Market

ఇటీవల కాలంలో స్థిర ఆదాయం సమకూర్చే కమోడిటీ మార్కెట్లపైపు పెట్టుబడిదారులు మొగ్గు చూపుతున్నారు. అందులో భాగంగా బంగారం ధరల్లో మార్పులు వస్తున్నాయని నిపుణులు చెబుతున్నారు. గత కొన్ని రోజులుగా బంగారం ధరలు(Today Gold Rate) ఒడిదొడుకులకు లోనవుతున్నాయి. దేశంలోని ప్రధాన నగరాల్లో నేడు బంగారం, వెండి ధరలు(Today Silver Rate) ఎలా ఉన్నాయో కింద తెలుసుకుందాం.

దేశీయ స్టాక్‌ మార్కెట్‌ సూచీలు బుధవారం ఫ్లాట్‌గా కదలాడుతున్నాయి. ఈరోజు ఉదయం 09:44 సమయానికి నిఫ్టీ(Nifty) 6 పాయింట్లు పడిపోయి 22,710 వద్దకు చేరింది. సెన్సెక్స్‌(Sensex) 182 పాయింట్లు పుంజుకొని 72,703 వద్ద ట్రేడవుతోంది.అమెరికా డాలర్‌ ఇండెక్స్‌(USD Index) 101.38బ్రెంట్‌ క్రూడ్‌ఆయిల్‌ బ్యారెల్‌ ధర 96.5 డాలర్లుయూఎస్‌ 10 ఏళ్ల బాండ్‌ ఈల్డ్‌లు 5.23 శాతానికి చేరాయి.గడిచిన సెషన్‌లో యూఎస్‌ ఎస్‌ అండ్‌ పీ 0.17 శాతం పడిపోయింది.నాస్‌డాక్‌ 0.09 శాతం నష్టపోయింది.Today Nifty position 30-09-2026(time: 09:44 am)(Disclaimer: మార్కెట్ గురించి సాక్షి వెబ్ సైట్లో నిపుణులు వెల్లడించే అభిప్రాయాలు వారి పరిశీలన, అంచనాలను బట్టి ఉంటాయి. ఇన్వెస్టర్లకు ఇది కేవలం విషయ అవగాహన మాత్రమే తప్ప.. వారు పెట్టే పెట్టుబడులకు సాక్షి మీడియా గ్రూపు ఎలాంటి హామీ ఇవ్వదు.)

రెండు రోజులుగా బంగారం ధరల్లో భారీ తగ్గుదల కనిపిస్తోంది. ఇది పసిడి ప్రియులకు తప్పకుండా ఊరటను ఇస్తుంది. ఈ కథనంలో గోల్డ్ రేటు ఎంత తగ్గింది?, రానున్న రోజుల్లో పసిడి ధరలు ఎలా ఉంటాయనే వివరాలు తెలుసుకుందాం.హైదరాబాద్, విజయవాడలలో 24 క్యారట్ల 10 గ్రాముల బంగారం ధర రెండు రోజుల్లో రూ.3880 తగ్గి రూ.1,48,800 వద్దకు చేరింది. 22 క్యారెట్ల రేటు రూ.3550 తగ్గి రూ.1,36,400 వద్దకు చేరింది. ఇదే ధరలు బెంగళూరు, ముంబై నగరాల్లో కూడా ఉంటాయి.చెన్నైలో కూడా బంగారం ధర భారీగానే తగ్గింది. దీంతో 24 క్యారెట్ల 10 గ్రాముల రేటు రెండు రోజుల్లో రూ.3930 తగ్గింది. 22 క్యారెట్ల 10 గ్రాముల పసిడి ధర రూ.3600 తగ్గింది. ప్రస్తుతం ధరలు రూ.1,48,800 (24 క్యారెట్స్), రూ.1,36,400 (22 క్యారెట్స్) వద్ద నిలిచాయి.దేశ రాజధాని ఢిల్లీలో 24 క్యారెట్ల 10 గ్రాముల గోల్డ్ రేటు రూ.3880 తగ్గి రూ.148950 వద్ద, 22 క్యారెట్ల రేటు రూ.3550 తగ్గి రూ.136550 వద్దకు చేరింది.వెండి ధరలువెండి ధరలు కూడా హైదరాబాద్, విజయవాడలలో రూ.10వేలు (రెండు రోజుల్లో) తగ్గింది. దీంతో కేజీ సిల్వర్ రేటు రూ.2.40 లక్షల వద్దకు చేరింది. చెన్నై, ఢిల్లీలలో కూడా కేజీ వెండి రేటు రూ.2.40 లక్షల వద్దనే ఉంది.ధరలు తగ్గుతాయా?ప్రస్తుతం బంగారం రేట్లు తగ్గి.. కొనుగోలుదారులకు కొంత ఉపశమనం కలిగించినప్పటికీ, రానున్నది పండుగ సీజన్. ఈ సమయంలో పసిడికి డిమాండ్ పెరిగే అవకాశం ఉంటుంది. దీంతో ధరలు కూడా మళ్లీ పెరిగవచ్చని నిపుణులు అంచనా.ఇదీ చదవండి: అక్టోబర్‌లో బ్యాంకులకు వరుస సెలవులు.. ఏయే రోజుల్లో అంటే?

దేశీయ స్టాక్ మార్కెట్లు మంగళవారం కూడా నష్టాల్లోనే ముగిశాయి. సెన్సెక్స్ 242.65 పాయింట్లు లేదా 0.33 శాతం నష్టంతో 72,529.07 వద్ద, నిఫ్టీ 64.05 పాయింట్లు లేదా 0.28 శాతం నష్టంతో 22,716.20 వద్ద నిలిచాయి.సన్ టీవీ నెట్‌వర్క్ లిమిటెడ్, మాన్‌కైండ్ ఫార్మా లిమిటెడ్, అదానీ పోర్ట్స్ & స్పెషల్ ఎకనామిక్ జోన్ లిమిటెడ్ వంటి కంపెనీలు టాప్ గెయినర్స్ జాబితాలో చేరాయి. హోనసా కన్స్యూమర్ లిమిటెడ్, ప్రీమియర్ ఎనర్జీస్ లిమిటెడ్, సోనాటా సాఫ్ట్‌వేర్ లిమిటెడ్ వంటి కంపెనీలు నష్టాలను చవిచూశాయి.(Disclaimer: మార్కెట్ గురించి సాక్షి వెబ్‌సైట్‌లో నిపుణులు వెల్లడించే అభిప్రాయాలు వారి పరిశీలన, అంచనాలను బట్టి ఉంటాయి. ఇన్వెస్టర్లకు ఇది కేవలం విషయ అవగాహన మాత్రమే తప్ప.. వారు పెట్టే పెట్టుబడులకు సాక్షి మీడియా గ్రూపు ఎలాంటి హామీ ఇవ్వదు.)

ఇటీవల కాలంలో స్థిర ఆదాయం సమకూర్చే కమోడిటీ మార్కెట్లపైపు పెట్టుబడిదారులు మొగ్గు చూపుతున్నారు. అందులో భాగంగా బంగారం ధరల్లో మార్పులు వస్తున్నాయని నిపుణులు చెబుతున్నారు. గత కొన్ని రోజులుగా బంగారం ధరలు(Today Gold Rate) ఒడిదొడుకులకు లోనవుతున్నాయి. దేశంలోని ప్రధాన నగరాల్లో నేడు బంగారం, వెండి ధరలు(Today Silver Rate) ఎలా ఉన్నాయో కింద తెలుసుకుందాం.

దేశీయ స్టాక్‌ మార్కెట్‌ సూచీలు మంగళవారం నష్టాల్లో కదలాడుతున్నాయి. ఈరోజు ఉదయం 09:20 సమయానికి నిఫ్టీ(Nifty) 59 పాయింట్లు పడిపోయి 22,714 వద్దకు చేరింది. సెన్సెక్స్‌(Sensex) 231 పాయింట్లు నష్టపోయి 72,531 వద్ద ట్రేడవుతోంది.అమెరికా డాలర్‌ ఇండెక్స్‌(USD Index) 101.23బ్రెంట్‌ క్రూడ్‌ఆయిల్‌ బ్యారెల్‌ ధర 106.9 డాలర్లుయూఎస్‌ 10 ఏళ్ల బాండ్‌ ఈల్డ్‌లు 5.25 శాతానికి చేరాయి.గడిచిన సెషన్‌లో యూఎస్‌ ఎస్‌ అండ్‌ పీ 0.77 శాతం పడిపోయింది.నాస్‌డాక్‌ 0.92 శాతం కుప్పకూలింది.Today Nifty position 29-09-2026(time: 09:20 am)(Disclaimer: మార్కెట్ గురించి సాక్షి వెబ్ సైట్లో నిపుణులు వెల్లడించే అభిప్రాయాలు వారి పరిశీలన, అంచనాలను బట్టి ఉంటాయి. ఇన్వెస్టర్లకు ఇది కేవలం విషయ అవగాహన మాత్రమే తప్ప.. వారు పెట్టే పెట్టుబడులకు సాక్షి మీడియా గ్రూపు ఎలాంటి హామీ ఇవ్వదు.)

న్యూఢిల్లీ: క్యాపిటల్‌ మార్కెట్ల నియంత్రణ సంస్థ సెబీ తాజాగా మూడు కంపెనీల ప్రాస్పెక్టస్‌లకు గ్రీన్‌ సిగ్నల్‌ ఇచ్చింది. దీంతో పయనీర్‌ ఫిల్‌మెడ్, టాన్బో ఇమేజింగ్‌ ఇండియా, ఫంక్షనల్‌ అండ్‌ ఇన్నోవేటివ్‌ ఫుడ్స్‌ పబ్లిక్‌ ఇష్యూలు చేపట్టేందుకు మార్గమేర్పడింది. ఈ కంపెనీలు సెబీకి ప్రస్తుత ఏడాది ఏప్రిల్‌– ఆగస్ట్‌ మధ్య కాలంలో ముసాయిదా ప్రాస్పెక్టస్‌ దాఖలు చేశాయి. పయనీర్‌ ఫిల్‌మెడ్‌ ఐపీవో ద్వారా రైల్వే పరికరాల తయారీ కంపెనీ పయనీర్‌ ఫిల్‌మెడ్‌ రూ. 500 కోట్లు సమీకరించాలని ఆశిస్తోంది. దీనిలో భాగంగా రూ. 250 కోట్ల విలువైన ఈక్విటీని తాజాగా జారీ చేయనుంది. వీటికి జతగా మరో రూ. 250 కోట్ల విలువైన షేర్లను కంపెనీ ప్రమోటర్‌ గ్రూప్‌ సంస్థలు విక్రయానికి ఉంచనున్నాయి. పయనీర్‌ ఫేకర్‌ ఐటీ ఇన్‌ఫ్రాడెవలపర్స్, ఆజ్‌టెక్‌ ఇండియా విడిగా రూ. 125 కోట్ల విలువైన షేర్లు చొప్పున విక్రయించనున్నాయి. కాగా.. ఈక్విటీ జారీ నిధులను రాజస్తాన్‌లోని సాలార్‌పూర్‌(భివాడీ)లో గేర్‌బాక్స్‌ తయారీ యూనిట్‌ ఏర్పాటు, విండ్‌ జనరేటర్‌ విడిభాగాల తయారీ యూనిట్‌ ఏర్పాటుతోపాటు సాధారణ కార్పొరేట్‌ అవసరాలకు వెచ్చించనుంది. టాన్బో ఇమేజింగ్‌ పబ్లిక్‌ ఇష్యూలో భాగంగా టాన్బో ఇమేజింగ్‌కు చెందిన ప్రస్తుత వాటాదారులు 1,80,85,246 ఈక్విటీ షేర్లను ఆఫర్‌ చేయనున్నారు. దీంతో ఇష్యూ నిధులు కంపెనీకికాకుండా వాటాదారులకు చేరనున్నాయి. 2003లో ఏర్పాటైన టాన్బో ఇమేజింగ్‌ ఇండియా ప్రధానంగా గ్లోబల్‌ డిఫెన్స్‌ ఎల్రక్టానిక్స్‌ తయారు చేస్తోంది. డిజైన్, అభివృద్ధి, తయారీ చేపడుతోంది. సెన్సింగ్, ప్రాసెసింగ్, కమ్యూనికేషన్, గైడెన్స్‌ సిస్టమ్స్‌ రూపొందిస్తోంది. ఫంక్షనల్‌ ఫుడ్స్‌ పబ్లిక్‌ ఇష్యూలో భాగంగా ఫంక్షనల్‌ అండ్‌ ఇన్నోవేటివ్‌ ఫుడ్స్‌ 60 లక్షల ఈక్విటీ షేర్లను కొత్తగా జారీ చేయనుంది. అంతేకాకుండా మరో 25 లక్షల షేర్లను కంపెనీ ప్రమోటర్‌ సెంథిల్‌ కుమార్‌ చిన్నుసామి విక్రయానికి ఉంచనున్నారు. ఈక్విటీ జారీ నిధులను పెట్టుబడి వ్యయాలకు వెచ్చించనుంది. తమిళనాడులోని నమక్కల్, మధ్యప్రదేశ్‌లోని ధార్‌లో రెండు తయారీ యూనిట్లను నెలకొల్పనుంది. మిగిలిన నిధులను రుణ చెల్లింపులకు వినియోగించనుంది. అనుబంధ సంస్థ క్రిస్టీ క్వాలిటీ ఫుడ్స్‌(ఇండియా) రుణాలు సైతం తీర్చనుంది. వీటితోపాటు దీర్ఘకాలిక వర్కింగ్‌ క్యాపిటల్, సాధారణ కార్పొరేట్‌ అవసరాలకు సైతం కేటాయించనుంది. కంపెనీ సమీకృత ఫుడ్‌ కాంట్రాక్ట్‌ తయారీ కంపెనీగా కార్యకలాపాలు విస్తరించింది. రెడీ టు ఈట్, రెడీ టు కుక్‌ ఉత్పత్తులతోపాటు షుగర్‌ ఆల్టర్నేటివ్స్, స్పైసెస్‌ తదితర ప్రొడక్టులను విక్రయిస్తోంది.

న్యూఢిల్లీ: సాధారణంగా పండగ సీజన్‌లో డిస్కౌంట్‌ ఆఫర్లు ఇచ్చే కంపెనీలు ఈసారి అందుకు విరుద్ధంగా రేట్ల బాదుడుకు తెరతీశాయి. దీనితో ఏసీలు, ఎల్‌ఈడీ టీవీలు, వాషింగ్‌ మెషిన్లతో పాటు ఇతరత్రా గృహోపకరణాల రేట్లకు రెక్కలు రానున్నాయి. అక్టోబర్‌ 1 నుంచి కంపెనీలు వీటి రేట్లను 5 నుంచి 8 శాతం వరకు పెంచనున్నాయి. పశ్చిమాసియా సంక్షోభం దెబ్బతో రాగి, ఉక్కులాంటి ముడి వస్తువుల వ్యయాలు.. రవాణా ఖర్చులు పెరిగిపోవడం, కరెన్సీ మారకం విలువ క్షీణించడం తదితర అంశాలు ఇందుకు కారణం. 2026లో రేట్లను పెంచడం ఇది మూడోసారి కానుంది. బ్లూస్టార్, గోద్రెజ్‌ అప్లయెన్స్, హైయర్, దైకిన్, సూపర్‌ ప్లాస్ట్రోనిక్స్‌లాంటి కంపెనీలు ఇప్పటికే వివిధ ఉత్పత్తుల శ్రేణివ్యాప్తంగా 4–10 శాతం మేర రేట్ల పెంపును ప్రకటించాయి. ఎల్‌జీ, బాష్‌ హోమ్‌ కంఫర్ట్‌ (హిటాచీ బ్రాండ్‌) ఏసీల ధరలు సుమారు 5–7 శాతం వరకు పెరిగినట్లు సంబంధిత వర్గాలు తెలిపాయి. పశ్చిమాసియాలో సంక్షోభం వల్ల రాగి, ఉక్కు, ప్లాస్టిక్స్‌లాంటి కమోడిటీల రేట్లు పెరిగిపోతుండటంతో ఉత్పత్తుల ధరల పెంపు తప్పడం లేదని బ్లూస్టార్‌ ఎండీ బి. త్యాగరాజన్‌ తెలిపారు. అయితే, గతేడాది పండగ సీజన్‌తో పోలిస్తే వ్యయాలు 15 శాతం పెరిగినప్పటికీ జీఎస్‌టీపరంగా లభించే ప్రయోజనాలతో పోలిస్తే కస్టమర్లపై పడే ప్రభావం సుమారు ఐదు శాతమే ఉంటుందని యన పేర్కొన్నారు. గత పెంపు తర్వాత కమోడిటీల రేట్లు 8–10 శాతం పెరగడంతో పరిశ్రమవ్యాప్తంగా ధరల పెంచక తప్పని పరిస్థితి నెలకొందని గోద్రెజ్‌ ఎంటర్‌ప్రైజెస్‌ గ్రూప్‌ బిజినెస్‌ హెడ్‌ (అప్లయెన్సెస్‌ బిజినెస్‌) కమల్‌ నంది తెలిపారు. వివిధ కేటగిరీవ్యాప్తంగా ధరల పెంపు 5–7 శాతం వరకు ఉంటుందన్నారు. కొన్ని కంపెనీలు అక్టోబర్‌లో, కొన్ని నవంబర్‌లో పెంచవచ్చని..ఏదైనప్పటికీ పెంచడం మాత్రం ఖాయమని ఆయన పేర్కొన్నారు. మరోవైపు, థామ్సన్, కోడక్‌ తదితర టీవీల బ్రాండ్లను భారత్‌లో తయారు చేసి, విక్రయించే సూపర్‌ ప్లాస్ట్రోనిక్స్‌ సైతం 7 శాతం వరకు రేట్లను పెంచనున్నట్లు తెలిపింది. ఉపకరణాల ధరలను ఇప్పటికే 4–5 శాతం పెంచినట్లు వివరించింది. పెంచినా కష్టమే.. పెంచకపోయినా కష్టమే.. ‘‘ప్రస్తుత పరిస్థితుల్లో రేట్లు పెంచకపోతే నష్టపోవాల్సి వస్తుంది. అలాగని పెంచితే, అమ్మకాలపై స్పల్ప ప్రభావం పడే అవకాశం ఉంది. ఏది ఏం జరిగినా పెంచడం తప్ప మరో మార్గం లేదు’’ అని హైయర్‌ ఇండియా ప్రెసిడెంట్‌ ఎన్‌ఎస్‌ సతీష్‌ తెలిపారు. అక్టోబర్‌ 1 నుంచి రూమ్‌ ఏసీలపై రేట్లను 5 శాతం వరకు పెంచే యోచనలో ఉన్నట్లు చెప్పారు. ఒకవేళ ముడి వస్తువుల రేట్ల పెరుగుదల కొనసాగితే దీపావళి అనంతరం అలాగే జనవరిలోను విడతలవారీగా ఐదు శాతం చొప్పున మళ్లీ మళ్లీ పెంపు ఉండొచ్చన్నారు. మొత్తం మీద ఇప్పటి నుంచి జనవరి వరకు 15 శాతం వరకు పెంపునకు అవకాశం ఉందని చెప్పారు. ఎల్‌ఈడీ టీవీలు, వాషింగ్‌ మెషిన్లు మొదలైన వాటి ధరల పెంపు 2–3 శాతం మేర ఉంటుందని ఆయన ధృవీకరించారు. గతేడాది టన్నుకు 8,000–9,000 డాలర్లుగా ఉన్న రాగి ధర ప్రస్తుతం 14,500 డాలర్లకు ఎగిసిందని, ఇది ఇంకా పెరుగుతుందనే అంచనాలు ఉన్నాయని సతీష్‌ తెలిపారు. ఒక్కో ఏసీకి 3–4 కేజీల రాగి అవసరమవుతుందని పేర్కొన్నారు. ఇక సెప్టెంబర్‌ 16 నుంచే తమ ఉత్పత్తుల రేట్లను 8–10 శాతం మేర పెంచినట్లు దైకిన్‌ ఎయిర్‌కండీషనింగ్‌ సీఎండీ కన్వల్‌జీత్‌ జావా తెలిపారు. రాగి ధరలు 25–35 శాతం పెరగ్గా, డాలరు .. కమోడిటీల రేట్లు కూడా పెరుగుతుండటంతో కంపెనీలపై తీవ్ర ఒత్తిడి ఉందని ఆయన చెప్పారు. ప్రస్తుతానికైతే వినియోగదారుల నుంచి డిమాండ్‌ బాగానే ఉందని, రాబోయే రోజుల్లో ఎలాంటి పరిస్థితి ఉంటుందనేది మాత్రం ఇప్పుడే చెప్పలేమన్నారు. సాధారణంగా వినియోగదారులు డిస్కౌంట్లు, ప్రమోషనల్‌ ఆఫర్లను ఆశించే పండగ సీజన్లో ఇలా రేట్లను పెంచడం వల్ల డిమాండ్‌పై ప్రభావం పడే అవకాశం ఉందని సంస్థ డైరెక్టర్‌ అవీ్నత్‌ సింగ్‌ మార్వా చెప్పారు. డిమాండు, ధర మధ్య సమతౌల్యం పాటించేలా చూసేందుకు మార్కెట్‌ పరిస్థితులను నిశితంగా పరిశీలిస్తున్నట్లు పానసోనిక్‌ లైఫ్‌ సొల్యూషన్స్‌ ఇండియా హెడ్‌ (ప్రోడక్ట్‌ మార్కెటింగ్‌ అండ్‌ ప్లానింగ్‌–ఏసీ కేటగిరీ) అభిషేక్‌ వర్మ చెప్పారు. రవాణా వ్యయాలు, సరఫరా వ్యవస్థ అంతరాయాల వల్ల దీపావళి తర్వాత చిన్న టీవీల రేట్లు 20 శాతం వరకు, పెద్ద టీవీల ధరలు 10 శాతం వరకు పెరిగే అవకాశం ఉందని వీడియోటెక్స్‌ డైరెక్టర్‌ అర్జున్‌ బజాజ్‌ చెప్పారు. శాంసంగ్‌ ఎస్‌26 ఫోన్ల రేట్లు 17% జంప్‌.. ఎల్రక్టానిక్స్‌ దిగ్గజం శాంసంగ్‌ తమ ఫ్లాగ్‌షిప్‌ గెలాక్సీ ఎస్‌26 సిరీస్‌ స్మార్ట్‌ఫోన్ల ధరలను 17 శాతం వరకు పెంచినట్లు పరిశ్రమ వర్గాలు వెల్లడించాయి. లాంచ్‌ ధర రూ. 87,999తో పోలిస్తే బేసిక్‌ వెర్షన్‌ 256 జీబీ స్టోరేజ్‌ మోడల్‌ ధర 17 శాతం అధికంగా రూ. 1,02,999కి చేరినట్లు పేర్కొన్నాయి. దీనితో ఈ సిరీస్‌లోని అన్ని ఫోన్ల రేట్లు రూ. లక్షకు పైబడే ఉన్నాయని వివరించాయి. అమెరికన్‌ టెక్‌ దిగ్గజం యాపిల్‌ ఇటీవల ప్రవేశపెట్టిన ఐఫోన్‌ 18 సిరీస్‌ ధరలు కూడా ఐఫోన్‌ 17 సిరీస్‌తో పోలిస్తే భారత్‌లో దాదాపు 20 నుంచి 43 శాతం అధిక స్థాయిలోనే ఉన్నాయని తెలిపాయి. రూ. 3.25 లక్షల కోట్లకు డ్యూరబుల్స్‌ మార్కెట్‌..దేశీయంగా కన్జూమర్‌ డ్యూరబుల్స్‌ ఉత్పత్తుల మార్కెట్‌ 2030 నాటికి ఏటా 8–10 శాతం వృద్ధితో ఏకంగా రూ. 3–3.25 లక్షల కోట్ల స్థాయికి చేరనుంది. వాటికి అదనంగా విలువను జోడించే మెటీరియల్స్, విడిభాగాల తయారీకి సంబంధించి కొత్తగా రూ. 40,000–50,000 కోట్ల స్థాయిలో వ్యాపార అవకాశాలు లభిస్తాయనే అంచనాలు ఉన్నాయి. బోస్టన్‌ కన్సలి్టంగ్‌ గ్రూప్‌ (బీసీజీ), పరిశ్రమల సమాఖ్య సీఐఐ రూపొందించిన సంయుక్త నివేదిక ఈ విషయాలను వెల్లడించింది. ఆదాయాలు, చిన్న కుటుంబాలు, రుణ లభ్యత పెరుగుతుండటం, ప్రీమియం ఉత్పత్తులకు గిరాకీ నెలకొనడం తదితర అంశాల కారణంగా వచ్చే ఐదేళ్లలో ప్రపంచంలోనే అత్యంత వేగంగా ఎదుగుతున్న కన్జూమర్‌ డ్యూరబుల్స్‌ మార్కెట్‌గా భారత్‌ కొనసాగవచ్చని వివరించింది. ఈ వృద్ధికి రూమ్‌ ఏసీల విభాగం దన్నుగా నిలుస్తుందని తెలిపింది. అయితే, వ్యాపార అవకాశాలు ఉన్నప్పటికీ దేశీయంగా విడిభాగాలు, మెటీరియల్‌ ఉత్పత్తి సామర్థ్యాలను పెంచుకోకపోతే దిగుమతులపైనే ఆధారపడాల్సి రావచ్చని నివేదిక పేర్కొంది. మరోవైపు, ప్రస్తుతం ప్రపంచంలోనే అతి పెద్ద మార్కెట్‌గా ఉన్న చైనా 2030 వరకు ఏటా 1–2 శాతం మేర, అమెరికా 3 శాతం, జపాన్‌ 1–3 శాతం మేర వృద్ధి చెందనున్నాయి.

సోమవారం ఉదయం నష్టాల్లో ప్రారంభమైన దేశీయ స్టాక్ మార్కెట్లు.. ట్రేడింగ్ క్లోజ్ అయ్యే సమయానికి భారీ నష్టాలను చవిచూశాయి. సెన్సెక్స్ 1,124.02 పాయింట్లు లేదా 1.52 శాతం నష్టంతో 72,771.72 వద్ద, నిఫ్టీ 360.25 పాయింట్లు లేదా 1.56 శాతం నష్టంతో 22,780.25 వద్ద నిలిచాయి.గో డిజిట్ జనరల్ ఇన్సూరెన్స్ లిమిటెడ్, మంగళూరు రిఫైనరీ అండ్ పెట్రోకెమికల్స్ లిమిటెడ్, క్రిసిల్ లిమిటెడ్ వంటి కంపెనీలు టాప్ గెయినర్స్ జాబితాలో చేరగా.. మణప్పురం ఫైనాన్స్ లిమిటెడ్, బ్యాంక్ ఆఫ్ ఇండియా, వోడాఫోన్ ఐడియా లిమిటెడ్ వంటివి నష్టాలను చవిచూశాయి.(Disclaimer: మార్కెట్ గురించి సాక్షి వెబ్‌సైట్‌లో నిపుణులు వెల్లడించే అభిప్రాయాలు వారి పరిశీలన, అంచనాలను బట్టి ఉంటాయి. ఇన్వెస్టర్లకు ఇది కేవలం విషయ అవగాహన మాత్రమే తప్ప.. వారు పెట్టే పెట్టుబడులకు సాక్షి మీడియా గ్రూపు ఎలాంటి హామీ ఇవ్వదు.)ఇదీ చదవండి: కొత్త రూల్స్.. 50 శాతం మంది మాత్రమే ఆఫీసుకు!

ఈ వారం సైతం ప్రైమరీ మార్కెట్లు కళకళలాడనున్నాయి. నేడు(28న) రెండు కంపెనీల పబ్లిక్‌ ఇష్యూలకు తెరలేచింది. ఈ బాటలో ఈ నెల 30న మరో 2 కంపెనీల ఐపీవోలు ప్రారంభంకానున్నాయి. మరోవైపు గత వారం ఐపీవోలు పూర్తి చేసుకున్న రెండు కంపెనీలు స్టాక్‌ ఎక్స్ఛేం​జీలలో లిస్ట్‌కానున్నాయి. శ్రిట్‌ ఇండియా @ రూ. 123–130 ఎస్‌ఆర్‌ఐటీ(శ్రిట్‌) ఇండియా పబ్లిక్‌ ఇష్యూ ఈ నెల 28న ప్రారంభమై 30న ముగియనుంది. ఇందుకు ధరల శ్రేణి రూ. 123–130కాగా.. రూ. 218.4 కోట్లు సమీకరించనుంది. గతేడది (2025–26)లో కంపెనీ ఆదాయం దాదాపు రూ. 463 కోట్లకు చేరింది. నికర లాభం రూ. 43 కోట్లను తాకింది. షా ఇన్వెస్టర్స్‌ హోమ్‌ @ రూ. 159–167 షా ఇన్వెస్టర్స్‌ హోమ్‌ పబ్లిక్‌ ఇష్యూ ఈ నెల 28న ప్రారంభమై 30న ముగియనుంది. ఇందుకు ధరల శ్రేణి రూ. 159–167. తద్వారా రూ. 90.2 కోట్లు సమీకరించనుంది. గతేడది (2025–26)లో కంపెనీ ఆదాయం దాదాపు రూ. 72.4 కోట్లకు క్షీణించింది. నికర లాభం సైతం రూ. 13.1 కోట్లకు తగ్గింది. విశాల్‌ నిర్మితి @ రూ. 208–220 విశాల్‌ నిర్మితి పబ్లిక్‌ ఇష్యూ ఈ నెల 30న ప్రారంభమై అక్టోబర్‌ 5న ముగియనుంది. ఇందుకు ధరల శ్రేణి రూ. 208–220కాగా.. ఇష్యూలో భాగంగా రూ. 145 కోట్ల విలువైన ఈక్విటీని కంపెనీ తాజాగా జారీ చేయనుంది. తద్వారా రూ. 178 కోట్లు సమీకరించే ప్రణాళికల్లో ఉంది. 2025–26లో ఆదాయం రూ. 344 కోట్లను దాటింది. నికర లాభం రూ. 25 కోట్లకు చేరింది. నిత్యాస్‌ జెమ్స్‌ @ రూ. 70–75 నిత్యాస్‌ జెమ్స్‌ అండ్‌ జ్యువెలరీ పబ్లిక్‌ ఇష్యూ ఈ నెల 30న ప్రారంభమై అక్టోబర్‌ 5న ముగియనుంది. ఇందుకు ధరల శ్రేణి రూ. 70–75. తద్వారా రూ. 108.4 కోట్లు సమీకరించే ప్రణాళికల్లో ఉంది. గత ఆర్థిక సంవత్సరం(2025–26)లో కంపెనీ ఆదాయం రూ. 203 కోట్లను అధిగమించింది. నికర లాభం రూ. 22.3 కోట్లను తాకింది. రూ. 420 కోట్ల సమీకరణలో ఏస్‌వెక్టార్‌ డిజిటల్‌ కామర్స్‌ సంస్థ ఏస్‌వెక్టార్‌ పబ్లిక్‌ ఇష్యూ ద్వారా రూ. 420 కోట్లు సమీకరిస్తోంది. ఇందుకు సంబంధించి ఒక్కో షేరు ధర శ్రేణి రూ. 30–32. తాజాగా 8.97 కోట్ల షేర్ల జారీ ద్వారా రూ. 287 కోట్లు, ఆఫర్‌ ఫర్‌ సేల్‌ కింద 4.16 కోట్లు సమీకరిస్తోంది. కునాల్‌ బెహల్, రోహిత్‌ బన్సాల్‌ స్థాపించిన ఈ సంస్థ ప్రధానంగా స్నాప్‌డీల్, యూనికామర్స్, స్టెలారో బ్రాండ్స్‌ వ్యాపారాలను నిర్వహిస్తోంది. ఈ ఇష్యూ సెపె్టంబర్‌ 29తో ముగుస్తోంది. మరోవైపు, ఏపీ కేంద్రంగా కార్యకలాపాలు నిర్వహించే అగ్రి, సీఫుడ్‌ ప్రాసెసింగ్‌ సంస్థ గ్రీన్‌ ఏషియా ఇంపెక్స్‌ ఐపీవో ద్వారా రూ. 60.01 కోట్లు సమీకరిస్తోంది. సోమవారంతో ముగిసే ఈ ఇష్యూకి ధరల శ్రేణి రూ. 85–90గా ఉంది.అక్టోబర్‌ 1న విడుదల ఈ నెల 28న పబ్లిక్‌ ఇష్యూలు ముగించుకున్న మనీ వ్యూ, ఏవన్‌ స్టీల్స్‌ అక్టోబర్‌ 1న స్టాక్‌ ఎక్స్ఛేంజీలలో లిస్ట్‌కానున్నాయి. డిజిటల్‌ రుణాల(లెండింగ్‌) ప్లాట్‌ఫామ్‌ మనీవ్యూ రూ. 32–34 ధరల శ్రేణితో చేపట్టిన ఇష్యూ ద్వారా రూ. 1,092 కోట్లు సమీకరించింది. ఇక సమీకృత స్టీల్‌ తయారీ కంపెనీ ఏ–వన్‌ స్టీల్స్‌ ఇండియా రూ. 385–405 ధరల శ్రేణితో రూ. 405 కోట్లు సమకూర్చుకుంది.ఇదీ చదవండి: Stock Market: రూ.6 లక్షల కోట్లు ఆవిరి..

దేశీయ స్టాక్‌ మార్కెట్లు సోమవారం భారీ పతనాన్ని చవిచూశాయి. ఇరాన్ తాజా ప్రతిపాదనను అమెరికా అధ్యక్షుడు డొనాల్డ్ ట్రంప్ తిరస్కరించిన తరువాత భగ్గుమన్న ముడి చమురు ధరలు, ప్రపంచ బాండ్ రాబడుల్లో పెరుగుదల మదుపరుల సెంటిమెంట్‌ను దెబ్బతీశాయి.బీఎస్ఈ సూచీ సెన్సెక్స్ 900 పాయింట్లకు పైగా క్షీణించింది. ఎన్ఎస్ఈ బెంచ్మార్క్ నిఫ్టీ 50 300 పాయింట్లు నష్టపోయింది. దీంతో మదుపరుల సంపదగా భావించే బీఎస్ఈ-లిస్టెడ్ కంపెనీల మార్కెట్ క్యాపిటలైజేషన్ సుమారు రూ.6 లక్షల కోట్లు ఆవిరైంది. శుక్రవారం నాటి రూ.48.18 లక్షల కోట్ల నుంచి రూ.47.6 లక్షల కోట్లకు తగ్గింది.ఉదయం 11:30 గంటల సమయంలో సెన్సెక్స్‌ 973.63 పాయింట్లు లేదా 1.32 శాతం క్షీణించి 72,922.11 వద్ద, నిఫ్టీ 1.32% లేదా 306.25 పాయింట్లు కోల్పోయి 22,834.25 వద్ద ట్రేడవుతున్నాయి. స్టాక్‌ మార్కెట్‌ పతనానికి ప్రధాన కారణాలివే..పశ్చిమాసియాలో కొనసాగుతున్న ఉద్రిక్తతలు, ముడిచమురు ధరల పెరుగుదల, బాండ్‌ ఈల్డ్స్‌ ఎగబాకడం, విదేశీ పెట్టుబడుల ఉపసంహరణ వంటి పరిణామాలు దేశీయ స్టాక్‌ మార్కెట్లపై తీవ్ర ప్రభావం చూపుతున్నాయి. ఇరాన్‌-అమెరికా మధ్య దౌత్యపరమైన పరిష్కారానికి అవకాశాలు సన్నగిల్లడంతో సోమవారం ప్రపంచ ఈక్విటీ, చమురు, బాండ్‌ మార్కెట్లలో ప్రతికూల వాతావరణం నెలకొంది.హోర్ముజ్‌ జలసంధిని తిరిగి తెరిచి, పోరాటాన్ని ముగించేందుకు ఇరాన్‌ చేసిన ప్రతిపాదనను అమెరికా అధ్యక్షుడు డొనాల్డ్‌ ట్రంప్‌ తిరస్కరించారు. మరోవైపు, అమెరికా, ఇజ్రాయెల్‌తో వివాదాన్ని దౌత్యపరమైన మార్గంలోనే పరిష్కరించగలమని ఇరాన్‌ స్పష్టం చేసింది. దీంతో పశ్చిమాసియా సంక్షోభం త్వరగా సమసిపోయే అవకాశాలపై మార్కెట్లలో అనిశ్చితి పెరిగింది.ఈ ప్రభావం ఆసియా మార్కెట్లపైనా కనిపించింది. దక్షిణ కొరియా మార్కెట్‌ సుమారు 2 శాతం నష్టపోగా, జపాన్‌ నిక్కీ 0.10 శాతం క్షీణించింది. చైనా మార్కెట్లు కూడా 1 శాతానికి పైగా నష్టాలతో ట్రేడయ్యాయి. పశ్చిమాసియా సంక్షోభానికి తక్షణ పరిష్కారం కనిపించకపోవడంతో చమురు సరఫరాపై ఆందోళనలు మళ్లీ పెరిగాయి.చమురు ధరల సెగసరఫరా అంతరాయాల భయాలతో ముడిచమురు ధరలు పెరిగాయి. బ్రెంట్‌ క్రూడ్‌ ఫ్యూచర్స్‌ 2.2 శాతం ఎగబాకి బ్యారెల్‌కు 106.6 డాలర్లకు చేరాయి. అమెరికా వెస్ట్‌ టెక్సాస్‌ ఇంటర్మీడియట్‌ (డబ్ల్యూటీఐ) క్రూడ్‌ ధర 1.45 శాతం పెరిగి 93.76 డాలర్లకు చేరుకుంది. భారత్‌ ప్రపంచంలోనే మూడో అతిపెద్ద చమురు దిగుమతిదారు కావడంతో అంతర్జాతీయ ధరల పెరుగుదల దేశంపై నేరుగా ప్రభావం చూపే అవకాశం ఉంది. దిగుమతి వ్యయం పెరగడం వల్ల ద్రవ్యోల్బణ ఒత్తిళ్లతో పాటు కరెంట్‌ ఖాతా లోటు పెరిగే ఆందోళన ఉంది.బాండ్‌ ఈల్డ్స్‌ కూడా పైకి..చమురు ధరల పెరుగుదలతో ద్రవ్యోల్బణంపై ఆందోళనలు మళ్లీ తెరపైకి రావడంతో బాండ్‌ మార్కెట్లలో అమ్మకాలు పెరిగాయి. బ్లూమ్‌బెర్గ్‌ నివేదిక ప్రకారం, రేట్ల మార్పులకు సున్నితమైన అమెరికా రెండేళ్ల బాండ్‌ ఈల్డ్‌ 5 బేసిస్‌ పాయింట్లు పెరిగి 4.90 శాతానికి చేరింది. 10 ఏళ్ల బాండ్‌ ఈల్డ్‌ 4 బేసిస్‌ పాయింట్లు పెరిగి 5.20 శాతానికి చేరుకుంది. అమెరికా బాండ్‌ ఈల్డ్స్‌ పెరగడం వల్ల అభివృద్ధి చెందుతున్న దేశాల మార్కెట్లలో పెట్టుబడుల ఆకర్షణ తగ్గే అవకాశం ఉంటుంది.ఎఫ్‌పీఐల అమ్మకాలుదేశీయ మార్కెట్లపై మరో ప్రధాన ఒత్తిడి విదేశీ పోర్ట్‌ఫోలియో ఇన్వెస్టర్ల (ఎఫ్‌పీఐ) విక్రయాలు. జూలై, ఆగస్టు నెలల్లో నికర కొనుగోలుదారులుగా ఉన్న ఎఫ్‌పీఐలు సెప్టెంబర్‌లో అమ్మకాల వైపు మళ్లారు. ఈ నెలలో ఇప్పటివరకు రూ.17,131 కోట్ల విలువైన భారతీయ స్టాక్స్‌ను విక్రయించారు. దీంతో ఈ ఏడాది ఇప్పటివరకు ఎఫ్‌పీఐల మొత్తం విక్రయాలు రూ.2.41 లక్షల కోట్లకు చేరాయి.

దేశంలో బంగారం, వెండి ధరల్లో భారీ కుదుపు వచ్చింది. కొన్ని రోజులుగా తీవ్ర హెచ్చుతగ్గులకు లోనవుతున్న పసిడి ధరలు నేడు (Today Gold Rate) ఒక్కసారిగా పడిపోయాయి. ఇక వెండి ధరలు (Today Silver Rate) కూడా నేడు అమాంతం క్షీణించాయి. దీంతో ఈరోజు బంగారం, వెండి కొనేవాళ్లకు భారీ ఉపశమనం లభించింది. దేశ రాజధాని ఢిల్లీతో పాటు తెలుగు రాష్ట్రాలలో ఈరోజు బంగారం, వెండి ధరలు ఎలా ఉన్నాయో కింద చూద్దాం..

దేశీయ స్టాక్‌ మార్కెట్‌ సూచీలు భారీ సోమవారం నష్టాల్లో కదలాడుతున్నాయి. ఈరోజు ఉదయం 09:56 సమయానికి నిఫ్టీ(Nifty) 271 పాయింట్లు క్షీణించి 22,869 వద్దకు చేరింది. సెన్సెక్స్‌(Sensex) 871 పాయింట్ల నష్టంతో 73,024 వద్ద ట్రేడవుతోంది. చమురు ధరలు పెరగడం, చాలా గ్లోబల్ ఈక్విటీలు క్షీణించడంతో నిఫ్టీ 50, సెన్సెక్స్ ప్రతికూలంగా ట్రేడ్ అవుతున్నాయి.హిందాల్కో ఇండస్ట్రీస్, మ్యాక్స్ హెల్త్ కేర్ ఇనిస్టిట్యూట్, కొటక్ మహీంద్రా బ్యాంక్ నిఫ్టీ 50 ఇండెక్స్ లో టాప్ లూజర్స్ గా నిలిచాయి. విస్తృత మార్కెట్లలో నిఫ్టీ మిడ్ క్యాప్ 0.62 శాతం, నిఫ్టీ స్మాల్ క్యాప్ 0.61 శాతం నష్టపోయాయి. సెక్టార్ వారీగా, నిఫ్టీ ప్రైవేట్ బ్యాంక్ అత్యధికంగా క్షీణించగా, నిఫ్టీ ఐటీ తక్కువ క్షీణితతో మెరుగనిపించింది.అమెరికా డాలర్‌ ఇండెక్స్‌(USD Index) 101.04బ్రెంట్‌ క్రూడ్‌ఆయిల్‌ బ్యారెల్‌ ధర 104.32 డాలర్లుయూఎస్‌ 10 ఏళ్ల బాండ్‌ ఈల్డ్‌లు 5.17% వద్దకు చేరాయి.గడిచిన సెషన్‌లో యూఎస్‌ ఎస్‌ అండ్‌ పీ 0.51% లాభపడింది.నాస్‌డాక్‌ 0.48% పెరిగింది. (Disclaimer: మార్కెట్ గురించి సాక్షి వెబ్ సైట్లో నిపుణులు వెల్లడించే అభిప్రాయాలు వారి పరిశీలన, అంచనాలను బట్టి ఉంటాయి. ఇన్వెస్టర్లకు ఇది కేవలం విషయ అవగాహన మాత్రమే తప్ప.. వారు పెట్టే పెట్టుబడులకు సాక్షి మీడియా గ్రూపు ఎలాంటి హామీ ఇవ్వదు.)

ముంబై: ట్రేడింగ్‌ నాలుగు రోజులే జరిగే ఈ వారంలోనూ దేశీయ స్టాక్‌ మార్కెట్‌ ఒడిదుడుకులకు లోనవ్వొచ్చని నిపుణులు అంచనా వేస్తున్నారు. అంతర్జాతీయ పరిణామాలు, ముడిచమురు ధరలు, బాండ్లపై రాబడులు (ఈల్డ్స్‌), స్థూల ఆర్థిక గణాంకాలు ట్రెండ్‌ను నిర్దేశిస్తాయని భావిస్తున్నారు. ‘‘అమెరికా ఫెడరల్‌ రిజర్వ్‌ వడ్డీ రేట్ల నిర్ణయం తర్వాత డాలర్‌ బలం పుంజుకోవడం, విదేశీ ఇన్వెస్టర్ల (ఎఫ్‌ఐఐలు) నిధుల ఉపసంహరణ ఒత్తిడి పెంచుతున్నాయి. మరోవైపు బ్యారెల్‌ బ్రెంట్‌ ముడిచమురు 100 డాలర్ల ఎగువనే ఉండటం, అమెరికా పదేళ్ల ట్రెజరీ ఈల్డ్స్‌ 5.2%కి చేరడం ప్రపంచ ఆర్థిక వ్యవస్థకు చెమటలు పట్టిస్తున్నాయి. భౌగోళిక–రాజకీయ అనిశ్చితులు పెరిగి చమురు సరఫరాకు ఆటంకం కలిగితే ద్రవ్యోల్బణ ఒత్తిళ్లు మరింత ఎక్కువవుతాయి. ఇవి భారత్‌ లాంటి వర్ధమాన మార్కెట్లకు విదేశీ నిధుల రాకను పరిమితం చేసే అవకాశముంది. ఈ పరిణామాల నేపథ్యంలో స్వల్పకాలంలో మార్కెట్‌ ఒత్తిడిలోనే కొనసాగవచ్చు’’ అని హెచ్‌ఎస్‌టీ వెల్త్‌ వ్యవస్థాపకుడు హరిసెల్వన్‌ రాధాకృష్ణన్‌ తెలిపారు. కాగా, గాంధీ జయంతి సందర్భంగా సెపె్టంబర్‌ 2న (శుక్రవారం) ఎక్సే్చంజీలకు సెలవు కావడంతో ఈక్విటీ, ఫారెక్స్, కమోడిటీ మార్కెట్లు పనిచేయవు. కొనసాగుతున్న చమురు సవాళ్లు దేశీయ ఈక్విటీ మార్కెట్లకు ముడిచమురు ధరలే అత్యంత కీలకమైన అంశంగా మారనున్నాయి. అమెరికా–ఇరాన్‌ వివాద పరిష్కారానికి యత్నాలు, హర్మూజ్‌ జలసంధి పునఃప్రారంభంపై సానుకూల వార్తలతో గత శుక్రవారం (సెపె్టంబర్‌ 25న) బ్యారెల్‌ బ్రెంట్‌ క్రూడాయిల్‌ 2.1 శాతం తగ్గి 104.32 డాలర్ల వద్ద స్థిరపడింది. దీర్ఘకాలం పాటు చమురు ధరలు గరిష్ట స్థాయిల్లో కొనసాగితే భారత్‌ దిగుమతుల భారం పెరిగి, రూపాయి క్షీణతకు కారణమవ్వడమే కాకుండా ద్రవ్యోల్బణ అంచనాలను క్లిష్టతరం చేస్తాయి. ఒకవేళ హర్మూజ్‌ జలసంధి ద్వారా చమురు సరఫరా పునరుద్ధరణపై స్పష్టత వస్తే ఇంధన ధరలు తగ్గి రూపాయి, స్టాక్‌ మార్కెట్లకు ఊరట లభిస్తుంది. స్పష్టమైన దిశానిర్దేశం వచ్చే వరకు ముడిచమురు, పశ్చిమాసియా పరిణామాలు మార్కెట్‌లో తీవ్ర అస్థిరతకు కారణమవుతాయి. దేశీయ స్థూల గణాంకాలపై దృష్టి దేశీయ స్థూల ఆర్థిక గణాంకాలపై మార్కెట్‌ వర్గాలు దృష్టి సారించనున్నాయి. ఆగస్టు పారిశ్రామిక ఉత్పత్తి (ఐఐపీ) డేటా సోమవారం విడుదల కానుంది. హెచ్‌ఎస్‌బీసీ తయారీ రంగ పీఎంఐ గణాంకాలు సైతం కీలకంగా మారనున్నాయి. మరోవైపు పండుగ సీజన్‌ ఆరంభంలో ఇన్వెస్టర్లు వాహన అమ్మకాల గణాంకాలను నిశితంగా పరిశీలిస్తున్నారు. ఎఫ్‌ఐఐలు ఆరోవారమూ అమ్మకాలే.. విదేశీ పోర్ట్‌ఫోలియో ఇన్వెస్టర్ల (ఎఫ్‌పీలు) లావాదేవీలు కీలకంగా మారనున్నాయి. గతవారంలో విదేశీ ఇన్వెస్టర్లు ఈక్విటీల్లో రూ. 11,490 కోట్ల విలువైన షేర్లను విక్రయించారు. దీంతో ఎఫ్‌ఐఐల అమ్మకాల పరంపర వరుస ఆరోవారమూ కొనసాగినట్లైంది. అయితే, పబ్లిక్‌ ఇష్యూల కారణంగా సంస్థాగత ఇన్వెస్టర్ల రూ.16,398 కోట్ల పెట్టుబడులు పెట్టినట్లు డిపాజిటరీ గణాంకాలు చెబుతున్నాయి.నిఫ్టీకి 23,000 వద్ద కీలక మద్దతు నిఫ్టీకి ఈ వారంలో 23,000 స్థాయి అత్యంత కీలకమైన మద్దతుగా నిలవనుంది. ప్రస్తుతం నిఫ్టీ ఇండెక్స్‌ 21, 55, 100, 200 రోజుల ఎక్స్‌పోనెన్షియల్‌ మూవింగ్‌ యావరేజ్‌ (ఈఎంఏ)ల కన్నా దిగువున ట్రేడవుతుండటం మార్కెట్లో సాంకేతిక బలహీనతను సూచిస్తోంది. ఒకవేళ 23,000 స్థాయిని కోల్పోతే అమ్మకాల ఒత్తిడి పెరిగి సూచీ 22,600 స్థాయికి దిగిరావొచ్చు. రికవరీ సాధిస్తే ఎగువున 23,450 వద్ద తక్షణ నిరోధం ఎదురుకావచ్చు. ‘‘ నిఫ్టీ 23,450 దిగువున ఉన్నంతవరకు మార్కెట్లో బలహీనత కొనసాగుతుంది. మార్కెట్‌ పెరిగిన ప్రతిసారీ లాభాల స్వీకరించే వ్యూహాన్ని అనుసరించడం ఉత్తమం’’ అని మాస్టర్‌ క్యాపిటల్‌ సరీ్వసెస్‌ చీఫ్‌ రీసెర్చ్‌ ఆఫీసర్‌ డాక్టర్‌ రావి సింగ్‌ సూచించారు. ఏడో వారమూ వీడని నష్టాలు క్రూడ్‌ సెగలు, అమెరికా ట్రెజరీ ఈల్డ్స్‌ పెరుగుదల, విదేశీ ఇన్వెస్టర్ల అమ్మకాలు, భౌగోళిక–రాజకీయ అనిశ్చితులు మార్కెట్‌ సెంటిమెంట్‌ను దెబ్బతీశాయి. ఫలితంగా ఏడో వారమూ దేశీయ స్టాక్‌ మార్కెట్‌ నష్టాల్లోనే ముగిసింది. గత వారంలో సెన్సెక్స్‌ 399 పాయింట్లు , నిఫ్టీ 210 పాయింట్లు చొప్పున పతనమయ్యాయి.

బంగారం ధరల్లో ఎప్పటికప్పుడు ఊహకందని మార్పులు జరుగుతున్నాయి. గత వారం రోజుల్లో గోల్డ్ రేటు భారీగా తగ్గుతూ.. అదే స్థాయిలో పెరుగుతూ నేడు (ఆదివారం) స్థిరంగా ఉంది. ఈ కథనంలో ఏడు రోజుల్లో (సెప్టెంబర్ 20 నుంచి 26 వరకు) పసిడి ధరల్లో జరిగిన మార్పుల గురించి మరిన్ని వివరాలు వివరంగా తెలుసుకుందాం.హైదరాబాద్, విజయవాడలలో సెప్టెంబర్ 20న రూ.1,55,840 వద్ద ఉన్న 24 క్యారెట్ల 10 గ్రాముల బంగారం ధర సెప్టెంబర్ 26 నాటికి రూ.1,52,680 వద్దకు (రూ.3160 తగ్గింది) చేరింది. 22 క్యారెట్ల రేటు రూ.1,42,850 నుంచి రూ.1,39,950 వద్దకు (రూ.2900 తగ్గింది) చేరింది.చెన్నైలో సెప్టెంబర్ 20న రూ.1,55,840 వద్ద ఉన్న 24 క్యారెట్ల 10 గ్రాముల బంగారం ధర సెప్టెంబర్ 26 నాటికి రూ.1,52,730 వద్దకు (రూ.3110 తగ్గింది) చేరింది. 22 క్యారెట్ల రేటు రూ.1,42,850 నుంచి రూ.1,40,000 వద్దకు (రూ.2850 తగ్గింది) చేరింది.ఢిల్లీలో కూడా బంగారం ధరల్లో గణనీయమైన మార్పు కనిపించింది. ఇక్కడ సెప్టెంబర్ 20న రూ.1,55,990 వద్ద ఉన్న 24 క్యారెట్ల 10 గ్రాముల బంగారం ధర సెప్టెంబర్ 26 నాటికి రూ.1,52,830 వద్దకు (రూ.3160 తగ్గింది) చేరింది. 22 క్యారెట్ల రేటు రూ.1,43,000 నుంచి రూ.1,40,100 వద్దకు (రూ.2900 తగ్గింది) చేరింది.

వెండి ధరలు, దాని పారిశ్రామిక ప్రాధాన్యంపై ప్రముఖ ఇన్వెస్ట్‌మెంట్‌ నిపుణుడు, ‘రిచ్‌ డాడ్‌ పూర్‌ డాడ్‌’ రచయిత రాబర్ట్‌ కియోసాకి మరోసారి ఆసక్తికర వ్యాఖ్యలు చేశారు. వెండి మార్కెట్‌ను 50 ఏళ్లుగా ఉద్దేశపూర్వకంగా అణిచివేస్తున్నారంటూ కియోసాకి ఆరోపించారు. వెండిని బ్యాంకులు పెద్దఎత్తున నిల్వ చేసుకుంటున్నాయని, మరోవైపు సాధారణ ఇన్వెస్టర్లు మాత్రం కేవలం పేపర్‌ ఆస్తులపైనే ఆధారపడేలా ఆర్థిక వ్యవస్థను తయారు చేశారని ఆయన తన ఫేస్‌బుక్‌ పోస్టులో పేర్కొన్నారు.సాధారణ ఇన్వెస్టర్లు మార్కెట్‌ పతనాలను చూసి భయపడుతుంటే, సంపన్న పెట్టుబడిదారులు మాత్రం వాటిని అవకాశాలుగా చూస్తారని కియోసాకి అన్నారు. మార్కెట్లు కుప్పకూలినప్పుడు వ్యూహాత్మక ఆస్తులను తక్కువ ధరలకు కొనుగోలు చేసి సంపదను మరింతగా పెంచుకుంటారని పేర్కొన్నారు. ప్రపంచ ఆర్థిక వ్యవస్థలో భారీ డెరివేటివ్స్‌ మార్కెట్‌ ఏర్పడటం వల్ల అధిక రిస్క్‌తో కూడిన ఆర్థిక సాధనాలు పెరిగాయని ఆయన అభిప్రాయపడ్డారు.వెండి కేవలం ఆభరణాల తయారీకే పరిమితమైన లోహం కాదని కియోసాకి వివరించారు. కంప్యూటర్లు, మొబైల్‌ ఫోన్లు వంటి ఎలక్ట్రానిక్‌ పరికరాల్లో వెండిని ఉపయోగిస్తున్నారని, సోలార్‌ ప్యానెళ్లు, సైనిక అవసరాల్లోనూ దీనికి డిమాండ్‌ ఉందని అన్నారు. ప్రపంచంలో ఇప్పటికే 95 శాతం వెండి వినియోగించేశారన్న ఆయన బంగారంలా వెండిని పెద్దఎత్తున నిల్వ చేయలేమని, అందువల్ల కొన్ని సందర్భాల్లో వెండికి బంగారం కంటే ఎక్కువ విలువ ఉండొచ్చని వ్యాఖ్యానించారు. టోమాహాక్‌ క్షిపణుల్లోనూ గణనీయమైన మొత్తంలో వెండి ఉంటుందని ఆయన పేర్కొన్నారు.వెండి మార్కెట్‌ను పెద్ద బ్యాంకులు కృత్రిమంగా నియంత్రించి ధరను తక్కువగా ఉంచుతున్నాయని కియోసాకి ఆరోపించారు. ఈ సందర్భంగా జేపీ మోర్గాన్‌ గతంలో చెల్లించిన 920 మిలియన్‌ డాలర్ల జరిమానాను ప్రస్తావించారు.ఇక మ్యూచువల్‌ ఫండ్లు, 401(k) వంటి పేపర్‌ ఆస్తులపై మాత్రమే ఆధారపడటం కంటే వాస్తవ ఆస్తులపై దృష్టి పెట్టాలని కియోసాకి సూచించారు. సంపన్నులు ఆస్తులను కొనుగోలు చేస్తే, పేద, మధ్యతరగతి ప్రజలు తరచూ ఆస్తులుగా భావించే బాధ్యతలను (లయబిలిటీస్‌) కూడబెట్టుకుంటారని తన పాత సిద్ధాంతాన్ని మరోసారి ప్రస్తావించారు. జీతాల కొనుగోలు శక్తి తగ్గుతున్న సమయంలో వ్యూహాత్మక లోహాల ప్రాధాన్యాన్ని గుర్తించాలని ఆయన పేర్కొన్నారు.ఇదీ చదవండి: ఆస్తులు ఉచితమే.. అప్పులూ ఉచితమే!!

దేశంలో బంగారం, వెండి ధరలు నిలకడగా కొనసాగుతున్నాయి. కొన్ని రోజులుగా తీవ్ర హెచ్చుతగ్గులకు లోనవుతున్న పసిడి ధరలు నేడు (Today Gold Rate) స్థిరంగా ఉన్నాయి. ఇక వెండి ధరలు (Today Silver Rate) కూడా నేడు నిలకడగా కొనసాగుతున్నాయి. దీంతో ఈరోజు బంగారం, వెండి కొనేవాళ్లకు ఉపశమనం లభించింది. దేశ రాజధాని ఢిల్లీతో పాటు తెలుగు రాష్ట్రాలలో ఈరోజు బంగారం, వెండి ధరలు ఎలా ఉన్నాయో కింద చూద్దాం..

దేశంలో బంగారం ధరలు తడబడ్డాయి. గత కొన్ని రోజులుగా హెచ్చుతగ్గులకు లోనవుతున్న పసిడి ధరలు నేడు స్పల్పంగా క్షీణించాయి. ఇటీవల కాలంలో స్థిర ఆదాయం సమకూర్చే కమోడిటీ మార్కెట్లపైపు పెట్టుబడిదారులు మొగ్గు చూపుతున్నారు. అందులో భాగంగా బంగారం ధరల్లో మార్పులు వస్తున్నాయని నిపుణులు చెబుతున్నారు. ఇక వెండి ధరలు మాత్రం ఎటువంటి మార్పు లేకుండా నిలకడగా కొనసాగుతున్నాయి. దేశంలోని ప్రధాన నగరాల్లో నేడు బంగారం (Today Gold Rate), వెండి ధరలు (Today Silver Rate) ఎలా ఉన్నాయో కింద తెలుసుకుందాం.

న్యూఢిల్లీ: స్టాక్‌ ఎక్సే్చంజీలు తమ సొంత ట్రేడింగ్‌ ప్లాట్‌ఫామ్‌పైనే షేర్లను లిస్ట్‌ చేసుకునే ‘సెల్ఫ్‌–లిస్టింగ్‌’ విధానం ఆచరణ సాధ్యమేనని, అయితే దీనికి అనుమతి ఇవ్వాలా..? వద్దా..? అనేది మార్కెట్‌ నియంత్రణ సంస్థ సెబీ పరిధిలోని అంశమని నేషనల్‌ స్టాక్‌ ఎక్సే్చంజ్‌ (ఎన్‌ఎస్‌ఈ) చైర్మన్‌ శ్రీనివాస్‌ ఇంజేటి అన్నారు. దేశంలోనే అతిపెద్ద స్టాక్‌ ఎక్సే్చంజ్‌ అయిన ఎన్‌ఎస్‌ఈ.. ప్రత్యర్థి బీఎస్‌ఈలో లిస్టయిన మరుసటి రోజే ఆయన సెల్ఫ్‌–లిస్టింగ్‌ అంశాన్ని ప్రస్తావించారు. ప్రస్తుతం అమల్లో ఉన్న నిబంధనల ప్రకారం ఏ స్టాక్‌ ఎక్సే్చంజీ కూడా తన సొంత ప్లాట్‌ఫామ్‌పై తన షేర్లను లిస్ట్‌ చేయడం, వాటి ట్రేడింగ్‌కు అనుమతించడం వీలుకాదు. ఈ నిబంధనలకు అనుగుణంగానే ఎన్‌ఎస్‌ఈ షేర్లు బీఎస్‌ఈలో, బీఎస్‌ఈ షేర్లు ఎన్‌ఎస్‌ఈలో లిస్ట్‌ అయ్యాయి. సెబీదే తుది నిర్ణయం ‘సెల్ఫ్‌–లిస్టింగ్‌కు ఈరోజు అనుమతి లేకపోవచ్చు. కానీ మారుతున్న నిబంధనల నేపథ్యంలో రేపు అనుమతి లభించవచ్చు. ఇది పూర్తిగా ఆచరణ సాధ్యమైన అంశమే. అయితే అనుమతించాలా వద్దా అనేది సెబీ విచక్షణాధికారం. నియంత్రణ సంస్థ సంతృప్తి చెందేలా ఎన్‌ఎస్‌ఈ అవసరమైన ప్రమాణాలను పాటించగలిగితే.. సెల్ఫ్‌–లిస్టింగ్‌ భవిష్యత్తులో వాస్తవం కావచ్చు’ అని ఇంజేటి మీడియా సమావేశంలో అన్నారు.ప్రజా ప్రయోజనాలకే తొలి ప్రాధాన్యత ‘లిస్టింగ్‌ తర్వాత ఎన్‌ఎస్‌ఈకి మార్కెట్‌ నియంత్రణ, మార్కెట్‌ సమగ్రతను కాపాడటం, ప్రజా ప్రయోజనాలను పరిరక్షించడం ఒకవైపు.. వాటాదారులకు రాబడులు అందించే వ్యాపార బాధ్యత మరోవైపు ఉంటాయి’ అని ఇంజేటి అన్నారు.

బంగారం ధరల్లో ప్రస్తుతం కొంత తగ్గుదల కనిపిస్తోంది. ఈ వారం ఇప్పటి వరకు పసిడి రేటు దాదాపు 1.7 శాతం తగ్గింది. అయితే.. శుక్రవారం మాత్రం అంతర్జాతీయ మార్కెట్‌లో స్పాట్ గోల్డ్ ధర 0.6 శాతం పెరిగి ఔన్సుకు 4,304.71 డాలర్లకు చేరింది. అమెరికా గోల్డ్ ఫ్యూచర్స్ కూడా 1 శాతం పెరిగి 4,340 డాలర్లకు చేరాయి. ఈ కథనంలో.. బంగారం ధరలు తగ్గడానికి ప్రధాన కారణాలు ఏమిటనే విషయం తెలుసుకుందాం.వడ్డీ రేట్ల ప్రభావంబంగారం ధర తగ్గడానికి ప్రధాన కారణం.. అమెరికా వడ్డీ రేట్లు. అమెరికా ఫెడరల్ రిజర్వ్ వడ్డీ రేట్లను పెంచడంతో.. పెట్టుబడిదారులు బాండ్లు వంటి వడ్డీ వచ్చే పెట్టుబడుల వైపు ఆసక్తి చూపుతున్నారు. ఎందుకంటే.. బంగారంపై ఎలాంటి వడ్డీ రాదు. కాబట్టి వడ్డీ రేట్లు పెరిగినప్పుడు బంగారంలో పెట్టుబడి పెట్టడం కంటే, వడ్డీ వచ్చే ఆస్తుల్లో పెట్టుబడి పెట్టడానికి ఆసక్తి చూపుతారు. దీంతో బంగారం ధరల్లో మార్పులు సంభవిస్తాయి.అమెరికా-ఇరాన్ చర్చలుఅమెరికా, ఇరాన్ మధ్య చర్చలు కూడా బంగారం ధరలను ప్రభావితం చేస్తున్నాయి. ఇరు దేశాల మధ్య ఒప్పందం కుదిరే అవకాశాలు ఉన్నాయనే వార్తలతో చమురు ధరలు కొంత తగ్గాయి. సాధారణంగా ప్రపంచంలో యుద్ధాలు, ఉద్రిక్తతలు లేదా ఆర్థిక అనిశ్చితి ఉన్నప్పుడు ప్రజలు బంగారాన్ని సురక్షిత పెట్టుబడిగా భావిస్తారు. పరిస్థితులు కొంత మెరుగుపడే సూచనలు కనిపిస్తే.. బంగారంపై ఆ డిమాండ్ తగ్గే అవకాశం ఉంటుంది.ఫెడ్ నిర్ణయాలపై మార్కెట్ దృష్టిఅమెరికా ఫెడరల్ రిజర్వ్ ఇటీవల 0.25 శాతం వడ్డీ రేటు పెంచింది. భవిష్యత్తులో కూడా వడ్డీ రేట్లు పెరగవచ్చనే అంచనాలు ఉన్నాయి. దీంతో బంగారం ధరలు మరింత ఒత్తిడిని ఎదుర్కొనే అవకాశం ఉందని మార్కెట్ విశ్లేషకులు చెబుతున్నారు. అయితే.. వడ్డీ రేట్లు మాత్రమే బంగారం ధరను నిర్ణయించవు. డాలర్ విలువ, చమురు ధరలు, ప్రపంచ ఆర్థిక పరిస్థితులు కూడా చాలా ముఖ్యమైనవి.డాలర్, చమురు ధరలుడాలర్ విలువ కొంత తగ్గడం కూడా బంగారం ధరల పతనానికి కారణం అవుతోంది. డాలర్ బలహీనపడితే.. ఇతర దేశాల కరెన్సీల్లో బంగారం కొనుగోలు చేయడం కొంత సులభమవుతుంది. అలాగే.. చమురు ధరలు తగ్గడం వల్ల కూడా మార్కెట్‌లో పరిస్థితులు కొంత మారుతాయి. అయితే భవిష్యత్తులో ప్రపంచంలో ఆర్థిక అనిశ్చితి పెరిగితే.. పెట్టుబడిదారులు మళ్లీ బంగారం వైపు వెళ్లే అవకాశం ఉంటుంది.రాబోయే రోజుల్లో.. బంగారం ధర ఎలా ఉంటుందని ఖచ్చితంగా చెప్పడం కష్టం. అమెరికా వడ్డీ రేట్లు, డాలర్ విలువ, చమురు ధరలు, ప్రపంచ ఆర్థిక పరిస్థితులు, కేంద్ర బ్యాంకుల బంగారం కొనుగోళ్లు వంటి అనేక అంశాలు దీనిపై ప్రభావం చూపుతాయి. ప్రస్తుతం వడ్డీ రేట్ల పెంపు అంచనాలు బంగారంపై ఒత్తిడి పెంచుతున్నప్పటికీ, ప్రపంచ ఆర్థిక అనిశ్చితి కొనసాగితే బంగారానికి మళ్లీ డిమాండ్ పెరిగే అవకాశం ఉంటుందని నిపుణులు చెబుతున్నారు.ఇదీ చదవండి: ఆన్‌లైన్‌ షాపింగ్‌ చేస్తున్నారా.. ఈ కొత్త రూల్స్‌ తెలుసా?

జియో ఐపీఓకు సంబంధించి సోషల్ మీడియాలో ఒక ఆసక్తికరమైన ‘ట్రిక్’ వైరల్ అవుతోంది. ఒకే డీమ్యాట్ ఖాతా నుంచి ఐపీఓకు రెండుసార్లు దరఖాస్తు చేసుకోవచ్చని, ఇందుకోసం రిలయన్స్ ఇండస్ట్రీస్ షేర్లను కొనుగోలు చేస్తే జియో ఐపీఓలో వాటాదారుల రిజర్వేషన్ కింద దరఖాస్తు చేసుకునే అవకాశం లభిస్తుందని ప్రచారం జరుగుతోంది.ఈ ప్రచారం ప్రకారం, రిలయన్స్ ఇండస్ట్రీస్‌లో షేర్లు కలిగి ఉన్న ఇన్వెస్టర్లకు జియో ఐపీఓలో షేర్‌హోల్డర్ రిజర్వేషన్ కేటగిరీ కింద దరఖాస్తు చేసుకునే అవకాశం ఉండవచ్చని చెబుతున్నారు. అదే సమయంలో.. సాధారణ రిటైల్ ఇన్వెస్టర్ కేటగిరీలో కూడా మరో దరఖాస్తు చేసుకోవచ్చని సోషల్ మీడియా పోస్టులు పేర్కొంటున్నాయి.ఇలాంటి విధానాన్ని గతంలో కోల్ ఇండియా, హీరో మోటోకార్ప్, ఎన్‌ఎల్‌సీ ఇండియా వంటి సంస్థల ఐపీఓల సమయంలో ఇన్వెస్టర్లు ఉపయోగించినట్లు ఈ ప్రచారంలో పేర్కొంటున్నారు.అయితే.. ఒకే డీమ్యాట్ ఖాతా లేదా ఒకే పాన్ నుంచి రెండు వేర్వేరు కేటగిరీల్లో దరఖాస్తు చేయడం అనుమతించబడుతుందా? అనే విషయం ఐపీఓ అధికారిక నిబంధనలు, SEBI మార్గదర్శకాలు మరియు జియో ఐపీఓ తుది ఆఫర్ డాక్యుమెంట్‌పై ఆధారపడి ఉంటుంది. అందువల్ల, జియో ఐపీఓకు దరఖాస్తు చేసే ముందు అధికారిక ఐపీఓ డాక్యుమెంట్లలో వాటాదారుల రిజర్వేషన్, అర్హత తేదీ, దరఖాస్తు పరిమితులు, ఒకే PAN/డీమ్యాట్ ఖాతాకు వర్తించే నిబంధనలను ఇన్వెస్టర్లు పరిశీలించాల్సి ఉంటుంది.ఇదీ చదవండి: ఉద్యోగం మానేస్తే.. హెల్త్ ఇన్సూరెన్స్ పోతుందా?

శుక్రవారం ఉదయం ప్లాట్‌గా ప్రారంభమైన దేశీయ స్టాక్ మార్కెట్లు.. ట్రేడింగ్ క్లోజ్ అయ్యే సమయానికి లాభాల్లో ముగిశాయి. సెన్సెక్స్ 315.20 పాయింట్లు లేదా 0.43 శాతం లాభంతో 73,895.74 వద్ద, నిఫ్టీ 77.40 పాయింట్లు లేదా 0.34 శాతం లాభంతో 23,140.50 వద్ద నిలిచాయి.వర్ల్‌పూల్ ఆఫ్ ఇండియా లిమిటెడ్, కేన్స్ టెక్నాలజీ ఇండియా లిమిటెడ్, హెచ్‌ఈజీ అడ్వాన్స్‌డ్ మెటీరియల్స్ లిమిటెడ్ వంటి కంపెనీలు టాప్ గెయినర్స్ జాబితాలో చేరాయి. ఓలా ఎలక్ట్రిక్ మొబిలిటీ లిమిటెడ్, జేకే సిమెంట్ లిమిటెడ్, మాక్స్ హెల్త్‌కేర్ ఇన్‌స్టిట్యూట్ లిమిటెడ్ వంటి కంపెనీలు నష్టాల జాబితాలో చేరాయి.(Disclaimer: మార్కెట్ గురించి సాక్షి వెబ్‌సైట్‌లో నిపుణులు వెల్లడించే అభిప్రాయాలు వారి పరిశీలన, అంచనాలను బట్టి ఉంటాయి. ఇన్వెస్టర్లకు ఇది కేవలం విషయ అవగాహన మాత్రమే తప్ప.. వారు పెట్టే పెట్టుబడులకు సాక్షి మీడియా గ్రూపు ఎలాంటి హామీ ఇవ్వదు.)ఇదీ చదవండి: IRDAI కొత్త రూల్స్.. బీమా కంపెనీలకు కొత్త సవాళ్లు!

న్యూఢిల్లీ: భారతీ ఎయిర్‌టెల్‌ ఫిన్‌టెక్‌ విభాగం ‘ఎయిర్‌టెల్‌ మనీ’ అంతర్జాతీయ క్యాపిటల్‌ మార్కెట్లోకి అడుగు పెట్టేందుకు సిద్ధమైంది. లండన్‌ స్టాక్‌ ఎక్స్ఛేంజ్‌ (ఎల్‌ఎస్‌ఈ)లో లిస్ట్‌ అయ్యేందుకు సన్నాహాలు చేస్తున్నట్లు కంపెనీ ప్రకటించింది. ఈ పబ్లిక్‌ ఆఫర్‌కు సంబంధించిన షేర్ల ధర శ్రేణి, ఇష్యూ పరిమాణంతో పాటు ఇతర పూర్తి వివరాలను అక్టోబర్‌లో సమర్పించే ముసాయిదా పత్రాల్లో వెల్లడిస్తామని ‘ఎల్‌ఎస్‌ఈ’ ఫైలింగ్‌లో తెలిపింది. అక్టోబర్‌ మూడో వారంలో ఐపీఓ తుది ధరను ఖరారు చేయనున్నారు. ఈ ఐపీఓ ద్వారా ప్రస్తుత షేర్‌ హోల్డర్లు తమ వద్ద ఉన్న షేర్లను విక్రయించనున్నారు ఐఎఫ్‌సీతో ప్రమోటర్‌ ఒప్పందం ఐపీఓ ప్రక్రియలో భాగంగా ఇంటర్నేషనల్‌ ఫైనాన్స్‌ కార్పొరేషన్‌ (ఐఎఫ్‌సీ) సంస్థ ఎయిర్‌టెల్‌ మనీతో ‘ముందస్తు పెట్టుబడి ఒప్పందం’ కుదుర్చుకుంది. ఐపీఓలో ఖరారయ్యే ముగింపు ధర వద్ద.. ప్రస్తుత షేర్‌ హోల్డర్ల నుంచి దాదాపు 90 మిలియన్‌ డాలర్ల (సుమారు రూ.750 కోట్లు) విలువైన షేర్లను కొనుగోలు చేసేందుకు ఐఎఫ్‌సీ అంగీకరించింది.ఆఫ్రికాలో ఎయిర్‌టెల్‌ మనీ హవా ఆఫ్రికా ఖండంలోనే అతిపెద్ద ఫిన్‌టెక్‌ ప్లాట్‌ఫామ్‌గా ‘ఎయిర్‌టెల్‌ మనీ’ నిలిచిందని కంపెనీ సీఈవో ఇయాన్‌ ఫెర్రావో తెలిపారు. ‘‘ప్రస్తుతం నెలకు 5.3 కోట్ల మంది డిజిటల్‌ లావాదేవీలు నిర్వహిస్తున్నారు. ఇది కంపెనీ ఆదాయాన్ని భారీగా పెంచింది. 2031 నాటికి డిజిటల్‌ లావాదేవీల పరిమాణం అయిదు రెట్లు పెరుగుతుంది. ఎయిర్‌టెల్‌ ఆఫ్రికా సబ్‌స్రైబర్లను తమ డిజిటల్‌ యాప్‌ వైపు మళ్లించడం ద్వారా ఈ అవకాశాన్ని అందిపుచ్చుకుంటాము’’ అని ఫెర్రావో స్పష్టం చేశారు.ప్రస్తుతం ఎయిర్‌టెల్‌ ఆఫ్రికా సంస్థకు ఎయిర్‌టెల్‌ మనీలో 77.85 శాతం వాటా ఉంది. 2021లో టీపీజీ, మాస్టర్‌కార్డ్, ఖతార్‌ ఇన్వెస్ట్‌మెంట్‌ అథారిటీ సంస్థలు ఇందులో 550 మిలియన్‌ డాలర్ల మైనారిటీ వాటాలను దక్కించుకున్నాయి. లిస్టింగ్‌ తర్వాత కూడా ఎయిర్‌టెల్‌ ఆఫ్రికానే ప్రధాన వ్యూహాత్మక వాటాదారుగా కొనసాగనుంది.

దేశంలో బంగారం ధరలు బలపడ్డాయి. గత కొన్ని రోజులుగా హెచ్చుతగ్గులకు లోనవుతున్న పసిడి ధరలు క్రితం రోజున భారీగా క్షీణించగా నేడు మళ్లీ పెరుగుదలను నమోదు చేశాయి. ఇటీవల కాలంలో స్థిర ఆదాయం సమకూర్చే కమోడిటీ మార్కెట్లపైపు పెట్టుబడిదారులు మొగ్గు చూపుతున్నారు. అందులో భాగంగా బంగారం ధరల్లో మార్పులు వస్తున్నాయని నిపుణులు చెబుతున్నారు. ఇక వెండి ధరలు మాత్రం ఎటువంటి మార్పు లేకుండా నిలకడగా కొనసాగుతున్నాయి. దేశంలోని ప్రధాన నగరాల్లో నేడు బంగారం (Today Gold Rate), వెండి ధరలు (Today Silver Rate) ఎలా ఉన్నాయో కింద తెలుసుకుందాం.

దేశీయ స్టాక్‌ మార్కెట్‌ సూచీలు శుక్రవారం ఫ్లాట్‌గా కదలాడుతున్నాయి. ఈరోజు ఉదయం 09:27 సమయానికి నిఫ్టీ(Nifty) 18 పాయింట్లు పెరిగి 23,079 వద్దకు చేరింది. సెన్సెక్స్‌(Sensex) 87 పాయింట్లు పుంజుకొని 73,659 వద్ద ట్రేడవుతోంది.అమెరికా డాలర్‌ ఇండెక్స్‌(USD Index) 101.24బ్రెంట్‌ క్రూడ్‌ఆయిల్‌ బ్యారెల్‌ ధర 105.6 డాలర్లుయూఎస్‌ 10 ఏళ్ల బాండ్‌ ఈల్డ్‌లు 5.19 శాతానికి చేరాయి.గడిచిన సెషన్‌లో యూఎస్‌ ఎస్‌ అండ్‌ పీ 0.02 శాతం పడిపోయింది.నాస్‌డాక్‌ 0.01 శాతం పెరిగింది.Today Nifty position 25-09-2026(time: 09:27 am)(Disclaimer: మార్కెట్ గురించి సాక్షి వెబ్ సైట్లో నిపుణులు వెల్లడించే అభిప్రాయాలు వారి పరిశీలన, అంచనాలను బట్టి ఉంటాయి. ఇన్వెస్టర్లకు ఇది కేవలం విషయ అవగాహన మాత్రమే తప్ప.. వారు పెట్టే పెట్టుబడులకు సాక్షి మీడియా గ్రూపు ఎలాంటి హామీ ఇవ్వదు.)

స్టాక్ మార్కెట్లో డెరివేటివ్స్ డెలివరీ, ఎక్స్‌పైరీ రోజుల్లో ముగింపు ధరల (సెటిల్‌మెంట్‌ ధరలు) లెక్కింపు విధానాన్ని సులభతరం చేసేందుకు భారత సెక్యూరిటీస్ అండ్ ఎక్స్చేంజ్ బోర్డ్ (సెబీ) వేగంగా అడుగులు వేస్తోంది. ఇటీవల ప్రతిపాదించిన క్లోజింగ్ ఆక్షన్ సెషన్ (సీఏఎస్‌) ఫ్రేమ్‌వర్క్‌లో కీలక మార్పులపై మార్కెట్ భాగస్వాముల నుంచి ఏకంగా 3,500 ప్రతిస్పందనలు, సూచనలు వచ్చినట్లు సెబీ ఛైర్మన్ తుహిన్ కాంత పాండే వెల్లడించారు. ఈ సమాలోచనల ప్రక్రియ అక్టోబర్ 3 నాటితో పూర్తవుతుందని, దీని ఆధారంగా తుది నిబంధనలను వీలైనంత త్వరగా అమల్లోకి తీసుకువస్తామని ఆయన స్పష్టం చేశారు.ఆగస్టు 3న యాక్టివ్ ఫ్యూచర్స్ అండ్ ఆప్షన్స్ కాంట్రాక్టులు ఉన్న షేర్ల కోసం ప్రవేశపెట్టిన క్లోజింగ్ ఆక్షన్ సెషన్ ఫ్రేమ్‌వర్క్ ద్వారా ట్రేడింగ్ ముగిసే సమయంలో షేర్ల ఆఖరి ధరలను నిర్ణయించడం ప్రారంభించారు. అయితే, ఎక్స్‌పైరీ రోజుల్లో ఈ కొత్త ప్రక్రియ కారణంగా డెరివేటివ్స్ కాంట్రాక్టుల ధరల్లో తీవ్రమైన హెచ్చుతగ్గులు చోటుచేసుకున్నాయి. ఇది ఇన్వెస్టర్లకు, వ్యాపారులకు గందరగోళానికి దారితీయడంతో సెబీ తక్షణమే రంగంలోకి దిగింది. ముగింపు ధరల లెక్కింపు విధానాన్ని పునసమీక్షించేందుకు ఒక సుదీర్ఘ చర్చా పత్రాన్ని విడుదల చేసి మార్కెట్ నిపుణులు, ప్రాసెస్ కన్సల్టెంట్ల సలహాలను ఆహ్వానించింది.మార్కెట్ సమగ్రతను, పారదర్శకతను కాపాడటంతో పాటు సామాన్య ఇన్వెస్టర్ల ప్రయోజనాలను రక్షించడమే లక్ష్యంగా సెబీ ఈ సమీక్ష చేపడుతోంది. వేలాదిగా వచ్చిన ప్రతిపాదనలను పరిశీలించి ధరల అస్థిరతను అరికట్టే విధంగా నూతన ప్రక్రియను అత్యంత వేగంగా అమల్లోకి తెచ్చేందుకు నియంత్రణ సంస్థ సన్నాహాలు చేస్తోంది. ఈ మార్పులు స్టాక్ మార్కెట్లో స్థిరత్వాన్ని పునరుద్ధరించగలవని నిపుణులు భావిస్తున్నారు.ఇదీ చదవండి: భారత్‌లో అత్యంత సంపన్న నటులు వీరే..

ముంబై: బీమా రంగానికి సంబంధించిన విధివిధానాల్లో మార్పులకు బీమా నియంత్రణ సంస్థ ‘ఐఆర్‌డీఏఐ’ చేసిన ప్రతిపాదనలతో బ్యాంకింగ్, ఫైనాన్షియల్‌ షేర్లలో విక్రయాలు వెల్లువెత్తాయి. అలాగే, అమెరికా బాండ్లపై రాబడులు(ఈల్డ్స్‌) పెరగడం, క్రూడాయిల్‌ ధరలు పుంజుకోవడం, ఫెడరల్‌ రిజర్వ్‌ వడ్డీరేట్ల పెంపు అంచనాలు తెరపైకి రావడం సెంటిమెంట్‌ను దెబ్బతీశాయి. ఫలితంగా గురువారం సెన్సెక్స్‌ 1,248 పాయింట్లు కుప్పకూలి 73,579 వద్ద స్థిరపడింది. గడచిన మూడు నెలల్లో ఈ సూచీకిదే అత్యంత కనిష్ట ముగింపు. నిఫ్టీ 384 పాయింట్లు క్షీణించి ఐదు నెలల కనిష్టం 23,063 వద్ద నిలిచింది. సూచీలు ఒకటిన్నర శాతం పతనంతో ఇన్వెస్టర్ల సంపదగా భావించే బీఎస్‌ఈ మార్కెట్‌ క్యాపిటలైజేషన్‌ రూ. 4 లక్షల కోట్లు హరించుకుపోయి రూ.480 లక్షల కోట్లకు దిగొచ్చింది. పశ్చిమాసియాలో మళ్లీ తలెత్తిన ఉద్రిక్తతలతో బ్యారెల్‌ బ్రెంట్‌ క్రూడాయిల్‌ ధర ఏకంగా 5% ఎగసి 108 డాలర్ల వద్ద ట్రేడవుతోంది. అంతర్జాతీయ మార్కెట్లు నష్టాల్లో ట్రేడవుతున్నాయి. రోజంతా విక్రయాలు: ప్రపంచ ప్రతికూలతలు, ఎన్‌ఎస్‌ఈ లిస్టింగ్‌ల నేపథ్యంలో ఉదయమే సూచీలు భారీ నష్టాలతో ప్రారంభమయ్యాయి. ‘ఐఆర్‌డీఏఐ’ ప్రతిపాదనలు వెల్లడి తర్వాత అన్ని రంగాల షేర్లలో ముఖ్యంగా ‘బ్యాంకులు, ఫైనాన్స్‌’ షేర్లలో భారీగా లాభాల స్వీకరణ చోటు చేసుకుంది. ట్రేడింగ్‌ గడిచేకొద్దీ అమ్మకాల తీవ్రత మరింత పెరిగాయి. ఒకానొక దశలో సెన్సెక్స్‌ 1,264 పాయింట్లు క్షీణించి 73,564 వద్ద, నిఫ్టీ 401 పాయింట్లు పడి 23,046 వద్ద కనిష్టాలకు దిగొచ్చాయి. అన్ని రంగాలూ డీలా: బీఎస్‌ఈలో అన్ని రంగాల ఇండెక్సులన్నీ డీలా పడ్డాయి. అత్యధికంగా ప్రైవేట్‌ రంగ బ్యాంక్స్‌ 3%, హౌసింగ్‌ ఫైనాన్స్‌ 2.56%, ఫైనాన్స్‌ సర్వీసెస్‌ 2.32%, ఇన్సూరెన్స్‌ 2.20%, మెటల్‌ 1.65% క్షీణించాయి. మిడ్‌క్యాప్‌ సెలెక్ట్‌ ఇండెక్స్‌ 3.12%, స్మాల్‌క్యాప్‌ సెలెక్స్‌ సూచీ 1.19 శాతం నష్టపోయాయి. సెన్సెక్స్‌లో ఒక షేరుకే లాభాలు: సెన్సెక్స్‌ సూచీలోని 30 షేర్లలో ఎన్‌టీపీసీ షేరు మాత్రమే ఎలాంటి లాభ, నష్టాలను లోనవకుండా యథాతథంగా క్రితం ముగింపు (రూ.326) వద్దే ముగిసింది. మిగిలిన 29 షేర్లూ నష్టాలు చవిచూశాయి. బజాజ్‌ ఫైనాన్స్‌ (–5.74%), యాక్సిస్‌ బ్యాంక్‌ (–4.67%), బజాజ్‌ ఫిన్‌సర్వ్‌ (–4.06%), ఇండిగో (–2.78%), ట్రెంట్‌ (–2.75%) అత్యధికంగా పతనమయ్యాయి.బీమా, ఫిన్‌టెక్‌ షేర్లు డౌన్‌..! నియంత్రణ సంస్థ ‘ఐఆర్‌డీఏఐ’ ప్రతిపాదించిన కొత్త విధివిధానాలతో దలాల్‌ స్ట్రీట్‌లోని బీమా, ఫిన్‌టెక్‌ షేర్లు బెంబేలెత్తాయి. నిర్వహణ వ్యయాల పరిమితిని తగ్గించడంతో పాటు ఏజెంట్లు, మధ్యవర్తుల కమీషన్లపై కఠిన నిబంధనలను విధించేందుకు ‘ఐఆర్‌డీఏఐ’ సిద్ధమైంది. బ్యాంకులు, డిస్ట్రిబ్యూషన్‌ ప్లాట్‌ఫామ్‌లకు వచ్చే ‘బ్యాంకస్యూరెన్స్‌ ఆదాయం’ తగ్గి లాభాల మార్జిన్లు దెబ్బతింటాయనే ఆందోళనలు వెల్లువెత్తాయి. పీబీ ఫిన్‌టెక్‌ (పాలసీ బజార్‌) అత్యధికంగా 35.98% క్షీణించింది. టర్టిల్‌మింట్‌ 20% పతనమవ్వగా.. మాక్స్‌ ఫైనాన్షియల్‌ (9.8%), హెచ్‌డీఎఫ్‌సీ లైఫ్‌ (6.1%), న్యూ ఇండియా అస్యూరెన్స్‌ (5.4%), నివా బూపా (5%), మెడి అసిస్ట్‌ (4.8%), ఐసీఐసీఐ ప్రు (4.23%) షేర్లు తీవ్రంగా నష్టపోయాయి. ఇక బీమా లో కీలక భాగస్వాములుగా ఉన్న యాక్సిస్‌ బ్యాంక్‌ (4.67%), ఇండస్‌ఇండ్‌ (4.15%), బజాజ్‌ ఫై నాన్స్‌ (5.47%) పడ్డాయి.

భారత బీమా రంగంలో ఐఆర్‌డీఏఐ ప్రతిపాదించిన కొత్త మార్పులు.. మార్కెట్‌లో ఒక్కసారిగా కలకలం రేపాయి. కొత్త కమిషన్ విధానానికి సంబంధించిన ప్రతిపాదనలు బయటకు రావడంతో బీమా కంపెనీలు, బ్రోకర్లు, డిజిటల్ ఇన్సూరెన్స్ ప్లాట్‌ఫామ్‌ల షేర్లు భారీగా పడిపోయాయి. ముఖ్యంగా పాలసీ బజార్ మాతృసంస్థ పీబీ ఫిన్‌టెక్‌ షేర్ సుమారు 36% పడిపోవడంతో కంపెనీ మార్కెట్ విలువలో రూ.31,000 కోట్లకు పైగా తగ్గింది. ఈ ప్రభావం హెచ్‌డీఎఫ్‌సి లైఫ్, ఐసీఐసీఐ ప్రుడెన్షియల్ లైఫ్ ఇన్సూరెన్స్, మ్యాక్స్ ఫైనాన్సియల్ సర్వీసెస్ వంటి ఇతర కంపెనీలపై కూడా ప్రభావం కనిపించింది.ఈ ఆందోళనకు ప్రధాన కారణం.. బీమా పాలసీలపై చెల్లించే కమిషన్లకు కొత్త పరిమితులు తీసుకురావాలన్న ఐఆర్‌డీఏఐ ప్రతిపాదన. ఇకపై అన్ని పాలసీలకు ఒకే విధంగా కమిషన్ ఇవ్వకుండా, పాలసీ రకం, పాలసీని విక్రయించడానికి, సర్వీస్ చేయడానికి పడే శ్రమ వంటి అంశాలను పరిగణనలోకి తీసుకోవాలని ప్రతిపాదించారు. దీనివల్ల ముఖ్యంగా కొత్త పాలసీలపై వచ్చే కమిషన్లపై ఆధారపడే పాలసీ బజార్ వంటి డిజిటల్ ప్లాట్‌ఫారమ్‌ల ఆదాయంపై ప్రభావం పడే అవకాశం ఉంది.ఇక బీమా కంపెనీలు తమ నిర్వహణ ఖర్చులను కూడా నియంత్రించుకోవాల్సి ఉంటుంది. లైఫ్ ఇన్సూరెన్స్ కంపెనీల ఎక్స్‌పెన్స్ లిమిట్‌ను రాబోయే సంవత్సరాల్లో దశలవారీగా తగ్గించే ప్రతిపాదన ఉంది. హెల్త్ అండ్ మోటార్ ఇన్సూరెన్సులో రెన్యూవల్ కమీషన్ మీద నియంత్రణ, బ్యాంకు రుణంతో పాటు బీమాను బలవంతంగా తీసుకునే విధానాలకు అడ్డుకట్ట, అలాగే కస్టమర్లను ఒక నిర్దిష్ట పాలసీ వైపు నెట్టే డార్క్ ప్యాటర్న్స్‌పై నిషేధం వంటి మార్పులు కూడా ప్రతిపాదించారు.ఈ మార్పుల వల్ల బీమా రంగంలో వ్యాపారం చేసే సంస్థలు తమ పాత విధానాలను మార్చుకోవాల్సి వస్తుంది. కేవలం కొత్త పాలసీలు అమ్మడం, కమిషన్లు సంపాదించడం కంటే రెన్యువల్, పేమెంట్, పాలసీ సర్వీసింగ్, క్లెయిమ్ సపోర్ట్ వంటి సేవలకు భవిష్యత్తులో ఎక్కువ ప్రాధాన్యం రావచ్చు. ఆధార్ ఈ-కేవైసీ, అకౌంట్ అగ్రిగేటర్, యూపీఐ ఆటోపే వంటి డిజిటల్ సదుపాయాలు ఈ మార్పును సులభతరం చేయగలవు. ముఖ్యంగా చిన్న పట్టణాల్లో పనిచేసే ఇన్సూరెన్స్ ఏజెంట్స్, POSPs కూడా ఈ డిజిటల్ వ్యవస్థలను ఉపయోగించి కస్టమర్లకు మెరుగైన సేవలు అందించవచ్చు.ఇదీ చదవండి: బంగారం.. దేశ ఆర్థిక వ్యవస్థపై భారం!

గురువారం ఉదయం నష్టాల్లో ప్రారంభమైన దేశీయ స్టాక్ మార్కెట్లు.. ట్రేడింగ్ క్లోజ్ అయ్యే సమయానికి కుప్పకూలాయి. సెన్సెక్స్ 1,247.71 పాయింట్లు లేదా 1.67 శాతం నష్టంతో 73,580.54 వద్ద, నిఫ్టీ 383.70 పాయింట్లు లేదా 1.64 శాతం నష్టంతో 23,063.10 వద్ద నిలిచాయి.అలైడ్ బ్లెండర్స్ & డిస్టిల్లర్స్ లిమిటెడ్, సన్ టీవీ నెట్‌వర్క్ లిమిటెడ్, కార్బోరండమ్ యూనివర్సల్ లిమిటెడ్ కంపెనీలు టాప్ గెయినర్స్ జాబితాలో చేరాయి. పీబీ ఫిన్‌టెక్ లిమిటెడ్, ఎల్&టి ఫైనాన్స్ లిమిటెడ్, ఇన్ఫో ఎడ్జ్ (ఇండియా) లిమిటెడ్ వంటివి నష్టాల జాబితాలో చేరాయి.అమెరికా బెంచ్‌మార్క్ ట్రెజరీ ఈల్డ్ పెరగడం, ముడి చమురు ధరలు బ్యారెల్‌కు 100 డాలర్లకు పైగా పెరగడంతో, గురువారం నాడు బెంచ్‌మార్క్ సూచీలు సెన్సెక్స్ - నిఫ్టీ 1.5 శాతానికి పైగా పడిపోయాయి. బ్యాంకులు, NBFC స్టాక్‌లలో అమ్మకాలు, బలహీనమైన ప్రపంచ మార్కెట్ ధోరణులతో పాటుగా, పెట్టుబడిదారుల సెంటిమెంట్‌పై కూడా ప్రతికూల ప్రభావం చూపాయి.(Disclaimer: మార్కెట్ గురించి సాక్షి వెబ్‌సైట్‌లో నిపుణులు వెల్లడించే అభిప్రాయాలు వారి పరిశీలన, అంచనాలను బట్టి ఉంటాయి. ఇన్వెస్టర్లకు ఇది కేవలం విషయ అవగాహన మాత్రమే తప్ప.. వారు పెట్టే పెట్టుబడులకు సాక్షి మీడియా గ్రూపు ఎలాంటి హామీ ఇవ్వదు.)

2007 తర్వాత అత్యధిక స్థాయికి అమెరికా బెంచ్‌మార్క్ ట్రెజరీ ఈల్డ్ పెరగడం, ముడి చమురు ధరలు బ్యారెల్‌కు 100 డాలర్లకు పైగా పెరగడంతో, గురువారం నాడు బెంచ్‌మార్క్ సూచీలు సెన్సెక్స్ - నిఫ్టీ 1.5 శాతానికి పైగా పడిపోయాయి. బ్యాంకులు, NBFC స్టాక్‌లలో అమ్మకాలు, బలహీనమైన ప్రపంచ మార్కెట్ ధోరణులతో పాటుగా, పెట్టుబడిదారుల సెంటిమెంట్‌పై కూడా ప్రతికూల ప్రభావం చూపాయి. ఒక్క సెషన్‌లోనే ఇన్వెస్టర్లు సుమారు రూ. 6 లక్షల కోట్లకు పైగా నష్టపోయారు.మధ్యాహ్నం సుమారు 2:15 గంటల సమయానికి, సెన్సెక్స్ 1207.92 పాయింట్లు లేదా 1.61 శాతం తగ్గి 73,620.33 వద్ద ఉండగా, నిఫ్టీ 375.40 పాయింట్లు లేదా 1.6 శాతం తగ్గి 23,071.40కి పడిపోయింది. ఫార్మా, రియల్టీ రంగాలను మినహాయించి.. నిఫ్టీలోని అన్ని ప్రధాన రంగాల సూచీలు క్షీణించాయి. నిఫ్టీ స్మాల్‌క్యాప్ 100, నిఫ్టీ మిడ్‌క్యాప్ 100 సూచీలు వరుసగా 0.8 శాతం, 1.3 శాతం మేర పడిపోయాయి.మార్కెట్ పతనానికి కారణాలుఅమెరికా వడ్డీ రేట్లు: అమెరికాలో బిజినెస్ యాక్టివిటీ బలంగా ఉందని కొత్త డేటా వచ్చింది. దీంతో యూఎస్ ఫెడరల్ రిజర్వ్ వడ్డీ రేట్లను మరింత కాలం ఎక్కువ స్థాయిలో ఉంచే అవకాశం ఉందని పెట్టుబడిదారులు భావించారు. వడ్డీ రేట్లు ఎక్కువగా ఉంటే, అమెరికా బాండ్లలో పెట్టుబడులు పెట్టడానికి ఇన్వెస్టర్లు ఆసక్తి చూపే అవకాశం ఉంటుంది. దీంతో భారత్ వంటి మార్కెట్ల నుంచి కొంత పెట్టుబడి బయటకు వెళ్లే అవకాశం ఉంటుంది.ముడి చమురు ధరల పెరుగుదల: మార్కెట్లు కుప్ప కూలడానికి మరో ప్రధాన కారణం ముడి చమురు ధరల పెరుగుదల. గత సెషన్‌లో 4 శాతం పెరిగిన బ్రెంట్ క్రూడ్, గురువారం బ్యారెల్‌కు సుమారు 102.5 డాలర్ల వద్దకు చేరింది. ఈ పరిణామం భారత్ మీద తీవ్ర ప్రభావం చూపిస్తుంది. ఎందుకంటే ఇండియా చాలావరకు ముడిచమురును ఇతర దేశాల నుంచి కొనుగోలు చేస్తుంది. కాబట్టి చమురు ధర పెరిగితే భారత్ ఎక్కువ డబ్బు ఖర్చు చేయాలి. పెట్రోల్, డీజిల్ ధరలు కూడా పెరిగే అవకాశం ఉంటుంది.ప్రపంచ మార్కెట్లు: అమెరికా మార్కెట్లు కూడా బుధవారం భారీ పతనాన్ని చవిచూశాయి. యూఎస్ మార్కెట్లు పడిపోవడం వల్ల ఏషియన్ మార్కెట్ల మీద కూడా ప్రభావం పడింది.హాంగ్ కాంగ్, షాంఘై వంటి మార్కెట్లు కూడా నష్టాల్లో ఉన్నాయి. ప్రపంచ మార్కెట్లు బలహీనంగా ఉన్నప్పుడు భారత మార్కెట్‌లో కూడా పెట్టుబడిదారులు జాగ్రత్తగా ఉంటారు.లాభాల స్వీకరణ: బుధవారం, సెన్సెక్స్ 299.17 పాయింట్లు లేదా 0.4 శాతం పెరిగి 74,828.25 వద్ద స్థిరపడింది. నిఫ్టీ 117.80 పాయింట్లు లేదా 0.5 శాతం పెరిగి 23,446.80 వద్ద ముగిసింది. ఇలాంటి సమయంలో కొంతమంది పెట్టుబడిదారులు లాభాలను తీసుకోవడానికి షేర్ విక్రయించారు.రూపాయి పతనం: భౌగోళిక రాజకీయ అనిశ్చితుల కారణంగా ముడి చమురు ధరలు భారీగా పెరగడంతో పాటు, యూఎస్ బాండ్ల రాబడులు, అలాగే డాలర్ కూడా బలపడటంతో, రూపాయి యూఎస్ డాలర్‌తో పోలిస్తే 11 పైసలు క్షీణించి 95.84 వద్ద బలహీనపడింది.ఇదీ చదవండి: ఇలా చేస్తే.. డబ్బు అదే వస్తుంది: కియోసాకి

దేశంలో బంగారం, వెండి ధరలు భారీగా పతనమయ్యాయి. గత కొన్ని రోజులుగా హెచ్చుతగ్గులకు లోనవుతున్న పసిడి ధరలు క్రితం రోజున పుంజుకుని నేడు మళ్లీ పడిపోయాయి. ఇటీవల కాలంలో స్థిర ఆదాయం సమకూర్చే కమోడిటీ మార్కెట్లపైపు పెట్టుబడిదారులు మొగ్గు చూపుతున్నారు. అందులో భాగంగా బంగారం ధరల్లో మార్పులు వస్తున్నాయని నిపుణులు చెబుతున్నారు. ఇక వెండి ధరలు కూడా నేడు గణనీయమైన తగ్గుదలను నమోదు చేశాయి. దేశంలోని ప్రధాన నగరాల్లో నేడు బంగారం (Today Gold Rate), వెండి ధరలు (Today Silver Rate) ఎలా ఉన్నాయో కింద తెలుసుకుందాం.

దేశీయ స్టాక్‌ మార్కెట్‌ సూచీలు గురువారం నష్టాల్లో కదలాడుతున్నాయి. ఈరోజు ఉదయం 09:37 సమయానికి నిఫ్టీ(Nifty) 177 పాయింట్లు దిగజారి 23,269 వద్దకు చేరింది. సెన్సెక్స్‌(Sensex) 528 పాయింట్లు నష్టపోయి 74,302 వద్ద ట్రేడవుతోంది.అమెరికా డాలర్‌ ఇండెక్స్‌(USD Index) 101.14బ్రెంట్‌ క్రూడ్‌ఆయిల్‌ బ్యారెల్‌ ధర 102.2 డాలర్లుయూఎస్‌ 10 ఏళ్ల బాండ్‌ ఈల్డ్‌లు 5.1 శాతానికి చేరాయి.గడిచిన సెషన్‌లో యూఎస్‌ ఎస్‌ అండ్‌ పీ 0.75 శాతం పడిపోయింది.నాస్‌డాక్‌ 1.13 శాతం దిగజారింది.Today Nifty position 24-09-2026(time: 09:37 am)(Disclaimer: మార్కెట్ గురించి సాక్షి వెబ్ సైట్లో నిపుణులు వెల్లడించే అభిప్రాయాలు వారి పరిశీలన, అంచనాలను బట్టి ఉంటాయి. ఇన్వెస్టర్లకు ఇది కేవలం విషయ అవగాహన మాత్రమే తప్ప.. వారు పెట్టే పెట్టుబడులకు సాక్షి మీడియా గ్రూపు ఎలాంటి హామీ ఇవ్వదు.)

న్యూఢిల్లీ: గ్లోబల్‌ పేమెంట్స్‌ సొల్యూషన్స్‌ దిగ్గజం మాస్టర్‌కార్డ్‌ తాజాగా పైన్‌ ల్యాబ్స్‌ నుంచి పూర్తిగా వైదొలగింది. బీఎస్‌ఈ బ్లాక్‌ డీల్స్‌ వివరాల ప్రకారం షేరుకి రూ. 187.75 సగటు ధరలో 4.31 శాతం వాటాకు సమానమైన 4,97,24,182 షేర్లు విక్రయించింది. తద్వారా దాదాపు రూ. 934 కోట్లు అందుకుంది. అనుబంధ సంస్థ మాస్టర్‌కార్డ్‌ ఆసియా పసిఫిక్‌ పీటీఈ ద్వారా 13 డీల్స్‌ ద్వారా వాటాను అమ్మివేసింది.కొటక్‌ మహీంద్రా, ఎడిల్‌వీజ్, ఫ్రాంక్లిన్‌ టెంపుల్‌టన్‌ తదితర మ్యూచువల్‌ ఫండ్స్‌తోపాటు.. ఐసీఐసీఐ ప్రు డెన్షియల్‌ లైఫ్‌ ఇన్సూరెన్స్‌ ఈ వాటాలను కొనుగోలు చేశాయి. విదేశీ ఇన్వెస్టర్‌ సంస్థలు గోల్డ్‌మన్‌ శాక్స్, మోర్గాన్‌ స్టాన్లీ, సిటీగ్రూప్‌ గ్లోబల్‌ సింగపూర్, బీఎన్‌పీ పారిబాస్‌ అర్బిట్రేజ్, సొసైటీ జనరాలి తదితరాలు సైతం పైన్‌ ల్యాబ్స్‌ షేర్లను సొంతం చేసుకున్న జాబితాలో చేరాయి.

దేశీయ స్టాక్‌ మార్కెట్లు బుధవారం లాభాల్లో ముగిశాయి. అమెరికా-ఇరాన్ చర్చల ఆశలతో చమురు ధరలు బ్యారెల్ కు 100 డాలర్ల మార్కును స్థిరంగా ఉంచడంతో బెంచ్ మార్క్ సూచీలు పుంజుకున్నాయి. సెన్సెక్స్ 299.17 పాయింట్లు లేదా 0.4 శాతం పెరిగి 74,828.25 వద్ద, నిఫ్టీ 117.80 పాయింట్లు లేదా 0.5 శాతం పెరిగి 23,446.80 వద్ద ముగిసింది.టాటా స్టీల్, బజాజ్ ఫైనాన్స్, హిందాల్కో ఇండస్ట్రీస్ నిఫ్టీ 50 ఇండెక్స్ లో టాప్ గెయినర్స్ గా నిలిచాయి. విస్తృత మార్కెట్లలో నిఫ్టీ మిడ్ క్యాప్ 0.7 శాతం, నిఫ్టీ స్మాల్ క్యాప్ 0.89 శాతం పెరిగాయి. సెక్టార్ వారీగా చూస్తే నిఫ్టీ మెటల్ 2 శాతానికి పైగా లాభపడింది. నిఫ్టీ ఎఫ్ఎంసీజీ కూడా తన సహచరులను అధిగమించింది. ఇదిలా ఉండగా నిఫ్టీ ఐటీ చెత్త పనితీరు కనబరిచింది.

క్యాపిటల్‌ మార్కెట్ల నియంత్రణ సంస్థ సెబీ తాజాగా డెరివేటివ్స్‌ ఎక్స్‌పైరీ రోజు నమోదవుతున్న సెటిల్‌మెంట్‌ ధరలు, ఇతర ససంబంధిత సమస్యలపై దృష్టి పెట్టింది. ఇందుకు ఈ నెల మొదట్లోనే కన్సల్టేషన్‌ పేపర్‌ను విడుదల చేసింది. మార్కెట్‌ పార్టిసిపెంట్ల ఆందోళనలకు తెరదించే ప్రయత్నంలో భాగంగా పబ్లిక్‌ నుంచి సూచనలు, సలహాలను ఆహ్వానించింది. తద్వారా ఎక్స్‌పైరీ రోజు సెటిల్‌మెంట్‌ ధరల ఇండెక్స్, సింగిల్‌ స్టాక్‌ డెరివేటివ్స్‌లో సవాళ్లకు చెక్‌ పెట్టే యోచనలో ఉంది. దీనిలో భాగంగా క్యాష్‌ మార్కెట్‌ ముగింపు ధరను ఎఫ్‌అండ్‌వో సెటిల్‌మెంట్‌ ధరలతో డీలింక్‌ చేయనుంది.అంతేకాకుండా ముగింపు వేలం(కాస్‌) సమయంలో లైవ్‌ ఇండికేటింగ్‌ ఇండెక్స్‌ విలువలను నిలిపివేయనుంది. ట్రేడర్లు 1 శాతానికి ఎగువన పెట్టే ఆర్డర్లను కొనసాగించేలా నిబంధనలను సవరించడం తదితరాలపై దృష్టిపెట్టినట్లు సెబీ చైర్మన్‌ తుహిన్‌ కాంత పాండే తాజాగా వివరించారు. నిర్మాణాత్మక మార్కెట్‌లో భాగంగా తీసుకువచి్చన కాస్‌ సంస్కరణలో సవరణలు చేపట్టనున్నట్లు మోర్గాన్‌ ఇండియా 11వ సదస్సు సందర్భంగా వెల్లడించారు. సెటిల్‌మెంట్‌ ధర నిర్ధారణలో రెండు అవకాశాలను ప్రతిపాదిస్తున్నట్లు తెలియజేశారు.కంటిన్యుయస్‌ ట్రేడింగ్‌ సెషన్‌(సీటీఎస్‌)లో చివరి 30 నిమిషాలు, కాస్‌లో చివరి 10 నిమిషాల లావాదేవీలను వాల్యూమ్‌ వెయిటెడ్‌ సగటు ధర(వీడబ్ల్యూఏపీ), సెటిల్‌మెంట్‌ ధరతో మిక్స్‌ చేయడం(బ్లెండెడ్‌) వీటిలో ఒకటికాగా.. ఫిక్స్‌డ్‌ వెయిట్‌ పద్ధతిలోకాకుండా వాస్తవిక ట్రేడెడ్‌ విలువ ఆధారంగా మదింపు చేయనున్నారు. రెండో ఆప్షన్‌లో భాగంగా ప్రస్తుత సీటీఎస్‌ పరిమాణం వీడబ్ల్యూఏపీ మెథడాలజీని కొనసాగించనుంది. అయితే సీటీఎస్‌లో భాగంగా చివరి 30 నిమిషాల లావాదేవీలను మాత్రమే పరిగణిస్తారు.

ఇటీవల కాలంలో స్థిర ఆదాయం సమకూర్చే కమోడిటీ మార్కెట్లపైపు పెట్టుబడిదారులు మొగ్గు చూపుతున్నారు. అందులో భాగంగా బంగారం ధరల్లో మార్పులు వస్తున్నాయని నిపుణులు చెబుతున్నారు. గత కొన్ని రోజులుగా బంగారం ధరలు(Today Gold Rate) ఒడిదొడుకులకు లోనవుతున్నాయి. దేశంలోని ప్రధాన నగరాల్లో నేడు బంగారం, వెండి ధరలు(Today Silver Rate) ఎలా ఉన్నాయో కింద తెలుసుకుందాం.

దేశీయ స్టాక్‌ మార్కెట్‌ సూచీలు బుధవారం లాభాల్లో కదలాడుతున్నాయి. ఈరోజు ఉదయం 09:23 సమయానికి నిఫ్టీ(Nifty) 78 పాయింట్లు పెరిగి 23,409 వద్దకు చేరింది. సెన్సెక్స్‌(Sensex) 255 పాయింట్లు పుంజుకొని 74,792 వద్ద ట్రేడవుతోంది.అమెరికా డాలర్‌ ఇండెక్స్‌(USD Index) 100.66బ్రెంట్‌ క్రూడ్‌ఆయిల్‌ బ్యారెల్‌ ధర 98.3 డాలర్లుయూఎస్‌ 10 ఏళ్ల బాండ్‌ ఈల్డ్‌లు 4.95 శాతానికి చేరాయి.గడిచిన సెషన్‌లో యూఎస్‌ ఎస్‌ అండ్‌ పీ 0.05 శాతం పెరిగింది.నాస్‌డాక్‌ 0.45 శాతం పుంజుకుంది.Today Nifty position 23-09-2026(time: 09:23 am)(Disclaimer: మార్కెట్ గురించి సాక్షి వెబ్ సైట్లో నిపుణులు వెల్లడించే అభిప్రాయాలు వారి పరిశీలన, అంచనాలను బట్టి ఉంటాయి. ఇన్వెస్టర్లకు ఇది కేవలం విషయ అవగాహన మాత్రమే తప్ప.. వారు పెట్టే పెట్టుబడులకు సాక్షి మీడియా గ్రూపు ఎలాంటి హామీ ఇవ్వదు.)

బంగారం ధరల్లో మరోసారి భారీ మార్పు చోటు చేసుకుంది. ఈ రోజు (మంగళవారం) ఉదయం పెరిగిన గోల్డ్ రేటు, సాయంత్రానికి భారీ పతనాన్ని చవిచూసింది. దీంతో పసిడి ధరలలో గణనీయమైన మార్పులు జరిగాయి. ఈ కథనంలో కొత్త ధరలు ఎలా ఉన్నాయో వివరంగా తెలుసుకుందాం.హైదరాబాద్, విజయవాడలలో మంగళవారం ఉదయం రూ.1,41,850 వద్ద ఉన్న 22 క్యారెట్ల 10 గ్రాముల బంగారం ధర, సాయంత్రానికి రూ.1,40,550 వద్దకు (రూ.1300 తగ్గింది) చేరింది. 24 క్యారెట్ల రేటు రూ.1,54,750 నుంచి రూ.1,53,330 వద్దకు (రూ.1420 తగ్గింద) చేరింది.ఇదీ చదవండి: ఇలా చేస్తే.. డబ్బు అదే వస్తుంది: కియోసాకిఢిల్లీలో 22 క్యారెట్ల 10 గ్రాముల బంగారం రేటు రూ.1,40,550 వద్ద ఉండగా, 24 క్యారెట్ల 10 గ్రాముల బంగారం ధర రూ.153330 వద్ద ఉంది. అయితే చెన్నైలో మాత్రం గోల్డ్ రేటు ఉదయం ఎక్కడ ఉందో.. సాయంత్రానికి కూడా అక్కడే ఉంది. వెండి ధరల్లో కూడా గంటల వ్యవధిలో ఊహకందని మార్పులేమీ జరగలేదు.

మంగళవారం ఉదయం లాభాల్లో ప్రారంభమైన దేశీయ స్టాక్ మార్కెట్లు, ట్రేడింగ్ క్లోజ్ అయ్యే సమయానికి నష్టాల్లో ముగిశాయి. సెన్సెక్స్ 329.91 పాయింట్లు లేదా 0.44 శాతం నష్టంతో 74,529.08 వద్ద, నిఫ్టీ 85.30 పాయింట్లు లేదా 0.36 శాతం నష్టంతో 23,329.00 వద్ద నిలిచాయి.మీషో లిమిటెడ్, సన్ టీవీ నెట్‌వర్క్ లిమిటెడ్, జైన్ రిసోర్స్ రీసైక్లింగ్ లిమిటెడ్ వంటి కంపెనీలు టాప్ గెయినర్స్ జాబితాలో చేరాయి. అక్యూటాస్ కెమికల్స్ లిమిటెడ్, కేన్స్ టెక్నాలజీ ఇండియా లిమిటెడ్, ఏజిస్ లాజిస్టిక్స్ లిమిటెడ్ కంపెనీలు నష్టాల జాబితాలో చేరాయి.(Disclaimer: మార్కెట్ గురించి సాక్షి వెబ్‌సైట్‌లో నిపుణులు వెల్లడించే అభిప్రాయాలు వారి పరిశీలన, అంచనాలను బట్టి ఉంటాయి. ఇన్వెస్టర్లకు ఇది కేవలం విషయ అవగాహన మాత్రమే తప్ప.. వారు పెట్టే పెట్టుబడులకు సాక్షి మీడియా గ్రూపు ఎలాంటి హామీ ఇవ్వదు.)

ఇటీవల కాలంలో స్థిర ఆదాయం సమకూర్చే కమోడిటీ మార్కెట్లపైపు పెట్టుబడిదారులు మొగ్గు చూపుతున్నారు. అందులో భాగంగా బంగారం ధరల్లో మార్పులు వస్తున్నాయని నిపుణులు చెబుతున్నారు. గత కొన్ని రోజులుగా బంగారం ధరలు(Today Gold Rate) ఒడిదొడుకులకు లోనవుతున్నాయి. దేశంలోని ప్రధాన నగరాల్లో నేడు బంగారం, వెండి ధరలు(Today Silver Rate) ఎలా ఉన్నాయో కింద తెలుసుకుందాం.

దేశీయ స్టాక్‌ మార్కెట్‌ సూచీలు మంగళవారం లాభాల్లో కదలాడుతున్నాయి. ఈరోజు ఉదయం 09:30 సమయానికి నిఫ్టీ(Nifty) 31 పాయింట్లు పెరిగి 23,445 వద్దకు చేరింది. సెన్సెక్స్‌(Sensex) 85 పాయింట్లు పుంజుకొని 74,952 వద్ద ట్రేడవుతోంది.అమెరికా డాలర్‌ ఇండెక్స్‌(USD Index) 100.39బ్రెంట్‌ క్రూడ్‌ఆయిల్‌ బ్యారెల్‌ ధర 101.1 డాలర్లుయూఎస్‌ 10 ఏళ్ల బాండ్‌ ఈల్డ్‌లు 4.9 శాతానికి చేరాయి.గడిచిన సెషన్‌లో యూఎస్‌ ఎస్‌ అండ్‌ పీ 1.49 శాతం పెరిగింది.నాస్‌డాక్‌ 2.26 శాతం పుంజుకుంది.Today Nifty position 22-09-2026(time: 09:30 am)(Disclaimer: మార్కెట్ గురించి సాక్షి వెబ్ సైట్లో నిపుణులు వెల్లడించే అభిప్రాయాలు వారి పరిశీలన, అంచనాలను బట్టి ఉంటాయి. ఇన్వెస్టర్లకు ఇది కేవలం విషయ అవగాహన మాత్రమే తప్ప.. వారు పెట్టే పెట్టుబడులకు సాక్షి మీడియా గ్రూపు ఎలాంటి హామీ ఇవ్వదు.)

ముంబై: సంస్థాగత ఇన్వెస్టర్ల నుంచి బలమైన డిమాండ్‌ రావడంతో నేషనల్‌ స్టాక్‌ ఎక్సే్చంజీ (ఎన్‌ఎస్‌ఈ) పబ్లిక్‌ ఇష్యూకు చివరి రోజు నాటికి దాదాపు ఆరు రెట్ల అధిక స్పందన లభించింది. ఇష్యూలో భాగంగా ఎన్‌ఎస్‌ఈ 8.86 కోట్ల షేర్లను జారీ చేయగా, మొత్తం 50.58 కోట్ల షేర్లకు బిడ్లు ధాఖలయ్యాయి. దీంతో మొత్తం సబ్‌స్క్రిప్షన్‌ 5.71 రెట్లుగా నమోదైనట్లు బీఎస్‌ఈ డేటా వెల్లడించింది. అర్హత కలిగిన సంస్థాగత ఇన్వెస్టర్ల (క్యూఐబీలు) విభాగం 12.68 రెట్లు, సంస్థాగతేతర ఇన్వెస్టర్ల (ఎన్‌ఐఐ) విభాగం 6.55 రెట్లు సబ్‌స్రై్కబ్‌ అయ్యాయి. రిటైల్‌ ఇన్వెస్టర్ల కోటా 1.39 రెట్ల స్పందన లభించింది. వెరసి, రూ.22,568 కోట్ల ఇష్యూకు దాదాపు రూ.90,300 కోట్ల డిమాండ్‌ లభించింది. ఈ ఐపీఓకు ఈక్విటీ షేరుకు రూ.1,700–1,785గా ప్రైస్‌ బ్యాండ్‌ను నిర్ణయించారు. అప్పర్‌ బ్యాండ్‌ ధర రూ.1,785 వద్ద కంపెనీ విలువ రూ.4.42 లక్షల కోట్ల వరకు ఉండనుంది. ఎన్‌ఎస్‌ఈ షేర్లు సెపె్టంబర్‌ 24న బీఎస్‌ఈలో ఎక్సే్చంజీలో లిస్ట్‌ కానున్నాయి. బిడ్డింగ్‌ సమయంలో రూ.285 వరకు చేరిన ఎన్‌ఎస్‌ఈ ఐపీఓ గ్రే మార్కెట్‌ ప్రీమియం (జీఎంపీ) ప్రస్తుతం రూ.55 వద్ద ఉంది.

బంగారం ధరల్లో ఊహకందని మార్పులు జరుగుతున్నాయి. ఉదయం ఒక రేటు ఉంటే.. సాయంత్రానికి మరో రేటుకు మారిపోతోంది. ఈ రోజు (సోమవారం) ఉదయం రూ.1,55,680 వద్ద ఉన్న 24 క్యారెట్ల 10 గ్రాముల పసిడి ధర, సాయంత్రానికి రూ.1,54,580 వద్దకు చేరింది. దీన్నిబట్టి చూస్తే.. బంగారం ధరలు గంటల వ్యవధిలో ఎంతలా మారిపోయాయో స్పష్టంగా అర్థం చేసుకోవచ్చు. ఈ కథనంలో హైదరాబాద్, విజయవాడ, బెంగళూరు, ముంబై, చెన్నై, ఢిల్లీలలో గోల్డ్ రేటు ఎలా ఉందో చూసేద్దాం.హైదరాబాద్, విజయవాడలలో ఈ రోజు ఉదయం రూ.142700 వద్ద ఉన్న 22 క్యారెట్ల 10 గ్రాముల బంగారం రేటు, సాయంత్రానికి రూ.141700 వద్దకు చేరింది. 24 క్యారెట్ల రేటు రూ. 1,55,680 వద్ద నుంచి రూ.1,54,580 వద్దకు చేరింది. ఇదే ధరలు ముంబై, బెంగళూరులలో కూడా కొనసాగుతాయి.ఇదీ చదవండి: ముఖంతో సంపాదన.. ఏకంగా రూ.14 లక్షల వరకు!ఇక ఢిల్లీ విషయానికి వస్తే.. దేశ రాజధాని నగరంలో కూడా పసిడి ధరలో మార్పులు కనిపించాయి. 22 క్యారెట్ల రేటు రూ.1,42,850 నుంచి రూ.1,41,850 వద్దకు, 24 క్యారెట్ల రేటు 1,55,830 రూపాయల నుంచి రూ.1,54,730 వద్దకు చేరింది.చెన్నైలో మాత్రం బంగారం ధరల్లో ఎలాంటి మార్పు లేదు. అంటే.. 22 క్యారెట్ల రేటు, 24 క్యారెట్ల రేట్లు ఉదయం ఎలా ఉన్నాయో.. సాయంత్రం కూడా అక్కడే ఉన్నాయి.

పెట్టుబడుల విషయంలో ఇప్పటికీ చాలామంది యువతలో ఎన్నెన్నో ఆలోచనలు, లెక్కలేనన్ని సందేహాలు ఉన్నాయి. అయితే.. 10వ తరగతి అమ్మాయి ఏకంగా రూ.13.9 లక్షల విలువైన పెట్టుబడి పోర్ట్‌ఫోలియోను నిర్వహిస్తోంది.బెంగళూరులోని స్వర్గరాణి స్కూల్‌లో 10వ తరగతి చదువుతున్న.. 15 ఏళ్ల సించన సంతోష్ (Sinchana Santosh) చిన్న వయసులోనే డబ్బు విలువను తెలుసుకుంది. ఆమెకు చిన్నప్పటి నుంచే డబ్బు దాచుకోవడం అంటే చాలా ఇష్టం. పిగ్గీ బ్యాంక్‌లో డబ్బు దాచుకుంటూ 12 ఏళ్ల వయసులోనే దాదాపు రూ.10,000 పొదుపు చేసింది.డబ్బు విలువ ఆలా అర్థమైందిచిన్నప్పుడు టెలిస్కోప్ కొనాలని తన తండ్రిని అడిగినప్పుడు.. నేను మొత్తం డబ్బును ఇవ్వను, కొంత డబ్బును నువ్వే సంపాదించుకోవాలని సూచించారు. ఆ సమయంలో ఆమె తన బంధువుల ద్వారా రూ. 10,000 సమకూర్చుకుంది. మిగిలిన రూ.2,000ను ఆమె తల్లిదండ్రులు ఇచ్చారు. ఈ సంఘటనతో ఆమెకు డబ్బు విలువ మరింత బాగా అర్థమైంది.తర్వాత ఆమె తల్లిదండ్రుల నుంచి పెట్టుబడుల గురించి నేర్చుకుంది. అలాగే యూట్యూబ్లో ఆర్థిక విషయాలకు సంబంధించిన వీడియోలు చూసి మరింత సమాచారం తెలుసుకుంది. అంకుర్ వారికూ, డేవ్ రామ్సే, పవర్ ఆఫ్ మనీ, మింట్ వెల్త్, సోనియా షెనాయ్ వంటి వారి వీడియోలను కూడా చూసింది. అంతేకాకుండా ఆమె రెండు NISM సర్టిఫికేషన్లు, ఒక SEBI సర్టిఫికేషన్ కూడా పొందింది.రూ.13.9 లక్షల పెట్టుబడులుప్రస్తుతం సించన దాదాపు రూ.13.9 లక్షల పెట్టుబడులను నిర్వహిస్తోంది. ఆమె పెట్టుబడులు మ్యూచువల్ ఫండ్లు, ఈక్విటీలు, భారతీయ-అంతర్జాతీయ మార్కెట్లలో ఉన్నాయి. అయితే.. ఆమె తన పెట్టుబడులను తల్లిదండ్రుల పర్యవేక్షణలోనే నిర్వహిస్తోంది. భవిష్యత్తులో తన మాస్టర్స్ చదువులకు ఈ డబ్బును ఉపయోగించుకోవాలనేది ఆమె లక్ష్యం.మ్యూచువల్ ఫండ్లను ఎంచుకోవడానికి సించన GDP అనే సులభమైన పద్ధతిని ఉపయోగిస్తుంది. జీడీపీ అంటే Growth, Direct, Passive. తనకు వెంటనే డబ్బు అవసరం లేకపోవడంతో గ్రోత్ ఫండ్స్ గురించి ఆలోచిస్తుంది. ఖర్చులు తగ్గించుకోవడానికి డైరెక్ట్ ప్లాన్స్, మార్కెట్ సూచీలను అనుసరించే ప్యాసివ్ ఫండ్స్ అనుసరిస్తుంది.సొంతగా కార్డ్ గేమ్‌సించనకు చదువు పట్ల మాత్రమే కాకుండా.. ఆటల మీద కూడా ఎక్కువ ఆసక్తి. దీంతో తన 14 ఏళ్ల వయసులో NCERT సిలబస్ ఆధారంగా 'ఇతిహాస - ది రాయల్ గేమ్' అనే చరిత్ర ఆధారిత కార్డ్ గేమ్‌ను సృష్టించింది. ఈ గేమ్‌ను బెంగళూరులోని 36 ప్రభుత్వ పాఠశాలలకు అందించింది. ఆ ఆటను ఎలా ఉపయోగించాలో పాఠశాల ప్రిన్సిపాల్‌లకు శిక్షణ ఇచ్చింది.లక్ష్యం ఇదే..ఇప్పుడు ఆమె ఆర్థిక విషయాలపై మరో కార్డ్ గేమ్‌ను తయారు చేస్తోంది. ఇందులో పొదుపు, బ్యాంకింగ్, వడ్డీ, పెట్టుబడులు, బీమా, అప్పులు, మోసాల గురించి పిల్లలు సులభంగా నేర్చుకునేలా చేయాలని ఆమె ప్రయత్నిస్తోంది. భవిష్యత్తులో భారతదేశంలోని 10 లక్షల మంది విద్యార్థులకు ఆర్థిక విషయాలపై అవగాహన కల్పించాలనేది సిన్చన లక్ష్యం.ఇదీ చదవండి: సంపద సృష్టికి బఫెట్ చెప్పిన సూత్రాలు!

ఈ నెలలో మరింత జోరందుకున్న ప్రైమరీ మార్కెట్ల ఖుషీ ఈ వారం సైతం కొనసాగనుంది. ఆరు కంపెనీలు ఉమ్మడిగా రూ. 3,825 కోట్లు సమీకరించేందుకు ఇష్యూలను చేపట్టనున్నాయి. జాబితాలో ఎలివేట్‌ క్యాంపసస్, వర్మోరా గ్రానైటో, ఏ–వన్‌ స్టీల్స్‌ ఇండియా, అర్మీ ఇన్ఫోటెక్, స్వస్తికా ఇన్‌ఫ్రా, అడ్రాయిట్‌ ఇండస్ట్రీస్‌ చేరాయి. ఇప్పటికే సెప్టెంబర్‌లో 17 కంపెనీల ఐపీవోలు పూర్తికాగా.. నేడు(21న) ముగియనున్న స్టాక్‌ ఎక్స్ఛేంజీ దిగ్గజం ఎన్‌ఎస్‌ఈ అతిపెద్ద ఇష్యూగా నిలవనున్న సంగతి తెలిసిందే. టెక్స్‌టైల్‌ తయారీ కంపెనీ సోనాసెలక్షన్‌ ఇండియా ఇష్యూ సైతం నేడు ముగియనుంది. నిధుల వినియోగమిలా.. తాజాగా ఐపీవోకు వస్తున్న కంపెనీలు ఈక్విటీ జారీ నిధులను ప్రధానంగా వ్యాపార విస్తరణ, పెట్టుబడి వ్యయాలు, రుణ చెల్లింపులతోపాటు.. వర్కింగ్‌ క్యాపిటల్, సాధారణ కార్పొరేట్‌ అవసరాలకు వెచ్చించనున్నాయి. ఈ ఇష్యూలతో కలిపి 2026లో ఇప్పటివరకూ 87 కంపెనీలు లిస్టింగ్‌ బాటలో సాగడం గమనార్హం! ఆగస్ట్‌లో 23 కంపెనీలు ఐపీవోకు వచి్చన విషయం విదితమే. ప్రధానంగా జూలై, ఆగస్ట్‌లలో ప్రైమరీ మార్కెట్లు కదం తొక్కాయి. ఈ ఏడాది సమీకరించిన రూ. 83,062 కోట్ల ఐపీవో నిధులలో 60 శాతం ఈ రెండు నెలలోనే అందుకోవడం విశేషం! ఈ స్పీడ్‌ కొనసాగితే 2025లో నమోదైన నిధుల సమీకరణను 2026 దాటే వీలున్నట్లు మార్కెట్‌ వర్గాలు భావిస్తున్నాయి. ఇప్పటికే క్యాపిటల్‌ మార్కెట్ల నియంత్రణ సంస్థ సెబీ నుంచి 167 కంపెనీలకు అనుమతి లభించింది. తద్వారా రూ. 3.06 లక్షల కోట్ల సమీకరణకు వీలుంది. అంతేకాకుండా మరో 71 కంపెనీలు రూ. 1.6 లక్షల కోట్లు సమకూర్చుకునేందుకు సెబీ అనుమతి కోసం చూస్తున్నాయి.వర్మోరా గ్రానైటో టైల్స్, బాత్‌వేర్‌ తయారీ కంపెనీ వర్మోరా గ్రానైటో ఐపీవో రేపు(22న) ప్రారంభంకానుంది. 24న ముగియనున్న ఇష్యూకి రూ. 140–148 ధరల శ్రేణి ప్రకటించింది. దీనిలో భాగంగా రూ. 320 కోట్ల విలువైన ఈక్విటీని జారీసహా రూ. 388 కోట్ల విలువైన 2.62 కోట్ల షేర్లను ప్రస్తుత వాటాదారు సంస్థ కస్తూర ఇన్వెస్ట్‌మెంట్స్‌ ఆఫర్‌ చేస్తోంది. తద్వారా రూ. 708 కోట్ల సమీకరణపై కన్నేసింది. ఎలివేట్‌ క్యాంపసస్‌ హిల్‌హౌస్‌ ఇన్వెస్ట్‌మెంట్‌కు పెట్టుబడులున్న ఎలివేట్‌ క్యాంపసస్‌ ఐపీవో బుధవారం(23న) ప్రారంభంకానుంది. 25న ముగియనున్న ఇష్యూకి రూ. 343–362 ధరల శ్రేణి ప్రకటించింది. పూర్తిగా ఈక్విటీ జారీ ద్వారా రూ. 2,100 కోట్లు సమీకరించే ప్రణాళికల్లో ఉంది. ఏ–వన్‌ స్టీల్స్‌ ఇండియా గురువారం(24న) ప్రారంభంకానున్న ఐపీవో ద్వారా సమీకృత స్టీల్‌ తయారీ కంపెనీ ఏ–వన్‌ స్టీల్స్‌ ఇండియా రూ. 405 కోట్ల సమీకరణపై దృష్టి పెట్టింది. 28న ముగియనున్న ఇష్యూకి రూ. 385–405 ధరల శ్రేణి నిర్ణయించింది. ఇందుకు అనుగుణంగా రూ. 355 కోట్ల విలువైన ఈక్విటీ జారీతోపాటు.. రూ. 50 కోట్ల విలువైన షేర్లను ప్రమోటర్లు విక్రయించనున్నారు. స్వస్తికా ఇన్‌ఫ్రా విద్యుత్‌ పంపిణీ, మౌలిక సదుపాయ ప్రాజెక్టులకు ఈపీసీ సొల్యూషన్లు అందిస్తున్న స్వస్తికా ఇన్‌ఫ్రా పబ్లిక్‌ ఇష్యూ 23న ప్రారంభంకానుంది. 25న ముగియనున్న ఇష్యూకి రూ. 175–185 ధరల శ్రేణి నిర్ణయించింది. తద్వారా రూ. 161 కోట్ల సమీకరణపై కన్నేసింది. అడ్రాయిట్‌ ఇండస్ట్రీస్‌ ప్రొఫెల్లర్‌ షాఫ్ట్స్, టార్క్‌ ట్రాన్స్‌మిషన్‌ విడిభాగాల తయారీ కంపెనీ అడ్రాయిట్‌ ఇండస్ట్రీస్‌ (ఇండియా) పబ్లిక్‌ ఇష్యూ 23న ప్రారంభంకానుంది. 25న ముగియనున్న ఇష్యూకి రూ. 126–134 ధరల శ్రేణి ప్రకటించింది. తద్వారా రూ. 151 కోట్ల సమీకరణకు సిద్ధపడుతోంది.ఆర్‌మీ ఇన్ఫోటెక్‌ @ రూ. 375 టెక్నాలజీ మౌలిక సదుపాయాల సంస్థ ఆర్‌మీ ఇన్ఫోటెక్‌ ప్రతిపాదిత పబ్లిక్‌ ఇష్యూ సెప్టెంబర్‌ 23న ప్రారంభమై 25న ముగియనుంది. ఇందుకు సంబంధించి షేరు ధర శ్రేణి రూ. 350–375గా ఉంటుంది. కనీస లాట్‌ పరిమాణం 40 షేర్లు.ఇష్యూ ద్వారా కంపెనీ రూ. 300 కోట్లు సమీకరించనుంది. ఇందులో రూ. 155 కోట్లను వ్యాపార విస్తరణకు, రూ. 60 కోట్లు వర్కింగ్‌ క్యాపిటల్‌ అవసరాలకు, మిగతా మొత్తాన్ని నిర్దిష్ట రుణాల చెల్లింపు, ఇతర కార్పొరేట్‌ అవసరాల కోసం వినియోగించుకోనుంది.21 నుంచి ఎఫ్‌ఎక్స్‌ మల్టీటెక్‌ పారిశ్రామిక రిఫ్రిజిరేషన్‌ సొల్యూషన్స్‌ అందించే ఎఫ్‌ఎక్స్‌ మలీ్టటెక్‌ తలపెట్టిన పబ్లిక్‌ ఇష్యూ సెప్టెంబర్‌ 21న ప్రారంభమై 23న ముగియనుంది. కంపెనీ దీని ద్వారా రూ. 45.24 కోట్లు సమీకరించనుంది. బీఎస్‌ఈ ఎస్‌ఎంఈ ప్లాట్‌ఫాంలో లిస్ట్‌ చేయనున్నారు. ఒక్కో షేరు ధర శ్రేణి రూ. 110–116గా ఉంటుంది. లాట్‌ సైజు 1,200 షేర్లు కాగా, రిటైల్‌ ఇన్వెస్టర్లు కనీసం రెండు లాట్ల కోసం దరఖాస్తు చేసుకోవాల్సి ఉంటుంది.

సోమవారం ఉదయం లాభాల్లో ప్రారంభమైన.. దేశీయ స్టాక్ మార్కెట్లు, ట్రేడింగ్ క్లోజ్ అయ్యే సమయానికి భారీ లాభాల్లో ముగిశాయి. సెన్సెక్స్ 599.90 పాయింట్లు లేదా 0.81 శాతం లాభంతో 74,894.86 వద్ద, నిఫ్టీ 82.60 పాయింట్లు లేదా 0.35 శాతం లాభంతో 23,429.00 వద్ద నిలిచాయి.పతంజలి ఫుడ్స్ లిమిటెడ్, ఇంజనీర్స్ ఇండియా లిమిటెడ్, జ్యోతి సిఎన్‌సి ఆటోమేషన్ లిమిటెడ్ వంటి కంపెనీలు టాప్ గెయినర్స్ జాబితాలో చేరాయి. ఒరాకిల్ ఫైనాన్షియల్ సర్వీసెస్ సాఫ్ట్‌వేర్ లిమిటెడ్, వర్ధమాన్ టెక్స్‌టైల్స్ లిమిటెడ్, ఏపీఎల్ అపోలో ట్యూబ్స్ లిమిటెడ్ వంటి సంస్థలు నష్టాల జాబితాలో నిలిచాయి.(Disclaimer: మార్కెట్ గురించి సాక్షి వెబ్‌సైట్‌లో నిపుణులు వెల్లడించే అభిప్రాయాలు వారి పరిశీలన, అంచనాలను బట్టి ఉంటాయి. ఇన్వెస్టర్లకు ఇది కేవలం విషయ అవగాహన మాత్రమే తప్ప.. వారు పెట్టే పెట్టుబడులకు సాక్షి మీడియా గ్రూపు ఎలాంటి హామీ ఇవ్వదు.)

దేశంలో బంగారం ధరలు పసిడి ప్రియులకు ఊరట కలిగించాయి. గత కొన్ని రోజులుగా హెచ్చుతగ్గులకు లోనవుతున్న పసిడి ధరలు మూడు రోజుల తర్వాత నేడు స్వల్ప తగ్గుదలను నమోదు చేశాయి. ఇటీవల కాలంలో స్థిర ఆదాయం సమకూర్చే కమోడిటీ మార్కెట్లపైపు పెట్టుబడిదారులు మొగ్గు చూపుతున్నారు. అందులో భాగంగా బంగారం ధరల్లో మార్పులు వస్తున్నాయని నిపుణులు చెబుతున్నారు. ఇక వెండి ధరలు మాత్రం మిశ్రమ కదలికలను నమోదు చేశాయి. దేశంలోని ప్రధాన నగరాల్లో నేడు బంగారం (Today Gold Rate), వెండి ధరలు (Today Silver Rate) ఎలా ఉన్నాయో కింద తెలుసుకుందాం.

దేశీయ స్టాక్‌ మార్కెట్‌ సూచీలు సోమవారం లాభాల్లో కదలాడుతున్నాయి. ఈరోజు ఉదయం 09:25 సమయానికి నిఫ్టీ(Nifty) 34 పాయింట్లు పెరిగి 23,380 వద్దకు చేరింది. సెన్సెక్స్‌(Sensex) 403 పాయింట్లు పుంజుకొని 74,685 వద్ద ట్రేడవుతోంది.అమెరికా డాలర్‌ ఇండెక్స్‌(USD Index) 100.25బ్రెంట్‌ క్రూడ్‌ఆయిల్‌ బ్యారెల్‌ ధర 101.6 డాలర్లుయూఎస్‌ 10 ఏళ్ల బాండ్‌ ఈల్డ్‌లు 5 శాతానికి చేరాయి.గడిచిన సెషన్‌లో యూఎస్‌ ఎస్‌ అండ్‌ పీ 0.17 శాతం పెరిగింది.నాస్‌డాక్‌ 0.4 శాతం పుంజుకుంది.Today Nifty position 21-09-2026(time: 09:25 am)(Disclaimer: మార్కెట్ గురించి సాక్షి వెబ్ సైట్లో నిపుణులు వెల్లడించే అభిప్రాయాలు వారి పరిశీలన, అంచనాలను బట్టి ఉంటాయి. ఇన్వెస్టర్లకు ఇది కేవలం విషయ అవగాహన మాత్రమే తప్ప.. వారు పెట్టే పెట్టుబడులకు సాక్షి మీడియా గ్రూపు ఎలాంటి హామీ ఇవ్వదు.)

సర్వసాధారణంగా సంపదను సృష్టించుకోవాలంటే ముందుగా శక్తివంతమైన ట్రెండ్స్‌ను గుర్తించాలంటూ మదుపరులకు సలహాలు వస్తుంటాయి. కానీ ఇది కొంతవరకే నిజం. ఈ ట్రెండ్స్‌లో ఏ కంపెనీలు పాలు పంచుకుంటాయి, వాటి ద్వారా అంతిమంగా ఎవరికి, ఎంత మేరకు ప్రయోజనం లభిస్తుందనేది గుర్తించడం చాలా క్లిష్టమైన పని. గత రెండు దశాబ్దాలుగా మార్కెట్లను శాసించిన కీలక థీమ్‌లను ఒకసారి చూద్దాం. ఇంటర్నెట్‌ అనేది వ్యాపారాలను, వినియోగదారుల ప్రవర్తనను పూర్తిగా మార్చివేసింది.స్మార్ట్‌ఫోన్లు ప్రజల సమాచార వ్యవస్థను, లావాదేవీల నిర్వహణ తీరుతెన్నులను మార్చాయి. డిజిటల్‌ చెల్లింపులు వాణిజ్య రూపురేఖలని మార్చేశాయి. కానీ, ఈ ప్రతి సెగ్మెంట్లోనూ ఆయా ట్రెండ్స్‌తో లాభపడతాయని ముందుగా అనుకున్న కంపెనీలలో చాలావరకు వెనుకబడిపోయాయి లేదా ఎవరూ ఊహించని కొత్త కంపెనీలు ముందుకు వచ్చి వాటిని అధిగమించాయి. ఇక్కడ థీమ్‌ సరైనదే, కానీ ప్రయోజనం పొందిన కంపెనీలు మారిపోయాయి. రిటైల్‌ పెట్టుబడిదారుల్లో ‘థీమాటిక్‌ ఇన్వెస్టింగ్‌’ (ప్రత్యేక రంగాలు లేదా థీమ్స్‌లో పెట్టుబడులు)కి ఆదరణ పెరుగుతున్న నేపథ్యంలో ఈ విషయాన్ని గుర్తుంచుకోవడం చాలా అవసరం.విస్తరిస్తున్న థీమాటిక్‌ ఇన్వెస్టింగ్‌ప్రస్తుతం చాలా మటుకు మదుపరుల పోర్ట్‌ఫోలియోల్లో తయారీ, రక్షణ, క్యాపిటల్‌ మార్కెట్, వినియోగం, డిజిటలైజేషన్, ఇంధనం, మౌలిక వసతుల కల్పన వంటి థీమ్‌లు ఎక్కువగా ఉంటున్నాయ. వీటిపై ఆసక్తి పెరగడానికి బలమైన కారణం ఉంది. స్వల్పకాలిక పరిణామాలు కాకుండా సుదీర్ఘకాలం పాటు ఆర్థిక వ్యవస్థలో వచ్చే మార్పులు ఈ థీమ్‌లకు దన్నుగా ఉంటాయి. భారత ఇంధన రంగాన్నే ఉదాహరణగా తీసుకుంటే, 2025–26 నాటికి దేశీయంగా మొత్తం విద్యుదుత్పత్తి సామర్థ్యం 530 గిగావాట్ల స్థాయిని దాటింది. పెరుగుతున్న విద్యుత్‌ అవసరాలకు అనుగుణంగా పెట్టుబడులు కూడా రానుండటంతో వచ్చే పదేళ్లలో మరో 589 గిగావాట్లు వస్తాయని అంచనా. ఇందులో అత్యధిక భాగం పునరుత్పాదక ఇంధనం ద్వారానే వస్తుందని భావిస్తున్నారు. దీనితో పాటు శిలాజ ఇంధనాలు కూడా దేశ ఇంధన భద్రతకు కీలకంగా కొనసాగనున్నాయి. ఇదొక గొప్ప దీర్ఘకాలిక అవకాశమని దాదాపు అందరూ అంగీకరిస్తున్నప్పటికీ, దీని ద్వారా ఏయే కంపెనీలు ప్రయోజనం పొందగలవనే విషయంపై మాత్రం ఏకాభిప్రాయం లేదు. మారే థీమ్‌లు.. ప్యాసివ్‌ ప్రాధాన్యం..ఇన్వెస్టర్లకు కొన్ని థీమ్‌లపై గట్టి నమ్మకం ఉన్నప్పటికీ, వాటిలో ఉండే అన్ని షేర్లను గుర్తించడం, ప్రతి దాని పనితీరును నిరంతరం పర్యవేక్షించడం చాలా కష్టమైన పని. ఇండివిడ్యువల్‌ స్టాక్స్‌ను ఎంచుకోవడంలో మానవ ప్రమేయంతో పని లేకుండా, నిర్దిష్ట థీమ్‌లో సులభంగా, పారదర్శకంగా, నిర్దిష్ట నిబంధనలకు కట్టుబడి ఇన్వెస్ట్‌ చేసే అవకాశాన్ని, ప్రామాణిక సూచీని అనుసరించే ప్యాసివ్‌ ఇన్వెస్టింగ్‌ అందిస్తుంది. ఈ వ్యూహం, నిర్దిష్ట థీమ్‌తో ముడిపడే కంపెనీలతో కూడుకున్న పోర్ట్‌ఫోలియోని ఏర్పర్చుకునేందుకు దోహదపడుతుంది. ఇటువంటి వ్యూహం చాలా తేలికైనదిగానే అనిపించవచ్చు కానీ చాలా కీలకమైనది. థీమాటిక్‌ సూచీలను క్రమం తప్పకుండా సమీక్షిస్తూ, మార్కెట్లో వచ్చే మార్పులకు తగ్గట్లుగా రీబ్యాలెన్స్‌ చేస్తుంటారు. ఫలితంగా క్రమశిక్షణ కలిగిన పెట్టుబడి విధానాన్ని పాటిస్తూనే, థీమ్‌లో వచ్చే మార్పులకు తగ్గట్లుగా ఇన్వెస్ట్‌ చేసే ప్రయోజనాలను మదుపరులు పొందేందుకు వీలవుతుంది.కంపెనీల నాయకత్వాలు మారతాయి. సాంకేతికతలు రూపాంతరం చెందుతాయి. పోటీ ప్రయోజనాలు తగ్గిపోతాయి. ప్రభుత్వ నిబంధనలు మారతాయి. పూర్తిగా కొత్త వ్యాపార మోడల్స్‌ తెరపైకి వస్తుంటాయి. దీనితో అంతిమంగా అత్యధిక సంపదను సృష్టించే కంపెనీలు, పెట్టుబడిదారులు మొదట్లో ఊహించినవి కాకపోవచ్చు. కేవలం కొన్ని షేర్లలోనే పెట్టుబడిని పరిమితం చేయకుండా, థీమ్‌ మొత్తంలో విస్తృతంగా భాగస్వామ్యం కల్పించడం ద్వారా ప్యాసివ్‌ విధానం ఈ అనిశ్చితిని తగ్గిస్తుంది. అలాగే, థీమాటిక్‌ ఇన్వెస్టింగ్‌లో తరచుగా ఎదురయ్యే భావోద్వేగపరమైన నిర్ణయాలను ఇది నియంత్రిస్తుంది. పెట్టుబడిదారులు సాధారణంగా ఏ రంగంలోనైనా బాగా రాణిస్తున్న కంపెనీల వైపే ఆకర్షితులవుతుంటారు. కానీ, తర్వాతెప్పుడో చూస్తే ఆ థీమ్‌లకు సారథ్యం వహించే కంపెనీలు మారిపోతుంటాయి. ఈ నేపథ్యంలో రిటైల్‌ మదుపరులు ఆచరించతగిన అంశం మరొకటి ఉంది. ఒక రంగానికి చెందిన ప్రతి కంపెనీని ట్రాక్‌ చేయడం కంటే, మొత్తం థీమ్‌ను అనుసరించడం చాలా తేలికైన విషయం. చాలా మంది ఇన్వెస్టర్లకు థీమ్‌పరంగా విస్తృతంగా ఉండే ఆర్థిక ధోరణులను అర్థం చేసుకోవాలనే ఆసక్తి, సమయం కూడా ఉండొచ్చు. కానీ, ఆ థీమ్‌నకు సంబంధించి పదుల సంఖ్యలో ఉన్న కంపెనీల నిర్వహణ నాణ్యత, పోటీ పరిస్థితులు, సాంకేతిక మార్పులు, వేల్యుయేషన్లను నిరంతరం పర్యవేక్షించే వనరులు అందరి దగ్గర ఉండవు. ఒక థీమ్‌పై స్పష్టమైన అంచనా ఉండి, ఆ రంగంలోని ప్రతి ఒక్క షేరును వెతికి పట్టుకునే భారం మోయకూడదనుకునే పెట్టుబడిదారులకు ‘థీమాటిక్‌ పాసివ్‌ ఫండ్లు’ ఎంతో ఉపయోగపడతాయి.ఇదీ చదవండి: తండ్రి ఆస్తిలో వాటా ఎవరికి? కూతురికా? కొడుక్కా?ప్రపంచవ్యాప్తంగా చాలా మటుకు బడా ఇన్వెస్టర్లు, వెల్త్‌ మేనేజ్‌మెంట్‌ సంస్థలు ఏదైనా రంగం లేదా థీమ్‌పై స్పష్టమైన అంచనా ఉన్నప్పుడు, వ్యూహాత్మక కేటాయింపుల కోసం థీమాటిక్‌ పాసివ్‌ ఫండ్లతో సహా ఇతర పాసివ్‌ ఫండ్లను ఉపయోగిస్తాయి. ఈ విధానం పారదర్శకంగా, నిబంధనలకు లోబడి, సరైన క్రమశిక్షణతో పెట్టుబడులు పెట్టేందుకు వాటికి సహాయపడుతుంది. థీమాటిక్‌ ఇన్వెస్టింగ్‌లో విజయం సాధించాలంటే, రేపటి గెలుపు గుర్రాలను ముందుగా గుర్తించడమే కీలకం అని చెప్తుంటారు. వాస్తవానికి, వాటికి సంబంధించిన యావత్‌ వ్యవస్థలో ఇన్వెస్ట్‌ చేస్తే, దాన్నుంచి ఆవిర్భవించే విజేతలను ఒడిసి పట్టుకోవడానికి వీలవుతుంది. ఈ నేపథ్యంలో నిర్దిష్ట థీమ్‌కి చెందిన ఒక్కో సంస్థలో ఇన్వెస్ట్‌ చేయడం కన్నా మొత్తం వ్యవస్థలో ఇన్వెస్ట్‌ చేసే ప్రయోజనాన్ని అందించే ప్యాసివ్‌ విధానం ఇందుకు తోడ్పడుతుంది.

ముంబై: అంతర్జాతీయ పరిణామాలు ఈ వారం దేశీయ స్టాక్‌ మార్కెట్‌ ట్రేడింగ్‌ సరళిని నిర్దేశిస్తాయని మార్కెట్‌ నిపుణులు భావిస్తున్నారు. అమెరికా అధ్యక్షుడు డొనాల్డ్‌ ట్రంప్‌తో చైనా ప్రెసిడెంట్‌ జిన్‌పింగ్‌ భేటీ, బాండ్లపై రాబడులు (ఈల్డ్స్‌), పశ్చిమాసియా ఉద్రిక్తతలు, అంతర్జాతీయ క్రూడాయిల్‌ ధరల కదలికలు సెంటిమెంట్‌ను శాసించనున్నాయి. యూఎస్‌ లేబర్‌ మార్కెట్‌ డేటా ఇదే వారంలో విడుదల కానున్నాయి. నేషనల్‌ స్టాక్‌ ఎక్సే్చంజ్‌ (ఎన్‌ఎస్‌ఈ) సహా ఆరు కంపెనీల షేర్లు ఈ వారం ఎక్సే్ఛంజీల్లో అరంగేట్రం చేయనున్నాయి. విదేశీ ఇన్వెస్టర్ల క్రయవిక్రయాలు కూడా కీలకం కానున్నాయి. ‘రష్యా నుంచి ఇంధనం కొనే దేశాలపై 100% వరకు టారిఫ్‌లు విధించేలా అమెరికా తెచి్చన కొత్త చట్టం భారత్‌కు వాణిజ్య పరంగా కొత్త సవాలుగా మారింది. క్రూడ్‌ ధరలు, బాండ్‌ ఈల్డ్స్, భౌగోళిక–రాజకీయ పరిణామాలే ఈ వారం మార్కెట్లకు దారి చూపుతాయి’ అని ఎన్‌రిచ్‌ మనీ సీఈవో ఆనంద్‌ పొన్ముడి తెలిపారు. భారత్‌కు అమెరికా ‘ఆంక్షల’ ముప్పు రష్యా ఇంధన రంగాన్ని లక్ష్యంగా చేసుకుని అమెరికా తెస్తున్న కొత్త ఆంక్షల చట్టం భారత్‌కు సవాలుగా మారింది. రష్యా నుంచి చమురు కొనే దేశాలపై 100% వరకు టారిఫ్‌లు విధించే అధికారాన్ని ఈ చట్టం డొనాల్డ్‌ ట్రంప్‌కు కల్పిస్తుంది. రష్యా ఇంధనానికి ప్రధాన కొనుగోలుదారుగా ఉన్న భారత్‌.. ఈ దిగుమతులు తగ్గించుకోవాల్సి వస్తే దేశీ ఇంధన వ్యయాలు పెరిగి కరెంట్‌ ఖాతా లోటు (క్యాడ్‌) తీవ్రమవుతుంది. ఇది రూపాయి క్షీణతకు, ద్రవ్యోల్బణానికి దారితీసి స్టాక్‌ మార్కెట్లపై తీవ్ర ఒత్తిడి పెంచుతుంది. పలితంగా ఇండియన్‌ ఆయిల్, రిలయన్స్‌ వంటి రిఫైనరీలతో పాటు పెయింట్స్, ఏవియేషన్, టైర్లు, లాజిస్టిక్స్‌ రంగాలు దెబ్బతినే ప్రమాదముంది. భయపెడుతున్న బాండ్‌ ఈల్డ్స్‌ గత వారంలో యూఎస్‌ ఫెడ్‌ వడ్డీ రేట్లను 3.75–4%కి, బ్యాంక్‌ ఆఫ్‌ జపాన్‌ 1.25 శాతానికి పెంచాయి. ఈ రేట్ల పెంపుతో అమెరికా పదేళ్ల బాండ్‌ రాబడులు (ఈల్డ్స్‌) మళ్లీ 5 శాతానికి చేరుకున్నాయి. దీంతో డాలర్‌ బలపడి, గ్లోబల్‌ మార్కెట్లలో ద్రవ్య లభ్యత (లిక్విడిటీ) తగ్గుతోంది. ఇది రూపాయి క్షీణతకు, ఎఫ్‌ఐఐ నిధుల ఉపసంహరణకు దారితీస్తోంది.వంద డాలర్ల ఎగువనే క్రూడ్‌ ధరలు అంతర్జాతీయ మార్కెట్లో చమురు ధరలు తీవ్ర హెచ్చుతగ్గుల మధ్య ఇప్పటికీ బ్యారెల్‌కు 100 డాలర్ల ఎగువనే కొనసాగుతున్నాయి. భారత్‌కు అధికంగా దిగుమతయ్యే బ్యారెల్‌ బ్రెంట్‌ క్రూడాయిల్‌ ధర 103.87 వద్ద స్థిరపడింది.ఆరు లిస్టింగులు, ఆరు ఐపీఓ ప్రభావం ఈ వారం ప్రాథమిక మార్కెట్లో ఏకంగా ఆరు ఐపీఓలు, ఆరు లిస్టింగ్‌లతో సందడి వాతావరణం నెలకొనుంది. వీటిలో ప్రధానంగా రూ.22,562 కోట్ల ఎన్‌ఎస్‌ఈ ఆఫర్‌ సోమవారంతో ముగిసి, గురువారం బీఎస్‌ఈలో లిస్ట్‌ కానుంది. ఈ మెగా ఇష్యూతో పాటు మిగిలిన అయిదు ఐపీఓల వల్ల ప్రాథమిక మార్కెట్లోకి భారీగా నిధులు తరలిపోతున్నాయి. దీనివల్ల నగదు ద్రవ్యలభ్యత (లిక్విడిటీ) తగ్గడం సెకండరీ మార్కెట్‌పై తాత్కాలిక ప్రభావం చూపవచ్చు.సాంకేతిక అంశాలు ఈ వారంలో నిఫ్టీకి 23,000–23,100 స్థాయి అత్యంత కీలకమైన మద్దతు (సపోర్ట్‌) శ్రేణిగా ఉంది. గత ఆరు వారాలుగా పతనమవుతున్న మార్కెట్‌.. మళ్లీ పుంజుకుంటుందా..? లేక మరింత క్షీణతను చవిచూస్తుందా? అనేది నిఫ్టీ 23,000 స్థాయి వద్ద నిలదొక్కుకోవడంపైనే ఆధారపడి ఉంటుంది. ఒకవేళ నిఫ్టీ 22,950 స్థాయి కంటే దిగువకు పడిపోతే 22,400–22,600 స్థాయిల వరకు పతనమయ్యే అవకాశముంది. ఒకవేళ మార్కెట్‌ కోలుకుంటే ఎగువన నిఫ్టీకి 23,500–23,800 వద్ద తక్షణ నిరోధం (రెసిస్టెన్స్‌) ఎదురుకావచ్చు.ఆరో వారమూ నష్టాల పరంపర దేశీయ ఈక్విటీ మార్కెట్లను నష్టాల పరంపర వీడటం లేదు. క్రూడ్‌ సెగ, బాండ్‌ ఈల్డ్స్‌ పెరుగుదల ప్రభావంతో వరుసగా ఆరో వారమూ సూచీలు నష్టాల్లోనే ముగిశాయి. గత వారంలో సెన్సెక్స్‌ 428 పాయింట్లు , నిఫ్టీ 53 పాయింట్లు చొప్పున పడ్డాయి.

ప్రపంచవ్యాప్తంగా ఎన్ని వేల మంది ఆడినా... ఒక ఆటలో ఒలింపిక్‌ విజేత మాత్రం ఒక్కరే. విశ్వక్రీడా యవనికపై మెరిసేదీ ఆ ఒక్కరే. ప్రపంచవ్యాప్తంగా ఔత్సాహికులకు స్ఫూర్తినిచ్చేదీ ఆ ఒక్కరే. మరి వేల మంది పరాజితుల సంగతో..? అదెవరికీ పట్టదు. ఇది తప్పేమీ కాదు. ఎందుకంటే విజేతల నుంచి స్ఫూర్తి పొంది వారిని అనుసరించిన వారు ఆ క్రీడలో ఎక్కడో ఒకచోట స్థిరపడతారు. నిజ జీవితంలోనూ ఇది మంచిదే!!. కానీ పెట్టుబడులతో ముడిపడ్డ స్టాక్‌ మార్కెట్లలోనో...? స్టాక్‌ మార్కెట్లలోనూ గుర్తింపు విజేతలకే. ఎందుకంటే రెండేళ్లలో 5 రెట్లు పెరిగిన షేరు కొన్ని లక్షల మంది ఇన్వెస్టర్లను ఆకర్షిస్తుంది. కానీ అదే రెండేళ్లలో 90 శాతం పతనమైన షేరును పట్టించుకోరెవరూ!. కానీ ఇవి రెండూ షేర్లే. రెండింటి నుంచీ నేర్చుకోవాల్సింది చాలా ఉంది. భారీ ర్యాలీ తరువాత ఇన్వెస్ట్‌చేసినా ఇబ్బందే. బాగా పడిపోయింది కదా అని కొన్నా ఇబ్బందే. ఇదంతా ఎందుకంటే... చిన్న షేర్లలో రాబడులు ఇన్వెస్టర్లను ఊరిస్తుంటాయి. ఆకర్షిస్తాయి. కానీ అదే స్మాల్‌క్యాప్‌ షేర్లలో తట్టుకోలేనంత రిస్కులూ ఉంటాయి. కాకపోతే అవి బయటకు కనిపించవు. భారతీయ స్టాక్‌ మార్కెట్లలో ఇపుడు స్మాల్‌క్యాప్‌ ఫీవర్‌ తారస్థాయిలో ఉంది. ఈ నేపథ్యంలో ఇన్వెస్టర్లకు రాబడులతో పాటు రిస్కులూ తెలియజేసేదే ఈ ‘సాక్షి వెల్త్‌’ స్టోరీ...మన మార్కెట్లలో ఎప్పుడూ ఒక ప్రత్యేకమైన ధోరణి కనిపిస్తూ ఉంటుంది. స్మాల్‌క్యాప్‌ షేర్లు పెరగటం మొదలైనపుడు ఇన్వెస్టర్లు చూసేది ఆ ర్యాలీ ఒక్కటే కాదు. ఆ ర్యాలీలో మల్టీబ్యాగర్లుగా మారే అవకాశమున్న షేర్లకోసం వేటాడతారు. అదే సమయంలో ఒక షేరు రెట్టింపవుతుంది. మరో షేరు 3 రెట్లు పెరుగుతుంది. కొన్ని వాట్సాప్‌ గ్రూపుల్లో 5 రెట్లు... 10 రెట్లు పెరిగిన షేర్లంటూ కొన్నింటి గురించి సర్క్యులేషన్‌ మొదలవుతుంది. స్మాల్‌క్యాప్‌ ఫండ్లు అకస్మాత్తుగా ఆకర్షణీయంగా మారిపోతాయి. సిప్‌ (సిస్టమాటిక్‌ ఇన్వెస్ట్‌మెంట్‌ ప్లాన్‌) రిజి్రస్టేషన్లు పెరుగుతాయి. అప్పటిదాకా ఏడాదికి 12–15% రాబడి వస్తే అద్భుతమని భావించిన ఇన్వెస్టర్లు కూడా... మిగతావాళ్లకు ఏడాదిలోనే రూ.లక్షకు రూ.5 లక్షలు వచ్చినపుడు తామెందుకు అంత తక్కువ రాబడితో సంతృప్తి పొందాలని భావిస్తారు. అదిగో... రిస్కు మొదలయ్యేది అక్కడే. నిజానికి స్మాల్‌క్యాప్‌ షేర్లు సంపద సృష్టికి పనికిరావా అంటే... కచ్చితంగా పనికొస్తాయి. ఎందుకంటే దేశంలో అద్భుతమైన సంపద సృష్టించిన భారీ కంపెనీలు చాలావరకూ ఒకనాడు స్మాల్‌క్యాప్‌గా అడుగుపెట్టినవే. కాకపోతే ఏడాదిలో 300% పెరిగిన కంపెనీలున్నపుడు అదే ఏడాదిలో 70–80–90% పడిపోయిన షేర్లూ ఉంటాయని గుర్తించకపోవటం. ఎందుకంటే స్టాక్‌మార్కెట్ల చరిత్రలో ఇలాంటి ఉదంతాలు కోకొల్లలు. మొదట స్టోరీ... ఆ వెంటే ధనప్రవాహం స్మాల్‌క్యాప్‌ షేర్ల చక్రభ్రమణం తరచూ ఒకేలా ఉంటుంది. మొదట ఆర్థిక వ్యవస్థ మెరుగుపడటమో... లేకపోతే ఈ రంగం మెరుగుపడటమో జరుగుతుంది. కంపెనీల ఆదాయం పెరుగుతుంది. కొన్నిషేర్లు రాణిస్తాయి. దాన్ని మొదట సంస్థాగత ఇన్వెస్టర్లు గుర్తిస్తారు. వారి కొనుగోళ్లతో ఆ షేర్లు రివ్వుమంటాయి. ఇక ఇన్‌ఫ్లుయెన్సర్లు, మీడియా కథనాలు మొదలవుతాయి. రిటైలర్లు ప్రవేశిస్తారు. అప్పటికే అది 2–3 రెట్లు పెరిగిందనుకోండి. ‘ఇంక ఆ తరవాత ఎంత పెరుగుతుంది?’ ఈ ప్రశ్నకు జవాబు కష్టం. ఎందుకంటే అప్పటికే ఈజీ ర్యాలీ కాలం ముగుస్తుంది మరి!!. 2016–17 ర్యాలీలో ఈ ధోరణి స్పష్టంగా కనిపించింది. 2014 జనవరి–2017 డిసెంబరు మధ్య బీఎస్‌ఈ స్మాల్‌క్యాప్‌ సూచీ ఏకంగా 193% పెరిగింది. అప్పటినుంచి తిరుగుటపా మొదలైంది. 6 నెలలు గడిచేసరికి స్మాల్‌క్యాప్‌ సూచీ 15% నష్టపోయింది. సూచీలోని 67 షేర్లు సగానికన్నా ఎక్కువ పడిపోగా... చాలా షేర్లు 70–90% నష్టపోయాయి. దీనర్థం స్మాల్‌క్యాప్‌ షేర్లు చెడ్డవని కాదు. వాటి విలువ, లిక్విడిటీ, వ్యాపార నాణ్యతే ప్రతికూల పరిస్థితుల్లో వాటిని కాపాడతాయని. అవన్నీ చూశాకే ఇన్వెస్ట్‌ చేయాలని.ఇవిగో కొన్ని ఉదాహరణలు... వక్రంగీ: 207 శాతం లాభం... 92 శాతం నష్టం ఇన్వెస్టర్లు గుర్తుంచుకోవాల్సిందంటే పెరుగుదల... తగ్గుదల ఒకటికాదు. ఎందుకంటే 100 శాతం పెరిగిన షేరు 50 శాతం పడిందంటే చాలు. ఆ పెరుగుదల కరిగిపోయినట్టే. ఫైనాన్షియల్‌ సేవల ఏజెన్సీ వక్రంగీ... 2017లో 207 శాతం పెరిగింది. 2018 జనవర్లో ఏకంగా రూ.515 దగ్గర ఆల్‌టైమ్‌ గరిష్ఠ ధరకు చేరింది. అక్కడ స్టోరీ మారింది. కంపెనీ వాస్తవాలు చెప్పటం లేదని, కార్పొరేట్‌ గవర్నెన్స్‌ లేదని ఆందోళనలు రేగాయి. షేరులో ఊగిసలాట మొదలైంది. జనవరిలో భారీగా పడి... అంతకన్నా వేగంగా పెరిగింది కూడా. కానీ 2018 చివరికల్లా 92 శాతం పడిపోయి రూ.50 కన్నా దిగువకొచ్చేసింది. ఇక్కడ గమనించాల్సిందొకటే. → రూ.500 దగ్గర అది ఖరీదైన షేరే... కానీ పెరుగుతోంది కనక ఆకర్షణీయం. → రూ.300 దగ్గర... మంచి బేరమే కాబట్టి కొనొచ్చని అనుకున్నారు చాలామంది. → రూ.150 దగ్గర... పడాల్సిన దానికన్నా ఎక్కువ పడిపోయిందనుకున్నారు. → రూ.50 దగ్గర... స్టోరీ మారింది. ఇక దీనివంక చూడటం అనవసరం అనుకున్నారు. పడింది 92 శాతం. కానీ అది మళ్లీ పూర్వస్థాయికి రావాలంటే దాదాపు 900 శాతం పెరగాలి!!. అది సాధ్యమా? పూర్తిగా రికవరీ అయ్యేదాకా ఆ షేరును హోల్డ్‌ చేయటం కరెక్టా..? ఇపుడైతే వక్రంగీ ఏకంగా రూ.5 దగ్గర ఉందనుకోండి. అది వేరే విషయం. పీజీ జ్యుయల్లర్స్‌: 90 శాతం పడ్డా... స్టోరీ ఇంకా ఉంది ఇదో భిన్నమైన కథ. 2018 జనవరిలో ఈ షేరు ధర ఏకంగా రూ.587 వద్ద ఆల్‌టైమ్‌ గరిష్ఠానికి చేరింది. తరవాత నాటకీయంగా పడిపోయి 2019 ఆగస్టు నాటికి రూ.27కు చేరింది. అంటే గరిష్ఠ స్థాయి వద్ద రూ.లక్ష ఇన్వెస్ట్‌ చేస్తే ఏడాదిన్నర గడిచాక మిగిలింది రూ.4,600. ప్రమోటర్ల లావాదేవీలు... ఈ కంపెనీకి వక్రంగీతో ఉన్న అనుబంధం, పెరిగిన అప్పులు ఇవన్నీ కలిసి పీసీ జ్యుయలర్స్‌ను పడేశాయి. అది దీర్ఘకాలం ఆర్థిక సంక్షోభాన్ని ఎదుర్కోవాల్సి వచ్చింది. అలాగని పీసీ జ్యుయలర్స్‌ కథ అక్కడితో ముగిసిపోలేదు. రుణాల పునర్వ్యవస్థీకరణ చేపట్టింది. మూలధనాన్ని సమీకరించింది. బ్యాలెన్స్‌ షీట్, కార్యకలాపాలు... అన్నీ మారాయి. 2025 నాటికి షేరు చెప్పుకోదగ్గ స్థాయిలో రికవరీ అయింది. దీన్నుంచి నేర్చుకోవాల్సింది ఒక్కటే. → పడిపోయింది కదా అని ప్రతి షేరూ కొనటం కరెక్టు కాదు. → 90 శాతం పడ్డ షేరు... అక్కడి నుంచి మరో సగం పడదనే గ్యారంటీ లేదు. → 90 శాతం పడ్డాక ఆ కంపెనీ వ్యాపారం, పనితీరు మారితే తప్ప రికవరీ కష్టం. అందుకే 90 శాతం పడిపోయింది కదా... ఇంకేం పడుతుందిలే అని ఇన్వెస్ట్‌ చేయటం సరైన వ్యూహం కాదు. మన్‌పసంద్‌ బేవరేజెస్‌.. అంతర్గత సమస్య అప్పట్లో ఇది హాట్‌ ఫేవరెట్‌. 2017 సెపె్టంబర్లో దీని ధర రూ.512. అదిగో... అప్పుడు మొదలయ్యాయి హెచ్చరికలు. మొదట ఆడిటర్లు తప్పుకున్నారు. తరువాత కంపెనీపై పన్ను అధికారులు చర్యలకు దిగారు. కంపెనీ ఆర్థిక ఫలితాలపై స్క్రూటినీ మొదలైంది. షేరు పతనం మొదలైంది. 2018 జూలైకల్లా రూ.100 దిగువకొచ్చేసింది. మరో ఏడాది గడిచేసరికి రూ.10 కన్నా తక్కువకొచ్చేసింది. చివరకు ట్రేడింగ్‌ నిలిచిపోయింది. దీన్నుంచి గమనించాల్సిందేంటంటే... →సంఖ్యల్లో వృద్ధిని చూస్తే సరిపోదు. అ సంఖ్యలు కరెక్టో కాదో కూడా తెలుసుకోవాలి. డీహెచ్‌ఎఫ్‌ఎల్‌: షేరు విలువ జీరో అయిపోవచ్చు ఒక షేరు 20 శాతం పడొచ్చు. 50 శాతం పడొచ్చు. 90 శాతం కూడా పడొచ్చు. కానీ విలువ పూర్తిగా అంతర్థానమవటం అనేది డీహెచ్‌ఎఫ్‌ఎల్‌ను చూసి తెలుసుకోవాలి. నిజానికి దీవాన్‌ హౌసింగ్‌ ఫైనాన్స్‌ అనేది దేశవ్యాప్తంగా తెలిసిన ఆర్థిక సేవల దిగ్గజం. అయితే లిక్విడిటీ లేదని, మొండి బాకీలు పెరిగాయని ఆందోళనలు రేగటంతో 2018 సెపె్టంబర్లో డీహెచ్‌ఎఫ్‌ఎల్‌ షేరు ఒకేరోజు ఏకంగా 60 శాతం పడింది. తరవాత సంస్థ దివాలా పిటిషన్‌ వేసింది. 2021 పిరమల్‌ క్యాపిటల్‌ సంస్థ దాఖలు చేసిన పరిష్కార ప్రణాళికను ఎన్‌సీఎల్‌టీ ఆమోదించింది. దీనిప్రకారం సంస్థ ఈక్విటీ షేరుహోల్డర్ల వాటా విలువ జీరో అయిపోయింది. ట్రేడింగ్‌ నిలిచిపోయింది. బ్రైట్‌కామ్‌ గ్రూప్‌: అమ్మటమే అసాధ్యమైతే... కార్పొరేట్‌ గవర్నెన్స్‌ ఆందోళనలు చెరిగిపోలేదనటానికి తాజా సాక్ష్యం బ్రైట్‌కామ్‌ గ్రూప్‌. భారీ గా పెరిగి... దారుణంగా పతనమైన ఈ కంపెనీపై సెబీ చర్యలకూ దిగింది. రెండు త్రైమాసికాలు వరసగా ఆర్థిక ఫలితాలు ప్రకటించకపోవటంతో... ఈ కంపెనీ షేరు క్రయవిక్రయాలను నిలిపేస్తున్నట్లు 2024 జూన్‌లో ఎక్సే్ఛంజీలు ప్రకటించాయి. అంటే... షేరు పడటమే కాదు. కొన్నిసార్లు క్రయవిక్రయాలూ చేయలేం. చేతిలో షేర్లున్నా అమ్ముకోలేం. అదీ కథ.అదిరిపోయే అద్భుతాలూ ఉన్నాయ్‌... ఇన్వెస్టర్ల చేతులు కాల్చినవే కాదు. వారికి అద్భుతమైన లాభాలిచ్చి సంపద సృష్టించిన షేర్లు చాలా ఉన్నాయి. ఎందుకంటే స్మాల్‌క్యాప్‌ షేర్లు ఊహించని సంపద సృష్టిస్తాయి. 2024 నాటి ర్యాలీనే తీసుకుందాం. బీఎస్‌ఈ స్మాల్‌క్యాప్‌ సూచీలోని పలు షేర్లు మల్టీ బ్యాగర్లుగా మారాయి. జై బాలాజీ ఇండస్ట్రీస్‌ 20 రెట్లు పెరిగింది. వారీ రెన్యువబుల్‌ టెక్నాలజీస్‌ 9 రెట్లు పెరిగింది. జీఈ వెర్నోవా టీ అండ్‌ డీ, ఆరియన్‌ ప్రో సొల్యూషన్స్, ఫోర్స్‌ మోటార్స్, ట్రాన్స్‌ఫార్మర్స్‌ అండ్‌ రెక్టిఫయర్స్, కేపీఐ గ్రీన్‌ ఎనర్జీ, ఐనాక్స్‌ విండ్, సుజ్లాన్‌ ఎనర్జీ, హెచ్‌బీఎల్‌ పవర్‌ సిస్టమ్స్‌ వంటివి గణనీయమైన లాభాలనిచ్చాయి. మొత్తంగా చూస్తే 2024 ఆర్థిక సంవత్సరంలో బీఎస్‌ఈ స్మాల్‌ క్యాప్‌ సూచీలో 252 షేర్లు మల్టీబ్యాగర్లుగా మారాయి. వారీ రెన్యువబుల్స్‌: ఏడాదిలోనే 15 రెట్లు! సౌర విద్యుత్‌ రంగం సృష్టించిన మల్టీబ్యాగర్‌ ఈ కంపెనీ. ఎందుకంటే 2014 ఏప్రిల్‌ నాటికి ఈ షేరు ఒక ఏడాదిలోనే ఏకంగా 1,501 శాతం పెరిగి రికార్డు సృష్టించింది. ఒక స్మాల్‌క్యాప్‌ షేరు ఏ స్థాయిలో సంపద సృష్టించగలదో చూపించింది. కాకపోతే ఆ సమయంలో దీన్ని చూసి ఇన్వెస్ట్‌ చేయటం ప్రమాదకరమే. ఎందుకంటే 15 రెట్లు పెరిగాక అది ఏ స్థాయలో పెరిగిందో తెలుస్తుంది తప్ప... భవిష్యత్తులో ఏ స్థాయిలో పెరుగుతుందో తెలియదు. ఎందుకంటే స్టాక్‌ మార్కెట్లలో గత రికార్డులేవీ భవిష్యత్తుకు సూచనలు కావు. ఇన్వెస్టర్లు గమనించాల్సింది ఇదే. ఇన్వెస్టర్లూ... ఇవి గుర్తుంచుకోండి → ‘నా పోర్టుఫోలియోలో 80కి పైగా షేర్లున్నాయి. ఇందులో చాలా రంగాలున్నాయి కనక రిస్కు తక్కువ’ అని ఎవరైనా అంటే అది కరెక్టు అనుకోవద్దు. ఎందుకంటే చాలా రంగాలు అర్థిక చక్రంతో ముడిపడి ఉంటాయి. ఉదాహరణకు క్యాపిటల్‌ గూడ్స్, డిఫెన్స్, రైల్వే, ఇన్‌ఫ్రా, రెన్యువబుల్‌ ఎనర్జీ వంటి రంగాలకు చెందిన షేర్లు ఎన్ని ఉన్నా... కొన్ని ప్రత్యేక పరిస్థితులకు ఈ రంగాలన్నీ కామన్‌గా ప్రభావితమయ్యేవే. → ‘సిప్‌’ ఇన్వెస్ట్‌మెంట్లను ఎట్టి పరిస్థితుల్లోనూ మార్కెట్లు పడ్డపుడు నిలిపేయొద్దు. ఎందుకంటే ఆ సమయంలోనే యూనిట్లు తక్కువ ధరకు దొరుకుతాయి. అప్పుడు చేసిన ఇన్వెస్ట్‌మెంట్ల వల్లే రికవరీ వేగం పెరిగి... రాబడులూ మెరుగవుతాయి. సిప్‌ నిలిపివేసి మళ్లీ పెరిగేటపుడు మొదలుపెడితే... లాభాలు చూడటం కష్టం. → ‘ఏ స్మాల్‌క్యాప్‌ 10 రెట్లు పెరుగుతుంది?’ అని చూడొద్దు. దానిబదులు తాము ఇన్వెస్ట్‌ చేసే కంపెనీకి ఎలాంటి రిస్క్ లున్నాయో చూడాలి. స్మాల్‌క్యాప్‌ షేర్లు కొనే ముందు వాటి రుణాలు... క్యాష్‌ఫ్లో... ప్రమోటర్ల తనఖా పరిస్థితి... ఆడిటర్ల నాణ్యత... రావాల్సిన బకాయిలు... సంబంధిత పక్షాల లావాదేవీలు... ప్రమోటర్ల వాటా ఎంత?.. అప్పులేంటి?... వాల్యుయేషన్‌ సరైనదేనా..? అనేవి చూడాలి. → మంచి షేర్లలో ఇన్వెస్ట్‌ చేస్తే అవే మల్టీ బ్యాగర్లు కావచ్చు. అంతేతప్ప మల్టీబ్యాగర్లను ఎంచుకుని, వాటికోసం ఇన్వెస్ట్‌ చేయటం సరికాదు.లిక్విడిటీ.... కనిపించని రిస్కు లార్జ్‌క్యాప్‌ షేర్లకు, స్మాల్‌క్యాప్‌ షేర్లకు ప్రధానమైన తేడా ఒకటుంది. అదే... లిక్విడిటీ. ఉదాహరణకు లార్జ్‌క్యాప్‌ షేరు ఏదో కారణంతో 10 శాతం పడిందనుకోండి. అయినా సరే దాన్ని కొనటానికి, అమ్మటానికి వేలమంది ఉంటారు. అదే స్మాల్‌క్యాప్‌ షేరైతే కథ వేరే ఉంటుంది. ఎక్కువ మంది కొనాలనుకునేటపుడు అది అప్పర్‌ సర్క్యూట్‌ను తాకి లాక వుతుంది. షేరు పెరుగుతుంటుంది తప్ప కొనాలంటే కావలసినన్ని షేర్లు దొరకవు. అదే పడ్డప్పుడైతే ఎక్కువ మంది విక్రయించడానికి ఉంటారు తప్ప కొనేవారెవరూ ఉండరు. డౌన్‌ సర్క్యూట్లో లాకవు తూ ఉంటుంది. షేరు పడుతూ ఉంటుంది త ప్ప విక్ర యించడం కష్టం. ఇది కేవలం స్మాల్‌క్యాప్‌ షేర్ల కే పరిమితమయిన ప్రమాదం. కనిపించని రిస్క్ . మ్యూచువల్‌ ఫండ్లకూ ఈ రిస్క్ ఉంటుంది... స్మాల్‌క్యాప్‌ మ్యూచువల్‌ ఫండ్లు రకరకాల కంపెనీల్లో ఇన్వెస్ట్‌ చేస్తాయి కనక రిస్క్ ను తగ్గించుకున్నట్టు కనిపిస్తాయి. కానీ ఒక కంపెనీ షేరు పడుతున్నపుడు బయటపడటం వాటిక్కూడా కష్టమే. సాధారణ ఇన్వెస్టర్లయితే తక్కువ షేర్లుంటాయి కనక ఏదో ధర దగ్గర బయటపడొచ్చు. ఫండ్లు బయటపడం అంత తేలికకాదు. పైపెచ్చు స్మాల్‌క్యాప్‌ ఫండ్లలో ఇన్వెస్ట్‌చేసేవారు పెరిగినపుడు ఆ నిధుల్ని తప్పనిసరిగా ఇన్వెస్ట్‌ చేయటం ఫండ్‌ మేనేజర్ల బాధ్యత. అలాగే మార్కెట్లు పడుతున్నపుడు ఇన్వెస్టర్లు కనక రిడీమ్‌ చేసుకుంటే కొన్ని షేర్లు విక్రయించయినా వారికి చెల్లించక తప్పదు. ఈ రెండు సందర్భాల్లోనూ వారు పెరిగిన ధర దగ్గర సైతం కొనటమో... లేక అసవరం లేకున్నా విక్రయించటమో చేయక తప్పదు. దీన్నిబట్టి అర్థం చేసుకోవాల్సింది ఒకటే. డైవర్సిఫైడ్‌ స్మాల్‌క్యాప్‌ ఫండ్‌ అన్నంత మాత్రాన రిస్కు తక్కువనుకోవద్దు. ఇన్వెస్టర్లు చేయాల్సిందేంటి? మరి ఇన్వెస్టర్లు చేయాల్సిందేంటి? స్మాల్‌క్యాప్‌ షేర్లు కొనాలా... వద్దా? నిజానికి స్మాల్‌క్యాప్‌ షేర్లు కొనటమేమీ తప్పు కాదు. కానీ వేరెవరో కొన్నాక 5 రెట్లు పెరిగింది కాబట్టి మనమూ కొనాలనుకోవటం తప్పు. ఎందుకంటే 5రెట్లు పెరిగిందన్న వాట్సాప్‌ స్క్రీన్‌షాట్‌ మన దగ్గరకు వచ్చేసరికి స్టోరీ మారిపోయి ఉండొచ్చు. అప్పుడు కొనటం అంటే... గత చరిత్ర చూసి కొనటమే. చరిత్ర కాకుండా వ్యాపార నాణ్యత చూసి కొంటే అద్భుతాలకూ అవకాశం ఉంటుంది. రమణమూర్తి మంథా

భారీగా పెరుగుతున్న బంగారం ధరలు.. వచ్చే వారంలో ఒడిదుడుకులతో, ఒక పరిమిత శ్రేణిలో కొనసాగవచ్చని విశ్లేషకులు చెబుతున్నారు. ముఖ్యంగా అమెరికా డాలర్ విలువ, బాండ్ ఈల్డ్స్‌లో మార్పులు, పశ్చిమాసియాలో కొనసాగుతున్న ఉద్రిక్తతలు, ముడి చమురు ధరల కదలికలు బంగారం ధరలపై ప్రభావం చూపే అవకాశం ఉంది. ఇటీవల ద్రవ్య విధానం, భౌగోళిక రాజకీయ పరిణామాలపై దృష్టి పెట్టిన మార్కెట్లు.. ఇప్పుడు కొత్తగా వెలువడే ఆర్థిక గణాంకాలపై దృష్టి సారించనున్నాయి.ఆర్థిక గణాంకాలపై దృష్టిఅమెరికాతో పాటు ఇతర ప్రధాన ఆర్థిక వ్యవస్థలకు సంబంధించిన మాన్యుఫ్యాక్చరింగ్, సర్వీసెస్ గణాంకాలు కీలకంగా మారనున్నాయి. అంతే కాకుండా.. అమెరికా హౌసింగ్ మార్కెట్ గణాంకాలు, డ్యూరబుల్ గూడ్స్ ఆర్డర్లు, వినియోగదారుల సెంటిమెంట్‌కు సంబంధించిన డేటా కూడా మార్కెట్‌కు సంకేతాలు ఇచ్చే అవకాశం ఉంది. ఈ గణాంకాలు అమెరికా ఫెడరల్ రిజర్వ్ భవిష్యత్ వడ్డీ రేట్ల నిర్ణయాలపై అంచనాలను ప్రభావితం చేయనున్నట్లు సమాచారం. ఈ ప్రభావం బంగారంపై కూడా పడవచ్చు.దేశీయ మార్కెట్‌లో బంగారం, వెండిమల్టీ కమోడిటీ ఎక్స్ఛేంజ్ (MCX)లో, అక్టోబర్ డెలివరీకి సంబంధించిన గోల్డ్ ఫ్యూచర్స్ గత వారం రూ. 1,597 లేదా 1.04 శాతం పెరిగి, 10 గ్రాములకు రూ. 1.54 లక్షల వద్ద ముగిసింది. సిల్వర్ ఫ్యూచర్స్ రూ. 6,629 లేదా దాదాపు 3 శాతం పెరిగి, కేజీకి రూ. 2.41 లక్షల వద్ద ముగిసింది.గత వారం MCX బంగారం 10 గ్రాములకు రూ. 1.5 లక్షల వద్ద బలహీనంగా ప్రారంభమైనప్పటికీ, తక్కువ స్థాయిలలో కొనుగోలు ఆసక్తి పెరగడంతో 10 గ్రాములకు రూ. 1.54 లక్షల వైపు బలంగా పుంజుకుందని LKP సెక్యూరిటీస్, కమోడిటీ అండ్ కరెన్సీ విపి రీసెర్చ్ అనలిస్ట్ జతీన్ త్రివేది వెల్లడించారు.అంతర్జాతీయ మార్కెట్‌లో కామెక్స్ బంగారం డిసెంబర్ ఫ్యూచర్స్ స్వల్పంగా పెరిగి ఔన్సుకు 4,424.9 డాలర్ల వద్ద ముగిశాయి. గత కొన్ని వారాలుగా బంగారం ధరలు ఒక పరిమిత పరిధిలోనే కదులుతున్నప్పటికీ, ధరలు తగ్గిన సమయంలో కొనుగోళ్లు కనిపిస్తున్నాయని విశ్లేషకులు చెబుతున్నారు. మరోవైపు గోల్డ్ ETFలలో పెట్టుబడుల ప్రవాహం కొనసాగుతుండటం కూడా బంగారానికి మద్దతుగా నిలుస్తోంది. ఇక వెండి ధరలు పారిశ్రామిక లోహాల కదలికలకు అనుగుణంగా పుంజుకుని వారాన్ని లాభాలతో ముగించాయి.వచ్చేవారంలో ఇలా..ప్రధాన కేంద్ర బ్యాంకుల కీలక నిర్ణయాలు పూర్తవడంతో.. ఇప్పుడు మార్కెట్ దృష్టి చైనా పీపుల్స్ బ్యాంక్ తదుపరి ద్రవ్య విధాన నిర్ణయంపై ఉండనుంది. సోమవారం వెలువడే ఈ నిర్ణయంలో వడ్డీ రేట్లు యథాతథంగా ఉండొచ్చని అంచనా. మొత్తం మీద.. వచ్చే వారం బంగారం ధరల దిశను అమెరికా డాలర్, బాండ్ ఈల్డ్స్, చమురు ధరలు, పశ్చిమాసియా పరిణామాలు, కొత్త ఆర్థిక గణాంకాలు నిర్ణయించే అవకాశం ఉంది. అందువల్ల బంగారం మార్కెట్‌లో ఒడిదుడుకులు కొనసాగుతూ, ధరలు పరిమిత శ్రేణిలో కదిలే అవకాశం ఉందని విశ్లేషకుల అంచనా.ఇదీ చదవండి: సంపద సృష్టికి బఫెట్ చెప్పిన సూత్రాలు!

ప్రపంచంలోనే అత్యంత విజయవంతమైన పెట్టుబడిదారుల్లో వారెన్ బఫెట్ ఒకరు. ఎన్నో దశాబ్దాలుగా పెట్టుబడుల రంగంలో కొనసాగుతూ.. తన ప్రత్యేకమైన ఆలోచనా విధానంతో ఎంతో సంపదను సృష్టించిన, బఫెట్ విజయానికి ముఖ్య కారణం కేవలం డబ్బు సంపాదించడం కాదు. ఓర్పు, క్రమశిక్షణ, సరైన నిర్ణయాలు మరియు దీర్ఘకాలిక ఆలోచన ఆయన పెట్టుబడి విధానంలో ముఖ్యమైనవి. ఆయన చెప్పిన కొన్ని విషయాలు షేర్ మార్కెట్‌లో పెట్టుబడులు పెట్టేవారికే కాకుండా, జీవితంలో ముందుకు వెళ్లాలనుకునే ప్రతి ఒక్కరికీ ఉపయోగపడతాయి.మంచి కంపెనీలను సరైన ధరకు ఎంచుకోవాలిబఫెట్ పెట్టుబడి విధానంలో ముఖ్యమైన విషయం మంచి వ్యాపారాలను గుర్తించడం. ఒక కంపెనీ షేరు ధర పెరుగుతోందని మాత్రమే దాన్ని కొనడం సరైనది కాదు. ఆ కంపెనీ ఏం చేస్తోంది?, దాని వ్యాపారం బలంగా ఉందా?, భవిష్యత్తులో కూడా ఆ కంపెనీ అభివృద్ధి చెందగలదా? అనే విషయాలను ముందుగా తెలుసుకోవాలి. మంచి కంపెనీని గుర్తించడం ఎంత ముఖ్యమో, దాని షేరును సరైన ధరకు కొనడం కూడా అంతే ముఖ్యం.పెట్టుబడుల్లో ఓర్పు ఉండాలిషేర్ మార్కెట్‌లో ధరలు ప్రతిరోజూ మారుతుంటాయి. ఒకరోజు మార్కెట్ పెరగవచ్చు, మరొకరోజు పడిపోవచ్చు. ఈ మార్పులను చూసి ప్రతిసారీ మన పెట్టుబడులను మార్చుకుంటే నష్టపోయే అవకాశం ఉంటుంది. బఫెట్ మాత్రం దీర్ఘకాలికంగా ఆలోచించేవారు. మంచి కంపెనీలో పెట్టుబడి పెట్టిన తర్వాత, దాని ఎదుగుదలకు తగిన సమయం ఇవ్వాలని ఆయన విధానం చెబుతుంది. మంచి పెట్టుబడికి ఓర్పు చాలా అవసరం.భయం, అత్యాశకు లోనుకాకూడదుమార్కెట్‌లో అందరూ ఒక షేరును కొనుగోలు చేస్తున్నారని మనం కూడా వెంటనే కొనాల్సిన అవసరం లేదు. అలాగే మార్కెట్ పడిపోతున్నప్పుడు భయపడి మన పెట్టుబడులను అమ్మేయాల్సిన అవసరం కూడా లేదు.బఫెట్ ప్రసిద్ధ సూత్రం ఏమిటంటే.. ''ఇతరులు అత్యాశతో ఉన్నప్పుడు భయపడండి, ఇతరులు భయపడుతున్నప్పుడు అవకాశాలను చూడండి''. దీని ఉద్దేశం ఇతరులను గుడ్డిగా అనుసరించకుండా, మన సొంత ఆలోచనతో నిర్ణయం తీసుకోవడం.పెద్ద నష్టాలను నివారించాలిపెట్టుబడుల్లో లాభం ఎంత ముఖ్యమో, నష్టాలను నియంత్రించడం కూడా అంతే ముఖ్యం. రూల్ నెం1-ఎప్పుడూ డబ్బును కోల్పోవద్దు. రూల్ నెం. 2: రూల్ నెం. 1ని ఎప్పుడూ మర్చిపోవద్దని బఫెట్ చెబుతారు.ప్రతి పెట్టుబడిలో నష్టం అసలు రాకుండా ఉండటం సాధ్యం కాకపోవచ్చు. కానీ మనకు అర్థం కాని వ్యాపారంలో లేదా ఎక్కువ రిస్క్ ఉన్న పెట్టుబడిలో తొందరగా డబ్బు పెట్టకుండా జాగ్రత్తపడవచ్చు.ఇతరుల మాటలను బట్టి నిర్ణయాలు తీసుకోకూడదుపెట్టుబడుల విషయంలో మన చుట్టూ ఉన్నవాళ్లు కూడా మన నిర్ణయాలను ప్రభావితం చేయవచ్చు. ఎవరో ఒకరు ఒక షేరు చాలా బాగుందని చెబితే వెంటనే కొనడం, ఇంకెవరో మార్కెట్ పడిపోతుందని చెబితే భయపడటం సరైన విధానం కాదు. ముందుగా మనమే విషయాన్ని అర్థం చేసుకుని నిర్ణయం తీసుకోవాలి. ఇతరుల అభిప్రాయాలను వినవచ్చు, కానీ తుది నిర్ణయం మాత్రం ఆలోచించి తీసుకోవాలి.మన చుట్టూ ఉన్న వ్యక్తులుజీవితంలో మనం ఎవరితో కలిసి ఉంటామనేది కూడా చాలా ముఖ్యమని బఫెట్ చెప్పారు. మన స్నేహితులు, మనతో పనిచేసే వ్యక్తులు, మనం గౌరవించే వ్యక్తులు మన ఆలోచనలు మరియు నిర్ణయాలపై ప్రభావం చూపుతారు. అందుకే మంచి ఆలోచనలు ఉన్నవారితో ఉండటం, వారి నుంచి మంచి విషయాలు నేర్చుకోవడం మన జీవితానికి ఉపయోగపడుతుంది.దీర్ఘకాలికంగా ఆలోచించాలివిజయానికి ప్రధాన కారణాల్లో ఒకటి ఆయన దీర్ఘకాలిక ఆలోచనా విధానం. వెంటనే లాభం రావాలని కాకుండా, భవిష్యత్తులో మంచి ఫలితాలు రావాలని ఆలోచించడం ఆయన పెట్టుబడి విధానంలో కనిపిస్తుంది. జీవితంలో కూడా ఇదే విధానం ఉపయోగపడుతుంది. చిన్న చిన్న సమస్యలు లేదా తాత్కాలిక పరిస్థితుల వల్ల మన పెద్ద లక్ష్యాలను మార్చుకోకుండా, ఓర్పుతో ముందుకు సాగాలి.ఇదీ చదవండి: డబ్బు సమస్యలు తగ్గాలంటే?: కియోసాకి చెప్పిన సీక్రెట్

దేశంలో బంగారం, వెండి ధరలు నిలకడగా కొనసాగుతున్నాయి. కొన్ని రోజులుగా తీవ్ర హెచ్చుతగ్గులకు లోనవుతున్న పసిడి ధరలు నేడు (Today Gold Rate) స్థిరంగా ఉన్నాయి. ఇక వెండి ధరలు (Today Silver Rate) కూడా నేడు నిలకడగా కొనసాగుతున్నాయి. దీంతో ఈరోజు బంగారం, వెండి కొనేవాళ్లకు ఉపశమనం లభించింది. దేశ రాజధాని ఢిల్లీతో పాటు తెలుగు రాష్ట్రాలలో ఈరోజు బంగారం, వెండి ధరలు ఎలా ఉన్నాయో కింద చూద్దాం..

అమెరికా ఫెడరల్‌ రిజర్వ్‌ అనూహ్యంగా వడ్డీ రేట్లను పెంచినప్పటికీ బంగారంపై గోల్డ్‌మన్‌ శాక్స్‌ దీర్ఘకాలిక సానుకూల అంచనాను కొనసాగించింది. అయితే సమీప కాలంలో ధరల పెరుగుదల వేగం తగ్గొచ్చని పేర్కొంది. సెప్టెంబర్‌ 18న విడుదల చేసిన విశ్లేషణలో బ్యాంక్‌ విశ్లేషకురాలు లీనా థామస్‌.. 2027 చివరినాటికి బంగారం ఔన్సు ధర 4,400 డాలర్లకు చేరుతుందన్న అంచనాను కాకుండా, 5,400 డాలర్ల లక్ష్యాన్ని పునరుద్ఘాటించారు.అదే సమయంలో 2026 ఏడాది చివరి లక్ష్యాన్ని మాత్రం తగ్గించారు. గతంలో 4,900 డాలర్లుగా ఉన్న అంచనాను తాజాగా 4,650 డాలర్లకు సవరించారు. అంటే సమీప కాలంలో అమెరికా ద్రవ్య విధానం బంగారంపై కొంత ఒత్తిడి చూపుతుందని గోల్డ్‌మన్‌ భావిస్తోంది. సెప్టెంబర్‌ 18 నాటికి అంతర్జాతీయ స్పాట్‌ గోల్డ్‌ ధర సుమారు 4,350 డాలర్ల ప్రాంతంలో ఉండగా, కొత్త 2026 లక్ష్యం దానికంటే ఇంకా పై స్థాయిలోనే ఉంది.మరోసారి రేట్ల పెంపునకు అవకాశంసెప్టెంబర్‌ 16న ఫెడ్‌ కీలక వడ్డీ రేటును 25 బేసిస్‌ పాయింట్లు పెంచి 3.75–4 శాతం శ్రేణికి తీసుకెళ్లింది. 2023 తర్వాత అమెరికా కేంద్ర బ్యాంక్‌ రేట్లను పెంచడం ఇదే తొలిసారి. ద్రవ్యోల్బణం ఇంకా అధికంగానే ఉండటంతో ధరల స్థిరత్వాన్ని త్వరగా పునరుద్ధరించేందుకు ఈ నిర్ణయం తీసుకున్నట్లు ఫెడ్‌ తెలిపింది.ఈ పరిణామం తర్వాత గోల్డ్‌మన్‌ శాచ్స్‌ ఆర్థికవేత్తలు అక్టోబర్‌లో మరో 25 బేసిస్‌ పాయింట్ల పెంపు జరిగే అవకాశం ఉందని అంచనా వేస్తున్నారు. దీంతో అధిక వడ్డీ రేట్లు, పెరిగే బాండ్‌ ఈల్డ్స్‌, బలపడే డాలర్‌ వంటి అంశాలు తక్కువ కాలంలో బంగారంపై ఒత్తిడి తీసుకురావచ్చు.సెంట్రల్‌ బ్యాంకుల కొనుగోళ్లే కీలకంఅయితే గోల్డ్‌మన్‌ శాక్స్‌ ప్రకారం బంగారం దీర్ఘకాలిక కథ మారలేదు. అధిక వడ్డీ రేట్ల ప్రభావాన్ని కేంద్ర బ్యాంకుల బలమైన బంగారం కొనుగోళ్లు కొంతవరకు భర్తీ చేయగలవని బ్యాంక్‌ అంచనా వేస్తోంది. ప్రస్తుతం కేంద్ర బ్యాంకుల కొనుగోళ్లు నెలకు సుమారు 91 టన్నుల స్థాయిలో ఉన్నాయని, 2022కు ముందు ఉన్న సగటు నెలవారీ కొనుగోళ్లతో పోలిస్తే ఇది గణనీయంగా ఎక్కువని పేర్కొంది. 2027 చివరి వరకు బంగారం ధరలో గోల్డ్‌మన్‌ అంచనా వేస్తున్న పెరుగుదలలో దాదాపు మొత్తం ఈ నిర్మాణాత్మక డిమాండ్‌ నుంచే వస్తుందని తెలిపింది.ఈటీఎఫ్‌ల (ETF) డిమాండ్‌ కూడా కీలకమే. వరల్డ్‌ గోల్డ్‌ కౌన్సిల్‌ ప్రకారం ఆగస్టులో ప్రపంచ గోల్డ్‌ ఈటీఎఫ్‌ల్లోకి 18 బిలియన్‌ డాలర్ల పెట్టుబడులు వచ్చాయి. దీంతో గోల్డ్‌ ఈటీఎఫ్‌ల మొత్తం ఆస్తులు 16 శాతం పెరిగి 615 బిలియన్‌ డాలర్లకు, వాటి వద్ద ఉన్న బంగారం 4,189 టన్నుల రికార్డు స్థాయికి చేరింది.ముందున్న దారి..గోల్డ్‌మన్‌ అంచనా ప్రకారం రేట్ల పెంపు బంగారం ర్యాలీని పూర్తిగా ముగించకపోవచ్చు. బదులుగా ర్యాలీ వేగాన్ని తగ్గించే అవకాశం ఉంది. సెప్టెంబర్‌ 2027 నుంచి మార్చి 2028 మధ్య ఫెడ్‌ మూడు సార్లు రేట్లు తగ్గించే అవకాశం ఉందని థామస్‌ పేర్కొన్నారు. అయితే ఫెడ్‌ అంచనాల కంటే మరింత కఠినమైన ద్రవ్య విధానాన్ని అవలంబిస్తే బంగారంలో సాధారణం కంటే తీవ్ర దిద్దుబాటు వచ్చే ప్రమాదం కూడా ఉందని గోల్డ్‌మన్‌ హెచ్చరించింది.ఇక గోల్డ్‌మన్‌ ఆగస్టు 28న విడుదల చేసిన తన గత విశ్లేషణలో 2026 చివరి బంగారం లక్ష్యాన్ని 4,900 డాలర్లుగా ఉంచింది. తాజా ఫెడ్‌ పరిణామాల నేపథ్యంలో దాన్ని 4,650 డాలర్లకు తగ్గించినప్పటికీ, 2027 లక్ష్యాన్ని 5,400 డాలర్ల వద్ద కొనసాగించడం ద్వారా దీర్ఘకాలికంగా బంగారంపై తన సానుకూల దృక్పథాన్ని మాత్రం మార్చలేదని స్పష్టమవుతోంది.ఇదీ చదవండి: స్టాక్‌ మార్కెట్‌ ట్రేడింగ్‌కు యూపీఐ చార్జీల ఎఫెక్ట్‌.. ఎంత?

ఒకరోజు భారీగా పెరుగుతూ.. మరోరోజు అదే స్థాయిలో తగ్గుముఖం పట్టిన బంగారం ధరల్లో గడిచిన వారం రోజుల్లో గణనీయమైన మార్పులు కనిపించాయి. ఈ కథనంలో సెప్టెంబర్ 13 నుంచి 19 వరకు గోల్డ్ రేటులో ఎంత తేడా వచ్చింది?, ప్రస్తుత ధరలు ఎలా ఉన్నాయనే వివరాలు తెలుసుకుందాం.హైదరాబాద్, విజయవాడలలో సెప్టెంబర్ 13న రూ.1,41,700 వద్ద ఉన్న 22 క్యారెట్ల 10 గ్రాముల గోల్డ్ రేటు సెప్టెంబర్ 19 నాటికి రూ.1,42,850 వద్దకు చేరింది. దీన్నిబట్టి చూస్తే వారం రోజుల్లో బంగారం ధర పెరుగుతూ, తగ్గుతూ రూ.1150 పెరిగింది తెలుస్తోంది. 24 క్యారెట్ల రేటు రూ.1,54,850 నుంచి రూ.1,55,840 (రూ.990 తగ్గింది) వద్దకు చేరింది.చెన్నైలో 22 క్యారెట్ల 10 గ్రాముల పసిడి రేటు ఏడు రోజుల్లో రూ.1,41,700 నుంచి రూ.1,42,850 వద్దకు (రూ.1150 పెరిగింది) చేరింది. 24 క్యారెట్ల బంగారం ధర రూ.1,54,580 నుంచి రూ.1,55,840 (రూ.1260 పెరిగింది) వద్దకు చేరింది.ఢిల్లీలో కూడా వారం రోజుల్లో బంగారం ధరల్లో గణనీయమైన మార్పులు వచ్చాయి. ఇక్కడ సెప్టెంబర్ 13న రూ.1,41,850 వద్ద ఉన్న 22 క్యారెట్ల 10 గ్రాముల గోల్డ్ రేటు సెప్టెంబర్ 19 నాటికి రూ.1,43,000 వద్దకు (రూ.1150 పెరిగింది) చేరింది. 24 క్యారెట్ల రేటు రూ.1,54,730 నుంచి రూ.1,55,990 వద్దకు (రూ.1296 పెరిగింది) చేరింది.

పెట్టుబడుల గురించి చెప్పే రాబర్ట్ కియోసాకి.. డబ్బు వల్ల వచ్చే సమస్యల గురించి వివరించారు. దీనికి సంబంధించిన పోస్ట్ నెట్టింట్లో వైరల్ అవుతోంది. మరిన్ని వివరాలు ఈ కథనంలో తెలుసుకుందాం.1973లో రిచ్ డాడ్ ఒక ప్రశ్న అడిగారని, దాన్ని తాను ఇప్పటికీ మర్చిపోలేదని చెబుతూ.. 'డబ్బుకు సంబంధించిన సమస్యలు రెండు రకాలు మాత్రమే ఉంటాయి' అని అన్నారు. ఒకటి 'డబ్బు సరిపోకపోవడం', మరొకటి 'డబ్బు మరీ ఎక్కువగా ఉండటం'. నేను రెండింటినీ చూస్తూ పెరిగానని కియోసాకి పేర్కొన్నారు.పూర్ డాడ్ ఎప్పుడూ సరిపడా డబ్బు లేదనే బాధతో ఉండేవారు. రిచ్ డాడ్ పరిస్థితి దీనికి పూర్తిగా భిన్నం.చాలామంది జీవితంలో డబ్బు సరిపోకపోవడమే పెద్ద సమస్యగా ఉంటుంది. నెలవారీ ఖర్చులు, అప్పులు, పిల్లల చదువు, వైద్యం, ఇంటి అవసరాలు.. ఇలా ఎన్నో ఖర్చుల మధ్య సంపాదించిన డబ్బు సరిపోదని బాధపడుతుంటారు. కానీ మరోవైపు డబ్బు ఎక్కువగా ఉన్నవారికి దాన్ని ఎలా నిర్వహించాలి, ఎక్కడ పెట్టుబడి పెట్టాలి, ఎలా కాపాడుకోవాలి, ఎలా మరింత పెంచుకోవాలి అనే సమస్యలు ఉంటాయి. అంటే సమస్య ఇద్దరికీ ఉంది. కానీ సమస్య స్వభావం మాత్రం పూర్తిగా భిన్నంగా ఉంటుంది.మన ఆలోచనలే ఆర్థిక ప్రపంచం!అయితే కియోసాకి మాత్రమే.. మన ఆలోచనలే మన ఆర్థిక ప్రపంచాన్ని నిర్మిస్తాయని అంటారు. అంటే మనం డబ్బును ఎలా చూస్తామో, దాని ఆధారంగానే మన నిర్ణయాలు మారుతాయి. ఎప్పుడూ నా దగ్గర డబ్బు లేదు, నాకు ఇది సాధ్యం కాదు, నా సంపాదనతో ఇవన్నీ చేయలేను అని ఆలోచించే వ్యక్తి అవకాశాల కంటే సమస్యలనే ఎక్కువగా చూస్తాడు. డబ్బు కొరతే తన జీవితంలో సహజమైన పరిస్థితి అని భావిస్తాడు.అదే వ్యక్తి.. నేను దీన్ని ఎలా సాధించగలను?, ఇంకా ఎక్కువ సంపాదించడానికి ఏం చేయాలి?, నా డబ్బును ఎలా పెంచుకోవాలి? అని ఆలోచించడం ప్రారంభిస్తే.. అతని దృష్టి సమస్య నుంచి పరిష్కారం వైపు మళ్లుతుంది. నాకు సాధ్యం కాదు అనే ఆలోచనకు బదులు ‘ఎలా సాధ్యం?’ అని ఆలోచిస్తే.. సమస్యలు తగ్గుతాయంటారు కియోసాకి.పోటీ ప్రపంచం..మన చుట్టూ ఉన్న ప్రపంచంలో పోటీ ఎక్కువగా కనిపిస్తుంది. మంచి ఉద్యోగం కోసం పోటీ, ప్రమోషన్ కోసం పోటీ, మంచి మార్కుల కోసం పోటీ.. ఇలా ప్రతి దశలోనూ ఇతరులతో పోల్చుకోవడం జరుగుతుంది. ఇలాంటి ఆలోచన మారాలి. అంటే అవకాశాలు చాలా తక్కువగా ఉన్నాయని, ఇతరులు పొందితే మనకు దక్కదని భావించకూడదు. ఒక అవకాశం దక్కకపోతే మరో అవకాశం ఉంటుందని, కొత్త మార్గాలను సృష్టించుకోవచ్చని ఆలోచించాలి.నిజమైన సంపదనిజమైన సంపద అనేది కేవలం బ్యాంక్ ఖాతాలో ఉన్న డబ్బుతోనే నిర్ణయించబడదు. మనకు వచ్చే ఆదాయాన్ని ఎలా నిర్వహిస్తున్నాం? ఎంత పొదుపు చేస్తున్నాం? ఎలా పెట్టుబడి పెడుతున్నాం? కొత్త ఆదాయ మార్గాలను ఎలా సృష్టించుకుంటున్నాం? వంటి అంశాలు కూడా ముఖ్యమే. అందుకే ఈ మొత్తం ఆలోచనలో ప్రధాన సందేశం.. బయటి ఆర్థిక పరిస్థితులను మార్చాలంటే ముందుగా డబ్బుపై మన ఆలోచనా విధానాన్ని మార్చుకోవాలి. అయితే కేవలం సానుకూలంగా ఆలోచించడం వల్లే సంపద ఏర్పడదు. ఆలోచనతో పాటు ఆర్థిక జ్ఞానం, క్రమశిక్షణ, పొదుపు, సరైన పెట్టుబడులు, రిస్క్‌ను అర్థం చేసుకోవడం, నైపుణ్యాల అభివృద్ధి కూడా అవసరం.

దేశంలో బంగారం ధరలు మళ్లీ భగ్గుమన్నాయి. గత కొన్ని రోజులుగా హెచ్చుతగ్గులకు లోనవుతున్న పసిడి ధరలు నేడు వరుసగా రెండో రోజూ భారీగా ఎగిశాయి. ఇటీవల కాలంలో స్థిర ఆదాయం సమకూర్చే కమోడిటీ మార్కెట్లపైపు పెట్టుబడిదారులు మొగ్గు చూపుతున్నారు. అందులో భాగంగా బంగారం ధరల్లో మార్పులు వస్తున్నాయని నిపుణులు చెబుతున్నారు. ఇక వెండి ధరలు కూడా పెరుగుదలను నమోదు చేశాయి. దేశంలోని ప్రధాన నగరాల్లో నేడు బంగారం (Today Gold Rate), వెండి ధరలు (Today Silver Rate) ఎలా ఉన్నాయో కింద తెలుసుకుందాం.

న్యూఢిల్లీ: ఇటీవల అమ్మకాల ఒత్తిడికి లోనైన బంగారం, వెండి ధరలు వారాంతపు రోజున పుంజుకున్నాయి. దిగివస్తున్న చమురు ధరలు ద్రవ్యోల్బణ ఆందోళనలను తగ్గించడంతో, ఇన్వెస్టర్లు తిరిగి బులియన్‌ వైపు మొగ్గు చూపారు. ఢిల్లీలో 99.9% స్వచ్ఛత కలిగిన 10 గ్రా. పసిడి ధర రూ.1,600 పెరిగి రూ.1,56,600కి చేరింది.కిలో వెండి ధర రూ.5,000 ఎగసి రూ.2.47 లక్షల వద్ద స్థిరపడింది. అంతర్జాతీయ మార్కెట్లో స్పాట్‌ గోల్డ్‌ ధర ఔన్స్‌కు 1.17% పెరిగి 4,392.78 డాలర్లకు చేరింది. యుఎస్‌ ఫెడ్‌ రిజర్వ్‌ వడ్డీరేట్ల పెంచినప్పటికీ, క్రూడ్‌ ధరలు దిగిరావడంతో బంగారం ధరలు వరుసగా రెండో రోజు కూడా పెరిగాయని బులియన్‌ నిపుణులు తెలిపారు.

ప్రపంచం చాలా వేగంగా మారుతోంది. ముఖ్యంగా ఏఐ, ఆటోమిషన్, సాఫ్ట్‌వేర్ వంటి టెక్నాలజీలు.. కంపెనీలు పనిచేసే విధానాన్ని పూర్తిగా మార్చేస్తున్నాయి. గతంలో ఒక పని చేయడానికి వందల మంది ఉద్యోగులు అవసరమైతే, ఇప్పుడు అదే పనిని తక్కువ మంది వ్యక్తులతో లేదా కొన్ని సాఫ్ట్‌వేర్ సిస్టం సహాయంతో చేయగలుగుతున్నారు. ఈ మార్పు కంపెనీలకు ప్రయోజనం కలిగించవచ్చు. కానీ ఇదే సమయంలో ఉద్యోగుల భవిష్యత్తు గురించి కొన్ని ముఖ్యమైన ప్రశ్నలను కూడా లేవనెత్తుతోంది. ఈ విషయాన్ని కియోసాకి చెబుతున్నారు.కియోసాకి ప్రకారం.. మెటా కంపెనీ 10,000 మంది ఉద్యోగులను తొలగించింది. కొన్ని రోజులకు సంస్థ స్టాక్ మార్కెట్ విలువ 50 బిలియన్ డాలర్లు పెరిగింది. అంటే ఇక్కడ పెట్టుబడిదారులు లాభపడ్డారు. కంపెనీలో కోసం కష్టపడిన ఎంతోమంది ఉద్యోగులు ఇబ్బందులు ఎదుర్కోవాల్సి వచ్చింది.అదే హెచ్చరించానుతమ రాత్రులు, వారాంతాలు, కుటుంబ సమయాన్ని త్యాగం చేసిన ఉద్యోగులకు ఆటోమేటెడ్ టెర్మినేషన్ ఈమెయిల్ వచ్చింది. ఇదే సమయంలో వాటాదారులు మరింత ధనవంతులయ్యారు. ఇది వ్యవస్థలో లోపం కాదు, వ్యవస్థ రూపొందించిన విధంగానే పనిచేస్తోంది. అందుకే నేను దశాబ్దాలుగా దీని గురించి హెచ్చరిస్తూనే ఉన్నాను. ఉద్యోగుల వర్గం ఎప్పుడూ ఒక ఉచ్చుగానే ఉండేదని కియోసాకి చెప్పారు.చాలామంది ఒక కంపెనీకి నిజాయితీగా పనిచేస్తే, కంపెనీ కూడా మనకు జీవితాంతం భద్రత ఇస్తుందని అనుకుంటారు. అందుకోసమే మంచి పర్ఫామెన్స్ ఇవ్వాలి, ప్రమోషన్స్ పొందాలి, జీతం పెంచుకోవాలి, రిటర్మెంట్ వరకు అదే విధంగా కొనసాగాలి అనేది సాధారణమైన ఆలోచన. కానీ ప్రస్తుత ప్రపంచంలో కంపెనీల అవసరాలు మారుతున్నాయి. మార్కెట్ పరిస్థితులు, ఆటోమిషన్, ఏఐ వంటి కారణాల వల్ల ఒకప్పుడు అవసరమైన ఉద్యోగం భవిష్యత్తులో అవసరం లేకపోవచ్చు.ఉద్యోగం చెడ్డది కాదు, కానీ..ఉద్యోగం చెడ్డది అని కాదు. ఉద్యోగం ఇప్పటికీ చాలా మందికి స్థిరమైన ఆదాయాన్ని, అనుభవాన్ని ఇస్తుంది. కానీ.. మన మొత్తం ఆర్థిక భవిష్యత్తును ఒక్క జీతంపైనే ఆధారపెట్టడం ప్రమాదకరంగా మారవచ్చు. ఉద్యోగంతో పాటు మనకు సొంతంగా ఉండే ఆస్తులు లేదా ఇతర ఆదాయ మార్గాలను కూడా నిర్మించుకోవడం తప్పనిసరి.ఏఐ, ఆటోమిషన్ ఈ మార్పును మరింత వేగవంతం చేస్తున్నాయి. ఒక కంపెనీ సాఫ్ట్‌వేర్ ద్వారా ఎక్కువ పనిని తక్కువ ఖర్చుతో చేయగలిగితే, ఆ కంపెనీకి ప్రొడక్టివిటీ పెరగవచ్చు. దాని వల్ల ఏర్పడే అదనపు లాభం ఎక్కడికి వెళ్తుంది? అనేది ఒక ముఖ్యమైన ప్రశ్న. అది షేర్ హోల్డర్లకు వెళ్లవచ్చు, కంపెనీ విస్తరణకు ఉపయోగపడవచ్చు, కొత్త టెక్నాలజీలో పెట్టుబడి కావచ్చు. ఇక్కడ ఉద్యోగులు లాభపడేది ఏముంటుంది?.మీరు ఏ వైపు?రిచ్ డాడ్ పూర్ డాడ్ ప్రకారం.. పూర్ డాడ్ ఉద్యోగం మీద నమ్మకం ఉంచారు. విధేయతతో పనిచేశారు. రిచ్ డాడ్ ఎప్పుడూ వ్యవస్థను నమ్మలేదు. వ్యవస్థ తొలగించలేని ఆస్తులను ఆయన నిర్మించుకున్నాడు. ఉద్యోగం పోయినప్పుడు.. పూర్ డాడ్ ఇబ్బదులు ఎదుర్కొన్నారు. రిచ్ డాడ్ తాను నిర్మించుకున్న ఆస్తులతో ముందుకు సాగారు. మార్పు ఇప్పటికే మొదలైంది. ఇక మిగిలింది మీరు ఏ పక్షాన ఉన్నారనేదే ప్రశ్న అని కియోసాకి వెల్లడించారు.ఇదీ చదవండి: 'చరిత్రలో అతిపెద్ద క్రాష్ మొదలైంది': కియోసాకి హెచ్చరిక!

మన దేశంలో బంగారానికి ఎప్పటినుంచో భారీ డిమాండ్ ఉంది. గోల్డ్ కేవలం ఆభరణాల కోసం మాత్రమే కాకుండా, పెట్టుబడిగా కూడా చూసేవారి సంఖ్య నేడు గణనీయంగా పెరిగింది. ఈ మధ్యకాలంలో ఫిజికల్ గోల్డ్‌తో పాటు డిజిటల్ గోల్డ్‌లో పెట్టుబడి పెట్టే వారి సంఖ్య పెరుగుతోంది. దీంతో డిజిటల్ గోల్డ్ రంగంపై.. కేంద్ర ప్రభుత్వం మరింత నియంత్రణ తీసుకురావాలని ఆలోచిస్తోంది.ఫిజికల్ గోల్డ్ బ్యాకింగ్ప్రభుత్వం పరిశీలిస్తున్న ముఖ్యమైన ప్రతిపాదనల్లో ఒకటి ప్రతి డిజిటల్ గోల్డ్ యూనిట్‌కు తగినంత ఫిజికల్ గోల్డ్ బ్యాకింగ్ ఉండేలా నిబంధనలు తీసుకురావడం. అంటే.. ఆన్‌లైన్‌లో ఎంత బంగారం కస్టమర్లకు విక్రయించబడుతుందో, దానికి సరిపడే నిజమైన బంగారం కూడా భద్రపరిచి ఉండేలా చూడడం. దీనివల్ల పెట్టుబడిదారుల ప్రయోజనాలను కాపాడటంతో పాటు పారదర్శకత పెరిగే అవకాశం ఉంటుంది.ఆర్బీఐ, సెబీ పరిధిలోకి?డిజిటల్ గోల్డ్‌ను.. సెక్యూరిటీ కాంట్రాక్ట్ (రెగ్యులేషన్) యాక్ట్, 1956 కింద సెక్యూరిటీగా గుర్తించాలనే ప్రతిపాదనపై సంబంధిత వర్గాల్లో ఏకాభిప్రాయం ఏర్పడినట్లు సమాచారం. 2025లోనే సెబీ డిజిటల్ గోల్డ్‌పై పెట్టుబడిదారులను హెచ్చరించింది. ఇవి సెబీ నియంత్రించే సెక్యూరిటీ లేదా కమోడిటీ డెరివేటివ్స్ కాదని, అందువల్ల గోల్డ్ ఈటీఎఫ్ వంటి సెబీ రేగులేటెడ్ ఉత్పత్తులకు లభించే రేగులటరీ ప్రొటెక్షన్ వీటికి ప్రస్తుతం లేదని స్పష్టం చేసింది.అందుకే డిజిటల్ గోల్డ్‌కు డిమాండ్డిజిటల్ గోల్డ్‌కు ఆదరణ పెరగడానికి ప్రధాన కారణం.. చిన్న మొత్తంతోనే పెట్టుబడి పెట్టే అవకాశం ఉండటం. పరిశ్రమ అంచనాల ప్రకారం, దేశంలోని డిజిటల్ గోల్డ్ రంగంలో సుమారు 3 బిలియన్ డాలర్ల విలువైన ఆస్తులు ఉన్నాయని, సగటు పెట్టుబడి మొత్తం దాదాపు రూ.100గా ఉందని చెబుతున్నారు. అయితే.. నియంత్రణ లేకపోవడం వల్ల కొంతమంది అనధికార ఆపరేటర్లు రంగంలోకి రావచ్చనే ఆందోళనలు ఉన్నాయి. పెట్టుబడిదారుల రక్షణతో పాటు మనీలాండరింగ్ వంటి అంశాలపై కూడా ప్రశ్నలు తలెత్తుతున్నాయి.డిజిటల్ గోల్డ్ రంగం అభివృద్ధి చెందుతున్న సమయంలో.. దీనికి కొంత పర్యవేక్షణ అవసరమని పరిశ్రమ వర్గాలు చెబుతున్నాయి. ఎంఎంటీసీ-పీఏఎంపీ మేనేజింగ్ డైరెక్టర్ సమిత్ గుహా మాట్లాడుతూ.. డిజిటల్ గోల్డ్, సిల్వర్‌కు వినియోగదారుల్లో ఆదరణ పెరుగుతున్నందున నియంత్రణ అవసరమని పేర్కొన్నారు. ఈ ఏడాది డిజిటల్ గోల్డ్ ప్లాట్‌ఫామ్‌లు కలిసి డిజిటల్ ప్రీషియస్ మెటల్స్ అష్యురెన్స్ కౌన్సిల్ ఆఫ్ ఇండియా అనే స్వీయ నియంత్రణ సంస్థను ఏర్పాటు చేశాయి. ఇందులో ఎంఎంటీసీ-పీఏఎంపీ, సేఫ్‌గోల్డ్‌తో పాటుగా ఫోన్‌పే, భారత్‌పే, మొబిక్విక్, లెండెన్ క్లబ్, క్రెడ్ వంటి సంస్థలు కూడా ఉన్నాయి.ఇదీ చదవండి: బంగారం కొనేవారికి బిగ్ షాక్.. హాల్‌మార్కింగ్ ఛార్జీ పెంపు!

స్టాక్‌ బ్రోకింగ్‌ దిగ్గజం బిలియన్‌ బ్రెయిన్స్‌ గ్యారేజ్‌ వెంచర్స్‌లో వెంచర్‌ క్యాపిటల్‌ సంస్థ పీక్‌ 15 పార్ట్‌నర్స్‌ తాజాగా 1.46 శాతం వాటా విక్రయించింది. ఎన్‌ఎస్‌ఈ బల్క్‌ డీల్‌ వివరాల ప్రకారం షేరుకి రూ. 191.5 సగటు ధరలో 9,17,14,208 షేర్లు అమ్మివేసింది.వీటి విలువ రూ. 1,756 కోట్లుకాగా.. గ్రో బ్రాండుతో స్టాక్‌ బ్రోకింగ్‌ సర్వీసులందించే కంపెనీలో పీక్‌ 15 పార్ట్‌నర్స్‌ వాటా 15.68 శాతం నుంచి 14.22 శాతానికి క్షీణించింది. అయినప్పటికీ బ్రెయిన్‌ గ్యారేజ్‌లో పీక్‌ 15 అతిపెద్ద పబ్లిక్‌ వాటాదారుగా నిలుస్తుండటం గమనార్హం! అయితే గ్రో షేర్ల కొనుగోలుదారుల వివరాలు వెల్లడికాలేదు.ఈ ఏడాది ఆగస్ట్‌లో స్టార్టప్‌ యాక్సిలేటర్‌ సంస్థ వై కాంబినేటర్‌ సైతం గ్రోలో 1.2 శాతం వాటాను రూ. 1,435 కోట్లకు విక్రయించింది. ఇదేవిధంగా జూన్‌లో ఫ్రియాలే రూ. 210 కోట్లకు 1.13 కోట్ల షేర్లు విక్రయించగా.. అంతకుముందు మేలో పీక్‌ 15, రిబ్బిట్‌ క్యాపిటల్, వై కాంబినేటర్‌ ఉమ్మడిగా 4.71 శాతం వాటాను రూ. 5,326 కోట్లకు అమ్మివేసిన విషయం విదితమే.

శుక్రవారం ఉదయం లాభాల్లో ప్రారంభమైన దేశీయ స్టాక్ మార్కెట్లు.. ట్రేడింగ్ క్లోజ్ అయ్యే సమయానికి మిశ్రమ ఫలితాలను చవిచూశాయి. సెన్సెక్స్ 19.63 పాయింట్లు లేదా 0.026 శాతం నష్టంతో 74,294.96 వద్ద, నిఫ్టీ 75.80 పాయింట్లు లేదా 0.33 శాతం లాభంతో 23,346.40 వద్ద నిలిచాయి.అదానీ టోటల్ గ్యాస్ లిమిటెడ్, పూనావాలా ఫిన్‌కార్ప్ లిమిటెడ్, వెల్స్‌పన్ కార్ప్ లిమిటెడ్ వంటి కంపెనీలు టాప్ గెయినర్స్ జాబితాలో చేరగా.. గో డిజిట్ జనరల్ ఇన్సూరెన్స్ లిమిటెడ్, కేపీఐటీ టెక్నాలజీస్ లిమిటెడ్, టాటా టెక్నాలజీస్ లిమిటెడ్ వంటివి నష్టాల జాబితాలో చేరాయి.(Disclaimer: మార్కెట్ గురించి సాక్షి వెబ్‌సైట్‌లో నిపుణులు వెల్లడించే అభిప్రాయాలు వారి పరిశీలన, అంచనాలను బట్టి ఉంటాయి. ఇన్వెస్టర్లకు ఇది కేవలం విషయ అవగాహన మాత్రమే తప్ప.. వారు పెట్టే పెట్టుబడులకు సాక్షి మీడియా గ్రూపు ఎలాంటి హామీ ఇవ్వదు.)

ఎఫ్‌ఎంసీజీ దిగ్గజం ఇమామీ లిమిటెడ్‌ బోర్డు ఓపెన్‌ మార్కెట్‌ ద్వారా సొంత ఈక్విటీ షేర్ల కొనుగోలు(బైబ్యాక్‌)కు గ్రీన్‌ సిగ్నల్‌ ఇచ్చింది. దీంతో ఒక్కో షేరుకీ రూ. 475 ధరలో 1.36 శాతం వాటాకు సమానమైన 59.36 లక్షల షేర్లను బైబ్యాక్‌ చేయనుంది. ఇందుకు రూ. 282 కోట్లు వెచ్చించనుంది. గురువారం బీఎస్‌ఈలో ఇమామీ ముగింపు ధర రూ. 376తో పోలిస్తే బైబ్యాక్‌కు 26 శాతంపైగా ప్రీమియం ప్రకటించింది.కాగా.. ఆఫర్‌ ధర కంటే తక్కువలో షేర్లు లభిస్తే బైబ్యాక్‌ పరిమాణం పెరిగే వీలున్నట్లు ఇమామీ పేర్కొంది. అయితే దీనిలో భాగంగా రూ. 475 ధర మించకుండా బైబ్యాక్‌కు రూ. 282 కోట్లవరకూ వెచ్చించనుంది. సాధారణ వాటాదారులతోపాటు ప్రమోటరేతర సంస్థలు, వ్యక్తుల నుంచి షేర్లను కొనుగోలు చేయనున్నట్లు ఇమామీ తెలియజేసింది.బైబ్యాక్‌లో భాగంగా కనీసం రూ. 212 కోట్లు వెచ్చించి 44.52 లక్షల షేర్లు(75 శాతం) కొనుగోలు చేయనున్నట్లు వివరించింది. ఇమామీ షేరు బీఎస్‌ఈలో ఈ సెప్టెంబర్‌ 1న రూ. 361 వద్ద ఏడాది కనిష్టాన్ని తాకగా.. 2025 సెప్టెంబర్‌ 18న రూ. 612 వద్ద 52 వారాల గరిష్టానికి చేరిన సంగతి తెలిసిందే.

హైదరాబాద్, బిజినెస్‌ బ్యూరో: హైదరాబాద్‌ కేంద్రంగా కార్యకలాపాలు నిర్వహించే ఆటో ఎల్‌పీజీ రిటైల్‌ సంస్థ యాక్సియం గ్యాస్‌ ఇంజినీరింగ్‌ పబ్లిక్‌ ఇష్యూ నేడు (శుక్రవారం) ప్రారంభమై సెప్టెంబర్‌ 22న ముగియనుంది. ఈ ఇష్యూ ద్వారా కంపెనీ సుమారు రూ. 50.75 కోట్లు సమీకరిస్తోంది. షేరు ధర రూ. 54గా నిర్ణయించారు. ఇందులో భాగంగా బుధవారం నాడు యాంకర్‌ ఇన్వెస్టర్ల నుంచి సుమారు రూ. 5.77 కోట్లను కంపెనీ సమీకరించింది.ఐపీవో ద్వారా సేకరించే నిధులను రుణాల చెల్లింపు, ఎల్‌పీజీ స్టోరేజీ, బాట్లింగ్‌ ప్లాంట్ల నిర్మాణం, ఆటోమేషన్‌ మొదలైన అవసరాల కోసం కంపెనీ వినియోగించుకోనుంది. మరోవైపు, సెప్టెంబర్‌ 24న ఎ–వన్‌ స్టీల్స్‌ ఇండియా పబ్లిక్‌ ఇష్యూ ప్రారంభం కానుంది. దీని ద్వారా కంపెనీ దాదాపు రూ. 355 కోట్లు సమీకరించనుంది. షేరు ధర శ్రేణి రూ. 385–405గా ఉంటుందని సంస్థ తెలిపింది.

దేశంలో బంగారం ధరలు మళ్లీ భగ్గుమన్నాయి. గత కొన్ని రోజులుగా హెచ్చుతగ్గులకు లోనవుతున్న పసిడి ధరలు క్రితం రోజున స్వల్పంగా తగ్గి నేడు భారీగా ఎగిశాయి. ఇటీవల కాలంలో స్థిర ఆదాయం సమకూర్చే కమోడిటీ మార్కెట్లపైపు పెట్టుబడిదారులు మొగ్గు చూపుతున్నారు. అందులో భాగంగా బంగారం ధరల్లో మార్పులు వస్తున్నాయని నిపుణులు చెబుతున్నారు. ఇక వెండి ధరలు మాత్రం నిలకడగా కొనసాగుతున్నాయి. దేశంలోని ప్రధాన నగరాల్లో నేడు బంగారం (Today Gold Rate), వెండి ధరలు (Today Silver Rate) ఎలా ఉన్నాయో కింద తెలుసుకుందాం.

దేశీయ స్టాక్‌ మార్కెట్‌ సూచీలు శుక్రవారం లాభాల్లో కదలాడుతున్నాయి. ఈరోజు ఉదయం 09:19 సమయానికి నిఫ్టీ(Nifty) 56 పాయింట్లు పెరిగి 23,322 వద్దకు చేరింది. సెన్సెక్స్‌(Sensex) 162 పాయింట్లు పుంజుకొని 74,481 వద్ద ట్రేడవుతోంది.అమెరికా డాలర్‌ ఇండెక్స్‌(USD Index) 100.24బ్రెంట్‌ క్రూడ్‌ఆయిల్‌ బ్యారెల్‌ ధర 103.8 డాలర్లుయూఎస్‌ 10 ఏళ్ల బాండ్‌ ఈల్డ్‌లు 4.94 శాతానికి చేరాయి.గడిచిన సెషన్‌లో యూఎస్‌ ఎస్‌ అండ్‌ పీ 1.14 శాతం పెరిగింది.నాస్‌డాక్‌ 1.69 శాతం పుంజుకుంది.Today Nifty position 18-09-2026(time: 09:19 am)(Disclaimer: మార్కెట్ గురించి సాక్షి వెబ్ సైట్లో నిపుణులు వెల్లడించే అభిప్రాయాలు వారి పరిశీలన, అంచనాలను బట్టి ఉంటాయి. ఇన్వెస్టర్లకు ఇది కేవలం విషయ అవగాహన మాత్రమే తప్ప.. వారు పెట్టే పెట్టుబడులకు సాక్షి మీడియా గ్రూపు ఎలాంటి హామీ ఇవ్వదు.)

ముంబై: పసిడి ధరలు తీవ్ర హెచ్చుతగ్గులకు లోనవుతున్న నేపథ్యంలో వినియోగదారులు వేచి చూసే ధోరణిలో ఉంటున్నారు. రేట్లు కాస్త స్థిరపడ్డాకే తీసుకోవచ్చని భావిస్తున్నారు. పండుగ సీజన్‌ ముందు పసిడి ఆభరణాల అమ్మకాలు భారీగా పరుగులు తీసినప్పటికీ ప్రస్తుతం డిమాండ్‌ నెమ్మదించడం ఇందుకు నిదర్శనమని వరల్డ్‌ గోల్డ్‌ కౌన్సిల్‌ (డబ్ల్యూజీసీ) పేర్కొంది. అయితే, పండుగలు, పెళ్లిళ్ల సీజన్‌ దగ్గరపడే కొద్దీ డిమాండ్‌ మరింత పుంజుకుంటుందని వివరించింది. పెట్టుబడులు, శుభకార్యాల కోసం కొనుగోళ్లు పెరుగుతాయని పేర్కొంది. కాకపోతే, రేట్లు అధిక స్థాయిలో కొనసాగుతుండటం, తీవ్ర హెచ్చుతగ్గులకు లోనవుతుండటం వల్ల సాధారణ కొనుగోళ్లపై ప్రతికూల ప్రభావం ఉండొచ్చని వివరించింది. డబ్ల్యూజీసీ రీసెర్చ్‌ హెడ్‌ (ఇండియా) కవిత చాకో ఒక బ్లాగ్‌ పోస్టులో ఈ విషయాలు వివరించారు. పరిశ్రమ వర్గాల ప్రకారం పండుగ సీజన్‌ ముందు వరకు బంగారు ఆభరణాలకు పటిష్టమైన డిమాండ్‌ కనిపించినప్పటికీ ఆగస్టు ఆఖరు నుంచి నెమ్మదిగా తగ్గుముఖం పట్టినట్లు పేర్కొన్నారు. ఆగస్టులో ఒక్కసారిగా ర్యాలీ చేసి, ఆ తర్వాత మళ్లీ తగ్గడంతో చాలా మటుకు వినియోగదారులు వేచి చూసే ధోరణికి మారారని, డి్రస్కెషనరీ కొనుగోళ్లను వాయిదా వేసుకుంటున్నారని కవిత పేర్కొన్నారు. రిటైలర్లూ ఆచితూచి.. ప్రస్తుత పరిస్థితుల నేపథ్యంలో పెద్ద ఎత్తున నిల్వలను పెంచుకోకుండా చిన్న రిటైలర్లు కూడా ఆచితూచి వ్యవహరిస్తున్నారు. తయారీ సంస్థలకు ఇచ్చిన ఆర్డర్లను తీసుకోవడంలో కూడా జాప్యం చేస్తున్నారు. తమకు వచ్చిన డిమాండ్‌ మేరకే నిల్వలను భర్తీ చేసుకుంటున్నారు. వివాహాలకు సంబంధించి తేలికపాటి జ్యుయలరీ వైపు కొనుగోలుదారులు మొగ్గు చూపుతున్నారు. చిన్న వ్యాపారాలతో పోలిస్తే బడా రిటైలర్ల వద్ద మాత్రం డిమాండ్‌ మెరుగ్గా ఉంటోంది. దీనితో అవి కొత్త ఉత్పత్తులను ప్రవేశపెట్టడం, మార్కెటింగ్‌ కార్యక్రమాలు మొదలైనవి చేపడుతున్నాయి. వేగంగా అమ్ముడయ్యే ఉత్పత్తులకు అనుగుణంగా తమ వ్యూహాలను మార్చుకుంటున్నాయి. ఇటీవలి కాలంలో అమ్మకాల జోరు నెమ్మదించినప్పటికీ, పండుగ, వివాహాల సీజన్‌ సందర్భంగా వ్యాపారం మెరుగ్గానే ఉంటుందని పరిశ్రమ వర్గాలు ఆశాభావంతో ఉన్నాయి. పాత బంగారానికి కొత్త ఆభరణాలు.. భౌతిక రూపంలో బంగారం కొనుగోళ్లకు డిమాండ్‌ స్థిరంగా కొనసాగుతుండగా, కొందరు ఇన్వెస్టర్లు ఫిజికల్‌ నుంచి డిజిటల్‌ బంగారం వైపు మళ్లుతున్నట్లుగా ట్రెండ్స్‌ కనిపిస్తున్నాయని మార్కెట్‌ వర్గాలు తెలిపాయి. డిమాండ్‌తో పోలిస్తే లభ్యత ఎక్కువగా ఉండటంతో దిగుమతయ్యే రేటు కన్నా దేశీయంగా రేట్లు రెండు శాతం తక్కువే ఉంటున్నాయని వివరించాయి. కొత్త ఆభరణాల కోసం పాత బంగారాన్ని మారి్పడి చేసుకుంటూ ఉండటం వల్ల స్థానికంగా సరఫరా పెరిగిందని, ఫలితంగా రేట్లు.. దిగుమతి ధర కన్నా తక్కువ స్థాయిలోనే ఉంటున్నాయని మార్కెట్‌ వర్గాలు పేర్కొన్నాయి. అనధికారిక మార్గాల్లో లభిస్తుండటం కూడా ఇందుకు ఒక కారణమని వివరించాయి. డబ్ల్యూజీసీ గణాంకాల ప్రకారం ఆగస్టులో పసిడి దిగుమతుల విలువ నెలవారీగా 45 శాతం, వార్షికంగా 58 శాతం క్షీణించి 2.3 బిలియన్‌ డాలర్లకు పరిమితమయ్యాయి. పసిడి దిగుమతులు పరిమాణంపరంగా 15–20 టన్నుల మేర నమోదయ్యాయి. మొత్తం మర్చండైజ్‌ దిగుమతుల్లో పసిడి వాటా వార్షికంగా 9 శాతం నుంచి 3 శాతానికి తగ్గింది. డిమాండ్‌కి తగ్గట్లుగా దేశీయంగా తగినంత సరఫరా ఉన్నట్లుగా దీని ద్వారా తెలుస్తోందని విశ్లేషకులు తెలిపారు.

పండుగల సీజన్‌లో బంగారం కొనాలని చూస్తున్న వారికి ఇది కొంచెం నిరాశ కలిగించే వార్త. ఎందుకంటే.. బంగారు ఆభరణాలపై హాల్‌మార్కింగ్ చేయడానికి వసూలు చేసే ఫీజును బ్యూరో ఆఫ్ ఇండియన్ స్టాండర్డ్స్ (BIS) పెంచింది. ఇప్పటివరకు ఒక బంగారు వస్తువుకు రూ.45గా ఉన్న హాల్‌మార్కింగ్ ఫీజు.. ఇకపై రూ.75కి చేరనుంది. అంటే.. ఒక్కో వస్తువుపై రూ.30 అదనపు ఖర్చు పడుతుంది.హాల్‌మార్కింగ్ అంటేబంగారం కొనేటప్పుడు దాని స్వచ్ఛత ఎంత ఉంది?.. అని తెలుసుకోవడం చాలా ముఖ్యం. ఎందుకంటే.. మనం చెల్లించే డబ్బుకు తగ్గ నాణ్యత కలిగిన బంగారమే వస్తుందా? లేదా?.. అన్నది వినియోగదారుడికి తెలియాలి. ఇక్కడే హాల్‌మార్కింగ్ ఉపయోగపడుతుంది. సింపుల్‌గా చెప్పాలంటే.. హాల్‌మార్కింగ్ అనేది బంగారం లేదా వెండి వంటి విలువైన లోహాల స్వచ్ఛతను పరీక్షించి, అది నిర్దేశించిన ప్రమాణాలకు అనుగుణంగా ఉందని ధృవీకరించే ప్రక్రియ. ఈ ప్రక్రియను బ్యూరో ఆఫ్ ఇండియన్ స్టాండర్డ్స్ (BIS) పర్యవేక్షిస్తుంది.రూ.45 నుంచి రూ.75కు పెంపుకొత్త హాల్‌మార్కింగ్ సవరణ నిబంధనల ప్రకారం.. బంగారు ఉత్పత్తికి వసూలు చేసే ఫీజు రూ.45 నుంచి రూ.75కు పెరిగింది. అంటే దాదాపు 67 శాతం పెంపు అన్నమాట. అయితే వెండికి సంబంధించిన హాల్‌మార్కింగ్ ఫీజులో మాత్రం ఎలాంటి మార్పు చేయలేదు. ప్రస్తుతం ఇది రూ.35గానే ఉంది.బంగారం విషయంలో ఒక్కో కన్సైన్‌మెంట్‌కు కనీసం రూ.200 ఫీజు వర్తిస్తుంది. వెండికి కనీస కన్సైన్‌మెంట్ ఫీజు రూ.150గా ఉంది. సాధారణంగా ఈ హాల్‌మార్కింగ్ ఫీజును నగల వ్యాపారులే చెల్లిస్తారు. కాబట్టి.. ఫీజు పెంపుపై జ్యువెలరీ పరిశ్రమ నుంచి వ్యతిరేకత వ్యక్తమవుతోంది. ఆల్ ఇండియా జెమ్ అండ్ జ్యువెలరీ డొమెస్టిక్ కౌన్సిల్ ఈ నిర్ణయాన్ని పునఃపరిశీలించాలని కోరింది.హాల్‌మార్క్‌లో ఏముంటుంది?ప్రస్తుతం బంగారు ఆభరణాలపై ఉండే హాల్‌మార్క్‌లో కొన్ని ముఖ్యమైన వివరాలు ఉంటాయి. వాటిలో బీఐఎస్ లోగో, బంగారం క్యారెట్/ఫైనెస్ వివరాలు, ఆభరణానికి సంబంధించిన 6 అంకెల ఆల్ఫాన్యూమరిక్ HUID ఉంటాయి. ఇవి ఉండటం వల్ల వినియోగదారుడు తాను కొనుగోలు చేస్తున్న బంగారం ఏ ప్రమాణానికి చెందినదో తెలుసుకోవచ్చు.హాల్‌మార్కింగ్ ఇలా..నగల వ్యాపారి తయారు చేసిన ఆభరణాలను నేరుగా మార్కెట్‌లోకి పంపించే ముందు, బీఐఎస్ గుర్తింపు పొందిన అసెయింగ్, హాల్‌మార్కింగ్ సెంటర్‌కు పంపిస్తారు. అక్కడ ఆభరణాన్ని పరీక్షించి అందులోని బంగారం స్వచ్ఛతను నిర్ధారిస్తారు. పరీక్షలో బంగారం నిర్దేశించిన ప్రమాణాలకు అనుగుణంగా ఉందని తేలితే, ఆ ఆభరణంపై హాల్‌మార్క్ వేస్తారు. అంటే హాల్‌మార్క్ అనేది కేవలం ఒక గుర్తు కాదు.. బంగారం స్వచ్ఛతకు సంబంధించిన అధికారిక ధృవీకరణ.బంగారం కొనేవారిపై ప్రభావం ఎంత?ఫీజు పెంపు వల్ల, నగల వ్యాపారుల ఖర్చు పెరుగుతుంది. అయితే.. వ్యాపారులు ఆ అదనపు ఖర్చును పూర్తిగా లేదా కొంతవరకు ఆభరణాల ధరలోకి బదిలీ చేస్తే, చివరికి దాని ప్రభావం వినియోగదారుడిపై పడవచ్చు. అయితే రూ.30 ఫీజు పెరిగిందని బంగారం ధర కూడా అదే మొత్తంలో పెరుగుతుందని చెప్పలేం. ఆభరణం మొత్తం ధరలో బంగారం మార్కెట్ ధర, తయారీ ఛార్జీలు, పన్నులు, ఇతర ఖర్చులు వంటి అనేక అంశాలు ఉంటాయి.ఇదీ చదవండి: పాత రూ.10 నోటు చూశారా.. ఈ విషయం తెలుసా?

టాటా సన్స్ చైర్మన్ గా ఎన్. చంద్రశేఖరన్ పదవీ కాలాన్ని మరో ఐదేళ్ల పాటు పొడిగించేందుకు బోర్డు ఆమోదం తెలిపిందన్న వార్తలతో గురువారం టాటా గ్రూప్ కంపెనీల షేర్లు భారీ లాభాలతో దూసుకెళ్లాయి. ప్రధానంగా టాటా కెమికల్స్, టాటా మోటార్స్, టాటా ఇన్వెస్ట్‌మెంట్ కార్పొరేషన్ స్టాక్స్ నిఫ్టీ రికవరీకి బలమైన ఊతాన్నిచ్చాయి.బోర్డు నిర్ణయం వెనుక..టాటా సన్స్ చైర్మన్ గా చంద్రశేఖరన్ ప్రస్తుత పదవీకాలం 2027 ఫిబ్రవరితో ముగియనుంది. ఆయన మొదట పదవీ కాలాన్ని పొడిగించుకోవడానికి ఆసక్తి చూపకపోయినప్పటికీ, గ్రూప్ నాయకత్వం, కార్పొరేట్ పరివర్తన సమర్థవంతంగా సాగాలంటే ఆయనే కొనసాగాలని నామినేషన్ అండ్ రెమ్యునరేషన్ కమిటీ కోరింది.దీంతో ఆయన ఈ ప్రతిపాదనకు అంగీకరించారు. బోర్డు సమావేశంలో నోయల్ టాటా మినహా మిగతా సభ్యులందరూ చంద్రశేఖరన్ పునఃనియామకానికి అనుకూలంగా ఓటు వేసినట్లు సమాచారం.స్టాక్ మార్కెట్లో మార్మోగిన టాటా గ్రూప్ షేర్లుటాటా కెమికల్స్ షేర్ల ధర 14% పెరిగి రూ.832 (19 వారాల గరిష్టం) లకు చేరి 6% లాభంతో రూ.775.10 వద్ద క్లోజైంది.టాటా మోటార్స్ (PV) షేర్ల విలువ 6% పైగా పెరిగి రూ.319.8 (16 వారాల గరిష్టం) గరిష్టాల వద్ద స్థిరంగా ట్రేడవుతుతోంది.టాటా ఇన్వెస్ట్‌మెంట్ షేర్లు 6% పెరిగి రూ.733.50 తాకి ఇంట్రాడే గరిష్ట స్థాయిల్లో కొనసాగుతోంది.టీసీఎస్ (TCS) షేర్లు 3% పైగా ఎగిసి రూ.2,263.60 లను తాకి ఫ్లాట్‌గా (రూ.2,193.50) ట్రేడవుతున్నాయి.కలిసొచ్చిన ఆర్బీఐ నిర్ణయంకోర్ ఇన్వెస్ట్‌మెంట్ కంపెనీ (CIC)గా ఉన్న టాటా సన్స్, లిస్టింగ్ నిబంధనల నుంచి మినహాయింపు పొందడానికి ఆ హోదాను రద్దు చేసుకోవాలని రిజర్వ్ బ్యాంక్ ఆఫ్ ఇండియా (RBI)కి దరఖాస్తు చేసుకుంది. అయితే, ఆ దరఖాస్తును ఆర్బీఐ ఇటీవల తిరస్కరించింది.ఈ పరిణామం టాటా సన్స్‌లో వాటాలు కలిగిన గ్రూప్ కంపెనీలకు (ముఖ్యంగా టాటా కెమికల్స్, టాటా ఇన్వెస్ట్‌మెంట్) తీవ్ర ప్రయోజనం చేకూర్చడంతో ఈ వారం ప్రారంభం నుంచే మార్కెట్లో కొనుగోళ్ల పండగ కనిపిస్తోంది. బోర్డులో తాజా నాయకత్వ నిర్ణయం ఈ ర్యాలీకి మరింత ఊపందించింది.

గురువారం ఉదయం స్వల్ప లాభాలతో ప్రారంభమైన దేశీయ స్టాక్ మార్కెట్లు.. ట్రేడింగ్ క్లోజ్ అయ్యే సమయానికి మిశ్రమ ఫలితాలను చవిచూశాయి. సెన్సెక్స్ 21.86 పాయింట్లు లేదా 0.029 శాతం నష్టంతో 74,314.59 వద్ద, నిఫ్టీ 53.00 పాయింట్లు లేదా 0.23 శాతం లాభంతో 23,270.60 వద్ద నిలిచాయి.టేగా ఇండస్ట్రీస్ లిమిటెడ్, న్యూ ఇండియా అస్యూరెన్స్ కంపెనీ లిమిటెడ్, జేకే సిమెంట్ లిమిటెడ్ వంటి కంపెనీలు టాప్ గెయినర్స్ జాబితాలో చేరాయి. ఆదిత్య ఇన్ఫోటెక్ లిమిటెడ్, క్రెడిట్ యాక్సెస్ గ్రామీణ్ లిమిటెడ్, మీషో లిమిటెడ్ వంటివి నష్టాలను చవిచూశాయి.(Disclaimer: మార్కెట్ గురించి సాక్షి వెబ్‌సైట్‌లో నిపుణులు వెల్లడించే అభిప్రాయాలు వారి పరిశీలన, అంచనాలను బట్టి ఉంటాయి. ఇన్వెస్టర్లకు ఇది కేవలం విషయ అవగాహన మాత్రమే తప్ప.. వారు పెట్టే పెట్టుబడులకు సాక్షి మీడియా గ్రూపు ఎలాంటి హామీ ఇవ్వదు.)

దేశంలో బంగారం ధరలు మళ్లీ తగ్గుముఖం పట్టాయి. గత కొన్ని రోజులుగా హెచ్చుతగ్గులకు లోనవుతున్న పసిడి ధరలు క్రితం రోజున స్వల్పంగా పెరిగి నేడు తిరిగి దిగివచ్చాయి. ఇటీవల కాలంలో స్థిర ఆదాయం సమకూర్చే కమోడిటీ మార్కెట్లపైపు పెట్టుబడిదారులు మొగ్గు చూపుతున్నారు. అందులో భాగంగా బంగారం ధరల్లో మార్పులు వస్తున్నాయని నిపుణులు చెబుతున్నారు. ఇక వెండి ధరలు మాత్రం నిలకడగా కొనసాగుతున్నాయి. దేశంలోని ప్రధాన నగరాల్లో నేడు బంగారం (Today Gold Rate), వెండి ధరలు (Today Silver Rate) ఎలా ఉన్నాయో కింద తెలుసుకుందాం.

దేశీయ స్టాక్‌ మార్కెట్‌ సూచీలు గురువారం స్వల్ప లాభాల్లో కదలాడుతున్నాయి. ఈరోజు ఉదయం 09:21 సమయానికి నిఫ్టీ(Nifty) 41 పాయింట్లు పెరిగి 23,258 వద్దకు చేరింది. సెన్సెక్స్‌(Sensex) 68 పాయింట్లు పుంజుకొని 74,398 వద్ద ట్రేడవుతోంది.అమెరికా డాలర్‌ ఇండెక్స్‌(USD Index) 100.33బ్రెంట్‌ క్రూడ్‌ఆయిల్‌ బ్యారెల్‌ ధర 105.6 డాలర్లుయూఎస్‌ 10 ఏళ్ల బాండ్‌ ఈల్డ్‌లు 5 శాతానికి చేరాయి.గడిచిన సెషన్‌లో యూఎస్‌ ఎస్‌ అండ్‌ పీ 0.45 శాతం నష్టపోయింది.నాస్‌డాక్‌ 0.01 శాతం పడిపోయింది.Today Nifty position 17-09-2026(time: 09:21 am)(Disclaimer: మార్కెట్ గురించి సాక్షి వెబ్ సైట్లో నిపుణులు వెల్లడించే అభిప్రాయాలు వారి పరిశీలన, అంచనాలను బట్టి ఉంటాయి. ఇన్వెస్టర్లకు ఇది కేవలం విషయ అవగాహన మాత్రమే తప్ప.. వారు పెట్టే పెట్టుబడులకు సాక్షి మీడియా గ్రూపు ఎలాంటి హామీ ఇవ్వదు.)

హైదరాబాద్, బిజినెస్‌ బ్యూరో: నేషనల్‌ స్టాక్‌ ఎక్సే్చంజ్‌ (ఎన్‌ఎస్‌ఈ) ఐపీవో నేడు (గురువారం) ప్రారంభం అవుతుంది. సెప్టెంబర్‌ 21న ముగుస్తుంది. 22న షేర్ల కేటాయింపు, 24న ఎక్సే్చంజీలో లిస్టింగ్‌ ఉంటుంది. ఈ ఇష్యూ కింద ఒక్కో షేరుకి ధర శ్రేణిని రూ. 1,700–1,785గా నిర్ణయించారు. ఒక్కో లాట్‌ పరిమాణం 8 షేర్లుగా ఉంటుంది. అర్హత గల ఎన్‌ఎస్‌ఈ ఉద్యోగులకు ఒక్కో షేరుపై రూ. 170 చొప్పున డిస్కౌంట్‌ లభిస్తుంది. ఐపీవో ద్వారా ఎన్‌ఎస్‌ఈ సుమారు రూ. 22,569 కోట్ల వరకు సమీకరించనుంది. ఈ ఇష్యూ హ్యుందాయ్‌ మోటర్స్‌ (రూ. 27,870 కోట్లు) తర్వాత దేశంలోనే రెండో అతి పెద్ద ఐపీవోగా నిలవనుంది. పూర్తిగా ఆఫర్‌ ఫర్‌ సేల్‌ రూపంలోనే ఉండే ఈ ఇష్యూలో భాగంగా 12.64 కోట్ల షేర్లను విక్రయించనున్నారు. యాంకర్‌ ఇన్వెస్టర్ల నుంచి రూ. 6,746 కోట్లు...ఐపీఓలో భాగంగా బుధవారం యాంకర్‌ ఇన్వెస్టర్ల బిడ్డింగ్‌ ద్వారా ఎన్‌ఎస్‌ఈ రూ. 6,746 కోట్లు సమీకరించింది. లైఫ్‌ ఇన్సూరెన్స్‌ కార్పొరేషన్, గోల్డ్‌మన్‌ శాక్స్, ఫిడిలిటీ తదితర సంస్థలు ఇన్వెస్ట్‌ చేశాయి. బీఎస్‌ఈ వెబ్‌సైట్‌లో అప్‌లోడ్‌ చేసిన సర్క్యులర్‌ ప్రకారం 150 యాంకర్‌ ఇన్వెస్టర్లకు ఒక్కో షేరుకి రూ. 1,785 ధర చొప్పున ఎన్‌ఎస్‌ఈ మొత్తం 3.77 కోట్ల షేర్లను కేటాయించింది.

మీరు ఇల్లు ఎందుకు కొనలేకపోతున్నారో తెలుసా? దేశంలో ఇళ్లు లేవని కాదు.. మీ ఆదాయానికి అందుబాటులో ఉండే ఇళ్లు తగ్గిపోతున్నాయి. డెవలపర్లు అధిక ధరల ఇళ్ల నిర్మాణంపై ఎక్కువగా దృష్టి పెడుతుండగా, భూమి, నిర్మాణ సామగ్రి, కార్మిక వ్యయాలు పెరగడం వల్ల తక్కువ ధరలో ఇళ్లు నిర్మించడం వారికి కష్టంగా మారుతోంది. ఫలితంగా ఒకవైపు లక్షల ఇళ్లు అమ్ముడుకాక మిగిలిపోతుండగా, మరోవైపు సామాన్యులు కొనగలిగే ధరలో ఇల్లు దొరకడం కష్టమవుతోంది.భారత్‌లోని ఏడు ప్రధాన గృహ మార్కెట్లలో 6 లక్షలకు పైగా ఇళ్లు విక్రయానికి అందుబాటులో ఉన్నాయి. అయినప్పటికీ, ముంబై, బెంగళూరు, ఢిల్లీ వంటి నగరాల్లో అందుబాటు ధరలో ఇల్లు కొనడం యువతకు సవాలుగా మారింది. ఇళ్ల కొరతతో పాటు విక్రయించని ఇళ్లు ఒకేసారి కనిపించడానికి ప్రధాన కారణం అవసరమైన ఇళ్లకు, నిర్మిస్తున్న ఇళ్ల రకాలకు మధ్య పెరుగుతున్న అంతరమే.ఎన్రాక్‌ గణాంకాల ప్రకారం.. ఈ ఏడాది ఏప్రిల్‌-జూన్‌ మధ్య దేశంలోని ఏడు ప్రధాన గృహ మార్కెట్లలో సుమారు 97,000 ఇళ్లు అమ్ముడయ్యాయి. అదే సమయంలో డెవలపర్లు సుమారు 1.06 లక్షల కొత్త ఇళ్ల నిర్మాణాన్ని పూర్తి చేశారు. గత ఏడాది ఇదే త్రైమాసికంతో పోలిస్తే అమ్మకాలు 6 శాతం తగ్గగా, కొత్త ఇళ్ల ప్రారంభాలు 7 శాతం పెరిగాయి. జూన్‌ చివరికి ఈ ఏడు నగరాల్లో 6.16 లక్షలకు పైగా ఇళ్లు విక్రయానికి మిగిలాయి. ప్రస్తుతం జరుగుతున్న విక్రయాల వేగాన్ని చూస్తే ఈ పూర్తయిన కొత్త కొత్త ఇళ్లను పూర్తిగా విక్రయించడానికి సుమారు 19 నెలలు పడుతుందని అంచనా.అయితే అన్ని నగరాల్లో పరిస్థితి ఒకేలా లేదు. బెంగళూరు, ఢిల్లీ-ఎన్‌సీఆర్‌, ముంబై మహానగర ప్రాంతాల్లో త్రైమాసికంలో అమ్మిన ఇళ్ల కంటే కొత్తగా నిర్మాణం పూర్తి చేసిన ఇళ్లు ఎక్కువగా ఉన్నాయి. అహ్మదాబాద్‌, చెన్నైలో మాత్రం కొత్తగా నిర్మాణం పూర్తి చేసిన ఇళ్ల కంటే ఎక్కువ ఇళ్లు అమ్ముడయ్యాయి.ఎన్రాక్‌ ఏడు టాప్‌ నగరాల గణాంకాల ప్రకారం.. రూ.2.5 కోట్లకు పైబడిన ఇళ్లు 22 శాతం వాటా కలిగి ఉన్నాయి. రూ.40 లక్షల కంటే తక్కువ ధర గల ఇళ్ల వాటా కేవలం 6 శాతంగా ఉంది. అంటే ఇల్లు కావాలనుకునే వారి అవసరాలకు, డెవలపర్లు నిర్మిస్తున్న ఇళ్లకు మధ్య ధర పరంగా పెద్ద అంతరం ఉంది.గృహ నిర్మాణ వ్యయాలు పెరిగాయ్‌ గృహ నిర్మాణ వ్యయాలు పెరగడం దీనికి ఒక కారణంగా కనిపిస్తోంది. భూమి, ఉక్కు, సిమెంట్‌, కార్మిక వ్యయాలు అధికమయ్యాయి. అనుమతుల్లో ఆలస్యం అయితే ఆర్థిక వ్యయాలు మరింత పెరుగుతున్నాయి. పరిశ్రమ అంచనాల ప్రకారం అందుబాటు గృహ ప్రాజెక్టుల్లో డెవలపర్ల లాభ మార్జిన్‌ సుమారు 10-12 శాతం ఉండగా, ప్రీమియం, విలాసవంతమైన ప్రాజెక్టుల్లో అది 25-30 శాతం లేదా అంతకంటే ఎక్కువగా ఉండొచ్చు.అధికారికంగా అందుబాటు గృహం ధర రూ.45 లక్షలకు మించకూడదనే పరిమితి ఉంది. అయితే ముంబైలో రూ.45 లక్షలకు లభించే ఇల్లు, ఇండోర్‌, లక్నో నగరాల్లో అదే మొత్తానికి లభించే ఇంటితో సమానం కాదు. ఇల్లు నిజంగా అందుబాటులో ఉందా అనేది ధరతో పాటు ప్రారంభ చెల్లింపు, నెలవారీ ఈఎంఐ, రుణ కాలం, పని ప్రదేశానికి ప్రయాణ ఖర్చులపై కూడా ఆధారపడి ఉంటుంది.ప్రభుత్వం ప్రధానమంత్రి ఆవాస్‌ యోజన-అర్బన్‌ 2.0 ద్వారా ఐదేళ్లలో మరో కోటి అర్హత కలిగిన పట్టణ కుటుంబాలకు మద్దతు ఇవ్వాలని లక్ష్యంగా పెట్టుకుంది. ఆగస్టులో వివిధ ప్రాజెక్టుల్లో 1.25 కోట్లకు పైగా ఇళ్లు మంజూరయ్యాయని, కోటికి పైగా పూర్తై లబ్ధిదారులకు అందించామని ప్రభుత్వం తెలిపింది. అయితే ప్రభుత్వ పథకాలు మాత్రమే పట్టణ గృహ మార్కెట్‌ సమస్యను పరిష్కరించలేవు.అందుబాటు గృహాల నిర్వచనాన్ని స్థానిక భూమి ధరలు, నిర్మాణ వ్యయాలు, ఆదాయాలకు అనుగుణంగా మార్చడం, నిర్మాణ వ్యయాన్ని తగ్గించడం, వేగవంతమైన అనుమతులు, మెరుగైన మౌలిక వసతులు, డెవలపర్లకు ప్రోత్సాహకాలు వంటి చర్యలు అవసరం. అదే సమయంలో అద్దె గృహ మార్కెట్‌ను కూడా విస్తరించాల్సిన అవసరం ఉంది. చివరికి గృహ మార్కెట్‌ విజయాన్ని ఎన్ని ఇళ్లు నిర్మించారన్నదానికంటే, ఇల్లు అవసరమైన ప్రజలు వాటిలో నిజంగా నివసించగలిగే స్తోమత కలిగి ఉన్నారా అన్నదే నిర్ణయించనుంది.

భారతీయ స్టాక్‌ మార్కెట్‌ సూచీలు బుధవారం లాభాలతో ముగిశాయి. రోజంతా హెచ్చుతగ్గుల నడుమ సాగిన ట్రేడింగ్‌లో చివరికి నేషనల్ స్టాక్ ఎక్స్ఛేంజ్ సూచీ నిఫ్టీ 99 పాయింట్లు పుంజుకుని 23,217 పాయింట్ల వద్ద స్థిరపడగా, బాంబే స్టాక్ ఎక్స్ఛేంజ్ సూచీ సెన్సెక్స్‌ 332 పాయింట్లు పెరిగి 74,336 పాయింట్ల మార్కును చేరుకుంది.ఆసియా, యూరప్‌ మార్కెట్లు స్థిరంగా సాగడం, అమెరికా ఫెడరల్ రిజర్వ్ రాబోయే సమావేశంలో వడ్డీ రేట్ల సవరణపై సరళతర వైఖరిని అవలంబించవచ్చనే అంచనాలు దేశీయ మార్కెట్లలో సెంటిమెంట్‌ను బలపరిచాయి. అంతర్జాతీయ మార్కెట్‌లో బ్రెంట్ క్రూడాయిల్ ధరలు పెరిగాయి. ఇదికాస్త మార్కెట్‌కు నెగెటివ్‌ అంశామే అయినా, ధరలు నిలకడగా కొనసాగుతున్నాయి. నేటి ట్రేడింగ్‌లో మిడ్‌క్యాప్, స్మాల్‌క్యాప్ సూచీలు కూడా ప్రధాన సూచీలతో పాటు లాభాల బాట పట్టాయి. ఆటో, మెటల్, ఫార్మా రంగాలు లాభాల్లో దూసుకెళ్లగా, మీడియా, రియాల్టీ రంగాల షేర్లు స్వల్ప ఒత్తిడిని ఎదుర్కొన్నాయి.సూచీలు తాత్కాలికంగా లాభపడినప్పటికీ అంతర్జాతీయంగా ద్రవ్యోల్బణం, కేంద్ర బ్యాంకుల ద్రవ్యపతనం వంటి ఆర్థిక మార్పుల దృష్ట్యా ఇన్వెస్టర్లు అప్రమత్తత వహించాలని నిపుణులు సూచిస్తున్నారు. స్వల్పకాలిక లాభాల కంటే నాణ్యమైన ఫండమెంటల్స్ ఉన్న షేర్లలో దీర్ఘకాలిక వ్యూహంతో పెట్టుబడులు పెట్టడమే సురక్షితమైన మార్గమని చెబుతున్నారు.ఇదీ చదవండి: ఈపీఎఫ్‌ సీలింగ్ పెంపు.. జీతంపై ప్రభావం ఎంత?

యూపీఐ (UPI) లావాదేవీలపై కొత్తగా మర్చంట్‌ డిస్కౌంట్‌ రేట్‌ (MDR) విధానాన్ని ప్రకటించింది. ఇందులో భాగంగా యూపీఐ ద్వారా స్టాక్‌ మార్కెట్‌, మ్యూచువల్‌ ఫండ్స్‌ తదితర క్యాపిటల్‌ మార్కెట్‌ లావాదేవీలకు చెల్లింపులు చేసే వారికి కూడా చార్జీలు అమల్లోకి రానున్నాయి. అక్టోబర్‌ 15 నుంచి క్యాపిటల్‌ మార్కెట్‌ కేటగిరీలోని యూపీఐ చెల్లింపులపై 0.02 శాతం ఎండీఆర్‌ వసూలు చేయనున్నారు. ఒక్కో లావాదేవీకి ఈ ఛార్జీ గరిష్ఠంగా రూ.300 ఉంటుంది.ఇన్వెస్టర్లపై నేరుగా నో ఎఫెక్ట్‌!కొత్త విధానంలో ఈ ఎండీఆర్‌ను రిటైల్‌ ఇన్వెస్టర్‌పై నేరుగా మోపడం కాకుండా, క్యాపిటల్‌ మార్కెట్‌ పరిధిలోని నియంత్రిత సంస్థలైన బ్రోకర్లు, మ్యూచువల్‌ ఫండ్‌ సంస్థలు, డీలర్లు, ఇన్వెస్ట్‌మెంట్‌ ప్లాట్‌ఫారమ్‌లు భరించాల్సి ఉంటుంది. ఈ కేటగిరీలో ఈక్విటీ కొనుగోళ్లు, డెట్‌ మార్కెట్‌ పెట్టుబడులు, మ్యూచువల్‌ ఫండ్‌ కొనుగోళ్లు, బ్రోకర్‌ అకౌంట్‌ లేదా వాలెట్‌కు నిధుల జమ వంటి యూపీఐ చెల్లింపులు ఉంటాయి.అందువల్ల సాధారణ దీర్ఘకాలిక మదుపరులకు తక్షణంగా అదనపు ఛార్జీ పడే అవకాశం పరిమితంగానే ఉంటుందని మార్కెట్‌ వర్గాలు భావిస్తున్నాయి. ముఖ్యంగా సిప్‌ల వంటి లావాదేవీల్లో ప్రభావం తక్కువగా ఉండొచ్చని విశ్లేషకులు పేర్కొంటున్నారు. అయితే ఆయా సంస్థలు భవిష్యత్తులో తమ ఫీజు నిర్మాణాన్ని మార్చుతాయేమోనన్న ఆందోళనైతే ఉంది.రూ.1 లక్ష చెల్లిస్తే ఎంత?0.02 శాతం ఎండీఆర్‌ అంటే ప్రతి రూ.1 లక్ష క్యాపిటల్‌ మార్కెట్‌ యూపీఐ చెల్లింపుపై రూ.20 ఖర్చవుతుంది. రూ.5 లక్షల లావాదేవీకి లెక్క ప్రకారం రూ.100 అవుతుంది. అయితే రూ.15 లక్షలు లేదా అంతకంటే ఎక్కువ చెల్లించినా గరిష్ఠ ఎండీఆర్‌ రూ.300కే పరిమితం అవుతుంది.ఇది సాధారణ మర్చంట్‌ యూపీఐ చెల్లింపులపై అమలయ్యే 0.4 శాతం రేటుతో పోలిస్తే చాలా తక్కువ. సాధారణంగా రూ.2,000కు మించిన వ్యక్తి నుంచి వ్యాపారికి (P2M) లావాదేవీలకు 0.4 శాతం ఎండీఆర్‌, ఒక్కో లావాదేవీకి గరిష్ఠంగా రూ.300 వర్తిస్తుంది. మరోవైపు వ్యక్తి నుంచి వ్యక్తికి (P2P) జరిపే యూపీఐ చెల్లింపులపై ఎలాంటి ఛార్జీలూ ఉండవు.యాక్టివ్‌, ఇంట్రాడే ట్రేడర్లపై ప్రభావం?దీర్ఘకాలిక మదుపరులతో పోలిస్తే తరచూ ట్రేడింగ్‌ చేసే యాక్టివ్‌, ఇంట్రాడే ట్రేడర్ల విషయంలో ప్రభావం ఎక్కువగా ఉండొచ్చని మార్కెట్‌ నిపుణులు చెబుతున్నారు. ముఖ్యంగా రోజులో అనేకసార్లు యూపీఐ ద్వారా ట్రేడింగ్‌ అకౌంట్‌లోకి నిధులు జమ చేసే సందర్భాల్లో బ్రోకర్లకు ప్రతి లావాదేవీపై ఈ ఖర్చు ఏర్పడుతుంది.డిస్కౌంట్‌ బ్రోకర్ల విషయంలో ఇది మరింత ప్రాధాన్యం సంతరించుకోవచ్చు. వీరు సాధారణంగా తక్కువ మార్జిన్లతో పనిచేస్తుండటంతో, అదనపు చెల్లింపు వ్యయం కొంత మేర లాభదాయకతపై ఒత్తిడి తేవచ్చు. దీనికి ప్రతిగా బ్రోకర్లు నెట్‌ బ్యాంకింగ్‌, NEFT/RTGS వర్చువల్‌ అకౌంట్లు, యూపీఐ బ్లాక్‌ మెకానిజం వంటి ప్రత్యామ్నాయ చెల్లింపు మార్గాలను మరింతగా ప్రోత్సహించే అవకాశం ఉంది.అన్ని పెట్టుబడులపైనా ఒకే ప్రభావం ఉండదుకొత్త ఎండీఆర్‌ ప్రభావం పెట్టుబడి సాధనం, లావాదేవీ పరిమాణం, సంబంధిత బ్రోకర్‌ లేదా ఏంఎంసీ ఇప్పటికే వసూలు చేస్తున్న ఫీజులపై ఆధారపడి మారవచ్చు. అందువల్ల షేర్లు, మ్యూచువల్‌ ఫండ్లు, ఇతర సెక్యూరిటీల లావాదేవీలపై ప్రభావం ఒకే విధంగా ఉండకపోవచ్చు.ఇదీ చదవండి: యూపీఐ చార్జీలు.. ఆర్బీఐ ఏమన్నదంటే?

దేశంలో బంగారం ధరలు పెరుగుదల బాటపట్టాయి. రెండు రోజులుగా వరుసగా తగ్గుతున్న పసిడి ధరలు నేడు పుంజుకున్నాయి. ఇటీవల కాలంలో స్థిర ఆదాయం సమకూర్చే కమోడిటీ మార్కెట్లపైపు పెట్టుబడిదారులు మొగ్గు చూపుతున్నారు. అందులో భాగంగా బంగారం ధరల్లో మార్పులు వస్తున్నాయని నిపుణులు చెబుతున్నారు. ఇక వెండి ధరలు మాత్రం నిలకడగా కొనసాగుతున్నాయి. దేశంలోని ప్రధాన నగరాల్లో నేడు బంగారం (Today Gold Rate), వెండి ధరలు (Today Silver Rate) ఎలా ఉన్నాయో కింద తెలుసుకుందాం.

దేశీయ స్టాక్‌ మార్కెట్‌ సూచీలు బుధవారం స్వల్ప లాభాల్లో కదలాడుతున్నాయి. ఈరోజు ఉదయం 10:00 సమయానికి నిఫ్టీ (Nifty) 100 పాయింట్లు పెరిగి 23,219 వద్దకు చేరింది. సెన్సెక్స్‌(Sensex) 322 పాయింట్లు పుంజుకొని 74,326 వద్ద ట్రేడవుతోంది. యూఎస్ ఫెడరల్ రిజర్వ్ విధాన నిర్ణయం కోసం ట్రేడర్లు ఎదురుచూస్తున్నందున నిఫ్టీ 50, సెన్సెక్స్ కొద్దిగా పెరిగాయి.నిఫ్టీ 50 ఇండెక్స్ లో నెస్లే ఇండియా, ఐటీసీ, మహీంద్రా అండ్ మహీంద్రా టాప్ గెయినర్స్ గా నిలిచాయి. విస్తృత మార్కెట్లలో నిఫ్టీ మిడ్ క్యాప్ 0.25 శాతం, నిఫ్టీ స్మాల్ క్యాప్ 0.56 శాతం నష్టపోయాయి. రంగాల వారీగా, నిఫ్టీ ఎఫ్ఎంసీజీ 1 శాతానికి పైగా పెరిగింది. నిఫ్టీ ఫార్మా అత్యంత క్షీణించింది.అమెరికా డాలర్‌ ఇండెక్స్‌(USD Index) 99.34బ్రెంట్‌ క్రూడ్‌ఆయిల్‌ బ్యారెల్‌ ధర 108.41 డాలర్లుయూఎస్‌ 10 ఏళ్ల బాండ్‌ ఈల్డ్‌లు 5.00 శాతానికి చేరాయి.గడిచిన సెషన్‌లో యూఎస్‌ ఎస్‌ అండ్‌ పీ 0.4 శాతం నష్టపోయింది.నాస్‌డాక్‌ 0.8 శాతం పడిపోయింది.(Disclaimer: మార్కెట్ గురించి సాక్షి వెబ్ సైట్లో నిపుణులు వెల్లడించే అభిప్రాయాలు వారి పరిశీలన, అంచనాలను బట్టి ఉంటాయి. ఇన్వెస్టర్లకు ఇది కేవలం విషయ అవగాహన మాత్రమే తప్ప.. వారు పెట్టే పెట్టుబడులకు సాక్షి మీడియా గ్రూపు ఎలాంటి హామీ ఇవ్వదు.)

ముంబై: ఫెడరల్‌ రిజర్వ్‌ వడ్డీ రేట్ల పెంపు అంచనాలు, బాండ్లపై రాబడులతో పాటు ముడిచమురు ధరలు పెరగడంతో మంగళవారం దేశీయ స్టాక్‌ మార్కెట్‌ 1 శాతానికి పైగా నష్టపోయింది. సెన్సెక్స్‌ 778 పాయింట్లు కోల్పోయి మూడు నెలల కనిష్టం 74,004 వద్ద స్థిరపడింది. నిఫ్టీ 280 పాయింట్లు పతనమై 5 నెలల కనిష్టం 23,119 వద్ద నిలిచింది. ప్రాథమిక మార్కెట్లో పలు ఐపీఓల సబ్‌స్క్రిప్షన్ ప్రారంభంతో ఇన్వెస్టర్ల అప్రమత్తత, పశ్చిమాసియాలోకు నెలకొన్న ఉద్రిక్త పరిస్థితులు సెంటిమెంట్‌ను దెబ్బతీశాయి. ఉదయం లాభాలతో ప్రారంభమైన సూచీలు, వెంటనే నష్టాల్లోకి జారుకున్నాయి. సెన్సెక్స్‌ ఇంట్రాడే గరిష్టం (75,436) నుంచి 1,442 పాయింట్లు క్షీణించి 73,994 వద్ద, నిఫ్టీ డే హై (23,593) నుంచి 474 పాయింట్లు పతనమై 23,117 వద్ద ఇంట్రాడే కనిష్టాలు నమోదు చేశాయి. బీఎస్‌ఈలో ఇన్వెస్టర్ల సంపదగా భావించే కంపెనీల మొత్తం మార్కెట్‌ క్యాపిటలైజేషన్‌ 9 లక్షల కోట్ల మేర హరించుకుపోయి రూ.472 లక్షల కోట్లకు దిగొచి్చంది. ఫెడరల్‌ రిజర్వ్‌ ద్రవ్య విధాన కమిటీ సమావేశం ప్రారంభం నేపథ్యంలో అంతర్జాతీయ మార్కెట్లు మార్కెట్లు బలహీనంగా ట్రేడవుతున్నాయి. భారత్‌కు అత్యధికంగా దిగుమతయ్యే బ్యారెల్‌ బ్రెంట్‌ క్రూడ్‌ 108 డాలర్లకు చేరుకుంది. ⇒ ఐటీ మినహా అన్ని రంగాల షేర్లలో విక్రయాలు వెల్లువెత్తాయి. బీఎస్‌ఈలో రంగాల వారీ ఇండెక్సుల్లో క్యాపిటల్‌ గూడ్స్‌ 4.19%, రియల్టీ 3.93%, మిడ్‌క్యాప్‌ సెలెక్ట్‌ 2.50%, స్మాల్‌క్యాప్‌ సెలెక్ట్‌ ఇండెక్స్‌ 2.41 శాతం పతనమయ్యాయి. ⇒ లిస్టింగ్‌ లాభాలు కోల్పోయిన ప్రణవ్‌ కన్‌స్ట్రక్షన్‌ షేరు స్వల్ప లాభాలతో గట్టెక్కింది. బీఎస్‌ఈలో ఇష్యూ ధర(రూ.124)తో పోలిస్తే 31% ప్రీమియంతో రూ.162 వద్ద ప్రారంభమైంది. ఇంట్రాడేలో 33% ఎగసి రూ.165 వద్ద గరిష్టాన్ని నమోదు చేసింది. లాభాల స్వీకరణ చోటు చేసుకోవడంతో చివరికి షేరు 4.50% పెరిగి రూ.130 వద్ద స్థిరపడింది.⇒ నూతన సీఈవో నియామక ప్రక్రియ ముందడుగుతో హెచ్‌డీఎఫ్‌సీ బ్యాంక్‌ 1.27 శాతం పెరిగి రూ.717 వద్ద స్థిరపడింది. ⇒ టాటా గ్రూప్‌ హోల్డింగ్‌ కంపెనీ ‘టాటా సన్స్‌’ తన కోర్‌ ఇన్వెస్ట్‌మెంట్‌ కంపెనీ (సీఐసీ) నమోదును రద్దు చేసుకోవడానికి సమర్పించిన దరఖాస్తును ఆర్‌బీఐ తోసిపుచి్చంది. దీంతో కంపెనీ పబ్లిక్‌ ఇష్యూకు (లిస్టింగ్‌కు) రాక తప్పని పరిస్థితి ఏర్పడింది. ఈ పరిణామంతో టాటా గ్రూప్‌ కంపెనీల షేర్లకు భారీ డిమాండ్‌ నెలకొంది. టాటా కెమికల్స్‌ 20%, టాటా ఇన్వెస్ట్‌మెంట్‌ కార్పొరేషన్‌ 15.2% ర్యాలీ చేశాయి. టాటా కెమికల్స్‌ 20% ర్యాలీ చేశాయి. టీఎంపీవీ 5.9%, టీసీఎస్‌ 5.5%, టాటా ఎలాక్సీ 4.3%, టాటా పవర్‌ 3.4% పెరిగాయి.

రిచ్ డాడ్ పూర్ డాడ్ పుస్తక రచయిత రాబర్ట్ కియోసాకి తాజాగా చేసిన ట్వీట్ సోషల్ మీడియాలో వైరల్ అవుతోంది. ఇందులో చరిత్రలోనే అతిపెద్ద క్రాష్ ప్రారంభమైందని పేర్కొన్నారు. ఇంతకీ కియోసాకి ఈ మాటలు ఎందుకు అన్నారు? నిజంగా.. అతిపెద్ద క్రాష్ వస్తుందా?, అనే విషయాలు ఈ కథనంలో చూసేద్దాం.తాను రాసిన 'రిచ్ డాడ్స్ ప్రొఫెసీ' అనే పుస్తకంలోనే భవిష్యత్తులో మార్కెట్ క్రాష్ రావచ్చని హెచ్చరించారు. ఆర్థిక సంక్షోభం ఇప్పటికే యూరప్, జపాన్‌లో ప్రారంభమై.. క్రమంగా ప్రపంచంలోని ఇతర దేశాలకు వ్యాపిస్తోందని కియోసాకి చెబుతున్నారు.సంక్షోభానికి కారణాలుకియోసాకి ప్రకారం.. ఆర్థిక సంక్షోభం రావడానికి అనేక ఆర్థిక, రాజకీయ సమస్యలు కారణమవుతున్నాయని సమాచారం. ఇందులో ఏఐపై అతిగా ఆధారపడటం, యుద్ధాలు.. భౌగోళిక రాజకీయ ఉద్రిక్తతలు, ప్రపంచవ్యాప్తంగా పెరిగిన అప్పులు, బేబీ బూమర్స్ పదవీ విరమణ ఉన్నాయి.రిటైర్మెంట్‌కు దగ్గరలో ఉన్నవారికి హెచ్చరికఅమెరికాలో 401(k), ఐఆర్ఏ.. ఆస్ట్రేలియాలో సూపర్‌యాన్యుయేషన్, కెనడాలో ఆర్ఆర్ఎస్పీ వంటి రిటైర్మెంట్ ఖాతాల్లో చాలామంది తమ డబ్బును స్టాక్స్, బాండ్లలో పెట్టుబడి పెడతారు. ఒకవేళ స్టాక్, బాండ్ మార్కెట్లు రెండూ తీవ్ర నష్టాలను చవిచూస్తే.. రిటైర్మెంట్‌కు దగ్గరలో ఉన్న వ్యక్తుల సంపదపై తీవ్ర ప్రభావం పడవచ్చని కియోసాకి హెచ్చరించారు.ప్రత్యేకంగా 40 ఏళ్లు దాటిన వారికి ఆయన జాగ్రత్త చెబుతున్నారు. ఎందుకంటే మార్కెట్ భారీగా పడిపోయినప్పుడు యువకులకు తిరిగి కోలుకోవడానికి సమయం ఉంటుంది. కానీ రిటైర్మెంట్‌కు దగ్గరలో ఉన్న వ్యక్తులకు సమయం తక్కువగా ఉంటుంది. కాబట్టి ఆ వయసులో ఇబ్బదులు ఎదుర్కోకుండా ఉండాలని చెబుతున్నారు.గతంలో 25 ఏళ్లుఒక పెద్ద ఆర్థిక సంక్షోభం ఏర్పడిన తరువాత.. దాని ప్రభావము కొన్ని సంవత్సరాల అలాగే ఉంటుంది. గత ఆర్థిక మాంద్యం 1929 నుంచి 1954 వరకు 25 సంవత్సరాల పాటు కొనసాగిందని కియోసాకి చెప్పారు.కియోసాకి సాధారణంగా తన సంపదను కేవలం నగదు, స్టాక్స్, బాండ్లలో ఉంచడం కంటే ఆదాయం వచ్చే ఆస్తులు కలిగి ఉండాలని చెబుతాడు. తాను వ్యక్తిగత వ్యాపారాలు, రియల్ ఎస్టేట్, చమురు ఉత్పత్తి చేసే బావులు, బంగారం, వెండి, బిట్‌కాయిన్‌ వంటి వాటిలో పెట్టుబడులు పెడతానికి వెల్లడించారు.సురక్షితమైన ఆస్తులు ఇవే!భవిష్యత్తులో ప్రభుత్వం, కేంద్ర బ్యాంకులు సంక్షోభాన్ని ఎదుర్కోవడానికి పెద్ద మొత్తంలో కొత్త డబ్బును సృష్టిస్తే, సాధారణ కరెన్సీ విలువ తగ్గవచ్చు. అలంటి సమయంలో బంగారం, వెండి, బిట్‌కాయిన్‌ను వంటివి సురక్షితమైన ఆస్తులుగా ఉంటాయని పేర్కొన్నారు.పెట్టుబడుల విషయంలో జాగ్రత్తఇక్కడ పెట్టుబడిదారులు తప్పకుండా గమనించాల్సిన విషయం ఏమిటంటే.. కియోసాకి చెప్పే ప్రతి విషయం ఖచ్చితంగా జరుగుతుందని భావించకూడదు. ఎందుకంటే భవిష్యత్తులో క్రాష్ వస్తుందని చెప్పలేము. కాబట్టి ఆర్ధిక సంక్షోభం వస్తుందని భయపడి వెంటనే అన్ని పెట్టుబడులను అమ్మేయడం మంచిది కాదు. ఆర్థిక పరిస్థితిని పరిశీలించుకోవాలి. పెట్టుబడుల విషయంలో జాగ్రత్త వహించాలి.BIGGEST CRASH IN HISTORY has started.In 2002 I released RICH DADS PROPHECY. This book was written to prepare people to profit and not be victims of the biggest stock and bond market crash in history…. a crash that was still coming. In 2026, that crash started, in Europe…— Robert Kiyosaki (@theRealKiyosaki) September 15, 2026

మంగళవారం ఉదయం స్వల్ప లాభాలతో ప్రారంభమైన దేశీయ స్టాక్ మార్కెట్లు.. ట్రేడింగ్ క్లోజ్ అయ్యే సమయానికి నష్టాల్లో ముగిశాయి. సెన్సెక్స్ 777.94 పాయింట్లు లేదా 1.04 శాతం నష్టంతో 74,003.82 వద్ద, నిఫ్టీ 279.50 పాయింట్లు లేదా 1.19 శాతం నష్టంతో నిలిచాయి.టాటా ఇన్వెస్ట్‌మెంట్ కార్పొరేషన్ లిమిటెడ్, సోనాటా సాఫ్ట్‌వేర్ లిమిటెడ్, ఏసీఎమ్ఈ సోలార్ హోల్డింగ్స్ లిమిటెడ్ వంటి కంపెనీలు టాప్ గెయినర్స్ జాబితాలో చేరాయు. వెల్స్‌పన్ కార్ప్ లిమిటెడ్, నెట్‌వెబ్ టెక్నాలజీస్ ఇండియా లిమిటెడ్, జిందాల్ సా లిమిటెడ్ వంటివి నష్టాలను చవిచూశాయి.(Disclaimer: మార్కెట్ గురించి సాక్షి వెబ్‌సైట్‌లో నిపుణులు వెల్లడించే అభిప్రాయాలు వారి పరిశీలన, అంచనాలను బట్టి ఉంటాయి. ఇన్వెస్టర్లకు ఇది కేవలం విషయ అవగాహన మాత్రమే తప్ప.. వారు పెట్టే పెట్టుబడులకు సాక్షి మీడియా గ్రూపు ఎలాంటి హామీ ఇవ్వదు.)

ఇటీవల కాలంలో స్థిర ఆదాయం సమకూర్చే కమోడిటీ మార్కెట్లపైపు పెట్టుబడిదారులు మొగ్గు చూపుతున్నారు. అందులో భాగంగా బంగారం ధరల్లో మార్పులు వస్తున్నాయని నిపుణులు చెబుతున్నారు. గత కొన్ని రోజులుగా బంగారం ధరలు(Today Gold Rate) ఒడిదొడుకులకు లోనవుతున్నాయి. దేశంలోని ప్రధాన నగరాల్లో నేడు బంగారం, వెండి ధరలు(Today Silver Rate) ఎలా ఉన్నాయో కింద తెలుసుకుందాం.

దేశీయ స్టాక్‌ మార్కెట్‌ సూచీలు మంగళవారం స్వల్ప లాభాల్లో కదలాడుతున్నాయి. ఈరోజు ఉదయం 09:34 సమయానికి నిఫ్టీ(Nifty) 54 పాయింట్లు పెరిగి 23,456 వద్దకు చేరింది. సెన్సెక్స్‌(Sensex) 214 పాయింట్లు పుంజుకొని 75,008 వద్ద ట్రేడవుతోంది.అమెరికా డాలర్‌ ఇండెక్స్‌(USD Index) 99.59బ్రెంట్‌ క్రూడ్‌ఆయిల్‌ బ్యారెల్‌ ధర 107 డాలర్లుయూఎస్‌ 10 ఏళ్ల బాండ్‌ ఈల్డ్‌లు 5.01 శాతానికి చేరాయి.గడిచిన సెషన్‌లో యూఎస్‌ ఎస్‌ అండ్‌ పీ 0.48 శాతం నష్టపోయింది.నాస్‌డాక్‌ 0.56 శాతం పడిపోయింది.Today Nifty position 15-09-2026(time: 09:34 am)(Disclaimer: మార్కెట్ గురించి సాక్షి వెబ్ సైట్లో నిపుణులు వెల్లడించే అభిప్రాయాలు వారి పరిశీలన, అంచనాలను బట్టి ఉంటాయి. ఇన్వెస్టర్లకు ఇది కేవలం విషయ అవగాహన మాత్రమే తప్ప.. వారు పెట్టే పెట్టుబడులకు సాక్షి మీడియా గ్రూపు ఎలాంటి హామీ ఇవ్వదు.)

అంతర్జాతీయ మార్కెట్లలో నెలకొన్న ప్రతికూల పరిస్థితుల ప్రభావం దేశీయ బులియన్ మార్కెట్‌పై కనిపించింది. సోమవారం (సెప్టెంబర్ 14) సాయంత్రం ట్రేడింగ్‌లో బంగారం, వెండి ధరలు భారీగా తగ్గాయి. అమెరికా ద్రవ్యోల్బణం అంచనాలకు మించి ఉండటం, ఈ వారం ఫెడరల్ రిజర్వ్ వడ్డీ రేట్లను పెంచొచ్చన్న అంచనాలు, మరోవైపు ముడి చమురు ధరలు భారీగా పెరగడం విలువైన లోహాలపై ఒత్తిడి పెంచాయి.గణేశ్ చతుర్థి కారణంగా కమోడిటీ మార్కెట్ తొలి భాగంలో ట్రేడింగ్‌కు సెలవు ఇచ్చారు. మార్కెట్ తిరిగి ప్రారంభమైన తర్వాత ఎంసీఎక్స్‌లో అమ్మకాల ఒత్తిడి కనిపించింది. సాయంత్రం 5:15 గంటల సమయంలో ఎంసీఎక్స్ గోల్డ్ అక్టోబర్ ఫ్యూచర్స్ 10 గ్రాములకు 1.19 శాతం తగ్గి రూ.1,50,973 వద్ద ట్రేడయ్యాయి. అదే సమయంలో ఎంసీఎక్స్ సిల్వర్ డిసెంబర్ ఫ్యూచర్స్ కిలోకు 1.70 శాతం క్షీణించి రూ.2,31,000 వద్ద ఉన్నాయి.అమెరికా ద్రవ్యోల్బణం సెగబంగారం ధరల పతనానికి ప్రధాన కారణాల్లో అమెరికా ద్రవ్యోల్బణం కీలకంగా మారింది. అమెరికా ఆగస్టు వినియోగదారు ధరల సూచీ (CPI) ఏడాది ప్రాతిపదికన 3.4 శాతం పెరిగింది. నెలవారీగా 0.4 శాతం పెరిగింది. ఆహారం, ఇంధనేతర వినియోగదారు ధరల సూచీ కూడా ఆగస్టులో నెలవారీగా 0.3 శాతం పెరిగింది. ముఖ్యంగా ఇంధన ధరల పెరుగుదల మొత్తం ద్రవ్యోల్బణంపై ప్రభావం చూపింది.దీంతో సెప్టెంబర్ 16న జరిగే ఫెడరల్ రిజర్వ్ సమావేశంలో వడ్డీ రేటు పెంపు అవకాశాలపై మార్కెట్లలో అంచనాలు బలపడ్డాయి. రాయిటర్స్ ప్రకారం, సోమవారం నాటికి ఫెడ్ 25 బేసిస్ పాయింట్ల రేటు పెంచే అవకాశాన్ని మార్కెట్లు దాదాపు 90 శాతం వరకు ధరలోకి తీసుకున్నాయి. ఇది గత వారం కంటే గణనీయమైన మార్పు.వడ్డీ రేట్లు పెరిగితే సాధారణంగా డాలర్, అమెరికా ట్రెజరీ ఈల్డ్స్‌కు మద్దతు లభిస్తుంది. మరోవైపు వడ్డీ ఆదాయం ఇవ్వని బంగారంపై పెట్టుబడిదారుల ఆసక్తి తగ్గే అవకాశం ఉంటుంది. ప్రస్తుతం ఇదే అంశం బులియన్ మార్కెట్‌పై ఒత్తిడిని పెంచుతోంది.ఇదీ చదవండి: స్టాక్‌ మార్కెట్‌ క్లోజింగ్‌ ఆక్షన్‌ సెషన్‌.. సెబీ కొత్త ప్రతిపాదనలు

ఇటీవల కాలంలో స్థిర ఆదాయం సమకూర్చే కమోడిటీ మార్కెట్లపైపు పెట్టుబడిదారులు మొగ్గు చూపుతున్నారు. అందులో భాగంగా బంగారం ధరల్లో మార్పులు వస్తున్నాయని నిపుణులు చెబుతున్నారు. గత కొన్ని రోజులుగా బంగారం ధరలు(Today Gold Rate) ఒడిదొడుకులకు లోనవుతున్నాయి. దేశంలోని ప్రధాన నగరాల్లో నేడు బంగారం, వెండి ధరలు(Today Silver Rate) ఎలా ఉన్నాయో కింద తెలుసుకుందాం.

బంగారం, వెండి ధరలు బాగా పెరిగి పోయాయి. కొనటం కష్టం. ఒకవేళ బ్యాంకుల్లో డిపాజిట్‌ చేస్తే... వడ్డీ ఆశాజనకంగా లేదు. ఈపీఎఫ్‌లో పెడితే... వడ్డీ బావున్నా దీర్ఘకాలం వేచిచూడాలి. పోస్టాఫీసు స్కీముల్లో అయితే లిమిట్‌ ఉంటుంది. తక్కువే పెట్టగలం. మరేం చెయ్యాలి? భవిష్యత్తు కోసం అందుబాటులో ఉన్న ఇన్వెస్ట్‌మెంట్‌ మార్గమేంటి? మున్ముందు ఒక జీతంలా నెలనెలా రావాలంటే ఏం చెయ్యాలి? ఈ ప్రశ్నకు సమాధానం ఒక్కటే. సిప్‌ మార్గంలో మ్యూచువల్‌ ఫండ్లలో ఇన్వెస్ట్‌ చేయటం. నెలకు రూ.5వేల చొప్పున ‘సిప్‌’ చేస్తే స్థిరమైన జీతాన్ని సాధించటం పెద్ద కష్టమేమీ కాదు. కాకపోతే ఇలా సిప్‌ చేయటానికి కొన్ని మార్గదర్శకాలను అనుసరించాల్సి ఉంటుంది. అవేంటో వివరించేదే ఈ ‘వెల్త్‌ స్టోరీ’నెలకు రూ.5వేలు. అంటే సంవత్సరానికి రూ.60 వేలు. ఈ మొత్తంతో అప్పటికప్పుడు ఒక నిధిని పోగేద్దామనుకుంటే సాధ్యం కాదు. కాకపోతే ఓ 20–25 సంవత్సరాలు గనక ఇలానే ఇన్వెస్ట్‌ చేస్తే... అర్థవంతమైన నిధి ఏర్పడుతుంది. దీనిపై స్థిరమైన జీతాన్ని పొందొచ్చు. అలా వచ్చే జీతం ఇంటి ఖర్చులకు సరిపోతుంది. చివరి రోజుల్లో ఉద్యోగం చెయ్యాల్సిన అవసరం తప్పుతుంది. అందుకే... దీన్ని భవిష్యత్‌లో వచ్చే రెండో జీతంగానే చూడాలి తప్ప ఒక భారీ గ్యారంటీడ్‌ నిధిగా చూడకూడదు. క్రమం తప్పకుండా విత్‌డ్రా చేసుకునేట్లుగా పోర్టుఫోలియోను డిజైన్‌ చేసుకోవచ్చు. రెండో జీతమంటే ఏంటి? ఒక పెద్ద నిధి సమకూరగానే దాన్ని ఖర్చుపెట్టేసేలా ఉండకూడదు. ఆ వచ్చేదాని కోసం ముందే ఖర్చులు సిద్ధం చేసి పెట్టుకోవటం కూడా సరికాదు. ఆ నిధి నుంచి వార్షికంగా కొంత సొçమ్ము తీసుకోవటమే లక్ష్యంగా ఉండాలి. మిగిలింది పెట్టుబడిగానే కొనసాగుతుంది. ఉదాహరణకు ఏడాదికి 4 శాతం విత్‌డ్రా చేసుకుంటే... ఆ మిగిలిన మొత్తం పెట్టుబడిగా కొనసాగుతుంది కనక సుదీర్ఘకాలం మన లక్ష్యానికి ఢోకా ఉండదు. అదెలాగో చూద్దాం... → రూ.30 లక్షల నిధి గనక సమకూరితే దాని ద్వారా నెలకు రూ.12 వేలు విత్‌డ్రా చేసుకునే అవకాశం ఉంటుంది. → రూ.60 లక్షల నిధి గనక సమకూరితే దాన్నుంచి ఈజీగా నెలకు రూ.25వేల వరకు విత్‌డ్రా చేసుకోవచ్చు. → రూ.కోటి నిధి గనక సమకూరితే రమారమి నెలకు రూ.40 వేలు విత్‌డ్రా చేసుకున్నా ఇబ్బంది ఉండదు.ప్రతి నెలా ‘సిప్‌’ రూపంలో రూ.5వేలు చొప్పున ఇన్వెస్ట్‌ చేస్తే దీర్ఘకాలంలో ఎంతవుతుంది? నిజానికి పాతికేళ్లు గనక ఇలా ఇన్వెస్ట్‌ చేస్తూ వెళితే రూ.కోటి కూడా కావచ్చు. కాకపోతే ఇది పూర్తిగా మార్కెట్‌ రాబడులపై ఆధారపడి ఉంటుంది. దీర్ఘ కాలానికైతే మార్కెట్లు ఎప్పుడూ మంచి రాబడులే ఇస్తున్నాయి కనక ఇబ్బంది ఉండదు. ఎన్నేళ్లకు ఎంతవుతుందన్నది ఈ పట్టికలో చూద్దాం...నెలకు రూ.5వేలు... ఎంతవుతుంది?పై పట్టికలో 10 శాతం రాబడి లెక్కన చూసుకుంటే రూ.5000 సిప్‌ 20 ఏళ్లలో 38 లక్షలవుతుంది. దీన్లోంచి ఏటా 4 శాతం చొప్పున నెలకు రూ.22,100 విత్‌డ్రా చేయొచ్చు. అదే 10 శాతం రాబడి లెక్కన 25 ఏళ్లు ఇన్వెస్ట్‌ చేస్తే సిప్‌ మొత్తం రూ.66 లక్షలవుతుంది. నెలకు రూ.22,100 చొప్పున విత్‌డ్రా చేయటానికి అనుకూలంగా ఉంటుంది. ఇందులో తెలుసుకోవాల్సింది ఒక్కటే. తొలి దశాబ్దంలో ఒక మంచి ఇన్వెస్టింగ్‌ పద్ధతి అలవాటవుతుంది. తరువాతి దశాబ్దాల్లో కాంపౌండింగ్‌ వల్ల భారీ నిధి సమకూరుతుంది. ద్రవ్యోల్బణాన్ని గమనించక తప్పదు... భవిష్యత్తులో నెలకు రూ.20వేలు వస్తుందనుకోండి. ఆ మొత్తంతో ఇప్పుడు రూ. 20 వేలతో ఏం కొనగలుగుతున్నామో అవన్నీ కొనలేం. ఎందుకంటే ధరలు పెరుగుతాయి. అదే ద్రవ్యోల్బణం. ఇది ఏటా 5 శాతం పెరుగుతుందనుకుంటే ప్రస్తుతం నెలవారీ ఇంటి ఖర్చులకు పెడుతున్న రూ.10వేలు ... 10 ఏళ్లలో రూ.16,300కు చేరుతుంది. 15 ఏళ్లలో ఇది రూ.20,800 అవుతుంది. 20 ఏళ్లలో ఇది ఏకంగా రూ.26,500 అవుతుంది. అందుకే రూ.5,000 నెలవారీ సిప్‌ అనేది ఒక శుభారంభంగా చూడాలి. అంతే తప్ప ఇదే పూర్తిస్థాయి రిటైర్మెంట్‌ ప్రణాళిక కాదు. ఇందుకంటే దేశంలో వినియోగ ద్రవ్యోల్బణం ఏటా 4 శాతం వరకూ పెరుగుతున్నట్లు గడిచిన కొన్నేళ్ల డేటా చెబుతోంది. కాకపోతే చదివే చదువు, వెళ్లే ఆసుపత్రి, జీవన స్థాయిని బట్టి కుటుంబాలు ఎవరికివారు అంతకన్నా ఎక్కువ రేటు ద్రవ్యోల్బణాన్ని కూడా భరించాల్సి రావచ్చు. ఏటా ‘సిప్‌’ పెంచటం... సూపర్‌ స్టెప్‌మీరు నెలకు రూ.,5వేలతోనే సిప్‌ ఆరంభించి ఉండొచ్చు. కానీ ఏటా 10 శాతం పెంచుకుంటూ వెళ్లటమనేది మీకు భవిష్యత్తులో సమకూరబోయే నిధిని నాటకీయంగా మార్చేస్తుంది. అలా పెంచుతూ వెళితే ఏమవుతుందంటే... ఏటా 10 శాతం పెంచుకుంటూ వెళితే 25 ఏళ్లలో సమకూరే నిధి వల్ల నెలకు రూ.54,300 విత్‌డ్రా చేసుకోవటానికి వీలవుతుంది. అందుకనే ఏటా సిప్‌ మొత్తాన్ని పెంచుకుంటూ వెళ్లటమనేది తొలి నాళ్ల నుంచీ ఆరంభిస్తే అద్భుతమైన ఫలితం ఉంటుంది. మరో ముఖ్యమైన విషయమేంటంటే జీతం పెరిగినపుడల్లా... దాంట్లో కొంత సిప్‌కు కేటాయించటం. అలా చేయటం వల్ల పెంపు భారమనిపించదు. ఈ తప్పులు చేయొద్దు.... → మార్కెట్లు పడ్డప్పుడు నిలిపేయటం... చాలామంది ఇన్వెస్టర్లు చేసే తప్పు ఇదే. మార్కెట్లు బాగా పడుతున్న సందర్భాల్లో నష్టాలు వస్తాయనే కారణంతో సిప్‌ను నిలిపేస్తుంటారు. కానీ ఆ సమయంలో తాము ఇన్వెస్ట్‌ చేస్తున్న మొత్తానికి ఎక్కువ యూనిట్లు వస్తాయనే వాస్తవాన్ని గ్రహించరు. ఇంకా పడ్డాక కొందాంలే... అనే ధోరణితో ఉంటారు. కానీ మార్కెట్లు పడేటపుడు ఎంతవరకూ పడతాయో... ఎప్పటి నుంచి పెరుగుతాయో ఎవ్వరూ అంచనా వేయలేరు. కాబట్టే ఇలాంటి సందర్భాల్లో సిప్‌ చాలా ఉపయోగపడుతుంది. లక్ష్యాలు దీర్ఘకాలికం కనక ఈ ఊగిసలాటలు తాత్కాలికమేనని గ్రహించటం అత్యవసరం. → రాబడులకు గ్యారంటీ ఉండదు... ఏటా 10 శాతమో, 12 శాతమో పెరుగుతాయనే ఉద్దేశంతోనే ఇన్వెస్ట్‌ చేస్తారు కదా!. కాకపోతే అది గ్యారంటీ అని, తమ చేతిలోకి అనుకున్న మొత్తం తప్పనిసరిగా వస్తుందని మాత్రం అనుకోకూడదు. కాలిక్యులేటర్లో లెక్కలు వేసి... ఆ మేరకు మొత్తం తమ చేతిలోకి వస్తుంది కదా అని దాని ఆధారంగా భవిష్యత్తు ప్రణాళికలు వేసుకోవటం సరికాదు. ఎందుకంటే చివరికి మనం అనుకున్న మొత్తం కన్నా ఎక్కువైనా రావచ్చు. లేదా తక్కువైనా రావచ్చు. కాకపోతే దీర్ఘకాలంలో ఎప్పుడూ మంచి లాభాలే వస్తాయన్నది చరిత్ర చెబుతున్న సత్యం. → ఇన్వెస్ట్‌మెంట్‌ కన్నా ముందు పునాది ముఖ్యంఆర్థికంగా ఇబ్బందుల్లేని పరిస్థితులనేవి అన్నిటికన్నా ప్రధానం. ఇబ్బందులు పడుతూ... ఎలాంటి జాగ్రత్తలూ తీసుకోకుండా దూకుడుగా సిప్‌లో ఇన్వెస్ట్‌ చేయటం కూడా అంత తెలివైన నిర్ణయమేమీ కాదు. అందుకే సిప్‌లో ఇన్వెస్ట్‌ చేసే ముందు ఈ అంశాలు చూసుకోవాలి.... → అత్యవసర ఖర్చులనేవి ఎటునుంచి ఎలా వస్తాయో తెలియదు. కాబట్టి వీటికి తగినంత అత్యవసర నిధి ఉండాలి. → చాలినంత ఆరోగ్య బీమా కవరేజీ ఉండాలి. టర్మ్‌ లైఫ్‌ కవరేజీ కూడా ప్రధానమే. → ఎక్కువ వడ్డీ ఉన్న అప్పుల్ని తగ్గించుకోవటానికి ప్రణాళిక ఉండాలి. ప్రత్యేకించి క్రెడిట్‌ కార్డు రుణాలు, ఖరీదైన వ్యక్తిగత రుణాలు ఈ కోవలోకి వస్తాయి. → దగ్గర్లో చేయాల్సిన పనులకు ప్రత్యేక నిధి అవసరం. వచ్చే ఏడాది చెల్లించాల్సిన స్కూలు లేదా కాలేజీ ఫీజు, వచ్చేనెల చెల్లించాల్సిన గృహ రుణం ఈఎంఐ...ఇలాంటివి దీని పరిధిలోకి వస్తాయి. → ప్రత్యేకించి ఇన్వెస్ట్‌ చేయటానికి అప్పు తీసుకోవటమనేది ప్రమాదకరం. ఎట్టి పరిస్థితుల్లోనూ ఈ ట్రాప్‌లో పడొద్దు. ఇదీ... కుటుంబాలకు రోడ్‌ మ్యాప్‌ 1 నుంచి 3 సంవత్సరాలు... ఒక ఇన్వెస్ట్‌మెంట్‌ సంస్కృతిని అలవాటు చేసుకోవాలి. నెలకు రూ.5వేల సిప్‌... కొంత అత్యవసర నిధి... గతేడాది అత్యుత్తమ పనితీరు కనబరిచిన ఫండ్‌లో ఇన్వెస్ట్‌ చేయటం వంటివి కాకుండా దీర్ఘకాలంగా మంచి పనితీరు కనబరుస్తున్నవి ఎంచుకోవటం... జీతం ఖాతాలో పడగానే ఆటోమేటిగ్గా సిప్‌లోకి కొంత మొత్తం పోయేటట్లు చూసుకోవటం. 4 నుంచి 10 సంవత్సరాలు... జీతం పెరిగినపుడల్లా సిప్‌ మొత్తాన్ని కూడా పెంచుకుంటూ వెళ్లటం. స్వల్పకాలంలో అవసరమయ్యే మొత్తాన్ని విడిగా ఉంచుకోవటం... దాన్ని దీర్ఘకాల ఈక్విటీ ఇన్వెస్ట్‌మెంట్లలో కలపకపోవటం... ప్రతి రోజూ కాకుండా ఏడాదికోసారి లక్ష్యాలను సమీక్షించుకోవటం. → 11 నుంచి 20 సంవత్సరాలు.. లక్ష్యాన్ని ఎప్పటికప్పుడు సమీక్షించుకుంటూ వెళ్లాలి. ప్రధాన లక్ష్యం దగ్గరికొస్తున్న కొద్దీ... కొంత మొత్తాన్ని ఊగిసలాటల మార్కెట్ల నుంచి స్థిరంగా ఉండే సాధనాల్లోకి మళ్లించాలి. చివరి సంవత్సరం వచ్చేదాకా వేచి చూడకుండా... మార్కెట్లు బాగున్నపుడు కొంత మొత్తాన్ని మళ్లిస్తే రిస్కు తగ్గుతుంది. → 20 ఏళ్ల తరవాత... అప్పుడప్పుడూ కావలసినంత మొత్తాన్ని తీసుకోకుండా.. ఒక ప్రణాళిక మేరకు నిర్థ్ధిష్ట కాల వ్యవధుల్లో కొంత మొత్తాన్ని తీసుకుంటే మంచిది. విత్‌డ్రాయల్స్‌ను ఏడాదికోసారి సమీక్షించుకుంటే మంచిది. స్వల్పకాలంలో చెల్లించాల్సిన వాటికోసం కొంత సొమ్ము విడిగా ఉంచుకోవాలి. అలా చేస్తే అవసరమైనపుడు ఒకవేళ మార్కెట్లు బాగులేకుంటే తక్కువకే విక్రయించి బయటపడాల్సిన పరిస్థితి ఉండదు. చివరిగా గమనించాల్సింది ఒకటే. రూ.5000 నెలవారీ సిప్‌ అనేది మరీ చిన్న మొత్తమేమీ కాదు. కాకపోతే దీర్ఘకాల ఇన్వెస్ట్‌మెంట్‌ ప్రణాళిక పెట్టుకుని, ఎప్పటికప్పుడు పెంచుకుంటూ వెళితే అది మరింత అర్థవంతమైన నిధిగా మారుతుంది. నిజానికి మంచి ఫండ్లను వెతకటంలోనే విజయం ఉందనుకోవద్దు. మానకుండా చిరకాలం ఇన్వెస్ట్‌ చేయటంలోనే అసలు విజయం దాగి ఉంటుంది.రమణమూర్తి మంథా

స్టాక్‌ మార్కెట్‌లో ఇటీవల ప్రవేశపెట్టిన క్లోజింగ్‌ ఆక్షన్‌ సెషన్‌ (CAS) కారణంగా ఎక్స్‌పైరీ రోజున డెరివేటివ్స్‌ సెటిల్‌మెంట్‌ ధరల నిర్ణయంపై తలెత్తిన ఆందోళనలకు పరిష్కారం చూపేందుకు మార్కెట్‌ నియంత్రణ సంస్థ సెబీ (SEBI) కీలక మార్పులను ప్రతిపాదించింది. ఇండెక్స్‌, సింగిల్‌ స్టాక్‌ డెరివేటివ్స్‌ కాంట్రాక్టుల ఎక్స్‌పైరీ సెటిల్‌మెంట్‌ ధరను ఎలా నిర్ణయించాలన్న అంశంపై రెండు ప్రత్యామ్నాయాలను సూచించింది. ఈ ప్రతిపాదనలపై మార్కెట్‌ భాగస్వాములు అక్టోబర్‌ 3 వరకు తమ అభిప్రాయాలను సమర్పించవచ్చు.సీఏఎస్‌తో వచ్చిన మార్పులపై సమీక్షఈక్విటీ క్యాష్‌ మార్కెట్‌లో సీఏఎస్‌ను సెబీ గత ఆగస్టు 3 నుంచి అమల్లోకి తీసుకొచ్చింది. షేర్లకు మరింత పారదర్శకంగా క్లోజింగ్‌ ప్రైస్‌ నిర్ణయించడమే దీని ప్రధాన ఉద్దేశం. అయితే ఎక్స్‌పైరీ రోజుల్లో సీఏఎస్‌ సమయంలో ఇండెక్స్‌ ఆప్షన్స్‌లో భారీగా ట్రేడింగ్‌ జరగడం, ఇండెక్స్‌ స్థాయిల్లో హెచ్చుతగ్గులు కనిపించడంతో డెరివేటివ్స్‌ సెటిల్‌మెంట్‌ ధరపై మార్కెట్‌ భాగస్వాములు అభ్యంతరాలు వ్యక్తం చేశారు. దీంతో ప్రస్తుత విధానాన్ని సమీక్షించనున్నట్లు సెబీ ఇటీవల ప్రకటించింది.రెండు సెటిల్‌మెంట్‌ విధానాలుబ్లెండెడ్‌ వీవ్యాప్‌: ఈ విధానంలో సాధారణ నిరంతర ట్రేడింగ్‌ సెషన్‌ (CTS) చివరి 30 నిమిషాల్లో జరిగిన లావాదేవీలతో పాటు, 10 నిమిషాల సీఏఎస్‌లో జరిగిన ట్రేడ్లను కూడా పరిగణనలోకి తీసుకుంటారు. రెండు సెషన్లలో జరిగిన వాస్తవ ట్రేడింగ్‌ వాల్యూమ్‌ ఆధారంగా వాటికి వెయిటేజీ ఇచ్చి సెటిల్‌మెంట్‌ ధరను నిర్ణయిస్తారు.సీటీఎస్‌ వీవ్యాప్‌: ప్రస్తుతం అమల్లో ఉన్న విధానాన్ని కొనసాగించడం మరో ప్రత్యామ్నాయం. అంటే సాధారణ ట్రేడింగ్‌ సెషన్‌లో చివరి 30 నిమిషాల్లో జరిగిన లావాదేవీల వాల్యూమ్‌ వెయిటెడ్‌ యావరేజ్‌ ప్రైస్‌ (VWAP) ఆధారంగానే డెరివేటివ్స్‌ ఎక్స్‌పైరీ సెటిల్‌మెంట్‌ ధరను నిర్ణయిస్తారు.ఏడాది పాటు ప్రస్తుత విధానమే?సీఏఎస్‌ కొత్త వ్యవస్థ కావడంతో మార్కెట్‌ పాల్గొనేవారికి దానిపై మరింత అవగాహన రావడానికి సమయం ఇవ్వాలని సెబీ భావిస్తోంది. అందువల్ల వెంటనే బ్లెండెడ్‌ వీవ్యాప్‌కు మారకుండా, కనీసం ఏడాది పాటు సీటీఎస్‌ వీవ్యాప్‌ను కొనసాగించి, ఆ తర్వాత సీఏఎస్‌లో లిక్విడిటీ, భాగస్వామ్యం, వివిధ మార్కెట్‌ పరిస్థితుల్లో వేలం పనితీరును సమీక్షించి బ్లెండెడ్‌ వీవ్యాప్‌కు మారే అవకాశాన్ని పరిశీలించాలని ప్రతిపాదించింది.ఇండెక్స్‌ వ్యాల్యూ ప్రదర్శనకు బ్రేక్‌?సీఏఎస్‌ సమయంలో కనిపించే ఇండికేటివ్‌ ఇండెక్స్‌ వాల్యూ (IIV)పై కూడా సెబీ కీలక ప్రతిపాదన చేసింది. వేలంలో ఉన్న ఆర్డర్ల ఆధారంగా రూపొందే ఇండికేటివ్‌ ఈక్విలిబ్రియం ప్రైస్‌ (IEP) వాస్తవంగా జరిగిన ట్రేడ్‌ ధర కాదని, అందువల్ల దాని ఆధారంగా రూపొందే ఇండెక్స్‌ విలువను కూడా వాస్తవ మార్కెట్‌ స్థాయిగా భావించే అవకాశం ఉందని సెబీ పేర్కొంది.ఈ నేపథ్యంలో సీఏఎస్‌ సమయంలో ఐఈపీ ఆధారంగా రూపొందే ఇండికేటివ్‌ ఇండెక్స్‌ వాల్యూను ప్రదర్శించకుండా ఉండే అవకాశం ఉంది. అయితే వ్యక్తిగత షేర్లకు సంబంధించిన ఐఈపీలను మాత్రం కొనసాగించాలని ప్రతిపాదించింది.మార్కెట్‌ టైమింగ్స్‌లోనూ మార్పుల ప్రతిపాదనసెటిల్‌మెంట్‌ విధానంతో పాటు సీటీఎస్‌, సీఏఎస్‌, డెరివేటివ్స్‌ ట్రేడింగ్‌ మధ్య సమయ సమన్వయాన్ని కూడా సెబీ పునఃపరిశీలిస్తోంది. ఇందులో రెండు టైమింగ్‌ ఆప్షన్లను ప్రతిపాదించింది. ఒకదానిలో సీఏఎస్‌కు ముందు సీటీఎస్‌ను 3:30 గంటల వరకు, ఎఫ్‌&వో ట్రేడింగ్‌ను 3:45 గంటల వరకు కొనసాగించే విధానం ఉంది. మరోదానిలో సీటీఎస్‌ను 3:15 గంటలకు, ఎఫ్‌&వోను 3:30 గంటలకు ముగించే అవకాశం ఉంది.అదేవిధంగా సీఏఎస్‌ ముగిసిన తర్వాత డెరివేటివ్స్‌ ట్రేడింగ్‌ వ్యవధిని ఐదు నిమిషాలకు పరిమితం చేయడం, సెషన్ల మధ్య మార్పు సమయాన్ని ఒక నిమిషానికి తగ్గించడం వంటి ప్రతిపాదనలు కూడా ఉన్నాయి. సీఏఎస్‌లో రిఫరెన్స్‌ ధరకు ±1 శాతానికి మించి ఉన్న లిమిట్‌ ఆర్డర్లను రద్దు చేయడంపై పరిమితులు, ధరను మెరుగుపరిచే దిశలో మాత్రమే మార్పులకు అనుమతి ఇవ్వడం వంటి చర్యలను కూడా సెబీ పరిశీలిస్తోంది.

దేశంలో బంగారం, వెండి ధరలు నిలకడగా కొనసాగుతున్నాయి. కొన్ని రోజులుగా తీవ్ర హెచ్చుతగ్గులకు లోనవుతున్న పసిడి ధరలు నేడు (Today Gold Rate) స్థిరంగా ఉన్నాయి. ఇక వెండి ధరలు (Today Silver Rate) కూడా నేడు నిలకడగా కొనసాగుతున్నాయి. దీంతో ఈరోజు బంగారం, వెండి కొనేవాళ్లకు ఉపశమనం లభించింది. దేశ రాజధాని ఢిల్లీతో పాటు తెలుగు రాష్ట్రాలలో ఈరోజు బంగారం, వెండి ధరలు ఎలా ఉన్నాయో కింద చూద్దాం..

విలువైన లోహాలు అంటే.. ముందుగా మనకు గుర్తొచ్చేది బంగారం, వెండి మాత్రమే. పెట్టుబడిదారులు కూడా చాలాకాలంగా వీటినే సురక్షితమైన పెట్టుబడి మార్గాలుగా చూస్తున్నారు. అయితే.. ఇప్పుడు పరిస్థితి కొంత మారుతోంది. రాగి ధరలు భారీగా పెరుగుతూ రికార్డు స్థాయికి చేరుకోవడంతో.. కొందరు దీనిని కూడా కొత్త బంగారంగా అభివర్ణిస్తున్నారు.గత ఏడాది బంగారం ధర దాదాపు 70 శాతం, వెండి ధర ఏకంగా 150 శాతం వరకు పెరిగాయి. ఇదే సమయంలో అల్యూమినియం, పల్లాడియం, ప్లాటినమ్‌తో పాటు రాగి ధరలు కూడా గణనీయంగా పెరిగాయి.భారీగా పెరిగిన రాగి ధరలులండన్ మెటల్ ఎక్స్ఛేంజ్‌లో రాగి ధరలు సరికొత్త రికార్డును నమోదు చేశాయి. ఒక దశలో మెట్రిక్ టన్ను రాగి ధర 14,737 డాలర్లకు చేరింది. భారత కరెన్సీలో ఇది సుమారు రూ.14 లక్షలకు సమానం. తవ్వకం, శుద్ధి సామర్థ్యాలకు, ప్రపంచవ్యాప్తంగా పెరుగుతున్న డిమాండ్‌కు మధ్య అంతరం పెరుగుతుండటంతో.. రాగి ధరలు పెరుగుతున్నాయని నిపుణులు చెబుతున్నారు.రాగి ధరలు పెరగడానికి అమెరికా సుంకాల ప్రభావం కూడా ఒక ముఖ్యమైన కారణం. శుద్ధి చేసిన రాగి దిగుమతులపై అమెరికా సుంకాలు పెంచే అవకాశం ఉందన్న వార్తలతో కొనుగోలుదారులు ముందుగానే పెద్ద మొత్తంలో రాగిని కొనుగోలు చేస్తున్నారు. 2026 తొలి అర్ధభాగంలో అమెరికా సుమారు 8.85 లక్షల టన్నుల రాగిని దిగుమతి చేసుకుంది. దీంతో ప్రపంచంలోని రాగి నిల్వల్లో గణనీయమైన భాగం అమెరికాకు తరలిపోయింది. ఫలితంగా లండన్ మెటల్ ఎక్స్ఛేంజ్‌లో అందుబాటులో ఉన్న నిల్వలు తగ్గాయి. ఇది ధరలు పెరగడానికి కారణమైంది.ప్రధాన కారణాలుమార్కెట్‌లో రాగికి చాలాకాలంగా డిమాండ్ ఉంది. అయితే డిమాండుకు తగిన సరఫరా లేదు. ప్రపంచంలో ఉన్న పాత రాగి గనులు తమ ఉత్పత్తిని పెంచడంలో ఇబ్బందులు ఎదుర్కొంటున్నాయి. మరోవైపు ప్రధాన రాగి ఉత్పత్తి దేశాల్లో కూడా ఉత్పత్తి, రవాణాకు సంబంధించిన సమస్యలు ఎదురవుతున్నాయి.రాగికి డిమాండ్ పెరగడానికి మరో ప్రధాన కారణం ఆర్టిఫిషియల్ ఇంటెలిజెన్స్. ప్రపంచవ్యాప్తంగా ఏఐ డేటా సెంటర్లు భారీగా నిర్మిస్తున్నారు. ఈ డేటా సెంటర్లలో విద్యుత్ వ్యవస్థలు, కేబుల్స్, నెట్‌వర్క్ పరికరాలు వంటి వాటిలో రాగిని విస్తృతంగా ఉపయోగిస్తారు. అంతే కాకుండా.. సౌర, పవన విద్యుత్ వంటి పునరుత్పాదక ఇంధన రంగాలు, ఎలక్ట్రిక్ వాహనాలు, బ్యాటరీ స్టోరేజ్ వ్యవస్థల విస్తరణ కూడా రాగికి డిమాండ్‌ను పెంచుతున్నాయి. అంటే.. భవిష్యత్తులో టెక్నాలజీ, గ్రీన్ ఎనర్జీ రంగాలు పెరిగే కొద్దీ రాగి అవసరం కూడా పెరిగే అవకాశం ఉంది.భారీ డిమాండ్ఈ ఏడాది ఇప్పటి వరకు రాగి ధరలు సుమారు 16 శాతం పెరిగాయి. ముఖ్యంగా.. ఇటీవల నమోదైన రికార్డు ధరలు మార్కెట్ విశ్లేషకుల అంచనాలను కూడా మించిపోయాయి. కొన్ని ప్రముఖ బ్రోకరేజీలు 2026లో రాగి ధరలు టన్నుకు 11,000-12,000 డాలర్ల స్థాయిలో ఉంటాయని అంచనా వేసినప్పటికీ, మార్కెట్ ధరలు ఇప్పటికే ఆ స్థాయిని దాటిపోయాయి. దీంతో రాగి మార్కెట్‌పై పెట్టుబడిదారుల ఆసక్తి మరింత పెరిగింది.

బంగారం కొనుగోలు విషయంలో సాధారణ రిటైల్‌ ఇన్వెస్టర్లు మార్కెట్‌లో ఉన్న ధరనే చెల్లిస్తుంటే.. కొన్ని కంపెనీలు మాత్రం అదే బంగారాన్ని భారీ డిస్కౌంట్‌తో కొనుగోలు చేస్తున్నాయని ప్రముఖ ఇన్వెస్ట్‌మెంట్‌ గురూ, ‘రిచ్‌ డాడ్‌ పూర్‌ డాడ్‌’ పుస్తక రచయిత రాబర్ట్‌ కియోసాకి పేర్కొన్నారు. ప్రస్తుతం ఔన్సు బంగారం ధర సుమారు 4,600 డాలర్లుగా ఉంటే.. కొన్ని సంస్థలు కేవలం 920 డాలర్లకే అదే బంగారాన్ని కొనుగోలు చేసే విధంగా ఒప్పందాలు చేసుకుంటున్నాయని ఆయన వెల్లడించారు.ఈ మేరకు రాబర్ట్‌ కియోసాకి తన ఫేస్‌బుక్‌ ఖాతాలో ఓ పోస్ట్‌ చేశారు. సాధారణ పెట్టుబడిదారులు స్పాట్‌ ధరకు బంగారం కొనుగోలు చేస్తున్నారని, అయితే మైనింగ్‌ రంగంలోని కొన్ని ప్రత్యేక కంపెనీలు ముందుగానే ఒప్పందాలు చేసుకుని భవిష్యత్‌లో లభించే బంగారాన్ని చాలా తక్కువ ధరకు పొందుతున్నాయని ఆయన వివరించారు.మైనింగ్‌ కంపెనీలతో ఒప్పందాలుకియోసాకి వివరించిన విధానం ప్రధానంగా గోల్డ్‌ స్ట్రీమింగ్‌ వ్యాపార నమూనాకు సంబంధించినది. ఒక గోల్డ్‌ మైన్‌ కొత్త ప్రాజెక్టును నిర్మించడానికి లేదా ఉన్న గనిని విస్తరించడానికి పెద్ద మొత్తంలో పెట్టుబడి అవసరమైనప్పుడు.. స్ట్రీమింగ్‌ కంపెనీలు ముందుగానే ఆ మైనింగ్‌ సంస్థకు నిధులు అందిస్తాయి.దానికి ప్రతిఫలంగా, ఆ గనిలో భవిష్యత్‌లో ఉత్పత్తి అయ్యే బంగారంలో కొంత భాగాన్ని ముందుగా నిర్ణయించిన ధరకు కొనుగోలు చేసే హక్కును స్ట్రీమింగ్‌ కంపెనీ పొందుతుంది. ఈ ఒప్పందాలు కొన్ని సందర్భాల్లో అనేక సంవత్సరాలు లేదా దశాబ్దాల పాటు కొనసాగుతాయని కియోసాకి తెలిపారు.అంటే.. బంగారం మార్కెట్‌ ధర ఎంత పెరిగినా, ఒప్పందంలో నిర్ణయించిన తక్కువ ధరకు బంగారాన్ని కొనుగోలు చేసే అవకాశం ఆ కంపెనీకి ఉంటుంది. కియోసాకి ఉదాహరణ ప్రకారం, ఔన్సుకు 4,600 డాలర్ల మార్కెట్‌ ధర ఉన్నప్పుడు సుమారు 920 డాలర్లకు కొనుగోలు చేసే ఒప్పందం ఉంటే.. అది మార్కెట్‌ ధరతో పోలిస్తే దాదాపు 80 శాతం తక్కువ అవుతుంది.‘రిచ్‌ డాడ్‌’ విధానం ఇదేనా?ఈ విధానాన్ని కియోసాకి తనకు ఇష్టమైన ‘పూర్‌ డాడ్‌–రిచ్‌ డాడ్‌’ పోలికతో వివరించారు. సాధారణ పెట్టుబడిదారుడు రిటైల్‌ ధరకు బంగారం కొనుగోలు చేస్తుంటే.. ‘రిచ్‌ డాడ్‌’ తరహా పెట్టుబడిదారుడు నేరుగా బంగారం కొనడం కంటే, బంగారం ఉత్పత్తి చేసే సంస్థతో ఒప్పందం చేసుకుని ప్రయోజనం పొందే విధానాన్ని ఎంచుకుంటారని పేర్కొన్నారు.ఇదీ చదవండి: ఒకప్పుడు తోపు రిచ్‌.. ఇప్పుడు టాప్‌ 10 కూడా దక్కలేదు!ఇది చట్టంలోని లొసుగు కాదని, మైనింగ్‌ పరిశ్రమలో ఇలాంటి ఒప్పందాలు బహిరంగంగా వెల్లడించే చట్టబద్ధమైన వ్యాపార విధానాలని కియోసాకి అన్నారు. చాలా కాలంగా ఈ విధానం కొనసాగుతున్నప్పటికీ.. ఎక్కువ మంది ఇన్వెస్టర్లు మాత్రం వార్తల్లో కనిపించే బంగారం స్పాట్‌ ధరపైనే దృష్టి పెడుతున్నారని పేర్కొన్నారు.

భారతదేశంలో బంగారం ధరలు ఊహకందని రీతిలో మారిపోతున్నాయి. ఉదయం భారీగా తగ్గిన రేటు, సాయంత్రానికి పెరిగిపోతోంది. దీంతో పసిడి ప్రియులలో ఒకింత ఆందోళన మొదలైపోయింది. ఈ కథనంలో వారం (సెప్టెంబర్ 6 నుంచి 12 వరకు) రోజుల్లో బంగారం ధరల్లో జరిగిన మార్పులు ఏమిటి?, ప్రస్తుతం ధరలు ఎలా ఉన్నాయనే వివరాలు ఈ కథనంలో వివరంగా తెలుసుకుందాం.సెప్టెంబర్ 06న హైదరాబాద్, విజయవాడలలో రూ.1,54,800 వద్ద ఉన్న 24 క్యారెట్స్ 10 గ్రాముల బంగారం రేటు, సెప్టెంబర్ 12న రూ.1,54,580 వద్దకు చేరింది. అంటే.. వారం రోజుల్లో గోల్డ్ రేటు పెరుగుతూ తగ్గుతూ రూ.16 వేలకు చేరువవుతోందని తెలుస్తోంది. 22 క్యారెట్ల 10 గ్రాముల బంగారం ధర రూ.1,41,900 నుంచి రూ.1,41,700 వద్దకు చేరింది.చెన్నైలో గత ఆదివారం (సెప్టెంబర్ 06) రూ.1,54,800 వద్ద ఉన్న 10 గ్రాముల 24 క్యారెట్ల బంగారం, శనివారం (సెప్టెంబర్ 12) నాటికి 1,54,580 రూపాయల వద్దకు చేరింది. 22 క్యారెట్ల ధర రూ. 1,41,900 నుంచి రూ.141700 వద్దకు చేరింది. వారం మధ్యలో ధరల్లో చాలా మార్పు వచ్చినప్పటికీ.. వారాంతం నాటికి కొంత పెరిగినట్లు తెలుస్తోంది.ఇక దేశ రాజధాని నగరం ఢిల్లీలో కూడా బంగారం ధరల్లో గణనీయమైన మార్పు వచ్చాయి. వారం ప్రారంభంలో రూ.1,54,950 వద్ద ఉన్న 24 క్యారెట్ల 10 గ్రాముల గోల్డ్ రేటు, వారాంతానికి 1,54,730 రూపాయల వద్దకు చేరింది. 22 క్యారెట్ల రేటు రూ.1,42,050 నుంచి రూ.1,41,850 వద్దకు చేరింది.ఇదీ చదవండి: ఒకేరోజు 20 లక్షల ట్రైన్ టికెట్స్ బుకింగ్!

దేశంలో బంగారం, వెండి ధరల ఒడిదొడుకులు కొనసాగుతున్నాయి. కొన్ని రోజులుగా తీవ్ర హెచ్చుతగ్గులకు లోనవుతున్న పసిడి ధరలు నేడు కాస్త పెరుగుదలను నమోదు చేశాయి. మరో వైపు వెండి ధరలు మాత్రం ఈరోజు ఎలాంటి మార్పు లేకుండా నిలకడగా కొనసాగుతున్నాయి. దీంతో బంగారం, వెండి కొనుగోలుదారులకు స్పల్ప నిరాశ తప్పలేదు. దేశంలోని ప్రధాన నగరాల్లో ప్రస్తుతం బంగారం (Today Gold Rate), వెండి ధరలు (Today Silver Rate) ఎలా ఉన్నాయో కింద తెలుసుకుందాం.

బంగారం ధరల్లో ఊహకందని మార్పులు జరుగుతున్నాయి. ఈ రోజు (సెప్టెంబర్ 11) ఉదయం రూ.2620 తగ్గిన గోల్డ్ రేటు, సాయంత్రానికి పెరిగింది. దీంతో దేశంలోని ప్రధాన నగరాల్లోని పసిడి ధరలు మారిపోయాయి. కొత్త ధరలు ఎలా ఉన్నాయి?, ఏ నగరంలో అధికంగా ఉన్నాయనే వివరాలు ఈ కథనంలో చూసేద్దాం.హైదరాబాద్, విజయవాడలలో ఉదయం రూ.1,40,150 వద్ద ఉన్న 10 గ్రాముల పసిడి ధర.. సాయంత్రానికి రూ.141550 వద్దకు చేరింది. 24 క్యారెట్ల రేటు రూ.1,52,890 వద్ద నుంచి రూ.1,54,420 వద్దకు చేరింది. దీన్నిబట్టి చూస్తే.. బంగారం ధరలు గంటల వ్యవధిలో తారుమారు అయినట్లు స్పష్టంగా తెలుస్తోంది.చెన్నైలో కూడా బంగారం ధరలు, సాయంత్రానికే మారిపోయాయి. దీంతో 24 క్యారెట్ల 10 గ్రాముల ధర రూ.152890 నుంచి రూ.154420 వద్దకు, 22 క్యారెట్ల రేటు రూ.140150 నుంచి రూ.141550 వద్దకు చేరింది. బెంగళూరు, ముంబై నగరాల్లో కూడా పసిడి ధరలు కొంత పెరిగినట్లు తెలుస్తోంది.ఢిల్లీలో రూ.140300 వద్ద ఉన్న 22 క్యారెట్ల 10 గ్రాముల బంగారం ధర, సాయంత్రానికి రూ.1400 పెరిగి రూ.141700 వద్దకు చేరింది. 24 క్యారెట్ల రేటు రూ.1,53,040 నుంచి రూ.1530 పెరిగి రూ.1,54,570 వద్దకు చేరింది. అయితే వెండి ధరల్లో.. సాయంత్రానికి ఎలాంటి మార్పు జరగలేదు.ఇదీ చదవండి: టోల్ వసూళ్లకు కొత్త ప్లాన్.. గడ్కరీ కీలక ప్రకటన!

శుక్రవారం ఉదయం నష్టాల్లో ప్రారంభమైన దేశీయ స్టాక్ మార్కెట్లు.. ట్రేడింగ్ క్లోజ్ అయ్యే సమయానికి నష్టాలనే చవిచూశాయి. సెన్సెక్స్ 120.84 పాయింట్లు లేదా 0.16 శాతం నష్టంతో 74,781.76 వద్ద, నిఫ్టీ 79.70 పాయింట్లు లేదా 0.34 శాతం నష్టంతో 23,398.10 వద్ద నిలిచాయి.ఫిజిక్స్‌వాలా లిమిటెడ్, ఆథమ్ ఇన్వెస్ట్‌మెంట్ & ఇన్‌ఫ్రాస్ట్రక్చర్ లిమిటెడ్, యెస్ బ్యాంక్ లిమిటెడ్ వంటి కంపెనీలు టాప్ గెయినర్స్ జాబితాలో నిలిచాయి. గోద్రెజ్ ప్రాపర్టీస్ లిమిటెడ్, వర్ల్‌పూల్ ఆఫ్ ఇండియా లిమిటెడ్, ఆదిత్య బిర్లా రియల్ ఎస్టేట్ లిమిటెడ్ వంటి సంస్థలు నష్టాలను చవిచూశాయి.(Disclaimer: మార్కెట్ గురించి సాక్షి వెబ్‌సైట్‌లో నిపుణులు వెల్లడించే అభిప్రాయాలు వారి పరిశీలన, అంచనాలను బట్టి ఉంటాయి. ఇన్వెస్టర్లకు ఇది కేవలం విషయ అవగాహన మాత్రమే తప్ప.. వారు పెట్టే పెట్టుబడులకు సాక్షి మీడియా గ్రూపు ఎలాంటి హామీ ఇవ్వదు.)

దేశంలో బంగారం, వెండి ధరలు కుప్పకూలాయి. కొన్ని రోజులుగా తీవ్ర హెచ్చుతగ్గులకు లోనవుతున్న పసిడి ధరలు నేడు ఒక్కసారిగా పడిపోయాయి. మరో వైపు స్థిరంగా కొనసాగుతున్న వెండి ధరలు సైతం భారీగా క్షీణించాయి. దీంతో బంగారం, వెండి కొనుగోలుదారులకు భారీ ఊరట దక్కింది. దేశంలోని ప్రధాన నగరాల్లో నేడు బంగారం (Today Gold Rate), వెండి ధరలు (Today Silver Rate) ఎలా ఉన్నాయో కింద తెలుసుకుందాం.

దేశీయ స్టాక్‌ మార్కెట్‌ సూచీలు శుక్రవారం నష్టాల్లో కదలాడుతున్నాయి. ఈరోజు ఉదయం 09:46 సమయానికి నిఫ్టీ(Nifty) 230 పాయింట్లు తగ్గి 23,247 వద్దకు చేరింది. సెన్సెక్స్‌ (Sensex) 654 పాయింట్లు నష్టపోయి 74,248 వద్ద ట్రేడవుతోంది.నిఫ్టీ 50 ఇండెక్స్ లో హిందాల్కో ఇండస్ట్రీస్, టాటా స్టీల్, బజాజ్ ఫైనాన్స్ టాప్ లూజర్స్ గా నిలిచాయి. విస్తృత మార్కెట్లలో, నిఫ్టీ మిడ్ క్యాప్ 100, నిఫ్టీ స్మాల్ క్యాప్ వరుసగా 1.42 శాతం, 1.40 శాతం నష్టపోయాయి. సెక్టార్ వారీగా, నిఫ్టీ రియాల్టీ భారీగా పతనం కాగా, నిఫ్టీ ఐటీ మాత్రమే లాభాలను నమోదు చేసింది.అమెరికా డాలర్‌ ఇండెక్స్‌(USD Index) 99.06బ్రెంట్‌ క్రూడ్‌ఆయిల్‌ బ్యారెల్‌ ధర 107.63 డాలర్లుయూఎస్‌ 10 ఏళ్ల బాండ్‌ ఈల్డ్‌లు 4.91 శాతానికి చేరాయి.గడిచిన సెషన్‌లో యూఎస్‌ ఎస్‌ అండ్‌ పీ 0.58 శాతం నష్టపోయింది.నాస్‌డాక్‌ 0.65 శాతం పడిపోయింది.(Disclaimer: మార్కెట్ గురించి సాక్షి వెబ్ సైట్లో నిపుణులు వెల్లడించే అభిప్రాయాలు వారి పరిశీలన, అంచనాలను బట్టి ఉంటాయి. ఇన్వెస్టర్లకు ఇది కేవలం విషయ అవగాహన మాత్రమే తప్ప.. వారు పెట్టే పెట్టుబడులకు సాక్షి మీడియా గ్రూపు ఎలాంటి హామీ ఇవ్వదు.)

ముంబై: బాండ్లపై రాబడులు పెరగడం, అమెరికా కరెన్సీ డాలర్‌ బలోపేతంతో అంతర్జాతీయ మార్కెట్లో పసిడి, వెండి ధరలు భారీగా దిగొచ్చాయి. కామెక్స్‌లో ఔన్స్‌ బంగారం ధర 1.68 శాతం క్షీణించి 4,400 డాలర్ల దిగువన 4,386 డాలర్ల వద్ద ట్రేడవుతోంది. వెండి ధర ఔన్స్‌ 5.37 శాతం పతనమై 65 డాలర్ల స్థాయిని కోల్పోయి 64.92 డాలర్ల వద్ద కదలాడుతోంది.బ్రెంట్‌ క్రూడాయిల్‌ ధర 102 డాలర్ల మార్కును దాటడంతో ద్రవ్యోల్బణ భయాలు మళ్లీ మొదలయ్యాయి. దీంతో అమెరికా కేంద్ర బ్యాంకు ‘ఫెడరల్‌ రిజర్వ్‌’ వడ్డీ రేట్లను పెంచే దిశగా నిర్ణయాలు తీసుకుంటుందనే అంచనాలు తీవ్ర ఒత్తిడి పెంచాయి. ‘‘రాబోయే అమెరికా పీసీఈ ద్రవ్యోల్బణ గణాంకాలు, వచ్చే వారం జరగనున్న ఫెడరల్‌ రిజర్వ్‌ ద్రవ్య విధాన నిర్ణయాలు పసిడి తదుపరి గమనాన్ని నిర్దేశిస్తాయి.’’ అని ఆనంద్‌ రాఠీ రీసెర్చ్‌ విశ్లేషకురాలు వేదికా నర్వేకర్‌ తెలిపారు.ఎంసీఎక్స్‌లోనూ నేల చూపులే అంతర్జాతీయ ప్రభావానికి తోడు డాలర్‌ మారకంలో రూపాయి విలువ 44 పైసలు క్షీణించడంతో ఎంసీఎక్స్‌లో బంగారం, వెండి ధరలు నేలచూపు లు చూశాయి. అక్టోబర్‌ కాంట్రాక్టు పది గ్రాము ల పసిడి ధర దాదాపు 1% క్షీణించి రూ. 1,52,249 వద్ద ట్రేడవుతుండగా, కిలో వెండి ధర 3.63 శాతం పతనమై రూ. 2,35,347 వద్ద ట్రేడవుతోంది. ‘‘స్వల్పకాలంలో దేశీయ మార్కెట్లో బంగారం ధర రూ. 1,51,500 – రూ. 1,55,000 శ్రేణి మధ్య కదలాడొచ్చు’’ అని ఎల్‌కేపీ సెక్యూరిటీస్‌ రీసెర్చ్‌ విశ్లేషకుడు జతీన్‌ త్రివేది విశ్లేషించారు.

గురువారం ఉదయం ఫ్లాట్‌గా ప్రారంభమైన దేశీయ స్టాక్ మార్కెట్లు.. ట్రేడింగ్ క్లోజ్ అయ్యే సమయానికి లాభాల్లో ముగిశాయి. సెన్సెక్స్ 138.37 పాయింట్లు లేదా 0.19 శాతం లాభంతో 74,902.59 వద్ద, నిఫ్టీ 46.30 పాయింట్లు లేదా 0.20 శాతం లాభంతో 23,477.80 వద్ద నిలిచాయి.స్వాన్ కార్ప్ లిమిటెడ్, అక్యూటాస్ కెమికల్స్ లిమిటెడ్, వెల్స్‌పన్ కార్ప్ లిమిటెడ్ వంటి కంపెనీలు టాప్ గెయినర్స్ జాబితాలో చేరగా.. సాయి లైఫ్ సైన్స్ లిమిటెడ్, తేజస్ నెట్‌వర్క్స్ లిమిటెడ్, న్యూ ఇండియా అస్యూరెన్స్ కంపెనీ లిమిటెడ్ వంటి సంస్థలు నష్టాల జాబితాలో చేరాయి.(Disclaimer: మార్కెట్ గురించి సాక్షి వెబ్‌సైట్‌లో నిపుణులు వెల్లడించే అభిప్రాయాలు వారి పరిశీలన, అంచనాలను బట్టి ఉంటాయి. ఇన్వెస్టర్లకు ఇది కేవలం విషయ అవగాహన మాత్రమే తప్ప.. వారు పెట్టే పెట్టుబడులకు సాక్షి మీడియా గ్రూపు ఎలాంటి హామీ ఇవ్వదు.)

దేశంలో బంగారం ధరలు మళ్లీ కస్సుమన్నాయి. క్రితం రోజున భారీగా తగ్గిన పసిడి ధరలు నేడు అమాంతం ఎగిశాయి. దీంతో తగ్గుదల ఆశించిన పసిడి కొనుగోలుదారులకు ఈరోజు నిరాశే దక్కింది. ఇక వెండి ధరల్లో మాత్రం మిశ్రమ కదలికలు నమోదయ్యాయి. దేశంలోని ప్రధాన నగరాల్లో నేడు బంగారం (Today Gold Rate), వెండి ధరలు (Today Silver Rate) ఎలా ఉన్నాయో కింద తెలుసుకుందాం.

దేశీయ స్టాక్‌ మార్కెట్‌ సూచీలు గురువారం ఫ్లాట్‌గా ట్రేడవుతున్నాయి. ఈరోజు ఉదయం 09:55 సమయానికి నిఫ్టీ(Nifty) 7 పాయింట్లు పెరిగి 23,440 వద్దకు చేరింది. సెన్సెక్స్‌(Sensex) 47 పాయింట్లు పుంజుకొని 74,812 వద్ద ట్రేడవుతోంది.అమెరికా డాలర్‌ ఇండెక్స్‌(USD Index) 98.72బ్రెంట్‌ క్రూడ్‌ఆయిల్‌ బ్యారెల్‌ ధర 101 డాలర్లుయూఎస్‌ 10 ఏళ్ల బాండ్‌ ఈల్డ్‌లు 4.84 శాతానికి చేరాయి.గడిచిన సెషన్‌లో యూఎస్‌ ఎస్‌ అండ్‌ పీ 0.48 శాతం తగ్గింది.నాస్‌డాక్‌ 0.64 శాతం నష్టపోయింది.Today Nifty position 10-09-2026(time: 09:55 am)(Disclaimer: మార్కెట్ గురించి సాక్షి వెబ్ సైట్లో నిపుణులు వెల్లడించే అభిప్రాయాలు వారి పరిశీలన, అంచనాలను బట్టి ఉంటాయి. ఇన్వెస్టర్లకు ఇది కేవలం విషయ అవగాహన మాత్రమే తప్ప.. వారు పెట్టే పెట్టుబడులకు సాక్షి మీడియా గ్రూపు ఎలాంటి హామీ ఇవ్వదు.)

న్యూఢిల్లీ: పశ్చిమాసియా ఉద్రిక్తతలతో అంతర్జాతీయంగా ముడిచమురు ధరలు మళ్లీ భగ్గుమంటున్నాయి. అయినప్పటికీ, దేశీయంగా ఇంధనాల రేట్లు యథాతథంగా కొనసాగుతున్న నేపథ్యంలో దేశీ ఆయిల్‌ కంపెనీలకు ఆదాయ నష్టాలు మరింతగా పెరుగుతున్నాయి. తాజా గణాంకాల ప్రకారం ప్రభుత్వ రంగ ఇంధన మార్కెటింగ్‌ సంస్థలు లీటరుకు పెట్రోల్‌పై రూ. 5, డీజిల్‌పై రూ. 23, ఎల్‌పీజీ సిలిండర్‌పై రూ. 200 చొప్పున ఆదాయాన్ని నష్టపోతున్నాయని పరిశ్రమ వర్గాలు తెలిపాయి. ఈ నేపథ్యంలో నష్టాల భర్తీ కోసం మరోమారు పెట్రోల్, డీజిల్‌ రేట్ల మోత మోగవచ్చనే అంచనాలు నెలకొన్నాయి. ప్రపంచవ్యాప్తంగా ఇంధనాల రేట్లను నిర్ణయించేందుకు ప్రామాణికంగా తీసుకునే బ్రెంట్‌ క్రూడాయిల్‌ బ్యారెల్‌ రేటు బుధవారం మళ్లీ 100 డాలర్లకు ఎగియగా, నైమెక్స్‌ రేటు కూడా దానికి సమీపంలో 95 డాలర్ల వద్ద తిరుగాడుతోంది. భారత్‌ దిగుమతి చేసుకునే ఇండియన్‌ క్రూడ్‌ బాస్కెట్‌ ధర 109 డాలర్లకు చేరినట్లు రేటింగ్‌ ఏజెన్సీ ఇక్రా సీనియర్‌ వైస్‌ ప్రెసిడెంట్‌ ప్రశాంత్‌ వశి‹Ù్ట తెలిపారు. ఇరాన్‌– అమెరికా మధ్య ఉద్రిక్తతలు పెరగడమే ఇందుకు కారణమని పేర్కొన్నారు. ‘చైనా సహా పలు దేశాలు ప్రస్తుతం తమ వ్యూహాత్మక నిల్వలను ఉపయోగించుకుంటున్నాయి. సరఫరా అంతంతమాత్రంగా ఉన్న తరుణంలో, ఒకవేళ భౌగోళిక–రాజకీయ పరిస్థితులు ఇలాగే కొనసాగి, ఆయా దేశాలు కూడా మళ్లీ కొనుగోళ్లకు దిగాయంటే, , డిమాండ్‌ మరింత పెరుగుతుంది‘ అని పేర్కొన్నారు. మరోవైపు, ఫ్లెక్సి ఫ్యూయల్స్‌ వాహనాలకి పెట్రోల్‌లో 20 శాతం పైగా ఇథనాల్‌ని కలిపేందుకు అనుమతించడంపై కేంద్రం కసరత్తు చేస్తున్నట్లు ప్రధానికి సలహాదారు తరుణ్‌ కపూర్‌ తెలిపారు. ప్రస్తుతం ఈ–20 పెట్రోల్‌ వినియోగంలో ఉన్న సంగతి తెలిసిందే. దిగుమతులు భారం.. క్రూడాయిల్‌ దిగుమతులు, వినియోగంలో ప్రపంచంలోనే భారత్‌ మూడో స్థానంలో ఉంది. పెట్రోల్, డీజిల్‌ మొదలైన వాటి ఇంధనాల ఉత్పత్తి కోసం దాదాపు 88 శాతం క్రూడాయిల్‌ను దిగుమతి చేసుకుంటోంది. దీనికి డాలర్ల మారకంలో చెల్లించాల్సి ఉంటోంది. కాబట్టి క్రూడాయిల్‌ ధరలు పెరిగితే ఆ మేరకు దిగుమతుల భారంతో పాటు వాణిజ్య లోటు, రూపాయి మారకం విలువపైనా ఒత్తిడి పెరుగుతుందని విశ్లేషకులు తెలిపారు. ఏప్రిల్‌–జూలై మధ్య కాలంలో భారత చమురు దిగుమతుల బిల్లు 56 శాతం ఎగిసి 63.4 బిలియన్‌ డాలర్లకు చేరింది. గతేడాది ఇదే వ్యవధిలో ఈ బిల్లు 40.5 బిలియన్‌ డాలర్లు. గతేడాది ఏప్రిల్‌–జూలై మధ్య కాలంలో 81.5 మిలియన్‌ టన్నులు దిగుమతి చేసుకోగా, ఈసారి అదే వ్యవధిలో 81.9 మిలియన్‌ టన్నుల ఆయిల్‌ దిగుమతి అయ్యింది. పరిమాణంలో పెద్దగా మార్పు లేకపోయినా విలువ మాత్రం భారీగా పెరగడం గమనార్హం.అన్నింటి రేట్లూ భగ్గు ..క్రూడాయిల్‌ రేట్లు ఎగిస్తే దేశీయంగా ఇంధనాలు, రవాణా వ్యయాలూ పెరిగి, అంతిమంగా అన్నింటి ధరల పెరుగుదలకు దారి తీయొచ్చని పరిశ్రమ వర్గాలు తెలిపాయి. ప్రస్తు తానికైతే రిటైల్‌ బంకుల్లో పెట్రోల్, డీజిల్‌ రేట్లు మూడు నెలలుగా యథాతథంగానే ఉంటున్నప్పటికీ, ఎంతకాలం అంతర్జాతీయంగా రేట్లు అధిక స్థాయిలో కొనసాగుతాయో, ఎంత భారాన్ని ఇంధన కంపెనీలు కస్టమర్లకు బదలాయిస్తాయనే అంశాలపైనే వినియోగదారులు, ఎకానమీపై పడే ప్రభావం ఆధారపడి ఉంటుందని అనలిస్టులు పేర్కొన్నారు. వాణిజ్య లోటు పెరిగి, రూపాయి క్షీణిస్తే అక్టోబర్‌ 7న ద్రవ్యపరపతి విధాన సమీక్షలో ఆర్‌బీఐ కీలక పాలసీ రేట్లను తగ్గించకుండా 5.25 శాతం స్థాయిలోనే కొనసాగించవచ్చని బ్రిక్‌వర్క్‌ రేటింగ్స్‌ సంస్థ రీసెర్చ్‌ హెడ్‌ రాజీవ్‌ శరణ్‌ తెలిపారు. దేశీయంగా చివరిసారిగా మే 25న పెట్రోల్‌ రేటు లీటరుకు రూ. 2.61 చొప్పున, డీజిల్‌ ధర రూ. 2.71 చొప్పున పెరిగాయి.

‘రిచ్ డాడ్ పూర్ డాడ్’ పుస్తక రచయిత రాబర్ట్ కియోసాకి బంగారం, వెండి, రాగి ధరల కదలికలపై ఆసక్తికర వ్యాఖ్యలు చేశారు. ఈ మేరకు ఆయన తన ఫేస్‌బుక్‌ ఖాతాలో ఓ పోస్ట్‌ చేశారు. సాధారణంగా బంగారం, రాగి ధరలు భిన్నమైన ఆర్థిక సంకేతాలను ఇస్తాయని కియోసాకి పేర్కొన్నారు. ఆర్థిక వ్యవస్థ బలంగా ఉన్నప్పుడు పారిశ్రామిక డిమాండ్ కారణంగా రాగి ధర పెరుగుతుందని, ఆర్థిక వ్యవస్థపై నమ్మకం తగ్గినప్పుడు పెట్టుబడిదారులు బంగారం వైపు మొగ్గుచూపుతారని వివరించారు.అయితే ప్రస్తుతం బంగారం, వెండి, రాగి ధరలు ఒకేసారి పెరుగుతుండటం విస్మరించలేని పరిణామమని కియోసాకి అన్నారు. గతంలో 1978, 1998, 2006 సంవత్సరాల్లో ఇలాంటి పరిస్థితులు కనిపించాయని ఆయన తన పోస్ట్‌లో గుర్తుచేశారు. ఆ తర్వాత 1980 మార్కెట్‌ కల్లోలం, డాట్‌కామ్‌ బబుల్‌ పతనం, 2008 ఆర్థిక సంక్షోభం వంటి పరిణామాలు చోటుచేసుకున్నాయని పేర్కొన్నారు.ద్రవ్యోల్బణం మాత్రమే కాదు.. నమ్మకం కోల్పోతున్నారా?బంగారం, వెండి, రాగి ధరలు ఒకేసారి పెరగడం కేవలం ద్రవ్యోల్బణానికి సంబంధించిన సంకేతం కాకపోవచ్చని కియోసాకి అభిప్రాయపడ్డారు. ఆర్థిక వ్యవస్థలోని వివిధ ఆస్తులు, కరెన్సీలపై ప్రజలు గతంలో ఉన్నంత నమ్మకంతో లేకపోవడానికి ఇది సంకేతం కావచ్చని అన్నారు. స్టాక్స్, బాండ్లు, కరెన్సీలు అన్నీ ఒక రకంగా భవిష్యత్తుపై ఆధారపడిన ‘వాగ్దానాలు’ వంటివేనని, నమ్మకం తగ్గినప్పుడు పెట్టుబడులు హార్డ్‌ అసెట్స్‌ వైపు మళ్లే అవకాశం ఉందని వివరించారు.ఇదే సమయంలో ప్రపంచవ్యాప్తంగా కేంద్ర బ్యాంకులు భారీగా బంగారాన్ని కొనుగోలు చేస్తున్న విషయాన్ని కూడా ఆయన ప్రస్తావించారు. 2022, 2023 సంవత్సరాల్లో కేంద్ర బ్యాంకులు ఒక్కో ఏడాది 1,000 టన్నులకు పైగా బంగారాన్ని కొనుగోలు చేశాయని కియోసాకి పేర్కొన్నారు. ఇది చరిత్రలోనే అతిపెద్ద కొనుగోలు దశల్లో ఒకటిగా ఆయన అభివర్ణించారు.భయపడొద్దు.. సిద్ధంగా ఉండాలిప్రస్తుత పరిణామాలు మార్కెట్లు ‘పానిక్‌’లో ఉన్నాయని చెప్పడం లేదని, అయితే పెట్టుబడిదారులకు ‘సిద్ధంగా ఉండండి’ అనే సంకేతాన్ని ఇస్తుండవచ్చని కియోసాకి అన్నారు. బంగారానికి ప్రభుత్వ హామీ అవసరం లేదని, వెండికి కూడా ప్రభుత్వ వాగ్దానంపై ఆధారపడాల్సిన అవసరం లేదని పేర్కొన్నారు. రాగికి పారిశ్రామికంగా నిరంతర డిమాండ్‌ ఉందని తెలిపారు.ఈ పరిణామాలను అర్థం చేసుకునే వారు భయపడరని, భవిష్యత్తు కోసం ముందుగానే సిద్ధమవుతారని కియోసాకి చెప్పారు. ఆర్థిక స్థిరత్వాన్ని సహజంగా భావించకుండా, అనిశ్చిత పరిస్థితులను ఎదుర్కొనేలా తమ ఆర్థిక వ్యవస్థను బలోపేతం చేసుకోవడం ముఖ్యమని సూచించారు.

ప్రపంచవ్యాప్తంగా బంగారం ధరలు ఆగస్టులో భారీగా పుంజుకున్నాయి. వరల్డ్ గోల్డ్ కౌన్సిల్ (WGC) ప్రకారం.. 2026 ఆగస్టులో బంగారం ధర 13 శాతం పెరిగి ఔన్స్‌కు 4,563 డాలర్ల వద్ద నెలను ముగించింది. గత 25 ఏళ్లలో నమోదైన మూడో అత్యధిక నెలవారీ రాబడి ఇదేనని వరల్డ్ గోల్డ్ కౌన్సిల్ వెల్లడించింది.ఈ పెరుగుదలకు ప్రధాన కారణం విస్తృతంగా జరిగిన గోల్డ్ ఈటీఎఫ్‌ (Gold ETF) కొనుగోళ్లేనని వరల్డ్ గోల్డ్ కౌన్సిల్ తాజాగా విడుదల చేసిన 'గోల్డ్ మార్కెట్ కామెంటరీ'లో పేర్కొంది. బలహీనపడిన అమెరికా డాలర్ కూడా బంగారం ధరలకు మద్దతుగా నిలిచిందని తెలిపింది. ఈటీఎఫ్‌లలోకి భారీగా పెట్టుబడులు రావడంతో పాటు, బంగారం ఆప్షన్లలో కొనుగోళ్లు పెరగడం కూడా ధరల పెరుగుదలకు దోహదం చేసినట్లు గోల్డ్ కౌన్సిల్ వివరించింది.ఆగస్టులో యూరప్ గోల్డ్ ఈటీఎఫ్‌ల్లోకి 7.9 బిలియన్ డాలర్లు, ఉత్తర అమెరికా ఈటీఎఫ్‌ల్లోకి 7.8 బిలియన్ డాలర్లు ప్రవహించాయి. ఆసియా ఈటీఎఫ్‌లు మరో 2 బిలియన్ డాలర్ల పెట్టుబడులను ఆకర్షించాయి. ఇదే సమయంలో COMEXలో నెట్ మేనేజ్డ్ మనీ పొజిషనింగ్ 13 బిలియన్ డాలర్లు పెరిగినట్లు గోల్డ్ కౌన్సిల్ తెలిపింది.సెప్టెంబర్‌లో ఏం జరగొచ్చు?ప్రస్తుతం మార్కెట్ దృష్టి అమెరికా ఫెడరల్ రిజర్వ్ సెప్టెంబర్‌లో తీసుకునే వడ్డీ రేటు నిర్ణయంపై ఉంది. అమెరికా ఆర్థిక గణాంకాలు, ద్రవ్యోల్బణంపై ఆందోళనలు, భౌగోళిక రాజకీయ పరిణామాలు బంగారం ధరలపై ప్రభావం చూపే అవకాశం ఉందని వరల్డ్ గోల్డ్ కౌన్సిల్ పేర్కొంది. అమెరికా-ఇరాన్ ఉద్రిక్తతలు, ఫెడ్ చైర్ వార్ష్ హాకిష్ వ్యాఖ్యలు, జాక్సన్ హోల్ సింపోజియం పరిణామాలు కూడా మార్కెట్ అంచనాలను ప్రభావితం చేస్తున్నాయి.ఇదీ చదవండి: ఆధార్‌కు భారీ అప్‌గ్రేడ్.. ఇక మూడింతలు!

దేశీయ స్టాక్‌ మార్కెట్లు బుధవారం నష్టాలలో ముగిశాయి. పెరుగుతున్న అమెరికా-ఇరాన్ ఉద్రిక్తతల నేపథ్యంలో బ్రెంట్ క్రూడ్ ఆయిల్‌ బ్యారెల్ కు 100 డాలర్లను తాకడంతో భారత బెంచ్ మార్క్ సూచీలు ప్రభావితమయ్యాయి. మూడవ రోజు కూడా క్షీణించాయి. సెన్సెక్స్ 813.35 పాయింట్లు లేదా 1.08 శాతం క్షీణించి 74,764.23 వద్ద, నిఫ్టీ 203.60 పాయింట్లు లేదా 0.86 శాతం క్షీణించి 23,431.50 వద్ద ముగిసింది.ఇన్ఫోసిస్, హెచ్‌సీఎల్ టెక్నాలజీస్, టెక్ మహీంద్రా స్టాక్‌లు నిఫ్టీ 50 ఇండెక్స్ లో టాప్ లూజర్స్ గా నిలిచాయి. విస్తృత మార్కెట్లలో నిఫ్టీ మిడ్ క్యాప్ 0.51 శాతం, నిఫ్టీ స్మాల్ క్యాప్ 0.48 శాతం తగ్గాయి. రంగాల వారీగా చూస్తే నిఫ్టీ ఐటీ అత్యంత క్షీణించి 3 శాతానికి పైగా నష్టపోయింది. నిఫ్టీ రియాల్టీ కూడా తక్కువ పనితీరు కనబరిచింది. నిఫ్టీ మెటల్ మాత్రం అవుట్ పెర్ఫార్మ్ చేసింది.

ఇటీవల కాలంలో స్థిర ఆదాయం సమకూర్చే కమోడిటీ మార్కెట్లపైపు పెట్టుబడిదారులు మొగ్గు చూపుతున్నారు. అందులో భాగంగా బంగారం ధరల్లో మార్పులు వస్తున్నాయని నిపుణులు చెబుతున్నారు. గత కొన్ని రోజులుగా బంగారం ధరలు(Today Gold Rate) ఒడిదొడుకులకు లోనవుతున్నాయి. దేశంలోని ప్రధాన నగరాల్లో నేడు బంగారం, వెండి ధరలు(Today Silver Rate) ఎలా ఉన్నాయో కింద తెలుసుకుందాం.

దేశీయ స్టాక్‌ మార్కెట్‌ సూచీలు బుధవారం నష్టాల్లో కదలాడుతున్నాయి. ఈరోజు ఉదయం 09:20 సమయానికి నిఫ్టీ(Nifty) 135 పాయింట్లు తగ్గి 23,502 వద్దకు చేరింది. సెన్సెక్స్‌(Sensex) 531 పాయింట్లు నష్టపోయి 75,045 వద్ద ట్రేడవుతోంది.అమెరికా డాలర్‌ ఇండెక్స్‌(USD Index) 98.81బ్రెంట్‌ క్రూడ్‌ఆయిల్‌ బ్యారెల్‌ ధర 99.3 డాలర్లుయూఎస్‌ 10 ఏళ్ల బాండ్‌ ఈల్డ్‌లు 4.8 శాతానికి చేరాయి.గడిచిన సెషన్‌లో యూఎస్‌ ఎస్‌ అండ్‌ పీ 0.58 శాతం నష్టపోయింది.నాస్‌డాక్‌ 0.32 శాతం పడిపోయింది.Today Nifty position 09-09-2026(time: 09:31 am)(Disclaimer: మార్కెట్ గురించి సాక్షి వెబ్ సైట్లో నిపుణులు వెల్లడించే అభిప్రాయాలు వారి పరిశీలన, అంచనాలను బట్టి ఉంటాయి. ఇన్వెస్టర్లకు ఇది కేవలం విషయ అవగాహన మాత్రమే తప్ప.. వారు పెట్టే పెట్టుబడులకు సాక్షి మీడియా గ్రూపు ఎలాంటి హామీ ఇవ్వదు.)

రియల్ ఎస్టేట్ ఎప్పుడూ.. పెడుతూనే ఉంటుందని చాలామంది భావిస్తారు. కానీ, ఇది అన్ని ప్రాంతాలకు వర్తించదని రాబర్ట్ కియోసాకి అంటున్నారు. దీనికి కారణం ఏమిటి?, ప్రస్తుతం రియల్ ఎస్టేట్ పరిస్థితి ఎలా ఉందనే విషయాలను ఈ కథనంలో తెలుసుకుందాం.రాబర్ట్ కియోసాకి ప్రకారం.. గతంలో జనాభా పెరుగుదల, తగ్గిన వడ్డీ రేట్లు, తక్కువ ఇన్సూరెన్స్ ఖర్చులు వంటి అంశాలు ప్రాపర్టీ మార్కెట్‌కు అనుకూలంగా ఉండేవి. కానీ.. ఇప్పుడు పరిస్థితులు మారిపోయాయి. కాబట్టి ఏ ప్రాపర్టీ కొన్నా భవిష్యత్తులో లాభమే వస్తుందని అనుకోవడం తప్పు.రియల్ ఎస్టేట్‌.. రెండు రకాలు!ప్రస్తుతం రియల్ ఎస్టేట్‌ను రెండు రకాలుగా చూడాలి. ఉద్యోగాలు, జనాభా, ఆదాయాలు పెరుగుతున్న మంచి ప్రాంతాల్లో ప్రాపర్టీలకు డిమాండ్ కొనసాగుతుంది. మరోవైపు.. జనాభా తగ్గుతున్న ప్రాంతాలు, ఉద్యోగ అవకాశాలు తక్కువగా ఉన్న ప్రాంతాల్లో ప్రాపర్టీ విలువ పెరగకపోవచ్చు. ఇలాంటి ప్రాంతాల్లో ట్యాక్స్, ఇన్సూరెన్స్, మెయింటెనెన్స్ ఖర్చులు మాత్రం పెరిగే అవకాశం ఉంటుంది.ప్రాపర్టీ అంటే కేవలం ఆస్తి కాదుఇల్లు లేదా భూమిని కొనుగోలు చేసిన తర్వాత దాని బాధ్యత కూడా మనదే. ట్యాక్స్‌లు, ఇన్సూరెన్స్, రిపేర్లు, మెయింటెనెన్స్ వంటి ఖర్చులను భరించాలి. ప్రాపర్టీ విలువ పెద్దగా పెరగకపోయినా.. ఈ ఖర్చులు పెరుగుతుంటే యజమానికి నెమ్మదిగా నష్టం రావచ్చు. అందుకే ప్రాపర్టీ కొనడం అంటే కేవలం పెట్టుబడి పెట్టడం కాదు.. దాని భవిష్యత్ బాధ్యతను కూడా తీసుకోవడం.పెద్ద ఇన్వెస్టర్లు ఏం చూస్తారు?పెద్ద పెట్టుబడిదారులు ప్రాపర్టీ కొనేటప్పుడు కేవలం 'ధర తక్కువగా ఉందా?' అని చూడరు. రాబోయే పదేళ్లలో ఈ ఆస్తికి డిమాండ్ ఉంటుందా, ఇన్సూరెన్స్ లభిస్తుందా, ట్యాక్స్‌లు ఎంత పెరుగుతాయి, అద్దె ఆదాయం ఎలా ఉంటుంది, అవసరమైనప్పుడు సులభంగా అమ్మగలమా వంటి విషయాలను పరిశీలిస్తారు. అంటే.. లాభం కంటే ముందు రిస్క్‌ను అర్థం చేసుకోవడానికే ప్రాధాన్యత ఇస్తారు.రియల్ ఎస్టేట్ ఇప్పటికీ సంపదను సృష్టించగల పెట్టుబడే. కానీ.. ఏ ప్రాపర్టీ అయినా సంపదను పెంచుతుందని నమ్మడం మాత్రం ప్రమాదకరం. సరైన ప్రాంతం, బలమైన డిమాండ్, భవిష్యత్ ఖర్చులు, రిస్క్‌లను అర్థం చేసుకుని పెట్టుబడి పెట్టాలి.

ముఖేష్ అంబానీకి చెందిన రిలయన్స్ ఇండస్ట్రీస్ దాదాపు మూడేళ్ల తర్వాత.. మళ్లీ ఇండియా రుపీ బాండ్ మార్కెట్‌లోకి అడుగుపెట్టేందుకు సిద్ధమవుతోంది. ఇందులో భాగంగానే.. కంపెనీ భారీ మొత్తంలో నిధులను సమీకరించేందుకు ప్రయత్నిస్తున్నట్లు సమాచారం. ఈ బాండ్ ఇష్యూ పూర్తయితే, 2023 నవంబర్ తర్వాత ఒక రేటెడ్ కంపెనీ చేపట్టే అతిపెద్ద సింగిల్-ట్రాంచ్ ఫండ్ రైజింగ్‌గా నిలిచే అవకాశం ఉంది.రూ.12,500 కోట్ల సమీకరణరిలయన్స్ ఇండస్ట్రీస్ సుమారు రూ.12,500 కోట్లను సమీకరించాలని చూస్తోంది. ఇందుకోసం ఐదేళ్ల కాలపరిమితి ఉన్న బాండ్లను జారీ చేయనుంది. ఈ బాండ్లపై ఏడాదికి 7.47 శాతం వడ్డీ చెల్లించే అవకాశం ఉంది. ఇన్వెస్టర్ల నుంచి బిడ్లను సెప్టెంబర్ 18తో ముగిసే వారంలో ఆహ్వానించే అవకాశం ఉందని సమాచారం.2023 తర్వాత తొలిసారిరిలయన్స్ ఇండస్ట్రీస్ చివరిసారిగా 2023 నవంబర్‌లో దేశీయ రూపాయి బాండ్ మార్కెట్ ద్వారా నిధులు సమీకరించింది. అప్పుడు కంపెనీ ఏకంగా రూ.20,000 కోట్లను సమీకరించింది. దీంతో ఇది భారతదేశంలో నాన్-ఫైనాన్షియల్ కంపెనీ చేపట్టిన అతిపెద్ద లోకల్ కరెన్సీ డెట్ ఇష్యూగా నిలిచింది. ఇప్పుడు మరోసారి భారీ మొత్తంలో నిధులు సమీకరించేందుకు రిలయన్స్ సిద్ధమవుతుండటం మార్కెట్‌లో ఆసక్తిని పెంచుతోంది.రూపాయి బాండ్ల వైపు ఎందుకు?ప్రస్తుతం భారత్‌లో ఐదేళ్ల వరకు ఉన్న బాండ్లపై వడ్డీ రేట్లు గణనీయంగా తగ్గాయి. దీంతో డాలర్లలో రుణాలు తీసుకోవడం కంటే రూపాయిల్లో బాండ్లు జారీ చేసి నిధులు సమీకరించడం కంపెనీలకు చౌకగా మారింది.జూన్ ప్రారంభం నుంచి ఐదేళ్ల ప్రభుత్వ బాండ్ రాబడి దాదాపు 33 బేసిస్ పాయింట్లు తగ్గింది. దీనికి ప్రధాన కారణాల్లో ఒకటి దేశంలోకి వచ్చిన భారీ డాలర్ ప్రవాహాలు. అదే సమయంలో అమెరికా ట్రెజరీ బాండ్లపై వడ్డీ రేట్లు పెరగడంతో డాలర్లలో రుణాలు తీసుకోవడం భారతీయ కంపెనీలకు మరింత ఖరీదుగా మారింది. ఈ పరిస్థితి కూడా రిలయన్స్ వంటి సంస్థలను దేశీయ బాండ్ మార్కెట్ వైపు ఆకర్షిస్తోంది.10 ఏళ్ల బాండ్స్ఈ బాండ్ ఇష్యూకు కొన్ని పెద్ద ప్రైవేట్ బ్యాంకులు అరేంజర్లుగా వ్యవహరించనున్నాయి. అంతేకాకుండా.. ఈ బాండ్లలో కొంత భాగాన్ని ఆ బ్యాంకులే కొనుగోలు చేసే అవకాశం కూడా ఉందని సమాచారం. ఐదేళ్ల బాండ్లతో పాటు 10 ఏళ్ల కాలపరిమితి ఉన్న బాండ్లను కూడా జారీ చేయాలా అనే విషయంపై రిలయన్స్ ఆలోచిస్తోంది. ఇందుకోసం బ్యాంకర్లు, ఇన్వెస్టర్లతో కంపెనీ చర్చలు జరుపుతున్నట్లు తెలుస్తోంది.

మంగళవారం ఉదయం నష్టాల్లో ప్రారంభమైన దేశీయ స్టాక్ మార్కెట్లు.. ట్రేడింగ్ క్లోజ్ అయ్యే సమయానికి భారీ నష్టాలను చవిచూశాయి. సెన్సెక్స్ 555.23 పాయింట్లు లేదా 0.73 శాతం నష్టంతో 75,577.58 వద్ద, నిఫ్టీ 144.05 పాయింట్లు లేదా 0.61 శాతం నష్టంతో 23,635.10 వద్ద నిలిచాయి.జీఈ వెర్నోవా టి&డి ఇండియా లిమిటెడ్, డేటా ప్యాటర్న్స్ (ఇండియా) లిమిటెడ్, పీవీఆర్ ఐనాక్స్ లిమిటెడ్ వంటి కంపెనీలు టాప్ గెయినర్స్ జాబితాలో చేరాయి. ఐడీబీఐ బ్యాంక్ లిమిటెడ్, అఫ్కాన్స్ ఇన్ఫ్రాస్ట్రక్చర్ లిమిటెడ్, సోనాటా సాఫ్ట్‌వేర్ లిమిటెడ్ సంస్థలు నష్టాలను చవిచూశాయి.(Disclaimer: మార్కెట్ గురించి సాక్షి వెబ్‌సైట్‌లో నిపుణులు వెల్లడించే అభిప్రాయాలు వారి పరిశీలన, అంచనాలను బట్టి ఉంటాయి. ఇన్వెస్టర్లకు ఇది కేవలం విషయ అవగాహన మాత్రమే తప్ప.. వారు పెట్టే పెట్టుబడులకు సాక్షి మీడియా గ్రూపు ఎలాంటి హామీ ఇవ్వదు.)

భారత్‌లో వినియోగ మార్కెట్‌ తీరు వేగంగా మారుతోంది. వినియోగ మార్కెట్ అంటే సామాన్యులు తమ రోజువారీ సొంత అవసరాల కోసం వస్తువులు, సేవలను కొనుగోలు చేసే మార్కెట్. వస్తువులను వీళ్లు వ్యాపారం చేయడానికి కొనరు. తమ సొంత వినియోగం కోసం మాత్రమే కొంటారు. ఇప్పటివరకు ముంబై, బెంగళూరు, ఢిల్లీ, చెన్నై, హైదరాబాద్‌, కోల్‌కతా వంటి మహానగరాల చుట్టూనే అధిక వినియోగం కనిపించేది. ఇప్పుడు సూరత్‌ ఈ తీరును మార్చుతోంది. దేశంలోని టాప్‌ వినియోగ మార్కెట్లలో సూరత్‌ 7వ స్థానంలో ఉంది. ఆరు పెద్ద మహానగరాల తర్వాత ఇది అతిపెద్ద మార్కెట్‌గా నిలిచింది. సూరత్‌ వినియోగ మార్కెట్‌ విలువ 34 బిలియన్‌ డాలర్లుగా ఉంది. అహ్మదాబాద్‌, పుణె కంటే ఇది ముందుంది. ‘ది మెనీ అర్బన్‌ ఇండియాస్‌’ నివేదిక ప్రకారం సూరత్‌లో కుటుంబానికి సగటు వినియోగం బెంగళూరును కూడా మించింది.దేశంలోని 100 నగరాల మొత్తం వార్షిక వినియోగం 844 బిలియన్‌ డాలర్లుగా ఉండగా, ఆరు పెద్ద మహానగరాలు ఇందులో 46 శాతం వాటా కలిగి ఉన్నాయి. అయితే సూరత్‌ వంటి అభివృద్ధి చెందుతున్న నగరాల్లో వినియోగం మరింత వేగంగా పెరుగుతోంది. ఈ నగరాల్లో గృహ వ్యయం ఏటా 10.4 శాతం పెరుగుతుండగా, దేశవ్యాప్తంగా వృద్ధి 8.5 శాతంగా ఉంది. సూరత్‌ను 19 వేగంగా అభివృద్ధి చెందుతున్న ‘బూమ్‌టౌన్‌’ నగరాల్లో చేర్చారు. పుణె, అహ్మదాబాద్‌, లక్నో, కోయంబత్తూరు, జైపూర్‌, ఇండోర్‌, వడోదర ఈ జాబితాలో ఉన్నాయి.సూరత్‌ సగటు కుటుంబ ఆదాయం హైదరాబాద్‌, చెన్నై, కోల్‌కతా కంటే ఎక్కువగా ఉంది. వస్త్ర పరిశ్రమ, వజ్రాల వ్యాపారం, వలస జనాభా ఆర్థిక స్థాయి పెరగడం ఈ ఆదాయ వృద్ధికి ప్రధాన కారణాలుగా నివేదిక పేర్కొంది. దేశంలోని టాప్‌ 100 నగరాల్లో రూ.6 లక్షల నుంచి రూ.36 లక్షల వరకు వార్షిక ఆదాయం పొందే మధ్యతరగతి కుటుంబాల వాటా గత దశాబ్దంలో 29 శాతం నుంచి 53 శాతానికి పెరిగింది. 2030-31 నాటికి ఇది 60 శాతానికి చేరుతుందని అంచనా. రూ.36 లక్షలకు పైగా ఆదాయం ఉన్న కుటుంబాల వాటా 3 శాతం నుంచి 12 శాతానికి పెరిగింది.సూరత్‌లో పెరుగుతున్న ఆదాయం వినియోగ అలవాట్లపైనా ప్రభావం చూపుతోంది. 2025-26లో బూమ్‌టౌన్‌ నగరాల్లో మొత్తం ఖర్చు రూ.20.1 లక్షల కోట్లు కాగా, కుటుంబానికి సగటు వ్యయం రూ.12.2 లక్షలుగా ఉంది. ఈ ఖర్చులో ఆహారానికి 31.1 శాతం, ఇల్లు-యుటిలిటీలకు 25.8 శాతం, రవాణాకు 19.2 శాతం, విద్యకు 6.8 శాతం వెచ్చిస్తున్నారు. కార్ల వినియోగం 32 శాతానికి, మోటార్‌సైకిళ్ల వినియోగం 72 శాతానికి చేరింది. వాషింగ్‌ మెషీన్‌, మైక్రోవేవ్‌ వినియోగం కూడా పెద్ద మహానగరాల కంటే ఎక్కువగా ఉంది.ఈ మార్పులు సూరత్‌ మాత్రమే కాకుండా దేశంలోని అభివృద్ధి చెందుతున్న నగరాల్లో కొత్త వినియోగ అవకాశాలు పెరుగుతున్నాయనే సంకేతాన్ని ఇస్తున్నాయి. పెరుగుతున్న ఆదాయం, యువ జనాభా, బలమైన రిటైల్‌-సేవల వ్యవస్థ నేపథ్యంలో రాబోయే సంవత్సరాల్లో వినియోగ వస్తువులు, జీవనశైలి ఉత్పత్తులు, గృహ రంగాల్లో ఈ నగరాల ప్రాధాన్యం మరింత పెరిగే అవకాశం ఉంది.

ఇటీవల కాలంలో స్థిర ఆదాయం సమకూర్చే కమోడిటీ మార్కెట్లపైపు పెట్టుబడిదారులు మొగ్గు చూపుతున్నారు. అందులో భాగంగా బంగారం ధరల్లో మార్పులు వస్తున్నాయని నిపుణులు చెబుతున్నారు. గత కొన్ని రోజులుగా బంగారం ధరలు(Today Gold Rate) ఒడిదొడుకులకు లోనవుతున్నాయి. దేశంలోని ప్రధాన నగరాల్లో నేడు బంగారం, వెండి ధరలు(Today Silver Rate) ఎలా ఉన్నాయో కింద తెలుసుకుందాం.

దేశీయ స్టాక్‌ మార్కెట్‌ సూచీలు మంగళవారం నష్టాల్లో కదలాడుతున్నాయి. ఈరోజు ఉదయం 09:31 సమయానికి నిఫ్టీ(Nifty) 107 పాయింట్లు తగ్గి 23,673 వద్దకు చేరింది. సెన్సెక్స్‌(Sensex) 402 పాయింట్లు నష్టపోయి 75,719 వద్ద ట్రేడవుతోంది.అమెరికా డాలర్‌ ఇండెక్స్‌(USD Index) 98.83బ్రెంట్‌ క్రూడ్‌ఆయిల్‌ బ్యారెల్‌ ధర 97.4 డాలర్లుయూఎస్‌ 10 ఏళ్ల బాండ్‌ ఈల్డ్‌లు 4.78 శాతానికి చేరాయి.గడిచిన సెషన్‌లో యూఎస్‌ ఎస్‌ అండ్‌ పీ 0.38 శాతం నష్టపోయింది.నాస్‌డాక్‌ 0.29 శాతం పడిపోయింది.Today Nifty position 08-09-2026(time: 09:31 am)(Disclaimer: మార్కెట్ గురించి సాక్షి వెబ్ సైట్లో నిపుణులు వెల్లడించే అభిప్రాయాలు వారి పరిశీలన, అంచనాలను బట్టి ఉంటాయి. ఇన్వెస్టర్లకు ఇది కేవలం విషయ అవగాహన మాత్రమే తప్ప.. వారు పెట్టే పెట్టుబడులకు సాక్షి మీడియా గ్రూపు ఎలాంటి హామీ ఇవ్వదు.)

డిజిటల్‌ విధానంలో పసిడి, వెండిని కొనుగోలు చేసేందుకు ఉపయోగపడేలా ’షగున్‌ సిప్‌’ను ప్రవేశపెట్టినట్లు యాక్సిస్‌ ఎంఎఫ్‌ వెల్లడించింది.యాక్సిస్‌ గోల్డ్‌ ఫండ్, యాక్సిస్‌ సిల్వర్‌ ఫండ్‌ ఆఫ్‌ ఫండ్‌లలో గ్రాముల లెక్కన పెట్టుబడులు పెట్టేందుకు ఈ తరహా డిజిటల్‌ సిప్‌ ఫీచరును ప్రవేశ పెట్టడం పరిశ్రమలోనే ఇది తొలిసారని పేర్కొంది. 25 కేజీల దాకా బంగారం, 50 కేజీల వరకు వెండి కొనుగోలు కు అవసరమయ్యే మొత్తాన్ని పోగు చేసుకునేందుకు ఇది ఉపయోగపడుతుంది. డిజిటల్‌గా ఇన్వెస్ట్‌ చేయడంతో ఫిజి కల్‌ రూపంలో అదనపు వ్యయాలు, భద్రపర్చు కోవాల్సిన భారం ఉండదని సంస్థ తెలిపింది.

సోమవారం ఉదయం నష్టాల్లో ప్రారంభమైన దేశీయ స్టాక్ మార్కెట్లు, ట్రేడింగ్ క్లోజ్ అయ్యే సమయానికి నష్టాల్లోనే ముగిసింది. సెన్సెక్స్ 382.62 పాయింట్లు లేదా 0.50 శాతం నష్టంతో 76,132.81 వద్ద, నిఫ్టీ 118.55 పాయింట్లు లేదా 0.50 శాతం నష్టంతో 23,779.15 వద్ద నిలిచాయి.జైడస్ వెల్నెస్ లిమిటెడ్, టేగా ఇండస్ట్రీస్ లిమిటెడ్, జైడస్ లైఫ్‌సైన్సెస్ లిమిటెడ్ వంటి కంపెనీలు టాప్ గెయినర్స్ జాబితాలో చేరాయి. స్టీల్ అథారిటీ ఆఫ్ ఇండియా (SAIL) లిమిటెడ్, సన్ టీవీ నెట్‌వర్క్ లిమిటెడ్, తేజస్ నెట్‌వర్క్స్ లిమిటెడ్ వంటివి నష్టాల జాబితాలో నిలిచాయి.(Disclaimer: మార్కెట్ గురించి సాక్షి వెబ్‌సైట్‌లో నిపుణులు వెల్లడించే అభిప్రాయాలు వారి పరిశీలన, అంచనాలను బట్టి ఉంటాయి. ఇన్వెస్టర్లకు ఇది కేవలం విషయ అవగాహన మాత్రమే తప్ప.. వారు పెట్టే పెట్టుబడులకు సాక్షి మీడియా గ్రూపు ఎలాంటి హామీ ఇవ్వదు.)

ఇటీవల కాలంలో స్థిర ఆదాయం సమకూర్చే కమోడిటీ మార్కెట్లపైపు పెట్టుబడిదారులు మొగ్గు చూపుతున్నారు. అందులో భాగంగా బంగారం ధరల్లో మార్పులు వస్తున్నాయని నిపుణులు చెబుతున్నారు. గత కొన్ని రోజులుగా బంగారం ధరలు(Today Gold Rate) ఒడిదొడుకులకు లోనవుతున్నాయి. దేశంలోని ప్రధాన నగరాల్లో నేడు బంగారం, వెండి ధరలు(Today Silver Rate) ఎలా ఉన్నాయో కింద తెలుసుకుందాం.

దేశీయ స్టాక్‌ మార్కెట్‌ సూచీలు సోమవారం నష్టాల్లో కదలాడుతున్నాయి. ఈరోజు ఉదయం 09:43 సమయానికి నిఫ్టీ(Nifty) 61 పాయింట్లు తగ్గి 23,836 వద్దకు చేరింది. సెన్సెక్స్‌(Sensex) 188 పాయింట్లు నష్టపోయి 76,336 వద్ద ట్రేడవుతోంది.అమెరికా డాలర్‌ ఇండెక్స్‌(USD Index) 99.18బ్రెంట్‌ క్రూడ్‌ఆయిల్‌ బ్యారెల్‌ ధర 97.12 డాలర్లుయూఎస్‌ 10 ఏళ్ల బాండ్‌ ఈల్డ్‌లు 4.78 శాతానికి చేరాయి.గడిచిన సెషన్‌లో యూఎస్‌ ఎస్‌ అండ్‌ పీ 0.38 శాతం నష్టపోయింది.నాస్‌డాక్‌ 0.29 శాతం పడిపోయింది.Today Nifty position 07-09-2026(time: 09:43 am)(Disclaimer: మార్కెట్ గురించి సాక్షి వెబ్ సైట్లో నిపుణులు వెల్లడించే అభిప్రాయాలు వారి పరిశీలన, అంచనాలను బట్టి ఉంటాయి. ఇన్వెస్టర్లకు ఇది కేవలం విషయ అవగాహన మాత్రమే తప్ప.. వారు పెట్టే పెట్టుబడులకు సాక్షి మీడియా గ్రూపు ఎలాంటి హామీ ఇవ్వదు.)

ప్రైమరీ మార్కెట్ల జోరు కొనసాగుతోంది. గత నెల(ఆగస్ట్‌)లో ఏకంగా 23 కంపెనీలు లిస్టింగ్‌కాగా.. వచ్చే వారం మరో 11 ఐపీవోలు ప్రారంభకానున్నాయి. 7–15 మధ్య చేపట్టనున్న ఇష్యూల ద్వారా ఇవి ఉమ్మడిగా రూ. 7,055 కోట్లు సమీకరించే యోచనలో ఉన్నాయి. మొత్తం రూ. 7,055 కోట్లలో రూ. 2,722 కోట్లు(39 శాతం) తాజా ఈక్విటీ జారీకాగా.. మరో రూ. 4,333 కోట్ల విలువైన షేర్లను ప్రస్తుత వాటాదారులు విక్రయానికి ఉంచనున్నారు. మంగళ, బుధ వారాల్లో అధిక ఇష్యూలు మార్కెట్లను పలకరించనున్నాయి. జాబితాలో రియల్టీ డెవలపర్స్, ఇంజినీరింగ్, తయారీ, పేమెంట్స్, స్పెషాలిటీ కెమికల్స్, ఆన్‌లైన్‌ రిటైల్‌ ప్లాట్‌ఫామ్‌ తదితర కంపెనీలున్నాయి. వీటితో కలిపి ఈ ఏడాది 75 కంపెనీలు నిధుల సమీకరణ బాటలో సాగినట్లు నమోదుకానుంది. వివరాలు చూద్దాం.. ప్రణవ్‌ కన్‌స్ట్రక్షన్స్‌తో షురూ నేడు(7న) ప్రణవ్‌ కన్‌స్ట్రక్షన్స్‌ ఐపీవో ప్రారంభంకానుంది. 9న ముగియనున్న ఇష్యూ ద్వారా రూ. 351 కోట్లు సమీకరించనుంది. రేపు(8న) కనోహర్‌ ఎలక్ట్రికల్స్, ప్రసోల్‌ కెమికల్స్, గ్లాస్‌వాల్‌ సిస్టమ్స్‌(ఇండియా) ఇష్యూలు షురూకానుండగా.. 9న స్టీమ్‌హౌస్‌ ఇండియా, 10న వీగాలాండ్‌ డెవలపర్స్‌ మార్కెట్లను తాకనున్నాయి. ధరల శ్రేణి తీరిలా ప్రణవ్‌ కన్‌స్ట్రక్షన్స్‌ ఐపీవోకు ధరల శ్రేణి రూ. 118–124కాగా.. రూ. 316 కోట్ల విలువైన ఈక్విటీని తాజాగా జారీ చేయనుంది. వీటికి జతగా రూ. 35 కోట్ల విలువైన మరో 28.57 లక్షల షేర్లను ఆఫర్‌ చేయనుంది. కనోహర్‌ ఎలక్ట్రికల్స్‌ రూ. 601–632 ధరల శ్రేణిలో రూ. 1,056 కోట్ల సమీకరణపై కన్నేసింది. ప్రసోల్‌ కెమికల్స్‌ రూ. 643–676 ధరల శ్రేణి నిర్ణయించడం ద్వారా రూ. 500 కోట్లు అందుకోనుంది. ఈక్విటీ జారీతో రూ. 80 కోట్లు, ఆఫర్‌ ఫర్‌ సేల్‌ ద్వారా మరో రూ. 420 కోట్లు సమీకరించనుంది. గ్లాస్‌వాల్‌ సిస్టమ్స్‌ రూ. 172–182 ధరల శ్రేణితో రూ. 428 కోట్ల సమీకరణకు రెడీ అయ్యింది. వీగాలాండ్‌ సైతం ఆర్సిల్‌ రూ. 132–139 ధరల శ్రేణిలో రూ. 733 కోట్ల సమీకరణకు సిద్ధపడింది. పూర్తిగా ప్రస్తుత వాటాదారు సంస్థలు షేర్లను విక్రయించనున్నాయి. ఇక రూ. 427 కోట్ల సమీకరణకుగాను ఎల్‌సీసీ ప్రాజెక్ట్స్‌ రూ. 139–146 ధరల శ్రేణి నిర్ణయించింది. స్టీమ్‌హౌస్‌ ఇండియా ఇష్యూలో భాగంగా రూ. 353 కోట్ల విలువైన ఈక్విటీని తాజాగా జారీ చేయనుంది. అంతేకాకుండా రూ. 61 కోట్ల విలువైన షేర్లు ఆఫర్‌ చేయనుంది. వెరసి రూ. 414 కోట్లు అందుకోవాలని చూస్తోంది. ఈ నెల 10న ప్రారంభమై 15న ముగియనున్న ఐపీవో ద్వారా వీగాలాండ్‌ డెవలపర్స్‌ రూ. 210 కోట్లు సమీకరించనుంది. → ఈక్విటీ జారీ నిధులను వ్యాపార విస్తరణ, పెట్టుబడి వ్యయాలు, రుణ చెల్లింపులు, వర్కింగ్‌ క్యాపిటల్‌ అవసరాలకు వినియోగించడంతోపాటు.. సాధారణ కార్పొరేట్‌ అవసరాలకు సైతం కేటాయించనున్నాయి. → రేస్‌ ఆఫ్‌ బిలీప్, దీపా జ్యువెలర్స్‌ ఐపీవోలతో ఈ నెల(సెపె్టంబర్‌)లో ఐపీవోల సందడి జోరందుకున్న విషయం విదితమే. పర్పుల్‌ ల్యాబ్స్‌తో ప్రారంభించి నేటి(7) నుంచి రెండు వారాలపాటు వరుసగా ఈ కంపెనీలన్నీ స్టాక్‌ ఎక్సే్ఛంజీలో లిస్ట్‌కానుండటం గమనార్హం!రెంటోమోజో @ రూ. 384–404ఐపీవో ద్వారా రూ. 1,256 కోట్ల సమీకరణపై దృష్టి పెట్టిన రెంటోమోటో రూ. 384–404 ధరల శ్రేణి నిర్ణయించింది. ఇందుకు రూ. 150 కోట్ల విలువైన ఈక్విటీ జారీతోపాటు రూ. 1,106 కోట్ల విలువైన 2.73 కోట్ల షేర్లను విక్రయానికి ఉంచనుంది. కరంటారా ఇంజినీరింగ్‌ ఐపీవోకు ధరల శ్రేణి రూ. 241–254కాగా.. రూ. 675 కోట్ల విలువైన ఈక్విటీని తాజాగా జారీ చేయనుంది. వీటికి జతగా రూ. 200 కోట్ల విలువైన షేర్లను ఆఫర్‌ చేయనుంది. మణిపాల్‌ పేమెంట్‌ అండ్‌ ఐడెంటిటీ సొల్యూషన్స్‌ ఇష్యూకి రూ. 322–339 ధరల శ్రేణి ప్రకటించింది. రూ. 805 కోట్లు సమకూర్చుకోనుంది. ఇందుకు రూ. 320 కోట్ల విలువైన ఈక్విటీ జారీసహా రూ. 485 కోట్ల విలువైన 1.43 కోట్ల షేర్లను ఆఫర్‌ చేయనుంది.

ముంబై: ముడిచమురు ధరలు, అమెరికా ద్రవ్యోల్బణ గణాంకాలు, పశ్చిమాసియా పరిణామాలు ఈ వారం దేశీయ స్టాక్‌ మార్కెట్ల గమనాన్ని నిర్దేశించనున్నాయి. అమెరికా ట్రెజరీ బాండ్ల వేలం, యూరప్‌ దేశాల నుంచి వెలువడే ఆర్థిక గణాంకాలను కూడా ఇన్వెస్టర్లు నిశితంగా పరిశీలించనున్నారు. దేశీయంగా వచ్చే వారం (సెపె్టంబర్‌ 7–10 తేదీల మధ్య) ఏకంగా 11 కంపెనీలు ఐపీఓలకు రానుండటంతో ప్రైమరీ మార్కెట్‌పైనా ఫోకస్‌ ఉంటుంది. ఈ ఇష్యూల ద్వారా మొత్తం రూ.7,055 కోట్ల వరకు సమీకరించనున్నారు. ఈ నేపథ్యంలో దలాల్‌ స్ట్రీట్‌లో ద్రవ్య లభ్యత (లిక్విడిటీ) అంశం అత్యంత కీలకంగా మారనుంది. వీటితో పాటు విదేశీ ఇన్వెస్టర్ల లావాదేవీలు, రూపాయి విలువ ట్రేడింగ్‌పై ప్రభావాన్ని చూపనున్నాయి. ‘‘వడ్డీ రేట్లపై ఆయా దేశాల ద్రవ్య పరపతి విధాన వైఖరి, క్రూడాయిల్‌ ధరల కదలికలు, భౌగోళిక పరిమాణాలకు మార్కెట్‌ స్పందించే అవకాశం ఉంది. అంతర్జాతీయ పెరిగిన చమురు ధరలు భారత్‌లో ద్రవ్యోల్బణం, విదేశీ వాణిజ్య మారక ద్రవ్యం, కార్పొరేట్‌ లాభాలపై ప్రభావం చూపనుంది’’ అని హెచ్‌ఎస్‌టీ వెల్త్‌ సీఈవో, వ్యవస్థాపకుడు హరిసెల్వన్‌ రాధాకృష్ణన్‌ తెలిపారు. యూఎస్‌ ద్రవ్యోల్బణంపైనే ప్రధాన దృష్టి అంతర్జాతీయ స్టాక్‌ మార్కెట్ల సమీప భవిష్యత్‌ గమనాన్ని నిర్దేశించడంలో అమెరికా ద్రవ్యోల్బణ గణాంకాలు కీలకంగా మారనున్నాయి. అమెరికా ఆగస్టు ఉద్యోగాల గణాంకాలు అంచనాల కంటే బలంగా నమోదైన నేపథ్యంలో ఆర్థిక వ్యవస్థపై ఇన్వెస్టర్ల అంచనాలు మారుతున్నాయి. ఫెడ్‌ ద్రవ్య విధాన వైఖరిపై ప్రభావం చూపే అమెరికా పీపీఐ గణాంకాలు గురువారం, సీపీఐ గణాంకాలు శుక్రవారం విడుదల కానున్నాయి. ద్రవ్యోల్బణం నెలవారీగా 0.4 శాతం పెరగవచ్చని, వార్షికంగా 3.4 శాతం వద్ద ఉండొచ్చని ఆర్థికవేత్తలు అంచనా వేస్తున్నారు. అంచనాలకు మించి ద్రవ్యోల్బణం నమోదైతే ఫెడ్‌ వడ్డీ రేట్లపై కఠిన వైఖరిని కొనసాగించవచ్చన్న ఆందోళనలు పెరిగి.. ప్రపంచ మార్కెట్లలో హెచ్చుతగ్గులు అధికమయ్యే అవకాశం ఉంది.చమురు మంటలతో కంగారు జాతీయ, అంతర్జాతీయ మార్కెట్ల దిశను నిర్దేశించడంలో ముడిచమురు ధరలు ఈ వారం అత్యంత కీలకంగా మారనున్నాయి. ముఖ్యంగా గల్ఫ్‌ ప్రాంతంలో హార్మూజ్‌ జలసంధి ద్వారా జరిగే చమురు రవాణాకు అంతరాయం ఏర్పడొచ్చన్న ఆందోళనలతో క్రూడాయిల్‌ ధరలు పెరుగుతున్నాయి. అమెరికా–ఇరాన్‌ ఉద్రిక్తతలు తీవ్రం కావడంతో బ్రెంట్‌ క్రూడ్‌ బ్యారెల్‌ ధర 96 డాలర్ల స్థాయికి చేరింది. అంతర్జాతీయ ఇంధన మార్కెట్లలో భౌగోళిక రాజకీయ రిస్క్‌ పెరగడం దీనికి ప్రధాన కారణంగా నిపుణులు పేర్కొంటున్నారు. క్రూడ్‌ ధర 100 డాలర్లకు చేరువ కావడంతో ద్రవ్యోల్బణ భయాలు మళ్లీ తెరపైకి వచ్చాయి. అమ్మకాల బాటలో విదేశీ ఇన్వెస్టర్లు దేశీయ ఈక్విటీ మార్కెట్లలో విదేశీ పోర్ట్‌ఫోలియో ఇన్వెస్టర్లు (ఎఫ్‌పీఐలు) మళ్లీ అమ్మకాల బాట పట్టారు. జూలైలో రూ.20,200 కోట్లకు, ఆగస్టులో రూ.29,600 కోట్లకు పైగా పెట్టుబడులు పెట్టిన ఎఫ్‌పీఐలు.. సెపె్టంబర్‌ తొలి వారంలో రూ.7,443 కోట్ల విలువైన భారతీయ ఈక్విటీలను విక్రయించారు. క్రూడాయిల్‌ ధరల పెరుగుదల, అమెరికా బాండ్‌ ఈల్డ్స్‌ పెరగడం, డాలర్‌ బలోపేతం కావడం ఇందుకు ప్రధాన కారణాలుగా ఉన్నాయి. అయితే ప్రాథమిక మార్కెట్‌పై విదేశీ ఇన్వెస్టర్ల ఆసక్తి కొనసాగుతోందని నిపుణులు చెబుతున్నారు. రాబోయే రోజుల్లో అమెరికా–ఇరాన్‌ ఉద్రిక్తతలు, చమురు ధరలు, ఫెడ్‌ విధాన నిర్ణయాలు విదేశీ నిధుల ప్రవాహాన్ని ప్రభావితం చేయనున్నాయి.గతవారంలో రూ.15 లక్షల కోట్లు ఆవిరి క్రూడ్‌ సెగలు, ద్రవ్యోల్బణ భయాలతో ఇన్వెస్టర్లు మళ్లీ అమ్మకాలకు దిగారు. దీంతో సూచీలు వరుసగా నాలుగో వారమూ నష్టపోయాయి. సెన్సెక్స్‌ 749 పాయింట్లు, నిఫ్టీ 276 పాయింట్లు నష్టపోయాయి. ఇన్వెస్టర్ల సంపదగా భావించే బీఎస్‌ఈలో లిస్టెడ్‌ కంపెనీల మొత్తం మార్కెట్‌ విలువ గత వారంలో రూ.15 లక్షల కోట్లు తగ్గి రూ.414 లక్షల కోట్లకు దిగొచి్చంది.సాంకేతిక అంశాలు సాంకేతికంగా నిఫ్టీకి 23,800 స్థాయి అత్యంత కీలకంగా కనిపిస్తోంది. ఈ స్థాయికి దిగువన అమ్మకాల ఒత్తిడి మరింత పెరిగే అవకాశం ఉంది. ఎగువన 23,950 వద్ద తక్షణ నిరోధం ఉండగా.. దాన్ని అధిగమిస్తే 24,130 వద్ద మరో కీలక నిరోధం ఎదురుకానుంది. ఈ స్థాయినీ దాటి 24,250 పైన స్థిరపడితే మార్కెట్‌లో బుల్లిష్‌ సెంటిమెంట్‌ మరింత బలపడే అవకాశం ఉంది. సెన్సెక్స్‌కు 76,100–75,800 శ్రేణి కీలక మద్దతు ప్రాంతంగా కనిపిస్తోంది. 76,100 స్థాయి పైన నిలబడితే సూచీలో రికవరీకి అవకాశం ఉందని సాంకేతిక విశ్లేషకులు భావిస్తున్నారు.

బంగారం, వెండి ధరలు ఈ వారం కూడా తీవ్ర హెచ్చుతగ్గులకు లోనయ్యే అవకాశం ఉందని మార్కెట్ విశ్లేషకులు అంచనా వేస్తున్నారు. అమెరికా ద్రవ్యోల్బణ గణాంకాలు, ఫెడరల్ రిజర్వ్ వడ్డీ రేట్లపై అంచనాలు, ముడిచమురు ధరల కదలికలు, ఇరాన్‌-మధ్యప్రాచ్య పరిణామాలు బులియన్ మార్కెట్‌కు కీలక దిశానిర్దేశం చేయనున్నాయి. ముఖ్యంగా సెప్టెంబర్ 11న వెలువడనున్న అమెరికా ఆగస్టు వినియోగదారుల ధరల సూచీ (CPI)గణాంకాలపై ప్రపంచ మార్కెట్ల దృష్టి కేంద్రీకృతమైంది.అమెరికా ధరల సూచీపైనే ప్రధాన దృష్టిఆగస్టు వినియోగదారుల ధరల సూచీ (CPI)ని అమెరికా బ్యూరో ఆఫ్ లేబర్ స్టాటిస్టిక్స్ సెప్టెంబర్ 11న విడుదల చేయనుంది. జూలైలో అమెరికా ధరల సూచీ వార్షిక ప్రాతిపదికన 3.4 శాతం పెరగగా, ఆహారం, ఇంధన ధరలను మినహాయించిన కోర్ సూచీ 2.5 శాతంగా నమోదైంది. రానున్న సీపీఐ గణాంకాలు సెప్టెంబర్ 15-16న జరిగే ఫెడ్ సమావేశంలో వడ్డీ రేట్లపై నిర్ణయాన్ని ప్రభావితం చేసే ముఖ్యమైన అంశంగా మారనున్నాయి.ఇటీవల ఫెడ్ గవర్నర్ క్రిస్టోఫర్ వాలర్ ద్రవ్యోల్బణం మరింత తగ్గితే సెప్టెంబర్‌లో వడ్డీ రేట్లను ప్రస్తుత స్థాయిలోనే కొనసాగించడానికి తాను సిద్ధంగా ఉన్నట్లు సంకేతాలు ఇచ్చారు. దీంతో రేటు పెంపు అంచనాలు కొంత తగ్గి బంగారం, వెండికి స్వల్పంగా మద్దతు లభించింది. అయితే ద్రవ్యోల్బణం అంచనాలకు మించి ఉంటే రేట్ల పెంపు అవకాశాలు మళ్లీ పెరగవచ్చు.ముడిచమురు.. ఇరాన్ ఉద్రిక్తతలు కూడా కీలకమేమధ్యప్రాచ్యంలో కొనసాగుతున్న ఉద్రిక్తతలు ముడిచమురు ధరలపై ప్రభావం చూపుతున్నాయి. చమురు ధరలు పెరిగితే అమెరికాలో ద్రవ్యోల్బణ ఒత్తిళ్లు మరింత పెరగవచ్చన్న ఆందోళన ఉంది. అదే జరిగితే ఫెడ్ మరింత కఠినమైన ద్రవ్య విధానాన్ని అనుసరించే అవకాశం ఉండటంతో బంగారం ధరలపై ఒత్తిడి రావచ్చు. మరోవైపు భౌగోళిక రాజకీయ అనిశ్చితి పెరిగితే సురక్షిత పెట్టుబడిగా బంగారానికి డిమాండ్ పెరగడం ధరలకు మద్దతు ఇవ్వవచ్చు. అందుకే ప్రస్తుతం ఇరాన్ పరిణామాలు బంగారానికి నేరుగా ‘సేఫ్ హెవెన్’ డిమాండ్ కంటే ద్రవ్యోల్బణం, వడ్డీ రేట్ల ద్వారా ఎక్కువ ప్రభావం చూపుతున్నాయని విశ్లేషకులు భావిస్తున్నారు.దేశీయ మార్కెట్‌లో కీలక స్థాయిలుగత వారం ఎంసీఎక్స్‌ (MCX)లో బంగారం, వెండి ధరలు భారీగా ఊగిసలాడాయి. సెప్టెంబర్ 5న అక్టోబర్ డెలివరీ ఎంసీఎక్స్‌ గోల్డ్ ఫ్యూచర్స్ సుమారు రూ.1,52,815 వద్ద ముగిశాయి. అదే సమయంలో అంతర్జాతీయ మార్కెట్లో డిసెంబర్ డెలివరీ కామెక్స్‌ బంగారం వారాంతానికి సుమారు 1.2 శాతం తగ్గి ఔన్సుకు 4,476.6 డాలర్ల వద్ద నిలిచింది. న్యూయార్క్‌లో వెండి ఔన్సుకు 66.75 డాలర్లకు పడిపోయింది.స్వల్పకాలంలో ఎంసీఎక్స్‌ బంగారానికి రూ.1.52 లక్షల ప్రాంతం కీలక మద్దతుగా, రూ.1.57 లక్షల ప్రాంతం కీలక నిరోధంగా మారే అవకాశం ఉందని విశ్లేషకుల అంచనా. వెండిలోనూ రూ.2.31 లక్షల స్థాయి దిగువకు వెళ్లకుండా ఉంటే సానుకూల ధోరణి కొనసాగే అవకాశముంది.చైనా కొనుగోళ్లు బంగారానికి దీర్ఘకాలిక బలంఇక దీర్ఘకాలంలో బంగారానికి సెంట్రల్ బ్యాంకుల కొనుగోళ్లు కీలక మద్దతుగా కొనసాగుతున్నాయి. వరల్డ్ గోల్డ్ కౌన్సిల్ ప్రకారం, చైనా పీపుల్స్ బ్యాంక్ జూలైలో మరో 20 టన్నుల బంగారాన్ని కొనుగోలు చేసింది. దీంతో వరుసగా 21 నెలల పాటు బంగారం నిల్వలను పెంచుకుంటూ వచ్చిన చైనా మొత్తం అధికారిక బంగారం నిల్వలు సుమారు 2,366 టన్నులకు చేరాయి. 2026లో ఇప్పటివరకు చైనా కేంద్ర బ్యాంక్ కొనుగోళ్లు 60 టన్నులకు చేరుకున్నాయి.వెండికి మాత్రం పరిస్థితి కొంత భిన్నంగా ఉంది. విలువైన లోహంతో పాటు పారిశ్రామిక లోహంగా కూడా ఉపయోగించే వెండి.. ప్రపంచ ఆర్థిక వృద్ధి, పరిశ్రమల డిమాండ్, వడ్డీ రేట్ల అంచనాల్లో మార్పులకు మరింత వేగంగా స్పందించే అవకాశం ఉంది. అందువల్ల బంగారంతో పోలిస్తే వెండిలో ధరల ఊగిసలాట మరింత తీవ్రంగా ఉండొచ్చు.

గత కొన్ని రోజులుగా బంగారం ధరలలో ఊహకందని మార్పులు జరుగుతున్నాయి. వారం ప్రారంభంలో భారీగా తగ్గిన గోల్డ్ రేటు వారాంతంలో కొంత పెరుగుదల దిశగా అడుగులు వేసింది. అయితే ఈ రోజు పసిడి ధరలు స్థిరంగా ఉన్నాయి. ఈ కథనంలో హైదరాబాద్, విజయవాడ, బెంగళూరు, ముంబై, చెన్నై, ఢిల్లీలలో బంగారం ధరలు ఎలా ఉన్నాయో చూసేద్దాం.

దేశంలో బంగారం ధరలు పతనమయ్యాయి. రెండు రోజులుగా భారీగా ఎగిసిన పసిడి ధరలు నేడు దిగివచ్చాయి. దీంతో పసిడి కొనుగోలుదారులకు ఈరోజు భారీ ఊరట దక్కింది. ఇక వెండి ధరలు మాత్రం ఎలాంటి మార్పు లేకుండా నిలకడగా కొనసాగుతున్నాయి. దేశంలోని ప్రధాన నగరాల్లో నేడు బంగారం (Today Gold Rate), వెండి ధరలు (Today Silver Rate) ఎలా ఉన్నాయో కింద తెలుసుకుందాం.

కొత్త ఏడాది(2026)లో సెకండరీ మార్కెట్లు కన్సాలిడేషన్‌ బాటలో సాగుతుంటే.. ప్రైమరీ మార్కెట్లు కదం తొక్కుతున్నాయి. ఇప్పటికే 55 కంపెనీలకుపైగా ఐపీవోలు చేపట్టి స్టాక్‌ ఎక్స్ఛేంజీల్లో లిస్ట్‌కాగా.. వచ్చే వారం మరో 4 కంపెనీలు ఇన్వెస్టర్లను పలకరించనున్నాయి. జాబితాలో కనోహర్‌ ఎలక్ట్రికల్స్, ప్రసోల్‌ కెమికల్స్, గ్లాస్‌ వాల్‌ సిస్టమ్స్‌తోపాటు.. అసెట్‌ రీకన్‌స్ట్రక్షన్‌ కంపెనీ ఇండియా(ఆర్సిల్‌) సైతం చేరింది. తొలి మూడు కంపెనీల పబ్లిక్‌ ఇష్యూలు 8న ప్రారంభంకానుండగా.. ఆర్సిల్‌ 9న మార్కెట్లకు చేరనుంది. ఈ నెల 16, 17న బీఎస్‌ఈ, ఎన్‌ఎస్‌ఈలలో ఇవి లిస్ట్‌కానున్నాయి. ఉమ్మడిగా ఈ సంస్థలు రూ. 2,717 కోట్లు సమకూర్చుకునే ప్రణాళికల్లో ఉన్నాయి. వివరాలు చూద్దాం.. ట్రాన్స్‌ఫార్మర్ల తయారీట్రాన్స్‌ఫార్మర్ల తయారీ, ఈపీసీ సేవల కంపెనీ కనోహర్‌ ఎలక్ట్రికల్స్‌ పబ్లిక్‌ ఇష్యూ రానున్న మంగళవారం(8న) ప్రారంభంకానుంది. ఇందుకు ఒక్కో షేరుకీ రూ. 601–632 ధరల శ్రేణి ప్రకటించింది. గురువారం(10న) ముగియనున్న ఇష్యూలో భాగంగా రూ. 300 కోట్ల విలువైన ఈక్విటీని కొత్తగా జారీ చేయనుంది. అంతేకాకుండా మరో రూ. 756 కోట్ల విలువైన 1.2 కోట్ల షేర్లను ప్రమోటర్‌ కే సన్స్‌ ఆఫర్‌ చేస్తోంది. వెరసి ఇష్యూ ద్వారా రూ. 1,056 కోట్లు సమీకరించే యోచనలో ఉంది. ఈక్విటీ జారీ నిధుల్లో రూ. 64 కోట్లు పెట్టుబడి వ్యయాలకు కేటాయించనుంది. వీటిలో గంగోల్‌ తయారీ ప్లాంటుకు అవసరమైన మెషీనరీ, పరికరాల కొనుగోలు, ముడిసరుకులు సమకూర్చుకునే సౌకర్యాలకు, ఆఫీస్‌ బిల్డింగ్‌ ని ర్మాణం తదితరాలున్నాయి. మరో రూ. 155 కోట్లు వర్కింగ్‌ క్యాపిటల్‌కు, మిగిలిన సొమ్మును సాధా రణ కార్పొరేట్‌ అవసరాలకు వెచ్చించనుంది. విద్యుత్, రైల్వేలు, పునరుత్పాదక ఇంధన రంగ కంపెనీలకు ప్రొడక్టులను అందిస్తోంది. ట్రాన్స్‌మిషన్‌ లై న్లు, సబ్‌స్టేషన్ల ఈపీసీ కార్యకలాపాలు సైతం నిర్వహిస్తోంది. 2023–24తో పోలిస్తే 2025–26లో ఆదాయం దాదాపు 3 రెట్లు జంప్‌చేసి రూ. 654 కోట్లకు చేరింది. లాభం సైతం రూ. 18 కోట్ల నుంచి భారీగా దూసుకెళ్లి రూ. 130 కోట్లను తాకింది.స్సెషాలిటీ కెమికల్స్‌..స్పెషాలిటీ కెమికల్స్‌ తయారీ కంపెనీ ప్రసోల్‌ కెమికల్స్‌ పబ్లిక్‌ ఇష్యూ 8న ప్రారంభంకానుంది. ఇందుకు ఒక్కో షేరుకీ రూ. 643–676 ధరల శ్రేణి నిర్ణయించింది. 10న ముగియనున్న ఇష్యూలో భాగంగా రూ. 80 కోట్ల విలువైన ఈక్విటీని కొత్తగా జారీ చేయనుంది. అంతేకాకుండా మరో రూ. 420 కోట్ల విలువైన షేర్లను ప్రస్తుత వాటాదారులు విక్రయానికి ఉంచనున్నారు. వెరసి ఇష్యూ ద్వారా రూ. 500 కోట్లు సమీకరించే యోచనలో ఉంది. యాంకర్‌ ఇన్వెస్టర్లకు 7న షేర్లను ఆఫర్‌ చేయనుంది. ఈక్విటీ జారీ నిధులను వర్కింగ్‌ క్యాపిటల్‌సహా సాధారణ కార్పొరేట్‌ అవసరాలకు వినియోగించనుంది. 1992లో ప్రాచీ పాలీ ప్రొడక్ట్స్‌గా ఏర్పాటైన కంపెనీ 2007లో ప్రసోల్‌ కెమికల్స్‌గా రూపాంతరం చెందింది. కంపెనీ ప్రధానంగా ఎసిటోన్‌తోపాటు.. ఫాస్ఫరస్‌ ఆధారిత స్పెషాలిటీ కెమికల్స్‌ను రూపొందిస్తోంది. ఫార్మాస్యూటికల్స్, ఆగ్రోకెమికల్‌ ఫార్ములేషన్స్‌ తదితరాలలో ప్రొడక్టులను వినియోగిస్తారు. అంతేకాకుండా గృహ, వ్యక్తిగత సంరక్షణ ఉత్పత్తుల తయారీలో కీలక ముడిసరుకుగానూ వినియోగిస్తారు. ఫాసేడ్‌ సొల్యూషన్లు..భవంతుల నిర్మాణ సంబంధ(ఫాసేడ్‌) సొల్యూషన్లు అందించే గ్లాస్‌ వాల్‌ సిస్టమ్స్‌(ఇండియా) పబ్లిక్‌ ఇష్యూ 8న ప్రారంభంకానుంది. ఇందుకు ఒక్కో షేరుకీ రూ. 172–182 ధరల శ్రేణి నిర్ణయించింది. 10న ముగియనున్న ఇష్యూలో భాగంగా రూ. 60 కోట్ల విలువైన ఈక్విటీని కొత్తగా జారీ చేయనుంది. అంతేకాకుండా మరో రూ. 368 కోట్ల విలువైన 2.02 కోట్ల షేర్లను ప్రమోటర్లు, ప్రస్తుత వాటాదారులు ఆఫర్‌ చేస్తున్నారు. వెరసి ఇష్యూ ద్వారా రూ. 428 కోట్లు సమీకరించాలని భావిస్తోంది. యాంకర్‌ ఇన్వెస్టర్లకు 7న షేర్లను ఆఫర్‌ చేయనుంది. ఈక్విటీ జారీ నిధులలో రూ. 50 కోట్లు బ్యాక్‌వర్డ్‌ ఇంటిగ్రేషన్‌కు కేటాయించనుంది. వీటిని మహారాష్ట్రలోని విలే భగడ్‌ ప్లాంటులో గ్లాస్‌ ప్రాసెసింగ్‌ యూనిట్‌ ఏర్పాటుకు, మిగిలిన రూ. 10 కోట్లు సాధారణ కార్పొరేట్‌ అవసరాలకు వినియోగించనుంది. 2002లో ఏర్పాటైన కంపెనీ భారత్‌సహా యూఎస్, ఆస్ట్రేలియాలోనూ సర్వీసులు సమకూర్చుతోంది. రూ.733 కోట్లకు సై..రుణాల పునర్‌వ్యవస్థీకరణ చేపట్టే అసెట్‌ రీకన్‌స్ట్రక్షన్‌(ఇండియా) లిమిటెడ్‌ వచ్చే బుధవారం(9న) ఐపీవోకు రానుంది. ఆర్సిల్‌గా పిలిచే ఈ సంస్థ ఇందుకు ఒక్కో షేరుకి 132–139 ధరల శ్రేణి ప్రకటించింది. 11న ముగియనున్న ఇష్యూలో భాగంగా 5.27 కోట్ల ఈక్విటీ షేర్లను ప్రమోటర్‌ సంస్థలు ఎవెన్యూ ఇండియా రిసర్జెన్స్‌ పీటీఈ, స్టేట్‌బ్యాంక్‌తోపాటు, ప్రస్తుత వాటాదారు సంస్థలు లాథే ఇన్వెస్ట్‌మెంట్‌ పీటీఈ, ఫెడరల్‌ బ్యాంక్‌ విక్రయానికి ఉంచనున్నాయి. వెరసి ఇష్యూ ద్వారా సమీకరించే రూ. 733 కోట్లు కంపెనీకి చేరబోవు. యాంకర్‌ ఇన్వెస్టర్లకు 8న షేర్లను ఆఫర్‌ చేయనుంది. కంపెనీ ప్రధానంగా ఒత్తిడిలోపడిన రుణాలను బ్యాంకులు, ఫైనాన్షియల్‌ సంస్థల నుంచి కొనుగోలు చేసి రుణ పరిష్కార ప్రణాళికల ద్వారా పునర్‌వ్యవస్థీకరణకు తెరతీస్తుంటుంది.ఇదీ చదవండి: జీతం మొత్తం ఈఎంఐలకే సరిపోతోందా?

న్యూఢిల్లీ: దాదాపు దశాబ్దకాలంగా పెండింగ్‌లో ఉన్న స్టాక్‌ ఎక్సే్ఛంజీ దిగ్గజం లిస్టింగ్‌కు ఎట్టకేలకు తెరలేచింది. నేషనల్‌ స్టాక్‌ ఎక్సే్ఛంజీ(ఎన్‌ఎస్‌ఈ) పబ్లిక్‌ ఇష్యూ చేపట్టేందుకు తాజాగా క్యాపిటల్‌ మార్కెట్ల నియంత్రణ సంస్థ సెబీ పచ్చ జెండా ఊపింది. ప్రపంచంలోనే అతిపెద్ద డెరివేటివ్స్‌ ఎక్సే్ఛంజీగా నిలుస్తున్న ఎన్‌ఎస్‌ఈ.. సెబీ ఆమోదంతో లిస్టింగ్‌ ప్రణాళికలను వేగవంతం చేయనుంది. వచ్చే వారమే ధరల శ్రేణిని వెల్లడించనున్నట్లు తెలుస్తోంది. తద్వారా ఈ నెల 15కల్లా ఐపీవోకు తెరతీయనున్నట్లు సంబంధిత వర్గాలు పేర్కొన్నాయి.టాప్‌–10లోకి...ఐపీవోలో భాగంగా ఎన్‌ఎస్‌ఈ వాటా మూలధనంలో 6 శాతానికి సమానమైన 14.89 కోట్ల ఈక్విటీ షేర్లను విక్రయానికి ఉంచనుంది. తద్వారా రూ. 30,000 కోట్లు సమీకరించే ప్రణాళికల్లో ఉంది. దీంతో హ్యుందాయ్‌ మోటార్‌ ఇండియా, ఎల్‌ఐసీ, పేటీఎమ్, టాటా క్యాపిటల్, కోల్‌ ఇండియా ఇష్యూలను అధిగమించి అతిపెద్ద ఐపీవోగా నిలిచే వీలుంది. మరోపక్క జియో ప్లాట్‌ఫామ్స్‌ సైతం రూ. 37,700 కోట్ల మెగా ఐపీవో కోసం చురుగ్గా సన్నాహాలు చేస్తోంది. ఎన్‌ఎస్‌ఈ లిస్టయితే దేశీయంగా మార్కెట్‌ క్యాపిటలైజేషన్‌(విలువ) రీత్యా టాప్‌–10లో నిలిచే అవకాశముంది. 1.8 లక్షలమంది వాటాదారులతో రూ. 5 లక్షల కోట్లకుపైగా మార్కెట్‌ విలువను అందుకోవచ్చని అంచనా. 2016లో చెక్‌...ఎన్‌ఎస్‌ఈ తొలుత 2016 డిసెంబర్‌లో పబ్లిక్‌ ఇష్యూ(రూ. 10,000 కోట్ల సమీకరణ)కు ప్రాస్పెక్టస్‌ దాఖలు చేసింది. అయితే లిస్టింగ్‌ ప్రణాళికలకు నియంత్రణ, న్యాయ, పాలనా సంబంధ వివాదాలు అడ్డుపడుతూ వచ్చాయి. ఆపై అవాంతరాల కారణంగా 2019, 2020, 2024లో ఎన్‌వోసీ కోసం పత్రాలు దాఖలు చేసింది. ఈ నేపథ్యంలో వివాద పరిష్కారాలకుగాను సెబీకి రూ. 1,491 కోట్లకుపైగా చెల్లించింది. ఎప్పటినుంచో నడుస్తున్న కోలొకేషన్, డార్క్‌ఫైబర్‌ కేసులపై ఈ వారం సుప్రీం కోర్టు సెబీ అప్పీల్‌ను కొట్టివేసిన నేపథ్యంలో ఎన్‌ఎస్‌ఈకి ఉపశమనం లభించింది. ఆపై తాజాగా సెబీ నుంచి అనుమతి పొందింది.వాటాదారులు ఇలా...ఐపీవోలో ప్రస్తుత వాటాదారు సంస్థలు ఈక్విటీ వాటాలను ఆఫర్‌ చేయనున్నాయి. తద్వారా తమ వాటాలను విక్రయించేందుకు(మానిటైజ్‌) వీలు చిక్కనుంది. దీంతో నిధులు ఎక్సే్చంజీకి చేరబోవు. బ్యాంకర్ల అంచనా ప్రకారం ఎన్‌ఎస్‌ఈ ఐపీవో ధర రూ. 2,000గా ఉండవచ్చు. ఈ నెల 11కల్లా ధరల శ్రేణిని ప్రకటించనున్నట్లు తెలుస్తోంది. ఎన్‌ఎస్‌ఈ ఐపీవోలో బ్యాంకింగ్‌ దిగ్గజం ఎస్‌బీఐ 2.48 కోట్ల షేర్లు, ఎంఎస్‌ స్ట్రాటజిక్‌(మారిషస్‌) 1.6 కోట్ల షేర్లు చొప్పున ఆఫర్‌ చేయనున్నాయి. ఈ జాబితాలో కెనడా పెన్షన్‌ ప్లాన్, అరండా ఇన్వెస్ట్‌మెంట్స్, బీవోబీ, స్టాక్‌ హోల్డింగ్‌ కార్పొరేషన్, జీఐసీసహా ఇతర బీమా కంపెనీలు చేరాయి. అయితే అతిపెద్ద వాటాదారు(10.72 శాతం) ఎల్‌ఐసీ షేర్లను విక్రయించడం లేదు. ప్రస్తుతం ఎన్‌ఎస్‌ఈలో ఎస్‌బీఐ వాటా 3.23 శాతంకాగా.. ఎస్‌బీఐ క్యాపిటల్‌ మార్కెట్స్‌కు 4.33 శాతం, స్టాక్‌ హోల్డింగ్‌కు 4.44 శాతం చొప్పున వాటా ఉంది. డెరివేటివ్స్‌ కింగ్‌ దేశీయంగా ఈక్విటీ డెరివేటివ్స్‌ మార్కెట్లో ఎన్‌ఎస్‌ఈ ఆధిపత్యం వహిస్తోంది. ట్రేడవుతున్న కాంట్రాక్టులరీత్యా ప్రపంచంలోనే అత్యంత రద్దీగల ఎక్సే్ఛంజీగా నిలుస్తోంది. ఇక గతేడాది(2025–26)లో మొత్తం ఆదాయం రూ. 18,713 కోట్లుకాగా.. నికర లాభం 15 శాతం తగ్గి రూ. 10,302 కోట్లకు పరిమితమైంది. అంతక్రితం ఏడాది(2024–25) ఆదాయం రూ. 19,177 కోట్లుకాగా.. రూ. 12,188 కోట్ల నికర లాభం ఆర్జించింది. అయితే ఈ ఏడాది తొలి క్వార్టర్‌(ఏప్రిల్‌–జూన్‌)లో నికర లాభం 7 శాతం పుంజుకుని రూ. 3,120 కోట్లను తాకింది. మొత్తం ఆదాయం 9 శాతం ఎగసి రూ. 5,252 కోట్లకు చేరింది. ఈ షేర్లకు పండుగ ఎన్‌ఎస్‌ఈ లిస్ట్‌కానుండటంతో ఐఎఫ్‌సీఐ, న్యూ ఇండియా ఎస్యూరెన్స్‌ కంపెనీ కౌంటర్లకు డిమాండ్‌ కొనసాగుతోంది. దీంతో తాజాగా ఐఎఫ్‌సీఐ షేరు 6 శాతం జంప్‌చేసి రూ. 101ను దాటింది. తొలుత రూ. 107కు ఎగసింది. ఇక న్యూ ఇండియా 17.5 శాతం దూసుకెళ్లి రూ. 230కు చేరింది. ఇవి 52 వారాల గరిష్ట ధరలుకాగా.. స్టాక్‌ హోల్డింగ్‌ కార్పొరేషన్‌లో 52.86 శాతం వాటా కలిగిన ఐఎఫ్‌సీఐ ఎన్‌ఎస్‌ఈ లిస్టింగ్‌తో లబ్ధి పొందనుంది. స్టాక్‌ హోల్డింగ్‌కు ఎన్‌ఎస్‌ఈలో 4.44% వాటా ఉంది. ఈ బాటలో ఎన్‌ఎస్‌ఈలో 1.42% వాటా కలిగిన న్యూ ఇండియా సైతం వాటా విక్రయం ద్వారా లాభపడనుంది. గత నెల రోజుల్లో ఐఎఫ్‌సీఐ 42%, న్యూ ఇండియా 33% చొప్పున బలపడటం గమనార్హం! బంపర్‌ లిస్టింగ్‌.. ఈఎస్‌డీఎస్‌ సాఫ్ట్‌వేర్‌ సొల్యూషన్, ప్రయారిటీ జ్యువెల్స్‌ షేర్లు లిస్టింగ్‌ రోజే అప్పర్‌ సర్క్యూట్‌ను తాకి, అక్కడే లాక్‌ అయ్యాయి. ఇష్యూ ధరతో పోలిస్తే తొలి రోజే ఈఎస్‌డీఎస్‌ షేరు 109%, ప్రయారిటీ జ్యువెల్స్‌ షేరు 18 శాతం లాభాలు ఇన్వెస్టర్లకు పంచాయి. → ఈఎస్‌డీఎస్‌ సాఫ్ట్‌వేర్‌ సొల్యూషన్‌ లిస్టింగ్‌ ఇష్యూ ధర (రూ.429)తో పోలిస్తే బీఎస్‌ఈలో ఏకంగా 74 శాతం ప్రీమియంతో రూ.746 వద్ద ప్రారంభమైంది. మార్కెట్‌ ర్యాలీలో భాగంగా ఇంట్రాడేలో 109 శాతం ఎగసి రూ.895.55 వద్ద అప్పర్‌ సర్క్యూట్‌ను తాకి, అక్కడే లాక్‌ అయింది. మార్కెట్‌ ముగిసే సరికి కంపెనీ మార్కెట్‌ విలువ రూ.10,647 కోట్లుగా నమోదైంది. → ప్రయారిటీ జ్యువెల్స్‌ ఇష్యూ ధర (రూ.200)తో పోలిస్తే 12 శాతం ప్రీమియంతో రూ.225 వద్ద ట్రేడింగ్‌ ప్రారంభించింది. ఇంట్రాడేలో 18 శాతం ఎగసి రూ.236 వద్ద అప్పర్‌ సర్క్యూట్‌ను తాకి, అక్కడే స్థిరపడింది. మార్కెట్‌ ముగిసే సరికి కంపెనీ మార్కెట్‌ క్యాపిటలైజేషన్‌ రూ.426 కోట్లుగా నమోదైంది.

రిచ్ డాడ్ పూర్ డాడ్ పుస్తక రచయిత రాబర్ట్ కియోసాకి తాను మూడు సెకన్లలో డబ్బు సంపాదించానని పేర్కొన్నారు. అదెలాగో కూడా వివరించారు.కియోసాకి ప్రకారం.. ఒక స్టాక్ పొజిషన్‌ను అమ్మి, ఆ నగదును ఖాతాలో జమ చేసుకోవడానికి 3 సెకన్ల సమయం పట్టింది. స్టాక్స్‌లో పెట్టుబడులు పెట్టడం ద్వారా డబ్బు అంత త్వరగా అందుతుంది. రియల్ ఎస్టేట్‌లో పెట్టుబడి పెడితే.. ఆస్తి విలువ పెరగడం ద్వారా సంపదను సృష్టించుకోవచ్చు. కానీ.. ఆ ఆస్తిని అమ్మాలంటే కొనుగోలుదారుడు దొరకాలి, బ్యాంక్ లోన్ ప్రక్రియ పూర్తవ్వాలి, ఇన్‌స్పెక్షన్, డాక్యుమెంటేషన్, క్లోజింగ్ వంటి ఎన్నో దశలు ఉంటాయి. కాబట్టి మన డబ్బు వెంటనే చేతికి రాదు.స్టాక్స్ విషయానికి వస్తే.. ఇది పూర్తిగా భిన్నంగా ఉంటుంది. మార్కెట్‌లో కొనుగోలు చేయడం, విక్రయించడం చాలా వేగంగా జరుగుతుంది. అందుకే కియోసాకి స్టాక్స్‌ను తన పెట్టుబడి వ్యూహంలో ఒక భాగం అని అన్నారు.స్టాక్స్‌లో పెట్టుబడులకు మూడు ముఖ్యమైన ప్రయోజనాలను కియోసాకి పేర్కొన్నారు.మొదటిది అందుబాటు ధర. రియల్ ఎస్టేట్‌లా భారీ మొత్తంలో డబ్బు అవసరం లేకుండానే.. చిన్న మొత్తంలోనే కొన్ని స్టాక్స్‌ కొనుగోలు చేసుకోవచ్చన్నమాట.రెండోది లిక్విడిటీ. అవసరమైనప్పుడు స్టాక్‌ను విక్రయించి డబ్బును త్వరగా పొందే అవకాశం ఉంటుంది.మూడోది వేగం. పెట్టుబడుల గురించి నేర్చుకోవడానికి సంవత్సరాలు వేచి ఉండాల్సిన అవసరం లేదని, కొంతకాలం నేర్చుకున్న తర్వాత చిన్న మొత్తాలతో ప్రారంభించవచ్చు.మరో ఆసక్తికరమైన విషయం ఏమిటంటే.. నిజమైన డబ్బు పెట్టుబడి పెట్టే ముందు సిమ్యులేటర్‌లో ప్రాక్టీస్ చేయవచ్చని కియోసాకి పేర్కొన్నారు. మార్కెట్ ఎలా పనిచేస్తుందో అర్థం చేసుకున్న తర్వాతే.. అసలు డబ్బుతో ప్రారంభించడం మంచిది. ఉద్యోగంలో ఉంటే జీతం కోసం ఒక నిర్దిష్ట తేదీ వరకు ఎదురుచూడాలి. కానీ పెట్టుబడుల ద్వారా తమ డబ్బును వివిధ మార్గాల్లో పనిచేయించుకోవచ్చని ఆయన అభిప్రాయం. తాను స్టాక్స్ ద్వారా వేగంగా క్యాష్‌ఫ్లో సృష్టించి, ఆ డబ్బును ఇతర పెట్టుబడులు, ఆస్తులను పెంచుకోవడానికి ఉపయోగించానని చెబుతూ.. సరైన సమయం కోసం ఎదురుచూడటం కంటే, పెట్టుబడులపై అవగాహన పెంచుకుని క్రమంగా ముందుకు సాగడం ముఖ్యమని సూచిస్తున్నారు.పెట్టుబడిదారులు స్టాక్ మార్కెట్‌లో పెట్టుబడులు పెట్టడానికి ముందు.. తప్పకుండా కొంత అవగాహన కలిగి ఉండాలి. ఎందుకంటే స్టాక్ మార్కెట్లో ఎప్పుడూ లాభాలు మాత్రమే కాదు, భారీ నష్టాలు కూడా ఉంటాయి. సోషల్ మీడియా కథనాలు లేదా వీడియోలు చూసి.. పెట్టుబడులు పెడితే మాత్రం నష్టాలను చవిచూడాల్సి ఉంటుంది.ఇదీ చదవండి: పసిడి ప్రియులకు షాక్.. రూ.4600 పెరిగిన బంగారం!

తగ్గేదేలే అన్నట్లు.. బంగారం ధరలు అంతకంతకూ పెరుగుతూనే ఉన్నాయి. భారతదేశంలో రెండు రోజుల్లోనే గోల్డ్ రేటు గరిష్టంగా 4640 రూపాయలు పెరిగింది. దీంతో హైదరాబాద్, విజయవాడ, బెంగళూరు, ముంబై, ఢిల్లీ నగరాల్లో పసిడి ధరల్లో ఊహకందని మార్పు కనిపించింది.హైదరాబాద్, విజయవాడలలో సెప్టెంబర్ 2న రూ.1,52,020 వద్ద ఉన్న 24 క్యారెట్ల 10 గ్రాముల బంగారం ధర, ఈ రోజుకు 1,56,660 రూపాయల (రూ.4640 పెరిగింది) వద్ద నిలిచింది. 22 క్యారెట్ల రేటు 1,39,350 రూపాయల నుంచి రూ.1,43,600 వద్దకు (రూ.4250 పెరిగింది) చేరింది. ఇదే ధరలు ముంబై, బెంగళూరులలో కూడా కొనసాగాయి.చెన్నైలో 24 క్యారెట్ల 10 గ్రాముల గోల్డ్ రేటు రెండు రోజుల్లో రూ. 4640 పెరిగి రూ. 1,56,660 వద్దకు, 22 క్యారెట్ల 10 గ్రాముల రేటు రూ. 4250 పెరిగి రూ.1,43,600 వద్ద నిలిచింది. ఢిల్లీలో కూడా బంగారం ధర భారీగా పెరిగింది.ధరలు పెరగడానికి కారణాలుబంగారం ధర పెరగడానికి ప్రధాన కారణం డిమాండ్ పెరగడమే. డిమాండుకు తగిన గోల్డ్ అందుబాటులో లేనప్పుడు, కొనుగోలుదారులు ఎక్కువైనప్పుడు తప్పకుండా ధరల్లో గణనీయమైన మార్పు జరుగుతాయి. రాజకీయ, భౌగోళిక కారణాలు కూడా పసిడి ధరలను ప్రభావితం చేస్తాయి.

శుక్రవారం ఉదయం లాభాల్లో ప్రారంభమైన దేశీయ స్టాక్ మార్కెట్లు.. ట్రేడింగ్ క్లోజ్ అయ్యే సమయానికి లాభాల్లోనే ముగిశాయి. సెన్సెక్స్ 362.57 పాయింట్లు లేదా 0.48 శాతం లాభంతో 76,515.43 వద్ద, నిఫ్టీ 24.25 పాయింట్లు లేదా 0.10 శాతం లాభంతో 23,897.70 వద్ద నిలిచాయి.న్యూ ఇండియా అస్యూరెన్స్ కంపెనీ లిమిటెడ్, తేజస్ నెట్‌వర్క్స్ లిమిటెడ్, వోక్‌హార్డ్ లిమిటెడ్ వంటి కంపెనీలు టాప్ గెయినర్స్ జాబితాలో చేరగా.. ఆర్ఆర్ కేబుల్ లిమిటెడ్, పాలీక్యాబ్ ఇండియా లిమిటెడ్, ఏథర్ ఎనర్జీ లిమిటెడ్ వంటి సంస్థలు నష్టాల జాబితాలో చేరాయి.(Disclaimer: మార్కెట్ గురించి సాక్షి వెబ్‌సైట్‌లో నిపుణులు వెల్లడించే అభిప్రాయాలు వారి పరిశీలన, అంచనాలను బట్టి ఉంటాయి. ఇన్వెస్టర్లకు ఇది కేవలం విషయ అవగాహన మాత్రమే తప్ప.. వారు పెట్టే పెట్టుబడులకు సాక్షి మీడియా గ్రూపు ఎలాంటి హామీ ఇవ్వదు.)

దేశంలో బంగారం ధరల పెరుగుదల కొనసాగుతోంది. వరుసగా రెండో రోజూ పసిడి ధరలు భగ్గుమన్నాయి. తగ్గుముఖం పట్టిన పుత్తడి ధరలు రెండు రోజుల క్రితమే మళ్లీ పుంజుకున్నాయి. దీంతో పసిడి కొనుగోలుదారులకు ఈరోజు కూడా నిరాశే మిగిలింది. ఇక వెండి ధరలు మాత్రం ఎలాంటి మార్పు లేకుండా నిలకడగా కొనసాగుతున్నాయి. దేశంలోని ప్రధాన నగరాల్లో నేడు బంగారం (Today Gold Rate), వెండి ధరలు (Today Silver Rate) ఎలా ఉన్నాయో కింద తెలుసుకుందాం.

దేశీయ స్టాక్‌ మార్కెట్‌ సూచీలు శుక్రవారం లాభాల్లో కదలాడుతున్నాయి. ఈరోజు ఉదయం 09:23 సమయానికి నిఫ్టీ(Nifty) 41 పాయింట్లు పెరిగి 24,913 వద్దకు చేరింది. సెన్సెక్స్‌(Sensex) 448 పాయింట్లు పుంజుకొని 76,607 వద్ద ట్రేడవుతోంది.అమెరికా డాలర్‌ ఇండెక్స్‌(USD Index) 99.01బ్రెంట్‌ క్రూడ్‌ఆయిల్‌ బ్యారెల్‌ ధర 95.9 డాలర్లుయూఎస్‌ 10 ఏళ్ల బాండ్‌ ఈల్డ్‌లు 4.76 శాతానికి చేరాయి.గడిచిన సెషన్‌లో యూఎస్‌ ఎస్‌ అండ్‌ పీ 1.06 శాతం పెరిగింది.నాస్‌డాక్‌ 1.4 శాతం పుంజుకుంది.Today Nifty position 04-09-2026(time: 09:23 am)(Disclaimer: మార్కెట్ గురించి సాక్షి వెబ్ సైట్లో నిపుణులు వెల్లడించే అభిప్రాయాలు వారి పరిశీలన, అంచనాలను బట్టి ఉంటాయి. ఇన్వెస్టర్లకు ఇది కేవలం విషయ అవగాహన మాత్రమే తప్ప.. వారు పెట్టే పెట్టుబడులకు సాక్షి మీడియా గ్రూపు ఎలాంటి హామీ ఇవ్వదు.)

పెట్టుబడిదారులకు బంగారం, వెండి మంచి ఎప్పుడూ మంచి ఎంపిక. అయితే.. ఇటీవలి కాలంలో వీటి ధరలు బాగా పెరగడంతో కొంతమంది ఇన్వెస్టర్లు తమ లాభాలను తీసుకున్నారు. దీంతో కొంతకాలంగా ధరలు తగ్గడం, పెరగడం వంటి మార్పులు కనిపిస్తున్నాయి. అయినప్పటికీ.. కేంద్ర బ్యాంకులు బంగారాన్ని కొనుగోలు చేయడం, ప్రపంచ ఆర్థిక పరిస్థితులు, వడ్డీ రేట్లు వంటి కారణాల వల్ల బంగారం, వెండికి డిమాండ్ భారీగానే ఉందని ఎంకే వెల్త్ మేనేజ్‌మెంట్ చెబుతోంది.గత ఆరు వారాలుగా బంగారం 4,060 డాలర్ల వద్ద, వెండి 58 డాలర్ల దగ్గర సాగుతున్నాయి. పసిడి ధర పెరగడానికి ప్రధాన కారణాల్లో కేంద్ర బ్యాంకుల కొనుగోళ్లు ఒకటి. చాలా దేశాలు తమ విదేశీ నిల్వల్లో బంగారం వాటాను పెంచుకుంటున్నాయి. అలాగే ప్రపంచవ్యాప్తంగా వడ్డీ రేట్లు తగ్గితే బంగారానికి మరింత డిమాండ్ పెరిగే అవకాశం ఉంది. ఎందుకంటే బంగారం నుంచి వడ్డీ ఆదాయం రాదు. వడ్డీ రేట్లు తగ్గినప్పుడు బంగారం వంటివి.. పెట్టుబడిదారులకు మరింత ఆకర్షణీయంగా మారుతాయి. ఈ కారణంగానే గోల్డ్ రేటు ఇటీవల కొంత తగ్గడం జరిగింది.వెండికి కూడా మార్కెట్లో మంచి డిమాండ్ ఉంది. అయితే.. బంగారంతో పోలిస్తే వెండిలో ధరలు ఎక్కువగా మారుతుంటాయి. ఎందుకంటే వెండిని పెట్టుబడి కోసం మాత్రమే కాకుండా పరిశ్రమల్లో కూడా ఉపయోగిస్తారు. జూలై 31, 2026 నాటికి ఐసిఐసిఐ ప్రుడెన్షియల్ సిల్వర్ ఈటీఎఫ్ ఒక సంవత్సరంలో 95.24% రిటర్న్స్ ఇవ్వగా, నిప్పన్ ఇండియా సిల్వర్ ఈటీఎఫ్ 94.55% రిటర్న్స్ ఇచ్చాయి. ఇదే సమయంలో గోల్డ్ ఈటీఎఫ్స్ కూడా ఒక సంవత్సరంలో 43% కంటే ఎక్కువ రిటర్న్స్ ఇచ్చాయి.ఎంకే వెల్త్ మేనేజ్‌మెంట్ అంచనా ప్రకారం.. బంగారంలో ఇంకా సుమారు 12% వరకు పెరిగే అవకాశం ఉంది. వెండి ధరలు కూడా ఇదే విధంగా ముందుగా సాగనున్నాయి. అయితే.. బంగారం, వెండి ధరలు ఎప్పుడూ స్థిరంగా ఉండవు. మధ్యలో కొంత తగ్గడం, మళ్లీ పెరగడం సాధారణమే. ముఖ్యంగా వెండిలో ధరల వ్యత్యాసం ఎక్కువగా ఉండటం వల్ల పెట్టుబడిదారులు జాగ్రత్తగా ఉండాలి.

గురువారం ఉదయం భారీ లాభాల వద్ద ప్రారంభమైన దేశీయ స్టాక్ మార్కెట్లు.. ట్రేడింగ్ క్లోజ్ అయ్యే సమయానికి నష్టాలను చవిచూశాయి. సెన్సెక్స్ 417.49 పాయింట్లు లేదా 0.55 శాతం నష్టంతో 76,152.86 వద్ద, నిఫ్టీ 41.00 పాయింట్లు లేదా 0.55 శాతం నష్టంతో 23,873.45 వద్ద నిలిచాయి.జ్యోతి సిఎన్‌సి ఆటోమేషన్ లిమిటెడ్, ఫినోలెక్స్ కేబుల్స్ లిమిటెడ్, కాప్రి గ్లోబల్ క్యాపిటల్ లిమిటెడ్ వంటి సంస్థలు టాప్ గెయినర్స్ జాబితాలో చేరగా.. ఈఐడి ప్యారీ (ఇండియా) లిమిటెడ్, గాబ్రియేల్ ఇండియా లిమిటెడ్, అథర్ ఎనర్జీ లిమిటెడ్ వంటివి నష్టాల జాబితాలో నిలిచాయి.(Disclaimer: మార్కెట్ గురించి సాక్షి వెబ్‌సైట్‌లో నిపుణులు వెల్లడించే అభిప్రాయాలు వారి పరిశీలన, అంచనాలను బట్టి ఉంటాయి. ఇన్వెస్టర్లకు ఇది కేవలం విషయ అవగాహన మాత్రమే తప్ప.. వారు పెట్టే పెట్టుబడులకు సాక్షి మీడియా గ్రూపు ఎలాంటి హామీ ఇవ్వదు.)

ఫ్లెక్సీక్యాప్‌ మ్యూచువల్‌ ఫండ్‌ పథకాల్లో ఈ ఏడాది జనవరి–జూలై మధ్య రూ.49,915 కోట్ల నికర పెట్టుబడులు వచ్చాయి. గత ఏడాది ఇదే కాలంలో నమోదైన రూ.39,187 కోట్లతో పోలిస్తే ఇది 27 శాతం అధికం. మార్కెట్‌ పరిస్థితులకు అనుగుణంగా లార్జ్, మిడ్, స్మాల్‌క్యాప్‌ షేర్ల మధ్య పెట్టుబడులను మార్చుకునే వెసులుబాటు ఉండటంతో ఇన్వెస్టర్లు ఈ ఫండ్లకు ప్రాధాన్యం ఇస్తున్నారని పరిశ్రమ వర్గాలు పేర్కొన్నాయి. ఫ్లెక్సీక్యాప్‌ ఫండ్లలో ఫోలియోల సంఖ్య, నిర్వహణలోని ఆస్తులు (ఏయూఎం) కూడా గణనీయంగా పెరిగాయి. జూలై 2026 నాటికి ఈ కేటగిరీ ఫోలియోలు 2.44 కోట్లకు చేరాయి. ఏడాది క్రితం ఇవి 1.94 కోట్లుగా ఉన్నాయి. అంటే సుమారు 50 లక్షల ఫోలియోలు పెరిగాయి.ఇదే సమయంలో ఫ్లెక్సీక్యాప్‌ ఫండ్ల ఏయూఎం రూ.4.94 లక్షల కోట్ల నుంచి రూ.6 లక్షల కోట్లకు పెరిగింది. జూలైలో నెలవారీ పెట్టుబడులు స్వల్పంగా నెమ్మదించినప్పటికీ.. జూన్‌లో రూ.5,231 కోట్లు రాగా, జూలైలో రూ.4,709 కోట్లు వచ్చాయి. మొత్తం ఈక్విటీ మ్యూచువల్‌ ఫండ్‌ ప్రవాహాల్లో ఈ కేటగిరీ తన బలమైన వాటాను నిలబెట్టుకుంది. మార్చి త్రైమాసికంలో రూ.24,651 కోట్లు, జూన్‌ త్రైమాసికంలో రూ.20,555 కోట్ల చొప్పున పెట్టుబడులు వచ్చాయి. ఫండ్‌ మేనేజర్‌ ఆధారిత వ్యూహాలకు ఆదరణఫ్లెక్సీక్యాప్‌ కేటగిరీ ఫోలియోలు, ఆస్తుల పరంగా బలమైన వృద్ధిని నమోదు చేసిందని క్వాంటమ్‌ ఏఎంసీ సీఐవో చిరాగ్‌ మెహతా తెలిపారు. గత 12 నెలల్లో మొత్తం ఈక్విటీ నికర పెట్టుబడి ప్రవాహంలో 27 శాతం వాటాను, గత నెలలో 19 శాతం వాటాను ఫ్లెక్సీక్యాప్‌ ఫండ్లు దక్కించుకున్నాయని పేర్కొన్నారు. కేవలం రాబడుల కోసం మాత్రమే కాకుండా, మార్కెట్‌ పరిస్థితులకు అనుగుణంగా పెట్టుబడులను మార్చుకునే ఫండ్‌ మేనేజర్‌ ఆధారిత వ్యూహాల వైపు ఇన్వెస్టర్లు మొగ్గు చూపుతున్నారని తెలిపారు. అంతర్జాతీయ వడ్డీ రేట్ల మార్పులు, భౌగోళిక రాజకీయ పరిణామాలు, కంపెనీల ఆదాయాల్లో వ్యత్యాసాలు, అధిక వాల్యుయేషన్ల నేపథ్యంలో లార్జ్, మిడ్, స్మాల్‌క్యాప్‌ విభాగాల మధ్య పెట్టుబడులను మార్చుకునే వెసులుబాటు ఫ్లెక్సీక్యాప్‌ ఫండ్లకు ప్రధాన బలంగా మారిందని మెహతా వివరించారు.ఫ్లెక్సీక్యాప్‌ విభాగంలోకి క్వాంటమ్‌ క్వాంటమ్‌ మ్యూచువల్‌ ఫండ్‌ ‘క్వాంటమ్‌ ఫ్లెక్సీక్యాప్‌ ఫండ్‌’ను ప్రారంభించింది. లార్జ్, మిడ్, స్మాల్‌క్యాప్‌ షేర్లలో పెట్టుబడులు పెట్టే ఓపెన్‌–ఎండెడ్‌ డైనమిక్‌ ఈక్విటీ పథకం ఇది. సాంప్రదాయ పెట్టుబడి విధానాలతో పాటు ‘ప్రాఫిట్‌–పూల్‌ మైగ్రేషన్‌’ అనే విధానాన్ని కూడా అనుసరిస్తుంది. వివిధ పరిశ్రమల్లో లాభాల వాటా ఏ విభాగాల వైపు మారుతుందో గుర్తించి, అందుకు అనుగుణంగా పెట్టుబడులను మళ్లించడం ఈ విధానం ఉద్దేశం. దీనికి జీఏఆర్‌పీ (గ్రోత్‌ అట్‌ ఏ రీజనబుల్‌ ప్రైస్‌), బాటమ్‌–అప్‌ స్టాక్‌ ఎంపిక విధానాలను జోడించారు. క్వాంటమ్‌ ఫ్లెక్సీక్యాప్‌ ఫండ్‌ న్యూ ఫండ్‌ ఆఫర్‌ (ఎన్‌ఎఫ్‌ఓ) ఆగస్టు 21న ప్రారంభమైంది. రేపు (సెపె్టంబర్‌ 4న) ముగియనుంది. సెపె్టంబర్‌ 11 నుంచి ఈ పథకంలో కొనుగోలు, విక్రయాలకు అవకాశం ఉంటుంది. దాదాపు 20 ఏళ్ల కార్యకలాపాల అనంతరం క్వాంటమ్‌ మ్యూచువల్‌ ఫండ్‌ అందిస్తున్న పథకాల సంఖ్య 14కు చేరింది.ఇదీ చదవండి: ఒక్కసారిగా బంగారం ధరలు రివర్స్‌!

ఇటీవల కాలంలో స్థిర ఆదాయం సమకూర్చే కమోడిటీ మార్కెట్లపైపు పెట్టుబడిదారులు మొగ్గు చూపుతున్నారు. అందులో భాగంగా బంగారం ధరల్లో మార్పులు వస్తున్నాయని నిపుణులు చెబుతున్నారు. గత కొన్ని రోజులుగా బంగారం ధరలు(Today Gold Rate) ఒడిదొడుకులకు లోనవుతున్నాయి. దేశంలోని ప్రధాన నగరాల్లో నేడు బంగారం, వెండి ధరలు(Today Silver Rate) ఎలా ఉన్నాయో కింద తెలుసుకుందాం.

దేశీయ స్టాక్‌ మార్కెట్‌ సూచీలు గురువారం లాభాల్లో కదలాడుతున్నాయి. ఈరోజు ఉదయం 09:49 సమయానికి నిఫ్టీ(Nifty) 101 పాయింట్లు పెరిగి 24,017 వద్దకు చేరింది. సెన్సెక్స్‌(Sensex) 332 పాయింట్లు పుంజుకొని 76,899 వద్ద ట్రేడవుతోంది.అమెరికా డాలర్‌ ఇండెక్స్‌(USD Index) 99.48బ్రెంట్‌ క్రూడ్‌ఆయిల్‌ బ్యారెల్‌ ధర 95.2 డాలర్లుయూఎస్‌ 10 ఏళ్ల బాండ్‌ ఈల్డ్‌లు 4.7 శాతానికి చేరాయి.గడిచిన సెషన్‌లో యూఎస్‌ ఎస్‌ అండ్‌ పీ 0.46 శాతం పెరిగింది.నాస్‌డాక్‌ 0.45 శాతం పుంజుకుంది.Today Nifty position 03-09-2026(time: 09:49 am)(Disclaimer: మార్కెట్ గురించి సాక్షి వెబ్ సైట్లో నిపుణులు వెల్లడించే అభిప్రాయాలు వారి పరిశీలన, అంచనాలను బట్టి ఉంటాయి. ఇన్వెస్టర్లకు ఇది కేవలం విషయ అవగాహన మాత్రమే తప్ప.. వారు పెట్టే పెట్టుబడులకు సాక్షి మీడియా గ్రూపు ఎలాంటి హామీ ఇవ్వదు.)

దేశీయ స్టాక్‌ మార్కెట్లు బుధవారం నష్టాలలో ముగిశాయి. చమురు ధరల పెరుగుదల ద్రవ్యోల్బణ దృక్పథం గురించి ఆందోళనలను పెంచడంతో బెంచ్ మార్క్ సూచీలు వరుసగా మూడవ సెషన్‌లోనూ నష్టాలను విస్తరించాయి. సెన్సెక్స్ 373.93 పాయింట్లు లేదా 0.49 శాతం క్షీణించి 76,570.35 వద్ద, నిఫ్టీ 141.35 పాయింట్లు లేదా 0.59 శాతం క్షీణించి 23,914.45 వద్ద ముగిసింది.నిఫ్టీ 50 ఇండెక్స్ లో ఐషర్ మోటార్స్, విప్రో ఇండియా, బజాజ్ ఆటో టాప్ లూజర్స్‌గా నిలిచాయి. విస్తృత మార్కెట్లలో, నిఫ్టీ మిడ్ క్యాప్ 0.53 శాతం, నిఫ్టీ స్మాల్ క్యాప్ 0.37 శాతం తగ్గాయి. సెక్టార్‌ వారీగా చూస్తే.. నిఫ్టీ ఆటో 2 శాతం క్షీణించి ఇతర రంగాల సూచీలతో పోలిస్తే అత్యంత దెబ్బతింది. నిఫ్టీ, ఐటీ, మీడియా కూడా తక్కువ పనితీరు కనబరిచాయి. ఇదిలా ఉండగా, నిఫ్టీ ఆయిల్ అండ్ గ్యాస్, పీఎస్‌యూ బ్యాంక్, రియల్టీ మెరుగైన పనితీరు కనబరిచాయి.

ఇటీవల కాలంలో స్థిర ఆదాయం సమకూర్చే కమోడిటీ మార్కెట్లపైపు పెట్టుబడిదారులు మొగ్గు చూపుతున్నారు. అందులో భాగంగా బంగారం ధరల్లో మార్పులు వస్తున్నాయని నిపుణులు చెబుతున్నారు. గత కొన్ని రోజులుగా బంగారం ధరలు(Today Gold Rate) ఒడిదొడుకులకు లోనవుతున్నాయి. దేశంలోని ప్రధాన నగరాల్లో నేడు బంగారం, వెండి ధరలు(Today Silver Rate) ఎలా ఉన్నాయో కింద తెలుసుకుందాం.

దేశీయ స్టాక్‌ మార్కెట్‌ సూచీలు బుధవారం నష్టాల్లో కదలాడుతున్నాయి. ఈరోజు ఉదయం 09:25 సమయానికి నిఫ్టీ(Nifty) 226 పాయింట్లు తగ్గి 23,827 వద్దకు చేరింది. సెన్సెక్స్‌(Sensex) 683 పాయింట్లు నష్టపోయి 76,261 వద్ద ట్రేడవుతోంది.అమెరికా డాలర్‌ ఇండెక్స్‌(USD Index) 99.77బ్రెంట్‌ క్రూడ్‌ఆయిల్‌ బ్యారెల్‌ ధర 95.2 డాలర్లుయూఎస్‌ 10 ఏళ్ల బాండ్‌ ఈల్డ్‌లు 4.8 శాతానికి చేరాయి.గడిచిన సెషన్‌లో యూఎస్‌ ఎస్‌ అండ్‌ పీ 0.71 శాతం పడిపోయింది.నాస్‌డాక్‌ 1.03 శాతం నష్టపోయింది.Today Nifty position 02-09-2026(time: 09:25 am)(Disclaimer: మార్కెట్ గురించి సాక్షి వెబ్ సైట్లో నిపుణులు వెల్లడించే అభిప్రాయాలు వారి పరిశీలన, అంచనాలను బట్టి ఉంటాయి. ఇన్వెస్టర్లకు ఇది కేవలం విషయ అవగాహన మాత్రమే తప్ప.. వారు పెట్టే పెట్టుబడులకు సాక్షి మీడియా గ్రూపు ఎలాంటి హామీ ఇవ్వదు.)

దేశీయ స్టాక్‌మార్కెట్‌ సూచీలు మంగళవారం క్రితం రోజు లాభాలను నిలబెట్టుకోలేక స్వల్ప నష్టాలతో ముగిశాయి. ట్రేడింగ్ ముగిసే సమయానికి నేషనల్ స్టాక్ ఎక్స్ఛేంజ్ సూచీ నిఫ్టీ 24 పాయింట్లు క్షీణించి 24,055 పాయింట్ల వద్ద స్థిరపడగా, బాంబే స్టాక్ ఎక్స్ఛేంజ్ ప్రధాన సూచీ సెన్సెక్స్ 12 పాయింట్లు పడిపోయి 76,944 వద్ద నిలిచింది. దేశీయంగా ఇటీవలి జీడీపీ గణాంకాలు బలంగా ఉన్నప్పటికీ అంతర్జాతీయ పరిణామాలు, ముడిచమురు ధరల పెరుగుదల పెట్టుబడిదారుల సెంటిమెంట్‌పై ప్రతికూల ప్రభావం చూపాయి.నష్టాలకు దారితీసిన కొన్ని అంశాలుపశ్చిమాసియా (మిడిల్ ఈస్ట్) ప్రాంతంలో మళ్లీ భౌగోళిక ఉద్రిక్తతలు చెలరేగడంతో అంతర్జాతీయ మార్కెట్‌లో బ్రెంట్ క్రూడాయిల్ ధరలు పెరుగుతున్నాయి. చమురు ధరలు పెరగడం భారతదేశం లాంటి దిగుమతి ఆధారిత దేశాల ద్రవ్యోల్బణానికి సవాలుగా మారే అవకాశం ఉందన్న ఆందోళన వ్యక్తమైంది.అమెరికా బాండ్ ఈల్డ్‌లు పెరగడం, అక్కడి వడ్డీ రేట్లు దీర్ఘకాలం పాటు అధికంగానే కొనసాగుతాయనే అంచనాలు విదేశీ పోర్ట్‌ఫోలియో పెట్టుబడిదారుల నిధుల ఉపసంహరణకు దారితీశాయి.ప్రధానంగా బ్యాంకింగ్, ఫైనాన్షియల్ సర్వీసెస్, ఆటోమొబైల్, ఫార్మా రంగాలు అమ్మకాల ఒత్తిడికి గురయ్యాయి.రక్షణాత్మక రంగాల్లో కొనుగోళ్లుమార్కెట్లు తీవ్ర ప్రతికూలతల్లో ఉన్నప్పటికీ రక్షణాత్మక రంగాలుగా భావించే ఎఫ్‌ఎమ్‌సీజీ, ఐటీ విభాగాలు సూచీలకు ఆసరాగా నిలిచాయి. ఐటీసీ, భారతీ ఎయిర్‌టెల్, హెచ్‌సీఎల్ టెక్నాలజీస్, రిలయన్స్ ఇండస్ట్రీస్ షేర్లు లాభాల్లో ముగిసి నష్టాల తీవ్రతను పరిమితం చేశాయి. విశ్లేషకుల అభిప్రాయం ప్రకారం స్వల్పకాలంలో విదేశీ మార్కెట్ల సంకేతాలు, అంతర్జాతీయ చమురు ధరల గమనం ఆధారంగానే ఇండియన్ మార్కెట్లు ముందుకు సాగే అవకాశం ఉంది.ఇదీ చదవండి: 600 దరఖాస్తులు.. 10 ఇంటర్వ్యూలు!

రెండు రోజుల వరుస తగ్గుదల తరువాత గోల్డ్ రేటు మరోమారు పెరిగింది. దీంతో దేశంలోని ప్రధాన నగరాల్లో పసిడి ధరల్లో గణనీయమైన మార్పులు జరిగాయి. ఈ కథనంలో బంగారం ధర హైదరాబాద్, విజయవాడ, చెన్నై, ముంబై, బెంగళూరు, ఢిల్లీలలో ఎలా ఉందో తెలుసుకుందాం.

సోమవారం నష్టాల్లో ముగిసిన దేశీయ స్టాక్ మార్కెట్లు.. మంగళవారం కూడా నష్టాల్లోనే ప్రారంభమయ్యాయి. ఉదయ 9:20 గంటలకు సెన్సెక్స్ 77.35 పాయింట్లు లేదా 0.10 శాతం నష్టంతో 76,879.92 వద్ద, నిఫ్టీ 40.40 పాయింట్లు లేదా 0.17 శాతం నష్టంతో 24,040.00 వద్ద నిలిచాయి.అదానీ గ్రీన్ ఎనర్జీ లిమిటెడ్, పవర్ ఫైనాన్స్ కార్పొరేషన్ లిమిటెడ్, అదానీ పోర్ట్స్ & స్పెషల్ ఎకనామిక్ జోన్ లిమిటెడ్ వంటి కంపెనీలు టాప్ గెయినర్స్ జాబితాలో చేరాయి. కేఈఐ ఇండస్ట్రీస్ లిమిటెడ్, బికాజీ ఫుడ్స్ ఇంటర్నేషనల్ లిమిటెడ్, పాలీక్యాబ్ ఇండియా లిమిటెడ్ సంస్థలు నష్టాలను చవిచూశాయి.(Disclaimer: మార్కెట్ గురించి సాక్షి వెబ్‌సైట్‌లో నిపుణులు వెల్లడించే అభిప్రాయాలు వారి పరిశీలన, అంచనాలను బట్టి ఉంటాయి. ఇన్వెస్టర్లకు ఇది కేవలం విషయ అవగాహన మాత్రమే తప్ప.. వారు పెట్టే పెట్టుబడులకు సాక్షి మీడియా గ్రూపు ఎలాంటి హామీ ఇవ్వదు.)

బంగారం ధరలు ఊహకందని రీతిలో విపరీతంగా పెరుగుతున్నాయి. దీంతో దేశంలోని ప్రధాన నగరాల్లో పసిడి ధరల్లో గణనీయమైన మార్పు కనిపిస్తోంది. ఆగస్టు 01న రూ.1,44,220 వద్ద ఉన్న గోల్డ్ రేటు, ఈ రోజుకు (ఆగస్టు 31) రూ.1,56,770 వద్దకు చేరింది. దీన్నిబట్టి చూస్తే.. నెల రోజుల్లో పసిడి ధరల్లో ఎంత మార్పు జరిగిందో స్పష్టంగా అర్థం చేసుకోవచ్చు.ఈ నెల (ఆగస్టు) ప్రారంభంలో హైదరాబాద్, విజయవాడలలో రూ.1,44,220 వద్ద ఉన్న 24 క్యారెట్ల 10 గ్రాముల గోల్డ్ రేటు, ఆగస్టు 31కి రూ.1,56,770 వద్దకు చేరింది. అంటే నెల రోజుల్లో రూ.12550 పెరిగిందన్నమాట. 22 క్యారెట్ల రేటు రూ.1,32,200 నుంచి రూ.1,43,700 (రూ.11,500 పెరిగింది) వద్దకు చేరింది.ఢిల్లీ కూడా బంగారం ధరలలో చాలా మార్పులు జరిగాయి. ఇక్కడ నెల ప్రారంభంలో రూ.1,32,350 వద్ద ఉన్న 22 క్యారెట్ల గోల్డ్ రేటు నేటికి రూ.1,43,700 (రూ.11350 పెరిగింది) వద్దకు చేరింది. 24 క్యారెట్ల రేటు రూ.1,44,370 నుంచి రూ.1,56,770 (రూ.12400 పెరిగింది) వద్దకు చేరింది.ఇక వెండి ధరల విషయానికి వస్తే.. కేజీ సిల్వర్ రేటు 30 రోజుల్లో రూ.2.35 లక్షల నుంచి రూ.2.60 లక్షలకు చేరింది. అంటే నెల రోజుల్లో 25000 రూపాయలు పెరిగింది. ఈ ధరలు ఇంకా పెరిగే అవకాశం ఉందని నిపుణులు చెబుతున్నారు. ప్రస్తుత పరిస్థితులు చూస్తుంటే.. పెరిగే అవకాశం ఉందని స్పష్టంగా అర్థమైపోతుంది.

సోమవారం ఉదయం నష్టాల్లో ప్రారంభమైన దేశీయ స్టాక్ మార్కెట్లు, ట్రేడింగ్ క్లోజ్ అయ్యే సమయానికి నష్టాల్లోనే ముగిశాయి. సెన్సెక్స్ 307.23 పాయింట్లు లేదా 0.40 శాతం నష్టంతో 76,957.27 వద్ద, నిఫ్టీ 95.25 పాయింట్లు లేదా 0.39 శాతం నష్టంతో 24,080.40 వద్ద నిలిచాయి.ఏథర్ ఎనర్జీ లిమిటెడ్, ఇండెజీన్ లిమిటెడ్, సిఈ ఇన్ఫో సిస్టమ్స్ లిమిటెడ్ వంటి కంపెనీలు టాప్ గెయినర్స్ జాబితాలో చేరాయి. అదానీ ఎంటర్‌ప్రైజెస్ లిమిటెడ్, అదానీ గ్రీన్ ఎనర్జీ లిమిటెడ్, అదానీ పవర్ లిమిటెడ్ వంటివి నష్టాలను చవిచూశాయి.(Disclaimer: మార్కెట్ గురించి సాక్షి వెబ్‌సైట్‌లో నిపుణులు వెల్లడించే అభిప్రాయాలు వారి పరిశీలన, అంచనాలను బట్టి ఉంటాయి. ఇన్వెస్టర్లకు ఇది కేవలం విషయ అవగాహన మాత్రమే తప్ప.. వారు పెట్టే పెట్టుబడులకు సాక్షి మీడియా గ్రూపు ఎలాంటి హామీ ఇవ్వదు.)

దేశంలో బంగారం ధరల తగ్గుదల కొనసాగుతోంది. మూడు రోజులుగా తగ్గుముఖం పట్టిన పసిడి ధరలు నేడు మరింత దిగివచ్చాయి. దీంతో పుత్తడి కొనుగోలుదారులకు ఈరోజు కూడా ఊరట లభించింది. ఇక వెండి ధరలు మాత్రం ఎలాంటి మార్పు లేకుండా నిలకడగా కొనసాగుతున్నాయి. ఇటీవల కాలంలో స్థిర ఆదాయం సమకూర్చే కమోడిటీ మార్కెట్లపైపు పెట్టుబడిదారులు మొగ్గు చూపుతున్నారు. అందులో భాగంగా బంగారం, వెండి ధరల్లో మార్పులు వస్తున్నాయని నిపుణులు చెబుతున్నారు. దేశంలోని ప్రధాన నగరాల్లో నేడు బంగారం (Today Gold Rate), వెండి ధరలు(Today Silver Rate) ఎలా ఉన్నాయో కింద తెలుసుకుందాం.

దేశీయ స్టాక్‌ మార్కెట్‌ సూచీలు సోమవారం నష్టాల్లో కదలాడుతున్నాయి. పెరుగుతున్న చమురు ధరలు, యూఎస్‌ వడ్డీ రేట్ల పెరుగుదల గురించి ఆందోళన కారణంగా నిఫ్టీ 50, సెన్సెక్స్ పడిపోయాయి.ఉదయం 9:50 గంటల సమయానికి సెన్సెక్స్ 367.60 పాయింట్లు లేదా 0.48 శాతం క్షీణించి 76,896.91 వద్ద, నిఫ్టీ 50 148.85 పాయింట్లు లేదా 0.62 శాతం క్షీణించి 24,026.80 వద్ద ట్రేడవుతున్నాయి.హిందాల్కో ఇండస్ట్రీస్, ఇన్ఫోసిస్, అదానీ ఎంటర్ ప్రైజెస్ నిఫ్టీ 50 ఇండెక్స్ లో టాప్ లూజర్స్ గా నిలిచాయి. విస్తృత మార్కెట్లలో, నిఫ్టీ మిడ్ క్యాప్ 0.53 శాతం, నిఫ్టీ స్మాల్ క్యాప్ 73 శాతం నష్టపోయాయి. రంగాల వారీగా, నిఫ్టీ మెటల్, నిఫ్టీ ఐటీ, నిఫ్టీ సిమెంట్, నిఫ్టీ మీడియా తక్కువ పనితీరు కనబరిచాయి.అమెరికా డాలర్‌ ఇండెక్స్‌(USD Index) 99.70బ్రెంట్‌ క్రూడ్‌ఆయిల్‌ బ్యారెల్‌ ధర 89.31 డాలర్లుయూఎస్‌ 10 ఏళ్ల బాండ్‌ ఈల్డ్‌లు 4.73 శాతానికి చేరాయి.గడిచిన సెషన్‌లో యూఎస్‌ ఎస్‌ అండ్‌ పీ 0.25 శాతం నష్టపోయింది.నాస్‌డాక్‌ 0.52 శాతం నష్టపోయింది.Today Nifty position 28-08-2026(time: 10:00 am)(Disclaimer: మార్కెట్ గురించి సాక్షి వెబ్ సైట్లో నిపుణులు వెల్లడించే అభిప్రాయాలు వారి పరిశీలన, అంచనాలను బట్టి ఉంటాయి. ఇన్వెస్టర్లకు ఇది కేవలం విషయ అవగాహన మాత్రమే తప్ప.. వారు పెట్టే పెట్టుబడులకు సాక్షి మీడియా గ్రూపు ఎలాంటి హామీ ఇవ్వదు.)

ఈ నెలంతా పలు ఐపీవోలతో సందడి రేపిన ప్రైమరీ మార్కెట్లు కొత్త సెప్టెంబర్‌లోనూ కళకళలాడనున్నాయి. నేడు, రేపు రెండు కంపెనీల పబ్లిక్‌ ఇష్యూలు ప్రారంభంకానుండగా.. రెండు కంపెనీల ఇష్యూలు ముగియనున్నాయి. మరోపక్క ఈ వారం మెయిన్‌బోర్డులో ఏకంగా 8 కంపెనీలు లిస్ట్‌కానున్నాయి. వివరాలు చూద్దాం..పర్పుల్‌ స్టైల్‌ @ రూ. 546–575ఒక్కో షేరుకి రూ. 546–575 ధరల శ్రేణిలో పర్పుల్‌ స్టైల్‌ ల్యాబ్స్‌ పబ్లిక్‌ ఇష్యూ నేడు ప్రారంభంకానుంది. సెపె్టంబర్‌ 2న ముగియనున్న ఇష్యూలో భాగంగా రూ. 680 కోట్ల విలువైన ఈక్విటీ షేర్లను తాజాగా జారీ చేయనుంది. తద్వారా పెర్నియాస్‌ పాపప్‌ షాప్‌ మాతృ సంస్థ రూ. 680 కోట్లు సమీకరించే యోచనలో ఉంది. ఐపీవో నిధులలో రూ. 371 కోట్లు సొంత అనుబంధ సంస్థ పీఎస్‌ఎల్‌ రిటైల్‌లో ఇన్వెస్ట్‌ చేయనుంది. మరో రూ. 139 కోట్లు సేల్స్, మార్కెటింగ్‌ వ్యయాలకు కేటాయించనుంది.మిగిలిన నిధులను మల్టీబ్రాండ్‌ లగ్జరీ ఫ్యాషన్‌ ఓమ్నీ చానల్‌ ప్లాట్‌ఫామ్‌ నిర్వాహక కంపెనీ సాధారణ కార్పొరేట్‌ అవసరాలకు వినియోగించనుంది. కంపెనీ రిటైల్‌గా పెర్నియాస్‌ పాపప్‌ షాప్‌ల ద్వారా సంప్రదాయ దుస్తులు, వ్యక్తిగత విలాసవంత వస్తువులు తదితరాలను విక్రయిస్తోంది. కంపెనీలో ఇప్పటికే సెలబ్రిటీలు షారుఖ్‌ ఖాన్, సల్మాన్‌ ఖాన్, మాధురీ దీక్షిత్, సచిన్, మహేశ్‌ బాబు తదితరులు ఇన్వెస్ట్‌ చేసిన విషయం విదితమే!దీపా జ్యువెలర్స్‌ @ రూ. 168–177షేరుకి రూ. 168–177 ధరల శ్రేణిలో బంగారు ఆభరణాల తయారీ కంపెనీ దీపా జ్యువెలర్స్‌ పబ్లిక్‌ ఇష్యూ రేపు(సెపె్టంబర్‌ 1న) ప్రారంభమై 3న ముగియనుంది. యాంకర్‌ ఇన్వెస్టర్లకు నేడు షేర్లను ఆఫర్‌ చేయనుంది. ఇష్యూలో భాగంగా రూ. 250 కోట్ల విలువైన ఈక్విటీ షేర్లను తాజాగా జారీ చేయనుంది. వీటికి జతగా మరో 1.18 కోట్ల షేర్లను ప్రస్తుత వాటాదారులు విక్రయానికి ఉంచనున్నారు. తద్వారా రూ. 460 కోట్లు సమీకరించే యోచనలో ఉంది. 2016లో ఏర్పాటైన కంపెనీ ప్రధానంగా హాల్‌మార్క్‌డ్‌ బంగారు ఆభరణాల బీటూబీ డిజైనర్, ప్రాసెసర్, సరఫరాదారుగా నిలుస్తోంది. తెలంగాణ, ఆంధ్రప్రదేశ్‌సహా కర్ణాటక, తమిళనాడు, కేరళలో కార్యకలాపాలు విస్తరించింది. కంపెనీ షేర్లు సెప్టెంబర్‌ 8న లిస్ట్‌కానున్నాయి.లిస్టింగ్‌కు సై...నేడు లుమినో ఇండస్ట్రీస్‌(రూ. 700 కోట్ల సమీకరణ) ఐపీవో ముగియనుండగా.. రేపు ఈఎస్‌డీఎస్‌ సాఫ్ట్‌వేర్‌ సొల్యూషన్‌(రూ. 720 కోట్ల సమీకరణ) ఇష్యూ ముగియనుంది. ఇటీవలే ఇష్యూలు ముగించుకున్న 6 కంపెనీలతోపాటు మరో 2 సంస్థలు స్టాక్‌ మార్కెట్లలో ఈ వారం లిస్ట్‌కానున్నాయి. జాబితాలో ఆగ్మంట్‌ ఎంటర్‌ప్రైజెస్‌(నేడు), హైటెక్‌ ఇంజినీర్స్, స్కైవేస్‌ ఎయిర్‌ సర్వీసెస్, సింబయోటెక్‌ ఫార్మాల్యాబ్‌(రేపు) చేరాయి. సెప్టెంబర్‌ 2న అన్ను ప్రాజెక్ట్స్, 3న లుమినో ఇండస్ట్రీస్, ఈఎస్‌డీఎస్‌ సాఫ్ట్‌వేర్‌ సొల్యూషన్, ప్రయారిటీ జ్యువెల్స్‌ 4న లిస్ట్‌కానున్నాయి.

క్రిప్టో కరెన్సీ మార్కెట్‌లో బిట్‌కాయిన్ భవిష్యత్తుపై బినాన్స్ వ్యవస్థాపకుడు చాంగ్‌పెంగ్ జావో (CZ) మరోసారి కీలక వ్యాఖ్యలు చేశారు. ఒక్కో బిట్‌కాయిన్ విలువ భవిష్యత్తులో 1 మిలియన్‌ డాలర్లకు (ప్రస్తుత మారక విలువ ప్రకారం సుమారు రూ.9.5 కోట్లు) చేరడం ఖాయమని, ఇందుకు 25 ఏళ్లు పట్టకపోవచ్చని ఆయన అభిప్రాయపడ్డారు. ఇటీవల హాంకాంగ్‌లో జరిగిన బిట్‌కాయిన్‌ ఆసియా 2026 సదస్సులో ‘బిట్‌కాయిన్‌ శతాబ్ధి’ పేరుతో జరిగిన చర్చలో ఆయన ఈ వ్యాఖ్యలు చేశారు.అయితే బిట్‌కాయిన్‌ను కేవలం ధర ఆధారంగా అంచనా వేయడం సరికాదని చాంగ్‌పెంగ్ జావో స్పష్టం చేశారు. రాబోయే దశాబ్దంలో దాని వినియోగం, చెల్లింపుల్లో వినియోగం, సంస్థాగత స్వీకరణ భారీగా పెరగాల్సిన అవసరం ఉందన్నారు. పెద్ద ఎత్తున బిట్‌కాయిన్ చెల్లింపులు జరగడం, రిటైర్మెంట్ ఫండ్లు, పెన్షన్ ఫండ్లు, పెట్టుబడి నిధులు, ప్రభుత్వాల రిజర్వ్ ఆస్తుల్లో బిట్‌కాయిన్‌కు స్థానం లభించడం వంటి పరిణామాలు కీలక మైలురాళ్లుగా మారతాయని పేర్కొన్నారు.బంగారాన్ని మించుతుందా?భవిష్యత్తులో బిట్‌కాయిన్ ప్రాధాన్యత బంగారాన్ని మించే అవకాశం ఉందని చాంగ్‌పెంగ్ జావో అభిప్రాయపడ్డారు. ముఖ్యంగా తదుపరి బుల్‌ మార్కెట్‌లో బిట్‌కాయిన్ మార్కెట్ విలువ పరంగా బంగారాన్ని అధిగమించవచ్చని ఆయన పేర్కొన్నట్లు ది బ్లాక్ నివేదించింది.అయితే ప్రస్తుతం ఈ రెండింటి మధ్య భారీ వ్యత్యాసం ఉంది. ఇటీవలి మార్కెట్ డేటా ప్రకారం బిట్‌కాయిన్ ధర ఆగస్టు చివర్లో సుమారు 80,000 డాలర్ల వద్ద కొనసాగుతోంది. ఆగస్టు 25న ఇది 80,600 డాలర్ల ప్రాంతాన్ని తాకింది. దీంతో 1 మిలియన్ డాలర్ల లక్ష్యాన్ని చేరాలంటే ప్రస్తుత స్థాయి నుంచి బిట్‌కాయిన్ దాదాపు 12 రెట్లు పెరగాల్సి ఉంటుంది.AI, స్టేబుల్‌కాయిన్లదే తదుపరి దశక్రిప్టో రంగంలో వచ్చే పదేళ్లలో కేవలం బిట్‌కాయిన్ మాత్రమే కాకుండా స్టేబుల్‌కాయిన్లు, టోకెనైజేషన్, ఆర్టిఫిషియల్ ఇంటెలిజెన్స్ (AI), AI ఏజెంట్లు కీలక పాత్ర పోషిస్తాయని సీజెడ్‌ అంచనా వేశారు. టోకెనైజ్డ్ ఆస్తులు, డిజిటల్ చెల్లింపులు వేగంగా విస్తరించడంతో సంప్రదాయ ఆర్థిక వ్యవస్థతో క్రిప్టో రంగం అనుసంధానం మరింత బలపడుతుందని ఆయన అన్నారు.బిట్‌కాయిన్ ప్రధానంగా దీర్ఘకాలిక పొదుపు, రిజర్వ్ ఆస్తిగా ఎదగవచ్చని, మరోవైపు స్టేబుల్‌కాయిన్లు రోజువారీ చెల్లింపులు, ట్రేడింగ్, అలాగే AI ఏజెంట్ల మధ్య జరిగే మెషిన్-టు-మెషిన్ లావాదేవీల్లో కీలకంగా మారవచ్చని ఆయన వివరించారు.

దేశంలో బంగారం, వెండి ధరలు నిలకడగా కొనసాగుతున్నాయి. వరుస పతనాలతో తగ్గుతూ వచ్చిన పసిడి ధరలు నేడు (Today Gold Rate) స్థిరంగా ఉన్నాయి. ఇక వెండి ధరలు (Today Silver Rate) కూడా నేడు నిలకడగా కొనసాగుతున్నాయి. దీంతో ఈరోజు బంగారం, వెండి కొనేవాళ్లకు ఉపశమనం లభించింది. దేశ రాజధాని ఢిల్లీతో పాటు తెలుగు రాష్ట్రాలలో ఈరోజు బంగారం, వెండి ధరలు ఎలా ఉన్నాయో కింద చూద్దాం..

బంగారం ధరలు రికార్డు స్థాయిలో పెరగడం మైనింగ్ కంపెనీలకు బాగా కలిసొస్తోంది. బంగారాన్ని తవ్వడానికి అయ్యే ఖర్చులు పెరుగుతున్నప్పటికీ.. బంగారం ధరలు అంతకంటే వేగంగా పెరగడంతో కంపెనీలకు భారీ లాభాలు వస్తున్నాయి. దీంతో వాటి మార్జిన్లు, నగదు ప్రవాహాలు కూడా రికార్డు స్థాయికి చేరాయి. వరల్డ్ గోల్డ్ కౌన్సిల్ (WGC) తాజా నివేదికలో ఈ విషయాలు వెల్లడయ్యాయి.మైనింగ్ ఖర్చులు2026 జనవరి-మార్చి త్రైమాసికంలో ఒక ఔన్స్ బంగారాన్ని ఉత్పత్తి చేయడానికి మైనింగ్ కంపెనీలకు సగటున 1,785 డాలర్లు ఖర్చైంది. ఇది అంతకుముందు త్రైమాసికంతో పోలిస్తే 5 శాతం, గత ఏడాది ఇదే కాలంతో పోలిస్తే 16 శాతం ఎక్కువ. మైనింగ్ రంగంలో ఉత్పత్తి ఖర్చులు వరుసగా 28వ ఏడాది పెరగడం గమనార్హం. దీన్నిబట్టి చూస్తే బంగారం తవ్వకం రోజురోజుకూ ఖరీదవుతోందని స్పష్టమవుతోంది.రాయల్టీల భారంమైనింగ్ కంపెనీల ఖర్చులు పెరగడానికి రాయల్టీ చెల్లింపులు కూడా ఒక ప్రధాన కారణంగా మారాయి. జనవరిలో బంగారం ధర ఔన్స్‌కు 5,595 డాలర్ల వరకు వెళ్లింది. ధరలు భారీగా పెరగడంతో ప్రభుత్వాలకు చెల్లించాల్సిన రాయల్టీలు కూడా అదే స్థాయిలో పెరిగాయి. 2026 మొదటి త్రైమాసికంలో రాయల్టీ ఖర్చులు గత త్రైమాసికంతో పోలిస్తే 24 శాతం, గత ఏడాది ఇదే కాలంతో పోలిస్తే ఏకంగా 85 శాతం పెరిగాయి. కొన్ని సంవత్సరాల క్రితం మైనింగ్ కంపెనీల మొత్తం ఖర్చుల్లో రాయల్టీల వాటా తక్కువగా ఉండగా.. ఇప్పుడు అది 12 శాతానికి చేరింది.ఆఫ్రికా దేశాల్లో కొత్త రూల్స్పశ్చిమ ఆఫ్రికాలోని కొన్ని దేశాలు బంగారం ధరలు పెరిగినప్పుడు ఎక్కువ రాయల్టీ వసూలు చేసే విధానాలను తీసుకొచ్చాయి. ఘనా, బుర్కినా ఫాసో, మాలి వంటి దేశాల్లో కొత్త రాయల్టీ విధానాలు అమల్లోకి వచ్చాయి. దీంతో అక్కడ బంగారం తవ్వుతున్న కంపెనీల ఖర్చులు మరింత పెరిగాయి. ఉదాహరణకు బుర్కినా ఫాసోలోని గనిలో రాయల్టీ ఖర్చులు ఏడాదిలో ఏకంగా 220 శాతం పెరిగాయి.కంపెనీలకు ప్లస్ఖర్చులు పెరిగినా.. మైనింగ్ కంపెనీలకు పెద్దగా ఇబ్బంది లేకపోవడానికి ప్రధాన కారణం బంగారం ధరలు భారీగా పెరగడమే. 2026 మొదటి త్రైమాసికంలో బంగారం సగటు ధర గత త్రైమాసికంతో పోలిస్తే 17 శాతం, గత ఏడాది ఇదే కాలంతో పోలిస్తే 70 శాతం పెరిగింది. దీంతో కంపెనీలకు ఒక్క ఔన్స్ బంగారంపై వచ్చే మార్జిన్ రికార్డు స్థాయికి చేరింది. మైనింగ్ కంపెనీల సగటు AISC మార్జిన్ ఔన్స్‌కు 3,076 డాలర్లకు చేరింది. గత త్రైమాసికంతో పోలిస్తే ఇది 25 శాతం, ఏడాది వ్యవధిలో ఏకంగా 134 శాతం పెరిగింది.షేర్‌హోల్డర్లకు డబ్బుకంపెనీల చేతిలోకి భారీగా నగదు రావడంతో ఆ మొత్తాన్ని షేర్‌హోల్డర్లకు కూడా తిరిగి ఇస్తున్నాయి. డివిడెండ్లు, షేర్ బైబ్యాక్‌ల రూపంలో పెద్ద మొత్తాలను ఖర్చు చేస్తున్నాయి.న్యూమాంట్ సంస్థ ఈ త్రైమాసికంలో 3.1 బిలియన్ డాలర్ల రికార్డు స్థాయి ఫ్రీ క్యాష్ ఫ్లోను సాధించింది. ఇందులో 2.7 బిలియన్ డాలర్లను షేర్‌హోల్డర్లకు తిరిగి ఇచ్చింది. మరో 6 బిలియన్ డాలర్ల షేర్ బైబ్యాక్ ప్రోగ్రామ్‌కు కూడా ఆమోదం తెలిపింది. ఆంగ్లోగోల్డ్ అశాంతి కూడా 1.2 బిలియన్ డాలర్ల రికార్డు స్థాయి ఫ్రీ క్యాష్ ఫ్లోను నమోదు చేసింది. దీంతో కంపెనీ నికర రుణ స్థితి నుంచి నికర నగదు స్థితికి చేరుకుంది.ఇరాన్ వివాదంమరోవైపు.. ఇరాన్ వివాదం కారణంగా సరఫరా వ్యవస్థలో అంతరాయాలు ఏర్పడుతున్నాయి. హోర్ముజ్ జలసంధి మూసివేత వంటి పరిణామాలతో ఇంధనం, రవాణా, మైనింగ్‌కు అవసరమైన ఇతర వస్తువుల ధరలు పెరిగాయి. అమెరికాలో హోల్‌సేల్ డీజిల్ ధరలు 54 శాతం పెరగగా.. పెర్త్‌లో 96 శాతం వరకు పెరిగాయి. అయితే పెద్ద మైనింగ్ కంపెనీలు ముందుగానే చేసుకున్న ఒప్పందాలు, ఇంధన నిల్వలు, హెడ్జింగ్ వంటి చర్యల వల్ల ప్రభావాన్ని కొంతవరకు తగ్గించుకోగలిగాయి.ఖర్చులు ఇంకా పెరగొచ్చుఇరాన్ వివాదం, సరఫరా సమస్యలు ఇలాగే కొనసాగితే.. మైనింగ్ కంపెనీల ఖర్చులు మరింత పెరిగే అవకాశం ఉందని WGC చెబుతోంది. ఇదే జరిగితే బంగారం ధరలు మరింత పెరిగే అవకాశం ఉంది. ముఖ్యంగా ఇంధనం, రవాణా, ఇతర మైనింగ్ వస్తువుల ధరల ప్రభావం రెండో త్రైమాసికంలో మరింత స్పష్టంగా కనిపించొచ్చు.అంటే ప్రస్తుతం బంగారం ధరలు మైనింగ్ కంపెనీలకు భారీ లాభాలు తెచ్చిపెడుతున్నప్పటికీ.. ఖర్చులు కూడా వేగంగా పెరుగుతున్నాయి. బంగారం ధరలు ఇదే స్థాయిలో కొనసాగితే కంపెనీలకు మంచి లాభాలు వచ్చే అవకాశం ఉంటుంది. కానీ బంగారం ధరలు తగ్గి, మైనింగ్ ఖర్చులు మాత్రం పెరిగితే లాభాల మార్జిన్లపై ఒత్తిడి పెరగవచ్చు.ఇదీ చదవండి: వెండికి ఫుల్ డిమాండ్.. అసలు కారణాలు ఇవే!

బంగారం ధరలు మాత్రమే కాకుండా.. వెండి ధరలు కూడా అమాంతం పెరుగుతున్నాయి. అంతర్జాతీయ మార్కెట్‌లో వెండి ధర ఔన్స్‌కు 69.71 డాలర్లకు చేరుకుంది. ఆగస్టు 26న ప్రారంభ ట్రేడింగ్‌లో ఈ స్థాయిని తాకింది. 2026 జూన్ 16 తర్వాత వెండి ధర ఇంత గరిష్ఠ స్థాయికి చేరడం ఇదే తొలిసారి.అంతర్జాతీయ మార్కెట్‌లో ధరలు పెరగడంతో.. దేశీయ మార్కెట్‌లో కూడా వెండి ధరలు గణనీయంగా పెరుగుతున్నాయి. MCXలో సెప్టెంబర్ కాంట్రాక్ట్ వెండి ధర ఆగస్టు 25న 0.08 శాతం పెరిగి కిలోకు రూ.2,44,328కు చేరింది. ఈ నెలలో ఇప్పటివరకు వెండి ధర దాదాపు 20 శాతం పెరగడం గమనార్హం.వెండి ధర ఎందుకు పెరుగుతోంది?వెండి ధర పెరగడానికి చాలా కారణాలు ఉన్నాయి. అమెరికాలో వడ్డీ రేట్లు తగ్గే అవకాశం ఉందనే అంచనాలు, డాలర్ బలహీనపడటం, బంగారం ధరలు పెరగడం వంటి అంశాలు వెండికి మద్దతుగా నిలుస్తున్నాయి. ప్రపంచవ్యాప్తంగా ప్రభుత్వ రుణాలు, ద్రవ్యోల్బణంపై ఆందోళనలు కూడా సిల్వర్ రేటు పెరగడానికి ప్రధాన కారణం అవుతోంది. దీంతో పెట్టుబడిదారులు బంగారం, వెండి వంటి విలువైన లోహాల వైపు చూస్తున్నారు.బంగారం ధరల ప్రభావంవెండి ధరల పెరుగుదలలో బంగారం కూడా కీలక పాత్ర పోషిస్తోంది. బంగారం ధరలు పెరిగినప్పుడు చాలాసార్లు వెండిపై కూడా పెట్టుబడిదారుల ఆసక్తి పెరుగుతుంది. ప్రస్తుతం బంగారం కూడా బలంగా ఉండటంతో వెండికి కూడా డిమాండ్ పెరిగింది. అందుకే వెండి ధరలు వేగంగా పైకి కదులుతున్నాయి.పారిశ్రామిక డిమాండ్బంగారంతో పోలిస్తే వెండికి మరో ప్రత్యేకత ఉంది. వెండిని కేవలం ఆభరణాలు, పెట్టుబడుల కోసమే కాకుండా అనేక పరిశ్రమల్లో ఉపయోగిస్తారు. ముఖ్యంగా.. సోలార్ ప్యానెల్స్, ఎలక్ట్రానిక్స్, ఎలక్ట్రిక్ వాహనాలు, ఇతర టెక్నాలజీ రంగాల్లో వెండిని ఉపయోగిస్తున్నారు. రెన్యూవబుల్ ఎనర్జీ రంగం వేగంగా అభివృద్ధి చెందుతున్న నేపథ్యంలో వెండికి పారిశ్రామిక డిమాండ్ కూడా పెరుగుతోంది.డిమాండుకు సరిపడా వెండి అందుబాటులో లేనప్పుడు ధరలు తప్పకుండా పెరిగే అవకాశం ఉంది. ఇప్పటికే వెండిలో పెట్టుబడి పెట్టినవారు తమ పెట్టుబడులను కొనసాగించవచ్చని నిపుణులు చెబుతున్నారు. అయితే.. కొత్తగా పెట్టుబడి పెట్టాలనుకునేవారు మాత్రం కొంత జాగ్రత్తగా ఉండాలని సూచిస్తున్నారు.ఎందుకంటే.. ఒక్క నెలలోనే వెండి ధర దాదాపు 20 శాతం పెరిగింది. ఇలాంటి సమయంలో ధరలు మరింత పెరుగుతాయని భావించి ఒకేసారి పెద్ద మొత్తంలో పెట్టుబడి పెట్టడం రిస్క్‌తో కూడుకున్నది. కొత్తగా పెట్టుబడి పెట్టేవారు మొత్తం డబ్బును ఒకేసారి పెట్టకుండా.. కొంత కొంతగా పెట్టుబడి పెట్టడం లేదా ధరలు కొద్దిగా తగ్గినప్పుడు కొనుగోలు చేయడం మంచిదని నిపుణులు సూచిస్తున్నారు.భారతదేశంలో వెండి రేటుభారతదేశంలో కూడా వెండి రేటు పెరుగుదల దిశగా పరుగులు పెడుతున్నాయి. దీంతో హైదరాబాద్, విజయవాడలలో కేజీ వెండి రేటు రూ.2.60 లక్షల వద్ద, ఢిల్లీలో రూ.2.55 లక్షల వద్ద ఉంది. ధరల పెరుగుదల ఇలాగే కొనసాగితే వెండి రేటు రూ.3 లక్షలకు చేరుకుంటుందని చెప్పడంలో ఎలాంటి సందేహం లేదు.

అంతర్జాతీయ బులియన్‌ మార్కెట్‌లో ఈ వారం బంగారం, వెండి ధరలకు ప్రతికూలంగా మారింది. అమెరికా ఫెడరల్‌ రిజర్వ్‌ చైర్మన్‌ కెవిన్‌ వార్ష్‌ జాక్సన్‌ హోల్‌ సదస్సులో చేసిన వ్యాఖ్యలు, అమెరికా డాలర్‌ బలోపేతం, ఇటీవల ధరలు భారీగా పెరగడంతో ఇన్వెస్టర్లు లాభాల స్వీకరణకు దిగడం వంటి అంశాలు బంగారం, వెండిపై ఒత్తిడిని పెంచాయి. ముఖ్యంగా ఆగస్టు 28న వార్ష్‌ ప్రసంగం తర్వాత సెప్టెంబర్‌లో అమెరికా వడ్డీ రేట్ల పెంపుపై అంచనాలు పెరగడంతో బులియన్‌ ధరలు ఒక్కసారిగా క్షీణించాయి.వారం ప్రారంభంలో ఆగస్టు 24న అంతర్జాతీయ మార్కెట్లో స్పాట్‌ గోల్డ్‌ ఔన్స్‌కు సుమారు 4,696 డాలర్ల స్థాయికి చేరువైంది. అయితే వారాంతానికి పరిస్థితి పూర్తిగా మారిపోయింది. ఆగస్టు 28న ఫెడ్‌ చైర్మన్‌ ప్రసంగం తర్వాత స్పాట్‌ గోల్డ్‌ 3 శాతానికి పైగా క్షీణించి 4,567 డాలర్ల ప్రాంతానికి పడిపోయింది. అదే సమయంలో వెండి ధర కూడా దాదాపు 3.5 శాతం తగ్గి ఔన్స్‌కు 66.81 డాలర్లకు చేరింది.వార్ష్‌ వ్యాఖ్యలతో పెరిగిన వడ్డీ రేట్ల భయాలుజాక్సన్‌ హోల్‌లో ప్రసంగించిన కెవిన్‌ వార్ష్‌.. ఫెడ్‌ ప్రధానంగా ధరల స్థిరత్వంపై దృష్టి పెట్టాల్సిన అవసరం ఉందని స్పష్టం చేశారు. అమెరికా ఫెడ్‌ లక్ష్యమైన 2 శాతంతో పోలిస్తే వ్యక్తిగత వినియోగ వ్యయాల (PCE) ద్రవ్యోల్బణం 12 నెలల ప్రాతిపదికన 3.7 శాతంగా ఉందని ఆయన పేర్కొన్నారు. ద్రవ్యోల్బణం లక్ష్యం వైపు స్పష్టంగా, తగిన వేగంతో కదులుతోందన్న నమ్మకం కలగకపోతే ఫెడ్‌ చర్యలు తీసుకోవాల్సి ఉంటుందని సంకేతాలిచ్చారు.దీంతో సెప్టెంబర్‌ ఫెడ్‌ సమావేశంలో వడ్డీ రేట్ల పెంపు అవకాశాలపై మార్కెట్‌ అంచనాలు ఒక్కసారిగా పెరిగాయి. అధిక వడ్డీ రేట్ల వాతావరణం బంగారం వంటి వడ్డీ ఆదాయం ఇవ్వని ఆస్తులకు సాధారణంగా ప్రతికూలంగా ఉంటుంది. అదే సమయంలో డాలర్‌ బలోపేతం కావడంతో ఇతర కరెన్సీలు కలిగిన పెట్టుబడిదారులకు బంగారం ఖరీదుగా మారుతుంది. ఈ రెండు అంశాలు బులియన్‌పై ఒత్తిడిని పెంచాయి.దేశీయ మార్కెట్లోనూ భారీ పతనంఅంతర్జాతీయ పరిణామాల ప్రభావం దేశీయ మార్కెట్‌పైనా స్పష్టంగా కనిపించింది. ఢిల్లీ బులియన్‌ మార్కెట్లో ఆగస్టు 28న 99.9 శాతం స్వచ్ఛత గల బంగారం 10 గ్రాములకు రూ.3,300 తగ్గి రూ.1,62,400కు చేరింది. దీంతో ఆగస్టు 25న నమోదైన రూ.1,67,100 గరిష్ఠ స్థాయి నుంచి కేవలం మూడు సెషన్లలోనే బంగారం రూ.4,700 లేదా దాదాపు 3 శాతం నష్టపోయింది.వెండి కూడా అదే బాటలో పయనించింది. కిలో ధర రూ.5,000 తగ్గి రూ.2,45,500కు చేరింది. ఇటీవలి ర్యాలీ తర్వాత ట్రేడర్లు లాభాల స్వీకరణకు దిగడం, డాలర్‌ బలపడటం దేశీయ బులియన్‌ ధరలపై ఒత్తిడి తెచ్చాయని మార్కెట్‌ నిపుణులు పేర్కొన్నారు.వచ్చే వారం కీలకంఇక వచ్చే వారం బంగారం, వెండి ధరలకు అమెరికా ఆర్థిక గణాంకాలు కీలకం కానున్నాయి. సెప్టెంబర్‌ ఫెడ్‌ సమావేశానికి ముందు ఉద్యోగాల గణాంకాలు, ద్రవ్యోల్బణం తదితర డేటాపై మార్కెట్లు దృష్టి పెట్టనున్నాయి. ప్రస్తుతానికి వార్ష్‌ వ్యాఖ్యలు రేట్ల పెంపు భయాలను పెంచినప్పటికీ, సెప్టెంబర్‌లో ఫెడ్‌ నిర్ణయం పూర్తిగా రానున్న ఆర్థిక గణాంకాలపై ఆధారపడి ఉంటుంది. అందువల్ల బులియన్‌ మార్కెట్లో రానున్న రోజుల్లోనూ అధిక ఒడిదుడుకులు కొనసాగే అవకాశం ఉంది.