సాక్షి, విజయవాడ: ఏపీ డీఎస్సీ అక్రమాలపై ఐఏఎస్‌లు నోరు విప్పడం లేదు. కర్నూలు అనర్హత టీచర్‌ ప్రభాకర్‌పై సమాధానం చెప్పని ఐఏఎస్‌లు.. నకిలీ క్రీడా సర్టిఫికెట్ల టీచర్లపై కూడా సమాధానం చెప్పకుండా మౌనంగా వహిస్తున్నారు. అధికారుల తీరుపై మరిన్ని అనుమానాలు వ్యక్తమవుతున్నాయి విద్యాశాఖ మాజీ కార్యదర్శి కోన శశిధర్‌ నోరు విప్పడం లేదు. విద్యాశాఖ కమిషనర్‌ అన్సారియా ఎందుకు మాట్లాడటం లేదన్న సందేహాలు వ్యక్తమవుతుండగా.. కార్యదర్శి శ్యామలరావు కూడా ఇంతవరకు సమాధానం చెప్పలేదు.స్పోర్ట్స్‌ కోటా నకిలీ సర్టిఫికెట్లపై ప్రిన్సిపల్‌ సెక్రటరీ అజయ్‌జైన్‌ ఎందుకు నోరు విప్పడం లేదు? గతంలో అంతా సక్రమమన్న అజయ్‌ జైన్‌ ఇప్పుడెక్కడ?. శాప్‌ ఎండీ భరణికి ఇప్పుడు బాధ్యత లేదా?. అర్హతలేని స్పోర్ట్‌ కోటా టీచర్లపై ఎండీ భరణి ఎందుకు నోరు విప్పడం లేదు?. లోకేష్‌ను కాపాడటం కోసం నోరు విప్పడం లేదా? అనే అనుమానాలు వ్యక్తమవుతున్నాయి. డీఎస్సీ అక్రమాలపై పోస్ట్‌ చేస్తే చర్యలంటూ చంద్రబాబు సర్కార్‌ వార్నింగ్‌లు ఇస్తోంది. అడ్డంగా దొరికిపోవడంతో ప్రభుత్వం, అధికారులు సమాధానం చెప్పలేని పరిస్థితి ఏర్పడింది.

సాక్షి, తాడేపల్లి: డీఎస్సీలో అక్రమాలపై వైఎస్సార్‌సీపీ నిరసన దీక్ష చేపట్టింది. గురు పూజోత్సవం సందర్భంగా 'గురు పరిరక్షణ దీక్ష' పేరుతో ఎమ్మెల్సీలు నిరసనకు దిగారు. డీఎస్సీలో అక్రమాలపై సీబిఐ విచారణ జరపాలని డిమాండ్ చేస్తూ.. ఎమ్మెల్సీలు కౌరు శ్రీనివాస్, పెన్మెత్స సురేష్ బాబు, ఇసాక్, కల్పలతారెడ్డి, చంద్రశేఖర్ రెడ్డి, కుంభా రవిబాబు, మొండితోక అరుణ్‌కుమార్, రామచంద్రారెడ్డి, లేళ్ల అప్పిరెడ్డి, పాలవలస విక్రాంత్, సిపాయి సుబ్రహ్మణ్యం నిరసన చేపట్టారు. డీఎస్సీ అక్రమాలకు నైతిక బాధ్యత వహిస్తూ మంత్రి నారా లోకేష్‌ రాజీనామా చేయాలని వైఎస్సార్‌సీపీ ఎమ్మెల్సీలు డిమాండ్‌ చేశారు.అనర్హులు పాఠాలు చెప్తే పిల్లల భవిష్యత్తు ఏంటి..?: వైవీవైఎస్సార్‌సీపీ ఎంపీ వైవీ సుబ్బారెడ్డి మాట్లాడుతూ.. ‘‘డీఎస్సీలో భారీగా అక్రమాలు వెలుగు చూశాయి. అనర్హులు కూడా టీచర్లు అయ్యారు.. అనర్హులు పాఠాలు చెప్తే పిల్లల భవిష్యత్తు ఏంటి..?. అనర్హులను ఉద్యోగాల నుండి తప్పించాలి. సీబీఐ విచారణ జరిపితేనే నిజాలు బయటికి వస్తాయి. మంత్రి లోకేష్ బాధ్యత వహించి తక్షణమే రాజీనామా చేయాలి. లోకేష్ రాజీనామా చేస్తేనే అన్యాయమైన వారికి న్యాయం జరుగుతుంది. అర్హులుగా ఉద్యోగాలు పొందిన వారిని తొలగించమని మేము అడగడం లేదు. అనర్హులను మాత్రమే తొలగించాలని డిమాండ్ చేస్తున్నాం. పూర్తిస్థాయిలో వెరిఫికేషన్ చేస్తే అనర్హులు బయటపడతారు’’ అని ఆయన పేర్కొన్నారు.విచారణకు ఎందుకు ఆదేశించడం లేదు?: కురసాలమాజీ మంత్రి కురసాల కన్నబాబు మాట్లాడుతూ.. అనర్హులు గురువులు అయితే విద్యార్థుల నష్టపోతారు. విద్యావ్యవస్థలో నకిలీ గురువులను ప్రభుత్వం ప్రవేశపెట్టింది. నకిలీ గురువులతో భావితరాలు నష్టపోతాయి.. ఈ డీఎస్సీ ప్రక్రియ దుర్మార్గమైన స్కామ్. స్కామ్ బయటపడినా విచారణకు ఎందుకు ఆదేశించడం లేదు?. కూటమి సర్కార్‌కి కౌంట్‌డౌన్ స్టార్ట్ అయింది. అన్ని వర్గాలకు ప్రభుత్వం నష్టం చేసింది’’ అని ఆయన ఆగ్రహం వ్యక్తం చేశారు.ఇదీ చదవండి: సాక్షి సోషల్‌ మీడియాపై చంద్రబాబు సర్కార్‌ అక్కసు

సాక్షి, తాడేపల్లి: టీచర్స్ డే సందర్భంగా గురువులకు వైఎస్సార్‌సీపీ అధినేత, మాజీ ముఖ్యమంత్రి వైఎస్ జగన్‌మోహన్‌రెడ్డి శుభాకాంక్షలు తెలిపారు. మన భవిష్యత్తుకు నిజమైన శిల్పులు ఉపాధ్యాయులే. విద్యాబోధనతో పాటు విద్యార్థుల్లో కలలను రేకెత్తించి.. విలువలను పెంపొందిస్తూ మంచి భవిష్యత్తును నిర్మించుకునే.. ఆత్మవిశ్వాసాన్ని కల్పించేది గురువులే’’ అని వైఎస్‌ జగన్‌ పేర్కొన్నారు.డాక్టర్‌ సర్వేపల్లి రాధాకృష్ణన్‌ జయంతి సందర్భంగా ఆయనకు ఘన నివాళులు. చిన్నారులను జ్ఞానవంతులుగా, సాధికారులుగా తీర్చిదిద్దేందుకు అంకితభావంతో కృషి చేస్తున్న ప్రతి గురువుకీ హృదయపూర్వక అభినందనలు. ఉపాధ్యాయ దినోత్సవ శుభాకాంక్షలు’’ అంటూ వైఎస్ జగన్ ట్వీట్‌ చేశారు.On the occasion of #TeachersDay, I extend my heartfelt greetings and gratitude to all our teachers.Teachers are the architects of our future. Beyond imparting knowledge, they inspire dreams, instil values and give our children the confidence to shape a better tomorrow.My…— YS Jagan Mohan Reddy (@ysjagan) September 5, 2026

సాక్షి, విజయవాడ: ఏపీలో రెడ్‌బుక్ అరాచకాలు కొనసాగుతున్నాయి. సాక్షి టీవీ సోషల్‌ మీడియా అకౌంట్లను కూటమి సర్కార్‌ బ్లాక్‌ చేయించింది. వాస్తవాలు ప్రసారం చేసిన సాక్షి సోషల్‌ మీడియాపై అక్కసు వెళ్లగక్కుతోంది. సాక్షి ఫేస్‌బుక్‌, ఇన్‌స్టా అకౌంట్లను బ్లాక్‌ చేయించిన చంద్రబాబు సర్కార్‌.. డీఎస్సీ అక్రమాలపై వరుస కథనాలు ప్రసారం చేయడంతో వణుకు పోతోంది.సాక్షి సోషల్‌ మీడియా అకౌంట్లతో పాటు మరికొన్ని సోషల్‌ మీడియా అకౌంట్లపై కూటమి సర్కార్‌ కుట్రలకు తెరలేపింది. టీడీపీ ఫేక్‌ అకౌంట్లు, ఏపీ సైబర్‌ క్రైమ్‌తో కలిసి కుట్రలు చేస్తోంది. ఇప్పటికే సాక్షి సోషల్‌ మీడియాపై కూటమి సర్కార్‌ పదుల సంఖ్యలో కేసులు పెట్టింది. పత్రికా స్వేచ్ఛను, వాక్‌ స్వాతంత్ర హక్కును చంద్రబాబు సర్కార్‌ కాల రాస్తోంది. ఏపీ సర్కార్‌ కుట్రలపై సాక్షి మీడియా న్యాయ పోరాటం చేస్తోంది.అధికారంలోకి వచ్చిన నాటి నుంచే ‘సాక్షి’పై కక్ష సాధింపు చర్యలకు శ్రీకారం చుట్టిన చంద్రబాబు ప్రభుత్వం.. సాక్షి ఎడిటర్, జర్నలిస్టులను లక్ష్యంగా చేసుకుని అడుగడుగునా అక్రమ కేసులు పెట్టించిన సంగతి తెలిసిందే. అవసరం లేకపోయినా విచారణలు, తనిఖీల పేరుతో వేధింపులకు గురిచేస్తోంది. రాష్ట్రంలో పత్రికా స్వేచ్ఛను చంద్రబాబు ప్రభుత్వం పూర్తిగా హరించేస్తోంది. ప్రభుత్వ వైఫల్యాలు, అవినీతి, అక్రమాలను వెలుగులోకి తెస్తున్న మీడియా సంస్థల గొంతు నొక్కేందుకు అధికారాన్ని దుర్వినియోగం చేస్తోంది. ఇదీ చదవండి: మెగా డీఎస్సీ కాదది.. నిరుద్యోగుల గొంతు కోసిన ‘దగా డీఎస్సీ’

లక్ష్మీపురం: కాంట్రాక్ట్‌, ఔట్‌సోర్సింగ్‌, ఏపీసీఓఎస్‌ ఉద్యోగుల సమస్యల పరిష్కారం కోసం ఈనెల 13న గుంటూరులోని గుర్రం జాషువా విజ్ఞాన కేంద్రంలో జరిగే ‘రణభేరి–ఇక సమరమే’ సదస్సులో ఉద్యోగులు పెద్ద ఎత్తున పాల్గొని జయప్రదం చేయాలని ఏపీ స్టేట్‌ గవర్నమెంట్‌ కాంట్రాక్ట్‌, ఔట్‌సోర్సింగ్‌ ఎంప్లాయీస్‌, టీచర్స్‌ అండ్‌ వర్కర్స్‌ జేఏసీ చైర్మన్‌ బి లక్ష్మణరావు పిలుపునిచ్చారు. శుక్రవారం స్థానిక బ్రాడీపేటలోని సీఐటీయూ నగర కార్యాలయంలో ఏర్పాటు చేసిన సమావేశంలో సదస్సు పోస్టర్‌ను ఆవిష్కరించారు. ఆయన మాట్లాడుతూ ఏళ్ల తరబడి ప్రభుత్వ శాఖల్లో, వివిధ ప్రభుత్వ సంస్థల్లో కాంట్రాక్ట్‌, ఔట్‌సోర్సింగ్‌ విధానంలో పనిచేస్తున్న ఉద్యోగులు ప్రభుత్వ సేవల్లో కీలక పాత్ర పోషిస్తున్నప్పటికీ, వారికి ఉద్యోగ భద్రత, సమాన పనికి సమాన వేతనం, మెరుగైన వేతనాలు, సామాజిక భద్రత లేదని పేర్కొన్నారు. ప్రభుత్వాలు మారుతున్నా కాంట్రాక్ట్‌, ఔట్‌సోర్సింగ్‌ ఉద్యోగుల సమస్యలు మాత్రం పరిష్కారం కావడం లేదని పేర్కొన్నారు. శాశ్వత ఉద్యోగులతో సమానంగా పనిచేస్తున్న కాంట్రాక్టు, అవుట్సోర్సింగ్‌, ఆప్కాస్‌ ఉద్యోగుల సమస్యలను కూటమి ప్రభుత్వం పట్టించుకోని కారణంగానే పోరుబాటకు సిద్ధం కావలసిన సమయం ఆసన్నమైందన్నారు. కార్యక్రమంలో ఏపీ కాంట్రాక్ట్‌, ఔట్‌ సోర్సింగ్‌ ఎంప్లాయీస్‌, టీచర్స్‌ అండ్‌ వర్కర్స్‌ జేఏసీ సెక్రటరీ జనరల్‌ బి ముత్యాలరావు, సీఐటీయూ కోశాధికారి ఎం.సాంబశివరావు, వివిధ విభాగాల రాష్ట్ర జిల్లా నాయకులు ఎస్‌ శ్యామ్‌, వి రమేష్‌బాబు, సీహెచ్‌ గోపాలకృష్ణ, పి శ్రీనివాసరావు, రామకృష్ణలు పాల్గొన్నారు.

మంగళగిరి టౌన్‌: ఉపాధ్యాయుల హక్కుల పరిరక్షణ, సమస్యల పరిష్కారం, ప్రభుత్వ విద్యా వ్యవస్థ బలోపేతం కోసం ఎస్టీయూ నిరంతరం పోరాటాలు కొనసాగిస్తోందని సీపీఐ రాష్ట్ర కార్యదర్శి గుజ్జుల ఈశ్వరయ్య అన్నారు. మంగళగిరి మండలం ఎర్రబాలెంలో ఎస్టీయూ–ఏపీ రాష్ట్ర నూతన కార్యాలయ భవన నిర్మాణానికి శుక్రవారం శంకుస్థాపన నిర్వహించారు. ఈశ్వరయ్య మాట్లాడుతూ ఉపాధ్యాయుల సమస్యలను కేవలం సంఘపరమైన అంశాలుగా కాకుండా విద్యారంగ అభివృద్ధికి సంబంధించిన అంశాలుగా చూడాల్సిన అవసరం ఉందన్నారు. నూతన కార్యాలయం ఉపాధ్యాయులకు అందుబాటులో ఉండి, సమస్యలపై చర్చించి పరిష్కార మార్గాలను అన్వేషించే వేదికగా నిలవాలని ఆకాంక్షించారు. సీపీఐ జాతీయ కార్యవర్గ సభ్యుడు ముప్పాళ్ల నాగేశ్వరరావు మాట్లాడుతూ ఉపాధ్యాయుల హక్కుల సాధన, విద్యారంగ పరిరక్షణ కోసం ఎస్టీయూ ఎన్నో ఏళ్లుగా చేస్తున్న పోరాటాలు ప్రశంసనీయమన్నారు. మాజీ ఎమ్మెల్సీ జల్లి విల్సన్‌ మాట్లాడుతూ ఉపాధ్యాయుల సమస్యల పరిష్కారం కోసం ఎస్టీయూ నిర్వహించిన ఉద్యమాలు స్ఫూర్తిదాయకమన్నారు. కార్యక్రమంలో ఎస్టీయూ– ఏపీ రాష్ట్ర అధ్యక్షుడు మల్లు రఘునాథరెడ్డి, ప్రధాన కార్యదర్శి ఎల్‌. సాయిశ్రీనివాస్‌, మాజీ ఎమ్మెల్సీ, ఏఐఎస్‌టీఎఫ్‌ జాతీయ వర్కింగ్‌ ప్రెసిడెంట్‌ కత్తి నరసింహారెడ్డి, జాతీయ ప్రధాన కార్యదర్శి జి.సదానందం గౌడ్‌, జాతీయ ఆర్థిక కార్యదర్శి సి.హెచ్‌.జోసెఫ్‌ సుధీర్‌బాబు, రాష్ట్ర ఆర్థిక కార్యదర్శి కె.కోటేశ్వరరావు, ఉపాధ్యాయ వాణి కన్వీనర్‌ కె.వి.శేఖర్‌, మాజీ రాష్ట్ర అధ్యక్ష, ప్రధాన కార్యదర్శులు షణ్ముర్తి, గాజుల నాగేశ్వరరావు, తిమ్మన్న, రమేష్‌ పాల్గొన్నారు.

గుంటూరు ఎడ్యుకేషన్‌: బ్రాడీపేటలోని శ్రీమేధ విద్యాసంస్థల్లో శుక్రవారం శ్రీకృష్ణ జన్మాష్టమి వేడుకలు జరుపుకున్నారు. ఈసందర్భంగా సంస్థ డైరెక్టర్‌ నందకిషోర్‌, కరస్పాండెంట్‌ అన్నా శ్రీలక్ష్మి శ్రీకృష్ణునికి పూజ నిర్వహించారు. క్యాంపస్‌ ఎదుట ఉట్టి కొట్టే కార్యక్రమాన్ని ప్రారంభించారు. నందకిషోర్‌ మాట్లాడుతూ అధర్మం వృద్ధి చెందినప్పుడు ధర్మ సంస్థాపన కోసం భగవంతుడు శ్రీకృష్ణావతారాన్ని దాల్చారని అన్నారు. భగవద్గీత ద్వారా సామాన్య జీవితాన్ని ఏ విధంగా జీవించాలో, ధర్మాన్ని పాటించే విధానం, సంక్లిష్ట పరిస్థితుల్లో సరైన నిర్ణయాలను తీసుకునేందుకు కావాల్సిన ధైర్యాన్ని బోధించారని అన్నారు. ఈసందర్భంగా విద్యార్థులు ఉట్టి కొట్టే కార్యక్రమంలో ఉత్సాహంగా తదితరులు పాల్గొన్నారు. నగరంపాలెం: ఏపీ స్టేట్‌ పోలీస్‌ స్పోర్ట్స్‌ అండ్‌ గేమ్స్‌ (2026)లో జిల్లా పోలీస్‌ అధికారులు, సిబ్బంది అత్యుత్తమ ప్రతిభ కనబరిచి, పతకాలు సాధించారు. ఈనెల 1–4 వరకు రాష్ట్రస్థాయి పోలీస్‌ క్రీడా పోటీలు మంగళగిరి ఏపీఎస్పీ ఆరో బెటాలియన్‌ ప్రాంగణంలో నిర్వహించారు. ఫైరింగ్‌ విభాగంలో ఎస్‌బీ సీఐ ఏ.మల్లికార్జునరావు స్టెన్‌ గన్‌ ఈవెంట్‌లో ద్వితీయ, కార్బైన్‌ ఈవెంట్‌లో తృతీయ స్థానంలో, వెయిట్‌ లిఫ్టింగ్‌్‌ 85 కిలోల విభాగంలో ఎస్‌బీ హెడ్‌ కానిస్టేబుల్‌ మల్లికార్జునరావు గోల్డ్‌ మెడల్‌, కబడ్డీలో ఎస్‌బీ మహిళా కానిస్టేబుల్‌ క్రాంతికుమారి, పట్టాభిపురం పీఎస్‌ మహిళా కానిస్టేబుల్‌ తిరుపతమ్మ గుంటూరు రేంజ్‌ నుంచి రెండో స్థానం సాధించారు. హ్యాండ్‌ రైజింగ్‌లో ఎస్‌బీ మహిళా కానిస్టేబుల్‌ క్రాంతికుమారి సిల్వర్‌ మెడల్‌, కె.వేణుబాబు ఆధ్వర్యంలో గుంటూరు డాగ్‌ స్క్వాడ్‌కు చెందిన ‘సింబా’ నార్కోటిక్‌ టెస్ట్‌ విభాగంలో రెండో స్థానం సాధించారు. ఆయా పోటీల్లో విజేతలుగా నిలిచిన క్రీడాకారులను జిల్లా ఎస్పీ వకుల్‌ జిందాల్‌ అభినందించారు. గుంటూరు మెడికల్‌: గుంటూరు జీజీహెచ్‌లో శుక్రవారం ఆంధ్రప్రదేశ్‌ మెడికల్‌ అండ్‌ హెల్త్‌ అండ్‌ కాంట్రాక్టు ఎంప్లాయీస్‌ జాయింట్‌ యాక్షన్‌ కమిటీ ఆధ్వర్యంలో పలువురు వైద్య సిబ్బంది సూపరింటెండెంట్‌ కార్యాలయం ఎదుట నిలబడి ప్లకార్డులు చేతపట్టుకుని, నల్లబ్యాడ్జిలు ధరించి నిరసన తెలిపారు. ప్రభుత్వం తమ న్యాయబద్ధమైన డిమాండ్‌లను పరిష్కరించని పక్షంలో ఈనెల 8 నుంచి విధులు బహిష్కరిస్తామని యూనియన్‌ నేతలు తెలిపారు. 30 రోజుల్లో సమస్యలు పరిష్కరించకపోతే మళ్లీ విధులు బహిష్కరించి నిరసన కొనసాగిస్తామన్నారు. కాంట్రాక్టు ఉద్యోగులను రెగ్యులర్‌ చేయాలని, ఉద్యోగాలు రెగ్యులర్‌ అయ్యే వరకు నూరు శాతం గ్రాస్‌ శాలరీ చెల్లించాలని కాంట్రాక్టు ఉద్యోగులకు బదిలీ అవకాశం కల్పించాలని యూనియన్‌ నేతలు డిమాండ్‌ చేశారు. నిరసన కార్యక్రమంలో పలువురు స్టాఫ్‌నర్సులు, ల్యాబ్‌ టెక్నీషియన్లు, ఫార్మాశిస్టులు, ఇతర పారామెడికల్‌ సిబ్బంది పాల్గొన్నారు.

● రూ.87,000 కాజేసిన నిందితులు ● నిందితులను అరెస్ట్‌ చేసిన నల్లపాడు పోలీసులు గుంటూరు రూరల్‌: సోషల్‌ మీడియాలో పరిచయం అయిన వ్యక్తిని బెదిరించి నగదు కాజేసిన కేసులో ముగ్గురు నిందితులను నల్లపాడు పోలీసులు శుక్రవారం అర్ధరాత్రి అరెస్ట్‌ చేశారు. నిందితుల నుంచి రూ.87,000 స్వాధీనం చేసుకున్నారు. సీఐ భాస్కర్‌ తెలిపిన వివరాలు.. సంగడిగుంటకు చెందిన తూమాటి పాల్‌, శ్రీరామ్‌ అరుణ్‌కుమార్‌, ఉయ్యాల రితిక్‌ అలియాస్‌ హృతిక్‌లు జల్సాలకు అలవాటుపడి సులువుగా డబ్బు సంపాదించేందుకు సోషల్‌ మీడియాను ఉపయోగించి మహిళలు, ఇతరల పేర్లుతో ట్రాప్‌ చేసి పర్సనల్‌గా మాట్లాడి రికార్డింగ్‌లు, ఫొటోలు సేకరించి బెదిరించి డబ్బు కొట్టేయటం అలవాటు చేసుకున్నారు. ఈ క్రమంలో సోషల్‌ మీడియాలో వారికి పరిచయమైన వ్యక్తిని ఏటుకూరు బైపాస్‌, బుడంపాడు బైపాస్‌ సమీపంలోని నిర్మానుష్య ప్రాంతానికి రప్పించి, అక్కడ నిందితులు బాధితుడిని బెదిరించి, అతనికి సంబంధించిన ఫొటోలు వీడియోలను తీసి, వాటిని కుటుంబ సభ్యులకు సోషల్‌ మీడియాలో ప్రచారం చేస్తామని బెదిరించి, రెండు బ్యాంకు ఖాతాల ద్వారా మొత్తం రూ.87,000 బదిలీ చేయించుకున్నట్లు దర్యాప్తులో వెల్లడైందన్నారు. బాదితుడి ఫిర్యాదు మేరకు కేసు నమోదు చేసి దర్యాప్తు చేసి, నిందితులను అదుపులోకి తీసుకుని అరెస్ట్‌ చేసినట్లు సీఐ తెలిపారు. నిందితులను కోర్టులో హాజరుపరచనున్నట్లు చెప్పారు. అభినందించిన జిల్లా ఎస్పీ బాపట్లటౌన్‌: ఉద్యోగంతోపాటు క్రీడల్లోనూ రాణించడం అభినందనీయమని జిల్లా ఎస్పీ బి.ఉమామహేశ్వర్‌ అన్నారు. 1వ ఆంధ్రప్రదేశ్‌ స్టేట్‌ పోలీస్‌ స్పోర్ట్స్‌ అండ్‌ గేమ్స్‌ 2026లో పట్టణ సీఐ అత్యుత్తమ ప్రతిభ కనపరిచారు. సెప్టెంబర్‌ 1వ తేదీ నుంచి 4వ తేదీ వరకు మంగళగిరిలోని ఏపీఎస్పీ 6వ బెటాలియన్‌ ప్రాంగణంలో జరిగిన రాష్ట్రస్థాయి పోలీస్‌ క్రీడా పోటీల్లో బాపట్ల టౌన్‌ పోలీస్‌స్టేషన్‌ సీఐ రాంబాబు విశేష ప్రతిభ కనబరిచారు. లాన్‌ టెన్నిస్‌ సింగిల్స్‌ విభాగంలో విజేతగా నిలిచి ప్రతిష్టాత్మక ట్రోఫీని కై వసం చేసుకున్నారు. శుక్రవారం ఎస్పీ క్యాంప్‌ కార్యాలయంలో జిల్లా ఎస్పీ బి.ఉమామహేశ్వర్‌ సీఐను ప్రత్యేకంగా అభినందించారు. రాష్ట్రంలోని వివిధ జిల్లాలు, వివిధ పోలీస్‌ విభాగాల నుంచి ఎస్‌ఐ, ఆర్‌ఎస్‌ఐ, ఇనన్‌స్పెక్టర్‌, రిజర్వ్‌ ఇన్‌స్పెక్టర్‌ స్థాయి అధికారులు మొత్తం 20 మందికి పైగా లాన్‌ టెన్నిస్‌ సింగిల్స్‌ విభాగంలో పోటీ పడ్డారన్నారు. వారందరినీ అధిగమించి బాపట్ల టౌన్‌ ఇన్‌న్‌స్పెక్టర్‌ విజేతగా నిలిచి ట్రోఫీని గెలుచుకోవడం జిల్లా పోలీస్‌ శాఖకు ఎంతో గర్వకారణమన్నారు. రాబోయే రోజుల్లో జాతీయ స్థాయిలో జరిగే క్రీడా పోటీల్లో పాల్గొని సత్తా చాటాలన్నారు.

వాహనదారులపై 501 చలానాలు, రూ.3.33 లక్షల జరిమానా నగరంపాలెం: గుంటూరు జిల్లా వ్యాప్తంగా ప్రత్యేక ట్రాఫిక్‌ డ్రైవ్‌ నిర్వహించారు. జిల్లా ఎస్పీ వకుల్‌ జిందాల్‌ ఆదేశాల మేరకు రోడ్డు భద్రత, ట్రాఫిక్‌ నిబంధనల అమల్లో భాగంగా గురువారం సాయంత్రం నుంచి రాత్రి ఎనిమిది వరకు విస్తృత తనిఖీలు కొనసాగించారు. ట్రాఫిక్‌ నిబంధనలు ఉల్లంఘించిన వాహనదారులపై 501 చలానాలు నమోదు చేసి, రూ.3.33 లక్షల జరిమానా విధించారు. హెల్మెట్‌ ధరించని వాహనదారులు, కార్లలో సీట్‌ బెల్ట్‌ ధరించని డ్రైవర్లపై 120 కేసులు, ట్రిపుల్‌ రైడింగ్‌పై 12 కేసులు, ప్రమాదకరంగా వాహనాలు నడిపే వారిపై 37 కేసులు, అడ్డదిడ్డంగా డ్రైవ్‌ చేసిన వారిపై ఎనిమిది కేసులు, మొబైల్‌ మాట్లాడుతూ వాహనాలు నడిపే వారిపై 16 కేసులు, వాహనానికి సైలెన్సర్‌ లేని ఒకరిపై ఒక కేసు, 12 మంది మైనర్లపై, మోటారు వాహన చట్ట ఉల్లంఘించిన వారిపై 314 కేసులు నమోదు చేశారు. హెల్మెట్‌ వాడకంపై 18 రోడ్డు భద్రత అవగాహన, 250 మంది డ్రైవర్లు, 300 మంది విద్యార్థులు, 255 మంది ప్రజలకు రోడ్డు భద్రత, ట్రాఫిక్‌ నిబంధనలపై అవగాహన కల్పించారు.

తాడికొండ: పోలీసుల చిత్రహింసల వలనే ఆటో డ్రైవర్‌ చీకటి గోపి మృతి చెందాడని సీపీఎం జిల్లా కార్యదర్శి వై.నేతాజీ ఆరోపించారు. పొన్నెకల్లులో మృతుడు గోపి కుటుంబాన్ని సీపీఎం, కేవీపీఎస్‌, రైతు, ప్రజాసంఘాల నాయకులు శుక్రవారం పరామర్శించారు. ఆయన మాట్లాడుతూ విచారణ పేరుతో పోలీసులు దాడి చేయడంతో కొట్టిన దెబ్బల కారణంగా గోపి అనారోగ్యానికి పాలయ్యాడని అన్నారు. చికిత్స నిమిత్తం గోపిని గుంటూరు ప్రభుత్వ వైద్యశాలకు తరలించగా అక్కడ డాక్టర్లు నిరసన కార్యక్రమాల్లో పాల్గొనడం వలన తెనాలి తరలించి అక్కడ చికిత్స అందించారని చెప్పారు. గోపి ఆరోగ్యం విషమించడంతో గుంటూరు ప్రభుత్వ ఆసుపత్రికి తరలించారని అక్కడ చికిత్స పొందుతూ గోపి మృతి చెందాడన్నారు. న్యాయవిచారణ చేయాలని డిమాండ్‌చేశారు. కుటుంబాన్ని ఆదుకోవాలని కోరారు. దళిత ఎమ్మెల్యే ప్రాతినిధ్యం వహిస్తున్న తాడికొండ నియోజకవర్గంలో పోలీసుల దెబ్బలకు తాళలేక ఒక దళిత యువకుడు చనిపోతే మూడు రోజులుగా మీడియా, సోషల్‌ మీడియాలో వార్తలు వస్తున్నా, చర్చ జరుగుతున్నా ఎమ్మెల్యే కనీసం స్పందించకపోవడం శోచనీయమన్నారు. ఇప్పటికై నా ఎమ్మెల్యే స్పందించి ఆ కుటుంబానికి ప్రభుత్వం తరఫున అన్ని విధాలుగా ఆదుకోవాలని కోరారు. కూటమి ప్రభుత్వంలో గుంటూరు జిల్లాలో పోలీసులు పనికట్టుకొని దళితులపై తప్పుడు నేరారోపణ చేసి విచారణ పేరుతో చిత్రహింసలకు గురి చేస్తున్నారని కేవీపీఎస్‌ జిల్లా కార్యదర్శి నవీన్‌ అన్నారు. కార్యక్రమంలో రైతు సంఘం నాయకులు కంచమాటి అజయ్‌ కుమార్‌, చింతల భాస్కరరావు, బరక వెంకటేశ్వర్లు, ఏరువ అంజిరెడ్డి, బాణావత్‌ భద్రయ్య, జోషి పాల్గొన్నారు. గోపి మృతిపై సమగ్ర విచారణ చేపట్టాలి: దళిత సంఘాల డిమాండ్‌ తాడికొండ: దొంగతనం కేసులో విచారణ నిమిత్తం పోలీస్‌ స్టేషన్‌కు తీసుకొచ్చి హింసించిన కేసులో చీకటి గోపి మృతిపై సమగ్ర విచారణ చేపట్టాలని కుల వివక్ష పోరాట సంఘం(కేవీపీఎస్‌) రాష్ట్ర ప్రధాన కార్యదర్శి ఆండ్రు మాల్యాద్రి అన్నారు. శుక్రవారం తాడికొండ మండలం పొన్నెకల్లు గ్రామంలోని మృతుడు చీకటి గోపి కుటుంబాన్ని దళిత సంఘాల నాయకులు పరామర్శించి, మృతుడి చిత్రపటానికి పూలమాలలు వేసి నివాళులర్పించారు. మాల్యాద్రి మాట్లాడుతూ చీకటి గోపీ మరణానికి కారకులైన పోలీసులపై సమగ్ర విచారణ జరిపి ఈ వ్యవహారంలో నిందితులుగా ఉన్న వారిపై శాఖాపరమైన చర్యలు తీసుకోవాలన్నారు. దళిత హక్కుల పరిరక్షణ సమితి నాయకులు నీలం నాగేంద్రం మాట్లాడుతూ చీకటి గోపీ అనే దళిత యువకుడిని సీఐ ఉమేష్‌, ఎస్‌ఐ జోజి, కానిస్టేబుళ్ళు మురళీ, ముస్తఫాలు తీసుకొచ్చి దొంగతనం కేసులో విచక్షణా రహితంగా కొట్టడంతోనే మరణించాడన్నారు. కార్యక్రమంలో డీబీఎఫ్‌ వ్యవస్థాపక అధ్యక్షులు, కాంగ్రెస్‌ పార్టీ నాయకులు కొరివి వినయ్‌ కుమార్‌, భీమ్‌ సేన సేవాదళ్‌ అధ్యక్షుడు నల్లపు నీలాంబ్రం, పాటిబండ్ల కోటేశ్వరరావు, దళిత బహుజన పోరాట సమితి రాష్ట్ర అధ్యక్షులు బెన్నిస్‌ రాయ్‌, దళిత మహాసభ జిల్లా అధ్యక్షుడు కొండపల్లి విల్సన్‌, చార్వాక యువజన సంఘం అధ్యక్షులు చిన్నం డేవిడ్‌ విలియమ్స్‌ పాల్గొన్నారు.

సంగం: ఆ యువకుడు పొట్టకూటి కోసం వచ్చాడు. ఈ క్రమంలో సరదాగా కాలువలో స్నానానికి దిగాడు. కానీ నీటి ప్రవాహం రూపంలో మృత్యువు కబళించింది. స్థానికులు, పోలీసుల కథనం మేరకు.. గుంటూరుకు చెందిన మోహన్‌ (30), ఇబ్రహీం నేమ్‌బోర్డులు బిగించే పనుల నిమిత్తం వచ్చారు. పనులు ముగించుకుని తిరిగెళ్తూ శుక్రవారం సంగం కావలి కాలువ వద్ద స్నానానికి దిగారు. కొద్దిసేపటికే మోహన్‌ నీటి ప్రవాహంలో గల్లంతయ్యాడు. అప్రమత్తమైన ఇబ్రహీం ఈత కొట్టి ఒడ్డుకు చేరుకున్నాడు. మోహన్‌ మాత్రం నీటిలో కొట్టుకుపోయి కనిపించలేదు. సమాచారం అందుకున్న ఎస్సై భోజ్యానాయక్‌ వెంటనే ఘటనా స్థలానికి చేరుకున్నారు. స్థానికుల సహాయంతో గాలింపు చర్యలు చేపట్టారు. ఎంత వెతికినా మోహన్‌ ఆచూకీ లభించలేదు. చివరకు గల్లంతైన ప్రాంతానికి సమీపంలోనే అతని మృతదేహాన్ని గుర్తించారు. ఈ ఘటనపై కేసు నమోదు చేశారు. మృతదేహాన్ని పంచనామా నిమిత్తం తరలించారు.

గుంటూరు రూరల్‌: స్వాతంత్య్ర సమరయోధుల వారసులు చేపట్టిన ఇంటి నిర్మాణాలను అధికారులు అడ్డుకునేందుకు ప్రయత్నించారు. ఈ చర్యను లబ్ధిదారులు తీవ్రంగా ప్రతిఘటించారు. వివరాలు.. అడవితక్కెళ్ళపాడులోని నల్లపాడు పోలీస్‌ స్టేషన్‌ సమీపంలో స్వాతంత్య్ర సమరయోధుల వారసులకు 2010లో అప్పటి ఉన్నతాధికారులు సుమారు 70–80 మందికి ఇళ్ల స్థలాలను కేటాయించారు. అదే స్థలాలు గతంలో 1985లో వేరే వారికి కేటాయించగా వాళ్లు ఆ స్థలాల్లో ఎటువంటి నిర్మాణాలు చేపట్టకపోవటంతో 2010లో ఉన్నతాధికారులు విచారించి గతంలో 1985లో ఇచ్చిన వారికి రద్దు చేసి 2010లో స్వాతంత్య్ర సమరయోధులకు కేటాయించి ఇళ్ల పట్టాలను మంజూరు చేసి అందజేశారు. అప్పటి నుంచి కొందరు చిన్నపాటి నిర్మాణాలు చేపట్టి వదిలేయగా మిగిలిన వారు అక్కడ ఎటువంటి మౌలిక వసుతులు లేకపోవటంతో ఇళ్ల నిర్మాణాలు చేపట్టలేకపోయారు. ఇటీవల కాలంలో స్వాతంత్య్ర సమరయోధుల వారసుల సంఘం ప్రతినిధులు జిల్లా కలెక్టర్‌ను కలిసి తమకు కేటాయించిన స్థలాలకు డ్రెయినేజీ, తాగునీరు వసతులు కల్పించాలని తాము ఇళ్ళు నిర్మించుకుంటామని అభ్యర్థించారు. దీంతో కలెక్టర్‌ ఉన్నతాధికారులు ముందు ఇళ్లు నిర్మాణాలు చేస్తే మౌలిక వసతులు కల్పిస్తామని హామీ ఇవ్వడంతో లబ్ధిదారులు ఇళ్ల నిర్మాణాలు చేపట్టారు. టౌన్‌ ప్లానింగ్‌ అధికారుల రాకతో.. అనుమతి లేదని టౌన్‌ ప్లానింగ్‌ అధికారులు పోలీసుల అండతో పొక్లెయిన్‌తో నిర్మాణాలు కూల్చేందుకు వెళ్లారు. దీంతో నిర్మాణాలు కూల్చే ప్రయత్నం చేస్తే ఊరుకునేదిలేదని, జిల్లా కలెక్టర్‌ ఆదేశాల మేరకు తమ స్థలాల్లో ఇళ్ల నిర్మాణాలు చేసుకుంటున్నామని లబ్ధిదారులు ఎదురుతిరిగారు. సర్దిచెప్పిన పోలీసులు దీంతో పోలీసులు ఇరువురికి సమన్వయ పరిచి ఉన్నతాధికారుల ఆదేశాలు వచ్చే వరకూ కనీసం నిర్మాణాలు నిలిపేయాలని లబ్ధిదారులకు సూచించారు. ఉన్నతాధికారుల అనుమతులతోపాటు టౌన్‌ ప్లానింగ్‌ అనుమతులు తీసుకోవాలని అధికారులు చెప్పటంతో లబ్ధిదారులు స్వాతంత్య్ర సమరయోధులకు ప్లానింగ్‌ అనుమతులు అధికారులే ఉచితంగా ఇవ్వాలని చట్టాలే చెబుతున్నాయని సూచించారు. దీంతో అధికారులు చేసేది లేక కనీసం అర్జీలైనా పెట్టుకోవాలని అనుమతులు ఉచితంగానే ఇస్తామని, చెప్పి అనుమతులు వచ్చే దాకా ఎటువంటి నిర్మాణాలు చేపట్టరాదని చెప్పి వెళ్లారు. ఉన్నతాదికారులు విచారించి తమ స్థలాల్లో తాము ఇళ్లు నిర్మాణాలు చేపట్టేందుకు అనుమతులు ఇవ్వాలని లబ్ధిదారులు కోరారు.

మంగళగిరి టౌన్‌: మంగళగిరి పట్టణంలో వేంచేసి ఉన్న శ్రీదేవి భూదేవి సమేత లక్ష్మీనరసింహస్వామి దేవస్థానంలో శ్రావణ శుక్రవారాన్ని పురస్కరించుకుని అమ్మవారికి సామూహిక వరలక్ష్మీ వ్రతాలు భక్తిశ్రద్ధలతో నిర్వహించారు. మంగళగిరి పట్టణంతోపాటు పరిసర ప్రాంతాల నుంచి మహిళా భక్తులు పెద్ద సంఖ్యలో తరలి వచ్చి వ్రతంలో పాల్గొన్నారు. ఆలయ ప్రాంగణమంతా ఆధ్యాత్మిక శోభను సంతరించుకుంది. వరలక్ష్మీ వ్రతాన్ని పురస్కరించుకుని ఆలయ అర్చకులు వేదమంత్రోచ్ఛారణల మధ్య ప్రత్యేక పూజా కార్యక్రమాన్ని నిర్వహించారు. మహిళా భక్తులు సాంప్రదాయబద్ధంగా పూజా సామాగ్రితో హాజరై అమ్మవారిని భక్తిశ్రద్ధలతో పూజించారు. దేవస్థాన ప్రధాన అర్చకులు అనంత పద్మనాభాచార్యులు, మాల్యవంతం శ్రీనివాస దీక్షితులు ఆధ్వర్యంలో అర్చక బృందం ప్రత్యేక పూజా కార్యక్రమాలు నిర్వహించి వరలక్ష్మీదేవికి ప్రత్యేక అలంకరణ చేశారు. పుష్పాలు, పసుపు, కుంకుమ తదితర సామాగ్రితో ప్రత్యేక పూజలు నిర్వహించారు. భక్తులకు తీర్ధ ప్రసాదాలు అందజేశారు. దేవస్థాన కార్యనిర్వహణాధికారి కోగంటి సునీల్‌కుమార్‌ భక్తులకు ఎలాంటి అసౌకర్యం కలుగకుండా ఏర్పాట్లను పర్యవేక్షించారు. ఈగల్‌ చీఫ్‌ ఆకే రవికృష్ణ మంగళగిరి టౌన్‌: నేటి యువతరం క్రీడలను జీవితంలో భాగంగా చేసుకోవాలని ఐజీపీ, ఈగల్‌ చీఫ్‌ ఆకే రవికృష్ణ పేర్కొన్నారు. మంగళగిరి పట్టణంలోని ఏపీఎస్‌పీ 6వ బెటాలియన్‌లో నిర్వహించిన ఏపీ స్టేట్‌ పోలీస్‌ స్పోర్ట్స్‌ అండ్‌ గేమ్స్‌ మీట్‌ 2026 ముగింపు కార్యక్రమం శుక్రవారం నిర్వహించారు. రవికృష్ణ మాట్లాడుతూ వివిధ క్రీడాంశాల్లో ప్రతిభ కనబర్చి ఎనిమిది పతకాలు సాధించానని తెలిపారు. టేబుల్‌ టెన్నిస్‌, 10 మీటర్ల ఎయిర్‌ పిస్టల్‌, షటిల్‌ బ్యాడ్మింటన్‌, స్విమ్మింగ్‌లో పతకాలు సాధించి ఆల్‌రౌండర్‌గా నిలిచినట్లు పేర్కొన్నారు. ఈగల్‌ టీం టేబుల్‌ టెన్నిస్‌లో 40 ఫ్లస్‌ సింగిల్స్‌, మిక్స్‌డ్‌ డబుల్స్‌లో రజత పతకాలు, 50 ఫ్లస్‌ సింగిల్స్‌, 50 ఫ్లస్‌ మెన్స్‌ డబుల్స్‌లో కాంస్య పతకాలు సాధించారు. 10 మీటర్ల ఎయిర్‌ పిస్టల్‌లో రజత పతకం, షటిల్‌ బ్యాడ్మింటన్‌లో 50 ఫ్లస్‌ మెన్స్‌ డబుల్స్‌లో స్వర్ణం, మిక్స్‌డ్‌ డబుల్స్‌లో రజతం, స్విమ్మింగ్‌లో 25 మీటర్ల బ్రెస్ట్‌స్ట్రోక్‌లో స్వర్ణ పతకం సాధించారని వెల్లడించారు. ఈగల్‌ విభాగం మొత్తంగా 40 పతకాలు సాధించడం విశేషమని పేర్కొన్నారు. యువత డ్రగ్స్‌కు దూరంగా ఉండి, ఆరోగ్యకరమైన, క్రమశిక్షణతో కూడిన జీవన విధానాన్ని అలవాటు చేసుకోవాలని సూచించారు. మచిలీపట్నం–తిరుచానూరు మధ్య ప్రత్యేక రైళ్లు రైల్వేస్టేషన్‌ (విజయవాడ పశ్చిమ): రైళ్లలో ప్రయాణికుల రద్దీ దృష్ట్యా విజయవాడ మీదుగా మచిలీపట్నం – తిరుచానూరు మధ్య వారానికి రెండు రోజులు నడిచేలా ప్రత్యేక రైళ్లను నడపనున్నట్లు దక్షిణ కోస్తా రైల్వే అధికారులు శుక్రవారం ప్రకటించారు. మచిలీపట్నం – తిరుచానూరు (07440) ప్రత్యేక రైలు ఈ నెల 11, 12, 18, 19 తేదీలలో సాయంత్రం 4.55 గంటలకు మచిలీపట్నంలో బయలుదేరి, మరుసటి రోజు తెల్లవారు జామున 2 గంటలకు తిరుచానూరు చేరుకుంటుంది. తిరుగు ప్రయాణంలో ఈ రైలు (07439) ఈ నెల 12, 13, 19, 20 తేదీలలో తెల్లవారు జామున 3.30 గంటలకు తిరుచానూరులో బయలుదేరుతుంది. అదేరోజు మధ్యాహ్నం 1.30 గంటలకు మచిలీపట్నం చేరుకుంటుంది. రెండు మార్గాలలో ఈ రైళ్లు గుడివాడ, విజయవాడ, తెనాలి, చీరాల, ఒంగోలు, రేణిగుంట స్టేషన్‌లలో ఆగుతాయి.

పెదకాకాని: పవిత్ర శ్రావణ మాసంలో శివాలయంలో మాయమైన బంగారు ఆభరణాలను సమర్పించడానికి వెళితే టీడీపీ గూండాలు అడ్డుకోవడం దుర్మార్గపు చర్య అని వైఎస్సార్‌ సీపీ పొన్నూరు సమన్వయకర్త అంబటి మురళీకృష్ణ అన్నారు. పెదకాకాని శివాలయంలో ఆగస్టు 14వ తేదీన అలంకరించిన బంగారు ఆభరణాలు, మంగళసూత్రాలు, నాన్‌తాడు మాయమయ్యాయని 19వ తేదీన అర్చకులు ఆలయ అధికారుల దృష్టికి తీసుకువెళ్లారు. మూడు రోజుల పాటు కేసు నమోదు చేయకపోవడంతో వైఎస్సార్‌ సీపీ ఆధ్వర్యంలో పోరాటం చేశారు. అలాగే 27వ తేదీన నగర సంకీర్తన నిర్వహించి అమ్మవారి మంగళసూత్రాలు, లక్ష్మీదేవి రూపు సమర్పించిన సంగతి విదితమే. ఆ రోజు ఇచ్చిన మాట ప్రకారం శుక్రవారం మాజీ ఎమ్మెల్సీ కల్పలతారెడ్డి, మాజీ డిప్యూటీ స్పీకర్‌ కోన రఘుపతి దంపతులు, మాజీ శాసనసభ్యులు మల్లాది విష్ణు, మంగళగిరి, తాడికొండ, వేమూరు నియోజకవర్గాల సమన్వయకర్తలు దొంతిరెడ్డి వేమారెడ్డి, డైమండ్‌ బాబు, వరికూటి అశోక్‌బాబు, స్థానిక నాయకులతో కలిసి అంబటి మురళీకృష్ణ ఆలయానికి వెళ్లేందుకు సమీపంలో ఉన్న మాజీ ఎంపీ ఆళ్ల అయోధ్యరామిరెడ్డి నివాసానికి చేరుకున్నారు. టీడీపీ గూండాలు ఎన్ని అడ్డంకులు సృష్టించినా అమ్మవారి అనుగ్రహంతో ఆలయానికి చేరుకుని నాన్‌తాడు సమర్పించి భక్తిశ్రద్ధలతో పూజలు చేశారు. ఎమ్మెల్యే అండతోనే టీడీపీ నేతల ఆగడాలు వైఎస్సార్‌ సీపీ నాయకులు అమ్మవారికి ఆభరణాలు సమర్పించడానికి శివాలయానికి వెళితే ఆ రోడ్డుపై టీడీపీ వారు పసుపు నీళ్లు చల్లడం దారుణంగా ఉందని అంబటి మురళీకృష్ణ అన్నారు. ఆయన మాట్లాడుతూ, పది రోజుల క్రితం నగర సంకీర్తన చేసి మంగళసూత్రాలు సమర్పించాం. నాన్‌తాడు శుక్రవారం రోజున సమర్పిస్తామని ప్రకటిస్తే, స్థానిక ఎమ్మెల్యే గురువారం ప్రెస్‌మీట్‌ పెట్టి కార్యకర్తలను రెచ్చగొట్టి కార్యక్రమాన్ని అడ్డుకునే చర్యలకు పాల్పడ్డాడన్నారు. ఆలయాల్లో రాజకీయ కుట్రలు చేస్తే అమ్మవారి ఆగ్రహానికి గురికాక తప్పదన్నారు. ఎమ్మెల్యే డైరెక్షన్‌తోనే టీడీపీ కార్యకర్తలు రోడ్డుపైకి చేరి ఆలయానికి వెళుతున్న పార్టీ నాయకులను అడ్డుకోవడం, బైఠాయించడం, గొడవలు సృష్టించారన్నారు. టీడీపీ వాళ్లు కేవలం గొడవలు సృష్టించడానికే రోడ్డుపైకి వచ్చారన్నారు. బెల్ట్‌షాపు నిర్వహిస్తూ పట్టుబడిన వారిని పాలకవర్గ సభ్యులుగా కొనసాగిస్తున్న ఘనత టీడీపీకే దక్కిందన్నారు. భక్తులందరి సహకారంతో అమ్మవారి ఆభరణాలు సమర్పించడంతో తన జన్మ సార్థకమైందని భావోద్వేగంతో అన్నారు. ఈ కార్యక్రమంలో జెడ్పీటీసీ సభ్యురాలు గోళ్ళ జ్యోతి, ఎంపీటీసీ సభ్యుడు తుల్లిమిల్లి శ్రీనివాసరావు, ప్రజాప్రతినిధులు, అనుబంధ సంఘాల నాయకులు, కార్యకర్తలు, అభిమానులు పాల్గొన్నారు.

సాక్షి ప్రతినిధి, గుంటూరు : వెంటిలేటర్‌పై ఉన్న పసికందును ఎలుకలు పీక్కుతిన్నాయి.. బతికున్న పసికందు చనిపోయినట్లుగా వైద్యులు నిర్ధారిస్తే శ్మశానం వద్ద కదలాడినట్లు గమనించి కుటుంబ సభ్యులు వెనక్కు తెచ్చారు. డబ్బు కోసం బిడ్డల్ని మార్చారంటూ ఆరోపణలు.. బాలింత చనిపోతే పది గంటల వరకూ చూడనేలేదు.. స్కానింగ్‌ కోసం వెళ్లిన గర్భిణి అక్కడ వైద్యులు లేక గంటలకొద్దీ నిరీక్షించి స్కానింగ్‌ కేంద్రం వద్దే కిందపడిపోయి అక్కడే ప్రసవించిన హృదయ విదారకమైన ఘటన.. ఆ నెత్తుటి మరకలను గర్భిణి తల్లితోనే తుడిపించిన దారుణం.. బతికుండగానే స్ట్రెచర్‌ సహా ఓ వృద్ధుడిని బయటకు గెంటేసిన వైనం.. సూదిమందు డ్యూటీ తమది కాదంటే తమది కాదంటూ వైద్యులు, స్టాఫ్‌ నర్సులు ఓ రోజంతా రోగికి ఇంజెక్షన్‌ ఇవ్వని ఘటన.. ఇవన్నీ గత టీడీపీ ప్రభుత్వ హయాంలో గుంటూరు జీజీహెచ్‌లో జరిగిన ఘటనలు. మళ్లీ చంద్రబాబు సర్కారు అధికారంలోకి వచ్చాక ఆ నిర్లక్ష్యం మరింత పెరిగింది. అత్యవసర వేళ వెటకారం తాజాగా ఈ నెల ఒకటో తేదీన తాడికొండ మండలం పొన్నెకల్లు గ్రామానికి చెందిన చీకటి గోపి(30) తీవ్ర అస్వస్థతతో అత్యవసర విభాగంలో చేరాడు. ఆక్సిజన్‌ అందక ఇబ్బంది పడుతున్నాడంటూ బంధువులు ఎంత వేడుకున్నా అక్కడి వైద్య సిబ్బంది చలించలేదు. పైగా ‘ఎవరి ఆక్సిజన్‌ మాస్క్‌ అయినా పీక్కుని వచ్చి మాకు ఇవ్వండి.. పెడతామంటూ’ వెటకారంగా మాట్లాడారు. కొద్ది సేపటికే ఊపిరి అందక గోపి మృతి చెందాడు. మానవత్వానికే మచ్చ తెచ్చేలా ఉన్న ఇలాంటి దారుణ ఘటనలు నవ్యాంధ్రప్రదేశ్‌ నూతన రాజధాని నగరంగా ఉన్న గుంటూరు ప్రభుత్వ సమగ్ర వైద్యశాల (జీజీహెచ్‌)లో కోకొల్లలు. ఎంతో కీలక ఆసుపత్రి జీజీహెచ్‌కు గుంటూరుతో పాటు చుట్టుపక్కలనున్న ఆరు జిల్లాల ప్రజలు వైద్యం కోసం వస్తారు. రోజుకు దాదాపు 3,500 నుంచి 4 వేల మంది వరకు అవుట్‌ పేషెంట్లు వచ్చి వైద్యుల వద్ద పరీక్షలు చేయించుకుని వెళ్తుంటారు. ఆస్పత్రిలోని వివిధ వార్డుల్లోకి రోగులు, వారి వెంట సహాయకులు కలిపి మొత్తం రోజుకు 10 వేల మంది వస్తుంటారు. ఇటీవల ఆస్పత్రి వైద్యులు, వారు అందజేస్తున్న వైద్య సేవలపై ఉన్నతాధికారులకు భారీగా ఫిర్యాదులు అందుతున్నాయి. జీజీహెచ్‌ సూపరింటెండెంట్‌ డాక్టర్‌ గిరిజవోలు దుర్గాప్రసాద్‌ వారంలో రెండు రోజులు సెలవులు పెట్టి మరీ హైదరాబాద్‌లోని ప్రైవేట్‌ హాస్పిటల్‌కు పరుగులు పెడుతున్నారు. సీఎస్‌ఆర్‌ఎం వెంకటేశ్వరరావు సైతం రాత్రివేళ అందుబాటులో ఉండకుండా వెళ్లిపోతున్నారు. కీలక పోస్టుల్లో ఉన్న ఇద్దరు అధికారులు సక్రమంగా అందుబాటులో ఉండకపోవడంతో మిగతా వారు కూడా దీన్ని ఆసరాగా తీసుకుని ఇష్టానుసారంగా వ్యవహరిస్తున్నారు. గాల్లో కలుస్తున్న ప్రాణాలు జీజీహెచ్‌లో గత తొమ్మిది నెలలుగా నమోదవుతున్న మరణాల రేటును పరిశీలిస్తే.. గుండెలు పగిలే నిజాలు వెలుగులోకొచ్చాయి. జీజీహెచ్‌లో 2024లో 7,846 మంది మృతి చెందినట్లు అధికారిక లెక్కల ద్వారా తెలుస్తోంది. 2025లో 6,529 మంది చనిపోయారు. 2026లో సైతం వారానికి వంద మంది చొప్పున మృత్యువాత పడుతున్న దయనీయ పరిస్థితి. ఇంకా ఇక్కడ సరైన వైద్యం అందక వేరే ఆసుపత్రులకు తరలిస్తున్న సమయంలో జరిగిన మరణాలు చాలానే ఉన్నాయి. ప్రధానంగా అత్యవసర వార్డుల్లో చేరిన రోగులే సకాలంలో వైద్యసేవలు అందక ప్రాణాలొదులుతున్నారు. తీరు మార్చుకోని అఽధికారులు ఆస్పత్రిలో అత్యవసర వైద్యచికిత్సల తీరును నిత్యం పర్యవేక్షించాల్సిన సీఎస్‌ఆర్‌ఎంఓ, సూపరింటెండెంట్‌లు చూసీచూడనట్లు వ్యవహరిస్తున్నారు. ఎమర్జెన్సీ మెడిసిన్‌ విభాగాన్ని వైఎస్సార్‌ సీపీ హయాంలో నూతనంగా ప్రారంభించారు. అయితే ఎమెర్జెన్సీ వైద్యులు సొంత ప్రాక్టీసు చేసుకుంటూ ఈ విభాగాన్ని గాలికొదిలేశారనే ఆరోపణలు ఉన్నాయి. ఈ క్రమంలో అత్యవసర వార్డుల్లోనే మరణాల సంఖ్య అధికంగా నమోదవుతోంది. జీజీహెచ్‌ సూపరింటెండెంట్‌ పోస్టును రాజకీయ ఒత్తిళ్లతో తమకు ఇష్టమొచ్చిన వారికి ఇవ్వడంతో సీనియర్‌ వైద్యులెవరూ వారి మాట లెక్కచేయని పరిస్థితి. ఇన్‌చార్జులు కావడంతో వారు సైతం వైద్యులు, సిబ్బందిపై సీరియస్‌గా దృష్టి సారించలేకపోతున్నారు. దీంతో జీజీహెచ్‌లో మరణాల సంఖ్య తగ్గడం లేదు. వైద్యం కోసం ఆశగా వచ్చిన పేదరోగుల ప్రాణాలు గాలిలో కలిసిపోతున్నాయి. అధికారికంగా 1,250 ... అనధికారికంగా మరో వెయ్యికిపైగా పడకలతో అతిపెద్ద ప్రభుత్వ ఆసుపత్రిగా పేరొందిన గుంటూరు ప్రభుత్వ సమగ్ర ఆసుపత్రి పరిస్థితి ఊరు గొప్ప పేరు దిబ్బలా తయారైంది. అత్యవసర వైద్యసేవలు పొందాలంటే రోగులకు కష్టంగా ఉంది. ఫలితంగా, ఈ ఆసుపత్రిలో మరణాల రేటు రోజురోజుకూ పెరుగుతోంది. వైద్య ప్రొఫెసర్లు, అసిస్టెంట్‌ ప్రొఫెసర్లు ఆస్పత్రిలో అందుబాటులో ఉండటం లేదు. ప్రైవేటు క్లినిక్‌లకు కేటాయిస్తున్న సమయం ప్రభుత్వ ఆసుపత్రిలో విధులకు ఇవ్వడం లేదు. ప్రధానంగా క్యాజువాల్టీ, ట్రామాకేర్‌, ఐసీయూ, ఇతర ఎమెర్జెన్సీ వార్డులు, గైనిక్‌, పిల్లల వార్డుల్లో రోగులకు సకాలంలో వైద్యసేవలందక మరణాలు పెరుగుతున్నాయి. కొందరు వైద్యాధికారుల తప్పిదాల కారణంగా జీజీహెచ్‌ మొత్తానికి చెడ్డపేరు వస్తోంది.

చేబ్రోలు: కృష్ణా డెల్టా పరిధిలోని లక్షలాది ఎకరాలకు సాగునీరు అందిస్తూ, రవాణా రంగంలో మైలురాయిగా నిలిచిన చరిత్రాత్మక కొమ్మమూరు కాలువపై పరిస్థితి రోజురోజుకూ ఆందోళనకరంగా మారుతోంది. చేబ్రోలు వద్ద బ్రిటిష్‌ కాలంలో నిర్మించిన పురాతన వంతెన శిథిలావస్థకు చేరింది. శుక్రవారం కాలువకు ఒక వైపు ఉన్న వంతెన పక్క భాగం కొంతమేర కూలిపోయింది. గత జూలై నెలలోనే ఈ వంతెన కూలిపోయే ప్రమాదం ఉందని సాక్షి దినపత్రికలో ‘నాడు మోక్షం.. నేడు నిర్లక్ష్యం’ అనే శీర్షికన కథనం వెలువడింది. అయినప్పటికీ అధికారులు నిమ్మకు నీరెత్తినట్లు వ్యవహరించడం వల్లే ఈ రోజు ఈ ప్రమాదం సంభవించిందని స్థానికులు తీవ్ర ఆగ్రహం వ్యక్తం చేస్తున్నారు. తప్పిన పెను ప్రమాదం హెవీ లోడ్‌తో వెళ్తున్న లారీ వంతెన పైభాగానికి వచ్చే సమయానికి ఎదురుగా వాహనం రావడంతో కొంత పక్కకు వచ్చి పైన ఉన్న కొండరాళ్లను ఎక్కించటంతో బలహీనంగా ఉన్న వంతెన ఒక్కసారిగా కూలిపోయినట్లు సమాచారం. త్రుటిలో లారీకి పెను ప్రమాదం తప్పింది. లారీ సహా కాలువలో పడి ఉండే ప్రాణనష్టం జరిగి ఉండేది. వాహనాల రాకపోకల ఒత్తిడి కూడా ఈ ప్రమాదానికి కారణమని తెలుస్తోంది. కూలిన వంతెన కొంత భాగం వద్ద అధికారులు ప్లాస్టిక్‌ బారికేడ్లను ఏర్పాటు చేసి, రాకపోకలకు, ట్రాఫిక్‌ ఇబ్బందులు లేకుండా పోలీసు బందోబస్తు ఏర్పాటు చేశారు. గుంటూరు జిల్లా కేంద్రానికి సమీపంలో ఉన్న చేబ్రోలు పరిధిలోని కొమ్మమూరు బ్రిడ్జి పొన్నూరు, గుంటూరు, బాపట్ల, రేపల్లె, చీరాల, ఒంగోలు తదితర ప్రాంతాలకు రాకపోకలు సాగించడానికి ప్రధాన రహదారి. నిత్యం వేలాది వాహనాలు రాకపోకలు సాగిస్తుంటాయి. ఈ వంతెనపై ప్రాణాలు గుప్పెట్లో పెట్టుకుని ప్రజలు ప్రయాణిస్తున్నా అధికారులు స్పందించడం లేదు.

సాక్షి, అమరావతి: మెగా డీఎస్సీ 2025 స్కామ్‌లో అర్హత లేనివారికి ఉద్యోగాలు కట్టబెట్టారంటూ వరుసగా ఎన్నో సాక్ష్యాలు బయటకు వస్తున్నా ఈ వ్యవహారాన్ని సీబీఐ విచారణకు ఇవ్వకుండా ఇంకెన్నాళ్లు తప్పించుకుంటారని సీఎం చంద్రబాబును వైఎస్సార్‌సీపీ అధినేత, మాజీ ముఖ్యమంత్రి వైఎస్‌ జగన్‌మోహన్‌రెడ్డి సూటిగా ప్రశ్నించారు. ‘కర్నూలు జిల్లాలో ఒక అభ్యర్థి టెట్‌లో క్వాలిఫై కాకపోయినా స్పోర్ట్స్‌ కోటాలో ఎస్‌జీటీ పోస్టు ఎలా ఇచ్చారు?వన్‌ టు వన్‌ ప్రకారం సర్టిఫికెట్‌ వెరిఫికేషన్‌ చేసి మరీ, అర్హత లేదని తెలిసి కూడా పోస్టు ఎలా ఇచ్చారు? దరఖాస్తు దశలోనే రిజెక్ట్‌ కావాల్సిన వ్యక్తి ఆ తర్వాత దశలు కూడా దాటి ఉద్యోగం ఎలా పొందగలిగాడు? అధికారుల చేత ఈ పని చేయించిన ఆ అదృశ్య శక్తి ఎవరు? లోకేశ్‌ కాదంటారా? డీఎస్సీ 2025లో ఇలాంటి అక్రమాలు, నిబంధనల ఉల్లంఘనలు ఎన్నో ఉన్నాయి..’ అని స్పష్టం చేశారు. ఈమేరకు సామాజిక మాధ్యమం ‘ఎక్స్‌’లో ఆధారాలను ట్యాగ్‌ చేస్తూ శుక్రవారం ఆయన ట్వీట్‌ చేశారు. అందులో ఏమన్నారంటే... ఇంకా దాక్కుంటారా..? ఇంకెన్నాళ్లు యువకులను మోసం చేస్తారు? మీరు నిర్వహించిన డీఎస్సీ.. మోసాల్లో మెగా, నిజాయితీపరులైన అభ్యర్థుల పాలిట దగా అని తేలిపోతుంటే మీరు, మీ సుపుత్రుడు దాక్కోవడం ఎందుకు? ఈ స్కామ్‌కు బాధ్యత వహిస్తూ, విద్యాశాఖ మంత్రి లోకేశ్‌తో రాజీనామా చేయించకుండా.. అధికార బలంతో అబద్ధాలు చెబుతూ, పబ్లిసిటీ గిమ్మిక్కులు చేస్తూ కు­మారుడిని కాపాడే ప్రయత్నం ఎందుకు చేస్తున్నారు? ఆ అదృశ్య శక్తి లోకేశ్‌ కాదంటారా? కర్నూలు జిల్లాలో ఒక అభ్యర్థికి తన కేటగిరీ ప్రకారం టెట్‌లో 75 మార్కులు రావాల్సి ఉండగా 65 మార్కులే వచ్చినా స్పోర్ట్స్‌ కోటాలో ఎస్‌జీటీ పోస్టు ఎలా ఇచ్చారు? వన్‌ టు వన్‌ సర్టిఫికెట్‌ వెరిఫికేషన్‌ చేసి మరీ అర్హత లేదని తెలిసి కూడా పోస్టు ఎలా ఇచ్చారు? దరఖాస్తు దశలోనే రిజెక్ట్‌ కావాల్సిన వ్యక్తి ఆ తర్వాత దశలు కూడా దాటి ఉద్యోగం ఎలా పొందగలిగాడు? అధికారుల చేత ఈ పని చేయించిన ఆ అదృశ్య శక్తి ఎవరు? లోకేశ్‌ కాదంటారా? రాష్ట్రంలోని అనేక జిల్లాల్లో డీఎస్సీ 2025లో ఇలాంటి అక్రమాలు, నిబంధనల ఉల్లంఘనలు ఎన్నో ఉన్నాయి.చంద్రబాబూ..! ఇలాంటి పరిస్థితుల్లో మీ ప్రభుత్వమే అధికారంలో ఉండగా, మీ అధికారులతో చేసే విచారణలు నిజాయితీగా, స్వతంత్రంగా జరుగుతాయా? మీ కుమారుడు రాజీనామా చేయాల్సిన పరిస్థితుల్లో, మీ కింద పనిచేసే అధికారులు స్వతంత్రంగా నడుచుకోగలరా? అందుకే డీఎస్సీ రిక్రూట్‌మెంట్‌పై సీబీఐ విచారణ చేయించాలని మేం మొదటి నుంచీ పట్టుబడుతున్నాం. నిజాయితీపరులైన అభ్యర్థులకు న్యాయం జరిగేలా కోర్టులోనూ పోరాడుతున్నాం. ఈ దారుణమైన స్కామ్‌ను కప్పిపుచ్చలేరు ఇన్ని అక్రమాలు జరిగాయి కాబట్టే.. వీటి వెనుక మీరు, మీ సుపుత్రుడు ఉన్నారు కాబట్టే మీరు సీబీఐ విచారణకు అంగీకరించడం లేదు. ఉద్యోగాలు పొందిన వారితో ర్యాలీలు చేయించి మీకు డబ్బా కొట్టించుకోవడం ద్వారా నిజాయితీపరులైన ఉద్యోగార్థుల­ను దెబ్బ తీసిన ఈ దారుణమైన స్కామ్‌ను కప్పిపుచ్చలేరు. పారదర్శకంగా పరీక్షలు, నిష్పక్షపాతంగా ఉద్యోగ నియామకాల కోసం పోరాడుతున్న ఉద్యో­గార్థులు, యువకులకు వైఎస్సార్‌సీపీ ఎప్పుడూ అండగా నిలుస్తుందని మరోమారు భరోసా ఇస్తున్నాం. లీకేజీ వ్యవహారం నుంచి స్పోర్ట్స్‌ కోటా వరకు.. టెట్‌ అర్హతల నుంచి పోస్టింగ్‌ ఆర్డర్ల వరకు.. మొత్తంగా మెగా డీఎస్సీ వ్యవహారాన్ని, జీవో నంబర్‌ 4 ఆధారంగా నడిచిన నియామకాలన్నింటినీ సీబీఐకి అప్పగించాలని మరోమారు డిమాండ్‌ చేస్తున్నా.మీ అక్రమాలను ఏపీపీఎస్సీకి పాకించారు..మరో నిర్ఘాంతపరిచే విషయం ఏమిటంటే.. పరీక్షలు లేకుండానే టీచర్‌ పోస్టులు కట్టబెట్టిన మీరు, మీ అక్రమాల విధానాన్ని డీఎస్సీ నుంచి ఏపీపీఎస్సీకి కూడా పాకించడం. మా హయాంలో ఫైనాన్స్‌ క్లియరెన్స్‌ పొందిన అటవీ శాఖలోని 814 ఉద్యోగాలకు నోటిఫికేషన్లు జారీ చేసి మెయిన్స్‌ పరీక్షలు పూర్తి చేసిన తర్వాత, అందులో 40 స్పోర్ట్స్‌ కోటా పోస్టులను పరీక్ష లేకుండా కేవలం సర్టిఫికెట్ల ఆధారంగా భర్తీ చేసేందుకు డీఎస్సీలో ఉపయోగించిన జీవో నంబర్‌ 4నే మీరు వాడుకున్న మాట వాస్తవం కాదా? డీఎస్సీ అక్రమాలు బయటపడగానే ఇవి కూడా వెలుగులోకి వస్తాయనే భయంతో రిక్రూట్‌మెంట్‌ను మధ్యలో ఆపేయడంతోపాటు ఈ 40 పోస్టుల జాబితా బయటపడితే బాగోతం బయటపడుతుందనే ఉద్దేశంతో మిగిలిన 774 పోస్టుల భర్తీని కూడా నిలిపివేయడం వాస్తవం కాదంటారా? .@ncbn గారూ… మెగా డీఎస్సీ స్కాంలో అర్హత లేనివారికి ఉద్యోగాలు కట్టబెట్టారంటూ సాక్ష్యాలు బయటకు వస్తున్నా, ఈ వ్యవహారాన్ని సీబీఐ విచారణకు ఇవ్వకుండా ఇంకెన్నాళ్లు తప్పించుకుంటారు? ఇంకెన్నాళ్లు యువకులను మోసం చేస్తారు? మీరు నిర్వహించిన డీఎస్సీ మోసాల్లో “మెగా”, నిజాయితీపరులైన అభ్యర్థుల… pic.twitter.com/8dkiPMnKjk— YS Jagan Mohan Reddy (@ysjagan) September 4, 2026

సాక్షి,తాడేపల్లి: భారత అంతరిక్ష పరిశోధన సంస్థ (ఇస్రో) చేపట్టిన జీఎస్ఎల్‌వి రాకెట్ ప్రయోగం విజయవంతంపై వైఎస్సార్ సీపీ అధినేత, మాజీ ముఖ్యమంత్రి వైఎస్ జగన్‌మోన్‌ రెడ్డి హర్షం వ్యక్తం చేశారు. ఈ సందర్భంగా ఈ చారిత్రాత్మక ఘనతను సాధించిన ఇస్రో శాస్త్రవేత్తలకు, ఇంజనీర్లకు, సాంకేతిక బృందానికి ఆయన హృదయపూర్వక అభినందనలు తెలిపారు.ఈ మేరకు వైఎస్‌ జగన్‌ ఎక్స్‌ వేదికగా ట్వీట్‌ చేశారు. జీఎస్‌ఎల్‌వీ రాకెట్‌ ప్రయోగం విజయవంతం కావడం వల్ల దేశంలో వాతావరణ పర్యవేక్షణ, విపత్తు నిర్వహణ వ్యవస్థలు మరింత బలోపేతం అవుతాయని ఆశాభావం వ్యక్తం చేశారు. నిరంతరం సరికొత్త విజయాలతో అంతరిక్ష పరిశోధనల్లో మన భారతీయ శాస్త్రవేత్తలు చూపుతున్న అపారమైన సామర్థ్యం, కృషి దేశప్రజలందరికీ ఎంతో గర్వకారణంగా నిలుస్తున్నాయని కొనియాడారు. భవిష్యత్తులో ఇస్రో మరెన్నో మైలురాళ్లను అధిగమించాలని ఆకాంక్షించారు. Congratulations to @isro on the successful #GSLVF17 launch carrying #EOS05 from Sriharikota. I commend the scientists and engineers whose dedication and precision made this achievement possible. The mission strengthens weather monitoring, disaster management and national… https://t.co/PODbu2k2HQ— YS Jagan Mohan Reddy (@ysjagan) September 4, 2026

సాక్షి, తాడేపల్లి: కూటమి ప్రభుత్వ హయాంలో చేపట్టింది మెగా డీఎస్సీ కాదని, యువగళం డీఎస్సీ అంటూ మాజీ మంత్రి పేర్ని నాని తీవ్రస్థాయిలో ధ్వజమెత్తారు. ప్రభుత్వం చేసిన పాపాలను ఎల్లకాలం దాచిపెట్టలేరని, రోజుకో నిజం బయటపడుతోందని విమర్శించారు. రాష్ట్రంలో వెలుగులోకి వస్తున్న డీఎస్సీ అక్రమాలపై శుక్రవారం తాడేపల్లి వైఎస్సార్‌సీ కేంద్ర కార్యాలయంలో ఆయన మీడియాతో మాట్లాడారు.నారా లోకేష్ చేపట్టిన పాదయాత్రలో పాల్గొన్న తమ అనుచరులకు, కార్యకర్తలకే స్పోర్ట్స్ కోటా పేరిట అక్రమంగా ఉపాధ్యాయ ఉద్యోగాలు కట్టబెట్టారు. కనీసం టెట్ అర్హత సాధించని వారికి, తక్కువ మార్కులు వచ్చిన వారికి కూడా ఉద్యోగాలు ఎలా కట్టబెట్టారో మంత్రి లోకేష్ సమాధానం చెప్పాలి. ఇన్ సర్వీస్ ఉపాధ్యాయులకు టెట్ నిబంధనను కఠినంగా వర్తింపజేస్తూ, తమ యువగళం టీచర్లకు మాత్రం ఎలాంటి అర్హతలూ లేకపోయినా మినహాయింపు ఇవ్వడం ఏంటని ప్రశ్నించారు.కర్నూలు జిల్లాలో ప్రారంభమైన ఈ అక్రమాల డొంక ఇప్పుడు రాష్ట్రంలోని మిగతా జిల్లాలకూ విస్తరిస్తోంది. కౌతాళం మండలంలోనే ఏకంగా 24 మంది, ఒకే చోట ఐదుగురు స్పోర్ట్స్ కోటా టీచర్లు పనిచేస్తున్నారు. రాష్ట్రంలో ఆదరణ లేని జూడో ఆట పేరుతో నకిలీ సర్టిఫికేట్లు సృష్టించి దాదాపు 30 మందికి ఉద్యోగాలు ఇచ్చారు. అలాగే చిత్తూరు జిల్లాలో కేవలం 79 మార్కులు వచ్చిన వారికి, తూర్పు గోదావరి జిల్లాలో అసలు అర్హతే లేని వారికి నియామకాలు చేపట్టారు. ఇటువంటి ఉపాధ్యాయులు రేపటి తరం పిల్లలకు ఏం పాఠాలు చెబుతారని ఆవేదన వ్యక్తం చేశారు.స్పోర్ట్స్ అథారిటీ ఆఫ్ ఆంధ్రప్రదేశ్ (శాప్) పూర్తిగా అవినీతి అడ్డాగా మారింది. క్రీడా సర్టిఫికేట్లను కనీసం వెరిఫికేషన్ చేయకుండా నియామకాలు ఎలా పూర్తి చేస్తారని పేర్ని నాని మండిపడ్డారు.చంద్రబాబు, లోకేష్‌లకు ధైర్యముంటే స్పోర్ట్స్ కోటా కింద ఎంపికైన టీచర్ల జాబితాను, వారి సర్టిఫికేట్లను వెంటనే బహిర్గతం చేయాలని సవాల్ విసిరారు. మెగా డీఎస్సీలో జరిగిన ఈ భారీ కుంభకోణంపై ప్రభుత్వం తక్షణమే సీబీఐ విచారణ జరిపించాలని, ఈ అక్రమాలను కప్పిపుచ్చుకోవడానికే ప్రభుత్వం మరో డీఎస్సీ అంటూ ప్రజల దృష్టిని మళ్లించే ప్రయత్నం చేస్తోందని ఆయన ఆగ్రహం వ్యక్తం చేశారు.

గుంటూరు: కిడ్నాప్‌నకు గురైన పాలిష్‌ వ్యాపారి హత్య కేసులో బావమరిదే ప్రధాన సూత్రధారి అని తేలింది. కేసును తెనాలి రూరల్‌ పోలీసులు ఛేదించారు. బావ హత్యకు సుపారి ఇచ్చిన బావమరిదిని, కిరాయి ముఠాను అరెస్ట్‌ చేసినట్లు జిల్లా ఎస్పీ వకుల్‌ జిందాల్‌ తెలిపారు. జిల్లా పోలీస్‌ కార్యాలయంలో గురువారం జరిగిన మీడియా సమావేశంలో కేసు వివరాలను జిల్లా ఎస్పీ వెల్లడించారు. ఆయన కథనం ప్రకారం... తెనాలికి చెందిన చుక్క కోటినాగవీరయ్య (53) అలియాస్‌ నాగ మహేష్‌ పాలిష్‌ వ్యాపారం చేసేవాడు. అతనికి 2006లో విజయవాడ వాసి సంధ్యారాణితో పెళ్లై, ఇద్దరు పిల్లలు. అతనికి 35 ఏళ్ల అట్టలూరి దీప్తితో వివాహేతర సంబంధం ఏర్పడింది. దీంతో రెండేళ్లుగా సరిగా ఇంటికెళ్లడం లేదు. తెనాలి నందులపేటలో దీప్తితో కలిసి అద్దె ఇంట్లో ఉంటున్నాడు. గత నెల 29న అతను సాయంత్రం ఇంటి నుంచి వెళ్లగా, ఫోన్‌ స్విచ్ఛాఫ్‌ వచ్చింది. దీంతో దీప్తి వెతుకుంటూ 30న ఆటోనగర్‌ వెళ్తుండగా సోమసుందరపాలెం శివారులో స్కూటీ, చెప్పులు కనిపించాయి. దీనిపై తెనాలి గ్రామీణ పోలీసులకు ఫిర్యాదు చేయగా కేసు నమోదైంది. అతడిని కిడ్నాప్‌ చేసినట్లు గుర్తించారు. ప్రత్యేక బృందాలతో గాలించారు. విచారణలో విజయవాడ రాజీవ్‌నగర్‌లో ఉంటున్న నాగమహేష్‌ బావమరిది పగడాల రాజేష్‌ను అదుపులోకి తీసుకున్నామని అన్నారు. బావ హత్యకు బావమరిది కీలక సూత్రధారి అని గుర్తించామని చెప్పారు. బుధవారం రాత్రి రాజేష్‌ను, బాపట్ల జిల్లా భట్టిప్రోలు మండలం ఓలేరుకి చెందిన కొమరబత్తిని సందీప్, బుస్సా సంజయ్, కొప్పుల అపర్ణ అలియాస్‌ బుజ్జి, దేవరకొండ మారుతీవరప్రసాద్‌ అలియాస్‌ మారుతీని అరెస్ట్‌ చేశామన్నారు. ఇసుక క్వారీ వద్ద మృతదేహం నాగమహేష్‌ దీప్తితో సహజీవనం చేస్తూ, ఆస్తి మొత్తం ఆమెకు రాసిస్తాడని రాజేష్‌ కక్ష పెంచుకున్నాడు. ఆస్తిని తన సోదరి, ఆమె పిల్లల పేరిట రాయకపోవడంతో బావ హత్యకు పథకం రూపొందించాడు. సందీప్‌కు రూ.4 లక్షల సుపారీ ఇచ్చినట్లు దర్యాప్తులో వెల్లడైంది. సందీప్‌ తన అనుచరులతో తెనాలిలోని ఓ హోటల్‌లో పది రోజులు బస చేసి, నాగమహేష్‌ కదలికలపై రెక్కీ నిర్వహించాడు. గత నెల 29న సోమసుందరపాలెం వద్ద బైక్‌పై వెళ్తున్న అతన్ని గుంటూరు నుంచి అద్దెకు తెచ్చిన కారులో బలవంతంగా ఎక్కించుకెళ్లారు. తేలప్రోలు, అత్తోట, తుములూరు మీదుగా కరకట్టపై రేపల్లె వైపు వెళ్తూ కారులోనే గొంతు నులిమి హత్య చేసినట్లు దర్యాప్తులో తేలింది. సాంకేతిక ఆధారాలు, సీసీటీవీ ఫుటేజ్‌ ఆధారంగా దర్యాప్తు చేపట్టి నిందితులను గుర్తించారు. గురువారం ఓలేరు ఇసుక క్వారీ వద్ద మతదేహాన్ని గుర్తించారు. భట్టిప్రోలు తహసీల్దార్, అసిస్టెంట్‌ ప్రొఫెసర్‌ సమక్షంలో పోస్టుమార్టం నిర్వహించారు. కేసును ఛేదించిన తెనాలి డీఎస్పీ జనార్దన్, తెనాలి గ్రామీణ సర్కిల్‌ సీఐ నాయబ్‌ రసూల్, ఎస్‌ఐ ఆనంద్, కొల్లిపర పీఎస్‌ ఎస్‌ఐ ప్రసాద్, సిబ్బందిని జిల్లా ఎస్పీ అభినందించి ప్రశంసా పత్రాలు అందించారు. చదవండి: ‘దమ్ముంటే పట్టుకోరా షెకావత్‌’

సాక్షిప్రతినిధి, గుంటూరు: తమ చిన్నారిని రక్షించాల్సిన పోలీసులే నిర్లక్ష్యంగా వ్యవహరిస్తే ఎవరికి చెప్పుకోవాలో తెలియక ఆ తండ్రి మూడు నెలలుగా అధికారులు, అధికారపార్టీ నాయకులు అందరి చుట్టూ కాళ్లరిగేలా తిరిగి కూతురి ఆచూకీ కోసం హైకోర్టు మెట్లు ఎక్కిన సంఘటన అందరికీ తెలిసిందే. ప్రజల మాన, ధన, ప్రాణాలను కాపాడాల్సిన పోలీసులు ఆ బాధ్యతను మరిచిపోయి అధికార పార్టీ నేతల అడుగులకు మడుగులొత్తుతూ ప్రతిపక్ష పార్టీ నాయకులపై తప్పుడు కేసులు పెట్టి వేధించడం, సోషల్‌ మీడియా పోస్టులు పెట్టినవారిపై అత్యుత్సాహం చూపి అరెస్టు చేయడం వంటి వాటికి పరిమితమై పోయారు. లా అండ్‌ ఆర్డర్‌ గాలికొదిలేశారు. రక్షక భటులే భక్షకులుగా మారి జనాన్ని పీక్కుతింటూ పోలీసు శాఖ ప్రతిష్టను కొందరు అవినీతి ఖాకీలు దిగజారస్తున్నారు. గుంటూరు నగరంలో జరిగిన సంఘటనపై హైకోర్టు సీరియస్‌గా స్పందించి పోలీసులను చీవాట్లు పెట్టడంతో ఇప్పుడు హడావుడిగా సిట్‌ ఏర్పాటు చేసి వెతుకులాట ప్రారంభించారు. దీనికి సంబంధించిన వివరాల్లోకి వెళితే... మూడు నెలలు దాటుతున్నా ఆచూకీ లేదు గుంటూరు నగరానికి చెందిన పదో తరగతి చదువుతున్న ఓ మైనర్‌ బాలిక జూన్‌ 9వ తేదీన ఇంటికి రాకపోవడంతో ఆందోళనకు గురైన తండ్రి అదే రోజు సాయంత్రం నగరంలోని పట్టాభిపురం పోలీసుస్టేషన్‌లో ఫిర్యాదు చేశారు. మరుసటి రోజు అనగా జూన్‌ 10వ తేదీన కేసు నమోదు చేసిన పోలీసులు దర్యాప్తు ప్రారంభించారు. బాలికను గంజాయి తాగే ఓ యువకుడు (22 ఏళ్లు) కిడ్నాప్‌ చేశాడనే విషయం బయట పడడంతో తల్లిదండ్రులు కుప్పకూలిపోయారు. కిడ్నాపర్‌ నెల్లూరు మొబైల్‌ షాపులో మొబైల్‌ కొన్నట్లు సీసీ çటీవీ ఫుటేజీలో గమనించిన తండ్రి అతని మొబైల్‌ ఈఎంఐ నంబరుతో సహా పోలీసులకు అందించారు. అదే నెల 18వ తేదీన ఫోన్‌ ఆన్‌ చేసినట్లుగా పోలీసులు చెప్పడంతో తండ్రి కార్లు ఏర్పాటు చేసి ఓ ఎస్‌ఐ, నలుగురు కానిస్టేబుళ్లను తీసుకుని హుటాహుటిన కోయంబత్తూరు వెళ్లారు. 13 నుంచి 18వ తేదీ వరకు కోయంబత్తూరులోని లాడ్జిల్లో వారు బస చేసినట్లు ఆధారాలు కూడా దొరికాయి. అనంతరం కోయంబత్తూరు రైల్వేస్టేషన్‌లో తండ్రే ఆరీ్పఎఫ్‌ పోలీసులను కలిసి రైల్వేస్టేషన్‌ పుటేజీ పరిశీలించగా సికింద్రాబాద్‌ రైలు ఎక్కినట్లు గుర్తించారు. దీంతో కారుల్లో వెళితే ఆలస్యమవుతోందని భావించిన తండ్రి ఎస్‌ఐ, నలుగురు కానిస్టేబుళ్లకు తానే విమాన టికెట్లు కొనుగోలు చేసి సికింద్రాబాద్‌కు వచ్చారు. అక్కడ కిడ్నాపర్‌ మేనత్తను పట్టుకుని ప్రశ్నించగా, తన ఇంటికి వచ్చివెళ్లినట్లు అంగీకరించింది. ఆ తరువాత సెల్‌ స్విచ్‌ ఆఫ్‌ చేసిన నిందితుడు ఇప్పటివరకు ఎక్కడ ఉన్నాడో బాలికను ఎక్కడ దాచాడో తెలియని పరిస్థితి. మిస్సింగ్‌ కేసు నమోదు చేసి వదిలేశారు.. మైనర్‌ బాలికను గంజాయి తాగుతూ కత్తి పెట్టుకుని తిరిగే ఓ జులాయి కిడ్నాప్‌ చేశాడని జూన్‌ నెల 11వ తేదీన పోలీసులకు తెలిసినప్పటికీ మిస్సింగ్‌ కేసుగానే ఉంచి దర్యాప్తు చేశారే తప్ప, కనీసం కిడ్నాప్, పోక్సో చట్టం కింద సెక్షన్‌లు మార్పు చేయని పరిస్థితి. మైనర్‌ బాలికను కిడ్నాప్‌ చేసి తీసుకెళ్లిన నిందితుడు షేక్‌ జాన్‌ సైదా అలియాస్‌ రబ్బానీ అలియాస్‌ పండుగా పోలీసులు గుర్తించారు. అతనికి ఇన్‌స్ర్ట్రాగామ్‌లో 300 నుంచి 400 మంది వరకు కాంటాక్ట్‌ ఉన్నట్లు గుర్తించారు. వీరిలో కొందరిని పిలిచి విచారించిన పోలీసులు ఆతరువాత ఫోన్‌ స్విచ్‌ ఆఫ్‌ కావడంతో చేతులెత్తేశారు. పోలీసులు, బాలిక తండ్రి, వారి బంధువులు కోయంబత్తూరు, పాల్గాడ్, సికింద్రాబాద్‌ వంటి ప్రాంతాల్లో లాడ్జిల్లో వెతికారు. అయితే వీరి ఆచూకీ ముందుగానే ఎలా తెలుసుకున్నాడో తెలియదు గాని నిందితుడు వీరు అక్కడికి చేరుకునే రోజు లాడ్జిలు ఖాళీచేసి వెళ్లిపోతున్నాడు. అయితే పోలీసుల నిర్లక్ష్యంపై హైకోర్టు తీవ్ర స్థాయిలో మండిపడడం, ఘాటు వ్యాఖ్యలు చేయడంతో ఏం చేయాలో తెలియక హడావుడిగా గురువారం కిడ్నాప్, పోక్సో యాక్ట్‌ కింద కేసు మార్పు చేసి హైకోర్టుకు నివేదించేందుకు నానా తంటాలు పడ్డారు. ‘ఫోన్‌ ఆన్‌ చేస్తే తప్ప ఏం చేయలేమంటూ..’జూన్‌ 21వ తేదీన సికింద్రాబాద్‌లో వెతికిన పోలీసులు ఇక ఆ తరువాత నిందితుడి ఫోన్‌ ఆన్‌ చేస్తే తప్ప, తాము ఏమీ చేయలేమని చేతులెత్తేశారు. చిన్న చిన్న సోషల్‌ మీడియా కేసుల్లో రాష్ట్రాలు దాటి వెళ్లి అమాయకులను అర్ధరాత్రి పూట ఎత్తుకొస్తున్న పోలీసులకు ఓ మైనర్‌ బాలిక కిడ్నాప్‌ అయి మూడు నెలలు దాటుతున్నా చలనం లేదంటే పరిస్థితి ఎంత దారుణంగా ఉందో అర్ధం చేసుకోవచ్చు. అప్పటి నుంచి మూడు నెలలుగా పోలీసు అధికారులు, అధికార పార్టీ నేతల చుట్టూ తిరిగి విసిగిపోయిన బాలిక తండ్రి చివరకు హైకోర్టును ఆశ్రయించాడు. దీంతో పోలీసులపై హైకోర్టు సీరియస్‌ అయిన విషయం అందరికి తెలిసిందే. బాలిక ఇంటి నుంచి వెళుతూ లక్ష రూపాయల నగదు, బంగారం తీసుకెళ్లినట్లు సమాచారం.పోలీసులకు సవాల్‌ విసిరిన కిడ్నాపర్‌ పోలీసుల నిర్లక్ష్యాన్ని ఆసరాగా తీసుకున్న నిందితుడు సికింద్రాబాద్‌లో ఉండే తన మేనత్త ఫోన్‌ నుంచి జూలై 13వ తేదీన ఇన్‌స్టాగ్రామ్ ఓపెన్‌ చేసి ‘దమ్ముంటే పట్టుకోరా షెకావత్‌’ అంటూ పోలీసులకు సవాల్‌ విసిరాడు. అయినా పోలీసుల్లో చలనం లేకపోవడం దారుణమైన విషయం. చదవండి: బావ హత్యకు బావమరిదే సూత్రధారి

సాక్షి, అమరావతి: చంద్రబాబు నేతృత్వంలోని కూటమి ప్రభుత్వంపై వైఎస్సార్‌సీపీ అధినేత, మాజీ ముఖ్యమంత్రి వైఎస్‌ జగన్‌మోహన్‌రెడ్డి తీవ్రస్థాయిలో ధ్వజమెత్తారు. వాస్తవ పరిస్థితులను.. గణాంకాలను వక్రీకరించి ప్రజలను తప్పుదోవ పట్టిస్తోందని ఆగ్రహం వ్యక్తం చేశారు. రాష్ట్ర విద్యాశాఖ మంత్రి నారా లోకేశ్‌ తాజా అక్షరాస్యత రేటుపై చేసిన వ్యాఖ్యలను ప్రస్తావిస్తూ.. 2026 సంవత్సరానికి సంబంధించిన గణాంకాలే ఇంకా వెలువడలేదని, అలాంటప్పుడు పెరిగిందని ఎలా చెబుతారని ప్రశ్నించారు.గణాంకాలు ఏం చెబుతున్నాయంటే.. 2023-24 పీరియాడిక్‌ లేబర్‌ ఫోర్స్‌ సర్వే (PLFS) నివేదిక ప్రకారం.. ఏపీలో ఏడేళ్లు, అంతకంటే ఎక్కువ వయసున్న వారి అక్షరాస్యత రేటు 72.6 శాతంగా ఉంది. 2018-19లో ఇది 69.1 శాతంగా ఉన్నట్లు వైఎస్‌ జగన్‌ తన ఎక్స్‌ ఖాతా ద్వారా వాస్తవాలను బయటపెట్టారు.2025లోనూ తగ్గిందే..2025 జనవరి నుంచి డిసెంబర్‌ వరకు నిర్వహించిన సర్వే ఆధారంగా కేంద్ర గణాంకాల శాఖ విడుదల చేసిన పీఎల్‌ఎఫ్‌ఎస్‌ వార్షిక నివేదికలో ఏపీ అక్షరాస్యత రేటు 71.4 శాతంగా నమోదైందని జగన్‌ వెల్లడించారు. ఈ నివేదికను 2026 జూలై 2న విడుదల చేశారని తెలిపారు. దీంతో 2024లో 72.6 శాతం ఉన్న అక్షరాస్యత.. 2025లో 71.4 శాతానికి తగ్గిందని, మరి 2026లో 82.1 శాతానికి ఎలా చేరిందో ప్రభుత్వం వివరించాలని డిమాండ్‌ చేశారు.𝗜𝘁’𝘀 𝘀𝗵𝗼𝗰𝗸𝗶𝗻𝗴 𝘁𝗼 𝘀𝗲𝗲 𝘁𝗵𝗲 𝗲𝘅𝘁𝗲𝗻𝘁 𝗼𝗳 𝗺𝗶𝘀𝗶𝗻𝗳𝗼𝗿𝗺𝗮𝘁𝗶𝗼𝗻 𝗽𝗿𝗼𝗽𝗮𝗴𝗮𝗻𝗱𝗮 𝗯𝘆 𝘁𝗵𝗲 𝗽𝗿𝗲𝘀𝗲𝗻𝘁 𝗔𝗻𝗱𝗵𝗿𝗮 𝗣𝗿𝗮𝗱𝗲𝘀𝗵 𝗚𝗼𝘃𝗲𝗿𝗻𝗺𝗲𝗻𝘁.The Minister of education claims that the literacy rate increased from 72.6% in 2024 to… pic.twitter.com/6yzdtMCVjV— YS Jagan Mohan Reddy (@ysjagan) September 4, 2026‘ఇది తప్పుడు ప్రచారం’..2026 సంవత్సరం ఇంకా పూర్తికాకముందే ఆ ఏడాది అక్షరాస్యత గణాంకాలను కూటమి ప్రభుత్వం ఎలా ప్రకటించిందని జగన్‌ ప్రశ్నించారు. స్పష్టమైన అధికారిక గణాంకాలు అందుబాటులో ఉన్నప్పటికీ తప్పుడు లెక్కలు చెప్పడం ద్వారా రాష్ట్ర ప్రజలను మభ్యపెట్టే ప్రయత్నం చేయడం దురదృష్టకరమని విమర్శించారు.ప్రభుత్వ పాఠశాలల్లో తగ్గుతున్న చేరికలు..ఇదే సమయంలో రాష్ట్రంలో విద్యా రంగానికి సంబంధించి మరో ఆందోళనకరమైన అంశాన్ని జగన్‌ ప్రస్తావించారు. కేంద్ర విద్యాశాఖకు చెందిన యూడైస్‌ (UDISE) గణాంకాల ప్రకారం.. ప్రభుత్వ పాఠశాలల్లో విద్యార్థుల చేరికలు తగ్గుతుండగా, ప్రైవేటు పాఠశాలల్లో చేరికలు పెరుగుతున్నాయని అన్నారు. ఆర్థికంగా వెనుకబడిన కుటుంబాల పిల్లలకు నాణ్యమైన విద్యను మరింత అందుబాటులోకి తీసుకురావడంపై ప్రభుత్వం దృష్టి పెట్టాల్సిన అవసరం ఉందన్నారు.‘విద్యాశాఖపై దృష్టి పెట్టండి’..విద్యారంగాన్ని బలోపేతం చేయడంపై దృష్టి పెట్టాల్సిన విద్యాశాఖ మంత్రి నారా లోకేశ్‌.. తప్పుడు గణాంకాలతో ప్రచారం చేసుకోవడంపై కాకుండా శాఖ పనితీరుపై శ్రద్ధ పెట్టాలని జగన్‌ సూచించారు. ‘రెడ్‌బుక్‌ పాలన’పై దృష్టి పెట్టడం కంటే విద్యాశాఖను సమర్థంగా నిర్వహించడంపై ఎక్కువ సమయం కేటాయించడం మంచిదని ఎద్దేవా చేశారు.కూటమి ప్రభుత్వం అధికారంలోకి వచ్చిన తర్వాత విద్యారంగంలో తీసుకొచ్చిన విధాన మార్పులపై ఇప్పటికే విమర్శలు వస్తున్నాయని పేర్కొన్న జగన్‌.. ప్రభుత్వ పాఠశాలల్లో తగ్గుతున్న విద్యార్థుల సంఖ్యపై ప్రభుత్వం సమాధానం చెప్పాలన్నారు. అక్షరాస్యతపై ప్రభుత్వం చెబుతున్న లెక్కలకు, కేంద్ర ప్రభుత్వ గణాంకాలకు మధ్య ఉన్న వ్యత్యాసంపై స్పష్టత ఇవ్వాలని చంద్రబాబు ప్రభుత్వాన్ని డిమాండ్‌ చేశారు. ఇదీ చదవండి: అసలు మోదీ, పవన్‌ ఎవరబ్బా?

సాక్షి, గుంటూరు: పెదకాకానిలో టెన్షన్‌ వాతావరణం నెలకొంది. అమ్మవారి మంగళసూత్రం మాయంపై వైఎస్సార్‌సీపీ నేతలు ఆందోళన చేపట్టారు. పెదకాకాని శ్రీభ్రమరాంబ అమ్మవారికి నాంతాడు కానుకగా సమర్పించేందుకు పొన్నూరు వైఎస్సార్‌సీపీ ఇన్‌ఛార్జ్ అంబటి మురళీకృష్ణ సిద్ధమయ్యారు. అంబటి మురళీకృష్ణను అడ్డుకోవాలని టీడీపీ నాయకులు ప్లాన్‌ చేశారు. పెదకాకాని ఆలయానికి టీడీపీ నాయకులు భారీగా చేరుకున్నారు. అంబటి మురళి, మాజీ ఎమ్మెల్యే మల్లాది విష్ణు, కోన రఘుపతిని టీడీపీ కార్యకర్తలు అడ్డుకున్నారుమల్లాది విష్ణు కారుపై దాడికి చేసేందుకు టీడీపీ కార్యకర్తలు యత్నించారు. పోలీసులు భారీగా మోహరించారు. అమ్మవారి మంగళసూత్రం మాయం నేపథ్యంలో శ్రీభ్రమరాంబ అమ్మవారికి ఇవాళ నాంతాడు సమర్పిస్తానని వారం రోజులు క్రితమే అంబటి మురళి ప్రకటించారు. అంబటి మురళితో పాటు కొంతమంది భక్తులు కొత్త నాంతాడు తయారు చేయించారు. అయితే, వైఎస్సార్‌సీపీ నేతలను ఆలయం వైపు వెళ్లకుండా టీడీపీ కార్యకర్తలు అడ్డుకున్నారు.

లక్ష్మీపురం: పంచాయతీ కార్మికుల పరిస్థితి చాలా దయనీయంగా ఉందని, నిత్యావసర వస్తువుల ధరలు ఆకాశాన్ని అంటుతున్నప్పటికీ వీరికి ఇచ్చే జీతాల్లో ఎటువంటి పెరుగుదల లేదని సీఐటీయూ జిల్లా అధ్యక్షులు దండా లక్ష్మీనారాయణ, ఉపాధ్యక్షులు జి. రమణి అన్నారు. గుంటూరు జిల్లా కలెక్టరేట్‌ వద్ద గురువారం పంచాయతీ కార్మికుల సమస్యలపై రాష్ట్రవ్యాప్త పిలుపులో భాగంగా ధర్నా కార్యక్రమాన్ని నిర్వహించారు. అనంతరం డీపీఓ కార్యాలయంలో డీఎల్‌పీఓ శ్రీనివాస్‌ రెడ్డికి సమస్యలతో కూడిన వినతిపత్రాన్ని అందజేశారు. ఈ కార్యక్రమానికి నేలటూరి రత్నకుమారి అధ్యక్షత వహించగా, యూనియన్‌ జిల్లా కార్యదర్శి చింతల శ్రీనివాసరావు, పెరవలి శ్రీరాములు, ఇండ్ల అంకమ్మరావు, ఇజి చిన్న ఏడుకొండలు, బెన్నీ తదితరులు పాల్గొన్నారు.

తాడికొండ: రాజధాని అమరావతి నిర్మాణానికి ల్యాండ్‌ పూలింగ్‌కు తుళ్లూరు బాలఏసు ఆంధ్రా క్యాపిచున్‌ సొసైటీ (ఏసీఎస్‌) తుళ్లూరు పరిధిలోని 14.36 ఎకరాలను ఇచ్చేందుకు సమ్మతించింది. ఏపీ సీఆర్‌డీఏకు ఇచ్చేందుకు ఈ మేరకు అంగీకార పత్రాలను సంబంధిత తుళ్లూరు స్పెషల్‌ డిప్యూటీ కలెక్టర్‌ పి. పద్మావతికి యూనిట్‌ కార్యాలయంలో గురువారం అందించారు. సొసైటీ తరఫున కాసు కరుణాకర్‌ రెడ్డి వాటిన అందజేశారు. నలుగురిపై కేసు నమోదు పెదకాకాని: రేషన్‌ షాపుల నుంచి అక్రమంగా తరలిస్తున్న 26 క్వింటాళ్ల బియ్యాన్ని పట్టుకున్నారు. నలుగురిపై కేసు నమోదు చేసినట్లు పోలీసులు తెలిపారు. వివరాలు... పెదకాకాని మండలం తక్కెళ్లపాడు గ్రామంలో రేషన్‌ బియ్యం అక్రమంగా తరలిస్తున్నట్లు సమాచారం అందింది. తహసీల్దార్‌ ఆదేశాల మేరకు పౌర సరఫరాల విభాగం డిప్యూటీ తహసీల్దార్‌ దుర్గారావు, సిబ్బంది గురువారం మధ్యాహ్నం తనిఖీలు చేపట్టారు. తక్కెళ్ళపాడు నుంచి అశోక్‌ లేలాండ్‌ వాహనంలో తరలిస్తున్న 25 క్వింటాళ్ల రేషన్‌ బియ్యం స్వాధీనం చేసుకున్నారు. ఎస్కార్ట్‌గా వెళుతున్న మరో వాహనాన్ని పట్టుకున్నారు. గుంటూరుకు చెందిన పసుమర్తి వెంకట హనుమంతురావు, తక్కెళ్ళపాడు గ్రామానికి చెందిన భరత్‌, పెదకాకాని గ్రామానికి చెందిన నాగరాజు, వాహన డ్రైవర్‌ కుంభా నాగ తిరుపతిరావులను అదుపులోకి తీసుకున్నారు. వారిపై క్రిమినల్‌ కేసు నమోదు చేసినట్లు గురువారం పెదకాకాని సీఐ టి.పి. నారాయణస్వామి తెలిపారు. వీరికి వెంకటకృష్ణాపురం రేషన్‌ డీలర్‌ చంద్రిక సహకరించినట్లు చెప్పారు.

తాడేపల్లి రూరల్‌: ఉపాధ్యాయులకు టెట్‌ను రద్దు చేయాలని కోరుతూ తాడేపల్లి పట్టణ పరిధిలోని విద్యాశాఖ ప్రధాన కార్యాలయం ఎదుట గురువారం ఉపాధ్యాయులు ఆందోళన నిర్వహించారు. వారిని పోలీసులు నిర్బంధించి తాడేపల్లి పోలీస్‌స్టేషన్‌కు తరలించారు. స్టేషన్‌ ఎదుట ఉపాధ్యాయులు నిరసన వ్యక్తం చేశారు. విషయం తెలుసుకున్న రైతు సంఘం నాయకులు దొంతిరెడ్డి వెంకటరెడ్డి, యువజన సంఘం నాయకులు డి.వి. భాస్కర్‌ రెడ్డి, యూటీఎఫ్‌ గుంటూరు జిల్లా అధ్యక్షులు రాజశేఖర్‌ వచ్చి మద్దతు తెలిపారు. ఈ సందర్భంగా వారు మాట్లాడుతూ ప్రభుత్వం చర్చల ద్వారా ఉపాధ్యాయుల సమస్యలను పరిష్కరించాలని డిమాండ్‌ చేశారు. యూటీఎఫ్‌ రాష్ట్ర కార్యదర్శి శ్రీనివాసరావు, పల్నాడు, కోనసీమ అధ్యక్షులు శ్రీనివాస రెడ్డి, సుబ్బారావు, తూర్పుగోదావరి జిల్లా అధ్యక్ష కార్యదర్శులు ప్రసాద్‌, హరీష్‌, కాకినాడ జిల్లా సహాయ అధ్యక్షులు నాగమణి, కడప జిల్లా సహాధ్యక్షులు రవికుమార్‌, రాష్ట్ర కార్యవర్గ సభ్యులు హరి ప్రసాద్‌, ఆంజనేయులు, శ్రీనివాసరావు, రమేష్‌ పాల్గొన్నారు.

జిల్లా జేఏసీ చైర్మన్‌ శ్రీనివాసరావు గుంటూరు మెడికల్‌: పీఆర్సీ కమిషనర్‌ను వెంటనే నియమించాలని జిల్లా జేఏసీ చైర్మన్‌ ఘంటసాల శ్రీనివాసరావు అన్నారు. రాష్ట్ర ఉద్యోగ, ఉపాధ్యాయ, కార్మిక, పెన్షనర్ల ఐక్య కార్యాచరణ సమితి రాష్ట్ర చైర్మన్‌ అలపర్తి విద్యాసాగర్‌ పిలుపుమేరకు గురువారం ఎన్జీవో రిక్రియేషన్‌ హాలులో గుంటూరు జిల్లా జేఏసీ ఆత్మీయ సమావేశం నిర్వహించారు. ఘంటసాల శ్రీనివాసరావు మాట్లాడుతూ 5న జరగబోయే రాష్ట్ర జేఏసీ కార్యవర్గ సమావేశంలో చర్చించాల్సిన అంశాలపై అందరి అభిప్రాయాల ఇవ్వాలని కోరారు. జిల్లా జేఏసీ కన్వీనర్‌ మొహమ్మద్‌ ఖాలీద్‌, రాష్ట్ర ఉపాధ్యక్షుడు షేక్‌ నాగూర్‌ షరీఫ్‌లు మాట్లాడారు. జిల్లా కార్యదర్శి శ్యాంసుందర్‌ శ్రీనివాస్‌, ఉపాధ్యాయ సంఘం నాయకులు రామకృష్ణ (పి.ఆర్‌.టి.యు), షేక్‌ బాజీ (ఎస్టీయూ), షేక్‌ ఫైజుల్లా (డి.టి.ఎఫ్‌), రబ్బానీ, ఆంజనేయులు (ట్రెజరీ ), కె.కృష్ణయ్య (పెన్షనర్‌ సంఘం) జిల్లా జేఏసీ నాయకులు సుకుమార్‌, సయ్యద్‌ జానీబాషా, అనిల్‌, విజయ్‌ నగర అధ్యక్ష కార్యదర్శులు కళ్యాణ్‌ కుమార్‌, కోటేశ్వరరావు, తాజున్నిసా, శ్రీవాణి (మహిళా విభాగం), ప్రోహిబిషన్‌ ఎక్సయజ్‌ కానిస్టేబుల్స్‌ రాష్ట్ర నాయకులు మార్పు కోటయ్య, పెన్షనర్స్‌ సంఘం జిల్లా అధ్యక్షులు షేక్‌ సుభాని, నర్సింగ్‌ అసోసియేషన్‌, నాల్గో తరగతి ఉద్యోగ సంఘం, ఉద్యోగ సంఘాల ప్రతినిధులు పాల్గొన్నారు.

త్వరలోనే బాలికను గుర్తిస్తామని వెల్లడించిన జిల్లా ఎస్పీ నగరంపాలెం: అదృశ్యమైన బాలిక ఆచూకీ గుర్తించేందుకు సిట్‌ ఏర్పాటుచేసినట్లు జిల్లా ఎస్పీ వకుల్‌ జిందాల్‌ తెలిపారు. గురువారం గుంటూరు జిల్లా పోలీస్‌ కార్యాలయ (డీపీఓ) ఆవరణలో జరిగిన మీడియా సమావేశంలో మాట్లాడారు. జిల్లా ఎస్పీ మాట్లాడుతూ బాలిక అదృశ్యంపై జూన్‌ నెల్లో కేసు నమోదైందని అన్నారు. ఈ కేసుని త్వరితగతిన చేధించేందుకు ఇంతకు ముందు కూడా ప్రత్యేక బృందాలతో హార్డ్‌ వర్క్‌ చేశామని పేర్కొన్నారు. ప్రత్యేక బృందాలు నాలుగు రాష్ట్రాలో తిరిగొచ్చాయని అన్నారు. తొలుత శ్రీపొట్టిశ్రీరాములు నెల్లూరు జిల్లా, తర్వాత కొయంబత్తూరు, కేరళ, హైదరాబాద్‌లోనూ ముమ్మరంగా గాలించారని అన్నారు. అదృశ్యమైన వాళ్లు ఫోన్‌లు మార్చుకుంటున్నారు, ఫోన్‌ నంబర్లు మార్చుకుంటూ వెళ్లారని చెప్పారు. ఎక్కడైతే వారిని గుర్తించామో, అక్కడ సీసీటీవీ పుటేజీలు పరిశీలించామని అన్నారు. సీసీటీవీ పుటేజీలో ఒకబ్బాయితో అమ్మాయి వెళ్లిందన్నారు. బాలిక తండ్రి కుమార్తె కనిపించడంలేదనే హైకోర్టులో పిల్‌ వేశారని అన్నారు. దీనిపై హైకోర్టు కొన్ని సూచనలు చేసిందన్నారు. దీంతో సిట్‌ ప్రత్యేకంగా ఏర్పాటు చేశామన్నారు. అంతేగాక సాంకేతిక బృందాలను కూడా ఏర్పాటు చేశామన్నారు. త్వరలోనే అదృశ్యమైన బాలికను గుర్తిస్తామని చెప్పారు. సాంకేతిక పరిజ్ఙానం ఉన్న రోజుల్లోనూ బాలిక ఆచూకీ గుర్తించకపోవడం ఏంటని ఓ విలేఖరి అడిగిన ప్రశ్నకు జిల్లా ఎస్పీ స్పందిస్తూ ప్రతి నేరం డిఫరెంట్‌గా ఉంటుందని, కండీషన్స్‌ డిఫరెంట్‌గా ఉంటాయన్నారు. కొన్ని కేసులు ఒకట్రెండు రోజుల్లో, మరికొన్ని పది రోజులు, ఇంకొన్ని నెల రోజులు, రెండు నెలలు, కొన్ని ఆరు నెలలు కూడా పడతాయని అన్నారు. సాంకేతిక పరిజ్ఙానం ఉండి కూడా వంద శాతం త్వరగా పట్టుకుంటామనేది ఎక్కడ ఎవరూ కూడా చేయలేరన్నారు. ఒక్కొక్కసారి ఎన్ని ప్రయత్నాలు చేసిన పట్టుకోలేరని చెప్పారు. పరారైన వారిలో లవ్‌ జిహాద్‌ ఉందా అనే ప్రశ్నకు తెలియదు అని జిల్లా ఎస్పీ బదులిచ్చారు. దానిపై ఎటువంటి కామెంట్‌ చేయరాదన్నారు. వారిని పట్టుకున్నా తర్వాత ఏంటనేది తెలుస్తోందన్నారు.

ఏపీ జేఏసీ అమరావతి జిల్లా చైర్మన్‌ కిరణ్‌కుమార్‌ గుంటూరు వెస్ట్‌: ప్రభుత్వ విధానాలకు అణుగుణంగా పనిచేస్తూ ప్రజలకు సేవలందించే ఉద్యోగుల ఆకలి కేకలు ఈ ప్రభుత్వానికి పట్టవా అని ఏపీజేఏసీ అమరావతి రాష్ట్ర శాఖ గుంటూరు జిల్లా చైర్మన్‌ కిరణ్‌కుమార్‌ ఆవేదన వ్యక్తం చేశారు. రాష్ట్ర శాఖ పిలుపులో భాగంగా గురువారం స్థానిక కలెక్టరేట్‌లో జెండాలతో ర్యాలీ నిర్వహించారు. నాలుగో రోజు హ్యాండ్‌ టు హ్యాండ్‌ కార్యక్రమం నిర్వహించారు. కిరణ్‌కుమార్‌ మాట్లాడుతూ ఏళ్ల తరబడి వాగ్దానాలను అమలుచేయకుండా కాగితాలకే పరిమితం చేశారని తెలిపారు. ఉద్యోగులకు అందాల్సిన బకాయిలు రాకపోవడంతో కుటుంబాలు తీవ్ర ఇబ్బందులు పడుతున్నాయని తెలిపారు. ఉద్యోగుల ఆకలి కేకలను ప్రభుత్వం పెద్ద మనసుతో ఆలకించాలనే ఉద్దేశంతోనే ఉద్యమం చేపట్టామని చెప్పారు. ఏపీజేఏసీ అమరావతి మహిళా విభాగం చైర్‌పర్సన్‌ భువనేశ్వరి మాట్లాడుతూ తాము ఏ ప్రభుత్వంలో ఉన్నా ఉద్యోగులుగానే పనిచేస్తున్నామని, కనీసం ఈహెచ్‌ఎస్‌ కూడా అమలు కావడం లేదని తెలిపారు. గుంటూరు రూరల్‌: జనసేన కార్యకర్తలపై టీడీపీ నాయకులు దాడి చేసి కొట్టి, అసభ్య పదజాలంతో దూషించిన సంఘటనపై బాధితులు వట్టిచెరుకూరు పోలీసులకు ఫిర్యాదు చేశారు. గురువారం ప్రత్తిపాడులో ఏర్పాటు చేసిన జనసేన సీనియర్‌ నాయకుల విలేకరుల సమావేఽశంలో ప్రత్తి పాపారావు మాట్లాడుతూ నియోజకవర్గంలోని వట్టిచెరుకూరు గ్రామంలో ఉప ముఖ్యమంత్రి పవన్‌ కల్యాణ్‌ పుట్టినరోజు సందర్భంగా ఏర్పాటు చేయనున్న ఫ్లెక్సీలను తీసుకురావడానికి గుంటూరు వెళ్తున్న ఇద్దరు యువకులను మార్గంమధ్యలో అడ్డగించి, దాడి చేసి చంపేస్తామని బెదిరించారని ఆరోపించారు. ముట్లూరు గ్రామానికి చెందిన ఎనుముల శౌరిశంకర్‌ పోలీసులకు ఇచ్చిన ఫిర్యాదు ప్రకారం ముట్లూరు గ్రామ సెంటర్లో కూల్‌డ్రింక్‌ షాపు నిర్వహిస్తున్న శౌరిశంకర్‌ జనసేన పార్టీ కార్యకర్తగా కొనసాగుతున్నారు. సెప్టెంబర్‌ 2వ తేదీన పవన్‌ కల్యాణ్‌ పుట్టినరోజు సందర్భంగా గ్రామంలో ఫ్లెక్సీలు ఏర్పాటు చేసేందుకు గుంటూరులో ఆర్డర్‌ ఇచ్చినట్లు తెలిపారు. ఈ నేపథ్యంలో మంగళవారం సాయంత్రం సుమారు 5.30 గంటల సమయంలో శౌరిశంకర్‌, అదే గ్రామానికి చెందిన సంగా కార్తీక్‌ అలియాస్‌ సన్నీతో కలిసి ద్విచక్ర వాహనంపై గుంటూరు బయలుదేరారు. లేమల్లెపాడు గ్రామ శ్మశానవాటిక సమీపానికి చేరుకున్న సమయంలో ముట్లూరుకు చెందిన నలుగురు వ్యక్తులు తమను వెంబడించి బైకును అడ్డగించారని ఫిర్యాదులో పేర్కొన్నారు. బైకును అడ్డగించిన టీడీపీ నాయకులు ఎక్కడికిరా వెళుతున్నారని ప్రశ్నించగా ఫ్లెక్సీల కోసం గుంటూరు వెళ్తున్నామని చెప్పడంతో తమను అసభ్య పదజాలంతో దూషించడంతోపాటు సెల్‌ఫోన్‌, బైక్‌ తాళం తీసుకున్నారని ఆరోపించారు. సంగా కార్తీక్‌ను టీడీపీ నాయకులు చెంపపై కొట్టారని, అడ్డుకునే ప్రయత్నంలో శౌరిశంకర్‌ చేతికి గాయమైందని తెలిపారు. గ్రామంలో ఎలా తిరుగుతారో చూస్తామంటూ, ఫ్లెక్సీలు కడితే చంపేస్తామని బెదిరించారని కూడా ఫిర్యాదులో పేర్కొన్నారు. ఘటన అనంతరం గ్రామ పెద్దలకు సమాచారం ఇచ్చి వట్టిచెరుకూరు పోలీసులను ఆశ్రయించినట్లు బాధితులు తెలిపారు. నలుగురిపై చట్టపరమైన చర్యలు తీసుకుని న్యాయం చేయాలని కోరారు. డీఎంహెచ్‌ఓ డాక్టర్‌ కొర్రా విజయలక్ష్మి గుంటూరు మెడికల్‌: జిల్లాలో మాతృ మరణాలు సంభవించకుండా వైద్యులు, వైద్య సిబ్బంది చిత్తశుద్ధితో పనిచేయాలని డీఎంహెచ్‌ఓ డాక్టర్‌ కొర్రా విజయలక్ష్మి అన్నారు. మాతృ మరణాలపై డీఎంహెచ్‌ఓ కార్యాలయంలో గురువారం సమీక్షా సమావేశం జరిగింది. ఈ సందర్భంగా డాక్టర్‌ కొర్రా విజయలక్ష్మి మాట్లాడుతూ జూలై, ఆగస్టు మాసాల్లో తెనాలి గంగానమ్మపేట, మందపాడులో ఒకటి మాతృ మరణాలు సంభవించినట్లు వెల్లడించారు. వీటికి కారణాలు చర్చించి అందులో ఒకటి నివారించదగినదని, మరొకటి నివారించలేనిదని కమిటీ సభ్యులు నిర్ణయించారు. భవిష్యత్తులో ఇలాంటివి సంభవించకుండా తీసుకోవలసిన జాగ్రత్తలను కమిటీ సభ్యులు, వైద్యులు, వైద్య సిబ్బందికి ఆదేశించారు. సమావేశంలో కమిటీ సభ్యులు డాక్టర్‌ అరుణ, డాక్టర్‌ చిట్టి బాబు, డాక్టర్‌ రాధిక రాయుడు, డెప్యూటీ డీఎంహెచ్‌ఓ డాక్టర్‌ అన్నపూర్ణ, డాక్టర్‌ సుజాత, డాక్టర్‌ శ్రీవల్లి, డాక్టర్‌ శ్రీధర్‌ , డాక్టర్‌ ప్రియాంక, డెమో శివ సాంబిరెడ్డి , హెల్త్‌ సూపర్‌వైజర్‌ శ్రీధర్‌ రెడ్డి పాల్గొన్నారు.

జాయింట్‌ కలెక్టర్‌ అశుతోష్‌ శ్రీవాస్తవ గుంటూరు వెస్ట్‌: ప్రజల సంతృప్తే ధ్యేయంగా వారికి సేవలందించాలని జాయింట్‌ కలెక్టర్‌ అశుతోష్‌ శ్రీవాస్తవ అధికారులు ఆదేశించారు. ప్రభుత్వ పథకాలపై ప్రజల సంతృప్తి పెరగాలన్నారు. పబ్లిక్‌ పాజిటివ్‌ పర్సెప్షన్‌పై సంబంధిత అధికారులతో గురువారం స్థానిక కలెక్టరేట్‌ నుంచి వీడియో కాన్ఫరెన్‌న్స్‌ నిర్వహించారు. జేసీ మాట్లాడుతూ ప్రతి శాఖ అమలు చేస్తున్న కార్యక్రమాలు, పథకాలను క్షేత్రస్థాయిలో పక్కాగా అమలు కావాలన్నారు. జిల్లా అధికారులు, క్షేత్రస్థాయి సిబ్బంది పర్యవేక్షణ సక్రమంగా చేయాలని తెలిపారు. ప్రభుత్వం అనేక కార్యక్రమాలను చేపడుతుందని తద్వారా ప్రజలు లబ్ధి పొందాలన్నారు. ప్రజలకు పథకాలు అమలైనప్పటికీ వాటిపై సంతృప్తి నూరు శాతం ఉండాలని చెప్పారు. సిబ్బంది ప్రజలతో మర్యాదపూర్వకంగా ప్రవర్తించడం, మంచి ప్రవర్తనతో మాట్లాడటం వలన సంతృప్తి స్థాయి బాగుంటుందన్నారు. ఇప్పటికీ కొందరు సిబ్బంది ప్రజలతో వ్యవహరించే తీరు మారడంలేదని తెలిపారు. మనమున్నది ప్రజలకు సేవ చేయడానికనే వాస్తవాన్ని గుర్తించాలని కోరారు. అర్జీలు సమర్పించిన వ్యక్తులతో నేరుగా మాట్లాడి తగిన సమాచారాన్ని అందించాలన్నారు. వీడియో కాన్ఫరెన్‌న్స్‌లో జిల్లా అధికారులు పాల్గొన్నారు. కుష్టు సర్వే విజయవంతంగా నిర్వహించాలి జిల్లాలో కుష్టు వ్యాధి నియంత్రణకు చేపట్టిన సర్వే కార్యక్రమాన్ని విజయవంతంగా చేపట్టాలని జాయింట్‌ కలెక్టర్‌ అశుతోష్‌ శ్రీవాస్తవ తెలిపారు. గురువారం స్థానిక కలెక్టరేట్‌లోని వీసీ హాల్లో జిల్లా కుష్టు వ్యాధి నిర్మూలన జిల్లా సమన్వయ కమిటీ సమావేశం నిర్వహించారు. జేసీ మాట్లాడుతూ ఈనెల 11 నుంచి 24 వరకు కుష్టు వ్యాధిపై ఇంటింటి సర్వే చేపడుతున్నట్లు తెలిపారు. ఆశా కార్యకర్తలు పక్కాగా ఇంటింటి సర్వే నిర్వహించాలన్నారు. స్పష్టమైన పర్యవేక్షణ ఉండాలని పేర్కొన్నారు. జిల్లా వైద్య ఆరోగ్య శాఖ అధికారి డాక్టర్‌ కె.విజయలక్ష్మి మాట్లాడుతూ 1174 మంది ఆశా కార్యకర్తలతో పాటు ఏఎన్‌ఎం, పురుష సిబ్బంది సర్వేలో పాల్గొంటారని తెలిపారు. గతంలో చేపట్టిన సర్వేలో పట్టణ, గ్రామీణ ప్రాంతాలలో 20 కేసులు బయట పడినట్లు చెప్పారు. రాష్ట్ర వ్యాప్తంగా సర్వే జరుగుతుందని వివరించారు. కరపత్రాలను విడుదల చేశారు. సమావేశంలో నోడల్‌ అధికారి డాక్టర్‌ రమేష్‌, వైద్య అధికారులు, సిబ్బంది పాల్గొన్నారు.

80 మంది ఉత్తమ ఉపాధ్యాయులకు పురస్కార ప్రదానోత్సవం గుంటూరు ఎడ్యుకేషన్‌: మాజీ రాష్ట్రపతి డాక్టర్‌ సర్వేపల్లి రాధాకృష్ణన్‌ జయంతి సందర్భంగా శనివారం ఉదయం 10 గంటలకు జిల్లా కలెక్టరేట్‌లోని శంకరన్‌ సమావేశ మందిరంలో జిల్లాస్థాయి గురుపూజోత్సవాన్ని నిర్వహిస్తున్నట్లు జిల్లా విద్యాశాఖాధికారి షేక్‌ సలీమ్‌ బాషా గురువారం ఒక ప్రకటనలో పేర్కొన్నారు. జిల్లాలోని వివిధ ప్రభుత్వ పాఠశాలల్లో పని చేస్తున్న 80 మంది ఉపాధ్యాయులను ఉత్తమ ఉపాధ్యాయ పురస్కారాలకు ఎంపిక చేసినట్లు పేర్కొన్నారు. వీరిలో ఇద్దరు ప్రిన్సిపాల్స్‌, ఇద్దరు హెచ్‌ఎంలు, స్కూల్‌ అసెస్టెంట్‌ కేటగిరీలో 32 మంది, ఎస్జీటీలు 44 మందిని ఎంపిక చేశామని తెలిపారు. ఉత్తమ ఉపాధ్యాయులుగా ఎంపికై న వారందరూ శనివారం ఉదయం 8.00 గంటలకు హాజరు కావాలని సూచించారు. కొనసాగుతున్న సీనియర్‌ వైద్యుల నిరసన గుంటూరు మెడికల్‌: గవర్నమెంట్‌ డాక్టర్స్‌ అసోసియేషన్‌ ఆఫ్‌ఏపీ ఆధ్వర్యంలో ఆగస్టు 19 నుంచి రాష్ట్ర వ్యాప్తంగా కొనసాగుతున్న నిరసన కార్యక్రమంలో భాగంగా గుంటూరు మెడికల్‌ కాలేజ్‌, ప్రొఫెసర్లు గురువారం గుంటూరు ప్రభుత్వ ఆసుపత్రి వద్ద ధర్నా చేపట్టారు. అసోసియేషన్‌ రాష్ట్ర జనరల్‌ సెక్రటరీ డాక్టర్‌ టి.స్వరూప్‌కాంత్‌ మాట్లాడుతూ 2016 నుంచి రావాల్సిన జీతం బకాయిలు చెల్లించాలని, 2026 జనవరి నుంచి ఇవ్వాల్సిన 8వ యూజీసీ వేతనాల సవరణ, ఇతర డిగ్రీ కాలేజ్‌ బోధకులకు ఇచ్చినట్లే, యథావిధిగా అమలు చేయాలని డిమాండ్‌ చేశారు. గుంటూరు జీజీహెచ్‌ అధ్యక్షుడు డాక్టర్‌ బి.దేవకుమార్‌, యూనియన్‌ నేతలు రాజాకుమార్‌, శివరామ్‌, ఉషారాణి, కమల, సునీత, శ్రీదేవి, వినయ్‌, రవీంద్ర, శివగోపాల్‌, గాజుల రామకృష్ణ, టి.వి.శివరామకృష్ణ, తదితరులు పాల్గొన్నారు.

చెలమలు తవ్వుకుని పంటలు కాపాడుకునే యత్నం యనమదల సమీపంలో పొలాల్లో తవ్విన నీటి చెలమ ఎల్‌నినో పంజా విసరడం, వానలు జాడలేకపోవడం, సర్కారు కాలువల ద్వారా సాగు నీరు విడుదల చేయకపోవడంతో కర్షకులకు నీటి పాట్లు తప్పడం లేదు. సాగు చేసిన పంటను బతికించుకునేందుకు రైతన్న పడరాని పాట్లు పడుతున్నాడు. ప్రత్తిపాడు మండలం యనమదల పరిసర ప్రాంతాల్లో రైతులు పత్తి, మిర్చి పంటలను సాగు చేశారు. నీరు లేక వడబడి ఎండిపోతున్న మొక్కలను కాపాడుకునేందుకు పొలాల్లో నీటి చెలమలు తవ్వుకుని వచ్చిన కొద్ది నీటితో ఆయిల్‌ ఇంజిన్ల ద్వారా మొక్కమొక్కకు ప్రాణం పోసేందుకు విశ్వప్రయత్నాలు చేస్తున్నారు. – ప్రత్తిపాడు

‘‘ పల్నాడు జిల్లాకు చెందిన ఓ వ్యక్తి ఆత్మహత్యకు పాల్పడ్డాడు. గురువారం గుంటూరు జీజీహెచ్‌లో వ్యక్తి మృతదేహానికి పోస్టుమార్టం చేసేందుకు రూ.5వేలుకు పైగా లంచం అడిగినట్లు ఆరోపణలు వినిపిస్తున్నాయి. పోస్టుమార్టం చేసే వైద్యులు రూ. 2వేలు, మృతదేహాన్ని గ్రామానికి తరలించేందుకు మహాప్రస్థానం వాహన సిబ్బంది రూ.2వేలు, మృతదేహాన్ని అప్పగించే మార్చురీ సిబ్బంది రూ. వెయ్యికి పైగా లంచం అడిగినట్లు బాధితులు వాపోతున్నారు. ఈ సంఘటన కేవలం ఒక్కరోజు మాత్రమే కాదు.. ప్రతిరోజూ గుంటూరు జీజీహెచ్‌ మార్చురీ వద్ద జరుగుతున్న తంతే.’’ మృతదేహం అప్పగించాలంటే మామూళ్లు ఇవ్వాల్సిందే గుంటూరు మెడికల్‌: గుంటూరు జీజీహెచ్‌లోని శవాగారంలో మామూళ్లు మామూలయిపోయాయి. శవాలపై పేలాలు ఏరుకునే విధంగా తమ ఆప్తులు కోల్పోయి బాధాతప్త హృదయాలతో బంధువులు, కుటుంబ సభ్యులు ఉంటే.. మేం అడిగినంత సొమ్మిస్తే గానీ మృతదేహాన్ని ఇవ్వమంటూ.. కదలనీయమంటూ మార్చురీ సిబ్బంది చెప్పే మాటలు వారికి మరింత బాధ కలిగిస్తున్నాయి. ఎలాగోలా డబ్బులు పోగిచేసి ఇస్తూ.. మృతదేహాలను తమ ఊళ్లకు తరలిస్తున్నారు. ఇంతజరుగుతున్నా.. దీనిపై ఆసుపత్రి అధికారులు ఎలాంటి క్రమశిక్షణా చర్యలు తీసుకోవడం లేదనే ఆరోపణలు బలంగా వినిపిస్తున్నాయి. సీసీ కెమెరాలు పనిచేయవు మార్చురీ విభాగంలో గతంలో సీసీ కెమెరాలు ఏర్పాటు చేశారు. మృతదేహాలు ఏ సమయానికి మార్చురీకి తీసుకొచ్చారు. పోస్టుమార్టం ఎప్పుడు చేశారు, ఎప్పుడు మృతదేహాన్ని తరలించారనే విషయాలు సీసీ కెమెరాలు రికార్డయ్యేవి. అంతేకాకుండా మార్చురీలో పనిచేస్తున్న వైద్యులు, వైద్య సిబ్బంది పనితీరు సైతం సీసీ కెమెరాల్లో ఆసుపత్రి అధికారులు చూసేవారు. ఏదైనా ఆరోపణలు వచ్చినప్పుడు వైద్యులు సకాలంలో చేయడం లేదన్న విమర్శలు వినిపించినప్పుడు మామూళ్లు అడుగుతున్నారన్న ఆరోపణలు వచ్చినప్పుడు సీసీ కెమెరాల ద్వారా పరిశీలించి నిజనిర్దారణ చేసేందుకు ఆసుపత్రి అధికారులకు అవకాశం లేదు. నేడు మార్చురీ ప్రధాన ద్వారం ఎదుట ఉన్న సీసీ కెమెరా పనిచేయడం లేదు. వెనుక వైపు ద్వారా వద్ద ఉన్న సీసీ కెమెరాలను తొలగించారు. దీంతో వైద్యులు, వైద్య సిబ్బంది ఎప్పుడు వస్తున్నారు, ఎప్పుడు పోతున్నారనే విషయాలపై ఎవరికి అజమాయిషీ లేకుండా పోతుంది. మధ్యాహ్నం తరువాతే పోస్టుమార్టం మార్చురీలో మెడికో లీగల్‌ కేసులకు (ఎంఎల్‌సీ) ఉదయం 9 నుంచి సాయంత్రం 4 గంటల వరకు పోస్టుమార్టం చేయాలని సమయాలను నిర్ధేశించారు. కాని జీజీహెచ్‌ మార్చురీలో మధ్యాహ్నం 12 గంటలు దాటే వరకు ఒక్క పోస్టుమార్టం కూడా చేయరు. పోలీసులు వచ్చి తమకు పంచానామాలు అందించలేదని, అందువల్లే జాప్యం అవుతుందంటూ వైద్యులు బుకాయిస్తున్నారు. నిర్ణీత సమయానికి వైద్యులు రాకుండా సొంత వ్యవహారాల్లో తిరుగుతున్నట్లు ఆరోపణలు వినిపిస్తున్నాయి. మార్చురీలో పనిచేస్తున్న వైద్య సిబ్బంది అవుట్‌సోర్సింగ్‌ ఉద్యోగులు అవడంతో తమ ఉద్యోగంపై ఎలాంటి భయాందోళనలు లేకుండా ఇష్టానుసారంగా మామూళ్లు వసూలు చేస్తున్నట్లు ఆరోపణలు వినిపిస్తున్నాయి. మహాప్రస్థానం వాహనం ద్వారా ఉచితంగా మృతదేహాలను తరలించాల్సి ఉండగా, వారు కూడా ప్రతి ట్రిప్పునకు రూ. 2వేలకు పైగా వసూలు చేస్తున్నట్లు ఆరోపణలు ఉన్నాయి. ప్రైవేటు అంబులెన్సుల్లో తరలిస్తే రూ.10వేల నుంచి రూ. 20వేలకుపైగా డబ్బులు తీసుకుంటారని, వాహనం క్లీన్‌ చేసుకునేందుకు, తమకు భోజనం ఖర్చుల కోసం మంటూ రూ.2వేలకు పైగా డబ్బులు వసూలు చేస్తున్నారు. ఇంత అవినీతికి పాల్పడుతున్నా ఆసుపత్రి అధికారులు ఏమాత్రం దృష్టి సారించడం లేదు. మరోపక్క వైద్యులు మార్చురీని కార్‌పార్కింగ్‌లా మార్చేసి తమ సొంత వాహనాలను ఎన్నడూ లేని విధంగా మార్చురీలోనే పార్కింగ్‌ చేస్తున్నారు. ఆసుపత్రి అధికారులు ఇప్పటికై నా స్పందించి మార్చురీలో జరుగుతున్న మామూళ్ల రోగానికి చికిత్స చేసి వైద్యులు, వైద్య సిబ్బంది పనితీరు మెరుగు పడేలా చూడాలని పలువురు బాధితులు కోరుతున్నారు. పోస్టుమార్టం చేసేందుకు వైద్యులకు, పోలీసులకు తప్పనిసరిగా డబ్బులు ఇవ్వాలంటూ కింది స్థాయి సిబ్బంది వసూళ్లకు పాల్పడుతున్నారు. తమకు కూడా ఎంతోకొంత ముట్టజెబితేనే సత్వరం పోస్టుమార్టం చేసేందుకు ముందుకు వస్తున్నారు. లేని పక్షంలో పలు కారణాలు చెప్పి జాప్యం చేయడంతో కుటుంబ సభ్యులు, బంధువులు తీవ్ర ఆందోళన చెందుతూ త్వరితగతిన పోస్టుమార్టం చేయాలంటూ మామూళ్లు ముట్టచెబుతున్నారు.

బాలిక మిస్సింగ్‌ ఉదంతంలో పోలీసుల నిర్లక్ష్య వైఖరి సాక్షిప్రతినిధి, గుంటూరు: తమ చిన్నారిని రక్షించాల్సిన పోలీసులే నిర్లక్ష్యంగా వ్యవహరిస్తే ఎవరికి చెప్పుకోవాలో తెలియక ఆ తండ్రి మూడు నెలలుగా అధికారులు, అధికారపార్టీ నాయకులు అందరి చుట్టూ కాళ్లరిగేలా తిరిగి కూతురి ఆచూకీ కోసం హైకోర్టు మెట్లు ఎక్కిన సంఘటన అందరికీ తెలిసిందే. ప్రజల మాన, ధన, ప్రాణాలను కాపాడాల్సిన పోలీసులు ఆ బాధ్యతను మరిచిపోయి అధికార పార్టీ నేతల అడుగులకు మడుగులొత్తుతూ ప్రతిపక్ష పార్టీ నాయకులపై తప్పుడు కేసులు పెట్టి వేధించడం, సోషల్‌ మీడియా పోస్టులు పెట్టినవారిపై అత్యుత్సాహం చూపి అరెస్టు చేయడం వంటి వాటికి పరిమితమై పోయారు. లా అండ్‌ ఆర్డర్‌ గాలికొదిలేశారు. రక్షక భటులే భక్షకులుగా మారి జనాన్ని పీక్కుతింటూ పోలీసు శాఖ ప్రతిష్టను కొందరు అవినీతి ఖాకీలు దిగజారస్తున్నారు. గుంటూరు నగరంలో జరిగిన సంఘటనపై హైకోర్టు సీరియస్‌గా స్పందించి పోలీసులను చీవాట్లు పెట్టడంతో ఇప్పుడు హడావుడిగా సిట్‌ ఏర్పాటు చేసి వెతుకులాట ప్రారంభించారు. దీనికి సంబంధించిన వివరాల్లోకి వెళితే... మూడు నెలలు దాటుతున్నా ఆచూకీ లేదు గుంటూరు నగరానికి చెందిన పదో తరగతి చదువుతున్న ఓ మైనర్‌ బాలిక జూన్‌ 9వ తేదీన ఇంటికి రాకపోవడంతో ఆందోళనకు గురైన తండ్రి అదే రోజు సాయంత్రం నగరంలోని పట్టాభిపురం పోలీసుస్టేషన్‌లో ఫిర్యాదు చేశారు. మరుసటి రోజు అనగా జూన్‌ 10వ తేదీన కేసు నమోదు చేసిన పోలీసులు దర్యాప్తు ప్రారంభించారు. బాలికను గంజాయి తాగే ఓ యువకుడు (22 ఏళ్లు) కిడ్నాప్‌ చేశాడనే విషయం బయట పడడంతో తల్లిదండ్రులు కుప్పకూలిపోయారు. కిడ్నాపర్‌ నెల్లూరు మొబైల్‌ షాపులో మొబైల్‌ కొన్నట్లు సీసీ టీవీ ఫుటేజీలో గమనించిన తండ్రి అతని మొబైల్‌ ఈఎంఐ నంబరుతో సహా పోలీసులకు అందించారు. మిస్సింగ్‌ కేసు నమోదు చేసి వదిలేశారు.. మైనర్‌ బాలికను గంజాయి తాగుతూ కత్తి పెట్టుకుని తిరిగే ఓ జులాయి కిడ్నాప్‌ చేశాడని జూన్‌ నెల 11వ తేదీన పోలీసులకు తెలిసినప్పటికీ మిస్సింగ్‌ కేసుగానే ఉంచి దర్యాప్తు చేశారే తప్ప, కనీసం కిడ్నాప్‌, పోక్సో చట్టం కింద సెక్షన్‌లు మార్పు చేయని పరిస్థితి. మైనర్‌ బాలికను కిడ్నాప్‌ చేసి తీసుకెళ్లిన నిందితుడు షేక్‌ జాన్‌ సైదా అలియాస్‌ రబ్బానీ అలియాస్‌ పండుగా పోలీసులు గుర్తించారు. అతనికి ఇన్‌స్ర్ట్రాగామ్‌లో 300 నుంచి 400 మంది వరకు కాంటాక్ట్‌ ఉన్నట్లు గుర్తించారు. వీరిలో కొందరిని పిలిచి విచారించిన పోలీసులు ఆతరువాత ఫోన్‌ స్విచ్‌ ఆఫ్‌ కావడంతో చేతులెత్తేశారు. పోలీసులు, బాలిక తండ్రి, వారి బంధువులు కోయంబత్తూరు, పాల్గాడ్‌, సికింద్రాబాద్‌ వంటి ప్రాంతాల్లో లాడ్జిల్లో వెతికారు. అయితే వీరి ఆచూకీ ముందుగానే ఎలా తెలుసుకున్నాడో తెలియదు గాని నిందితుడు వీరు అక్కడికి చేరుకునే రోజు లాడ్జిలు ఖాళీచేసి వెళ్లిపోతున్నాడు. అయితే పోలీసుల నిర్లక్ష్యంపై హైకోర్టు తీవ్ర స్థాయిలో మండిపడడం, ఘాటు వ్యాఖ్యలు చేయడంతో ఏం చేయాలో తెలియక హడావుడిగా గురువారం కిడ్నాప్‌, పోక్సో యాక్ట్‌ కింద కేసు మార్పు చేసి హైకోర్టుకు నివేదించేందుకు నానా తంటాలు పడ్డారు. పోలీసుల నిర్లక్ష్యాన్ని ఆసరాగా తీసుకున్న నిందితుడు సికింద్రాబాద్‌లో ఉండే తన మేనత్త ఫోన్‌ నుంచి జూలై 13వ తేదీన ఇన్‌స్ర్ట్రాగామ్‌ ఓపెన్‌ చేసి ‘దమ్ముంటే పట్టుకోరా షెకావత్‌’ అంటూ పోలీసులకు సవాల్‌ విసిరాడు. అయినా పోలీసుల్లో చలనం లేకపోవడం దారుణమైన విషయం. జూన్‌ 21వ తేదీన సికింద్రాబాద్‌లో వెతికిన పోలీసులు ఇక ఆ తరువాత నిందితుడి ఫోన్‌ ఆన్‌ చేస్తే తప్ప, తాము ఏమీ చేయలేమని చేతులెత్తేశారు. చిన్న చిన్న సోషల్‌ మీడియా కేసుల్లో రాష్ట్రాలు దాటి వెళ్లి అమాయకులను అర్ధరాత్రి పూట ఎత్తుకొస్తున్న పోలీసులకు ఓ మైనర్‌ బాలిక కిడ్నాప్‌ అయి మూడు నెలలు దాటుతున్నా చలనం లేదంటే పరిస్థితి ఎంత దారుణంగా ఉందో అర్ధం చేసుకోవచ్చు. అప్పటి నుంచి మూడు నెలలుగా పోలీసు అధికారులు, అధికార పార్టీ నేతల చుట్టూ తిరిగి విసిగిపోయిన బాలిక తండ్రి చివరకు హైకోర్టును ఆశ్రయించాడు. దీంతో పోలీసులపై హైకోర్టు సీరియస్‌ అయిన విషయం అందరికి తెలిసిందే. బాలిక ఇంటి నుంచి వెళుతూ లక్ష రూపాయల నగదు, బంగారం తీసుకెళ్లినట్లు సమాచారం.

సాక్షి, విజయవాడ: వైఎస్సార్‌సీపీ అధినేత, మాజీ ముఖ్యమంత్రి వైఎస్ జగన్‌మోహన్‌రెడ్డి దెబ్బకు సీఎం చంద్రబాబు దిగొచ్చారు. ఎట్టకేలకు కరువుపై కేబినెట్‌లో చర్చ జరిపారు. ఇటీవలే ప్రభుత్వాన్ని వైఎస్‌ జగన్‌ నిలదీసిన సంగతి తెలిసిందే. దీంతో కరువుపై కేంద్రానికి లేఖ రాస్తానంటూ చంద్రబాబు ప్రకటించారు. ఏపీలో దుర్భర పరిస్థితులు ఉన్నాయని చంద్రబాబు అంగీకరించారు.దేశమంతా 14 శాతం లోటు వర్షపాతం ఉండగా.. ఏపీలో మాత్రం 52 శాతం లోటు వర్షపాతం ఉన్నట్టు వెల్లడించారు. జలాశయాల్లో నీళ్లున్నా.. రైతులకు ప్రభుత్వం విడుదల చేయలేదు. నీళ్లివ్వలేమంటూ కేబినెట్‌లో చంద్రబాబు వ్యాఖ్యానించారు. విమర్శలు చేస్తున్నవారిపై ఎదురుదాడి చేయాలంటూ సీఎం చంద్రబాబు వ్యాఖ్యలు చేశారు.ఏపీ కేబినెట్‌లో ప్రోటోకాల్‌పై హైడ్రామాఏపీ కేబినెట్‌లో ప్రోటోకాల్‌పై హైడ్రామాకు తెరతీశారు. అధికారులను సీఎం మందలించినట్టు లీకులు ఇచ్చారు. వెలిగొండ, పోలవరం ప్రకటనల్లో రామానాయుడు ఫొటో కానరాలేదు. రామానాయుడు ఫొటో తీసేసి నారా లోకేష్ ఫొటో ముద్రించారు. లోకేష్‌ని ప్రమోట్ చేయడానికి టీడీపీ ప్లాన్ చేసింది. విషయం బట్టబయలు కావడంతో సీఎం చంద్రబాబు డ్రామా మొదలుపెట్టారు. తప్పంతా అధికారులపై నెట్టేసి తిట్టినట్టు లీకులు ఇచ్చారు.

మంగళగిరి రూరల్‌: సర్వీస్‌ ఉపాధ్యాయులకు టెట్‌ పరీక్ష నుంచి మినహాయింపు ఇవ్వాలని, తమిళనాడు తరహాలో శాసనసభలో తీర్మానం చేసి కేంద్రానికి పంపాలని ఏపీ టీచర్స్‌ ఫెడరేషన్‌ డిమాండ్‌ చేసింది. ఈ మేరకు ఆత్మకూరులోని స్కూల్‌ ఎడ్యుకేషన్‌ కమిషనర్‌ కార్యాలయం విద్యాభవన్‌ ముందు బుధవారం ధర్నా నిర్వహించారు. పోలీసులు ధర్నాకు అనుమతి లేదని నలుగురు ఉపాధ్యాయులను అరెస్ట్‌ చేసి, తాడేపల్లి పోలీస్‌ స్టేషన్‌కు తరలించారు. అరెస్ట్‌ అయిన వారిలో ఫెడరేషన్‌ కార్యదర్శి కె.బసవలింగారావు, ఎండీ ఖలీల్, బొడ్డు శేఖర్, గుడిపాటి దాస్‌ ఉన్నారు. అనంతరం వారిని విడుదల చేశారు. స్కూల్‌ ఎడ్యుకేషన్‌ కమిషనర్‌తో చర్చలు జరపాలని, లోపలికి అనుమతించాలని టీచర్స్‌ కోరగా.. పోలీస్‌ యాక్ట్‌ సెక్షన్‌–30 అమల్లో ఉన్నందున ధర్నాలు, నిరసనకు అనుమతి లేదని వారిని అడ్డుకున్నారు. అయినప్పటికీ విద్యాభవనం ముందే టీచర్లు ధర్నా కొనసాగించారు. ఫెడరేషన్‌ రాష్ట్ర అధ్యక్షురాలు చెన్నుపాటి మంజుల మీడియాతో మాట్లాడుతూ.. ఇన్‌–సర్వీస్‌ ఉపాధ్యాయులకు టెట్‌ నుంచి శాశ్వత మినహాయింపు ఇవ్వాలని విద్యా హక్కు చట్టంలోని సెక్షన్‌ 23(1) సవరించాలన్నారు. టెట్‌లో ఉపాధ్యాయుల పాస్‌ మార్కులు 40 శాతం తగ్గించి ఆఫ్‌లైన్‌లో పరీక్షలు నిర్వహించాలని, గణితం, సైన్సు, బయాలజీ బోధించే ఉపాధ్యాయులకు వారి వారి సబ్జెక్టుల్లోనే పరీక్షలు నిర్వహించాలని డిమాండ్‌ చేశారు. ఇన్‌–సర్వీసు టీచర్లకు విద్యాశాఖ మంత్రి లోకేశ్‌ ప్రత్యేక టెట్‌ నిర్వహిస్తామని హామీ ఇచ్చారని, కానీ ప్రత్యేక టెట్‌ నోటిఫికేషన్‌లో ఎటువంటి మార్పులు లేకుండా ఇంతకు ముందు ఉన్న నిబంధనలతోనే జారీ చేశారని ఆగ్రహం వ్యక్తం చేశారు. అనంతరం అడిషనల్‌ కమిషనర్‌ ఆఫ్‌ స్కూల్‌ ఎడ్యుకేషన్‌ ఎం.వెంకట కృష్ణారెడ్డికి తమ డిమాండ్‌లతో కూడిన వినతిపత్రం ఇచ్చారు. ఈ కార్యక్రమంలో ఏపీ టీచర్స్‌ ఫెడరేషన్‌ ప్రధాన కార్యదర్శి కె.బసవలింగారావు, రాష్ట్ర పూర్వ ప్రధాన కార్యదర్శి పాండురంగ ప్రసాద్‌ రావు, బాపట్ల జిల్లా ప్రధాన కార్యదర్శి పీడీ సోషలిజం, ప్రకాశం జిల్లా ప్రధాన కార్యదర్శి బి.శేషారావు, ఎన్టీఆర్‌ జిల్లా ప్రధాన కార్యదర్శి వి.రాధిక, రాష్ట్ర కౌన్సిలర్‌ తేలప్రోలు శ్రీనివాసరావు పాల్గొన్నారు.

గుంటూరు వెస్ట్‌: అమరావతి చాంపియన్‌షిప్‌ రాష్ట్ర స్థాయి పోటీల్లో సత్తా చాటిన గుంటూరు జిల్లా క్రీడాకారులను జాయింట్‌ కలెక్టర్‌ అశుతోష్‌ శ్రీవాస్తవ అభినందించారు. బుధవారం కలెక్టరేట్‌లో జిల్లా క్రీడాభివృద్ధి అధికారి పఠాన్‌ అఫ్రోజ్‌ ఖాన్‌ ఆధ్వర్యంలో జేసీని కలిసి పతకాలతోపాటు సాధించిన కప్‌ను చూపించారు. ఈ సందర్భంగా జేసి మాట్లాడుతూ క్రీడాకారులు క్రీడలను తమ లక్ష్యంగా మార్చుకోవచ్చన్నారు. క్రీడా కోటా కింద ప్రభుత్వ ఉద్యోగాలు వస్తాయని చెప్పారు. క్రీడాకారులను ప్రోత్సహించడంతో పాటు, వారికి అవసరమైన సహాయ సహకారాలు అందించేందుకు జిల్లా యంత్రాంగం ఎల్లప్పుడూ ముందుంటుందని తెలిపారు. అప్రోజ్‌ ఖాన్‌కు ఉత్తమ క్రీడాభివృద్ధి అధికారి అవార్డు లభించడం పట్ల జేసి ప్రత్యేకంగా అభినందించారు. అఫ్రోజ్‌ ఖాన్‌ మాట్లాడుతూ తిరుపతిలో ఆగస్టు 24 నుంచి 27 వరకు నిర్వహించిన అమరావతి చాంపియన్‌ రాష్ట్రస్థాయి క్రీడా పోటీల్లో గుంటూరు జిల్లా క్రీడాకారులు అత్యుత్తమ ప్రతిభ కనబరిచి పలు విభాగాల్లో విజేతలుగా నిలిచారన్నారు. రాష్ట్ర స్థాయి పోటీల్లో గుంటూరు జిల్లా క్రీడాకారులు 10 బంగారు పతకాలు, 9 వెండి పతకాలు సాధించారు. బాస్కెట్‌బాల్‌ అండర్‌ – 23 పురుషులు, వాలీబాల్‌ అండర్‌ – 23 మహిళల విభాగాల్లో ప్రథమ స్థానాన్ని సాధించి విజేతలుగా నిలిచారన్నారన్నారు. డీఆర్‌ఓ షేక్‌ ఖాజావలి, ఆర్డీఓ కె.శ్రీనివాస రావు, బాక్సింగ్‌ కోచ్‌ రామిశెట్టి విశ్వనాధ్‌, క్రీడాకారులు, కోచ్‌లు పాల్గొన్నారు.

గుంటూరు ఎడ్యుకేషన్‌/గుంటూరు లీగల్‌: పేదల కన్నీళ్లు తుడిచేవాడే నిజమైన పాలకుడని మనసా వాచా కర్మణా విశ్వసించిన మహానేత డాక్టర్‌ వైఎస్సార్‌ జనం గుండెల్లో సంక్షేమ శ్రామికుడిగా నిలిచారని ఎమ్మెల్సీ, వైఎస్సార్‌ కాంగ్రెస్‌ పార్టీ రాష్ట్ర ప్రధాన కార్యదర్శి లేళ్ళ అప్పిరెడ్డి అన్నారు. వైఎస్సార్‌ సీపీ లీగల్‌ సెల్‌ రాష్ట్ర కార్యనిర్వాహక అధ్యక్షుడు పోలూరి వెంకటరెడ్డి ఆధ్వర్యంలో బుధవారం జిల్లా కోర్టులో దివంగత మహానేత డాక్టర్‌ వైఎస్‌ రాజశేఖరరెడ్డి వర్ధంతి సభ జరిగింది. ఈసందర్భంగా లేళ్ళ అప్పిరెడ్డి మహానేత వైఎస్సార్‌ చిత్రపటానికి పూలమాల వేసి ఘనంగా నివాళులర్పించారు. అనంతరం మాట్లాడుతూ పేదవాడి గుండె చప్పుడు వినగలిగితే చాలు, నా జన్మ ధన్యమైనట్టే అని భావించి, ఆ దిశగా ప్రజలను కన్నబిడ్డల్లా పాలించి, తన సంక్షేమ సంతకంతో చెరిగిపోని జ్ఞాపకం మిగిల్చిన మరణం లేని మహానాయకుడిగా డాక్టర్‌ వైఎస్సార్‌ నిలిచారని కొనియాడారు. దేశ చరిత్రలోనే సువర్ణాక్షరాలతో సరికొత్త సంక్షేమ అధ్యాయాన్ని లిఖించిన ఘనత వైఎస్సార్‌కే దక్కుతుందని తెలిపారు. అందుకే సంక్షేమ పాలన గురించి ఎక్కడ ప్రస్తావించాల్సి వచ్చినా వైఎస్సార్‌కు ముందు, ఆ తరువాత అని చెప్పుకోవాల్సి ఉంటుందన్నారు. ప్రజలకు ఉపయోగపడే ఎన్నో పనులతో ప్రజల గుండెల్లో కొలువైన వైఎస్సార్‌ ఆశయ సాధనకై మేము సైతం అంటూ జగనన్న అడుగులో అడుగేస్తామని ప్రతినబూనడం ద్వారా ప్రతి ఒక్కరూ రాజన్నకు నిజమైన నివాళి అర్పించాలని పిలుపునిచ్చారు.

గుంటూరు రూరల్‌: ద్విచక్రవాహనంపై వెళుతూ ద్విచక్రవాహనంపైనుంచి దూకే క్రమంలో యువకుడు మృతి చెందిన సంఘటన నల్లపాడు పోలీస్‌ స్టేషన్‌ పరిధిలో బుధవారం చోటు చేసుకుంది. సీఐ భాస్కర్‌ తెలిపిన వివరాల ప్రకారం వెంగళాయపాలెం గ్రామానికి చెందిన చల్లా నాగవర్థన్‌రెడ్డి (25), అదే గ్రామానికి చెందిన మస్తాన్‌లు ఇద్దరు నల్లపాడులోని ఒక బార్‌లో మద్యం సేవించారు. అనంతరం గుంటూరువైపు ద్విచక్రవాహనంపై బయలుదేరారు. ఈ క్రమంలో వాహనం నడుపుతున్న మస్తాన్‌ వాహనాన్ని అతి వేగంగా నడిపిస్తుండగా వెనుక కూర్చున్న నాగవర్థన్‌రెడ్డి భయపడి ద్విచక్రవాహనంపై నుంచి ఒక్కసారిగా కిందకు దూకాడు. వేగంగా వెళుతున్న ద్విచక్రవాహనంపై నుంచి దూకటంతో స్పీడుకు తట్టుకోలేక రోడ్డుపక్కనే ఉన్న చెట్టుకు ఢీకొన్నాడు, అక్కడినుంచి పక్కనే ఉన్న పంచర్‌షాపులోని గాలి సిలెండర్‌కు ఢీకొన్నాడు. దీంతో తలకు తీవ్రగాయాలై అక్కడిక్కడే మృతి చెందాడు. మస్తాన్‌ అదేవిధంగా స్పీడు గా వెళుతూ రోడ్డుపక్కన నిలిపి ఉన్న లారీని ఢీకొన్నాడు. మస్తాన్‌కు గాయాలయ్యాయి. స్థానికులు మస్తాన్‌ను చికిత్స నిమిత్తం జీజీహెచ్‌కు తరలించగా, నాగవర్థన్‌రెడ్డి మృతదేహాన్ని పోలీసులు పోస్ట్‌ మార్టం నిమిత్తం జీజీహెచ్‌ మార్చురీకి తరలించారు. సంఘటనపై కేసు నమోదు చేసి మృతుని బంధువులకు సమాచారం అందించి, దర్యాప్తు చేస్తున్నామని పోలీసులు తెలిపారు.

మంగళగిరి టౌన్‌: చేనేత సహకార సంఘాల పట్ల ప్రభుత్వం అవలంబిస్తున్న నిర్లక్ష్య వైఖరితో సహకార రంగం తీవ్ర ఆర్థిక సంక్షోభంలో చిక్కుకుని, మనుగడ సాగించడమే కష్టంగా మారిందని ఆంధ్రప్రదేశ్‌ చేనేత సంఘాల ఐక్య కార్యాచరణ కమిటీ, చేనేత సహకార సంఘాల ప్రతినిధులు ఆవేదన వ్యక్తం చేశారు. సమస్యలను పరిష్కరించకపోతే రాష్ట్రవ్యాప్తంగా చేనేత కార్మికులు, నాయకులను సమాయత్తం చేసి తీవ్రస్థాయి ఉద్యమం చేపడతామని హెచ్చరించారు. మంగళగిరి పట్టణంలోని శ్రీ మార్కండేయ కళ్యాణ మండపంలో బుధవారం చేనేత సహకార సంఘాల ప్రతినిధుల సమావేశం నిర్వహించారు. ఈ సమావేశంలో సంఘాల సమస్యలు, భవిష్యత్‌ కార్యాచరణపై చర్చించారు. ఎన్నికల ఊసేది? ఈ సందర్భంగా నాయకులు మాట్లాడుతూ, 2013 నుంచి చేనేత సహకార సంఘాలకు ఎన్నికలు నిర్వహించకపోవడం వల్ల ప్రజాస్వామ్య పాలనకు దూరమయ్యాయని అన్నారు. రాజకీయ పదవులకు కాలపరిమితి పూర్తయిన వెంటనే ఎన్నికలు నిర్వహిస్తున్న విధంగానే సహకార సంఘాలకు కూడా ఎన్నికలు నిర్వహించి పాలకవర్గాలను ఏర్పాటు చేయాలని డిమాండ్‌ చేశారు. గత ఎనిమిదేళ్లుగా చేనేత రంగానికి సంబంధించిన ట్రిఫ్ట్‌ ఫండ్‌, యార్న్‌ సబ్సిడీ, మార్కెట్‌ ఇన్సెంటివ్‌, పావలా వడ్డీ, రిబేట్‌ తదితర ఐదు సంక్షేమ పథకాల కింద సుమారు రూ.203 కోట్ల బకాయిలు పెండింగ్‌లో ఉన్నాయని తెలిపారు. ప్రభుత్వం వెంటనే ఆ నిధులను విడుదల చేసి చేనేత కార్మికులు, సహకార సంఘాలను ఆదుకోవాలని కోరారు. కేడీసీసీ బ్యాంకుల ద్వారా రుణాలు పొందిన చేనేత సహకార సంఘాలకు సంబంధించిన రూ.46.19 కోట్ల రుణమాఫీ ఫైలు గత ప్రభుత్వ హయాం నుంచి పెండింగ్‌లో ఉందని, ప్రభుత్వం తక్షణమే ఫైలుకు ఆమోదముద్ర వేసి రుణాలను మాఫీ చేయాలని డిమాండ్‌ చేశారు. అలాగే 1985 హ్యాండ్‌లూమ్‌ రిజర్వేషన్‌ యాక్ట్‌ ప్రకారం చేనేత రంగానికి రిజర్వు చేసిన వస్తువుల తయారీ, విక్రయాలపై నిబంధనలను కఠినంగా అమలు చేయాలని కోరారు. ఎన్నికల సమయంలో చేనేత దుస్తులపై జీఎస్టీ రీఇంబర్స్‌మెంట్‌ చేస్తామని ఇచ్చిన హామీని ప్రభుత్వం అమలు చేయాలని అన్నారు. ప్రభుత్వంలోని వివిధ శాఖలు ఆప్కో నుంచి కొనుగోలు చేసిన వస్త్రాలకు సంబంధించి చెల్లించాల్సిన రూ.97 కోట్ల బకాయిలను వెంటనే విడుదల చేసి ఆప్కోను ఆర్థికంగా బలోపేతం చేయాలని కోరారు. రాష్ట్రవ్యాప్తంగా వెయ్యికి పైగా ఉన్న చేనేత సహకార సంఘాల్లో ఇప్పటికే సుమారు 300 సంఘాలు మూతపడ్డాయని, మిగిలిన సంఘాలు కూడా తీవ్ర ఆర్థిక ఇబ్బందులను ఎదుర్కొంటున్నాయని నాయకులు తెలిపారు. చేనేత సహకార సంఘాలకు, ఆప్కోకు తక్షణమే ఎన్నికలు నిర్వహించి ప్రజాస్వామ్య పాలనను పునరుద్ధరించాలని డిమాండ్‌ చేశారు. ప్రభుత్వం వెంటనే స్పందించి సమస్యలను పరిష్కరించాలని, లేనిపక్షంలో రాష్ట్రవ్యాప్తంగా ఉద్యమాన్ని ఉధృతం చేస్తామని హెచ్చరించారు. ఈ సమావేశంలో ఆంధ్రప్రదేశ్‌ చేనేత కార్మిక సంఘాల ఐక్య కార్యాచరణ కమిటీ కోకన్వీనర్లు పిల్లలమర్రి నాగేశ్వరరావు, బండారు ఆనంద ప్రసాద్‌, పిల్లలమర్రి బాలకృష్ణ, సభ్యులు రామనాథం పూర్ణచంద్రరావు, దామర్ల మోహన్‌, దొంతంశెట్టి సత్యప్రకాష్‌, గొట్టుముక్కల బాలాజీ, ఏ. నారాయణ, డోగిపర్తి రామారావు, పచ్చల థామస్‌, బండారు మస్తాన్‌, ఉట్ల సాంబశివరావు, వాసు, విజయ్‌కుమార్‌, కట్టా హేమసుందర్‌రావు, జ్ఞాన శంకరరావు, చింత వీరభద్రేశ్వరరావు తదితరులు పాల్గొన్నారు. బకాయిలు విడుదల చేయండి

తాడికొండ: తమకు రావాల్సిన బకాయిలు ఇవ్వకపోతే రాష్ట్రవ్యాప్త ఉద్యమం చేయాల్సి వస్తుందని ఏపీ జేఏసీ అమరావతి యూనిట్‌ అధ్యక్షుడు బెజ్జం అశోక్‌ బాబు అన్నారు. బుధవారం అమరావతి యూనిట్‌ జేఏసీ సమావేశం తాడికొండ రూరల్‌ హెల్త్‌ సెంటర్లో నిర్వహించారు. ఈ కార్యక్రమంలో బెజ్జం అశోక్‌ కుమార్‌ మాట్లాడుతూ రాష్ట్ర ఏపీ ఎన్జీవో జేఏసీ పిలుపు మేరకు జిల్లాలోని అన్ని తాలూకా యూనిట్లలో ఉద్యోగుల సమస్యలపై సమావేశాలు నిర్వహిస్తున్నట్లు తెలిపారు. సమావేశంలో మండల అధ్యక్షుడు దిబ్బయ్య, యూటీఎఫ్‌ మండల అధ్యక్షుడు శ్రీనివాస్‌, ఏపీటీఎఫ్‌ మండల అధ్యక్షుడు గౌస్‌ తదితరులు పాల్గొన్నారు. రైతులకు రిటర్నబుల్‌ ప్లాట్ల కేటాయింపు తాడికొండ: రాజధాని అమరావతి నిర్మాణానికి భూములిచ్చిన నెక్కల్లు, తుళ్లూరు, శాఖమూరు, కొండమరాజుపాలెం, లింగాయపాలెం గ్రామాలకు చెందిన రైతులకు బుధవారంరాయపూడిలోని ఏపీ సీఆర్డీఏ కార్యాలయంలో ఈ– లాటరీ విధానం ద్వారా 37 రిటర్నబుల్‌ ప్లాట్లను కేటాయించారు. రాజధాని నిర్మాణానికై ఇటీవల భూములు ఇచ్చిన రైతులకు, అలాగే గతంలో ప్లాట్లు పొంది, ఆ ప్లాట్లు వీధి పోటు, కోర్ట్‌ కేసులు, భూసేకరణ చేయాల్సిన స్థలాలలో ప్లాట్లు పొందిన వారు తెలియజేసిన విజ్ఞప్తులను పరిశీలించి అర్హులైన రైతులకు ప్రత్యామ్నాయ ప్లాట్లను ఈ– లాటరీ ద్వారా కేటాయిస్తున్నట్లు సీఆర్డీఏ అధికారులు తెలిపారు. కార్యక్రమానికి హాజరైన రైతుల సమక్షంలో ఆన్‌లైన్‌ ర్యాండమ్‌ సిస్టం ద్వారా నివాస, వాణిజ్య ప్లాట్లకు ముందుగా ట్రైల్‌ రన్‌ వేసిన అనంతరం ప్రత్యక్ష లాటరీ ప్రక్రియ చేపట్టారు. రిటర్నబుల్‌ ప్లాట్లు పొందిన రైతులకు సీఆర్డీఏ డైరెక్టర్‌– ల్యాండ్స్‌(క్యాపిటల్‌ సిటీ) కెఎస్‌ భాగ్యరేఖ, సంబంధిత స్పెషల్‌ డిప్యూటీ కలెక్టర్లు, ముఖ్య అధికారులతో కలసి ప్రొవిజనల్‌ సర్టిఫికెట్లు అందజేశారు. మొత్తంగా 17 మంది రైతులకు 37 ప్లాట్లను కేటాయించారు. వీటిలో 24 రెసిడెన్షియల్‌ ప్లాట్లు కాగా, 13 కమర్షియల్‌ ప్లాట్లు. ఈ సందర్భంగా డైరెక్టర్‌ కెఎస్‌ భాగ్యరేఖ మాట్లాడుతూ రిటర్నబుల్‌ ప్లాట్లు పొందిన రైతులు రిజిస్ట్రేషన్‌ ప్రక్రియను త్వరతిగతిన పూర్తి చేసుకోవాలన్నారు. ప్లాట్లు పొందిన రైతులకు భౌగోళికంగా వారికి ప్లాట్లు ఎక్కడ కేటాయించబడ్డాయో వివరించడానికి జీఐఎస్‌ సిబ్బంది గ్రామ సర్వేయర్లు సహకరిస్తారన్నారు. కార్యక్రమంలో డైరెక్టర్‌ ల్యాండ్స్‌(క్యాపిటల్‌ రీజియన్‌) బి.గాయత్రీ దేవి, స్పెషల్‌ డిప్యూటీ కలెక్టర్లు పి.పద్మావతి, బి.సాయి శ్రీనివాస నాయక్‌, జి.మురళీధర్‌, ప్లానింగ్‌, ల్యాండ్స్‌, జీఐఎస్‌ విభాగం సిబ్బంది పాల్గొన్నారు.

నిత్యం సంక్షేమం, అభివృద్ధిపై దృష్టి పెట్టి ప్రజల జీవితాలను మార్చిన మహానేత వైఎస్‌ రాజశేఖరరెడ్డి. తొలుత వైద్యుడిగా పేదల బాధలను చూశారు... తర్వాత నాయకుడిగా ప్రజల సమస్యలను విన్నారు... అధికారంలోకి వచ్చిన తర్వాత వాటికి పరిష్కారం చూపించాలనే తపనతో పాలించారు. బుధవారం ఆయన వర్ధంతి సందర్భంగా జిల్లా వ్యాప్తంగా అన్ని నియోజకవర్గాల్లోనూ వైఎస్సార్‌ సీపీ నాయకులు, కార్యకర్తలు, అభిమానులు ఆయనకు ఘన నివాళులు అర్పించారు. ప్రజా సంక్షేమమే ధ్యేయంగా ముందుకు సాగారని కొనియాడారు. అభివృద్ధి ఫలాలను ప్రజలకు అందించిన ఆయన సేవలను స్మరించుకున్నారు. రాజన్నా.. నిను మరువలేమన్నా.. అంటూ మహానేతను మరోసారి గుర్తుచేసుకున్నారు. – సాక్షి నెట్‌వర్క్‌ ప్రత్తిపాడులో వైఎస్సార్‌ విగ్రహానికి నివాళులర్పిస్తున్న వైఎస్సార్‌ సీపీ సమన్వయకర్త బలసాని కిరణ్‌కుమార్‌, నియోజకవర్గ పరిశీలకుడు షేక్‌ గులాం రసూల్‌, నాయకులు

గుంటూరు మెడికల్‌: దాతలు పెద్ద మనస్సు చేసుకుని రూ.100 కోట్లు విరాళాలు ఇచ్చి, రాష్ట్రంలో ఎక్కడా లేని విధంగా గర్భిణులు, బాలింతలు, మహిళలు, చిన్నారులు, పసికందులకు సూపర్‌స్పెషాలిటీ వైద్యం అందించేందుకు ఐదు అంతస్తుల్లో 600 పడకలతో భవన నిర్మాణం చేయించారు. దాతలకు తోడుగా ప్రభుత్వం రూ.27 కోట్ల విలువైన వైద్య పరికరాలు అందజేసింది. కార్పొరేట్‌ వైద్యసేవలను పేదలకు ఉచితంగా అందించేందుకు మార్గం సిద్ధం చేసింది. ముఖ్యమంత్రి చంద్రబాబు ఈ భవనాన్ని ఈ ఏడాది జనవరిలో ప్రారంభించారు. అయితే అందులోని వైద్య పరికరాలు కొన్ని మాయమైనట్లు ఆరోపణలు వినిపిస్తున్నాయి. ఆస్పత్రి అధికారులు మాత్రం దాతలు, ప్రభుత్వ ఆశయాన్ని నీరుగార్చేలా వ్యవహరిస్తుండడం విమర్శలకు తావిస్తోంది. రూ.100 కోట్లు ఇచ్చిన పూర్వ విద్యార్థులు.... రాష్ట్రంలో ఎక్కడా లేని విధంగా గుంటూరు వైద్య కళాశాల, గుంటూరు జీజీహెచ్‌లో చదువుకున్న పూర్వ వైద్య విద్యార్థులు పేదలకు ఉచితంగా కార్పొరేట్‌ వైద్యం అందించేందుకు రూ.100 కోట్లు విరాళం ఇచ్చారు. గుంటూరు జీజీహెచ్‌కు ఆరు జిల్లాల నుంచి వస్తున్న గర్భిణులు, బాలింతలు, సీ్త్రలు, పిల్లలకు పడకలు సరిపోక, నాణ్యమైన వైద్యం కోసం పడుతున్న అగచాట్లు పడుతున్నారు. వారి ఇబ్బందులు తొలగించేలా ఈ భవన నిర్మాణం చేయించారు. ముఖ్యమంత్రి చంద్రబాబు ఈ ఏడాది జనవరిలో కానూరి–జింకానా మాతా–శిశు సంరక్షణ సూపర్‌స్పెషాలిటీ బ్లాక్‌ను ప్రారంభించారు. కానీ నేటి వరకు సదరు వైద్య విభాగంలో పూర్తిస్థాయిలో వైద్యసేవలు అందుబాటులోకి రాకపోవడం విమర్శలకు తావిస్తోంది. డాక్టర్‌ యశస్వి రమణ సూపరింటెండెంట్‌గా ఉన్న సమయంలో ఈ ఏడాది మే నెలలో పాత భవనంలో ఉన్న కాన్పుల విభాగం, పిల్లల వైద్య విభాగాలను ఎంసీహెచ్‌లోకి మార్చారు. కొన్ని రకాల వైద్య పరికరాలు, ఆపరేషన్‌ థియేటర్లను సైతం ప్రారంభించారు. పూర్తిస్థాయిలో పరికరాలను వినియోగంలోకి తీసుకురాకుండా బాక్సుల్లోనే ఉంచారు. తీవ్ర ఆరోపణలు.... ప్రభుత్వం రూ.27 కోట్ల విలువైన వైద్య పరికరాలను ఎంసీహెచ్‌ వార్డుకు పంపిణీ చేసింది. వాటిల్లో ఎన్ని వార్డుల్లో ఉన్నాయి, ఎన్ని మెడికల్‌ స్టోర్స్‌లో ఉన్నాయి, ఎన్ని వినియోగంలో ఉన్నాయి, ఎన్ని మూలన పడి ఉన్నాయనే లెక్కలు ఆస్పత్రి అధికారుల్లో ఎవరికీ తెలియకపోవడంపై విమర్శలు వినిపిస్తున్నాయి. నిబంధనల ప్రకారం వైద్య పరికరాలను తొలుత మెడికల్‌ స్టోర్స్‌లో స్టాక్‌ ఎంట్రీ చేసుకుని నిల్వ చేస్తారు. వార్డుల నుంచి వైద్య పరికరాలు కావాలని ఇండెంట్‌ పెడితే, స్టాక్‌ రిజిస్టర్‌లో ఎంట్రీ చేసుకుని సదరు వార్డుకు పంపిస్తారు. వార్డులో వైద్య పరికరాలు స్టాఫ్‌ నర్సుల పర్యవేక్షణలో ఉంటాయి. ఏయే వైద్య పరికరాలు వార్డులో ఉన్నాయి, వాటిల్లో ఎన్ని పనిచేస్తున్నాయి, ఏమైనా రిపేర్లకు గురైతే వాటిని వర్క్‌షాప్‌కు లేదా బయోమెడికల్‌ ఇంజినీర్ల వద్దకు పంపి రిపేర్లు చేయించడం వంటి పనులను నర్సింగ్‌ సిబ్బంది చూస్తారు. నూతన వైద్య పరికరాల గురించి ఎంసీహెచ్‌ వార్డుల్లో నర్సింగ్‌ సిబ్బందికి, మెడికల్‌ స్టోర్స్‌ ఇన్‌చార్జ్‌లకు తెలియకపోవడం పరిపాలనా తీరుకు నిదర్శనంగా చెప్పుకోవచ్చు. జీజీహెచ్‌లో కాంట్రాక్ట్‌ బయోమెడికల్‌ ఇంజినీర్లతోపాటుగా ప్రైవేటు కంపెనీ బయోమెడికల్‌ ఇంజినీర్లు కూడా ఉన్నారు. కానీ సదరు కాంట్రాక్టర్‌ వైద్య పరికరాలను వినియోగంలోకి తీసుకురావడంలో నిర్లక్ష్యంగా ఉన్నారు. జిల్లా కలెక్టర్‌ సీఎం సాయికాంత్‌ వర్మ స్పందించాలని బాధితులు కోరుతున్నారు. వినియోగంలోకి తీసుకొస్తాం జీజీహెచ్‌లో కొన్ని వైద్య పరికరాలను కాంట్రాక్టర్‌ వినియోగంలోకి తీసుకురాకుండా వదిలివెళ్లిన విషయం తన దృష్టికి వచ్చినట్లు ఆస్పత్రి సూపరింటెండెంట్‌ డాక్టర్‌ గిరజవోలు దుర్గాప్రసాద్‌ తెలిపారు. కాంట్రాక్టర్‌తో మాట్లాడి వినియోగంలోకి తీసుకొచ్చేలా చర్యలు తీసుకుంటామన్నారు.

జిల్లా వైద్య ఆరోగ్యశాఖాధికారి డాక్టర్‌ కె. విజయలక్ష్మి ప్రత్తిపాడు: పోషకాహారంతో తల్లీ, బిడ్డలు ఆరోగ్యంగా ఉంటారని జిల్లా వైద్య ఆరోగ్యశాఖాధికారి డాక్టర్‌ కె. విజయలక్ష్మి అన్నారు. ప్రత్తిపాడు మండలం ఈదులపాలెం కాటూరి ఆస్పత్రిలో పోస్ట్‌ నేటల్‌ మదర్స్‌ (బాలింతలు)కు ‘కాటూరి మాతా శిశు రక్షా కిట్‌’ పంపిణీ కార్యక్రమాన్ని నిర్వహించారు. ముఖ్య అతిథిగా హాజరైన డీఎంహెచ్‌వో కిట్లను ప్రారంభించి, బాలింతలకు అందజేశారు. అనంతరం గర్భిణులు, బాలింతలను మెయిన్‌ రోడ్డు నుంచి ఆస్పత్రికి చేరవేసేందుకు ఏర్పాటు చేసిన ప్రత్యేక వాహనాలను ప్రారంభించారు. ఈ సందర్భంగా డీఎంహెచ్‌వో మాట్లాడుతూ గర్భిణిగా ఉన్న సమయంలో ఎన్ని జాగ్రత్తలు తీసుకుంటామో, ప్రసవం తర్వాత కూడా అన్నే తగిన జాగ్రత్తలు పాటించాలన్నారు. మూడు పీహెచ్‌సీలు దత్తత.. కాటూరి యాజమాన్యం సీఎస్‌ఆర్‌ కింద గుంటూరు జిల్లాలోని కాకుమాను పీహెచ్‌సీ, పెదగొట్టిపాడు పీహెచ్‌సీ, కొండపాటూరు హెల్త్‌ వెల్‌నెస్‌ సెంటర్‌లను దత్తత తీసుకున్నట్లు డీఎంహెచ్‌వో తెలిపారు. ఆయా ఆస్పత్రులకు వారంలో ఒక రోజు ఆర్థోపెడిషియన్‌, గైనకాలజిస్ట్‌, పీడియాట్రీషియన్‌ వంటి స్పెషలిస్ట్‌ డాక్టర్లను పంపిస్తూ వైద్యసేవలు అందిస్తారని చెప్పారు. ఈ–సంజీవని ప్రాజెక్టు అమలు బాధ్యతతో పాటు, ఆర్‌ఓ తాగునీటి ప్లాంట్‌ను కూడా మెడికల్‌ కాలేజీ తరఫున అందించడం జరుగుతుందని విజయలక్ష్మి వివరించారు. ఈ సందర్భంగా కాటూరి డైరెక్టర్‌ డాక్టర్‌ స్వైరారావు చేస్తున్న సేవలను డీఎంహెచ్‌వో అభినందించారు. కార్యక్రమంలో సూపరింటెండెంట్‌ డాక్టర్‌ ఎల్‌. నాగేశ్వరరావు, గైనకాలజీ విభాగాధిపతి డా. బి. వెంకటేశ్వరరావు, ప్రొఫెసర్‌ డా. కె. అరవింద, పీడియాట్రిక్స్‌ విభాగాధిపతి డా. లత, ఆప్తమాలజీ విభాగాధిపతి డా. సి. మోహన్‌రావు, డిప్యూటీ సూపరింటెండెంట్‌ డా. అజయ్‌ పాల్గొన్నారు.

వెల్ఫేర్‌ బిల్డింగ్‌ అండ్‌ ఎస్టేట్‌ సంస్థపై తాడేపల్లి రూరల్‌: వెల్ఫేర్‌ బిల్డింగ్‌ అండ్‌ ఎస్టేట్‌ ప్రైవేట్‌ లిమిటెడ్‌ సంస్థ చేతిలో తాము మోసపోయామని ఆరోపిస్తూ, సదరు సంస్థపై సమగ్ర దర్యాప్తు చేయాలని బాధితులు డిమాండ్‌ చేశారు. ఈ మేరకు బాధితులు బుధవారం తాడేపల్లి ప్రెస్‌క్లబ్‌లో విలేకరుల సమావేశం నిర్వహించారు. ఈ సందర్భంగా బాధితుల తరఫున నెల్లూరు నుంచి వచ్చిన ఏజెంట్లు మాట్లాడుతూ విశాఖపట్నానికి చెందిన మళ్లా విజయ్‌ ప్రసాద్‌ డైరెక్టర్‌గా వ్యవహరిస్తున్న సంస్థలో తాము కష్టార్జితాన్ని పెట్టుబడిగా పెట్టామని తెలిపారు. మెచ్యూరిటీ గడువు పూర్తయినప్పటికీ చాలామందికి ఒప్పందాల ప్రకారం రావాల్సిన మొత్తాలు, ప్రయోజనాలు పూర్తిస్థాయిలో అందలేదని ఆవేదన వ్యక్తం చేశారు. సంస్థ కార్యకలాపాలు, మెచ్యూరిటీ బకాయిలకు సంబంధించి గతంలో వివిధ రాష్ట్రాల్లో కేసులు నమోదయినట్లు, సంస్థ వ్యవహారాలు కేంద్ర దర్యాప్తు సంస్థల పరిశీలనకు వెళ్లినట్లు తమకు తెలిసిందన్నారు. బెయిల్‌పై విడుదలైన తర్వాత కూడా సంవత్సరాలు గడుస్తున్నా బాధితుల బకాయిలు చెల్లించలేదని ఆరోపించారు. కేంద్ర, రాష్ట్ర ప్రభుత్వాలు స్పందించి సంస్థ వ్యవహారాలపై సమగ్ర, నిష్పాక్షిక దర్యాప్తు చేపట్టాలని కోరారు. సంస్థకు సంబంధించిన ఆస్తుల పూర్తి వివరాలను గుర్తించి, వాటి విక్రయం ద్వారా వచ్చే మొత్తాలను బాధితుల బకాయిల చెల్లింపులకే వినియోగించేలా చర్యలు తీసుకోవాలని డిమాండ్‌ చేశారు. బినామీ ఆస్తులపై కూడా విచారణ జరిపి, ఆస్తుల బదిలీలను అడ్డుకునేలా చర్యలు తీసుకోవాలని, బాధితుల క్లెయిమ్‌ల కోసం ప్రత్యేక హెల్ప్‌డెస్క్‌ ఏర్పాటు చేయాలని విజ్ఞప్తి చేశారు. మధుసూదనరావు, సుభాషిణి, బిల్లా లక్ష్మి దేవి, నాగేంద్ర కుమార్‌, ప్రసాద్‌, పద్మమ్మ, షరీఫ్‌, శ్రీనివాసులు, సుభాషిణి, లక్ష్మీదేవి, ఎస్‌.శ్రీనివాసులు, బ్రహ్మయ్య, చెన్నకేశవులు తదితరులు పాల్గొన్నారు. ముగిసిన మహిళల క్రికెట్‌ టోర్నీ పెదకాకాని: వీవీఐటీ యూనివర్సిటీ ఆధ్వర్యంలో స్థానిక ఎంఎస్కే ప్రసాద్‌ గ్రౌండ్స్‌లో మూడు రోజుల పాటు నిర్వహించిన మహిళల క్రికెట్‌ టోర్నమెంట్‌ బుధవారం ముగిసింది. ఈ టోర్నమెంట్‌లో ఆతిథ్య వీవీఐటీయూ జట్టు అత్యుత్తమ ప్రదర్శనతో విజేతగా నిలిచి ట్రోఫీని కై వసం చేసుకుంది. మొత్తం 8 కళాశాలల జట్లు పాల్గొన్న ఈ పోటీలు క్రీడాభిమానులను అలరించాయి. ఉత్కంఠభరితంగా జరిగిన ఫైనల్‌ పోరులో వీవీఐటీ వర్సిటీ జట్టు, విష్ణు వర్సిటీ జట్లు తలపడ్డాయి. చివరి వరకు హోరాహోరీగా సాగిన ఈ మ్యాచ్‌లో వీవీఐటీయూ జట్టు విజయం సాధించగా, విష్ణు విశ్వవిద్యాలయం జట్టు రన్నరప్‌గా నిలిచింది. పోటీల ముగింపు కార్యక్రమంలో చాన్సలర్‌ వాసిరెడ్డి విద్యాసాగర్‌ ముఖ్యఅతిథిగా హాజరై విజేతగా నిలిచిన వీవీఐటీయూ జట్టుకు, రన్నరప్‌గా నిలిచిన విష్ణు విశ్వవిద్యాలయం జట్టుకు ట్రోఫీలు, మెమొంటోలు, ప్రశంసా పత్రాలను అందజేశారు. రిజిస్ట్రార్‌ డాక్టర్‌ వై.మల్లికార్జునరెడ్డి, అకాడమిక్‌ డీన్‌ డాక్టర్‌ కె.గిరిబాబు, ఫిజికల్‌ డైరెక్టర్స్‌ డాక్టర్‌ ఎన్‌.అరుణ్‌ కుమార్‌, ప్రకాష్‌ పాల్గొన్నారు.

చీకటి గోపి మృతిపై కేసు నమోదు తాడికొండ: తాడికొండ మండలం పొన్నెకల్లు గ్రామానికి చెందిన చీకటి గోపిని కేసు విచారణలో భాగంగా తాడికొండ పోలీస్‌స్టేషన్‌కు తీసుకొచ్చి కొట్టినట్లు ఆరోపణలు వచ్చిన నేపధ్యంలో మృతుడి భార్య ఇచ్చిన ఫిర్యాదు మేరకు తాడికొండ పోలీస్‌స్టేషన్‌లో మంగళవారం రాత్రి కేసు నమోదు చేశారు. కేసు విచారణాధికారిగా మేడికొండూరు సీఐ మధుసూధనరావును నియమించడంతో ఆయన పోస్టుమార్టం అనంతరం మృతదేహాన్ని కుటుంబ సభ్యులకు అప్పగించారు. అనంతరం విచారణలో భాగంగా బుధవారం సాయంత్రం ఆయన తాడికొండ పోలీస్‌స్టేషన్‌ను సందర్శించారు. ఈ కేసులో పోస్టుమార్టం నివేదిక అనంతరం మృతుడి ఒంటిపై ఉన్న గాయాలకు కారణాలు ఏంటి అనే విషయాలు గుర్తించి బాధ్యులపై చర్యలు తీసుకునే అవకాశం ఉంది. ఇప్పటికే పోలీస్‌ స్టేషన్‌లోని సీసీ టీవీ పుటేజీలను స్వాధీనం చేసుకొని పరిశీలిస్తున్నట్లు సమాచారం. కాగా తెనాలిలో అవినీతి ఆరోపణలు ఎదుక్కొని వీఆర్‌లో ఉంటూ తాడికొండకు పోస్టింగ్‌పై వచ్చిన ఓ కానిస్టేబుల్‌తో పాటు తాడికొండలో సుదీర్ఘ కాలంగా పనిచేస్తున్న మరో కానిస్టేబుల్‌ కేసు విచారణలో భాగంగా మృతుడిని కొట్టినట్లు ఆరోపణలు వినిపిస్తున్నాయి. పోస్టుమార్టం పూర్తి నివేదిక అంది విచారణ జరిగితే కానీ విషయాలు బయటకు వచ్చే అవకాశం లేదు. పోస్టుమార్టం ప్రక్రియ వీడియో రికార్డింగ్‌.. గుంటూరు మెడికల్‌: చోరీ కేసులో విచారణ నిమిత్తం పోలీసు స్టేషన్‌కు వెళ్లిన తాడికొండ మండలం పొన్నెకల్లు గ్రామానికి చెందిన చీకటి గోపి గుంటూరు జీజీహెచ్‌లో మంగళవారం మృతిచెందడంతో కుటుంబ సభ్యులు గుంటూరు జీజీహెచ్‌లో ఆందోళన చేసిన విషయం విధితమే. పోలీసుల లాఠీ చార్జి వల్లే గోపి చనిపోయాడంటూ కుటుంబ సభ్యులు, బంధువులు ఆరోపించడంతో బుధవారం గోపి పోస్టుమార్టం ప్రక్రియను వీడియో రికార్డింగ్‌ ద్వారా పూర్తి చేశారు. కొనసాగుతున్న సీనియర్‌ వైద్యుల నిరసన గుంటూరు మెడికల్‌: గవర్నమెంట్‌ డాక్టర్స్‌ అసోసియేషన్‌ ఆఫ్‌ ఏపీ ఆధ్వర్యంలో ఆగస్టు 19 నుంచి రాష్ట్ర వ్యాప్తంగా కొనసాగుతున్న నిరసన కార్యక్రమంలో భాగంగా గుంటూరు మెడికల్‌ కాలేజ్‌, ప్రొఫెసర్లు బుధవారం గుంటూరు ప్రభుత్వ ఆసుపత్రి వద్ద ధర్నా చేపట్టారు. ఈ సందర్భంగా గుంటూరు మెడికల్‌ కాలేజీ వైద్యుల సంఘం అధ్యక్షుడు డాక్టర్‌ దేవ కుమార్‌ మాట్లాడుతూ 2016 నుంచి రావాల్సిన జీతం బకాయిలు చెల్లించాలని, 2026 జనవరి నుంచి ఇవ్వాల్సిన 8వ యూజీసీ వేతనాల సవరణ, ఇతర డిగ్రీ కాలేజ్‌ బోధకులకు ఇచ్చినట్లే, యథావిధిగా అమలు చేయాలని డిమాండ్‌ చేశారు. కార్యక్రమంలో డాక్టర్‌ రాజా కుమార్‌, డాక్టర్‌ గాజుల రామకృష్ణ, డాక్టర్‌ స్వరూప్‌ కాంత్‌, డాక్టర్‌ ఉషారాణి, డాక్టర్‌ కమల రాజేశ్వరి, సునీత పాల్గొన్నారు.

ఏఎన్‌యూ(పెదకాకాని): ఏఎన్‌యూ అభివృద్ధిలో పూర్వ విద్యార్థులు భాగస్వాములు కావాలని వర్సిటీ వీసీ ఆచార్య కె. గంగాధరరావు అన్నారు. ఆచార్య నాగార్జున విశ్వవిద్యాలయంలో స్వర్ణోత్సవాలలో భాగంగా పూర్వ విద్యార్థుల సమ్మేళనం బుధవారం వర్సిటీ ప్రాంగణంలో ఘనంగా జరిగింది. దేశ, రాష్ట్రంలోని వివిధ ప్రాంతాల్లో ఉన్న పూర్వ విద్యార్థులు పెద్ద సంఖ్యలో తరలిరావడంతో వర్సిటీ ప్రాంగణం సందడిగా మారింది. పాత మిత్రులను కలుసుకుని, నాటి జ్ఞాపకాలను నెమరువేసుకుంటూ పూర్వ విద్యార్థులు ఆనందోత్సాహాలతో గడిపారు. ఈ కార్యక్రమానికి సుప్రీంకోర్టు సీనియర్‌ కౌన్సిల్‌ జస్టిస్‌ జి. రామకృష్ణ ప్రసాద్‌ ముఖ్యఅతిథిగా హాజరయ్యారు. 1976 – 2026 వరకు వివిధ సంవత్సరాల్లో విశ్వవిద్యాలయంలో విద్యనభ్యసించిన విద్యార్థులు సమ్మేళనంలో పాల్గొన్నారు. సహకారం అందించాలి ఈ సందర్భంగా జస్టిస్‌ జి. రామకృష్ణ ప్రసాద్‌ మాట్లాడుతూ విశ్వవిద్యాలయ అభివృద్ధిలో బోధన, బోధనేతర సిబ్బంది పాత్ర అత్యంత కీలకమన్నారు. తమకు విద్యనందించిన విద్యాసంస్థకు పూర్వ విద్యార్థులు తిరిగి ఏమి అందించగలరనే ఆలోచనతో ముందుకు సాగాలని సూచించారు. విద్య, పరిశోధన, మౌలిక వసతులు, విద్యార్థుల సంక్షేమం తదితర రంగాల్లో పూర్వ విద్యార్థులు తమ వంతు సహకారం అందించాలని పిలుపునిచ్చారు. ఉన్నత లక్ష్యాలు ముఖ్యం ఆంధ్రప్రదేశ్‌ ప్రభుత్వ మాజీ మంత్రి, మాజీ ఎమ్మెల్సీ డొక్కా మాణిక్య వరప్రసాద్‌ మాట్లాడుతూ ఆచార్య నాగార్జునను ఆదర్శంగా తీసుకుని విద్యార్థులు ఉన్నత లక్ష్యాలతో ముందుకు సాగాలని సూచించారు. విశ్వవిద్యాలయ ఆర్థిక పరిపుష్టికి తన వంతు సహకారం అందించినట్లు పేర్కొన్నారు. తన రాజకీయ ప్రస్థానానికి విశ్వవిద్యాలయం ఎంతో తోడ్పాటునందించిందని, వర్సిటీలోని గాంధీ అధ్యయన కేంద్రం అభివృద్ధికి కూడా సహకరిస్తానని హామీ ఇచ్చారు. విలువలు నేర్పిన వర్సిటీ మాజీ ఎమ్మెల్సీ టి. జనార్దన్‌ మాట్లాడుతూ విశ్వవిద్యాలయం విద్యార్థులకు కేవలం డిగ్రీలు మాత్రమే కాకుండా జీవితానికి అవసరమైన ఎన్నో విలువలను అందించిందన్నారు. ఐదు దశాబ్దాల అనంతరం పూర్వ విద్యార్థులంతా ఒకే వేదికపై కలుసుకోవడం చారిత్రక ఘట్టమని పేర్కొన్నారు. నేటి విద్యార్థులు విద్యార్హతలతోపాటు మానవతా విలువలను అలవర్చుకుని సమాజానికి ఉపయోగపడే గొప్ప వ్యక్తులుగా ఎదగాలని ఆకాంక్షించారు. ఈ సందర్భంగా రాష్ట్ర సీఐడీ డీజీపీ డాక్టర్‌ ఎస్‌. రవిశంకర్‌ అయ్యనార్‌, రాష్ట్ర ఉన్నత విద్యామండలి వైస్‌ చైర్‌పర్సన్‌ ప్రొఫెసర్‌ కె. రత్న షీలామణి, కార్యదర్శి ప్రొఫెసర్‌ బి. తిరుపతిరావు, మాజీ డీజీపీ బండి మరియాకుమార్‌, ప్రముఖ పారిశ్రామికవేత్త ఎం. ప్రేమ్‌కుమార్‌, వర్సిటీ రెక్టర్‌ ప్రొఫెసర్‌ ఆర్‌. శివరామ్‌ ప్రసాద్‌, రిజిస్ట్రార్‌ ప్రొఫెసర్‌ జి. సింహాచలం తదితరులు ప్రసంగించారు. ఈ కార్యక్రమంలో పాలకమండలి సభ్యులు ఆచార్య త్రిమూర్తిరావు, అన్ని కళాశాలల ప్రిన్సిపాల్స్‌, పూర్వ విద్యార్థుల కమిటీ డైరెక్టర్‌ ప్రొఫెసర్‌ వి. చంద్రశేఖరరావు, అధ్యాపకులు, పూర్వ విద్యార్థులు తదితరులు పాల్గొన్నారు. ఈ సమ్మేళనంలో భాగంగా విశ్వవిద్యాలయంలో విద్యనభ్యసించి వివిధ రంగాల్లో విశిష్ట సేవలు అందిస్తున్న పూర్వ విద్యార్థులను గుర్తించి ఆల్మునై అవార్డులు అందజేశారు. కళాశాలల వారీగా ఎంపిక చేసిన ఏడుగురిని ఘనంగా సత్కరించారు. ఆర్ట్స్‌, కామర్స్‌ అండ్‌ లా కళాశాల నుంచి డాక్టర్‌ రావి వెంకట్రావు, సైన్స్‌ కళాశాల నుంచి ప్రొఫెసర్‌ ఎ.వి. దత్తాత్రేయరావు, ఫార్మసీ కళాశాల నుంచి డాక్టర్‌ టి. వెంకటసుబ్బారావు, ఇంజినీరింగ్‌ కళాశాల నుంచి జి. చంద్రరాజు, ఆర్కిటెక్చర్‌ అండ్‌ ప్లానింగ్‌ కళాశాల నుంచి పి. తరుణ్‌కుమార్‌, ఫిజికల్‌ ఎడ్యుకేషన్‌ కళాశాల నుంచి రాజేశ్వరి, దూరవిద్యా కేంద్రం నుంచి ఎం.ఎస్‌.కె. ప్రసాద్‌లకు పూర్వ విద్యార్థుల పురస్కారాలను అందజేశారు.

● ఏపీ డ్రగ్స్‌ కంట్రోల్‌ అడ్మినిస్ట్రేషన్‌ డెప్యూటీ డైరెక్టర్‌ అనిల్‌ కుమార్‌ ● చలపతిలో 2026–27 విద్యా సంవత్సరానికి ఓరియంటేషన్‌ గుంటూరు రూరల్‌: ఫార్మసీ రంగంలో విద్యార్థులకు అపారమైన అవకాశాలు ఉన్నాయని, ఔషధ నాణ్యత, భద్రత, తయారీ, పంపిణీ నియంత్రణ వ్యవస్థల్లో ఫార్మసిస్టుల పాత్ర అత్యంత కీలకమని ఏపీ డ్రగ్స్‌ కంట్రోల్‌ అడ్మినిస్ట్రేషన్‌ డిప్యూటీ డైరెక్టర్‌ కె.అనిల్‌ కుమార్‌ పేర్కొన్నారు. నగర శివారుల్లోని లాంలో చలపతి ఫార్మసీ కళాశాలలో బుధవారం 2026–27 విద్యా సంవత్సరానికి బీ ఫార్మసీ, ఫార్మా డీ ఎం.ఫార్మసీ తరగతుల ఓరియంటేషన్‌ కార్యక్రమాన్ని నిర్వహించారు. ఆయన మాట్లాడుతూ ఔషధం తయారీ దశ నుంచి రోగికి చేరే వరకు అనేక నాణ్యతా ప్రమాణాలు, నియంత్రణ నిబంధనలు పాటించాల్సి ఉంటుందని, అందువల్ల విద్యార్థులు డ్రగ్‌ రెగ్యులేషన్‌, క్వాలిటీ కంట్రోల్‌, క్వాలిటీ అస్యూరెన్స్‌, గుడ్‌ మ్యానుఫ్యాక్చరింగ్‌ ప్రాక్టీసెస్‌ వంటి అంశాలపై లోతైన అవగాహన పెంచుకోవాలని సూచించారు. గవర్నమెంట్‌ ఉమెన్‌న్స్‌ కాలేజ్‌ రిటైర్డ్‌ ప్రొఫెసర్‌ ప్రొఫెసర్‌ బి.వరలక్ష్మి మాట్లాడుతూ విద్యార్థి జీవితంలో కళాశాల దశ అత్యంత కీలకమైనదని, ఈ దశలో సంపాదించే జ్ఞానంతో పాటు వ్యక్తిత్వం, ఆలోచనా విధానం విలువలు భవిష్యత్తును నిర్ణయిస్తాయన్నారు. డ్రగ్స్‌ కంట్రోల్‌ అడ్మినిస్ట్రేషన్‌ అసిస్టెంట్‌ డైరెక్టర్‌ డి.లక్ష్మణ్‌ మాట్లాడుతూ ఫార్మసీ విద్యార్థులు భవిష్యత్తులో ప్రజల ఆరోగ్యంతో నేరుగా సంబంధం కలిగిన బాధ్యతాయుతమైన వత్తిలోకి ప్రవేశించబోతున్నారన్నారు. యూనియన్‌ బ్యాంక్‌ ఆఫ్‌ ఇండియా, రీజినల్‌ ఆఫీస్‌, గుంటూరు సీనియర్‌ మేనేజర్‌ కిరణ్‌ విక్టర్‌, చలపతి యూనివర్సిటీ ప్రో–చాన్సలర్‌ వై.సుజిత్‌కుమార్‌, కళాశాల ప్రిన్సిపల్‌ ప్రొఫెసర్‌ నాదెండ్ల రామారావు మాట్లాడారు.

నరసరావుపేట ఈస్ట్‌: కాంట్రాక్ట్‌ పారా మెడికల్‌ ఉద్యోగుల న్యాయమైన కోర్కెలను పరిష్కరించాలని కోరుతూ బుధవారం జిల్లాల ఆసుపత్రుల సమన్వయ అధికారి (డీసీహెచ్‌ఎస్‌) కార్యాలయం ఎదుట ఉద్యోగులు ‘టీమ్‌ పల్నాడు– ఏపీ పారా మెడికల్‌ జేఏసీ’ ఆధ్వర్యంలో నిరసన ప్రదర్శన నిర్వహించారు. జిల్లా పరిధిలోని వివిధ ప్రాంతాలలో పనిచేస్తున్న ల్యాబ్‌ టెక్నీషియన్లు, ఇతర పారా మెడికల్‌ కాంట్రాక్ట్‌ ఉద్యోగులు మానవహారంగా ఏర్పడ్డారు. కాంట్రాక్ట్‌ ఉద్యోగులను రెగ్యులరైజేషన్‌ చేయాలని, వంద శాతం గ్రాస్‌ జీతాలు చెల్లించాలని, హెల్త్‌ కార్డులు, పరస్పర బదిలీలు కల్పించాలన్నారు. అనంతరం కార్యాలయంలో వినతి పత్రం సమర్పించారు. గుంటూరు ఎడ్యుకేషన్‌: ప్రభుత్వ, ప్రైవేటు కళాశాలల్లో పీజీ కోర్సుల్లో ప్రవేశాలకు ఏపీ పీజీసెట్‌–2026 నోటిఫికేషన్‌లో పొందుపర్చిన విధంగా ఆన్‌లైన్‌ రిజిస్ట్రేషన్‌ ప్రక్రియ గురువారం ప్రారంభం కానుందని ప్రభుత్వ మహిళా కళాశాల ప్రిన్సిపాల్‌ డాక్టర్‌ డి.కల్యాణి బుధవారం ఒక ప్రకటనలో తెలిపారు. అర్హత కలిగిన విద్యార్థులు వెబ్‌ ఆధారిత కౌన్సెలింగ్‌, సర్టిఫికెట్ల పరిశీలన, రిజిస్ట్రేషన్‌ ప్రక్రియలను ఈనెల 8వ తేదీలోగా ఆన్‌లైన్‌లో పూర్తి చేయాలని సూచించారు. ఏపీ పీజీసెట్‌లో ఉత్తీర్ణులై, ప్రభుత్వ కళాశాలల్లో ప్రవేశం పొందిన విద్యార్థులకే ఫీజు రీయింబర్స్‌మెంట్‌ వర్తిస్తుందని తెలిపారు. ప్రభుత్వ మహిళా కళాశాలలో పీజీలో ఎమ్మెస్సీ జువాలజీ, కెమిస్ట్రీ, ఎకనామిక్స్‌ కోర్సులు అందుబాటులో ఉన్నాయని, ఏపీ పీజీసెట్‌లో ఉత్తీర్ణులైన విద్యార్థినులు ఈ అవకాశాన్ని సద్వినియోగం చేసుకోవాలని పేర్కొన్నారు. తెనాలి: దుబాయ్‌లో జరగనున్న సీపీఎల్‌ టీ20 క్రికెట్‌ లీగ్‌ పోటీలకు తెనాలికి చెందిన పల్నాటి నాగరాజు ఎంపికయ్యారు. చాంపియన్‌ స్పోర్ట్స్‌ అకాడమీ డైరెక్టర్‌ పిల్ల శరత్‌ ఈ మేరకు సమాచారం పంపారు. గత ఆగస్టు నెలలో తునిలో సీపీఎల్‌ టీ20 క్రికెట్‌ లీగ్‌ నిర్వహించారు. తొలి సీజనులో ప్రతిభ చాటిన 24 మందిని దుబాయ్‌లో జరిగే టీ 20, వన్డే మ్యాచ్‌లకు ఎంపిక చేశామని తెలిపారు. ఐద్వా ఏపీ రాష్ట్ర కార్యదర్శి రమాదేవి ప్రత్తిపాడు: మహిళల హక్కులను కాపాడుకోవాల్సిన బాధ్యత మనందరిపైనా ఉందని ఐద్వా ఏపీ రాష్ట్ర కార్యదర్శి డి.రమాదేవి అన్నారు. వట్టిచెరుకూరు మండలం పుల్లడిగుంట మలినేని లక్ష్మయ్య మహిళా ఇంజినీరింగ్‌ కళాశాలలో ఇండక్షన్‌ కార్యక్రమాలు 15వ రోజుకు చేరాయి. బుధవారం మధ్యాహ్నం రమాదేవి విద్యార్థులతో ముఖాముఖిలో పాల్గొన్నారు. హక్కులపై అవగాహన పెంపొందించుకుని, ఆత్మవిశ్వాసంతో ముందుకు సాగాలని సూచించారు. చుండి రంగనాయకులు కళాశాల రిటైర్డ్‌ ప్రిన్సిపాల్‌ టి.వెంకట నారాయణ మాట్లాడుతూ విద్యార్థులు ఉన్నత లక్ష్యాలను ఏర్పరచుకుని, క్రమశిక్షణతో విద్యను అభ్యసించాలన్నారు. నగరంపాలెం: ప్రజలు, ప్రభుత్వ అధికారులకు కొంత మంది వ్యక్తులు అవినీతి నిరోధక శాఖ(ఏసీబీ) అధికారుల పేర్లు, హోదాలను ఫోన్‌ కాల్‌ ద్వారా తెలియజేసి డబ్బులు డిమాండ్‌ చేస్తున్నట్లు తెలిసిందని ఉమ్మడి గుంటూరు జిల్లా ఏసీబీ అధికారులు బుధవారం ఒక ప్రకటనలో తెలిపారు. అటువంటి నకిలీ ఫోన్‌ కాల్స్‌ను ఎట్టి పరిస్థితుల్లోనూ నమ్మవద్దని సూచించారు. వ్యక్తిగత/ బ్యాంక్‌ ఖాతా వివరాలు, ఓటీపీలు, పీన్‌లు, ఇతరత్రా రహస్య సమాచారాన్ని తెలియజేయవద్దని తెలిపారు. అనుమానాస్పద ఫోన్‌ కాల్స్‌ లేదా మెసేజ్‌లు వస్తే స్థానిక పోలీస్‌స్టేషన్‌లోగానీ ఏసీబీ టోల్‌ఫ్రీ నంబర్‌ 1064, ఏఎస్పీ 94913 05638, డీఎస్పీ 92465 37807 ఫోన్‌ నంబర్లకు సమాచారం అందించాలని కోరారు.

సాక్షి, గుంటూరు: పెదకాకాని ఆలయ మంగళ సూత్రం మాయంలో కేసులో ట్విస్ట్‌ చోటుచేసుకుంది. అర్చకుడు రణధీర్‌ను పోలీసులు అదుపులోకి తీసుకున్నారు. పోలీసులపై రణధీర్‌ కుటుంబ సభ్యులు సంచలన ఆరోపణలు చేశారు. 20 రోజులుగా రణధీర్‌ను పోలీసులు వేధిస్తున్నారని కుటుంబసభ్యులు ఆవేదన వ్యక్తం చేశారు.మూడు రోజులుగా పోలీస్‌ స్టేషన్‌లో చిత్రహింసలు పెట్టారని.. దొంగతనం ఒప్పుకోవాలంటూ ఒత్తిడి చేశారంటూ రణధీర్‌ తల్లి మల్లేశ్వరి ఆరోపించారు. ‘‘ఇంట్లో సోదాల పేరుతో మంగళసూత్రం పెట్టారు. రణధీర్‌ను దొంగగా చిత్రీకరిస్తున్నారు. మా అబ్బాయి దొంగతనం చేయలేదు’’ అని రణధీర్‌ తల్లి పేర్కొన్నారు.అమ్మవారి మంగళసూత్రం తానే దొంగతనం చేశానని రణధీర్‌ను ఒప్పుకోమని పోలీసులు చిత్రహింసలకు గురి చేశారు. మేము కోర్టులో హెబియస్‌ కార్పస్ పిటిషన్‌ దాఖలు చేశాము. ఈ విషయం తెలుసుకుని వెంటనే పోలీసులు రణధీర్‌ను వదిలేశారు. ఇవాళ మధ్యాహ్నం ఒంటిగంట సమయంలో పోలీసులు బలవంతంగా మా ఇంట్లో ప్రవేశించారు. ఇళ్లంతా సోదా చేస్తున్నట్టు హడావుడి చేశారు. మా అబ్బాయి దొంగకు కాదు. మంగళసూత్రం దొంగతనం చేయలేదు. పోలీసులే మా ఇంట్లో మంగళసూత్రం పెట్టి.. రణధీర్ దొంగతనం చేసినట్టు చిత్రీకరిస్తున్నారు. దయచేసి మా అబ్బాయిని కాపాడండి’’ అంటూ రణధీర్ తల్లి ఆవేదన వ్యక్తం చేశారు.

సాక్షి, తాడేపల్లి: డాక్టర్‌ వైఎస్‌ రాజశేఖర్‌రెడ్డి 17వ వర్ధంతి సందర్భంగా.. తెలుగు రాష్ట్రాల్లో ఆయన అభిమానులు, పలువురు నేతలు ఆయన్ని స్మరించుకుంటున్నారు. వైఎస్సార్‌సీపీ అధినేత, మాజీ సీఎం వైఎస్‌ జగన్‌మోహన్‌రెడ్డి సోషల్‌ మీడియా వేదికగా ఓ భావోద్వేగ సందేశాన్ని పోస్టు చేశారు. “మిస్‌ యూ ఆల్వేస్‌, డాడ్‌! యూ విల్‌ ఫరెవర్‌ బీ మై ఇన్‌స్పిరేషన్‌” అంటూ తండ్రిని తలచుకున్నారు.వైఎస్సార్‌ తనకు ఎప్పటికీ స్ఫూర్తిగా నిలుస్తారని జగన్‌ పేర్కొన్నారు. తండ్రితో తనకున్న అనుబంధాన్ని గుర్తుచేసుకుంటూ.. ఆయన జ్ఞాపకాలను స్మరించారు. అంతకు ముందు.. వైఎస్సార్‌ వర్ధంతి సందర్భంగా ఇడుపులపాయలోని వైఎస్సార్‌ ఘాట్‌ వద్ద వైఎస్‌ జగన్‌ కుటుంబ సభ్యులతో, పార్టీ కేడర్‌తో కలిసి నివాళులర్పించిన విషయం తెలిసిందే.Miss you always, Dad! You’ll forever be my inspiration. pic.twitter.com/4e9pkYxlem— YS Jagan Mohan Reddy (@ysjagan) September 2, 2026ఉమ్మడి ఆంధ్రప్రదేశ్‌ ప్రజల గుండెల్లో చెరగని ముద్ర వేసిన వ్యక్తి దివంగత ముఖ్యమంత్రి వైఎస్‌ రాజశేఖరరెడ్డి. పేదలు, బడుగు బలహీన వర్గాల సంక్షేమమే ధ్యేయంగా పాలన సాగించిన ఆయన.. ప్రజల మనసుల్లో ‘వైఎస్సార్‌’ను చిరస్థాయిగా నిలబెట్టింది. అయితే 2009 సెప్టెంబర్‌ 2న జరిగిన హెలికాప్టర్‌ ప్రమాదంలో ఆయన కన్నుమూశారు. ఆయన మృతికి నేటితో పదిహేడేళ్లు పూర్తయ్యాయి. ఈ సందర్భంగా వైఎస్సార్‌ను స్మరించుకుంటూ తెలుగు రాష్ట్రాల్లో నివాళులర్పిస్తున్నారు.ఇటు వైఎస్సార్‌ వారసుడిగా రాజకీయాల్లోకి వచ్చిన వైఎస్‌ జగన్‌మోహన్‌రెడ్డి.. ఆయన అడుగుజాడల్లోనే సంక్షేమానికి పెద్దపీట వేశారు. తన తండ్రి ఆశయాలను కొనసాగిస్తూ ఏపీకి ముఖ్యమంత్రిగా పేదలు, మహిళలు, రైతులు, విద్యార్థులు, వివిధ వర్గాల కోసం అనేక సంక్షేమ పథకాలను అమలు చేశారు.ఇదీ చదవండి: మరపురాని మహానేత

గుంటూరు ఎడ్యుకేషన్‌: ఇన్‌స్పైర్‌ మానక్‌ వేదికను ఉపయోగించుకుని అన్వేషణాత్మక ఆలోచనలు కలిగిన విద్యార్థులను ఇన్‌స్పైర్‌ చేసి బాల శాస్త్రవేత్తలుగా ఎదిగే విధంగా ప్రోత్సహించాలని జిల్లా విద్యాశాఖాధికారి డాక్టర్‌ షేక్‌ సలీమ్‌ బాషా ఉపాధ్యాయులకు సూచించారు. మంగళవారం పాత బస్టాండ్‌ సెంటర్లోని జిల్లా పరీక్ష భవన్‌లో ఇన్‌స్పైర్‌ మానక్‌పై ఉపాధ్యాయులకు శిక్షణ కార్యక్రమాన్ని నిర్వహించారు. సమావేశానికి జిల్లా సైన్స్‌ అధికారి షేక్‌ గౌసుల్‌ మీరా అధ్యక్షత వహించారు. డీఈఓ మాట్లాడుతూ ఆరో తరగతి నుంచి 12వ తరగతి వరకు చదువుతున్న విద్యార్థుల్లో గట్టి ఆలోచనలు ఉంటాయని, వాటికి పదును పెడితే బాల శాస్త్రవేత్తలు తయారవుతారని అన్నారు. స్థానిక సమస్యలకు పరిష్కారాన్ని చూపే వినూత్నమైన ప్రాజెక్టులను నామినేషన్లలో చోటు కల్పించాలని కోరారు. గుంటూరు జిల్లాలోని ప్రభుత్వ, ప్రైవేటు ప్రాథమికోన్నత పాఠశాల నుంచి మూడు, ఉన్నత పాఠశాలలు, హైస్కూల్‌ ప్లస్‌ పాఠశాలల నుంచి ఐదు నామినేషన్లు తప్పనిసరిగా సమర్పించాలన్నారు. నేషనల్‌ ఇన్నోవేషన్‌ ఫౌండేషన్‌ వినూత్న ప్రాజెక్టులనే ఎంపిక చేసి ప్రాజెక్టు తయారీకి రూ.10 వేలు చొప్పున అవార్డును ప్రకటిస్తారన్నారు. గుంటూరు ఉప విద్యాశాఖాధికారి జి.ఏసురత్నం మాట్లాడుతూ సమాజ శ్రేయస్సు కోసం విద్యార్థుల్లో శాసీ్త్రయ విజ్ఞానాన్ని పెంపొందించాలని అన్నారు. కార్యక్రమంలో రీసోర్సు పర్సన్లు అప్పారావు, శివ శంకరరావు, మల్లికార్జునరావు, గంగాధర్‌, వెంకటేశ్వరరావు, భాస్కరరావు, గుంటూరు, తెనాలి డివిజన్ల నుంచి 200 మంది సైన్స్‌ ఉపాధ్యాయులు పాల్గొన్నారు. డీఈఓ సలీమ్‌ బాషా

తాడికొండ: ఏపీ సీఆర్‌డీఏ అడిషనల్‌ కమిషనర్‌ టి.రాహుల్‌కుమార్‌రెడ్డికు రాష్ట్ర గవర్నవర్‌ అబ్దుల్‌ నజీర్‌ గోల్డ్‌ మెడల్‌ను మంగళవారం అందజేశారు. విజయవాడ తుమ్మలపల్లి కళాక్షేత్రంలో ఇండియన్‌ రెడ్‌క్రాస్‌ సొసైటీ ఆధ్వర్యంలో జరిగిన కార్యక్రమంలో రాష్ట్ర గవర్నర్‌ ఎస్‌.అబ్దుల్‌ నజీర్‌ చేతుల మీదుగా రాహుల్‌ కుమార్‌రెడ్డి మెడల్‌ అందుకున్నారు. పశ్చిమగోదావరి జిల్లాలో విధులు నిర్వహించిన సమయంలో రెడ్‌క్రాస్‌ సేవల విస్తరణ, నిధుల సమీకరణ, జూనియర్‌, యూత్‌ రెడ్‌క్రాస్‌ సభ్యత్వ నమోదులో విశేష కృషి చేసినందుకుగాను, రెడ్‌క్రాస్‌ సేవల్లో విశేష కృషికి గుర్తింపుగా రాహుల్‌ కుమార్‌రెడ్డికు ఈ పురస్కారం లభిందించారు. గవర్నర్‌ గోల్డ్‌ మెడల్‌ అందుకున్న రాహుల్‌కుమార్‌రెడ్డికి అధికారులు, సిబ్బంది అభినందనలు తెలిపారు. ఫిట్‌నెస్‌తోనే సమర్థ పోలీసింగ్‌ మంగళగిరి రూరల్‌: ఫిట్‌నెస్‌, క్రీడలను పోలీసు సిబ్బంది వృత్తి జీవితంలో భాగం చేసుకోవాలని డీజీపీ హరీష్‌కుమార్‌ గుప్తా సూచించారు. శారీరక దృఢత్వం, మానసిక అప్రమత్తత పోలీసు విధుల్లో కీలకమన్నారు. మంగళగిరిలోని ఏపీఎస్పీ 6వ బెటాలియన్‌న్‌ మైదానంలో మంగళవారం తొలి ఏపీ స్టేట్‌ పోలీస్‌ స్పోర్ట్స్‌ అండ్‌ గేమ్స్‌ మీట్‌–2026ను ప్రారంభించారు. శాంతి కపోతాలు, బెలూన్లను గాలిలోకి ఎగురవేసి క్రీడా పోటీలకు శ్రీకారం చుట్టారు. రాష్ట్రంలోని వివిధ పోలీసు రేంజ్‌లు, యూనిట్లకు చెందిన 16 జట్ల నుంచి సుమారు 1,900 మంది క్రీడాకారులు పోటీల్లో పాల్గొంటున్నారని తెలిపారు. సెప్టెంబరు 1 నుంచి 4వ తేదీ వరకు నాలుగు రోజులపాటు జరిగే ఈ క్రీడా పోటీలకు వీఐటీ– ఏపీ విశ్వవిద్యాలయం, ఆచార్య నాగార్జున విశ్వవిద్యాలయం మైదానాలు వేదికలుగా నిలుస్తున్నాయి. కార్యక్రమంలో పలువురు అదనపు డీజీపీలు మధుసూదన్‌రెడ్డి, ఆకే రవికృష్ణ,, బి.రాజకుమారి, సీహెచ్‌ శ్రీకాంత్‌, కేవీ మోహన్‌రావు, డీఐజీలు అన్బురాజన్‌, అమ్మిరెడ్డి, గుంటూరు జిల్లా ఎస్పీ వకుల్‌ జిందాల్‌ పాల్గొన్నారు. బోనబోయిన కేసులో నిందితుడి అరెస్టు గుంటూరు రూరల్‌: తనను ఇన్నర్‌ రింగ్‌రోడ్డు రెడ్డిపాలేనికి కు చెందిన కొందరు హత్య చేయాలని ప్రయత్నిస్తున్నారని బోనబోయిన శ్రీనివాసరావు యాదవ్‌ చేసిన ఫిర్యాదు మేరకు నిందితులను నల్లపాడు పోలీసులు అరెస్ట్‌ చేశారు. మంగళవారం నగరంలోని సౌత్‌ సబ్‌డివిజన్‌ డీఎస్పీ పూర్ణచంద్రరావు తెలిపిన వివరాల ప్రకారం బోనబోయిన ఫిర్యాదు మేరకు కేసు నమోదు చేసి దర్యాప్తు ప్రారంభించిన నల్లపాడు పోలీసులు ఇప్పటికే ఇద్దరిని అరెస్ట్‌ చేసి రిమాండ్‌కు తరలించారన్నారు. మరో నిందితుడు కంకర నరేంద్రరెడ్డిని మంగళవారం అరెస్ట్‌ చేసినట్లు తెలిపారు. నరేంద్రను కోర్టులో హాజరుపరచగా ఈనెల 11వ తేదీ వరకూ రిమాండ్‌ విధించినట్లు తెలిపారు. అనంతరం నిందితుడిని నెల్లూరు జైలుకు తరలించామన్నారు. కేసు ఛేదనలో ప్రతిభ చూపిన నల్లపాడు పోలీసులను డీఎస్పీ అభినందించారు. సంతకాలు సేకరించి నిరసన తెలిపిన కాంట్రాక్టు వైద్య సిబ్బంది గుంటూరు మెడికల్‌: ఆంధ్రప్రదేశ్‌ మెడికల్‌ అండ్‌ హెల్త్‌ కాంట్రాక్టు ఎంప్లాయీస్‌ జాయింట్‌ యాక్షన్‌ కమిటీ ఆధ్వర్యంలో మంగళవారం గుంటూరు జీజీహెచ్‌లో సూపరింటెండెంట్‌ కార్యాలయం ఎదుట పలువురు వైద్య సిబ్బంది సంతకాల సేకరణ కార్యక్రమం చేపట్టి వినూత్న తరహాలో నిరసన తెలిపారు. కాంట్రాక్టు ఉద్యోగులను రెగ్యులర్‌ చేయాలని, ఉద్యోగాలు రెగ్యులరయ్యే వరకు నూరు శాతం గ్రాస్‌ శాలరీ చెల్లించాలని, కాంట్రాక్టు ఉద్యోగులకు బదిలీ అవకాశం కల్పించాలని డిమాండ్‌ చేశారు. సంతకాల సేకరణ కార్యక్రమంలో స్టాఫ్‌నర్సులు రమాదేవి, రేణుక, భార్గవి, శ్రీలక్ష్మి, ల్యాబ్‌ టెక్నీషియన్లు చారి, సుధ, రమేష్‌, సుధాకర్‌, శివలక్ష్మి, ఖాసీం, ఫార్మాసిస్టులు సుజాత, చంద్రకళ, శ్రీలక్ష్మి, సౌజన్యం, నాగుల్‌మీరా, ఇతర పారా మెడికల్‌ సిబ్బంది పాల్గొన్నారు.

పోలీసులపై చర్యలు తీసుకోవాలి న్యాయం జరిగేంత వరకు పోరాటం ● విచారణ నిమిత్తం పోలీసు స్టేషన్‌కు వెళ్లి.. అనంతరం జీజీహెచ్‌లో చికిత్స పొందుతూ మృతిచెందిన గోపి ● మృతుడి కుటుంబ సభ్యులను పరామర్శించిన వైఎస్సార్‌ సీపీ నేతలు ● బాధితులకు అండగా ఉంటామని హామీ గుంటూరు మెడికల్‌: చోరీ కేసులో విచారణ నిమిత్తం పోలీస్‌స్టేషన్‌కు వెళ్లిన తాడికొండ మండలం పొన్నెకల్లు గ్రామానికి చెందిన చీకటి గోపి (30) గుంటూరు జీజీహెచ్‌లో చికిత్స పొందుతూ మంగళవారం మృతిచెందిన వైనంపై కుటుంబ సభ్యులు ఆస్పత్రి గేటు వద్ద మృతదేహం పెట్టుకుని ఆందోళన చేశారు. గోపి భౌతికకాయాన్ని వైఎస్సార్‌ సీపీ తాడికొండ నియోజకవర్గ ఇన్‌చార్జి వనమా బాలవజ్రబాబు, వేమూరు నియోజకవర్గ ఇన్‌చార్జి వరికూటి అశోక్‌బాబులు సందర్శించి నివాళుల ర్పించారు. గోపి మృతికి గల కారణాలను కుటుంబ సభ్యులను అడిగి తెలుసుకున్నారు. పోలీసులు జ్వరంతో ఉన్న గోపీని వీపుపై, కాళ్లపై బాగా కొట్టారని, జీజీహెచ్‌లో వైద్యులు, వైద్య సిబ్బంది ఆక్సిజన్‌ పెట్టాలని బతిమిలాడినా నిర్లక్ష్యంగా ఉండటం వల్లే గోపి చనిపోయాడని కుటుంబ సభ్యులు వైఎస్సార్‌సీపీ నేతల వద్ద తమ గోడు వెళ్లబోసుకున్నారు. బాధితులకు అన్ని విధాల అండగా ఉంటామని, పోలీసులపై కేసు నమోదు చేసేవరకు న్యాయపోరాటం చేస్తామని హామీ ఇచ్చారు. అనంతరం మీడియాతో మాట్లాడారు. జ్వరంతో ఉన్న గోపిని పోలీసులు భయపెట్టి పోలీసు స్టేషన్‌కు పిలిపించి చోరీతో సంబంధం లేకపోయినా చావగొట్టారు. పోలీసులు కొట్టారనడానికి వంటి మీద గాయాలే సాక్ష్యం. కొట్టిన అనంతరం అనారోగ్యంతో ఉన్న గోపికి చికిత్స చేయించకుండా ఏమీ కొట్టనట్లుగా కుటుంబ సభ్యులకు అప్పగించారు. ఈసంఘటన చూస్తుంటే ఆంధ్ర రాష్ట్రంలో పోలీసు వ్యవస్థ ఎంత దుర్మార్గంగా ఉందో అర్ధం చేసుకోవచ్చు. దళితుడు, చిన్న కుటుంబానికి చెందిన గోపి పట్ల పోలీసులు విచక్షణా రహితంగా ప్రవర్తించారు. దిక్కులేని వ్యక్తిని చూసినట్లుగా గోపిని పోలీసులు చూడడం చాలా బాధాకరం. చోరీతో సంబంధం లేని వ్యక్తిని చావగొట్టి, నడుము కింది భాగం, కాళ్లు పూర్తిగా పనిచేయకపోయినా పట్టించుకోకుండా ఆసుపత్రిలో చేర్పించకుండా కనీస జాలి, దయ చూపించకుండా కుటుంబ సభ్యులకు వదిలేయడం చాలా బాధాకరం. గోపికి మృతికి కారణమైన పోలీసులను తక్షణమే సస్పెండ్‌చేయాలి. విచారణ జరిపి చర్యలు తీసుకోవాలి. విజయవాడ లాకప్‌ డెత్‌ సంఘటన మరువకముందే మళ్లీ గుంటూరులో పోలీసులు ఇలా ప్రవర్తించడం దారుణం. గోపి కుటుంబానికి వైఎస్సార్‌ సీపీ అండగా ఉంటుంది. గోపి కుటుంబానికి న్యాయం జరిగేంత వరకు వైఎస్సార్‌ సీపీ అండగా ఉంటుంది. దీనిపై ఎస్పీకి ఫిర్యాదు చేస్తాం. – వనమా బాలవజ్రబాబు, వైఎస్సార్‌ సీపీ తాడికొండ నియోజకవర్గ ఇన్‌చార్జి గోపిపై పోలీసు స్టేషన్‌లో కేసు నమోదు చేయకుండా పోలీసులు ఎందుకు తీసుకెళ్లి విచారణ చేసి చావగొట్టారు. పార్టీలకతీతంగా గోపికి అండగా ఉండి న్యాయం జరిగే వరకు పోరాటం చేస్తాం. – వరికూటి అశోక్‌బాబు, వైఎస్సార్‌ సీపీ వేమూరు ఇన్‌చార్జి

జాయింట్‌ కలెక్టర్‌ అశుతోష్‌ శ్రీవాస్తవ గుంటూరు వెస్ట్‌: జిల్లా రైతు బజార్లలో తగ్గింపు ధరలతో బియ్యం విక్రయాలు జరుగుతున్నాయని జాయింట్‌ కలెక్టర్‌ అశుతోష్‌ శ్రీవాస్తవ తెలిపారు. ధరల పర్యవేక్షక కమిటీ సమావేశం మంగళవారం స్థానిక కలెక్టరేట్‌లోని డీఆర్సీ సమావేశ మందిరంలో నిర్వహించారు. జేసీ మాట్లాడుతూ రైతు బజార్లలో తగ్గింపు ధరలతో రెండు రకాల బీపీటీ రకం బియ్యం –స్టీమ్‌, పచ్చి బియ్యం విక్రయించడం జరుగుతుందన్నారు. ఆధార్‌ కార్డు కానీ లేదా రేషన్‌ కార్డు కానీ చూపించి 10 కిలోల వరకు పొందవచ్చని తెలిపారు. ఆయిల్‌ ఫెడ్‌ ద్వారా వంట నూనెలు తగ్గింపు ధరలలో రైతు బజార్లలో అందుబాటులో తెచ్చే విధంగా చర్యలు తీసుకోవాలని జిల్లా పౌర సరఫరాల అధికారిని ఆదేశించారు. ఉల్లిపాయల విక్రయాలు విక్రయాలు పట్ల పౌరసరఫరాల కమిషనర్‌ ను కోరతామని తెలిపారు. సమావేశంలో జిల్లా వ్యవసాయ అధికారి ఎం.పద్మావతి, వ్యవసాయ మార్కెటింగ్‌ శాఖ సహాయ సంచాలకులు పి.సత్యనారాయణ చౌదరి, డీఎస్‌ఓ కోమలి పద్మ, ఆహార సలహా సంఘం సభ్యులు హరిబాబు పాల్గొన్నారు. గురుకులాల్లో విద్యార్థినులకు రక్షణ కరువు ఐద్వా ఆందోళన తాడేపల్లి రూరల్‌: పార్వతీపురం మన్యం జిల్లాలో గిరిజన, దళిత బాలికల గురుకులాలు, ప్రభుత్వ హాస్టళ్లు, రెసిడెన్షియల్‌ పాఠశాలలు, కళాశాలల్లో వరసగా బాలికలు గర్భిణి దాల్చుతున్న ఘటనలు ఆందోళన కలిగిస్తున్నాయని అత్యంత తీవ్రమైన విషయమని ఐద్వా రాష్ట్ర అధ్యక్ష, కార్యదర్శులు శ్రీదేవి, సావిత్రి ఆందోళన వ్యక్తం చేశారు. ఈ మేరకు తాడేపల్లి రూరల్‌ కొలనుకొండలోని ఐద్వా కార్యాలయం నుంచి మంగళవారం ఒక ప్రకటన విడుదల చేశారు. తమ పరిశీలనలో ఎక్కువ శాతం ఇటువంటి ఘటనలు గిరిజన, దళిత బాలికల హాస్టళ్లలోనే జరుగుతున్నాయని, దీనికి ప్రధాన కారణం హాస్టల్‌, కళాశాలల యాజామాన్యలు, గిరిజన సంక్షేమ శాఖ అధికారుల పర్యవేక్షణ పూర్తి విఫలమవ్వడమేనని తెలిపారు. విద్యార్థినుల భద్రత, ఆరోగ్యం, సంక్షేమంపై నిరంత పర్యవేక్షణ ఉండాల్సిన వ్యవస్థ కాగితాలకే పరిమితమైందని విమర్శించారు. ప్రభుత్వ నిబంధనల ప్రకారం ప్రతి నెల బాలికలకు ఆరోగ్య పరీక్షలు నిర్వహించి, రుతుక్రమం, పోషకాహారం, శారీరక మార్పులు తదితర అంశాలను నమోదు చేయాల్సి ఉన్నప్పటికీ చాలా హాస్టళ్లలో ఈ నిబంధనలు అమలు కావడం లేదని ఆరోపించారు. రెడ్‌బుక్‌ నిర్వహణ, నెలవారీ హెల్త్‌ చెకప్‌లు, కౌన్సెలింగ్‌ వంటి ప్రక్రియలు సక్రమంగా లేకపోవడం వలనే ఇలాంటి ఘటనలు ఆలస్యంగా వెలుగులోకి వస్తున్నాయని ఆందోళన వ్యక్తం చేశారు. ఇలాంటి ఘటనలు పునరావృతమవుతున్నా బాధ్యులపై కఠిన చర్యలు లేకపోవడం వలన నిర్లక్ష్యం కొనసాగుతోందని పేర్కొన్నారు. ఇప్పటికై నా జిల్లా కలెక్టర్‌, ఐటీడనే, గిరిజన సంక్షేమ శాఖ అధికారులు స్పందించి గురుకులాల్లో బాలికల భద్రతకు ప్రత్యే కార్యాచరణ రూపొందించాలని, ఇలాంటి ఘటనలు మళ్లీ జరగకుండా శాశ్వత పర్యవేక్షణ వ్యవస్థను ఏర్పాటు చేయాలని ఆ ప్రకటనలో డిమాండ్‌ చేశారు. క్రెడిట్‌ కార్డు ద్వారా రూ.4.46 లక్షలు నగదు చోరీ లక్ష్మీపురం: క్రెడిట్‌ కార్డు ద్వారా గుర్తు తెలియని వ్యక్తులు రూ.4.46 లక్షలు నగదు బదిలీ చేసుకున్న ఘటనపై అరండల్‌పేట పోలీసులు మంగళవారం రాత్రి కేసు నమోదు చేశారు. పోలీసులు తెలిపిన వివరాల ప్రకారం.. శ్రీనగర్‌కి చెందిన తిరువీధి చెన్నగిరిరావు వ్యాపారం చేస్తూ జీవిస్తుంటాడు. చెన్నగిరిరావుకు ఆర్‌బీఎల్‌ బ్యాంకులో క్రెడిట్‌ కార్డు ఉంది. ఆగస్టు 17న క్రెడిట్‌ కార్డు నుంచి గుర్తు తెలియని వ్యక్తులు ఎలాంటి ప్రమేయం లేకుండానే రూ.4.46 లక్షల నగదును బదిలీ చేసుకున్నారు. దీన్ని గమనించిన బాధితుడు చెన్నగిరిరావు దిక్కుతోచక అరండల్‌పేట పోలీస్‌స్టేషన్‌లో ఫిర్యాదు చేయగా పోలీసులు సైబర్‌ క్రైమ్‌ కింద కేసు నమోదు చేసి దర్యాప్తు చేస్తున్నారు.

గుంటూరు ఎడ్యుకేషన్‌: ఇన్‌ సర్వీస్‌ ఉపాధ్యాయులకు టెట్‌ రద్దు, నిబంధనల సడలింపు డిమాండ్లతో ఈనెల 3న చేపట్టిన చలో విజయవాడ కార్యక్రమంలో ఉపాధ్యాయులు పెద్ద సంఖ్యలో పాల్గొని విజయవంతం చేయాలని యూటీఎఫ్‌ రాష్ట్ర అధ్యక్షుడు నక్కా వెంకటేశ్వర్లు పిలుపునిచ్చారు. మంగళవారం చలో విజయవాడ విజయవంతం కోరుతూ మార్కెట్‌ సెంటర్లోని శ్రీవెంకటేశ్వర విజ్ఞాన మందిరం నుంచి ఉపాధ్యాయుల బైక్‌ ర్యాలీని ప్రారంభించారు. వెంకటేశ్వర్లు మాట్లాడుతూ టెట్‌ను రద్దు, నిబంధనల సవరణ కోరుతూ జిల్లా, తాలూకా కేంద్రాల్లో నిరసనల ద్వారా ప్రభుత్వానికి నిరసన తెలియజేసినా, ఎటువంటి స్పందన లేదన్నారు. ఉపాధ్యాయును తీవ్ర ఆందోళనకు గురి చేస్తున్న ప్రత్యేక్‌ టెట్‌కు వ్యతిరేకంగా చలో విజయవాడకు పిలుపు ఇచ్చినట్లు చెప్పారు. ఉపాధ్యాయ వర్గం పెద్ద ఎత్తున పాల్గొని ప్రభుత్వం కళ్లు తెరిపించాలని పిలుపునిచ్చారు. తమిళనాడు రాష్ట్రం ఇన్‌ సర్వీస్‌ టీచర్లకు టెట్‌ అవసరం లేదని తీర్మానం చేసిన విషయం గుర్తు చేశారు. యూటీఎఫ్‌ రాష్ట్ర ప్రచురణ కమిటీ చైర్మన్‌, పీడీఎఫ్‌ ఉపాధ్యాయ ఎమ్మెల్సీ అభ్యర్థి ఎం.హనుమంతరావు మాట్లాడుతూ సెప్టెంబర్‌ ఒకటి ఉద్యోగుల జీవితాల్లో చీకటి రోజు అని, పాత పెన్షన్‌ విధానాన్ని రద్దు చేసి సీపీఎస్‌ అమల్లోకి తెచ్చిన రోజు అన్నారు. అధికారంలోకి రాకముందు సీపీఎస్‌ రద్దు చేస్తామని, అధికారంలోకి వచ్చాక హామీని తుంగలో తొక్కుతున్నారని ఎద్దేవా చేశారు. కూటమి ప్రభుత్వం సీపీఎస్‌ రద్దుతో పాటు ఇన్‌ సర్వీసు టీచర్లకు టెట్‌ పరీక్ష రద్దుకు అసెంబ్లీలో తీర్మానం చేసి కేంద్ర ప్రభుత్వంపై ఒత్తిడి తేవాలన్నారు. ర్యాలీలో రాష్ట్ర సహాధ్యక్షురాలు ఏఎన్‌ కుసుమ కుమారి, జిల్లా అధ్యక్ష, ప్రధాన కార్యదర్శులు యు.రాజ శేఖరరావు, ఎం.కళాధర్‌, జిల్లా సహాధ్యక్షులు జి.వెంకటేశ్వర్లు, జిల్లా కార్యదర్శులు జి.ఆదినారాయణ, గోవిందు, ప్రసాదు, రంగారావు, కోటిరెడ్డి, ప్రేమ్‌ కుమార్‌, వినోద్‌ పాల్గొన్నారు.

తాడికొండ: భారత్‌–డెన్మార్క్‌ ఇంధన భాగస్వామ్య (ఐఎన్‌డీఈపీ) అమలులో భాగంగా రాజధానిలో మంగళవారం డెన్మార్క్‌ బృందం పర్యటించింది. రాజధానిలో విద్యుత్‌ సరఫరా వ్యవస్థను పటిష్టంగా అభివృద్ధి చేసే అంశాలపై ఏపీసీఆర్‌డీఏ అధికారులు, డెన్మార్క్‌ ప్రతినిధులు చర్చలు జరిపారు. ముఖ్యంగా 33 కేవీ విద్యుత్‌ గ్రిడ్‌ ప్రణాళిక, డిజైన్‌, భవిష్యత్‌ విద్యుత్‌ డిమాండ్‌కు అనుగుణంగా గ్రిడ్‌ సామర్థ్యాన్ని పెంచడం వంటి అంశాలపై చర్చలు చేశారు. అనంతరం అడిషనల్‌ కమిషనర్‌ టి.రాహుల్‌ కుమార్‌రెడ్డి రాయపూడి ప్రధాన కార్యాలయం గ్రౌండ్‌ ఫ్లోర్‌లోని అమరావతి ఇంటిగ్రేటెడ్‌ కమాండ్‌ కంట్రోల్‌ సెంటర్‌(ఏఐసీసీ)లో డిజిటల్‌ ట్విన్‌ ద్వారా అమరావతి అభివృద్ధిని విజువల్‌ సిమ్యులేషన్‌ రూపంలో డెన్మార్క్‌ ప్రతినిధులకు వివరించారు. కార్యక్రమంలో ఏపీసీఆర్‌డీఏ ఆఫీస్‌ మేనేజ్‌మెంట్‌ డైరెక్టర్‌ వల్లభనేని శ్రీనివాస రావు, ఎకనామిక్‌ డెవలప్‌మెంట్‌ విభాగ జాయింట్‌ డైరెక్టర్‌ అంజనా జేమ్స్‌, జనరల్‌ మేనేజర్‌ ఎస్‌.జె.ఎస్‌.స్టీఫెన్‌, ఐటీ విభాగ అడిషనల్‌ డైరెక్టర్‌ కుశ్వంత్‌, ఎగ్జిక్యూటివ్‌ ఇంజినీర్‌ (ఈఎల్‌) ఏ.జెస్సికా రాజేశ్వరి పాల్గొన్నారు.

అభివృద్ధిపై రాజన్నా.. నిను మరువలేమన్నా సాక్షి ప్రతినిధి, గుంటూరు: రాజకీయ ఖిల్లా గుంటూరు జిల్లాపై దివంగత మహానేత డాక్టర్‌ వైఎస్‌ రాజశేఖరరెడ్డి చెరగని ముద్ర వేశారు. గుంటూరు జిల్లాతో ఆయనకు విడదీయరాని అనుబంధం ఉంది. సుదీర్ఘకాలంగా తెలుగుదేశం పార్టీకి కంచుకోటగా ఉన్న జిల్లాలో ఆపార్టీకి అడ్రస్సే గల్లంతయ్యేలా చేశారు. 2004లో దివంగత వైఎస్సార్‌ కర్త, కర్మ, క్రియ అన్నీ తానై వ్యవహరించి జిల్లాలో 19 నియోజకవర్గాల్లో పర్యటించి 18 స్థానాల్లో కాంగ్రెస్‌ అభ్యర్థులు గెలుపొందేలా చేశారు. ప్రభుత్వ కూర్పులోనూ జిల్లాకు పెద్ద పీట వేసి నలుగురికి మంత్రి పదవులు ఇచ్చి జిల్లాను మినీ కేబినెట్‌గా మార్చారు. 2009 ఎన్నికల్లోనూ అదే ప్రభంజనం కొనసాగించారు. అయితే దురదృష్ట పరిణామాల నేపథ్యంలో ఆయన మరణించడంతో జిల్లాలో రాజకీయ పరిస్థితి ఒక్కసారిగా తల్లకిందులైంది. రాజకీయ నాయకుల సంగతి పక్కనపెడితే ప్రజలు మాత్రం మహానేతను గుండెల్లో గూడుకట్టుకుని దైవంగా ఆరాధిస్తున్నారు. ఆయన మరణాన్ని తట్టుకోలేక ఉమ్మడి గుంటూరు జిల్లాలో ఎన్నో గుండెలు ఆగిపోయాయి. బుధవారం దివంగత వైఎస్సార్‌ వర్ధంతి నేపథ్యంలో జిల్లాలో వాడవాడలా కార్యక్రమాలు నిర్దహించేందుకు ఇప్పటికే భారీ ఏర్పాట్లు చేశారు. అనేక పథకాలకు జిల్లా నుంచే శ్రీకారం ముఖ్యమంత్రి హోదాలో దివంత మహానేత వైఎస్సార్‌ ఉమ్మడి జిల్లాలో 57 సార్లు పర్యటించడం విశేషం. వివిధ గొప్ప పథకాలకు ఇక్కడి నుంచే శ్రీకారం చుట్టారు. రాజీవ్‌ పల్లెబాట, ఇందిర ప్రభ, పలు అభివృద్ధి పనుల ప్రారంభోత్సవం ఇలా అనేక కార్యక్రమాల్లో భాగంగా జిల్లాకు వచ్చారు. ఏడాదికి సగటున పది సార్లు మహానేత జిల్లాలో పర్యటించారు. ఇందిరప్రభ, ఇందిరమ్మ ఇళ్లు లాంటి సంక్షేమ కార్యక్రమాలను జిల్లా నుంచే ప్రారంభించారు. జిల్లాలో వందలాది మంది కార్యకర్తలను నేతలుగా తీర్చిదిద్దిన ఘనత దివంగత మహానేతదే. దాదాపుగా జిల్లాలోని అన్ని నియోజకవర్గాల్లో అభిమానులు, అనుచరులు ఉన్న ఏకై క నేతగా, నిత్యం ప్రజల సంక్షేమం కోసం పరితపించిన నేతగా, జిల్లా ప్రజల మదిలో ఆ మహానేత ఎప్పటికీ చిరస్మరణీయుడు. నిరుపేదల పాలిట అపర సంజీవనిగా పేరొందిన ఆరోగ్యశ్రీ పథకాన్ని 2008లో గుంటూరు నుంచే దివంగత మహానేత డాక్టర్‌ వైఎస్సార్‌ ప్రారంభించడం ఆనందించదగ్గ విషయం. గుంటూరు నగరంలోని సాయిభాస్కర్‌ హాస్పిటల్‌లో ఆరోగ్యశ్రీ సేవలను మొట్టమొదటగా ప్రారంభించి అప్రతిహతంగా కొనసాగించారు. అలాగే జిల్లాలో ప్రారంభమైన రాజీవ్‌ ఆరోగ్యశ్రీ ద్వారా 2010 చివరి వరకు 14 లక్షల పై చిలుకు ఆపరేషన్లు జరుగ్గా ఇప్పుడు ఎన్‌టీఆర్‌ వైద్య సేవ ద్వారా వైద్య సేవలు అందక నిరుపేద రోగులు తీవ్ర ఇబ్బందులకు గురవుతున్నారు. జిల్లాకు రాజకీయ ఉన్నతి కల్పించిన మహానేత డాక్టర్‌ వైఎస్సార్‌ రాజన్న మరణంతో జిల్లాలో ఆగిన గుండెలెన్నో అనేక రాష్ట్రస్థాయి పథకాలకు జిల్లా నుంచే శ్రీకారం పులిచింతల ప్రాజెక్ట్‌ వైఎస్సార్‌ పుణ్యమే జిల్లా నుంచే ఆరోగ్యశ్రీ పథకం ప్రారంభం జిల్లాతో దివంగత మహానేతకు విడదీయరాని అనుబంధం మహానేత వర్ధంతికి భారీ ఏర్పాట్లు చేసిన అభిమానులు జిల్లా ప్రజలకు చిరకాల స్వప్నంగా నిలిచిన పులిచింతల ప్రాజెక్టును సాకారం చేసింది మహానేత వైఎస్సారే. అనేక అడ్డంకులు, అవరోధాలు దాటుకుని ముఖ్యమంత్రి అయిన వెంటనే 2004 అక్టోబరు 15న రూ. 682 కోట్ల వ్యయంతో పులిచింతల ప్రాజెక్టుకు శంకుస్థాపన చేశారు. తనదనంతరం పర్యావరణ అనుమతులు లేక ప్రాజెక్టు నిలిచిపోతే ప్రత్యేకదృష్టి నిలిపి, పర్యావరణ అనుమతులు సాధించి 2005 జూన్‌లో పనులను ప్రారంభించి ప్రతినెలా అభివృద్ధిపై సమీక్షించారు. ఆయన మరణంతో పులిచింతల పనులు నత్తనడకన ఏళ్ల తరబడి కొనసాగాయి. అందుకే పులిచింతల పేరు వినగానే జిల్లా వాసులకు మహానేతే గుర్తుకువస్తారు.

తాడేపల్లి రూరల్‌: తాడేపల్లిలోని శాఖా గ్రంథాలయాన్ని ఉమ్మడి గుంటూరు జిల్లా గ్రంథాలయ సంస్థ చైర్మన్‌ భీమనేని వందనాదేవి మంగళవారం ఆకస్మిక తనిఖీ చేశారు. గ్రంథాలయం పనితీరు, అందుబాటులో ఉన్న పుస్తకాలు, సౌకర్యాలపై పాఠకులతో ఆరా తీశారు. పాఠకులకు అవసరమైన పుస్తకాలను రీడర్స్‌ ఆన్‌ డిమాండ్‌ రిజిస్టర్‌లో నమోదు చేయాలని గ్రంథాలయ అధికారి షేక్‌ నాగుర్‌ బాషాకు సూచించారు. గ్రంథాలయానికి ఎక్కువ మంది పాఠకులు వచ్చేటట్లు, ఎక్కువ మంది సభ్యత్వం తీసుకునేటట్లు, చదువరులను ప్రోత్సహించాలని నాగుర్‌ బాషాకు ఆదేశించారు. రికార్డులను పరిశీలించి సంతృప్తి వ్యక్తం చేశారు. ఏఎన్‌యూ(పెదకాకాని): ఏఎన్‌యూ స్వర్ణోత్సవాల సందర్భంగా 1976 నుంచి 2026 వరకు విశ్వవిద్యాలయం సాగించిన 50 ఏళ్ల ప్రస్థానాన్ని ప్రతిబింబించేలా ఫొటో ఎగ్జిబిషన్‌న్‌ను వర్సిటీ డైక్‌మన్‌ ఆడిటోరియంలో ఏర్పాటు చేశారు. ఏఎన్‌యూలో మంగళవారం ఏర్పాటుచేసిన ఫొటో ఎగ్జిబిషన్‌ను వర్సిటీ ఉపకులపతి ప్రొఫెసర్‌ కంచర్ల గంగాధరరావు, రెక్టార్‌ ప్రొఫెసర్‌ ఆర్‌ శివరాంప్రసాద్‌, ప్రొఫెసర్‌ జి సింహాచలం తదితరులు ప్రారంభించారు. వర్సిటీ ఆవిర్భావం నుంచి నేటి వరకూ సాధించిన ప్రగతి, విద్యా, పరిశోధన, క్రీడలు, సాంస్కృతిక రంగాల్లో నమోదైన విజయాలు, ప్రముఖుల సందర్శనలు, ముఖ్యమైన కార్యక్రమాలు, విశ్వవిద్యాలయ అభివృద్ధికి సంబంధించిన కీలక ఘట్టాలను అరుదైన ఛాయాచిత్రాల రూపంలో ప్రదర్శనలో పొందుపరిచారు. పూర్వ విద్యార్థులు, అధ్యాపకులు, సిబ్బంది, ప్రస్తుత విద్యార్థులు ఆసక్తిగా తిలకిస్తున్నారు. కార్యక్రమంలో ఫార్మసీ కళాశాల ప్రిన్సిపల్‌ ప్రొఫెసర్‌ తేజోమూర్తి, ఫొటోగ్రాఫర్‌ సునీల్‌ కుమార్‌ తదితరులు పాల్గొన్నారు. అమరావతి: ప్రసిద్ధ శైవ క్షేత్రమైన అమరావతి అమరేశ్వరాలయంలో మూడు రోజులపాటు నిర్వహించే పవిత్రోత్సవాలను అర్చకులు, వేదపండితులు శాస్త్రోక్తంగా మంగళవారం ప్రారంభించారు. మంగళవారం ఉదయం ఐదు గంటల నుంచి ఆలయ అవరణను శుద్ధిచేసి భక్తులకు ఎనిమిది గంటలకు స్వామివారి అభిషేకం అనంతరం దర్శనాన్ని కల్పించారు. అనంతరం అర్చకులు ప్రధాన, ఉపాలయాల మూర్తులకు స్నపనాభిషేకాలు, అర్చనలు నిర్వహించారు. వేదపండితులు నవగ్రహామండ పారాధనతో దేవతలను అవాహన చేసి అగ్నిమదనంతో దీక్షాహోమాలు నిర్వహించారు. గురువారం పవిత్రోత్సవాలలో మండప పూజలు, దీక్షాహోమాలు, మూలమంత్ర హవన ములు, రుద్రహోమం, పవిత్రారోపణం, చండీహోమం నిర్వహిస్తామని ఆలయఅర్చకులు తెలిపారు. మంగళగిరి రూరల్‌: శ్రీకృష్ణ జన్మాష్టమి మహోత్సవాన్ని వైభవంగా నిర్వహించేందుకు ఏర్పాట్లు పూర్తయ్యాయని హరేకృష్ణ గోకుల క్షేత్రం ఉపాధ్యక్షుడు విలాస దాస తెలిపారు. మంగళగిరి మండలం ఆత్మకూరు గ్రామంలోని అక్షయపాత్ర ఆవరణలో మంగళవారం విలేకరుల సమావేశం నిర్వహించి వివరాలు వెల్లడించారు. తాడేపల్లి మండలం కొలనుకొండ గ్రామంలోని హరేకృష్ణ గోకుల క్షేత్రంలో ఈనెల 4వ తేదీ ఉదయం 8 గంటల నుంచి రోజంతా ప్రత్యేక దర్శనం, సంకల్ప అర్చన, మహాఅ భిషేకం, హరినామ సంకీర్తనం, భజనలు, కీర్తనలు, ఆధ్యాత్మిక ప్రవచనాలు, ఉట్టి ఉత్సవ్‌ కార్యక్రమాలు నిర్వహించనున్నట్లు తెలిపారు. అర్ధరాత్రి ప్రత్యేక అభిషేకం ప్రధాన ఆకర్షణగా నిలవనుందని తెలిపారు.

గుంటూరు మెడికల్‌: గవర్నమెంట్‌ డాక్టర్స్‌ అసోసియేషన్‌ ఆఫ్‌ ఆంధ్రప్రదేశ్‌ (జీడీఏ ఏపీ) గుంటూరు మెడికల్‌ కాలేజ్‌(జీఎంసీ) గుంటూరు యూనిటీ ఆధ్వర్యంలో మంగళవారం గుంటూరు జీజీహెచ్‌లో సీనియర్‌ వైద్యులు అరగంట సేపు ఓపీ వైద్య సేవలు నిలిపివేసి తమ నిరసన తెలిపారు. ప్రభుత్వం 2016 నుంచి తమకు న్యాయబద్ధంగా ఇవ్వాల్సిన వేతన బకాయిలు తక్షణమే చెల్లించాలని డిమాండ్‌ చేశారు. సీనియార్టీ ప్రకారం ప్రమోషన్‌ ఇవ్వాలన్నారు. నిరసన కార్యక్రమంలో అసోసియేషన్‌ రాష్ట్ర జనరల్‌ సెక్రటరీ డాక్టర్‌ స్వరూప్‌కాంత్‌, గుంటూరు అధ్యక్షుడు డాక్టర్‌ బి.దేవకుమార్‌, యూనియన్‌ నేతలు డాక్టర్‌ గాజుల రామకృష్ణ, డాక్టర్‌ అజయ్‌, డాక్టర్‌ ఉషారాణి, డాక్టర్‌ వాసవి, డాక్టర్‌ రవీంద్ర, డాక్టర్‌ శివగోపాల్‌, డాక్టర్‌ తబిత పాల్గొన్నారు.

గుంటూరు వెస్ట్‌: జిల్లాలో ప్రధానమంత్రి పోషణ్‌ పథకం మరింత సమర్థంగా అమలయ్యేలా చూడాలని జాయింట్‌ కలెక్టర్‌ అశుతోష్‌ శ్రీ వాస్తవ అధికారులను ఆదేశించారు. ప్రధాన మంత్రి పోషణ్‌ పథకంపై జిల్లా స్థాయి స్టీరింగ్‌ అండ్‌ మానిటరింగ్‌ కమిటీ సమావేశాన్ని మంగళవారం స్థానిక కలెక్టరేట్‌లోని వీసీ హాలులో నిర్వహించారు. జేసీ మాట్లాడుతూ పాఠశాలల్లో విద్యార్థులకు నాణ్యమైన, పరిశుభ్రమైన, పౌష్టిక విలువలతో కూడిన భోజనం అందేలా చర్యలు తీసుకోవాలన్నారు. భోజనం తయారీలో పరిశుభ్రతా ప్రమాణాలను తప్పనిసరిగా పాటించాలని తెలిపారు. వంటశాలలు, భోజన ప్రదేశాలను ఎప్పటికప్పుడు శుభ్రంగా ఉంచేలా చూడాలన్నారు. విద్యార్థుల ఆరోగ్యం, పోషకాహార స్థితిపై సంబంధిత శాఖల అధికారులు సమన్వయంతో పర్యవేక్షణ చేయాలని, పథకం అమలులో ఎటువంటి లోపాలు తలెత్తకుండా క్షేత్రస్థాయిలో నిరంతరం తనిఖీలు నిర్వహించాలని సూచించారు. పాఠశాలల వారీగా పథకం అమలు తీరును సమీక్షిస్తూ అవసరమైన చోట తక్షణమే చర్యలు తీసుకోవాలని పేర్కొన్నారు. సమావేశంలో డీఈఓ డాక్టర్‌ సలీం బాషా, డీఎస్‌ఓ కోమలి పద్మశ్రీ, సివిల్‌ సప్లయీస్‌ డీఎం నాగేశ్వరరావు, జిల్లా వైద్య ఆరోగ్య శాఖాధికారి విజయలక్ష్మి, ఐసీడీఎస్‌పీడీ ప్రసూన, అక్షయపాత్ర సంస్థ ప్రతినిధులు, సంబంధిత శాఖల అధికారులు తదితరులు పాల్గొన్నారు. జాయింట్‌ కలెక్టర్‌ అశుతోష్‌ శ్రీ వాస్తవ

పొన్నూరు: పొన్నూరు నియోజకవర్గాన్ని దశాబ్దాలుగా శాసిస్తున్న తెలుగుదేశం పార్టీ నేతలకు అత్యంత ప్రజాదరణ కలిగిన వైఎస్సార్‌ కాంగ్రెస్‌ పార్టీ భయం వెంటాడుతోంది. పొన్నూరులో రెండేళ్ల పాలనలో టీడీపీ చేస్తున్న దౌర్జన్యాలు, అరాచకాలను ప్రజలు గమనిస్తున్నారు. సూపర్‌ సిక్స్‌ పేరుతో ఇచ్చిన హామీలను నెరవేర్చకపోవడంతో టీడీపీపై అసంతృప్తి భారీగా పెరిగిపోగా.. గత ప్రభుత్వ హయాంలో జరిగిన అభివృద్ధి, అమలు చేసిన సంక్షేమాన్ని చూసిన ప్రజలు వైఎస్సార్‌ సీపీ పాలనను కోరుకుంటున్నారు. వైఎస్సార్‌ సీపీ అధినేత, మాజీ సీఎం వైఎస్‌ జగన్‌మోహన్‌రెడ్డి నేతృత్వంలో వైఎస్సార్‌ సీపీ మళ్లీ అధికారంలోకి రావడం ఖాయమనే ఆందోళన టీడీపీ నేతలను వెంటాడుతోంది. ఈ నేపధ్యంలో వైఎస్సార్‌ సీపీ సానుభూతిపరుల ఓట్ల తొలగింపే లక్ష్యంగా పావులు కదుపుతున్నారు. ‘సర్‌’ను అనుకూలంగా మార్చుకుని.. నియోజకవర్గంలో పట్టుకోసం గ్రామాలు, పొన్నూరు పట్టణంలో వైఎస్సార్‌ సీపీకి చెందినవారి ఓట్లను తొలగించడమే లక్ష్యంగా కూటమి నేతలు పావులు కదుపుతున్నారు. ఈ నేపధ్యంలో సర్‌ ప్రక్రియను తమకు అనుకూలంగా ఉపయోగించుకుంటున్నారు. కొందరు అధికారులు సహకరిస్తున్నారనే ఆరోపణలు వస్తున్నాయి. వివిధ కారణాలతో ఫిర్యాదులు చేస్తూ వైఎస్సార్‌ సీపీ ఓట్ల తొలగింపునకు శ్రీకారం చుట్టారు. తమకు అనుకూలంగా లేని ఓట్లను తీసేయాలంటూ ఎన్నికల అధికారులపై ఒత్తిడి చేస్తున్నట్లు ఆరోపణలు ఉన్నాయి. ఫిర్యాదు చేసినా ఫలితం శూన్యం పలు కారణాలతో నోటీసులు తీసుకున్న వారు తమ ఓటును నిలబెట్టుకునేందుకు అన్ని పత్రాలను సమర్పించినా అధికారుల లాగిన్‌లో నుంచి ముందుకు కదలడం లేదు. తమకు జరుగుతున్న అన్యాయంపై గుంటూరు కలెక్టరేట్లో జరిగే పీజీఆర్‌ఎస్‌లో ఓటర్లు ఫిర్యాదు చేసినట్లు తెలిసింది. నాయకుల ప్రమేయంతో ఓటును రిజెక్టు చేస్తే ఓటర్లకు సమాధానం చెప్పుకోవాల్సి రావడం.. ఓటు ఉంచితే అధికార పార్టీ నాయకుల నుంచి వచ్చే ఇబ్బందులను దృష్టిలో ఉంచుకుని.. అధికారులు ఏం చేయాలో తెలియని దిక్కుతోచని స్థితిలో ఉన్నారు. సర్‌ ప్రక్రియకు సమయం తక్కువగా ఉన్న నేపధ్యంలో ఉన్నతాధికారులు స్పందించి సమస్యాత్మక గ్రామాలు, వార్డుల్లో ప్రత్యేక సభలు నిర్వహించి తమ ఓటు హక్కును కాపాడాలని ప్రజలు కోరుతున్నారు. పొన్నూరు నియోజకవర్గంలో టీడీపీ నీఛ రాజకీయాలు వైఎస్సార్‌ సీపీ ఓట్ల తొలగింపే లక్ష్యంగా కుట్రలు చూసీచూడనట్లు వ్యవహరిస్తున్న అధికారులు

బుధవారం శ్రీ 2 శ్రీ సెప్టెంబర్‌ శ్రీ 2026వైఎస్‌ఆర్‌.. ఆ పేరే ఒక ప్రభంజనం ఎవరూ చెరపలేని, మరువలేని, మరపురాని సజీవ సంక్షేమ సంతకం పేదింటి గుండె కోవెలలో నేటికీ ఆయన సజీవం అన్నదాతల చిక్కటి చిరునవ్వుల్లో ఆయన చిరునామా శాశ్వతం వైద్యులుగా, ఇంజినీర్లుగా మారిన పేదింటి బిడ్డల హృదయాల్లో ఆయన స్థానం చిరస్మరణీయం.. ఆయనంటే నమ్మకం.. ఆయనుంటే జనసందోహం ఉమ్మడి జిల్లాపై మహానేత మమకారం అనిర్వచనీయం.. జిల్లా అభివృద్ధిపై ఆయన ముద్ర అపురూపం నేడు మహానేత వైఎస్సార్‌ వర్ధంతి సందర్భంగా ప్రత్యేక కథనం

గుంటూరు రూరల్‌: మాజీ మంత్రి రావెల కిషోర్‌బాబు ఇటీవల చేసిన ఆరోపణలను రిజిస్ట్రేషన్‌ శాఖ మాజీ డీఐజీ చావలి బాలస్వామి, అడ్వకేట్‌ రాయపూడి మాణిక్యారావు, కాకుమాను పున్నారావు ఖండించారు. మంగళవారం అమరావతిరోడ్డులోని ఒక ప్రైవేటు కార్యాలయంలో ఏర్పాటు చేసిన విలేకరుల సమావేశంలో మాట్లాడుతూ బాలస్వామిపై నిరాధారమైన ఆరోపణలు రావెల కిషోర్‌ చేశారని చెప్పారు. ఎలాంటి అగ్రిమెంట్‌ లేకుండా నాలుగున్నర కోట్ల రూపాయలు ఎలా ఇచ్చారని ప్రశ్నించారు. నిరాధారమైన ఆరోపణలు చేసిన కిషోర్‌బాబుపై పరువు నష్టం దావా వేస్తామని చెప్పారు. ఒక మంత్రిగా పనిచేసిన వ్యక్తి అసైన్డ్‌ భూములు ఎలా కొనుగోలు చేశారని ప్రశ్నించారు. ఆయన ఎన్నికల సమయంలో బాలస్వామి ద్వారా డబ్బులు కూడా తీసుకున్నారని ఆరోపించారు. ఆర్థిక నేరాలకు పాల్పడిన కిషోర్‌ బాబుపై సమగ్రంగా దర్యాప్తు జరిపి, చట్టపరంగా చర్యలు తీసుకోవాలని సంబంధిత అధికారులను కోరారు.

తెనాలిరూరల్‌: కిడ్నాప్‌కు గురైన పాలిష్‌ వ్యాపారి హత్యకు గురైనట్టు పోలీసులు అనుమానిస్తున్నారు. కుటుంబ కలహాలు, ఆస్తి వివాదం నేపథ్యంలో బావమరిది కిరాయి హంతకులకు సుపారీ ఇచ్చి హత్య చేయించినట్టు సమాచారం. తెనాలికి చెందిన చుక్క కోటినాగవీరయ్య(53) అలియాస్‌ నాగ మహేష్‌ పాలిష్‌ వ్యాపారం చేస్తుంటాడు. 2006లో విజయవాడకు చెందిన మహిళతో వివాహం కాగా ఇద్దరు పిల్లలు ఉన్నారు. అక్కడే కుటుంబంతో నివసిస్తున్న అతడికి రెండేళ్ల కిందట 35 ఏళ్ల దీప్తితో అయిన పరిచయం వివాహేతర సంబంధానికి దారి తీసింది. దీప్తితో తెనాలి వచ్చేసి ఇక్కడి నందులపేటలో ఇల్లు అద్దెకు తీసుకుని ఉంటూ తెనాలి ఆటోనగర్‌లో పాలిష్‌ వ్యాపారం నిర్వహిస్తున్నాడు. గత నెల 29వ తేదీ సాయంత్రం ఇంటి నుంచి వెళ్లిన అతడి ఫోన్‌ స్విచ్ఛాఫ్‌ అయి ఆచూకీ లేకుండాపోయాడు. 30వ తేదీ ఉదయం దీప్తి నాగమహేష్‌ కోసం ఆటోనగర్‌కు వెళుతుండగా అతడి ద్విచక్ర వాహనం, చెప్పులు సోమసుందరపాలెం శివారులో కనిపించాయి. స్థానికులను విచారించగా గుర్తు తెలియని వ్యక్తులు కారులో తీసుకెళ్లారని చెప్పడంతో కిడ్నాప్‌కు గురైనట్లు నిర్ధారించుకుంది. పోలీసులకు ఫిర్యాదు చేయగా రూరల్‌ సీఐ నాయబ్‌రసూల్‌, ఎస్‌ఐ ఆనంద్‌ వెళ్లి వాహనాన్ని పరిశీలించారు. భార్య, బిడ్డలను వదిలేసి మరో మహిళతో సహజీవనం చేస్తూ తెనాలిలోనే ఉంటున్న నాగవీరయ్యకు విజయవాడలో సుమారు మూడు కోట్ల విలువ ఉన్న ఆస్తులు ఉన్నట్టు సమాచారం. అందులో కొంత భాగాన్ని విక్రయించి, తాను సహజీవనం చేస్తున్న మహిళ దీప్తికి ఇవ్వాలని లేదా ఆమె పేరున రాయాలని నాగవీరయ్య ప్రయత్నాలు ప్రారంభించిట్లు అతడి బావమరిదికి సమాచారం అందింది. తన సోదరి, ఆమె పిల్లలకు ఆస్తి దక్కకుండ చేస్తున్నాడన్న కోపంతో రేపల్లె సమీపంలోని ఓ గ్రామానికి చెందిన కొందరు వ్యక్తులతో బావను హత్య చేయాలని ఒప్పందం కుదుర్చుకుని సుపారీ ఇచ్చినట్టు పోలీసుల విచారణలో వెల్లడైనట్టు సమాచారం. ఈ దిశగా దర్యాప్తు చేస్తున్న పోలీసులకు నాగవీరయ్యను హతమార్చి ఓలేరు– రేపల్లె ప్రాంతంలో కృష్ణా నది పరీవాహక ప్రాంతంలో ఇసుక దిన్నెల్లో పూడ్చిపెట్టినట్టు అనుమానిస్తున్నా రు. పూడ్చిపెట్టిన ప్రదేశం ఏ మండలం కిందకు వస్తుందో పరిశీలించి, సంబంధిత మండల రెవెన్యూ అధికారుల సమక్షంలో మృతదేహాన్ని వెలికి తీసేందుకు పోలీసులు ప్రయత్నిస్తున్నారు. బుధవారం మృతదేహాన్ని వెలికి తీయించే అవకాశం ఉంది. మృతుడి బావమరిది, హత్య చేసిన నిందితులు ప్రస్తుతం పోలీసుల అదుపులో ఉన్నట్టు సమాచారం!

ఏఎన్‌యూ(పెదకాకాని): ఏఎన్‌యూ పూర్వ విద్యార్థుల సమ్మేళనం బుధవారం అట్టహాసంగా నిర్వహించనున్నట్లు వర్సిటీ వీసీ ఆచార్య కె.గంగాధరరావు తెలిపారు. ఏఎన్‌యూలో మంగళవారం నిర్వహించిన విలేకరుల సమావేశంలో వివరాలు వెల్లడించారు. ఆచార్య నాగార్జున విశ్వవిద్యాలయ స్వర్ణోత్సవాల్లో భాగంగా నిర్వహిస్తున్న ఈ సమ్మేళనానికి 1976 నుంచి 2026 వరకు వివిధ సంవత్సరాల్లో వర్సిటీలో విద్యనభ్యసించిన పూర్వ విద్యార్థులు పెద్ద సంఖ్యలో హాజరుకానున్నారని చెప్పారు. గత జ్ఞాపకాలను నెమరువేసుకుంటూ వర్తమానాన్ని అనుసంధానిస్తూ భవిష్యత్‌కు బలమైన బాటలు వేయడమే పూర్వ విద్యార్థుల సమ్మేళనం ప్రధాన ఉద్దేశమన్నారు. స్వర్ణోత్సవాలను పురస్కరించుకుని పలు దఫాలుగా కార్యక్రమాలను నిర్వహిస్తున్నట్లు ఉపకులపతి తెలిపారు. సెప్టెంబరు 8న నడక కార్యక్రమం, మ్యూజికల్‌ నైట్‌ నిర్వహించనున్నట్లు చెప్పారు. సెప్టెంబరు 11న నిర్వహించనున్న వర్సిటీ ఫౌండేషన్‌ డే కార్యక్రమానికి రాష్ట్ర గవర్నర్‌ను ముఖ్య అతిథిగా ఆహ్వానిస్తున్నామని తెలిపారు. పూర్వ విద్యార్థుల సమ్మేళనానికి ఇప్పటికే సుమారు 3,000 మంది రిజిస్ట్రేషన్‌ చేసుకున్నారని, వారిలో సుమారు 1,500 మంది ప్రత్యక్షంగా హాజరయ్యే అవకాశం ఉందని వీసీ తెలిపారు. విద్య, ఉపాధి, ఉద్యోగ అవకాశాలు, పరిశ్రమల అవసరాలకు అనుగుణంగా నైపుణ్యాల అభివృద్ధి తదితర అంశాలపై చర్చించి, ప్రస్తుత విద్యార్థులకు ఉపయోగపడే కార్యక్రమాలకు రూపకల్పన చేయనున్నట్లు వివరించారు. విశిష్ట పూర్వ విద్యార్థుల హాజరు.. సమ్మేళనానికి పలువురు ప్రముఖులు, విశిష్ట పూర్వ విద్యార్థులు హాజరుకానున్నారు. ఆంధ్రప్రదేశ్‌ ప్రభుత్వ మాజీ మంత్రి, మాజీ ఎమ్మెల్సీ డొక్కా మాణిక్య వర ప్రసాద్‌, సీఐడీ డీజీపీ డాక్టర్‌ ఏఎస్‌ రవిశంకర్‌ అయ్యన్నార్‌, ఏపీఎస్‌సీహెచ్‌ఈ చైర్‌పర్సన్‌ ప్రొఫెసర్‌ కె.రత్నషీలామణి, హెటెరో డ్రగ్స్‌ లిమిటెడ్‌ డైరెక్టర్‌ డాక్టర్‌ ఏఎస్‌కే రత్నాకర్‌రెడ్డి, మాజీ ఎమ్మెల్సీ టీడీ జనార్దన్‌, మాజీ డీజీపీ బండి మరియా కుమార్‌, ఏపీఎస్‌సీహెచ్‌ఈ ముఖ్య కార్యదర్శి ప్రొఫెసర్‌ బి.తిరుపతిరావు, ప్రముఖ పారిశ్రామికవేత్త ఎం.ప్రేమ్‌ కుమార్‌ తదితరులు పాల్గొననున్నారని వీసీ వివరించారు. సమావేశంలో వర్సిటీ రెక్టార్‌ ప్రొఫెసర్‌ ఆర్‌.శివరామ్‌ ప్రసాద్‌, రిజిస్ట్రార్‌ ప్రొఫెసర్‌ జి.సింహాచలం, పాలక మండలి సభ్యులు ఆచార్య త్రిమూరి రావు, పూర్వ విద్యార్థుల కమిటీ డైరెక్టర్‌ ప్రొఫెసర్‌ వి.చంద్రశేఖర్‌రావు, ప్రొఫెసర్‌ జి.చెన్నారెడ్డి పాల్గొన్నారు.

గుంటూరు: తెలిసిన వ్యక్తులు జరిపిన దాడిలో తలకు రక్తస్రావమైన బాధిత మహిళ ఆమె భర్తతో కలిసి జిల్లా పోలీస్‌ కార్యాలయ (డీపీఓ) ఆవరణలో సోమవారం జరిగిన పీజీఆర్‌ఎస్‌కు రావడం కలకలం రేపింది. తల వద్ద రక్తం కారుతూ వస్తున్న ఆమెను గేట్‌ వద్ద విధులు నిర్వహిస్తున్న పోలీసులు వెంటనే గుర్తించారు. ముందుగా జీజీహెచ్‌కి వెళ్లి చికిత్స చేయించుకోవాలంటూ ఆమెకు సూచించారు. గాయపడిన ఆమెను పోలీసులు నచ్చచెప్పి, చికిత్స నిమిత్తం జీజీహెచ్‌కు ఆటోలో హుటాహుటిన పంపించారు. తొలుత బాధిత మహిళ అయిన గోరంట్ల గ్రామానికి చెందిన పి.సునీత మీడియాతో మాట్లాడారు. ‘కొంత కాలంగా ఓ ప్రైవేట్‌ కళాశాలకు హౌస్‌ కీపింగ్‌ పనులు నిర్వహిస్తున్నాను. హౌస్‌ కీపింగ్‌ పనుల విషయమై ఓ ప్రైవేటు కంపెనీకి చెందిన సూపర్‌వైజర్లు నాతో గొడవకు దిగుతున్నారు. సదరు కంపెనీ సూపర్‌వైజర్లు హైదరాబాద్‌లో ఉంటున్న నిర్వాహకుల ఆదేశాల మేరకు నాతో అమర్యాదగా మాట్లాడుతున్నారు. ఆడ మనిషికి హౌస్‌ కీపింగ్‌ పనులు ఎందుకంటూ హేళన చేస్తున్నారు. సదరు కంపెనీకి చెందిన కార్మికులు గోరంట్ల గ్రామంలో గంజాయి తాగుతుండగా దానిపై మేం అభ్యంతరం వ్యక్తం చేశామని’ చెప్పారు. దీంతో మాపై రెండు విధాలుగా కక్ష పెంచుకుని సోమవారం ఉదయం ఐదుగురు మహిళలతో సదరు కంపెనీ సూపర్‌వైజర్లు వచ్చి వాదనకు దిగారు. ఈ క్రమంలో నాపై రాళ్లతో దాడి చేయగా, కుడి చెవిపై తీవ్ర రక్తస్రావమైందని తెలిపారు. నాపై హత్య ప్రయత్నం చేసిన వారిపై వెంటనే చర్యలు తీసుకోవాలని ఆమె పోలీసులను వేడుకుంది. ఆమెతోపాటు భర్త రాహుల్‌ మీడియాతో మాట్లాడారు. చదవండి: ఇల్లు శుభ్రంగా లేదని మహిళ ఆత్మహత్య!

జిల్లా కలెక్టర్‌ సీఎం సాయికాంత్‌ వర్మతాడికొండ: రాజధానిలో రెండో విడత భూ సమీకరణలో భాగంగా భూములిచ్చే వారికి రిటర్నబుల్‌ ప్లాట్లను అందించనున్నట్లు జిల్లా కలెక్టర్‌ సీఎం సాయికాంత్‌ వర్మ తెలిపారు. తుళ్ళూరు మండలం పెదపరిమిలో భూసమీకరణపై జరిగిన గ్రామసభలో తాడికొండ ఎమ్మెల్యే తెనాలి శ్రావణ్‌ కుమార్‌, పెదకూరపాడు ఎమ్మెల్యే భాష్యం ప్రవీణ్‌లతో కలిసి జిల్లా కలెక్టర్‌ సోమవారం పాల్గొన్నారు. ఈ సందర్భంగా ఆయన మాట్లాడుతూ భూ సమీకరణకు అందరూ సహకరించాలని కోరారు. ఈ సందర్భంగా రైతుల సందేహాల నివృత్తికి గ్రీవెన్స్‌ నిర్వహించారు. భూములు అందించిన వారికి సంబంధిత పత్రాలను అందజేశారు. కార్యక్రమంలో పలువురు స్థానిక అధికారులు, రైతులు పాల్గొన్నారు. ఓటరు జాబితాపై గ్రామ సభలు నిర్వహించాలి గుంటూరు వెస్ట్‌: గ్రామ పంచాయతీల ఓటరు జాబితాపై గ్రామసభలు నిర్వహించాలని జిల్లా కలెక్టర్‌ సి.యం.సాయికాంత్‌ వర్మ అధికారులను ఆదేశించారు. స్థానిక కలెక్టరేట్‌లోని వీసీ హాల్లో గుంటూరు నగర పాలక సంస్థ కమిషనర్‌ కె.మయూర్‌ అశోక్‌, జాయింట్‌ కలెక్టర్‌ అశుతోష్‌ శ్రీవాస్తవలతో కలిసి సోమవారం సమావేశం నిర్వహించారరు. కలెక్టర్‌ మాట్లాడుతూ గ్రామ పంచాయతీ ఎన్నికల పోలింగ్‌ కేంద్రాల తుది ప్రచురణ విడుదల చేసామన్నారు. ఎస్సీ, ఎస్టీ ఓటర్లకు సంబంధించి అభ్యంతరాలు ఉంటే సెప్టెంబర్‌ 2వ తేదీ నాటికి విచారణ పూర్తి చేయాలని ఆదేశించారు. ఓటరు జాబితా, పోలింగ్‌ కేంద్రాల పట్ల ఈ నెల 3వ తేదీ నుండి 6వ తేదీ వరకు గ్రామసభలు నిర్వహించాలన్నారు. ఇందుకు ప్రత్యేక అధికారులను నియమిస్తున్నట్లు చెప్పారు. గ్రీన్‌ గుంటూరులో నాటిన ప్రతి మొక్క బతకాలని స్పష్టం చేశారు. సమావేశంలో జిల్లా రెవెన్యూ అధికారి ఎన్‌.ఎస్‌.కె.ఖాజావలి, జెడ్పీ సీఈఓ వి.జ్యోతిబసు, సీపీఓ పి.శేషశ్రీ, డీఆర్‌డీఏ ప్రాజెక్టు డైరెక్టర్‌ వి.విజయలక్ష్మి, డ్వామా పీడీ వి.శంకర్‌, అధికారులు పాల్గొన్నారు.

గుంటూరు వెస్ట్‌: రాష్ట్ర ప్రభుత్వ ఉద్యోగ వ్యతిరేక విధానాలపై ఉద్యోగ సంఘాలు ధ్వజమెత్తాయి. ఏపీజేఏసీ అమరావతి రాష్ట్ర వ్యాప్త పిలుపు మేరకు సోమవారం గుంటూరు కలెక్టరేట్‌లోని ప్రజా సమస్యల పరిష్కార వేదికలో ఏపీ జేఏసీ అమరావతి గుంటూరు జిల్లా చైర్మన్‌ కిరణ్‌ కుమార్‌, ప్రధాన కార్యదర్శి రజనీకాంత్‌ల ఆధ్వర్యంలో ఉద్యోగులు, ప్రజలతో కలిసి జాయింట్‌ కలెక్టర్‌ అశుతోష్‌ శ్రీవాస్తవకు అర్జీ అందజేశారు. ఈ సందర్భంగా వారు మాట్లాడుతూ ప్రభుత్వానికి, ప్రజలకు వారధిగా నిలిచే ఉద్యోగుల సమస్యలను ప్రభుత్వం మనసుతో ఆలకించాలంటూ వేడుకున్నారు. ప్రభుత్వం ఎలాంటి లక్ష్యాలను విధించినా భుజానికెత్తుకునే ఉద్యోగులను పట్టించుకోకపోతే ఉద్యమ జెండా ఎత్తుకుంటామంటూ హెచ్చరించారు. తమకు రావాల్సిన బకాయిలు తమకు ఇప్పించేలా ప్రభుత్వం దృష్టికి తీసుకెళ్లాలని అధికారులను కోరారు. ఉద్యోగుల హక్కుల సాధన కోసం ఉద్యమ కార్యాచరణ ప్రకటించామని, ప్రభుత్వం స్పందించకపోతే ఏపీ జేఏసీ అమరావతి రాష్ట్ర చైర్మన్‌ బొప్పరాజు వెంకటేశ్వర్లు ఆధ్వర్యంలో ఉద్యమాన్ని ఉధృతం చేస్తామని స్పష్టం చేశారు. మొదటి దశ నేటి నుంచి ప్రారంభమై సెప్టెంబర్‌ 11 వరకు కొనసాగుతుందన్నారు. సెప్టెంబర్‌ 1న ‘‘సీఎం సార్‌.. మా డబ్బులు మాకివ్వండి’’ నినాదంతో సెల్‌ఫోన్‌ డీపీల ద్వారా నిరసన తెలుపుతామని చెప్పారు. 2 నుంచి 5వ తేదీ వరకు ఉద్యోగులు నల్ల బ్యాడ్జీలతో విధులకు హాజరై, హ్యాండ్‌ టు హ్యాండ్‌ కార్యక్రమం ద్వారా కార్యాలయాలను సందర్శించి ఉద్యోగులను ఉద్యమంలో భాగస్వామ్యం చేస్తామన్నారు. లంచ్‌ అవర్‌లో నిరసన చేపడతామని చెప్పారు. సెప్టెంబర్‌ 11 నుంచి అన్ని జిల్లా కేంద్రాల్లో రౌండ్‌ టేబుల్‌ సమావేశాలు, కార్మిక, ఉద్యోగ సంఘాల నాయకులతో తదుపరి ఉద్యమ కార్యాచరణపై చర్చలు నిర్వహిస్తామని వెల్లడించారు. సెప్టెంబర్‌ 15 నుంచి 26 వరకు రెండో దశ ఉద్యమం ఉంటుందని చెప్పారు. అందులో భాగంగా వర్క్‌ టూ రూల్‌ ఉద్యమం, సోషల్‌ మీడియాలో ప్రచారం, ఎమ్మెల్యేలు, ఎంపీలు, ఎమ్మెల్సీలు, ప్రజాప్రతినిధులకు వినతిపత్రాలు, నల్ల కండువాలతో నిరసన చేపడతామన్నారు. మానవహారం చేపడతామని తెలిపారు. 23న కలెక్టరేట్‌, ఆర్డీఓ కార్యాలయాల వద్ద ధర్నాలు, 26న ఉద్యోగుల కుటుంబ సభ్యులతో కలిసి కార్యక్రమాలు చేస్తామని వెల్లడించారు. మా కష్టాలు పట్టవా సారూ.. ఏపీ ఆర్‌ఎస్‌ఏ మహిళా విభాగం జిల్లా చైర్‌పర్సన్‌ భువనేశ్వరి మాట్లాడుతూ ఉద్యోగులు ఎన్నో అవస్థలు పడుతున్నా పట్టించుకోరా అంటూ నిట్టూర్చారు. కుటుంబంలో నిత్యావసర సరుకులకు కూడా ఇబ్బందులు పడుతున్న పరిస్థితులు నెలకొన్నాయని తెలిపారు. ఉద్యోగులకు అప్పులు చేయనిదే కుటుంబాలు గడవని పరిస్థితి నెలకొందని, ప్రభుత్వం దీనిపై వెంటనే స్పందించాలని కోరారు. కార్యక్రమంలో ఏపీ ఆర్‌ఎస్‌ఏ గౌరవ అధ్యక్షుడు కేవీ గోపాలకృష్ణ, కొల్లిపర తహసీల్దార్‌ సిద్ధార్థ, ఉద్యోగ సంఘ నాయకులు పాల్గొన్నారు.

లక్ష్మీపురం: హత్య కేసులో 11 మంది నిందితులను పోలీసులు సోమవారం అరెస్ట్‌ చేశారు. నగరంపాలెం పోలీస్‌ స్టేషన్లో సోమవారం ఏర్పాటు చేసిన విలేకరుల సమావేశంలో ఈస్ట్‌ డీఎస్పీ సీతారాం, నగరంపాలెం సీఐ రాజేష్‌ వివరాలు వెల్లడించారు. వివాహేతర సంబంధం నేపథ్యంలో 2006లో బుల్లయ్య అలియాస్‌ బుల్లిని పెండ్రాల వెంకన్న అలియాస్‌ చిన్నా హత్య చేశాడు. ఆ కేసులో చిన్నాను పోలీసులు అరెస్ట్‌ చేశారు. జైలు శిక్ష అనుభవించాక చిన్నా రెండో వివాహం చేసుకుని తెలంగాణలోని సూర్యాపేటలో నివాసం ఉంటున్నాడు. చిన్నా(47)ను హతమార్చాలని బుల్లయ్య కుమారుడు పెండ్రాల ఇమ్మానియల్‌ రాజు, ఇతర కుటుంబ సభ్యులు పగతో రగిలి పోతున్నారు. ఈ నేపథ్యంలో బాబాయ్‌ ముత్తయ్య మృతి చెందాడని తెలిసి చిన్నా శనివారం గుంటూరులోని కె.వి.పి.కాలనీలో గాజుల వారి వీధి 1/12వ లైన్‌కు వచ్చాడు. చిన్నా వెంట అతని భార్య, కుమారుడు ఉన్నారు. విషయం తెలుసుకున్న పెండ్రాల ఇమ్మానియల్‌ రాజు, అతడి సోదరులు అమూల్యరాజు, దేవరాజు, గురవయ్య, శ్యామ్‌, బాబుజ్జి, జమాలమ్మ, రాజ్‌ కుమార్‌ అలియాస్‌ రాజు, బత్తుల మోషేరాజు అలియాస్‌ మోషే, దేవరకొండ షాలేమ్‌రాజు అలియాస్‌ సలీమ్‌, ఇరుగుబాబు, మరో ముగ్గురు కలిపి మొత్తం 14 మంది హత్యకు పథకం వేశారు. ఆదివారం ఉదయం 10.30 గంటల సమయంలో కె.వి.పి. కాలనీ 1/7వ లైన్‌లో భార్య, కుమారుడితో వెళుతుండగా ఒక్కసారిగా వారందరూ కూడా వేట కత్తులు, కర్రలతో దాడి చేశారు. చిన్నాను దారుణంగా హతమార్చి అక్కడి నుంచి పరారయ్యారు. ఈ సమాచారం తెలుసుకున్న నగరంపాలెం పోలీసులు, సీఐ రాజేష్‌ ప్రత్యేక బృందాలతో గాలింపు చేపట్టారు. 14 మందిలో 11 మంది నగరంపాలెం పోలీస్‌ స్టేషన్‌లో ఆదివారం రాత్రి లొంగిపోయారు. హత్యకు వినియోగించిన రెండు ద్విచక్ర వాహనాలను, కత్తిని పోలీసులు స్వాఽధీనం చేసుకున్నారు. మిగిలిన ముగ్గురు నిందితులలో బాలుడు కూడా ఉన్నట్లు పోలీసులు చెబుతున్నారు. 11 మందిని నగరంపాలెం పోలీసులు అరెస్ట్‌ చేసిన అనంతరం కోర్టులో హజరు పరిచారు. వారిని రిమాండ్‌ విధిస్తూ కోర్టు తీర్పు చెప్పింది.

తెనాలి: భూటాన్‌లో జరిగిన ఇంటర్నేషనల్‌ గోల్‌ షాట్‌బాల్‌ సబ్‌–జూనియర్స్‌ బాయ్స్‌–గర్ల్స్‌ చాంపియన్‌షిప్‌లో భారత జట్లు రెండూ విజయం సాధించాయి. ఆగస్టు 24 నుంచి 27 వరకు నిర్వహించిన ఈ పోటీల్లో ఫైనల్స్‌లో రెండు విభాగాల్లోనూ భూటాన్‌ జట్లతో తలపడిన భారత జట్లు విన్నర్స్‌గా నిలిచాయి. స్థానిక సుల్తానాబాద్‌లోని సెయింట్‌ ఆన్స్‌ స్కూల్‌కు చెందిన నలుగురు బాలికలు, ముగ్గురు బాలురు చొప్పున రెండు జట్లలోనూ ఏడుగురు క్రీడాకారులు దేశం తరఫున ఆడారు. రెండు జట్లు విన్నర్స్‌గా నిలిచినందున ఆయా జట్లలో ఆడిన చిల్కా రుత్విక్‌ కిరణ్‌, పెదపల్లి సుహాస్‌, చుండూరు హర్షద్‌ గౌతమ్‌ దేవరకొండ అమూల్య, చుండూరు జెస్విత, దాసరి జెన్సినా జాయల్‌, చిలకా ప్రజ్ఞను సోమవారం సెయింట్‌ ఆన్స్‌ స్కూల్‌ యాజమాన్యం సత్కరించింది. అంతర్జాతీయ పోటీల్లో ఇంటర్నేషనల్‌ కోచ్‌గా స్కూల్‌ పీఈటీ ఎన్‌.వినోద్‌ కుమార్‌ మార్గనిర్దేశం చేశారు. విద్యార్థుల విజయానికి నిరంతరం ప్రోత్సాహం, సహకారం అందించిన తల్లిదండ్రులకు ప్రత్యేక కృతజ్ఞతలు తెలియజేశారు. వీరి విజయం మరెందరో విద్యార్థులకు స్ఫూర్తి కావాలని ఆకాంక్షించారు. కార్యక్రమంలో ప్రిన్సిపాల్‌ సిస్టర్‌ సౌమ్య, కరస్పాండెంట్‌ సిస్టర్‌ లీసా జార్జ్‌, పీఈటీలు వినోద్‌కుమార్‌, శ్రీనివాసరావు, ఉపాధ్యాయులు పాల్గొన్నారు. చందోలు(కర్లపాలెం): బాపట్ల జిల్లా చందోలు గ్రామంలో ప్రసిద్ధిగాంచిన బగళాముఖి అమ్మవారి ఆలయ హుండీ ఆదాయం రూ.9,69,418 వచ్చినట్లు ఆలయ అభివృద్ధి కమిటీ అధ్యక్షుడు కలకోట చక్రధర్‌రెడ్డి, ఈవో నరసింహమూర్తి తెలిపారు. సోమవారం అమ్మవారి ఆలయ హుండీ లెక్కింపు బాపట్ల దేవదాయ శాఖ డివిజన్‌ ఇన్‌స్పెక్టర్‌ గోపి ఆధ్వర్యంలో నిర్వహించారు. లెక్కింపులో ట్రస్ట్‌ బోర్డు సభ్యులు, భక్తులు, పలు భజన సమాజం సభ్యులు పాల్గొన్నారు. ఆలయ అభివృద్ధి కమిటీ అధ్యక్షుడు చక్రధర్‌రెడ్డి, ఈవో నరసింహమూర్తి మాట్లాడుతూ 99 రోజుల తరువాత అమ్మవారి హుండీ లెక్కించినట్లు తెలిపారు. గతంలో కంటే ఈసారి రూ.2,03,834 అదనంగా వచ్చినట్లు తెలిపారు. అమరావతి: అమరేశ్వర ఆలయంలో మంగళవారం నుంచి మూడు రోజులపాటు పవిత్రోత్సవాలు నిర్వహించనున్నట్లు ఆలయ స్థానాచార్యుడు కౌశిక చంద్రశేఖరశర్మ సోమవారం పేర్కొన్నారు. యార్లగడ్డ ఉపేంద్ర, విజయలక్ష్మి దంపతుల నేతృత్వంలో జరిగే ఉత్సవాలలో మొదటి రోజైన మంగళవారం వేద పండితులచే ఉదకశాంతి, ఆలయ శుద్ధి, ప్రధాన ఉపాలయాల మూర్తులకు స్నపనాభిషేకాలు, అర్చనలు నిర్వహిస్తారని పేర్కొన్నారు. రెండో రోజు బుధవారం మండప పూజలు, దీక్షా హోమాలు, మూలమంత్ర హవనములు, రుద్రహోమం, పవిత్రారోపణం, చండీహోమం మూడో రోజు గురువారం ప్రాయశ్చిత్తహోమం, పూర్ణాహుతి, మహదాశీర్వచనం ఉంటాయన్నారు. విజయపురిసౌత్‌: నాగార్జునసాగర్‌ జలాశయ నీటిమట్టం సోమవారం 536.80 అడుగులకు చేరింది. కుడి కాలువకు 6,660, ఎడమ కాలువకు 7,029, ఎస్‌ఎల్‌బీసీకి 2 వేల క్యూసెక్కులు విడుదలవుతోంది. మొత్తం ఔట్‌ఫ్లోగా 15,689 క్యూసెక్కులు వెళుతోంది. శ్రీశైలం నుంచి సాగర్‌కు 1,259 క్యూసెక్కులు వచ్చి చేరుతోంది.

గుంటూరుమంగళవారం శ్రీ 1 శ్రీ సెప్టెంబర్‌ శ్రీ 2026తాడికొండ: తుళ్లూరు మండలంలోని వేంకటపాలెంలో వేంకటేశ్వర ఆలయ నిర్మాణ పనులను టీటీడీ జేఈవో డాక్టర్‌ ఎ.శరత్‌ సోమవారం పరిశీలించారు. పేదలకు ఉపయోగపడే వైద్య రంగాన్ని నిర్వీర్యం చేయడంలో చంద్రబాబు ప్రభుత్వం నానాటికీ దూసుకెళుతోంది. పలు జిల్లాలకు కీలకంగా ఉన్న గుంటూరు జీజీహెచ్‌లో కుటుంబ నియంత్రణ ఆపరేషన్లకు కూడా బాలింతలకు సమస్యలు తప్పడం లేదు. అటు పాలకులు, ఇటు అధికారుల నిర్లక్ష్య వైఖరితో పేదలు తీవ్ర ఇబ్బందులు పడుతున్నారు. గుంటూరు మెడికల్‌: గుంటూరు జీజీహెచ్‌లో కుటుంబ నియంత్రణ ఆపరేషన్లు నిలిపివేయడంతో సుదూర ప్రాంతాల నుంచి వచ్చే పేద రోగులు, బాలింతలు తీవ్ర ఇబ్బందులు పడుతున్నారు. ప్రైవేటు ఆసుపత్రుల్లో ఈ ఆపరేషన్లకు రూ.వేలల్లో వసూలు చేస్తున్నారు. ఆ స్థోమత లేని పలువురు బాలింతలు అనారోగ్య సమస్యలతో సతమతం అవుతున్నారు. సమ్మె కారణంగా... గుంటూరు జీజీహెచ్‌లో జూనియర్‌ డాక్టర్లు ఆగస్టు మొదటివారంలో సమ్మె చేసిన విషయం విదితమే. ఆగస్టు 25వ తేదీ వరకు సమ్మె కొనసాగింది. సీనియర్‌ వైద్యులకు జీజీహెచ్‌లో ఓపీలో, ఇన్‌పేషెంట్‌ విభాగంలో, సర్జరీల్లో, ప్రతి విషయంలో చేదోడువాదోడుగా ఉండి రోగులకు సత్వర వైద్య సేవలు అందించడంలో జూడాల పాత్ర చాలా కీలకం. సమ్మె వల్ల కుటుంబ నియంత్రణ విభాగంలో పనిచేస్తున్న సీనియర్‌ వైద్యులు ఆపరేషన్లు నిలిపివేశారు. బాలింతలను సమ్మె అనంతరం రావాలని సూచించారు. సాధారణంగా కాన్పు వెంటనే కుటుంబ నియంత్రణ ఆపరేషన్లు చేస్తుంటారు. బాలింతలు కూడా ప్రసవం అనంతరం ఇలా చేయించుకోవడం ద్వారా ఇతర అనారోగ్య సమస్యలు తలెత్తకుండా ఉంటాయి. ప్రస్తుతం ఆసుపత్రిలో శస్త్రచికిత్సలు నిలిపివేయడం వలన పలువురు బాలింతలు ఇబ్బందులు పడుతున్నారు. పీహెచ్‌సీల్లోనూ అదే దుస్థితి మరోపక్క జిల్లాలోని పలు ఆరోగ్య కేంద్రాల్లో సైతం కుటుంబ నియంత్రణ ఆపరేషన్లు నెలల తరబడి చేయకుండా వైద్యులు చోద్యం చూస్తున్నారు. పలువురు వైద్యులు శిక్షణ తీసుకోకపోవడం వలన ఈ పరిస్థితి నెలకొందని వైద్య సిబ్బంది చర్చించుకుంటున్నారు. మరోపక్క ఆరోగ్య కేంద్రాల్లో తగిన వసతులు కూడా లేవని, అందువల్లే చేయడం లేదని కూడా వాదనలు వినిపిస్తున్నాయి. ఇలాంటి పరిస్థితుల్లో పలు గ్రామీణ ప్రాంతాల బాలింతలు సైతం గుంటూరు జీజీహెచ్‌కు వచ్చి వెనుదిరుగుతున్నారు. గత నెలలో ఓపీ విభాగంలో ఉన్న కుటుంబ నియంత్రణ విభాగాన్ని నూతనంగా నిర్మించిన మాతా శిశు సంరక్షణ కేంద్రం (ఎంసీహెచ్‌)లోకి మార్చే ప్రక్రియలో భాగంగా నెలకు పైగా ఆపరేషన్లు నిలిపివేశారు. నూతనంగా భవనంలోకి ఆపరేషన్‌ థియేటర్లు మార్చినప్పటికీ, ఆపరేషన్‌ థియేటర్‌ లైట్లు (ఓటీ లైట్లు) ఏర్పాటు చేయలేదన్న కారణంతో ఆపరేషన్లు ఆగిపోయాయి. కుటుంబ నియంత్రణ విభాగంలో ఓపీ సేవలకు మాత్రం హాజరై బాలింతలకు కౌన్సెలింగ్‌ చేసి ఇళ్లకు పంపిస్తున్నారు. ఇప్పటికై నా స్పందించి తగిన చర్యలు తీసుకోవాలని ప్రజలు కోరుతున్నారు

జిల్లా జాయింట్‌ కలెక్టర్‌ అశుతోష్‌ శ్రీ వాస్తవ గుంటూరు వెస్ట్‌: ప్రజా సమస్యల పరిష్కార వేదిక కార్యక్రమం ద్వారా ప్రజలు అందిస్తున్న అర్జీలను పూర్తి స్థాయిలో పరిష్కరించిన తర్వాత ముగించాలని జాయింట్‌ కలెక్టర్‌ అశుతోష్‌ శ్రీ వాస్తవ అధికారులను ఆదేశించారు. సోమవారం స్థానిక కలెక్టరేట్లోని ఎస్‌ఆర్‌ శంకరన్‌ సమావేశ మందిరంలో నిర్వహించిన పీజీఆర్‌ఎస్‌ కార్యక్రమంలో జేసీ మాట్లాడుతూ జిల్లా నలుమూలల నుంచి వచ్చిన అర్జీదారుల సమస్యలు తెలుసుకుని పరిష్కారానికి కృషి చేయాలన్నారు. అర్జీలను నిర్లక్ష్యం చేయకుండా పరిశీలించాలన్నారు. నిర్ణీత గడువులోగా పరిష్కరించడంతోపాటు, పరిష్కారం సాధ్యంకాని అంశాలపై స్పష్టమైన కారణాలను అర్జీదారులకు తెలియజేయాలని తెలిపారు. అనంతరం వచ్చిన 273 అర్జీలను జేసీతోపాటు డీఆర్వో షేక్‌ ఖాజావలి, డ్వామా పీడీ శంకర్‌, జిల్లా వైద్య ఆరోగ్య శాఖ అధికారి విజయలక్ష్మి, డీపీఓ సాయి కుమార్‌, జిల్లా వ్యవసాయ అధికారి పద్మావతి, జిల్లా అధికారులు పరిశీలించారు. అస్తవ్యస్తంగా రోడ్డు నిర్మాణం కృష్ణబాబు కాలనీ 2వ లైనులో సుమారు 30 అడుగుల రోడ్డు ఉంది. ఇటీవల సిమెంట్‌ రోడ్డు మంజూరు చేసి పనులు ప్రారంభించారు. అయితే రోడ్డును 14 అడుగులకే వేస్తున్నారు. సైడ్‌ డ్రైన్స్‌ కూడా నిర్మించడం లేదు. దీనివల్ల మురుగు అక్కడే నిలిచిపోతోంది. రోడ్డు కూడా వెడల్పు తగ్గడంతో ప్రజలు ఇబ్బందులు పడుతున్నారు. దీనిని పరిశీలించాలి. కాలనీలో పారిశుద్ధ్య సమస్య కూడా తీవ్రంగా ఉంది. – ఈమని బుచ్చిబాబు, గుంటూరు గుంటూరు జిల్లా వట్టిచెరుకూరు గ్రామంలో దళితులు, బీసీలకు 42 గృహాలున్నాయి. కేవలం అధికారులు, సిబ్బంది నిర్లక్ష్యంతో వీరంతా తీవ్ర ఇబ్బందులకు గురవుతున్నారు. గ్రామంలో 241 సర్వే నెంబర్‌లో 25 ఎకరాలు భూమి కింద తీసేయగా.. మిగిలిన సుమారు 86 ఎకరాలు వాటర్‌ ట్యాంకుల కింద వదిలేశారు. ఇది మొత్తం అసైన్డ్‌లోనే చేరింది. ఇందులోనే 42 మందికి సంబంధించిన ఇళ్లు ఉండడంతో రిజిస్ట్రేషన్స్‌ కాకుండా అసైన్డ్‌లో చూపిస్తున్నారు. పీజీఆర్‌ఎస్‌ సహా స్థానిక ఎమ్మెల్యే దృష్టికి తీసుకెళితే వాస్తవాలు గ్రహించి గృహాలు ఉన్న సుమారు 1.12 సెంట్లు అసైన్డ్‌ నుంచి తొలగించాలన్నారు. అర్జీ ఇచ్చినప్పుడు మాత్రం కంటి తుడుపు చర్యగా వస్తున్నారు. అధికారులు చేసిన తప్పులకు సామాన్యులు బలవుతున్నారు. దళితులు, బీసీలు అనే వివక్ష చూపుతున్నారు. అధికారులు స్పందించకపోతే న్యాయపోరాటానికి దిగుతాం. – వట్టిచెరుకూరు వాసులు నాదెండ్ల రామచంద్రయ్య తదితరులు, రజకులను ఎస్సీ జాబితాలో చేర్చాలని 1985లోనే అప్పటి రాష్ట్ర ప్రభుత్వం కేబినెట్‌ ఆమోదానికి పంపింది. 2014 ఎన్నికల మేనిఫెస్టోలో టీడీపీ ఈ అంశం చేర్చింది. తర్వాత దీనిని విస్మరించింది. 2018లో కూడా అధ్యయన కమిటీ వేశారు. రజకులు ఇప్పటికీ అన్ని రంగాల్లో దారుణంగా వెనుకబడ్డారు. వారిని అభివృద్ధి చేయాల్సిన బాధ్యత ప్రభుత్వానిదే. చంద్రబాబు ప్రభుత్వం ప్రత్యేక శ్రద్ధ తీసుకుని మాకు న్యాయం చేయాలి. – ఏపీ రజక ఎస్సీ సాధన కమిటీ నాయకులు, గుంటూరు

గుంటూరు మెడికల్‌: రాష్ట్రవ్యాప్తంగా మంగళవారం నుంచి ప్రభుత్వ టీచింగ్‌ ఆసుపత్రుల్లో ఓపీ వైద్య సేవలకు అరగంటసేపు విరామం ఇచ్చి నిరసన తెలియజేస్తామని ప్రభుత్వ వైద్యుల సంఘం ఆంధ్రప్రదేశ్‌ రాష్ట్ర అధ్యక్షుడు డాక్టర్‌ బాబ్జి శ్యామ్‌కుమార్‌, జనరల్‌ సెక్రటరీ డాక్టర్‌ స్వరూప్‌కాంత్‌లు తెలిపారు. తమ నిరసనలో భాగంగా సోమవారం గుంటూరు వైద్య కళాశాలలో ప్రభుత్వ వైద్యుల సంఘం నేతలు నల్లబ్యాడ్జీలు ధరించారు. ఫ్లెక్సీలు చేతపట్టుకుని నినాదాలు చేశారు. ప్రభుత్వం నుంచి రావాల్సిన బకాయిలు తక్షణమే విడుదల చేయాలని డిమాండ్‌ చేశారు. విడతల వారీగా నిరసన కార్యక్రమాలు చేపట్టినా ప్రభుత్వం నుంచి స్పందన రాకపోవడంతో సోమవారం డైరెక్టర్‌ ఆఫ్‌ మెడికల్‌ ఎడ్యుకేషన్‌ను కలిసి సమ్మె నోటీసు అందజేశామన్నారు. అందులో భాగంగా మంగళవారం నుంచి వారం పాటు రోజూ అరగంటసేపు ఓపీ వైద్య సేవలకు విరామం ప్రకటిస్తామన్నారు. సెప్టెంబరు 8 నుంచి మధ్యాహ్నం ఓపీ సేవలు నిలిపి వేస్తామని, సెప్టెంబరు 15 నుంచి రిలే నిరాహార దీక్షలు చేస్తామని పేర్కొన్నారు. ప్రభుత్వం స్పందించని పక్షంలో దశల వారీగా నిరసనలు తీవ్రం చేస్తామని వైద్యుల సంఘం నేతలు హెచ్చరించారు. నిరసన కార్యక్రమంలో జిల్లా సంఘం నేతలు డాక్టర్‌ అజయ్‌, డాక్టర్‌ రాజా, డాక్టర్‌ శివగోపాల్‌ తదితరులు పాల్గొన్నారు. ప్రభుత్వ వైద్యుల సంఘం నేతలు

తాడేపల్లి : వెలిగొండ ప్రాజెక్టు అంశానికి సంబంధించి చంద్రబాబు ప్రారంభించి, పూర్తి చేసిన పని ఒక్కటీ లేదని వైఎస్సార్‌సీపీ ఎమ్మెల్యే తాటిపర్తి చంద్రశేఖర్‌ విమర్శించారు. 1996 వెలిగొండ ప్రాజెక్టు శంకుస్థాపన చేసి తట్ట మట్టి కూడా తవ్వలేదని మండిపడ్డారు. ఒకవేళ చంద్రబాబు ప్రాజెక్టుకు ఏమైనా ఉంటే అప్పటి ఫోటోలు, వీడియోలు బయటపెట్టగలరా? అని నిలదీశారు. తీగలేరు కాలువ సుంకేశుల, కాకర్ల, గొట్టిపడియ గ్యాప్ పనులు చేసింది వైఎస్సార్ అని, వైఎస్‌ జగన్‌ వచ్చాక జంట సొరంగాలు పూర్తి చేశారన్నారు. ఈరోజు(సోమవారం, ఆగస్టు 31వ తేదీ) తాడేపల్లి వైఎస్సార్‌సీపీ కేంద్ర కార్యాలయం నుంచి మాట్లాడిన తాటిపర్తి చంద్రశేఖర్‌.. వైఎస్సార్‌, జగన్‌ల సంకల్పానికి చంద్రబాబు సాష్టాంగ నమస్కారం చేయాలన్నారు. ‘ నలమల రిజర్వాయర్ దగ్గరకు చంద్రబాబు ఎందుకు వెళ్లటం లేదు?, అక్కడికి వెళ్తే నిర్వాసితులు నిలదీస్తారని చంద్రబాబుకు భయం. రూ.6 లక్షల నుండి రూ.12 లక్షలకు పరిహారం పెంచింది జగన్ ప్రభుత్వం. మరి చంద్రబాబు నిర్వాసితులకు ఏం చేశారు?, రెండున్నరేళ్లయినా మార్కాపురం కలెక్టర్ ఆఫీసు కట్టలేకపోయిన వ్యక్తి చంద్రబాబు. జగన్ కట్టించిన స్కూల్ లో చంద్రబాబు కలెక్టర్ ఆఫీసు పెట్టారు. అలాంటి వ్యక్తి వెలిగొండ ప్రాజెక్టు కట్టారంటే ఎవరైనా నమ్ముతారా?, నిర్వాసితులకు పరిహారం ఇవ్వకుండా బలవంతంగా గ్రామాలు ఖాళీ చేయించారు. వారికి ఇతర ప్రాంతాలలో ఇల్లు దొరక్క తీవ్ర ఇబ్బందులు పడుతున్నారు. చెట్ల కింద తలదాచుకునే పరిస్థితిలో రోశమ్మ అనే మహిళ చనిపోయింది. బలవంతంగా ఊరు ఖాళీ చేయించటంతో మనస్థాపంతో రోశమ్మ మృతి చెందింది. నిర్వాసితులకు ఇచ్చే భూమితో టీడీపీ నేతలు రియల్ ఎస్టేట్ వ్యాపారం చేస్తున్నారు. అమరావతిలో భూములు ఇచ్చిన రైతులకు చేసిన న్యాయం వెలిగొండ రైతులకు ఎందుకు చేయరు?, వారికొక న్యాయం, వీరికొక న్యాయమా?, ప్రతి ఒక్కరికీ ఆర్ ఆండ్ ఆర్ ప్యాకేజీ కింద పరిహారం ఇవ్వాలి. చంద్రబాబు భజనలో ఎంపీ మాగుంట శ్రీనివాసరెడ్డి ఉన్నారు. రాజకీయ జీవితం ప్రసాదించిన వైఎస్సార్ ఫ్యామిలీపై వ్యాఖ్యలు సబబు కాదు. ఎంపీ మాగుంట నోరు అదుపులో పెట్టుకోవాలి’ అని హెచ్చరించారు."కరోనా కాలంలోనూ వైఎస్‌ జగన్‌ వెలిగొండ పనులను ఆపలేదు"

సాక్షి, తాడేపల్లి: వైఎస్సార్‌సీపీ అధ్యక్షుడు, మాజీ ముఖ్యమంత్రి వైఎస్‌ జగన్‌ రేపటి(మంగళవారం) నుంచి పులివెందులలో పర్యటించనున్నారు. సెప్టెంబర్‌ 2న ఇడుపులపాయలో జరిగే దివంగత ముఖ్యమంత్రి డాక్టర్‌ వైఎస్‌ రాజశేఖర్‌రెడ్డి వర్ధంతి కార్యక్రమంలో పాల్గొని వైఎస్సార్‌ ఘాట్‌ వద్ద నివాళులర్పించనున్నారు.01.09.2026 షెడ్యూల్‌ ఇలా.. వైఎస్‌ జగన్‌ సెప్టెంబర్‌ 1న(మంగళవారం) మధ్యాహ్నం 12 గంటలకు పులివెందుల చేరుకుంటారు. అనంతరం భాకరాపురంలోని క్యాంప్‌ కార్యాలయంలో ప్రజలకు అందుబాటులో ఉంటారు. రాత్రికి పులివెందులలోని తన నివాసంలో బస చేస్తారు.02.09.2026 షెడ్యూల్‌..సెప్టెంబర్‌ 2న ఉదయం పులివెందుల నివాసం నుంచి బయలుదేరి ఉదయం 7.45 గంటలకు ఇడుపులపాయ చేరుకుంటారు. అక్కడ వైఎస్సార్‌ ఘాట్‌ వద్ద తన తండ్రి, దివంగత ముఖ్యమంత్రి డాక్టర్‌ వైఎస్‌ రాజశేఖర్‌రెడ్డి వర్ధంతి సందర్భంగా ఏర్పాటు చేసిన కార్యక్రమంలో పాల్గొని నివాళులర్పిస్తారు. ఈ కార్యక్రమం అనంతరం వైఎస్‌ జగన్‌ అక్కడి నుంచి తిరుగు ప్రయాణం అవుతారు.చదవండి: తానే శంకుస్థాపన చేసి, తానే పూర్తి చేసినట్టు బాబు అబద్ధాలు.. వెలిగొండలో క్రెడిట్‌ చోరీ

తరగతి గదిలో ఉపాధ్యాయుడు బోధిస్తున్న పాఠంలో సందేహాలను నివృత్తి చేసుకోవడం సాధారణంగా విద్యార్థుల్లో కనిపించే లక్షణం. అదే తరహాలో చెట్టు నుంచి ఆపిల్‌ కింద పడితే అది ఎందుకు కింద పడిందని తనలో తాను ప్రశ్నించుకోవడం ద్వారా భూమికి ఆకర్షణ శక్తి ఉందని కనుగొన్న న్యూటన్‌ గొప్ప భౌతిక శాస్త్రవేత్తగా ఎదిగారు. శాస్త్ర, సాంకేతిక పరిశోధనలు, ఆవిష్కరణలతో ప్రపంచం గర్వించే శాస్త్రవేత్తగా నిలిచారు డాక్టర్‌ ఏపీజే అబ్దుల్‌ కలాం. సీవీ రామన్‌, మోక్షగుండం విశ్వేశ్వరయ్య వంటి ఎంతో మంది ఈ జాబితాలో ఉన్నారు. ఇదంతా గతంగా మారుతోంది. సమాజంలో ప్రస్తుతం శాస్త్రవేత్తలు కనుమరుగు అవుతున్నారు. ఇంజినీరింగ్‌, మెడిసిన్‌ కోర్సులు తప్ప ఇక ఏవీ లేవనే ధోరణి పెరిగిపోతోంది. ఈ నేపథ్యంలో భావి శాస్త్రవేత్తలను సిద్ధం చేసేందుకు కేంద్ర ప్రభుత్వం అడుగులు వేస్తోంది. బాల మేధ..ఆసక్తి ఉండాలే కానీ వేల మంది శాస్త్రవేత్తలను తీర్చిదిద్దే విశ్వవిద్యాలయాలు, ప్రోత్సాహకాలు మన దేశంలో ఉన్నాయి. దేశవ్యాప్తంగా ఉన్న 22 ఐఐటీల్లో 10,250 సీట్లు భావి శాస్త్రవేత్తలకు ఉన్నాయి. 31 ఎన్‌ఐటీల్లో 18,750 సీట్లు ఉన్నాయి. ఇస్రో, నాసాల ద్వారా ఏటా వెయ్యి మందికి 15 రోజులపాటు ఉచిత శిక్షణ ఇస్తున్నాయి. దేశంలో పరిశోధనా రంగంలోనూ అనేక అవకాశాలు ఉన్నాయి. ప్రస్తుతం రోబోటిక్‌ సైన్స్‌కు విశేష ఆదరణ ఉంది. మరోవైపు శాస్త్రవేత్తల కొరత తీవ్రంగా ఉంది. అది ఎంతగా అంటే దేశ జనాభాలో కేవలం నాలుగు శాతమే శాస్త్రవేత్తలు ఉన్నారు. నేటి విద్యార్థులు బంగారు భవిష్యత్తు సాధించడంతోపాటు దేశానికి మేలు చేయడానికి ఈ చక్కని అవకాశాలను ఉపయోగించుకోవచ్చు. గుంటూరు ఎడ్యుకేషన్‌: పాఠశాల స్థాయి విద్యార్థుల్లో శాస్త్ర, సాంకేతిక పరిజ్ఞానాన్ని పెంపొందించి నూతన ఆవిష్కరణల దిశగా ప్రోత్సహించేందుకు కేంద్రం కృషి చేస్తోంది. శాసీ్త్రయ దృక్పథాన్ని పెంచి భవిష్యత్‌ శాస్త్రవేత్తలను తయారు చేసే లక్ష్యంగా విభిన్న కార్యక్రమాలను అమలు పరుస్తోంది. సమాజం ఎదుర్కొంటున్న సవాళ్లు, వివిధ సమస్యలకు తమ మేధస్సుతో పరిష్కారం చూపగలిగే చిట్టిబుర్రల కోసం అన్వేషిస్తోంది. అలాంటి బాల మేధావులకు నేషనల్‌ సైన్స్‌ కాంగ్రెస్‌ చక్కటి వేదికగా మారుతోంది. దీని ద్వారా ఏటా అందించే నినాదంపై విద్యార్థులు తమ మేధస్సుతో చూపే పరిష్కార మార్గాన్ని నివేదిక రూపంలో తయారు చేసుకుని జిల్లాస్థాయిలో జరిగే సెమినార్‌లో దానిని న్యాయనిర్ణేతల ఎదుట చెప్పాలి. ఇందుకు గాను నేషనల్‌ సైన్స్‌ కాంగ్రెస్‌కు రిజిస్ట్రేషన్‌ గడువు సోమవారం ముగియనుంది. యువికా యువ శాస్త్రవేత్త యువికా పేరుతో యువ శాస్త్రవేత్తలను తీర్చిదిద్దేందుకు భారత అంతరిక్ష పరిశోధనా సంస్థ (ఇస్రో) ఆధ్వర్యంలో నిర్వహిస్తున్న ప్రత్యేక కార్యక్రమం. 9వ తరగతి స్థాయిలో విద్యార్థుల్లో అంతరిక్ష పరిశోధనపై ఆసక్తిని పెంపొందించడమే లక్ష్యంగా వివిధ ఇస్రో కేంద్రాల్లో రెండు వారాల రెసిడెన్షియల్‌ శిక్షణ నిర్వహిస్తున్నారు. విద్యార్థులు మోడల్‌ రాకెట్రీని నిర్మించడం, రోబోటిక్‌ కోడింగ్‌, డ్రోన్‌ ప్రదర్శనలు, అంతరిక్ష శాస్త్రవేత్తలతో నేరుగా సంభాషించడం ద్వారా ప్రత్యక్ష అనుభవాన్ని పొందుతారు. యువికా యంగ్‌ సైంటిస్ట్‌ కార్యక్రమానికి అయ్యే ఖర్చును కేంద్ర ప్రభుత్వమే భరిస్తుంది. విద్యార్థులకు ప్రయాణ, భోజన, వసతి ఖర్చులకు నిధులు కేటాయిస్తోంది. కేంద్ర ప్రభుత్వ సైన్స్‌ అండ్‌ టెక్నాలజీ సైట్‌లో యువికా యంగ్‌ సైంటిస్ట్‌కు సంబంధించిన పూర్తి వివరాలను తెలుసుకోవచ్చు. ఆవిష్కరణల కేంద్రంగా ఇన్‌స్పైర్‌ మానక్‌ కేంద్ర శాస్త్ర, సాంకేతిక విభాగం ఆధ్వర్యంలో ఏటా జిల్లా, రాష్ట్ర, జాతీయస్థాయిలలో ఇన్‌స్పైర్‌ మానక్‌ వైజ్ఞానిక ప్రదర్శనలు జరుగుతున్నాయి. దేశంలోని అన్ని రాష్ట్రాల్లో ఏటా వేలాది చిట్టిబుర్రల్లో నూతన ఆలోచనలను రేకెత్తించి, భావి శాస్త్రవేత్తలుగా తీర్చిదిద్దేందుకు నిర్వహిస్తున్న భారీ కార్యక్రమంగా దీనిని చెప్పుకోవచ్చు. పాఠశాల స్థాయిలో ఇలాంటి ఆలోచనలకు బీజం వేసే బాధ్యతను ప్రధానోపాధ్యాయులతోపాటు సైన్స్‌ ఉపాధ్యాయులకు అప్పగించింది. తాజాగా 2026–27 విద్యాసంవత్సరానికి ఇన్‌స్పైర్‌ మానక్‌ రిజిస్ట్రేషన్లను ప్రారంభించిన కేంద్ర శాస్త్ర, సాంకేతిక విభాగం (డీఎస్‌టీ) ఆన్‌లైన్‌లో ప్రాజెక్టు నివేదికలను ఆహ్వానిస్తోంది. విద్యా, వైజ్ఞానిక, శాస్త్ర, సాంకేతిక, పర్యావరణ, అంతరిక్ష, వైద్య, ఆరోగ్య, వ్యవసాయ రంగాల వారీగా నూతన ఆవిష్కరణలకు దోహదం చేసే సమగ్ర నివేదికను ఆన్‌లైన్‌లో నమోదు చేయాల్సి ఉంది. ఆన్‌లైన్‌లో రిజిస్ట్రేషన్‌ చేసుకునేందుకు సెప్టెంబర్‌ 15వ తేదీ వరకు గడువు ఉంది. ప్రభుత్వ, జెడ్పీ, కేజీబీవీ, మోడల్‌ స్కూల్స్‌, రెసిడెన్షియల్‌, సాంఘిక, సంక్షేమ పాఠశాలలు, హాస్టళ్లతో పాటు గుర్తింపు పొందిన ప్రైవేటు ఉన్నత, ప్రాథమికోన్నత పాఠశాలలు, జూనియర్‌ కళాశాలల్లో ఆరు నుంచి 12వ తరగతి చదువుతున్న విద్యార్థులు అర్హులు. తాము ఎంచుకున్న ప్రాజెక్టు పేరు, దాని వలన సమాజానికి జరిగే మేలు వంటి అంశాలతో ప్రాజెక్టు నివేదికను గైడ్‌ టీచర్‌ సహాయంతో సిద్ధం చేసుకుని ఆన్‌లైన్‌లో నమోదు చేసుకోవాలి. ప్రాజెక్టు తయారీకి రూ.10 వేల చొప్పున నిధులను కేంద్ర ప్రభుత్వమే సమకూరుస్తుంది. ఓ ఎగ్జిబిషన్‌లో తాము తయారు చేసిన ప్రాజెక్టులతో విద్యార్థులు (ఫైల్‌) బడుల్లోనే ల్యాబ్‌లు ఏర్పాటు చేసి ప్రయోగాలు నిర్వహించడం లక్ష్యంగా అటల్‌ టింకరింగ్‌ లాబొరేటరీస్‌ (ఏటీఎల్‌)ను అటల్‌ ఇన్నోవేషన్‌ మిషన్‌ ద్వారా అమలు చేస్తున్నారు. ఇన్నోవేషన్‌ ల్యాబ్‌ల ఏర్పాటుకు పాఠశాలలకు గ్రాంట్లను అందిస్తుంది. విద్యార్థులు భావనాత్మక సిద్ధాంతాలను ఆచరణాత్మక ఆవిష్కరణలుగా మార్చడానికి త్రీడీ ప్రింటింగ్‌, ఆర్టిఫిషియల్‌ ఇంటెలిజెన్స్‌, రోబోటిక్స్‌, మైక్రో కంట్రోలర్లు, అధునాతన శాసీ్త్రయ కిట్‌ల గురించి తెలుసుకుంటారు. విద్యార్థినుల్లో శాసీ్త్రయ ఆలోచనలు రేకెత్తించి, ప్రతిభావంతులైన బాలికలను శాస్త్రవేత్తలుగా తీర్చిదిద్దేందుకు ఉద్దేశించిన కార్యక్రమమైన విజ్ఞాన్‌ జ్యోతి. ఈ పథకం ద్వారా 9 నుంచి 12వ తరగతి వరకు చదువుతున్న ప్రతిభావంతులైన బాలికలు అర్హులు. శాసీ్త్రయ కౌన్సెలింగ్‌, నిపుణుల ఉపన్యాసాలు, మహిళా శాస్త్రవేత్తలతో ప్రత్యక్ష సంభాషణ, బాలికల్లో పరిశోధనాసక్తిని ప్రోత్సహించడం, సైన్స్‌ ల్యాబ్‌లు, రక్షణ అకాడమీలు, టెక్నాలజీ హబ్‌లకు పూర్తి నిధులతో కూడిన సందర్శనలు ఇందులో ఉన్నాయి.

నెహ్రూనగర్‌: రాష్ట్రంలో టీడీపీ ప్రభుత్వం పూర్తిగా కక్షపూరిత రాజకీయాలకు పాల్పడుతోందని, ప్రజల పక్షాన నిలబడి ప్రభుత్వాన్ని ప్రశ్నిస్తున్న వైఎస్సార్‌సీపీ నాయకుల గొంతు నొక్కేందుకు అక్రమ అరెస్టు చేస్తోందని గుంటూరు తూర్పు మాజీ ఎమ్మెల్యే మొహమ్మద్‌ ముస్తఫా, వైఎస్సార్‌ కాంగ్రెస్‌ పార్టీ గుంటూరు నగర అధ్యక్షురాలు, తూర్పు నియోజకవర్గ సమన్వయకర్త షేక్‌ నూరి ఫాతిమా ధ్వజమెత్తారు. అక్రమ కేసులో నెల్లూరు సెంట్రల్‌ జైలులో 24 రోజులపాటు రిమాండ్‌లో ఉండి బెయిల్‌పై విడుదలైన మాజీ ఎమ్మెల్యే ముస్తఫాకు గుంటూరు నగరంలో వైఎస్సార్‌సీపీ శ్రేణులు, అభిమానులు, ప్రజలు ఘనస్వాగతం పలికారు. గుంటూరు మిర్చి యార్డు వద్దకు చేరుకున్న ఆయన చుట్టుగుంట, హిందూ కాలేజీ సిగ్నల్స్‌, పాత బస్టాండు మీదుగా ఆర్టీసీ బస్టాండ్‌ సమీపంలోని వైఎస్సార్‌సీపీ నగర పార్టీ కార్యాలయం వరకు ర్యాలీగా వచ్చారు. అనంతరం నగర పార్టీ కార్యాలయంలో మీడియా సమావేశంలో ఆయన మాట్లాడారు. వైఎస్సార్‌సీపీ ప్రభుత్వంలో ఒక్కరిని కూడా అకారణంగా జైళ్లకు పంపలేదని ముస్తఫా గుర్తుచేశారు. కానీ కూటమి ప్రభుత్వంలో కక్షతో అందర్నీ అన్యాయంగా జైళ్లకు తరలిస్తుండటం దుర్మార్గమని ఆవేదన వ్యక్తం చేశారు. పాలకులకు ఆ భగవంతుడే తగిన శిక్ష విధిస్తారని హెచ్చరించారు. తన సుదీర్ఘ రాజకీయ జీవితంలో ప్రజలకు ఎన్నడూ అన్యాయం చేయలేదని, ఏ పార్టీ వారికి కూడా ఎలాంటి హాని తలపెట్టలేదని స్పష్టం చేశారు. కక్షతో అక్రమంగా జైలుకు పంపారని ఆరోపించారు. ఇకనైనా కూటమి నేతలు తమ వైఖరి మార్చుకోవాలన్నారు. లేదంటే ప్రజలే తగిన బుద్ధి చెబుతారని హెచ్చరించారు. ప్రజల కోసం నిలబడతాం పార్టీ నగర అధ్యక్షురాలు షేక్‌ నూరి ఫాతిమా మాట్లాడుతూ ముస్తఫా వైఎస్సార్‌సీపీ మాజీ ఎమ్మెల్యే ఎమ్మెల్యే అనే ఏకై క కారణంతోనే ఇలా వేధించారని మండిపడ్డారు. వ్యాపారాల్లో సాధారణంగా జరిగే లావాదేవీలను సైతం పెద్దవిగా చిత్రీకరించి ఇలా జైలుకు పంపించడం దుర్మార్గమైన చర్య అని ఆగ్రహం వ్యక్తం చేశారు. ప్రజల సమస్యల కోసం నిలబడే వైఎస్సార్‌సీపీ శ్రేణులను భయభ్రాంతులకు గురిచేసే కుట్రలో భాగంగానే ఇలా వ్యవహరిస్తున్నట్లు మండిపడ్డారు. ఎన్ని కేసులు పెట్టినా, ఎలాంటి వేధింపులకు గురిచేసినా ప్రజా గొంతుకగా నిలబడటాన్ని ఆపలేరని ఆమె స్పష్టం చేశారు. తమ అధినేత వైఎస్‌ జగన్‌మెహన్‌రెడ్డి నేతృత్వంలో ప్రజలకు అండగా ఉంటామన్నారు. అనంతరం మంగళదాస్‌ నగర్‌లోని ముస్తఫా ఇంటి వద్దకు నూజివీడు వైఎస్సార్‌ కాంగ్రెస్‌ పార్టీ మాజీ ఎమ్మెల్యే మేక వెంకట ప్రతాప్‌ అప్పారావు వచ్చి పరామర్శించారు. ఈ కార్యక్రమంలో వైఎస్సార్‌ కాంగ్రెస్‌ పార్టీ జిల్లా ఉపాధ్యక్షుడు నందేటి రాజేష్‌, పార్టీ రాష్ట్ర నాయకులు ఎర్ర బాబు, చదలవాడ వేణు, చిలకా రమేష్‌, చింక శీను, పల్లా శీను, పూనూరి నాగేశ్వరావు, తుమ్మేటి శీను, తూర్పు, పశ్చిమ నియోజకవర్గం మాజీ కార్పొరేటర్లు పోలవరపు జ్యోతి వెంకటేశ్వర్లు, మహమూద్‌, షేక్‌ ఆబిద్‌, ధూపాటి వంశీ, పాపతోటి అంబేడ్కర్‌, రమణ బోయిన అజయ్‌, షేక్‌ ఫర్జానా, జిల్లా ట్రేడ్‌ యూనియన్‌ అధ్యక్షుడు శేషగిరి పవన్‌ కుమార్‌, జిల్లా మైనార్టీ సెల్‌ అధ్యక్షులు సైదా ఖాన్‌, నగర ఎస్సీ సెల్‌ అధ్యక్షుడు ఆలా కిరణ్‌, యువజన విభాగం జనరల్‌ సెక్రటరీ ఉమర్‌ ఫరూక్‌, నగర యువజన విభాగం సెక్రటరీ ధూపాటి అనిల్‌, డివిజన్‌ అధ్యక్షులు సలీం, జాఫర్‌, రామయ్య, జబీరా, పుల్లా కిషోర్‌, గణేష్‌, సత్యం, ఇషాక్‌, నజీర్‌, రాజేష్‌, తుమ్మెటి కృష్ణ, కోటా రామదాసు, వేణు, పార్టీ వివిధ విభాగాల అధ్యక్షులు, పార్టీ ముఖ్య నాయకులు, మహిళలు, కార్యకర్తలు పెద్ద ఎత్తున పాల్గొన్నారు.

తాడికొండలో ఎండిపోయిన వరి పైరువర్షాకాలం సీజన్‌ ప్రారంభమైనా చినుకు జాడ లేకపోవడంతో అన్నదాతలు ఆశలు ఆవిరవుతున్నాయి. తాడికొండ ఆయకట్టు ప్రాంతంలో వరి ఈ ఏడాది 700 ఎకరాల్లో సాగవుతోంది. రైతులు వెద పద్ధతిలో సాగు చేశారు. రెండు నెలలుగా వర్షాభావ పరిస్థితుల నేపథ్యంలో ప్రస్తుతం పైరు ఎండిపోతోంది. దీంతో అన్నదాతలు ఆవేదన వ్యక్తం చేస్తున్నారు. ఆరుగాలం శ్రమించి పెట్టుబడులు పెట్టి సాగుకు సన్నద్ధమైతే ఎల్‌నినో ప్రభావం తమ కొంప ముంచిందని వాపోతున్నారు. చంద్రబాబు ప్రభుత్వం ఇకనైనా స్పందించి ఆదుకోవాలని పలువురు రైతులు కోరుతున్నారు. – తాడికొండ

గుంటూరు నగరపాలక సంస్థ ఇంజినీరింగ్‌ విభాగం అక్రమాలకు అడ్డాగా మారింది. ప్రజాధనంతో చేపట్టే అభివృద్ధి పనులను కొందరు అధికారులు, సిబ్బంది తమ జేబులు నింపుకొనే వ్యాపారంగా మార్చేశారు. నాణ్యతను పర్యవేక్షించాల్సిన వర్క్‌ ఇన్‌స్పెక్టర్లే చక్రం తిప్పుతూ ‘బినామీ’ కాంట్రాక్టర్లుగా అవతారమెత్తారు. ఉన్నతాధికారుల అండతో సాగుతున్న ఈ వ్యవహారం ఇటీవల అవినీతి నిరోధక శాఖ (ఏసీబీ) ఆకస్మిక సోదాలతో బట్టబయలైంది. నెహ్రూనగర్‌: గుంటూరు నగర పరిధిలో ఏ అభివృద్ధి పని జరగాలన్నా కొందరు వర్క్‌ ఇన్‌స్పెక్టర్లే కీలకంగా వ్యవహరిస్తున్నారు. ప్రభుత్వ నిబంధనల ప్రకారం వీరికి వార్డు ఎమినిటీ సెక్రటరీలుగా పోస్టింగులు కేటాయించారు. కానీ వారు నిర్దేశిత విధులకు వెళ్లకుండా వారికి నచ్చిన చోటే పనులు చేసుకుంటున్నారనే ఆరోపణలు ఉన్నాయి. కొంతమంది ఏఈలు, డీఈలతో కుమ్మకై ్క తమకు నచ్చిన ప్రాంతాల్లో బినామీ పేర్లతో టెండర్లు దక్కించుకుంటున్నారనే విమర్శలు ఉన్నాయి. లాగిన్‌లు వారివే.. పనులూ వారివే! టెండర్ల ప్రక్రియను పారదర్శకంగా నిర్వహించాల్సిన అధికారుల లాగిన్‌ ఐడీలు, పాస్‌వర్డ్‌లు సైతం ఔట్‌సోర్సింగ్‌ సిబ్బంది చేతుల్లోనే ఉండటం గమనార్హం. పనులు చేసేది, ఆన్‌లైన్‌లో టెండర్లు అప్‌లోడ్‌ చేసేది వీరే కావడంతో రూ.కోట్ల విలువైన పనుల్లో భారీ మాయాజాలం నడిచింది. ఇందులో కొన్ని పదుల సంఖ్యలో వర్కులకు అసలు టెండర్లే లేవంటే పరిస్థితి అర్థం చేసుకోవచ్చు. లెస్సు పర్సంటేజీలు మార్చేసి నగరపాలక సంస్థ ఖజానాకు రూ.కోట్ల మేర గండి పడినట్లు ఏసీబీ ప్రాథమిక విచారణలో తేలడంతో అక్రమార్కుల గుండెల్లో రైళ్లు పరిగెడుతున్నాయి. టీడీపీ నేతల పేరుతో వసూళ్లు నగరంలో సాగే ప్రతి పనికీ అధికార టీడీపీ నేతలకు పర్సంటేజీల రూపంలో కమీషన్లు ఇవ్వాల్సి వస్తోందనే విమర్శలు తీవ్రస్థాయిలో ఉన్నాయి. ఇదే అదనుగా భావించిన ఓ వార్డు ఎమినిటీ సెక్రటరీ మరింత చేతివాటం ప్రదర్శించాడు. సదరు టీడీపీ ముఖ్య నేతకు కమీషన్‌ ముట్టజెప్పాలంటూ ఓ కాంట్రాక్టర్‌ నుంచి పెద్ద మొత్తంలో వసూలు చేశాడు. ఆ మొత్తాన్ని తానే కాజేశాడనే ఆరోపణలు ఉన్నాయి. విషయం తెలుసుకున్న టీడీపీ నేత తన వాటా కోసం ఒత్తిడి చేసినా ఫలితం లేకుండా పోయింది. ఈ వ్యవహారం ప్రస్తుతం కార్పొరేషన్‌ వర్గాల్లో తీవ్ర చర్చనీయాంశంగా మారింది. ఇటీవల ఏఈల బదిలీలు జరగడంతో ఇంజినీరింగ్‌ విభాగంలో సరికొత్త వివాదం మొదలైంది. గతంలో పనిచేసిన అధికారులకు కాంట్రాక్టర్లు ముందుగానే భారీగా కమీషన్లు ముట్టజెప్పారు. అయితే నూతనంగా బాధ్యతలు చేపట్టిన కొందరు ఏఈలు ఆ పనులకు సంబంధించిన బిల్లులు క్లియర్‌ చేయాలంటే తమకు మళ్లీ కమీషన్‌ ఇవ్వాల్సిందేనని పట్టుబడుతున్నారు. ఇప్పటికే పాత అధికారులకు ముడుపులు చెల్లించి ఆర్థిక ఇబ్బందుల్లో ఉన్న కాంట్రాక్టర్లు, మళ్లీ ఇచ్చే స్తోమత లేక లబోదిబోమంటున్నారు. బిల్లుల ఫైళ్లు కదిలేది లేదని అధికారులు భీష్మించుకు కూర్చోవడంతో నానా అవస్థలు పడుతున్నారు. ఏసీబీ అధికారులు లోతైన దర్యాప్తు జరిపి ఈ దోపిడీ నెట్‌వర్క్‌పై కఠిన చర్యలు తీసుకోవాలని అసలైన కాంట్రాక్టర్లు, నగర ప్రజలు కోరుతున్నారు.

గుంటూరు ఎడ్యుకేషన్‌: టెట్‌ నోటిఫికేషన్‌లో మార్పులు చేయాలని డిమాండ్‌ చేస్తూ సెప్టెంబర్‌ 2వ తేదీ నుంచి మంగళగిరిలోని విద్యాభవన్‌ ఎదుట ఏపీటీఎఫ్‌ చేపడుతున్న నిరవధిక ధర్నాను విజయవంతం చేయాలని రాష్ట్ర ప్రధాన కార్యదర్శి కె.బసవలింగారావు పిలుపునిచ్చారు. ఆదివారం కన్నావారితోటలోని ఏపీటీఎఫ్‌ జిల్లా కార్యాలయంలో గుంటూరు జిల్లా శాఖ అధ్యక్షుడు గుడిపాటి దాస్‌ అధ్యక్షతన నిర్వహించిన జిల్లా సబ్‌ కమిటీ సమావేశంలో ముఖ్య అతిథిగా ఆయన మాట్లాడారు. టెట్‌పై ఇన్‌ సర్వీస్‌ సీనియర్‌ ఉపాధ్యాయులు ఎంతో ఆందోళనలో ఉన్నారని చెప్పారు. ఉపాధ్యాయులకు పరీక్ష నుంచి మినహాయింపు ఇస్తూ అసెంబ్లీలో తీర్మానం చేయాలని కోరారు. మంగళగిరిలోని విద్యాభవన్‌ ముందు చేపట్టే ధర్నా విజయవంతం చేయాలన్నారు. సమస్య పరిష్కారం అయ్యేవరకు ధర్నా కొనసాగిస్తామని తెలిపారు. ఏపీటీఎఫ్‌ గుంటూరు జిల్లా శాఖ ప్రధాన కార్యదర్శి మహ్మద్‌ ఖలీద్‌, జిల్లా శాఖ కార్యదర్శులు చక్కా వెంకటేశ్వరరావు, పచ్చల శివరామకృష్ణ, కంబా శ్రీనివాసరావు, పల్నాడు జిల్లా రాష్ట్ర కౌన్సిలర్‌ ఎస్‌ఎస్‌ఎన్‌ మూర్తి, జిల్లా కౌన్సిలర్లు కిశోర్‌ షా, గురుమూర్తి, ఖుద్దూస్‌, జహంగీర్‌ పాల్గొన్నారు.

మాచర్ల: ఇటీవల అస్వస్థతకు గురైన మాజీ మంత్రి, వైఎస్సార్‌ సీపీ గుంటూరు జిల్లా అధ్యక్షుడు అంబటి రాంబాబును హైదరాబాద్‌లోని అపోలో ఆస్పత్రిలో పార్టీ పల్నాడు జిల్లా అధ్యక్షుడు పిన్నెల్లి రామకృష్ణారెడ్డి ఆదివారం పరామర్శించారు. ఆరోగ్య పరిస్థితిపై ఆరా తీశారు. అంబటి త్వరగా పూర్తిస్థాయిలో కోలుకుని, సంపూర్ణ ఆరోగ్యంతో తిరిగి ప్రజా సేవలో పాల్గొనాలని ఆకాంక్షించారు. ఉత్సాహంగా కూడో జిల్లా స్థాయి పోటీలుగుంటూరు వెస్ట్‌(క్రీడలు): గుంటూరు జిల్లా కూడో అసోసియేషన్‌ ఆధ్వర్యంలో జిల్లా స్థాయి టోర్నమెంట్‌ స్థానిక బీఆర్‌ స్టేడియంలో ఆదివారం నిర్వహించారు. అసోసియేషన్‌ జిల్లా కార్యదర్శి ఆర్‌.సిద్ధార్థ వర్మ మాట్లాడుతూ టోర్నమెంట్‌లో పతకాలు సాధించిన క్రీడాకారులను విశాఖపట్నంలో సెప్టెంబర్‌ 18, 19, 20 తేదీల్లో నిర్వహించనున్న రాష్ట్ర స్థాయి పోటీలకు పంపిస్తామన్నారు. ఈ కార్యక్రమంలో సీనియర్‌ కోచ్‌ బ్లాక్‌ బెల్ట్‌ 7వ డాన్‌ డి.ప్రభాకర్‌ పాల్గొన్నారు. కరాటేతో క్రమశిక్షణ, ఆత్మరక్షణ మంగళగిరి టౌన్‌: కరాటేతో క్రమశిక్షణతోపాటు ఆత్మరక్షణ కూడా అలవాటు అవుతుందని ఎయిమ్స్‌(అడ్మినిస్ట్రేషన్‌ డిపార్ట్‌మెంట్‌)కు చెందిన డాక్టర్‌ శుభోదీప్‌ మిత్ర తెలిపారు. మంగళగిరి పట్టణంలోని స్వేచ్ఛ బుద్ధ విహార్‌లో ఆదివారం జపాన్‌ కరాటే అసోసియేషన్‌(జేకేఏ) క్యూ లెవల్‌ బెల్డ్‌ గ్రేడింగ్‌ టెస్ట్‌ పోటీలు నిర్వహించారు. శుభోదీప్‌ మిత్ర మాట్లాడుతూ కరాటే నేర్చుకుంటే విద్యార్థులకు శారీరక దృఢత్వం, మానసిక స్థైర్యం పెరుగుతాయని పేర్కొన్నారు జేకేఏ ఏపీ చీఫ్‌ ఇన్‌స్ట్రక్టర్‌ రవిబాబు, జోనల్‌ చీఫ్‌ ఇన్‌స్ట్రక్టర్‌ సాగరిక పాల్గొన్నారు. అమ్మవారి నగల కోసం చెత్తలో వెతుకులాట పెదకాకాని: శివాలయంలో మాయమైన భ్రమరాంబ వారి ఆభరణాల కోసం డంపింగ్‌ యార్డులో వెతకడం పలు అనుమానాలకు తావిస్తోంది. ఆగస్టు 14వ తేదీన పెదకాకాని శ్రీ భ్రమరాంబ మల్లేశ్వరస్వామి వారి ఆలయంలో అమ్మవారికి ప్రత్యేక పూలతోపాటు బంగారు ఆభరణాలు అలంకరించారు. 18న అమ్మవారి మంగళసూత్రం, నాన్‌తాడు కనిపించడం లేదని ఆలయ అర్చకులు అధికారుల దృష్టికి తెచ్చారు. అర్చకులకు షోకాజ్‌ నోటీసులు ఇచ్చారు. ఐదుగుర్ని సస్పెండ్‌ కూడా చేశారు. పోలీసులు కేసు దర్యాప్తు చేస్తున్నారు. దాదాపు 17 రోజులు గడుస్తున్నాయి. ఈ నేపథ్యంలో ఆదివారం పోలీసులు, ఆలయ సిబ్బంది పర్యవేక్షణలో పంచాయతీ పారిశుద్ధ్య కార్మికులు ఆభరణాల కోసం సంబంధిత చెత్త వేసే ప్రదేశంలో వెతికారు. ప్రశాంతంగా నీట్‌ పీజీ గుంటూరు ఎడ్యుకేషన్‌: నీట్‌ పీజీ ఆదివారం గుంటూరు జిల్లాలో ప్రశాంతంగా జరిగింది. జిల్లాలోని వివిధ ఇంజినీరింగ్‌ కళాశాలల్లో ఏర్పాటు చేసిన ఆరు కేంద్రాల్లో ఉదయం 9 నుంచి మధ్యాహ్నం 12.30 గంటల వరకు ఆన్‌లైన్‌ విధానంలో పరీక్ష నిర్వహించారు. దరఖాస్తు చేసిన 804 మంది అభ్యర్థుల్లో 796 మంది హాజరయ్యారు. ఆయా పరీక్షా కేంద్రాల వద్ద విస్తృత తనిఖీలు నిర్వహించారు. జిల్లా కలెక్టర్‌ సీఎం సాయికాంత్‌ వర్మ, డీఆర్వో ఎన్‌ఎస్‌కే ఖాజావలి తదితరులు పరీక్షల నిర్వహణ తీరును పర్యవేక్షించారు.

తాడేపల్లి : చంద్రబాబు వెలిగొండ ప్రాజెక్ట్‌ క్రెడిట్‌ చోరీపై వైఎస్సార్‌సీపీ అధ్యక్షుడు, మాజీ సీఎం వైఎస్‌ జగన్‌మోహన్‌రెడ్డి ఆగ్రహం వ్యక్తం చేశారు. చంద్రబాబు తాను చేయని దానిని చేసినట్లు చెప్పుకోవడంపై వైఎస్‌ జగన్‌ సూటిగా ప్రశ్నించారు. దీనిలో భాగంగా వెలిగొండ ప్రాజెక్టుకు సంబంధించి ఎవరి హయాంలో ఏం చేశారో లెక్కలతో సహా వివరించారు వైఎస్‌ జగన్‌. ఈ మేరకు ‘ ఎక్స్‌’లో పోస్ట్‌ చేశారాయన. చరిత్రను మార్చే పబ్లిసిటీ ఫీట్లు, క్రెడిట్‌ చోరీ యత్నాలు‘నాన్నగారి స్వప్నమైన వెలిగొండ ప్రాజెక్టు సాకారం కావడం ఎంతో సంతోషంగా ఉంది. ఆ మహాయజ్ఞంలో భాగస్వామిని కావడం, మా ప్రభుత్వ హయాంలో అత్యంత క్లిష్టమైన జంట సొరంగాలను పూర్తిచేసి జాతికి అంకితం చేయడం, ఇవాళ వాటి ద్వారా కృష్ణా జలాలు ప్రవహించడం నాకు ఎంతో సంతృప్తినిస్తోంది. రక్షిత మంచినీరు లేక ఫ్లోరోసిస్‌తో బాధపడుతున్న లక్షలాది కుటుంబాలకు, సాగునీటి కోసం ఎదురుచూస్తున్న రైతులకు వెలిగొండ ఒక సంజీవని. కానీ వెలిగొండపై చంద్రబాబు, ఆయన ఎల్లో మీడియా చేస్తున్న హడావిడి చూస్తే ఆశ్చర్యమేస్తోంది. కొన్ని రోజులుగా చేస్తున్నవన్నీ వెలిగొండ నిర్మాణ చరిత్రను మార్చే పబ్లిసిటీ ఫీట్లు, క్రెడిట్‌ చోరీ ప్రయత్నాలే. చంద్రబాబూ.. వెలిగొండ చరిత్ర చాలా స్పష్టం. శిలాఫలకం మాత్రమే మీది… సంకల్పం, సమగ్ర నిర్మాణం వైయస్సార్‌ గారిది. కీల‌క జంట సొరంగాల పూర్తి మా ప్రభుత్వానిది. మీరు ఖర్చు చేసింది కేవలం రూ. 10 లక్షలుఇప్పుడు జరుగుతున్నది మీ క్రెడిట్‌ చోరీ. చంద్రబాబూ… మీరు, మీ అనుకూల మీడియా ఎంతగా చరిత్రను వక్రీకరించినా వాస్తవాలు మారవు. మీ మీడియాలో మీకు భజన చేయించుకున్నంత మాత్రాన నిజాలను దాచలేరు. 1996లో హడావిడిగా అప్ప‌ట్లో ఎన్నిక‌ల ముందు శంకుస్థాపన రాయి వేసి చేతులు దులుపుకొన్నారు. ఆ తర్వాత 2004 వరకూ ఎనిమిదేళ్లు అధికారంలో ఉన్నా ప్రాజెక్టును ఒక్క అడుగూ ముందుకు తీసుకెళ్లలేదు. ఆ ఎనిమిదేళ్లలో మీరు ఖర్చుచేసింది కేవలం రూ.10 లక్షలు. అదీ శంకుస్థాపన, సభ ఏర్పాట్లకే. వెలిగొండపై మీ చిత్తశుద్ధి ఏమిటో ఈ ఒక్క వాస్తవమే చెబుతోంది. వైఎస్సార్‌ ముఖ్యమంత్రి అయ్యాక జలయజ్ఞంలో భాగంగా వెలిగొండకు సమగ్ర రూపమిచ్చారు. జంట సొరంగాలు, నల్లమలసాగర్‌, మూడు డ్యామ్‌లు, ఫీడర్‌ ఛానల్‌, ప్రధాన కాలువల నిర్మాణాన్ని చేపట్టి ప్రాజెక్టును సాకారం చేశారు. వెలిగొండకు ప్రాణం 37.587 కిలోమీటర్ల జంట సొరంగాలు. అవి లేకపోతే కృష్ణా జలాలు రావు. వైఎస్సార్‌ గారు ప్రారంభించిన నిర్మాణ దశలో 20.333 కిలోమీటర్లు పూర్తయ్యాయి. 2014–19 మధ్య మీ హయాంలో జరిగింది కేవలం 6.686 కిలోమీటర్లు. ఒక్క సొరంగానికీ కూడా బ్రేక్‌త్రూ సాధించలేకపోయారు. మొత్తం మీరే నిర్మించినట్లు ఎలా చెప్పుకుంటారు?మా ప్రభుత్వ హయాంలో కరోనా, ఆర్థిక ఇబ్బందులను ఎదుర్కొంటూనే మిగిలిన అత్యంత క్లిష్టమైన 10.568 కిలోమీటర్ల తవ్వకాన్ని పూర్తిచేశాం. టన్నెల్‌–1ను 2021 జనవరిలో, టన్నెల్‌–2ను 2024 జనవరిలో పూర్తిచేశాం. 2024 మార్చి 6న జంట సొరంగాలను జాతికి అంకితం చేశాం. హెడ్‌ రెగ్యులేటర్లు, కాలువల అనుసంధాన పనులు చేపట్టి నీటి తరలింపునకు మార్గం అప్పుడే మేము సిద్ధం చేశాం. మరి మొత్తం ప్రాజెక్టును మీరే నిర్మించినట్లు ఎలా చెప్పుకుంటారు?, ఏ కాంట్రిబ్యూషన్‌ లేకుండానే మొత్తం క్రెడిట్‌ను కాజేయాలనుకోవడం మీ సహజ నైజానికి మరో నిదర్శనం కాదా?, అధికారంలోకి వచ్చాక ఈ ప్రాంతానికి మరోవైపున తీరని అన్యాయం చేశారు. మేం చేపట్టిన పెద్దదోర్నాలలోని 131 పడకల సూపర్‌ స్పెషాలిటీ ఆస్పత్రి పనులను ఎందుకు ముందుకు తీసుకెళ్లడం లేదు?, వెనుకబడిన ప్రాంత ప్రజలకు అత్యుత్తమ వైద్యం అందించేందుకు మేం ప్రారంభించిన మార్కాపురం ప్రభుత్వ మెడికల్‌ కాలేజీ నిర్మాణాన్ని ఎందుకు ఆపేశారు?చంద్రబాబూ.. ప్రచారపు ఆర్భాటాన్ని పక్కనపెట్టండిప్రభుత్వ రంగంలో పూర్తిచేయాల్సిన మెడికల్‌ కాలేజీని ప్రైవేటు పేరుతో మీ వాళ్ల చేతుల్లో పెట్టేందుకు ఎందుకు ప్రయత్నిస్తున్నారు?, వెనుకబడిన ప్రాంతాలపై మీకున్న నిర్లక్ష్యానికి ఇంతకంటే నిదర్శనం కావాలా?, జంట సొరంగాలను మేం 2024లోనే సిద్ధంచేస్తే, 26 నెలలపాటు నిర్వాసితుల పునరావాసాన్ని ఎందుకు పూర్తిచేయలేదు?, నల్లమలసాగర్‌కు నీటిని ఎందుకు తరలించలేదు?, రెండేళ్లపాటు ప్రజలకు అందాల్సిన సాగు, తాగునీటి ప్రయోజనాలను ఎందుకు ఆలస్యం చేశారు?, మ‌రోవైపు నిర్వాసితుల‌కు ఆర్అండ్ఆర్‌ ప్యాకేజీని కూడా పూర్తిగా చెల్లించ‌లేదు. ఇప్ప‌టికే వంద‌లాది కుటుంబాలు త‌మ‌కు పున‌రావాస ప్యాకేజీ కింద అందాల్సిన డ‌బ్బులు అంద‌లేద‌ని, అయినా బ‌ల‌వంతంగా ఊళ్లు ఖాళీ చేయిస్తున్నార‌ని, త‌మ ఊళ్ల‌కు క‌రెంటు క‌ట్ చేశార‌ని, తాగునీటి స‌ర‌ఫ‌రాను ఆపేశార‌ని ఆవేద‌న వ్య‌క్తం చేస్తున్నారు. ఇవేమీ మీకు కనిపించడం లేదా?, చంద్రబాబూ.. ప్రచారపు ఆర్భాటాన్ని పక్కనపెట్టండి. నల్లమలసాగర్‌ను నింపండి. రైతులకు సాగునీరు ఇవ్వండి. ఫ్లోరైడ్‌ బాధిత ప్రాంతాలకు రక్షిత మంచినీరు అందించండి.పెద్దదోర్నాల సూపర్‌ స్పెషాలిటీ ఆస్పత్రిని, మార్కాపురం ప్రభుత్వ మెడికల్‌ కాలేజీని ప్రభుత్వ రంగంలో పూర్తిచేయండి’ అని డిమాండ్‌ చేశారు. నాన్నగారి స్వప్నమైన వెలిగొండ ప్రాజెక్టు సాకారం కావడం ఎంతో సంతోషంగా ఉంది. ఆ మహాయజ్ఞంలో భాగస్వామిని కావడం, మా ప్రభుత్వ హయాంలో అత్యంత క్లిష్టమైన జంట సొరంగాలను పూర్తిచేసి జాతికి అంకితం చేయడం, ఇవాళ వాటి ద్వారా కృష్ణా జలాలు ప్రవహించడం నాకు ఎంతో సంతృప్తినిస్తోంది. రక్షిత మంచినీరు లేక… pic.twitter.com/nDineOXzWb— YS Jagan Mohan Reddy (@ysjagan) August 30, 2026 ఇదీ చదవండి:బాబూ.. చిరిగిన బ్యాగూ!

సాక్షి, తాడేపల్లి: వైఎస్‌ జగన్‌ నాయకత్వాన్ని, వ్యక్తిత్వాన్ని టార్గెట్‌ చేసి దాడి చేస్తున్నారని వైఎస్సార్‌సీపీ స్టేట్‌ కో-ఆర్డినేటర్‌ సజ్జల రామకృష్ణారెడ్డి ఆగ్రహం వ్యక్తం చేశారు. విజయసాయిరెడ్డి చేసిన ఆరోపణలతో తమ పార్టీలో అపోహలు రావొచ్చని.. అందుకే ఈ వివరణ అన్న సజ్జల.. కోటరీలో వైఎస్‌ జగన్‌ బందీ అయితే తక్కువ సమయంలోనే వైఎస్సార్‌సీపీ అధికారంలోకి వచ్చేదా? అంటూ ప్రశ్నించారు. ఇవాళ (ఆదివారం) మీడియాతో మాట్లాడిన సజ్జల.. వైఎస్‌ జగన్‌పై ఎల్లో మీడియా తప్పుడు ప్రచారం చేస్తోందని మండిపడ్డారు.‘‘పార్టీకి సుదీర్ఘకాలం నాయకత్వం వహించే సత్తా ఉన్న నేత వైఎస్‌ జగన్‌ ఒక్కరే. పేదల జీవితాల్లో వైఎస్‌ జగన్‌ మార్పు తీసుకొచ్చారు. పార్టీని వీడిన వారిపై మేము ఎప్పుడూ పెద్దగా విమర్శలు చేయలేదు. విజయసాయిరెడ్డి సొంత కారణాలతో పార్టీ నుంచి బయటకు వెళ్లారు. వైఎస్‌ జగన్‌పై దాడి చేసేందుకు కొత్త పాత్రలు తెరపైకి వస్తుంటూనే ఉంటారు. అలానే ఇప్పుడు విజయసాయిరెడ్డి అనే పాత్ర తెరపైకి వచ్చింది. వైఎస్‌ జగన్‌పై సాయిరెడ్డి తప్పుడు ప్రచారం చేస్తున్నారు. ప్రజల దృష్టి తన మీద పడాలనే ఇలాంటి వ్యాఖ్యలు చేస్తున్నారు. వైఎస్‌ జగన్‌ అ‍న్ని మతాలపట్ల సమాన గౌరవం చూపిస్తారు’’ అని సజ్జల పేర్కొన్నారు.వైఎస్‌ జగన్‌పై విమర్శలు చేస్తే పబ్లిసిటీ వస్తుందని విజయసాయిరెడ్డి అనుకుంటున్నారు. వైఎస్‌ జగన్‌ చుట్టూ కోటరీ ఉందని అసత్య ప్రచారం చేస్తున్నారు. ప్రజల్ని తప్పుదారి పట్టించేలా విష ప్రచారం చేస్తున్నారు. పార్టీలో వైఎస్‌ జగన్‌ ఒక్కరే నాయకుడు.. మేమంతా కార్యకర్తలం. వైఎస్‌ జగన్‌పై ఎవరైనా విమర్శలు చేస్తే ఎల్లో మీడియా పండగ చేసుకుంటుంది. వైఎస్‌ జగన్‌.. విజయసాయిరెడ్డికి ఎంతో గౌరవం ఇచ్చారు. విజయసాయిరెడ్డిని ఆయన ఉన్నత స్థానంలో కూర్చొబెట్టారు’’ అని సజ్జల వివరించారు.‘‘గతంలో వ్యక్తిగత కారణాలతోనే రాజీనామా చేశానని విజయసాయిరెడ్డి అన్నారు. రాజీనామా సమయంలో ఎవరితోనూ సమస్యలు లేవని చెప్పారు. ఎంపీగా, జాతీయ కార్యదర్శిగా ఇలా ఎన్నో పదవులు పార్టీ ఇచ్చింది. వైఎస్సార్‌సీపీలో విజయసాయిరెడ్డికి వచ్చినన్ని పదవులు ఎవరికి రాలేదు’’ అని సజ్జల పేర్కొన్నారు.ఇదీ చదవండి: అంబటి రాంబాబుకు వైఎస్‌ జగన్‌ పరామర్శ ‘‘వైఎస్సార్‌సీపీకి కర్త, కర్మ, క్రియ ఒక్క వైఎస్‌ జగనే. పార్టీలో నంబర్‌ వన్‌, నంబర్‌ టూ అనే ప్రశ్నే లేదు. వైఎస్‌ జగన్‌ నంబర్‌ టూ, సజ్జల నంబర్‌ వన్‌ అన్న విజయసాయిరెడ్డి వ్యాఖ్య అత్యంత అన్యాయం. వైఎస్‌ జగన్‌ లేని వైఎస్సార్‌సీపీకి అర్థమే లేదు. విజయసాయిరెడ్డిని పార్టీలో వెనక్కి లాగారన్న ఆరోపణకు ఆయనకు వచ్చిన పదవులే సమాధానం. రాజ్యసభ సభ్యత్వం, జాతీయ ప్రధాన కార్యదర్శి, పార్లమెంటరీ పార్టీ నేత, ఏపీ ప్రభుత్వ ప్రత్యేక ప్రతినిధి, ఉత్తరాంధ్ర సమన్వయకర్త, అనుబంధ విభాగాల ఇన్‌చార్జ్‌ వంటి అత్యంత కీలక బాధ్యతలు ఆయనకే దక్కాయి. 2020 నుంచే తనను తగ్గించారని విజయసాయిరెడ్డి ఇప్పుడు చెబుతున్నారు. అలా అయితే 2022లో రెండోసారి రాజ్యసభకు ఎందుకు పంపారు?..పార్టీ నుంచి వెళ్లినప్పుడు ‘వ్యక్తిగత కారణాలతోనే రాజీనామా చేస్తున్నాను. ఎవరిపైనా కోపం లేదు, సజ్జల వల్ల రాజీనామా చేయలేదు’ అని చెప్పిన విజయసాయిరెడ్డి ఇప్పుడు అందుకు విరుద్ధంగా మాట్లాడుతున్నారు. వైఎస్‌ జగన్‌ మతమార్పిడులను ప్రోత్సహించారన్న విజయసాయిరెడ్డి ఆరోపణ దారుణం. వైఎస్‌ కుటుంబం అన్ని మతాలను ఎలా గౌరవించిందో దశాబ్దాలుగా దగ్గరగా ఉన్న విజయసాయిరెడ్డికి బాగా తెలుసు. సాయిరెడ్డిపై వైఎస్‌ జగన్‌కు ప్రత్యేకమైన అభిమానం, విశ్వాసం ఉండేది. తప్పుడు కేసుల్లో తనతో పాటు ఇబ్బందులు పడ్డారన్న భావనతో అత్యున్నత స్థాయి అవకాశాలు, బాధ్యతలు ఇచ్చారు...రాజకీయ పార్టీ పెట్టుకోవాలంటే విజయసాయిరెడ్డి స్వేచ్ఛగా పెట్టుకోవచ్చు. కానీ కొత్త రాజకీయ ప్రయాణానికి ప్రచారం కోసం వైఎస్‌ జగన్‌ను, వైఎస్సార్‌సీపీని టార్గెట్‌ చేయడం సరికాదు. ఇదే ధోరణి కొనసాగితే సమాధానం కూడా అంతే ఘాటుగా ఉంటుంది. 2024 ఎన్నికల్లో ఎదురుదెబ్బ తగిలినా వైఎస్సార్‌సీపీ సంస్థాగతంగా మళ్లీ పుంజుకుంది. స్థానిక సంస్థల ఎన్నికలకైనా, 2029 సాధారణ ఎన్నికలకైనా, అంతకంటే ముందే ఎన్నికలు వచ్చినా పార్టీ సిద్ధం. వైఎస్సార్‌సీపీ ఎన్నికలకు భయపడటం లేదు. డెడ్‌, అబ్సెంట్‌, ఘోస్ట్‌ ఓట్లను తొలగించి ఓటర్ల జాబితా శుద్ధి చేసిన తర్వాత ఎన్నికలు జరపాలన్నదే పార్టీ డిమాండ్‌...వైఎస్సార్‌సీపీ ఆవిర్భావం నుంచి వైఎస్‌ జగన్‌ నాయకత్వం, వ్యక్తిత్వాన్ని టార్గెట్‌ చేయడమే రాజకీయ ప్రత్యర్థుల ప్రధాన అజెండాగా మారింది. ప్రజల సమస్యలపై చర్చ జరగకుండా వైఎస్‌ జగన్‌ చుట్టూ వివాదాలు సృష్టించి అసలు అజెండాను పక్కదారి పట్టించే ప్రయత్నం జరుగుతోంది. ఈనాడు, ఆంధ్రజ్యోతి తదితర అనుకూల మీడియాతో పాటు సోషల్‌ మీడియాలోని ఫేక్‌ ఫ్యాక్టరీల ద్వారా జగన్‌పై నిరంతర విషప్రచారం జరుగుతోంది. ప్రజా సమస్యలు చర్చకు వస్తే చంద్రబాబు ప్రభుత్వానికి మైనస్‌ మార్కులే వస్తాయి. అందుకే వ్యక్తిగత వివాదాలను ముందుకు తెస్తున్నారు...వైఎస్‌ జగన్‌ను ఎవరో ఒక ‘కోటరీ’ నడిపిస్తోందన్న ప్రచారం పూర్తిగా అవాస్తవం. ఎలాంటి పొత్తులు లేకుండా పార్టీని నిర్మించి, రికార్డు మెజారిటీతో అధికారంలోకి తీసుకువచ్చిన నాయకుడిని ఎవరో వెనక నుంచి నడిపిస్తున్నారనడం హాస్యాస్పదం. 2019లో భారీ విజయం, అనంతరం స్థానిక సంస్థల ఎన్నికల్లో వచ్చిన చారిత్రక ఫలితాలు వైఎస్‌ జగన్‌ నాయకత్వ సామర్థ్యానికి నిదర్శనం. సంక్షేమం, అభివృద్ధి, పేదల జీవితాల్లో సమూల మార్పు అనే అజెండాతోనే వైఎస్సార్‌సీపీ పుట్టింది. అధికారంలో ఉన్నా, ప్రతిపక్షంలో ఉన్నా ప్రజల సమస్యలు, సంక్షేమం, రాష్ట్ర అభివృద్ధి అనే అజెండాలో వైఎస్సార్‌సీపీకి మార్పు లేదు...వైఎస్‌ జగన్‌ ఇచ్చిన మాట, మేనిఫెస్టో, ప్రజలకు ఇచ్చిన హామీల విషయంలో రాజీ పడని నాయకత్వం. విజయసాయిరెడ్డి వ్యాఖ్యలకు తొలుత కావాలనే స్పందించలేదు. ఆయన సృష్టించాలనుకున్న అజెండాలో పార్టీ పడకూడదన్నదే ఉద్దేశం. వైఎస్‌ జగన్‌పై విమర్శలు చేస్తే కొన్ని మీడియా సంస్థల్లో భారీ ప్రచారం వస్తుందనే పరిస్థితి ఏర్పడింది. వరుస ఆరోపణలతో పార్టీ కార్యకర్తల్లో కూడా అపోహలు వచ్చే పరిస్థితి రావడంతో స్పందించాల్సి వచ్చింది. విజయసాయిరెడ్డికి పార్టీలో అన్యాయం జరిగిందన్న వాదనకు వాస్తవాలు సరిపోవు. వైఎస్‌ జగన్‌ తర్వాత అత్యంత కీలక పదవులు, బాధ్యతలు పొందినవారిలో విజయసాయిరెడ్డి ముందువరుసలో ఉన్నారు. 2016లో రాజ్యసభ సభ్యత్వం, 2017లో పార్టీ జాతీయ ప్రధాన కార్యదర్శి బాధ్యత...వైఎస్సార్‌సీపీ పార్లమెంటరీ పార్టీ నాయకత్వం వంటి అత్యంత కీలకమైన బాధ్యత కూడా విజయసాయిరెడ్డికే. ఏపీ ప్రభుత్వ ప్రత్యేక ప్రతినిధిగా క్యాబినెట్‌ స్థాయి హోదా కూడా విజయసాయిరెడ్డికే. 2020–22 మధ్య ఉత్తరాంధ్ర జిల్లాల పార్టీ సమన్వయకర్తగా బాధ్యత. పార్టీ అనుబంధ విభాగాల ఇన్‌చార్జ్‌గా కూడా కీలక బాధ్యత. 2022లో రెండోసారి రాజ్యసభ సభ్యత్వం. ఇన్ని అవకాశాలు పొందిన తర్వాత ‘నన్ను ఎదగనివ్వలేదు, వెనక్కి లాగారు’ అనడం వాస్తవాలకు విరుద్ధం. విజయసాయిరెడ్డికి ఇచ్చిన ప్రాధాన్యంపై పార్టీలో ఇతరులు ఎప్పుడూ అభ్యంతరం వ్యక్తం చేయలేదు. తప్పుడు కేసుల్లో వైఎస్‌ జగన్‌తో పాటు ఇబ్బందులు ఎదుర్కొన్నారన్న సానుభూతి కూడా విజయసాయిరెడ్డిపై జగన్‌కు ఉండేది...వైఎస్‌ జగన్‌ ఇచ్చిన ప్రత్యేక ప్రాధాన్యాన్ని తన వ్యక్తిగత ప్రతిభ వల్లే వచ్చిందని విజయసాయిరెడ్డి భావించి ఉండవచ్చు. పార్టీ నుంచి వెళ్లినప్పుడు చెప్పిన కారణాలకు, ఇప్పుడు చెబుతున్న కారణాలకు పొంతన లేదు. ‘సజ్జల వల్ల నేను పార్టీని వీడాను’ అన్న మాట విజయసాయిరెడ్డి రాజీనామా సమయంలో ఎక్కడా చెప్పలేదు. తన ఎదుగుదలను ఎవరూ అడ్డుకోలేరని గతంలో విజయసాయిరెడ్డే ప్రకటించారు. వైఎస్సార్‌సీపీలో ఒకే ఒక్క నాయకుడు వైఎస్‌ జగన్‌. మిగిలిన వారందరూ కార్యకర్తలే. వైఎస్‌ జగన్‌ను నంబర్‌ టూగా చూపించి మరొకరిని నంబర్‌ వన్‌గా ప్రచారం చేయడం రాజకీయ దురుద్దేశం. పార్టీ ఆవిర్భావం నుంచి విధానాలు, రాజకీయ నిర్ణయాలు, ఎన్నికల వ్యూహం అన్నింటిలో జగన్‌కే పూర్తి స్పష్టత...ఒక వ్యక్తి ఆలోచన, నిబద్ధత, ప్రజా అజెండా చుట్టూ రూపుదిద్దుకున్న పార్టీ వైఎస్సార్‌సీపీ. వైఎస్‌ జగన్‌ నాయకత్వం లేకుండా వైయస్సార్‌సీపీ అనే రాజకీయ వ్యవస్థకు అర్థమే లేదు. వైఎస్‌ జగన్‌ మతమార్పిడులను ప్రోత్సహించారన్న ఆరోపణ అత్యంత దారుణం. వైఎస్‌ రాజశేఖరరెడ్డి, వైఎస్‌ జగన్‌ అన్ని మతాల పట్ల గౌరవంతో వ్యవహరించిన విషయం విజయసాయిరెడ్డికి ప్రత్యక్షంగా తెలుసు. వైఎస్‌ హయాంలోనే తిరుమలలో అన్యమతస్తుల ఉద్యోగాల అంశంపై చర్యలు తీసుకున్నారు. నలభై ఏళ్లుగా వైఎస్‌ కుటుంబంతో పరిచయం ఉందని చెప్పుకునే వ్యక్తే ఇప్పుడు మతమార్పిడుల ఆరోపణ చేయడం అన్యాయం. నిజంగా వైఎస్‌ కుటుంబానికి మతమార్పిడుల అజెండా ఉంటే దశాబ్దాలుగా అత్యంత దగ్గరగా ఉన్న విజయసాయిరెడ్డికే మతమార్పిడి జరిగి ఉండేదిగా ..కొత్త రాజకీయ పార్టీ పెట్టుకోవడం విజయసాయిరెడ్డి ఇష్టం; ప్రజాస్వామ్యంలో ఎవరికైనా ఆ హక్కు ఉంది. కొత్త పార్టీకి మీడియా స్పేస్‌ కోసం జగన్‌ను తిట్టడం రాజకీయ విధానం కాకూడదు. వైఎస్‌ జగన్‌పై విమర్శలు చేస్తే ఫుల్‌పేజీలు, బ్యానర్‌ హెడ్డింగులు వస్తాయనే ఉద్దేశంతో రాజకీయాలు చేయడం సరికాదు. టీడీపీ అనుకూల మీడియాకు పనిముట్టుగా మారి వైఎస్సార్‌సీపీపై నిరంతరం దాడి చేస్తే ఇక మౌనంగా ఉండే పరిస్థితి ఉండదు. ఇప్పటివరకు ‘మన సాయిరెడ్డి’ అనే భావనతో సంయమనం పాటించాం.. ఇదే ధోరణి కొనసాగితే రాజకీయంగా వేరే విధంగా ట్రీట్‌ చేయాల్సి వస్తుంది...విజయసాయిరెడ్డి ఆరోపణల వల్ల వైఎస్‌ జగన్‌ రాజకీయ స్థాయి గానీ, వైఎస్సార్‌సీపీ బలం గానీ తగ్గవు. 2024 ఎన్నికల ఫలితాల తర్వాత వైఎస్సార్‌సీపీ బలహీనపడలేదు; సంస్థాగతంగా తిరిగి పుంజుకుంది. రాబోయే స్థానిక సంస్థల ఎన్నికలకు పూర్తి సన్నద్ధత. 2029 ఎన్నికలకు పూర్తి సన్నద్ధత. అంతకంటే ముందే సాధారణ ఎన్నికలు వచ్చినా ఎదుర్కొనేందుకు సిద్ధం. ఎన్నికలకు భయపడి కోర్టుకు వెళ్లారన్న ప్రచారం అవాస్తవం. ఓటర్ల జాబితాలో డెడ్‌, అబ్సెంట్‌, లేని ఓటర్లను గుర్తించి తొలగించే ప్రక్రియ పూర్తిచేయాలన్నదే డిమాండ్‌. లేని ఓట్లతో ఎన్నికలు నిర్వహించడం ప్రజాస్వామ్యం కాదు. ఓటర్ల జాబితా శుద్ధి చేసి ఎన్నికలకు వెళ్లాలన్నది న్యాయమైన డిమాండ్‌...సజ్జల పాత్రపై వచ్చిన ఆరోపణలకు డైరెక్ట్‌ సమాధానం. పదవులు, హోదాలు వ్యక్తిగత కిరీటాలు కాదు; పార్టీ అప్పగించిన బాధ్యతలు మాత్రమే. వైఎస్‌ జగన్‌ విజన్‌కు అనుగుణంగా పనిచేసే అవకాశం రావడమే ముఖ్యమైనది. జర్నలిజం నుంచి రాజకీయాల్లోకి రావడం ముందుగా వేసుకున్న ప్రణాళిక కాదు. వైఎస్‌ మరణం తర్వాత ఏర్పడిన రాజకీయ పరిణామాల్లో వైఎస్‌ జగన్‌తో కలిసి సాగిన ప్రయాణం నాది. 2014 వరకు సాక్షి ఎడిటోరియల్‌ డైరెక్టర్‌గా పనిచేసి, అనంతరం పూర్తిస్థాయిలో రాజకీయ బాధ్యతల్లోకి ప్రవేశించా..క్షేత్రస్థాయిలో ప్రజలతో నేరుగా పనిచేసే నాయకులు, కార్యకర్తలకే మరింత గౌరవం, ప్రాధాన్యం ఇవ్వాలన్నది వైఖరి. ఢిల్లీలో పార్టీ వ్యవహారాలు చూసేవారికి అవసరమైన ప్రాధాన్యం, రాష్ట్రంలో క్షేత్రస్థాయిలో పనిచేసేవారికి వారి పాత్రకు తగిన ప్రాధాన్యం.. ఇదంతా టీమ్‌వర్క్‌. టీడీపీతో సంబంధాలు ఉన్నందుకే సజ్జలపై కేసులు లేవన్న విజయసాయిరెడ్డి ఆరోపణకు అర్థం లేదు. కాంగ్రెస్‌ ప్రభుత్వం జగన్‌పై కేసులు పెట్టిన సమయంలో విజయసాయిరెడ్డి రాజకీయాల్లోనే లేరు. ఆ సమయంలో నేను సాక్షి ఎడిటోరియల్‌ డైరెక్టర్‌గా ఉన్నాను..ఒక పార్టీలో ఉన్న వ్యక్తి మరో పార్టీతో ఒప్పందం చేసుకుని తనపై కేసులు రాకుండా చేసుకోగలడన్న వాదన అసంబద్ధం. విజయసాయిరెడ్డి చేస్తున్న తాజా ఆరోపణలు ఆయన రాజకీయంగా ఎటువైపు వెళ్తున్నారో వెల్లడిస్తున్నాయి. భౌతిక దాడి జరిగిందని నిజంగా భావిస్తే విజయసాయిరెడ్డి పోలీసులకు ఫిర్యాదు చేయవచ్చు. 74 సార్లు అవమానించారని, దాడి జరిగిందని ఆరోపణలు చేస్తే వాటికి సంబంధించిన వివరాలను అధికారికంగా బయటపెట్టాలి. ప్రస్తుత ‘రెడ్‌బుక్‌’ పాలనలో పాత ఫిర్యాదులపైనా కేసులు పెడుతున్న పరిస్థితి ఉంది. విజయసాయిరెడ్డి ఫిర్యాదు చేస్తే ప్రభుత్వం వెంటనే స్పందించే అవకాశం ఉంది’’ అని సజ్జల రామకృష్ణారెడ్డి పేర్కొన్నారు.

సాక్షి, తాడేపల్లి: మాజీ మంత్రి అంబటి రాంబాబును వైఎస్సార్‌సీపీ అధినేత, మాజీ ముఖ్యమంత్రి వైఎస్ జగన్‌మోహన్‌రెడ్డి పరామర్శించారు. ఆరోగ్య పరిస్థితిని అడిగి తెలుసుకున్నారు. రెండు రోజుల క్రితం ఆయన గుండెకు డాక్టర్లు స్టంట్లు వేశారు. హైదరాబాద్‌లోని ఓ ప్రైవేట్‌ ఆస్పత్రిలో అంబటి చికిత్స పొందుతున్నారు. ఎలాంటి ఆందోళన చెందాల్సిన అవసరం లేదని వైద‍్యులు ప్రకటించారు.ఇదీ చదవండి: బాబూ..! చిరిగిన బ్యాగూ!

గుంటూరు ఎడ్యుకేషన్‌: వేద గణిత విజ్ఞాన శాస్త్రం శాసీ్త్రయ నామం వేదిక్‌ మ్యాథ్స్‌. కఠినమైన లెక్కలను సులువుగా పరిష్కరించగలిగే ప్రాచీన విధానం. పాఠశాల స్థాయి నుంచి పోటీ పరీక్షలకు హాజరయ్యే విద్యార్థులకు ఇది ఒక అస్త్రం. తల్లిదండ్రులు శిక్షణ సంస్థల కోసం అన్వేషిస్తున్నారు. పదో తరగతి తరువాత ఇంటర్‌తోపాటే విభిన్నమైన పోటీ పరీక్షలకు ఏకకాలంలో సన్నద్ధం కావాల్సిన పరిస్థితి నేడు నెలకొంది. గణితం ఆధారంగా ప్రతిభ చూపాల్సిన విద్యార్థులకు వేద గణితశాస్త్రం ఆయుధంగా మారింది. వేదిక్‌ మ్యాథ్స్‌ అంటే.. పూరి పీఠాధిపతి జగద్గురు భారతీకృష్ణ తీర్థస్వామి 1957లో రాసిన వేదిక్‌ మ్యాథ్స్‌ పుస్తకం ద్వారా వేద గణితశాస్త్రాన్ని వెలుగులోకి తెచ్చారు. వేదాల్లోని పలు సూత్రాలు, సిద్ధాంతాల ఆధారంగా ఆయన రూపొందించిన గణిత పద్ధతులు ఇందులో ఉన్నాయి. పుస్తకంపై ముద్రణా హక్కులు పొందిన ఢిల్లీకి చెందిన మోతీలాల్‌ బనారసీ దాస్‌ పబ్లిషర్స్‌ ఈ పుస్తకం ప్రచురించింది. ప్రస్తుతం మార్కెట్లోని ప్రముఖ పుస్తక విక్రయ కేంద్రాల్లో ఒరిజినల్‌ ఎడిషన్‌ దొరుకుతోంది. వేదాల నుంచి ... వేద గణితం అంటే వేదాల నుంచి ఆవిర్భవించిన విజ్ఞానం. ఇందులో 16 సూత్రాలు, 13 ఉప సూత్రాలు ఉన్నాయి. వీటి ద్వారా గుణాకారాలు, భాగాహారాలు, కారణాంక విభజన, దశాంశ భిన్నాలు, పాక్షిక భిన్నాలు, ఆవర్తన దశాంశాలు, వర్గాలు, ఘనాలు, ఘనమూలాలు, బీజగణిత సమస్యలకు సులువుగా సమాధానం చెప్పవచ్చు. సింగిల్‌ లైన్‌ జవాబుగా మౌఖికంగా చేసే పద్ధతులు, కాలిక్యులస్‌, త్రికోణమితి వంటి పరిశోధనాంశాలు ఉన్నాయి. విదేశాల్లో ఒక సబ్జెక్టు మనదేశంలో పుట్టిన వేద గణితశాస్త్రం పూర్తిస్థాయిలో అందుబాటులోకి రాలేదు. లండన్‌, హాలెండ్‌ దేశాల్లో ఇది తప్పనిసరి సబ్జెక్టు. విద్యార్థుల ఆసక్తి మేరకు స్వల్పకాలిక వ్యవధిలో శిక్షణ కల్పిస్తుండగా, పూర్తిస్థాయిలో సబ్జెక్టుగా బోధించాలని గణిత మేధావులు కోరుతున్నారు. వేద గణితం అనగానే ఒక మతానికి సంబంధించిన విషయం అనుకుంటారు. అది తప్పు. భారతీకృష్ణ తీర్థస్వామి తన పుస్తకానికి పెట్టుకున్న పేరే తప్ప, ఇందులో ఉన్నదంతా గణిత విజ్ఞానమే. అసలు వేద గణిత శాస్త్రాన్ని బోధించగలిగే ఉపాధ్యాయులు సైతం వేళ్లపై లెక్కించే స్థాయిలోనే ఉన్నారు. వేద గణితంలో కఠిన లెక్కలను సైతం సులభంగా చేయగల నేర్పరితనం అలవడుతుంది. చిరు ప్రాయంలోనే శిక్షణ పొందితే, ఎదిగే కొద్దీ వేద గణితంపై పట్టు నిలుపుకుని అద్భుతాలు ఆవిష్కరించగలరు. వేద గణితశాస్త్రాన్ని సాధన చేయడం ద్వారా మేధస్సు వృద్ధి చెందుతుంది. క్లిష్టమైన లెక్కలను సులువుగా పరిష్కరించగలిగే నైపుణ్యం అలవడుతుంది. పోటీ పరీక్షలు, ఉద్యోగ అర్హత పరీక్షలకు హాజరయ్యే అభ్యర్థులకు ఉపయోగకరం. గణితంలో అవధానాలు చేయాలనుకునే వారికి వేద గణితం తప్పనిసరి. వేదిక్‌ మ్యాథ్స్‌ను పాఠశాల స్థాయిలోనే విద్యార్థులకు ఒక సబ్జెక్టుగా ప్రవేశపెట్టాలని గణితశాస్త్ర మేధావులు కోరుతున్నారు. అబాకస్‌ శిక్షణ కల్పిస్తున్న పలు సంస్థలు వేదిక్‌ మ్యాథ్స్‌ను కూడా బోధిస్తున్నాయి. విశ్వ పునర్నిర్మాణ్‌ సంఘ్‌, రాష్ట్రీయ వేద ప్రతిష్ఠాన్‌, స్పిరిట్యువల్‌ స్టడీస్‌ గ్రూప్‌, విద్యాభారతి, వేద భారతి మొదలైన సంస్థలు దేశవ్యాప్త శిక్షణ తరగతులు నిర్వహిస్తున్నాయి. వేద భారతి ఇంటర్నెట్‌ ద్వారా శిక్షణ ఇస్తోంది. ఒరిజినల్‌ పుస్తకాన్ని ముద్రించిన సంస్థ పాఠశాల స్థాయిలో విద్యార్థులకు అర్థమయ్యే విధంగా బోధించేందుకు వీలుగా పలు పుస్తకాలను అందుబాటులోకి తెచ్చింది.

ఆదివారం శ్రీ 30 శ్రీ ఆగస్టు శ్రీ 20267తెనాలి: స్థానిక మార్కెట్‌యార్డులో శనివారం క్వింటా నిమ్మకాయలు కనిష్ఠ ధర రూ.7 వేలు, గరిష్ఠ ధర రూ.11,800, మోడల్‌ ధర రూ.10 వేల వరకు పలికింది.బాపట్ల: బాపట్లలోని ఈవీఎం గోదాములను బాపట్ల కలెక్టర్‌ డాక్టర్‌ వి.వినోద్‌కుమార్‌ శనివారం పరిశీలించారు. ఆయన వెంట బాపట్ల ఆర్డీఓ, తహసీల్దార్‌ ఉన్నారు.కేంద్ర మంత్రి పెమ్మసాని గుంటూరు రూరల్‌: నగర పరిధిలోని శిల్పారామం – పెదపలకలూరు వరకు చేపడుతున్న మహాత్మా గాంధీ ఇన్నర్‌ రింగ్‌ రోడ్‌ ఫేజ్‌–3 రహదారి అభివృద్ధి పనులను కేంద్ర సహాయ మంత్రి డాక్టర్‌ పెమ్మసాని చంద్రశేఖర్‌, స్థానిక ఎమ్మెల్యే బూర్ల రామాంజనేయులు, జీఎంసీ కమిషనర్‌ కె.మయూర్‌ అశోక్‌లతో కలిసి శనివారం పరిశీలించారు. ఈ సందర్భంగా మంత్రి మాట్లాడుతూ రూ.48 కోట్లతో సుమారు 4.25 కిలోమీటర్ల పొడవైన ఈ రోడ్డు పనులను వేగంగా పూర్తి చేయడానికి చర్యలు తీసుకుంటున్నామని తెలిపారు. అదనంగా సుమారు రూ. 2–3 కోట్ల వ్యయం అయ్యే అవకాశం ఉందని చెప్పారు. ఎన్‌ఎస్‌పీ కెనాల్స్‌ క్రాసింగ్స్‌ వద్ద భవిష్యత్తులో నీటి ప్రవాహానికి ఇబ్బంది లేకుండా అదనపు కల్వర్టులు నిర్మించాల్సిన అవసరం ఉందన్నారు. ఒక్కో కల్వర్టుకు సుమారు రూ.10 లక్షలు– రూ.15 లక్షల వరకు అదనపు వ్యయం అవుతుందని తెలిపారు. త్వరలో నిర్మించనున్న రైల్వే ఓవర్‌ బ్రిడ్జి మీదుగా పేరేచర్ల జంక్షన్‌ వరకు ఈ రోడ్డును విస్తరించాల్సిన అవసరం ఉందన్నారు. ఇది పూర్తయితే పల్నాడు ప్రాంతం నుంచి వచ్చే వారికి ఇన్నర్‌ రింగ్‌ రోడ్‌ ద్వారా నేరుగా అమరావతికి మెరుగైన అనుసంధానం అందుబాటులోకి వస్తుందని చెప్పారు. ఈ అదనపు విస్తరణకు సుమారు రూ.15 కోట్లు– రూ.20 కోట్ల అదనపు వ్యయం అవుతుందని అంచనా వేస్తున్నామని తెలిపారు. ఇందుకు ముఖ్యమంత్రికి ఇప్పటికే లేఖ రాసినట్లు చెప్పారు. ఆమోదం లభించలేదన్నారు. డ్రైనేజ్‌ కవర్లు, సెంటర్‌ లైటింగ్‌ వంటి అదనపు సదుపాయాలకు కూడా మరన్ని నిధులు అవసరం అవుతాయని పేర్కొన్నారు. సాక్షి ప్రతినిధి, గుంటూరు: పట్టపగలే అక్రమ దందాను యథేచ్ఛగా కొనసాగిస్తున్నా అటువైపు వెళ్లాలంటేనే జంకుతున్నారు. గ్రామీణ ప్రాంతాల్లో నిరుపేదలకు చౌక బియ్యం అందకుండా లారీలకు లారీలు బ్లాక్‌ మార్కెట్‌కు తరలిస్తున్నారు. జిల్లాలో చౌక బియ్యం, ఇసుక, మైనింగ్‌ మాఫియాకు అధికార పార్టీ ముఖ్య నేతలు నేరుగా సహకరిస్తుండటం, కొన్ని చోట్ల వారే చేస్తుండటంతో చీకటి వ్యాపారం నిర్భయంగా కొనసాగిస్తున్నారు. అదేమని ప్రశ్నిస్తే వారిపై దాడులకు దిగుతూ, తిరిగి ఎదురు కేసులు పెట్టి ఇరికిస్తున్నారు. అక్రమ బియ్యం వ్యాపారంతో అధికార పార్టీ చోటా నాయకులు రూ.లక్షలు సంపాదిస్తుంటే, వారికి వెన్నుదన్నుగా నిలిచిన ముఖ్య నేతలు మాత్రం రూ.కోట్లు పొందుతున్నారు. ఉమ్మడి గుంటూరు జిల్లాలోని అన్ని నియోజకవర్గాల్లో రేషన్‌, ఇసుక, గ్రావెల్‌, మైనింగ్‌ మాఫియా జోరు సాగుతోంది. విజిలెన్స్‌ శాఖలో కొంతకాలంగా స్తబ్ధత నెలకొంది. అధికార పార్టీ నేతల ఆదేశాల మేరకు విచారణ నిర్వహించడం మినహా అడ్డుకోలేకపోతున్నారనే విమర్శలు వెల్లువెత్తుతున్నాయి. అక్రమ రవాణాను పూర్తి స్థాయిలో నియంత్రించాలంటే, వారికి అండగా నిలుస్తున్న అధికార పార్టీ ప్రజాప్రతినిధులను నియంత్రిస్తేనే సాధ్యపడుతుందని విజిలెన్స్‌ శాఖలో చర్చించుకుంటున్నారు. అధికార పార్టీ నేతల దోపిడీ ప్రతి ఒక్కరికీ ఉచితంగా అందిస్తున్నామంటూ డబ్బాలు కొట్టుకుంటున్న ప్రభుత్వ పెద్దలు... ఆ ముసుగులో దోపిడీకి పాల్పడుతున్న తమ పార్టీ ఎమ్మెల్యేలు, బినామీలను అడ్డుకోలేకపోతున్నారు. ముఖ్యంగా పెదకూరపాడు నియోజకవర్గ పరిధిలోని మల్లాది, అంబడిపూడితోపాటు, రాజధాని ప్రాంతంలో సైతం డ్రెడ్జర్ల ద్వారా కృష్ణా నది గర్భాన్ని తవ్వేస్తూ, నిబంధనలకు తిలోదకాలు ఇస్తున్న విజిలెన్స్‌ అధికారులకు ఇదేమీ కనిపించడం లేదు. చిన్నబాబు బినామీలు, ఎమ్మెల్యేల బావమరుదులు ఇలా అధికార పార్టీ ముఖ్య నేతలే అక్రమ ఇసుక రవాణాకు తెగబడుతూ రూ.కోట్లు గడిస్తున్నారు. వీటిని అడ్డుకోవాల్సిన విజిలెన్స్‌ అధికారులు సైతం వారికి సహకరిస్తున్నారనే ఆరోపణలు వినిపిస్తున్నాయి. ప్రజలకు ఉచితంగా అందాల్సిన ఇసుకను రూ.వేలు ఖర్చుపెట్టి కొనుక్కోవాల్సిన దుస్థితి ఏర్పడింది. ఇక్కడి ఇసుకను హైదరాబాద్‌కు భారీ స్థాయిలో తరలిస్తూ అక్రమార్కులు తమ జేబులు నింపుకొంటున్నారు. ఇంత జరుగుతున్నా, సరిహద్దు చెక్‌పోస్టులు దాటుతున్నా విజిలెన్స్‌ అధికారులకు కనిపించకపోవడం దారుణమైన విషయం. మామూలిస్తే సరి.. అక్రమార్కులకు జిల్లాలో కొందరు విజిలెన్స్‌ అధికారులు అండగా నిలుస్తూ, నెలవారీ మామూళ్లకు అలవాటు పడ్డారనే విమర్శలు వెల్లువెత్తుతున్నాయి. విజిలెన్స్‌ అంటేనే ప్రభుత్వ ఆదాయాలకు గండి పడకుండా, ప్రజలకు, ప్రభుత్వ పథకాలకు, ఇసుక, మట్టి వంటి సహజ వనరులకు దుర్వినియోగం కాకుండా కాపాడాలి. కానీ ఇప్పుడు గాడి తప్పింది. చేయాల్సిన పని వదిలేసి, కొందరు విజిలెన్స్‌ అధికారులు బిర్యానీ సెంటర్లు, స్వీట్‌షాపులు వంటి వాటిపై దాడులు చేస్తామంటూ బెదిరింపులకు దిగుతూ, భారీ ఎత్తున అవినీతికి పాల్పడున్నారనే ఆరోపణలు ఉన్నాయి. జిల్లా ఉన్నతాధికారులు స్పందించి, అక్రమ రవాణాపై సీరియస్‌గా దృష్టి సారించి, అక్రమార్కులను అడ్డుకుని విజిలెన్స్‌పై ప్రజలకు నమ్మకం కలిగించాల్సిన అవసరం ఉంది. టీడీపీ ప్రభుత్వం అధికారంలోకి వచ్చినప్పటి నుంచి అక్రమ సంపాదనకు ద్వారాలు తెరుచుకున్నాయి. పార్టీ నేతల ఇసుక, గ్రావెల్‌, గ్రానైట్‌, చౌక బియ్యం అక్రమ రవాణాపై విజి ‘లెన్స్‌’ దృష్టి సారించడం లేదు. అధికార పార్టీ ముఖ్య నేతలు, వారి బినామీల అండదండలు అందిస్తున్నారని తెలిసినా ఆ వైపు కన్నెత్తి చూడటం లేదనే విమర్శలు వెల్లువెత్తుతున్నాయి. అసలే వర్షాలు లేక ఇబ్బందులు పడుతున్న రైతులకు నకిలీ ఎరువులు, విత్తనాలు మూలిగే నక్కపై తాటికాయ పడ్డ చందంగా మారాయి. దీనిపై పూర్తి స్థాయి నిఘా ఉంచి నకిలీలను అరికట్టాల్సిన విజిలెన్స్‌ అధికారులు వాటిపై కనీస దృష్టి సారించకపోవడంతో రైతులు నకిలీ ఎరువులు, విత్తనాలు వాడి నష్టాలపాలై అప్పుల ఊబిలో కూరుకుపోతున్నారు. ఉమ్మడి గుంటూరు జిల్లాలోని అనేక నియోజకవర్గాల నుంచి చౌక బియ్యం, ఇసుక, గ్రానైట్‌లను అక్రమంగా రవాణా చేస్తున్నారు. అక్రమ రవాణాకు పాల్పడుతున్న మాఫియాలను జిల్లాలోని దాచేపల్లి, నాగార్జునసాగర్‌ వద్ద ఉన్న రాష్ట్ర సరిహద్దు చెక్‌పోస్టుల వద్ద సైతం విజిలెన్స్‌ అధికారులు అడ్డుకోలేకపోతున్నారు. ఇదంతా వీరికి తెలిసే జరుగుతోందనే అనుమానాలు బలపడుతున్నాయి. గ్రామాల్లో ఆటోలు, ట్రాక్టర్ల ద్వారా చిన్నచిన్న వ్యాపారాలు చేసుకునే వారిపై దాడులు చేసి కేసులు నమోదు చేస్తున్న విజిలెన్స్‌ అధికారులు, భారీ స్థాయిలో అక్రమ రవాణాకు పాల్పడుతున్న మాఫియా ముఠాలను అడ్డుకోలేకపోతున్నారు. వీరికి అధికార పార్టీ నేతల అండదండలు ఉండటం వల్లే వారి జోలికి వెళ్లాలంటే భయపడుతున్నారనే ఆరోపణలు వినిపిస్తున్నాయి.

గుంటూరు మెడికల్‌: రాష్ట్రవ్యాప్తంగా ప్రభుత్వ బోధనా ఆసుపత్రుల్లో పనిచేస్తున్న వైద్యులకు రావాల్సిన వేతన బకాయిలను(పీఆర్సీ) తక్షణమే విడుదల చేసి వారి ఖాతాల్లో జమ చేయాలని గవర్నమెంట్‌ డాక్టర్స్‌ అసోసియేషన్‌ ఆఫ్‌ ఆంధ్రప్రదేశ్‌ (జీడీఏఏపీ) స్టేట్‌ జనరల్‌ సెక్రటరీ డాక్టర్‌ స్వరూప్‌కాంత్‌ డిమాండ్‌ చేశారు. ఈమేరకు శనివారం గుంటూరు వైద్య కళాశాలలో నల్లబ్యాడ్జీలు ధరించి నిరసన తెలిపారు. డాక్టర్‌ స్వరూప్‌కాంత్‌ మాట్లాడుతూ డైరెక్టర్‌ ఆఫ్‌ మెడికల్‌ ఎడ్యుకేషన్‌ (డీఎంఈ) పరిధిలో పనిచేస్తున్న వైద్యులకు 2016 నుంచి పీఆర్సీ బకాయిలు రావాల్సి ఉందన్నారు. ప్రభుత్వం తక్షణమే చెల్లించాలని డిమాండ్‌ చేశారు. ప్రాథమిక ఆరోగ్య కేంద్రాల వైద్యులకు, సెకండరీ హెల్త్‌ వైద్యులకు టైమ్‌బాండ్‌ ప్రమోషన్లు ఇవ్వాలని, వైద్య అధికారులకు సీనియార్టీ ప్రకారం ప్రమోషన్‌ ఇవ్వాలని కోరారు.

మాచర్ల: పట్టణంలోని ప్రధానమంత్రి ఆవాస్‌ యోజన 2.0 పథకం కింద నిర్మితమవుతున్న ఇళ్ల పనులను రాష్ట్ర స్పెషల్‌ సెక్రెటరీ, హౌసింగ్‌ ఎండీ కొర్లపాటి హెప్సీబారాణి శనివారం ఆకస్మికంగా పరిశీలించారు. మాచర్ల వచ్చిన ఆమె ఆయా ప్రాంతాలలో నిర్మాణ దశలోని ఇళ వద్దకు వెళ్లారు. క్షేత్రస్థాయిలో పరిశీలించి, లబ్ధిదారులతో మాట్లాడారు. సీఈ టి.వేణుగోపాల్‌, పల్నాడు స్పెషలాఫీసర్‌ శంకరరావు, జిల్లా హౌసింగ్‌ పీడీ పి.ప్రసాద్‌, హౌసింగ్‌ మాచర్ల డీఈ బాలాజీ నాయక్‌, పల్నాడు జిల్లా డీఈలు శ్రీనివాసరెడ్డి, వెంకటేశ్వరరావు, ఏఈలు తదితరులు ఉన్నారు. పిడుగురాళ్ల రూరల్‌: జాతీయ వైద్య పరిశోధన మండలికి చెందిన నేషనల్‌ ఇన్‌స్టిట్యూట్‌ ఆఫ్‌ ఎపిడెమియాలజీ – చైన్నె ఆధ్వర్యంలో ‘ట్రామా – బర్న్‌ ఇన్‌జ్యురి– ఆపరేషనల్‌ రీసెర్చ్‌ ప్రోగ్రామ్‌’కు పిడుగురాళ్ల మెడికల్‌ వైద్య కళాశాల చెందిన డాక్టర్‌ కోమేరా శివ రామ ప్రసాద్‌ ఎంపికయ్యారు. ప్రస్తుతం ఆయన జనరల్‌ సర్జరీ అసిస్టెంట్‌ ప్రొఫెసర్‌గా పనిచేస్తున్నారు. ఈ అధ్యయనానికి జాతీయ స్థాయిలో ఎంపికై న ఎనిమిది మందిలో ఆయన ఒకరు. రోడ్డు ప్రమాద బాధితులపై తాము పరిశోధన చేయనున్నట్లు ఆయన తెలిపారు. ఈ సందర్భంగా డాక్టర్‌ను ప్రభుత్వ వైద్యశాల వైద్యులు, సిబ్బంది అభినందించారు. మంగళగిరి రూరల్‌: జాతీయ క్రీడా దినోత్సవం సందర్భంగా మంగళగిరిలోని ఎయిమ్స్‌లో ఫిట్‌నెస్‌ అండ్‌ వెల్‌నెస్‌ సెంటర్‌ను ఎగ్జిక్యూటివ్‌ డైరెక్టర్‌, సీఈఓ ప్రొఫెసర్‌ అహంతేం శాంతా సింగ్‌ శనివారం ప్రారంభించారు. ఎయిమ్స్‌ సిబ్బంది, విద్యార్థుల ఆరోగ్యం, ఫిట్‌నెస్‌, శ్రేయస్సును ప్రోత్సహించేలా కేంద్రంలో పురుషులు, మహిళలకు ప్రత్యేక వ్యాయామశాలలు అందుబాటులో ఉంచారు. కార్యక్రమంలో డిప్యూటీ డైరెక్టర్‌ (పరిపాలన) కల్నల్‌ శశికాంత్‌ తుమ్మ, విభాగాధిపతులు, క్రీడా కమిటీ సభ్యులు పాల్గొన్నారు. గుంటూరు ఎడ్యుకేషన్‌: ఇన్‌సర్వీస్‌ ఉపాధ్యాయులు తప్పనిసరిగా టెట్‌ అర్హత సాధించాలని విద్యాహక్కు చట్టంలో ఉన్న నిబంధనల సవరణ కోసం పాఠశాల విద్యాశాఖ మంత్రి నారా లోకేష్‌ జోక్యం చేసుకోవాలని యూటీఎఫ్‌ రాష్ట్ర అధ్యక్షుడు ఎన్‌.వెంకటేశ్వర్లు డిమాండ్‌ చేశారు. ఇన్‌ సర్వీసు ఉపాధ్యాయులకు టెట్‌ రద్దు చేయాలని డిమాండ్‌ చేస్తూ సెప్టెంబర్‌ 3వ తేదీన తలపెట్టిన చలో విజయవాడ కార్యక్రమం పోస్టర్లను శనివారం బ్రాడీపేటలోని యూటీఎఫ్‌ జిల్లా కార్యాలయంలో ఆవిష్కరించారు. వెంకటేశ్వర్లు మాట్లాడుతూ సుప్రీంకోర్టు తీర్పు వల్ల ఉపాధ్యాయులు తీవ్ర మానసిక ఆందోళనతో ఉన్నారని తెలిపారు. రాష్ట్ర ప్రభుత్వం జోక్యం చేసుకుని కేంద్ర విద్యా శాఖ మంత్రి దృష్టికి తీసుకెళ్లి, విద్యాహక్కు చట్టంలోని సవరణ చేయాలని డిమాండ్‌ చేశారు. టెట్‌ రద్దు కోసం రాష్ట్రవ్యాప్తంగా ఉపాధ్యాయులందరూ బైక్‌ ర్యాలీలు చేస్తున్నప్పటికీ, ప్రభుత్వం నుంచి స్పందన లేకపోవడంతో చలో విజయవాడ కార్యక్రమానికి తరలి రానున్నారని చెప్పారు. యూటీఎఫ్‌ రాష్ట్ర ప్రచురణల విభాగ చైర్మన్‌ ఎం.హనుమంతరావు మాట్లాడుతూ రాష్ట్రంలో 60 వేల మంది ఉపాధ్యాయుల ఆవేదనను విద్యాశాఖ అధికారులు, విద్యాశాఖ మంత్రి లోకేష్‌ అర్థం చేసుకోవాలని, టెట్‌లో సవరణకు ప్రయత్నించాలని కోరారు. కార్యక్రమంలో యూటీఎఫ్‌ జిల్లా అధ్యక్ష, ప్రధాన కార్యదర్శులు యు.రాజశేఖర్‌ రావు, ఎం. కళాధర్‌, జిల్లా సహాధ్యక్షులు వెంకటేశ్వర్లు, ఎండీ షకీలా బేగం, ఆది నారాయణ, రంగారావు, ప్రసాద్‌, ఎం.కోటిరెడ్డి, గఫార్‌ తదితరులు పాల్గొన్నారు.

గుంటూరు వెస్ట్‌: నేత్రదానం ఉద్యమంలో పాల్గొనండి, దృష్టి సందేశ దాత అవ్వండని ప్రజలకు జిల్లా కలెక్టర్‌ సీఎం సాయికాంత్‌ వర్మ పిలుపునిచ్చారు. శనివారం స్థానిక కలెక్టరేట్‌లో జాతీయ నేత్రదాన పక్షోత్సవాల్లో భాగంగా ప్రత్యేక పోస్టర్‌లను విడుదల చేశారు. ఆయన మాట్లాడుతూ నేత్రదానం గురించి, ప్రతి వీధిలో, ప్రతి ఊరిలో, ప్రతి సమాజ సంక్షేమ సమితిలో అన్నివిధాలా ప్రచారం చేయాలని కోరారు. ప్రజలకు చెప్పడం వల్ల ఈ ఉద్యమానికి మద్దతు లభిస్తుందన్నారు. నేత్ర దానం చేయడం ద్వారా మరణించిన అనంతరం కూడా ప్రపంచాన్ని మీ కళ్ళు చూస్తాయన్నారు. డీఎంహెచ్‌ఓ కె.విజయలక్ష్మి మాట్లాడుతూ మరణించిన వ్యక్తి తన నేత్రాలను దానం చేస్తున్నట్టు ఇదివరకే ప్రతిజ్ఞ చేసినా, చేయకపోయినా సరే, ఆ కుటుంబం వారి అనుమతితో కూడా కళ్లను తీసుకోవచ్చని పేర్కొన్నారు. కార్యక్రమంలో జిల్లా ఆసుపత్రుల సమన్వయ అధికారి బి.వి.రంగా రావు, అంధత్వ నివారణ సంస్థ ప్రతినిధులు తదితరులు పాల్గొన్నారు. జిల్లా కలెక్టర్‌ సాయికాంత్‌ వర్మ

ఎనిమిది మందికి తీవ్రగాయాలు రెంటచింతల: మండలంలోని పాలువాయి జంక్షన్‌ సమీపంలో నున్న వై జంక్షన్‌ వద్ద శుక్రవారం అర్దరాత్రి ఓ వాహనాన్ని పెళ్లి బృందం బస్సు బలంగా ఢీ కొట్టింది. తెలంగాణానికి చెందిన పెళ్లి బృందం బస్సు గుంటూరు నుంచి తిరిగి కల్వకుర్తికి వెళ్తుండగా రాత్రి 11.30 గంటల సమయంలో వై జంక్షన్‌ వద్ద ఎటు వెళ్లాల్లో తెలియని పరిస్థితిలో ఎదురుగా నాగార్జునసాగర్‌ నుంచి దాచేపల్లి వస్తున్న వాహనాన్ని ఢీ కొట్టింది. నాగార్జునసాగర్‌లో ఓ పాఠశాలలో సోలార్‌ ప్యానెల్‌ ఏర్పాటు చేసి గోపిశెట్టి శ్రీనివాసరావు, మేకల వెంకయ్య (వినుకొండ), కేతావత్‌ నాగరాజు నాయక్‌ (పాలువాయి), మక్కెన నరేంద్రబాబు(నరసరావుపేట), మురికపూడి రాకేష్‌ (పౌడిమర్రు), చింతకాయల వెంకయ్య(పెదగార్లపాడు), కత్తుల దుర్గ(దేచవరం), బాణావత్‌ సైదానాయక్‌ (భట్రుపాలెం)లు వాహనంలో దాచేపల్లి వస్తున్నారు. ప్రమాదంలో వాహనం బోల్తాపడటంతో వాహనంలో ఉన్న ఎనిమిది మందికి తీవ్రగాయాలయ్యాయి. వారిని వెంటనే 108 అంబులెన్స్‌ వాహనంలో గురజాల ప్రభుత్వ వైద్యశాలకు తరలించారు. మెరుగైన వైద్యం కోసం వారిలో ఏడుగురిని శనివారం నరసరావుపేట పట్టణంలోని ఓ ప్రైవేటు ఆస్పత్రికి రిఫర్‌ చేశారు. మరో వ్యక్తిని అతని కుటుంబ సభ్యులు తీసుకువెళ్లారు. బస్సులోని వారికి ఎలాంటి తీవ్ర గాయాలు కాకపోవడంతో పెను ప్రమాదం తప్పింది. పోలీసులు ఘటన స్థలానికి చేరుకుని పరిశీలిస్తున్నారు. పెళ్లి బస్సును స్థానిక పోలీసులు స్వాధీనం చేసుకున్నారు.

కాంట్రాక్టు ఉద్యోగుల నిరసన గుంటూరు మెడికల్‌: గుంటూరు జీజీహెచ్‌లో కాంట్రాక్టు ఉద్యోగులు శనివారం సూపరింటెండెంట్‌ కార్యాలయం ఎదుట నల్లబ్యాడ్జిలు ధరించి మానవ హారంలా నిలబడి నిరసన తెలిపారు. ఆంధ్రప్రదేశ్‌ మెడికల్‌ అండ్‌ హెల్త్‌ కాంట్రాక్టు ఎంప్లాయీస్‌ జాయింట్‌ యాక్షన్‌ కమిటీ ఆధ్వర్యంలో జీజీహెచ్‌లో కాంట్రాక్టు ఉద్యోగులు ఈనెల 21 నుంచి నిరసన కార్యక్రమాలు చేపట్టారు. నిరసన కార్యక్రమంలో నర్సింగ్‌ సిబ్బంది రమాదేవి, మనీషా, రేణుక, హైమావతి, భార్గవి, ల్యాబ్‌ టెక్నీషియన్‌ శైలజ, మోహన్‌, ఖాశిం, బ్రహ్మం, ఫార్మశిస్టులు శ్రీలక్ష్మీ, నాగుల్‌మీరా, సౌజన్య, అశ్వని పాల్గొన్నారు. నగరంపాలెం: తెలుగు భాషా పరిశోధన, బాలసాహిత్యం, పాఠ్య గ్రంథాలు, వచన సాహిత్యం తదితర ప్రక్రియల్లో ఎనభైకిపైగా రచనలు చేసి తనదైన ముద్ర వేసిన విలక్షణ రచయిత కవి డాక్టర్‌ నాగభైరవ ఆదినారాయణ అని కేంద్ర సాహిత్య అకాడమీ అవార్డుగ్రహీత డాక్టర్‌ పాపినేని శివశంకర్‌ అన్నారు. బొమ్మిడాల శ్రీకృష్ణమూర్తి ఫౌండేషన్‌ ఆధ్వర్యంలో శనివారం నగరంపాలెం బొమ్మిడాల ఆర్యవైశ్య హాస్టల్‌ సమావేశ మందిరంలో డాక్టర్‌ నాగభైరవఆదినారాయణ రాసిన ఆధ్యక్షరం గ్రంథావిష్కరణ, అంకితోత్సవ సభ నిర్వహించారు. సభకు అధ్యక్షత వహించిన కవి రచయిత డాక్టర్‌ భూసురపల్లి వెంకటేశ్వర్లు మాట్లాడారు. డాక్టర్‌ సిహెచ్‌ సుశీలమ్మ, డాక్టర్‌ గుమ్మ సాంబశివరావు గ్రంథ సమీక్ష గావించారు. ఆద్యక్షరం తొలి ప్రతి గ్రంథాన్ని డాక్టర్‌ బొమ్మిడాల శ్రీకృష్ణమూర్తి, లక్ష్మీ అన్నపూర్ణమ్మ దంపతులకు అందించారు. డాక్టర్‌ ఆదినారాయణ, కౌసల్య దంపతులను డాక్టర్‌ శ్రీకృష్ణమూర్తి దంపతులు నూతన వస్త్రాలతో సత్కరించారు.

నగరంపాలెం: జిల్లాలోని ఆరు కేంద్రాల్లో ఈ నెల 30వ తేదీన నీట్‌ పీజీ దృష్ట్యా పటిష్ట పోలీస్‌ బందోబస్త్‌ ఏర్పాటు చేసినట్లు ఎస్పీ వకుల్‌ జిందాల్‌ శనివారం ఒక ప్రకటనలో తెలిపారు. ఉదయం 9 నుంచి మధ్యాహ్నం 12.30 గంటల వరకు జరగనున్న పరీక్షకు హాజరయ్యే 784 మంది అభ్యర్థులు నిర్ణీత వేళకు చేరుకోవాలని సూచించారు. ఉదయం 8.30 గంటల తర్వాత కేంద్రాల్లోకి అనుమతించరని చెప్పారు. ఆయా కేంద్రాల వద్ద ప్రత్యేక బందోబస్త్‌తోపాటు నిరంతర నిఘా ఉంటుందని పేర్కొన్నారు. కేంద్రాల సమీపాన జిరాక్స్‌ సెంటర్లు మూసివేయాలని సూచించారు. పరీక్షకు సంబంధించి తప్పుడు వార్తలు, వదంతులు సోషల్‌ మీడియాలో ప్రచారం చేసినా, పరీక్షల్లో అక్రమాలకు పాల్పడినా, పరీక్షల నిర్వహణకు ఆటంకం కలిగించినా సంబంధిత వ్యక్తులపై కఠిన చర్యలు ఉంటాయని తెలిపారు. ప్రశాంతంగా నిర్వహించాలి గుంటూరు వెస్ట్‌: నీట్‌ పీజీ ప్రశాంతంగా, పారదర్శకంగా జరిగేలా పకడ్బందీ ఏర్పాట్లు చేయాలని జిల్లా రెవెన్యూ అధికారి షేక్‌ ఖాజావలి అన్నారు. పరీక్షకు సంబంధించి అన్ని శాఖల అధికారులతో శనివారం స్థానిక కలెక్టరేట్‌ నుంచి వీసీ ద్వారా సమీక్షించారు. అవసరమైన చర్యలు చేపట్టాలని సంబంధిత తహసీల్దార్లకు సూచించారు.

● సీఐటీయూ పల్నాడు జిల్లా కార్యదర్శి గుంటూరు విజయ్‌ కుమార్‌ సత్తెనపల్లి: విద్యారంగ పరిరక్షణకు భారత విద్యార్థి ఫెడరేషన్‌ (ఎస్‌ఎఫ్‌ఐ) ఉద్యమించాలని సీఐటీయూ పల్నాడు జిల్లా ఉపాధ్యక్షుడు గుంటూరు విజయ్‌ కుమార్‌ పిలుపునిచ్చారు. పట్టణంలోని పుచ్చలపల్లి సుందరయ్య విజ్ఞాన కేంద్రంలో శనివారం జరిగిన ఎస్‌ఎఫ్‌ఐ సత్తెనపల్లి నియోజకవర్గ మహాసభలో ఆయన ముఖ్య అతిథిగా మాట్లాడారు. మహాసభకు అధ్యక్ష వర్గంగా ఎస్‌ఎఫ్‌ఐ నాయకులు రియాజ్‌, డి. అమూల్య, వెంకీలు వ్యవహరించారు. విజయ్‌ కుమార్‌ మాట్లాడుతూ విద్యారంగ ప్రైవేటీకరణతో పేద విద్యార్థులకు పాలకులు చదువును దూరం చేస్తున్నారన్నారు. క్రీడలకు ప్రైవేట్‌ విద్యాసంస్థలు తగిన ప్రాధాన్యత ఇవ్వడం లేదన్నారు. ఎస్‌ఎఫ్‌ఐ పల్నాడు జిల్లా కో కన్వీనర్‌ డి. అమూల్య గత కార్యకలాపాల నివేదికను మహాసభలో ప్రవేశపెట్టారు. ప్రతినిధులు చర్చలు జరిపి ఏకగ్రీవంగా ఆమోదించారు. కార్యచరణ ప్రణాళికను రూపొందించారు. పలు తీర్మానాలను భువనేశ్వరి, నవీన్‌లు ప్రవేశపెట్టగా, అమతవర్షిణి బలపరిచారు. మహాసభ ప్రతినిధులు ఏకగ్రీవంగా ఆమోదించారు. 22 మందితో నూతన కమిటీని ఏకగ్రీవంగా ఎన్నుకున్నారు. అధ్యక్ష, కార్యదర్శులుగా షేక్‌ రియాజ్‌, జె. సాయికుమార్‌, ఉపాధ్యక్షులుగా భువనేశ్వరి, అమృతవర్షిణి, సహాయ కార్యదర్శులుగా జానీ శంకర్‌, ఆగస్టిన్‌, వెంకీ, కమిటీ సభ్యులుగా నవీన్‌, దిలీప్‌, వెంకటేష్‌, సుధాకర్‌, లక్ష్మయ్య, ప్రశాంత్‌, లిఖిత, శ్రీవిద్య, ఆంజనేయులు, భార్గవి, దావీదు, నవీన్‌, బాషా, దిలీప్‌, అల్తాఫ్‌, సంజయ్‌ మనోహర్‌లను ఎన్నుకున్నారు. పరిశీలకులుగా ఎస్‌ఎఫ్‌ఐ పల్నాడు జిల్లా కన్వీనర్‌ సాయి హాజరయ్యారు. కౌలు రైతు సంఘం సత్తెనపల్లి మండల కార్యదర్శి పి. మహేష్‌, ఎస్‌ఎఫ్‌ఐ మాజీ నాయకులు నీరుకొండ కృష్ణ, ఐద్వా జిల్లా ఉపాధ్యక్షులు గద్దె ఉమాశ్రీలు సందేశం ఇచ్చారు. ముందుగా ఎస్‌ఎఫ్‌ఐ జెండాను షేక్‌ రియాజ్‌ ఆవిష్కరించారు. నాయకులు అభిలాష్‌, ఆసిఫ్‌, సీఐటీయూ సత్తెనపల్లి పట్టణ కన్వీనర్‌ జె. రాజకుమార్‌ నాయకత్వం వహించారు. కార్యక్రమంలో ఎస్‌ఎఫ్‌ఐ నాయకులు, విద్యార్థులు పాల్గొన్నారు.

ఏపీసీపీడీసీఎల్‌ సీఎండీ పి.పుల్లారెడ్డి తెనాలిటౌన్‌: బీసీల ఇళ్లకు కూడా ఉచిత సోలార్‌ రూఫ్‌టాప్‌ల ఏర్పాటుకు ప్రభుత్వం సన్నాహాలు చేస్తోందని ఏపీసీపీడీసీఎల్‌ చైర్మన్‌ అండ్‌ మేనేజింగ్‌ డైరెక్టర్‌ పి.పుల్లారెడ్డి వెల్లడించారు. తెనాలిలోని విద్యుత్‌ ఆపరేషన్‌ డివిజన్‌ కార్యాలయాన్ని శనివారం ఆయన సందర్శించారు. అక్కడ కార్యక్రమాలను అధికారులను అడిగి తెలుసుకున్నారు. అవసరమైన సూచనలు చేశారు. అనంతరం మీడియాతో మాట్లాడుతూ 200 యూనిట్లలోపు విద్యుత్‌ను వినియోగించే ఎస్సీలకు ప్రభుత్వమే ఉచితంగా సోలార్‌ రూఫ్‌టాప్‌లను ఏర్పాటు చేస్తున్నట్టు గుర్తుచేశారు. ఇందులో భాగంగా తెనాలి డివిజన్‌కు 9 వేల యూనిట్లు మంజూరు కాగా, మెటీరియల్‌ కొరత కారణంగా 1,500 మాత్రమే పూర్తి చేయగలిగినట్టు తెలిపారు. బీసీలకు కూడా పథకం వర్తింపజేసేలా ప్రభుత్వం చర్యలు తీసుకుంటోందని పేర్కొన్నారు. ఇందుకుగాను కేంద్ర ప్రభుత్వం ఇచ్చే రూ.60 వేలకు రాష్ట్ర ప్రభుత్వం రూ.20 వేలను సబ్సిడీగా సమకూరుస్తుందని చెప్పారు. మూడు నెలల్లోనే సాగు కనెక్షన్లు వ్యవసాయానికి పగటిపూటే 9 గంటల విద్యుత్‌ సరఫరాకు అవసరమైన చర్యలను తీసుకుంటున్నట్టు వివరించారు. తెనాలి డివిజన్‌ పరిధిలో శేకూరు, పట్టణ కొత్తపేటలో రెండు నూతన విద్యుత్‌ సబ్‌స్టేషన్లు మంజూరైనట్లు తెలిపారు. వ్యవసాయ కనెక్షన్లకు దరఖాస్తు ఇచ్చిన మూడు నెలల్లోనే మంజూరు చేస్తున్నట్లు వివరించారు. ఎండలు తీవ్రంగా ఉన్నందున వేసవి కాలం మాదిరిగానే విద్యుత్‌ వినియోగం ఉందని అన్నారు. ఓవర్‌లోడ్‌ ప్రాంతాలను గుర్తించి ట్రాన్స్‌ఫార్మర్‌లను మార్చుతున్నట్లు తెలిపారు. సంవత్సరం క్రితం వ్యవసాయ కనెక్షన్లు 150 పెండింగ్‌లో ఉన్నాయని, వీటిని త్వరితగతిన మంజూరు చేసేలా చర్యలు చేపడుతున్నట్లు వివరించారు. రాష్ట్ర వ్యాప్తంగా 285 మిలియన్‌ యూనిట్ల విద్యుత్‌ వినియోగం జరుగుతున్నట్లు తెలిపారు. రైతులకు పగలు 9 గంటల కరెంటు ఇవ్వాలనే ప్రతిపాదన తెరపైకి వచ్చిందని వెల్లడించారు. సమావేశంలో టెక్నికల్‌ డైరెక్టర్‌ ఆవుల మురళీకృష్ణయాదవ్‌, గుంటూరు జిల్లా ఎస్‌ఈ చల్లా రమేష్‌, తెనాలి డివిజన్‌ ఈఈ అక్కల సత్యనారాయణ, డీఈఈ బోరుగడ్డ అశోక్‌కుమార్‌, టి.విశ్వనాథం, ఏఈలు బి.సుధీర్‌, దుర్గారావు, ఇతర అధికారులు పాల్గొన్నారు.

గుంటూరు వెస్ట్‌: మాదకద్రవ్యాల వలన బంగారు భవిష్యత్‌కు తీవ్ర అవరోధాలు ఏర్పడతాయని జిల్లా రెవెన్యూ అధికారి షేక్‌ ఖాజావలి తెలిపారు. జిల్లాలో మాదకద్రవ్యాల (నార్కోటిక్స్‌) నిర్మూలన, గంజాయి విక్రయాల అడ్డుకట్టే ధ్యేయంగా నార్కోటిక్స్‌ కో–ఆర్డినేషన్‌ సెంటర్‌ జిల్లా స్థాయి కమిటీ సమీక్షా సమావేశం శనివారం స్థానిక కలెక్టరేట్‌లో నిర్వహించారు. తొలుత గత సమావేశంలో తీసుకున్న చర్యల నివేదికను అడిషనల్‌ ఎస్పీ రమణమూర్తి వివరించారు. ఈ సందర్భంగా డీఆర్వో మాట్లాడుతూ జిల్లాలో గంజాయి, ఇతర మాదకద్రవ్యాల వ్యాప్తిని అరికట్టేందుకు అన్ని ప్రభుత్వ శాఖలు సమన్వయంతో కఠినమైన చర్యలు తీసుకోవాలన్నారు. సమావేశంలో జిల్లా వైద్యాధికారి డాక్టర్‌ కె.విజయలక్ష్మి పాల్గొన్నారు. అప్రమత్తతో ప్రమాదాలను నివారించవచ్చు చిన్నపాటి జాగ్రత్త, అప్రమత్తతతో విలువైన ప్రాణాలను కాపాడుకోవచ్చని జిల్లా రెవెన్యూ అధికారి షేక్‌ ఖాజావలి తెలిపారు. జిల్లాలో రహదారి ప్రమాదాలను నివారించి, ప్రజల ప్రాణాలను కాపాడేందుకు సంబంధిత శాఖల అధికారులు సమన్వయంతో పటిష్టమైన చర్యలు తీసుకోవాలని కోరారు.శనివారం స్థానిక కలెక్టరేట్‌లో రోడ్‌ సేఫ్టీ కమిటీ సమావేశం నిర్వహించారు. ఈ సందర్భంగా జిల్లాలో రహదారి ప్రమాదాల పరిస్థితి, ప్రమాదాలు ఎక్కువగా జరుగుతున్న ప్రాంతాలు, బ్లాక్‌ స్పాట్ల వద్ద తీసుకుంటున్న చర్యలు, ట్రాఫిక్‌ నియంత్రణ, రహదారుల భద్రతా ప్రమాణాలపై సమీక్షించారు. ముందుగా సమావేశ ఉద్దేశాలను ఉప రవాణా కమిషనర్‌ సీతారామిరెడ్డి వివరించారు. ఈ సందర్భంగా డిఆర్వో మాట్లాడుతూ ప్రమాదాలకు కారణమవుతున్న అంశాలను గుర్తించి, వాటి నివారణకు తక్షణ చర్యలు తీసుకోవాలన్నారు. సమావేశంలో ఆర్‌టీఓ శ్రీహరి రావు, జిల్లా వైద్య ఆరోగ్య శాఖ అధికారి విజయలక్ష్మి పాల్గొన్నారు. జిల్లా రెవెన్యూ అధికారి షేక్‌ ఖాజావలి

గుంటూరు లీగల్‌: జాతీయ, రాష్ట్ర న్యాయ సేవాధికార సంస్థ ఆదేశాల మేరకు జిల్లా న్యాయ సేవాధికార సంస్థ కార్యాలయంలో శనివారం సాంఘిక సంక్షేమ పథకాలపై అవగాహన కార్యక్రమం నిర్వహించారు. జిల్లా న్యాయ సేవాధికార సంస్థ కార్యదర్శి సయ్యద్‌ జియాఉద్దీన్‌ మాట్లాడుతూ ప్రభుత్వాలు ప్రజల సంక్షేమం కోసం అమలు చేస్తున్న వివిధ సంక్షేమ పథకాల గురించి ప్రజలకు అవగాహన కల్పించడం ద్వారా అర్హులైన ప్రతి ఒక్కరూ ప్రయోజనం పొందేలాచూడాలని కోరారు. జిల్లా పంచాయతీ అధికారి బి.వి.నాగ సాయికుమార్‌, ఎస్సీ కార్పొరేషన్‌ ఈడీ డి.దుర్గాభవాని మాట్లాడుతూ ప్రభుత్వం అమలు చేస్తున్న వివిధ సంక్షేమ పథకాలతో పాటు, భారత ప్రభుత్వం అమలు చేస్తున్న పథకాల గురించి వివరించారు. ప్యానెల్‌ అడ్వకేట్‌ కె.కాళిదాసు మాట్లాడుతూ నల్సా పథకాల గురించి వివరించారు. కార్యక్రమంలో జిల్లా సాంఘిక సంక్షేమ శాఖ అధికారి కె.ఎల్‌.హర్షిత, బార్‌ ప్రెసిడెంట్‌ ఎం.నాగేశ్వరరావు, బార్‌ అసోసియేషన్‌ జనరల్‌ సెక్రటరీ ఎన్‌.వీరమణి, పారా లీగల్‌ వాలంటీర్స్‌, ప్యానెల్‌ అడ్వొకేట్లు తదితరులు పాల్గొన్నారు.

నకరికల్లు: స్థానిక వంగా వెంకటరెడ్డి జిల్లా పరిషత్‌ ఉన్నత పాఠశాల ప్రాంగణంలో ఉమ్మడి గుంటూరు జిల్లా జూనియర్‌ బాలబాలికల ఖో–ఖో జట్ల ఎంపికలు ఆదివారం నిర్వహించనున్నట్లు జిల్లా ఖో–ఖో అసోసియేషన్‌ అధ్యక్ష,కార్యదర్శులు వీరభద్రారెడ్డి, చింతా పుల్లయ్య శనివారం ఒక ప్రకటనలో పేర్కొన్నారు. క్రీడాకారులు 2008 అక్టోబర్‌ 31 తర్వాత జన్మించిన వారై ఉండాలన్నారు. వయస్సు, ఎత్తు, బరువు కలిపి 250 పాయింట్లు మించకుండా ఉండాలన్నారు. హాజరయ్యే క్రీడాకారులు ఆధార్‌కార్డు తప్పనిసరిగా తెచ్చుకోవాలన్నారు. ఎంపికై న జట్లు సెప్టెంబర్‌ 13 నుంచి 15వ తేదీ వరకు ఎన్‌టిఆర్‌ జిల్లా కంచికచర్లలో నిర్వహించే రాష్ట్రస్థాయి పోటీల్లో పాల్గొంటారన్నారు. వివరాలకు ఫిజికల్‌ డైరెక్టర్‌ జి.ఝాన్సీరాణి 9949533234, 9866925108 నంబర్లను సంప్రదించాలని కోరారు.

తాడికొండ: న్యాయాన్ని అందరికీ చేరువ చేయడం, రాజ్యాంగ విలువల పరిరక్షించడం అత్యంత కీలకమని ఆంధ్రప్రదేశ్‌ స్టేట్‌ లీగల్‌ సర్వీసెస్‌ అథారిటీ, మెంబర్‌ సెక్రటరీ(డిస్ట్రిక్ట్‌ అండ్‌ సెషన్స్‌ జడ్జి) న్యాయమూర్తి బీఎస్‌వీ హిమబిందు అన్నారు. వీఐటీ– ఏపీ విశ్వవిద్యాలయంలోని స్కూల్‌ ఆఫ్‌ లా నూతన విద్యా సంవత్సరాన్ని పురస్కరించుకుని, కొత్తగా చేరిన న్యాయ విద్యార్థులకు స్వాగతం పలుకుతూ శనివారం ఉత్సాహభరితమైన ఫ్రెషర్స్‌ ఓరియంటేషన్‌ కార్యక్రమాన్ని నిర్వహించారు. న్యాయమూర్తి హిమబిందు మాట్లాడుతూ న్యాయ విద్యనభ్యసిస్తున్న విద్యార్థులకు న్యాయ వ్యవస్థలోని ఆచరణాత్మక, సామాజిక అంశాలపై లోతైన అవగాహన కల్పించారు. సమాజంలోని అణగారిన, ఆర్థికంగా వెనుకబడిన వర్గాలకు న్యాయం అందించడంలో న్యాయ సేవలు, న్యాయ సహాయం(లీగల్‌ ఎయిడ్‌ను) పోషించే కీలక పాత్రను ఆమె వివరించారు. వీఐటీ– ఏపీ విశ్వవిద్యాలయ వైస్‌–చాన్సలర్‌ డాక్టర్‌ పి.అరుళ్మొళి వర్మన్‌ మాట్లాడుతూ భవిష్యత్‌ న్యాయ నిపుణులను తీర్చిదిద్దడంలో నాణ్యమైన విద్య, విస్తృత పరిశోధన, నైతిక విలువలతో కూడిన న్యాయ ఆచరణకు ప్రాధాన్యం ఇస్తూ, స్కూల్‌ ఆఫ్‌ లా కోసం విశ్వవిద్యాలయం నిర్దేశించుకున్న దార్శనికతను ఆయన వివరించారు. న్యాయమూర్తి హిమబిందు

తాడేపల్లి : చంద్రబాబు ఎప్పుడు అధికారంలోకి వచ్చినా అన్ని వర్గాలకు నష్టమేనని, ఫస్ట్‌ ఎఫెక్ట్‌ రైతుల మీద పడుతుందని వైఎస్సార్‌సీపీ అధికార ప్రతినిధి పుత్తా శివశంకర్‌ విమర్శించారు. చంద్రబాబు అధికారంలో ఉంటే రైతులు గిట్టుబాటు ధరలేక రోడ్డున పడటం కామనైపోయిందని స్పష్టం చేశారు. కరువు-చంద్రబాబు కవల పిల్లల మాదిరే ఉంటాయనేది తాజా పరిస్థితులు మరోసారి అద్దం పడుతున్నాయని ఎద్దేవా చేశారు. ప్రస్తుతం నిత్యావసర వస్తువుల ధరలు ఆకాశాన్నంటిని తీరును పుత్తా శివ శంకర్‌ వివరించారు. ‘పంచదార రూ.40 నుండి రూ.75 కి పెరిగింది. బియ్యం రూ.48 నుండి రూ 65లకు పెరిగింది. ఉల్లిపాయలు రూ.18ల నుండి రూ .70లకు పెరిగింది. నూనెల ధరలు రూ.140 ల నుండి రూ. 215 పెరిగాయి. ఇక కూరగాయల ధరలు విపరీతంగా పెరిగాయి. సామాన్యుడు బతికే పరిస్థితి లేకుండా పోయింది. ప్రతి క్వార్టర్ లిక్కర్ బాటిల్ మీద రూ.40 ల వరకు పెంచారు. కరెంటు ఛార్జీల పరిస్థితీ దారుణంగా ఉంది. పెరిగిన ధరలపై చంద్రబాబు కనీసం ఒక్క సమీక్ష కూడా ఎందుకు నిర్వహించటం లేదు?,’ అని ప్రశ్నించారు.ఇదీ చదవండి:రైతులను ముంచడమే చంద్రబాబు ఉద్దేశమా?: కాకాణి

సాక్షి, తాడేపల్లి: తెలుగు భాషా దినోత్సవం సందర్భంగా వైఎస్సార్‌సీపీ అధినేత, మాజీ ముఖ్యమంత్రి వైఎస్ జగన్‌మోహన్‌రెడ్డి శుభాకాంక్షలు తెలిపారు. ప్రపంచ వ్యాప్తంగా ఉన్న తెలుగు వారందరికీ శుభాకాంక్షలు తెలుపుతూ.. వైఎస్‌ జగన్‌ ట్వీట్‌ చేశారు.‘‘వాడుక తెలుగుకు కొత్త వెలుగునిచ్చిన విశిష్ట భాషావేత్త గిడుగు వెంకట రామమూర్తి పంతులు. ప్రజలు మాట్లాడే భాషకు విద్యా, సాహిత్య రంగాల్లో.. సముచిత స్థానం కల్పించేందుకు కృషి చేసిన ఆ మహనీయుని భాషా సేవలు తరతరాలకు స్ఫూర్తి. గిడుగు గారి జయంతిని పురస్కరించుకుని నేడు నిర్వహించుకుంటున్న తెలుగు భాషా దినోత్సవం సందర్భంగా ప్రపంచ వ్యాప్తంగా ఉన్న తెలుగువారందరికీ హృదయపూర్వక శుభాకాంక్షలు’’ అని వైఎస్‌ జగన్‌ పేర్కొన్నారు.వాడుక తెలుగుకు కొత్త వెలుగునిచ్చిన విశిష్ట భాషావేత్త గిడుగు వెంకట రామమూర్తి పంతులు గారు. ప్రజలు మాట్లాడే భాషకు విద్యా, సాహిత్య రంగాల్లో సముచిత స్థానం కల్పించేందుకు కృషి చేసిన ఆ మహనీయుని భాషా సేవలు తరతరాలకు స్ఫూర్తి. గిడుగు గారి జయంతిని పురస్కరించుకుని నేడు నిర్వహించుకుంటున్న… pic.twitter.com/tTKbMnguS0— YS Jagan Mohan Reddy (@ysjagan) August 29, 2026

లక్ష్మీపురం: ఓ బాలికను హాస్టల్‌ నుంచి తీసుకెళ్లిన యువకుడిని అరెస్ట్‌ చేశారు. పట్టాభిపురం సీఐ గంగా వెంకటేశ్వర్లు కథనం ప్రకారం.. పెదకూరపాడు మండలంలోని ఓ ప్రాంతానికి చెందిన కంచర్ల వెంకటేష్‌ ఫొటోగ్రాఫర్‌. అదే ప్రాంతానికి చెందిన ఓ బాలిక ప్రస్తుతం గుంటూరులోని ఓ హాస్టల్‌లో ఉంటూ విద్యాభ్యాసం చేస్తోంది. జూలై 29వ తేదీన అదృశ్యమైనట్లు వచ్చిన ఫిర్యాదుతో కేసు నమోదు చేశారు. ఆమెకు మాయమాటలు చెప్పి వెంకటేష్‌ తీసుకెళ్లినట్లు తేలింది. గతంలో కూడా వేధించినట్లు ఇచ్చిన ఫిర్యాదుతో పోక్సో కేసు నమోదు చేశారు. గురువారం రాత్రి వెంకటేష్‌ను అరెస్టు చేశారు. శుక్రవారం కోర్టులో హాజరు పరచగా, 14 రోజులు రిమాండ్‌ విధించారు.

గుంటూరు లీగల్‌: నల్లపాడు పోలీస్‌స్టేషన్‌ పరిధిలో బోనబోయిన శ్రీనివాస్‌యాదవ్‌ హత్యకు కుట్ర పన్నినట్లు ఆరోపణలు ఎదుర్కొంటున్న ఏ–2 నిందితుడు కేశన వెంకటేష్‌ శుక్రవారం మొబైల్‌ కోర్టు జడ్జి వి.దీప్తి ఎదుట లొంగిపోయారు. న్యాయమూర్తి 14 రోజులు రిమాండ్‌ విధించారు. వైద్య పరీక్షల నిమిత్తం వెంకటేష్‌ను గుంటూరు జీజీహెచ్‌కు పోలీసులు తరలించారు. అనంతరం నెల్లూరు సబ్‌ జైలుకు తీసుకెళుతున్నట్లు సమాచారం. ఈ కేసులో ఏ–1 నిందితుడిగా ఉన్న నరేంద్ర ఇప్పటికే పోలీసులు అదుపులో ఉన్నా ఇప్పటి వరకు కోర్టులో హాజరు పరచలేదని బంధువులు ఆరోపిస్తున్నారు. జిల్లా కోర్టులో బోనబోయిన హల్‌చల్‌ లక్ష్మీపురం: జిల్లా కోర్టులో జనసేన పార్టీ నాయకుడు బోనబోయిన శ్రీనివాస్‌ యాదవ్‌తో పాటు అతడి అనుచరులు కోర్టులో హల్‌చల్‌ చేశారు. శుక్రవారం కోర్టులో కేశన వెంకటేష్‌కు చెందిన న్యాయవాది ప్రకాష్‌రెడ్డి కోర్టులో లొంగిపోతున్నట్లు న్యాయమూర్తి ముందు పిటిషన్‌ దాఖలు చేశాడు. ఈ సమాచారం తెలుసుకున్న జనసేన నాయకుడు బోనబోయిన శ్రీనివాస్‌ తన అనుచరులు సుమారు 50 మందికిపైగా రౌడీమూకలను వెంట పెట్టుకుని జిల్లా కోర్టుకు చేరుకున్నాడు. కోర్టు వద్ద బోనబోయిన ఉన్న సమాచారం తెలుసుకున్న పోలీసులు అక్కడకు చేరుకోవడంతో బోనబోయిన చిన్నగా అక్కడ నుంచి అనుచరులను తీసుకుని జారుకున్నారు. ప్రాణాలు గుప్పెట్లో పెట్టుకుని.. బోనబోయిన శ్రీనివాస్‌ యాదవ్‌ అనుచరులు కోర్టు వద్ద ఉన్నట్లు కేశన వెంకటేష్‌, అతడి న్యాయవాదికి సమాచారం తెలిసింది.దీంతో కోర్టు ఆవరణలోనే ఓ కారులో వెంకటేష్‌ను దాచి పెట్టారు. కోర్టు ప్రాంగణంలో ఎటువైపు వెళ్లినా బోనబోయిన అనుచరులు ఉండటంతో ప్రాణాలు గుప్పెట్లో పెట్టుకుని న్యాయమూర్తి ముందు హాజరయ్యేందుకు ఎదురు చూశారు. సుమారు మూడు గంటల తరువాత బోనబోయిన కోర్టు ఆవరణను వదిలి బయటకు వెళ్లిన మరుక్షణమే న్యాయవాది ప్రకాష్‌రెడ్డి, కేశన వెంకటేష్‌ను మొబైల్‌ కోర్టులో న్యాయమూర్తి ముందు హాజరు పరచగా 14 రోజుల పాటు రిమాండ్‌ విధించారు. నెల్లూరు జైలుకు తరలించాల్సిందిగా న్యాయమూర్తి ఉత్తర్వులు జారీ చేశారు.

చందోలు(కర్లపాలెం): శ్రావణమాసం మూడవ శుక్రవారం చందోలు గ్రామంలోని బగళాముఖి అమ్మవారి ఆలయం భక్తులతో కిక్కిరిసింది. దేవస్థానం ఆధ్వర్యంలో తొలిసారిగా అమ్మవారికి నిర్వహించిన సామూహిక కుంకుమార్చన పూజా కార్యక్రమాలలో మహిళా భక్తులు విశేష సంఖ్యలో పాల్గొన్నారు. శ్రావణ శుక్రవారం సందర్భంగా అమ్మవారు శ్రీ మహాల క్ష్మి అలంకరణలో భక్తులకు దర్శనమిచ్చారు. కుంకుమార్చన పూజలో పాల్గొన్న మహిళలకు దేవస్థానం తరఫున అమ్మవారి చిత్రపటం, పసుపు, కుంకుమ, కొబ్బరికాయ, పూలు, పండ్లు, పూజా ద్రవ్యాలు ఉచితంగా అందజేసినట్లు ట్రస్ట్‌ బోర్డు అధ్యక్షుడు చక్రధర్‌రెడ్డి, సభ్యుడు వరప్రసాద్‌ తెలిపారు. అమ్మవారి పూజా కార్యక్రమాల అనంతరం భక్తులకు తీర్థప్రసాదాలు అందజేశారు. కార్యక్రమంలో ఈవో నరసింహమూర్తి, ట్రస్టు బోర్డు సభ్యులు పాల్గొన్నారు. చీరాల: పట్టణంలోని వైఏ ప్రభుత్వ మహిళా డిగ్రీ కాలేజీలో జరుగుతున్న డిగ్రీ రెండో సెమిస్టర్‌ పేపర్‌ వాల్యూయేషన్‌ను శుక్రవారం అధ్యాపకులు నిలిపివేశారు. ప్రభుత్వ, ప్రైవేటు కాలేజీల అధ్యాపకులు మాట్లాడుతూ 2025–26లో ఆంధ్రకేసరి యూనివర్సిటీ 1,3,4,5 సెమిస్టర్‌ యూజీ పేపర్ల వాల్యూయేషన్‌ను పూర్తి చేశామన్నారు. పరీక్ష ఫలితాలు వచ్చినా వాల్యూయేషన్‌ పారితోషకం ఇప్పటి వరకు చెల్లించలేదన్నారు. ఈ ఏడాది మే నెలలో 47 డిగ్రీల మేర ఎండలు ఉన్నా పేపర్‌ వాల్యూయేషన్‌ను పూర్తి చేశామని పేర్కొన్నారు. రావల్సిన పారితోషకం చెల్లించని కారణంగా శుక్రవారం రెండో సెమిస్టర్‌ పేపర్‌ మూల్యాంకనం నిలిపివేస్తున్నట్లు తెలిపారు. పారితోషకాన్ని త్వరగా విడుదల చేయడానికి అవసరమైన చర్యలు తీసుకోవాలని కోరుతూ ప్రిన్సిపాల్‌, యూజీ పరీక్షల చీఫ్‌ సూపరింటెండెంట్‌కు వినతిపత్రం అందించారు. నాదెండ్ల: జూనియర్‌ డివిజన్‌ సివిల్‌ జడ్జిల ఎంపికలో భాగంగా రాష్ట్ర ప్రభుత్వం గురువారం ర్యాంకుల జాబితాను విడుదల చేసింది. రాష్ట్ర న్యాయశాఖ ప్రకటించిన మేరకు ఉమ్మడి తెలుగు రాష్ట్రాలకు చెందిన 41 మంది అభ్యర్థులు ఎంపిక అయ్యారు. ఈ జాబితాలో గణపవరం గ్రామానికి చెందిన కాట్రు అప్పయ్య, వెంకటసుబ్బమ్మల మనుమరాలైన నల్లూరి గౌతమి 200 మార్కులకు గాను 189.67 మార్కులతో మూడో ర్యాంకులో నిలిచారు. గతేడాది అక్టోబర్‌లో రాత పరీక్ష జరగ్గా, ఈ ఏడాది మార్చిలో ఇంటర్వ్యూలు నిర్వహించారు. త్వరలో ప్రభుత్వం వీరికి జూనియర్‌ సివిల్‌ జడ్జిగా పోస్టింగ్‌లు ఖరారు చేయనుంది. గౌతమి తల్లిదండ్రులు శ్రీనివాసరావు, ఉదయలక్ష్మి ఉపాధ్యాయులు. వృత్తిరీత్యా ఒంగోలులో నివాసం ఉంటుండగా, గౌతమి విశాఖపట్నంలోని దామోదర సంజీవయ్య జాతీయ న్యాయ కళాశాలలో ఎల్‌ఎల్‌బీ పూర్తి చేశారు.

గుంటూరు మెడికల్‌: జాతీయ నేత్రదాన పక్షోత్సవాలను పురస్కరించుకుని జిల్లా వైద్య ఆరోగ్యశాఖాధికారి డాక్టర్‌ కొర్రా విజయలక్ష్మి, నేత్రదానం చేసేందుకు స్వచ్ఛందంగా అంగీకారం తెలిపారు. ఈ సందర్భంగా ఆమె మాట్లాడుతూ ఆగస్టు 25 నుంచి సెప్టెంబర్‌ 8వ తేదీ వరకు జిల్లావ్యాప్తంగా నేత్రదానంపై ప్రత్యేక అవగాహన కార్యక్రమాలను నిర్వహించాలని వైద్య ఆరోగ్యశాఖ సిబ్బందికి సూచించారు. క్షేత్రస్థాయిలో పనిచేస్తున్న వైద్య సిబ్బంది ప్రజలకు నేత్రదానం ప్రాముఖ్యతను వివరించి, నేత్రదానంపై ఉన్న అపోహలను తొలగించి ప్రజల్లో చైతన్యం తీసుకురావాలని ఆదేశించారు. ‘కంటికి కన్ను– మీ సంకల్పం కావాలి నేత్రదానం, మనందరికీ ఆదర్శం’ అనే నినాదంతో ప్రతి ఒక్కరినీ నేత్రదానం వైపు ప్రోత్సహించాలని కోరారు. నేత్రదానం ఒక మహత్తర సామాజిక సేవగా, ప్రజా ఉద్యమంగా మారేలా విస్తృతంగా ప్రచారం నిర్వహించాలని చెప్పారు. నేత్రదానం ద్వారా మరణానంతరం కూడా మరొకరి జీవితంలో వెలుగులు నింపవచ్చనే సందేశాన్ని ప్రజల్లోకి తీసుకెళ్లి, ప్రతి ఒక్కరూ నేత్రదానానికి ముందుకు వచ్చేలా వైద్య ఆరోగ్యశాఖ సిబ్బంది కృషి చేయాలని డాక్టర్‌ కొర్రా విజయలక్ష్మి పిలుపునిచ్చారు. ఈసందర్భంగా నేత్రదాన ప్రతిజ్ఞా పత్రంపై సంతకం చేశారు.

గుంటూరు ఎడ్యుకేషన్‌: ీసఎంఏ ఫైనల్‌ ఫలితాల్లో ఆల్‌ ఇండియా ఫస్ట్‌ ర్యాంక్‌ సాధించిన మాస్టర్‌ మైండ్స్‌ విద్యార్థి మట్టుపల్లి మోక్షిత్‌ వంశీకృష్ణను ముఖ్యమంత్రి నారా చంద్రబాబు నాయుడు గురువారం ఉండవల్లిలోని క్యాంపు కార్యాలయంలో అభినందించినట్లు సంస్థ అడ్మిన్‌ అడ్వైజర్‌ మట్టుపల్లి మోహన్‌ శుక్రవారం తెలిపారు. కామర్స్‌ విద్యార్థులకు అత్యంత ప్రతిష్టాత్మకమైన సీఎంఏ ఫైనల్‌ పరీక్షా ఫలితాలు ఈనెల 5న ప్రకటించారని, దేశవ్యాప్తంగా అత్యున్నత కృషి, ప్రతిభ కనబరచిన మట్టుపల్లి మోక్షిత్‌ వంశీకృష్ణ అఖిల భారతస్థాయిలో ప్రథమ ర్యాంకు సాధించారని పేర్కొన్నారు. మాస్టర్‌మైండ్స్‌ విద్యాసంస్థల నిర్వాహకులు మట్టుపల్లి రాధ, మోహన్‌ కుమారుడైన మోక్షిత్‌ వంశీకృష్ణ చిన్ననాటి నుంచే క్రమశిక్షణ, పట్టుదల, నిరంతర సాధనతో ఉన్నత లక్ష్యాన్ని చేరుకున్నారు. ఈ సందర్భంగా మోక్షిత్‌ వంశీకృష్ణ మాట్లాడుతూ తల్లిదండ్రులు, గురువులు, మాస్టర్‌మైండ్స్‌ సంస్థ అందించిన మార్గదర్శకత్వం వల్లే ఈ విజయాన్ని సాధించగలిగానని, ఇది తన బాధ్యతను మరింత పెంచిందని తెలిపారు.

గుంటూరు మెడికల్‌: కాంట్రిబ్యూటరీ పెన్షన్‌ స్కీం (సీపీఎస్‌) రద్దుచేసి ఓల్డ్‌ పెన్షన్‌ స్కీం (ఓపీఎస్‌) అమలు చేయాలని ఆంధ్రప్రదేశ్‌ కాంట్రిబ్యూటరీ పెన్షన్‌ స్కీం ఎంప్లాయిస్‌ అసోసియేషన్‌ (ఏపీసీపీఎస్‌ఈఏ) ఆధ్వర్యంలో సెప్టెంబర్‌ 1 పెన్షన్‌ విద్రోహ దినం నాడు విజయవాడ ధర్నా చౌక్‌ వద్ద భారీ నిరసన ర్యాలీ సభ జరగనుందని ఏపీ ఎన్జీజీవోస్‌ గుంటూరు జిల్లా అధ్యక్షుడు ఘంటసాల శ్రీనివాసరావు పేర్కొన్నారు. గుంటూరు జిల్లాస్థాయిలో ఎన్జీవో హోంలో అన్ని సంఘాల నాయకుల ఆధ్వర్యంలో పోస్టర్‌ ఆవిష్కరణ, సన్నాక సమావేశం శుక్రవారం నిర్వహించారు. ఘంటసాల శ్రీనివాసరావు, సెక్రెటరీ శ్యామ్‌ సుందర్‌ శ్రీనివాసరావు, రాష్ట్ర ఉపాధ్యక్షుడు ఎస్‌.కె నాగుల్‌ షరీఫ్‌లు మాట్లాడుతూ ఏపీసీపీఎస్‌ఈఏ నిర్వహించ తలపెట్టిన సెప్టెంబర్‌ 1 ర్యాలీ విజయవంతం చేయాలని పిలుపునిచ్చారు. ఏపీసీపీఎస్‌ఈఏ గుంటూరు జిల్లా తాత్కాలిక అధ్యక్షుడు కొమ్మనబోయిన సుకుమార్‌, సెక్రటరీ రవితేజ మాట్లాడుతూ ఐక్య ఉద్యమాలే ఫలితాలనిస్తాయని పాత పెన్షన్‌ విధానం కోసం నిర్వహిస్తున్న ఈ ధర్నా కార్యక్రమానికి అని సంఘాలు మద్దతు పలకాలని, వేలాది సంఖ్యలో పాల్గొనాలని పిలుపునిచ్చారు. గుంటూరు నగర అధ్యక్షుడు సీహెచ్‌ కళ్యాణ్‌ కుమార్‌, సిటీ కార్యదర్శి జీవీ కోటేశ్వరరావు మాట్లాడుతూ ధర్నాకు తమ శాఖల కార్యకర్తలు వేలాదిగా పాల్గొంటారని తెలిపారు. సీనియర్‌ సీపీ ఉద్యమ నాయకులు తిరుమలరెడ్డి, దయాసాగర్‌, ఎస్టీయూ గుంటూరు జిల్లా అధ్యక్షుడు బాజీ, యూటీఎఫ్‌ గుంటూరు జిల్లా అధ్యక్షుడు రాజశేఖర్‌, ఏపీటీఎఫ్‌ గుంటూరు జిల్లా అధ్యక్షుడు కాలిద్‌, ఏపీసీపీఎస్‌ఈఏ పల్నాడు జిల్లా అధ్యక్షుడు ఉబేదుల్లా బేగ్‌ మాట్లాడారు. కార్యక్రమంలో ఏపీ ఎన్జీజీవోస్‌, ఏపీజేఏసీ సభ్య సంఘాలు, ఉపాధ్యాయ సంఘాలు, ఇతర సంఘాల నాయకులు, నాయకులు కిషోర్‌, చంద్రమోహన్‌, రామచంద్రరావు పాల్గొన్నారు.

నగరంపాలెం: జిల్లాలోని పోలీస్‌ సిబ్బంది ఎదుర్కొంటున్న ప్రతి సమస్యకు నిబంధనల ప్రకారం పరిష్కరించాలని జిల్లా ఎస్పీ వకుల్‌ జిందాల్‌ అన్నారు. ప్రతి శుక్రవారంలో భాగంగా జిల్లా పోలీస్‌ కార్యాలయంలో పోలీస్‌ సిబ్బంది గ్రీవెన్‌న్స్‌ డే నిర్వహించారు. ప్రతి వినతిని జిల్లా ఎస్పీ స్వయంగా పరిశీలించారు. శాఖ నిబంధనలు ప్రకారం త్వరగా పరిష్కరించాలని సంబంధిత అధికారులను జిల్లా ఎస్పీ ఆదేశించారు. ఆయన మాట్లాడుతూ పోలీస్‌ సిబ్బంది సంక్షేమానికి తొలి ప్రాధాన్యం ఇస్తున్నట్లు చెప్పారు. సిబ్బంది సమస్యలు సకాలంలో పరిష్కరిస్తున్నామని హామీ ఇచ్చారు. బదిలీలు, పదోన్నతులు, ఖాళీలు, పరిపాలనా అవసరాల దృష్ట్యా పారదర్శకంగా చేపడతామని స్పష్టం చేశారు. పోలీస్‌ ఉన్నతాధికారుల దృష్టికి సమస్యలు తేవాలన్నారు. ప్రతి పోలీస్‌ సిబ్బంది విధి నిర్వహణలో క్రమశిక్షణ, సమయపాలన, అంకితభావంతో వ్యవహరించాలని అన్నారు. మంగళగిరి టౌన్‌: ఏపీ గ్రీన్‌ సొసైటీ (ఆంధ్రప్రదేశ్‌ సొసైటీ ఫర్‌ గ్రీనింగ్‌ అండ్‌ రీ ఫారెస్టేషన్‌ ఫర్‌ ఎకలాజికల్‌ ఎన్‌రీచ్‌మెంట్‌) కార్యనిర్వాహక కమిటీ చైర్మన్‌గా జనసేన ఎమ్మెల్సీ కొణిదెల నాగబాబు శుక్రవారం బాధ్యతలు స్వీకరించారు. మంగళగిరి అరణ్య భవన్‌లో నిర్వహించిన కార్యక్రమంలో ఆయన తన సతీమణి పద్మజతో కలిసి పాల్గొన్నారు. వేదపండితుల సమక్షంలో ప్రత్యేక పూజలు నిర్వహించిన అనంతరం చైర్మన్‌గా బాధ్యతలు చేపట్టారు. ఆంధ్రప్రదేశ్‌లో పచ్చదనాన్ని మరింత పెంచే లక్ష్యంతో రాష్ట్ర ప్రభుత్వం చేపట్టిన ఏపీ గ్రీన్‌ కార్యక్రమంలో భాగంగా నాగబాబుకు కీలక బాధ్యతలు అప్పగించింది. 2047 నాటికి రాష్ట్ర భౌగోళిక విస్తీర్ణంలో అటవీ, వృక్ష విస్తీర్ణాన్ని 50 శాతానికి పెంచాలనే లక్ష్యంతో ఈ కార్యక్రమాన్ని అమలు చేస్తున్నట్లు అధికారులు తెలిపారు. నాగబాబుకు ప్రభుత్వం కేబినెట్‌ హోదా కల్పించింది.

తెనాలి అర్బన్‌: ప్రజలు అందజేసిన ప్రతి అర్జీని 21–30 రోజుల్లో పరిష్కరించేలా చర్యలు తీసుకుంటున్నామని రాష్ట్ర పౌర సరఫరాల శాఖ మంత్రి నాదెండ్ల మనోహర్‌ పేర్కొన్నారు. ఒక నెల–ఒక నియోజకవర్గం–నాలుగు సందర్శనలు కార్యక్రమాన్ని తెనాలి మార్కెట్‌ ఆవరణ ముందు శుక్రవారం నిర్వహించారు. ఈ సందర్భంగా ఏర్పాటు చేసిన సమావేశంలో మంత్రి మాట్లాడుతూ రానున్న రోజుల్లో తెనాలి, కొల్లిపర మండలాలతోపాటు పట్టణంలో మరోసారి ఈ కార్యక్రమాన్ని నిర్వహించనున్నట్లు ప్రకటించారు. జిల్లా కలెక్టర్‌ సీఎం సాయికాంత్‌వర్మ మాట్లాడుతూ ప్రజల సమస్యలను పరిష్కరిస్తామని హామీ ఇచ్చారు. జాయింట్‌ కలెక్టర్‌ అశుతోష్‌ శ్రీ వాస్తవ మాట్లాడుతూ ప్రతి సోమవారం పీజేఆర్‌ఎస్‌ ఉంటుందన్నారు. అనంతరం ప్రజల నుంచి వినతిపత్రాలు స్వీకరించారు. తెనాలిలో వాహనాల డ్రైవింగ్‌ టెస్ట్‌ నిర్వహణకు స్థలం కేటాయించాలని రవాణాశాఖ అధికారులు వినతిపత్రం ఇచ్చారు. పెన్షన్‌ల కోసం, జగనన్న కాలనీలో ఇళ్ల నిర్మాణం పూర్తి చేయాలని, రోడ్లు, కాల్వలు నిర్మించాలని, పారిశుద్ధ్య నిర్వాహణను మెరుగుపరచాలని పలువురు వినతిపత్రాలు అందించారు. ఆర్డీవో శ్రీరమణి మాట్లాడుతూ మొత్తం 67 అర్జీలు వచ్చాయని చెప్పారు. జిల్లా మైనార్టీ సంక్షేమ అధికారి కె.పార్థసారథి, జిల్లా వ్యవసాయాధికారి ఎం.పద్మావతి, జిల్లా వైద్య ఆరోగ్యశాఖ అధికారి కె.విజయలక్ష్మి, జిల్లా ఆసుపత్రుల సమన్వయ అధికారి డాక్టర్‌ బి.వి.రంగారావు, గ్రామీణ నీటి పారుదల విభాగం పర్యవేక్షక ఇంజినీర్‌ కె.కల్యాణ చక్రవర్తి, విద్యుత్‌శాఖ పర్యవేక్షక ఇంజినీర్‌ సీహెచ్‌ రమేష్‌, జిల్లా విద్యాశాఖాధికారి షేక్‌ సలీమ్‌ బాషా తదితర అధికారులు పాల్గొన్నారు.

కొరిటెపాడు(గుంటూరు): రాష్ట్రంలో టెక్స్‌టైల్‌ పరిశ్రమను మరింత బలోపేతం చేసి, పెట్టుబడులను ఆకర్షించేందుకు ప్రత్యేక గ్రీన్‌ ఎనర్జీ పాలసీని అమలు చేయాలని ఏపీ టెక్స్‌టైల్‌ మిల్స్‌ అసోసియేషన్‌(ఏపీటీఎంఏ) కోరింది. పరిశ్రమకు పోటీ విద్యుత్‌ ధరలు, పెట్టుబడి ప్రోత్సాహకాలు, ఆధునికీకరణకు రాయితీలు, మౌలిక వసతులు కల్పించాలని విజ్ఞప్తి చేసింది. ఈ మేరకు అసోసియేషన్‌ చైర్మన్‌ సామినేని కోటేశ్వరరావు ఆధ్వర్యంలో గుంటూరు, పల్నాడు, బాపట్ల, ప్రకాశం జిల్లాలకు చెందిన సుమారు 50 మంది టైక్స్‌టైల్‌ మిల్లుల యజమానులు, ప్రతినిధులు శుక్రవారం బృందావన్‌ గార్డెన్స్‌లోని నరసరావుపేట పార్లమెంట్‌ సభ్యుడు లావు శ్రీకృష్ణదేవరాయలు గృహంలో కలసి పలు అంశాలపై చర్చించారు. అసోసియేషన్‌ నాయకులు మాట్లాడుతూ పంప్డ్‌ స్టోరేజ్‌ ప్రాజెక్టుల నుంచి అన్ని చార్జీలతో కలిపి యూనిట్‌ విద్యుత్‌ను సుమారు రూ.5 కే అందించే విధంగా చర్యలు తీసుకుంటే రాష్ట్రంలోని టైక్స్‌టైల్‌ మిల్లులు సమష్టిగా 100 నుంచి 150 మెగావాట్ల విద్యుత్‌ను దీర్ఘకాలికంగా కొనుగోలు చేసేందుకు సిద్ధంగా ఉన్నాయని తెలిపారు. 2024–29 పారిశ్రామిక విధానాన్ని టెక్స్‌టైల్‌ రంగానికి అనుగుణంగా సమీక్షించి, కొత్త పరిశ్రమల ఏర్పాటుతోపాటు ఇప్పటికే ఉన్న మిల్లుల ఆధునీకరణకు ప్రత్యేక పెట్టుబడి ప్రోత్సాహకాలు ఇవ్వాలన్నారు. కేంద్ర ప్రభుత్వం గతంలో అమలు చేసిన టెక్నాలజీ అప్‌గ్రేడేషన్‌ ఫండ్‌ స్కీమ్‌ తరహాలో పథకాన్ని పునఃప్రవేశపెట్టి, ఆధునిక టెక్స్‌టైల్‌ యంత్రాలపై పెట్టుబడి వ్యయంలో 20 శాతం వరకు ఇన్వెస్ట్‌మెంట్‌ ఇన్సెంటివ్‌ ఇవ్వాలని సూచించారు. ఎంపీ శ్రీకృష్ణదేవరాయలు మాట్లాడుతూ కేంద్ర ప్రభుత్వ నేషనల్‌ టెక్నికల్‌ టెక్స్‌టైల్‌ మిషన్‌(ఎన్‌టీటీఎం) పథకాన్ని సద్వినియోగం చేసుకుని భవ్య పార్క్‌తో పెట్టుబడులను ఆకర్షించాలని సూచించారు. టెక్నికల్‌ టెక్స్‌టైల్‌ రంగంలో ఆధునిక సాంకేతిక, అధిక విలువ కలిగిన ఉత్పత్తులు, కొత్త పెట్టుబడులను ప్రోత్సహించేందుకు ఎన్‌టీటీఎం అవకాశాలను వినియోగించుకోవాలని కోరారు. ఎంపీని కలసిన వారిలో అసోసియేషన్‌ నాయకులు డి.బ్రహ్మానందం, ఆర్‌.సత్యనారాయణ, రాఘవరెడ్డి, కేవీ ప్రసాద్‌, బి.రామకృష్ణ, జి.కోటేశ్వరరావు, కె.రమేష్‌, దానారెడ్డి తదితరులున్నారు. గుంటూరు ఎడ్యుకేషన్‌: పెదకూరపాడు జిల్లా పరిషత్‌ ఉన్నత పాఠశాలలో గణిత ఉపాధ్యాయుడిగా పనిచేస్తున్న జంపని నరేష్‌బాబుపై దాడి చేసిన నిందితులను కఠినంగా శిక్షించాలని యూటీఎఫ్‌ జిల్లా అధ్యక్ష, ప్రధాన కార్యదర్శులు యు. రాజశేఖర్‌ రావు, ఎం.కళాధర్‌ శుక్రవారం ఓప్రకటనలో డిమాండ్‌ చేశారు. కారు రాష్‌ డ్రైవింగ్‌ చేసి ప్రమాదానికి కారణమైనది కాకుండా, తిరిగి ఉపాధ్యాయుడిపై దాడి చేయడం కారు ధ్వంసం చేయడాన్ని తీవ్రంగా ఖండిస్తున్నామన్నారు. యాక్సిడెంట్‌ ఎలా జరిగిందని, ఎవరు బాధ్యులనేది లేకుండాఉపాధ్యాయుడిపై భౌతిక దాడి చేయడం తగదని, తక్షణమే పోలీసులు కఠిన చర్యలు తీసుకోవాలని కోరారు. ప్రభుత్వం సైతం ఇటువంటి సంఘటనలు పునరావృతం కాకుండా చర్యలు చేపట్టాలని, ఉపాధ్యాయుడు నరేష్‌ బాబుకు పూర్తి సంఘీభావం తెలిపారు. ఎంపీ శ్రీకృష్ణదేవరాయలుకు ఏపీ టెక్స్‌టైల్‌ మిల్స్‌ అసోసియేషన్‌ వినతి

ఏపీ ఈగల్‌ చీఫ్‌ ఐజీపీ ఆకే రవికృష్ణ మంగళగిరి టౌన్‌: గంజాయి రహిత సమాజ నిర్మాణమే ప్రభుత్వ ధ్యేయమని, మాదకద్రవ్యాల నిర్మూలన ప్రతి ఒక్కరి సామాజిక బాధ్యత అని ఏపీ ఈగల్‌ చీఫ్‌ ఐజీపీ ఆకే రవికృష్ణ అన్నారు. డ్రగ్స్‌ రహిత ఆంధ్రప్రదేశ్‌ నిర్మాణంలో భాగంగా ఏపీ ఈగల్‌–ఇండియన్‌ రెడ్‌క్రాస్‌ సొసైటీ ఆంధ్రప్రదేశ్‌ స్టేట్‌ బ్రాంచ్‌ల మధ్య శుక్రవారం మంగళగిరిలోని ఈగల్‌ ప్రధాన కార్యాలయంలో కీలక అవగాహన ఒప్పందం (ఎంఓయూ) కుదిరింది. ఇరు సంస్థల ప్రతినిధులు ఒప్పంద పత్రాలపై సంతకాలు చేసి పరస్పరం మార్చుకున్నారు. ఐజీపీ ఆకే రవికృష్ణ మాట్లాడుతూ ఏపీ ఈగల్‌ నాలుగు సూత్రాల వ్యూహంతో పనిచేస్తోందన్నారు. డ్రగ్స్‌ వినియోగం, సరఫరా లేదా గంజాయి సాగుకు సంబంధించిన సమాచారం తెలిస్తే వెంటనే ఈగల్‌ టోల్‌ఫ్రీ నంబర్‌ 1972కు సమాచారం అందించాలని కోరారు. ఇండియన్‌ రెడ్‌క్రాస్‌ సొసైటీ సెక్రటరీ, సీఈఓ ఏకే పరిడా మాట్లాడుతూ యువత భాగస్వామ్యంతో డ్రగ్స్‌ వ్యతిరేక కార్యక్రమాలను నిరంతర ఉద్యమంగా కొనసాగిస్తామని తెలిపారు. రెడ్‌క్రాస్‌ ఏపీ స్టేట్‌ బ్రాంచ్‌ చైర్మన్‌ వై.డి.రామారావు మాట్లాడుతూ ఈగల్‌ నిఘా బలగాలకు రెడ్‌క్రాస్‌ విస్తృత వలంటీర్‌ నెట్‌వర్క్‌ తోడైతే సమాజంలో అద్భుతమైన మార్పు తీసుకురావచ్చన్నారు. కార్యక్రమంలో ఆపరేషన్స్‌ ఎస్పీ కేఎం మహేశ్వరరాజు, అడ్మినిస్ట్రేషన్‌ ఎస్పీ జి.స్వరూపరాణి, డీఎస్పీలు టి.త్రినాథ్‌, కె.సింగయ్య, టి.దుర్గాప్రసాద్‌, సీఐలు రవీంద్ర, విక్టర్‌, రుద్ర రమేష్‌, ఆర్‌ఐలు రాంబాబు, నారాయణ, శివశంకర్‌ నాయక్‌, రెడ్‌క్రాస్‌ వైస్‌ చైర్మన్‌ పి.ఆర్‌.సి.రాజు, కోశాధికారి డి.శ్రీహరిరావు, ఎన్టీఆర్‌ జిల్లా చైర్మన్‌ డాక్టర్‌ జి.సమరం, స్టేట్‌ కోఆర్డినేటర్‌ బీవీఎస్‌ కుమార్‌, రెడ్‌క్రాస్‌ బ్లడ్‌ సెంటర్ల సిబ్బంది తదితరులు పాల్గొన్నారు.

తాడేపల్లి : తాను చేయనిది కూడా చేశానని నిస్సిగ్గుగా చెప్పుకునే ‍వ్యక్తి ఎవరైనా ఉన్నారంటే అది చంద్రబాబు నాయుడేనని మాజీ ఎమ్మెల్యే, వైఎస్సార్‌సీపీ నేత టీజీఆర్‌ సుధాకర్‌బాబు విమర్శించారు. చంద్రబాబు అబద్దాల కోరని, ఆయన చేసిందేమైనా ఉంటే ఆధారాలతో చూపించగలరా? అంటూ సవాల్‌ విసిరారు. ఈరోజు(శుక్రవారం, ఆగస్గు 28వ తేదీ) తాడేపల్లి వైఎస్సార్‌సీపీ కేంద్ర కార్యాలయం నుంచి మాట్లాడిన టీజేఆర్‌.. క్రెడిట్‌ చోరీకి పాల్పడటం చంద్రబాబుకు అలవాటుగా మారిపోయిందని ధ్వజమెత్తారు. ‘ చంద్రబాబు అబద్దాల‌ కోరు. తాను చేయనిది కూడా నిస్సిగ్గుగా చెప్పుకునే వ్యక్తి చంద్రబాబు. 1996లో వెలిగొండకు శంకుస్థాపన చేశాక ప్రాజెక్టు కోసం ఏమీ చేయలేదు. 9 ఏళ్లపాటు సీఎంగా ఉన్నా ప్రాజెక్టు గురించి పట్టించుకోలేదు, శంకుస్థాపన సభ కోసం అప్పట్లో రూ.11 లక్షలు ఖర్చు పెట్టారే తప్ప ప్రాజెక్టుకు పైసా ఖర్చు చేయలేదు. వైఎస్సార్ హయాంలో రెండు టన్నెళ్లలో 20.3 కి.మీ. తవ్వకాలు చేశారు. తర్వాత చంద్రబాబు హయాంలో కేవలం 6.6 కి.మీ.లు మాత్రమే పనులు జరిగాయి. అనంతరం జగన్ వచ్చాక 10.5 కి.మీ టన్నెళ్లు తవ్వించారు. రెండేళ్లపాటు కరోనాతో తీవ్ర ఇబ్బందులు తలెత్తినా పనులు ఆపలేదు. వెలిగొండకు ఎవరేం చేశారో చర్చకు వచ్చే దమ్ముందా?, టీడీపీ ఎమ్మెల్యేలతో రాజీనామా చేయించి ఎన్నికలలో గెలవగలరా?, ఆ ప్రాంతంలోని ఐదు అసెంబ్లీ నియోజకవర్గాలలో ఎన్నికల రెఫరెండం పెట్టే దమ్ముందా?, చంద్రబాబు చేసిందేమైనా ఉంటే ఆధారాలతో చూపించగలరా?, నిర్మాణం చేయకుండానే ప్రారంభోత్సవాలు చేయటం చంద్రబాబుకు అలవాటు. అమరావతికి ఇప్పటికీ కనెక్టివిటీ రోడ్లు లేవు. కానీ ఏదేదో చేసినట్టు ఎల్లోమీడియా ద్వారా విస్తృత ప్రచారం చేసుకున్నారు. ఇప్పుడు వెలిగొండ విషయంలోనూ అదే చేస్తున్నారు. ప్రాజెక్టు నిర్వాసితులకు కూడా న్యాయం చేయని వ్యక్తి. కేవలం రూ.112 కోట్లు చెల్లిస్తే రైతులకు మేలు జరుగుతుంది. అమరావతిలో పూలమొక్కలకు వందల కోట్లు చేస్తున్నారేగానీ నిర్వాసితులకు మాత్రం పైసా విదల్చటం లేదు. బాధితులు ఆత్మహత్యాయత్నం చేస్తున్నా చంద్రబాబుకు మనసు కరగడం లేదు’ అని విమర్శించారు. ఇదీ చదవండి:నిమ్మల రామానాయుడికి చేదు అనుభవం

సాక్షి, తాడేపల్లి: దేశవ్యాప్తంగా రక్షాబంధన్‌ వేడుకలు ఘనంగా కొనసాగుతున్నాయి. ఈ పర్వదినాన్ని పురస్కరించుకుని వైఎస్సార్‌సీపీ అధినేత, మాజీ ముఖ్యమంత్రి వైఎస్‌ జగన్‌మోహన్‌రెడ్డి అక్కాచెల్లెమ్మలకు శుభాకాంక్షలు తెలిపారు. అన్నాచెల్లెళ్లు, అక్కాతమ్ముళ్ల మధ్య ప్రేమానురాగాలకు ప్రతీకగా నిలిచే రక్షాబంధన్‌ పండుగను కుటుంబ సభ్యులతో కలిసి ఆనందంగా జరుపుకోవాలని ఆకాంక్షించారు. మీ ప్రేమాభిమానాలే నా బలం, నాకు కొండంత ధైర్యం. మీ సోదరుడిగా నాపై మీరు చూపుతున్న ఆప్యాయ‌త‌కు ఎల్లప్పుడూ రుణపడి ఉంటాను. ఈ రాఖీ పౌర్ణమి మీ అందరి జీవితాల్లో ఆనందాలు, ప్రేమానుబంధాలు, ఆయురారోగ్యాలు నింపాలని మనస్ఫూర్తిగా కోరుకుంటూ నా అక్కచెల్లెమ్మలందరికీ రాఖీ పౌర్ణమి శుభాకాంక్షలు అంటూ ఈ ఉదయం ఓ ట్వీట్‌ చేశారాయన.మీ ప్రేమాభిమానాలే నా బలం, నాకు కొండంత ధైర్యం. మీ సోదరుడిగా నాపై మీరు చూపుతున్న ఆప్యాయ‌త‌కు ఎల్లప్పుడూ రుణపడి ఉంటాను. ఈ రాఖీ పౌర్ణమి మీ అందరి జీవితాల్లో ఆనందాలు, ప్రేమానుబంధాలు, ఆయురారోగ్యాలు నింపాలని మనస్ఫూర్తిగా కోరుకుంటూ నా అక్కచెల్లెమ్మలందరికీ రాఖీ పౌర్ణమి శుభాకాంక్షలు.— YS Jagan Mohan Reddy (@ysjagan) August 28, 2026అంతకు ముందు.. నిన్నటి రాఖీ సందేశంలో ‘ప్రతి అక్కకు, చెల్లెమ్మకు, ప్రతి చిన్నారికి రక్షాబంధన్‌ శుభాకాంక్షలు. రక్షాబంధనం.. ఆత్మీయత, అనురాగాల పండుగ. అక్కాచెల్లెమ్మలకు ఎల్లప్పుడూ మంచి జరగాలని ఆకాంక్షిస్తున్నా. ప్రతి అక్క, చెల్లెమ్మకు దేవుడి ఆశీస్సులు, చల్లని దీవెనలు ఎల్లకాలం లభించాలి’ అని వైఎస్‌ జగన్‌ అన్నారు. రక్షాబంధన్‌ సందర్భంగా కుటుంబాల్లో సంతోషం, ప్రేమ, ఆప్యాయతలు వెల్లివిరియాలని.. ప్రతి ఒక్కరి జీవితాల్లో సుఖసంతోషాలు, శాంతి నెలకొనాలని ఆయన కోరుకున్నారు.క్లిక్‌ చేయండి: రక్షాబంధన్‌: జగనన్నకు రాఖీ కట్టిన వైఎస్సార్‌సీపీ నేతలు

చిలకలూరిపేటటౌన్‌: ప్రమాదంలో గాయపడిన వారికి తక్షణమే మెరుగైన వైద్య సేవలు అందించి, వారి ప్రాణాలను కాపాడేందుకు ప్రభుత్వం అన్ని చర్యలు తీసుకోవాలని, మృతుల కుటుంబాలకు ప్రభుత్వం అండగా నిలిచి తగిన సహాయం అందించాలని మాజీ మంత్రి విడదల రజిని కోరారు. చిలకలూరిపేట ప్రభుత్వ ఆసుపత్రిలో ఉన్న ప్రమాద మృతుల భౌతికకాయాలను ఆమె సందర్శించారు. ఆస్పత్రిలో చికిత్స పొందుతున్న బాధితులను ఆమె పరామర్శించారు. అనంతరం మృతుల కుటుంబ సభ్యులను ఓదార్చారు. వేలూరు గ్రామానికి చెందిన ఏడుగురు ఈ ప్రమాదంలో ప్రాణాలు కోల్పోవడం అత్యంత విషాదకరమని ఆవేదన వ్యక్తం చేశారు. అనంతరం రజిని మీడియాతో మాట్లాడుతూ ప్రమాదంపై వేగంగా దర్యాప్తు చేసి భవిష్యత్తులో అలాంటి ఘటనలు పునరావృతం కాకుండా చర్యలు తీసుకోవాలని కోరారు. మృతుల కుటుంబాలను పరామర్శించిన వారిలో పల్నాడు జిల్లా ఏఎస్పీ రోహిత్‌కుమార్‌ చౌదరి, షేక్‌ జాన్‌సైదా, ఎంపీ లావు శ్రీకృష్ణదేవరాయలు, ఎమ్మెల్యే ప్రత్తిపాటి పుల్లారావు, జనసేన నాయకులు మండలనేని చరణ్‌తేజ్‌, తోటా రాజా రమేష్‌, నిడ్‌క్యాప్‌ చైర్మన్‌ పిల్లి మాణిక్యరావు, సీపీఐ నాయకులు తాళ్లూరి బాబూరావు, షేక్‌ సుభాని, చెరుకుపల్లి నిర్మల తదితరులు ఉన్నారు.

నెహ్రూనగర్‌: చిలకలూరిపేట సమీపంలో బుధవారం అర్ధరాత్రి జరిగిన ఘోర రోడ్డు ప్రమాదంలో ఏడుగురు దుర్మరణం చెందడంపై వైఎస్సార్‌ కాంగ్రెస్‌ పార్టీ గుంటూరు నగర అధ్యక్షురాలు, తూర్పు నియోజకవర్గ సమన్వయకర్త షేక్‌ నూరి ఫాతిమా తీవ్ర దిగ్భ్రాంతి వ్యక్తం చేశారు. మృతుల కుటుంబాలకు ప్రగాఢ సానుభూతి తెలిపారు. గురువారం ఉదయం జీజీహెచ్‌లో చికిత్స పొందుతున్న బాధితులను పరామర్శించారు. వారి బంధువులను ఓదార్చి, ధైర్యం చెప్పారు. ప్రమాదానికి కారణాలను కుటుంబసభ్యులను అడిగి తెలుసుకున్నారు. అనంతరం మీడియాతో మాట్లాడుతూ ప్రైవేట్‌ ట్రావెల్స్‌ డ్రైవరు మితిమీరిన వేగం, నిర్లక్ష్యం కారణంగానే ఈ ఘోరం జరిగిందని ఆవేదన వ్యక్తం చేశారు. ఈ ఘటన తనను తీవ్రంగా కలచివేసిందన్నారు. ఫోర్‌ లైన్‌ రోడ్లు, ప్రధాన జంక్షన్ల వద్ద కనీస భద్రతా చర్యలు పాటించకపోవడం శోచనీయమని పేర్కొన్నారు. నిబంధనలను ఉల్లంఘించే ప్రైవేట్‌ ట్రావెల్స్‌ యాజమాన్యాలు, డ్రైవర్లపై కఠిన చర్యలు తీసుకోవాలని డిమాండ్‌ చేశారు. రోడ్డు ప్రమాదాల నివారణకు అధికారులు చర్యలు చేపట్టాలని, బాధిత కుటుంబాలను ప్రభుత్వం ఆదుకోవాలని ఆమె కోరారు. వైఎస్సార్‌ సీపీ డివిజన్‌ అధ్యక్షులు, మాజీ కార్పొరేటర్లు, అనుబంధ విభాగాల సభ్యులు, ముఖ్య నాయకులు, కార్యకర్తలు పాల్గొన్నారు. ప్రైవేట్‌ ట్రావెల్స్‌ నిర్వాహకులపై చర్యలు తీసుకోవాలని డిమాండ్‌

ఎస్టీయూ ఆధ్వర్యంలో కలెక్టరేట్‌ వద్ద ఉపాధ్యాయుల నిరసన గుంటూరు ఎడ్యుకేషన్‌:ఇన్‌ సర్వీస్‌ ఉపాధ్యాయుల కోసం విడుదల చేసిన టెట్‌ నోటిఫికేషన్‌లో నెలకొన్న లోపాలను సవరించాలని అఖిల భారత సెకండరీ టీచర్స్‌ ఫెడరేషన్‌ (ఏఐఎస్టీఎఫ్‌) జాతీయ ఆర్థిక కార్యదర్శి సీహెచ్‌ జోసఫ్‌ సుధీర్‌ బాబు డిమాండ్‌ చేశారు. ఇన్‌ సర్వీసు ఉపాధ్యాయుల కోసం విడుదల చేసిన స్పెషల్‌ టెట్‌ నోటిఫికేషన్‌ నిబంధనలను సవరించాలని డిమాండ్‌ చేస్తూ గురువారం ఎస్టీయూ ఆధ్వర్యంలో జిల్లా కలెక్టరేట్‌ వద్ద ఉపాధ్యాయులు నిరసన ప్రదర్శన నిర్వహించారు. ముఖ్య అతిథిగా పాల్గొన్న జోసఫ్‌ సుధీర్‌బాబు మాట్లాడుతూ సర్వీసులో ఉన్న ఉపాధ్యాయులందరూ టెట్‌ పరీక్షకు అర్హత సాధించాలనే సుప్రీంకోర్టు తీర్పునకు లోబడి ప్రభుత్వం విడుదల చేసిన స్పెషల్‌ టెట్‌ నోటిఫికేషన్‌లో ఉపాధ్యాయులకు అనుకూలంగా ఎటువంటి మినహాయింపులు లేవన్నారు. ఫలితంగా ఏళ్ల తరబడి ఉపాధ్యాయ వృత్తిలో ఉన్న వారు ఆందోళన చెంతున్నారని చెప్పారు. ఎస్టీయూ రాష్ట్ర అసోసియేట్‌ అధ్యక్షుడు డి.పెదబాబు, సంఘ జిల్లా అధ్యక్షుడు షేక్‌ బాజీ, జిల్లా ప్రధాన కార్యదర్శి వై.శ్యామ్‌బాబు, రాష్ట్ర నాయకుడు శ్రీధర్‌ మాట్లాడారు. ఎస్టీయూ సీనియర్‌ నాయకుడు ఎస్‌.రామ చంద్రయ్య, జిల్లా ఆర్థిక కార్యదర్శి హనుమంత ప్రసాద్‌ తదితరులు పాల్గొన్నారు. నగరంపాలెం: జిల్లాలో బహిరంగ ప్రదేశాల్లో మద్యం తాగే (ఓపెన్‌ డ్రింకింగ్‌) వారిని గుర్తించేందుకు ప్రత్యేక తనిఖీలు నిర్వహించారు. జిల్లా ఎస్పీ వకుల్‌ జిందాల్‌ ఆదేశాల మేరకు బుధవారం రాత్రి ఏడు గంటల నుంచి పది గంటల వరకు జిల్లాలోని అన్ని పోలీస్‌స్టేషన్ల పరిధిలో తనిఖీలు కొనసాగించారు. పలువురిపై 72 కేసులు నమోదుచేశారు. ముఖ్యమైన కూడళ్లు, మద్యం దుకాణాల సమీప ప్రాంగణాలు, ఖాళీ స్థలాలు, పార్కులు, బస్టాండ్‌లు, రైల్వేస్టేషన్ల పరిసరాలు, నిర్మానుష్య రహదారులపై విసృతంగా పరిశీలించారు. బహిరంగంగా మద్యం సేవించడం నేరమని మందుబాబులకు పోలీస్‌ అధికారులు కౌన్సెలింగ్‌ చేశారు. బహిరంగంగా మద్యం తాగి, మహిళలకు ఇబ్బందులు కలిగిస్తే పోలీసులకు సమాచారం అందించాలని సూచించారు. తెలుగు, సంస్కృత అకాడమీ చైర్మన్‌ ఆర్‌డీ విల్సన్‌ శరత్‌ చంద్ర గుంటూరు ఎడ్యుకేషన్‌:జాతీయ వాదానికి సంస్కృతమే ఊతమని రాష్ట్ర తెలుగు, సంస్కృత అకాడమీ చైర్మన్‌ ఆర్‌డీ విల్సన్‌ శరత్‌ చంద్ర అన్నారు. ఐదు వందల గ్రామాలను సంస్కృత గ్రామాలుగా తీర్చిదిద్దేందుకు చర్యలు చేపడుతున్నట్లు చెప్పారు. బ్రాడీపేటలోని శ్రీ శారదానికేతన్‌ ఓరియంటల్‌ కళాశాలలో కేంద్రీయ సంస్కృత విశ్వవిద్యాలయ సౌజన్యంతో తెలుగు, సంస్కృత అకాడమీ సంస్కృత సప్తాహం వారోత్సవాలు నిర్వహించారు. విల్సన్‌ శరత్‌చంద్ర మాట్లాడుతూ సామాన్యులకు సంస్కృత భాష చేర్చే కార్యాచరణ అకాడమీ చేపడుతుందని పేర్కొన్నారు. ఏఎన్‌యూ రిజిస్ట్రార్‌ ఆచార్య పి.వరప్రసాద మూర్తి, మాజీ మంత్రి డొక్కా మాణిక్య వరప్రసాద్‌, డాక్టర్‌ దీవి నరసింహ దీక్షిత్‌, సంస్కృత పండితుడు డాక్టర్‌ రంగాచార్య మాట్లాడారు. సంస్కృ పడితుడు డాక్టర్‌ శ్రిష్టి లక్ష్మీ కుమార శర్మ, డాక్టర్‌ ఆకెళ్ళ మల్లు సోమయాజులు, సుఖవాసి మల్లికార్జునరాయ శాస్త్రి, కూనిశెట్టి స్వరాజ్య లక్ష్మిని సత్కరించారు.

గుంటూరు లీగల్‌: జిల్లా వ్యాప్తంగా అన్ని కోర్టు ప్రాంగణాల్లో సెప్టెంబర్‌ 12వ తేదీన జాతీయ లోక్‌ అదాలత్‌ నిర్వహించనున్నట్లు జిల్లా న్యాయ సేవాధికార సంస్థ చైర్మన్‌, జిల్లా ప్రధాన న్యాయమూర్తి బి.సాయి కల్యాణ్‌ చక్రవర్తి గురువారం ఒక ప్రకటనలో పేర్కొన్నారు. గుంటూరు జిల్లా వ్యాప్తంగా లోక్‌ అదాలత్‌ బెంచెస్‌ ఏర్పాటు చేస్తారని తెలిపారు. ఈ బెంచెస్‌ ద్వారా సివిల్‌ కేసులు, రాజీ పడదగ్గ క్రిమినల్‌ కేసులు, ఎకై ్సజ్‌ ఎన్‌ఫోర్స్‌మెంట్‌ బ్యూరో వారు ఇచ్చిన సర్క్యులర్‌ ప్రకారం కొన్ని రాజీ పడదగ్గ ఎకై ్సజ్‌ కేసులు, మోటార్‌ వాహన ప్రమాద బీమా కేసులు, చెక్కు బౌన్స్‌ కేసులు, ఎల్‌ఏఓపీ కేసులు, ప్రీ–లిటిగేషన్‌ కేసులు పరిష్కరించనున్నట్లు తెలిపారు. లోక్‌ అదాలత్‌లో ఎక్కువ కేసులు పరిష్కారమయ్యేందుకు కక్షిదారులు, పోలీసు, స్టేక్‌ హోల్డర్స్‌ సహకరించాలని కోరారు. లోక్‌ అదాలత్‌ను కక్షిదారులు సద్వినియోగం చేసుకోవాలని ఆయన కోరారు.తాడేపల్లి రూరల్‌: తాడేపల్లి పట్టణం సీతానగరంలోని విజయకీలాద్రి దివ్యక్షేత్రంపై గురువారం లక్ష్మీ హయగ్రీవ స్వామివారి తిరునక్షత్ర మహోత్సవాన్ని వైభవంగా నిర్వహించారు. త్రిదండి చిన్న శ్రీమన్నారాయణ రామానుజ జీయర్‌స్వామి మంగళాశాసనములతో ఉదయం లక్ష్మీ హయగ్రీవ స్వామివారికి అభిషేకం, అలంకరణ, వివిధ రకాల పుష్పాలతో అష్టోత్తర శతనామార్చన చేశారు. అనంతరం హోమం తదితర కార్యక్రమాలను ఘనంగా నిర్వహించారు. భక్తులు అధిక సంఖ్యలో పాల్గొని, స్వామి వారిని దర్శించుకున్నారు. పట్నంబజారు: రవాణా శాఖలో పూర్తిస్థాయిలో ఆన్‌లైన్‌లో ఉన్న సేవలను ప్రతి ఒక్కరూ సద్వినియోగం చేసుకోవాలని జిల్లా రవాణా శాఖ అధికారి కె.సీతారామిరెడ్డి చెప్పారు. గుంటూరు స్వర్ణభారతినగర్‌లోని ఆర్టీఏ కార్యాలయంలో గురువారం మీడియాతో ఆయన మాట్లాడారు. సారథి.పరివాహన్‌.జీవోవీ.ఇన్‌ వెబ్‌సైట్‌లో 83 సేవలు పౌరులకు అందుబాటులో ఉన్నాయని తెలిపారు. మెడికల్‌ సర్టిఫికెట్‌, గ్రీన్‌ట్యాక్స్‌, ఫ్యాన్సీ నంబర్ల కేటాయింపు, డ్రైవింగ్‌ లైసెన్సు, తదితర పలు సేవలు కేంద్ర, రాష్ట్ర ప్రభుత్వాలు ఆన్‌లైన్‌ చేసిన నేపథ్యంలో వారిని సద్వినియోగం చేసుకోవాలన్నారు. వాహన డీలర్లు నంబరు ప్లేట్ల కేటాయింపులో తాత్సారం లేకుండా వెంటనే కస్టమర్లకు అందజేయాలని సూచించారు. నిబంధనలకు విరుద్ధంగా వ్యవహరిస్తే చర్యలు తీసుకుంటామని స్పష్టం చేశారు. విజయపురిసౌత్‌: నాగార్జున సాగర్‌ జలాశయ నీటిమట్టం గురువారం 536.90 అడుగులకు చేరింది. ఇది 181.9292 టీఎంసీలకు సమానం. సాగర్‌ జలాశయం నుంచి కుడి కాలువకు 6,926, ఎడమ కాలువకు 2,067, ఎస్‌ఎల్‌బీసీకి 2 వేల చొప్పున క్యూసెక్కులు విడుదలవుతోంది. దీంతో జలాశయం నుంచి మొత్తం ఔట్‌ఫ్లోగా 10,933 క్యూసెక్కులు విడుదల చేస్తున్నారు. శ్రీశైలం జలాశయం నుంచి సాగర్‌కు 10,933 క్యూసెక్కులు వచ్చి చేరుతోంది.

రాష్ట్రంలో నిత్యం ఎక్కడో ఒక చోట ప్రైవేట్‌ ట్రావెల్స్‌ బస్సులు ప్రమాదానికి గురికావడం ప్రయాణికులను ఆందోళనకు గురిచేస్తోంది. తెలంగాణలోని కోదాడలో జరిగిన ఘటన కళ్ల ముందు నుంచి తొలగకముందే.. చిలకలూరిపేటలో ఆటోను ఓ ప్రైవేటు బస్సు ఢీకొట్టిన ఘటన పరిస్థితి తీవ్రతకు అద్దం పడుతోంది. అతి వేగం.. మద్యం మత్తులో వాహనాలు నడపటం, దూర ప్రాంతాలకు వెళ్తున్న బస్సుల్లో సైతం రెండో డ్రైవర్‌ లేకపోవటం.. అధికారుల నిర్లక్ష్యం.. వెరసి ప్రయాణికుల ప్రాణాలు బలవుతున్నాయి. కాసులే పరమావధిగా ప్రైవేట్‌ ట్రావెల్స్‌ యాజమాన్యాలు వ్యవహరిస్తున్నాయి. అటు టీడీపీ సర్కారు కూడా ప్రయాణికుల భద్రతను గాలికి వదిలేసింది. పట్నంబజారు: కోదాడలో ప్రైవేట్‌ బస్సు డ్రైవరు అతివేగంతో వెళ్లి ప్రయాణికులను బలిగొన్నాడు. ఈ దుర్ఘటన జరిగి 24 గంటలు గడిచేలోపే.. చిలకలూరిపేటలో అతివేగంతో ప్రైవేట్‌ బస్సు వెళ్లి ఆటోను ఢీ కొంది. ఈ ఘటన చూపరులను సైతం గగుర్పాటు కలిగించింది. శుభకార్యానికి వెళ్లొస్తూ.. ఏడుగురు మంది మృతి చెందారు. ఈ నెల 26వ తేదీ రాత్రి పట్టాభిపురంలోని ఇంటర్‌సీటీ స్మార్ట్‌ బస్సు ప్రైవేట్‌ ట్రావెల్స్‌ బస్సు హైదరాబాద్‌కు వెళ్తున్న బస్సు డ్రైవర్‌ శ్రీనివాసరావు ఫూటుగా మద్యం తాగి బస్సును ఇష్టానుసారంగా నడిపి పలువురు వాహనదారులను ఢీకొట్టాడు. దీంతో వాహనదారులు ఆ బస్సును నిలువరించి పోలీసులకు సమాచారం ఇచ్చారు. వెస్ట్‌ ట్రాఫిక్‌ పోలీసులు చేరుకుని.. బ్రీత్‌ ఎనలైజర్‌తో పరీక్షించి మద్యం తాగినట్లు నిర్ధారించారు. ఆ ఇంటర్‌ సిటీ స్మార్ట్‌ బస్సే చిలకలూరిపేటలో ఆటోను ఢీకొట్టింది. దీని యజమానులు మాత్రం చైన్నెలో ఉంటారని ఇక్కడి కార్యాలయం సిబ్బంది తెలిపారు. కనీసం సరైన సమాధానం కూడా చెప్పకుండా ‘కేసు పెట్టుకోండి, పోండి అంటూ..’ వాహనదారులతో మాట్లాడుతున్నా పట్టించుకునే వారే కరువయ్యారు. ఇలాంటి ఘటనలతో ప్రైవేటు బస్సుల్లో ప్రయాణం ఎంత వరకు సురక్షితమనే ప్రశ్నలు తలెత్తుతున్నాయి. ఈ తరుణంలో విస్తృతంగా తనిఖీలు నిర్వహించాల్సిన రవాణాశాఖ ఎన్‌ఫోర్స్‌మెంట్‌ అధికారులు మొద్దు నిద్ర వీడటం లేదనే విమర్శలు వస్తున్నాయి. నిబంధనలకు విరుద్ధంగా ప్రైవేట్‌ బస్సులు రాకపోకలు సాగిస్తున్నాయి. అంత దూరమూ ఒక డ్రైవర్‌తోనే .. దూర ప్రాంత ప్రయాణాల్లో డ్రైవర్‌ అలసటే ప్రమాదాలకు ప్రధాన కారణాల్లో ఒకటి. డ్రైవింగ్‌ గంటలపై చట్టపరమైన పరిమితులు, విశ్రాంతి వంటి అంశాలను రవాణా సంస్థలు పాటించాల్సిన అవసరం ఉంది. మోటారు వాహనాల చట్టంలో డ్రైవర్ల పని గంటలను నియంత్రించేందుకు ప్రత్యేక నిబంధనలు ఉన్నాయి. ఆచరణలో ఒకే డ్రైవర్‌తో సుదీర్ఘ ప్రయాణాలు సాగుతున్నాయి. ప్రతి సుదూర మార్గానికి తప్పనిసరిగా ఇద్దరు డ్రైవర్లు ఉండాలి. సంబంధిత పర్మిట్‌, మార్గం, రాష్ట్ర నిబంధనలు, డ్రైవింగ్‌ గంటల పరిమితులకు అనుగుణంగా సిబ్బంది ఏర్పాట్లు ఉండాలి. ఈ అంశాన్ని రవాణా అధికారులు తనిఖీల్లో స్పష్టంగా పరిశీలించాలి. కానీ ఆ దిశగా చర్యలు శూన్యం. స్పందించని యాజమాన్యాలు తమిళనాడు, తెలంగాణ, కర్ణాటక, ఆంధ్రప్రదేశ్‌ తదితర రాష్ట్రాలకు చెందిన ట్రావెల్స్‌ సంస్థలు అంతర్‌ రాష్ట్ర మార్గాల్లో బస్సులు నడుపుతున్నాయి. కొన్ని సంస్థల ప్రధాన కార్యాలయాలు ఒక ప్రాంతంలో ఉండగా... బస్సుల నిర్వహణ మరో ప్రాంతం నుంచి సాగుతుంది. ప్రమాదం జరిగినప్పుడు స్థానికంగా డ్రైవర్‌, సిబ్బంది మాత్రమే కనిపిస్తారు. అసలు యజమానులు స్పందించడం కూడా మానేశారు. ప్రమాదం జరిగిన తర్వాత చర్యలు తీసుకోవడం కంటే ముందస్తు తనిఖీలు నిర్వహించడం ముఖ్యం. వాహనాల రికార్డులు, డ్రైవర్ల వివరాలు, ఫిట్‌నెస్‌, పర్మిట్లు, బీమా, మార్గ నిబంధనలు, వేగ నియంత్రణ, డ్రైవర్‌ పని గంటలు తదితర అంశాలపై రవాణా శాఖ పర్యవేక్షణ ఉండాలి. కానీ తనిఖీలు కాగితాలకే పరిమితం అవుతున్నాయి. బస్సు నడిపే వ్యక్తి మద్యం తాగి ఉంటే అది కేవలం ట్రాఫిక్‌ ఉల్లంఘన కాదు.. ప్రయాణికుల ప్రాణాలను ప్రమాదంలోకి నెట్టే చర్య. రాత్రి వేళల్లో బస్సులను తనిఖీ చేసే సమయంలో డ్రైవర్లకు ఆల్కహాల్‌ పరీక్షలు నిర్వహించడం అత్యంత కీలకం. ముఖ్యంగా ప్రమాదాలు ఎక్కువగా జరిగే మార్గాలు, రాత్రి సమయాల్లో ప్రయాణించే సుదూర బస్సులపై ప్రత్యేక నిఘా అవసరం. ఇంత జరుగుతున్నా.. అధికారులు మాత్రం పట్టనట్లు వ్యవహరిస్తున్నారు. చట్టపరంగా రవాణా వాహనం పబ్లిక్‌ ప్లేస్‌లో నడవాలంటే సంబంధిత పర్మిట్‌ ఉండాలి. మోటారు వాహనాల చట్టంలోని సెక్షన్‌ 66 ప్రకారం పబ్లిక్‌ వాహనాలకు పర్మిట్‌ ఉండాలి. ప్రైవేటు ట్రావెల్స్‌ బస్సు యాజమాన్యం వద్ద సరైన పర్మిట్‌ ఉందా? ఆ ప్రకారం వాహనం నడుస్తోందా? అంతర్‌ రాష్ట్ర ప్రయాణానికి అవసరమైన అనుమతులు ఉన్నాయా? పర్మిట్‌ షరతులు ఉల్లంఘిస్తున్నారా? వంటి అంశాలను ఆర్టీఏ అధికారులు నిరంతరం పరిశీలించాలి. కానీ అధికారులు ఇవేమీ పట్టించుకోవడం లేదు. ఇకనైనా నిబంధనలను పక్కాగా అమలు చేసి ప్రయాణికుల ప్రాణాలు కాపాడాలని డిమాండ్లు వినిపిస్తున్నాయి. ఈ మేరకు ప్రభుత్వం కూడా స్పందించాలని ప్రజలు కోరుతున్నారు.

బయలుదేరిన గంటలోనే ఆనందం ఆవిరి జె.పంగులూరు: అప్పటివరకు కొండమంజులూరు గ్రామంలోని బంధువుల ఇంట్లో పుట్టిన రోజు వేడుకల్లో అందరూ ఆడిపాడారు. ఎంతో ఉత్సాహంగా ఉన్నారు. సొంత ఊరు బయలు దేరిన గంటలోపే ఆ ఆనందం ఆవిరైపోయింది. ఒక్కసారిగా కుటుంబాలలో విషాదఛాయలు అలుముకున్నాయి. ప్రైవేట్‌ బస్సు రూపంలో వచ్చి ఏడుగురు మృత్యువాత పడడంతో కొండమంజులూరు విషాదంతో నిండిపోయింది. ప్రకాశం జిల్లా జే పంగులూరు మండలం కొండమంజులూరు గ్రామానికి చెందిన సందిపోగు నవమ్మ మనవరాలు మొదటి పుట్టినరోజు బుధవారం రాత్రి జరిగింది. ఈ వేడుకలకు ఏలూరులో ఉన్న నవమ్మ బంధువులు 11 మంది ఒకే ఆటోలో బుధవారం సాయంత్రం 4 గంటలకు వచ్చారు. అందరూ ఎంతో సంతోషంగా గడిపారు. సాయంత్రం ప్రార్థన చేసుకుని పుట్టినరోజు జరుపుకొంటున్న పాపను ఆశీర్వదించారు. రాత్రి 10 గంటల సమయంలో భోజనం ముగించుకుని కొంత సమయం బంధువులతో గడిపారు. తిరిగి అదే ఆటోలో పయనమయ్యారు. బయలుదేరిన గంటలోపే వారికి ప్రమాదం జరిగిందని, చనిపోయారనే వార్త తెలియగానే కొండమంజులూరు దళిత కాలనీలో విషాదఛాయలు అలుముకున్నాయి. అప్పటి వరకు తమతో సంతోషంగా గడిపిన వారు ఇంతలోనే విగతజీవులుగా మారడంతో జీర్ణించుకోలేకపోయారు. చిలకలూరిపేట టౌన్‌/ యడ్లపాడు: చిలకలూరిపేట పట్టణంలోని అడ్డరోడ్డు సెంటర్‌లో బుధవారం అర్ధరాత్రి జరిగిన ఘోర రోడ్డు ప్రమాదం ఏడుగుర్ని బలిగొంది. రోడ్డు దాటుతున్న ఆటోను విజయవాడ నుంచి బెంగళూరు వెళ్తున్న ప్రైవేటు ట్రావెల్స్‌ బస్సు ఢీకొట్టడంతో ఆటోలో ప్రయాణిస్తున్న వారు మృత్యువాత పడ్డారు. మరో ఎనిమిది మంది గాయపడ్డారు. మృతులు వేలూరు ఎస్సీ కాలనీకి చెందినవారు. ఈ విషాదంతో కాలనీలో ఎవరిని కదిలించినా కన్నీళ్లే వచ్చాయి. మరోవైపు బాధితులకు సంబంధించి ప్రభుత్వం ఎలాంటి నిర్ణయమూ తీసుకోకపోవడంతో పోస్టుమార్టం వేగంగా జరిగినా చిలకలూరిపేటలోని మార్చురీలోనే మృతదేహాలు ఉంచారు. ఆ ఇంటికి ఇక పెద్ద దిక్కెవరు? బొంతా బాబూరావు, మణెమ్మ దంపతులకు ముగ్గురు సంతానం. ఇద్దరు కుమార్తెలకు వివాహాలు అయ్యాయి. ఒక్కగానొక్క కుమారుడు భాగ్యరాజుతోనే వారు ఉంటున్నారు. భాగ్యరాజు పట్టణంలో ఏఎంసీలో ముఠా కూలీగా పనిచేస్తున్నాడు. రెక్కాడితే గానీ డొక్కాడని జీవితం వారిది. తల్లిదండ్రులను కంటికి రెప్పలా చూసుకుంటున్న వేళ.. విధి ఆ కుటుంబాన్ని కాటేసింది. బుధవారం రాత్రి జరిగిన రోడ్డు ప్రమాదంలో దంపతులు ప్రాణాలు కోల్పోయారు. ఆ కుమారుడి వేదన వర్ణనాతీతం. నిన్నటి వరకు తనతో మాట్లాడిన అమ్మానాన్నలు ఇక లేరన్న నిజాన్ని జీర్ణించుకోలేకపోతున్నారు. ఒకేసారి ముగ్గురు దూరం.. 75 ఏళ్ల లక్ష్మమ్మ కొన్నేళ్ల క్రితమే భర్త బసవయ్యను కోల్పోయింది. లక్ష్మమ్మకు ముగ్గురు సంతానం. అందరికీ వివాహాలు జరిగాయి. మొదటి కుమార్తె కొన్నేళ్ల క్రితం భర్తను కోల్పోయిన సుబ్బులమ్మకు సంతానం కూడా లేకపోవడంతో ఒంటరిగా మిగిలింది. దీంతో తల్లి లక్ష్మమ్మను ఆశ్రయించింది. వీరిద్దరూ లక్ష్మమ్మ కుమారుడు ఏసు వద్దనే ఉంటున్నారు. లక్ష్మమ్మ రెండో కుమార్తె గంగమ్మ లారీ డ్రైవర్‌ అయిన భర్త నటరాజ్‌తో కలిసి అదే గ్రామంలో ఉంటోంది. కష్టాల్లో ఒకరికి ఒకరు తోడుగా నిలుస్తూ జీవితాన్ని నెట్టుకొస్తున్నారు. పెద్దగా ఆస్తులు లేకపోయినా.. ఒకరిపై ఒకరికి ఉన్న ప్రేమే వారికి కొండంత అండ. ఆ కుటుంబంలో రోడ్డు ప్రమాదం పెను విషాదాన్ని నింపింది. లక్ష్మమ్మ.. గంగమ్మ.. ఏసు భార్య సువార్త.. ఒకేసారి మృత్యువాత పడ్డారు. ఆ ఇంట విషాదం మాటలకు అందడం లేదు. ఒకే రాత్రిలో మూడు బంధాలు తెగిపోవడంతో ఆ కుటుంబ సభ్యుల రోదన చూసేవారి గుండెలను పిండేస్తోంది. నిన్నటి వరకు మనుషులతో కళకళలాడిన ఆ ఇల్లు.. ఇప్పుడు జ్ఞాపకాలతో, కన్నీళ్లతో నిండిపోయింది. అనారోగ్యంతో ఉన్న భర్తకు భార్య దూరం.. బొంత సంపూర్ణమ్మ(70) భర్త పెద్ద ఏసు ఆర్మీ రిటైర్డ్‌ అధికారి. వీరికి కుమారుడు ధనరాజ్‌, ముగ్గురు కుమార్తెలు ఉన్నారు. అందరికీ వివాహాలు అయ్యాయి. పెద్ద ఏసును ఆరోగ్య సమస్యలు వెంటాడుతున్నాయి. ఇటీవలే ఆస్పత్రిలో చికిత్స పొందుతూ ఇంటికి చేరుకున్నారు. మరోవైపు ధనరాజ్‌కు ముగ్గురు పిల్లలు. కూలీ పనులు చేసుకుంటూ కుటుంబాన్ని పోషించుకుంటున్నారు. ఆయనకు భారంగా మారకూడదని పెన్షన్‌తోనే దంపతులు జీవనం సాగిస్తున్నారు. ప్రమాదంలో సంపూర్ణమ్మ మృతి విషయం తెలిసి షాక్‌తో భర్త కుప్పకూలడంతో ఐసీయూలో చేర్చారు. ఇల్లాలిని కోల్పోయి... బొంతా మరియమ్మ, సుబ్బారావు దంపతులు తమ ముగ్గురు కుమార్తెలకు వివాహాలు చేశారు. అవివాహితుడైన చిట్టిబాబు తల్లిదండ్రుల వద్దనే ఉంటున్నాడు. సుబ్బారావు వీఆర్‌ఏగా విధులు నిర్వర్తిస్తున్నాడు. ప్రస్తుతం ఆ కుటుంబంలో భర్తకు భార్య దూరమైంది. చిట్టిబాబుకు తల్లి లేకపోవడంతో ఆ ఇంట విషాదం నెలకొంది.చికిత్స పొందుతున్న చౌటుపల్లి ధనమ్మ, చౌటుపల్లి సుబ్బులు, బొంతా అరుణ్‌కుమార్‌, బొంతా అభిరామ్‌గుంటూరు మెడికల్‌: ప్రమాద స్థలంలో ఐదుగురు మృతి చెందగా.. జీజీహెచ్‌లో చికిత్స కోసం తరలిస్తుండగా వేలూరు గ్రామానికి చెందిన టి. సువార్తమ్మ (55), ఎమర్జెన్సీ విభాగంలో చికిత్స పొందుతూ బొంత మరియమ్మ (47) కూడా ప్రాణాలు కోల్పోయారు. 12 ఏళ్ల బొంతాపల్లి, ఆరేళ్ల శ్యామూల్‌ కొద్దిపాటి గాయాలు కావడంతో చికిత్స అందించి డిశ్చార్జి చేశారు. ఎస్‌.సుబ్బాయమ్మ (60)కు పొత్తికడుపు కింది భాగంలో గాయమై రక్తస్రావం కావడంతో ఎమర్జెన్సీ ఆపరేషన్‌ థియేటర్‌లో సర్జరీ చేస్తున్నారు. మరో బాధితుడు బొంతా అరుణ్‌కుమార్‌ (30)కు పక్కటెముకల్లో గాయాలు కావడంతో పీటీవీఎస్‌ వార్డులో చికిత్స అందిస్తున్నారు. వీరి పరిస్థితి ప్రస్తుతం నిలకడగా ఉందని సూపరింటెండెంట్‌ డాక్టర్‌ గిరిజవోలు దుర్గాప్రసాద్‌ తెలిపారు.

తాడేపల్లి. రేపు(శుక్రవారం, ఆగస్టు 28వ తేదీ) రాఖీ పండుగను పురస్కరించుకుని ఏపీలోని మహిళలకు వైఎస్సార్‌సీపీ అధ్యక్షుడు, మాజీ సీఎం వైఎస్‌ జగన్‌మోహన్‌రెడ్డి శుభాకాంక్షలు తెలియజేశారు. రాష్ట్రంలోని ప్రతి అక్కకు, ప్రతి చెల్లెమ్మకు.. ప్రతి ఒక్క పాపకు, ప్రతి ఒక్క మహిళకు శుభాకాంక్షలు తెలియజేశారు.రక్షాబంధనం అన్నది ఆత్మీయతలూ అనురాగాల పండుగ అని గుర్తు చేసిన వైఎస్‌ జగన్‌.. అక్కచెల్లెమ్మలకు ఎప్పుడూ అన్ని విధాలుగా మంచి జరగాలని ఆకాంక్షించారు. రాష్ట్రంలోని ప్రతి అక్క, ప్రతి చెల్లెమ్మకు దేవుడి ఆశీస్సులు, చల్లని దీవెనలు ఎల్లకాలం లభించాలని కోరుకుంటున్నానని వైఎస్‌ జగన్‌ తన సందేశంలో పేర్కొన్నారు.ఇదీ చదవండి: పంచదార్ల కొండపై వైఎస్సార్‌సీపీ పోరాటానికి దిగొచ్చిన ప్రభుత్వం

సాక్షి, తాడేపల్లి : ఏపీ గంజాయి స్టేట్‌గా మారిపోయిందని.. పోలీసులతోనే గంజాయిని రవాణా చేసే దుస్థితికి తెచ్చారంటూ వైఎస్సార్‌సీపీ అధికార ప్రతినిధి నాగ మల్లీశ్వరి మండిపడ్డారు. గురువారం ఆమె మీడియా సమావేశంలో మాట్లాడుతూ.. వంద రోజుల్లో గంజాయి నిర్మూలిస్తామన్న హోంమంత్రి ఎక్కడ ఉన్నారంటూ నిలదీశారు. లిక్విడ్ రూపంలో కూడా గంజాయి విచ్చలవిడిగా దొరుకుతోంది. ఇప్పటికే 70 లక్షల లీటర్ల లిక్విడ్ పట్టుబడింది. గంజాయి డాన్ సోహెల్‌ని పోలీసుల నుంచి తప్పించిందెవరు?’’ అంటూ నాగ మల్లీశ్వరి ప్రశ్నించారు.‘‘హోంమంత్రి సొంత నియోజకవర్గంలోనే విచ్చలవిడిగా గంజాయి దొరుకుతోంది. చంద్రబాబు సొంత నియోజకవర్గంలోనూ గంజాయి విక్రయాలు జరుగుతున్నాయి. హోంమంత్రితో పోలీసులతో కూడా తప్పు చేయిస్తున్నారు. అత్యంత అసమర్థ మంత్రిగా హోంమంత్రి చరిత్రలో నిలిచిపోయారు. వైఎస్‌ జగన్ హయాంలో గంజాయి సాగుపై యుద్ధం చేశారు. ఆపరేషన్ పరివర్తన్ పేరుతో పెద్ద ఎత్తున చైతన్యం తెచ్చారు. ప్రత్యామ్నాయ పంటల సాగు వైపు నడిపించారు. చంద్రబాబు ప్రభుత్వం వచ్చాక మళ్ళీ గంజాయి విచ్చలవిడిగా సాగవుతోంది’’ అంటూ మలీశ్వరి ధ్వజమెత్తారు.‘‘గంజాయిని నిర్మూలించామంటున్న హోంమంత్రి మాతో చర్చకు రాగలరా?. హోంమంత్రికి నిత్యం వైఎస్‌ జగన్‌పై విషం చిమ్మటం తప్ప మరో పనిలేదు. సోహెల్ పోలీస్ స్టేషన్ నుండి పారిపోతే ఇప్పటి వరకు పట్టుకోలేదు. ఇదీ హోంమంత్రి పనితీరు. హోంమంత్రి అనిత దగ్గరకు ఫైల్ వెళ్తే ఐదు రోజులపాటు చూడరు. ఇది ప్రభుత్వమే చేయించుకున్న సర్వేలో తేలిన అంశం. ఇలాంటి వారి పాలనలో రాష్ట్రం ఇంకేం బాగుపడుతుంది?’’ అంటూ నాగ మల్లీశ్వరి ఆగ్రహం వ్యక్తం చేశారు.ఇదీ చదవండి: పంచదార్ల కొండపై వైఎస్సార్‌సీపీ పోరాటానికి దిగొచ్చిన ప్రభుత్వం

సాక్షి, గుంటూరు: పొన్నూరు ఆలయంలో అమ్మవారి మంగళసూత్రం మాయం ఘటనపై సర్వత్రా విమర్శలు వెల్లువెత్తుతున్నాయి. అసలు దొంగల్ని పట్టుకోకుండా.. పూజారులను సస్పెండ్‌ చేశారంటూ మండిపడుతున్నారు. పైగా కొత్త మంగళసూత్రం సమర్పించే విషయంలోనూ స్పష్టత లేకుండా పోయింది. ఈ క్రమంలో.. గురువారం అమ్మవారికి తానే కొత్త మంగళసూత్రం సమర్పించారు పొన్నూరు నియోజకవర్గ వైఎస్సార్‌సీపీ ఇంఛార్జి అంబటి మురళి. ఈ సందర్భంగా కూటమి ప్రభుత్వంపై, స్థానిక ఎమ్మెల్యే ధూళిపాళ్ల నరేంద్రపై తీవ్రస్థాయిలో ధ్వజమెత్తారు. ఇది రాజకీయాలు మాట్లాడాల్సిన సమయం కాదు. కానీ, తప్పడం లేదు. 14వ తేదీన అమ్మవారి మంగళసూత్రం పోయింది. మంగళసూత్రం లేకుండానే వరలక్ష్మి వ్రతం చేయించారు. ఇది అశుభం. మంగళసూత్రాన్ని ఎలా సమకూరుస్తారో ప్రభుత్వం ప్రకటించలేదు. దేవదాయ శాఖ, రెవెన్యూ యంత్రాంగం ఇప్పటివరకూ స్పందించలేదు. ప్రభుత్వం స్పందించడం లేదు. అమ్మవారి మెడలో పూలదండలు తీసే సమయంలో మంగళసూత్రం పోయిందని కబుర్లు చెబుతున్నారు. మంగళసూత్రాన్ని చేయించి గుట్టుచప్పుడు కాకుండా అమ్మవారికి వేయాలని ఆలయ అధికారి బసవ శంకర్ చూశాడు. అలాంటప్పుడు ఈవో, సీనియర్ అసిస్టెంట్ లపై చర్యలు ఎందుకు తీసుకోలేదు. అమాయకులైన పూజారులనే ఎందుకు సస్పెండ్ చేశారు?.. దొంగ ఎవరో తెలుసు... కావాలనే బయట పెట్టలేదు. ఇవాళ మంగళసూత్రాలు ఇచ్చాం. నాను తాడు సెప్టెంబర్ 3వ తేదిన అందిస్తాం అని అంబటి మురళి పేర్కొన్నారు. పరువు నష్టం నోటీసులపై స్పందనఎమ్మెల్యే ధూళిపాళ్ల నరేంద్ర రాజ్యాంగేతర శక్తిగా మారాడు. నాపై పరువు నష్టం దావా వేశాడు. రూ. 5 కోట్లకు నోటీసులు పంపించారు. ఆయన రాజకీయ జీవితాన్ని సెకనుకు ఐదు పైసలుగా లెక్క కట్టాడు. ఆ ఐదు పైసలు నేనే ఇస్తాను. పాపాల భైరవుణ్ణి శిక్షించవా తల్లి అని అమ్మవారిని అంబటి మురళి వేడుకున్నారు. పూజారుల ఉసురు తగులుతుంది: ఆరే శ్యామలమంగళసూత్ర సమర్పణ కార్యక్రమంలో పాల్గొనడం సంతోషంగా ఉందని వైఎస్సార్‌సీపీ అధికార ప్రతినిధి ఆరే శ్యామల అన్నారు. ‘‘అర్చకులను దొంగతనంలో భాగస్వాములను చేస్తున్నారు. దొంగతనం జరిగిన విషయం కూడా ఎమ్మెల్యేకు తెలియదా?. పూజారుల ఉసురు తగులుతుంది. దొంగను పట్టుకోవాల్సిన బాధ్యత కూటమి ప్రభుత్వపైనే ఉంది’’ అని అన్నారామె.

సాక్షి,తాడేపల్లి: పల్నాడు జిల్లా చిలకలూరిపేట వద్ద ప్రైవేట్‌ ట్రావెల్స్‌ బస్సు-ఆటో ఢీకొన్న ఘోర రోడ్డు ప్రమాదంలో ఏడుగురు మృతి చెందడం తీవ్ర విషాదకరమని వైఎస్సార్‌సీపీ అధినేత, మాజీ సీఎం వైఎస్‌ జగన్‌మోహన్‌ రెడ్డి తీవ్ర దిగ్భ్రాంతి వ్యక్తం చేశారు.విజయవాడ నుంచి తిరుపతి వెళ్తున్న ప్రైవేట్‌ ట్రావెల్స్‌ బస్సు ఆటోను ఢీకొన్న ఘటనలో ఆటోలో ప్రయాణిస్తున్న ఏడుగురు ప్రాణాలు కోల్పోవడం హృదయ విదారకమని పేర్కొన్నారు. మృతులు చిలకలూరిపేట మండలం వేలూరు గ్రామానికి చెందినవారిగా తెలిసిందని, ఒకే ప్రాంతానికి చెందిన పలువురు ప్రాణాలు కోల్పోవడం మరింత బాధాకరమన్నారు.ఈ ప్రమాదంలో గాయపడిన వారందరికీ తక్షణమే మెరుగైన వైద్య సేవలు అందించాలని, అవసరమైన అన్ని చికిత్సా సదుపాయాలు కల్పించాలని సంబంధిత అధికారులను కోరారు. తీవ్రంగా గాయపడిన వారి ప్రాణాలను కాపాడేందుకు ప్రత్యేక శ్రద్ధ తీసుకోవాలని సూచించారు.ప్రమాదానికి గల కారణాలపై సమగ్ర విచారణ జరిపి, ఇలాంటి ఘటనలు పునరావృతం కాకుండా రోడ్డు భద్రతా చర్యలను మరింత పటిష్టం చేయాలని వైఎస్‌ జగన్‌ కోరారు. ప్రమాదంలో ప్రాణాలు కోల్పోయిన వారి ఆత్మలకు శాంతి చేకూరాలని భగవంతుణ్ణి ప్రార్థిస్తూ, వారి కుటుంబ సభ్యులకు తన ప్రగాఢ సానుభూతిని తెలిపారు. గాయపడిన వారు త్వరగా కోలుకోవాలని ఆకాంక్షించారు.

గుంటూరు ఎడ్యుకేషన్‌: టీడీపీ సర్కారు రెండు రోజుల క్రితం విడుదల చేసిన స్పెషల్‌ టెట్‌ నోటిఫికేషన్‌ ఇన్‌ సర్వీసు టీచర్లను తీవ్ర నిరాశకు గురి చేసింది. దీనిపై ఉపాధ్యాయ సంఘాలు పోరాటానికి సిద్ధమవుతున్నాయి. సాధారణ డిగ్రీలతో వత్తిపరమైన డీఎడ్‌, బీఎడ్‌ వంటి కోర్సులు పూర్తి చేసిన అభ్యర్థులు ఉపాధ్యాయ వృత్తిలోకి ప్రవేశించే ముందు టీచర్‌ ఎలిజిబిలిటీ టెస్ట్‌ (టెట్‌)లో ఉత్తీర్ణత సాధించాలని సుప్రీంకోర్టు తీర్పు ఇచ్చింది. ఇప్పటికే సర్వీసులో ఉన్న ఉపాధ్యాయులు సైతం టెట్‌ ఉత్తీర్ణులు కావాల్సిందేనని పేర్కొంది. ఉద్యోగ విరమణకు ఐదేళ్లలోపు వ్యవధి ఉన్న ఉపాధ్యాయులకు టెట్‌ నుంచి మినహాయింపునిచ్చింది. సుప్రీంకోర్టు తీర్పుతో ఆందోళనకు గురైన ఉపాధ్యాయులు విద్యాహక్కు చట్టంలో సవరణలు చేయాలని వివిధ ఆందోళనలు, నిరసనలు ద్వారా ప్రభుత్వానికి తమ గళం వినిపించారు. 2009లో అమల్లోకి వచ్చిన విద్యాహక్కు చట్టం ప్రకారం దేశంలో టెట్‌ తెరపైకి వచ్చింది. రాష్ట్రంలో 2011 నుంచి నిర్వహిస్తున్నారు. అంతకు ముందు ఉపాధ్యాయ వృత్తిలోకి ప్రవేశించిన వారు సైతం టెట్‌ రాయాల్సిన పరిస్థితి ఎదుర్కొంటున్నారు. ఐదేళ్లకుపైగా సర్వీసు ఉన్న వారు 2028 ఆగస్టు ఒకటో తేదీలోపు టెట్‌లో ఉత్తీర్ణత కావాల్సి ఉంది. టీడీపీ సర్కారు నిర్లక్ష్యం కేంద్రంలో భాగస్వామిగా ఉన్న టీడీపీ సర్కారు ఈ మేరకు ఒత్తిడి తెచ్చి టెట్‌ నుంచి ఇన్‌ సర్వీసు టీచర్లకు మినహాయింపు కల్పించేలా చట్ట సవరణకు చేయించాలని ఉపాధ్యాయ సంఘాలు వివిధ రూపాల్లో విజ్ఞప్తులు చేశాయి. పార్లమెంటులో చట్ట సవరణ ద్వారా సర్వీసులో ఉన్న ఉపాధ్యాయులకు ప్రత్యేక టెట్‌ నుంచి మినహాయింపు సాధ్యపడుతుంది. అయితే టీడీపీ సర్కారు, విద్యాశాఖ మంత్రి లోకేష్‌ ఇవేమీ పట్టించుకోకుండా ఏకపక్షంగా టెట్‌ నోటిఫికేషన్‌ ఇచ్చారు. దీనిపై ఉపాధ్యాయ సంఘాలు తీవ్ర ఆగ్రహం వ్యక్తం చేస్తున్నాయి. విద్యాహక్కు చట్టం–2009 సెక్షన్‌ 23(1)ను సవరించేలా కేంద్రంపై చంద్రబాబు ప్రభుత్వం ఒత్తిడి తెచ్చి, టెట్‌ నుంచి మినహాయింపు కల్పించాలని కోరినా పట్టించుకోలేదని మండిపడుతున్నాయి. ఆ విధంగా సాధ్యం కాని పరిస్థితుల్లో ఇన్‌ సర్వీస్‌ టీచర్లకు టెట్‌ సామాజిక వర్గం, కేటగిరీలతో సంబంధం లేకుండా అందరికీ సమానంగా 40 శాతం మార్కులతో ఉత్తీర్ణత కల్పించాలని డిమాండ్‌ చేస్తున్నా పట్టించుకున్న పాపాన పోలేదని వాపోతున్నారు. ఉపాధ్యాయులపై కక్ష సాధింపు 12వ పీఆర్‌సీ కమిషన్‌ ఏర్పాటు చేసి, ఐఆర్‌ ప్రకటించాలని డిమాండ్‌ చేయడంతోపాటు గత పీఆర్‌సీ, డీఏ బకాయిల చెల్లింపులు, యాప్‌ల భారం నుంచి విముక్తి కల్పించాలని ఆందోళనలు, ధర్నాల ద్వారా నిరసన తెలుపుతున్నారు. దీంతో వారిపై ప్రభుత్వం కక్ష గట్టింది. అందుకే ఉపాధ్యాయులు ప్రతిపాదించిన విధంగా ఏ ఒక్క అంశానికి ప్రాధాన్యత ఇవ్వకుండా ప్రత్యేక టెట్‌ నోటిఫికేషన్‌ విడుదల చేసింది. ఇప్పటికే ఈ నెల 5 నుంచి 16 వ తేదీ వరకు సాధారణ టెట్‌ నిర్వహించారు. సెప్టెంబర్‌ 15న ఫలితాలను ప్రకటించాల్సి ఉండగా, ఈలోపు స్పెషల్‌ టెట్‌ పేరుతో మరో నోటిఫికేషన్‌ను టీడీపీ ప్రభుత్వం విడుదల చేసింది. ఇప్పటికే టెట్‌ రాసిన ఇన్‌ సర్వీస్‌ టీచర్లు మళ్లీ దీనికి దరఖాస్తు చేయాలా, పరీక్ష ఫీజు చెల్లించాలా, లేదంటే గత టెట్‌ ఫలితం వచ్చే వరకూ వేచి ఉండాలా అనే సందేహాలను వ్యక్తం చేస్తున్నారు. సాధారణ టెట్‌ మాదిరిగానే అర్హత మార్కులు, వెయిటేజీ, పరీక్ష విధానంలో సైతం ఎటువంటి మార్పులు లేకుండా విడుదల చేసిన దీనిని ప్రత్యేక టెట్‌ అని ఎలా అంటారు, అసలు దీని లక్ష్యం ఏంటని ప్రశ్నిస్తున్నారు. ప్రత్యేక టెట్‌ను కంప్యూటర్‌ బేస్డ్‌ విధానంలో నిర్వహిస్తామని నోటిఫికేషన్‌లో పేర్కొనడంతో ఏళ్ల కిందట ఉపాధ్యాయ వృత్తిలోకి ప్రవేశించిన వారికి ఇబ్బందులు తప్పడం లేదు. ఆన్‌లైన్‌ సాధ్యం కాదని, రాత విధానంలో నిర్వహించాలని సంఘాలు ముక్తకంఠంతో డిమాండ్‌ చేస్తున్నాయి. వేల మందికి కష్టాలు సర్కారు తీరుతో ఉమ్మడి గుంటూరు జిల్లాలో దాదాపు 8 వేల మంది ఉపాధ్యాయులపై ప్రభావం పడనుంది. జెడ్పీ, మండల పరిషత్‌ పాఠశాలల్లో 12,180 మంది ఉపాధ్యాయులు పని చేస్తున్నారు. అదే విధంగా ప్రభుత్వ యాజమాన్యంతోపాటు నగరపాలక, పురపాలక, సంక్షేమ గురుకుల పాఠశాలల్లో మరో మూడు వేల మంది ఉన్నారు. జిల్లాల వారీగా జెడ్పీ, మండల పరిషత్‌ ఉపాధ్యాయుల సంఖ్య పరిశీలిస్తే గుంటూరులో 3,382, పల్నాడులో 6,695, బాపట్లలో 2,103 మంది ఉన్నారు.దైనందిన వృత్తిలో అనేక ఒత్తిళ్ల మధ్య పని చేస్తున్న ఉపాధ్యాయులకు ప్రశాంతంగా చదివే సమయం ఎక్కడ ఉందో ప్రభుత్వమే చెప్పాలి. స్పెషల్‌ టెట్‌ ఆఫ్‌లైన్‌లో నిర్వహించాలి. ఏ సబ్జెక్టు బోధిస్తున్న స్కూల్‌ అసిస్టెంట్లకు అదే సబ్జెక్టుకు పరిమితం చేసే విధంగా మార్పులు చేయాలి. లేని పక్షంలో ఉద్యమబాట పడతాం. తమిళనాడు ప్రభుత్వం ఇన్‌ సర్వీస్‌ టీచర్లను టెట్‌ నుంచి మినహాయిస్తూ అసెంబ్లీలో తీర్మానం చేసినట్లుగా ఇక్కడా చేయాలి. – ఎం. కళాధర్‌, జిల్లా ప్రధాన కార్యదర్శి, యూటీఎఫ్‌ సర్వీసులో ఉన్న ఉపాధ్యాయులు ఎదుర్కొంటున్న టెట్‌ సమస్యకు శాశ్వత పరిష్కారం చూపి, టెట్‌ నుంచి మినహాయింపు కల్పించాలి. సమస్యను కేంద్ర ప్రభుత్వం దృష్టికి తీసుకెళ్లిన వైఎస్సార్‌ టీచర్స్‌ అసోసియేషన్‌ నాయకులను సస్పెండ్‌ చేయడాన్ని తీవ్రంగా ఖండిస్తున్నాం. ఉపాధ్యాయుల తమ ఉద్యోగ భద్రత, భవిష్యత్తుకు సంబంధించిన సమస్యను కేంద్రం దృష్టికి తీసుకెళ్లడం తప్పు కాదు. ఉపాధ్యాయ సమస్యలపై ప్రజాస్వామ్య పద్ధతిలో ప్రాతినిధ్యం చేసే హక్కు మాకూ ఉంది. – టి. శేషిరెడ్డి, జిల్లా అధ్యక్షుడు, వైఎస్సార్‌ టీచర్స్‌ అసోసియేషన్‌ వారందరు ప్రభుత్వం నిర్వహించిన డీఎస్సీలో అర్హత సాధించి, అత్యంత క్లిష్టమైన వడపోతలను దాటుకుని ఉపాధ్యాయ కొలువులు పొందారు. ఏళ్ల తరబడి విద్యాబోధనలో సుదీర్ఘమైన అనుభవం గడించిన వారే. ప్రస్తుతం టెట్‌ ఓ గుదిబంగా మారింది. వృత్తిపరమైన అర్హతలు నిరూపించుకోవాలని ప్రభుత్వం చెప్పడంతో భవిష్యత్తుపై తీవ్ర ఆందోళన చెందుతున్నారు. కనీస మినహాయింపులు కూడా ఇవ్వకుండా టీడీపీ ప్రభుత్వం జారీ చేసిన నోటిఫికేషన్‌పై మండిపడుతున్నారు.

తెనాలి: తెనాలిలో పోలీసులపై ఇంకా దాడులు కొనసాగుతున్నాయి. మద్యం తాగి వాహనం నడిపిన కేసులో ఇద్దరు వ్యక్తులను మంగళవారం రాత్రి వన్‌టౌన్‌ పోలీసులు అదుపులోకి తీసుకున్నారు. స్టేషన్‌కు తీసుకొచ్చాక కానిస్టేబుల్‌పై దాడి చేసి పరారయ్యారు. అప్పుడే స్టేషనుకు వస్తున్న ఎస్‌ఐ... ఓ నిందితుడిని పట్టుకున్నారు. బాధిత కానిస్టేబుల్‌ బి.శ్రీనివాస్‌ బుధవారం తెల్లవారుజామున చెంచుపేటలోని జిల్లా ప్రభుత్వ ఆసుపత్రిలో చేరారు. మరో గంటకు దాడిపై ఎంఎల్‌సీ రాసి, సంబంధిత స్టేషన్‌కు సమాచారమిచ్చారు. ఇదేరోజు సాయంత్రం డిశ్చార్జ్‌ అయ్యారు. దీనిపై కేసు నమోదు గురించి గోప్యత పాటిస్తున్నారు. గతంలోనూ ఇదే తరహాలో... ఎప్పుడూ వివాదాలే... అధికారుల తరపున పోలీస్‌స్టేషన్లలో కొందరు కానిస్టేబుళ్లు వసూళ్లు చేస్తుంటారనే ఆరోపణలు తెలిసిందే. అలాంటి కానిస్టేబుళ్లను ఎస్‌బీ అధికారులు పంపించమని అధికారులకు సూచించినా, ఏదో ఒక కారణం చెప్పి పంపించరు. ఇటీవల ఒక స్టేషను సీఐ తన పరిధిలోని కానిస్టేబుల్‌ను పంపించారు. ఎస్‌బీ అధికారులు గట్టిగా అడగ్గానే, ఆ వివరాలన్నీ ఆ కానిస్టేబుల్‌ రాసిచ్చాడంట! దీనితో అతడిని, మరో పోలీసును బదిలీ చేశారని సమాచారం. తెనాలిలో అవినీతి, అక్రమ కార్యకలాపాలు, మహిళలతో వ్యవహరిస్తున్న తీరుతోనే పోలీసులు చెడు పేరు తెచ్చుకున్నారు. గత నెలలో సస్పెండయిన టూటౌన్‌ సీఐ నుంచి ఏడాది కాలంలో పలువురు పోలీసులపై క్రమశిక్షణ వేటుపడింది. అవినీతి ఆరోపణలపై ఒక కానిస్టేబుల్‌ను వీఆర్‌కు పంపారు. తర్వాత ఓ కానిస్టేబుల్‌, మరో హెడ్‌ కానిస్టేబుల్‌ను వీఆర్‌కు పంపారు. రూరల్‌ స్టేషన్‌కు చెందిన హెడ్‌కానిస్టేబుల్‌ను జిల్లా ఎస్పీ సస్పెండ్‌ చేశారు. వివిధ ఆరోపణలపై ఇటీవల తెనాలి డీఎస్పీ, త్రీటౌన్‌, వన్‌టౌన్‌ సీఐ, రూరల్‌ ఎస్‌ఐకు షోకాజ్‌ నోటీసులిచ్చారు. అయినా పోలీసుల తీరు మారటం లేదు. గట్టిగా ప్రక్షాళన మినహా వేరే మార్గం లేదనే అభిప్రాయం వ్యక్తం అవుతోంది.

నగరంపాలెం: నగరంలోని లక్ష్మీపురం మూడో లైన్‌న్‌లో నూతనంగా ఏర్పాటుచేసిన కాంచీపురం పెరుమాళ్‌ సిల్క్స్‌ వస్త్ర దుకాణాన్ని బుధవారం పరిపూర్ణానంద స్వామీజీ ప్రారంభించారు. సినిమా నటి కుమారి ఐశ్వర్య రాజేష్‌ ప్రత్యేక ఆకర్షణగా నిలిచారు. కాంచీపురం పెరుమాళ్‌ సిల్క్స్‌ యజమానులు బయ్యా శ్రీనివాసులు, బయ్యా రవికుమార్‌ మాట్లాడుతూ గుంటూరు ప్రజలకు అత్యుత్తమైన, నాణ్యతతో కూడిన పట్టు వస్త్రాలు, సంప్రదాయ చీరలు, ఆధునిక డిజైన్లతో కూడిన వస్త్ర కలెక్షన్‌ను అందించడమే ప్రధాన లక్ష్యమని తెలిపారు. ప్రతి వినియోగదారుడికి నాణ్యత, విశ్వసనీయత, ప్రత్యేకమైన షాపింగ్‌ అనుభూతిని అందించేందుకు కృషి చేస్తామన్నారు. భవిష్యత్తులోనూ గుంటూరు ప్రజల ఆదరణ, ఆశీర్వాదాలు అందించాలని కోరారు. ప్రారంభోత్సవంలో కేంద్ర సహాయ మంత్రి పెమ్మసాని చంద్రశేఖర్‌, రాష్ట్ర మంత్రి సత్యకుమార్‌ యాదవ్‌, రాజ్యసభ సభ్యులు భాష్యం రామకృష్ణ, ఎమ్మెల్యేలు గళ్లా మాధవి, నసీర్‌అహ్మద్‌, మాజీ మేయర్‌ కోవెలమూడి రవీంద్ర(నాని) పాల్గొన్నారు. నరసరావుపేట ఈస్ట్‌: శాసనమండలిలో ప్రజా గొంతుకగా పనిచేస్తూ ప్రజల పక్షాన, ఉద్యోగ, ఉపాధ్యాయ సమస్యలపై పోరాడతానని గుంటూరు – కృష్ణా జిల్లాల ఉపాధ్యాయ ఎమ్మెల్సీ అభ్యర్థి ఎం.హనుమంతరావు స్పష్టం చేసారు. పీడీఎఫ్‌ ప్రతినిధిగా ఉపాధ్యాయ నియోజకవర్గ ఎమ్మెల్సీ అభ్యర్థిగా హనుమంతరావు పరిచయ కార్యక్రమాన్ని బుధవారం ఎస్‌ఎస్‌ అండ్‌ ఎన్‌ కళాశాల ఆడిటోరియంలో నిర్వహించారు. ఉపాధ్యాయ ఉద్యమాల్లో చురుగ్గా పాల్గొన్న హనుమంతరావును గెలిపించుకోవటం ద్వారా ప్రజాస్వామ్యాన్ని రక్షించుకోవాలని వక్తలు పిలుపునిచ్చారు. మాజీ ఎమ్మెల్సీలు కె.ఎస్‌.లక్ష్మణరావు, బొడ్డు నాగేశ్వరరావు, యూటీఎఫ్‌ రాష్ట్ర అధ్యక్ష, కార్యదర్శులు ఎన్‌.వెంకటేశ్వర్లు, కేఎస్‌ఎస్‌ ప్రసాద్‌, జిల్లా అధ్యక్ష్య, కార్యదర్శులు కె.శ్రీనివాసరెడ్డి, ఎం.మోహనరావు, ఏ. నాగేశ్వరరావు, కుసుమకుమారి పాల్గొన్నారు. బాపట్లటౌన్‌: విద్యార్థుల్లో దాగివున్న మేథోశక్తిని పెంపొందించేందుకే చెకుముకి పోటీలు నిర్వహిస్తున్నట్లు జనవిజ్ఞాన వేదిక రాష్ట్ర నాయకులు కోట వెంకటేశ్వరరెడ్డి తెలిపారు. మండలంలోని వెదుళ్లపల్లి చైతన్యభవన్‌లో బుధవారం చెకుముకి పోటీల పోస్టర్‌ను ఆవిష్కరించారు. ఆయన మాట్లాడుతూ మొదటిదశ ఈనెల 27న జరుగుతున్నాయన్నారు. రెండో దశ సెప్టెంబర్‌ 11 జిల్లా స్థాయిలో, మూడో దశ పోటీలు నవంబర్‌ 1, 2, 3 తేదీల్లో రాష్ట్రస్థాయిలో జరుగుతాయన్నారు. నేటి ఆధునిక సమాజంలో మానవుల జీవితమంతా సైన్సు ఆధారంగానే నడుస్తుందన్నారు. అయితే చాలా విషయాల్లో సైన్స్‌కు భిన్నంగా ప్రజల ఆలోచన విధానం వెనకబడి ఉందన్నారు. జనవిజ్ఞాన వేదిక గత నాలుగు దశాబ్దాలుగా రకరకాల విభిన్నమైన కార్యక్రమాలతో ప్రజల్లో శాసీ్త్రయ ఆలోచన పెంపొందించేందుకు కృషి చేస్తుందన్నారు. అందులో భాగంగానే విద్యార్థులకు చిన్ననాటి నుండి శాసీ్త్రయ ఆలోచన పెంపొందించుటకు గత 38 సంవత్సరాలుగా రెండు తెలుగు రాష్ట్రాలలో 4 లక్షల మంది హైస్కూల్‌ స్థాయి 8, 9,10 తరగతుల్లోని విద్యార్థులకు ఈ చెకుముకి సైనన్స్‌ సంబరాలు నిర్వహిస్తున్నామన్నారు. ఈ కార్యక్రమంలో హరిబాబు, జిల్లా జన విజ్ఞాన వేదిక నాయకులు కుమార్‌, విద్యార్థులు పాల్గొన్నారు.పిడుగురాళ్ల: మెడికల్‌ కాలేజీ భవనంపై నుంచి కింద పడి భవన నిర్మాణ కార్మికుడు మృతి చెందిన సంఘటన బుధవారం పిడుగురాళ్ల మెడికల్‌ కళాశాల నూతన భవనం వద్ద జరిగింది. సంఘటనకు సబంధించి ఎస్‌ఐ ఎం.మోహన్‌ తెలిపిన వివరాల మేరకు... బీహార్‌ రాష్ట్రానికి చెందిన రమాకాంత్‌ భష్వాన్‌ (35) రోజు మాదిరిగానే భవన నిర్మాణ పనులలో పాల్గొని మంగళవారం రాత్రి నూతనంగా నిర్మిస్తున్న ఐదంతస్తుల మెడికల్‌ కళాశాల భవనంపై నిద్రించాడు బుధవారం తెల్లవారుజామున నిద్ర లేస్తూ కాలుజారి ఐదో అంతస్తు నుంచి క్రింద పడ్డాడు. సంఘటనా స్థలంలోనే అక్కడక్కడే మృతి చెందాడు. మృతుడికి భార్య పిల్లలు ఉన్నట్లు తెలిపారు. తోటి కార్మికుల ఫిర్యాదు మేరకు కేసు నమోదు చేసుకొని దర్యాప్తు చేస్తున్నట్లు ఎస్‌ఐ తెలిపారు. మృతదేహాన్ని పోస్టుమార్టం నిమిత్తం గురజాల ప్రభుత్వ వైద్యశాలకు తరలించారు.

గుంటూరు ఎడ్యుకేషన్‌: ఇన్‌ సర్వీస్‌ ఉపాధ్యాయుల కోసం రాష్ట్ర ప్రభుత్వం విడుదల చేసిన ప్రత్యేక టెట్‌ నోటిఫికేషన్‌లో ఉపాధ్యాయులకు ఎటువంటి మినహాయింపులు లేని దృష్ట్యా ఆ నోటిఫికేషన్‌ను సవరించాలని ఏపీటీఎఫ్‌ గుంటూరు జిల్లా అధ్యక్షుడు మేకల సుబ్బారావు డిమాండ్‌ చేశారు. ఈ మేరకు బుధవారం జిల్లా కలెక్టర్‌ కార్యాలయం వద్ద ఏపీటీఎఫ్‌ (1938) ఆధ్వర్యంలో నిరసన ప్రదర్శన నిర్వహించారు. ఈ సందర్భంగా సంఘ జిల్లా ప్రధాన కార్యదర్శి కె. నరసింహారావు మాట్లాడుతూ ప్రత్యేక టెట్‌ నోటిఫికేషన్‌లో ఉపాధ్యాయులందరికీ అర్హత మార్కులు 40 శాతంగా, పరీక్ష ఆన్‌లైన్‌లో కాకుండా ఆఫ్‌లైన్‌లో నిర్వహించాలని డిమాండ్‌ చేశారు. బోధన సబ్జెక్టుల ప్రామాణికంగా పరీక్షలు నిర్వహించాలని, రాష్ట్ర ప్రభుత్వం ఉపాధ్యాయ పట్ల సానుకూల దృక్పథంతో ప్రత్యేక మినహాయింపుల కోసం కేంద్ర ప్రభుత్వానికి ప్రతిపాదనలు పంపాలని కోరారు. సీనియర్‌ నాయకులు ఏవీ రామారావు మాట్లాడుతూ ప్రభుత్వ మొండి వైఖరికి నిరసనగా రాష్ట్ర సంఘం పిలుపు మేరకు ఈ కార్యక్రమం నిర్వహించామని తెలియజేశారు. నిరసన ప్రదర్శనలో సంఘ రాష్ట్ర కౌన్సిలర్లు జి. వేళాంగిణి రాజు, భాస్కరరావు, జిల్లా సహాధ్యక్షుడు ఎం. సాయన్న, అదనపు కార్యదర్శి ఒ.నాగార్జున, ఉపాధ్యక్షులు ఆనంగి శ్రీనివాస్‌, ఎ. జోజప్ప, జిల్లా కార్యదర్శి వై. నాగమల్లేశ్వరరావు, నగర సహాధ్యక్షుడు ఎన్‌. ప్రసాద్‌, సీనియర్‌ నాయకులు ఎ.వి.రామారావు, ఎం. భాను, జె. సూర్యప్రకాశరావు తదితరులు పాల్గొన్నారు.

విజయపురి సౌత్‌: తాగునీటి అవసరాల నిమిత్తం నాగార్జున సాగర్‌ ప్రాజెక్ట్‌ కుడి కాలువకు అధికారులు బుధవారం నీటిని విడుదల చేశారు. ప్రాజెక్ట్‌ ఈఈ రమేష్‌తోపాటు జెన్‌ కో అధికారులు మొదటి యూనిట్‌ ద్వారా 2 వేల క్యూసెక్కులు దిగువకు వదిలారు. ఈఈ రమేష్‌ మాట్లాడుతూ.. ఈ నీటిని సాగు అవసరాలకు వినియోగించరాదని పేర్కొన్నారు. కుడి కాలువ పరిధిలోని 442 చెరువులను నింపుకోవాలని, నీటిని వృథా చేయవద్దని సూచించారు. మొత్తం 8 టీఎంసీలు కుడి కాలువకు విడుదల చేయనున్నట్లు తెలిపారు. తాగునీటి అవసరాలను బట్టి నీటి పరిమాణం పెంచనున్నట్లు వివరించారు. నీటి విడుదలతో నాగార్జున సాగర్‌ కుడి జలవిద్యుత్‌ కేంద్రంలో విద్యుత్‌ ఉత్పత్తి కూడా ప్రారంభమైంది. కార్యక్రమంలో సాగర్‌ ప్రాజెక్ట్‌ గేట్స్‌ డీఈ శ్రీకాంత్‌, సిబ్బంది గొల్లా వెంకటేశ్వర్లు, యాంపల్లి వెంకట రమణ తదితరులు పాల్గొన్నారు. రైతులు, ప్రజలు సహకరించాలి నరసరావుపేట: ప్రభుత్వ ఆదేశాల మేరకు నాగార్జున సాగర్‌ ప్రాజెక్టు పరిధిలోని ఐదు జిల్లాల ప్రజల తాగునీటి అవసరాల కోసం కుడి కాలువ ద్వారా విడుదల చేసే నీటిని కేవలం తాగునీటి చెరువులను నింపడానికి మాత్రమే వినియోగించాలని లింగంగుంట్ల నాగార్జునసాగర్‌ సర్కిల్‌ ఎస్‌ఈ డి.వెంకటరత్నం బుధవారం పేర్కొన్నారు. సాగర్‌ పరిధిలోని పల్నాడు, గుంటూరు, బాపట్ల, ప్రకాశం, మార్కాపురం జిల్లాల్లో మొత్తం 442 తాగునీటి చెరువులను 3.31 టీఎంసీలతో నింపనున్నట్లు పేర్కొన్నారు. ఈ నీటిని సాగు అవసరాలకు మళ్లించకుండా జిల్లా కలెక్టర్‌ డాక్టర్‌ కృతికా శుక్లా ప్రత్యేక గస్తీ బృందాలను ఏర్పాటు చేశారని చెప్పారు. ఐదు ప్రత్యేక బృందాలు కాలువ జీరో కి.మీ. నుంచి 137 కి.మీ. వరకు నిరంతరం గస్తీ కాస్తాయని తెలిపారు. రైతులు, ప్రజలు సహకరించాలని కోరారు. కేఆర్‌ఎంబీ అనుమతులు లేకుండానే.. విజయపురిసౌత్‌: తాగునీటి అవసరాల నిమిత్తం నాగార్జునసాగర్‌ ప్రాజెక్టు నుంచి అధికారులు కుడికాలువకు నీటిని బుధవారం విడుదల చేశారు. దీంతో కృష్ణా రివర్‌ మేనేజ్‌మెంట్‌ బోర్డ్‌ అనుమతులు లేకుండానే సాగర్‌ కుడి కాలువకు ఆంధ్రా అధికారులు నీటిని విడుదల చేశారని ఆరోపిస్తూ తెలంగాణ అధికారులు ఎడమ కాలువకు తాగునీటిని విడుదల చేశారు.

గుంటూరు రూరల్‌: అధికారంలోకి రాగానే గ్రామంలో పట్టు సాధించాలని కొందరు, గ్రామంలో నీటి విక్రయాలతో డబ్బు సంపాదించుకోవాలని మరికొందరు వర్గాలుగా విడిపోయారు. తమ స్వార్థం కోసం వారు చేస్తున్న రాజకీయాలు గ్రామంలో ప్రజలను ఇబ్బందులు పడుతున్నారు. కూటమి ప్రభుత్వం అధికారం చేపట్టిన నాటి నుంచి గ్రామంలో నీటి విక్రయాలపై రాజకీయ కుట్రలు జరుగుతూనే ఉన్నాయని, తాము తీవ్ర ఇబ్బందులు పడుతున్నామని ప్రజలు వాపోతున్నారు. అసలే ఎల్‌నినో ప్రభావంతో వర్షాలు లేక చెరువులు ఎండిపోయి మూగ జీవాలు సైతం తాగునీటికి ఇబ్బందులు పడుతున్నాయి. మరోవైపు పచ్చ నేతలు మాత్రం శివారులోని బోర్లకు విద్యుత్‌ సరఫరా నిలిపివేసి మరింత ఇబ్బందులకు గురిచేస్తున్నారని ప్రజలు ఆందోళన వ్యక్తం చేస్తున్నారు. గోరంట్ల గ్రామంలో నీటి విక్రయాలు రాజకీయ రంగు పులుముకొన్నాయి. అదీ అధికార పార్టీలో అంతర్గత విభేదాల కారణంగానే కావడం ఇక్కడ గమనార్హం. ఎమ్మెల్యేతో గొడవలు.. గ్రామానికి చెందిన డీసీఎంఎస్‌ చైర్మన్‌ వడ్రాణం హరిబాబు గ్రామంలో తాగునీటి విక్రయాలు చేస్తున్నారంటూ వాటర్‌ ట్యాంకర్లను, ఇసుక తరలించే ట్రాక్టర్లు, లారీలను గతంలో నిలిపివేసి అధికారులకు ఫిర్యాదులు చేసిన సంగతి తెలిసిందే. ఈ విషయం గ్రామంలో పట్టు సాధించుకునేందుకు, ఉనికిని కాపాడుకునేందుకు జరుగుతోందని పలువురు స్థానిక ఎమ్మెల్యే దృష్టికి తీసుకెళ్లారు. ఇదే విషయమై హరిబాబు సైతం ఎమ్మెల్యే వద్దకు వెళ్లి నీటి విక్రయాలకు కొందరికి అనుమతి ఎలా ఇచ్చారని ప్రశ్నించారని తెలిసింది. ఇరువురి మధ్య వివాదం చోటుచేసుకుందని సమాచారం. తన నియోజకవర్గంలో పనేంటని ఎమ్మెల్యే స్వయంగా హరిబాబును ప్రశ్నించినట్లు తెలిసింది. దీంతో ఇరువురి మధ్య మాటల యుద్ధం నడుస్తోంది. దీంతో గ్రామంలో అధికార పార్టీలో రెండు వర్గాలుగా ఏర్పడి గ్రామ శివారుల్లో పొలాలకు నీరు పెట్టుకునే బోర్ల నుంచి.. మిగతా అన్ని బోర్లకు విద్యుత్‌ సౌకర్యం లేకుండా చేశారు. మూగజీవాలకూ కష్టాలే వర్షాలు కురిసి చెరువులో నీరు ఉంటే మూగజీవాలైన గొర్రెలు, మేకలు, గేదెలు వంటి వాటిని తాగునీరు ఉండేదని కాపరులు చెబుతున్నారు. ప్రస్తుతం వర్షాభావ పరిస్థితుల వల్ల శివారు బోర్ల ద్వారా నీటిని చిన్నపాటి కుంటలకు మరలించుకుని మూగజీవాలను కాపాడుకుంటున్నామని తెలిపారు. ఇప్పుడు ఆ బోర్లకు విద్యుత్‌ సరఫరాను నిలిపివేశారని కాపరులు వాపోతున్నారు. కేవలం అధికారంకోసం, గ్రామంలో పట్టుకోసం బోర్లకు విద్యుత్‌ సరఫరా లేకుండా చేసి అటు ప్రజలను, ఇటు మూగజీవాలను ఇబ్బందులకు గురిచేయటం ఎంతవరకూ సబబని ప్రశ్నిస్తున్నారు. ఇళ్లలో బోర్లు లేక, నూతన భవన నిర్మాణాలు, ఇతర అవసరాలకు నీరు అవసరమైతే ఇతర గ్రామాల నుంచి అధిక ధరలకు కొనుగోలు చేసుకోవాల్సి వస్తుందని ప్రజలు ఆరోపిస్తున్నారు. అధికారులు కూడా ఓ వర్గం చెప్పినట్లు బోర్లకు విద్యుత్‌ సరఫరా నిలిపివేయటం ఏంటని ప్రశ్నిస్తున్నారు.

పెదకాకాని: గుంటూరు జిల్లా పెదకాకానిలోని బాజీ బాబా దర్గాకు రికార్డు స్థాయిలో ఆదాయం సమకూరినట్లు దర్గా ఈఓ షేక్‌ ఖాజా మస్తాన్‌ తెలిపారు. రెండు రోజులుగా నిర్వహిస్తున్న హుండీల కానుకల లెక్కింపు మంగళవారం రాత్రి 11.30 గంటల వరకూ కొనసాగింది. గతంలో ఎన్నడూ లేని విధంగా హుండీల కానుకల లెక్కింపును నేరుగా వక్ఫ్‌బోర్డు అధికారులు తిలకించేలా ఏర్పాట్లు చేయడంతోపాటు దర్గా ప్రాంగణంలో పెద్ద ఎల్‌ఈడీ స్క్రీన్‌లు ఏర్పాటు చేశారు. దర్గాలో 17 నెలల కాలంగా ఉన్న ఏడు హుండీల కానుకల లెక్కింపులో ప్రత్యేక ఏర్పాట్లు చేసినట్లు రాష్ట్ర వక్ఫ్‌బోర్డు సూపరింటెండెంట్‌ షేక్‌ హైదర్‌బాషా, కస్మూర్‌ దర్గా ఈఓ షేక్‌ షరీఫ్‌, వక్ఫ్‌బోర్డు అకౌంట్స్‌ అధికారి సయ్యద్‌ ఆదంషఫీ, పెదకాకాని దర్గా ఈఓ షేక్‌ ఖాజామస్తాన్‌లు తెలిపారు. రెండు రోజులపాటు లెక్కించిన హుండీల ద్వారా ఎన్నడూ లేని విధంగా రూ. 39,64,440 ఆదాయం లభించిందన్నారు. 29 గ్రాముల బంగారం, 182 గ్రాముల వెండి లభ్యమైందన్నారు. ఎన్నడూ లేని విధంగా చిల్లర నాణేల రూపంలో రూ.5,60,800 కూడా బ్యాంక్‌లో జమ చేయడం జరుగుతుందన్నారు. బాబా వారి ఆదాయం పెరగడం పట్ల బుధవారం వక్ఫ్‌బోర్డు అధికారులు, భక్తులు హర్షం వ్యక్తం చేశారు. తాడేపల్లి రూరల్‌: తాడేపల్లి పట్టణ పరిధిలోని సీతానగరం విజయకీలాద్రి దివ్యక్షేత్రంపై మూడు రోజుల నుంచి ఎంతో వైభవంగా నిర్వహిస్తున్న భూ వరాహ జయంతి మహోత్సవాలు బుధవారంతో ముగిశాయి. జీయర్‌ ఎడ్యుకేషనల్‌ ట్రస్ట్‌ మేనేజర్‌ పురాణం వెంకటాచార్యులు మాట్లాడుతూ త్రిదండి చిన్న శ్రీమన్నారాయణ రామానుజ జీయర్‌ స్వామి మంగళాశాసనాలతో ఈ నెల 24వ తేదీ నుంచి భూ వరాహ జయంతి ఉత్సవాలను నిర్వహిస్తునామన్నారు. 26వ తేదీ ఉదయం భూ వరాహస్వామి వారి కల్యాణ మహోత్సవాన్ని అంగరంగ వైభవంగా నిర్వహించామని తెలిపారు. అధిక సంఖ్యలో భక్తులు పాల్గొని స్వామి వారిని దర్శించుకుని తీర్థ ప్రసాదాలు స్వీకరించారని ఆయన తెలిపారు. నాదెండ్ల: ఆంధ్రప్రదేశ్‌ ఉమెన్స్‌ ప్రీమియర్‌ లీగ్‌లో సాతులూరు గ్రామానికి చెందిన గమ్మిడి రాగచౌదరి సత్తా చాటింది. విజయవాడలో మంగళవారం జరిగిన ఆక్షన్‌లో ఆల్‌రౌండర్‌ రాగచౌదరిని గోదావరి గోల్డెన్‌ జట్టు రూ.30 వేలకు దక్కించుకుంది. సెప్టెంబర్‌ 15న మంగళగిరిలో అంతర్జాతీయ క్రికెట్‌ స్టేడియంలో ప్రారంభమయ్యే టోర్నమెంట్‌లో బరిలో దిగనుంది. గ్రామానికి చెందిన గమ్మిడి శ్రీనివాస్‌, సీతామహాలక్ష్మి దంపతుల కుమార్తె, హైకోర్టు న్యాయవాది నర్రా శ్రీనివాసరావు మేనకోడలైన రాగచౌదరి చిన్నతనం నుంచే క్రికెట్‌లో రాణించింది. విజయవాడ వీజే కాలేజ్‌లో ఇంటర్‌ సెకండియర్‌ చదువుతోంది. 2023–24లో అండర్‌ 15, అండర్‌ 19 విభాగాల్లో ఏపీ తరపున నేషనల్స్‌ స్థాయిలో పాల్గొంది. 2025లో స్కూల్‌ గేమ్స్‌ ఫెడరేషన్‌ పోటీల్లో రాణించింది. ఈ ఏడాది అండర్‌ 19 విభాగంలో పాల్గొనేందుకు సిద్ధమవుతోంది. రాయల్‌ క్రికెట్‌ అకాడమీలో కోచ్‌ ఎం. సురేంద్రబాబు వద్ద శిక్షణ పొందుతోంది. నరసరావుపేట: కలెక్టరేట్‌లో ఎస్సీ కమిషన్‌ చైర్మన్‌, ఐదుగురు సభ్యులు శుక్రవారం జిల్లా, మండల స్థాయి అధికారులతో సమీక్ష సమావేశం నిర్వహిస్తారని జిల్లా ఎస్సీ సంక్షేమం, సాధికారిత అధికారి దుర్గాభాయి బుధవారం ఒక ప్రకటనలో పేర్కొన్నారు. ప్రజలు ఈ అవకాశాన్ని సద్వినియోగం చేసుకోవాలని కోరారు.

సాక్షి, తాడేపల్లి: వైఎస్సార్‌సీపీ కేంద్ర కార్యాలయంలో రాఖీ పౌర్ణమి సందడి నెలకొంది. రాఖీ పౌర్ణమి సందర్భంగా తాడేపల్లిలోని వైఎస్సార్‌సీపీ కేంద్ర కార్యాలయంలో పార్టీ అధ్యక్షుడు, మాజీ ముఖ్యమంత్రి వైఎస్‌ జగన్‌మోహన్‌రెడ్డిని పలువురు మహిళలు, మాజీ ప్రజాప్రతినిధులు కలిసి రాఖీలు కట్టి శుభాకాంక్షలు తెలియజేశారు. ఈ సందర్భంగా వైఎస్‌ జగన్‌కు రాఖీలు కట్టిన మహిళలు ఆయనకు స్వీట్లు తినిపించి తమ అభిమానాన్ని చాటుకున్నారు.అన్నాచెల్లెళ్లు, అక్కాతమ్ముళ్ల మధ్య ప్రేమానురాగాలు, ఆప్యాయతలకు ప్రతీకగా నిలిచే రాఖీ పౌర్ణమి సందర్భంగా వైఎస్‌ జగన్‌ను కలిసి రాఖీ కట్టడం ఆనందంగా ఉందని వారు పేర్కొన్నారు. తనను ఆప్యాయంగా కలిసి రాఖీలు కట్టిన మహిళలకు వైఎస్‌ జగన్‌ రాఖీ పౌర్ణమి శుభాకాంక్షలు తెలియజేశారు. వారితో కొద్దిసేపు ఆత్మీయంగా మాట్లాడి, వారి కుటుంబ సభ్యుల క్షేమ సమాచారాన్ని అడిగి తెలుసుకున్నారు. రాష్ట్రంలోని ప్రతి అక్కాచెల్లెమ్మ ఆనందంగా, సురక్షితంగా ఉండాలని, వారి కుటుంబాల్లో సుఖసంతోషాలు వెల్లివిరియాలని వైఎస్‌ జగన్‌ ఆకాంక్షించారు.ఇదీ చదవండి: పోలీసులే ఇలా ఉంటే ప్రజలు ఇంక ఎవరిని నమ్మాలి?: వైఎస్‌ జగన్‌

సాక్షి, గుంటూరు: పెదకాకాని శ్రీభ్రమరాంబ సమేత మల్లేశ్వర స్వామి ఆలయంలో అమ్మవారి మంగళసూత్రం మాయం కేసులో ట్విస్ట్ చోటుచేసుకుంది. ఐదుగురు అర్చకులను అధికారులు సస్పెండ్‌ చేశారు. ఆలయ ఉప ప్రధాన అర్చకుడు చదలవాడ జాలయ్య చదలవాడ మణికంఠ శాస్త్రి, పొత్తూరు విజయ్ ప్రతాప్, కందుర్తి విశ్వనాధ్, గిరికుమార్‌లను అధికారులు సస్పెండ్ చేశారు. చోరీతో తమకు సంబంధం లేదని నిన్న అర్చకుల ప్రెస్‌మీట్‌ నిర్వహించారు. ప్రెస్‌మీట్‌ పెట్టిన 24 గంటల్లోనే అర్చకులపై ప్రభుత్వం వేటు వేసింది. ఆలయ అధికారుల తీరుపై సర్వత్రా విమర్శలు వ్యక్తమవుతున్నాయి.కాగా, పెదకాకాని శ్రీభ్రమరాంబ మల్లేశ్వరస్వామి ఆలయంలో అమ్మవారి నగలు మాయంపై అర్చకులు స్పందిస్తూ.. ఆలయ ప్రాంగణంలో నిన్న(మంగళవారం) మీడియా సమావేశం నిర్వహించారు. శివాలయంలో భగవంతుని సేవ చేసుకుని జీవనం సాగిస్తున్నామే కానీ దొంగలం కాదని ఆలయ స్థానాచార్యులు పొత్తూరి సాంబశివరావు అన్నారు. స్థానాచార్యులు మాట్లాడుతూ స్వామి సేవ చేసుకోవడమే తప్ప దొంగతనం చేసే వారము కాదన్నారు. ప్రతి ఏటా మాదిరిగానే శ్రావణమాసం విశేష అలంకరణల్లో భాగంగా ఈనెల 14వ తేదిన భ్రమరాంబ అమ్మవారికి ప్రత్యేక పూలలతో అలంకరణ చేసి నగలు అలంకరించామన్నారు.18వ తేదీ మంగళవారం డ్యూటీలో ఉన్న అర్చకుల ద్వారా అమ్మవారి మంగళసూత్రాలు, నాన్‌తాడు కనిపించడం లేదని తెలుసుకుని ఆలయ అధికారుల దృష్టికి తీసుకెళ్లినట్లు వివరించారు. ఆలయ అధికారుల ఫిర్యాదు మేరకు పోలీసులు కేసు నమోదు చేశారని చెప్పారు. విచారణకు హాజరు కావాలని సమాచారం అందిన వెంటనే స్టేషన్‌కు వెళ్లినట్లు పేర్కొన్నారు. అలంకరించిన పూలు తొలగించే క్రమంలో పూలమాలల్లో ఆ ఆభరణాలు పోయి ఉండవచ్చని భావిస్తున్నామని వివరించారు.40 ఏళ్ళుగా ఆలయంలో అర్చకత్వం చేస్తున్నామని, ఎప్పుడూ ఇటువంటి ఘటన జరగలేదని అభిప్రాయపడ్డారు. నేరం చేసిన వారికి ఎటువంటి శిక్ష విధించినా తమకు అభ్యంతరం లేదని, మేము అర్చకత్వం చేసుకునేటపుడు ఆలయంలో అమ్మ వారి ఆభరణాలు మాయం కావడంపై భక్తులకు క్షమాపణలు చెప్పారు. భవిష్యత్తులో ఇటువంటి ఘటనలు పునరావృతం కాకుండా చర్యలు తీసుకుంటామని పొత్తూరి సాంబశివరావు తెలిపారు. సమావేశంలో ఆలయ ప్రధాన అర్చకుడు పొత్తూరి లక్ష్మీనారాయణ వరప్రసాద్, ఉప ప్రధాన అర్చకులు చదలవాడ జాలయ్య, ఉప ప్రధాన అర్చకులు, ఎక్స్‌అఫీషియో సభ్యుడు పేటేటి ధనమహేశ్వర ప్రసాద్‌ పాల్గొన్నారు.

సాక్షి, తాడేపల్లి: కూటమి పాలనలో ఓ వైపు తప్పుడు కేసులు, వేధింపులు కొనసాగుతుంటే.. మరోవైపు రకరకాల మాఫియాలు నడుస్తున్నాయని వైఎస్సార్‌సీపీ అధినేత, మాజీ ముఖ్యమంత్రి వైఎస్‌ జగన్‌ మోహన్‌రెడ్డి అన్నారు. బుధవారం తాడేపల్లి పార్టీ కేంద్ర కార్యాలయంలో మాట్లాడిన ఆయన.. రాష్ట్రంలో యథేచ్ఛగా నడుస్తున్న దందాల గురించి మాట్లాడారు.రాష్ట్రంలో అంతా మాఫియానే కనిపిస్తోంది. అమరావతి పేరుతో బిల్డింగ్‌ల స్కామ్‌ నడుస్తోంది. విలువైన భూములను కొల్లగొడుతున్నారు. వీటికి తోడు విచ్చలవిడిగా డ్రగ్స్‌, గంజాయి, బెల్ట్‌ షాపులు అందునా కల్తీ మద్యం రాష్ట్రంలో ప్రతీ చోటా కనిపిస్తోంది. ప్రకాశం జిల్లా అద్దంకిలో జరిగిన ఘటన మరీ దారుణమని వైఎస్‌ జగన్‌ అన్నారు. శాంతి భద్రతలు ఎలా ఉన్నాయో చెప్తోంది.ప్రజలకు రక్షణ కల్పించాల్సిన పోలీసులే అక్రమాలకు పాల్పడుతున్నారు. వాటిల్లో వాటాదారులుగా మారిపోతున్నారు. ప్రకాశం జిల్లా అద్దంకిలో.. మత్తులో పోలీసులే యాక్సిడెంట్‌ చేసి ప్రజలకు పట్టుబడ్డారు. కారులో గంజాయి, లిక్కర్‌, ఖాకీ యూనిఫాం దొరికాయి. డ్రైవర్‌తో సహా మరో ఇద్దరూ పోలీసులు మత్తులోనే ఉన్నారు. సీఐ వచ్చి వీడియోలు తీసే జనాల్ని తీయొద్దని బెదిరించారు. అలాంటప్పుడు ప్రజలు ఎవరికి ఫిర్యాదు చేయాలని, ప్రజలు ఎవరిని నమ్మాలి? అని వైఎస్‌ జగన్‌ నిలదీశారు.పైగా అద్దంకి ఘటనను కవర్‌అప్‌ చేయడానికి తీవ్ర ప్రయత్నాలు చేశారు. పోలీసు అధికారులు ఒక్కొక్కరు ఒక్కోలా ప్రకటనలు చేశారు. వాళ్ల మాటలకు ఎఫ్‌ఐఆర్‌కు పొంతనే లేదు(ఈ సందర్భంగా దర్శి డీఎస్పీ బాలమురళీకృష్ణ, ప్రకాశం ఎస్పీ హర్షవర్ధనరాజుల వేర్వేరు స్టేట్‌మెంట్ల వీడియోలను ప్రదర్శించారు). ఇలాంటి పోలీసులను జైలుకు పంపకుండా.. తప్పుడు సాక్ష్యాలతో కాపాడాలని చూస్తున్నారు. కూటమి పాలనలో అద్దంకి ఘటనే కాదు.. కృష్ణలంక సాయికృష్ణ, విజయవాడ క్రాంతికుమార్‌ కేసులు ఈ వ్యవస్థలు ఎంతగా దిగజారిపోయాయో చెబుతున్నాయని వైఎస్‌ జగన్‌ ఆవేదన వ్యక్తం చేశారు.వైఎస్సార్‌సీపీ హయాంలో గంజాయిని కట్టడి చేశాం. గంజాయి కేసుల్లో 13,210 మంది అరెస్ట్‌ చేశాం. 11 వేల ఎకరాల్లో గంజాయి పంటల్ని ధ్వంసం చేశాం.ఆపరేషన్‌ పరివర్తన్‌ పేరుతో గిరిజనులను గంజాయి సాగుకి దూరం చేశాం. ప్రత్యేకంగా ఎస్‌ఐబీని ఏర్పాటు చేశాం అని వైఎస్‌ జగన్‌ గుర్తు చేశారు. ఇప్పుడు.. చంద్రబాబు పాలనలో సర్వం దోపిడీ మయం.. గంజాయి మయం. కూటమి పాలనలో అందరూ కలిసి దందాలు చేస్తున్నారని అన్నారు. ఎమ్మెల్యేలకు ఇంత, చినబాబు.. పెదబాబుకి ఇంత అని వాటేలేసుకుంటున్నారు. చంద్రబాబు హయాంలో ఒకే ఒక పంటకు గిట్టుబాటు ధర లభిస్తోంది.. అది గంజాయే అని వైఎస్‌ జగన్‌ ఎద్దేవా చేశారు.ఇదీ చదవండి: కోర్టులకు వెళ్లేది చంద్రబాబే.. వద్దని చెప్పేది బాబే!

సాక్షి, తాడేపల్లి: ఏపీలో బీసీ రిజర్వేషన్లపై కోర్టులకు వెళ్లేది చంద్రబాబే.. వద్దని చెప్పేది బాబే. కోర్టుకు వెళ్లొద్దని దొంగ ఏడుపులు ఏడ్చేది చంద్రబాబే అని మండిపడ్డారు వైఎస్సార్‌సీపీ అధినేత వైఎస్‌ జగన్‌. బీసీల అభ్యున్నతికి నిజాయితీగా కృషి చేసింది వైఎస్సార్‌సీపీనే. మా కేబినెట్‌లో 11 మంది బీసీలకు మంత్రి పదవులు ఇచ్చామని వైఎస్‌ జగన్‌ వెల్లడించారు.వైఎస్సార్‌సీపీ అధినేత వైఎస్‌ జగన్‌ తాజాగా తాడేపల్లిలో మీడియా సమావేశంలో మాట్లాడుతూ..‘బీసీలకు 34 శాతం రిజర్వేషన్లతో మేం ఎన్నికలకు వెళ్లాం. సుప్రీంకోర్టు, హైకోర్టులో చంద్రబాబు కేసులు వేయించారు. కోర్టులకు వెళ్లేది చంద్రబాబే.. వద్దని చెప్పేది బాబే. కోర్టుకు వెళ్లొద్దని దొంగ ఏడుపులు ఏడ్చేది చంద్రబాబే. బీసీల అభ్యున్నతికి నిజాయితీగా కృషి చేసింది మేమే. మా కేబినెట్‌లో 11 మంది బీసీలకు మంత్రి పదవులు ఇచ్చాం. 40 శాతం మంత్రి పదవులు బీసీలకే ఇచ్చాం. 11 రాజ్యసభ సీట్లలో నలుగురు బీసీలను పంపింది మేమే. రెండు డిప్యూటీ సీఎం పదవులు కూడా బీసీలకే ఇచ్చాం.అలాగే, 13 జెడ్పీ చైర్మన్‌ సీట్లలో ఆరు బీసీలకే ఇచ్చాం. 13 మేయర్‌ స్థానాల్లో బీసీలకే 9 ఇచ్చాం. 636 ఎంపీపీ స్థానల్లో బీసీలకే 239 ఇచ్చాం. 84 మున్సిపల్‌ చైర్మన్‌ స్థానాల్లో 44 బీసీలకే ఇచ్చాం. 196 ఏఎంసీ చైర్మన్‌ స్థానాల్లో బీసీలకే 76 ఇచ్చాం. ఇవ్వన్నీ చట్టం చేసి మరీ ఇవ్వడం వైఎస్సార్‌సీపీకే సాధ్యపడింది. బీసీలకు చట్ట సభల్లో 50 శాతం కేటాయించాలని పార్లమెంట్‌లో ప్రైవేటు బిల్లు పెట్టించాం. బీసీ కులగణన కోసం అసెంబ్లీలో తీర్మానం చేశాం. వివిధ పథకాల ద్వారా డీబీటీ పద్దతిలో ఇచ్చాం. రూ.లక్షా 30వేల కోట్లు బీసీలకు అందజేశాం.బీసీల బతుకులను చంద్రబాబు బుగ్గిపాలు చేశాడు. మా హయాంలో అమలైన పథకాలను రద్దుచేశాడు. మేనిఫెస్టో హామీలను చెత్తబుట్టలో వేశాడు. రాజకీయంగా ఎదిగే బీసీలపై తప్పుడు కేసులు పెడుతున్నారు. యాక్సిడెంట్‌ కేసును హత్యాయత్నం కేసుగా మార్చి సీదిరి అప్పలరాజును జైలులో పెట్టించారు. ఓ మహిళా ఎస్‌ఐను అడ్డుపెట్టుకుని చింతాడ రవిని అక్రమంగా జైలుకు పంపారు. కర్నూలులో టీడీపీ కార్యకర్తలు దాడులు చేస్తే విరూపాక్షిపై తప్పుడు కేసులు పెట్టారు’ అంటూ కీలక వ్యాఖ్యలు చేశారు.

సాక్షి, తాడేపల్లి: నార్లు ఎండిపోతున్నా రైతులను ఆదుకునేందుకు చంద్రబాబు ప్రభుత్వం ముందుకు రావడం లేదని వైఎస్సార్‌సీపీ అధినేత, మాజీ ముఖ్యమంత్రి వైఎస్‌ జగన్‌మోహన్‌రెడ్డి ఆవేదన వ్యక్తం చేశారు. రాష్ట్రంలో కరువు పరిస్థితులు నెలకొన్నా దాన్ని గుర్తించేందుకు కూడా ఆయన ఇష్టపడటం లేదని అన్నారు. జూన్‌, జులైలోనే 52 శాతం లోటు వర్షపాతం నమోదైనట్లు ప్రభుత్వ గణాంకాలే వెల్లడిస్తున్నాయని వైఎస్‌ జగన్‌ వెల్లడించారు.బుధవారం మీడియా సమావేశంలో వైఎస్‌ జగన్‌ మాట్లాడుతూ.. చంద్రబాబు ప్రభుత్వం అధికారంలోకి వచ్చిన తర్వాత రైతులకు పంటల బీమా ప్రీమియం చెల్లించలేదని గుర్తు చేశారు. కూటమి పాలనతో ఇప్పటిదాకా రైతులకు సుమారు రూ.3 వేల కోట్ల నష్టం జరిగిందన్నారు. 2025 అక్టోబర్‌లో మోంథా తుపాను కారణంగా పంటలు దెబ్బతిన్నా.. ఇప్పటివరకు రైతులకు ఒక్క పైసా కూడా అందలేదన్నారు. వైఎస్సార్‌సీపీ ప్రభుత్వం అమలు చేసిన ఉచిత పంటల బీమా పథకాన్ని రద్దు చేయడంతో పాటు రైతులకు సున్నావడ్డీ పథకాన్ని కూడా నిలిపివేశారని అన్నారు.తమ ప్రభుత్వ హయాంలో రైతుల కోసం రూ.7,800 కోట్లు ఖర్చు చేసి అండగా నిలిచామని జగన్‌ గుర్తు చేశారు. అయితే బాబు పాలనలో ఏ పంటకూ గిట్టుబాటు ధర లేకుండా చేశారని, పంటలు దెబ్బతిన్న రైతులకు ఇప్పటివరకు ఎలాంటి సాయం అందించలేదని తెలిపారు. వర్షాభావ పరిస్థితులు ఉన్నప్పుడు రైతులకు ప్రత్యామ్నాయ పంటలు, ఉచిత విత్తనాలు ఎందుకు అందించలేదని ప్రశ్నించారు. రైతుల సమస్యలపై దృష్టి పెట్టాల్సిన ప్రభుత్వం డైవర్షన్‌, రెడ్‌బుక్‌ రాజకీయాలపై దృష్టి సారిస్తోందని జగన్‌ విమర్శించారు. మంత్రులు ప్రచార ఆర్భాటాలకే పరిమితమయ్యారని, తమ ప్రభుత్వంపై తప్పుడు ప్రచారం చేయడంపైనే చంద్రబాబు దృష్టి ఉందని పేర్కొన్నారు. కరువు పరిస్థితుల్లో ప్రజలు, రైతులను ఆదుకునేందుకు చంద్రబాబు ప్రభుత్వం వద్ద ఎలాంటి ప్రణాళిక ఉందో చెప్పాలని డిమాండ్‌ చేశారు. సీఎంగా తాను ఏం చేస్తున్నానో చంద్రబాబు ఆత్మపరిశీలన చేసుకోవాలని వైఎస్‌ జగన్‌ సూచించారు.ఇదీ చదవండి: చంద్రబాబు అలా చేస్తే మనదే విజయం: వైఎస్‌ జగన్‌

సాక్షి, తాడేపల్లి: ఏపీలో కూటమి ప్రభుత్వ పాలనలో రైతులు తీవ్ర ఇబ్బందులు ఎదుర్కొంటున్నారని మాజీ ముఖ్యమంత్రి, వైఎస్సార్‌సీపీ అధినేత వైఎస్‌ జగన్‌ తెలిపారు. రైతులను పట్టించుకోకుండా చంద్రబాబు.. కుంభకర్ణుడిలా వ్యవహరిస్తున్నారని అన్నారు. రాష్ట్రంలో విచ్చలవిడిగా డ్రగ్స్‌, గంజాయి, బెల్ట్‌ షాపులు.. కల్తీ లిక్కర్‌ ప్రతీ ఊరికీ వ్యాపించింది. ఇందుకు అ‍ద్దంకి ఘటనే శాంతిభద్రతలు ఎలా ఉన్నాయో చెప్తోందన్నారు. బీసీ రిజర్వేషన్లపై కోర్టులకు వెళ్లింది చంద్రబాబు.. అడ్డుకుందీ చంద్రబాబే.. మళ్లీ దొంగ ఏడుపులు ఆయనవే అని ఎద్దేవా చేశారు. తాడేపల్లిలోని వైఎస్సా­ర్‌­సీపీ కేంద్ర కార్యాలయంలో వైఎస్‌ జగన్‌ మీడియాతో మాట్లాడారు. ఈ సందర్భంగా రాష్ట్రంలో కరువు తీవ్రత, ప్రభుత్వ నిర్లక్ష్యం, బీసీ రిజర్వేషన్లు, గంజాయి సమస్యలపై ఆయన కీలక వ్యాఖ్యలు చేశారు. కూటమి సర్కార్‌ నిర్లక్ష్యాన్ని ఎండగట్టారు. వైఎస్‌ జగన్‌ ప్రెస్‌మీట్‌ హైలైట్స్‌..డీఎస్సీ అక్రమాలపై సవాల్‌ విసిరితే ఇప్పటి వరకు స్పందించలేదు.చంద్రబాబు సహా ఎవరూ స్పందించలేదు.రాష్ట్రంలో కరువు తీవ్రంగా ఉంది.ఏపీలో లోటు వర్షపాతం ఉంది.తీవ్ర కరువు పరిస్థితులు కనిపిస్తున్నా సీఎం చంద్రబాబు స్పందించడం లేదు.జూన్‌ నుంచి ఇప్పటి వరకు 52 శాతం లోటు వర్షపాతం ఉంది. ఏ జిల్లాలో చూసినా లోటు వర్షపాతమే ఉంది.చంద్రబాబు తీరు కుంభకర్ణుడి మాదిరిగా ఉంది.బాబు నిద్ర నటిస్తున్నారు తప్ప రైతులకు మంచి చేసే కార్యక్రమం చేపట్టలేదు.ఇప్పటి వరకు 189.62 మి.మీ మాత్రమే వర్షపాతం నమోదు.688 మండలాలకు 625 మండలాల్లో లోటు వర్షం ఉంది.కోస్తాలోనూ కరువు ప్రభావం ఎక్కువగా ఉంది. రాష్ట్రంలో 91 శాతం లోటు వర్షపాతం ఎదుర్కొంటోంది.28 జిల్లాల్లోనూ లోటు వర్షపాతమే కనిపిస్తోంది.ఖరీఫ్‌ సీజన్‌ ప్రారంభమైన తర్వాత జూలై 10న పంటలకు నీళ్లిస్తామని ఫొటోలకు ఫోజులిచ్చారు.రైతులంతా పెట్టుబడులు పెట్టి అష్టకష్టాలు పడుతున్నారు. మంత్రులు పబ్లిక్‌ స్టంట్లు వేస్తున్నారు. శ్రీశైలం ఖాళీ.. వీళ్లు నీళ్లు ఇస్తారనే నమ్మకంతో రైతులు ముందుకెళ్లారు.ప్రతీ ఎకరాకు రైతుకు రూ.15వేల నష్టం.ఎల్‌నినో ఎఫెక్ట్‌ ఉందని తెలిసినా ప్రభుత్వం మేల్కోలేదు.పత్రీ ఎకరాకు చివరి వరకు నీరిస్తామని గొప్పలు చెప్పారు.ఒకవైపు వర్షాలు లేక సంక్షోభం వచ్చింది.మరోవైపు.. చంద్రబాబు మానవత్వం లేదకుండా వ్యవహరిస్తున్నారు.ఆగస్టు 11న శ్రీశైలం నీటిమట్టం 880 అడుగులు.అవకాశమున్నా పోతిరెడ్డిపాడు ద్వారా రాయలసీమకు నీళ్లు ఇవ్వడానికి బాబుకు చేతులు రాలేదు.854 అడుగులకు నీటి మట్టం తగ్గితే సీమకు నీరు రాదు.ప్రస్తుతం 7000 క్యూసెక్కులు మాత్రమే ఇన్‌ఫ్లో ఉంది.శ్రీశైలం నుంచి ఎడాపెడా విద్యుత్‌ ఉత్పత్తి చేస్తున్నారు.సెప్టెంబర్‌ 15వరకు వర్షాలు కురిసే అవకాశం ఉంది.ఇదే పరిస్థితి కొనసాగితే నీటి మట్టం 854 అడుగులకు చేరుతుంది.ఆ తర్వాత రాయలసీమకు నీరిచ్చే అవకాశం ఎలా ఉంటుంది??సీమ ప్రాజెక్ట్‌ల కెపాసిటీ 180 టీఎంసీలు.. ప్రస్తుతం 55.56 టీఎంసీలు.సీమ ప్రజలకు 23 శాతమే నీరు అందుబాటులో ఉంది.నాగార్జున సాగర్‌ కుడి కాల్వ నుంచి చుక్కనీరు ఇవ్వడం లేదు.నాగార్జున సాగర్‌ కింద పులిచింతల ప్రాజెక్ట్‌ ఉంది.పులిచింతల దిగువన తెలంగాణ ప్రభుత్వం అక్రమంగా ప్రాజెక్ట్‌లు నిర్మిస్తున్నా పట్టించుకోవడం లేదు.తెలంగాణలో మహాత్మగాంధీ ఎత్తిపోతల పథకం పంప్‌ హౌస్‌ నిర్మాణం వేగంగా జరుగుతోంది.రాజీవ్‌ ఎత్తిపోతల పథకం పనులు కూడా వేంగా జరుగుతున్నాయి.అయినా చంద్రబాబు చోద్యం చూస్తున్నారు. చంద్రబాబు ఆదుకున్నాడా?కరువు ఉన్నా ప్రజలు, రైతులను చంద్రబాబు ఆదుకున్నాడా?.వైఎస్సార్‌సీపీ ఉచిత పంటల బీమా పథకాన్ని కూడా రద్దు చేశారు.2023లో 1.18 కోట్ల ఉచిత పంటల బీమా దరఖాస్తులు వస్తే2026-27లో కేవలం 40 లక్షల దరఖాస్తులు మాత్రమే వచ్చాయి.స్వయంగా ఈ గణాంకాలను కేంద్రమే వెల్లడించింది.అధికారంలోకి వచ్చాక చంద్రబాబు ప్రభుత్వం బీమా కట్టలేదు.రైతులకు రూ.3000 కోట్ల నష్టం జరిగింది.2025 అక్టోబర్‌లో మోంథా తుపాను వచ్చింది.రైతులకు ఇప్పటికీ ఒక్క పైసా ఇవ్వలేదు.ఉచిత పంటల బీమాను చంద్రబాబు నాశనం చేశారు చంద్రబాబు దగ్గర రైతులను ఆదుకునే ప్లాన్‌ ఏమైనా ఉందా?.డైవర్షన్‌, రెడ్‌బుక్‌పై ఉన్న ధ్యాస.. బాబుకు రైతులపై లేదు.రైతులకు ప్రత్యామ్నాయం ఎందుకు చూపించలేదు??రైతులకు ఉచిత విత్తనాలు ఎందుకు ఇవ్వలేదు.ఏ పంటకూ గిట్టుబాటు ధర లేకుండా చేశారు. బీసీ రిజర్వేషన్లపై కామెంట్స్‌.. 2019లో మేం వచ్చిన తర్వాత జీవో నంబర్‌-176 ఇచ్చి బీసీలకు 34శాతం రిజర్వేషన్లు ఇచ్చి, ఎన్నికలకు సిద్ధం అయ్యాం.కానీ, చంద్రబాబు, తన పార్టీ నాయకుడు, తన గవర్నమెంట్లో అప్పట్లో, AP State Employment Guarantee Councilలో అప్పటి సభ్యుడు బిర్రు ప్రతాపరెడ్డి ద్వారా హైకోర్టులోనూ, సుప్రీంకోర్టులోనూ కేసు వేయించాడు.సుప్రీంకోర్టు ఆదేశాల మేరకు రిజర్వేషన్లు 50శాతం దాటుతున్నందుకు బీసీలకు 34శాతం కొట్టేస్తున్నామని హైకోర్టు తీర్పు ఇచ్చింది.హైకోర్టులు, సుప్రీంకోర్టు తీర్పులు ఉన్నాయని తెలిసి, ఇదే ఆంధ్రప్రదేశ్‌ హైకోర్టు కొట్టేసిందని తెలిసి కూడా మరోసారి మహా డ్రామాకు చంద్రబాబు దిగాడు.మళ్లీ కోర్టుకు పోయి అడ్డుకోవద్దంటూ కపటనాటకాలు ఆడుతున్నాడు. కోర్టుకు పోయేది ఆయనే, కొట్టివేయించేదీ ఆయనే, మళ్లీ దొంగ ఏడుపులు ఏడ్చేదీ ఆయనే.బీసీల అభ్యున్నతి విషయంలో ఛాంపియన్‌ ఎవరైనా ఉన్నారంటే.. అది కేవలం వైఎస్సార్‌సీపీ మాత్రమే.రాజకీయంగా, ఆర్థికంగా, సామాజికంగా వారి తలరాతలను మార్చే విప్లవాత్మక సంస్కరణలు ఆ ఐదేళ్లలో మేం తీసుకు వచ్చాం.కోర్టులు కొట్టేసినా, బీసీలకు ఆమేరకు రాజకీయంగా ప్రోత్సాహం ఇవ్వాలని మాకు మేముగా నిర్ణయం తీసుకుని, 34శాతమే కాదు, అంతకంటే ఎక్కువ పదవులు ఇచ్చి, మా చిత్తశుద్ధిని చాటుకున్నాం.మా కేబినెట్లో 25 మంది ఉంటే, అందులో 11 మంది బీసీలే. అంటే దాదాపు 40 శాతం మంత్రిపదవులు బీసీలకే.ఎస్సీ, ఎస్టీ, బీసీ, మైనార్టీ, కాపు సామాజిక వర్గాలకు డిప్యూటీ సీఎం పదవులు ఇస్తే, ఇందులో రెండు డిప్యూటీ సీఎం పదవులు బీసీలకే ఇచ్చాం.మా ప్రభుత్వం వచ్చిన తర్వాత రాష్ట్ర కోటాలో భర్తీ అయిన 11 రాజ్యసభ స్థానాల్లో నలుగురు బీసీలను ఈ జగన్‌ రాజ్యసభకు పంపారు.అంటే దాదాపు 36 శాతం ప్రాతినిధ్యం. చంద్రబాబు 2014-19 మధ్య ఒక్క బీసీని కూడా రాజ్యసభకు పంపలేదు.25 లోక్‌సభ సీట్లలో 11 బీసీలకే అంటే 44 శాతం బీసీలకే ఇచ్చాం.58 ఎమ్మెల్సీల్లో 28 బీసీలకే ఇచ్చాం. 13 జిల్లా పరిషత్‌ ఛైర్మన్‌ పదువులు ఉంటే, 6 అంటే 46శాతం బీసీలకే13 మేయర్‌ పదవుల్లో, 9 అంటే, 69శాతం బీసీలకే.636 ఎంపీపీ స్థానాల్లో, 239 అంటే 38 శాతం బీసీలకేమున్సిపల్‌ చైర్మన్‌ పదవులు 84లో, 44 అంటే ౫౩శాతం బీసీలకే639 జడ్పీటీసీల్లో, 227 అంటే, 36శాతం బీసీలకే8,239 ఎంపీటీసీల్లో, 3,361 అంటే, 41 శాతం మంది బీసీలే.10,536సర్పంచుల్లో దాదాపు ౪వేల మంది బీసీలే. అంటే 38శాతం వారికే.AMC చైర్మన్‌ పదవులు 196లో 76 అంటే 39శాతం బీసీలకేప్రభుత్వ కార్పొరేషన్‌ చైర్మన్‌ పదవులు 137లో, 53 బీసీలకు ఇచ్చాం. అంటే 37% ఇచ్చాం.139 బీసీ కులాలకు ప్రత్యేకంగా 56 కార్పొరేషన్లు ఏర్పాటు చేశాం.ఇన్ని కార్పొరేషన్లు ఏర్పాటు చేయాలని కలలో కూడా చంద్రబాబుకు ఆలోచన రాలేదు. చట్టం చేసి మరీ.నామినేటెడ్‌ పదవుల్లో 50 శాతం, నామినేటెడ్‌ పనులు–కాంట్రాక్టుల్లో 50 శాతం బీసీ, ఎస్సీ, ఎస్టీ, మైనార్టీలకు ఇచ్చాం.ఇందులో మహిళలకు కూడా 50% వాటా ఉండే విధానం మేం తీసుకు వచ్చాం. దేశంలోనే ఇది తొలిసారి.అంతేకాదు బీసీలకు చట్టసభల్లో 50 శాతం సీట్లు కేటాయించాలని కోరుతూ పార్లమెంటులో వైఎస్సార్‌సీపీ ఎంపీలతో ప్రైవేట్‌ బిల్లు పెట్టించాం.కేంద్రంలో ప్రత్యేక బీసీ మంత్రిత్వ శాఖ, ప్రత్యేక బడ్జెట్‌ కోసం కూడా డిమాండ్‌ చేశాం.అలాగే బీసీ కులగణన కోసం అసెంబ్లీలో తీర్మానం చేసి కేంద్రానికి పంపాం.వివిధ డీబీటీ పథకాల ద్వారా బీసీల ఖాతాల్లోకి నేరుగా రూ.1.30లక్షల కోట్లు పంపించాం.కాని ఇప్పుడు చంద్రబాబు బీసీల బతుకుల్ని బుగ్గిపాలు చేస్తున్నాడు. మా పథకాలన్నింటినీ ధ్వంసం చేశాడు.పైగా రాజకీయంగా బీసీల ఎదుగుదలను ఓర్చుకోలేక వారిమీద అక్రమకేసులు పెట్టి, జైల్లో పెట్టే కార్యక్రమం చేస్తున్నాడు.యాక్సిడెంట్‌ కేసును హత్యాయత్నం కేసుగా మార్చి మాజీ మంత్రి, మత్స్యకార సామాజిక వర్గానికి చెందిన సీదిరి అప్పలరాజును జైల్లోపెట్టాడు.ఒక మహిళా ఎస్సైను అడ్డుపెట్టుకుని, జరగని దాన్ని జరిగినట్టుగా చూపించి, తప్పుడు కేసులు పెట్టి, ఆముదాలవలస నియోజకవర్గ పార్టీ సమన్వయ కర్త చింతాడ రవికుమార్‌ను జైలుకు పంపాడు.టీడీపీ కార్యకర్తలే దాడులు చేస్తే, పైగా తప్పుదోవ పట్టించడానికి అదే టీడీపీ కార్యకర్తచేత ఏకంగా ఆయన భార్య దుస్తులను చింపివేయించి, అదిచేసింది ఎమ్మెల్యే, అతని అనుచరులు అని చెప్పి, ఆలూరు ఎమ్మెల్యే, బోయ సామాజిక వర్గానికి చెందిన విరూపాక్షిపై కేసులు పెట్టి జైల్లోపెట్టారు.యాదవ సామాజిక వర్గానికి చెందిన మాజీ మంత్రి కారుమూరు నాగేశ్వర్రావు, ఆయన కొడుకు కారుమూరి సునీల్‌ను అన్యాయంగా తప్పుడు కేసుల్లో జైలుకు పంపాడు.మరి చంద్రబాబుకు బీసీలమీద ప్రేమ ఉందంటే ఎవరైనా నమ్ముతారా?గంజాయిపై కామెంట్స్‌..రాష్ట్రంలో అంతా మాఫియానే కనిపిస్తోంది.మట్టి, శాండ్‌, లిక్కర్‌ మాఫియా నడుస్తోంది.విచ్చలవిడిగా డ్రగ్స్‌, గంజాయి, బెల్ట్‌ షాపులు.కల్తీ లిక్కర్‌ ప్రతీ ఊరికీ వ్యాపించింది.అ‍ద్దంకి ఘటనే శాంతిభద్రతలు ఎలా ఉన్నాయో చెప్తోంది.రక్షణ కల్పించాల్సిన పోలీసులే అక్రమాలు చేస్తున్నారు.ప్రజలు ఎవరిని నమ్మాలి.. ఎవరికి ఫిర్యాదు చేయాలి?.మత్తులో కారు నడిపింది కూడా మరో ఎస్‌ఐ అని తెలుస్తోంది.డ్రైవర్‌తో సహా మరో ఇద్దరు పోలీసులు కూడా మత్తులో ఉన్నారు.వీడియో తీసిన గ్రామస్తులను సీఐ బెదిరించారు.రాష్ట్రంలో పరిస్థితులు చూసి ప్రజలు ఆందోళన చెందుతున్నారు.డీఎస్పీ, ఎస్పీ మాటలు.. ఎఫ్‌ఐఆర్‌కు పొంతన లేదు.ఎవరో గంజాయి వదిలి పరారయ్యాడని డీఎస్పీ అన్నారు.సమాచారం మేరకే దాడులు చేశామని ఎస్పీ చెప్పుకొచ్చారు.ఎఫ్‌ఐఆర్‌ కాపీ మాత్రం దీనికి భిన్నంగా ఉంది.పోలీసులే గంజాయితో దొరకడం క్షమించరాని నేరం.ఇలాంటి పోలీసులను జైలుకు పంపాలి.కానీ, తప్పుడు సాక్ష్యాలతో కాపాడాలని చూశారు.రాష్ట్రాన్ని గంజాయి ఆంధ్రప్రదేశ్‌గా చేస్తున్నారు.నిజంగా పోలీసులు ఛేజ్‌ చేసి దొంగలను పట్టుకుంటే వీఆర్‌కి పంపి ఎందుకు చర్యలు తీసుకున్నారు?.

సాక్షి, తాడేపల్లి: నేడు మిలాద్-ఉన్-నబీ. ఈ సందర్భంగా వైఎస్సార్‌సీపీ అధినేత వైఎస్‌ జగన్‌ ముస్లింలకు శుభాకాంక్షలు తెలిపారు. వైఎస్‌ జగన్‌ ఎక్స్‌ వేదికగా..‘ప్రేమతో మనసులు గెలవాలనీ.. కరుణతో కష్టాల్లో ఉన్నవారికి అండగా నిలవాలనీ.. క్షమ, సహనం, సోదరభావాలతో శాంతియుత సమాజాన్ని నిర్మించాలనీ.. మహ్మద్ ప్రవక్త మానవాళికి అందించిన సందేశం సదా అనుసరణీయం. మహ్మద్ ప్రవక్త జన్మదినమైన మిలాద్-ఉన్‌-నబీ పర్వదినం సందర్భంగా ముస్లిం సోదర సోదరీమణులందరికీ హృదయపూర్వక శుభాకాంక్షలు’ అని పోస్టు చేశారు. ప్రేమతో మనసులు గెలవాలని.. కరుణతో కష్టాల్లో ఉన్నవారికి అండగా నిలవాలని.. క్షమ, సహనం, సోదరభావాలతో శాంతియుత సమాజాన్ని నిర్మించాలని మహ్మద్ ప్రవక్త మానవాళికి అందించిన సందేశం సదా అనుసరణీయం. మహ్మద్ ప్రవక్త జన్మదినమైన మిలాద్-ఉన్‌-నబీ పర్వదినం సందర్భంగా ముస్లిం సోదర సోదరీమణులందరికీ…— YS Jagan Mohan Reddy (@ysjagan) August 26, 2026

గుంటూరు ఎడ్యుకేషన్‌ విద్యాహక్కు చట్టం రాక ముందే ఉపాధ్యాయ వృత్తి చేపట్టిన వారిని టెట్‌ నుంచి మినహాయించాలని యూటీఎఫ్‌ రాష్ట్ర ప్రచురణల కమిటీ చైర్మన్‌ ఎం. హనుమంతరావు ప్రభుత్వాన్ని డిమాండ్‌ చేశారు. స్పెషల్‌ టెట్‌లో వయోభారం రీత్యా కొన్ని మార్పులు చేయాలని ప్రభుత్వానికి విజ్ఞప్తులు చేసినా పట్టించుకోకపోవడం వల్ల ఉద్యమానికి శ్రీకారం చుట్టాల్సివచ్చిందని అన్నారు. మంగళవారం జిల్లా కలెక్టరేట్‌ వద్ద యూటీఎఫ్‌ ఆధ్వర్యంలో టెట్‌ను వ్యతిరేకిస్తూ నిరసన కార్యక్రమం నిర్వహించారు. ఈ సందర్భంగా సంఘం జిల్లా అధ్యక్ష, ప్రధాన కార్యదర్శులు యు.రాజశేఖర్‌ రావు, ఎం.కళాధర్‌లు మాట్లాడుతూ స్పెషల్‌ టెట్‌లో పాస్‌ మార్కులు 60గా ఉండాలని, ఆఫ్‌ లైన్‌లో పరీక్ష నిర్వహించాలని, స్కూల్‌ అసిస్టెంట్‌లు ఎవరి సబ్జెక్టుకు వారిని పరిమితం చేసేలా మార్పులు చేయాలని అన్నారు. లేని పక్షంలో ఉద్యమం తీవ్రం చేస్తామని హెచ్చరించారు. జిల్లా సహాధ్యక్షురాలు ఎండీ షకీలా బేగం మాట్లాడుతూ కార్పొరేట్ల కోసం క్షణాలలో చట్టాలను మార్చే ప్రభుత్వాలు న్యాయమైన ఉపాధ్యాయుల సమస్య పరిష్కారం కోసం పట్టీపట్టనట్లు వ్యవహరిస్తున్నాయని ఆరోపించారు. కలెక్టరేట్‌లో డీఆర్వో ఖాజావలీకి వినతి పత్రం సమర్పించారు. కార్యక్రమంలో జిల్లా కార్యదర్శులు సీహెచ్‌ ఆదినారాయణ, జి.వెంకటేశ్వరరావు, ఎం.గోవిందయ్య, కె.రంగారావు, బి.ప్రసాదు, ఎం.కోటిరెడ్డి, ఆడిట్‌ కమిటీ సభ్యులు కె.ప్రేమ్‌ కుమార్‌, ఎన్‌. ధనలక్ష్మి తదితరులు పాల్గొన్నారు.

గుంటూరు మెడికల్‌: ఆంధ్రప్రదేశ్‌ మెడికల్‌ అండ్‌ హెల్త్‌ కాంట్రాక్టు ఎంప్లాయీస్‌ జాయింట్‌ యాక్షన్‌ కమిటీ ఆధ్వర్యంలో మంగళవారం గుంటూరు జీజీహెచ్‌లో పనిచేస్తున్న కాంట్రాక్టు నర్సింగ్‌ సిబ్బంది, పారా మెడికల్‌ సిబ్బంది నల్లబ్యాడ్జీలు ధరించి తమ నిరసన తెలిపారు. సూపరింటెండెంట్‌ కార్యాలయం ఎదుట నోటికి వేలు అడ్డుపెట్టుకుని వినూత్న తరహాలో నిరసన తెలిపారు. ఈనెల 27 వరకు నల్లబ్యాడ్జీలు ధరించి నిరసన తెలియజేస్తామని యూనియన్‌ నేతలు తెలిపారు. ప్రభుత్వం తమ నిరసనలపై స్పందించని పక్షంలో విధులను బహిష్కరిస్తామన్నారు. కాంట్రాక్టు ఉద్యోగులను రెగ్యులర్‌ చేయాలని, రెగ్యులరైజేషన్‌ ప్రక్రియ పూర్తయ్యే వరకు కాంట్రాక్టు ఉద్యోగులకు నూరు శాతం గ్రాస్‌ శాలరీ ఇవ్వాలని డిమాండ్‌ చేశారు. విధి నిర్వహణలో మరణించిన కాంట్రాక్టు ఉద్యోగి కుటుంబానికి రూ.50 లక్షలు ఎక్స్‌గ్రేషియో చెల్లించి వారి కుటుంబంలో వారికి కాంట్రాక్టు ఉద్యోగం కల్పించాలన్నారు. అనారోగ్యానికి గురైన కాంట్రాక్టు ఉద్యోగులకు పూర్తి జీతంతో కూడిన సెలవులు మంజూరు చేసి వారి కుటుంబ సభ్యులకు హెల్త్‌ కార్డు సౌకర్యం కల్పించాలని, రిక్వెస్టు ట్రాన్స్‌ఫర్‌, మ్యూచువల్‌ ట్రాన్స్‌ఫర్‌ అవకాశం కల్పించాలని కోరారు.

● భగవంతుని సేవ చేసే వారమే కానీ దొంగలం కాదు ● స్థానాచార్యులు పొత్తూరి సాంబశివరావు పెదకాకాని: శివాలయంలో భగవంతుని సేవ చేసుకుని జీవనం సాగిస్తున్నామే కానీ దొంగలం కాదని ఆలయ స్థానాచార్యులు పొత్తూరి సాంబశివరావు అన్నారు. పెదకాకాని శ్రీ భ్రమరాంబ మల్లేశ్వరస్వామి ఆలయంలో అమ్మవారి నగలు మాయంపై పది రోజుల తరువాత అర్చకులు స్పందించారు. ఆలయ ప్రాంగణంలో మంగళవారం అర్చకులు ఏర్పాటు చేసిన సమావేశంలో స్థానాచార్యులు మాట్లాడుతూ స్వామి సేవ చేసుకోవడమే తప్ప దొంగతనం చేసే వారము కాదన్నారు. ప్రతి ఏటా మాదిరిగానే శ్రావణమాసం విశేష అలంకరణల్లో భాగంగా ఈనెల 14వ తేదిన భ్రమరాంబ అమ్మవారికి ప్రత్యేక పూలలతో అలంకరణ చేసి నగలు అలంకరించామన్నారు. 18వ తేదీ మంగళవారం డ్యూటీలో ఉన్న అర్చకుల ద్వారా అమ్మవారి మంగళసూత్రాలు, నాన్‌తాడు కనిపించడం లేదని తెలుసుకుని ఆలయ అధికారుల దృష్టికి తీసుకెళ్లినట్లు వివరించారు. ఆలయ అధికారుల ఫిర్యాదు మేరకు పోలీసులు కేసు నమోదు చేశారని చెప్పారు. విచారణకు హాజరు కావాలని సమాచారం అందిన వెంటనే స్టేషన్‌కు వెళ్లినట్లు పేర్కొన్నారు. అలంకరించిన పూలు తొలగించే క్రమంలో పూలమాలల్లో ఆ ఆభరణాలు పోయి ఉండవచ్చని భావిస్తున్నామని వివరించారు. 40 ఏళ్ళుగా ఆలయంలో అర్చకత్వం చేస్తున్నామని, ఎప్పుడూ ఇటువంటి ఘటన జరగలేదని అభిప్రాయపడ్డారు. నేరం చేసిన వారికి ఎటువంటి శిక్ష విధించినా తమకు అభ్యంతరం లేదని, మేము అర్చకత్వం చేసుకునేటపుడు ఆలయంలో అమ్మ వారి ఆభరణాలు మాయం కావడంపై భక్తులకు క్షమాపణలు చెప్పారు. భవిష్యత్తులో ఇటువంటి ఘటనలు పునరావృతం కాకుండా చర్యలు తీసుకుంటామని పొత్తూరి సాంబశివరావు తెలిపారు. సమావేశంలో ఆలయ ప్రధాన అర్చకుడు పొత్తూరి లక్ష్మీనారాయణ వరప్రసాద్‌, ఉప ప్రధాన అర్చకులు చదలవాడ జాలయ్య, ఉప ప్రధాన అర్చకులు, ఎక్స్‌అఫీషియో సభ్యుడు పేటేటి ధనమహేశ్వర ప్రసాద్‌ పాల్గొన్నారు.

నెహ్రూనగర్‌ గుంటూరు నగరపాలక సంస్థలోని ఇంజినీరింగ్‌ విభాగంలో 2017 – 25 వరకు జరిగిన అభివృద్ది పనులకు సంబంధించి టెండరింగ్‌ విషయంలో జరిగిన గోల్‌మాల్‌ను ‘సాక్షి’ పలు దఫాలుగా కథనాల రూపంలో వెలుగులోకి తీసుకొచ్చిన విషయం తెలిసిందే. దీనిపై విచారణ చేపట్టిన ఏసీబీ (అవినీతి నిరోధక శాఖ) అధికారులకు విస్తుపోయే నిజాలు తెలిశాయి. దొంగ టెండర్లు, లెస్‌ టెండర్లు వేయించి కార్పొరేషన్‌ ఆదాయానికి రూ.కోట్లలో నష్టం జరిగేలా చేశారని ఏసీబీ డీఎస్పీ టీవీవీ ప్రతాప్‌ కుమార్‌ మీడియాకు తెలిపారు. ఆ కాలంలో 152 వర్కుల్లో అక్రమాలు జరిగాయని.. వాటికి సంబంధించిన టెండర్‌ ఫైళ్లను తీసుకువెళ్లి పరిశీలించి సమగ్ర నివేదికను ప్రభుత్వానికి పంపిస్తామని డీఎస్పీ చెప్పారు. అర్ధరాత్రి వరకు విచారణ వాస్తవానికి 156 వర్కుల్లో టెండర్లకు సంబంధించి అవకతవకలు జరిగాయని, దీనిపై పూర్తి స్తాయి విచారణ చేపట్టాలని ఇటీవల నగర కమిషనర్‌ మయూర్‌ అశోక్‌ ప్రభుత్వానికి నివేదించారు. దీనిపై ఏసీబీ అధికారులు సదరు 156 వర్కులకు సంబంధించిన వివరాలతో సోమవారం మధ్యాహ్నం 12 గంటలకు కార్పొరేషన్‌ కార్యాలయంలోని ఇంజినీరింగ్‌ విభాగంలో ఆకస్మిక తనీఖీలు చేపట్టారు. ఈ విచారణ సోమవారం అర్ధరాత్రి ఒంటి గంట వరకు కొనసాగింది. దీంతోపాటు మంగళవారం రాత్రి 8 గంటల తనిఖీలు చేశారు. రెండు రోజులపాటు సాగిన విచారణలో గతంలో 156 పనులని పేర్కొన్నప్పటికీ, జాబితాలో 4 పనులు రెండుసార్లు నమోదవ్వడంతో మొత్తం పనుల సంఖ్య 152గా నిర్ధారించామని ఏసీబీ డీఎస్పీ చెప్పారు. పూర్తిస్థాయి నష్టాన్ని లెక్కించేందుకు రికార్డులను పరిశీలిస్తున్నారు. టెండర్లే వేయకుండా పనులు గుంటూరు నగరపాలక సంస్థలో అధికారులను అడ్డం పెట్టుకుని కొంతమంది కాంట్రాక్టర్లు ఫేక్‌ కాంట్రాక్టర్‌ ఐడీలు సృష్టించి వాటితోనే ఈ ప్రొక్యూర్‌మెంట్‌ టెండర్‌లో పాల్గొని పదుల సంఖ్యలో వర్కులు చేసినట్లు ఏసీబీ అధికారులు గుర్తించారు. వీటికి సంబంధించి కొన్ని బిల్లులు ఆగిపోయినా మరికొన్ని చెల్లించినట్లుగా గుర్తించారు. దీంతోపాటు 135 వర్కులకుపైగా పనులకు లెస్‌ టెండర్ల మాయాజాలం సృష్టించి కార్పొరేషన్‌కు రూ.కోట్లల్లో నష్టం కలిగించారని తేలింది. అంటే 20 శాతం లెస్‌ టెండర్‌ వేస్తే దానిని అధికారుల సహకారంతో కింది స్థాయి సిబ్బంది దానిని 2.0 గా మార్చి వర్క్‌ ఆర్డర్‌ ఇవ్వడంతోపాటు బిల్లులు కూడా చేసేశారు. అధికారులకు తప్పని ఆందోళన 2017–25 సమయంలో పనిచేసిన ఇంజినీరింగ్‌ విభాగ అధికారులు (జేటీవో, ఏఈఈ, డీఈఈ, ఈఈ, ఎస్‌ఈ స్థాయి అధికారులు), సుమారు 40 నుంచి 50 మంది వరకు కాంట్రాక్టర్ల పాత్రపై లోతుగా విచారణ కొనసాగిస్తున్నామని ఏసీబీ అధికారులు తెలిపారు. రెండు రోజులుగా స్వాధీనం చేసుకున్న కీలక ఫైళ్లను సమగ్రంగా పరిశీలించిన తర్వాత పూర్తిస్థాయి నివేదిక సమర్పిస్తామని ఏసీబీ అధికారులు స్పష్టం చేశారు. ఎవరి పేర్లు బయటకు వస్తాయో అని 2017–25 వరకు పనిచేసిన అధికారులు ఆందోళన చెందుతున్నారు.

గుంటూరు మెడికల్‌: గుంటూరు జీజీహెచ్‌లో జూనియర్‌ డాక్టర్లు చేస్తున్న సమ్మె మంగళవారానికి 16వ రోజుకు చేరుకుంది. సూపరింటెండెంట్‌ కార్యాలయం ఎదుట బైఠాయించి నిరసన కొనసాగించారు. ఈ సందర్భంగా కోర్టు స్కిట్‌ను జూడాలు ప్రదర్శించారు. జీజీహెచ్‌ జూడా సంఘం నేతలు సమ్మె విరమణపై అధికారిక ప్రకటన చేయలేదు. సమ్మెలో గుంటూరు మెడికల్‌ కాలేజ్‌ జూనియర్‌ డాక్టర్స్‌ అసోసియేషన్‌ అధ్యక్షుడు యు.ఈశ్వర్‌శంకర్‌, వైస్‌ ప్రెసిడెంట్స్‌ ఎ.వి.కృష్ణచౌదరి, కె.ప్రసన్న ఆదిలక్ష్మి, షేక్‌ సోహిల్‌ అలీ, జనరల్‌ సెక్రటరీలు జగదీష్‌ గాదె, డాక్టర్‌ పి.ఎస్‌.వి.కల్యాణి, విఘ్నేష్‌ ఆపతి, కోశాధికారులు జేత్ర మర్రిపాటి, అనురాగ్‌, జాయింట్‌ సెక్రటరీలు బి.వంశీకష్ణ, బి.స్నేహసాహిత్య, జి.రాధిక, కునపవర్‌ కార్తీక్‌, నిషిరాగ్‌ బికుంతె, పి.సందీప్‌కుమార్‌, ఎగ్జిక్యూటివ్‌ సభ్యులు ఎన్‌.సాయిప్రదీప్‌, ఉదయ్‌సాగర్‌, సాయిప్రదీప్‌, తరుణ్‌కుమార్‌, హేమంత్‌నాయక్‌ పాల్గొన్నారు.

పెదకూరపాడు: ప్రజా సమస్యలపై గళం వినిపించే నేతను మండలి డెప్యూటీ చైర్మన్‌గా నియమించడం అభినందనీయం అని మాజీ శాసనసభ్యులు నంబూరు శంకరరావు అన్నారు. మంగళవారం గుంటూరులోని మాజీ ఎమ్మెల్యే నంబూరు శంకరరావు స్వగృహంలో ఆత్మీయ సమావేశం ఏర్పాటు చేసి, మండలి డెప్యూటీ చైర్మన్‌ మాధవరావుని ఉమ్మడి కృష్ణ, గుంటూరు, ప్రకాశం జిల్లాల వైఎస్సార్‌ సీపీ మాజీ ఎమ్మెల్యేలు, నియోజకవర్గ సమన్వయకర్తలు ఘనంగా సత్కరించారు. వారు మాట్లాడుతూ శాసనమండలి సభ్యుడిగా వైఎస్సార్‌ సీపీ తరుపున ప్రజా సమస్యలపై తన గళం వినిపించి కూటమి ప్రభుత్వ వైఫల్యాలను ప్రజల్లోకి ఘనంగా తీసుకెళ్లిన తుమాటి మాధవరావుని మండలి డెప్యూటీ చైర్మన్‌గా ఎంపిక చేయడంపై హర్షం వ్యక్తం చేశారు. ఆయన ప్రజా మన్ననలు పొంది మరిన్ని ఉన్నత పదవులు అధిరోహించాలని ఆకాంక్షించారు. కార్యక్రమంలో తెనాలి, వినుకొండ మాజీ శాసనసభ్యులు అన్నాబత్తుని శివకుమార్‌, బొల్లా బ్రహ్మనాయుడు, పార్టీ చీరాల, అద్దంకి, ఒంగోలు, పెనమలూరు, విజయవాడ తూర్పు, జగ్గయ్యపేట నియోజకవర్గ సమన్వయకర్త కరణం వెంకటేష్‌, చింతలపూడి అశోక్‌కుమార్‌, చుండూరి రవిబాబు, దేవభక్తుని చక్రవర్తి, దేవినేని అవినాష్‌, తన్నీరు నాగేశ్వరావు పాల్గొన్నారు.

గుంటూరు వెస్ట్‌: ఎస్సీ, ఎస్టీ, బీసీ ముసాయిదా ఓటరు జాబితా విడుదల చేశామని జిల్లా కలెక్టర్‌ సాయికాంత్‌ వర్మ మంగళవారం ఒక ప్రకటనలో పేర్కొన్నారు. జిల్లాలో 16 మండలాలలో 257 గ్రామ పంచాయతీలలో జాబితా అందుబాటులో ఉందని చెప్పారు. అభ్యంతరాలు ఉంటే మండల ప్రజా పరిషత్‌ కార్యాలయంలో ఈ నెల 28వ తేదీలోగా సమర్పించాలని కోరారు. స్థానిక సంస్థల ఎన్నికలు పారదర్శకంగా, ప్రశాంత వాతావరణంలో నిర్వహించడమే లక్ష్యంగా పనిచేస్తున్నామన్నారు. పార్టీలు, ప్రజలు సహకరించాలని కోరారు. ‘స్లాస్‌’ను సమర్థంగా నిర్వహించాలి ఆర్జేడీ లింగేశ్వరరెడ్డి గుంటూరు ఎడ్యుకేషన్‌: విద్యార్థుల్లోని అభ్యసన సామర్థ్యాలను పరిశీలించేందుకు ఈ నెల 28న రాష్ట్ర విద్యా అభ్యసన సాధన సర్వే (స్లాస్‌) పరీక్షను సమర్థంగా నిర్వహించాలని పాఠశాల విద్య ఆర్జేడీ బి.లింగేశ్వరరెడ్డి పేర్కొన్నారు. మంగళవారం పాత బస్టాండ్‌ సెంటర్లోని జిల్లా పరీక్షా భవన్‌లో ఎంఈవోలు, సీఆర్పీలు, ఫీల్డ్‌ ఇన్విజిలేటర్లకు ఓరియెంటేషన్‌ కార్యక్రమాన్ని నిర్వహించారు. లింగేశ్వరరెడ్డి మాట్లాడుతూ తగిన సామర్థ్యం ఉన్నప్పుడే విద్యార్థులు రాణించగలుగుతారని అన్నారు. డీఈవో డాక్టర్‌ షేక్‌ సలీమ్‌ బాషా మాట్లాడుతూ మండల విద్యాశాఖ అధికారులు, సీఆర్పీలు, ఫీల్డ్‌ ఇన్విజిలేటర్లు పరీక్షలు ప్రశాంతంగా నిర్వహించి జిల్లాకు పేరు తేవాలని అన్నారు. డీసీఈబీ కార్యదర్శి కె.విజయభాస్కర్‌ మాట్లాడుతూ ప్రతి తరగతికి 40 మంది విద్యార్థులకు మించకుండా 5,7,9 తరగతులకు పరీక్షలు నిర్వహించాలని తెలిపారు. విద్యాశాఖలోని పలువురు అధికారులు పాల్గొన్నారు.

గుంటూరు ఎడ్యుకేషన్‌: ప్రభుత్వం విడుదల చేసిన టెట్‌ను 40 శాతం పాస్‌ మార్కులతో ఆఫ్‌లైన్‌ విధానంలో నిర్వహించాలని ఏపీటీఎఫ్‌ గుంటూరు జిల్లా శాఖ అధ్యక్ష, ప్రధాన కార్యదర్శలు గుడిపాటి దాస్‌, మహమ్మద్‌ ఖాలీద్‌ ప్రభుత్వాన్ని డిమాండ్‌ చేశారు. మంగళవారం కన్నావారితోటలోని ఏపీటీఎఫ్‌ జిల్లా కార్యాలయంలో ముఖ్య కార్యకర్తల సమావేశం నిర్వహించారు. దాస్‌ మాట్లాడుతూ ఉపాధ్యాయులందరికీ టెట్‌ నుంచి మినహాయింపు నివ్వాలని డిమాండ్‌ చేశారు. ఇప్పటికే రాసిన టెట్‌కు కనీసం ఫైనల్‌ కీ ఇవ్వకుండానే మరో టెట్‌ నోటిఫికేషన్‌ ఇవ్వడమే కాక, ఇచ్చిన స్పెషల్‌ టెట్‌లో ఎలాంటి సడలింపులు ఇవ్వకపోవడం సరైనది కాదన్నారు. క్వాలిఫైయింగ్‌ మార్కులు 90, 75, 60 స్థాయిలో కాకుండా, అందరికీ సమానంగా 40 శాతం పాస్‌ మార్కులుగా ఉంచాలన్నారు. మహ్మద్‌ ఖాలీద్‌ మాట్లాడుతూ లెక్కలు, సైన్సు సబ్జెక్టులు వారు సబ్జెక్టులు కాకుండా వేరే సబ్జెక్టులు చదివి టెట్‌లో ఉత్తీర్ణులు కావాలనడం ఉపాధ్యాయులను వేధింపులకు గురిచేయడమేనని అన్నారు. సమావేశంలో సంఘ జిల్లా కార్యదర్శులు పి.లక్ష్మీ నారాయణ, పి.శివరామకృష్ణ, వట్టిచెరుకూరు ప్రధాన కార్యదర్శి బి.గురుమూర్తి, సీనియర్‌ కార్యకర్త సాధనాల వెంకటేశ్వర్లు తదితరులు పాల్గొన్నారు. గుంటూరు వెస్ట్‌(క్రీడలు): శ్రీకాకుళం జిల్లా తైక్వాండో అసోసియేషన్‌ ఆధ్వర్యంలో ఈ నెల 21 నుంచి నిర్వహించిన అంతర్‌ జిల్లాల తైక్వాండో చాంపియన్‌షిప్‌ 2026 పోటీల్లో గుంటూరు జిల్లా క్రీడాకారులు అద్భుత ప్రతిభ కనబరచారని న్యూ ఆంధ్రప్రదేశ్‌ తైక్వాండో అసోసియేషన్‌ జిల్లా కార్యదర్శి బి.కాశీనాథ్‌ మంగళవారం ఒక ప్రకటనలో పేర్కొన్నారు. న్యూ ఆంధ్రప్రదేశ్‌ తైక్వాండో అసోసియేషన్‌ (నాప్తా) నిర్వహించిందని చెప్పారు. కాశీనాథ్‌ మార్షల్‌ ఆర్ట్స్‌ అకాడమీకి చెందిన క్రీడాకారులు మూడు బంగారు, ఐదు రజత, 17 కాంస్యలతో సహా మొత్తం 25 పతకాలు సాధించారన్నారు. పతకాలు సాధించిన క్రీడాకారులను న్యూ ఆంధ్రప్రదేశ్‌ తైక్వాండో అసోసియేషన్‌ అధ్యక్షులు అచ్చం నాయుడు, ప్రధాన కార్యదర్శి సీహెచ్‌ వేణుగోపాలరావు, కోచ్‌లు బి. విజయ్‌, బి.వెంకట సాయి సుబ్రహ్మణ్యం లను అసోసియేషన్‌ నాయకులు అభినందించి జ్ఞాపికలు, ప్రశంసా పత్రాలు అందించారు. గుంటూరు ఎడ్యుకేషన్‌: పేద, మధ్య తరగతి వర్గాలకు అండగా ఉంటూ సమాజంలో విద్యాభివృద్ధికి తమ వంతు కృషి చేస్తున్న బడ్జెట్‌ పాఠశాలలు మనుగడ సాగించే విధంగా ప్రభుత్వం చేయూత అందించాలని ఏపీ ప్రైవేటు స్కూల్స్‌ అసోసియేషన్‌(అప్సా) రాష్ట్ర కో చైర్మన్‌ మేకల్‌ రవీంద్రబాబు, రాష్ట్ర కోశాధికారి చెరుకూరి శ్రీహరి, రాష్ట్ర ఉపాధ్యక్షుడు వంగా శ్రీనివాసరావు విజ్ఞప్తి చేశారు. మంగళవారం అప్సా ఆధ్వర్యంలో నగరంలోని వివిధ ప్రాంతాల్లో ఉన్న అప్సా భాగస్వామ్య ప్రైవేటు పాఠశాలలను బైక్‌ ర్యాలీగా వెళ్లి సందర్శించారు. ఈసందర్భంగా ఆయా పాఠశాలలు ఎదుర్కొంటున్న సమస్యలపై చర్చించారు. ఈసందర్భంగా అప్సా రాష్ట్ర నాయకులు మాట్లాడుతూ బడ్జెట్‌ స్కూల్స్‌ రక్షణ కోసం సంఘటితం కావాలని, ప్రభుత్వాల నుంచి ఎటువంటి సహాయం పొందకుండా, స్వయంకృషితో డిగ్రీలు చేత పట్టుకుని ఎన్నో ఏళ్లుగా చిన్న పాఠశాలలను ఏర్పాటు చేసుకుని, అర్హత గల ఉపాధ్యాయులతో పేద, బడుగు, బలహీన వర్గాల విద్యార్థులకు నాణ్యమైన విద్య అందిస్తున్నామని తెలిపారు. కార్పొరేట్‌కు దూరంగా తక్కువ ఫీజులతో నాణ్యమైన విద్యను అందిస్తూ పేద, బడుగు, బలహీనవర్గాలకు అండగా నిలుస్తున్న సంఘ జిల్లా నాయకులు రాజేష్‌ నాయుడు, భాను ప్రసాద్‌, వెంకటేశ్వర రెడ్డి పాల్గొన్నారు. గుంటూరు ఎడ్యుకేషన్‌: గుంటూరు రూరల్‌ మండలం లక్ష్మీనరసింహాపురంలోని మండల పరిషత్‌ ప్రాథమిక పాఠశాలలో పనిచేస్తున్న ప్రైమరీ స్కూల్‌ హెచ్‌ఎం టి.నిర్మలను జిల్లా విద్యాశాఖాధికారి షేక్‌ సలీమ్‌ బాషా సస్పెండ్‌ చేశారు. గత నెలలో ఇదే పాఠశాలలో పనిచేస్తున్న ఎస్జీటీ ఎస్‌.రమాదేవి తనపై హెచ్‌ఎం నిర్మల చేయిచేసుకున్నారని డీఈఓకు ఫిర్యాదు చేశారు. జరిగిన ఘటనపై ఉప విద్యాశాఖాధికారితో విచారణ జరిపించిన డీఈఓ సలీమ్‌ బాషా విచారణ నివేదిక ఆధారంగా సంబంధిత హెచ్‌ఎం టి.నిర్మలను సస్పెండ్‌ చేస్తూ మంగళవారం ఉత్తర్వులు విడుదల చేశారు.

యూత్‌ స్టైల్‌ మారింది● సంప్రదాయ రాఖీలకు స్వస్తి ● కాలానుగుణంగా అనూహ్య మార్పులు ● ఆన్‌లైన్‌, ఆఫ్‌లైన్‌ మార్కెట్‌లో నయా మోడల్స్‌ ● వీటిపైనే ఆసక్తి చూపుతున్న జెన్‌–జీ ● రాఖీ పౌర్ణమిని స్పెషల్‌ రాఖీతో సెలబ్రేట్‌ చేసుకునేందుకు యూత్‌ ఆసక్తి ● పల్లెలకూ విస్తరించిన సరికొత్త ట్రెండ్‌ ఫొటోలతో కస్టమైజ్డ్‌ రాఖీలు.. క్యూఆర్‌ కోడ్‌తో రాఖీలు..

నగరంపాలెం: విశ్రాంత పోలీస్‌ అధికారుల సంక్షేమం, ప్రయోజనాల కోసం సమర్థంగా పనిచేయాలని గుంటూరు రేంజ్‌ ఐజీ సర్వశ్రేష్ట్రతిపాఠి అన్నారు. మంగళవారం గుంటూరు కలెక్టర్‌ బంగ్లా రోడ్‌లోని గుంటూరు రేంజ్‌ ఐజీ కార్యాలయంలో ఐజీని ఇటీవల ఎన్నికై న ఏపీ రిటైర్డ్‌ పోలీస్‌ అధికారుల సంఘం గుంటూరు యూనిట్‌ అధ్యక్షుడు (విశ్రాంత డీఎస్పీ) వి.పోతురాజు, కార్యదర్శి (విశ్రాంత ఎస్పీ) మేక రమేష్‌కుమార్‌, సంయక్త కార్యదర్శి (విశ్రాంత డీఎస్పీ) బీరం నాగేశ్వరరావు, రాష్ట్ర ప్రధాన కార్యదర్శి కె.సత్యనారాయణ, కోశాధికారి కేవీ నారాయణ మర్యాదపూర్వకంగా కలిశారు. అనంతరం ఐజీని సత్కరించారు. రిటైర్డ్‌ పోలీస్‌ అధికారుల వేతన వ్యత్యాసాలు, ఇతర సంక్షేమ అంశాలను పరిశీలించి సమస్యలు పరిష్కారిస్తామని ఐజీ చెప్పారని రాష్ట్ర ప్రధాన కార్యదర్శి తెలిపారు. పాత పోలీస్‌ భవనం కేటాయించాలి.. జిల్లా పోలీస్‌ కార్యాలయంలో జిల్లా ఎస్పీ వకుల్‌ జిందాల్‌ను ఏపీ రిటైర్డ్‌ పోలీస్‌ అధికారుల సంఘం గుంటూరు యూనిట్‌ నూతన కార్యవర్గం మర్యాదపూర్వకంగా కలిసింది. అనంతరం జిల్లా ఎస్పీకి ప్రతినిధులు పుష్పగుచ్ఛం అందించి, సత్కరించారు. గుంటూరు యూనిట్‌ కార్యాలయం ఏర్పాటుకు పాత పోలీస్‌ భవనం లేదా అనువైన వసతిని కేటాయించాలని జిల్లా ఎస్పీని కోరారు. వసతి కల్పిస్తామని జిల్లా ఎస్పీ హామీ ఇచ్చారని రాష్ట్ర ప్రధాన కార్యదర్శి తెలిపారు. పెండింగ్‌ సమస్యలు పరిష్కరిస్తామని చెప్పారని పేర్కొన్నారు. గుంటూరు వైద్య కళాశాలకు ఎన్‌ఏబీఎల్‌ గుర్తింపు గుంటూరు మెడికల్‌: గుంటూరు ప్రభుత్వ వైద్య కళాశాల మైక్రోబయాలజీ విభాగంలోని హెచ్‌ఐవీ టెస్టింగ్‌ లాబొరేటరీకి ప్రతిష్టాత్మక ఎన్‌ఏబీఎల్‌ గుర్తింపు లభించింది. మంగళవారం కళాశాలలో సిబ్బందిని అభినందించారు. అంతర్జాతీయ ప్రమాణాలతో కూడిన నాణ్యమైన పరీక్షలు, ఖచ్చితమైన ఫలితాలు అందిస్తున్నందుకుగాను ఈ గుర్తింపు లభించిందని, ఇది గుంటూరు వైద్య కళాశాలకే గర్వకారణమని కళాశాల వైస్‌ ప్రిన్సిపాల్‌ డాక్టర్‌ శ్రీధర్‌, డాక్టర్‌ మాధవి, మైక్రోబయాలజీ విభాగాధిపతి డాక్టర్‌ బి.వి.శవమ్మ, ల్యాబ్‌ టెక్నీషియన్స్‌ ముస్తఫా, మేరికుమారి, తదితర సిబ్బందిని ప్రత్యేకంగా అభినందించారు. నగరంపాలెం: గుంటూరు అరండల్‌పేటలోని అష్టలక్ష్మి సమేత లక్ష్మీనారాయణ స్వామి దేవాలయంలో శ్రావణ మాస రెండో మంగళవారం 108 కిలోల పసుపుతో అమ్మవార్లకు, మంగళగౌరికి అభిషేకార్చన విశేషంగా నిర్వహించారు. కోటి కుంకుమార్చనలో భాగంగా ఈ కార్యక్రమం చేపట్టారు. సువాసినులతో మంగళ గౌరీ వ్రతం చేశారు. తొలుత విశేష నిత్య పూజలు, శ్రీచక్ర మహామేరుకు అభిషేకార్చనలు జరిగాయి. హారతి, మంత్రపుష్పం అనంతరం తీర్థ ప్రసాదాలను అందించారు. ప్రధాన పూజారి మర్రిపాటి ప్రసాద్‌ తదితరులు కార్యక్రమాలను పర్యవేక్షించారు. భక్తిశ్రద్ధలతో మంగళగౌరీ వ్రతాలు స్థానిక సిద్ధార్థనగర్‌ కనక మహాలక్ష్మి దేవాలయంలో సువాసినులతో శ్రావణ మంగళ గౌరీ వ్రతాలు భక్తిశ్రద్ధలతో నిర్వహించారు. విశేష హారతి, మంత్రపుష్పం అనంతరం భక్తులకు తీర్థ ప్రసాదాలు అందించారు. మూలవిరాట్‌ను ప్రత్యేకంగా అలంకరించారు. ఆలయ వ్యవస్థాపకుడు ఘంటసాల విజయస్వామి పాల్గొన్నారు. ఫిరంగిపురం: మండలంలోని రేపూడి వ్యవసాయ మార్కెట్‌ యార్డులో ఉన్న ఈవీఎంలు, వీవీ ప్యాట్స్‌ గోదామును జేసీ అశుతోష్‌ శ్రీవాస్తవ మంగళవారం పరిశీలించారు. గోడౌన్‌ వద్ద భద్రత తనిఖీ చేశారు. రికార్డులు, సీసీ కెమెరాల పనితీరు పరిశీలించారు. డీఆర్‌వో శ్రీనివాసరావు, తహసీల్దార్‌ ప్రసాద రావు, వివిధ శాఖల సిబ్బంది పాల్గొన్నారు.

నగరంపాలెం: యువత సంక్షేమం, డ్రగ్స్‌ నియంత్రణ కోసం గుంటూరు పోలీస్‌శాఖ నిరంతరం శ్రమిస్తుందని రాజ్యసభ సభ్యులు భాష్యం రామకృష్ణ అన్నారు. జిల్లా పోలీస్‌శాఖ ఆధ్వర్యంలో ‘డ్రగ్స్‌ వద్దు బిడ్డా’ ప్రచార చిత్రం ప్రివ్యూ షో మంగళవారం నగరంపాలెంలోని మైత్రి సినిమా కాంప్లెక్స్‌లో రాజ్యసభ సభ్యులు భాష్యం రామకృష్ణ, జిల్లా ఎస్పీ వకుల్‌జిందాల్‌ ప్రారంభించారు. ఎంపీ భాష్యం రామకృష్ణ మాట్లాడుతూ ప్రభుత్వ సూచనలకు అనుగుణంగా జిల్లాలో డ్రగ్స్‌ నిర్మూలనకు చేపడుతున్న చర్యలు అభినందనీయమని పేర్కొన్నారు. జిల్లా ఎస్పీ వకుల్‌ జిందాల్‌ మాట్లాడుతూ విద్యార్థులు, యువత డ్రగ్స్‌ బారినపడకుండా కాపాడాలనేది ప్రధాన ఉద్దేశమని అన్నారు. ఈ క్రమంలో చిత్ర దర్శకుడు దిలీప్‌రాజాతో చర్చించామని చెప్పారు. దీంతో పోలీస్‌శాఖ నుంచి అతడికి సహకారం అందించినట్లు చెప్పారు. సీనియర్‌ నటుడు నరసింహరాజు, ఇతర తారగణంతో యాడ్‌ ఫిలిం అద్భుతంగా చిత్రీకరించారని అన్నారు. చిత్ర దర్శకుడు దిలీప్‌రాజా మాట్లాడుతూ డ్రగ్స్‌కు వ్యతిరేకంగా అవగాహన కల్పించేందుకు ప్రచార చిత్రాన్ని చిత్రీకరించామని అన్నారు. కార్యక్రమంలో డీఎస్పీలు బెల్లం శ్రీనివాసరావు, అళహరి శ్రీనివాసరావు(ఎస్‌బీ), జనార్దన్‌రావు(తెనాలి), సీతారాం(గుంటూరు తూర్పు), పూర్ణచంద్రరావు(దక్షిణ), మురళీకృష్ణ(ఉత్తర), నగరంపాలెం పీఎస్‌ సీఐ రాజేష్‌ పాల్గొన్నారు. ‘డ్రగ్స్‌ వద్దు బిడ్డా’ ప్రివ్యూ షోను ప్రారంభించిన ఎంపీ, జిల్లా ఎస్పీ

గుంటూరు ఎడ్యుకేషన్‌: చంద్రబాబు పాలనలో పోలీసు వ్యవస్థ పూర్తిగా దిగజారిందని, పోలీసు స్టేషన్లు టీడీపీ కార్యాలయాలుగా మారాయని మాజీ మంత్రి, వైఎస్సార్‌సీపీ జిల్లా అధ్యక్షుడు అంబటి రాంబాబు ఆరోపించారు. మంగళవారం సిద్ధార్థనగర్‌లోని క్యాంపు కార్యాలయంలో మీడియా సమావేశంలో అంబటి రాంబాబు మాట్లాడుతూ.. శాంతిభద్రతలను పరిరక్షించాల్సిన పోలీసు యంత్రాంగం రాజకీయ వ్యవస్థ చేతిలో పావుగా మారిందని ఆరోపించారు. రాష్ట్రంలో పోలీసులే గంజాయి విక్రయిస్తున్నారని, వారి వాహనాల్లో గంజాయిని తరలిస్తున్నారని ఆగ్రహం వ్యక్తం చేశారు. ఉమ్మడి గుంటూరు జిల్లాలోని చిలకలూరిపేట, సత్తెనపల్లి, రేపల్లెలో ప్రైవేటు పేకాట క్లబ్బులు నడుస్తున్నాయని ఆరోపించారు. ఒక్కో క్లబ్బు నుంచి రోజుకు రూ.20 లక్షల వరకు అక్రమ వసూళ్లు జరుగుతున్నాయని తెలిపారు. ఈ మొత్తంలో టీడీపీ నేతలతోపాటు గుంటూరు ఐజీ, పోలీసులకు వాటాలు వెళ్తున్నాయని ఆరోపించారు. సత్తెనపల్లి క్లబ్బుకు తెలంగాణ నుంచి వస్తున్నారని, ఆయా క్లబ్బుల నిర్వహణలో స్థానిక టీడీపీ ఎమ్మెల్యేల ప్రమేయం ఉందన్నారు. సోషల్‌ మీడియాలో పోస్టు పెడితేనే కేసా? తనపై ఎన్ని కేసులు ఉన్నాయో తనకే తెలియదని, చంద్రబాబు వెన్నుపోటుపై తాను రూపొందించిన వీడియో పాటను యూట్యూబ్‌లో లక్ష మంది వీక్షించారని చెప్పారు. సదరు వీడియో రూపొందించినందుకు ఈ నెల 23వ తేదీన పట్టాభిపురం పోలీసు స్టేషన్‌లో తనపై మరో కేసు నమోదు చేశారని పేర్కొన్నారు. చంద్రబాబు, లోకేష్‌తోపాటు టీడీపీ మంత్రులు వైఎస్సార్‌ సీపీని పదేపదే గొడ్డలి పార్టీ అంటున్నారని, అందుకే తాను చంద్రబాబు వెన్నుపోటు సంస్కృతిని వీడియో ద్వారా ప్రజల ముందు ఉంచానని అన్నారు. రాజకీయాల్లో విమర్శలు సహజమేనని, రాజకీయపరమైన విమర్శలకు సమాధానం చెప్పాల్సింది పోయి సోషల్‌ మీడియాలో పెట్టిన పోస్టులకు కేసులు నమోదు చేయిస్తున్నారని ఆరోపించారు. ఒకే విధమైన నేరానికి ఒకే కేసు పెట్టాలని సుప్రీంకోర్టు స్పష్టం చేసినా, కేంద్ర మంత్రి పెమ్మసాని చంద్రశేఖర్‌పై తాను పెట్టిన వీడియోకు రెండు వేర్వేరు కేసులు నమోదు చేయించారని అన్నారు. వైఎస్సార్‌ సీపీ అధినేత, మాజీ ముఖ్యమంత్రి వైఎస్‌ జగన్‌మోహన్‌రెడ్డిపై టీడీపీ సోషల్‌ మీడియా విభాగం ద్వారా అభ్యంతరకర పోస్టులు పెడుతున్నప్పటికీ కేసులు ఉండవని పేర్కొన్నారు. ఎన్టీఆర్‌ ముఖ్యమంత్రిగా ఉన్నప్పుడే ఆయనపై వ్యంగ్యంగా సినిమాలు తీసి థియేటర్లలో విడుదల చేశారని, సినిమాలు నిర్మించిన సూపర్‌స్టార్‌ కృష్ణ, ఆయన సోదరుడు ఆదిశేషగిరిరావుపై పోలీసు కేసులు పెట్టలేదని గుర్తు చేశారు. ప్రజాస్వామ్య దేశంలో ప్రశ్నించే హక్కు లేదా అని నిలదీశారు. పోలీసులను టీడీపీ నేతలు కొడితే కేసులు ఉండవని, అదే వైఎస్సార్‌ సీపీ నాయకులు అయితే క్రిమినల్‌ కేసులు పెడుతున్నారని ఆరోపించారు. చంద్రబాబు, లోకేష్‌ ప్రోద్బలంతో తనపై పెడుతున్న అక్రమ కేసులపై న్యాయపోరాటం చేస్తానని స్పష్టం చేశారు. సమావేశంలో వైఎస్సార్‌ సీపీ జిల్లా లీగల్‌ సెల్‌ ప్రధాన కార్యదర్శి మొండితోక శ్రీనివాసరావు, నగర అధ్యక్షుడు కొమ్మారెడ్డి కృష్ణారెడ్డి, తూర్పు, పశ్చిమ నియోజకవర్గ అధ్యక్షులు ఎస్‌.కె షన్ను, నల్లక వెంకట వేణు, నగర యువజన విభాగ అధ్యక్షుడు యేటి కోటేశ్వరరావు, లీగల్‌ సెల్‌ నాయకులు వజ్రాల రాజశేఖర్‌ రెడ్డి, పోకల వెంకటేశ్వర్లు, వేముల ప్రసాద్‌, లలితా బాయ్‌, చల్లా క్రాంతి కుమార్‌ తదితరులు పాల్గొన్నారు.

సాక్షి,తాడేపల్లి: వైఎస్సార్‌సీపీ అధినేత, మాజీ సీఎం వైఎస్‌ జగన్‌మోహన్‌రెడ్డి రేపు (బుధవారం) ఉదయం 11 గంటలకు తాడేపల్లి వైఎస్సార్‌సీపీ కేంద్ర కార్యాలయంలో మీడియా సమావేశం నిర్వహించనున్నారు. రాష్ట్రంలో నెలకొన్న సమకాలీన రాజకీయ పరిణామాలు, పలు కీలక అంశాలపై వైఎస్‌ జగన్‌ మీడియాతో మాట్లాడనున్నారు.