breaking news
Market
-
ఊహకందని రీతిలో తగ్గిన బంగారం, వెండి ధరలు!
భారతదేశంలో బంగారం ధరలు.. వారంరోజుల్లో (నవంబర్ 8 నుంచి 14 వరకు) గణనీయంగా తగ్గాయి. దీంతో గత ఆదివారం రూ.1,43,570 వద్ద ఉన్న 24 క్యారెట్ల 10 గ్రాముల బంగారం రేటు.. శనివారం నాటికి రూ.1,37,620 వద్దకు చేరింది. దీన్నిబట్టి చూస్తే కేవలం ఏడురోజుల్లో పసిడి ధరల్లో ఎంత మార్పు వచ్చిందో అర్థం చేసుకోవచ్చు.హైదరాబాద్, విజయవాడలలో నవంబర్ 8న రూ.1,43,570 వద్ద ఉన్న 24 క్యారెట్ల 10 గ్రాముల బంగారం రేటు.. 14 నాటికి రూ.1,37,620 వద్దకు చేరింది. అంటే ఏడు రోజుల్లో రూ.5950 తగ్గిందన్నమాట. 22 క్యారెట్ల పసిడి రేటు రూ.1,31,600 నుంచి రూ.1,26,150 వద్దకు (రూ.5450 తగ్గింది) చేరింది. ఇదే ధరలు బెంగళూరు, ముంబైలలో కూడా కొనసాగుతాయి.చెన్నై విషయానికి వస్తే.. ఇక్కడ కూడా బంగారం ధరలు భారీగా తగ్గిందని స్పష్టమవుతోంది. 24 క్యారెట్ల 10 గ్రాముల బంగారం రేటు 1,43,570 రూపాయల నుంచి రూ.1,37,620 వద్దకు (రూ.5950 తగ్గింది) చేరింది. 22 క్యారెట్ల పసిడి రేటు రూ.1,31,600 నుంచి రూ.1,26,150 వద్దకు (రూ.5450 తగ్గింది) చేరింది.ఢిల్లీలో కూడా బంగారం ధరలు తగ్గాయి. ఇక్కడ 24 క్యారెట్ల 10 గ్రాముల బంగారం రేటు 1,43,600 రూపాయల నుంచి రూ.1,37,770 వద్దకు (రూ.5830 తగ్గింది) చేరింది. 22 క్యారెట్ల పసిడి రేటు రూ.1,31,750 నుంచి రూ.1,26,300 వద్దకు (రూ.5450 తగ్గింది) చేరింది.ఇదీ చదవండి: CNG వాహనదారులకు షాక్.. మరోసారి పెరిగిన ధరలు!వెండి రేటుబంగారం మాత్రమే కాకుండా.. వెండి రేటు కూడా గణనీయంగా తగ్గింది. నవంబర్ 8న రూ.2.05 లక్షల వద్ద ఉన్న సిల్వర్ రేటు నవంబర్ 14 నాటికి రూ.1.95 లక్షల వద్దకు చేరింది. అంటే వారంరోజుల్లో వెండి రేటు రూ.10వేలు తగ్గింది. ప్రస్తుతం దేశంలోని అన్ని ప్రధాన నగరాల్లోనూ కేజీ వెండి ధర రూ.1,95,000 వద్ద ఉంది. రానున్న రోజుల్లో మరింత తగ్గే అవకాశం ఉందని నిపుణులు చెబుతున్నారు.ఈ రోజు (ఆదివారం) బంగారం, వెండి ధరలు ఎలా ఉన్నాయో ఈ కింద చూడవచ్చు. -
ఈ రోజు బంగారం, వెండి ధరలు ఇలా..
ఇటీవల భారీగా తగ్గిన బంగారం ధరలు.. మళ్లీ పెరుగుదల దిశగా అడుగులు వేస్తున్నాయి. అయితే.. నేడు (ఆదివారం) బంగారం ధరల్లో ఎలాంటి మార్పు కనిపించలేదు. నిన్నటి ధరలే కొనసాగుతున్నాయి. వరుస మార్పుల తర్వాత పసిడి ధరలు స్థిరంగా ఉండటంతో కొనుగోలు చేయాలనుకునేవారు మార్కెట్ పరిస్థితులను పరిశీలిస్తున్నారు. హైదరాబాద్, విజయవాడ, చెన్నై, బెంగళూరు, ముంబై, ఢిల్లీ నగరాల్లో గోల్డ్ రేటు ఎలా ఉందో ఇక్కడ చూడవచ్చు. -
బంగారం ధరలు.. వచ్చే ఏడాది ఇంకా తక్కువకు!!
బంగారం ధరలు.. అంతర్జాతీయంగా వచ్చే ఏడాది ఇంకా తగ్గుతాయన్న అంచనాలు బలపడుతున్నాయి. అమెరికా ఫెడరల్ రిజర్వ్ (ఫెడ్) వడ్డీ రేట్లను మరింత పెంచే అవకాశాల నేపథ్యంలో అంతర్జాతీయ పెట్టుబడి సంస్థ గోల్డ్మన్ సాచ్స్ బంగారం ధరల అంచనాను తగ్గించింది. 2027 డిసెంబర్ నాటికి ఔన్స్ (31.1 గ్రాములు) బంగారం ధర 4,800 డాలర్లకు చేరుతుందని గతంలో అంచనా వేయగా.. తాజాగా దాన్ని 4,650 డాలర్లకు పరిమితం చేసింది. అంటే గత అంచనాతో పోలిస్తే 150 డాలర్లు (3.1 శాతం) తగ్గించింది. అయితే ప్రస్తుత స్పాట్ ధరలతో పోలిస్తే 2027 చివరికి బంగారంలో ఇంకా 16 శాతం వృద్ధికి అవకాశముందని సంస్థ భావిస్తోంది.వడ్డీ రేట్ల పెంపుతో ఒత్తిడిఫెడ్ 2026 డిసెంబర్లో మరోసారి 25 బేసిస్ పాయింట్లు, 2027 మార్చిలో ఇంకో 25 బేసిస్ పాయింట్లు వడ్డీ రేట్లను పెంచవచ్చని గోల్డ్మన్ సాచ్స్ ఆర్థికవేత్తలు అంచనా వేస్తున్నారు. వడ్డీ రేట్లు పెరిగితే బంగారం వంటి వడ్డీ ఆదాయం ఇవ్వని పెట్టుబడులపై ఆసక్తి తగ్గుతుంది. ఫలితంగా ప్రైవేటు పెట్టుబడిదారుల నుంచి డిమాండ్ బలహీనపడే అవకాశం ఉంది. ముఖ్యంగా 2027 తొలి నెలల్లో బంగారం ధరలకు ఇది ప్రతికూలంగా మారవచ్చని సంస్థ పేర్కొంది.కేంద్ర బ్యాంకుల కొనుగోళ్లతో మద్దతుస్వల్పకాలంలో ఒత్తిళ్లు ఉన్నప్పటికీ దీర్ఘకాలంలో బంగారంపై గోల్డ్మన్ సాచ్స్ సానుకూలంగానే ఉంది. చైనా సహా పలు దేశాల కేంద్ర బ్యాంకులు బంగారాన్ని కొనుగోలు చేయడం కొనసాగిస్తుండటం ధరలకు మద్దతునిస్తుందని అంచనా వేస్తోంది. మరోవైపు 2027 చివర్లో అమెరికా ఫెడ్ వడ్డీ రేట్ల తగ్గింపును ప్రారంభిస్తే ప్రైవేటు పెట్టుబడిదారులు మళ్లీ బంగారం వైపు మళ్లే అవకాశముందని భావిస్తోంది. దీంతో పెట్టుబడి డిమాండ్ పుంజుకుని ధరలు ఔన్స్కు 4,650 డాలర్ల స్థాయికి చేరవచ్చని అంచనా వేసింది.దేశంలోని ప్రధాన నగరాలలో ప్రస్తుతం బంగారం, వెండి ధరలు ఎలా ఉన్నాయో ఈ కింద చూడొచ్చు.. -
లిస్టింగ్కు రెండు కంపెనీలు రెడీ
కొన్ని రోజులు డీలాపడిన సెకండరీ మార్కెట్లు విదేశీ ఇన్వెస్టర్ల కొనుగోళ్లతో మళ్లీ పుంజుకోగా.. మరోపక్క ప్రైమరీ మార్కెట్ల జోరు కొనసాగుతోంది. తాజాగా రెండు కంపెనీల లిస్టింగ్కు క్యాపిటల్ మార్కెట్ల నియంత్రణ సంస్థ సెబీ గ్రీన్ సిగ్నల్ ఇచ్చింది. ఈ జాబితాలో ఫిన్టెక్ కంపెనీ రేజర్పే సాఫ్ట్వేర్, పునరుత్పాదక ఇంధన స్వతంత్ర విద్యుదుత్పత్తి కంపెనీ సెంబ్కార్ప్ గ్రీన్ ఇన్ఫ్రా చేరాయి. గోప్యతా మార్గంలో రేజర్పే సెబీకి జూన్లో దరఖాస్తు చేయగా.. సెంబ్కార్ప్ గ్రీన్ ఇన్ఫ్రా ఆగస్ట్లో ప్రాస్పెక్టస్ దాఖలు చేసింది.రూ. 3,500 కోట్లపై కన్నుప్రాస్పెక్టస్ ప్రకారం సెంబ్కార్ప్ గ్రీన్ ఇన్ఫ్రా పూర్తిగా ఈక్విటీ షేర్లను జారీ చేయడం ద్వారా ఐపీవో చేపట్టనుంది. ఇందుకు అనుగుణంగా ఈక్విటీ షేర్లను కొత్తగా జారీ చేయనుంది. తద్వారా రూ. 3,500 కోట్లు సమకూర్చుకునే ప్రణాళికల్లో ఉంది. ఇష్యూ నిధులను అనుబంధ సంస్థలు, కంపెనీకి చెందిన ఎంపిక చేసిన రుణాల చెల్లింపులకు వినియోగించనుంది. తద్వారా రెనెవబుల్ ఎనర్జీ పోర్ట్ఫోలియోను విస్తరించుకునేందుకు వీలుగా బ్యాలన్స్షీట్ను పటిష్టపరచుకోనుంది.ప్రస్తుతం 3.6 గిగావాట్ల నిర్వహణలోని రెనెవబుల్ ఎనర్జీ సామర్థ్యాన్ని కలిగి ఉంది. 2026 మార్చి31కల్లా మరో 4.04 జీడబ్ల్యూ నిర్మాణంలో ఉంది. దీనిలో 1,433 మెగావాట్ల బ్యాటరీ ఎనర్జీ స్టోరేజీ సిస్టమ్(బీస్) సామర్థ్యం కలసి ఉంది. హైబ్రిడ్, స్టోరేజీ దన్నుగల, 24గంటలు పనిచేయగల, డిస్పాచబుల్ రెనెవబుల్ ఎనర్జీ(ఎఫ్డీఆర్ఈ) తదితర క్లిష్టతరహా రెనెవబుల్ ప్రాజెక్టులపై దృష్టి పెట్టింది. సింగపూర్ సంస్థ సెంబ్కార్ప్ ఇండస్ట్రీస్ దేశీ అనుబంధ విభాగం ఇది. పీఈ సంస్థ టెమాసెక్కు పెట్టుబడులున్నాయి. గతేడాది(2025-26) ఆదాయం రూ. 2,652 కోట్లను అధిగమించగా.. నికర లాభం రూ. 371 కోట్లను తాకింది. నిర్వహణ లాభం రూ. 2,099 కోట్లకు చేరింది.రూ. 5,000-6,000 కోట్లకు సైరహస్య పద్ధతిలో ప్రాస్పెక్టస్ దాఖలు చేసిన రేజర్పే పబ్లిక్ ఇష్యూ ద్వారా రూ. 5,000-6,000 కోట్లు సమీకరించే యోచనలో ఉన్నట్లు తెలుస్తోంది. 2014లో ఏర్పాటైన కంపెనీ సమీకృత ప్లాట్ఫామ్ ద్వారా చెల్లింపులు, పేరోల్, లెండింగ్ తదితర ఫైనాన్షియల్ సంబంధిత సేవలు అందిస్తోంది. ఈ బాటలో స్టార్టప్లుసహా భారీ కార్పొరేట్లకూ సరీ్వసులు సమకూర్చుతోంది. 2020లో యూనికార్న్ గుర్తింపు పొందిన కంపెనీలో పీక్ 15 పార్ట్నర్స్, జీఐసీ, టైగర్ గ్లోబల్, రిబ్బిట్ క్యాపిటల్ తదితర సంస్థలకు పెట్టుబడులున్నాయి. -
బంగారం ధరల్లో ఊహించని ట్విస్ట్.. మళ్లీ పెరిగిన రేట్లు!
ఇటీవల వరుసగా తగ్గుతూ వచ్చిన బంగారం ధరలకు ఒక్కసారిగా బ్రేక్ పడింది. ఈ రోజు (శనివారం) పసిడి ధరలు మళ్లీ పెరిగాయి. 10 గ్రాముల బంగారంపై గరిష్టంగా రూ.270 పెరుగుదల నమోదైంది. దీంతో బంగారం కొనాలనుకుంటున్న వారికి ధరల పెరుగుదల కొంత నిరాశ కలిగిస్తోంది. మరోవైపు బంగారం ధరలు మళ్లీ పెరుగుదల బాట పట్టడంతో కొనుగోలుదారులు మార్కెట్ పరిస్థితులను ఆసక్తిగా గమనిస్తున్నారు. హైదరాబాద్, విజయవాడ, బెంగళూరు, చెన్నై, ముంబై, ఢిల్లీలలో బంగారం ధరలు ఎలా ఉన్నాయో.. ఇక్కడ చూసేద్దాం. -
పసిడి నేలచూపులు.. రూ.2500 డౌన్!
దేశీయంగా పసిడి ధర వరుసగా నేలచూపులు చూసింది. ఆలిండియా సరాఫా అసోసియేషన్ ప్రకారం.. శుక్రవారం ఢిల్లీ బులియన్ మార్కెట్లో 99.9 శాతం స్వచ్ఛత గల బంగారం 10 గ్రాముల ధర రూ.2,500 తగ్గి రూ.1,40,900కు చేరుకుంది. నాలుగు రోజుల్లో రూ. 6,000 తగ్గడం గమనార్హం.దీపావళి తర్వాత డిమాండ్ మందగించడం, అమెరికా బాండ్లపై రాబడులు పెరగడం, డాలర్ ఇండెక్స్ బలోపేతం కావడంతో పాటు గత కొన్ని రోజులుగా అంతర్జాతీయ మార్కెట్లలో ధరలు పతనమవడంతో విలువైన లోహాలపై ఒత్తిడి నెలకొందని బులియన్ నిపుణులు తెలిపారు. మరోవైపు, గత ట్రేడింగ్ సెషన్లో నిలకడగా ఉన్న వెండి ధర సైతం తాజాగా దిగొచి్చంది. కిలో వెండి రూ.3,500 తగ్గి రూ.1,84,000 వద్ద స్థిరపడింది.ఏడాది కనిష్టం నుంచి స్వల్ప రికవరీఅంతర్జాతీయ మార్కెట్లో పసిడి ధర ఏడాది కనిష్టం (3,857 డాలర్లు) నుంచి తేరుకొని స్వల్పంగా రికవరీ బాటపట్టింది. స్పాట్ మార్కెట్లో ఔన్సు (31.1 గ్రాములు) బంగారం 14 డాలర్లు (0.35%) పెరిగి 3,899 డాలర్ల వద్ద ట్రేడవుతోంది.‘‘టెహ్రాన్తో వాషింగ్టన్కు శాంతి ఒప్పందం అవసరం లేదంటూ అమెరికా అధ్యక్షుడు డొనాల్డ్ ట్రంప్ చేసిన వ్యాఖ్యలతో తక్షణ దౌత్యపరమైన పురోగతిపై ఆశలు సన్నగిల్లాయి. దీంతో పసిడికి ఏడాది కనిష్టం వద్ద కొనుగోళ్ల మద్దతు లభించినప్పటికీ.. సాంకేతికంగా కీలకమైన 4,000 డాలర్ల స్థాయిని మాత్రం ఛేదించలేకపోతోంది’’ అని విశ్లేషకులు పేర్కొన్నారు. అయితే, ఔన్సు వెండి ధర దాదాపు ఒక శాతం నష్టపోయి 49.63 డాలర్ల వద్ద ట్రేడవుతోంది.ఇదీ చదవండి: Microsoft Outage: 18 గంటల అంతరాయానికి కారణం ఏంటంటే? -
పాదరసంలా పడిపోయిన పసిడి, వెండి ధరలు
దేశంలో బంగారం ధరలు మరింత పడిపోయాయి. ఈరోజు ఉదయం 10 గ్రాములకు రూ.1300 మేర క్షీణించిన పసిడి ధరలు సాయంత్రానికి ఇంకా పడిపోయాయి. మొత్తంగా ఒక్క రోజులో సుమారు రూ.2450 పతనమయ్యాయి. వెండి ధరలు కూడా కేజీకి రూ.5000 మేర దిగివచ్చాయి. దేశంలోని ప్రధాన నగరాల్లో ప్రస్తుతం బంగారం (Today Gold Rate), వెండి ధరలు(Today Silver Rate) ఎలా ఉన్నాయో కింద తెలుసుకుందాం. -
స్టాక్ మార్కెట్ లాభాలకు బ్రేక్..
దేశీయ స్టాక్ మార్కెట్లు శుక్రవారం నష్టాలలో ముగిశాయి. బ్యాంకులు, ఫైనాన్షియల్స్, రియల్టీ, మెటల్ షేర్లు ఒత్తిడితో బెంచ్ మార్క్ సూచీల మూడు రోజుల లాభాల పరంపరకు బ్రేక్ పడింది. సెన్సెక్స్ 318.56 పాయింట్లు లేదా 0.39 శాతం క్షీణించి 81,592.45 వద్ద, నిఫ్టీ 155.05 పాయింట్లు లేదా 0.61 శాతం క్షీణించి 25,144.30 వద్ద ముగిసింది.శ్రీరామ్ ఫైనాన్స్, టాటా మోటార్స్ ప్యాసింజర్ వెహికల్స్ (టీఎంపీవీ), గ్రాసిమ్ ఇండస్ట్రీస్ నిఫ్టీ 50లో టాప్ లూజర్స్ గా నిలిచాయి. విస్తృత మార్కెట్లలో నిఫ్టీ మిడ్ క్యాప్ 100, నిఫ్టీ స్మాల్ క్యాప్ 100 వరుసగా 0.24 శాతం, 0.26 శాతం నష్టపోయాయి. రంగాల వారీగా నిఫ్టీ రియాల్టీ, నిఫ్టీ ఆటో, నిఫ్టీ సిమెంట్ అత్యధికంగా క్షీణించగా, నిఫ్టీ మీడియా కాస్త తక్కువ నష్టాలతో పర్వాలేదనిపించింది. -
బంగారం భారీ పతనం.. కొనేందుకు మంచి తరుణం!
భారతదేశంలో బంగారం ధరల పతనం కొనసాగుతూనే ఉంది. వరుసగా నాలుగో రోజు తగ్గుముఖం పట్టడంతో పసిడి ప్రియుల ఆనందానికి అవధులు లేకుండా పోతోంది. ఈ రోజు (శుక్రవారం) తులం గోల్డ్ రేటు గరిష్టంగా రూ.1310 తగ్గింది. దీంతో దేశంలోని ప్రధాన నగరాల్లో సైతం బంగారం ధరల్లో గణనీయమైన మార్పులు కనిపించాయి. హైదరాబాద్, విజయవాడ, బెంగళూరు, చెన్నై, ముంబై, ఢిల్లీ నగరాల్లో గోల్డ్ రేటు ఎలా ఉందో ఈ కింద చూడవచ్చు. -
నష్టాల్లో స్టాక్ మార్కెట్ సూచీలు
దేశీయ స్టాక్ మార్కెట్ సూచీలు శుక్రవారం నష్టాల్లో కదలాడుతున్నాయి. ఈరోజు ఉదయం 09:16 సమయానికి నిఫ్టీ(Nifty) 167 పాయింట్లు నష్టపోయి 25,117 వద్దకు చేరింది. సెన్సెక్స్(Sensex) 436 పాయింట్లు పుంజుకొని 81,485 వద్ద ట్రేడవుతోంది.అమెరికా డాలర్ ఇండెక్స్(USD Index) 103.18బ్రెంట్ క్రూడ్ఆయిల్ బ్యారెల్ ధర 95.4 డాలర్లుయూఎస్ 10 ఏళ్ల బాండ్ ఈల్డ్లు 5.12 శాతానికి చేరాయి.గడిచిన సెషన్లో యూఎస్ ఎస్ అండ్ పీ 0.35 శాతం తగ్గింది.నాస్డాక్ 0.39 శాతం దిగజారింది.Today Nifty position 13-11-2026(time: 09:16 am)(Disclaimer: మార్కెట్ గురించి సాక్షి వెబ్ సైట్లో నిపుణులు వెల్లడించే అభిప్రాయాలు వారి పరిశీలన, అంచనాలను బట్టి ఉంటాయి. ఇన్వెస్టర్లకు ఇది కేవలం విషయ అవగాహన మాత్రమే తప్ప.. వారు పెట్టే పెట్టుబడులకు సాక్షి మీడియా గ్రూపు ఎలాంటి హామీ ఇవ్వదు.) -
బంగారం భారీ పతనం.. 4000 డాలర్ల దిగువకు ధర!
అంతర్జాతీయంగా పసిడి ధర మళ్లీ 4,000 డాలర్ల కిందికి పడింది. స్పాట్ మార్కెట్లో బంగారం ధర ఔన్సుకి (31.1 గ్రాములు) 121 డాలర్లు (3.01%) క్షీణించి 3,879 డాలర్ల వద్ద ట్రేడవుతోంది. అమెరికా డాలర్ బలపడటంతో ఒకానొక దశలో 3.60% శాతం నష్టపోయి 3,857 డాలర్ల కనిష్టాన్ని తాకింది. ''ఒకవేళ డాలర్ ఇండెక్స్ 103 కీలక స్థాయిని దాటి బలపడితే, 104.50 వరకు చేరుకోవచ్చు. ఈ పరిణామం పసిడి ధరలపై మరింత ఒత్తిడిని పెంచుతుంది'' అని మిరే అసెట్ షేర్ఖాన్ కమోడిటీ హెడ్ ప్రవీణ్ సింగ్ తెలిపారు. వెండి కూడా 3.56% నష్టపోయి చేసి 50.19 డాలర్ల వద్ద ట్రేడవుతోంది.దేశీయంగా పసిడి ధర వరుసగా మూడో రోజూ తగ్గుముఖం పట్టింది. ఢిల్లీ బులియన్ మార్కెట్లో 99.9% స్వచ్ఛత గల బంగారం 10 గ్రాముల ధర రూ.2,200 పతనమై రూ.1,43,400కి చేరుకుంది. కాగా కేజీ వెండి ధర ఎలాంటి మార్పు లేకుండా రూ.1,87,500 వద్ద ముగిసింది.డాలర్ మారకంలో రూపాయి విలువ 41 పైసలు బలహీనపడి ఇంట్రాడే కనిష్ట స్థాయి 94.12 వద్ద ముగిసింది. ఫెడరల్ రిజర్వ్ కఠినతర ద్రవ్య విధాన వైఖరి వాఖ్యలతో డాలర్ బలపటడం, డిసెంబర్లో ఆర్బీఐ మరో పావు శాతం రెపో రేటు పెంపు ఖాయమనే సంకేతాలతో దేశీయ కరెన్సీ కరిగిపోయిందని ఫారెక్స్ ట్రేడర్లు తెలిపారు. -
షేర్ల బైబ్యాక్కు ‘జీ’ హుజూర్
న్యూఢిల్లీ: ప్రయివేట్ రంగ మీడియా దిగ్గజం జీ ఎంటర్టైన్మెంట్ ఎంటర్ప్రైజెస్ లిమిటెడ్(జీల్) సొంత ఈక్విటీ షేర్లను తిరిగి కొనుగోలు(బైబ్యాక్) చేయనుంది. ఒక్కో షేరుకీ రూ. 91 ధరలో రూ. 1 ముఖ విలువగల 6.59 కోట్ల ఈక్విటీ షేర్లు బైబ్యాక్ చేయనుంది. ఇది కంపెనీ చెల్లించిన వాటా మూలధనంలో 6.61 శాతానికి సమానంకాగా.. ఇందుకు రిజర్వ్ నిధుల నుంచి రూ. 600 కోట్లవరకూ వెచ్చించనుంది. బైబ్యాక్ ప్రతిపాదనకు బోర్డు ఏకగ్రీవంగా ఆమోదముద్ర వేసినట్లు కంపెనీ తాజాగా వెల్లడించింది. బైబ్యాక్ను వినియోగించుకోవాలనుకునే వాటాదారులకు ఈ నెల 25 రికార్డ్ డేట్గా ప్రకటించింది. వాటాదారులకు నిలకడగా విలువను చేకూర్చే లక్ష్యాలతో షేర్ల బైబ్యాక్కు తెరతీసినట్లు కంపెనీ పేర్కొంది. 24 శాతం అధిక ధర గురువారం(12) ముగింపు ధర రూ. 73.5తో పోలిస్తే జీ షేర్ల బైబ్యాక్కు 24 శాతం ప్రీమియం నిర్ణయించింది. జీ షేరు ఈ ఏడాది జూన్ 23న రూ. 118 వద్ద ఏడాది గరిష్టాన్ని తాకగా.. ఈ నెల 4న రూ. 61 దిగువన 52 వారాల కనిష్టాన్ని సైతం చవిచూసింది. ప్రమోటర్లు, సంబంధిత గ్రూప్ సభ్యులు బైబ్యాక్లో పాల్గొనబోరని కంపెనీ స్పష్టం చేసింది. టెండర్ మార్గంలో బైబ్యాక్ను చేపట్టనున్నట్లు వెల్లడించింది. కంపెనీకున్న వృద్ధి అవకాశాలు, పటిష్ట మూలాలపట్ల తమకున్న విశ్వాసానికి షేర్ల బైబ్యాక్ నిదర్శనమని జీ చైర్మన్ ఆర్.గోపాలన్ పేర్కొన్నారు. కంపెనీ అంతర్గత విలువను ప్రస్తుత మార్కెట్ ధర ప్రతిబింబించడంలేదని, కంపెనీకున్న సామర్థ్యాలు, అవకాశాలను బైబ్యాక్ ప్రతిబింబించనున్నట్లు తెలియజేశారు. బీఎస్ఈలో జీల్ షేరు 3.7 శాతం జంప్చేసి రూ. 73.5 వద్ద ముగిసింది. -
ధరదడ!
న్యూఢిల్లీ: ఆహార ధర మంటతో ద్రవ్యోల్బణం సెగలు కక్కుతోంది. రెండేళ్లలో తొలిసారిగా రిజర్వ్ బ్యాంకు గరిష్ట పరిమితిని మించి రిటైల్ ద్రవ్యోల్బణం దూసుకెళ్లింది. అక్టోబర్లో ఏకంగా 6.09 శాతానికి చేరి రెండేళ్ల గరిష్టాన్ని తాకింది. సెప్టెంబర్లో రిటైల్ ద్రవ్యోల్బణం 5.54 శాతంగా నమోదైంది. కేంద్ర గణాంకాలు, పథకాల అమలు మంత్రిత్వ శాఖ గురువారం విడుదల చేసిన డేటా ప్రకారం, ఆహార ద్రవ్యోల్బణం 8.94 శాతానికి ఎగబాకడం గమనార్హం. సెప్టెంబర్లో ఇది 7.74 శాతంగా ఉంది. ఆహారం, పానీయాలు, రెస్టారెంట్ సేవలు, రవాణా ధరలే ద్రవ్యోల్బణం భారీగా పెరిగేందుకు కారణమయ్యాయి. ప్రధానంగా ఉల్లి ధరలు 116.22 శాతం, వెల్లుల్లి 60.74 శాతం జంప్ చేశాయి. అలాగే, వెండి ఆభరణాలు (52.39 శాతం), అల్లం (48.32 శాతం), నిమ్మ (47.3 శాతం) కూడా టాప్–5 ధరల పెరుగుదల వస్తువుల జాబితాలో ఉన్నాయి. ఆహారోత్పత్తులు, సర్వీసులకు సంబంధించిన 12 విభాగాల్లో 11 విభాగాల ధరలు ఎగబాకడం విశేషం. మరో విడత వడ్డింపు... రిటైల్ ద్రవ్యోల్బణం 2–6 శాతం పరిధిలో ఉండాలని ఆర్బీఐ లక్ష్యంగా నిర్దేశించుకుంది. అయితే, 2024 అక్టోబర్లో నమోదైన 6.25 శాతం తర్వాత మళ్లీ ఆర్బీఐ గరిష్ట పరిమితిని దాటి రిటైల్ ధరలు ఎగబాకడం ఇదే తొలిసారి కావడం గమనార్హం. వచ్చే నెల 2–4 తేదీల్లో ఆర్బీఐ కీలక పాలసీ భేటీ జరగనున్న నేపథ్యంలో రిటైల్ ధరల సెగతో కచ్చితంగా మరోవిడత రేట్ల పెంపు ఖాయమని ఆర్థికవేత్తలు భావిస్తున్నారు. అక్టోబర్ పాలసీ సమీక్షలో దాదాపు నాలుగేళ్ల తర్వాత ఆర్బీఐ మొట్టమొదటిసారిగా కీలక వడ్డీరేట్లను పావుశాతం పెంచడం తెలిసిందే. దీంతో రెపో రేటు 5.5 శాతానికి చేరింది. పశ్చిమాసియా యుద్ధ ప్రభావంతో అంతర్జాతీయంగా బ్యారెల్ క్రూడ్ ధర 100 డాలర్ల పైన కొనసాగడం, డాలరుతో రూపాయి మారకం విలువ భారీగా పడిపోవడం వంటివి దీనికి ప్రధాన కారణంగా నిలిచాయి. అయితే, తాజాగా క్రూడ్ ధరలు దిగిరావడం, విదేశీ నిధుల జోరుతో రూపాయి కూడా పుంజుకున్నప్పటికీ... ఎల్నినో ప్రభావంతో ఆహార ధరలు అంతకంతకూ ఎగబాకుతున్నాయి. దీంతో వచ్చే పాలసీ సమీక్షలో కచ్చితంగా మళ్లీ పావు శాతం వడ్డీరేట్ల పెంపు ఉండొచ్చనేది విశ్లేషకుల మాట!మరికొన్నాళ్లు 6% పైనే... రిటైల్ ద్రవ్యోల్బణం ఆర్బీఐ గరిష్ట పరిమితి పైన కొద్ది నెలలు 6% పైనే కొనసాగవచ్చు. ముఖ్యంగా పాలు, చక్కెర, ఉల్లిపాయలు తదితర ఉత్పత్తులు ద్రవ్యోల్బణాన్ని మరింత ఎగదోస్తున్నాయి. ఈ తరుణంలో డిసెంబర్లో మరో పావు శాతం రెపో రేటు పెంపు ఖాయం. అయితే, శాంతించిన క్రూడ్ ధరల కదలికలను బట్టి 2027లో వడ్డీరేట్లు మరింత పెంచాలా వద్డా అనేది ఆధారపడి ఉంటుంది. – అదితి నాయర్, ఇక్రా చీఫ్ ఎకనమిస్ట్ -
‘బంగారు’ తల్లి దిగిరాగా.. కొనుగోళ్ల జాతర!
బంగారం ధరలు భారీగా తగ్గడంతో పండగ వేళ కొనుగోలుదారులు మళ్లీ ఆభరణాల దుకాణాల బాట పట్టారు. గతంలో 10 గ్రాముల బంగారం ధర గరిష్ఠంగా రూ.1.80 లక్షలకు చేరగా.. ఇటీవల రూ.1.42 లక్షల స్థాయికి దిగివచ్చింది. అంటే సుమారు రూ.38 వేలు (21 శాతం) తగ్గింది. దీంతో ఈ ఏడాది ధంతేరాస్ (ధనత్రయోదశి), దీపావళి సందర్భంగా దేశంలో బంగారం కొనుగోళ్లు గతేడాదితో పోలిస్తే పరిమాణం పరంగా 30 శాతం పెరిగాయి. ఇండియా బులియన్ అండ్ జ్యువెలర్స్ అసోసియేషన్ (ఐబీజేఏ) గణాంకాల ప్రకారం.. ఈ రెండు పండగల సమయంలో దేశవ్యాప్తంగా 52 టన్నుల బంగారం కొనుగోళ్లు జరిగాయి. వీటి విలువ సుమారు రూ.72 వేల కోట్లు. వెండి కొనుగోళ్లు కూడా 10 శాతం పెరిగి 300 టన్నులకు చేరాయి. వీటి విలువ దాదాపు రూ.5,400 కోట్లు.సెప్టెంబర్ వరకు 50 శాతం తగ్గుదలపండగల సమయంలో కొనుగోళ్లు పుంజుకున్నప్పటికీ.. ప్రస్తుత ఆర్థిక సంవత్సరం ఏప్రిల్ నుంచి సెప్టెంబర్ వరకు బంగారం విక్రయాలు గతేడాదితో పోలిస్తే పరిమాణం పరంగా దాదాపు 50 శాతం తగ్గినట్లు పరిశ్రమ వర్గాలు వెల్లడించాయి. భారీగా పెరిగిన ధరలు, దిగుమతి సుంకం పెంపు, బంగారం కొనుగోళ్లను తగ్గించుకోవాలంటూ ప్రధాని నరేంద్ర మోదీ చేసిన విజ్ఞప్తి ఇందుకు కారణాలుగా పేర్కొన్నాయి. ధరలు అందుబాటులో లేకపోవడంతో చాలామంది కొనుగోళ్లను వాయిదా వేసుకున్నారు. తాజాగా ధరలు తగ్గడంతో ఆ డిమాండ్ కొంతమేర తిరిగి మార్కెట్లోకి వచ్చింది. పెళ్లిళ్ల సీజన్ ప్రారంభం కావడం కూడా కొనుగోళ్లకు ఊతమిచ్చింది. నవంబర్ మధ్య నుంచి వచ్చే ఏడాది మార్చి వరకు వివాహాల సీజన్ కొనసాగనుంది.వజ్రాల అమ్మకాల్లోనూ పండగ కళబంగారంతో పాటు సహజ వజ్రాల ఆభరణాల విక్రయాలు కూడా గణనీయంగా పెరిగాయి. బెంగళూరుకు చెందిన సి. కృష్ణయ్య చెట్టి జ్యువెలర్స్ వెల్లడించిన వివరాల ప్రకారం.. ఈ ఏడాది ధంతేరాస్ సందర్భంగా సహజ వజ్రాల అమ్మకాలు గతేడాదితో పోలిస్తే 250 శాతం పెరిగాయి. దీపావళి సమయంలోనూ 47 శాతం వృద్ధి నమోదైంది. ఆ సంస్థ గత ఎనిమిదేళ్ల విక్రయాల గణాంకాలను పరిశీలిస్తే.. ఈసారి సహజ వజ్రాల అమ్మకాలు రెండో అత్యధిక స్థాయిలో ఉన్నాయి. మరోవైపు ప్రయోగశాలల్లో తయారుచేసే కృత్రిమ (ల్యాబ్ గ్రోన్) వజ్రాల మార్కెట్ కూడా వేగంగా విస్తరిస్తోంది.దేశంలోని ప్రధాన నగరాల్లో నేటి బంగారం, వెండి ధరలు ఈ కింద చూడొచ్చు.. -
దూసుకెళ్లిన రియల్టీ.. మార్కెట్ ముగిసిందిలా..
దేశీయ స్టాక్ మార్కెట్లు గురువారం స్వల్ప లాభాలతో ముగిశాయి. రియల్టీ, బ్యాంకులు, ఫైనాన్షియల్ షేర్లు పురోగమించడంతో బెంచ్ మార్క్ సూచీలు అస్థిర సెషన్ ను సానుకూలంగా ముగించాయి. సెన్సెక్స్ 31.61 పాయింట్లు లేదా 0.04 శాతం పెరిగి 81,911.01 వద్ద, నిఫ్టీ 44.30 పాయింట్లు లేదా 0.18 శాతం పెరిగి 25,299.35 వద్ద స్థిరపడ్డాయి.మహీంద్రా అండ్ మహీంద్రా, నెస్లే ఇండియా, పవర్ గ్రిడ్ కార్పొరేషన్ నిఫ్టీ 50లో టాప్ లూజర్లుగా నిలిచాయి. విస్తృత మార్కెట్లలో నిఫ్టీ మిడ్ క్యాప్ 100, నిఫ్టీ స్మాల్ క్యాప్ 100 వరుసగా 0.85 శాతం, 1.12 శాతం పెరిగాయి. రంగాల వారీగా నిఫ్టీ రియాల్టీ అత్యధికంగా 4 శాతం లాభపడగా, నిఫ్టీ పీఎస్యూ బ్యాంక్, నిఫ్టీ మీడియా, నిఫ్టీ బ్యాంక్ తర్వాతి స్థానాల్లో ఉన్నాయి. మరో వైపు నిఫ్టీ ఆటో అత్యధికంగా క్షీణించింది. -
కుప్పకూలిన బంగారం ధరలు.. ఒక్కరోజులోనే భారీగా..
బంగారం ధరలు కుప్పకూలాయి. ఈ రోజు (గురువారం) తులం పసిడి రేటు గరిష్టంగా రూ.2180 తగ్గింది. దీంతో గోల్డ్ కొనుగోలు చేయాలనుకునేవారికి ఉపశమనం కలిగింది. భారీగా ధరలు తగ్గడంతో.. దేశంలోని ప్రధాన నగరాల్లోని బంగారం రేట్లలో గణనీయమైన మార్పులు కనిపించాయి. హైదరాబాద్, విజయవాడ, బెంగళూరు, చెన్నై, ముంబై, ఢిల్లీలలో నేడు పసిడి ధరలు ఎలా ఉన్నాయో ఈ కింద చూడవచ్చు. -
స్వల్పంగా పెరిగిన స్టాక్ మార్కెట్ సూచీలు
దేశీయ స్టాక్ మార్కెట్ సూచీలు గురువారం స్వల్ప లాభాల్లో కదలాడుతున్నాయి. ఈరోజు ఉదయం 09:22 సమయానికి నిఫ్టీ(Nifty) 39 పాయింట్లు పెరిగి 25,294 వద్దకు చేరింది. సెన్సెక్స్(Sensex) 142 పాయింట్లు పుంజుకొని 81,997 వద్ద ట్రేడవుతోంది.అమెరికా డాలర్ ఇండెక్స్(USD Index) 103బ్రెంట్ క్రూడ్ఆయిల్ బ్యారెల్ ధర 91.75 డాలర్లుయూఎస్ 10 ఏళ్ల బాండ్ ఈల్డ్లు 4.9 శాతానికి చేరాయి.గడిచిన సెషన్లో యూఎస్ ఎస్ అండ్ పీ 1.31 శాతం పెరిగింది.నాస్డాక్ 1.6 శాతం పుంజుకుంది.Today Nifty position 12-11-2026(time: 09:22 am)(Disclaimer: మార్కెట్ గురించి సాక్షి వెబ్ సైట్లో నిపుణులు వెల్లడించే అభిప్రాయాలు వారి పరిశీలన, అంచనాలను బట్టి ఉంటాయి. ఇన్వెస్టర్లకు ఇది కేవలం విషయ అవగాహన మాత్రమే తప్ప.. వారు పెట్టే పెట్టుబడులకు సాక్షి మీడియా గ్రూపు ఎలాంటి హామీ ఇవ్వదు.) -
ప్రభుత్వ బ్యాంకులకు జోష్!
ముంబై: క్యాపిటల్ మార్కెట్ల నియంత్రణ సంస్థ సెబీ నిబంధనలకు అనుగుణంగా కొన్ని ప్రభుత్వ రంగ (పీఎస్యూ) బ్యాంకులలో ప్రభుత్వం వాటాలు విక్రయించనుంది. తద్వారా ఆయా బ్యాంకులలో వాటాను తగ్గించుకోనుంది. ఇందుకు అర్హతగల సంస్థాగత ఇన్వెస్టర్లకు షేర్ల జారీ(క్విప్)కి తెరతీయనున్నట్లు వివిధ ప్రభుత్వ బ్యాంకుల అత్యున్నత అధికారులు తాజాగా వెల్లడించారు. ఈ జాబితాలో ఇండియన్ ఓవర్సీస్ బ్యాంక్(ఐవోబీ), పంజాబ్ అండ్ సింద్ బ్యాంక్, సెంట్రల్ బ్యాంక్ ఆఫ్ ఇండియా చేరాయి. క్విప్ ద్వారా మూలధన బేస్ను పటిష్టపరచుకోవడం, బిజినెస్ వృద్ధికి మద్దతివ్వడం, క్రమానుగతంగా ప్రభుత్వ వాటాను తగ్గించుకోవడం తదితర ప్రణాళికలు ప్రభుత్వ రంగ బ్యాంకులు అమలు చేయనున్నాయి. సెబీ నిబంధనల ప్రకారం లిస్టెడ్ సంస్థలు పబ్లిక్కు కనీసం 25 శాతం వాటా కలి్పంచవలసిన విషయం విదితమే. మార్కెట్లు బలపడుతుండటం, లిక్విడిటీ తదితర సానుకూలతల నేపథ్యంలో ఈ ఏడాది ద్వితీయార్థం(అక్టోబర్–మార్చి)లో బ్యాంకింగ్ వ్యవస్థలో నిధుల సమీకరణ ఊపందుకోవచ్చని విశ్లేషకులు భావిస్తున్నారు. వివరాలు చూద్దాం.. ఇండియన్ ఓవర్సీస్ బ్యాంక్ ప్రస్తుత ఆర్థిక సంవత్సరం(2026–27)లో క్విప్ ద్వారా రూ. 5,000 కోట్లు సమీకరించేందుకు అనుమతి లభించినట్లు పీఎస్యూ దిగ్గజం ఐవోబీ ఎండీ, సీఈవో అజయ్ కుమార్ శ్రీవాస్తవ పేర్కొన్నారు. ఇందుకు అవసరమైన అన్ని అనుమతులనూ దాదాపు పొందినట్లు వెల్లడించారు. వెరసి ప్రస్తుత క్వార్టర్(అక్టోబర్–డిసెంబర్) లేదా చివర్లో(జనవరి–మార్చి) ప్రతిపాదిత క్విప్ను చేపట్టనున్నట్లు తెలియజేశారు. ఈక్విటీ జారీ ద్వారా రూ. 5,000 కోట్లు సమీకరిస్తే, ఇందుకు 6 శాతం ప్రభుత్వ వాటా విక్రయించే వీలుంది. దీంతో బ్యాంకులో ప్రభుత్వ వాటా ప్రస్తుత 92.44 శాతం నుంచి దాదాపు 86 శాతానికి దిగిరానున్నట్లు వివరించారు. పంజాబ్ అండ్ సింద్ షేర్ల ప్లేస్మెంట్(క్విప్) మార్గంలో నిధుల సమీకరణ చేపట్టే యోచనలో ఉన్నట్లు ప్రభుత్వ రంగ బ్యాంకింగ్ సంస్థ పంజాబ్ అండ్ సింద్ ఇప్పటికే తెలియజేసింది. ఇందుకు అనుమతులు పొందడంతోపాటు.. మర్చంట్ బ్యాకర్లను నియమించుకున్నట్లు సంబంధిత వర్గాలు వెల్లడించాయి. పెట్టుబడికి ఆసక్తిగల ఇన్వెస్టర్లతో చర్చలు చేపట్టినట్లు తెలుస్తోంది. నిధుల సమీకరణ చేపట్టనున్నట్లు ఈ ఏడాది జూలై–సెపె్టంబర్(క్యూ2) ఫలితాల విడుదల సందర్భంగా బ్యాంక్ ఎండీ, సీఈవో స్వరూప్ కుమార్ సాహా ఇన్వెస్టర్లకు వెల్లడించారు. ఇందుకు విభిన్న అవకాశాలను పరిశీలిస్తున్నప్పటికీ క్విప్నకు ప్రాధాన్యత ఇవ్వనున్నట్లు తెలియజేశారు. అయితే మార్కెట్ పరిస్థితుల ఆధారంగా మర్చంట్ బ్యాంకర్ల సలహాలనుబట్టి ఇందుకు వీలున్నట్లు తెలియజేశారు. సెంట్రల్ బ్యాంక్ వివిధ మార్గాలలో రూ. 7,000 కోట్లు సమకూర్చుకునేందుకు పీఎస్యూ దిగ్గజం సెంట్రల్ బ్యాంక్ ఆఫ్ ఇండియాకు ఇప్పటికే వాటాదారులు గ్రీన్ సిగ్నల్ ఇచ్చారు. ఈ ఏడాది జూలైలో క్విప్సహా ఎఫ్పీవో, రైట్స్ తదితర మార్గాల ద్వారా నిధుల సమీకరణకు అనుమతి లభించింది. పెట్టుబడుల సమీకరణ వ్యూ హాలలో భాగంగా బ్యాంకులో ప్రభుత్వ వాటా తగ్గించుకోవాలని సెంట్రల్ బ్యాంక్ భావిస్తోంది. అయితే మార్కెట్ పరిస్థితుల ఆధారంగా ప్రతిపాదిత నిధుల సమీకరణ మార్గాలు, సమయం తదితర అంశాలు నిర్ధారితం కానున్నట్లు బ్యాంకింగ్ వర్గాలు తెలియజేశాయి. నిజానికి క్విప్ చేపడితే సంస్థాగత ఇన్వెస్టర్లకు షేర్ల జారీ ద్వారా బ్యాంకులో పబ్లిక్ వాటాను పెంచడంసహా ప్రభు త్వ వాటా నిబంధలనకు అనుగుణంగా దిగిరానుంది. -
గోల్డ్ ఈటీఎఫ్ల్లోకి భారీగా పెట్టుబడులు!
బంగారంపై భారతీయ ఇన్వెస్టర్ల ఆసక్తి ఏమాత్రం తగ్గడం లేదు. గోల్డ్ ఎక్స్ఛేంజ్ ట్రేడెడ్ ఫండ్స్ (Gold ETFs)లోకి 2026 తొలి పది నెలల్లోనే గతేడాది మొత్తం కంటే అధికంగా పెట్టుబడులు వచ్చాయి. అక్టోబర్లో పెట్టుబడుల ప్రవాహం కొంత మందగించినప్పటికీ.. ఏడాది మొత్తంగా చూస్తే గోల్డ్ ఈటీఎఫ్లు ఇన్వెస్టర్లను విశేషంగా ఆకర్షించాయి.అసోసియేషన్ ఆఫ్ మ్యూచువల్ ఫండ్స్ ఇన్ ఇండియా (AMFI) విడుదల చేసిన గణాంకాల ప్రకారం.. జనవరి నుంచి అక్టోబర్ 2026 వరకు గోల్డ్ ఈటీఎఫ్లలోకి నికరంగా రూ.49,399 కోట్ల పెట్టుబడులు వచ్చాయి. 2025 పూర్తి సంవత్సరంలో వచ్చిన రూ.42,961 కోట్లతో పోలిస్తే ఇది రూ.6,438 కోట్లు అధికం. అంటే గతేడాది కంటే ఇప్పటికే 15 శాతం ఎక్కువ పెట్టుబడులు నమోదయ్యాయి.జనవరిలోనే దాదాపు సగం పెట్టుబడులునెలవారీ గణాంకాలను పరిశీలిస్తే.. 2026 జనవరిలో గోల్డ్ ఈటీఎఫ్లు ఏకంగా రూ.24,040 కోట్ల పెట్టుబడులను ఆకర్షించాయి. తొలి పది నెలల్లో వచ్చిన మొత్తం పెట్టుబడుల్లో దాదాపు 49 శాతం ఒక్క జనవరిలోనే రావడం విశేషం. ఫిబ్రవరిలో రూ.5,255 కోట్లు, సెప్టెంబర్లో రూ.4,451 కోట్ల నికర పెట్టుబడులు వచ్చాయి.అయితే అక్టోబర్లో మాత్రం పెట్టుబడుల వేగం తగ్గింది. ఆ నెలలో రూ.3,474 కోట్ల నికర పెట్టుబడులు మాత్రమే నమోదయ్యాయి. సెప్టెంబర్తో పోలిస్తే ఇది దాదాపు 22 శాతం తక్కువ. అక్టోబర్లో దేశీయ మార్కెట్లో బంగారం ధరలు సుమారు 7 శాతం తగ్గడం, కొన్ని మ్యూచువల్ ఫండ్ సంస్థలు కొత్త పెట్టుబడుల స్వీకరణపై ఆంక్షలు విధించడం ఇందుకు కారణాలుగా నిలిచాయి.బంగారంతో పాటు వెండిపైనా ఆసక్తిఅక్టోబర్లో బంగారం ఈటీఎఫ్లలో పెట్టుబడులు తగ్గినప్పటికీ వెండి ఈటీఎఫ్లలో మాత్రం పెరిగాయి. సెప్టెంబర్లో రూ.1,974 కోట్లుగా ఉన్న వెండి ఈటీఎఫ్ల నికర పెట్టుబడులు అక్టోబర్లో రూ.3,092 కోట్లకు చేరాయి. అంటే నెలవారీగా 56.6 శాతం వృద్ధి నమోదైంది. ఈ రెండు విలువైన లోహాల ఈటీఎఫ్లు కలిపి అక్టోబర్లో రూ.6,566 కోట్ల పెట్టుబడులను ఆకర్షించాయి.ఎందుకీ ఆసక్తి?ప్రపంచవ్యాప్తంగా భౌగోళిక రాజకీయ ఉద్రిక్తతలు, ఆర్థిక అనిశ్చితులు, వడ్డీ రేట్లపై అంచనాలు బంగారానికి డిమాండ్ను పెంచుతున్నాయి. పోర్ట్ఫోలియోలో పెట్టుబడులను విభజించుకోవడంతో పాటు, మార్కెట్ ఒడిదొడుకుల సమయంలో రక్షణాత్మక పెట్టుబడిగా బంగారాన్ని ఇన్వెస్టర్లు పరిగణిస్తున్నారు. అయితే ఈటీఎఫ్లలోకి భారీగా పెట్టుబడులు వస్తున్నాయంటే బంగారం ధరలు నిరంతరం పెరుగుతాయని భావించకూడదు. గోల్డ్ ఈటీఎఫ్ల రాబడులు దేశీయ బంగారం ధరల కదలికలపై ఆధారపడి ఉంటాయి. ధరలు తగ్గితే పెట్టుబడుల విలువ కూడా పడిపోవచ్చు.దేశంలోని ప్రధాన నగరాల్లో నేటి బంగారం, వెండి ధరలు ఈ కింద చూడొచ్చు.. -
స్టాక్ మార్కెట్కు భారీ లాభాలు.. రయ్మన్న బ్యాంక్ షేర్లు
దేశీయ స్టాక్ మార్కెట్లు బుధవారం భారీ లాభాల్లో ముగిశాయి. ఉదయం భారీగా ఎగిసిన బెంచ్ మార్క్ సూచీలు తర్వాత ఇంధన ధరల తగ్గుదల, విదేశీ నిధుల అవుట్ ఫ్లోల తిరోగమనం నేపథ్యంలో లాభాలను కాస్త తగ్గించాయి. సెన్సెక్స్ 772.75 పాయింట్లు లేదా 0.95 శాతం పెరిగి 81,879.40 వద్ద, నిఫ్టీ 210.40 పాయింట్లు లేదా 0.84 శాతం పెరిగి 25,255.05 వద్ద ముగిసింది.నిఫ్టీ 50లో మహీంద్రా అండ్ మహీంద్రా, ఇంటర్ గ్లోబ్ ఏవియేషన్, ట్రెంట్ టాప్ గెయినర్లుగా నిలిచాయి. విస్తృత మార్కెట్లలో నిఫ్టీ మిడ్ క్యాప్ 100, నిఫ్టీ స్మాల్ క్యాప్ 100 వరుసగా 0.81 శాతం, 1.59 శాతం పెరిగాయి. రంగాల వారీగా చూస్తే నిఫ్టీ పీఎస్యూ బ్యాంక్ దాదాపు 3 శాతం లాభపడింది. నిఫ్టీ బ్యాంక్, నిఫ్టీ ప్రైవేట్ బ్యాంక్, నిఫ్టీ ఆటో కూడా మెరుగైన పనితీరు కనబరిచాయి. ఇదిలా ఉండగా నిఫ్టీ ఐటీ, నిఫ్టీ హెల్త్ కేర్ మాత్రం బలహీన పనితీరు కనబరిచాయి. -
ఐపీవోకు ‘హిందుస్తాన్ కోకకోలా’.. 99.75 కోట్ల షేర్ల ఆఫర్
న్యూఢిల్లీ: గ్లోబల్ పానీయాల దిగ్గజం కోకకోలా కంపెనీ దేశీ బాట్లింగ్ బిజినెస్ హిందుస్తాన్ కోకకోలా హోల్డింగ్స్(హెచ్సీసీహెచ్) పబ్లిక్ ఇష్యూ బాట పట్టింది. ఇందుకు అనుగుణంగా క్యాపిటల్ మా ర్కెట్ల నియంత్రణ సంస్థ సెబీకి ముసాయిదా ప్రాస్పెక్టస్ దాఖలు చేసింది.ఐపీవోలో భాగంగా విదేశీ ప్రమోటర్ కంపెనీ హిందుస్తాన్ కోకకోలా ఓవర్సీస్ హోల్డింగ్స్ పీటీఈ 99.75 కోట్ల ఈక్విటీ షేర్ల ను ఆఫర్ చేయనుంది. వెరసి ఐపీవో నిధులు ప్రమోటర్లకు చేరనున్నాయి. దేశీ బాట్లింగ్ విభాగం హిందుస్తాన్ కోకకోలా బెవరేజెస్(హెచ్సీసీబీ)ను త్వరలో లిస్ట్ చేయనున్నట్లు మాతృ సంస్థ హెచ్సీసీహెచ్ ఈ ఏడాది జూన్లో ప్రకటించిన సంగతి తెలిసిందే. అతిపెద్ద కంపెనీగా.. ఆదాయంరీత్యా 2025–26లో నాన్ఆల్కహాలిక్ రెడీ టు డ్రింక్ పానీయాల విభాగంలో హెచ్సీసీహెచ్ దేశీయంగా అతిపెద్ద కంపెనీగా నిలిచినట్లు టీకేసీ నివేదిక పేర్కొంది. దేశీ కోకకోలా వ్యవస్థలో అతిపెద్ద బాట్లర్గానూ కార్యకలాపాలు నిర్వహిస్తున్నట్లు తెలియజేసింది. కంపెనీ కోక కోలాకు చెందిన విభిన్న పానీయాల ప్యాకేజింగ్, పంపిణీ, విక్రయాలను చేపడుతోంది. కోకకోలా ఓవర్సీస్ ద్వారా హెచ్సీసీహెచ్లో విదేశీ మాతృ సంస్థ కోకకోలా కంపెనీ 60 శాతం వాటాను కలిగి ఉంది. -
బిగ్ రిలీఫ్: దిగొచ్చిన బంగారం ధరలు!
ఇటీవల కాలంలో స్థిర ఆదాయం సమకూర్చే కమోడిటీ మార్కెట్లపైపు పెట్టుబడిదారులు మొగ్గు చూపుతున్నారు. అందులో భాగంగా బంగారం ధరల్లో మార్పులు వస్తున్నాయని నిపుణులు చెబుతున్నారు. గత కొన్ని రోజులుగా బంగారం ధరలు(Today Gold Rate) ఒడిదొడుకులకు లోనవుతున్నాయి. దేశంలోని ప్రధాన నగరాల్లో నేడు బంగారం, వెండి ధరలు(Today Silver Rate) ఎలా ఉన్నాయో కింద తెలుసుకుందాం. -
1220 పాయింట్లు పెరిగిన సెన్సెక్స్
దేశీయ స్టాక్ మార్కెట్ సూచీలు బుధవారం లాభాల్లో కదలాడుతున్నాయి. ఈరోజు ఉదయం 09:22 సమయానికి నిఫ్టీ(Nifty) 328 పాయింట్లు పెరిగి 25,371 వద్దకు చేరింది. సెన్సెక్స్(Sensex) 1224 పాయింట్లు పుంజుకొని 82,324 వద్ద ట్రేడవుతోంది.అమెరికా డాలర్ ఇండెక్స్(USD Index) 102.22బ్రెంట్ క్రూడ్ఆయిల్ బ్యారెల్ ధర 92.52 డాలర్లుయూఎస్ 10 ఏళ్ల బాండ్ ఈల్డ్లు 5 శాతానికి చేరాయి.గడిచిన సెషన్లో యూఎస్ ఎస్ అండ్ పీ 0.38 శాతం తగ్గింది.నాస్డాక్ 0.74 శాతం దిగజారింది.Today Nifty position 11-11-2026(time: 09:22 am)(Disclaimer: మార్కెట్ గురించి సాక్షి వెబ్ సైట్లో నిపుణులు వెల్లడించే అభిప్రాయాలు వారి పరిశీలన, అంచనాలను బట్టి ఉంటాయి. ఇన్వెస్టర్లకు ఇది కేవలం విషయ అవగాహన మాత్రమే తప్ప.. వారు పెట్టే పెట్టుబడులకు సాక్షి మీడియా గ్రూపు ఎలాంటి హామీ ఇవ్వదు.) -
బంగారం ధరల్లో మార్పు.. నేటి ధరలు ఇలా..
భారీగా పెరిగిన బంగారం ధరలకు ఒక్కసారిగా బ్రేక్ పడింది. దీపావళి సందర్భంగా అమాంతం పెరిగిన గోల్డ్ రేటు.. పండుగ ముగియగానే తగ్గుముఖం పట్టింది. దీంతో పసిడి ధర గరిష్టంగా రూ.490 తగ్గింది. దీంతో దేశంలోని ప్రధాన నగరాల్లోని బంగారం ధరల్లో గణనీయమైన మార్పు కనిపించింది. ఇక్కడ హైదరాబాద్, విజయవాడ, బెంగళూరు, చెన్నై, ఢిల్లీలలో పసిడి ధరలు ఎలా ఉన్నాయో చూడవచ్చు. -
అందుకే.. బంగారం ధరలు పెరుగుతున్నాయ్!
అంతర్జాతీయ మార్కెట్లో బంగారం ధరలు మళ్లీ పెరిగాయి. సోమవారం ఒక్కరోజే పసిడి ధర 1 శాతానికి పైగా ఎగబాకింది. దీంతో ఔన్సు ధర 4,107.01 డాలర్లకు చేరుకుంది. అటు అమెరికా గోల్డ్ ఫ్యూచర్స్ ధర కూడా 1 శాతం పెరిగి 4,114.50 డాలర్ల వద్ద ముగిసింది.బంగారం ధరలు పెరగడానికి ప్రధాన కారణం డాలర్ బలహీనపడటమే. నిజానికి డాలర్ విలువ తగ్గితే.. ఇతర దేశాల వారికి బంగారం కొనుగోలు చేయడం కొంత చౌకగా మారుతుంది. దీంతో పసిడికి డిమాండ్ పెరుగుతుంది. మరోవైపు ముడి చమురు ధరలు కూడా భారీగా తగ్గాయి. దీంతో ద్రవ్యోల్బణం పెరుగుతుందనే భయాలు కొంత తగ్గాయి. చమురు ధరలు తగ్గితే.. రవాణా, ఉత్పత్తి ఖర్చులపై ఒత్తిడి తగ్గుతుంది. దీనివల్ల కేంద్ర బ్యాంకులు వడ్డీ రేట్ల విషయంలో కాస్త వెసులుబాటు కల్పించే అవకాశం ఉంటుందని మార్కెట్ నిపుణులు భావిస్తున్నారు. ఈ అంచనాలు కూడా.. బంగారం ధరల పెరుగుదలకు కారమయ్యాయి.అమెరికా, ఇరాన్ ఉద్రిక్తతలుఇక అమెరికా, ఇరాన్ మధ్య ఉద్రిక్తతలు కూడా.. గోల్డ్ మార్కెట్పై ప్రభావం చూపుతున్నాయి. ఇరాన్పై మళ్లీ దాడులు జరిగే అవకాశాలు తక్కువగా ఉన్నాయని అమెరికా అధ్యక్షుడు డొనాల్డ్ ట్రంప్ వ్యాఖ్యానించడంతో చమురు ధరలు తగ్గాయి. అయితే.. హార్ముజ్ జలసంధి సమీపంలో నౌకలపై దాడులు జరగడంతో చమురు సరఫరాపై ఆందోళనలు మాత్రం కొనసాగుతున్నాయి.సాధారణంగా యుద్ధాలు, అంతర్జాతీయ ఉద్రిక్తతలు పెరిగినప్పుడు పెట్టుబడిదారులు సురక్షితమైన పెట్టుబడిగా భావించే బంగారం వైపు మొగ్గు చూపుతారు. అయితే వడ్డీ రేట్లు ఎక్కువగా ఉన్నప్పుడు బంగారంపై పెట్టుబడుల ఆకర్షణ తగ్గుతుంది. ఎందుకంటే బంగారం ఎలాంటి వడ్డీ ఆదాయాన్ని ఇవ్వదు.ఫెడరల్ రిజర్వ్ వడ్డీ రేట్లుమరోవైపు అమెరికా ఫెడరల్ రిజర్వ్ వడ్డీ రేట్ల నిర్ణయంపై కూడా మార్కెట్లు ఆసక్తిగా ఎదురుచూస్తున్నాయి. గత వారం అమెరికా మధ్యంతర ఎన్నికల ఫలితాల తర్వాత ఇరాన్ యుద్ధం ముగిసే అవకాశాలపై ఆశలు పెరగడంతో బంగారం ధరలు సుమారు 5 శాతం పెరిగాయి. అయితే శుక్రవారం విడుదలైన అమెరికా ఉద్యోగ గణాంకాలు అంచనాల కంటే మెరుగ్గా ఉండటంతో ఫెడ్ వడ్డీ రేట్లను ఇప్పట్లో తగ్గించకపోవచ్చనే అభిప్రాయాలు వ్యక్తమయ్యాయి. ప్రస్తుతం డిసెంబర్లో వడ్డీ రేట్ల పెంపునకు 82.2 శాతం అవకాశం ఉందని సీఎమ్ఈ ఫెడ్వాచ్ గణాంకాలు సూచిస్తున్నాయి.చైనా భారీ కొనుగోలుఇదిలా ఉంటే.. చైనా కేంద్ర బ్యాంకు భారీగా బంగారం కొనుగోలు చేస్తోంది. అక్టోబర్ నెలలో ఏకంగా 25.8 టన్నుల బంగారాన్ని తన నిల్వలకు యాడ్ చేసింది. చైనా గత మూడేళ్లలో.. కేవలం ఒక్క నెలలోనే భారీ మొత్తంలో కొనుగోలు ఇదే తొలిసారి కావడం విశేషం. దీంతో అంతర్జాతీయ మార్కెట్లో పసిడికి డిమాండ్ మరింత పెరిగే అవకాశం ఉందనే అంచనాలు ఉన్నాయి. ఇక వెండి ధర కూడా 1.8 శాతం పెరిగి ఔన్సుకు 52.78 డాలర్లకు చేరుకుంది. ప్లాటినం 1.8 శాతం, పల్లాడియం 0.3 శాతం పెరిగాయి.ఇదీ చదవండి: ఎన్విడియా సీఈఓ వివాదం.. ఎవరీ అలిస్ హువాంగ్? -
బ్యాంకులు, ఫైనాన్స్ షేర్లకు డిమాండ్!
ఆరంభ నష్టాలు భర్తీ చేసుకున్న స్టాక్ మార్కెట్ సోమవారం స్వల్ప లాభాలతో గట్టెక్కింది. సెన్సెక్స్ 107 పాయింట్లు పెరిగి 81,107 వద్ద నిలిచింది. నిఫ్టీ 58 పాయింట్లు బలపడి 25,045 వద్ద స్థిరపడింది. ముడి చమురు ధరలు దిద్దుబాటు, బ్యాంకులు, ఫైనాన్స్ షేర్లు రాణించడం కలిసొచ్చాయి. ఇంట్రాడేలో 820 పాయింట్ల పరిధిలో ట్రేడైన సెన్సెక్స్ 80,519 వద్ద కనిష్టాన్ని, 81,339 వద్ద గరిష్టాన్ని నమోదు చేసింది. నిఫ్టీ 24,839-25,084 శ్రేణిలో కదలాడింది. అంతర్జాతీయ మార్కెట్లు లాభాల్లో ట్రేడవుతున్నాయి. బ్రెంట్ క్రూడ్ ధర 5% పతనమై 93.66 డాలర్ల వద్ద ట్రేడవుతోంది.ఐటీ, మెటల్ షేర్లలో లాభాల స్వీకరణ కొనసాగింది. టెలికమ్యూనికేషన్, ఎఫ్ఎంసీజీ షేర్లు అమ్మకాల ఒత్తిడికి లోనయ్యాయి. రంగాల వారీగా బీఎస్ఈలో ఇండెక్సుల్లో పీఎస్యూ బ్యాంక్ 3.76%, ప్రైవేట్ బ్యాంక్స్ 1.14% లాభపడ్డాయి.దీపావళి బలిప్రతిపద సందర్భంగా నేడు (మంగళవారం) ఈక్విటీ, ఎఫ్అండ్ఓ, కరెన్సీ మార్కెట్లకు సెలవు.తొమ్మిదేళ్ల తర్వాత ముహూరత్ ట్రేడింగ్లో నష్టాలుదీపావళి సందర్భంగా ఆదివారం జరిగిన ముహూరత్ ట్రేడింగ్లో స్టాక్ సూచీలు నష్టాలతో ముగిశాయి. సెన్సెక్స్ 29 పాయింట్లు నష్టపోయి 80,999 వద్ద స్థిరపడింది. నిఫ్టీ 44 పాయింట్లు కోల్పోయి 24,986 వద్ద నిలిచింది. తొమ్మిదేళ్ల (2017) తర్వాత ముహూరత్ ట్రేడింగ్లో సూచీలు నష్టపోవడం ఇదే తొలిసారి. కొత్త సంవత్ ‘2083’కి స్వాగతం పలుకుతూ గంటపాటు ప్రత్యేక ట్రేడింగ్ జరిగింది. -
సీఈవో చిలిపి ప్రతాపం! రూ.25 లక్షల కోట్ల నష్టం!!
ప్రపంచ ప్రముఖ చిప్ తయారీ సంస్థ ఎన్విడియాను వివాదం చుట్టుముట్టింది. సంస్థ సీఈవో జెన్సన్ హువాంగ్ చైనా గూఢచర్య ప్రయత్నానికి లక్ష్యంగా మారారా? అన్న అనుమానాలపై కంపెనీ డైరెక్టర్ల బోర్డు స్వతంత్ర దర్యాప్తునకు ఆదేశించింది. ఈ పరిణామాలతో సోమవారం అమెరికా మార్కెట్లో ఎన్విడియా షేర్లు భారీగా పడిపోయాయి. ప్రీ-మార్కెట్ ట్రేడింగ్లో సుమారు 5 శాతం క్షీణించగా, ట్రేడింగ్ ప్రారంభంలోనూ అమ్మకాల ఒత్తిడి కనిపించింది. ప్రారంభ గంట మోగిన వెంటనే కంపెనీ షేర్లు దాదాపు 7.5% పడిపోయాయి. గత ముగింపుతో పోల్చుకుంటే ఒక్కో షేరు విలువ 186.64 డాలర్ల నుంచి 172.75 డాలర్లకు పడిపోయింది. దీంతో మొత్తంగా ఎన్విడియా మార్కెట్ విలువలో 335 బిలియన్ డాలర్లు (రూ.25 లక్షల కోట్లకు పైగా) తుడిచిపెట్టుకుపోయాయి. కంపెనీ విలువను 4.5 ట్రిలియన్ డాలర్ల నుంచి 4.16 ట్రిలియన్ డాలర్లకు పడిపోయింది.అసలేం జరిగింది?అమెరికా మీడియా కథనాల ప్రకారం.. సింగపూర్కు చెందిన మెగాస్పీడ్ సంస్థలో గతంలో పనిచేసిన ఆలిస్ హువాంగ్తో జెన్సన్ హువాంగ్కు సన్నిహిత సంబంధం ఉన్నట్లు ఆరోపణలు వచ్చాయి. ఆమె చైనా కోసం సమాచారాన్ని సేకరించినట్లు అమెరికా నిఘా వర్గాలు అనుమానిస్తున్నాయన్నది ఈ కథనాల సారాంశం. మరోవైపు, తన భార్యకు నమ్మకద్రోహం చేసినట్లు జెన్సన్ హువాంగ్ ఉద్యోగులకు పంపిన సందేశంలో అంగీకరించి క్షమాపణలు చెప్పినట్లు వార్తలు వెల్లడించాయి.ఈ నేపథ్యంలో ఎన్విడియా బోర్డు స్వతంత్ర డైరెక్టర్లు, బయటి న్యాయ సలహాదారుల పర్యవేక్షణలో దర్యాప్తు చేపట్టనుంది. అయితే కంపెనీ రహస్యాలు లేదా జాతీయ భద్రతకు సంబంధించిన సమాచారం లీక్ అయినట్లు ప్రస్తుతం ఎలాంటి ఆధారాలు లేవని బోర్డు పేర్కొంది. దర్యాప్తు జరుగుతున్నప్పటికీ సీఈవోగా హువాంగ్ కొనసాగుతారని సంస్థ స్పష్టం చేసింది. -
బ్యాంక్ షేర్ల మెరుపులు.. ఎట్టకేలకు ఇలా ముగిసింది..
దేశీయ స్టాక్ మార్కెట్లు సోమవారం స్వల్ప లాభాలతో ముగిశాయి. పీఎస్యూ బ్యాంక్, ఫార్మా షేర్లు పురోగమించడంతో బెంచ్ మార్క్ సూచీలు అస్థిర ట్రేడ్ సెషన్ ను సానుకూల నోట్తో ముగించాయి. సెన్సెక్స్ 107.25 పాయింట్లు లేదా 0.13 శాతం పెరిగి 81,106.65 వద్ద, నిఫ్టీ 58.25 పాయింట్లు లేదా 0.23 శాతం పెరిగి 25,044.65 వద్ద స్థిరపడ్డాయి.స్టేట్ బ్యాంక్ ఆఫ్ ఇండియా (ఎస్బీఐ), ట్రెంట్, నెస్లే ఇండియా నిఫ్టీ 50లో టాప్ లాభాలు పొందాయి. విస్తృత మార్కెట్లో నిఫ్టీ మిడ్ క్యాప్ 100, నిఫ్టీ స్మాల్ క్యాప్ 100 వరుసగా 0.55 శాతం, 0.1 శాతం పెరిగాయి. రంగాల వారీగా, నిఫ్టీ పీఎస్యూ బ్యాంక్ 3శాతానికి పైగా పెరిగి సహచరులను అధిగమించింది. నిఫ్టీ బ్యాంక్, నిఫ్టీ ఫార్మా, నిఫ్టీ హెల్త్ కేర్ కూడా మెరుగైన పనితీరు కనబరిచాయి. నిఫ్టీ ఐటీ మాత్రం అత్యంత క్షీణించింది. -
రేపు స్టాక్ మార్కెట్లకు సెలవు.. కారణం ఇదే!
స్టాక్ మార్కెట్లో ట్రేడింగ్ చేసే వారికి ముఖ్యమైన అప్డేట్. బలిపాడ్యమి (బలిప్రతిపద) పండుగ సందర్భంగా రేపు (నవంబర్ 10) దేశీయ స్టాక్ మార్కెట్లకు సెలవు ప్రకటించారు. దీంతో.. బాంబే స్టాక్ ఎక్స్ఛేంజ్ (BSE), నేషనల్ స్టాక్ ఎక్స్ఛేంజ్ (NSE)లో ఎలాంటి ట్రేడింగ్ జరగదు. షేర్ల కొనుగోళ్లు, అమ్మకాలతో పాటు డెరివేటివ్స్, కరెన్సీ, కమోడిటీ మార్కెట్లు కూడా మూసివేయనున్నారు. కాబట్టి రోజూ ట్రేడింగ్ చేసే ఇన్వెస్టర్లు ఈ విషయాన్ని తప్పకుండా గుర్తుంచుకోవాలి.బలిపాడ్యమి పండుగను.. మహాబలి చక్రవర్తి జ్ఞాపకార్థం జరుపుకుంటారు. పురాణాల ప్రకారం.. మహాబలి చక్రవర్తి తన ప్రజలను చూడటానికి తిరిగి భూమికి వచ్చే రోజుగా ఈ పండుగను భావిస్తారు. ఈ సందర్భంగా దేశంలోని పలు ప్రాంతాల్లో ప్రత్యేక పూజలు, వేడుకలు నిర్వహిస్తారు. అందుకే స్టాక్ మార్కెట్లు కూడా ఈ రోజున సెలవు ప్రకటించాయి.రేపు కేవలం షేర్ మార్కెట్ మాత్రమే కాకుండా.. డెరివేటివ్స్, కరెన్సీ ట్రేడింగ్, సెక్యూరిటీస్ లెండింగ్ అండ్ బారోయింగ్, కమోడిటీస్ మార్కెట్, ఎలక్ట్రానిక్ గోల్డ్ రిసిప్ట్స్ వంటి అన్ని ప్రధాన విభాగాల్లోనూ ట్రేడింగ్ నిలిచిపోతుంది. దీంతో.. ఇన్వెస్టర్లు రేపు ఎలాంటి కొనుగోళ్లు, అమ్మకాలు చేయలేరు.ఇప్పటికే ఏవైనా ట్రేడింగ్ ప్లాన్లు వేసుకున్నవారు సెలవును దృష్టిలో పెట్టుకుని ముందుగానే నిర్ణయాలు తీసుకోవడం మంచిది. ఇక స్టాక్ మార్కెట్లతో పాటు పలు రాష్ట్రాల్లో ప్రభుత్వ కార్యాలయాలు, విద్యాసంస్థలు, బ్యాంకులకు, ఇతర వ్యాపార సంస్థలకు కూడా బలిప్రతిపద సందర్భంగా సెలవు ఉండే అవకాశం ఉంటుంది. అయితే ఈ సెలవు ప్రాంతాలను బట్టి మారుతుంది.ఇదీ చదవండి: రాకెట్లా దూసుకెళ్లిన బంగారం రేటు: నేటి ధరలు ఇలా.. -
రాకెట్లా దూసుకెళ్లిన బంగారం రేటు: నేటి ధరలు ఇలా..
బంగారం ధరలు దీపావళి రాకెట్ మాదిరిగా దూసుకెళ్లి.. కొనుగోలుదారులకు షాక్ ఇచ్చాయి. వెండి ధరల్లో మాత్రం ఎలాంటి మార్పు కనిపించలేదు. ఆదివారం స్థిరంగా ఉన్న పసిడి రేట్లు.. సోమవారం ఒక్కసారిగా పెరిగాయి. పండుగ సందర్భంగా గోల్డ్ కొనుగోలు చేయాలని భావించిన వారికి ఈ పెరుగుదల కొంత నిరాశ కలిగిస్తోంది. ఇప్పటికే పెళ్లిళ్లు, పండుగల సీజన్ కావడంతో బంగారానికి డిమాండ్ పెరుగుతున్న వేళ.. ధరలు కూడా పైపైకి దూసుకెళ్లడం కొనుగోలుదారులకు భారంగా మారింది. హైదరాబాద్, విజయవాడ, చెన్నై, ముంబై, బెంగళూరు, ఢిల్లీలలో నేటి బంగారం ధరలు ఎలా ఉన్నాయో కింద చూడండి. -
నష్టాల్లో మార్కెట్ సూచీలు
దేశీయ స్టాక్ మార్కెట్ సూచీలు సోమవారం నష్టాల్లో కదలాడుతున్నాయి. ఈరోజు ఉదయం 09:45 సమయానికి నిఫ్టీ(Nifty) 71 పాయింట్లు నష్టపోయి 24,917 వద్దకు చేరింది. సెన్సెక్స్(Sensex) 206 పాయింట్లు దిగజారి 80,783 వద్ద ట్రేడవుతోంది.అమెరికా డాలర్ ఇండెక్స్(USD Index) 101.69బ్రెంట్ క్రూడ్ఆయిల్ బ్యారెల్ ధర 102.17 డాలర్లుయూఎస్ 10 ఏళ్ల బాండ్ ఈల్డ్లు 4.88 శాతానికి చేరాయి.గడిచిన సెషన్లో యూఎస్ ఎస్ అండ్ పీ 0.31 శాతం పెరిగింది.నాస్డాక్ 1.09 శాతం పుంజుకుంది.Today Nifty position 09-11-2026(time: 09:45 am)(Disclaimer: మార్కెట్ గురించి సాక్షి వెబ్ సైట్లో నిపుణులు వెల్లడించే అభిప్రాయాలు వారి పరిశీలన, అంచనాలను బట్టి ఉంటాయి. ఇన్వెస్టర్లకు ఇది కేవలం విషయ అవగాహన మాత్రమే తప్ప.. వారు పెట్టే పెట్టుబడులకు సాక్షి మీడియా గ్రూపు ఎలాంటి హామీ ఇవ్వదు.) -
స్టాక్మార్కెట్ ‘స్పెషల్ ట్రేడింగ్’లో వింత! తొమ్మిదేళ్లలో తొలిసారి
దీపావళి సందర్భంగా నిర్వహించిన ప్రత్యేక ముహూర్త్ ట్రేడింగ్ సెషన్లో భారత స్టాక్ మార్కెట్లు నష్టాలతో ముగిశాయి. ప్రారంభంలో లాభాలతో సందడి చేసిన సూచీలు చివరకు అమ్మకాల ఒత్తిడికి లోనై ఎరుపు రంగులోకి జారుకున్నాయి. దీంతో 2017 తర్వాత మళ్లీ తొలిసారిగా ముహూర్త్ ట్రేడింగ్లో బెంచ్మార్క్ సూచీలు నష్టాలను నమోదు చేశాయి. 2018 నుంచి 2025 వరకు కొనసాగిన వరుస ఎనిమిది సానుకూల ముగింపులకు బ్రేక్ పడింది.ఆదివారం (నవంబర్ 8) జరిగిన ఈ ప్రత్యేక సెషన్ సంవత్ 2083 ప్రారంభానికి గుర్తుగా నిర్వహించారు. ట్రేడింగ్ ముగిసే సమయానికి బీఎస్ఈ సెన్సెక్స్ 28.62 పాయింట్లు (0.04 శాతం) నష్టపోయి 80,999.40 వద్ద స్థిరపడింది. ఎన్ఎస్ఈ నిఫ్టీ 43.95 పాయింట్లు (0.18 శాతం) తగ్గి 24,986.40 వద్ద ముగిసింది. ఇంట్రాడేలో 25,131.85 స్థాయిని తాకిన నిఫ్టీ చివరకు 25 వేల దిగువకు పడిపోయింది.అయితే, విస్తృత మార్కెట్లలో మాత్రం కొనుగోళ్ల జోరు కనిపించింది. బీఎస్ఈ మిడ్క్యాప్ సూచీ 0.35 శాతం, స్మాల్క్యాప్ సూచీ 1.33 శాతం లాభపడ్డాయి. ఫార్మా, హెల్త్కేర్ షేర్లలో కొనుగోళ్లు జరగ్గా, బ్యాంకింగ్, రియల్టీ రంగాల షేర్లలో అమ్మకాల ఒత్తిడి కనిపించింది.ముహూర్త్ ట్రేడింగ్లో 2017 అక్టోబర్ 19న సెన్సెక్స్ 0.60 శాతం, నిఫ్టీ 0.63 శాతం నష్టపోయాయి. ఆ తర్వాత 2018 నుంచి 2025 వరకు ప్రతి ఏడాది ఈ రెండు సూచీలు లాభాలతోనే ముగిశాయి. 2022లో అత్యధికంగా సుమారు 0.88 శాతం చొప్పున పెరిగాయి. గత ఏడాది (2025) కూడా సెన్సెక్స్ 0.07 శాతం, నిఫ్టీ 0.10 శాతం లాభపడ్డాయి. ఈసారి మాత్రం ఆ సానుకూల ధోరణికి తెరపడింది.కాగా, ముహూర్త్ ట్రేడింగ్ అనేది దీపావళి లక్ష్మీపూజ సందర్భంగా స్టాక్ ఎక్స్ఛేంజీలు నిర్వహించే ప్రత్యేక స్వల్పకాలిక ట్రేడింగ్ సెషన్. కొత్త హిందూ ఆర్థిక సంవత్సరం ప్రారంభంలో శుభప్రదంగా పెట్టుబడులు పెట్టాలనే సంప్రదాయంతో ఇన్వెస్టర్లు ఇందులో పాల్గొంటారు. అయితే, ఇతర ట్రేడింగ్ సెషన్ల మాదిరిగానే అంతర్జాతీయ పరిణామాలు, మార్కెట్ సెంటిమెంట్, కొనుగోళ్లు, అమ్మకాలే సూచీల కదలికలను నిర్ణయిస్తాయి. -
బంగారం, వెండి ధరల్లో మళ్లీ కలవరం.. వచ్చే వారం కీలక పరీక్ష!
బంగారం, వెండి ధరలు గత వారం భారీగా కోలుకున్నప్పటికీ.. రానున్న రోజుల్లో మళ్లీ ఒడిదుడుకులు ఎదుర్కొనే అవకాశం ఉందని మార్కెట్ నిపుణులు అంచనా వేస్తున్నారు. అమెరికా ద్రవ్యోల్బణ గణాంకాలు, ఫెడరల్ రిజర్వ్ (ఫెడ్) అధికారుల వ్యాఖ్యలు, అమెరికా-ఇరాన్ మధ్య ఉద్రిక్తతలు బంగారం, వెండి ధరల దిశను నిర్ణయించనున్నాయి.అంతర్జాతీయ మార్కెట్లో భారీ రికవరీగత వారం కామెక్స్లో డిసెంబర్ డెలివరీ బంగారం ఫ్యూచర్స్ ఔన్స్కు 176 డాలర్లు (4.5 శాతం) పెరిగి 4,074.90 డాలర్ల వద్ద ముగిశాయి. వెండి ధర కూడా 2.60 డాలర్లు (5.4 శాతం) ఎగబాకి 51.94 డాలర్లకు చేరింది. దేశీయంగా ఎంసీఎక్స్లో డిసెంబర్ గోల్డ్ ఫ్యూచర్స్ 10 గ్రాములకు రూ.3,682 (దాదాపు 3 శాతం) పెరిగి రూ.1.42 లక్షల వద్ద స్థిరపడ్డాయి. కిలో వెండి ధర రూ.5,655 (3.15 శాతం) పెరిగి రూ.1.84 లక్షలకు చేరింది. అయితే, శుక్రవారం అమెరికా ఉపాధి గణాంకాలు అంచనాలను మించడంతో డాలర్, బాండ్ ఈల్డ్స్ బలపడి బంగారం, వెండి ధరల పెరుగుదలకు కొంత అడ్డుకట్ట పడింది.అమెరికా ద్రవ్యోల్బణ గణాంకాలపై దృష్టినవంబర్ 10న అమెరికా అక్టోబర్ నెల వినియోగదారుల ధరల సూచీ (సీపీఐ) గణాంకాలు విడుదల కానున్నాయి. అదే విధంగా నవంబర్ 12న భారత్ అక్టోబర్ రిటైల్ ద్రవ్యోల్బణ గణాంకాలు వెలువడనున్నాయి. చైనా, జర్మనీ, జపాన్ దేశాల ద్రవ్యోల్బణ వివరాలు కూడా మార్కెట్ను ప్రభావితం చేయనున్నాయి. ద్రవ్యోల్బణం పెరిగితే ఫెడ్ వడ్డీ రేట్లను అధిక స్థాయిలో కొనసాగించే అవకాశం ఉంటుంది. ఇది వడ్డీ ఆదాయం ఇవ్వని బంగారం, వెండి వంటి పెట్టుబడులపై ఒత్తిడి పెంచుతుంది. మరోవైపు డాలర్ బలపడినా బంగారం, వెండి కొనుగోళ్లు ఖరీదుగా మారతాయి.ఇరాన్ ఉద్రిక్తతలు.. చమురు ధరల ప్రభావంఅమెరికా-ఇరాన్ మధ్య ఉద్రిక్తతలు కూడా కీలకంగా మారాయి. ఇరాన్లోని కష్మ్ ద్వీపంపై అమెరికా దాడులు జరిగినట్లు అధ్యక్షుడు డొనాల్డ్ ట్రంప్ ధ్రువీకరించడంతో భౌగోళిక రాజకీయ పరిణామాలపై అనిశ్చితి కొనసాగుతోంది. అయితే, ఇరు దేశాల మధ్య చర్చల్లో పురోగతి సంకేతాలు కూడా వెలువడుతున్నాయి. రష్యా-ఉక్రెయిన్ శాంతి చర్చలు, ముడి చమురు ధరల కదలికలను కూడా ఇన్వెస్టర్లు గమనించనున్నారు.జేఎం ఫైనాన్షియల్ సర్వీసెస్ కమోడిటీ అండ్ కరెన్సీ రీసెర్చ్ సీనియర్ వైస్ ప్రెసిడెంట్ ప్రణవ్ మేర్ అభిప్రాయం ప్రకారం.. అంతర్జాతీయ ద్రవ్యోల్బణ గణాంకాలు, ఫెడ్ అధికారుల వ్యాఖ్యలు, భౌగోళిక రాజకీయ పరిణామాలు బులియన్ మార్కెట్కు కీలకం కానున్నాయి.ఇదీ చదవండి: వచ్చే జనవరి 1 నుంచి చెక్కులు చెల్లవా? ఆర్బీఐ క్లారిటీగత వారం వచ్చిన రికవరీతో బంగారం, వెండి మళ్లీ పెరుగుదల బాట పట్టాయని భావించడానికి వీల్లేదని నిపుణుల అంచనా. అమెరికా ఉపాధి, ద్రవ్యోల్బణ గణాంకాలు వడ్డీ రేట్లపై అంచనాలను మార్చే అవకాశం ఉంది. దీంతో డాలర్, బాండ్ ఈల్డ్స్లో వచ్చే మార్పులు బులియన్ మార్కెట్పై ప్రభావం చూపవచ్చు. అందువల్ల వచ్చే వారం బంగారం, వెండి ధరల్లో భారీ హెచ్చుతగ్గులు ఉండే అవకాశం ఉంది.దేశంలోని ప్రధాన నగరాల్లో ప్రస్తుతం బంగారం వెండి ధరలు ఇలా ఉన్నాయి.. -
Stock Market: ముహూరత్ ట్రేడింగ్ ముగిసిందిలా..
దీపావళి సందర్భంగా దేశీయ స్టాక్ మార్కెట్లో ఆదివారం నిర్వహించిన ముహూరత్ ట్రేడింగ్ స్వల్ప నష్టాల్లో ముగిసింది. బ్యాంకులు, ఐటీ షేర్ల ఒత్తిడితో బెంచ్ మార్క్ సూచీలు ప్రతికూలంగా మ్యూట్ నోట్ లో స్థిరపడ్డాయి. సెన్సెక్స్ 28.62 పాయింట్లు లేదా 0.04 శాతం క్షీణించి 80,999.40 వద్ద ముగిసింది. ఈ స్పెషల్ ట్రేడింగ్ సెషన్ లో నిఫ్టీ ఒక దశలో 25,132 వద్ద గరిష్టానికి ఎగబాకింది. చివరికి 43.95 పాయింట్లు లేదా 0.18 శాతం క్షీణించి 24,986.40 వద్ద స్థిరపడిందిసెన్సెక్స్లో సన్ ఫార్మా, టాటా స్టీల్ టాప్ గెయినర్స్గా లాభాలు పొందగా, మహీంద్రా అండ్ మహీంద్రా, ఇంటర్ గ్లోబ్ ఏవియేషన్ టాప్ లూజర్స్ గా నిలిచాయి. విస్తృత మార్కెట్లలో నిఫ్టీ మిడ్ క్యాప్ 100 0.13 శాతం, నిఫ్టీ స్మాల్ క్యాప్ 0.94 శాతం నష్టపోయాయి. రంగాల వారీగా నిఫ్టీ ఫార్మా, నిఫ్టీ హెల్త్ కేర్ అత్యధికంగా లాభపడగా, నిఫ్టీ బ్యాంక్, నిఫ్టీ ప్రైవేట్ బ్యాంక్ అత్యధికంగా క్షీణించాయి.అయినా.. దేశీయ స్టాక్ మార్కెట్లు ప్రత్యేక ట్రేడింగ్కు సిద్ధమయ్యాయి. ప్రతి ఏడాది దీపావళి రోజున నిర్వహించే ముహూరత్ ట్రేడింగ్ను ఈరోజు (నవంబర్ 8) NSE, BSE ఎక్స్ఛేంజీలు నిర్వహించనున్నాయి. హిందూ క్యాలెండర్ ప్రకారం కొత్త ఏడాది విక్రమ సంవత్ 2083 ప్రారంభం కానున్న నేపథ్యంలో ఈ ప్రత్యేక సెషన్ జరగనుంది. -
దీపావళి వేళ.. బంగారం, వెండి ధరలు ఇలా..
ధనత్రయోదశి రోజు భారీగా పతనమైన బంగారం ధరలు.. ఆ తరువాత కొంత పెరుగుదల దిశగా కదిలాయి. అయితే నేడు (ఆదివారం) దీపావళి సందర్భంగా గోల్డ్ రేటు స్థిరంగా నిలిచింది. దీంతో దేశంలోని ప్రధాన నగరాల్లో పసిడి ధరలు నిన్న మాదిరిగానే ఉన్నాయి. ఇది బంగారం కొనుగోలుదారులకు ఒకింత ఊరటను కలిగించిందనే చెప్పాలి. ఏ నగరం బంగారం రేటు ఎక్కువగా ఉంది?, ఎక్కడ తక్కువగా ఉంది?, వెండి ధరల పరిస్థితి ఏమిటి? అనే విషయాలు ఈ కింద చూడవచ్చు. -
దీపావళి వేళ స్టాక్ మార్కెట్ల సందడి.. ట్రేడింగ్ టైమింగ్స్ ఇవే!
దీపావళి పండుగ సందర్భంగా, ఆదివారం అయినా.. దేశీయ స్టాక్ మార్కెట్లు ప్రత్యేక ట్రేడింగ్కు సిద్ధమయ్యాయి. ప్రతి ఏడాది దీపావళి రోజున నిర్వహించే ముహూరత్ ట్రేడింగ్ను ఈరోజు (నవంబర్ 8) NSE, BSE ఎక్స్ఛేంజీలు నిర్వహించనున్నాయి. హిందూ క్యాలెండర్ ప్రకారం కొత్త ఏడాది విక్రమ సంవత్ 2083 ప్రారంభం కానున్న నేపథ్యంలో ఈ ప్రత్యేక సెషన్ జరగనుంది.సాధారణంగా దీపావళి రోజున మార్కెట్లకు సెలవు ఉన్నప్పటికీ.. ముహూరత్ ట్రేడింగ్ కోసం మాత్రం కొద్దిసేపు ప్రత్యేకంగా మార్కెట్లను తెరుస్తారు. ఈ సమయంలో షేర్లు కొనుగోలు చేస్తే కొత్త ఏడాది శుభప్రదంగా ప్రారంభమవుతుందని చాలామంది పెట్టుబడిదారులు నమ్ముతారు.ముహూరత్ ట్రేడింగ్ సమయం➤ఈరోజు మధ్యాహ్నం 2:20 గంటలకు ముహూరత్ ట్రేడింగ్ ప్రారంభమై 3:30 గంటలకు ముగుస్తుంది. ➤2:05 నుంచి 2:15 గంటల వరకు ప్రీ-ఓపెన్ సెషన్ ఉంటుంది.➤2:15 నుంచి 2:17 గంటల మధ్య ఆర్డర్ల మ్యాచింగ్ జరుగుతుంది.➤ఇక బ్లాక్ డీల్ సెషన్ మధ్యాహ్నం 1:50 నుంచి 2:05 గంటల వరకు నిర్వహిస్తారు.➤IPOలు, తిరిగి లిస్ట్ అయిన షేర్ల కోసం ప్రత్యేక ప్రీ-ఓపెన్ సెషన్ కూడా ఉంటుంది.➤ఇలిక్విడ్ షేర్ల కోసం 2:25 నుంచి 3:10 గంటల వరకు కాల్ ఆక్షన్ సెషన్ నిర్వహించనున్నారు.ప్రధాన ట్రేడింగ్ ముగిసిన తర్వాత కూడా.. కొన్ని ప్రక్రియలు కొనసాగుతాయి. మధ్యాహ్నం 3:15 నుంచి 3:20 గంటల మధ్య రిఫరెన్స్ ధరలను లెక్కిస్తారు. 3:20 నుంచి 3:30 గంటల వరకు సీఏఎస్ ఆర్డర్లకు అవకాశం ఉంటుంది. 3:35 గంటలకు ట్రేడ్ మ్యాచింగ్ పూర్తవుతుంది. ఆ తర్వాత 3:50 నుంచి 4 గంటల వరకు పోస్ట్ క్లోజ్ సెషన్ నిర్వహిస్తారు. ట్రేడ్లలో మార్పులు చేసుకోవడానికి చివరి సమయం సాయంత్రం 4:15 గంటలుగా నిర్ణయించారు.ఎన్నో ఏళ్లుగా కొనసాగుతున్న సంప్రదాయంనిజానికి ముహూరత్ ట్రేడింగ్ అనేది భారత స్టాక్ మార్కెట్లలో ఎన్నో ఏళ్లుగా కొనసాగుతున్న సంప్రదాయం. దీపావళి రోజున కొత్త వ్యాపార సంవత్సరం ప్రారంభమవుతుందని భావించి, పెట్టుబడిదారులు ఈ సమయంలో కనీసం ఒక షేరైనా కొనుగోలు చేయడానికి ఆసక్తి చూపిస్తుంటారు. అయితే.. ఈ ట్రేడింగ్లో చేసే పెట్టుబడులు కూడా సాధారణ మార్కెట్ పెట్టుబడుల్లాగే రిస్క్తో కూడుకున్నవే.విక్రమ సంవత్ 2082లో దేశీయ స్టాక్ మార్కెట్ల పనితీరు అంతంత మాత్రంగానే ఉంది. చివరి వారంలో కొంత కోలుకున్నప్పటికీ ఏడాది మొత్తంగా నష్టాలతో ముగిశాయి. నిఫ్టీ సుమారు 4 శాతం పడిపోగా, సెన్సెక్స్ దాదాపు 5 శాతం నష్టపోయింది. అయితే.. మిడ్క్యాప్, స్మాల్క్యాప్, బ్యాంకింగ్ షేర్లు మాత్రం మంచి రాబడులను అందించాయి. రంగాల వారీగా చూస్తే ఫార్మా షేర్లు 24 శాతం, మెటల్ షేర్లు 23 శాతం లాభపడ్డాయి. మరోవైపు FMCG షేర్లు 18 శాతం, ఐటీ షేర్లు 7 శాతం నష్టపోయాయి.ఇదీ చదవండి: జీతం రూ.2 లక్షలు, ఇన్స్టా ద్వారా రూ.2 లక్షలు.. నేను జాబ్ మానేయొచ్చా? -
రెండో అతిపెద్ద స్టాక్ బ్రోకర్గా ‘ఏంజెల్ వన్’
న్యూఢిల్లీ: యాక్టివ్ క్లయింట్ల సంఖ్య పరంగా దేశంలో రెండో అతిపెద్ద స్టాక్ బ్రోకింగ్ సంస్థగా ‘ఏంజెల్ వన్’ అవతరించింది. నేషనల్ స్టాక్ ఎక్స్ఛేంజ్ (ఎన్ఎస్ఈ) అక్టోబర్ ముగింపు గణాంకాల ప్రకారం.. ఏంజెల్ వన్ యాక్టివ్ క్లయింట్ల సంఖ్య ఏకంగా 69.98 లక్షలకు చేరుకుంది.ఎన్ఎస్ఈలో ఉన్న మొత్తం 4.67 కోట్ల మంది యాక్టివ్ ఇన్వెస్టర్లలో ఈ సంస్థ 14.97 శాతం మార్కెట్ వాటాను సొంతం చేసుకుంది. కేవలం అక్టోబర్లోనే కొత్తగా 2.43 లక్షల నికర యాక్టివ్ ఖాతాలు జతకావడం విశేషం. దీనితో కంపెనీ మొత్తం కస్టమర్ల బేస్ వార్షిక ప్రాతిపదికన 17.4% పెరిగి 4.06 కోట్లకు చేరింది. జూలై–సెపె్టంబర్ త్రైమాసికంలో 15 లక్షల మంది చేరడంతో అక్టోబర్లో సంస్థ చారిత్రక 4 కోట్ల మైలురాయిని దాటింది.58% పెరిగిన నికర లాభం క్లయింట్ల సంఖ్యతో పాటు కంపెనీ ఆర్థిక పనితీరూ మెరుగైంది. ట్రేడింగ్ లావాదేవీలు అక్టోబర్లో పుంజుకోవడంతో సగటు రోజువారీ ఆర్డర్లు నెలావారీగా 19.6% పెరిగి 69.7 లక్షలుగా నమోదయ్యాయి. త్రైమాసికంలో కంపెనీ కార్యకలాపాల ఆదాయం 18.7% పెరిగి రూ.1,427 కోట్లకు చేరగా.. నికర లాభం 58.2% ఎగబాకి రూ.335 కోట్లను తాకింది. కంపెనీ నిర్వహణలోని ఆస్తుల విలువ సైతం 19.1% వృద్ధితో రూ.16,000 కోట్లకు చేరుకుంది. -
పసిడి ధరలలో మార్పు.. పండక్కి ముందే కొత్త రేట్లు ఇలా..
ధనత్రయోదశి సందర్భంగా భారీగా తగ్గిన బంగారం ధర.. దీపావళికి ముందు స్వల్పంగా పెరిగింది. దీంతో పండగపూట పసిడి కొనుగోలు చేయాలనుకునేవారు కొంత ఆలోచనలో పడ్డారు. రేపు (ఆదివారం) మళ్లీ పెరుగుతుందా?, అనే అనుమానం చాలామందిలో కలిగింది. నేడు హైదరాబాద్, విజయవాడ, చెన్నై, బెంగళూరు, ఢిల్లీ, ముంబై నగరాలలో గోల్డ్ రేటు ఎలా ఉందో.. కింద చూడవచ్చు. -
దీపావళి వేళ ఆదివారం స్టాక్ మార్కెట్ ప్రత్యేక ట్రేడింగ్!
దీపావళి పండగ వేళ కొత్త పెట్టుబడులు ప్రారంభించడాన్ని మదుపర్లు అత్యంత శుభప్రదంగా భావిస్తారు. లక్ష్మీదేవి పూజ జరుపుకునే ఈ పర్వదినాన ఏ చిన్న శుభకార్యం లేదా వ్యాపారం ప్రారంభించినా విజయం వరిస్తుందని, లక్ష్మీదేవి అనుగ్రహం లభిస్తుందని నమ్మకం. భారతదేశ ఆర్థిక వ్యవస్థలో, ముఖ్యంగా దలాల్ స్ట్రీట్లో ఈ ఆనవాయితీ దశాబ్దాలుగా కొనసాగుతోంది. ఈ రోజున స్టాక్ మార్కెట్లో ట్రేడింగ్ చేస్తే వచ్చే దీపావళి నాటికి లాభాల పంట పండుతుందనే బలమైన విశ్వాసంతో సాధారణ మదుపర్ల నుంచి బడా ఇన్వెస్టర్ల వరకు అందరూ ‘మూరత్ ట్రేడింగ్’లో పాల్గొనేందుకు ఆసక్తి చూపుతారు.ఈసారి మూరత్ ట్రేడింగ్ వివరాలుఈ సంప్రదాయాన్ని నిలబెడుతూ మన దేశీయ స్టాక్ ఎక్స్ఛేంజీలైన బీఎస్ఈ, ఎన్ఎస్ఈ ఈసారి ఆదివారం నవంబర్ 08, 2026న దీపావళి లక్ష్మీ పూజ సందర్భంగా గంటపాటు ప్రత్యేక మూరత్ ట్రేడింగ్ సెషన్ను నిర్వహించనున్నట్లు ప్రకటించాయి. ప్రీ-ఓపెన్ సెషన్ మధ్యాహ్నం 2:05 నుంచి 2:20 గంటల వరకు ఉంటుంది. తరువాత మధ్యాహ్నం 2:20 నుంచి 3:30 వరకు ట్రేడింగ్ జరుగుతుంది.మదుపర్ల వ్యూహందశాబ్దాల చరిత్రను పరిశీలిస్తే మూరత్ ట్రేడింగ్ రోజున మార్కెట్లు సూచీలు లాభాల్లోనే ముగిసేందుకు ఎక్కువ అవకాశాలు ఉంటాయి. అయితే ఇది కేవలం ప్రతీకాత్మకమైనది కాబట్టి, మదుపర్లు దీర్ఘ కాలానికి మంచి రాబడులు ఇచ్చే బలమైన ఫండమెంటల్స్ ఉన్న క్వాలిటీ షేర్లలో పెట్టుబడి పెట్టాలని నిపుణులు సూచిస్తున్నారు. కొత్తగా మార్కెట్లోకి అడుగుపెట్టేవారికి ఈ రోజుశుభారంభం అని చెప్పవచ్చు.ఇదీ చదవండి: మాదేశం వచ్చినవారికి గుడ్న్యూస్! -
ఎగబడిన పసిడి ప్రియులు.. ఎలక్ట్రానిక్ బంగారానికి భారీ డిమాండ్!
పండుగ వేళ బంగారం కొనుగోళ్లు జోరందుకున్నాయి. సంప్రదాయ ఆభరణాలు, నాణేల కొనుగోళ్లతో పాటు డిజిటల్ రూపంలో బంగారంపైనా పెట్టుబడులు పెట్టేందుకు ఇన్వెస్టర్లు తెగ ఆసక్తి చూపించారు. దీనికి నిదర్శనంగా ధంతేరాస్ (ధన త్రయోదశి) సందర్భంగా నేషనల్ స్టాక్ ఎక్స్ఛేంజ్ (ఎన్ఎస్ఈ)లో ఎలక్ట్రానిక్ గోల్డ్ రిసిప్ట్స్ (EGR) ట్రేడింగ్ భారీగా పెరిగింది. నవంబర్ 6న ఒక్కరోజే 1,81,763 యూనిట్ల ట్రేడింగ్ జరగ్గా, లావాదేవీల విలువ సుమారు రూ.26.46 కోట్లకు చేరింది. ఈ విభాగంలో ఒక్కరోజులో లక్ష యూనిట్ల మార్కును దాటడం విశేషం.ఏమిటి ఈజీఆర్?ఎలక్ట్రానిక్ గోల్డ్ రిసిప్ట్స్ అనేవి భౌతిక బంగారంపై యాజమాన్యాన్ని సూచించే డీమ్యాట్ రూపంలోని సెక్యూరిటీలు. వీటికి సమానమైన బంగారం సెబీ గుర్తింపు పొందిన వాల్ట్లలో భద్రంగా నిల్వ ఉంటుంది. అంటే ఇంట్లో బంగారాన్ని కొనుగోలు చేసి దాచుకోవాల్సిన అవసరం లేకుండానే, షేర్ల మాదిరిగా డీమ్యాట్ ఖాతా ద్వారా బంగారాన్ని కొనుగోలు చేయవచ్చు.. విక్రయించవచ్చన్న మాట. నిబంధనలకు అనుగుణంగా ఈ రసీదులను భౌతిక బంగారంగా మార్చుకునే వెసులుబాటు కూడా ఉంటుంది.ఎన్ఎస్ఈ ఈ ఏడాది మే 4న ఈ విభాగాన్ని ప్రారంభించగా, మే 18 నుంచి ప్రత్యక్ష ట్రేడింగ్ మొదలైంది. 995, 999 స్వచ్ఛత కలిగిన బంగారంతో పాటు 100 మిల్లీగ్రాముల నుంచి కిలోగ్రాము వరకు వివిధ పరిమాణాల్లో ఉత్పత్తులను అందుబాటులోకి తెచ్చింది. వీటిపై ట్రేడింగ్ సెటిల్మెంట్ సాధారణంగా T+1 విధానంలో జరుగుతుంది.భారీ ట్రేడింగ్.. తగ్గిన ధరట్రేడింగ్ పరిమాణం పెరిగినప్పటికీ, ఈజీఆర్ ధర మాత్రం క్షీణించింది. శుక్రవారం సెషన్లో యూనిట్ ధర రూ.1,460 వద్ద ప్రారంభమై, గరిష్ఠంగా అదే స్థాయిని తాకింది. కనిష్ఠంగా రూ.1,450.20కి పడిపోయింది. చివరకు రూ.1,456 వద్ద ముగిసింది. అంతకుముందు ముగింపు ధర రూ.1,574తో పోలిస్తే ఇది 7.5 శాతం తగ్గుదల.భౌతిక బంగారంపైనా ఆసక్తిమరోవైపు, బంగారం ధరలు అధికంగా ఉన్నప్పటికీ ధంతేరాస్ సందర్భంగా ఆభరణాల దుకాణాలకు వినియోగదారులు భారీగా తరలివచ్చారు. ముంబైలోని జవేరీ బజార్లోనూ కొనుగోళ్లు జోరుగా సాగినట్లు పరిశ్రమ వర్గాలు వెల్లడించాయి. ఆభరణాలతో పాటు బంగారు నాణేలు, సంప్రదాయ కొనుగోళ్లకు వినియోగదారులు ప్రాధాన్యం ఇచ్చారు. పెరుగుతున్న ధరల నేపథ్యంలో చిన్న పరిమాణంలో, తక్కువ బరువున్న ఆభరణాల కొనుగోళ్ల వైపు కూడా ఆసక్తి కనిపిస్తోంది.దేశంలోని ప్రధాన నగరాల్లో నేటి బంగారం, వెండి ధరలు ఈ కింద చూడొచ్చు.. -
భారీ లాభాల్లో స్టాక్మార్కెట్.. బ్యాంకు షేర్ల మెరుపులు
దేశీయ స్టాక్ మార్కెట్లు శుక్రవారం భారీ లాభాల్లో ముగిశాయి. ప్రపంచ యాంటీ ఏఐ వాణిజ్య సెంటిమెంట్ నేపథ్యంలో బ్యాంక్, ఫైనాన్షియల్ సర్వీసెస్ షేర్లు పురోగమించడంతో భారత బెంచ్ మార్క్ సూచీలు వరుస లాభాలతో దూసుకెళ్లాయి. ఈరోజు సెన్సెక్స్ 1,718.01 పాయింట్లు లేదా 2.17 శాతం పెరిగి 81,028.021 వద్ద, నిఫ్టీ 493.75 పాయింట్లు లేదా 2.01 శాతం పెరిగి 25,030.35 వద్ద స్థిరపడ్డాయి. మహీంద్రా అండ్ మహీంద్రా, ఐసీఐసీఐ బ్యాంక్, హెచ్డీఎఫ్సీ లైఫ్ ఇన్సూరెన్స్ కంపెనీ నిఫ్టీ 50లో టాప్ గెయినర్లుగా నిలిచాయి. రంగాల వారీగా, నిఫ్టీ ప్రైవేట్ బ్యాంక్ బలమైన పనితీరు కనబరచగా, నిఫ్టీ మీడియా అత్యధిక క్షీణించింది. -
ధనత్రయోదశి వేళ.. బంగారం ఢమాల్!
ధనత్రయోదశి సందర్భంగా బంగారం కొనాలనుకునే వారి శుభవార్త. ఎందుకంటే.. ఈ రోజు (శుక్రవారం) గోల్డ్ రేటు గంటల వ్యవధిలోనే తారుమారైంది. వెండి రేటు కూడా తగ్గింది. మధ్యాహ్నం 12:30 గంటలకు భారీ తగ్గుదలను నమోదు చేసింది. దీంతో దేశంలోని ప్రధాన నగరాల్లో కూడా బంగారం ధరలలో ఊహకందని మార్పు కనిపించింది. ఇక్కడ ప్రస్తుతం బంగారం ధరలు.. ఏ నగరంలో ఎలా ఉన్నాయో చూడవచ్చు. -
ఎల్ఐసీ దూకుడు.. భారీగా పెరిగిన ఆదాయం!
ప్రస్తుత ఆర్థిక సంవత్సరం(2026-27) రెండో త్రైమాసికంలో బీమా రంగ ప్రభుత్వ దిగ్గజం లైఫ్ ఇన్సూరెన్స్ కార్పొరేషన్(ఎల్ఐసీ) పటిష్ట ఫలితాలు సాధించింది. జూలై-సెప్టెంబర్(క్యూ2)లో కన్సాలిడేటెడ్ నికర లాభం వార్షికంగా 20 శాతం జంప్చేసి రూ.12,076 కోట్లకు చేరింది. గతేడాది(2025-26) ఇదే కాలంలో రూ.10,053 కోట్లు ఆర్జించింది.మొత్తం ఆదాయం సైతం రూ.2,39,614 కోట్ల నుంచి రూ.2,62,739 కోట్లకు బలపడింది. నికర ప్రీమియం ఆదాయం రూ.1,26,479 కోట్ల నుంచి రూ.1,47,018 కోట్లకు ఎగసింది. రెన్యువల్ ప్రీమియం రూ.64,996 కోట్ల నుంచి రూ.68,375 కోట్లకు పుంజుకుంది. అయితే తొలి ఏడాది ప్రీమియం రూ.10,836 కోట్ల నుంచి రూ.10,432 కోట్లకు స్వల్పంగా వెనకడుగు వేసింది. -
ధరల జోరుకు బ్రేక్.. బంగారం కొనేవారికి పండగే!
నాలుగు రోజులుగా వరుసగా పెరిగిన బంగారం, వెండి ధరలకు ఒక్కసారిగా బ్రేక్ పడింది. దీంతో ఈ రోజు (శుక్రవారం) గోల్డ్ రేటు ఎక్కడ వేసిన గొంగళి అక్కడే అన్నట్టు స్థిరంగా ఉంది. ధనత్రయోదశి సందర్భంగా పసిడి కొనుగోలు చేయాలనుకునేవారికి ఇది ఒకింత ఊరటను కలిగిస్తుంది. హైదరాబాద్, విజయవాడ, చెన్నై, బెంగళూరు, ముంబై, ఢిల్లీ వంటి నగరాల్లో బంగారం ధరలు ఎలా ఉన్నాయో.. ఈ కింద చూడవచ్చు. -
స్వల్ప నష్టాల్లో మార్కెట్ సూచీలు
దేశీయ స్టాక్ మార్కెట్ సూచీలు శుక్రవారం స్వల్ప నష్టాల్లో కదలాడుతున్నాయి. ఈరోజు ఉదయం 09:17 సమయానికి నిఫ్టీ(Nifty) 40 పాయింట్లు నష్టపోయి 24,481 వద్దకు చేరింది. సెన్సెక్స్(Sensex) 59 పాయింట్లు దిగజారి 79,357 వద్ద ట్రేడవుతోంది.అమెరికా డాలర్ ఇండెక్స్(USD Index) 101.69బ్రెంట్ క్రూడ్ఆయిల్ బ్యారెల్ ధర 100.6 డాలర్లుయూఎస్ 10 ఏళ్ల బాండ్ ఈల్డ్లు 4.84 శాతానికి చేరాయి.గడిచిన సెషన్లో యూఎస్ ఎస్ అండ్ పీ 3.7 శాతం తగ్గింది.నాస్డాక్ 5.5 శాతం దిగజారింది.Today Nifty position 06-11-2026(time: 09:17 am)(Disclaimer: మార్కెట్ గురించి సాక్షి వెబ్ సైట్లో నిపుణులు వెల్లడించే అభిప్రాయాలు వారి పరిశీలన, అంచనాలను బట్టి ఉంటాయి. ఇన్వెస్టర్లకు ఇది కేవలం విషయ అవగాహన మాత్రమే తప్ప.. వారు పెట్టే పెట్టుబడులకు సాక్షి మీడియా గ్రూపు ఎలాంటి హామీ ఇవ్వదు.) -
భారత్లో పెట్రోల్ రేటు తగ్గుతుందా?
ప్రపంచంలో ఏ దేశంలో యుద్ధం జరిగినా.. దాని ప్రభావం తప్పకుండా మిగతా దేశాలపై కూడా పడుతుంది. ముఖ్యంగా చమురు విషయంలో ఈ ప్రభావం చాలా ఎక్కువగా ఉంటుంది. ప్రస్తుతం.. అమెరికా, ఇరాన్ మధ్య కొనసాగుతున్న యుద్ధం కారణంగా అంతర్జాతీయంగా ముడి చమురు ధరలు భారీగా పెరిగాయి. అయితే తాజాగా.. ఈ యుద్ధం ముగిసే అవకాశాలు కనిపించడంతో చమురు ధరలు తగ్గుముఖం పట్టడం మొదలైంది.బుధవారం అంతర్జాతీయ మార్కెట్లో.. బ్రెంట్ క్రూడ్ ఆయిల్ ధర ఒక దశలో బ్యారెల్కు 94 డాలర్ల కంటే దిగువకు పడిపోయింది. ఆ తర్వాత కొంత పెరిగి 97.7 డాలర్లకు చేరుకుంది. అమెరికాలో జరిగిన మధ్యంతర ఎన్నికల్లో రిపబ్లికన్ పార్టీకి ఎదురుదెబ్బ తగలడానికి కారణం.. యుద్ధం ఒక కారణమని ట్రంప్ అంగీకరించారు. దీన్నిబట్టి చూస్తే బహుశా యుద్ధం త్వరలో ముగిసే అవకాశం ఉందని సమాచారం.భారతదేశంపై ప్రభావంచమురు ధరలు తగ్గితే.. భారతదేశంలో కూడా ఈ ప్రభావం కనిపిస్తుంది. ఎందుకంటే.. మన దేశానికి అవసరమైన ముడి చమురులో ఎక్కువ భాగాన్ని ఇతర దేశాల నుంచి దిగుమతి చేసుకుంటాం. కాబట్టి, అంతర్జాతీయ మార్కెట్లో చమురు ధరలు పెరిగితే.. మనం ఎక్కువ డబ్బు చెల్లించాల్సి వస్తుంది. దీనివల్ల దేశంపై ఆర్థిక భారం పెరుగుతుంది. గత అక్టోబర్లో భారత క్రూడ్ ఆయిల్ ధర బ్యారెల్కు 119.9 డాలర్లకు చేరుకుంది. అయితే.. తాజాగా ఈ ధర 103.8 డాలర్లకు చేరింది. ఇంకా తగ్గే అవకాశం ఉందని పలువురు అభిప్రాయపడుతున్నారు.ఇక్కడ హోర్ముజ్ జలసంధి కూడా చాలా కీలకమైనది. ఎందుకంటే.. ఇది పశ్చిమాసియా దేశాల నుంచి ప్రపంచంలోని అనేక దేశాలకు చమురు రవాణా చేసే ముఖ్యమైన మార్గం. ఇరాన్ కొన్ని దేశాలకు చెందిన వాణిజ్య నౌకలకు రవాణా పరిమితుల నుంచి మినహాయింపు ఇవ్వడంతో భారత్కు చమురు సరఫరా మెరుగుపడుతుందనే ఆశలు పెరిగాయి. ముఖ్యంగా.. మన దేశంలోని రిఫైనరీలకు పశ్చిమాసియా నుంచి వచ్చే చమురు చాలా అవసరం. సరఫరా పెరిగితే చమురు ధరలు మరింత తగ్గే అవకాశం ఉంటుంది.చమురు సంస్థలకు ఉపశమనంచమురు ధరలు తగ్గడం వల్ల ముందు ప్రయోజనం పొందేవి ఆయిల్ మార్కెటింగ్ కంపెనీలు. ఇండియన్ ఆయిల్, భారత్ పెట్రోలియం, హిందుస్థాన్ పెట్రోలియం వంటి సంస్థలు అంతర్జాతీయ మార్కెట్ నుంచి ముడి చమురును కొనుగోలు చేసి పెట్రోల్, డీజిల్ను విక్రయిస్తాయి. అంతర్జాతీయంగా చమురు ధరలు పెరిగినప్పుడు వాటి కొనుగోలు ఖర్చులు కూడా పెరుగుతాయి. కానీ.. ఆ మేరకు పెట్రోల్, డీజిల్ ధరలను వెంటనే పెంచలేకపోతే ఒక్కో లీటరు అమ్మకంపై నష్టాలను భరించాల్సి వస్తుంది. ఇప్పుడు చమురు ధరలు తగ్గితే ఈ కంపెనీలకు కొంత ఉపశమనం లభిస్తుంది.సామాన్య ప్రజలకు ఊరటచమురు ధరలు తగ్గితే.. సామాన్య ప్రజలకు కూడా కొంత ఉపశమనం కలుగుతుంది. పెట్రోల్, డీజిల్ ధరలు పెరగకపోతే రవాణా ఖర్చులు నియంత్రణలో ఉంటాయి. వస్తువుల తయారీ, రవాణా ఖర్చులు తగ్గే అవకాశం ఉంటుంది. వంట గ్యాస్ ధరలపై కూడా ఒత్తిడి తగ్గవచ్చు. అయితే అంతర్జాతీయంగా.. చమురు ధరలు తగ్గిన వెంటనే మన దేశంలో పెట్రోల్, డీజిల్ ధరలు తగ్గుతాయని చెప్పలేం. ఎందుకంటే ప్రభుత్వ పన్నులు, రూపాయి విలువ, ఇతర ఖర్చులు కూడా ధరలను ప్రభావితం చేస్తాయి.ఇదీ చదవండి: గడ్కరీ చెప్పిన కొత్త కారు.. నవంబర్ 26న లాంచ్ ఫిక్స్! -
పండక్కి ముందే.. పరుగులు పెట్టిన బంగారం!
పండుగ సీజన్లో ధన్తేరాస్కి ముందు పసిడి జోరందుకుంది. ఆలిండియా సరాఫా అసోసియేషన్ ప్రకారం గురువారం ఢిల్లీ బులియన్ మార్కెట్లో 99.9 శాతం స్వచ్ఛత గల 10 గ్రాముల బంగారం ధర రూ. 2,200 పెరిగి రూ. 1,48,800కి చేరింది. అటు వెండి కూడా అదే బాటలో సాగింది. కేజీకి రూ. 1,500 పెరిగి రూ. 1,94,500 పలికింది. శుక్రవారం ధన్తేరాస్ సందర్భంగా జ్యుయలర్లు, రిటైలర్లు, స్టాకిస్టులు కొనుగోళ్లు జరపడంతో పసిడి, వెండి ధరలు పెరిగినట్లు ట్రేడర్లు తెలిపారు.ఇన్వెస్ట్మెంట్పరంగా డిమాండ్ నెలకొనడం కూడా ఇందుకు దోహదపడినట్లు వివరించారు. గతేడాది ధన్తేరాస్ రోజున (అక్టోబర్ 18) బంగారం ధర. 1,32,400గా, వెండి ధర రూ. 1.7 లక్షలుగా నమోదైంది. అప్పటి నుంచి పసిడి రేటు 13 శాతం పెరిగిందని, దేశీయంగా ధర రూ.1.40–1.48 లక్షల మధ్య తిరుగాడుతోందని మోనార్క్ పీఎంఎస్ అసిస్టెంట్ ఫండ్ మేనేజర్ ధృవ్ జోగ్లేకర్ తెలిపారు. మరోవైపు, అంతర్జాతీయంగా స్పాట్ మార్కెట్లో పసిడి ధర ఔన్సుకి 65.12 డాలర్లు (సుమారు 2 శాతం) పెరిగి 4,125.25 డాలర్లకు చేరింది. వెండి కూడా 1 శాతం పెరిగి 52.73 డాలర్లు పలికింది.ఇదీ చదవండి: రూ.2,100 కోట్ల లగ్జరీ హోటల్.. చివరకు అందుకే అమ్మేశారట! -
దలాల్ స్ట్రీట్లో దీపావళి ధమాకా..!
ముంబై: ‘దీపావళి పటాసులు దలాల్ స్ట్రీట్లో ముందుగానే పేలాయి. అమెరికా మధ్యంతర ఎన్నికల్లో డెమోక్రాట్ల విజయం, అనూహ్యంగా దిగొచ్చిన క్రూడాయిల్ ధరలు, విదేశీ ఇన్వెస్టర్ల భారీ కొనుగోళ్లతో గురువారం బెంచ్మార్క్ సూచీలు 2.50% ర్యాలీ చేశాయి. సెన్సెక్స్ ఏకంగా 2,009 పాయింట్లు పెరిగి 79,310 వద్ద స్థిరపడింది, నిఫ్టీ 576 పాయింట్లు బలపడి 24,537 వద్ద నిలిచింది. ఈ సూచీకిది మూడు నెలల గరిష్టం. అంతర్జాతీయ మార్కెట్ల నుంచి సానుకూల సంకేతాలు అందుకున్న సూచీలు ఉదయమే భారీ లాభాలతో ప్రారంభమయ్యాయి. ఇంట్రాడేలో కొనుగోళ్ల మద్దతు లభించడంతో రోజంతా స్థిరమైన ర్యాలీ చేశాయి. ఒక దశలో సెన్సెక్స్ 2,169 పాయింట్లు ఎగసి 79,470 వద్ద, నిఫ్టీ 613 పాయింట్లు దూసుకెళ్లి 24,580 వద్ద ఇంట్రాడే గరిష్టాన్ని తాకాయి. → బీఎస్ఈలో రంగాల వారీగా ఆటో 4.13%, ఫైనాన్షియల్ సరీ్వసెస్ 3.37%, ప్రైవేట్ బ్యాంక్స్ 3.64%, పీఎస్యూ బ్యాంక్స్ 3.15%, కన్జూమర్ డి్రస్కేషనరీ 2.77% రాణించాయి. బీఎస్ఈ మిడ్క్యాప్ ఇండెక్స్ 1.8%, స్మాల్క్యాప్ 1.22% లాభపడ్డాయి. → ప్రపంచ మార్కెట్లలో దక్షిణ కొరియా (5.5%), తైవాన్ (–3.3%), జపాన్ (–1.8%) నష్టపోగా.. హాంగ్కాంగ్ (3.5%), ఇండోనేషియా (2.2%) లాభపడ్డాయి. యూరప్లో ఫ్రాన్స్, జర్మనీ మార్కెట్లు అరశాతం లాభపడ్డాయి. అయితే, బుధవారం రాత్రి భారీ ర్యాలీ చేసిన యుఎస్ స్టాక్ మార్కెట్లు లాభాల స్వీకరణతో గురువారం 2 శాతం నష్టాల్లో ట్రేడవుతున్నాయి. ట్రంప్కు షాక్.. బుల్స్ రాక్స్! అమెరికా మధ్యంతర(మిడ్టర్మ్) ఎన్నికల ఫలితాలు అంతర్జాతీయంగా ఇన్వెస్టర్లలో ఉత్సాహాన్ని నింపాయి. ప్రతిపక్ష డెమోక్రటిక్ పార్టీ సెనేట్, ప్రతినిధుల సభ రెండింటినీ చేజిక్కించుకోవడంతో ఇరాన్పై కొనసాగుతున్న యూఎస్–ఇజ్రాయెల్ యుద్ధానికి ముగింపు పలకాలనే ఒత్తిడి ట్రంప్పై పెరగనుంది. అలాగే వర్ధమాన దేశాలపై వాణిజ్య సుంకాల విధింపు విధానాల్లో అమెరికా సడలింపు ధోరణి అవలంబిస్తుందన్న అంచనాలు మార్కెట్లకు ఊతమిచ్చాయి.చమురు పతనంతో భారీ ఊరట పశి్చమాసియా ఉద్రిక్తతలతో భగభగలాడుతున్న ముడిచమురు ధరలు అనూహ్యంగా పతనమయ్యాయి. బ్రెంట్ క్రూడ్ ఏకంగా 10 శాతం క్షీణించి కీలకమైన 100 డాలర్ల స్థాయిని కోల్పోయింది. 94 డాలర్ల వద్ద ట్రేడవుతోంది. ఇది మార్కెట్లలో ఉత్సాహాన్ని నింపింది. ఎఫ్ఐఐల కొనుగోళ్ల పరంపర భారతీయ ఈక్విటీ మార్కెట్లలో విదేశీ సంస్థాగత ఇన్వెస్టర్లు (ఎఫ్ఐఐలు) కొనుగోళ్లు జోరుందుకున్నాయి. నవంబర్ మొదటి 3 సెషన్లలోనే రూ.17,235 కోట్ల విలువైన కొనుగోళ్లు జరిపిన ఎఫ్ఐఐలు... గురువారం ఒక్కరోజే ఏకంగా రూ.14,975 కోట్ల విలువైన ఈక్విటీలను కొనుగోలు చేశారు. బడ్జెట్లో ఎల్టీసీజీ పన్నుపై సానుకూల నిర్ణయం వెలువడుతుందనే వార్తలు మార్కెట్కు కలిసొచ్చాయి. బాంబే కోటెడ్ స్పెషల్ స్టీల్స్ లిస్టింగ్ భళా..!బాంబే కోటెడ్ స్పెషల్ స్టీల్స్ లిస్టింగ్ మెప్పించింది. ఇష్యూ ధర (రూ.82)తో పోలిస్తే బీఎస్ఈలో 12.21% ప్రీమియంతో రూ.92.02 వద్ద ప్రారంభమైంది. ఇంట్రాడేలో 18% ఎగసి రూ.96.62 వద్ద గరిష్టాన్ని నమోదు చేసింది. చివరికి 15.38% లాభంతో రూ.94.61 వద్ద ముగిసింది.ఇన్వెస్టర్ల సంపద @ రూ. 500 లక్షల కోట్లు గడిచిన ఆరు వరుస సెషన్లలో స్టాక్ మార్కెట్ 8 శాతానికి పైగా రాణించడంతో ఇన్వెస్టర్ల సంపదగా భావించే బీఎస్ఈ నమోదిత కంపెనీల మొత్తం మార్కెట్ క్యాపిటలైజేషన్ దాదాపు రూ.30 లక్షల కోట్లు పెరిగింది. ఫలితంగా తొలిసారిగా రూ.500 లక్షల కోట్ల చారిత్రక మార్కును అధిగమించింది. గురువారం ఒక్క రోజే ఇన్వెస్టర్లకు రూ.9 లక్షల కోట్ల సంపద జతకావడంతో, జీవితకాల గరిష్టమైన రూ.501.61 లక్షల కోట్లకు (5.31 ట్రిలియన్ డాలర్లు) చేరుకుని సరికొత్త రికార్డు సృష్టించింది. -
పసిడి పుట్ట పగిలిందా! బంగారం బుసలకు కారణం ఏంటి?
ఇంత కాలం బంగారం ధరలు దిగివస్తుంటే హమ్మయ్య కాస్త పసిడినైనా కొనుక్కోవచ్చులే అని పుత్తడి ప్రియులు ఆనందించారు. అయితే వారి ఆశలను అడియాసలు చేస్తూ బంగారం ధరలు బుసలు కొడుతున్నాయి. రెండు రోజులుగా పసిడి ధరలు అంత భారీగా పెరగడానికి అసలు కారణాలు ఏంటన్నది ఈ కథనంలో తెలుసుకుందాం..అమెరికా రాజకీయ పరిణామాలు, డాలర్ బలహీనత, ట్రెజరీ బాండ్లపై తగ్గిన రాబడులు.. అంతర్జాతీయ మార్కెట్లో బంగారానికి మళ్లీ ఊపునిచ్చాయి. వరుస పతనాలతో ఇబ్బందిపడ్డ పసిడి ఒక్కసారిగా పుంజుకుని రెండు వారాల గరిష్ఠానికి చేరింది. దీంతో బంగారం ధరలు మళ్లీ 4,200 డాలర్ల స్థాయిని అందుకుంటాయా? అనే చర్చ మొదలైంది.రెండు రోజుల్లోనే భారీ లాభాలుగురువారం (నవంబర్ 5) అంతర్జాతీయ మార్కెట్లో స్పాట్ గోల్డ్ ఔన్స్కు 1.9 శాతం పెరిగి 4,134.82 డాలర్లకు చేరుకుంది. ట్రేడింగ్ సమయంలో 4,146.63 డాలర్ల గరిష్ఠాన్ని తాకింది. అక్టోబర్ 20 తర్వాత ఇదే అత్యధిక స్థాయి. అంతకుముందు బుధవారం ఒక్కరోజే బంగారం ధరలు 3.4 శాతం ఎగిశాయి. ఆగస్టు 19 తర్వాత ఇదే అతిపెద్ద రోజువారీ పెరుగుదల. గత శుక్రవారం నమోదైన ఏడాది కనిష్ఠ స్థాయి 3,869.85 డాలర్ల నుంచి ఈ వారంలో ఇప్పటివరకు 250 డాలర్లకు పైగా పుంజుకుంది.బంగారం ధరలకు ఊతమిచ్చిన అంశాలుబలహీనపడిన అమెరికా డాలర్అమెరికా మధ్యంతర ఎన్నికల ఫలితాల తర్వాత డాలర్ ఒక నెలకు పైగా కనిష్ఠ స్థాయికి పడిపోయింది. అంతర్జాతీయంగా బంగారం ధరలు డాలర్లలో నిర్ణయిస్తారు. డాలర్ బలహీనపడితే ఇతర కరెన్సీలతో బంగారం కొనుగోలు చేసే వారికి అది చౌకగా మారుతుంది. దీంతో పసిడికి డిమాండ్ పెరిగే అవకాశం ఉంటుంది.తగ్గిన ట్రెజరీ బాండ్ల రాబడులుఅమెరికా ప్రభుత్వ బాండ్లపై రాబడులు తగ్గడం కూడా బంగారానికి అనుకూలంగా మారింది. బంగారం ఎలాంటి వడ్డీ ఆదాయాన్ని ఇవ్వదు. బాండ్లపై రాబడులు తగ్గినప్పుడు బంగారాన్ని కలిగి ఉండటానికి అయ్యే అవకాశ వ్యయం తగ్గుతుంది. దీంతో పెట్టుబడిదారులు పసిడి వైపు మొగ్గు చూపుతారు.చమురు ధరల పతనం.. ద్రవ్యోల్బణ భయాలు తగ్గడంఅమెరికా మధ్యంతర ఎన్నికల ఫలితాలతో ఇరాన్తో యుద్ధం మరింత తీవ్రతరం అయ్యే అవకాశాలు తగ్గవచ్చన్న అంచనాలు మార్కెట్లో నెలకొన్నాయి. దీంతో బుధవారం బ్రెంట్ క్రూడ్ ధరలు దాదాపు 9 శాతం పడిపోయాయి. గురువారం స్వల్పంగా కోలుకున్నప్పటికీ బ్యారెల్కు 100 డాలర్ల దిగువనే కొనసాగాయి. చమురు ధరలు తగ్గితే ద్రవ్యోల్బణ ఒత్తిళ్లు తగ్గవచ్చు. ఫలితంగా వడ్డీ రేట్లను ఎక్కువకాలం అధిక స్థాయిలో కొనసాగించాల్సిన అవసరం తగ్గుతుందన్న అంచనాలు బంగారానికి మద్దతునిస్తున్నాయి.అమెరికా ఎన్నికల ప్రభావం ఏమిటి?అమెరికా కాంగ్రెస్ ఎన్నికల్లో డెమోక్రాట్లకు వచ్చిన భారీ విజయాలు మార్కెట్ అంచనాలను మార్చాయి. కాంగ్రెస్లో ప్రతిపక్షానికి బలం పెరగడంతో ప్రభుత్వ వ్యయాలు, ఆర్థిక విధానాలపై నియంత్రణలు పెరగవచ్చన్న అభిప్రాయాలు వ్యక్తమయ్యాయి. ఇది డాలర్, బాండ్ మార్కెట్లపై ప్రభావం చూపింది. అదే సమయంలో అమెరికా-ఇరాన్ ఉద్రిక్తతలు తగ్గవచ్చన్న ఆశలు చమురు ధరలపై ఒత్తిడి పెంచాయి.4,400 డాలర్లకు చేరుతుందా?బంగారం ధరలు కీలకమైన 4,000 డాలర్ల స్థాయిని తిరిగి దాటడంతో మార్కెట్ విశ్లేషకులు తదుపరి లక్ష్యాలపై దృష్టి పెట్టారు. XS.com మార్కెట్ విశ్లేషకురాలు లిన్ ట్రాన్ ప్రకారం.. పెట్టుబడుల ప్రవాహాలు, బాండ్ రాబడులు బంగారానికి మద్దతుగా కొనసాగితే ఔన్స్ ధర 4,000 డాలర్లకు పైన స్థిరపడవచ్చు. అలా జరిగితే తొలుత 4,200 డాలర్లు, ఆ తర్వాత 4,400 డాలర్ల దిశగా పుంజుకునే అవకాశం ఉందని ఆమె అంచనా వేశారు.ఇకపై ఏ అంశాలు కీలకం?శుక్రవారం వెలువడనున్న అమెరికా వ్యవసాయేతర ఉద్యోగాల గణాంకాలపై ఇన్వెస్టర్లు దృష్టి పెట్టారు. ఈ వివరాలు అమెరికా ఆర్థిక వ్యవస్థ బలాన్ని, ఫెడరల్ రిజర్వ్ తదుపరి వడ్డీ రేట్ల నిర్ణయాన్ని ప్రభావితం చేయవచ్చు. ప్రస్తుతం డిసెంబరులో ఫెడ్ వడ్డీ రేట్లు పెంచే అవకాశానికి మార్కెట్ 79 శాతం ప్రాధాన్యం ఇస్తోంది.అందువల్ల బంగారం ధరలు 4,000 డాలర్ల పైన నిలదొక్కుకుంటాయా? డాలర్, బాండ్ రాబడులు మరింత తగ్గుతాయా? అనే అంశాలు తదుపరి దిశను నిర్ణయించనున్నాయి. ఇటీవలి భారీ పతనం తర్వాత వచ్చిన ఈ ర్యాలీ కొనసాగుతుందా లేదా అన్నది రాబోయే ఆర్థిక గణాంకాలపై ఆధారపడి ఉంటుంది.దేశంలోని ప్రధాన నగరాలలో ఈరోజు బంగారం, వెండి ధరలను ఈ కింద చూడవచ్చు.. -
స్టాక్ మార్కెట్కు భారీ లాభాలు.. రూ.7 లక్షల కోట్లు వచ్చాయ్..
దేశీయ స్టాక్ మార్కెట్లు గురువారం భారీ లాభాల్లో ముగిశాయి. అమెరికా మధ్యంతర ఎన్నికల్లో డెమొక్రాట్లు విజయం సాధించిన తర్వాత పశ్చిమాసియా వివాదానికి వేగంగా ముగింపు పలకుతుందనే ఆశతో చమురు ధరలు గణనీయంగా పడిపోయాయి. దీంతో బెంచ్ మార్క్ సూచీలు దూసుకెళ్లాయి. సెన్సెక్స్ 2,008.61 పాయింట్లు లేదా 2.6 శాతం పెరిగి 79,310.01 వద్ద, నిఫ్టీ 576 పాయింట్లు లేదా 2.4 శాతం పెరిగి 24,536.60 వద్ద ముగిసింది.బీఎస్ఈలోని అన్ని లిస్టెడ్ కంపెనీల మార్కెట్ క్యాప్ 7.03 లక్షల కోట్ల రూపాయలు పెరిగి బుధవారం సెషన్ ముగిసే సమయానికి ఉన్న రూ.494.42 లక్షల కోట్లతో పోలిస్తే రూ.501.45 లక్షల కోట్లకు చేరుకుంది. విస్తృత మార్కెట్లలో నిఫ్టీ మిడ్ క్యాప్ 100, నిఫ్టీ స్మాల్ క్యాప్ 100 వరుసగా 1.87 శాతం, 0.56 శాతం పెరిగాయి. రంగాల వారీగా నిఫ్టీ ఆటో, నిఫ్టీ రియాల్టీ, నిఫ్టీ ఫైనాన్షియల్ సర్వీసెస్, నిఫ్టీ ప్రైవేట్ బ్యాంక్ మెరుగైన పనితీరు కనబరిచాయి. -
స్టాక్ మార్కెట్లో ఇన్వెస్టర్లకు జాక్పాట్!
గురువారం ఉదయం భారత స్టాక్ మార్కెట్.. ఇన్వెస్టర్లకు అదిరిపోయే శుభవార్త అందించింది. మార్కెట్ ప్రారంభమైన గంటలోపే దాదాపు రూ.7 లక్షల కోట్ల సంపద పెరిగింది. అంతర్జాతీయ పరిణామాలు కలిసిరావడంతో సెన్సెక్స్, నిఫ్టీ భారీ లాభాలతో దూసుకెళ్లాయి.సెన్సెక్స్ ఏకంగా 1,300 పాయింట్లకు పైగా లాభంతో 78,630 వద్ద ప్రారంభమైంది. మరోవైపు నిఫ్టీ కూడా 24,350 మార్కును దాటింది. ఉదయం 10:15 గంటల సమయానికి సెన్సెక్స్ 1,400 పాయింట్లు పెరిగి 78,735.79 వద్ద, నిఫ్టీ 431 పాయింట్లు లాభపడి 24,389.55 వద్ద ట్రేడయ్యాయి. దీంతో మార్కెట్లు వరుసగా ఆరో రోజు కూడా లాభాల్లో కొనసాగాయి.భారీ లాభాలకు కారణాలుముడి చమురు ధరలు తగ్గడం: ఈ భారీ ర్యాలీకి ప్రధాన కారణాల్లో ఒకటి ముడి చమురు ధరలు తగ్గడం. అమెరికా మధ్యంతర ఎన్నికల్లో డెమొక్రాట్ల విజయం తర్వాత అమెరికా-ఇరాన్ మధ్య ఉద్రిక్తతలు తగ్గవచ్చనే అంచనాలు మొదలయ్యాయి. దీంతో అంతర్జాతీయ మార్కెట్లో బ్రెంట్ క్రూడ్ ధర ఏకంగా 8.7 శాతం పడిపోయి బ్యారెల్కు 94 డాలర్ల సమీపానికి చేరింది. అమెరికా క్రూడ్ ధర కూడా 88 డాలర్ల స్థాయికి దిగివచ్చింది.భారత్ తన చమురు అవసరాల్లో ఎక్కువ భాగాన్ని ఇతర దేశాల నుంచి దిగుమతి చేసుకుంటుంది. కాబట్టి క్రూడ్ ఆయిల్ ధరలు తగ్గితే.. దేశానికి దిగుమతి ఖర్చు తగ్గుతుంది. రూపాయిపై ఒత్తిడి, ద్రవ్యోల్బణ భయాలు కూడా కొంత తగ్గుతాయి. కంపెనీల ఉత్పత్తి ఖర్చులు తగ్గి వాటి లాభాలు పెరిగే అవకాశం ఉంటుంది. ఈ కారణాలతో ఇన్వెస్టర్లు భారత మార్కెట్లపై ఆసక్తి చూపిస్తున్నారు.కొనుగోళ్లు పెంచిన విదేశీ ఇన్వెస్టర్లు: మరోవైపు విదేశీ సంస్థాగత పెట్టుబడిదారులు (FIIs) భారత స్టాక్ మార్కెట్లలో మళ్లీ భారీగా పెట్టుబడులు పెడుతున్నారు. బుధవారం ఒక్కరోజే రూ.7,284 కోట్ల విలువైన భారత షేర్లను కొనుగోలు చేశారు. అక్టోబర్ 28, 2025 తర్వాత ఇదే అత్యధిక రోజువారీ కొనుగోలుగా నిలిచింది.అంతేకాకుండా.. వరుసగా నాలుగో ట్రేడింగ్ సెషన్లోనూ విదేశీ ఇన్వెస్టర్లు నికర కొనుగోలుదారులుగా ఉన్నారు. నవంబర్లో ఇప్పటివరకు రూ.17,000 కోట్లకు పైగా పెట్టుబడులు పెట్టారు. గతంలో సెప్టెంబర్, అక్టోబర్ నెలల్లో దాదాపు రూ.90,000 కోట్ల విలువైన షేర్లను విక్రయించిన వీరు ఇప్పుడు మళ్లీ కొనుగోళ్లు ప్రారంభించడం మార్కెట్కు బలాన్నిస్తోంది.అమెరికా మార్కెట్ల ర్యాలీతో పెరిగిన జోష్అమెరికా స్టాక్ మార్కెట్లు కూడా బుధవారం భారీ లాభాలతో ముగిశాయి. ఎస్ అండ్ పీ 500 సూచీ 1.6 శాతం, డౌ జోన్స్ దాదాపు 3 శాతం, నాస్డాక్ 1.4 శాతం పెరిగాయి. అమెరికా ఎన్నికల ఫలితాల తర్వాత రాజకీయ అనిశ్చితి తగ్గవచ్చనే అంచనాలు, చమురు ధరల పతనం అంతర్జాతీయ మార్కెట్లలో సానుకూల వాతావరణాన్ని సృష్టించాయి.అమెరికాలో రాజకీయ పరిణామాలు ప్రభుత్వ ఖర్చులు, బాండ్ ఈల్డ్స్, డాలర్ విలువపై ప్రభావం చూపవచ్చని నిపుణులు భావిస్తున్నారు. ఒకవేళ అమెరికా బాండ్ ఈల్డ్స్ తగ్గి, డాలర్ బలహీనపడితే భారత్ వంటి అభివృద్ధి చెందుతున్న దేశాలకు విదేశీ పెట్టుబడులు మరింత పెరిగే అవకాశం ఉంటుంది. -
1400 పాయింట్లు పెరిగిన సెన్సెక్స్
దేశీయ స్టాక్ మార్కెట్ సూచీలు గురువారం లాభాల్లో కదలాడుతున్నాయి. ఈరోజు ఉదయం 09:16 సమయానికి నిఫ్టీ(Nifty) 381 పాయింట్లు పెరిగి 24,335 వద్దకు చేరింది. సెన్సెక్స్(Sensex) 1401 పాయింట్లు పుంజుకొని 78,692 వద్ద ట్రేడవుతోంది.అమెరికా డాలర్ ఇండెక్స్(USD Index) 101.26బ్రెంట్ క్రూడ్ఆయిల్ బ్యారెల్ ధర 93.6 డాలర్లుయూఎస్ 10 ఏళ్ల బాండ్ ఈల్డ్లు 4.83 శాతానికి చేరాయి.గడిచిన సెషన్లో యూఎస్ ఎస్ అండ్ పీ 1.58 శాతం పెరిగింది.నాస్డాక్ 1.44 శాతం పుంజుకుంది.Today Nifty position 05-11-2026(time: 09:16 am)(Disclaimer: మార్కెట్ గురించి సాక్షి వెబ్ సైట్లో నిపుణులు వెల్లడించే అభిప్రాయాలు వారి పరిశీలన, అంచనాలను బట్టి ఉంటాయి. ఇన్వెస్టర్లకు ఇది కేవలం విషయ అవగాహన మాత్రమే తప్ప.. వారు పెట్టే పెట్టుబడులకు సాక్షి మీడియా గ్రూపు ఎలాంటి హామీ ఇవ్వదు.) -
అందుకే బంగారం కొంటున్నా.. కియోసాకి వ్యూహం ఇదే!
ప్రముఖ ఆర్థిక నిపుణుడు, రిచ్ డాడ్ పూర్ డాడ్ పుస్తక రచయిత 'రాబర్ట్ కియోసాకి' తాజాగా చేసిన ఈ ట్వీట్ ఇప్పుడు నెట్టింట్లో చర్చనీయాంశమైంది. బంగారం, వెండి, బిట్కాయిన్ ధరలు పడిపోతున్నాయని చాలామంది ఆందోళన చెందుతున్న వేళ.. తాను మాత్రం మరిన్ని కొనుగోలు చేశానని చెబుతున్నారు.అసలు సమస్య ఏమిటంటే?మార్కెట్ పడిపోయినప్పుడు భయపడాల్సిన అవసరం లేదని, తాను నమ్మిన పెట్టుబడులను తక్కువ ధరకు కొనుగోలు చేసే అవకాశంగా చూస్తానని అభిప్రాయపడ్డారు. అయితే.. కియోసాకి దృష్టిలో అసలు సమస్య బంగారం, వెండి లేదా బిట్కాయిన్ ధరలు తగ్గడం కాదు. ప్రపంచవ్యాప్తంగా ప్రభుత్వ అప్పులు పెరుగుతుండటమే అసలు ఆందోళనకరమైన విషయమని చెబుతున్నారు.ముఖ్యంగా.. అమెరికా అప్పులు పెరుగుతుండటంపై కియోసాకి ఆందోళన వ్యక్తం చేశారు. అంతేకాకుండా, పాలకులు అవసరమైన ఆర్థిక నిర్ణయాలు తీసుకోవడంలో విఫలమవుతున్నారని, విద్యావ్యవస్థలో కూడా డబ్బు సంపాదించడం, పొదుపు చేయడం, పెట్టుబడులు పెట్టడం వంటి ఆర్థిక విషయాలపై సరైన అవగాహన కల్పించడం లేదని విమర్శించారు.ఫియట్ కరెన్సీమరో ముఖ్యమైన అంశం ఫియట్ కరెన్సీ (Fiat Money). అంటే.. భారత రూపాయి, అమెరికా డాలర్ వంటి ప్రభుత్వ అధికారంతో చెలామణిలో ఉండే కరెన్సీ. ప్రభుత్వాలు, కేంద్ర బ్యాంకులు డబ్బు సరఫరాను పెంచినప్పుడు ద్రవ్యోల్బణం పెరిగే అవకాశం ఉంటుంది. దీనివల్ల కాలక్రమేణా డబ్బు కొనుగోలు శక్తి తగ్గుతుంది.ఇదీ చదవండి: జియో కొత్త రీఛార్జ్ ప్లాన్.. రూ.15కే అన్లిమిటెడ్ డేటా!ఉదాహరణకు, గతంలో రూ.100తో కొనుగోలు చేసిన వస్తువులు ఇప్పుడు అదే ధరకు దొరకకపోవచ్చు. అందుకే కష్టపడి సంపాదించిన డబ్బును కేవలం నగదు రూపంలో దాచుకోవడం కంటే బంగారం, వెండి వంటి ఆస్తుల గురించి కూడా ఆలోచించాలని కియోసాకి అభిప్రాయపడుతున్నారు.WHY WORRY? People paniced when gold, silver, Bitcoin crash. I bought more. Why? Because the real problem is the growing size of global debt, especially the USA, the incompetence of our leaders to do what really needs to be done, an education that teaches nothing, zero, nada about money, and the initial purpose of any fiat money (Fake money) which is to steal the wealth of the people who work for money, and save fake money. Can”t wait for the next crash of gold, silver, Bitcoin. Take care— Robert Kiyosaki (@theRealKiyosaki) November 4, 2026 -
గోల్డ్ ఈటీఎఫ్లకు పండుగ జోష్!
న్యూఢిల్లీ: పసిడి ధర ఇటీవల తగ్గిన నేపథ్యంలో బంగారం ఎక్సే్చంజ్ ట్రేడెడ్ ఫండ్స్ (ఈటీఎఫ్) వైపు మొగ్గు చూపుతున్నారు. దీనితో గోల్డ్ ఈటీఎఫ్ల ఏయూఎం (నిర్వహణలోని ఆస్తులు) అక్టోబర్లో రూ. 1.91 లక్షల కోట్లకు చేరింది. గణాంకాల ప్రకారం ఏప్రిల్లో ఇది రూ. 1.58 లక్షల కోట్లుగా నమోదైంది. గడిచిన ఆరు నెలల వ్యవధిలో పసిడి ధర దాదాపు 12 శాతం క్షీణించగా, రాబోయే నెలల్లో ఇది పుంజుకోవచ్చన్న అంచనాల కారణంగా ఇన్వెస్టర్లకు పసిడిపై ఆసక్తి ఏర్పడుతోంది. పండుగలు, పెళ్లిళ్ల సీజన్ కూడా కావడంతో పసిడికి డిమాండ్ మరింత డిమాండ్ నెలకొనవచ్చని నిపుణులు భావిస్తున్నారు. సెంట్రల్ బ్యాంకులు కొనుగోళ్లను కొనసాగించడం వల్ల వచ్చే 12 నెలల్లో ధరలు ఇంకా బలపడొచ్చని వరల్డ్ గోల్డ్ కౌన్సిల్ (డబ్ల్యూజీసీ) తమ తాజా త్రైమాసిక నివేదికలో పేర్కొంది.రాబడులు రయ్...గత 12 నెలల వ్యవధిలో బంగారం ఈటీఎఫ్లు 30% పైగా రాబడులు అందించాయి. నిప్పన్ ఇండియా గోల్డ్ ఈటీఎఫ్ బీస్, ఐసీఐసీఐ గోల్డ్ ఈటీఎప్ 30.7% చొప్పున రిటర్నులు ఇవ్వగా, ఇన్వెస్కో గోల్డ్ ఈటీఎఫ్ 30.6% రాబడిని అందించింది. స్టాక్ ఎక్సే్చంజీల మాధ్యమం ద్వారా డిజిటల్ యూనిట్ల రూపంలో బంగారంలో ట్రేడింగ్, ఇన్వెస్టింగ్ చేసేందుకు గోల్డ్ ఈటీఎఫ్లు ఉపయోగపడతాయి. వీటికి 99.5% స్వచ్ఛత గల పసిడి రేటు ప్రామాణికంగా ఉంటుంది. భౌతిక రూపంలోని బంగారంతో పోలిస్తే ఈటీఎఫ్లలో మేకింగ్ చార్జీల బాదరబందీ ఉండదు. పసిడి, వెండి భారీ జంప్ బంగారం రూ. 4,800, సిల్వర్ రూ. 9,000 అప్ పండుగల సందర్భంగా కొనుగోళ్లు, అంతర్జాతీయంగా రికవరీతో పసిడి ధరలు మళ్లీ పుంజుకున్నాయి. ఆలిండియా సరాఫా అసోసియేషన్ ప్రకారం బుధవారం ఢిల్లీ బులియన్ మార్కెట్లో 99.9 శాతం స్వచ్ఛత గల బంగారం 10 గ్రాముల ధర ఏకంగా రూ. 4,800 ఎగిసి రూ. 1,46,600కి పెరిగింది. అటు వెండి సైతం అదే బాటలో కేజీకి రూ. 9,000 పెరిగి రూ. 1.93 లక్షలకు చేరింది. డాలరు బలపడటం, బాండ్ ఈల్డ్లు పెరగడం, ఫెడరల్ రిజర్వ్ రేట్ల కోతపై ఆశలు నెమ్మదించడం వల్ల ట్రేడర్లు అమ్మకాలకు దిగడంతో బంగారం ధర ఇటీవల కరెక్షన్కి లోనైనట్లు బ్రిక్వర్క్ రేటింగ్స్ హెడ్ (రీసెర్చ్) రాజీవ్ శరణ్ చెప్పారు. గతేడాది ధన్తేరాస్ సందర్భంగా పసిడి రేట్లు దాదాపు 65% ఎగియగా, అప్పటితో పోలిస్తే ప్రస్తుతం 5–7 శాతమే పెరిగినట్లు పేర్కొన్నారు. ధరలు కొంత స్థిరపడటంతో ప్రజలు మళ్లీ పసిడి వైపు చూసే పరిస్థితి ఏర్పడినట్లు వివరించారు. అంతర్జాతీయంగా బంగారం ధర ఔన్సుకి 114 డాలర్లు (3%) బలపడి మళ్లీ కీలకమైన 4,000 డాలర్ల స్థాయిని దాటింది. 4,044 డాలర్లకు ఎగిసింది. వెండి కూడా 4.5% ర్యాలీ చేసి 52.03 డాలర్లకు పెరిగింది. -
వరుసగా ఐదో రోజూ లాభాల పంట.. కారణాలివే..
భారతీయ స్టాక్ మార్కెట్లు మరోసారి తమ పట్టును నిరూపించుకున్నాయి. గ్లోబల్ మార్కెట్లలో మిశ్రమ సంకేతాలు, అమెరికా మధ్యంతర ఎన్నికల ప్రభావం వంటి సవాళ్లు ఎదురైనప్పటికీ దేశీయ ఈక్విటీ మార్కెట్ సూచీలు బుధవారం అదరగొట్టాయి. ట్రేడింగ్ ముగిసే సమయానికి సూచీలు వరుసగా ఐదో రోజు కూడా లాభాల బాటను వీడకుండా స్థిరమైన వృద్ధిని నమోదు చేశాయి. ఈరోజు మార్కెట్ సెషన్ ప్రారంభంలో కొంత తడబాటు కనిపించినా మదుపర్ల కొనుగోళ్ల మద్దతుతో మార్కెట్లు కోలుకుని లాభాలతో ముగిశాయి.నేటి ట్రేడింగ్ ముగిసే సమయానికి బాంబే స్టాక్ ఎక్స్ఛేంజ్ సూచీ సెన్సెక్స్ 383.55 పాయింట్లు బలపడి 77,301.40 పాయింట్ల వద్ద స్థిరపడింది. అలాగే నేషనల్ స్టాక్ ఎక్స్ఛేంజ్ సూచీ నిఫ్టీ 149.75 పాయింట్లు ఎగబాకి కీలకమైన 23,960.60 మార్కును తాకింది.లాభాల వెనుక కొన్ని ముఖ్యమైన కారణాలుకొంతకాలంగా అమ్మకాలకే పరిమితమైన విదేశీ సంస్థాగత మదుపర్లు ఇటీవల కాలంలో భారత మార్కెట్ల వైపు మళ్లీ దృష్టి సారించారు. బలమైన కార్పొరేట్ ఎర్నింగ్ అంచనాలు, లార్జ్-క్యాప్ షేర్లలో కనిపిస్తున్న ఆకర్షణీయమైన వాల్యుయేషన్ల కారణంగా ఎఫ్ఐఐల నుంచి మద్దతు లభిస్తోంది.నేటి సెషన్లో ఎఫ్ఎంసీజీ, రియల్టీ, మెటల్, మీడియా రంగాలు మంచి ప్రదర్శన కనబరిచాయి. నిఫ్టీ మిడ్క్యాప్ 100 సూచీ 1.55%, స్మాల్క్యాప్ 100 సూచీ సుమారు 2 శాతం మేర లాభపడటంతో మార్కెట్లో పాజిటివ్ సెంట్రిమెంట్ బలపడింది.ప్రస్తుతం విడుదలవుతున్న Q2 ఆర్థిక ఫలితాలు అంచనాలకు తగ్గట్టుగా ఉండటంతో కంపెనీల షేర్లపై కొనుగోళ్ల ఒత్తిడి నెలకొంది. కీలక రంగాల కంపెనీల ఆదాయ వృద్ధి రేటు ఆశాజనకంగా ఉండటం మదుపర్లలో విశ్వాసాన్ని నింపింది.మొత్తం మార్కెట్ లాభాల్లో ముగిసినప్పటికీ గ్లోబల్ టెక్నాలజీ రంగానికి సంబంధించిన అనిశ్చితుల వల్ల నిఫ్టీ ఐటీ విభాగం మాత్రం 1 శాతానికి పైగా నష్టపోయింది. టాటా కన్సల్టెన్సీ సర్వీసెస్, ఇన్ఫోసిస్ షేర్లు నష్టాలను చవిచూశాయి.ప్రముఖ ఆర్థిక నిపుణుల అభిప్రాయం ప్రకారం అమెరికా మధ్యంతర ఎన్నికల ఫలితాల సరళి, అంతర్జాతీయంగా ముడి చమురు ధరల తీరుతెన్నులను మదుపర్లు నిశితంగా గమనిస్తున్నారు. అయినప్పటికీ, దేశీయంగా బలమైన ఆర్థిక మూలాలు ఉండటం వల్ల నిఫ్టీ త్వరలోనే 24,000 మైలురాయిని అధిగమించే అవకాశాలు ఉన్నాయని మార్కెట్ వర్గాలు అంచనా వేస్తున్నాయి.ఇదీ చదవండి: బ్యాంక్కు రూ.80 కోట్లకు పైగా కుచ్చుటోపీ -
అమాంతం పెరుగుతున్న బంగారం.. ఈ రోజు ధరలు ఇలా..
బంగారం కొనుగోలు చేయాలనుకుంటున్న వారికి మరోసారి షాక్ తగిలింది. గత కొద్ది రోజులుగా హెచ్చుతగ్గులకు లోనవుతున్న పసిడి ధరలు తాజాగా మళ్లీ పెరిగాయి. దీంతో దేశంలోని ప్రధాన నగరాల్లో బంగారం రేట్లలో మార్పులు చోటుచేసుకున్నాయి. ఈరోజు (బుధవారం) తులం బంగారంపై గరిష్టంగా రూ.270 పెరుగుదల నమోదైంది. ధరలు పెరగడంతో పసిడి కొనుగోలుదారులు ఆలోచనలో పడుతున్నారు. పెళ్లిళ్లు, శుభకార్యాల కోసం బంగారం కొనాలనుకునేవారు ఏ నగరంలో బంగారం రేటు ఎలా ఉందో ఈ కింద చూడవచ్చు. -
స్టాక్ మార్కెట్ అప్డేట్స్.. సెన్సెక్స్, నిఫ్టీ ఇలా..
దేశీయ స్టాక్ మార్కెట్లు బుధవారం లాభాల్లో ప్రారంభమయ్యాయి. ఉదయం 9:20 గంటలకు సెన్సెక్స్ 140.72 పాయింట్లు లేదా 0.18 శాతం లాభంతో 77,058.57 వద్ద, నిఫ్టీ 39.50 పాయింట్లు లేదా 0.17 శాతం లాభంతో 23,850.35 వద్ద ఉన్నాయి.ఫెర్టిలైజర్స్ అండ్ కెమికల్స్ ట్రావెన్కోర్ లిమిటెడ్, హెచ్ఈజీ అడ్వాన్స్డ్ మెటీరియల్స్ లిమిటెడ్, ఎమ్కూర్ ఫార్మాస్యూటికల్స్ లిమిటెడ్, ఫ్రాక్టల్ అనలిటిక్స్ లిమిటెడ్ వంటి కంపెనీలు టాప్ గెయినర్స్ జాబితాలో చేరాయి. మల్టీ కమోడిటీ ఎక్స్ఛేంజ్ ఆఫ్ ఇండియా లిమిటెడ్, మిండా కార్పొరేషన్ లిమిటెడ్, కాంకర్డ్ బయోటెక్ లిమిటెడ్ వంటి సంస్థలు నష్టాల జాబితాలో నిలిచాయి.(Disclaimer: మార్కెట్ గురించి సాక్షి వెబ్సైట్లో నిపుణులు వెల్లడించే అభిప్రాయాలు వారి పరిశీలన, అంచనాలను బట్టి ఉంటాయి. ఇన్వెస్టర్లకు ఇది కేవలం విషయ అవగాహన మాత్రమే తప్ప.. వారు పెట్టే పెట్టుబడులకు సాక్షి మీడియా గ్రూపు ఎలాంటి హామీ ఇవ్వదు.)ఇదీ చదవండి: బంగారం డిమాండ్.. WGC రిపోర్ట్ -
బంగారం డిమాండ్.. WGC రిపోర్ట్
భారీ రేటుతో పాటు దిగుమతి సుంకాల పెంపు కూడా తోడవడంతో జూలై-సెప్టెంబర్ త్రైమాసికంలో దేశీయంగా బంగారానికి డిమాండ్ గణనీయంగా పడిపోయింది. గతేడాది ఇదే వ్యవధిలో నమోదైన 230 టన్నులతో పోలిస్తే 29 శాతం తగ్గి 162 టన్నులకు పరిమితమైంది. ఈ నేపథ్యంలో పూర్తి సంవత్సరానికి గాను పసిడి డిమాండ్ 625-675 టన్నుల స్థాయిలో ఉంటుందనే అంచనాలు నెలకొన్నాయి.పసిడి డిమాండ్ ధోరణులపై వరల్డ్ గోల్డ్ కౌన్సిల్ (డబ్ల్యూజీసీ) రూపొందించిన నివేదికలో ఈ విషయాలు వెల్లడయ్యాయి. దీని ప్రకారం పరిమాణంపరంగా పసిడి డిమాండ్ తగ్గినప్పటికీ విలువపరంగా మాత్రం 3 శాతం పెరిగింది. రూ. 2,35,090 కోట్ల నుంచి రూ. 2,41,900 కోట్లకు చేరింది. సమీక్షాకాలంలో బంగారం సగటు ధర ఔన్సుకి (31.1 గ్రాములు) 4,262 డాలర్లుగా (10 గ్రాములకు రూ. 1,48,891) ఉండగా, గతేడాది ఇదే వ్యవధిలో 3,457 డాలర్లుగా (రూ. 1,02,287) నమోదైంది (దిగుమతి సుంకాలు, జీఎస్టీ కాకుండా).పండగలు, పెళ్లిళ్ల దన్ను..భారీ రేట్ల వల్ల కొనుగోలు ధోరణులపై ప్రభావం పడినప్పటికీ భారత్లో పసిడికి ఆదరణ కొనసాగుతోందని జూలై-సెప్టెంబర్ త్రైమాసిక గణాంకాలు సూచిస్తున్నాయని డబ్ల్యూజీసీ రీజనల్ సీఈవో (ఇండియా) సచిన్ జైన్ తెలిపారు. ఇటు ధర.. అటు దీర్ఘకాలిక విలువను బేరీజు వేసుకుంటూనే బంగారం కొనుగోళ్లకు వినియోగదారులు ప్రాధాన్యమిస్తున్నారని పేర్కొన్నారు.ముఖ్యంగా జ్యుయలరీ విభాగంలో ఈ ధోరణి కనిపిస్తోందని, డిమాండ్ 20 శాతం తగ్గినప్పటికీ విలువ మాత్రం 16 శాతం పెరిగిందని జైన్ చెప్పారు. జూలై-సెప్టెంబర్ త్రైమాసికంలో ప్రధానంగా దక్షిణాదిలో పండుగలు, పెళ్ళిళ్లు మొదలైన సందర్భాలతో బంగారానికి డిమాండ్ నెలకొందని వివరించారు. సరఫరాపరంగా చూస్తే అధికారికంగా దిగుమతులు గణనీయంగా పడిపోగా, ప్రాథమిక సమాచారాన్ని బట్టి అనధికారిక మార్గాల్లో సరఫరా పెరిగినట్లు తెలుస్తోందని జైన్ చెప్పారు.రాబోయే పండుగలు, పెళ్లిళ్ల సీజన్లో పసిడికి మళ్లీ డిమాండ్ ఏర్పడవచ్చని ఆయన పేర్కొన్నారు. ‘అధిక స్థాయిలో ధరలు ఉండటమనేది కొనుగోలు ధోరణులను ప్రభావితం చేయడం కొనసాగుతుంది. కాకపోతే వినియోగదారులు తేలికపాటి ఆభరణాలు కొనడం, పాత బంగారాన్ని మార్చుకోవడంలాంటి పద్ధతుల ద్వారా కొనుగోళ్లను కొనసాగించవచ్చు‘ అని జైన్ వివరించారు.భారత్పై డబ్ల్యూజీసీ నివేదికలో మరిన్ని కీలకాంశాలు..గతేడాది జూలై-సెప్టెంబర్ క్వార్టర్లో 0.2 టన్నుల పసిడిని కొన్న రిజర్వ్ బ్యాంక్ ఈసారి మాత్రం కొనుగోళ్లు చేపట్టలేదు.కడ్డీలు, నాణేలకు డిమాండ్ 40% పడిపోయింది. 91.6 టన్నుల నుంచి 55 టన్నులకు తగ్గింది.గోల్డ్ ఈటీఎఫ్లకు (ఎక్స్చేంజ్ ట్రేడెడ్ ఫండ్స్) మొత్తం డిమాండ్ 10.7 టన్నుల నుంచి 5.3 టన్నులకు క్షీణించింది.రీసైకిల్ చేసిన బంగారం పరిమాణం 21.8 టన్నుల నుంచి 12 శాతం క్షీణించి 19.2 టన్నులకు పరిమితమైంది.నికరంగా పసిడి దిగుమతులు 211.9 టన్నుల నుంచి 46 శాతం తగ్గి 114.1 టన్నులకు పరిమితమయ్యాయి.అంతర్జాతీయంగాను అదే తీరు..➤ ధరపై అనిశ్చితి నెలకొనడంతో గ్లోబల్గా పసిడికి డిమాండ్ 1 శాతం క్షీణించి 1,369 టన్నులకు తగ్గింది. విలువ మాత్రం 22 శాతం పెరిగి 188 బిలియన్ డాలర్లకు చేరింది. పుత్తడి సగటు ధర ఔన్సుకి (31.1 గ్రాములు) 4,262 డాలర్లు పలికింది.➤ ఆభరణాలకు డిమాండ్ 17 శాతం క్షీణించి 313 టన్నులకు పడిపోయింది. కరోనా పరిస్థితులు నెలకొన్న 2020 మూడో త్రైమాసికంలో నమోదైన 331 టన్నుల కన్నా ఇది తక్కువ. అయితే, తేలికపాటి ఆభరణాలకు డిమాండ్ నెలకొంది. గ్లోబల్గా జ్యుయలరీ డిమాండ్ విలువపరంగా 43 బిలియన్ డాలర్లకు ఎగిసింది.➤ ప్రాంతీయంగా చూస్తే చైనాలో ఆభరణాల డిమాండ్ 22 శాతం క్షీణించింది. అమెరికా, పశ్చిమాసియా, సౌదీ అరేబియాలో కూడా నెమ్మదించింది.➤ గోల్డ్ ఈటీఎఫ్లలోకి మాత్రం పెట్టుబడులు పెరిగాయి. సాధారణంగా పసిడి ధర ఎప్పుడు తగ్గినా, ఈటీఎఫ్ల నుంచి పెట్టుబడుల ఉపసంహరణ జరుగుతుంది. కానీ ఈసారి అందుకు భిన్నంగా పెట్టుబడులు రావడం గమనార్హం.➤ సెంట్రల్ బ్యాంకులు, ఇతరత్రా సంస్థలు నికరంగా 321 టన్నుల (42 శాతం అధికం) మేర పసిడి నిల్వలను పెంచుకున్నాయి. చైనా, పోలాండ్, చెక్ రిపబ్లిక్ ఈ విషయంలో ముందున్నాయి. ➤ విభాగాలవారీగా చూస్తే టెక్నాలజీ రంగంలో పసిడికి డిమాండ్ 3 శాతం పెరిగి 85 టన్నులకు, ఎల్రక్టానిక్స్ సెగ్మెంట్లో డిమాండ్ 5 శాతం పెరిగి 72 టన్నులకు చేరింది.➤ గనుల నుంచి ఉత్పత్తి 3 శాతం పెరిగి త్రైమాసిక ప్రాతిపదికన 1,071 టన్నుల రికార్డు స్థాయికి ఎగిసినప్పటికీ, పసిడి రీసైక్లింగ్ 8 శాతం క్షీణించి 314 టన్నులకు తగ్గడంతో మొత్తం బంగారం సరఫరా 1 శాతం నెమ్మదించి 1,369 టన్నులకు పరిమితమైంది.ఇదీ చదవండి: ఇదీ అమెరికాలో ఉద్యోగాల పరిస్థితి! -
రూ.2.42 లక్షల కోట్ల బంగారం కొనేశారు!
భారతీయులకు బంగారం అంటే ఎంత ప్రేమో ప్రత్యేకంగా చెప్పనక్కర్లేదు. మూడు నెలల్లో ఏకంగా రూ.2.42 లక్షల కోట్ల విలువైన బంగారాన్ని కొనేశారు. దేశంలో బంగారం కొనుగోళ్లు తగ్గినా.. దాని కోసం వెచ్చించిన మొత్తం మాత్రం పెరిగింది. అధిక ధరలు, దిగుమతి సుంకం పెంపు ప్రభావంతో 2026 జూలై–సెప్టెంబర్ త్రైమాసికంలో భారత బంగారం డిమాండ్ గత ఏడాదితో పోలిస్తే 29 శాతం తగ్గి 162.5 టన్నులకు పరిమితమైంది. అయితే, విలువ పరంగా కొనుగోళ్లు 3 శాతం పెరిగి రూ.2.42 లక్షల కోట్లకు చేరుకున్నాయి. వరల్డ్ గోల్డ్ కౌన్సిల్ (WGC) విడుదల చేసిన తాజా నివేదిక ఈ విషయాన్ని వెల్లడించింది.గత ఏడాది ఇదే సమయంలో 229.8 టన్నుల బంగారం కొనుగోలు కాగా.. ఈసారి పరిమాణం తగ్గింది. అయినప్పటికీ, ధరల పెరుగుదల కారణంగా కొనుగోళ్ల విలువ రూ.2.35 లక్షల కోట్ల నుంచి రూ.2.42 లక్షల కోట్లకు పెరిగింది. త్రైమాసికంలో అంతర్జాతీయంగా బంగారం సగటు ధర ఔన్సుకు 4,262 డాలర్లుగా ఉండగా, దేశీయంగా 10 గ్రాముల ధర సగటున రూ.1,48,891గా నమోదైంది. ఇది గత ఏడాదితో పోలిస్తే 45 శాతం అధికం.ఆభరణాల కొనుగోళ్లలో 20 శాతం పతనంభారత బంగారం డిమాండ్లో కీలకమైన ఆభరణాల కొనుగోళ్లు 20 శాతం తగ్గి 99.9 టన్నులకు చేరాయి. అయితే వీటి విలువ మాత్రం 16 శాతం పెరిగి రూ.1.49 లక్షల కోట్లకు చేరింది. అధిక ధరల కారణంగా వినియోగదారులు తక్కువ బరువున్న ఆభరణాలు కొనడం, పాత బంగారాన్ని మార్చుకుని కొత్తవి తీసుకోవడం వంటి పద్ధతులను అనుసరిస్తున్నారని డబ్ల్యూజీసీ తెలిపింది.ఇక పెట్టుబడి కోసం చేసే బంగారం కొనుగోళ్లు కూడా తగ్గాయి. బంగారు కడ్డీలు, నాణేల డిమాండ్ 40 శాతం క్షీణించి 55 టన్నులకు చేరింది. గోల్డ్ ఈటీఎఫ్లలో పెట్టుబడులు 50 శాతం తగ్గి 5.3 టన్నులుగా నమోదయ్యాయి. మరోవైపు, ఆర్బీఐ ఈ త్రైమాసికంలో బంగారం కొనుగోలు చేయలేదు.ఆరేళ్ల కనిష్ఠానికి డిమాండ్?2026 ఏడాది మొత్తానికి దేశంలో బంగారం డిమాండ్ 625–675 టన్నుల మధ్య ఉండొచ్చని డబ్ల్యూజీసీ అంచనా వేస్తోంది. ఇది 2020 తర్వాత అత్యల్ప స్థాయికి చేరే అవకాశం ఉంది. పండుగలు, పెళ్లిళ్ల సీజన్ నేపథ్యంలో డిసెంబర్ త్రైమాసికంలో కొనుగోళ్లు పుంజుకోవచ్చని భావిస్తున్నప్పటికీ.. అధిక ధరలు, గ్రామీణ ప్రాంతాల్లో కొనుగోలు శక్తి తగ్గడం రికవరీకి అడ్డంకిగా మారవచ్చని తెలిపింది.ఇదీ చదవండి: బ్యాంక్ ఛార్జీల పెంపు.. యాక్సిస్ కస్టమర్లకు అలర్ట్!దేశంలోని ప్రధాన నగరాల్లో నేటి బంగారం, వెండి ధరలు ఈ కింద చూడొచ్చు.. -
భారీ లాభాల్లో మార్కెట్లు..
దేశీయ స్టాక్ మార్కెట్లు మంగళవారం భారీ లాభాల్లో ముగిశాయి. బలమైన దేశీయ ఆదాయాలు, ప్రపంచ AI-వాణిజ్య మద్దతు సెంటిమెంట్ కారణంగా బెంచ్ మార్క్ సూచీలు ఎగిశాయి. సెన్సెక్స్ 1,225.07 పాయింట్లు లేదా 1.62 శాతం పెరిగి 76,917.85 వద్ద, నిఫ్టీ 370.05 పాయింట్లు లేదా 1.58 శాతం పెరిగి 23,810.85 వద్ద ముగిసింది.బీఎస్ఈ, నెస్లే ఇండియా, టాటా కన్స్యూమర్ ప్రొడక్ట్స్ నిఫ్టీ 50లో టాప్ గెయినర్లుగా నిలిచాయి. విస్తృత మార్కెట్లలో నిఫ్టీ మిడ్ క్యాప్ 100, నిఫ్టీ స్మాల్ క్యాప్ 100 వరుసగా 1.06 శాతం, 0.31 శాతం పెరిగాయి. రంగాల వారీగా, నిఫ్టీ ఎఫ్ఎంసీజీ 3 శాతం పెరిగి సహచరులను అధిగమించగా, నిఫ్టీ పీఎస్యూ బ్యాంక్ అత్యధికంగా క్షీణించింది. -
ఈరోజు అపరంజి ధర పెరిగిందా? తగ్గిందా?
ఇటీవల కాలంలో స్థిర ఆదాయం సమకూర్చే కమోడిటీ మార్కెట్లపైపు పెట్టుబడిదారులు మొగ్గు చూపుతున్నారు. అందులో భాగంగా బంగారం ధరల్లో మార్పులు వస్తున్నాయని నిపుణులు చెబుతున్నారు. గత కొన్ని రోజులుగా బంగారం ధరలు(Today Gold Rate) ఒడిదొడుకులకు లోనవుతున్నాయి. దేశంలోని ప్రధాన నగరాల్లో నేడు బంగారం, వెండి ధరలు(Today Silver Rate) ఎలా ఉన్నాయో కింద తెలుసుకుందాం. -
ఈరోజు సెన్సెక్స్, నిఫ్టీ ట్రెండ్ ఇదే!
దేశీయ స్టాక్ మార్కెట్ సూచీలు మంగళవారం లాభాల్లో కదలాడుతున్నాయి. ఈరోజు ఉదయం 09:24 సమయానికి నిఫ్టీ(Nifty) 145 పాయింట్లు పెరిగి 23,589 వద్దకు చేరింది. సెన్సెక్స్(Sensex) 622 పాయింట్లు పుంజుకొని 76,298 వద్ద ట్రేడవుతోంది.అమెరికా డాలర్ ఇండెక్స్(USD Index) 101.83బ్రెంట్ క్రూడ్ఆయిల్ బ్యారెల్ ధర 104.7 డాలర్లుయూఎస్ 10 ఏళ్ల బాండ్ ఈల్డ్లు 4.91 శాతానికి చేరాయి.గడిచిన సెషన్లో యూఎస్ ఎస్ అండ్ పీ 0.51 శాతం పడిపోయింది.నాస్డాక్ 1.07 శాతం దిగజారింది.Today Nifty position 03-11-2026(time: 09:24 am)(Disclaimer: మార్కెట్ గురించి సాక్షి వెబ్ సైట్లో నిపుణులు వెల్లడించే అభిప్రాయాలు వారి పరిశీలన, అంచనాలను బట్టి ఉంటాయి. ఇన్వెస్టర్లకు ఇది కేవలం విషయ అవగాహన మాత్రమే తప్ప.. వారు పెట్టే పెట్టుబడులకు సాక్షి మీడియా గ్రూపు ఎలాంటి హామీ ఇవ్వదు.) -
తులం బంగారానికి కేజీ వెండి? తగ్గుతోన్న తేడా!
బంగారం, వెండి.. విలువైన లోహాలు. వీటిని ఆభరణాలకు, పెట్టుబడి సాధనంగా ఎక్కువగా వినియోగిస్తుంటారు. అయితే ధరల్లో మాత్రం రెండింటి మధ్య అంతరం భారీగానే ఉంటుంది. వెండి కిలోల్లో కొనగలిగే డబ్బుకు బంగారం కేవలం గ్రాముల్లోనే వస్తుంది. ఇటీవల కాలంలో వీటి ధరలు పోటాపోటీగా పెరుగుతూ వచ్చాయి.అయితే వెండి ధరలు భారీగా పడిపోవడంతో బంగారం, వెండి మధ్య ధరల అంతరం వేగంగా తగ్గుతోంది. ఒకప్పుడు కిలో వెండి విలువ రెండు తులాల బంగారం ధరను మించగా.. ఇప్పుడు ఆ వ్యత్యాసం గణనీయంగా తగ్గింది. వెండి మరింత క్షీణిస్తే కిలో వెండి ధర ఒక తులం బంగారం విలువకు చేరువయ్యే పరిస్థితి కనిపిస్తోంది.అక్టోబర్ 30న మల్టీ కమోడిటీ ఎక్స్ఛేంజ్ (ఎంసీఎక్స్)లో డిసెంబర్ వెండి ఫ్యూచర్స్ కిలోకు సుమారు రూ.1.79 లక్షలకు పడిపోయాయి. బంగారం ఫ్యూచర్స్ 10 గ్రాములకు రూ.1.38 లక్షల స్థాయికి చేరాయి. దీంతో రెండింటి మధ్య ధరల వ్యత్యాసం సుమారు రూ.40 వేలుగా ఉంది. జనవరిలో వెండి కిలో ధర రూ.4.20 లక్షల గరిష్ఠాన్ని తాకగా.. అప్పటి నుంచి దాదాపు 57 శాతం క్షీణించింది. బంగారం మాత్రం జనవరి గరిష్ఠంతో పోలిస్తే సుమారు 23 శాతం తగ్గింది.అంతర్జాతీయ మార్కెట్లోనూ భారీ పతనంఅంతర్జాతీయ మార్కెట్లో స్పాట్ వెండి ధర ఔన్సుకు 50 డాలర్ల దిగువకు పడిపోయి, దాదాపు 11 నెలల కనిష్ఠానికి చేరింది. బంగారం ధర కూడా ఔన్సుకు 4,000 డాలర్ల దిగువకు పడిపోయి ఏడాది కనిష్ఠాన్ని నమోదు చేసింది. జనవరిలో వెండి 122 డాలర్ల రికార్డు స్థాయిని తాకగా.. ప్రస్తుతం దాని నుంచి సుమారు 60 శాతం తగ్గింది. బంగారం 5,595 డాలర్ల గరిష్ఠంతో పోలిస్తే దాదాపు 30 శాతం క్షీణించింది.పతనానికి కారణాలివే..అమెరికా టెక్నాలజీ షేర్లలో అమ్మకాల ఒత్తిడి, కృత్రిమ మేధ (ఏఐ) పెట్టుబడులపై ఆందోళనలు విలువైన లోహాలపైనా ప్రభావం చూపాయి. పెరుగుతున్న ముడి చమురు ధరలు, ద్రవ్యోల్బణ భయాలు, అమెరికా ఫెడరల్ రిజర్వ్ వడ్డీ రేట్లను మరింత పెంచవచ్చన్న అంచనాలు కూడా బంగారం, వెండిపై ఒత్తిడి పెంచాయి. పెట్టుబడిదారులు నష్టాలను పూడ్చుకునేందుకు ఇతర ఆస్తులను విక్రయించడం కూడా ధరల పతనానికి కారణమైంది.బంగారంతో పోలిస్తే వెండిపై పారిశ్రామిక డిమాండ్ ప్రభావం ఎక్కువగా ఉంటుంది. ఆర్థిక వృద్ధి మందగిస్తుందన్న భయాలు, పరిశ్రమల వినియోగం తగ్గే అంచనాలు వెండిని మరింత దెబ్బ తీస్తున్నాయి. మరోవైపు, వెండి సరఫరా కొరత తగ్గుతోందన్న సంకేతాలు కూడా కనిపిస్తున్నాయి.మరింత తగ్గే అవకాశం ఉందా?బంగారం-వెండి నిష్పత్తి ప్రస్తుతం సుమారు 79కు చేరింది. అంటే ఒక ఔన్సు బంగారం కొనుగోలు చేయడానికి దాదాపు 79 ఔన్సుల వెండి అవసరం. 2020–2025 మధ్య ఈ నిష్పత్తి సగటున 82గా ఉంది. ఆ స్థాయికి చేరితే ప్రస్తుత బంగారం ధరల ఆధారంగా ఎంసీఎక్స్ వెండి కిలో ధర రూ.1.69 లక్షల సమీపానికి రావచ్చన్న అంచనాలున్నాయి.ఇదీ చదవండి: రూ.12000 లకే కొత్త స్మార్ట్ ఫోన్లు వచ్చేశాయ్..!అయితే, వెండి ధరలు తులం బంగారంతో సమానమవ్వాలంటే ఇంకా గణనీయంగా తగ్గాల్సి ఉంటుంది. మార్కెట్ ఒడిదుడుకులు, డాలర్ కదలికలు, అమెరికా వడ్డీ రేట్ల నిర్ణయాలు, పారిశ్రామిక డిమాండ్ తదుపరి ధరల దిశను నిర్దేశించనున్నాయి.దేశంలోని ప్రధాన నగరాల్లో నేటి బంగారం, వెండి ధరలు ఈ కింద చూడొచ్చు.. -
బైనాన్స్కు భారీ షాక్.. రూ.35 వేల కోట్లు విత్డ్రా!
ప్రపంచంలోనే అతిపెద్ద క్రిప్టోకరెన్సీ ఎక్స్ఛేంజ్ సంస్థ బైనాన్స్(Binance)కు ఎదురుదెబ్బ తగిలింది. ఇటీవల జరిగిన భారీ సైబర్ దాడి తర్వాత.. కస్టమర్లు ఒక్కసారిగా తమ డబ్బును వెనక్కి తీసుకోవడం మొదలుపెట్టారు. దీంతో ఏకంగా 3.6 బిలియన్ డాలర్ల విలువైన క్రిప్టో ఆస్తులు బైనాన్స్ నుంచి బయటకు వెళ్లాయి. భారత కరెన్సీలో.. రూ.35 వేల కోట్ల కంటే ఎక్కువ.ఇటీవల బైనాన్స్పై జరిగిన సైబర్ దాడిలో సుమారు 6.3 బిలియన్ డాలర్ల విలువైన క్రిప్టో ఆస్తులు చోరీకి గురయ్యాయి. ఈ దాడి వెనుక ఉత్తర కొరియాకు చెందిన హ్యాకర్లు ఉన్నట్లు ఫెడరల్ బ్యూరో ఆఫ్ ఇన్వెస్టిగేషన్ వంటి అమెరికా దర్యాప్తు సంస్థలు, బ్లాక్చెయిన్ నిపుణులు ఆరోపిస్తున్నారు. ఈ ఘటనతో క్రిప్టో ప్రపంచంలో ఒక్కసారిగా కలకలం మొదలైంది.విత్డ్రాలను నిలిపివేసిన కంపెనీహ్యాకింగ్ విషయం బయటపడిన వెంటనే బైనాన్స్ అప్రమత్తమైంది. పరిస్థితిని పూర్తిగా పరిశీలించేందుకు గురువారం కస్టమర్ల విత్డ్రాలను తాత్కాలికంగా నిలిపివేసింది. దాడి ఎలా జరిగింది? ఎన్ని నిధులు పోయాయి? భద్రతా వ్యవస్థలో ఎక్కడ లోపం జరిగింది? అనే అంశాలపై దర్యాప్తు చేపట్టింది.ఆదివారం నుంచి మళ్లీ దశలవారీగా విత్డ్రాలను ప్రారంభించింది. అయితే సేవలు అందుబాటులోకి రాగానే చాలామంది కస్టమర్లు తమ క్రిప్టో ఆస్తులను ఇతర వాలెట్లకు తరలించారు. దీంతో ఒక్కరోజులోనే భారీగా నిధులు బయటకు వెళ్లాయి. ఈ విషయాన్ని బైనాన్స్ కూడా సోషల్ మీడియా ద్వారా వెల్లడించింది. మొదట్లో విత్డ్రాలు భారీగా పెరిగినా, ఆ తర్వాత క్రమంగా తగ్గాయని తెలిపింది.కస్టమర్లకు నష్టపరిహారంఈ హ్యాకింగ్ ఘటనలో కస్టమర్లు నష్టపోకుండా చూస్తామని బైనాన్స్ హామీ ఇచ్చింది. దొంగిలించబడిన క్రిప్టో ఆస్తుల విలువను కంపెనీ తన సొంత నిధులు, అత్యవసర నిధులు, ఇన్సూరెన్స్ ఫండ్స్ ద్వారా భర్తీ చేస్తోంది. ఇప్పటికే చోరీకి గురైన క్రిప్టో ఆస్తుల్లో దాదాపు 95 శాతం విలువను భర్తీ చేసినట్లు కంపెనీ వెల్లడించింది. ఈ ఘటన వల్ల కలిగిన ఆర్థిక భారాన్ని తామే భరిస్తామని, కస్టమర్లపై ఎలాంటి భారం వేయబోమని స్పష్టం చేసింది. -
భారీ పతనం తరువాత.. బంగారం, వెండి ధరలు ఇలా..
బంగారం ధరలు భారీ పతనం తరువాత.. మళ్లీ పెరుగుదల దిశగా అడుగులు వేశాయి. ఈ రోజు (సోమవారం) గోల్డ్ రేటు గరిష్టంగా రూ.490 పెరిగింది. దీంతో దేశంలోనో ప్రధాన నగరాల్లో (హైదరాబాద్, విజయవాడ, బెంగళూరు, ముంబై, చెన్నై, ఢిల్లీ) పసిడి ధరల్లో మార్పులు కనిపించాయి. బంగారం రేటు ఏ నగరంలో ఎక్కువగా ఉంది?, ఏ నగరంలో తక్కువగా ఉందో?.. కింద చూడవచ్చు. -
స్టాక్ మార్కెట్ అప్డేట్.. సెన్సెక్స్, నిఫ్టీ ఇలా..
దేశీయ స్టాక్ మార్కెట్లు సోమవారం ఉదయం లాభాల్లో ప్రారంభమయ్యాయి. ఉదయం 9:23 గంటలకు సెన్సెక్స్ 804.41 పాయింట్లు లేదా 1.08 శాతం లాభంతో 75,263.94 వద్ద, నిఫ్టీ 210.55 పాయింట్లు లేదా 0.91 శాతం లాభంతో 23,263.65 వద్ద ఉన్నాయి.మదర్సన్ సుమీ వైరింగ్ ఇండియా లిమిటెడ్, ఇంజనీర్స్ ఇండియా లిమిటెడ్, రామకృష్ణ ఫోర్జింగ్స్ లిమిటెడ్ వంటి కంపెనీలు టాప్ గెయినర్స్ జాబితాలో చేరగా.. నష్టాల జాబితాలో క్లీన్ సైన్స్ & టెక్నాలజీ లిమిటెడ్, ఇంద్రప్రస్థ గ్యాస్ లిమిటెడ్, కాంకర్డ్ బయోటెక్ లిమిటెడ్ వంటివి చేరాయి.(Disclaimer: మార్కెట్ గురించి సాక్షి వెబ్సైట్లో నిపుణులు వెల్లడించే అభిప్రాయాలు వారి పరిశీలన, అంచనాలను బట్టి ఉంటాయి. ఇన్వెస్టర్లకు ఇది కేవలం విషయ అవగాహన మాత్రమే తప్ప.. వారు పెట్టే పెట్టుబడులకు సాక్షి మీడియా గ్రూపు ఎలాంటి హామీ ఇవ్వదు.) -
దిగొచ్చిన బంగారం.. కొనేందుకు మంచి తరుణం!
అమెరికన్ డాలర్ల మారకంలో అంతర్జాతీయంగా.. బంగారం ధరలు 2026 జనవరి చివర్లో ఔన్సుకు (31.1 గ్రాములు) దాదాపు 5,600 డాలర్ల రికార్డు స్థాయిని తాకాయి. ఆ తర్వాత అక్టోబర్ 16 నాటికి స్పాట్ మార్కెట్లో గోల్డ్ ధర దాదాపు 4,179 డాలర్లకు.. అటు పైన అక్టోబర్ 30 నాటికి కీలకమైన 4,000 డాలర్ల దిగువకు పడిపోయింది. అంటే దాదాపు 25 శాతం పైగానే పతనమైంది (దేశీయంగా రూపాయి మారకంలో చూస్తే స్పాట్ మార్కెట్లో 99.9 శాతం స్వచ్ఛత గల 10 గ్రాముల పసిడి ధర జనవరి నాటి రికార్డు స్థాయి దాదాపు రూ. 1,83,000 నుంచి ప్రస్తుతం రూ. 1,45,000కు క్షీణించింది). దీనితో బుల్ మార్కెట్ ముగిసిందా, ధన్తేరాస్ సందర్భంగా కొనుగోళ్లకు అనువైన సమయమేనా అనే ప్రశ్నలు తలెత్తుతున్నాయి.పరిశ్రమల సంఘం అసోచామ్ అంచనా ప్రకారం 2026 ఏప్రిల్ నాటికి, భారతీయ కుటుంబాల వద్ద దాదాపు 5 లక్షల కోట్ల డాలర్ల విలువైన బంగారం ఉంది. ఇది ప్రపంచంలోని టాప్ టెన్ కేంద్ర బ్యాంకుల వద్ద ఉన్న మొత్తం బంగారం నిల్వల విలువ కంటే ఎక్కువ. భారతీయుల పొదుపు విధానాల్లో బంగారం విడదీయలేని భాగంగా ఉంటోంది.ఇక ధన్తేరస్ పండుగ సందర్భంగా పసిడి కొనుగోళ్లపై సహజంగానే ఆసక్తి ఉంటుంది. అయితే, ప్రస్తుత పరిస్థితుల కారణంగా బంగారం కొనుక్కోవాలా వద్దా అనేది చర్చనీయాంశంగా మారింది. కానీ, ధరల దిద్దుబాటు అనేది పసిడిని మరింత ఆకర్షణీయంగా మార్చిందని అర్థ భారత్ భావిస్తోంది. నెమ్మదిగా ధరల పతనానికి కారణమైన ఒత్తిడి తగ్గుతోంది. దీర్ఘకాలిక దృక్పథం ఉన్న వారు కొనుగోళ్లు కొనసాగిస్తున్నారు. అంతేకాకుండా, ఇప్పుడు ప్రపంచవ్యాప్తంగా ఉన్న భారతీయులకు గిఫ్ట్ సిటీ ద్వారా భౌతిక బంగారాన్ని సొంతం చేసుకునేందుకు మరో మార్గం అందుబాటులోకి వచ్చింది.ఆకర్షణీయంగానే..అమెరికా ట్రెజరీ బాండ్లపై పెరుగుతున్న రాబడులు బంగారం ధరల పెరుగుదలకు ప్రధాన అడ్డంకిగా మారాయి. జనవరి చివర్లో బంగారం ధరలు గరిష్ఠ స్థాయికి చేరుకున్నప్పుడు, పదేళ్ల కాలపరిమితి గల అమెరికా ట్రెజరీ బాండ్లపై రాబడి సుమారు 4.24 శాతంగా ఉంది. అక్టోబర్ 5 నాటికి అది 5.31 శాతానికి చేరుకుంది. ద్రవ్యోల్బణం నుంచి రక్షణ కల్పించే పదేళ్ల బాండ్లపై రాబడి కూడా 2.92 శాతానికి చేరింది. ఇది 2008లో నమోదైన రికార్డు స్థాయికి దగ్గరగా ఉంది.వడ్డీ ఆదాయం అందించని బంగారంలాంటి అసెట్తో పోలిస్తే ఇది మరింత ఆకర్షణీయంగా మారింది. అయినప్పటికీ, బంగారం ఈ ప్రతికూల ప్రభావాన్ని సమర్థంగా తట్టుకుంది. ద్రవ్యోల్బణం నుంచి రక్షణ కల్పించే బాండ్లపై రాబడులు కొత్త గరిష్టాలను తాకినప్పటికీ, పసిడి ధర జూన్ చివరి నాటి దాదాపు 4,000 డాలర్ల స్థాయికి దరిదాపుల్లోనే కొనసాగుతోంది.దీర్ఘకాలిక పెట్టుబడి దృక్పథంతో వ్యవహరించే కొనుగోలుదారులు బంగారం మార్కెట్కి దూరం కాలేదు. 2026 రెండో త్రైమాసికంలో కేంద్ర బ్యాంకులు నికరంగా 289 టన్నుల బంగారాన్ని కొనుగోలు చేశాయి. రెండో త్రైమాసికానికి సంబంధించి ఇవి రికార్డు స్థాయి కొనుగోళ్లు. ఇదే సమయంలో బంగారం ధరలు తగ్గుతున్నప్పటికీ, పోలాండ్, చైనా వంటి దేశాల సారథ్యంలో ఈ కొనుగోళ్లు కొనసాగాయి. దేశీయంగా సెపె్టంబర్ నెలలో గోల్డ్ ఈటీఎఫ్లలోకి నికరంగా రూ. 4,451 కోట్ల పెట్టుబడులు వచ్చాయి.ఎంత కేటాయించవచ్చువివిధ అసెట్స్లో పెట్టుబడులకు సంబంధించి బంగారం కీలక పాత్ర పోషిస్తుంది. మొత్తం పోర్ట్ఫోలియోలో ఒడిదుడుకులను తగ్గించడంతో పాటు రిస్ప్కి తగ్గట్లు మెరుగైన రాబడులను అందించడంలో సహాయపడుతుంది. అయితే, బంగారం దానంతట అదే ఎలాంటి ఆదాయాన్ని అందించదు కాబట్టి రుణ సాధనాలు, ఈక్విటీల్లాగా వడ్డీ లేదా డివిడెండ్లను అందించని పసిడికి ఎంత మేర పెట్టుబడులు కేటాయించాలనే ప్రశ్న తలెత్తుతుంది. దీనికో విధానం పాటించవచ్చు.ఇన్వెస్టరు దగ్గర ఇప్పటికే ఉన్న బంగారం, పెట్టుబడి లక్ష్యాలు, మార్కెట్ ఒడిదుడుకులను తట్టుకునే సామర్థ్యం ఆధారంగా కేటాయింపు ఉండాలి. వివిధ రకాల అసెట్స్లో ఇన్వెస్ట్ చేసే చాలా మంది మదుపరులు, తమ మొత్తం పోర్ట్ఫోలియోలో సుమారు 10 నుంచి 15 శాతం వరకు పసిడికి కేటాయించడం దీర్ఘకాలిక వ్యూహంగా ఉండవచ్చు. పసిడిలో ఒకేసారి పెద్ద మొత్తాన్ని పెట్టుబడి పెట్టడం కంటే, ఆరు నుంచి పన్నెండు నెలల వ్యవధిలో దశలవారీగా ఇన్వెస్ట్ చేయడం ప్రయోజనకరంగా ఉంటుంది. తగిన వ్యవధిని ఎంచుకుని సిస్టమాటిక్ ఇన్వెస్ట్మెంట్ ప్లాన్ (సిప్) ద్వారా ఈ విధానాన్ని సులభంగా అమలు చేయొచ్చు.ఇలా కూడా ఇన్వెస్ట్ చేయొచ్చుబంగారంలో మదుపు చేయడానికి సంబంధించి సంప్రదాయ మార్గాల్లో ఒక్కో దానికీ కొన్ని ప్రతికూలతలు ఉన్నాయి. ఆభరణాల రూపంలో కొనుగోలు చేస్తే, తయారీ చార్జీలు, స్వచ్ఛతకు సంబంధించిన రిస్క్లు ఉంటాయి. వాటిని విక్రయించేటప్పుడు కూడా కొన్ని కోతలు విధిస్తారు కాబట్టి అమ్మడం సైతం ఖర్చుతో కూడుకున్న వ్యవహారంగా మారుతుంది. దేశీయంగా కొనుగోలు చేసే బంగారం రేటును రూపాయల్లో నిర్ణయిస్తారు.అంతర్జాతీయ రేటుకు అదనంగా దిగుమతి సుంకం కూడా దీనికి వర్తిస్తుంది. గిఫ్ట్ సిటీ అంతర్జాతీయ ధరలతో పాటు భౌతిక రూపంలో బంగారం, భారత్లోనే భద్రపరిచే సదుపాయంలాంటి ప్రయోజనాలను కూడా అందిస్తోంది. 2022లో ప్రారంభమైన ఇండియా ఇంటర్నేషనల్ బులియన్ ఎక్స్చేంజ్ (ఐఐబీఎక్స్), లండన్ బులియన్ మార్కెట్ అసోసియేషన్ (ఎల్బీఎంఏ) ప్రమాణాలకు అనుగుణంగా బంగారాన్ని అంతర్జాతీయ డాలర్ ధరల ఆధారంగా ట్రేడింగ్ చేసేందుకు వీలు కల్పిస్తుంది. ఈ బంగారాన్ని గిఫ్ట్ సిటీలోని బీమా సదుపాయం కలిగిన వాల్ట్లలో భద్రపరుస్తారు.2026 జనవరిలో ఐఎఫ్ఎస్సీఏ చట్టం కింద కమోడిటీ ట్రేడింగ్ను ఫైనాన్స్ ప్రొడక్టుగా ప్రకటించినప్పటి నుంచి నియంత్రిత ఫండ్లు ఈ తరహా బంగారంలో ఇన్వెస్ట్ చేసేందుకు వీలు కలిగింది. ఫలితంగా మదుపరులకు తక్కువ ఖర్చుతో, నిపుణుల పర్యవేక్షణలో బంగారాన్ని భద్రపరిచే సదుపాయం లభిస్తుంది. బంగారాన్ని కడ్డీల రూపంలో వ్యక్తిగతంగా కొనుగోలు చేసే వారు ఇలాంటి సదుపాయాలను సులభంగా పొందలేరు. అంతేకాకుండా, ఫండ్ల విలువను పటిష్టమైన విదేశీ కరెన్సీల మారకంలో నిర్ణయిస్తారు కాబట్టి భవిష్యత్తులో రూపాయి విలువ తగ్గినా.. కొంత రక్షణ పొందవచ్చు.చివరిగా చెప్పాలంటే అమెరికా ట్రెజరీ బాండ్లపై రాబడులు నెమ్మదించి, సెంట్రల్ బ్యాంకులు పసిడి కొనుగోళ్లను కొనసాగిస్తూనే ఉన్న నేపథ్యంలో ధన్తేరాస్ సందర్భంగా దీర్ఘకాలిక కోణంలో ఇన్వెస్టర్లు పసిడిలో పెట్టుబడులను పెంచుకోవడానికి అనుకూల సంకేతాలు కనిపిస్తున్నాయి. -
క్యూ2 ఫలితాలు, క్రూడ్పై కన్ను!
దేశీ స్టాక్ మార్కెట్లలో ట్రెండ్ను ఈ వారం పలు దేశ, విదేశీ అంశాలు నిర్దేశించనున్నాయి. ఇప్పటికే జోరందుకున్న జూలై–సెపె్టంబర్(క్యూ2) ఫలితాలు, మంట పుట్టిస్తున్న ముడిచమురు ధరలు, ఆర్థిక గణాంకాలు కీలకంగా నిలవనున్నాయి. మరోపక్క పెట్టుబడుల్లో విదేశీ ఇన్వెస్టర్ల తీరు, పెరుగుతున్న వడ్డీ రేట్లు సైతం ప్రభావం చూపనున్నాయి. ప్రస్తుత ఆర్థిక సంవత్సరం రెండో త్రైమాసిక ఫలితాల సీజన్ ఇప్పటికే బాగా వేడెక్కింది. ఈ వారం మరికొన్ని కంపెనీలు క్యూ2 ఫలితాలు ప్రకటించనున్నాయి. మరోవైపు అక్టోబర్ నెలకు ఆటో రంగ విక్రయాలతోపాటు.. తయారీ, సరీ్వసు రంగాల పీఎంఐ గణాంకాలు వెలువడనున్నాయి. ఇవికాకుండా అంతర్జాతీయంగా రాజకీయ, భౌగోళిక పరిస్థితులు సైతం దేశీ స్టాక్ మార్కెట్లలో సెంటిమెంటును ప్రభావితం చేయనున్నాయి. ఈ వారం క్యూ2 ఫలితాల జాబితాలో ఎన్టీపీసీ, పవర్గ్రిడ్(వారాంతాన వెలువడ్డాయ్), ఐటీసీ, మారికో, నాల్కో(నేడు), ఎస్బీఐ, బజాజ్ ఫిన్సర్వ్, బజాజ్ హోల్డింగ్స్, లుపిన్, ఎంసీఎక్స్, ఎన్ఎస్ఈ(3న), బీఎస్ఈ, లెన్స్కార్ట్, నైకా, డాబర్ ఇండియా, బయోకాన్(4న), ఎయిర్టెల్, ఎల్ఐసీ, టైటన్, ఎంఅండ్ఎం, ఓఎన్జీసీ, సంవర్ధన మదర్సన్, ఎల్జీ ఎలక్ట్రానిక్స్, బ్రిటానియా(5న), హిందాల్కో, గ్లాండ్ ఫార్మా, జూబిలెంట్ ఫుడ్వర్క్స్(6న) చేరాయి. గణాంకాలు...అక్టోబర్ నెలకుగాను నేడు(2న) హెచ్ఎస్బీసీ మ్యాన్యుఫ్యాక్చరింగ్ పీఎంఐ, కాంపోజిట్, సర్వీసెస్ పీఎంఐ గణాంకాలు విడుదలకానున్నాయి. ఈ సర్వేలు గత నెలలో తయారీ, సరీ్వసు రంగాల యాక్టివిటీపై వివరాలు వెల్లడించనున్నాయి. దీంతో జీడీపీలో కీలక పాత్ర పోషించే ప్రధాన రంగాల పురోగతి వెల్లడికానుంది. తద్వారా అక్టోబర్లో ఆర్థిక వృద్ధి, ఉపాధి, ఉత్పాదకత తదితరాలపై వివరాలు తెలియనున్నాయి. వెరసి ఈ వారం దేశీ కార్పొరేట్ పనితీరుతోపాటు.. ఆర్థిక వ్యవస్థ పురోగతిపై ఇన్వెస్టర్లు దృష్టిపెట్టనున్నట్లు రెలిగేర్ బ్రోకింగ్ రీసెర్చ్ ఎస్వీపీ అజిత్ మిశ్రా పేర్కొన్నారు. విదేశీ అంశాలు...యూఎస్, ఇరాన్ మధ్య వివాదాలు ముదిరి ఇటీవల తిరిగి ఆందోళనకర పరిస్థితులు తలెత్తడంతో బ్రెంట్ ముడిచమురు ధరలు గత వారం ఒక దశలో బ్యారల్ 118 డాలర్లకు ఎగశాయి. ప్రస్తుతం 112 డాలర్లకు దిగినప్పటికీ దేశీయంగా దిగుమతులు బిల్లుభారంకానుంది. దేశీ చమురు వినియోగంలో 80 శాతంవరకూ దిగుమతులపైనే ఆధారపడుతుంటంతో రూపాయి విలువసైతం డీలా పడుతోంది. ఇది ప్రపంచవ్యాప్తంగా ద్రవ్యోల్బణం సెగతో జపాన్ నుంచి యూఎస్వరకూ కేంద్ర బ్యాంకులు వడ్డీ రేట్ల పెంపు ద్వారా కఠిన పరపతి విధానాలు అమలు చేస్తున్నాయి. దీంతో ఇటీవల 10ఏళ్ల యూఎస్ ట్రెజరీ బాండ్ల ఈల్డ్స్ 5.35 శాతాన్ని తాకాయి. ఈ నేపథ్యంలో గత నెలలో విదేశీ ఇన్వెస్టర్లు దేశీ స్టాక్స్లో భారీ అమ్మకాలు కొనసాగించారు. ఇక యూఎస్ మధ్యంతర ఎన్నికలు పాలక పక్షాన్ని(రిపబ్లికన్లు) దెబ్బకొనున్నట్లు అంచనాలు వెలువడుతున్నాయి. ఇది జరిగితే ట్రంప్ సంచలన నిర్ణయాలకు డెమోక్రాట్లు చెక్ పెట్టేందుకు వీలుంటుందని భావిస్తున్నారు. వెరసి దేశ, విదేశీ అంశాలు ఈ వారం కీలకంగా నిలవనున్నట్లు మోతీలాల్ ఓస్వాల్ వెల్త్ మేనేజ్మెంట్ రీసెర్చ్ హెడ్ సిద్ధార్థ ఖేమ్కా పేర్కొన్నారు. వడ్డీ రేట్లు పెరిగితే బాండ్ల ఈల్డ్స్ పెరిగి అటు పసిడి, ఇటు స్టాక్స్పై ప్రతికూల ప్రభావం పడవచ్చని ఆన్లైన్ ట్రేడింగ్, వెల్త్టెక్ సంస్థ ఎన్రిచ్ మనీ సీఈవో ఆర్.పొన్ముడి అభిప్రాయపడ్డారు. గత వారమిలా.. గత వారం బీఎస్ఈ సెన్సెక్స్ 1,336 పాయింట్లు(1.8 శాతం) బలపడి 74,460 వద్ద ముగిసింది. ఎన్ఎస్ఈ నిఫ్టీ 453 పాయింట్లు(2%) ఎగసి 23,053 వద్ద స్థిరపడింది. బీఎస్ఈ మిడ్, స్మాల్ క్యాప్ ఇండెక్సులు మరింత అధికంగా 3.4–4 శాతం మధ్య జంప్చేశాయి. సాంకేతికంగా చూస్తే.. సాంకేతికంగా చూస్తే ఈ వారం మార్కెట్లలో బ్రేకవుట్కు వీలుంది. ఎన్ఎస్ఈ నిఫ్టీ 23,200ను అధిగమించవచ్చు. ఇది జరిగితే 23,350–23,500వరకూ బలపడే వీలుంది. ఇందుకు ఈ స్థాయిలలో పటిష్ట కొనుగోళ్లకు తెరలేవవలసి ఉన్నట్లు సాంకేతిక నిపుణులు తెలియజేశారు. ఇలాకాకుండా ఒకవేళ బలహీనపడితే తొలుత 22,810–22,720 పాయింట్ల వద్ద సపోర్ట్ లభించవచ్చు. అక్టోబర్లో ఎఫ్పీఐలు వెనక్కి రూ. 34,843 కోట్ల విలువైన అమ్మకాలు న్యూఢిల్లీ: గత నెల(అక్టోబర్)లో విదేశీ పోర్ట్ఫోలియో ఇన్వెస్టర్లు(ఎఫ్పీఐలు) భారీ అమ్మకాలకు తెరతీశారు. వెరసి నికరంగా రూ. 34,843 కోట్ల విలువైన దేశీ స్టాక్స్ విక్రయించారు. అయితే గత నెలాఖరున ఉన్నట్లుండి పెట్టుబడిదారులుగా నిలిచారు. అక్టోబర్ 26–30 మధ్యకాలంలో రూ. 6,300 కోట్ల పెట్టుబడులు చేపట్టారు. కాగా.. అంతకుముందు సెప్టెంబర్లో రూ. 35,861 కోట్ల పెట్టుబడులు వెనక్కి తీసుకోగా.. ఆగస్ట్లో రూ. 29,631 కోట్లు, జూలైలో రూ. 20,200 కోట్లు చొప్పున ఇన్వెస్ట్ చేయడం గమనార్హం! అయితే 2026 కేలండర్ ఏడాదిలో ఇప్పటివరకూ నికరంగా రూ. 2.95 లక్షల కోట్ల విలువైన దేశీ స్టాక్స్ను అమ్మివేశారు. – సాక్షి, బిజినెస్ డెస్క్ -
దీపావళి ధమాకా...ఆయా బౌండరీలో..ఆ సిక్సర్
నిఫ్టీ 12 శాతం పడిపోయింది. సెన్సెక్స్ 10,750 పాయింట్లు నష్టపోయింది. ఎఫ్ఐఐలు రూ.2.8 లక్షల కోట్లు మార్కెట్ల నుంచి ఉపసంహరించుకున్నారు. ఇదీ... దీపావళి టు దీపావళి చెబుతున్న వాస్తవం. అంతర్జాతీయంగా పెరుగుతున్న వడ్డీ రేట్లు, దడ పుట్టిస్తున్న ముడిచమురు ధర ఇప్పటికీ మార్కెట్లలో మంటలు రేపుతూనే ఉన్నాయి. కాకపోతే ‘సిప్’ నిధులతో బలపడ్డ దేశీ మ్యూచువల్ ఫండ్లు ఇదే ఏడాదిలో రూ.6.9 లక్షల కోట్ల మేర కొనుగోళ్లు చేసి పతనాన్ని చాలావరకూ అడ్డుకున్నాయి. మరి తరువాతేంటి? కరెక్షన్ ముగిసిందనుకోవాలా? దీన్నో అవకాశంగా తీసుకోవాలా? లేక మరింత కరెక్షన్ జరగొచ్చని వేచి చూడాలా? ఇన్వెస్టర్లు చేయాల్సిందేంటి? బ్రోకరేజీ సంస్థలు ఏం చెబుతున్నాయి? పరిస్థితులు అంత నాటకీయంగా మారకపోయినా సరే... ఇన్వెస్టర్లు ఇప్పటి ధరల్లో కొనదగ్గ షేర్లు ఏమైనా ఉన్నాయా? ఈ ప్రశ్నలకు సమాధానమే ఈ ‘దీపావళి స్పెషల్... వెల్త్ స్టోరీ’. జస్ట్.. రెండ్రోజుల కిందట టెక్ దిగ్గజం అల్ఫాబెట్ (గూగుల్) ఒకేరోజు ఏకంగా 12.6 శాతం పతనమయింది. దానివిలువలో 500 బిలియన్ డాలర్లు ఒకేరోజు తుడిచిపెట్టుకు పోయాయి. ఏఐపై భారీ ఖర్చులు, తగ్గిన క్యాష్ఫ్లో ఇన్వెస్టర్లలో ఆందోళన పెంచాయి. ఈ ప్రభావం అంతర్జాతీయంగా టెక్నాలజీ కంపెనీల వాల్యుయేషన్లపై పడనుంది. ఇప్పటికే భారీ కరెక్షన్కు గురైన భారత ఐటీ కంపెనీలక్కూడా ఇది ఇబ్బందికరమైన పరిణామమే. వీటికితోడు అంతర్జాతీయంగా వడ్డీరేట్లు పెరుగుతున్నాయి. మునుపెన్నడూ లేని రీతిలో అమెరికా, జపాన్, యూరప్లలో బాండ్లపై వచ్చే వడ్డీ పెరిగింది. దీంతో ఎఫ్ఐఐలు మన మార్కెట్ల నుంచి నిధులు వెనక్కి తీసుకుని మెరుగైన రాబడుల కోసం బాండ్లవైపు మళ్లే అవకాశాలు పెరుగుతున్నాయి. పైపెచ్చు 100 డాలర్లపైన కొనసాగుతున్న ముడిచమురు ధర మన కంపెనీల లాభాలపై తీవ్రంగా పడుతోంది. ఇవన్నీ సద్దు్దమణిగితేనే మార్కెట్లు కోలుకుంటాయి. దానికెంత సమయం పడుతుందన్నది చెప్పలేని పరిస్థితి. కాకపోతే ఇలాంటి పరిస్థితుల్లోనూ రాణించే కొన్ని రంగాలను... వాటిల్లో ఇన్వెస్ట్ చేయదగ్గ షేర్లను చూద్దాం...విద్యుత్, ఎలక్ట్రికల్ పరికరాలు, ఎలక్ట్రిక్ ఇన్ఫ్రా... ఎస్బీఐ సెక్యూరిటీస్, ఆనంద్ రాఠీ, ప్రభుదాస్ లీలాధర్ క్యాపిటల్, యాక్సిస్ సెక్యూరిటీస్ సంస్థలు ఈ దీపావళి కోసం కొన్ని షేర్లను సిఫారసు చేశాయి. వాటన్నిట్లో ప్రధానంగా కనిపించిన రంగమిది. దేశంలో విద్యుత్తుకు డిమాండ్ పెరుగుతుండటం, గ్రిడ్ ఆధునికీకరణ, స్మార్ట్ మీటర్ల ఏర్పాటు, సరఫరాపై పెట్టుబడులు, పారిశ్రామిక ఇన్ఫ్రా వంటివి ఈ రంగ భవిష్యత్కు సూచికలు. ఈ రంగంలో ఇన్వెస్టర్లు వేటిని ఎంచుకోవచ్చంటే... పవర్ మెక్ ప్రాజెక్ట్స్ (ఎస్బీఐ సెక్యూరిటీస్) ప్రస్తుత ధర: రూ.2,145 టార్గెట్ ధర: రూ.2,576 (19శాతం) → ఈ ఏడాది సెప్టెంబరు నాటికి రూ.56,647 కోట్ల విలువైన ఆర్డర్ బుక్ ఉంది. → వీటిలో ఈ ఏడాది పూర్తిచేసే పనుల విలువ దాదాపు రూ.16,229 కోట్లు → 2006–2028 మధ్య రెవెన్యూ 21 శాతం, నికరలాభం 29 శాతం కాంపౌండింగ్ వృద్ధిని సాధిస్తాయన్నది ఎస్బీఐ సెక్యూరిటీస్ అంచనా. జీనస్ పవర్ ఇన్ఫ్రాస్ట్రక్చర్స్ (ఎస్బీఐ సెక్యూరిటీస్) ప్రస్తుత ధర: రూ.277 టార్గెట్ ధర: రూ.320 (17 శాతం) → స్మార్ట్ ఎలక్ట్రిక్ మీటర్లు అమర్చటమన్నది కొన్నేళ్లపాటు కొనసాగనుంది. → తయారీ సామర్థ్యాలు, ఆర్డర్బుక్ విలువ చూస్తే వృద్ధి అవకాశాలు సుస్పష్టం. → గ్యాస్ మీటర్లు అమర్చటం, విదేశీ విస్తరణ, మెయింటెనెన్స్ ఆదాయం వంటివి అదనపు రెవెన్యూను అందించనున్నాయి. → వచ్చే ఆర్థిక సంవత్సరానికి పీఈ రేషియో 12.1 స్థాయికి తగ్గొచ్చనేది ఎస్బీఐ అంచనా. సీజీ పవర్ అండ్ ఇండ్రస్టియల్ సొల్యూషన్స్ (ఆనంద్ రాఠీ) ప్రస్తుత ధర: రూ.804 టార్గెట్ ధర: రూ.1,300 (62 శాతం) → ట్రాన్స్ఫార్మర్లు, మోటార్లు, పారిశ్రామిక ఎలక్ట్రికల్ పరికరాల తయారీలో ఉంది. → దేశంలో పవర్ ఇన్ఫ్రాపై ఇన్వెస్ట్మెంట్లు పెరగటం, పరిశ్రమల విస్తరణ వంటివి ఈ కంపెనీకి కలిసొస్తాయి. → ఈ రంగం పటిష్ఠంగా ఉంది కనక ప్రస్తుత ధరల వద్ద కన్సాలిడేషన్ జరిగి భవిష్యత్తులో పెరుగుతుందన్నది ఆనంద్ రాఠీ అభిప్రాయం.వాహన రంగంఅశోక్ లేలాండ్ (యాక్సిస్ సెక్యూరిటీస్) ప్రస్తుత ధర: రూ. 145 టార్గెట్ ధర: 170 (17 శాతం) → కమర్షియల్ వాహనాల yì మాండ్ పటిష్ఠంగా ఉంది. చాలా సంస్థలు తమ ఫ్లీట్ను మారుస్తున్నాయి. → ఇన్ఫ్రా, లాజిస్టిక్స్ కార్యకలాపాలు డిమాండ్ను పెంచుతున్నాయి. → అమ్మకాలు గనక పెరిగితే కంపెనీకున్న ఆపరేటింగ్ సౌలభ్యం వల్ల మెరుగైన రెవెన్యూ సాధిస్తుంది. డిఫెన్స్, ఎలక్ట్రానిక్స్, ఏరోస్పేస్ దేశీయంగా రక్షణ రంగం నానాటికీ పెరుగుతుండటం... ఏరోస్పేస్ కార్యక్రమాలు, దిగుమతులకు ప్రత్యామ్నాయంగా దేశీ తయారీ పెరగటం వంటివి దీర్ఘకాల అవకాశాల్ని సృష్టిస్తున్నాయి. కానీ ఈ రంగాల్లో చాలా షేర్ల ధరలు ఇప్పటికే బాగా పెరిగిపోయాయి. వాల్యుయేషన్లు బీభత్సంగా ఉన్నాయి. ఆర్డర్ బుక్ ఒక్కటే ఉంటే సరిపోదు.... దాన్ని రెవెన్యూగా, లాభాలుగా మార్చటమే కీలకం. సెంటమ్ ఎల్రక్టానిక్స్ (ఎస్బీఐ సెక్యూరిటీస్) ప్రస్తుత ధర: రూ.3,990 టార్గెట్ ధర: రూ.4,980 (22 శాతం)→ కంపెనీకి వస్తున్న ఆదాయంలో 50 శాతానికి పైగా డిఫెన్స్, స్పేస్, ఏరోస్పేస్ రంగాల నుంచి వస్తున్నదే. → మిషన్ – క్రిటికల్ ఎల్రక్టానిక్స్ను ఇది సరఫరా చేస్తోంది. → ప్రధాన కçస్టమర్లంతా చాలా కాలంగా ఉన్నవాళ్లే. దీర్ఘకాల సంబంధాలున్నాయి. → భారత అంతరిక్ష రంగ కార్యకలాపాలకు సరఫరాలు చేస్తోంది. → ఒకరకంగా ఇది సాధారణ డిఫెన్స్ తయారీ కంపెనీ కాదు. ఈ రంగంలో బాగా వైవిధ్యం ఉన్న కంపెనీ.లుమాక్స్ ఇండస్ట్రీస్ (ఎస్బీఐ సెక్యూరిటీస్)ప్రస్తుత ధర: రూ. 5,003 టార్గెట్ ధర: రూ. 6,097 (22 శాతం) → దేశంలోని ఒరిజినల్ ఎక్విప్మెంట్ తయారీ కంపెనీల్లో 90 శాతానికి ప్రధాన సరఫరా దారు ఈ క ంపెనీయే. → ఎల్ఈడీ లైటింగ్, వాహన స్టైలింగ్ లైట్లు, ఎల్రక్టానిక్ ఇంటిగ్రేషన్ వంటివి కంపెనీని వృద్ధి దిశగా నడిపిస్తున్నాయి. → ఈ ఏడాది తొలి అర్ధభాగంలో వచి్చన ఆదాయంలో 63 శాతానికి పైగా ప్యాసింజర్ వాహనాల విభాగం నుంచి వచి్చందే కావటం గమనార్హం. → ఆటో అనుబంధ పరికరాల రంగంలో టెక్నాలజీని అందిపుచ్చుకున్న కంపెనీ ఇది. ఆటో సేల్స్ తగ్గితే మాత్రం కంపెనీపై ప్రభావం పడొచ్చుజ్యోతి సీఎన్సీ ఆటోమేషన్ (ఎస్బీఐ సెక్యూరిటీస్) ప్రస్తుత ధర: రూ.913 టార్గెట్ ధర: రూ.1,087 (19 శాతం) → దిగుమతులకు ప్రత్యామ్నాయంగా స్థానికంగా తయారు చేయటం, ప్రెసిషన్ పరికరాల తయారీలో ఉండటం కంపెనీకి కలిసొచ్చే అంశం. → 2026– 2028 ఆర్థిక సంవత్సరాల మధ్య కాంపౌండింగ్ వృద్ధి 30 శాతంగా ఉండొచ్చన్నది ఎస్బీఐ అంచనా. → ప్రస్తుతం షేరు ధర కాస్త ఎక్కువగానే కనిపిస్తోంది. కాకపోతే లాభాల్లో వృద్ధి కూడా పటిష్ఠంగానే ఉండనుంది. ఈ ఆరూ సూపర్ సిక్స్!!ఇవి ఎందుకంటే... బ్రోకరేజీ సంస్థల సిఫారసులను వడపోసి చూసినా దాదాపుగా 10 కంపెనీల షేర్లు సానుకూలంగా కనిపిస్తున్నాయి. కానీ వాటిని మరింత వడపోసి ఈ ఆరింటినీ ఎందుకు ఎంచుకోవటమంటే... → పవర్మెక్, జీనస్ విద్యుత్ ఇన్ఫ్రా రంగంలో ఉన్నాయి. ఇపుడు విద్యుత్ రంగ పెట్టుబడుల సైకిల్ బావుంది. → ఆటోమోటివ్ కాంపొనెంట్స్ రంగంలో టెక్నాలజీ పరంగా వస్తున్న మార్పుల్ని లుమాక్స్ ఒడిసిపట్టుకుంది. → డిఫెన్స్, ఏరోస్పేస్ ఎల్రక్టానిక్స్లో ప్రత్యేక పరికరాల తయారీలో సెంటమ్కు చెప్పుకోదగ్గ వాటా ఉంది. → దేశీయంగా పెరుగుతున్న వినియోగం, టూరిజం వల్ల ఆతిథ్య రంగం లాభపడనుంది. దాన్లో ఇండియన్ హోటల్స్ అగ్రగామి. → బీమా విస్తరణ వల్ల ఆరోగ్య రంగంపై ఖర్చులు పెరుగుతున్నాయి. ఈ రంగంలో అపోలోది ప్రత్యేక స్థానం. బ్రాండ్, విస్తరణ వంటివి కంపెనీకి కలిసొస్తాయి. హెల్త్కేర్, ఆసుపత్రులు మార్కెట్లు కరెక్షన్ దశలో ఉన్నపుడు రక్షణాత్మకంగా హెల్త్కేర్, ఆసుపత్రుల వంటి రంగాల్లో పెట్టుబడులు పెట్టడమన్నది ఇన్వెస్టర్లు చేసే పని. ఎందుకంటే అంతర్జాతీయ టెక్నాలజీ కుదుపులతో దీనికి పెద్దగా సంబంధం ఉండదు. ఆసుపత్రుల విస్తరణ, బీమా పెరుగుదల వంటివి ఈ రంగ వృద్ధికి ఉపకరించబోతున్నాయి. అపోలో హాస్పిటల్స్ (పీఎల్ క్యాపిటల్) ప్రస్తుత ధర: రూ. 8,448 టార్గెట్ ధర: 9,800–10,400 (20 శాతం) → ఒకదశలో రూ.9,050ని తాకిన ఈ షేరు... అక్కడి నుంచి కరెక్షన్కు గురైంది. → రూ.7,500 దగ్గర పతనం ఆగిందని, అంతకన్నా పడే అవకాశాలు తక్కువన్నది ప్రభుదాస్ లీలాధర్ క్యాపిటల్ అంచనా. → హెల్త్కేర్కు డిమాండ్ పెరుగుతుండటం, అపోలో విస్తరణ కూడా అదే స్థాయిలో ఉండటం కంపెనీకి కలిసొచ్చే అంశాలు. నెఫ్రోకేర్ హెల్త్కేర్ సర్వీసెస్ (యాక్సిస్ సెక్యూరిటీస్) ప్రస్తుత ధర: రూ. 614 టార్గెట్ ధర: రూ. 750 → కిడ్నీ కేర్కు ప్రత్యేక సరీ్వసులు, డయాలసిస్ సేవలు అందించటం కంపెనీ ప్రత్యేకత. → తీవ్రమైన కిడ్నీ సమస్యలు అంతకంతకూ పెరుగుతుండటం, డయాలిసిస్ కావాల్సిన వారి సంఖ్య కూడా పెరగటం ఈ సంస్థకు కలిసొచ్చే అంశాలు. n రొటీన్ టెస్టింగ్ నుంచి ముందుగానే కిడ్నీ సమస్యలను గుర్తించటం, ప్రత్యేక కేర్ అందించటం వంటివి ఈ కంపెనీ లాభాల్ని పెంచుతాయని యాక్సిస్ క్యాపిటల్ భావిస్తోంది. ఆతిథ్య రంగం దేశీయంగా ఆదాయాలు పెరుగుతుండటమనేది ఆతిథ్య రంగానికి కలిసొచ్చే అంశం. పొదుపు చేయటం మాత్రమే కాదు... ఖర్చుల్లోనూ వెనుకాడకూడదన్న యువతరం... టూర్లు, హోటళ్లకు బాగా ప్రాధాన్యమిస్తోంది. ఇండియన్ హోటల్స్ కంపెనీ (ఎస్బీఐ – యాక్సిస్) ప్రస్తుత ధర: రూ. 811 టార్గెట్ ధర: 935 (15 శాతం) → ప్రస్తుతం నిర్మాణంలో ఉన్నవాటితో సహా కంపెనీ ఖాతాలో ఏకంగా 670 హోటళ్లున్నాయి. → 2030 నాటికి వీటి సంఖ్యను 700 కన్నా ఎక్కువ చేయాలనేది కంపెనీ లక్ష్యం. → 2027 ఆర్థిక సంవత్సరం రెవెన్యూ 15–17 శాతం పెరగవచ్చని కంపెనీ పేర్కొంది. → 2028 ఆర్థిక సంవత్సరం వరకూ రెండేళ్ల పా టు 14.6% చొప్పున ఆదాయం కాంపౌండింగ్ వృది సాధించవచ్చన్నది ఎస్బీఐ అంచనా. – సాక్షి వెల్త్ డెస్క్ -
బంగారం చిన్నబోతోందెందుకో తెలుసా?
ఇటీకాల కాలంలో అంతర్జాతీయ మార్కెట్లలో పసిడి ధరలు ఊహించని రీతిలో తగ్గుముఖం పడుతున్నాయి. ఒకవైపు చరిత్రాత్మక గరిష్టాలను తాకిన బంగారం తాజాగా ప్రపంచ ఆర్థిక పరిణామాల నేపథ్యంలో వెనకడుగు వేస్తోంది. సాధారణంగా పసిడిని సురక్షిత పెట్టుబడి సాధనంగా భావిస్తారు. అయితే, ప్రస్తుత పరిస్థితుల్లో వివిధ రకాల స్థూల ఆర్థికాంశాలు, భౌగోళిక రాజకీయ మార్పులు బంగారం మార్కెట్ను తీవ్రంగా ప్రభావితం చేస్తున్నాయి. పసిడి ధరలు తగ్గుదల వెనుక ప్రధానంగా ఉన్న పరిణామాలను విశ్లేషిద్దాం.అంతర్జాతీయ యుద్ధాలు.. పెట్టుబడి ధోరణులుప్రపంచవ్యాప్తంగా పశ్చిమాసియా తదితర ప్రాంతాలలో కొనసాగుతున్న ఉద్రిక్తతలు, అంతర్జాతీయ యుద్ధాల వేళ సాధారణంగా బంగారం ధరలు ఎగబాకాలి. అయితే, ఈ యుద్ధ వాతావరణం కేవలం పసిడిని మాత్రమే కాకుండా ఇంధన మార్కెట్లను కూడా అస్థిరపరుస్తోంది. కొన్నిసార్లు భౌగోళిక ఉద్రిక్తతల తీవ్రత పెరిగినప్పుడు ఇన్వెస్టర్లు బంగారం వైపు చూడకుండా ద్రవ్యలభ్యత ఎక్కువగా ఉన్న యూఎస్ డాలర్ లేదా ప్రభుత్వ బాండ్ల వైపు మొగ్గు చూపుతున్నారు. యుద్ధాల కారణంగా స్టాక్ మార్కెట్లలో లేదా ఇతర అసెట్లలో ఏర్పడే నష్టాలను పూడ్చుకోవడానికి మదుపరులు తమ దగ్గర ఉన్న బంగారాన్ని విక్రయించి నగదును సమకూర్చుకుంటున్నారు. దీనివల్ల సంక్షోభ సమయాల్లోనూ పసిడి ధరలు తాత్కాలికంగా తగ్గుతున్నాయి.క్రూడ్ ధరల పెరుగుదల..ద్రవ్యోల్బణ భయాలుఅంతర్జాతీయ మార్కెట్లో ముడి చమురు ధరలు క్రమంగా పెరుగుతుండటం ప్రపంచ దేశాలను కలవరపెడుతోంది. చమురు ధరల ఊతంతో ద్రవ్యోల్బణం మళ్లీ కోరలు చాచే ప్రమాదముందనే ఆందోళనలు వ్యక్తమవుతున్నాయి. చమురు ధరలు పెరిగితే రవాణా ఖర్చులు పెరిగి అన్ని రకాల వస్తువుల ధరలు పెరుగుతాయి. ఇది ద్రవ్యోల్బణాన్ని మరింత పైకి నెడుతుంది. ఈ పరిణామం వల్ల సెంట్రల్ బ్యాంకులు వడ్డీ రేట్ల తగ్గింపు నిర్ణయాలను వాయిదా వేయడమో లేదా మరింత కఠినమైన ద్రవ్య విధానాన్ని అనుసరించడమో చేస్తాయి. వడ్డీ రేట్లు ఎక్కువ కాలంపాటు గరిష్ట స్థాయిలోనే ఉండే అవకాశం ఉంది. దాంతో బంగారంపై మదుపరుల ఆసక్తి క్రమంగా సన్నగిల్లుతోంది.కేంద్ర బ్యాంకుల విధానాలుప్రపంచవ్యాప్తంగా ఉన్న వివిధ దేశాల కేంద్ర బ్యాంకులు తమ ద్రవ్య నిర్వహణలో భాగంగా అప్పుడప్పుడు తమ దగ్గర ఉన్న బంగారు నిల్వలను పునసమీక్షిస్తుంటాయి. తాజాగా కొన్ని దేశాల కేంద్ర బ్యాంకులు తమ ద్రవ్య లభ్యత అవసరాల కోసం లేదా విదేశీ మారకద్రవ్య నిల్వలను సమతుల్యం చేసుకోవడానికి బంగారం విక్రయాల వైపు మొగ్గు చూపుతున్నట్లు మార్కెట్ వర్గాలు నివేదిస్తున్నాయి. కేంద్ర బ్యాంకులు పెద్ద ఎత్తున పసిడిని కొనుగోలు చేసినప్పుడు ధరలు ఎలా గరిష్ట స్థాయికి వెళ్తాయో, అదేవిధంగా కొన్ని దేశాలు తమ నిల్వలను మార్కెట్లోకి విక్రయించడం లేదా అదనపు కొనుగోళ్లను నిలిపివేయడం వంటి చర్యలు చేపట్టినప్పుడు అంతర్జాతీయంగా పసిడి ధరలపై అమ్మకాల ఒత్తిడి ఏర్పడుతోంది.ఫెడరల్ రిజర్వ్ వడ్డీ రేట్ల అంచనాలుఅమెరికా ఫెడరల్ రిజర్వ్ (యూఎస్ ఫెడ్) అనుసరిస్తున్న వడ్డీ రేట్ల విధానం అంతర్జాతీయంగా బంగారం ధరలను శాసించే అతిపెద్ద అంశాలలో ఒకటి. ద్రవ్యోల్బణం అదుపులోకి రాకపోవడం, ఆర్థిక వ్యవస్థ బలంగా ఉండటంతో ఫెడ్ వడ్డీ రేట్లను ఇప్పట్లో తగ్గించే అవకాశం లేదనే సంకేతాలు వెలువడుతున్నాయి. దీనికి తోడు యూఎస్ ట్రెజరీ బాండ్ ఈల్డ్స్ బలపడటం పసిడి పతనానికి మరో ప్రధాన కారణమైంది. వడ్డీలు లేదా డివిడెండ్లు అందించే బాండ్లు, ఫిక్సెడ్ ఇన్కమ్ అసెట్లు ఆకర్షణీయంగా మారడంతో ఎలాంటి స్థిరమైన వార్షిక రాబడి ఇవ్వని పసిడి నుంచి ఇన్వెస్టర్లు తమ పెట్టుబడులను ఉపసంహరించుకుని బాండ్ల వైపు మళ్లిస్తున్నారు.ఇదీ చదవండి: బాల రాక్షసులకు బతుకు పాఠాలు నేర్పేదెవరు?నిన్నటి మార్కెట్ సెషన్లో ధరల పతనం ఇలా.. -
బంగారం ఇంత భారీగా పడిపోవడానికి చైనానే కారణమా?
ప్రపంచ మార్కెట్లో బంగారం ధరలు తీవ్ర ఒడిదొడుకులకు లోనవుతున్నాయి. పెరుగుతున్న ముడి చమురు ధరలు, అమెరికాలో ద్రవ్యోల్బణ ఆందోళనలు, ఫెడరల్ రిజర్వ్ వడ్డీ రేట్లను పెంచవచ్చన్న అంచనాలు పసిడిపై ఒత్తిడి పెంచుతున్నాయి. మరోవైపు చైనాలో పెట్టుబడిదారులు తమ వద్ద ఉన్న బంగారాన్ని విక్రయించి నగదుగా మార్చుకుంటున్నారన్న అంచనాలు కూడా మార్కెట్ను కలవరపెడుతున్నాయి. సాధారణంగా యుద్ధాలు, భౌగోళిక రాజకీయ ఉద్రిక్తతల సమయంలో సురక్షిత పెట్టుబడిగా భావించే బంగారం ఈసారి మాత్రం అమ్మకాల ఒత్తిడిని ఎదుర్కొంటోంది.అక్టోబర్ 30న అంతర్జాతీయ మార్కెట్లో స్పాట్ గోల్డ్ తొలుత ఔన్సుకు 3,980.40 డాలర్లకు పడిపోయింది. జూలై 17 తర్వాత నమోదైన కనిష్ఠ స్థాయి ఇది. డిసెంబర్ డెలివరీ గోల్డ్ ఫ్యూచర్స్ కూడా 3,991.10 డాలర్లకు దిగివచ్చాయి. అయితే అదే రోజు తర్వాతి ట్రేడింగ్లో అమ్మకాల ఒత్తిడి మరింత పెరిగింది. రాయిటర్స్ తాజా నివేదిక ప్రకారం స్పాట్ గోల్డ్ 3,880.97 డాలర్ల స్థాయికి పడిపోయి ఏడాది కనిష్ఠాన్ని తాకింది. జనవరిలో నమోదైన గరిష్ఠ స్థాయితో పోలిస్తే బంగారం ధర దాదాపు 30 శాతం తగ్గడం గమనార్హం.చైనాలో అమ్మకాల ఒత్తిడి?బంగారం ధరల పతనానికి చైనా పెట్టుబడిదారుల వైఖరిలో మార్పు కూడా కారణమై ఉండొచ్చని స్విస్ వెల్త్ మేనేజ్మెంట్ సంస్థ జూలియస్ బేర్ అభిప్రాయపడింది. విదేశీ పెట్టుబడులపై చైనా ఆంక్షలు కఠినతరం చేస్తున్న నేపథ్యంలో కొందరు పెట్టుబడిదారులు నగదు సమీకరించేందుకు తమ వద్దనున్న బంగారాన్ని విక్రయిస్తున్నట్లు సంస్థ విశ్లేషించింది. అయితే ఈ అమ్మకాలే ధరల పతనానికి ప్రధాన కారణమని నిర్ధారించే ఆధారాలు లేవని స్పష్టం చేసింది.చమురు ధరల పెరుగుదలతో వడ్డీ రేట్ల భయంఅమెరికా ఆర్థిక వ్యవస్థ అంచనాలకు మించి వృద్ధి చెందడం, సెప్టెంబర్లో ద్రవ్యోల్బణం వేగవంతం కావడం ఫెడరల్ రిజర్వ్ తదుపరి నిర్ణయాలపై ప్రభావం చూపుతున్నాయి. అక్టోబర్ చివరి వారంలో ఫెడ్ వడ్డీ రేట్లను 3.75–4 శాతం వద్ద యథాతథంగా ఉంచినప్పటికీ, ద్రవ్యోల్బణం అదుపులోకి రాకపోతే మళ్లీ పెంచాల్సి రావచ్చన్న సంకేతాలు ఇచ్చింది. మరోవైపు ఇరాన్తో యుద్ధం నేపథ్యంలో హోర్ముజ్ జలసంధిలో చమురు రవాణాకు ముప్పు ఏర్పడటంతో ముడి చమురు ధరలు పెరిగాయి. బ్రెంట్ క్రూడ్ ధర బ్యారెల్కు 117 డాలర్లకు పైగా చేరింది. దీంతో ద్రవ్యోల్బణం మరింత పెరిగి వడ్డీ రేట్లు ఎక్కువ కాలం అధిక స్థాయిలో కొనసాగవచ్చన్న అంచనాలు బలపడ్డాయి. అధిక వడ్డీ రేట్లు బంగారం వంటి వడ్డీ ఆదాయం ఇవ్వని పెట్టుబడుల ఆకర్షణను తగ్గిస్తాయి.టెక్ షేర్ల పతనమూ ఎఫెక్టే..అక్టోబర్ 30న అమెరికా టెక్నాలజీ షేర్లలో భారీ అమ్మకాలు కూడా బంగారంపై ప్రభావం చూపాయి. కృత్రిమ మేధ రంగంలో కంపెనీలు చేస్తున్న భారీ పెట్టుబడుల నుంచి ఆశించిన రాబడులు వస్తాయా? అన్న సందేహాలతో టెక్ షేర్లు పడిపోయాయి. ఈ నష్టాలను భర్తీ చేసుకునేందుకు కొందరు ఇన్వెస్టర్లు బంగారం వంటి ఆస్తులను కూడా విక్రయించి ఉండొచ్చని విశ్లేషకులు భావిస్తున్నారు. అదే రోజు వెండి ధర కూడా 6.5 శాతం పడిపోయి ఔన్సుకు 49 డాలర్లకు చేరింది.మళ్లీ 5,000 డాలర్లకు చేరుతుందా?స్వల్పకాలంలో బంగారంపై ఒత్తిడి కొనసాగవచ్చని అంచనాలున్నప్పటికీ, దీర్ఘకాలికంగా ఆశాజనక పరిస్థితులు ఉన్నాయని నిపుణులు చెబుతున్నారు. ప్రభుత్వాల రుణభారం పెరగడం, వడ్డీ చెల్లింపుల భారం, కేంద్ర బ్యాంకుల బంగారం కొనుగోళ్లు పసిడికి మద్దతునివ్వవచ్చని జూలియస్ బేర్ అభిప్రాయపడింది. యూబీఎస్ విశ్లేషకుడు జియోవన్నీ స్టౌనోవో కూడా వచ్చే ఏడాది బంగారం ఔన్సుకు 5,000 డాలర్లు లేదా అంతకంటే ఎక్కువ స్థాయికి చేరే అవకాశం ఉందని పేర్కొన్నారు. ఫెడ్ భవిష్యత్తులో వడ్డీ రేట్లను తగ్గించడం, ద్రవ్యోల్బణ ఒత్తిళ్లు తగ్గడం దీనికి దోహదపడవచ్చని ఆయన అంచనా. అయితే ప్రస్తుత ధరల పతనం నేపథ్యంలో మళ్లీ ర్యాలీ ఎప్పుడు మొదలవుతుందన్నది స్పష్టంగా చెప్పలేం.దేశంలోని ప్రధాన నగరాల్లో నేటి బంగారం, వెండి ధరలు ఈ కింద చూడవచ్చు.. -
ఐపీవోకి హైదరాబాద్ ‘రత్నదీప్’.. సెబీ గ్రీన్ సిగ్నల్
హైదరాబాద్, బిజినెస్ బ్యూరో: హైదరాబాద్ కేంద్రంగా కార్యకలాపాలు నిర్వహిస్తున్న రత్నదీప్ రిటైల్ ప్రతిపాదిత పబ్లిక్ ఇష్యూకి మార్కెట్ల నియంత్రణ సంస్థ సెబీ ఆమోదముద్ర వేసింది. ముసాయిదా ప్రాస్పెక్టస్ ప్రకారం ఐపీవోలో భాగంగా కంపెనీ రూ. 400 కోట్ల విలువ చేసే షేర్లను తాజాగా జారీ చేయనుండగా, ఆఫర్ ఫర్ సేల్ కింద 1.49 కోట్ల షేర్లను ప్రమోటర్లు విక్రయించనున్నారు.ఐపీవో నిధుల్లో రూ. 40 కోట్లను రుణాల చెల్లింపునకు, రూ. 260 కోట్లను కొత్త స్టోర్స్ను ఏర్పాటు చేసేందుకు కంపెనీ వినియోగించుకోనుంది. ఆహారోత్పత్తులు, నిత్యావసరాలు, వేల్యూ ఫ్యాషన్ విభాగాల్లో రత్నదీప్, నేషనల్ మార్ట్ బ్రాండ్ల పేరిట ఈ ఏడాది మార్చి ఆఖరు నాటికి ఆంధ్రప్రదేశ్, తెలంగాణ, కర్ణాటక రాష్ట్రాల్లో కంపెనీకి 190 స్టోర్స్ ఉన్నాయి. -
ఈరోజు భారీగా తగ్గిన తులం బంగారం ధర.. ఎంతంటే..
ఇటీవల కాలంలో స్థిర ఆదాయం సమకూర్చే కమోడిటీ మార్కెట్లపైపు పెట్టుబడిదారులు మొగ్గు చూపుతున్నారు. అందులో భాగంగా బంగారం ధరల్లో మార్పులు వస్తున్నాయని నిపుణులు చెబుతున్నారు. గత కొన్ని రోజులుగా బంగారం ధరలు(Today Gold Rate) ఒడిదొడుకులకు లోనవుతున్నాయి. దేశంలోని ప్రధాన నగరాల్లో నేడు బంగారం, వెండి ధరలు(Today Silver Rate) ఎలా ఉన్నాయో కింద తెలుసుకుందాం. -
రూ.8,300 డౌన్! అమాంతం పడిన పసిడి, వెండి ధరలు!
అంతర్జాతీయ మార్కెట్లలో చోటుచేసుకున్న ఊహించని పరిణామాలు, మదుపరుల లాభాల స్వీకరణ (ప్రాఫిట్ బుకింగ్) దాటికి విలువైన లోహాలు ఒక్కసారిగా కుప్పకూలాయి. గత కొంతకాలంగా రికార్డు స్థాయిల వైపు దూసుకెళ్లిన బంగారం, వెండి ధరల్లో నిన్న ఒక్కరోజే భారీ పతనం నమోదైంది. ప్రపంచవ్యాప్తంగా ఇన్వెస్టర్లు అమ్మకాలకు ఆసక్తి చూపడంతో దేశీయ, అంతర్జాతీయ మార్కెట్లలో బులియన్ తీరు మారింది.వెండి 11 నెలల కనిష్టానికి!ఆలిండియా సరాఫా అసోసియేషన్ అందించిన అధికారిక గణాంకాల ప్రకారం.. ఢిల్లీ బులియన్ మార్కెట్లో కిలో వెండి ధర ఏకంగా రూ.8,300 క్షీణించి రూ.1,90,200 స్థాయికి పడిపోయింది. ఇది గడిచిన 11 నెలల కాలంలో నమోదైన అత్యంత కనిష్ట స్థాయి కావడం గమనార్హం. గతంలో 2025 డిసెంబర్ 10న వెండి రూ.1.92 లక్షల వద్ద ట్రేడయ్యింది. ఆ తర్వాత మళ్లీ ఈ స్థాయికి క్షీణించడం ఇదే తొలిసారి.రూ.1,300 తగ్గి 1.45 లక్షల వద్ద బంగారం..వెండితోపాటు బంగారం ధర కూడా గణనీయంగా తగ్గింది. 99.9 శాతం స్వచ్ఛత కలిగిన 10 గ్రాముల బంగారం రేటు రూ. 1,300 మేర తగ్గి రూ. 1,45,200కు పరిమితమైంది. పసిడి ధరలు తగ్గుముఖం పట్టడంతో వినియోగదారులకు కొంత ఉపశమనం లభించినట్లయినా ఇన్వెస్టర్లలో మాత్రం కలవరం మొదలైంది.అంతర్జాతీయ మార్కెట్లో 4,000 డాలర్ల దిగువకు..గ్లోబల్ మార్కెట్ల ప్రభావమే దేశీయంగా ఈ భారీ పతనానికి ప్రధాన కారణంగా నిలిచింది. అంతర్జాతీయ స్పాట్ మార్కెట్లో ఔన్సు (31.1 గ్రాములు) బంగారం ధర కీలకమైన 4,000 డాలర్ల మార్కు దిగువకు పడిపోయింది. క్రితం ముగింపుతో పోలిస్తే 122.06 డాలర్లు (సుమారు 3.04 శాతం) నష్టపోయి 3,899.33 డాలర్ల వద్ద స్థిరపడింది.మరోవైపు, గ్లోబల్ వెండి మార్కెట్ పరిస్థితి మరీ తీవ్రంగా మారింది. అంతర్జాతీయంగా వెండి ఏకంగా 6 శాతం మేర క్షీణించి, కీలకమైన 50 డాలర్ల దిగువకు పడిపోయింది. 11 నెలల కనిష్టమైన 49.06 డాలర్లకు పడిపోవడం బులియన్ వర్గాలను విస్మయానికి గురిచేసింది. చివరిసారిగా 2025 నవంబర్ 21న వెండి 50 డాలర్ల మార్కు వద్ద ట్రేడయ్యింది.మార్కెట్ విశ్లేషకుల అంచనాఅమెరికా డాలర్ బలోపేతం కావడం, బాండ్ ఈల్డ్స్ పెరగడం, గ్లోబల్ ఇన్వెస్టర్లు తమ పెట్టుబడులను రిస్క్ లేని ఇతర రంగాల వైపు తరలించడమే ఈ రికార్డు స్థాయి అమ్మకాలకు కారణమని ఆర్థిక నిపుణులు విశ్లేషిస్తున్నారు. రాబోయే రోజుల్లో మార్కెట్ ఒడుదొడుకులు ఇలాగే కొనసాగే అవకాశముందని హెచ్చరిస్తున్నారు.ఇదీ చదవండి: కేంద్ర మంత్రిత్వ శాఖపై సుప్రీంకోర్టు ఆగ్రహంనిన్నటి మార్కెట్ సెషన్లో ఉదయం 10:30 వరకు కింది విధంగా రేట్లు ఉన్నాయి. -
ఢమాల్మన్న బంగారం, వెండి ధరలు.. ఇవే కారణాలు
బంగారం, వెండి ధరలు ఢమాల్మంటున్నాయి. అంతర్జాతీయ పరిణామాలు, అమెరికాలో పెరుగుతున్న ద్రవ్యోల్బణం బంగారం, వెండి ధరలపై తీవ్ర ప్రభావం చూపుతున్నాయి. వరుసగా అమ్మకాల ఒత్తిడి కొనసాగడంతో అక్టోబర్ 30న విలువైన లోహాల ధరలు మరోసారి పడిపోయాయి. అంతర్జాతీయ మార్కెట్లో బంగారం ధర నాలుగు నెలల కనిష్ఠానికి చేరగా.. వెండి ధర కూడా ఔన్స్కు 50 డాలర్ల దిగువకు పడిపోయింది.ఎంసీఎక్స్లోనూ భారీగా తగ్గిన ధరలుదేశీయ ఫ్యూచర్స్ మార్కెట్లోనూ బంగారం, వెండి ధరలు నష్టాల్లో కొనసాగాయి. అక్టోబర్ 30న ఎంసీఎక్స్లో డిసెంబర్ గోల్డ్ ఫ్యూచర్స్ ఒక దశలో 10 గ్రాములకు రూ.1,41,263 వద్ద ట్రేడయ్యాయి. వెండి ఫ్యూచర్స్ కిలోకు రూ.1,84,245కు పడిపోయాయి. అంతర్జాతీయ మార్కెట్లో బంగారం ధర ఔన్స్కు 3,956 డాలర్లకు దిగజారగా.. వెండి 50 డాలర్ల దిగువకు చేరింది.అమెరికా ద్రవ్యోల్బణమే కారణమా?అమెరికాలో ద్రవ్యోల్బణం మళ్లీ పెరుగుతుండటం పసిడి, వెండి ధరలకు ప్రతికూలంగా మారింది. సెప్టెంబర్లో అమెరికా పర్సనల్ కన్సంప్షన్ ఎక్స్పెండిచర్స్ (పీసీఈ) ద్రవ్యోల్బణం వార్షిక ప్రాతిపదికన 3.6 శాతానికి చేరింది. ఆగస్టులో ఇది 3.4 శాతంగా ఉంది. మరోవైపు, అమెరికా ఆర్థిక వ్యవస్థ మూడో త్రైమాసికంలో 3.4 శాతం వృద్ధిని నమోదు చేసింది. ఈ గణాంకాలు అంచనాలను మించాయి.దీంతో అమెరికా ఫెడరల్ రిజర్వ్ వడ్డీ రేట్లను మరింత కాలం అధిక స్థాయిలో కొనసాగించవచ్చనే అంచనాలు బలపడుతున్నాయి. డిసెంబర్లో మరోసారి వడ్డీ రేట్ల పెంపునకు అవకాశం ఉందన్న అభిప్రాయాలు కూడా మార్కెట్లో వినిపిస్తున్నాయి. వడ్డీ ఆదాయం అందించని బంగారం, వెండి వంటి పెట్టుబడులపై ఇటువంటి పరిణామాలు ఒత్తిడి పెంచుతాయి. దీనికి తోడు డాలర్ బలోపేతం కావడం కూడా పసిడి ధరల పతనానికి కారణమవుతోంది.చమురు ధరల ప్రభావంమరోవైపు అమెరికా-ఇరాన్ మధ్య భౌగోళిక రాజకీయ ఉద్రిక్తతలు, అంతర్జాతీయంగా పెరుగుతున్న ముడి చమురు ధరలు మార్కెట్లో అనిశ్చితిని పెంచుతున్నాయి. చమురు ధరల పెరుగుదల ఇంధన ఆధారిత ద్రవ్యోల్బణానికి దారితీయవచ్చనే ఆందోళనలు నెలకొన్నాయి. సాధారణంగా యుద్ధాలు, అంతర్జాతీయ ఉద్రిక్తతల సమయంలో సురక్షిత పెట్టుబడిగా బంగారానికి డిమాండ్ పెరుగుతుంది. అయితే ఈసారి ద్రవ్యోల్బణం, వడ్డీ రేట్లపై ఆందోళనలు ఆ ప్రభావాన్ని అధిగమిస్తున్నాయి.మరింత తగ్గుతాయా?సాంకేతికంగా అంతర్జాతీయ మార్కెట్లో బంగారానికి 3,950-3,970 డాలర్ల స్థాయి కీలక మద్దతుగా ఉంది. 4,000 డాలర్ల స్థాయిని తిరిగి అందుకోవడం పసిడికి కీలకం. వెండికి 48 డాలర్ల వద్ద మద్దతు ఉండగా.. 53 డాలర్ల స్థాయి నిరోధంగా పనిచేయవచ్చు. దేశీయ మార్కెట్లో ఎంసీఎక్స్ బంగారానికి రూ.1,41,500, రూ.1,40,000 స్థాయిలు కీలకం. వెండికి రూ.1,80,000, రూ.1,73,000 వద్ద మద్దతు లభించే అవకాశం ఉంది. అయితే అమెరికా ద్రవ్యోల్బణ గణాంకాలు, ఫెడరల్ రిజర్వ్ తదుపరి నిర్ణయాలు రానున్న రోజుల్లో ఈ లోహాల ధరల దిశను నిర్దేశించనున్నాయి.ఇదీ చదవండి: దేశంలోని బిజినెస్ స్కూళ్లన్నీ మూసేయడం మంచిది!దేశంలోని ప్రధాన నగరాల్లో నేటి బంగారం, వెండి ధరలను ఈ కింద చూడవచ్చు.. -
స్టాక్ మార్కెట్ క్లోజింగ్ అప్డేట్!
శుక్రవారం ఉదయం స్వల్ప లాభాలతో ప్రారంభమైన దేశీయ స్టాక్ మార్కెట్లు.. ట్రేడింగ్ క్లోజ్ అయ్యే సమయానికి భారీ లాభాల్లో ముగిశాయి. సెన్సెక్స్ 308.49 పాయింట్లు లేదా 0.42 శాతం లాభంతో 74,459.53 వద్ద, నిఫ్టీ 116.35 పాయింట్లు లేదా 0.51 శాతం లాభంతో 23,053.10 వద్ద నిలిచాయి.వేదాంత పవర్ లిమిటెడ్, వేదాంత ఆయిల్ అండ్ గ్యాస్ లిమిటెడ్, లారస్ ల్యాబ్స్ లిమిటెడ్ వంటి కంపెనీలు టాప్ గెయినర్స్ జాబితాలో చేరాయి. ఇంటెలెక్ట్ డిజైన్ ఎరీనా లిమిటెడ్, రెడింగ్టన్ లిమిటెడ్, సుజ్లాన్ ఎనర్జీ లిమిటెడ్ వంటి సంస్థలు నష్టాల జాబితాలో నిలిచాయి.(Disclaimer: మార్కెట్ గురించి సాక్షి వెబ్సైట్లో నిపుణులు వెల్లడించే అభిప్రాయాలు వారి పరిశీలన, అంచనాలను బట్టి ఉంటాయి. ఇన్వెస్టర్లకు ఇది కేవలం విషయ అవగాహన మాత్రమే తప్ప.. వారు పెట్టే పెట్టుబడులకు సాక్షి మీడియా గ్రూపు ఎలాంటి హామీ ఇవ్వదు.) -
ఒక్కసారిగా.. భారీగా తగ్గిన బంగారం, వెండి ధరలు!
బంగారం ధరలు ఒక్కసారిగా పతనమయ్యాయి. దీంతో దేశంలోని ప్రధాన నగరాల్లో గోల్డ్ రేటు కుప్పకూలింది. నేడు (శుక్రవారం) పసిడి ధర గరిష్టంగా రూ.1690 తగ్గింది. దీంతో బంగారం కొనుగోలు చేసేవారికి కొంత ఊరట లభించింది. ఏ నగరం గోల్డ్ రేటు ఎక్కువగా ఉంది?, ఎక్కడ తక్కువగా ఉంది?, వెండి రేటు ఎలా ఉందో.. ఈ కింద చూడవచ్చు. -
స్థిరంగా స్టాక్ మార్కెట్ సూచీలు
దేశీయ స్టాక్ మార్కెట్ సూచీలు శుక్రవారం స్థిరంగా కదలాడుతున్నాయి. ఈరోజు ఉదయం 09:27 సమయానికి నిఫ్టీ(Nifty) 6 పాయింట్లు తగ్గి 22,927 వద్దకు చేరింది. సెన్సెక్స్(Sensex) 24 పాయింట్లు దిగజారి 74,144 వద్ద ట్రేడవుతోంది.అమెరికా డాలర్ ఇండెక్స్(USD Index) 101.69బ్రెంట్ క్రూడ్ఆయిల్ బ్యారెల్ ధర 112.1 డాలర్లుయూఎస్ 10 ఏళ్ల బాండ్ ఈల్డ్లు 4.92 శాతానికి చేరాయి.గడిచిన సెషన్లో యూఎస్ ఎస్ అండ్ పీ 0.3 శాతం తగ్గింది.నాస్డాక్ 1.38 శాతం దిగజారింది.Today Nifty position 30-10-2026(time: 09:27 am)(Disclaimer: మార్కెట్ గురించి సాక్షి వెబ్ సైట్లో నిపుణులు వెల్లడించే అభిప్రాయాలు వారి పరిశీలన, అంచనాలను బట్టి ఉంటాయి. ఇన్వెస్టర్లకు ఇది కేవలం విషయ అవగాహన మాత్రమే తప్ప.. వారు పెట్టే పెట్టుబడులకు సాక్షి మీడియా గ్రూపు ఎలాంటి హామీ ఇవ్వదు.) -
ఇకపై డిఫాల్ట్గా ‘డైరెక్ట్ మ్యూచువల్ ఫండ్స్’!
మ్యూచువల్ ఫండ్ రంగంలో మదుపర్ల ప్రయోజనాలను మరింత పరిరక్షించే దిశగా మార్కెట్ నియంత్రణ సంస్థ సెబీ చర్యలు చూపడుతోంది. నవంబర్ 1 నుంచి అసెట్ మేనేజ్మెంట్ కంపెనీల (ఏఎంసీ) డిజిటల్ ప్లాట్ఫామ్ల్లో మ్యూచువల్ ఫండ్ పెట్టుబడులకు సంబంధించి డైరెక్ట్ ప్లాన్స్ ఇకపై డిఫాల్ట్ ఆప్షన్గా మారనున్నాయి. సెబీ ఛైర్మన్ తుహిన్ కాంత్ పాండే ఈ మార్పులను అధికారికంగా ప్రకటించారు. ఈ నిబంధనల వెనుక ఉన్న అసలు లక్ష్యాలు, మదుపర్లపై దీని ప్రభావం ఎలా ఉండనుందనే అంశాలు కింద చూద్దాం.అసలు మార్పు ఏమిటి?సాధారణంగా మ్యూచువల్ ఫండ్లలో డైరెక్ట్, రెగ్యులర్ అని రెండు రకాల ప్లాన్లు అందుబాటులో ఉంటాయి. ఈ రెండూ ఒకే రకమైన అండర్ లైయింగ్ పోర్ట్ఫోలియోలో ఒకే పథకంలో పెట్టుబడి పెడతాయి. అయితే, రెగ్యులర్ ప్లాన్ల విషయంలో డిస్ట్రిబ్యూటర్లు లేదా మధ్యవర్తులకు కమిషన్లు చెల్లించాల్సి ఉంటుంది. దీనివల్ల రెగ్యులర్ ప్లాన్ల ఎక్స్పెన్స్ రేషియో(నిర్వహణ ఖర్చు) డైరెక్ట్ ప్లాన్లతో పోలిస్తే ఎక్కువగా ఉంటుంది.తాజా నిబంధనల ప్రకారం, నవంబర్ 1 నుంచి ఏఎంసీల డిజిటల్ మాధ్యమాల్లో మదుపర్లు లావాదేవీలు చేసేటప్పుడు ఆటోమేటిక్గా డైరెక్ట్ ప్లాన్ ఎంపిక డిఫాల్ట్గా కనిపిస్తుంది. ఒకవేళ ఎవరైనా మధ్యవర్తుల ద్వారా రెగ్యులర్ ప్లాన్ను ఎంచుకోవాలనుకుంటే ఆ ప్లాన్కు సంబంధించిన అధిక ఎక్స్పెన్స్ రేషియో, ఇతర ఖర్చుల వివరాలను స్పష్టంగా తెలియజేయాల్సి ఉంటుంది.దీర్ఘకాలిక లాభాలపై ప్రభావంఈ మార్పు వల్ల మదుపర్ల దీర్ఘకాలిక సంపద సృష్టిపై గణనీయమైన సానుకూల ప్రభావం పడనుంది. ఉదాహరణకు, తక్కువ ఖర్చులు ఉండే డైరెక్ట్ ప్లాన్లలో మదుపు చేయడం ద్వారా ఏజెంట్ల కమిషన్ భారం తప్పుతుంది. దీనివల్ల కాలక్రమేణా రిటర్న్స్ మెరుగ్గా రావడానికి అవకాశం ఉంటుంది. ఉదాహరణకు రెండు దశాబ్దాల కాలంలో క్రమానుగత పెట్టుబడి విధానం(సిప్)లో చిన్న వ్యత్యాసాలు సైతం కోట్లలో రాబడి తేడాను చూపుతాయి. అందువల్ల మదుపర్లు తాము ఎంచుకునే ప్లాన్ వెనుక ఉన్న వ్యయాలను ముందే అంచనా వేయడానికి ఈ విధానం పారదర్శకతను చేకూరుస్తుంది.రెగ్యులర్ ప్లాన్లు రద్దు కావుఈ నిబంధన కేవలం డిజిటల్ ప్లాట్ఫామ్ల్లో డిఫాల్ట్ డిస్ప్లేను మాత్రమే మారుస్తుందని సెబీ స్పష్టం చేసింది. అంతేతప్ప రెగ్యులర్ ప్లాన్లను పూర్తిగా రద్దు చేయడం లేదని, ఇప్పటికే ఉన్న పెట్టుబడుల్లో ఎలాంటి మార్పులు ఉండవని స్పష్టం చేసింది. మదుపర్లకు ఇప్పటికీ రెగ్యులర్ ప్లాన్లను ఎంచుకునే స్వేచ్ఛ ఉంది. అయితే, మధ్యవర్తుల ద్వారా సర్వీసులు కోరుకునేవారు ఆయా ప్లాన్ల అదనపు ఖర్చుల వివరాలు తెలుసుకోవాల్సి ఉంటుంది.ఇదీ చదవండి: 40 వేలమంది భద్రతా సిబ్బంది డేటా లీక్ -
డిజిటల్ మోసాల్లో బ్యాంకులదే బాధ్యత: సుప్రీంకోర్టు స్పష్టం
న్యూఢిల్లీ: డిజిటల్ మోసాల కారణంగా ఖాతాదారులు కోల్పోయిన సొమ్మును తిరిగి చెల్లించే బాధ్యత బ్యాంకులపై కూడా ఉండాలని సుప్రీంకోర్టు స్పష్టం చేసింది. బ్యాంకులు తగిన జాగ్రత్తలు తీసుకోవడంలో విఫలమైన కారణంగానే మోసం జరిగినట్లు విచారణలో తేలితే, బాధితులకు వారు కోల్పోయిన మొత్తానికి సమానమైన నష్టపరిహారం చెల్లించేలా నిబంధనలు రూపొందించాలని సూచించింది. డిజిటల్ అరెస్ట్ వంటి సైబర్ నేరాలను అడ్డుకోవడంలో ఆర్థిక సంస్థలు మరింత బాధ్యతాయుతంగా వ్యవహరించాలని పేర్కొంది.ప్రధాన న్యాయమూర్తి జస్టిస్ సూర్యకాంత్ నేతృత్వంలోని ధర్మాసనం గురువారం ఈ అంశంపై విచారణ జరిపింది. న్యాయమూర్తులు జస్టిస్ జోయ్మాల్య బాగ్చి, జస్టిస్ వి. మోహన కూడా ఈ ధర్మాసనంలో ఉన్నారు. డిజిటల్ మోసాల బాధితుల సమస్యలపై సుప్రీంకోర్టు స్వయంగా చేపట్టిన ప్రజా ప్రయోజన వ్యాజ్యాన్ని విచారిస్తూ ఈ వ్యాఖ్యలు చేసింది. “బాధితులను రక్షించడం బ్యాంకర్ల బాధ్యత. ఈ విషయంలో సంబంధిత అధికారులు ఏం చేస్తున్నారు?” అని ప్రధాన న్యాయమూర్తి ప్రశ్నించారు.సాధారణంగా ఒక ఖాతాదారుడు ఒక్కోసారి రూ.10,000 లేదా రూ.20,000 మాత్రమే విత్డ్రా చేస్తుంటే, అకస్మాత్తుగా రూ.50,000 తీసుకునే ప్రయత్నం చేసినప్పుడు ఆ లావాదేవీని అనుమానాస్పదంగా గుర్తించకూడదా? అని ప్రశ్నించారు. ఖాతాదారుల లావాదేవీల తీరుకు భిన్నంగా జరిగే అనుమానాస్పద చెల్లింపులను తాత్కాలికంగా నిలిపివేయడం, వాటి గురించి సంబంధిత అధికారులకు ఆటోమేటిక్గా సమాచారం అందించడం, లావాదేవీల నిజానిజాలను ప్రత్యక్షంగా నిర్ధారించడం వంటి చర్యలు అవసరమని ధర్మాసనం అభిప్రాయపడింది. “ఇలాంటి మోసం జరిగినప్పుడు బ్యాంకు బాధితుడికి పరిహారం చెల్లించడంతోపాటు, ప్రాసిక్యూషన్ను కూడా ఎదుర్కొనేలా ఆదేశించాలని మేం ప్రతిపాదిస్తున్నాం. ఇది తప్పనిసరిగా జరగాలి” అని సూర్యకాంత్ పేర్కొన్నారు.ఈ ఏడాది రూ.800 కోట్ల నష్టండిజిటల్ అరెస్ట్ మోసాల కేసులు గత ఏడాదితో పోలిస్తే సుమారు 50 శాతం తగ్గాయని కేంద్ర ప్రభుత్వం తరఫున హాజరైన అటార్నీ జనరల్ ఆర్. వెంకటరమణి కోర్టుకు తెలిపారు. సుప్రీంకోర్టు జోక్యం, ప్రభుత్వ శాఖల సమన్వయం, ప్రజల్లో అవగాహన కార్యక్రమాల వల్ల ఈ తగ్గుదల నమోదైందని వివరించారు. అయితే, ఈ ఏడాది కూడా ఇలాంటి మోసాల వల్ల దేశంలో దాదాపు రూ.800 కోట్ల నష్టం వాటిల్లిందని ప్రధాన న్యాయమూర్తి గుర్తుచేశారు. బ్యాంకుల జవాబుదారీతనం, మ్యూల్ ఖాతాల వినియోగం వంటి అంశాలపై మరింత దృష్టి పెట్టాల్సిన అవసరం ఉందన్నారు. మ్యూల్ ఖాతాలను సైబర్ నేరగాళ్లు మోసాల ద్వారా వచ్చిన డబ్బును స్వీకరించడానికి, ఇతర ఖాతాలకు బదిలీ చేయడానికి ఉపయోగిస్తారు.ఆర్బీఐ నిబంధనలపై తదుపరి దృష్టిరిజర్వ్ బ్యాంక్ ఆఫ్ ఇండియా (ఆర్బీఐ) రూపొందిస్తున్న 2026 కేవైసీ సవరణ మార్గదర్శకాలను పరిశీలిస్తామని సుప్రీంకోర్టు తెలిపింది. తదుపరి విచారణ నాటికి అన్ని అధీకృత ఆర్థిక సంస్థల జాబితాను సమర్పించాలని ఆర్బీఐని ఆదేశించింది. ప్రతి బ్యాంకును విడివిడిగా కేసులో చేర్చాల్సిన అవసరం లేకుండా, వర్తించే అన్ని సంస్థలకు ఆదేశాలు జారీ చేసే అంశాన్ని పరిశీలిస్తోంది.కొత్త నిబంధనల్లో బ్యాంకుల బాధ్యతలు, అనుమానాస్పద లావాదేవీలను గుర్తించే విధానం, బాధితులకు పరిహారం చెల్లించే అంశాలకు ప్రాధాన్యం లభించనుంది. ఈ మార్గదర్శకాలు ఎలా రూపొందుతాయి, బ్యాంకుల నిర్లక్ష్యం వల్ల నష్టపోయిన ఖాతాదారులకు పరిహారం అందించే విధానం ఎలా అమలవుతుంది అన్నది కీలకంగా మారింది.ఇదీ చదవండి: సైకిల్ను తుక్కు తుక్కుగా ఓడించాలి: ఆర్కే రోజా -
స్టాక్ మార్కెట్ క్లోజింగ్ అప్డేట్.. దూసుకెళ్లిన రిలయన్స్!
గురువారం ఉదయం స్వల్ప లాభాల్లో ప్రారంభమైన దేశీయ స్టాక్ మార్కెట్లు.. ట్రేడింగ్ క్లోజ్ అయ్యే సమయానికి భారీ లాభాలను చవిచూశాయి. సెన్సెక్స్ 905.01 పాయింట్లు లేదా 1.24 శాతం లాభంతో 74,151.04 వద్ద, నిఫ్టీ 237.90 పాయింట్లు లేదా 1.05 శాతం లాభంతో 22,936.75 వద్ద నిలిచాయి.బిర్లాసాఫ్ట్ లిమిటెడ్, రిలయన్స్ పవర్ లిమిటెడ్, పూనావాలా ఫిన్కార్ప్ లిమిటెడ్ కంపెనీలు టాప్ గెయినర్స్ జాబితాలో ఉండగా.. eClerx సర్వీసెస్ లిమిటెడ్, టాటా టెలిసర్వీసెస్ (మహారాష్ట్ర) లిమిటెడ్, హెక్సావేర్ టెక్నాలజీస్ లిమిటెడ్ వంటివి నష్టాల జాబితాలో నిలిచాయి.(Disclaimer: మార్కెట్ గురించి సాక్షి వెబ్సైట్లో నిపుణులు వెల్లడించే అభిప్రాయాలు వారి పరిశీలన, అంచనాలను బట్టి ఉంటాయి. ఇన్వెస్టర్లకు ఇది కేవలం విషయ అవగాహన మాత్రమే తప్ప.. వారు పెట్టే పెట్టుబడులకు సాక్షి మీడియా గ్రూపు ఎలాంటి హామీ ఇవ్వదు.) -
బంగారం, వెండి ధరలు ఇలా.. తులం ఎంతంటే?
భారతదేశంలో బంగారం ధరల పెరుగుదలకు.. తాత్కాలికంగా బ్రేక్ పడింది. గురువారం హైదరాబాద్, విజయవాడ, బెంగళూరు, చెన్నై, ముంబై, ఢిల్లీ నగరాల్లో పసిడి ధరలు స్థిరంగా కొనసాగుతున్నాయి. గత కొన్ని రోజులుగా పెరుగుతూ వస్తున్న బంగారం ధరలు ఈ రోజు ఎలాంటి మార్పు లేకుండా ఉండటంతో కొనుగోలుదారులకు కొంత ఊరట లభించింది. ఈ రోజు పసిడి ధరలు ఏ నగరంలో ఎలా ఉన్నాయో ఈ కింద చూడవచ్చు. -
నిఫ్టీ, సెన్సెక్స్ నష్టాలకు బ్రేక్..
దేశీయ స్టాక్ మార్కెట్ సూచీలు గురువారం ఫ్లాట్గా ట్రేడవుతున్నాయి. ఈరోజు ఉదయం 09:21 సమయానికి నిఫ్టీ(Nifty) 3 పాయింట్లు పెరిగి 22,695 వద్దకు చేరింది. సెన్సెక్స్(Sensex) 27 పాయింట్లు పుంజుకొని 73,271 వద్ద ట్రేడవుతోంది.అమెరికా డాలర్ ఇండెక్స్(USD Index) 102.17బ్రెంట్ క్రూడ్ఆయిల్ బ్యారెల్ ధర 114 డాలర్లుయూఎస్ 10 ఏళ్ల బాండ్ ఈల్డ్లు 4.99 శాతానికి చేరాయి.గడిచిన సెషన్లో యూఎస్ ఎస్ అండ్ పీ 0.28 శాతం పెరిగింది.నాస్డాక్ 0.27 శాతం పుంజుకుంది.Today Nifty position 29-10-2026(time: 09:21 am)(Disclaimer: మార్కెట్ గురించి సాక్షి వెబ్ సైట్లో నిపుణులు వెల్లడించే అభిప్రాయాలు వారి పరిశీలన, అంచనాలను బట్టి ఉంటాయి. ఇన్వెస్టర్లకు ఇది కేవలం విషయ అవగాహన మాత్రమే తప్ప.. వారు పెట్టే పెట్టుబడులకు సాక్షి మీడియా గ్రూపు ఎలాంటి హామీ ఇవ్వదు.) -
భారత స్టాక్ మార్కెట్లో నష్టాల పరంపర
దేశీయ స్టాక్ మార్కెట్లు మరోసారి అమ్మకాల ఒత్తిడికి గురయ్యాయి. బుధవారం నాటి ట్రేడింగ్ ముగింపు సమయానికి భారతీయ బెంచ్మార్క్ సూచీలు నష్టాలను మూటగట్టుకున్నాయి. మార్కెట్ సెషన్ ముగిసే సమయానికి బాంబే స్టాక్ ఎక్స్ఛేంజ్ సూచీ సెన్సెక్స్ 352 పాయింట్లు కోల్పోయి 73,246 స్థాయికి పడిపోగా, నేషనల్ స్టాక్ ఎక్స్ఛేంజ్ సూచీ నిఫ్టీ 50 పాయింట్లు నష్టపోయి 22,698 వద్ద స్థిరపడింది. అంతర్జాతీయ మార్కెట్లలో నెలకొన్న ప్రతికూల సంకేతాలు, భౌగోళిక రాజకీయ ఉద్రిక్తతలు, ముడి చమురు ధరలు మళ్లీ భగ్గుమనడం మదుపర్లను ఆందోళనకు గురిచేశాయని నిపుణులు అంచనా వేస్తున్నారు.పెరుగుతున్న క్రూడాయిల్ ధరలుప్రపంచ మార్కెట్లను కుదిపేస్తున్న ప్రధాన పరిణామం ముడి చమురు ధరల పెరుగుదల. అంతర్జాతీయ మార్కెట్లో బ్రెంట్ క్రూడ్ ఆయిల్ ధర బ్యారెల్ ఏకంగా 115 డాలర్ల మార్కును దాటింది. పశ్చిమాసియాలో చెలరేగిన భౌగోళిక రాజకీయ ఉద్రిక్తతలు, చమురు సరఫరాకు తీవ్ర అంతరాయం కలుగుతుందన్న భయాలు మార్కెట్ను కలవరపెడుతున్నాయి. భారత్ తన అవసరాల కోసం దిగుమతి చేసుకునే ముడి చమురు ధరలు ఈ స్థాయిలో ఎగబాకడం దేశీయ ద్రవ్యోల్బణాన్ని పెంచడమే కాకుండా, కరెంట్ అకౌంట్ లోటును మరింత తీవ్రతరం చేస్తుందనే ఆందోళనలు పెట్టుబడిదారులలో నెలకొన్నాయి.ఐటీ రంగంలో అమ్మకాల ఒత్తిడిదేశీయంగా టెక్నాలజీ దిగ్గజాల షేర్లలో లాభాల స్వీకరణ జోరుగా సాగింది. ఇన్ఫోసిస్, టాటా కన్సల్టెన్సీ సర్వీసెస్, టెక్ మహీంద్రా వంటి ప్రముఖ ఐటీ షేర్లు నష్టాలను చవిచూశాయి. అమెరికా ఫెడరల్ రిజర్వ్ వడ్డీ రేట్ల నిర్ణయాలపై ఇంకా స్పష్టత రాకపోవడం, ఏఐ టెక్నాలజీ వేగవంతమైన పరిణామాలపై నెలకొన్న అనిశ్చితి ఐటీ రంగాన్ని కోలుకోలేకుండా చేశాయి. అమెరికా మార్కెట్లలో టెక్ స్టాక్స్ కదలికలు కూడా మన దేశీయ ఐటీ సెంటిమెంట్ను దెబ్బతీశాయి.అమెరికా ఫెడ్ రిజర్వ్ భయాలుఅమెరికా ఫెడరల్ రిజర్వ్ రాబోయే వడ్డీ రేట్ల విధానంపై మదుపర్లు ఉత్కంఠతో ఎదురుచూస్తున్నారు. ద్రవ్యోల్బణం అదుపులోకి రాకపోవడంతో ఫెడ్ వడ్డీ రేట్ల కోతను ఆలస్యం చేసే అవకాశం ఉందనే అంచనాలు వెలువడుతున్నాయి. దీనివల్ల అమెరికా బాండ్ ఈల్డ్స్ బలపడి గ్లోబల్ ఇన్వెస్టర్లు ఎమర్జింగ్ మార్కెట్ల నుంచి తమ పెట్టుబడులను వెనక్కి తీసుకుని సురక్షితమైన అమెరికా అసెట్ల వైపు మళ్లుతున్నారు. ఇదే క్రమంలో విదేశీ సంస్థాగత మదుపర్లు భారత మార్కెట్లలో నిలకడగా అమ్మకాలకే మొగ్గు చూపుతుండటం సూచీల పతనానికి మరో ప్రధాన కారణమైంది.ఇదీ చదవండి: 120 కి.మీ వేగంతో వెళ్లినా చలాన్లు ఉండవు! కానీ.. -
ముఖేష్ అంబానీ కన్నీళ్లు.. ఏడ్చేసిన రిలయన్స్ అధినేత
రిలయన్స్ ఇండస్ట్రీస్ అధినేత ముఖేష్ అంబానీకి భావోద్వేగభరిత క్షణం ఎదురైంది. ఆయన నేతృత్వంలో విస్తరించిన జియో ప్లాట్ఫామ్స్ సంస్థ బుధవారం (అక్టోబర్ 28) తొలిసారిగా స్టాక్ మార్కెట్లో అడుగుపెట్టిన సందర్భంగా నిర్వహించిన వేడుకలో ఆయన కన్నీళ్లు తుడుచుకుంటూ కనిపించారు. కుమారుడు అనంత్ అంబానీ ప్రసంగంలో రిలయన్స్, జియో ప్రయాణాన్ని, వాటి వెనుక ఉన్న వారసత్వాన్ని ప్రస్తావిస్తున్న సమయంలో ముఖేష్ అంబానీ భావోద్వేగానికి గురయ్యారు. ఈ కార్యక్రమానికి ఆయన సతీమణి నీతా అంబానీ, కుమారులు ఆకాశ్, అనంత్, కుమార్తె ఇషా హాజరయ్యారు.21 శాతం ప్రీమియంతో మార్కెట్లోకి..జియో ప్లాట్ఫామ్స్ షేర్లు బుధవారం స్టాక్ మార్కెట్లో ఘనంగా అరంగేట్రం చేశాయి. ఒక్కో షేరు ఇష్యూ ధర రూ.1,119 కాగా, నేషనల్ స్టాక్ ఎక్స్ఛేంజ్ (ఎన్ఎస్ఈ), బాంబే స్టాక్ ఎక్స్ఛేంజ్ (బీఎస్ఈ)ల్లో రూ.1,358 వద్ద లిస్టయ్యాయి. దీంతో ఇష్యూ ధరతో పోలిస్తే 21.36 శాతం ప్రీమియం లభించింది. ఈ లిస్టింగ్తో కంపెనీ మార్కెట్ విలువ సుమారు రూ.12.5 లక్షల కోట్లకు చేరింది. మార్కెట్ క్యాపిటలైజేషన్ పరంగా దేశంలో రెండో అతిపెద్ద కంపెనీగా జియో ప్లాట్ఫామ్స్ నిలిచింది. ఈ క్రమంలో భారతీ ఎయిర్టెల్, హెచ్డీఎఫ్సీ బ్యాంక్లను అధిగమించింది.దేశంలోనే అతిపెద్ద ఐపీఓగా జియోజియో ప్లాట్ఫామ్స్ పబ్లిక్ ఇష్యూ ద్వారా సుమారు రూ.30,213 కోట్లు సమీకరించింది. భారత స్టాక్ మార్కెట్ చరిత్రలోనే అతిపెద్ద ఐపీఓగా ఇది నిలిచింది. అక్టోబర్ 21న ప్రారంభమైన ఈ పబ్లిక్ ఇష్యూ 23న ముగిసే సమయానికి మొత్తం 22.19 రెట్లు సబ్స్క్రైబ్ అయింది. దేశీయ, అంతర్జాతీయ సంస్థాగత ఇన్వెస్టర్ల నుంచి విశేష స్పందన లభించింది. ఈ లిస్టింగ్తో దాదాపు రెండు దశాబ్దాల తర్వాత రిలయన్స్ గ్రూప్ నుంచి మరో కీలక సంస్థ స్టాక్ మార్కెట్లోకి వచ్చింది.Mukesh Ambani gets teary-eyed as Anant speaks about Reliance's Jio journey. https://t.co/I9eWTs70my— AK (@ashking1008) October 28, 2026 -
నాన్ స్టాప్ బంగారం! తులం ఎంతకొచ్చిందంటే..
దేశంలో బంగారం ధరల పెరుగుదల కొనసాగుతోంది. వరుసగా మూడో రోజూ పుత్తడి రేట్లు పుంజుకున్నాయి. పసిడి ధరలు నేడు (Today Gold Rate) కూడా పెరుగుదలను నమోదు చేశాయి. ఇక వెండి ధరలు (Today Silver Rate) మాత్రం నేడు నిలకడగా కొనసాగుతున్నాయి. దేశ రాజధాని ఢిల్లీతో పాటు తెలుగు రాష్ట్రాలలో ఈరోజు బంగారం, వెండి ధరలు ఎలా ఉన్నాయో కింద చూద్దాం.. -
మార్కెట్కి రిస్క్లు ఇంకా తగ్గలేదు
హైదరాబాద్, బిజినెస్ బ్యూరో: ప్రపంచవ్యాప్తంగా నెలకొన్న అనిశ్చితి, అధిక చమురు ధరలు, కరెన్సీ హెచ్చుతగ్గులు, ఆదాయ వృద్ధిపై సందేహాలు తదితర అంశాలతో దేశీ ఈక్విటీ మార్కెట్లలో ఆందోళనకర పరిస్థితి నెలకొందని బరోడా బీఎన్పీ పారిబా మ్యుచువల్ ఫండ్ సీనియర్ ఫండ్ మేనేజర్ జితేంద్ర శ్రీరామ్ తెలిపారు. ఇందులో కొన్ని అంశాలు ఇప్పటికే మార్కెట్ వేల్యుయేషన్లలో ప్రతిబింబించినప్పటికీ, ఇన్వెస్టర్లు పూర్తిగా పరిగణనలోకి తీసుకోని రిస్క్లు ఇంకా కొన్ని ఉన్నాయని సాక్షి బిజినెస్ బ్యూరోకి తెలిపారు.మార్కెట్ ఇంకా పూర్తిగా డిస్కౌంట్ చేసుకోని కీలక రిస్్కలలో పశ్చిమాసియా పరిణామాలు కూడా ఉన్నాయని వివరించారు. ముడి చమురు ధరలు దీర్ఘకాలం పాటు అధిక స్థాయిలో కొనసాగితే ఆ ప్రభావం ఇంధన వ్యయాలకే పరిమితం కాబోదని, ప్రపంచ ఆర్థిక వృద్ధి మందగించడంతో పాటు ద్రవ్యోల్బణం పెరిగే అవకాశం ఉందని శ్రీరామ్ తెలిపారు. దీనితో ప్రస్తుత ఆర్థిక సంవత్సరం ప్రథమార్ధంతో పోలిస్తే ద్వితీయార్థంలో కార్పొరేట్ల ఆదాయ వృద్ధి పరిమితంగానే ఉంటుందనే అంచనాలు నెలకొన్నాయని చెప్పారు. నిశితంగా పరిశీలించాల్సిన అంశాల్లో అమెరికన్ బాండ్ ఈల్డ్లు కూడా ఒకానొకటని చెప్పారు. ఈ దశలో మార్కెట్ మొమెంటమ్ను అనుసరించడం కన్నా ఆదాయాలపై స్పష్టమైన అంచనాలతో, నిలకడగా రాణిస్తున్న కంపెనీలు, రంగాలపై దృష్టి పెట్టడం మంచిదని పేర్కొన్నారు. కొనుగోలు శక్తిపై ప్రభావం భారత్ ప్రధానంగా ఇంధనాల కోసం దిగుమతులపై ఆధారపడుతున్న నేపథ్యంలో, ముడి చమురు ధరలు సుదీర్ఘ సమయం పాటు అధిక స్థాయిలో కొనసాగితే ద్రవ్యోల్బణం పెరుగుదల, కరెన్సీ విలువ క్షీణించి, కార్పొరేట్ల ఉత్పత్తి వ్యయాలు పెరిగిపోవడంతో పాటు కుటుంబాల కొనుగోలు శక్తిపై ప్రతికూల ప్రభావం పడొచ్చని శ్రీరామ్ చెప్పారు. భారత్ ఇంధన భద్రత సాధించే క్రమంలో పునరుత్పాదక వనరులకు కూడా ప్రాధాన్యం ఇస్తున్నప్పటికీ .. ఈ మార్పులన్నీ ఎకాయెకిన జరగబోవు కాబట్టి, పూర్తి స్థాయిలో ఫలితాలు వచ్చేంత వరకు మధ్యకాలికంగా ఆర్థిక ఒత్తిళ్లు తప్పకపోవచ్చని పేర్కొన్నారు. జీఎస్టీ కోతల దన్నుతో గత ఆర్థిక సంవత్సరం మూడు, నాలుగో త్రైమాసికాల్లో ఎల్రక్టానిక్స్, వైట్గూడ్స్ మొదలైన వాటి అమ్మకాలు భారీగా పెరిగి అధిక బేస్ ఏర్పడిందని చెప్పారు. ఫలితంగా ఈసారి కార్పొరేట్ ఆదాయాలు ఆ బేస్కి మించి వృద్ధి చెందే అవకాశాలు పరిమితంగానే కనిపిస్తున్నాయని శ్రీరామ్ తెలిపారు. దేశీ పెట్టుబడులతో ఊరట.. సాధారణంగా లార్జ్ క్యాప్ స్టాక్స్లో విదేశీ ఇన్వెస్టర్ల పెట్టుబడులు అధికంగా ఉంటాయని, గత 18–20 నెలలుగా అవి తరలిపోతుండటంతో విస్తృత మార్కెట్లతో పోలిస్తే సదరు స్టాక్స్ వెనుకబడ్డాయని శ్రీరామ్ చెప్పారు. అయితే, దేశీ సంస్థాగత పెట్టుబడుల ప్రవాహం కొనసాగుతుండటం ఈక్విటీ మార్కెట్లకు మద్దతుగా నిలుస్తుండటం ఊరటనిచ్చే అంశమని తెలిపారు. ఇక రూపాయి క్షీణత అనేది గ్లోబల్ ఇన్వెస్టర్లకు రాబడుల విషయంలో ప్రతికూలాంశమన్నారు. ఇటీవల ఆర్బీఐ చేపట్టిన ఎఫ్సీఎన్ఆర్ (బీ) డిపాజిట్ల కార్యక్రమం విజయవంతం కావడమనేది రూపాయిపై నెలకొన్న ప్రతికూల సెంటిమెంటు కొంత వరకు తగ్గేందుకు దోహదపడగలదని శ్రీరామ్ వివరించారు. పెట్టుబడులకు అవకాశాలు... ప్రస్తుత పరిస్థితుల్లో ఇన్వెస్టర్లు కేవలం మార్కెట్ మొమెంటమ్పై దృష్టి పెట్టడం కంటే.. ఆదాయ స్థిరత్వం, అంచనాలకు అందేలా వృద్ధి అవకాశాలు ఉండే రంగాలపై దృష్టి పెట్టొచ్చని శ్రీరామ్ చెప్పారు. ఆ విధంగా చూస్తే మిగతావాటితో పోల్చినప్పుడు మాంద్య ప్రభావం తక్కువగా ఉండే వాటిల్లో ఫార్మా, హెల్త్కేర్ రంగాలు ఉంటాయని పేర్కొన్నారు. ఆరోగ్య సంరక్షణ ఉత్పత్తులు, సేవలకు డిమాండ్ స్థిరంగా ఉంటుందన్నారు. కాంట్రాక్ట్ డెవలప్మెంట్–మాన్యుఫాక్చరింగ్ సంస్థలు (సీడీఎంవో) బయోసిమిలర్స్, పెప్టైడ్స్ తదితర విభాగాల్లో దీర్ఘకాలికంగా పెట్టుబడుల అవకాశాలు కనిపిస్తున్నాయని శ్రీరామ్ చెప్పారు.కాబట్టి ఫార్మాపై ఓవర్వెయిట్గా ఉన్నట్లు తెలిపారు. అలాగే, హెల్త్కేర్, యుటిలిటీస్, టెలికం సరీ్వసులకు కూడా డిమాండ్ కొనసాగుతుంది కాబట్టి, అవి కూడా మెరుగ్గా రాణించవచ్చని వివరించారు. మరోవైపు, ఐటీ సరీ్వసుల విభాగం కొంత సంక్లిష్టంగా ఉన్నట్లు చెప్పారు. అంతర్జాతీయంగా అనిశ్చితి వల్ల కరెన్సీ బలహీనపడిపడితే దేశీ ఐటీ ఎగుమతి సంస్థలకు ప్రయోజనం చేకూరవచ్చు కానీ కృత్రిమ మేథ (ఏఐ)పరంగా ప్రతికూల ప్రభావం ఉండొచ్చని శ్రీరామ్ చెప్పారు. -
స్టాక్ మార్కెట్లోకి జియో ఎంట్రీ..
దేశీయ స్టాక్ మార్కెట్ సూచీలు బుధవారం నష్టాల్లో కదలాడుతున్నాయి. ఈరోజు ఉదయం 09:44 సమయానికి నిఫ్టీ(Nifty) 142 పాయింట్లు తగ్గి 22,607 వద్దకు చేరింది. సెన్సెక్స్(Sensex) 575 పాయింట్లు దిగజారి 73,023 వద్ద ట్రేడవుతోంది.రంగాల వారీగా చూస్తే.. నిఫ్టీ ఐటీ, ఎఫ్ఎంసీజీ, ఆయిల్ & గ్యాస్ స్టాక్లలో అధిక నష్టాలు కొనసాగుతున్నాయి. నిఫ్టీ ఆటో మాత్రమే లాభాల్లో ట్రేడ్ అవుతోంది. నిఫ్టీ మిడ్ క్యాప్ 100 సూచీ 0.41 శాతం, నిఫ్టీ స్మాల్ క్యాప్ 100 సూచీ 0.6 శాతం నష్టపోయాయి.స్టాక్ మార్కెట్లో నేడు జియో ప్లాట్ ఫామ్స్ లిమిటెడ్ అరంగేట్రం జరగనుంది. ఈ నేపథ్యంలో ఇన్వెస్టర్ల కళ్లన్నీ దీనిపైనే ఉన్నాయి. ఇక యూఎస్ ఫెడరల్ రిజర్వ్కు సంబంధించిన ఫెడరల్ ఓపెన్ మార్కెట్ కమిటీ (FOMC) తన రెండు రోజుల విధాన సమావేశాన్ని అక్టోబర్ 27-28 తేదీలలో నిర్వహిస్తోంది. అధికారిక వడ్డీ రేటు నిర్ణయం, విధాన ప్రకటన నేడు వెలువడనుంది.(Disclaimer: మార్కెట్ గురించి సాక్షి వెబ్ సైట్లో నిపుణులు వెల్లడించే అభిప్రాయాలు వారి పరిశీలన, అంచనాలను బట్టి ఉంటాయి. ఇన్వెస్టర్లకు ఇది కేవలం విషయ అవగాహన మాత్రమే తప్ప.. వారు పెట్టే పెట్టుబడులకు సాక్షి మీడియా గ్రూపు ఎలాంటి హామీ ఇవ్వదు.) -
రూ. 2 లక్షల దిగువకు వెండి..
న్యూఢిల్లీ: డాలరు బలపడటం, అంతర్జాతీయంగా బులియన్ మార్కెట్లు బలహీనపడటం తదితర అంశాలతో వెండి ధరలు మరింతగా పతనమయ్యాయి. 10 నెలల్లో తొలిసారిగా వెండి కేజీ ధర కీలకమైన రూ. 2 లక్షల లోపు స్థాయికి పడిపోయింది. ఢిల్లీ బులియన్ మార్కెట్లో మంగళవారం రేటు మరో రూ. 4,000 తగ్గి రూ. 1.98 లక్షలకు చేరింది.మరోవైపు, 99.9 శాతం స్వచ్ఛత గల పసిడి 10 గ్రాముల ధర సైతం రూ. 500 తగ్గి రూ. 1,45,800కి దిగి వచ్చింది. దేశీయంగా బంగారం ధరలు సమీప భవిష్యత్తులో హెచ్చుతగ్గులకు లోనవుతూ రూ. 1.40–1.44 లక్షల శ్రేణిలో తిరుగాడవచ్చని ఎల్కేపీ సెక్యూరిటీస్ వీపీ జతిన్ త్రివేది తెలిపారు. అటు అంతర్జాతీయంగా ఔన్సు పసిడి ధర స్వల్పంగా తగ్గి 4,011.44 డాలర్లకు, వెండి 1% క్షీణించి రూ. 53.41 డాలర్లకు దిగి వచ్చాయి. -
అమెరికా నిర్ణయం.. బంగారం ధరలకు షాక్?
బంగారం ధరల్లో ఎప్పటికప్పుడు ఊహకందని మార్పులు జరుగుతున్నాయి. అమెరికా ఫెడరల్ రిజర్వ్ వడ్డీ రేట్లపై తీసుకోబోయే నిర్ణయానికి ముందు, ఇన్వెస్టర్లు అప్రమత్తంగా వ్యవహరిస్తుండటంతో పసిడి రేట్లు పతనమవుతున్నాయి. ఈ రోజు (అక్టోబర్ 27) ఎంసీఎక్స్ గోల్డ్ ఫ్యూచర్స్ ధర 10 గ్రాములకు రూ.1,42,216కు పడిపోయింది. మధ్యాహ్నం 1:09 గంటల సమయంలో రూ.1,42,460 వద్ద ట్రేడవుతూ, గత ముగింపు ధరతో పోలిస్తే రూ.613 తగ్గింది. దీంతో బంగారం ధరలు మళ్లీ ఎటువైపు కదులుతాయన్న ఆసక్తి ఇన్వెస్టర్లలో నెలకొంది.గత పది రోజుల్లోనే బంగారం ధరలు గణనీయంగా తగ్గాయి. అక్టోబర్ 14న 10 గ్రాముల ధర రూ.1,45,848 వద్ద ముగియగా.. మంగళవారం ఇంట్రాడేలో రూ.1,42,216కు పడిపోయింది. అంటే.. ఈ కాలంలో రూ.3,632 తగ్గింది.అంతర్జాతీయ మార్కెట్లో అమెరికా డాలర్ బలపడటం, వడ్డీ రేట్లు ఎక్కువ కాలం అధిక స్థాయిలో కొనసాగవచ్చన్న అంచనాలు వంటివి బంగారం ధరలు తగ్గడానికి ప్రధాన కారణాలుగా ఉన్నాయి. సాధారణంగా వడ్డీ ఆదాయం ఇవ్వని బంగారం కంటే, అధిక వడ్డీ రాబడి ఇచ్చే పెట్టుబడులపై ఆసక్తి పెరిగినప్పుడు పసిడికి డిమాండ్ తగ్గే అవకాశం ఉంటుంది.ప్రస్తుతం మార్కెట్ వర్గాల దృష్టి అమెరికా ఫెడరల్ రిజర్వ్ సమావేశంపైనే ఉంది. ఈ సమావేశంలో వడ్డీ రేట్లపై ఎలాంటి నిర్ణయం తీసుకుంటారన్నది కీలకంగా మారింది. ఈసారి రేట్లను యథాతథంగా ఉంచవచ్చని అంచనాలు ఉన్నప్పటికీ, డిసెంబర్లో వడ్డీ రేట్ల పెంపు ఉండే అవకాశంపై ఫెడ్ ఎలాంటి సంకేతాలు ఇస్తుందో ఇన్వెస్టర్లు గమనిస్తున్నారు.ఇదీ చదవండి: బంగారంపై నడిచే రోజులు వస్తున్నాయ్!భారతదేశంలో బంగారం ధరలుఇండియన్ మార్కెట్లో గోల్డ్ రేటు నేడు (మంగళవారం) గరిష్టంగా రూ.540 పెరిగింది. దీంతో హైదరాబాద్, విజయవాడలలో 24 క్యారెట్ల బంగారం ధర రూ.143290 వద్దకు చేరింది. ఇక చెన్నై, బెంగళూరు, ఢిల్లీ, ముంబైలలో పసిడి ధరలు ఎలా ఉన్నాయో ఈ కింద చూడవచ్చు. -
స్టాక్ మార్కెట్లో జియో సునామీ.. లిస్టింగ్పై భారీ అంచనాలు!
భారత స్టాక్ మార్కెట్లో జియో ప్లాట్ఫామ్స్ ఐపీఓ ఇప్పుడు హాట్ టాపిక్గా మారింది. రూ.10.3 లక్షల కోట్ల భారీ విలువతో మార్కెట్లోకి వస్తున్న ఈ కంపెనీ లిస్టింగ్పై ఇన్వెస్టర్లు ఆసక్తిగా ఎదురుచూస్తున్నారు. ఒక్కో షేరును రూ.1,119 ధరతో జారీ చేస్తూ.. మొత్తం 27 కోట్ల కొత్త షేర్లను ఆఫర్ చేసినట్లు సమాచారం.ప్రస్తుతం రిలయన్స్ ఇండస్ట్రీస్ మార్కెట్ విలువ సుమారు రూ.16.2 లక్షల కోట్లు కాగా, భారతీ ఎయిర్టెల్ విలువ రూ.12.2 లక్షల కోట్లు, హెచ్డీఎఫ్సీ బ్యాంక్ విలువ రూ.10.6 లక్షల కోట్లుగా ఉన్నాయి. ఈ కంపెనీల తర్వాత జాబితాలో జియో ప్లాట్ఫామ్స్ నిలుస్తోంది.అక్టోబర్ 28న జియో షేర్లు ఎన్ఎస్ఈ, బీఎస్ఈల్లో లిస్ట్ కానున్నాయి. ఐపీఓకు వచ్చిన స్పందన, మార్కెట్లో కనిపిస్తున్న ప్రీమియం కారణంగా లిస్టింగ్ రోజున షేర్లు ఇష్యూ ధర కంటే ఎక్కువ ధరకు ట్రేడయ్యే అవకాశం ఉందని మార్కెట్ వర్గాలు అంచనా వేస్తున్నాయి. అయితే.. అసలు లిస్టింగ్ ధర ఎలా ఉంటుందనేది మాత్రం మార్కెట్ పరిస్థితులపై ఆధారపడి ఉంటుంది.ఒకవేళ జియో షేర్లు ఇష్యూ ధర కంటే 20 శాతం ప్రీమియంతో లిస్ట్ అయితే.. ఒక్కో షేరు ధర సుమారు రూ.1,343కు చేరే అవకాశం ఉంది. అప్పుడు కంపెనీ మార్కెట్ విలువ రూ.12.3 లక్షల కోట్లను దాటే అవకాశం ఉంది. ఇదే జరిగితే.. రిలయన్స్ ఇండస్ట్రీస్ తర్వాత దేశంలో రెండో అత్యంత విలువైన కంపెనీగా జియో ప్లాట్ఫామ్స్ నిలువనుంది.జియో లిస్టింగ్తో ముఖేష్ అంబానీ నేతృత్వంలోని రిలయన్స్ గ్రూప్ మార్కెట్ విలువ కూడా భారీగా పెరిగే అవకాశం ఉంది. ఐపీఓ విలువ ఆధారంగా రిలయన్స్ ఇండస్ట్రీస్, జియో ప్లాట్ఫామ్స్ మార్కెట్ విలువలను కలిపితే రూ.27 లక్షల కోట్లకు పైగా చేరవచ్చని అంచనా.అక్టోబర్ 27 నాటి వివరాల ప్రకారం.. టాటా గ్రూప్లోని 32 లిస్టెడ్ కంపెనీల మొత్తం మార్కెట్ విలువ సుమారు రూ.25.7 లక్షల కోట్లు కాగా, అదానీ గ్రూప్లోని 11 లిస్టెడ్ కంపెనీల విలువ దాదాపు రూ.16.6 లక్షల కోట్లుగా ఉంది. జియో షేర్లు అంచనాలకు అనుగుణంగా లిస్ట్ అయితే.. రిలయన్స్ గ్రూప్ విలువ రూ.30 లక్షల కోట్లకు చేరువయ్యే అవకాశం ఉందని మార్కెట్ వర్గాలు భావిస్తున్నాయి.ఇదీ చదవండి: పెట్రోల్కు చెక్ పెట్టే E100.. వాహనదారులకు కీలక అప్డేట్! -
స్టాక్ మార్కెట్ క్లోజింగ్ అప్డేట్
మంగళవారం ఉదయం నష్టాల్లో ప్రారంభమైన దేశీయ స్టాక్ మార్కెట్లు.. ట్రేడింగ్ క్లోజ్ అయ్యే సమయానికి నష్టాల్లోనే ముగిశాయి. సెన్సెక్స్ 8.08 పాయింట్లు లేదా 0.011 శాతం నష్టంతో 73,598.67 వద్ద, నిఫ్టీ 3.45 పాయింట్లు లేదా 0.015 శాతం నష్టంతో 22,749.75 వద్ద నిలిచాయి.ఓలా ఎలక్ట్రిక్ మొబిలిటీ లిమిటెడ్, వన్సోర్స్ స్పెషాలిటీ ఫార్మా లిమిటెడ్, అక్యూటాస్ కెమికల్స్ లిమిటెడ్ వంటి కంపెనీలు టాప్ గెయినర్స్ జాబితాలో చేరగా.. ఏజిస్ లాజిస్టిక్స్ లిమిటెడ్, దాల్మియా భారత్ లిమిటెడ్, మహీంద్రా & మహీంద్రా ఫైనాన్షియల్ సర్వీసెస్ లిమిటెడ్ వంటివి నష్టాలను చవిచూశాయి.(Disclaimer: మార్కెట్ గురించి సాక్షి వెబ్సైట్లో నిపుణులు వెల్లడించే అభిప్రాయాలు వారి పరిశీలన, అంచనాలను బట్టి ఉంటాయి. ఇన్వెస్టర్లకు ఇది కేవలం విషయ అవగాహన మాత్రమే తప్ప.. వారు పెట్టే పెట్టుబడులకు సాక్షి మీడియా గ్రూపు ఎలాంటి హామీ ఇవ్వదు.) -
మళ్లీ సీన్ రివర్స్.. బంగారం ధరల దడ
ఇటీవల కాలంలో స్థిర ఆదాయం సమకూర్చే కమోడిటీ మార్కెట్లపైపు పెట్టుబడిదారులు మొగ్గు చూపుతున్నారు. అందులో భాగంగా బంగారం ధరల్లో మార్పులు వస్తున్నాయని నిపుణులు చెబుతున్నారు. గత కొన్ని రోజులుగా బంగారం ధరలు(Today Gold Rate) ఒడిదొడుకులకు లోనవుతున్నాయి. దేశంలోని ప్రధాన నగరాల్లో నేడు బంగారం, వెండి ధరలు(Today Silver Rate) ఎలా ఉన్నాయో కింద తెలుసుకుందాం. -
స్టాక్ మార్కెట్లో కొనసాగుతున్న నష్టాలు
దేశీయ స్టాక్ మార్కెట్ సూచీలు మంగళవారం నష్టాల్లో కదలాడుతున్నాయి. ఈరోజు ఉదయం 09:21 సమయానికి నిఫ్టీ(Nifty) 62 పాయింట్లు తగ్గి 22,691 వద్దకు చేరింది. సెన్సెక్స్(Sensex) 270 పాయింట్లు దిగజారి 73,338 వద్ద ట్రేడవుతోంది.అమెరికా డాలర్ ఇండెక్స్(USD Index) 102.04బ్రెంట్ క్రూడ్ఆయిల్ బ్యారెల్ ధర 114.8 డాలర్లుయూఎస్ 10 ఏళ్ల బాండ్ ఈల్డ్లు 4.97 శాతానికి చేరాయి.గడిచిన సెషన్లో యూఎస్ ఎస్ అండ్ పీ 0.7 శాతం పెరిగింది.నాస్డాక్ 0.83 శాతం పుంజుకుంది.Today Nifty position 27-10-2026(time: 09:21 am)(Disclaimer: మార్కెట్ గురించి సాక్షి వెబ్ సైట్లో నిపుణులు వెల్లడించే అభిప్రాయాలు వారి పరిశీలన, అంచనాలను బట్టి ఉంటాయి. ఇన్వెస్టర్లకు ఇది కేవలం విషయ అవగాహన మాత్రమే తప్ప.. వారు పెట్టే పెట్టుబడులకు సాక్షి మీడియా గ్రూపు ఎలాంటి హామీ ఇవ్వదు.) -
బంగారం, వెండి ధరల్లో మార్పు: ఇప్పుడు ఏది కొనాలి?
బంగారం, వెండి ధరలు అంతర్జాతీయ మార్కెట్ పరిస్థితులను బట్టి మారుతూ ఉంటాయి. ఈ రోజు (సోమవారం) గోల్డ్ రేటు స్వల్పంగా పెరిగింది. దీనికి కారణం.. ''చమురు ధరలు తగ్గడం, అమెరికా ఫెడరల్ రిజర్వ్ వడ్డీ రేట్ల నిర్ణయంపై పెట్టుబడిదారులు ఎదురుచూడటం'' వంటివని తెలుస్తోంది. అంతకుముందు వారంలో బంగారం ధరలు 4 శాతం తగ్గాయి. వడ్డీ రేట్లు, డాలర్ విలువ, అంతర్జాతీయ రాజకీయ పరిస్థితులు కూడా బంగారం ధరలపై గణనీయమైన ప్రభావం చూపుతాయి.ధరలు ఎప్పుడూ పెరుగుతాయని చెప్పలేంసాధారణంగా బంగారాన్ని సురక్షితమైన పెట్టుబడిగా భావిస్తారు. యుద్ధాలు, ఆర్థిక అనిశ్చితి వంటి పరిస్థితుల్లో చాలామంది తమ డబ్బును రక్షించుకోవడానికి విలువైన లోహాల్లోనే పెట్టుబడిగా పెడతారు. అయితే బంగారం ధరలు ఎప్పుడూ పెరుగుతాయని ఖచ్చితంగా చెప్పలేం. వడ్డీ రేట్లు పెరిగినప్పుడు బంగారంపై పెట్టుబడుల తగ్గి, ధరలు పడిపోయే అవకాశం కూడా ఉంటుంది.వెండి విషయంలో మాత్రం కొంత భిన్నంగా ఆలోచించాలి. బంగారం ప్రధానంగా పెట్టుబడి, సంపద రక్షణ కోసం ఉపయోగపడితే.. వెండికి పారిశ్రామిక రంగంలో కూడా ఎక్కువ డిమాండ్ ఉంటుంది. ఎలక్ట్రానిక్స్, సౌర విద్యుత్ పరికరాల తయారీలో వెండిని ఉపయోగిస్తారు. అందువల్ల వెండి ధరలు.. ఆర్థిక పరిస్థితులు, పారిశ్రామిక అవసరాలు, పెట్టుబడిదారుల డిమాండ్ను బట్టి వేగంగా పెరగవచ్చు లేదా తగ్గవచ్చు. కాబట్టి వెండిలో పెట్టుబడి పెట్టేటప్పుడు ధరలలో జరిగే మార్పులను జాగ్రత్తగా గమనించాలి.తొందరపాటు పనికిరాదుగ్రోవ్ నివేదిక ప్రకారం.. బంగారాన్ని తక్షణ లాభాల కోసం కాకుండా, భవిష్యత్తులో ఎదురయ్యే అనిశ్చిత పరిస్థితుల నుంచి రక్షణ పొందడానికి ఉపయోగించాలి. వెండి విషయంలో మాత్రం ధరలు స్థిరపడుతున్నాయా?, పెద్ద పెట్టుబడిదారులు మళ్లీ కొనుగోళ్లు చేస్తున్నారా?, గోల్డ్-సిల్వర్ రేషియో అనుకూల స్థాయికి చేరుతోందా? అనే అంశాలను పరిశీలించాలి. అయితే పెట్టుబడి పెట్టే ముందు తప్పకుండా జాగ్రత్త వహించాలి. ఏ మాత్రం తొందరపాటు పనికిరాదు.ఇదీ చదవండి: నిఖిల్ కామత్ హెచ్చరిక.. దిగ్గజ కంపెనీలకు కొత్త సవాల్!ఈ రోజు బంగారం వెండి ధరలు ఇలాగత కొన్ని రోజులుగా తగ్గుతూ వచ్చిన.. బంగారం ధరలు బ్రేక్ పడింది. గోల్డ్ రేటు మళ్లీ పెరుగుదల దిశగా అడుగులు వేస్తోంది. నేడు (సోమవారం) పసిడి రేటు గరిష్టంగా రూ.170 పెరిగింది. హైదరాబాద్, విజయవాడ, చెన్నై, బెంగళూరు, ఢిల్లీ వంటి ప్రధాన నగరాల్లో బంగారం ధరలు ఎలా ఉన్నాయో.. ఈ కింద చూడవచ్చు. -
నష్టాలకు బ్రేక్.. లాభాల్లో ముగిసిన స్టాక్ మార్కెట్లు!
నష్టాలకు బ్రేక్ పడింది. సోమవారం ఉదయం నష్టాల్లో ప్రారంభమైన దేశీయ స్టాక్ మార్కెట్లు, ట్రేడింగ్ క్లోజ్ అయ్యే సమయానికి లాభాల్లో ముగిశాయి. సెన్సెక్స్ 482.92 పాయింట్లు లేదా 0.66 శాతం లాభంతో 73,606.75 వద్ద, నిఫ్టీ 153.20 పాయింట్లు లేదా 0.68 శాతం లాభంతో 22,753.20 వద్ద నిలిచాయి.ఏథర్ ఎనర్జీ లిమిటెడ్, మంగళూరు రిఫైనరీ అండ్ పెట్రోకెమికల్స్ లిమిటెడ్, టీడీ పవర్ సిస్టమ్స్ లిమిటెడ్ వంటి కంపెనీలు టాప్ గెయినర్స్ జాబితాలో చేరగా.. హెచ్ఈజీ అడ్వాన్స్డ్ మెటీరియల్స్ లిమిటెడ్, ఫైవ్-స్టార్ బిజినెస్ ఫైనాన్స్ లిమిటెడ్, ఏయూ స్మాల్ ఫైనాన్స్ బ్యాంక్ లిమిటెడ్ వంటి కంపెనీలు నష్టాల జాబితాలో నిలిచాయి.(Disclaimer: మార్కెట్ గురించి సాక్షి వెబ్సైట్లో నిపుణులు వెల్లడించే అభిప్రాయాలు వారి పరిశీలన, అంచనాలను బట్టి ఉంటాయి. ఇన్వెస్టర్లకు ఇది కేవలం విషయ అవగాహన మాత్రమే తప్ప.. వారు పెట్టే పెట్టుబడులకు సాక్షి మీడియా గ్రూపు ఎలాంటి హామీ ఇవ్వదు.)ఇదీ చదవండి: బంగారం, వెండి ధరల్లో మార్పు: ఇప్పుడు ఏది కొనాలి? -
పసిడి ప్రియుల్లో కంగారు.. తులం ఎంతంటే?
దేశంలో బంగారం ధరలు పసిడి ప్రియుల్లో కంగారు కలిగిస్తున్నాయి. నాలుగు రోజులుగా దిగివచ్చిన పుత్తడి రేట్లు మళ్లీ క్రమంగా పెరుగుదల బాట పడుతున్నాయి. పసిడి ధరలు నేడు (Today Gold Rate) కూడా స్వల్ప పెరుగుదలను నమోదు చేశాయి. ఇక వెండి ధరలు (Today Silver Rate) మాత్రం నేడు నిలకడగా కొనసాగుతున్నాయి. దేశ రాజధాని ఢిల్లీతో పాటు తెలుగు రాష్ట్రాలలో ఈరోజు బంగారం, వెండి ధరలు ఎలా ఉన్నాయో కింద చూద్దాం.. -
నష్టాల్లో స్టాక్ మార్కెట్ సూచీలు
దేశీయ స్టాక్ మార్కెట్ సూచీలు సోమవారం నష్టాల్లో కదలాడుతున్నాయి. ఈరోజు ఉదయం 09:45 సమయానికి నిఫ్టీ(Nifty) 128 పాయింట్లు తగ్గి 22,482 వద్దకు చేరింది. సెన్సెక్స్(Sensex) 334 పాయింట్లు దిగజారి 72,801 వద్ద ట్రేడవుతోంది.అమెరికా డాలర్ ఇండెక్స్(USD Index) 101.64బ్రెంట్ క్రూడ్ఆయిల్ బ్యారెల్ ధర 114.3 డాలర్లుయూఎస్ 10 ఏళ్ల బాండ్ ఈల్డ్లు 4.97 శాతానికి చేరాయి.గడిచిన సెషన్లో యూఎస్ ఎస్ అండ్ పీ 0.52 శాతం తగ్గింది.నాస్డాక్ 0.21 శాతం దిగజారింది.Today Nifty position 26-10-2026(time: 09:45 am)(Disclaimer: మార్కెట్ గురించి సాక్షి వెబ్ సైట్లో నిపుణులు వెల్లడించే అభిప్రాయాలు వారి పరిశీలన, అంచనాలను బట్టి ఉంటాయి. ఇన్వెస్టర్లకు ఇది కేవలం విషయ అవగాహన మాత్రమే తప్ప.. వారు పెట్టే పెట్టుబడులకు సాక్షి మీడియా గ్రూపు ఎలాంటి హామీ ఇవ్వదు.) -
5 కంపెనీలు రెడీ
న్యూఢిల్లీ: సెకండరీ మార్కెట్లకు భిన్నమైన రీతిలో ఈ వారం కూడా ప్రైమరీ మార్కెట్లు కొత్త ఇష్యూలతో కళకళలాడనున్నాయి. లిస్టింగ్కు వీలుగా ఐదు కంపెనీలు పబ్లిక్ ఇష్యూ చేపట్టనున్నాయి. తద్వారా ఉమ్మడిగా ఇవి రూ. 2,600 కోట్లు సమీకరించనున్నాయి. ఈ జాబితాలో విభిన్న రంగాలకు చెందిన కంపెనీలు చేరాయి. వివరాలు చూద్దాం.. ఈఏఏఏ ఇండియా ఆల్టర్నేటివ్స్ ఎడిల్వీజ్ ఫైనాన్షియల్ సర్వీసెస్కు చెందిన ఆల్టర్నేటివ్ ఇన్వెస్ట్మెంట్స్ కంపెనీ.. ఈఏఏఏ ఇండియా ఆల్టర్నేటివ్స్ ఐపీవో నేడు(26న) ప్రారంభమై 28న ముగియనుంది. ఇందుకు ధరల శ్రేణి రూ. 1,585–1,665కాగా.. ఇష్యూలో భాగంగా ఎడిల్వీజ్ గ్రూప్ షేర్లను విక్రయానికి ఉంచనుంది. తద్వారా రూ. 1,200 కోట్లు సమీకరించే ప్రళాళికల్లో ఉంది. లిస్టింగ్లో కంపెనీ విలువ రూ. 10,765 కోట్లుగా నమోదుకావచ్చు. ఎస్ఎఫ్సీ ఎన్విరాన్మెంటల్ టెక్నాలజీస్ వృథానీటి శుద్ధి(వేస్ట్వాటర్ ట్రీట్మెంట్) సొల్యూషన్లు అందించే ఎస్ఎఫ్సీ ఎన్విరాన్మెంటల్ టెక్నాలజీస్ ఐపీవో రేపు(27న) ప్రారంభంకానుంది. 29న ముగియనున్న ఇష్యూకి ధరల శ్రేణి రూ. 313–330కాగా.. తద్వారా రూ. 668 కోట్లు అందుకోవాలని చూస్తోంది. ఇందుకు రూ. 150 కోట్ల విలువైన ఈక్విటీని తాజాగా జారీ చేయనుండటంతోపాటు, మరో 1.57 కోట్ల షేర్లను ప్రమోటర్లు, ప్రస్తుత వాటాదారులు ఆఫర్ చేయనున్నారు. ఈక్విటీ జారీ నిధులను రుణ చెల్లింపులు, వర్కింగ్ క్యాపిటల్ అవసరాలకు వెచ్చించనుంది. లిస్టింగ్లో కంపెనీ విలువ రూ. 3,233 కోట్లుగా నమోదుకావచ్చు. బీఎల్ఎస్ పాలిమర్స్ ప్రత్యేక పాలిమర్ కాంపౌండ్స్ తయారుచేసే బీఎల్ఎస్ పాలిమర్స్ ఐపీవో రేపు(27న) ప్రారంభమై 29న ముగియనుంది. ధరల శ్రేణి రూ. 142–150కాగా.. రూ. 255 కోట్లు సమీకరించనుంది. ఇందుకు 1.7 కోట్ల ఈక్విటీ షేర్లు కొత్తగా జారీ చేయనుంది. ఈక్విటీ జారీ నిధులలో రూ. 78 కోట్లు ఉత్పత్తి సామర్థ్య విస్తరణకు, రూ. 90 కోట్లు వర్కింగ్ క్యాపిటల్కు, మిగిలిన నిధులను సాధారణ కార్పొరేట్ అవసరాలకు వెచ్చించనుంది. ఎంకే సన్స్ ఫైన్ జ్యువెల్స్బంగారు ఆభరణ రిటైల్ కంపెనీ ఎంకే సన్స్ ఫైన్ జ్యువెల్స్ ఐపీవో ఈ నెల 28న ప్రారంభమై 30న ముగియనుంది. ధరల శ్రేణి రూ. 153–162కాగా.. రూ. 275 కోట్లకు పైగా సమకూర్చుకోనుంది. ఇందుకు 1.36 కోట్ల ఈక్విటీ షేర్లు కొత్తగా జారీ చేయడంసహా మరో 34 లక్షల షేర్లు ప్రమోటర్ విక్రయించనున్నారు. ఈక్విటీ జారీ నిధులను కొత్త షోరూముల ఏర్పాటు, రుణ చెల్లింపులు, సాధారణ కార్పొరేట్ అవసరాలకు వినియోగించనుంది. బాంబే కోటెడ్ అండ్ స్పెషల్ స్టీల్స్స్టీల్ క్వాయిల్స్ను విలువజోడింపు ద్వారా స్లిట్, ఎంబోజ్డ్ క్వాయిల్స్ తదితరాలుగా రూపొందించే బాంబే కోటెడ్ అండ్ స్పెషల్ స్టీల్స్ ఐపీవో ఈ నెల 29న ప్రారంభమై నవంబర్ 2న ముగియనుంది. ధరల శ్రేణి రూ. 78–82కాగా.. రూ. 183 కోట్లకు పైగా సమీకరించనుంది. ఇందుకు అనుగుణంగా కొత్తగా ఈక్విటీ షేర్లు జారీ చేయనుంది. ఈక్విటీ జారీ నిధులలో రూ. 125 కోట్లు రుణ చెల్లింపులకు, రూ. 16 కోట్లు క్యాపిటల్ ఎక్విప్మెంట్ కొనుగోలు వ్యయాలకు కేటాయించనుంది. ఇంకా పలు కంపెనీలు సైవచ్చే వారం గుజరాత్ విక్టరీ ఫోర్జింగ్ మైల్స్టోన్ గేర్స్, అవాడా ఎలక్ట్రో, స్వర బేబీ ప్రొడక్ట్స్, ఇంటెగ్రిస్ మెడ్టెక్, ఏజీఎస్ హెల్త్ తదితర మరిన్ని కంపెనీలు లిస్టింగ్ బాటలో సాగనున్నాయి. ఇందుకు అనుగుణంగా ధరల శ్రేణి ప్రకటించడంతోపాటు.. నవంబర్ 5 నుంచి ఐపీవో చేపట్టనున్నాయి. ఇప్పటికే దేశీయంగా అతిపెద్ద(రూ. 30,213 కోట్లు) ఇష్యూ పూర్తి చేసుకున్న జియో ప్లాట్ఫామ్స్ లిస్ట్కానుండగా.. ఈ ఏడాది(2026) ఇప్పటివరకూ 104 కంపెనీలు రూ. 1.4 లక్షల కోట్లు సమీకరించడం విశేషం! -
జియో లిస్టింగ్, ఫెడ్ పాలసీపై ఫోకస్
ముంబై: ముడి చమురు ధరల సెగలు, అంతర్జాతీయ అనిశ్చితులు, విదేశీ ఇన్వెస్టర్ల వరుస విక్రయాల నేపథ్యంలో దేశీయ స్టాక్ మార్కెట్పై బేర్స్ మరింత పట్టు సాధిస్తున్నాయి. మార్కెట్లో బలమైన ‘రికవరీ’ కనిపించే వరకు ట్రేడర్లు, ఇన్వెస్టర్లు అప్రమత్తంగా ఉండాలి. కేవలం ‘ఎంపిక చేసుకున్న షేర్ల’కే పరిమితమై ఉండాలి. ప్రస్తుతానికి మార్కెట్లో సంకేతాలు బలహీనంగా ఉన్నాయి’’ అని స్టాక్ నిపుణులు చెబుతున్నారు. ఇక ఈ వారంలో వెలువడే కార్పొరేట్ ఆర్థిక ఫలితాలు, అమెరికా ఫెడరల్ రిజర్వ్ ద్రవ్య పరపతి విధాన వైఖరి, రిలయన్స్ జియో లిస్టింగ్, క్రూడాయిల్ ధరలు, పశ్చిమాసియా పరిణామాలు స్టాక్ సూచీలకు దిశానిర్దేశం చేయనున్నాయి. ఆర్థిక గణాంకాలు, క్యూ2 ఫలితాలు కీలకందేశీయంగా విడుదలయ్యే స్థూల ఆర్థిక గణాంకాలు, కార్పొరేట్ సెప్టెంబరు త్రైమాసిక (క్యూ2) ఫలితాలు ఈ వారం స్టాక్ మార్కెట్కు అత్యంత కీలకం కానున్నాయి. సెప్టెంబర్ పారిశ్రామికోత్పత్తి (ఐఐపీ), తయారీ రంగ గణాంకాలు అక్టోబర్ 28న (బుధవారం) విడుదల కానున్నాయి. అంతర్జాతీయ అనిశ్చితులు, ముడి చమురు ధరల ఒత్తిళ్లను దేశీయ రంగాలు ఏ మేరకు తట్టుకున్నాయో తెలుసుకునేందుకు ఈ డేటా సాయపడనుంది. ఇక వారాంతంలో (అక్టోబర్ 30న) సెప్టెంబర్ ‘ద్రవ్యలోటు’ వివరాలతో పాటు అక్టోబర్ 16 నాటి బ్యాంక్ రుణ–డిపాజిట్ల వృద్ధి, అక్టోబర్ 23తో ముగిసిన వారం ‘ఫారెక్స్ నిల్వల’ డేటా వెలువడనుంది. మరోవైపు, క్యూ2 ఫలితాల సందడి కొనసాగనుంది. ఈ వారంలో టీవీఎస్ మోటార్, ఏషియన్ పేయింట్స్, ట్రెంట్, సన్ఫార్మా, భారత్ ఎలక్ట్రానిక్స్, ఇండియన్ ఆయిల్, బ్యాంక్ ఆఫ్ బరోడా, గెయిల్ ఇండియా సహా సుమారు 156 కంపెనీలు తమ ఫలితాలను వెల్లడించనున్నాయి. కంపెనీల ఆదాయ వృద్ధి, లాభాల మార్జిన్లతో పాటు యాజమాన్యాల భవిష్యత్ అంచనాలను (గైడెన్స్) మార్కెట్ వర్గాలు నిశితంగా పరిశీలిస్తున్నాయి. కాగా, ఇటీవలి ఫలితాలు ఆశించిన స్థాయిలో లేకపోవడం వల్ల ఇప్పటికే కొన్ని బ్యాంకింగ్ దిగ్గజాల షేర్లలో దిద్దుబాటు చోటుచేసుకోగా, మిగిలిన ప్రధాన కంపెనీల ఫలితాలు మార్కెట్ గమనాన్ని నిర్దేశించనున్నాయి అంతర్జాతీయ పరిణమాలపై దృష్టి భారత్తో పాటు అంతర్జాతీయ మార్కెట్ల ట్రేడింగ్ను ప్రభావితం చేసే అమెరికా ఫెడరల్ రిజర్వ్ ద్రవ్య విధాన సమీక్ష వివరాలు బుధవారం (అక్టోబర్ 28న) విడుదల కానున్నాయి. వడ్డీ రేట్లలో మార్పులు లేకపోవచ్చని అంచనాలు ఉన్నాయి. అయితే, భవిష్యత్ వడ్డీ రేట్ల దిశను తెలిపే ఫెడ్ విధాన ప్రకటన, చైర్మన్ వ్యాఖ్యలపై ఇన్వెస్టర్లు దృష్టి సారించారు. అలాగే యూరోపియన్ సెంట్రల్ బ్యాంక్ (ఈసీబీ), బ్యాంక్ ఆఫ్ జపాన్ పాలసీ వివరాలు గురు, శుక్రవారాల్లో (29, 30 తేదీల్లో) విడుదల కానున్నాయి. మరోవైపు, పశ్చిమాసియాలో ఉద్రిక్తతలు, హార్ముజ్జలసంధిలో ఇంధన సరఫరాకు ఆటంకాలు కలుగుతాయనే భయాలు క్రూడ్ ధరలను మండిస్తున్నాయి. ప్రస్తుతం బ్రెంట్ క్రూడ్ ధర బ్యారెల్ 112 డాలర్ల గరిష్ట స్థాయి వద్ద ట్రేడవుతుండటం భారత్ వంటి దిగుమతి దేశాలకు ఆందోళనకరంగా మారింది.నిఫ్టీకి 22,300 స్థాయి కీలకం ప్రస్తుతం నిఫ్టీకి దిగువ స్థాయిలో 22,300 వద్ద తక్షణ మద్దతు లభిస్తోంది. ఒకవేళ ఈ స్థాయిని కోల్పోతే మరింత పతనమై 22,000 స్థాయికి జారే ప్రమాదం ఉంది. ఇక ఎగువ స్థాయిలో 22,850 – 22,900 శ్రేణి అత్యంత కీలకమైన నిరోధంగా కొనసాగుతోంది. నిఫ్టీ ఈ అవరోధాన్ని దాటలేకపోతే ‘పెరిగితే అమ్మడం’ వ్యూహాన్ని అనుసరించాలని నిపుణులు సూచిస్తున్నారు. అయితే, ఒకవేళ కొనుగోళ్లు పుంజుకొని నిఫ్టీ ఈ స్థాయిని ఛేదించగలిగితే మాత్రం 23,000 – 23,150 స్థాయిల వైపు ర్యాలీ చేసే అవకాశం ఉంది.గతవారమంతా నష్టాలే ట్రేడింగ్ నాలుగు రోజులే జరిగిన గతవారమంతా స్టాక్ మార్కెట్ నష్టాలను చవిచూసింది. సెన్సెక్స్ 1,605 పాయింట్లు, నిఫ్టీ 546 పాయింట్ల చొప్పున క్షీణించాయి. అంతర్జాతీయ అనిశ్చితులు, బ్యారెల్ బ్రెంట్ క్రూడాయిల్ ధర 117 డాలర్లకు పైగా ఎగబాకడం ఇన్వెస్టర్ల సెంటిమెంట్ను దెబ్బతీశాయి. మరోవైపు రిలయన్స్ జియో ఐపీఓ కారణంగా మార్కెట్లో లిక్విడిటీ తగ్గి సెకండరీ మార్కెట్ ట్రేడింగ్పై ఒత్తిడి పెంచింది. ఈ పతనం కేవలం బెంచ్మార్క్ సూచీలకే పరిమితం కాకుండా, మిడ్క్యాప్, స్మాల్క్యాప్ షేర్లకు సైతం విస్తరించింది. అయితే ఐటీ షేర్లు మాత్రం కొంతవరకు నిలకడను ప్రదర్శించాయి.కళ్లన్నీ జియో లిస్టింగ్పైనే గతవారంలో పబ్లిక్ ఇష్యూ ప్రక్రియ పూర్తి చేసుకున్న రిలయన్స్ జియో బుధవారం (అక్టోబర్ 28న) స్టాక్ ఎక్సే్చంజీల్లో లిస్ట్ కానుంది. దేశంలోనే అతిపెద్ద ఐపీఓగా 22.19 రెట్ల ఓవర్ సబ్్రస్కిప్షన్ సాధించిన ఈ ఇష్యూ, ప్రాథమిక మార్కెట్లో ఇన్వెస్టర్ల నిధులను పెద్ద ఎత్తున ఆకర్షించింది. ఫలితంగా సెకండరీ మార్కెట్లో లిక్విడిటీ తగ్గి సూచీలపై కొంత అమ్మకాల ఒత్తిడికి కారణమైంది. అయితే లిస్టింగ్ ప్రక్రియ పూర్తి కావడంతో ఐపీఓలో లాక్ అయిన నిధులు తిరిగి మార్కెట్లోకి రానున్నాయి. ఎక్సే్చంజీల్లో జియోకు లభించే స్పందనతో పాటు ఈ నిధుల రాక మార్కెట్కు ఊరటనిస్తుందా.. లేక విదేశీ ఇన్వెస్టర్ల విక్రయాల ఒత్తిడే పైచేయి సాధిస్తుందా..? అనేది ఆసక్తికరంగా మారింది.రూ.48,056 కోట్ల ఉపసంహరణ ద్రవ్యోల్బణ ఒత్తిళ్లు, బలహీన కార్పొరేట్ ఆర్థిక ఫలితాలు, పశ్చిమాసియా అనిశ్చితుల నేపథ్యంలో అక్టోబర్ నెలలో (ఈ నెల 23 నాటికి) విదేశీ ఇన్వెస్టర్లు దేశీయ స్టాక్ మార్కెట్ నుంచి రూ.48,056 కోట్ల విలువైన ఈక్విటీలను విక్రయించారు. మరోవైపు రూ.30,213 కోట్ల ‘రిలయన్స్ జియో ఐపీఓ’ మార్కెట్ లిక్విడిటీని పెద్ద ఎత్తున ఆకర్షించడంతో సెకండరీ ఈక్విటీలపై ఒత్తిడి మరింత పెరిగింది. ప్రస్తుత సంవత్సరం(2026)లో ఇప్పటివరకు విదేశీ ఇన్వెస్టర్లు నికరంగా రూ.3.08 లక్షల కోట్లను భారత మార్కెట్ల నుంచి వెనక్కి తీసుకున్నట్లయింది. గతేడాది (2025) పూర్తి సంవత్సరంలో జరిగిన మొత్తం ఉపసంహరణ (రూ.1.66 లక్షల కోట్లు)తో పోలిస్తే ఇది దాదాపు రెట్టింపు స్థాయిలో ఉండటం గమనార్హం. అయితే, అక్టోబర్లో నిధుల తరలింపు భారీగా ఉన్నప్పటికీ.. గత వారంలో ఎఫ్పీఐల విక్రయాల తీవ్రత కొంత తగ్గింది. ఈ వారంలో రెండు ట్రేడింగ్ రోజులలో విదేశీ ఇన్వెస్టర్లు నికర కొనుగోలుదారులుగా మారడం మార్కెట్కు కొంత ఉపశమనాన్ని ఇచ్చింది. -
షిప్పు... జాగ్రత్త!!
అంతర్జాతీయంగా పెట్రో ధరలు మండుతున్నాయి. బ్యారెల్ ముడిచమురు 100 డాలర్లు దాటేసింది. డాలర్తో రూపాయి అంతకంతకూ బలహీనపడుతోంది. వెరసి మార్కెట్లు పడుతున్నాయి. ఎఫ్ఐఐలు అదేపనిగా విక్రయిస్తున్నారు. కాకపోతే రిటైల్ ఇన్వెస్టర్ల ‘సిప్’ మాత్రం ఆగటం లేదు. సరికదా పెరుగుతోంది. సెప్టెంబర్లో ‘సిప్’ నిధులు ఏకంగా రూ. 32,490 కోట్లకు చేరి... ఆల్టైమ్ గరిష్ఠాన్ని నమోదు చేశాయి. కాకపోతే వీటిలో సగం నిధులు కేవలం మిడ్, స్మాల్క్యాప్ ఫండ్లలోకే వెళ్లాయి. దీనర్థమేంటి? క్రమశిక్షణతో సిప్ చేస్తున్నారనా... లేక ఎక్కువ రిస్క్ తీసుకుంటున్నారనా? నిధుల ప్రవాహం పెరిగితే మరి రిస్క్ కూడా పెరుగుతున్నట్లేగా? ఏం చెయ్యాలి? ఎలాంటి ఫండ్లను ఎంచుకుంటే రిస్కు తగ్గుతుంది? డైవర్సిఫికేషన్ అవసరమా? ఇదే ఈ వారం ‘సాక్షి వెల్త్’ స్పెషల్ స్టోరీ...దేశంలో మ్యూచువల్ ఫండ్ పరిశ్రమ అనూహ్యమైన మార్పును చూస్తోంది. సంప్రదాయ బ్యాంకుల నేతృత్వంలోని ఫండ్లకు పోటీగా మార్కెట్ నిపుణుల సారథ్యంలో కొత్త కొత్త ఫండ్లు మొదలయ్యాయి. ఇన్వెస్టర్లు అద్భుతంగా ఆదరిస్తున్నారు. అంతే కాదు. రిటైల్ ఇన్వెస్టర్ల పొదుపు పద్ధతే మారింది. ఇతరత్రా సేవింగ్స్ సాధనాలు వదిలి అత్యధికులు స్టాక్ మార్కెట్ల బాట పట్టారు.‘సిప్’ మొదలుపెట్టారు. మార్కెట్లు పడుతున్నా ‘సిప్’ను కొనసాగిస్తున్నారు. వాస్తవానికి ఇన్వెస్టర్లు చేయాల్సిందిదే. అయితే ‘సిప్’ చేయటమే కాదు. ఎందులో చేస్తున్నామన్నది కూడా ముఖ్యమే. లేదంటే రిస్క్ పెరుగుతున్నట్లే. ఎందుకంటే సెప్టెంబర్లో మ్యూచ్వల్ ఫండ్ల అసోసియేషన్ (యాంఫీ) వెల్లడించిన గణాంకాలు ఈ ధోరణిని ప్రతిబింబిస్తున్నాయి కనక!!. యాంఫీ సెప్టెంబరు గణాంకాల ప్రకారం మ్యూచ్వల్ ఫండ్లలోకి ఆ నెలలో రూ.38,307 కోట్లు రాగా... దాన్లో రూ.16,873 కోట్లు మిడ్, స్మాల్ క్యాప్ ఫండ్లలోకే వెళ్లాయి. ఇంకా స్పష్టంగా చెప్పాలంటే స్మాల్ క్యాప్ ఫండ్లలోకి రూ.9,039 కోట్లు, మిడ్ క్యాప్ ఫండ్లలోకి రూ.7,835 కోట్లు వెళ్లాయి. దేశీ మార్కెట్లపై కావచ్చు, దేశీ వ్యాపారాలపై కావచ్చు... ఇన్వెస్టర్లకున్న నమ్మకానికి ఈ నిధులు ప్రతీక అని చెప్పొచ్చు. కాకపోతే ఏ ఫండ్లలో పెట్టుబడి పెడుతున్నాం? ఎంత రిస్క్ తీసుకుంటున్నాం? పోర్టుఫోలియో డైవర్సిఫికేషన్ ఉందా? అనేది కూడా ప్రధానమే. నిజానికి ‘సిప్’ నిధులు పెరిగినంత మాత్రాన రిస్క్ పెరుగుతోందని గానీ... ఒక కేటగిరీలోకి ఎక్కువ నిధులు వచ్చినంత మాత్రాన కరెక్షన్ తప్పనిసరి అనిగానీ చెప్పలేం. కానీ ఆ ఫండ్లను వాటి గతం ఆధారంగా ఎంచుకున్నా, ఒకే తరహా ఫండ్లలో ఎక్కువ ఇన్వెస్ట్ చేసినా ఈ ప్రమాదం ఉండొచ్చని గమనించాలి. పైపెచ్చు పడ్డ మార్కెట్లు రికవరీ కావటానికి కొంత సమయం పడుతుందని కూడా గుర్తించాలి.సెప్టెంబర్లో తగ్గిన ఫండ్ల ఆస్తులు... ఓ ముఖ్యమైన విషయాన్ని గమనిస్తే మ్యూచువల్ ఫండ్ల అదీనంలోని మొత్తం ఆస్తుల విలువ సెప్టెంబర్లో దాదాపు 5.1 శాతం తగ్గింది. రూ.87.08 లక్షల కోట్ల నుంచి రూ. 82.64 లక్షల కోట్లకు వచ్చింది. దీనర్థం ఫండ్ల నుంచి విత్డ్రావల్స్ జరిగాయని కాదు. ఎందుకంటే ఫండ్లలోకి వచ్చిన నిధుల్ని విత్డ్రావల్స్ను తీసేశాకే లెక్కిస్తారు కాబట్టి. వివరంగా చూస్తే ఈ నెలలో డెట్ మ్యూచువల్ పండ్ల నుంచి రూ.1.33 లక్షల కోట్ల విత్డ్రావల్స్ జరిగాయి. మార్కెట్ల పతనం కారణంగా రూ.3.11 లక్షల కోట్ల మేర ఫండ్ల విలువ తగ్గింది. దీర్ఘకాల ఇన్వెస్ట్మెంట్లకు ‘సిప్’ సిసలైన ఆయుధం. ప్రతినెలా నిరీ్ణత మొత్తం ఇన్వెస్ట్ చేస్తారు కనక మార్కెట్లు పడ్డపుడు అదే మొత్తానికి ఎక్కువ యూనిట్లు వస్తాయి. కాబట్టి సిప్ నిరంతరం కొనసాగించటం అత్యవసరం. కాకుంటే ఇలా కొనసాగించటం వల్ల నష్టాలను తగ్గించుకోవచ్చేమో గానీ పూర్తిగా నివారించవచ్చని చెప్పలేం. నాసిర కం ఫండ్లను ఎంచుకున్నా, అత్యధిక వేల్యుయేషన్ల దగ్గర కొన్నా, ఒకే ఫండ్లో ఎక్కువ మొత్తం ఇన్వెస్ట్చేసినా నష్టాల రిస్క్ మరింత పెరుగుతుందనే చెప్పాలి. ఆ ఫండ్లన్నీ ఒకే దారిలో వెళితే..?రకరకాల మ్యూచువల్ ఫండ్లలో ఇన్వెస్ట్ చేస్తే తమ పోర్టుఫోలియో డైవర్సిఫై అయినట్లేనని చాలామంది ఇన్వెస్టర్లు భావిస్తుంటారు. అది సరికాదనే చెప్పాలి. ఎందుకంటే ఒక ఫ్లెక్సి క్యాప్, ఒక మిడ్క్యాప్, ఒక స్మాల్క్యాప్ ఫండ్లో ఇన్వెస్ట్ చేశారనుకోండి. పేర్లు వేరైనా ఆ ఫ్లెక్సి ఫండ్ కూడా మిడ్, స్మాల్క్యాప్ కంపెనీల్లో ఇన్వెస్ట్ చేస్తుందని గుర్తుంచుకోవాలి. దానివల్ల మీ పోర్టుఫోలియోలో స్మాల్క్యాప్ ఎక్కువగా ఉన్నట్లేగా? రకరకాల కంపెనీలు నిర్వహించే ఫండ్లలో ఇన్వెస్ట్ చేసేటపుడు కూడా ఇలాంటి పరిస్థితే ఎదురుకావచ్చు. కనక అవి పెట్టుబడుల్ని ఏ కంపెనీల్లో పెడుతున్నాయి? ఏ రంగంలో పెడుతున్నాయి? అనేది చాలా ముఖ్యం. ఉదాహరణకు మీ ఫండ్లలో చాలావరకూ ఫైనాన్షియల్ సరీ్వసులు, పారిశ్రామిక, క్యాపిటల్ గూడ్స్ కంపెనీల్లో ఇన్వెస్ట్ చేస్తున్నాయనుకుందాం. ఆ రంగాన్ని ప్రభావితం చేసే ప్రతికూల పరిస్థితులు తలెత్తితే ఆ కంపెనీల ఫలితాలతో పాటు... అన్ని ఫండ్ల లాభాలూ తల్లకిందులవుతాయి. వాస్తవానికి ఈక్విటీ ఫండ్లలో ఇలాంటివి పూర్తిగా నివారించటం కష్టం. అసాధ్యం కూడా. కాకపోతే పరిశీలించాక పెట్టుబడి పెట్టడమనేది ఉత్తమం. ఇన్వెస్టర్లు వేసుకోవాల్సిన ప్రశ్నలివే...→ మీ సిప్ పెట్టుబడులకు స్పష్టమైన ఆర్థిక లక్ష్యం ఉందా? → మార్కెట్లు దారుణంగా పడుతున్నపుడు కూడా దీన్ని కొనసాగించగలిగే సత్తా ఉందా? → ఈక్విటీల్లో స్పల్ప కాలానికి రిస్కు ఎక్కువ ఉంటుంది. కాబట్టి దాన్ని తట్టుకోగలిగేంత దీర్ఘకాలం వేచి ఉండగలరా? → మీ పెట్టుబడుల్లో డైవర్సిఫికేషన్ ఉందా? మొత్తం ఈక్విటీపైనే ఆధారపడకుండా... డెట్, ఇతర ఆస్తుల్లోనూ పెట్టుబడులు పెడుతూ బ్యాలెన్స్ చేస్తున్నారా? → మీ పోర్టు ఫోలియోలోని ఫండ్లు అనుకోకుండా అన్నీ ఒకే కంపెనీలో ఎక్కువగా ఇన్వెస్ట్ చేస్తున్నాయా? లేదా అన్నీ ఒకే రంగంలోని కంపెనీల్లో ఇన్వెస్ట్ చేస్తున్నాయా? ఓ మూడేళ్లలో తమ పిల్లల చదువుకు అక్కరకు వస్తుంది కనక కాస్తంత పొదుపు చేద్దామని మ్యూచువల్ ఫండ్ల బాట పట్టినవారు... ఓ పాతికేళ్లలో రిటైర్మెంట్ నాటికి అవసరమైన మొత్తాన్ని దాచుకుందామనుకున్న యువ ఇన్వెస్టరు... ఇద్దరూ వేరువేరు. ఇద్దరి లక్ష్యాలు.. రిస్కు స్థాయి వేరు. కాబట్టి దాని కనుగుణంగానే వారు ఇన్వెస్ట్ చేయాల్సి ఉంటుంది. మిడ్, స్మాల్ క్యాప్ ఫండ్లకు ఎందుకంత ఆకర్షణ?స్మాల్ క్యాప్ కంపెనీలు విస్తరణ దశలో ఉంటాయి. విస్తరణ వేగంగా జరిగితే అంతకన్నా వేగంగా షేరు ధర పెరుగుతుంది. మిడ్క్యాప్ కంపెనీలదీ అదే పరిస్థితి. వృద్ధి కొన్నింట్లో చాలా వేగంగా ఉంటుంది. ఒక్కోసారి షేరు కూడా అదే స్థాయిలో పెరుగుతుంది. పైపెచ్చు గత ఏడాది కాలంలో మార్కెట్లు పడినా సరే మిడ్, స్మాల్ క్యాప్ షేర్లు బాగా పెరిగాయి. దీంతో ఆయా ఫండ్లు కూడా మంచి లాభాలిచ్చాయి. ఈ ధోరణి కొనసాగవచ్చని, ఇంకా పెరగవచ్చని నమ్ముతూ చాలామంది ఇన్వెస్టర్లు వాటికి ఆకర్షితులవుతున్నారు. కాకపోతే భవిష్యత్తు ఎప్పుడూ అనుకున్నట్లుగా ఉండదు. → చిన్న కంపెనీల వ్యాపారం కొంత మంది క్లయింట్లపైనో, కొన్ని ఉత్పత్తులపైనో ఆధారపడి ఉంటుంది. డైవర్సిఫికేషన్ తక్కువ. ఏమాత్రం తేడా వచ్చినా లాభాలు తీవ్రంగా ప్రభావితమవుతాయి. షేరు ధరా అదే స్థాయిలో కదులుతుంది. భారీగా కొంటే గనక కొన్నిసార్లు వాటి నుంచి బయటపడటానికైనా వేచిచూడాల్సిన పరిస్థితి ఉంటుంది. → మంచి కంపెనీ అయినంతమాత్రాన ఆ షేరు అన్నిసార్లూ మంచి లాభాలనిస్తుందని చెప్పలేం. ఎందుకంటే అప్పటికే దాని వేల్యుయేషన్లు కనక భారీగా పెరిగి ఉంటే... ఒక్కోసారి లాభాలు పెరిగినా కరెక్షన్ తప్పకపోవచ్చు. ఫండ్లయినా అంతే!. మనం కొన్న ధర, సమయం కూడా ప్రధానమని గుర్తించాలి. → ఇలాంటి సమయాల్లో గత చరిత్ర చూసి కొంటే కనక పొరపాటు పడ్డట్టే. కొన్ని సంవత్సరాల పాటు ఆకర్షణీయమైన ఫలితాలనిచ్చిన విభాగమో, రంగమో తరవాత కొన్ని సంవత్సరాల పాటు స్తబ్దుగా ఉండిపోవచ్చు. మళ్లీ ఆ సైకిల్ మొదలుకావటానికి సమయం పట్టొచ్చు. కాబట్టి ఫండమెంటల్స్, వాల్యుయేషన్లు, రిసు్కలు అన్నీ చూశాకే పెట్టుబడి పెట్టాలని తెలుసుకోవాలి.‘సిప్’ను వదిలేయటం సరికాదు..తాజా డేటాను మ్యూచువల్ ఫండ్లలో పెట్టుబడుల్ని నిలిపేయటానికి ఎట్టిపరిస్థితుల్లోనూ సంకేతంగా చూడకూడదు. మీ ఇన్వెస్ట్మెంట్లు మీ ఆర్థిక లక్ష్యాలు, కాల వ్యవధి, రిస్కు సామర్థ్యాలకు తగ్గట్టుగా ఉన్నపుడు వెనకాడాల్సిన పని లేదు. పైగా డైవర్సిఫికేషన్ ఉండి, దీర్ఘకాలానికి ఇన్వెస్ట్ చేస్తున్నపుడు మార్కెట్లో జరిగే చిన్నచిన్న మార్పుల్ని పట్టించుకుని వాటిని మార్చాల్సిన అవసరం కూడా లేదు. కొనసాగించాలంటే...: మీ పెట్టుబడులు లక్ష్యానికి తగ్గట్టుగా ఉన్నపుడు.. కాల వ్యవధి ఇంకా చాన్నాళ్లుంటే తాత్కాలిక నష్టాల్ని పట్టించుకోవాల్సిన పనిలేదు. రీబ్యాలెన్స్ ఎప్పుడంటే..: లార్జ్, మిడ్, స్మాల్ క్యాప్లలో ఏదో ఒక విభాగం మీ పోర్టుఫోలియోలో మీరు అనుకున్నదానికన్నా ఎక్కువ భాగానికి చేరిందనుకోండి... అప్పుడు మీరు మొదట ఉద్దేశించినట్లుగా రీబ్యాలెన్స్ చేసుకోవటం మంచిదే. పునఃపరిశీలన ఎప్పుడంటే...: మీరు అనుకున్న లక్ష్యాన్ని చేరటానికి ఆ ఫండ్ సరిపోదని భావించినప్పుడు... లేదా మీరు తట్టుకోలేనంత రిస్కు ఎదురైనప్పుడు దాన్నుంచి ఎగ్జిట్ అయ్యే అవకాశాన్ని పరిశీలించవచ్చు. ఒక్కటి గుర్తుంచుకోవాలి. మార్కెట్లు కరెక్షన్కు గురైనపుడు ఎగ్జిట్ అవటమో... లేదా బాగా పెరుగుతున్నాయి కనక మరింత పెట్టుబడి పెట్టడమో ఎప్పుడూ కరెక్టు కాదని!!అంతా విక్రయానికి తెగబడితే ఇబ్బందే! ప్రత్యేకించి స్మాల్క్యాప్ పెట్టుబడుల్లో ఈ పరిస్థితి తలెత్తుతూ ఉంటుంది. ఒక స్మాల్క్యాప్ ఫండ్ పోర్టుఫోలియోలో డజన్ల కొద్దీ కంపెనీలుండొచ్చు. వాటిలో రోజూ యాక్టివ్గా భారీ ట్రేడింగేమీ జరగదు. మార్కెట్లు పడుతున్నపుడు కనక ఇన్వెస్టర్లు ఈ ఫండ్ల నుంచి ఎగ్జిట్ కావటానికి తమ యూనిట్లు విక్రయిస్తే... వారికి చెల్లించడానికి ఆ ఫండ్లు కూడా కొన్ని కంపెనీల షేర్లు విక్రయించాల్సి ఉంటుంది. డౌన్ సర్క్యూట్లు తప్పవు. ఇది నష్టాల్ని మరింత పెంచుతుంది. అందుకే సెబీ, యాంఫీ వంటి నియంత్రణ సంస్థలు మిడ్, స్మాల్ క్యాప్ ఫండ్లకు అన్ని వివరాలనూ ఎప్పటికప్పుడు వెల్లడించే పరిస్థితుల్ని తప్పనిసరి చేశాయి. అవన్నీ తెలుసుకున్నాక ముందుకెళ్లటం మంచిది. ఇదీ... ఇన్వెస్టర్ల చెక్లిస్ట్సిప్ మొత్తాన్ని పెంచేటపుడో లేకపోతే మరో ఈక్విటీ ఫండ్ను తమ పోర్టుఫోలియోకు జత చేసేటపుడో ఇన్వెస్టర్లు పరిశీలించాల్సిన ముఖ్యమైన అంశాలివీ... → లక్ష్యమేంటి?: రిటైర్మెంట్, చదువు, ఇంటి కొనుగోలు, లేదా స్వల్పకాలిక అవసరాలు. వీటిలో లక్ష్యమేంటన్నది గుర్తుంచుకుని దానికి తగ్గట్టుగా ఫండ్ను ఎంచుకోవాలి. → ఆ డబ్బులు ఎప్పుడు అవసమవుతాయి?: ఈక్విటీ అనేది సహజంగా దీర్ఘకాలిక లక్ష్యాలకు మంచిది. లేదా దీర్ఘకాలంపాటు విత్డ్రావల్స్ చేసుకోవాలన్నా ఇదే బెటర్. → పోర్టుఫోలియోలో ఏం ఉన్నాయి?: మీరు పెట్టుబడి పెట్టిన ప్రతి ఫండూ ఎక్కడ ఇన్వెస్ట్ చేస్తోంది? ఒకే కంపెనీలో గానీ, ఒకే రంగంలో గానీ ఎక్కువ ఫండ్లు ఇన్వెస్ట్ చేస్తున్నాయా... అనేది చూసుకోవాలి. → స్మాల్, మిడ్ క్యాప్లలో ఎంత ఉండాలి?: దీనికి సమాధానం మీ రిస్కు సామర్థ్యం, ఆర్థిక సామర్థ్యం, మిగతా పోర్టుఫోలియోలో ఏం ఉన్నాయి అనేదానిపై ఆధారపడి ఉంటుంది. అందరికీ ఒకేలాంటి పరిస్థితులుండవు. → భారీ కరెక్షన్ను తట్టుకోగలరా?: ఒకవేళ మీ పోర్టుఫోలియో కనక 30 శాతం పడిపోయినా మీరు తట్టుకోగలరా? దానివల్ల జరిగే ఆర్థిక, మానసిక నష్టాలను కూడా అంచనా వేసుకున్నాకే ముందుకెళ్లాలి. → ఎమర్జెన్సీ నిధులున్నాయా?: స్వల్పకాలిక అవసరాలకు కూడా ఆ ఫండ్ల నుంచి విత్డ్రా చేసుకోవచ్చులే అనే పద్ధతి ఉండకూడదు. ఎందుకంటే నిధులు కావాల్సిన సమయంలో మార్కెట్లు రికవరీ స్థాయిలో ఉండొచ్చు. → ఆ ఫండ్ల రిస్కు ప్రొఫైల్ మారిందా?: ఆ ఫండ్ల తాలూకు పోర్టుఫోలియోలో ఏం ఉన్నాయి? వాటి విలువెంత? ఊగిసలాట ఏ స్థాయిలో ఉంటుంది? లిక్విడిటీ పరిస్థితి ఏంటి? సదరు ఇండెక్స్ బెంచ్మార్క్తో పోలిస్తే పనితీరు ఎలా ఉంది? అనేవి చూశాకే ముందుకెళ్లాలి. → మీ నిర్ణయానికి కారణమేంటి?: మీ అవసరానికి తగ్గట్టుగా మీరు ఇన్వెస్ట్ చేస్తే మంచిదే. కానీ వేరెవరికో లాభం వచ్చిందనో, ఇటీవలి కాలంలో మంచి రిటర్నులు ఇస్తోందనో పెడితే మాత్రం సరికాదనే భావించాలి. రమణమూర్తి మంథా -
నా దగ్గర 53 రకాల ఐఫోన్లు ఉన్నాయ్.. 54వది కొనడానికొచ్చాను..
యాపిల్ ఫోన్లపై తనకున్న అభిమానాన్ని చాటుకునేందుకు దుబాయ్కు చెందిన మహమ్మద్ షకా ఏకంగా 53 పాత ఐఫోన్లతో యాపిల్ స్టోర్కు వచ్చారు. కంపెనీ కొత్తగా విడుదల చేసిన ఫోల్డబుల్ స్మార్ట్ఫోన్ ఐఫోన్ డుయోకు చెందిన రెండు ఫోన్లను తీసుకునేందుకు ఆయన అక్కడికి చేరుకున్నారు. దాదాపు 20 ఏళ్లుగా ఐఫోన్లను సేకరిస్తున్న షకా, తన దగ్గరున్న మొదటి తరం ఐఫోన్ నుంచి ఐఫోన్ 18 ప్రో మ్యాక్స్ వరకు ఉన్న మోడళ్లను స్టోర్కు తీసుకువచ్చారు.షకా స్టోర్కు వెళ్లడానికి ఒక రోజు ముందే యాపిల్ ఉద్యోగులు ఆయనను సంప్రదించారు. తన దగ్గరున్న ఐఫోన్ల సేకరణను స్టోర్కు తీసుకురావాలని కోరారు. దీంతో ఆయన తన దగ్గరున్న 53 ఫోన్లను వెంట తీసుకెళ్లారు. పాకిస్థాన్లోని కరాచీకి చెందిన షకా ప్రస్తుతం దుబాయ్లో నివసిస్తున్నారు. ఐఫోన్లను సేకరించడం తనకు కేవలం అభిరుచి మాత్రమే కాదని, అదొక సవాలని ఆయన చెబుతున్నారు. కొన్ని మోడళ్లలో వేర్వేరు రంగులకు చెందిన ఫోన్లను కూడా సేకరించారు. వాటన్నింటినీ తన ఇంట్లో ప్రదర్శనకు ఉంచారు.“ఐఫోన్లను సేకరించడం నా అభిరుచి. అదే సమయంలో అది నాకు ఒక సవాలు కూడా. మొదటి తరం ఐఫోన్ నుంచి ఐఫోన్ 18 ప్రో మ్యాక్స్ వరకు దాదాపు అన్ని మోడళ్లు నా దగ్గర ఉన్నాయి. కొన్ని మోడళ్లలో వేర్వేరు రంగులకు చెందిన ఒకటి లేదా రెండు ఫోన్లు ఉన్నాయి. వాటన్నింటినీ ఇంట్లో ప్రదర్శనకు ఉంచాను” అని షకా తెలిపారు.మోటోరోలా, శాంసంగ్ వంటి ఇతర కంపెనీల ఫోన్లు కూడా తన దగ్గర ఉన్నప్పటికీ, యాపిల్ పైనే తనకు ప్రధాన ఆసక్తి ఉందని చెప్పారు. “నేను యాపిల్కు వీరాభిమానిని. ప్రతి కొత్త తరం ఐఫోన్లో కెమెరా, టచ్ టెక్నాలజీ, బ్యాటరీ, ఆపరేటింగ్ సిస్టమ్ వంటి అనేక అంశాల్లో మార్పులు కనిపిస్తాయి. ఏళ్లుగా ఆ మార్పులను స్వయంగా అనుభవించాను. అందుకే ఈ ఫోన్లంటే నాకు ఇష్టం” అని వివరించారు.మూడేళ్లుగా ఎదురుచూపులుయాపిల్ ఫోల్డబుల్ ఫోన్ గురించి వస్తున్న వార్తలను మూడేళ్లకు పైగా ఫాలో అవుతున్నానని షకా తెలిపారు. ఐఫోన్ డుయో బుకింగ్స్ ప్రారంభం కాగానే ఫోన్ను బుక్ చేసుకునే అవకాశం లభించిందని, దాన్ని అందుకోవడం సంతోషంగా ఉందని చెప్పారు. “యాపిల్ డుయో బుకింగ్స్ ప్రారంభమైనప్పుడు నాకు బుక్ చేసుకునే అవకాశం వచ్చింది. మూడేళ్లకు పైగా దీని కోసం ఎదురుచూశాను. ఇంతకుముందు వదంతులు మాత్రమే ఉండేవి. చివరకు ఫోన్ అందుబాటులోకి వచ్చింది. ఈ రోజు దాన్ని అందుకోవడం చాలా సంతోషంగా ఉంది” అని పేర్కొన్నారు.తన తదుపరి లక్ష్యం అమెరికాలోని కాలిఫోర్నియాలో జరిగే యాపిల్ ఉత్పత్తుల విడుదల కార్యక్రమానికి హాజరుకావడమేనని షకా తెలిపారు. అక్కడ కూడా తొలి స్థానంలో నిలిచి, యాపిల్ ఫోన్లపై తనకున్న అభిమానాన్ని కంపెనీకి చాటుకోవాలని ఆశిస్తున్నట్లు చెప్పారు. దాదాపు రెండు దశాబ్దాలుగా సాగుతున్న షకా ఐఫోన్ సేకరణ ఇప్పుడు కొత్త మైలురాయిని చేరింది. కాలిఫోర్నియాలో జరిగే కార్యక్రమానికి ఆయనకు ఆహ్వానం లభిస్తుందా, తన తదుపరి లక్ష్యాన్ని సాధిస్తారా అన్నది ఆసక్తికరంగా మారింది. View this post on Instagram A post shared by Khaleej Times (@khaleejtimes) -
వెండి ధరల్లో కలకలం.. కొనేవారికి బిగ్ అప్డేట్!
మధ్యప్రాచ్యంలో పెరుగుతున్న ఉద్రిక్తతలు, చమురు ధరల పెరుగుదల, అమెరికాలో వడ్డీ రేట్లు మరోసారి పెరిగే అవకాశాలు వంటివి సాధారణంగా బంగారం, వెండి ధరలపై ప్రభావం చూపిస్తాయి. కానీ ప్రస్తుత పరిస్థితి అందుకు భిన్నంగా ఉంది. గత కొన్ని రోజులుగా గోల్డ్, సిల్వర్ రేట్లు గణనీయంగా తగ్గుతున్నాయి. ఇది పెట్టుబడిదారుల్లో ఆందోళన కలిగిస్తోంది.గ్లోబల్ మార్కెట్లో బంగారం ధర ఔన్సుకు 4,000 డాలర్ల దిగువకు పడిపోయింది. ఆ తర్వాత కొంత కోలుకున్నప్పటికీ.. ఇప్పుడు పతనావస్థలోనే అడుగులు వేస్తోంది. వెండి పరిస్థితి మరింత దారుణంగా ఉంది. ఒకప్పుడు ఔన్సుకు 120 డాలర్ల స్థాయిలో ఉన్న వెండి.. ఇప్పుడు ధర 53.8 డాలర్లకు పడిపోయింది. ఈ ప్రభావం భారత మార్కెట్పై కూడా స్పష్టంగా కనిపిస్తోంది.దేశీయ ఎంసీఎక్స్లో కేజీ వెండి ధర ఏకంగా రూ.4.2 లక్షల నుంచి రూ.2.0 లక్షల స్థాయికి దిగినట్లు నివేదికలు చెబుతున్నాయి. కాగా సిల్వర్ రేటు మరింత తగ్గే అవకాశం ఉందని నిపుణులు అంచనా వేస్తున్నారు.కోటక్ నియోకు చెందిన కమోడిటీ రీసెర్చ్ నిపుణురాలు కయ్నాత్ చైన్వాలా అభిప్రాయం ప్రకారం.. రానున్న రోజుల్లో వెండికి డిమాండ్ తగ్గే అవకాశం ఉంటుంది. ప్రస్తుతం పారిశ్రామిక రంగంలో వెండికి డిమాండ్ ఉన్నప్పటికీ.. ఆర్థిక పరిస్థితులు బలహీనపడితే పరిశ్రమల్లో వెండి వినియోగం తగ్గే అవకాశం ఉంది. ఇదే జరిగితే సిల్వర్ రేటు భారీగా తగ్గుతుంది.అంతర్జాతీయ మార్కెట్లో వెండి ధర ఔన్సుకు 50 డాలర్ల దిగువకు చేరితే, దేశీయంగా కేజీ వెండి ధర రూ.1.9 లక్షల కంటే దిగువకు పడిపోయే ప్రమాదం ఉందని నిపుణులు భావిస్తున్నారు.మరోవైపు, అమెరికా ఫెడరల్ రిజర్వ్ వడ్డీ రేట్లపై తీసుకునే నిర్ణయం కూడా కీలకం కానుంది. అక్టోబర్ 27, 28 తేదీల్లో జరగనున్న సమావేశంలో వడ్డీ రేట్ల పెంపుపై ఎలాంటి నిర్ణయం తీసుకుంటారనే దానిపై మార్కెట్లు ఆసక్తిగా ఎదురు చూస్తున్నాయి. రేట్ల పెంపును వాయిదా వేస్తే బంగారం, వెండి ధరలకు కొంత ఊరట లభించే అవకాశం ఉంటుంది. అయితే.. మధ్య ప్రాచ్యంలో సౌదీ అరేబియా, హౌతీ దళాలకు సంబంధించిన ఉద్రిక్తతలు పెరిగితే పరిస్థితి మళ్లీ మారవచ్చు. ముఖ్యంగా చమురు సరఫరాకు ఆటంకాలు ఏర్పడితే.. ధరలు మరింత పెరిగి, ద్రవ్యోల్బణ భయాలు ఎక్కువవుతాయి. దీంతో అమెరికా వడ్డీ రేట్లు ఎక్కువ కాలం అధిక స్థాయిలో కొనసాగవచ్చనే అంచనాలు బలపడతాయి.ఇదీ చదవండి: బంగారం ధరల్లో బిగ్ ట్విస్ట్.. ఇక ఏం జరగనుంది?ఈ రోజు బంగారం, వెండి ధరలు ఇలా..బంగారం, వెండి ధరలు నేడు (ఆదివారం) నిలకడగా కొనసాగుతున్నాయి. కొన్ని రోజులుగా తగ్గుముఖం పట్టిన పసిడి ధరలు నేడు (Today Gold Rate) స్థిరంగా ఉన్నాయి. ఇక వెండి ధరలు (Today Silver Rate) కూడా నేడు స్థిరంగా ఉన్నాయి. దీంతో ఈరోజు బంగారం, వెండి కొనేవాళ్లకు ఉపశమనం లభించింది. దేశంలోని ప్రధాన నగరాల్లో బంగారం, వెండి ధరలు ఎలా ఉన్నాయో కింద చూద్దాం.. -
బంగారం, వెండి ధరలు ఇలా..
దేశంలో బంగారం, వెండి ధరలు నిలకడగా కొనసాగుతున్నాయి. కొన్ని రోజులుగా తగ్గుముఖం పట్టిన పసిడి ధరలు నేడు (Today Gold Rate) స్థిరంగా ఉన్నాయి. ఇక వెండి ధరలు (Today Silver Rate) కూడా నేడు నిలకడగా కొనసాగుతున్నాయి. దీంతో ఈరోజు బంగారం, వెండి కొనేవాళ్లకు ఉపశమనం లభించింది. దేశ రాజధాని ఢిల్లీతో పాటు తెలుగు రాష్ట్రాలలో ఈరోజు బంగారం, వెండి ధరలు ఎలా ఉన్నాయో కింద చూద్దాం.. -
ఇక బంగారం మీద పడిపోతారా?
బంగారం, వెండి ధరలు భారీగా తగ్గడంతో కొనుగోలుదారుల్లో ఆసక్తి పెరిగే అవకాశముంది. మధ్యప్రాచ్యంలో పెరుగుతున్న ఉద్రిక్తతలు, ద్రవ్యోల్బణంపై ఆందోళనలు విలువైన లోహాల మార్కెట్పై ప్రభావం చూపుతున్నాయి. ఈ వారం బంగారం ధర 10 గ్రాములకు దాదాపు రూ.1,700 తగ్గి రూ.1.45 లక్షల దిగువకు చేరింది. మరోవైపు వెండి ధర కూడా కిలోకు రూ.2 లక్షల దిగువకు దిగివచ్చింది.దీపావళి వేళ కొనుగోళ్లు పెరుగుతాయా?దీపావళి, ధంతేరాస్ (ధన త్రయోదశి) పండుగలు సమీపిస్తున్న వేళ బంగారం, వెండి ధరలు తగ్గడం భారతీయ కొనుగోలుదారులకు ఊరటనిచ్చే అంశం. ధంతేరాస్ రోజున బంగారం, వెండి కొనుగోలు చేయడం శుభప్రదమని చాలామంది భావిస్తారు. దీంతో ధరలు తగ్గిన నేపథ్యంలో రాబోయే రోజుల్లో ఆభరణాలు, బంగారు నాణేలు, వెండి వస్తువుల కొనుగోళ్లు పెరిగే అవకాశముంది.బంగారంలో పెట్టుబడికి ఏ మార్గాలు ఉన్నాయి?బంగారంలో పెట్టుబడి పెట్టాలనుకునేవారికి పలు మార్గాలు అందుబాటులో ఉన్నాయి. స్టాక్ ఎక్స్ఛేంజీలో గోల్డ్ ఈటీఎఫ్ యూనిట్లను కొనుగోలు చేయవచ్చు. వీటి ధరలు బంగారం విలువకు అనుగుణంగా మారుతుంటాయి. అయితే, డీమ్యాట్ ఖాతా, బ్రోకరేజీ వంటి అంశాలను పరిగణనలోకి తీసుకోవాలి.భౌతిక బంగారం కొనుగోలు చేయాలనుకుంటే బంగారు కడ్డీలు, నాణేలు లేదా ఆభరణాలను ఎంచుకోవచ్చు. కడ్డీలు, నాణేల కొనుగోలుపై సాధారణంగా 3 శాతం జీఎస్టీ ఉంటుంది. ఆభరణాలపై కూడా వర్తించే జీఎస్టీతో పాటు తయారీ ఛార్జీలు చెల్లించాల్సి ఉంటుంది. తిరిగి విక్రయించే సమయంలో ఈ అదనపు ఖర్చులన్నీ తిరిగి రావని గుర్తుంచుకోవాలి.ఇక సావరిన్ గోల్డ్ బాండ్ల (ఎస్జీబీ) కొత్త విడతల జారీ ప్రస్తుతం నిలిచిపోయింది. అయినప్పటికీ, ఇప్పటికే జారీ చేసిన బాండ్లను స్టాక్ ఎక్స్ఛేంజీలో ఇతర పెట్టుబడిదారుల నుంచి కొనుగోలు చేసే అవకాశం ఉంటుంది. అయితే, అందుబాటులో ఉన్న బాండ్ల ధర, వాటి గడువు, వడ్డీ ప్రయోజనాలను పరిశీలించాలి.గోల్డ్ ఈటీఎఫ్లలో కొత్త పెట్టుబడులకు బ్రేక్పండుగల సీజన్లో బంగారానికి డిమాండ్ పెరిగే అవకాశం ఉండటంతో పాటు, పెట్టుబడులకు సంబంధించిన కొన్ని పరిమితులపైనా ఇన్వెస్టర్లు దృష్టి సారించాల్సి ఉంది. దేశంలోని పలు మ్యూచువల్ ఫండ్ సంస్థలు అక్టోబర్ 16 నుంచి తమ గోల్డ్, సిల్వర్ ఈటీఎఫ్ ఫండ్ ఆఫ్ ఫండ్స్ (ఎఫ్ఓఎఫ్) పథకాల్లోకి కొత్త పెట్టుబడులను తాత్కాలికంగా నిలిపివేశాయి.అయితే, స్టాక్ ఎక్స్ఛేంజీల్లో నేరుగా కొనుగోలు చేసే గోల్డ్ ఈటీఎఫ్లపై ఈ పరిమితి వర్తించదు. ఇప్పటికే ఈటీఎఫ్ ఎఫ్ఓఎఫ్లలో కొనసాగుతున్న సిస్టమాటిక్ ఇన్వెస్ట్మెంట్ ప్లాన్ (సిప్)లకూ అంతరాయం ఉండదు. కొత్త పెట్టుబడులు పెట్టాలనుకునేవారు సంబంధిత పథకం తాజా నిబంధనలను పరిశీలించాలి.ఇదీ చదవండి: బంగారంతో గిన్నిస్ రికార్డులు! -
అమ్మకాల్లో అదుర్స్.. టాటా మోటార్స్కు భారీ లాభాలు!
న్యూఢిల్లీ: వాణిజ్య వాహన రంగ టాటా గ్రూప్ దిగ్గజం టాటా మోటార్స్ ప్రస్తుత ఆర్థిక సంవత్సరం(2026–27) రెండో త్రైమాసికంలో ఆసక్తికర ఫలితాలు సాధించింది. వార్షికంగా జూలై–సెప్టెంబర్(క్యూ2)లో నష్టాలను వీడి రూ. 1,254 కోట్ల నికర లాభం ఆర్జించింది. ఇందుకు అమ్మకాలు పుంజుకోవడం దోహదపడింది.గతేడాది(2025–26) ఇదే కాలంలో రూ. 867 కోట్ల నికర నష్టం ప్రకటించింది. అయితే ఇందుకు టాటా క్యాపిటల్లో పెట్టుబడులపై రూ. 2,026 కోట్లమేర మార్క్ టు మార్కెట్(ఎంటూఎం) నష్టాలు ప్రభావం చూపిన సంగతి తెలిసిందే. ఈ కాలంలో నిర్వహణ లాభం(ఇబిటా) 31 శాతం మెరుగుపడి రూ. 2,800 కోట్లను తాకగా.. ఇబిటా మార్జిన్ 0.4 శాతం నీరసించి 10.9 శాతానికి పరిమితమైంది.కాగా.. మొత్తం ఆదాయం సైతం 36 శాతం జంప్చేసి రూ. 25,338 కోట్లను తాకింది. గత క్యూ2లో రూ. 18,585 కోట్ల ఆదాయం అందుకుంది. గతంలో టీఎంఎల్ కమర్షియల్ వెహికల్స్గా వ్యవహరించిన కంపెనీ మొత్తం 1.35 లక్షల వాహనాలు విక్రయించింది. గత క్యూ2లో ఇవి 94,681 యూనిట్లుగా నమోదయ్యాయి. దేశీ అమ్మకాలు 31 శాతం ఎగసి 1.14 యూనిట్లకు చేరగా.. అంతర్జాతీయ బిజినెస్ రెట్టింపుకావడంతో 21,132 యూనిట్లు విక్రయించింది. గత క్యూ2లో ఇవి 7,632 యూనిట్లు మాత్రమే. -
అంతలోనే ఆశలు ఆవిరి.. తిరగబడిన పసిడి ధరలు!
గత కొన్ని రోజులుగా తగ్గుతూ వచ్చిన బంగారం ధరలు.. మళ్లీ పెరిగాయి. శనివారం పసిడి ధరలు స్వల్పంగా పెరగడంతో కొనుగోలుదారుల్లో కొంత ఆందోళన కనిపించింది. దేశంలోని ప్రధాన నగరాల్లో బంగారం ధరల్లో కొద్దిపాటి మార్పులు కనిపించాయి. బంగారం కొనాలనుకునేవారు ధరలు ఎప్పుడు తగ్గుతాయా అని ఎదురు చూస్తున్న సమయంలో.. ఇప్పుడు మళ్లీ పెరగడం చర్చనీయాంశంగా మారింది. ఏ నగరంలో బంగారం ధరలు ఎలా ఉన్నాయో.. ఈ కింద చూడవచ్చు. -
స్వల్ప వ్యవధిలోనే వెండి రూ.30,000 డౌన్!
అంతర్జాతీయ, దేశీయ మార్కెట్లలో పసిడి, వెండి ధరలు వరుసగా మూడో సెషన్లోనూ నష్టాలను చవిచూశాయి. ముడి చమురు ధరలు పెరుగుతుండటం, అంతర్జాతీయంగా డాలరు బలపడుతుండటం వంటి పరిణామాలు విలువైన లోహాలపై తీవ్ర ప్రభావాన్ని చూపుతున్నాయి. కమోడిటీ మార్కెట్లో పెద్ద ఎత్తున అమ్మకాలు వెల్లువెత్తుతుండటంతో ఇన్వెస్టర్లు సురక్షిత పెట్టుబడుల నుంచి వెనక్కి తగ్గుతున్నారు.ఈ మార్కెట్ ఒడుదొడుకుల కారణంగా ఢిల్లీ బులియన్ మార్కెట్లో 99.9% స్వచ్ఛత కలిగిన 10 గ్రాముల బంగారం ధర మరో రూ. 1,900 తగ్గి రూ. 1,46,100కి పడిపోయింది. వెండి పరిస్థితి మరింత దయనీయంగా ఉంది; కిలో వెండి ఏకంగా రూ. 5,500 క్షీణించి రూ. 2,02,000 వద్దకు చేరింది. ముఖ్యంగా సెప్టెంబర్ 30 నుంచి ఇప్పటివరకు వెండి ధర దాదాపు రూ. 30,000 (సుమారు 13%) వరకు పడిపోవడం గమనార్హం. అంతర్జాతీయ స్పాట్ మార్కెట్లోనూ ఇదే బలహీన ధోరణి కనిపించింది. ఔన్సు పసిడి ధర ఒక దశలో కీలకమైన 4,000 డాలర్ల దిగువకు పడిపోయినప్పటికీ, ఆ తర్వాత స్వల్పంగా కోలుకుని 4,024.37 డాలర్ల వద్ద ట్రేడైంది. అలాగే వెండి 1.41 శాతం క్షీణించి 53.83 డాలర్ల వద్ద నిలిచింది.రాబోయే రోజుల్లో ద్రవ్యోల్బణ సరళి, అమెరికా ఫెడరల్ రిజర్వ్ వడ్డీ రేట్ల నిర్ణయాలు, భౌగోళిక రాజకీయ పరిస్థితులు ఈ లోహాల గమనాన్ని నిర్దేశించనున్నాయి. ప్రస్తుతం మార్కెట్లో నెలకొన్న ఈ అమ్మకాల ఒత్తిడి ఇన్వెస్టర్లలో ఆందోళన కలిగిస్తోంది.ఇదీ చదవండి: డివైజ్లో సిమ్ లేకపోతే వాట్సాప్ సేవలు బంద్! -
ఇన్ఫీ లాభం రూ.7,823 కోట్లు
న్యూఢిల్లీ: ఐటీ దిగ్గజం ఇన్ఫోసిస్ ఈ ఆర్థిక సంవత్సరం రెండో త్రైమాసికం (2026–27, క్యూ2)లో రూ. 7,823 కోట్ల కన్సాలిడేటెడ్ నికర లాభాన్ని ఆర్జించింది. గతేడాది ఇదే కాలంలో నమోదైన రూ. 7,364 కోట్లతో పోలిస్తే లాభం 6.2 శాతం పెరిగింది. మొత్తం ఆదాయం 10.2 శాతం ఎగసి రూ. 49,244 కోట్లకు చేరింది. క్రితం ఏడాది క్యూ2లో ఆదాయం రూ. 44,490 కోట్లుగా నమోదైంది. ఆదాయ అంచనాలు కోత... ప్రస్తుత పూర్తి ఆర్థిక సంవత్సరానికి గాను ఆదాయ వృద్ధి అంచనా (గైడెన్స్)లకు ఇన్ఫీ కోత విధించింది. స్థిర కరెన్సీ ప్రాతిపదికన గైడెన్స్ను 1–2 శాతానికి కుదించింది. గతంలో 1.5–3 శాతం ఆదాయ గైడెన్స్ను ప్రకటించడం గమనార్హం. ప్రధానంగా కాంట్రాక్టు ధరలకు సంబంధించి క్లయింట్ల నుంచి ఒత్తిళ్ల నేపథ్యంలో కంపెనీ తాజాగా దీన్ని సవరించింది. అయితే, పూర్తి ఏడాది నిర్వహణ మార్జిన్ అంచనాలను మాత్రం 20–22 శాతంగానే కొనసాగిస్తున్నట్లు కంపెనీ తెలిపింది. రూ. 26 డివిడెండ్... కంపెనీ డైరెక్టర్ల బోర్డు రూ. 5 ముఖ విలువ గల ఒక్కో షేరుపై రూ. 26 చొప్పున మధ్యంతర డివిడెండ్ ప్రకటించింది. గతేడాదితో పోలిస్తే 13 శాతం పెంచడం విశేషం. కాగా, డివిడెండ్కు రికార్డు తేదీ నవంబర్ 3 కాగా, నవంబర్ 11న చెల్లించనుంది. ఫలితాల్లో ఇతర ముఖ్యాంశాలు.. → క్యూ2లో పటిష్టంగా 5.2 బిలియన్ డాలర్ల విలువైన భారీ కాంట్రాక్టులను ఇన్ఫీ సాధించింది. ఇందులో ఏడేళ్ల కాలవ్యవధి గల 2 బిలియన్ డాలర్ల మెగా డీల్ కూడా ఉంది. → నిర్వహణ మార్జిన్ స్థిరంగా 21%గా నమోదైంది. → జూన్–సెపె్టంబర్ కాలంలో నికరంగా 4,480 మంది ఉద్యోగులు జతయ్యారు. దీంతో ఇన్ఫీ మొత్తం సిబ్బంది సంఖ్య 3,32,542కు చేరింది. → ఉద్యోగుల వలసల (అట్రిషన్) రేటు 12.7 శాతానికి తగ్గింది. క్యూ1లో ఇది 13%గా ఉంది. ఇన్ఫీ షేరు స్వల్పంగా పెరిగి రూ.1,155 వద్ద ముగిసింది. మార్కెట్లు ముగిశాక ఫలితాలు వచ్చాయి. అయితే, ఆదాయ గైడెన్స్ కోతతో ఇన్ఫీ యూఎస్ ఏడీఆర్ 5% నష్టంతో ట్రేడవుతోంది.ఈ ఏడాదీ 20,000 మంది ఫ్రెషర్లకు చోటు... క్యూ2లో 8,000 మంది కాలేజీ గ్రాడ్యుయేట్లను నియమించుకున్నామని, గతేడాదిలాగే ఈ సంవత్సరం కూడా దాదాపు 20,000 మంది ఫ్రెషర్లను తీసుకోవాలన్న లక్ష్యంతో ఉన్నట్లు కంపెనీ ఎండీ. సీఈఓ సలీల్ పరేఖ్ చెప్పారు. అమెరికాలో వీసా తదితర నిబంధనల కఠినతరం కారణంగా ఉద్యోగులపై వ్యయంపై ప్రభావం ఉంటుందా అన్న ప్రశ్నకు.. అక్కడ ఇప్పటికే మెజారిటీ ఉద్యోగులను స్థానికంగా నియమించుకుంటున్నామని, రాబోయే కాలంలో ఇది మరింత పెరుగుతుందని పరేఖ్ పేర్కొన్నారు. కంపెనీలు ఏఐపై భారీగా వెచ్చిస్తుండంతో ఇన్ఫీ మొత్తం ఆదాయంలో ఏఐ వాటా 10.5 శాతానికి చేరిందని, క్యూ2లో 29% పెరిగినట్లు ఆయన వెల్లడించారు. -
బంగారం, వెండి.. దసరా ధమాకా! కొన్నవారిదే పండగ!!
బంగారం, వెండి ధరలు దసరా ధమాకా చూపించాయి. దసరా పండుగ జరిగిన ఈ వారంలో పసిడి ధరలు భారీగా దిగివచ్చాయి. దేశీయ మార్కెట్లో 100 గ్రాముల బంగారం ధర ఏకంగా రూ.55,600 పడిపోయింది. అదే తులానికి (10 గ్రాములు) రూ.5,560 తగ్గింది. ఇక వెండి ధరలు సైతం భారీగా క్షీణించాయి. ఈ వారంలో వెండి ధర కేజీకి రూ.15,000 మేర పతనమైంది.అక్టోబర్ 23న ఒక్కరోజే 24 క్యారెట్ల బంగారం ధర 10 గ్రాములకు రూ.1,900 పడిపోయి రూ.1,42,480కు చేరింది. ఆభరణాల తయారీకి ఉపయోగించే 22 క్యారెట్ల బంగారం ధర సైతం 10 గ్రాములకు రూ.1,750 తగ్గి రూ.1,30,600కు దిగివచ్చింది. వెండి ధరలు కూడా కేజీకి రూ.5000 మేర క్షీణించి రూ.2.20 లక్షల స్థాయికి వచ్చాయి.అంతర్జాతీయ మార్కెట్లో బలహీనతప్రపంచ బులియన్ మార్కెట్లో బంగారం ధరలు బలహీనపడటం దేశీయ మార్కెట్పైనా ప్రభావం చూపింది. ముడి చమురు ధరలు బ్యారెల్కు 114 డాలర్ల స్థాయిని దాటడంతో ద్రవ్యోల్బణంపై ఆందోళనలు పెరిగాయి. దీంతో వడ్డీ రేట్ల పెంపునకు సంబంధించిన అంచనాలు బలపడటం పసిడిపై ఒత్తిడి పెంచినట్లు తెలుస్తోంది. దేశీయ ఫ్యూచర్స్ మార్కెట్లోనూ ఎంసీఎక్స్ బంగారం ధర రూ.1.42 లక్షల స్థాయికి దిగువకు పడిపోయింది. అంతర్జాతీయ స్పాట్ మార్కెట్లో ఔన్స్ బంగారం ధర 4,000 డాలర్ల స్థాయికి చేరువైంది.దేశంలోని ప్రధాన నగరాల్లో బంగారం, వెండి ధరలు ఇలా.. -
జియో షేర్ల కోసం ఎగబడిన ఇన్వెస్టర్లు.. ప్రపంచ రికార్డు!
రిలయన్స్ ఇండస్ట్రీస్కు చెందిన జియో ప్లాట్ఫామ్స్ ఐపీఓ చరిత్ర సృష్టించింది. ఈ ఇష్యూకు దరఖాస్తుల సంఖ్య కోటి మార్కును దాటింది. ప్రపంచవ్యాప్తంగా ఒక ఐపీఓకు కోటికి పైగా దరఖాస్తులు రావడం ఇదే తొలిసారి అని సంస్థ వెల్లడించింది. ఇష్యూ ముగియడానికి ఇంకా ఐదు గంటల సమయం ఉండగానే ఈ అరుదైన మైలురాయిని చేరుకోవడం విశేషం. బిడ్డింగ్ ప్రక్రియ అదే రోజు సాయంత్రం 7 గంటల వరకు కొనసాగనుండటంతో దరఖాస్తుల సంఖ్య మరింత పెరిగే అవకాశం ఉందని కంపెనీ పేర్కొంది.ఇప్పటివరకు ప్రపంచవ్యాప్తంగా అత్యధిక దరఖాస్తులు అందుకున్న ఐపీఓగా వారీ ఎనర్జీస్ నిలిచింది. ఆ సంస్థ పబ్లిక్ ఇష్యూకు సుమారు 97 లక్షల దరఖాస్తులు వచ్చినట్లు గతంలో నివేదికలు వెల్లడించాయి. అలాగే, బజాజ్ హౌసింగ్ ఫైనాన్స్, బీసీసీఎల్ వంటి సంస్థల ఐపీఓలు సుమారు 90 లక్షల దరఖాస్తులతో దేశీయంగా రికార్డులు సృష్టించాయి. ఇప్పుడు ఈ రికార్డులన్నింటినీ అధిగమిస్తూ జియో ప్లాట్ఫామ్స్ సరికొత్త చరిత్రను లిఖించింది. బిడ్డింగ్ ముగిసే సమయానికి తుది దరఖాస్తుల సంఖ్య మరింత పెరిగి కొత్త ప్రపంచ రికార్డును నమోదు చేసే అవకాశముంది.ఈ అపూర్వ స్పందన జియో ప్లాట్ఫామ్స్పై ఇన్వెస్టర్లలో ఉన్న ఆసక్తిని ప్రతిబింబిస్తోందని సంస్థ తెలిపింది. సంపద సృష్టిలో సామాన్య భారతీయులకు సైతం భాగస్వామ్యం కల్పించాలన్న దివంగత ధీరూభాయ్ అంబానీ వారసత్వాన్ని, ముఖేశ్ అంబానీ దార్శనికతను ఈ స్పందన ముందుకు తీసుకెళ్తోందని పేర్కొంది. ఆకాశ్ అంబానీ, ఇషా అంబానీల జన్మదినాల సందర్భంగా ఈ ఘనతను ప్రత్యేక కానుకగా అభివర్ణించింది. -
లాభాలకు బ్రేక్.. నష్టాల్లో ముగిసిన స్టాక్ మార్కెట్లు!
శుక్రవారం ఉదయం స్వల్ప లాభాలతో ప్రారంభమైన దేశీయ స్టాక్ మార్కెట్లు.. ట్రేడింగ్ క్లోజ్ అయ్యే సమయానికి నష్టాల్లో ముగిశాయి. సెన్సెక్స్ 125.56 పాయింట్లు లేదా 0.17 శాతం నష్టంతో 73,123.83 వద్ద, నిఫ్టీ 87.65 పాయింట్లు లేదా 0.39 శాతం నష్టంతో 22,600.00 వద్ద నిలిచాయి.సైయంట్ లిమిటెడ్, ఇంటర్నేషనల్ జెమ్మాలాజికల్ ఇనిస్టిట్యూట్ లిమిటెడ్, ఎటర్నల్ లిమిటెడ్ వంటి కంపెనీలు టాప్ గెయినర్స్ జాబితాలో చేరాయి. జమ్మూ & కాశ్మీర్ బ్యాంక్ లిమిటెడ్, స్విగ్గీ లిమిటెడ్, బ్లాక్ బాక్స్ లిమిటెడ్ వంటి కంపెనీలు నష్టాల జాబితాలో నిలిచాయి.(Disclaimer: మార్కెట్ గురించి సాక్షి వెబ్సైట్లో నిపుణులు వెల్లడించే అభిప్రాయాలు వారి పరిశీలన, అంచనాలను బట్టి ఉంటాయి. ఇన్వెస్టర్లకు ఇది కేవలం విషయ అవగాహన మాత్రమే తప్ప.. వారు పెట్టే పెట్టుబడులకు సాక్షి మీడియా గ్రూపు ఎలాంటి హామీ ఇవ్వదు.) -
గోల్డ్ మార్కెట్లో సంచలనం.. కుప్పకూలిన ధరలు!
బంగారం ధరలు ఒక్కసారిగా తగ్గడంతో.. దేశవ్యాప్తంగా పసిడి మార్కెట్లో గణనీయమైన మార్పులు చోటుచేసుకున్నాయి. ఈ రోజు (శుక్రవారం) కూడా దేశంలోని ప్రధాన నగరాల్లో బంగారం రేటు గరిష్టంగా రూ.1,900 వరకు తగ్గింది. ధరల తగ్గుదల బంగారం కొనుగోలు చేయాలనుకునే.. సామాన్య ప్రజలకు కొంత ఊరటనిస్తోంది. ఇక్కడ ఏ నగరం బంగారం ధర ఎలా ఉందో చూడవచ్చు. -
స్వల్ప లాభాల్లో స్టాక్ మార్కెట్ సూచీలు
దేశీయ స్టాక్ మార్కెట్ సూచీలు శుక్రవారం స్వల్ప లాభాల్లో కదలాడుతున్నాయి. ఈరోజు ఉదయం 09:29 సమయానికి నిఫ్టీ(Nifty) 41 పాయింట్లు పెరిగి 22,731 వద్దకు చేరింది. సెన్సెక్స్(Sensex) 300 పాయింట్లు ఎగబాకి 73,545 వద్ద ట్రేడవుతోంది.అమెరికా డాలర్ ఇండెక్స్(USD Index) 101.65బ్రెంట్ క్రూడ్ఆయిల్ బ్యారెల్ ధర 113.6 డాలర్లుయూఎస్ 10 ఏళ్ల బాండ్ ఈల్డ్లు 4.96 శాతానికి చేరాయి.గడిచిన సెషన్లో యూఎస్ ఎస్ అండ్ పీ 1.21 శాతం తగ్గింది.నాస్డాక్ 2.6 శాతం దిగజారింది.Today Nifty position 23-10-2026(time: 09:29 am)(Disclaimer: మార్కెట్ గురించి సాక్షి వెబ్ సైట్లో నిపుణులు వెల్లడించే అభిప్రాయాలు వారి పరిశీలన, అంచనాలను బట్టి ఉంటాయి. ఇన్వెస్టర్లకు ఇది కేవలం విషయ అవగాహన మాత్రమే తప్ప.. వారు పెట్టే పెట్టుబడులకు సాక్షి మీడియా గ్రూపు ఎలాంటి హామీ ఇవ్వదు.) -
రాగి.. బంగారమాయెనే!
న్యూఢిల్లీ: దేశీయంగా ఆటోమోటివ్, నిర్మాణ, మౌలిక తదితర రంగాల్లో రాగికి భారీ డిమాండ్ నెలకొంది. దీనితో 2024–25 ఆర్థిక సంవత్సరంతో పోలిస్తే 2025–26 ఆర్థిక సంవత్సరంలో వినియోగం 12 శాతం పెరిగి 2,100 కిలోటన్నులకు (కేటీ) చేరింది. ఇంటర్నేషనల్ కాపర్ అసోసియేషన్ ఇండియా (ఐసీఏ ఇండియా) విడుదల చేసిన గణాంకాల్లో ఈ విషయాలు వెల్లడయ్యాయి. వీటి ప్రకారం వైర్లు, కేబుల్స్, ట్రాన్స్ఫార్మర్లు, మోటర్లతో పాటు ఎలక్ట్రికల్, పారిశ్రామిక రంగాల్లో ఉపయోగించే ఉత్పత్తుల తయారీకి కీలకంగా ఉండే రాగికి 2025 ఆర్థిక సంవత్సరంలో భారత్లో డిమాండ్ 1,878 కేటీగా నమోదైంది. ‘రాగికి డిమాండ్ నెలకొనడమనేది దేశీయంగా ఆర్థిక కార్యకలాపాలు వేగవంతమవుతున్న తీరును ప్రతిబింబిస్తుంది. మౌలిక రంగంలో పెట్టుబడులను ప్రోత్సహించేలా సానుకూల పాలసీలు, పారిశ్రామికీకరణ, స్వచ్ఛ ఇంధనాలవైపు మళ్లుతుండటం మొదలైన అంశాల వల్ల రాగికి డిమాండ్ మరింతగా పెరుగుతుంది‘ అని ఐసీఏ ఇండియా ఎండీ మయూర్ కర్మార్కర్ తెలిపారు. ప్రపంచవ్యాప్తంగా రాగి వినియోగాన్ని ప్రోత్సహించేందుకు 1959లో ఏర్పాటైన లాభాపేక్షరహిత అంతర్జాతీయ సంస్థ ఇంటర్నేషనల్ కాపర్ అసోసియేషన్ భారత విభాగంగా ఐసీఏ ఇండియా పని చేస్తోంది. కాపర్ అలయన్స్లో సభ్యత్వం కూడా ఉంది. మౌలికం దన్ను.. గత ఆర్థిక సంవత్సరంలో అదనపు డిమాండ్కి మౌలిక రంగం ప్రధాన చోదకంగా నిల్చినట్లు ఐసీఏ ఇండియా తెలిపింది. మొత్తం కాపర్ వినియోగంలో 22 శాతం వాటా ఉండే ఈ రంగంలో డిమాండ్ వార్షిక ప్రాతిపదికన 29% మేర పెరిగినట్లు వివరించింది. ఇక 2025 ఆర్థిక సంవత్సరంలో నెమ్మదించిన ఆటోమోటివ్ పరిశ్రమ కూడా పుంజుకుంది. ప్యాసింజర్ వాహనాలు, కమర్షియల్ వాహనాలు, ట్రాక్టర్ల అమ్మకాల వృద్ధి దన్నుతో ఈ విభాగంలో రాగి వినియోగం 14% పెరిగింది. డిమాండ్లో నాలుగో వంతు వాటా ఉండే నిర్మాణ రంగంలో వినియోగం తొమ్మిది శాతం వృద్ధి చెందింది. ప్రీమియం హౌసింగ్ ప్రాజెక్టులు, కమర్షియల్ రియల్ ఎస్టేట్ కార్యకలాపాలు, పట్టణీకరణలాంటి అంశాల కారణంగా బిల్డింగ్ వైర్లు, పవర్ కేబుల్స్ మొదలైన వాటికి డిమాండ్ ఏర్పడింది. ప్రస్తుతం ప్రాథమిక దశలో ఉన్న డేటా సెంటర్ల వాటా మొత్తం డిమాండ్లో 1% కన్నా తక్కువే ఉంది. -
బంగారం అంత భారీ పతనం.. ఇందుకేనా?
దేశీయ బులియన్ మార్కెట్లో బంగారం ధరలు భారీగా పడిపోయాయి. అంతర్జాతీయ మార్కెట్లో పసిడి ధరల పతనం, అమెరికాలో వడ్డీ రేట్లు దీర్ఘకాలం పాటు అధిక స్థాయిలో కొనసాగే అవకాశాలు, ముడిచమురు ధరల పెరుగుదలతో నెలకొన్న ద్రవ్యోల్బణ ఆందోళనలు పసిడి ధరలపై ఒత్తిడి పెంచాయి. గురువారం (అక్టోబర్ 22) ఒక్కరోజే 24 క్యారెట్ల బంగారం ధర 10 గ్రాములకు రూ.1,700 తగ్గి రూ.1.45 లక్షల దిగువకు చేరింది. ఆభరణాల తయారీకి ఉపయోగించే 22 క్యారెట్ల బంగారం ధర సైతం 10 గ్రాములకు రూ.1,550 మేర క్షీణించింది. దీంతో పండుగల వేళ పసిడి కొనుగోలు చేయాలనుకునే వినియోగదారులకు కొంత ఊరట లభించింది.అంతర్జాతీయ మార్కెట్లో పతనంప్రపంచ మార్కెట్లో బంగారం ధరలు రెండు నెలలకు పైగా కనిష్ఠ స్థాయికి పడిపోవడం దేశీయ మార్కెట్పై ప్రభావం చూపింది. స్పాట్ గోల్డ్ ధర ఔన్సుకు 2.1 శాతం తగ్గి 4,055.69 డాలర్లకు చేరింది. అమెరికాలో ద్రవ్యోల్బణం అంచనాలకు మించి నమోదవడం, ముడిచమురు ధరలు పెరగడంతో ఫెడరల్ రిజర్వ్ వడ్డీ రేట్లను ఎక్కువ కాలం పాటు అధిక స్థాయిలో కొనసాగించవచ్చన్న అంచనాలు బలపడ్డాయి. సాధారణంగా వడ్డీ ఆదాయం అందించని బంగారంపై పెట్టుబడిదారుల ఆసక్తి, బాండ్లపై రాబడులు పెరిగినప్పుడు తగ్గుతుంది. ఈ పరిణామం అంతర్జాతీయంగా పసిడి ధరలపై ఒత్తిడిని పెంచింది.లాభాల స్వీకరణ కూడా కారణమే!ఇటీవలి కాలంలో బంగారం ధరలు గణనీయంగా పెరిగిన నేపథ్యంలో కొంతమంది ఇన్వెస్టర్లు లాభాలను స్వీకరించేందుకు అమ్మకాలకు దిగడం కూడా ప్రస్తుత పతనానికి కారణమైంది. మరోవైపు, అంతర్జాతీయ మార్కెట్లో ముడిచమురు ధరలు పెరగడం ద్రవ్యోల్బణం మళ్లీ వేగం పుంజుకోవచ్చనే ఆందోళనలకు దారితీసింది. అమెరికా వడ్డీ రేట్లపై అంచనాలు, బాండ్ రాబడుల్లో మార్పులు, అంతర్జాతీయంగా పెట్టుబడిదారుల వైఖరి.. ఇవన్నీ కలిసి బంగారం ధరల్లో ఒడుదొడుకులకు కారణమవుతున్నాయి.కొనుగోలుదారులకు ఎంతవరకు ఊరట?ధనత్రయోదశి, దీపావళి పండుగలు సమీపిస్తున్న తరుణంలో బంగారం ధరలు తగ్గడం కొనుగోలుదారులకు ఊరటనిచ్చే అంశం. అయితే, ధరలు మరింత తగ్గుతాయని ఇప్పుడే అంచనా వేయలేం. అమెరికా ద్రవ్య విధానం, డాలర్ మారకం విలువ, అంతర్జాతీయ బాండ్ రాబడులు, ముడిచమురు ధరల్లో మార్పులు పసిడి తదుపరి కదలికలను ప్రభావితం చేయనున్నాయి. ఆభరణాలు కొనుగోలు చేసేవారు తమ నగరంలోని తాజా ధరలను పరిశీలించడంతో పాటు తరుగు, తయారీ ఛార్జీలు, జీఎస్టీని కలిపిన తుది ధరను కూడా గమనించాలి.దేశంలోని ప్రధాన నగరాల్లో బంగారం ధరలు ఇలా.. -
జియో ఐపీఓ: రెండో రోజు 5.6 రెట్లు అధిక బిడ్లు!
జియో ప్లాట్ఫామ్స్ ఐపీఓకు ఇన్వెస్టర్ల నుంచి భారీ స్పందన లభిస్తోంది. పబ్లిక్ ఇష్యూ రెండో రోజైన గురువారం (అక్టోబర్ 22) ముగిసే సమయానికి అందుబాటులో ఉన్న షేర్ల కంటే 5.6 రెట్లు అధికంగా బిడ్లు దాఖలయ్యాయి. అన్ని విభాగాల్లోనూ ఇన్వెస్టర్లు ఆసక్తి చూపడంతో ఈ ఇష్యూకు డిమాండ్ గణనీయంగా పెరిగింది. రెండో రోజు ఒక్కటే రూ.50,000 కోట్లకు పైగా విలువైన బిడ్లు నమోదయ్యాయి. యాంకర్ ఇన్వెస్టర్ల నుంచి వచ్చిన బిడ్లను కూడా కలుపుకొంటే మొత్తం డిమాండ్ రూ.3.73 లక్షల కోట్లకు చేరినట్లు కంపెనీ వెల్లడించింది.మిగిలిన 19.75 కోట్ల షేర్ల కోసం ఇన్వెస్టర్లు 110 కోట్లకు పైగా షేర్లకు బిడ్లు దాఖలు చేశారు. వీటి మొత్తం విలువ రూ.1.23 లక్షల కోట్లుగా ఉంది. క్వాలిఫైడ్ ఇన్స్టిట్యూషనల్ బయ్యర్స్ (క్యూఐబీ) విభాగంలో అత్యధికంగా 13.3 రెట్ల సబ్స్క్రిప్షన్ నమోదైంది. ఈ విభాగంలో రూ.72,898 కోట్ల విలువైన బిడ్లు వచ్చాయి. నాన్-ఇన్స్టిట్యూషనల్ ఇన్వెస్టర్ల (ఎన్ఐఐ) విభాగం 5.97 రెట్లు సబ్స్క్రైబ్ కాగా, ఈ విభాగంలో రూ.24,330 కోట్ల విలువైన బిడ్లు దాఖలయ్యాయి.రిటైల్ ఇన్వెస్టర్ల విభాగంలో 1.54 రెట్ల సబ్స్క్రిప్షన్ నమోదైంది. ఈ విభాగానికి సంబంధించి రూ.14,652 కోట్ల విలువైన బిడ్లు వచ్చాయి. ఉద్యోగుల కోసం కేటాయించిన షేర్లకు కూడా మంచి స్పందన లభించింది. రూ.500 కోట్ల విలువైన షేర్లకు గాను రూ.1,103 కోట్ల బిడ్లు దాఖలయ్యాయి. దీంతో ఈ విభాగం 2.1 రెట్లు సబ్స్క్రైబ్ అయింది. రిలయన్స్ ఇండస్ట్రీస్ లిమిటెడ్ (ఆర్ఐఎల్) ప్రస్తుత వాటాదారుల కోసం కేటాయించిన విభాగంలోనూ నాలుగు రెట్ల డిమాండ్ నమోదైంది. ఈ విభాగంలో బిడ్ల విలువ రూ.10,107 కోట్లను దాటింది.ఇక యాంకర్ ఇన్వెస్టర్ల విభాగంలో రూ.8,110 కోట్ల విలువైన షేర్లకు గాను రూ.2.5 లక్షల కోట్లకు పైగా దరఖాస్తులు వచ్చినట్లు సమాచారం. ఈ భారీ స్పందనతో జియో ప్లాట్ఫామ్స్ ఐపీఓపై మార్కెట్ వర్గాల్లో ఆసక్తి మరింత పెరిగింది.ఐపీఓ కీలక తేదీలుఇష్యూ ముగింపు: అక్టోబర్ 23, 2026 (శుక్రవారం)షేర్ల కేటాయింపు: అక్టోబర్ 26, 2026 (సోమవారం)డీమ్యాట్ ఖాతాల్లో షేర్ల జమ: అక్టోబర్ 27, 2026 (మంగళవారం)స్టాక్ ఎక్స్ఛేంజీల్లో లిస్టింగ్: అక్టోబర్ 28, 2026 (బుధవారం) -
వెండికి కొత్త ‘వెలుగు’.. 6,500 టన్నులకు ఓకే!
దేశంలో వెండి దిగుమతులపై ఆంక్షల కారణంగా ఏర్పడిన సరఫరా కొరతకు తెరపడే సూచనలు కనిపిస్తున్నాయి. పండుగల సీజన్లో డిమాండ్ను దృష్టిలో ఉంచుకుని కేంద్ర ప్రభుత్వం భారీ స్థాయిలో వెండి దిగుమతులకు అనుమతులు జారీ చేసింది. దీంతో దేశీయ మార్కెట్లో వెండి లభ్యత పెరగడంతో పాటు, అంతర్జాతీయ ధరలకు అదనంగా చెల్లించాల్సిన ప్రీమియం కూడా తగ్గే అవకాశం ఉంది. దీంతో కొనుగోళ్లు సైతం పెరుగుతాయని వ్యాపారులు భావిస్తున్నారు.ఆరు నెలల్లో 6,500 టన్నుల దిగుమతులువెండి దిగుమతులకు సంబంధించి తాజాగా రాయిటర్స్ ప్రచురించిన నివేదిక ప్రకారం.. వచ్చే ఆరు నెలల కాలానికి సుమారు 6,500 మెట్రిక్ టన్నుల వెండి దిగుమతులకు అనుమతులు జారీ అయ్యాయి. బులియన్ వ్యాపారులు, దిగుమతిదారుల నుంచి ఈ వివరాలు వెల్లడయ్యాయి. ఈ ఏడాది మే నెలలో కేంద్ర ప్రభుత్వం వెండి దిగుమతులపై ఆంక్షలు విధించింది. జూన్లో వెండి పొడి, వెండి బీడ్స్ దిగుమతులపైనా నిబంధనలను కఠినతరం చేసింది. దీంతో దిగుమతుల ప్రక్రియ నెమ్మదించి, దేశీయ మార్కెట్లో సరఫరా తగ్గింది. ఫలితంగా అంతర్జాతీయ ధరలతో పోలిస్తే భారత మార్కెట్లో వెండికి అదనపు ధర చెల్లించాల్సిన పరిస్థితి ఏర్పడింది.ప్రీమియం భారీగా తగ్గుముఖంతాజా అనుమతుల ప్రభావం ఇప్పటికే మార్కెట్లో కనిపిస్తోంది. అంతర్జాతీయ ప్రమాణ ధరతో పోలిస్తే దేశీయ మార్కెట్లో వెండిపై చెల్లిస్తున్న ప్రీమియం అక్టోబర్ 22న ఔన్సుకు 45 సెంట్లకు తగ్గింది. అంతకుముందు వారంలో ఇది 2.50 డాలర్ల వరకు ఉన్నట్లు వ్యాపారులు వెల్లడించారు. దిగుమతులకు మార్గం సుగమం కావడంతో సరఫరా ఒత్తిడి తగ్గుతుందనే అంచనాలు దీనికి కారణం.కొనుగోలుదారులకు ఏమిటి ప్రయోజనం?దీపావళి నవంబర్ 8న జరగనున్న నేపథ్యంలో వెండి ఆభరణాలు, నాణేలు, ఇతర వస్తువుల కొనుగోళ్లు పెరిగే అవకాశం ఉంది. దిగుమతుల పెరుగుదలతో మార్కెట్లో వెండి అందుబాటు మెరుగుపడితే, సరఫరా కొరత వల్ల ఏర్పడిన అదనపు ధర తగ్గవచ్చు. అయితే, వినియోగదారులు చెల్లించే తుది ధర అంతర్జాతీయ వెండి ధర, రూపాయి మారకం విలువ, దిగుమతి సుంకాలు, వస్తు తయారీ ఖర్చులు, స్థానిక వ్యాపారుల మార్జిన్లపై ఆధారపడి ఉంటుంది.నేటి వెండి ధరలు ఇలా.. -
నష్టాల్లో ముగిసిన మార్కెట్లు
దేశీయ స్టాక్ మార్కెట్లు గురువారం నష్టాల్లో ముగిశాయి. చమురు ధరలు పెరగడం, ద్రవ్యోల్బణం దృక్పథంపై ఆందోళనతో బెంచ్ మార్క్ సూచీలు మూడవ రోజు కూడా క్షీణించాయి. సెన్సెక్స్ 460.30 పాయింట్లు లేదా 0.62 శాతం క్షీణించి 73,249.39 వద్ద, నిఫ్టీ 123.70 పాయింట్లు లేదా 0.54 శాతం క్షీణించి 22,687.65 వద్ద ముగిసిందినెస్లే ఇండియా, ఎటర్నల్, హెచ్డీఎఫ్సీ లైఫ్ ఇన్సూరెన్స్ కంపెనీలు నిఫ్టీ 50లో టాప్ లూజర్స్గా నిలిచాయి. నిఫ్టీ మిడ్ క్యాప్ 100, నిఫ్టీ స్మాల్ క్యాప్ 100 వరుసగా 0.87 శాతం, 1.17 శాతం నష్టపోయాయి. రంగాల వారీగా నిఫ్టీ ఐటీ, నిఫ్టీ ఎఫ్ఎంసీజీ, నిఫ్టీ మీడియా అత్యధికంగా క్షీణించగా, నిఫ్టీ ఫార్మా అత్యధిక పనితీరు కనబరిచింది. -
బంగారం ధరల్లో ఒక్కసారిగా భారీ పతనం!
ఇటీవల కాలంలో స్థిర ఆదాయం సమకూర్చే కమోడిటీ మార్కెట్లపైపు పెట్టుబడిదారులు మొగ్గు చూపుతున్నారు. అందులో భాగంగా బంగారం ధరల్లో మార్పులు వస్తున్నాయని నిపుణులు చెబుతున్నారు. గత కొన్ని రోజులుగా బంగారం ధరలు(Today Gold Rate) ఒడిదొడుకులకు లోనవుతున్నాయి. దేశంలోని ప్రధాన నగరాల్లో నేడు బంగారం, వెండి ధరలు(Today Silver Rate) ఎలా ఉన్నాయో కింద తెలుసుకుందాం. -
570 పాయింట్లు పడిన సెన్సెక్స్
దేశీయ స్టాక్ మార్కెట్ సూచీలు గురువారం భారీ నష్టాల్లో కదలాడుతున్నాయి. ఈరోజు ఉదయం 09:27 సమయానికి నిఫ్టీ(Nifty) 229 పాయింట్లు నష్టపోయి 22,588 వద్దకు చేరింది. సెన్సెక్స్(Sensex) 576 పాయింట్లు దిగజారి 73,131 వద్ద ట్రేడవుతోంది.అమెరికా డాలర్ ఇండెక్స్(USD Index) 101.64బ్రెంట్ క్రూడ్ఆయిల్ బ్యారెల్ ధర 110.6 డాలర్లుయూఎస్ 10 ఏళ్ల బాండ్ ఈల్డ్లు 5.08 శాతానికి చేరాయి.గడిచిన సెషన్లో యూఎస్ ఎస్ అండ్ పీ 0.58 శాతం పెరిగింది.నాస్డాక్ 1.05 శాతం పుంజుకుంది.Today Nifty position 22-10-2026(time: 09:27 am)(Disclaimer: మార్కెట్ గురించి సాక్షి వెబ్ సైట్లో నిపుణులు వెల్లడించే అభిప్రాయాలు వారి పరిశీలన, అంచనాలను బట్టి ఉంటాయి. ఇన్వెస్టర్లకు ఇది కేవలం విషయ అవగాహన మాత్రమే తప్ప.. వారు పెట్టే పెట్టుబడులకు సాక్షి మీడియా గ్రూపు ఎలాంటి హామీ ఇవ్వదు.) -
మార్కెట్లను కుదిపేసిన అమ్మకాల ఒత్తిడి
దేశీయ స్టాక్ మార్కెట్లు బుధవారం నష్టాలతో ముగిశాయి. నిఫ్టీ 50 సూచీ 77 పాయింట్లు తగ్గి 22,811 వద్ద, బీఎస్ఈ సెన్సెక్స్ 143 పాయింట్లు క్షీణించి 73,709 వద్ద స్థిరపడ్డాయి. అంతర్జాతీయ మార్కెట్ల పరిణామాలు, విదేశీ పెట్టుబడిదారుల లావాదేవీలు, కార్పొరేట్ ఫలితాలపై అంచనాలు, ముడిచమురు ధరలు, రూపాయి కదలికలు మార్కెట్ సెంటిమెంట్ను ప్రభావితం చేసే కీలక అంశాలుగా ఉన్నాయి. అయితే, ఈరోజు పతనానికి ఏ అంశాలు ఎంత మేర కారణమయ్యాయో నిపుణులు అంచనా కింద చూద్దాం.లాభాల స్వీకరణఉదయం సానుకూలంగా ప్రారంభమైన మార్కెట్లు గరిష్ఠ స్థాయిల నుంచి వెనక్కి తగ్గడం లాభాల స్వీకరణ ఒత్తిడిని సూచిస్తోంది. తక్కువ స్థాయిల వద్ద కొనుగోళ్లు చేసిన మదుపరులు ధరలు పెరిగినప్పుడు లాభాలను నగదుగా మార్చుకోవడం మార్కెట్ పతనానికి దారితీసి ఉండొచ్చు. ముఖ్యంగా కీలక నిరోధక స్థాయులకు చేరడంతో స్వల్పకాలిక ట్రేడర్లు అమ్మకాలకు మొగ్గుచూపుతారు.ముడిచమురు ధరల సెగఅంతర్జాతీయ మార్కెట్లో బ్రెంట్ ముడిచమురు ధర ఇటీవల బ్యారెల్కు 110 డాలర్ల స్థాయిని దాటడం భారత ఈక్విటీ మార్కెట్లపై ఒత్తిడిని పెంచింది. పశ్చిమాసియాలో ఉద్రిక్తతలు, చమురు సరఫరాకు అంతరాయాల భయాలు ధరలను పెంచుతున్నాయి. భారత్ అధికంగా చమురును దిగుమతి చేసుకునే దేశం కావడంతో దిగుమతి బిల్లు పెరగడం, ద్రవ్యోల్బణం మళ్లీ వేడెక్కడం, కంపెనీల నిర్వహణ వ్యయాలు పెరగడం వంటి ప్రమాదాలు ఎదురవుతాయి.విదేశీ పెట్టుబడిదారుల విక్రయాలువిదేశీ పోర్ట్ఫోలియో పెట్టుబడిదారుల (ఎఫ్పీఐ) నిరంతర విక్రయాలు దేశీయ మార్కెట్లకు ప్రధాన ప్రతికూలాంశంగా మారాయి. అక్టోబర్లో ఇప్పటివరకు భారత ఈక్విటీల నుంచి దాదాపు రూ.49,457 కోట్ల పెట్టుబడులు వెనక్కి వెళ్లినట్లు అక్టోబర్ 19 నాటి ఎన్ఎస్డీఎల్ గణాంకాలను ఉటంకిస్తూ నివేదికలు వెల్లడించాయి. అమెరికా బాండ్ ఈల్డ్స్, చమురు ధరలు పెరగడం వంటి పరిణామాలు విదేశీ నిధుల కేటాయింపులపై ప్రభావం చూపుతున్నాయి.అమెరికా బాండ్ ఈల్డ్స్, వడ్డీరేట్ల ఆందోళనలుఅమెరికా ప్రభుత్వ బాండ్లపై రాబడులు పెరిగినప్పుడు అభివృద్ధి చెందుతున్న మార్కెట్లలో పెట్టుబడులు పెట్టడం కంటే అమెరికావైపు మదుపరులు మొగ్గుచూపే అవకాశం ఉంటుంది. దీంతో భారత్ వంటి మార్కెట్లలో విదేశీ పెట్టుబడుల ప్రవాహం తగ్గవచ్చు. దేశీయంగా కూడా రిజర్వ్ బ్యాంక్ వడ్డీరేట్ల విధానంపై అంచనాలు కీలకంగా మారాయి. అధిక చమురు ధరలు ద్రవ్యోల్బణాన్ని పెంచితే భవిష్యత్తులో వడ్డీరేట్ల తగ్గింపునకు అవకాశాలు పరిమితం కావచ్చనే భయాలు ఈక్విటీ విలువలపై ఒత్తిడి కలిగిస్తాయి.భౌగోళిక రాజకీయ అనిశ్చితి, సాంకేతిక నిరోధాలుపశ్చిమాసియాలో కొనసాగుతున్న ఉద్రిక్తతలు, అంతర్జాతీయ వాణిజ్య మార్గాల భద్రతపై ఆందోళనలు మదుపరుల్లో అప్రమత్తతను పెంచాయి. అదే సమయంలో నిఫ్టీకి 23,100 స్థాయి కీలక నిరోధంగా మారిందని మార్కెట్ విశ్లేషకులు పేర్కొన్నారు. ఈ స్థాయిని అధిగమించలేకపోవడంతో కొనుగోళ్ల ఉత్సాహం తగ్గి అమ్మకాలు పెరిగే అవకాశం ఏర్పడింది.ఇదీ చదవండి: హెచ్డీఎఫ్సీ బ్యాంకులో డేటా లీకేజీపై దర్యాప్తు -
బంగారం కొనేందుకు మంచి సమయం.. ఎందుకంటే?
పండుగ సందర్బంగా భారీగా తగ్గిన బంగారం ధరలు.. నేడు (బుధవారం) స్థిరంగా ఉన్నాయి. దీంతో దేశంలోని ప్రధాన నగరాల్లో గోల్డ్ రేట్లలో ఎలాంటి మార్పు జరగలేదు. పసిడి ధరలు హైదరాబాద్, విజయవాడ, ముంబై, చెన్నై, బెంగళూరు, ఢిల్లీలలో ఎలా ఉన్నాయో.. ఈ కింద చూడవచ్చు. -
స్టాక్ మార్కెట్ అప్డేట్.. లాభాల్లో సెన్సెక్స్, నిఫ్టీ
దేశీయ స్టాక్ మార్కెట్లు బుధవారం లాభాల బాటలో అడుగులు వేసాయి. ఉదయం 9:20 గంటలకు సెన్సెక్స్ 519.03 పాయింట్లు లేదా 0.70 శాతం లాభంతో 74,371.93 వద్ద, నిఫ్టీ 150.25 పాయింట్లు లేదా 0.66 శాతం లాభంతో 23,039.20 వద్ద సాగుతున్నాయి.ఎల్&టి టెక్నాలజీ సర్వీసెస్ లిమిటెడ్, ఇండియా సిమెంట్స్ లిమిటెడ్, విప్రో లిమిటెడ్ వంటి కంపెనీలు టాప్ గెయినర్స్ జాబితాలో చేరాయి. ఏబీబీ ఇండియా లిమిటెడ్, జైప్రకాష్ పవర్ వెంచర్స్ లిమిటెడ్, గాలంట్ ఇస్పాట్ లిమిటెడ్ వంటి సంస్థలు నష్టాల జాబితాలో నిలిచాయి.(Disclaimer: మార్కెట్ గురించి సాక్షి వెబ్సైట్లో నిపుణులు వెల్లడించే అభిప్రాయాలు వారి పరిశీలన, అంచనాలను బట్టి ఉంటాయి. ఇన్వెస్టర్లకు ఇది కేవలం విషయ అవగాహన మాత్రమే తప్ప.. వారు పెట్టే పెట్టుబడులకు సాక్షి మీడియా గ్రూపు ఎలాంటి హామీ ఇవ్వదు.) -
బంగారం ధరల్లో బిగ్ ట్విస్ట్.. ఇక ఏం జరగనుంది?
సాధారణంగా పండుగ సీజన్ వచ్చిందంటే.. బంగారం కొనుగోళ్లు ఎక్కువగా ఉంటాయి. ముఖ్యంగా ధనత్రయోదశి, దీపావళి, పెళ్లిళ్ల సమయంలో చాలామంది ఆభరణాలు కొనాలని ప్లాన్ చేసుకుంటారు. అయితే.. ఈసారి బంగారం ధరలు తగ్గుతాయేమోనని ఎదురుచూస్తున్న వారికి కొంత ఊరట లభించిందనే చెప్పాలి. ఎందుకంటే మార్కెట్లో పసిడి ధరలు స్వల్పంగా తగ్గాయి.మల్టీ కమోడిటీ ఎక్స్ఛేంజ్ (MCX)లో 10 గ్రాముల బంగారం ధర రూ. 1,47,300 వద్ద ట్రేడవుతూ 0.42 శాతం తగ్గింది. అంతర్జాతీయ మార్కెట్లో ఔన్స్ బంగారం ధర 0.3 శాతం తగ్గి 4,128.92 డాలర్లకు చేరింది. అమెరికాలో డిసెంబర్ డెలివరీ గోల్డ్ ఫ్యూచర్స్ ధర కూడా 0.3 శాతం తగ్గి 4,148.50 డాలర్లకు పడిపోయింది.బంగారం ధరలు తగ్గడానికి కారణంగోల్డ్ రేటు తగ్గడానికి ప్రధాన కారణాల్లో ఒకటి ముడి చమురు ధరల పెరుగుదల. మధ్యప్రాచ్యంలో ఉద్రిక్తతలు పెరగడంతో అంతర్జాతీయ మార్కెట్లో చమురు సరఫరాకు ఆటంకాలు ఏర్పడవచ్చనే ఆందోళనలు మొదలయ్యాయి. దీంతో.. బ్రెంట్ క్రూడ్ ధర ఐదు నెలల గరిష్ఠ స్థాయికి చేరువలో కొనసాగింది.చమురు ధరలు పెరిగితే.. రవాణా ఖర్చులు పెరుగుతాయి. వస్తువుల తయారీకి అయ్యే ఖర్చు కూడా అధికమవుతుంది. చివరకు ఇవన్నీ నిత్యావసర వస్తువుల ధరలపై ప్రభావం చూపుతాయి. దీనివల్ల ద్రవ్యోల్బణం పెరిగే అవకాశం ఉంటుంది. ఇలాంటి పరిస్థితుల్లో కేంద్ర బ్యాంకులు వడ్డీ రేట్లను తగ్గించేందుకు వెనుకాడవచ్చు.సాధారణంగా ద్రవ్యోల్బణం పెరిగినప్పుడు.. చాలామంది బంగారాన్ని సురక్షితమైన పెట్టుబడిగా భావిస్తారు. కానీ, బంగారం నుంచి వడ్డీ రూపంలో ఆదాయం రాదు. బ్యాంకు డిపాజిట్లు, బాండ్ల వంటి పెట్టుబడులపై వడ్డీ ఎక్కువగా లభిస్తే కొంతమంది పెట్టుబడిదారులు బంగారం కంటే వాటివైపు మొగ్గు చూపుతారు. దీంతో బంగారానికి డిమాండ్ తగ్గుతుంది, ధరలు కూడా తగ్గుతాయి.అమెరికా వడ్డీ రేట్ల నిర్ణయంఇప్పుడు ప్రపంచవ్యాప్తంగా పెట్టుబడిదారుల దృష్టి అమెరికా ఫెడరల్ రిజర్వ్పై ఉంది. అక్టోబర్ 27, 28 తేదీల్లో జరిగే సమావేశంలో వడ్డీ రేట్లపై ఎలాంటి నిర్ణయం తీసుకుంటుందోనని మార్కెట్లు ఎదురుచూస్తున్నాయి.ఇటీవల ఫెడ్ అధికారులు చేసిన వ్యాఖ్యలతో అక్టోబర్లోనే వడ్డీ రేట్లు పెరుగుతాయనే అంచనాలు కొంత తగ్గాయి. అయితే.. డిసెంబర్లో రేట్లు పెరిగే అవకాశం ఉందని ట్రేడర్లు భావిస్తున్నట్లు సమాచారం. సీఎంఎఫ్ ఫెడ్వాచ్ టూల్స్ అంచనాల ప్రకారం, డిసెంబర్లో వడ్డీ రేట్ల పెంపునకు 92 శాతం అవకాశం ఉందని అంచనా.బంగారం ధరలు పెరుగుతాయా?, తగ్గుతాయా?రానున్న రోజుల్లో బంగారం ధరలు ఎలా ఉంటాయనేది.. అంతర్జాతీయ పరిణామాలపై ఆధారపడి ఉంటుంది. చమురు ధరలు పెరుగుతూనే ఉండి, ద్రవ్యోల్బణం తగ్గకపోతే వడ్డీ రేట్లపై ఒత్తిడి కొనసాగవచ్చు. ఇది బంగారం ధరలకు ప్రతికూల ప్రభావాన్ని చూపుతుంది. ఒకవేళ అమెరికా ఫెడ్ వడ్డీ రేట్లను పెంచకుండా కొనసాగిస్తూ.. భవిష్యత్తులో రేట్ల విషయంలో కొంత వెసులుబాటు ఉంటుందని సంకేతాలు ఇస్తే బంగారం ధరలు మళ్లీ పుంజుకునే అవకాశం ఉంది.ఇదీ చదవండి: రూ.10 కోట్లకు అమ్ముడైన కంప్యూటర్.. దీని ప్రత్యేకత ఏమిటంటే? -
లాభాల బాటలో యూనియన్ బ్యాంక్.. పెరిగిన ఆదాయం!
ప్రభుత్వ రంగ యూనియన్ బ్యాంక్ ఆఫ్ ఇండియా ప్రస్తుత ఆర్ధిక సంవత్సరం (2026–27) రెండో త్రైమాసికంలో రూ. 5,781 కోట్ల కన్సాలిడేటెడ్ నికర లాభాన్ని ప్రకటించింది. గత ఏడాది ఇదే కాలంలో నమోదైన రూ. 4,425 కోట్లతో పోలిస్తే 31 శాతం పెరిగింది. నికర వడ్డీ ఆదాయం పెరగడం, ఆస్తుల నాణ్యత మెరుగుపడడం ఇందుకు దోహదపడ్డాయి. స్టాండెలోన్ ప్రాతిపదికన జూలై-సెప్టెంబర్ త్రైమాసికంలో నికరలాభం 30.32 శాతం వృద్ధితో రూ. 5,537.20 కోట్లకు చేరింది.గత ఏడాది ఇదే కాలంలో ఇది రూ .4,249.98 కోట్లుగా ఉంది. కీలకమైన నికరవడ్డీ ఆదాయం (ఎన్ఐఐ) 20.09 శాతం పెరిగి రూ.10,583 కోట్లకు చేరింది. అంతకు ముందు త్రైమాసికంతో పోలిస్తే ఇది 5.43 శాతం పెరుగుదల. వడ్డీయేతర ఆదాయం 6.90 శాతం తగ్గి రూ.4,651 కోట్లకు పరిమితమైంది. ప్రధానంగా ట్రెజరీ ఆదాయం గణనీయంగా తగ్గడం కారణమైంది.ట్రెజరీ ఆదాయం 34.60 శాతం క్షీణించి రూ.701 కోట్లకు చేరింది. గత ఏడాది ఇదే కాలంలో ఇది రూ.1,073 కోట్లుగా ఉంది. కరెంట్ అకౌంట్, సేవింగ్స్ అకౌంట్ (సీఏఎస్ఏ) డిపాజిట్ల వాటా పెరిగింది. దేశీయ రుణాల పంపిణీ 17.35 శాతం పెరిగి రూ.11.06 లక్షల కోట్లకు చేరింది. రిటైల్, వ్యవసాయం, సూక్ష్మ, చిన్న, మధ్యతరహా పరిశ్రమలకు కలిపి మొత్తంగా ఇచ్చిన రుణాలు 14.65 శాతం పెరిగి రూ.6.36 లక్షల కోట్లకు చేరాయి.ఇదీ చదవండి: 109 ఏళ్ల క్రితం బ్రిటన్కు ఇచ్చిన డబ్బు.. ఇప్పటికీ తేలని లెక్క! -
పండగ వేళ.. భారీగా తగ్గిన బంగారం ధర!
పండగపూట బంగారం ధరలు భారీగా తగ్గాయి. దీంతో 24 క్యారెట్ల 10 గ్రాముల బంగారం రేటు రూ.147170 వద్దకు చేరింది. 22 క్యారెట్ల ధర కూడా గణనీయంగా తగ్గింది. దేశంలోని ప్రధాన నగరాల్లో ఈ రోజు (మంగళవారం) గోల్డ్ రేటు ఎలా ఉందో ఈ కింద చూసేద్దాం. -
ఇంట్లో ఎంత బంగారం దాచుకోవచ్చు?.. ఐటీ శాఖ రూల్స్ తెలుసా!
భారతీయులకు బంగారంతో విడదీయలేని అనుబంధం ఉంది. ఎందుకంటే పండుగలు, పెళ్లిళ్లు, శుభకార్యాలు.. ఇలా ఎప్పటికప్పుడు బంగారు ఆభరణాలు కొనుగోలు చేస్తూనే ఉంటారు. చాలామంది బంగారాన్ని కేవలం ఆభరణంగా మాత్రమే కాకుండా, భవిష్యత్తులో ఆర్థిక అవసరాలకు ఉపయోగపడే ఆస్తిగా కూడా భావిస్తారు. అందుకే.. తమ స్థోమతకు తగ్గట్టుగా బంగారాన్ని కొనుగోలు చేసి దాచుకుంటారు.అయితే.. ఇంట్లో ఎంత బంగారం నిల్వ చేసుకోవచ్చు?, ఎక్కువ మొత్తంలో కొనుగోలు చేస్తే ఆదాయపు పన్ను శాఖ నుంచి ఏమైనా ఇబ్బందులు వస్తాయా?, బంగారం కొనుగోలు చేసేటప్పుడు ఎలాంటి పన్నులు చెల్లించాలి?, ఇలాంటి విషయాలపై ప్రతి ఒక్కరికీ అవగాహన ఉండాలి. ఈ కథనంలో ఆ వివరాలు చూసేద్దాం.బంగారం కొనుగోలుపై పన్నులుమనదేశంలో బంగారు ఆభరణాలు కొనుగోలు చేసేటప్పుడు.. కొన్ని పన్ను నిబంధనలు వర్తిస్తాయి. ప్రస్తుతం బంగారం విలువపై 3 శాతం జీఎస్టీ విధిస్తున్నారు. ఆభరణాల తయారీ ఛార్జీలపై సాధారణంగా 5 శాతం జీఎస్టీ వర్తిస్తుంది. అంతే కాకుండా.. రూ.2 లక్షలకు మించి నగదు రూపంలో బంగారం కొనుగోలు చేస్తే పాన్ కార్డు, నగదు లావాదేవీలకు సంబంధించిన నిబంధనలు వర్తిస్తాయి. అందువల్ల.. కొనుగోలు చేసే సమయంలో బిల్లు తీసుకోవడం, చెల్లింపులకు సంబంధించిన రికార్డులను భద్రపరచుకోవడం మంచిది.బంగారం ధరలపై దిగుమతి సుంకాల ప్రభావంబంగారాన్ని ఎక్కువగా దిగుమతి చేసుకునే దేశాల జాబితాలో భారత్ ఒకటి. ఈ దిగుమతులపై కేంద్ర ప్రభుత్వం కస్టమ్స్ సుంకాలను విధిస్తుంది. దిగుమతి సుంకాల్లో మార్పులు వచ్చినప్పుడు దేశీయ మార్కెట్లో బంగారం ధరలపైనా ప్రభావం పడే అవకాశం ఉంటుంది. అయితే.. అంతర్జాతీయ మార్కెట్ ధరలు, రూపాయి విలువ, ఇతర మార్కెట్ పరిస్థితులు కూడా బంగారం ధరలను ప్రభావితం చేస్తాయి.ఇంట్లో ఎంత బంగారం ఉంచుకోవచ్చు?ఆదాయపు పన్ను నిబంధనల ప్రకారం.. ఒక వ్యక్తి ఇంట్లో ఇంత బంగారం మాత్రమే ఉంచుకోవాలి అనే నిబంధన ఏమి లేదు. కానీ బంగారం ఎక్కడి నుంచి వచ్చింది?, ఎలా కొనుగోలు చేశారు?, దానికి సంబంధించిన ఆదాయ వనరులు ఏమిటి? అనే విషయాలకు ఆధారాలు ఉండాలి.ఆదాయపు పన్ను శాఖ మార్గదర్శకాల ప్రకారం.. వివరణ లేకుండా పెద్ద మొత్తంలో బంగారం నిల్వ ఉంచినప్పుడు సమస్యలు ఎదురయ్యే అవకాశం ఉంటుంది. ముఖ్యంగా బంగారం కొనుగోలుకు సంబంధించిన బిల్లులు, వారసత్వంగా వచ్చిన బంగారానికి సంబంధించిన వివరాలు, బహుమతులుగా అందిన బంగారానికి సంబంధించిన ఆధారాలను తప్పకుండా భద్రపరచుకోవాలి.ఈ జాగ్రత్తలు తప్పనిసరిబంగారం కొనుగోలు చేసిన ప్రతిసారీ బిల్లును భద్రపరచుకోవాలి. కొనుగోలు మొత్తానికి సంబంధించిన చెల్లింపు రికార్డులు కూడా ఉంచుకోవాలి. వారసత్వంగా వచ్చిన లేదా కుటుంబ సభ్యుల నుంచి బహుమతిగా పొందిన బంగారానికి సంబంధించిన వివరాలను సాధ్యమైనంతవరకు నమోదు చేసుకోవాలి. ఈ జాగ్రత్తలు పాటిస్తే భవిష్యత్తులో అనవసరమైన ఇబ్బందులను నివారించుకోవచ్చు.ఇదీ చదవండి: గోల్డ్ రేట్లు తగ్గుతున్నాయ్.. ఇకపై ఏం జరగబోతోంది? -
జియో ప్లాట్ఫామ్స్ మెగా ఐపీఓ...యాంకర్ ఇన్వెస్టర్ల క్యూ
న్యూఢిల్లీ: జియో ప్లాట్ఫామ్స్ మెగా ఐపీఓ ప్రారంభానికి ముందే ప్రపంచవ్యాప్తంగా ఇన్వెస్టర్ల నుంచి బంపర్ స్పందన దక్కించుకుంది. సోమవారం యాంకర్ ఇన్వెస్టర్ల కోసం రూ.8,110 కోట్ల విలువైన షేర్లను బిడ్డింగ్కు ఉంచగా.. అనూహ్య డిమాండ్తో 30 రెట్లకు పైగా అధిక స్పందన లభించింది. సంస్థాగత ఇన్వెస్టర్లు ముఖ్యంగా గ్లోబల్ అసెట్ మేనేజ్మెంట్ దిగ్గజాలు, సావరీన్ వెల్త్ ఫండ్స్. దేశీ మ్యూచువల్ ఫండ్స్, ఇన్సూరెన్స్ సంస్థలు, పెన్షన్ పండ్స్ పోటాపోటీగా బిడ్స్ దాఖలు చేశాయి. దీంతో యాంకర్ బుక్లో ఏకంగా రూ.2.5 లక్షల కోట్ల విలువైన బిడ్లు నమోదయ్యాయి. జియో వృద్ధి పథంలో భాగమవ్వాలన్న లక్ష్యంతో దిగ్గజ సంస్థాగత ఇన్వెస్టర్లందరూ బిడ్స్ వేయడం వల్లే యాంకర్ బిడ్డింగ్లో ఇంత భారీ స్పందన వచ్చిందని సంబంధిత వర్గాలు పేర్కొన్నాయి. కాగా, బడా విదేశీ ఇన్వెస్టర్లు, దేశీ దిగ్గజాలు 750 మిలియన్ డాలర్ల నుంచి 1 బిలియన్ డాలర్లకుపైగానే విలువైన బిడ్స్ సమర్పించాయని సమాచారం. దాదాపు టయర్–1 ఫండ్స్కు రూ.400–450 కోట్ల విలువైన షేర్లు లభించవచ్చని.. మిగతా ఇన్వెస్టర్లకు రూ.10 కోట్ల నుంచి రూ.20 కోట్ల మధ్య షేర్ల కేటాయింపు ఉండొచ్చని ఆయా వర్గాలు వెల్లడించాయి. వరుస కట్టిన దేశ విదేశీ దిగ్గజాలు... రూ. 8,110 కోట్ల విలువైన యాంకర్ బుక్లో బిడ్డింగ్ వేసిన విదేశీ గ్లోబల్ అసెట్ మేనేజర్లలో బ్లాక్రాక్, క్యాపిటల్ గ్రూప్, ఫిడెలిటీ ఇన్వెస్ట్మెంట్స్, టి. రోవె ప్రైస్, ష్రోడర్స్, జేపీమోర్గాన్ అసెట్ మేనేజ్మెంట్, ఫ్రాంక్లిన్ టెంపుల్టన్, ఇన్వెస్కో, జానస్ హెండర్సన్ ఉన్నాయి. ఇక సావరీన్ వెల్త్ ఫండ్స్, పబ్లిక్ ఇన్వెస్ట్మెంట్ సంస్థల్లో సింగపూర్కు చెందిన జీఐసీ, అబుధాబి ఇన్వెస్ట్మెంట్ అథారిటీ, ఖతార్ ఇన్వెస్ట్మెంట్ అథారిటీ, నార్వేకు చెందిన నార్జెస్ బ్యాంక్ ఇన్వెస్ట్మెంట్ మేనేజ్మెంట్ క్యూ కట్టాయి. దేశీ దిగ్గజ సంస్థల్లో ప్రధానంగా ఎస్బీఐ మ్యూచువల్ ఫండ్, ఐసీఐసీఐ ప్రుడెన్షియల్ ఎంఎఫ్, హెచ్డీఎఫ్సీ ఎంఎఫ్, ఆదిత్య బిర్లా సన్ లైఫ్ ఎంఎఫ్, నిప్పన్ ఇండియా ఎంఎఫ్, కోటక్ మహీంద్రా అసెట్ మేనేజ్మెంట్ కంపెనీ పాలుపంచుకున్నాయి. అదేవిధంగా ఎల్ఐసీ, హెచ్డీఎఫ్సీ లైఫ్, ఎస్బీఐ లైఫ్, ఎస్బీఐ పెన్షన్ ఫండ్స్, హెచ్డీఎఫ్సీ పెన్షన్, ఐసీఐసీఐ ప్రుడెన్షియల్ బిడ్స్ వేశాయి.రూ.30,213 కోట్లతో రికార్డు... రిలయన్స్ ఇండస్ట్రీస్ టెలికం, డిజిటల్ సరీ్వసుల విభాగం అయిన జియో ప్లాట్ఫామ్స్ రూ.30,213 కోట్ల మెగా ఐపీఓ.. పబ్లిక్ సబ్్రస్కిప్షన్ ఈ నెల 21న ప్రారంభమై, 23న ముగుస్తుంది. ఇష్యూ ధరల శ్రేణి రూ.1,065–1,119. రూ. 10 ముఖ విలువగల 27 కోట్ల తాజా ఈక్విటీ షేర్లను కంపెనీ ఆఫర్ చేస్తోంది. దీంతో ఇప్పటిదాకా అతిపెద్ద ఐపీఓగా నిలుస్తున్న హ్యుందాయ్ మోటార్స్ను (రూ.27,879 కోట్లు) అధిగమించి దేశీ స్టాక్ మార్కెట్ చరిత్రలో కొత్త చరిత్ర లిఖించనుంది. లిస్టింగ్లో కంపెనీ మార్కెట్ విలువ రూ.10.5 లక్షల కోట్లను అధిగమించవచ్చనేది మార్కెట్ వర్గాల అంచనా. కాగా, అర్హులైన ఉద్యోగులకు ఒక్కో షేరుకు రూ. 54 డిస్కౌంట్ అందిస్తోంది. రిటైల్ ఇన్వెస్టర్లు దరఖాస్తు చేసుకోవడానికి కనీస లాట్ 12 షేర్లు. ఇష్యూ పరిమాణంలో రిలయన్స్ వాటాదారులకు రూ. 2,500 కోట్లు, జియో ఉద్యోగులకు రూ. 500 కోట్ల విలువైన షేర్లను రిజర్వ్ చేసింది. కాగా, ఈ నెల 28న బీఎస్ఈ, ఎన్ఎస్ఈలలో జియో లిస్టింగ్ జరుగుతుంది. -
కుప్పకూలిన స్టాక్ మార్కెట్లు!
సోమవారం ఉదయం నష్టాల్లో ప్రారంభమైన దేశీయ స్టాక్ మార్కెట్లు.. ట్రేడింగ్ క్లోజ్ అయ్యే సమయానికి నష్టాల్లోనే ముగిశాయి. సెన్సెక్స్ 876.38 పాయింట్లు లేదా 1.17 శాతం నష్టంతో 73,852.90 వద్ద, నిఫ్టీ 257.20 పాయింట్లు లేదా 1.11 శాతం నష్టంతో 22,888.95 వద్ద నిలిచాయి.యూనియన్ బ్యాంక్ ఆఫ్ ఇండియా, పంజాబ్ నేషనల్ బ్యాంక్, కరూర్ వైశ్యా బ్యాంక్ వంటివి టాప్ గెయినర్స్ జాబితాలో చేరాయి. అర్బన్ కంపెనీ లిమిటెడ్, హిమాద్రి స్పెషాలిటీ కెమికల్ లిమిటెడ్, సమ్మాన్ క్యాపిటల్ లిమిటెడ్ వంటి కంపెనీలు నష్టాలను చవిచూశాయి.(Disclaimer: మార్కెట్ గురించి సాక్షి వెబ్సైట్లో నిపుణులు వెల్లడించే అభిప్రాయాలు వారి పరిశీలన, అంచనాలను బట్టి ఉంటాయి. ఇన్వెస్టర్లకు ఇది కేవలం విషయ అవగాహన మాత్రమే తప్ప.. వారు పెట్టే పెట్టుబడులకు సాక్షి మీడియా గ్రూపు ఎలాంటి హామీ ఇవ్వదు.) -
ఇన్వెస్టర్ల సంపద రూ.4 లక్షల కోట్లు ఆవిరి!
గత వారం స్టాక్ మార్కెట్ కొంత కోలుకోవడంతో పెట్టుబడిదారుల్లో ఆశలు చిగురించాయి. కానీ ఆ ఆనందం ఎక్కువ రోజులు నిలవలేదు. ఎందుకంటే.. ఈ రోజు (సోమవారం) మార్కెట్ మళ్లీ భారీ నష్టాలను చవిచూసింది. సెన్సెక్స్ ఏకంగా 920 పాయింట్లు పడిపోగా, నిఫ్టీ 275 పాయింట్లు నష్టపోయింది. దీంతో గత రెండు రోజులుగా కొనసాగుతున్న మార్కెట్ లాభాలకు బ్రేక్ పడింది. ఈ పతనం వల్ల ఇన్వెస్టర్లు దాదాపు రూ.4 లక్షల కోట్ల నష్టాన్ని చవిచూశారు.మార్కెట్ ఇంతలా పడిపోవడానికి ప్రధానంగా మూడు కారణాలు ఉన్నాయి. అవి బ్యాంకింగ్ షేర్లలో అమ్మకాలు పెరగడం, ముడి చమురు ధరలు అధికంగా ఉండటం, విదేశీ పెట్టుబడిదారులు భారత మార్కెట్ నుంచి తమ పెట్టుబడులను వెనక్కి తీసుకోవడం.బ్యాంకింగ్ రంగం.. మార్కెట్ పతనంలో కీలక పాత్ర పోషించింది. హెచ్డీఎఫ్సీ బ్యాంక్, ఐసీఐసీఐ బ్యాంక్, యాక్సిస్ బ్యాంక్ వంటి పెద్ద బ్యాంకుల షేర్లు భారీగా పడిపోయాయి. ఈ బ్యాంకుల త్రైమాసిక ఫలితాలను పరిశీలించిన తర్వాత పెట్టుబడిదారులు కొంత నిరాశకు గురయ్యారు. ముఖ్యంగా యాక్సిస్ బ్యాంక్ కొన్ని కీలక అంశాల్లో మార్కెట్ అంచనాలను అందుకోలేకపోవడంతో దాని షేరు ఇంట్రాడేలో సుమారు 5 శాతం వరకు పడిపోయింది. హెచ్డీఎఫ్సీ బ్యాంక్ షేరు కూడా దాదాపు 3 శాతం నష్టపోయింది. సెన్సెక్స్లో ఈ బ్యాంకులకు అధిక ప్రాధాన్యం ఉండటంతో, వీటి షేర్లు పడిపోవడం మొత్తం మార్కెట్పై తీవ్ర ప్రభావం చూపింది.ముడి చమురు ధరలు పెరగడంతో.. అంతర్జాతీయ మార్కెట్లో బ్రెంట్ క్రూడ్ ఆయిల్ ధర బ్యారెల్కు సుమారు 108-109 డాలర్ల వద్ద ట్రేడయింది. మధ్యప్రాచ్యంలో ఉద్రిక్తతలు, స్ట్రెయిట్ ఆఫ్ హోర్ముజ్ ప్రాంతంలో చమురు సరఫరాకు అంతరాయం కలగవచ్చనే భయాలు ధరల పెరుగుదలకు కారణమయ్యాయి. భారత్ తన అవసరాలకు సరిపడా చమురును విదేశాల నుంచి దిగుమతి చేసుకుంటుంది. కాబట్టి చమురు ధరలు పెరిగితే.. దేశానికి దిగుమతి ఖర్చులు పెరుగుతాయి. దీంతో రూపాయిపై ఒత్తిడి ఏర్పడవచ్చు, రవాణా ఖర్చులు పెరగవచ్చు, నిత్యావసర వస్తువుల ధరలు కూడా పెరిగే అవకాశం ఉంటుంది. ఈ పరిస్థితులు కంపెనీల లాభాలపై ప్రభావం చూపుతాయనే భయంతో పెట్టుబడిదారులు షేర్లను విక్రయించారు.విదేశీ పెట్టుబడిదారుల అమ్మకాలు కూడా మార్కెట్ పతననానికి కారణమైంది. విదేశీ పెట్టుబడిదారులు భారత ఈక్విటీ మార్కెట్ నుంచి సుమారు రూ.52,100 కోట్లను వెనక్కి తీసుకున్నట్లు నివేదికలు పేర్కొన్నాయి. అంతకుముందు.. సెప్టెంబర్లో కూడా వారు దాదాపు రూ.35,861 కోట్లను ఉపసంహరించుకున్నారు. అమెరికా బాండ్లపై పెరుగుతున్న రాబడులు, బలపడుతున్న డాలర్, అధిక చమురు ధరలు వంటి అంశాలు విదేశీ పెట్టుబడిదారులను అప్రమత్తం చేస్తున్నాయి. వారు పెద్ద మొత్తంలో షేర్లను విక్రయించినప్పుడు మార్కెట్లో అమ్మకాల ఒత్తిడి పెరిగి ధరలు పడిపోయే అవకాశం ఉంటుంది.ఈ ప్రభావం కేవలం పెద్ద కంపెనీలకే పరిమితం కాలేదు. మిడ్క్యాప్, స్మాల్క్యాప్ షేర్లు కూడా నష్టాల్లో ముగిశాయి. మార్కెట్లో అనిశ్చితి పెరిగినప్పుడు పెట్టుబడిదారులు రిస్క్ తీసుకోవడానికి వెనుకాడతారు. అందువల్ల చిన్న, మధ్యస్థాయి కంపెనీల షేర్లలో కూడా అమ్మకాలు పెరిగాయి.పెట్టుబడిదారులు గమనించాల్సిన విషయాలుఇకపై మార్కెట్ ఎలా ఉండబోతోంది? దీనిని అంచనా వేయడానికి పెట్టుబడిదారులు కొన్ని ముఖ్యమైన అంశాలను గమనించాలి. కంపెనీల త్రైమాసిక ఫలితాలు ఎలా ఉన్నాయి?, బ్యాంకుల లాభాలు మరియు రుణాల నాణ్యత ఎలా ఉన్నాయి?, అంతర్జాతీయ మార్కెట్లో చమురు ధరలు తగ్గుతున్నాయా?, లేదా?, విదేశీ పెట్టుబడిదారులు మళ్లీ భారత మార్కెట్లో పెట్టుబడులు పెడుతున్నారా? అనేవి తప్పకుండా గమనించాలి.ఇదీ చదవండి: గోల్డ్ రేట్లు తగ్గుతున్నాయ్.. ఇకపై ఏం జరగబోతోంది? -
ఇప్పుడు బంగారం కొనాలంటే.. ఎంత కావాలి?
దేశంలో బంగారం ధరల కదలిక కొనసాగుతోంది. వరుస పతనాల తర్వాత పసిడి ధరలు క్రమంగా పుంజుకుంటున్నాయి. ఇటీవల కాలంలో స్థిర ఆదాయం సమకూర్చే కమోడిటీ మార్కెట్లపైపు పెట్టుబడిదారులు మొగ్గు చూపుతున్నారు. అందులో భాగంగా బంగారం ధరల్లో మార్పులు వస్తున్నాయని నిపుణులు చెబుతున్నారు. ఇక వెండి ధరలు మాత్రం ఎటువంటి మార్పు లేకుండా స్థిరంగా కొనసాగుతున్నాయి. దేశంలోని ప్రధాన నగరాల్లో నేడు బంగారం (Today Gold Rate), వెండి ధరలు(Today Silver Rate) ఎలా ఉన్నాయో కింద తెలుసుకుందాం. -
Stock Market Updates: నష్టాల్లో బ్యాంకు, ఐటీ షేర్లు
దేశీయ స్టాక్ మార్కెట్ సూచీలు సోమవారం స్వల్ప నష్టాల్లో కదలాడుతున్నాయి. బ్యాంక్, ఐటీ షేర్ల ఒత్తిడితో నిఫ్టీ 50, సెన్సెక్స్ కొద్దిగా పడిపోయాయి. ఈరోజు ఉదయం 9:26 గంటల సమయానికి సెన్సెక్స్ 394.38 పాయింట్లు లేదా 0.53 శాతం క్షీణించి 74,334.89 వద్ద, నిఫ్టీ 50 91.25 పాయింట్లు లేదా 0.39 శాతం క్షీణించి 23,054.90 వద్ద ట్రేడవుతున్నాయి. యాక్సిస్ బ్యాంక్, హెచ్డీఎఫ్సీ బ్యాంక్, ఇన్ఫోసిస్ నిఫ్టీ 50 ఇండెక్స్లో టాప్ లూజర్స్ గా నిలిచాయి.(Disclaimer: మార్కెట్ గురించి సాక్షి వెబ్ సైట్లో నిపుణులు వెల్లడించే అభిప్రాయాలు వారి పరిశీలన, అంచనాలను బట్టి ఉంటాయి. ఇన్వెస్టర్లకు ఇది కేవలం విషయ అవగాహన మాత్రమే తప్ప.. వారు పెట్టే పెట్టుబడులకు సాక్షి మీడియా గ్రూపు ఎలాంటి హామీ ఇవ్వదు.) -
2జీ నుంచి ఏఐ వరకు జియోకు వృద్ధి అవకాశాలెన్నో..
న్యూఢిల్లీ: ఈనెల 21 నుంచి ఐపీఓకు సిద్ధమవుతున్న జియో ప్లాట్ఫామ్స్ (జేపీఎల్) భవిష్యత్ వృద్ధికి 5జీ, హోమ్ బ్రాడ్బ్యాండ్, కృత్రిమ మేధ (ఏఐ) కీలక చోదక శక్తులుగా నిలవనున్నాయి. మార్కెట్ రీసెర్చ్ సంస్థలు జీఈపీఎల్ క్యాపిటల్, వెంచురా సెక్యూరిటీస్, ఎస్ఎంసీ గ్లోబల్ నివేదికల ప్రకారం దేశంలో ఇంకా సుమారు 26 కోట్ల మంది 2జీ వినియోగదారులు ఆధునిక, హైస్పీడ్ నెట్వర్క్లకు మారాల్సి ఉంది. వీరిని 4జీ, 5జీ సేవల్లోకి తీసుకురావడం ద్వారా టెలికాం కంపెనీలకు ముఖ్యంగా జియోకు కొత్త వ్యాపార అవకాశాలు లభించనున్నాయి. మరోవైపు దేశంలో హోమ్ బ్రాడ్బ్యాండ్ వ్యాప్తి ప్రస్తుత 21 శాతం నుంచి 2030 నాటికి 46 శాతానికి చేరవచ్చని అంచనా.దీంతో ఫైబర్ ఇంటర్నెట్, జియో ఎయిర్ ఫైబర్ వంటి సేవల విస్తరణకు అవకాశాలు పెరగనున్నాయి. జియో ఇప్పటికే భారీ వినియోగదారులను కలిగి ఉండడంతో పాటు, డిజిటల్ సేవలు, ఏఐ ఆధారిత ఉత్పత్తుల ద్వారా కొత్త ఆదాయ మార్గాలను అభివృద్ధి చేసుకునే అవకాశం ఉంది. జియో అభివృద్ధిచేసిన దేశీయ ఏఐ ప్లాట్ ఫామ్ కూడా దీర్ఘకాల వృద్ధికి తోడ్పడవచ్చని నివేదికలు సూచిస్తున్నాయి. జియోను కేవలం టెలికాం సేవల సంస్థగా కాకుండా సొంత సాంకేతిక పరిజ్ఞానం కలిగిన డిజిటల్ ప్లాట్ఫామ్గా కూడా బ్రోకరేజీ సంస్థలు విశ్లేషిస్తున్నాయి.జియో సొంతంగా ఎండ్ టు ఎండ్ 5జీ స్టాండలోన్ టెక్నాలజీ వ్యవస్థను అభివృద్ధి చేసిందని వెంచురా సెక్యూరిటీస్ తెలిపింది. 4జీ, 5జీ,6జీ ఏఐ డిజిటల్ టెక్నాలజీలకు సంబంధించి 7,220 పేటెంట్ దరఖాస్తులను దాఖలు చేసిందని పేర్కొంది. జియో బ్రెయిన్ పేరుతో అభివృద్ధి చేసిన సొంత ఏఐ ప్లాట్ఫామ్ను నెట్వర్క్ కార్యకలాపాల్లో వినియోగిస్తున్నట్లు వివరించింది. భవిష్యత్తులో ఈ సాంకేతిక పరిజ్ఞానం ద్వారా ఆదాయాన్ని ఆర్జించే వ్యూహంలో ఇది కీలక భాగమని అభిప్రాయపడింది. టెలికాం సేవలు, క్లౌడ్ కంప్యూటింగ్, ఏఐ సంస్థలకు అందించే డిజిటల్ పరిష్కారాలు ఒకదానితో మరొకటి అనుసంధానమవుతున్న నేపథ్యంలో జియో సొంత ప్లాట్ఫామ్లు కొత్త ఆదాయ మార్గాలను సృష్టించగలవని ఎస్ఎంసీ గ్లోబల్ పేర్కొంది. ఆటోమేషన్ పెరగడం ద్వారా నిర్వహణ సామర్ధ్యం మెరుగుపడడంతో పాటు, వినియోగదారులను దీర్ఘకాలం కొనసాగించుకునే అవకాశం ఉంటుందని తెలిపింది. జియో ఐపీఓకు సబ్స్రై్కబ్ రేటింగ్ ఇచి్చన వెంచురా సెక్యూరిటీస్ ఈ సాంకేతిక సామర్థ్యాన్ని కీలక అంశంగా పరిగణించింది. -
ఫలితాలు, క్రూడ్, జియో ఐపీఓపై ఫోకస్!
కార్పొరేట్ కంపెనీల క్యూ2 ఫలితాలతో పాటు పశ్చిమాసియాలో మళ్లీ ఉద్రిక్తతల కారణంగా క్రూడ్ ధరలు భగ్గుమనడం... దేశీ స్టాక్ మార్కెట్ల చరిత్రలో అతిపెద్ద ఐపీఓగా రికార్డులకెక్కనున్న జియో ప్లాట్ఫామ్ పబ్లిక్ ఆఫర్పై ఇన్వెస్టర్లు ఫోకస్ చేయనున్నారు. మరోపక్క, దసరా సందర్భంగా మంగళవారం స్టాక్ మార్కెట్లకు సెలవు నేపథ్యంతో ఈ వారం ట్రేడింగ్ నాలుగు రోజులకే పరిమితం కానుంది.న్యూఢిల్లీ: ఐటీ కంపెనీల జోష్తో గత వారం బుల్ మళ్లీ రంకెలేసింది. బలమైన రికవరీతో సూచీలు దూసుకెళ్లాయి. ఈ వారం పలు కీలక పరిణామాల నేపథ్యంలో తాజా జోష్ కొనసాగుతుందా.. లేదంటే క్రూడ్ ధరల మంట, పశ్చిమాసియాలో ఉద్రిక్తతలు తీవ్రమవుతుండటంతో బేర్స్ తిరిగి ఎటాక్ చేస్తాయా? అనేది మార్కెట్ వర్గాల్లో ఆసక్తి రేకెత్తిస్తోంది. దేశీ కంపెనీల క్యూ2 ఫలితాలకు తోడు డాలరుతో రూపాయి మారకం విలువ, విదేశీ ఇన్వెస్టర్ల ట్రేడింగ్ కార్యకలాపాలు కూడా మార్కెట్ సెంటిమెంట్ను ప్రభావితం చేయనున్నాయని విశ్లేషకులు పేర్కొన్నారు. ‘వరుసగా రెండో వారం కూడా మార్కెట్ సానుకూలంగా ముగిసింది. ఐటీ స్టాక్స్ రికవరీతో గతవారం మార్కెట్ భారీగా పుంజుకుంది. అయితే, అధిక క్రూడ్ ధరలు, భౌగోళిక రాజకీక పరిణామాలు, గ్లోబల్ బాండ్ మార్కెట్ కదలికల నేపథ్యంలో ఇన్వెస్టర్ల అప్రమత్త ధోరణి కొనసాగే అవకాశం ఉంది’ అని ఎన్రిచ్ మనీ సీఈఓ పోన్ముడి ఆర్ అభిప్రాయపడ్డారు. తాజా ర్యాలీ ఐటీ షేర్లకు మించి విస్తృతమవుతుందా, సూచీలు తక్షణ నిరోధ స్థాయిలను అధిగమించి నిలదొక్కుకుంటాయా అనే దానిపై ఇన్వెస్టర్లు ప్రధానంగా దృష్టిపెడతారని ఆయన వ్యాఖ్యానించారు. జోరుందుకోనున్న పలితాలు... గత వారాంతంలో కీలకమైన ప్రైవేటు బ్యాంకుల ఫలితాలన్నీ వెలువడ్డాయి. ముఖ్యంగా బ్యాంకింగ్ దిగ్గజం హెచ్డీఎఫ్సీ లాభాలు సింగిల్ డిజిట్కే పరిమితం కాగా, ఐసీఐసీఐ బ్యాంక్ 22.28%, యాక్సిస్ బ్యాంక్ 39.4% చొప్పున లాభాల వృద్ధితో మెప్పించాయి. ఈ నేపథ్యంలో ఈ వారం బ్యాంకింగ్ షేర్లు వెలుగులో నిలిచే అవకాశం ఉందని మోతీలాల్ ఓశ్వాల్ ఫైనాస్షియల్ సర్వీసెస్ రీసెర్చ్ హెడ్ (వెల్త్ మేనేజ్మెంట్) సిద్ధార్థ ఖేమ్కా చెప్పారు. కాగా, క్యూ2 ఫలితాల సీజన్ ఈ వారం జోరందుకోనుంది. ముఖ్యంగా బజాజ్ ఫైనాన్స్, అ్రల్టాటెక్ సిమెంట్, హిందుస్థాన్ జింక్, యూనియన్ బ్యాంక్, ఇరెడా, ఇన్ఫోనిస్, కోఫోర్జ్, క్రిసిల్, స్విగ్గీ వంటి పలు కంపెనీల ఫలితాలు వెలువడనున్నాయి. పశ్చిమాసియా, క్రూడ్ సెగలు.. పశ్చమాసియా మళ్లీ అట్టుడుకుతోంది. సౌదీపై హౌతీల దాడులు.. హార్మూజ్ జలసంధిలో నౌకల మునకతో క్రూడ్ ధరలు భగ్గుమంటున్నాయి. గతవారం బ్రెంట్ క్రూడ్ 110 డాలర్లను దాటింది. అమెరికా బాండ్ ఈల్డ్స్, క్రూడ్, భౌగోళిక రాజకీయ పరిణామాలు మార్కెట్ను ప్రభావితం చేయనున్నాయి. ఆర్బీఐ మద్దతు చర్యలతో డాలరుతో రూపాయి మారకం విలువ ఆరు రోజుల్లో 200 పైసలకు పైగా పుంజుకుని 94.85కు బలపడింది. అయితే, మళ్లీ వారాంతంలో క్రూడ్ మంటల నేపథ్యంలో దేశీ కరెన్సీ నిలదొక్కుకుంటుందో లేదో వేచి చూడాల్సి ఉందని నిపుణులు పేర్కొంటున్నారు.గతవారమిలా... ఐటీ, బ్లూచిప్ షేర్ల దన్నుతో గతవారం దేశీ స్టాక్ మార్కెట్లు భారీగా బౌన్స్ అయ్యాయి. బీఎస్ఈ సెన్సెక్స్ 2,257 పాయింట్లు (3.11 శాతం), ఎన్ఎస్ఈ నిఫ్టీ 626 పాయింట్లు (2.77 శాతం) చొప్పున ఎగబాకాయి. వరుసగా రెండో వారం కూడా సూచీలు లాభాల్లో ముగియడం విశేషం.సాంకేతికంగా చూస్తే... మార్కెట్లో జోరు కొనసాగితే ఈ వారం నిఫ్టీకి 23,200–23,300 మధ్య బలమైన నిరోధం ఎదురుకావచ్చు. దీన్ని బ్రేకవుట్ చేసి నిలదొక్కుకుంటే 23,500–23,600 పాయంట్లకు.. తదుపరి 24,000 వరకు ర్యాలీ కొనసాగే అవకాశం ఉందనేది మార్కెట్ విశ్లేషకుల అంచనా. ఒకవేళ మార్కెట్ పడితే, నిఫ్టీకి 22,800–22,600 మధ్య కీలకమైన మద్దతు లభిస్తుందని.. ఆ దిగువన 22,500 వరకూ క్షీణించవచ్చని పేర్కొన్నారు.కళ్లన్నీ జియో మెగా ఐపీఓపైనే...ఈ వారం స్టాక్ మార్కెట్లో జియో ప్లాట్ఫామ్స్ ఐపీఓ సందడి చేయనుంది. రూ.30,213 కోట్ల జియో మెగా పబ్లిక్ ఇష్యూ ఈ నెల 21న ప్రారంభమై.. 23న ముగియనుంది. దీనికి షేరు ధరల శ్రేణి రూ.1,065–1,119గా కంపెనీ ఖరారు చేసింది. రూ. 10 ముఖ విలువగల 27 కోట్ల తాజా ఈక్విటీ షేర్లను జారీ చేయనుంది. దీంతో ఇప్పటిదాకా అతిపెద్ద ఐపీఓగా నిలుస్తున్న హ్యుందాయ్ మోటార్స్ను (రూ.27,879 కోట్లు) అధిగమించి దేశీ స్టాక్ మార్కెట్ చరిత్రలో కొత్త రికార్డు సృష్టించనుంది. లిస్టింగ్లో కంపెనీ మార్కెట్ విలువ రూ.10.5 లక్షల కోట్లను అధిగమించే అవకాశం ఉందని మార్కెట్ వర్గాలు అంచనా వేస్తున్నాయి. కాగా, రిలయన్స్ ఇండస్ట్రీస్ గ్రూప్లోని అర్హులైన ఉద్యోగులకు ఒక్కో షేరుకు రూ. 54 డిస్కౌంట్ అందిస్తోంది. రిటైల్ ఇన్వెస్టర్లు దరఖాస్తు చేసుకోవడానికి కనీస లాట్ 12 షేర్లు. ఇష్యూ పరిమాణంలో రిలయన్స్ వాటాదారులకు రూ. 2,500 కోట్లు, జియో ఉద్యోగులకు రూ. 500 కోట్ల విలువైన షేర్లను రిజర్వ్ చేసింది. నేడు (19న) యాంకర్ ఇన్వెస్టర్లకు బిడ్డింగ్లో షేర్ల కేటాయింపు జరుగుతుంది. కాగా, జియో ప్లాట్ఫామ్స్ లిస్టింగ్ను ఈ నెల 28న చేపట్టనున్నారు. జియో భారీ ఐపీఓ నేపథ్యంలో మార్కెట్లో లిక్విడిటీపై ప్రభావం... ఇన్వెస్టర్లకు కేటాయింపు వంటి వాటిపై మార్కెట్ ఫోకస్ ఉంటుందని పరిశీలకులు పేర్కొంటున్నారు.రివర్స్ గేర్లోనే విదేశీ ఇన్వెస్టర్లు... విదేశీ పోర్టుఫోలియో ఇన్వెస్టర్ల (ఎఫ్పీఐ) రివర్స్ గేర్ కొనసాగుతోంది. అక్టోబర్ 16న ఒక్కరోజు మాత్రమే నికర కొనుగోలుదారుగా నిలిచిన ఎఫ్పీఐలు ఈ నెలలో ఇప్పటిదాకా రూ.52,100 కోట్ల విలువైన షేర్లను దేశీ మార్కెట్లో విక్రయించారు. క్రూడ్ సెగలు, అమెరికా బాండ్ ఈల్డ్స్ జోరు, డాలరు బలోపేతం ఇన్వెస్టర్ల సెంటిమెంటును ప్రభా వితం చేస్తున్నాయి. సెపె్టంబర్లో కూడా ఎఫ్పీఐలు నికరంగా రూ.35,861 కోట్లను దేశీ ఈక్విటీ మార్కెట్ల నుంచి ఉపసంహరించుకున్న సంగతి తెలిసిందే. దీంతో ఈ ఏడాది నికర విక్రయాలు రూ.3.12 లక్షల కోట్లకు చేరాయి. గతేడాది రూ.1.66 లక్షల కోట్లను వెనక్కి తీసుకున్నారు. -
గోల్డ్ రేట్లు తగ్గుతున్నాయ్.. ఇకపై ఏం జరగబోతోంది?
ప్రపంచవ్యాప్తంగా నెలకొన్న భౌగోళిక రాజకీయ ఉద్రిక్తతలు, ప్రభుత్వాలపై పెరుగుతున్న అప్పుల భారం, డాలర్ విలువలో మార్పులు.. ఇవన్నీ బంగారం ధరలపై ప్రభావం చూపుతున్నాయి. మరోవైపు.. పలు దేశాల కేంద్ర బ్యాంకులు బంగారం కొనుగోళ్లను ఎప్పటికప్పుడు పెంచుకుంటూ పోతున్నాయి. కాబట్టి రానున్న రోజుల్లో పసిడి ధరలు మళ్లీ పుంజుకునే అవకాశం ఉందని నిపుణులు అంచనా వేస్తున్నారు. అయితే.. ప్రస్తుతం మార్కెట్లో మాత్రం బంగారం ధరలు తగ్గుముఖం పడుతున్నాయి.ద్రవ్యోల్బణం పెరుగుతుందా?అమెరికా ఫెడరల్ రిజర్వ్ రాబోయే సమావేశాల్లో వడ్డీ రేట్లను పెంచవచ్చన్న అంచనాలు.. పసిడి ధరలపై ఒత్తిడి పెంచుతున్నాయి. ఈ నేపథ్యంలోనే.. ఒకే రోజు బంగారం ధర దాదాపు 2 శాతం పడిపోయి ఔన్సుకు 4,075 డాలర్లకు చేరింది. అంతర్జాతీయ మార్కెట్లో ముడి చమురు ధరలు పెరుగుతుండటంతో ద్రవ్యోల్బణం మళ్లీ పెరుగుతుందనే ఆందోళనలు కూడా వ్యక్తమవుతున్నాయి.ద్రవ్యోల్బణాన్ని అదుపు చేసేందుకు అమెరికా ఫెడరల్ రిజర్వ్ వడ్డీ రేట్లను పెంచితే, డాలర్కు డిమాండ్ పెరిగే అవకాశం ఉంటుంది. అదే సమయంలో బాండ్లపై వచ్చే రాబడులు కూడా ఆకర్షణీయంగా మారతాయి. దీంతో పెట్టుబడిదారులు బంగారంలో పెట్టిన పెట్టుబడులను వెనక్కి తీసుకుని ఇతర మార్గాల వైపు మొగ్గు చూపవచ్చు. ఫలితంగా పసిడి ధరలు మరింత తగ్గే అవకాశం ఉంటుంది.సురక్షితమైన పెట్టుబడిగా బంగారంఅయితే.. ప్రస్తుత పరిస్థితులనే బంగారం ధరల భవిష్యత్తుకు పూర్తిస్థాయి సంకేతంగా చూడలేమని కొందరు ఫండ్ మేనేజర్లు భావిస్తున్నారు. ప్రపంచవ్యాప్తంగా అనిశ్చితి పెరిగినప్పుడు పెట్టుబడిదారులు తమ డబ్బుకు సురక్షితమైన పెట్టుబడులతో (గోల్డ్) ఇన్వెస్ట్ చేస్తారు. అలాంటి సమయంలో బంగారానికి డిమాండ్ పెరిగే అవకాశం ఉంటుంది. అందుకే.. ప్రస్తుతం ధరలు తగ్గుతున్నప్పటికీ, రానున్న రోజుల్లో మళ్లీ అవకాశం ఉంటుందని నిపుణులు చెబుతున్నారు.ట్రాయ్ అసెట్ మేనేజ్మెంట్ ఫండ్ మేనేజర్ షార్లెట్ యంగ్ అంచనా ప్రకారం.. రాబోయే 12 నుంచి 18 నెలల్లో బంగారం ధరలు ఎవరూ ఊహించని స్థాయికి చేరుకుంటాయి. అమెరికా-ఇరాన్ మధ్య ఉద్రిక్తతలు, రష్యా-ఉక్రెయిన్ యుద్ధం, డొనాల్డ్ ట్రంప్ తీసుకునే అనూహ్య నిర్ణయాలు ప్రపంచ మార్కెట్లలో అస్థిరతను పెంచే అవకాశం ఉంది. ఇలాంటి పరిస్థితులే బంగారానికి డిమాండ్ పెంచుతాయని చెబుతున్నారు.ఇదీ చదవండి: పండగొచ్చిందని బంగారం కొంటున్నారా? ఈ విషయం తెలుసుకోండి! -
పండగొచ్చిందని బంగారం కొంటున్నారా? ఈ విషయం తెలుసుకోండి!
ప్రతి ఏటా దీపావళి సమయంలో.. లేదా ధన్తేరస్ (ధన త్రయోదశి) వచ్చిందంటే చాలామంది బంగారం కొనడానికి నగల దుకాణాలకు వెళ్తుంటారు. ఏడాది మొత్తం పెట్టుబడుల గురించి పెద్దగా పట్టించుకోని వాళ్లు కూడా.. ఆ రోజు మాత్రం బంగారం కొనడం మంచిదని భావిస్తారు. దీంతో దుకాణాల దగ్గర రద్దీ పెరుగుతుంది. పండగ పూట బంగారం కొనడం వల్ల సంపద పెరుగుతుందని చాలామంది నమ్ముతారు. కానీ.. అది ఎంత వరకు నిజమో.. ఈ కథనంలో తెలుసుకుందాం.పండుగ కోసం బంగారం కొనడం వేరు, పెట్టుబడిగా బంగారం కొనడం వేరు. ధన్తేరస్ రోజున కొన్నాం కాబట్టి అది మంచి పెట్టుబడి అవుతుందని అనుకోవడం సరైంది కాదు. ఎందుకంటే.. బంగారం ధరలు ఎప్పుడూ ఒకేలా ఉండవు. ఆభరణాలు కొనేటప్పుడు తయారీ ఖర్చులు కూడా చెల్లించాల్సి వస్తుంది. కాబట్టి, అందరూ కొంటున్నారని మనం కూడా బంగారం కొనాలని తొందరపడకూడదు.మన ఆదాయం ఎంత?, ఖర్చులు ఎంత?, భవిష్యత్తులో మనకు ఏ అవసరాలు ఉన్నాయి?, అనే విషయాలను ఆలోచించి పెట్టుబడులు పెట్టాలి. బంగారంతో పాటు ఇతర పెట్టుబడి మార్గాల గురించి కూడా తెలుసుకోవాలి. పండుగను ఆనందంగా జరుపుకోవడం మంచిదే. కానీ డబ్బును తెలివిగా పెట్టుబడి పెట్టడం చాలా అవసరం. కాబట్టి.. సంప్రదాయాన్ని గౌరవిస్తూనే, మన ఆర్థిక పరిస్థితికి తగ్గట్టుగా నిర్ణయాలు తీసుకోవడం నిజమైన ఆర్థిక తెలివి.ఇదీ చదవండి: ఓటరు జాబితాలో మీ పేరు ఉందా.. లేదా? ఇలా చెక్ చేసుకోండిబంగారం ధరలుగడిచిన కొన్ని రోజుల్లో భారతదేశంలో.. బంగారం ధరలు గణనీయంగా తగ్గుముఖం పట్టాయి. దీంతో దేశమలోని ప్రధాన నగరాల్లో కూడా పసిడి ధరల్లో మార్పులు సంభవించాయి. అయితే ఈ రోజు (ఆదివారం) మాత్రం గోల్డ్ రేటు ఉలుకు పలుకు లేకుండా.. స్థిరంగా ఉంది. నేటి ధరలు ఎలా ఉన్నాయో ఈ కింద చూడవచ్చు. -
బంగారం, వెండి ధరలు ఇలా..
దేశంలో బంగారం, వెండి ధరలు నిలకడగా కొనసాగుతున్నాయి. కొన్ని రోజులుగా తీవ్ర హెచ్చుతగ్గులకు లోనవుతున్న పసిడి ధరలు నేడు (Today Gold Rate) స్థిరంగా ఉన్నాయి. ఇక వెండి ధరలు (Today Silver Rate) కూడా నేడు నిలకడగా కొనసాగుతున్నాయి. దీంతో ఈరోజు బంగారం, వెండి కొనేవాళ్లకు ఉపశమనం లభించింది. దేశ రాజధాని ఢిల్లీతో పాటు తెలుగు రాష్ట్రాలలో ఈరోజు బంగారం, వెండి ధరలు ఎలా ఉన్నాయో కింద చూద్దాం.. -
ఏళ్లకు ఏళ్లు.. పైసా లాభం లేని స్టాక్ మార్కెట్లు ఇవే..
స్టాక్ మార్కెట్లు అంటే చాలా మందికి ఆకర్షణ. ఎందుకంటే ఇక్కడ పెట్టుబడులు పెడితే కళ్లు చెదిరే లాభాలను చూసే అవకాశం ఉంటుంది. అయితే, మార్కెట్లు ఎప్పుడూ ఒకే దిశలో ప్రయాణించవు. కొన్ని సందర్భాల్లో భారీ పతనం నుంచి కోలుకోవడానికి సంవత్సరాలు, చివరకు దశాబ్దాలు కూడా పట్టవచ్చు. తాజాగా ఇండోనేషియా స్టాక్ మార్కెట్ పతనం ఈ ప్రమాదాన్ని మరోసారి గుర్తుచేసింది. 2026 అక్టోబర్ 16న జకార్తా కాంపోజిట్ ఇండెక్స్ (JCI) ఏకంగా 11.57 శాతం క్షీణించింది. 1998 ఆసియా ఆర్థిక సంక్షోభం తర్వాత ఒక్క రోజులో నమోదైన అతిపెద్ద పతనంగా ఇది నిలిచింది.అంతర్జాతీయ సూచీల్లో ఇండోనేషియా స్థాయిని తగ్గించే అవకాశం ఉందన్న ఎంఎస్సీఐ (MSCI) ప్రకటనతో విదేశీ పెట్టుబడిదారుల్లో ఆందోళనలు పెరిగాయి. అయితే, ఇది ఒక్కరోజు మార్కెట్ పతనానికి సంబంధించిన వార్త మాత్రమే కాదు.. గతంలోనూ ప్రపంచంలోని పలు ప్రధాన మార్కెట్లు పెట్టుబడిదారులకు సుదీర్ఘకాలం నిరాశాజనక రాబడులను అందించిన సందర్భాలున్నాయి.జపాన్జపాన్ స్టాక్ మార్కెట్ చరిత్ర దీర్ఘకాలిక పెట్టుబడులపై ప్రభావం చూపిన అతిపెద్ద ఉదాహరణల్లో ఒకటి. 1980ల చివర్లో అక్కడి షేర్లు, రియల్ ఎస్టేట్ ధరలు భారీగా పెరిగాయి. అయితే, ఆస్తుల ధరల బుడగ పగిలిపోవడంతో మార్కెట్లు తీవ్రంగా దెబ్బతిన్నాయి. నిక్కీ 225 సూచీ 1989 డిసెంబర్ 29న 38,915.87 పాయింట్ల వద్ద గరిష్ఠ ముగింపు స్థాయిని నమోదు చేసింది. ఆ స్థాయిని తిరిగి అధిగమించడానికి 34 ఏళ్లకు పైగా సమయం పట్టింది. చివరకు 2024 ఫిబ్రవరి 22న నిక్కీ 225 సూచీ 39,098.68 పాయింట్ల వద్ద ముగిసి కొత్త రికార్డును సృష్టించింది. ఆస్తుల ధరల పతనం తర్వాత జపాన్ ఆర్థిక వ్యవస్థ ఎదుర్కొన్న దీర్ఘకాలిక మందగమనం ఈ ఆలస్యానికి ప్రధాన నేపథ్యం.చైనాచైనా షాంఘై కాంపోజిట్ ఇండెక్స్ 2007 అక్టోబర్ 16న 6,124.04 పాయింట్ల వద్ద చారిత్రక గరిష్ఠాన్ని తాకింది. ఆ తర్వాత ప్రపంచ ఆర్థిక సంక్షోభం, దేశీయ ఆర్థిక పరిణామాలు, మార్కెట్లో చోటుచేసుకున్న ఒడిదుడుకులు సూచీ ప్రయాణాన్ని ప్రభావితం చేశాయి. 2026 సెప్టెంబర్ 30 నాటికి ఈ సూచీ 3,842.19 పాయింట్ల వద్ద ముగిసింది. అంటే, 2007 గరిష్ఠ స్థాయితో పోలిస్తే దాదాపు 37.3 శాతం దిగువన ఉంది. దాదాపు 19 ఏళ్లు గడిచినా ధరల సూచీ పాత రికార్డును చేరుకోలేకపోయింది. గరిష్ఠ స్థాయికి సమీపంలో కొనుగోలు చేసినవారికి ఇది ఎంతటి దీర్ఘకాలిక నిరీక్షణగా మారిందో ఈ గణాంకాలు చెబుతున్నాయి.భారత్భారత స్టాక్ మార్కెట్ కూడా 1990లలో తీవ్ర ఒడిదుడుకులను ఎదుర్కొంది. 1992లో హర్షద్ మెహతా సెక్యూరిటీస్ కుంభకోణం వెలుగులోకి రావడంతో మార్కెట్ విశ్వసనీయతపై ప్రశ్నలు తలెత్తాయి. ఆ తర్వాతి కాలంలో పెట్టుబడిదారులు గణనీయమైన మార్పులను చూశారు. 2000లో డాట్కామ్ బూమ్ సమయంలో బీఎస్ఈ సెన్సెక్స్ 6,000 పాయింట్ల స్థాయిని దాటింది. అయితే, టెక్నాలజీ షేర్లలో ప్రపంచవ్యాప్తంగా చోటుచేసుకున్న పతనం, ఆర్థిక అనిశ్చితి ప్రభావంతో భారత మార్కెట్ కూడా వెనక్కి తగ్గింది. 2002లో సెన్సెక్స్ 3,377.28 పాయింట్ల వద్ద ముగిసింది.అమెరికాఅమెరికా స్టాక్ మార్కెట్ చరిత్రలోనూ పెట్టుబడిదారులకు కఠినమైన దశలు ఉన్నాయి. 1960ల చివరి నుంచి 1980ల ప్రారంభం వరకు అధిక ద్రవ్యోల్బణం, చమురు ధరల షాక్లు, ఆర్థిక అస్థిరత ఈక్విటీ పెట్టుబడుల వాస్తవ రాబడులను దెబ్బతీశాయి. ప్రత్యేకించి 1966–1982 మధ్య ఎస్అండ్పీ 500 సూచీ వార్షిక సగటు ద్రవ్యోల్బణ సర్దుబాటు రాబడి సుమారు మైనస్ 1.4 శాతంగా నమోదైనట్లు అందుబాటులో ఉన్న చారిత్రక విశ్లేషణలు సూచిస్తున్నాయి.ఇండోనేషియాఇండోనేషియా మార్కెట్ ప్రస్తుత సంక్షోభం కేవలం ఒకరోజు పతనంతోనే మొదలుకాలేదు. ఎంఎస్సీఐ గణాంకాల ప్రకారం.. 1994 మే నుంచి 2026 ఏప్రిల్ వరకు డాలర్లలో లెక్కించిన ఇండోనేషియా సూచీ వార్షిక సగటు ధరల రాబడి మైనస్ 0.6 శాతంగా ఉంది. ఇందులో డివిడెండ్లు కలపలేదు. అంటే, దీర్ఘకాలంలోనూ ధరల సూచీ పనితీరు బలహీనంగా ఉందన్నమాట. ఈ పరిస్థితిని మరింత దిగజార్చింది అక్టోబర్ 16న చోటుచేసుకున్న భారీ పతనం.ఇదీ చదవండి: పసిడి, వెండి.. పోటాపోటీగా పడిన ధరలు.. వారమంతా ఊరటే! -
పసిడి, వెండి.. పోటాపోటీగా పడిన ధరలు.. వారమంతా ఊరటే!
బంగారం, వెండి ధరలు ఈ వారం బాగా తగ్గుముఖం పట్టాయి. హైదరాబాద్ సహా తెలుగు రాష్ట్రాల్లో అక్టోబర్ 9 నుంచి 16 వరకు పసిడి వెండి ధరలను పరిశీలిస్తే.. 10 గ్రాముల 24 క్యారెట్ల బంగారం ధర రూ.1,50,710 నుంచి రూ.1,47,440కు పడిపోయింది. దీంతో తులంపై రూ.3,270 తగ్గింది. 22 క్యారెట్ల బంగారం ధర కూడా రూ.1,38,150 నుంచి రూ.1,35,150కు దిగివచ్చింది. అంటే 10 గ్రాములపై రూ.3,000 తగ్గింది.మరోవైపు, వెండి ధర కూడా తగ్గింది. అక్టోబర్ 9న హైదరాబాద్లో కిలో వెండి ధర రూ.2,45,000 ఉండగా, అక్టోబర్ 16 నాటికి రూ.2,40,000కు చేరింది. దీంతో కిలో వెండిపై రూ.5,000 తగ్గుదల నమోదైంది. అయితే, అక్టోబర్ 17న బంగారం ధరల్లో స్వల్ప మార్పులు చోటుచేసుకోగా, వెండి ధర కిలోకు రూ.2,40,000 వద్దే కొనసాగింది.ఈ తగ్గుదలతో పండుగల సమయంలో బంగారం కొనుగోలు చేయాలనుకునే వారికి కొంత ఊరట లభించింది. అయితే, అక్టోబర్ 17న హైదరాబాద్లో 24 క్యారెట్ల బంగారం ధర రూ.1,47,660కు, 22 క్యారెట్ల ధర రూ.1,35,350కు స్వల్పంగా పెరిగింది. అంతర్జాతీయ మార్కెట్లో డాలర్, బాండ్లపై రాబడుల్లో మార్పులు, అమెరికా ఫెడరల్ రిజర్వ్ వడ్డీ రేట్లపై అంచనాలు బంగారం ధరలపై ప్రభావం చూపుతున్నాయి.దేశంలోని ప్రధాన నగరాల్లో నేటి బంగారం, వెండి ధరలు ఇలా.. -
వణికించిన ఒక్క నిర్ణయం! కుప్పకూలిన ఇండోనేషియా స్టాక్ మార్కెట్
ఇండోనేషియా స్టాక్ మార్కెట్ కుప్పకూలింది. ఇండెక్స్ ప్రొవైడర్ ఎంఎస్సీఐ (MSCI) తీసుకున్న కీలక నిర్ణయం ఇండోనేషియా స్టాక్ మార్కెట్ను కుదిపేసింది. దేశాన్ని ప్రస్తుత ఎమర్జింగ్ మార్కెట్ (అభివృద్ధి చెందుతున్న మార్కెట్) హోదా నుంచి స్టాండలోన్ మార్కెట్ స్థాయికి మార్చే ప్రతిపాదన వెలువడటంతో శుక్రవారం (అక్టోబర్ 16) అక్కడి షేర్లు భారీగా పతనమయ్యాయి. జకార్తా కాంపోజిట్ ఇండెక్స్ ఒక దశలో 11.57 శాతం వరకు పడిపోయింది. 1998 జనవరి తర్వాత ఇదే అతిపెద్ద ఒక్కరోజు పతనం. ఈ పరిణామం అంతర్జాతీయ ఇన్వెస్టర్లలో ఆందోళన పెంచడంతో పాటు, ఇండోనేషియా మార్కెట్ నుంచి భారీగా విదేశీ పెట్టుబడులు తరలిపోయే ప్రమాదాన్ని తెరపైకి తెచ్చింది.ట్రేడింగ్ నిలిపివేత.. బ్యాంకింగ్ షేర్లకూ భారీ దెబ్బశుక్రవారం ట్రేడింగ్ ప్రారంభమైన వెంటనే అమ్మకాల ఒత్తిడి తీవ్రరూపం దాల్చింది. మార్కెట్ దాదాపు 8 శాతం నష్టంతో ప్రారంభం కావడంతో నిబంధనల ప్రకారం 30 నిమిషాల పాటు ట్రేడింగ్ను నిలిపివేశారు. అనంతరం తిరిగి ప్రారంభమైనప్పటికీ అమ్మకాలు తగ్గలేదు. బ్యాంక్ సెంట్రల్ ఆసియా, బ్యాంక్ రాక్యాత్ ఇండోనేషియా, బ్యాంక్ మందిరి వంటి ప్రధాన బ్యాంకుల షేర్లు సుమారు 15 శాతం వరకు నష్టపోయాయి.మరోవైపు, అమెరికా డాలర్తో పోలిస్తే ఇండోనేషియా కరెన్సీ రూపియా విలువ కూడా బలహీనపడింది. ఈ ఏడాది ఇప్పటికే భారీ నష్టాల్లో ఉన్న ఇండోనేషియా ఈక్విటీ మార్కెట్కు తాజా పరిణామం మరింత గట్టి ఎదురుదెబ్బగా మారింది.ఎంఎస్సీఐ ఎందుకీ నిర్ణయం తీసుకుంది?ప్రపంచవ్యాప్తంగా అనేక పెట్టుబడి సంస్థలు, మ్యూచువల్ ఫండ్లు, ఎక్స్ఛేంజ్ ట్రేడెడ్ ఫండ్లు (ఈటీఎఫ్లు) తమ పెట్టుబడుల కేటాయింపులకు ఎంఎస్సీఐ సూచీలను ప్రామాణికంగా తీసుకుంటాయి. అందువల్ల ఒక దేశానికి ఎంఎస్సీఐ ఇచ్చే మార్కెట్ హోదా అంతర్జాతీయ పెట్టుబడుల ప్రవాహంపై గణనీయమైన ప్రభావాన్ని చూపుతుంది.ఇండోనేషియా మార్కెట్లో షేర్ల యాజమాన్య వివరాలు తగినంత పారదర్శకంగా లేకపోవడం, కొద్దిమంది చేతుల్లో వాటాలు అధికంగా కేంద్రీకృతం కావడం, సమన్వయంతో ట్రేడింగ్ చేస్తున్నారనే అనుమానాలు వంటి అంశాలపై ఎంఎస్సీఐ ఆందోళన వ్యక్తం చేసింది. ఈ సమస్యలను పరిష్కరించేందుకు స్థానిక నియంత్రణ సంస్థలు సంస్కరణలు ప్రకటించినప్పటికీ, మార్కెట్ పనితీరులో గణనీయమైన మెరుగుదల కనిపించలేదని అంతర్జాతీయ పెట్టుబడిదారుల అభిప్రాయాలను ఉటంకించింది.దీంతో ఇండోనేషియాను ఎమర్జింగ్ మార్కెట్ నుంచి ఫ్రాంటియర్ మార్కెట్గా మార్చే అవకాశాన్ని పరిశీలిస్తున్న దశను దాటి, మరింత దిగువ స్థాయిగా పరిగణించే స్టాండలోన్ మార్కెట్ హోదాకు మార్చే ప్రతిపాదనను ఎంఎస్సీఐ ముందుకు తెచ్చింది.యూబీఎస్ (UBS) అంచనా ప్రకారం, ఈ మార్పు అమలైతే పాసివ్ ఫండ్ల నుంచి సుమారు 4 బిలియన్ డాలర్ల పెట్టుబడులు వెనక్కి వెళ్లే ప్రమాదం ఉంది. క్రియాశీల పెట్టుబడిదారులు కూడా తమ పెట్టుబడులను ఉపసంహరించుకుంటే అదనంగా 15 బిలియన్ డాలర్ల వరకు అవుట్ఫ్లోలు నమోదయ్యే అవకాశం ఉంది. అంటే మొత్తం 19 బిలియన్ డాలర్లకు పైగా పెట్టుబడులు తరలిపోయే ప్రమాదం ఉందన్నమాట.ఇదీ చదవండి: రైల్వే కౌంటర్ టికెట్లకు ఇక కొత్త సదుపాయం.. ఈ 27 నుంచే.. -
కియోసాకి చెప్పిన 5 డబ్బు సమస్యలు
రాబర్ట్ కియోసాకి డబ్బుకు సంబంధించిన ఐదు రకాల సమస్యల గురించి పేర్కొన్నారు. చాలామందికి అసలు డబ్బే ఉండదు. కొందరు సంపాదిస్తున్నా అవసరాలకు సరిపోదు. మరికొందరు సంపాదించిన దానికంటే ఎక్కువ ఖర్చు చేస్తారు. ఇంకొందరు భవిష్యత్తు కోసం డబ్బు దాచుకోలేరు. చివరిగా.. కొంతమందికి చాలా డబ్బు ఉన్నా దాన్ని ఎలా నిర్వహించాలో తెలియక సమస్యలు ఎదురవుతాయి.కియోసాకి చెప్పిన ఆసక్తికరమైన విషయం ఏంటంటే, తాను కూడా ఈ ఐదు సమస్యలను తన జీవితంలో ఎదుర్కొన్నారట. అయితే మొదటి నాలుగు సమస్యలను పరిష్కరించుకునే క్రమంలో ఎన్నో విషయాలు నేర్చుకుని, ఆర్థికంగా తెలివిగా మారానని చెబుతున్నారు. ఇప్పుడు తనకు ఐదో సమస్య అయిన 'చాలా డబ్బు ఉండటం' అనే పరిస్థితి వచ్చిందని అంటున్నారు.డబ్బు సమస్యలుజీవితంలో డబ్బు లేకపోవడం ఒక సమస్య అయితే.. చేతిలో ఎక్కువ డబ్బు ఉండటం కూడా కొన్నిసార్లు సమస్యే. మనం సంపాదించిన దానికంటే ఎక్కువ ఖర్చు పెట్టడం, భవిష్యత్తు కోసం డబ్బు దాచుకోకపోవడం, డబ్బును ఎలా నిర్వహించాలో తెలియకపోవడం వల్ల చాలామంది ఆర్థిక ఇబ్బందుల్లో పడుతుంటారు. డబ్బు సంపాదించడం ఎంత ముఖ్యమో, దాన్ని సరిగ్గా నిర్వహించడం కూడా అంతే ముఖ్యం అంటారు రాబర్ట్ కియోసాకి.EVERY ONE HAS $ PROBLEMs Some are: 1: No money at all 2: Do not earn enough 3: Spend more than earn 4: No money for future 5: Too much money. I have had all five problems. The good news is by solving the first four problems…. I learned from each problem, got smartee, and now have problem number five. What’s your problem? Take care…..— Robert Kiyosaki (@theRealKiyosaki) October 16, 2026ఒక వ్యక్తి ఒక్కసారిగా కోటీశ్వరుడు కావచ్చు. కానీ ఆ డబ్బును ఎలా ఉపయోగించాలో తెలియకపోతే.. ఎంత సంపాదించినా చివరికి ఖాళీ చేతులతో మిగిలిపోవచ్చు. సెలబ్రిటీలు, క్రీడాకారులు, లాటరీలో డబ్బు గెలుచుకున్నవాళ్లు చాలామంది సరైన ఆర్థిక అవగాహన లేకపోవడం వల్ల తమ సంపదను కోల్పోతుంటారు. కొందరు అవసరానికి మించి ఖర్చు చేస్తే, మరికొందరు ఇతరులను గుడ్డిగా నమ్మి డబ్బు పోగొట్టుకుంటారు.డబ్బు కోల్పోతే.. జీవితం ముగిసినట్లేనా?అయితే.. డబ్బు కోల్పోయినంత మాత్రాన జీవితం ముగిసిపోయినట్లు కాదు. ఆ నష్టం నుంచి మనం ఏం నేర్చుకున్నామన్నదే ముఖ్యం. ఒకసారి తప్పు జరిగితే, అదే తప్పు మళ్లీ జరగకుండా జాగ్రత్తపడాలి. ఎక్కడ పొరపాటు చేశామో అర్థం చేసుకుని, మన ఆలోచనా విధానాన్ని మార్చుకోవాలి. అలా చేసినప్పుడే మనం ఆర్థికంగా ఎదగగలుగుతాం.ఇదీ చదవండి: పసిడి ప్రియులకు షాక్.. బంగారం ధరల్లో మార్పు!మన చదువుల్లో కూడా ఇదే సమస్య కనిపిస్తుంది. తప్పు చేస్తే.. తిడతారనే భయంతో చాలామంది కొత్త విషయాలు ప్రయత్నించడానికి వెనుకాడతారు. కానీ జీవితంలో ప్రతి తప్పు ఒక పాఠమే. తప్పులు చేయకూడదని భయపడటం కంటే, చేసిన తప్పుల నుంచి నేర్చుకోవడం ముఖ్యం. అందుకే రాబర్ట్ కియోసాకి, ఆయన భార్య కిమ్ కలిసి 'క్యాష్ఫ్లో' అనే బోర్డ్ గేమ్ను రూపొందించారు. నిజమైన డబ్బును నష్టపోకుండా.. ఆటలో డబ్బును ఉపయోగిస్తూ ఆర్థిక నిర్ణయాలు ఎలా తీసుకోవాలో నేర్చుకోవడం దీని ఉద్దేశం.TOO MUCH MONEY to NO MONEY Thank you for reading my previous text. I waited before adding MONEY PROBLEM # 6. 6. TOO MUCH MONEY to NO MONEY. This problem hsppens a lot to many who are suddenly rich. Many professional athletes, movie strs, lottery winners, inheritance rich….are overnight rich. The money goes to their heads and egos take over, or they turn the access to their money to dishonest people like managers, accountants, attorneys, family members…and their fortune is GONE!!!! I’ve experience this too, several times. The good news is, losing everything was a good thing for me because my rich dad taught me….going from rich to poor can be a great teacher….if one learns from the mistake, turns the mistake into a life lesson, and grows more financially intelligent versus more financially bitter. Humans were designed to make mistakes, learn, and grow smarter. The biggest problem humans have is our educational system punishes people who make mistakes, rather than teach “how to learn from our mistakes.” Many poor people are poor because they are afraid of making mistakes, or they made mistakes and did not learn from their mistakes. Thats why Kim and I created our board game Cashflow so players can learn from their mistakes with fake money….not real money. Take care. Make mistakes, learn, grow, and enjoy a richer life.— Robert Kiyosaki (@theRealKiyosaki) October 16, 2026 -
పసిడి ప్రియులకు షాక్.. బంగారం ధరల్లో మార్పు!
వరుస తగ్గుదల తరువాత బంగారం ధరలు మళ్లీ పుంజుకున్నాయి. దీంతో గోల్డ్ రేటు పెరుగుదల దిశగా అడుగులు వేసింది. పసిడి రేటు గరిష్టంగా రూ.220 పెరిగింది. ఈ కథనంలో హైదరాబాద్, విజయవాడ, ఢిల్లీ, చెన్నై, బెంగళూరులలో ఎలా ఉన్నాయో ఈ కింద చూసేద్దాం. -
రూపాయి మారకంలో ట్రేడ్ సెటిల్మెంట్పై ఫోకస్
న్యూఢిల్లీ: సర్వత్రా ఆమోదయోగ్యత ఉన్న కరెన్సీ కొరతపరంగా సమస్యలు ఎదుర్కొంటున్న భాగస్వామ్య దేశాలు .. యథాప్రకారం దిగుమతులను కొనసాగించే వీలు కల్పించేలా రూపాయి మారకంలో వాణిజ్య లావాదేవీల సెటిల్మెంట్ని ప్రోత్సహించడంపై భారత్ దృష్టి పెడుతోందని కేంద్ర ఆర్థిక మంత్రి నిర్మలా సీతారామన్ తెలిపారు. యుద్ధాలు సహా భౌగోళిక రాజకీయ ఉద్రిక్తతల కారణంగా చాలా దేశాలు రుణాల ఊబిలో, బ్యాలెన్స్ ఆఫ్ పేమెంట్స్ సంక్షోభంలో కూరుకుపోయాయని ఆమె వివరించారు. అంతర్జాతీయ అభివృద్ధి సంస్థలు ఈ సమస్యలను పరిష్కరించేందుకు సంవత్సరాల సమయం పట్టేసిందని, పరిస్థితులు ఇప్పుడిప్పుడే కాస్త మెరుగవుతున్నాయని మంత్రి చెప్పారు. ఈ నేపథ్యంలో సదరు దేశాల దిగుమతుల అవసరాలను తీర్చుకునేందుకు స్థానిక కరెన్సీల్లో సెటిల్మెంట్ చేసుకునే వీలు కల్పిస్తే సమస్య కొంత పరిష్కారం కాగలదని ఐఎంఎఫ్–వరల్డ్ బ్యాంక్ వార్షిక సదస్సు సందర్భంగా మంత్రి చెప్పారు. -
త్వరలో బంగారం ధర ఎలా మారుతుందంటే..
వరుస నష్టాలతో ఒత్తిడికి లోనైన పసిడి, వెండి ధరలు మళ్లీ కోలుకునే సంకేతాలు కనిపిస్తున్నాయని నిపుణులు అంచనా వేస్తున్నారు. అయితే ఈ పునరుద్ధరణ కొనసాగుతుందా లేదా అన్నది అమెరికా ద్రవ్యోల్బణ గణాంకాలు, ఫెడరల్ రిజర్వ్ వడ్డీ రేట్లపై అంచనాలు, డాలర్ కదలికలపై ఆధారపడి ఉంది. అక్టోబర్ 16, 2026 నాటి మార్కెట్ సమాచారం ప్రకారం, అంతర్జాతీయంగా బంగారం ధరలు పెరగగా దేశీయ ఫ్యూచర్స్ మార్కెట్లోనూ కొనుగోళ్ల మద్దతు కనిపించింది.అమెరికా ద్రవ్యోల్బణ ప్రభావంఅమెరికాలో సెప్టెంబరు వినియోగదారుల ధరల సూచీ (సీపీఐ) అంచనాలను మించి పెరగడం బులియన్ మార్కెట్పై ఒత్తిడి పెంచింది. అక్టోబర్ 14న స్పాట్ బంగారం ఔన్సుకు 1.8 శాతం తగ్గి 4,083.94 డాలర్లకు చేరగా వెండి 6.6 శాతం పతనమై 55.53 డాలర్లకు దిగివచ్చింది. ద్రవ్యోల్బణం పెరిగితే ఫెడరల్ రిజర్వ్ వడ్డీ రేట్లను పెంచవచ్చన్న అంచనాలు బలపడతాయి. అధిక వడ్డీ రేట్లు ఆదాయాన్ని ఇవ్వని బంగారం, వెండి వంటి ఆస్తుల ఆకర్షణను తగ్గిస్తాయి. అదే సమయంలో డాలర్, అమెరికా ట్రెజరీ బాండ్ల రాబడులు పెరగడం కూడా పసిడిపై ప్రతికూల ప్రభావం చూపుతుంది.దేశీయంగా ధరల పరిస్థితిఅంతర్జాతీయ మార్కెట్లో నష్టాల అనంతరం కోలుకోవడంతో దేశీయంగా కూడా పసిడి, వెండి ఫ్యూచర్స్ ధరలు పుంజుకున్నాయి. అక్టోబర్ 16 ఉదయం ఎంసీఎక్స్లో డిసెంబరు డెలివరీ బంగారం ఫ్యూచర్స్ 10 గ్రాములకు రూ.1,48,152కు, వెండి కిలోకు రూ.2,12,921కు చేరాయి. అంతకుముందు సెషన్తో పోలిస్తే ఇవి వరుసగా 0.45 శాతం, 1.07 శాతం పెరిగాయి. భారత్ బులియన్ అండ్ జువెలర్స్ అసోసియేషన్ (ఐబీజేఏ) అక్టోబర్ 16 ఉదయం సూచించిన 999 స్వచ్ఛత బంగారం ధర 10 గ్రాములకు రూ.1,45,940గా ఉంది. ఈ ధరకు జీఎస్టీ, ఆభరణాల తయారీ ఛార్జీలు అదనం.ముందు ఏం జరగొచ్చు?అమెరికా ఫెడ్ తదుపరి నిర్ణయాలు, డాలర్ విలువ, భౌగోళిక రాజకీయ పరిణామాలు బులియన్ ధరల దిశను నిర్ణయించనున్నాయి. ద్రవ్యోల్బణ భయాలు బంగారానికి రక్షణాత్మక పెట్టుబడిగా మద్దతు ఇవ్వవచ్చు. అయితే వడ్డీ రేట్ల పెంపుపై అంచనాలు పెరిగితే మళ్లీ అమ్మకాల ఒత్తిడి తలెత్తే అవకాశముంది. ప్రస్తుత ధరల పెరుగుదలను స్థిరమైన ర్యాలీగా భావించడం తొందరపాటేనని నిపుణులు చెబుతున్నారు. కొనుగోలుదారులు స్థానిక మార్కెట్ ధరలు, పన్నులు, తయారీ ఛార్జీలను పరిశీలించాలి. పెట్టుబడిదారులు స్వల్పకాలిక ఒడుదొడుకులను దృష్టిలో ఉంచుకుని నిర్ణయాలు తీసుకోవడం ఉత్తమమని సూచిస్తున్నారు.ఇదీ చదవండి: ఇష్టానికి వ్యతిరేకంగా పెళ్లి చేసుకున్నా ఆస్తి ఇవ్వాలా? -
ఐటీ షేర్ల జోరు.. లాభాల్లో మార్కెట్లు
దేశీయ స్టాక్ మార్కెట్లు శుక్రవారం లాభాలలో ముగిశాయి. చమురు ధరలు ఒత్తిడిలో ఉండటం, ఐటీ షేర్లు పెరగడంతో బెంచ్ మార్క్ సూచీలు రెండవ సెషన్ లో పుంజుకున్నాయి. సెన్సెక్స్ 413.7 పాయింట్లు లేదా 0.56 శాతం పెరిగి 74,729.27 వద్ద, నిఫ్టీ 148.80 పాయింట్లు లేదా 0.65 శాతం పెరిగి 23,146.15 వద్ద ముగిసింది.టెక్ మహీంద్రా, టాటా కన్సల్టెన్సీ సర్వీసెస్ (టీసీఎస్), ఇన్ఫోసిస్ నిఫ్టీ 50లో టాప్ గెయినర్లుగా నిలిచాయి. రంగాల వారీగా, నిఫ్టీ ఐటీ అత్యధికంగా పెరిగింది. నిఫ్టీ ఆయిల్ అండ్ గ్యాస్ చెత్త పనితీరు కనబరిచాయి. -
పసిడి ప్రియులకు శుభవార్త.. బంగారం ధరలు ఇలా..
బంగారం వరుస తగ్గుదలకు బ్రేక్ పడింది. గత నాలుగు రోజులుగా తగ్గుతూ వచ్చిన పసిడి రేటు.. ఈ రోజు (శుక్రవారం) నిశ్చలంగా ఉంది. దీంతో దేశంలోని ప్రధాన నగరాలలో బంగారం ధరల్లో ఎలాంటి మార్పు కనిపించలేదు. ఈ కథనంలో హైదరాబాద్, విజయవాడ, చెన్నై, ఢిల్లీ, బెంగళూరులలో గోల్డ్ రేటు ఎలా ఉందో కింద చూడవచ్చు. -
స్టాక్ మార్కెట్ లేటెస్ట్ అప్డేట్!
వరుస లాభాలకు బ్రేక్ పడింది. దేశీయ స్టాక్ మార్కెట్లు శుక్రవారం నష్టాల్లో ప్రారంభమయ్యాయి. ఉదయం 9:20 గంటలకు సెన్సెక్స్ 155.30 పాయింట్లు లేదా 0.21 శాతం నష్టంతో 74,160.31 వద్ద, నిఫ్టీ 12.65 పాయింట్లు లేదా 0.055 శాతం నష్టంతో 22,984.70 వద్ద సాగుతున్నాయి.కరూర్ వైశ్యా బ్యాంక్ లిమిటెడ్, టెక్ మహీంద్రా లిమిటెడ్, వెల్స్పన్ కార్ప్ లిమిటెడ్ వంటి కంపెనీలు టాప్ గెయినర్స్ జాబితాలో చేరాయి. సీసీఎల్ ప్రొడక్ట్స్ ఇండియా లిమిటెడ్, ఎల్&టి ఫైనాన్స్ లిమిటెడ్, పెర్సిస్టెంట్ సిస్టమ్స్ లిమిటెడ్ వంటి సంస్థలు నష్టాల జాబితాలోకి చేరాయి.(Disclaimer: మార్కెట్ గురించి సాక్షి వెబ్సైట్లో నిపుణులు వెల్లడించే అభిప్రాయాలు వారి పరిశీలన, అంచనాలను బట్టి ఉంటాయి. ఇన్వెస్టర్లకు ఇది కేవలం విషయ అవగాహన మాత్రమే తప్ప.. వారు పెట్టే పెట్టుబడులకు సాక్షి మీడియా గ్రూపు ఎలాంటి హామీ ఇవ్వదు.)ఇదీ చదవండి: బీఎస్-7 వాహనాలపై కీలక అప్డేట్! -
బంగారం, వెండి దిగుమతులు డౌన్
సెప్టెంబర్లో బంగారం దిగుమతులు 81.27 శాతం దిగజారి 1.8 బిలియన్ డాలర్లకు పరిమితమయ్యాయి. ఇక వెండి దిగుమతులు 49.11 శాతం క్షీణించి 665 మిలియన్ డాలర్లుగా నమోదయ్యాయి. వరుసగా రెండో నెలలోనూ ఈ విలువైన లోహాల దిగుమతులు పడిపోవడం గమనార్హం. ఈ ఏడాది మే 13 నుంచి కేంద్ర ప్రభుత్వం బంగారం, వెండి దిగుమతులపై కస్టమ్స్ సుంకాన్ని 6% నుంచి 15%కి పెంచడం ప్రభావం చూపుతోంది.బంగారం ధరలుగత కొన్ని రోజులుగా గోల్డ్ రేటు గణనీయంగా తగ్గుముఖం పట్టింది. దీంతో పసిడి ధరలు భారీగా పతనమయ్యాయి. 24 క్యారెట్ల 10 గ్రాముల బంగారం రేటు రూ.1,47,000 వద్దకు చేరగా.. 22 క్యారెట్ల 10 గ్రాముల రేటు 135140 రూపాయల వద్దకు చేరింది. -
బంగారం నాన్స్టాప్ క్రాష్.. పసిడి ప్రియులకు పండగే పండగ!
దేశంలో బంగారం ధరలు నాన్స్టాప్గా తగ్గుముఖం పట్టాయి. పసిడి కొనుగోలుదారులకు భారీగా ఊరటనిస్తున్నాయి. దేశంలో పసిడి ధర నాలుగు రోజుల్లో సుమారు రూ.3 వేల మేర దిగివచ్చింది. పుత్తడి ధరలు రూ.లక్షన్నర దిగువకు రావడంతో కొనుగోలుకు ఉత్సాహం చూపిస్తున్నారు.హైదరాబాద్ సహా తెలుగు రాష్ట్రాల్లో అక్టోబర్ 12 నుంచి 15 వరకు గత నాలుగు రోజుల్లో పుత్తడి ధరలను పరిశీలిస్తే.. అక్టోబర్ 11తో పోలిస్తే 15 నాటికి 24 క్యారెట్ల బంగారం 10 గ్రాములకు రూ.3,170, 22 క్యారెట్ల బంగారం 10 గ్రాములకు రూ.2,910 తగ్గింది. అక్టోబర్ 11న 24 క్యారెట్ల పసిడి ధర రూ.1,51,420 ఉండగా నేడు (అక్టోబర్ 15) రూ.1,48,250 లకు వచ్చింది. అలాగే 22 క్యారెట్ల బంగారం ధర అక్టోబర్ 11న రూ.1,38,800 ఉండగా నేడు రూ.1,35,890 దిగివచ్చింది.బంగారం ధరలు తగ్గడానికి ప్రధాన కారణాలివే!అమెరికాలో పెరిగిన ద్రవ్యోల్బణంఅమెరికాలో సెప్టెంబర్ వినియోగదారుల ధరల సూచీ (సీపీఐ) వార్షిక ప్రాతిపదికన 3.7 శాతానికి చేరింది. మార్కెట్ అంచనా 3.6 శాతంగా ఉండగా, అంతకంటే ఎక్కువగా నమోదైంది. నెలవారీ ద్రవ్యోల్బణం కూడా 0.6 శాతానికి పెరిగింది. దీంతో అమెరికా ఫెడరల్ రిజర్వ్ వడ్డీ రేట్లను పెంచే అవకాశాలపై అంచనాలు బలపడ్డాయి. ఈ పరిణామం బంగారం, వెండి ధరలపై ఒత్తిడిని పెంచింది.వడ్డీ రేట్ల పెంపుపై అంచనాలుబంగారం నుంచి సాధారణంగా వడ్డీ ఆదాయం లభించదు. వడ్డీ రేట్లు పెరిగితే బాండ్లు వంటి వడ్డీ చెల్లించే పెట్టుబడులపై ఆసక్తి పెరిగే అవకాశం ఉంటుంది. ఫలితంగా బంగారంలో పెట్టుబడులు పెట్టడం వల్ల కలిగే అవకాశ వ్యయం పెరుగుతుంది. అక్టోబర్, డిసెంబర్ ఫెడ్ సమావేశాల్లో వడ్డీ రేట్లపై ఎలాంటి నిర్ణయం తీసుకుంటారనే అంశం ప్రస్తుతం మార్కెట్ వర్గాల్లో కీలకంగా మారింది. డిసెంబర్లో రేట్ల పెంపు అవకాశంపై అంచనాలు పెరగడం పసిడి ధరలకు ప్రతికూలంగా మారింది.బలపడిన అమెరికా డాలర్అంతర్జాతీయ మార్కెట్లో బంగారం ధరలు డాలర్లలో నిర్ణయిస్తారు. డాలర్ బలపడితే ఇతర కరెన్సీలు కలిగిన కొనుగోలుదారులకు బంగారం ఖరీదుగా మారుతుంది. దీంతో డిమాండ్పై ఒత్తిడి ఏర్పడవచ్చు. అక్టోబర్ 14న అమెరికా డాలర్ సూచీ 102.72 స్థాయిని తాకగా, బంగారం ధరలు తగ్గడానికి ఇది కూడా ఒక కారణమైంది.అమెరికా బాండ్ రాబడుల పెరుగుదలఅమెరికా పదేళ్ల ట్రెజరీ బాండ్ రాబడి అక్టోబర్ 14న 5.3 శాతానికి పెరిగింది. అధిక బాండ్ రాబడులు పెట్టుబడిదారులకు ప్రత్యామ్నాయ పెట్టుబడులపై ఆసక్తిని పెంచుతాయి. దీంతో బంగారంపై కొనుగోళ్ల ఒత్తిడి తగ్గే అవకాశం ఉంటుంది. డాలర్ బలపడటం, బాండ్ రాబడులు పెరగడం రెండూ కలిసి పసిడి ధరలపై ప్రతికూల ప్రభావం చూపాయి.ఇకపై బంగారం ధరలు ఎలా ఉండొచ్చు?అమెరికా ద్రవ్యోల్బణ గణాంకాలు, ఫెడరల్ రిజర్వ్ వడ్డీ రేట్ల నిర్ణయాలు, డాలర్ కదలికలు, బాండ్ రాబడులు బంగారం ధరల దిశను ప్రభావితం చేయనున్నాయి. అయితే ధరలు తగ్గిన ప్రతిసారీ ఇదే ధోరణి కొనసాగుతుందని చెప్పలేం. అక్టోబర్ 15న అంతర్జాతీయ మార్కెట్లో డాలర్ బలహీనపడటం, బాండ్ రాబడులు తగ్గడంతో బంగారం ధరలు తిరిగి పుంజుకున్నట్లు రాయిటర్స్ నివేదించింది.దేశంలోని ప్రధాన నగరాల్లో ఈరోజు నమోదైన బంగారం ధరలు ఇలా..


