మెగా క్రికెట్‌ సమరం ఇండియన్‌ ప్రీమియర్‌ లీగ్‌ (IPL) పద్దెనిమిదవ సీజన్‌కు శనివారం తెరలేవనుంది. తారల సందడితో ఈడెన్‌ గార్డెన్స్‌లో క్యాష్‌ రిచ్‌ లీగ్‌ తాజా ఎడిషన్‌ను ఆరంభించేందుకు నిర్వాహకులు సిద్ధమయ్యారు. డిఫెండింగ్‌ చాంపియన్‌ కోల్‌కతా నైట్‌ రైడర్స్‌ (KKR)- ఇంత వరకు ఒక్కసారి కూడా ట్రోఫీ గెలవని రాయల్‌ చాలెంజర్స్‌ బెంగళూరు (RCB) మధ్య పోరుతో ఈ క్రీడా సంబరం మొదలుకానుంది.పొంచి ఉన్న వర్షం ముప్పుఅయితే, ఆరంభ వేడుకలతో పాటు మ్యాచ్‌కు వర్షం అడ్డుతగిలే అవకాశం ఉంది. ఆక్యూవెదర్‌ నివేదిక ప్రకారం కోల్‌కతాలో శనివారం భారీ వాన పడే అవకాశం ఉంది. ఉదయం 11 గంటల తర్వాత వర్షం ఎక్కువయ్యే సూచనలు కనిపిస్తున్నాయి.దీంతో సాయంత్రం 6.20 నిమిషాల నుంచి 6.45 నిమిషాల వరకు జరగాల్సిన ప్రారంభోత్సవ వేడుకల ఏర్పాట్లు సజావుగా సాగడం కష్టమే. సాయంత్రం ఆరు గంటల తర్వాత వర్షం పడే అవకాశం 25 శాతం ఉందని ఆక్యూవెదర్‌ పేర్కొంది. టాస్‌ సమయానికి అంటే ఏడు గంటల సమయంలో పదిశాతం వర్ష సూచనలు ఉన్నట్లు తెలిపింది. ఇక రాత్రి పదకొండు గంటల తర్వాత ఇందుకు డెబ్బై శాతం ఆస్కారం ఉన్నట్లు వెల్లడించింది.రెండు రోజులుగా వానఈ నేపథ్యంలో కేకేఆర్‌- ఆర్సీబీ మధ్య ఐపీఎల్‌-2025 ఆరంభ మ్యాచ్‌ సాఫీగా సాగడం కష్టమే అనిపిస్తోంది. కోల్‌కతాలో గత రెండు రోజులుగా వర్షం కురుస్తూనే ఉంది. దీంతో కేకేఆర్‌- ఆర్సీబీ ప్రాక్టీస్‌ మ్యాచ్‌లకు అంతరాయం కలిగింది. మరోవైపు.. శుక్రవారం కూడా వాన పడగా.. ఈడెన్‌ గార్డెన్స్‌ గ్రౌండ్‌స్టాఫ్‌ కవర్లతో మైదానాన్ని కప్పి ఉంచారు.అంతేకాదు.. ఎప్పటికప్పుడు మైదానం నుంచి నీటిని క్లియర్‌ చేసేందుకు డ్రైనేజీ సిస్టమ్‌ సిద్ధంగానే ఉంది. అయితే, ఎడతెరిపిలేని వర్షం పడితే మాత్రం మ్యాచ్‌ జరగడం సాధ్యం కాదు. మరి వర్షం వల్ల కేకేఆర్‌- ఆర్సీబీ మ్యాచ్‌ రద్దయితే పరిస్థితి ఏమిటి?జరిగేది ఇదే..ప్లే ఆఫ్స్‌, ఫైనల్‌ మాదిరి ఐపీఎల్‌ గ్రూప్‌ దశ మ్యాచ్‌లకు రిజర్వ్‌ డే ఉండదు. అయితే, వర్షం వల్ల మ్యాచ్‌ ఆలస్యమైతే.. మ్యాచ్‌ ముగియడానికి నిర్ణీత సమయం కంటే అరవై నిమిషాల అదనపు సమయం ఇస్తారు.ఫలితం తేల్చేందుకు ఇరుజట్లు కనీసం ఐదు ఓవర్లపాటు బ్యాటింగ్‌ చేసే అవకాశం ఉంటుంది. ఈ ఐదు ఓవర్ల మ్యాచ్‌కు కటాఫ్‌ టైమ్‌ రాత్రి 10.56 నిమిషాలు. అర్ధరాత్రి 12.06 నిమిషాల వరకు మ్యాచ్‌ను ముగించేయాల్సి ఉంటుంది. ఒకవేళ వర్షం వల్ల మ్యాచ్‌ మరీ ఆలస్యమైతే ఓవర్ల సంఖ్యను తగ్గించే అవకాశం కూడా ఉంటుంది.ఇంత చేసినా ఫలితం తేలకుండా.. మ్యాచ్‌ రద్దు చేయాల్సి వస్తే ఇరుజట్లకు చెరో పాయింట్‌ లభిస్తుంది. అయితే, టైటిల్‌ రేసులో నిలిచే క్రమంలో ఈ ఒక్క పాయింట్‌ కూడా తీవ్ర ప్రభావం చూపే అవకాశం ఉంటుంది. అందుకే.. ఇటు కేకేఆర్‌.. అటు ఆర్సీబీ అభిమానులు మ్యాచ్‌ సజావుగా సాగాలని కోరుకుంటున్నారు. ఇదిలా ఉంటే.. ఐపీఎల్‌-2025 ఆరంభ వేడుకలో శ్రేయా ఘోషాల్, కరణ్‌ ఔజ్‌లా, దిశా పటాని తదితరులు ఆట, పాటలతో అలరించేందుకు సిద్ధమయ్యారు.చదవండి: IPL 2025: కెప్టెన్ల మార్పు.. ఎవరి జీతం ఎంత?.. అతి చవగ్గా దొరికిన సారథి అతడే!A little rain won’t stop us! 🌧 The ground’s got its cozy cover, and the drainage system will be ready to save the day 𝘒𝘺𝘶𝘯𝘬𝘪 𝘠𝘦𝘩 𝘐𝘗𝘓 𝘩𝘢𝘪, 𝘺𝘢𝘩𝘢𝘯 𝘴𝘢𝘣 𝘱𝘰𝘴𝘴𝘪𝘣𝘭𝘦 𝘩𝘢𝘪!#IPLonJioStar 👉 SEASON OPENER #KKRvRCB | SAT, 22nd March, 5:30 PM | LIVE on… pic.twitter.com/UwdonS9FeN— Star Sports (@StarSportsIndia) March 21, 2025

పాకిస్తాన్‌ యువ బ్యాటర్‌ హసన్‌ నవాజ్‌పై న్యూజిలాండ్‌ కెప్టెన్‌ మైకేల్‌ బ్రేస్‌వెల్‌ ప్రశంసలు కురిపించాడు. మూడో టీ20లో నమ్మశక్యం కాని ఇన్నింగ్స్‌ ఆడి.. మ్యాచ్‌ను తమ నుంచి లాగేసుకున్నాడని అన్నాడు. పాక్‌ గెలుపులో క్రెడిట్‌ మొత్తం అతడికే ఇవ్వాలని పేర్కొన్నాడు. కాగా ఐదు టీ20లు, మూడు వన్డేలు ఆడేందుకు పాకిస్తాన్‌ క్రికెట్‌ జట్టు న్యూజిలాండ్‌లో పర్యటిస్తున్న విషయం తెలిసిందే. ఈ క్రమంలో తొలుత టీ20 సిరీస్‌ ఆరంభం కాగా.. మొదటి రెండు మ్యాచ్‌లలో ఆతిథ్య కివీస్‌ విజయం సాధించింది. అయితే, శుక్రవారం జరిగిన మూడో టీ20లో పాకిస్తాన్‌ సంచలన విజయం సాధించింది. న్యూజిలాండ్‌ను తొమ్మిది వికెట్ల తేడాతో చిత్తు చేసింది. అక్లాండ్‌ వేదికగా టాస్‌ గెలిచిన పాక్‌.. తొలుత బౌలింగ్‌ చేసింది. 204 పరుగులకు ఆలౌట్‌ఈ నేపథ్యంలో బ్యాటింగ్‌కు దిగిన న్యూజిలాండ్‌ 19.5 ఓవర్లలో 204 పరుగులకు ఆలౌటైంది. మార్క్‌ చాప్‌మన్‌ (44 బంతుల్లో 94; 11 ఫోర్లు, 4 సిక్స్‌లు) భారీ అర్ధశతకంతో ఆకట్టుకోగా... కెప్టెన్‌ బ్రేస్‌వెల్‌ (18 బంతుల్లో 31; 3 ఫోర్లు, 2 సిక్స్‌లు) ఫర్వాలేదనిపించాడు. పాకిస్తాన్‌ బౌలర్లలో హరీస్‌ రవూఫ్‌ 3 వికెట్లు పడగొట్టగా... షాహీన్‌ షా అఫ్రిది, అబ్రార్‌ అహ్మద్, అబ్బాస్‌ అఫ్రిది తలా 2 వికెట్లు తీశారు.ఇక 205 పరుగుల లక్ష్యంతో బరిలోకి దిగిన పాకిస్తాన్‌ 16 ఓవర్లలో ఒక వికెట్‌ మాత్రమే కోల్పోయి 207 పరుగులు చేసి గెలిచింది. ‘ప్లేయర్‌ ఆఫ్‌ ద మ్యాచ్‌’ హసన్‌ నవాజ్‌ (45 బంతుల్లో 105 నాటౌట్‌; 10 ఫోర్లు, 7 సిక్స్‌లు నాటౌట్‌) కెరీర్‌లో తొలి సెంచరీ నమోదు చేసుకోగా... కెప్టెన్‌ సల్మాన్‌ ఆఘా (31 బంతుల్లో 51 నాటౌట్‌; 6 ఫోర్లు, 2 సిక్స్‌లు), మొహమ్మద్‌ హరీస్‌ (20 బంతుల్లో 41; 4 ఫోర్లు, 3 సిక్స్‌లు) రాణించారు. న్యూజిలాండ్‌ బౌలర్లలో డఫీ ఒక వికెట్‌ పడగొట్టాడు.రెండు డకౌట్‌ల తర్వాత... నవాజ్‌ విధ్వంసకర ఇన్నింగ్స్‌ఈ సిరీస్‌ ద్వారానే అంతర్జాతీయ అరంగేట్రం చేసిన నవాజ్‌... తొలి రెండు మ్యాచ్‌ల్లో డకౌట్‌గా వెనుదిరిగాడు. అయినా మేనేజ్‌మెంట్‌ అతడిపై నమ్మకం ఉంచి మూడో మ్యాచ్‌లో అవకాశం ఇవ్వగా... తన విధ్వంసకర బ్యాటింగ్‌తో రికార్డులు తిరగరాశాడు. అతడి దూకుడుతో భారీ లక్ష్య ఛేదనలో పాకిస్తాన్‌ ఏమాత్రం వెనకడుగు వేయలేదు. తొలి ఓవర్‌లో రెండు సిక్సర్లతో హెచ్చరికలు జారీచేసిన హరీస్‌... రెండో ఓవర్‌లో రెండు ఫోర్లు బాదాడు. మొదట హరీస్‌కు అండగా నిలిచిన నవాజ్‌... ఆ తర్వాత బ్యాట్‌కు పనిచెప్పడంతో స్కోరు బోర్డు పరుగులు పెట్టింది.తొలి వికెట్‌కు 74 పరుగులు జోడించిన అనంతరం హరీస్‌ అవుట్‌ కాగా... పవర్‌ ప్లే (6 ఓవర్లలో) ముగిసేసరికి పాకిస్తాన్‌ 75/1తో నిలిచింది. అంతర్జాతీయ టీ20ల్లో ఆ జట్టుకు ఇదే అత్యధిక పవర్‌ ప్లే స్కోరు. 2016లో ఇంగ్లండ్‌పై చేసిన 73 పరుగులు రెండో స్థానానికి చేరింది. కెప్టెన్‌ సల్మాన్‌ ఆఘా రాకతో పాక్‌ దూకుడు మరింత పెరిగింది. వీలు చిక్కినప్పుడల్లా నవాజ్‌ సిక్సర్లతో చెలరేగగా... అతడికి సల్మాన్‌ అండగా నిలిచాడు. ఈ క్రమంలో నవాజ్‌ 44 బంతుల్లోనే సెంచరీ పూర్తి చేసుకున్నాడు.పాకిస్తాన్‌ తరఫున అంతర్జాతీయ టీ20ల్లో ఇదే వేగవంతమైన శతకం. 2021లో దక్షిణాఫ్రికాపై బాబర్‌ ఆజమ్‌ (49 బంతుల్లో) చేసిన సెంచరీ రెండో స్థానంలో ఉంది. ‘గత రెండు మ్యాచ్‌ల్లో విఫలమయ్యా. ఒక్క పరుగు కూడా చేయకుండానే అవుటయ్యా. దీంతో బాగా ఒత్తిడికి గురయ్యా. అయినా మేనేజ్‌మెంట్‌ నాకు మరో అవకాశం ఇచ్చింది.తొలి పరుగు చేసినప్పుడు భారం తీరినట్లు అనిపించింది. దీంతో స్వేచ్ఛగా ఆడి జట్టును గెలిపించాలనుకున్నా’ అని నవాజ్‌ అన్నాడు. ఇక నవాజ్, సల్మాన్‌ అబేధ్యమైన రెండో వికెట్‌కు 133 పరుగులు జోడించి జట్టును విజయ తీరాలకు చేర్చారు. 200 పైచిలుకు పరుగుల లక్ష్యాన్ని 16 ఓవర్లలోపు పూర్తి చేసిన తొలి జట్టుగా పాకిస్తాన్‌ నిలిచింది. ఓవరాల్‌గా పాకిస్తాన్‌కు ఇది రెండో పెద్ద ఛేదన. కెప్టెన్‌ సల్మాన్‌ కూడా ఈ మ్యాచ్‌లోనే తొలి అంతర్జాతీయ అర్ధశతకం పూర్తిచేసుకున్నాడు.అతడు అద్భుతంగా బ్యాటింగ్‌ చేశాడుఈ నేపథ్యంలో మ్యాచ్‌ అనంతరం కివీస్‌ కెప్టెన్‌ మైకేల్‌ బ్రేస్‌వెల్‌ మాట్లాడుతూ.. ‘‘ఈ ఫలితం మమ్మల్ని తీవ్రంగా నిరాశపరిచింది. నవాజ్‌కు హ్యాట్సాఫ్‌ చెప్పాల్సిందే. అతడు నమ్మశక్యం కాని ఇన్నింగ్స్‌ ఆడాడు. ఈ విషయంలో అతడికి తప్పకుండా క్రెడిట్‌ ఇవ్వాలి.మేము 20 ఓవర్ల పాటు ఆడలేకపోయాం. పొట్టి క్రికెట్‌లో ఇదొక నేరం లాంటిదే. చాప్‌మన్‌ అద్భుతంగా బ్యాటింగ్‌ చేశాడు. కానీ అతడు అవుటైన తర్వాత మేము మరో రెండు ఓవర్లు మెరుగ్గా బ్యాటింగ్‌ చేసి ఉంటే.. 230 పరుగుల మేర సాధించేవాళ్లం. ఏదేమైనా ఈ మ్యాచ్‌లో కనీసం మరో పదిహేను పరుగులు చేసి ఉంటే ఫలితం వేరేలా ఉండేది’’ అని పేర్కొన్నాడు.చదవండి: భారత జట్టు కెప్టెన్‌గా యువరాజ్‌ సింగ్‌

విశాఖ స్పోర్ట్స్‌: ప్రస్తుత ఐపీఎల్‌ సీజన్‌లో తమ తొలి మ్యాచ్‌ ఆడేందుకు లక్నో సూపర్‌ జెయింట్స్‌(ఎల్‌ఎస్‌జీ) జట్టు విశాఖపట్నం చేరుకుంది. శుక్రవారం ప్రత్యేక విమానంలో లక్నో నుంచి జట్టు విశాఖకు వచ్చింది. వైఎస్సార్‌ ఏసీఏ–వీడీసీఏ స్టేడియంలో ఈ నెల 24వ తేదీ రాత్రి 7.30 గంటలకు ఎల్‌ఎస్‌జీ, ఢిల్లీ క్యాపిటల్స్‌తో తలపడనుంది. గత సీజన్‌లో ఢిల్లీ క్యాపిటల్స్‌కు కెప్టెన్‌గా వ్యవహరించిన రిషబ్‌ పంత్‌ విశాఖ స్టేడియంలో రెండు మ్యాచ్‌లు ఆడాడు. ఈసారి ఎల్‌ఎస్‌జీ జట్టు కు రిషబ్‌ పంత్‌ కెప్టెన్‌గా వ్యవహరిస్తున్నాడు. తమ తొలి మ్యాచ్‌లో విజయం సాధించాలని ఇరు జట్లు ఉవ్విళ్లూరుతున్నాయి. ఇప్పటికే ఢిల్లీ క్యాపిటల్స్‌ ప్రాక్టీస్‌ ప్రారంభించగా, ఎల్‌ఎస్‌జీ జట్టు శనివారం ప్రాక్టీస్‌ చేయనుంది. ఎల్‌ఎస్‌జీ జట్టుకు మెంటర్‌గా జహీర్‌ ఖాన్‌, హెడ్‌ కోచ్‌గా లాంగర్‌, సహాయ కోచ్‌లుగా జాంటీ రోడ్స్‌, ప్రవీణ్‌ తంబే, లాన్స్‌ క్లుసెనర్‌ వంటి వారు ఉన్నారు. జట్టులో వికెట్‌ కీపర్లుగా ఆర్యన్‌, నికోలస్‌ అందుబాటులో ఉన్నారు. ఆల్‌రౌండర్లుగా మార్క్రమ్‌, మార్ష్‌, షాబాజ్‌ ఉండగా, బ్యాటింగ్‌లో ఆయుష్‌, డేవిడ్‌ మిల్లర్‌, సమద్‌ తమ సత్తా చాటేందుకు సిద్ధంగా ఉన్నారు. బౌలింగ్‌లో రవి బిష్ణోయ్‌, ఆవేష్‌, ఆకాష్‌తో పాటు ఇంపాక్ట్‌ ప్లేయర్‌గా సిద్ధార్థ్‌ లేదా అర్షిన్‌ ఆడే అవకాశం ఉంది. అయితే మయాంక్‌, మోషిన్‌, ఆవేష్‌ గాయా ల కారణంగా జట్టుకు అందుబాటులో ఉండటంపై సందేహాలు ఉన్నాయి. ప్రాక్టీస్‌ సెషన్‌ తర్వాత బౌలింగ్‌ విభాగంపై స్పష్టత వచ్చే అవకాశం ఉంది. ప్రస్తుతం ఇరు జట్లు గ్రూప్‌–2లో ఉన్నాయి. గత సీజన్‌లో ఇరు జట్లు కూడా లీగ్‌ దశలోనే నిష్క్రమించాయి.రాహుల్‌ రానట్టేనా?కాగా.. ఢిల్లీ క్యాపిటల్స్‌ స్టార్‌ ఆటగాడు కె.ఎల్‌.రాహుల్‌ ఇంకా విశాఖ చేరుకోలేదు. దీంతో ఆయన విశాఖలో జరిగే రెండు మ్యాచ్‌లకు అందుబాటులో ఉండటం అనుమానమే.! దీంతో ఎల్‌ఎస్‌జీతో జరిగే తొలి మ్యాచ్‌లో ఢిల్లీ తరపున ఫెరీరా వికెట్‌ కీపర్‌గా బరిలోకి దిగే అవకాశం ఉంది. గత సీజన్‌లో రాహుల్‌ లక్నో జట్టుకు కెప్టెన్‌గా ఉన్నాడు.

పంజాబ్ కింగ్స్ జట్టు ఇండియన్ ప్రీమియర్ లీగ్ ఆరంభ సీజన్‌ (2008) నుంచి ఇప్పటి వరకూ చెప్పుకోదగ్గ రీతిలో రాణించలేకపోయింది. ఆ జట్టు ఫలితాలను పరిశీలించినట్లయితే ఐపీఎల్ చరిత్రలో రెండుసార్లు మాత్రమే ప్లేఆఫ్స్‌ చేరుకుంది. మొదటిసారి 2008లో.. ఆ తర్వాత 2014 సీజన్‌లో టాప్‌-4లో నిలిచింది. 2014లో ఫైనల్‌కు చేరుకుని బెంగళూరులో జరిగిన టైటిల్ పొరులో కోల్‌కతా నైట్ రైడర్స్ చేతిలో పరాజయం చవిచూసింది.శ్రేయస్‌ అయ్యర్‌కి కెప్టెన్సీ బాధ్యతలుఆ రెండు సీజన్లను మినహాయిస్తే ఒక దశాబ్దం పాటు కింగ్స్ ప్లేఆఫ్స్‌కు కూడా చేరుకోలేకపోయింది. నిరంతరం కోచ్‌లు, కెప్టెన్‌లను మార్చడం కూడా కింగ్స్ ప్రదర్శన పై కోలుకోని దెబ్బతీసింది. పంజాబ్ కింగ్స్ మేనేజ్‌మెంట్ గత 17 సీజన్లలో పదహారు మంది కెప్టెన్లు, పది 10 మంది కోచ్‌లను మార్చింది. ఈసారి కూడా భారీ మార్పులతో మరోసారి తన అదృష్టాన్ని పరీక్షించుకోవడానికి సిద్ధమైంది.ఈసారి 2024లో కోల్‌కతా నైట్ రైడర్స్‌ను ముందుండి నడిపించి మూడో ఐపీఎల్ టైటిల్‌ను కట్టబెట్టిన భారత బ్యాటర్‌ శ్రేయస్ అయ్యర్ కోసం భారీగా ఖర్చు చేసింది. ఏకంగా రూ 26.75 కోట్లతో శ్రేయస్ అయ్యర్ ని కనుగోలు చేసి అతనికి కెప్టెన్సీ బాధ్యతలు కట్టబెట్టింది. హెడ్‌కోచ్ గా మాజీ ఆస్ట్రేలియా కెప్టెన్ రికీ పాంటింగ్‌ను ఎంచుకుంది.వేలంలో పంజాబ్ కింగ్స్ ఎలా రాణించింది?ఇక వేలానికి ముందు ఇద్దరు అన్‌క్యాప్డ్ ఆటగాళ్లు శశాంక్ సింగ్ మరియు ప్రభ్‌సిమ్రాన్ సింగ్ ని రెటైన్ చేసారు. ఇక వేలంలో ఏకంగా రూ 112 కోట్లు ఖర్చు చేశారు. ముందుగా శ్రేయస్ అయ్యర్ కోసం భారీగా ఖర్చు చేశారు. తర్వాత అర్ష్‌దీప్ సింగ్‌ను రూ 18 కోట్లకు తిరిగి తీసుకున్నారు. అదే మొత్తానికి భారత మాజీ స్పిన్నర్ యుజ్వేంద్ర చాహల్‌ను కొనుగోలు చేశారు.ఇంకా ఆస్ట్రేలియా ఆల్ రౌండర్లు గ్లెన్ మాక్స్‌వెల్, మార్కస్ స్టోయినిస్. న్యూజిలాండ్ పేసర్ మార్కో యాన్సెన్, ఆఫ్ఘనిస్తాన్ కి చెందిన అజ్మతుల్లా ఒమర్జాయ్‌ల చేరడంతో ఆల్ రౌండ్ విభాగాన్ని బాగా బలోపేతం చేసినట్లు కనిపిస్తోంది.కింగ్స్ జట్టులో నేహాల్ వధేరా, వైశక్ విజయ్‌కుమార్, యష్ ఠాకూర్ వంటి కొంతమంది యువ మరియు ఉత్తేజకరమైన ఆటగాళ్లను కూడా ఉన్నారు. సయ్యద్ ముస్తాక్ అలీ ట్రోఫీ లో ముంబై విజయంలో కీలక పాత్ర వహించిన సూర్యాంష్ షెడ్గే, ముషీర్ ఖాన్ కూడా జట్టులో చేరారు. వీరంతా ఇటీవలి కాలంలో అందరి దృష్టిని ఆకర్షించారు.ఈ సీజన్‌లో కింగ్స్‌కు లాకీ ఫెర్గూసన్ ప్రధాన పేసర్లలో ఒకడిగా ఉండే అవకాశముంది. ఇంకా విదేశీయ ఆటగాళ్లు జోష్ ఇంగ్లిస్, ఆరోన్ హార్డీ, జేవియర్ బార్ట్‌లెట్ జట్టుకు మరింత నాణ్యతను జోడిస్తారు. మొత్తమ్మీద సీనియర్, యువ ఆటగాళ్లతో, కొత్త కెప్టెన్‌తో జట్టు కొత్త తరహా వ్యూహంతో సిద్ధంగా ఉంది.పంజాబ్ కింగ్స్ జట్టు లో ప్రధాన ఆటగాళ్లుశ్రేయస్ అయ్యర్ఛాంపియన్స్ ట్రోఫీ లో నిలకడ గా రాణించి భారత్ విజయంలో కీలక పాత్ర వహించిన శ్రేయస్ అయ్యర్ పై పంజాబ్ కింగ్స్ భారీ ఆశలు పెట్టుకుంది. ఈ ముంబై బ్యాటర్‌ గత సీజన్ లో కోల్‌కతా నైట్ రైడర్స్ ను ముందుండి నడిపించి టైటిల్ సాధించిపెట్టాడు.ఇప్పుడు కింగ్స్ కూడా శ్రేయాస్ అయ్యర్ నుంచి అదే కానుక కోసం ఎదురుచూస్తోంది. ప్రస్తుతం అద్భుతమైన ఫామ్‌తో ఉన్న ఈ మిడిల్ ఆర్డర్ బ్యాటర్ కింగ్స్‌కు ప్రధాన ఆటగాళ్లలో ఒకడు అనడంలో సందేహం లేదు.యుజ్వేంద్ర చాహల్ఐపీఎల్ చరిత్రలో అత్యధిక వికెట్లు తీసిన ఈ స్పిన్ బౌలర్ కొత్త సీజన్‌లో కింగ్స్‌తో కలిసి తనదైన ముద్ర వేయాలని చూస్తున్నాడు. భారత్ జట్టులో స్థానం కోల్పోయినప్పటికీ చాహల్ స్పిన్ మాయాజాలాన్ని తక్కువగా అంచనా వేయలేం.అర్ష్‌దీప్ సింగ్టీ20 ఫార్మాట్ లో భారత్ తరుపున నిలకడగా రాణిస్తున్న ఈ ఎడమచేతి వాటం పేస్ బౌలర్ పంజాబ్ కింగ్స్ బౌలింగ్ కి సారధ్యం వహించే అవకాశముంది. గత కొన్ని సీజన్లలో ఐపిఎల్ లో నిరంతరం వికెట్లు సాధిస్తూ భారత్ జట్టులోకి చొచ్చుకొచ్చిన అర్ష్‌దీప్ మరోసారి తన ప్రతిభని నిరూపించుకోవాలని భావిస్తున్నాడు. ప్రస్తుత అర్ష్‌దీప్ ఫామ్ పంజాబ్‌కు కీలకం అవుతుంది.గ్లెన్ మాక్స్వెల్2014లో పంజాబ్ ప్లేఆఫ్స్‌ చేరుకున్న సమయంలో మాక్స్వెల్ కూడా జట్టులో ఉన్నాడు. మళ్లీ మాక్స్వెల్ అదే తరహా లో మెరుపులు మెరిపిస్తాడని కింగ్స్ భావిస్తోంది. అతను నాలుగో స్థానంలో బ్యాటింగ్ కి వచ్చి పెద్ద పాత్ర పోషిస్తాడని భావిస్తున్నారు.మార్కస్ స్టోయినిస్ఈ సీజన్‌లో స్టోయినిస్ తన అల్ రౌండ్ ప్రతిభ కనబరుస్తాడని కింగ్స్ ఏంతో ఆశలు పెట్టుకుంది. టాప్‌లో పరుగులు చేయడం, బౌలింగ్ లో కూడా కీలక పాత్ర వహిస్తాడని పంజబ్ గట్టి నమ్మకంతో ఉంది.పంజాబ్ కింగ్స్ జట్టుశ్రేయస్ అయ్యర్, యుజ్వేంద్ర చాహల్, అర్ష్‌దీప్ సింగ్, మార్కస్ స్టోయినిస్, నేహాల్ వధేరా, గ్లెన్ మాక్స్‌వెల్, వైశాక్ విజయ్‌కుమార్, యష్ ఠాకూర్, హర్‌ప్రీత్ బ్రార్, విష్ణు వినోద్, మార్కో జాన్సెన్, లాకీ ఫెర్గూసన్, జోష్ ఇంగ్లిస్, జేవియర్ బార్ట్‌లెట్, కుల్దీప్ సేన్, పైలా అవినాష్, సూర్యాంష్ షెడ్గే, ముషీర్ ఖాన్, హర్నూర్ పన్ను, ఆరోన్ హార్డీ, ప్రియాంష్ ఆర్య, అజ్మతుల్లా ఒమర్జాయ్.

ఐపీఎల్‌(IPL) రాగానే ఎమ్మెస్‌ ధోనికి(MS Dhoni) ఇదే ఆఖరి సీజనా అనే చర్చ మళ్లీ మొదలవుతుంది! గత నాలుగేళ్లుగా అతను ‘డెఫినెట్‌లీ నాట్‌’ అంటూ చిరునవ్వులు చిందిస్తూనే ఉన్నాడు. లీగ్‌లో బ్యాటర్‌గా ధోని ప్రభావం దాదాపు సున్నాగా మారిపోయింది. అతని స్థాయి ఆట ఎంతో కాలంగా అస్సలు కనిపించడం లేదు. తప్పనిసరి అయితే తప్ప బ్యాటింగ్‌కు రాకుండా బౌలర్లను ముందుగా పంపిస్తున్నాడు. ఒక రకంగా టీమ్‌ 10 మందితోనే ఆడుతోంది! అయితే చెన్నై సూపర్‌ కింగ్స్‌ మేనేజ్‌మెంట్‌ ఆలోచనలు మాత్రం భిన్నంగా ఉన్నాయి. ఆటగాడిగా ఎలా ఉన్నా అతను మైదానంలో ఉంటే చాలు అని వారు భావిస్తున్నారు. అధికారికంగా కెప్టెన్ కాకపోయినా జట్టును నడిపించడంలో, వ్యూహాల్లో, టీమ్‌కు పెద్ద దిక్కుగా అతనికి అతనే సాటి. ఫిట్‌గానే ఉన్నాడు కాబట్టి అతను తనకు నచ్చినంత కాలం ఆడతాడేమో.

వెల్లింగ్టన్‌: వచ్చే ఏడాది జరిగే ప్రపంచకప్‌ ఫుట్‌బాల్‌ టోర్నమెంట్‌కు అర్హత సాధించేందుకు న్యూజిలాండ్, న్యూ కాలడోనియా జట్లు ఒక్క విజయం దూరంలో నిలిచాయి. ఓసియానియా జోన్‌ క్వాలిఫయింగ్‌ టోర్నీలో ఈ రెండు జట్లు ఫైనల్‌కు దూసుకెళ్లాయి. ఈనెల 24న ఈ రెండు జట్ల మధ్య జరిగే ఫైనల్లో గెలిచిన జట్టు 2026 ప్రపంచకప్‌ టోర్నీ బెర్త్‌ను అధికారికంగా ఖరారు చేసుకుంటుంది. శుక్రవారం జరిగిన సెమీఫైనల్స్‌లో న్యూజిలాండ్‌ 7–0 గోల్స్‌ తేడాతో ఫిజీ జట్టుపై గెలుపొందగా... న్యూ కాలడోనియా జట్టు 3–0తో తాహితి జట్టును ఓడించింది. ఫిజీ జట్టుతో జరిగిన మ్యాచ్‌లో న్యూజిలాండ్‌ తరఫున క్రిస్టోఫర్‌ వుడ్‌ (6వ, 56వ, 60వ నిమిషాల్లో) మూడు గోల్స్‌తో ‘హ్యాట్రిక్‌’ నమోదు చేశాడు. సర్‌ప్రీత్‌ సింగ్‌ (16వ నిమిషంలో), టైలర్‌ గ్రాంట్‌ బిండన్‌ (23వ నిమిషంలో), టిమోతీ జాన్‌ పేన్‌ (32వ నిమిషంలో), బార్బరూసెస్‌ (73వ నిమిషంలో) ఒక్కో గోల్‌ సాధించారు. తాహితి జట్టుతో జరిగిన మ్యాచ్‌లో న్యూ కాలడోనియా తరఫున జార్జెస్‌ గోప్‌ ఫెనెపెజ్‌ (50వ, 76వ నిమిషాల్లో) రెండు గోల్స్‌ చేయగా... లూయిస్‌ వాయా (90+1వ నిమిషంలో) ఒక గోల్‌ సాధించాడు. న్యూజిలాండ్‌ జట్టు ఇప్పటికి రెండుసార్లు (1982లో, 2010లో) ప్రపంచకప్‌ ప్రధాన టోర్నీలో పోటీపడింది. మరోవైపు న్యూ కాలడోనియా జట్టు ఇప్పటి వరకు ఒక్కసారి కూడా ప్రపంచకప్‌ టోర్నీకి అర్హత సాధించలేదు.

కోస్టా నవారినో (గ్రీస్‌): అంతర్జాతీయ ఒలింపిక్‌ కమిటీ (ఐఓసీ) అధ్యక్షురాలిగా ఎంపికైన కిర్‌స్టీ కొవెంట్రీ భవిష్యత్తు ఒలింపిక్‌ ఆతిథ్య దేశాల అంశంలో కీలక వ్యాఖ్యలు చేసింది. 2036లో భారత్‌లో విశ్వక్రీడలు నిర్వహించాలని కేంద్ర ప్రభుత్వం ప్రయత్నాలు చేస్తున్న నేపథ్యంలో కొవెంట్రీ వ్యాఖ్యలు ప్రాధాన్యత సంతరించుకున్నాయి. భవిష్యత్‌లో ఒలింపిక్స్‌ ఆతిథ్య దేశాల అంశంలో తన ఆలోచనలను త్వరలోనే వెల్లడిస్తానని కొవెంట్రీ పేర్కొంది. ‘ఈ ప్రక్రియ సుదీర్ఘ కాలం సాగుతుంది. భవిష్యత్తు ఆతిథ్య దేశం ఎంపికలో సభ్యులందరి పాత్ర ఉంటుంది. దీనిపై నాకు కొన్ని ఆలోచనలు ఉన్నాయి. వాటిని త్వరలోనే ఐఓసీ సభ్యులతో పంచుకుంటాను’ అని కొవెంట్రీ పేర్కంది. గురవారం జరిగిన ఐఓసీ ఎన్నికల్లో కొవెంట్రీ భారీ ఆధిక్యంతో విజయం సాధించింది. జూన్‌ 23తో ప్రస్తుత అధ్యక్షుడు థామస్‌ బాచ్‌ పదవీ కాలం ముగిసిన అనంతరం కొవెంట్రీ పూర్తిస్థాయి బాధ్యతలు చేపట్టనుంది. జింబాబ్వేకు చెందిన 41 ఏళ్ల కిర్‌స్టీ కొవెంట్రీ ప్రస్తుతం ఆ దేశ క్రీడా శాఖ మంత్రిగానూ వ్యవహరిస్తోంది. 2033 వరకు కొవెంట్రీ ఐఓసీ అధ్యక్షురాలిగా కొనసాగనుంది. ఆమె అధ్యక్షతన 2028 లాస్‌ ఏంజెలిస్‌ ఒలింపిక్స్, 2032 బ్రిస్బేన్‌ ఒలింపిక్స్‌ జరగనున్నాయి. దీంతో పాటు 2036 ఒలింపిక్స్‌ ఆతిథ్య దేశం ఎంపిక కూడా కొవెంట్రీ హయాంలోనే ఖాయం కానుంది. 2036 ఒలింపిక్స్‌ ఆతిథ్య హక్కుల కోసం పదికి పైగా దేశాలు పోటీ పడుతున్నాయి. వీటిలో భారత్‌తో పాటు ఖతర్, సౌదీ అరేబియా కూడా ఉన్నాయి. ‘లెటర్‌ ఆఫ్‌ ఇంటెంట్‌’ సమర్పించడంతో... భారత్‌ తమ ఆసక్తిని ఇప్పటికే వెల్లడించింది. దీనిపై ఐఓసీ పూర్తి అధ్యయనం చేయనుంది. 2036 ఒలింపిక్స్‌కు సంబంధించిన ఆతిథ్య హక్కుల అంశంలో 2026లోగా స్పష్టత వచ్చే అవకాశం ఉంది. 2028 లాస్‌ ఏంజెలిస్‌ ఒలింపిక్స్‌ సన్నాహాలపై త్వరలోనే అమెరికా అధ్యక్షుడు డొనాల్డ్‌ ట్రంప్‌తో భేటీ అవుతానని... ఆయన అధ్యక్షుడిగా ఉన్నపుడే 2017లో లాస్‌ ఏంజెలిస్‌కు ఆతిథ్య హక్కులు దక్కాయని కొవెంట్రీ తెలిపింది. 2028 లాస్‌ ఏంజెలిస్‌ ఒలింపిక్స్‌ ద్వారా క్రికెట్‌ టి20 ఫార్మాట్‌ రూపంలో మళ్లీ విశ్వ క్రీడల్లో భాగం కానుంది. ఈ నేపథ్యంలో గ్రీస్‌లో జరిగిన ఐఓసీ సెషన్‌లో కిర్‌స్టీ కొవెంట్రీతో అంతర్జాతీయ క్రికెట్‌ కౌన్సిల్‌ (ఐసీసీ) చైర్మన్‌ జై షా మర్యాదపూర్వకంగా సమావేశమయ్యారు. ఐఓసీ అధ్యక్షురాలిగా ఎన్నికైనందుకు ఆమెకు అభినందనలు తెలిపారు.

బాసెల్‌: స్విస్‌ ఓపెన్‌ వరల్డ్‌ టూర్‌ సూపర్‌–300 బ్యాడ్మింటన్‌ టోర్నమెంట్‌లో భారత యువతార శంకర్‌ ముత్తుస్వామి సుబ్రమణియన్‌ పెను సంచలనం సృష్టించాడు. ప్రపంచ రెండో ర్యాంకర్‌ ఆండెర్స్‌ ఆంటోన్సెన్‌ (డెన్మార్క్‌)పై శంకర్‌ అద్భుత విజయం సాధించాడు. తమిళనాడుకు చెందిన 21 ఏళ్ల శంకర్‌ శుక్రవారం జరిగిన పురుషుల సింగిల్స్‌ ప్రిక్వార్టర్‌ ఫైనల్లో 18–21, 21–12, 21–5తో ఆంటోన్సెన్‌ను బోల్తా కొట్టించి క్వార్టర్‌ ఫైనల్లోకి దూసుకెళ్లాడు. 2022 ప్రపంచ జూనియర్‌ చాంపియన్‌షిప్‌లో రజత పతకం సాధించిన శంకర్‌ 66 నిమిషాల పోరులో ఆంటోన్సెన్‌ ఆట కట్టించాడు. ప్రపంచ సీనియర్‌ చాంపియన్‌షిప్‌లో రెండుసార్లు రజతం, ఒకసారి కాంస్య పతకం నెగ్గిన ఆంటోన్సెన్‌ తొలి గేమ్‌ గెలిచినప్పటికీ... ఆ తర్వాత ప్రపంచ 68వ ర్యాంకర్‌ శంకర్‌ ధాటికి చేతులెత్తేశాడు. క్వార్టర్‌ ఫైనల్లో ప్రపంచ 31వ ర్యాంకర్‌ క్రిస్టో పొపోవ్‌ (ఫ్రాన్స్‌)తో శంకర్‌ తలపడతాడు. మరోవైపు మహిళల డబుల్స్‌ విభాగంలో భారత నంబర్‌వన్‌ జోడీ పుల్లెల గాయత్రి–ట్రెసా జాలీ సెమీఫైనల్లోకి అడుగు పెట్టింది. క్వార్టర్‌ ఫైనల్లో గాయత్రి–ట్రెసా జాలీ ద్వయం 21–18, 21–14తో పుయ్‌ లామ్‌ యెంగ్‌–ఎన్గా టింగ్‌ యెయుంగ్‌ (హాంకాంగ్‌) జంటపై విజయం సాధించింది.

2008 మండు వేసవిలో ఐపీఎల్‌ తొలి మ్యాచ్‌లో కోల్‌కతా నైట్‌రైడర్స్, బెంగళూరు రాయల్‌ చాలెంజర్స్‌ తలపడ్డాయి. ఈ మొదటి పోరులో మెకల్లమ్‌ తన మెరుపు బ్యాటింగ్‌తో అగ్గి పుట్టించాడు. 73 బంతుల్లోనే 10 ఫోర్లు, 13 సిక్సర్లతో 158 పరుగులు చేసి అతను అంటించిన మంట ఆ తర్వాత అంతకంతా పెరిగి దావానంలా మారి అన్ని వైపులకు వ్యాపించిపోయింది. టి20 క్రికెట్‌లో ఉండే బ్యాటింగ్‌ ధమాకా ఏమిటో అందరికీ చూపించేసింది. ఐపీఎల్‌ అంటే క్రికెట్‌ మాత్రమే కాదని... అంతకు మించిన వినోదమని సగటు అభిమాని ఆటతో పాటు ఊగిపోయేలా చేసింది ఈ లీగ్‌. ఐపీఎల్‌లో 17 సీజన్లు ముగిసిపోయాయి. ఇన్నేళ్లలో ఎన్నో మార్పులు వచ్చాయి. లీగ్‌లో ఆటగాళ్లు మారగా, కొన్ని నిబంధనలూ మారాయి. దిగ్గజాలు స్వల్పకాలం పాటు తామూ ఓ చేయి వేసి తప్పుకోగా, తర్వాతి తరం ఆటను మరో స్థాయికి తీసుకెళ్లింది. ఆటలో ఎన్ని మార్పులు వచి్చనా మారనిది లీగ్‌పై అభిమానం మాత్రమే. ఇన్ని సీజన్లలో కలిపి 1030 మ్యాచ్‌లు జరిగినా ఇప్పటికీ అదే ఉత్సాహం. అంతర్జాతీయ మ్యాచ్‌కంటే వేగంగా సీట్లు నిండిపోతుండగా, ఆటగాళ్ల రాక సినిమా ట్రైలర్‌లా కనిపిస్తోంది. ఇలాంటి వీరాభిమానం మధ్య ఐపీఎల్‌ 18వ పడిలోకి అడుగు పెడుతోంది. కోల్‌కతా: ఇండియన్‌ ప్రీమియర్‌ లీగ్‌–2025కు రంగం సిద్ధమైంది. నేడు మొదలు కానున్న 18వ సీజన్‌ 65 రోజుల పాటు జోరుగా సాగనుంది. ఈడెన్‌ గార్డెన్స్‌ మైదానంలో శనివారం జరిగే తొలి మ్యాచ్‌లో డిఫెండింగ్‌ చాంపియన్‌ కోల్‌కతా నైట్‌రైడర్స్‌తో రాయల్‌ చాలెంజర్స్‌ బెంగళూరు తలపడుతుంది. 2008 తర్వాత ఇరు జట్ల మధ్య సీజన్‌ తొలి మ్యాచ్‌ జరగడం ఇదే మొదటిసారి కావడం విశేషం. 69 లీగ్‌ మ్యాచ్‌లు, ఆపై 4 ‘ప్లే ఆఫ్స్‌’ సమరాల తర్వాత మే 25న ఇదే మైదానంలో జరిగే ఫైనల్‌ పోరుతో టోర్నీ ముగుస్తుంది. గత మూడు సీజన్ల తరహాలోనే ఇప్పుడు కూడా 10 జట్లు టైటిల్‌ కోసం అమీతుమీ తేల్చుకోనున్నాయి. మొదటి మ్యాచ్‌కు వాన అంతరాయం కలిగించే సూచనలు కనిపిస్తున్నాయి. శ్రేయా ఘోషాల్, కరణ్‌ ఔజ్‌లా, దిశా పటాని ఆట, పాటలతో కూడిన ప్రత్యేక ప్రారంబోత్సవ కార్యక్రమం కూడా జరగనుంది. ప్రపంచవ్యాప్తంగా క్రికెట్‌ అభిమానులు ప్రేమించే లీగ్‌ మళ్లీ వచ్చిన నేపథ్యంలో టోర్నీకి సంబంధించిన పలు విశేషాలు... 300 దాటతారా! ఐపీఎల్‌లో ఇప్పటి వరకు టీమ్‌ అత్యధిక స్కోరు 287 పరుగులు. గత ఏడాది బెంగళూరుపై సన్‌రైజర్స్‌ ఈ స్కోరు సాధించింది. ఐపీఎల్‌లో మొత్తం 250కు పైగా స్కోరు10 సార్లు నమోదైతే ఇందులో ఎనిమిది 2024లోనే వచ్చాయి. కొత్త సీజన్‌లో ఇలాంటి మరిన్ని మెరుపు ప్రదర్శనలు రావచ్చని అంతా భావిస్తున్నారు. బ్యాటర్లు జోరు సాగితే తొలిసారి లీగ్‌లో 300 స్కోరు కూడా దాటవచ్చు.2008 నుంచి 2025 వరకు... ఐపీఎల్‌ తొలి సీజన్‌లో జట్టుతో ఉండి ఈసారి 18వ సీజన్‌లో కూడా బరిలోకి దిగబోయే ఆటగాళ్లు 9 మంది ఉండటం విశేషం. ధోని, కోహ్లి, రోహిత్, మనీశ్‌ పాండే, రహానే, అశ్విన్, జడేజా, ఇషాంత్‌ శర్మ, స్వప్నిల్‌ సింగ్‌ ఈ జాబితాలో ఉన్నారు. వీరిలో కోహ్లి ఒక్కడే ఒకే ఒక జట్టు తరఫున కొనసాగుతున్నాడు. ఇందులో 34 ఏళ్ల లెఫ్టార్మ్‌ స్పిన్నర్‌ స్వప్నిల్‌ సింగ్‌ ప్రస్థానం భిన్నం. 2008లో ముంబై టీమ్‌తో ఉన్నా... 2016లో పంజాబ్‌ తరఫున తొలి మ్యాచ్‌ ఆడే అవకాశం వచ్చింది. మొత్తంగా 5 సీజన్లే అవకాశం దక్కించుకున్న అతను 14 మ్యాచ్‌లు మాత్రమే ఆడగలిగాడు. రోహిత్, కోహ్లి మళ్లీ టి20ల్లో... గత ఏడాది టి20 వరల్డ్‌ కప్‌ విజయం తర్వాత ఈ ఫార్మాట్‌కు రోహిత్‌ శర్మ, విరాట్‌ కోహ్లి రిటైర్మెంట్‌ పలికారు. ఇప్పుడు వారి టి20 ఆటను చూసే అవకాశం మళ్లీ ఐపీఎల్‌లోనే కలగనుంది.ఆ ఒక్కటీ అడక్కు! ఐపీఎల్‌ రాగానే ఎమ్మెస్‌ ధోనికి ఇదే ఆఖరి సీజనా అనే చర్చ మళ్లీ మొదలవుతుంది! గత నాలుగేళ్లుగా అతను ‘డెఫినెట్‌లీ నాట్‌’ అంటూ చిరునవ్వులు చిందిస్తూనే ఉన్నాడు. లీగ్‌లో బ్యాటర్‌గా ధోని ప్రభావం దాదాపు సున్నాగా మారిపోయింది. అతని స్థాయి ఆట ఎంతో కాలంగా అస్సలు కనిపించడం లేదు. తప్పనిసరి అయితే తప్ప బ్యాటింగ్‌కు రాకుండా బౌలర్లను ముందుగా పంపిస్తున్నాడు. ఒక రకంగా టీమ్‌ 10 మందితోనే ఆడుతోంది! అయితే చెన్నై సూపర్‌ కింగ్స్‌ మేనేజ్‌మెంట్‌ ఆలోచనలు మాత్రం భిన్నంగా ఉన్నాయి. ఆటగాడిగా ఎలా ఉన్నా అతను మైదానంలో ఉంటే చాలు అని వారు భావిస్తున్నారు. అధికారికంగా కెప్టెన్ కాకపోయినా జట్టును నడిపించడంలో, వ్యూహాల్లో, టీమ్‌కు పెద్ద దిక్కుగా అతనికి అతనే సాటి. ఫిట్‌గానే ఉన్నాడు కాబట్టి అతను తనకు నచ్చినంత కాలం ఆడతాడేమో.2025 లీగ్‌ వివరాలు» మొత్తం 13 వేదికల్లో టోర్నీ జరుగుతుంది. 7 టీమ్‌లకు ఒకే ఒక హోం గ్రౌండ్‌ ఉండగా... 3 జట్లు రెండు వేదికలను హోం గ్రౌండ్‌లుగా ఎంచుకున్నాయి. ఢిల్లీ తమ మ్యాచ్‌లను ఢిల్లీతోపాటు విశాఖపట్నంలో, పంజాబ్‌ తమ మ్యాచ్‌లను ముల్లన్‌పూర్‌తో పాటు ధర్మశాలలో, రాజస్తాన్‌ తమ మ్యాచ్‌లను జైపూర్‌తో పాటు గువాహటిలో ఆడుతుంది. » ఐపీఎల్‌ ప్రదర్శనను బట్టే 10 టీమ్‌లను రెండు గ్రూప్‌లుగా విభజించారు. గ్రూప్‌ ‘ఎ’లో చెన్నై, కోల్‌కతా, రాజస్తాన్, బెంగళూరు, పంజాబ్‌ ఉండగా... గ్రూప్‌ ‘బి’లో ముంబై, హైదరాబాద్, గుజరాత్, ఢిల్లీ, లక్నో ఉన్నాయి. ప్రతీ టీమ్‌ తమ గ్రూప్‌లోని మిగతా 4 జట్లతో రెండు మ్యాచ్‌ల చొప్పున (8 మ్యాచ్‌లు), మరో గ్రూప్‌లో ఒక జట్టుతో రెండు మ్యాచ్‌లు (2), మిగతా నాలుగు టీమ్‌లతో ఒక్కో మ్యాచ్‌ (4) ఆడతాయి. అందరికీ సమానంగా 14 మ్యాచ్‌లు వస్తాయి. వీటిలో 7 సొంత గ్రౌండ్‌లలో ఆడతాయి. » కొత్త సీజన్‌లో కొన్ని మార్పులు కూడా వచ్చాయి. బంతిని షైన్‌ చేసేందుకు ఉమ్మి (సలైవా)ను వాడేందుకు అనుమతినిచ్చారు. హైట్‌కు సంబంధించిన వైడ్‌లు, ఆఫ్‌ సైడ్‌ వైడ్‌లను తేల్చేందుకు కూడా డీఆర్‌ఎస్‌ సమయంలో ‘హాక్‌ ఐ’ ని ఉపయోగిస్తారు. స్లో ఓవర్‌ రేట్‌ నమోదు చేస్తే కెప్టెన్లపై జరిమానా వేయడాన్ని, సస్పెన్షన్‌ విధించడాన్ని తొలగించారు. దానికి బదులుగా డీ మెరిట్‌ పాయింట్లు విధిస్తారు. రాత్రి మ్యాచ్‌లలో మంచు ప్రభావం ఉందని భావిస్తే రెండో ఇన్నింగ్స్‌ సమయంలో 10 ఓవర్ల తర్వాత ఒక బంతిని మార్చేందుకు అవకాశం ఇస్తారు. ఇప్పటి వరకు బంతి దెబ్బ తిందని భావించి మార్చే విచక్షణాధికారం అంపైర్లకే ఉండేది. అయితే ఇప్పుడు ఫీల్డింగ్‌ కెపె్టన్‌ బంతి మార్చమని కోరవచ్చు. » అన్ని మ్యాచ్‌లు రాత్రి 7 గంటల 30 నిమిషాలకు మొదలవుతాయి. మొత్తం షెడ్యూల్‌లో 12 రోజులు మాత్రం ఒకే రోజు రెండు మ్యాచ్‌లు ఉన్నాయి. అప్పుడు తొలి మ్యాచ్‌ మధ్యాహ్నం 3 గంటల 30 నిమిషాలకు ప్రారంభమవుతుంది.» గత ఏడాదితో పోలిస్తే ఐదు టీమ్‌లు కొత్త కెపె్టన్లతో బరిలోకి దిగుతున్నాయి. అక్షర్‌ పటేల్‌ (ఢిల్లీ క్యాపిటల్స్‌), రిషభ్‌ పంత్‌ (లక్నో సూపర్‌ జెయింట్స్‌), శ్రేయస్‌ అయ్యర్‌ (పంజాబ్‌ కింగ్స్‌), అజింక్య రహానే (కోల్‌కతా నైట్‌రైడర్స్‌), రజత్‌ పాటీదార్‌ (రాయల్‌ చాలెంజర్స్‌ బెంగళూరు) ఆయా టీమ్‌లకు తొలిసారి సారథులుగా వ్యవహరించనున్నారు. నిషేధం కారణంగా ముంబై తొలి మ్యాచ్‌కు పాండ్యా స్థానంలో సూర్యకుమార్‌... గాయం నుంచి సామ్సన్‌ కోలుకోకపోవడంతో రాజస్తాన్‌ రాయల్స్‌ తొలి మూడు మ్యాచ్‌లకు రియాన్‌ పరాగ్‌కెప్టెన్లుగా మైదానంలోకి దిగుతారు. వేలంలో రూ. 27 కోట్లకు అమ్ముడుపోయి రికార్డు సృష్టించిన రిషభ్‌ పంత్‌పై ఇప్పుడు ఆటగాడిగా, కెప్టెన్‌గా అందరి దృష్టీ ఉంది.ఐపీఎల్‌ విజేతలు (2008 నుంచి 2024 వరకు)2008 రాజస్తాన్‌ రాయల్స్‌ 2009 డెక్కన్‌ చార్జర్స్‌ 2010 చెన్నై సూపర్‌ కింగ్స్‌ 2011 చెన్నై సూపర్‌ కింగ్స్‌ 2012 కోల్‌కతా నైట్‌రైడర్స్‌ 2013 ముంబై ఇండియన్స్‌ 2014 కోల్‌కతా నైట్‌రైడర్స్‌ 2015 ముంబై ఇండియన్స్‌ 2016 సన్‌రైజర్స్‌ హైదరాబాద్‌ 2017 ముంబై ఇండియన్స్‌ 2018 చెన్నై సూపర్‌ కింగ్స్‌ 2019 ముంబై ఇండియన్స్‌ 2020 ముంబై ఇండియన్స్‌ 2021 చెన్నై సూపర్‌ కింగ్స్‌ 2022 గుజరాత్‌ టైటాన్స్‌ 2023 చెన్నై సూపర్‌ కింగ్స్‌ 2024 కోల్‌కతా నైట్‌రైడర్స్‌

ఐపీఎల్‌ 2025 సీజన్‌ తొలి మ్యాచ్‌కు వరుణుడు అడ్డు తగిలేలా ఉన్నాడు. కేకేఆర్‌, ఆర్సీబీ మధ్య రేపు (మార్చి 22) జరగాల్సిన మ్యాచ్‌ వర్షం​ కారణంగా రద్దయ్యే అవకాశముందని తెలుస్తుంది. రేపు మ్యాచ్‌ జరిగే సమయానికి (రాత్రి 7:30 గంటలకు) వర్షం పడే అవకాశాలు 90 శాతం ఉన్నాయని వాతావరణ నివేదికలు ఇదివరకే స్పష్టం చేశాయి. దీన్ని నిజం చేస్తూ ఇవాల్టి నుంచే వర్షం మొదలైంది. NO RAIN pleaseeee!!!!pic.twitter.com/YgfkvBSfx0— CricTracker (@Cricketracker) March 21, 2025ఇవాళ రాత్రి 8 గంటల ప్రాంతంలో కోల్‌కతాలోని ఈడెన్‌ గార్డన్స్‌ మైదానంలో వర్షం కురుస్తూ ఉండింది. ఇవాల్టి పరిస్థితి చూసి రేపటి మ్యాచ్‌ జరిగేనా అని క్రికెట్‌ అభిమానులు ఆందోళన చెందుతున్నారు. మ్యాచ్‌ సమయానికి వర్షం​ తగ్గిపోవాలని దేవుడిని వేడుకుంటున్నారు. ఐపీఎల్‌ కోసం​ క్రికెట్‌ అభిమానులు చాలాకాలంగా కళ్లకు వత్తులు పెట్టుకుని ఎదురుచూస్తున్నారు. ఈ పరిస్థితుల్లో సీజన్‌ ఆరంభ మ్యాచ్‌ రద్దైతే వారి బాధ వర్ణణాతీతం.మరోవైపు రేపటి మ్యాచ్‌కు ముందు ఈడెన్‌గార్డెన్స్‌లో ఐపీఎల్‌-18వ సీజ‌న్‌ ప్రారంభోత్సవాన్ని ఘ‌నంగా నిర్వహించాలని బీసీసీఐ ప్లాన్ చేస్తోంది. ఈ ఓపెనింగ్ సెర్మనీ దాదాపుగా రద్దయ్యే సూచనలు కనిపిస్తున్నాయి.ఇదిలా ఉంటే, డిఫెండింగ్‌ ఛాంపియన్‌ అయిన కేకేఆర్‌ సొంత మైదానంలో జరిగే తొలి మ్యాచ్‌ విజయం సాధించి సీజన్‌ను ఘనంగా ప్రారంభించాలని ప్లాన్‌ చేసింది. అయితే వారి ఆశలు వర్షార్పణం అయ్యేలా కనిపిస్తున్నాయి. ఈ సీజన్‌లో కేకేఆర్‌ కొత్త కెప్టెన్‌ ఆజింక్య రహానే సారథ్యంలో బరిలోకి దిగనుంది. గత సీజన్‌లో కేకేఆర్‌కు టైటిల్‌ అందించిన శ్రేయస్‌ అయ్యర్‌ ఈ సీజన్‌లో పంజాబ్‌ కింగ్స్‌కు వెళ్లాడు. ఆర్సీబీ విషయానికొస్తే.. ఈ జట్టు ప్రతి ఏడాది లాగే ఈసారి కూడా 'ఈ సాలా కప్‌ నమ్మదే' అనుకుంటూ ఉంది. అయితే వీరి ఆశలకు వర్షం ఆదిలోనే బ్రేకులు వేసేలా ఉంది. ఈ సీజన్‌లో ఆర్సీబీ కూడా కొత్త కెప్టెన్‌తో బరిలోకి దిగుతుంది. రజత్‌ పాటిదార్‌ ఆర్సీబీ నూతన నాయకుడిగా నియమితుడయ్యాడు.ఆర్సీబీ జట్టు..రజత్‌ పాటిదార్‌ (కెప్టెన్‌), విరాట్‌ కోహ్లి, దేవ్‌దత్‌ పడిక్కల్‌, టిమ్‌ డేవిడ్‌, స్వస్తిక్‌ చికారా, కృనాల్‌ పాండ్యా, మనోజ్‌ భాండగే, రొమారియో షెపర్డ్‌, స్వప్నిల్‌ సింగ్‌, లియామ్‌ లివింగ్‌స్టోన్‌, జేకబ్‌ బేతెల్‌, మోహిత్‌ రతీ, ఫిలిప్‌ సాల్ట్‌, జితేశ్‌ శర్మ, జోష్‌ హాజిల్‌వుడ్‌, భువనేశ్వర్‌ కుమార్‌, లుంగి ఎంగిడి, రసిఖ్‌ సలాం​ ధార్‌, సుయాశ్‌ శర్మ, యశ్‌ దయాల్‌, నువాన్‌ తుషార, అభినందన్‌ సింగ్‌కేకేఆర్‌ జట్టు..అజింక్య రహానే (కెప్టెన్‌), మనీశ్‌ పాండే, రింకూ సింగ్‌, రోవ్‌మన్‌ పావెల్‌, అంగ్‌క్రిష్‌ రఘువంశీ, అనుకుల్‌ రాయ్‌, రమన్‌దీప్‌ సింగ్‌, వెంకటేశ్‌ అయ్యర్‌, మొయిన్‌ అలీ, సునీల్‌ నరైన్‌, ఆండ్రీ రసెల్‌, క్వింటన్‌ డికాక్‌, రహ్మానుల్లా గుర్బాజ్‌, లవ్‌నిత్‌ సిసోడియా, వరుణ్‌ చక్రవర్తి, మయాంక్‌ మార్కండే, వైభవ్‌ అరోరార, హర్షిత్‌ రాణా, అన్రిచ్‌ నోర్జే, చేతన్‌ సకారియా, స్పెన్సర్‌ జాన్సన్‌

టీమిండియా పేసర్‌ మహ్మద్‌ సిరాజ్‌తో డేటింగ్‌ రూమర్స్‌పై బిగ్‌బాస్‌ సెలబ్రిటీ మహిర శర్మ స్పందించింది. తాను ఎవరితోనూ డేటింగ్‌ చేయడం లేదని వివరణ ఇచ్చింది. తనపై వస్తున్న ఊహాగానాలను ఆపాలని సోషల్‌మీడియా వేదికగా కోరింది. ఇదే విషయంపై సిరాజ్‌ కూడా స్పందించాడు. మహిరతో డేటింగ్‌ చేయడం లేదని సోషల్‌మీడియా వేదికగా స్పష్టం చేశాడు. జర్నలిస్ట్‌లు ఈ విషయంపై తనను ప్రశ్నించడం మానుకోవాలని కోరాడు. తాను మహిరతో డేటింగ్‌ చేయడమనేది పూర్తిగా అవాస్తవమని కొట్టిపారేశాడు. అయితే ఈ పోస్ట్‌ చేసిన కొద్ది సేపటికే సిరాజ్‌ తన సోషల్‌మీడియా ఖాతా నుంచి తొలగించడం ఆసక్తికరంగా మారింది. సిరాజ్‌ ఏదో దాయాలనే ప్రయత్నం చేస్తున్నాడంటూ అభిమానులు గుసగుసలాడుకుంటున్నారు. కాగా, సోషల్‌మీడియాలో మహీరకు చెందిన ఓ పోస్ట్‌ను సిరాజ్‌ లైక్ చేయడంతో వీరిద్దరి మధ్య డేటింగ్‌ పుకార్లు మొదలయ్యాయి. అనంతరం సిరాజ్‌, మహిర ఒకరినొకరు ఫాలో​ చేసుకోవడంతో పుకార్లు బలపడ్డాయి. ఓ దశలో సిరాజ్‌, మహిర పెళ్లి కూడా చేసుకోబోతున్నారని వదంతులు వ్యాపించాయి. సిరాజ్‌తో డేటింగ్‌ రూమర్లను మహిర తల్లి చాలాసార్లు ఖండించారు. అయినా ఈ ప్రచారానికి పుల్‌స్టాప్‌ పడలేదు.ఇటీవల ముంబైలో జరిగిన ఓ క్రికెట్‌ అవార్డుల ఫంక్షన్‌లో మహిర కనిపించినప్పుడు జర్నలిస్ట్‌లు ఈ విషయమై ఆమెను గుచ్చిగుచ్చి ప్రశ్నించారు. త్వరలో జరుగబోయే ఐపీఎల్‌లో ఆమెకు ఇష్టమైన జట్టు ఏదని పదేపదే ప్రశ్నించి రాక్షసానందం పొందారు.ఇంతకీ ఈ మహిర ఎవరు..?రియాలిటీ షో బిగ్ బాస్-13 సీజన్‌తో మహిర శర్మ ఫేమస్‌ అయ్యింది. మహిర.. నాగిన్ 3, కుండలి భాగ్య, బెపనా ప్యార్ వంటి షోలలో పనిచేస్తూ టీవీ పరిశ్రమలో పరిశ్రమలో మంచి పేరు తెచ్చుకుంది. గతంలో మహిర బిగ్ బాస్ ద్వారా పరిచయమైన టీవీ నటుడు పరాస్ ఛబ్రాతో డేటింగ్ చేసింది. మహిర ప్రైవేట్‌ మ్యూజిక్‌ ఆల్బమ్స్‌లో కూడా నటిస్తుంది.ఇదిలా ఉంటే, ఈ ఐపీఎల్‌ సీజన్‌లో సిరాజ్‌ గుజరాత్‌ టైటాన్స్‌కు ఆడుతున్న విషయం తెలిసిందే. గతేడాది మెగా వేలానికి ముందు ఆర్సీబీ సిరాజ్‌ను వదిలేయగా.. మెగా వేలంలో గుజరాత్‌ సిరాజ్‌ను రూ. 12.25 కోట్లకు సొంతం చేసుకుంది. 2018 నుంచి సిరాజ్‌ ఆర్సీబీ​కి ఆడుతున్నాడు. ఈ సీజన్‌లో గుజరాత్‌ తమ తొలి మ్యాచ్‌ను పంజాబ్‌ కింగ్స్‌తో ఆడుతుంది. ఈ మ్యాచ్‌ అహ్మదాబాద్‌ వేదికగా మార్చి 25న జరుగనుంది.

క్రికెట్ అభిమానులు ఎప్పుడెప్పుడా అని ఎదురుచూస్తున్న క్రికెట్‌ పండుగ ఇండియన్‌ ప్రీమియర్‌ లీగ్‌ (ఐపీఎల్‌) రేపటి నుంచి (మార్చి 22) ప్రారంభం కానుంది. సీజన్‌ తొలి మ్యాచ్‌లో డిఫెండింగ్‌ ఛాంపియన్స్‌ కేకేఆర్‌ ఆర్సీబీతో తలపడనుంది. ఈ మ్యాచ్‌ కేకేఆర్‌ సొంత మైదానమైన ఈడెన్‌ గార్డెన్స్‌లో రాత్రి 7:30 గంటలకు మొదలవుతుంది.అత్యధిక బౌండరీలుఈ సీజన్‌లో ఆర్సీబీ స్టార్‌ బ్యాటర్‌ విరాట్‌ కోహ్లిని పలు భారీ రికార్డులు ఊరిస్తున్నాయి. ఈ సీజన్‌లో కోహ్లి మరో 64 బౌండరీలు బాదితే ఐపీఎల్‌ చరిత్రలో అత్యధిక బౌండరీలు బాదిన ఆటగాడిగా రికార్డు నెలకొల్పుతాడు. ప్రస్తుతం ఈ రికార్డు శిఖర్‌ ధవన్‌ పేరిట ఉంది. ధవన్‌ ఖాతాలో 768 బౌండరీలు ఉండగా.. ప్రస్తుతం విరాట్‌ ఖాతాలో 705 బౌండరీలు ఉన్నాయి.అత్యధిక హాఫ్‌ సెంచరీలుఈ సీజన్‌లో విరాట్‌ మరో నాలుగు హాఫ్‌ సెంచరీలు చేస్తే.. ఐపీఎల్‌లో అత్యధిక 50 ప్లస్‌ స్కోర్లు (హాఫ్‌ సెంచరీ ప్లస్‌ సెంచరీలు) చేసిన బ్యాటర్‌గా అవతరిస్తాడు. ప్రస్తుతం ఈ రికార్డు డేవిడ్‌ వార్నర్‌ పేరిట ఉంది. వార్నర్‌ ఖాతాలో 66 ఫిఫ్టి ప్లస్‌ స్కోర్లు ఉండగా.. ప్రస్తుతం విరాట్‌ ఖాతాలో 63 ఫిఫ్టి ప్లస్‌ స్కోర్లు ఉన్నాయి.తొలి భారతీయుడిగా రికార్డుఈ ఐపీఎల్‌ సీజన్‌లో విరాట్‌ మరో 114 పరుగులు చేస్తే.. టీ20 క్రికెట్‌లో 13000 పరుగులు పూర్తి చేసిన తొలి భారత ఆటగాడిగా రికార్డు నెలకొల్పుతాడు. ప్రస్తుతం విరాట్‌ ఖాతాలో 12886 పరుగులు ఉన్నాయి. ప్రస్తుతం విరాట్‌ ప్రపంచవాప్తంగా అత్యధిక టీ20 పరుగులు చేసిన ఆటగాళ్ల జాబితాలో ఆరో స్థానంలో ఉన్నాడు. ఈ జాబితాలో క్రిస్‌ గేల్‌ (14562), అలెక్స్‌ హేల్స్‌ (13610), షోయబ్‌ మాలిక్‌ (13537), కీరన్‌ పోలార్డ్‌ (13537), డేవిడ్‌ వార్నర్‌ (12913) టాప్‌-5లో ఉన్నారు.తొలి ప్లేయర్‌గా..!ఈ ఐపీఎల్‌ సీజన్‌లో విరాట్‌ మరో 24 పరుగులు చేస్తే ఆసియా ఖండంలో 11000 టీ20 పరుగులు పూర్తి చేసిన తొలి ఆటగాడిగా ప్రపంచ రికార్డు నెలకొల్పుతాడు.విరాట్‌ ఆసియాలో ఇప్పటివరకు 10976 పరుగులు స్కోర్‌ చేశాడు.ఓపెనర్‌గా 5000 పరుగులుఈ ఐపీఎల్‌లో విరాట్‌ మరో 97 పరుగులు చేస్తే టీ20 క్రికెట్‌లో 5000 పరుగులు పూర్తి చేసుకున్న ఓపెనర్ల జాబితాలో చేరతాడు.ఐపీఎల్‌ 2025లో ఆర్సీబీ జట్టు..రజత్‌ పాటిదార్‌ (కెప్టెన్‌), విరాట్‌ కోహ్లి, దేవ్‌దత్‌ పడిక్కల్‌, టిమ్‌ డేవిడ్‌, స్వస్తిక్‌ చికారా, కృనాల్‌ పాండ్యా, మనోజ్‌ భాండగే, రొమారియో షెపర్డ్‌, స్వప్నిల్‌ సింగ్‌, లియామ్‌ లివింగ్‌స్టోన్‌, జేకబ్‌ బేతెల్‌, మోహిత్‌ రతీ, ఫిలిప్‌ సాల్ట్‌, జితేశ్‌ శర్మ, జోష్‌ హాజిల్‌వుడ్‌, భువనేశ్వర్‌ కుమార్‌, లుంగి ఎంగిడి, రసిఖ్‌ సలాం​ ధార్‌, సుయాశ్‌ శర్మ, యశ్‌ దయాల్‌, నువాన్‌ తుషార, అభినందన్‌ సింగ్‌ఐపీఎల్‌ 2025లో కేకేఆర్‌ జట్టు..అజింక్య రహానే (కెప్టెన్‌), మనీశ్‌ పాండే, రింకూ సింగ్‌, రోవ్‌మన్‌ పావెల్‌, అంగ్‌క్రిష్‌ రఘువంశీ, అనుకుల్‌ రాయ్‌, రమన్‌దీప్‌ సింగ్‌, వెంకటేశ్‌ అయ్యర్‌, మొయిన్‌ అలీ, సునీల్‌ నరైన్‌, ఆండ్రీ రసెల్‌, క్వింటన్‌ డికాక్‌, రహ్మానుల్లా గుర్బాజ్‌, లవ్‌నిత్‌ సిసోడియా, వరుణ్‌ చక్రవర్తి, మయాంక్‌ మార్కండే, వైభవ్‌ అరోరార, హర్షిత్‌ రాణా, అన్రిచ్‌ నోర్జే, చేతన్‌ సకారియా, స్పెన్సర్‌ జాన్సన్‌

డాషింగ్‌ బ్యాటర్‌ యువరాజ్‌ సింగ్‌ భారత క్రికెట్‌ జట్టు కెప్టెన్‌గా మళ్లీ ఎంపికయ్యాడు. వరల్డ్‌ ఛాంపియన్షిప్‌ ఆఫ్‌ లెజెండ్స్‌ (WCL) రెండో ఎడిషన్‌ కోసం ఇండియా ఛాంపియన్స్‌ మేనేజ్‌మెంట్‌ యువీని కెప్టెన్‌గా నియమించింది. యువీ సారథ్యంలో ఇండియా ఛాంపియన్స్‌ డబ్ల్యూసీఎల్‌ తొలి ఎడిషన్‌లో విజేతగా నిలిచింది. రెండో ఎడిషన్‌ డబ్ల్యూసీఎల్‌ ఈ ఏడాది జులైలో (18 నుంచి) యునైటెడ్‌ కింగ్‌డమ్‌ వేదికగా జరుగనుంది. ఈ టోర్నీలో ఇండియా ఛాంపియన్స్‌ డిఫెండింగ్‌ ఛాంపియన్‌ హోదాలో బరిలోకి దిగుతుంది.డబ్ల్యూసీఎల్‌ మొదటి సీజన్‌లో భారత్‌తో పాటు ఆస్ట్రేలియా, వెస్టిండీస్‌, ఇంగ్లండ్‌, పాకిస్తాన్‌, సౌతాఫ్రికా జట్లు పాల్గొనగా.. ఫైనల్లో భారత్‌ పాకిస్తాన్‌ను చిత్తు చేసి ఛాంపియన్‌గా నిలిచింది. తొలి సీజన్‌లో భారత్‌ తరఫున యువీతో పాటు సురేశ్‌ రైనా, రాబిన్‌ ఉతప్ప, ఇర్ఫాన్‌ పఠాన్‌, యూసఫ్‌ పఠాన్‌ మెరుపులు మెరిపించారు.ఈ సీజన్‌లో భారత​ జట్టులో మరో స్టార్‌ కూడా చేరనున్నాడు. టీమిండియా మాజీ ఓపెనర్‌ శిఖర్‌ ధవన్‌ ఈ సీజన్‌లో ఇండియా ఛాంపియన్స్‌తో జతకట్టేందుకు సంసిద్దత వ్యక్తం చేశాడు. డబ్ల్యూసీఎల్‌లో ఇండియా ఛాంపియన్స్‌కు సుమంత్‌ బల్‌, సల్మాన్‌ అహ్మద్‌, జస్పాల్‌ బహ్రా ఓనర్లు వ్యవహరిస్తున్నారు. డబ్ల్యూసీఎల్‌ టోర్నీలో అంతర్జాతీయ వేదికపై మెరిసిన చాలా మంది స్టార్‌ క్రికెటర్లు పాల్గొంటున్నారు. ఈ టోర్నీ ప్రైవేటు​ యాజమాన్యం అండర్‌లో జరుగుతుంది.కాగా, డబ్ల్యూసీఎల్‌ రెండో సీజన్‌లో పాకిస్తాన్‌కు కొత్త సారధి వచ్చాడు. ఈ సీజన్‌ కోసం​ పాక్‌ ఛాంపియన్స్‌ మేనేజ్‌మెంట్‌ సర్ఫరాజ్‌ అహ్మద్‌ను కెప్టెన్‌గా ఎంపిక చేసింది. ఈ వెటరన్‌ వికెట్‌ కీపర్‌ 2023 నుంచి కాంపిటేటివ్‌ క్రికెట్‌కు దూరంగా ఉంటున్నాడు. సర్ఫరాజ్‌ చేరిక పాకిస్తాన్‌ ఛాంపియన్స్‌కు బూస్టప్‌ ఇస్తుంది. గత సీజన్‌ పాక్‌కు యూనిస్‌ ఖాన్‌ కెప్టెన్‌గా వ్యవహరించగా.. మిస్బా ఉల్‌ హక్‌, షాహిద్‌ అఫ్రిది, షోయబ్‌ మాలిక్‌, మహ్మద్‌ హఫీజ్‌, అబ్దుల్‌ రజాక్‌, కమ్రాన్‌ అక్మల్‌, వాహబ్‌ రియాజ్‌, సోహైల్‌ తన్వీర్‌, సయీద్‌ అజ్మల్‌ లాంటి స్టార్లు ప్రాతినిథ్యం​ వహించారు.గత సీజన్‌లో పాల్గొన్న భారత ఛాంపియన్స్‌ జట్టు..అంబటి రాయుడు, గురుకీరత్‌ మాన్‌, సౌరభ్‌ తివారి, సురేశ్‌ రైనా, యూసఫ్‌ పఠాన్‌, యువరాజ్‌ సింగ్‌, ఇర్ఫాన్‌ పఠాన్‌, పవన్‌ నేగి, రాబిన్‌ ఉతప్ప, నమన్‌ ఓఝా, అనురీత్‌ సింగ్‌, ధవల్‌ కులకర్ణి, హర్భజన్‌ సింగ్‌, రాహుల్‌ శుక్లా, రాహుల్‌ శర్మ, ఆర్పీ సింగ్‌, వినయ్‌ కుమార్‌

ఆస్ట్రేలియా దిగ్గజ క్రికెటర్‌ ఆడం గిల్‌క్రిస్ట్‌ రాయల్‌ చాలెంజర్స్‌ బెంగళూరు (RCB) అభిమానులకు క్షమాపణలు చెప్పాడు. ఆర్సీబీ అంటే తనకేమీ ద్వేషం లేదని.. సూపర్‌స్టార్‌ విరాట్‌ కోహ్లి (Virat Kohli)కి తానెప్పుడూ వ్యతిరేకం కాదని పేర్కొన్నాడు. అయితే, ఆర్సీబీలో ఓ దేశానికి చెందిన ఆటగాళ్లు ఎక్కువగా ఉన్నారని.. అందుకే ఈసారి ఆ జట్టు పాయింట్ల పట్టికలో ఆఖరి స్థానంలో నిలుస్తుందంటూ వ్యంగ్యాత్మక వ్యాఖ్యలు చేశాడు.నాయకుడిగా రజత్‌ పాటిదార్‌ఇండియన్‌ ప్రీమియర్‌ లీగ్‌ (IPL) పద్దెనిమిదవ ఎడిషన్‌ శనివారం (మార్చి 22)ఆరంభం కానున్న విషయం తెలిసిందే. కోల్‌కతా నైట్‌ రైడర్స్‌- ఆర్సీబీ మధ్య మ్యాచ్‌తో ఐపీఎల్‌-2025కి తెరలేవనుంది. డిఫెండింగ్‌ చాంపియన్‌ కోల్‌కతాతో పాటు ఆర్సీబీకి కూడా ఈసారి కొత్త కెప్టెన్‌ వచ్చాడు. కేకేఆర్‌కు అజింక్య రహానే సారథ్యం వహించనుండగా... బెంగళూరు జట్టుకు రజత్‌ పాటిదార్‌ నాయకుడిగా వ్యవహరించనున్నాడు.ఈసారి చివరి స్థానంలో ఉండేది ఆర్సీబీఈ నేపథ్యంలో ఓ పాడ్‌కాస్ట్‌లో మాట్లాడుతున్న ఆసీస్‌ దిగ్గజం గిల్‌క్రిస్ట్‌కు ఆసక్తికర ప్రశ్న ఎదురైంది. ఈసారి ఐపీఎల్‌లో పాయింట్ల పట్టికలో అట్టడుగున పదో స్థానంలో ఉండే జట్టు ఏది? అన్న ప్రశ్నకు బదులిస్తూ.. ‘‘ఆ జట్టులో అనేక మంది ఇంగ్లండ్‌ ఆటగాళ్లు ఉన్నారు.కాబట్టి.. వాస్తవాల ఆధారంగానే నేను ఈ మాట చెబుతున్నా. ఈసారి చివరి స్థానంలో ఉండేది ఆర్సీబీ. వాళ్లకే ఈసారి ఆఖర్లో ఉండే అర్హతలు ఎక్కువగా ఉన్నట్లు కనిపిస్తున్నాయి’’ అని పేర్కొన్నాడు. అయితే, అదే సమయంలో ఆర్సీబీ, కోహ్లి అభిమానులకు గిల్‌క్రిస్ట్‌ క్షమాపణలు కూడా చెప్పడం విశేషం.మనస్ఫూర్తిగా క్షమాపణలు‘‘విరాట్‌ లేదంటే.. ఆర్సీబీ ఫ్యాన్స్‌కు నేను వ్యతిరేకం కాదు. ఇలా మాట్లాడినందుకు వారికి మనస్ఫూర్తిగా క్షమాపణలు చెబుతున్నా. కానీ మీ రిక్రూట్‌మెంట్‌ ఏజెంట్లకు మీరైనా చెప్పండి. ఆటగాళ్ల ఎంపిక విషయంలో జాగ్రత్తగా వ్యవహరించడం అత్యంత ముఖ్యం’’ అని గిల్‌క్రిస్ట్‌ చెప్పుకొచ్చాడు. ఇంగ్లండ్‌ ప్లేయర్ల ప్రదర్శన అంతగొప్పగా ఉండదని.. ఈసారి వారి వల్ల ఆర్సీబీకి పెద్దగా ఒరిగేదేమీ ఉండదని ఈ సందర్భంగా అభిప్రాయపడ్డాడు.కాగా మెగా వేలం-2025 సందర్భంగా ఆర్సీబీ.. ఇంగ్లండ్‌ స్టార్లు లియామ్‌ లివింగ్‌స్టోన్‌, జేకబ్‌ బెతెల్‌, ఫిల్‌ సాల్ట్‌ తదితరులను కొనుగోలు చేసింది. సాల్ట్‌ ఈసారి కోహ్లితో కలిసి ఆర్సీబీ ఇన్నింగ్స్‌ ఆరంభించే అవకాశం ఉంది.కాగా ఐపీఎల్‌ చరిత్రలో బెంగళూరు జట్టుకు రెండుసార్లు ట్రోఫీని దూరం చేసిన జట్టు హైదరాబాద్‌. 2009లో ఆడం గిల్‌క్రిస్ట్‌ కెప్టెన్సీలో నాటి దక్కన్‌ చార్జర్స్‌.. 2016లో డేవిడ్‌ వార్నర్‌ సారథ్యంలోని సన్‌రైజర్స్‌ హైదరాబాద్‌ రాయల్‌ చాలెంజర్స్‌ బెంగళూరును ఫైనల్లో ఓడించి టైటిల్‌ సొంతం చేసుకున్నాయి. ఇక ఆర్సీబీ ఇంత వరకు ఒక్కసారి కూడా ట్రోఫీ గెలవలేదన్న విషయం తెలిసిందే. గతేడాది ప్లే ఆఫ్స్‌ చేరిన ఈ జట్టు.. ఈసారి టైటిల్‌ రేసులో నిలవాలని పట్టుదలగా ఉంది.ఐపీఎల్‌-2025లో ఆర్సీబీ జట్టురజత్ పాటిదార్ (కెప్టెన్‌), విరాట్ కోహ్లీ, యశ్ దయాల్, జోష్ హేజిల్‌వుడ్, ఫిల్ సాల్ట్, జితేష్ శర్మ, లియామ్ లివింగ్‌స్టోన్, రసిఖ్ దార్, సుయాష్ శర్మ, కృనాల్ పాండ్యా, భువనేశ్వర్ కుమార్, స్వప్నిల్ సింగ్, టిమ్ డేవిడ్, రొమారియో షెపర్డ్, నువాన్‌ తుషార, మనోజ్‌ భాండగే, జేకబ్‌ బెతెల్‌, దేవ్‌దత్‌ పడిక్కల్‌, స్వస్తిక్‌చికార, లుంగి ఎంగిడి, అభినందన్‌ సింగ్‌, మోహిత్‌ రాఠీ.చదవండి: 44 బంతుల్లో శతక్కొట్టిన పాక్‌ ఓపెనర్‌.. 9 వికెట్ల తేడాతో చిత్తైన న్యూజిలాండ్‌

ఐపీఎల్‌ 2025 మెగా వేలంలో సన్‌రైజర్స్‌ హైదరాబాద్‌ మాజీ కెప్టెన్‌ కేన్‌ విలియమ్సన్‌ను ఎవరూ పట్టించుకోని విషయం తెలిసిందే. 34 ఏళ్ల కేన్‌ మామ నిదానంగా ఆడతాడన్న కారణంగా ఐపీఎల్‌ ఫ్రాంచైజీలు అతన్ని చిన్న చూపు చూశాయి. ఆటగాడిగా ఎంపిక కాకపోయినా ఏ మాత్రం నిరాశ చెందని విలియమ్సన్‌.. ఐపీఎల్‌లో కొత్త అవతారంలో దర్శనమివ్వబోతున్నాడు.రేపటి నుంచి ప్రారంభం కాబోయే ఐపీఎల్‌ 18వ ఎడిషన్‌లో కేన్‌ కామెంటేటర్‌గా వ్యవహరించనున్నాడు. స్టార్లతో నిండిన కామెంటేటర్ల ప్యానెల్‌ను ఐపీఎల్‌ ఇవాళ (మార్చి 21) విడుదల చేసింది. ఇందులో కేన్‌తో పాటు హర్ష భోగ్లే, రవిశాస్త్రి, సునీల్‌ గవాస్కర్‌, ఇయాన్‌ బిషప్‌, నవజ్యోత్ సింగ్ సిద్ధూ లాంటి ప్రముఖ వ్యాఖ్యాతల పేర్లు ఉన్నాయి. ఈ ఐపీఎల్‌ సీజన్‌తో కామెంటేటర్‌గా అరంగేట్రం చేస్తున్న కేన్‌ మామ నేషనల్‌ ఫీడ్‌ను అందిస్తాడు.ఐపీఎల్‌ విడుదల చేసిన వ్యాఖ్యాతల జాబితాలో రెండు విభాగాలు ఉన్నాయి. ఒ‍కటి నేషనల్‌ ఫీడ్‌ కాగా.. రెండోది వరల్డ్‌ ఫీడ్‌. నేషనల్‌ ఫీడ్‌లో దేశీయ వ్యాఖ్యాతలతో పాటు విదేశీ వ్యాఖ్యాతలు ఉండగా.. వరల్డ్‌ ఫీడ్‌లో ఎక్కువ శాతం విదేశీ వ్యాఖ్యాతలే ఉన్నారు.ఐపీఎల్‌ జాతీయ ఫీడ్ వ్యాఖ్యాతల జాబితా..సునీల్ గవాస్కర్, నవజ్యోత్ సింగ్ సిద్ధూ, ఆకాశ్ చోప్రా, సంజయ్ మంజ్రేకర్, మైకేల్ క్లార్క్, మాథ్యూ హేడెన్, మార్క్ బౌచర్, ఆర్పీ సింగ్, షేన్ వాట్సన్, సంజయ్ బంగర్, వరుణ్ ఆరోన్, ప్రజ్ఞాన్ ఓజా, అజయ్ జడేజా, వీరేంద్ర సెహ్వాగ్, హర్భజన్ సింగ్‌, శిఖర్‌ ధావన్, అనిల్‌ కుంబ్లే, సురేశ్‌ రైనా, కేన్‌ విలియమ్సన్, ఏబీ డివిలియర్స్, ఆరోన్ ఫించ్, రాబిన్ ఉతప్ప, అంబటి రాయుడు, మహ్మద్ కైఫ్, పీయూష్ చావ్లా.ఐపీఎల్‌ ప్రపంచ ఫీడ్ వ్యాఖ్యాతల జాబితా..ఇయాన్ మోర్గాన్, గ్రేమ్ స్వాన్, హర్ష భోగ్లే, సైమన్ డౌల్, ఎంపుమలెలో ఎంబాంగ్వా, నిక్ నైట్, డానీ మారిసన్, ఇయాన్ బిషప్, అలన్ విల్కిన్స్, డారెన్ గంగా, కేటీ మార్టిన్, నటాలీ జర్మానోస్, రవిశాస్త్రి, సునీల్ గవాస్కర్, మాథ్యూ హేడెన్, దీప్దాస్‌ గుప్తా, షేన్‌ వాట్సన్‌, మైకేల్‌ క్లార్క్‌, ఆరోన్ ఫించ్, వరుణ్ ఆరోన్, అంజుమ్ చోప్రా, డబ్ల్యూవీ రామన్, మురళీ కార్తీక్.కాగా, 79 మ్యాచ్‌ల ఐపీఎల్‌ అనుభవం ఉండటంతో అంతర్జాతీయ స్థాయిలో అన్ని ఫార్మాట్లలో విశేషంగా రాణిస్తున్న కేన్‌ విలియమ్సన్‌ను గతేడాది జరిగిన ఐపీఎల్‌ 2025 మెగా వేలంలో ఏ ఫ్రాంచైజీ పట్టించుకోకపోవడం బాధాకరం. కేన్‌ మామను గత సీజన్‌లో ఆడిన గుజరాత్‌ టైటాన్స్‌ సహా అతని మాజీ ఫ్రాంచైజీ సన్‌రైజర్స్‌ హైదరాబాద్‌ కూడా లైట్‌గా తీసుకుంది. అంతర్జాతీయ వేదికపై కేన్‌ తన సొంత జట్టు న్యూజిలాండ్‌కు ఆడుతుండటంతో పాటు సౌతాఫ్రికా టీ20 లీగ్‌లో డర్బన్‌ సూపర్‌ జెయింట్స్‌కు.. ద హండ్రెడ్‌ లీగ్‌లో లండన్‌ స్పిరిట్‌కు ప్రాతినిథ్యం వహిస్తున్నాడు.ఇదిలా ఉంటే, ఐపీఎల్‌ 2025 సీజన్‌ రేపటి నుంచి ప్రారంభం​ కానుంది. సీజన్‌ తొలి మ్యాచ్‌లో డిఫెండింగ్‌ ఛాంపియన్స్‌ కేకేఆర్‌ ఆర్సీబీతో తలపడనుంది. ఈ మ్యాచ్‌ కేకేఆర్‌ సొంత మైదానమైన ఈడెన్‌ గార్డెన్స్‌లో జరుగనుంది.

ఇండియన్ ప్రీమియర్ లీగ్ (IPL) లోకి అడుగుపెట్టిన తొలి సీజన్లోనే (2022)లో టైటిల్ సాధించి తనదైన ముద్రవేసింది గుజరాత్ టైటాన్స్ (Gujarat Titans). ఆ తర్వాత సీజన్లో మళ్ళీ ఫైనల్లోకి ప్రవేశించింది. కానీ టైటిల్‌ పోరులో చెన్నై సూపర్ కింగ్స్ చేతిలో ఓటమితో రన్నర్ అప్ తో సరిపెట్టుకుంది. అయితే, గతేడాది గుజరాత్‌కు గట్టి ఎదురుదెబ్బ తగిలింది. ఆ జట్టుకి స్ఫూర్తిదాయకంగా నిలిచి ముందుండి నడిపించిన భారత్ అల్ రౌండర్, జట్టు కెప్టెన్ హార్దిక్ పాండ్యాను ముంబై ఇండియన్స్‌కు బదిలీ అయ్యాడు.ఈ మార్పుతో భారత్ యువ ఓపెనర్ శుబ్‌మన్ గిల్‌ (Shubman Gill)కు కెప్టెన్‌గా పగ్గాలు అప్పగించారు. కానీ గత సీజన్ గుజరాత్ కి పెద్దగా కలిసిరాలేదు. కేవలం 5 విజయాలు, 7 ఓటములతో గుజరాత్ 8వ స్థానంతో సరిపెట్టుకోవాల్సి వచ్చింది. దీనితో కొత్త సీజన్‌ కోసం గుజరాత్ కొన్ని సాహసోపేతమైన నిర్ణయాలు తీసుకుంది.భారత్ సీనియర్ పేసర్ మహమ్మద్ షమీ, నూర్ అహ్మద్, దక్షిణాఫ్రికాకి చెందిన డేవిడ్ మిల్లర్ వంటి సీనియర్ ఆటగాళ్ళని పక్కకుపెట్టాలని నిర్ణయించారు. ఇందుకు బదులుగా కొత్త తరహా జట్టుని నిర్మించాలని నిర్ణయించారు. ప్రపంచ క్రికెట్‌లో నిలకడగా రాణిస్తున్న ఆటగాళ్ల కోసం పెద్ద మొత్తంలో ఖర్చు చేయాలని నిర్ణయించుకుంది.మాజీ ఆరెంజ్ క్యాప్ విజేత జోస్ బట్లర్, దక్షిణాఫ్రికా పేస్ స్పియర్‌హెడ్ కగిసో రబాడను దక్కించుకోవడానికి గుజరాత్ పెద్ద మొత్తంలో ఖర్చు చేసింది. ఛాంపియన్స్ ట్రోఫీ లో తన వీరోచిత ప్రదర్శనలతో అందరినీ ఆశ్చర్యపరిచిన గ్లెన్ ఫిలిప్స్‌ను కూడా తీసుకున్నారు.వేలంలో గుజరాత్ ఎలా రాణించింది?ఐపీఎల్ 2025 మెగా వేలంలో గుజరాత్ చాలా సమయస్ఫూర్తితో వ్యవహరించింది. గిల్, రాహుల్ తెవాటియా, సాయి సుదర్శన్ మరియు షారుఖ్ ఖాన్‌లతో పాటు రషీద్ ఖాన్‌ను వేలానికి ముందు రెటైన్ చేసింది. వేలంలో ఇంగ్లాండ్ కెప్టెన్ జోస్ బట్లర్ ని రూ 15.75 కోట్లు కు కనుగోలు చేసారు.ఇంకా భారత్ పేసర్ మహమ్మద్ సిరాజ్ ( (రూ12.25 కోట్లు), రబాడ (రూ 10.75 కోట్లు) మరియు ప్రసిధ్ కృష్ణ (రూ 9.5 కోట్లు) ముగ్గురితో పేస్ బౌలింగ్ ని బలోపేతం చేశారు. గత సీజన్‌లో వారికి సమస్యగా ఉన్న రంగాల కోసం భారీగా ఖర్చు చేశారు. ఇక మిల్లర్ స్థానంలో జిటి ఫిలిప్స్ మరియు షెర్ఫేన్ రూథర్‌ఫోర్డ్‌లను జట్టులోకి తీసుకువచ్చారుగుజరాత్ టైటాన్స్ జట్టులో ప్రధాన ఆటగాళ్లుశుబ్‌మన్ గిల్ఒకప్పుడు భారత టీ20ఐ జట్టులో ప్రధాన ఆటగాళ్లలో ఒకడైన గిల్ ఇప్పుడు మునుపటి రీతిలో రాణించలేక పోతున్నాడన్నది వాస్తవం. 2023 ఐపీఎల్ లో చెలరేగిపోయిన గిల్ దాదాపు 900 పరుగులు సాధించాడు.గత సీజన్‌ను ఆశాజనకంగా ప్రారంభించినప్పటికీ ఆ తర్వాత అతని ఫామ్ తగ్గింది . 2024లో తన మొదటి ఆరు మ్యాచ్‌ల్లో 151.78 స్ట్రైక్ రేట్‌తో 255 పరుగులు చేశాడు, కానీ ఆ తర్వాత 147.40 సగటుతో 426 పరుగులు చేశాడు. ఈ సీజన్లో గిల్ మళ్ళీ మునుపటి ఫామ్ ని ప్రదర్శించాలని, జట్టుని విజయ బాటలో నడిపించాలని కృత నిశ్చయంతో ఉన్నాడు.జోస్ బట్లర్జట్టులో అత్యంత ఖరీదైన ఆటగాడు కావడంతో, బట్లర్ పై అందరి దృష్టి ఉంటుందనడంలో సందేహం లేదు. 2022 ఐపిఎల్ లో ఏకంగా 863 పరుగులు చేసిన తర్వాత, బట్లర్ 2023 మరియు 2024 సీజన్లలో 400 కి మించి పరుగులు చేయలేకపోయాడు. అయితే గత సంవత్సరం ఈడెన్ గార్డెన్స్‌లో కోల్కతా పై జరిగిన ఫైనల్లో 224 పరుగుల లక్ష్యం సాధించడంలో బట్లర్ చేసిన సెంచరీ లీగ్‌లో అత్యంత ప్రజాదరణ పొందిన ఇన్నింగ్స్‌లలో ఒకటిగా నిలిచింది. బట్లర్ ఈ సీజన్ లో గిల్ తో కలిసి గుజరాత్ ఇన్నింగ్స్ ప్రారంభించే అవకాశముంది. లేదా గత సీజన్‌లో లేని ఫైర్‌పవర్‌ను అందించడానికి 3వ స్థానంలోకి వస్తాడని భావిస్తున్నారు. అదనంగా అతన్ని స్టంప్స్ వెనుక కూడా చూడవచ్చు.రషీద్ ఖాన్గాయం నుంచి ఇప్పుడు పూర్తిగా కోలుకున్న ఆఫ్ఘన్ స్పిన్నర్ రషీద్ ఖాన్ మరోసారి గుజరాత్‌కు ట్రంప్ కార్డ్ గా భావించవచ్చు. గత సీజన్‌లో, రషీద్ శస్త్రచికిత్స నుండి కోలుకుంటున్నందున తన పూర్తి స్థాయిలో ఆడలేక పోయాడు. ఈసారి మాత్రం గుజరాత్ టైటిల్ సాధించాలన్న ఆశయాన్ని సాధించడంలో రషీద్ పెద్ద పాత్ర పోషిస్తాడని భావిస్తున్నారు.కగిసో రబాడపంజాబ్ కింగ్స్‌ తరుపున ఆది కాస్త నిరాశబరిచిన కగిసో రబాడ ఇప్పుడు గుజరాత్ జట్టులో చేరడంతో కోచ్ ఆశిష్ నెహ్రా ఆధ్వర్యంలో మళ్ళీ పుంజుకోగలడని భావిస్తున్నారు.మహ్మద్‌ సిరాజ్ఇటీవలి కాలంలో పెద్దగా రాణించలేక పోతున్న హైదరాబాద్ పేసర్ మొహమ్మద్ సిరాజ్ కి మళ్ళీ మునుపటి వైభవం సాధించడానికి ఐపీఎల్ మంచి అవకాశం కల్పిస్తోంది. భారత్ ఛాంపియన్స్ ట్రోఫీ జట్టు లో స్థానం పొందలేకపోయిన సిరాజ్ తన విమర్శకులను సమాధానము చెప్పాలని, తన కెరీర్‌ను తిరిగి ట్రాక్‌లోకి తీసుకురావాలని పట్టుదలతో ఉన్నాడు.గుజరాత్ టైటాన్స్ జట్టురషీద్ ఖాన్, శుబ్మాన్ గిల్, సాయి సుదర్శన్, రాహుల్ తెవాటియా, షారుఖ్ ఖాన్, కగిసో రబాడ, జోస్ బట్లర్. మహమ్మద్ సిరాజ్, ప్రసిద్ధ్ కృష్ణ, నిషాంత్ సింధు, మహిపాల్ లోమ్రోర్, కుమార్ కుషాగ్ర, అనుజ్ రావత్, మానవ్ సుతార్, వాషింగ్టన్ సుందర్, జెరాల్డ్ కోట్జీ, అర్షద్ ఖాన్, గుర్నూర్ బ్రార్, షెర్ఫాన్ రూథర్‌ఫోర్డ్, సాయి కిషోర్, ఇషాంత్ శర్మ, జయంత్ యాదవ్, గ్లెన్ ఫిలిప్స్, కరీం జనత్, కుల్వంత్ ఖేజ్రోలియా. చదవండి: విధ్వంసకర వీరులు.. పంత్‌కు పగ్గాలు.. లక్నో ఫైనల్‌ చేరుతుందా?

పాకిస్తాన్‌ యువ ఓపెనర్‌ హసన్‌ నవాజ్‌ సంచలన ప్రదర్శనతో వార్తల్లో నిలిచాడు. న్యూజిలాండ్‌తో ఇవాళ (మార్చి 21) జరిగిన టీ20లో 44 బంతుల్లోనే శతక్కొట్టి.. పొట్టి ఫార్మాట్‌లో పాక్‌ తరఫున వేగవంతమైన సెంచరీ చేసిన ఆటగాడిగా రికార్డు నెలకొల్పాడు. నవాజ్‌ అంతర్జాతీయ క్రికెట్‌లో తన మూడో మ్యాచ్‌లోనే ఈ ఘనత సాధించడం విశేషం. కెరీర్‌లో తొలి రెండు మ్యాచ్‌ల్లో ఖాతా కూడా తెరవలేకపోయిన నవాజ్‌.. మూడో మ్యాచ్‌లో ఏకంగా సెంచరీ చేసి తన జట్టుకు చిరస్మరణీయ విజయాన్ని అందించాడు. ఈ సెంచరీతో నవాజ్‌ పలు రికార్డులు తన ఖాతాలో వేసుకున్నాడు.టీ20ల్లో ఫాస్టెస్ట్‌ సెంచరీఈ మ్యాచ్‌లో నవాజ్‌ చేసిన సెంచరీ (44 బంతుల్లో) పాక్‌ తరఫున టీ20ల్లో ఫాస్టెస్ట్‌ సెంచరీ. గతంలో ఈ రికార్డు పాక్‌ మాజీ కెప్టెన్‌ బాబర్‌ ఆజమ్‌ (49 బంతుల్లో) పేరిట ఉండేది. తాజాగా బాబర్‌ రికార్డును నవాజ్‌ బద్దలు కొట్టాడు.టీ20ల్లో​ పాక్‌ తరఫున ఫాస్టెస్ట్‌ సెంచరీలుహసన్‌ నవాజ్‌- 44 బంతులుబాబర్‌ ఆజమ్‌- 49బాబర్‌ ఆజమ్‌- 58అహ్మద్‌ షెహజాద్‌- 58బాబర్‌ ఆజమ్‌- 62మహ్మద్‌ రిజ్వాన్‌- 63మూడో అత్యధిక వ్యక్తిగత స్కోర్‌ఈ మ్యాచ్‌లో మొత్తంగా 45 బంతులు ఎదుర్కొన్న నవాజ్‌ 10 ఫోర్లు, 7 సిక్సర్ల సాయంతో 105 పరుగులు చేసి అజేయంగా నిలిచాడు. నవాజ్‌ చేసిన ఈ స్కోర్‌ టీ20ల్లో పాక్‌ తరఫున మూడో అత్యధిక వ్యక్తిగత స్కోర్‌గా రికార్డైంది. టీ20ల్లో పాక్‌ తరఫున అత్యధిక వ్యక్తిగత స్కోర్‌ రికార్డు బాబర్‌ ఆజమ్‌ పేరిట ఉంది. 2021లో సౌతాఫ్రికాపై బాబర్‌ 122 పరుగులు చేశాడు. బాబర్‌ తర్వాత టీ20ల్లో పాక్‌ తరఫున అత్యధిక వ్యక్తిగత స్కోర్‌ రికార్డు అహ్మద్‌ షెహజాద్‌ పేరిట ఉంది. 2014లో షెహజాద్‌ బంగ్లాదేశ్‌పై 111లతో అజేయంగా నిలిచాడు.ఏడో అతి పిన్న వయస్కుడుఈ సెంచరీతో నవాజ్‌ టీ20ల్లో సెంచరీ చేసిన ఏడో అతి పిన్న వయస్కుడిగా రికార్డుల్లోకెక్కాడు. నవాజ్‌ 22 ఏళ్ల 212 రోజుల వయసులో సెంచరీ చేశాడు. టీ20ల్లో సెంచరీ చేసిన అతి పిన్న వయస్కుడి రికార్డు ఆఫ్ఘనిస్తాన్‌ ఆటగాడు హజ్రతుల్లా జజాయ్‌ పేరిట ఉంది. జజాయ్‌ 20 ఏళ్ల 337 రోజుల వయసులో శతక్కొట్టాడు.టీ20ల్లో సెంచరీలు చేసిన అతి పిన్న వయస్కులుహజ్రతుల్లా జజాయ్‌- 20 ఏళ్ల 337 రోజులుయశస్వి జైస్వాల్‌- 21 ఏళ్ల 279 రోజులుతిలక్‌ వర్మ- 22 ఏళ్ల 5 రోజులుతిలక్‌ వర్మ- 22 ఏళ్ల 7 రోజులురహ్మానుల్లా గుర్బాజ్‌- 22 ఏళ్ల 31 రోజులుఅహ్మద్‌ షెహజాద్‌- 22 ఏళ్ల 127 రోజులుహసన్‌ నవాజ్‌- 22 ఏళ్ల 212 రోజులుకెరీర్‌లో మూడో మ్యాచ్‌లోనే సెంచరీ చేసిన నవాజ్‌ టీ20ల్లో అత్యంత వేగంగా (మ్యాచ్‌ల పరంగా) సెంచరీ చేసిన ఐదో ఆటగాడిగా రికార్డుల్లోకెక్కాడు. రిచర్డ్‌ లెవి-రెండో ​మ్యాచ్‌ఎవిన్‌ లెవిస్‌- రెండో మ్యాచ్‌అభిషేక్‌ శర్మ- రెండో మ్యాచ్‌దీపక్‌ హూడా- మూడో మ్యాచ్‌హసన్‌ నవాజ్‌- మూడో మ్యాచ్‌టీ20ల్లో పాక్‌ తరఫున మూడో ఫాస్టెస్ట్‌ హాఫ్‌ సెంచరీఈ మ్యాచ్‌లో నవాజ్‌ 26 బంతుల్లో హాఫ్‌ సెంచరీ పూర్తి చేశాడు. తద్వారా పొట్టి ఫార్మాట్‌లో పాక్‌ తరఫున మూడో వేగవంతమైన హాఫ్‌ సెంచరీని నమోదు చేశాడు. టీ20ల్లో పాక్‌ తరఫున ఫాస్టెస్ట్‌ హాఫ్‌ సెంచరీ రికార్డు షర్జీల్‌ ఖాన్‌ (24) పేరిట ఉంది.మ్యాచ్‌ విషయానికొస్తే.. 5 మ్యాచ్‌ల సిరీస్‌లో భాగంగా జరిగిన మూడో టీ20లో పాకిస్తాన్‌ న్యూజిలాండ్‌పై 9 వికెట్ల తేడాతో గెలుపొందింది. ఈ మ్యాచ్‌లో పాక్‌ యువ ఓపెనర్‌ హసన్‌ నవాజ్‌ 44 బంతుల్లోనే శతక్కొట్టి పాక్‌కు చిరస్మరణీయ విజయాన్ని అందించాడు.తొలుత బ్యాటింగ్‌ చేసిన న్యూజిలాండ్‌ 19.5 ఓవర్లలో 204 పరుగుల భారీ స్కోర్‌ చేసి ఆలౌటైంది. మార్క్‌ చాప్‌మన్‌ 44 బంతుల్లో 11 ఫోర్లు, 4 సిక్సర్ల సాయంతో 94 పరుగులు చేసి న్యూజిలాండ్‌ భారీ స్కోర్‌ చేయడానికి దోహదపడ్డారు. పాక్‌ బౌలర్లలో హరీస్‌ రౌఫ్‌ అద్భుతంగా బౌలింగ్‌ చేసి 3 వికెట్లు తీయగా.. షాహీన్‌ అఫ్రిది, అబ్రార్‌ అహ్మద్‌, అబ్బాస్‌ అఫ్రిది తలో 2, షాదాబ్‌ ఖాన్‌ ఓ వికెట్‌ పడగొట్టారు.అనంతరం 205 పరుగుల లక్ష్యాన్ని ఛేదించేందుకు బరిలోకి దిగిన పాక్‌ ఓపెనర్‌ హసన్‌ నవాజ్‌ విధ్వంసకర శతకంతో విరుచుకుపడటంతో 16 ఓవర్లనే లక్ష్యాన్ని ఊదేసింది. నవాజ్‌కు మరో ఓపెనర్‌ మహ్మద్‌ హరీస్‌ (20 బంతుల్లో 41), కెప్టెన్‌ సల్మాన్‌ అఘా (31 బంతుల్లో 51 నాటౌట్‌) సహకరించారు. ఈ గెలుపుతో పాక్‌ సిరీస్‌లో న్యూజిలాండ్‌ ఆధిక్యాన్ని 1-2కు తగ్గించింది. తొలి రెండు టీ20ల్లో న్యూజిలాండ్‌ ఘన విజయం​ సాధించిన విషయం తెలిసిందే. నాలుగో టీ20 మార్చి 23న మౌంట్‌ మాంగనూయ్‌ వేదికగా జరుగనుంది.

టీమిండియా క్రికెటర్ 'యజువేంద్ర చహల్‌', సోషల్‌ మీడియా ఇన్‌ఫ్లూయెన్సర్‌ 'ధనశ్రీ వర్మ' పరస్పర అంగీకారంతో విడాకులు తీసుకున్నారు. ఈ సమయంలో చహల్‌.. ధనశ్రీకు భరణం కింద రూ. 4.75 కోట్లు ఇవ్వనున్నట్లు సమాచారం. అయితే భరణం డబ్బులో.. ట్యాక్స్ ఏమైనా చెల్లించాలా?, చెల్లిస్తే ఎంత శాతం పన్ను చెల్లించాల్సి ఉంటుందనే వివరాలు ఈ కథనంలో చూసేద్దాం.విడాకులు తీసుకోవడానికి ముందే చహల్‌.. ధనశ్రీకి రూ.2.37 కోట్లు చెల్లించినట్లు సమాచారం. మిగిలిన డబ్బు త్వరలోనే ఇవ్వనున్నట్లు సమాచారం. ఇక దీనిపై ట్యాక్స్ ఎంత చెల్లించాల్సి ఉంటుందా? అనే విషయానికి వస్తే.. భరణం ఒకేసారి చెల్లించినట్లయితే.. ఎలాంటి ట్యాక్స్ పే చేయాల్సిన అవసరం లేదు. దీన్ని నాన్ ట్యాక్సెసిబుల్ అసెట్​గా పరిగణిస్తారు. ఇలాంటి వాటిపైన పన్నులు ఉండవు.భరణం అనేది నెలవారీ లేదా ఏడాదికి చెల్లించినట్లయితే.. దాన్ని రెవెన్యూ రెసిప్ట్​గా పరిగణిస్తారు. ఈ విధానంలో పన్ను చెల్లించాల్సి ఉంటుంది. అయితే భరణం పొందిన వ్యక్తి వీటిని ఆదాయపు పన్ను రిటర్న్‌లో ప్రకటించాలి. ఆదాయపు పన్ను స్లాబ్ ప్రకారం పన్నులు చెల్లించాలి.భరణం కాకుండా.. ఆస్తులను బదిలీ చేస్తే, అలాంటి వాటిపైన ట్యాక్స్ పడుతుంది. ఈ పన్నును భరణం పొందిన వ్యక్తి చెల్లించాల్సి ఉంటుంది. అయితే విడాకులు తీసుకోవడానికి ముందే, ఆస్తుల బదిలీ జరిగి ఉంటే.. దానిని గిఫ్ట్ కింద పరిగణిస్తారు. అప్పుడు మీరు ట్యాక్స్ చెల్లించాల్సిన అవసరం లేదు.భరణం అంటే ఏమిటి?భార్య భర్తలు విడిపోయిన తరువాత.. జీవిత భాగస్వామి (భార్య) ఆర్థిక అవసరాలకు అందించే సహాయాన్ని భరణం అంటారు. భారతదేశంలో భరణం పొందటానికి.. హిందూ మ్యారేజ్ యాక్ట్, స్పెషల్ మ్యారేజ్ యాక్ట్, ఇండియన్ డివోర్స్ యాక్ట్, ముస్లిం ఉమెన్ యాక్ట్, పార్సీ మ్యారేజ్ అండ్ డివోర్స్ యాక్ట్ వంటి అనేక చట్టాలు ఉన్నాయి.ఇదీ చదవండి: రూ.25 వేల కోట్ల రాజభవనంలో మహారాణి.. అయినా..!భరణం ఇవ్వడానికి ముందు.. న్యాయస్థానం కూడా, అనేక విషయాలను పరిగణలోకి తీసుకుంటుంది. ఇందులో వివాహం సమయంలో వారి లైఫ్ స్టైల్, ఖర్చులు, వివాహం జరిగి ఎన్ని సంవత్సరాలు పూర్తయింది?, పిల్లలు మొదలైనవి ఇందులో ఉన్నాయి. ఒకవేళ ఉద్యోగం చేసే భార్య జీతం.. భర్త జీతంతో సమానంగా ఉంటే, అప్పుడు భరణం తగ్గే అవకాశం ఉంటుంది.

పాక్‌ క్రికెట్‌ జట్టు టీ20ల్లో సరికొత్త రికార్డు నెలకొల్పింది. ఆక్లాండ్‌ వేదికగా న్యూజిలాండ్‌తో జరిగిన మ్యాచ్‌లో 205 పరుగుల భారీ లక్ష్యాన్ని కేవలం​ 16 ఓవర్లలోనే ఊదేసి.. పొట్టి క్రికెట్‌ చరిత్రలో అత్యంత వేగంగా 200 ప్లస్‌ టార్గెట్‌ను ఛేదించిన జట్టుగా చరిత్ర సృష్టించింది. అంతర్జాతీయ టీ20ల్లో 200 పైబడిన లక్ష్యాలను ఇంత తొందరగా ఏ జట్టూ ఛేదించలేదు. గతంలో ఈ రికార్డు సౌతాఫ్రికా పేరిట ఉండేది. సౌతాఫ్రికా 2007లో వెస్టిండీస్‌ నిర్దేశించిన 208 పరుగుల లక్ష్యాన్ని 17.2 ఓవర్లలో ఛేదించింది. టీ20ల్లో అత్యంత వేగంగా (బంతుల పరంగా) 200 ప్లస్‌ లక్ష్యాలను ఛేదించిన జట్ల జాబితాలో మూడో స్థానంలో కూడా పాకిస్తానే ఉంది. 2021లో సౌతాఫ్రికాతో జరిగిన మ్యాచ్‌లో పాక్‌ 205 పరుగుల లక్ష్యాన్ని 18 ఓవర్లలో ఛేదించింది.మ్యాచ్‌ విషయానికొస్తే.. 5 మ్యాచ్‌ల సిరీస్‌లో భాగంగా జరిగిన మూడో టీ20లో పాకిస్తాన్‌ న్యూజిలాండ్‌పై 9 వికెట్ల తేడాతో గెలుపొందింది. ఈ మ్యాచ్‌లో తొలుత బ్యాటింగ్‌ చేసిన న్యూజిలాండ్‌ 19.5 ఓవర్లలో 204 పరుగుల భారీ స్కోర్‌ చేసి ఆలౌటైంది. మార్క్‌ చాప్‌మన్‌ 44 బంతుల్లో 11 ఫోర్లు, 4 సిక్సర్ల సాయంతో 94 పరుగులు చేసి న్యూజిలాండ్‌ భారీ స్కోర్‌ చేయడానికి దోహదపడ్డారు. న్యూజిలాండ్‌ ఇన్నింగ్స్‌లో బ్రేస్‌వెల్‌ (18 బంతుల్లో 31), టిమ్‌ సీఫర్ట్‌ (19), డారిల్‌ మిచెల్‌ (17), ఐష్‌ సోధి (10) రెండంకెల స్కోర్లు చేయగా.. ఫిన్‌ అలెన్‌ 0, నీషమ్‌ 3, మిచెల్‌ హే 9, జేమీసన్‌ 0, డఫీ 2 పరుగులకు ఔటయ్యారు. పాక్‌ బౌలర్లలో హరీస్‌ రౌఫ్‌ అద్భుతంగా బౌలింగ్‌ చేసి 3 వికెట్లు తీయగా.. షాహీన్‌ అఫ్రిది, అబ్రార్‌ అహ్మద్‌, అబ్బాస్‌ అఫ్రిది తలో 2, షాదాబ్‌ ఖాన్‌ ఓ వికెట్‌ పడగొట్టారు.అనంతరం 205 పరుగుల లక్ష్యాన్ని ఛేదించేందుకు బరిలోకి దిగిన పాక్‌ ఓపెనర్‌ హసన్‌ నవాజ్‌ (45 బంతుల్లో 105 నాటౌట్‌; 10 ఫోర్లు, 7 సిక్సర్లు) విధ్వంసకర శతకంతో విరుచుకుపడటంతో 16 ఓవర్లనే లక్ష్యాన్ని ఊదేసింది. నవాజ్‌కు మరో ఓపెనర్‌ మహ్మద్‌ హరీస్‌ (20 బంతుల్లో 41), కెప్టెన్‌ సల్మాన్‌ అఘా (31 బంతుల్లో 51 నాటౌట్‌) సహకరించడంతో పాక్‌ మరో 4 ఓవర్లు మిగిలుండగానే వికెట్‌ మాత్రమే కోల్పోయి విజయతీరాలకు చేరింది. పాక్‌ కోల్పోయిన ఏకైక వికెట్‌ డఫీకి దక్కింది. ఈ గెలుపుతో పాక్‌ 5 మ్యాచ్‌ల సిరీస్‌లో న్యూజిలాండ్‌ ఆధిక్యాన్ని 1-2కు తగ్గించింది. తొలి రెండు టీ20ల్లో న్యూజిలాండ్‌ ఘన విజయం​ సాధించిన విషయం తెలిసిందే. నాలుగో టీ20 మార్చి 23న మౌంట్‌ మాంగనూయ్‌ వేదికగా జరుగనుంది.

సాక్షి, హైదరాబాద్‌: ఉప్పల్‌ క్రికెట్ స్టేడియంలో ఐపీఎల్‌ మ్యాచ్‌లకు పటిష్టమైన భారీ బందోబస్తు ఏర్పాటు చేస్తున్నట్ల రాచకొండ సీపీ సుధీర్ వెల్లడించారు. శుక్రవారం ఉప్పల్‌ క్రికెట్ స్టేడియంలో ఐపీఎల్‌ (IPL-2025) మ్యాచ్‌ల భద్రతా ఏర్పాట్లపై శుక్రవారం ఆయన మీడియాతో మాట్లాడారు. ఐపీఎల్ మ్యాచ్‌ల కోసం ప్రత్యేక భద్రతా ఏర్పాట్లు చేసినట్లు తెలిపారు.ఉప్పల్ స్టేడియంలో 450 సీసీ కెమెరాలు ఏర్పాటు చేశామని సీపీ వెల్లడించారు. 2,700 మంది పోలీస్ సిబ్బందితో బందోబస్తు ఏర్పాటు చేశామని.. 300 మంది ట్రాఫిక్ పోలీసులు, లా అండ్‌ ఆర్డర్‌లో 1,218 మంది, 12 మంది బెటాలియన్లు, 2 ఆక్టోపస్ బృందాలు, 10 మౌంటెడ్ పోలీస్ బందోబస్తు ఏర్పాటు చేశామని పేర్కొన్నారు. ఐపీఎల్ 2025 మహా సంగ్రామానికి సర్వం సిద్ధమైంది. రేపు (శనివారం) నుంచి ఐపీఎల్ 2025 సీజన్ ప్రారంభం కానుంది. కోల్‌కతా ఈడెన్ గార్డెన్స్ వేదికగా కేకేఆర్-ఆర్సీబీ మధ్య తొలి మ్యాచ్ జరగనుంది. ఆదివారం (ఎల్లుండి) సన్ రైజర్స్ హైదరాబాద్‌-రాజస్థాన్ రాయల్స్ మధ్య మ్యాచ్‌ జరగనుంది. మధ్యాహ్నం 3.30 గంటలకు హైదరాబాద్‌లోని ఉప్పల్ స్టేడియం వేదికగా ఈ మ్యాచ్ జరగనుంది.

ఆక్లాండ్‌ వేదికగా న్యూజిలాండ్‌తో జరిగిన మూడో టీ20లో పాకిస్తాన్‌ సంచలన విజయం సాధించింది. ఈ మ్యాచ్‌లో పాక్‌ యువ ఓపెనర్‌ హసన్‌ నవాజ్‌ 44 బంతుల్లోనే శతక్కొట్టి పాక్‌కు చిరస్మరణీయ విజయాన్ని అందించాడు. టీ20ల్లో పాక్‌ తరఫున ఇదే ఫాస్టెస్ట్‌ సెంచరీ. గతంలో ఈ రికార్డు బాబర్‌ ఆజమ్‌ పేరిట ఉండేది. బాబర్‌ 2021లో సౌతాఫ్రికాపై 49 బంతుల్లో శతక్కొట్టాడు.నవాజ్‌ సుడిగాలి శతకంతో విరుచుకుపడటంతో న్యూజిలాండ్‌ నిర్ధేశించిన 205 పరుగుల భారీ లక్ష్యాన్ని పాక్‌ 16 ఓవర్లలోనే ఊదేసింది. ఈ గెలుపుతో పాక్‌ ఐదు మ్యాచ్‌ల సిరీస్‌లో న్యూజిలాండ్‌ ఆధిక్యాన్ని 1-2కు తగ్గించింది. తొలి రెండు టీ20ల్లో ఘన విజయాలు సాధించిన న్యూజిలాండ్‌ ఈ మ్యాచ్‌లో కూడా గెలిచి సిరీస్‌ కైవసం చేసుకోవాలని భావించింది. అయితే కివీస్‌ అశలపై హసన్‌ నవాజ్‌ నీళ్లు చల్లాడు. నవాజ్‌ తన కెరీర్‌లో మూడో మ్యాచ్‌లోనే ఫాస్టెస్ట్‌ సెంచరీ సాధించడం విశేషం. ఈ సిరీస్‌తోనే అంతర్జాతీయ అరంగేట్రం చేసిన నవాజ్‌ తొలి రెండు మ్యాచ్‌ల్లో దారుణంగా విఫలమయ్యాడు.పాక్‌ క్రికెట్‌ జట్టు విషయానికొస్తే.. ఈ జట్టు ఎప్పుడు ఎలా ఆడుతుందో ఎవరికీ తెలీదు. వరుసగా పరాజయాలతో ముప్పేట దాడిని ఎదుర్కొంటున్న ఆ జట్టు.. ఒ‍క్కసారిగా సంచలన ప్రదర్శనతో భారీ లక్ష్యాన్ని ఛేదించి ఊహించని విజయం సాధించింది. ఈ మ్యాచ్‌లో పాక్‌ గెలవడాన్ని ఎవరూ నమ్మలేకపోతున్నారు. ఇటీవలికాలంలో ఆ జట్టు ప్రదర్శన అంత దారుణంగా ఉంది మరి. నవాజ్‌ తన సుడిగాలి శతకంతో పాక్‌ క్రికెట్‌లో ఒక్కసారిగా హీరో అయిపోయాడు.మ్యాచ్‌ విషయానికొస్తే.. తొలుత బ్యాటింగ్‌ చేసిన న్యూజిలాండ్‌ 19.5 ఓవర్లలో 204 పరుగుల భారీ స్కోర్‌ చేసి ఆలౌటైంది. మార్క్‌ చాప్‌మన్‌ 44 బంతుల్లో 11 ఫోర్లు, 4 సిక్సర్ల సాయంతో 94 పరుగులు చేసి న్యూజిలాండ్‌ భారీ స్కోర్‌ చేయడానికి దోహదపడ్డారు. న్యూజిలాండ్‌ ఇన్నింగ్స్‌లో చాప్‌మన్‌ తర్వాత ఎవరూ ఆ స్థాయిలో రాణించలేదు. ఆఖర్లో కెప్టెన్‌ బ్రేస్‌వెల్‌ (18 బంతుల్లో 31) మెరుపు ఇన్నింగ్స్‌ ఆడగా.. టిమ్‌ సీఫర్ట్‌ (19), డారిల్‌ మిచెల్‌ (17), ఐష్‌ సోధి (10) రెండంకెల స్కోర్లు చేయగలిగారు. ఫిన్‌ అలెన్‌ 0, నీషమ్‌ 3, మిచెల్‌ హే 9, జేమీసన్‌ 0, డఫీ 2 పరుగులకు ఔటయ్యారు. పాక్‌ బౌలర్లలో హరీస్‌ రౌఫ్‌ అద్భుతంగా బౌలింగ్‌ చేసి 3 వికెట్లు తీయగా.. షాహీన్‌ అఫ్రిది, అబ్రార్‌ అహ్మద్‌, అబ్బాస్‌ అఫ్రిది తలో 2, షాదాబ్‌ ఖాన్‌ ఓ వికెట్‌ పడగొట్టారు.అనంతరం భారీ లక్ష్య ఛేదనకు దిగిన పాక్‌ ఆది నుంచి దూకుడు ప్రదర్శించింది. ఓపెనర్లు మహ్మద్‌ హరీస్‌ (20 బంతుల్లో 41), హసన్‌ నవాజ్‌ (45 బంతుల్లో 105 నాటౌట్‌; 10 ఫోర్లు, 7 సిక్సర్లు) మెరుపు వేగంతో పరుగులు సాధించారు. హరీస్‌ ఔటయ్యాక క్రీజ్‌లోకి వచ్చిన సల్మాన్‌ అఘా (31 బంతుల్లో 51 నాటౌట్‌) కూడా దూకుడుగా ఆడాడు. ఫలితంగా పాక్‌ మరో 4 ఓవర్లు మిగిలుండగానే వికెట్‌ మాత్రమే కోల్పోయి విజయతీరాలకు చేరింది. పాక్‌ కోల్పోయిన ఏకైక వికెట్‌ డఫీకి దక్కింది. ఈ సిరీస్‌లో నాలుగో టీ20 మార్చి 23న మౌంట్‌ మాంగనూయ్‌ వేదికగా జరుగనుంది.

ఐపీఎల్‌-2025 షెడ్యూల్‌లో స్వల్ప మార్పు చోటు చేసుకుంది. ఈడెన్ గార్డెన్స్ వేదికగా కోల్‌కతా నైట్ రైడర్స్-లక్నో సూపర్ జైయింట్స్ మధ్య ఏప్రిల్ 6న జరగాల్సిన మ్యాచ్‌ను గౌహతికి తరలించారు. అదే రోజు శ్రీ రామ నవమి ఉండటంతో భద్రత కల్పించలేమని కోల్‌కతా పోలీసులు బెంగాల్ క్రికెట్ అసోసియేషన్‌కు తెలియ‌జేశారు.ఈ విష‌యాన్ని ఐపీఎల్ గ‌వ‌ర్నింగ్ కౌన్సిల్‌తో బెంగాల్ క్రికెట్ బోర్డు చ‌ర్చింది. ఈ క్ర‌మంలోనే ఐపీఎల్ పాల‌క‌మండ‌లి వేదిక‌ను గౌహతికి మార్చింది.ఈ వేదిక మార్పును బీసీసీఐ కూడా ఆమోదించింది. కాగా రామ నవమి వేడుకల కారణంగా కోల్‌కతాలో ఐపీఎల్ మ్యాచ్‌లను రీ షెడ్యూల్ చేయడం ఇదేమి తొలిసారి కాదు. గ‌తేడాది కూడా ఏప్రిల్ 17న జ‌ర‌గాల్సిన కోల్‌క‌తా వేదిక‌గా కేకేఆర్‌-రాజస్తాన్ రాయల్స్ మధ్య జరగాల్సిన మ్యాచ్‌ను రామ నవమి కారణంగా.. ఒకరోజు ముందు (ఏప్రిల్ 16న) నిర్వహించారు.ఇందుకోసం మరో మ్యాచ్‌ను బీసీసీఐ రీ షెడ్యూల్ చేయాల్సి వచ్చింది. వాస్త‌వానికి గౌహ‌తిలోని అస్సాం క్రికెట్ అసోషియేష‌న్ స్టేడియం రాజ‌స్తాన్ రాయ‌ల్స్‌కు సెకెండ్ హోం గ్రౌండ్‌గా ఉంది. రాజ‌స్తాన్ టీమ్ ఈ వేదిక‌లో రెండు మ్యాచ్‌లు ఆడ‌నుంది. ఈ మైదానంలో రాజ‌స్తాన్ మార్చి 26న కేకేఆర్‌తో, మార్చి 30న చెన్నై సూప‌ర్‌కింగ్స్‌తో త‌ల‌ప‌డ‌నుంది.కాగా ఈ మెగా ఈవెంట్‌ మొత్తం 13 వేదికల్లో జరగనుంది. ఐపీఎల్‌-18వ సీజన్‌ మార్చి 22 నుంచి ప్రారంభం కానుంది. తొలి మ్యాచ్‌లో ఈడెన్‌గార్డెన్స్‌ వేదికగా రాయల్‌ ఛాలెంజర్స్‌ బెంగళూరు, కోల్‌కతా నైట్‌రైడర్స్‌ జట్లు తలపడనున్నాయి.చదవండి: CT 2025: ‘రూ. 739 కోట్ల నష్టం’.. పాక్‌ క్రికెట్‌ బోర్డు స్పందన ఇదే!

దాదాపు ఇరవై తొమ్మిదేళ్ల తర్వాత పాకిస్తాన్‌ చాంపియన్స్‌ ట్రోఫీ-2025 (ICC Champions Trophy) రూపంలో ఐసీసీ టోర్నమెంట్‌కు ఆతిథ్యం ఇచ్చింది. డిఫెండింగ్‌ చాంపియన్‌ హోదాలో నిర్వహణ హక్కులు దక్కించుకున్న పాక్‌.. టీమిండియా కోసం హైబ్రిడ్‌ విధానానికి అంగీకరించాల్సి వచ్చింది. భద్రతా కారణాల దృష్ట్యా రోహిత్‌ సేనను అక్కడకు పంపేందుకు భారత క్రికెట్‌ నియంత్రణ మండలి (BCCI) నిరాకరించగా.. ఐసీసీ జోక్యంతో పాక్‌ క్రికెట్‌ బోర్డు (PCB) వెనక్కి తగ్గింది.ఈ నేపథ్యంలో టీమిండియా తమ మ్యాచ్‌లన్నీ దుబాయ్‌లో ఆడింది. గ్రూప్‌ దశలో మూడు, సెమీస్‌, ఫైనల్‌ మ్యాచ్‌లను అక్కడే పూర్తి చేసుకుంది. మరోవైపు.. పాకిస్తాన్‌ పది మ్యాచ్‌ల నిర్వహణకు సిద్ధంకాగా.. వర్షం వల్ల కేవలం ఎనిమిది మ్యాచ్‌లు మాత్రమే సజావుగా సాగాయి.రూ. 739 కోట్ల మేర నష్టం?ఇదిలా ఉంటే.. చాంపియన్స్‌ ట్రోఫీ-2025 నిర్వహణ నేపథ్యంలో పీసీబీకి రూ. 739 కోట్ల మేర నష్టం వాటిల్లిందనే వార్తలు వచ్చాయి. అయితే, పీసీబీ అధికార ప్రతినిధి ఆమిర్‌ మిర్‌, చీఫ్‌ ఫైనాన్షియల్‌ ఆఫీసర్‌ జావేద్‌ ముర్తజా ఈ వదంతులను ఖండించారు. ఐసీసీ ఈవెంట్‌ నిర్వహించడం ద్వారా తమకు ఎలాంటి నష్టం రాలేదని.. పైగా రూ. 100 కోట్ల మేర ఆదాయం చేకూరిందని చెప్పడం గమనార్హం.‘‘టోర్నమెంట్‌కు సంబంధించి అయిన ఖర్చు మొత్తాన్ని ఐసీసీ సమకూర్చింది. టికెట్ల అమ్మకం, ఇతర మార్గాల ద్వారా పీసీబీకి పెద్ద మొత్తంలో ఆదాయం చేకూరింది’’ అని ఆమిర్‌ మిర్‌ స్పష్టం చేశాడు. తమ అంచనాలకు మించి రెవెన్యూ వచ్చిందని.. ఆడిట్‌ తర్వాత ఈ మొత్తం ఇంకాస్త పెరిగే అవకాశం ఉందని పేర్కొన్నాడు.ఇక 2023-24 ఆర్థిక సంవత్సరం నాటికి తమకు రూ. 300 కోట్ల మేర ఆదాయం చేకూరిందని పీసీబీ వర్గాలు పేర్కొనడం గమనార్హం. ఆదాయంలో ఏకంగా 40 శాతం పెరుగుదల నమోదైందని.. ప్రపంచంలో​ తాము ఇప్పుడు టాప్‌-3 సంపన్న బోర్డుల జాబితాలో చేరామని పేర్కొన్నాయి.అత్యంత సంపన్న బోర్డుగా బీసీసీఐకాగా దాదాపు 19 వేల కోట్లకు పైగా రూపాయలతో బీసీసీఐ ప్రపంచంలోనే అత్యంత సంపన్న బోర్డుగా కొనసాగుతోంది. క్రికెట్‌ ఆస్ట్రేలియా రూ. 689 కోట్లు, ఇంగ్లండ్‌ &వేల్స్‌ బోర్డు రూ. 513 కోట్ల మేర సంపదతో ఆ తర్వాతి స్థానాల్లో కొనసాగుతుండగా.. రూ. 300 కోట్ల సంపద కలిగి ఉన్నామన్న చెపుతున్న పీసీబీ నాలుగో స్థానంలో కొనసాగుతుండగా.. తాము టాప్‌-3లో ఉన్నామంటూ బోర్డు వర్గాలు వెల్లడించడం గమనార్హం.చాంపియన్‌గా టీమిండియాఇక ఐసీసీ చాంపియన్స్‌ ట్రోఫీల-2025లో గ్రూప్‌-ఎ నుంచి భారత్‌, న్యూజిలాండ్‌, బంగ్లాదేశ్‌, పాకిస్తాన్‌.. గ్రూప్‌-బి నుంచి ఆస్ట్రేలియా, సౌతాఫ్రికా, అఫ్గనిస్తాన్‌, ఇంగ్లండ్‌ పోటీ పడ్డాయి. గ్రూప్‌-ఎ నుంచి భారత్‌, న్యూజిలాండ్‌.. గ్రూప్‌-బి నుంచి ఆస్ట్రేలియా, సౌతాఫ్రికా సెమీ ఫైనల్లో అడుగుపెట్టాయి. తొలి సెమీస్‌లో భారత్‌.. ఆసీస్‌ను.. రెండో సెమీస్‌లో న్యూజిలాండ్‌ ప్రొటిస్‌ జట్టును ఓడించి టైటిల్‌ పోరుకు అర్హత సాధించాయి. దుబాయ్‌లో మార్చి 9న జరిగిన ఫైనల్లో టీమిండియా కివీస్‌ జట్టును ఓడించి చాంపియన్‌గా అవతరించింది.ఇదిలా ఉంటే.. పాకిస్తాన్‌లో రావల్పిండి, కరాచీ, లాహోర్‌ మైదానాలు చాంపియన్స్‌ ట్రోఫీ మ్యాచ్‌లకు ఆతిథ్యం ఇచ్చాయి. ఈ మెగా వన్డే ఈవెంట్‌ కోసం ఈ మూడు స్టేడియాలలో భారీ ఖర్చుతో పీసీబీ మరమతులు చేపట్టింది. అయితే, వర్షం కారణంగా రావల్పిండి, లాహోర్‌లలో మ్యాచ్‌లు రద్దు కావడం.. అక్కడి డ్రైనేజీ వ్యవస్థ దుస్థితికి అద్దం పట్టాయి. ఈ నేపథ్యంలో పూర్తి స్థాయిలో సన్నద్ధం కాలేనపుడు ఇలాంటి మెగా టోర్నీలను నిర్వహిస్తామని పట్టుబట్టడం సరికాదంటూ పీసీబీ తీరుపై విమర్శలు వచ్చాయి. చదవండి: 'సెహ్వాగ్ నన్ను అవమానించాడు.. అందుకే మాట్లాడటం మానేశా'

ఆక్లాండ్ వేదిక‌గా న్యూజిలాండ్‌తో జ‌రుగుతున్న మూడో టీ20లో పాకిస్తాన్ ఆట‌గాడు హారిస్ రవూఫ్ అసాధ‌ర‌ణ ఫీల్డింగ్ ప్ర‌ద‌ర్శ‌న క‌న‌బ‌రిచాడు. ర‌వూఫ్ అద్భుత‌మైన క్యాచ్‌తో కివీస్ స్టార్ ఓపెన‌ర్ ఫిన్ అలెన్ పెవిలియ‌న్‌కు పంపాడు. అత‌డి క్యాచ్‌తో ఆక్లాండ్ మైదానం మొత్తం ఒక్క‌సారిగా సైలెంట్ అయిపోయింది. ఈ మ్యాచ్‌లో టాస్ గెలిచిన పాకిస్తాన్ ముందుగా బౌలింగ్ చేయాల‌ని నిర్ణయించుకుంది.ఈ క్ర‌మంలో పాక్ బౌలింగ్ ఎటాక్‌ను షాహీన్ అఫ్రిది ప్రారంభించ‌గా.. కివీస్ ఓపెన‌ర్ల‌గా టిమ్ సీఫ‌ర్ట్‌, అలెన్ బ‌రిలోకి దిగారు. అయితే మొద‌టి ఓవ‌ర్ వేసిన షాహీన్ అఫ్రిది ఐదో బంతిని లెగ్ సైడ్‌గా సంధించాడు. ఆ బంతిని అలెన్ లెగ్ సైడ్‌లోకి ఫ్లిక్ చేశాడు. ఈ క్ర‌మంలో షార్ట్ ఫైన్ లెగ్‌లో ఉన్న రవూఫ్ అద్బుతం చేశాడు.రౌఫ్ తన కుడి వైపున‌కు జంప్ చేస్తూ సింగిల్ హ్యాండ్‌తో స్ట‌న్నింగ్ క్యాచ్‌ను అందుకున్నాడు. ఇది చూసిన ఫిన్ అలెన్ ఆశ్చ‌ర్య‌పోయాడు. ర‌వూఫ్ క్యాచ్‌కు సంబంధించిన వీడియో ప్ర‌స్తుతం సోష‌ల్ మీడియాలో వైర‌ల‌వుతోంది. గ్లెన్‌ ఫిలిప్స్‌ను మించిన క్యాచ్ ప‌ట్టావు అంటూ నెటిజ‌న్లు కామెంట్లు చేస్తున్నారు. కాగా ఈ మ్యాచ్ పాకిస్తాన్ డూర్ ఆర్ డై. ఇప్ప‌టికే తొలి రెండు మ్యాచ్‌ల్లో ఓట‌మి చ‌విచూసిన పాకిస్తాన్‌.. సిరీస్‌లో నిల‌వాలంటే ఈ మ్యాచ్‌లో క‌చ్చితంగా గెల‌వాల్సిందే.ఇక ఈ సిరీస్‌కు సీనియ‌ర్ ప్లేయ‌ర్లు మ‌హ్మ‌ద్ రిజ్వాన్‌, బాబ‌ర్ ఆజం దూర‌మైన సంగ‌తి తెలిసిందే. ఛాంపియ‌న్స్ ట్రోఫీలో విఫ‌ల‌మైనందుకు ఈ సీనియ‌ర్ ద్వ‌యంపై పాకిస్తాన్ క్రికెట్ బోర్డు వేటు వేసింది. టీ20ల్లో పాకిస్తాన్ కెప్టెన్ స‌ల్మాన్ అలీ అఘాను నియ‌మించిన పీసీబీ.. వైస్ కెప్టెన్సీ బాధ్య‌త‌లు స్టార్ ఆల్‌రౌండ‌ర్ షాదాబ్ ఖాన్‌కు అప్ప‌గించింది.చదవండి: IPL 2025: ఐపీఎల్‌ వేలంలో అన్‌సోల్డ్‌.. కట్‌ చేస్తే! పంత్‌ టీమ్‌లోకి ఎంట్రీ? pic.twitter.com/odGcpMzlPX— kuchnahi123@12345678 (@kuchnahi1269083) March 21, 2025

సిమ్లా: భారత బాక్సింగ్‌ సమాఖ్య (బీఎఫ్‌ఐ) ఎన్నికల్లో పార్లమెంట్‌ సభ్యుడు, మాజీ కేంద్ర మంత్రి అనురాగ్‌ ఠాకూర్‌ పోటీ పడేందుకు అనుమతించాలని హిమాచల్‌ ప్రదేశ్‌ హైకోర్టు ఆదేశించింది. ఈ నెల 28న ఎన్నికలు జరగనున్నాయి. ఠాకూర్‌ నామినేషన్‌ దాఖలు చేసేందుకు వీలుగా నామినేషన్ల గడువును పొడిగించాలని కూడా కోర్టు ఉత్తర్వులు ఇచ్చింది.బీఎఫ్‌ఐ ఎన్నికల్లో హిమాచల్‌ ప్రదేశ్‌ రాష్ట్ర బాక్సింగ్‌ సంఘం ప్రతినిధిగా పోటీ పడేందుకు ఠాకూర్‌ సిద్ధం కాగా... బీఎఫ్‌ఐ అధ్యక్షుడు అజయ్‌ సింగ్‌ ఆయనను అనర్హుడిగా ప్రకటించారు.ఆయా రాష్ట్ర సంఘాల్లో ఎన్నికల ద్వారా గెలిచి ఆఫీస్‌ బేరర్లుగా కొనసాగుతున్న వారికే ఇక్కడా పోటీ పడే అవకాశం ఉంటుందని... ఈ కారణంగా ఠాకూర్‌ అనర్హుడంటూ రిటర్నింగ్‌ అధికారి ఈ నెల 7న ఆదేశాలు జారీ చేశారు. దీనిపై బీజేపీ ఎంపీ కోర్టుకెక్కారు. 2008 నుంచి వేర్వేరు హోదాల్లో తాను రాష్ట్ర సంఘంలో పని చేశానని పిటిషన్‌లో పేర్కొన్నారు. ఈ నేపథ్యంలో వాదోపవాదాల అనంతరం... బీఎఫ్‌ఐ ఉత్తర్వులకు చట్టపరంగా ఎలాంటి విలువ లేదని, ఠాకూర్‌ను ఎన్నికలకు అనుమతించాలంటూ హిమాచల్‌ హైకోర్టు స్పష్టం చేసింది.భారత్‌ ఖాతాలోనే ‘ఇండియన్‌ టూర్‌’ స్క్వాష్‌ టైటిల్‌ ఫైనల్లో అనాహత్‌తో ఆకాంక్ష ‘ఢీ’ చెన్నై: స్క్వాష్‌ రాకెట్స్‌ ఫెడరేషన్‌ ఆఫ్‌ ఇండియా (ఎస్‌ఆర్‌ఎఫ్‌ఐ) ఇండియన్‌ టూర్‌ టోర్నమెంట్‌లో మహిళల సింగిల్స్‌ టైటిల్‌ భారత్‌కు ఖరారైంది. భారత్‌కే చెందిన అనాహత్‌ సింగ్, ఆకాంక్ష సాలుంఖే ఫైనల్‌కు చేరుకోవడంతో ఇది సాధ్యం కానుంది. గురువారం జరిగిన సెమీఫైనల్స్‌లో అనాహత్‌ 11–6, 11–3, 11–4తో హీలీ వార్డ్‌ (దక్షిణాఫ్రికా)పై, టాప్‌ సీడ్‌ ఆకాంక్ష 11–5, 11–7, 11–7తో భారత్‌కే చెందిన స్టార్‌ జోష్నా చినప్పపై విజయం సాధించారు. ఫైనల్‌ శుక్రవారం జరుగుతుంది.క్వార్టర్‌ ఫైనల్స్‌లో ఆకాంక్ష 11–8, 10–12, 4–11, 11–8, 11–9తో నాదియా ఎల్‌హమి (ఈజిప్ట్‌)పై, అనాహత్‌ 11–3, 11–3, 7–11, 11–1తో క్రిస్టినా గోమెజ్‌ (స్పెయిన్‌)పై, జోష్నా చినప్ప 11–7, 11–5, 11–4తో సోఫియా మటియోస్‌ (స్పెయిన్‌)పై గెలుపొందారు. పురుషుల సింగిల్స్‌ విభాగంలో భారత్‌కే చెందిన వీర్‌ చోత్రాని, మెల్విల్‌ సియానిమనికో (ఫ్రాన్స్‌) టైటిల్‌ పోరుకు సిద్ధమయ్యారు. సెమీఫైనల్స్‌లో వీర్‌ 11–5, 11–7, 12–10తో రవిందు లక్సిరి (శ్రీలంక)పై, మెల్విల్‌11–7, 11–2, 11–7తో డీగో గొబ్బి (బ్రెజిల్‌)పై విజయం సాధించారు.

న్యూఢిల్లీ: రెండు దశాబ్దాల తర్వాత భారత్‌లో ప్రతిష్టాత్మక కామన్వెల్త్‌ క్రీడలు జరిగే అవకాశాలు కనిపిస్తున్నాయి. 2030లో జరిగే కామన్వెల్త్‌ క్రీడల (Commonwealth Games 2030) నిర్వహణ కోసం భారత్‌ అధికారికంగా బిడ్‌ను దాఖలు చేసింది. నిబంధనల ప్రకారం బిడ్‌లో నగరం పేరును కూడా పేర్కొన్నారు. భారత్‌కు ఈ క్రీడలు నిర్వహించే అవకాశం దక్కితే వాటికి అహ్మదాబాద్‌ వేదిక అవుతుంది. భారత ఒలింపిక్‌ సంఘం (ఐఓఏ) ఈ ప్రక్రియను పూర్తి చేసిందని కేంద్ర క్రీడా శాఖలోని ఉన్నతాధికారి ఒకరు ఈ విషయాన్ని వెల్లడించారు.‘అవును, మనం 2023 కామన్వెల్త్‌ క్రీడల నిర్వహణ కోసం పోటీ పడుతున్నాం. భారత్‌ తరఫున ఐఓఏ, గుజరాత్‌ రాష్ట్ర ప్రభుత్వం సంయుక్తంగా బిడ్‌ను సమర్పించాయి’ అని ఆయన చెప్పారు. నిర్వహణా కమిటీ ‘కామన్వెల్త్‌ స్పోర్ట్‌’ ఈ బిడ్‌ను పరిశీలించిన అనంతరం తదుపరి ప్రక్రియ కోసం పరిగణలోకి తీసుకుంటుంది. 2010లో భారత్‌లో కామన్వెల్త్‌ క్రీడలకు జరిగాయి. ప్రధాని నరేంద్ర మోదీ సూచనల ప్రకారం 2036 ఒలింపిక్స్‌ను కూడా మన దేశంలో నిర్వహించాలనే యోచన ఉంది. ఇందు కోసం కూడా ప్రాధమికంగా ప్రయత్నాలు మొదలయ్యాయి. దానికి ముందు సన్నాహకంగా ఈ కామన్వెల్త్‌ క్రీడల నిర్వహణతో తమ స్థాయిని ప్రదర్శించాలని భారత్‌ భావిస్తోంది. ఆసియా స్విమ్మింగ్‌ చాంపియన్‌షిప్‌ పోటీలకు భారత్‌ ఆతిథ్యంఆరేళ్ల విరామం తర్వాత అంతర్జాతీయ స్విమ్మింగ్‌ చాంపియన్‌షిప్‌ పోటీలకు భారత్‌ ఆతిథ్యం ఇవ్వనుంది. ఈ ఏడాది అక్టోబర్‌ 1 నుంచి 15వ తేదీ వరకు ఆసియా స్విమ్మింగ్‌ చాంపియన్‌షిప్‌ పోటీలకు అహ్మదాబాద్‌లోని నరన్‌పురా స్పోర్ట్స్‌ కాంప్లెక్స్‌ వేదిక కానుంది. జపాన్, దక్షిణ కొరియా, చైనా తదితర దేశాల నుంచి మేటి స్విమ్మర్లు ఈ మెగా ఈవెంట్‌కు వచ్చే అవకాశముంది.‘గుజరాత్‌ ప్రభుత్వం, ఆసియా అక్వాటిక్స్‌ నుంచి ఈ మెగా ఈవెంట్‌ నిర్వహణకు ఆమోదం లభించింది. వచ్చే నెలలో ఎంఓయూ కూడా జరుగుతుంది’ అని భారత స్విమ్మింగ్‌ సమాఖ్య సెక్రటరీ జనరల్‌ మోనల్‌ చోక్సి తెలిపారు. చివరిసారి భారత్‌ 2019లో ఆసియా ఏజ్‌ గ్రూప్‌ స్విమ్మింగ్‌ పోటీలకు ఆతిథ్యం ఇచ్చింది. ఆసియా స్విమ్మింగ్‌ చాంపియన్‌షిప్‌లో స్విమ్మింగ్, డైవింగ్, ఆరి్టస్టిక్‌ స్విమ్మింగ్, వాటర్‌ పోలో ఈవెంట్స్‌ను నిర్వహిస్తారు.

న్యూజిలాండ్ మ‌హిళ‌ల‌తో మూడు టీ20ల సిరీస్‌ను ఆస్ట్రేలియా విజ‌యంతో ఆరంభించింది. ఆక్లాండ్‌ వేదికగా జరిగిన తొలి టీ20లో న్యూజిలాండ్‌ను 8 వికెట్ల తేడాతో ఆస్ట్రేలియా చిత్తు చేసింది. కివీస్‌ నిర్ధేశించిన 138 పరుగుల స్వల్ప లక్ష్యాన్ని ఆసీస్‌ అమ్మాయిలు కేవలం రెండు వికెట్లు మాత్రమే కోల్పోయి 13.3 ఓవర్లలోనే ఛేదించారు.లక్ష్య చేధనలో ఆస్ట్రేలియా స్టార్‌ ఓపెనర్‌ బెత్‌ మూనీ విధ్వంసం సృష్టించింది. కేవలం 42 బంతుల్లో 10 ఫోర్లు, 1 సిక్సర్‌తో 75 పరుగులు చేసి ఆజేయంగా నిలిచింది. ఆమెతో పాటు మరో ఓపెనర్‌ జార్జియా వాల్‌(31 బంతుల్లో 9 ఫోర్లతో 50) హాఫ్‌ సెంచరీతో మెరిసింది. న్యూజిలాండ్‌ బౌలర్లలో తహుహు రెండు వికెట్లు సాధించగా.. మిగితా బౌలర్లు దారుణంగా విఫలమయ్యారు.అంతకముందు బ్యాటింగ్‌ చేసిన న్యూజిలాండ్‌ నిర్ణీత 20 ఓవర్లలో 2 వికెట్ల నష్టానికి 137 పరుగులు చేసింది. వైట్‌ఫెర్న్స్‌ బ్యాటర్లలో అమీలియా కేర్‌(51 నాటౌట్‌) టాప్‌ స్కోరర్‌గా నిలవగా.. సోఫీ డివైన్‌(39) పర్వాలేదన్పించారు. ఆసీస్‌ బౌలర్లలో బ్రౌన్‌, మెక్‌గ్రాత్‌ తలా వికెట్‌ సాధించారు. ఇరు జట్ల మధ్య రెండో టీ20 మార్చి 23న మౌంట్ మౌంగనుయ్ వేదికగా జరగనుంది. ఆసీస్‌తో సిరీస్‌ కంటే ముందు శ్రీలంకతో జరిగిన వైట్‌బాల్‌ సిరీస్‌లను న్యూజిలాండ్‌ సొంతం చేసుకుంది.చదవండి: IPL 2025: ఐపీఎల్‌ వేలంలో అన్‌సోల్డ్‌.. కట్‌ చేస్తే! పంత్‌ టీమ్‌లోకి ఎంట్రీ?

ఐపీఎల్‌-2025 ఆరంభానికి కేవ‌లం ఒక్క రోజు స‌మ‌యం మాత్ర‌మే మిగిలింది. మార్చి 22న ఈడెన్ గార్డెన్స్‌ కేకేఆర్‌-ఆర్సీబీ మ‌ధ్య జ‌ర‌గ‌నున్న మ్యాచ్‌తో ఈ మెగా ఈవెంట్‌కు తేర‌లేవ‌నుంది. ఈ క్ర‌మంలో మొత్తం ప‌ది ఫ్రాంచైజీలు గాయాల కార‌ణంగా దూర‌మైన ఆట‌గాళ్ల స్ధానాల‌ను భ‌ర్తీ చేసే ప‌నిలో ప‌డ్డాయి. లక్నో సూప‌ర్ జెయింట్స్ ఫ్రాంచైజీ టీమిండియా వెట‌ర‌న్ ఆల్‌రౌండ‌ర్ శార్దూల్ ఠాకూర్‌తో ఒప్పందం కుదుర్చుకున్న‌ట్లు తెలుస్తోంది. గాయం కార‌ణంగా ఈ ఏడాది సీజ‌న్‌కు దూర‌మైన ల‌క్నో పాస్ట్ బౌల‌ర్‌ మొహ్సిన్ ఖాన్ స్థానంలో శార్ధూల్‌ను తీసుకున్న‌ట్లు స‌మాచారం. ఇప్ప‌టికే శార్ధూల్ ఠాకూర్ వైజాగ్‌లో ఉన్న ల‌క్నో సూప‌ర్ జెయింట్స్ టీమ్‌తో క‌లిసిన‌ట్లు వార్త‌లు వినిపిస్తున్నాయి. ఈ టోర్నీలో ల‌క్నో సూప‌ర్ జెయింట్స్ త‌మ తొలి మ్యాచ్‌లో ఈ నెల 24న ఢిల్లీ క్యాపిట‌ల్స్‌తో ఆడనుంది. కాగా ఐపీఎల్‌-2025 మెగా వేలంలో శార్ధూల్ ఠాకూర్ అమ్ముడు పోలేదు. రూ. 2 కోట్ల బేస్‌ప్రైస్‌తో వేలంలోకి వ‌చ్చిన అత‌డిని ఏ ఫ్రాంచైజీ కొనుగోలు చేసేందుకు ఆస‌క్తి చూప‌లేదు.కానీ ఇప్పుడు మ‌రోసారి అత‌డికి ఐపీఎల్‌లో భాగ‌మ‌య్యే అవ‌కాశం ల‌క్నో జ‌ట్టు క‌ల్పించింది. కాగా శార్థూల్‌తో ఒప్పందంపై ల‌క్నో ఇంకా అధికారిక ప్ర‌క‌ట‌న చేయ‌లేదు. శార్ధూల్ ఇటీవ‌ల జ‌రిగిన హోలీ వేడుకల్లో ఢిల్లీ జట్టు సభ్యులతో క‌న్పించాడు.ఐపీఎల్‌లో అదుర్స్‌.. కాగా ఐపీఎల్‌లో శార్దూల్ ఠాకూర్ మంచి రికార్డు ఉంది. శార్థూల్ 2015లో పంజాబ్ కింగ్స్ త‌ర‌పున ఐపీఎల్ అరంగేట్రం చేశాడు. అప్ప‌టి నుంచి ఇప్ప‌టివ‌ర‌కు 95 మ్యాచ్‌లు ఆడిన లార్డ్ ఠాకూర్‌.. 307 పరుగులతో పాటు 94 వికెట్లు పడగొట్టాడు. 2017 నుంచి అత‌డు అన్ని ఐపీఎల్ సీజ‌న్ల‌లోనూ ఆడాడు. గ‌తేడాది మెగా వేలానికి ముందు సీఎస్‌కే అత‌డిని విడిచిపెట్టింది.వీక్‌గా పేస్ బౌలింగ్ యూనిట్‌..కాగా ల‌క్నో సూపర్ జెయింట్స్ పేస్ బౌలింగ్ విభాగం చాలా వీక్‌గా క‌న్పిస్తోంది. పేస్ అటాక్‌లో భాగంగా ఉన్న ఆకాష్ దీప్, అవేష్ ఖాన్, మయాంక్ యాదవ్ గాయాల‌తో పోరాడుతున్నారు. వీరూ ఇంకా ల‌క్నో జ‌ట్టుతో చేర‌లేదు. మోహ్షిన్ ఖాన్ అయితే పూర్తిగా ఈ ఏడాది సీజ‌న్‌కే దూర‌మ‌య్యాడు. ప్ర‌స్తుతం షెమార్ జోష‌ఫ్‌, ప్రిన్స్ యాద‌వ్‌, రాజవర్ధన్ హంగర్గేకర్ వంటి యువ పేస‌ర్ల ల‌క్నో జ‌ట్టులో ఉన్నారు. ఈ నేప‌థ్యంలో శార్థూల్ ఠాకూర్ ల‌క్నో జ‌ట్టుకు కీల‌కంగా మారే అవ‌కాశ‌ముంది.చదవండి: 'సెహ్వాగ్ నన్ను అవమానించాడు.. అందుకే మాట్లాడటం మానేశా'

ఆస్ట్రేలియా స్టార్ ఆల్‌రౌండ‌ర్ గ్లెన్ మాక్స్‌వెల్ ముచ్చ‌ట‌గా మూడోసారి పంజాబ్ కింగ్స్‌తో జ‌తక‌ట్టాడు. ఐపీఎల్‌-2025 సీజన్‌లో పంజాబ్‌ కింగ్స్‌కు మాక్స్‌వెల్‌ ప్రాతినిథ్యం వహించనున్నాడు. గతేడాది డిసెంబర్‌లో జరిగిన మెగా వేలంలో రూ. 4.2 కోట్లకు మాక్స్‌వెల్‌ను పంజాబ్‌ సొంతం చేసుకుంది.ఇప్పటికే పంజాబ్‌ జట్టుతో చేరిన మాక్సీ నెట్స్‌లో తీవ్రంగా శ్రమిస్తున్నాడు. కాగా మాక్స్‌వెల్ తొలిసారిగా 2014 ఐపీఎల్ సీజ‌న్‌లో పంజాబ్ కింగ్స్‌కు ప్రాతినిథ్య వ‌హించాడు. 2014, 2015, 2016 సీజ‌న్ల‌లో మాక్సీ అద్బుత‌మైన ప్ర‌ద‌ర్శ‌న క‌న‌బ‌రిచాడు. దీంతో ఈ ఆసీస్ స్టార్ ఐపీఎల్‌-2017లో పంజాబ్ కింగ్స్ కెప్టెన్‌గా ఎంపిక‌య్యాడు. అయితే ఆ సీజ‌న్‌లో మాక్స్‌వెల్ సార‌థ్యంలోని పంజాబ్ కింగ్స్ గ్రూపు స్టేజికే పరిమితమైంది. అప్పటి జట్టు రైజింగ్ పూణే సూపర్ జెయింట్స్‌తో జరిగిన కీలక మ్యాచ్‌లో పూర్తిగా తేలిపోయిన పంజాబ్ టీమ్‌.. లీగ్ స్టేజిలోనే ఇంటిముఖం పట్టింది. ఆ మ్యాచ్‌లో పంజాబ్ కేవలం 73 పరుగులకే ఆలౌటై ఘోర ఓటమిని మూట కట్టుకుంది.అయితే ఆ మ్యాచ్ అనంతరం అప్పటి పంజాబ్ మెంటార్ వీరేంద్ర సెహ్వాగ్‌తో గ్లెన్ మాక్స్‌వెల్‌కు తీవ్ర వాగ్వాదం చోటు చేసుకుంది. కాగా తాజాగా మాక్స్‌వెల్.. సెహ్వాగ్‌తో జరిగిన గొడవ గురించి "గ్లెన్ మాక్స్‌వెల్: ది షోమ్యాన్" పుస్తకంలో రాసుకొచ్చాడు. సెహ్వాగ్ అందరూ ముందు తనను అవమానించాడని మాక్స్‌వెల్ చెప్పుకొచ్చాడు."మ్యాచ్ ముగిశాక జరిగిన విలేకరుల సమావేశానికి వీరేంద్ర సెహ్వాగ్ హాజరు కావాలని భావించాడు. కానీ ఓటమికి బాధ్యత వహిస్తూ స్వచ్ఛందంగా నేనే ప్రెస్‌కాన్ఫరెన్స్‌కు వెళ్లాను. ఆ తర్వాత హోటల్‌కు వెళ్లేందుకు అందరం కలిసి బస్‌లో కూర్చున్నాము. ఆ సమయంలో నన్ను మా టీమ్‌ ప్రధాన వాట్సాప్ గ్రూప్ నుండి తొలగించినట్లు గమనించాను. వెంటనే ఆయనకు మీరు ఒక అభిమానిని కోల్పోయారు అని మెసేజ్ చేశాను. నీలాంటి అభిమాని అవసరం లేదని ఆయన బదులిచ్చాడు. మేము హోటల్‌కు చేరుకునే సమయానికి ఆయన మెసెజ్‌లతో నా ఫోన్ నిండిపోయింది. నిజంగా అతడి ప్రవర్తన నాకు తీవ్ర నిరాశపరిచింది. కెప్టెన్‌గా ఆ మ్యాచ్‌లో నేను విఫలమైనందుకు నిందించాడు.అప్పటి నుంచి ఇప్పటివరకు ఒక్కసారి కూడా సెహ్వాగ్‌తో మాట్లాడలేదు" అని తన బుక్‌లో మాక్సీ పేర్కొన్నాడు. ఆ తర్వాత ఓ సారి ఐపీఎల్‌-2020లో పంజాబ్ కింగ్స్‌కు ప్రాతినిథ్యం వహించాడు. మళ్లీ ఇప్పుడు ఐదేళ్ల తర్వాత పంజాబ్ జట్టుతో మాక్స్‌వెల్ చేరాడు. ఐపీఎల్‌-18వ సీజన్ మార్చి 22 నుంచి ప్రారంభం కానుంది.

ఐపీఎల్‌-2025 సీజన్‌కు కౌంట్‌డౌన్ మొద‌లైంది. మ‌రో 24 గంట‌ల్లో ఈ మెగా ఈవెంట్‌కు తేర‌లేవ‌నుంది. శ‌నివారం ఈడెన్‌గార్డెన్స్ వేదిక‌గా జ‌ర‌గ‌నున్న తొలి మ్యాచ్‌లో కోల్‌క‌తా నైట్‌రైడ‌ర్స్‌, రాయ‌ల్ ఛాలెంజ‌ర్స్ బెంగ‌ళూరు జ‌ట్లు అమీతుమీ తెల్చుకోనున్నాయి.కాగా ఈ టోర్నీ ఆరంభానికి స‌మ‌యం ద‌గ్గ‌ర‌ప‌డుతుండ‌డంతో మాజీ క్రికెట‌ర్లు ప్లే ఆఫ్స్ చేరే జ‌ట్లు, టైటిల్ విజేత‌గా నిలిచే జ‌ట్టును అంచ‌నా వేస్తున్నారు. ఈ జాబితాలోకి తాజాగా దక్షిణాఫ్రికా దిగ్గజ క్రికెటర్ ఏబీ డివిలియర్స్ చేరాడు. ఈ ఏడాది సీజ‌న్‌లో ప్లే ఆఫ్స్‌కు చేరే నాలుగు జ‌ట్ల‌ను డివిలియర్స్ ప్రిడ‌క్ట్ చేశాడు.గ‌తంలో త‌ను ప్రాతినిథ్యం వ‌హించిన‌ రాయ‌ల్ ఛాలెంజ‌ర్స్ బెంగ‌ళూరుతో పాటు పాటు ముంబై ఇండియన్స్ (MI), గుజరాత్ టైటాన్స్ (GT), డిఫెండింగ్ ఛాంపియన్స్ కోల్‌క‌తా నైట్‌రైడ‌ర్స్‌ (KKR) ప్లే ఆఫ్స్‌కు చేరుతాయ‌ని ఏబీడీ జోస్యం చెప్పాడు."ముంబై ఇండియ‌న్స్ జ‌ట్టు చాలా ప‌టిష్టంగా క‌న్పిస్తోంది. ఈసారి ముంబై ఇండియ‌న్స్ క‌చ్చితంగా ప్లే ఆఫ్స్‌కు చేరుకుంటుంది. ఆర్సీబీ కూడా టాప్‌-4లో నిలుస్తోంది. ఆర్సీబీ జట్టు అన్ని విభాగాల్లో స‌మతుల్యంగా ఉంది. ఆపై గుజ‌రాత్ టైటాన్స్ కూడా త‌మ ప్లే ఆఫ్ బెర్త్‌ను ఖారారు చేసుకుంటుందని భావిస్తున్నాను.ఈ మూడు జ‌ట్ల‌తో పాటు డిఫెండింగ్ ఛాంపియన్ కెకెఆర్ కూడా ప్లేఆఫ్ రేసులో ఉంటుంది" అని స్పోర్ట్స్ టాక్‌కు ఇచ్చిన ఇంట‌ర్వ్యూలో డివిలియ‌ర్స్ పేర్కొన్నాడు. కాగా డివిలియ‌ర్స్ ఎంచుకున్న జ‌ట్ల‌లో ఐదు సార్లు ఛాంపియ‌న్ చెన్నై సూప‌ర్‌కింగ్స్ లేక‌పోవ‌డం అభిమానులు ఆశ్చ‌ర్య‌ప‌రిచింది. కాగా గతేడాది సీజన్‌లో రుతురాజ్‌ గైక్వాడ్‌ సారథ్యంలోని సీఎస్‌కే గ్రూపు స్టేజికే పరిమితమైంది.చదవండి: ఢిల్లీ క్యాపిటల్స్‌ ఓపెనర్‌ విధ్వంసం.. 37 బంతుల్లో సెంచరీ

ఐపీఎల్‌-2025లో ఢిల్లీ క్యాపిటల్స్‌ తమ తొలి మ్యాచ్‌ ఆడేందుకు సిద్దమవుతోంది. మార్చి 24న విశాఖపట్నం వేదికగా లక్నో సూపర్‌ జెయింట్స్‌తో ఢిల్లీ క్యాపిటల్స్‌ తలపడనుంది. ఇప్పటికే వైజాగ్‌ చేరుకున్న ఢిల్లీ జట్టు నెట్స్‌లో తీవ్రంగా శ్రమిస్తోంది.ఈ క్రమంలో ఢిల్లీ క్యాపిటల్స్‌ ఆటగాళ్లు గురువారం రెండు జట్లగా విడిపోయి ఇంట్రాస్క్వాడ్‌​ మ్యాచ్‌ ఆడారు. ఈ ప్రాక్టీస్‌ మ్యాచ్‌లో ఆస్ట్రేలియా యువ సంచలనం, ఢిల్లీ క్యాపిటల్స్‌ ఓపెనర్‌ జేక్ ఫ్రేజర్-మెక్‌గుర్క్ అద్భుతమైన సెంచరీతో మెరిశాడు. ఈ మ్యాచ్‌లో ఢిల్లీ క్యాపిటల్స్‌-ఎ జట్టు తరపున ఆడిన మెక్‌గర్క్‌.. ఆకాశమే హద్దుగా చెలరేగాడు. వైజాగ్‌ మైదానంలో బౌండరీల వర్షం కురిపించాడు. కేవలం 39 బంతులు మాత్రమే ఎదుర్కొన్న జేక్‌ ఫ్రేజర్‌ మెక్‌గుర్క్‌.. 9 ఫోర్లు, 10 సిక్స్‌లతో 110 పరుగులు చేశాడు. అతడి విధ్వంసకర ఇన్నింగ్స్‌ ఫలితంగా ఢిల్లీ-ఎ జట్టు నిర్ణీత 20 ఓవర్లలో 289 పరుగుల భారీ స్కోర్‌ చేయగల్గింది. మెక్‌గర్క్‌ ఇన్నింగ్స్‌కు సంబంధించిన వీడియో ప్రస్తుతం సోషల్‌ మీడియాలో వైరలవుతోంది.కాగా జేక్‌ ఫ్రేజర్ మెక్‌గర్క్ ఐపీఎల్‌-2024 సీజన్‌తో ఈ క్యాష్‌రిచ్ లీగ్‌లోకి అడుగుపెట్టాడు. అరంగేట్రంలోనే ఈ యువ సంచలనం తన అద్భుత ప్రదర్శనతో అందరిని ఆకట్టుకున్నాడు. జేక్‌ ఫ్రేజర్‌ దూకుడుగా ఆడటంలో స్పెషలిస్ట్. గతేడాది సీజన్‌లో 9 మ్యాచ్‌లు ఆడిన జేక్‌ ఫ్రేజర్‌.. 234.04 స్ట్రైక్‌రేట్‌తో 330 పరుగులు చేశాడు. ఇందులో నాలుగు హాఫ్‌ సెంచరీలు ఉన్నాయి.అయితే అంతర్జాతీయ క్రికెట్‌లో మాత్రం అతడు తన మార్క్‌ను చూపించలేకపోయాడు. ఆస్ట్రేలియా తరపున ఇప్పటివరకు 14 మ్యాచ్‌లు ఆడిన ఫ్రేజర్‌ కేవలం 221 పరుగులు మాత్రమే చేశాడు. ఇటీవల జరిగిన బిగ్‌బాష్‌ లీగ్‌లో సైతం అతడు తీవ్ర నిరాశపరిచాడు. 10 మ్యాచ్‌లు ఆడి కేవలం 188 పరుగులు మాత్రమే చేయగలిగాడు. అయినప్పటికి మరోసారి అతడిపై ఢిల్లీ క్యాపిటల్స్‌ నమ్మకం ఉంచింది. ఐపీఎల్‌-2025 మెగా వేలంలో రూ.9 కోట్ల భారీ ధరకు జేక్‌ను ఢిల్లీ క్యాపిటల్స్‌ కొనుగోలు చేసింది.చదవండి: షకీబ్‌కు బిగ్‌ రిలీఫ్‌.. బౌలింగ్‌కు లైన్‌ క్లియర్‌TEAM TOTAL: 289 🤯JFM’s SCORE: 110* 🥵 pic.twitter.com/FT1hSsYjlA— Delhi Capitals (@DelhiCapitals) March 20, 2025

బంగ్లాదేశ్‌ మాజీ కెప్టెన్‌, మేటి ఆల్‌రౌండర్‌ షకీబ్‌ అల్‌ హసన్‌కు మళ్లీ బౌలింగ్‌ చేసేందుకు అనుమతి లభించింది. అతని బౌలింగ్‌ శైలితీరు నియమాలకు లోబడే ఉందని, సందేహాస్పదంగా లేదని సమీక్ష అనంతరం తేలింది. అయితే తన బౌలింగ్‌ యాక్షన్‌ను ఎక్కడ సమీక్షించారనే విషయాన్ని షకీబ్‌ వెల్లడించలేదు.ఇప్పటికే టెస్టులకు, అంతర్జాతీయ టి20లకు వీడ్కోలు పలికిన షకీబ్‌ వన్డే ఫార్మాట్‌లో, ఫ్రాంచైజీ లీగ్‌లలో బౌలింగ్‌ చేసేందుకు మార్గం సుగమం అయింది. గత ఏడాది అక్టోబర్‌ కాన్పూర్‌లో భారత్‌తో జరిగిన రెండో టెస్టు తర్వాత షకీబ్‌ మళ్లీ బరిలోకి దిగలేదు. గత డిసెంబర్‌లో ఇంగ్లిష్‌ కౌంటీ క్రికెట్‌లో సర్రే జట్టు తరఫున మ్యాచ్‌ ఆడిన సమయంలో షకీబ్‌ బౌలింగ్‌ శైలి సందేహాస్పదంగా ఉండటంతో అతడు బౌలింగ్‌పై నిషేధం విధించారు. ఇండియన్‌ ప్రీమియర్‌ లీగ్, పాకిస్తాన్‌ సూపర్‌ లీగ్‌లో పాల్గొనే అవకాశాన్ని దక్కించుకోలేకపోయిన షకీబ్‌ త్వరలో శ్రీలంకతో వన్డే సిరీస్‌లో పాల్గొనే అవకాశముంది.చదవండి: ఐపీఎల్‌లో ‘సలైవా’ వాడవచ్చు!

బెంగళూరు: పేస్‌ బౌలర్‌ మొహమ్మద్‌ సిరాజ్‌ ఆ్రస్టేలియాతో టెస్టు సిరీస్‌ తర్వాత భారత జట్టులో చోటు కోల్పోయాడు. స్వదేశంలో ఇంగ్లండ్‌తో సిరీస్‌తో పాటు టీమిండియా విజేతగా నిలిచిన చాంపియన్స్‌ ట్రోఫీ టీమ్‌లోనూ అతనికి స్థానం లభించలేదు. అయితే ఈ హైదరాబాదీ పేసర్‌ జాతీయ జట్టులోకి త్వరలోనే పునరాగమనం చేస్తానని ఆశాభావంతో ఉన్నాడు. ప్రస్తుతం అంతగా ఆందోళన చెందడం లేదని, ఐపీఎల్‌లో సత్తా చాటాలనే పట్టుదలతో బరిలోకి దిగుతున్నట్లు అతను చెప్పాడు.ఐపీఎల్‌లో సిరాజ్‌ ఈసారి గుజరాత్‌ టైటాన్స్‌ జట్టుకు ప్రాతినిధ్యం వహించబోతున్నాడు. ‘భారత జట్టు ఎంపిక నా చేతుల్లో ఉండదనేది వాస్తవం. నా చేతుల్లో బంతి మాత్రమే ఉంటుంది. దాంతో ఏం చేయగలను అనేదే ముఖ్యం. టీమ్‌ సెలక్షన్‌ గురించి అతిగా ఆలోచిస్తూ ఒత్తిడి పెంచుకోను. అలా చేస్తే నా ఆటపై ప్రభావం పడుతుంది. మున్ముందు ఇంగ్లండ్‌ పర్యటన, ఆసియా కప్‌లాంటివి ఉన్నాయనే విషయం నాకు తెలుసు. ఏం జరుగుతుందో చూద్దాం. ప్రస్తుతానికి దృష్టంతా ఐపీఎల్‌ పైనే ఉంది’ అని సిరాజ్‌ వ్యాఖ్యానించాడు. టీమిండియా తరఫున ఆడని సమయంలో బౌలింగ్‌ మెరుగుపర్చుకోవడంతో పాటు ఫిట్‌నెస్‌పై దృష్టి పెట్టినట్లు సిరాజ్‌ వెల్లడించాడు. ‘గత కొన్నేళ్లుగా నిరంతరాయంగా ఆడుతున్నాను. సాధారణంగా విశ్రాంతి తక్కువగా దొరుకుతుంది. కానీ ఈసారి మంచి విరామం లభించింది. అందుకే బౌలింగ్, ఫిట్‌నెస్‌పై మరింత దృష్టి పెట్టా. కొత్త బంతులు, పాత బంతులతో బౌలింగ్‌ చేశాం. స్లో బంతులు, యార్కర్ల విషయంలో ప్రత్యేక సాధన చేశాను. కొత్తగా నేర్చుకున్న అంశాలను ఐపీఎల్‌లో ప్రదర్శిస్తా’ అని అతను చెప్పాడు. శుబ్‌మన్‌ గిల్‌ నాయకత్వంలో ఆడేందుకు ఉత్సాహంగా ఎదురు చూస్తున్నట్లు సిరాజ్‌ వెల్లడించాడు. ‘బెంగళూరు జట్టుకు దూరం కావడం కొంత బాధకు గురి చేసిందనేది వాస్తవం. కోహ్లి అన్ని రకాలుగా అండగా నిలిచాడు. అయితే ఇక్కడా గిల్‌ సారథ్యంలో చాలా మంచి జట్టుంది. గిల్‌ కెపె్టన్సీలో బౌలర్లకు మంచి స్వేచ్ఛ ఉంటుంది. ఏదైనా కొత్తగా ప్రయత్నిస్తే ఎప్పుడూ వారించడు. మేమిద్దరం ఒకే టెస్టుతో అరంగేట్రం చేశాం. వ్యక్తిగతంగా కూడా మంచి సాన్నిహిత్యం ఉంది’ అని సిరాజ్‌ సంతోషం వ్యక్తం చేశాడు. తమ టీమ్‌లో రబాడ, రషీద్, ఇషాంత్, కొయెట్జీ లాంటి అగ్రశ్రేణి బౌలర్లు ఉండటం సానుకూల విషయమని, ఇది అందరిపై ఒత్తిడి తగ్గిస్తుందని అతను అభిప్రాయ పడ్డాడు. గత సీజన్‌ వరకు ఇదే ఫ్రాంచైజీకి ప్రాతినిధ్యం వహించిన మొహమ్మద్‌ షమీతో తనను పోల్చడంపై స్పందిస్తూ... ‘టైటాన్స్‌ టీమ్‌ తరఫున షమీ భాయ్‌ చాలా బాగా ఆడాడు. కీలక సమయాల్లో స్వింగ్‌తో వికెట్లు తీశాడు. నేను కూడా ఆయనలాగే పెద్ద సంఖ్యలో వికెట్లు తీసి జట్టుకు ఉపయోగపడితే చాలు. మొతెరా మైదానంలో కొత్త బంతితో షమీ వికెట్లు తీయడం నేను చూశాను. అదే తరహాలో పవర్‌ప్లేలో వికెట్లు తీయడమే నా పని’ అని సిరాజ్‌ చెప్పాడు. టైటాన్స్‌ కోచ్‌గా ఉన్న మాజీ పేసర్‌ ఆశిష్‌ నెహ్రాతో కలిసి పని చేసేందుకు, ఆయన వద్ద కొత్త విషయాలు నేర్చుకునేందుకు ఆసక్తిగా ఎదురు చూస్తున్నట్లు ఈ హైదరాబాదీ పేర్కొన్నాడు.

బాసెల్‌: స్విస్‌ ఓపెన్‌ వరల్డ్‌ టూర్‌ సూపర్‌–300 బ్యాడ్మింటన్‌ టోర్నమెంట్‌ మహిళల డబుల్స్‌ విభాగంలో పుల్లెల గాయత్రి–ట్రెసా జాలీ జోడీ క్వార్టర్‌ ఫైనల్లోకి దూసుకెళ్లింది. గురువారం జరిగిన ప్రిక్వార్టర్‌ ఫైనల్లో గాయత్రి–ట్రెసా ద్వయం 21–12, 21–8తో అమెలీ లెహ్‌మన్‌–సెలీన్‌ హుబ్‌‡్ష (జర్మనీ) జంటపై విజయం సాధించింది. 38 నిమిషాల్లో ముగిసిన ఈ మ్యాచ్‌లో భారత ద్వయం ఆద్యంతం ఆధిపత్యం కనబరిచింది. రెండో గేమ్‌లోనైతే ఒకదశలో గాయత్రి–ట్రెసా వరుసగా ఎనిమిది పాయింట్లు సాధించారు. పురుషుల సింగిల్స్‌లో భారత స్టార్, ప్రపంచ మాజీ నంబర్‌వన్‌ కిడాంబి శ్రీకాంత్, ప్రియాన్షు రజావత్‌ పోరాటం ముగిసింది. ప్రిక్వార్టర్‌ ఫైనల్‌ మ్యాచ్‌ల్లో శ్రీకాంత్‌ 15–21, 11–21తో ప్రపంచ ఆరో ర్యాంకర్‌ లీ షి ఫెంగ్‌ (చైనా) చేతిలో... ప్రియాన్షు 15–21, 17–21తో టోమా పొపోవ్‌ (ఫ్రాన్స్‌) చేతిలో ఓడిపోయారు. మహిళల సింగిల్స్‌లో భారత క్రీడాకారిణుల పోరాటం ముగిసింది. ఇషారాణి బారువా 19–21, 21–18, 18–21తో జియాన్‌ జి హాన్‌ (చైనా) చేతిలో, అనుపమ 17–21, 19–21తో పుత్రి కుసుమ వర్ధిని (ఇండోనేసియా) చేతిలో పరాజయం పాలయ్యారు.

న్యూఢిల్లీ: బంతిని రివర్స్‌ స్వింగ్‌ చేయగల సత్తా ఉన్న బౌలర్లకు శుభవార్త ఇది! బ్యాటర్ల బాదుడుతో ఏ దశలోనూ బంతిని నియంత్రణలో ఉంచుకోలేకపోతున్న పేసర్లకు ఐపీఎల్‌ గవర్నింగ్‌ కౌన్సిల్‌ ఊరటనిచ్చింది. 2025 సీజన్‌లో బంతిపై ఉమ్మి (సలైవా)ని రుద్దేందుకు అనుమతినిచ్చింది. గురువారం జరిగిన టీమ్‌ కెప్టెన్ల సమావేశంలో వారి అభిప్రాయం అనంతరం ఈ నిర్ణయం తీసుకున్నారు. సలైవాను ఉపయోగిస్తే బంతిపై నునుపుదనం పెరిగి రివర్స్‌ స్వింగ్‌ అయ్యేందుకు అవకాశం ఉంటుంది. మ్యాచ్‌ కీలక క్షణాల్లో పేసర్లు దీనిని సమర్థంగా వాడుకోగలిగితే పైచేయి సాధించవచ్చు. క్రికెట్‌లో సుదీర్ఘ కాలంగా ఇది అమల్లో ఉంది. అయితే కోవిడ్‌ వచ్చిన తర్వాత నాటి ఆరోగ్య పరిస్థితులను దృష్టిలో ఉంచుకొని అంతర్జాతీయ క్రికెట్‌ మండలి (ఐసీసీ) సలైవాను రుద్దడంపై నిషేధం విధించడంతో పాటు ఎవరైనా వాడితే ఆ బౌలర్లకు శిక్షలు కూడా విధించింది. అయితే ఇప్పుడు అంతా మారిపోవడంతో బౌలర్ల వైపు నుంచి అభ్యర్థనలు వచ్చాయి. దాంతో ఒక మేజర్‌ ఈవెంట్‌లో తొలిసారి సలైవాను వాడేందుకు అనుమతినిస్తున్నారు. ఐసీసీ ఆంక్షలు ఇంకా ఉన్నా... ఐపీఎల్‌ మాత్రం దానికి సై అంది. తాజా నిర్ణయాన్ని పేస్‌ బౌలర్‌ మొహమ్మద్‌ సిరాజ్‌ స్వాగతించాడు. లీగ్‌లో గుజరాత్‌ టైటాన్స్‌ తరఫున తొలిసారి ఆడనున్న అతను ‘సలైవా’ తమకు మేలు చేస్తుందని అభిప్రాయపడ్డాడు. ‘ఇది పేస్‌ బౌలర్లకు ఎంతో మంచిది. బంతితో ఏమాత్రం ప్రభావం చూపలేకపోతున్న పరిస్థితుల్లో సలైవా వాడటం తప్పనిసరి. కొంతైనా రివర్స్‌ స్వింగ్‌కు ప్రయత్నించవచ్చు. బంతిని షర్ట్‌ను రుద్దడం వల్ల ఎలాంటి ఉపయోగం ఉండటం లేదు. సలైవా వల్ల ఒకవైపు మెరుపును కొనసాగించవచ్చు. ఇది చాలా ముఖ్యం’ అని సిరాజ్‌ అన్నాడు. మరోవైపు ఎత్తుకు సంబంధించిన వైడ్‌లు, ఆఫ్‌సైడ్‌ వైడ్‌ల విషయంలో డీఆర్‌ఎస్‌ వాడుకునేందుకు కూడా గవర్నింగ్‌ కౌన్సిల్‌ అంగీకరించింది. రాత్రి మ్యాచ్‌లలో మంచు ప్రభావాన్ని దృష్టిలో ఉంచుకొని రెండో ఇన్నింగ్స్‌ సమయంలో 11వ ఓవర్‌ ఒక బంతిని మార్చేందుకు కూడా అనుమతినిచ్చారు. కెప్టెన్‌లపై నిషేధం ఉండదు... ఇక నుంచి ఐపీఎల్‌లో స్లో ఓవర్‌ రేట్‌ కారణంగా కెపె్టన్‌లపై మ్యాచ్‌ నిషేధం ఉండదని గవర్నింగ్‌ కౌన్సిల్‌ తెలిపింది. గురువారం జరిగిన ఐపీఎల్‌ జట్ల కెప్టెన్‌ల సమావేశంలో ఈ నిర్ణయం తీసుకున్నారు. నిషేధం బదులుగా కెప్టెన్‌లపై డీ మెరిట్‌ పాయింట్లు విధిస్తారు. గత ఏడాది హార్దిక్‌ పాండ్యా సారథ్యంలోని ముంబై ఇండియన్స్‌ జట్టు మూడుసార్లు స్లో ఓవర్‌రేట్‌ నమోదు చేసింది. దాంతో పాండ్యాపై ఒక మ్యాచ్‌ నిషేధం పడింది. గతేడాది హార్దిక్‌పై విధించిన ఒక మ్యాచ్‌ నిషేధం ఈ ఏడాది అమలు కానుంది. ఫలితంగా 23న చెన్నై సూపర్‌ కింగ్స్‌తో జరిగే తమ తొలి మ్యాచ్‌కు హార్దిక్‌ దూరమయ్యాడు. హార్దిక్‌ స్థానంలో సూర్యకుమార్‌ యాదవ్‌ ముంబై ఇండియన్స్‌ జట్టుకు నాయకత్వం వహిస్తాడు.

ఐపీఎల్‌ మొదలైనప్పుడు ఉన్న ఎనిమిది జట్లలో ఐదు టీమ్‌లు ఎప్పుడో విజేతగా నిలిచాయి... బెంగళూరు ఒక్కసారి కూడా గెలవకపోయినా ఆ జట్టు మూడుసార్లు ఫైనల్‌కు వెళ్లింది. పైగా విరాట్‌ కోహ్లిలాంటి దిగ్గజం కారణంగా ఫలితాలతో సంబంధం లేకుండా ఆకర్షణ కోల్పోని జట్టుగా సాగుతోంది... కానీ మరో రెండు టీమ్‌లు మాత్రం ప్రతీ సీజన్‌లో ఎన్నో ఆశలతో బరిలోకి దిగడం, సగం టోర్నీ ముగిసేవరకే పేలవ ప్రదర్శనతో చేతులెత్తేయడం దాదాపుగా రివాజుగా మారిపోయింది... ఎన్ని ప్రయత్నాలు చేసినా, ఆటగాళ్లు, కెప్టెన్లు, సిబ్బందిని మార్చి మార్చి ప్రయోగాలు చేసినా, వ్యూహాలు మార్చినా ఆశించిన ఫలితం దక్కలేదు. డేర్‌డెవిల్స్‌ నుంచి క్యాపిటల్స్‌గా మారినా... కింగ్స్‌ ఎలెవన్‌ నుంచి కింగ్స్‌కు పరిమితమైనా రాత మాత్రం మారలేదు. మరోసారి కొత్త మార్పులు, కొత్త బృందంతో దండయాత్రకు సిద్ధమవుతున్న ఢిల్లీ, పంజాబ్‌ టీమ్‌లకు ఇప్పుడైనా టైటిల్‌ రూపంలో అదృష్టం తలుపు తడుతుందా చూడాలి. –సాక్షి క్రీడా విభాగం అక్షర్‌ అద్భుతం చేసేనా? 2020 సీజన్‌లో ఫైనల్‌ చేరిన ఢిల్లీ క్యాపిటల్స్‌ రన్నరప్‌గా నిలిచి సంతృప్తి చెందింది. ఐపీఎల్‌లో ఢిల్లీకిదే అత్యుత్తమ ప్రదర్శన. ఆ తర్వాత నాలుగు సీజన్లలో ఢిల్లీ వరుసగా 3, 5, 9, 6 స్థానాల్లో నిలిచింది. గత ఏడాది తొలి ఐదు మ్యాచ్‌లలో ఓడిన తర్వాత కోలుకోవడం కష్టమైంది. ఈసారి జట్టు ఆటగాళ్లతో పాటు సహాయక సిబ్బందిలో కూడా భారీ మార్పు జరిగింది. వేలానికి ముందు అట్టి పెట్టుకున్న అక్షర్‌ పటేల్, కుల్దీప్, స్టబ్స్, పొరేల్‌లతో పాటు వేలంలో జేక్‌ ఫ్రేజర్‌ను మళ్లీ తెచ్చుకుంది. ఇప్పుడు అందరి దృష్టి కేఎల్‌ రాహుల్‌పై ఉంది. లక్నో యాజమాన్యంతో విభేదాల తర్వాత ఆ జట్టుకు దూరమైన రాహుల్‌ బ్యాటింగ్‌పై దృష్టి పెట్టేందుకే కెపె్టన్సీని తిరస్కరించినట్లు సమాచారం. ఇటీవలి ఫామ్‌ చూస్తే రాహుల్‌ చక్కటి ప్రదర్శనపై అంచనాలు పెరుగుతున్నాయి. ఓపెనింగ్‌లో ఫ్రేజర్, డుప్లెసిస్‌తో పాటు మిడిలార్డర్‌లో స్టబ్స్‌ దూకుడు కీలకం కానుంది. గత ఏడాది పంజాబ్‌ తరఫున చెలరేగిన అశుతోష్‌ శర్మతో పాటు సమీర్‌ రిజ్వీ ఫినిషర్లుగా సిద్ధమయ్యారు. ఇక ఆల్‌రౌండర్‌గా, కెపె్టన్‌గా అక్షర్‌ పటేల్‌ తన ముద్రను చూపించాల్సి ఉంది. ముఖ్యంగా టి20 వరల్డ్‌ కప్, చాంపియన్స్‌ ట్రోఫీలలో సత్తా చాటి ఒక్కసారిగా స్థాయిని పెంచుకున్న అతను ఢిల్లీని సమర్థంగా నడిపిస్తే చరిత్రలో నిలిచిపోగలడు. స్టార్క్‌లాంటి దిగ్గజం జట్టుతో ఉండటం ఎప్పుడైనా బలమే. ముకేశ్, నటరాజన్, కుల్దీప్‌లు అతనికి అండగా నిలవాల్సి ఉంది. మోహిత్‌ రూపంలో మరో చక్కటి బౌలింగ్‌ ప్రత్యామ్నాయం అందుబాటులో ఉంది. హెడ్‌ కోచ్‌గా హేమంగ్‌ బదాని, డైరెక్టర్‌ హోదాలో వచ్చిన వేణుగోపాలరావు ఎలాంటి మార్పు తీసుకొస్తారనేది ఆసక్తికరం. మాజీ ఇంగ్లండ్‌ స్టార్‌ కెవిన్‌ పీటర్సన్‌ మెంటార్‌గా తన ప్రభావం చూపించవచ్చు. స్టార్క్‌ మినహా మిగతా భారత పేసర్లకు బౌలింగ్‌ కోచ్‌ మునాఫ్‌ పటేల్‌ ఎలా మార్గనిర్దేశం చేస్తాడో చూడాలి. ఢిల్లీ క్యాపిటల్స్‌ జట్టు: అక్షర్‌ పటేల్‌ (కెప్టెన్‌), కేఎల్‌ రాహుల్, కుల్దీప్‌ యాదవ్, ట్రిస్టన్‌ స్టబ్స్, జేక్‌ ఫ్రేజర్, మిచెల్‌ స్టార్క్, ఫాఫ్‌ డుప్లెసిస్, ముకేశ్‌ కుమార్, కరుణ్‌ నాయర్, డొనొవాన్‌ ఫెరీరా, అభిషేక్‌ పొరేల్, సమీర్‌ రిజ్వీ, అశుతోష్‌ శర్మ, దర్శన్‌ నల్కండే, విప్‌రాజ్‌ నిగమ్, అజయ్‌ మండల్, మన్వంత్‌ కుమార్, త్రిపురాన విజయ్, మాధవ్‌ తివారి, టి.నటరాజన్, మోహిత్‌ శర్మ, దుష్మంత్‌ చమీరా. శ్రేయస్‌ నాయకత్వంలోనైనా... 2014లో అనూహ్య ప్రదర్శనతో దూసుకుపోయి ఫైనల్‌ వరకు వెళ్లగలగడం పంజాబ్‌ కింగ్స్‌ జట్టు సాధించిన ఘనత. కానీ ఆ తర్వాత లీగ్‌లో మరే ఇతర జట్టుకు లేనంత చెత్త రికార్డును ఈ టీమ్‌ నమోదు చేసింది. తర్వాతి పదేళ్లలో ఒక్కసారి కూడా కనీసం ‘ప్లే ఆఫ్స్‌’కు అర్హత సాధించలేకపోయిన జట్టు వరుసగా 8, 8, 5, 7, 6, 6, 6, 6, 8, 9 స్థానాలకు పరిమితమైంది! గత సీజన్లో 14 మ్యాచ్‌లలో 5 మాత్రమే గెలిచిన టీమ్‌ ఈసారి ఇద్దరు ఆటగాళ్లను మాత్రమే అట్టి పెట్టుకొని మళ్లీ కొత్తగా మొదలు పెట్టేందుకు సిద్ధమైంది. ప్రభ్‌సిమ్రన్‌ సింగ్, శశాంక్‌ సింగ్‌లను కొనసాగించి వారిపై అంచనాలు పెంచుకున్న టీమ్‌ వేలంలో యువ పేస్‌ అర్‌‡్షదీప్‌ను తిరిగి తెచ్చుకోవడం సరైన నిర్ణయం. ఏడాది కాలంగా ఫామ్‌లో ఉన్న అతను టీమ్‌ విజయాలను శాసించగలడు. ఢిల్లీ కోచ్‌గా ఫలితాలు సాధించలేకపోయిన రికీ పాంటింగ్, 2024 ఐపీఎల్‌ విన్నింగ్‌ కెపె్టన్‌ శ్రేయస్‌ అయ్యర్‌ కాంబినేషన్‌లో జట్టు సంచలనాలు ఆశిస్తోంది. ట్రోఫీ గురించి ఇప్పుడే మాట్లాడకపోయినా కనీసం గతంలోకంటే మెరుగైన విజయాలు అందుకొని ముందుగా ప్లే ఆఫ్స్‌ వరకు వెళ్లాలని జట్టు భావిస్తోంది. జట్టుపై ఆ్రస్టేలియన్ల ప్రభావం చాలా ఉంది. గతంలో ఐదు సీజన్లు ఇదే టీమ్‌కు ఆడిన మ్యాక్స్‌వెల్‌ మళ్లీ ఇక్కడికే వచ్చాడు. కెరీర్‌ చివర్లో ఉన్న అతను ఎంతగా ప్రభావం చూపిస్తాడనేది చర్చనీయాంశం. మరో నలుగురు ఆసీస్‌ ఆటగాళ్లు స్టొయినిస్, ఇన్‌గ్లిస్, బార్ట్‌లెట్, హార్డీ టీమ్‌తో ఉన్నారు. అయ్యర్‌ కెప్టెన్సీతో పాటు దూకుడైన బ్యాటింగ్‌ చూపించాల్సి ఉంటుంది. అంతర్జాతీయ క్రికెట్‌లో చక్కటి ఫామ్‌లో ఉన్న అజ్మతుల్లా, మార్కో యాన్సెన్‌ కచ్చితంగా ప్రభావం చూపించగలరు. ఐపీఎల్‌ స్టార్‌ స్పిన్నర్‌ చహల్‌ ఉండటం జట్టుకు అదనపు బలం. హాడిన్, హోప్స్, సునీల్‌ జోషిలతో కూడిన సహాయక సిబ్బంది కూడా కీలకం కానున్నారు. పంజాబ్‌ కింగ్స్‌ జట్టు: శ్రేయస్‌ అయ్యర్‌ (కెప్టెన్‌), అర్ష్ దీప్‌ సింగ్, యుజువేంద్ర చహల్, ప్రభ్‌సిమ్రన్‌ సింగ్, శశాంక్‌ సింగ్, స్టొయినిస్, మ్యాక్స్‌వెల్, ఇన్‌గ్లిస్, హర్‌ప్రీత్‌ బ్రార్, మార్కో యాన్సెన్, అజ్మతుల్లా ఒమర్జాయ్, ఫెర్గూసన్, నేహల్‌ వధేరా, విష్ణు వినోద్, హర్నూర్‌ పన్ను, పైలా అవినాశ్, ప్రియాన్‌‡్ష ఆర్య, ఆరోన్‌ హార్డీ, ముషీర్‌ ఖాన్, సూర్యాంశ్‌ షెడ్గే, వైశాక్‌ విజయ్‌కుమార్, యశ్‌ ఠాకూర్, కుల్దీప్‌ సేన్, ప్రవీణ్‌ దూబే, జేవియర్‌ బార్ట్‌లెట్‌.

కోస్టా నవారినో (గ్రీస్‌): విశ్వ క్రీడలకు సంబంధించి అత్యున్నత పదవి తొలిసారి మహిళను వరించింది. అంతర్జాతీయ ఒలింపిక్‌ కమిటీ (ఐఓసీ) అధ్యక్షురాలిగా జింబాబ్వేకు చెందిన విఖ్యాత స్విమ్మర్, ప్రస్తుతం జింబాబ్వే ప్రభుత్వంలో క్రీడల మంత్రిగా ఉన్న కిర్‌స్టీ కొవెంట్రీ ఎన్నికయింది. ఈ అత్యున్నత పదవి కోసం ఏడుగురు పోటీపడగా... బరిలో ఉన్న ఏకైక మహిళా ప్రతినిధి 41 ఏళ్ల కిర్‌స్టీ కొవెంట్రీ తొలి రౌండ్‌లోనే స్పష్టమైన ఆధిక్యంతో విజయాన్ని దక్కించుకుంది. ఐఓసీలోని 97 మంది సభ్యులు ఓటింగ్‌లో పాల్గొనగా... విజయానికి అవసరమైన 49 ఓట్లు కొవెంట్రీకి తొలి రౌండ్‌లోనే లభించాయి. ఒలింపిక్‌ దినోత్సవమైన జూన్‌ 23న ఐఓసీ అధ్యక్ష పదవిని అలంకరించనున్న కొవెంట్రీ ఎనిమిదేళ్లపాటు (2033 వరకు) ఈ పదవిలో కొనసాగుతుంది. ప్రస్తుతం ఐఓసీ అధ్యక్షుడిగా ఉన్న థామస్‌ బాచ్‌ ఈ పదవిలో గరిష్టంగా 12 ఏళ్లు పూర్తి చేసుకోవడంతో అధ్యక్ష ఎన్నికలు నిర్వహించారు. కొవెంట్రీ అధ్యక్షతన 2028 లాస్‌ ఏంజెలిస్‌ ఒలింపిక్స్, 2032 బ్రిస్బేన్‌ ఒలింపిక్స్‌ జరుగుతాయి. 2036 ఒలింపిక్స్‌ ఆతిథ్య దేశం ఎంపిక కూడా కొవెంట్రీ హయాంలోనే ఖరారవుతుంది. ఏడు ఒలింపిక్‌ పతకాలు... ఐఓసీ అత్యున్నత పదవి దక్కించుకున్న తొలి ఆఫ్రికన్‌గా గుర్తింపు పొందిన కొవెంట్రీకి విశ్వ క్రీడల్లో ఘనమైన రికార్డు ఉంది. 2004 ఏథెన్స్‌ ఒలింపిక్స్‌లో, 2008 బీజింగ్‌ ఒలింపిక్స్‌లో పోటీపడిన ఆమె మొత్తం 7 పతకాలు (2 స్వర్ణాలు, 4 రజతాలు, 1 కాంస్యం) సాధించింది. ఏథెన్స్‌ ఒలింపిక్స్‌లో కొవెంట్రీ 200 మీటర్ల బ్యాక్‌స్ట్రోక్‌లో స్వర్ణం, 100 మీటర్ల బ్యాక్‌స్ట్రోక్‌లో రజతం, 200 మీటర్ల మెడ్లీలో కాంస్యం దక్కించుకుంది. 2008 బీజింగ్‌ ఒలింపిక్స్‌లో కొవెంట్రీ 200 మీటర్ల బ్యాక్‌స్ట్రోక్‌లో పసిడి పతకం సాధించగా... 100 మీటర్ల బ్యాక్‌స్ట్రోక్‌లో రజతం, 200 మీటర్ల మెడ్లీలో రజతం, 400 మీటర్ల మెడ్లీలో రజతం కైవసం చేసుకుంది. ప్రపంచ చాంపియన్‌షిప్‌లో 7 స్వర్ణాలు, 5 రజతాలు, 1 కాంస్యంతో కలిపి మొత్తం 13 పతకాలు ఆమె సంపాదించింది. 2002 మాంచెస్టర్‌ కామన్వెల్త్‌ గేమ్స్‌లో 200 మీటర్ల మెడ్లీలో స్వర్ణం నెగ్గిన కొవెంట్రీ... ఆల్‌ ఆఫ్రికా గేమ్స్‌లో 14 స్వర్ణాలు, 7 రజతాలు, 1 కాంస్యం సాధించింది.

ఐపీఎల్‌-2025 సీజ‌న్‌కు రంగం సిద్ద‌మైంది. మార్చి 22న ఈడెన్‌గార్డెన్స్ వేదిక‌గా జ‌ర‌గ‌నున్న తొలి మ్యాచ్‌లో డిఫెండింగ్ ఛాంపియ‌న్ కోల్‌క‌తా నైట్‌రైడ‌ర్స్‌, ఆర్సీబీ జ‌ట్లు అమీతుమీ తెల్చుకోనున్నాయి. ఈ మ్యాచ్‌కు ముందు అభిమానుల‌కు ఓ బ్యాడ్ న్యూస్‌. ఆర్సీబీ-కేకేఆర్ మ్యాచ్‌కు వ‌ర్షం అంత‌రాయం క‌లిగించే ఛాన్స్ ఉంది.ప్ర‌స్తుతం కోల్‌క‌తా న‌గరం "ఆరెంజ్ అలర్ట్"లో ఉంది. ఈ క్యాష్‌రిచ్ లీగ్ ప్రారంభం రోజున, అంటే మార్చి 22 (శనివారం) గరిష్టంగా 80 శాతం వర్షపాతం న‌మోద‌య్యే అవ‌కాశ‌ముంద‌ని అక్క‌డి వాత‌వార‌ణ శాఖ పేర్కొంది. శ‌నివారం ఉద‌యం నుంచి పిచ్‌ను క‌వ‌ర్ల‌తో క‌ప్పి ఉంచే ఛాన్స్ ఉంది.ఈ మ్యాచ్ రాత్రి 7:30 గంటలకు ప్రారంభం కానుంది. అంత‌కంటే ముందు అక్క‌డ వ‌ర్షం కురిసే సూచ‌న‌లు క‌న్పిస్తున్నాయి. అదేవిధంగా ఈడెన్‌గార్డెన్స్‌లో ఐపీఎల్‌-18వ సీజ‌న్‌ ప్రారంభోత్సవాన్ని ఘ‌నంగా నిర్వహించాలని బీసీసీఐ ప్లాన్ చేస్తోంది. ఈ ఓపెనింగ్ సెర్మనీకి కూడా ఆటంకం కలిగే అవ‌కాశ‌ముంది.కేకేఆర్ వ‌ర్సెస్ ఆర్సీబీ మ్యాచ్ రోజున‌ వ‌ర్ష శాతం అంచ‌నా(అక్యూ వెద‌ర్ ప్రకారం)7-8PM- 10%8-9 PM- 50%9-10PM-70%10-11 PM- 70%కేకేఆర్‌: అజింక్యా రహానే (కెప్టెన్‌), రింకు సింగ్, క్వింటన్ డి కాక్, రహ్మానుల్లా గుర్బాజ్, అంగ్క్రిష్ రఘువంశీ, వెంకటేష్ అయ్యర్, రమణదీప్ సింగ్, ఆండ్రీ రస్సెల్, అన్రిచ్ నార్ట్జే, హర్షిత్ రాణా, సునీల్ నరైన్, వరుణ్ చక్రవర్తి, మయాంక్ మార్కండే, రోవ్‌మన్ పావెల్, మనీష్ పాండే, స్పెన్సర్ జాన్సన్, లవ్‌నీత్ సిసోడియా, అనుకుల్ రాయ్, మొయిన్ అలీ, చేతన్ సకారియాఆర్సీబీ: రజత్ పాటిదార్ (కెప్టెన్‌), విరాట్ కోహ్లి, యశ్ దయాల్, జోష్ హేజిల్‌వుడ్, ఫిల్ సాల్ట్, జితేష్ శర్మ, లియామ్ లివింగ్‌స్టోన్, రసిఖ్ దార్, సుయాష్ శర్మ, కృనాల్ పాండ్యా, భువనేశ్వర్ కుమార్, స్వప్నిల్ సింగ్, టిమ్ డేవిడ్, రొమారియో షెపర్డ్, నువాన్ తుషార, మనోజ్ భాండాగే, జాకబ్ బెతేల్, దేవదత్ పడిక్కల్, స్వస్తిక్ చికార, లుంగి ఎన్గిడి, అభినందన్ సింగ్, మోహిత్ రాథీచదవండి: IPL 2025: బీసీసీఐ కీల‌క నిర్ణ‌యం.. బౌల‌ర్ల‌కు పండ‌గే?

ఐపీఎల్‌-2025 సీజ‌న్‌లో పంజాబ్ కింగ్స్‌కు సార‌థ్యం వ‌హించేందుకు టీమిండియా మిడిలార్డ‌ర్ బ్యాట‌ర్‌ శ్రేయ‌స్ అయ్య‌ర్ సిద్ద‌మ‌య్యాడు. పంజాబ్ హెడ్ కోచ్ రికీ పాంటింగ్‌తో మ‌రోసారి క‌లిసి ప‌నిచేసేందుకు అయ్య‌ర్ ఆతృతగా ఎదురు చూస్తున్నాడు. ఇప్పటికే జట్టుతో కలిసిన శ్రేయస్‌.. ధర్మశాలలో ఏర్పాటు చేసిన ప్రాక్టీస్ క్యాంపులో తీవ్రంగా శ్రమిస్తున్నాడు.అదే విధంగా ఈ ఏడాది సీజన్‌లో కెప్టెన్‌గా అనుసరించాల్సిన వ్యూహాలపై శ్రేయస్ ప్రత్యేకంగా దృష్టి సారించాడు. తాజాగా ఈ మెగా ఈవెంట్ ప్రారంభానికి ముందు విలేకరుల సమావేశంలో మాట్లాడిన అయ్యర్‌.. హెడ్ కోచ్ పాంటింగ్‌పై ప్రశంసల వర్షం​ కురిపించాడు. పాంటింగ్ తనను అద్బుతమైన ఆటగాడిగా భావిస్తున్నాడని అయ్యర్ చెప్పుకొచ్చాడు."రికీ(పాంటింగ్‌) అందరికి చాలా సపోర్ట్‌గా ఉంటాడు. అతడితో నాకు మంచి అనుబంధం ఉంది. తొలిసారి అతడితో కలిసి పనిచేసినప్పుడే, నేను గొప్ప ఆటగాడిగా ఎదుగుతానని నాతో అన్నాడు. అంతేకాకుండా టీ20 ఫార్మాట్‌లో నేను బాగా రాణించగలన్న న‌మ్మ‌కం క‌లిగించాడు. పాంటింగ్ ప్ర‌తీ ప్లేయ‌ర్‌కు ఇచ్చే కాన్ఫిడెన్స్ వేరే స్థాయిలో ఉంటుంది. ట్రోఫీని గెల‌వ‌డ‌మే మా ల‌క్ష్యం. ఈ ఏడాది సీజ‌న్‌లో మెరుగ్గా రాణించేంద‌కు ప్ర‌య‌త్నిస్తాము. ఈ సీజ‌న్‌లో ప్ర‌తీ మ్యాచ్‌ను కీల‌కంగా భావించి ముందుకు వెళ్తాము. నెట్స్‌లో కూడా తీవ్రంగా శ్ర‌మిస్తున్నాము" అని అయ్యర్ పేర్కొన్నాడు. అదేవిధంగా పాంటింగ్ కూడా అయ్య‌ర్‌ను పొగ‌డ్త‌ల‌తో ముంచెత్తాడు.శ్రేయ‌స్ గొప్ప వ్యక్తిత్వం ఉన్నవాడు"శ్రేయ‌స్ మంచి కెప్టెనే కాదు.. గొప్ప వ్యక్తిత్వం ఉన్నవాడు కూడా. అత‌డు ఐపీఎల్ విన్నింగ్ కెప్టెన్ అన్న విష‌యం మ‌న‌కు తెలుసు. అత‌డితో ఇంకా మేము ఎక్కువ‌గా చ‌ర్చించ‌లేదు. ఎందుకంటే శ్రేయ‌స్ మూడు రోజుల కింద‌టే క్యాంపులో చేరాడు.కెప్టెన్‌గా త‌న ప‌నిని అయ్య‌ర్ ప్రారంభించాడు. మా తొలి మ్యాచ్‌కు అన్ని విధాల సిద్దంగా ఉంటామ‌ని" పాంటింగ్ వెల్ల‌డించాడు. కాగా వీరిద్ద‌రూ గ‌తంలో ఢిల్లీ క్యాపిట‌ల్స్ ఫ్రాంచైజీ క‌లిసి ప‌నిచేశారు. కాగా ఐపీఎల్‌-2025 మెగా వేలంలో అయ్యర్‌ను రూ. 26.75 కోట్లకు పంజాబ్‌ కింగ్స్‌ కొనుగోలు చేసింది. కాగా ఐపీఎల్‌-18 సీజన్‌ మార్చి 22 నుంచి ప్రారంభం కానుంది. తొలి మ్యాచ్‌లో ఈడెన్‌గార్డెన్స్‌ వేదికగా రాయల్‌ ఛాలెంజర్స్‌ బెంగళూరు, కోల్‌కతా నైట్‌రైడర్స్‌ జట్లు తలపడనున్నాయి.చదవండి: ధనశ్రీకి చహల్‌ కౌంటర్‌?.. ఆ మాటలకు అర్థం ఏమిటి? మధ్యలో ఆమె!

ఇండియన్ ప్రీమియర్ లీగ్‌ (IPL)లో ఒక్కసారి కూడా టైటిల్ సాధించలేకపోయిన అతి కొద్ది జట్లలో ఢిల్లీ క్యాపిటల్స్ (Delhi Capitals) ఒకటి. గత సీజన్లో వరుసగా పరాజయ పరంపరతో ప్రారంభించి మొదటి అయిదు మ్యాచ్ లలో నాలుగింటిలో ఓటమి చవిచూసి.. చివరికి ఆరో స్థానంతో ముగించింది ఢిల్లీ. అయితే, ఈసారి జట్టు స్వరూపాన్నే మార్చేసింది. గత సీజన్ కెప్టెన్ భారత్ జట్టు వికెట్ కీపర్ బ్యాటర్‌ రిషబ్ పంత్ (Rishabh Pant)ను రికార్డు స్థాయిలో రూ 27 కోట్లకు లక్నో సూపర్ జెయింట్స్‌ కనుగోలు చేసిన తర్వాత కొత్త వ్యూహానికి తెరతీసింది.అనుభవజ్ఞుడైన భారత్ వికెట్ కీపర్ బ్యాటర్ కెఎల్ రాహుల్‌ (KL Rahul), దక్షిణాఫ్రికా వెటరన్ ఆటగాడు ఫాఫ్ డు ప్లెసిస్ వంటి సీనియర్లను కొనుగోలు చేసింది. కానీ గతంలో పంజాబ్ కింగ్స్, లక్నో సూపర్ జెయింట్స్‌కి కెప్టెన్ గా వ్యవహరించిన కెఎల్ రాహుల్‌ ఢిల్లీ పగ్గాలు చేపట్టేందుకు అంత ఆసక్తి చూపించకపోవడంతో ఇటీవల ఛాంపియన్స్ ట్రోఫీ లో రాణించిన మరో యువ ఆల్ రౌండర్ అక్షర్ పటేల్ కి నాయకత్వ బాధ్యతలు అప్పగించారు.ఢిల్లీ క్యాపిటల్స్‌ మేనేజ్‌మెంట్‌లోనూ మార్పులుఢిల్లీ బ్యాక్‌రూమ్ సిబ్బందిలో కూడా మార్పులు చేశారు. ఆస్ట్రేలియా మాజీ కెప్టెన్ రికీ పాంటింగ్ స్థానంలో భారత్ మాజీ ఆల్ రౌండర్ హేమాంగ్ బదానీని ప్రధాన కోచ్‌గా నియమించారు. భారత మాజీ బ్యాటర్ విశాఖపట్నంకి చెందిన వై వేణుగోపాలరావు కొత్త క్రికెట్ డైరెక్టర్‌గా బాధ్యతలు చేపట్టాడు. ఇంగ్లండ్‌ మాజీ ఆటగాడు కెవిన్ పీటర్సన్‌ను మెంటార్‌గా, మాథ్యూ మోట్‌ను అసిస్టెంట్ కోచ్‌గా, మునాఫ్ పటేల్‌ను బౌలింగ్ కోచ్‌గా నియమించారు.సీనియర్లకు మళ్ళీ జట్టులో చోటుఅయితే ఢిల్లీ జట్టులో చాలా మంది గత సీజన్ ఆటగాళ్లు మళ్లీ జట్టు లో కొనసాగుతున్నారు. గత సీజన్ లో ప్రాతినిధ్యం వహించిన అక్షర్ పటేల్ , కుల్దీప్ యాదవ్, ట్రిస్టన్ స్టబ్స్, అభిషేక్ పోరెల్‌లను రెటైన్ చేసారు. వేలంలో ఆస్ట్రేలియా బ్యాటర్‌ జేక్ ఫ్రేజర్-మెక్‌గుర్క్‌ను తిరిగి కొనుగోలు చేశారు. పేసర్ ముఖేష్ కుమార్ కూడా గత సీజన్ లో ఢిల్లీ తరపున ఆడాడు. దేశవాళీ క్రికెట్ లో అద్భుతంగా రాణించిన కరుణ్ నాయర్ కూడా గతంలో ఈ ఫ్రాంచైజీ తరపున ఆడారు.గత సీజన్‌లో తమ ఫాస్ట్ బౌలింగ్ యూనిట్‌తో ఢిల్లీ సమస్యలను ఎదుర్కొంది. ఈ కారణంగా బౌలింగ్ విభాగాన్ని బలోపేతం చేశారు. ఆస్ట్రేలియా కి చెందిన సీనియర్ పేస్ బౌలర్ మిచెల్ స్టార్క్ (రూ 11.75 కోట్లు), టి నటరాజన్ (రూ 10.75 కోట్లు), ముఖేష్ కుమార్ (రూ 8 కోట్లు) , మోహిత్ శర్మ (రూ 2.20 కోట్లు)లను తీసుకువచ్చారు. ఇక స్పిన్ విభాగం లో కుల్దీప్ మరియు అక్షర్ పటేల్ ఉన్నారు.ఇంగ్లండ్‌ ఆటగాడు హ్యారీ బ్రూక్ జట్టు నుంచి తప్పుకోవడం ఢిల్లీ క్యాపిటల్స్ ని కొంత దెబ్బతీసింది. అయితే ఢిల్లీ కొత్త జట్టు కొత్త కెప్టెన్, కొత్త వ్యూహం తో ఈసారి రంగ ప్రవేశం చేస్తోంది. అక్షర్ పటేల్ నేతృత్వంలోని ఢిల్లీ క్యాపిటల్స్ మార్చి 24 (సోమవారం)న విశాఖపట్నంలోని డాక్టర్ వైఎస్ రాజశేఖర రెడ్డి ఏసీఏ-విడిసిఏ క్రికెట్ స్టేడియంలో రిషబ్ పంత్ నాయకత్వంలోని లక్నో సూపర్ జెయింట్స్‌తో జరిగే మ్యాచ్ తో తమ ఐపీఎల్ 2025 సీజన్ని ప్రారంభిస్తుంది. విశాఖపట్నం ని తన రెండో హోమ్ గ్రౌండ్ గా ఎంచుకున్న ఢిల్లీ తన మొదటి రెండు హోమ్ మ్యాచ్‌లను ఇక్కడే ఆడుతుంది.ఢిల్లీ క్యాపిటల్స్ జట్టు లో ప్రధాన ఆటగాళ్ళుజేక్ ఫ్రేజర్-మెక్‌గుర్క్ఆస్ట్రేలియా కి చెందిన జేక్ ఫ్రేజర్-మెక్‌గుర్క్ 2023 నుండి టీ20లలో పవర్‌ప్లేలో అత్యధిక స్ట్రైక్ రేట్‌ (168.04) ఉన్న బ్యాటర్లలో ట్రావిస్ హెడ్ (184.8), అభిషేక్ శర్మ (181.47) ల తర్వాత మూడో స్థానం లో ఉన్నాడు. 21 ఏళ్ల ఈ యువ బ్యాటర్‌ 2024లో ఢిల్లీ క్యాపిటల్స్ తరపున 234.04 స్ట్రైక్ రేట్‌తో 330 పరుగులు సాధించాడు. ఈ కారణంగా ఢిల్లీ క్యాపిటల్స్ మరోసారి అతడిని కొనుగోలు చేసింది.కెఎల్ రాహుల్మాజీ లక్నౌ కెప్టెన్ కెఎల్ రాహుల్ ఇటీవల ఛాంపియన్ ట్రోఫీ లో తన అసాధారణ ప్రతిభతో భారత్ జట్టుకి విజయాలు చేకూర్చి ప్రశంసలు అందుకున్నాడు. ఈ సీజన్‌లో రాహుల్ ఢిల్లీ క్యాపిటల్స్ తరపున ఓపెనింగ్ చేయనున్నాడు. ఐపీఎల్ లో బాగా నిలకడ రాణిస్తున్న బ్యాటర్లలో ఒకడిగా పేరు పొందిన రాహుల్ 132 మ్యాచ్‌లు ఆడి 135 స్ట్రైక్ రేట్‌తో 37 అర్ధ సెంచరీలు, నాలుగు సెంచరీలతో 4,683 పరుగులు సాధించాడు.ఫాఫ్ డు ప్లెసిస్అపార అనుభవం ఉన్న ఈ దక్షిణాఫ్రికా వెటరన్ ఆటగాడు ఈ సీజన్ లో ఓపెనర్ గాను, ఢిల్లీ క్యాపిటల్స్‌కు వైస్ కెప్టెన్‌గా వ్యవహరిస్తాడు. ఫాఫ్ 145 ఐపీఎల్ మ్యాచ్‌లలో ఆడాడు. 140 స్ట్రైక్ రేట్‌తో 37 అర్ధ సెంచరీ లతో 4571 పరుగులు చేశాడు.కరుణ్ నాయర్దేశవాళీ క్రికెట్ లో సెంచరీలతో రికార్డుల మోత మోగించిన కరుణ్ నాయర్ మళ్ళీ ఐపీఎల్ లో ఢిల్లీ తరపున రంగ ప్రవేశం చేయడానికి సిద్ధంగా ఉన్నాడు. విదర్భ రంజీ ట్రోఫీ విజయంలో కరుణ్ నాయర్ కీలక పాత్ర పోషించాడు. ఫైనల్స్‌లో 120 , 80 పరుగులు చేశాడు. విజయ్ హజారే ట్రోఫీలో కరుణ్ నాయర్ ఎనిమిది మ్యాచ్‌ల్లో 700 కంటే ఎక్కువ పరుగులు సాధించాడు. 76 ఐపీఎల్ మ్యాచ్‌లతో, దాదాపు 130 స్ట్రైక్ రేట్‌తో 10 అర్ధ సెంచరీలతో 1,496 పరుగులు చేశాడు. మిడిల్ ఆర్డర్‌లో అతని స్థిరత్వం ఢిల్లీ కి కీలకం.అక్షర్ పటేల్కొత్త కెప్టెన్ గా బాధ్యతలు చేపట్టిన అక్షర్ పటేల్ తన జట్టును ఫైనల్స్‌కు తీసుకెళ్లాలని పట్టుదలతో ఉన్నాడు. ఇటీవల ఛాంపియన్స్ ట్రోఫీ లో భారత్ తరపున బ్యాటింగ్ లోనూ, బౌలింగ్ లోనూ రాణించిన అక్షర్ పటేల్ కి కెప్టెన్ గా పెద్ద అనుభవం లేదు. అయితే తన నైపుణ్యంతో రాణించగల సామర్థ్యముంది. అక్షర్ ఇంతవరకు 150 ఐపీఎల్ మ్యాచ్‌లలో, 130 స్ట్రైక్ రేట్‌తో మూడు అర్ధ సెంచరీలతో 1,653 పరుగులు చేశాడు. 8 కంటే తక్కువ ఎకానమీతో 123 వికెట్లతో సాధించిన అక్షర్ జట్టుకు సరైన సమతుల్యతను ఇస్తాడనడంలో సందేహం లేదు.ఢిల్లీ క్యాపిటల్స్ జట్టుకెఎల్ రాహుల్, జేక్ ఫ్రేజర్-మెక్‌గుర్క్, కరుణ్ నాయర్, అభిషేక్ పోరెల్, ట్రిస్టియన్ స్టబ్స్, అక్షర్ పటేల్, కుల్దీప్ యాదవ్, టి నటరాజన్, మిచెల్ స్టార్క్, సమీర్ రిజ్వీ, అశుతోష్ శర్మ, మోహిత్ శర్మ, ఫాఫ్ డుప్లెసిస్, ముఖేష్ కుమార్, దర్శన్ నల్కాండే, విప్ రాజ్ నిగమ్, దుష్మంత చమీరా, డోనోవన్ ఫెరీరా, అజయ్ మండల్, మన్వంత్ కుమార్, త్రిపురాన విజయ్, మాధవ్ తివారీ.

ఐపీఎల్‌-2025 సీజ‌న్‌కు మ‌రో రెండు రోజుల్లో తెర‌లేవ‌నుంది. మార్చి 22 నుంచి ఈడెన్ గార్డెన్స్ వేదిక‌గా ఈ మెగా ఈవెంట్ షూరూ కానుంది. ఈ టోర్నీ ఆరంభానికి ముందు బీసీసీఐ కొన్ని కీల‌క నిర్ణ‌యాలు తీసుకుంది. ఐపీఎల్‌లో సాయంత్రం వేళ జరిగే మ్యాచ్‌ల్లో రెండో ఇన్నింగ్స్‌లో రెండు బంతులను వినియోగించుకునే అవకాశాన్ని బీసీసీఐ క‌ల్పించింది. గురువారం(మార్చి 20) ముంబైలో జరిగిన కెప్టెన్ల సమావేశంలో బీసీసీఐ ఈ నిర్ణ‌యం తీసుకుంది. కాగా ఐపీఎల్‌లో సాయంత్రం జ‌రిగే మ్యాచ్‌ల‌లో మంచు ప్ర‌భావం ఎక్కువ‌గా ఉంటుంది. డ్యూ ఫాక్ట‌ర్ కారణంగా రెండో ఇన్నింగ్స్‌లో బంతి తడిగా మారి బౌల‌ర్ల‌కు గ్రిప్ దొరికేది కాదు. దీంతో బౌల‌ర్లు స‌రైన‌ లైన్ అండ్ లెంగ్త్‌లో బంతులు వేయలేక ప‌రుగులు స‌మర్పించుకునేవారు. చాలా మ్యాచ్‌ల్లో మంచునే ఎక్స్ ఫ్యాక్ట‌ర్‌గా మారేది. అందుకే ప్ర‌తీ జ‌ట్టు టాస్ గెలిస్తే తొలుత బౌలింగ్ ఎంచుకునేందుక మొగ్గు చూపేవారు. ఈ క్ర‌మంలోనే డ్యూ ఫాక్ట‌ర్‌ను త‌గ్గించడానికి రెండు కొత్త బంతుల రూల్‌ను బీసీసీఐ తీసుకొచ్చింది.ఈ రూల్ ప్ర‌కారం.. రెండో కొత్త బంతిని సెకెండ్ ఇన్నింగ్స్‌లో మాత్రం ఉపయోగించాలి. అది కూడా 11వ ఓవ‌ర్ త‌ర్వాత మాత్ర‌మే జ‌ట్ల కెప్టెన్లు కొత్త బంతిని తీసుకునే అవ‌కాశ‌ముంటుంది. అయితే బంతిని మార్చాలా వద్దా అనే దానిపై తుది నిర్ణయం అంపైర్‌దే.మంచు ఎక్కువగా ఉందా లేదా అని ప‌రిశీలించి అంపైర్ తుది నిర్ణ‌యం తీసుకుంటారు. మధ్యాహ్నం జ‌రిగే మ్యాచ్‌లకు ఈ రూల్ వ‌ర్తించదు. ఈ నిర్ణ‌యంతో బౌల‌ర్ల‌కు ప్ర‌యోజ‌నం చేకూరనుంది.అదేవిధంగా ఇంపాక్ట్ రూల్‌ను కొన‌సాగించేందుకు బీసీసీఐ మొగ్గు చూపింది. ఐపీఎల్‌-2023 సీజ‌న్‌లో ప్ర‌వేశిపెట్టిన ఈ రూల్ ప‌ట్ల మొత్తం ప‌ది మంది కెప్టెన్లు కూడా స‌ముఖుత చూపినట్లు తెలుస్తోంది. మరోవైపు సలైవా బ్యాన్‌ను కూడా బీసీసీఐ ఎత్తివేసింది.చదవండి: BCCI: ఒక్కో ఆటగాడికి రూ. 3 కోట్లు.. గంభీర్‌కు ఎంతో వెల్లడించిన బీసీసీఐ

టీమిండియా స్టార్‌ క్రికెటర్‌ యజువేంద్ర చహల్‌ (Yuzuvendra Chahal)- యూట్యూబర్‌ ధనశ్రీ వర్మ (Dhanashree Verma) తమ వైవాహిక బంధానికి స్వస్తి పలికారు. గత కొంతకాలంగా వేరుగా ఉంటున్న ఈ జంటకు విడాకులు మంజూరు అయ్యాయి. ముంబైలోని బాంద్రా ఫ్యామిలీ కోర్టు గురువారం (మార్చి 20) ఈ మేరకు తుదితీర్పును వెల్లడించింది.ఈ నేపథ్యంలో చహల్‌ - ధనశ్రీ వేర్వేరుగా కోర్టుకు హాజరయ్యారు. విడాకుల అనంతరం వీరిద్దరు బయటకు వస్తున్న ఫొటోలు, వీడియోలు సోషల్‌ మీడియాలో వైరల్‌ అవుతున్నాయి. ఈ క్రమంలో చహల్‌ ధరించిన షర్టుపై ఉన్న సామెత నెటిజన్ల దృష్టిని ఆకర్షించింది.ధనశ్రీకి చహల్‌ కౌంటర్‌?'Be your own sugar daddy' అని రాసి ఉన్న నలుపు రంగు కస్టమైజ్డ్‌ షర్టును చహల్‌ వేసుకున్నాడు. ఈ సామెతకు.. ‘ఆర్థికంగా స్వతంత్రంగా ఉండండి.. మీ బాగోగులు మీరే చూసుకోండి.. ఆర్థిక సాయం, బహుమతుల కోసం ఇతరులపై ఆధారపడకండి’’ అనే అర్థం ఉంది. ఈ నేపథ్యంలో చహల్‌ తన మాజీ భార్య ధనశ్రీకి కౌంటర్‌ ఇవ్వాలనే ఉద్దేశంతోనే ఈ షర్టు ధరించాడని నెటిజన్లు కామెంట్లు చేస్తున్నారు.కాగా లాక్‌డౌన్‌ సమయంలో ధనశ్రీ వద్ద డాన్స్‌ పాఠాలు నేర్చుకున్న చహల్‌ ఆమెతో ప్రేమలో పడ్డాడు. ఈ క్రమంలో 2020, డిసెంబరులో ఇరు కుటుంబాల అంగీకారంతో అంగరంగ వైభవంగా వీరి పెళ్లి జరిగింది. ఇద్దరూ సోషల్‌ మీడియాలో యాక్టివ్‌గా ఉండేవారు. ధనశ్రీ కొరియోగ్రాఫర్‌గా రాణిస్తూ ఇన్‌ఫ్లూయెన్సర్‌గా పేరు తెచ్చుకుంటోంది.ఈ క్రమంలో వీరిద్దరు రీల్స్‌లో కనిపిస్తూ అభిమానులకు కనువిందు చేయడంతో పాటు.. టీమిండియా, ఐపీఎల్‌ మ్యాచ్‌ల కోసం చహల్‌ వెంట వెళ్లిన ఫొటోలు కూడా పంచుకునేది. అయితే, కొన్నాళ్ల క్రితం తన ఇన్‌స్టా అకౌంట్‌ నుంచి ధనశ్రీ ‘చహల్‌’ పేరును తీసివేసింది. దీంతో విడాకుల వార్తలు తెరమీదకు వచ్చాయి.ఆర్థిక స్వాతంత్యం గురించి ప్రస్తావిస్తూఆ తర్వాత ఇద్దరూ పెళ్లి ఫొటోలు సోషల్‌ మీడియా అకౌంట్ల నుంచి తొలగించడంతో వీటికి మరింత బలం చేకూరింది. ఈ నేపథ్యంలో తాజాగా బాంద్రా కోర్టు వీరికి విడాకులు మంజూరు చేయడంతో.. వదంతులు నిజమేనని తేలాయి. ఇక విడాకుల నేపథ్యంలో ధనశ్రీకి చహల్‌ రూ. 4.75 కోట్ల భరణం చెల్లించేందుకు అంగీకరించాడు. ఇందులో ఇప్పటికే దాదాపు రెండున్నర కోట్లకు పైగా ముట్టజెప్పినట్లు సమాచారం.ఈ నేపథ్యంలో చహల్‌.. ఆర్థిక స్వాతంత్యం గురించి ప్రస్తావిస్తూ ధనశ్రీకి హితవు పలికేలా ఈ సామెత ఉన్న షర్టును ధరించాడని నెటిజన్లు అభిప్రాయపడుతున్నారు. కాగా ధనశ్రీ గతంలో టీమిండియా క్రికెటర్‌ శ్రేయస్‌ అయ్యర్‌తో కలిసి డాన్స్‌ చేసిన వీడియోలు వైరల్‌ కాగా.. అతడి పేరుతో ఆమెను ముడిపెట్టారు. నిజానికి శ్రేయస్‌ సోదరి శ్రేష్ట కూడా కొరియోగ్రాఫర్‌ కావడం.. ధనశ్రీకి ఆమె స్నేహితురాలు కావడం వల్ల శ్రేయస్‌తో ఆమె డాన్స్ చేసి ఉండవచ్చనే అభిప్రాయాలు వ్యక్తమయ్యాయి.మధ్యలో ఆమె!అయితే, చహల్‌ ప్రస్తుతం ఆర్జే మహవశ్‌తో డేటింగ్‌ చేస్తున్నట్లు తెలుస్తోంది. ఆమెతో కలిసి డిన్నర్‌ పార్టీలకు వెళ్లడం, ఐసీసీ చాంపియన్స్‌ట్రోఫీ-2025 సమయంలోనూ మహవశ్‌తో జంటగా కనిపించడం ‘ప్రేమ’ వార్తలకు ఊతమిచ్చాయి. ఇక చహల్‌- ధనశ్రీ విడాకుల వేళ మహవశ్‌ కూడా.. ‘‘అబద్ధాలు, అత్యాశ, అబద్ధపు ప్రచారాలు.. దేవుడి దయవల్ల వీటన్నింటికీ అతీతంగా నిలబడగలుగుతున్నాం’’ అని ఇన్‌స్టాలో పోస్ట్‌ పెట్టడం గమనార్హం. ఇందుకు నెటిజన్ల నుంచి భిన్న స్పందన వస్తోంది. చహల్‌- ధనశ్రీ మధ్య విభేదాలకు కారణం ఏమిటన్నది ఇప్పుడు అర్థమైందంటూ కొంతమంది కామెంట్లు చేస్తుండగా.. ‘కొత్త వదినతోనైనా జాగ్రత్త’ అంటూ మరికొందరు ఉచిత సలహాలు ఇస్తున్నారు.చదవండి: IPL 2025: ఈసారి విజేతగా ఆ జట్టే.. సన్‌రైజర్స్‌ ప్లే ఆఫ్స్‌ చేరడం కష్టమే: ఇంగ్లండ్‌ మాజీ కెప్టెన్‌ View this post on Instagram A post shared by Viral Bhayani (@viralbhayani) View this post on Instagram A post shared by Mahvash (@rj.mahvash)

ఐపీఎల్‌-2025కు ముందు భార‌త క్రికెట్ బోర్డు (బీసీసీఐ) ఓ కీల‌క నిర్ణ‌యం తీసుకుంది. ఐపీఎల్‌ మ్యాచ్‌ల స‌మ‌యంలో బంతులపై లాలాజలం(స‌లైవా) వాడకంపై నిషేధాన్ని బీసీసీఐ ఎత్తివేసింది. గురువారం(మార్చి 20) జ‌రిగిన కెప్టెన్ల సమావేశం అనంత‌రం బీసీసీఐ ఈ నిర్ణ‌యం తీసుకుంది. ముంబైలో జ‌రిగిన ఈమీట్‌లో ఎక్కువ మంది కెప్టెన్‌లు స‌లైవా ఉపయోగించాలనే ఆలోచనకు అంగీకరించారు.ఈ ఏడాది సీజ‌న్ నుంచే ఈ రూల్ అమ‌లులోకి రానుంది. కాగా ఇదే విష‌యంపై బీసీసీఐ పెద్ద‌లు ఇప్ప‌టికే ఐపీఎల్ జ‌ట్ల కెప్టెన్‌ల‌తో అంతర్గతంగా చ‌ర్చించారు. తుది నిర్ణయం తీసుకోవలసిన బాధ్యత కెప్టెన్ల‌కే బోర్డు విడిచిపెట్టింది. ఇప్పుడు అందుకు కెప్టెన్‌లు కూడా అంగీక‌రించ‌డంతో బీసీసీఐ త‌మ నిర్ణ‌యాన్ని వెన‌క్కి తీసుకుంది."ఇది కెప్టెన్‌లు ఇష్టం. స‌లైవా వాడకాన్ని వారు కొన‌సాగించాల‌న‌కుంటే, మాకు ఎటువంటి సమస్య లేదు. మేము దానికి అంగీకరిస్తున్నాము. అయితే అంత‌ర్జాతీయ మ్యాచ్‌ల సమ‌యంలో మాత్రం ఐసీసీ రూల్‌కు క‌ట్టుబడి ఉంటాము" అని బీసీసీఐ సీనియ‌ర్ అధికారి ఒక‌రు పేర్కొన్నారు.2020లో బ్యాన్‌..కోవిడ్-19 మహమ్మారి తర్వాత.. అంతర్జాతీయ క్రికెట్ కౌన్సిల్ లాలాజల వాడకాన్ని నిషేధించింది. దీంతో ఫాస్ట్ బౌల‌ర్లు బంతిని రివర్స్ స్వింగ్‌ను చేయ‌డానికి కాస్త ఇబ్బంది ప‌డ్డారు. బంతిపై స‌లైవా ఉప‌యోగించితే అది ఎక్కువ‌గా రివర్స్ స్వింగ్ అవుతుంది.ఐపీఎల్‌(2020)లో సైతం బీసీసీఐ సైతం లాలాజల వాడకంపై బ్యాన్ విధించింది. అప్ప‌టి నుంచి గ‌తసీజ‌న్ వ‌ర‌కు ఏ ఫాస్ట్ బౌల‌ర్, ఏ ప్లేయ‌ర్ కూడా స‌లైవాను ఉప‌యోగించ‌లేదు. తాజాగా ఇదే విష‌యంపై భారత ఫాస్ట్ బౌలర్ మహమ్మద్ షమీ కూడా స్పందించాడు. లాలాజ‌ల వాడ‌కంపై బ్యాన్‌ను ఎత్తివేయాల‌ని ఐసీసీని ష‌మీ అభ్యర్థించాడు"మేము రివర్స్ స్వింగ్ చేయ‌డానికి తీవ్రంగా ప్ర‌య‌త్నిస్తున్నాము. కానీ స‌లైవాను మాత్రం ఉప‌యోగించ‌డం లేదు. మ్యాచ్ జ‌రిగే స‌మ‌యంలో స‌లైవా వాడకాన్ని అనుమతించమని మేము చాలా సార్లు ఐసీసీకి విజ్ఞప్తి చేశాము. అందుకు అనుమ‌తి ఇస్తే బంతి మ‌రింత ఎక్కువ‌గా రివ‌ర్స్ సింగ్ అయ్యే అవ‌కాశ‌ముంటుంది" అని ఛాంపియ‌న్స్ ట్రోఫీ సంద‌ర్భంగా విలేక‌రుల స‌మావేశంలో ష‌మీ పేర్కొన్నాడు.​కాగా ఐపీఎల్‌-2025 సీజన్‌ మార్చి 22 నుంచి ప్రారంభం కానుంది. తొలి మ్యాచ్‌లో ఈడెన్‌ గార్డెన్స్‌ వేదికగా కోల్‌కతా నైట్‌రైడర్స్‌, రాయల్‌ ఛాలెంజర్స్‌ బెంగళూరు జట్లు తలపడనున్నాయి.చదవండి: BCCI: ఒక్కో ఆటగాడికి రూ. 3 కోట్లు.. గంభీర్‌కు ఎంతో వెల్లడించిన బీసీసీఐ

టీమిండియాకు ప్రకటించిన నగదు బహుమతి పంపిణీ అంశంపై భారత క్రికెట్‌ నియంత్రణ మండలి (BCCI) కార్యదర్శి దేవజిత్‌ సైకియా స్పందించారు. ఆటగాళ్లకు, కోచ్‌లకు, సహాయక సిబ్బందికి ఇచ్చే మొత్తం ఎంతన్నది తాజాగా వెల్లడించారు. చాంపియన్స్‌ ట్రోఫీ జట్టులోని ప్రతి ఆటగాడికి రూ. 3 కోట్ల మేర అందజేయనున్నట్లు తెలిపారు.కాగా ఐసీసీ చాంపియన్స్‌ ట్రోఫీ-2025 (ICC Champions Trophy)లో టీమిండియా విజేతగా నిలిచిన విషయం తెలిసిందే. గ్రూప్‌ దశలో మూడింటికి మూడు గెలిచిన రోహిత్‌ సేన.. సెమీస్‌లో ఆస్ట్రేలియాపై, ఫైనల్లో న్యూజిలాండ్‌పై విజయం సాధించి టైటిల్‌ సొంతం చేసుకుంది. ఐదు మ్యాచ్‌లలో అజేయంగా నిలిచి తొమ్మిది నెలల వ్యవధిలోనే మరో ఐసీసీ ట్రోఫీని సాధించింది.ఈ నేపథ్యంలో బీసీసీఐ భారత జట్టుకు భారీ క్యాష్‌ రివార్డు (BCCI Cash Reward) ప్రకటించింది. రూ. 58 కోట్ల నజరానా ఇవ్వనున్నట్లు గురువారం వెల్లడించింది. అయితే, ఇందులో ఎవరెవరికి ఎంత మొత్తం ఇస్తారన్న విషయం గురించి కార్యదర్శి దేవజిత్‌ సైకియా తాజాగా వెల్లడించారు.గౌతం గంభీర్‌కు మూడు కోట్లువార్తా సంస్థ ఏఎన్‌ఐతో మాట్లాడుతూ.. ‘‘జట్టులోని ప్రతి ఆటగాడికి రూ. 3 కోట్లు.. హెడ్‌కోచ్‌ గౌతం గంభీర్‌కు మూడు కోట్లు.. మిగిలిన కోచ్‌లలో అసిస్టెంట్లు ర్యాన్‌ టెన్‌ డష్కాటే, అభిషేక్‌ నాయర్‌, బ్యాటింగ్‌ కోచ్‌ సితాన్షు కొటక్‌, బౌలింగ్‌ కోచ్‌ మోర్నీ మోర్కెల్‌, ఫీల్డింగ్‌ కోచ్‌కు టి. దిలీప్‌నకు రూ. 50 లక్షలు.. మిగిలిన సహాయక సిబ్బందికి రూ. యాభై లక్షలు.. బీసీసీఐ అధికారులకు రూ. 25 లక్షలు ఇస్తాం’’ అని దేవజిత్‌ సైకియా తెలిపారు.కాగా సొంతగడ్డపై వన్డే వరల్డ్‌కప్‌-2023లో ఫైనల్‌ వరకు అజేయంగా నిలిచిన.. ఆఖరి మెట్టుపై బోల్తా పడింది. ఆస్ట్రేలియాతో చేతిలో ఓటమి పాలై టైటిల్‌ను చేజార్చుకుంది. అయితే, టీ20 ప్రపంచకప్‌-2024తో ఈ గాయాలను మాన్పివేసింది. అమెరికా- వెస్టిండీస్‌ సంయుక్తంగా ఆతిథ్యమిచ్చిన ఈ మెగా టోర్నీలో ఆఖరి వరకు ఓటమన్నదే లేక చాంపియన్‌గా నిలిచింది.దుబాయ్‌లోనే అన్ని మ్యాచ్‌లు తొమ్మిది నెలల అనంతరం తాజాగా చాంపియన్స్‌ ట్రోఫీలోనూ అదే ఫలితాన్ని పునరావృతం చేసింది. ఈ వన్డే టోర్నమెంట్‌కు పాకిస్తాన్‌ ఆతిథ్య దేశంగా వ్యవహరించిగా.. భద్రతా కారణాల వల్ల టీమిండియాను అక్కడకు పంపేందుకు బీసీసీఐ నిరాకరించింది. ఈ క్రమంలో ఐసీసీ జోక్యంతో దుబాయ్‌లో భారత జట్టు తమ ‍మ్యాచ్‌లన్నీ ఆడేలా హైబ్రిడ్‌ మోడల్‌కు పాక్‌ అంగీకరించింది. ఇక ఒకే వేదిక మీద అన్ని మ్యాచ్‌లు ఆడటం వల్ల టీమిండియాకు మిగతా జట్లతో పోలిస్తే.. అదనపు ప్రయోజనాలు చేకూరాయని ఇంగ్లండ్‌, సౌతాఫ్రికా మాజీ క్రికెటర్లు విమర్శించారు. అయితే, భారత జట్టు ఎంతో పటిష్టంగా ఉందని.. వేదిక ఏదైనా గెలుపు టీమిండియాదేనంటూ సునిల్‌ గావస్కర్‌ వంటి దిగ్గజాలు ఆ విమర్శలను తిప్పికొట్టారు. టీ20 ప్రపంచకప్‌-2024లో మిగతా జట్ల మాదిరే టీమిండియా కూడా ప్రయాణాలు చేసిందని.. అయినా విజేతగా నిలిచిందంటూ కౌంటర్‌ ఇచ్చారు.ఐసీసీ చాంపియన్స్‌ ట్రోఫీ-2025లొ పాల్గొన్న భారత జట్టురోహిత్ శర్మ (కెప్టెన్‌), శుబ్‌మన్ గిల్, విరాట్ కోహ్లి, శ్రేయస్ అయ్యర్, అక్షర్ పటేల్, కేఎల్‌ రాహుల్ (వికెట్‌ కీపర్‌), హార్దిక్ పాండ్యా, రవీంద్ర జడేజా, మహమ్మద్ షమీ, కుల్దీప్ యాదవ్, వరుణ్ చక్రవర్తి, వాషింగ్టన్‌ సుందర్‌, అర్ష్‌దీప్‌ సింగ్‌, హర్షిత్‌ రాణా, రిషభ్‌ పంత్‌.సహాయక సిబ్బంది:హెడ్‌కోచ్‌ గౌతం గంభీర్‌, కోచ్‌లు అభిషేక్‌ నాయర్‌, ర్యాన్‌ టెన్‌ డష్కాటే, టి. దిలీప్‌, మోర్నీ మోర్కెల్‌. చదవండి: ‘రేపు మీ బౌలింగ్‌ను చితక్కొడతాను చూడు!.. అన్నంత పని చేశాడు’

అభిమానులు ఎప్పుడెప్పుడా అని ఎదురుచూస్తున్న మెగా క్రికెట్‌ టోర్నీ ఇండియన్‌ ప్రీమియర్‌ లీగ్‌ (IPL) వినోదం పంచేందుకు సిద్ధమైంది. రెండు నెలలకు పైగా నిర్విరామంగా క్రికెట్‌ ప్రేమికులకు పొట్టి క్రికెట్‌ మజా అందించనుంది. ఐపీఎల్‌-2025 మార్చి 22న మొదలై.. మే 25న ఫైనల్‌తో ముగియనుంది.గతేడాది.. కోల్‌కతా నైట్‌ రైడర్స్‌, సన్‌రైజర్స్‌ హైదరాబాద్‌ (Sunrisers Hyderabad), రాజస్తాన్‌ రాయల్స్‌, రాయల్‌ చాలెంజర్స్‌ బెంగళూరు, చెన్నై సూపర్‌ కింగ్స్‌, ఢిల్లీ క్యాపిటల్స్‌, లక్నో సూపర్‌ జెయింట్స్‌, గుజరాత్‌ టైటాన్స్‌, పంజాబ్‌ కింగ్స్‌, ముంబై ఇండియన్స్‌ పాయింట్ల పట్టికలో వరుసగా ఒకటి నుంచి పది స్థానాల్లో నిలిచిన విషయం తెలిసిందే.పది జట్లలో భారీ మార్పులువీటిలో కోల్‌కతా- హైదరాబాద్‌ ఫైనల్లో తలపడగా.. రైజర్స్‌పై నైట్‌ రైడర్స్‌ విజయం సాధించి చాంపియన్‌గా నిలిచింది. ఇక ఏడాది ఈ పది జట్లలో భారీ మార్పులు చోటుచేసుకున్నాయి. మెగా వేలం-2025 నేపథ్యంలో ఐదు జట్ల కెప్టెన్లూ మారారు. లక్నోకు రిషభ్‌ పంత్‌, పంజాబ్‌కు శ్రేయస్‌ అయ్యర్‌, ఢిల్లీకి అక్షర్‌ పటేల్‌, బెంగళూరుకు రజత్‌ పాటిదార్‌, కోల్‌కతాకు అజింక్య రహానే సారథులుగా నియమితులయ్యారు.అత్యధికంగా పదికి 9 పాయింట్లుఈ పరిణామాల నేపథ్యంలో ఇంగ్లండ్‌ మాజీ కెప్టెన్‌ మైకేల్‌ వాన్‌ ఐపీఎల్‌-2025లో పది జట్లకు తనదైన శైలిలో రేటింగ్‌ ఇచ్చాడు. అదే విధంగా.. ప్లే ఆఫ్స్‌ చేరే జట్లు, విజేతపై తన అంచనా తెలియజేశాడు. గుజరాత్‌ టైటాన్స్‌ జట్టుకు అత్యధికంగా పదికి 9 పాయింట్లు ఇచ్చిన మైకేల్‌ వాన్‌.. అతి తక్కువగా ఢిల్లీ క్యాపిటల్స్‌కు 5 పాయింట్లు వేశాడు.అయితే, గతేడాది పేలవ ప్రదర్శన కనబరిచిన పంజాబ్‌ కింగ్స్‌, లక్నో సూపర్‌ జెయింట్స్‌కు ఏడేసి పాయింట్లు ఇవ్వడం విశేషం. ఇక 2024లో పద్నాలుగింట కేవలం నాలుగే గెలిచి అట్టడుగున నిలిచిన ముంబై ఇండియన్స్‌కు ఏకంగా 7.5 రేటింగ్‌ ఇవ్వడం గమనార్హం. అన్ని జట్ల కంటే ఈసారి గుజరాత్‌ టైటాన్స్‌ గొప్పగా ఉందన్న మైకేల్‌ వాన్‌.. ఆ జట్టును తొమ్మిది పాయింట్లతో టాప్‌లో నిలిపాడు.ఇక గతేడాది ఫైనలిస్టు అయిన సన్‌రైజర్స్‌ హైదరాబాద్‌కు 6.5 పాయింట్లే ఇచ్చిన వాన్‌.. ఈసారి ఆ జట్టు ప్లే ఆఫ్స్‌ చేరే అవకాశాలు చాలా తక్కువని అభిప్రాయపడ్డాడు. నాలుగో స్థానం కోసం ఎస్‌ఆర్‌హెచ్‌.. పంజాబ్‌, లక్నోలతో పోటీ పడుతుందని అంచనా వేశాడు. ఈసారి ముంబై ఇండియన్స్‌ చాంపియన్‌గా నిలవడం ఖాయమని వాన్‌ జోస్యం చెప్పాడు. ఈ మేరకు క్రిక్‌బజ్‌తో తన అభిప్రాయాలు పంచుకున్నాడు.ఐపీఎల్‌-2025 జట్లకు మైకేల్‌ వాన్‌ ఇచ్చిన రేటింగ్‌(పది పాయింట్లకు)👉గుజరాత్‌ టైటాన్స్‌- 9👉కోల్‌కతా నైట్‌ రైడర్స్‌- 8👉లక్నో సూపర్‌ జెయింట్స్‌- 7👉పంజాబ్‌ కింగ్స్‌- 7👉సన్‌రైజర్స్‌ హైదరాబాద్‌- 6.5👉రాయల్‌ చాలెంజర్స్‌ బెంగళూరు- 6.5👉రాజస్తాన్‌ రాయల్స్‌- 6.5👉చెన్నై సూపర్‌ కింగ్స్‌- 6👉ఢిల్లీ ‍క్యాపిటల్స్‌- 5.మైకేల్‌ వాన్‌ ఎంచుకున్న టాప్‌-4 జట్లు(ప్లే ఆఫ్స్‌)గుజరాత్‌, కోల్‌కతా, ముంబై ఇండియన్స్‌ టాప్‌-3లో ఉండగా.. నాలుగో స్థానం కోసం లక్నో, పంజాబ్‌, సన్‌రైజర్స్‌ పోటీ.విజేతపై మైకేల్‌ వాన్‌ అంచనాఈసారి ముంబై ఇండియన్స్‌ ట్రోఫీ గెలిచే అవకాశం.చదవండి: CT 2025: టీమిండియాకు భారీ నజరానా ప్రకటించిన బీసీసీఐ

టీమిండియా లెగ్ స్పిన్న‌ర్ యుజువేంద్ర చహల్, ధనశ్రీ వర్మ విడిపోతున్నారంటూ వస్తున్న వార్తలకు తెరపడింది. చాహల్‌-ధనశ్రీ అధికారికంగా విడిపోయారు. వీరిద్దిరికి ముంబైలోని బాంద్రా ఫ్యామిలీ కోర్టు గురువారం విడాకులు మంజూరు చేసింది. దీంతో ఈ జంట ఐదేళ్ల వివాహ బందం నేటితో ముగిసింది. ధనశ్రీకి భరణం కింద రూ.4.75 కోట్లు ఇవ్వడానికి చాహల్‌ అంగీకరించాడు. ఇప్పటికే రూ. 2 కోట్ల 37 లక్షలు ధనశ్రీకి భరణం కింద చెల్లించినట్లు తెలుస్తోంది. కాగా వీరిద్దరి విడాకుల కేసుపై గత కొంతకాలంగా బాంద్రా ఫ్యామిలీ కోర్టులో విచారణ సాగుతోంది. అయితే ఐపీఎల్‌-2025లో పాల్లోనేందుకు చాహల్ వెళ్లనుండడంతో విచారణను వేగవంతం చేయాలని ఫ్యామిలీ కోర్టును బాంబే హైకోర్టు బుధవారం ఆదేశించింది. అదేవిధంగా పరస్పర అంగీకారంతో విడాకులు తీసుకుంటున్న కారణంగా, తప్పనిసరి ఆరు నెలల విరామ (కూలింగ్‌ ఆఫ్‌ పీరియడ్‌) గడువును హైకోర్టు రద్దు చేసింది. ఈ నేపథ్యంలొనే బాంద్రా ఫ్యామిలీ కోర్టు నేడు ఈ జంటకు విడాకులు మంజూరు చేసింది.యూట్యూబర్, కొరియాగ్రాఫర్ అయిన ధనశ్రీతో 2020 డిసెంబ‌ర్ 22న చాహల్‌కు వివాహం జరిగింది. వీరిద్దరూ ఎంతో అన్యోన్యంగా ఉంటూ, ఎప్పటికప్పుడు ఇన్‌స్టాలో రీల్స్ చేస్తూ అభిమానులను అలరించేవారు. కానీ గత రెండేళ్లగా విభేదాలు తలెతెత్తడంతో వీరిద్దరూ విడిగానే ఉంటున్నారు.అయితే గతేడాది ధనశ్రీ సోషల్ మీడియా ఖాతాల్లో తన పేరు నుంచి ‘చాహల్‌’ పేరును తీసేయడంతో పాటు ఫొటోలను కూడా డిలేట్ చేసింది. దీంతో ఈ జంట విడిపోతున్నరంటూ వార్తలు వ్యాపించాయి. అప్పటి నుంచి వీరిద్దరూ విడాకులకు సంబంధించి పూటకో ఓ వార్త వస్తూనే ఉండేది. ఎట్టకేలకు ఈ వార్తలు నిజమేనని అధికారికంగా స్పష్టమైంది. ఇక ధనశ్రీతో విడాకులు తీసుకున్న చాహల్‌ ప్రస్తుతం సోషల్‌ మీడియా ఇన్‌ఫ్లుయెన్సర్ ఆర్‌జే మహ్‌వశ్‌తో ప్రేమలో ఉన్నట్లు తెలుస్తోంది. ఐపీఎల్‌-2025లో పంజాబ్‌ కింగ్స్‌ తరపున ఆడనున్నాడు.చదవండి: షాక్‌లో క్రికెట్ ఫ్యాన్స్‌.. న‌మీబియా కెప్టెన్‌గా ఫాఫ్‌ డుప్లెసిస్‌

అండ‌ర్‌-19 వ‌ర‌ల్డ్ క‌ప్ 2026 క్వాలిఫ‌య‌ర్స్‌కు న‌మీబియా క్రికెట్ బోర్డు 14 మంది స‌భ్యుల‌తో కూడిన త‌మ జ‌ట్టును ప్ర‌క‌టించింది. ఈ జ‌ట్టు కెప్టెన్‌గా ఫాఫ్‌ డుప్లెసిస్ ఎంపిక‌య్యాడు. అవును మీరు విన్నది నిజ‌మే. దక్షిణాఫ్రికా మాజీ సార‌థి ఫాఫ్‌ డుప్లెసిస్ న‌మీబియా అండ‌ర్‌-19 కెప్టెన్‌గా ఎలా ఎంపిక‌య్యాడ‌ని ఆలోచిస్తున్నారా? అయితే మీరు అనుకుంటున్న‌ట్లు ఆ డుప్లెసిస్ .. ఈ డుప్లెసిస్ ఒకరు కాదు. ఒకే పేరుతో ఉన్న‌ప్ప‌టికి ఈ ఇద్ద‌రు క్రికెట‌ర్లు వేర్వేరు.17 ఏళ్ల డుప్లెసిస్ దేశవాళీ టోర్నీల్లో మెరుగ్గా రాణించి న‌మీబియా కెప్టెన్‌గా నియమితుడయ్యాడు. అయితే సౌతాఫ్రికా మాజీ కెప్టెన్ మాదిరిగానే ఈ ఫాఫ్ డుప్లెసిస్ కూడా రైట్ హ్యాండ్‌​ బ్యాటరే కావడం గమనార్హం. ఈ డుప్లెసిస్ లెగ్ బ్రేక్ బౌలింగ్ కూడా చేయగలడు. ఇక సీనియర్ డుప్లెసిస్ విషయానికి వస్తే.. ఐపీఎల్‌-2025లో ఢిల్లీ క్యాపిటల్స్ జట్టుకు ప్రాతినిథ్యం వహించేందుకు సిద్దమవుతున్నాడు. ఇప్పటికే ఢిల్లీ జట్టుతో కలిసిన డుప్లెసిస్‌.. నెట్స్‌లో తీవ్రంగా శ్రమిస్తున్నాడు. ఈ ఏడాది ఐపీఎల్‌ సీజన్‌లో ఢిల్లీ క్యాపిటల్స్ తమ మొదటి మ్యాచ్‌లో మార్చి 24న వైజాగ్ వేదిక‌గా ల‌క్నో సూపర్‌జెయింట్స్‌తో త‌ల‌ప‌డ‌నుంది.వ‌ర‌ల్డ్‌క‌ప్‌లో ఆడ‌డ‌మే ల‌క్ష్యంగా.. కాగా జింబాబ్వే వేదిక‌గా జ‌ర‌గ‌నున్న అండ‌ర్‌-19 వ‌ర‌ల్డ్ క‌ప్ 2026లో ఆడేందుకు న‌మీబియాకు ఇదొక సువర్ణ అవకాశం. నైజీరియాలోని లాగోస్‌లో జరగనున్న ప్రపంచ కప్ క్వాలిఫైయర్‌లో స‌త్తాచాటి ఈ మెగా టోర్నీకి ఆర్హ‌త సాధించాల‌ని ఈ ఆఫ్రికా జ‌ట్టు ప‌ట్టుద‌ల‌తో ఉంది. డివిజన్ 1 క్వాలిఫైయర్‌లలో సియెర్రా లియోన్, టాంజానియా, కెన్యా, నైజీరియా, ఉగాండా వంటి జట్లతో న‌మీబియా త‌ల‌ప‌డ‌నుంది. మార్చి 28 నుంచి డివిజన్ 1 క్వాలిఫైయర్ మ్యాచ్‌లు ప్రారంభం కానున్నాయి. ఈ రౌండ్‌లో గెలిచిన జ‌ట్టు నేరుగా 2026 అండ‌ర్‌-19 ఆఫ్రికా ఉప‌ఖండం త‌ర‌పున‌ ప్రపంచ‌క‌ప్‌కు ఆర్హ‌త సాధిస్తారు.నమీబియా జట్టు: ఫాఫ్ డుప్లెసిస్‌(కెప్టెన్‌), అడ్రియన్ కోయెట్జీ, బెన్ బ్రాసెల్, డాన్ బ్రాసెల్, ఎరిక్ లింట్‌వెల్ట్, హెన్రీ గ్రాంట్, జాంకో ఎంగెల్‌బ్రెచ్ట్, జునియన్ తనయాండా, లియామ్ బెసన్, లుకా మైకెలో, మాక్స్ హెంగో, రోవాన్ వాన్ వురెన్, టియాన్ వాన్ డెర్ మెర్వే, వాల్డో స్మిత్.చదవండి: IPL 2025: రాజస్థాన్‌ రాయల్స్‌ కెప్టెన్‌గా రియాన్‌ పరాగ్‌.. అఫీషియల్‌ అప్‌డేట్‌

ఐపీఎల్‌ 2025 ప్రారంభానికి ముందే సన్‌రైజర్స్‌ హైదరాబాద్‌ విధ్వంసకర ఓపెనర్‌ అభిషేక్‌ శర్మ షో మొదలైంది. ప్రాక్టీస్‌ సెషన్స్‌లో, ఇంట్రా స్క్వాడ్‌ మ్యాచ్‌ల్లో శర్మ సిక్సర్ల వర్షం కురిపిస్తున్నాడు. నిన్నటి ప్రాక్టీస్‌ సందర్భంగా శర్మ కొట్టిన ఓ బంతి అగ్నిమాపక పరికరం అద్దాలు ధ్వంసం చేసింది. సన్‌రైజర్స్‌ విడుదల చేసిన ఓ వీడియోలో శర్మ ఈ విషయాన్ని ప్రస్తావించాడు. సిక్సర్లు బాదే క్రమంలో చాలా బ్యాట్లు కూడా విరిగిపోయాయని చెప్పుకొచ్చాడు. View this post on Instagram A post shared by SunRisers Hyderabad (@sunrisershyd)ఈ వీడియోతో సన్‌రైజర్స్‌ ప్రత్యర్థులను బయపెట్టే పనిలో పడింది. అభిషేక్‌ శర్మతో జాగ్రత్తగా ఉండాలని సంకేతాలు పంపింది. గత సీజన్‌లో అరివీర భయంకరమైన ఫామ్‌లో ఉండిన అభిషేక్‌.. సహచర ఓపెనర్‌ ట్రవిస్‌ హెడ్‌తో కలిసి సుడిగాలి ఇన్నింగ్స్‌లు ఆడాడు. సన్‌రైజర్స్‌ సాధించిన అతి భారీ స్కోర్లలో అభిషేక్‌ పాత్ర కీలకం. అభిషేక్‌ గత సీజన్‌లో 16 మ్యాచ్‌లు ఆడి 204.22 స్ట్రయిక్‌రేట్‌తో 484 పరుగులు చేశాడు. ఇందులో 36 బౌండరీలు, 42 సిక్సర్లు ఉన్నాయి. గత సీజన్‌లో అత్యధిక సిక్సర్లు బాదింది కూడా అభిషేకే. అభిషేక్‌ గత సీజన్‌లోలాగే ఈ సీజన్‌లోనూ పేట్రేగిపోయే అవకాశం ఉంది. గత ఐపీఎల్‌ తర్వాత అతను మరింత రాటు దేలాడు. టీమిండియాకు ఎంపికై అంతర్జాతీయ వేదికపై కూడా సత్తా చాటాడు. ఆ అనుభవంతో అభిషేక్‌ ఈ ఐపీఎల్‌ సీజన్‌లో సునామీలా విరుచుకుపడవచ్చు. అభిషేక్‌తో పాటు సహచరులు ట్రవిస్‌ హెడ్‌, హెన్రిచ్‌ క్లాసెన్‌, ఇషాన్‌ కిషన్‌, నితీశ్‌ కుమార్‌ రెడ్డి కూడా విజృంభిస్తే.. గత సీజన్‌లో మిస్సైన టైటిల్‌ను సన్‌రైజర్స్‌ ఈ సీజన్‌లో సాధించవచ్చు. పై పేర్కొన్న బ్యాటర్లు తమ సహజ ఆటతీరును ప్రదర్శిస్తే ఈ సీజన్‌లో సన్‌రైజర్స్‌ 300 పరుగుల మార్కును దాటేస్తుంది. ప్రాక్టీస్‌ సందర్భంగా సన్‌రైజర్స్‌ బ్యాటర్లు ఇదే టార్గెట్‌ పెట్టుకుని భారీ షాట్లు ఆడుతూ కనిపించారు. ఇంట్రా స్క్వాడ్‌ మ్యాచ్‌ల్లో ఆరెంజ్‌ ఆర్మీలోకి కొత్తగా చేరిన ఇషాన్‌ కిషన్‌ విశ్వరూపం ‍ప్రదర్శిస్తున్నాడు. అభిషేక్‌ జోరుకు ఇషాన్‌ విధ్వంసం కూడా తోడైతే సన్‌రైజర్స్‌కు ఈ సీజన్‌లో పట్టపగ్గాలు ఉండవు. గత సీజన్‌లో బ్యాటర్లు చెలరేగడంతో సన్‌రైజర్స్‌ ఆర్సీబీపై 287 (ఐపీఎల్‌ హిస్టరీలో ఇదే అత్యధిక స్కోర్‌), ముంబై ఇండియన్స్‌పై 277, ఢిల్లీ క్యాపిటల్స్‌పై 266 పరుగులు చేసింది. గత సీజన్‌తో పోలిస్తే ఈ సీజన్‌లో సన్‌రైజర్స్‌ బ్యాటింగ్‌ మరింత ప్రమాదకరంగా కనిపిస్తుంది.ఈ సీజన్‌లో సన్‌రైజర్స్‌ బ్యాటింగ్‌తో పాటు బౌలింగ్‌లోనూ బలంగా ఉంది. భువనేశ్వర్‌ కుమార్‌, నటరాజన్‌ లాంటి దేశీయ పేసర్లు దూరమైనా షమీ, ఉనద్కత్‌, హర్షల్‌ పటేల్‌ కొత్తగా జట్టులో చేరారు. స్పిన్‌ విభాగంలోనూ సన్‌రైజర్స్‌ పటిష్టంగా కనిపిస్తుంది. ఆసీస్‌ స్టార్‌ స్పిన్నర్‌ ఆడమ్‌ జంపాను సన్‌రైజర్స్‌ ఈ సీజన్‌లో అక్కున చేర్చుకుంది. లోకల్‌ స్పిన్నర్‌ రాహుల్‌ చాహర్‌ తనదైన రోజున అద్భుతాలు చేయగలడు. పార్ట్‌ టైమ్‌ స్పిన్నర్లు అభిషేక్‌ శర్మ, ట్రవిస్‌ హెడ్‌, కమిందు మెండిస్‌ ఫుల్‌టైమ్‌ స్పిన్నర్లకు ఏమాత్రం తీసిపోరు. బ్యాటింగ్‌, బౌలింగ్‌ విభాగాల్లో పటిష్టంగా కనిపిస్తున్న సన్‌రైజర్స్‌ ఈ సీజన్‌లో టైటిల్‌ గెలుస్తుందేమో చూడాలి.కాగా, ఈ సీజన్‌లో సన్‌రైజర్స్‌ ప్రయాణం మార్చి 23న రాజస్థాన్‌ రాయల్స్‌తో జరిగే మ్యాచ్‌తో మొదలవుతుంది. ఈ మ్యాచ్‌ ఎస్‌ఆర్‌హెచ్‌ హోం గ్రౌండ్‌ ఉప్పల్‌ స్టేడియంలో జరుగనుంది. ఈ ఏడాది ఐపీఎల్‌ మార్చి 22న ప్రారంభం కానుండగా.. తొలి మ్యాచ్‌లో డిఫెండింగ్‌ ఛాంపియన్‌ కేకేఆర్‌.. ఆర్సీబీతో తలపడనుంది.2025 ఐపీఎల్‌ కోసం సన్‌రైజర్స్‌ హైదరాబాద్‌ జట్టు ఇదే..పాట్‌ కమిన్స్‌ (కెప్టెన్‌), అథర్వ్‌ తైడే, అభినవ్‌ మనోహర్‌, అనికేత్‌ వర్మ, సచిన్‌ బేబి, ట్రవిస్‌ హెడ్‌, నితీశ్‌ కుమార్‌ రెడ్డి, కమిందు మెండిస్‌, వియాన్‌ ముల్దర్‌, అభిషేక్‌ శర్మ, హెన్రిచ్‌ క్లాసెన్‌, ఇషాన్‌ కిషన్‌, జీషన్‌ అన్సారీ, మహ్మద్‌ షమీ, హర్షల్‌ పటేల్‌, రాహుల్‌ చాహర్‌, సిమర్‌జీత్‌ సింగ్‌, ఎషాన్‌ మలింగ, ఆడమ్‌ జంపా, జయదేవ్‌ ఉనద్కత్‌