Narayanpet

నారాయణపేట: గణేష్‌ నిమజ్జన వేడుకలు ప్రశాంతంగా, సజావుగా జరిగేలా సిబ్బంది అప్రమత్తంగా విధులు నిర్వర్తించాలని డీఎస్పీ నల్లపు లింగయ్య సూచించారు. గురువారం పట్టణంలోని శిలా గార్డెన్స్‌లో నిమజ్జన బందోబస్తు విధులకు హాజరైన పోలీసు అధికారులు, సిబ్బందికి ఆయన పలు సూచనలు చేశారు. జిల్లాకేంద్రంలో సుమారు 120 విగ్రహాల నిమజ్జనం నేపథ్యంలో ఎలాంటి అవాంఛనీయ ఘటనలకు తావులేకుండా అధికారులు, సిబ్బంది సమన్వయంతో విధులు నిర్వర్తించాలని ఆదేశించారు. శోభాయాత్ర మార్గం నుంచి కొండారెడ్డిపల్లి చెరువు వరకు సీసీ కెమెరాలతో నిఘా ఏర్పాటు చేసినట్లు తెలిపారు. ట్రాఫిక్‌కు అంతరాయం కలగకుండా, భక్తులకు ఎలాంటి ఇబ్బందులు తలెత్తకుండా చర్యలు చేపట్టాలని సూచించారు. నిమజ్జన బందోబస్తును 10 సెక్టార్లుగా విభజించి 260 మంది పోలీసు అధికారులు, సిబ్బందితో పటిష్ట భద్రతా ఏర్పాట్లు చేసినట్లు డీఎస్పీ వెల్లడించారు. కొండారెడ్డిపల్లి చెరువు వద్ద చిన్నారులు, వృద్ధుల భద్రతపై ప్రత్యేక దృష్టి సారించాలని సూచించారు. భారీ విగ్రహాలను కృష్ణానదిలో నిమజ్జనం చేసేందుకు వెళ్లే మార్గంలో ప్రత్యేక బందోబస్తు, పెట్రోలింగ్‌ ఏర్పాటు చేసినట్లు తెలిపారు. సమావేశంలో సీఐ శివశంకర్‌, ఎస్‌ఐ వెంకటేశ్వర్లు పాల్గొన్నారు.

నారాయణపేట: జిల్లాలో ధాన్యం సేకరణను తొలిరోజు నుంచే పకడ్బందీగా చేపట్టాలని కలెక్టర్‌ సీహెచ్‌ ప్రియాంక అధికారులను ఆదేశించారు. కలెక్టరేట్‌లో గురువారం నిర్వహించిన సమావేశంలో ఆమె మాట్లాడారు. రైతులకు ఇబ్బందులు లేకుండా సకాలంలో కొనుగోళ్లు పూర్తయ్యేలా ముందస్తు ఏర్పాట్లు చేయాలన్నారు. కొనుగోలు కేంద్రాలకు స్థలాలు, సిబ్బంది, హమాలీలు, పరికరాలను ముందుగానే సిద్ధం చేయాలని సూచించారు. జీపీఎస్‌, హమాలీల వివరాల నమోదు, ఆన్‌లైన్‌ వ్యవసాయ డేటా ఇంటిగ్రేషన్‌ను సమర్థంగా అమలు చేయాలన్నారు. జిల్లాలోని గోదాముల నిల్వ సామర్థ్యాన్ని పరిశీలించి, అవసరమైతే కర్ణాటక సరిహద్దు ప్రాంతాల్లోని గోదాములను వినియోగించుకునే అవకాశాలను పరిశీలించాలని ఆదేశించారు. శాఖలన్నీ సమన్వయంతో పారదర్శకంగా ధాన్యం సేకరణ చేపట్టాలని సూచించారు. వృద్ధుల భద్రత సామాజిక బాధ్యత వృద్ధుల సంక్షేమం, భద్రత, చట్టబద్ధమైన హక్కులపై ప్రజల్లో విస్తృత అవగాహన కల్పించాలని కలెక్టర్‌ సీహెచ్‌ ప్రియాంక సూచించారు. అంతర్జాతీయ వయోవృద్ధుల దినోత్సవ వారోత్సవాల్లో భాగంగా గురువారం కలెక్టరేట్‌లో అవగాహన పోస్టర్లు, ‘ఎల్డర్‌ గైడ్‌’ను ఆవిష్కరించారు. వృద్ధులను గౌరవించడం, వారి అవసరాలను గుర్తించి సహాయం అందించడం ప్రతి ఒక్కరి సామాజిక బాధ్యత అన్నారు. వారు గౌరవప్రదంగా, సురక్షితంగా జీవించేలా అన్ని వర్గాలు బాధ్యతగా వ్యవహరించాలని సూచించారు.

వినాయక చవితి సందర్భంగా జిల్లాకేంద్రంతో పాటు మక్తల్‌లో కొలువుదీరిన గణనాథులు 11 రోజుల పాటు భక్తుల పూజలందుకున్నారు. గురువారం రాత్రి నిర్వాహకులు భక్తిశ్రద్ధలతో నిమజ్జనానికి తరలించారు. మండపాల్లో విగ్రహాలకు ప్రత్యేక పూజలు, మంగళహారతులు ఇచ్చి ప్రత్యేకంగా అలంకరించిన వాహనాలపై ఊరేగింపుగా తీసుకెళ్లారు. గణపతి బప్పా మోరియా.. అంటూ భక్తుల నామస్మరణతో పుర వీధులు మార్మోగాయి. యువత, మహిళలు, చిన్నారులు అధికసంఖ్యలో ఊరేగింపులో పాల్గొని గణనాథుడికి వీడ్కోలు పలికారు. భక్తులు అడుగడుగునా స్వామివారిని దర్శించుకొని పూజలు నిర్వహించారు. వినాయక శోభాయాత్రతో పట్టణంలో పండుగ వాతావరణం నెలకొంది. – నారాయణపేట/మక్తల్‌

గణేష్‌ నిమజ్జనం ప్రశాంత వాతావరణంలో పూర్తయ్యేలా జిల్లావ్యాప్తంగా పటిష్ట భద్రతా చర్యలు చేపట్టినట్లు ఎస్పీ డా. వినీత్‌ తెలిపారు. గురువారం జిల్లా పోలీస్‌ కమాండ్‌ కంట్రోల్‌ సెంటర్‌ను పరిశీలించిన ఆయన సీసీ కెమెరాల పనితీరును స్వయంగా పరిశీలించారు. నారాయణపేట, మక్తల్‌లో గణేష్‌ శోభాయాత్ర, నిమజ్జన మార్గాలను సీసీ కెమెరాలు, వీడియోగ్రఫీ, డ్రోనన్‌కెమెరాల ద్వారా నిరంతరం పర్యవేక్షిస్తున్నట్లు పేర్కొన్నారు. కంట్రోల్‌రూమ్‌ సిబ్బంది నిరంతరం అప్రమత్తంగా ఉండాలని, అనుమానాస్పద ఘటనలు లేదా సమస్యలు గుర్తించిన వెంటనే సంబంధిత పోలీసు అధికారులకు సమాచారం అందించాలని ఆదేశించారు. డయల్‌ 112కు వచ్చే కాల్స్‌పై వేగంగా స్పందించి సంఘటనా స్థలానికి చేరుకుని సమస్యను పరిష్కరించాలని సూచించారు. 1,300 విగ్రహాల నిమజ్జనం.. జిల్లాలో ఏర్పాటు చేసిన 1,728 విగ్రహాల్లో ఇప్పటికే సుమారు 1,300 విగ్రహాల నిమజ్జనం పూర్తయినట్లు ఎస్పీ తెలిపారు. మిగిలిన నిమజ్జనాలు కూడా ప్రశాంతంగా జరిగేలా నిర్వాహకులు పోలీసుల సూచనలు, నిబంధనలు పాటించాలని కోరారు. చెరువుల వద్ద నిర్వాహకులు, కమిటీ సభ్యులు భద్రతా జాగ్రత్తలు పాటించాలని సూచించారు. అత్యవసర పరిస్థితుల్లో ప్రజలు డయల్‌ 112కు లేదా నారాయణపేట పోలీస్‌ కంట్రోల్‌ రూమ్‌ నంబర్‌ 87126 70399 సమాచారం అందించాలని ఎస్పీ సూచించారు. ఆయన వెంట అదనపు ఎస్పీ ఎండీ రియాజ్‌ ఉల్‌హక్‌, డీఎస్పీలు నల్లపు లింగయ్య, మహేష్‌, ఆర్‌ఐ విజయభాస్కర్‌, ఎస్‌బీ ఎస్‌ఐ భాగ్యలక్ష్మిరెడ్డి తదితరులు పాల్గొన్నారు.

వనపర్తి: తెలంగాణ రైతుల సాగునీటి అవసరాలు అధికారం కోల్పోయిన తర్వాత బీఆర్‌ఎస్‌ నేతలకు గుర్తుకురావడం హాస్యాస్పదమని మంత్రులు జూపల్లి కృష్ణారావు, వాకిటి శ్రీహరి అన్నారు. గురువారం కలెక్టరేట్‌లో ఎంపీ మల్లురవి, ఎమ్మెల్యేలు మేఘారెడ్డి, కృష్ణమోహన్‌రెడ్డి, మధుసూదన్‌రెడ్డితో కలిసి ఎన్‌నినో ప్రభావం.. సాగు, తాగునీటి అవసరాలు, నీటి నిల్వలు, వరద జలాల అంశంపై ఇరిగేషన్‌ అధికారులతో సమీక్ష నిర్వహించారు. అనంతరం ఏర్పాటు చేసిన విలేకర్ల సమావేశంలో మాట్లాడుతూ.. పదేళ్ల పాటు అధికారంలో ఉన్న బీఆర్‌ఎస్‌ పాలకులు పాలమూరును ఎండబెట్టి ఉత్తర తెలంగాణలో ప్రాజెక్టులను త్వరితగతిన పూర్తి చేసుకున్నది వాస్తవం కాదా అని ప్రశ్నించారు. రాజకీయ లబ్ధి కోసం బీఆర్‌ఎస్‌, బీజేపీ నాయకులు ప్రాజెక్టు వద్దకు వెళ్లి అమాయకులైన రైతుల ఎదుట వీరంగం చేయడం సరికాదన్నారు. నవంబర్‌ వరకు సాగునీరు అందించేందుకు ప్రజా ప్రభుత్వం పక్కా ప్రణాళికతో ఉందని తెలిపారు. ప్రస్తుతం వస్తున్న వరద కొనసాగినంత వరకు రోజు కాల్వలకు నీరందించి.. వరద ఆగిన తర్వాత వారాబందీ లెక్కన అందించాలని నిర్ణయించినట్లు వెల్లడించారు. భవిష్యత్‌ అవసరాలను దృష్టిలో ఉంచుకొని నిల్వ నీటిని పొదుపుగా వినియోగించుకోవాలని రైతులకు సూచించారు. పదేళ్లు రైతులను నిర్లక్ష్యం చేసిన వారు ఇప్పుడు రాజకీయ స్వార్థంతో కపట ప్రేమ చూపుతున్నారంటూ విమర్శించారు. 2015లో శంకుస్థాపన చేసిన పాలమూరు–రంగారెడ్డి ఎందుకు పూర్తి కాలేదు.. ఆ తర్వాత శంకుస్థాపన చేసిన కాళేశ్వరం ఎలా పూర్తి చేశారనే విషయాన్ని రైతులు గమనించాలన్నారు. వారాబందీ విధానంలో లష్కర్లు, ఇతర సిబ్బందిని వినియోగించి డిస్ట్రిబ్యూటరీ వారీగా ఆన్‌అండ్‌ఆఫ్‌ పద్ధతిలో సమానంగా నీరు వదలాలని ఇరిగేషన్‌శాఖ అధికారులను ఆదేశించారు. ఆయకట్టు రైతులు సాగుచేసిన వానాకాలం పంటలను కాపాడటానికి ముందుగానే కర్ణాటక ముఖ్యమంత్రికి నీటి విడుదలపై ప్రతిపాదనలు సిద్ధం చేశామని.. అసెంబ్లీ కారణంగా రెండ్రోజులు ఆలస్యమైందని, అంతలోపే ప్రతిపక్షాలు రాద్ధాంతం చేశాయని తెలిపారు. నీటి విడుదలకు సహకరించిన కర్ణాటక ముఖ్యమంత్రి డీకే శివకుమార్‌కు జిల్లా రైతుల తరఫున ప్రత్యేక ధన్యవాదాలు తెలిపారు. వానకాలం పంటలు కాపాడటానికి నవంబర్‌ 27 వరకు వారాబందీ విధానంలో నీటిని విడుదల చేస్తామని.. రైతులు అధైర్యపడొద్దని మంత్రులు చెప్పారు. విషయం తెలుసుకునే రాద్ధాంతం.. కృష్ణానది పరీవాహక ప్రాంతంలోని పంటల కోసం నీటిని విడుదల చేయాలని కోరుతూ కర్ణాటక ప్రభుత్వానికి సీఎం రేవంత్‌రెడ్డి, నీటిపారుదలశాఖ మంత్రి ఉత్తమ్‌కుమార్‌రెడ్డి లేఖ రాసిన విషయం తెలుసుకొనే బీఆర్‌ఎస్‌, బీజేపీ నేతలు జూరాల ప్రాజెక్టుకు వద్దకు వెళ్లి రైతుల ముందు రాజకీయ రాద్దాంతం చేశారని ఎంపీ మల్లురవి ఆరోపించారు. వారి అసత్యపు ఆరోపణలు రైతులు నమ్మే పరిస్థితి లేదని.. నాటి నుంచి నేటి వరకు రైతుల పక్షపాతి ప్రభుత్వం కాంగ్రెస్సేనని తెలిపారు. వనపర్తి ఎమ్మెల్యే మేఘారెడ్డి మాట్లాడుతూ 2015లో కేంద్ర ప్రభుత్వం కృష్ణానది జలాల వాటాపై ఏర్పాటు చేసిన సమావేశంలో 299 టీఎంసీల నీటివాటా చాలని బీఆర్‌ఎస్‌ నాయకులు సంతకాలు చేసి ఆంధ్రప్రదేశ్‌కు 512 టీఎంఎస్‌ల వాటాను అప్పగించిన నాడే పాలమూరు రైతులకు అన్యాయం చేశారని అన్నారు. దేవరకద్ర ఎమ్మెల్యే జి.మధుసూదన్‌రెడ్డి మాట్లాడుతూ రాజకీయ లబ్ధి కోసం రైతులను రెచ్చగొడుతున్న మాయగాళ్ల మాటలను రైతాంగం నమ్మవద్దని సూచించారు. జిల్లా వరప్రదాయిని అంటున్న పాలమూరు ప్రాజెక్టులోని ప్రధాన ఐదు రిజర్వాయర్ల పనులు ఎందుకు నిర్లక్ష్యం చేశారని ప్రశ్నించారు. గద్వాల ఎమ్మెల్యే కృష్ణమోహన్‌రెడ్డి మాట్లాడుతూ గట్టు, గూడెందొడ్డి, భూత్పూరు రిజర్వాయర్లతో ఆయా ప్రాంతాల్లోని రైతులకు సాగునీరందిస్తాం.. కుర్చి వేసుకొని కూర్చొని పనులు చేయిస్తామని చెప్పిన గత పాలకుల నిర్లక్ష్యంతోనే పాలమూరులోని ఐదు లక్షల ఎకరాల ఆయకట్టు రైతులు కేవలం 9 టీఎంసీల సామర్థ్యం గల జూరాలపై ఆధారపడాల్సి వస్తుందని అన్నారు. పదేళ్ల కాలంలో పాలమూరులో హామీ ఇచ్చిన సాగునీటి ప్రాజెక్టుల నిర్మాణం చేసి ఉంటే ఎన్‌నినోలాంటి క్లిష్టపరిస్థితుల్లోనూ సాగునీటి ఎద్దడి ఉండేది కాదని తెలిపారు.

నారాయణపేట: గణేష్‌ ఉత్సవాలను భక్తిశ్రద్ధలతో నిర్వహిస్తూ ఐక్యత, సోదరభావాన్ని చాటాలని ఎస్పీ డా. వినీత్‌ కోరారు. మండలంలోని కోటకొండలో బుధవారం నిర్వహించిన గణేష్‌ నిమజ్జన వేడుకలకు ఆయన ముఖ్యఅతిథిగా హాజరై గణపతికి ప్రత్యేక పూజలు నిర్వహించిన అనంతరం గ్రామస్తులు, గణేష్‌ ఉత్సవ కమిటీ సభ్యులు, యువతతో కలిసి నిమజ్జన శోభాయాత్రను తిలకించారు. ఈ సందర్భంగా మాట్లాడుతూ.. కోటకొండ ఐక్యత, సామరస్యానికి చిరునామాగా నిలుస్తోందని.. గ్రామంలో 58 వినాయక విగ్రహాలను ఏర్పాటు చేసి ప్రజలంతా కలిసి భక్తిశ్రద్ధలతో ఉత్సవాలు నిర్వహించడం అభినందనీయమన్నారు. పోలీసుశాఖ సూచనలు పాటిస్తూ శోభాయాత్రలో డీజేలను వినియోగించకుండా సహకరించిన గ్రామస్తులు, ఉత్సవ కమిటీలు, యువతను ప్రత్యేకంగా అభినందించారు. ప్రజల భద్రత, శాంతిభద్రతల పరిరక్షణకు పోలీసుల విజ్ఞప్తిని గౌరవించిన ప్రతి ఒక్కరికీ కృతజ్ఞతలు తెలిపారు. శోభాయాత్రలో ఎలాంటి అవాంఛనీయ ఘటనలకు తావులేకుండా పోలీసులకు సహకరించాలని, యువత బాధ్యతాయుతంగా వ్యవహరించాలని కోరారు. గణేష్‌ నిమజ్జనం ప్రశాంతంగా, సురక్షితంగా పూర్తయ్యేలా అవసరమైన బందోబస్తు, భద్రతా ఏర్పాట్లు చేపట్టినట్లు తెలిపారు. ఎస్పీ వెంట రూరల్‌ ఎస్‌ఐ సతీష్‌రెడ్డి, బీజేపీ నాయకులు పగుడాకుల శ్రీనివాసులు, విశ్వహిందూ పరిషత్‌ ప్రచార ప్రముఖ్‌ పగడాకుల భాగస్వామి, పూజారి శాంతానంద్‌, గణేష్‌ ఉత్సవ కమిటీ సభ్యులు, గ్రామ పెద్దలు, యువత, గ్రామ ప్రజలు పాల్గొన్నారు.

కోస్గి రూరల్‌: వర్షపు నీటిని ఒడిసిపట్టి నిల్వ చేయడంతో భూగర్భ జలాలు పెంపొందించవచ్చని డీఆర్డీఓ, ఇన్‌చార్జి డీపీఓ వెంకట్రాములు అన్నారు. బుధవారం మండలంలోని చంద్రవంచ రైతువేదికలో వీబీజీ రాంజీ పథకంలో భాగంగా వికసిత్‌ గ్రామపంచాయతీ ప్రణాళికపై గ్రామసభ నిర్వహించగా.. ఆయన హాజరై మాట్లాడారు. మండల అధికారులు వనరుల పటం, సామాజిక పటం రూపొందించి గ్రామ వివరాలను తెలియజేశారు. ఈ సందర్భంగా ఆయన మాట్లాడుతూ.. కరువు నివారణ, నీటి సంరక్షణను గ్రామాభివృద్ధి ప్రణాళిక లక్ష్యాలుగా చేర్చాలన్నారు. పాంపాండ్స్‌, ఇంకుడు గుంతలు, చెక్‌డ్యాంల నిర్మాణాలకు ప్రాధాన్యం ఇవ్వాలని, అర్హత ఉన్న కుటుంబాలు పశువుల కొట్టాలు, గొర్రెలు, మేకలు వ్యక్తిగత జీవనోపాధి పనులు సద్వినియోగం చేసుకోవాలని సూచించారు. అనంతరం గ్రామంలోని పాఠశాలలో విద్యార్థులకు దుస్తులు పంపిణీ చేశారు. కార్యక్రమంలో వీబీజీరాంజీ టెక్నికల్‌ ఇన్‌చార్జి వినయ్‌కుమార్‌, ఎంపీడీఓ శ్రీధర్‌, ఏపీఓ జయప్రకాశ్‌రెడ్డి, పంచాయతీ కార్యదర్శి సునిత, సర్పంచ్‌ విద్యావతి తదితరులు ఉన్నారు. ముగిసిన చేనేత నామినేషన్‌ ప్రక్రియ ధన్వాడ: చేనేత సహకార సంఘం ఎన్నికల నామినేషన్ల ప్రక్రియ బుధవారంతో ముగిసింది. మొత్తం 9 డైరెక్టర్‌ పదవుల కోసం 21 మంది నామినేషన్లు వేశారు. గురువారం పరిశీలన అనంతరం గుర్తులు కేటాయించనున్నట్లు అధికారులు తెలిపారు. ఈ నెల 29న ఎన్నికలు జరగనున్నట్లు ఎన్నికల అధికారి అంజనేయులు వివరించారు.

నారాయణపేట: ప్రభుత్వం వెంటనే పీఆర్సీ ప్రక టించకపోతే నాలుగైదు రోజుల్లో ఉద్యమ కార్యాచరణకు దిగుతామని పీఆర్టీయూ టీఎస్‌ రాష్ట్ర ప్రధానకార్యదర్శి సుంకరి భిక్షంగౌడ్‌ హెచ్చరించారు. బు ధవారం జిల్లాకేంద్రంలోని ఓ గార్డెన్‌న్స్‌లో నిర్వహించిన పీఆర్టీయూ టీఎస్‌ జిల్లా సర్వసభ్య కౌన్సిల్‌ సమావేశానికి సంఘం జిల్లా అధ్యక్షుడు వై.జనార్దన్‌రెడ్డి అధ్యక్షత వహించగా.. ఆయన ముఖ్యఅతిథి గా హాజరై మాట్లాడారు. ఉద్యోగ, ఉపాధ్యాయుల సమస్యలపై ప్రభుత్వం సాగదీత దోరణి అవలంబిస్తోందని విమర్శించారు. జేఏసీ ఆధ్వర్యంలో చర్య లు లేకుంటే పీఆర్టీయూ టీఎస్‌ స్వతంత్రంగా ఉద్యమ బాట పడుతుందని హెచ్చరించారు. ఉద్యో గ, ఉపాధ్యాయ సంఘాలతో ప్రభుత్వం జరిపిన చర్చలు అసంపూర్తిగా ముగియడం, అసంతృప్తి నెలకొనేలా వ్యవహరించడం దురదృష్టకరమన్నా రు. ప్రభుత్వం పీఆర్సీపై స్పష్టమైన ప్రకటన చే యాలని డిమాండ్‌ చేశారు. జేఏసీ ఆధ్వర్యంలో త్వ రలో కార్యాచరణ ప్రకటించాలని కోరుతామని, స్పందన లేకపోతే పీఆర్టీయూ టీఎస్‌ సంఘం పక్షాన ఉద్యమానికి సిద్ధమవుతామని స్పష్టం చేశారు. ఎన్నికల సమయంలో ముఖ్యమంత్రి ఇచ్చి న హామీలు, మేనిఫెస్టోలో పేర్కొన్న అంశాలను అమలు చేయాలని కోరారు. ఉద్యోగుల నుంచి డబ్బులు తీసుకుంటూ హెల్త్‌ కార్డుల సదుపాయా న్ని సక్రమంగా అమలు చేయకపోవడం సరికాదన్నారు. ఆరోగ్య పథకాన్ని ప్రభుత్వం సమర్థవంతంగా అమలు చేయలేని పరిస్థితి ఉంటే ఉద్యోగులకు 1.5 శాతం అదనంగా చెల్లించాలని డిమాండ్‌ చేశా రు. సీపీఎస్‌ను రద్దుచేసి పాత పింఛన్‌ విధానాన్ని అమలు చేయాలని కోరారు. ఇటీవల నిర్వహించిన ఉత్తమ ఉపాధ్యాయుల కార్యక్రమంలో ముఖ్యమంత్రి సెప్టెంబర్‌ 1న జరిగిన ధర్నాపై ప్రస్తావించడం పీఆర్టీయూ చేపట్టిన ఉద్యమానికి లభించిన గుర్తింపుగా భావిస్తున్నామని తెలిపారు. జిల్లాలో పీఆర్టీయూ సంఘ బలోపేతానికి రాష్ట్ర సంఘం పూర్తి సహకారం అందిస్తుందన్నారు. సమావేశంలో సంఘం జిల్లా ప్రధానకార్యదర్శి పి.వెంకట్‌రెడ్డి, మాజీ జిల్లా అధ్యక్షుడు నర్సింహారెడ్డి, గౌరవ అధ్యక్షుడు తిరుపతి, వివిధ మండలాల అధ్యక్ష, ప్రధాన కార్యదర్శులు రఘువీర్‌, సత్యనారాయణరెడ్డి, గోవర్ధన్‌, సూర్యప్రకాశ్‌, శ్రీకాంత్‌, గోపాల్‌రెడ్డి, వెంకటేష్‌, దండు శేఖర్‌, నవీన్‌, ప్రకాష్‌గౌడ్‌, శ్రీనివాసరావు, వాణిశ్రీ తదితరులు పాల్గొన్నారు.

మాట్లాడుతున్న కలెక్టర్‌ సీహెచ్‌ ప్రియాంక.. హాజరైన అధికారులు నారాయణపేట: అర్హత ఉన్న ప్రతి కుటుంబానికి ప్ర భుత్వ నిబంధనల ప్రకారం ఇందిరమ్మ ఇళ్లు మంజూరయ్యేలా అధికారులు చర్యలు తీసుకోవాలని కలెక్టర్‌ సీహెచ్‌ ప్రియాంక ఆదేశించారు. జిల్లాలో గృహ నిర్మాణానికి అర్హులైన లబ్ధిదారుల జాబితాలను వారం రోజుల్లో పూర్తి చేయాలన్నారు. బుధవారం సాయంత్రం కలెక్టరేట్‌లోని వీసీ హాల్‌లో కొడంగల్‌ నియోజకవర్గంలో ఇందిరమ్మ ఇళ్ల నిర్మాణాల పురోగతిపై సంబంధిత శాఖల అధికారులతో కలెక్టర్‌ సమీక్షించారు. ఎల్‌–1, ఎల్‌–2, ఎల్‌–3 కేటగిరీల వారీగా వివరాలను సిద్ధం చేసి, ఇప్పటికే గుర్తించిన లబ్ధిదారుల వివరాలను మరోసారి పరిశీలించాలని, పెండింగ్‌లో ఉన్న అర్హత కేసులను వేగంగా పరిష్కరించాలని ఆదేశించారు. ఆధార్‌ తదితర అవసరమైన వివరాలు లేని లబ్ధిదారుల సమాచారాన్ని మూడు రోజుల్లో సేకరించి జాబితాలను పూర్తిచేయాలని సూచించారు. అర్హత కలిగిన కేసుల్లో ధ్రువీకరణ, శాఖాపరమైన పరిశీలన, మంజూరు ప్రక్రియలను నిబంధనల మేరకు వేగవంతం చేయాలని కోరారు. అధికారుల స్థాయిలో పూర్తిచేయాల్సిన ప్రక్రియను ఆలస్యం చేయకుండా ముగించి అవసరమైన ప్రతిపాదనలు సమర్పించాలని స్పష్టం చేశారు. భౌతికంగా నిర్మాణానికి అనుకూలంగా లేని, క్లిష్టమైన లేదా గ్రౌండింగ్‌ కాని కేసులను ప్రత్యేకంగా గుర్తించి వాటి వివరాలను వేరుగా సమర్పించాలని సూచించారు. హౌసింగ్‌ పనుల పురోగతిపై వచ్చే వారం మరోసారి సమీక్ష నిర్వహించనున్నందున.. అప్పటిలోగా లబ్ధిదారుల జాబితాలు, ప్రతిపాదనలు, పెండింగ్‌ కేసుల వివరాలను సిద్ధం చేయాలని ఆదేశించారు. ఆర్‌అండ్‌బీ, పీఆర్‌ శాఖలు మున్సిపాలిటీ పరిధిలో చేపట్టాల్సిన పనుల జాబితాలను కూడా సమగ్రంగా రూపొందించి ప్రాధాన్యత క్రమంలో ప్రతిపాదనలు సమర్పించాలన్నారు. అవసరమైన రోడ్లకు ప్రాధాన్యత క్రమాన్ని నిర్ణయించి తుది జాబితా అందించాలని సూచించారు. అన్నిశాఖల అధికారులు సమన్వయంతో పనిచేసి అర్హులైన లబ్ధిదారులకు ప్రభుత్వ పథకాల ప్రయోజనాలు సకాలంలో అందేలా చర్యలు తీసుకోవాలని కలెక్టర్‌ ఆదేశించారు. సమావేశంలో డీడబ్ల్యూఓ రాజేందర్‌గౌడ్‌, హౌసింగ్‌ పీడీ శంకర్‌నాయక్‌, కోస్గి, మద్దూరు పుర కమిషనర్లు నాగరాజు, శ్రీకాంత్‌, కొడంగల్‌ నియోజకవర్గంలోని మండలాల ఎంపీడీఓలు, హౌసింగ్‌, ఆర్‌అండ్‌బీ, పీఆర్‌ శాఖల ఏఈలు పాల్గొన్నారు.

నారాయణపేట: కాంగ్రెస్‌ పార్టీని అధికారంలోకి తీసుకురావడానికి పదేళ్లపాటు కష్టపడి పనిచేసిన ప్రతి నాయకుడు, కార్యకర్తను అధిష్టానం గుర్తించి సముచిత స్థానం కల్పిస్తుందని సీడబ్ల్యూసీ సభ్యు డు, మాజీ ఎమ్మెల్యే డా. చల్లా వంశీచంద్‌రెడ్డి అన్నా రు. బుధవారం జిల్లాకేంద్రంలోని ఓ ఫంక్షన్‌హాల్‌లో కాంగ్రెస్‌పార్టీ జిల్లా కార్యవర్గం, బ్లాక్‌, మండల, పట్టణ అధ్యక్షుల సమావేశం నిర్వహించగా ఆయన ముఖ్యఅతిథిగా హాజరై డీసీసీ కార్యవర్గ సభ్యులను సన్మానించి నియామక పత్రాలు అందజేశారు. ఈ సందర్భంగా ఆయన మాట్లాడుతూ.. పార్టీ కోసం కష్టపడుతున్న ప్రతి నాయకుడు, కార్యకర్తకు తగిన గుర్తింపు లభించేలా అధిష్టానం దృష్టికి తీసుకెళ్లి న్యాయం చేస్తామని తెలిపారు. బీజేపీ చేస్తున్న మత రాజకీయాలను కాంగ్రెస్‌ శ్రేణులు తిప్పికొట్టి ప్రజలకు వాస్తవాలను వివరించాలని సూచించారు. బీఆర్‌ఎస్‌ పాలనతో రాష్ట్ర ఆర్థిక పరిస్థితి దెబ్బతిన్నప్పటికీ కాంగ్రెస్‌ ప్రభుత్వం సంక్షే మ పథకాలను కొనసాగిస్తూ కొత్త పథకాలను అమలు చేస్తోందన్నారు. అర్హులైన ప్రతి ఒక్కరికీ సంక్షేమ పథకాలు అందేలా కార్యకర్తలు కృషి చేయాలని, ప్రభుత్వ కార్యక్రమాలను సోషల్‌ మీడియా ద్వారా విస్తృతంగా ప్రజల్లోకి తీసుకెళ్లాలని సూచించారు. రాష్ట్రం, కేంద్రంలో కాంగ్రెస్‌ను బలోపేతం చేసి రాహుల్‌గాంధీని ప్రధానిని చేసేందుకు నాయకులు, కార్యకర్తలు సమష్టిగా పనిచేయాలని కోరారు. గ్రామస్థాయి నుంచి బలోపేతం చేయాలి.. కాంగ్రెస్‌పార్టీని గ్రామస్థాయి నుంచి మరింత బలోపేతం చేసేందుకు నాయకులు, కార్యకర్తలు సమన్వయంతో పనిచేయాలని డీసీసీ అధ్యక్షుడు కె.ప్రశాంత్‌కుమార్‌రెడ్డి అన్నారు. పార్టీ కార్యక్రమాలను క్షేత్రస్థాయిలో విస్తృతంగా నిర్వహిస్తూ ప్రజలతో నిరంతరం మమేకం కావాలని సూచించారు. సంక్షేమ పథకాలు అర్హులకు చేరేలా కార్యకర్తలు చొరవ చూపాలని కోరారు. పార్టీ కోసం పనిచేసిన ప్రతి ఒక్కరికీ సముచిత స్థానం ీ సడబ్ల్యూసీ సభ్యుడు చల్లా వంశీచంద్‌రెడ్డి అంతకుముందు డీసీసీ అధ్యక్షుడు కె.ప్రశాంత్‌కుమార్‌రెడ్డి అధ్యక్షతన జిల్లా కాంగ్రెస్‌ రాజకీయ వ్యవహారాల కమిటీ (పీఏసీ) సమావేశం జరిగింది. పార్టీ అంతర్గత వ్యవహారాలపై చర్చించారు. ఎమ్మెల్యేలు, మంత్రులతో సమన్వయం చేసుకుంటూ పార్టీ నాయకులు, కార్యకర్తలు పనిచేసేలా పీఏసీ సభ్యులు చొరవ తీసుకోవాలని చల్లా వంశీచందర్‌రెడ్డి సూచించారు. ప్రతి నెల రెండో శనివారం జిల్లా, మండల, గ్రామస్థాయిలో పీఏసీ సమావేశాలు తప్పనిసరిగా నిర్వహించాలని, క్షేత్రస్థాయిలో కార్యకర్తలతో మాట్లాడి వారి సమస్యలను తెలుసుకోవాలని కోరారు. వరుసగా మూడు సమావేశాలకు కారణం లేకుండా గైర్హాజరయ్యే సభ్యులకు నోటీసులు జారీచేసి కమిటీ నుంచి తొలగించాలని సూచించారు. కార్యక్రమంలో జిల్లా గ్రంథాలయాల సంస్థ చైర్మన్‌ వార్ల విజయ్‌కుమార్‌, మార్కెట్‌ కమిటీ చైర్మన్‌న్‌ శివారెడ్డి, పార్టీ జిల్లా ప్రధానకార్యదర్శి ఎండీ సలీం, అనుబంధ సంఘాల అధ్యక్షులు, జిల్లా కార్యవర్గసభ్యులు, మండల, బ్లాక్‌ అధ్యక్షులు తదితరులు పాల్గొన్నారు.

నారాయణపేట: జవహర్‌ నవోదయ విద్యాలయాల్లో 2027–28 విద్యా సంవత్సరం 9, 11వ తరగతుల్లో ఖాళీల భర్తీకి నిర్వహించే ప్రవేశ పరీక్షకు దరఖాస్తులు ఆహ్వానిస్తున్నట్లు కలెక్టర్‌ సీహెచ్‌ ప్రియాంక బుధవారం ఒక ప్రకటనలో తెలిపారు. దరఖాస్తు గడువు ఈ నెల 30తో ముగియనుందని.. అర్హత, ఆసక్తిగల విద్యార్థులు సంబంధిత పోర్టల్‌లో దరఖాస్తు చేసుకోవాలని పేర్కొన్నారు. ప్రవేశ పరీక్ష 2027, ఏప్రిల్‌ 10న జరగనుందని తెలిపారు. జిల్లాలోని ప్రభుత్వ, గుర్తింపు పొందిన ఉన్నత పాఠశాలల ప్రధానోపాధ్యాయులు, జిల్లా విద్యాశాఖ అధికారులు, మండల విద్యాధికారులు విస్తృతంగా అవగాహన కల్పించాలని.. విద్యార్థులు, తల్లిదండ్రులకు పరీక్ష, దరఖాస్తు విధానం తదితర వివరాలను తెలియజేసి గరిష్టంగా దరఖాస్తు చేసుకునేలా చర్యలు చేపట్టాలని సూచించారు. ఎన్‌హెచ్‌ఎంలో ఉద్యోగ అవకాశాలు నారాయణపేట:నేషనల్‌ హెల్త్‌ మిషనన్‌ (ఎన్‌హెచ్‌ఎం) ప్రోగ్రామ్‌లో భాగంగా జిల్లాలో వివిధ పోస్టులను కాంట్రాక్ట్‌ విధానంలో భర్తీ చేయనున్నట్లు జిల్లా వైద్యాధికారి డా. కె.జయచంద్రమోహన్‌న్‌ బుధవారం ఒక ప్రకటనలో తెలిపారు. వీసీసీఎం–1, పల్లె దవాఖానా ఎంఎల్‌హెచ్‌పీ/సీహెచ్‌ఓ/వైద్యాధికారి– 6, వైద్యు డు (ఎంబీబీఎస్‌/ఎండీ)–1, స్టాఫ్‌ నర్స్‌ (ఎన్‌సీడీ)–1, ఫిజియోథెరపిస్ట్‌ (ఎన్‌పీహెచ్‌ఈ)–1, ఫార్మసిస్ట్‌ (ఆర్‌బీఎస్‌కే)–1, ల్యాబ్‌ టెక్నీషియన్‌ (ఆర్‌ఎన్‌టీసీపీ)–1 ఖాళీలున్నాయని.. ఆసక్తి, అర్హత కలిగిన అభ్యర్థులు సెప్టెంబర్‌ 25 నుంచి జిల్లా వైద్య, ఆరోగ్యశాఖాధికారి కార్యాలయంలో దరఖాస్తు చేసుకోవాలని పేర్కొన్నారు. అక్టోబర్‌ 11 సాయంత్రం 5 వరకు దరఖాస్తు చేసుకోవచ్చని.. పోస్టు ద్వారా పంపిన దరఖాస్తులు ఆలస్యంగా అందితే కార్యాలయం బాధ్యత వహించదని స్పష్టం చేశారు. పూర్తి వివరాలకు జిల్లా అధికారిక వెబ్‌సైట్‌ www.narayanapet.telangana.gov.inను సంప్రదించాలని సూచించారు. సాగునీటి కోసం అన్నదాతల ఆందోళన మరికల్‌: కోయిల్‌సాగర్‌ కాల్వకు జూరాల నీటిని విడుదల చేసి పంటలను కాపాడాలని బుధవారం జిన్నారం రైతులు జూరాల కాల్వ దగ్గర ఆందోళన చేపట్టారు. ఈ సందర్భంగా రైతు సంఘం నాయకులు ఆంజనేయులు, రఘుపతిరెడ్డి మాట్లాడుతూ.. ప్రస్తుతం వరి పంటలు పొట్టదశలో ఉన్నాయని, ఒక తడి నీటికి ఉంద్యాల పంపుహౌస్‌ దగ్గర పదిరోజుల పాటు మోటార్లు ప్రారంభిస్తే పంటలతో పాటు చెరువులు నీటితో నింపడానికి అవకాశం ఉందన్నారు. జూరాల జలాశయంలో ప్రస్తుతం 9 టీఎంసీల నీరు ఉందని, ఒక టీఎంసీ నీటిని కోయిల్‌సాగర్‌కు వదిలి రైతులను ఆదుకోవాలని కోరారు. లేనిపక్షంలో వెయ్యి ఎకరాల వరి పంట ఎండిపోయే ప్రమాదం ఉందని తెలిపారు. సాగునీరు వదలకుంటే రైతుసంఘం ఆధ్వర్యంలో రహదారులను దిగ్బంధం చేస్తామని హెచ్చరించారు. కార్యక్రమంలో సంఘం నాయకులు రామకృష్ణారెడ్డి, లక్ష్మీకాంత్‌రెడ్డి, అనిల్‌, కాంత్‌రెడ్డి, దయాకర్‌రెడ్డి, వెంకటన్న పాల్గొన్నారు.

నారాయణపేట: రైతులందరూ ఫార్మర్‌ రిజిస్ట్రీలో తప్పనిసరిగా నమోదు చేసుకోవాలని జిల్లా వ్యవసాయ అధికారి ఎం.సక్రియానాయక్‌ సూచించారు. వ్యవసాయశాఖ సంచాలకులు, డైరెక్టర్‌ గోపీ ఆదేశాల మేరకు బుధవారం డీఏఓ కార్యాలయం వద్ద ఫార్మర్‌ రిజిస్ట్రీపై ప్రత్యేక క్యాంపెయిన్‌ నిర్వహించారు. ఈ సందర్భంగా ఆయన మాట్లాడుతూ.. రాష్ట్రవ్యాప్తంగా ఈ నెల 30 వరకు ఫార్మర్‌ రిజిస్ట్రీ ప్రత్యేక క్యాంపెయిన్‌ నిర్వహిస్తున్నట్లు తెలిపారు. అన్ని మండలాలు, గ్రామాల్లో గ్రామసభలు నిర్వహించి ఫార్మర్‌ రిజిస్ట్రీ కాని రైతులను గుర్తించి నమోదు చేయించాలని అధికారులను ఆదేశించినట్లు చెప్పారు. రైతులతో ప్రత్యేక సమావేశం నిర్వహించి ఫార్మర్‌ రిజిస్ట్రీపై అవగాహన కల్పించారు. రైతులు ఎరువులు కొనుగోలు చేయడంతో పాటు ధాన్యం విక్రయించాలంటే ఫార్మర్‌ రిజిస్ట్రీ గుర్తింపు నంబర్‌ తప్పనిసరిగా ఉండాలని తెలిపారు. రైతులు తమ సమీపంలోని ఏఈఓలు, మీ–సేవ కేంద్రాలు, కామనన్‌ సర్వీస్‌ సెంటర్లను సంప్రదించి ఫార్మర్‌ రిజిస్ట్రీలో నమోదు చేసుకోవాలని సూచించారు. కార్యక్రమంలో స్థానిక వ్యవసాయ అధికారి బాల దినకర్‌, ఏఈఓలు రాజేష్‌, అనిల్‌, మక్తల్‌ ఏడీఏ నాగేశ్‌కుమార్‌ పాల్గొన్నారు.

● ప్రత్యేకంగా ఏర్పాటు చేసిన బారికేడ్లను దాటకూడదు. ● ప్రతి విగ్రహం వెంట కనీసం నలుగురు పెద్దలు ఉండాలి. ● అనుమతి లేని ప్రాంతాల్లో నీటిలోకి దిగకూడదు. ● చిన్నారులను చెరువు, నది వైపు ఒంటరిగా పంపకూడదు. ● నిర్దేశించిన ప్రదేశాల్లోనే విగ్రహాలను నిమజ్జనం చేయాలి. ● వాహనాలపై పరిమిత సంఖ్యలో ప్రయాణించాలి. ● క్రేన్లు, పడవలు, స్విమ్మర్ల విధులకు ఆటంకం కలిగించొద్దు. ● విద్యుత్‌ వైర్లు, లైటింగ్‌ వద్ద అప్రమత్తంగా ఉండాలి. ● మద్యం తాగి శోభాయాత్రలో పాల్గొనడం, వాహనాలు నడపడం నిషేధం. ● తప్పిపోయిన పిల్లలు, వృద్ధులు కనిపిస్తే పోలీసులకు సమాచారం ఇవ్వాలి. –8లో uనారాయణపేట: జిల్లాకేంద్రంలో 11 రోజులుగా భక్తిశ్రద్ధలతో పూజలందుకున్న గణనాథులు గురువారం రాత్రి నుంచి నిమజ్జనానికి తరలనున్నారు. నిమజ్జనాన్ని పురస్కరించుకొని మండపాల నిర్వాహకులు వాహనాలను రంగురంగుల పూలు, విద్యుద్దీపాలు, వివిధ రకాల అలంకరణలతో పోటాపోటీగా ముస్తాబు చేస్తున్నారు. జిల్లాకేంద్రం సమీపంలోని కొండారెడ్డిపల్లి చెరువులో నీటిమట్టం తక్కువగా ఉండటంతో 10 అడుగులకు పైబడిన భారీ విగ్రహాలను కృష్ణానదిలో నిమజ్జనం చేయాలని అధికారులు సూచిస్తున్నారు. జిల్లాకేంద్రంలో సుమారు 150కి పైగా విగ్రహాలు ప్రతిష్టించగా.. అందులో భారీ విగ్రహాలు అధికంగా ఉన్నట్లు అధికారులు గుర్తించారు. పెద్ద విగ్రహాలను చెరువులో నిమజ్జనం చేయడంతో ఎదురయ్యే ఇబ్బందులను దృష్టిలో ఉంచుకొని ఎస్పీ డా. జి. వినీత్‌ ఉత్సవ కమిటీలు, మండపాల నిర్వాహకులతో మంగళవారం ప్రత్యేక సమావేశం నిర్వహించి తగిన సూచనలు చేశారు. భక్తుల భద్రతకు ప్రాధాన్యమిస్తూ నిమజ్జన ఏర్పాట్లను ముందుగానే పూర్తి చేయాలని అధికారులను ఆదేశించారు. నిర్వాహకులకు పెద్ద సవాలే.. భారీ వినాయక విగ్రహాలను కృష్ణానదికి తరలించడం మండపాల నిర్వాహకులకు పెద్ద సమస్యగా మారింది. సాధారణ వాహనాల్లో విగ్రహాలను తరలించే అవకాశం లేకపోవడంతో ప్రత్యేక వాహనాలు, క్రేన్‌ సమకూర్చుకోవాల్సిన పరిస్థితి ఏర్పడింది. నారాయణపేట–మక్తల్‌ రహదారి గుంతలమయంగా ఉండటంతో కర్ణాటకలోని యాద్గిర్‌ మార్గంలోని షాదీపూర్‌ మీదుగా కృష్ణా మండలంలోని హిందూపూర్‌ సమీపంలోని కృష్ణానదికి విగ్రహాలను తీసుకెళ్లాలని అధికారులు సూచించారు. దీంతో నిర్వాహకులకు రవాణా ఖర్చులు, దూరభారం గణనీయంగా పెరుగుతోంది. ఇప్పటికే విగ్రహాల కొనుగోలుకు భారీగా ఖర్చు చేసిన నిర్వాహకులు నిమజ్జనానికి మరోసారి వేలాది రూపాయలు వెచ్చించాల్సి వస్తోందని చెబుతున్నారు. ప్రభుత్వమే ప్రత్యేక వాహనాలు, క్రేన్లు సమకూర్చి భారీ విగ్రహాల తరలింపునకు సహకరించాలని మండపాల నిర్వాహకులు కోరుతున్నారు. భద్రతే ప్రధాన లక్ష్యం.. పోలీసు, రెవెన్యూ, మున్సిపల్‌ అధికారులు సమన్వయంతో నిమజ్జన ఏర్పాట్లు చేస్తున్నారు. భక్తులకు ఎలాంటి ఇబ్బందులు కలగకుండా బారికేడ్లు, విద్యుత్‌ దీపాలు, తాగునీరు, పారిశుద్ధ్య చర్యలు చేపట్టనున్నారు. విగ్రహాలను సురక్షితంగా నిమజ్జనం చేసేందుకు అవసరమైన ఏర్పాట్లు చేస్తున్నారు. భారీ విగ్రహాల తరలింపునపై ప్రత్యేక దృష్టి సారిస్తున్నారు. పటిష్ట బందోబస్తు.. గణేష్‌ శోభాయాత్ర, నిమజ్జ నం ప్రశాంతంగా నిర్వహించేందుకు జిల్లా పోలీస్‌ యంత్రాంగం పటిష్ట బందోబస్తు కల్పిస్తోంది. జిల్లాలో సుమారు 800 మంది సిబ్బందిని మోహరించారు. విధుల్లో అదనపు ఎస్పీ, ఇద్దరు డీఎస్పీలు, 16 మంది సీఐలు, 31 మంది ఎస్సైలు, 156 మంది ఏఎస్సై/హెచ్‌సీలు, 347 మంది పోలీస్‌ కానిస్టేబుళ్లు, 116 మంది హోంగార్డులు, మూడు టీజీపీఎస్‌ ప్లటూన్లు పాల్గొననున్నాయి. నారాయణపేట, మక్తల్‌, కోస్గి పట్టణాల్లో ఇతర శాఖల అధికారుల సమన్వయంతో ఇంటిగ్రేటెడ్‌ కంట్రోల్‌ రూమ్‌లు ఏర్పాటు చేశారు. శోభాయాత్ర, నిమజ్జనాన్ని నిరంతరం పర్యవేక్షిస్తూ పరిస్థితులకు అనుగుణంగా తక్షణమే స్పందించేలా ఏర్పాట్లు చేశారు. శోభాయాత్ర జరిగే మార్గాలు, నిమజ్జన ప్రాంతాల్లో సీసీ కెమెరాలతో నిఘా ఏర్పాటు చేశారు. డ్రోన్‌ కెమెరాలు, వీడియోగ్రఫీ ద్వారా శోభాయాత్రను రికార్డు చేస్తూ నిరంతరం పర్యవేక్షించనున్నారు. పోలీస్‌, రెవెన్యూ, మున్సిపల్‌, ఇతర శాఖల అధికారులు సమన్వయంతో భద్రతా ఏర్పాట్లు పర్యవేక్షించనున్నారు. గణేష్‌ నిమజ్జన కార్యక్రమం ప్రశాంతంగా, సురక్షితంగా జరిగేలా ఉత్సవ కమిటీలు, మండపాల నిర్వాహకులు పోలీస్‌శాఖకు పూర్తి సహకారం అందించాలి. భక్తులకు ఎలాంటి అసౌకర్యం కలగకుండా అన్ని ఏర్పాట్లను సమన్వయంతో చేపడుతున్నాం. – డా. వినీత్‌, ఎస్పీ కొండారెడ్డిపల్లి చెరువులో తక్కువ నీటిమట్టం భారీ విగ్రహాలు కృష్ణానదిలోనే.. సొంత ఖర్చులతో తరలించాలంటున్న అధికారులు క్రేన్లు, పడవలు, గజ ఈతగాళ్లతో పటిష్ట భద్రత నేడు గణనాథుల నిమజ్జనం

నారాయణపేట: ఆదివాసీ కాంగ్రెస్‌ను గ్రామస్థాయి నుంచి బలోపేతం చేయడంతో పాటు ఆదివాసీ సమాజంలో కొత్త నాయకత్వాన్ని తయారు చేయాలని కాంగ్రెస్‌ రాష్ట్ర నాయకులు పిలుపునిచ్చారు. సంఘటనన్‌ సృజన్‌ అభియాన్‌లో భాగంగా మంగళవారం జిల్లాకేంద్రంలోని డీసీసీ కార్యాలయంలో జిల్లా అధ్యక్షుడు కె.ప్రశాంత్‌కుమార్‌రెడ్డి అధ్యక్షతన నిర్వహించిన కార్యక్రమంలో రాష్ట్ర ఆదివాసీ కాంగ్రెస్‌ వైస్‌ చైర్మన్‌ వి.లింగంనాయక్‌, రాష్ట్ర పరిశీలకుడు శ్రీనునాయక్‌ ముఖ్యఅతిథులుగా హాజరై ఆదివాసీ కాంగ్రెస్‌ కమిటీల ఏర్పాటుకు నాయకులు, కార్యకర్తల నుంచి దరఖాస్తులు స్వీకరించారు. ఈ సందర్భంగా వారు మాట్లాడుతూ.. గ్రామస్థాయి నుంచి జిల్లాస్థాయి వరకు కమిటీలను ఏర్పాటు చేసి పార్టీని సంస్థాగతంగా బలోపేతం చేయడమే లక్ష్యమని తెలిపారు. పార్టీ కోసం క్షేత్రస్థాయిలో పనిచేస్తున్న కార్యకర్తల్లో నాయకత్వ లక్షణాలను గుర్తించి వారికి అవకాశాలు కల్పిస్తామని తెలిపారు. రాజ్యాంగం, ఆదివాసీ హక్కులు, పీసా, అటవీ హక్కుల చట్టాలపై కార్యకర్తలకు అవగాహన కల్పించాలని సూచించారు. దీర్ఘకాలంగా పార్టీ కోసం పనిచేస్తున్న కార్యకర్తలను గుర్తించి సంస్థాగతంగా అవకాశాలు కల్పించాల్సిన అవసరం ఉందన్నారు. పదవులు పొందిన నాయకులు గ్రామస్థాయిలో ప్రజలు, కార్యకర్తలకు అందుబాటులో ఉండాలని సూచించారు. ఆదివాసీ మహిళలు, పేదలు, చిన్న వ్యాపారులు ఎదుర్కొంటున్న సమస్యలను గుర్తించి పరిష్కారానికి కృషి చేయాలని కోరారు. డీసీసీ అధ్యక్షుడు కె.ప్రశాంత్‌కుమార్‌రెడ్డి మాట్లాడుతూ.. ప్రతి గ్రామంలోని ఆదివాసీ ప్రజల సమస్యలను గుర్తించి మండల, జిల్లాస్థాయికి తీసుకెళ్లే వ్యవస్థను ఏర్పాటు చేస్తామన్నారు. నాయకులు హోదాలకే పరిమితం కాకుండా ప్రజల మధ్య పనిచేయాలని సూచించారు. స్వీకరించిన దరఖాస్తుల ఆధారంగా ఆదివాసీ కాంగ్రెస్‌ కమిటీలను ఏర్పాటు చేస్తామని తెలిపారు. కార్యక్రమంలో కాంగ్రెస్‌పార్టీ జిల్లా ప్రధానకార్యదర్శి ఎండీ సలీం, ఆదివాసీ కాంగ్రెస్‌ జిల్లా అధ్యక్షుడు అనిల్‌నాయక్‌, జిల్లా ఎస్టీసెల్‌ అధ్యక్షుడు శరణ్‌నాయక్‌, జిల్లా క్రమశిక్షణ కమిటీ చైర్మన్‌ గాజుల శివకుమార్‌, జిల్లా ఓబీసీ సెల్‌ అధ్యక్షుడు గొల్ల కృష్ణయ్య, విజయ్‌నాయక్‌, శ్రీధర్‌ నాయక్‌, సర్పంచులు శ్రీధర్‌ నాయక్‌, సురేష్‌ నాయక్‌, కృష్ణానాయక్‌, తిరుపతి నాయక్‌ తదితరులు పాల్గొన్నారు.

జడ్చర్ల టౌన్‌: జూరాల ప్రాజెక్టు సందర్శనకు వెళ్తున్న బీజేపీ రాష్ట్ర అధ్యక్షుడు రాంచందర్‌రావును పోలీసులు మంగళవారం జడ్చర్ల సమీపంలోని గొల్లపల్లి వద్ద అరెస్టు చేశారు. 44వ నంబర్‌ జాతీయ రహదారిపై ఉన్న మినర్వ హోటల్‌ వద్ద ఉదయం 8.30 గంటల సమయంలో ఆయనను అదుపులోకి తీసుకున్నారు. అనంతరం జడ్చర్ల సమీపంలోని పోలీసు శిక్షణ కేంద్రం (డీటీసీ)కి తరలించి, మధ్యాహ్నం తర్వాత విడుదల చేశారు. ఈ సందర్భంగా బీజేపీ శ్రేణులు పోలీసులను అడ్డుకోవడంతో కొద్దిసేపు ఉద్రిక్తత నెలకొంది. జూరాల నీటిని విడుదల చేయాలని కోరుతూ ఆందోళన చేస్తున్న రైతులకు మద్దతు తెలిపేందుకు రాంచందర్‌రావు హైదరాబాద్‌ నుంచి జూరాలకు బయలుదేరారు. మార్గమధ్యంలో గొల్లపల్లి వద్ద హోటల్‌లో అల్పాహారానికి ఆగగా, బీజేపీ రాష్ట్ర నాయకుడు శాంతికుమార్‌ తదితరులు స్వాగతం పలికారు. అనంతరం డీఎస్పీ వెంకటేశ్వర్లు, సీఐ కమలాకర్‌ ఆయనను జూరాలకు వెళ్లకుండా అదుపులోకి తీసుకుంటున్నట్లు తెలిపారు. ప్రజాస్వామ్యబద్ధంగా వెళ్తున్న తనను ఎందుకు అడ్డుకుంటున్నారని రాంచందర్‌రావు ప్రశ్నించినప్పటికీ పోలీసులు అరెస్టు చేసేందుకు ప్రయత్నించారు. దీంతో బీజేపీ కార్యకర్తలు పోలీసు వాహనాన్ని అడ్డుకుని, దాని ముందు బైఠాయించారు. పోలీసుల తీరును నిరసిస్తూ నినాదాలు చేశారు. పోలీసులు వాహనాన్ని ముందుకు తీసుకెళ్లడంతో కార్యకర్తలు జాతీయ రహదారిపైకి వచ్చి రాస్తారోకో చేపట్టారు. దీంతో హైదరాబాద్‌ నుంచి జడ్చర్ల వైపు వచ్చే వాహనాలు కొద్దిసేపు భారీగా నిలిచిపోయాయి. పోలీసులు బీజేపీ శ్రేణులను రహదారిపై నుంచి తప్పించి ట్రాఫిక్‌ను క్రమబద్ధీకరించారు.

నర్వ: తెలంగాణ రాష్ట్రస్థాయి ఖేలోఇండియా ఉమెన్స్‌ ట్రాక్‌ 500 మీటర్ల సైక్లింగ్‌ పోటీల్లో స్థానిక జెడ్పీ ఉన్నత పాఠశాలకు చెందిన ఆరుగురు విద్యార్థినులు ఉత్తమ ప్రతిభ కనబర్చినట్లు జిల్లా సైక్లింగ్‌ అసోసియేషన్‌ ప్రధాన కార్యదర్శి గోపాలం తెలిపారు. 14 ఏళ్లలోపు విభాగంలో దుర్గ కాంస్యం, 16 ఏళ్లలోపు విభాగంలో సౌజన్య 4వ స్థానం, మహేశ్వరీ, చందన, అఖిల, భవాని చక్కటి ప్రతిభ చాటా రన్నారు. మంగళవారం విజేతలకు జీహెచ్‌ఎం సునీత, జిల్లా ప్రధానకార్యదర్శి గోపాలం, పీఈటీ స్వరూప మెడల్స్‌, సర్టిఫికెట్స్‌ అందజేశారు. కార్యక్రమంలో జిల్లా ఉపాధ్యక్షుడు ఆనంపల్లి ఆంజనేయులు, ఉపాధ్యాయులు తదితరులు పాల్గొన్నారు.

● ఓటు తొలగింపునకు కాదు.. వివరాల నిర్ధారణ కోసమే... ● 11 ధ్రువపత్రాల్లో ఏదో ఒకటి అందజేస్తే సరిపోతుంది ● పారదర్శకంగా, పకడ్బందీగా ‘సర్‌’ నిర్వహణ ● ‘సాక్షి’ ఫోన్‌–ఇన్‌లో రెవెన్యూ అదనపు కలెక్టర్‌ శ్రీను –8లో uప్రశ్న: నోటీసు వచ్చింది.. కానీ బీఎల్వో ఇంటికి రాలేదు. ఎవరిని సంప్రదించాలి? ఒకే వ్యక్తి పేరు రెండు చోట్ల ఉంటే ఏం చేయాలి? – యూసుప్‌ తాజ్‌, నారాయణపేట టౌన్‌ అడిషనల్‌ కలెక్టర్‌: సంబంధిత పోలింగ్‌ కేంద్రం బీఎల్వోను లేదా ఏఈఆర్వో/ఈఆర్వో కార్యాలయాన్ని సంప్రదించాలి. నోటీసులో ఇచ్చిన వివరాల ప్రకారం కూడా సంబంధిత అధికారిని సంప్రదించవచ్చు. ఒక వ్యక్తికి రెండు ప్రాంతాల్లో ఓటు ఉండకూడదు. ఒకచోట ఓటును కొనసాగిస్తూ మరోచోట ఉన్న నమోదును తొలగించేందుకు సంబంధిత ప్రక్రియను అనుసరించాలి. ఇందుకు ఎన్నికల విభాగం సూచించే ఫారాన్ని ఉపయోగించాలి. ప్రశ్న: పాత ఓటరు జాబితాలో కుటుంబసభ్యుల పేర్లు లేకపోతే వివరాలు ఎలా ఇవ్వాలి? – రాజు, నారాయణపేట అడిషనల్‌ కలెక్టర్‌: కుటుంబ సంబంధాలను నిర్ధారించే అందుబాటులో ఉన్న అధికారిక రికార్డులు, జనన ధ్రువపత్రం వంటి ఆధారాలను అధికారులు సూచించిన విధంగా సమర్పించాలి. నారాయణపేట: నోటీసులు వచ్చాయని ఓటర్లు ఆందోళన చెందాల్సిన అవసరం లేదని.. కేంద్ర ఎన్నికల సంఘం సూచించిన 11 ధ్రువపత్రాల్లో ఒకటి బీఎల్వోలకు అందజేస్తే పరిశీలించి అర్హత ఉన్నవారి ఓటుహక్కును కొనసాగిస్తారని రెవెన్యూ అదనపు కలెక్టర్‌ శ్రీను తెలిపారు. సర్‌ సందేహాలపై మంగళవారం ఉదయం 10 నుంచి 11 వరకు ‘సాక్షి’ ఆధ్వర్యంలో ఫోన్‌–ఇన్‌ నిర్వహించగా.. జిల్లాలోని వివిధ ప్రాంతాల నుంచి ఓటర్లు ఫోన్‌చేసి తమ సందేహాలను నివృత్తి చేసుకున్నారు. ఈ సందర్భంగా అదనపు కలెక్టర్‌ మాట్లాడుతూ.. సర్‌ను పారదర్శకంగా, పకడ్బందీగా నిర్వహిస్తున్నట్లు స్పష్టం చేశారు. ఓటుహక్కు తొలగించేందుకు కాకుండా పాత, ప్రస్తుత ఓటరు జాబితాల్లోని వివరాలను నిర్ధారించుకునేందుకు, అవసరమైన పత్రాలను సమర్పించేందుకు నోటీసులు జారీ చేశామని స్పష్టం చేశారు. బీఎల్వోలు సమర్పించిన ఆధారాలను పరిశీలించి అర్హత ఉన్నవారి వివరాలను ఆన్‌లైనన్‌లో నమోదు చేస్తారని తెలిపారు. క్లెయిమ్స్‌, అభ్యంతరాలు, విచారణ ప్రక్రియ అనంతరం 2026, నవంబర్‌ 9న తుది ఓటరు జాబితా ప్రచురించే ప్రక్రియ ఉంటుందని తెలిపారు. ప్రశ్న: నోటీసు వస్తే ఎలాంటి ధువ్రపత్రాలు అందజేయాలి ? – వెంకటప్ప, మద్దూర్‌ అడిషనల్‌ కలెక్టర్‌: 1987కు ముందు జన్మించినవారు స్థానికతను నిర్ధారించే ధ్రువపత్రాల్లో ఏదైనా ఒకటి సమర్పించాలి, 1987–2004 మధ్య జన్మించినవారు తమ ధ్రువపత్రంతో పాటు ఈ ప్రాంతంలో తండ్రి ఓటుహక్కు వినియోగించినట్లు చూపించే ఓటరు జాబితా వివరాలు, ఎపిక్‌ నంబర్‌ తదితర ఆధారాలను సమర్పించాలి. 2004–2025 మధ్య జన్మించినవారు తమ స్థానికతకు సంబంధించిన ధ్రువపత్రంతో పాటు కుటుంబ సభ్యుల్లో కనీసం ఇద్దరి ఓటరు జాబితా వివరాలను సమర్పించాలి. ప్రశ్న: కుటుంబంలో ఒకరికి నోటీసు వచ్చి మరొకరికి రాకపోవడానికి కారణం ఏమిటి? – సూర్యకాంత్‌, మాజీ కౌన్సిలర్‌, నారాయణపేట అడిషనల్‌ కలెక్టర్‌: ప్రతి ఓటరు వివరాలను విడిగా పరిశీలిస్తారు. పాత, ప్రస్తుత జాబితాల్లో ఉన్న వివరాల ఆధారంగా అవసరమైన వారికి మాత్రమే నోటీసులు జారీ చేస్తారు. ఒక కుటుంబంలో అందరికీ తప్పనిసరిగా నోటీసులు రావాల్సిన అవసరం లేదు. ప్రశ్న: క్లెయిమ్స్‌, అభ్యంతరాలు ఎప్పటి వరకు స్వీకరిస్తారు? – రవి, నారాయణపేట అడిషనల్‌ కలెక్టర్‌: ముసాయిదా ఓటరు జాబితాపై అభ్యంతరాలు, క్లెయిమ్స్‌ సమర్పించేందుకు అక్టోబర్‌ 7 వరకు అవకాశం ఉంది. నోటీసులు అందుకున్న వారు గడువులోగా అవసరమైన ఆధారాలతో బీఎల్వోలను సంప్రదించాలి. ప్రశ్న: నోటీసు వచ్చినవారు ఏ ఫారం ఇవ్వాలి? – రమేష్‌, మరికల్‌ అడిషనల్‌ కలెక్టర్‌: నోటీసులో పేర్కొన్న అంశం, అవసరమైన సవరణను బట్టి సంబంధిత ఎన్నికల ఫారం సమర్పించాలి. బీఎల్వో లేదా ఎన్నికల విభాగం అధికారుల సూచన మేరకు సరైన ఫారం, అవసరమైన ధ్రువపత్రాలను అందజేయాలి. ప్రశ్న: ఓటర్లు ముఖ్యంగా ఏ జాగ్రత్తలు తీసుకోవాలి? – నారాయణ, కోస్గి అడిషనల్‌ కలెక్టర్‌: నోటీసు వచ్చిందని ఆందోళన చెందాల్సిన అవసరం లేదు. నోటీసులో పేర్కొన్న అంశాన్ని తెలుసుకొని అందుబాటులో ఉన్న సరైన ధ్రువపత్రాలను సిద్ధంగా ఉంచాలి. బీఎల్వోలకు సహకరించి నిర్ణీత గడువులో సమర్పించాలి. ప్రశ్న: పాత ఓటరు జాబితాలో తండ్రి పేరులో ఇంటి పేరు లేదని అధికారులు తిరస్కరించారు. – బాలప్ప, మద్దెల్‌బీడు, దామరగిద్ద అడిషనల్‌ కలెక్టర్‌: తప్పకుండా సంబంధిత బీఎల్వో, ఎన్నికల విభాగం అధికారులను సంప్రదించాలి. అర్హత ఉన్న ఓటర్ల కోసం దరఖాస్తు చేసుకునే అవకాశం ఉంటుంది. 11 ధ్రువపత్రాల్లో ఏదో ఒకటి సమర్పిస్తే సరిపోతుంది.

నర్వ: పోషకాహారంపై ఆశాలు, అంగన్‌వాడీలు క్షేత్రస్థాయిలో బాలింతలు, గర్భిణులకు నిత్యం అవగాహన కల్పించాలని కలెక్టర్‌ సీహెచ్‌ ప్రియాంక సూచించారు. మంగళవారం స్థానిక రైతువేదికలో జిల్లా శిశు సంక్షేమశాఖ ఆధ్వర్యంలో నిర్వహించిన 9వ జాతీయ పోషణమాసం ప్రత్యేక కార్యక్రమానికి ఆమె ముఖ్యఅతిథిగా హాజరై అంగన్‌వాడీ ఉపాధ్యాయులు తయారు చేసిన వివిధ రకాల పౌష్టికాహార పదార్థాలను ఆమె పరిశీలించారు. అనంతరం మహిళలను ఉద్దేశించి మాట్లాడుతూ.. పోషణమా సం లక్ష్యాలను ప్రజల భాగస్వామ్యంతో విజయవంతం చేయాలని కోరారు. ఈ ఏడాది బెస్ట్‌ ఫీడింగ్‌ ప్రాక్టీస్‌పై ప్రత్యేక దృష్టి సారించాలని.. శిశువు పుట్టిన వెంటనే ముర్రుపాలను తప్పనిసరిగా తాగించాలని సూచించారు. దీంతో శిశువుకు సహజ రోగనిరోధక శక్తి వస్తుందని.. ఆరు నెలల వరకు తల్లిపాలు మాత్రమే ఇవ్వాలన్నారు. బాలింతలు పప్పులు, కూరగాయలు, పండ్లు అవసరమైన ప్రోటీన్లతో కూడిన ఆహారాన్ని తీసుకోవాలని కోరారు. శుభ్రత, స్థానికంగా లభించే ఆకుకూరలు ఎక్కువగా వినియోగించాలని ఫాస్ట్‌, జంక్‌ ఫుడ్‌కు దూరంగా ఉండాని సూచించారు. ముఖ్యంగా బాల్య వివాహాలను అరికట్టేందుకు ఆశాలు, అంగన్‌వాడీలు కృషి చేయాలని.. చిన్న వయస్సులో గర్భధారణ జరిగే సందర్భాల్లో ప్రత్యేక శ్రద్ధ వహించి అవసరమైన వైద్య పరీక్షలు, స్కానింగ్‌, ప్రసవ ప్రణాళిక అంశాలపై వైద్యులు చర్యలు తీసుకోవాలని సూచించారు. కార్యక్రమంలో డీడబ్ల్యూఓ రాజేందర్‌గౌడ్‌, డీఎంహెచ్‌ఓ డా. జయచంద్రమోహన్‌, తహసీల్దార్‌ మల్లారెడ్డి, ఎంపీడీఓ శ్రీనివాస్‌, ఇన్‌చార్జి సీడీపీఓ మమత, యాస్పిరేషన్‌ బ్లాక్‌ కో–ఆర్డినేటర్‌ బాలాజీ పాల్గొన్నారు.

● రాష్ట్రస్థాయి టోర్నీలకు ఐదు జిల్లాలకు కేటాయింపులు ● అండర్‌–14, 17, 19 విభాగాల్లో పోటీలు ● సెలక్షన్స్‌ అనంతరం టోర్నీల నిర్వహణ మహబూబ్‌నగర్‌ క్రీడలు: ఉమ్మడి మహబూబ్‌నగర్‌ జిల్లాలో స్కూల్‌ గేమ్స్‌ ఫెడరేషన్‌ (ఎస్‌జీఎఫ్‌) క్రీడా సందడి మొదలుకానుంది. ఇప్పటికే మండలస్థాయి పోటీలు ముగింపు దశకు చేరుకోగా.. త్వరలో జిల్లాస్థాయి, ఉమ్మడి జిల్లా సెలక్షన్స్‌ నిర్వహించనున్నారు. ఈ క్రమంలో ఉమ్మడి జిల్లాలోని మహబూబ్‌నగర్‌, వనపర్తి, నారాయణపేట, నాగర్‌కర్నూల్‌, జోగుళాంబ గద్వాల జిల్లాలకు వివిధ క్రీడల్లో రాష్ట్రస్థాయి ఎస్‌జీఎఫ్‌ టోర్నీలు కేటాయించారు. గత నెలలో జిల్లా ఎస్‌జీఎఫ్‌ కార్యదర్శులు పంపిన ప్రతిపాదనల ఆధారంగా మంగళవారం టోర్నీలను కేటాయించారు. ఉమ్మడి జిల్లా సెలక్షన్స్‌ అనంతరం ఆయా పోటీలు నిర్వహించనున్నారు. ● మహబూబ్‌నగర్‌ జిల్లాలో అండర్‌–19 బాల, బాలికల వాలీబాల్‌, అండర్‌–17 బాల, బాలికల హ్యాండ్‌బాల్‌, అండర్‌–19 బాలుర క్రికెట్‌, అండర్‌–19 బాల, బాలికల నెట్‌బాల్‌ పోటీలు జరగనున్నాయి. ● వనపర్తి జిల్లాలో అండర్‌–19 బాలికల హాకీ, అండర్‌–19 బాల, బాలికల హ్యాండ్‌బాల్‌ టోర్నీలు కేటాయించారు. ● నారాయణపేట జిల్లాలో అండర్‌–14 బాల, బాలికల రెజ్లింగ్‌ (ఫ్రీస్టైల్‌), అండర్‌–14, 17 బాల, బాలికల బీచ్‌వాలీబాల్‌ పోటీలు నిర్వహించనున్నారు. ● నాగర్‌కర్నూల్‌ జిల్లాలో అండర్‌–17 బాల, బాలికల చెస్‌, అండర్‌–17 బాల, బాలికల కబడ్డీతో పాటు అండర్‌–14, 17, 19 బాల, బాలికల మల్కంబ్‌ పోటీలు జరగనున్నాయి. ● జోగుళాంబ గద్వాల జిల్లాలో అండర్‌–14 బాల, బాలికల చెస్‌, అండర్‌–17 బాలుర క్రికెట్‌, అండర్‌–17 బాల, బాలికల సెపక్‌తక్రా, అండర్‌–17 బాలుర హాకీ, అండర్‌–14 బాల, బాలికల తైక్వాండో పోటీలు కేటాయించారు. విజయవంతంగా నిర్వహిస్తాం.... జిల్లాకు ఈ ఏడాది నాలుగు రాష్ట్రస్థాయి స్కూల్‌ గేమ్స్‌ టోర్నీలు కేటాయించడం సంతోషంగా ఉంది. పీడీలు, పీఈటీలు, క్రీడాసంఘాల సహకారంతో రాష్ట్రస్థాయి ఎస్‌జీఎఫ్‌ టోర్నీలను విజయవంతంగా నిర్వహిస్తాం. టోర్నీల్లో పాల్గొనే క్రీడాకారులకు ఎలాంటి ఇబ్బందులు కలగకుండా అన్ని విధాల సౌకర్యాలు సమకూరుస్తాం. – వేణుగోపాల్‌, ఎస్‌జీఎఫ్‌ జిల్లా కార్యనిర్వాహక కార్యదర్శి, మహబూబ్‌నగర్‌

నారాయణపేట: కార్మికులు దశాబ్దాల పాటు పోరాడి సాధించుకున్న హక్కులను పరిరక్షించుకోవడంతో పాటు కార్మిక వ్యతిరేక విధానాలను వ్యతిరేకించేందుకు ఐక్య పోరాటాలకు సిద్ధం కావాలని సీఐటీయూ రాష్ట్ర కార్యదర్శి పుప్పాల శ్రీకాంత్‌ పిలుపునిచ్చారు. మంగళవారం జిల్లాకేంద్రంలో నిర్వహించిన సీఐటీయూ జిల్లా కార్యవర్గ సమావేశంలో ఆయన పాల్గొని మాట్లాడారు. కేంద్రం తీసుకొచ్చిన నాలుగు కార్మిక కోడ్లతో వేతనాలు, పారిశ్రామిక సంబంధాలు, సామాజిక భద్రత, వృత్తి భద్రత–ఆరోగ్యానికి సంబంధించిన నిబంధనల్లో మార్పులు వచ్చాయన్నారు. బ్యాంకులు, బీమా, రవాణా, విద్యుత్‌, రైల్వేలు, రక్షణ, ఉక్కు, బొగ్గు, చమురు తదితర ప్రభుత్వ రంగ సంస్థల ప్రైవేటీకరణను నిలిపివేసి వాటిని బలోపేతం చేయాలని సీఐటీయూ డిమాండ్‌ చేస్తోందని తెలిపారు. ప్రభుత్వ రంగాన్ని కాపాడటం అంటే కార్మికుల ఉద్యోగాలతో పాటు ప్రజల ఆస్తులను పరిరక్షించడమేనని పేర్కొన్నారు. కాంట్రాక్టు, ఔట్‌సోర్సింగ్‌ ఉద్యోగాలు పెరగడంతో శాశ్వత ఉద్యోగాలు తగ్గుతున్నాయని ఆవేదన వ్యక్తం చేశారు. ఒకే పని చేస్తున్న కార్మికులకు సమాన వేతనం, ఉద్యోగ భద్రత, చట్టబద్ధమైన హక్కులు, సామాజిక భద్రత కల్పించాలని కోరారు. అసంఘటిత, గిగ్‌, ప్లాట్‌ఫామ్‌ కార్మికులకు కూడా సామాజిక భద్రత కల్పించాలన్నారు. నిత్యావసర సరుకులు, ఇళ్లు, విద్య, వైద్యం, రవాణా, విద్యుత్‌, వంటగ్యాస్‌ ధరలు పెరుగుతుండటంతో కార్మిక కుటుంబాలపై ఆర్థిక భారం పెరుగుతోందన్నారు. ధరల పెరుగుదలను నియంత్రించి కార్మిక కుటుంబాలు గౌరవంగా జీవించే స్థాయిలో వేతనాలు కల్పించాలని డిమాండ్‌ చేశారు. యువతకు శాశ్వత ఉద్యోగ అవకాశాలు కల్పించాలని, ప్రభుత్వ శాఖల్లో ఖాళీలను భర్తీ చేయాలని కోరారు. ప్రైవేట్‌ రంగంలో ఉద్యోగ భద్రత కల్పించడంతో పాటు యువతను అనిశ్చిత ఉపాధి వైపు నెట్టే విధానాలను మార్చాలన్నారు. కార్మిక సమస్యలను కేవలం ప్రకటనలకే పరిమితం చేయకుండా దేశ రాజధాని ఢిల్లీలో తమ ఐక్యతను చాటాలని పిలుపునిచ్చారు. డిసెంబర్‌ 1, 2, 3 తేదీల్లో నిర్వహించనున్న ఢిల్లీ మార్చ్‌లో కార్మికులు అధికసంఖ్యలో పాల్గొని విజయవంతం చేయాలని కోరారు. సమావేశంలో సంఘం జిల్లా అధ్యక్షుడు గోవింద్‌రాజ్‌, బండమీది బలరాం, కోశాధికారి బాలమణి, జిల్లా ఉపాధ్యక్షుడు జోషి, నాయకులు కాశీనాథ్‌, భీంశప్ప తదితరులు పాల్గొన్నారు.

కోస్గి: వినాయక చవితి ఉత్సావాల్లో భాగంగా పట్టణంలోని మున్నూర్‌ వాడలో వెలిసిన విజయ గణపతి మండపంలో నవరాత్రులు ప్రత్యేక పూజలందుకున్న గణనాథుడి లడ్డూకు వేలంలో రికార్డు ధర పలికింది. గతంలో ఎన్నడూ లేనివిధంగా రూ.14,31,999 పలికి చర్చకెక్కింది. విజయ గణపతి మండప మిత్రబృందం వేలంలో దక్కించుకున్నారు. కళాకారుల నృత్యాలు ప్రత్యేక ఆకర్షణగా నిలిచాయి. నేడు డీసీసీ కార్యవర్గ ప్రమాణ స్వీకారం నారాయణపేట: జిల్లా కాంగ్రెస్‌ కమిటీ (డీసీసీ) కార్యవర్గ ప్రమాణ స్వీకార కార్యక్రమాన్ని బుధవారం జిల్లాకేంద్రంలోని గాయత్రి ఫంక్షనన్‌హాల్‌లో నిర్వహించనున్నట్లు డీసీసీ అధ్యక్షుడు కె.ప్రశాంత్‌కుమార్‌రెడ్డి మంగళవారం ఒక ప్రకటనలో తెలిపారు. ఉదయం 11.30కి పొలిటికల్‌ అఫైర్స్‌ కమిటీ సమావేశం, మధ్యాహ్నం 12 గంటలకు డీసీసీ కార్యవర్గ ప్రమాణ స్వీకార కార్యక్రమం ఉంటుందని పేర్కొన్నారు. ఈ కార్యక్రమానికి సీడబ్ల్యూసీ ప్రత్యేక ఆహ్వానితుడు చల్లా వంశీచంద్‌రెడ్డి, రాష్ట్ర మంత్రి వాకిటి శ్రీహరి, నారాయణపేట ఎమ్మెల్యే చిట్టెం పర్ణికారెడ్డి, కొడంగల్‌ ఇన్‌చార్జి్‌ తిరుపతిరెడ్డి, డీసీసీ మాజీ అధ్యక్షుడు కుంభం శివకుమార్‌రెడ్డి, జిల్లా గ్రంథాలయ సంస్థ చైర్మన్‌ విజయ్‌కుమార్‌ ముఖ్య అతిథులుగా హాజరుకానున్నట్లు తెలిపారు. జిల్లాలోని అన్ని మండలాల కాంగ్రెస్‌పార్టీ అధ్యక్షులు, పట్టణ అధ్యక్షులు హాజరుకావాలని కోరారు. రేపటి నుంచి ఏటీఎల్‌ ఇన్‌చార్జిలకు శిక్షణ నారాయణపేట ఎడ్యుకేషన్‌: జిల్లాలోని 21 పీఎంశ్రీ ఉన్నత పాఠశాలల్లో ఉన్న ఏటీఎల్‌ ల్యాబ్‌ ఇన్‌చార్జిలకు హైదరాబాద్‌లోని రాజేంద్రనగర్‌ టీజీఐఆర్‌డీ గోల్డెన్‌ జూబ్లీ బ్లాక్‌లో గురువారం నుంచి 26వ తేదీ వరకు మూడురోజుల పాటు శిక్షణ కార్యక్రమం ఉంటుందని జిల్లా విద్యాధికారి డా. గోవిందరాజు మంగళవారం ఒక ప్రకటనలో తెలిపారు. ఆయా పాఠశాలల నుంచి కచ్చితంగా ఒకరు మెటీరియల్‌ తీసుకొని ఉదయం 10 వరకు శిక్షణ కేంద్రానికి చేరుకోవాలని పేర్కొన్నారు. శిక్షణకు హాజరుకాని వారిపై ఎస్పీడీ కఠిన చర్యలు తీసుకుంటారని వెల్లడించారు. మరిన్ని వివరాలకు జిల్లా సైన్స్‌ అధికారి భానుప్రకాష్‌ను సంప్రదించాలని సూచించారు. కొనసాగుతున్న ‘చేనేత’ నామినేషన్ల స్వీకరణ ధన్వాడ: స్థానిక చేనేత సహకార సంఘం ఎన్నికల నామినేషన్ల స్వీకరణ ప్రక్రియ కొనసాగుతోంది. మంగళవారం డైరెక్టర్‌ పదవుల కోసం 10 మంది నామినేషన్లు వేశారు. బుధవారం చివరిరోజు కావడంతో నామినేషన్ల సంఖ్య పెరిగే అవకాశం ఉంది. 29వ తేదీన ఎన్నికలు నిర్వహించనున్నట్లు ఎన్నికల అధికారి అంజనేయులు తెలిపారు.

నారాయణపేట: మండలంలోని కొండారెడ్డిపల్లి చెరువులో నీటిమట్టం తక్కువగా ఉండటంతో 10 అడుగులకు పైబడిన గణపతి విగ్రహాలను కృష్ణానదిలో నిమజ్జనం చేసేందుకు జిల్లా పోలీసు యంత్రాంగం ఏర్పాట్లు చేస్తోందని ఎస్పీ డా. వినీత్‌ తె లిపారు. మంగళవారం జిల్లా పోలీసు కార్యాలయంలో ఉత్సవ కమిటీ సభ్యులు, మండపాల నిర్వాహకులతో సమావేశమై నిమజ్జన ఏర్పాట్లపై చర్చించి మాట్లాడారు. కృష్ణానదిలో నిమజ్జనానికి అవసరమైన అన్ని భద్రతా ఏర్పాట్లను వివిధ శాఖల సమన్వయంతో చేపడతామని పేర్కొన్నారు. 10 అడుగులకు పైబడిన గణపతి విగ్రహాల నిర్వాహకులు ని మజ్జనానికి అవసరమైన వాహనాలను ముందుగా నే సమకూర్చుకోవాలని సూచించారు. ప్రతి విగ్ర హం వెంట నలుగురు వలంటీర్లు తప్పనిసరిగా ఉండేలా చూసుకోవాలన్నారు. నిమజ్జన కార్యక్ర మం ప్రశాంతంగా, సురక్షితంగా నిర్వహించేందుకు ఉత్స వ కమిటీలు, మండపాల నిర్వాహకులు పోలీసుశాఖకు సహకారం అందించాలని కోరారు. సమావేశంలో అదనపు ఎస్పీ ఎండీ రియాజ్‌ ఉల్‌హక్‌, డీఎస్పీలు మహేష్‌, నల్లపు లింగయ్య, సీఐ శివశంకర్‌, ఎస్‌ఐలు వెంకటేశ్వర్లు, భాగ్యలక్ష్మిరెడ్డి పాల్గొన్నారు. ప్రత్యామ్నాయ మార్గాల్లో బస్సులు నడపాలి.. గణేష్‌ శోభాయాత్ర, నిమజ్జన కార్యక్రమాల సందర్భంగా ప్రజలకు ఇబ్బందులు తలెత్తకుండా అవసరమైన ప్రాంతాల్లో ఆర్టీసీ బస్సులను ముందుగానే డైవర్ట్‌ చేయాలని ఎస్పీ జి.వినీత్‌ సూచించారు. మంగళవారం జిల్లా పోలీసు కార్యాలయంలో నారాయణపేట ఆర్టీసీ డీఎం యాకన్న, కోస్గి డీఎం రాజయ్య మర్యాదపూర్వకంగా ఎస్పీని కలిసి పూల మొక్క అందజేశారు. అనంతరం గణేష్‌ నిమజ్జన ఏర్పాట్ల పై చర్చించారు. నిమజ్జన మార్గాల్లో రద్దీని దృష్టిలో ఉంచుకొని పోలీసుశాఖతో సమన్వయం చేసుకుంటూ ప్రత్యామ్నాయ మార్గాల్లో బస్సులను నడిపేలా చర్యలు తీసుకోవాలని ఎస్పీ సూచించారు. ప్రజల కు ఎలాంటి ఇబ్బందులు కలగకుండా, గణేష్‌ నిమజ్జన కార్యక్రమాలు ప్రశాంతంగా, సురక్షితంగా జరిగేలా అన్ని శాఖలు సమన్వయంతో పనిచేయాలని కోరారు.

జిల్లాలో వరా్షాలు లేక ఆశించిన స్థాయిలో పత్తి పంటలు చేతికి రాకపోవడంతో దిగుబడులు తగ్గాయి. సరైన వర్షాలుంటే ఎకరాకు 12 క్వింటాళ్ల దిగుబడి వచ్చేంది. ఈ ఏడాది వర్షాలు లేకపోవడంతో ఎకరాకు రెండు క్వింటాళ్లు రాని పరిస్థితులు కనిపిస్తున్నాయి. ప్రస్తుతం రాయిచూర్‌ మార్కెట్‌లో క్వింటా పత్తికి రూ.9,650 ధర పలుకుతోంది. ప్రభుత్వం ప్రకటించిన మద్దతు ధర క్వింటాకు రూ.8,667 ఉండగా బయటి వ్యాపారులు రూ.9 వేలకు పైగా కొనుగోలు చేస్తున్నారు. ఈ ఏడాది వర్షాభావ పరిస్థితుల కారణంగా ఎండలకు పంటలు పూర్తిగా ఎండి కాపు తగ్గడంతో రైతులు పీకల్లోతు కష్టాల్లో కురుకుపోయారు. రాయిచూర్‌ మార్కెట్‌లో పత్తికి డిమాండ్‌ ఉండటంతో ఇక్కడి రైతులు కూడా ప్రభుత్వ కొనుగోలు కేంద్రాల్లో విక్రయించకుండా నేరుగా అక్కడి మార్కెట్‌కు తరలించి విక్రయిస్తున్నారు. మరికల్‌: ఎల్‌నినో ప్రభావంతో పత్తి రైతు కుదేలవుతున్నాడు. వర్షాలు కురుస్తాయనే ఆశతో మొదట విత్తనాలు విత్తగా వరణుడు ముఖం చాటేయడంతో మొలకెత్తలేదు. దీంతో చేసేది లేక రెండు, మూడుసార్లు విత్తాల్సి వచ్చింది. ప్రస్తుతం పంట కాయ దశలో ఉండగా వర్షాలు లేక పంట ఎండిపోతుండటంతో రైతులు దిక్కుతోచని స్థితిలో పడిపోయారు. నీటి వనరులున్న రైతులు అడపా దడపా అందిస్తూ కొద్దిమేర పంటను కాపాడుకుంటున్నారు. నీటి వనరులు లేని రైతుల పంట చూస్తే ఎండలకు మొక్కలు ఎండుముఖం పట్టడమే కాకుండా చెట్టుకు ఉన్న పూత, గూడ, కాయ రాలిపోతోంది. ప్రస్తుత సమయంలో వర్షాలు కురిసినా ఎలాంటి పత్తి పంటలకు ఎలాంటి ఫలితం ఉండదని రైతులు అంటున్నారు. జిల్లాలో 1.66 లక్షల ఎకరాల్లో సాగు.. జిల్లావ్యాప్తంగా ఈ ఏడాది 1.66 లక్షల ఎకరాల్లో పత్తి సాగైంది. మరికల్‌, ధన్వాడ, నర్వ, మద్దూరు, కోస్గి, దామరగిద్ద, ఊట్కూర్‌, నారాయణపేట, మక్తల్‌ మండలాల్లోనే అధిక శాతం మంది రైతులు పత్తి సాగు చేశారు. ఎకరాకు రూ.30 వేల పెట్టుబడి కాగా.. వర్షాలు లేక ఇప్పటికే 75 శాతం పత్తి పంటలు ఎండలకు తట్టుకోలేక వాడుముఖం పట్టడంతో పాటు వర్షాలు లేక ఎదుగుదల లోపించింది. చెట్టుకు 5 నుంచి10 కాయలు మాత్రమే కనిపిస్తున్నాయి. ఈ పరిస్థితుల్లో ఎకరాకు ఒకటి లేదా రెండు క్వింటాళ్లకు మించి దిగుబడి వచ్చే అవకాశం కనిపించడం లేదని రైతులు చెబుతున్నారు. వర్షాలు లేక వాడుముఖం పట్టిన పంటలు తెగుళ్లతో సతమతం ఎకరాకు రెండు క్వింటాళ్ల దిగుబడి రాని వైనం ఆందోళనలో కర్షకులు

కృష్ణా: నారాయణపేట జిల్లా కృష్ణా మండలంలో డ్రగ్స్‌ వ్యవహారం కలకలం రేపింది. మండలకేంద్రంలో సోమవారం జరిగిన ఎస్‌జీఎఫ్‌ క్రీడలకు వచ్చిన విద్యార్థులకు మత్తు పదార్థాలు విక్రయించేందుకు ప్రయత్నించినట్లు అనుమానిస్తున్న గుడెబల్లూర్‌కు చెందిన ఐదుగురు యువకులను పోలీసులుఅదుపులోకి తీసుకుని విచారిస్తున్నారు. ఈ ఘటనపై ఎస్‌ఐ నవీద్‌ను వివరణ కోరగా.. అనుమానంతో ఐదుగురిని అదుపులోకి తీసుకున్నామని, వారు తీసుకెళ్లిన పదార్థాలు డ్రగ్సేనా? కాదా? అనేది పరీక్షల అనంతరం తేలుతుందని తెలిపారు. అయితే గుడెబల్లూర్‌కు చెందిన ఓ వ్యక్తి ప్రధాన విక్రయదారుడిగా అనుమానిస్తున్నట్లు, అతడి నుంచి ఇతరులు పదార్థాలు తీసుకుని యువతకు విక్రయిస్తున్నట్లు ప్రాథమికంగా గుర్తించినట్లు చెప్పారు. సరఫరా ఎక్కడి నుంచి? గుడెబల్లూర్‌లో మత్తు పదార్థాల విక్రయానికి సంబంధించిన వ్యవహారం వెలుగులోకి రావడంతో వాటి సరఫరా ఎక్కడి నుంచి జరుగుతోంది? దీని వెనుక ఎవరున్నారు? అనే ప్రశ్నలు వ్యక్తమవుతున్నాయి. మొత్తం వ్యవహారంపై లోతుగా దర్యాప్తు చేసి సరఫరా మూలాలను గుర్తించాలని గ్రామస్తులు కోరుతున్నారు. కేవలం అనుమానితులను అదుపులోకి తీసుకోవడంతో కాకుండా, సరఫరా చేసే వ్యక్తుల నుంచి ప్రధాన నెట్‌వర్క్‌ వరకు దర్యాప్తు చేయాలని డిమాండ్‌ చేస్తున్నారు. మండలంలో గతంలో పేకాట, మట్కా, గుప్త నిధుల వ్యవహారాలు, నిషేధిత ఉత్ప్రేరకాలు, ఇసుక, మట్టి, బూడిద అక్రమ రవాణా, బ్లాస్టింగ్‌ తదితర అంశాలు తెరపైకి వచ్చినట్లు స్థానికులు పేర్కొంటున్నారు. తాజాగా డ్రగ్స్‌ వ్యవహారం వెలుగులోకి రావడంతో జిల్లా ఉన్నతాధికారులు ప్రత్యేక నిఘా పెట్టి, ఇలాంటి ఘటనలు పునరావృతం కాకుండా పటిష్ట చర్యలు తీసుకోవాలని మండల ప్రజలు కోరుతున్నారు. విద్యార్థులకు విక్రయించేందుకు వెళ్లిన ఐదుగురు యువకుల అదుపులోకి..

● అధికారుల సమన్వయంతో టీబీ ముక్త్‌ భారత్‌’ అమలు ● కలెక్టర్‌ సీహెచ్‌ ప్రియాంక నారాయణపేట: క్షయ లక్షణాలున్న ప్రతి ఒక్కరిని గుర్తించి సకాలంలో వైద్య పరీక్షలు నిర్వహించాలని, వ్యాధి నిర్ధారణ అయిన వారికి పూర్తిస్థాయి వైద్యం అందించి క్షయ రహిత జిల్లాగా తీర్చిదిద్దాలని కలెక్టర్‌ ప్రియాంక అధికారులను ఆదేశించారు. సోమవారం కలెక్టరేట్‌లోని వీడియో కాన్ఫరెన్‌న్స్‌ హాల్‌లో ‘టీబీ ముక్త్‌ భారత్‌ అభియాన్‌ అమలుపై సంబంధిత శాఖల అధికారులతో సమీక్ష నిర్వహించారు. ఈ సందర్భంగా ఆమె మాట్లాడుతూ.. క్షయను ప్రారంభ దశలోనే గుర్తించి చికిత్స అందించడంతో వ్యాప్తిని సమర్థంగా అరికట్టవచ్చన్నారు. ఆయుష్మాన్‌ భారత్‌ ఆధ్వర్యంలో పీహెచ్‌సీలు, ఎంపీహెచ్‌సీలు, ప్రభుత్వ ఆస్పత్రులు, వైద్య కళాశాలల్లో వ్యాధి నిర్ధారణ పరీక్షలు నిర్వహిస్తున్నట్లు తెలిపారు. మండలస్థాయిలోనూ స్క్రీనింగ్‌ను విస్తృతం చేయాలని ఆదేశించారు. జిల్లాలో ఇప్పటి వరకు 54,684 మందికి ఛాతీ పరీక్షలు, ఎక్స్‌రే స్క్రీనింగ్‌ నిర్వహించినట్లు వెల్లడించారు. జిల్లాలో వంద శాతం స్క్రీనింగ్‌ పూర్తి చేసి వ్యాప్తిని అరికట్టేందుకు సమగ్ర చర్యలు చేపట్టాలన్నారు. ప్రతి మండలంలో అవసరమైన సంఖ్యలో వాలంటీర్లను నియమించి ప్రజలకు వ్యాధిపై అవగాహన కల్పించాలని సూచించారు. సమావేశంలో జిల్లా వైద్యాధికారి డా. చంద్రమోహన్‌, జిల్లా టీబీ అధికారి, డీవైఎస్‌ఓ, డీఈఓ, డీపీఓ, జిల్లా కార్మికశాఖ అధికారి తదితరులు పాల్గొన్నారు. భూ సేకరణ పూర్తి చేస్తాం.. జిల్లాలోని నీటిపారుదల ప్రాజెక్టుల భూ సేకరణ, పరిహారం చెల్లింపులు, ఇతర పనులను నిర్ణీత గడువులో పూర్తి చేసేందుకు చర్యలు తీసుకుంటున్నట్లు కలెక్టర్‌ సీహెచ్‌ ప్రియాంక తెలిపారు. సోమవారం హైదరాబాద్‌ నుంచి రాష్ట్ర నీటిపారుదలశాఖ మంత్రి ఉత్తమ్‌కుమార్‌రెడ్డి హైదరాబాద్‌ నుంచి అన్ని జిల్లాల కలెక్టర్లతో వీడియో కాన్ఫరెనన్స్‌ నిర్వహించగా.. జిల్లా నుంచి కలెక్టర్‌ పాల్గొని వివరాలు వెల్లడించారు. వీసీలో రెవెన్యూ అదనపు కలెక్టర్‌ శ్రీను, సంబంధిత శాఖల అధికారులు పాల్గొన్నారు.

మరోవైపు గద్వాల– ఎర్రవల్లి రహదారి మార్గంలోని జమ్మిచేడ్‌ వద్ద జూరాల కుడి కాల్వ నుంచి నీటిని విడుదల చేయాలని రైతులు పెద్దఎత్తున రోడ్డుపై ఉదయం 10 గంటల నుంచి సాయంత్రం 4 గంటల వరకు బైఠాయించి ధర్నా చేశారు. దీంతో ఆ మార్గంలో సుమారు 10 కి.మీ. మేర ట్రాఫిక్‌ నిలిచిపోయింది. రైతుల ధర్నాకు వివిధ పార్టీల నాయకులు స్నిగ్ధారెడ్డి, బాసు శ్యామల తదితరులు మద్దతు ప్రకటించి మాట్లాడారు. అలాగే రైతుల వద్దకు అదనపు కలెక్టర్‌ మధన్‌మోహన్‌, ఎస్‌ఈ కేశవరావు వచ్చి సమస్య పరిష్కారం కోసం ఉన్నతాధికారుల దృష్టికి తీసుకెళ్తామని రైతులకు చెప్పారు. ఈ క్రమంలో మహిళా రైతులు కంటతడి పెడుతూ అదనపు కలెక్టర్‌ కాళ్లు మొక్కి నీటిని విడుదల చేయాలని కోరారు. 24 గంటల్లోగా నీటిని విడుదల చేయకపోవడంతో ఆందోళనలు మరింత ఉధృతం చేస్తామని హెచ్చరించారు. అనంతరం పోలీసులు తీవ్రంగా శ్రమించి ట్రాఫిక్‌ను క్రమబద్ధీకరించారు. ● రేవులపల్లి, భీంపురం, పెద్దచింతరేవుల గ్రామాల రైతులు కుడి కాల్వ వద్ద ధర్నా చేసందుకు సిద్ధపడగా.. పోలీసులు వారిని మిషన్‌ భగీరథ హెడ్‌ వర్క్స్‌ గట్టు సమీపంలోని జీరో పాయింట్‌ వద్ద అడుక్డకున్నారు. దీంతో రైతులు అక్కడే కూర్చొని ధర్నా చేశారు. వీరికి వివిధ పార్టీల నాయకులు పద్మ, హన్మంతు, గోపాల్‌రెడ్డి తదితరులు మద్దతు తెలిపి ధర్నాలో కూర్చున్నారు.

మక్తల్‌: వివేకానందుడి ఆశయ సాధనకు ప్రతి ఒక్కరు కృషి చేయాలని ఎంపీ డీకే అరుణ, రాష్ట్ర పశుసంవర్ధకశాఖ మంత్రి వాకిటి శ్రీహరి, నేరెడుగోమ్‌ పీఠాధిపతి సిద్ధలింగేశ్వర మహాస్వామి, బిజ్వార్‌ ఆదిత్యా పరాశ్రీస్వామి అన్నారు. సోమవారం పట్టణంలో ఏర్పాటుచేసిన వివేకానందుడి విగ్రహాన్ని వారు ఆవిష్కరించి మాట్లాడారు. యువతకు వివేకానందుడి జీవితం దిక్సూచి అని.. మక్తల్‌ గడ్డపై ఆయన విగ్రహం ఏర్పాటు చేయడం గర్వకారణమన్నారు. విద్యార్థులు ఆత్మవిశ్వాసం, క్రమశిక్షణ, దేశభక్తి, సేవాభావంతో ముందుకుసాగాలని సూచించారు. స్వామి వివేకానంద చిన్న వయస్సులోనే తన ప్రసంగాలతో ప్రపంచాన్ని ప్రభావితం చేశారని గుర్తు చేశారు. ఏ రంగంలో ఉన్నా సమాజానికి ఉపయోగపడే సేవ చేయాలని.. అప్పుడే సమాజం గుర్తిస్తుందన్నారు. విద్యార్థులు క్రమశిక్షణ, ఏకాగ్రతతో చదివి ఉన్నత శిఖరాలకు చేరుకోవాలని ఆకాంక్షించారు. అనంతరం క్రీడలు, వ్యాసరచన, వకృత్వ పోటీల్లో గెలుపొందిన విద్యార్థులకు అతిథులు బహుమతులు ప్రదానం చేశారు. కార్యక్రమంలో మాజీ ఎమ్మెల్యే చిట్టెం రామ్మోహన్‌రెడ్డి, పుర చైర్‌పర్సన్‌ వాకిటి మానస, రాష్ట్ర నాయకుడు కొండయ్య, సోమశేఖర్‌గౌడ్‌, మార్కెట్‌ వైస్‌ చైర్మన్‌ గణేష్‌కుమార్‌, ఏబీవీపీ నగర అధ్యక్షుడు అంజిరెడ్డి, రాష్ట్ర నాయకులు రాంబాబు, కుర్మయ్య, వినయ్‌కుమార్‌, ఇన్‌చార్జ్‌ శరన్‌ సందీప్‌ తదితరులు పాల్గొన్నారు.

మరికల్‌: పొట్టదశలో ఉన్న వరి పంటలకు వెంటనే కోయిల్‌సాగర్‌ నుంచి నీటిని విడుదల చేయాలంటూ బీఆర్‌ఎస్‌ పార్టీ ఆధ్వర్యంలో సోమవారం మరికల్‌ జాతీయ రహదారిపై ఽరాస్తారోకో నిర్వహించారు. ఈ సందర్భంగా ఆ పార్టీ మండల అధ్యక్షుడు లంబడి తిరుపతయ్య, జిల్లా నాయకులు బసంత్‌, కృష్ణారెడ్డి మాట్లాడుతూ.. రూ.లక్షల పెట్టుబడి పెట్టి రైతులు పంటలు సాగు చేశారని.. కీలక దశలో సాగునీరు అందకపోవడంతో అన్నదాతలు ఆందోళన చెందుతున్నారని ఆవేదన వ్యక్తం చేశారు. ప్రజాప్రతినిధులు, అధికారులు నీటిని విడుదల చేసి రైతులను అదుకోవాలని డిమాండ్‌ చేశారు. కోయిల్‌సాగర్‌ ఆయకట్టుకు సాగునీరు అందించడం ప్రభుత్వ బాధ్యతని.. గత బీఆర్‌ఎస్‌ ప్రభుత్వ హయంలో కోయిల్‌సాగర్‌ కింద ఎకరా పంట ఎండిన దాఖాలాలు లేవన్నారు. కాంగ్రెస్‌ అధికారంలోకి వచ్చాక ప్రాజెక్టు కింద వేల ఎకరాలు సాగునీరు అందక ఎండిపోతుంటే ఇక్కడి ప్రజాప్రతినిధులకు నీళ్లు వదలాలన్న చిత్తశుద్ధి లేదని.. తక్షణమే ఆయకట్టు రైతులకు సాగునీరు విడుదల చేయాలని కోరారు. గంటపాటు రాస్తారోకో చేయడంతో కిలోమీటర్‌ మేర వాహనాలు నిలిచిపోయాయి. కార్యక్రమంలో నాయకులు రవి, బసంత్‌, రామస్వామి, అశోక్‌, రాజేందర్‌గౌడ్‌, శివకుమార్‌, కృష్ణారెడ్డి, హన్మిరెడ్డి, నారాయణ, శ్రీనివాస్‌రెడ్డి, విష్ణు తదితరులు పాల్గొన్నారు.

మరికల్‌: కోయిల్‌సాగర్‌ నీటి విడుదల చేయాలని బీఆర్‌ఎస్‌ నాయకులు సోమవారం నారాయణపేట జిల్లా మరికల్‌లో జాతీయ రహదారిపై ధర్నా చేస్తుండగా మహబూబ్‌నగర్‌ నుంచి మక్తల్‌ వెళ్తున్న ఎంపీ డీకే అరుణ కాన్వాయ్‌ను అడ్డుకున్నారు. రైతులకు మద్దతుగా ఉండి కోయిల్‌సాగర్‌ నీటి విడుదలకు సహకరించాలని ఎంపీ కారును బీఆర్‌ఎస్‌ శ్రేణులు చుట్టుముట్టారు. వరి పంటలు పొట్ట దశలో ఉన్నాయని, ఈ సమయంలో నీళ్లు వదాలకుంటే రైతులు తీవ్రంగా నష్టపోతారని వారు ఆమెకు వివరించారు. ఎంపీ రైతులకు సర్ది చెప్పే ప్రయత్నం చేయగా.. బీఆర్‌ఎస్‌ నాయకులు ఆమె కారును ముందుకు పోనివ్వకుండా అడ్డుకున్నారు. దీంతో పోలీసులు జ్యోకం చేసుకొని పరిస్థితి చేయి దాటిపోకుండా ఆందోళనకారులను పక్కకు తోసివేసి ఎంపీ కాన్వాయ్‌ ముందుకు కదిలింది.

నారాయణపేట: గణేష్‌ శోభాయాత్ర, నిమజ్జన కార్యక్రమాలు ప్రశాంతంగా, సురక్షితంగా నిర్వహించేందుకు జిల్లా పోలీస్‌శాఖ పటిష్ట భద్రత చర్యలు చేపడుతోందని ఎస్పీ డా. వినీత్‌ తెలిపారు. సోమవారం జిల్లా పోలీసు కార్యాలయంలో నిర్వహించిన విలేకరుల సమావేశంలో ఆయన మాట్లాడారు. శోభాయాత్రల్లో డీజేలకు అనుమతి లేదని.. నిబంధనలకు విరుద్ధంగా ఏర్పాటు చేస్తే కఠిన చర్యలు తీసుకుంటామని హెచ్చరించారు. శాంతిభద్రతలకు విఘాతం కలగకుండా ముందస్తుగా 25 మంది రౌడీషీటర్లు, 77 మంది కమ్యూనల్‌ షీటర్లు, మరో 54 మంది వ్యక్తులను బైండోవర్‌ చేసినట్లు వెల్లడించారు. డ్రోన్లు, సీసీ కెమెరాలతో నిఘా ఏర్పాటు చేసినట్లు తెలిపారు. జిల్లాలో సుమారు 800 మంది పోలీసులతో పటిష్ట బందోబస్తు కల్పిస్తామని చెప్పారు. అదనపు ఎస్పీ–1, డీఎస్పీలు–2, సీఐలు–16, ఎస్సైలు–31, ఏఎస్సై/హెచ్‌సీలు–156, పోలీస్‌ కానిస్టేబుల్స్‌– 347, హోంగార్డులు–116, టీజీపీఎస్‌ ప్లటూన్లు–3 బలగాలు విధులు నిర్వర్తిస్తాయని వివరించారు. నారాయణపేట, ఉట్కూర్‌, మక్తల్‌, కోస్గి పట్టణాల్లో ఇంటిగ్రేటెడ్‌ కంట్రోల్‌ రూమ్‌లు ఏర్పాటు చేసినట్లు తెలిపారు. జిల్లాకేంద్రంలో గణేష్‌ శోభాయాత్ర, నిమజ్జనం, తాఖీబాబా దర్గా ఉర్సు కార్యక్రమాలు ఒకే సమయంలో జరుగుతున్న నేపథ్యంలో ప్రత్యేక భద్రతా చర్యలు చేపట్టినట్లు ఎస్పీ తెలిపారు. సోషల్‌ మీడియాలో వదంతులు, రెచ్చగొట్టే వ్యాఖ్యలు, వివాదాస్పద పోస్టులు చేయవద్దని సూచించారు. ప్రజలు పోలీసుల సూచనలు పాటించాలని కోరారు. సమావేశంలో అదనపు ఎస్పీ ఎండీ రియాజ్‌ ఉల్‌హక్‌, డీఎస్పీలు మహేష్‌, నల్లపు లింగయ్య, సీఐ శివశంకర్‌ తదితరులు పాల్గొన్నారు. పత్తి ధరకు నాణ్యతే కీలకం నారాయణపేట: పత్తి సీజన్‌ ప్రారంభం కావడంతో ధరలపై రైతుల్లో ఆసక్తి నెలకొంది. ఈ నేపథ్యంలో స్థానిక వ్యవసాయ మార్కెట్‌యార్డు పరిధిలోని విజయ కాటన్‌ ఇండస్ట్రీస్‌ను మార్కెట్‌ కార్యదర్శి భారతితో పాటు అధికారులు సందర్శించి, పత్తి నాణ్యతను పరిశీలించారు. పత్తిలో తేమ శాతం, నాణ్యత ప్రమాణాలను పరిశీలించడంతో పాటు రైతులతో నేరుగా మాట్లాడి మార్కెట్‌లో లభిస్తున్న ధరల వివరాలను తెలుసుకున్నారు. ప్రస్తుతం ప్రైవేటు మార్కెట్‌లో పత్తి క్వింటాకు రూ.8,000 నుంచి రూ.9,250 వరకు ధర పలుకుతున్నట్లు మిల్లు యాజమాని కిషోర్‌కుమార్‌ అధికారులకు తెలిపారు. పత్తిలో 8 నుంచి 10 శాతం వరకు తేమ ఉన్నట్లు గుర్తించారు. పత్తి నాణ్యత, తేమ శాతం, దిగుబడి లక్షణాల మేరకు కొనుగోలు ధరల్లో వ్యత్యాసం ఉంటుందని అధికారులు పేర్కొన్నారు.

భారీగా పోలీసుల మోహరింపు జూరాల ప్రాజెక్టుకు చేరుకొనే ప్రధాన రహదారులపై పోలీసులు బారీకేడ్లు ఏర్పాటు చేశారు. అమరచింత మండలం మస్తీపురం, కిష్టంపల్లి, నందిమళ్ల ఎక్స్‌రోడ్లతోపాటు ఆత్మకూర్‌ మండలం మూలమళ్ల శివారు వద్ద బారీకేడ్లు ఏర్పాటు చేసి భారీగా పోలీసులను మోహరింపజేశారు. దీంతో ప్రాజెక్టు రహదారిపై నుంచి ఇతర గ్రామాలకు వెళ్లే వాహనాల రాకపోకలకు తీవ్ర అంతరాయం కలిగింది. ● డీఎస్పీ పర్యవేక్షణలో ఇద్దరు సీఐలు, 10 మంది ఎస్‌ఐలు పోలీసులు, స్పెషల్‌ బెటాలియన్‌తో కట్టుదిట్టమైన భద్రత ఏర్పాటు చేశారు. పరిస్థితులను సమీక్షించడానికి వనపర్తి ఎస్పీ సునీతరెడ్డి జూరాల ఎడమ కాల్వ వద్దకు చేరుకున్నారు. సీఐ శివకుమార్‌ను అడిగి ఎస్పీ వివరాలు తెలుసుకున్నారు. అమరచింత/ గద్వాల క్రైం/ధరూరు: రోజురోజుకూ జూరాల ప్రాజెక్టు వద్ద జల వివాదం ముదురుతోంది. ఆయకట్టుకు సాగునీరు విడుదల చేయాలని రైతులు రెండు, మూడు రోజులుగా నిరసనలు, ధర్నాలు చేస్తుండగా.. వీరికి వివిధ పార్టీల నాయకులు తోడు కావడంతో ఆందోళనలు తీవ్రరూపం దాలుస్తున్నాయి. ఈ క్రమంలో సోమవారం బీఆర్‌ఎస్‌ ఇచ్చిన పిలుపుమేరకు ఆయకట్టు రైతులు, వివిధ ప్రాంతాల నాయకులు పెద్దఎత్తున జూరాల ప్రాజెక్టుకు చేరుకున్నారు. బీఆర్‌ఎస్‌ మాజీమంత్రులు లక్ష్మారెడ్డి, నిరంజన్‌రెడ్డి, శ్రీనివాస్‌గౌడ్‌లను హౌస్‌ అరెస్టు చేయగా.. పోలీసుల నుంచి తప్పించుకుని జూరాల ప్రాజెక్టుకు చేరుకున్న మక్తల్‌ మాజీ ఎమ్మెల్యే చిట్టెం రామ్మోహన్‌రెడ్డిని నందిమళ్ల క్యాంపు వద్ద పోలీసులు అడ్డుకున్నారు. దీంతో ఆందోళనకు వచ్చిన రైతులు ఒక్కసారిగా పోలీసులపై విరుచుకుపడటంతో తోపులాటలు చోటుచేసుకొని రణరంగాన్ని తలపించింది. పోలీసులు మాజీ ఎమ్మెల్యేను జీపులో ఎక్కించుకుని వెళ్తుండగా రైతులు, బీఆర్‌ఎస్‌ నాయకులు రహదారికి అడ్డంగా రాళ్లు, ముళ్లకంచె వేయడంతో పోలీసులు స్వల్ప లాఠీచార్జి చేసి.. చిట్టెంను కొత్తకోట పోలీస్‌స్టేషన్‌కు తరలించారు. పోలీసులతో రైతుల వాగ్వాదం.. ఆత్మకూర్‌, అమరచింత మండలాల నుంచి వచ్చిన రైతులతో నందిమళ్ల క్యాంపు కాలనీ కిక్కిరిసిపోయింది. పంటలకు సాగునీరు ఇస్తే ఇక్కడికి ఎందుకు వస్తామని, మీతో గొడవెందుకు పెట్టుకుంటామంటూ జూరాల ఆయకట్టు రైతులు పోలీసులతో వాగ్వాదానికి దిగారు. దీంతో నాలుగు గంటల పాటు రైతులు, పోలీసు మధ్య తీవ్రస్థాయిలో వాదోపవాదాలు చోటుచేసుకున్నాయి. ఈ క్రమంలో పోలీసుల కళ్లుగప్పి జూరాల సమాంతర కాల్వ వరకు రైతులు చేరుకోవడంతో అక్కడే ఉన్న మరికొందరు పోలీసు బలగాలు వారిని అడ్డుకోగా తోపులాటలు జరిగాయి. ఉదయం 6 గంటల నుంచే ప్రాజెక్టుపై ట్రాఫిక్‌ ఆంక్షలను పెట్టడంతో ప్రయాణికులు తీవ్ర ఇబ్బందులు పడ్డారు. జూరాల వద్ద ముదురుతున్న సాగునీటి వివాదం బీఆర్‌ఎస్‌ పిలుపుతో తరలివచ్చిన అన్నదాతలు ఎక్కడికక్కడే బీఆర్‌ఎస్‌ నాయకుల అరెస్టు రైతులు, పోలీసుల మధ్య తోపులాట.. ఉద్రిక్తం ప్రాజెక్టు వెళ్లే దారుల చుట్టూ పోలీసుల పహారా

నిమజ్జన మార్గాల్లో వాహనాలు, భక్తుల రద్దీ నియంత్రణ, బందోబస్తుకు ప్రత్యేక ఏర్పాట్లు చేస్తున్నారు. మండపం.. ఊరేగింపు.. నిమజ్జన ఘాట్‌.. ఇలా ప్రతి దశలోనూ అవసరమైన ప్రాంతాల్లో అదనపు బలగాలను మోహరించడంతో పాటు పెట్రోలింగ్‌ పెంచనున్నారు. కీలక ప్రాంతాల్లో ఏర్పాటు చేసిన సీసీ కెమెరాలను జిల్లా పోలీస్‌ కార్యాలయానికి అనుసంధానం చేశారు. దీంతో మండపాల వద్ద పరిస్థితులను ఉన్నతాధికారులు ఎప్పటికప్పుడు పరిశీలించే అవకాశం ఉంటుంది. రద్దీ పెరిగినా, ఏదైనా సమస్య తలెత్తినా వెంటనే స్పందించేలా పోలీస్‌ యంత్రాంగం సమన్వయంతో పనిచేస్తోంది.

● నేను బహుజనుల బాణాన్ని.. ● కోస్గి పాంచజన్య సంకల్పసభలో టీఆర్‌ఎస్‌ పార్టీ అధ్యక్షురాలు కవిత కోస్గి: ప్రత్యేక తెలంగాణ రాష్ట్రం ఏర్పడి 12 ఏళ్లయి రెండు ప్రభుత్వాలు ఏర్పడినా.. ఉమ్మడి పాలమూర్‌ జిల్లాలో నేటికీ సాగునీటి గోస తప్పలేదని తెలంగాణ రక్షణసేన అధ్యక్షురాలు కల్వకుంట్ల కవిత అన్నారు. రాష్ట్ర ప్రజలకు ఉచిత విద్య, వైద్యం, ఉపాధి, వ్యవసాయం, సామాజిక న్యాయం అందించడమే ప్రధాన లక్ష్యమనే నినాదంతో ఆదివారం కోస్గిలో నిర్వహించిన పాంచజన్య సంకల్ప సభలో ఆమె మాట్లాడారు. గతంలో కొడంగల్‌ గడ్డపైకి వచ్చి చంద్రబాబు సీఎం అయ్యారు.. రేవంత్‌రెడ్డి వచ్చి సీఎం అయ్యారు.. తాను సైతం కొడంగల్‌ ప్రజల ఆశీర్వాదంతో కోస్గికి వచ్చానని, టీఆర్‌ఎస్‌కు అధికారమిచ్చి సీఎం చేయాలని కోరారు. బిడ్డల గోస తల్లికే తెలుస్తుందని.. ఓ తల్లిగా రాజకీయ పార్టీ పెట్టి మీ ముందుకొచ్చానని, పార్టీ పెట్టడం గిట్టని కొందరు బీఆర్‌ఎస్‌ వదిలిన బాణం అని, మరికొందరు రేవంత్‌ వదిలిన బాణమని, తలకాయలేని మరికొందరు బీజేపీ వదిలిన బాణమంటూ విష ప్రచారం చేస్తున్నారని మండిపడ్డారు. తాను ఎవరు వదిలిన బాణం కాదని.. నేటికీ విద్య, వైద్యానికి నోచుకోని బహుజనులు వదిలిన బాణన్నని తెలిపారు. ఎన్నికల సమయంలో ఇచ్చిన హామీలు అమలు చేయకుండా సీఎం రేవంత్‌రెడ్డి తప్పించుకు తిరుగుతున్నారని.. సీఎం సొంత నియోజకవర్గంలో ఇందిరమ్మ ఇళ్లకు కమీషన్లు వసూలు చేస్తున్నారని, ఉమ్మడి పాలమూర్‌ జిల్లా నుంచి గెలిచిన 12 మంది కాంగ్రెస్‌ ఎమ్మెల్యేలు ఇసుక, మట్టి దందాల్లో బిజీగా ఉన్నారని ఆరోపించారు. ఎన్నికల సమయంలో ఇచ్చిన హామీలైన నిరుద్యోగ భృతి, మహిళలకు రూ.2,500, రైతు భరోసా, రైతుబీమా, పింఛన్లు ఏమయ్యాయో ప్రజలకు చెప్పాలని డిమాండ్‌ చేశారు. ముస్లింలకు ఏడాదికి రూ.నాలుగు వేల కోట్ల నిధులని చెప్పి అధికారంలోకి వచ్చిన మూడేళ్లలో కేవలం రూ.1,500 కోట్లు ఇచ్చారని, ఈ విషయం మంత్రి అజారుద్దీన్‌ అసెంబ్లీలో చెప్పడం కాంగ్రెస్‌ పాలనకు నిదర్శనమన్నారు. సీఎం బంధువులు పరిశ్రమలు ఏర్పాటు చేసేందుకు లగచర్ల రైతులపై దాడులు చేసి భూములు లాక్కున్నారని.. హోంశాఖ నిర్వహిస్తున్న సీఎం ఈ విషయంలో పేదలకు సామాజిక న్యాయం ఎక్కడ చేశారని ప్రశ్నించారు. వ్యవసాయానికి విద్యుత్‌, యూరియా లేదని, కోస్గికి ఇచ్చిన ఇంజినీరింగ్‌ కళాశాలను తరలించారని, ఏ పాఠశాల, కళాశాలలో పూర్తిస్థాయి బోధకులు లేరని, సీఎం సొంత ఇలాఖాలో 47 ఏకోపాధ్యాయ పాఠశాలలున్నాయని, విద్యాశాఖ నిర్వహిస్తున్న ముఖ్యమంత్రి ఆ శాఖకు న్యాయం చేయలేకపోయారన్నారు. రాష్ట్రంలో అక్షరాస్యతలో వెనుకబడ్డ గట్టు, కేటీదొడ్డి మండలాలు సీఎం సొంత జిల్లాలో ఉండటం శోచనీయమని.. విద్య, శాంతిభద్రతల పరిరక్షణలో పూర్తిగా విఫలమయ్యారని తెలిపారు. కేబినెట్‌లో నేటికీ గిరిజనులకు అవకాశం ఇవ్వలేదని.. మొన్నటి వరకు ముస్లింలకు సైతం లేదని నిలదీస్తే అజారుద్దీన్‌కు అవకాశం ఇచ్చారన్నారు. బీసీలకు 42 శాతం రిజర్వేషన్లు అమలు చేయడం లేదని తెలిపారు. అందరూ ఆశీర్వదిస్తే తెలంగాణలో సైతం మాతృస్వామ్య పాలన చేపడతామని చెప్పారు. విద్య, వైద్యం, రైతుల సమస్యలు, ఎమ్మెల్యేల అక్రమ దందాలు, సీఎం ఇలాఖాలో ఇందిరమ్మ ఇళ్ల కమీషన్లపై పలు ఆరోపణలు చేస్తూ సీఎం వస్తే నిరూపించడానికి సిద్ధమని సవాలు విసిరారు. అంతకుముందు కవిత భారీ కాన్వాయ్‌తో కోస్గికి చేరుకోగా పార్టీ శ్రేణులు స్వాగతం పలికారు. కార్యక్రమంలో పార్టీ నియోజకవర్గ ఇన్‌చార్జి రాజ ప్రభాకర్‌తో పాటు పలువులు నాయకులు, కార్యకర్తలు పాల్గొన్నారు.

నారాయణపేట ఎడ్యుకేషన్‌: క్రీడలతో ఉజ్వల భవిష్యత్‌ ఉంటుందని జిల్లా కబడ్డీ అసోసియేషన్‌ అధ్యక్షుడు నాగేశ్వర్‌రెడ్డి అన్నారు. జిల్లాకేంద్రంలో ఆదివారం జిల్లా కబడ్డీ అసోసియేషన్‌ ఆధ్వర్యంలో సబ్‌ జూనియర్‌ బాలికలు, బాలుర జిల్లాస్థాయి కబడ్డీ జట్ల ఎంపికలు నిర్వహించినట్లు తెలిపారు. సుమారు 200 పైగా క్రీడాకారులు పాల్గొన్నారని.. ఎంపికై న క్రీడాకారులు ఈ నెల 26 నుంచి 29వ తేదీ వరకు వేములవాడలో జరిగే రాష్ట్రస్థాయి కబడ్డీ పోటీల్లో పాల్గొంటారన్నారు. రాష్ట్రస్థాయికి వెళ్లే జిల్లా జట్లకు జిల్లా కబడ్డీ అసోసియేషన్‌ ట్రెజరర్‌ కతలప్ప క్రీడా దుస్తులు అందజేశారు. కార్యక్రమంలో సంఘం జిల్లా ఉపాధ్యక్షుడు నర్సింహులు, వాలీబాల్‌ కార్యనిర్వాహక కార్యదర్శి సాయినాథ్‌, లయన్స్‌క్లబ్‌ అధ్యక్షుడు రవికుమార్‌గౌడ్‌ తదితరులు పాల్గొన్నారు.

తాగు, సాగునీటికి కష్టాలే.. ఎల్‌నినో ప్రభావంతో ప్రస్తుత వానాకాలంలో తీవ్ర వర్షాభావ పరిస్థితులు నెలకొన్నాయి. దీంతో ఈ ఏడాది సాగునీటికి కష్టాలు తప్పేలా లేవు. శ్రీశైలం జలాశయం గరిష్ట నిల్వ మట్టం 885 అడుగులు కాగా.. పూర్తిస్థాయి నిల్వ సామర్థ్యం 215.81 టీఎంసీలు. అయితే గురువారం నాటికి 861.1 అడుగుల వద్ద 109.5400 టీఎంసీల నీరు నిల్వ ఉంది. ఇందులో 834 అడుగులు, 30 టీఎంసీలు డెడ్‌ స్టోరేజ్‌ కాగా వినియోగానికి వీలుండేది కేవలం 27.1 అడుగులు, 79.5400 టీఎంసీలు మాత్రమే. ఇందులో రెండు తెలుగు రాష్ట్రాల వాటా ఉంటుంది. మనకు తాగునీటికే నెలకు కనీసం ఒక టీఎంసీ అవసరం ఉండగా.. ఇందులో సాగునీటి గురించి ఆలోచించడం సాహసమే. నాగర్‌కర్నూల్‌, వనపర్తి, మహబూబ్‌నగర్‌, రంగారెడ్డి జిల్లాలకు కృష్ణా జలాలనే కేఎల్‌ఐ పంపుల ద్వారా ఎత్తిపోసి తాగునీటి కోసం మిషన్‌ భగీరథ పథకానికి తరలిస్తారు. ఏడాదికి సుమారు 10– 12 టీఎంసీలు అవసరం అవుతాయి. వరదల సమయంలో ఏటా 35 నుంచి 45 టీఎంసీల నీటిని కేఎల్‌ఐ పంపుల ద్వారా ఎత్తిపోసేవారు. ఇందులో దాదాపు సాగునీటికి 35 టీఎంసీల వరకు వినియోగించేవారు. ఈసారి కేఎల్‌ఐ పంపుహౌస్‌ల్లో ఐదు మోటార్లకు గాను మూడింటితోనే ఎల్లూరు, జొన్నలబొగుడ, గుడిపల్లి రిజర్వాయర్లకు తాగు, సాగునీటి అవసరాల కోసం 10 టీఎంసీల నీటిని మాత్రమే వాడుకున్నారు. శ్రీశైలం బ్యాక్‌వాటర్‌ నుంచి కేఎల్‌ఐ ద్వారా నాగర్‌కర్నూల్‌, అచ్చంపేట, కల్వకుర్తి, కొల్లాపూర్‌, వనపర్తి, దేవరకద్ర, జడ్చర్ల నియోజకవర్గాలతోపాటు ఇతర ప్రాంతాల్లో 3.65 లక్షల ఎకరాలకు సాగునీరు అందించాల్సి ఉంటుంది. ఈ ఏడాది వర్షాకాలంలో నాగర్‌కర్నూల్‌ జిల్లాలో 1.25 లక్షల ఎకరాల్లో రైతులు వరిపంట సాగు చేశారు. శ్రీశైలంలో ఆశించిన స్థాయిలో నీరు లేకపోవడంతో పంటలకు సాగునీరు అందడం ప్రశ్నార్థకంగా మారింది. అచ్చంపేట: ఇటు తెలంగాణ, అటు ఏపీ రాష్ట్రాల్లో లక్షలాది ఎకరాలకు సాగునీరు, కోట్లాది మందికి తాగునీటిని అందించడంతో నిరంతర విద్యుత్‌ సరఫరాకు దోహదపడే శ్రీశైలం జలాశయంలో డేంజర్‌ బెల్స్‌ మోగుతున్నాయి. ఈ ఏడాది ఎల్‌నివో ప్రభావంతో తీవ్ర వర్షాభావ పరిస్థితులు నెలకొనడమే ఇందుకు కారణం. ఎగువ నుంచి ఆశించిన స్థాయిలో వరద ప్రవాహం లేకపోవడంతోపాటు.. వచ్చిన కొద్దిపాటి నీటిని రెండు తెలుగు రాష్ట్రాలు విచ్చలవిడిగా తోడేస్తుండటంతో నీటి నిల్వలు డెడ్‌ స్టోరేజ్‌ దశకు చేరుకుంటున్నాయి. ప్రస్తుతం నిండా నీటితో కళకళలాడిన జలాశయం.. నీటిమట్టం వేగంగా క్షీణించి 861.10 అడుగులకు చేరింది. ప్రస్తుతం ఎగువనున్న ఆల్మటి, నారాయణపూర్‌, జూరాల ప్రాజెక్టుల నుంచి వరద ప్రవాహం లేకపోవడంతో శ్రీశైలంలో ఎండీడీఎల్‌ 834 అడుగుల చేరువలోకి వచ్చింది. ఇలాంటి పరిస్థితుల్లో తాగునీటికే ప్రాధాన్యత ఇవ్వాల్సిన అవసరం ఉంది. 2002– 03 సంవత్సరం నుంచి కృష్ణానదికి అతి తక్కువ నీటి ప్రవాహాలు వచ్చిన నాలుగో సందర్భం ఇప్పుడు మళ్లీ వచ్చింది. విచ్చలవిడిగా వాడకం.. కృష్ణానది పరివాహకంలో కురిసిన వర్షాలతో మహారాష్ట్రలోని ఉజ్జయిని, కర్ణాటకలోని ఆల్మటి, నారాయణపూర్‌ జలాశయాలు నిండిన తర్వాత విడుదల చేసిన నీళ్లు గత జూలై చివరి నాటికి జూరాల మీదుగా శ్రీశైలానికి చేరుకున్నాయి. దీంతో వానాకాలం ప్రారంభానికి ముందు శ్రీశైలంలో 39 టీఎంసీల నీరు నిల్వ ఉండగా.. ఆగస్టు 12 నాటికి ఎగువ నుంచి 185.5 టీఎంసీల నీరు వచ్చింది. దీంతో శ్రీశైలంలో 215.11 టీఎంసీల నీరు చేరగా.. తెలంగాణ కేఎల్‌ఐ, ఏపీ పోతిరెడ్డిపాడు, మల్యాల నుంచి హంద్రీనీవా సుజల స్రవంతి (హెచ్‌ఎన్‌ఎస్‌), వెలుగోడు, ముచ్చుమర్రి పథకాలకు వాడుకుంటోంది. దీంతో రెండు తెలుగు రాష్ట్రాలు శ్రీశైలం నుంచి ఇప్పటి వరకు 145 టీఎంసీల నీటిని వాడుకున్నట్లు శ్రీశైలం గేజింగ్‌ అధికారుల లెక్కలు చెబుతున్నాయి. మరోవైపు రెండు రాష్ట్రాలు పోటాపోటీగా విద్యుదుత్పత్తి ద్వారా పెద్దఎత్తున నీటిని దిగువనున్న నాగార్జునసాగర్‌కు విడుదల చేశాయి. తెలంగాణ శ్రీశైలం ఎడమ గట్టు జలవిద్యుత్‌ కేంద్రం ద్వారా తెలంగాణ జెన్‌కో 446.13 మి.యూ., ఏపీ 72.62 మి.యూ., విద్యుదుత్పత్తి చేసింది. నీటి కేటాయింపులు లేకుండానే రెండు రాష్ట్రాలు నీళ్లు వాడుకుంటున్నాయి. ప్రస్తుతానికి వచ్చిన వరదలతో కాస్త ఉపశమనం పొందినా భవిష్యత్‌ పరిస్థితులపై ఆందోళనలు వ్యక్తమవుతున్నాయి. శ్రీశైలం జలాశయంలో ప్రస్తుత నీటిమట్టం ఇలా.. సంవత్సరం వచ్చిన వరద (టీఎంసీలు) 2002– 03 221.781 2003– 04 157.047 2012– 13 243.852 2015– 16 73.600 2023– 24 140.840 2026– 27 215.11 (సెప్టెంబరు 17 వరకు) బీకేఆర్‌ ఫౌండేషన్‌ సేవలు వెలకట్టలేనివి.. ఊట్కూర్‌: నియోజకవర్గంలో సామాజిక సేవా కార్యక్రమాలు నిర్వహిస్తున్న బీకేఆర్‌ ఫౌండేషన్‌ సేవలు వెలకట్టలేనివని రాష్ట్ర పశుసంవర్ధకశాఖ మంత్రి వాకిటి శ్రీహరి అన్నారు. ఆదివారం మండల కేంద్రంలో బీకేఆర్‌ ఫౌండేషన్‌ అధినేత బాలకృష్ణారెడ్డి ఆధ్వర్యంలో నిర్వహించిన మెగా వైద్య శిబిరాన్ని ఆయన ప్రారంభించి మాట్లాడారు. ప్రతి ఒక్కరూ సేవాగుణం అలవర్చుకొని సమాజానికి సేవ చేయాలన్నారు. మక్తల్‌–నారాయణపేట–కొడంగల్‌ ఎత్తిపోతల పథకం ద్వారా ఈ ప్రాంతం అభివృద్ధి చెందుతుందని తెలిపారు. శిబిరంలో హైదరాబాద్‌ యశోద ఆస్పత్రి వైద్య బృందం గుండె, కంటి, ఆర్థోపెటిక్‌, డెంటల్‌ తదితర వైద్య పరీక్షలు నిర్వహించి మందులు పంపిణీ చేశారు. అలాగే మండలంలోని అంగన్‌వాడీ కేంద్రాల్లో చదువుతున్న చిన్నారులకు 1,200 డిజిటల్‌ పలకలు, పేదలకు 1,500 దుప్పట్లు పంపిణీ చేశారు. బిజ్వార్‌, మొగ్ధుంపూర్‌, లక్ష్మీపల్లి, నిడుగుర్తి, ఓబ్లాపూర్‌, పగిడిమారి, ఊట్కూర్‌ తదితర గ్రామాల నుంచి వచ్చిన సుమారు 800 మందికి వైద్య పరీక్షలు నిర్వహించారు. కార్యక్రమంలో ఆర్డీఓ రమేశ్‌, జిల్లా వైద్యాధికారి డా. జయచంద్రమోహన్‌, సర్పంచ్‌ రేణుక భరత్‌, నాయకులు వర్కటం జగన్నాథ్‌రెడ్డి, బాల్‌రెడ్డి, నింగిరెడ్డి, లక్ష్మారెడ్డి, సూర్యప్రకాశ్‌రెడ్డి, కోళ్ల వెంకటేశ్‌, రవికుమార్‌, గణేశ్‌, అరవింద్‌, భాస్కర్‌, సూరయ్యగౌడ్‌, ఎల్కోటి నారాయణరెడ్డి తదితరులు పాల్గొన్నారు. శ్రీశైలంలో అతి తక్కువ నీటిమట్టం ప్రస్తుతం జలాశయంలో 861.10 అడుగుల 109.5400 టీఎంసీల నీరు డేంజర్‌ బెల్స్‌.. ఎండీడీఎల్‌కు కేవలం 79.5400 అడుగులే ఇలాగే కొనసాగితే సాగు, తాగునీటిపై తీవ్ర ప్రభావం వచ్చే జూన్‌ వరకు తాగునీటికే ప్రాధాన్యం అంటున్న ప్రభుత్వం 10 టీఎంసీలు వాడుకున్నాం.. శ్రీశైలానికి వరదలు వచ్చిన సమయంలో ఈ ఏడాది ఇప్పటి వరకు తాగు, సాగునీటి అవసరాల కోసం 10 టీఎంసీల నీటిని ఎత్తిపోశాం. మూడు మోటార్ల ద్వారా రోజుకు 800 నుంచి 2,400 క్యూసెక్కుల నీటిని ఎల్లూరు, జొన్నలబొగుడ, గుడిపల్లి రిజర్వాయర్లకు తరలించాం. రిజర్వాయర్లతోపాటు డిస్ట్రిబ్యూటరీ కాల్వల ద్వారా నీటిని విడుదల చేస్తున్నాం. – అమర్‌సింగ్‌, ఈఈ, సాగునీటి పారుదలశాఖ

● ఆర్‌అండ్‌బీ శాఖ మంత్రికోమటిరెడ్డి వెంకట్‌రెడ్డి దేవరకద్ర/చిన్నచింతకుంట: కురుమూర్తిస్వామి ఆలయం వద్ద చేపట్టిన ఎలివేటెడ్‌ కారిడార్‌ ఘాట్‌ రోడ్డు నిర్మాణం త్వరగా పూర్తి చేసి అందుబాటులోకి తీసుకువస్తామని రాష్ట్ర ఆర్‌అండ్‌బీ, సినిమాటోగ్రఫీశాఖ మంత్రి కోమటిరెడ్డి వెంకట్‌రెడ్డి అన్నారు. ఆదివారం దేవరకద్ర మండలం మినుగోనిపల్లి వద్ద నియోజకవర్గంలో రూ.153 కోట్లతో చేపడుతున్న పలు రహదారులకు మంత్రి కోమటిరెడ్డి వెంకట్‌రెడ్డితో పాటు రాష్ట్ర పశుసంవర్ధక, మత్స్యశాఖమంత్రి వాకిటి శ్రీహరి, మహబూబ్‌నగర్‌ కలెక్టర్‌ ఖుష్బూగుప్తా, దేవరకద్ర ఎమ్మెల్యే మధుసూదన్‌రెడ్డి, ఎస్పీ జానకితో కలిసి భూమిపూజ చేశారు. అనంతరం కురుమూర్తిస్వామి ఆలయం వద్ద కొనసాగుతున్న ఘాట్‌ రోడ్డు నిర్మాణం పనుల రోడ్డు మ్యాపును పరిశీలించారు. ఈ సందర్భంగా మంత్రి కోమటిరెడ్డి మాట్లాడుతూ.. పాలమూరు–రంగారెడ్డి ఎత్తిపోతల పథకంలో భాగంగా ఉదండాపూర్‌, కర్వెన రిజర్వాయర్‌ పనులను పూర్తిచేసి త్వరలోనే కృష్ణానీటితో నింపుతామన్నారు. ఉదండాపూర్‌ భూ సేకరణకు ప్రభుత్వం రూ.560 కోట్లు మంజూరు చేసిందన్నారు. ఎల్‌నినో ప్రభావంతో వర్షాలు లేక ప్రాజెక్టులు నిండలేదని, నదులన్నీ నీరు లేక వెలవెలబోతున్నాయని పేర్కొన్నారు. తాగునీటి అవసరాలకుగాను ప్రాజెక్టుల్లో ఉన్న నీటిని నిల్వ చేస్తున్నామని, ఇందుకు రైతులు సహకరించాలని కోరారు. ప్రతిష్టాత్మక ప్రాజెక్టు బ్రహ్మోస్‌ కోసం సేకరిస్తున్న భూములకు తగిన నష్టపరిహారం ఇవ్వడంతోపాటు రైతులకు న్యాయం చేస్తామన్నారు. పండుగలు ప్రశాంతంగా జరుపుకోవాలి : ఎస్పీ నారాయణపేట ఎడ్యుకేషన్‌: జిల్లాలో వినాయక నవరాత్రి ఉత్సవాలు, తాఖీబాబా దర్గా ఉర్సు ప్రశాంతంగా సోదరభావంతో ఎలాంటి అవాంఛనీయ ఘటనలకు తావు లేకుండా నిర్వహించేందుకు పోలీస్‌శాఖ పటిష్ట భద్రత చర్యలు చేపడుతోందని ఎస్పీ డా. వినీత్‌ ఒక ప్రకటనలో తెలిపారు. కులాలు, మతాలు, వర్గాలను కించపర్చేలా, అవమానించేలా, రెచ్చగొట్టేలా సామాజిక మాధ్యమాల్లో పోస్టులు, కామెంట్లు, వీడియోలు, మార్ఫింగ్‌ చేసిన చిత్రాలను ప్రచారం చేయడం, ఫార్వడ్‌ చేయడం చట్టారీత్యా నేరమని పేర్కొన్నారు. పోలీస్‌ అధికారులు నిరంతరం సోషల్‌ మీడియాను పర్యవేక్షిస్తున్నారని.. అనుచిత పోస్టులు పెడితే కఠిన చర్యలు తప్పవని హెచ్చరించారు.

నిరంతర పర్యవేక్షణలోనే.. గణేష్‌ ఉత్సవాల్లో శాంతిభద్రతలకు ఎలాంటి విఘాతం కలగకుండా మండపాల జియో ట్యాగింగ్‌తో పాటు కీలక ప్రాంతాల్లో సీసీ కెమెరాలు ఏర్పాటు చేసి ఎస్పీ కార్యాలయం నుంచి పర్యవేక్షించేలా నిఘా వ్యవస్థను బలోపేతం చేస్తున్నాం. డీజేల విషయంలో ముందస్తు చర్యలు తీసుకోవడంతో పాటు 120 మందిని బైండోవర్‌ చేశాం. మండపాల నిర్వాహకులతో సమావేశాలు నిర్వహించి నిబంధనలు, ట్రాఫిక్‌, విద్యుత్‌ భద్రత, నిమజ్జన మార్గాలపై అవగాహన కల్పిస్తున్నాం. మండపం ఏర్పాటు నుంచి నిమజ్జనం పూర్తయ్యే వరకు నిరంతరం పోలీస్‌ పర్యవేక్షణ ఉండేలా కార్యాచరణ రూపొందించాం. – డా. వినీత్‌, ఎస్పీ నారాయణపేట: విఘ్నాలు తొలగించే విఘ్నేశ్వరుడి వేడుకలు ప్రశాంత వాతావరణంలో సాగేందుకు ఎస్పీ డా. వినీత్‌ దిశానిర్దేశంలో జిల్లా పోలీసుశాఖ పకడ్బందీ భద్రతా చర్యలు చేపట్టింది. మండపం ఏర్పాటు నుంచి నిమజ్జనం పూర్తయ్యే వరకు అడుగడుగునా పోలీసుల నిఘా ఉండేలా ప్రత్యేక భద్రత వ్యవస్థను అమలులోకి తెచ్చింది. జిల్లాలోని 1,723 వినాయక మండపాలకు జియో ట్యాగింగ్‌ చేసి వాటి పూర్తి వివరాలను నమోదు చేశారు. కీలక ప్రాంతాల్లో ఏర్పాటు చేసిన 2,002 సీసీ కెమెరాలను ఎస్పీ కార్యాలయానికి అనుసంధానం చేసి అక్కడి నుంచే పర్యవేక్షిస్తున్నారు. ఎలాంటి అవాంఛనీయ ఘటనలు చోటుచేసుకోకుండా మండపాల వద్ద పోలీస్‌ సిబ్బందిని అందుబాటులో ఉంచుతున్నారు. మండపాల నిర్వాహకులతో ముందస్తు సమావేశాలు నిర్వహించి శాంతిభద్రతలు, ట్రాఫిక్‌, విద్యుత్‌ భద్రత, నిమజ్జన మార్గాలు, పోలీస్‌శాఖ నిబంధనలపై అవగాహన కల్పిస్తున్నారు. మండపాల వద్ద అనుమానాస్పద వ్యక్తులు, వస్తువుల కదలికలపై నిఘా ఉంచడంతో పాటు రాత్రివేళల్లో గస్తీని ముమ్మరం చేస్తున్నారు. స్థానిక పరిస్థితులకు అనుగుణంగా పోలీస్‌ అధికారులు, సిబ్బందిని కేటాయించారు. సమస్యాత్మక ప్రాంతాలపై దృష్టి.. గణేష్‌ ఉత్సవాల్లో డీజేల వినియోగానికి పోలీసులు అనుమతి నిరాకరించారు. శాంతిభద్రతలకు విఘాతం కలిగించే అవకాశం ఉన్న 120 మందిని ముందుగానే గుర్తించి బైండోవర్‌ చేశారు. ఉత్సవాల్లో ఎలాంటి ఘర్షణలకు తావులేకుండా ముందస్తు చర్యలు చేపట్టారు. సమస్యాత్మక ప్రాంతాలపై ప్రత్యేక దృష్టి సారిస్తూ నిరంతరం నిఘా కొనసాగిస్తున్నారు. పోలీస్‌స్టేషన్‌ విగ్రహాలు సీసీ సీసీ టీవీలు కెమెరాలు మక్తల్‌ 215 39 295 మద్దూర్‌ 191 25 106 కోస్గి 186 48 126 నా,పేట టౌన్‌ 153 58 874 దామరగిద్ద 151 16 29 నా,పేట రూరల్‌ 149 60 91 ఊట్కూర్‌ 148 35 56 మరికల్‌ 138 56 237 నర్వ 124 23 26 ధన్వాడ 119 37 43 మాగనూర్‌ 77 23 48 కృష్ణా 72 23 71 పోలీస్‌స్టేషన్ల వారీగా ఇలా.. జిల్లాలో 1,723 వినాయక మండపాలకు జియో ట్యాగింగ్‌ 443 ప్రాంతాలు.. 2,002 సీసీ కెమెరాలు మండపం నుంచి నిమజ్జనం దాకా పకడ్బందీ భద్రత డీజేలకు అనుమతి నిరాకరణ.. 120 మంది ముందస్తు బైండోవర్‌ ఎస్పీ కార్యాలయం నుంచి ప్రత్యేక పర్యవేక్షణ

నారాయణపేట ఎడ్యుకేషన్‌: జిల్లాలో కొనసాగుతున్న ఎస్‌ఐఆర్‌ ప్రక్రియపై ఓటర్ల సందేహాల నివృత్తికి మంగళవారం ‘సాక్షి’ ఆధ్వర్యంలో రెవెన్యూ అదనపు కలెక్టర్‌ ఎస్‌.శ్రీనుతో ఫోన్‌–ఇన్‌ నిర్వహిస్తున్నాం. జిల్లాలోని ఓటర్లు తమ సందేహాలు, సమస్యలను ఉదయం 10 నుంచి మధ్యాహ్నం 11 వరకు సెల్‌నంబర్‌ 91542 83901 కాల్‌చేసి నివృత్తి చేసుకోవచ్చు. తేదీ : 22.09.2026 మంగళవారం సమయం : ఉదయం 10 నుంచి 11 వరకు సెల్‌నంబర్‌ 91542 83901

మక్తల్‌: వినాయక నిమజ్జనం ప్రశాంత వాతావరణంలో కొనసాగేలా అన్ని శాఖల అధికారులు సమన్వయంతో పని చేయాలని రాష్ట్ర పశుసంవర్ధకశాఖ మంత్రి వాకిటి శ్రీహరి కోరారు. ఆదివారం పట్టణంలోని మినీ ట్యాంకుబండ్‌ దగ్గర నిమజ్జనం చేసే ప్రాంతాన్ని ఆయన పరిశీలించి అధికారులకు పలు సూచనలు చేశారు. ఈ నెల 24న వినాయక నిమజ్జనం జరగనుండగా.. భక్తులకు ఎలాంటి ఇబ్బందులు కలగకుండా అవసరమైన ఏర్పాట్లు చేయాలన్నారు. దండు క్రాస్‌, చెరువు దగ్గర లైటింగ్‌, భద్రత, సౌకర్యాలు, బారికేడ్స్‌, వాహనాల రాకపోకలు, పార్కింగ్‌ ఇబ్బందులు తలెత్తకుండా ముందస్తు చర్యలు చేపట్టాలని పుర కమిషనర్‌, తహసీల్దార్‌ను ఆదేశించారు. శోభాయాత్ర మార్గంలో విద్యుత్‌ తీగలు సరిచేయడంతో పాటు రహదారులపై గుంతలను పూడ్చాలన్నారు. ఆయన వెంట మాజీ మార్కెట్‌ చైర్మన్‌ రవికుమార్‌యాదవ్‌, వాకిటి హన్మంతు తదితరులు ఉన్నారు. రాష్ట్ర పశుసంవర్దకశాఖ మంత్రి వాకిటి శ్రీహరి

కోస్గి: ప్రభుత్వ వైఫల్యాలను ఎండగడుతూ ముఖ్యమంత్రి ప్రాతినిథ్యం వహిస్తున్న కొడంగల్‌ నియోజకవర్గంలోని కోస్గిలో తెలంగాణ రక్షణ సేనా చీఫ్‌ కల్వకుంట్ల కవిత శంఖారావం పూరించనున్నారు. ఆదివారం మధ్యాహ్నం మూడు గంటలకు పట్టణంలోని ప్రభుత్వ కళాశాల మైదానంలో నిర్వహంచే పాంచజన్య సంకల్ప సభకు పార్టీ నాయకులు భారీఎత్తున ఏర్పాట్లు చేపడుతున్నారు. సభా వేధికపై వంద మంది నాయకులు కూర్చునేలా, సభకు 10 వేల మంది జనం హాజరయ్యేలా ప్రణాళికతో ముందుకు సాగుతున్నారు. తెలంగాణ రక్షణసేనా పార్టీ ఏర్పాటు చేసిన తర్వాత మొట్టమొదట కొడంగల్‌కు వస్తున్న పార్టీ చీఫ్‌ కల్వకుంట్ల కవితకు ఘన స్వాగతం పలికేలా భారీ ఏర్పాట్లు చేస్తున్నారు. కొడంగల్‌ నుంచి కోస్గి వరకు భారీ ర్యాలీ.. పట్టణంలోని శివాజీ చౌరస్తాలో పార్టీ జెండాను ఆవిష్కరించి నేరుగా సభా వేధికకు చేరుకుంటారు. కాంగ్రెస్‌ ప్రభుత్వ వైఫల్యాలపై కవిత కోస్గి సభ వేధిక నుంచి సమర శంఖం పూరించనున్నారు. పార్టీ ఏర్పాటు అనంతరం జోగుళాంబ తల్లి ఆశీస్సులతో పాలమూరు గడ్డపై మొదటిసారిగా అడుగుపెట్టిన కవిత రెండోసారి కొడంగల్‌ నియోజకవర్గంలో అత్యంత కీలక సంకల్పం తీసుకుంది. ఈ వేధిక నుంచి సబ్బండవర్గాలు, సకల జనుల అభివృద్ధి, సాధికారితతో కూడిన బహుజన తెలంగాణ సాధనకు తాను తీసుకోబోయే నిర్ణయాలను ప్రకటించనుంది. కృష్ణా జలాలను ఏపీ ప్రభుత్వం యథేచ్ఛగా దోపిడీ చేస్తున్న విషయాన్ని ప్రజలకు వివరించనున్నారు. దశాబ్దాల పాటు పోరాడి సాధించుకున్న తెలంగాణ రాష్ట్రాన్ని పరిరక్షించుకునేందుకు స్వీయ రాజకీయ శక్తి ఎందుకు అవసరమో కవిత వివరించనున్నారు. రెండు జాతీయ పార్టీలు ఢిల్లీకి గులాంగిరి చేస్తూ తెలంగాణ ప్రయోజనాలను ఎలా పణంగా పెడుతున్నారో వివరిస్తారు.

నారాయణపేట: గణేష్‌ నిమజ్జనం సందర్భంగా భక్తులకు ఎలాంటి ఇబ్బందులు కలగకుండా, అవాంఛనీయ ఘటనలు చోటుచేసుకోకుండా పటిష్ట భద్రత ఏర్పాట్లు చేపట్టాలని కలెక్టర్‌ ప్రియాంక, ఎస్పీ డా. వినీత్‌ అధికారులను ఆదేశించారు. శనివారం జిల్లాకేంద్రంలోని కొండారెడ్డిపల్లి చెరువు వద్ద నిమజ్జనానికి సంబంధించిన ఏర్పాట్లను వారు క్షేత్రస్థాయిలో పరిశీలించారు. ఈ సందర్భంగా సంబంధిత శాఖల అధికారులు నిమజ్జన ఏర్పాట్ల వివరాలను వారికి వివరించారు. ఈ సందర్భంగా వారు మాట్లాడుతూ.. నిమజ్జనానికి పెద్ద సంఖ్యలో భక్తులు తరలివచ్చే అవకాశం ఉన్నందున ముందస్తు ప్రణాళికతో అన్నిశాఖల అధికారులు సమన్వయంతో పనిచేయాలని సూచించారు. చెరువులో ప్రస్తుతం నీటిమట్టం తక్కువగా ఉన్నందున భక్తులు నీటిలోకి వెళ్లకుండా చెరువు అంచు వరకు బారికేడింగ్‌, రక్షణ కంచె నిర్మించాలని సూచించారు. అత్యవసర పరిస్థితుల్లో తక్షణమే స్పందించేలా గజ ఈతగాళ్లు, క్రేన్లు, బోట్లు/పుట్టీలు, ఇతర రక్షణ పరికరాలను సిద్ధంగా ఉంచాలని తెలిపారు. చెరువులోకి ఎవరూ వెళ్లకుండా పోలీసు సిబ్బందితో నిరంతర పర్యవేక్షణ చేపట్టాలని, ప్రమాదకర ప్రాంతాలను ముందుగానే గుర్తించి హెచ్చరిక బోర్డులు ఏర్పాటు చేయాలని ఆదేశించారు. రాత్రి వేళల్లోనూ నిమజ్జనం జరిగే అవకాశం ఉన్నందున చెరువు పరిసరాల్లో తగినంత వెలుతురు ఉండేలా లైటింగ్‌ ఏర్పాటు చేయాలని సూచించారు. చెరువులో నీటిమట్టం తక్కువగా ఉన్నందున 15 అడుగులకు పైగా ఉన్న విగ్రహాలను కృష్ణానది లేదా అధికారులు గుర్తించిన ప్రత్యామ్నాయ నిమజ్జన ప్రాంతాలకు తరలించేలా చర్యలు చేపట్టాలని కలెక్టర్‌, ఎస్పీ సూచించారు. నిమజ్జన ప్రాంతంలో భక్తులకు తాగునీరు, పారిశుద్ధ్యం, వైద్య సదుపాయాలు అందుబాటులో ఉండేలా చర్యలు చేపట్టాలని ఆదేశించారు. నిమజ్జన కార్యక్రమాన్ని ప్రశాంతంగా, సురక్షితంగా పూర్తి చేయాలని కలెక్టర్‌, ఎస్పీ కోరారు. కలెక్టర్‌, ఎస్పీ వెంట ఆర్డీఓ రమేశ్‌, డీఎస్పీలు మహేష్‌, నల్లపు లింగయ్య, సీఐ శివశంకర్‌, పుర కమిషనర్‌ శంకర్‌, ఎస్‌ఐ వెంకటేశ్వర్లు, పోలీసు, రెవెన్యూ, మున్సిపల్‌, విద్యుత్‌ తదితర శాఖల అధికారులు ఉన్నారు.

నారాయణపేట: జిల్లాలోని ధన్వాడలో ఉన్న తెలంగాణ మోడల్‌ స్కూల్‌, కళాశాలలో శనివారం ఉదయం అల్పాహారం తిన్న పలువురు విద్యార్థినులు అస్వస్థతకు గురయ్యారు. మొత్తం 88 మంది విద్యార్థునులు ఉండగా 29 మందికి కడుపునొప్పి రావడంతో వెంటనే స్థానిక ప్రభుత్వ ఆస్పత్రికి తరలించి చికిత్స అందించారు. వీరిలో 16 మందిని మెరుగైన చికిత్స నిమిత్తం జిల్లా ప్రభుత్వ ఆస్పత్రికి తరలించారు. ● శనివారం ఉదయం విద్యార్థినుల కోసం బొండా, పల్లి చట్నీ అల్పాహారంగా తయారు చేశారు. అల్పాహారం తీసుకున్న తర్వాత కొందరు విద్యార్థినులకు కడుపునొప్పి రాగా.. అంతగా పట్టించుకోలేదు. మధ్యాహ్నం భోజనం చేసిన అనంతరం శ్వాస ఇబ్బందులు, కడుపునొప్పి తీవ్ర కావడంతో హాస్టల్‌ సిబ్బంది అప్రమత్తమై వెంటనే 29 మంది విద్యార్థులను 108 వాహనంలో స్థానిక ప్రభుత్వ ఆస్పత్రికి తరలించారు. వీరిలో విద్యార్థినులు నిర్మల, నవ్యశ్రీ, అర్చన, శ్రీవిద్య, రుత్విక, ప్రవళిక, లావణ్య, విద్య, అనిత, టి.లావణ్య, జ్యోతి, నందిని, హరిత, లక్ష్మి, బిందుశ్రీ మొత్తం 16 మంది విద్యార్థినులను మెరుగైన చికిత్స నిమిత్తం జిల్లా ప్రభుత్వ ఆస్పత్రికి తరలించగా.. మిగిలిన 13 మంది విద్యార్థినులకు స్థానిక ఆస్పత్రిలో చికిత్స కొనసాగుతోంది. చట్నీపై విద్యార్థినుల వాదన.. వేరుశనగకు పురుగులు పట్టడంతో వాటిని ఎండలో వేసి అనంతరం చట్నీ తయారు చేసినట్లు కొందరు విద్యార్థినులు చెబుతున్నారు. పుచ్చుబట్టి పచ్చగా మారినట్లు కనిపించినప్పటికీ వాటిని తొలగించకుండా చట్నీ తయారు చేసి వడ్డించారని వారు ఆరోపించారు. అధికారులు సమగ్ర విచారణ జరిపి ఆహార నమూనాల పరీక్షల ద్వారా పూర్తి వివరాలు వెల్లడి కావాల్సి ఉంది. విద్యార్థినుల వాంగ్మూలాలను అధికారులు నమోదు చేసి ఘటనకు సంబంధించిన వాస్తవాలను నిర్ధారించాల్సి ఉంది. కలెక్టర్‌ తక్షణ చర్యలు.. విద్యార్థినులు అస్వస్థతకు గురైన ఘటనపై కలెక్టర్‌ ప్రియాంక తక్షణమే స్పందించారు. ఘటనకు సంబంధించి పూర్తి వివరాలను సేకరించి సమగ్ర విచారణ చేపట్టాలని సంబంధిత అధికారులను ఆదేశించారు. కలెక్టర్‌ ఆదేశాల మేరకు ఆర్డీఓ రమేష్‌, తహసీల్దార్‌ సింధూజ, మండల ప్రత్యేక అధికారి సాల్మన్‌ సంఘటనా స్థలానికి చేరుకుని పరిస్థితిని పరిశీలించారు. ప్రస్తుతం విద్యార్థినుల ఆరోగ్య పరిస్థితి నిలకడగా ఉందని కలెక్టర్‌ ప్రియాంక తెలిపారు. హాస్టల్‌లో సిబ్బందితో మాట్లాడి వివరాలు తెలుసుకుంటున్న ఆర్డీఓ రమేష్‌ కుటుంబసభ్యుల్లో ఆందోళన.. విద్యార్థినులు అస్వస్థతకు గురైన విషయం తెలియడంతో కుటుంబ సభ్యుల్లో ఆందోళన నెలకొంది. విద్యార్థినులు ఆస్పత్రుల్లో చికిత్స పొందుతున్నట్లు సమాచారం అందడంతో వారి ఆరోగ్య పరిస్థితిపై ఆరా తీశారు. ప్రస్తుతం విద్యార్థినుల ఆరోగ్య పరిస్థితి నిలకడగా ఉన్నట్లు అధికారులు తెలుపడంతో ఊపిరి పీల్చుకున్నారు. వైరల్‌ ఎంటెరిటిస్‌గా గుర్తింపు.. అస్వస్థతకు గురైన విద్యార్థుల ఆరోగ్య పరిస్థితిపై జిల్లా జనరల్‌ ఆస్పత్రి బృందం సంపత్‌కుమార్‌సింగ్‌, డా. బాలాజీ, సర్జనన్‌ ఆదిత్యగౌడ్‌ వివరాలు వెల్లడించారు. వైరల్‌ ఎంటెరిటిస్‌గా గుర్తించామని.. ప్రస్తుతం అవసరమైన చికిత్స కొనసాగుతోందన్నారు. కొందరు విద్యార్థులు కోలుకునేందుకు కొంత సమయం పడుతుందని, ఒకరోజు వైద్యుల పర్యవేక్షణలో ఉంచిన అ నంతరం పరిస్థితిని బట్టి డిశ్చార్జ్‌ చేస్తామని తెలిపారు. విద్యార్థుల ఆరోగ్య పరిస్థితిని నిరంతరం పర్యవేక్షిస్తున్నట్లు వైద్యబృందం పేర్కొంది. ధన్వాడ మోడల్‌ స్కూల్‌ హాస్టల్‌లో ఘటన బుజుపట్టిన వేరుశనగతో చట్నీ తయారీ 29 మంది విద్యార్థినులకుకడుపునొప్పి 16 మంది జిల్లా ఆస్పత్రికి తరలింపు స్పందించిన కలెక్టర్‌.. కేర్‌టేకర్‌, వంటమనిషి తొలగింపు

నారాయణపేట: రాజీమార్గంలో కేసులను త్వరితగతిన పరిష్కరించుకునేందుకు లోక్‌ అదాలత్‌ ఎంతో సమర్థవంతమైన వేదికని జిల్లా ప్రధాన న్యాయమూర్తి బోయ శ్రీనివాసులు అన్నారు. శనివారం జిల్లాకేంద్రంలో జిల్లా న్యాయ సేవాధికార సంస్థ ఆధ్వర్యంలో నిర్వహించిన కో–ఆర్డినేషన్‌ సమావేశంలో ఆయన మాట్లాడారు. డిసెంబర్‌ 12న నిర్వహించనున్న నాలుగో జాతీయ లోక్‌ అదాలత్‌ను విజయవంతం చేసేందుకు అన్నిశాఖల అధికారులు సమన్వయంతో పనిచేయాలని సూచించారు. కక్షిదారులు లోక్‌ అదాలత్‌ అవకాశాన్ని సద్వినియోగం చేసుకునేలా విస్తృతంగా అవగాహన కల్పించాలని ఆదేశించారు. సెప్టెంబర్‌ 12న నిర్వహించిన జాతీయ లోక్‌ అదాలత్‌లో జిల్లాలో 5,552 కేసులు పరిష్కరించగా.. రాష్ట్రవ్యాప్తంగా 23వ ర్యాంకు సాధించినట్లు తెలిపారు. ఈ విజయానికి కృషి చేసిన న్యాయమూర్తులు, పోలీసు అధికారులు, సిబ్బందిని అభినందించారు. డిసెంబర్‌ 12న జరిగే జాతీయ లోక్‌ అదాలత్‌లో అధిక సంఖ్యలో కేసులు పరిష్కరించేలా చర్యలు తీసుకోవాలని పోలీసు అధికారులను ఆదేశించారు. డ్రంకెన్‌ డ్రైవ్‌ కేసుల పరిష్కార ప్రక్రియను కూడా యథావిధిగా కొనసాగించాలని సూచించారు. ఉమెన్‌ అండ్‌ చైల్డ్‌ వెల్ఫేర్‌, డిస్ట్రిక్ట్‌ చైల్డ్‌ ప్రొటెక్షన్‌, సఖి కేంద్రాల సిబ్బందితో న్యాయమూర్తి సమీక్ష నిర్వహించారు. పోక్సో కేసుల్లో తప్పనిసరి నివేదికలు, బాధితుల గుర్తింపు రక్షణ, ఫాస్ట్‌ ట్రయల్స్‌ తదితర అంశాలపై వివరాలు అడిగి తెలుసుకున్నారు. సమావేశంలో కలెక్టర్‌ ప్రియాంక, ఎస్పీ వినీత్‌, డీఎల్‌ఎస్‌ఏ కార్యదర్శి, సీనియర్‌ సివిల్‌ న్యాయమూర్తి వింధ్యానాయక్‌, డీఎస్పీ లింగయ్య, ఆర్డీఓ రమేష్‌, డీపీఆర్వో ఎంఏ రషీద్‌, డీసీపీఓ కరిష్మా, సఖి సెంటర్‌ కో–ఆర్డినేటర్‌ క్రాంతిరేఖ, ఉమెన్‌ అండ్‌ చైల్డ్‌వెల్ఫేర్‌శాఖ అనిత, పోలీసు సిబ్బంది, ఇతర అధికారులు పాల్గొన్నారు. లోకాయుక్తకు ఫిర్యాదు నారాయణపేట: జిల్లాకేంద్రంలోని చేనేత సొసైటీల్లో రూ.51 కోట్ల అక్రమ లావాదేవీలు జరిగాయని.. తక్షణమే విచారణ చేపట్టి బాధ్యులపై చర్యలు తీసుకోవాలంటూ జనసేన పార్టీ రాష్ట్ర అధికార ప్రతినిధి హైందవిరెడ్డి, బీఎస్పీ జిల్లా అధ్యక్షుడు బొదిగెలి శ్రీనివాస్‌, సీఐటీయూ జిల్లా కార్యదర్శి బాల్‌రాం, చేనేత కార్మిక సంఘం జిల్లా నాయకుడు కెంచె నారాయణ, వివిధ సంఘాల నాయకులు శనివారం హైదరాబాద్‌లోని లోకాయుక్తకు ఫిర్యాదు చేశారు. ఈ సందర్భంగా వారు మాట్లాడుతూ.. సుమారు 5 వేల మంది చేనేత కార్మికులకు అన్యాయం జరుగుతున్నా జిల్లా అధికార యంత్రాంగం బాధ్యతారాహిత్యంగా వ్యవహరిస్తోందని ఆరోపించారు. జౌళిశాఖ అధికారులపై అక్రమ లావాదేవీలకు సంబంధించి విచారణ జరిపి చర్యలు తీసుకోవాలని హైకోర్టు ఆదేశించినప్పటికీ కలెక్టర్‌, జౌళిశాఖ అధికారుల నుంచి కనీస స్పందన లేదని పేర్కొన్నారు. అక్రమాలకు బాధ్యులుగా ఉన్న సొసైటీ అధ్యక్ష, కార్యదర్శులపై చర్యలు తీసుకోవడంతో పాటు నిధులను రికవరీ చేసి చేనేత కార్మికులకు న్యాయం చేయాలని లోకాయుక్తను కోరినట్లు నాయకులు తెలిపారు.

ఎమ్మెల్యే స్వగ్రామంలోనే.. ఎమ్మెల్యే డా. పర్ణికారెడ్డి స్వగ్రామంలోని మోడల్‌ పాఠశాలలో విద్యార్థులు అల్పహారం తిని అస్వస్థతకు గురికావడం చాలా బాధాకారం. స్థానికంగా ఎమ్మెల్యే లేకపోవడంతో పట్టించుకునే వారే కరువయ్యారు. విద్యార్థులకు అందించే ఆహారం నాణ్యతగా ఉండేలా చూడాలి. లేనిపక్షంలో ఉద్యమాలు చేపడతాం. – ఏబీవీపీ నాయకులు ముందు నాకే కడుపునొప్పి.. హాస్టల్‌లో ఉదయం బొండా, చట్నీ తిన్న తర్వాత ముందుగా నాకే కడుపునొప్పి వచ్చింది. తొలుత పెద్దగా పట్టించుకోలేదు.. మధ్యాహ్నం భోజనం చేసిన తర్వాత మరింత ఎక్కువైంది. నాతో పాటు మరికొందరికి కడుపునొప్పి రావడంతో పరిస్థితిని గమనించి వెంటనే సిబ్బందికి చెప్పాం. వెంటనే ప్రత్యేక వాహనాల్లో ఆస్పత్రికి తరలించారు. తీవ్ర అస్వస్థతకు గురైన విద్యార్థినులను జిల్లా ఆస్పత్రికి తరలించారు. – విద్యారాణి, విద్యార్థిని ● ఇదే మొదటిసారి.. హాస్టల్‌లో ఉదయం అల్పాహారం తీసుకున్న తర్వాత కడుపునొప్పి రావడంతో ఆస్పత్రికి తరలించి చికిత్స అందించారు. ఇలాంటి ఘటన జరగడం ఇదే తొలిసారి. – లావణ్య, విద్యార్థిని ప్రభుత్వమే బాధ్యత వహించాలి.. విద్యార్థులకు పెట్టే భోజనం నాణ్యతగా లేకపోవడంతోనే అస్వస్థతకు గురవుతున్నారు. జరగరానిది జరిగి పిల్లల ప్రాణాలు పోతే ఎవరు తెచ్చిస్తారు. సీఎం రేవంత్‌రెడ్డి, ఎమ్మెల్యే డా. పర్ణికారెడ్డి బాధ్యత వహించాలి. – రాఘవేంద్ర, ధన్వాడ కలెక్టర్‌ సీహెచ్‌ ప్రియాంక ఆదేశాల మేరకు ధన్వాడ తెలంగాణ మోడల్‌ స్కూల్‌ బాలికల హాస్టల్‌ కేర్‌టేకర్‌ అనురాధ, వంట మనిషి కావేరిని విధుల నుంచి తొలగించినట్లు జిల్లా విద్యాధికారి డా. గోవిందరాజు శనివారం ఒక ప్రకటనలో తెలిపారు. మండల విద్యాశాఖ అధికారి గాయత్రి, జీఈసీఓ సంగీత ఆహారాన్ని పరిశీలించి నాణ్యత లేని వేరుశనగలను స్వాధీనం చేసుకుని సీజ్‌ చేసినట్లు పేర్కొన్నారు. బూజుపట్టిన వేరుశనగలతో తయారు చేసిన చట్నీ తినడంతోనే విద్యార్థులు అస్వస్థతకు గురైనట్లు విచారణ అధికారులు తెలిపారు.

వనపర్తి: రైతులు సాగునీటి కోసం అరిగోసపడేలా.. యూరియా కోసం క్యూలైన్‌లో నిలబడేలా.. పెట్టుబడి సాయం ఎగొట్టి ముఖ్యమంత్రి రేవంత్‌రెడ్డి మునుపటి కాంగ్రెస్‌ పాలన తీసుకొచ్చారని.. ఇదేనా ఇందిరమ్మ పాలనా అని బీఆర్‌ఎస్‌ పార్టీ కార్యనిర్వాహక అధ్యక్షుడు కల్వకుంట్ల తారకరామారావు ప్రశ్నించారు. కొల్లాపూర్‌ మాజీ ఎమ్మెల్యే బీరం హర్షవర్ధన్‌రెడ్డి తండ్రి మరణవార్త తెలుసుకొని శనివారం పరామర్శించేందుకు వచ్చిన ఆయన తిరుగు ప్రయాణంలో పెబ్బేరు మండలం గుమ్మడం, పెబ్బేరులోని విద్యుత్‌ సబ్‌స్టేషన్లను సందర్శించి విద్యుత్‌ సరఫరా లాగ్‌బుక్‌ను పరిశీలించారు. అనంతరం పెబ్బేరులోని సుభాష్‌ చౌరస్తాలో నిర్వహించిన కార్నర్‌ మీటింగ్‌లో మాట్లాడుతూ.. వ్యవసాయానికి కేవలం ఐదారు గంటలు మాత్రమే సరఫరా ఇస్తున్నట్లు, రోజుకు పదిసార్ల కంటే ఎక్కువ కోతలు విధిస్తున్నట్లు రైతులు, లాగ్‌బుక్‌లో నమోదు చేసిన వివరాలతో స్పష్టమవుతోందన్నారు. తన రాజకీయ గురువు చంద్రబాబు కోసం వరద జలాలను వదిలేసి.. సకాలంలో మోటార్లు ఆన్‌ చేయలేదని, దీంతో ఆంధ్రాకు సాగునీరు.. తెలంగాణ ప్రాంత రైతులకు కరువును మిగిల్చారని ఆరోపించారు. ఆంధ్రా పాలకులు ముందుచూపుతో ఇప్పటికే వెలుగొండ, పొతిరెడ్డిపాడు నుంచి నీళ్లు తరలించుకొని రిజర్వాయర్లు నీటితో నింపుకొంటున్నారన్నారు. మోటార్లు రెండ్రోజులు నడిస్తే వారం పాటు బంద్‌ చేసే కాంగ్రెస్‌ పాలకులకు రైతులపై ప్రేమ ఎలా ఉన్నట్లు అవుతుందని ప్రశ్నించారు. రాష్ట్రంలో ప్రస్తుతం ఉత్పన్నమైన కరవు కాంగ్రెస్‌ పాలకుల పుణ్యమేనని.. ముందస్తు ఆలోచనతో కృష్ణా జలాలను మొదటిరోజు నుంచి ఒడిసిపట్టుకుని నిల్వ చేసుకొని ఉంటే ప్రస్తుతం పంటలకు కావాల్సిన సాగునీరు అందుబాటులో ఉండటంతో పాటు భూగర్భ జలాలు అడుగంటేవి కావన్నారు. రైతుబీమాకు దిక్కులేదు.. రైతులకు ఆపత్కాలంలో సాయంగా ఉండేలా.. కేసీఆర్‌ రూపొందించిన రైతుబీమా పథకాన్ని కాంగ్రెస్‌ ప్రభుత్వం నీరుగారుస్తోందని, ఇప్పటికింకా ఇన్స్యూరెన్స్‌ సంస్థలకు చెల్లించాల్సిన రూ.1,700 కోట్లు చెల్లించకుండా కాలయాపన చేస్తుండటంతో బీమా వర్తించడం లేదన్నారు. కాంగ్రెస్‌కు ఓటేస్తే ఆగమవుతారని 2023 జనరల్‌ ఎన్నికల్లో కేసీఆర్‌ ప్రతి ప్రచార సభలో చెప్పినా వినకుండా ప్రజలు ఓట్లు వేశారని.. దీంతో మళ్లీ విద్యుత్‌ కోతలు, యూరియా కష్టాలు, పెట్టుబడి సాయం కోసం ఇబ్బందులు ఎదురవుతున్నాయని తెలిపారు. కాంగ్రెస్‌ పాలకులు నిషేధిత భూముల జాబితాలో రాష్ట్రవ్యాప్తంగా లక్ష ఎకరాలను చేర్చి ప్రజలు, రైతులను ఇబ్బందులకు గురిచేస్తున్నారని.. ఒక్క పెబ్బేరు మండలంలోనే సుమారు వెయ్యి ఎకరాలను ఉద్దేశపూర్వకంగా చేర్చారని ఆరోపించారు. ఒక్క ఎకరా ఎండినా వదలం.. ప్రస్తుత వానాకాలంలో జూరాల ఆయకట్టులో సాగు చేసిన వివిధ రకాల పంటల్లో సాగునీరు అందక ఒక్క ఎకరా ఎండినా వదిలిపెట్టబోమని కేటీఆర్‌ హెచ్చరించారు. పంటలను కాపాడేందుకు కర్ణాటక ప్రభుత్వంతో సంప్రదింపులు జరిపి కనీసం 5 టీఎంసీల నీటిని విడుదల చేయించాలని డిమాండ్‌ చేశారు. ప్రభుత్వంతో సాధ్యం కాదంటే రైతుల కోసం బీఆర్‌ఎస్‌ తరుఫున కర్ణాటక ప్రభుత్వంతో తాము సంప్రదింపులు చేస్తామన్నారు. కార్యక్రమంలో అలంపూర్‌ ఎమ్మెల్యే విజయుడు, మాజీ మంత్రులు సింగిరెడ్డి నిరంజన్‌రెడ్డి, శ్రీనివాస్‌గౌడ్‌, మాజీ ఎమ్మెల్యే ఆల వెంకటేశ్వర్‌రెడ్డి పాల్గొన్నారు.

సాక్షి ప్రతినిధి, మహబూబ్‌నగర్‌: గత బీఆర్‌ఎస్‌ ప్రభుత్వం ఉమ్మడి జిల్లాకు అన్యాయం చేస్తే.. ఇప్పుడున్న కాంగ్రెస్‌ ప్రభుత్వం కూడా పాలమూరు రైతుల పట్ల వివక్ష చూపుతోంది. నల్లగొండ లీడర్లు చెప్పిన మాటలు విని ఈ ప్రాంతానికి అన్యాయం చేస్తున్నారు. డిండి లిఫ్ట్‌ ఇరిగేషన్‌ను ఎట్టి పరిస్థితుల్లో ఒప్పుకోం.. పాలమూరు నీటిని తరలించే కుట్రను ఇక సహించేది లేదు.. మా నీళ్లు మాకే కావాలి. ఈ మేరకు తెలంగాణ మలిదశ ఉద్యమ స్ఫూర్తితో పోరాడుతాం.’ అని ఉమ్మడి జిల్లా పెండింగ్‌ ప్రాజెక్ట్‌ల సాధన జేఏసీ చైర్మన్‌ రాజేందర్‌రెడ్డి స్పష్టం చేశారు. యూఎంపీపీఎస్‌ జేఏసీ ప్రతినిధులు శనివారం మీడియాతో కలిసి డిండి లిఫ్ట్‌ ఇరిగేషన్‌లో భాగమైన ఉల్పర నుంచి గొట్టిముక్కల రిజర్వాయర్‌ వరకు జరుగుతున్న పనులను సందర్శించారు. అనంతరం చారకొండ వద్ద ఏర్పాటు చేసిన విలేకరుల సమావేశంలో రాజేందర్‌రెడ్డి మాట్లాడారు.జూరాల ప్రాజెక్ట్‌ నుంచి పాలమూరు–రంగారెడ్డి ప్రాజెక్ట్‌కు నీటిని తీసుకొని ఉంటే సమస్య ఉండేది కాదన్నారు. శ్రీశైలం సోర్స్‌ ఆధారంగా కేసీఆర్‌ డిజైన్‌ మార్పు చేయడంతోనే సమస్య ఉత్పన్నమైందన్నారు. తొమ్మిదన్నరేళ్లు అధికారంలో ఉండి ప్రాజెక్ట్‌ పూర్తి చేయలేదని.. ఆ తర్వాత అధికారంలోకి వచ్చిన కాంగ్రెస్‌ ప్రభుత్వం కూడా ఈ ప్రాజెక్ట్‌ పట్ల నిర్లక్ష్యం వహిస్తోందన్నారు. అంతేకాదు ఈ జిల్లాలో ఒక్క పెండింగ్‌ ప్రాజెక్ట్‌ కూడా పూర్తి చేయకుండా.. డిండి ప్రాజెక్ట్‌ పనులు యుద్ధప్రాతిపదికన చేపట్టడం అన్యాయమని.. ఉమ్మడి మహబూబ్‌నగర్‌ జిల్లా రైతాంగానికి నష్టం వాటిల్లే డిండి లిఫ్ట్‌ ఇరిగేషన్‌ను ఎట్టి పరిస్థితుల్లో ఒప్పుకొనేది లేదన్నారు. సొంత జిల్లాకు చెందిన సీఎం రేవంత్‌రెడ్డి దీనిపై స్పందించాలన్నారు. మంత్రి జూపల్లి స్పందించాలి: రాఘవాచారి ఏపీలోని రాయలసీమలో చేపట్టిన పోతిరెడ్డిపాడు హెడ్‌ రెగ్యులేటర్‌ నిర్మాణంతో పాలమూరుకు ఎంత అన్యాయం జరిగిందో.. నల్లగొండ జిల్లా కోసం చేపడుతున్న డిండి లిఫ్ట్‌ వల్ల కూడా జిల్లాకు అంతే అన్యాయం జరుగుతుందని పాలమూరు అధ్యయన వేదిక కన్వీనర్‌ రాఘవాచారి తెలిపారు. ఉమ్మడి మహబూబ్‌నగర్‌ జిల్లాకు సాగు నీటి రంగంలో అన్యాయం చేశారని 2023 ఎన్నికల్లో ఇక్కడి ప్రజలు బీఆర్‌ఎస్‌ను ఓడించి.. ఉమ్మడి జిల్లా నుంచి 12 మంది కాంగ్రెస్‌ ఎమ్మెల్యేలను గెలిపించారన్నారు. కానీ ఈ ఎమ్మెల్యేలు డిండిపై, పాలమూరు రైతాంగానికి కృష్ణా జలాలను అందించే విషయంలో పట్టింపులేని ధోరణితో వ్యవహరిస్తున్నారని మండిపడ్డారు. బీఆర్‌ఎస్‌ హయాంలో డిండికి నీటి తరలింపుపై అడ్డుకున్నామని వివరించారు. అప్పటి నాయకుడు, ఇప్పటి మంత్రి జూపల్లి, కాంగ్రెస్‌ నేతలు డిండిని వ్యతిరేకిస్తూ లేఖ రాశారని గుర్తు చేశారు. ఇప్పుడు వారే నల్లగొండ లీడర్ల చేతిలో దాసోహమయ్యారని.. మీరు రాజీనామా చేస్తే ప్రభుత్వం కూలిపోతుందని.. ఈ బలం ఉన్నా ఇక్కడి రైతుల పక్షాన ఎందుకు పోరాటం చేయడం లేదని ప్రశ్నించారు. మంత్రి జూపల్లి ఇప్పటికై నా డిండి ప్రాజెక్ట్‌పై ఆయన వైఖరిని తెలియజేయాలన్నారు. పీఆర్‌ఎల్‌ఐ నుంచి డిండికి నీరు తరలించొద్దు.. ఈ లిఫ్ట్‌ను ఒప్పుకొనేది లేదు.. మలి దశ తెలంగాణ ఉద్యమస్ఫూర్తితో పోరాటం ఉమ్మడి జిల్లా పెండింగ్‌ ప్రాజెక్ట్‌ల సాధన జేఏసీ చైర్మన్‌ రాజేందర్‌రెడ్డి జేఏసీ ఆధ్వర్యంలో ఉల్పర నుంచి గొట్టిముక్కల వరకు రిజర్వాయర్ల సందర్శన

ఎర్రవల్లి: మహనీయుల ఆశయాలను ప్రతిఒక్కరూ కొనసాగించాలని పదో పటాలం అసిస్టెంట్‌ కమాండెంట్‌ పార్థసారధిరెడ్డి అన్నారు. గురువారం మండలంలోని బీచుపల్లి పదో పటాలంలో నిర్వహించిన ప్రజాపాలన దినోత్సవ కార్యక్రమానికి ఆయన ముఖ్య అతిథిగా హాజరై జాతీయ పతాకాన్ని ఆవిష్కరించారు. అలాగే దేశ నాయకుల చిత్రపటాలకు పూలమాలలు వేసి ఘనంగా నివాళులర్పించారు. అనంతరం ఆయన మాట్లాడుతూ 1947 ఆగస్టు 15న బ్రిటీష్‌ పాలన నుంచి దేశ ప్రజలకు విముక్తి కలిగినా.. తెలంగాణ ప్రజలకు విముక్తి కలగలేదన్నారు. కానీ, అప్పటి హోంమంత్రి సర్ధార్‌ వల్లభాయ్‌ పటేల్‌ చాకచక్యంతో నిజాం నిరంకుశ పాలన నుంచి 1948 సెప్టెంబర్‌ 17 నాడు తెలంగాణ ప్రజలకు విముక్తి కలిగిందన్నారు. తెలంగాణ భారతదేశంలో విలీనమైన ఈ రోజును తెలంగాణ ప్రభు త్వం ప్రజాపాలన దినోత్సవంగా జరుపుకోవడం ఎంతో సంతోషకరమన్నారు. కార్యక్రమంలో అసిస్టెంట్‌ కమాండెంట్‌ వెంకటరమణ, ఆర్‌ఐలు రాజు, శ్రీనివాస్‌, వెల్ఫేర్‌ అధికారి లక్ష్మణ్‌ పాల్గొన్నారు. నల్లమలలో పర్యటించిన శిక్షణ ఎస్‌ఎ్‌ఫ్‌ఎస్‌లు మన్ననూర్‌: డెహ్రాడూన్‌లోని అటవీ క్షేత్రంలో శిక్షణలో ఉన్న 52 మంది అటవీశాఖ స్టేట్‌ ఫారెస్టు సర్వీస్‌ (ఎస్‌ఎఫ్‌ఎస్‌) శిక్షణలో భాగంగా గురువారం నల్లమలలో పర్యటించారు. ఈ సందర్భంగా ఎఫ్‌డీఓ చంద్ర ప్రకాష్‌ సింఘాల్‌ సమక్షంలో అమ్రాబాద్‌ పులుల రక్షిత అభయారణ్యం, ఫర్హాబాద్‌, రేలింగ్‌ సెంటర్‌, చెక్‌పోస్టు, వనమాళికతోపాటు అటవీ లోతట్టు ప్రాంతాల్లో పర్యటించారు. అనంతరం ఈసీ సెంటర్‌లో ఎఫ్‌డీఓ ఇక్కడి పరిస్థితులు, అడవులు, వన్యప్రాణుల మనుడ తదితర అంశాల గురించి వారికి వివరించారు. కార్యక్రమంలో ట్రైనర్‌ అరుణ్‌కుమార్‌, ఎఫ్‌ఆర్‌ఓ సవిత, వీరేష్‌, ఎఫ్‌ఎస్‌ఓ సురేందర్‌, బీట్‌ ఆఫీసర్లు పాల్గొన్నారు.

మహిళా సంక్షేమానికి ప్రభుత్వం పెద్దపీట వేసి పథకాలు అమలు చేస్తోందన్నారు. ఆర్టీసీ బస్సుల్లో మహిళలకు ఉచిత ప్రయాణ సౌకర్యంతో పాటు వివిధ సంక్షేమ పథకాల ద్వారా ప్రభుత్వం అండగా నిలుస్తోందన్నారు. జిల్లాలో 70,120 మంది లబ్ధిదారులకు 1,83,969 సిలిండర్లను సబ్సిడీపై అందించగా.. రూ.4.66 కోట్లు లబ్ధిదారుల ఖాతాల్లో జమ చేసినట్లు చెప్పారు. అలాగే గృహజ్యోతి పథకం ద్వారా 200 యూనిట్ల వరకు ఉచిత విద్యుత్‌ అందిస్తున్నట్లు తెలిపారు. జిల్లాలో 1,29,009 గృహ విద్యుత్‌ సర్వీ సులు ఉండగా.. 83,032 మంది వినియోగదా రులు ప్రయోజనం పొందుతున్నారని చెప్పారు. సెప్టెంబర్‌ 2026 వరకు రూ.13.95 కోట్ల సబ్సిడీ ప్రయోజనం అందినట్లు వివరించారు. ● రాష్ట్రంలోనే మొట్టమొదటగా జిల్లాస్థాయి సమగ్ర కార్యక్రమాన్ని ప్రారంభించినట్లు మంత్రి తెలిపారు. 35 వేల లీటర్ల సామర్థ్యం గల ప్లాంట్‌తో పాటు డిజిటల్‌ నైపుణ్య శిక్షణ కార్యక్రమాన్ని చేపట్టామని.. 11 మంది మహిళలు విడతల వారీగా నిర్వహిస్తున్నారని చెప్పారు. ఇప్పటివరకు ప్లాంట్‌, డిజిటల్‌ ఉత్పత్తుల విక్రయం ద్వారా రూ.30.30 లక్షల లాభం వచ్చినట్లు వెల్లడించారు.

నారాయణపేట: అర్హులైన రైతులు, విద్యార్థులు, ఎంఎస్‌ఎంఈ యూనిట్లు, స్వయం సహాయక సంఘాలు, స్వయం ఉపాధి లబ్ధిదారులకు రుణా ల మంజూరులో బ్యాంకర్లు చొరవ చూపాలని కలెక్టర్‌ సీహెచ్‌ ప్రియాంక ఆదేశించారు. గురువారం కలెక్టరేట్‌లోని వీసీ హాల్‌లో కలెక్టర్‌ అధ్యక్షతన జిల్లా కన్సల్టేటివ్‌ కమిటీ (డీసీసీ) సమావేశం నిర్వహించారు. ఈ సందర్భంగా గత ఆర్థిక సంవత్సరంలో జిల్లాలోని బ్యాంకుల ద్వారా వ్యవసాయం, ఎంఎస్‌ఎంఈ, విద్య, స్వయం సహాయక సంఘాలు, స్వయం ఉపాధి తదితర రంగాలకు, వివిధ ప్రభుత్వ పథకాల కింద మంజూరైన రుణాల పురోగతిని కేటగిరీల వారీగా సమీక్షించారు. అనంతరం కలెక్టర్‌ మాట్లాడుతూ.. ప్రభుత్వ పథకాల కింద రుణాల కోసం దరఖాస్తు చేసుకున్న అర్హులకు ఎలాంటి ఇబ్బందులు లేకుండా సానుకూల దృక్పథంతో వ్యవహరించాలని సూచించారు. రుణాల మంజూరులో సిబిల్‌ స్కోర్‌ను ఒక ప్రమాణంగా పరిగణించినప్పటికీ, అర్హత ఉన్న లబ్ధిదారులకు రుణాలు పొందడంలో అనవసర ఇబ్బందులు కలిగించరాదని కలెక్టర్‌ సూచించారు. ప్రభుత్వ పథకాల లక్ష్యాలను చేరుకునేలా బ్యాంకర్లు శాఖల వారీగా ప్రత్యేక దృష్టి సారించాలన్నారు. జిల్లాలోని కొన్ని బ్యాంకులు రుణాల మంజూరులో వెనుకబడి ఉన్నాయని.. పనితీరును మెరుగుపర్చుకొని నిర్దేశించిన లక్ష్యాలను నిర్ణీత గడువులోగా పూర్తిచేయాలని ఆదేశించారు. ప్రధానమంత్రి విశ్వకర్మ యోజన, ప్రధానమంత్రి ముద్ర యోజన తదితర పథకాల కింద అర్హులైన లబ్ధిదారులకు నిర్ణీత గడువులోగా రుణాలు మంజూరు చేయాలన్నారు. రుణాల ద్వారా ఉపాధి అవకాశాలు, స్థానికంగా ఆర్థిక కార్యకలాపాలు మరింత పెరిగేలా బ్యాంకులు తమ వంతు సహకారం అందించాలన్నారు. కాగా, 2026–27 వార్షిక ప్రణాళికలో భాగంగా జూన్‌ 2026తో ముగిసిన త్రైమాసికానికి సంబంధించి మొత్తం రూ.4,524.76 కోట్ల బడ్జెట్‌ లక్ష్యానికి గాను రూ.1,815.91 కోట్ల రుణాలు మంజూరు చేసినట్లు కలెక్టర్‌ వెల్లడించారు. ఇది వార్షిక ప్రణాళికలో 40.13 శాతం పురోగతి అని అన్నారు. ఎంఎస్‌ఎంఈ విభాగంలో రూ.324.80 కోట్ల లక్ష్యానికి గాను రూ.108.67 కోట్ల రుణాలు మంజూరయ్యాయన్నారు. ప్రాధాన్యతా రంగాలకు రూ.4,101.55 కోట్లు కేటాయించగా.. రూ.810.81 కోట్ల రుణాలు మంజూరు చేయడంతో 19.77 శాతం పురోగతిగా నమోదైందన్నారు. సమావేశంలో లీడ్‌ బ్యాంక్‌ మేనేజర్‌ సురేష్‌ ఆత్రేయ, ఆర్బీఐ ఎల్‌డీఓ శ్రీకాంత్‌, ఎస్‌బీఐ ఏజీఎం ఫఫిర్‌, నాబార్డ్‌ డీడీఎం మహేందర్‌, యూబీఐ టి.రాజేశ్‌, డీఆర్డీఏ అధికారి వెంకట్రాములు, డీఏఓ సక్రియానాయక్‌, జిల్లా షెడ్యూల్డ్‌ కులాల సంక్షేమ అధికారి అబ్దుల్‌ ఖలీల్‌ ఉన్నారు.

నారాయణపేట: జిల్లాకేంద్రంలోని వ్యవసాయ మార్కెట్‌యార్డులో గురువారం పెసర క్వింటాకు గరిష్టంగా రూ. 9,129, కనిష్టంగా రూ. 4వేల ధర పలికింది. పల్లీ @ రూ.7,089 గద్వాల వ్యవసాయం: జిల్లాకేంద్రంలోని వ్యవసాయ మార్కెట్‌ యార్డుకు గురువారం 194 క్వింటాళ్ల వేరుశనగ అమ్మకానికి వచ్చింది. కాగా.. క్వింటాల్‌ గరిష్టంగా రూ.7,089, కనిష్టంగా రూ.5,270, సరాసరిగా రూ.5,719 ధరలు లభించాయి. అలాగే 13 క్వింటాళ్ల ఆముదాలు రాగా.. క్వింటాల్‌ రూ.7,021 ఒకే ధర పలికింది.

నారాయణపేట: గణేశ్‌ ఉత్సవాల నేపథ్యంలో మద్యం అక్రమ విక్రయాలు, సరఫరాకు అడ్డుకట్ట వేసేందుకు పోలీస్‌, ఎకై ్సజ్‌ శాఖలు సమన్వయంతో పనిచేయాలని ఎస్పీ డా.వినీత్‌ సూచించారు. జిల్లాలో నూతనంగా నియమితులైన ఎకై ్సజ్‌ సీఐ నందిగామ సైదులు, ఎస్‌ఐలు సతీష్‌, శంకర్‌ గురువారం ఎస్పీని మర్యాదపూర్వకంగా కలిసి పూలమొక్క అందజేశారు. ఈ సందర్భంగా ఆయన మాట్లాడారు. పండుగ వేళ మద్యం అక్రమ రవాణా, అనధికార విక్రయాలు జరిగే అవకాశాలపై ముందస్తు నిఘా పెట్టి, నిబంధనలు ఉల్లంఘించే వారిపై చట్టపరమైన చర్యలు తీసుకోవాలన్నారు. ముఖ్యంగా ఉత్సవాల సమయంలో అనుమతి లేని ప్రదేశాల్లో మద్యం విక్రయాలు, నిల్వలు, సరఫరా జరగకుండా క్షేత్రస్థాయిలో పర్యవేక్షణ పెంచాలని ఆదేశించారు. అనుమానాస్పద కార్యకలాపాలపై సమాచారం సేకరించి, సంబంధిత శాఖలతో సమన్వయం చేసుకుని చర్యలు చేపట్టాలన్నారు. గణేశ్‌ నిమజ్జన శోభాయాత్ర సందర్భంగా పెద్ద సంఖ్యలో ప్రజలు, యువత రహదారులపైకి వస్తారని.. ఈ నేపథ్యంలో శాంతిభద్రతలకు విఘాతం కలిగించే పరిస్థితులు తలెత్తకుండా ముందస్తు చర్యలు చేపట్టాలని ఎస్పీ సూచించారు. పోలీస్‌, ఎకై ్సజ్‌ శాఖల మధ్య నిరంతర సమాచార మార్పిడి, సమన్వయం ఉంటే మద్యం అక్రమ దందాను నియంత్రించడంతో పాటు గణేశ్‌ ఉత్సవాలను ప్రశాంతంగా నిర్వహించేందుకు అవకాశం ఉంటుందని ఆయన పేర్కొన్నారు.

కోస్గి రూరల్‌: ఉద్యోగ ఉపాధ్యాయులకు త్వర లో ప్రభుత్వం నుంచి మంచి నిర్ణయం లభిస్తుందని ఆశిస్తూన్నామని జిల్లా పీఆర్టీయూ అధ్యక్షుడు జనార్దన్‌రెడ్డి అన్నారు. శుక్రవారం పట్టణంలోని బాలికల ఉన్నత పాఠశాలలో నిర్వహించిన మండల పీఆర్టీయూ సర్వస భ్య సమావేశానికి ఆయన హాజరయ్యారు. ఈ సందర్భంగా మాట్లాడుతూ సెప్టెంబర్‌ 1 చేపట్టిన పీఆర్టీయూ, జేఏసీ ధర్నాల ఫలితంగా ప్రభుత్వం మంచి నిర్ణయం తీసుకునే అవకాశం ఉందన్నారు. అనంతరం మండల నూతన కమిటీని ఎన్నుకున్నారు. కోస్డి మండల అధ్యక్షుడిగా శ్రీకాంత్‌, ప్రధాన కార్యదర్శిగా రాజేందర్‌రెడ్డిని ఏకగ్రీవంగా ఎన్నుకున్నట్లు తెలిపారు. మెరుగైన సేవలు అందించాలి దామరగిద్ద: ప్రాథమిక ఆరోగ్యకేంద్రానికి వచ్చే ప్రజలకు మెరుగైన సేవలు అందించాలని డీఎంహెచ్‌ఓ జయచంద్రమోహన్‌ సూచించారు. గురువారం దామరగిద్ద పీహెచ్‌సీతో పాటు స్థానిక 4వ అంగన్‌వాడీ కేంద్రాన్ని ఆయన ఆకస్మిక తనిఖీ చేశారు. ఈ సందర్భంగా పీహెచ్‌సీలో టీకాలు, మందుల స్టాక్‌తో పాటు పలు రికార్డులను పరిశీలించారు. గర్భిణులు, ఇతర రోగులకు అందిస్తున్న సేవలపై ఆరా తీశారు. అంగన్‌వాడీ ద్వారా ప్రభుత్వం అందిస్తున్న పౌష్టికాహారాన్ని గర్భిణులు, బాలింతలు, చిన్నారులకు సక్రమంగా పంపిణీ చేయాలని ఆయన సూచించారు. కార్యక్రమంలో వైద్యాధికారి ఐశ్వర్య విజయ్‌కుమార్‌, అరవింద్‌, వెంకట్రామారెడ్డి వెంకటేశ్‌ పాల్గొన్నారు. ఆధునిక వ్యవసాయ పద్ధతులతో లాభాలు కృష్ణా: ఆధునిక వ్యవసాయ పద్ధతులతో అధిక లాభాలు పొందవచ్చని తెలంగాణ రైతు విజ్ఞాన కేంద్రం వ్యవసాయ శాస్త్రవేత్త ఈటెల సత్యనారాయణ అన్నారు. గురువారం కృష్ణా మండలం గుర్జాల్‌ గ్రామంలో నిర్వహించిన పొలంబడి కార్యక్రమంలో ఆయన పాల్గొని పంటల సాగులో పాటించాల్సిన జాగ్రత్తలను వివరించారు. రైతులు వరిపంటలో సమగ్ర యాజమాన్య పద్ధతులు పాటించాలని సూచించారు. పంటకు సోకే తెగుళ్లు, వాటి నివారణ, ఎరువుల వాడకం తదితర అంశాలపై అవగాహన కల్పించారు. కార్యక్రమంలో సర్పంచ్‌ కమలమ్మ, ఏఓ సుదర్శన్‌గౌడ్‌, ఏఈఓ సునీల్‌కుమార్‌, నాయకులు కీరప్ప పాటిల్‌, సంతోష్‌ పాటిల్‌ పాల్గొన్నారు.

నర్వ: వ్యవసాయానికి విద్యుత్‌ కోతలను నిరసిస్తూ గురువారం రైతులు రోడ్డెక్కారు. నర్వ మండలం కల్వాల్‌లో ప్రధాన రహదారిపై బైఠాయించి ఆందోళన చేపట్టారు. రైతుల ధర్నాకు బీఆర్‌ఎస్‌ నాయకులు మద్దతుగా పాల్గొన్నారు. ఈ సందర్భంగా పలువురు మాట్లాడుతూ.. ప్రస్తుతం వ్యవసాయానికి ఇస్తున్న 12 గంటల కరెంటు సరిగ్గా సరఫరా చేయకపోవడంతో పంటలకు నీరందక ఎండిపోతుండటంతో పాటు విద్యుత్‌ మోటార్లు కాలిపోతున్నాయని ఆవేదన వ్యక్తం చేశారు. గంట సమయంలోనే పదుల సంఖ్యలో కరెంటు వచ్చి పోతుండటంతో మోటార్లు ఎత్తుకోలేకపోతున్నాయని తెలిపారు. విద్యుత్‌ సమస్యను అధికారుల దృష్టికి తీసుకెళ్లినా పట్టించుకోవడం లేదని వాపోయారు. కరెంటు కోతలను అరికట్టి.. వ్యవసాయానికి నాణ్యమైన విద్యుత్‌ అందించాలని డిమాండ్‌ చేశారు. కాగా, రైతుల ఆందోళనతో ఎక్కడి వాహనాలు అక్కడే నిలిచిపోయాయి. ప్రయాణికుల అభ్యర్థన మేరకు రైతులు ఆందోళన విరమించారు. కార్యక్రమంలో బీఆర్‌ఎస్‌ నాయకుడు ఆంజనేయులు పాల్గొన్నారు.

అమ్రాబాద్‌: మద్దిమడుగు పబ్బతి ఆంజనేయస్వామి ఆలయానికి సంబంధించిన తలనీలాలు, కొబ్బెరకాయలు, కొబ్బెర చిప్పలకు ఒక సంవత్సరం వరకు టెండర్లను గురువారం మహబూబ్‌నగర్‌ ఎండోమెంట్‌ కమిషనర్‌ కార్యాలయంలో నిర్వహించారు. ఈ వేలం పాటలో తలనీలాలు రూ.1.30 కోట్లు, కొబ్బెర కాయలు రూ.55 లక్షలు, కొబ్బరి చిప్పలు రూ.13 లక్షలకు దక్కించుకున్నారు. ఈ వేలం పాటలో ఎండోమెంట్‌ ఇన్‌స్పెక్టర్‌ మదన్‌కుమార్‌, ఈఓ రంగాచారి, చైర్మన్‌ రాములునాయక్‌, ఆలయ అధికారులు పరందామరెడ్డి, విశ్వేశ్వర్‌రెడ్డి, అర్చకుడు వీరయ్యశాస్త్రి, సిబ్బంది తదితరులు పాల్గొన్నారు.

నారాయణపేట: ఎన్నికల సమయంలో ఆరు గ్యారంటీలు, 420 హామీలతో అధికారంలోకి వచ్చిన కాంగ్రెస్‌ ప్రభుత్వం.. 30 నెలల కాలంలో వాటి అమలుపై సమాధానం చెప్పాలని బీజేపీ రాష్ట్ర నాయకుడు ఎన్‌వీ సుభాష్‌ డిమాండ్‌ చేశారు. గురువారం జిల్లా పార్టీ కార్యాలయంలో ఏర్పాటుచేసిన విలేకర్ల సమావేశంలో ఆయన మాట్లాడారు. కాంగ్రెస్‌ ప్రభుత్వం అధికారంలోకి వచ్చిన తర్వాత బీఆర్‌ఎస్‌ పార్టీని విమర్శించడానికే ఎక్కువ సమయం కేటాయించిందని విమర్శించారు. ఎన్నికలకు ముందు ఇచ్చిన హామీల అమలు, రాష్ట్ర అభివృద్ధిపై ప్రభుత్వం స్పష్టత ఇవ్వాలన్నారు. సంపద సృష్టిస్తామని చెప్పిన ప్రభుత్వం.. ఆ దిశగా సాధించిన ప్రగతిని ప్రజలకు వివరించాలని డిమాండ్‌ చేశారు. కేంద్ర ప్రభుత్వం తెలంగాణ అభివృద్ధికి నిధులు కేటాయిస్తోందని, బీజేపీ అధికారంలో లేకపోయినా ఎంపీ డీకే అరుణ నేతృత్వంలో కేంద్రంతో సమన్వయం చేసుకుని నిధులు తీసుకురావడానికి కృషి చేస్తున్నామన్నారు. జిల్లాలో జాతీయ రహదారులతో సహా పలు అభివృద్ధి పనులకు కేంద్రం నుంచి భారీగా నిధులు వస్తున్నాయని చెప్పారు. ప్రధాని నరేంద్రమోదీ నాయకత్వానికి ప్రజలు, పార్టీ నాయకులు, కార్యకర్తలు అండగా నిలిచి భారత్‌ను విశ్వగురుగా తీర్చిదిద్దేందుకు భాగస్వాములు కావాలని ఆయన పిలుపునిచ్చారు. పార్టీలకు అతీతంగా అర్హులైన ప్రతి ఒక్కరినీ కేంద్ర పథకాలలో భాగస్వాములను చేయాలని కోరారు. సమావేశంలో రాష్ట్ర నాయకులు నాగూరావు నామాజీ, కె. రతంగ్‌ పాండురెడ్డి, కొండయ్య, జిల్లా అధ్యక్షుడు సత్యయాదవ్‌, మున్సిపల్‌ చైర్‌పర్సన్‌ కొండా శ్వేత, రఘురామయ్యగౌడ్‌, లక్ష్మి, వెంకట్‌రెడ్డి, తిరుపతి, బంటు రమేశ్‌, కృష్ణ, మహబూబ్‌అలీ, సాయిబాన్న, కిరణ్‌ ఉన్నారు.

కొల్లాపూర్‌ రూరల్‌: మండలంలోని ఎల్లూరు గ్రామ శివారు పాలమూరు– రంగారెడ్డి ప్రాజెక్టు మొదటి లిఫ్టు మొదటి పంపు ద్వారా గురువారం అధికారులు నార్లాపూర్‌ రిజర్వాయర్‌లోకి నీటిని విడుదల చేశారు. ఈ సందర్భంగా ఈఈ లోకిలాల్‌ మాట్లాడుతూ ప్యారామీటర్‌ చెక్‌ చేసుకోవడంలో భాగంగా 2 గంటలపాటు నీటిని విడుదల చేసి.. మరోసారి మోటార్‌ను చెక్‌ చేసుకున్నామని చెప్పారు. వచ్చే వారం నుంచి రిజర్వాయర్‌లోకి నీటిని నిరంతరాయంగా విడుదల చేస్తామని పేర్కొన్నారు. కార్యక్రమంలో ప్రాజెక్టు అధికారులు, సిబ్బంది పాల్గొన్నారు.

నారాయణపేట: హైదరాబాద్‌ సంస్థానం భారత యూనియన్‌లో విలీనమై, ప్రజాస్వామ్య వ్యవస్థకు బాటలు వేసిన సెప్టెంబర్‌ 17 తెలంగాణ చరిత్రలో కీలకమైన రోజు అని రాష్ట్ర పశుసంవర్ధక, పాడి పరిశ్రమాభివృద్ధి, మత్స్యశాఖ మంత్రి వాకిటి శ్రీహరి అన్నారు. గురువారం కలెక్టరేట్‌లో నిర్వహించిన తెలంగాణ ప్రజాపాలన దినోత్సవానికి ఆయన ముఖ్యఅతిథిగా హాజరు కాగా.. కలెక్టర్‌ సీహెచ్‌ ప్రియాంక, ఎస్పీ డా.వినీత్‌ పూలమొక్క అందించి స్వాగతం పలికారు. అనంతరం పోలీసుల గౌరవ వందనం స్వీకరించిన మంత్రి.. కలెక్టర్‌, ఎస్పీతో కలిసి జాతీయ పతాకాన్ని ఆవిష్కరించారు. తెలంగాణ సాయుధ రైతాంగ పోరాటయోధులు, స్వాతంత్య్ర సమరయోధులు, అమరవీరులకు ఘనంగా నివాళులర్పించారు. ఈ సందర్భంగా ఆయన మాట్లాడుతూ.. హైదరాబాద్‌ సంస్థానం భారత యూనియన్‌లో విలీనమైన చారిత్రక పరిణామం వెనుక ఎంతోమంది పోరాటయోధులు, అమరవీరుల త్యాగాలు ఉన్నాయన్నారు. వాటి ఫలితంగానే ప్రజాస్వామ్య తెలంగాణ ఆవిర్భవించిందని పేర్కొన్నారు. ముఖ్యమంత్రి రేవంత్‌రెడ్డి నేతృత్వంలోని రాష్ట్ర ప్రభుత్వం ప్రజా సంక్షేమం, అభివృద్ధికి ప్రాధాన్యమిస్తూ.. ఎన్నికల సమయంలో ఇచ్చిన హామీలను అమలు చేస్తోందని మంత్రి వివరించారు. రైతుభరోసా పథకం ద్వారా వానాకాలం 2026–27లో ఎకరాకు రూ. 12వేల చొప్పు న 1,82,031 మంది రైతుల ఖాతాల్లో రూ.259 కోట్లు జమ చేసినట్లు వెల్లడించారు. 2025–26లో 618 మంది రైతులు మరణించగా.. వారి నామినీలకు రూ.5 లక్షల చొప్పున రైతుబీమా రూ.30.90 కోట్లు చెల్లించడం జరిగిందన్నారు. వానాకాలం పంటల సాగుకు 18,251.94 మెట్రిక్‌ టన్నుల యూరియా, డీఏపీ, కాంప్లెక్స్‌, పొటాష్‌ ఎరువులు అందుబాటులో ఉంచినట్లు తెలిపారు. భూ పరిహారం రూ.366.95 కోట్లు ప్రభుత్వ ఉత్తర్వుల మేరకు భూములు కోల్పోయిన రైతులకు పరిహారం అందిస్తున్నట్లు మంత్రి తెలిపారు. జిల్లాలో 3,565 మంది రైతులకు చెందిన 2,356.02 ఎకరాలకు సంబంధించి ఇప్పటివరకు 3,112 మంది రైతులకు రూ.366.95 కోట్ల పరిహారం పంపిణీ చేసినట్లు చెప్పారు. మిగిలిన రైతులకు కూడా దశలవారీగా పరిహారం అందిస్తామని హామీ ఇచ్చారు. కలెక్టరేట్‌లో జాతీయ పతాకాన్ని ఆవిష్కరిస్తున్న మంత్రి వాకిటి శ్రీహరి, చిత్రంలో కలెక్టర్‌ సీహెచ్‌ ప్రియాంక, ఎస్పీ డా.వినీత్‌ అందరి సహకారంతో జిల్లా అభివృద్ధి రైతు సంక్షేమానికి ప్రాధాన్యం భూ నిర్వాసితులందరికీ పరిహారం ప్రజలకు ఇచ్చిన ప్రతి హామీ అమలు తెలంగాణ ప్రజాపాలన దినోత్సవంలో రాష్ట్ర మంత్రి వాకిటి శ్రీహరి

నారాయణపేట: వినాయక చవితి ఉత్సవాలను ప్రజలందరూ భక్తిశ్రద్ధలు, ఆనందోత్సాహాలతో ప్రశాంత వాతావరణంలో జరుపుకోవాలని అదనపు ఎస్పీ ఎండీ రియాజ్‌ ఉల్‌హక్‌, డీఎస్పీలు మహేష్‌, నల్లపు లింగయ్య కోరారు. జిల్లా పోలీస్‌ కార్యాలయంలో ఏర్పాటు చేసిన మట్టి వినాయక విగ్రహానికి బుధవారం వారు ప్రత్యేక పూజలు నిర్వహించి అన్నదాన కార్యక్రమాన్ని ప్రారంభించారు. ఈ సందర్భంగా గణేష్‌ ఉత్సవ కమిటీ సభ్యులతో పాటు విశ్వహిందూ పరిషత్‌ (వీహెచ్‌పీ), భజరంగ్‌దళ్‌ నాయకులను శాలువాలతో సన్మానించారు. ఈ సందర్భంగా మాట్లాడుతూ.. ప్రజలు, పోలీసులు సుఖశాంతులతో ఉండాలని, అందరికీ మంచి జరగాలని వినాయకుడిని ప్రార్థించినట్లు తెలిపారు. శాంతిభద్రతలకు ఎలాంటి విఘాతం కలగకుండా పటిష్టమైన పోలీస్‌ బందోబస్తు ఏర్పాటు చేసినట్లు వెల్లడించారు. వినాయక చవితి ఉత్సవాల నేపథ్యంలో సోషల్‌ మీడియాపై పోలీస్‌శాఖ పూర్తిస్థాయి లో నిఘా ఏర్పాటు చేసిందని తెలిపారు. ఇతర మతాల మనోభావాలను కించపర్చేలా, రెచ్చగొట్టే విధంగా పోస్టులు, వీడియోలు, సందేశాలను ప్ర చారం చేస్తే చట్ట ప్రకారం కఠిన చర్యలు తీసుకుంటామని హెచ్చరించారు. ప్రజలు సామాజిక బాధ్యతతో వ్యవహరించాలని సూచించారు. జిల్లాలో ఎక్కడైనా సమస్యలు, అనుమానాస్పద వ్యక్తులు, ఘటనలు గుర్తించిన వెంటనే పోలీసులకు లేదా డయల్‌ 112కు సమాచారం అందించాలని సూచించారు. అలాగే 24 గంటలు అందుబాటులో ఉండే పోలీస్‌ కంట్రోల్‌ రూమ్‌ నంబర్‌ 87126 70399కు సమాచారం ఇవ్వాలని తెలిపారు. కార్యక్రమంలో సీఐ శివశంకర్‌, ఆర్‌ఐ విజయభాస్కర్‌, ఎస్‌ఐలు వెంకటేశ్వర్లు, ఆర్మ్‌డ్‌ రిజర్వ్‌ పోలీస్‌ సిబ్బంది, ఎస్‌బీ, డీసీఆర్బీ, డీపీఓ సిబ్బంది, హోంగార్డులు, పోలీస్‌ సిబ్బంది, ప్రజలు పాల్గొన్నారు.

నిజాంలకు గుబులు పుట్టించిన పేట యువత ● సుండికే వారి నివాసం నుంచే రాజాకార్ల పాలన ● 1944లో భారీ ర్యాలీతో సంచలనం ● ఆర్యసమాజ్‌ అండగా ప్రజా చైతన్యం ● మతమార్పిడిపై రగిలిన ఉద్యమ జ్వాల–8లో uనారాయణపేట: నిజాం నిరంకుశ పాలనకు వ్యతిరేకంగా పాలమూరు ప్రజలు సాగించిన పోరులో 1947–49 కాలంలో ప్రధాన ఆయుధాలుగా కర్ర, కత్తిసాములతో ఉద్యమాల కొనసాగింపులో నారా యణపేట ఆర్య సమాజ్‌ కీలకపాత్ర పోషించింది. ఉమ్మడి పాలమూరులో ఎంతోమంది పోరాటయోధులను జైలుకు పంపించి ఉద్యమాన్ని అణచివేశారు. కాగా 1948 ముందు జిల్లాలో నిజాం పాలనకు వ్యతిరేకంగా ఎన్నో ఉద్యమాలు కొనసాగాయి. ఉద్యమ నేతలను రజాకర్లు తుపాకులతో కాల్చి చంపడంతో ఉద్యమం ఉవ్వెత్తున ఎగిసిపడింది. ప్రజల్లో వచ్చిన చైతన్యంతో నిజాం పాలకులు ఈ ప్రాంతాన్ని విడిచి వెళ్లినట్టు ప్రచారం జరుగుతోంది. షోలాపూర్‌ ఆర్యసమాజ్‌ కేంద్రంగా.. ఆ సమయంలో ఆర్యసమాజ్‌ సభలు, సమావేశాలు నిర్వహించేందుకు నిజాం పాలకులు అనుమతి నిచ్చే వారు కాదు. మహారాష్ట్రలోని సోలాపూర్‌ ఆర్య సమాజ్‌ కేంద్రంగా చేసుకొని లోక కల్యాణం నిమి త్తం గ్రామాల్లో ప్రత్యేకంగా యజ్ఞాలు నిర్వహిస్తున్నట్లు నిజాం పాలకులను నమ్మించడంలో కొంతవరకు సఫలీకృతులయ్యారు. య జ్ఞాల పేరిట ప్రజలను ఒకచోటకు చేర్చి నిజాం పాలకులను ఎదుర్కొనేందుకు అవసరమైన ప్రణాళికలను రూపొందించారు. నారాయణపేట ప్రాంతంలో దర్గా రోడ్‌లోని సుండికే వారి నివాసం నుంచే రజాకార్లు కొనసాగించినట్లు పెద్దలు చెబుతున్నారు. వారికి వ్యతిరేకంగా ఎవరు ఉద్యమించినా అక్కడికి తీసుకెళ్లి శిక్షించే వారని.. ఉద్యమకారులు తమ ప్రాణాలను సైతం లెక్కచేయక నెలల తరబడి జైలులో ఉండి అనారోగ్యానికి గురయ్యారని వివరిస్తున్నారు. అప్పట్లో ఖాసీం రజ్వీ అనే రజాకారు నారాయణపేట ప్రాంతంలో ఒక బృందాన్ని ఏర్పాటు చేసుకొని హిందూ మతమార్పిడి చేసేందుకు పూనుకోవడంతో ఉద్యమజ్వాల రగిలినట్లు పెద్దలు చెబుతున్నారు. మొదట్లో మతమార్పిడి కొంతమేర జరిగినా.. తర్వాతి కాలంలో ఉద్యమకారులు తీవ్రంగా వ్యతిరేకిస్తూ ఆర్యసమాజ్‌ నేతృత్వంలో పెద్దఎత్తున పోరాటం కొనసాగించారు. కాలక్రమేణా స్వాతంత్య్రం కోసం రజాకర్లను ఎదుర్కొనేందుకు సన్నద్ధమై పదునైన ఆయుధాలు లేకపోవడంతో యువతకు కత్తి, కర్రసాము, యుద్ధవిద్యపై ప్రత్యేకంగా శిక్షణనిచ్చి తీర్చిదిద్దారు.1944లో నారాయణ పేట గడ్డపై నిజాం వ్యతిరేక ఉద్యమానికి కొత్త ఊపిరిలూదింది. నిజాం పాలనకు వ్యతిరేకంగా భారీ ర్యాలీ నిర్వహించేందుకు హైదరాబాద్‌కు చెందిన సూరజ్‌ చంద్రోజీ, పండిత్‌ నరేంద్రజీ, నారాయణపేటకు చెందిన రాంచందర్‌రావు కల్యాణి ఆధ్వర్యంలో సన్నాహాలు జరిగాయి. ర్యాలీ అనంతరం స్థానిక శాతవాహన కాలనీ ప్రాంతంలో ప్రత్యేక సమావేశం నిర్వహించాలని ఉద్యమకారు లు ప్రతిపాదించారు. ర్యాలీ కి నిజాం పాలకులు అనుమతి ఇవ్వ లేదు. దీంతో తొలుత పరిమిత సంఖ్యలోనే ప్రజలు తరలివచ్చారు. అయితే నిషేధం ఉద్యమకారుల ఉత్సాహాన్ని తగ్గించలేదు. క్రమంగా పెద్ద సంఖ్యలో యువకులు ర్యాలీకి చేరుకున్నారు. చివరకు వేలాదిగా తరలివచ్చిన యువ త నిజాం వ్యతిరేక నినాదాలతో ర్యాలీని విజయవంతం చేసింది.

మక్తల్‌: మండలంలోని జక్లేర్‌కు చెందిన కిషన్‌రావు, శ్రీనివాసరావు, ఉత్తం ఎంకప్ప రజాకార్లకు వ్యతిరేకంగా పోరాటం చేశారు. రజాకార్లు గ్రామాల్లో సంపదను దోచుకెళ్లడంతో పాటు ఆడవాళ్లను చిత్రహింసలకు గురిచేస్తూ ఎన్నో అరాచకాలు చేసేవారు. వాటిని ఎదురించే తరుణంలో రజాకార్లు కిషన్‌రావు, శ్రీనివాసరావును బంధించి గుల్భర్గ జైలుకు పంపారు. 1947, ఆగస్టు నుంచి 1948, జూన్‌ వరకు సుమారు 11 నెలల పా టు జైల్లో పెట్టారు. దేశానికి స్వాతంత్య్రం వచ్చాక జైలు నుంచి విడుదల చేసి ఆదోని క్యాంపునకు తరలించారు. 1952 తర్వాత జక్లేర్‌ బస్టాండ్‌ దగ్గర కాంగ్రెస్‌ ప్రభుత్వం 3 రోజుల పాటు 5వ మహాసభలు నిర్వహించి జెండా ఎగురవేశారు.

గద్వాల: డిజిటల్‌ చెల్లింపులకు అలవాటుపడిన సామాన్యులపై యూపీఐ చార్జీల భారం పడనుంది. రూ.2 వేల వరకు యూపీఐ లావాదేవీలకు ఎలాంటి ఎండీఆర్‌ (మర్చంట్‌ డిస్కౌంట్‌ రేట్‌) ఉండదు. ఆపై జరిగే కొన్ని రకాల చెల్లింపులపై కనిష్టంగా రూ.12 నుంచి గరిష్టంగా రూ.300 వరకు చార్జీలు విధించనున్నారు. అక్టోబర్‌ 15 నుంచి అమల్లోకి రానున్న ఈ విధానంపై జనంలో భిన్నాభిప్రాయాలు వ్యక్తమవుతున్నాయి. ఉమ్మడి మహబూబ్‌నగర్‌ జిల్లా పరిధిలో వివిధ రకాల లావాదేవీలు నెలకు సుమారు రూ.2,500–3,000 కోట్ల మేర జరుగుతున్నట్లు అంచనా. వీటిపై ఎస్‌ఎస్‌టీ, సీఎస్‌టీ తదితర పన్నుల రూపంలో కేంద్ర, రాష్ట్ర ప్రభుత్వాలకు ఇప్పటికే రూ.200–300 కోట్ల వరకు ఆదాయం సమకూరుతున్నట్లు అధికారులు చెబుతున్నారు. ఈ నేపథ్యంలో కొత్తగా యూపీఐ చెల్లింపులపై ఎండీఆర్‌ అమలుతో ఉమ్మడి జిల్లాలో ప్రభుత్వానికి రూ.20 కోట్లకుపైగా అదనపు ఆదాయం వచ్చే అవకాశం ఉందని అధికార వర్గాల అంచనా. అయితే కొత్త చార్జీలపై ప్రజల్లో భిన్నాభిప్రాయాలు వినిపిస్తున్నాయి. డిజిటల్‌ చెల్లింపులు సులభతరం కావడంతో నగదు అవసరం తగ్గిందని కొందరు చెబుతుండగా, అదనపు చార్జీల నేపథ్యంలో మళ్లీ నగదు చెల్లింపుల వైపు మళ్లే అవకాశం ఉందని మరికొందరు అంటున్నారు. ‘నగదు వద్దు.. డిజిటల్‌ ముద్దు’ అంటూ చెప్పి ఇప్పుడు భారం వేయొద్దు యూపీఐ చార్జీల వడ్డనపై వినియోగదారులు, వ్యాపారుల్లో భిన్నాభిప్రాయాలు ఎండీఆర్‌ అమలుతో ఉమ్మడి జిల్లాలో ప్రభుత్వానికి రూ.20 కోట్లకుపైగా ఆదాయం

● ఎస్సీ, ఎస్టీల దరఖాస్తులు గౌరవంగా స్వీకరించాలి ● పెండింగ్‌ కేసులపై ప్రత్యేక దృష్టి సారించాలి ● రాష్ట్ర ఎస్సీ, ఎస్టీ కమిషన్‌ చైర్మన్‌ బక్కి వెంకటయ్య నారాయణపేట: ఎస్సీ, ఎస్టీల సామాజిక, న్యాయప రమైన సమస్యల పరిష్కారానికి అధికారులు సమన్వయంతో పనిచేయాలని రాష్ట్ర ఎస్సీ, ఎస్టీ కమిషన్‌ చైర్మన్‌ బక్కి వెంకటయ్య సూచించారు. బుధవారం జిల్లాకేంద్రానికి వచ్చిన కమిషన్‌ చైర్మన్‌కు కలెక్టర్‌ ప్రియాంక, ఎస్పీ డా. వినీత్‌ పూలమొక్కలు అందించి స్వాగతం పలికారు. అనంతరం కలెక్టరేట్‌ సమావేశ మందిరంలో ల్యాండ్‌, సర్వీస్‌, ఎస్సీ, ఎస్టీ అట్రాసిటీ కేసులు, ఇతర న్యాయపరమైన అంశాలపై నిర్వహించిన సమావేశంలో ఆయన మాట్లాడారు. సమావేశాలకు ఎస్‌ఐలు, తహసీల్దార్లు తప్పనిసరిగా హాజరయ్యేలా చూడాలన్నారు. ప్రజలు తమ సమస్యలతో కార్యాలయాలకు వచ్చినప్పుడు గౌరవంగా ఆహ్వానించి పూర్తిగా తెలుసుకొని సత్వర పరిష్కారానికి చర్యలు తీసుకోవాలని ఆదేశించారు. ప్రతి నెల చివరి వారంలో నిర్వహించే పౌరహక్కుల దినోత్సవానికి పోలీస్‌, రెవెన్యూ అధికారులు విధి గా హాజరుకావాలని.. మండలస్థాయిలో నెలవారీ సమీక్షలు, జిల్లాస్థాయిలో మూడునెలలకు ఒకసారి సమావేశాలు నిర్వహించి ఎస్సీ, ఎస్టీల సమస్యల పరిష్కారంపై పురోగతిని పరిశీలించాలని సూచించారు. ఎస్సీ, ఎస్టీల కోసం ప్రభుత్వం అమలు చేస్తున్న సంక్షేమ, విద్య, ఉపాధి పథకాలపై గ్రామస్థాయిలో అవగాహన కల్పించాలని.. పబ్లిక్‌ స్కూళ్లలో సీట్లు, ఉన్నత విద్య, విదేశీ విద్యకు ఆర్థిక సాయం, భూమి ఆధారిత పథకాలు తదితర వివరాలను అర్హులకు తెలియజేసి సద్వినియోగం చేసుకునేలా అధికారులు సహకరించాలని సూచించారు. రిజర్వేషన్ల అమలులో అవకతవకలకు ఆస్కారం లే కుండా అధికారులు పర్యవేక్షించాలని.. ఉప ప్రణాళిక నిధులను ఆయా వర్గాల సంక్షేమం, అభివృద్ధికి మాత్రమే వినియోగించాలని స్పష్టం చేశారు. పెండింగ్‌ కేసులు పరిష్కరించాలి.. ఎస్సీ, ఎస్టీలపై నమోదైన కేసుల్లో బాధితులకు న్యాయం జరిగేలా చట్ట ప్రకారం దర్యాప్తు వేగంగా పూర్తి చేయాలని పోలీసు అధికారులను కోరారు. తీవ్రమైన నేరాలకు సంబంధించిన కేసులను పెండింగ్‌లో ఉంచకుండా చర్యలు తీసుకోవాలని ఎస్పీకి సూచించారు. జిల్లాలో సుమారు 26 వేల మంది ఎస్సీ, ఎస్టీ విద్యార్థులు ఉన్నట్లు అధికారులు చైర్మన్‌న్‌కు వివరించారు. రెండు మోడల్‌ స్కూళ్లు, 11 కేజీబీవీలు ఉన్నాయని తెలిపారు. గురుకులాలు, జ్యోతిరావు పూలే పాఠశాలల్లో విద్యార్థులకు అందుతున్న సౌకర్యాలపై ఆయన ఆరా తీశారు. అద్దె భవనాల్లో కొనసాగుతున్న వసతిగృహాల వివరాలను సమర్పి ంచాలని ఆదేశించారు. ప్రభుత్వ ఉద్యోగం ప్రజలకు సేవ చేసే అవకాశమని.. మానవతా దృక్పథంతో విధులు నిర్వర్తించాలని సూచించారు. ప్రజల నుంచి వచ్చే ప్రతి దరఖాస్తును పరిశీలించి సరైన మార్గనిర్దేశం చేయాలని అన్నారు. జిల్లా స్థాయిలోనే సమస్యలను పరిష్కరిస్తే ప్రజలు రాష్ట్రస్థాయి కమిషన్‌ను ఆశ్రయించాల్సిన అవసరం తగ్గుతుందని పేర్కొన్నారు. సమావేశంలో కలెక్టర్‌ ప్రియాంక, ఎస్పీ డా. వినీత్‌, కమిషనన్‌ సభ్యులు లక్ష్మీనారాయణ, రాంబాబు నాయక్‌, అదనపు కలెక్టర్‌ శ్రీను, డీఆర్వో రాజేశ్వరి, ఆర్డీఓ రమేష్‌, శిక్షణ కలెక్టర్లు, డీఎస్పీ నల్లపు లింగయ్యతో పాటు వివిధ శాఖల జిల్లా అధికారులు, పుర కమిషనర్లు, తహసీల్దార్లు పాల్గొన్నారు.

మక్తల్‌: నాటి మక్తల్‌ నియోజకవర్గ పరిధిలోని నారాయణపేటకు చెందిన న్యాయవాది, స్వాతంత్య్ర సమరయోధుడు రాఘవేందర్‌రావు నిజాం పాలనకు వ్యతిరేకంగా పోరాడారు. అప్పట్లో నిజాంకు వ్యతిరేకంగా పోరాటం చేసేందుకు ఉమ్మడి మహబూబ్‌నగర్‌ పరిధిలోని పలు గ్రామాలకు చెందిన సుమారు 300 మంది స్వాత్రంత్య్ర సమరయోధులకు నాయకత్వం వహించారు. భారతదేశంలో తెలంగాణ రాష్ట్రాన్ని విలీనం చేసేందుకు రజాకార్లు ఒప్పుకోకపోవడంతో వారికి వ్యతిరేకంగా రాఘవేందర్‌రావు ధైర్యంగా ముందుకొచ్చి తన అనుచరులతో పోలీస్‌స్టేషన్లపై దాడులు, ప్రభుత్వ ఆస్తులను ధ్వంసం చేయడం, ఆయుధాలను ఎత్తుకెళ్లడంలో దిట్టగా పని చేశారు. ప్రతి గ్రామంలో సమావేశాలు నిర్వహించి భూమి పన్ను కట్టరాదని సూచించారు. అప్పట్లో కొందరు నిజాం పాలకులు ఆయనను చంపేందుకు గాలింపు చర్యలు చేపట్టారు. ఆయనను పట్టుకుంటే 5 వేల ఉస్మానియా చిక్కలను నజరానాగా ఇస్తామని నిజాం పాలకులు ప్రకటించారు. రాఘవేందర్‌రావు సోదరుడు శ్రీనివాసరావు తన ఇంట్లో రజాకార్లకు దొరకడంతో అరెస్టు చేసి జైలులో బంధించారు. న్యాయవాద వృత్తిని, కుటుంబసభ్యులను వదిలి ప్రాణాలను లెక్కచేయకుండా రజాకార్లకు వ్యతిరేకంగా పోరాటం చేశారు. గ్రామాల్లో రజకార్లకు వ్యతిరేకంగా సమావేశాలు చేసేవారు. జిల్లా అభివృద్ధి కోసం సభలు, సమావేశాలు నిర్వహించేవారు. 02.02.1986లో నారాయణపేటలోనే ఉమ్మడి జిల్లా 4వ సదస్సును ఏర్పాటు చేశారు. మాజీ ఎమ్మెల్యేలు పేటకు చెందిన శాంతాబాయి, మోచ్చె బసప్ప, గందె బన్నప్ప, చిట్టెం నర్సిరెడ్డి, నర్సింహులునాయిడు ఆయన నాయకత్వంలో పని చేశారు. వారు రాఘవేందర్‌రావు హయాంలోను ఎమ్మెల్యేలుగా గెలిచారు. న్యాయవాద వృత్తిలోనే కుటుంబం.. రాఘవేందర్‌రావు కుమారుడు కిషన్‌రావు న్యాయవాది వృత్తి చేపట్టారు. ప్రస్తుతం ఆయన మనవడు వెంకట్‌రావు న్యాయవాదిగా హైదరాబాద్‌లో పని చేస్తున్నారు.

అక్టోబర్‌ 15 నుంచి అమల్లోకి రానున్న ఈ విధానం అన్ని రకాల వ్యాపారులపై ప్రభావం చూపనుంది. యూపీఐ లావాదేవీలపై విధించే ఛార్జీలు సగటు వ్యాపారిపై తెలియకుండానే పడే అదనపు ఆర్థిక భారం. ముఖ్యంగా మెడికల్‌ దుకాణాల్లో తీవ్ర పోటీ ఉన్న ప్రస్తుత పరిస్థితుల్లో ఇది వ్యాపారులపై మరింత ప్రభావం చూపుతుంది. వినియోగదారులపై భారం పడకుండా, ప్రతి నెలా మా లాభాల్లోంచే ఈ ఖర్చును భరించాల్సి రావచ్చు. ఈ విధానం అమల్లోకి వచ్చిన తర్వాత ఎదురయ్యే సమస్యలు, ఆర్థిక భారం ఏ స్థాయిలో ఉంటాయో స్పష్టమవుతుంది. – దేవరశెట్టి రమేష్‌, మెడికల్‌ షాపు నిర్వాహకుడు, మహబూబ్‌నగర్‌

నగదు వద్దు.. డిజి టల్‌ ముద్దు అంటూ ప్ర జలను డిజిటల్‌ చెల్లింపుల వైపు ప్రోత్సహించిన కేంద్రం ఇప్పుడు యూపీఐ లావాదేవీలపై చార్జీలు విధించడం సరికాదు. గ్రామీణ ప్రాంతాల్లో నగదుకు బదులు డిజిటల్‌ చెల్లింపులపై ప్రజల్లో నమ్మకం పెరిగింది. ఇలాంటి సమయంలో యూపీఐ చెల్లింపులపై చార్జీలు విధించడం ఏమిటి? బీమా రంగంతో పాటు ఇతర సేవల చెల్లింపులపైనా ప్రభావం చూపే అవకాశం ఉంది. కేంద్ర ప్రభుత్వం ఈ నిర్ణయంపై పునరాలోచించి సామాన్యులకు ఇబ్బంది కలగకుండా చూడాలి. – కె.కాశీనాథ్‌, కోటకొండ, నారాయణపేట

ఊట్కూర్‌: విద్యుత్‌ సమస్యలను పరిష్కరించాలంటూ మంగళవారం స్థానిక చెక్‌పోస్ట్‌ దగ్గర రైతులు రాస్తారోకో చేపట్టారు. విషయం తెలుసుకున్న బీఆర్‌ఎస్‌, బీజేపీ నాయకులు ఘటనా స్థలానికి చేరుకొని రాస్తారోకో చేస్తున్న రైతులకు సంఘీభావం తెలిపారు. ఈ సందర్భంగా పలువురు రైతులు మాట్లాడుతూ.. ప్రభుత్వం 24 గంటల ఉచిత విద్యుత్‌ అంటూ సరఫరాలో కోతలు విధిస్తుండటంతో వరి పంటలు ఎండిపోతున్నాయన్నారు. ప్రస్తుతం 8 గంటల విద్యుత్‌ విడతల వారీగా సరఫరా చేస్తుండటంతో బోరుబావులపై ఆధారపడ్డ రైతులు తీవ్ర ఇబ్బందులు ఎదుర్కొంటున్నారని తెలిపారు. వర్షాలు లేక భూగర్భ జలాలు అడుగంటాయని వివరించారు. గంటపాటు రాస్తారోకో చేయడంతో మక్తల్‌–నారాయణ రోడ్‌పై భారీగా వాహనాల రాకపోకలు నిలిచిపోయాయి. విద్యుత్‌ ఏఈ శ్రీనివాసులు ఘటన స్థలానికి చేరుకొని రైతులకు హామీ ఇవ్వడంతో ఆందోళన విరమించారు. కార్యక్రమంలో వివిధ పార్టీల నాయకులు భరత్‌, కోరం శివరాజురెడ్డి, తిమ్మప్ప, షమీ ఉల్లా, వెంకటప్ప తదితరులు పాల్గొన్నారు.

పాలమూరు యూనివర్సిటీలో అకడమిక్‌, అడ్మినిస్ట్రేషన్‌ పరంగా ఆరుగురు ప్రొఫెసర్లు పిండి పవన్‌కుమార్‌, కిషోర్‌కుమార్‌, నూర్జహాన్‌, జైపాల్‌రెడ్డి, మధుసూదన్‌రెడ్డి, చంద్రకిరణ్‌కు అనుభవం ఉంది. వీరిలో ప్రొఫెసర్‌ చంద్రకిరణ్‌కు తప్ప.. మిగతా ఐదుగురు సీనియర్లకు ఏ రకమైన కీలక బాధ్యతలు ఇవ్వకుండా మొండిచేయి చూపడం చర్చనీయాంశంగా మారింది. గతంలో రిజిస్ట్రార్‌గా సుదీర్ఘ అనుభవం ఉన్న ప్రొఫెసర్‌ మధుసూదన్‌రెడ్డికి పీజీ కళాశాల ప్రిన్సిపాల్‌తో పాటు వీసీ ఓఎస్‌డీగా అదనపు బాధ్యతలు అప్పగించారు. ఒక్కరికి 2, 3 బాధ్యతలు.. యూనివర్సిటీ పరిధిలోని ఎనిమిది ప్రిన్సిపాల్‌ పోస్టుల్లో ఏకంగా ఐదింటిని కాంట్రాక్ట్‌ అధ్యాపకులతో భర్తీ చేయడం.. ఒక్కరికి రెండు, మూడు పోస్టుల చొప్పున ఇవ్వడం.. ప్రొఫెసర్‌ హోదాలో ఉన్న సీనియర్లను కీలక బాధ్యతల నుంచి తప్పించడం, నామమాత్రపు పోస్టుల్లో నియమించడం విమర్శలకు తావిస్తోంది. రెగ్యులర్‌ పోస్టుల్లో పనిచేస్తున్న వారిని కాదని.. కాంట్రాక్ట్‌ అధ్యాపకులకు ప్రాధాన్యమివ్వడంపై విద్యార్థుల్లో అనుమానాలు వ్యక్తమవుతున్నాయి.

● రాష్ట్ర పశుసంవర్ధకశాఖ మంత్రి వాకిటి శ్రీహరి మక్తల్‌: విద్యాభివృద్ధికి రాష్ట్ర ప్రభుత్వం కృషి చేస్తోందని రాష్ట్ర పశుసంవర్ధకశాఖ మంత్రి వాకిటి శ్రీహరి అన్నారు. మంగళవారం మండంలోని గొల్లపల్లి శివారులో రూ.250 కోట్లతో నిర్మిస్తున్న ఇంటిగ్రేటెడ్‌ పాఠశాల నిర్మాణ పనులను ఆయన పరిశీలించి మాట్లాడారు. పనులు నాణ్యతగా వేగంగా పూర్తి చే యాలని అధికారులను ఆదేశించారు. నియోజకవర్గంలో రూ.1,600 కోట్ల అభివృద్ధి పనులు కొనసాగుతున్నాయని చెప్పారు. 150 పడకల ప్రభుత్వ ఆస్పత్రిని విజయదశమి నాటికి ప్రారంభిస్తామని.. పనులు వేగంగా జరుగుతున్నాయని తెలిపారు. 28 రహదారుల నిర్మాణానికి రూ.178 కోట్లు మంజూరు చేశామని.. 5,500 ఇందిరమ్మ ఇళ్లు మంజూర య్యాయన్నారు. గ్రామాల్లోని సమస్యలను తన దృష్టికి తీసుకొస్తే పరిష్కరించేందుకు కృషి చేస్తానని తెలిపారు. కార్యక్రమంలో మార్కెట్‌ వైస్‌ చైర్మన్‌ గణేష్‌కుమార్‌, పార్టీ పట్టణ అధ్యక్షుడు రవికుమార్‌ తదితరులు పాల్గొన్నారు. తెలంగాణ ఉద్యమకారుల సమ్మేళనం ఈ నెల 24న పాలమూర్‌ యూనివర్సిటీలో నిర్వహించనుండగా.. అందుకు సంబంధించిన వాల్‌పోస్టర్‌ను మంగళవారం మంత్రి వాకిటి శ్రీహరి మక్తల్‌లోని తన క్యాంపు కార్యాలయంలో ఆవిష్కరించారు. ఉద్యమకారులకు గుర్తింపు కల్పించడంతో పాటు 250 గజాల ఇంటి స్థలం, పింఛన్‌, ఉద్యమకారుల కార్పొరేషన్‌ ఏర్పాటు చేయడంతో పాటు వారి పిల్లలకు ఉచిత విద్య, ఉద్యోగాల్లో రిజర్వేషన్‌, ఉద్యోగులకు ప్రమోషన్‌ కల్పించాలని వారు మంత్రిని కోరారు. కార్యక్రమంలో పాలమూరు యూనివర్సిటీ కమిటీ సభ్యులు రాములు, గోపాల్‌, అన్వర్‌, శివబ్రహ్మం, చంద్రకాంత్‌, తిరుపతి, కుర్మయ్య, అరవింద్‌, గంగాధర్‌, హరిప్రసాద్‌, శ్రీనివాసులు తదితరులు పాల్గొన్నారు.

నారాయణపేట: బాధితులకు అవసరమైన సేవలు సత్వరం, సమర్థవంతంగా అందించేందుకు నిర్వహణను మరింత మెరుగుపర్చాలని కలెక్టర్‌ సీహెచ్‌ ప్రియాంక కోరారు. మంగళవారం జిల్లాకేంద్రం సమీపంలోని ఎరగ్రుట్ట వద్ద ఉన్న సఖి కేంద్రాన్ని ఆమె ఆకస్మికంగా తనిఖీ చేసి షెల్టర్‌ గది, కౌన్సిలింగ్‌ గది, సమావేశ మందిరంతో పాటు పై అంతస్తులో నిర్వహిస్తున్న షీ టీం విభాగాన్ని పరిశీలించారు. జిల్లా మహిళా, శిశు సంక్షేమశాఖ అధికారి రాజేందర్‌గౌడ్‌తో కలిసి సిబ్బందితో మాట్లాడి కేంద్రం నిర్వహణ తీరును అడిగి తెలుసుకున్నారు. వివిధ రికార్డులను క్షుణ్ణంగా పరిశీలించి ఇప్పటివరకు ఎంతమంది బాధితులకు సేవలు అందించారు.. గత నెలలో ఎంతమంది సెంటర్‌ను ఆశ్రయించారనే వివరాలపై ఆరా తీశారు. వివాహాల సీజన్‌లో బాల్య వివాహాలకు సంబంధించిన కేసులు ఎక్కువగా వస్తుంటాయని సెంటర్‌ బాధ్యురాలు క్రాంతిరేఖ వివరించారు. ప్రస్తుతం విచారణలో ఉన్న కేసుల పురోగతిపై కూడా ఆరా తీశారు. బాధితులకు సఖిసెంటర్‌లోనే భోజనం అందించేలా కిచెన్‌ను ఏర్పాటు చేయాలని ఆదేశించారు. షీ టీం విభాగాన్ని ఇతర అనువైన ప్రదేశానికి తరలించే అంశంపై డీడబ్ల్యూఓతో చర్చించారు. మహబూబ్‌నగర్‌ సఖిసెంటర్‌ నిర్వాహకులతో మాట్లాడి కోస్గి బాధితులకు అక్కడే అవసరమైన ఆశ్రయం, కౌన్సిలింగ్‌, ఇతర సేవలు అందించేలా చర్యలు తీసుకోవాలని డీడబ్ల్యూఓను ఆదేశించారు. చైల్డ్‌ వెల్ఫేర్‌ కమిటీకి సంబంధించిన కేసుల సంఖ్య, గత రెండునెలల్లో నమోదైన కేసుల పూర్తి వివరాలను తనకు సమర్పించాలని.. సెంటర్‌లో ఖాళీగా ఉన్న పోస్టులను భర్తీ చేసేందుకు వెంటనే చర్యలు చేపట్టాలన్నారు. తెలంగాణ రాష్ట్ర ఎస్సీ, ఎస్టీ కమిషన్‌ చైర్మన్‌ బక్కి వెంకటయ్య బుధవారం జిల్లాలో పర్యటించనున్నారని కలెక్టర్‌ సీహెచ్‌ ప్రియాంక మంగళవారం ఒక ప్రకటనలో తెలిపారు. ఉదయం 10 గంటలకు కలెక్టరేట్‌లో ఎస్సీ, ఎస్టీల సంక్షేమం, అభివృద్ధికి సంబంధించిన అంశాలపై అధికారులతో సమీక్ష ఉంటుందని.. ఈ సమావేశానికి జిల్లా అధికారులు, పుర కమిషనర్లు, ఆర్డీఓలు, తహసీల్దార్లు, ఎంపీడీఓలు, డీసీఓలు/ఆర్‌సీఓలు, అసిస్టెంట్‌ పబ్లిక్‌ ప్రాసిక్యూటర్‌ తదితర అధికారులు హాజరుకావాలని పేర్కొన్నారు.

నారాయణపేట: కనుమరుగవుతున్న ప్రాచీన జ్ఞానసంపదను గుర్తించి భద్రపర్చాల్సిన బాధ్యత అధికారులపై ఉందని రెవెన్యూ అదనపు కలెక్టర్‌ శ్రీను అన్నారు. మంగళవారం జిల్లాకేంద్రంలో నిర్వహించిన జ్ఞానభారతి జిల్లాస్థాయి కమిటీ సమావేశంలో ప్రాచీన గ్రంథాల గుర్తింపు, సేకరణ, సంరక్షణ, డిజిటలైజేషన్‌న తదితర అంశాలపై చర్చించారు. జిల్లాలో వ్యక్తులు, సంస్థలు, వివిధ ప్రాంతాల్లో అందుబాటులో ఉన్న ప్రాచీన గ్రంథాలు, తాళపత్రాలు, చేతిరాతలను గుర్తించి సేకరించడంతో పాటు శాసీ్త్రయ పద్ధతుల్లో పరిరక్షించి డిజిటలైజ్‌ చేయాలని ఆదేశించారు. సేకరించిన గ్రంథాలను డిజిటలైజేషన్‌న్‌ చేసి భద్రపర్చడంతో భవిష్యత్‌ తరాలకు అందించవచ్చన్నారు. ప్రతి గ్రంథానికి సంబంధించిన పేరు, కాలం, రచయిత, లభించిన ప్రాంతం, భాష, ప్రాధాన్యత తదితర వివరాలను క్రమపద్ధతిలో నమోదు చేయాలని సూచించారు. జిల్లాలో జ్ఞానభారతి కార్యక్రమాన్ని విజయవంతంగా అమలు చేసేందుకు కమిటీ సభ్యులు చురుగ్గా పనిచేయాలని సూచించారు. 27న ప్రపంచ పర్యాటక దినోత్సవం.. ప్రపంచ పర్యాటక దినోత్సవం సందర్భంగా ఈ నెల 27న జిల్లాలోని 31 యువ టూరిజం క్లబ్‌ల ఆధ్వర్యంలో వివిధ పోటీలు, అవగాహన కార్యక్రమాలు నిర్వహించనున్నట్లు రెవెన్యూ అదనపు కలెక్టర్‌ శ్రీను తెలిపారు. ప్రపంచ పర్యాటక దినోత్సవాన్ని ఘనంగా నిర్వహించేందుకు అవసరమైన ఏర్పాట్లు చేయాలని అధికారులను ఆదేశించారు. సమావేశంలో జిల్లాస్థాయి కమిటీ సభ్యులు, సంబంధిత శాఖల అధికారులు పాల్గొన్నారు.

నారాయణపేట: జిల్లా పోలీస్‌ కార్యాలయంలో సోమవారం వినాయక చవితి వేడుకలను ఘనంగా నిర్వహించారు. కార్యాలయంలో ఏర్పాటు చేసిన గణపతికి ఎస్పీ డా. వినీత్‌ దంపతులు పోలీసు అధికారులు, సిబ్బందితో కలిసి ప్రత్యేక పూజలు నిర్వహించారు. దరఖాస్తుల ఆహ్వానం నారాయణపేట:స్థానిక ప్రభుత్వ వైద్య కళాశాల, ప్రభుత్వ జనరల్‌ ఆస్పత్రిలో అవుట్‌ సోర్సింగ్‌ పద్ధతిన 149 ఖాళీల భర్తీకి దరఖాస్తులు ఆహ్వానిస్తున్నట్లు వైద్య కళాశాల ప్రిన్సిపాల్‌, ఆస్పత్రి సూపరింటెండెంట్‌ సంపత్‌కుమార్‌ మంగళవారం ఒక ప్రకటనలో తెలిపారు. అనెస్తేషియా, బ్లడ్‌బ్యాంక్‌, సీటీ, ఈసీజీ, ఓటీ, రేడియోగ్రాఫిక్‌, ల్యాబ్‌ తదితర టెక్నీషియన్‌ పోస్టులతో పాటు డేటాఎంట్రీ ఆపరేటర్లు 46, ల్యాబ్‌ అటెండెంట్లు 20, ఆఫీస్‌ సబార్డినేట్లు 20, ఇతర కేటగిరీల్లో బార్బర్‌, డ్రైవర్‌, ఎలక్ట్రీషియన్‌, ప్లంబర్‌, కుక్‌, దోబీ, కిచెన్‌బాయ్‌, సెక్యూరిటీ గార్డు, వార్డ్‌బాయ్‌ తదితర పోస్టులు ఉన్నాయని పేర్కొన్నారు. ఆసక్తి, అర్హతగల అభ్యర్థులు స్వీయ ధ్రువీకరణ పత్రాలతో పాటు సర్టిఫైడ్‌ కాపీలను జతచేసి ఈ నెల 30 వరకు దరఖాస్తులను ప్రభుత్వ వైద్య కళాశాల, జనరల్‌ ఆస్పత్రి కార్యాలయంలో ఉదయం 10 నుంచి సాయంత్రం 4 వరకు సమర్పించాలని సూచించారు. పూర్తి వివరాలకు gmcnarayanapet.org వెబ్‌సైట్‌లో సందర్శించాలని సూచించారు. శాస్త్రవేత్తల సూచనలు పాటించాలి నర్వ: రైతులు తమ పంటల్లో అసాధారణ లక్షణాలు కనిపించిన వెంటనే సమీపంలోని టీఆర్‌వీకే శాస్త్రవేత్తలను సంప్రదించాలని తెలంగాణ రైతు విజ్ఞాన కేంద్రం సమన్వయకర్త ఈటెల సత్యనారాయణ అన్నారు. మంగళవారం మండలంలో ఆయన పర్యటించి వరి, పత్తి పంటలను పరిశీలించారు. పత్తిలో పారా విల్ట్‌, వరి పంటలో అంచులు ఎండిపోవడాన్ని క్షేత్రస్థాయిలో గుర్తించారు. మొక్కలు అకస్మాత్తుగా వాడిపోవడానికి గల కారణాలను పరిశీలించారు. ఆకుల అంచులు ఎండిపోవడం వంటి లక్షణాలను గుర్తించి తగిన సూచనలు అందించారు. పంటలు ప్రస్తుతం చురుకై న పిలకల దశలో ఉన్నాయని.. ఎరువుల వినియోగం, సమతుల్య పోషక యాజమాన్యం, తెగుళ్ల నివారణకు పలు సూచనలు చేశారు. నాబార్డు సహకారంతో చేపడుతున్న ఈ కార్యక్రమం ద్వారా రైతులకు వరి విత్తనాన్ని అందుబాటులోకి తీసుకరావడంతో పాటు స్థానికంగా విత్తనోత్పత్తిని ప్రోత్సహించేందుకు టీఆర్‌వీకే కృషి చేస్తోందన్నారు.

పాలన సూపర్‌ అంటే చాలు.. నజరానాగా కీలక పోస్టుల్లో నియామకం.. మీ వెనుకే ఉంటాం అంటే అందలం.. ప్రశ్నిస్తే మాత్రం పనిష్మెంట్‌.. ..పాలమూరు యూనివర్సిటీలో బోధన, బోధనేతర సిబ్బంది, విద్యార్థుల్లో ఇటీవల జరుగుతున్న చర్చ ఇది. విశ్వవిద్యాలయ పరిపాలనలో ముఖ్య భూమిక వహిస్తున్న వారు సీనియర్లు, రెగ్యులర్‌ అధ్యాపకులపై వివక్ష ప్రదర్శిస్తూ.. అనుభవం లేకున్నా తమ అనుకూల వర్గానికి కీలక పోస్టులు కట్టబెట్టడమే ఇందుకు కారణంగా తెలుస్తోంది. ఫలితంగా అధ్యాపకులు, సిబ్బంది రెండు (రెగ్యులర్‌, కాంట్రాక్ట్‌) గ్రూప్‌లుగా చీలిపోగా.. అంతర్గత వార్‌ ముదిరినట్లు సమాచారం. పాలకుల ఏకపక్ష వైఖరి, అసమర్థ నిర్ణయాలతో పీయూలో పాలనగాడి తప్పిందనే విమర్శల నేపథ్యంలో ప్రత్యేక కథనం.. – సాక్షి ప్రతినిధి, మహబూబ్‌నగర్‌ పాలమూరు యూనివర్సిటీలో ఇష్టారాజ్యంగా పాలన సీనియర్లు, రెగ్యులర్‌ అధ్యాపకులపై వివక్ష 8 ప్రిన్సిపాల్‌ పోస్టుల్లో ఐదింట కాంట్రాక్ట్‌ లెక్చరర్లే.. ఆరుగురు ప్రొఫెసర్లలో ఒక్కరికే కీలక బాధ్యతలు అనుభవం ఉన్నా.. మిగతా వారికి మొండిచేయి

నాగర్‌కర్నూల్‌: పాలమూరు–రంగారెడ్డి ఎత్తిపోతల పథకం (పీఆర్‌ఎల్‌ఐ) నీటిని కేఎల్‌ఐ ఆయకట్టుకు అనుసంధానించే మరో మార్గం అందుబాటులో ఉంది. నార్లాపూర్‌ రిజర్వాయర్‌ నుంచి కేఎల్‌ఐ పరిధిలోని ఎల్లూరు రిజర్వాయర్‌కు నీటిని మళ్లించేలా గతంలోనే ఏర్పాటు చేసిన ఇంటర్‌లింక్‌ స్లూయిస్‌ ఇందుకు ఉపయోగపడనుంది. నార్లాపూర్‌–ఎల్లూరు రిజర్వాయర్లను జంట జలాశయాలుగా పరిగణించేలా ఈ అనుసంధానం ఏర్పాటు చేసినట్లు అధికారులు చెబుతున్నారు. ప్రస్తుతం దీన్ని వినియోగంలోకి తీసుకొస్తే పీఆర్‌ఎల్‌ఐ ద్వారా నార్లాపూర్‌లోకి వచ్చే నీటిని ఎల్లూరుకు మళ్లించి.. అక్కడి నుంచి కేఎల్‌ఐ పరిధిలోని ఇతర రిజర్వాయర్లకు ఎత్తిపోసే అవకాశం ఉంది. పీఆర్‌ఎల్‌ఐ నీటితో కొత్త వెసులుబాటు శ్రీశైలం నుంచి ప్రస్తుతం కేఎల్‌ఐ ద్వారా నీటిని ఎత్తిపోస్తున్నారు. ఒక పంపు పనిచేస్తే సుమారు 800 క్యూసెక్కులు, రెండు పంపులు పనిచేస్తే 1,600 క్యూసెక్కుల వరకు నీటిని తరలించే సామర్థ్యం ఉంది. అయితే విద్యుత్‌ సమస్యలు, పంపుల నిర్వహణ, మరమ్మతుల కారణంగా నిరంతరాయంగా పంపింగ్‌ చేయడం కష్టంగా మారుతోంది. దీంతో కేఎల్‌ఐ కాల్వలకు ఆశించిన స్థాయిలో నీరు చేరడం లేదని తెలుస్తోంది. ఈ పరిస్థితిలో పీఆర్‌ఎల్‌ఐ ద్వారా శ్రీశైలం నుంచి నీటిని నార్లాపూర్‌ రిజర్వాయర్‌లోకి ఎత్తిపోసి.. అక్కడి నుంచి ఎల్లూరుకు మళ్లించే అవకాశం ఉందని సంబంధిత ఇంజినీర్లు చెబుతున్నారు. రోజుకు 0.3 టీఎంసీ ఎత్తిపోత పీఆర్‌ఎల్‌ఐలో ఒక పంపును రోజంతా నడిపితే సుమారు 0.3 టీఎంసీ నీటిని నార్లాపూర్‌ రిజర్వాయర్‌లోకి ఎత్తిపోసే అవకాశం ఉంది. నార్లాపూర్‌ రిజర్వాయర్‌ పూర్తి సామర్థ్యం 6.4 టీఎంసీలు. ప్రస్తుతం ఇందులో సుమారు 4 టీఎంసీల నీరు ఉన్నట్లు అంచనా. రిజర్వాయర్‌లోకి మరింత నీటిని తీసుకొచ్చే అవకాశం ఉండటంతో.. అవసరమైనప్పుడు ఇంటర్‌లింక్‌ ద్వారా ఎల్లూరుకు తరలించవచ్చని అధికారులు పేర్కొంటున్నారు. ఎల్లూరు రిజర్వాయర్‌ సామర్థ్యం 0.35 టీఎంసీలు. నార్లాపూర్‌ నుంచి స్లూయిస్‌ ద్వారా నీటిని ఎల్లూరులోకి విడుదల చేసి.. అక్కడి నుంచి సింగోటం, జొన్నలబొగడ, గుడిపల్లి రిజర్వాయర్లకు ఎత్తిపోసే అవకాశం ఉంది. గుడిపల్లి నుంచి కేఎల్‌ఐ కాల్వల ద్వారా ఆయకట్టుకు నీటిని విడుదల చేయవచ్చు. అటు నుంచి నీటి తరలింపు.. ఇటు వినియోగంపై ఆందోళన శ్రీశైలం ప్రాజెక్టులో నీటి లభ్యత ఉన్నప్పటికీ.. కృష్ణా జలాల వినియోగంపై తెలంగాణ, ఆంధ్రప్రదేశ్‌ మధ్య పోటీ కొనసాగుతోంది. ఏపీ ప్రభుత్వం శ్రీశైలం నుంచి వివిధ ఎత్తిపోతల పథకాల ద్వారా నీటిని తరలిస్తున్నదని తెలంగాణకు చెందిన నీటిపారుదల వర్గాలు చెబుతున్నాయి. పోతిరెడ్డిపాడు ద్వారా 8 వేల క్యూసెక్కులు, వెలిగొండ ద్వారా 3,500 క్యూసెక్కులు, హంద్రీ–నీవా, ముచ్చుమర్రి తదితర మార్గాల ద్వారా మరో 3,500 క్యూసెక్కుల వరకు నీటిని తరలించే అవకాశం ఉందని పేర్కొంటున్నాయి. మొత్తం మీద సుమారు 15 వేల క్యూసెక్కుల వరకు నీరు తరలిపోతే శ్రీశైలం నిల్వలు వేగంగా తగ్గే ప్రమాదం ఉంటుందని ఆందోళన వ్యక్తం చేస్తున్నారు. ఈ నేపథ్యంలో తెలంగాణ తనకు అందుబాటులో ఉన్న నీటిని సమర్థంగా వినియోగించుకోవాల్సిన అవసరం ఉందని నీటిపారుదల నిపుణులు చెబుతున్నారు. పీఆర్‌ఎల్‌ఐ పంపులను అందుబాటులోకి తెచ్చి, నార్లాపూర్‌–ఎల్లూరు అనుసంధానాన్ని వినియోగిస్తే కేఎల్‌ఐకి నీటి లభ్యత పెంచేందుకు అవకాశం ఉంటుందని పేర్కొంటున్నారు. ఆ అవకాశం ఉంది నార్లాపూర్‌ రిజర్వాయర్‌ నుంచి ఎల్లూరు రిజర్వాయర్‌కు నీటిని పంపించే అవకాశం ఉంది. రెండు రిజర్వాయర్ల మధ్య ఇంటర్‌లింక్‌ నిర్మించారు. పాలమూరు–రంగారెడ్డి నీటిని స్లూయిస్‌ ద్వారా కేఎల్‌ఐకి సంబంధించిన ఎల్లూరు రిజర్వాయర్‌కు పంపించడానికి వీలుంది. – లోకిలాల్‌ నాయక్‌, కేఎల్‌ఐ డీఈఈ నార్లాపూర్‌ నుంచి ఎల్లూరు రిజర్వాయర్‌కు మళ్లించే అవకాశం ఇంటర్‌లింక్‌ స్లూయిస్‌తో రోజూ 800 క్యూసెక్కుల వరకు తరలింపునకు వీలు కేఎల్‌ఐ పరిధిలో పెరగనున్న నీటి లభ్యత.. ఆయకట్టుకు ప్రయోజనం

● బీఆర్‌ఎస్‌ బాటలోనే కొనసాగుతోంది:ఎంపీ డీకే అరుణ చిన్నచింతకుంట: తెలంగాణ విమోచన దినోత్సవా న్ని కాంగ్రెస్‌ ప్రభుత్వం విస్మరిస్తోందని మహబూబ్‌నగర్‌ ఎంపీ డీకే అరుణ ఆరోపించారు. బీజేపీ ఆధ్వర్యంలో నిర్వహిస్తున్న తెలంగాణ విమోచన దినోత్సవ వారోత్సవాల్లో భాగంగా శనివారం కౌకుంట్ల మండలం అప్పంపల్లిలోని అమరవీరుల స్థూపం వద్ద ఆమె నివాళులర్పించారు. ఈ సందర్భంగా ఆమె మాట్లాడుతూ.. తెలంగాణ సాయుధ పోరాటంలో అమరులైన వారి త్యాగాలు చిరస్మరణీయమన్నారు. సెప్టెంబర్‌ 17ను పురస్కరించుకుని రాష్ట్రవ్యాప్తంగా బీజేపీ ఆధ్వర్యంలో విమోచన వారోత్సవాలు నిర్వహిస్తున్నట్లు తెలిపారు. ఉద్యమ సమయంలో బీఆర్‌ఎస్‌ నేతలు ఎన్నో హామీలు ఇచ్చినా.. అధికారంలోకి వచ్చిన తర్వాత విమోచన దినోత్సవాన్ని అధికారికంగా నిర్వహించలేదని అన్నారు. ప్రస్తుతం కాంగ్రెస్‌ ప్రభుత్వం కూడా అదే బాటలో కొనసాగుతోందని ఆరోపించారు. తెలంగాణ అమరవీరులపై ఏమాత్రం గౌరవం ఉన్నా.. వెంటనే సెప్టెంబర్‌ 17ను అధికారికంగా నిర్వహించాలని డిమాండ్‌ చేశారు. రజాకార్ల నిరంకుశత్వానికి అప్పంపల్లి రావిచెట్టు సాక్ష్యంగా నిలిచిందన్నారు. అమరుల రక్తంతో తడిసిన ఈ నేల ఎంతో పవిత్రమైనదని పేర్కొన్నారు. కార్యక్రమంలో బీజేపీ జిల్లా అధ్యక్షుడు శ్రీనివాస్‌రెడ్డి, నాయకులు రతంగ్‌ పాండురెడ్డి, పడాకుల శ్రీనివాస్‌, డోకూర్‌ పవన్‌కుమార్‌రెడ్డి, నంబిరాజు, యజ్ఞభూపాల్‌రెడ్డి, కుర్వరమేష్‌, ప్రశాంత్‌రెడ్డి, బలరాం రెడ్డి, దశరథ్‌, లక్ష్మి, వీరబ్రహ్మచారి, రఘురామయ్య, తిరుపతిరెడ్డి, తదితరులు పాల్గొన్నారు.

మచ్చలే మకుటంగా.. అచ్చంపేట: నల్లమల గిత్తగా పేరొందిన తూర్పు పొడ జాతి పశువులకు ఎన్నో ప్రత్యేకతలు ఉన్నాయి. ఉమ్మడి రాష్ట్రంలో ఒంగోలు గిత్తకు ప్రత్యేక గుర్తింపు ఉండగా.. తెలంగాణలో నల్లమల ప్రాంతంలోని మన్ననూర్‌ గిత్తకు ప్రత్యేక హోదాకు నోచుకోలేకపోతోంది. రాష్ట్రానికి గర్వకారణమైన ఈ జాతికి అరుదైన గౌరవం ఇచ్చేందుకు ప్రభుత్వం నిర్ణయం తీసుకోవాల్సి ఉంది. ఈ ప్రాంత పశువుకు గౌరవం కల్పించేందుకు అచ్చంపేట ఎమ్మెల్యే వంశీకృష్ణ 2025 మే నెలలో అమ్రాబాద్‌ మండలం మాచారం వచ్చిన సందర్భంగా సీఎం రేవంత్‌రెడ్డి దృష్టికి సైతం తీసుకెళ్లారు. లోతట్టు అభయారణ్యంలో.. నల్లమల లోతట్టు అటవీ ప్రాంతంలోని చెంచుపెంటల్లో ఉండే మేలుజాతి పశువులకు వందేళ్లకుపైగా చరిత్ర ఉంది. అమ్రాబాద్‌, పదర మండలాల పరిధిలోని మద్దిమడుగు, ఇప్పలపల్లి, మారడుగు, ఉడిమిళ్ల, చిట్లంకుంట, వంకేశ్వరం, పదర, లక్ష్మాపూర్‌, తిర్మలాపూర్‌, ఉప్పునుంతల, మాధవానిపల్లి, అమ్రాబాద్‌, మన్ననూర్‌, వటువర్లపల్లి, దోమలపెంట గ్రామాలతోపాటు మల్లాపూర్‌, అప్పాపూర్‌, ఈర్లపెంట, మేడిమొల్కల, ఆగర్లపెంట, పుల్లాయిపల్లి, సంగండిగుండాలు చెంచుపెంటల్లో ఈ పశుజాతి ఉంది. ఈ గ్రామాల రైతులు వ్యవసాయంతోపాటు పశుపోషణ ప్రధాన వృత్తిగా ఎంచుకుని పనిచేస్తున్నారు. మన్ననూర్‌ గిత్తగా నామకరణం.. 2016 డిసెంబర్‌ 27న అమ్రాబాద్‌ మండలం లక్ష్మాపూర్‌(బికె)లో ఈ ప్రాంత రైతులు, తెలంగాణ జీవవైవిధ్య సంస్థతోపాటు వాన్సన్‌ స్వచ్ఛంద సంస్థ తూర్పుజాతి పశు ప్రదర్శన ఏర్పాటు చేసింది. అదేవిధంగా పశు పెంపకందారుల సంఘం ఏర్పాటు చేశారు. ఆ రోజు నల్లమల అటవీ ప్రాంతంలోని పశుజాతికి మన్ననూర్‌ గిత్తగా నామకరణం చేశారు. అంతర్జాతీయ గుర్తింపు తీసుకొస్తామని అప్పటి సీఎం కేసీఆర్‌ ప్రకటించారు. గతంలో ఒక్కో రైతుకు 100 నుంచి 300 వరకు పశువులు ఉండేవి. 50 వేలకుపైగా పశువులు ఉన్న ఈ ప్రాంతంలో ప్రస్తుతం 20 వేలకు తగ్గిపోయింది. ఇది వరకు నల్లమల అటవీ ప్రాంతంలో స్వేచ్ఛగా పశువులను మేపుకొనే వారు. అటవీశాఖ నిబంధనలు, అభ్యంతాల వల్ల పశుగ్రాసం కొరత ఏర్పడింది. పశు పోషణ భారంగా మారి చాలామంది ఆ వృత్తిని వదులుకుంటున్నారు. లోతట్టు ప్రాంతంలో మేలురకం పశు సంపద అమ్రాబాద్‌ గిత్తకు వందేళ్లకుపైగా చరిత్ర 500 మంది రైతులు.. 20 వేల పశువుల పెంపకం 2020లో ప్రత్యేక పశువుగా గుర్తింపు రాష్ట్ర ప్రభుత్వం నుంచి అరుదైన గౌరవం కోసం ఎదురుచూపు వ్యవసాయ అనుబంధమైన పశు పోషణలో ఈ ప్రాంత రైతులు ప్రగతి సాధిస్తున్నారు. నల్లమల తూర్పు పశు సంపదకు తెలంగాణతోపాటు ఆంధ్ర, రాయలసీమ, కర్ణాటక రాష్ట్రంలో మంచి డిమాండ్‌ ఉంది. కర్నూలు, గుంటూరు, నెల్లూరు, అనంతపూర్‌, రాయచూర్‌తోపాటు కోస్గి, కొడంగల్‌ రైతులు దశాబ్దాల కాలంగా మేలుజాతి కోడెలను కొనేందుకు ఆసక్తి చూపుతున్నారు. వ్యాపారులు ఈ ప్రాంతంలో ఉంటూ పశువులను పరిశీలించి నచ్చిన వాటిని కొనుగోలు చేసేవారు. ప్రతిఏటా దీపావళి తర్వాత జరిగే కురుమూర్తి జాతరలోనూ నల్లమల పశువులను అమ్ముతారు. అటవీ ప్రాంతంలో రాళ్లు, రప్పలు, ఎత్తైన గుట్టలు, లోయ ప్రాంతంలోనూ నడిచే శక్తి ఉంటుంది. కాళ్ల గిట్టలు గుర్రం గిట్టలను పోలి బలంగా ఉండటంతో బాగా నడుస్తాయి. అటవీ మేతతో దృఢంగా ఉండడం, 20– 25 ఏళ్లపాటు వ్యవసాయ పనులు చేసే సామర్థ్యం కలిగి ఉండటం వల్ల వీటిపై ఆసక్తి చూపుతారు. రోగ నిరోధక శక్తి కలిగి ఉండి పాలు సైతం బాగా ఇస్తాయి.

నారాయణపేట: గణేశ్‌ నిమజ్జనం, తాఖీ బాబా దర్గా జాతర ఒకేసారి జరగనున్న నేపథ్యంలో జిల్లా పోలీసులు అప్రమత్తమయ్యారు. ఆయా వర్గాల ప్రజలు పరస్పరం సహకరించుకుంటూ.. ఉత్సవాలను భక్తిశ్రద్ధలతో, ప్రశాంత వాతావరణంలో నిర్వహించుకోవాలని డీఎస్పీ నల్లపు లింగయ్య సూచించారు. శనివారం ముస్లిం మతపెద్దలతో కలిసి తఖీ బాబా దర్గా పరిసర ప్రాంతాలతో పాటు బార్పేట్‌, గుడ్‌లక్‌ కమాన్‌, జామా మసీదు తదితర ప్రాంతాలను పరిశీలించారు. ఈ సందర్భంగా డీఎస్పీ మాట్లాడుతూ.. ఈ నెల 24న గణేశ్‌ నిమజ్జనం, దర్గా జాతరలో కవ్వాలి, గ్యార్మీ, ప్రార్థనలు, గంధం తదితర కార్యక్రమాలు ఒకేసారి జరగనున్నందున ప్రజల భద్రతకు ప్రాధాన్యతనిస్తూ పటిష్ట బందోబస్తు ఏర్పాటు చేస్తున్నట్లు తెలిపారు. రెండు ఉత్సవాలను మత సామరస్యానికి ప్రతీకగా ప్రశాంతంగా నిర్వహించుకోవాలని కోరారు. ప్రజలు సంయమనం పాటించాలని.. వదంతులను నమ్మకుండా పోలీసులకు సహకరించాలని సూచించారు. అవాంఛనీయ ఘటనలకు తావులేకుండా పోలీస్‌ అధికారులు, సిబ్బంది నిరంతరం అప్రమత్తంగా ఉంటారని, సమస్యాత్మక ప్రాంతాలపై ప్రత్యేక నిఘా ఏర్పాటు చేసినట్లు తెలిపారు. శాంతిభద్రతలకు విఘాతం కలిగించే చర్యలను ఉపేక్షించబోమని స్పష్టం చేశారు. అంతకుముందు పట్టణ పోలీస్‌స్టేషన్‌లో ముస్లిం మత పెద్దలతో శాంతి సమావేశం నిర్వహించారు. డీఎస్పీ వెంట పట్టణ సీఐ శివశంకర్‌, ఎస్‌ఐ వెంకటేశ్వర్లు ఉన్నారు.

నారాయణపేట: శాసనసభ స్పీకర్‌ గడ్డం ప్రసాద్‌కుమార్‌పై అనుచిత వ్యాఖ్యలు చేయడం, పదవిని కించపరిచేలా మాట్లాడటం ఒక వ్యక్తిని అవమానించడం కాదని.. రాజ్యాంగబద్ధ వ్యవస్థనే అవమానించడమని టీపీసీసీ అధికార ప్రతినిధి లోకేశ్‌ యాదవ్‌, డీసీసీ అధ్యక్షుడు కె.ప్రశాంత్‌కుమార్‌రెడ్డి, డీసీసీ మాజీ అధ్యక్షుడు కుంభం శివకుమార్‌రెడ్డి మండిపడ్డారు. జిల్లా కేంద్రంలోని సీవీఆర్‌ భవన్‌లో నిర్వహించిన విలేకర్ల సమావేశంలో వారు మాట్లాడారు. రాజకీయ విమర్శలకు హద్దులు ఉండాలని.. వ్యక్తిగత దూషణలకు దిగడం సరికాదన్నారు. బీఆర్‌ఎస్‌ ఎమ్మెల్సీ తాతా మధును వెంటనే పదవి నుంచి బర్తరఫ్‌ చేయడంతో పాటు భవిష్యత్‌లో ఎన్నికల్లో పోటీ చేయకుండా అనర్హుడిగా ప్రకటించాలని డిమాండ్‌ చేశారు. తెలంగాణ ప్రజలు మళ్లీ పాత పాలన కోరుకోవడం లేదని.. అభివృద్ధి, సంక్షేమం, ప్రజా పాలననే కోరుకుంటున్నారని అన్నారు. తెలంగాణను రాజకీయ కలహాలకు కాకుండా అభివృద్ధి దిశగా నడిపించేందుకు కాంగ్రెస్‌ ముందుంటుందన్నారు. ప్రజల సమస్యలపై కేసీఆర్‌కు నిజంగా చిత్తశుద్ధి ఉంటే ఫామ్‌హౌస్‌లో కూర్చోకుండా అసెంబ్లీకి రావాలని డిమాండ్‌ చేశారు. బీఆర్‌ఎస్‌ ఎమ్మెల్యేలు, ఎమ్మెల్సీలను రెచ్చగొట్టే రాజకీయాలకు స్వస్తి పలకాలని అన్నారు. దళితులపై అనుచిత వ్యాఖ్యలను నిరసిస్తూ.. ఫామ్‌హౌస్‌ ముట్టడికి వెళ్లివచ్చిన తర్వాత పసుపు నీళ్లు చల్లి శుద్ధి చేయడం అత్యంత హేయమైన చర్యగా అభివర్ణించారు. సమావేశంలో మార్కెట్‌ కమిటీ చైర్మన్‌ శివారెడ్డి, కాంగ్రెస్‌ పార్టీ జిల్లా ప్రధాన కార్యదర్శి ఎండీ సలీం, మార్కెట్‌ కమిటీ మాజీ చైర్మన్లు బండి వేణుగోపాల్‌, సరఫ్‌ నాగరాజ్‌, జి.సుధాకర్‌, మండల, పట్టణ అధ్యక్షులు కోట్ల రవీందర్‌రెడ్డి, వెంకటేశ్‌గౌడ్‌, ఓబీసీ జిల్లా అధ్యక్షుడు గొల్ల కృష్ణయ్య, కిసాన్‌ కాంగ్రెస్‌ జిల్లా అధ్యక్షుడు ఎండీ గౌస్‌, ఎన్‌ఎస్‌యూఐ జిల్లా అధ్యక్షుడు ఎండీ అఫ్రోజ్‌, బోయ శరణప్ప, శ్రీనివాస్‌రెడ్డి, కౌన్సిలర్‌ రాజేష్‌ ఘాట్‌, మాజీ కౌన్సిలర్‌ ఆమిరుద్దీన్‌ ఉన్నారు.

మన్ననూర్‌ గిత్తగా గుర్తింపు రావడం సంతోషంగా ఉంది. వ్యవసాయ పనుల్లో ఈ పశువులు మంచి నైపుణ్యం ప్రదర్శిస్తాయి. ఎంత కష్టమైన పనులైనా చేస్తాయి. 35 ఏళ్లుగా పశువుల వ్యాపారం చేస్తున్నా. ఈ ప్రాంత రైతుల నుంచి దూడలు కొనుగోలు చేసి ఇతర ప్రాంతాలకు తీసుకెళ్లి అమ్ముతా. వివిధ కారణాలతో పశుజాతి తగ్గడంతో వ్యాపారం కూడా తగ్గింది. నల్లమల పశువులకు నాటు పశువులుగా గుర్తింపు ఉంది. – హన్మంతు, పశువుల వ్యాపారి, తూర్పు పొడజాతి గోవు సంఘం అధ్యక్షుడు

కందనూలు: డిండి ప్రాజెక్టు పనులను నిలిపివేయాలని ఉమ్మడి పాలమూరు జిల్లా పెండింగ్‌ ప్రాజెక్టుల సాధన జేఏసీ డిమాండ్‌ చేసింది. శనివారం జిల్లాకేంద్రంలోని గాంధీ పార్కులో జేఏసీ ఆధ్వర్యంలో జిల్లా అధ్యక్షుడు శ్యాంప్రసాద్‌రెడ్డి అధ్యక్షతన నిర్వహించిన జల సాధన సత్యాగ్రహ దీక్షకు రైతులు, మేధావులు హాజరయ్యారు. ఈ సందర్భంగా రాజేందర్‌రెడ్డి, రాఘవాచారి మాట్లాడుతూ ఉమ్మడి జిల్లాలోని అధికార, ప్రతిపక్ష ప్రజాప్రతినిధులకు పాలమూరు ప్రాజెక్టులు, రైతుల సమస్యలు గుర్తుకురావడం లేదా అని ప్రశ్నించారు. నల్లగొండకు నీటి తరలింపు పేరుతో పాలమూరు రైతులకు అన్యాయం జరుగుతున్నా ఎందుకు మౌనం వహిస్తున్నారని నిలదీశారు. డిండి ప్రాజెక్టుతో పాలమూరు రైతులు, గ్రామాలు నష్టపోయే పరిస్థితిని తీవ్రంగా వ్యతిరేకిస్తున్నామని, డిండి ప్రాజెక్టు పనులను తక్షణమే నిలిపివేయాలని డిమాండ్‌ చేశారు. అలాగే ఎర్రవల్లి, గోకారం, ఉల్పర, అజిలాపూర్‌ గ్రామాలను ముంపునకు గురిచేసే చర్యలను నిలిపివేయాలని కోరారు. జల సాధన సత్యాగ్రహ దీక్షకు తెలంగాణ ఉద్యమ నేత, ఎమ్మెల్సీ కోదండరాం ఫోన్‌లో సంఘీభావం తెలిపారు. పాలమూరు జిల్లా రైతాంగం నీటి హక్కుల కోసం పెండింగ్‌ ప్రాజెక్టుల సాధన జేఏసీ ఆధ్వర్యంలో చేస్తున్న పోరాటం న్యాయమైనదని ఆయన పేర్కొన్నారు. రైతుల హక్కులు, పాలమూరు ప్రాంతానికి న్యాయం జరిగేలా విధాన మండలిలో మాట్లాడుతానని హామీ ఇచ్చారు. కార్యక్రమంలో నాయకులు శశిధర్‌రెడ్డి, లక్ష్మణ్‌గౌడ్‌, సదానందం, జంగయ్య, చెన్నకిష్టయ్య, బెక్కెం జనార్దన్‌, తిమ్మప్ప, శ్రీనివాస్‌నాయక్‌, శ్రీనివాస్‌ తదితరులు పాల్గొన్నారు.

నారాయణపేట: జిల్లాలో సీతాఫలాల దిగుబడిని పరిశీలించి రైతులకు ప్రయోజనం కలిగేలా ప్రాసెసింగ్‌ యూనిట్ల ఏర్పాటుకు అవసరమైన చర్యలు చేపట్టాలని సెర్ప్‌ పీఎం ఉమాపతి సిబ్బందిని ఆదేశించారు. శుక్రవారం నారాయణపేటలోని స్కిల్‌ డెవలప్‌మెంట్‌ సెంటర్‌లో మద్దూరు, దామరగిద్ద, నారాయణపేట మండలాల సెర్ప్‌ ఐకేపీ సిబ్బందితో నిర్వహించిన సమావేశంలో ఆయన మాట్లాడారు. మూడు మండలాల్లో సీతాఫలాల దిగుబడిపై ముందుగా సర్వే నిర్వహించాలని.. దిగుబడి, రైతుల అవసరాలను అంచనా వేసిన అనంతరం రెండు, మూడు ప్రాసెసింగ్‌ యూనిట్లను ఏర్పాటు చేసేలా ప్రణాళిక రూపొందించాలని సూచించారు. ప్రాసెసింగ్‌ ద్వారా సీతాఫలాలకు విలువ జోడించి రైతులకు మెరుగైన మార్కెటింగ్‌ అవకాశాలు కల్పించే దిశగా చర్యలు చేపట్టాలన్నారు. అనంతరం దామరగిద్ద ఎంపీడీఓ కార్యాలయ ఆవరణలో ఉన్న సీతాఫల్‌ ప్రాసెసింగ్‌ యూనిట్‌ను సందర్శించారు. యూనిట్‌లోని మిషనరీ పనితీరును పరిశీలించి మరమ్మతు, సాంకేతికత గురించి టెక్నీషియన్‌ను అడిగి తెలుసుకున్నారు. ఆయన వెంట ప్రాజెక్ట్‌ ఎగ్జిక్యూటివ్‌ రవీందర్‌, సీనియర్‌ మార్కెటింగ్‌ మేనేజర్‌ మారుతి, డీపీఎం జయన్న, ఏపీఎంలు నారాయణ, అంజయ్య, కృష్ణవేణి, లక్ష్మి, మూడు మండలాల సీసీలు, వీఓఏలు, నారాయణపేట ఫార్మర్స్‌ ప్రొడ్యూసర్‌ కంపెనీ చైర్మన్‌ నాగమణి, వైస్‌ చైర్మనన్‌ సుజాత, రైతులు పాల్గొన్నారు.

కోస్గి రూరల్‌: రాష్ట్ర ప్రభుత్వం గ్రామీణ ప్రాంతాల అభివృద్ధికి పెద్దఎత్తున నిధులు మంజూరు చేస్తోందని డీఆర్డీఓ, ఇన్‌చార్జి డీపీఓ వెంకట్రాములు తెలిపారు. శుక్రవారం గుండుమాల్‌ రైతువేదికలో నిర్వహించిన మండల సర్వసభ్య సమావేశానికి ఆయన హాజరై మాట్లాడారు. గ్రామాల్లో సీసీ, బీటీ రోడ్లు, గ్రామపంచాయతీ, అంగన్‌వాడీ కేంద్ర భవనాలు, పాఠశాల అదనపు తరగతి గదుల నిర్మాణాలు వేగంగా చేపట్టాలన్నారు. గ్రామాల అభివృద్ధికి నాయకులు, అధికారులు ప్రణాళికలు తయారుచేసి అందజేయాలని, ప్రత్యేకంగా కడా నిధులు సైతం మంజూరవుతున్నామని తెలిపారు. పలు గ్రామాల్లో మిషన్‌ భగీరథ నీరు రావడం లేదని పైపులైన్‌ లీకేజీల మరమ్మతు చేపట్టాలన్నారు. వీబీజీ రాంజీ పథకంలో భాగంగా ప్రతి ఇంటి ఆవరణలో ఇంకుడుగుంత, ఫాంపాండ్స్‌, పబ్లిక్‌ టాయిలెట్స్‌, నీటి నిల్వ కోసం భూములను గుర్తించాలని సూచించారు. ప్రతి గ్రామంలో అర్హులకు చేయూత పింఛన్లు మంజూరయ్యేలా చర్యలు చేపట్టాలన్నారు. అంతకుముందు వివిధ శాఖల మండల అధికారులు నివేదికలు చదివి వినిపించారు. గైర్హాజరైన అధికారులపై చర్యలు తప్పవని.. ఉన్నతాధికారులకు ఫిర్యాదు చేస్తామని తెలిపారు. ఎంపీడీఓ వేణుగోపాల్‌రెడ్డి, డిప్యూటీ తహసీల్దార్‌ జ్యోత్స్న, వివిధ శాఖల అధికారులు, సర్పంచ్‌లు పాల్గొన్నారు.

నారాయణపేట: ప్రతి నెల పట్టణానికి నిర్దేశించిన డిమాండ్‌కు అనుగుణంగా 100 శాతం వసూళ్లు సాధించేలా ప్రత్యేక దృష్టి సారించాలని విద్యుత్‌శాఖ డీఈ శ్రీనివాసులు అన్నారు. శుక్రవారం జిల్లాకేంద్రలోని విద్యుత్‌శాఖ సిబ్బందితో నిర్వహించిన సమీక్షలో బిల్లుల వసూలు, విద్యుత్‌ సరఫరా, పెండింగ్‌ సేవలపై చర్చించారు. ఈ సందర్భంగా మా ట్లాడుతూ.. బిల్లుల వసూలులో వెనుకబడిన ప్రాంతాలు, పెండింగ్‌లో ఉన్న సర్వీసులపై శ్రద్ధ చూపాలని, సరఫరాలో అంతరా యం తలెత్తకుండా ముందస్తు చర్యలు చేప ట్టాలని సూచించారు. ఎక్కడైనా సరఫరా నిలి స్తే సమస్యను వేగంగా గుర్తించి పునరుద్ధరించాలని.. వినియోగదారులకు అధికారులు,సి బ్బంది ఎల్లవేళలా అందుబాటులో ఉండాలన్నారు. ఏడీ ప్రదీప్‌, ఏఈ మహేష్‌గౌడ్‌ పాల్గొన్నారు. ‘పది’లో ఉత్తమ ఫలితాలే లక్ష్యం : డీఈఓ నారాయణపేట ఎడ్యుకేషన్‌: ప్రభుత్వ పాఠశాలల్లో విద్యార్థుల సంఖ్య పెంపు, నాణ్యమైన విద్య అందించి రాబోయే 10వ తరగతి వార్షిక పరీక్షల్లో ఉత్తమ ఫలితాలు సాధించడమే లక్ష్యంగా ఉపాధ్యాయులు పనిచేయాలని జిల్లా విద్యాధికారి డా. గోవిందరాజు కోరారు. శుక్రవారం జిల్లాకేంద్రంలోని ప్రభుత్వ ఉన్నత పాఠశాల (గ్రౌండ్‌)లో మండల ఉత్తమ ఉపాధ్యాయులకు పురస్కారాలు అందించి శాలువాతో సన్మానించి మాట్లాడారు. ఉత్తమ ఉపాధ్యాయులు ఇతరులకు ఆదర్శంగా నిలవాలని కోరారు. అనంతరం ఎంఈఓ బాలాజీ మాట్లాడుతూ.. విద్యార్థుల సర్వతోముఖాభివృద్ధికి కృషి చేస్తున్న ఉపాధ్యాయులను గుర్తించి పురస్కారాలు అందజేస్తున్నామన్నారు. ఉత్తమ ఉపాధ్యాయులు ఇదే స్ఫూర్తితో మరింత అంకితభావంతో పనిచేయాలని సూచించారు. కార్యక్రమంలో సెక్టోరియల్‌ అధికారి నాగార్జున్‌రెడ్డి, సీఎంఓ రాజేందర్‌కుమార్‌, జిల్లా సైన్స్‌ అధికారి భానుప్రకాష్‌, స్కూల్‌ కాంప్లెక్స్‌ ప్రధానోపాధ్యాయులు శిశికుమార్‌, నారాయణరెడ్డి తదితరులు పాల్గొన్నారు. తగ్గిన లడ్డు పరిమాణం.. కేసు నమోదు చిన్నచింతకుంట: మండలంలోని అమ్మాపురం కురుమూర్తిస్వామి ఆలయంలో భక్తులకు అందించే లడ్డు ప్రసాదం తయారీ కేంద్రంలో శుక్రవారం తూనికల అధికారులు తనిఖీలు నిర్వ హించారు. లడ్డు పరిమాణం తక్కువగా ఉందని నిర్వాహకులపై కేసు నమోదు చేశారు. ఈ సందర్భంగా తూనికల జిల్లా అధికారి రవీంద ర్‌ మాట్లాడుతూ లడ్డూల తయారీలో అవకతవకలకు పాల్పడితే చట్టపరమైన చర్యలు తప్పవన్నారు.కురుమూర్తిస్వామి ఆలయం వద్ద భక్తు లకు అందించే లడ్డు పరిమాణం 100 గ్రాములకు గాను 80 గ్రాములు మాత్రమే ఉన్నట్లు గుర్తించామన్నారు. ఈ మేరకు నిర్వాహకులపై కేసు నమోదు చేసినట్లు ఆయన వెల్లడించారు.

నారాయణపేట: ఇంటిగ్రేటెడ్‌ జిల్లా కార్యాలయాల సముదాయం (ఐడీఓసీ) భవన నిర్మాణ పనులు వేగంగా, నాణ్యతగా పూర్తి చేయాలని కలెక్టర్‌ సీహెచ్‌ ప్రియాంక అధికారులను ఆదేశించారు. శుక్రవారం ఆమె క్షేత్రస్థాయిలో పనులను పరిశీలించి పురోగతిని అధికారులను అడిగి తెలుసుకున్నారు. కలెక్టర్‌, మినిస్టర్‌ చాంబర్‌తో పాటు వివిధ విభాగాల్లో కొనసాగుతున్న పనులు, టాయిలెట్లు, నీటి సదుపాయం, ఆర్వో ప్లాంట్‌, వైరింగ్‌ తదితర పనులను వెంటనే పూర్తి చేయాలని సూచించారు. విద్యుత్‌ అధికారులు పెండింగ్‌ పనులను పూర్తిచేసి భవనాన్ని వినియోగానికి సిద్ధం చేయాలని ఆదేశించారు. సమావేశ మందిరంలో అవసరమైన తెర ఏర్పాటు చేయాలని, భవనం పరిసరాల్లో ఉద్యానశాఖ ఆధ్వర్యంలో చేపట్టిన పచ్చదనం పనులు పూర్తి కావాలని సూచించారు. ఆమె వెంట ఆర్‌అండ్‌బీ ఈఈ వెంకటరమణ, డీఈ రాములు, సంబంధిత శాఖల అధికారులు పాల్గొన్నారు.

నారాయణపేట/మక్తల్‌/ఊట్కూరు: వినాయక విగ్రహాల నిమజ్జనం ప్రశాంతంగా, సురక్షితంగా జరిగేలా పోలీస్‌, రెవెన్యూ, మున్సిపల్‌, విద్యుత్‌, ఆర్‌అండ్‌బీ అధికారులు సమన్వయంతో క్షేత్రస్థాయిలో ఏర్పాట్లను పరిశీలించారు. చెరువుల్లో నీటిమట్టాలు తక్కువగా ఉండటంతో పెద్ద విగ్రహాల నిమజ్జనానికి కృష్ణానది, చెరువుల్లో లోతైన ప్రాంతాలను గుర్తించే అంశంపై అధికారులు దృష్టి సారించారు. శుక్రవారం అదనపు ఎస్పీ ఎండీ రియాజ్‌ ఉల్‌హక్‌, ఆర్డీఓ రమేష్‌, డీఎస్పీ నల్లపు లింగయ్య, సంబంధిత పోలీస్‌ అధికారులు, పుర, రెవెన్యూ, విద్యుత్‌, ఆర్‌అండ్‌బీ శాఖల అధికారులు కలిసి మండలంలోని కొండారెడ్డిపల్లి చెరువు, ఉట్కూరు పెద్ద చెరువు, మక్తల్‌ దండు మూల చెరువు, కృష్ణా మండలంలోని కృష్ణానదిని పరిశీలించారు. నిమజ్జన ప్రాంతాల్లో లోతు, నీటి పరిస్థితి, భద్రత, లైటింగ్‌, పారిశుద్ధ్యం, క్రేన్ల ఏర్పాటు, బారికేడింగ్‌, వాహనాల రాకపోకలు, పార్కింగ్‌, భక్తుల ప్రవేశ, నిష్క్రమణ మార్గాలను అధికారులు పరిశీలించారు. పెద్ద సంఖ్యలో భక్తులు, నిర్వాహకులు తరలివచ్చే అవకాశం ఉన్నందున రద్దీ నియంత్రణకు ముందస్తు చర్యలు చేపట్టాలని సూచించారు. రాత్రివేళ కూడా నిమజ్జన కార్యక్రమానికి ఇబ్బందులు లేకుండా లైటింగ్‌ సౌకర్యాలు కల్పించాలని, చెరువు పరిసరాల్లో చెత్తాచెదారం లేకుండా చూడాలన్నారు. ఈ సందర్భంగా అదనపు ఎస్పీ రియాజ్‌ ఉల్‌హక్‌ మాట్లాడుతూ.. కలెక్టర్‌, ఎస్పీ ఆదేశాల మేరకు నిమజ్జన ప్రాంతాల్లో నీటిమట్టాలను క్షేత్రస్థాయిలో పరిశీలించినట్లు తెలిపారు. పెద్ద విగ్రహాల నిమజ్జనానికి కృష్ణానది లేదా చెరువుల్లో లోతైన ప్రాంతాలను గుర్తించి తగిన ఏర్పాట్లు చేసే అంశంపై ఉన్నతాధికారులతో చర్చించి త్వరలో నిర్ణయం తీసుకుంటామని చెప్పారు. నిమజ్జన సమయంలో ఎలాంటి అవాంఛనీయ ఘటనలు చోటుచేసుకోకుండా ముందస్తు భద్రతా చర్యలు చేపడుతున్నామని, ప్రజలకు ఇబ్బందులు కలగకుండా అన్ని శాఖలు సమన్వయంతో పనిచేస్తాయని తెలిపారు. గణేష్‌ మండపాల నిర్వాహకులు, భక్తులు పోలీస్‌శాఖకు సహకరించి నిమజ్జన కార్యక్రమాన్ని విజయవంతం చేయాలని కోరారు.

నాగర్‌కర్నూల్‌: బీఆర్‌ఎస్‌ ప్రభుత్వం ఎంతో ప్రతిష్టాత్మకంగా చేపట్టిన పాలమూరు– రంగారెడ్డి ఎత్తిపోతల పనులు కొనసా..గుతూనే ఉన్నాయి. ప్రస్తుతం అధికారంలో ఉన్న కాంగ్రెస్‌ ప్రభుత్వం వచ్చిన తర్వాత పనులు వేగవంతం చేయడంలో నిర్లక్ష్యం చేసిందనే విమర్శలున్నాయి. గతేడాది మే నెలలో ఇరిగేషన్‌ శాఖ మంత్రి ఉత్తమ్‌కుమార్‌రెడ్డి పర్యటించి 2025 డిసెంబర్‌ నాటికి పనులు పూర్తి చేయాలని ఆదేశించినా.. ఇంకా చాలా వరకు పనులు పెండింగ్‌లోనే ఉన్నాయి. దీంతో ఈ ఏడాది రెండు పంపుసెట్లు ప్రారంభించినా.. కేవలం నార్లాపూర్‌ రిజర్వాయర్‌లోకి రెండు టీఎంసీలు ఎత్తిపోసి నిలిపివేశారు. ఏదుల రిజర్వాయర్‌కు నీటిని సరఫరా చేయడానికి ఓపెన్‌ కాల్వ పనులు అసంపూర్తిగా ఉండటమే ఇందుకు కారణం. కుడికిళ్ల, తిర్నాంపల్లి వద్ద దాదాపు 8 లక్షల క్యూబిక్‌ మీటర్ల గట్టి రాయి ఉండటంతో నీరు వదలడానికి వీలు కాలేదని, ప్రస్తుతం రాయి తొలగింపు పనులు కొనసాగుతున్నాయని అధికారులు చెబుతున్నారు. అసంపూర్తిగా ప్రధాన కాల్వ.. నార్లాపూర్‌ నుంచి ఏదుల మధ్యలో 6.4 కి.మీ., ప్రధాన కాల్వ ఉంది. దాదాపు 40– 25 మీటర్ల వెడల్పు, లోతు ఉంటుంది. కాల్వ తవ్వకాలు జరిగినా కుడికిళ్ల, తిర్నాంపల్లి వద్ద హార్డ్‌ రాక్‌ ఉండటంతో పనుల్లో వేగం తగ్గింది. దాదాపు ఆ రెండు చోట్ల 8 లక్షల క్యూబిక్‌ మీటర్ల రాయి, మట్టి ఉందని అధికారుల అంచనా. గతేడాది మే నెలలో నీటి పా రుదల శాఖ మంత్రి ఉత్తమ్‌కుమార్‌రెడ్డి పర్యటించి కాల్వ పనులు వేగవంతం చేయాలని ఆదేశించారు. గతేడాది డిసెంబర్‌లోగా పనులు పూర్తి చేస్తే ఈ ఏడాది వానాకాలం సీజన్‌లో నీళ్లు తరలించాలని ప్రభుత్వం నిర్ణయించినా.. పనులు కాలేదు. ఇంకా ఓపెన్‌ కాల్వలో కుడికిళ్ల వద్ద హార్డ్‌ రాక్‌తో కాల్వ త వ్వకాలు నెమ్మదించాయి. ఇందుకు ప్రభుత్వం శ్రద్ధ చూపకపోవడం, కాంట్రాక్టర్ల నిర్లక్ష్యమే కారణమని విమర్శలున్నాయి. తాజాగా పనులు డిసెంబర్‌లో గా పూర్తి చేయాలని అధికారులు లక్ష్యంగా నిర్దేశించినా.. ప్రస్తుత పరిస్థితి చూస్తే వచ్చే ఏడాది మార్చి వరకు కొనసాగే అవకాశం కనిపిస్తోంది. అయితే సీఎం రేవంత్‌రెడ్డి ఉమ్మడి జిల్లాలోని ప్రాజెక్ట్‌ల సమీక్షకు వచ్చిన తర్వాత పనుల్లో కొంత వేగిరం పెరిగిందనే చెప్పవచ్చు. ఏదేమైనా రిజర్వాయర్లలోకి నీళ్లు వచ్చేది 2027 వానాకాలం సీజన్‌లోనే. అప్పటి వరకు పాలమూరు– రంగారెడ్డి వినియోగంలోకి రాదు. కేవలం నార్లాపూర్‌ రిజర్వాయర్‌ నుంచి మిషన్‌ భగీరథ కోసం ఉపయోగించుకునే విధంగా పనులు జరుగుతున్నాయి. ఇక నార్లాపూర్‌– ఏదుల మధ్య ఓపెన్‌ కాల్వతోపాటు 16 కి.మీ., పొడవు సొరంగం ఉంది. సొరంగం పని దాదాపుగా పూర్తి కాగా.. ముందు భాగంలో 50 మీటర్ల పొడవు పని చేయాల్సి ఉంది. నార్లాపూర్‌ రిజర్వాయర్‌లో ఉన్న వడ్డెర గుడిసెలు, సున్నపుతండా వాసులను ఇటీవల ఖాళీ చేయించారు. వచ్చే ఏడాది నాలుగు రిజర్వాయర్లకు నీళ్లు తరలనున్నాయి. ‘పాలమూరు–రంగారెడ్డి’ నీటికోసం తప్పని నిరీక్షణ నార్లాపూర్‌– ఏదుల మధ్య పూర్తి కాని కాల్వ పనులు దాదాపు 8 లక్షల క్యూబిక్‌ మీటర్ల మట్టి తొలగింపునకు చర్యలు డిసెంబర్‌ నాటికి లక్ష్యం నిర్దేశం.. మార్చి వరకు కొనసాగే అవకాశం ఆ మట్టి తొలిగిస్తేనే ఏదుల రిజర్వాయర్‌కు సాఫీగా నీరు నార్లాపూర్‌– ఏదుల రిజర్వాయర్‌ మధ్య ఓపెన్‌ కాల్వలో కుడికిళ్ల, తిర్నాంపల్లి వద్ద ఉన్న రాయిని తొలిగింపు పనులు వేగవంతం చేశాం. డిసెంబర్‌ చివరిలోగా తొలిగింపు పూర్తి చేయాలని కాంట్రాక్టర్‌కు సూచించాం. రాయి బ్లాస్టింగ్‌ చేసి లోతు నుంచి బయటకు రాళ్లు తీసుకెళ్లడం కొంత ఇబ్బందిగా ఉంది. కాల్వలో హార్డ్‌ రాక్‌ తొలిగిస్తే నార్లాపూర్‌ నుంచి ఏదుల రిజర్వాయర్‌కు నీళ్లు తరలించవచ్చు. ఏదుల నుంచి వట్టెం రిజర్వాయర్‌కు అక్కడి నుంచి కర్వెనకు ఎత్తిపోయడానికి పంపుసెట్లు బిగింపు సైతం పూర్తి అయ్యింది. అన్ని పనులు పూర్తయ్యి.. శ్రీశైలం ప్రాజెక్ట్‌లో నీళ్లు ఉంటే రిజర్వాయర్‌లోకి తరలించవచ్చు. – పార్థసారధి, ఇరిగేషన్‌ ఎస్‌ఈ ఉమ్మడి మహబూబ్‌నగర్‌తో పాటు నల్లగొండ, రంగారెడ్డి జిల్లాల్లో 12.30 లక్షల ఎకరాలకు సాగు, వందలాది గ్రామాలకు తాగునీరు అందించే లక్ష్యంతో పాలమూరు– రంగారెడ్డి ప్రాజెక్ట్‌ను 2015లో రూ.35,200 కోట్ల అంచనాలతో అప్పటి సీఎం కేసీఆర్‌ పనులు ప్రారంభించారు. ఈ ప్రాజెక్ట్‌ కింద నార్లాపూర్‌ నుంచి ఏదుల, ఏదుల నుంచి వట్టెం, మరోవైపు ఏదుల నుంచి కర్వెన, అక్కడి నుంచి ఉదండాపూర్‌ రిజర్వాయర్లకు నీళ్లు తరలిస్తారు. ప్రస్తుతం నార్లాపూర్‌, ఏదుల, కర్వెన, వట్టెం రిజర్వాయర్లు దాదాపుగా పూర్తవగా.. ఉదండాపూర్‌ పనులు కొనసాగుతున్నాయి. పంపుహౌస్‌ల్లో మోటార్లు బిగింపు సైతం పూర్తి అయ్యింది. నీళ్లు వస్తే చాలు ఉదండాపూర్‌ రిజర్వాయర్‌ మినహాయిస్తే మిగతా రిజర్వాయర్లు ఏదుల, వట్టెం, కర్వెన నీటితో కళకళలాడుతూ.. భూగర్భజలాలు గణనీయంగా పెరుగుతాయి.

నారాయణపేట: వినాయక చవితి ఉత్సవాలు, నిమజ్జనం ప్రశాంతంగా పూర్తయ్యే వరకు పోలీసు సిబ్బంది అప్రమత్తతతో విధులు నిర్వర్తించాలని ఎస్పీ డా. వినీత్‌ ఆదేశించారు. శుక్రవారం జిల్లా పోలీస్‌ హెడ్‌క్వార్టర్స్‌లో ఆర్మ్‌డ్‌ రిజర్వ్‌ సిబ్బందితో నిర్వహించిన సమావేశంలో బందోబస్తు ఏర్పాట్లు, విధుల కేటాయింపు, భద్రతా చర్యలపై ఎస్పీ దిశా నిర్దేశం చేశారు. అత్యవసర పరిస్థితులు మినహా నిమజ్జనం పూర్తయ్యే వరకు సిబ్బందికి సెలవులు ఉండవని.. ప్రతి ఒక్కరూ హెడ్‌క్వార్టర్స్‌లో అందుబాటులో ఉంటూ ఎలాంటి పరిస్థితినైనా సమర్థవంతంగా ఎదుర్కొనేందుకు సిద్ధంగా ఉండాలని సూ చించారు. ఆర్మ్‌డ్‌ రిజర్వ్‌ పోలీసులు సివిల్‌ పోలీస్‌ విభాగానికి వెన్నముకలాంటి వారని.. సమన్వయం, సమాచార మార్పిడి, టీమ్‌ వర్క్‌తో బందోబస్తు విధులు నిర్వహించాలన్నారు. ఉత్సవాల సందర్భంగా ప్రజలతో మర్యాదగా, సంయమనంతో వ్యవహరించాలని తెలిపారు. విధుల్లో ఎదురవుతున్న సమస్యలు, ఇబ్బందులను సిబ్బందిని అడిగి తెలుసుకు న్న ఎస్పీ.. సమస్యలను నేరుగా తన దృష్టికి తీసుకురావాలని సూచించారు. సిబ్బంది సంక్షేమానికి పోలీస్‌శాఖ ఎల్లప్పుడూ ప్రాధాన్యం ఇస్తుందని హా మీ ఇచ్చారు. గణేష్‌ ఉత్సవాలు, నిమజ్జనం సందర్భంగా శాంతిభద్రతలు, ట్రాఫిక్‌ నియంత్రణ, బందోబస్తుపై ప్రత్యేక దృష్టి సారించినట్లు తెలిపారు. ప్రజల భద్రతే పోలీస్‌శాఖ ప్రధాన లక్ష్యమన్నారు. కార్యక్రమంలో అడిషనల్‌ ఎస్పీ ఎండీ రియాజ్‌ హుల్‌హక్‌, డీఎస్పీ మహేష్‌, ఆర్‌ఐ విజయభాస్కర్‌, ఎస్‌బీ ఎస్‌ఐ భాగ్యలక్ష్మిరెడ్డి, ఆర్‌ఎస్‌ఐలు శివశంకర్‌, శ్వేత, శిరీష, శివయ్య, ఆర్మ్‌డ్‌ రిజర్వ్‌ సిబ్బంది పాల్గొన్నారు.

పైకి ఐక్యత.. లోపల ఆధిపత్య పోరు –8లో uనారాయణపేట: అధికారంలో ఉన్న కాంగ్రెస్‌ ప్రత్య ర్థి పార్టీలను ఎదుర్కోవాల్సింది పోయి సొంతింటి రాజకీయాలతో సతమతమవుతోందా..? పైకి అంతా ఒక్కటేనని కనిపిస్తున్నా.. లోలోపల మాత్రం ఆ ధిపత్యం కోసం వర్గాల మధ్య మౌనపోరు సాగుతో ందా..? అన్న చర్చ నారాయణపేట నియోజకవ ర్గ కాంగ్రెస్‌లో హాట్‌టాపిక్‌గా మారింది. ఎమ్మెల్యే డా. చిట్టెం పర్ణికారెడ్డి, మాజీ డీసీసీ అధ్యక్షుడు కుంభం శివకుమార్‌రెడ్డి అభివృద్ధి, సంక్షేమంపై దృష్టి సారిస్తున్న వేళ పార్టీ కేడర్‌లో మాత్రం ‘ఎవరి మాట నడ వాలి?’ ‘ఎవరి నాయకత్వాన్ని అనుసరించాలి?’ అ న్న ప్రశ్నలు తెరపైకి వస్తున్నాయి. పాత, కొత్త నేతల మధ్య సమన్వయ లోపం, స్థానికంగా పెరుగుతున్న వర్గపోరు, ఒక్కో ప్రాంతంలో ఒక్కో నేత చుట్టూ కేడర్‌ సమీకరణ.. పేట కాంగ్రెస్‌లో పవర్‌ గేమ్‌ కొత్త మలుపు తిరుగుతోందన్న సంకేతాలిస్తున్నాయి. వన్‌మ్యాన్‌ షో.. కేడర్‌లో గుబులు... పైకి అంతా సజావుగానే ఉందని కనిపిస్తున్నా.. లో లోపల అంతర్గత రాజకీయాలు కేడర్‌లో కలకలం రేపుతున్నాయన్న చర్చ సాగుతోంది. ఎమ్మెల్యేతో పాటు నియోజకవర్గ ఇన్‌చార్జ్‌ సరైన సమయంలో అందుబాటులో లేకపోవడంతో పార్టీ కార్యక్రమాలు, స్థానిక వ్యవహారాల్లో ఎమ్మెల్యే బంధువు ఆధిపత్యం పెరుగుతోందన్న భావన కొందరు నాయకులు, కార్యకర్తల్లో అసంతృప్తికి కారణమవుతోందని తెలుస్తోంది. తన మాటే శాసనం అన్న శైలిలో ముందుకు సాగుతున్నారన్న చర్చ పార్టీ నాయకులు, కార్యకర్తల నుంచి వినిపిస్తోంది. ● నారాయణపేట నియోజకవర్గంలో అంతర్గత రాజకీయాలు కేడర్‌లో చర్చనీయాంశంగా మారుతున్నాయి. పాత నేతలకు ఓ రకమైన ప్రాధాన్యం.. కొత్త నేతలకు మరోరకమైన రాజకీయ స్పేస్‌ దక్కుతోందన్న భావన పార్టీ శ్రేణుల్లో వ్యక్తమవుతో ంది. పైకి నేతలంతా ఐక్యంగా కనిపిస్తున్నా.. స్థాని కంగా ఎవరి మాట చెల్లాలి? ఎవరి నాయకత్వాన్ని కేడర్‌ అనుసరించాలి? అన్నదే అసలు పంచాయితీగా మారిందన్న గుసగుసలు వినిపిస్తున్నాయి. మండలానికో ముఠా.. నేతకో వర్గం..! నారాయణపేట నియోజకవర్గ కాంగ్రెస్‌లో మండలాలు, గ్రామాల వారీగా రాజకీయ సమీకరణాలు మారుతున్నాయన్న చర్చ పార్టీ శ్రేణుల్లో జోరుగా సాగుతోంది. నారాయణపేట మండలంలోని జలాల్‌పూర్‌, జాజాపూర్‌, తిర్మలాపూర్‌ గ్రామాల నేతలకు ప్రాధాన్యమిస్తూ పదువులు కేటాయించడం, ఇతర గ్రామాలకు ప్రాధాన్యత ఇవ్వకపోవడంతో పార్టీ నేతల మధ్య భిన్నాభిప్రాయాలు ఉన్నాయన్న చర్చ జరుగుతోంది. ధన్వాడలోనూ స్థానికంగా ఓ వర్గం మాటే చెల్లుతోందన్న ప్రచారం రాజకీయ వర్గాల్లో సాగుతోంది. దీంతో పేట నుంచి ధన్వాడ వరకు కాంగ్రెస్‌లో స్థానిక సమీకరణాలు మారుతున్నాయా? అన్న ప్రశ్న తలెత్తుతోంది. పాత, కొత్త నాయకుల మధ్య పెరుగుతున్న దూరం.. స్థానిక వ్యవహారాల్లో ఆధిపత్యం కోసం సాగుతున్న ప్రయత్నాలు పార్టీలో అంతర్గత చర్చకు దారితీస్తున్నాయి. పైకి అంతా ఐక్యంగా కనిపిస్తున్నా.. క్షేత్రస్థాయిలో మాత్రం ఎవరి బలం ఎంత? ఎవరి మాట ఎంతవరకు చెల్లుతుంది? అన్నదే కొత్త రాజకీయ లెక్కలకు కేంద్రబిందువుగా మారిందన్న అభిప్రాయాలు వ్యక్తమవుతున్నాయి. పార్టీ అధికారంలో ఉన్న సమయంలోనే స్థానిక స్థాయిలో వర్గపోరు పెరగకుండా నాయకత్వం సమన్వయంపై దృష్టి సారించాల్సిన అవసరం ఉందని పార్టీ శ్రేణులు అభిప్రాయపడుతున్నాయి. చిన్న చిన్న విభేదాలు పెద్ద రాజకీయ దూరంగా మారకముందే నాయకత్వం జోక్యం చేసుకుని అందరినీ ఒక్కతాటిపైకి తీసుకురావాలన్న డిమాండ్‌ కేడర్‌లో వినిపిస్తోంది. బయట కాంగ్రెస్‌ ఒక్కటే.. లోపల మాత్రం ఎవరి పెత్తనం అన్నదే పేట రాజకీయాల్లో హాట్‌టాపిక్‌గా మారింది. పాత నేతలకో మాట.. కొత్త నేతల రూటు సపరేటు అంతర్గత కుమ్ములాటలతోనే ప్రతిపక్షాలకు బలం ఇది పేట నియోజకవర్గంలోని పరిస్థితి

నారాయణపేట: విద్యను ఆయుధంగా చేసుకొని నిర్దేశించుకున్న లక్ష్యాన్ని చేరుకునే వరకు యువత నిరంతరం కష్టపడాలని ఎస్పీ డా. జి.వినీత్‌ సూచించారు. గురువారం జిల్లాకేంద్రంలోని ఓ ఫంక్షన్‌హాల్‌లో ఆపరేషన్‌ మెర్సీఇండియా ఫౌండేషన్‌న్‌ ఆధ్వర్యంలో జోగినుల పిల్లలు, నిరుద్యోగ యువత, విద్యార్థులు, నిరుపేద మహిళలు, హెల్త్‌ వర్కర్లకు విద్య, ఉద్యోగ, ఉపాధి అవకాశాలపై నిర్వహించిన అవగాహన కార్యక్రమానికి ఆయన ముఖ్యఅతిథిగా హాజరై దిశానిర్దేశం చేశారు. ఉద్యోగ సాధనపై యువతలో బలమైన తపన ఉండాలని, ఆకలితో ఉన్నప్పుడు ఆహారం కోసం ప్రయత్నించినట్టే ఉద్యోగం కోసం అలాగే ప్రయత్నించాలని సూచించారు. ఉద్యోగం సాధించాలనే తపన బలంగా ఉన్నప్పుడే దాని కోసం కష్టపడగలుగుతామని తెలిపారు. వైఫల్యాలు ఎదురైతే నిరుత్సాహపడకుండా వాటిని అనుభవాలుగా మార్చుకొని మరింత పట్టుదలతో ముందుకుసాగాలని సూచించారు. ప్రస్తుతం పోలీస్‌శాఖలో ఉద్యోగాల నోటిఫికేషన్‌న్‌ వెలువడిన నేపథ్యంలో త్వరలో స్టడీ సర్కిల్‌ ఏర్పాటు చేస్తామని ఎస్పీ ప్రకటించారు. పోలీస్‌ ఉద్యోగాలతో పాటు ఇతర పోటీ పరీక్షలకు సిద్ధమయ్యే వారికి పుస్తకాలు, స్టడీ మెటీరియల్‌ ఉచితంగా అందుబాటులోకి తీసుకురావడానికి చర్యలు చేపడతామని తెలిపారు. ఒక మహిళ చదువుకుంటే ఆ కుటుంబం మొత్తం విద్యావంతమవుతుందని.. విద్యతో పాటు ఉపాధి, ఉద్యోగ అవకాశాలను అందిపుచ్చుకుని ఆర్థిక స్వావలంబన సాధించాలని సూచించారు. విద్యార్థులు చదువుతో పాటు క్రమశిక్షణ, సమయపాలన, మంచి ఆలోచనా విధానం, సామాజిక బాధ్యతను అలవర్చుకోవాలని కోరారు. యువత చెడుకు దూరంగా ఉంటూ చదువు, నైపుణ్యాభివృద్ధి, ఉద్యోగ సాధనకు సమయం కేటాయించాలన్నారు. కార్యక్రమంలో డీఎస్పీలు మహేష్‌, నల్లపు లింగయ్య, టౌన్‌ ఎస్‌ఐ వెంకటేశ్వర్లు, ఎస్‌బీ ఎస్‌ఐ భాగ్యలక్ష్మిరెడ్డి, ఆపరేషన్‌ మెర్సీఇండియా ఫౌండేషన్‌న్‌ మేనేజర్‌ ఏంజెలా డేవిస్‌, జిల్లా కో–ఆర్డినేటర్‌ హాజమ్మ, హెల్త్‌వర్కర్లు తదితరులు పాల్గొన్నారు. త్వరలో స్టడీ సర్కిల్‌ ఏర్పాటు : ఎస్పీ

నారాయణపేట: జిల్లా రెడ్‌క్రాస్‌ సొసైటీ ఎన్నికలకు సమయ ప్రణాళిక విడుదలైంది. కలెక్టర్‌, జిల్లా రెడ్‌క్రాస్‌ సొసైటీ అధ్యక్షుల ఆదేశాల మేర కు జిల్లా సహకార అధికారి ప్రసాదరావును ఎన్నికల అధికారిగా నియమించారు. సమయ ప్రణాళికలో భాగంగా సెప్టెంబర్‌ 9న అర్హులైన ఓటర్ల జాబితాను ప్రచురించారు. జాబితాపై అభ్యంతరాలు, ఆక్షేపణలను అర్హులైన సభ్యు లు 14వ తేదీలోపు ఎన్నికల అధికారి, జిల్లా సహకార అధికారి కార్యాలయంలో స్వయంగా లిఖితపూర్వకంగా సమర్పించాలి. 15వ తేదీన అందిన అభ్యంతరాలు, ఆక్షేపణలను పరిశీలించి ఓటర్ల జాబితాలో అవసరమైన మార్పులు, చేర్పులపై అప్పీళ్లను సమీక్షిస్తారు. అనంతరం తుది నిర్ణయం కోసం సెప్టెంబర్‌ 16న రాష్ట్రశాఖకు జాబితాను పంపించనున్నట్లు ఎన్నికల అధికారి తెలిపారు. సెప్టెంబర్‌ 19న తుది ఓట రు జాబితాను ప్రచురించడంతో పాటు అదే రోజు ఎన్నికల నోటిఫికేషన్‌, ఎన్నికల షెడ్యూల్‌ను విడుదల చేయనున్నట్లు వెల్లడించారు. రేపు ఉమ్మడి జిల్లా ఖోఖో క్రీడాకారుల ఎంపికలు మహబూబ్‌నగర్‌ క్రీడలు: జడ్చర్ల మండలంలోని పెద్ద ఆదిరాల జిల్లా పరిషత్‌ ఉన్నత పాఠశాలలో ఈనెల 12వ తేదీన ఉదయం 10 గంటలకు రాష్ట్రస్థాయి ఖేలో ఇండియాలో పాల్గొనే ఉమ్మడి జిల్లా ఖోఖో క్రీడాకారుల ఎంపికలు నిర్వహిస్తున్నట్లు ఉమ్మడి జిల్లా ఖోఖో సంఘం అధ్యక్ష, కార్యదర్శులు ఉబేదుల్లా కొత్వాల్‌, జీఏ విలియం గురువారం ఓ ప్రకటనలో తెలిపారు. ఎంపికల్లో పాల్గొనే క్రీడాకారులు 01.01.2008 తర్వాత జన్మించిన వారై ఉండాలని పేర్కొన్నారు. క్రీడాకారులు జనన ధ్రువీకరణ పత్రం, పదోతరగతి మెమో, ఆధార్‌కార్డుతో ఎంపికలకు హాజరుకావాలని, మిగతా వివరాల కోసం 99853 75737 నంబర్‌ను సంప్రదించాలని సూచించారు. ఎంపికయ్యే క్రీడాకారులు సరూర్‌నగర్‌ ఇండోర్‌ స్టేడియంలో ఈనెల 16న (బాలురు), 17న (బాలికలు) జరిగే రాష్ట్రస్థాయి సెలక్షన్స్‌లో పాల్గొనాల్సి ఉంటుందని పేర్కొన్నారు. గిరిజన నిరుద్యోగులకు ఉపాధి కల్పించాలి మహబూబ్‌నగర్‌ మున్సిపాలిటీ: గిరిజన నిరుద్యోగ యువత కోసం బ్యాక్‌లాగ్‌ పోస్టుల్లో ఉన్న ఖాళీలన్నీ వెంటనే భర్తీ చేయాలని గిరిజన సంఘం రాష్ట్ర అధ్యక్షుడు ఎం.ధర్మనాయక్‌ కో రారు. గురువారం జిల్లా గిరిజన సంఘం కార్యాలయంలో జరిగిన మహాసభలో ఆయన మాట్లాడారు. ఏటా విద్యార్థులు విద్యను ము గించుకుని బయటకు వస్తున్నా ఉపాధి అవకాశాలు లేక తీవ్ర ఇబ్బందులు ఎదుర్కొంటున్నా రన్నారు. చివరకు ఉపాధిహామీ పథకంలో తల్లిదండ్రులతో కాలిసి పనికి వెళ్లాల్సిన పరిస్థితి దాపురించిందన్నారు. అనేక ప్రైవేట్‌ కంపెనీలు వెలుస్తున్నా రిజర్వేషన్లు లేకపోవడంతో స్థానికంగా ఉపాధి దొరకక ఇతర ప్రాంతాలకు వలసలు వెళ్లాల్సి వస్తోందన్నారు. ప్రైవేట్‌ రంగంలోనూ స్థానికంగా రిజర్వేషన్లు వర్తింపజేయాలన్నారు. సంఘం జిల్లా అధ్యక్షుడు భీమ్లా, నాయకులు మెగావత్‌ దీప్లానాయక్‌, చందర్‌నాయక్‌, ముడావత్‌ మణికంఠ, కుమార్‌, పవన్‌, మోహన్‌, ఈశ్వర్‌, చందర్‌ పాల్గొన్నారు. భవన నిర్మాణ కార్మికుల సమస్యలు పరిష్కరించాలి కల్వకుర్తి రూరల్‌: భవన నిర్మాణ కార్మికులు ఎదుర్కొంటున్న సమస్యలను వెంటనే పరిష్కరించాలని సంఘం రాష్ట్ర ప్రధాన కార్యదర్శి రాములు అన్నారు. గురువారం పట్టణంలోని తిలక్‌నగర్‌కాలనీలో తెలంగాణ బిల్డింగ్‌ అండ్‌ కన్‌స్ట్రక్షన్‌ వర్కర్స్‌ యూనియన్‌ భవనంలో సంఘం రాష్ట్ర కమిటీ సమావేశం రాష్ట్ర అధ్యక్షుడు రామ్మోహన్‌రావు అధ్యక్షతన జరిగింది. ఈ సందర్భంగా ఆయన మాట్లాడుతూ రాష్ట్రంలో 27 లక్షల మంది నిర్మాణ రంగంలో కార్మికులుగా పనిచేస్తున్నారని, వీరి కోసం ఏర్పాటు చేసిన సంక్షేమ బోర్డు నిధులను పాలక ప్రభుత్వాలు దుర్వినియోగం చేస్తున్నాయన్నారు. హెల్త్‌ టెస్ట్‌ల పేరుతో రూ.450 కోట్లు, ట్రెయినింగ్‌ సెంటర్‌ పేరుతో మరో రూ.300 కోట్లు, కార్మికుల పిల్లలకు ఐటీ ఉద్యోగాల పేరుతో దుర్వినియోగం చేశారని ఆరోపించారు. భవన నిర్మాణ కార్మికుల కష్టాలను పట్టించుకోకుండా ప్రభుత్వం నిర్లక్ష్యం చేస్తుందని మండిపడ్డారు. 60 ఏళ్లు నిండిన భవన కార్మికులకు రూ.9 వేల పింఛన్‌ ఇవ్వాలని, వారి పిల్లల చదువులకు స్కాలర్‌షిప్‌ మంజూరు చేయాలని, ఇందిరమ్మ ఇళ్లు ఇవ్వాలని డిమాండ్‌ చేశారు. ఆయా సమస్యల పరిష్కారం కోసం వచ్చేనెల 25న నిర్వహించే చలో హైదరాబాద్‌ కార్యక్రమాన్ని జయప్రదం చేయాలని కోరారు. కార్యక్రమంలో రాష్ట్ర ఉపాధ్యక్షుడు శ్రీనివాసులు, జిల్లా కార్యదర్శి లక్ష్మీనారాయణ తదితరులు పాల్గొన్నారు.

● 18 ఎకరాల్లో ఏర్పాటుకు ప్రణాళికలు ● 2 ఎకరాల్లో మట్టి ప్రదర్శన కేంద్రానికి ప్రతిపాదన ● ఎమ్మెల్యే ప్రత్యేక చొరవ.. అధికారుల కసరత్తు నారాయణపేట: మండలంలోని లింగంపల్లి శివారులో ఇప్పటికే 20 ఎకరాల్లో తెలంగాణ రైతు విజ్ఞాన కేంద్రం ఏర్పాటుకు శ్రీకారం చుట్టగా.. మరో 20 ఎకరాలు కేటాయిస్తే అందులో 18 ఎకరాల్లో రైతు నైపుణ్యాభివృద్ధి కేంద్రం, 2 ఎకరాల్లో మట్టి ప్రదర్శన కేంద్రం (సాయిల్‌ మ్యూజియం) ఏర్పాటు చేయాలనే ప్రతిపాదన సిద్ధమవుతోంది. ఎమ్మెల్యే డా. చిట్టెం పర్ణికారెడ్డి చొరవతో భూమి, బడ్జెట్‌, మౌలిక వసతులపై అధికారులు ప్రణాళికలు రూపొందిస్తున్నారు. ఈ విషయమై గతంలోనే ఎమ్మెల్యే ముఖ్యమంత్రి రేవంత్‌రెడ్డికి విన్నవించి వినతిపత్రం అందజేశారు. సాయిల్‌ మ్యూజియం.. జిల్లా నేలల వైవిధ్యాన్ని కేవలం వ్యవసాయ భూ ముల్లోనే కాకుండా శాసీ్త్రయంగా భద్రపరిచి ప్రజలకు పరిచయం చేసే సాయిల్‌ మ్యూజియం ఏర్పాటుకు అడుగులు పడుతున్నాయి. మండలంలోని లింగంపల్లి శివారులో ఏర్పాటు చేయనున్న తెలంగాణ రైతు విజ్ఞాన కేంద్రం పరిధిలోనే 2 ఎకరాల్లో సాయిల్‌ మ్యూజియం ఏర్పాటు చేయాలనే ప్రతిపాదన తెరపైకి వచ్చింది. పర్యాటకానికి కొత్త చిరునామా.. సాయిల్‌ మ్యూజియాన్ని వ్యవసాయ, విద్య పర్యాటక కేంద్రంగా అభివృద్ధి చేస్తే జిల్లాకు మరో ప్రత్యేకత చేకూరనుంది. రైతులు, విద్యార్థులు, పరిశోధకులతో పాటు వ్యవసాయంపై ఆసక్తి ఉన్న సందర్శకులను ఆకర్శించే అవకాశం ఉంటుంది.

నారాయణపేట: జిల్లాలో వివిధ అభివృద్ధి పనులకు సంబంధించి కొనసాగుతున్న భూ సేకరణ ప్రక్రియను నిర్దేశిత సమయంలో పూర్తి చేయాలని కలెక్టర్‌ సీహెచ్‌ ప్రియాంక అధికారులను ఆదేశించారు. గురువారం సాయంత్రం కలెక్టరేట్‌ వీసీ హాల్‌లో త హసీల్దార్లు, సంబంధిత శాఖల అధికారులతో సమీ క్ష నిర్వహించి మాట్లాడారు. పెండింగ్‌లో ఉన్న సర్వే పనులను త్వరితగతిన పూర్తి చేయడంతో పాటు భూముల ఎంజాయ్‌మెంట్‌ వివరాలను సక్రమంగా నమోదు చేయాలని సూచించారు. క్షేత్రస్థాయిలో ఉన్న సమస్యలను గుర్తించి సంబంధిత శాఖలతో సమన్వయం చేసుకుంటూ పరిష్కరించాలన్నారు. మద్దూరు, గుండుమల్‌ మండలాల్లో కొత్తగా చేపట్టాల్సిన సర్వే పనులను వెంటనే ప్రారంభించి ఎలాంటి తప్పులకు తావులేకుండా పూర్తి చేయాలని ఆ దేశించారు. ఎంజాయ్‌మెంట్‌ సర్వేను క్షేత్రస్థాయి లో పక్కాగా నిర్వహించి సంబంధిత రికార్డులను పరిశీలించి నివేదికలను సకాలంలో సమర్పించాలని ఆదేశించారు. భూ సేకరణ పురోగతిపై మరో సారి సమీక్ష నిర్వహిస్తామని, అధికారులు చేపట్టిన పనులకు సంబంధించిన స్పష్టమైన వివరాలను సిద్ధంగా ఉంచాలని కలెక్టర్‌ స్పష్టం చేశారు. క్లిష్టమైన, దీర్ఘకాలంగా పెండింగ్‌లో ఉన్న కేసులను ప్రాధాన్యత క్రమంలో పరిష్కరించి భూ సేకరణ ప్రక్రియను పూర్తి చేయాలని ఆదేశించారు. రెవెన్యూ అదనపు కలెక్టర్‌ శ్రీను, ఆర్డీఓ రమేష్‌ పాల్గొన్నారు.

చాకలి ఐలమ్మ విగ్రహావిష్కరణలో మంత్రి వాకిటి శ్రీహరి, షాద్‌నగర్‌ ఎమ్మెల్యే వీర్లపల్లి శంకర్‌ తదితరులు మక్తల్‌: నిజాం భూస్వాములకు వ్యతిరేకంగా భూ మి, భుక్తి, విముక్తి కోసం పోరాడిన వీరనారి చాకలి ఐలమ్మ జీవితం నేటి యువతకు స్ఫూర్తిదాయకమని రాష్ట్ర పశుసంవర్ధకశాఖ మంత్రి వాకిటి శ్రీహ రి అన్నారు. గురువారం రాత్రి పట్టణంలోని మినీ ట్యాంక్‌బండ్‌్‌ వద్ద చాకలి ఐలమ్మ విగ్రహాన్ని మంత్రి షాద్‌నగర్‌ ఎమ్మెల్యే వీరపల్లి శంకర్‌తో కలిసి ఆవిష్కరించి పూలమాలలు వేసి నివాళులు అర్పించారు. అనంతరం మాట్లాడుతూ.. మహిళ అయి ఉండి తొలి భూ పోరాటానికి నాంది పలికిందని, ధైర్యసాహసాలతో పోరాటం చేసిన ఘనత ఐలమ్మకే దక్కిందన్నారు. ఆమె జీవిత చరిత్ర భవిష్యత్‌ తరాలకు కూడా స్ఫూర్తిగా నిలవాలనే ఉద్దేశంతో ప్రభుత్వం జయంతి, వర్ధంతి కార్యక్రమాలు అధికారికంగా నిర్వహిస్తున్నట్లు తెలిపారు. అనంతరం తమ సమస్యలు పరిష్కరించాలంటూ జిల్లా రజక సంఘం మంత్రికి వినతిపత్రం అందజేశారు. ప్రభుత్వ ఆస్పత్రులు, హాస్టళ్లలో ఉద్యోగ అవకాశాలు కల్పించాలని, దోబీలకు యంత్రాలు ఇవ్వాలని విన్నవించారు. ఈ సందర్భంగా మంత్రి, ఎమ్మెల్యేను నిర్వాహకులు శాలువాలతో సన్మానించారు. కార్యక్రమంలో జెడ్పీ టీసీ మాజీ సభ్యుడు లక్ష్మారెడ్డి, పుర చైర్‌పర్సన్‌ వాకిటి మానస హన్మంతు, బీజేపీ కార్యవర్గసభ్యు డు కొండయ్య, జిల్లా రజక సంఘం అధ్యక్షుడు చంద్రశేఖర్‌, మార్కెట్‌ కమిటీ వైస్‌ చైర్మన్‌ గణేష్‌కుమార్‌, కౌన్సిలర్లు రాజశేఖర్‌రెడ్డి, మాజీ కౌన్సిలర్‌ మల్లికార్జున్‌, ఎంపీటీసీ మాజీ సభ్యుడు కోళ్ల వెంకటేష్‌, రజక సంఘం అధ్యక్షుడు హన్మంతు, కట్టా సురేష్‌, రవికుమార్‌, నర్సింహులు, శ్రీనివాసులు తదితరులు పాల్గొన్నారు.

నారాయణపేట: ప్రభుత్వం హామీల అమలుకు కాలయాపన చేస్తే ఉద్యోగ, ఉపాధ్యాయుల ఆగ్రహా న్ని చవిచూడాల్సి వస్తుందని.. సమస్యల పరిష్కారానికి వెంటనే చర్యలు చేపట్టాలని, లేనిపక్షంలో 18వ తేదీ తర్వాత మరోసారి ఉద్యమాన్ని కొనసాగిస్తామని టీఎస్‌ పీఆర్‌ర్టీయూ జిల్లా అధ్యక్షుడు వై.జనార్దన్‌న్‌రెడ్డి, ప్రధానకార్యదర్శి పి.వెంకట్‌రెడ్డి హెచ్చరించారు. గురువారం మరికల్‌లోని జెడ్పీ బాలుర, బాలికల ఉన్నత పాఠశాలలు, ఉర్దూ మీడియం పాఠశాలతో పాటు కన్మనూర్‌, పెద్దచింతకుంట, ఎంపీ యూపీఎస్‌ తీలేరు, ఎంపీపీఎస్‌ మరికల్‌ పాఠశాలల్లో నిర్వహించిన సభ్యత్వ నమోదు కార్యక్రమంలో వారు పాల్గొని మాట్లాడారు. ప్రభుత్వం చర్చలకు ముందుకురావడంతో గురువారం హైదరాబాద్‌లో చేపట్టాల్సిన మహాధర్నాను వాయిదా వేసినట్లు తెలిపారు. ఇకనైనా కాలయాపన చేయకుండా వారం రోజుల్లో పీఆర్సీ నివేదిక తీసుకొచ్చి 51 శాతం ఫిట్‌మెంట్‌తో అమలు చేయాలని డిమాండ్‌ చేశారు. ఉద్యోగ, ఉపాధ్యాయులు రాష్ట్ర నాయకత్వం ఇచ్చిన అన్ని కార్యక్రమాలను విజయవంతం చేస్తున్నారని అభినందించారు.ఈ నెల 18 లోగా ప్రభుత్వం ఇచ్చిన మాట నిలబెట్టుకోకపోతే ఉద్యమాన్ని తిరిగి కొనసాగిస్తామని స్పష్టం చేశారు. కార్యక్రమంలో సంఘం జిల్లా ఉపాధ్యక్షుడు యు.రవికుమార్‌, పీఆర్టీయూ సభ్యులు రవీందర్‌రెడ్డి, మధుసూదనన్‌, రాంరెడ్డి, మండల అధ్యక్షుడు ఎస్‌.నవీన్‌కుమార్‌, ప్రధానకార్యదర్శి ముస్తఫా, ఆయా పాఠశాలల ప్రధానోపాధ్యాయులు గోపాల్‌రెడ్డి, గోవర్ధనన్‌గౌడ్‌, అమ్రేష్‌, విజయకృష్ణ, పద్మ, రాంరెడ్డి, శ్రీనివాస్‌, మహ్మద్‌ ఖాజా, అంజయ్య, వెంకట్‌రెడ్డి, పవన్‌ తదితరులు పాల్గొన్నారు.

సాయిల్‌ మ్యూజియం అంటే కేవలం మట్టిని అ ద్దాల వెనుక పెట్టి చూపించే భవనమే కాదు. నేల వైవిధ్యాన్ని భద్రపర్చడం, రైతుకు శాసీ్త్రయ అవగాహన కల్పించడం, విద్యార్థులకు ప్రయోగాత్మక విజ్ఞానం అందించడం భవిష్యత్‌ తరాలకు మట్టి విలువను తెలియజేయడం దీని ప్రధాన లక్ష్యం. జిల్లాలో రైతు స్కిల్‌ డెవలప్‌మెంట్‌ సెంటర్‌, సాయిల్‌ మ్యూజియం ఏర్పాటుకు ప్రణాళికలు రూపొందిస్తున్నాం. పూర్తి నివేదికను ప్రభుత్వానికి అందజేస్తాం.. ఆమోదం రావాల్సి ఉంది. – డా. ఈటెల సత్యనారాయణ, శాస్త్రవేత్త, సమన్వయకర్త తెలంగాణ రైతు విజ్ఞాన కేంద్రం ●

నారాయణపేట: వినాయక చవితి ఉత్సవాలను ప్రశాంత వాతావరణంలో నిర్వహించేందుకు జిల్లా యంత్రాంగం పటిష్ట కార్యాచరణతో సమన్వయంతో పనిచేయాలని కలెక్టర్‌ ప్రియాంక ఆదేశించారు. వినాయక చవితి, నిమజ్జన ఏర్పాట్లపై కలెక్టరేట్‌లోని సమావేశ మందిరంలో బుధవారం నిర్వహించిన శాంతి సమావేశంలో ఆమె మాట్లాడారు. ప్రజలు, గణేష్‌ ఉత్సవ కమిటీలు, మతపెద్దలు పరస్పర సహకారంతో వేడుకలను విజయవంతం చేయాలని కోరారు. నిమజ్జన ప్రాంతాలు, ఊరేగింపు మార్గాలను ముందుగానే పరిశీలించి సమస్యలను గుర్తించాలన్నారు. పోలీస్‌, ఆర్‌అండ్‌బీ, ఇరిగేషన్‌, పంచాయతీరాజ్‌, మున్సిపల్‌, విద్యుత్‌శాఖలతో ప్రత్యేక సమన్వయ బృందాలను ఏర్పాటు చేసి క్షేత్రస్థాయిలో పర్యటించాలని ఆదేశించారు. నిమజ్జన వేడుకలను యూట్యూబ్‌ లైవ్‌ ద్వారా ప్రత్యక్ష ప్రసారం చేయాలని నిర్ణయించారు. ప్రభుత్వానికి అందుబాటులో ఉన్న కెమెరాలు, ల్యాప్‌టాప్‌లు, సిబ్బంది, ఇంటర్నెట్‌ వనరులను వినియోగించి తక్కువ వ్యయంతో ఎక్కువ మందికి కార్యక్రమాన్ని చేరువ చేయాలని సూచించారు. లైవ్‌ లింక్‌ను మీడియా సంస్థలకు అందుబాటులో ఉంచాలని డీపీఆర్వో రషీద్‌ను ఆదేశించారు. అనంతరం ఎస్పీ డా. వినీత్‌ మాట్లాడుతూ.. ప్రతి మండపం వద్ద నిర్వాహకుల తరఫున ఒక వ్యక్తిని ఇన్‌చార్జిగా నియమించి పోలీసులతో నిరంతరం సమన్వయం చేసుకోవాలని సూచించారు. మండపాల ఏర్పాటు, విగ్రహాల పరిమాణం, ఊరేగింపు మార్గం, ప్రత్యేక కార్యక్రమాల వివరాలను ముందుగానే పోలీసులకు తెలియజేయాలని కోరారు. ఊరేగింపులో మద్యం తాగి వాహనాలు నడపడం, అతివేగం, నిర్లక్ష్యపు డ్రైవింగ్‌ను ఎట్టి పరిస్థితుల్లోనూ అనుమతించబోమని స్పష్టం చేశారు. డీజేలు, సౌండ్‌ సిస్టమ్‌ వినియోగంలో ప్రభుత్వం నిర్దేశించిన నిబంధనలు, సమయ పరిమితులను తప్పనిసరిగా పాటించాలని తెలిపారు. విశ్వహిందూ పరిషత్‌, ముస్లిం మతపెద్దలు పరస్పర సహకారంతో శాంతిభద్రతల పరిరక్షణకు సహకరించాలని కలెక్టర్‌, ఎస్పీ కోరారు. చిన్నపాటి వివాదాలు తలెత్తినా స్వయంగా పరిష్కరించుకునే ప్రయత్నం చేయకుండా వెంటనే పోలీసులకు సమాచారం ఇవ్వాలని సూచించారు. సమావేశంలో రెవెన్యూ అదనపు కలెక్టర్‌ శ్రీను, డీఎస్పీలు నల్లపు లింగయ్య, మహేశ్‌, పుర చైర్‌పర్సన్‌ కొండా శ్వేత, వైస్‌ చైర్‌పర్సన్‌ మంజుల, డీపీఆర్వో రషీద్‌, సంబంధిత శాఖల జిల్లా అధికారులు పాల్గొన్నారు. కలెక్టరేట్‌లోని వీసీ హాల్‌లో బుధవారం పర్యావరణ పరిరక్షణపై అవగాహన కల్పించేందుకు రూపొందించిన మట్టి గణేష్‌ విగ్రహాల పోస్టర్లను ఎస్పీ డా. వినీత్‌తో కలిసి కలెక్టర్‌ ప్రియాంక ఆవిష్కరించారు. ఈ సందర్భంగా కలెక్టర్‌ మాట్లాడుతూ.. విగ్రహాల తయారీలో కృత్రిమ రంగులు, రసాయనాల వినియోగంతో చెరువులు, ఇతర జల వనరులు కలుషితమవుతున్నాయని, పర్యావరణహితమైన మట్టి గణపతి విగ్రహాలను ప్రతిష్ఠించి పూజించాలని సూచించారు.

మక్తల్‌: కాళోజీ ఆశయాల సాధనకు ప్రతి ఒక్కరూ పాటుపడాలని మహబూబ్‌నగర్‌ ఎంపీ డీకే అరుణ కోరారు. బుధవారం పట్టణంలోని జెడ్పీ ఉన్నత పా ఠశాల ఆవరణలో నిర్వహించిన కాళోజీ జయంతి వేడుకలకు ఆమె ముఖ్యఅతిథిగా హాజరై ఆయన చి త్రపటానికి పూలమాల వేసి నివాళులర్పించారు. ఈ సందర్భంగా ఆమె మాట్లాడుతూ.. ఎన్ని భాష లు నేర్చుకున్నా.. తెలుగు మాత్రం మరువొద్దన్నా రు. విద్యార్థులు ఉన్నత లక్ష్యాలతో చదవాలని.. పే ద విద్యార్థులు తల్లిదండ్రుల కలలు సాకారం చే యాలని సూచించారు. జెడ్పీ ఉన్నత పాఠశాల పీ ఎంశ్రీ పథకానికి ఎంపికై ందని.. డిజిటల్‌ లైబ్రరీ, కంప్యూటర్‌ ల్యాబ్‌, అన్ని మౌలిక కల్పిస్తారని తెలిపారు. పెద్దలు, తల్లిదండ్రులను గౌరవించాలని, విద్యతో పాటు సంస్కారం నేర్చుకోవాలని సూచించారు. క్రమశిక్షణతో ఉంటూ పట్టుదలతో చదివి తల్లిదండ్రులు, గురువులు, గ్రామానికి మంచి పేరు తీసుకురావాలని కోరారు. కార్యక్రమంలో బీజేపీ రాష్ట్ర కార్యవర్గసభ్యుడు రతంగ్‌పాండురెడ్డి, బీజేపీ జిల్లా అధ్యక్షుడు సత్యయాదవ్‌, ప్రధానకార్యదర్శి బాల్‌రాంరెడ్డి, రాష్ట్ర నాయకుడు బంగ్లా లక్ష్మీకాంత్‌రెడ్డి, మాజీ కౌన్సిలర్‌ లక్ష్మి శ్యాంసుందర్‌, హెచ్‌ఎం నాగార్జున తదితరులు పాల్గొన్నారు. కల్యాణ మండప నిర్మాణానికి భూమి పూజ.. మాగనూర్‌: మండలంలోని నేరెడుగాం శ్రీ సిద్ధలింగేశ్వరస్వామి ఆలయం ఆవరణలో కల్యాణ మండపం నిర్మాణానికి ఎంపీ డీకే అరుణ బుధవారం భూమిపూజ చేశారు. ఈ సందర్భంగా ఆమె మాట్లాడుతూ.. అభివృద్ధే లక్ష్యంగా తన తండ్రి చిట్టెం నర్సిరెడ్డి పని చేశారని, ఆయన బాటలో తాను నడుస్తున్నానని తెలిపారు. మంత్రిగా ఈ ప్రాంతానికి సేవలందించానని..ప్రజలందరూ ఆప్యాయత, అనుబంధంతో ఆశీర్వదించి ఎంపీగా గెలిపించారన్నారు. ఈ ప్రాంత అభివృద్ధికి శక్తిమేర కృషి చేస్తానని పేర్కోన్నారు. అంతకుముందు పశ్చిమాద్రి సంస్థాన విరక్త మఠం పీఠాధిపతి సిద్ధలింగ మహాస్వామి ఆధ్వర్యంలో ఆలయంలో ప్రత్యేక పూజలు చేశారు. కృష్ణా: మండల కేంద్రంలోని దత్తాత్రేయ ఆలయం సమీపంలో రూ.10 లక్షల వ్యయంతో నిర్మించే షెడ్‌కు బుధవారం ఎంపీ డీకే అరుణ భూమిపూజ చేశారు. ఈ సందర్భంగా గ్రామానికి చెందిన బీజేపీ నాయకులతో పాటు బ్రాహ్మణ సమాజం ఆమెకు పూర్ణకుంభంతో స్వాగతం పలికి ఘనంగా సన్మానించారు. వేంకటేశ్వరస్వామి ఆలయంలో ప్రత్యేక పూజలు నిర్వహించి షెడ్‌కు భూమిపూజ చేశారు. కార్యక్రమంలో పార్టీ నాయకులు అమర్‌కుమార్‌దీక్షిత్‌, నారాయణభట్‌, కిష్టప్ప, శంక్రప్ప, నర్సప్ప, సురేష్‌, రాఘవేంద్ర తదితరులు పాల్గొన్నారు.

నారాయణపేట: జిల్లాలోని గాంధీనగర్‌, లక్ష్మీపల్లి, చిన్నజట్రం చేనేత సొసైటీల్లో రూ.51 కోట్ల మేర అక్రమ లావాదేవీలు జరిగినట్లు ఆర్టీఐ ద్వారా అధికారులు వెల్లడించారని, సమగ్ర విచారణ జరిపి బాధ్యులపై చట్టపరమైన చర్యలు తీసుకోవాలని తెలంగాణ చేనేత కార్మిక సంఘం రాష్ట్ర ప్రధానకార్యదర్శి గంజి మురళీధర్‌ డిమాండ్‌ చేశారు. అఖిలపక్ష పార్టీలు, చేనేత కార్మిక సంఘాల ఆధ్వర్యంలో బుధవారం కలెక్టరేట్‌ ఎదుట ధర్నా చేపట్టగా ఆయన పాల్గొని మాట్లాడారు. చేనేత కార్మికుల సంక్షేమం కోసం ఏర్పాటైన సొసైటీలు ప్రస్తుతం నిజమైన కార్మికులకు ఉపయోగపడటం లేదని ఆవేదన వ్యక్తం చేశారు. సొసైటీల అక్రమాలపై కలెక్టర్‌ ప్రత్యేక విచారణ అధికారిని నియమించాలని కోరారు. పేటలోని కొన్ని సొసైటీలు అవినీతి, అక్రమాలకు కేంద్రాలుగా మారడం ఆందోళన కలిగిస్తోందని.. చేనేతశాఖ అధికారులు, సొసైటీ అధ్యక్షులు, కార్యదర్శులు కుమ్మకై ్క ప్రభుత్వ సొమ్మును దుర్వినియోగం చేస్తున్నారని, సమగ్ర విచారణ జరపాలని డిమాండ్‌ చేశారు. ఈ అంశాన్ని ముఖ్యమంత్రి దృష్టికి తీసుకెళ్తామని తెలిపారు. చేనేత కార్మికులకు ప్రత్యేకంగా బడ్జెట్‌ కేటాయించాలని, చేనేతను ప్రత్యేక శాఖగా గుర్తించాలని కోరారు. కార్మికులకు ప్రత్యేక పింఛన్లు మంజూరు చేయాలని డిమాండ్‌ చేశారు. జిల్లాలో 1,251 జియో ట్యాగింగ్‌లు ఉన్నట్లు అధికారులు నివేదికలు ఇస్తున్నప్పటికీ వాటిలోనూ అవకతవకలు ఉన్నట్లు తమ దృష్టికి వచ్చిందని.. నారాయణపేటలో 100కు మించి మగ్గాలు లేని పరిస్థితిలో సుమారు 414 మందికి జియోట్యాగింగ్‌ కల్పించడంపై అనుమానాలు వ్యక్తం చేశారు. చేనేత సంక్షేమ పథకాల అమలులో జరిగిన అక్రమాలపై న్యాయ విచారణ జరపాలని డిమాండ్‌ చేశారు. గాంధీనగర్‌ చేనేత కార్మికుల ఇళ్లకు యాజమాన్య హక్కులు కల్పించాలని, అక్రమాలకు పాల్పడుతున్న సొసైటీ అధ్యక్షులు, కార్యదర్శులను వెంటనే తొలగించాలని కోరారు. 4,267 మంది చేనేత కార్మికుల వారసత్వ సభ్యత్వాన్ని కల్పించాలన్నారు. అనంతరం వివిధ డిమాండ్ల వినతిపత్రాన్ని అఖిలపక్ష నేతలు కలెక్టర్‌ ప్రియాంకకు అందజేశారు. ధర్నాలో సీపీఎం జిల్లా కార్యదర్శి జి.వెంకట్రామిరెడ్డి, బీఎస్పీ జిల్లా అధ్యక్షుడు బుదిగల శ్రీనివాస్‌, జనసేన జిల్లా అధ్యక్షుడు మణికంఠగౌడ్‌, చేనేత కార్మిక సంఘం జిల్లా నాయకులు కెంచె నారాయణ, సీఐటీయూ జిల్లా కార్యదర్శి బలరాం, గోపాల్‌ పాల్గొన్నారు.

● ఐదు జిల్లాలకు అధ్యక్షుల నియామకం స్టేషన్‌ మహబూబ్‌నగర్‌: నేషనల్‌ స్టూడెంట్స్‌ యూ నియన్‌ ఆఫ్‌ ఇండియా (ఎన్‌ఎస్‌యూఐ) జిల్లాలకు కొత్త అధ్యక్షులను నియమించింది. ఎన్‌ఎస్‌ యూఐ రాష్ట్ర అధ్యక్షుడు యాదవల్లి వెంకటస్వామి ఈ మేరకు బుధవారం నియామక ఉత్తర్వులు జారీ చేశారు. మహబూబ్‌నగర్‌ జిల్లా ఽఅధ్యక్షుడిగా ఎ.శేఖర్‌, నాగర్‌కర్నూల్‌ జిల్లా అధ్యక్షుడిగా నల్లవెల్లి యశ్వంత్‌, వనపర్తి జిల్లా అధ్యక్షుడిగా బి.శ్రీకాంత్‌, గద్వాల జిల్లా అధ్యక్షుడిగా అవినాష్‌ యాదవ్‌, నారాయణపేట జిల్లా అధ్యక్షుడిగా ఎండీ అఫ్రోజ్‌ను నియమించారు. ఎన్‌ఎస్‌యూ ఐను క్షేత్రస్థాయిలో బలోపేతం చేయాలని ఈ సందర్భంగా రాష్ట్ర అధ్యక్షుడు సూచించారు.

నారాయణపేట: జిల్లాలో సుమారు 1.15 లక్షల ఎకరాల వరి సాగు బోరుబావులపైనే ఆధారపడి ఉంది. మోటార్లతో నీటి తరలింపునకు విద్యుత్‌ సరఫరా అత్యంత కీలకంగా మారింది. విద్యుత్‌ సరఫరా అస్తవ్యస్తంగా మారడం.. భూగర్భ జలమట్టం తగ్గుతుండటంతో పంటలకు సరిపడా సాగునీరు అందక ఎండుముఖం పడుతున్నాయని రైతులు ఆందోళన చెందుతున్నారు. జిల్లాలో గతేడాది సుమారు 1.80 లక్షల ఎకరాల్లో వరి సాగు కాగా.. ఈ ఏడాది సుమారు 1.40 లక్షలకు తగ్గింది. విద్యుత్‌ హెచ్చుతగ్గులతో.. విద్యుత్‌ కోతలతో పాటు సరఫరాలో హెచ్చుతగ్గు ల తో బోరుమోటార్లు కాలిపోతున్నాయని.. అదన పు మరమ్మతు ఖర్చులు భరించాల్సి వస్తోందని రై తు లు వాపోతున్నారు. ఓ వైపు విద్యుత్‌ సరఫరాకు ఎ దురుచూపులు..మరోవైపు మోటారు కాలిపోతే మ రమ్మతు, పంటకు నీరు అందక దిగుబడి తగ్గుతుందనే భయంతో రైతులు విలవిలలాడుతున్నారు. జిల్లాలో ఇలా.. జిల్లాలోని 55 సబ్‌స్టేషన్ల పరిధిలో వ్యవసాయం, గ్రామీణ, పట్టణ, వాటర్‌ వర్క్స్‌, ఇండస్ట్రియల్‌, 24 గంటల ఫీడర్లు ఉన్నట్లు అందుబాటులో ఉన్న ఫీడర్‌ జాబితా సూచిస్తోంది. అయినా వ్యవసాయానికి ని రంతర, స్థిరమైన సరఫరా విషయంలో రైతుల నుంచి ఫిర్యాదులు వస్తున్నాయి. ముఖ్యంగా విద్యుత్‌ కో తల తర్వాత ఒక్కసారిగా వచ్చే హెచ్చుతగ్గులు మో టార్లకు ముప్పుగా మారుతోందని రైతులు చె బుతు న్నారు. కోస్గి నుంచి మద్దూరు, మక్తల్‌ నుంచి ఊ ట్కూర్‌, మాగనూర్‌ నుంచి కృష్ణా, నర్వ నుంచి దా మరగిద్ద, మరికల్‌ నుంచి ధన్వాడ వరకు విద్యు త్‌ నెట్‌వర్క్‌ విస్తరించి ఉంది. జిల్లాలోని విద్యుత్‌ సబ్‌స్టేషన్లు కోస్గి, సర్జాఖాన్‌పేట, మిర్జాపూర్‌, చంద్రవంచ, మద్దూరు, దోరేపల్లి, మొమిన్‌పూర్‌, గుండుమా ల్‌, అమ్లికుంట, వీరారం, కొత్తపల్లి, గోకుల్‌నగర్‌, మ క్తల్‌, జక్లేర్‌, పస్పుల, ముస్టిపల్లి, మంతనన్‌గోడ్‌, లింగంపల్లి, కర్నె, గుడిగండ్ల, ఉట్కూర్‌, బిజ్వార్‌, నిడుగుర్తి, ఓబ్లాపూర్‌, మాగనూర్‌, తంగడి, నేరెడుగాం, గుడెబల్లూరు, కొల్పూర్‌, కృష్ణా, నర్వ, పెద్దకడ్మూర్‌, నా రాయణపేట, కనుకుర్తి, మొగల్‌మడ్క, దామరగిద్ద, క్యాతన్‌పల్లి, లోకుర్తి, విఠలాపూర్‌, మ రికల్‌, అప్పంపల్లి, వెంకటాపూర్‌, ఎక్లాస్‌పూర్‌, కన్మనూర్‌, సింగా రం, కోటకొండ, చిన్నజట్రం, పేరపళ్ల, అప్పక్‌పల్లి, కొల్లంపల్లి, ధన్వాడ, కొండాపూర్‌, గో టూర్‌, గున్ముక్ల తదితర సబ్‌స్టేషన్ల పరిధిలో ఫీడర్లు ఉన్నాయి. మాగనూర్‌ శివారులో ఎండుతున్న వరి పంట

కోస్గి రూరల్‌: గ్రామీణ ప్రాంతాలను అన్నిరంగాల్లో అభివృద్ధి చేయడమే లక్ష్యంగా ముందుకు సాగుతున్నామని కడా ప్రత్యేక అధికారి వెంకట్‌రెడ్డి, నియోజకవర్గ ఇన్‌చార్జ్‌ తిరుపతిరెడ్డి అన్నారు. బుధవారం పట్టణంలోని ప్రభుత్వ ఇంజినీరింగ్‌ కళాశాలలో సీఎస్‌ఆర్‌ నిధులు రూ.30 లక్షలతో కంప్యూటర్‌ ల్యాబ్‌లు, చంద్రవంచలో రూ.30 లక్షలతో కమిట్‌మెంట్స్‌ భవన నిర్మాణానికి భూమి పూజ, ముంగిమళ్లలో రూ.30 లక్షల ఎండోమెంట్‌ నిధులతో ఆంజనేయస్వామి ఆలయ నిర్మాణానికి భూమిపూజ చేయడంతో పాటు ముంగిమళ్ల – లోదీపూర్‌ దారిలో రూ.3 కోట్ల కడా నిధులతో నిర్మించిన హైలెవల్‌ వంతెనను ప్రారంభించారు. అదేవిధంగా ముశ్రీఫా శివారులో రూ.2.11 కోట్ల కడా నిధులతో సబ్‌స్టేషన్‌ నిర్మాణానికి భూమిపూజ చేశారు. ఈ సందర్భంగా వారు మాట్లాడుతూ.. నియోజకవర్గాన్ని ఆదర్శంగా తీర్చిదిద్దేందుకు కృషి చేస్తున్నామని, గ్రామాల్లోని నాయకులు సమష్టిగా సహకరించాలని కోరారు. గ్రామాల్లోని సమస్యలను సైతం తమ దృష్టికి తీసుకురావాలని.. పరిష్కరించేందుకు సిద్ధంగా ఉన్నామన్నారు. తెలంగాణ ప్రభుత్వం పేదల సంక్షేమానికి కృషి చేస్తోందని.. ఆరు గ్యారెంటీలు అమలు చేసి ప్రజాదరణ పొందిందని వివరించారు. కార్యక్రమంలో జిల్లా గ్రంథాలయాల సంస్థ చైర్మన్‌ వార్ల విజయ్‌కుమార్‌, కాంగ్రెస్‌పార్టీ మండల అధ్యక్షుడు రఘువర్ధన్‌రెడ్డి, పుర చైర్మన్‌ నాగులపల్లి నరేందర్‌, సర్సంచ్‌ల సంఘం అధ్యక్షుడు సుధాకర్‌గౌడ్‌, మున్సిపల్‌ అధ్యక్షుడు బెజ్జు రాములు, కౌన్సిలర్లు శ్రీనివాస్‌, తుడుం శ్రీనివాస్‌, రాజేష్‌, ముశ్రీపా సర్పంచ్‌ వెంకటమ్మ, విద్యాసాగర్‌, మహిపాల్‌రెడ్డి, రామకృష్ణారెడ్డి, బాలే ష్‌, ఫిరోజ్‌, హాజీ, సలీం తదితరులు పాల్గొన్నారు.

నర్వ: ఒడిశా రాష్ట్రంలోని మహేంద్రగిరిలో జరగనున్న జాతీయస్థాయి సైక్లింగ్‌ చాంపియన్‌ పోటీలకు రాష్ట్రం తరఫున నర్వ కేజీబీవీ పీఈటీ త్రివేణి ప్రాతినిథ్యం వహించనున్నారు. అక్టోబర్‌ 1 నుంచి 4వ తేదీ వరకు జరిగే ఈ పోటీలకు పీఈటీ ఎంపికై నట్లు జిల్లా సైక్లింగ్‌ అసోసియేషన్‌ ప్రధానకార్యదర్శి బి.గోపాలం తెలిపారు. బుధవారం స్థానిక మండల పరిషత్‌లో జరిగిన ప్రత్యేక కార్యక్రమంలో ఆమెను ఎంపీడీఓ శ్రీనివాసులు, ఎంపీఓ రాఘవేందర్‌, ప్రత్యేక అధికారి గోపాలచారి, ఆయా గ్రామాల సర్పంచులు, ఉపాధ్యాయులు శాలువాలతో సత్కరించారు. కేజీబీవీ విద్యార్థులను రాష్ట్రస్థాయిలో రాణించి జాతీయస్థాయికి వెళ్లేలా ఆమె కృషిచేశారన్నారు. గ్రామీణస్థాయి నుంచి జాతీయస్థాయి వరకు క్రీడాకారులను తీర్చిదిద్దిన పీఈటీని వారు అభినందించారు. ముంపు నిర్వాసితులను ఆదుకుంటాం మక్తల్‌: జూరాల వెనక జలాల ముంపునకు గురైన గ్రామాల ప్రజలను ప్రభుత్వం అన్నివిధాలుగా ఆదుకుంటుందని ఎస్‌డీసీ రాజేందర్‌గౌడ్‌ అన్నారు. బుధవారం మండలంలోని అంకెన్‌పల్లి ఆర్‌ఆర్‌ సెంటర్‌ ఏర్పాటుకు భూములిచ్చేందుకు గ్రామస్తులు తమ సమ్మతిని ఏకగ్రీవంగా తెలియజేశారు. అంకెన్‌పల్లి ఆర్‌ఆర్‌ సెంటర్‌కు అవసరమైన 67.19 ఎకరాల భూ సేకరణకు సంబందించిన ప్రాథమిక నోటిఫికేషన్‌ జారీ చేశామని ఆయన తెలిపారు. ఎస్‌ఈఎస్‌ సర్వే నివేదికను ఆమోదిస్తూ గ్రామస్తులందరూ తీర్మానం చేశారన్నారు. కార్యక్రమంలో ఎస్డీసీ డిప్యూటీ కలెక్టర్‌ రవీందర్‌రెడ్డి, తహసీల్దార్‌ సతీష్‌కుమార్‌, సర్పంచ్‌ రాజమ్మ, మాజీ సర్పంచ్‌ గోవర్ధన్‌రెడ్డి తదితరులు పాల్గొన్నారు. అలసందలు క్వింటా రూ.6,495 నారాయణపేట: స్థానిక మార్కెట్‌యార్డులో బుధవారం అలసందలు క్వింటా గరిష్టంగా రూ.6,495, కనిష్టంగా రూ.4,529 ధర పలికింది. అలాగే పెసర రూ.9,319, రూ.4,309, మినుములు సరాసరి ధర రూ.6,929 ధరలు లభించాయి. ఉద్యోగుల మహాధర్నా వాయిదా జెడ్పీసెంటర్‌ (మహబూబ్‌నగర్‌): ఉద్యోగుల డిమాండ్ల సాధన కోసం ఈనెల 10న హైదరాబాద్‌లో నిర్వహించతలపెట్టిన మహాధర్నాను వాయిదా వేసినట్లు ఉద్యోగ సంఘాల జేఏసీ జిల్లా చైర్మన్‌ రాజీవ్‌రెడ్డి బుధవారం తెలిపారు. ఉద్యోగ సంఘాలతో చర్చలకు ప్రభుత్వం సిద్ధంగా ఉన్నందున ఈనెల 18న సీఎం రేవంత్‌రెడ్డితో నాయకులు భేటీ కానున్నట్లు పేర్కొన్నారు. సమావేశంలో ఉద్యోగుల న్యాయమైన డిమాండ్లను ప్రభుత్వం దృష్టికి తీసుకెళ్తామని, సానుకూల నిర్ణయం రాకపోతే తదుపరి కార్యాచరణ ప్రకటిస్తామని తెలిపారు.

ఈ ఫొటోలోని రైతు పేరు పూజారి మహదేవ్‌. మాగనూర్‌ మండలం భైరంపల్లి గ్రామం. ఈయన తనకున్న 9 ఎకరాల్లో పత్తి సాగు చేసి సుమారు రూ.1.20 లక్షలు పెట్టుబడి పెట్టారు. సకాలంలో వర్షాలు లేక పంట ఎదుగుదల మందగించగా.. మరోవైపు ఎర్ర తెగులు సోకి పూత, కాయలు రాలిపోతుండటంతో ఆందోళన చెందుతున్నారు. పంట కాపాడుకొనేందుకు అదనపు ఖర్చు చేయాల్సి వస్తుండగా.. దిగుబడి మాత్రం పెరిగే అవకాశం లేదని రైతు తన ఆవేదనను వ్యక్తం చేస్తున్నారు. నారాయణపేట: పత్తి రైతు ఆశలు పూత దశలోనే రాలిపోతున్నాయి. ఈసారి వర్షాభావం, తెగుళ్లు, చీడపీడలు పట్టి పీడిస్తున్నాయి. మొక్కల ఎదుగుదల మందగించడం, పూత, కాయలు తగ్గడం, కొన్ని ప్రాంతాల్లో ఎర్ర తెగులు ప్రభావం కనిపించడంతో దిగుబడిపై రైతుల్లో ఆందోళన మొదలైంది. జిల్లావ్యాప్తంగా సుమారు 1.60 లక్షల ఎకరాల్లో పత్తి సాగు చేశారు. సాధారణ పరిస్థితుల్లో ఎకరాకు 8 నుంచి 10 క్వింటాళ్ల వరకు దిగుబడి రావాల్సి ఉండగా.. ఈసారి మాత్రం కొన్ని ప్రాంతాల్లో 2 నుంచి 3 క్వింటాళ్ల దిగుబడే వస్తుందేమోనన్న భయం రైతులను వెంటాడుతోంది. ఇప్పటికే విత్తనాలు, ఎరువులు, పురుగుమందులు, కూలీల ఖర్చులు పెరిగాయి. పంటను కాపాడుకునేందుకు అదనంగా మందులు పిచికారీ చేయాల్సి వస్తోంది. దిగుబడి తగ్గితే పెట్టుబడి కూడా తిరిగి రాని పరిస్థితి ఏర్పడుతుందని రైతులు ఆందోళన చెందుతున్నారు. లోటు వర్షపాతం.. జిల్లాలో జూనన్‌ 1 నుంచి సెప్టెంబర్‌ 5 వరకు 31 శాతం లోటు వర్షపాతం నమోదైంది. గతేడాది ఇదే కాలంలో 598.9 మి.మీ. వర్షపాతం ఉండగా.. ఈసారి ఏకంగా 55 శాతం తక్కువగా నమోదైంది. ఈ తేడా వర్షాధార పత్తి సాగుపై స్పష్టమైన ప్రభావాన్ని చూపుతోంది. వర్షాల మధ్య విరామం, తేమ లోపంతో రైతుల్లో దిగుబడిపై ఆందోళన మొదలైంది. వర్షాల మధ్య అంతరాలు పెరగడం, తేమ నిలవకపోవడం, ఎండ తీవ్రతతో పగటి సమయంలో మొక్కలు వాడిపోవడం పత్తి రైతులకు మరో సమస్యగా మారింది. పెరగని పత్తి పంట.. దిగుబడిపై ప్రభావం జిల్లాలో 1.60 లక్షల ఎకరాల్లో సాగు వర్షాభావ పరిస్థితులతో రైతన్న అయోమయం పెట్టుబడి కూడా చేతికందని పరిస్థితి ఎర్ర తెగులు.. పత్తి పంటకు ఎర్ర తెగులు, ఇతర చీడపీడల బెడద వెంటాడుతుండటంతో మొక్కలు ఆశించిన స్థాయిలో ఎదగడం లేదు. దీంతో పూత, కాయల సంఖ్య తగ్గుతుండటంతో దిగుబడులపై రైతుల్లో ఆందోళన మొదలైంది. ఇప్పటికే విత్తనాలు, ఎరువులు, పురుగుమందులు, కూలీల ఖర్చులు భారీగా పెరగడంతో పెట్టుబడులు పెరిగాయి. పంట చేతికొచ్చే నాటికి ఖర్చులు కూడా తిరిగొస్తాయా అన్న సందేహం నెలకొంది. తొలినాళ్లలో వర్షాలు ఆశించిన స్థాయిలో లేకపోవడం, ఆ తర్వాత వాతావరణ పరిస్థితుల్లో మార్పులు చోటుచేసుకోవడంతో పంట పెరుగుదలపై ప్రభావం పడిందని రైతులు చెబుతున్నారు. ప్రస్తుతం కొన్ని ప్రాంతాల్లో పత్తి మొక్కలు ఎర్రబడటం, ఆకులు బలహీనపడటం, ఎదుగుదల మందగించడం వంటి సమస్యలు కనిపిస్తున్నాయని పేర్కొంటున్నారు. పూతకు ముందేపురుగుల బెడద.. పత్తి మొక్కలు ఎదిగి పూత, కాయల దశకు చేరుకోవాల్సిన సమయంలో తెగుళ్లు, చీడపీడలు రైతులను కలవరపెడుతున్నాయి. తెగు ళ్ల నివారణకు మందులు పిచికారీ చేయాల్సి వస్తుండటంతో అదనపు భారం పడుతోంది. మందుల ఖర్చుతో పాటు పిచికారీ కూలీ కూడా రైతులపై ఆర్థిక ఒత్తిడిని పెంచుతోంది.

మక్తల్‌: ఓటరు జాబితా ప్రత్యేక సమగ్ర సవరణ (సర్‌)పై కాంగ్రెస్‌ శ్రేణులు అప్రమత్తంగా ఉండాలని.. అర్హుల ఓటు హక్కును కాపాడే బాధ్యత కార్యకర్తలదేనని రాష్ట్ర పశుసంవర్ధకశాఖ మంత్రి వాకిటి శ్రీహరి అన్నారు. ఆదివారం పట్టణంలోని ఓ ఫంక్షన్‌ హాల్‌లో నియోజకవర్గ పరిధిలోని బీఎల్‌ఏలు, సూపర్‌వైజర్లతో ప్రత్యేక సమావేశం నిర్వహించి మాట్లాడారు. నియోజకవర్గంలో సుమారు 36 వేల ఓట్లు తొలగించబడ్డాయని.. తాజాగా 76 వేల మంది ఓటర్లకు నోటీసులు జారీ చేసినట్లు చెప్పారు. అర్హులైన ప్రతి ఒక్కరూ తమ ఓటు హక్కు కోల్పోకుండా చూసుకోవాలన్నారు. ఎస్‌ఐఆర్‌లో సర్పంచులు, వార్డు సభ్యులు, చైర్‌పర్సన్‌లు, కార్యకర్తలు భాగస్వాములు కావాలని కోరారు. పేద కుటుంబాలకు సరైన న్యాయం అందాలంటే మరోమారు కాంగ్రెస్‌ ప్రభుత్వం ఏర్పడాలన్నారు. నియోజకవర్గ అభివృద్ధికి అన్నివిదాలుగా కృషి చేస్తానని తెలిపారు. అనంతరం ఈ నెల 10న మక్తల్‌లో ఆవిష్కరించనున్న చాకలి ఐలమ్మ విగ్రహ ఏర్పాటు వాల్‌పోస్టర్లను మంత్రి ఆవిష్కరించారు. కార్యక్రమంలో డీసీసీ అధ్యక్షుడు ప్రశాంత్‌కుమార్‌రెడ్డి, పార్లమెంటరీ సర్‌ ఇన్‌చార్జ్‌ రేణుకగౌడ్‌, మక్తల్‌ నియోజకవర్గ ఇన్‌చార్జ్‌ గుత్తా అమిత్‌, పుర చైర్‌పర్సన్‌ వాకిటి మానస, మండల అధ్యక్షుడు శ్రీనివాస్‌గౌడ్‌, పట్టణ అధ్యక్షుడు రవికుమార్‌, మార్కెట్‌ వైస్‌ చైర్మన్‌ గణేష్‌కుమార్‌, డైరెక్టర్లు విష్ణువర్ధన్‌రెడ్డి, ఫయాజ్‌, ఆంజనేయులు తదితరులు పాల్గొన్నారు. రాష్ట్ర పశుసంవర్ధకశాఖ మంత్రి వాకిటి శ్రీహరి

సీఎం రేవంత్‌రెడ్డి, టీపీసీసీ అధ్యక్షుడు మహేష్‌కుమార్‌ గౌడ్‌, రాష్ట్ర వ్యవహారాల ఇన్‌చార్జి మీనాక్షి నటరాజన్‌ నేతృత్వంలో ఉమ్మడి మహబూబ్‌నగర్‌, హైదరాబాద్‌, రంగారెడ్డి జిల్లాల ఇన్‌చార్జి మంత్రుల (దామోదర రాజనర్సింహ, పొన్నం ప్రభాకర్‌, దుద్దిళ్ల శ్రీధర్‌బాబు) ఆధ్వర్యంలో కమిటీ ఏర్పాటు కాగా.. ఎమ్మెల్సీ అభ్యర్థి ఎంపికపై గత నెల నుంచే జల్లెడ మొదలుపెట్టింది. అభ్యర్థిత్వం ఖరారుపై ఆయా అసెంబ్లీ నియోజకవర్గాల పరిధిలోని మంత్రులు, ఎమ్మెల్యేలు, ఇతర ముఖ్య నేతలతో అభిప్రాయ సేకరణ చేపట్టింది. ఈ మేరకు ఉమ్మడి జిల్లా నుంచి ముగ్గురి పేర్లను పరిశీలనలోకి తీసుకున్నట్లు తెలుస్తోంది. ఆ తర్వాత కుదించి మొత్తంగా ముగ్గురి పేర్లను అధిష్టానానికి సూచించినట్లు సమాచారం. త్వరలో ఒక్క అభ్యర్థిని ఫైనల్‌ చేసి.. ప్రకటించనున్నట్లు ఆ పార్టీ వర్గాలు చెబుతున్నాయి.

అమరచింత: బీఆర్‌ఎస్‌ ప్రభుత్వంలో రైతుల సంక్షేమానికి తీసుకొచ్చిన పథకాలను ఒక్కొక్కటిగా తొలగిస్తూ రైతులతో కన్నీరు పెట్టిస్తున్న కాంగ్రెస్‌ ప్రభుత్వానికి కాలం చెల్లిందని మాజీ మంత్రి శ్రీనివాస్‌గౌడ్‌ అన్నారు. ఆదివారం మండల కేంద్రంలో బీఆర్‌ఎస్‌ పార్టీ ఆధ్వర్యంలో నిర్వహించిన కార్యక్రమంలో మాజీ ఎమ్మెల్యే చిట్టెం రామ్మోహన్‌రెడ్డితో కలిసి పాల్గొన్నారు. పురవీధుల మీదుగా భారీ ర్యాలీ నిర్వహించి బస్టాండ్‌ కూడలిలో కాంగ్రెస్‌ పాలనపై మాజీ మంత్రి తీవ్రస్థాయిలో విమర్శలు చేశారు. ఎల్‌నినో పేరిట రైతులకు సాగునీరు సరఫరా చేయకుండా ఆంక్షలు విధిస్తున్నారని.. వరి సాగు వద్దని చెబుతున్న ప్రభుత్వం ఇకపై ఆరుతడి పంటల సాగు కూడా చేయవద్దని చెప్పడం ఖాయమన్నారు. ఎన్నికల సమయంలో 420 హామీలతో ప్రజలను మోసగించి అధికారంలోకి వచ్చిన కాంగ్రెస్‌.. ఇచ్చిన ఆరు గ్యారెంటీలను కూడా అమలు చేయలేని స్థితిలో ఉందని తెలిపారు. తమ పాలనలో వ్యవసాయానికి నిరంతర, నాణ్యమైన విద్యుత్‌ను అందించామని.. ప్రస్తుత ప్రభుత్వం రోజుకు 9 గంటల విద్యుత్‌ను కూడా అందించలేని దుస్థితిలో ఉందన్నారు. రైతుబీమా పథకాన్ని అమలు చేయలేక మంగళం పాడిందని తెలిపారు. అమాయక ప్రజలకు ఆశ చూపి అధికారంలోకి వచ్చిన కాంగ్రెస్‌ ప్రభుత్వం ఏదో సాధించామని వెయ్యి రోజుల పండుగ చేసుకోవడం శోచనీయమన్నారు. కాంగ్రెస్‌ ప్రభుత్వ పనితీరుపై ప్రజలు ఆగ్రహంతో ఉన్నారని.. సరైన సమయంలో తగిన గుణపాఠం చెబుతారని వెల్లడించారు. మూడు మండలాలకు గడ్డుకాలం.. కొడంగల్‌ ఎత్తిపోతల పథకంతో మక్తల్‌ నియోజకవర్గంలోని నర్వ, అమరచింత, ఆత్మకూర్‌ మండలాలకు సాగునీరు అందదని మాజీ ఎమ్మెల్యే చిట్టెం రామ్మోహన్‌ రెడ్డి అన్నారు. పాలమూర్‌–రంగారెడ్డి ఎత్తిపోతల పనులను నాటి కేసీఆర్‌ ప్రభుత్వం 90 శాతం పూర్తి చేసిందని.. మిగిలిన పనులు చేయలేక కాంగ్రెస్‌ ప్రభుత్వం నాటకమాడుతోందని తెలిపారు. బీఆర్‌ఎస్‌ ప్రభుత్వంలో ప్రజలు, రైతులకు ఎన్నో సంక్షేమ పథకాలు అందించామని.. కాంగ్రెస్‌ ప్రభుత్వం రైతుల కోసం ఏం చేసిందో బహిరంగ చర్చకు రావాలని సవాల్‌ విసిరారు. నియోజకవర్గ అభివృద్ధిని మంత్రి వా కిటి శ్రీహరి పూర్తిగా విస్మరించారని.. ఇసుక, మట్టి దందాలు నడుపుతున్న కాంగ్రెస్‌ నాయకులకు రోజులు దర్గర పడ్డాయని మండిపడ్డారు. జెడ్పీటీసీ మాజీ సభ్యుడు రాజేందర్‌సింగ్‌, బీఆర్‌ఎస్వీ ఉమ్మడి జిల్లా అధ్యక్షుడు నరేష్‌రెడ్డి పాల్గొన్నారు.

● పంచ్‌ పవర్‌తో పతకాలు సాధిస్తున్న నలుగురు బాక్సర్లు ● బాక్సింగ్‌లో సత్తా చాటుతున్న ఉమ్మడి జిల్లా క్రీడాకారులు బాక్సింగ్‌ రింగ్‌లో ఉమ్మడి పాలమూరు జిల్లా క్రీడాకారులు పంచ్‌ పవర్‌ చూపించారు. హైదరాబాద్‌లో శని, ఆదివారం జరిగిన రాష్ట్రస్థాయి బాక్సింగ్‌ పోటీల్లో నలుగురు క్రీడాకారులు సత్తాచాటి పతకాలు సాధించారు. పెబ్బేర్‌ మండలం శాగాపూర్‌కు చెందిన శ్రీలేఖ స్వర్ణ పతకం సాధించి దక్షిణ భారత చాంపియన్‌షిప్‌కు ఎంపిక కాగా.. మహబూబ్‌నగర్‌కు చెందిన ఎం.రాజు, నాగర్‌కర్నూల్‌ జిల్లా శశికాంత్‌ రజత పతకాలు, గండేడ్‌కు చెందిన జె.రాకేష్‌ కాంస్య పతకం సాధించారు. వరుస విజయాలతో జిల్లాలో బాక్సింగ్‌పై ఆసక్తి పెరుగుతోంది. శ్రీలేఖ.. స్వర్ణ పంచ్‌ వనపర్తి జిల్లా పెబ్బేర్‌ మండలం శాగాపూర్‌కు చెందిన శ్రీలేఖ ఏడేళ్లుగా బాక్సింగ్‌లో శిక్షణ పొందుతూ అంచెలంచెలుగా ఎదుగుతోంది. ఇప్పటికే ఐదుసార్లు జాతీయస్థాయి పోటీల్లో రాష్ట్రానికి ప్రాతినిధ్యం వహించింది. తొమ్మిదిసార్లు రాష్ట్రస్థాయి పోటీల్లో పాల్గొని ఏడు స్వర్ణాలు, రెండు కాంస్య పతకాలు సాధించింది. జిల్లాస్థాయిలో మూడు స్వర్ణాలు, ఒక రజతం ఆమె ఖాతాలో ఉన్నాయి. హైదరాబాద్‌లో జరిగిన రాష్ట్రస్థాయి పోటీల్లో 48–51 కిలోల విభాగంలో స్వర్ణ పతకం సాధించిన శ్రీలేఖ.. ఈనెల 16 నుంచి 19 వరకు బెంగళూరులో జరిగే ఎలైట్‌ పురుషుల, మహిళల సౌత్‌ ఇండియా బాక్సింగ్‌ చాంపియన్‌షిప్‌కు ఎంపికై ంది. భవిష్యత్‌లో ఒలింపిక్స్‌లో దేశానికి ప్రాతినిధ్యం వహించడమే తన లక్ష్యమని చెబుతోంది. – మహబూబ్‌నగర్‌ క్రీడలు

–8లో uమరికల్‌: రోజురోజుకు పెరుగుతున్న నిత్యావసరాల ధరలు సామాన్న, మధ్యతరగతి కుటుంబాల్లో వణుకు పుట్టిస్తున్నాయి. ప్రతి నెల బడ్జెట్‌ లెక్కలు మారుతున్న తీరు బడుగు జీవులను ఆందోళనకు గురిచేస్తున్నాయి. ఈ నేపథ్యంలో ఖర్చులు తగ్గించుకునేందుకు వినోదాలు, విహార యాత్రలను వాయిదా వేసుకుంటూ ఉన్నంతలో సర్దుకునే అన్ని ప్రయత్నాలు చేస్తున్నారు. ● జిల్లాలో వ్యవసాయమే ప్రధాన వృత్తి. పేద, మధ్యతరగతి కుటుంబాల శాతం ఎక్కువే. ఉద్యోగ, ఉపాధి అవకాశాలు తక్కువ.. పంట ఉత్పత్తులపై జీవించే వారు అనేకం. ఈ ఏడాది ఎల్‌నినో ప్రభావంతో వ్యవసాయరంగం ఆశాజనకంగా లేదు. ఆశించిన మేర వానాకాలం సీజన్‌ లేక చాలామంది బతుకుదెరువు కోసం ఇతర ప్రాంతాలకు వలస వెళ్లాల్సిన పరిస్థితి నెలకొంది. ఇదే క్రమంలో పెరుగుతున్న ధరలు ఒకింత తలనొప్పిగా మారాయి. వివిధ రకాల నిత్యావసర సరుకుల ధరల పెంపుతో అల్పాహారం, భోజనం, చిరుతిళ్లు, ప్రైవేట్‌ వాహనాల ఛార్జీల పెరుగుదలతో స్పష్టమవుతోంది. సరుకులు 9 నెలల ప్రస్తుతం కిందట బియ్యం 4,500 6,000 మిర్చి పొడి 300 420 వంట నూనె 145 180 కందిపప్పు 120 135 పాలు (లీటర్‌) 80 84 చక్కెర 44 60 మటన్‌ (కిలో) 800 900 కోడిగుడ్డు (30) 150 189 వంటగ్యాస్‌ 923.50 1,012.50 పెట్రోల్‌ (లీటర్‌) 107.71 115.94 డీజిల్‌ (లీటర్‌) 95.93 104.05 ఉక్కిరిబిక్కిరవుతున్న సామాన్యులు బతుకు భారమవుతోందని ఆందోళన నియంత్రణకు ప్రభుత్వం చర్యలు చేపట్టాలని వినతి వంట నూనెలు, నిత్యావసర సరుకుల ధరలు పెరగడంతో ఇల్లు గడవడం కష్టంగా మారింది. కొన్నాళ్లుగా పొదుపు మరింత పెరిగింది. కట్టెల పొయ్యి వాడకం పెంచాల్సి వస్తోంది. గతంలో నెలకు రూ.3 వేల వరకు ఖర్చవుతుండగా.. ప్రస్తుతం రూ.4,500 వరకు అవుతోంది. వర్షాలు లేక పంట ఉత్పత్తులు రావడం లేదు. ప్రభుత్వం ధరలను నియంత్రించి సామాన్యులకు అందుబాటులోకి తీసుకురావాలి. – కుర్మయ్య, ఆటో డ్రైవర్‌, కన్మనూర్‌ ప్రస్తుత నిత్యావసర సరుకుల ధరలు భయపెట్టిస్తున్నాయి. ప్రతి నెల ఇంటి సరుకులు కొనుగోలు చేయాలంటే కనీసం రూ.4 వేలు దాటుతోంది. వర్షాలు లేక వ్యవసాయ కూలి పనులు దొరకడం లేదు. రోజు అడ్డపైకి వచ్చి పనుల కోసం ఎదురుచూస్తున్నాం. ఇలాంటి పరిస్థితుల్లో కుటుంబాన్ని నెట్టుకురావడం భారంగా ఉంది. నిత్యావసర సరుకుల ధరలు సామాన్యులకు అందుబాటులో ఉండేలా ప్రభుత్వలు తగిన చర్యలు తీసుకోవాలి. – ఎల్లమ్మ, గృహిణి, మరికల్‌ దాదాపు 9 నెలల వ్యవధిలో నిత్యావసరాల ధరలు 20 శాతం నుంచి 40 శాతం వరకు పెరిగినట్లు స్పష్టమవుతోంది. పేద, మధ్యతరగతి కుటుంబాలు సగటున రూ.2 వేల నుంచి రూ.3 వేలు అదనంగా చెల్లించాల్సి వస్తోంది. మాంసం, కూరగాయల ధరల్లోనూ వ్యత్యాసం కనిపిస్తోంది. దీంతో పలువురు ఖర్చులు తగ్గించుకునేందుకు దృష్టి సారించారు. పారిశ్రామిక ప్రాంతాల్లో ఇతర రాష్ట్రాలకు చెందిన కూలీలు దినసరి వేతనంపై పని చేసేవారు తర్జన భర్జన పడుతున్నారు.

జాతర మైదానంలోని విద్యుత్‌ సబ్‌స్టేషన్‌ నుంచి గుట్టపై ఉన్న ప్రధాన ఆలయం వరకు ఎలివేటెడ్‌ కారిడార్‌ నిర్మిస్తున్నారు. ఇందుకోసం 20 పిల్లర్లు ఏర్పాటు చేయాల్సి ఉండగా.. ఇప్పటికే 10 పిల్లర్లకు ఫౌండేషన్‌ పనులు పూర్తయ్యాయి. పిల్లర్ల నిర్మాణానికి కాంక్రీట్‌ పనులు కొనసాగుతున్నాయి. అమ్మాపురం సమీపం నుంచి కురుమూర్తి గుట్ట వెనుక భాగం మీదుగా ప్రధాన ఆలయం వరకు చేపడుతున్న ఘాట్‌రోడ్డు పనులు కూడా తుది దశకు చేరుకున్నాయి. రహదారిని చదును చేసి కంకర పరచారు. బీటీ వేసేందుకు సిద్ధం చేస్తున్నారు.

కురుమూర్తి ఆలయ అభివృద్ధిలో భాగంగా రూ.110 కోట్లతో పలు పనులు చేపడుతున్నారు. ప్రధాన ఆలయం వద్ద మహామండపం, జాతర మైదానంలో కల్యాణ మండపం, విడిది సత్రాలు, అన్నదాన సత్రాలు తదితర నిర్మాణాలు చేపట్టనున్నారు. ఇప్పటికే రాజగోపురం వద్ద రేకుల షెడ్డు, కోనేరు సమీపంలో విడిది సత్రం, డ్రెయినేజీ పనులు పూర్తయ్యాయి. మెట్ల కష్టాలకు చెక్‌ కురుమూర్తి స్వామి బ్రహ్మోత్సవాలతో పాటు ప్రతి అమావాస్య, శని, సోమవారాల్లో భారీ సంఖ్యలో భక్తులు ఆలయానికి తరలివస్తారు. అయితే వృద్ధులు, దివ్యాంగులు కొండపైకి మెట్లు ఎక్కలేక రాజగోపురం వద్ద నుంచే స్వామివారిని దర్శించుకుని వెనుదిరిగే పరిస్థితి ఉంది. ఘాట్‌రోడ్డు అందుబాటులోకి వస్తే వాహనాల్లోనే ప్రధాన ఆలయం వరకు చేరుకునే అవకాశం కలగనుంది. దీంతో భక్తుల ఇబ్బందులు గణనీయంగా తగ్గనున్నాయి.

● కొడంగల్‌లో శిలా ఫలకాన్ని ప్రారంభించిన ముఖ్యమంత్రి కోస్గి రూరల్‌: విద్యార్థులకు ఎలాంటి ఇబ్బందులు కలగకుండా సకల సౌకర్యాలు, ఆధునిక హంగులతో పాఠశాల భవన నిర్మాణం చేపడతామని ముఖ్యమంత్రి రేవంత్‌రెడ్డి అన్నారు. శనివారం కొడంగల్‌లో అరబిందో ఫార్మా ఫౌండేషన్‌, అరబిందో ఫార్మా లిమిటెడ్‌ దాతృత్వ విభాగం సహకారంతో రూ.4 కోట్ల సీఎస్‌ఆర్‌ నిధులతో నిర్మించనున్న కోస్గి ప్రభుత్వ ఉన్నత పాఠశాల భవన నిర్మాణ శిలా ఫలాకాన్ని రాష్ట్ర వైద్య, ఆరోగ్యశాఖమంత్రి దామోదర రాజనర్సింహ, స్పీకర్‌ గడ్డం ప్రసాద్‌కుమార్‌తో కలిసి ముఖ్యమంత్రి ఆవిష్కరించారు. అలాగే గణపతి, సరస్వతి, వేంకటేశ్వరస్వామి చిత్రపటాలకు ప్రత్యేక పూజలు చేశారు. ఈ సందర్భంగా ఆయన మాట్లాడుతూ.. తెలంగాణ ప్రభుత్వం గ్రామీణ ప్రాంత విద్యార్థులకు నాణ్యమైన విద్య, నైపుణ్యాల పెంపునకు కృషి చేస్తోందన్నారు. విద్యారంగం అభివృద్ధికి సహకరిస్తున్న అరబిందో ఫార్మా ఫౌండేషన్‌ నిర్వాహకులను ఆయన అభినందించారు. కార్యక్రమంలో ఎమ్మెల్యేలు మనోహర్‌రెడ్డి, రామ్మోహన్‌రెడ్డి, కడా చైర్మన్‌ వెంకట్‌రెడ్డి, అరబిందో ఫౌండేషన్‌ సీఎస్‌ఆర్‌ సదానందరెడ్డి, సీనియర్‌ వైస్‌ పెస్రిడెంట్‌ డా. ఐఎస్‌ఆర్‌ రావు తదితరులు పాల్గొన్నారు.

నారాయణపేట ఎడ్యుకేషన్‌: అన్ని వృత్తుల్లోకెల్లా ఉపాధ్యాయ వృత్తి అత్యున్నతమైందని డీఆర్వో రాజేశ్వరి అన్నారు. శనివారం జిల్లాకేంద్రంలోని ఓ ప్రైవేట్‌ ఫంక్షన్‌హాల్‌లో ఉపాధ్యాయ దినోత్సవాన్ని జిల్లా విద్యాశాఖ ఆధ్వర్యంలో ఘనంగా నిర్వహించారు. ఈ కార్యక్రమానికి ఆమె ముఖ్యఅతిథిగా హాజరై మాట్లాడుతూ.. జిల్లాలో విద్యారంగ అభివృద్ధికి అధికారులు, ఉపాధ్యాయులు చేస్తున్న సమష్టి కృషిని అభినందించారు. మూడేళ్లుగా విద్యార్థుల అభ్యసన ఫలితాల్లో ఘనమైన పురోగతి సాధించిందన్నారు. ప్రభుత్వ పాఠశాలల్లో విద్యార్థుల సంఖ్య మరింత పెంచడంతో పాటు మౌలిక వసతులు మెరుగుపర్చి ప్రతి విద్యార్థికి నాణ్యమైన విద్య అందేలా కృషి చేయాలని సూచించారు. మంచి ఉపాధ్యాయుడు ఓ విద్యార్ధి జీవితాన్నే కాదు కుటుంబాన్ని, సమాజాన్ని, దేశ భవిష్యత్‌ను తీర్చిదిద్దగలడన్నారు. అదేవిధంగా జిల్లాస్థాయి ఉత్తమ ఉపాధ్యాయులుగా ఎంపికై న 68 మందిని ప్రత్యేకంగా అభినందించారు. అనంతరం జిల్లా విద్యాధికారి డా. గోవిందరాజు మాట్లాడుతూ.. పురస్కారాలు బాధ్యతను మరింత పెంచుతాయని రాష్ట్రస్థాయి ఉత్తమ ఉపాధ్యాయులుగా తనతో పాటు ఎంపికై న ఇద్దరికి, జిల్లా ఉత్తమ ఉపాధ్యాయులు విద్యారంగంలో ఎనలేని కృషి చేసి భవిష్యత్‌లో మరిన్ని పురస్కారాలు అందుకోవాలని ఆకాంక్షించారు. విద్యారంగంలో జిల్లాను ప్రథమ స్థానంలో నిలిపేందుకు సమష్టిగా కృషి చేయాలన్నారు. అనంతరం జిల్లాస్థాయి ఉత్తమ ఉపాధ్యాయులకు జ్ఞాపికలు, ప్రశంసాపత్రాలు అందజేయడంతో పాటు రాష్ట్రస్థాయి ఉత్తమ ఉపాధ్యాయులను పూలమాలలతో సత్కరించారు. ఉపాధ్యాయుల కృషిని సత్కరించడంతో వారి సేవలకు సముచిత గౌరవం లభించడంతో పాటు భవిష్యత్‌లో మరింత అంకితభావంతో పని చేయడానికి ప్రోత్సాహం లభిస్తుందన్నారు. కార్యక్రమంలో జిల్లా గ్రంథాలయాల సంస్థ చైర్మన్‌ విజయ్‌కుమార్‌, పుర చైర్‌పర్సన్‌ కొండా శ్వేత సత్యయాదవ్‌, కోస్గి పుర చైర్మన్‌ నరేందర్‌, ఏఎంమ్‌సీ చైర్మన్‌ సదాశివారెడ్డి, ఏఎంఓ విద్యాసాగర్‌, డీఎస్‌ఓ భానుప్రకాష్‌, ఎస్‌ఓ రాజేంద్రకుమార్‌, యాదయ్యశెట్టి, సాయినాథ్‌, నాగార్జునరెడ్డి, అన్ని మండలాల ఎంఈఓలు, విద్యాశాఖ సిబ్బంది, ఉపాధ్యాయులు పాల్గొన్నారు.

కొల్లాపూర్‌: రాష్ట్రంలో కాంగ్రెస్‌ ప్రభుత్వం అధికారంలోకి వచ్చిన 48 గంటల్లోనే మహిళలకు ఆర్టీసీ బస్సుల్లో ఉచిత ప్రయాణ సౌకర్యాన్ని అమలు చేశామని రాష్ట్ర పంచాయతీరాజ్‌, సీ్త్ర, శిశుసంక్షేమ శాఖ మంత్రి సీతక్క అన్నారు. మహిళలకు ఉచిత బస్సు సౌకర్యం కల్పించడాన్ని బీఆర్‌ఎస్‌ నేతలు ఓర్వలేకపోతున్నారని విమర్శించారు. ఉచిత బస్సుల్లో ప్రయాణిస్తే మహిళలు చెడిపోతున్నారంటూ ఆ పార్టీ నేత లు మాట్లాడుతున్నారని, మహిళలను ఇప్పటికీ వంటింటికే పరిమితం చేయాలనుకుంటున్నారని ఆరోపించారు. ముఖ్యమంత్రి రేవంత్‌రెడ్డి మాత్రం రాష్ట్రంలోని కోటి మంది మహిళలను కోటీశ్వరులను చేయడమే లక్ష్యంగా పనిచేస్తున్నారని తెలిపారు. కొల్లాపూర్‌ నియోజకవర్గంలో పలు అభివృద్ధి పనులకు శంకుస్థాపనలు చేసిన అనంతరం పట్టణంలో ఏర్పాటు చేసిన సభలో సీతక్క మాట్లాడారు. మహిళలు, పేదలను కించపరిచేలా మాట్లాడుతున్న బీఆర్‌ఎస్‌ను ప్రజలు తరిమికొట్టాలని పిలుపునిచ్చారు. ఎకై ్సజ్‌, పర్యాటక శాఖ మంత్రి జూపల్లి కృష్ణారావు మాట్లాడుతూ.. ప్రజల ఆరోగ్య పరిరక్షణతో పాటు తెలంగాణ సంస్కృతిని కాపాడేందుకు త్వరలో ‘ప్రభాతభేరి’ పేరుతో కొత్త కార్యక్రమాన్ని ప్రారంభించనున్నట్లు తెలిపా రు. ముఖ్యమంత్రి రేవంత్‌రెడ్డి చేతుల మీదుగా రాష్ట్రవ్యాప్తంగా ఈ కార్యక్రమానికి శ్రీకారం చుడతామని చెప్పారు. ఎంపీ మల్లు రవి మా ట్లాడుతూ.. కొండా సురేఖ, చిన్నారెడ్డి వ్యవహారంలో కాంగ్రెస్‌ పార్టీ ప్రజాస్వామ్యయుతంగా చర్యలు తీసుకుందని పేర్కొన్నారు. కాంగ్రెస్‌ పాలనంతా దగా : బీఆర్‌ఎస్‌ నర్వ: కాంగ్రెస్‌ ప్రభుత్వం 420 హామీలు, 6 గ్యారెంటీలతో వెయ్యి రోజుల పాలనంతా దగా తప్పా.. చేసిందేమీ లేదని మాజీ ఎమ్మెల్యే చిట్టెం రామ్మోహన్‌రెడ్డి ఆరోపించారు. శనివారం మండల కేంద్రంలో బీఆర్‌ఎస్‌ ఆధ్వర్యంలో నిర్వహించిన భారీ ర్యాలీలో ఆయన పాల్గొన్నారు. తహసీల్దార్‌ కార్యాలయం నుంచి పట్టణ వీధులు మీదుగా అంబేడ్కర్‌ చౌరస్తా వరకు ర్యాలీ కొనసాగింది. అంబేడ్కర్‌ చౌరస్తాలో నిర్వహించిన ధర్నాలో ఆయన మాట్లాడుతూ.. బీఆర్‌ఎస్‌ పాలనలో లోఓల్టేజీ సమస్య ఉండేది కాదని, అన్ని గ్రామాల రైతులకు సేవలందించేందుకు రైతువేధికలు, కొత్త పంచాయతీలు, వైకుంఠధామాలు, అనేక అభివృద్ధి కార్యక్రమాలు చేపట్టామని గుర్తు చేశారు. నేటి కాంగ్రెస్‌ ప్రభుత్వం రైతులకు అందించే రైతుబీమా, పేద ఆడబిడ్డల కోసం తీసుకొచ్చిన కల్యాణలక్ష్మి, షాదీముబారక్‌ పథకాలను రద్దు చేసేందుకు చూస్తోందన్నారు. నియోజకవర్గంలో అభివృద్ధి పేరిట శంకుస్థాపనలు తప్ప పనులు ప్రారంభించడం లేదని తెలిపారు. కార్యక్రమంలో బీఆర్‌ఎస్‌ పార్టీ మండల అధ్యక్షుడు మహేశ్వర్‌రెడ్డి, పీఏసీఎస్‌ చైర్మన్‌ శ్రీనివాస్‌రెడ్డి, వైస్‌ చైర్మన్‌ లక్ష్మన్న, నాయకులు దండు అయ్యప్ప, శంకర్‌, లక్ష్మీనర్సింహ, అరవింద్‌రెడ్డి, శివన్న, రాజారెడ్డి, పాల్గొన్నారు. 12న జాతీయ లోక్‌ అదాలత్‌ : ఎస్పీ నారాయణపేట: జిల్లాలోని నారాయణపేట, కోస్గి, మక్తల్‌ కోర్టుల్లో ఈ నెల 12న శనివారం జాతీయ లోక్‌ అదాలత్‌ నిర్వహించనున్నట్లు ఎస్పీ డా. వినీత్‌ శనివారం ఒక ప్రకటనలో తెలిపారు. కోర్టుల్లో సుదీర్ఘకాలంగా పెండింగ్‌లో ఉన్న రాజీ పడదగిన కేసులను కక్షిదారులు పరస్పర అంగీకారంతో త్వరగా పరిష్కరించుకునే అవకాశం ఉందని పేర్కొన్నారు. రాజీయే రాజమార్గమనే విషయాన్ని ప్రజలు గుర్తించాలని.. కేసులను పరిష్కరించుకోవాలనుకునే వారు సంబంధిత పోలీస్‌ అధికారులు లేదా కోర్టు విధులు నిర్వహించే పోలీస్‌ సిబ్బందిని సంప్రదించాలని సూచించారు. జిల్లాలోని పోలీస్‌ అధికారులు, కోర్టు సిబ్బంది రాజీ పడదగిన కేసులను గుర్తించి ఇరువర్గాలను సంప్రదిస్తారని, వారికి కౌన్సెలింగ్‌ ఇచ్చి అవగాహన కల్పిస్తారని పేర్కొన్నారు. 188.817 మి.యూ. విద్యుదుత్పత్తి ఆత్మకూర్‌: ప్రియదర్శిని జూరాల జలాశయం దిగువ, ఎగువ జల విద్యుత్‌ కేంద్రాల్లో ఉత్పత్తి కొనసాగుతోంది. శనివారం ఎగువన ఒక యూనిట్‌ నుంచి 39 మెగావాట్లు, 101.283 మి.యూ., దిగువన ఒక యూనిట్‌ నుంచి 40 మెగావాట్లు, 87.534 మిలియన్‌ యూనిట్ల విద్యుదుత్పత్తి చేపట్టినట్లు ఎస్‌ఈ శ్రీధర్‌ తెలిపారు. ఇప్పటి వరకు ఎగువ, దిగువ జలవిద్యుత్‌ కేంద్రాల్లో 188.817 మిలియన్‌ యూనిట్ల విద్యుదుత్పత్తి విజయవంతంగా పూర్తి చేశామని చెప్పారు.

ముకుందా.. ● నారాయణపేట, మక్తల్‌లో ఘనంగా ఉట్ల సంబరాలు ● భారీగా తరలివచ్చిన భక్తులు ఉట్టి కొడుతున్న యువత.. కార్యక్రమానికి హాజరైన భక్తులు నారాయణపేట/మక్తల్‌: జిల్లాకేంద్రంలోని చౌక్‌బజార్‌, మక్తల్‌ శ్రీ వేణుగోపాలస్వామి ఆలయంలో శనివారం శ్రీ కృష్ణాష్టమి వేడుకలు ఘనంగా జరుపుకొన్నారు. జిల్లాకేంద్రంలో మిత్రమండలి ఆధ్వర్యంలో శ్రీకృష్ణుడి విగ్రహానికి ప్రత్యేక పూజలు నిర్వహించగా.. దూల్‌పేట యువజన సంఘం ఆధ్వర్యంలో 30 అడుగుల ఎత్తులో ఏర్పాటు చేసిన ఉట్టిని యువకులు పిరమిడ్‌గా ఏర్పడి పగులగొట్టారు. కార్యక్రమంలో చిన్నారుల శ్రీకృష్ణుడు, గోపికల వేషధారణలు ప్రత్యేక ఆకర్షణగా నిలిచాయి. 50 ఏళ్లుగా చౌక్‌బజార్‌ మిత్రమండలి ఆధ్వర్యంలో కృష్ణాష్టమి వేడుకలు నిర్వహిస్తున్నట్లు నిర్వాహకులు తెలిపారు. కార్యక్రమంలో పుర చైర్‌పర్సన్‌ కొండ శ్వేత, వైస్‌ చైర్‌పర్సన్‌ మంజుల, డీఎస్పీ లింగయ్య, సీఐ శివశంకర్‌, ఎస్‌ఐ వెంకటేశ్వర్లు, చౌక్‌బజార్‌ మిత్రమండ లి కన్వీనర్‌ హరినారాయణ్‌ భట్టడ్‌, కౌన్సిలర్‌ రా జేష్‌ ఘట్‌, బిల్డర్‌ వెంకట్రాములు పాల్గొన్నారు. ● మక్తల్‌లో శ్రీవేణుగోపాలస్వామి ఆలయంలో ప్రత్యేక పూజలు నిర్వహించిన అనంతరం సాయంత్రం పాలఉట్ల కార్యక్రమం భక్తిశ్రద్ధలతో నిర్వహించారు. మంత్రి వాకిటి శ్రీహరి సతీమణి వాకిటి లలిత స్వామివారి పట్టువస్త్రాలు సమర్పించారు. మంత్రి వాకిటి శ్రీహరి ఆలయంలో ప్రత్యేక పూజలు చేశారు. సాయంత్రం 7 గంటల ప్రాంతంలో యువకులు పాల ఉట్ల స్తంభం పోటాపోటీగా ఎక్కి ఉట్టి కొట్టారు. ఎలాంటి అవాంచనీయ ఘటనలు జరగకుండా మక్తల్‌ సీఐ రాంలాల్‌ ఆధ్వర్యంలో పోలీస్‌ బందోబస్తు ఏర్పాటు చేశారు. కార్యక్రమంలో చైర్‌పర్సన్‌ వాకిటి మానస, మాజీ ఎంపీపీ కొండయ్య, శ్రీనివాస్‌గుప్తా, కౌన్సిల ర్‌ పీకే నర్సింహ, కట్ట సురేష్‌, ఆలయ కమిటీ సభ్యులు డా. శ్రీరామ్‌ పాల్గొన్నారు.

విద్యార్థుల్లో గణితం పట్ల ఉన్న భయాన్ని తొలగించి.. ఇష్టంగా నేర్చుకునేలా వివిధ రకాల టీచింగ్‌–లెర్నింగ్‌ మెటీరియల్‌తో బోధిస్తున్నారు గణిత ఉపాధ్యాయురాలు మాలె శోభారాణి. 14 ఏళ్లుగా ‘అప్రిసియేషన్‌ మ్యాథ్స్‌ టీచర్‌శ్రీగా సేవలందిస్తూ జాతీయస్థాయిలో పలు అవార్డులు, సర్టిఫికెట్లు అందుకున్నారు. ప్రస్తుతం పెద్దమునుగాల్‌చేడ్‌ ప్రభుత్వ పాఠశాలలో పనిచేస్తున్నారు. చదువుతో పాటు సామాజిక, నైతిక విలువలు, క్రమశిక్షణను విద్యార్థులకు నేర్పుతున్నారు. వెనుకబడిన విద్యార్థులను గుర్తించి అవసరమైన విద్యా సామగ్రిని అందిస్తూ అండగా నిలుస్తున్నారు. ఆమె సేవలను గుర్తించిన ప్రభుత్వం 2023లో రాష్ట్ర ఉత్తమ ఉపాధ్యాయ అవార్డుతో సత్కరించింది. ప్రధాని నరేంద్రమోదీ నుంచి ‘సేవాపక్వాడ్‌’ అవార్డును సైతం అందుకున్నారు. సైన్స్‌ ఫెయిర్లలో ప్రదర్శనలు ఇస్తూ విద్యార్థుల్లో శాసీ్త్రయ ఆలోచనను పెంపొందిస్తున్నారు.

● 4.08 గంటలకు వికారాబాద్‌ జిల్లా దౌల్తాబాద్‌ మండలంలోని గోకఫసల్‌బాద్‌కు హెలిక్యాప్టర్‌ బయలుదేరి వెళ్లింది. శనివారం శ్రీ 5 శ్రీ సెప్టెంబర్‌ శ్రీ 2026అభివాదం చేస్తున్న సీఎం రేవంత్‌రెడ్డిఅభివృద్ధి పనుల్లో నాణ్యతకు పెద్దపీట కోస్గి (కొత్తపల్లి): అభివృద్ధి పనుల్లో నాణ్యతకు పెద్దపీట వేస్తూ జాప్యం చేయకుండా వేగవంతంగా పూర్తిచేయాలని ముఖ్యమంత్రి ఎనుముల రేవంత్‌రెడ్డి అన్నారు. నిర్దేశిత నాణ్యత ప్రమాణాలతో చేపట్టాలని, నిబంధనలు పాటించని కాంట్రాక్టర్లపై కఠినచర్యలు తీసుకోవాలని చెప్పారు. శుక్రవారం సీఎం తన సొంత నియోజకవర్గంలో పర్యటించి.. అభివృద్ధి పనులను పర్యవేక్షించారు. ఈ సందర్భంగా నారాయణపేట జిల్లా మద్దూరుకు మధ్యాహ్నం 2.53 గంటలకు చేరుకున్న ముఖ్యమంత్రికి కలెక్టర్‌ సీహెచ్‌ ప్రియాంక పట్టణ శివారులోని ప్రభుత్వ డిగ్రీ కళాశాల సమీపంలో దోరెపల్లి రోడ్డులో ఏర్పాటు చేసిన హెలీప్యాడ్‌ వద్ద పుష్పగుచ్ఛం అందజేసి స్వాగతం పలికారు. అక్కడి నుంచి కాన్వాయ్‌లో బయలుదేరిన సీఎం ముందుగా రూ.6.10 కోట్లతో నిర్మిస్తున్న ప్రభుత్వ డిగ్రీ కళాశాల భవన నిర్మాణ పనులను పరిశీలించారు. ఈ సందర్భంగా భవన నిర్మాణ నమూనా చిత్రపటాన్ని పరిశీలించడంతోపాటు భవన నిర్మాణానికి కేటాయించిన స్థలం, నిర్మాణ విస్తీర్ణం, తరగతి గదులు, ప్రయోగశాలల వివరాలతోపాటు 4 ఎకరాల స్థలంలో 13,670 చదరపు అడుగుల విస్తీర్ణంలో మూడు అంతస్థుల భవనం నిర్మిస్తున్నట్లు ఈడబ్ల్యూఐడీసీ ఎండీ గణపతిరెడ్డి సీఎంకు వివరించారు. కళాశాల భవనం పక్కన ప్రధాన రహదారి వైపు ఉన్న అదనపు భూమిని సర్వే చేయించాలని, అది పట్టా భూమి అయితే కొనుగోలు చేసి కళాశాలకు విశాలమైన ప్రాంగణం, ప్రహరీ నిర్మాణం చేపట్టేలా చర్యలు తీసుకోవాలని కలెక్టర్‌ ప్రియాంకకు సూచించారు. రానున్న మార్చిలోగా కళాశాల భవన నిర్మాణ పనులు పూర్తిచేసి.. వచ్చే విద్యా సంవత్సరంలో విద్యార్థులకు అందుబాటులోకి తీసుకురావాలని అధికారులను ఆదేశించారు. అక్కడి నుంచి చింతల్‌దిండి రోడ్డులో రూ.30 కోట్ల నిధులతో నిర్మిస్తున్న సాంఘిక సంక్షేమ బాలికల గురుకుల పాఠశాల, కళాశాలల భవన నిర్మాణ పనులను పరిశీలించారు. గురుకుల పాఠశాల, కళాశాలలకు స్థలం ఇచ్చిన దాతలకు ఇందిరమ్మ ఇళ్లు మంజూరు చేయాలని కలెక్టర్‌ను ఆదేశించారు. ముఖ్యమంత్రి మద్దూరు పర్యటన సందర్భంగా పట్టణంలో అభిమానులు, నాయకులు, కార్యకర్తలు ఘనంగా స్వాగతం పలికారు. కార్యక్రమంలో ముఖ్యమంత్రి సెక్రెటరీ శ్రీధర్‌, తాండూరు ఎమ్మెల్యే మనోహర్‌రెడ్డి, అదనపు కలెక్టర్‌ శ్రీను, కడా ప్రత్యేకాధికారి వెంకట్‌రెడ్డి, డీఆర్‌ఓ రాజేశ్వరి, జిల్లా గ్రంథాలయ సంస్థ చైర్మన్‌ విజయ్‌కుమార్‌, మద్దూర్‌ మున్సిపల్‌ చైర్‌పర్సన్‌ సరస్వతి, వైస్‌ చైర్‌పర్సన్‌ భాగ్యశ్రీ, కోస్గి మార్కెట్‌ కమిటీ చైర్మన్‌ భీములు, పీఏసీఎస్‌ అధ్యక్షుడు నర్సింహులు, జెడ్పీటీసీ మాజీ సభ్యుడు రఘుపతిరెడ్డి, పార్టీ మండలాధ్యక్షుడు బాలయ్య, మహేందర్‌రెడ్డి తదితరులు పాల్గొన్నారు. నిబంధనలు పాటించని కాంట్రాక్టర్లపై కఠిన చర్యలు డిగ్రీ కళాశాల భవనాన్ని మార్చిలోగా పూర్తిచేయాలి మద్దూరులో అభివృద్ధి పనులుపరిశీలించిన సీఎం రేవంత్‌రెడ్డి సొంత నియోజకవర్గంలో 1.15 గంటలు ముఖ్యమంత్రి పర్యటనకు పటిష్ట భద్రతా ఏర్పాట్లు

ధన్వాడ: మండలంలోని కంసాన్‌పల్లి ప్రాథమిక పాఠశాల ఉపాధ్యాయురాలు శ్వేత వినూత్న కార్యక్రమాలతో తనదైన శైలిలో విద్యార్థులకు పాఠాలు బోధిస్తున్నారు. దీంతో ఈ పాఠశాలలో గతేడాది 40 మంది విద్యార్థులుండగా.. ఈ ఏడాది ఆ సంఖ్య 75కు చేరింది. ప్రతి విద్యార్థి ఆంగ్లంలో మాట్లాడం విశేషం. ప్రతి శుక్రవారం అప్రిసియేషన్‌ ఫ్రైడే కార్యక్రమం నిర్వహిస్తున్నారు. ఇందులో విద్యార్థులకు వారం పాటు బోధించిన పాఠాల్లో ఎంతవరకు ప్రగతి సాధించారో తెలుసుకుంటున్నారు. శనివారం నుంచి గురువారం వరకు తరగతుల వారీగా పర్ఫార్మెన్స్‌ గ్రూప్‌, పేపర్‌ రీలర్నింగ్‌ గ్రూప్‌, నాన్‌ పర్ఫార్మెన్స్‌ గ్రూప్‌ ఇలా విద్యార్థుల సామర్థ్యాల ఆధారంగా గ్రీన్‌, పింక్‌, వైట్‌ స్టార్స్‌ అవార్డులు అందజేస్తున్నారు. అవార్డు వచ్చిన విద్యార్థుల తల్లిదండ్రుల వాట్సప్‌లో గాని ఇంటికి వెళ్లి చెప్పడం లాంటి పనులు చేస్తున్నారు. ఇలా చేయడంతో తమ బిడ్డకు స్టార్‌ వచ్చిందని.. రానివారు వచ్చేలా ఇంటి దగ్గర కూర్చోబెట్టి చదివిస్తున్నారు. ఇవేగాక వైఓసీ ఫలితాల ప్రదర్శన, నో బ్యాగ్‌ డే, టీఎల్‌ఎం, పప్పిట్‌ కార్యక్రమాలు నిర్వహిస్తూ విద్యార్థులకు మెరుగైన విద్య అందిస్తున్నారు. ఈ ఏడాది ఈమె రాష్ట్రస్థాయి ఉత్తమ ఉపాధ్యాయురాలిగా ఎంపికై ంది.

నారాయణపేట: పద్మశాలి సంఘం ఆధ్వర్యంలో నిర్మించిన కల్యాణ మండపం ఎంతో బాగుందని.. మరింత అభివృద్ధి చేసి అన్ని వర్గాలకు ఉపయోగపడేలా సహకరిస్తామని ఎంపీ డీకే అరుణ అన్నారు. పట్టణంలోని శ్రీ భక్త మార్కండేయస్వామి ఆలయ ప్రాంగణంలో పద్మశాలి సంఘం నిర్మించిన కల్యాణ మండపాన్ని శుక్రవారం ఆమె ప్రారంభించారు. ముందుగా భక్త మార్కండేయ స్వామివారికి ప్రత్యేక పూజలు నిర్వహించారు. ఈ సందర్భంగా పట్టణ పద్మశాలి సంఘం అధ్యక్షుడు క్యాత రఘునాథ్‌ అధ్యక్షతన జరిగిన సమావేశంలో ఆమె మాట్లాడుతూ.. గతంలో మాజీ రాజ్యసభ సభ్యుడు రామచందర్‌ కల్యాణ మండప నిర్మాణానికి కృషి చేశారని గుర్తుచేశారు. నారాయణపేట పుర ప్రజలు ఎదుర్కొంటున్న సమస్యలను పరిష్కరించేందుకు కృషి చేస్తామని హామీ ఇచ్చారు. కనకాద్రి ఆలయానికి మహర్దశ.. నెమళ్లపల్లి కనకాద్రి లక్ష్మీనర్సింహస్వామి ఆలయ అభివృద్ధికి సహకరిస్తామని ఎంపీ డీకే అరుణ అన్నారు. శుక్రవారం ఆలయాన్ని సందర్శించిన ఆమె స్వామివారికి ప్రత్యేక పూజలు నిర్వహించి అనంతరం ఆలయ సమీపంలో నిర్మించిన కామన్‌ వర్క్‌షెడ్‌ను ప్రారంభించారు. ఆలయ ఆవరణలో టీటీడీ కల్యాణ మండపం, బీటీ రోడ్డు నిర్మాణానికి కృషి చేస్తానని హామీ ఇచ్చారు. పుర చైర్‌పర్సన్‌ కొండ శ్వేత, వైస్‌ చైర్‌పర్సన్‌ మంజుల, కౌన్సిలర్లు సత్య రఘుపాల్‌రెడ్డి, అరుణ, బీజేపీ రాష్ట్ర నాయకులు రతంగ్‌ పాండురెడ్డి, పగుడాకుల శ్రీనివాసులు, జిల్లా అధ్యక్షుడు సత్యయాదవ్‌, కార్యదర్శి తిలక్‌, కోశాధికారి కర్లినర్సింహులు, ఉపాధ్యక్షులు సంబారి శ్రీనివాస్‌ పాల్గొన్నారు. మహబూబ్‌నగర్‌ ఎంపీ డీకే అరుణ

సొంత ల్యాబ్‌.. విద్యార్థులకు ఉచిత ప్రయోగాలు! ● బడిని బోధనకు మాత్రమే పరిమితం చేయకుండా.. విజ్ఞానం, విలువలు నేర్పుతున్న టీచర్లు ● వినూత్న బోధనతో విద్యార్థుల జీవితాల్లో వెలుగులు ● రూ.12 లక్షలతో సైన్స్‌ ల్యాబ్‌ ఏర్పాటు చేసిన ఉపాధ్యాయుడు తల్లిదండ్రులు జన్మనిస్తే.. గురువు జీవితానికి దిశానిర్దేశం చేస్తారు. పుస్తకంలోని అక్షరాలను పరిచయం చేయడమే కాదు.. ఆ అక్షరాల వెనుక ఉన్న ప్రపంచాన్ని విద్యార్థులకు చూపిస్తారు. చీకటిలో దారి తప్పినవారికి దీపంలా.. సందిగ్ధంలో ఉన్నవారికి దిక్సూచిలా నిలిచి, ప్రతి విద్యార్థిలో దాగి ఉన్న ప్రతిభను వెలికితీస్తారు. అందుకే గురువు తరగతి గదిలో కనిపించే ఓ వ్యక్తి మాత్రమే కాదు.. రేపటి సమాజాన్ని నిర్మించే శిల్పి. పదవీ విరమణ చేసినా బోధనకు దూరం కాకుండా బడిబాట పడుతున్నవారు కొందరైతే.. గణితం అంటే భయపడే విద్యార్థుల్లో ఆసక్తిని నింపుతున్న వారు మరికొందరు. గిరిజన తండాల పిల్లలను బడికి రప్పించి చదువుతో పాటు సేంద్రియ సాగు నేర్పుతున్నవారు.. చాక్లెట్‌కు బదులు మొక్కను అందించి ప్రకృతిపై ప్రేమను పెంచుతున్నవారు.. సొంత ఖర్చుతో సైన్స్‌ ల్యాబ్‌ ఏర్పాటు చేసి ప్రయోగాల ప్రపంచాన్ని విద్యార్థుల ముందుకు తీసుకొస్తున్నవారు ఇంకొందరు. వారి చేతిలో ఉన్నది సుద్ద ముక్కే.. కానీ ఆ సుద్దతో రాసేది కేవలం పాఠం కాదు.. ఓ విద్యార్థి భవిష్యత్‌. వారి బోధనలో అక్షరాలే కాదు.. ఆలోచనలు ఉన్నాయి. వారి అడుగుల్లో ఉద్యోగ బాధ్యత కాదు.. రేపటి తరంపై బాధ్యత ఉంది. ఇలా వీరి ప్రతి అడుగు విద్యార్థుల భవిష్యత్‌ కోసమే. శనివారం (నేడు) జాతీయ ఉపాధ్యాయుల దినోత్సవం సందర్భంగా విద్యార్థి జీవితాల్లో విజ్ఞాన జ్యోతులు వెలిగిస్తున్న గురువులపై ప్రత్యేక కథనం.. – మహబూబ్‌నగర్‌ ఎడ్యుకేషన్‌/రాజాపూర్‌విద్యార్థులకు పాఠ్యపుస్తకాల్లోని సైన్స్‌ అంశాలను ప్రయోగాత్మకంగా నేర్పేందుకు జెడ్పీహెచ్‌ఎస్‌ నవాబ్‌పేట ఉపాధ్యాయుడు టీఎన్‌ శ్రీధర్‌ వినూత్నంగా ముందుకు సాగుతున్నారు. జిల్లా కేంద్రంలోని రాజేంద్రనగర్‌లో సుమారు రూ.12 లక్షల సొంత ఖర్చుతో షెడ్డు నిర్మించి ఆధునిక సైన్స్‌ ల్యాబ్‌ను ఏర్పాటు చేశారు. ప్రయోగాలకు అవసరమైన పరికరాలు, సామగ్రిని సమకూర్చి ‘కలాం డ్రీం ఫోర్స్‌ ఫౌండేషన్‌’ ద్వారా ప్రభుత్వ పాఠశాలల విద్యార్థులకు ఉచితంగా ప్రయోగాలు చేసే అవకాశం కల్పిస్తున్నారు. సెలవు రోజుల్లోనూ ల్యాబ్‌ను వినియోగించుకునేలా ఏర్పాట్లు చేసి.. తరగతుల వారీగా విద్యార్థులకు ప్రయోగాల కోసం రోజులు కేటాయిస్తున్నారు. ప్రస్తుతం సుమారు 400 మంది విద్యార్థులు ఇక్కడ వివిధ సైన్స్‌ ప్రయోగాలు చేస్తున్నారు. పుస్తకాల్లో చదివిన అంశాలను స్వయంగా చేసి చూడటంతో వారిలో శాసీ్త్రయ ఆలోచనా విధానం, సైన్స్‌పై ఆసక్తి పెరుగుతోంది. విద్యార్థుల్లో శాసీ్త్రయ దృక్పథాన్ని పెంపొందించేందుకు శ్రీధర్‌ చేస్తున్న కృషికి పలు రాష్ట్ర, జాతీయస్థాయి అవార్డులు లభించాయి. ఆయన సేవలను గుర్తించిన రాష్ట్ర విద్యాశాఖ డైరెక్టర్‌ నవీన్‌ నికోలస్‌ ఇటీవల అభినందించారు. పుట్టిన రోజంటే చాక్లెట్లు పంచుకోవడం సాధారణం. కానీ ఫతేపూర్‌ జెడ్పీహెచ్‌ఎస్‌లో మాత్రం అందుకు భిన్నంగా పుట్టినరోజున మొక్కను నాటడం సంప్రదాయంగా మారింది. పాఠ్యాంశాలతో పాటు ఆచరణాత్మక విద్యను అందిస్తూ పర్యావరణ పరిరక్షణ, వ్యవసాయంపై విద్యార్థుల్లో అవగాహన పెంచుతున్న హెచ్‌ఎం కొల్లూరి వెంకటమ్మ ఈ కార్యక్రమానికి శ్రీకారం చుట్టారు. ఆమె సేవలను గుర్తించిన ప్రభుత్వం రాష్ట్రస్థాయి ఉత్తమ ఉపాధ్యాయ అవార్డుకు ఎంపిక చేసింది. విద్యార్థులు తమ పేర్లతో పూలు, పండ్ల మొక్కలను నాటి వాటి సంరక్షణ బాధ్యతను తీసుకుంటున్నారు. దీంతో పాఠశాల ఆవరణలో ఇప్పటికే 100కు పైగా మొక్కలు పెరుగుతున్నాయి. మరోవైపు ఆకుకూరలు, వివిధ రకాల కూరగాయలను విద్యార్థుల భాగస్వామ్యంతో సాగు చేస్తున్నారు. తోటలో పండిన కూరగాయలను పాఠశాల వంటకు వినియోగిస్తున్నారు. దీంతో పుస్తకాల్లో చదివే వ్యవసాయ పాఠాలను విద్యార్థులు కళ్లముందే ఆచరణలో నేర్చుకుంటున్నారు. ‘‘చదువుతో పాటు పర్యా వరణ పరిరక్షణ, మొ క్కల సంరక్షణ, వ్య వసాయం, పరిశుభ్రతను ఆచరణాత్మకంగా నేర్పు తూ బాధ్యతాయుత పౌరులు గా తీర్చి దిద్దుతున్నాం’’ అని హెచ్‌ఎం వెంకట మ్మ తెలిపారు. ఉద్యోగ విరమణ తర్వాత విశ్రాంత జీవితం గడపాల్సిన వయసులోనూ ఓ రిటైర్డ్‌ ఉపాధ్యాయుడు విద్యార్థులకు బోధన చేస్తూ తన సేవలను కొనసాగిస్తున్నారు. 38 ఏళ్లపాటు వివిధ ప్రభుత్వ పాఠశాలల్లో పనిచేసిన జాతీయ ఉత్తమ ఉపాధ్యాయ అవార్డు గ్రహీత, రిటైర్డ్‌ ప్రధానోపాధ్యాయుడు మంగళగిరి నర్సోజి.. నేటికీ వారంలో రెండు రోజులు ఏదో ఒక ప్రభుత్వ పాఠశాలకు వెళ్లి విద్యార్థులకు అర్థమయ్యేలా బోధిస్తున్నారు. రాజాపూర్‌, బాలానగర్‌ మండలాల్లో పనిచేసిన నర్సోజి విద్యార్థుల్లో సైన్స్‌, గణితంపై ఆసక్తి పెంపొందించడమే లక్ష్యంగా పనిచేస్తున్నారు. లోకాస్ట్‌, నోకాస్ట్‌ మెటీరియల్‌తో వివిధ ఉపకరణాలు తయారు చేసి చంద్రయాన్‌–3పై అవగాహన కల్పించారు. జిల్లాస్థాయి, రాష్ట్రస్థాయి, దక్షిణ భారత సైన్స్‌ ఫెయిర్‌లలో వీటిని ప్రదర్శించి ప్రశంసలు అందుకున్నారు. పర్యావరణ పరిరక్షణ, ఓజోన్‌ పొర ప్రాముఖ్యతపై కూడా విద్యార్థులకు అవగాహన కల్పిస్తున్నారు. ప్రతిభగల విద్యార్థులను ప్రోత్సహించేందుకు తన సొంత ఖర్చులతో బహుమతులు, అభ్యసన సామగ్రి ని అందిస్తున్నారు. ఇటీవల సంగారెడ్డిలో జరిగిన 2026 సదరన్‌ ఇండియా సైన్స్‌ ఫెయిర్‌లో చంద్రయాన్‌–3 మోడల్‌ను ప్రదర్శించి ప్రత్యేకంగా ఆకట్టుకున్నారు. బోధనతో విద్యార్థులకు దిశానిర్దేశం చేస్తూ.. పరిశోధనతో కొత్త ఆలోచనలకు బాటలు వేస్తున్న పాలమూరు యూనివర్సిటీ కామర్స్‌ విభాగం అసోసియేట్‌ ప్రొఫెసర్‌ రాజ్‌కుమార్‌ను రాష్ట్ర ప్రభుత్వం రాష్ట్రస్థాయి ఉత్తమ అధ్యాపక అవార్డుకు ఎంపిక చేసింది. విద్యార్థులకు నాణ్యమైన బోధన అందించడంతో పాటు వివిధ అంశాల పై పరిశోధనలు, జాతీయ–అంతర్జాతీయ సెమినార్ల నిర్వహణలో ఆయన చేసిన కృషిని ప్రభుత్వం గుర్తించింది. విద్యార్థుల్లో కామర్స్‌పై ఆసక్తి పెంచేందుకు పోటీలు, అకడమిక్‌ కార్యక్రమాలు నిర్వహిస్తూ.. పరిశోధన పట్ల కూడా ప్రోత్స హించారు. ఆయన పరిశోధనా పత్రాలు జాతీయ, అంతర్జాతీయ జర్నల్స్‌లో ప్రచురితమయ్యాయి. అధ్యాపక బాధ్యతలతో పాటు యూనివర్సిటీ పరిపాలనలోనూ కీలకంగా వ్యవహరించిన రాజ్‌కుమార్‌.. ప్రిన్సిపా ల్‌, అదనపు కంట్రోలర్‌, కంట్రోలర్‌, ఐక్యూఏసీ డైరెక్టర్‌ తదితర బాధ్యతలు నిర్వర్తించారు. బోధన, పరిశోధన, పరిపాలన లో అందించిన సేవలకు గుర్తింపుగా ఆయనకు ఈ అవార్డు దక్కింది. చాక్లెట్‌కు బదులు.. మొక్క! వినూత్న బోధనతో విద్యార్థుల్లో కొత్త అలవాట్లు రిటైర్మెంట్‌ తర్వాత.. తరగతి గదిలోనే! అవిశ్రాంత బడిపంతులు.. మంగళగిరి నర్సోజి మెరుగైన బోధన.. పరిశోధనకు పట్టం!

కొత్తకోట రూరల్‌: మండల కేంద్రంలో పట్టపగలే భారీ చోరీ జరిగిన ఘటన శుక్రవారం చోటు చేసుకుంది. పాత ఎఫ్‌సీఐ గోదాం సమీపంలో నివాసం ఉంటున్న ఫాతిమా ఉదయం 11 గంటల సమయంలో వ్యక్తిగత పనుల నిమిత్తం వేరే ఊరికి వెళ్లి సాయంత్రం 5 గంటలకు ఇంటికి వచ్చి చూడగా బీరువా తాళాలు పగులగొట్టి ఉండటాన్ని గుర్తించింది. బీరువాలోని 12 తులాల బంగారు ఆభరణాలు అపహరణకు గురికావడంతో పోలీసులకు ఫిర్యాదు చేసింది. సంఘటనా స్థలానికి చేరుకున్న వనపర్తి డీఎస్పీ గిరిబాబు, సీఐ రమేష్‌, ఎస్‌ఐ విక్రమ్‌తో పాటు క్లూస్‌టీంతో దర్యాప్తు చేపట్టారు. 12 తులాల బంగారం అపహరణ

● అండర్‌–23 ఎమర్జింగ్‌ టోర్నీకి అబ్దుల్‌ రాఫే ● సీనియర్‌ సూపర్‌లీగ్‌లో గణేష్‌.. అభినందించిన ఎండీసీఏ మహబూబ్‌నగర్‌ క్రీడలు: హెచ్‌సీఏ టోర్నీలకు జిల్లాకు చెందిన ఇద్దరు క్రికెటర్లు ఎంపికయ్యారు. అండర్‌–23 మెన్స్‌ ఎమర్జింగ్‌ ప్లేయర్స్‌ 4–డే టోర్నమెంట్‌ 2026–27కు అబ్దుల్‌ రాఫే బిన్‌ అబ్దుల్లా ఎంపికయ్యాడు. ఈ టోర్నమెంట్‌ నేటి (శనివారం) నుంచి ప్రారంభంకానుంది. టోర్నమెంట్‌లో వికెట్‌ కీపర్‌ అబ్దుల్‌ రాఫే టీమ్‌–బీకు కెప్టెన్‌గా వ్యవహరించనున్నాడు. అబ్దుల్‌ రాఫే కీపర్‌గా బ్యాట్స్‌మెన్‌గా విశేష ప్రతిభ కనబరుస్తున్నాడు. ఇటీవల జరిగిన రెండురోజుల లీగ్‌లో కంబైన్డ్‌ డిస్టిక్‌–1 తరఫున ఆడాడు. అబ్దుల్‌ రాఫే గత ఏడాది సీజన్‌ టు డేగ్‌ లీగ్‌లో మూడు సెంచరీలు, ఒక అర్ధసెంచరీలు చేశాడు. అదేవిధంగా గతేడాది జరిగిన కాకా వెంకటస్వామి మెమోరియల్‌ టీ–20 టోర్నీలో 9 మ్యాచుల్లో ఐదు అర్ధసెంచరీలతో 350 పరుగులు చేశాడు. ఈ ఏడాది సీజన్‌ టుడేలీగ్‌లో ఏ–డివిజన్‌లో రెండు అర్ధసెంచరీలు చేశాడు. అండర్‌–23 ఎమర్జింగ్‌ టోర్నీలో మెరుగైన ప్రతిభ కనబరిచి హెచ్‌సీఏ రాష్ట్రస్థాయి పోటీలకు ఎంపికవుతానని ధీమా వ్యక్తం చేశాడు అబ్దుల్‌ రాఫే. అండర్‌–23 ఎమర్జింగ్‌ టోర్నీకి ఎంపికై న అబ్దుల్‌ రాఫే అభినందించిన ఎండీసీఏ హెచ్‌సీఏ టోర్నీలకు ఎంపికై న అబ్దుల్‌ రాఫే, గణేష్‌ గడుగులను ఎండీసీఏ ప్రధాన కార్యదర్శి ఎం. రాజశేఖర్‌ అభినందించారు. ఇద్దరూ టోర్నీల్లో ప్రతిభ కనబరిచి హెచ్‌సీఏ రాష్ట్రస్థాయి జట్లతో పాటు రంజీ జట్టుకు ఎంపిక కావాలని ఆకాంక్షించారు. జిల్లా నుంచి ప్రతిభావంతులైన క్రికెటర్లు రాష్ట్రస్థాయిలో రాణించడం అభినందనీయమన్నారు.

● వివాహమైన మూడు నెలలకే యువకుడి మృతి భూత్పూర్‌: ప్రేమ వివాహం చేసుకున్న మూడు నెలలకే భార్యాభర్తల మధ్య కలహాలతో ఓ యువకుడు మృతి చెందిన ఘటన భూత్పూర్‌లో చోటుచేసుకుంది. ఎస్‌ఐ నాగన్న తెలిపిన వివరాల ప్రకారం.. నారాయణపేట జిల్లా మక్తల్‌ మండలం చందాపూర్‌కు చెందిన అయ్యప్ప (22) భూత్పూర్‌ మండలం పోతులమడుగుకు చెందిన నందినిని మూడు నెలల క్రితం ప్రేమ వివాహం చేసుకున్నాడు. అయ్యప్ప ప్రైవేట్‌ డ్రైవర్‌గా పనిచేస్తున్నాడు. పెళ్లి తర్వాత భూత్పూర్‌లో అద్దె ఇంట్లో నివాసం ఉంటున్నారు. కొంతకాలంగా భార్యాభర్తల మధ్య తరచూ గొడవలు జరుగుతున్నాయి. ఈ క్రమంలో గురువారం మధ్యాహ్నం నందిని ఇంటి నుంచి బయటకు వెళ్లగా.. సాయంత్రం తిరిగి రాగా.. అప్పటికే ఇంట్లో ఉరి వేసుకొని అయ్యప్ప బలవన్మరణానికి పాల్పడ్డాడు. శుక్రవారం అయ్యప్ప సోదరి ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఎస్‌ఐ తెలిపారు. కరెంట్‌ షాక్‌తో ఇంటి పెద్దదిక్కు మృతి ● ఇంట్లో స్విచ్‌ వేయబోతుండగా విద్యుదాఘాతం మదనాపురం: క్షణాల్లో జరిగిన విద్యుత్‌ ప్రమాదం ఓ కుటుంబానికి తీరని విషాదాన్ని మిగిల్చింది. ఇంట్లో ఫ్యాన్‌, ఫ్రిజ్‌ స్విచ్‌ ఆన్‌ చేయబోతుండగా విద్యుత్‌ షాక్‌కు గురై ఓ వ్యక్తి ప్రాణాలు కోల్పోయాడు. ఈ విషాద ఘటన మదనాపురం మండలం కరివేన తండాలో గురువారం అర్ధరాత్రి చోటుచేసుకుంది. స్థానికులు, పోలీసుల వివరాల ప్రకారం.. కరివేన తండాకు చెందిన కేతావత్‌ పుల్యా నాయక్‌ (48) ఇంట్లోని విద్యుత్‌ బోర్డులో ఫ్యాన్‌, ఫ్రిజ్‌కు సంబంధించిన వైర్లను సరిచేస్తుండగా అనుకోకుండా విద్యుత్‌ షాక్‌కు గురయ్యాడు. తీవ్ర విద్యుత్‌ ఘాతంతో అక్కడికక్కడే మృతి చెందాడు. కుటుంబ పెద్దను కోల్పోవడంతో భార్య చంద్రమ్మ, ఇద్దరు కుమారులు, ఇద్దరు కుమార్తెలు కన్నీరుమున్నీరుగా విలపిస్తున్నారు. ఊహించని ఘటనతో కుటుంబంలో విషాదఛాయలు అలముకున్నాయి. భార్య ఫిర్యాదు మేరకు పోలీసులు కేసు నమోదు చేసి దర్యాప్తు చేస్తున్నారు. చిరుతదాడిలో ఆవుదూడ మృతి గండేడ్‌: మండలంలో చిరుతపులుల దాడులు కొనసాగుతూనే ఉన్నాయి. తాజాగా.. మండల పరిధిలోని రెడ్డిపల్లికి చెందిన బోడి రామయ్య రెడ్డిచెరువు సమీపంలోని దేవునికుచ్చ వద్ద పొలంలో వేసిన పాకలో గురువారం రాత్రి పశువులను కట్టేసి ఇంటికి వెళ్లాడు. శుక్రవారం ఉదయం ఐదు గంటల ప్రాంతంలో వెళ్లి చూడగా చిరుత ఆవుదూడపై దాడి చేసి సగభాగం తిని వదిలి వెళ్లింది. పశువుల పాక చిరుతపులుల ఆవాసం ఉండే బొందేగట్టు ప్రాంతానికి కిలోమీటరు దూరంలో ఉంది. రాత్రిళ్లు చిరుతపులుల సంచారం ఎక్కువగా ఉందని బాధిత రైతు వాపోతున్నాడు. అటవీ శాఖ అధికారులకు సమాచారం ఇవ్వగా సెక్షన్‌ ఆఫీసర్‌ శ్రీకాంత్‌, బీట్‌ అధికారి ఉదయేశ్వర్‌ సంఘటనా స్థలానికి చేరుకుని పరిశీలించారు. బాధితుడికి పరిహారం అందేలా చూస్తామని పేర్కొన్నారు. వన్యప్రాణుల రక్షణకు ‘రంబుల్‌ స్టిప్స్‌’ మన్ననూర్‌: శ్రీశైలం–హైదరాబాద్‌ ప్రధాన రహదారిలోని అమ్రాబాద్‌ పులుల రక్షిత అభయారణ్యం పరిధిలో వన్యప్రాణుల రక్షణ కోసం రంబుల్‌ స్టిప్స్‌ (స్పీడ్‌ బ్రేకర్స్‌) ఏర్పాటు కోసం నేషనల్‌ హైవే అథారిటీ ఆఫ్‌ ఇండియా అధికారులు శుక్రవారం క్షేత్రస్థాయిలో పరిశీలించారు. కొంతకాలంగా అభయారణ్యంలో వివిధ రకాలైన వన్యప్రాణుల సంఖ్య ఘణనీయంగా పెరిగింది. అదే క్రమంలో ప్రధాన రహదారి గుండా అధికమైన వాహనాల రాకపోకలతోపాటు వాహనాల స్పీడ్‌ లిమిట్‌ లేకపోవడంతో తరచుగా వన్యప్రాణులు వాహనాలబారిన పడి మృత్యువాత పడుతున్నాయి. దీంతో వన్యప్రాణుల సంరక్షణకు అటవీ సరిహద్దు ప్రధాన రహదారిలో అటవీశాఖ, హైవే అథారిటీ ఆఫ్‌ ఇండియా సంయుక్త ఆధ్వర్యంలో వాహనాల స్పీడ్‌ లిమిట్‌ కోసం రంబుల్‌ స్టిప్స్‌ ఏర్పాటు చేసేందుకు అవసరమైన ప్రదేశాలను పరిశీలించారు. వన్యప్రాణి సంరక్షణ చట్టం ప్రకారం అభయారణ్యం పరిసర ప్రాంతంలో ప్రయాణిస్తున్న వాహనాలు గంటలకు 30 కిలో మీటర్ల వేగానికి మించి వెళ్లకూడదనే నిబంధలకు సంబంధించిన సూచికల బోర్డులను మన్ననూర్‌, బ్రహ్మగిరి అటవీశాఖ చెక్‌పోస్టుల వద్ద ఏర్పాటు చేస్తామన్నారు. కార్యక్రమంలో అమ్రాబాద్‌ ఎఫ్‌డీఓ చంద్రప్రకాష్‌, ఎన్‌హెచ్‌ఏఐ అధికారి శ్రీనివాస్‌, ఎఫ్‌ఆర్‌ఓ సవిత, వైల్డ్‌లైఫ్‌ బయాలజిస్టు బాపురెడ్డి, ఎఫ్‌ఎస్‌ఓలు, బీఎఫ్‌ఓలు పాల్గొన్నారు.

కురుమూర్తిస్వామి ఆలయం వద్ద ఉట్లను కొడుతున్న గొల్ల కుర్మలు ఉట్ల మండపం వద్దకు స్వామివారి ఉత్రవ విగ్రహాలను ఊరేగింపుగా తీసుకొస్తున్న సిబ్బంది చిన్నచింతకుంట: మండలంలోని అమ్మపూరం కురుమూర్తి స్వామి ఆలయంలో శుక్రవారం కృష్ణాష్టమి వేడుకలను ఘనంగా నిర్వహించారు. ఉదయం స్వామివారికి అభిషేకాలు నిర్వహించి ప్రత్యేక పూజలు చేశారు. సాయంత్రం స్వామి, అమ్మవార్ల ఉత్సవ విగ్రహాలను ఉట్ల మండపం వద్దకు భాజాభజంత్రీలతో ఊరేగింపుగా తీసుకొచ్చారు. మండపం వద్ద ప్రదక్షిణలు నిర్వహించి ఉట్ల కార్యక్రమం నిర్వహించారు. ఆలయ ప్రధాన పూజారి ఉట్ల తాడును లాగగా గొల్లకుర్మలు ఉత్సాహంగా ఉట్లను కొట్టారు. రాత్రి సమయంలో స్వామివారికి పవళింపు సేవా కార్యక్రమం నిర్వహించారు. ఈ వేడుకను చూసేందుకు వివిధ గ్రామాలనుంచి భక్తులు అధిక సంఖ్యలో తరలివచ్చారు. కార్యక్రమంలో ఆలయ చైర్మన్‌ బాల్‌రాజు, ఈఓ మదనేశ్వరెడ్డి, ఆలయ కమిటీ సభ్యులు, సిబ్బంది, భక్తులు ఉన్నారు.

మహబూబ్‌నగర్‌ క్రీడలు: హైదరాబాద్‌లో జరుగుతున్న సీ–డివిజన్‌ వన్డే లీగ్‌ చాంపియన్‌షిప్‌లో హెచ్‌సీఏ డిస్ట్రిక్ట్‌–4 (మహబూబ్‌నగర్‌) జట్టు విజయం సాధించింది. శుక్రవారం జరిగిన మ్యాచ్‌లో జిల్లా జట్టు 5 వికెట్ల తేడాతో విజయ్‌ జట్టుపై విజయం సాధించింది. మొదట బ్యాటింగ్‌ చేసిన విజయ్‌ జట్టు జిల్లా బౌలర్ల ధాటికి వరుసగా వికెట్లను కోల్పోయింది. 48 ఓవర్లలో 9 వికెట్లకు 124 పరుగులు చేసింది. అనంతరం బ్యాటింగ్‌ చేసిన హెచ్‌సీఏ డిస్ట్రిక్ట్‌–4 జట్టు 29.5 ఓవర్లలో 5 వికెట్ల నష్టానికి 128 పరుగులు చేసింది. జట్టులో రాంకుమార్‌చారి 49, అఫ్వాన్‌ 26 పరుగులు చేశారు. వన్డే లీగ్‌లో జిల్లా జట్టు విజయం సాధించడంపై ఎండీసీఏ ప్రధాన కార్యదర్శి ఎం.రాజశేఖర్‌ హర్షం వ్యక్తం చేశారు. రానున్న మ్యాచుల్లో ఇదే స్ఫూర్తితో ఆడి విజయాలు సాధించాలని ఆకాంక్షించారు.

మక్తల్‌: పట్టణంలోని విద్యుత్‌ సబ్‌స్టేషన్‌లో చోరీ జరిగిన ఆలస్యంగా వెలుగులోకి వచ్చింది. విద్యుత్‌ అధికారులు తెలిపిన సమాచారం మేరకు.. బుధవారం రాత్రి విద్యుత్‌ సబ్‌స్టేషన్‌లోని ట్రాన్స్‌ఫార్మర్‌ మరమ్మతు కేంద్రంలో గుర్తుతెలియని వ్యక్తులు చొరబడి దాదాపు రూ.3 లక్షలు విలువైన రాగి వైర్లను ఎత్తుకెళ్లారు. గురువారం సిబ్బంది గమనించి సాయంత్రం పోలీసులకు సమాచారం ఇచ్చారు. శుక్రవారం పోలీసులు ఘటనా స్థలానికి చేరుకొని విచారణ చేపట్టారు. సీసీ కెమెరాలను పరిశీలించగా ముగ్గురు నిందితులు లోపలికి ప్రవేశించి చోరీకి పాల్పడినట్లు గుర్తించారు. చోరీలో గుర్తు తెలియని వ్యక్తుల ప్రమేయం ఉందా లేక సబ్‌స్టేషన్‌లో పని చేస్తున్న వారి పనా.. అనే కోణంలో పోలీసులు విచారణ జరుపుతున్నారు. అయితే బుధవారం రాత్రి చోరీ జరిగితే విద్యుత్‌ అధికారులు గురువారం సాయంత్రం ఫిర్యాదు చేయడం పలు అనుమానాలకు తావిస్తోంది.

అడ్డగుట్ట: ప్రముఖులతో దిగిన ఫొటోలు చూపిస్తూ ప్రజలను మోసం చేసి డబ్బులు దండుకుంటున్న వ్యక్తిని లాలాగూడ పోలీసులు అరెస్ట్‌ చేశారు. వివరాల్లోకి వెళితే... వనపర్తి జిల్లాకు చెందిన బి.మోహన్‌లాల్‌(38) కొంత కాలం క్రితం నగరానికి వచ్చి కూకట్‌పల్లిలో నివాసం ఉంటున్నాడు. తాను ఫిట్‌నెస్‌ ట్రైనర్‌ అని, ప్రముఖులు, రాజకీయ నాయకులు, పోలీస్‌ ఉన్నతాధికారులతో మంచి పరిచయాలు ఉన్నాయని చెప్పుకుంటూ తిరుగుతుంటాడు. వారితో దిగిన ఫొటోలను సైతం సోషల్‌ మీడియాల్లో పోస్ట్‌ చేస్తూ ప్రజలను మోసం చేసేవాడు. ఉద్యోగాలు ఇప్పిస్తానని, విదేశాలకు పంపిస్తానని మభ్యపెడుతూ డబ్బులు తీసుకొని ముఖం చాటేసేవాడు. మే నెలలో ఉప్పల్‌లో జరిగిన ఐపీఎల్‌ మ్యాచ్‌కు గ్రౌండ్‌ ఫ్లోర్‌లో 8 లాంజ్‌ టికెట్లు ఇప్పిస్తానని నాగోల్‌ ప్రాంతానికి చెందిన షన్ముక సిద్ధార్థ్‌ అనే యువకుడిని నమ్మించి రూ.1.70 లక్షలు అడిగాడు. మే 21న తార్నాకలో రూ.లక్ష నగదు చెల్లించాడు. మరుసటి రోజు నుంచి మోహన్‌లాల్‌ తప్పించుకొని తిరుగుతుండేవాడు. దీంతో బాధితుడు సిద్ధార్థ్‌ లాలాగూడ పోలీస్‌స్టేషన్‌లో ఫిర్యాదు చేయడంతో కేసు నమోదు చేసుకొని దర్యాప్తు చేపట్టారు. మూడు నెలలుగా తప్పించుకుని తిరుగుతున్న మోహన్‌లాల్‌ను ఎట్టకేలకు లాలాగూడ పోలీసులు కూకట్‌పల్లి పరిసర ప్రాంతాల్లో అదుపులోకి తీసుకొని పోలీస్‌స్టేషన్‌కు తరలించారు. ప్రముఖులతో దిగిన ఫొటోలు చూపిస్తూ ఎర

జెడ్పీసెంటర్‌(మహబూబ్‌నగర్‌): డ్రగ్స్‌, గంజాయి, బెట్టింగ్‌ యాప్స్‌కు యువత దూరంగా ఉండాలని డీవైఎఫ్‌ఐ రాష్ట్ర ప్రధాన కార్యదర్శి ఆనగంటి వెంకటేష్‌ అన్నారు. శుక్రవారం స్థానిక డీవైఎఫ్‌ఐ కార్యాలయంలో డీవైఎఫ్‌ఐ 34వ జిల్లా మహాసభలు నిర్వహించారు. ఈ సందర్భంగా ఆయన మాట్లాడుతూ.. డ్రగ్స్‌, గంజాయి, ఆన్‌లైన్‌ బెట్టింగ్‌ యాప్స్‌ భవిష్యత్‌ను నాశనం చేస్తున్నాయన్నారు. విద్యార్థులు మత్తు పదార్థాలకు దూరంగా ఉంటూ తమ లక్ష్యాల సాధనపై దృష్టి పెట్టాలని సూచించారు. కేంద్ర, రాష్ట్ర ప్రభుత్వాలు యువతకు ఉద్యోగ, ఉపాధి అవకాశాలు కల్పించడంలో విఫలమవుతున్నాయని ఆరోపించారు. యువతకు ఉద్యోగాలు లేక నిరాశ, నిస్పృహ పెరుగుతున్న పరిస్థితుల్లో కొంతమంది మాదక ద్రవ్యాలు, గంజాయి, బెట్టింగ్‌లకు ఆకర్షితులవుతున్నారన్నారు. యువతను నిందించడం మాత్రమే కాకుండా వారికి ఉద్యోగాలు, ఉపాధి, క్రీడలు, సాంస్కృతిక కార్యక్రమాలు, నైపుణ్యాభివృద్ధి అవకాశాలు కల్పించాల్సిన బాధ్యత ప్రభుత్వాలపై ఉందన్నారు. ఇటీవల నల్లగొండ జిల్లాలో ప్రిన్సిపాల్‌పై జరిగిన హత్య ఘటనను ప్రస్తావిస్తూ.. సమాజంలో పెరుగుతున్న మత్తు పదార్థాల వినియోగం, సోషల్‌ మీడియా ప్రభావం, యువతలో పెరుగుతున్న అసాంఘిక ధోరణులపై అప్రమత్తంగా ఉండాల్సిన అవసరం ఉందని వివరించారు. రాష్ట్ర ప్రభుత్వం సంవత్సరానికి రెండు లక్షల ఉద్యోగాలు, కేంద్ర ప్రభుత్వం సంవత్సరానికి రెండు కోట్ల ఉద్యోగాలు ఇస్తానని నిరుద్యోగులపై చిన్నచూపు చూస్తుందన్నారు. యువత శక్తిని దేశ అభివృద్ధికి ఉపయోగించుకునే విధంగా ప్రభుత్వాలు చర్యలు చేపట్టాలని పేర్కొన్నారు. కార్యక్రమంలో డీవైఎఫ్‌ఐ నూతన జిల్లా అధ్యక్ష కార్యదర్శులు ప్రసాద్‌, ప్రశాంత్‌, ఉపాధ్యక్షులు భానుప్రసాద్‌, షహీద్‌, బాలకృష్ణ, జిల్లా కమిటీ సభ్యులు ప్రవీణ్‌, సురేష్‌, జిశాంత్‌, టోని తదితరులు పాల్గొన్నారు.

కొత్తపల్లి: రాష్ట్ర ముఖ్యమంత్రి రేవంత్‌రెడ్డి ఈ నెల 4న ఉమ్మడి మద్దూరు మండలంలో చేపట్టిన పలు అభివృద్ధి పనులను పరిశీలించేందుకు రానున్న నేపథ్యంలో పర్యటన ఏర్పాట్లను ముఖ్యమంత్రి ప్రధాన కార్యదర్శి శ్రీధర్‌ మంగళవారం కలెక్టర్‌ ప్రియాంక, ఎస్పీ డా. వినీత్‌, కడా ప్రత్యేక అధికారి వెంకట్‌రెడ్డితో కలిసి పరిశీలించారు. ముందుగా మద్దూరు సమీపంలో నిర్మాణంలో ఉన్న ప్రభుత్వ డిగ్రీ కళాశాల, చింతల్‌దిన్నె మార్గంలో కొనసాగుతున్న సాంఘిక సంక్షేమశాఖ గురుకుల పాఠశాల, కళాశాల పనులను పరిశీలించి పనుల పురోగతిని అధికారులను అడిగి తెలుసుకున్నారు. గురుకుల పాఠశా ల, కళాశాల ప్రాంగణంలో భవన నిర్మాణానికి సంబంధించిన మ్యాప్‌లు, టైంలైన్‌తో కూడిన సూచిక బోర్డులను ఏర్పాటు చేయాలని అధికారులను ఆదేశించారు. నిర్మాణ పనులు వేగవంతం చేసి మార్చిలోపు పూర్తయ్యేలా చర్యలు చేపట్టాలని స్పష్టం చేశారు. ముఖ్యమంత్రి పర్యటన నేపథ్యంలో హెలీప్యాడ్‌ ఏర్పాటుకు అనువైన ప్రదేశాలను పరిశీలించారు. హెలీప్యాడ్‌ ఏర్పాటుకు మద్దూరు సమీపంలోని డిగ్రీ కళాశాల భవనం వద్ద ఒక స్థలం, చింతల్‌దిన్నె సమీపంలో మరో స్థలాన్ని పరిశీలించి అవసరమైన భద్రతా, సాంకేతిక ప్రమాణాలను పరిగణలోకి తీసుకోవాలని అధికారులకు సూచించారు. ముఖ్యమంత్రి పర్యటనను విజయవంతం చేసేందుకు సంబంధిత శాఖల అధికారులు సమన్వయంతో పని చేయాలని, అవసరమైన అన్ని ఏర్పాట్లను ముందస్తుగా పూర్తి చేయాలని సీఎం ప్రధానకార్యదర్శి శ్రీధర్‌ వివరించారు. ముఖ్యమంత్రి రేవంత్‌రెడ్డి 4వ తేదీన మద్దూరు మండలంలో పర్యటించనున్నందున మంగళ వారం ఎస్పీ డా. వినీత్‌ గురుకుల పాఠశాల, కళాశాల వద్ద హెలీప్యాడ్‌ ఏర్పాటు చేయనున్నందున భద్రతా ఏర్పాట్లను, ముఖ్యమంత్రి ప్రయాణించే రూట్‌లో బందోబస్తు ఏర్పాట్లను ఆయన పరిశీలించారు. హెలీప్యాడ్‌ నుంచి కార్యక్రమ ప్రదేశాల వరకు వాహనాల రాకపోకలు, ట్రాఫిక్‌ నియంత్రణ, పార్కింగ్‌, వీవీఐపీ రూట్‌ తదితర అంశాలపై అధికారులతో సమీక్షించారు. ముఖ్యమంత్రి పర్యటనకు సంబంధించి పటిష్ట భద్రతా ఏర్పాట్లు, సమన్వయంతో కూడి న బందోబస్తు, ట్రాఫిక్‌ నియంత్రణ చర్యలు చేపట్టాలని డీఎస్పీ మహేష్‌, సీఐ సైదులు, మద్దూరు ఎస్సై విజయ్‌కుమార్‌కు సూచించారు. సంబంధిత అధికారులు క్షేత్రస్థాయిలో నిరంతరం పర్యవేక్షిస్తూ ఏర్పాట్లను పూర్తి చేయాలని ఆదేశించారు.

● ఐదు రోజుల్లో రూ.16.04 కోట్ల రాబడి ● 28.36 లక్షల మంది ప్రయాణం.. 490 ప్రత్యేక బస్సులు ● ఒక్క 31వ తేదీనే రూ.3.65 కోట్ల ఆదాయం మహబూబ్‌నగర్‌ మున్సిపాలిటీ: ఈసారి రాఖీ పండుగతో ఆర్టీసీ మహబూబ్‌నగర్‌ రీజియన్‌కు రికార్డుస్థాయిలో ఆదాయం వచ్చింది. వరుసగా సెలవులు రావడంతో ప్రయాణికుల సౌకర్యార్థం గత నెల 27 నుంచి 31వ తేదీ వరకు 490 ప్రత్యేక బస్సులను నడిపారు. పండుగ వేళ వారికి ఎలాంటి ఇబ్బందులు లేకుండా రీజియన్‌ పరిధిలోని పది డిపోల అధికారులు అన్ని చర్యలు తీసుకున్నారు. ముఖ్యంగా ఆయా డిపోల నుంచి హైదరాబాద్‌ రూట్లో ఎక్కువ బస్సులను నడిపించారు. ఈ రూట్లోనే మహబూబ్‌నగర్‌ రీజియన్‌కు అధిక ఆదాయం వచ్చింది. 5 రోజుల ఆదాయం వివరాలు.. ఆగస్టు 27న మహబూబ్‌నగర్‌ రీజియన్‌ పరిధిలో 5,21,227 మంది ప్రయాణికుల ద్వారా రూ.2,63,11,000 రాగా.. 28న 5,88,639 మంది ప్రయాణికుల ద్వారా రూ.3,43,32,000, 29న 5,97,940 మంది ప్రయాణికుల ద్వారా రూ.3,20, 47,000 ఆదాయం వచ్చింది. అలాగే ఆగస్టు 30న 5,47,837 మంది ప్రయాణికుల ద్వారా రూ.3,12, 03,000, ఆగస్టు 31న అత్యధికంగా 5,80,705 మంది ప్రయాణికుల ద్వారా రూ.3,65,37,000 సమకూరింది. ఐదు రోజులకు కలిపి మహబూబ్‌నగర్‌ రీజియన్‌కు మొత్తం రూ.16,04,31,000 వచ్చింది. డిపోల పరంగా చూస్తే మహబూబ్‌నగర్‌ అత్యధికంగా రూ.2,55,99,000, రెండో స్థానంలో వనపర్తి రూ.2,14,09,000 ఆదాయం పొందాయి. డిపో ప్రయాణికులు వచ్చిన ఆదాయం మహబూబ్‌నగర్‌ 3,86,772 255.99 వనపర్తి 3,85,245 214.09 కల్వకుర్తి 3,20,874 184.43 గద్వాల 3,45,811 166.72 నారాయణపేట 2,82,531 164.30 షాద్‌నగర్‌ 3,03,239 159.55 అచ్చంపేట 2,27,437 159.18 నాగర్‌కర్నూల్‌ 3,01,235 145.68 కొల్లాపూర్‌ 1,97,055 112.47 కోస్గి 86,149 41.89

–8లో uనర్వ: సుదీర్ఘకాలం తర్వాత ప్రభుత్వం చేయూత పథకానికి దరఖాస్తు చేసుకునేందుకు అవకాశం కల్పించింది. అర్హులు సరైన ధ్రువపత్రాలతో ఈ నెల 15 వరకు ఆన్‌లైన్‌లో దరఖాస్తు చేసుకోవాలని సూచించింది. జిల్లాలోని పురపాలికలతో పాటు 272 గ్రామపంచాయతీల నుంచి మంగళవారం వరకు 11 వేలకు పైగా దరఖాస్తులు వచ్చినట్లుసెర్ప్‌ అధికారులు తెలిపారు. జిల్లాలో ఇలా.. జిల్లావ్యాప్తంగా 72,734 మంది చేయూత పింఛన్లు పొందుతున్నారు. ఇందులో వృద్ధులు 25,389, వితంతువులు 29,707, దివ్యాంగులు 9.709, గీత కార్మికులు 872, చేనేత కార్మికులు 2,495), పైలేరియా 162, డయాలిసిస్‌ 108, బీడీ కార్మికులు 1,164 మంది ఉన్నారు. ఇందుకుగాను ప్రభుత్వం రూ.18,78,50,416 మంజూరు చేస్తోంది. అనర్హులను తొలగించి జాబితా.. జిల్లావ్యాప్తంగా ఇప్పటి వరకు 11,078 దరఖాస్తులు రాగా.. ఇందులో అత్యధికంగా వితంతు పింఛన్‌ కోసం 5,337, దివ్యాంగ పింఛన్‌కు 3,856 వచ్చాయి. అత్యల్పంగా గీత కార్మికులు 239 మాత్రమే దరఖాస్తు చేసుకున్నారు. మండలాల వారీగా పరిశీలిస్తే అత్యధికంగా నారాయణపేట మండలం నుంచి 1,297, దామరగిద్ద నుంచి 1,148, నారాయణపేట పురపాలిక నుంచి 1,076, మక్తల్‌ నుంచి 1,055, ఊట్కూర్‌ నుంచి 1,034.. అత్యల్పంగా మద్దూర్‌ నుంచి 227, గుండుమాల్‌ నుంచి 59 మంది దరఖాస్తు చేసుకున్నారు. గ్రామీణ ప్రాంతాల్లో ఎంపీడీఓ, పురపాలికల్లో కమిషనర్‌ పర్యవేక్షణలో దరఖాస్తులు పరిశీలించనున్నారు. అక్రమాలకు తావులేకుండా దరఖాస్తులను నిశితంగా పరిశీలించి అనర్హులను తొలగించి జాబితా రూపొందించనున్నారు. తప్పని దళారుల బెడద.. చేయూత పింఛన్ల కోసం దళారులు అమాయకులను మచ్చిక చేసుకొని దరఖాస్తుల స్వీకరణ మొదలు నుంచి వారితో డబ్బులు దంటుకుంటున్నారన్న ఆరోపణలు వ్యక్తమవుతున్నాయి. దివ్యాంగులు కానివారు సైతం సదరం ధ్రువపత్రాలు పొందుతున్నట్లు సమాచారం. ఇలాంటి వారితో అర్హులకు అన్యాయం జరిగే అవకాశం ఉన్నట్లు దివ్యాంగ సంఘాలు ఆవేదన వ్యక్తం చేస్తున్నాయి. ఇదిలా ఉండగా కొన్ని పురపాలికలు, గ్రామపంచాయతీల్లో కొందరు ప్రజాప్రతినిధులు బేరసారాలు కూడా కుదుర్చుకుంటున్నట్లు గుసగుసలు వినిపిస్తున్నాయి. ఏళ్ల తరబడి కార్యాలయాల చుట్టూ తిరిగిన బాధితులు అడిగినంత ఇచ్చేందుకు అంగీకరిస్తున్నట్లు సమాచారం. కలెక్టర్‌ స్పందించి దళారులను ఆశ్రయించొద్దని ప్రకటనలు చేస్తున్నా ఫలితం లేకుండా పోతోంది. ఇప్పటి వరకు జిల్లావ్యాప్తంగా 11,078 దరఖాస్తులు దరఖాస్తు గడువు పొడిగించిన ప్రభుత్వం అనర్హులను తొలగించి జాబితా సిద్ధం చేసేలా అధికారుల కసరత్తు గ్రామాలు, పట్టణాల్లో తప్పని దళారుల బెడద ప్రభుత్వం చేయూత పింఛన్ల దరఖాస్తు గడువును ఈ నెల 15 వరకు పొడిగించింది. ఈ అవకాశాన్ని అర్హులైన వారు సద్వినియోగం చేసుకోవాలి. దళారులను ఆశ్రయించకుండా సమీప మీ–సేవ కేంద్రాల్లో దరఖాస్తు చేసుకో వాలి. గడువు పొడిగించిన విషయాన్ని గ్రా మాల్లో తెలియజేయాలని ఎంపీడీఓలకు ప్రభు త్వం ఆదేశాలు, ఉత్తర్వులు జారీ చేసింది. – జయన్న, డీపీఎం, నారాయణపేట

కొత్తపల్లి/కోస్గి రూరల్‌: ప్రభుత్వ పాఠశాలల్లో వి ద్యార్థుల సంఖ్య పెంచి బలోపేతానికి ఉపాధ్యాయు లు, స్థానిక ప్రజాప్రతినిధులు కృషి చేయాలని జిల్లా విద్యాధికారి గోవిందరాజు కోరారు. మంగళవారం మద్దూరు, కొత్తపల్లి, కోస్గిలో ఆయా మండలాల సర్పంచులు, కౌన్సిలర్లు, పలువురు విద్యా నిపుణులతో నిర్వహించిన సమావేశంలో ఎంఈఓలు, ఎంపీడీఓలు భార్గవరాం, శ్రీధర్‌, కొండన్నతో కలిసి పాల్గొన్నారు. పాఠశాలల్లో విద్యార్థులకు సరిపడా ఉపాధ్యాయులు లేక విద్యావ్యవస్థ కుంటుపడుతోందని పలువురు అధికారుల దృష్టికి తీసుకొచ్చారు. పలువురు ఉపాధ్యాయులు పాఠశాలలకు వచ్చి విద్యార్థులకు బోధించడం లేదని, కొన్ని పాఠశాలల్లోవిద్యార్థులు ఎక్కువ.. ఉపాద్యాయులు తక్కువ ఉన్నారని, దీంతో పిల్లలను ప్రభుత్వ పా ఠశాలలకు పంపించడానికి అసహనం వ్యక్తం చేస్తున్నారని తెలిపారు. ఆయా విషయాలను ఉన్నతాధికారుల దృష్టికి తీసుకెళ్తానని.. అందించిన సలహాలు, సూచనలను పరిగణలోకి తీసుకొని సమస్యల పరిష్కారంపై దృష్టి సారిస్తానని చెప్పారు. కార్యక్రమంలో ఎంఈఓలు ఆంజనేయులు, జనార్దన్‌రెడ్డి, శంకర్‌నాయక్‌ తదితరులు పాల్గొన్నారు.

నారాయణపేట ఎడ్యుకేషన్‌: జవహర్‌ నవోద య విద్యాలయాల్లో 2027–28 విద్యాసంవత్సరానికిగాను 9, 11వ తరగతిలో ఖాళీగా ఉన్న సీట్ల భర్తీకి లేటరల్‌ ఎంట్రీ సెలక్షన్‌ టెస్ట్‌–2027 నిర్వహించనున్నట్లు జిల్లా విద్యాధికారి డా. గోవిందరాజు మంగళవారం ఒక ప్రకటనలో తెలిపారు. పరీక్షకు సంబంధించి ఆన్‌లైన్‌ దరఖాస్తు ప్రక్రియ ప్రారంభమైందని.. అర్హత, ఆసక్తి కలిగిన విద్యార్థులు ఎలాంటి రుసుం లేకుండా దరఖాస్తు చేసుకోవచ్చని పేర్కొన్నారు. ఎంపికై న విద్యార్ధులు నాగర్‌కర్నూల్‌ జిల్లా వట్టెం గ్రామంలో ఉన్న జవహర్‌ నవోదయ విద్యాలయలో ప్రవేశాలు పొందవచ్చని సూచించారు. మరిన్ని వివరాలకు అధికారిక రిజిస్ట్రేషన్‌ పోర్టల్‌ https://cbseitms. nic/2026/ nvsix 9, htt ps://cbseitms.nic.i n/2026/ nvsxi 11ను సంప్రదించాలన్నారు. దరఖాస్తు సమర్పణకు ఈ నెల 30 వరకు గడువు ఉందని తెలిపారు. క్రీడలతో ఉజ్వల భవిష్యత్‌ నారాయణపేట ఎడ్యుకేషన్‌: క్రీడల్లో రాణిస్తే ఉ జ్వల భవిష్యత్‌ ఉంటుందని డీఐఈఓ సుదర్శన్‌ అన్నారు. జాతీయ క్రీడా దినోత్సవం సందర్భంగా జిల్లాకేంద్రంలోని మినీ స్టేడియంలో జిల్లా క్రికెట్‌ అసోసియేషన్‌, పీఈటీల ఆధ్వర్యంలో పాఠశాలస్థాయి క్రికెట్‌ పోటీలు జరిగాయి. మంగళవారం వైదిక ఎయిడెడ్‌ ఉన్నత పాఠశాల, మాడ్రన్‌ హైస్కూల్‌ మధ్య చివరి మ్యాచ్‌ జరగగా.. మాడ్రన్‌ హైస్కూల్‌ విజేతగా, వైదిక ఉన్నత పాఠశాల రన్నరప్‌గా నిలిచింది. ఇరు జట్లకు డీఐఈఓ బహుమతులు అందజేసి మాట్లాడారు. జాతీయ జట్టులో ఆడి జిల్లా, ఊరు, తల్లిదండ్రులకు మంచి పేరు తీసుకురావాలని ఆకాంక్షించారు. క్రికెట్‌ ఇన్‌చార్జ్‌ రమణ, కోచ్‌ అజయ్‌ పాల్గొన్నారు. ప్రతి ఒక్కరూ జీవితబీమా తీసుకోవాలి నారాయణపేట: భారత బీమా రంగంలో ఎల్‌ ఐసీకి 70 ఏళ్ల చరిత్ర ఉందని నారాయణపేట బ్రాంచ్‌ మేనేజర్‌ కృష్ణారెడ్డి అన్నారు. ఎల్‌ఐసీ స్థాపించి 70 వసంతాలు పూర్తయిన సందర్భంగా మంగళవారం బ్రాంచ్‌ కార్యాలయంలో వే డుకలు ఘనంగా నిర్వహించారు. మేనేజర్‌ జ్యో తి వెలిగించి కార్యక్రమాలు ప్రారంభించి మా ట్లాడారు. భారత బీమా రంగం అనగానే ప్రతి ఒక్కరికీ ముందుగా గుర్తుకొచ్చే పేరు ఎల్‌ఐసీ అన్నారు. కోట్లాది మంది భారతీయుల జీవితాలకు ఆర్థిక భద్రత కల్పిస్తూ దేశంలోనే అతిపెద్ద జీవిత బీమా సంస్థగా విశిష్ట సేవలు అందిస్తోందని తెలిపారు. బీమా సేవలకే పరిమితం కాకుండా దేశ ఆర్థికాభివృద్ధిలో కూడా కీలక పాత్ర పోషిస్తోందని గుర్తు చేశారు. అనుకోని పరిస్థితుల్లో కుటుంబానికి ఆర్థిక రక్షణ కల్పించడంలో జీవిత బీమా ఎంతో కీలకమని.. ప్రతి ఒక్కరూ తమ భవిష్యత్‌ భద్రత కోసం తప్పనిసరిగా జీవిత బీమా తీసుకోవాలని కోరారు.

ధన్వాడ: కొనుగోలు చేసిన వరి విత్తనాల వివరాలు రైతుల వారీగా ఈ నెల 10లోగా సీడ్‌ సేల్‌ పోర్టల్‌లో నమోదు చేయాలని జిల్లా వ్యవసాయ అధికారి సక్రియానాయక్‌ అన్నారు. మంగళవారం మండల కేంద్రంలోని రైతువేధికలో ఫర్టిలైజర్‌ డీలర్లతో నిర్వహించిన సమావేశంలో ఆయన మాట్లాడారు. డిజిటల్‌ క్రాప్‌ సర్వేలో భాగంగా కొండాపూర్‌ వ్యవసాయ క్షేత్రాలు సందర్శించి పంట ఎలా ఉంది అనే విషయలను పరిశీలించి రైతులకు పలు సూచనలు జేశారు. సర్వేయర్‌తో మాట్లాడి డిజిటర్‌ క్రాప్‌ సర్వే త్వరగా పూర్తి చేయాలని సూచించారు. ఆయన వెంట ఏఓ నవీన్‌కుమార్‌, ఏఈఓ సైమన్‌, భరద్వాజ్‌ తదితరులు ఉన్నారు.

సాక్షి ప్రతినిధి, మహబూబ్‌నగర్‌ : రబీ సీజన్‌ 2022–23లో వేలం వేసిన సీఎమ్మార్‌ ధాన్యంలో అక్రమాలు నివ్వెరపరుస్తున్నాయి. ఉమ్మడి పాలమూరులో రూ.వెయ్యి కోట్లకు పైగా సర్కారు పెట్టుబడిని రైస్‌ మిల్లర్లు పక్కా పథకం ప్రకారమే అప్పనంగా కాజేశారు. రూ.కోట్లు విలువైన సీఎమ్మార్‌ ధాన్యాన్ని మిల్లర్లు పక్కదారి పట్టించినట్లు విజిలెన్స్‌, ఎన్‌ఫోర్స్‌మెంట్‌, జిల్లా టాస్క్‌ఫోర్స్‌ బృందాల తనిఖీల్లో బట్టబయలు కాగా.. ఈ బాగోతం వెనుక ఎవరెవరున్నారనే దానిపై సర్కార్‌ దృష్టిపెట్టింది. ఈ దందాలో సూత్రధారులు, పాత్రదారులపై రాష్ట్ర స్థాయి ఉన్నతాధికారులు గుట్టుచప్పుడు కాకుండా కూపీ లాగుతుండగా.. మరిన్ని కోణాలతోపాటు విస్తుపోయే నిజాలు వెలుగులోకి వచ్చాయి. మామూళ్లతో కట్టిపడేసి.. 2022– 23 రబీకి సంబంధించిన ధాన్యాన్ని ఆయా జిల్లాల్లో అసోసియేషన్‌ పేరిట మిల్లర్లందరూ కుమ్మకై ్క ప్రభుత్వానికి తిరిగి బియ్యం ఇవ్వకుండా పెద్దఎత్తున దారి మళ్లించారు. సివిల్‌ సప్లయ్‌ శాఖలోని పలువురు అధికారులు, సిబ్బందిని మామూళ్లతో మచ్చిక చేసుకొని.. దందా సాగించినట్లు తెలుస్తోంది. ముందుగా తమకు కేటాయించిన ధాన్యంలో కొంతమేర పాడై పోయేలా చేసిన మిల్లుల నిర్వాహకులు.. త్రిముఖ వ్యూహంతో నాటకాలకు తెరలేపారు. ఎండకు ఎండి.. వానకు తడిసి తొలుత మిల్లులకు కేటాయించిన ధాన్యంలో కొన్ని బస్తాలను ఆవరణలో ఎలాంటి రక్షణ లేకుండా నెట్టు వేయించారు. ఎక్కువ మొత్తంలో బస్తాలను షెడ్డులో వేశారు. ఆవరణలో వేసిన బస్తాలపై టార్పాలిన్లు లేకుండా, ఉన్నా కప్పీకప్పకుండా, చిరిగిన వాటిని కప్పి కావాలనే వర్షానికి తడిసి.. ఎండకు ఎండేలా చేశారు. ఆ తర్వాత ధాన్యం పూర్తిగా పాడైంది.. మేం వాడుకోలేదు.. బకాయి డబ్బులు కట్టమని అధికారులకు తెలియజేస్తున్నట్లు నటించి.. క్రమంగా మిగతా ధాన్యాన్ని పక్కదారి పట్టించే ఎత్తుగడతో ముందుకెళ్లినట్లు విచారణలో గుర్తించారు. ఆ తర్వాత నాణ్యత లేని ధాన్యం ఇథనాల్‌, లిక్కర్‌ ఫ్యాక్టరీలకు ముడిసరుకుగా బ్రోకెన్‌ రైస్‌ ఉపయోగపడుతుండడంతో నూకలుగా మార్చి తరలించేలా ఏర్పాట్లు చేసుకున్నట్లు సమాచారం. సర్కారు సీరియస్‌ 2022– 23 రబీ సీజన్‌లో తమకు అదనంగా సీఎమ్మార్‌ ధాన్యం కట్టబెట్టారని.. అకాల వర్షాలతో తడిచి పాడైందంటూ మిల్లర్లు ఇంకా బురిడీ కొట్టించే ప్రయత్నమే చేస్తున్నారు. ప్రభుత్వం డబ్బులు కట్టాల్సిందేనంటూ స్పష్టం చేసినప్పటికీ.. కొందరు మిల్లర్లు అదే ఎత్తుగడతో ముందుకు సాగుతుండడం పెద్దలకు మరింత ఆగ్రహం తెప్పించింది. అందుకే జిల్లాలు, మిల్లర్ల వారీగా చిట్టా తెప్పించుకొంటుండగా.. అసలు నిజాలు వెలుగులోకి వచ్చినట్లు తెలుస్తోంది. అయితే విజిలెన్స్‌ ఆకస్మిక దాడులు.. కేసుల నేపథ్యంలో ఉమ్మడి జిల్లాలోని పలువురు మిల్లర్లు భయంతో హైదరాబాద్‌లోనే మకాం వేసి.. పైరవీలు మొదలుపెట్టారు. ముందస్తు బెయిల్‌ కోసం కొందరు ప్రయత్నిస్తుండగా.. తనిఖీలు ఆపాలని మరికొందరు మంత్రులు, పౌర సరఫరాల శాఖ ఉన్నతాధికారుల చుట్టూ తిరుగుతున్నట్లు సమాచారం. 2022– 23 రబీ సీఎంఆర్‌లో మిల్లర్ల నాటకాలు అసోసియేషన్‌ పేరిట కుమ్మకై ్క త్రిముఖ వ్యూహం.. కావాలని కొంత మేర ధాన్యం పాడైపోయేలా చేసి తొండాట నాణ్యతది మర ఆడించి యథేచ్ఛగా మార్కెట్‌లో విక్రయం అప్పనంగా సొమ్ము చేసుకుని.. నష్టమంటూ దొంగ కన్నీళ్లు ఆ మిల్లుపై ఎనలేని ప్రేమ.. ఉమ్మడి జిల్లాలో విజిలెన్స్‌ బృందాలు ఇటీవల వరుసగా 14కిపైగా మిల్లులను జల్లెడ పట్టి దాదాపు రూ.245.10 కోట్ల అక్రమాలను బహిర్గతం చేశాయి. నవాబుపేట తీగలపల్లిలోని శ్రీ కనకదుర్గ పారాబాయిల్డ్‌ రైస్‌మిల్లు, మహబూబ్‌నగర్‌, వనపర్తి, ఖిల్లాఘనపురం, పెబ్బేరు, కొత్తకోట, కేటీదొడ్డి తదితర ప్రాంతాల్లో నిల్వ వ్యత్యాసాలను గుర్తించి కేసులు నమోదు చేశారు. అయితే హన్వాడ మండలం ఇబ్రహీంబాద్‌లోని శ్రీలక్ష్మీ బాలాజీ రైస్‌ మిల్లులో 2022–23 రబీకి సంబంధించి రూ.11.34 కోట్ల విలువైన 5,070 మె.ట., (1,26,772 బస్తాలు) ధాన్యం పక్కదారి పట్టినట్లు విజిలెన్స్‌ తనిఖీల్లో తేలగా.. సదరు మిల్లు నిర్వాహకుడిపై కేసు నమోదు చేయకపోవడం గమనార్హం. దీనిపై పౌరసరఫరాల శాఖకు చెందిన ఓ అధికారిని సంప్రదిస్తే ‘కేసు చేస్తే రికవరీ చేయలేం కదా’ అని చెప్పారు. మిగతా జిల్లాల్లో కేసులు చేశారు కదా అంటే నేరుగా సమాధానమివ్వకుండా దాటవేశారు. స్థిరాస్తుల కొనుగోలు.. మిల్లు షెడ్‌లో వేసిన నాణ్యమైన ధాన్యాన్ని మర ఆడించగా వచ్చిన బియ్యాన్ని మిల్లర్లు యథేచ్ఛగా బహిరంగ మార్కెట్‌లో విక్రయించి సొమ్ము చేసుకున్నారు. కొందరు ఇతర రాష్ట్రాలకు తరలించి ఏకమొత్తంలో రూ.కోట్లు కూడగట్టారు. ఆ సొమ్ముతో కొందరు స్థిరాస్తులు కొనుగోలు చేసినట్లు అధికారులు వారి చిట్టా తీసినట్లు తెలిసింది.

నారాయణపేట: సీఎం పర్యటనలో ఎలాంటి అవాంఛనీయ ఘటనలకు తావులేకుండా అ న్ని కోణాల్లో భద్రతా చర్యలు చేపట్టినట్లు ఎస్పీ డా. వినీత్‌ తెలిపారు. గురువారం మద్దూర్‌లోని ఓ ఫంక్షనన్‌హాల్‌లో బందోబస్తు విధులకు వచ్చిన పోలీసు అధికారులు, సిబ్బందికి ఆయన దిశానిర్దేశం చేశారు. ఉమ్మడి జిల్లా నుంచి మొత్తం 500 మంది పోలీసులను బందోబస్తు విధుల్లో నియమించినట్లు తెలిపారు. 9 సెక్టార్లుగా విభజించి ప్రతి సెక్టార్‌కు అదనపు ఎస్పీ, డీఎస్పీ, సీఐ స్థాయి అధికారులను ఇన్‌చార్జ్‌లుగా వ్యవహరిస్తారని.. సమన్వయంతో పనిచేస్తూ ప్రతి అంశాన్ని నిశితంగా పర్యవేక్షించాలని ఆదేశించారు. విధుల్లో ఉన్న ప్రతి ఒక్కరూ అప్రమత్తంగా ఉండాలని.. అనుమానాస్పద వ్యక్తులు, వస్తువులు కనిపిస్తే వెంటనే ఉన్నతాధికారులకు సమాచారం ఇవ్వాలని సూ చించారు. భద్రతా లోపాలకు ఆస్కారం లేకుండా రూట్‌ మానిటరింగ్‌ అధికారులు ప్రత్యేక శ్రద్ధ తీసుకోవాలని, ట్రాఫిక్‌ నియంత్రణను సమర్థవంతంగా నిర్వహించాలన్నారు. హెలిప్యాడ్‌ నుంచి కాన్వాయ్‌ వెళ్లే మార్గంలో రోడ్‌ ఓపెనింగ్‌ పార్టీలు, పెట్రోలింగ్‌ బృందాలు, ట్రాఫిక్‌ డైవర్షనన్‌ సిబ్బంది, రూఫ్‌టాప్‌ సెంట్రీలు ఏర్పాటు చేశారు. బాంబ్‌ స్క్వాడ్‌, డాగ్‌ స్క్వాడ్‌ బృందాలను రంగంలోకి దించారు. పార్కింగ్‌ నిర్వహణకు ప్రత్యేక సిబ్బందిని కేటాయించారు. కార్యక్రమంలో అదనపు ఎస్పీ ఎండీ రియాజ్‌ హుల్‌హక్‌, డీఎస్పీలు మహే ష్‌, లింగయ్య, సీఐలు, ఎస్‌ఐలు పాల్గొన్నారు.

● ఇచ్చిన హామీలు అమలు చేయడంలో ప్రభుత్వం విఫలం ● కోస్గి రైతు గర్జనసభలో మాజీ మంత్రులు శ్రీనివాస్‌గౌడ్‌, సబితా ఇంద్రారెడ్డి కోస్గి: రాష్ట్రంలో అమలుకు సాధ్యం కాని మోసపూరిత హామీలిచ్చి అధికారంలోకి వచ్చిన రేవంత్‌రెడ్డి సర్కార్‌ పాలనలో పూర్తిగా విఫలమైందని.. అభివృద్ధి పేరుతో అవినీతి అక్రమాలకు పాల్పడుతూ దోచుకోవడమే లక్ష్యంగా పాలన సాగిస్తున్నారని మాజీ మంత్రులు శ్రీనివాస్‌గౌడ్‌, సబితా ఇంద్రారెడ్డి ఆరోపించారు. కాంగ్రెస్‌ వెయ్యి రోజుల పాలనను పురస్కరించుకొని బీఆర్‌ఎస్‌ పార్టీ గురువారం రైతు గర్జన పేరిట కోస్గిలో నిరసన కార్యక్రమం చేపట్టింది. స్థానిక రామాలయం చౌరస్తా నుంచి శివాజీ చౌరస్తా వరకు భారీ ర్యాలీ నిర్వహించిన అనంతరం ఏర్పాటు చేసిన బహిరంగసభలో వారితో పాటు, మాజీ ఎమ్మెల్యే నరేందర్‌రెడ్డి పాల్గొన్నారు. ఈ సందర్భంగా మాజీ మంత్రి శ్రీనివాస్‌గౌడ్‌ మాట్లాడుతూ.. గతంలో బీఆర్‌ఎస్‌ ప్రభుత్వం అమలు చేసిన కేిసీఆర్‌ కిట్టు, కల్యాణలక్ష్మి, షాదీముబారక్‌తో పాటు ఎన్నో సంక్షేమ పథకాలు ప్రస్తుత ప్రభుత్వం తొలగించిందన్నారు. పాలమూర్‌ జిల్లాలో చాలామంది వ్యవసాయంపై ఆధారపడి జీవిస్తున్నవారేనని.. ప్రత్యేక రాష్ట్రం వచ్చాక గతంలో వలస వెళ్లిన ప్రజలు తిరిగి వచ్చి పంటలు పండించుకొని అభివృద్ధి చెందారన్నారు. రేవంత్‌రెడ్డి పాలనలో మరోమారు వలసలు మొదలయ్యాయని, యూరియా కోసం చెప్పులు వరుసలో పెట్టాల్సిన దుస్థితి నెలకొందని తెలిపారు. వ్యవసాయానికి 24 గంటల ఉచిత విద్యుత్‌, రైతుబంధు, రైతుబీమా, సన్నరకం వరికి బోనస్‌ అమలు కావడం లేదన్నారు. కేసీఆర్‌ హయాంలోనే పాలమూర్‌ ఎత్తిపోతల పథకం చేపట్టి 90 శాతం పనులు పూర్తి చేశామని.. నార్లాపూర్‌, ఏదుల, వట్టెం, కర్వెన, ఉదండాపూర్‌ రిజర్వాయర్లు పూర్తిచేస్తే ప్రస్తుత ప్రభుత్వం మిగిలిన 10 శాతం పనులకు టెండర్లు వేసి కాల్వలు కూడా తవ్వలేని దుస్థితిలో ఉందన్నారు. వెలుగొండ, పోతిరెడ్డిపాడు ద్వారా రోజుకు 2 టీఎంసీల నీరు ఆంధ్రాకు తరలిస్తున్నారని, ఆల్మట్టి ఎత్తు పెంచుతున్నారని, కాంగ్రెస్‌ ప్రభుత్వం పట్టించుకోకపోవడంతో రాష్ట్రానికి నీళ్లు రాకపోగా ఉన్నా నీరు వాడుకునే పరిస్థితి లేదని తెలిపారు. భూముల్ని దోచుకోవడానికి 22ఏ అమలు చేసి రైతులను దోచుకుంటున్నారన్నారు. ముఖ్యమంత్రి రేవంత్‌రెడ్డికి దమ్ముంటే ఎమ్మెల్యే నరేందర్‌రెడ్డి సూచించిన విధంగా అభివృద్ధి పేరిట జరుగుతున్న పనుల్లో అవినీతి, అక్రమాలపై విజిలెన్స్‌ విచారరణ జరపాలని మాజీ మంత్రి సబితా ఇంద్రారెడ్డి సవాల్‌ విసిరారు. సొంత పార్టీ మంత్రి కొండా సురేఖ ఢిల్లీ కేంద్రంగా బహిరంగంగానే ముఖ్యమంత్రితో పాటు మంత్రులు అవినీతికి పాల్పడుతున్నారని చెప్పడం చూస్తే పరిస్థితి అర్థమవుతుందన్నారు. మహబూబ్‌నగర్‌ రూపురేఖలు మార్చిన ఘనత మాజీ మంత్రి శ్రీనివాస్‌గౌడ్‌దేనని తెలిపారు. బీఆర్‌ఎస్‌ పార్టీ ప్రజల పక్షాన నిలబడుతూ మొద్దు నిద్రలో ఉన్న ప్రభుత్వాన్ని ధర్నాలు, నిరసనలతో మేల్కొలుపుతోందని చెప్పారు. పాలమూర్‌ ప్రాంతానికి నీరు అందించే ఆలోచన రేవంత్‌రెడ్డికి లేదని.. కేసీఆర్‌ ఉండి ఉంటే ఇప్పటికే కొడంగల్‌కు సాగునీరు అందించేవారన్నారు. కొడంగల్‌, పరిగిలో రైతుల భూముల్ని లాక్కొని భూ బకాసురులుగా మారిన రేవంత్‌ సర్కార్‌కు రోజులు దగ్గర పడ్డాయని తెలిపారు. మాజీ ఎమ్మెల్యే నరేందర్‌రెడ్డి మాట్లాడుతూ.. ఆంధ్రా కాంట్రాక్టర్లకు పనులిచ్చి రేవంత్‌రెడ్డి సోదరుడు 20 శాతం కమీషన్లు తీసుకుంటూ ఇష్టారీతిన దోచుకుంటున్నారన్నారని ఆరోపించారు. అభివృద్ధి పేరిట రైతుల భూముల్ని లాక్కుంటున్నారని.. దోచుకోవడమే లక్ష్యంగా రాష్ట్రంలో పాలన సాగిస్తున్నారని తెలిపారు. కార్యక్రమంలో పార్టీ నాయకులు వెంకట నర్సింహులు, మహిపాల్‌, బాలు, సాయప్ప, శివకుమార్‌, మోహన్‌గౌడ్‌, జనార్దన్‌రెడ్డి, హుసేనప్ప తదితరులు పాల్గొన్నారు.

సాక్షి ప్రతినిధి, మహబూబ్‌నగర్‌: రాష్ట్ర కాంగ్రెస్‌లో తీవ్ర దుమారం రేపిన ప్రణాళిక సంఘం రాష్ట్ర ఉపాధ్యక్షుడు జిల్లెల చిన్నారెడ్డి ఎపిసోడ్‌పై ఎట్టకేలకు ఉత్కంఠ వీడింది. పార్టీ అధిష్టాన నిర్ణయం మేరకు ఆయనపై వేటు పడింది. ప్రణాళిక సంఘం రాష్ట్ర ఉపాధ్యక్ష పదవి నుంచి చిన్నారెడ్డిని తప్పిస్తూ.. ఆయన స్థానంలో గ్రేటర్‌ హైదరాబాద్‌ మున్సిపల్‌ కార్పొరేషన్‌ మాజీ మేయర్‌ గద్వాల విజయలక్ష్మిని నియమిస్తున్నట్లు ప్రభుత్వ ప్రకటన సైతం వెలువడింది. గాంధీ కుటుంబానికి విధేయుడిగా, కరుడుగట్టిన కాంగ్రెస్‌ వాదిగా పేరున్న సీనియర్‌ నేతపై ఊహించని చర్యలు ఉమ్మడి పాలమూరు జిల్లాలో కలకలం సృష్టిస్తుండగా.. ఆయన దారెటు అనేది హాట్‌టాపిక్‌గా మారింది. సుదీర్ఘ రాజకీయ ప్రస్థానం.. చిన్నారెడ్డి 1980 నుంచి 1983 వరకు ఏపీ యూత్‌ కాంగ్రెస్‌ రాష్ట్ర అధ్యక్షుడిగా బాధ్యతలు నిర్వర్తించారు. 1985లో వనపర్తి నుంచి ఎమ్మెల్యేగా పోటీ చేసి ఓటమి పాలైనప్పటికీ 1989 ఎన్నికల్లో తిరిగి అదే నియోజకవర్గం నుంచి తొలిసారిగా ఎమ్మెల్యేగా విజయం సాధించారు. 1999–2004, 2004–2009, 2014–2018 కాలంలో ఎమ్మెల్యేగా ప్రాతినిధ్యం వహించారు. ఉమ్మడి ఆంధ్రప్రదేశ్‌లో వైఎస్‌ రాజశేఖరరెడ్డి మంత్రివర్గంలో 2007 నుంచి 2009 వరకు గ్రామీణాభివృద్ధి శాఖ మంత్రిగా సేవలందించారు. 2018లో వనపర్తి నుంచి ఎమ్మెల్యేగా పోటీచేసి ఓటమి పాలయ్యారు. 2021లో హైదరాబాద్‌–రంగారెడ్డి–మహబూబ్‌నగర్‌ పట్టభద్రుల ఎమ్మెల్సీ నియోజకవర్గం నుంచి కాంగ్రెస్‌ అభ్యర్థిగా పోటీ చేసి ఓడిపోయారు. టికెట్‌ చేజారడం నుంచి మొదలు.. 2023 అసెంబ్లీ ఎన్నికల్లో వనపర్తి నియోజకవర్గం నుంచి కాంగ్రెస్‌ ఎమ్మెల్యే అభ్యర్థిగా చిన్నారెడ్డి పేరును కాంగ్రెస్‌ అధిష్టానం మొదట ప్రకటించింది. ఆ తర్వాత బీఆర్‌ఎస్‌ నుంచి కాంగ్రెస్‌లో చేరిన మేఘారెడ్డికి టికెట్‌ కేటాయించడంతో చిన్నారెడ్డి పోటీ నుంచి విరమించుకున్నాడు. ఈ ఎన్నికల్లో ఎమ్మెల్యేగా మేఘారెడ్డి గెలుపొందగా.. కాంగ్రెస్‌ అధికారంలోకి వచ్చిన విషయం తెలిసిందే. ఈ మేరకు 2024లో చిన్నారెడ్డికి రాష్ట్ర ప్రణాళికా సంఘం ఉపాధ్యక్షుడిగా నియమిస్తూ ప్రభుత్వం కేబినెట్‌ హోదా కల్పించింది. అయితే టికెట్‌ వచ్చినట్లే వచ్చి చేజారడంతో మనస్థాపానికి గురైన ఆయన పలుమార్లు అసహనం వ్యక్తం చేస్తూ వచ్చారు. అనివార్య పరిస్థితుల్లోనేనా.. సీఎం రేవంత్‌రెడ్డిపై మంత్రి కొండా సురేఖ కూతురు సుస్మితాపటేల్‌ చేసిన వ్యాఖ్యలు.. ఆ తర్వాత కొండా సురేఖ సైతం విమర్శలు గుప్పించడం రాష్ట్రవ్యాప్తంగా కాంగ్రెస్‌లో తీవ్ర దుమారం చెలరేగిన విషయం తెలిసిందే. ఈ క్రమంలో ఆమైపె వేటు వేసే క్రమంలో చిన్నారెడ్డిపై చర్యలు తీసుకోవాల్సిన అనివార్యత ఏర్పడిందని కాంగ్రెస్‌తో పాటు రాజకీయ వర్గాల్లో చర్చ జరుగుతోంది. చిన్నారెడ్డి వర్గీయుల్లో అయోమయం ప్రణాళిక సంఘం ఉపాధ్యక్ష పదవి నుంచి చిన్నారెడ్డిని తప్పించిన క్రమంలో ఆయన అనుచర వర్గంలో నిరాశ అలుముకుంది. ఆయన మాట్లాడింది పార్టీ వ్యతిరేక వ్యాఖ్యలు కావని, దశాబ్దాలుగా జెండా మోసిన పాత కార్యకర్తల ఆవేదననే వెళ్లగక్కా రని వారు చెబుతున్నారు. 48ఏళ్ల క్రమశిక్షణకు పార్టీ ఇచ్చిన బహుమతి ఇదేనా అంటూ ఆవేదన వ్యక్తం చేస్తున్నారు. ప్రస్తుత రాజకీయ పరిణామాల క్రమంలో ఆయన ఎలాంటి నిర్ణయం తీసుకుంటారు.. తమ భవిష్యత్‌ ఎలా ఉంటుందోననే ఆందోళన, అ యోమయం వారిలో నెలకొన్నట్లు తెలుస్తోంది. గోపాల్‌పేట మండలం జయన్న తిరుమలాపురంలోని తన వ్యవసాయ క్షేత్రంలో డా. చిన్నారెడ్డిముదిరిన విభేదాలు.. వనపర్తి నియోజకవర్గంలో చోటుచేసుకున్న రాజకీయ పరిణామాల క్రమంలో మేఘారెడ్డి, చిన్నారెడ్డి మధ్య దూరం పెరుగుతూనే వచ్చింది. అటు ప్రభుత్వ, ఇటు పార్టీ పరంగా తనకు ప్రాధాన్యం దక్కడం లేదని పలుమార్లు చిన్నారెడ్డి అసంతృప్తి వెళ్లగక్కారు. కేబినెట్‌ హోదాలో తనకు కేటాయించిన గన్‌మెన్లు, ప్రభుత్వ వాహనాన్ని ఉపసంహరించుకున్నారు. తన అనుచరులను ఎమ్మెల్యే మేఘారెడ్డి ఇబ్బందులకు గురిచేస్తున్నారంటూ విమర్శలు గుప్పించారు. మేఘారెడ్డి సైతం ఆయనపై ప్రతి విమర్శలు చేయడం.. ఇలా ఇద్దరి మధ్య క్రమక్రమంగా విభేదాలు మరింత ముదిరాయి. ఘాటు విమర్శలతో.. ఇటీవల గోపాల్‌పేటలో పార్టీ కార్యాలయ ప్రారంభం సందర్భంగా చిన్నారెడ్డి చేసిన సంచలన వ్యాఖ్యలు పార్టీలో తీవ్ర దుమారం రేపాయి. పార్టీలో చాలా తప్పులు జరుగుతున్నాయని, వాటిని భరిస్తూ వస్తున్నానని, లేకుంటే తాను మరో జీవన్‌రెడ్డిని అయ్యేవాడినని వ్యాఖ్యానించారు. సోనియాగాంధీ తనకు సీటు ఇచ్చినా ఇక్కడ డబ్బులకు లొంగి తనకు సీటు ఇవ్వకుండా అన్యాయం చేశారని ఆరోపించారు. బీఆర్‌ఎస్‌ పదేళ్ల పాలనలో అన్ని అనుభవించిన వారు ఇప్పుడు పార్టీలోకి వచ్చి మళ్లీ తనను అవమానిస్తున్నారని ఆవేదన వ్యక్తం చేశారు. 48 ఏళ్లు కాంగ్రెస్‌ కోసం కష్టపడి పనిచేశానన్నారు. ఈ వ్యాఖ్యలు నియోజవర్గంలోనే కాకుండా రాష్ట్ర రాజకీయాల్లో హాట్‌టాపిక్‌గా మారాయి. అధిష్టానానికి ఫిర్యాదుతో.. చిన్నారెడ్డి వ్యాఖ్యలను మేఘారెడ్డి ఖండించడంతోపాటు తాను డబ్బులు ఎవరికిచ్చి సీటు తెచ్చుకున్నానో చెప్పాలని డిమాండ్‌ చేశారు. అంతేకాదు.. దీనిపై టీపీసీసీ, క్రమశిక్షణ కమిటీ, సీఎం, పార్టీ రాష్ట్ర వ్యవహారాల ఇన్‌చార్జి, ఏఐసీసీకి ఆధారాలతో సహా ఫిర్యాదు చేశారు. క్రమశిక్షణ కమిటీ సైతం చర్యలకు సిఫార్సు చేయడం.. సీరియస్‌గా పరిగణించిన పార్టీ అధిష్టానం సుమారు రెండు రోజులుగా ముఖ్య నేతలతో చర్చించి చిన్నారెడ్డిపై క్రమశిక్షణ చర్యలకు నిర్ణయం తీసుకుంది. ఈ మేరకు సీఎం ఆదేశాలతో ప్రభుత్వ ప్రధాన కార్యదర్శి గురువారం ప్రణాళిక సంఘం ఉపాధ్యక్ష పదవి నుంచి తొలగిస్తూ ఉత్తర్వులు జారీ చేశారు. ప్రణాళిక సంఘం ఉపాధ్యక్షుడిగా చిన్నారెడ్డి తొలగింపు సీనియర్‌ నేతపై కాంగ్రెస్‌ అధిష్టానం ఊహించని చర్యలు ఉమ్మడి పాలమూరువ్యాప్తంగాహస్తం శ్రేణుల్లో కలకలం భవిష్యత్‌పై జిల్లెల అనుచరుల్లో అయోమయం

● చిన్నచింతకుంటలో కాంగ్రెస్‌–బీఆర్‌ఎస్‌ శ్రేణుల తోపులాట ● విధుల్లో అస్వస్థతకు గురైన డీఎస్పీ.. రోడ్డుపై మాజీ ఎమ్మెల్యే నిరసన చిన్నచింతకుంట: కాంగ్రెస్‌, బీఆర్‌ఎస్‌ పార్టీల పరస్పర ర్యాలీలతో చిన్నచింతకుంట మండల కేంద్రంలో గురువారం ఉద్రిక్తత నెలకొంది. రెండు పార్టీల కార్యక్రమాలు ఒకేసారి బస్టాండ్‌ కూడలికి చేరుకోవడంతో కార్యకర్తల మధ్య తోపులాట జరిగింది. పరిస్థితిని అదుపు చేసేందుకు పోలీసులు తీవ్రంగా ప్రయత్నించారు. ఈ క్రమంలో విధులు నిర్వహిస్తున్న డీఎస్పీ రమణరెడ్డి అస్వస్థతకు గురయ్యారు. కాంగ్రెస్‌ పార్టీ వెయ్యి రోజుల విజయోత్సవంలో భాగంగా దేవరకద్ర నియోజకవర్గంలోని చిన్నచింతకుంటు మండలంలో ఉదయం నెల్లికొండి నుంచి బైక్‌ ర్యాలీ నిర్వహించింది. ఉదయం 11 గంటల సమయంలో ర్యాలీ చిన్నచింతకుంట బస్టాండ్‌ కూడలికి చేరుకోగా ఎమ్మెల్యే జి. మధుసూదన్‌రెడ్డి కార్యకర్తలు, ప్రజలను ఉద్దేశించి ప్రసంగిస్తున్నారు. అదే సమయంలో కాంగ్రెస్‌ ప్రభుత్వ వైఫల్యాలను ఎండగడుతూ బీఆర్‌ఎస్‌ ఆధ్వర్యంలో చేపట్టిన సమరభేరి కార్యక్రమం ర్యాలీగా అక్కడికి చేరుకుంది. బీఆర్‌ఎస్‌ ర్యాలీని పోలీసులు దారి మళ్లించే ప్రయత్నం చేయగా మాజీ ఎమ్మెల్యే ఆల వెంకటేశ్వర్‌రెడ్డి అభ్యంతరం వ్యక్తం చేశారు. తమ కార్యక్రమానికి ముందుగానే అనుమతి ఉందని, సమయం దాటిపోతోందని పేర్కొంటూ కార్యక్రమానికి అనుమతించాలని కోరారు. పోలీసులు అనుమతించకపోవడంతో కార్యకర్తలతో కలిసి రోడ్డుపై బైఠాయించి నిరసన తెలిపారు. అనుమతులపై పోలీసుల వివరణ కాంగ్రెస్‌ విజయోత్సవ ర్యాలీకి ఉదయం 10 గంటల నుంచి మధ్యాహ్నం 1 గంట వరకు అనుమతి ఇచ్చినట్లు పోలీసులు తెలిపారు. అయితే బీఆర్‌ఎస్‌ సమరభేరి కార్యక్రమానికి అనుమతి ఇవ్వలేదని సీఐ పేర్కొన్నారు. పోలీస్‌స్టేషన్‌కు సమాచారం ఇవ్వకుండానే బీఆర్‌ఎస్‌ నాయకులు కార్యక్రమం నిర్వహించారని తెలిపారు. ఇరు పార్టీల కార్యక్రమాలు ఒకేసారి కొనసాగడంతో ఉద్రిక్తత ఏర్పడిందని పోలీసులు వెల్లడించారు. రెండు పార్టీల కార్యక్రమాలకు ఒకేరోజు పోలీసులు అనుమతి ఇవ్వడంతో ఎలాంటి అవాంచనీయ ఘటనలు జరగకుండా సుమారు 50 మంది పోలీసులతో బందోబస్తు ఏర్పాటు చేశారు. ఇందులో సీఐ, డీఎస్పీ, నలుగురు ఎస్సైలు, 15 మంది స్పెషల్‌ ఫోర్స్‌ సిబ్బంది ఉన్నారు. కాగా, ర్యాలీలో బీఆర్‌ఎస్‌ కార్యకర్తలను అదుపు చేసే క్రమంలో జరిగిన తోపులాటలో డీఎస్పీ వెంకటరమణరెడ్డి అస్వస్థతకు గురై అక్కడే పడిపోయారు. వెంటనే ఆయనను కాంగ్రెస్‌ కార్యాలయంలోకి తీసుకెళ్లగా కొద్దిసేపటికి కోలుకున్నారు. అనంతరం ఎమ్మెల్యే ఆయనకు మంచినీళ్లు అందించి ధైర్యం చెప్పారు.

● పలు అభివృద్ధి పనుల పరిశీలన ● ఏర్పాట్లను పర్యవేక్షించిన కలెక్టర్‌, ఎస్పీ–8లో uకోస్గి(కొత్తపల్లి): ముఖ్యమంత్రి రేవంత్‌రెడ్డి శుక్రవా రం మద్దూర్‌లో పర్యటించనున్నారు. గురువారం కలెక్టర్‌ సీహెచ్‌ ప్రియాంక, ఎస్పీ డా. వినీత్‌ స్థానిక అధికారులతో కలిసి ఏర్పాట్లను పర్యవేక్షించారు. మండల కేంద్రంలో పలు అభివృద్ధి పనుల పరిశీల నకు ముఖ్యమంత్రి వస్తున్న నేపథ్యంలో పర్యటన లో ఎలాంటి ఇబ్బందులు లేకుండా తగిన చర్యలు తీ సుకోవాలని అధికారులను ఆదేశించారు. పట్టణ శి వారులోని ప్రభుత్వ డిగ్రీ కళాశాల సమీపం దోరేపల్లి రోడ్‌లో ఏర్పాటు చేసిన హెలిప్యాడ్‌ స్థలంతో పాటు ముఖ్యమంత్రి పర్యటించే రోడ్‌ మ్యాప్‌ను పరిశీలించారు. ముఖ్యమంత్రి రూ.6.10 కోట్లతో నిర్మిస్తున్న ప్రభుత్వ డిగ్రీ కళాశాల భవన నిర్మాణం, పాత బస్టాండ్‌ చౌరస్తాలో రహదారి విస్తరణలో దె బ్బతిన్న హనుమాన్‌ ఆలయాన్ని పరిశీలించడంతో పాటు మున్సిపల్‌ కార్యాలయ భవన నిర్మాణ విషయమై స్థానిక నేతలతో చర్చించనున్నారు. చింతల్‌దిండి రోడ్‌లో రూ.30 కోట్లతో నిర్మిస్తున్న ఎస్సీ గు రుకుల పాఠశాల, కళాశాలల భవన నిర్మాణ పనుల ను పరిశీలించనున్నట్లు అధికారులు తెలిపారు. ము ఖ్యమంత్రి పర్యటించే మార్గంలో ట్రాపిక్‌ సమస్యలు లేకుండా బందోబస్తు ఏర్పాటు చేయాలని సూచించారు. ప్రొటోకాల్‌ విషయంలో తగిన జాగ్రత్త లు తీసుకోవాలని ఆదేశించారు. అంతకుముందు అన్ని శాఖల అధికారులతో ముఖ్యమంత్రి పర్యటనకు సంబంధించిన అంశాలపై సమీక్ష నిర్వహించారు.

నారాయణపేట: తక్కువ పెట్టుబడితో నాణ్యమైన దిగుబడులు సాధించడంతో పాటు భూసారాన్ని పరిరక్షించేందుకు రైతులు సహజ, సేంద్రియ వ్యవసాయ పద్ధతులు అవలంబించాలని తెలంగాణ రై తు విజ్ఞాన కేంద్రం, నారాయణపేట సమన్వయకర్త డా. ఈటెల సత్యనారాయణ సూచించారు. వ్యవసాయ సాంకేతిక యాజమాన్య సంస్థ ఆధ్వర్యంలో మండలంలోని సింగారం రైతువేధికలో గురువారం అభ్యుదయ రైతులు, కృత్రిమ సేద్యం చేపడుతున్న రైతులకు ప్రత్యేక శిక్షణ కార్యక్రమం నిర్వహించారు. నాకాలం–2026లో సాగు చేస్తున్న వివిధ పంటల్లో శాసీ్త్రయ యాజమాన్య పద్ధతులు, సహజ సేద్యం ప్రయోజనాలపై నిపుణులు రైతులకు అవగాహన కల్పించారు. ఈ సందర్భంగా డా. ఈటెల సత్యనారాయణ మాట్లాడుతూ.. భూసార పరీక్షల ఆధారంగానే ఎరువుల వినియోగం చేపట్టాలని సూచించారు. నేల అవసరాలకు అనుగుణంగా సమతుల ఎరువులను వినియోగించడంతో వ్యయాన్ని తగ్గించుకోవచ్చన్నారు. రసాయన ఎరువులు అధికంగా వినియోగించకుండా సేంద్రియ, జీవ ఎరువులతో పాటు సహజ వ్యవసాయ పద్ధతులను సమర్థవంతంగా అమలు చేయాలని సూచించారు. తక్కువ నీటితో సాగయ్యే పప్పుధాన్యాలు, చిరుధాన్యాలు, నూనెగింజల పంటలకు ప్రాధాన్యం ఇవ్వడంతో పాటు పంటల వైవిధ్యీకరణ చేపట్టాలన్నారు. నానో ఎరువులను వినియోగించాలని.. నేల ఆరోగ్యాన్ని కాపాడే సాగు పద్ధతులకు ప్రాధాన్యం ఇవ్వాలని సూచించారు. అనంతరం నానో ఎరువుల వినియోగం, ప్రయోజనాలపై క్షేత్ర పర్యటన నిర్వహించారు. కార్యక్రమంలో జిల్లా వ్యవసాయ అధికారి సక్రియానాయక్‌, ఆత్మా అధికారి శాంతి నిర్మల, వ్యవసాయ అధికారి బాల దినకర్‌ పాల్గొన్నారు.

నారాయణపేట: కాంగ్రెస్‌ ప్రభుత్వం వెయ్యి రోజుల పాలన పూర్తైనా 6 గ్యారెంటీలు, 420 హా మీల అమలు చేయడంలో ఘోరంగా విఫలమైందని మాజీ ఎమ్మెల్యే, బీఆర్‌ఎస్‌ జిల్లా అధ్యక్షుడ రాజేందర్‌రెడ్డి మండిపడ్డారు. బీఆర్‌ఎస్‌ రాష్ట్ర వర్కింగ్‌ ప్రెసిడెంట్‌ కేటీఆర్‌ పిలుపు మేరకు బుధవారం జిల్లా కేంద్రంలో భారీ నిరసన చేపట్టారు. ఈ సందర్భంగా రాజేందర్‌రెడ్డి నేతృత్వంలో నిర్వహించిన కార్యక్రమంలో కాంగ్రెస్‌ 420 హామీలు అమలు చేయలేదని గుర్తు చేస్తూ 420 అడుగుల భారీ ఫ్లెక్సీ ప్రదర్శించారు. అనంతరం ప్రధాన రహదారుల మీదుగా ర్యాలీ నిర్వహించారు. ఈ సందర్భంగా మాజీ ఎమ్మెల్యే రాజేందర్‌రెడ్డి మాట్లాడుతూ.. రాబోయే 800 రోజులు కాంగ్రెస్‌ నాయకులకు నిద్రలేని రోజులే అని, ప్రజలకు ఇచ్చిన ప్రతి హామీపై సమాధానం చెప్పాల్సిందే అని డిమాండ్‌ చేశారు. కాంగ్రెస్‌ పంపిణీ చేసిన గ్యారెంటీ కార్డులు ఇప్పుడు ‘బాకీ కార్డులుశ్రీగా మారిపోయాయని ఎద్దేవా చేశారు. అన్ని వర్గాలకు అన్యాయమే.. రైతులకు రూ.2 లక్షల రుణమాఫీ, ఎకరాకు రూ.15 వేల రైతు భరోసా, రైతు బీమా, కల్యాణ లక్ష్మి పథకంలో తులం బంగారం, విద్యార్థులకు రూ.5 లక్షల విద్యా భరోసా కార్డు, నిరుద్యోగులకు రెండు లక్షల ఉద్యోగాలు వంటి హామీల అమలుపై ప్రభుత్వం స్పష్టత ఇవ్వాలని డిమాండ్‌ చేశారు. ఆటో డ్రైవర్లకు ఏడాదికి రూ.12 వేల ఆర్థికసాయం చేస్తామని హామీ ఇచ్చి రెండేళ్లు గడిచినా బకాయి మొత్తాన్ని ఎందుకు చెల్లించలేదని ప్రశ్నించారు. ‘రెండు కళ్ల’పై ఘాటు వ్యాఖ్యలు నారాయణపేట, కొడంగల్‌ తనకు రెండు కళ్లంటూ ముఖ్యమంత్రి చెబుతున్నా.. ఒక కంటికి సు న్నం, మరో కంటికి బెల్లం పెడుతున్నారని మండిపడ్డారు. తన హయాంలో ఏర్పాటు చేసిన విద్యుత్‌ స్తంభాల్లో చెడిపోయిన బల్బులను సైతం మార్చ లేని పరిస్థితి రావడం బాధాకరమన్నారు. రోడ్ల మధ్య నాటిన మొక్కలకు నీరు పోయడం లేదని విమర్శించారు. కార్యక్రమంలో కార్యక్రమ ఇన్‌చార్జీ రాజీవ్‌సాగర్‌, నాయకులు అమ్మకోళ్ల శ్రీనివాస్‌రెడ్డి, వేపూరి రాములు, విజయ్‌సాగర్‌, సుదర్శన్‌రెడ్డి, నర్సప్ప, కన్నా జగదీష్‌ పాల్గొన్నారు.

నారాయణపేట ఎడ్యుకేషన్‌: పర్యావరణ పరిరక్షణే నిజమైన విద్య అని, నేటి పిల్లలే భూమికి నిజమైన నాయకులు కావాలని ప్రొఫెసర్‌ ఉపేందర్‌రెడ్డి, డీఈఓ గోవిందరాజులు అన్నారు. ఈ మేర కు బుధవారం మండలంలోని జాజాపూర్‌ ఉన్నత పాఠశాలలో తెలంగాణ ప్రభుత్వ పాఠశాల విద్యా శాఖ, ప్రముఖ పర్యావరణ సంస్థ కౌన్సిల్‌ ఫర్‌ గ్రీన్‌ రెవల్యూషన్‌ ఆధ్వర్యంలో నారాయణపేట జిల్లా ప్రభుత్వ పా ఠశాలకు చెందిన లీడ్‌ ఎర్త్‌ లీడర్స్‌ కోసం ఒక రోజు శిక్షణ కార్యక్రమం నిర్వహించారు. కార్యక్రమానికి ఎస్‌ఈఆర్‌టీ రిటైర్డ్‌ ప్రొఫెసర్‌ ఉంపేదర్‌రెడ్డి, డీఈఓ గో విందరాజులు ము ఖ్య అతిథులు గా హాజరై మాట్లాడా రు. నేటి విద్యార్థు లు భూమిని నడిపించే నాయకులు గా తయారుకావాలని పిలుపునిచ్చారు. చదువు అంటే కేవలం పాఠ్య పుస్తకాలు మార్కులు తెచ్చుకోవడం కాదని మనం నివసిస్తున్న భూమిని, ప్రకృతిని కాపాడుకోవడం అన్నారు. కార్యక్రమంలో డీఎస్‌ఓ భానుప్రకాష్‌, ఏఎంఓ విద్యాసాగర్‌, సెక్టోరియల్‌ అధికారి నాగార్జున్‌రెడ్డి తదితరులు పాల్గొన్నారు.

కోస్గి: గ్రామీణ ప్రాంతాల్లోని ప్రజలకు మెరుగైన రవాణా సదుపాయాలు కల్పించడం ప్రభుత్వ లక్ష్యమని కడా చైర్మన్‌ వెంకట్‌రెడ్డి అన్నారు. బుధవారం కోస్గి బస్సు డిపోకు మంజూరైన నాలుగు ఎలక్ట్రికల్‌ బస్సులను డీఎం రాజయ్యతో కలిసి కొడంగల్‌, కోస్గి బస్‌స్టేషన్లలో 2 బస్సుల చొప్పున ప్రారంభించారు. ఈ సందర్భంగా వెంకట్‌రెడ్డి మాట్లాడుతూ కోస్గి డిపోకు ఇప్పటి వరకు 29 బస్సులు మంజూరు కాగా.. ఇందులో ఎలక్ట్రికల్‌ 4, జనరల్‌ 25 ఉన్నాయన్నారు. కార్యక్రమంలో జిల్లా గ్రంథాలయ సంస్థ చైర్మన్‌ వార్ల విజయ్‌కుమార్‌, మున్సిపల్‌ కమిషనర్‌ నాగరాజు, మండల అధ్యక్షుడు రఘువర్ధన్‌రెడ్డి, మున్సిపల్‌ అధ్యక్షుడు రాములు, పట్టణ అధ్యక్షులు తుడుం శ్రీనివాస్‌, పీఏసీఎస్‌ చైర్మన్‌ భీంరెడ్డి, కౌన్సిలర్‌ భానునాయక్‌, కో ఆప్షన్‌ సభ్యుడు సలీం తదితరులు ఉన్నారు. ఆధునిక వ్యవసాయ పద్ధతులు పాటించాలి కొత్తపల్లి: రైతులు సాగులో ఆధునిక పద్ధతులు పాటించాలని జిల్లా వ్యవసాయ అధికారి సక్రియానాయక్‌ సూచించారు. మండలంలోని లింగాల్‌చేడ్‌ రైతువేదికలో బుధవారం వ్యవసాయ శాఖ ఆధ్వర్యంలో ఆర్‌పీఎల్‌ శిక్షణా కార్యక్రమం నిర్వహించారు. ఈ సందర్భంగా ప్రకృతి వ్యవసాయం, నూనెగింజల పంటల ప్రోత్సాహం, చిరుధాన్యాల సాగు, సమగ్ర వ్యవసాయ విధానం తదితర అంశాలపై అవగాహన కల్పించారు. అలాగే నానో ఎరువుల వినియోగం, ప్రయోజనాల గురించి క్షేత్రస్థాయిలో మండలంలోని ఎక్కామేడ్‌లో రైతు మల్లేశ్‌ పత్తి పంటలో వివరించారు. కార్యక్రమంలో డిప్యూటీ ప్రాజెక్ట్‌ డైరెక్టర్‌ ఆత్మ శాంతినిర్మల, ఏడీఏ రామకృష్ణ, ఏఓ రమేష్‌, ఏఈఓలు నరేష్‌, ప్రశాంత్‌ తదితరులు పాల్గొన్నారు. బ్రిడ్జిల నిర్మాణం కోసం సర్వే ధన్వాడ: మండల కేంద్రంలోని కోటపక్క వీధిలో రెండు బ్రిడ్జిల నిర్మాణానికి సంబంధించిన ప్రదేశాలను డీఈఈ ఉపేందర్‌రెడ్డి, ఏఈ తరుణ్‌రెడ్డి పరిశిలించారు. బ్రిడ్జిల నిర్మాణం కోసం ప్రభుత్వం రూ.4.4 కోట్లు మంజూరు చేసిందని, పనులు త్వరలో ప్రారంభిస్తామని అధికారులు వెల్లడించారు. కార్యక్రమంలో ఎమ్మెల్యే వ్యక్తిగత పీఏ మాధవరెడ్డి, మార్కెట్‌ కమిటీ డైరెక్టర్‌ లక్ష్మయ్యగౌడ్‌, ఉపసర్పంచు నర్సింహులు తదితరులు పాల్గొన్నారు.

కొత్తపల్లి: మద్దూరు మండల కేంద్రంలో ఈ నెల 4న ముఖ్యమంత్రి పర్యటన నేపథ్యంలో భద్రతా ఏర్పాట్లను పోలీసులు కట్టుదిట్టం చేశారు. డిగ్రీ కాలేజీ భవనం, సాంఘీక గురుకుల పాఠశాల, కళాశాల భవనాల వద్ద ముందస్తుగా తనిఖీలు నిర్వహించారు. హెలీప్యాడ్‌ ప్రాంతాల్లో బాంబ్‌ డిస్పోజల్‌ స్క్వాడ్‌, డాగ్‌ స్క్వాడ్‌ సిబ్బంది విస్తృతంగా తనిఖీలు చేపట్టారు. సీఎం పర్యటించే ప్రాంతాల్లో మెటల్‌ డిటెక్టర్లు, అత్యాధునిక స్కానర్లుతో అణువణువూ పరిశీలిస్తున్నారు. అనుమానాస్పద వ్యక్తులు కనిపిస్తే తక్షణమే పోలీసులకు సమాచారం అందించాలని ఎస్‌ఐ విజయ్‌కుమార్‌ ఆదేశాలు జారీ చేశారు.

మాట్లాడుతున్న జిల్లా రెవెన్యూ అడిషనల్‌ కలెక్టర్‌ శ్రీను నారాయణపేట: ముఖ్యమంత్రి రేవంత్‌రెడ్డి ఈ నెల 4న మద్దూరు మండల కేంద్రంలో పర్యటించనున్న నేపథ్యంలో ఏర్పాట్లను పకడ్బందీగా పూర్తి చేయాలని రెవెన్యూ అదనపు కలెక్టర్‌ శ్రీను అధికారులను ఆదేశించారు. జిల్లా కలెక్టరేట్‌లోని వీసీ హాల్‌లో బుధవారం సీఎం పర్యటన ఏర్పా ట్లపై వివిధ శాఖల అధికారులతో సమావేశం నిర్వహించారు. ఈ సందర్భంగా ఆయన మాట్లాడుతూ.. పర్యటనలో ఎలాంటి లోటుపా ట్లు లే కుండా ప్రతి శాఖ సమన్వయంతో పనిచేయాలని సూచించారు. మద్దూరు ప్రభుత్వ డిగ్రీ కళాశాల సమీపంలో ఏర్పాటు చేస్తున్న హెలిప్యాడ్‌, అక్కడి నుంచి కళాశాలకు వెళ్లే మార్గాన్ని పరిశీలించారు. రహదారి మరమ్మతు, పారిశుద్ధ్య పనులు, పొదలు, చెత్త తొలగింపు వంటి పనులను వెంటనే చేపట్టాలని ఆదేశించారు. డిగ్రీ కళాశాల నిర్మాణ పనుల పరిశీలన అనంతరం సీఎం సందర్శించనున్న తెలంగాణ రెసిడెన్షియల్‌ విద్యాసంస్థల నిర్మాణ ప్రాంతానికి వెళ్లే మార్గాలను కూడా సిద్ధం చేయాలన్నారు. ప్రధాన మార్గంతో పాటు రెండు ప్రత్యామ్నాయ మార్గాలను సిద్ధంగా ఉంచాలని ఆదేశించారు. పెండింగ్‌ పనులకు డెడ్‌లైన్‌ సీఎం సెక్యూరిటీ, పోలీసు ఉన్నతాధికారులు, ఇతర భద్రతా బృందాలు జిల్లాకు చేరుకునే అవకాశం ఉన్నందున పెండింగ్‌ పనులన్నింటినీ గురువారం సాయంత్రం కల్లా పూర్తి చేయాలని అదనపు కలెక్టర్‌ స్పష్టం చేశారు. భద్రతా అధికారులు, ఎస్‌ఎల్‌ బృందం సూచనల మేరకు రూట్‌, భద్రతా ఏర్పాట్లలో తక్షణ చర్యలు చేపట్టాలన్నారు. సమావేశంలో డీఆర్వో రాజేశ్వరి, ఆర్డీఓ రమేష్‌, డీఎంహెచ్‌ఓ జయచంద్రమోహన్‌, మిషన్‌ భగీరథ ఈఈ రంగారావు, డీపీఆర్‌ఓ రషీద్‌, ఇతర అధికారులు పాల్గొన్నారు.

నారాయణపేట: తెలంగాణ ప్రొహిబిషన్‌ అండ్‌ ఎక్సైజ్‌ శాఖలో భారీస్థాయిలో బదిలీలు చోటుచేసుకున్నాయి. సీఐ, ఎస్‌ఐ కేడర్‌ అధికారులకు స్థానచలనం కల్పిస్తూ బుధవారం సాయంత్రం నుంచి వరుసగా ఉత్తర్వులు జారీ అయ్యాయి. ప్రొహిబిషన్‌ అండ్‌ ఎకై ్సజ్‌ కమిషనర్‌ ఆమోదంతో గ్రేటర్‌ హైదరాబాద్‌ ఎకై ్సజ్‌ డిప్యూటీ కమిషనర్‌ (ఇన్‌చార్జి) హరికృష్ణ ప్రొసీడింగ్స్‌ జారీ చేశారు. బదిలీ అయిన అధికారులు ప్రస్తుత పోస్టు నుంచి వెంటనే రిలీవ్‌ అయి, కొత్తగా కేటాయించిన స్థానాల్లో తక్షణమే విధుల్లో చేరాలని ఉత్తర్వుల్లో పేర్కొన్నారు. ● ఉమ్మడి మహబూబ్‌నగర్‌ జిల్లా ఎకై ్సజ్‌ పరిధిలోనూ పలువురు అధికారులకు స్థానచలనం కలిగింది. నారాయణపేట ఎకై ్సజ్‌ సీఐ అనంతయ్య శేరిలింగంపల్లికి బదిలీ అయ్యారు. ఆయన స్థానంలో నల్లగొండ డీటీఎఫ్‌ సీఐ సైదులు వస్తున్నారు. ● నారాయణపేట ఎకై ్సజ్‌ సర్కిల్‌ ఎస్‌ఐలు గురువయ్య దేవరకొండకు,రమేష్‌ కోదాడ చెక్‌పోస్టు, శిరీష తుంగతుర్తికి బదిలీ అయ్యారు. కోస్గి సీఐ బా లకృష్ణ మల్కాజ్‌గిరికి బదిలీ కాగా..నారా యణ పేట బీఎంపీపీలో పనిచేస్తున్న శ్రావణ్‌కుమార్‌ సైబరాబాద్‌ పరిధిలోని పటాన్‌చెరువుకు బదిలీ అయ్యారు. ఉమ్మడి జిల్లాలో మరికొందరికి.. మహబూబ్‌నగర్‌ సీఐ లక్ష్మణ్‌గౌడ్‌ కుత్బుల్లాపూర్‌కు, జడ్చర్ల సీఐ విప్లవ్‌రెడ్డి దూల్‌పేట్‌కు బదిలీ అయ్యారు. నాగర్‌కర్నూల్‌ పరిధిలోని ఎస్‌ఐ చిన్నరాములు మోటూరి హుజూర్‌నగర్‌కు, జడ్చర్ల ఎస్‌ఐ నాగరాజు ఎన్‌ఫోర్స్‌మెంట్‌ మల్కాజ్‌గిరికి, కోస్గి ఎస్‌ఐ ఎంఏ జబ్బార్‌ హయత్‌నగర్‌, డీటీఎఫ్‌ నుంచి కవిత సంగారెడ్డికి బదిలీ అయ్యారు. ● రేవులపల్లి నుంచి జి.వెంకటేశం మహబూబ్‌నగర్‌ సీఐగా, జహీరాబాద్‌ నుంచి మల్లికార్జునబాబు వనపర్తి సీఐగా, ఎన్‌ఫోర్స్‌మెంట్‌ నుంచి చంద్రశేఖర్‌ జడ్చర్ల సీఐగా బదిలీపై వస్తున్నారు. మెదక్‌ ఎన్‌ఫోర్స్‌మెంట్‌ నుంచి ఎస్‌ఐ యాదయ్య జడ్చర్లకు, రామపేట్‌ నుంచి ఎస్‌ఐ శివకృష్ణ చెక్‌పోస్టు కు, హయత్‌నగర్‌ నుంచి ఎస్‌ఐ సరళ కోస్గికి బదిలీ వస్తున్నారు. ఘనపూర్‌ నుంచి నరేష్‌ కేతావత్‌ ఎన్‌ఫోర్స్‌మెంట్‌ మహబూబ్‌నగర్‌కు బదిలీపై వస్తున్నారు.

నారాయణపేట: జిల్లాలో మత్స్య సంపద పెంచేందుకు ప్రభుత్వం ఉచిత చేప పిల్లల పంపిణీకీ శ్రీకారం చుట్టగా.. ఈసారి వర్షాభావ పరిస్థితులు లకా్‌ష్య్‌నికి సవాల్‌గా మారుతున్నాయి. సాధారణంగా వర్షాలతో చెరువులు నిండితే చేప పిల్లల పెంపకం, విడుదల ప్రక్రియ సులభంగా సాగుతుంది. కానీ ఆశించిన స్థాయిలో వర్షాలు లేకపోవడంతో అనేక చెరువుల్లో నీటి మట్టాలు ప్రమాద ఘంటికలు మోగిస్తున్నాయి. దీంతో ఈసారి చేప పిల్లల ఉత్పత్తికి రిజర్వాయర్లు, బ్యాక్‌వాటర్‌ ప్రాంతాలే ప్రధాన ఆధారంగా మారుతున్నాయి. మత్స్యకారుల జీవనోపాధిపై ప్రభావం ఒకవైపు వర్షాల కోసం రైతులు ఎదురుచూస్తుండగా.. మరోవైపు చెరువులపై ఆధారపడి జీవించే మత్స్యకార కుటుంబాల పరిస్థితి దయనీయంగా మారుతోంది. సెప్టెంబర్‌ 2 వరకు జిల్లాలోని 13 మండలాల్లో సాధారణ వర్షపాతం 376 మి.మీ.కు గాను ఇప్పటి వరకు 264.4 మి.మీ. మాత్రమే కురవగా జిల్లాలో 30 శాతం వర్షపాతం లోటు నమోదైంది. నీటి వనరులు ఆశించిన స్థాయిలో లేకపోతే చేప పిల్లల పెంపకం, ఉత్పత్తి, భవిష్యత్‌ పట్టుబడులపై ప్రభావం పడే అవకాశం ఉంది. జిల్లాలోని 641 చెరువుల్లో 1.87 కోట్ల చేప పిల్లలను విడుదల చేయాలన్న లక్ష్యం ఉండగా ఇందులో శాశ్వత నీటి వనరులు ఉన్న 68 చెరువులను గుర్తించి సుమారు 92 లక్షల చేప పిల్లలను పెంచి సరఫరా చేసేందుకు అధికారులు ప్రణాళిక రూపొందించారు. భూత్పూర్‌లో 10 లక్షలు.. భూత్పూర్‌ రిజర్వాయర్‌లో 10 లక్షల చేప పిల్లలను పెంచే లక్ష్యం ఉంది. రిజర్వాయర్‌లో ప్రస్తుతం ఉన్న నీటి లభ్యతతో పాటు చేప పిల్లల పెంపకానికి అనువైన పరిస్థితులను అధికారులు పరిశీలిస్తున్నారు. జూరాల బ్యాక్‌వాటర్‌పై ఆశలు జూరాల బ్యాక్‌వాటర్‌ మత్స్యశాఖకు మరో కీలక ఆధారంగా నిలుస్తోంది. ఇక్కడ 12 లక్షల చేప పిల్లల ఉత్పత్తి లక్ష్యంగా ఉంది. వర్షాధార చెరువుల్లో నీరు తగ్గుతున్న నేపథ్యంలో బ్యాక్‌వాటర్‌ ప్రాంతాలను వినియోగించుకోవడంపై అధికారులు దృష్టి పెట్టారు. జిల్లాలో 1.87 కోట్ల చేప పిల్లల పెంపు లక్ష్యం వానలు ముఖం చాటేయడంతో చెరువుల్లో నీటి గండం సంగంబండ, భూత్పూర్‌, జూరాల బ్యాక్‌వాటర్‌పైనే ఆశలు 80 నుంచి 100 ఎంఎం పిల్లలపై అధికారుల ప్రత్యేక నజర్‌ దాఖలైన మూడు టెండర్లు

● పాలమూరులో జోరుగా పాలి‘ట్రిక్స్‌’ ● సీనియర్‌ నేత చిన్నారెడ్డి ఎపిసోడ్‌పై కొనసాగుతున్న ఉత్కంఠ ● వెయ్యి రోజుల పాలనపై పార్టీల పోటాపోటీ కార్యక్రమాలు ● చేసిన అభివృద్ధి, సంక్షేమంపై కాంగ్రెస్‌ నేతల ప్రెస్‌మీట్లు ● పలు ప్రాంతాల్లో శంకుస్థాపనలు, ప్రారంభోత్సవాలు ● దగా పాలన అంటూ రోడ్డెక్కిన బీఆర్‌ఎస్‌ నేతలు ● ఆసక్తి రేపుతున్న సీఎం రేవంత్‌రెడ్డి మద్దూరు పర్యటన వనపర్తికి చెందిన కాంగ్రెస్‌ సీనియర్‌ నేత, రాష్ట్ర ప్రణాళిక సంఘం ఉపాధ్యక్షుడు చిన్నారెడ్డి ఎపి సోడ్‌పై ఉత్కంఠ కొనసాగుతోంది. 20 23 ఎన్నికల సమయంలో మేఘారెడ్డి బీఆర్‌ ఎస్‌ నుంచి కాంగ్రెస్‌కు రావడం.. తొలుత చిన్నారెడ్డికి వనపర్తి టికెట్‌ కేటాయించిన కాంగ్రెస్‌, ఆ తర్వాత మేఘారెడ్డికి ఇవ్వడం ఇరువురి మధ్య విభేదాలకు దారితీసింది. అయితే చిన్నారెడ్డి గోపాల్‌పే ట వేదిక చేసిన వ్యాఖ్యలు దుమారం రేపగా.. సీరియస్‌గా పరిగణించిన ఎమ్మెల్యే మేఘారెడ్డి ఆయనపై భగ్గుమన్నారు. చిన్నారెడ్డిని పార్టీ నుంచి సస్పెండ్‌ చేయాలని గాంధీభవన్‌, టీపీసీసీతోపాటు ఏఐసీసీ అధ్యక్షుడు ఖర్గేకు ఆధారాలతో ఫిర్యాదు చేశారు. పార్టీ రాష్ట్ర క్రమశిక్షణ కమిటీ సైతం ఆయనపై చర్యలు తీసుకోవాలని అధిష్టానానికి సిఫార్సు చేయగా.. పెండింగ్‌లోనే ఉంది. ప్రస్తుతం ఢిల్లీలో మంత్రి సురేఖ ఎపిసోడ్‌ నడుస్తుండగా.. ఆ తర్వాత చిన్నారెడ్డిని ఢిల్లీకి పిలవనున్నట్లు ప్రచారం జరుగుతోంది. దీంతో జిల్లావ్యాప్తంగా ఆయనపై చ ర్యలకు సంబంధించి విభిన్న వాదనలు నడుస్తున్నాయి. సాక్షి ప్రతినిధి, మహబూబ్‌నగర్‌: ఉమ్మడి మహబూబ్‌నగర్‌ జిల్లా రాజకీయాలు ఒక్కసారిగా వేడెక్కాయి. ఒకవైపు అధికార కాంగ్రెస్‌లో అంతర్గత పరిణామాలు, మరోవైపు వెయ్యి రోజుల పాలన పూర్తి చేసుకున్న సందర్భంలో ఊపందుకున్న పోటాపోటీ రాజకీయాలు ఉత్కంఠ రేపుతున్నాయి. ప్రజాపాలన పేరుతో కాంగ్రెస్‌ సంబరాలకు సిద్ధమవుతుంటే.. దగా పాలన అంటూ ప్రధాన ప్రతిపక్షమైన బీఆర్‌ఎస్‌ ఆందోళన బాట పట్టింది. వారం రోజుల ఆందోళనలో భాగంగా తొలి రోజు బుధవారం ఆ పార్టీ నేతలు రోడ్డెక్కారు. ఈ రాజకీయ వేడి రాజుకున్న క్రమంలో ఈ నెల నాలుగో తేదీన ముఖ్యమంత్రి రేవంత్‌రెడ్డి నారాయణపేట జిల్లా మద్దూరు మండల పర్యటన ఖరారు కావడం పాలమూరు వ్యాప్తంగా ఆసక్తి రేపుతోంది. కలవని చేతులతో.. కాంగ్రెస్‌ అధికారంలోకి వచ్చి వెయ్యి రోజులు పూర్తయిన సందర్భాన్ని పురస్కరించుకుని జిల్లాల్లోని ఆ పార్టీకి చెందిన ఎమ్మెల్యేలు, నేతలు పలు ప్రాంతాల్లో ప్రెస్‌మీట్లు పెట్టి తమ ప్రభుత్వ పాలనలో చేసిన అభివృద్ధి పనులు, సంక్షేమ కార్యక్రమాలను వివరించారు. మహబూబ్‌నగర్‌లో ఎమ్మెల్యే శ్రీని వాస్‌రెడ్డి అండర్‌ గ్రౌండ్‌ డ్రెయినేజీ పనులకు శంకుస్థాపన చేశారు. వనపర్తి జిల్లాలో ఎమ్మెల్యే మేఘారెడ్డి, డీసీసీ అధ్యక్షుడు శివసేనారెడ్డిలు విలేకరుల సమావేశం నిర్వహించి అభివృద్ధిని వివరించడంతో పాటు ఖిల్లాఘనపురం మండలంలో బైక్‌ర్యాలీ నిర్వహించారు. అయితే మిగతా జిల్లాల్లో వెయ్యి రోజుల పాలనపై కాంగ్రెస్‌ శ్రేణులు సంబరాలకు దూరంగా ఉన్నాయి. ఇందుకు డీసీసీ నేతలు, పార్టీకి చెందిన ముఖ్య ప్రజాప్రతినిధుల మధ్య అంతర్గత విభేదాలే కారణమనే చర్చ రాజకీయ వర్గాల్లో జరుగుతోంది. సీఎం మద్దూరు పర్యటనపై ఆసక్తి.. కాంగ్రెస్‌లో అంతర్గత కుమ్ములాటలు, బీఆర్‌ఎస్‌ నిరసనల నడుమ ముఖ్యమంత్రి రేవంత్‌రెడ్డి సొంత జిల్లాలో పర్యటించనుండడం ప్రాధాన్యం సంతరించుకుంది. ఈ నెల నాలుగో తేదీన నారాయణపేట జిల్లా మద్దూరు మండలంలో జరిగే పలు అభివృద్ధి పనుల శంకుస్థాపనలు, ప్రారంభోత్సవాలకు ఆయన హాజరుకానున్నారు. గిరిజన గురుకుల భవనాలు, డిగ్రీ కళాశాల, ఇతర మౌలిక వసతుల పనులను పర్యవేక్షించిన తర్వాత నిర్వహించే బహిరంగసభ ద్వారా ప్రతిపక్షాల ఆరోపణలకు ఎలాంటి సమాధానమిస్తారనేది ఆసక్తికరంగా మారింది. కాంగ్రెస్‌ వెయ్యి రోజుల పాలనను లక్ష్యంగా చేసుకుని ప్రతిపక్ష బీఆర్‌ఎస్‌ తీవ్రస్థాయిలో విమర్శలు గుప్పిస్తోంది. ప్రజా పాలన కాదు.. ఇది దగా పాలన అంటూ వారం రోజుల పాటు ఆందోళన కార్యక్రమాలకు పిలుపునిచ్చిన విషయం తెలిసిందే. ఈ మేరకు తొలిరోజు బుధవారం ఉమ్మడి పాలమూరులోని ఐదు జిల్లాకేంద్రాలతో పాటు పలు నియోజకవర్గాల్లో బీఆర్‌ఎస్‌ నాయకులు, కార్యకర్తలు పెద్ద ఎత్తున రోడ్డెక్కి ధర్నాలు, నిరసన ప్రదర్శనలు నిర్వహించారు. ఇచ్చిన గ్యారెంటీలు, రైతులకు చేసిన వాగ్దానాలను నెరవేర్చడంలో కాంగ్రెస్‌ ప్రభుత్వం పూర్తిగా విఫలమైందని నేతలు భగ్గుమన్నారు. వారం పాటు ఆందోళన కార్యక్రమాలను విజయవంతంగా చేపట్టి.. పార్టీ శ్రేణుల్లో ఉత్సాహం నింపేలా దూకుడుగా వ్యవహరించాలని మండలాల వారీగా నాయకులు, అనుచరులతో భేటీ అయిన సందర్భంలో ముఖ్య నేతలు పిలుపునిచ్చినట్లు తెలుస్తోంది.

–8లో uనారాయణపేట: జిల్లాలోని వ్యవసాయ మార్కెట్‌ పాలకవర్గం పదవీ కాలం పొడిగింపు కోసం పైరవీ.. కొత్త పదవుల కోసం లాబీయింగ్‌.. ఇప్పు డు ఇదే హాట్‌టాపిక్‌గా మారింది. ముఖ్యంగా నారాయణపేట మార్కెట్‌ పాలకవర్గం పదవీకాలం ముగియడానికి కేవలం 16 రోజుల సమయం మాత్రమే ఉండటంతో రాజకీయ వేడి రాజుకుంది. ప్రభుత్వం మరో ఆరు నెలల పాటు పొడిగిస్తుందా..? లేక కొత్త పాలకవర్గాలకు అవకాశం కల్పిస్తుందా..? అన్న ప్రశ్న తలెత్తుతోంది. పదవీకాలం పొడిగింపుపై ఆశలు పెట్టుకున్న పాత సభ్యులు తమ రాజకీయ ప్రయత్నాలను వేగవంతం చేస్తుండగా.. కొత్త కమిటీలు వస్తే పదవులు దక్కించుకోవాలని ఆశావహులు అప్పుడే లాబీయింగ్‌కు తెర లేపినట్లు రాజకీయ వర్గాల్లో చర్చ సాగుతోంది. శివన్న బర్త్‌డే కానుకగా పదవి.. నారాయణపేట వ్యవసాయ మార్కెట్‌ పాలకవర్గం ప్రమాణ స్వీకారం అప్పట్లో రాజకీయంగా ప్రత్యేక ప్రాధాన్యత సంతరించుకుంది. ఎమ్మెల్యే డా. చిట్టెం పర్ణికారెడ్డి మేనమామ, డీసీసీ మాజీ అధ్యక్షుడు, పార్టీ నియోజకవర్గ ఇన్‌చార్జ్‌ కుంభం శివకుమార్‌రెడ్డి జన్మదినం సందర్భంగా 2024, సెప్టెంబర్‌ 16న మార్కెట్‌ కమిటీ చైర్మనన్‌గా ఆర్‌.శివారెడ్డితో పాటు పాలకవర్గ సభ్యులు ప్రమాణ స్వీకారం చేయడం అప్పట్లో రాజకీయ వర్గాల్లో చర్చనీయాంశమైంది. ఇప్పుడు అదే పాలకవర్గం పదవీకాలం ముగింపు దశకు చేరుకోవడంతో సభ్యుల్లో టెన్షన్‌న్‌ మొదలైంది. పుట్టినరోజు కానుకగా వచ్చిన పదవి.. గడువు ముగిసే వేళ రాజకీయ పరీక్షగా మారిందనే వ్యాఖ్యలు వినిపిస్తున్నాయి. మక్తల్‌ గడువు.. డిసెంబర్‌ వరకు... మంత్రి వాకిటి శ్రీహరి ఇలాకా అయిన మక్తల్‌ వ్యవసాయ మార్కెట్‌ పాలకవర్గం పదవీకాలం మాత్రం డిసెంబర్‌ వరకు కొనసాగనుంది. దీంతో నారాయణపేట, కోస్గి మార్కెట్‌ కమిటీల విషయంలో ప్రభుత్వం తీసుకునే నిర్ణయం మక్తల్‌ మార్కెట్‌ రాజకీయాలపై కూడా ప్రభావం చూపే అవకాశం ఉందనే చర్చ సాగుతోంది. మూడు మార్కెట్‌ కమిటీలకు వేర్వేరు గడువులు ఉండటంతో జిల్లాలో రాజకీయ సమీకరణాలు మరింత ఆసక్తికరంగా మారుతున్నాయి. కోస్గి గడువు వచ్చే నెల 3 వరకు.. జిల్లాలోని కోస్గి వ్యవసాయ మార్కెట్‌ పాలకవర్గం పదవీకాలం కూడా అక్టోబర్‌ 3తో ముగియనుంది. దీంతో అక్కడ కూడా పదవుల పొడగింపుపై ఆశలు కొనసాగుతున్నాయి. మార్కెట్‌ చైర్మన్‌ మద్ది భీములుతో పాటు పాలకవర్గ సభ్యులు ముఖ్యమంత్రి రేవంత్‌రెడ్డిని కలిసి పదవీకాలం పొడగింపు, భవిష్యత్‌పై వినతులు సమర్పించినట్లు సమాచారం. ఇంకా సమయం ఉందని.. తగిన సమయంలో సరైన నిర్ణయం తీసుకుంటామని ముఖ్యమంత్రి భరోసా ఇచ్చినట్లు రాజకీయ వర్గాల్లో ప్రచారం సాగుతోంది. అయితే ప్రభుత్వం రాష్ట్రవ్యాప్తంగా అన్ని మార్కెట్‌ కమిటీల విషయంలో ఒకేసారి నిర్ణయం తీసుకుంటుందా..? లేక ఒక్కో కమిటీ పరిస్థితిని బట్టి ఉత్తర్వులు జారీ చేస్తుందా..? అన్నది ఆసక్తికరంగా మారింది. సమీపిస్తున్న మార్కెట్‌ పాలకవర్గాల పదవీ కాలం పేటకు 16 రోజులు.. కోస్గికి అక్టోబర్‌ 3 వరకు గడువు మంత్రి ఇలాకా మక్తల్‌కు డిసెంబర్‌ వరకు.. ఎమ్మెల్యేల చుట్టూ ఆశావహుల ప్రదక్షిణలు పదవి నిలుపుకొనేందుకు పాత సభ్యుల పైరవీలు

నారాయణపేట: ప్రత్యేక ఓటరు సమగ్ర సవరణ ప్రక్రియ ఉద్దేశం అర్హులైన ఓటర్లను జాబితా నుంచి తొలగించడం కాదని.. అవసరమైన ఆధారాలతోవారి వివరాలను ధ్రువీకరించడమేనని కలెక్టర్‌ సీహెచ్‌ ప్రియాంక అన్నారు. సోమవారం కలెక్టరేట్‌లోని వీసీ హాల్‌లో రాజకీయ పార్టీల ప్రతినిధులతో నిర్వహించిన సమావేశంలో ఆమె మాట్లాడారు. ముసాయిదా ఓటరు జాబితా అనంతరం గుర్తించిన అనామలీస్‌, నాన్‌లింక్డ్‌ కేసులను ఎన్నికల సంఘం నిబంధనల మేరకు క్షుణ్ణంగా పరిశీలించి పరిష్కరించాలని స్పష్టం చేశారు. నోటీసులు అందుకున్న ఓటర్లు నిర్దేశిత తేదీలో అవసరమైన ఆధారాలతో హాజరయ్యేలా బీఎల్వోలు అవగాహన కల్పించాలని సూచించారు. ఎన్నికల సంఘం ఆమోదించిన డాక్యుమెంట్లలో ఏదైనా ఒకటి ఓటరు సమర్పించినప్పుడు సంబంధిత పత్రాలను పరిశీలించి ఆనన్‌లైన్‌లో అప్‌లోడ్‌ చేయాలని ఆదేశించారు. వివాహం, వలస, కుటుంబ వివరాల్లో మార్పులు, తల్లిదండ్రుల డాక్యుమెంట్లు అందుబాటులో లేకపోవడం వంటి ప్రత్యేక కేసులను నిబంధనల ప్రకారం విడివిడిగా పరిశీలించాలని సూచించారు. ఇప్పటికీ ఆన్‌లైన్‌లో లింక్‌ చేసుకునే అవకాశం ఉన్న నాన్‌ లింక్డ్‌ కేసులను సంబంధిత ఓటర్లకు తెలియజేసి వెంటనే ప్రక్రియ పూర్తి చేయించాలని ఆదేశించారు. క్లిష్టమైన కేసులను ప్రత్యేకంగా గుర్తించి ఉన్నతాధికారుల మార్గదర్శకాలు తీసుకోవాలని తెలిపారు. రాజకీయ పార్టీల ప్రతినిధులు, ఎన్నికల సిబ్బంది సమన్వయంతో పనిచేసి నిష్పక్షపాతంగా, పారదర్శకంగా, నిర్ణీత గడువులోగా ఓటరు జాబితా సవరణను పూర్తి చేయాలని కోరారు. సమావేశంలో రెవెన్యూ అదనపు కలెక్టర్‌ శ్రీను, ఎన్నికల విభాగం అధికారి జయసుధ, రాజకీయ పార్టీల ప్రతినిధులు సుదర్శన్‌రెడ్డి, మహ్మద్‌ సలీం, రాఘవ చౌదరి, రాములు, వెంకట్రామారెడ్డి, కెంచి శ్రీనివాస్‌ తదితరులు పాల్గొన్నారు. ప్రజావాణి ఫిర్యాదులకు అత్యంత ప్రాధాన్యతనిచ్చి వీలైనంత త్వరగా పరిష్కరించాలని కలెక్టర్‌ ప్రియాంక అధికారులను ఆదేశించారు. సోమవారం కలెక్టరేట్‌లోని సమావేశ మందిరంలో నిర్వహించిన ప్రజావాణికి జిల్లాలోని వివిధ ప్రాంతాల నుంచి వచ్చిన ప్రజలు తమ సమస్యలను కలెక్టర్‌ దృష్టికి తీసుకెళ్లారు. మొత్తం 5 ఫిర్యాదులు అందగా పరిష్కారం కోసం సంబంధిత శాఖల జిల్లా అధికారులకు సిఫారస్‌ చేశారు. ఈ సందర్భంగా ఆమె మాట్లాడుతూ.. ప్రతి అర్జీని బాధ్యతగా పరిశీలించాలని, పరిష్కారంలో జాప్యం లేకుండా సంబంధిత శాఖల అధికారులు చర్యలు చేపట్టాలన్నారు. కార్యక్రమంలో రెవెన్యూ అదనపు కలెక్టర్‌ శ్రీను, డీఆర్‌ఓ రాజేశ్వరి, వివిధ శాఖల జిల్లా అధికారులు పాల్గొన్నారు.

కోస్గి రూరల్‌: ముఖ్యమంత్రి ప్రాతినిథ్యం వహిస్తున్న కొడంగల్‌ నియోజకవర్గంలో అభివృద్ధి తక్కువ.. దోపిడీ ఎక్కువ జరుగుతోందని, ఎన్నికల సమయంలో ఇచ్చిన ఆరు గ్యారెంటీలు అమలు చేయకుండా ప్రజలను మోసం చేసిన కాంగ్రెస్‌ ప్రభుత్వంపై బీఆర్‌ఎస్‌ పార్టీ సమరశంఖం పూరించిందని మాజీ ఎమ్మెల్యే పట్నం నరేందర్‌రెడ్డి అన్నారు. సోమవారం పుర కేంద్రంలోని పార్టీ కార్యాలయంలో నియోజకవర్గ ముఖ్య నాయకుల సమావేశం అనంతరం విలేకర్లతో ఆయన మాట్లాడారు. రేడియల్‌ రోడ్లు, సాగునీటి కాల్వలు, ఇండస్ట్రియల్‌ కారిడార్‌లో రూ.వందల కోట్ల గోల్‌మాల్‌ జరిగిందన్నారు. రేడియల్‌ రోడ్ల నిర్మాణంలో కాంగ్రెస్‌ నాయకుల భూములుంటే పక్కకు తప్పిస్తున్నారని, పేదల భూములు మాత్రం నిర్ధాక్షిణ్యంగా లాక్కుంటున్నారని మండిపడ్డారు. గుట్టల తవ్వకాలు, ఇసుక, ఎర్రమట్టి తరలింపులో రెవెన్యూ, పోలీస్‌ అధికారులను ఉంచి దోపిడీ చేస్తున్నారని.. ఆ డబ్బులు ఎక్కడికి వెళ్తున్నాయో ముఖ్యమంత్రి సమాధానం చెప్పాలన్నారు. బీఆర్‌ఎస్‌ హయాంలో రూ.100 కోట్లతో చెక్‌డ్యాంలు నిర్మించి నీటివసతి పెంచితే కాంగ్రెస్‌ నాయకులు చెక్‌డ్యాంలోని ఇసుకను విక్రయించి ప్రభుత్వ ఆదాయనికి గండికొడుతున్నారని ఆరోపించారు. బీఆర్‌ఎస్‌ హయాంలో ఇసుకపై రూ.7 వేల కోట్ల ఆదాయాన్ని సమకూర్చితే.. కాంగ్రెస్‌ ప్రభుత్వం కేవలం రూ.700 కోట్లుకు చేర్చిందని, అందుకు ప్రజాప్రతినిధులే కారణమన్నారు. మంగళవారం నుంచి 8వ తేదీ వరకు పుర, మండల కేంద్రాల్లో నిరసన కార్యక్రమాలు చేపట్టనున్నామని తెలిపారు. 2న కొడంగల్‌, 3న కోస్గిలో రైతు సమస్యలు, భూ నష్ట పరిహారంపై రైతులతో చేపట్టే ధర్నాకు మాజీ మంత్రులు సబితా ఇంద్రారెడ్డి, శ్రీనివాస్‌గౌడ్‌ హాజరుకానున్నారని చెప్పారు. 4న మద్దూర్‌లో మహిళా సమస్యలు, వంటావార్పు, 5న దౌల్తాబాద్‌ మండలంలో విద్యార్థుల సమస్యలపై నిరసన, 6న బొంరాస్‌పేటలో పచ్చదనం, పల్లెల కార్యక్రమం, 7న అన్ని మండల కేంద్రాల్లో ప్రజావాణిలో ఫిర్యాదులు, 8న జిల్లాకేంద్రంలోని అంబేడ్కర్‌ విగ్రహాలకు వినతులు అందజేయనున్నట్లు వివరించారు. కార్యక్రమంలో బీఆర్‌ఎస్‌ పార్టీ మున్సిపల్‌ ఇన్‌చార్జి వెంకటనర్సింహులు, సాయిలు, శ్యాసం రామకృష్ణ, పోషప్ప, మహిపాల్‌, పకీరప్ప, ఆశప్ప, గోపాల్‌, దినేష్‌, చికినె అంజయ్య, నర్సింహులు, మధుసూదన్‌రెడ్డి, తిరుపతి, జనార్దన్‌రెడ్డి తదితరులు పాల్గొన్నారు.