ఏపీసీపీడీసీఎల్‌ సీఎండీ పుల్లారెడ్డి కొరిటెపాడు(గుంటూరు): వినియోగదారులకు నిరంతరాయంగా, నాణ్యమైన విద్యుత్‌ సరఫరా అందించడమే ప్రధాన లక్ష్యమని ఆంధ్రప్రదేశ్‌ సెంట్రల్‌ పవర్‌ డిస్ట్రిబ్యూషన్‌ కార్పొరేషన్‌ లిమిటెడ్‌(ఏపీసీపీడీసీఎల్‌) సీఎండీ పి.పుల్లారెడ్డి స్పష్టం చేశారు. గుంటూరు సర్కిల్‌ పరిధిలో విద్యుత్‌ సరఫరా పరిస్థితి, నష్టాల నియంత్రణ, వినియోగదారుల సేవలపై మంగళవారం ఆయన వీడియో కాన్ఫరెన్స్‌ ద్వారా సమగ్ర సమీక్ష నిర్వహించారు. గుంటూరు సర్కిల్‌ పరిధిలోని 33/11 కేవీ సబ్‌స్టేషన్లు, 11 కేవీ ఫీడర్లు, డిస్ట్రిబ్యూషన్‌ ట్రాన్స్‌ఫార్మర్ల పనితీరును అడిగి తెలుసుకున్నారు. సీఎండీ పుల్లారెడ్డి మాట్లాడుతూ అధిక లోడ్‌ ఉన్న ప్రాంతాలను ముందుగానే గుర్తించి లోడ్‌ బ్యాలెన్సింగ్‌ చేయడంతోపాటు అవసరమైన చోట అదనపు సామర్థ్యం కల్పించాలని ఆదేశించారు. సర్కిల్‌ పరిధిలో విద్యుత్‌ నష్టాలను తగ్గించేందుకు ప్రత్యేక కార్యాచరణ ప్రణాళికతో ముందుకు వెళ్లాలని సూచించారు. అధిక నష్టాలు నమోదవుతున్న ఫీడర్లను గుర్తించి వాటి కారణాలను విశ్లేషించాలన్నారు. సాంకేతిక, పరిపాలనా చర్యలు తీసుకోవాలని ఆదేశించారు. పెండింగ్‌ బకాయిల వసూళ్లపై దృష్టి సారించాలని సూచించారు. టెక్నికల్‌ డైరెక్టర్‌ ఆవుల మురళీకృష్ణ యాదవ్‌, ప్రాజెక్టు డైరెక్టర్‌ టీవీఎస్‌ఎన్‌ మూర్తి, ఫైనాన్స్‌ డైరెక్టర్‌ ఎస్‌.వెంకటేశ్వర్లు, గుంటూరు సర్కిల్‌ ఎస్‌ఈ చల్లా రమేష్‌, ఈఈలు, ఇతర అధికారులు పాల్గొన్నారు. నరసరావుపేట రూరల్‌: కోటప్పకొండ త్రికోటేశ్వర స్వామి దేవస్థానంలో నిరుపయోగంగా ఉన్న బంగారు ఆభరణాలను గోల్డ్‌ బాండ్‌ స్కీమ్‌ కింద విజయవాడ ఎంఎంటీసీకి అప్పగించారు. మంగళవారం జరిగిన కార్యక్రమంలో తిరుపతి మల్టీ జోన్‌ ప్రాంతీయ సంయుక్త కమిషనర్‌ బొంతు మహేశ్వరరెడ్డి, గుంటూరు ఆభరణాల తనిఖీ అధికారి సైదమ్మ బాయ్‌, ఆలయ ఈవో డి.చంద్రశేఖర రావు, స్టేట్‌ బ్యాంక్‌ ఆఫ్‌ ఇండియా ప్రతినిధులు పాల్గొన్నారు. ఆలయానికి చెందిన నిరుపయోగంగా ఉన్న సుమారు కిలోకి పైగా బంగారు ఆభరణాలను గోల్డ్‌బాండ్‌ స్కీమ్‌లోకి మార్చే ప్రక్రియలో భాగంగా ఎంఎంటీసీకి అప్పగించినట్టు ఈవో తెలిపారు. వినియోగంలో లేని బంగారు ఆభరణాలను గోల్డ్‌ బాండ్‌ రూపంలో పెట్టుబడిగా మార్చడం ద్వారా ఆలయానికి ఆదాయం లభిస్తుందని తెలిపారు. తాడికొండ: రాయపూడి పరేడ్‌ గ్రౌండ్‌లో ఈ నెల 15న నిర్వహించనున్న స్వాతంత్య్ర దిన వేడుకలకు ముఖ్యమంత్రి చంద్రబాబు ముఖ్య అతిథిగా హాజరు కానున్న నేపథ్యంలో భద్రత, ట్రాఫిక్‌, పార్కింగ్‌, వేదిక నిర్మాణం, ప్రజల సౌకర్యాలు తదితర అంశాలపై మంగళవారం ఉన్నతస్థాయి సమన్వయ సమావేశం నిర్వహించారు. ఈ సమావేశానికి గుంటూరు జిల్లా కలెక్టర్‌ సాయికాంత్‌ వర్మ అధ్యక్షత వహించారు. జిల్లా ఎస్పీ వకుల్‌ జిందాల్‌, జాయింట్‌ కలెక్టర్‌ అశుతోష్‌ శ్రీవాస్తవలు పాల్గొన్నారు. ముఖ్యమంత్రితో పాటు ప్రజాప్రతినిధులు, ప్రభుత్వ ఉన్నతాధికారులు, వివిధ శాఖల అధికారులు, ప్రజలు హాజరుకానున్న నేపథ్యంలో సమగ్ర భద్రతా ఏర్పాట్లలో భాగంగా ప్రాంగణంలో క్రౌడ్‌ మేనేజ్‌మెంట్‌, బారికేడింగ్‌, ట్రాఫిక్‌ నియంత్రణ, పార్కింగ్‌ నిర్వహణ తదితర అంశాలపై అధికారులు చర్చించారు. వాహనాల రాకపోకలకు ఎలాంటి ఇబ్బందులు కలగకుండా అవసరమైన ట్రాఫిక్‌ మళ్లింపులు, ప్రత్యేక పార్కింగ్‌ ప్రదేశాల ఏర్పాటు చేయాలని సూచించారు. వివిధ శాఖల మధ్య సమన్వయంతో అన్ని ఏర్పాట్లను సకాలంలో పూర్తి చేయాలని జిల్లా కలెక్టర్‌ అధికారులకు సూచించారు. ఈ సమావేశంలో జీఎంసీ కమిషనర్‌ మయూర్‌ అశోక్‌, ఆర్డీవో, ఎస్బీ డీఎస్పీ, ఏపీ రాష్ట్ర ప్రొటోకాల్‌ డైరెక్టర్‌, తుళ్లూరు పోలీస్‌, ట్రాఫిక్‌ అధికారులు, తహసీల్దార్‌ తదితరులు పాల్గొన్నారు.

గుంటూరు మెడికల్‌: గుంటూరు జీజీహెచ్‌లోని గుండె జబ్బుల వైద్య విభాగంలో 2డీ ఎకో మిషన్‌ వైర్లను ఎలుకలు కొరికాయి. దీంతో కొద్దిరోజులుగా ఇన్‌పేషెంట్‌ విభాగంలోని రోగులు ఇబ్బందులు పడుతున్నారు. ఆసుపత్రిలో రోజూ పది నుంచి 15 వరకు ఎలుకలు పట్టుబడుతున్నాయి. ఓపీ విభాగాల్లో, వార్డుల్లో అవి సంచరిస్తున్నాయి. తాజాగా గుండె జబ్బుల విభాగంలో వైద్య పరికరాలపై దాడి చేశాయి. మూషికాలు, ఇతర క్రిమికీటకాల నియంత్రణకు కాంట్రాక్టర్‌కు ప్రభుత్వం నెలకు రూ.3 లక్షలకు పైగా చెల్లిస్తోంది. ఆసుపత్రి చుట్టుపక్కల అపరిశుభ్రమైన వాతావరణం ఉండటంతో ఎలుకలు ప్రవేశిస్తున్నాయి. గతంలో మూషికాలు లోపలకు రాకుండా మెష్‌ డోర్లు ఏర్పాటు చేశారు. వార్డుల్లోకి సైతం ప్రవేశించకుండా చర్యలు తీసుకున్నారు. కాలక్రమేణా కాంట్రాక్టర్‌ మూషికాల నియంత్రణపై దృష్టి తగ్గించడంతో సమస్య తీవ్రంగా మారింది. గతంలోనూ... ఆసుపత్రిలో ఎలుకల దాడిలో పసికందు మృతిచెందిన సంఘటన 2015లో చోటుచేసుకుంది. నాటి సంఘటనతో దేశవ్యాప్తంగా జీజీహెచ్‌ పరువు మంటగలిసింది. ప్రతిష్ఠను తిరిగి తీసుకొచ్చే ప్రయత్నంలో నాటి ఆరోగ్య శాఖ మంత్రి డాక్టర్‌ కామినేని శ్రీనివాస్‌ జీజీహెచ్‌లో మోకీళ్ల మార్పిడి ఆపరేషన్‌ చేయించుకున్నారు. నాటి నుంచి పెస్ట్‌ కంట్రోల్‌కు ప్రత్యేకంగా ప్రభుత్వం బడ్జెట్‌ కేటాయించి, ఎలుకల కట్టడికి చర్యలు ప్రారంభించింది. ఆసుపత్రి సూపరింటెండెంట్‌ డాక్టర్‌ జి.దుర్గాప్రసాద్‌ ఈ విషయంపై పెస్ట్‌ కంట్రోల్‌ సిబ్బందితో మాట్లాడారు. వైద్య పరికరం మరమ్మతులకు అయ్యే ఖర్చు మొత్తాన్ని కాంట్రాక్టర్‌ చెల్లించాలని ఆదేశించారు. వార్డులో రోగులు ఇబ్బంది పడకుండా ఓపీలో ఉన్న వైద్య పరికరంతో వైద్య పరీక్షలు చేస్తున్నట్లు కార్డియాలజిస్టులు తెలిపారు.

జిల్లా కలెక్టర్‌ సాయికాంత్‌ వర్మ గుంటూరు వెస్ట్‌: ఎస్‌ఐఆర్‌లో భాగంగా జిల్లాలో 1,68,218 నోటీసులు జారీ చేశామని జిల్లా కలెక్టర్‌ సాయికాంత్‌ వర్మ తెలిపారు. ఈ మేరకు సంబంధిత అధికారులతో మంగళవారం టెలి కాన్ఫరెన్స్‌ నిర్వహించారు. కలెక్టర్‌ మాట్లాడుతూ నియోజకవర్గాల వారీగా తాడికొండ 24,862, మంగళగిరి 29,456, పొన్నూరు 27,095, తెనాలి 4,459, ప్రత్తిపాడు 19,556, గుంటూరు పశ్చిమ 30,022, గుంటూరు తూర్పు 32,768 నోటీసులు ఉన్నాయి. ఈ నెలాఖరులోపు క్లెయిమ్‌లు, అభ్యంతరాలు సమర్పించవచ్చని ఆయన పేర్కొన్నారు. ముసాయిదా ఓటర్ల జాబితాపై క్లెయిమ్‌లు, అభ్యంతరాలు జూలై 31వ తేదీ నుంచి స్వీకరించనున్నట్లు జిల్లా కలెక్టర్‌ వివరించారు.

వైఎస్‌ జగన్‌ను కించపరిచే వారిపై నగరంపాలెం: మాజీ సీఎం వైఎస్‌ జగన్‌, ఆయన కుటుంబ సభ్యులను, తమను కించపరిచేలా ఏఐ వీడియోలు చేస్తున్న టీడీపీ నాయకులపై చర్యలు తీసుకోవాలని మాజీ మంత్రి, వైఎస్సార్‌సీపీ గుంటూరు జిల్లా అధ్యక్షుడు అంబటి రాంబాబు డిమాండ్‌ చేశారు. గుంటూరు నగర పార్టీ అధ్యక్షురాలు నూరిఫాతిమా, తెనాలి మాజీ ఎమ్మెల్యే అన్నాబత్తుని శివకుమార్‌, తాడికొండ సమన్వయకర్త బాలవజ్రబాబు (డైమండ్‌ బాబు), రాష్ట్ర కార్యదర్శి నిమ్మకాయల రాజనారాయణ, పార్టీ అనుబంధ నాయకులతో కలిసి అంబటి రాంబాబు మంగళవారం జిల్లా పోలీస్‌ కార్యాలయ ఆవరణలో జిల్లా ఏఎస్పీ (పరిపాలన) జీవీ రమణమూర్తికి వినతిపత్రాలు అందించారు. నాలుగు వినతిపత్రాలు ఇచ్చామని, వాటిలో మూడు ఫిర్యాదులపై కేసులు నమోదు చేసి చర్యలు చేపట్టాలని కోరామని రాంబాబు తెలిపారు. టీడీపీ వివిధ సోషల్‌ మీడియా ప్లాట్‌ఫాంలలో మాజీ సీఎం వైఎస్‌ జగన్‌, కుటుంబ సభ్యులను, తమను కించపరిచేలా ఏఐ వీడియోలు చేసి డైరెక్ట్‌గా పోస్ట్‌లు చేస్తున్నారని మండిపడ్డారు. మార్ఫింగ్‌ వీడియోలు చేస్తున్న టీడీపీ నాయకులు ఎవరనేది గుర్తించి కేసులు నమోదు చేసి, వాటిన్నింటిని తొలగించాలని డిమాండ్‌ చేశారు. ఇన్‌స్ట్రాగామ్‌లో పెమ్మసాని చంద్రశేఖర్‌పై పోస్ట్‌ చేశానని తనపై కేసు నమోదు చేశారన్నారు. అది కూడా వ్యంగ్య చిత్రాలే తప్ప అసభ్యకరంగా కించపరిచేలా చేయాలని కాదని స్పష్టంచేశారు. గతంలో తన ఇంటిపై జరిగిన విధ్వంసకాండకు ప్రధాన కుట్రదారు పెమ్మసాని కావడం వల్లే ఆరోపించారు. తాను చేసిన పోస్ట్‌లను తొలగించలేదని స్పష్టంచేశారు. దీంతో ఖాతాను నిలిపివేశారని చెప్పారు. ఈ నెల ఒకటిన టీడీపీ నాయకుడు ఫిర్యాదుతో గత నెల 31న మంగళగిరి సీఐడీ కార్యాలయంలో కేసు నమోదు చేశారని చెప్పారు. ఈ నెల ఐదున మరో కేసు నమోదు చేశారని తెలిపారు. కానీ తాము ఇచ్చిన ఫిర్యాదులపై చర్యలు తీసుకోవడం లేదన్నారు. తెలుగుదేశానికి ఒక న్యాయం, వైఎస్సార్‌ సీపీకి మరో న్యాయం ఉంటుందా అని ప్రశ్నించారు. ఇటీవల మాజీ ఎమ్మెల్యే ముస్తఫా, మాజీ మంత్రి కాకాని గోవర్దన్‌రెడ్డి, మాజీ ఎమ్మెల్యే చింతాడను నడిపించి తీసుకెళ్లారని అన్నారు. ఈ రాష్ట్రంలో వీరికి రౌడీలు, దోపిడీదారులు కనిపించడంలేదని... లేడీ డాక్టర్‌ కనిపించడం లేదని, వైఎస్సార్‌ సీపీ నాయకులు, కార్యకర్తలు కనిపిస్తారని ధ్వజమెత్తారు. లీగల్‌ సెల్‌ జిల్లా, నగర అధ్యక్షులు సీడీ భగవాన్‌ నగర అధ్యక్షుడు రామకృష్ణారెడ్డి, వజ్రాల రాజశేఖర్‌రెడ్డి, వేముల ప్రసాద్‌, రమణరెడ్డి, మొండితోక శ్రీనివాసరావు, లలితాబాయ్‌, షేక్‌ షన్ను, నాయకులు బత్తుల దేవానంద్‌, మాదాసు భాగ్యరావు, నేలటూరి సుందరరావు, సింగ్‌ నరసింహాచౌదరి పాల్గొన్నారు.

సాక్షిప్రతినిధి, గుంటూరు: జిల్లాలో వైఎస్సార్‌సీపీ అధికారంలో ఉన్న సమయంలో పీహెచ్‌సీల్లో ప్రసవాలు, వైద్య పరీక్షలు, ఓపీ, ఐపీ సేవలు బ్రహ్మాండంగా నిర్వహించేవారు. అప్పట్లో ఏ వ్యవహారం తీసుకున్నా జిల్లా వైద్య ఆరోగ్య శాఖ మొదటి ఐదు స్థానాల్లో నిలిచేది. అంతర్జాతీయ రాజధాని నిర్మిస్తానంటూ బీరాలు పలుకుతున్న కూటమి ప్రభుత్వం పేదలకు కనీస వైద్య సేవలు అందించలేని దుర్భర స్థితిలోకి వైద్య ఆరోగ్య శాఖను నెడుతోంది. వివిధ ఆరోగ్య కార్యక్రమాల అమలులో రాష్ట్రంలో మొదటి స్థానంలో ఉండాల్సిన రాజధాని జిల్లా 23, పల్నాడు జిల్లా 26 స్థానాలకు పడిపోయిన పరిస్థితి చూస్తుంటే పేదల వైద్యంపై కూటమి ప్రభుత్వానికి ఏపాటి చిత్తశుద్ధి ఉందో అర్థమవుతోంది. ఇదేదో ఒక నెల పనితీరు అనుకుంటే పొరపాటే. జూన్‌, జూలై, ఆగస్టు నెలల్లో వైద్య ఆరోగ్య శాఖ పనితీరు దారుణంగా పడిపోయింది. పీహెచ్‌సీల్లో ప్రసవాలు చేయని వైనం ఒకప్పుడు పీహెచ్‌సీల్లో సాధారణ ప్రసవాలు చేసేలా ప్రభుత్వం రాష్ట్ర స్థాయిలో పరిశీలన జరుపుతూ, ప్రతినెలా ఆయా పీహెచ్‌సీల పనితీరును పర్యవేక్షిస్తూ వచ్చేది. దీంతో ఆసుపత్రి ప్రసవాలు పెరిగి, సిజేరియన్లు బాగా తగ్గాయి. కానీ ప్రస్తుతం కూటమి ప్రభుత్వం అధికారంలోకి వచ్చిన తరువాత పీహెచ్‌సీల్లో ప్రసవాలు చేయకపోవడంతో నిరుపేదలు సైతం చేసేది లేక ప్రైవేటు ఆసుపత్రులను ఆశ్రయిస్తున్నారు. దీంతో 90 శాతం సిజేరియన్లు జరుగుతున్నాయి. ఒక్కో ఆపరేషన్‌కు రూ. లక్ష వరకు ఖర్చు అవుతుండటంతో అంత ఖర్చు భరించలేక పేద, మధ్య తరగతి ప్రజలు తీవ్ర ఇబ్బందులకు గురవుతున్నారు. అయినప్పటికీ ప్రభుత్వానికి చీమకుట్టినట్లయినా లేదు. ఉమ్మడి గుంటూరు జిల్లాలోనే పరిస్థితి ఇంత దయనీయంగా ఉంటే, ఇక మారుమూల జిల్లాల పరిస్థితి ఏమిటో చెప్పనక్కర్లేదు. వైద్యులు లేక.. వైద్య పరీక్షలు చేయక వైఎస్సార్‌సీపీ ప్రభుత్వం అధికారంలో ఉన్నప్పుడు ఉమ్మడి గుంటూరు జిల్లాలో ఉన్న అన్ని పీహెచ్‌సీలను 24 గంటల ఆసుపత్రులుగా మార్చేశారు. ప్రతి పీహెచ్‌సీకి ముగ్గురు చొప్పున వైద్యులను నియమించడంతోపాటు, 24 గంటలూ అందుబాటులో ఉండేలా ముగ్గురు స్టాఫ్‌ నర్సులను, నైట్‌ వాచ్‌మెన్‌ విధుల నిర్వహణకు కింది స్థాయి సిబ్బందిని సైతం నియమించారు. ఆసుపత్రుల్లో 24 గంటలూ అందుబాటులో ఉండి వైద్య సేవలు అందించేలా పర్యవేక్షణ అధికారులను సైతం నియమించారు. కూటమి ప్రభుత్వం అధికారంలోకి వచ్చాక గ్రామీణ ప్రాంతాల్లోని పేదల ఆరోగ్యంపై నిర్లక్ష్య ధోరణితో ఉంది. ఆరోగ్య కేంద్రాల్లో వైద్యులు అందుబాటులో ఉండటం లేదు. రాత్రి వేళల్లో అలంకారప్రాయంగా ఆరోగ్య కేంద్రాలు తెరిచి ఉంటున్నాయి తప్ప, వైద్య సేవలు అందించేందుకు ఎవరూ ఉండటం లేదు. పట్టపగలే వైద్యులు విధులకు డుమ్మా కొడుతున్నారు. ఆన్‌లైన్‌లో ఎఫ్‌ఆర్‌ఎస్‌ హాజరు ఉన్నప్పటికీ, దాన్ని తమ ఇళ్ల వద్దే ఉండి ఆరోగ్య కేంద్రంలో ఉన్నట్లుగా హాజరు వేస్తూ విధులకు డుమ్మా కొట్టి సొంత ప్రాక్టీస్‌ల్లో మునిగితేలుతున్నారు. పేద ప్రజలకు, ముఖ్యంగా గ్రామీణ ప్రాంతాల ప్రజలకు ఉచిత వైద్య సేవలు అందించేందుకు ఆరోగ్య కేంద్రాల్లో పటిష్టమైన వైద్య వ్యవస్థ పనిచేసేలా జిల్లా కలెక్టర్‌ దృష్టి సారించాల్సిన అవసరం ఉంది. వైద్య అధికారులు తనిఖీలు చేయకపోవడంతో ఆరోగ్య వ్యవస్థ అస్తవ్యస్తంగా మారింది. జిల్లా హెడ్‌క్వార్టర్‌లో నివాసం ఉంటూ గ్రామీణ ప్రాంతాలకు విధులకు హాజరు కాకుండా డుమ్మా కొడుతున్నవారిపై దృష్టి సారిస్తే పేద రోగులకు వైద్య సేవలు అందే అవకాశం ఉంది. పలు ఆరోగ్య కేంద్రాలకు నిధులు మంజూరు చేస్తున్నప్పటికీ, వాటిని కాగితాల్లో లెక్కలు చూపించి వైద్య అధికారులు దిగమింగుతున్నట్లు ఆరోపణలు ఉన్నాయి. నేషనల్‌ హెల్త్‌ మిషన్‌ ద్వారా ఆరోగ్య కేంద్రాలకు ఇస్తున్న నిధులతో ఆరోగ్య కేంద్రాల్లో మెరుగైన వైద్య సేవలు అందించే అవకాశాలు ఉన్నా, వాటిని వైద్య అధికారులు పట్టించుకోవడం లేదు. జిల్లా కలెక్టర్‌ దృష్టి సారించాలని ప్రజలు కోరుతున్నారు. ఆరోగ్య కేంద్రాల్లో వైద్యులు, వైద్య సిబ్బంది పనితీరును పర్యవేక్షించాల్సిన డీఎంహెచ్‌ఓ, ప్రోగ్రామ్‌ ఆఫీసర్లు నిర్లక్ష్యంగా ఉన్నారనే విమర్శలు వస్తున్నాయి. అందువల్లే ఆరోగ్య కేంద్రాల్లో వైద్యులు, వైద్య సిబ్బంది రోగులకు సేవలందించకుండా సొంత వ్యవహారాల్లో మునిగిపోతున్నారు. డీఎంహెచ్‌ఓ కార్యాలయంలో జిల్లా వైద్య అధికారులు కొంతసేపు ఫైళ్లను తనిఖీ చేసి, అనంతరం కార్యాలయంలో ఉండకుండా సొంత వ్యవహారాల్లో నిమగ్నం అవుతున్నారు. జిల్లా మలేరియా అధికారి పనితీరుపై ఉద్యోగ సంఘాల నేతలు ఏకంగా కలెక్టర్‌కు ఫిర్యాదు చేశారు. జిల్లా ఎయిడ్స్‌, లెప్రసీ అధికారి సైతం తన పరిధిలోని ఆరోగ్య కేంద్రాలను తనిఖీ చేయాల్సి ఉంది. కానీ సదరు అధికారి రూ. లక్షలు తీసుకుంటూ అనర్హులకు ఉద్యోగాలు ఇచ్చారని ఆరోపణలు ఉన్నాయి. సదరు అధికారిపై జిల్లా కలెక్టర్‌కు, రాష్ట్ర ఉన్నతాధికారులకు ఫిర్యాదులు వెళ్లినప్పటికీ చర్యలు లేవు. దీంతో ఆరోగ్య కేంద్రాల్లో వైద్యులు, వైద్య సిబ్బంది విధులకు దూరంగా ఉంటూ గ్రామీణ పేద రోగుల ప్రాణాలతో ఆటలాడుకుంటున్నారు. రాష్ట్ర ప్రభుత్వం ప్రతినెలా నిర్వహిస్తున్న ఆరోగ్య కేంద్రాల పనితీరులో గుంటూరు జిల్లా పనితీరు చివరి స్థానంలో ఉండటం ఇక్కడి అధికారులు, వైద్య సిబ్బంది పనితీరుకు నిదర్శనంగా చెప్పుకోవచ్చు. రాజధాని జిల్లాలో వైద్య ఆరోగ్య శాఖ అనారోగ్యం పాలైంది. వైద్య ఆరోగ్య రంగంలో ముందుండాల్సిన జిల్లా పాతాళానికి పడిపోతోంది. ప్రైవేటు రంగంలో కార్పొరేట్‌ ఆసుపత్రులను ప్రారంభించేందుకు వస్తున్న సీఎం చంద్రబాబు.. ప్రభుత్వ ఆసుపత్రులలో కనీస వసతులు కల్పించడం లేదు. దీంతో పేదలకు వైద్యం దూరం అవుతోంది. వసతుల లేమికి తోడు వైద్యుల నిర్లక్ష్యం పెరిగింది. రాష్ట్రస్థాయి ర్యాంకు చూస్తే ఈ దుస్థితి అర్థమవుతోంది. పక్కనే ఉన్న పల్నాడు జిల్లాలోనూ ఇదే దయనీయ పరిస్థితి నెలకొంది.

తాడేపల్లి: ఆక్వా రైతుల పట్ల చంద్రబాబుకు కానీ, కూటమి ప్రభుత్వానికి కానీ చిత్తశుద్ధి లేదని వైఎస్సార్‌సీపీ స‌మ‌న్వ‌య‌క‌ర్త, అప్స‌డా మాజీ వైస్ చైర్మ‌న్ వ‌డ్డి ర‌ఘురాం ధ్వజమెత్తారు. ఆక్వా రైతులకు పవర్ సబ్సిడీ పై గతంలో ఇచ్చిన జీవోనే సవరించి మళ్లీ ఇచ్చారని. జీవో నంబర్‌ 169లో ఏముందో.. ప్రస్తుతం ఇచ్చిన జీవో నంబర్‌ 57లో కూడా అదే ఉందన్నారు. ఆ జీవోలు మార్చడం వల్ల ఆక్వా రైతులకు ఏం ప్రయోజనం చేకూరిందో చెప్పాలని డిమాండ్‌ చేశారు. 0.9 నుంచి 0.95 పవర్ ఫ్యాక్టర్ 2027 వరకూ మెయింటినెన్స్ చేస్తేనే సబ్సిడీ ఇస్తామని చెప్పారు. జగన్ రావడం వల్ల తమకు మంచి జరుగుతుందనే ఆలోచనలో ఆక్వా రైతులు ఉన్నారు. రైతులను డైవర్ట్ చేయడం కోసమే జీవో నెంబర్ 57ను విడుదల చేశారు. పవర్ ఫ్యాక్టర్ 50HP మెయింటినెన్స్ చేయాలి. రైతులు 50HP కెపాసిటర్లను పెట్టుకోవడం వల్ల ఓ పెద్ద కంపెనీకి వెయ్యికోట్లు లబ్ధి చేకూర్చాలని చూస్తున్నారు. ఈ వెయ్యికోట్లలో చంద్రబాబు ,లోకేష్ ,పవన్ ట్యాక్స్ (CLP Tax)ఎంతో సమాధానం చెప్పాలి. ఎన్ని ఎకరాలున్నా రూపాయిన్నర సబ్సిడీ ఇస్తామని ఎన్నికల్లో చంద్రబాబు చెప్పారు. వైఎస్‌ జగన్ హయాంలో 50800 వేల కనెక్షన్లను ఆక్వాజోన్ పరిధిలోకి తెచ్చి రూపాయిన్నర సబ్సిడీ ఇచ్చారు. ఫీడ్ రేట్లు తగ్గించాలని రైతులు కోరినా చంద్రబాబు పట్టించుకోవడం లేదు. ఢిల్లీ వెళ్లి ఆక్వా రైతులకు ఏం ఊడబొడిచారు. జగన్ భీమవరం వెళ్లడం వల్లే రొయ్యల కౌంట్ ధరలు పెరిగాయి. ఆక్వా రైతులకు రూపాయిన్నర సబ్సిడీ ఎప్పట్నుంచి ఇస్తారో సమాధానం చెప్పాలి. ఆక్వా రైతుల తరపున ఉద్యమం చేయడానికి సిద్ధంగా ఉన్నాం. పొగాకు రైతులకు సంఘీభావంగా జగన్ దేవరపల్లిలో పర్యటించారు. ప్రజాధరణ పొందిన జగన్‌కు ప్రభుత్వం భద్రత కల్పించలేదు. జగన్‌కు వస్తున్న జనాన్ని చూసి చంద్రబాబు, టిడిపి నేతలకు బీపీ పెరిగిపోతుంది. జగన్ సంఘీభావం తెలిపిన తర్వాత పొగాకు ధర 260 రూపాయల నుంచి 300 రూపాయలకు పెరిగింది’ అని స్పష్టం చేశారు.

తాడేపల్లి: డీఎస్సీ అక్రమాలపై ఇంత పెద్ద ఎత్తున నిరసన ర్యాలీలు జరుగుతున్నా ప్రభుత్వ పెద్దల మౌనం వెనుక కారణమేంటని ప్రశ్నించారు వైఎస్సార్‌సీపీ అధికార ప్రతినిధి వంగవీటి నరేంద్ర. రహస్యంగా జరగాల్సిన డీఎస్సీ ప్రశ్నా పత్రాల తయారీ, అప్‌ లోడింగ్‌ అవుట్‌ సోర్సింగ్‌ వారికి అప్పగించారని, అందుకే ఔట్‌ సోర్సింగ్‌ ఉద్యోగి నవీన్‌కు ఫస్ట్‌ ర్యాంకు వచ్చిందన్నారు. ఈ వ్యవహారం బయటకు రావడంతో మెరిట్‌ లిస్ట్‌లో ఉన్న నవీన్‌ పేరును, డేటాను తీసేశారని, డీఎస్సీ పేపర్‌ లీక్‌ అయ్యిందనడానికి ఇంతకన్నా ఆధారం ఏముందన్నారు. ఇంత జరుగుతున్నా ముఖ్యమంత్రి స్థానంలో ఉన్న చంద్రబాబుఘెందుకు స్పందించడం లేదని ప్రశ్నించారు. ‘స్పోర్ట్స్ కోటాలో ముమ్మాటికీ అక్రమాలు జరిగాయి. జీవోలు ఇచ్చి పరీక్షలు లేకుండానే స్పోర్స్ కోటాలో ఉద్యోగాలిచ్చుకున్నారు. తమ పని పూర్తవ్వగానే జీవోలను రద్దు చేశారు. కేవలం ఇంటర్ కాలేజీల స్థాయిలో పాల్గొన్న వారికి ఉద్యోగాలిచ్చుకున్నారు. ఆర్చరీలో జాతీయ స్థాయిలో గోల్డ్ మెడల్ సాధించిన దుర్గయ్యకు ఉద్యోగం ఇవ్వలేదు. దుర్గయ్యను పక్కన పెట్టి ఇంటర్ స్థాయిలో పాల్గొన్న వారికి ఉద్యోగాలిచ్చారు. దుర్గయ్యకు జరిగింది అన్యాయం కాదాఒక్కో పోస్టును ఒక్కో రేటుకు అమ్ముకున్నారు. ఉద్యోగం కోసం జరిగిన బేరసారాల ఆడియో వీడియోలు బయటపడ్డాయి. పక్కా ఆధారాలున్నప్పటికీ లోకేష్ సమాధానం చెప్పకుండా ఛాలెంజ్ లు విసురుతున్నాడు. తప్పు జరగనప్పుడు మీకు భయమెందుకు?, దమ్ముంటే సిబిఐతో విచారణ జరిపించండి.బాధితులు జగన్‌మోహన్‌రెడ్డి వద్దకు వచ్చాకే డీఎస్సీ అక్రమాలపై పోరాటం మొదలుపెట్టాం. రూ. 9500 కోట్ల విద్యాదీవెన, వసతి దీవెన ఎగ్గొట్టేశారు. విద్యార్ధులు చదువుకోవాలా... మీచుట్టూ తిరగాలా?, మీ కొడుకు లోకేష్ ఒక్కడు బాగుంటే చాలా రాష్ట్ర ప్రజల సంక్షేమం మీకు అవసరం లేదా చంద్రబాబు. తక్షణమే లోకేష్ నైతిక బాధ్యత వహించి మంత్రి పదవికి రాజీనామా చేయాలి’ అని డిమాండ్‌ చేశారు.

గుంటూరు రూరల్‌: గడిచిన ఏడాదిలో నిత్యం భయం భయంగా ప్రాణాలు గుప్పెట్లో పెట్టుకుని బతికిన తురకపాలెం గ్రామంలో జరిగిన మిస్టరీ( మెలియాయిడిసీజ్‌) మరణాల బాధితులకు ప్రభుత్వం న్యాయం చేయాలని విస్తృత దళిత సంఘాల ఐక్యవేదిక రాష్ట్ర కన్వీనర్‌ డాక్టర్‌ బూసి వెంకటరావు డిమాండ్‌ చేశారు. సోమవారం నగరంలోని జిల్లా కలెక్టర్‌ కార్యాలయం ఎదుట గతంలో నేషనల్‌ హ్యూమన్‌రైట్స్‌ కమిషన్‌ ఆదేశాల మేరకు గ్రామంలో జరిగిన మిస్టరీ మరణాల నివేదికను ఎన్‌హెచ్‌ఆర్‌సీకి ఈ నెల ఆఖరుకు ప్రభుత్వం అందించాల్సి ఉండగా నిష్పక్షపాతంగా నివేదికను అందించాలని కోరుతూ విదసం ఆధ్యర్యంలో కలెక్టర్‌కు వినతి పత్రాన్ని అందజేశారు. గతేడాది తురకపాలెం మిస్టరీ మరణాల సమస్యపై జాతీయ మానవ హక్కుల కమిషన్‌ కేసు నమోదు చేసి చర్యల నివేదిక కోరిన నేపద్యంలో మిస్టరీ మరణాలు ఎటువంటి పక్షపాతం లేకుండా రాజకీయాలకు తావు ఇవ్వకుండా నిష్పక్షపాతంగా మళ్లీ లెక్కించి అందరికీ రూ.25 లక్షలు నష్ట పరిహారం చెల్లించాలని డిమాండ్‌ చేశారు. అదవిధంగా బాదిత కుటుంబ సభ్యులకు ప్రత్యేక డిజాస్టర్‌ పింఛను ఇవ్వాలని డిమాండ్‌ కోరారు. కార్యక్రమంలో బాధిత గ్రామస్తులు, సుదర్శనం బ్రహ్మయ్య, విదసం జిల్లా నాయకులు నల్లపు నీలాంబరం, మూర మహేశ్‌, కొప్పుల సురేష్‌, దార్ల అర్జున్‌, ఆనంద, అనీల్‌, వినోద్‌ కుమార్‌, శ్రీకాంత్‌ పాల్గొన్నారు. గుంటూరు రూరల్‌: ఇన్నర్‌ రింగ్‌రోడ్డులోని వైఫై రూంమ్స్‌పై టాస్క్‌ఫోర్స్‌ పోలీసులు సోమవారం దాడిచేసి పేకాటరాయుళ్లను అదుపులోకి తీసుకున్నారు. టాస్క్‌ఫోర్స్‌ పోలీసులు తెలిపిన వివరాలు.. గుంటూరుకు చెందిన ఫణి పేకాటస్థావరాన్ని నిర్వహిస్తున్నాడు. ఈ క్రమంలో అతడికి కృష్ణా జిల్లా గుడివాడకు చెందిన ఈశ్వరరావుతో పరిచయం అయింది. ఇరువురు కలిసి నగర శివారుల్లో ఖాళీగా ఉన్న హోటల్స్‌, రూంమ్స్‌లో పేకాట నిర్వహిస్తున్నారు. ఈ క్రమంలో సోమవారం ఇన్నర్‌ రింగ్‌రోడ్డు ఫేజ్‌– 1లో పేకాట నిర్వహిస్తున్నారని సమాచారం మేరకు టాస్క్‌ఫోర్స్‌ పోలీసులు దాడి చేశారు. నిర్వాహకులు ఇద్దరితో పాటు మరో 29 మందిని అదుపులోకి తీసుకున్నారు. వీరి నుంచి 27 సెల్‌ఫోన్‌లు, ఒక టూ వీలర్‌, రూ.23,771 లక్షల నగదు పోలీసులు స్వాధీనం చేసుకున్నారు. వీరంతా కృష్ణాజిల్లా, గుడివాడ, నూజివీడు, ఏలూరు, పెనమలూరు, గుంటూరు నుంచి ఇక్కడికి వచ్చి పేకాట ఆడుతున్నారు. టాస్క్‌ఫోర్స్‌ పోలీసులు అదుపులోకి తీసుకున్న జూదరులను నల్లపాడు పోలీసులకు అప్పగించారు. నల్లపాడు పోలీసులు కేసు నమోదు చేసి జూదరులను కోర్టుకు అప్పగించనున్నారు.

అమరావతి: 2026–2027 ఆర్థిక సంవత్సరానికి అనుమతించిన అదనపు కోర్టు ఏర్పాటు నిమిత్తం సోమవారం స్థానిక జెడ్పీ అతిథి గృహం శాంతిథామం భవనాన్ని పలువురు న్యాయమూర్తులు పరిశీలించారు. గుంటూరు జిల్లా ప్రధాన న్యాయమూర్తి సాయికళ్యాణ చక్రవర్తి భవనాన్ని పరిశీలించి కోర్టు ఏర్పాటుకు భవనంలో చేయాల్సిన పలు మార్పులను అధికారులకు సూచించారు. కార్యక్రమంలో సత్తెనపల్లి సీనియర్‌ సివిల్‌ జడ్జి విజయకుమార్‌రెడ్డి, సత్తెనపల్లి ప్రిన్సిపల్‌ జూనియర్‌ సివిల్‌ జడ్జి అహ్మద్‌, తహసీల్దార్‌ డానియేల్‌, ఎంపీడీఓ పార్వతిలతోపాటు పలువురు న్యాయవాదులు పాల్గొన్నారు. తాడేపల్లి రూరల్‌: ఆగష్టు 13వ తేదీ ముఖ్యమంత్రి చంద్రబాబు నాయుడు అమరావతిలో సీడ్‌ యాక్సెస్‌ రోడ్‌, ఎమ్మెల్సీ, ఎమ్మెల్యే భవన సముదాయాలను ప్రారంభించనున్నారు. ఈ మేరకు సోమవారం ఆయా ప్రాంతాలను అమరావతి అభివృద్ధి సంస్థ చైర్‌ పర్సన్‌, మేనేజింగ్‌ డైరెక్టర్‌ డి.లక్ష్మీ పార్థసారథి, గుంటూరు జిల్లా కలెక్టర్‌ సీఎం సాయికాంత్‌ వర్మ, జిల్లా ఎస్పీ వకుల్‌ జిందాల్‌, జేసీ అశుతోష్‌ శ్రీవాస్తవ పరిశీలించారు. స్థానికంగా జరుగుతున్న ఏర్పాట్లను ఏడీసీ చీఫ్‌ ఇంజినీర్‌ మోజెస్‌ కుమార్‌ ఉన్నతాధికారులకు వివరించారు. బకింగ్‌హామ్‌ కెనాల్‌ వద్ద బ్యూటిఫికేషన్‌, సభా వేదిక వద్ద జరుగుతున్న ఏర్పాట్లు, కొండవీటి వాగు, గుంటూరు చానల్‌ వద్ద జరుగుతున్న తుది నిర్మాణ పనులను స్వయంగా పరిశీలించి అధికారులకు సూచనలు చేశారు. వివిధ శాఖల ఉన్నతాధికారులు, తాడేపల్లి సీఐ వీరేంద్రబాబు, మంగళగిరి స్టేషన ఫైర్‌ ఆఫీసర్‌ వెంకటేశ్వర్లు, తాడికొండ ఆర్‌ అండ్‌ బీ డీఈఈ లక్ష్మీనారాయణ, సీఆర్‌డీఏ అధికారులు పాల్గొన్నారు. తెనాలిరూరల్‌: తెనాలి రైల్వేస్టేషన్‌ను దక్షిణ కోస్తా రైల్వే ఐజీ అంజనీకుమార్‌ సిన్హా సోమవారం సందర్శించారు. కృష్ణా కెనాల్‌ జంక్షన్‌ నుంచి అప్పికట్ల వరకు ఆర్పీఎఫ్‌ పరిధిలో చేపడుతున్న రక్షణ చర్యలు, సిబ్బంది పనితీరును ఐజీ పరిశీలించారు. ఇటీవల పలు కీలక చోరీ కేసులను ఛేదించడంలో తెనాలి ఆర్పీఎఫ్‌ సిబ్బంది చూపిన ప్రతిభను ఆయన అభినందించారు. అనంతరం తెనాలి రైల్వే స్టేషన్‌్‌లో జరుగుతున్న పలు అభివృద్ధి పనులను పరిశీలించారు. నూతనంగా నిర్మించిన జీఆర్పీ పోలీస్‌ స్టేషన్‌ను సందర్శించారు. ప్రయాణికుల భద్రతకు అధిక ప్రాధాన్యం ఇస్తూ రైల్వే పరిధిలో రక్షణ చర్యలను మరింత పటిష్టం చేయనున్నట్లు ఎస్పీ షణ్ముక్‌ వడివేలు తెలిపారు. అమరావతి: అమరావతి పోలీస్‌ స్టేషన్‌ను ఐజీ సర్వ శ్రేష్ఠ త్రిపాఠి సోమవారం సాయంత్రం సందర్శించారు. ఆయన స్టేషన్‌లోని వివిధ విభాగాలను పరిశీలించి సిబ్బంది పనితీరును సమీక్షించారు. పలు రికార్డులను పరిశీలించారు. కేసుల నమోదు, దర్యాప్తు పురోగతి, పెండింగ్‌ కేసుల వివరాలను స్టేషన్‌ అధికారులను అడిగి తెలుసుకున్నారు. ప్రజలకు మెరుగైన పోలీస్‌ సేవలు అందించడంతోపాటు, ఫిర్యాదులపై వేగంగా స్పందించాలని సిబ్బందికి ఐజీ సూచించారు. తొలుత ఐజీ సర్వ శ్రేష్ఠ త్రిపాఠికి సీఐ అచ్చియ్య ఆధ్వర్యంలో సిబ్బంది స్వాగతం పలికారు. కార్యక్రమంలో స్థానిక పోలీసు అధికారులు, సిబ్బంది పాల్గొన్నారు.

ఈగల్‌ విభాగం ఇన్‌చార్జి ఆకే రవికృష్ణ పెదకాకాని: నిషేధిత మాదకద్రవ్యాలకు అలవాటు పడిన కొంతమంది విద్యార్థులు వారి జీవితాలను నాశనం చేసుకోవటమే కాకుండా వారి కుటుంబాలను, యావత్‌ సమాజాన్ని నాశనం చేస్తున్నారని ఈగల్‌ విభాగం రాష్ట్ర ఇన్‌స్పెక్టర్‌ జనరల్‌ ఆఫ్‌ పోలీస్‌ ఆకే రవికృష్ణ అన్నారు. ఆచార్య నాగార్జున విశ్వవిద్యాలయంలోని డాక్టర్‌ బీఆర్‌ అంబేడ్కర్‌ డిపార్ట్‌మెంట్‌ ఆఫ్‌ లీగల్‌ స్టడీస్‌ సెమినార్‌ హాలులో ఏపీ ఎగైనెస్ట్‌ డ్రగ్స్‌ అవేర్నెస్‌ టు యాక్షన్‌ అనే అంశంపై సదస్సు నిర్వహించారు. ఆకే రవికృష్ణ మాట్లాడుతూ భారతదేశంలో మరీ ముఖ్యంగా ఆంధ్రప్రదేశ్‌లో విద్యార్థుల తల్లిదండ్రులు వారు తిన్నా తినకపోయినా పిల్లల చదువు కోసం వారి ఆస్తిపాస్తులను అమ్మి వారి భవిష్యత్‌ బంగారంలా ఉండాలని భావిస్తుంటారని చెప్పారు. కానీ తెలిసి తెలియని యవ్వనపు వయస్సులో విద్యార్థులు చెడు స్నేహాల బారిన పడి గంజాయి, హెరాయిన్‌ వంటి సైకో డ్రిక్స్‌, సింథటిక్‌ డ్రగ్స్‌కు అలవాటు పడి ఎన్‌డీపీఎస్‌ చట్టం కింద కఠిన శిక్షలను అనుభవిస్తున్నారని వివరించారు. శత్రు దేశాలు మనపై నేరుగా గెలవలేక అనైతిక విధానాలు ద్వారా తీవ్రవాద కార్యకలాపాలకు పాల్పడి దేశ భవిష్యత్‌ను దెబ్బతీస్తున్నాయని వివరించారు. ఈ కార్యక్రమానికి ప్రత్యేక అతిథిగా హాజరైన ఇండియన్‌ ఇన్ఫర్మేషన్‌ సర్వీస్‌ మాజీ అధికారి డాక్టర్‌ గుత్తికొండ కొండలరావు మాట్లాడుతూ డ్రగ్స్‌ కారణంగా పెడదోవ పడుతున్న సమాజానికి కనువిప్పు కలిగేలాగా నేటి యువత మరీ ముఖ్యంగా న్యాయ విద్యార్థులు ఈ సందిగ్ధ వ్యవస్థలో సమాజాన్ని చైతన్యపరిచే బాధ్యతను సమర్థంగా నిర్వహించాలని పిలుపునిచ్చారు. సభకు ప్రిన్సిపాల్‌ ప్రొఫెసర్‌ ఎం.సురేష్‌ కుమార్‌ అధ్యక్షత వహించారు. న్యాయ శాస్త్ర విభాగాధిపతి ప్రొఫెసర్‌ ఎస్‌.విజయలక్ష్మి మాట్లాడుతూ యూఎన్‌ఓ నిర్వహించిన సర్వే ప్రకారం12 నుంచి 17 ఏళ్ల లోపు ఉన్న విద్యార్థులో ఎక్కువమంది ఇలాంటి మాదకద్రవ్యాల వ్యసనాలకు బానిసలు అవుతున్నారని తెలిపారు. ఈగల్‌ టీం అధికారులు విద్యార్థులతో డ్రగ్స్‌ ఉపయోగించమని ప్రతిజ్ఞ చేయించారు.

పొన్నూరు మండలం, చింతలపూడి గ్రామంలో నాకు 77 సెంట్లు భూమి ఉంది. దీనికి సంబంధించి పాస్‌బుక్‌తోపాటు అడంగల్‌ కూడా ఉంది. అందులో 33 సెంట్లు మా మామగారికి తమలపాకు తోటకు కౌలికిచ్చాను. ఆయన కొందరితో కుమ్మకై ్క ఆ భూమి తనదని వేరొకరికి విక్రయించారు. దీనికి పొన్నూరు తహసీల్దార్‌తోపాటు సిబ్బంది కూడా సహకరించి పేర్లు మార్చేస్తున్నారు. అడుగుతుంటే పొన్నూరు ఎమ్మెల్యే మనుషులమని బెదిరిస్తున్నారు. నా భూమి నాకు ఇప్పించి, న్యాయం చేయండి. – త్రిపురనేని వెంకటస్వామి, చింతలపూడి, పొన్నూరు మండలం

లక్ష్మీపురం: పోలీస్‌ గ్రీవెన్స్‌(పీజీఆర్‌ఎస్‌)కు అర్జీలు వెల్లువెత్తాయి. బాధితులు పెద్దసంఖ్యలో తరలివచ్చి సమస్యలను అధికారులకు విన్నవించారు. జిల్లా ఎస్పీ కార్యాలయంలో సోమవారం నిర్వహించిన పీజీఆర్‌ఎస్‌కు మొత్తం 199 ఫిర్యాదులు అందాయి. ఎస్పీ వకుల్‌ జిందాల్‌ మాట్లాడుతూ ప్రజల విశ్వాసాన్ని నిలబెట్టేలా పోలీసింగ్‌ నిర్వహిస్తున్నట్లు తెలిపారు. నిర్ణీత గడువులో విచారణ పూర్తి చేసి బాధితులకు న్యాయం చేయాలని అధికారులకు ఆదేశాలు జారీ చేశారు. కార్యక్రమంలో జిల్లా అదనపు ఎస్పీ రమణమూర్తి, జిల్లా మహిళా పోలీస్‌ స్టేషన్‌, సీసీఎస్‌, ఈస్‌ డీఎస్పీలు శ్రీనివాస్‌ రెడ్డి, శివాజీ, బి.సీతారాం, జీఆర్‌ఎస్‌ సీఐ, బిలాలుద్దీన్‌ పాల్గొన్నారు. ఫిర్యాదుదారులతో మాట్లాడుతున్న అడిషనల్‌ ఎస్పీ రమణమూర్తి మాది చేబ్రోలు మండలం, మంచాల. చిల్లర కొట్టు పెట్టుకుని జీవనం సాగిస్తున్నా. నాకు భార్య ఇద్దరు సంతానం. నేను పుట్టుకతోనే వికలాంగుడిని. నాలుగేళ్లగా భార్య జ్యోతితో విడిగా ఉంటున్నా. అయితే ఇద్దరు పిల్లలు నా వద్దనే ఉంటున్నారు. ఇటీవల ప్రభుత్వం కేటాయించిన తల్లి వందనం పథకంలో నగదు నా భార్య జ్యోతి ఖాతాలో జమా అయ్యాయి. అయితే ఇద్దరు పిల్లల పోషణ కోసం తల్లికి వందనం నగదు ఇవ్వమంటే ఇవ్వక పోగా బెదిరింపులకు దిగుతోంది. –వి.నాగభూషణం, వికలాంగుడు మా కుటుంబ ఖర్చుల నిమిత్తం గుంటూరు గౌతమినగర్‌, ముత్యాలరెడ్డి నగర్‌ ప్రాంతానికి చెందిన కె.రత్నారెడ్డి వద్ద అప్పుగా తీసుకున్నాం. రూ.10 వడ్డీ వసూలు చేస్తున్నాడు. అప్పు తీసుకునే సమయంలో మా వద్ద మూడు ప్రామిసరీ నోట్లు, మూడు ఖాళీ చెక్కులు, ఏటీఏం, బ్యాంక్‌ పాస్‌ బుక్‌లను తీసుకున్నాడు. అప్పు పూర్తిగా జమా అయినప్పటికి ఇంకా వడ్డీ రావల్సి ఉందంటూ వేధించడం, బెదిరించడంతో పాటు రత్నారెడ్డి బినామి పేర్లతో మాపై కోర్టులో కేసులు వేయించడం వంటివి చేస్తు వేధింపులకు గురి చేస్తున్నాడు. రత్నారెడ్డి పై 2019లో కాల్‌మనీ కేసు ఉంది. ఇళ్ల వద్ద, కార్యాలయాల వద్ద రత్నారెడ్డి అనుచరులను పంపించి బెదిరింపులకు దిగుతున్నాడు. న్యాయం చేయాలి. –గన్నెపల్లి శ్రీనివాసరావు, వెంకటప్రసాద్‌, విజయ్‌బాబు,మిసాల శ్రీనివాసరావు, ప్రభుత్వ ఉద్యోగులు నాకు వేమవరంలో ఏడు ఎకరాలు, విశదలలో 4 ఎకరాల పొలం ఉంది. గతంలో మా పొలాలను దౌర్జన్యంగా బోల్లా చౌదరి ఆక్రమించుకున్నాడు. గతంలో ఎస్పీ కార్యాలయంలో నిర్వహించిన గ్రీవెన్స్‌లో ఫిర్యాదు చేశా. మేడికొండూరు అతడిని పిలిపించారు. దీంతో గ్రీవెన్స్‌లో ఫిర్యాదు చేస్తావా అంటూ ఇంటికి వచ్చి బెదిరింపులకు దిగాడు. రక్షణ కల్పించాలి. –కళ్లం శేషమ్మ, వృద్ధురాలు, శ్యామలానగర్‌ నా భర్త వసంతరావు 2020లో మృతి చెందాడు. నా పేరు మీద 1.65 సెంట్ల పొలం ఉంది. నా భర్త మొదటి భార్య మనమడు సురేష్‌ 2024లో నా పొలాన్ని గజాల్లోకి చేయాలని లేదంటే పొలానికి విలువ లేదని నా పేరు మీద చేయిస్తానని, సురేష్‌తో పాటు బెజవాడ రమేష్‌ కూడా వచ్చి నమ్మబలికి మందడం రిజిస్ట్రేషన్‌ కార్యాలయానికి తీసుకునివెళ్లి వేలిముద్రలు వేయించారు. పొలాన్ని అమ్ముకున్నాడు. అడుగుతుంటే గ్రామానికి వస్తే చంపేస్తా అని బెదిరిస్తున్నాడు. గతంలో తుళ్లూరు పోలీస్‌ స్టేషన్‌లో ఫిర్యాదు చేసినా పట్టించుకోలేదు. బెజవాడ రమేష్‌, పులి సురేష్‌ వలన నాకు ప్రాణ హాని ఉంది. రక్షణ కల్పించాలి. –పులి సువార్త, కుమార్తె పులి అమూల్య, ఉద్దండ్రాయపాలెం, తుళ్లూరు మండలం, గుంటూరు లీగల్‌: న్యాయవాదులపై దాడులు అరికట్టాలని పోలీస్‌ గ్రీవెన్స్‌లో న్యాయవాదులు అర్జీ అందించారు. తెనాలికి చెందిన న్యాయవాది ఖాదర్‌ హుస్సేన్‌, సత్తెనపల్లికి చెందిన న్యాయవాది నర్రా శ్రీనివాసరావు, హైకోర్టు న్యాయవాది శివరామకృష్ణపై దాడికి పాల్పడిన వారిపై చర్యలు తీసుకోవాలని విన్నవించారు. న్యాయవాది తప్పు చేసినట్లయితే చట్ట ప్రకారం ఫిర్యాదు చేసి న్యాయస్థానాలను ఆశ్రయించాలే తప్ప, దాడులు చేయడం లేదా కక్షపూరిత చర్యలకు పాల్పడటం చట్టబద్ధం కాదన్నారు. కార్యక్రమంలో గుంటూరు బార్‌ అసోసియేషన్‌ అధ్యక్షుడు మధిర నాగేశ్వరరావుతో పాటు తెనాలి న్యాయవాదులు పాల్గొన్నారు.

గుంటూరు వెస్ట్‌: ప్రజా సమస్యల పరిష్కార వేదిక కార్యక్రమంలో వచ్చే అర్జీల పరిష్కారంలో వివిధ ప్రభుత్వ శాఖల సమన్వయం చాలా ముఖ్యమని జిల్లా రెవెన్యూ అధికారి షేఖ్‌ ఖాజావలి తెలిపారు. సోమవారం స్థానిక కలెక్టరేట్లోని ఎస్‌ఆర్‌ శంకరన్‌ సమావేశ మందిరంలో నిర్వహించిన పీజీఆర్‌ఎస్‌ కార్యక్రమంలో డీఆర్‌ఓ మాట్లాడుతూ కొన్ని అర్జీల పరిష్కారం రెండు, మూడు శాఖల సహకారంతో ఉంటాయన్నారు. సమన్వయం లేకపోతే అర్జీలు పరిష్కారం కావన్నారు. అర్జీలకు నిర్దేశిత కాలపరిమితిలో నాణ్యతతో కూడిన పరిష్కారం చూపాలన్నారు. పీజీఆర్‌ఎస్‌ కార్యక్రమంపై రాష్ట్ర ప్రభుత్వం ప్రజాభిప్రాయ సేకరణ జరుపుతున్న దృష్ట్యా అర్జీదారులు సంతృప్తి చెందేలా పరిష్కారానికి కృషి చేయాలన్నారు. అనంతరం వచ్చిన అర్జీలను డీఆర్‌ఓతోపాటు డిప్యూటీ కలెక్టర్లు గంగరాజు, డేవిడ్‌, డీఈఓ సలీం బాష, జిల్లా అధికారులు పరిశీలించారు. జిల్లా రెవెన్యూ అధికారి ఖాజావలి

మంగళవారం శ్రీ 11 శ్రీ ఆగస్టు శ్రీ 20267తెనాలిలో జరిగిన ర్యాలీలో అగ్రభాగాన మాజీ ఎమ్మెల్యే అన్నాబత్తుని శివకుమార్‌ తాడికొండలో ర్యాలీనుద్దేశించి మాట్లాడుతున్న వనమా బాల వజ్రబాబు పొన్నూరులో జరిగిన నిరసన ర్యాలీలో పాల్గొన్న అంబటి మురళీకృష్ణ, నాయకులుఅధికారులతో వీడియో కాన్ఫరెన్స్‌లో మాట్లాడుతున్న కలెక్టర్‌ సాయికాంత్‌ వర్మ నల్లబ్యాడీలతో జీజీహెచ్‌ వద్ద నిరసన తెలియజేస్తున్న జూడాలు విజయపురిసౌత్‌: నాగార్జునసాగర్‌ జలాశయ నీటిమట్టం సోమవారం 518.70 అడుగులకు చేరింది. ఎస్‌ఎల్‌బీసీకి 1,350 క్యూసెక్కులు విడుదలవుతోంది. మంగళగిరి టౌన్‌: మంగళగిరి గంగా భ్రమరాంబ సమేత మల్లేశ్వరస్వామిని సోమవారం ఎకై ్సజ్‌ శాఖ మంత్రి కొల్లు రవీంద్ర దర్శించుకుని పూజలు నిర్వహించారు. అచ్చంపేట: పులిచింతల ప్రాజెక్టులో ప్రస్తుత నిల్వ 28.7570 టీఎంసీలు. ప్రాజెక్టు దిగువకు 400 క్యూసెక్కులు లీకేజీల ద్వారా వెళుతుంది.

సాక్షి, నరసరావుపేట: నవులూరి చెన్నారెడ్డి హత్యపై సమగ్ర విచారణ జరిపి బాధ్యులైన వారిపై కఠిన చర్యలు తీసుకోవాలని వైఎస్సార్‌ సీపీ నేతలు పల్నాడు జిల్లా అడిషన్‌ ఎస్పీ రోహిత్‌కుమార్‌ చౌదరిని కోరారు. ఈమేరకు పార్టీ పల్నాడు జిల్లా అధ్యక్షుడు పిన్నెల్లి రామకృష్ణారెడ్డి నేతృత్వంలో సమన్వయకర్తలు డాక్టర్‌ గోపిరెడ్డి శ్రీనివాసరెడ్డి, కాసు మహేష్‌రెడ్డి, బొల్లా బ్రహ్మానాయుడు, డాక్టర్‌ గజ్జల సుధీర్‌భార్గవ్‌రెడ్డి, పెదకూరపాడు నియోజకవర్గ పరిశీలకులు యెనుముల మురళీధర్‌రెడ్డి, పార్టీ అధికార ప్రతినిధి నాగార్జున యాదవ్‌ తదితరులు సోమవారం పల్నాడు జిల్లా ఎస్పీ కార్యాలయానికి వెళ్లి వైఎస్సార్‌ సీపీ యువజన విభాగం రాష్ట్ర సంయుక్త కార్యదర్శి నవులూరి చెన్నారెడ్డి హత్యపై సమగ్ర విచారణ చేపట్టాలని కోరారు. ఈ సందర్భంగా పిన్నెల్లి రామకృష్ణారెడ్డి మాట్లాడుతూ హత్యకు సంబంధించిన అన్ని కోణాల్లోనూ నిష్పక్షపాతంగా దర్యాప్తు చేపట్టి, ఘటన వెనుక ఉన్న వాస్తవాలను వెలుగులోకి తీసుకురావాలని కోరారు. హత్యకు పాల్పడిన అసలు నిందితులను త్వరితగతిన గుర్తించి, వారిపై చట్టపరంగా కఠిన చర్యలు తీసుకోవాలని విజ్ఞప్తి చేశారు. అదేవిధంగా, ఈ ఘటనపై ఎలాంటి అనుమానాలు, అపోహలకు తావులేకుండా పూర్తిస్థాయిలో విచారణ జరిపి, బాధిత కుటుంబానికి న్యాయం జరిగేలా చర్యలు తీసుకోవాలని కోరారు. యెల్లో మీడియా, పత్రికల్లో వచ్చిన తప్పుడు కథనాలను, ఆధారం చేసుకొని పార్టీ నాయకులపై దుష్ప్రచారం చేస్తున్నారని, వాటిపై కూడా చర్యలు తీసుకోవాలని నాయకులు కోరారు. అడిషనల్‌ ఎస్పీకి వైఎస్సార్‌ సీపీ నేతల వినతి రెంటాల హత్య కేసులో దోషులు ఎంతటి వారైనా కఠినంగా శిక్షించాలి హాజరైన సమన్వయకర్తలు పిన్నెల్లి, కాసు, గోపిరెడ్డి, బొల్లా, గజ్జల

తాడేపల్లి రూరల్‌: తాడేపల్లి రూరల్‌ వడ్డేశ్వరంలోని కేఎల్‌ యూనివర్సిటీలో రెండు రోజుల పాటు నిర్వహించిన ఏఐ బిల్డ్‌ 2026 హ్యాకథాన్‌ కార్యక్రమం ఆదివారం రాత్రితో ముగిసింది. కార్యక్రమానికి రాష్ట్ర వ్యాప్తంగా విద్యార్థులు పెద్ద సంఖ్యలో హాజరయ్యారు. 75కు పైగా ఇంజినీరింగ్‌ కళాశాలలు ఈ కార్యక్రమంలో పాల్గొన్నాయి. ఆర్టిఫిషియల్‌ ఇంటిలిజెన్స్‌, ఏజెంటిక్‌ ఏఐ, జెనరేటివ్‌ ఏఐ, ఎమర్జింగ్‌ టెక్నాలజీస్‌కు సంబంధించిన రియల్‌ వరల్డ్‌ ఇండస్ట్రీ సమస్యలపై పరిష్కారాలను రూపొందించారు. విద్యార్థుల్లోని సాంకేతిక, విశ్లేషనాత్మక, సృజనాత్మక సామర్‌ాధ్యలను పరిశ్రమ ప్రముఖల సమక్షంలో ప్రదర్శించే ఈ పోటీని 42 లెర్న్‌ రూపొందించింది. ఏఐ బిల్డ్‌ 2026 కార్యక్రమానికి సూపర్‌ మనీ చీఫ్‌ హూమన్‌ రీసోర్స్‌ ఆఫీసర్‌ డాక్టర్‌ వరదరాజు, సూపర్‌ మనీ చీఫ్‌ టెక్నాలజీ ఆఫీసర్‌ కౌషిక్‌, ఫ్లిప్‌కార్ట్‌ చీఫ్‌ ఆర్కిటెక్ట్‌ హనుమంతరావు, బజార్‌ వాయిస్‌ మేనేజింగ్‌ డైరెక్టర్‌ శ్రీనిబసవ, నార్తర్న్‌ ట్రస్ట్‌ సీనియర్‌ వైప్‌ ప్రెసిడెంట్‌ రాయడన్‌, బ్రిల్లియో ఆసియా పసిఫిక్‌ టాలెంట్‌ ఎక్విజిషన్‌ హెడ్‌ రితూ, రేజర్‌ పే ప్రపంచ లాలెంజ్‌ ఎక్విజిషన్‌ హెడ్‌ సుమిత్‌ ప్రేమీ సభ్యులుగా వ్యవహరించారు. 42 లెర్న్‌ ప్రెసిడెంట్‌ కోగంటి రాజశేఖర్‌ మాట్లాడుతూ ఏఐ బిల్డ్‌ 2026 ఆంధ్రప్రదేశ్‌లో ఇంజనీరింగ్‌ ప్రతిభ ఎంత విస్తృతంగా ఉందో చాటిచెప్పిందన్నారు. వర్సిటీ వీసీ డాక్టర్‌ జి.పార్థ్ధసారథి వర్మ మాట్లాడుతూ ఈ పోటీలలో ప్రథమ విజేతగా కేఎల్‌ విశ్వవిద్యాలయం(టీమ్‌ మెంబర్లు ఎం.శేష్మ, సయ్యద్‌ మస్తాన్‌ వలి, ఎల్‌. శ్రామ్య), ద్వితీయ విజేతలుగా డీఎన్‌ఆర్‌ కళాశాల ఆఫ్‌ ఇంజినీరింగ్‌ అండ్‌ టెక్నాలజీ, భీమవరం, విజ్ఞాన్‌ నిరులా ఇనిస్టిట్యూట్‌ ఆఫ్‌ టెక్నాలజీ అండ్‌ సైన్స్‌ ఫర్‌ ఉమెన్‌, గుంటూరు, తృతీయ విజేతలుగా ఇండియన్‌ ఇనిస్టిట్యూట్‌ ఆఫ్‌ ఇన్ఫర్మేషన్‌ టెక్నాలజీ, డిజైన్‌ అండ్‌మాన్యుఫ్యాక్చరింగ్‌ (ఐఐఐటీడీఎం) కర్నూలు, నదింపల్లి సత్యనారాయణ రాజు ఇనిస్టిట్యూట్‌ ఆఫ్‌ టెక్నాలజీ విశాఖపట్నం నిలిచాయని పేర్కొన్నారు. అనంతరం విజేతలకు బహుమతులు అందజేశారు. ప్రో వీసీలు డాక్టర్‌ ఎన్‌.వెంకటరామ్‌, డాక్టర్‌ కె.రాజశేఖరరావు, రిజిస్ట్రార్‌ డాక్టర్‌ పవన్‌కుమార్‌, చీఫ్‌ టెక్నాలజీ ఆఫీసర్‌ సూపర్‌ మనీ కౌషికర్‌, ఎస్విపీఎల్‌ అండ్‌ డీ నోర్తర్న్‌ ట్రస్ట్‌ బ్యాంక్‌ డాక్టర్‌ రోయ్‌డాన్‌ గోన్సల్‌ వెజ్‌, గ్లోబల్‌ టీఏహెడ్‌ రీతు శర్మ బ్రిలియో, ప్రముఖ ఆర్కిటెక్ట్‌ వీపీ ఫ్లిక్‌కార్డ్‌ హనుమంతరావు, వర్సిటీ ప్లేస్‌మెంట్‌ విభాగం సీనియర్‌ డైరెక్టర్‌ శరవణ బాబు, 42 లెర్న్‌ సీఈఓ కోగంటి రాజ్‌ తదితరులు విజేతలను అభినందించారు. రూ.11.80 లక్షల అపరాధ రుసుం విధింపు కొరిటెపాడు(గుంటూరు): విద్యుత్‌ చౌర్యం, అక్రమ విద్యుత్‌ వినియోగాన్ని అరికట్టేందుకు విద్యుత్‌ శాఖ విజిలెన్స్‌, ఆపరేషన్‌ విభాగాలు గుంటూరు పర్యవేక్షక ఇంజినీర్‌ చల్లా రమేష్‌ ఆధ్వర్యంలో నిర్వహించిన తనిఖీల్లో భారీగా అక్రమాలు వెలుగుచూశాయి. గుంటూరు నగరంలోని ఆర్‌టీసీ బస్టాండ్‌, పాతగుంటూరు, బాలాజీనగర్‌, సుద్దపల్లి డొంక, ప్రగతినగర్‌లలో సోమవారం విస్తృతంగా తనిఖీలు నిర్వహించారు. తనిఖీల్లో 52 మంది అధికారులు, 156 మంది సిబ్బంది, 52 బృందాలుగా ఏర్పడి 4,069 సర్వీసులను తనిఖీ చేశారు. అనుమతించిన లోడు కంటే అదనంగా విద్యుత్‌ వాడుతున్న 243 మందికి రూ.11.72 లక్షలు, అనుమతించిన కేటగిరీకి కాకుండా ఇతర కేటగిరిలో విద్యుత్‌ వాడుకుంటన్న ఒక్కరికి రూ.8 వేలు మొత్తం కలిపి రూ.11.80 లక్షలు అపరాధ రుసుం విధించినట్లు అధికారులు తెలిపారు. గుంటూరు పర్యవేక్షక ఇంజినీర్‌ చల్లా రమేష్‌ మాట్లాడుతూ విద్యుత్‌ను అక్రమంగా వినియోగించడం వల్ల ప్రభుత్వానికి ఆదాయ నష్టం కలగడమే కాకుండా విద్యుత్‌ వ్యవస్థపై అదనపు భారం పడుతుందని తెలిపారు. వినియోగదారులు నిబంధనలకు అనుగుణంగా విద్యుత్‌ సర్వీసులను వినియోగించాలని సూచించారు. అక్రమ విద్యుత్‌ వినియోగానికి పాల్పడితే చట్ట ప్రకారం కఠిన చర్యలు తీసుకుంటామని హెచ్చరించారు. విద్యుత్‌ చౌర్యం, అక్రమ విద్యుత్‌ వినియోగానికి సంబంధించిన సమాచారం ఉంటే 9440812263, 9440812361 నంబర్లకు ఫోన్‌ చేయవచ్చని, వాట్సాప్‌ ద్వారా కూడా సమాచారాన్ని అందించవచ్చని పేర్కొన్నారు. తనిఖీల్లో ఎగ్జిక్యూటివ్‌ ఇంజినీర్‌ సీహెచ్‌ వెంకటేశ్వరరావు, విజిలెన్స్‌, ఆపరేషన్‌ విభాగాల డీఈఈలు పి.రమేష్‌, ఎన్‌.మల్లికార్జునప్రసాద్‌, కె.రవికుమార్‌, ఏఈలు షేక్‌ మస్తాన్‌, యు.ఉమాశంకర్‌, ఎం.సతీష్‌కుమార్‌ తదితరులు పాల్గొన్నారు. తెనాలిరూరల్‌: పట్టణ చినరావూరుకు చెందిన యువతి తెనాలి జిల్లా ప్రభుత్వ వైద్యశాలలో చికిత్సకు చేరగా, నిజాంపట్నంలో చెరువులకు కాపలా ఉంటున్న దుర్గ, ఆమె భర్త చిన్నారావు యువతిని తమ వెంట తీసుకెళ్లిన సంగతి తెలిసిందే. చిన్నారావు మహిళపై లైంగికదాడికి పాల్పడిన సంగతి విదితమే. త్రీ టౌన్‌ పోలీసులు కిడ్నాప్‌, రేప్‌, ఎస్సీ, ఎస్టీ అత్యాచార నిరోధక చట్టాల కింద కేసును ఆదివారం రాత్రి నమోదు చేశారు. అప్పటికే ఈ కేసులో నిందితులైన దంపతులను పోలీసులు అదుపులోకి తీసుకున్నారు. దుర్గ ఏడు నెలల గర్భిణి కావడంతో తనకు నొప్పులు వస్తున్నాయని పోలీసులకు ఆదివారం రాత్రి చెప్పడంతో వైద్యశాలకు పంపగా, పరీక్షించిన వైద్యులు ఆమె ఆరోగ్యం నిలకడగానే ఉందని చెప్పడంతో పోలీసులు తిరిగి తమ అదుపులోకి తీసుకున్నట్టు సమాచారం. బాధిత యువతికి వైద్య పరీక్షలు నిర్వహించారు.

తప్పు ఒప్పుకో..మంగళగిరిలో జరిగిన ర్యాలీలో పాల్గొన్న దొంతిరెడ్డి, మురుగుడు, చిల్లపల్లి ప్రత్తిపాడులో డీఎస్సీ అక్రమాలపై భారీ నిరసన ర్యాలీలో పాల్గొన్న సమన్వయకర్త బలసాని కిరణ్‌కుమార్‌, నాయకులు డీఎస్సీ అక్రమాలపై దగా పడ్డ యువత పక్షాన వైఎస్సార్‌ సీపీ పోరుబాట పట్టింది. రోడ్డున పడ్డ నిరుద్యోగులకు అండగా నిలిచి, వారి గొంతుకై అన్యాయాన్ని ప్రశ్నించింది. రూ.లక్షలు తీసుకుని తమ అనుయాయులకు, అర్హత లేనివారికి పప్పూ బెల్లాల్లా ఉపాధ్యాయ ఉద్యోగాలు పంచిపెట్టి, అర్హులైన అభ్యర్థుల భవిష్యత్తును అంధకారంలోకి నెట్టారని వైఎస్సార్‌ సీపీ నేతలు మండిపడ్డారు. డీఎస్సీ స్కాంపై వెంటనే సీబీఐ విచారణ జరగాలని, జరిగిన అక్రమాలకు బాధ్యత వహిస్తూ తప్పు ఒప్పుకొని.. మంత్రి పదవి నుంచి లోకేష్‌ తప్పుకోవాలని నినదించారు. డీఎస్సీ అక్రమాలపై ఉమ్మడి జిల్లావ్యాప్తంగా నిర్వహించిన ర్యాలీలు ఉవ్వెత్తున ఎగిసిన నిరసన గళమై.. జన ప్రభంజనమై టీడీపీ సర్కారు అవినీతిని నలుదిశలా చాటాయి. – సాక్షి నెట్‌వర్క్‌ గుంటూరులో జరిగిన నిరసన ర్యాలీలో పాల్గొన్న జిల్లా అధ్యక్షుడు అంబటి రాంబాబు, నగర అధ్యక్షురాలు నూరిఫాతిమా, పానుగంటి చైతన్య

సీపీఎం రాష్ట్ర కార్యదర్శివర్గ సభ్యులు సీహెచ్‌ బాబురావు లక్ష్మీపురం: దళితులపై దాడులు, సామాజిక సమానతలు, వివక్ష విడనాడాలని, జనాభా ప్రాతిపదికన నిధులు కేటాయించి దళితుల నివాస ప్రాంతాలకు మౌలిక సదుపాయాలు కల్పించాలని, సీపీఎం ఆధ్వర్యంలో సామాజిక శంఖారావం పేరుతో ఆగస్టు 24న గుంటూరు కలెక్టర్‌ కార్యాలయం వద్ద ధర్నా నిర్వహించనున్నట్లు ఆ పార్టీ రాష్ట్ర కార్యదర్శివర్గ సభ్యులు సీహెచ్‌ బాబూరావు తెలిపారు. బ్రాడీపేటలోని సీపీఎం జిల్లా కార్యాలయంలో సోమవారం ఈమని అప్పారావు అధ్యక్షతన జరిగిన పార్టీ జిల్లా విస్తృత సమావేశంలో ఆయన మాట్లాడారు. ధర్నాకు పెద్ద ఎత్తున హాజరై జయప్రదం చేయాలని కోరారు. సమావేశంలో సీపీఎం జిల్లా కార్యదర్శివర్గ సభ్యులు పాశం రామారావు, కె.నళినీకాంత్‌, ఎం.రవి, బి.వెంకటేశ్వరరావు, జిల్లా కమిటీ సభ్యులు యు.దుర్గారావు, ఎల్‌.అరుణ, డి.లక్ష్మీనారాయణ, కె.అజయ్‌కుమార్‌, బి.ముత్యాలరావు, బి.లక్ష్మణరావు తదితరులు పాల్గొన్నారు.

తాడేపల్లి రూరల్‌: ఇద్దరు బాలికలపై లైంగిక దాడికి యత్నించిన వ్యక్తికి ఐదేళ్ల జైలు శిక్ష, రెండు వేల రూపాయలు జరిమానా విధిస్తూ గుంటూరు పోక్సో కోర్టు సోమవారం తీర్పు వెల్లడించింది. తాడేపల్లి పోలీసులు తెలిపిన వివరాలు.. తాడేపల్లి పట్టణ పరిధిలోని అంజిరెడ్డి కాలనీలో 2025, ఏప్రిల్‌, 16వ తేదీన రాత్రి సమయంలో కనకపూరి లంకబాబు తన బావమరిది కుమార్తెలు ఇద్దరు బాలికలతో అసభ్యంగా ప్రవర్తిస్తూ లైంగికంగా వేధించడంతో అతడిపై బాలికల తల్లి ఇచ్చిన ఫిర్యాదు మేరకు కేసు నమోదు చేశారు. ఈ కేసులో విచారణ చేపట్టిన అప్పటి ఎస్‌ఐ ఖాజావలి గుంటూరు పోక్సో కోర్టులో చార్జిషీటు దాఖలు చేశారు. నేరం రుజువు కావడంతో పోక్సో కోర్టు జడ్జి షమీమ్‌ పర్వీన్‌ సుల్తానా బేగం ముద్దాయి కనకపూరి లంకబాబుకు జైలు శిక్ష, జరిమానా విధించారు. పబ్లిక్‌ ప్రాసిక్యూటర్‌ దుర్గాప్రసాద్‌ వాదనలు వినిపించారు. గుంటూరు ఎడ్యుకేషన్‌: సెప్టెంబర్‌ ఒకటో తేదీన పెన్షన్‌ విద్రోహ దినం సందర్భంగా ఏపీ సీపీఎస్‌ ఉద్యోగుల సంఘ ఆధ్వర్యంలో ఛలో గుంటూరు నిర్వహిస్తున్నట్లు సంఘ జిల్లా అధ్యక్ష, ప్రధాన కార్యదర్శులు తిరుమలరెడ్డి, దయానంద్‌ కుమార్‌ సోమవారం ఓ ప్రకటనలో పేర్కొన్నారు. సీపీఎస్‌ ఉద్యోగ, ఉపాధ్యాయుల ర్యాలీ, ఆత్మగౌరవ సభ నిర్వహిస్తున్నామని పేర్కొన్నారు. కూటమి ప్రభుత్వం అధికారంలోకి వచ్చి రెండేళ్లు పైబడినా సీపీఎస్‌ ఉద్యోగులకు ఇచ్చిన సీపీఎస్‌ రద్దు, పాత పెన్షన్‌ పునరుద్దరణ హామీని నెరవేర్చలేదన్నారు. రాష్ట్రంలో ఉద్యోగ విరమణ పొందిన దాదాపు ఐదువేల మంది ఉద్యోగ, ఉపాధ్యాయుల జీవితం ఎంతో దుర్భరంగా మారిందని, వారికి సీపీఎస్‌ పెన్షన్‌ రూపంలో నెలకు రూ.వెయ్యి, 1,200 చొప్పున వస్తోందన్నారు. ఇది సామాజిక పెన్షన్‌ కంటే తక్కువగా ఉందన్నారు. సెప్టెంబర్‌ ఒకటిన గుంటూరులో తలపెట్టిన సీపీఎస్‌ ఉద్యోగుల ఆత్మగౌరవ సభకు ఉమ్మడి జిల్లా నుంచి పెద్ద ఎత్తున సీపీఎస్‌ ఉద్యోగులు, ఉపాధ్యాయులు పాల్గొని ఆత్మగౌరవ సభను విజయవంతం చేయాలని కోరారు. విజ్ఞాన్‌ను సందర్శించిన తైవాన్‌ ఏషియా వర్సిటీ ప్రతినిధి బృందం చేబ్రోలు: ఇండియా– తైవాన్‌ విద్యా సహకారానికి మరింత బలం చేకూర్చే దిశగా తైవాన్‌కు చెందిన ఏషియా యూనివర్సిటీ ప్రతినిధి బృందం సోమవారం విజ్ఞాన్‌ యూనివర్సిటీను సందర్శించింది. ఈ పర్యటన ఇండియా– తైవాన్‌ అకడమిక్‌ కోలాబరేషన్‌ కార్యక్రమంలో భాగంగా వారం రోజుల పాటు నిర్వహించనున్నారు. ఈ సందర్భంగా జరిగిన సమావేశంలో రెండు విశ్వవిద్యాలయాల మధ్య విద్యా, పరిశోధన, అంతర్జాతీయ భాగస్వామ్య అవకాశాలపై విస్తృతంగా చర్చించారు. తైవాన్‌ ప్రతినిధి బృందంలో ప్రొఫెసర్‌ లిన్‌ చున్‌–వెయ్‌, ప్రొఫెసర్‌ డాక్టర్‌ చార్లెస్‌ సి.ఎన్‌.వాంగ్‌, ప్రొఫెసర్‌ డాక్టర్‌ చింగ్‌–హ్సియన్‌ హ్సు, మిస్‌ జిల్‌ లై, డాక్టర్‌ యింగ్‌–రాంగ్‌ హో పాల్గొన్నారు. సమావేశంలో ఇరు విశ్వవిద్యాలయాల మధ్య విద్యా సహకారాన్ని మరింత విస్తరించడంతో పాటు సంయుక్త పరిశోధనలు, సెమీకండక్టర్‌, కృత్రిమ మేధ(ఏఐ), ఇన్ఫర్మేషన్‌ టెక్నాలజీ, ఎలక్ట్రికల్‌ ఇంజినీరింగ్‌ వంటి అభివృద్ధి చెందుతున్న రంగాల్లో సంయుక్త విద్యా కార్యక్రమాలు, అధ్యాపకుల నైపుణ్యాభివృద్ధి, అంతర్జాతీయ ఇంటర్న్‌షిప్‌లు, విద్యార్థుల గ్లోబల్‌ మొబిలిటీ, ద్వైపాక్షిక డిగ్రీ అవకాశాలపై విస్తృతంగా చర్చించారు. విజ్ఞాన్స్‌ వర్సిటీ వైస్‌ చాన్స్‌లర్‌ ప్రొఫెసర్‌ కేవీ క్రిష్ణకిషోర్‌ మాట్లాడుతూ తైవాన్‌ సాంకేతిక నైపుణ్యాన్ని భారత యువత ప్రతిభతో కలిపితే ప్రపంచస్థాయి ఆవిష్కరణలకు మార్గం సుగమమవుతుందన్నారు. కార్యక్రమంలో రిజిస్ట్రార్‌ పీఎంవీ రావు పాల్గొన్నారు.

తాడేపల్లి: వైఎస్సార్‌సీపీ నిరసన ర్యాలీలకు ప్రజల నుంచి అనూహ్య స్పందన వస్తుందని పార్టీ స్టేట్‌ కో-ఆర్డినేటర్‌ సజ్జల రామకృష్ణారెడ్డి స్పష్టం చేశారు. తాజాగా డీఎస్సీ అక్రమాలపై వైఎస్సార్‌సీపీ చేపట్టిన రాష్ట్ర వ్యాప్త నిరసన ర్యాలీలు విజయవంతం కావడంతో సజ్జల మీడియాతో మాట్లాడారు. తాము అడిగిన దాంట్లో వాస్తవం లేకపోతే ప్రజల నుంచి ఇంత స్పందన ఎలా వస్తుందని ప్రశ్నించారు. ‘వైఎస్సార్‌సీపీ నిరసన ర్యాలీలకు ప్రజల నుంచి అనూహ్యమైన స్పందన లభిస్తోంది. డీఎస్సీ అక్రమాలపై కూటమి ప్రభుత్వం సమాధానం చెప్పడం లేదు. నిరసనలపై కూటమి నేతలు తప్పుడు ప్రచారం చేస్తున్నారు. మా పోరాటాలను అణచివేయాలని చూస్తున్నారు. వైఎస్సార్‌సీపీ ర్యాలీలు విజయవంతమయ్యాయి. వైఎస్సార్‌సీపీ చేపట్టిన ప్రతి కార్యక్రమానికి ప్రజల నుంచి విశేష స్పందన వస్తోంది. నిరసన కార్యక్రమాలను ఓ ఉద్యమంలా ముందుకు తీసుకెళ్తున్నాం. అందుకే వైఎస్సార్‌సీపీ పోరాటాను అణగదొక్కాలనే ప్రయత్నం చేస్తున్నారు. డీఎస్సీలో అక్రమాలు జరిగింది వాస్తవం కాబట్టే చంద్రబాబు ఉలిక్కిపడుతున్నారు. ఈ స్కాం నుంచి చంద్రబాబు, లోకేష్‌ తప్పించుకోలేరు. డీఎస్సీ అక్రమాలపై కూటమి ప్రభుత్వం సమాధానం చెప్పడం లేదు. నిరసనలపై కూటమి నేతలు తప్పుడు ప్రచారం చేస్తున్నారు. ఫీజు రీయింబర్స్‌మెంట్‌ బకాయిలు ఇప్పటివరకూ ఇవ్వలేదు. మేం అడిగిన ప్రశ్నలకు ప్రభుత్వం సమాధానం చెప్పలేకపోతోంది. డీఎస్సీలో అక్రమాలు జరిగినట్లు క్లియర్‌గా తెలుస్తోంది. ఉన్నతస్థాయిలోనే తప్పు జరిగిందనే విషయం అర్థమవుతోంది. అక్రమాలు జరిగాయి కాబట్టే సీబీఐ విచారణకు భయపడుతున్నారు. లీకేజీ జరిగిందనడానికి తిరుగులేని ఆధారాలున్నాయిఒక తప్పును కవర్‌ చేయడానికి తప్పుల మీద తప్పులు చేశారు. అక్రమాలు బయటకు రావడంతో సర్టిఫికెట్లు కూడా టాంపర్‌ చేసి మార్చారు’ అని ధ్వజమెత్తారు సజ్జల.

తాడేపల్లి: ఆంధ్రప్రదేశ్ రాష్ట్ర అధికారిక గీతమైన "మా తెలుగు తల్లికి మల్లెపూదండ" రచించిన మహాకవి శంకరంబాడి సుందరాచారి జయంతి సందర్బంగా వైఎస్సార్‌సీపీ అధ్యక్షుడు, మాజీ సీఎం వైఎస్‌ జగన్‌మోహన్‌రెడ్డి నివాళులర్పించారు. మా తెలుగు తల్లికి మల్లెపూదండ గీతంతో తెలుగుజాతి ఆత్మగౌరవాన్ని చాటిన రచయిత, మహాకవి అంటూ వైఎస్‌ జగన్‌ ప్రశంసించారు. తెలుగు సంస్కృతి వైభవాన్ని అక్షరాల్లో అజరామరం చేసిన మహాకవి శంకరబాడి సుందరాచారి అని, తెలుగు నేల గొప్పతనాన్ని, తెలుగు తల్లి కీర్తిని తన కలంతో తరతరాలకు చాటి చెప్పారన్నారు. శంకరంబాడి సుందరాచారి సాహితీ సేవలు చిరస్మరణీయమన్నారు. ``మా తెలుగు తల్లికి మల్లెపూదండ`` గీతంతో తెలుగు జాతి ఆత్మగౌరవాన్ని, సంస్కృతి వైభవాన్ని అక్షరాల్లో అజరామరం చేసిన మహాకవి శంకరంబాడి సుందరాచారి గారు. తెలుగు నేల గొప్పతనాన్ని, తెలుగు తల్లి కీర్తిని తన కలంతో తరతరాలకు చాటిచెప్పిన ఆయన సాహితీ సేవలు చిరస్మరణీయం. శంకరంబాడి సుందరాచారి గారి… pic.twitter.com/zKzBsJneq6— YS Jagan Mohan Reddy (@ysjagan) August 10, 2026

సాక్షి, అమరావతి: డీఎస్సీ అక్రమాలను నిలదీస్తూ వైఎస్సార్‌సీపీ చేపట్టిన నిరసన కార్యక్రమాలు కూటమి ప్రభుత్వంపై రాజకీయ ఒత్తిడిని పెంచాయి. అయితే ఇవాళ రాష్ట్రవ్యాప్తంగా చేపట్టిన ర్యాలీలను అడ్డుకోవడం, నేతలను అదుపులోకి తీసుకోవడం.. పలు చోట్ల లాఠీఛార్జీలు చేయడంపై వైఎస్సార్‌సీపీ తీవ్ర ఆగ్రహం వ్యక్తం చేస్తోంది. నిరసనలను అడ్డుకోవడం చంద్రబాబు ప్రభుత్వ పిరికితనానికి నిదర్శనమని వైఎస్సార్‌సీపీ నేతలు మండిపడుతున్నారు.డీఎస్సీ నియమకాల్లో జరిగిన అవినీతికి నైతిక బాధ్యత వహిస్తూ మంత్రి నారా లోకేశ్‌ రాజీనామా చేయడం, ఈ వ్యవహారంపై సీబీఐ దర్యాప్తు కోరుతూ అభ్యర్థులు, డీఎస్సీ సంఘాలతో వైఎస్సార్‌సీపీ రాష్ట్రవ్యాప్తంగా ఆందోళనలకు పిలుపునిచ్చింది. ఈ నేపథ్యంలో పలుచోట్ల పోలీసులు ముందస్తు చర్యలు చేపట్టారు. ర్యాలీలు, నిరసనలకు అనుమతి లేదంటూ అడ్డుకునే ప్రయత్నం చేశారు.పులివెందులలో లాఠీఛార్జ్‌.. వైఎస్సార్‌సీపీ అధినేత, మాజీ సీఎం వైఎస్‌ జగన్‌ మోహన్‌రెడ్డి నియోజకవర్గంలో పోలీసులు దౌర్జన్యకాండకు పాల్పడ్డారు. పులివెందులలో ఆర్డీవోకు వినతి పత్రం ఇవ్వడానికి వెళ్లిన వైఎస్సార్‌సీపీ శ్రేణులపై లాఠీ ఛార్జ్‌ చేశారు. దీంతో పలువురికి గాయాలు కాగా ఉద్రిక్త పరిస్థితి నెలకొంది. ఆ సమయంలో కూటమి ప్రభుత్వానికి వ్యతిరేకంగా నినాదాలు వినిపించాయి. అంతకు ముందు.. ఎంపీ అవినాశ్‌రెడ్డికి ర్యాలీ నిర్వహించడానికి వీల్లేదంటూ పోలీసులు నోటీసులు అందించారు.చీపురుపల్లిలో బొత్సకు అడ్డంకులుచీపురుపల్లిలో నిర్వహించాల్సిన నిరసన కార్యక్రమానికి వెళ్తున్న సీనియర్‌ నేత, మండలిలో విపక్షనేత బొత్స సత్యనారాయణను పోలీసులు అడ్డుకున్నారు. శాంతియుతంగా నిరసన తెలిపే హక్కు ఉన్నప్పటికీ పోలీసులు అడ్డుకోవడం సరికాదని బొత్స మండిపడ్డారు. రోడ్డుపైనే ఆయన ఆందోళన చేపట్టారు. కొడాలి నాని హౌస్‌ అరెస్ట్‌మాజీ మంత్రి కొడాలి నానిని గుడివాడ పోలీసులు హౌస్‌ అరెస్ట్‌ చేశారు. డీఎస్సీ అంశంపై నిరసనల్లో పాల్గొనకుండా ముందస్తుగా చర్యలు తీసుకున్నట్లు తెలిపారు. ఈ పరిణామంపై వైఎస్సార్‌సీపీ కార్యకర్తలు, ఆయన అభిమానులు మండిపడుతున్నారు.అటు రాజమండ్రిలోనూ మాజీ ఎంపీ భరత్‌ ఆధ్వర్యంలో నిరసనలు జరుగుతుండగా.. పోలీసులు ర్యాలీని అడ్డుకున్నారు. దీంతో పోలీసుల తీరుపై ఆయన మండిపడ్డారు. విశాఖలో అరెస్టులువిశాఖపట్నంలోని మారియట్‌ సెంటర్‌ వద్ద నిరసనకు ప్రయత్నించిన వైఎస్సార్‌సీపీ నేతలు, కార్యకర్తలను పోలీసులు అడ్డుకున్నారు. కేకే రాజు సహా పలువురిని అదుపులోకి తీసుకున్నారని తెలిపారు.విజయవాడలో దేవినేని ర్యాలీకి అడ్డంకులువిజయవాడలో దేవినేని అవినాష్‌ ఆధ్వర్యంలో చేపట్టిన ర్యాలీని పోలీసులు అడ్డుకునే ప్రయత్నం చేశారు. అనుమతి లేదంటూ పోలీసులు బారికేడ్లు ఏర్పాటు చేశారు. ఈ క్రమంలో వైఎస్సార్‌సీపీ శ్రేణులు బారికేడ్లు దాటేందుకు ప్రయత్నించడంతో ఉద్రిక్త పరిస్థితులు ఏర్పడ్డాయి.అవనిగడ్డలోనూ అడ్డగింతఅవనిగడ్డలోనూ వైఎస్సార్‌సీపీ నేతల నిరసన కార్యక్రమాన్ని పోలీసులు అడ్డుకున్నారు. రాష్ట్రవ్యాప్తంగా ప్రజల సమస్యలపై గొంతెత్తే హక్కును ప్రభుత్వం కాలరాస్తోందని విమర్శించింది.తిరుపతిలో భూమన కరుణాకర్‌రెడ్డి నేతృత్వంలో.. గన్నవరంలో వల్లభనేని వంశీ ఆధ్వర్యంలో ర్యాలీలు జరుగుతున్నాయి. నెల్లూరు, కర్నూల్‌, అనంతపురం, అవనిగడ్డ.. ఇలా పలు చోట్ల వైఎస్సార్‌సీపీ ర్యాలీలు నిర్వహించకుండా పోలీసులు అడ్డుపడుతున్నారు. నిరసన తెలియజేస్తున్న వాళ్లపైకి లాఠీ ప్రయోగిస్తున్నారు.‘శాంతియుత నిరసనలకు ఎందుకు అభ్యంతరం?’డీఎస్సీ అంశంపై శాంతియుతంగా ర్యాలీలు నిర్వహిస్తే ప్రభుత్వం ఎందుకు భయపడుతోందని వైఎస్సార్‌సీపీ నేతలు ప్రశ్ని‍స్తున్నారు. ప్రజాస్వామ్యంలో నిరసన తెలిపే హక్కు ప్రతి ఒక్కరికీ ఉందని, దాన్ని అడ్డుకోవడం సరికాదని అన్నారు.

వైఎస్సార్‌సీపీ నిరసనలు అప్‌డేట్స్‌.. పార్టీ అధ్యక్షుడు, మాజీ సీఎం వైఎస్‌ జగన్‌మోహన్‌రెడ్డి ఆదేశాల మేరకు డీఎస్సీ అక్రమాలపై వైఎస్సార్‌సీపీ చేపట్టిన ఏపీ రాష్ట్ర వ్యాప్త ర్యాలీలు విజయవంతమయ్యాయి. వైఎస్సార్‌సీపీ ర్యాలీలను అడ్డుకునేందుకు కూటమి ప్రభుత్వం శతవిధాలా ప్రయత్నించినా ఆ నిరసన ర్యాలీలకు ప్రజల నుంచి అనూహ్య స్పందన లభించింది. నిరసన ర్యాలీలకు విధించిన భారీ ఆంక్షలను ప్రజలు తమ నిరసనల రూపంలోనే తిప్పికొట్టారు. వైఎస్సార్‌సీపీ చేపట్టిన ర్యాలీలకు ప్రజలు భారీ సంఖ్యలో హాజరై తమ సంఘీభావం తెలిపారు. ఈ నిరసన ర్యాలీల్లో డీఎస్సీ అక్రమాలపై నిగ్గు తేల్చాలని, సీబీఐ విచారణకు అప్పగించాలని, లోకేష్‌ రాజీనామా చేయాలనే డిమాండ్లు ప్రధానంగా వినిపించాయి. వైయస్సార్ జిల్లాడీఎస్సీ అవకతవకలపై వైఎస్సార్సీపీ నిరసన ర్యాలీర్యాలీని అడ్డుకునేందుకు భారీగా పోలీసులు మోహరింపు వైఎస్సార్సీపీ కార్యాలయం నుంచి మెుదలైన ర్యాలీర్యాలీలో పాల్గొన్న కడప ఎంపీ వైఎస్‌ అవినాష్‌రెడ్డి, ఎమ్మెల్సీ రామసుబ్బారెడ్డిఅడ్డుకునేందుకు విశ్వప్రయత్నం చేసిన పోలీసులుపోలీసుల బంధనాలను తెంచుకుని ముందుకు సాగిన ర్యాలీఎట్టిపరిస్థితిల్లో డీఎస్సీ ఆందోళనలు జరగడానికి వీళ్లేదంటూ పోలీసులకు ఆదేశాలిచ్చిన ఆదినారాయణరెడ్డిబీజేపీ ఎమ్మెల్యే ఆదినారాయణరెడ్డి ఆదేశాలతో నిన్న దీక్షను భగ్నం చేసేందుకు ప్రయత్నించిన పోలీసులుఒకరి తర్వాత ఒకరు దీక్షను కొనసాగించడంతో నేడు ర్యాలీని అడ్డుకోవాలని కుట్రవైఎస్సార్సీపీ కార్యాలయం వద్ద పోలీసులు భారీగా మోహరించినా ముందుకు సాగిన ర్యాలీపెద్ద ఎత్తున పాల్గొన్న వైఎస్సార్సీపీ శ్రేణులు..కూటమి నేతలకు చెంపపెట్టులా ప్రారంభమైన ర్యాలీర్యాలీలో పాల్గొన్న కడప ఎంపీ వైఎస్‌ అవినాష్‌ రెడ్డి, ఎమ్మెల్సీ రామసుబ్బారెడ్డివైయస్సార్ జిల్లాజమ్మలమడుగులో ఉద్రిక్త వాతావరణం2025లో జరిగిన డీఎస్సీ అవకతవకలపై ర్యాలీకి సిద్ధమైన వైఎస్సార్సీపీ నాయకులుఎమ్మెల్సీ రామసుబ్బారెడ్డి ఆధ్వర్యంలో ర్యాలీకి సిద్ధమైన కార్యకర్తలు వారిని అడ్డుకునేందుకు ఎక్కడికక్కడ భారీ గేట్లు వేసిన పోలీసు అధికారులుజమ్మలమడుగులో పెద్ద ఎత్తున మొహరించిన పోలీసు బలగాలుఎన్ని బలగాలు అడ్డుపడిన తగ్గేదేలే అంటున్న వైఎస్సార్సీపీ నేతలుఎట్టిపరిస్థితుల్లో ర్యాలీ చేసి తీరుతాం అంటున్న వైఎస్సార్సీపీ కార్యకర్తలువైఎస్ఆర్ కాంగ్రెస్ పార్టీ కార్యాలయానికి పెద్ద ఎత్తున చేరుకున్న కార్యకర్తలుఈ నేపథ్యంలో జమ్మలమడుగులో ఉద్రిక్త పరిస్థితులుచిత్తూరు జిల్లాపూతలపట్టు నియోజకవర్గం కేంద్రం పూతలపట్టులో మెగా డీఎస్సీ అక్రమాలు పై మాజీ ఎమ్మెల్యే డాక్టర్ సునీల్ కుమార్ ఆధ్వర్యంలో భారీ ర్యాలీ..పోలీసులు ఆంక్షలు విధించినా భారీ సంఖ్యలో స్వచ్ఛందంగా పాల్గొన్న వైఎస్ఆర్సిపి నాయకులు , కార్యకర్తలు.అంబేద్కర్ విగ్రహం నుంచి తాసిల్దార్ కార్యాలయం వరకు నిరసన ర్యాలీడీఎస్సీ నియామకాల అక్రమాలకు నైతిక బాధ్యత వహిస్తూ మంత్రి నారా లోకేష్ వెంటనే రాజీనామా చేయాలని డిమాండ్ తిరుపతి జిల్లా:శ్రీకాళహస్తిలో డీఎస్సీ అక్రమాలపై సిబిఐ విచారణ జరిపించాలని డిమాండ్ చేస్తూ..మంత్రి నారా లోకేష్ రాజీనామా చేయాలని భారీ ఎత్తున నిరసన ర్యాలీ చేపట్టిన మాజీ ఎమ్మెల్యే బియ్యపు మధుసూదన్‌రెడ్డినెల్లూరు జిల్లామనుబోలులో ఉద్రిక్త పరిస్థితిమనుబోలులో డీఎస్సీ అక్రమాలపై నిరసన ర్యాలీలో పాల్గొన్న మాజీ మంత్రి కాకాణి గోవర్ధన్ రెడ్డి, కాకాణి పూజిత.వీరభద్ర దేవస్థానం నుండి జాతీయ రహదారి వద్ద ఉన్న రాజశేఖర్ రెడ్డి విగ్రహం వద్ద వరకు భారీ ర్యాలీ..ఈ ర్యాలీని అడుగడుగునా అడ్డుకున్న పోలీసులు,వైఎస్సార్‌సీపీ నాయకులపై పోలీసుల తోపులాట.కాకాణి గోవర్ధన్ రెడ్డి కామెంట్స్నిరుద్యోగులను మోసం చేసిన ప్రభుత్వం కూటమి సర్కార్‌ నారా లోకేష్ తక్షణమే రాజీనామా చేయాలి..ప్రతిపక్ష నిరసనలపై పోలీసులతో అణచివేత, బ్యానర్లో చించి వేస్తూ తాడులకు తెగబడుతున్నారని మాజీ మంత్రి ఆరోపణ.వైఎస్ జగన్‌మోహన్‌రెడ్డి పిలుపుమేరకు రాష్ట్రవ్యాప్తంగా సాగుతున్న పోరాటం విజయవాడ..బోండా ఉమాకుదేవినేని అవినాష్‌ వార్నింగ్‌డీఎస్సీ అక్రమాలపై శాంతియుతంగా నిరసనలు చేస్తున్నాంమేం నిరసనలు చేస్తుంటే కొంతమంది జోకర్లు , కమెడియన్లను మా పైకి పంపించారుజోకర్లు , కమెడియన్లు పులులం , సింహాలం అని బిల్డప్ ఇస్తున్నారుజోకర్లు , కమెడియన్లకు వైఎస్సార్‌సీపీ భయపడదువిద్యార్ధులకు జరిగిన అన్యాయం పై మాట్లాడమంటే మా కుటుంబం గురించి మాట్లాడుతున్నారుమా కుటుంబం గురించి ఏం తెలుసని మాట్లాడుతున్నారుమా ముత్తాత దేవినేని సూర్యనారాయణ నెప్పల్లి గ్రామానికి 18 ఏళ్లు సర్పంచ్ గా పనిచేశారుమా తాతగారు దేవినేని రామకృష్ణ వరప్రసాద్ ఈ జిల్లాలోనే తొలి ఇండస్ట్రియలిస్ట్ప్రకాశం బ్యారేజ్ కు గడ్డర్లు సప్లై చేసింది మా కుటుంబం నుంచి వచ్చిన సువర్ణ ఇండస్ట్రీస్ అనంతపురం..మాజీ ఎమ్మెల్యే అనంత వెంకటరామిరెడ్డి కామెంట్స్‌..డీఎస్సీ అక్రమాలపై మంత్రి నారా లోకేష్‌ను ప్రాసిక్యూట్ చేయాలినీట్ లీకేజీకి కేంద్ర విద్యాశాఖ మంత్రి ధర్మేంద్ర ప్రధాన్ బాధ్యత వహించి రాజీనామా చేశారుడీఎస్సీ అక్రమాలకు నైతిక బాధ్యత వహిస్తూ ఏపీ విద్యా శాఖ మంత్రి నారా లోకేష్ ఎందుకు రాజీనామా చేయలేదు?లక్షల మంది డీఎస్సీ అభ్యర్థుల జీవితాలతో టీడీపీ కూటమి ప్రభుత్వం చెలగాటం ఆడుతోందిడీఎస్సీ అభ్యర్థుల నుంచి వచ్చిన 35వేల ఫిర్యాదులను ఎందుకు బుట్టదాఖలు చేశారు.దీనిపై చంద్రబాబు, మంత్రి నారా లోకేష్ సమాధానం చెప్పాలి తూర్పుగోదావరి జిల్లా..రాజమండ్రి రూరల్ బొమ్మూరులో మాజీ మంత్రి వేణుగోపాలకృష్ణ ఆధ్వర్యంలో ర్యాలీర్యాలీని అడ్డుకున్న పోలీసులుడీఎస్సీలో అక్రమాలకు బాధ్యత వహిస్తూ విద్యాశాఖ మంత్రి లోకేష్ రాజీనామా చేయాలని డిమాండ్ర్యాలీలో భారీ సంఖ్యలో పాల్గొన్న పార్టీ శ్రేణులు. కృష్ణా..డీఎస్సీలో జరిగిన అక్రమాలపై సీబీఐ విచారణ జరిపించాలంటూ భారీ నిరసన ర్యాలీపెనమలూరు నియోజకవర్గలో దేవభక్తుని చక్రవర్తి ఆధ్వర్యంలో ర్యాలీదేవభక్తుని చక్రవర్తి కామెంట్స్విద్యాశాఖ మంత్రి నారా లోకేష్‌పై సీబీఐ విచారణ జరపాలి.డీఎస్సీలో జరిగిన బాగోతాలు బయటపెడుతుంటే మాపై దాడులు చేస్తున్నారుఅర్హత లేని వారికి ఉద్యోగాలు ఇచ్చారుకూటమి ప్రభుత్వం ఉద్యోగులను, యువతను మోసం చేసిందినారా లోకేష్ విద్యాశాఖ మంత్రిగా అనర్హుడునైతిక బాధ్యత వహించి నారా లోకేష్ రాజీనామా చేయాలితూర్పుగోదావరి జిల్లా..రాజమండ్రిలో మాజీ ఎమ్మెల్యే జక్కంపూడి రాజా ఆధ్వర్యంలో డీఎస్సీ అక్రమాలపై ఆందోళనరాజా ఇంటి వద్ద పెద్ద ఎత్తున పోలీసుల మోహరింపు.పోలీసులు బయటకు వెళ్లనివ్వకపోవడంతో ఇంటివద్దే ధర్నాకు దిగిన జక్కంపూడి రాజాపెద్ద సంఖ్యలో ఆందోళనలో పాల్గొన్న పార్టీ నేతలు, యువకులుడీఎస్సీ అక్రమాలపై విచారణ కొనసాగాలని లోకేష్ రాజీనామా చేయాలని డిమాండ్ కాకినాడ..కురసాల కన్నబాబు కామెంట్స్....డీఎస్సీ అక్రమాలపై సీబీఎన్‌ విచారణ కాదు.. సీబీఐ విచారణ కావాలి.డీఎస్సీ అక్రమాలకు బాధ్యత వహిస్తూ మంత్రి లోకేష్ రాజీనామా చేయాలి.ఫీజు రియింబర్స్మెంట్ , నిరుద్యోగ భృతి బకాయిలు విడుదల చేయాలి.డీఎస్సీపై విచారణ అంటే చంద్రబాబు వణికిపోతున్నాడుమంత్రి లోకేష్ భయపడుతున్నాడుర్యాలీ చేయవద్దని పోలీసులు నాకు రెండు నోటీసులు ఇచ్చారు.పోలీసులు కేసులు పెడతామన్నా ఏడు కిలోమీటర్ల దూరం బైక్ ర్యాలీ చేశాం వైఎస్సార్ జిల్లా...బద్వేలులో డీఎస్సీ అక్రమాలపై జిల్లా అధ్యక్షుడు రవీంద్రనాథ్ రెడ్డి ఆధ్వర్యంలో భారీ ర్యాలీ.ర్యాలీలో పాల్గొన్న ఎమ్మెల్సీ గోవింద్ రెడ్డి, ఎమ్మెల్యే డాక్టర్ దాసరి సుధా, రాష్ట్ర విద్యార్థి విభాగ ప్రధాన కార్యదర్శి ఆదిత్ రెడ్డి.శాంతియుతంగా ర్యాలీ చేస్తుంటే అడ్డుకున్న పోలీసులు..పోలీసులకు, పార్టీ నాయకుల మధ్య వాగ్వాదం..ర్యాలీ జరగనివ్వమంటూ రవీంద్రనాథ్ రెడ్డిని అడ్డుకున్న పోలీసులు..పోలీసుల తీరుపై మండిపడ్డ రవీంద్రనాథ్ రెడ్డి..శాంతియుతంగా ర్యాలీ చేస్తుంటే అడ్డుకోవాల్సిన అవసరం ఏంటని ప్రశ్నించిన వైఎస్సార్సీపీ నేతలుపోలీసులను తోసుకుని ముందుకు దూసుకుపోయి ర్యాలీని నిర్వహించిన నేతలు కృష్ణాజిల్లా..గన్నవరం వైఎస్సార్‌సీపీ కార్యాలయం వద్ద ఉద్రిక్తత.ర్యాలీని అడ్డుకున్న పోలీసులు.రోడ్డుపైకి రాకుండా బారికేడ్లు అడ్డు పెట్టిన పోలీసులు.పోలీసులు, నాయకుల మధ్య వాగ్వివాదం.పోలీసులు తీరుకు నిరసనగా రోడ్డుపై ధర్నాకు దిగిన వైఎస్సార్‌సీపీ నాయకులు.మాజీ ఎమ్మెల్యే వల్లభనేని వంశీ కామెంట్స్కూటమి ప్రభుత్వం ఎన్నికల ముందు మెగా డీఎస్సీ ద్వారా ఉద్యోగాలు ఇస్తామని ఊదరగొట్టారు.అధికారంలోకి వచ్చాక డీఎస్సీ తీశారు.చంద్రబాబు ప్రభుత్వం తీసిన మెగా డీఎస్సీ దగా డీఎస్సీగా మారింది.అనర్హులకు ఉద్యోగాలు ఇచ్చారనే ఆరోపణలు ఉన్నాయి.డీఎస్సీ నియామకం ద్వారా కూటమి ప్రభుత్వం ప్రజల్లో నమ్మకాన్ని కోల్పోయింది.డీఎస్సీపై ఎందుకు సీబీఐ విచారణ వేయడం లేదు.గతంలో ఎన్నో నీతులు చెప్పిన చంద్రబాబు ఇప్పుడు ఎందుకు స్పందించడం లేదు?.ఎంతో మంది యువకులు కష్టపడి చదివి ఉద్యోగం రాకపోతే..బ్రోకర్లు ఉద్యోగాలు ఇప్పిస్తామని చెప్పి మోసం చేస్తున్నారు.ప్రతిపక్షంలో ఉండగా ఎన్ని చేసిన చంద్రబాబు..అధికారంలోకి వచ్చాక మాట్లాడిన వారిపై అక్రమ కేసులు, ఉపా కేసులు కూడా పెడుతున్నారు.వ్యవస్థ మీద నమ్మకం ఉండాలంటే చంద్రబాబు సీబీఐ విచారణ చేయాలి.విశాఖ..కదిరి బాబురావు కామెంట్స్‌.. అక్రమ అరెస్టును తీవ్రంగా ఖండిస్తున్నాం.అక్రమ అరెస్టులు ప్రజాస్వామ్యానికి విరుద్ధం..శాంతియుతంగా నిర్వహించే ర్యాలీలను అడ్డుకోవడం సరికాదు.డీఎస్సీ అవకతవకలపై సీబిఐ విచారణ జరిపించాలి.మంత్రి నారా లోకేష్ రాజీనామా చేయాలి..ఎమ్మెల్సీ వరుదు కళ్యాణి అరెస్ట్..ఈ అరెస్టులను తీవ్రంగా ఖండిస్తున్నాం..శాంతియుతంగా పోరాటం చేస్తున్నా అడ్డుకుంటున్నారు..పోలీసుల తీరు చాలా దారుణంగా ఉంది: కళ్యాణిగుంటూరు..అంబటి రాంబాబు కామెంట్స్‌..యువగళంలో లోకేష్‌తో నడిచిన వారికి స్పోర్ట్స్ కోటాలో ఉద్యోగం ఇచ్చారుఇందుకోసం పేపర్ లీక్ చేశారుజీవో నెంబర్ 4, 47లు తెచ్చి అక్రమాలు చేశారుసర్టిఫికేట్ తెచ్చుకుంటే చాలు ఉద్యోగం ఇచ్చారుతమకు కావాల్సిన వారికి ఉద్యోగం ఇచ్చుకుని మరో జీవో తెచ్చారుదీనిపై మేము ఉద్యమం చేస్తే మా దీక్షా శిబిరాలపై దాడులు చేశారుటీడీపీ నేతలే టెంట్లు పీకటం దుర్మార్గంవాస్తవాలు బయటకు వస్తాయని టీడీపీ నేతలు భయపడుతున్నారుపోలీసులతో మా‌ దీక్షలను అడ్డుకునే ప్రయత్నం చేశారుగాంధేయ పద్దతిలో చేసే నిరసనలను అడ్డు కోవటం సరికాదుపొన్నూరు, చిలకలూరిపేట, విజయవాడలో పోలీసులే టెంట్లు పీకారుపోలీసుల పని టెంట్లు పీకటమా?ఇప్పటికైనా లోకేష్ రాజీనామా చేసి చిత్తశుద్ది నిరూపించుకోవాలి.డీఎస్సీ అభ్యర్దులు లేరంటూ డైవర్షన్ పాలిటిక్స్‌కు టీడీపీ పాల్పడుతుంది.డీఎస్సీపై పోరాటం ఆపం.రాబోయే రోజుల్లో అందరూ ఉద్యమబాట పడతారు.వెంటనే లోకేష్ రాజీనామా చేయాలి. తూర్పుగోదావరి జిల్లా..రాజమండ్రిలో మాజీ ఎంపీ మార్గాన్ని భరత్ ఇంటి వద్ద ఉద్రిక్తతర్యాలీగా పార్టీ శ్రేణులతో శాంతియుతంగా బయలుదేరిన మాజీ ఎంపీని అడ్డుకున్న పోలీసులుపోలీసుల తీరుపై మండిపడిన భరత్ప్రభుత్వం పోలీసులు వ్యవహరిస్తున్న తీరుపై తీవ్ర విమర్శలుడీఎస్సీ అక్రమాలపై విచారణ జరపాలని డిమాండ్గేటు వద్దే కూర్చుని నుంచి ఆందోళన నిర్వహిస్తున్న భరత్పెద్ద ఎత్తున నినాదాలు చేస్తున్న వైఎస్సార్‌సీపీ కార్యకర్తలులోకేష్ రాజీనామా చేయాలని డిమాండ్విశాఖ:విశాఖ తూర్పు నియోజకవర్గంలో ఉద్రిక్తత..ఎమ్మెల్సీ వరుదు కళ్యాణి, తూర్పు నియోజకవర్గ సమన్వయకర్త మొల్లి అప్పారావు అరెస్ట్..పోలీసు వాహనాలను అడ్డుకున్న వైఎస్సార్‌సీపీ శ్రేణులు..కృష్ణాజిల్లా..గుడివాడలో మాజీ మంత్రి కొడాలి నానిని హౌస్ అరెస్ట్ చేసిన పోలీసులుడీఎస్సీ అక్రమాలపై సీబీఐ విచారణ చేపట్టాలని కైలే అనిల్ కుమార్ ఆధ్వర్యంలో ర్యాలీ..ర్యాలీకి అనుమతి లేదంటూ అడ్డుకుంటున్న పోలీసులు..విశాఖ..విశాఖలో తీవ్ర ఉద్రిక్తత..పోలీసులకు వైఎస్సార్‌సీపీ శ్రేణులకు మధ్య తీవ్ర వాగ్వాదం.కేకే రాజును బలవంతంగా అరెస్టు చేసిన పోలీసులు.పోలీసులకు పార్టీ నేతలకు మధ్య తోపులాట.భారీ బందోబస్తు మధ్య కేకే రాజును అరెస్టు చేసిన పోలీసులు.విజయవాడవిజయవాడలో ఉద్రిక్తతదేవినేని అవినాష్ ఆధ్వర్యంలో ర్యాలీని అడ్డుకున్న పోలీసులుపోలీసు బారికేడ్లు తోసుకుంటూ దూసుకెళ్లిన వైఎస్సార్‌సీపీ కార్యకర్తలుడీఎస్సీపై సీబీఐ విచారణ జరపాలని, లోకేష్ రాజీనామా చేయాలని ఆందోళనదేవినేని అవినాష్ కామెంట్స్‌..చంద్రబాబు ప్రభుత్వం భయపడుతుందియువత ఉద్యమాన్ని చూసి లోకేష్ భయపడుతున్నారుఅందుకే పోలీసులు చేత ఉద్యమాన్ని అణగదొక్కుతున్నారుఎన్ని కేసులు పెట్టినా భయపడేది లేదుడీఎస్సీలో భారీ అక్రమాలు జరిగాయిపేపర్ లీక్‌పై సీబీఐ విచారణ జరగాలితూర్పుగోదావరి జిల్లా..రాజమండ్రిలో మాజీ ఎంపీ భరత్ ఇంటి వద్ద భారీగా మోహరించిన పోలీసులుకార్యకర్తలు ఎవరిని లోపలికి రానివ్వకుండా బారికేడ్లు ఏర్పాటుర్యాలీకి అనుమతి లేదంటూ నోటీసులు జారీ చేసిన పోలీసులు వైఎస్సార్ జిల్లాపులివెందులలో తీవ్ర ఉద్రిక్తతఆర్డీవో కార్యాలయంలో వినతి పత్రం అందించేందుకు వెళ్లిన వైఎస్సార్‌సీపీ శ్రేణులులోపలికి వెళ్లేందుకు ప్రయత్నించడంతో పోలీసుల లాఠీఛార్జ్అనంతపురం..మాజీ మంత్రి పెద్దిరెడ్డి రామచంద్రారెడ్డి కామెంట్స్..తాడిపత్రి వెళ్తున్న నన్ను అడ్డుకోవడం దుర్మార్గంశాంతియుతంగా నిరసన తెలిపే హక్కు లేదా?డీఎస్సీ అక్రమాలకు నైతిక బాధ్యత వహిస్తూ ఏపీ విద్యా శాఖ మంత్రి నారా లోకేష్ రాజీనామా చేయాల్సిందేలోకేష్ డైరెక్షన్‌లోనే డీఎస్సీ అక్రమాలు జరిగాయిఒక్కో ఉపాధ్యాయ ఉద్యోగాన్ని లక్షల రూపాయలకు అమ్ముకున్నారుతాడిపత్రి నియోజకవర్గంలో మాజీ ఎమ్మెల్యే కేతిరెడ్డి పెద్దారెడ్డిపై కక్ష సాధింపు చర్యలు దారుణంపెద్దారెడ్డి ఏ కార్యక్రమం నిర్వహించినా.. పోలీసులు అడ్డుకోవడం దుర్మార్గంతాడిపత్రిలో వైఎస్సార్‌సీపీని లేకుండా చేయాలని టీడీపీ నేత జేసీ ప్రభాకర్ రెడ్డి కుట్రలు చేస్తున్నారుజేసీ ఆగడాలకు పోలీసులు వత్తాసు పలకడం సరికాదు. నెల్లూరు..డీఎస్సీ అవకతవకలపై నెల్లూరు సిటిలో వైఎస్సార్‌సీపీ భారీ నిరసన ర్యాలీఎమ్మెల్సీ చంద్రశేఖర్ రెడ్డి ఆధ్వర్యంలో పెద్ద ఎత్తున విద్యార్థులు, యువతతో ఆందోళనకార్యక్రమంలో‌ పాల్గొన్న మాజీ మంత్రి కాకాణిభారీగా పోలీసుల మోహరింపు, ర్యాలీకి అనుమతి లేదన్న పోలీసులుఅంబేద్కర్ సర్కిల్ వద్దకు భారీగా చేరుకున్న విద్యార్థులు, యువత, పార్టీ శ్రేణులు విశాఖ..విశాఖ నార్త్ నియోజకవర్గంలో పోలీసులు అత్యుత్సాహం..ర్యాలీకి తరలివచ్చిన వైఎస్సార్‌సీపీ కార్యకర్తల బైక్ తాళాలు తీసుకున్న పోలీసులు..ర్యాలీ నిర్వహించకుండా భారీగా పోలీసుల బందోబస్తు.పోలీసులు తీరుపై జిల్లా అధ్యక్షుడు కేకే రాజు తీవ్ర ఆగ్రహంవైఎస్సార్ జిల్లాపులివెందులలో వైఎస్సార్‌సీపీ ఆధ్వర్యంలో భారీ ర్యాలీప్రభుత్వం అడ్డంకులు సృష్టించినా ఆగని పోరాటంపెద్ద ఎత్తున పాల్గొన్న విద్యార్ధులు, వైఎస్సార్‌సీపీ శ్రేణులుర్యాలీలో పాల్గొన్న కడప ఎంపీ వైఎస్ అవినాష్ రెడ్డి, రాష్ట్ర ప్రధాన కార్యదర్శి సతీష్ రెడ్డిడీఎస్సీ అక్రమాలకు బాధ్యత వహిస్తూ నారా లోకేష్ రాజీనామా చేయాలని డిమాండ్చిత్తూరు జిల్లాకుప్పంలో పార్టీ ఆధ్వర్యంలో చేపట్టిన మెగా డీఎస్సీ వ్యతిరేక ర్యాలీపై పోలీసుల ఆంక్షలు..కుప్పంలో ఎమ్మెల్సీ భరత్ హౌస్ అరెస్ట్..ఇంటి ముందే నిరసన చేపట్టిన ఎమ్మెల్సీ భరత్..డీఎస్సీ అక్రమాలపై విద్యాశాఖ మంత్రి లోకేష్ రాజీనామా చేయాలి: ఎమ్మెల్సీ భరత్మెగా డీఎస్సీ అక్రమాలపై సీబీఐ విచారణ జరిపించాలి.వారం రోజుల ముందే కుప్పం డీఎస్పీకి ర్యాలీకి పర్మిషన్ ఇవ్వాలని రిక్వెస్ట్ లెటర్ పెట్టాం.టీడీపీ వారు మాకన్నా ముందే పర్మిషన్ తీసుకున్నారని మాకు అనుమతి తిరస్కరించారు. అనకాపల్లినర్సీపట్నంలో నిరసన దీక్షకు పోలీసులు ఆంక్షలుమాజీ ఎమ్మెల్యే పెట్ల ఉమాశంకర్ గణేష్ ఇంటి దగ్గర పోలీసులు మోహరింపు.గణేష్ ర్యాలీకి వెళ్లకుండా అడ్డగింత.నిరసన తెలిపి తీరుతామన్న మాజీ ఎమ్మెల్యే గణేష్ప్రజాస్వామ్యానికి వ్యతిరేకంగా పోలీస్ వ్యవహరిస్తున్నారన్న గణేష్‌.రాష్ట్రంలో రెడ్ బుక్ రాజ్యాంగం అమలు చేస్తున్నారుప్రభుత్వం చేసిన తప్పులను తెలియ పరచడం ప్రతిపక్ష ధర్మం అనంతపురం..తాడిపత్రి నియోజకవర్గం ముచ్చుకోట వద్ద పోలీసుల అత్యుత్సాహంమాజీ మంత్రి పెద్దిరెడ్డి రామచంద్రారెడ్డిని అడ్డుకున్న పోలీసులుపోలీసులతో మాజీ మంత్రి పెద్దిరెడ్డి రామచంద్రారెడ్డి, వైఎస్సార్‌సీపీ జిల్లా అధ్యక్షుడు మాజీ ఎమ్మెల్యే అనంత వెంకటరామిరెడ్డి వాగ్వాదంపోలీసుల తీరుకు నిరసనగా అనంతపురం-తాడిపత్రి హైవేపై బైఠాయించిన మాజీ మంత్రి పెద్దిరెడ్డి రామచంద్రారెడ్డిశాంతియుత ర్యాలీని ఎలా అడ్డుకుంటారని ప్రశ్నించిన పెద్దిరెడ్డి.విజయవాడమాజీ మంత్రి వెల్లంపల్లి ఇంటి వద్ద నుండి ప్రారంభమైన ర్యాలీ..ర్యాలీలో భారీగా పాల్గొన్న విద్యార్థులు, యువకులు..మంత్రి నారా లోకేష్ రాజీనామా చేయాలని నినాదాలు..చిత్తూరుచిత్తూరులో ఉద్రిక్తత వాతావరణంగంగినేని చెరువు వద్ద నుంచి విజయానంద రెడ్డి ఆధ్వర్యంలో చేపట్టిన మెగా డీఎస్సీ నిరసన ర్యాలీ అడ్డుకున్న పోలీసులుపోలీసులు తీరుపై ఆగ్రహం వ్యక్తం చేసిన పార్టీ నాయకులు కార్యకర్తలుఅడ్డుకునేందుకు యత్నించిన పోలీసులు.. ముందుకు సాగుతున్న నిరసన ర్యాలీనర్సీపట్నం..నర్సీపట్నంలో నిర్వహించే నిరసన ర్యాలీకి అనుమతి లేదంటే పోలీసుల ఆంక్షలు.మాజీ ఎమ్మెల్యే ఉమా శంకర్ గణేష్ ఇంటి వద్ద భారీగా పోలీసులు మోహరింపు..పార్టీ నాయకులు ర్యాలీకి తరలి రాకుండా పోలీసుల ఆంక్షలు.నాయకులకు కార్యకర్తలకు ఫోన్ చేసి బెదిరిస్తున్న పోలీసులు.ర్యాలీకి వస్తే కేసులు పెడతామని బెదిరింపువిశాఖవైఎస్సార్‌సీపీ నిరసన ర్యాలీలపై పోలీసులు ఆంక్షలు..ర్యాలీకి రావద్దంటూ పార్టీ శ్రేణులను బెదిరిస్తున్న పోలీసులు..నాయకులకు ఫోన్ చేసి ర్యాలీకి అనుమతి లేదంటున్న పోలీసులు.ర్యాలీకి వస్తే కేసులు పెడతామని బెదిరింపులు ..బైకులు, కార్లు సీజ్ చేస్తామని హెచ్చరిక.నిరసన ర్యాలీలు చేపట్టే ప్రాంతంలో భారీగా మోహరించిన పోలీసులు..పోలీసుల ఆంక్షలపై వైఎస్సార్‌సీపీ నేతల ఆగ్రహం.తూర్పుగోదావరి జిల్లా...మెగా డీఎస్సీలో జరిగిన అక్రమాలపై పెద్ద ఎత్తున ఆందోళన చేపట్టిన వైఎస్సార్‌సీపీపార్టీ ఆధ్వర్యంలో ఇవాళ నియోజకవర్గ స్థాయిలో భారీ ర్యాలీలుర్యాలీలకు అనుమతి లేదంటూ నేతకు నోటీసులు జారీ చేసిన పోలీసులుమాజీ ఎంపీ మార్గాని భరత్, మాజీ ఎమ్మెల్యే జక్కంపూడి రాజా ఇంటి వద్ద మొహరించిన పోలీసులు...గాజువాక..ర్యాలీ చేసేందుకు వెళుతున్న గాజువాక నియోజకవర్గ సమన్వయకర్త దేవన్ రెడ్డిని అడ్డుకున్న పోలీసులు..ర్యాలీకి అనుమతి లేదంటూ ఇంటి దగ్గరే ఆపివేసిన పోలీసులుఎన్టీఆర్ జిల్లా:తిరువూరు నియోజకవర్గంలో ర్యాలీలకు అనుమతి లేదంటూ పోలీసులు హుకుం..తిరువూరు జెడ్పీటీసీ వై.రామచంద్రా రెడ్డి, విస్సన్నపేట లీగల్ సెల్ ప్రధాన కార్యదర్శి శిరసాని ప్రకాష్ పలువురి నేతలకు నోటీసులు..ర్యాలీ తలపెట్టిన ఫ్యాక్టరీ సెంటర్లో పోలీసులు మోహరింపు..విజయవాడమాజీ మంత్రి వెల్లంపల్లి ఇంటి వద్ద భారీగా మొహరించిన పోలీసులు..ర్యాలీకి అనుమతి లేదంటూ వాట్సాప్ ద్వారా వెల్లంపల్లికి తెలిపిన పోలీసులు..ర్యాలీకి సిద్దమైన వైఎస్సార్‌సీపీ శ్రేణులు..ర్యాలీ చేస్తే అరెస్ట్ చేస్తామంటున్నా పోలీసులు.. అనంతపురం:తాడిపత్రిలో ఉద్రిక్తతడీఎస్సీ అక్రమాలపై సీబీఐ విచారణ జరిపించాలని డిమాండ్ చేస్తూ పెద్దారెడ్డి భారీ ర్యాలీతాడిపత్రిలోని స్వగృహం నుంచి బయలుదేరిన కేతిరెడ్డి పెద్దారెడ్డిని అడ్డుకున్న పోలీసులుపోలీసులతో పెద్దారెడ్డి వాగ్వాదంవైఎస్సార్‌సీపీ కార్యకర్తలకు, పోలీసులకు మధ్య తోపులాటతాడిపత్రికి వచ్చే వైఎస్సార్‌సీపీ శ్రేణుల వాహనాలను అడ్డుకున్న పోలీసులుడీఎస్సీ అక్రమాలకు నైతిక బాధ్యత వహిస్తూ లోకేష్ రాజీనామా చేయాలని పెద్దారెడ్డి డిమాండ్‌..చిత్తూరు జిల్లా ..కుప్పంలో వైఎస్సార్‌సీపీ తలపెట్టిన నిరసన ర్యాలీకి పర్మిషన్ లేదని నోటీసులు జారీ చేసిన డీఎస్పీ పార్థసారథిఏకపక్షంగా వ్యవహరిస్తున్న పోలీసులుటీడీపీ తలపెట్టిన విజయోత్సవ ర్యాలీకి పర్మిషన్ ఇచ్చిన నేపథ్యంలో వైఎస్సార్‌సీపీ ర్యాలీకి అనుమతి నిరాకరించినట్లు నోటీసులు.పర్మిషన్ లేకపోవడంతో నేతలు ఎవరు ర్యాలీలో పాల్గొనకూడదని సూచించిన డీఎస్పీఎవరైనా ఉల్లంఘిస్తే చట్ట ప్రకారం చర్యలు..కాకినాడ..తునిలో వైఎస్సార్‌సీపీ ర్యాలీని అడ్డుకునేందుకు కూటమి కుట్రపార్టీ ముఖ్య నేతలకు నోటీసులు ఇచ్చిన పోలీసులుసెక్షన్ 30 అమలులో ఉందని.. ర్యాలీకి అనుమతి లేదని పోలీసులునేడు వైఎస్సార్‌సీపీ రాష్ట్ర వ్యాప్త నిరసనలునేడు వైఎస్సార్‌సీపీ రాష్ట్ర వ్యాప్త నిరసనలుడీఎస్సీ అక్రమాలపై సీబీఐతో విచారణ జరపాలనీ..మంత్రి నారా లోకేష్ రాజీనామా చేయాలని‌ డిమాండ్అన్ని అసెంబ్లీ నియోజకవర్గాలలోనూ నిరసన ప్రదర్శనలుఇప్పటికే పలు రూపాల్లో నిరసనలు తెలిపిన వైఎస్సార్‌సీపీకలెక్టర్లకు వినతి పత్రాలు, టౌన్‌ హాలు సమావేశాలు, రిలే నిరాహార దీక్షలు నిర్వహణప్రభుత్వం‌ స్పందించేంత వరకు పోరాటం ఆపేదిలేదంటున్న వైఎస్సార్‌సీపీ. కర్నూలు..డీఎస్సీలో‌ జరిగిన అవకతవకలపై వైఎస్సార్‌సీపీ ఆధ్వర్యంలో నిరసన ర్యాలీర్యాలీకి అనుమతి లేదంటూ కర్నూలు టూ టౌన్ పోలీసులు ఆంక్షలుఅనుమతి లేకుండా ర్యాలీ నిర్వహిస్తే చర్యలు తీసుకుంటామని అంటూ పోలీసుల బెదిరింపులుకర్నూలు అసెంబ్లీ నియోజకవర్గంలో ఎటువంటి ర్యాలీకి అనుమతి లేదంటున్న పోలీసులువైఎస్సార్‌సీపీ నేతలకు అర్థరాత్రి నోటీసులు అందించిన పోలీసులు.గుడివాడలో.. గుడివాడలో మాజీ మంత్రి కొడాలి నాని ఆధ్వర్యంలో నిర్వహించనున్న నిరసన ర్యాలీకి అనుమతి లేదంటూ వైఎస్సార్‌సీపీ నేతలకు పోలీసులు నోటీసులు జారీ చేశారు. ర్యాలీ నిర్వహిస్తే చట్టపరమైన చర్యలు తీసుకుంటామని హెచ్చరించారు.అర్ధరాత్రి వైఎస్సార్‌సీపీ నేతల ఇళ్లకు వెళ్లిన పోలీసులు నోటీసులు అందజేయడం గమనార్హం. డీఎస్సీ నియామకాల్లో అక్రమాలు జరిగాయని ఆరోపిస్తూ వైఎస్సార్‌సీపీ ఆందోళనలకు పిలుపునిచ్చిన నేపథ్యంలో పోలీసులు ఆంక్షలు విధించారు.తాడిపత్రిలోనూ ర్యాలీకి బ్రేక్‌..అనంతపురం జిల్లా తాడిపత్రిలోనూ వైఎస్సార్‌సీపీ చేపట్టనున్న నిరసన ప్రదర్శనకు పోలీసులు అనుమతి నిరాకరించారు. డీఎస్సీ అక్రమాలపై సమగ్ర విచారణ జరిపించాలని డిమాండ్ చేస్తూ వైఎస్సార్‌సీపీ సమన్వయకర్త, మాజీ ఎమ్మెల్యే కేతిరెడ్డి పెద్దారెడ్డి ఆధ్వర్యంలో పట్టణంలో భారీ నిరసన ర్యాలీకి ఏర్పాట్లు చేశారు.అయితే ఇదే సమయంలో టీడీపీ ఎమ్మెల్యే జేసీ అస్మిత్‌రెడ్డి, ఆయన తండ్రి జేసీ ప్రభాకర్‌రెడ్డి పోటీగా మరో కార్యక్రమానికి పిలుపునిచ్చారు. దీంతో రెండు వర్గాల కార్యక్రమాలకు అనుమతి ఇస్తే శాంతిభద్రతలకు విఘాతం కలిగే అవకాశం ఉందని భావించిన పోలీసులు.. అనుమతి నిరాకరించారు.

గుంటూరు వెస్ట్‌: గిరిజనుల అభివృద్ధికి ప్రభుత్వం కట్టుబడి ఉందని కేంద్ర గ్రామీణాభివృద్ధి, కమ్యూనికేషన్‌న్స్‌ శాఖ సహాయ మంత్రి డాక్టర్‌ పెమ్మసాని చంద్రశేఖర్‌ అన్నారు. ఏపీ గిరిజన సంక్షేమ శాఖ ఆధ్వర్యంలో ప్రపంచ ఆదివాసీ దినోత్సవ కార్యక్రమం ఆదివారం స్థానిక కలెక్టరేట్‌లోని ఎస్‌ఆర్‌ శంకరన్‌ సమావేశ మందిరంలో నిర్వహించారు. డాక్టర్‌ పెమ్మసాని మాట్లాడుతూ దేశం కోసం, స్వాభిమానం కోసం ప్రాణాలర్పించిన ఎంతోమంది ఆదివాసి నాయకులను గుర్తు చేసుకోవాల్సిన అవసరం ఉందన్నారు. గిరిజనుల హక్కుల కోసం పోరాడిన బీర్సా ముండా, మన్యం వీరులు అల్లూరి సీతారామరాజు వంటి ఎంతోమంది పోరాట యోధులను స్మరించుకోవాల్సిన బాధ్యత మనపై ఉందని తెలిపారు. గిరిజన ప్రాంత అభివృద్ధి, సహకారం గురించి లోతుగా ఆలోచించి, సరైన సమయంలో సహాయం అందించిన నాయకులు ప్రధానమంత్రి నరేంద్ర మోదీ అన్నారు. పట్టణాలు ఎంత అందంగా ఉంటాయో అంతకుమించి గ్రామాలు కూడా అభివృద్ధి చెందాలనే ఉద్దేశంతో వీబీ జీ రామ్‌ జి పథకం ద్వారా అందరికీ సకల సౌకర్యాలు అందించే ప్రయత్నం చేస్తున్నామన్నారు. జిల్లా కలెక్టర్‌ సి.యం.సాయికాంత్‌ వర్మ మాట్లాడుతూ గిరిజనుల సంస్కృతి, సంప్రదాయాలు గొప్ప సంపదలన్నారు. గిరిజన ప్రాంతంలో పనిచేశానని, అప్పటి ఉద్యోగ జీవితం గొప్ప సంతృప్తిచ్చిందన్నారు. సంస్కృతి, సంప్రదాయాలకు గిరిజనులు నిజమైన వారసులని కొనియాడారు. అనంతరం అల్లూరి సీతారామరాజు చిత్రపటానికి పూలమాలలు వేసి నివాళులర్పించారు. గిరిజన నాయకులను సత్కరించారు. కార్యక్రమంలో రాజ్యసభ సభ్యులు భాష్యం రామకృష్ణ, ఎమ్మెల్యే గళ్లా మాధవి, శ్రీను నాయక్‌, మేడా రామకృష్ణ, బాపట్ల ఏసుబాబు, చంద్రనాయక, కట్ట వెంకటేశ్వర్లు, కే కోటయ్య, బీజేపీ జిల్లా అధ్యక్షులు చెరుకూరి తిరుపతిరావు, తదితరులు పాల్గొన్నారు.

సోమవారం శ్రీ 10 శ్రీ ఆగస్టు శ్రీ 20267పిడుగురాళ్ల: పట్టణంలోని గంగమ్మకు ఆదివారం లక్ష పసుపు కొమ్ములతో విశేష అర్చన, అలంకరణ చేశారు. భక్తులు బోనాలు, పసుపు కొమ్ములు అమ్మవారికి సమర్పించారు. ప్రత్యేక పూజలు నిర్వహించారు. మొక్కులు తీర్చుకున్నారు.అచ్చంపేట: పులిచింతల ప్రాజెక్టులో ప్రస్తుత నిల్వ 28.7570 టీఎంసీలు. ప్రాజెక్టు దిగువకు 400 క్యూసెక్కులు లీకేజీల ద్వారా వెళుతోంది. నగరంపాలెం: గుంటూరు జిల్లాలోని పలు పోలీస్‌స్టేషన్లలో ఎస్పీ వకుల్‌ జిందాల్‌ ఆదేశాల మేరకు ఆదివారం రౌడీషీటర్లకు ప్రత్యేక కౌన్సెలింగ్‌ నిర్వహించారు. నగరంపాలెం: నృత్యం మనోవికాసానికి దోహదపడుతుందని ఏపీ ప్రభుత్వం హైపవర్‌ కమిటీ చైర్మన్‌, హైకోర్టు న్యాయమూర్తి జస్టిస్‌ యు.దుర్గాప్రసాద్‌రావు అన్నారు. గుంటూరు బృందావన్‌గార్డెన్‌న్స్‌లోని వేంకటేశ్వరస్వామి దేవాలయంలో ఉన్న అన్నమయ్య కళావేదికపై మూడు రోజులుగా నిర్వహిస్తున్న కూచిపూడి నృత్యాలు ఆదివారంతో ముగిశాయి. రాష్ట్ర ప్రభుత్వ సృజనాత్మకత, సంస్కృతి సమితి సౌజన్యంతో నృత్య కిన్నెర కార్యదర్శి మద్దాలి రఘురామ్‌ నిర్వహణలో వేడుకలు జరిగాయి. అతిథులు జ్యోతి ప్రజ్వలనతో ప్రారంభించారు. అనంతరం హైదరాబాద్‌కు చెందిన నాట్య మయూర శిష్య బృందం ప్రదర్శించిన ‘ఇల వైకుంఠం’ కూచిపూడి నృత్య కీర్తనలకు మద్దాళి సౌందర్య నృత్య దర్శకత్వం వహించారు. నాట్యాచార్యులు ఎస్‌కే.ఖలీల్‌ రాధామాధవ నాట్యక్షేత్రం శిష్య బృందం ‘అచ్యుతం– కేశవం’ రాధాకృష్ణుల బృంద నాట్యం ప్రదర్శించారు. నృత్య కిన్నెర యాభై ఏళ్ల ప్రస్థానంలో అనేక అద్భుతమైన కార్యక్రమాలు నిర్వహిస్తున్నారని న్యాయమూర్తి అభినందించారు. సభలో సంస్థ అధ్యక్షులు డాక్టర్‌ ఆర్‌.ప్రభాకరరావు, నిర్వాహకులు పి.విజయకుమార్‌, కోశాధికారి కేవీ సుబ్బారావు పాల్గొన్నారు. అతిథులను, కళాకారులను సత్కరించారు. ఇంద్రకీలాద్రిపై రద్దీ ఇంద్రకీలాద్రి(విజయవాడపశ్చిమ): ఏకాదశి, వరస సెలువులు, ఆషాఢ మాసం ఆఖరి ఆదివారం కావడంతో ఇంద్రకీలాద్రిపై దుర్గమ్మ చెంత భక్తజన జాతర కనిపించింది. ఉదయం 6 గంటల నుంచి ప్రారంభమైన భక్తుల రద్దీ రాత్రి 9.30 గంటల వరకు నిర్విరామంగా కొనసాగింది. అంతరాలయ దర్శనాలను నిలిపివేసి అన్ని దర్శన టికెట్ల విక్రయాలను రద్దు చేశారు. వందకుపైగా భక్త బృందాలు సారె సమర్పించాయి.గుంటూరు వైద్య కళాశాల అభివృద్ధికి దాతల సాయం మరువలేనిది. వైద్య కళాశాలను దేశంలో టాప్‌ పది కళాశాలల్లో నిలబెట్టడమే ధ్యేయంగా కృషి చేస్తున్నా. ప్రజాప్రతినిధులు, ఉన్నతాధికారులు, పూర్వ వైద్య విద్యార్థులు, నగరానికి చెందిన ప్రముఖులు విరాళాలు ఇచ్చి ప్రోత్సహిస్తున్నారు. బోధనలోనూ, వసతుల్లోనూ కార్పొరేట్‌ కళాశాలలకు ధీటుగా తీర్చిదిద్దుతా. నేను ఇక్కడే చదువుకున్నాను. మాతృ సంస్థకు సేవ చేయడం ఎంతో సంతోషంగా ఉంది. 50వ ర్యాంక్‌ రావడం మాటల్లో చెప్పలేని అనుభూతిని మిగిల్చింది. – డాక్టర్‌ ఎన్‌వీ సుందరాచారి, ప్రిన్సిపాల్‌, జీఎంసీగుంటూరు మెడికల్‌: దేశ వ్యాప్తంగా ప్రముఖ వైద్య కళాశాలలకు ర్యాంకింగ్స్‌ అందజేసే ప్రతిష్ఠాత్మక ఐఐఆర్‌ఎఫ్‌ మెడికల్‌ కాలేజ్‌ ర్యాంకింగ్స్‌–2026ను ప్రకటించారు. దేశ వ్యాప్తంగా 144 వైద్య కళాశాలలకు ర్యాంకింగ్స్‌ ప్రకటించగా, ఫలితాల్లో గుంటూరు మెడికల్‌ కాలేజ్‌కు జాతీయ స్థాయిలో 50వ స్థానం లభించింది. గుంటూరు వైద్య కళాశాల 1946లో ప్రారంభమైంది. ర్యాంకింగ్స్‌ అందజేసేందుకు నిర్దేశించిన ప్రమాణాల పరీక్షల్లో న్యూఢిల్లీలోని ఎయిమ్స్‌ 953 మార్కులతో దేశ వ్యాప్తంగా ప్రథమ స్థానంలో నిలవగా, గుంటూరు వైద్య కళాశాలకు 920 మార్కులు వచ్చాయి. రూ.10 కోట్లతో రూపురేఖలు మార్చి... గుంటూరు వైద్య కళాశాల చరిత్రలో ఎన్నడూ లేని విధంగా రూ.10 కోట్లతో దాతల సాయంతో వైద్య కళాశాలను అభివృద్ధి చేసి, రాష్ట్రం అంతటా గుంటూరు వైద్య కళాశాల గురించి చర్చించుకునేలా రోల్‌మోడల్‌గా తీర్చిదిద్దారు. గుంటూరు వైద్య కళాశాల 1999 బ్యాచ్‌కు చెందిన డాక్టర్‌ భవనం హనుమ శ్రీనివాసరెడ్డి, ఆయన మిత్రులు రూ.80 లక్షల విరాళంతో రెండు బస్సులు అందించారు. హాస్టళ్లలో క్రికెట్‌, షటిల్‌, టెన్నిస్‌ తదితర క్రీడా మైదానాలు ఏర్పాటు చేసి, వైద్య విద్యతోపాటు విద్యార్థుల్లో క్రీడల్లో రాణించేలా చొరవ చూపించారు. కళాశాల లోపలి రోడ్లను 1998 బ్యాచ్‌ పూర్వ వైద్య విద్యార్థి డాక్టర్‌ నలమోతు శరత్‌చంద్రకుమార్‌ తన తల్లి శైలజకుమారి జ్ఞాపకార్థం ఇచ్చిన రూ.6 లక్షల విరాళంతో నిర్మించారు. కళాశాల ప్రధాన ద్వారాన్ని పూర్వ వైద్య విద్యార్థి డాక్టర్‌ చెరుకూరి పవన్‌కుమార్‌ ఇచ్చిన రూ.7 లక్షలతో నిర్మించారు. ప్రముఖ స్పైన్‌ సర్జన్‌, గుంటూరు వైద్య కళాశాల పూర్వ వైద్య విద్యార్థి డాక్టర్‌ జె. నరేష్‌బాబు కుటుంబం రూ.25 లక్షలు, ప్రముఖ న్యూరో సర్జన్‌ డాక్టర్‌ రామకృష్ణారెడ్డి రూ.10 లక్షలు, డాక్టర్‌ శారద రూ.6 లక్షల విరాళం ఇవ్వడంతో కళాశాలలో క్యాంటీన్‌ ఏర్పాటు చేశారు. 1980 బ్యాచ్‌ విద్యార్థులు రూ.60 లక్షలు విరాళం ఇవ్వడంతో పలు లెక్చర్‌ గ్యాలరీలను ఆధునికీకరించారు. రూ.10 లక్షలతో ఎగ్జామినేషన్‌ హాలు ఏర్పాటు చేశారు. వాటర్‌ కూలర్లు, పలు విభాగాల ఆధునికీకరణ పనులకు పలువురు దాతలు సహకరించారు. కళాశాలలో పలు వైద్య విభాగాలను ఆధునీకరించారు. విద్యుత్‌ వ్యవస్థ మెరుగుదల, గ్రీన్‌ మ్యాట్‌ ఏర్పాటు, చెట్ల సంరక్షణ, గెస్ట్‌ ఫ్యాకల్టీ భవనం ఆధునికీకరణ, లైబ్రరీ ఆధునికీకరణ, విగ్రహాలతో పాటు ఫౌంటెన్ల అభివృద్ధి, వైద్య విద్యార్థులకు, బోధనా సిబ్బందికి ప్రత్యేక వెల్‌నెస్‌ క్లినిక్‌ను ఏర్పాటు వంటివి చేయించారు. రాష్ట్ర వైద్య ఆరోగ్య శాఖ మంత్రి సత్యకుమార్‌ యాదవ్‌, హెల్త్‌ ప్రిన్సిపల్‌ సెక్రటరీ, డీఎంఈ, ఇతర ఉన్నతాధికారులు సైతం మెచ్చుకునేలా గుంటూరు వైద్య కళాశాలను సుందరంగా తీర్చిదిద్దారు. ప్రిన్సిపల్‌ ప్రత్యేక కృషి ‘గుంటూరు వైద్య కళాశాలను దేశంలోని టాప్‌ 100 కళాశాలల్లో ఒకటిగా నిలుపుతాను’ అని గుంటూరు వైద్య కళాశాల ప్రిన్సిపాల్‌గా డాక్టర్‌ నాగార్జునకొండ వెంకటసుందరాచారి బాధ్యతలు చేపట్టిన 2024 నవంబర్‌ 1న మీడియాకు వెల్లడించారు. ఆయన చెప్పినట్లుగానే నేడు గుంటూరు వైద్య కళాశాలను దేశంలోనే 50వ స్థానంలో నిలిపి అందరి మన్ననలు పొందారు. దక్షిణ భారతదేశంలోని వైద్య కళాశాలల్లో 10వ స్థానంలో, ఏపీలోని మెడికల్‌ కాలేజీల్లో మూడో స్థానంలో కళాశాలను నిలిపి రికార్డు సృష్టించారు. ఉత్తమ బోధనకు 2023లో స్టేట్‌ బెస్ట్‌ టీచర్‌ అవార్డు అందుకున్నారు. 2022లో ఫెలో ఆఫ్‌ ది అమెరికన్‌ అకాడమీ ఆఫ్‌ న్యూరాలజీగా డాక్టర్‌ సుందరాచారి ఎంపికయ్యారు.స్టాల్స్‌ వద్ద సందర్శకులు

● రోగితో మాట్లాడుతూనే వెన్నెముక ఎండోస్కోపీ శస్త్రచికిత్స ● అవేక్‌ స్పైన్‌ ఎండోస్కోపీకి జాతీయ, అంతర్జాతీయ గుర్తింపు గుంటూరు మెడికల్‌: గుంటూరులోని మల్లిక స్పయిన్‌ సెంటర్‌కు అంతర్జాతీయ స్థాయిలో మరో ప్రతిష్టాత్మక గుర్తింపు లభించింది. చైన్నెలో జరిగిన మిస్సాబ్‌కాన్‌ 2026 సదస్సులో పాన్‌ ఏషియన్‌ సొసైటీ ఆఫ్‌ మినిమల్లీ ఇన్‌వేసివ్‌ స్పయిన్‌ సర్జరీ, చైన్నె స్పయిన్‌ సొసైటీ సంయుక్తంగా నిర్వహించిన కార్యక్రమంలో మినిమల్లీ ఇన్‌వేసివ్‌ స్పయిన్‌ సొసైటీ ఆఫ్‌ భారత్‌( మిస్సాబ్‌) ఇన్నోవేషన్‌ అవార్డు 2026ను గుంటూరు మల్లిక స్పయిన్‌ సెంటర్‌ చీఫ్‌ స్పయిన్‌ సర్జన్‌ డాక్టర్‌ జె.నరేష్‌బాబు అందుకున్నారు. గుంటూరు కొత్తపేటలోని మల్లిక స్పయిన్‌ సెంటర్‌లో ఆదివారం జరిగిన మీడియా సమావేశంలో వివరాలను ఆయన వెల్లడించారు. గుంటూరు మల్లిక స్పైన్‌ సెంటర్‌ బృందం మొత్తం పది శాసీ్త్రయ పరిశోధనా పత్రాలను సమర్పించింది. వీటిలో నాలుగు పత్రాలు వివిధ అవార్డు విభాగాలకు ఎంపికై అవార్డులు గెలుచుకున్నట్లు తెలిపారు. పూర్తి మత్తు లేకుండానే వెన్నెముక శస్త్రచికిత్స వెన్నెముక శస్త్రచికిత్సకు సాధారణంగా అవసరమయ్యే పూర్తి మత్తు (జనరల్‌ అనస్థీషియా) లేకుండా, సరైన రోగులను ఎంపిక చేసి, తగిన మత్తు విధానాలతో రోగి మెలకువగా ఉండి వైద్యులతో మాట్లాడుతూనే వెన్నెముక ఎండోస్కోపీ శస్త్రచికిత్స నిర్వహించే ‘అవేక్‌ స్పయిన్‌ ఎండోస్కోపీ’ అనే వినూత్న విధానాన్ని అభివృద్ధి చేసి, సురక్షితంగా నిర్వహించడానికి అవసరమైన సాంకేతికతలు, మెళకువలను ప్రతిపాదించినందుకు డాక్టర్‌ నరేష్‌బాబుకు ఈ అవార్డు లభించింది. ధ్వని తరంగాలతో వెన్ను ఒత్తిడి తొలగింపు వెన్నెముక శస్త్రచికిత్సలో సంప్రదాయంగా ఉపయోగించే మోటార్‌ డ్రిల్స్‌, బోన్‌ కట్టర్స్‌, బర్స్‌ వంటి పరికరాలకు భిన్నంగా, అల్ట్రాసోనిక్‌ సౌండ్‌ వేవ్స్‌ (అల్ట్రాసోనిక్‌ ధ్వని తరంగాలు) ఆధారంగా పనిచేసే సాంకేతికతను ఎండోస్కోపిక్‌ శస్త్రచికిత్సలో ఉపయోగించడం ఈ విధానంలోని ప్రత్యేకత. ధ్వని తరంగాలు వెన్నులోని నరాలకు హాని కలిగించకుండా వెన్ను ఒత్తిడిని నివారించే ప్రత్యేకమైన గుణాన్ని కలిగి ఉంటాయి. ముఖ్యంగా నరాలు, ఇతర సున్నితమైన నిర్మాణాలకు సమీపంగా పనిచేసే సమయంలో ఈ సాంకేతికత ఉపయోగకరంగా ఉంటుంది. తొలిసారి ఆపరేషన్‌కు అవార్డు మొదటిసారిగా ఎండోస్కోపిక్‌ శస్త్రచికిత్సలో అల్ట్రాసోనిక్‌ టెక్నాలజీని ఉపయోగించి, కేవలం సుమారు 4 మిల్లీ మీటర్ల. చిన్న కోతల ద్వారా మెడ, వీపు, నడుము వెన్నెముకలకు శస్త్రచికిత్స నిర్వహించే ‘ఎండోస్కోనిక్‌ సర్జరీ’ విధానాన్ని ప్రతిపాదించి అభివృద్ధి చేసినందుకు ఈ పరిశోధనకు ఇన్నోవేషన్‌ అవార్డు లభించింది.

గుంటూరు మెడికల్‌ ప్రధానమంత్రి నరేంద్ర మోదీ పిలుపు మేరకు నిర్వహిస్తున్న ‘హర్‌ ఘర్‌ తిరంగా’ కార్యక్రమంలో భాగంగా ఆదివారం గుంటూరులో బీజేపీ జిల్లా అధ్యక్షుడు చెరుకూరి తిరుపతిరావు ఆధ్వర్యంలో జాతీయ జెండాలతో ర్యాలీ నిర్వహించారు. ఈ యాత్ర 200 మీటర్ల జాతీయ జెండాతో మార్కెట్‌ సెంటర్‌ వెంకటేశ్వర విజ్ఞాన్‌ మందిరం నుంచి మార్కెట్‌ సెంటర్‌ మీదగా లిబర్టీ, కృష్ణమహల్‌ థియేటర్‌ రోడ్డులో నుంచి నాజ్‌ సెంటర్‌ వరకు ప్రదర్శన సాగింది. ర్యాలీకి ముఖ్యఅతిథిగా విచ్చేసిన కేంద్ర మంత్రి డాక్టర్‌ పెమ్మసాని చంద్రశేఖర్‌ మాట్లాడుతూ జాతీయ జెండా ప్రతి భారతీయుడి ఆత్మగౌరవానికి, దేశభక్తికి, ఐక్యతకు ప్రతీక అని అన్నారు. రాజ్యసభ సభ్యుడు భాష్యం రామకృష్ణ మాట్లాడుతూ జాతీయ జెండా కోసం లక్షలాది మంది స్వాతంత్య్ర సమరయోధులు తమ ప్రాణాలను అర్పించారు. ప్రతి భారతీయుడి ఇంటిపై జెండా ఎగరాలకోరారు. తూర్పు ఎమ్మెల్యే నసీర్‌ మహమ్మద్‌ మాట్లాడుతూ యువత చేతిలో జాతీయ పతాకం ఉంటే దేశ భవిష్యత్‌ భద్రంగా ఉంటుందన్నారు. పశ్చిమ ఎమ్మెల్యే గళ్లా మాధవి మాట్లాడుతూ ప్రతి ఒక్కరూ తమ బాధ్యతను నిజాయితీగా నిర్వర్తించినప్పుడే నిజమైన దేశభక్తి నిరూపితమవుతుందన్నారు. ర్యాలీలో ఇండస్ట్రియల్‌ కార్పొరేషన్‌ చైర్మన్‌ డేగల ప్రభాకర్‌, జనసేన జిల్లా అధ్యక్షుడు గాదె వెంకటేశ్వరరావు, మాజీ డెప్యూటీ మేయర్‌ షేక్‌ సజీల, తిరంగా ర్యాలీ రాష్ట్ర కన్వీనర్‌ గుడిసె దేవానంద్‌, కో– కన్వీనర్లు శివారెడ్డి, సాయి లోకేష్‌, ఈదర శ్రీనివాసరెడ్డి, వెలగలేటి గంగాధర్‌, పాలపాటి రవికుమార్‌, డాక్టర్‌ టి.వి.రావు, తిరంగా యాత్ర జిల్లా కన్వీనర్‌ డాక్టర్‌ చరక కుమార్‌గౌడ్‌, కో– కన్వీనర్లు క్రిష్టిపాటి నారాయణరెడ్డి, మేడూరి యశ్వంత్‌, నడ్డి నాగమల్లేశ్వరి, భజరంగ్‌ రామకృష్ణ, కంతేటి బ్రహ్మయ్య, కూటమి నాయకులు, కార్యకర్తలు, యువత, మహిళలు, విద్యార్థులు, ప్రజలు పెద్ద సంఖ్యలో పాల్గొన్నారు. కేంద్ర మంత్రి డాక్టర్‌ పెమ్మసాని చంద్రశేఖర్‌

తాడేపల్లి రూరల్‌: సోనోవిజన్‌ అధినేత పొట్లూరి జనార్ధనమూర్తి 89వ జన్మదిన వేడుకలను ఆదివారం అమరావతి కరకట్ట వెంబడి ఉన్న ఆక్వా డెవిల్స్‌ ప్రాంగణంలో ఘనంగా నిర్వహించారు. ఆక్వా డెవిల్స్‌ వ్యవస్థాపకులు, మాజీ ఎంపీ గోకరాజు గంగరాజు మాట్లాడుతూ వ్యాపార రంగంలో రాణించిన జనార్ధనమూర్తి అనేక సామాజిక కార్యక్రమాలను కూడా నిర్వహిస్తున్నారని పేర్కొన్నారు. ఆయన జీవిత ప్రస్థానంలో వ్యాపారవేత్తగా సాధించిన విజయాలు, సమాజ శ్రేయస్సు కోసం చూపి దాతృత్వం ఎందరికో స్ఫూర్తిదాయకమని ఆయన ఇలాంటి పుట్టిన రోజులు మరెన్నో జరుపుకోవాలని ఆకాంక్షించారు. పలువురు ప్రముఖులు జనార్ధనమూర్తి దంపతులను అభినందించారు. కార్యక్రమంలో ఆకుల శ్రీనివాసకుమార్‌ తదితరులు పాల్గొన్నారు. లక్ష్మీపురం: విద్యార్థుల సమస్యలపై నిరంతరం పోరాడుతూ, విద్యను సామాజిక మార్పుకు ఆయుధంగా మలచడంలో ఎస్‌ఎఫ్‌ఐ కీలక పాత్ర పోషిస్తోందని మాజీ ఎమ్మెల్సీ కేఎస్‌ లక్ష్మణరావు అన్నారు. ఎస్‌ఎఫ్‌ఐ జిల్లా ప్లీనరీ సమావేశాలు ఆదివారం ప్రారంభమయ్యాయి. లక్ష్మణరావు మాట్లాడుతూ ప్రభుత్వ విద్యారంగాన్ని బలోపేతం చేయడంతోపాటు పేద, మధ్యతరగతి విద్యార్థులకు నాణ్యమైన విద్య అందేలా ప్రభుత్వాలు చర్యలు తీసుకోవాలని డిమాండ్‌ చేశారు. విద్యార్థుల హక్కుల కోసం ప్రశ్నించే గొంతుకలను బలోపేతం చేయాలని, విద్యార్థి ఉద్యమాన్ని మరింత విస్తృతంగా ముందుకు తీసుకెళ్లాలని పిలుపునిచ్చారు. విద్యార్థులు చదువుతోపాటు సమాజంలో జరుగుతున్న పరిణామాలపై అవగాహన పెంచుకోవాలని సూచించారు. ఎస్‌ఎఫ్‌ఐ రాష్ట్ర కార్యదర్శి కే ప్రసన్నకుమార్‌ మాట్లాడుతూ రాష్ట్రంలో విద్యారంగం అనేక సమస్యలను ఎదుర్కొంటోందని అన్నారు. ప్రభుత్వ విద్యాసంస్థల్లో మౌలిక వసతులు, హాస్టల్‌ సౌకర్యాలు, మెస్‌ చార్జీ లు, స్కాలర్‌షిప్‌లు, ఫీజు రీయింబర్స్‌మెంట్‌ తది తర సమస్యలను ప్రభుత్వం వెంటనే పరిష్కరించాలని డిమాండ్‌ చేశారు. ఎస్‌ఎఫ్‌ఐ జిల్లా మాజీ కార్యదర్శి ఎన్‌.భావనారాయణ మాట్లాడారు. జిల్లా కన్వీనర్‌గా షేక్‌ సమీర్‌ ఎన్నిక ప్లీనరీ సమావేశాల్లో ఎస్‌ఎఫ్‌ఐ గుంటూరు జిల్లా కమిటీని ఏకగ్రీవంగా ఎన్నుకున్నారు. జిల్లా కన్వీనర్‌గా షేక్‌ సమీర్‌ ఎన్నికయ్యారు. జిల్లా కమిటీ సభ్యులుగా రాజ్‌కుమార్‌, దాసరి కిరణ్‌, డి.పీ.నాయక్‌, జాషువా, మరియమ్మ, కిన్నెర, యశ్వంత్‌, సూర్జిత్‌, ఉమామహేశ్వరరావు, ధీరజ్‌, జాన్‌ రాజ్‌ గణేష్‌, వినయ్‌, హనీఫ్‌, రూబెన్‌, ఇషాంత్‌రెడ్డి ఎన్నికయ్యారు.

దుగ్గిరాల: ఆషాఢ మాసం చివరి ఆదివారం దుగ్గిరాల మండలం కంఠంరాజు కొండూరు గ్రామంలో వేంచేసి ఉన్న మహంకాళి అమ్మవారి ఆలయంలో బోనాల ఉత్సవం ఘనంగా నిర్వహించారు. పూలంగి సేవలో అమ్మవారు భక్తులకు దర్శనం ఇచ్చారు. చిలువూరుకు చెందిన రంగిశెట్టి జగదీష్‌ చండీ హోమం నిర్వహించారు. దాతల సహాయంతో మహిళలకు ఉచితంగా పొంగలి సామగ్రి అందించారు. పెద్ద సంఖ్యలో ఆలయ ఆవరణలో మహిళలు కట్టెల పొయ్యిలపై పొంగలి వండారు. మేళతాళాలు, కనక తప్పెట్లు మధ్య భక్తిశ్రద్ధలతో అమ్మవారికి భక్తులు బోనాలు సమర్పించారు. ప్రత్యేక పూజలు నిర్వహించారు. ఏర్పాట్లను ఆలయ నిర్వహణ కమిటీ పర్యవేక్షించింది. ఇంద్రకీలాద్రి (విజయవాడపశ్చిమ): ఇంద్రకీలాద్రిపై దుర్గమ్మ సన్నిధిలో ఆదివారం సూర్యోపాసన సేవ ఘనంగా జరిగింది. లోక కల్యాణార్థం, సర్వ మానవాళికి సంపూర్ణ ఆరోగ్యాన్ని కాంక్షిస్తూ ప్రతి ఆదివారం అమ్మవారి సన్నిధిలో సూర్య భగవానుడికి ప్రత్యేక పూజలు, సూర్యోపాసన సేవ జరుగుతున్నాయి. ఆలయ ప్రాంగణంలోని రాజగోపురం వద్ద సూర్య భగవానుడి విగ్రహానికి అర్చకులు పూజలు చేశారు. అనంతరం అరుణ పారాయణం, మహా సౌర పారాయణం, సూర్య అష్టోత్తర శతనామావళిని పఠించారు. సూర్య భగవానుడిని ఆరాధించడంతో సంపూర్ణ ఆరోగ్యం.. చేపట్టిన పనుల్లో విజయం సిద్ధిస్తుందని పేర్కొన్నారు. అనంతరం సూర్యోపాసన సేవ జరిగింది. సేవలో పాల్గొన్న ఉభయదాతలను ప్రత్యేక క్యూలో అమ్మవారి దర్శనానికి అనుమతించారు. విమానాశ్రయం(గన్నవరం): విజయవాడ అంతర్జాతీయ విమానాశ్రయం (గన్నవరం)లో ఆదివారం ఏపీస్పెషల్‌ ప్రొటెక్షన్‌ ఫోర్స్‌ (ఏపీఎస్పీఎఫ్‌) ఆధ్వర్యాన ఇంటర్‌జోన్‌ వాలీబాల్‌ పోటీలు జరిగాయి. తొలుత పోటీలను ఏపీఎస్పీఎఫ్‌ ఇన్‌స్పెక్టర్‌ జనరల్‌ బీవీ రామిరెడ్డి ప్రారంభించారు. ఆయన మాట్లాడుతూ.. గెలుపే లక్ష్యంగా కాకుండా క్రమశిక్షణతో ఆడటం, ప్రత్యర్థిని గౌరవించడం నిజమైన క్రీడా స్ఫూర్తికి నిదర్శనమన్నారు. క్రీడలు మానసిక ఉల్లాసాన్ని కలిగిస్తాయని విమానాశ్రయ డైరెక్టర్‌ ఎం.లక్ష్మీకాంతరెడ్డి తెలిపారు. ఇంటర్‌ జోన్‌లో భాగంగా ఏపీ సెక్రటేరియట్‌, ఏపీ హైకోర్టు, ఎన్‌టీటీపీఎస్‌, ఎయిర్‌పోర్ట్‌ యూనిట్‌, విజయవాడ గార్డ్స్‌, హెడ్‌ క్వార్టర్‌ యూనిట్ల మధ్య పోటీలు నిర్వహించారు. విజేతగా నిలిచిన జట్టుకు, ఉత్తమ ప్రతిభ కనబరిచిన క్రీడాకారులకు స్వాతంత్య్ర దినోత్సవాన బహుమతులు ప్రదానం చేయనున్నట్లు అసిస్టెంట్‌ కమాండెంట్‌ కె.రమేష్‌ తెలిపారు. విజయవాడ జోన్‌ కమాండెంట్‌ ఎం.శంకరరావు, ఎయిర్‌పోర్ట్‌ సీఎస్‌ఓ కె.ధర్మేంద్ర, పలువురు విమానాశ్రయ, ఎస్పీఎఫ్‌ అధికారులు పాల్గొన్నారు. విజయపురిసౌత్‌: నాగార్జునసాగర్‌ జలాశయ నీటిమట్టం ఆదివారం 518.30 అడుగులకు చేరింది. సాగర్‌ జలాశయం నుంచి ఎస్‌ఎల్‌బీసీకి 900 క్యూసెక్కులు విడుదలవుతోంది. సాగర్‌ జలాశయం నుంచి మొత్తం ఔట్‌ఫ్లోగా 900 క్యూసెక్కులు విడుదలవుతోంది. శ్రీశైలం జలాశయం నుంచి సాగర్‌ జలాశయానికి 13,435 క్యూసెక్కులు వచ్చి చేరుతోంది.

దుగ్గిరాల: ప్రకాశం బ్యారేజీ నుంచి పశ్చిమ డెల్టాకు 3,115 క్యూసెక్కులు విడుదల చేసినట్లు నీటి పారుదల శాఖ అధికారులు ఆదివారం తెలిపారు. బ్యారేజి వద్ద 11.5 అడుగుల నీటిమట్టం స్థిరంగా ఉంది. దుగ్గిరాల సబ్‌ డివిజన్‌లోని హైలెవెల్‌ చానల్‌కు 126 క్యూసెక్కులు, బ్యాంక్‌ కెనాల్‌కు 759 క్యూసెక్కులు, తూర్పు కాలువకు 273, పశ్చిమ కాలువకు 117, నిజాంపట్నం కాలువకు 176, కొమ్మమూరు కాలువకు 1,310 క్యూసెక్కులు విడుదల చేశారు. కొరిటెపాడు(గుంటూరు): గుంటూరు జిల్లాలో శనివారం ఉదయం నుంచి ఆదివారం ఉదయం వరకు 17 మండలాల్లో వర్షం కురిసింది. అత్యధికంగా దుగ్గిరాల మండలంలో 47.6 మిల్లీ మీటర్లు వర్షం కురవగా, అత్యల్పంగా వట్టిచెరుకూరు మండలంలో 2.4 మి.మీ వర్షం కురిసింది. సగటున 15.8 మి.మీ వర్షపాతం నమోదైంది. వివిధ మండలాల్లో నమోదైన వర్షపాతం వివరాలు ఇలా ఉన్నాయి.. కొల్లిపర మండలంలో 37.6 మి.మీ., తెనాలి 36.4, పెదకాకాని 30.2, మేడికొండూరు 25.8, గుంటూరు తూర్పు 24.6, గుంటూరు పశ్చిమ 18.2, చేబ్రోలు 15.8, మంగళగిరి 9.4, ఫిరంగిపురం 9, పెదనందిపాడు 8.4, తుళ్లూరు 6.8, తాడేపల్లి 3.4, తాడికొండ 3.2, కాకుమాను 3.2, పొన్నూరు మండలంలో 2.8 మి.మీ చొప్పున వర్షం పడింది. ఆగస్టు 9వ తేదీ నాటికి జిల్లాలో సాధారణ వర్షపాతం 47.8 మి.మీ కురవాల్సి ఉండగా, ఇప్పటి వరకు 43.3 మి.మీ వర్షపాతం నమోదైంది. గైనకాలజిస్టుల ఆధ్వర్యంలో ‘అభయ డే’ గుంటూరు మెడికల్‌ ఫాగ్సి, గుంటూరు ఆబ్‌స్ట్రిక్స్‌ – గైనకాలజికల్‌ సొసైటీ (జీఓజీఎస్‌)సంయుక్త ఆధ్వర్యంలో ఆదివారం గుంటూరు నగరంలో ‘‘అభయ డే’’గా పాటిస్తూ వైద్యులు, వైద్య సిబ్బందిపై జరుగుతున్న హింసకు వ్యతిరేకంగా ర్యాలీ నిర్వహించారు. గైనకాలజిస్టుల సంఘం అధ్యక్షుడు డాక్టర్‌ బి.వెంకటేశ్వరరావు, కార్యదర్శి డాక్టర్‌ శనక్కాయల ఉమాశంకర్‌, డాక్టర్‌ రాజకుమారి, డాక్టర్‌ షమా సుల్తానా, డాక్టర్‌ అనిత, డాక్టర్‌ ప్రత్యూష, డాక్టర్‌ అన్నె, పీడియాట్రీషియన్‌ డాక్టర్‌ సాహితి, కేర్‌ డెంటల్‌ కాలేజ్‌ వైద్యులు, గైనకాలజీ వైద్యుల సంఘం సభ్యులు పాల్గొని తమ మద్దతును తెలియజేశారు. అహల్య ట్రస్ట్‌ నిర్వాహకులు, ప్రముఖ ఐవీఎఫ్‌ స్పెషలిస్ట్‌ డాక్టర్‌ శనక్కాయల రాజకుమారి మాట్లాడుతూ... వైద్య విద్య పూర్తయిన రోజున హిపోక్రటిక్‌ ప్రమాణం చేసి రోగి ప్రాణాలను కాపాడటమే ధ్యేయంగా ప్రతిజ్ఞ చేసే వైద్యులపై, వైద్య సిబ్బందిపై దాడులు జరగడం అత్యంత విచారకరమని ఆందోళన వ్యక్తం చేశారు. వైద్యులు, నర్సులు, వైద్య సిబ్బందిపై దాడి చేసినా, బెదిరించినా, ఆసుపత్రిని ధ్వంసం చేసినా కఠినమైన, వేగవంతమైన చట్టపరమైన చర్యలు తీసుకోవాలని డిమాండ్‌ చేశారు. ప్రాణాలు కాపాడే చేతులను కాపాడుకుంటూ సురక్షితమైన ఆరోగ్య వ్యవస్థను నిర్మించాలని యూనియన్‌ నేతలు పిలుపునిచ్చారు.

గుంటూరు ఎడ్యుకేషన్‌: అమరావతి చిత్రకళా వీధి పేరుతో రోడ్లనే మూసేసి కార్యక్రమాలను నిర్వహించడం వలన కూటమి ప్రభుత్వానికి ప్రచార ఆర్భాటం మినహా, ప్రజలకు, కళాకారులకు ఎటువంటి ప్రయోజనం లేదని వైఎస్సార్‌ సీపీ గుంటూరు జిల్లా మహిళా విభాగ ప్రధాన కార్యదర్శి రఘుమహంతి వరలక్ష్మీదేవి, గుంటూరు పశ్చిమ నియోజకవర్గ అధ్యక్షురాలు సిద్ద వెంకాయమ్మ అన్నారు. ఆదివారం బృందావన్‌గార్డెన్స్‌లోని వైఎస్సార్‌ సీపీ జిల్లా కార్యాలయంలో మీడియా సమవేశం నిర్వహించారు. మాజీ కార్పొరేటర్‌ బూసి రాజులత, జిల్లా మహిళా విభాగ నాయకులు సూదా తులసి కుమారి, ఇంటూరి శశికళ, వజ్రాల విజయ, మలిరెడ్డి కల్పన రెడ్డితో కలసి వారు మాట్లాడుతూ చిత్రకళా వీధి కార్యక్రమానికి వైఎస్సార్‌ సీపీ వ్యతిరేకం కాదని, కళలు, సాంస్కృతిక కార్యక్రమాలను స్వాగతిస్తున్నామని తెలిపారు. అయితే ప్రజలకు అసౌకర్యం కలగకుండా కార్యక్రమాలు నిర్వహించేందుకు ప్రత్యామ్నాయ వేదికలు అందుబాటులో ఉన్నప్పటికీ ప్రధాన రహదారులను ఎంచుకోవడంపై ప్రజలు ప్రశ్నిస్తున్నారని అన్నారు. నగరంలో ఎన్టీఆర్‌ స్టేడియం, బీఆర్‌ స్టేడియం, చేబ్రోలు హనుమయ్య కంపెనీ, గుంటూరు గ్రౌండ్‌ వంటి ప్రజాదరణ పొందిన, కార్యక్రమాలకు అనుకూలమైన ప్రదేశాలు అందుబాటులో ఉన్నప్పటికీ రహదారులనే కార్యక్రమం కోసం ఎంచుకోవడంలో ప్రజా ప్రయోజనం ఏమిటని ప్రశ్నించారు? శంకర్‌విలాస్‌ బ్రిడ్జి నిర్మాణ పనుల కారణంగా నగర ప్రజలు విపరీతమైన ట్రాఫిక్‌ కష్టాలు ఎదుర్కొంటున్న పరిస్థితుల్లో ప్రధాన రహదారులను మూసివేయడం వలన ట్రాఫిక్‌ సమస్య మరింత పెరిగిందని అన్నారు. దాదాపు రెండు కిలోమీటర్ల మేరకు ప్రధాన రహదారిని మూసి వేసి, స్టాళ్లను, వేదికలను ఏర్పాటు చేయడంతో పాటు గుజ్జనగుండ్ల నుంచి కొరిటెపాడు వరకు ప్రధాన రహధారిలోకి వచ్చే మిగిలిన రోడ్లను మూసి వేయడం వలన ప్రజలు తీవ్రు ఇబ్బందులు పడ్డారని చెప్పారు. ప్రధాన రహదారిపై కార్యక్రమాన్ని నిర్వహించడంతో ఆ మార్గంపై ఆధారపడి చిన్న, చిన్న వ్యాపారాలు చేసుకుని జీవనాన్ని గడుపుతున్న చిరు వ్యాపారస్తులు తీవ్రంగా నష్టపోయారని, దుకాణాలు, తాత్కాలిక స్టాల్స్‌ ఏర్పాటు చేసుకుని రోజువారీ ఆదాయంపై ఆధారపడే వారు రహదారి మూసివేతతో తమ జీవన విధానాన్ని కోల్పోయి ఇబ్బందులకు గురవుతున్నారని చెప్పారు. ప్రత్యామ్నాయ వేదికలు సౌకర్యవంతంగా ఉన్నప్పటికీ ప్రధాన రహదారులను ఎంచుకోవాల్సిన అవసరం ఏమిటో అధికారులు ప్రజలకు స్పష్టంచేయాలని డిమాండ్‌ చేశారు. ప్రజలకు ఇబ్బంది కలగకుండా కార్యక్రమాలను నిర్వహించి, ప్రజా ప్రయోజనాలకు ప్రాధాన్యత ఇవ్వాలని విజ్ఞప్తి చేశారు.

సాక్షి, తాడేపల్లి: చంద్రబాబు శ్వేతపత్రంపై ఏపీజీఈఎఫ్‌ మాజీ ఛైర్మన్ కాకర్ల వెంకట్రామిరెడ్డి మండిపడ్డారు. ఉద్యోగులను చంద్రబాబు మోసం చేస్తున్న తీరును ఆయన వివరించారు. శ్వేత పత్రం పేరుతో చంద్రబాబు చెప్పినవన్నీ అబద్దాలేనని.. రూ.30 వేల కోట్ల బకాయిలు చెల్లించినట్లు చంద్రబాబు పచ్చి అబద్దాలు చెప్పారని.. డీఏ, పీఆర్సీ, ఐఆర్ వంటివి ఇక లేనట్టేనని ఎల్లోమీడియా రాస్తోందన్నారు.‘‘హిమాచల్‌ ప్రదేశ్‌లో ఉద్యోగులకు జీతాలు తగ్గించినట్టు ఎల్లో మీడియా రాసింది. అదే విధంగా ఏపీలో కూడా తగ్గించాలన్నట్టుగా రాశారు. ఇక‌ మీదట జీతాలు ఇస్తే చాలన్నట్టుగా ఉద్యోగులను మానసికంగా సిద్ధం చేస్తున్నారు. ప్రభుత్వం ఉద్యోగులకు రూ.55 వేల కోట్లు బకాయి పడింది. ఇప్పటికే ఐదు డీఏలు పెండింగ్ పెట్టారు. రెండేళ్లుగా ఐఆర్ లేదు’’ అని వెంకట్రామిరెడ్డి దుయ్యబట్టారు.‘‘వైఎస్‌ జగన్ హయాంలో ఉద్యోగులకు ఎక్కువ ఖర్చు చేశారని చంద్రబాబే అంగీకరించారు. మూడున్నర లక్షల మంది ఉద్యోగులను రోడ్డున పడేసిన చరిత్ర చంద్రబాబుది. రాష్ట్ర ప్రభుత్వ ఆదాయంలో ఉద్యోగుల జీతాలు ఖర్చు 45 శాతం మాత్రమే. కానీ చంద్రబాబు మాత్రం వచ్చే ఆదాయమంతా ఉద్యోగులకే సరిపోతుందనటం పచ్చి అబద్ధం కాదా?. అమరావతి ఆవకాయ, యోగా కోసం వందల కోట్లు ఖర్చు చేస్తున్నారు. అద్దాల కోసం వేల కోట్లు ఖర్చు చేస్తున్నారు.ఇక సీఎం, మంత్రుల విలాసాల కోసం ప్రత్యేక విమానాలు, హెలికాప్టర్ల కోసం వేల కోట్లు ఖర్చు చేస్తున్నారు. కానీ ఉద్యోగుల మీద ప్రజలకు చెడు అభిప్రాయం తెచ్చేందుకు చంద్రబాబు ప్రయత్నిస్తున్నారు. ఎన్నికలకు ముందు ఇచ్చిన హామీలను అమలు చేయమని మాత్రమే కోరుతున్నాం. కొన్ని శాఖల్లో రెండు నెలలుగా జీతాలు ఇవ్వటం లేదు. ఉద్యోగులపై చంద్రబాబు ప్రభుత్వం కక్ష సాధింపులకు దిగారు. ఆంధ్రా యునివర్సిటీ వీసీ రిటైర్మెంట్‌కు గంట ముందు సస్పెండ్ చేశారు. ఐదేళ్ల క్రితం సెలవు పెట్టారని ప్రతాప్ రెడ్డికి ఛార్జిమెమో ఇవ్వటం దుర్మార్గం’’ అంటూ వెంకట్రామిరెడ్డి ధ్వజమెత్తారు.

సాక్షి, తాడేపల్లి: వైఎస్సార్‌సీపీ కేంద్ర కార్యాలయంలో ఆదివాసీ దినోత్సవ వేడుకలు ఘనంగా నిర్వహించారు. గిరిజన మహిళలు.. సంప్రదాయ నృత్యాలతో అలరించారు. ఆదివాసీ నేతల చిత్రపటాలకు పార్టీ నేతలు పూలమాలలు వేసి నివాళులర్పించారు. ఈ వేడుకల్లో ఎమ్మెల్సీ లేళ్ల అప్పిరెడ్డి, ఆదివాసీ విభాగం రాష్ట్ర అధ్యక్షుడు సురేంద్ర, గ్రీవెన్స్ సెల్ రాష్ట్ర అధ్యక్షుడు నారాయణమూర్తి, ఎస్సీ విభాగం వర్కింగ్ ప్రెసిడెంట్ కొమ్మూరి కనకారావు, తదితరులు పాల్గొన్నారు.

సాక్షి, తాడేపల్లి: ఆదివాసీలకు వైఎస్సార్‌సీపీ అధినేత, మాజీ ముఖ్యమంత్రి వైఎస్ జగన్‌మోహన్‌రెడ్డి శుభాకాంక్షలు తెలిపారు. ‘‘ప్రకృతిని ప్రాణం కన్నా మిన్నగా ప్రేమిస్తూ.. తరతరాలుగా తమ విశిష్ట సంస్కృతి, సంప్రదాయాలను వారసత్వంగా కాపాడుకుంటూ వస్తున్న నా గిరిజన సోదర సోదరీమణులందరికీ అంతర్జాతీయ ఆదివాసీ దినోత్సవ శుభాకాంక్షలు’’ అంటూ వైఎస్‌ జగన్‌ ట్వీట్‌ చేశారు.ప్రకృతిని ప్రాణం కన్నా మిన్నగా ప్రేమిస్తూ, తరతరాలుగా తమ విశిష్ట సంస్కృతి, సంప్రదాయాలను వారసత్వంగా కాపాడుకుంటూ వస్తున్న నా గిరిజన సోదర సోదరీమణులందరికీ అంతర్జాతీయ ఆదివాసీ దినోత్సవ శుభాకాంక్షలు.— YS Jagan Mohan Reddy (@ysjagan) August 9, 2026

కొరిటెపాడు(గుంటూరు): గుంటూరు జిల్లాలో శుక్రవారం ఉదయం నుంచి శనివారం ఉదయం వరకు 12 మండలాల్లో తేలికపాటి నుంచి ఓ మోస్తరు వర్షం పడింది. అత్యధికంగా దుగ్గిరాల మండలంలో 12.6 మిల్లీ మీటర్లు వర్షం పడగా, అత్యల్పంగా తెనాలి మండలంలో 0.6 మి.మీ. వర్షం పడింది. సగటున 2.9 మి.మీ. వర్షపాతం నమోదైంది. పెదకాకాని మండలంలో 10.2 మి.మీ., మంగళగిరి 6.8, పెదనందిపాడు 6.2, కొల్లిపర 4.2, ఫిరంగిపురం 2.6, పొన్నూరు 2.6, తాడికొండ 2.2, కాకుమాను 2.2, తాడేపల్లి 1.2, తుళ్ళూరు మండలంలో 1 మి.మీ చొప్పున వర్షం పడింది. ఆగస్టు మాసం 8వ తేదీ నాటికి జిల్లాలో సాధారణ వర్షపాతం 42.5 మి.మీ. పడాల్సి ఉండగా, ఇప్పటి వరకు 27.5 మి.మీ. వర్షపాతం నమోదైంది. తాడికొండ: రాజధానిలో సీడ్‌ యాక్సెస్‌ రోడ్డు ప్రారంభోత్సవంలో భాగంగా ఉండవల్లి స్టీల్‌ బ్రిడ్జి నుంచి దొండపాడు వరకు జరుగుతున్న పనులను అమరావతి అభివృద్ధి సంస్థ(ఏడీసీ) చైర్‌పర్సన్‌ మేనేజింగ్‌ డైరెక్టర్‌ డి.లక్ష్మీపార్థసారథి శనివారం పరిశీలించారు. మూడు దశల్లో జరుగుతున్న సీడ్‌ యాక్సెస్‌ రోడ్డు నిర్మాణ పనులు, రాష్ట్ర ముఖ్యమంత్రి ప్రారంభం చేయనున్న నేపథ్యంలో అధికారులతో సమీక్షించారు. సీడ్‌ యాక్సెస్‌రోడ్డుపై ఉండవల్లి వద్ద కొండవీటివాగుపై జరుగుతున్న బ్రిడ్జి నిర్మాణ పనులను పరిశీలించి అప్రోచ్‌ రోడ్డును వెంటనే పూర్తి చేయాలని ఏడీసీ చీఫ్‌ ఇంజినీరు టి.మోజెస్‌కుమార్‌ను ఆదేశించారు. రాయపూడి గ్రామంలో నిర్మించిన సైక్లింగ్‌, వాకింగ్‌ ట్రాక్‌ల నిర్మాణాన్ని పరిశీలించారు. కార్యక్రమంలో సూపరింటెండింగ్‌ ఇంజినీరు టి.వైకుంఠరావు, ఎగ్జిక్యూటివ్‌ ఇంజినీరు శ్రీధర్‌రెడ్డి, డీఈఈ వై.అప్పాజి, ఎన్‌సీసీ నిర్మాణ సంస్థ ప్రతినిధులు పాల్గొన్నారు.

గుంటూరు మెడికల్‌ ప్రతిష్ఠాత్మక ఐఐఆర్‌ఎఫ్‌ మెడికల్‌ కాలేజ్‌ ర్యాంకింగ్స్‌ 2026లో గుంటూరు మెడికల్‌ కాలేజీ జాతీయ స్థాయిలో 50వ స్థానాన్ని సాధించింది. దేశవ్యాప్తంగా ప్రముఖ వైద్య కళాశాలలకు సంబంధించిన ఈ ర్యాంకింగ్స్‌లో గుంటూరు మెడికల్‌ కాలేజీకి లభించిన స్థానం కళాశాల వర్గాల్లో ఆనందాన్ని కలిగించింది. శనివారం ఈ ఫలితాలు విడుదలయ్యాయి. ఎయిమ్స్‌ న్యూఢిల్లీ మొదటి స్థానంలో నిలిచింది. దేశంలోని 144 ప్రముఖ వైద్య కళాశాలల జాబితాను ప్రకటించారు. ఈ ర్యాంకింగ్స్‌కు సంబంధించిన వార్తను ప్రముఖ వైద్య, ఆరోగ్య వార్తా వేదిక మెడికల్‌ డైలాగ్స్‌ ప్రచురించింది. అందులో గుంటూరు మెడికల్‌ కాలేజీకి అఖిల భారత స్థాయిలో 50వ ర్యాంకు లభించింది. జాతీయ స్థాయిలో 50వ స్థానంలో నిలవటంతో శనివారం గుంటూరు మెడికల్‌ కాలేజీ ప్రిన్సిపల్‌ డాక్టర్‌ నాగార్జున కొండ వెంకటసుందరాచారి హర్షం వ్యక్తం చేశారు. ఈ గుర్తింపు కళాశాల అధ్యాపకులు, వైద్యులు, విద్యార్థులు, నర్సింగ్‌ సిబ్బంది, పరిపాలనా సిబ్బంది , గుంటూరు జీజీహెచ్‌కు చెందిన ప్రతి ఒక్కరి సమష్టి కృషికి నిదర్శనమని పేర్కొన్నారు. జాతీయ స్థాయిలో 50వ స్థానం సాధించడం గుంటూరు జిల్లా ప్రజలకు, వైద్య కళాశాల విద్యార్థులకు ఆనందకరమైన విషయమని తెలిపారు. దీనిని ఒక ప్రారంభ విజయంగా మాత్రమే భావిస్తున్నట్లు వెల్లడించారు. దేశంలోని టాప్‌ 10 మెడికల్‌ కాలేజీల్లో గుంటూరు మెడికల్‌ కాలేజీకి స్థానం కల్పించడమే తమ లక్ష్యం అని డాక్టర్‌ సుందరాచారి తెలిపారు. గుంటూరు వైద్య కళాశాలను దేశంలోని అగ్రశ్రేణి వైద్య విద్యాసంస్థల్లో ఒకటిగా తీర్చిదిద్దేందుకు అందరూ కలిసికట్టుగా కృషి చేయాలని డాక్టర్‌ ఎన్‌.వి.సుందరాచారి పిలుపునిచ్చారు.

ఆదివారం శ్రీ 9 శ్రీ ఆగస్టు శ్రీ 2026 వరికి నీరు ఇవ్వలేమని తెగేసి చెప్పిన ప్రజాప్రతినిధులు, అధికారులు● ప్రత్యామ్నాయ పంటలు సాగు చేయాలని ఉచిత సలహాలు ● జెడ్పీ సర్వసభ్య సమావేశంలో ప్రజాప్రతినిధులు, అధికారుల వైఖరి ● నాగార్జున సాగర్‌, కృష్ణా ఆయకట్టు పరిధిలోని రైతుల ఆశలపై నీళ్లు చల్లిన టీడీపీ ప్రభుత్వం ● విత్తు వేశాక సాగునీరు ఇవ్వబోమని చెబితే రైతులు ఏమైపోవాలని జెడ్పీటీసీ సభ్యుల ఆగ్రహం ● ముగిసిన చివరి సర్వసభ్య సమావేశం ● పలువురు టీడీపీ ఎంపీలు, ఎమ్మెల్యేలు గైర్హాజరు గుంటూరు ఎడ్యుకేషన్‌: రైతులెవ్వరూ వరి పంట వేయవద్దు... ప్రభుత్వం చెప్పినట్లు వినకుండా వరినాట్లు వేస్తే సాగునీరు అందించే బాధ్యత ప్రభుత్వానికి లేదని టీడీపీకి చెందిన ప్రజా ప్రతినిధులు, అధికార యంత్రాంగం తేల్చి చెప్పారు. వర్షాభావ పరిస్థితుల ప్రభావంతో వరికి ప్రత్యామ్నాయంగా సాగునీటితో సంబంధం లేని పంటలు వేసుకోవాలని రైతులకు సలహా ఇచ్చారు. ఉమ్మడి గుంటూరు జిల్లా ప్రజా పరిషత్‌ చివరి సర్వసభ్య సమావేశం జెడ్పీ సమావేశ మందిరంలో శనివారం జరిగింది. జెడ్పీ చైర్‌పర్సన్‌ కత్తెర హెనీ క్రిస్టినా అధ్యక్షతన జరిగిన సమావేశంలో అపరిష్కృత సమస్యలను పరిష్కరించాలని జెడ్పీటీసీ సభ్యులు పేర్కొన్నారు. సమావేశంలో ప్రధానంగా సాగునీటిపై చర్చ జరిగింది. నాగార్జునసాగర్‌, కృష్ణానది ఆయకట్టు పరిధిలోని రైతాంగం 12 లక్షల ఎకరాల పంటలు సాగు చేస్తున్నారని అయితే కృష్ణానది నుంచి నీటిని విడుదల చేయకుంటే రైతుల పరిస్థితి ఏంటని అధికారులను సభ్యులు నిలదీశారు. వర్షాభావ పరిస్థితుల కారణంగా సాగర్‌, కృష్ణానది ఆయకట్టు పరిధిలో వరి పంటకు సాగునీటిని ఇచ్చే పరిస్థితులు లేవని, చెరువులు నింపేందుకు, తాగునీటి అవసరాలకే నీటిని విడుదల చేయనున్నట్లు జలవనరులు, వ్యవసాయశాఖాధికారులు చెప్పడం రైతాంగం ఆశలపై నీళ్లు చల్లినట్లయింది. బాపట్ల ఎంపీ తెన్నేటి కృష్ణ ప్రసాద్‌ మాట్లాడుతూ జెడ్పీ సమావేశాల్లో సభ్యులు ఒక సమస్యపై పదే, పదే మాట్లాడుతున్నారంటే పారదర్శకత, జవాబుదారీతనం ఎక్కడ ఉందని ప్రశ్నించారు. ప్రస్తుత సమావేశంలో సభ్యులు లేవనెత్తిన సమస్యను వచ్చే సమావేశంలోపు పరిష్కరించాలని, ప్రతి వారం గ్రీవెన్స్‌ నిర్వహిస్తున్నట్లుగా జెడ్పీలో సభ్యులు అడిగే ప్రశ్నలను నమోదు చేసుకుని, పరిష్కరించాలన్నారు. జెడ్పీ చైర్‌పర్సన్‌ కత్తెర హెనీ క్రిస్టినా మాట్లాడుతూ చైర్‌పర్సన్‌గా తాను ఇద్దరు సీఎంల హయాంలో ఐదేళ్ల పాలన పూర్తి చేశానని అన్నారు. తనకు సహాయ, సహకారాలు అందించిన జెడ్పీటీసీలు, ఎంపీటీసీలకు కృతజ్ఞతలు తెలియజేశారు. ఐదేళ్ల కాలంలో రూ.175 కోట్లతో 710 పనులు పూర్తి చేయడంతో పాటు 127 కారుణ్య నియామకాలు చేపట్టినట్లు తెలిపారు. రెండు ప్రభుత్వాల్లో పనిచేసే అవకాశం రావడం అదృష్టంగా భావిస్తున్నానని తెలిపారు. గుంటూరు జిల్లా కలెక్టర్‌ సీఎం సాయింత్‌ వర్మ మాట్లాడుతూ వర్షాభావ పరిస్థితుల దృష్ట్యా వరి పంటకు సాగునీటిని ఇవ్వలేమని ప్రభుత్వం స్పష్టం చేసిందన్నారు. వరికి అనుబంధంగా పప్పు దినుసులను సాగు చేయడం ద్వారా వరికి నీరు అందించలేని పరిస్థితుల్లో రైతులు నష్టపోకుండా ఉంటారని, ప్రత్యామ్నాయ పంటల దిశగా ముందుకు వెళ్లాలని, వ్యవసాయ శాఖతో విస్తృతంగా అవగాహన కల్పిస్తున్నామని అన్నారు. ● ప్రత్తిపాడు జెడ్పీటీసీ కృష్ణా రెడ్డి మాట్లాడుతూ గుంటూరు చానల్‌ విస్తరణకు భూములు ఇచ్చిన రైతులకు నష్టపరిహారం చెల్లించాలని, మధ్యలో ఉన్న రైతులకు ఇవ్వకుండా చివరిగా ఉన్న వారికి చెల్లిస్తున్నారన్నారు. జెడ్పీ సీఈఓ వి.జ్యోతి బసు మాట్లాడుతూ రూ.38.43 కోట్లు నష్ట పరిహారంగా అందించామని, భూములు ఇచ్చిన రైతులందరికీ నష్ట పరిహారం చెల్లిస్తామన్నారు. ● అమరావతి ఎంపీపీ మేకల హనుమంతరావు మాట్లాడుతూ అమరావతిలో శ్రీ అమరేశ్వర స్వామి దేవాలయానికి చెందిన భూములు వున్నాయని, వాటికి ఎన్‌ఓసీ ఇచ్చి రియల్‌ ఎస్టేట్‌ వ్యాపారులకు కూడబెడుతున్నారని, దేవాలయ భూమి ఒక సెంటు పోయినా న్యాయ పోరాటం చేస్తామన్నారు. ● కో ఆప్షన్‌ సభ్యుడు హస్మీ మాట్లాడుతూ అమరావతి – సత్తెనపల్లి రహదారి అధ్వానంగా ఉందని, కనీసం అంబులెన్స్‌ వెళ్లే పరిస్థితి కుడా లేదని సభలో ఫొటోలను ప్రదర్శించారు. జెడ్పీటీసీ కాట్రగడ్డ మస్తాన్‌రావు మాట్లాడుతూ ఏసీబీ రైడ్‌లో అరెస్టయిన చిలకలూరిపేట ఎంఈఓకు తిరిగి అదే మండలంలో పోస్టింగ్‌ ఇచ్చారని, దీంతో ఉపాధ్యాయులు ఆందోళన చెందుతున్నారన్నారు. ● గత ప్రభుత్వంలో పెదకూరపాడు ఎమ్మెల్యే నంబూరు శంకరరావు ఎంతో ప్రాధాన్యతతో ప్రారంభించిన అభివృద్ధి పనులు నిలిచిపోయాయని, ఇసుక ఇష్టారాజ్యంగా తవ్వకాలతో విద్యార్థులు గుంతల్లో పడి ప్రమాదాలకు గురవుతున్నారని పలువురు సభ్యులు సమావేశం దృష్టికి తెచ్చారు. తమ పదవీ కాలం పూర్తవుతున్నా టూర్‌కు తీసుకెళతామని ఇచ్చిన హామీ నెరవేరలేదని జెడ్పీటీసీలు అసంతృప్తి వ్యక్తం చేశారు. చివరి జెడ్పీ సమావేశానికి బాపట్ల ఎంపీ ఒక్కరు మాత్రమే హాజరయ్యారు. కేంద్రమంత్రి పెమ్మసాని, నరసరావుపేట ఎంపీ లావు శ్రీకృష్ణదేవరాయలు, కొత్తగా రాజ్యసభకు ఎన్నికై న భాష్యం రామకృష్ణ గైర్హాజరయ్యారు. టీడీపీ ఎమ్మెల్యేల్లో కన్నా లక్ష్మీనారాయణ, బూర్ల రామాంజనేయులు, నక్కా ఆనందబాబు మినహా మిగిలిన వారు గైర్హాజరయ్యారు. సమావేశంలో ఎమ్మెల్సీ మర్రి రాజశేఖర్‌, జీడీసీసీ బ్యాంక్‌ చైర్మన్‌ మక్కెన మల్లికార్జునరావు, గుంటూరు, నరసరావుపేట డీఆర్వోలు ఖాజావలి, అద్దయ్య పాల్గొన్నారు. జెడ్పీ చివరి సర్వసభ్య సమావేశానికి హాజరైన జెడ్పీటీసీ సభ్యులు, ప్రజాప్రతినిధులు, అధికారులుమాట్లాడుతున్న జెడ్పీ చైర్‌పర్సన్‌ హెనీ క్రిస్టినా, చిత్రంలో కలెక్టర్‌ వేమూరు ఎమ్మెల్యే నక్కా ఆనందబాబు మాట్లాడుతూ వర్షాభావం దృష్ట్యా వరి పంట వేయవద్దని సీఎం చంద్రబాబు రైతాంగాన్ని హెచ్చరించారని, వద్దన్నా వరి పంట వేసిన రైతాంగం సాగునీరు ఇవ్వలేదని ప్రభుత్వంపై నింద మోపడం తగదన్నారు. వర్షాలు లేకుంటే ప్రభుత్వం ఏం చేస్తుందని, రైతులే ప్రత్యామ్నాయ పంటలు వేసుకోవాలన్నారు. ప్రత్తిపాడు ఎమ్మెల్యే బూర్ల రామాంజనేయులు మాట్లాడుతూ వర్షాభావ పరిస్థితులు నెలకొన్న మాట వాస్తవమేనని, అయినా సాగునీటి కోసం రైతాంగం ఆందోళన చెందాల్సి అవసరం లేదన్నారు. వర్షాలు కురుస్తాయని, పంటలకు సాగునీరు వస్తుందన్నారు. వైఎస్సార్‌ సీపీ రొంపిచర్ల జెడ్పీటీసీ సభ్యుడు పిల్లి ఓబుల్‌రెడ్డి మాట్లాడుతూ నాగార్జునసాగర్‌పై ఆధారపడి 5 లక్షల ఎకరాల్లో వరి పంట సాగుకు దిగిన రైతుల పరిస్థితి ఏంటని ప్రశ్నించారు? శ్రీశైలం, సాగర్‌కు ఎగువ నుంచి వస్తున్న నీటిని సాగునీటి అవసరాలకు విడుదల చేస్తారని ఎదురు చూస్తున్న రైతాంగం గతేమి కావాలన్నారు. ఖరీఫ్‌కు ముందుగా రైతులను అప్రమత్తం చేయాల్సిన ప్రభుత్వం వరినాట్లు వేసిన తరువాత నీరు ఇవ్వబోమని చెబితే రైతులకు దిక్కెవరని, అన్నం పెట్టే రైతన్నలపై ఈ విధంగా కక్ష గట్టడం తగదన్నారు. గతంలో సాగర్‌ డెడ్‌ స్టోరేజీకి వెళ్లినప్పుడు సైతం సాగునీటిని విడుదల చేసి పంటలను కాపాడిన పరిస్థితులు ఉన్నాయని గుర్తు చేశారు. మంథా తుపానుతో పంటలు నష్టపోయిన రైతులకు ఒక్క పైసా పరిహారం ఇవ్వలేదని, ఉచిత పంటల బీమా లేకపోవడంతో రైతుల పరిస్థితి దుర్భరంగా మారిందన్నారు.

నెహ్రూనగర్‌(గుంటూరు ఈస్ట్‌): మెగా డీఎస్సీ–2025 నిర్వహణలో జరిగిన అక్రమాలపై సీబీఐ విచారణ చేపట్టాలని, దీనికి బాధ్యత వహిస్తూ విద్యాశాఖ మంత్రి నారా లోకేష్‌ రాజీనామా చేయాలని, నిరుద్యోగ భృతి ఇవ్వాలని, ఫీజు రీయింబర్స్‌మెంట్‌ బకాయిలు విడుదల చేయాలనే ప్రధాన డిమాండ్లతో వైఎస్సార్‌ కాంగ్రెస్‌ పార్టీ అధ్యక్షులు వైఎస్‌ జగన్‌మోహన్‌రెడ్డి పిలుపు మేరకు గుంటూరు కలెక్టరేట్‌ ఎదురుగా గత మూడు రోజుల పాటు సాగిన రిలే నిరాహార దీక్షలు శనివారంతో ముగిశాయి. శనివారం ప్రచార కమిటీ, ఎస్సీసెల్‌ విభాగం ఆధ్వర్యంలో దీక్షలు జరిగాయి. ఉదయం నుంచి సాయంత్రం వరకు దీక్షలో కూర్చున్న వారికి, వారితో సహా దీక్షల్లో కూర్చున్న పార్టీ నగర అధ్యక్షురాలు, తూర్పు నియోజకవర్గ సమన్వయకర్త షేక్‌ నూరి ఫాతిమాకు పార్టీ జిల్లా అధ్యక్షుడు, మాజీ మంత్రి అంబటి రాంబాబు, పార్టీ రాష్ట్ర అధికార ప్రతినిధి లక్ష్మీ పార్వతి నిమ్మరసం అందజేసి దీక్షను విరమింపజేశారు. నిరద్యోగుల జీవితాలతో చెలగాటం పార్టీ రాష్ట్ర ప్రధాన కార్యదర్శి లక్ష్మీపార్వతి మాట్లాడుతూ కష్టపడి ఒక్క పరీక్ష కూడా రాయని లోకేష్‌, ఏళ్ల తరబడి కష్టపడిన నిరుద్యోగుల జీవితాలతో వ్యాపారం చేస్తున్నాడని మండిపడ్డారు. కష్టపడి మెరిట్‌ సాధించిన పేద అభ్యర్థులకు ఉద్యోగాలు రాకుండా రూ.15 లక్షలు ఇచ్చిన వారికే డీఎస్సీ ఉద్యోగాలు అమ్ముకున్నారని ఆరోపించారు. మెరిట్‌ సాధించిన అభ్యర్థుల సెలక్షన్‌ లిస్ట్‌ బయటపెట్టే ధైర్యం ప్రభుత్వానికి ఉందా అని సవాల్‌ విసిరారు. భారతంలో కొడుకుపై అతిప్రేమతో వంశాన్ని నాశనం చేసుకున్న ధృతరాష్ట్రుడిలా చంద్రబాబు ఉన్నారని, అవినీతిపరుడైన లోకేష్‌ చేస్తున్న దందాలను కప్పిపుచ్చుతున్నారని విమర్శించారు. నారా లోకేష్‌ రాజీనామా చేయాలి పార్టీ నగర అధ్యక్షురాలు, తూర్పు నియోజకవర్గ సమన్వయకర్త షేక్‌ నూరి ఫాతిమా మాట్లాడుతూ డీఎస్సీ అక్రమాలపై చేపట్టిన శాంతియుత నిరసన టెంట్లను తొలగిస్తూ పోలీసులతో ప్రజా గొంతును నొక్కుతున్నారని విమర్శించారు. స్పోర్ట్స్‌ కోటాలో 400 ఉద్యోగాలు అమ్మారని, అసలైన అభ్యర్థులకు కాకుండా ఇతరుల పేర్లతో కాల్‌ లెటర్లు పంపారని ఆరోపించారు. దీనిపై ప్రభుత్వం బహిరంగ చర్చకు సిద్ధమని చెబుతూ స్థలం, సమయం ఖరారు చేయడం లేదన్నారు. వారి స్థాయికి వైఎస్‌ జగన్‌మోహన్‌రెడ్డి దాకా ఎందుకు వైఎస్సార్‌ సీపీ చెందిన ఏ మాజీ మంత్రితోనైనా చర్చకు రావాలని సవాల్‌ చేశారు. డీఎస్సీ నియామకాలపై సీబీఐ విచారణకు సిద్ధపడాలని డిమాండ్‌ చేశారు. గోల్డ్‌ మెడలిస్టులను పక్కన పెట్టేశారు వైఎస్సార్‌ సీపీ ప్రచార కమిటీ రాష్ట్ర అధ్యక్షుడు కాకుమాను రాజశేఖర్‌ మాట్లాడుతూ డీఎస్సీ ఉద్యోగాల భర్తీ, ప్రశ్నపత్రాల లీకేజీ, క్రీడా కోటా అక్రమాలకు బాధ్యత వహిస్తూ లోకేష్‌ తక్షణం రాజీనామా చేయాలని డిమాండ్‌ చేశారు. జాతీయ స్థాయి గోల్డ్‌ మెడలిస్టులను పక్కనపెట్టి అక్రమ మార్గాల్లో వచ్చిన వారికి ఉద్యోగాలు ఇచ్చారని మండిపడ్డారు. పార్టీ రాష్ట్ర విద్యార్థి విభాగం అధ్యక్షుడు పానుగంటి చైతన్య మాట్లాడుతూ డీఎస్సీ అక్రమాలు ఎక్కడ బయటపడతాయనే భయంతోనే సీబీఐ విచారణకు అప్పగించడం లేదన్నారు. టీడీపీ ప్రభుత్వంలో వేల కోట్ల ఫీజు రీయింబర్స్‌మెంట్‌ బకాయిలు పెండింగ్‌లో ఉన్నాయని, 12 నుంచి 13 లక్షల మంది విద్యార్థులు ఇబ్బందులు పడుతున్నప్పటికీ ఫీజు రీయింబర్స్‌మెంట్‌ గురించి మాట్లాడితే అక్రమ కేసులు పెడుతున్నారని మండిపడ్డారు. పార్టీ వివిధ అనుబంధ విభాగాల జిల్లా అధ్యక్షులు, కార్యదర్శులు, నాయకులు, కార్యకర్తలు పాల్గొన్నారు. ముగిసిన వైఎస్సార్‌ సీపీ రిలే నిరాహార దీక్షలు రూ.15లక్షలకు డీఎస్సీ పోస్టులు అమ్ముకున్నారు! నారా లోకేష్‌ యువగళం పాదయాత్రలో పాల్గొన్న వారికి టీచర్‌ పోస్టులు : అంబటి రాంబాబు ధృతరాష్ట్రుడిలా చంద్రబాబు.. ఉత్తర కుమారుడిలా లోకేష్‌ : లక్ష్మీ పార్వతి ఐదు ప్రశ్నలకు సమాధానాలు చెప్పండి : టీజేఆర్‌ సుధాకర్‌ బాబు

సాక్షి, ప్రతినిధి, గుంటూరు: అమరావతి చిత్రకళా వీధి పేరుతో గుంటూరు నగరంలోని రింగ్‌రోడ్డు మొత్తాన్ని బ్లాక్‌ చేసి కార్యక్రమాన్ని రెండు రోజులపాటు నిర్వహించేందుకు భారీ ఏర్పాట్లు చేశారు. నగరంలోని జేకేసీ కళాశాల రోడ్డు వద్ద నుంచి కిలోమీటరు మేర రోడ్డు మొత్తాన్ని దిగ్బంధం చేశారు. క్రీడా ప్రాంగణాల్లో పెట్టుకోవాల్సిన కార్యక్రమాన్ని పబ్లిసిటీ కోసం నడిరోడ్డుపై పెట్టి రెండు రోజులపాటు ట్రాఫిక్‌కు తీవ్ర స్థాయిలో ఇబ్బందులు కలిగించారు. అసలే అరండల్‌పేట ఓవర్‌ బ్రిడ్జి నిర్మాణం పేరుతో ఉన్న బ్రిడ్జి కూల్చి వేసి ఏడాది దాటుతుండటంతో నగర ప్రజలు నిత్యం ట్రాఫిక్‌ ఇబ్బందితో సతమతమవుతున్నారు. గుంటూరు నగరంలోని పశ్చిమ నియోజకవర్గంలో పట్టాభిపురం రోడ్డు, లక్ష్మీపురం రోడ్డు, రింగ్‌రోడ్డు వంటి మూడు ప్రధాన రహదారులు నిత్యం ట్రాఫిక్‌ సమస్యతో సతమవుతుంటే వారి కష్టాలు తీర్చాల్సిన అధికారులే రోడ్లను బ్లాక్‌ చేసి పబ్లిసిటీ కోసం ఈవెంట్లు నిర్వహించడంపై నగర ప్రజలు తీవ్ర ఆగ్రహం వ్యక్తం చేస్తున్నారు. శని, ఆదివారాలు రెండు రోజులపాటు జరిగే ఈవెంట్‌కు రూ.కోట్లలో ఖర్చు చేయడంతోపాటు, నగర ప్రజలను తీవ్ర స్థాయిలో ఇబ్బందులకు గురిచేస్తున్నారు.

బైపాస్‌ సర్వీస్‌రోడ్‌లో హైవేటవర్స్‌ వద్ద మురుగునీటిని, వర్షపు నీటిని తొలగిస్తున్న సెప్టిక్‌ ట్యాంక్‌ తాడేపల్లి రోడ్డులో మురుగునీటిని తొలగిస్తున్న దృశ్యంతాడేపల్లి రూరల్‌: ముఖ్యమంత్రి నారా చంద్రబాబు నాయుడు శనివారం మంగళగిరి నియోజకవర్గ పరిధిలోని జాతీయ రహదారి వెంబడి ఉన్న తెలుగుదేశం పార్టీ కార్యాలయానికి వెళ్లారు. కార్పొరేషన్‌ అధికారులు హడావుడి చేశారు. ప్రకాశం బ్యారేజ్‌ నుంచి మంగళగిరి రూరల్‌ ఆత్మకూరు వరకు జాతీయ రహదారి వెంబడి, పాత జాతీయ రహదారి వెంబడి తాడేపల్లి రోడ్లపై, గుంతల్లో నిలిచిన మురుగునీరు, వర్షం నీటిని అప్పటికప్పుడు తొలగించే ఏర్పాట్లు చేశారు. సుమారు 4–5 సెప్టిక్‌ ట్యాంక్‌లను ఏర్పాటు చేసి బీటీ రోడ్డుపై పల్లంగా ఉన్న ప్రాంతంలో ప్రకాశం బ్యారేజ్‌ వద్ద, ఎన్‌టీఆర్‌ కరకట్ట నుంచి బైపాస్‌ వెళ్లే మార్గంలో, జాతీయ రహదారి సర్వీస్‌రోడ్డులోని హైవే టవర్స్‌ వద్ద వున్న వర్షం నీటిని, మురుగునీటిని తొలగించారు. సీతానగరం బోటుయార్డు, రైల్వే అండర్‌పాస్‌, బైపాస్‌రోడ్‌ అండర్‌పాస్‌లతో పాటు పలు ప్రాంతాల్లో రోడ్డుపై నిల్వ ఉన్న మురుగునీటిని హడావుడిగా కార్పొరేషన్‌ అధికారులు తొలగించారు. హడావుడి చూసి ఆ ప్రాంతవాసులు నవ్వుకున్నారు.

గుంటూరు వెస్ట్‌: ఎల్‌నినో ప్రభావంతో తీవ్ర వర్షాభావ పరిస్థితులు నెలకొన్న ప్రస్తుత పరిస్థితుల్లో రైతులకు అన్నివిధాలా అండగా నిలవాలని రాష్ట్ర పర్యాటక శాఖ మంత్రి, జిల్లా ఇన్‌చార్జి మంత్రి కందుల దుర్గేష్‌ వ్యవసాయ, ఇరిగేషన్‌ శాఖల అధికారులకు సూచించారు. శనివారం స్థానిక కలెక్టరేట్‌లోని శంకరన్‌ హాల్లో జిల్లా సాగునీటి సలహా మండలి సమావేశం ఇన్‌చార్జి మంత్రి కందుల దుర్గేష్‌ అధ్యక్షతన జరిగింది. సమావేశంలో కేంద్ర గ్రామీణాభివృద్ధి, కమ్యూనికేషన్‌ శాఖ సహాయ మంత్రి డాక్టర్‌ పెమ్మసాని చంద్రశేఖర్‌, ఎమ్మెల్యేలు ధూళిపాళ్ల నరేంద్ర కుమార్‌, బూర్ల రామాంజనేయులు, జాయింట్‌ కలెక్టర్‌ అశుతోష్‌ శ్రీవాస్తవ తదితరులు పాల్గొన్నారు. ఇన్‌చార్జ్‌ మంత్రి మాట్లాడుతూ ప్రస్తుత వర్షాభావ పరిస్థితుల్లో అందుబాటులో ఉన్న నీటి వనరులను సమర్థవంతంగా వినియోగించుకోవాల్సిన అవసరం ఉందన్నారు. రైతుల సంక్షేమాన్ని దృష్టిలో ఉంచుకుని ప్రతి రైతు తప్పనిసరిగా ఈ–క్రాప్‌ నమోదు చేయించుకునేలా అవగాహన కల్పించాలని, ప్రధానమంత్రి ఫసల్‌ బీమా యోజన పథకంలో రైతులు చేరేలా అధికారులు చర్యలు తీసుకోవాలన్నారు. పులిచింతల ప్రాజెక్టు ద్వారా అందుబాటులో ఉన్న నీటిని వినియోగించుకునే అవకాశాలను పరిశీలించాలని తెలిపారు. తక్కువ నీటి వనరులతో ఎక్కువ ప్రయోజనం పొందేలా.. కేంద్ర సహాయ మంత్రి పెమ్మసాని మాట్లాడుతూ రైతులకు వీలైనంత కష్టం రాకుండా చూసుకుంటామన్నారు. ప్రస్తుత పరిస్థితుల్లో నీటి వనరుల లభ్యత, సాగునీటి అవసరాలను సమగ్రంగా పరిశీలించి రైతులకు సాధ్యమైనంత మేరకు సాగునీరు అందించే చర్యలు చేపట్టాలని సూచించారు. తక్కువ నీటి వనరులతో సమగ్ర ప్రణాళికతో రైతులకు ఎక్కువ ప్రయోజనం పొందేలా చర్యలు తీసుకోవాలన్నారు. సమావేశంలో ఇరిగేషన్‌ ఎస్‌ ఈ వెంకటరత్నం, జిల్లా వ్యవసాయ శాఖ అధికారి ఎం.పద్మావతి, సాగునీటి సంఘాల అధ్యక్షులు, రైతు నాయకులు పాల్గొన్నారు. జిల్లా ఇన్‌చార్జి మంత్రి కందుల దుర్గేష్‌

నగరంపాలెం: అమరావతి ‘చిత్ర కళా వీధి’ అట్టర్‌ ఫ్ల్లాప్‌ షోగా మిగిలింది. గుంటూరు రింగ్‌రోడ్డు వెంట తలపెట్టిన అమరావతి చిత్ర కళావీధి ఏర్పాటు చేశారు. ప్రభుత్వం ప్రతిష్టాత్మకంగా నిర్వహిస్తున్నట్లు ప్రకటించిన ఏర్పాట్లు అథమంగా ఉన్నాయి. విద్యార్థులను భారీగా తరలించారు. అసలే ఉక్కపోతతో అల్లాడుతుంటే నడి వీధిలో షామియానాలు ఏర్పాటు చేసి కూటమి నాయకులు ప్రసంగాలు చేయడంతో చెమటలుపట్టాయి. సుమారు పదిన్నర నుంచి నాయకుల ప్రసంగాలు మొదలవ్వగా, ఎర్రని ఎండల్లో భరించక తప్పలేదు. వేదికపై ఉన్న నాయకులు ఇబ్బంది పడ్డారు. ఇక వేదిక ముందు కుర్చీలపై ఓ ప్రైవేట్‌ పాఠశాల, కళాశాల విద్యార్థులు ఎర్రని ఎండల్లో ఉండిపోయారు. ఇక డిప్యూటీ స్పీకర్‌ రఘురామకృష్ణరాజు మాట్లాడే సమయంలో ఎండలో కూర్చున్న విద్యార్ధులు అందరూ ఒక్కసారిగా లేచి వేదిక ముందున్న నీడలోకి వచ్చేసి నిలబడ్డారు. కేంద్ర సహాయ మంత్రి పెమ్మసాని చంద్రశేఖర్‌ మాట్లాడుతూ శంకర్‌విలాస్‌ బ్రిడ్జి పునః నిర్మాణ పనులు జరుగుతున్నాయని తద్వారా ట్రాఫిక్‌కు ఇబ్బందులు ఉంటాయని చెప్పారు. వచ్చే ఏడాదిలో చిత్రకళా వీధి నిర్వహించాలని నిర్వాహకులకు సూచించినట్లు చెప్పుకొచ్చారు. అయినా నగరంలో ట్రాిఫిక్‌ క్రమబద్ధీకరిస్తామని హామీ మేరకు అనుమతిచ్చామని చెప్పారు. ప్రజలు ఇబ్బందులు ఎదురైన అర్థం చేసుకుంటారని అన్నారు. మంత్రి కందుల దుర్గేష్‌ మాట్లాడుతూ పైన ఎండ తాకిడి ఎక్కువగా ఉందని, అయినప్పటికీ విద్యార్థులు అర్థం చేసుకోవాలని కోరారు. ఎమ్మెల్సీ ఆలపాటి రాజేంద్రప్రసాద్‌, వెస్ట్‌, ఈస్ట్‌ ఎమ్మెల్యే గళ్లా మాధవి, నసీర్‌ విద్యార్థుల గురించి ఆరా తీశారు. – ఆదివారం కూడా ఏర్పాట్లు.. అమరావతి చిత్ర కళా వీధికి కళాకారులు, చిత్రకళాకారులు పూర్తిస్థాయిలో హాజరుకాలేదు. కొందరు నిర్వాహకులకు ముందస్తు సమాచారం లేకపోవడంతో శనివారం మధ్యాహ్నం చిత్ర కళా వీధికి చేరారు. చిత్రలేఖన ఫొటోలు, పెయింటింగ్‌లు ఇతరత్రా సామాన్లతో తరలివచ్చారు. తెలుగు రాష్ట్రాల్లోని పలు ప్రాంతాల నుంచి వచ్చిన వారికి కనీస మౌలిక సౌకర్యాలు కల్పించడంలో కూటమి నాయకులు విఫలమయ్యారు. మధ్యాహ్నం, రాత్రి భోజనాలకు ఇబ్బందులు తప్పలేదు. కాలకృత్యాలు తీర్చుకునేందుకు కష్టాలు పడ్డారు. ఇప్పటికే శంకర్‌విలాస్‌ రైల్వేఓవర్‌బ్రిడ్జి పునః నిర్మాణ పనుల దృష్ట్యా రింగ్‌ రోడ్డు నిత్యం వాహనాలతో రద్దీగా ఉంది. ట్రాఫిక్‌ మళ్లించడంతో ప్రజలు ఇబ్బందులు పడ్డారు. డీ మార్ట్‌ నుంచి సాయిబాబా రోడ్డు ట్రాఫిక్‌ మళ్లిస్తున్నట్లు ట్రాఫిక్‌ డీఎస్పీ ప్రకటన చేయడంతో మరింత ఇబ్బందులకు గురిచేశాయి. శనివారం రింగ్‌రోడ్డు మీదగా వికాస్‌నగర్‌, జేకేసీ కళాశాల రోడ్డు, రాజేంద్రనగర్‌ వైపు వెళ్లేందుకు స్థానికులు, చోదకులు ఇబ్బందులకు గురయ్యారు. అడ్డరోడ్ల మీదగా వయా రింగ్‌రోడ్డు వైపు వచ్చే ప్రదేశాల్లో బారికేడ్ల ఏర్పాటు చేయగా పోలీసులతో చోదకులకు స్వల్ప వాదనలు చోటుచేసుకున్నాయి. అప్పటికే కొందరు వాహనదారులు తెలియక రింగ్‌ రోడ్డు వైపు రాగా, రహదారి పక్కనే దుకాణాలు ఉండటంతో వెనుదిరిగి వెళ్లారు. కళ తప్పిన వ్యాపారాలు.. ఇక రింగ్‌రోడ్డు డీ మార్ట్‌ నుంచి సాయిబాబా గుడి వరకు ఇరువైపులా నెలకొన్న పెద్ద రిటైల్‌, హోల్‌సేల్‌ వస్త్ర దుకాణాలు, షాపింగ్‌ మాల్స్‌, కల్యాణ మండపంలో నిర్వహించే ఎక్స్‌పో నిర్వాహకులకు ఇబ్బందులు తప్పలేదు. ఇక సాయంత్రం వేళ రోడ్డుకి ఇరువైపులా తోపుడు బండ్ల వ్యాపారాలు మూతపడ్డాయి. దీంతో ఆదివారం కూడా నగర వాసులు, చుట్టుపక్కల నుంచి వచ్చే వారికి ఇబ్బందులు తప్పవు. కూటమి ప్రభుత్వంపై చోదకులు నిప్పులు చెరిగారు. ఏదైనా పెద్ద ఎత్తున్న స్టాల్స్‌ నిర్వహించేటప్పుడు ఏదైనా ఖాళీ మైదానాలు, శివారు ప్రాంతాలను ఎంచుకుంటారని, నగరానికి ప్రస్తుత పరిస్థితుల్లో ప్రత్యామ్నాయంగా ఉన్న ఏకై క రింగ్‌రోడ్డును రెండు రోజులు ట్రాఫిక్‌ మళ్లించడం ఎంతవరకు సమంజసమని ఆందోళన వ్యక్తం చేశారు.

గుంటూరు వెస్ట్‌ (క్రీడలు): గుంటూరు విద్యానగర్‌లోని సక్సెస్‌ స్కూలులో జిల్లా తైక్వాండో అసోసియేషన్‌ ఆధ్వర్యాన జిల్లాస్థాయి తైక్వాండో చాంపియన్‌షిప్‌– 2026 పోటీలు శనివారం ప్రారంభమయ్యాయి. జిల్లా కార్యదర్శి కాశీనాథ్‌రెడ్డి మాట్లాడుతూ పోటీలకు దాదాపు 300 మంది పైగా పాల్గొన్నారన్నారు. పోటీలకు అబ్జర్వర్‌గా న్యూ ఆంధ్ర తైక్వాండో అసోసియేషన్‌ ట్రెజరర్‌ రసూల్‌, టెక్నికల్‌ సపోర్ట్‌గా స్టేట్‌ అసోసియేషన్‌ ఈసీ మెంబర్‌ అంకమ్మరావు వ్యవహరించారు. వయస్సుల వారీగా జిల్లా జట్లను ఎంపిక చేసి ఈ నెల 21, 22, 23 తేదీలలో శ్రీకాకుళంలో జరిగే రాష్ట్రస్థాయి పోటీలకు పంపిస్తామన్నారు. కార్యక్రమంలో జిల్లా అధ్యక్షులు ప్రసాద్‌బాబు, సక్సెస్‌ స్కూల్‌ డైరెక్టర్‌ సాయి మల్లికార్జున్‌రెడ్డి, జిల్లా కార్యవర్గ సభ్యులు రమణ, సాయి, రామకృష్ణ, వలి, విజయ్‌ తదితరులు పాల్గొన్నారు.రోడ్డు ప్రమాదంలో నలుగురికి గాయాలు కొల్లిపర: మండల పరిధిలోని అన్నవరం గ్రామానికి చెందిన నలుగురికి రోడ్డు ప్రమాదంలో గాయాలైన సంఘటన శనివారం చోటు చేసుకుంది. దీనిపై స్థానికులు తెలిపిన వివరాల ప్రకారం.. అన్నవరం గ్రామానికి చెందిన తాతా శివమ్మ, ఏమినేని గోవిందమ్మ, తాతావెంకటసుబ్బారావు, ఏమినేని అనిత లంక పొలం పనులు ముంగిచుకుని కృష్ణానది కరకట్ట మార్గంలో బైకుపై ఇంటికి వస్తున్నారు. అతివేగంగా కారు వచ్చి బైకులను ఢీకొట్టడంతో ఈ ప్రమాదం జరిగిందని తెలిపారు. గాయాలైన వారిని స్థానికులు సీహెచ్‌సీకి తరలించారు. వైద్యులు వెంటనే ప్రాథమిక చికిత్స అందించారు. గాయాలైన వారిలో శివమ్మ, ఏమినేని గోవిందమ్మలకు తీవ్రగాయాలు అవటంతో వైద్యులు మెరుగైన వైద్యం కోసం తెనాలి జిల్లా ప్రభుత్వ వైద్యశాలకు తరలించారు. అర్ధరాత్రి పంట పొలం దున్నిన గుర్తు తెలియని వ్యక్తులు తాడికొండ: అస్తి వివాదాల నేపథ్యంలో గుర్తు తెలియని వ్యక్తులు అర్ధరాత్రి పంటను దున్నిన ఘటన తాడికొండ మండలం నిడుముక్కల గ్రామంలో జరిగింది. బాధితులు తెలిపిన వివరాల ప్రకారం.. తలశిల గోపి, చైతన్య అనే రైతులకు నిడుముక్కల గ్రామంలో పూర్వీకుల నుంచి సంక్రమించిన 4 ఎకరాల పంట భూమి ఉంది. 1990 నుంచి ఆ భూమిని సాగు చేస్తున్నారు. ఇటీవల కాలంలో గోపి, చైతన్యల పెద్దమ్మ తలశిల ఇందిర వచ్చి ఆ పొలంపై తనకు హక్కు ఉందని, ఎటువంటి చట్ట పరమైన ఆధారాలు చూపకుండా ఆ పొలంలో సర్వే చేయించి హద్దు రాళ్లు వేశారు. దీంతో బాధితులు ఇందిర తీరుపై కలెక్టర్‌, తహసీల్దార్‌, పోలీస్‌స్టేషన్లో ఫిర్యాదు చేశారు. పొలంలో పాతిన హద్దు రాళ్లను తొలగించాలని కలెక్టర్‌ తహసీల్దార్‌ను ఆదేశించగా పోలీసుల సమక్షంలో వాటిని తొలగించారు. అయితే శుక్రవారం అర్ధరాత్రి ఇందిర, ప్రణీత్‌కుమార్‌లు కిరాయి పనులు చేసే వారితో పంట చేను దున్నించి, కౌలు రైతును బెదిరించారన్నారు. తమకు న్యాయం చేయాలని పోలీస్‌స్టేషన్‌లో ఫిర్యాదు చేసినట్లు తెలిపారు. తమకు ఇందిర వలన ప్రాణహాని ఉందని, ప్రాణ రక్షణ కావాలని వారు కోరారు.

● మొదలైన కృష్ణానది పరవళ్లు ● ఈ ఏడాది తొలిసారి నాగార్జునసాగర్‌కు చేరుకున్న వరదనీరు ● ఎగువ నుంచి 50 వేల క్యూసెక్కుల ఇన్‌ఫ్లో ● కృష్ణానది పరివాహక ప్రాంత రైతుల్లో చిగురిస్తున్న ఆశలు సాక్షి, నరసరావుపేట: ఎప్పుడెప్పుడా అని ఎదురుచూస్తున్న కృష్ణమ్మ పరవళ్లు నాగార్జునసాగర్‌కు చేరుకున్నాయి. ఈ ఏడాది ఖరీఫ్‌ ప్రారంభమై తొమ్మిది వారాలైనా సరైన వర్షాలు పడక, సాగర్‌ డ్యాం నిండక ఆందోళనలో ఉన్న రైతులకు ఊరటనిస్తూ కృష్ణా జలాలు సాగర్‌ వైపు వడివడిగా పరుగులు ప్రారంభించాయి. ఎగువన కొన్ని రోజులుగా భారీ వర్షాలు కురుస్తుండటంతో ఇప్పటికే శ్రీశైలం డ్యాంకు రెండు లక్షల క్యూసెక్కులకు పైగా వదర నీరు వస్తుండటంతో విద్యుత్‌ ఉత్పత్తి ద్వారా దిగువకు నీటిని విడుదల చేస్తున్నారు. దీంతో శనివారం నాగార్జునసాగర్‌కు 50 వేల క్యూసెక్కుల ఇన్‌ఫ్లో వస్తోంది. శ్రీశైలం జలాశయంలో 215 టీఎంసీల పూర్తిస్థాయి నీటి సామఽర్థ్యానికి గాను శనివారం మధ్యాహ్ననికి 173.87 టీఎంసీలు చేరింది. ఎగువ నుంచి శ్రీశైలం డ్యాంకు 2,15,782 క్యూసెక్కుల ఇన్‌ఫ్లో వస్తుండగా, అవుట్‌ ఫ్లో 15,726 క్యూసెక్కులుగా నమోదైంది. 2 లక్షల క్యూసెక్కుల ఇన్‌ఫ్లో మరో రెండు రోజులు కొనసాగితే శ్రీశైలం జలాశయం పూర్తిస్థాయి నీటిమట్టానికి చేరుకుని క్రస్ట్‌ గేట్ల ద్వారా వరద నీటిని కిందకు వద లడంతో సాగర్‌ డ్యాం నీటిమట్టం ఆశించిన మేర పెరిగే అవకాశముంది. దీంతో సాగర్‌ ఆయకట్టు కింద ఉన్న సుమారు 14.83 లక్షల ఎకరాల భూముల రైతుల్లో సాగు ఆశల చిగురిస్తున్నాయి. నాగార్జునసాగర్‌ జలాశయం పూర్తిస్థాయి నీటి సామర్థ్యం 312 టీఎంసీలకు గాను శనివారం ఉదయానికి 171.2 టీఎంసీ నీరు చేరింది.

తాడేపల్లి : విజయ డెయిరీ ఆస్తులను కొల్లగొట్టడానికి ప్రభుత్వ పెద్దలు కుట్ర పన్నారని వైఎస్సార్‌సీపీ నేత, మాజీ ఎమ్మెల్యే కైలే అనిల్‌ కుమార్‌ ఆరోపించారు. అందుకే డెయిరీ చైర్మన్‌ను ఇద్దరు మంత్రులు బెదిరించి రాజీనామా చేయించారని విమర్శించారు. చివరికి డైరెక్టర్లను కూడా మంత్రి కొల్లు రవీంద్ర తన ఇంట్లో బంధించారన్నారు. మరో వైశ్రాయ్‌ హోటల్‌ తరహా వెన్నుపోటు డ్రామాకు తెరలేపారన్నారు అనిల్‌ కుమార్‌. ‘ఎండీ, ఇతర అధికారుల మీద కేసులు పెడతామని బెదిరించారు. ఛైర్మన్ తో రాజీనామా చేయించకపోతే విదేశాల్లో ఉన్న పిల్లల మీద కేసు పెడతామని బెదిరించారు. హెరిటేజ్ కోసం చిత్తూరు డెయిరీని నిర్వీర్యం చేసినట్లే ఇప్పుడు విజయ డెయిరీ మీద పడ్డారు. చలసాని ఆంజనేయులుని బలవంతంగా రాజీనామా చేయించాల్సిన అవసరం ఏంటి?, ఆస్పత్రిలో ఉన్నప్పటికీ అక్కడకు వెళ్లి మరీ ఎందుకు బెదిరించారు?, ఇప్పటిదాకా ఆర్టీసీ డిపోల నుంచి మద్యం షాపుల వరకు అన్నిటినీ పంచుకు తిన్నారు. ఇప్పుడు విజయ డెయిరీ ఆస్తులను కూడా కొల్లగొట్టబోతున్నారు. సహకార సంస్థగా ఉన్న విజయ డెయిరీని ఎందుకు నిర్వీర్యం చేస్తారు?, విజయ డెయిరీ ప్రభుత్వానిది కాదు, రైతులది. రైతుల మీద కూడా రెడ్ బుక్‌ను ప్రయోగిస్తారా?, మా హయాంలో ఎప్పుడూ విజయ డెయిరీ గురించి పట్టించుకోలేదు. చంద్రబాబు ఇప్పుడు ఏ స్వార్ధంతో చలసానిని రాజీనామా చేయించారు?, రాష్ట్రంలో రైతులు యూరియా అందక, గిట్టుబాటు ధరల్లేక ఇబ్బందులు పడుతున్నారు. ముందు వారి సమస్యల పరిష్కారానికి కృషి చేయండి’ అని హెచ్చరించారు.

తాడేపల్లి : డీఎస్సీ అక్రమాలపై విచారణ అడిగితే భయమెందుకని మాజీ మంత్రి శైలజానాథ్‌ ప్రశ్నించారు. డీఎస్సీ అక్రమాలపై బాధితులు, ప్రతిపక్షం అడిగే దానికి ప్రభుత్వం చెప్పే సమాధానాలకు పొంతన ఉండటం లేదన్నారు. అధికారులు మాత్రం అభ్యర్థులను తప్పుదారి పట్టించేలా మాట్లాడుతున్నారన్నారు.‘డీఎస్సీ-2025లో డీఎస్సీ కన్వీనర్‌‌ని ఎందుకు పక్కన పెట్టారు?, ఫస్ట్ ర్యాంకర్ నవీన్ అనే యువకుడికి ఎందుకు ఉద్యోగం ఇవ్వలేదు?, పరీక్షల సిస్టంలో పని చేసిన నవీన్‌కు ఫస్ట్ ర్యాంకు రావటం మీద అనుమానం ఉంది. దీనిపై ప్రభుత్వం ఇప్పటికీ ఎందుకు సరైన సమాధానం చెప్పటం లేదు?, రెండో ర్యాంకు వచ్చిన వ్యక్తికి మొదటి ర్యాంకు ఎందుకు ఇచ్చారు?, డీఎస్సీలో అక్రమాలు జరిగాయనటానికి ఇదొక నిదర్శనం. స్పోర్ట్స్ కోటాను 2 నుండి 3 శాతానికి పెంచటం వెనుక కుట్ర ఉంది. జీవో నెంబర్ 4, 47 తేవటం వెనుక కుట్ర ఉంది. ఆ జీవోలు సరైనవే ఆయితే మళ్ళీ జీవో నెంబర్ 56 ఎందుకు తెచ్చారు?ఈమధ్యలోనే భారీగా అక్రమాలు జరిగాయి. జాతీయ స్థాయిలో గోల్డ్ మెడల్ తెచ్చుకున్న దుర్గయ్యకు ఎందుకు ఉద్యోగం ఇవ్వలేదు?, స్పోర్ట్స్ కోటాలో ఉద్యోగాలు పొందిన వారి రాజకీయ బ్యాక్‌గ్రౌండ్ పై కూడా విచారణ జరపాలి. రూ.15 లక్షల చొప్పున ఉద్యోగాలను అమ్ముకున్నారు. దానిపై విచారణ జరపాలని అడిగితే కేసులు పెడుతున్నారు’ అని ఆగ్రహం వ్యక్తం చేశారు. మల్లాదిపై దాడి దుర్మార్గం..మల్లాది విష్ణుపై కోడిగుడ్లతో దాడి చేయటం దుర్మార్గపు చర్య. మా రిలే దీక్షల్లో రౌడీలు ఉన్నారన చంద్రబాబు అనటం దారుణం. ఆ మాటలను వెనక్కు తీసుకోవాలి. దీక్షల శిబిరాల దగ్గరకు వెళ్ళి చూస్తే చంద్రబాబుకు వాస్తవాలు తెలుస్తాయి’ అని స్పష్టం చేశారు.

సాక్షి, గుంటూరు: అమరావతి చిత్రకళా వీధి ప్రారంభోత్సవంలో రగడ చోటుచేసుకుంది. స్టాల్స్‌ను తిలకించడానికి వచ్చిన మంత్రి దుర్గేష్‌ను డిప్యూటీ స్పీకర్‌ రఘరామకృష్ణరాజు గన్‌మెన్‌ అడ్డుకున్నారు. జనసేన నేతలను రఘురామకృష్ణరాజు గన్‌మెన్‌ పక్కకు నెట్టేశారు. దీంతో రఘురామకృష్ణ రాజు గన్‌మెన్‌తో జనసేన నేతలు వాగ్వాదానికి దిగారు. అరుపులు, కేకలతో ప్రాంగణం దద్దరిల్లింది. కేంద్ర మంత్రి పెమ్మసాని చంద్రశేఖర్ ముందే గొడవ జరిగింది.

ఉమ్మడి గుంటూరు జిల్లాలో అరాచక శక్తులు రెచ్చిపోయి విధ్వంసం సృష్టిస్తున్న పరిస్థితి నెలకొంది. నిఘా వ్యవస్థ నిద్రపోతోంది. శాంతిభద్రతలు పూర్తిగా క్షీణించాయి. దొంగలు, దోపిడీదారులు రెచ్చిపోతున్నారు. హత్యలు, అరాచకాలు పెరిగిపోయాయి. రౌడీ మూకలు అధికార పార్టీ అండతో రెచ్చిపోతున్నాయి. ఏం చేసినా పోలీసులు తమను ఏమీ చేయరనే ధీమాతో ప్రజల ధన, మాన, ప్రాణాలతో చెలగాటం ఆడుతున్నారు. నడిరోడ్డుపై హత్యలు చేసినా, మహిళల దుస్తులు రోడ్లపైనే చించి అమానుష చర్యలకు పాల్పడినా, ప్రతిపక్ష పార్టీల నేతల ఇళ్లపై దాడులు చేసి వీరంగం సృష్టించినా పట్టించుకునే నాథుడే లేకుండా పోయాడు. ఏ తప్పు చేసినా అధికార పార్టీ నేతలు చెబితే పోలీసులు వదిలేస్తారనే ధీమాతో అరాచక శక్తులు రెచ్చిపోయి అమానుష ఘటనలకు దిగుతున్నాయి.సాక్షి ప్రతినిధి, గుంటూరు: గుంటూరు జిల్లాలో ఒక్క రోజులో మూడు హత్యలు జరిగాయి. అందులో ఇద్దరు మహిళలు కూడా ఉన్నారంటే లా అండ్‌ ఆర్డర్‌ ఏ స్థాయిలో ఉందో అర్థం చేసుకోవచ్చు. ముఖ్యంగా పల్నాడు జిల్లాలో అధికార పార్టీ నేతల అండతో రౌడీమూకలు రెచ్చిపోయి ప్రత్యర్థులపై తమ ప్రతాపాన్ని చూపుతున్నాయి. కూటమి ప్రభుత్వం అధికారంలోకి వచ్చిన తర్వాత వినుకొండలో నడిరోడ్డుపై యువకుడిని నరికి చంపిన ఘటన రాష్ట్రవ్యాప్తంగా సంచలనం సృష్టించిన విషయం తెలిసిందే. అంతటితో ఆగకుండా వినుకొండలో వరుస దొంగతనాలు, దోపిడీలు జరుగుతుండటంతో ప్రజలు హడలిపోతున్నారు. ఇటీవల అనుమానాస్పద స్థితిలో నలుగురు మృతి చెందిన టనలు జరిగినప్పటికీ పోలీసులు లోతుగా విచారణ జరిపి నిజమైన నిందితులను గుర్తించలేదనే ఆరోపణలు వెల్లువెత్తుతున్నాయి. నిత్యం ఇంతటి దారుణ ఘటనలు జరిగే పల్నాడు జిల్లాకు నెలలుగా ఎస్పీని నియమించని పరిస్థితి ఉందంటే ప్రభుత్వం శాంతిభద్రతలపై ఏ స్థాయిలో చిత్తశుద్ధితో ఉందో అర్థం చేసుకోవచ్చు. చిన్న చిన్న సోషల్‌ మీడియా పోస్టులపై తీవ్ర స్థాయిలో స్పందించి, అవసరమైతే ఇతర రాష్ట్రాలకు వెళ్లి మరీ రాత్రికి రాత్రే అరెస్టులు చేసేందుకు పోలీసులు పరిమితం అవుతున్నారు. హత్యలు, అరాచకాలు, దోపిడీలు, దాడులు చేసే రౌడీమూకలను పట్టుకోవడంలో పూర్తిగా విఫలమయ్యారనే విమర్శలు వెల్లువెత్తుతున్నాయి. వైఎస్సార్‌సీపీ నేతలే లక్ష్యం.. జిల్లాలో ఆందోళన కలిగించే అనేక ఘటనలు జరుగుతున్నప్పటికీ వాటిపై సీరియస్‌గా స్పందించే తీరిక పోలీసులకు లేకుండా పోయింది. వైఎస్సార్‌సీపీ నేతలు, కార్యకర్తలు ప్రభుత్వాన్నిగానీ, ప్రభుత్వ పెద్దలనుగానీ ప్రశ్నిస్తూ సోషల్‌ మీడియాలో పెట్టే పోస్టులపై మాత్రం సుమోటోగా కేసులు నమోదు చేసేంత సీరియస్‌గా పోలీసులు వ్యవహరిస్తున్నారు. గుంటూరు నగర నడిబొడ్డున నివాసం ఉండే మాజీ మంత్రి అంబటి రాంబాబు ఇంటిపై టీడీపీ మూకలు యథేచ్ఛగా ఏడు గంటల పాటు దాడులు చేసి బీభత్సం సృష్టించిన వారిని పోలీసులు అరెస్టు చేయలేదు. అంబటి రాంబాబును మాత్రం అరెస్టు చేసి రిమాండ్‌కు తరలించారు. ఇటీవల రాజధాని ప్రాంతమైన ఉండవల్లిలో రైతులను పరామర్శించేందుకు వెళ్తున్న వైఎస్సార్‌సీపీ నేతల వాహనాలపై టీడీపీ గూండాలు దాడులు చేసి రాళ్లు, కోడిగుడ్లు విసిరారు. కానీ వైఎస్సార్‌సీపీ నాయకులపై ఎస్సీ, ఎస్టీ అట్రాసిటీ కేసులు, పోలీసుల విధులకు ఆటంకం కలిగించారనే కేసులు నమోదు చేసి ప్రభుత్వంపై పోలీసులు తమ స్వామిభక్తిని చాటుకున్న విషయం తెలిసిందే. పోలీసులదే కీలక పాత్ర ఇలా చెప్పుకుంటూ పోతే టీడీపీ నేతల అరాచకాలకు పోలీసులే ప్రత్యక్ష సాక్షులుగా నిలుస్తూ, తిరిగి వైఎస్సార్‌సీపీ నాయకులపైనే అడ్డగోలుగా కేసులు నమోదు చేస్తున్నారు. దీంతో లా అండ్‌ ఆర్డర్‌ పూర్తిగా నియంత్రణ తప్పింది. పోలీసులు అంటే ఎవరికి భయం లేకుండా పోయింది. అధికార పార్టీ నేతలతో సిఫార్సు చేయిస్తే ఏం చేసినా మనకేం కాదనే ధీమా అరాచక శక్తుల్లో ధైర్యాన్ని నింపుతోంది. పరిస్థితి ఇలాగే కొనసాగితే ఇంకా ఎలాంటి ఘోరాలు జరుగుతాయోనని ప్రజలు ఆందోళన చెందుతున్నారు.

గుంటూరు లీగల్‌: న్యాయవాదుల క్రికెట్‌ టోర్నమెంట్‌ విజేతగా ఎస్‌వైకే లీగల్‌ వారియర్‌ టీం నిలిచింది. గుంటూరు బార్‌ అసోసియేషన్‌ ఆధ్వర్యంలో న్యాయవాదుల కోసం నిర్వహించిన క్రికెట్‌ టోర్నమెంట్‌ శుక్రవారం ఫైనల్‌ మ్యాచ్‌తో ముగిసింది. హోరాహోరీగా సాగిన ఫైనల్‌ పోరులో చందు 11 జట్టుపై ఎస్‌వైకే లీగల్‌ వారియర్స్‌ జట్టు విజయం సాధించింది. ఆకాష్‌ మ్యాన్‌ ఆఫ్‌ ది మ్యాచ్‌గా, సాజిద్‌ మ్యాన్‌ ఆఫ్‌ ది సిరీస్‌గా ఎంపికయ్యారు. ఫైనల్‌ మ్యాచ్‌ను గుంటూరు బార్‌ అసోసియేషన్‌ అధ్యక్షుడు మధిర నాగేశ్వరరావు టాస్‌ వేసి ప్రారంభించారు. జట్లను ఆంధ్రప్రదేశ్‌ బార్‌ కౌన్సిల్‌ సభ్యులు ఎ.శాంతకుమార్‌, వట్టిజొన్నల బ్రహ్మారెడ్డి అభినందించారు. విజేత, రన్నరప్‌ జట్లకు ఆగస్టు 15న స్వాతంత్య్ర దినోత్సవ వేడుకల సందర్భంగా కప్‌లను అందజేయనున్నట్లు నిర్వాహకులు తెలిపారు. ● తహసీల్దార్‌, రెవెన్యూ ఉద్యోగులపై అనుచిత వ్యాఖ్యలు దారుణం ● కలెక్టర్‌కు ఏపీ రెవెన్యూ సర్వే అసోసియేషన్‌ వినతిగుంటూరు వెస్ట్‌: గుంటూరు గనులు, భూగర్భశాఖ ఉప సంచాలకులు చంద్రశేఖర్‌ ఇటీవల మీడియా ప్రతినిధుల సమక్షంలో గుంటూరు జిల్లా తహసీల్దార్‌, గ్రామ రెవెన్యూ అధికారులపై చేసిన అసభ్యకర, అవమానకర, పరువునష్టం కలిగించే వ్యాఖ్యలను రెవెన్యూ ఉద్యోగులు తీవ్రంగా బాధించినట్లు ఏపీ రెవెన్యూ అసోసియేషన్‌ గుంటూరు జిల్లా అధ్యక్షుడు పీఏ కిరణ్‌ కుమార్‌ ఆవేదన వ్యక్తం చేశారు. శుక్రవారం స్థానిక కలెక్టరేట్‌లో జిల్లా కలెక్టర్‌ సాయికాంత్‌ వర్మను కలిసి లిఖిత పూర్వక ఫిర్యాదు చేశారు. ఈ సందర్భంగా కిరణ్‌ కుమార్‌ మీడియాతో మాట్లాడుతూ ఇది పూర్తిగా రెవెన్యూ ఉద్యోగుల ఆత్మ గౌరవాన్ని దెబ్బతీసే విధానమని తెలిపారు. ఎన్‌ఓసీ( నో అబ్జక్షన్‌ సర్టిఫికెట్‌)ను మంజూరు చేసే అధికారం కలెక్టర్‌ అధ్యక్షతన జిల్లా స్థాయి స్క్రీనింగ్‌ కమిటీ పరిధిలోనే ఉంటుందన్నారు. తహసీల్దార్‌కు ఆ అధికారం లేదని, ఈ విషయం తెలిసినప్పటికీ చంద్రశేఖర్‌ ఉద్దేశపూర్వకంగా మాట్లాడటం క్షమార్హం కాదని పేర్కొన్నారు. చంద్రశేఖర్‌ మాట్లాడిన వీడియోలు సామాజిక మాధ్యమాల్లో విస్తృతంగా ప్రచారం కావడంతో ప్రజల్లో ప్రభుత్వ శాఖల మధ్య విభేదాలు ఉన్నాయనే తప్పుడు అభిప్రాయం ఏర్పడే పరిస్థితి నెలకొందని వివరించారు. రెవెన్యూ ఉద్యోగుల వినతి మేరకు కలెక్టర్‌ సానుకూలంగా స్పందించారు. కార్యక్రమంలో ఏపీ రెవెన్యూ అసోసియేషన్‌ జిల్లా ప్రధాన కార్యదర్శి వెంకటరావు, తహసీల్దార్లు కృష్ణకాంత్‌, షేక్‌ సుభాని, వీఆర్వోల అసోసియేషన్‌ రాష్ట్ర ప్రధాన కార్యదర్శి అనుపమ, జిల్లా జనరల్‌ సెక్రెటరీ, రామారావు అసోసియేట్‌ ప్రెసిడెంట్‌ ఆయూబ్‌, కార్యదర్శి నాగేశ్వరరావు తదితరులు పాల్గొన్నారు.

మొగల్రాజపురం(విజయవాడ తూర్పు): ఆంధ్రా క్రికెట్‌ అసోసియేషన్‌ ఆధ్వర్యంలో సెంట్రల్‌ జోన్‌ (అండర్‌–23) మహిళల అంతర్‌ జిల్లాల చివరి లీగ్‌ మ్యాచ్‌లు మంగళగిరిలోని క్రికెట్‌ మైదానంలో శుక్రవారం జరిగాయి. తొలి మ్యాచ్‌ కృష్ణా జట్టు, పశ్చిమ గోదావరి మధ్య జరిగింది. పశ్చిమ గోదావరి జట్టు మొదట బ్యాటింగ్‌ చేసి 150 (47.3 ఓవర్లు) స్కోర్‌ సాధించింది. అనంతరం బ్యాటింగ్‌ చేసిన కృష్ణా జిల్లా జట్టు 32.5 ఓవర్లలోనే 151/3 స్కోర్‌ చేసి ఏడు వికెట్ల తేడాతో విజయం సాధించింది. పేరేచర్లలోని క్రికెట్‌ మైదానంలో ప్రకాశం, గుంటూరు మధ్య రెండో మ్యాచ్‌ జరిగింది. గుంటూరు జట్టు 50 ఓవర్లలో 233/6 స్కోర్‌ చేసింది. ప్రకాశం జిల్లా జట్టు 45.1 ఓవర్లలో 171 పరుగులు మాత్రమే చేసింది. 62 పరుగుల తేడాతో గుంటూరు జట్టు విజయం సాధించింది. కృష్ణా జిల్లా జట్టు 12 పాయింట్లు సాధించి అండర్‌–23 మహిళల టోర్నమెంట్‌ సెంట్రల్‌ జోన్‌ చాంపియన్‌గా నిలిచింది. గుంటూరు జిల్లా జట్టు 8 పాయింట్లతో రెండో స్థానంలో నిలిచింది.

సంకల్పం సడలలేదు. నిర్బంధాలను లెక్కచేయలేదు. అడుగడుగునా అడ్డుకున్నా ఉక్కు సంకల్పంతో దీక్షలు కొనసాగుతున్నాయి. జిల్లాలోని అన్ని నియోజకవర్గాల్లో డీఎస్సీ అవకతవకలపై సీబీఐ విచారణ, మంత్రి లోకేష్‌ రాజీనామా డిమాండ్‌తో చేపట్టిన దీక్షలు శుక్రవారానికి రెండోరోజుకు చేరాయి. పెదకాకానిలో దీక్ష శిబిరాన్ని పోలీసులు భగ్నం చేశారు. –సాక్షి నెట్‌వర్క్‌ ప్రత్తిపాడులో రెండు రోజు నిర్వహించిన దీక్షలో కూర్చున సమన్వయకర్త బలసాని కిరణ్‌కుమార్‌పెదకాకాని.. దీక్షలో కూర్చున వైఎస్సార్‌ సీపీ నాయకులుతెనాలి.. దీక్షలో ప్లకార్డు చూపుతున్న సమన్వయకర్త అన్నాబత్తుని శివకుమార్‌గుంటూరు నగరంలో దీక్షలో కూర్చున మహిళా నేతలుమంగళగిరి.. దీక్షలో కూర్చున సమన్వయకర్త వేమారెడ్డి

గుంటూరు రూరల్‌: రైతాంగం, గ్రామీణ సమాజం, వ్యవసాయాభివృద్ధి కోసం జీవితాంతం కృషి చేసిన మహనీయుడు ఆచార్య ఎన్‌.జి.రంగా అని పలువురు కొనియాడారు. ఆయన ప్రముఖ శిష్యులు రచించిన విలువైన గ్రంథాలను మరలా ముద్రించి ప్రతులను ఎన్‌.జి. రంగా ఫౌండేషన్‌ ప్రతినిధులు శుక్రవారం ఆచార్య ఎన్‌.జి. రంగా వ్యవసాయ విశ్వవిద్యాలయం ఉపకులపతి డాక్టర్‌ పి.వి.సత్యనారాయణకు అందజేశారు. నగర శివారుల్లోని లాంఫాం వ్యవసాయ పరిశోధన స్థానంలో విశ్వవిద్యాలయం పరిపాలనా భవనంలోని బోర్డు సమావేశ మందిరంలో ఏర్పాటు చేసిన కార్యక్రమంలో వీసీ మాట్లాడారు. ఆచార్య ఎన్‌.జి.రంగా సుసంపన్నమైన మేధో, సాహిత్య వారసత్వాన్ని పరిరక్షించడంతోపాటు దానిని ప్రజలకు, విద్యార్థులకు చేరవేయాలనే లక్ష్యంతో ఈ గ్రంథ సముదాయాన్ని విశ్వవిద్యాలయానికి అప్పగించారన్నారు. ఈ అమూల్యమైన గ్రంథాలను ముద్రించి భద్రపరిచేందుకు ఎన్‌.జి. రంగా ఫౌండేషన్‌ చేస్తున్న కృషిని ప్రశంసించారు. ఆచార్య ఎన్‌.జి. రంగా ఆయన శిష్యుల రచనలు వ్యవసాయం, రైతు సంక్షేమం, గ్రామీణాభివృద్ధి, ఆర్థిక శాస్త్రం, భారతదేశ సామాజిక రాజకీయ చరిత్రపై విలువైన అవగాహనను కల్పిస్తాయన్నారు. కార్యక్రమంలో ఎన్‌.జి.రంగా ఫౌండేషన్‌ ప్రతినిధులు కిషోర్‌, ప్రసాద్‌, మిత్ర, పుండరీకాక్షుడు, జక్కంపూడి సీతారామయ్య పాల్గొన్నారు.

గుంటూరు ఎడ్యుకేషన్‌: ప్రధాని నరేంద్రమోదీని రాజ్యసభ సభ్యుడు భాష్యం రామకృష్ణ శుక్రవారం ఢిల్లీలోని పార్లమెంటు భవనంలో మర్యాద పూర్వకంగా కలిశారు. పార్లమెంటు సమావేశాలకు ముందుగా ఇచ్చిన అల్పాహార విందులో భాగంగా నూతనంగా ఎన్నికై న రాజ్యసభ సభ్యులతో ప్రధాని మోదీ భేటీ అయ్యారు. ఈసందర్భంగా భాష్యం రామకృష్ణ ప్రధాని మోదీతో సంభాషించారు. చిలకలపూడి (మచిలీపట్నం): గుంటూరు ఈస్ట్‌ మాజీ ఎమ్మెల్యే షేక్‌ మొహమ్మద్‌ ముస్తఫాను ఐదు రోజుల పాటు పోలీస్‌ కస్టడీకి అప్పగించాలని శుక్రవారం కృష్ణా జిల్లా బందరు ఎస్సీ, ఎస్టీ కోర్టులో పిటిషన్‌ దాఖలైంది. కిడ్నాప్‌, దోపిడీ, హత్యాయత్నం కింద నూజివీడు పట్టణ పోలీస్‌స్టేషన్‌లో ఆయనపై ఎస్సీ, ఎస్టీ కేసు నమోదు కాగా, బుధవారం ఆయనను గుజరాత్‌లో అక్రమంగా అరెస్టు చేసిన సంగతి తెలిసిందే. నూజివీడు కోర్టులో ప్రవేశపెట్టగా 14 రోజులు రిమాండ్‌ విధించారు. నగరంపాలెం: భవిష్యత్‌లో మరెన్నో జాతీయ, అంతర్జాతీయస్థాయిలో విజయాలు సాధించాలని జిల్లా ఎస్పీ వకుల్‌ జిందాల్‌ అన్నారు. హైదరాబాద్‌ గచ్చిబౌలి జీఎంసీ బయో ఇండోర్‌ స్టేడియంలో గతనెల 23– 30 వరకు 11వ ఆల్‌ ఇండియా పోలీస్‌ జూడో క్లస్టర్‌–2026 పోటీలు జరగ్గా, పెన్‌కక్‌ సిలట్‌ 110 కేజీల విభాగంలో చేబ్రోలు పీఎస్‌ కానిస్టేబుల్‌ పోతురాజు రజత పతకం (ద్వితీయ స్థానం) సాధించి ప్రతిభను చాటారు. ఈ మేరకు అతన్ని శుక్రవారం జిల్లా పోలీస్‌ కార్యాలయ ఆవరణలో జిల్లా ఎస్పీ వకుల్‌ జిందాల్‌ అభినందించి, సర్టిఫికెట్‌, మెడల్‌తో సత్కరించారు. జిల్లా ఎస్పీ మాట్లాడుతూ జాతీయ స్థాయి క్రీడా పోటీల్లో విశిష్ట ప్రతిభ కనబరిచి జిల్లా పోలీస్‌ శాఖకు గౌరవాన్ని తీసుకొచ్చారని అన్నారు. ● ఐఈఈఈ గుంటూరు సబ్‌ సెక్షన్‌ చైర్‌ డాక్టర్‌ ఎన్‌ ఉషారాణి ● చలపతి యూనివర్సిటీలో ఘనంగా ఐ ఈఈఈ– ఉద్గమా 2026 సదస్సు తాడికొండ: ఆవిష్కరణ, నాయకత్వం ద్వారా భావి ఇంజినీర్లుగా ఎదగవచ్చని ఐఈఈఈ హైదరాబాద్‌ సెక్షన్‌ కార్యదర్శి, సిలికాన్‌ ల్యాబ్స్‌ సీనియర్‌ డైరెక్టర్‌ ఎన్‌ వెంకటేష్‌ అన్నారు. చలపతి యూనివర్సిటీలో ఐ ఈఈఈ హైదరాబాద్‌ సెక్షన్‌ స్టూడెంంట్‌ యాక్టివిటీస్‌ కమిటీ, ఐఈఈఈ గుంటూరు సబ్‌ సెక్షన్‌ సంయుక్త ఆధ్వర్యంలో ఉద్గామా 2026 సదస్సు నిర్వహించారు. ఎఫ్ట్రానిక్స్‌ కంపెనీ ఎండీ డి రామకృష్ణ మాట్లాడుతూ భవిష్యత్‌ వ్యవస్థలు– వ్యవస్థల సమాహారం అనే అంశంపై వివరించారు. కార్యక్రమంలో ఎడ్జి ఇంటెలిజెన్స్‌ పరిష్కారాలు–విద్యార్థుల ఆవిష్కరణలు విజయవంతమైన ఉత్పత్తులుగా మలచడంపై వివరించారు. ఐఈఈఈ గుంటూరు సబ్‌ సెక్షన్‌ ఇన్‌చార్జి డాక్టర్‌ ఎన్‌ ఉషారాణిలు అంశాలపై వివరించారు. ఈ సందర్బంగా నిర్వహించిన వివిధ పోటీలలో విజేతలకు అతిథుల చేతుల మీదుగా బహుమతులు అందజేశారు. కార్యక్రమంలో ప్రిన్సిపల్‌ కె నాగ శ్రీనివాసరావు, చలపతి వర్శిటీ యాజమాన్యం, అధ్యాపకులు, విద్యార్థులు పాల్గొన్నారు. నరసరావుపేట: పిడుగురాళ్ల సమీపంలోని బ్రాహ్మణపల్లిలో గల మెడికల్‌ కళాశాల వరకు నరసరావుపేట, పిడుగురాళ్ల బస్టాండ్ల నుంచి సింగిల్‌స్టాఫ్‌ బస్సులను నిర్వహించాలని పట్టణ వినియోగదారుల సంఘ ఉపాధ్యక్షులు కుంచాల స్వామి కోరారు. ఈ మేరకు శుక్రవారం అమరావతిలో రవాణాశాఖ మంత్రికి వినతిపత్రం సమర్పించామన్నారు. గతంలో స్థానిక ఆర్‌టీసీ జిల్లా రవాణా అధికారిని కోరుతూ వినతిపత్రం సమర్పించామని, అయితే ఇప్పటివరకు ఆచరణకు నోచుకోలేదన్నారు. బస్సుల ఏర్పాటు వలన బోధనా సిబ్బంది, చదువుకునే విద్యార్థులు, హాస్పిటల్‌లో చికిత్స కోసం వెళ్లేవారికి ఉపయోగకరంగా ఉంటుందన్నారు. సామాన్య, మధ్య, పేదతరగతి వర్గాలకు మేలు జరుగుతుందన్నారు.

జిల్లా కలెక్టర్‌ సాయికాంత్‌ వర్మ గుంటూరు వెస్ట్‌: పథకాలపై ప్రజల సంతృప్తి స్థాయి పెరగాలని జిల్లా కలెక్టర్‌ సాయికాంత్‌ వర్మ అన్నారు. పబ్లిక్‌ పాజిటివ్‌ పర్సెప్షన్‌పై సంబంధిత అధికారులతో కలెక్టర్‌ శుక్రవారం గుంటూరు నగర పాలక సంస్థ కార్యాలయం నుంచి వీడియో కాన్ఫరెన్స్‌ ద్వారా సమీక్షించారు. ఈ సందర్భంగా కలెక్టర్‌ మాట్లాడుతూ సానుకూల స్పందన పొందే విధంగా ఎప్పుడూ పనిచేయాలని సూచించారు. ప్రతి అంశాన్ని నిశితంగా తనిఖీ చేయాలని ఆదేశించారు. శాఖాపరమైన సూచీలకు అనుగుణంగా కచ్చితమైన, నాణ్యమైన గణాంకాలను నమోదు చేయాలని పేర్కొన్నారు. నిర్దేశిత లక్ష్యాలను పూర్తిస్థాయిలో సాధించేలా చర్యలు తీసుకోవాలని ఆదేశించారు. ఈ సమావేశంలో సంబంధిత అధికారులు పాల్గొన్నారు. జాయింట్‌ కలెక్టర్‌ అశుతోష్‌ శ్రీవాస్తవ గుంటూరు వెస్ట్‌: బహిరంగ మార్కెట్‌లో బియ్యం ధరలు పెరుగుతున్న నేపథ్యంలో గుంటూరు జిల్లాలోని రేషన్‌ కార్డుదారుల సౌలభ్యం కోసం ప్రత్యేక చర్యలు తీసుకుంటున్నట్లు జాయింట్‌ కలెక్టర్‌ అశుతోష్‌ శ్రీవాస్తవ శుక్రవారం ఒక ప్రకటనలో పేర్కొన్నారు. జిల్లాలోని అన్ని రైతు బజార్లలోనూ, 32 రైస్‌ మిల్లుల ప్రాంగణాలలోనూ తక్కువ ధర బియ్యం విక్రయ కేంద్రాలు ఏర్పాటు చేశామని తెలిపారు. ప్రస్తుతం మార్కెట్‌లో బీపీటీ ముడి బియ్యం కిలో రూ.58, స్టీమ్‌ బియ్యం కిలో రూ.62 వరకు ఉందన్నారు. ఈ ప్రత్యేక కేంద్రాల ద్వారా బీపీటీ ముడి బియ్యం కిలో రూ.50 చొప్పున, స్టీమ్‌ స్టీమ్‌ బియ్యం కిలో రూ.52 చొప్పున అందుబాటులో ఉంచామని పేర్కొన్నారు. బియ్యం కొనుగోలుదారులు కార్డుకు 5 కిలోలుగానీ, 10 కిలోలుగానీ ప్రకటించిన ధరకు పొందవచ్చన్నారు.

చందోలు(కర్లపాలెం): సుప్రీంకోర్టు మాజీ ప్రధాన న్యాయమూర్తి జస్టిస్‌ ఎన్‌వీ రమణ శుక్రవారం బాపట్ల జిల్లా చందోలులో ఉన్న బగళాముఖి అమ్మవారిని దర్శించుకున్నారు. తొలుత ఆలయానికి విచ్చేసిన ఆయనకు ఈవో నరసింహమూర్తి, ఆలయ అభివృద్ధి కమిటీ సభ్యులు సంప్రదాయాల ప్రకారం స్వాగతం పలికారు. ఆషాఢ మాసం ముగింపు పూజలలో భాగంగా నిర్వహించిన పూర్ణాహుతిలో ఎన్‌వీ రమణ పాల్గొన్నారు. హోమంలో కూడా పాల్గొని, పూజలు నిర్వహించారు. అనంతరం ఈవోతోపాటు ఆలయ అభివృద్ధి కమిటీ అధ్యక్షుడు చక్రధర్‌ రెడ్డి ఆయన్ను సన్మానించారు. అమ్మవారి చిత్రపటం, ప్రసాదాలను అందజేశారు. ఎస్‌ఐ మాధవరావు, దేవదాయ శాఖ జిల్లా మేనేజర్‌ ఎం.నాగయ్య పాల్గొన్నారు. వీరాంజనేయుని సేవలో... పొన్నూరు: పట్టణంలోని వీరాంజనేయస్వామి వారిని శుక్రవారం సుప్రీంకోర్టు మాజీ న్యాయమూర్తి జస్టిస్‌ ఎన్‌.వి. రమణ దర్శించుకున్నారు. తొలుత ఆలయ అధికారులు ఆయనకు స్వాగతం పలికారు. తర్వాత స్వామి వారిని ఆయన దర్శించుకుని, ప్రత్యేక పూజలు నిర్వహించారు. తీర్థ్ధప్రసాదం స్వీకరించారు. ఈవో ఎ. శ్రీనివాసరావు, అధికారులు, ధర్మకర్తల మండలి సభ్యులు, సిబ్బంది పాల్గొన్నారు. చిలకలూరిపేట టౌన్‌: జవహర్‌ నవోదయ విద్యాలయాల్లో ఆరో తరగతి ప్రవేశాలకు నవోదయ విద్యాలయ సమితి గడువు పెంచింది. జేఎన్‌వీఎస్‌టీ 2027–28 విద్యా సంవత్సరం ప్రవేశ పరీక్షకు ఆన్‌లైన్‌ దరఖాస్తుల గడువును ఆగస్టు 10 వ తేదీ వరకు పొడిగించిందని మద్దిరాల పీఎంశ్రీ జవహర్‌ నవోదయ విదాల్యయం ప్రిన్సిపాల్‌ పంతంగి శ్రీనివారావు తెలిపారు. ఇప్పటికే దరఖాస్తు చేసుకున్న అభ్యర్థులకు ఆగస్టు 11, 12 తేదీల్లో దరఖాస్తుల్లో సవరణలు చేసుకునేందుకు ప్రత్యేక అవకాశం కల్పించిందని వెల్లడించారు. మాధ్యమం, కేటగిరీ, లింగం, ప్రాంతం, దివ్యాంగుల విభాగానికి సంబంధించిన వివరాలను మాత్రమే ఈ సమయంలో మార్చుకోవచ్చన్నారు. అమరావతి: ప్రసిద్ధ అమరావతి అమరేశ్వర ఆలయంలో శుక్రవారం ఆడికృత్తిక పర్వదినాన్ని పురస్కరించుకుని సుబ్రహ్మణ్యేశ్వర స్వామికి విశేష పూజలు నిర్వహించారు. స్వామి వారికి భక్తుల సమక్షంలో అర్చకుడు శంకరమంచి రాజేష్‌ శర్మ మహాన్యాస పూర్వక ఏకాదశ రుద్రాభిషేకం చేశారు. అనంతరం స్వామి వారికి విశేషాలంకారం చేసి, భక్తులకు దర్శనం కల్పించారు. తీర్థప్రసాదాలు అందజేశారు. పూజలలో పలు గ్రామాల నుంచి భక్తులు పెద్దసంఖ్యలో పాల్గొన్నారు. ఏఎన్‌యూ(పెదకాకాని): ఆచార్య నాగార్జున విశ్వవిద్యాలయం ఈ ఏడాది జూన్‌లో నిర్వహించిన ఫార్మా–డీ, ఏప్రిల్‌లో నిర్వహించిన నానో టెక్నాలజీ పరీక్ష ఫలితాలను పరీక్షల నియంత్రణాధికారి వెంకటేశ్వర్లు శుక్రవారం విడుదల చేశారు. ఎంఎస్సీ నానో టెక్నాలజీ 5–7 సెమిస్టర్‌ రెగ్యులర్‌ పరీక్షలకు 26 మంది హాజరు కాగా, వారిలో 25 మంది ఉత్తీర్ణులయ్యార తెలిపారు. ఫార్మా–డీ సెమిస్టర్‌ రెగ్యులర్‌ పరీక్షలకు 232 మంది రాశారన్నారు. వారిలో 228 మంది ఉత్తీర్ణత సాధించారని పేర్కొన్నారు. పూర్తి వివరాలకు వర్సిటీ అధికారిక వెబ్‌సైట్‌లో చూడవచ్చన్నారు. దూరవిద్య రీవాల్యూయేషన్‌ ఫలితాలు విడుదల ఆచార్య నాగార్జున యూనివర్సిటీ పరిధిలనీ ఏడాది జనవరి, ఫిబ్రవరి నెలల్లో జరిగిన దూరవిద్య యూజీ, పీజీ పరీక్షల రీవాల్యూయేషన్‌ ఫలితాలను విడుదల చేసినట్లు వర్సిటీ డిప్యూటీ రిజిస్ట్రార్‌ శుక్రవారం ఒక ప్రకటనలో తెలిపారు. పూర్తి వివరాలకు వర్సిటీ అధికారి వెబ్‌సైట్‌లో తెలుసుకోవచ్చని ఆయన పేర్కొన్నారు.

తెలంగాణ ఎత్తిపోతలతోఅచ్చంపేట: జలయజ్ఞం కార్యక్రమంలో భాగంగా కృష్ణా డెల్టా రైతుల కోసం 13 లక్షల ఎకరాల ఆయకట్టు భూములకు సమృద్ధిగా సాగునీరు అందించేందుకు 2004లో అప్పటి సీఎం డాక్టర్‌ వైఎస్‌ రాజశేఖరరెడ్డి పులిచింతల ప్రాజెక్టు నిర్మాణాన్ని చేపట్టారు. 2013 నుంచి ప్రాజెక్టు ద్వారా కృష్ణా, డెల్టా రైతులకు సాగునీరు అందుతోంది. ఆంధ్రప్రదేశ్‌ పునర్విభజన చట్టంలోని 84, 85 సెక్షన్ల ప్రకారం పులిచింతల ప్రాజెక్టుకు దిగువకు వదిలే ప్రతి నీటి చుక్కపై ఆంధ్రప్రదేశ్‌కే పూర్తి హక్కులు కల్పించారు. తెలంగాణకు ఎలాంటి హక్కులు లేవు. ఒకవేళ ప్రాజెక్టుకు దిగువకు వదిలే నీటి ద్వారా ఏవైనా స్కీములు చేపట్టాలంటే కేంద్ర జలశక్తి మంత్రి అధ్యక్షతన ఉండే అపెక్స్‌ కౌన్సిల్‌ ఆమోదంతో కృష్ణా బోర్డు అనుమతులు తీసుకోవాల్సి ఉంటుంది. 51 స్కీములకు నీటి కొరత తెలంగాణ భూభాగంలో రాజీవ్‌ ఎత్తిపోతల పథకం నిర్మాణం పూర్తయితే పులిచింతల ప్రాజెక్టుకు దిగువన ఉన్న పల్నాడు జిల్లాలోని పెదకూరపాడు, ఎన్టీఆర్‌ జిల్లాలోని నందిగామ, జగ్గయ్యపేట నియోజకవర్గాలలోని కృష్ణా నదీ తీరంలో ప్రస్తుతం రైతుల వినియోగంలో ఉన్న 51 ఎత్తిపోతల పథకాలకు సాగునీరు అందే అవకాశాలు సన్నగిల్లుతాయి. తాగునీటికి కూడా ఇబ్బందులు ఎదురవుతాయి. రాజధాని అమరావతి పనులకు కూడా ఆటంకాలు ఏర్పడవచ్చు. పులిచింతల దిగువ నీటిని తరలించే విధంగా అవసరమయ్యే కాలువలు, పైప్‌లైన్లు నిర్మిస్తున్నారు. మరో ఎత్తిపోతల పథకం తెలంగాణలోని మేళ్లచెరువు మండలం వెల్లటూరు వద్ద 53 వేల ఎకరాలకు సాగునీరు అందించేందుకు రూ.1,470 కోట్లతో మరో ఎత్తిపోతల పథకాన్ని చేపట్టారు. కృష్ణానది తీరంలో కురిసిన వర్షాలకు, శ్రీశైలం, నాగార్జునసాగర్‌ ప్రాజెక్టుల నుంచి విడుదలయ్యే మిగులు నీటితో మాత్రమే పులిచింతల ప్రాజెక్టు నిండుతుంది. ఆ మిగులు నీరు వెల్లటూరు వద్ద నిర్మించే ప్రాజెక్టుకు వెళితే పులిచింతల నిండాలంటే ఎగువ ప్రాంతంలో భారీ వర్షాలు పడాలి.తెలంగాణ భూభాగంలో రాజీవ్‌ ఎత్తిపోతల పథకాన్ని నిర్మిస్తున్నారు. తెలంగాణ వైపు కృష్ణానది తీరంలోని భూభాగంలో ఎత్తిపోతల పథకాలను నిర్మించుకునే హక్కు ఆ రాష్ట్ర ప్రభుత్వానికి ఉంది. కానీ పులిచింతల ప్రాజెక్టు నుంచి విడుదలయ్యే నీటిని వరదలు వచ్చినప్పుడు మాత్రమే ఆ స్కీములకు తరలించుకోవాల్సి ఉంటుంది. సాధారణంగా ప్రతి ఏడాది ఆగస్టు, సెప్టెంబరు నెలల్లో వరదలు రావడం సహజం. కాబట్టి, ఆయా సమయాల్లోనే మాత్రమే నీటిని తరలించుకునేందుకు తెలంగాణ ప్రభుత్వం ఎత్తిపోతల పథకాల నిర్మాణాలను చేపట్టి ఉండవచ్చు. దీనిపై పూర్తిస్థాయిలో అధ్యయనం చేస్తాం. – గుణకరరావు, ఎస్‌ఈ, జలవనరుల శాఖ విజయవాడ సర్కిల్‌ కానీ తెలంగాణ మాత్రం ఏ విధమైన అనుమతులు లేకుండా ప్రాజెక్టుకు అవతలి ఒడ్డున బొగ్గమాదారం, దొండపాడు గ్రామాల వద్ద రూ.394 కోట్ల అంచనా వ్యయంతో 14 వేల ఎకరాల ఆయకట్టు భూములకు సాగునీరు అందించేందుకు రాజీవ్‌ ఎత్తిపోతల పథకాన్ని చేపట్టింది. ఈ ప్రాజెక్టు పులిచింతల దిగువకు విడుదలయ్యే నీటిని ఆ స్కీముకు తరలించేందుకు పైప్‌లైన్లు వేస్తున్నారు. స్కీం నిర్మాణం పూర్తయితే రోజుకు 3,500 క్యూసెక్కులు పైప్‌లైన్ల ద్వారా వదలాల్సి ఉంటుంది. స్కీం నిర్మాణ పనులను వేగవంతం చేశారు. ప్రస్తుతం పంప్‌హౌస్‌ రెండంతస్తుల పనులు పూర్తి చేశారు. నదీతీరాలకు 10 కిలోమీటర్లలోపు ఇరిగేషన్‌ స్కీములు నిర్మించాలంటే పొరుగు రాష్ట్రాల అనుమతులు తీసుకోవాలి. ఏపీ ప్రభుత్వం ఎలా అనుమతి ఇచ్చిందో తెలియాల్సి ఉంది. తెలంగాణలో ఎత్తిపోతల పథకం పూర్తయితే పులిచింతల ప్రాజెక్టుకు దిగువకు వదిలే నీటిపై ఆంధ్రప్రదేశ్‌ ప్రభుత్వం తెలంగాణకు కూడా వాటా ఇచ్చినట్లవుతుంది. దీనివల్ల కృష్ణా, డెల్టా ప్రాంతాలకు విడుదలయ్యే సాగునీటిలో కోత ఏర్పడుతుంది. 13 లక్షల ఎకరాల భూములకు నష్టం వాటిల్లుతుంది.

గుంటూరు ఎడ్యుకేషన్‌: ఉమ్మడి గుంటూరు జిల్లా పరిషత్‌ చివరి సర్వసభ్య సమావేశం శనివారం జరగనుంది. జెడ్పీ పాలకవర్గ పదవీకాలం సెప్టెంబర్‌ 24న ముగియనుంది. 2021లో జరిగిన స్థానిక సంస్థల ఎన్నికల్లో ఉమ్మడి గుంటూరు జిల్లా పరిషత్‌ను వైఎస్సార్‌సీపీ అత్యధిక మెజార్టీతో కై వసం చేసుకుంది. జెడ్పీ చైర్‌పర్సన్‌ కత్తెర హెనీ క్రిస్టినా అధ్యక్షతన శనివారం ఉదయం 11 గంటలకు కొలువుదీరనున్న సర్వసభ్య సమావేశంలో గుంటూరు, పల్నాడు, బాపట్ల జిల్లాలకు చెందిన ప్రజాప్రతినిధులు, జెడ్పీటీసీలు, అధికారులు హాజరు పాల్తొననున్నారు. నాడు అభివృద్ధి, నేడు సంక్షోభం గత వైఎస్సార్‌సీపీ ప్రభుత్వ పాలనలో జెడ్పీని చేజిక్కించుకున్న అనంతరం ముమ్మరంగా కొనసాగించిన అభివృద్ధి పనులు రెండేళ్ల క్రితం అధికారంలోకి వచ్చిన కూటమి పాలనలో అటకెక్కాయి. జెడ్పీటీసీలకు ప్రాధాన్యం ఇవ్వకుండా టీడీపీ ఎమ్మెల్యేల సిఫార్సులకు పెద్దపీట వేసి, ఇష్టారాజ్యంగా పనులు కేటాయిస్తుండటంతో ప్రజల ఓట్లతో గెలిచిన జెడ్పీటీసీలు ఉత్సవ విగ్రహాలుగా మారారు. జెడ్పీ ఆదాయానికి మించి ఎడాపెడా పనులకు ఆమోదం తెలుపుతుండటంతో పూర్తి చేసిన పనులకు చెల్లించేందుకు నిధులు లేక జెడ్పీ ఆర్థిక సంక్షోభంలోకి నెట్టివేయబడింది.

సాక్షి, విజయవాడ: విజయ డెయిరీ ఛైర్మన్‌ పదవికి చలసాని ఆంజనేయులు రాజీనామా చేశారు. మంత్రుల ఒత్తిడి తట్టుకోలేక రాజీనామా చేశారు. ఛైర్మన్ పదవికి రాజీనామా చేయాలంటూ నిన్నటి నుంచి చలసాని ఆంజనేయులపై తీవ్ర ఒత్తిడి చేస్తున్నారు. మంత్రుల ఒత్తిడి తట్టుకోలేక చలసాని ఆంజనేయులు ఆసుపత్రి పాలయ్యారు. ఆసుపత్రి బెడ్‌ మీద ఉన్నా రాజీనామా చేయాలని ఒత్తిళ్లకు గురిచేశారు. దీంతో మంత్రుల ఒత్తిళ్లతో చలసాని ఆంజనేయులు రాజీనామా చేశారు.రెండు గంటల పాటు ఆసుపత్రిలో చలసాని ఆంజనేయులతో చర్చించిన మంత్రులు కొల్లు రవీంద్ర, కొలుసు పార్ధసారథి.. ఆయనపై తీవ్ర ఒత్తిడి తెచ్చారు. పార్టీ ఆదేశాలతో చలసాని ఆంజనేయులు రాజీనామా చేశారని మంత్రి పార్థసారథి ప్రకటించారు. విజయ డెయిరీ చైర్మన్‌ చలసాని ఆంజనేయులును మంత్రులు టార్గెట్‌ చేశారు. ఈ క్రమంలో తీవ్ర ఒత్తిడికి లోనైన ఆంజనేయులు అస్వస్థతకు గురై ఆస్పత్రిలో చికిత్స పొందుతున్నారు.అయితే, బుధవారం సాయంత్రం జరిగిన సమావేశం అనంతరం విజయ డెయిరీ కార్యాలయానికి వచ్చిన టీడీపీ మంత్రులు కొల్లు రవీంద్ర, పార్థసారథి.. చలసాని ఆంజనేయులతో సమావేశమైనట్లు సమాచారం. ఈ సందర్భంగా ఎట్టి పరిస్థితుల్లోనూ చైర్మన్ పదవికి రాజీనామా చేయాల్సిందేనని, అధిష్టానం ఆదేశాలు ఉన్నాయని ఆయనకు స్పష్టం చేసినట్లు తెలుస్తోంది.దీనిపై స్పందించిన చలసాని ఆంజనేయులు నిర్ణయం తీసుకోవడానికి ఒక్కరోజు గడువు ఇవ్వాలని కోరినప్పటికీ, అందుకు అవకాశం లేదని, వెంటనే పదవి నుంచి తప్పుకోవాల్సిందేనని మంత్రులు స్పష్టం చేసినట్లు తెలిసింది. ఈ పరిణామాల మధ్య మంత్రుల సమక్షంలోనే చలసాని ఆంజనేయులు అస్వస్థతకు గురికాగా, వెంటనే ఆయనను ప్రైవేట్ ఆస్పత్రికి తరలించారు. ఆసుపత్రిలో ఉన్నా కానీ చలసాని ఆంజనేయులను మంత్రులు వదల్లేదు. రాజీనామా చేయాలంటూ తీవ్ర ఒత్తిడి చేశారు. దీంతో ఇవాళ ఆంజనేయులు.. విజయ డెయిరీ ఛైర్మన్‌ పదవికి రాజీనామా చేశారు.

సాక్షి, తాడేపల్లి: ‘‘దిశ”ను ఉపసంహరించుకోవటంపై వైఎస్సార్‌సీపీ అధినేత, మాజీ ముఖ్యమంత్రి వైఎస్ జగన్‌మోహన్‌రెడ్డి ఆగ్రహం వ్యక్తం చేశారు. చంద్రబాబు ప్రభుత్వం తీసుకున్న నిర్ణయంపై ఆయన మండిపడ్డారు. ఆంధ్రప్రదేశ్‌లో మహిళలు, చిన్నారులకు ఇది చీకటి రోజంటూ వైఎస్‌ జగన్‌ ట్వీట్ చేశారు. మహిళల భద్రతకు అండగా నిలిచిన ఒక సమగ్ర రక్షణ వ్యవస్థను.. రాజకీయ ఈర్ష్యతో నిర్వీర్యం చేయడం అత్యంత దురదృష్టకరమన్నారు.‘‘మహిళలు, చిన్నారులపై నేరాలు, దర్యాప్తులో జాప్యం, న్యాయ ప్రక్రియలో ఆలస్యం వంటి సమస్యలకు పరిష్కారంగా వైఎస్సార్‌సీపీ ప్రభుత్వం “దిశ”ను తీసుకొచ్చింది. నేరం జరగకుండా నిరోధించడం నుంచి, నేరం జరిగితే వెంటనే స్పందించడం, బాధితులకు రక్షణ, వేగంగా దర్యాప్తు, ఫోరెన్సిక్‌ ఆధారాల సేకరణ, చార్జిషీటు, ప్రత్యేక కోర్టుల ద్వారా సత్వర న్యాయం వరకు ఒక సమగ్ర వ్యవస్థను నిర్మించాం...దిశలో భాగంగా మహిళలు ప్రమాదంలో ఉన్నప్పుడు SOS బటన్‌ నొక్కినా, ఫోన్‌ను 5 సార్లు షేక్‌ చేసినా నిమిషాల వ్యవధిలో పోలీసులు స్పందించే వ్యవస్థ తీసుకొచ్చాం. 1.51 కోట్ల మంది దిశ యాప్‌ను డౌన్‌లోడ్‌ చేసుకున్నారు. దిశ ద్వారా వచ్చిన 31,607 అత్యవసర కాల్స్‌ను అప్పట్లో మా ప్రభుత్వంలో పోలీసులు పరిష్కరించారు. 18 ప్రత్యేక మహిళా పోలీస్‌స్టేషన్లు ఏర్పాటు చేశాం. ప్రతి గ్రామ, వార్డు సచివాలయంలో మహిళా పోలీసును అందుబాటులోకి తీసుకొచ్చి 13,500 మందితో క్షేత్రస్థాయి భద్రత, రిపోర్టింగ్‌ వ్యవస్థను నిర్మించాం...900 ద్విచక్ర వాహనాలు, 163 నాలుగు చక్రాల వాహనాలతో ప్రత్యేక పెట్రోలింగ్‌ ఏర్పాటు చేశాం. నేరస్తులు ఎట్టి పరిస్థితుల్లోనూ తప్పించుకునే అవకాశం లేకుండా ఈ కేసుల దర్యాప్తులో శాస్త్రీయ ఆధారాలకు ప్రాధాన్యం ఇస్తూ ఆరు నగరాల్లో ఫోరెన్సిక్‌ వ్యవస్థను బలోపేతం చేశాం. సత్వర విచారణ కోసం 13 ప్రత్యేక POCSO కోర్టులు, 12 మహిళా ప్రత్యేక కోర్టులు ఏర్పాటు చేశాం. 2,17,467 మంది లైంగిక నేరస్తుల వివరాలతో ప్రత్యేక డేటాబేస్‌ను రూపొందించాం. అందుకనే దిశ విజయవంతగా మహిళలకు, చిన్నారులకు గొప్ప భద్రతా సేవలను అదించింది’’ అని వైఎస్‌ జగన్‌ వివరించారు.‘‘2017లో మహిళలపై నేరాల దర్యాప్తుకు సగటున 156 రోజులు పట్టగా, 2022 నాటికి అది 28 రోజులకు తగ్గించగలిగారు. 164 అత్యాచారం కేసులు, 378 లైంగిక నేరాల కేసుల్లో కేవలం 7 రోజుల్లోనే ఛార్జిషీట్లు దాఖలు చేశారు. తీవ్రమైన కేసుల్లో 51 శాతానికిపైగా నిందితులను 48 గంటల్లోపు అరెస్టు చేశారు. గతంలో డీఎన్‌ఏ నివేదికలకు నెలలు పట్టేది. దిశ ఫోరెన్సిక్‌ వ్యవస్థతో వాటిని రోజుల్లోనే అందించే పరిస్థితి తీసుకొచ్చాం. 214 కేసుల్లో నిందితులకు శిక్షలు పడ్డాయి. మే 2024 నాటికి మహిళలపై నేరాలు 27 శాతం తగ్గాయి. వార్షిక సగటు కేసులు 14,338 నుంచి 10,426కు తగ్గాయి...ఇదీ దిశ ఇచ్చిన భరోసా. ఇవీ దిశ సాధించిన ఫలితాలు. అందుకే 19జాతీయ అవార్డులను మా ప్రభుత్వ హయాంలో “దిశ’’ గెలుచుకుంది. “దిశ” అనేది కాగితాల మీదున్న పేరు కాదు. ప్రమాదంలో ఉన్న మహిళ SOS నొక్కిన క్షణం నుంచి, నిందితుడికి శిక్ష పడే వరకు ఆమెకు అండగా ఉండే సజీవమైన మహిళా రక్షణ నెట్‌వర్క్‌. ఇప్పుడు చంద్రబాబు ప్రభుత్వం “BNS (భారతీయ న్యాయ సంహిత) చాలు, దిశ అవసరం లేదు” అంటోంది. మహిళల కోసం ప్రత్యేకంగా రూపొందించిన SOS వ్యవస్థ, ప్రత్యేక మహిళా పోలీస్‌స్టేషన్లు, గ్రామ స్థాయి నుంచే మహిళా పోలీసులు, ప్రత్యేక పెట్రోలింగ్‌, లైంగిక నేరస్తుల డేటాబేస్‌, వేగవంతమైన ఫోరెన్సిక్‌ వ్యవస్థ, ప్రత్యేక ప్రాసిక్యూషన్‌, ప్రత్యేక కోర్టులు, నిర్ణీత సమయంలో దర్యాప్తు! న్యాయం అనే లక్ష్యానికి BNS ప్రత్యామ్నాయం ఎలా అవుతుంది?“దిశ”ను ఉపసంహరించుకుంటూ చంద్రబాబు ప్రభుత్వం తీసుకున్న నిర్ణయం ఆంధ్రప్రదేశ్‌లో మహిళలు, చిన్నారులకు ఒక చీకటి రోజు. మహిళల భద్రతకు అండగా నిలిచిన ఒక సమగ్ర రక్షణ వ్యవస్థను రాజకీయ ఈర్ష్యతో నిర్వీర్యం చేయడం అత్యంత దురదృష్టకరం.మహిళలు, చిన్నారులపై నేరాలు, దర్యాప్తులో జాప్యం,… pic.twitter.com/cF3dc8uSpT— YS Jagan Mohan Reddy (@ysjagan) August 7, 2026..మహిళలు, చిన్నారులపై తీవ్రమైన దారుణాలు జరిగినప్పుడు 7 పని రోజుల్లో పోలీసు దర్యాప్తు, ఛార్జ్‌షీట్‌ దాఖలైన తర్వాత 14 పని రోజుల్లో కోర్టు విచారణ పూర్తి చేసేలా దిశ ద్వారా తీసుకొచ్చిన ప్రభుత్వం కూడా వైయస్సార్‌సీపీదే. 21 రోజుల్లోగా బాధితులకు న్యాయం అందించాలన్న అలాంటి లక్ష్యాన్ని కూడా ఈ ప్రభుత్వం విమర్శించడం మరింత బాధాకరం. ఆ లక్ష్యం వెనుక ఉద్దేశం ఒక్కటే, దర్యాప్తులో జాప్యం ఉండకూడదు. విచారణలో ఆలస్యం ఉండకూడదు. మహిళలు, చిన్నారులపై నేరాలను అత్యంత ప్రాధాన్యతతో వేగంగా విచారించాలి. నేరం చేస్తే చట్టం వేగంగా, కఠినంగా స్పందిస్తుందనే భయం నేరస్తుల్లో ఉండాలి. అలాంటి వ్యవస్థను మరింత బలోపేతం చేయాల్సింది పోయి.. వేగంగా న్యాయం అందించాలనే లక్ష్యాన్నే తప్పుపట్టడం మహిళలకు ఏ సందేశం పంపుతోంది?..మహిళలు, చిన్నారులకు సకాలంలో న్యాయం జరగాలని కోరుకోవడమే ఈ ప్రభుత్వానికి అభ్యంతరమా?. “దిశ”ను ఉపసంహరించుకోవడం ద్వారా చంద్రబాబు ప్రభుత్వం నేరస్తుల్లో చట్టంపై ఉన్న భయాన్ని తగ్గిస్తోంది. బాధిత మహిళల్లో ప్రభుత్వంపై ఉన్న విశ్వాసాన్ని దెబ్బతీస్తోంది. మహిళలు తమ రక్షణ కవచంగా భావించిన వ్యవస్థను లేకుండా చేస్తోంది. మంత్రివర్గం ఈ నిర్ణయాన్ని తక్షణమే వెనక్కి తీసుకోవాలి. దిశను రద్దు చేయడం కాదు.. రక్షించాలి. దిశను నిర్వీర్యం చేయడం కాదు.. మరింత బలోపేతం చేయాలి’’ అని వైఎస్‌ జగన్‌ ట్వీట్‌ చేశారు.

తాడేపల్లి : చంద్రబాబు పాలనలో ఏపీ సర్వం భ్రష్టు పట్టిందని వైఎస్సార్‌సీపీ అధికార ప్రతినిధి కారుమూరి వెంకట్‌రెడ్డి ధ్వజమెత్తారు. అన్ని రకాల అరాచక బ్యాచ్‌లన్నీ చంద్రబాబు చెంతనే ఉన్నాయని, అలాంటి చంద్రబాబు తమపై విమర్శలు చేయడం సిగ్గుచేటని మండిపడ్డారు. ఈరోజు(శుక్రవారం, ఆగస్టు 7వ తేదీ) తాడేపల్లిలోని వైఎస్సార్‌సీపీ కేంద్ర కార్యాలయం నుంచి మాట్లాడని కారుమూరి.. చేనేతలకు వైఎస్‌ జగన్‌ ఐదేళ్ల పాటు రూ. 24వేలు చొప్పున ఇస్తే.. చంద్రబాబు రెండేళ్లుగా ఎగ్గొట్టి ఇప్పుడు డ్రామాలు చేస్తున్నారని విమర్శించారు. ‘మొత్తం రూ.75 వేలు చొప్పున చేనేతలకు చంద్రబాబు బకాయి పడ్డారు. సూపర్ సిక్స్ పథకాలు అమలు చేశామని చెప్పటం సిగ్గుచేటు. కుప్పం వెళ్లి ఎవర్ని అడిగినా సూపర్ సిక్స్ అమలయ్యాయో లేదో చెప్తారు. లేదా మంగళగిరి వెళ్లి అడగినా జనమే సరైన సమాధానం చెప్తారు. రోడ్లన్నీ అద్దాల్లాగ మార్చేశామని పచ్చి అబద్దాలు చెప్తున్నారు. మంగళగిరి నియోజకవర్గంలో రోడ్లు ఎలా ఉన్నాయో చూస్తే వాస్తవం తెలుస్తుంది. చంద్రబాబు అరాచకం తట్టుకోలేక పరిశ్రమలు పారిపోతున్నాయి. రూ.6వేల కోట్ల పెట్టబడి వస్తే రూ.23 లక్షల కోట్ల పెట్టుబడి వచ్చిందంటూ నిస్సిగ్గుగా చెప్తున్నారు. గోదావరి పుష్కరాలు వస్తున్నాయంటే జనం భయపడి పోతున్నారు. విశాఖలో మత్స్యకారులు చనిపోతే చంద్రబాబు ఎందుకు పరామర్శించలేదు?, డీఎస్సీలో ఉద్యోగాలు అమ్ముకున్నారు. జెన్ జీ ని గొడ్డలి బ్యాచ్‌ అని, గంజాయి బ్యాచ్ అంటూ కించపరచటం దుర్మార్గం. చంద్రబాబు అహంకారపు మాటలను జెన్ జీ గ్రహిస్తూనే ఉంది. టీడీపీలో మట్టిబ్యాచ్, నకిలీ మద్యం బ్యాచ్, వెన్నుపోటు బ్యాచ్, భార్యల చీరలు చించే గలీజు బ్యాచ్, చికెన్ షాపులో కమీషన్లు కొట్టేసే బ్యాచ్.. ఇలాంటి బ్యాచులన్నీ ఉన్నాయి. ఆ బ్యాచ్‌లన్నిటికీ చంద్రబాబే హెడ్. డ్రగ్స్ తీసుకుని పార్లమెంటుకి వెళ్లే బ్యాచ్ కూడా చంద్రబాబు దగ్గరే ఉంది.చంద్రబాబు పేరుకే ముఖ్యమంత్రి. కానీ ఏ ఒక్క సమస్య నూ పరిష్కారం చేయటం లేదు. అందుకే జనం జగన్ దగ్గరకు వస్తున్నారు. అధికారం కోల్పోయిన తర్వాత చంద్రబాబు, లోకేష్ రాష్ట్రం వదిలి వెళ్లకుండా ఉండాలి. హోంమంత్రి అనిత డమ్మీ మంత్రి. ఒక్క‌ కానిస్టేబుల్‌ను కూడా ట్రాన్సఫర్ చేయించుకోలేని హోంమంత్రి ఆమె. అలాంటి హోంమంత్రి మాటలకు విలువ లేదు. పవన్ కళ్యాణ్‌కు క్యాబినెట్ అంటే లెక్క లేదు. అందుకే పదేపదే క్యాబినెట్ సమావేశాలకు ఎగ్గొడుతున్నారు. ఎన్ఆర్ఐ మహిళను వేధించిన మంత్రిపై ఏం చర్యలు తీసుకున్నారు?’ అని నిలదీశారు.

తాడేపల్లి : ఏపీలో రాచరిక పాలన కొనసాగుతోందని వైఎస్సార్‌సీపీ నేత, మాజీ మంత్రి కురసాల కన్నబాబు ధ్వజమెత్తారు. క్యాబినెట్‌ మీటింగ్‌ కంటే ముందే లోకేష్‌ మంత్రులతో మీటింగ్‌ పెడుతున్నారని, దీన్ని బట్టి రాష్ట్రంలో పాలన ఎవరి చేతుల్లో ఉందని అర్థం చేసుకోవచ్చని విమర్శించారు. తాడేపల్లి వైఎస్సార్‌సీపీ కేంద్ర కార్యాలయం నుంచి మీడియా సమావేశంలో మాట్లాడిన కురసాల.. ‘ క్యాబినెట్ మీటింగ్ కంటే ముందే లోకేష్ మంత్రులతో మీటింగ్ పెడుతున్నారు. క్యాబినెట్‌లో చంద్రబాబు అధ్యక్షత వహిస్తే, బయట లోకేష్ అధ్యక్షత వహిస్తున్నారు. అసలు క్యాబినెట్ సమావేశాలు ప్రజల కోసమా? వారి వ్యక్తిగత ఎజెండా కోసమా?, క్యాబినెట్ మీటింగ్‌లకు పవన్ కళ్యాణ్ ఎందుకు వెళ్లటం లేదు?, చంద్రబాబు మాటలు వెంటుంటే ఆయన ప్రస్టేషన్ లో ఉన్నట్టు అనిపిస్తోంది. జగన్ పర్యటనలకు వస్తున్న జనాన్ని చూసి చంద్రబాబుకు ప్రెస్టేషన్ పెరుగుతోంది. జగన్ పర్యటనపై ఎల్లోమీడియా కాకమ్మ కబుర్లు చూసి జనం నవ్వుకుంటున్నారు. మాజీ సీఎం దేవరపల్లి వస్తే ఎందుకు సెక్యూరిటీ ఇవ్వలేదు?, ఏదైనా తొక్కిసలాట జరిగితే జగన్‌పై బురద జల్లటానికి ప్రయత్నించారు. జెన్ జీని బ్లేడ్ బ్యాచ్, గంజాయి బ్యాచ్ అనటం సరికాదు. చంద్రబాబు ప్రస్టేషన్‌తో ఒక తరాన్నే అవమానిస్తున్నారు. డీఎస్సీ అక్రమాలపై విచారణ జరపకుండా ఉత్తుత్తి సవాల్ చేయటమెందుకు?, డీఎస్సీ అక్రమాలపై లోకేష్ ఎందుకు మాట్లాడటం లేదు?, చంద్రబాబు అబద్దాల ఫ్యాక్టరీ నుండి రోజూ ఫేక్ న్యూస్ వదులుతున్నారు. చంద్రబాబు క్రిమినల్ ఫ్యాక్టరీని నడుపుతున్నారుపనికి ఆహారం పథకం కింద వచ్చిన బియ్యాన్ని పందికొక్కుల్లా తిన్నది టీడీపీ బ్యాచ్. జగన్ మహిళలు, రైతులకు వడ్డీలేని రుణాలు ఇస్తే, చంద్రబాబు కార్పొరేట్లకు, పారిశ్రామిక వేత్తలకు ఇస్తారట. ఇది చాలదా.. జగన్, చంద్రబాబు మధ్య తేడా తెలుసుకోవటానికి?, పోలీసు స్టేషనులో చంపి బూడిద కూడా ఇవ్వని పాలన చంద్రబాబుది. అలాంటి వారు దిశా చట్టాన్ని రద్దు చేయటంలో ఆశ్చర్యం లేదు. చంద్రబాబు కందుకూరు, గుంటూరు పర్యనల్లో జనం చనిపోయారు. గోదావరి పుష్కరాల్లోనూ 29 మందిని చంపేశారు. అలాంటి చంద్రబాబు ప్రతిరోజూ ప్రవచనాలు చెప్పటం సిగ్గుచేటు. పోలవరం ప్రాజెక్టును చివరికి బ్యారేజీగా మార్చేశారు. సాక్షాత్తూ కేంద్ర ప్రభుత్వమే ఈ ప్రకటన చేసింది. మొత్తం 30 లక్షల ఎకరాలకు నీరు అందాల్సిన పోలవరం చంద్రబాబు వలన లక్షా 89 వేలకే పరిమితం అయింది. ఇంతటి గొప్ప ప్రాజెక్టును తగ్గించటంపై క్యాబినెట్‌లో ఎందుకు చర్చించలేదు?’ అని ప్రశ్నించారు.

సాక్షి, తాడేపల్లి: వైఎస్సార్‌సీపీ దీక్షా శిబిరాల మీద దాడుల పట్ల ఆ పార్టీ అధినేత, మాజీ ముఖ్యమంత్రి వైఎస్ జగన్‌మోహన్‌రెడ్డి ఆగ్రహం వ్యక్తం చేశారు. విజయవాడ ఘటనపై తీవ్రంగా మండిపడ్డారు. దాడుల వీడియోను ఎక్స్‌లో పోస్టు చేసిన వైఎస్‌ జగన్‌.. చంద్రబాబూ మీ కుమారుడిని కాపాడుకోవడానికి మీ ప్రభుత్వం ఇంకా ఎంత దిగజారుతుంది? అంటూ నిలదీశారు. నిరుద్యోగ యువతకు, వారికి మీరు ఇచ్చిన హామీలను అమలు చేయాలని అడిగితే… దానికి మీరు హింసతో సమాధానం చెప్పాలనుకుంటున్నారా? అంటూ వైఎస్‌ జగన్‌ ప్రశ్నించారు.‘‘డీఎస్సీ-2025 ప్రశ్నాపత్రం లీక్‌, నియామకాల్లో జరిగిన తీవ్రమైన అక్రమాలపై సీబీఐతో విచారణ జరపాలని కోరుతూ విజయవాడలో శాంతియుతంగా నిర్వహిస్తున్న రిలే నిరాహార దీక్షపై మీ ఎమ్మెల్యే, ఆయన అనుచరులు దాడి చేసి, దీక్షా శిబిరాన్ని ధ్వంసం చేశారు. పోలీసుల కళ్లముందే, వారి సమక్షంలోనే టెంట్లు లాగిపడేశారు. మా మాజీ ఎమ్మెల్యే మల్లాది విష్ణుతో పాటు నిరుద్యోగ యువతను లక్ష్యంగా చేసుకుని రాళ్లు, కోడిగుడ్లు, టమాటాలతో దాడి చేశారు. మహిళలపై దాడులకు తెగబడ్డారు...రాష్ట్రవ్యాప్తంగా దీక్షా శిబిరాలపై నిర్బంధకాండను కొనసాగించారు. చిలకలూరిపేట, కనిగిరి, యాడికి, తాడిపత్రి నుంచి పలమనేరు, రేపల్లె, గుంటూరు, పొన్నూరు, వేమూరు, మాచర్ల, గురజాల, కందుకూరు, బాపట్ల వరకు నిరసన శిబిరాలపై దాడులు చేశారు. నాయకులను నిర్బంధించారు. శాంతియుతంగా దీక్షలు చేస్తూ మీ ప్రభుత్వాన్ని ప్రశ్నించే హక్కును కూడా నిరుద్యోగ యువతకు లేకుండా చేశారు. నారా లోకేష్‌ను బాధ్యత నుంచి తప్పించడానికి మీ ఎమ్మెల్యేలను, పార్టీ శ్రేణులను, పోలీసు యంత్రాంగాన్ని ఎందుకు ఉపయోగిస్తున్నారు?’’ అంటూ వైఎస్‌ జగన్‌ మండిపడ్డారు.‘‘డీఎస్సీ –2025 ప్రక్రియ అంతా పారదర్శకంగానే జరిగిందని మీరు చెబుతున్నప్పుడు, సీబీఐ విచారణకు ఎందుకు భయపడుతున్నారు?. ఉద్యోగాల కోసం ఏళ్ల తరబడి కష్టపడి చదివిన యువతకు న్యాయం జరగాలి. నియామకాల్లో జరిగిన అక్రమాలకు విద్యాశాఖ మంత్రి నారా లోకేష్‌ను బాధ్యత వహిస్తూ రాజీనామా చేయాలి. ప్రస్తుతం రూ.9,000 కోట్లకు చేరిన పెండింగ్‌ విద్యా దీవెన (ఫీజు రీయింబర్స్‌మెంట్‌), వసతి దీవెన బకాయిలను వెంటనే విడుదల చేయాలి. మీ ఎన్నికల మేనిఫెస్టోలోని సూపర్‌ సిక్స్‌ హామీ ప్రకారం నిరుద్యోగ యువతకు నెలకు రూ.3,000 నిరుద్యోగ భృతిని, గత రెండేళ్ల బకాయిలతో సహా వెంటనే చెల్లించాలి...చంద్రబాబూ.. మీరు దీక్షా శిబిరాలను ధ్వంసం చేయవచ్చు. మీ పోలీసులను, పార్టీ శ్రేణులను ప్రయోగించవచ్చు. నిరసనకారులను అరెస్టు చేయవచ్చు. కానీ డీఎస్సీ లీకేజీ, అక్రమాలపై ఆధారాలను చెరిపేయలేరు. నిరుద్యోగ యువతలో రగులుతున్న ఆగ్రహాన్ని అణచివేయలేరు. ఆంధ్రప్రదేశ్‌ జెన్‌ జీ గొంతును మూయలేరు. న్యాయం జరిగే వరకు ఈ పోరాటం ఆగదు’’ అంటూ వైఎస్‌ జగన్‌ ట్వీట్‌ చేశారు.@ncbn గారూ, మీ కుమారుడిని కాపాడుకోవడానికి మీ ప్రభుత్వం ఇంకా ఎంత దిగజారుతుంది? నిరుద్యోగ యువతకు, వారికి మీరు ఇచ్చిన హామీలను అమలు చేయాలని అడిగితే… దానికి మీరు హింసతో సమాధానం చెప్పాలనుకుంటున్నారా?#DSC2025 ప్రశ్నాపత్రం లీక్‌, నియామకాల్లో జరిగిన తీవ్రమైన అక్రమాలపై సీబీఐతో విచారణ… pic.twitter.com/SbndqNaPsD— YS Jagan Mohan Reddy (@ysjagan) August 7, 2026

సాక్షి, తాడేపల్లి: నేడు జాతీయ చేనేత దినోత్సవం. ఈ సందర్భంగా రాష్ట్రంలోని నేతన్నలు, చేనేత కళాకారులు, వారి కుటుంబ స‌భ్యులంద‌రికీ వైఎస్సార్‌సీపీ అధినేత వైఎస్‌ జగన్‌ హృదయపూర్వక శుభాకాంక్షలు తెలిపారు. చేనేత అనేది కేవలం ఒక వృత్తి కాదు. మన సంస్కృతికి, సంప్రదాయానికి, తెలుగు వారి కళా నైపుణ్యానికి నిలువెత్తు ప్రతీక వ్యాఖ్యానించారు.వైఎస్సార్‌సీపీ అధినేత వైఎస్‌ జగన్‌ ట్విట్టర్‌ వేదికగా..‘చేనేత అనేది కేవలం ఒక వృత్తి కాదు. మన సంస్కృతికి, సంప్రదాయానికి, తెలుగు వారి కళా నైపుణ్యానికి నిలువెత్తు ప్రతీక. అందుకే 2019-24 మధ్య మా ప్రభుత్వంలో నేతన్నల జీవితాల్లో వెలుగులు నింపాలని, వారి కుటుంబాలకు ఆర్థిక భరోసా కల్పించాలని ప్రతి అడుగులోనూ వారికి అండగా నిలిచాం.వైఎస్సార్‌ నేతన్న నేస్తం ప‌థ‌కం ద్వారా అర్హ‌త క‌లిగిన ప్ర‌తి చేనేత కుటుంబానికి ఏటా రూ.24 వేల చొప్పున ఐదేళ్లలో రూ.1.20 లక్షలను నేరుగా వారి బ్యాంక్‌ ఖాతాల్లో జమ చేశాం. ఈ ఒక్క పథకం ద్వారానే రూ.969.77 కోట్లు అందించాం. నేతన్నల పింఛన్ల కోసం రూ.1,396.45 కోట్లు, ఆప్కో పాత బకాయిల చెల్లింపునకు రూ.468.84 కోట్లు వెచ్చించాం. వివిధ సంక్షేమ పథకాల ద్వారా మొత్తంగా రూ.3,706.16 కోట్ల సాయం అందించి నేతన్నలకు ఆర్థికంగా, సామాజికంగా మద్దతుగా నిలిచాం.జాతీయ చేనేత దినోత్సవం సందర్భంగా రాష్ట్రంలోని నేతన్నలు, చేనేత కళాకారులు, వారి కుటుంబ స‌భ్యులంద‌రికీ హృదయపూర్వక శుభాకాంక్షలు.చేనేత అనేది కేవలం ఒక వృత్తి కాదు. మన సంస్కృతికి, సంప్రదాయానికి, తెలుగు వారి కళా నైపుణ్యానికి నిలువెత్తు ప్రతీక. అందుకే 2019-24 మధ్య మా ప్రభుత్వంలో నేతన్నల…— YS Jagan Mohan Reddy (@ysjagan) August 7, 2026చేనేత మగ్గాలకు ఉచిత విద్యుత్‌, పవర్‌లూమ్స్‌కు రాయితీ విద్యుత్‌ అందించాం. నేతన్నలు తయారుచేసే వస్త్రాలకు దేశ, విదేశాల్లో మార్కెట్‌ కల్పించేందుకు ప్రముఖ ఈ-కామర్స్‌ సంస్థలతో ఒప్పందాలు చేసుకుని, వారి ఉత్పత్తులకు అంతర్జాతీయ గుర్తింపు తీసుకురావడానికి కృషి చేశాం.కానీ చంద్రబాబు ప్రభుత్వం అధికారంలోకి వచ్చిన తర్వాత రెండేళ్ల పాటు నేతన్న నేస్తాన్ని నిలిపివేసింది. ఏడాదికి రూ.25 వేలు అందిస్తామన్న ఎన్నికల హామీని గాలికొదిలేసింది.హ్యాండ్లూమ్స్‌కు నెలకు 200 యూనిట్లు, పవర్‌లూమ్స్‌కు 500 యూనిట్లు ఉచిత విద్యుత్‌ ఇస్తామని చెప్పి వాటినీ గాలికి వదిలేసింది. 1,03,534 కుటుంబాలకు పథకం వర్తింపజేస్తామని ప్రకటించి, ఇప్పుడు కేవలం 71,536 కుటుంబాలకు ఇస్తున్నట్లుగా ప్రకటనలు చేస్తోంది. చివరికి వారిలో ఎంతమందికి అందుతుందో చూడాలి. జీఎస్టీ రీయింబర్స్‌మెంట్‌ హామీని కూడా అమలు చేయడం లేదు. నేతన్నల హక్కుల కోసం, వారి సంక్షేమం కోసం, చేనేత రంగ పరిరక్షణ కోసం వైఎస్సార్‌సీపీ ఎల్లప్పుడూ మీకు అండగా ఉంటుంద‌ని మాట ఇస్తూ మ‌రొక్క‌సారి మీ అంద‌రికీ శుభాకాంక్ష‌లు’ అని పోస్టు చేశారు.

గుంటూరు రూరల్‌: చోరీలకు పాల్పడే ముఠాను నల్లపాడు పోలీసులు గురువారం అరెస్ట్‌ చేశారు. అడవి తక్కెళ్ళపాడులోని నల్లపాడు పోలీస్‌ స్టేషన్‌లో ఏర్పాటు చేసిన విలేకరుల సమావేశంలో సీఐ భాస్కర్‌ కేసు వివరాలు వెల్లడించారు. ఆయన కథనం ప్రకారం... ఇటీవల జరిగిన చోరీలపై ఎస్‌ఐ మధుపవన్‌ నేతృత్వంలో దర్యాప్తు చేపట్టామని తెలిపారు. పోలీసులను గమనించి పారిపోవడానికి ప్రయత్నించిన ఏడుగురు అనుమానితులను ఇన్నర్‌ రింగ్‌ రోడ్‌ ఫేజ్‌–1 రెడ్డిపాలెం రోడ్డులో అదుపులోకి తీసుకున్నామన్నారు. వారిపై నగరంలో పలు పోలీస్‌ స్టేషన్‌లు, నల్లపాడు, కొత్తపేట, తాడికొండ స్టేషన్‌ల పరిధిలో చోరీలు, దోపిడీ కేసులు ఉన్నాయన్నారు. నిందితులను వింజేపల్లి మేరిబాబు అలియాస్‌ మేరి, పావన ఫణికృష్ణ అలియాస్‌ పంతులు, షేక్‌ షరీఫుద్దీన్‌, పాలిపోగు శ్రీను, యరస్రాని రాజు, ఇద్దరు మైనర్లుగా గుర్తించారు. సులువుగా డబ్బు సంపాదనకు ఇలా చోరీలు చేస్తున్నట్లు తెలిపారు. ఇటీవల గోరంట్ల గ్రామంలోని ఓ ఇంటిలో తాళాలు పగులగొట్టి వెండి పట్టీలు, చేతి గడియారం, నగదు తదితర వస్తువులు దొంగిలించినట్లు, కొత్తపేట పోలీస్‌ స్టేషన్‌ పరిధిలో ఓ వ్యక్తిని బెదిరించి బంగారు ఉంగరాన్ని లాక్కున్నట్లు తెలిసింది. నల్లపాడు రోడ్డులోని మన్యా సూపర్‌ మార్కెట్‌లో రూ.1.10 లక్షల నగదు చోరీ చేసినట్లు, తాడికొండ పోలీస్‌ స్టేషన్‌ పరిధిలోని రెండు దుకాణాల్లో షట్టర్లు పగులగొట్టి సిగరెట్‌ బాక్సులు, చిల్లర నగదు, గ్యాస్‌ సిలిండర్లు చోరీ చేసినట్లు నిందితులు అంగీకరించారని తెలిపారు. వారి నుంచి జత వెండి పట్టీలు, చేతి గడియారం, 4 గ్రాముల బంగారు ఉంగరం, వివిధ కేసులకు సంబంధించిన నగదు, రెండు గ్యాస్‌ సిలిండర్లు, సిగరెట్‌ బాక్సులు, భారీ మొత్తంలో చిల్లర నగదు స్వాధీనం చేసుకున్నామన్నారు. సిబ్బందిని జిల్లా ఎస్పీ అభినందించారన్నారు. నిందితులను కోర్టుకు అప్పగించి రిమాండ్‌కు తరలించనున్నట్లు సీఐ తెలిపారు.

చుండూరు రక్తక్షేత్రం వద్ద దళిత నేతల ప్రతిజ్ఞచుండూరు(తెనాలి): బాపట్ల జిల్లా వేమూరు నియోజకవర్గంలోని చుండూరులో దళితుల మారణకాండ కేసులో అగ్రకుల హంతకులకు శిక్షలు వేసేవరకూ దళితుల పోరాటం ఆగదని దళిత బహుజన ఫ్రంట్‌ జాతీయ అధ్యక్షుడు కొరివి వినయకుమార్‌ స్పష్టంచేశారు. చుండూరులోని రక్త క్షేత్రం వద్ద గురువారం జరిగిన దళిత అమర వీరుల 36వ సంస్మరణ సభలో వివిధ దళిత సంఘాల నాయకులు దళిత అమర వీరుల కుటుంబ సభ్యులు ఘనంగా నివాళులర్పించారు. గ్రామంలో ఐక్యత ర్యాలీ నిర్వహించారు. రక్తక్షేత్రం వద్ద జరిగిన సంస్మరణ సభకు చుండూరు బాధితుల పోరాట కమిటీ అధ్యక్షుడు జాలాది మోజెస్‌ అధ్యక్షత వహించారు. సభలో కొరివి వినయకుమార్‌ మాట్లాడుతూ చుండూరు కేసులో 35 ఏళ్లు గడిచినా హంతకులకు శిక్షలు వేయక పోవటం భారత న్యాయవ్యవస్థకే కళంకమని ఆందోళన వ్యక్తం చేశారు. అవసరమైతే దళిత మేధావుల బృందం ఢిల్లీలోని సుప్రీంకోర్టుకు తరలివెళ్లేందుకు సమాయత్తం చేస్తామని చెప్పారు. అందరూ నిర్దోషులైతే నెత్తుటి నేరం ఎవరిది? ఆర్‌పీఐ పార్టీ రాష్ట్ర అధ్యక్షుడు ఉప్పులేటి దేవిప్రసాద్‌ మాట్లాడుతూ హంతకులందరూ నిర్దోషులైతే ఈ నెత్తుటి నేరం ఎవరిదని, రక్తక్షేత్రం సాక్షిగా 35 ఏళ్లు గడచినా దళితులకు న్యాయం జరగక పోవటం అత్యంత విచారకరమన్నారు. సభలో చుండూరు కేసును న్యాయస్థానాల్లో వాదించిన న్యాయవాది భువనగిరి చంద్రశేఖర్‌, హైకోర్టు నుంచి సుప్రీం కోర్టు వరకు చుండూరు కేసును నడిపిన ప్రముఖ న్యాయవాది బొజ్జా తారకం, ఉద్యమ వీరుడు, ప్రజాయుద్ధనౌక గద్దరన్నకు శ్రద్ధాంజలి ఘటించారు. దళిత బహుజన ఫ్రంట్‌ జాతీయ ప్రధాన కార్యదర్శి మేళం భాగ్యరావు, దళిత హక్కుల పోరాట సమితి రాష్ట్ర అధ్యక్షుడు నీలం నాగేంద్ర, దళిత మహా సభ రాష్ట్ర కార్యదర్శి నూకతోటి బాబురావు, బీసీకే పార్టీ రాష్ట్ర అధ్యక్షుడు ఎన్‌జే విద్యాసాగర్‌, కులనిర్మూలన పోరాట సమితి రాష్ట్ర కార్యదర్శి కృష్ణ, కారంచేడు బాధిత పోరాట కమిటీ కార్యదర్శి సీహెచ్‌ భగత్‌ సింగ్‌, టి.అశోక్‌, గోళ్ల అరుణ్‌ తదితరులు పాల్గొన్నారు .

ఏఎన్‌యూ(పెదకాకాని): క్రీడలు మానసిక, శారీరక వికాసానికి దోహదపడతాయని గుంటూరు జిల్లా జాయింట్‌ కలెక్టర్‌ అశుతోష్‌ శ్రీవాస్తవ అన్నారు. అమరావతి చాంపియన్‌షిప్‌ పోటీల్లో భాగంగా జిల్లా స్థాయి ఎంపిక పోటీలు గురువారం ఆచార్య నాగార్జున విశ్వవిద్యాలయం ప్రాంగణంలో ప్రారంభమయ్యాయి. ఈ కార్యక్రమానికి జేసి ముఖ్యఅతిథిగా పాల్గొన్నారు. ఈ సందర్భంగా మాట్లాడుతూ క్రీడలు శారీరక, మానసిక వికాసానికి దోహదపడుతాయన్నారు. గెలుపు, ఓటములు ముఖ్యం కాదని, క్రీడా స్ఫూర్తి ముఖ్యమని చెప్పారు. అమరావతి చాంపియన్‌షిప్‌లో భాగంగా జిల్లా నుంచి ఎక్కువ మంది పాల్గొని పతకాలు సాధించాలని ఆకాక్షించారు. జిల్లా క్రీడల అభివృద్ధి అధికారి అఫ్రోజ్‌ ఖాన్‌ మాట్లాడుతూ 12 విభాగాల్లో జిల్లా స్థాయి ఎంపిక పోటీలు జరుగుతున్నాయన్నారు. అనంతరం జేసీ, క్రీడాశాఖ అధికారులు జెండా ఊపి క్రీడాపోటీలను ప్రారంభించారు. అన్ని విభాగాల్లో క్రీడాకారులు, నిర్వాహకులు మొత్తం 2500 మంది పాల్గొన్నారు.

గుంటూరు వెస్ట్‌: జిల్లాలో గర్భస్థ లింగ నిర్థారణ పరీక్షలు అరికట్టేందుకు తనిఖీలు ఎక్కువగా నిర్వహించాలని జిల్లా కలెక్టర్‌ సీఎం సాయి కాంత్‌ వర్మ అధికారులను ఆదేశించారు. గురువారం గర్భస్థ పిండ లింగ నిర్ధారణ నిషేధ చట్టం (పీసీపీఎస్‌డీటీ), సహాయక పునరుత్పత్తి సాంకేతికత చట్టం (ఏఆర్‌టి) అమలుపై జిల్లాస్థాయి కమిటీ సమావేశం నిర్వహించారు. ఈ సందర్భంగా కలెక్టర్‌ అధికారులతో మాట్లాడుతూ గర్భస్థ శిశువులను కాపాడుకోవాల్సిన బాధ్యత ప్రతిఒక్కరిపై ఉందన్నారు. లింగనిర్థారణ పరీక్షలు అరికట్టేందుకు, నిర్వాహకులపై కఠిన చర్యలు తీసుకునేందుకు జిల్లాలోని వైద్యశాలలు, స్కానింగ్‌ సెంటర్లపై ఆకస్మిక తనిఖీలు మరింత ముమ్మరంగా నిర్వహించాలన్నారు. స్కానింగ్‌ కేంద్రాల నిర్వాహకులు ప్రభుత్వ నిబంధనలను తప్పక పాటించాలన్నారు. లింగ నిర్ధారణ పరీక్షలు చేయడమంటే భ్రూణ హత్యలను ప్రోత్సహించడమేనన్నారు. కమిటీ సభ్యులు, ఎన్‌జీఓలు లింగ నిర్థారణ పరీక్షలను పూర్తిగా అరికట్టడమే లక్ష్యంగా సమన్వయంతో పనిచేయాలని సూచించారు. సమావేశంలో అదనపు జిల్లా న్యాయమూర్తులు నాగరాజు, వెంకట నాగ శ్రీనివాసరావు, డీఎంహెచ్‌ఓ డాక్టర్‌ విజయలక్ష్మి, ఐసీడీఎస్‌ పీడీ ప్రసూన, ఇతర కమిటీ సభ్యులు పాల్గొన్నారు. స్టీల్‌ బ్రిడ్జి ప్రారంభోత్సవంపై సమీక్ష తాడికొండ: రాజధాని నగరానికి ముఖ ద్వారంగా నిర్మాణం రూపుదిద్దుకుంటున్న ఉండవల్లి స్టీల్‌ బ్రిడ్జిని రాష్ట్ర ముఖ్యమంత్రి చేతుల మీదుగా ప్రారంభించాలని నిర్ణయించిన నేపథ్యంలో అధికారులు గురువారం క్షేత్రస్థాయి సమీక్ష సమావేశాన్ని నిర్వహించారు. రాయపూడిలోని బ్లాక్‌ –4 అమరావతి అభివృద్ధి సంస్థ(ఏడీసీ) కార్యాలయంలో సంస్థ చైర్‌పర్సన్‌, మేనేజింగ్‌ డైరెక్టర్‌ డి లక్ష్మీ పార్థసారథి, గుంటూరు జిల్లా కలెక్టర్‌ సిఎం సాయికాంత్‌ వర్మ, సంయుక్త కలెక్టర్‌ అశుతోష్‌ శ్రీవాస్తవ, ఏపీ సీఆర్డీఏ అదనపు కమిషనర్‌ కొల్లాబత్తుల కార్తీక్‌, ఏడీసీ అధికారులు ముఖ్యమంత్రి ప్రారంభోత్సవం – పర్యటన ఏర్పాట్లపై చర్చించారు. సమావేశంలో ఏడీసీ చీఫ్‌ ఇంజినీర్లు బి నరసింహమూర్తి, సీహెచ్‌ ధనుంజయ, జనరల్‌ మేనేజర్‌ కె శ్రీహరి పాల్గొన్నారు. – జిల్లా కలెక్టర్‌ సీఎం సాయికాంత్‌ వర్మ

గుంటూరు లీగల్‌: గుంటూరు బార్‌ అసోసియేషన్‌ ఆధ్వర్యంలో నిర్వహిస్తున్న న్యాయవాదుల క్రికెట్‌ నాకౌట్‌ టోర్నమెంట్‌లో భాగంగా గురువారం జరిగిన సెమీ ఫైనల్‌ మ్యాచ్‌లు ఉత్కంఠభరితంగా సాగాయి. మొదట ఎస్‌వైకే జట్టు... హబీబుల్లా జట్టుపై విజయాన్ని నమోదు చేసి ఫైనల్‌లోకి అడుగుపెట్టింది. ఈ మ్యాచ్‌లో ఉత్తమ ప్రదర్శన కనబరిచిన సాయిరామ్‌ ‘మ్యాన్‌ ఆఫ్‌ ది మ్యాచ్‌’ అవార్డు అందుకున్నారు. రెండవ సెమీ ఫైనల్‌లో చందు–11 జట్టు, 11 బుల్లెట్స్‌ జట్టును ఓడించి ఫైనల్‌కు చేరుకుంది. ఈ మ్యాచ్‌లో అద్భుత ఆటతీరుతో ఆకట్టుకున్న సాజిద్‌ ‘మ్యాన్‌ ఆఫ్‌ ది మ్యాచ్‌’ ఎంపికయ్యారు. ఆంధ్రప్రదేశ్‌ బార్‌ కౌన్సిల్‌ సభ్యులు వట్టిజొన్నల బ్రహ్మారెడ్డి , జి. శాంతకుమార్‌, గుంటూరు బార్‌ అసోసియేషన్‌ అధ్యక్షుడు మధిర నాగేశ్వరావు క్రీడాకారులను అభినందించారు. శుక్రవారం ఫైనల్‌ మ్యాచ్‌లో ఎస్‌వైకే, చందు–11 జట్లు టైటిల్‌ కోసం తలపడనున్నాయి. బార్‌ అసోసియేషన్‌ స్పోర్ట్స్‌ అండ్‌ కల్చరల్‌ సెక్రటరీ కుప్పాల హనుమంతరావు సహకారం అందించిన అందరికీ కృతజ్ఞతలు తెలిపారు.

నెహ్రూనగర్‌: ఆంధ్రప్రదేశ్‌ స్టేట్‌ క్రియేటివిటీ, కల్చర్‌ కమిషన్‌ ఆధ్వర్యంలో ఈనెల 8, 9 తేదీల్లో రాష్ట్రంలోనే అతిపెద్ద కళా ఉత్సవం ‘అమరావతి చిత్రకళా వీధి’ గుంటూరులో అత్యంత ప్రతిష్టాత్మకంగా జరగనుంది. గురువారం నగర కమిషనర్‌ కె.మయూర్‌ అశోక్‌, క్రియేటివిటీ, కల్చర్‌ కమిషన్‌ చైర్‌పర్సన్‌ తేజస్వి పొడపాటితో కలిసి గుజ్జనగుండ్ల సెంటర్‌ నుంచి విద్యానగర్‌ వరకు వేదికల ప్రాంతాన్ని పరిశీలించారు. సందర్శకులు, కళాకారులకు ఎలాంటి అసౌకర్యం లేకుండా చర్యలు తీసుకోవాలని అధికారులను ఆదేశించారు. రోడ్లపై గుంతలు తక్షణమే పూడ్చాలని, నాలుగు చోట్ల మొబైల్‌ టాయిలెట్లు, ఉచిత తాగునీటి సదుపాయం కల్పించాలని సూచించారు. ప్రత్యేక పారిశుద్ధ్య బృందాలతో చెత్త తొలగింపు, ఫ్లెక్సీలు, బ్యానర్ల తొలగింపు, ట్రాఫిక్‌ నియంత్రణ చర్యలు చేపట్టాలని ఆదేశించారు. డిప్యూటీ కమిషనర్‌ బి.శ్రీనివాసరావు, ఎస్‌ఈ సుందర్రామిరెడ్డి, డీసీపీ సూరజ్‌ కుమార్‌, సిటీ ప్లానర్‌ రాంబాబు, ఎంహెచ్‌ఓ డాక్టర్‌ సురేష్‌ పాల్గొన్నారు. స్వామివారికి పవిత్రములు సమర్పణ పెదకాకాని: శివాలయంలోని భ్రమరాంబ సమేత మల్లేశ్వరస్వామి వారికి, పరివార దేవతలకు గురువారం శాస్త్రోక్తంగా పవిత్రములు సమర్పించారు. మల్లేశ్వరస్వామి సన్నిధిలో పవిత్రోత్సవాల్లో భాగంగా చివరి రోజు గురువారం ఉదయం 6 గంటల నుంచి పలు రకాల పూజలు నిర్వహించారు. ఏర్పాట్లను ఆలయ ఉప కమిషనర్‌ గోగినేని లీలాకుమార్‌ పర్యవేక్షించారు. భక్తులందరికీ తీర్థ ప్రసాదాలు పంపిణీ చేశారు. గంగా భ్రమరాంభ సమేత మల్లేశ్వరస్వామి వారికి పవిత్ర సమర్పణ క్రతువును ఆలయ స్థానాచార్యులు పొత్తూరి సాంబశివరావు, ప్రధాన అర్చకుడు పొత్తూరి లక్ష్మీనారాయణ వరప్రసాద్‌ ఆధ్వరంలో నిర్వహించారు. పవిత్రోత్సవాల సందర్భంగా సాయంత్రం గంగా భ్రమరాంబ సమేత మల్లేశ్వరస్వామి వార్లను ప్రత్యేకంగా పూలతో అలంకరించారు. పెదకాకాని పురవీధులలో గ్రామోత్సవం నిర్వహించారు. భక్తులు, గ్రామస్తులు అధిక సంఖ్యలో భ్రమరాంబ సమేత మల్లేశ్వరస్వామి వార్ల ఉత్సవ మూర్తులను దర్శించుకుని పూజా ద్రవ్యాలు సమర్పించారు. కార్యక్రమాలలో కంభంపాటి మల్లికార్జునరావు, కొమ్మూరి మల్లికార్జునరావు, భైరపనేని ధనలక్ష్మి, ధూపాటి శివశంకరరావు, వుల్లం రాజేశ్వరి, బండారు మల్లేశ్వరి, పేటేటి ధనమహేశ్వరప్రసాదు, గ్రామస్తులు, భక్తులు, సిబ్బంది పాల్గొన్నారు. మంగళగిరి రూరల్‌: మంగళగిరిలోని ఎయిమ్స్‌లో ప్రత్యేక ప్లాస్టిక్‌ సర్జరీ బ్లాక్‌ను ఎగ్జిక్యూటివ్‌ డైరెక్టర్‌, సీఈఓ ప్రొఫెసర్‌ అహంతేం శాంతాసింగ్‌ గురువారం ప్రారంభించారు. ఆయన మాట్లాడుతూ కొత్త విభాగంలో కాలిన గాయాల చికిత్స, పునర్నిర్మాణ శస్త్ర చికిత్సలు, మైక్రోసర్జరీ, హ్యాండ్‌ సర్జరీ, అవయవాల పునఃప్రతిస్థాపన, క్యాన్సర్‌ పునర్నిర్మాణం, పుట్టుకతో వచ్చే వైకల్యాల సవరణ వంటి ప్రత్యేక సేవలు అందుబాటులో ఉంటాయని చెప్పారు. ప్రస్తుతం రోజుకు సగటున 4,500 మంది ఔట్‌పేషెంట్లు, వారపు పని దినాల్లో 5 వేల మందికిపైగా వైద్య సేవలు పొందుతున్నారని, 2025–26లో 10 లక్షలకు పైగా ఔట్‌పేషెంట్‌ సేవలు, 30 వేలకుపైగా ఇన్‌ పేషెంట్‌ చికిత్సలు అందించినట్లు వివరించారు. ఐసీయూ పడకలను 118కు, ఎమర్జెన్సీ విభాగం పడకలను 60కు పెంచినట్లు తెలిపారు. త్వరలో 256–స్లైస్‌ సీటీ స్కానర్‌ను అందుబాటులోకి తీసుకురానున్నట్లు వెల్లడించారు. కార్యక్రమంలో మెడికల్‌ సూపరింటెండెంట్‌ ప్రొఫెసర్‌ రాజశేఖర్‌ మోహన్‌, డీన్‌ దేశు రామ మోహన్‌, డిప్యూటీ డైరెక్టర్‌ కల్నల్‌ శశికాంత్‌ తుమ్మల, అధ్యాపకులు, అధికారులు, సిబ్బంది పాల్గొన్నారు.

నగరంపాలెం: జిల్లాలోని టోల్‌గేట్‌, జాతీయ రహదారులు, ప్రధాన కూడళ్లు, రద్దీ ప్రాంతాలు, ప్రమాదాలు జరిగే ప్రాంతాలలో పోలీసులు ప్రత్యేక వాహన తనిఖీలు చేశారు. జిల్లా ఎస్పీ వకుల్‌ జిందాల్‌ ఆదేశాల మేరకు బుధవారం రాత్రి నుంచి తెల్లవారుజాము వరకు హైవే పెట్రోలింగ్‌ బృందాలు వాహన తనిఖీలు చేపట్టారు. రాత్రుళ్లు ఎక్కువసేపు వాహనాలు నడిపే లారీ, బస్‌, ఇతర వాహనాల డ్రైవర్లకు అలసట వల్ల ప్రమాదాలు జరగకుండా స్టాప్‌ – వాష్‌ అండ్‌ గోను అమలు చేశారు. డ్రైవర్లను కాసేపు నిలిపి విశ్రాంతి తీసుకునేలా, నీటితో ముఖం శుభ్రం చేసుకునేలా చేశారు. అలసటగా ఉంటే రహదారుల వెంట కాకుండా, గుర్తించిన పార్కింగ్‌ ప్రదేశాలు/ సురక్షిత విశ్రాంతి కేంద్రాల్లో వాహనాలను నిలిపాలని సూచించారు. అతివేగం, వక్రమార్గంలో ప్రయాణించడం, మద్యం తాగి వాహనాలు నడపడం, పరిమితికి మించి ప్రయాణికులతో వెళ్లే వారిపై కఠిన చర్యలు ఉంటాయని తెలిపారు.

తెనాలిరూరల్‌: పట్టణ రైల్వేస్టేషన్‌ రోడ్డులోని ఓ మార్ట్‌లో స్టోర్‌ మేనేజర్‌గా పనిచేసిన వ్యక్తి సుమారు రూ.65 లక్షల సరుకు మాయం చేసిన ఘటనపై కేసు నమోదైంది. విజయవాడ కొత్తపేటకు చెందిన మల్లివాడ అవినాష్‌ ఇక్కడి మార్ట్‌లో స్టోర్‌ మేనేజర్‌గా పనిచేశాడు. సుమారు రూ.65 లక్షల సరుకు మాయమైనట్లు నిర్వాహకుల ఆడిట్‌లో కొద్ది కాలం క్రితం వెల్లడైంది. అప్పటి నుంచి విధులకు రాకుండా, లెక్కలు చెప్పకుండా పరారీలో ఉన్నాడు. త్రీ టౌన్‌ పోలీసులు గురువారం కేసు నమోదు చేశారు. నకిలీ పత్రాలతో మోసం చేసిన వారిపై కేసు పట్నంబజారు: నకిలీ పత్రాలతో స్థలం కొనుగోలు చేసేలా ప్రేరేపించిన ప్రభుత్వ ఉపాధ్యాయురాలు, ఆమె భర్తపై కేసు నమోదైంది. లాలాపేట పోలీసుల కథనం ప్రకారం దాచేపల్లి మండలం తక్కెళ్లపాడుకు చెందిన మిర్చి వ్యాపారి కిచ్చంశెట్టి వెంకటేశ్వర్లుకు గుంటూరులో గుండుబోయిన అశోక్‌ ద్వారా ప్రభుత్వ ఉపాధ్యాయురాలిగా పనిచేస్తున్న నల్లపనేని రత్నమాల, ఆమె భర్త శివరామ్‌ప్రసాద్‌తో పరిచయం ఏర్పడింది. ఖాళీ స్థళాన్ని చూపి వారిదేనని నమ్మించి నకిలీ పత్రాలు, సర్వే నంబర్లతో రూ.25 లక్షలకు విక్రయించారు. స్థలం సరిహద్దులు చూపించమని అడిగినా చూప లేదు. స్థలానికి చెందిన హక్కు పత్రం, స్వాధీనం, విక్రయం కాని రత్నమాల, శివప్రసాద్‌, అశోక్‌లకు ఆభూమితో ఎలాంటి సంబంధం లేదని బాధితుడు గుర్తించాడు. నకిలీ పత్రాలు సృష్టించి తనను మోసం చేశారని పోలీసులకు ఫిర్యాదు చేశాడు. పోలీసులు కేసు నమోదు చేసి దర్యాప్తు చేస్తున్నారు.

గత ఏడాది ఆగస్టులో శంకర్‌ విలాస్‌ బ్రిడ్జి కూల్చివేతగుంటూరు ఎడ్యుకేషన్‌: గుంటూరు నగరానికి ప్రత్యేక గుర్తింపు తెచ్చిన శంకర్‌ విలాస్‌ బ్రిడ్జి కనుమరుగై ఏడాది కావొస్తోంది. 70 ఏళ్ల పాటు ప్రజా రవాణాలో కీలకపాత్ర పోషించిన చారిత్రక శంకర్‌ విలాస్‌ రైల్వే ఓవర్‌ బిడ్జి విజన్‌ లేని టీడీపీ సర్కారు చర్యలతో కనుమరుగైంది. గుంటూరు అనగానే మొట్టమొదటిగా గుర్తుకు వచ్చే శంకర్‌ విలాస్‌ సెంటర్‌ తన ప్రాభవాన్ని కోల్పోయి ఏడాది గడిచింది. ఐకానిక్‌ ఫ్లై ఓవర్‌ స్థానంలో సాధారణ ఆర్‌ఓబీ పెరుగుతున్న నగర ప్రజల రవాణా అవసరాలకు అనుగుణంగా శంకర్‌విలాస్‌ ఆర్వోబీ స్థానంలో నాలుగు లైన్లతో నూతన ఆర్వోబీని నిర్మించేందుకు ప్రణాళిక రూపొందించిన టీడీపీ ప్రభుత్వం గతేడాది ఆగస్టు 9వ తేదీ నుంచి బ్రిడ్జిపై వాహనాల రాకపోకలు నిలిపివేసింది. అనంతరం క్రమక్రమంగా బిడ్జి కూల్చివేత పనులు చేపట్టింది. బ్రిడ్జి మీదుగా రాకపో కలు సాగించే ఆర్టీసీ, విద్యాసంస్థల బస్సులతో పాటు పరుకు రవాణా లారీలు, కార్లు, ద్విచక్ర వాహనాలను ఇతర మార్గాల్లోకి మళ్లించారు. అనంతరం నూతన బ్రిడ్జి నిర్మాణ పనుల్లోభాగంగా అరండల్‌పేట, బ్రాడీపేటను అనుసంధానం చేస్తూ ఉన్న రోడ్లను క్రమంగా మూసివేసి, పిల్లర్ల నిర్మాణాలను చేపట్టారు. రెండు వైపులా పిల్లర్ల నిర్మాణాలు చేపట్టడంతో బైక్‌లు, కార్లు, ఆటోలకు సైతం తీవ్ర ఇబ్బందులు ఎదురయ్యాయి. ముందు చూపులేని పాలకుల చర్యల తో 70 ఏళ్ల పాటు సేవలందించిన ఆర్‌ఓబీ చరిత్రగా మిగిలిపోయింది. నాలుగు లైన్లతో కూడిన బ్రిడ్జి నిర్మి స్తామని పనులు చేపట్టిన ప్రభుత్వం దానిని వచ్చే ఏడాది జూలై నాటికి అందుబాటులోకి తెస్తామని ప్రకటించినా, సాధ్యమయ్యే పరిస్థితులు కనిపించడం లేదు. గుంటూరుకు ప్రత్యేక గుర్తింపు గుంటూరు తూర్పు, పశ్చిమ నియోజకవర్గాలకు అనుసంధానంగా ఉన్న శంకర్‌విలాస్‌ బ్రిడ్జి ఒక ప్రత్యేకత సంతరించుకుంది. గుంటూరు నగరంలో ముఖ్యమైన కూడలిగా మారడంతో పాటు 10 లక్షలకు పైగా జనాభా ఉన్న గుంటూరు నగరంలో ప్రతి ఒక్కరు రోజులో ఒక్కసారి ఖచ్చితంగా తలచుకునే కీలకమైన ప్రాంతంగా మారింది. అయితే ఇది అంతా గతం. ప్రస్తుతం శంకర్‌ విలాస్‌ సెంటర్‌ ప్రాంతం కళను కోల్పోయింది. బ్రిడ్జి నిర్మాణ పనుల్లో రెండు వైపులా దుకాణాలను కూల్చివేయడంతో వ్యాపారులు ఆర్థికంగా దెబ్బతిన్నారు. పైసా విదల్చని రాష్ట్రప్రభుత్వం ఆర్‌ఓబీకి రాష్ట్ర ప్రభుత్వం పైసా నిధులు కూడా ఇవ్వలేదు. కేంద్రం ఇచ్చిన రూ.98 కోట్లతో రాజీపడి నిర్మిస్తున్న ఆర్వోబీ కారణంగా భవనాలు కోల్పోతున్న వ్యాపారస్తులు, యజమానులకు రూ.40 కోట్ల మేరకు నష్టపరిహారం చెల్లించాల్సి వచ్చిందని, ఆ మొత్తాన్ని కలుపుకొంటే ఐకానిక్‌ ఫ్లై ఓవర్‌ నిర్మించవచ్చునని బెటర్‌ శంకర్‌ విలాస్‌ ఫ్లె ఓవర్‌ జేఏసీ ప్రతినిధులు, వ్యాపార వర్గాలు మొత్తుకున్నా పాలకులు, అధికారులు ఖాతరు చేయలేదు. దీంతో పాటు బ్రిడ్జి నిర్మాణం కారణంగా భవనాలు కోల్పోయిన యజమానులకు నష్టపరిహారం చెల్లించకపోవడంతో పాటు ఆర్‌యూబీ నిర్మి స్తామని మాట తప్పిన అధికార యంత్రాంగానికి వ్యతిరేకంగా దాఖలు చేసిన కేసులు హైకోర్టులో విచారణలో ఉన్నాయి. భవిష్యత్తు అవసరాలను దృష్టిలో ఉంచుకుని ప్రతిపాదించిన సాధారణ ఆర్వోబీ స్ధానంలో ఐకానిక్‌ ఫ్లె ఓవర్‌ నిర్మించాలని నగరంలోని వ్యాపార, వాణిజ్య, ఉద్యోగ, కార్మిక, ప్రజా సంఘాలు చేసిన విజ్ఞప్తులను ప్రభుత్వం బుట్టదాఖలు చేసింది. 70 ఏళ్ల క్రితం అప్పటి రవాణా అవసరాలకు అనుగుణంగా నిర్మించిన బ్రిడ్జి స్థానంలో రాబోయే వందేళ్ల ట్రాఫిక్‌, ప్రజా అవసరాలకు అనుగుణంగా ఐకానిక్‌ ఫ్లై ఓవర్‌ నిర్మించాలని చేసిన విజ్ఞప్తులు, డిమాండ్లను ఏ మాత్రం ఖాతరు చేయకుండా ఏక పక్షంగా ముందుకు వెళ్లింది. గుంటూరు ఎంపీ, కేంద్ర సహాయ మంత్రి పెమ్మసాని చంద్రశేఖర్‌ ఏకపక్ష చర్యలతో తాను అనుకున్నదే జరగాలనే మొండి పట్టుదలతో నగర ప్రజలు ఐకానిక్‌ ఫ్లై ఓవర్‌ ప్రాజెక్టును కోల్పోయారు. రూ.167 కోట్లతో 1.4 కిలోమీటర్ల పొడువుతో ప్రతిపాదించిన ఐకానిక్‌ ఫ్లె ఓవర్‌ స్థానంలో రూ.98 కోట్ల సేతు బంధన్‌ ప్రాజెక్టు ద్వారా 930 మీటర్లకు కుదించిన నాలుగు లైన్ల సాధారణ ఆర్వోబీగా మారిపోయింది. పెమ్మసాని మొండిపట్టుదలతో ముందు చూపులేకుండా బ్రిడ్జిని కూల్చడంతో నగరంలో ట్రాఫిక్‌ వ్యవస్థ కుదేలయింది. గతంలో సాఫీగా సాగిపోయే ట్రాఫిక్‌ నేడు ఏ రోడ్డుపై చూసినా పద్మవ్యూహాన్ని తలపిస్తోంది. రోడ్డుపైకి ఎందుకొచ్చాంరా దేవుడా.. అని వాహనచోదకులు అనుకునే స్థాయికి ట్రాఫిక్‌ అస్తవ్యస్తంగా తయారైంది.

సాక్షి టాస్క్‌ఫోర్స్‌: పేద దళితులకు ప్రభుత్వం కల్పించిన హక్కులను సైతం తమ స్వప్రయోజనాల కోసం వాడుకుంటూ, అధికార బలాన్ని అడ్డుపెట్టుకుని లబ్ధిదారుల నుంచి అక్రమ వసూళ్లకు తెగబడుతున్నారు స్థానిక టీడీపీ నాయకులు. పొన్నూరు మండలం మన్నవ గ్రామంలో ఎస్సీ కార్పొరేషన్‌ భూ పత్రాల పేరుతో దళిత కూలీలను బెదిరిస్తూ అక్రమ వసూళ్ల దందాను మొదలుపెట్డడంతో గ్రామంలో టీడీపీ నేతల అరాచకాలు బయటకు వస్తున్నాయి. వైఎస్సార్‌ సీపీ హయాంలోనే హక్కులు గతంలో ఎస్సీ కార్పొరేషన్‌ భూమి కొనుగోలు పథకం కింద మన్నవ గ్రామానికి చెందిన సుమారు 100 మంది దళిత వ్యవసాయ కూలీలు రుణాలు తీసుకుని భూములు కొనుగోలు చేశారు. దివంగత ముఖ్యమంత్రి వైఎస్‌ రాజశేఖరరెడ్డి హయాంలో ఈ రుణాలను పూర్తిగా మాఫీ చేయగా, అనంతరం వైఎస్‌ జగన్‌మోహన్‌ రెడ్డి ప్రభుత్వం ఆ భూములపై ఉన్న ఆంక్షలను తొలగించింది. దళిత రైతులకు సర్వహక్కులు కల్పిస్తూ భూమి పత్రాలను మంజూరు చేసింది. అయితే అప్పట్లో పొన్నూరు టీడీపీ నాయకుల రాజకీయ దురుద్దేశంతో, వర్గపోరు కారణంగా ఆ పత్రాల పంపిణీ కాకుండా అడ్డుపడ్డారు. సచివాలయంలోనే బరితెగింపు ఇటీవల స్థానిక టీడీపీ నాయకుడి ఆదేశాలతో, కారుణ్య నియామకం పొందిన వీఆర్‌ఏ గ్రామంలోని దళిత లబ్ధిదారులను గ్రామ సచివాలయానికి రావాలని ఒత్తిడి తెచ్చారు. సచివాలయానికి వచ్చిన దళితులతో టీడీపీ నాయకుడు ‘మా నాన్న ఎస్సీ కార్పొరేషన్‌ డైరెక్టర్‌గా ఉన్నారు. మీ భూ బకాయిలను రద్దు చేయించి, పత్రాలు తెప్పించడానికి చాలా డబ్బులు ఖర్చు పెట్టాను. మీ పత్రాలను ఇవ్వాలంటే ఎమ్మార్వో కార్యాలయంలో, ఇంకో చోట మొత్తం రూ. 4,500 చెల్లించాలి’ అని హుకుం జారీ చేశారు. రాత్రివేళల్లో తప్పని ఆందోళన ప్రతి ఒక్కరి దగ్గర నుంచి రూ. 4500 వసూలు చేసేందుకు వీఆర్‌ఏతోపాటు మరో నలుగురితో ప్రత్యేక కమిటీని టీడీపీ నేత ఏర్పాటు చేసినట్లు ఆరోపణలు ఉన్నాయి. డబ్బులు ఇచ్చిన వారికే కలెక్టర్‌ చేతుల మీదుగా పత్రాలు ఇప్పిస్తాం.. లేకపోతే పత్రాలు టీడీపీ నేత వద్దే ఉంటాయని రాత్రివేళల్లో దళితుల ఇళ్లకు వెళ్లి బెదిరింపులకు దిగుతున్నారని ఆరోపణలు వినిపిస్తున్నాయి. ఇప్పటికే స్థానిక టీడీపీ నేతపై పలు చీటింగ్‌, భూకబ్జా, క్రిమినల్‌, మట్టిమాఫియా కేసులు నమోదై ఉన్నాయని, డబ్బులు ఇవ్వకపోతే తమ భూపత్రాలను తారుమారు చేస్తారేమోనని దళిత కూలీలు తీవ్ర భయాందోళనలు వ్యక్తం చేస్తున్నారు. సంబంధిత ఉన్నతాధికారులు స్పందించి, ఈ అక్రమ వసూళ్ల దందాపై విచారణ జరిపి దళితులకు న్యాయం చేయాలని స్థానికులు కోరుతున్నారు. దీనిపై పొన్నూరు తహసీల్దారు మొహమ్మద్‌ జియావుల్‌ హఖ్‌ స్పందిస్తూ వసూళ్ల విషయం తమ దృష్టికి రాలేదన్నారు. విచారణ జరిపి చర్యలు తీసుకుంటామని చెప్పారు.

సాక్షి, తాడేపల్లి: గిరిజన చట్టాలు, ఆదివాసీల హక్కుల పరిరక్షణకు వైఎస్సార్‌ కాంగ్రెస్‌ పార్టీ ఎల్లప్పుడూ కట్టుబడి ఉంటుందని.. ఈ విషయంలో రాజీపడే ప్రసక్తే లేదని వైఎస్సార్‌సీపీ అధ్యక్షుడు, మాజీ ముఖ్యమంత్రి వైఎస్‌ జగన్‌ స్పష్టం చేశారు. గిరిజనుల హక్కులకు భంగం కలిగించే ప్రభుత్వ చర్యలను ఎప్పటికప్పుడు ప్రజల్లోకి తీసుకెళ్లడంతో పాటు ఆదివాసీల తరఫున బలమైన ప్రజాగొంతుకగా నిలవాలని పార్టీ ఎస్టీ సెల్‌ నాయకులకు సూచించారు.వైఎస్సార్‌సీపీ ఎస్టీ సెల్‌ రాష్ట్ర అధ్యక్షురాలు, పాడేరు మాజీ ఎమ్మెల్యే కొట్టగుళ్లి భాగ్యలక్ష్మి, డాక్టర్‌ తమర్బ నర్సింగరావు దంపతులు గురువారం తాడేపల్లిలోని పార్టీ కేంద్ర కార్యాలయంలో వైఎస్‌ జగన్‌ను మర్యాదపూర్వకంగా కలిశారు. వారితోపాటు పార్టీ మైదాన ప్రాంత ఎస్టీ సెల్‌ అధ్యక్షుడు సురేంద్ర, ఎస్టీ సెల్‌ రాష్ట్ర ప్రధాన కార్యదర్శి శ్రీనివాస్‌ నాయక్‌ కూడా వైఎస్‌ జగన్‌ను కలిశారు. ప్రపంచ ఆదివాసీ దినోత్సవం సందర్భంగా ఆయనకు శుభాకాంక్షలు తెలియజేసి జ్ఞాపికను బహూకరించారు.ఈ సందర్భంగా గిరిజన ప్రాంతాల్లో ఆదివాసీ చట్టాల పరిరక్షణ, జీవో నంబర్‌–3 పునరుద్ధరణ, 1/70 చట్టంపై గిరిజనేతరులు దాఖలు చేసిన కేసులు, బాక్సైట్‌ తవ్వకాలకు అనుమతులు, హైడ్రో పవర్‌ ప్రాజెక్టులపై గిరిజనుల్లో నెలకొన్న ఆందోళన తదితర అంశాలను వారు వైఎస్‌ జగన్‌కు వివరించారు. ఆయా అంశాలపై వారితో విపులంగా చర్చించిన వైఎస్‌ జగన్‌.. ఆదివాసీల ప్రయోజనాలకు వైఎస్సార్‌సీపీ అండగా ఉంటుందని భరోసా ఇచ్చారు.వైఎస్సార్‌సీపీ ప్రభుత్వం అధికారంలో ఉన్నప్పుడు చంద్రబాబు ప్రభుత్వం తీసుకొచ్చిన జీవో నంబర్‌–97ను రద్దు చేసి ఆదివాసీల హక్కులకు రక్షణగా నిలిచిన విషయాన్ని ప్రజలకు గుర్తుచేయాలని వైఎస్‌ జగన్‌ సూచించారు. గిరిజనుల చట్టాలు, హక్కులకు భంగం కలిగించే ఏ చర్యనూ ఉపేక్షించబోమని ప్రభుత్వాన్ని హెచ్చరించాలన్నారు.కూటమి ప్రభుత్వ పాలనలో గిరిజన చట్టాలు, హక్కుల భద్రతపై ఆదివాసీల్లో తీవ్ర ఆందోళన నెలకొందని వైఎస్‌ జగన్‌ పేర్కొన్నారు. ఇటీవల యువత చేపట్టిన ఉద్యమానికి లభించిన స్పందనే గిరిజనుల్లో నెలకొన్న ఆందోళనకు నిదర్శనమన్నారు. ఆదివాసీల హక్కులను కాపాడేందుకు వైఎస్సార్‌సీపీ తరఫున నిరంతరం పోరాటం చేయాలని, ప్రభుత్వంపై పోరాడే విషయంలో ఎక్కడా రాజీపడవద్దని కొట్టగుళ్లి భాగ్యలక్ష్మితో పాటు ఎస్టీ సెల్‌ నాయకులకు వైఎస్‌ జగన్‌ దిశానిర్దేశం చేశారు.

ఢిల్లీ: వైఎస్సార్‌సీపీ అధినేత, మాజీ ముఖ్యమంత్రి వైఎస్‌ జగన్‌మోహన్‌రెడ్డి భద్రతపై కేంద్ర హోంమంత్రి అమిత్‌ షాకు వైఎస్సార్‌సీపీ ఎంపీలు ఫిర్యాదు చేశారు. మాజీ సీఎం వైఎస్‌ జగన్‌కు రాష్ట్ర ప్రభుత్వం తగిన భద్రత కల్పించడం లేదని ఆందోళన వ్యక్తం చేశారు. వైఎస్‌ జగన్‌ జిల్లాల పర్యటనల్లో వరుసగా భద్రతా వైఫల్యాలు చోటుచేసుకుంటున్నాయని అమిత్‌ షాకు వివరించారు.ఇటీవల దేవరపల్లి పర్యటనకు భారీగా హాజరైనా సరిపడా పోలీసు బందోబస్తు ఏర్పాటు చేయలేదని ఫిర్యాదు చేసిన వైఎస్సార్‌సీపీ ఎంపీలు.. గత రెండేళ్లుగా వైఎస్‌ జగన్‌ రాష్ట్ర పర్యటనలన్నింటిలో ఇదే పరిస్థితి కొనసాగుతోందన్నారు. వైఎస్‌ జగన్‌ భద్రత విషయంలో రాష్ట్ర ప్రభుత్వం ఉద్దేశపూర్వక నిర్లక్ష్యంతో వ్యవహరిస్తోందన్న వైఎస్సార్‌సీపీ ఎంపీలు.. ఆయనకు పటిష్టమైన భద్రత కల్పించేలా తక్షణమే జోక్యం చేసుకోవాలని కేంద్ర హోంమంత్రికి విజ్ఞప్తి చేశారు. వైఎస్సార్‌సీపీ ఎంపీల ఫిర్యాదుపై అమిత్‌ షా సానుకూలంగా స్పందించారు. వైఎస్‌ జగన్‌ భద్రత అంశాన్ని పరిశీలించి తగిన చర్యలు తీసుకుంటామని హామీ ఇచ్చారు.ఏపీలో క్షీణించిన శాంతిభద్రతలపై ఫిర్యాదుఅమిత్‌ షాను కలిసిన వైఎస్సార్‌సీపీ పార్లమెంటరీ పార్టీ నేత వైవీ సుబ్బారెడ్డి నేతృత్వంలోని ఎంపీల బృందం.. వైఎస్‌ జగన్‌ భద్రతతో పాటు డీఎస్సీ అక్రమాలు, రాష్ట్రంలో క్షీణించిన శాంతిభద్రతలపై ఫిర్యాదు చేశారు. డీఎస్సీ నియామకాల్లో స్పోర్ట్స్‌ కోటా దుర్వినియోగం, అవినీతి జరిగిందని అమిత్‌ షా దృష్టికి ఎంపీలు తీసుకెళ్లారు.డీఎస్సీ అక్రమాలపై సీబీఐ లేదా సిట్టింగ్‌ జడ్జితో నిష్పాక్షిక విచారణ జరిపించాలని విజ్ఞప్తి చేశారు. వైఎస్సార్‌సీపీ నాయకులు, కార్యకర్తలపై రాజకీయ కక్షతో అక్రమ కేసులు, అరెస్టులు చేస్తున్నారని ఫిర్యాదు చేసిన వైఎస్సార్‌సీపీ ఎంపీలు.. మాజీ మంత్రి అప్పలరాజు, మాజీ ఎమ్మెల్యే విరూపాక్షి అరెస్టులను అమిత్‌ షాకు వివరించారు. గత రెండు నెలల్లో రాష్ట్రంలో నాలుగు లాకప్‌ మరణాలు సంభవించాయని ఆందోళన వ్యక్తం చేశారు.భారతి సిమెంట్స్‌ను అధికార పార్టీ నేతలు ఉద్దేశపూర్వకంగా లక్ష్యంగా చేసుకుని కార్యకలాపాలకు ఆటంకాలు కల్పిస్తున్నారని ఎంపీలు ఫిర్యాదు చేశారు. రాజకీయ కక్షసాధింపు చర్యలు రాష్ట్రంలో పెట్టుబడిదారుల విశ్వాసాన్ని దెబ్బతీస్తాయని హెచ్చరించిన ఎంపీలు.. ప్రజాస్వామ్య హక్కులు, న్యాయపాలన, ప్రజల భద్రతను కాపాడేందుకు కేంద్రం తక్షణమే జోక్యం చేసుకోవాలని విజ్ఞప్తి చేశారు.

సాక్షి, తాడేపల్లి: అమెరికాలోని డల్లాస్‌లో రాష్ట్ర మంత్రి ఒకరు తనను వేధించారంటూ ‘ప్యూర్‌’ (పీపుల్‌ ఫర్‌ అర్బన్‌ అండ్‌ రూరల్‌ ఎడ్యుకేషన్‌) సంస్థ వ్యవస్థాపకురాలు, ఎన్‌ఆర్‌ఐ డాక్టర్‌ శైలా తాళ్లూరి మంత్రి నారా లోకేష్‌కు పూర్తి వివరాలతో ఫిర్యాదు చేసినా, ఇప్పటి వరకు వెన్నుపోటు పార్టీ కానీ, ఈ ప్రభుత్వం కానీ స్పందించలేదని వైఎస్సార్‌సీపీ అధికార ప్రతినిధి నాగ మల్లీశ్వరి ఆక్షేపించారు.ఎన్‌ఆర్‌ఐ అయిన తెలుగు మహిళను వేధించిన ఆ మంత్రిని వెంటనే మంత్రివర్గం నుంచి బర్తరఫ్‌ చేయడంతో పాటు, ఆయనపై కేసు నమోదు చేసి విచారణ చేయాలని ఆమె డిమాండ్‌ చేశారు. వెన్నుపోటు పార్టీ కూటమి ప్రభుత్వం రాష్ట్రంలో మహిళల భద్రతను పూర్తిగా గాలికొదిలేసిందని, వారు అధికారంలోకి వచ్చిన 26 నెలలుగా మహిళలపై వేధింపులు, దాడులు, అవమానాలు పెరిగిపోయాయని చెప్పారు. మహిళలను రక్షించాల్సిన ప్రజాప్రతినిధులే నిత్యం వేధింపులకు పాల్పడుతున్నారని పార్టీ కేంద్ర కార్యాలయంలో మీడియాతో మాట్లాడిన నాగ మల్లీశ్వరి గుర్తు చేశారు. ఆమె ఇంకా ఏం మాట్లాడారంటే..అమెరికాలోని డల్లాస్‌లో వెన్నుపోటు పార్టీకి చెందిన ఓ మంత్రి తనను వేధించారంటూ ఎన్‌ఆర్‌ఐ తెలుగు మహిళ సోషల్‌ మీడియాలో తీవ్రమైన ఆరోపణలు చేసినా, ఇంతవరకు చర్యలు తీసుకోకపోవడం చూస్తుంటే మహిళల రక్షణకు ఈ ప్రభుత్వం ఇస్తున్న ప్రాధాన్యతకు అద్దం పడుతోంది. ఆ మహిళను ఒంటరిగా కాఫీకి రావాలని పిలవడం, ఫొటోలు పంపి ఇబ్బంది పెట్టడం వంటి ఆరోపణలను సైతం వెన్నుపోటు పార్టీ ప్రభుత్వం చాలా తేలిగ్గా తీసుకోవడం అత్యంత హేయం.ఇంత జరిగినా వెన్నుపోటు పార్టీ తేలు కుట్టిన దొంగలా వ్యవహరిస్తోంది. బాధిత మహిళ సోషల్‌ మీడియా వేదికగా సీఎం చంద్రబాబు, మంత్రి నారా లోకేష్, డిప్యూటీ సీఎం పవన్‌కళ్యాణ్, హోం మంత్రి అనిత తదితరులని ట్యాగ్‌ చేస్తూ న్యాయం కోసం అభ్యర్థించినా వెన్నుపోటు పార్టీ కూటమి ప్రభుత్వం స్పందించక పోవడం హేయం.రాష్ట్రంలో మహిళలపై అన్యాయం జరిగిన ప్రతిసారీ తిరిగి బాధితుల పైనే కేసులు పెట్టే పరిస్థితిని వెన్నుపోటు పార్టీ కూటమి ప్రభుత్వం తీసుకొచ్చింది. మహిళా కమిషన్, హోం శాఖ, మహిళల భద్రత కోసం ఏర్పాటు చేసిన వ్యవస్థలు ప్రజల కోసం కాకుండా అధికార వెన్నుపోటు పార్టీ నాయకుల కోసం మాత్రమే పని చేస్తున్నాయనే భావన కలుగుతోంది.వెన్నుపోటు పార్టీ కూటమి అధికారంలోకి వచ్చినప్పటి నుంచి మహిళలపై వేధింపులు, అఘాయిత్యాలు నిత్యకృత్యంగా మారాయి. ఇప్పుడు అవి సరిహద్దులు కూడా దాటాయి. చివరకు అమెరికాలో సైతం ఏకంగా రాష్ట్ర మంత్రి, ఒక ఎన్‌ఆర్‌ఐ మహిళను వేధించడం వెన్నుపోటు పార్టీ, ఈ ప్రభుత్వ ఉన్మాదానికి పరాకాష్ట. వెన్నుపోటు పార్టీ ప్రభుత్వానికి ఏ మాత్రమైనా నైతికత ఉంటే, తక్షణమే ఆ మంత్రిని బర్తరఫ్‌ చేసి, కేసు పెట్టి విచారణ చేయాలని నాగ మల్లీశ్వరి డిమాండ్‌ చేశారు.

సాక్షి, తాడేపల్లి: టీడీపీ నేతలు తమపై ఒత్తిడి చేశారని తూర్పుగోదావరి జిల్లా దేవరపల్లి హోటల్‌ నిర్వాహకులు లక్ష్మీ అన్నారు. ‘‘మా హోటల్‌లో ఏదో జరిగిందంటూ చెప్పమన్నారు. తర్వాత తహశీల్దారు మా దగ్గరకు వచ్చి కలెక్టర్ దగ్గరకు రమ్మన్నారని చెప్పారు. కారు పంపిస్తామనీ అందులో రావాలనీ చెప్పారు. మాకు భయం వేసింది. వైఎస్‌ జగన్ హయాంలో మాకు ఇంటి స్థలాలు వచ్చాయి. ఆయన హయాంలో మాకు చాలా మేలు జరిగింది’’ అని ఆమె మీడియాకు వివరించారు.ఇవాళ.. వైఎస్సార్‌సీపీ కేంద్ర కార్యాలయంలో వైఎస్సార్సీపీ అధినేత, మాజీ ముఖ్యమంత్రి వైఎస్‌ జగన్‌మోహన్‌రెడ్డిని దేవరపల్లి హోటల్‌ నిర్వాహకులు కలిశారు. వైఎస్‌ జగన్‌ దేవరపల్లి పొగాకు బోర్డు వేలం కేంద్రం పర్యటనలో జనం రద్దీ వల్లే తోపులాట జరిగిందని.. అంతేకానీ వైఎస్సార్సీపీకి ఎలాంటి సంబంధం లేదని వైఎస్‌ జగన్‌కు హోటల్ నిర్వాహకులు చందన వరలక్ష్మి, చందన దివ్య వివరించారు.వైఎస్సార్‌సీపీ కార్యకర్తలు తమ హోటల్ ధ్వంసం చేశారన్న ప్రచారంలో వాస్తవం లేదన్న నిర్వాహకులు.. వైఎస్‌ జగన్‌ ప్రభుత్వంలో తమ కుటుంబం లబ్ధిపొందినట్లు నిర్వాహకులు స్పష్టం చేశారు.

సాక్షి, అమరావతి: దిశా చట్టాన్ని రద్దు చేయాలని చంద్రబాబు కేబినెట్ నిర్ణయించింది. దిశా చట్టం ప్రత్యేకంగా అవసరం లేదని రద్దుచేస్తున్నట్టు హోంమంత్రి ప్రకటించారు. దిశ చట్టం లేకుండానే దిశ వ్యవస్థను ఆచరణలో పెట్టినట్టు వెల్లడించారు. బిఎన్‌ఎస్ చట్టాలు చాలు కాబట్టి దిశ చట్టం రద్దు చేస్తున్నట్టు ప్రకటించారు. మహిళలను వేధించే వారికి త్వరగా శిక్షపడేలా గత ప్రభుత్వం దిశా బిల్లు తీసుకొచ్చింది. అయితే, 21 రోజుల్లో శిక్ష పడేలా తీసుకొచ్చిన మార్పును హోంమంత్రి అనిత తప్పుపట్టారు.అమరావతిలో మరో విడత ల్యాండ్ పూలింగ్‌కాగా, అమరావతిలో మరో విడత ల్యాండ్ పూలింగ్‌కి కేబినెట్ ఆమోదం తెలిపింది. 2,433 ఎకరాల భూ సమీకరణ చేపట్టాలని చంద్రబాబు ప్రభుత్వం నిర్ణయం తీసుకుంది. మోతడక గ్రామంలో భూ సమీకరణ చేపట్టేందుకు కేబినెట్ ఆమోదం తెలిపింది. హైస్పీడ్ బ్రాడ్ గేజ్ రైల్వే లైన్ పేరుతో భూ సమీకరణకు నిర్ణయించింది. హైకోర్టు భవనాన్ని మళ్లీ రీ డిజైన్ చేయాలని ప్రభుత్వం నిర్ణయించింది. 206 కోట్లతో అదనపు కన్సల్టెంట్‌ను నియమించాలని కేబినెట్ నిర్ణయం తీసుకుంది.

సాక్షి, తాడేపల్లి: వైఎస్సార్‌సీపీ అధినేత, మాజీ ముఖ్యమంత్రి వైఎస్ జగన్‌మోహన్‌రెడ్డిని తూర్పుగోదావరి జిల్లా దేవరపల్లి హోటల్ నిర్వాహకులు ఇవాళ(గురువారం) కలిశారు. తమ హోటల్‌ని పార్టీ కార్యకర్తలు ధ్వంసం చేశారంటూ టీడీపీ నేతలు చేస్తున్న విష ప్రచారాన్ని హోటల్ నిర్వాహకురాలు లక్ష్మీ ఖండించారు. వైఎస్‌ జగన్‌ పర్యటనలో జనం రద్దీ వల్లే తోపులాట జరిగిందన్న లక్ష్మీ.. అంతేకానీ వైఎస్సార్సీపీకి ఎలాంటి సంబంధం లేదని స్పష్టం చేశారు. వైఎస్‌ జగన్‌ ప్రభుత్వంలోనే తమ కుటుంబం లబ్ధిపొందిందని హోటల్ నిర్వాహకులు అన్నారు.టీడీపీ నేతలు మాపై ఒత్తిడి చేశారు. మా షాపులో ఏదో జరిగిందంటూ చెప్పమన్నారు. తర్వాత తహశీల్దారు మా దగ్గరకు వచ్చి కలెక్టర్ దగ్గరకు రమ్మన్నారని చెప్పారు. కారు పంపిస్తామనీ అందులో రావాలనీ చెప్పారు. మాకు భయం వేసింది. జగన్ హయాంలో మాకు ఇంటి స్థలాలు వచ్చాయి. ఆయన హయాంలో మాకు చాలా మేలు జరిగింది. ఇవాళ వైఎస్‌ జగన్‌ని కలిసినందుకు ఆనందంగా ఉందని నిర్వాహకులు అన్నారు.

సాక్షి, కృష్ణా/తాడేపల్లి: ఆంధ్రప్రదేశ్‌లో డీఎస్సీ అక్రమాల ఆరోపణలపై కొనసాగుతున్న రాజకీయ వేడి మరింత పెరిగింది. గురువారం విజయవాడలో వైఎస్సార్‌సీపీ దీక్షా శిబిరంపై జరిగిన దాడి ఘటనను ప్రస్తావిస్తూ మాజీ మంత్రి పేర్ని నాని కూటమి ప్రభుత్వంపై తీవ్రస్థాయిలో విరుచుకుపడ్డారు. బాబు ప్రభుత్వానికి నూకలు చెల్లాయని, తప్పుడు పనులు, రౌడీయిజానికి ప్రజలు త్వరలోనే సమాధానం చెబుతారని వ్యాఖ్యానించారు.కృష్ణాడెల్టాకు సాగునీరు ఇవ్వాలని కోరుతూ అవనిగడ్డలో పులిగడ్డ ఆక్విడెక్ట్ వేదికగా మాజీ ఎమ్మెల్యే సింహాద్రి రమేష్ నిరాహారదీక్ష చేపట్టారు. ఈ దీక్షకు సంఘీభావం తెలిపిన మాజీ మంత్రి పేర్నినాని అనంతరం మీడియాతో మాట్లాడారు. ‘‘బోండా ఉమా అధికార మదంతో మాజీ ఎమ్మెల్యే మల్లాది విష్ణు శిబిరంపై దాడి చేశారు. దీక్షా శిబిరంలో కోడిగుడ్లు విసరడం, షామియానాలు ధ్వంసం చేయడం వంటి చర్యలకు పాల్పడ్డారు. అధికార పార్టీ నేతలు రౌడీయిజాన్ని ప్రోత్సహిస్తున్నారు అని మండిపడ్డారు.“బోండా ఉమా లాంటి వంద మంది రౌడీలను పోగేసుకుని చంద్రబాబు, లోకేష్‌ శునకానందం పొందొచ్చు. కానీ ఆ ఆనందం ఎన్నో రోజులు ఉండదు. మీ పాపాలన్నీ శిశుపాలుడి పాపాల మాదిరిగా లెక్కిస్తున్నారు” అంటూ పేర్ని నాని ఘాటు వ్యాఖ్యలు చేశారు.ప్రభుత్వంపై విమర్శలు చేస్తే ఇంటికొచ్చి కొడతామంటూ బెదిరింపులకు పాల్పడుతున్నారన్న ఆయన.. “మీ చేతనైంది చేసుకోండి.. ఎంతమందిని కొడతారో చూస్తాం” అంటూ సవాల్‌ విసిరారు. దాడులతో తమకు జరిగే నష్టం ఏమీ లేదని, ప్రజల్లో ప్రభుత్వంపై వ్యతిరేకత పెరుగుతోందని అన్నారు. ఈ క్రమంలో బోండా ఉమాను ఉద్దేశించి పేర్ని నాని తీవ్ర వ్యాఖ్యలు చేశారు. “మీ కార్యకర్తలే మీ ఇళ్లకు వచ్చి ప్రశ్నించకుండా చూసుకోండి” అంటూ హెచ్చరించారు. అధికార దర్పంతో చేసే చర్యలకు ప్రజలు తగిన సమాధానం చెబుతారని పేర్కొన్నారు.ఆంధ్రప్రదేశ్‌ను అరాచక ప్రదేశ్‌గా మార్చారు: లేళ్ల అప్పిరెడ్డిఇటు విజయవాడ ఘటనపై తాడేపల్లిలో వైఎస్సార్‌సీపీ ఎమ్మెల్సీ లేళ్ల అప్పిరెడ్డి కూడా ప్రభుత్వంపై తీవ్ర విమర్శలు చేశారు. ఆంధ్రప్రదేశ్‌ను అరాచక ప్రదేశ్‌గా మార్చారని, అక్రమాలు, అన్యాయాలకు కేంద్రంగా మారిందని ఆరోపించారు. డీఎస్సీ అక్రమాలపై శాంతియుతంగా ఆందోళన చేస్తున్న వారిపై దాడులు చేయడం దారుణమని అన్నారు. మంత్రి నారా లోకేష్‌ ఆధ్వర్యంలోనే ఎమ్మెల్యే బోండా ఉమా దాడులకు దిగారని ఆరోపించారు. దీక్షా శిబిరంలో మహిళలు, విద్యార్థులపై దాడి చేయడం ప్రజాస్వామ్యానికి విరుద్ధమని మండిపడ్డారు.ఆందోళనకారులపై మూత్రం పోశారనే ఆరోపణలను ప్రస్తావిస్తూ.. ఇది అత్యంత నీచమైన చర్య అని విమర్శించారు. పోలీస్‌ కమిషనర్‌ కార్యాలయానికి సమీపంలోనే ఘటన జరగడం రాష్ట్రంలో శాంతిభద్రతల పరిస్థితికి అద్దం పడుతోందని అన్నారు. దాడి చేసిన వారిని వదిలి.. మల్లాది విష్ణును అరెస్ట్‌ చేశారని, పోలీసులు అధికార పార్టీకి అనుకూలంగా వ్యవహరిస్తున్నారని మండిపడ్డారు. వైఎస్సార్‌సీపీ ప్రజాస్వామ్యాన్ని విశ్వసిస్తుందని, అందుకే తమ కార్యకర్తలు సంయమనం పాటిస్తున్నారని తెలిపారు. ఈ క్రమంలో బెదిరింపులు, దాడులకు భయపడబోమని స్పష్టం చేశారు.డీఎస్సీ అక్రమాలపై సీబీఐ విచారణ జరపాలని, విద్యాశాఖ మంత్రి నారా లోకేష్‌ రాజీనామా చేయాలని లేళ్ల అప్పిరెడ్డి డిమాండ్‌ చేశారు. తమ డిమాండ్లు నెరవేరే వరకు ఆందోళనలు కొనసాగుతాయని స్పష్టం చేశారు. పోలీసులు అధికార పార్టీకి వత్తాసు పలికితే న్యాయపోరాటం చేస్తామని ఆయన హెచ్చరించారు.

సాక్షి, తాడేపల్లి: మాజీ మంత్రి, సీనియర్‌ నేత జక్కంపూడి రామ్మోహన్‌రావుకు వైఎస్సార్సీపీ అధినేత, మాజీ సీఎం వైఎస్‌ జగన్‌మోహన్‌రెడ్డి నివాళులర్పించారు. గురువారం తాడేపల్లిలోని పార్టీ కేంద్ర కార్యాలయంలో జక్కంపూడి చిత్రపటానికి పూలమాల వేసి ఆయన స్మరించుకున్నారు.ఈ సందర్భంగా వైఎస్‌ జగన్‌ మాట్లాడుతూ.. జక్కంపూడి రామ్మోహన్‌రావు ప్రజల కోసం ఎన్నో సేవలు అందించిన నాయకుడని కొనియాడారు. ప్రజా సమస్యల పరిష్కారానికి ఆయన ఎంతో చొరవ చూపారని గుర్తు చేశారు. వైఎస్సార్‌ కుటుంబంతో జక్కంపూడి రామ్మోహన్‌రావుకు సుదీర్ఘ అనుబంధం ఉందని జగన్‌ పేర్కొన్నారు.ప్రజలతో మమేకమై పనిచేసిన నేతగా, ప్రజా సమస్యలపై నిరంతరం స్పందించిన నాయకుడిగా ఆయనకు ప్రత్యేక గుర్తింపు ఉందన్నారు. ప్రజల పట్ల జక్కంపూడి చూపిన అంకితభావం, చేసిన సేవలు ఎప్పటికీ గుర్తుండిపోతాయని వైఎస్‌ జగన్‌ అన్నారు.

గుంటూరు వెస్ట్‌: ప్రజల అవసరాలను గమనించి ఉత్తమ అధికారులుగా చిరస్మరణీయ సేవలు అందించాలని గ్రూప్‌–1 యువ అధికారులకు జిల్లా కలెక్టర్‌ సీఎం సాయికాంత్‌ వర్మ సూచించారు. సమస్య పరిష్కార వైఖరి కలిగి ఉండాలని సూచించారు. 2026 గ్రూప్‌–1 బ్యాచ్‌లో ఎంపికై న అభ్యర్థుల క్షేత్రస్థాయి సందర్శనలో భాగంగా కలెక్టరేట్‌లో జిల్లా కలెక్టర్‌ సాయికాంత్‌ వర్మ, జాయింట్‌ కలెక్టర్‌ అశుతోష్‌ శ్రీవాస్తవలను బుధవారం మర్యాదపూర్వకంగా కలిశారు. ఈ సందర్భంగా కలెక్టర్‌ మాట్లాడుతూ మంచి వైఖరి కలిగి ఉండటం ఎంతో అవసరమన్నారు. విశాల దృక్పథం కలిగి ఉండాలని, ఫలితాలు సాధించగలిగే యుక్తి ఉండాలని పేర్కొన్నారు. ఒక పనిలో తుది లక్ష్యాన్ని పక్కాగా సాధించగలిగే విధంగా ఉండాలని చెప్పారు. పనిలో ఆనందం పొందాలని, సంతృప్తి సాధించాలని చెప్పారు. గిరిజన ప్రాంతాల్లో రహదారి అనుసంధానం వంటి సమస్యలు, ప్రసవాలకు సంబంధించిన అంశాలను సమన్వయం చేయడం ప్రధానమన్నారు. నెలకు ఎనిమిది, తొమ్మిది మాతృ మరణాలు ఉండగా ‘మాతృ దేవో భవ’ కార్యక్రమాన్ని నిర్వహించి ఒకటికి తీసుకువచ్చామని తన అనుభవాలను పంచుకున్నారు. జాయింట్‌ కలెక్టర్‌ అశుతోష్‌ శ్రీవాస్తవ మాట్లాడుతూ ఉద్యోగ నిర్వహణను ఉత్తమంగా చేయడం గొప్ప కళన్నారు. జిల్లా రెవెన్యూ అధికారి షేఖ్‌ ఖాజావలి మాట్లాడుతూ వివిధ శాఖల మధ్య సమన్వయం కలిగి ఉండాలన్నారు. ఉన్నతాధికారుల సూచనలు తమకు ఎంతో ఉపకరించాయని యువ అధికారులు తెలిపారు. కార్యక్రమంలో రాష్ట్ర మానవ వనరుల సంస్థ అధికారి శ్రీనివాస్‌ తదితరులు పాల్గొన్నారు. జిల్లా కలెక్టర్‌ సీఎం సాయికాంత్‌ వర్మ

లక్ష్మీపురం: ఔటర్‌ రింగ్‌ రోడ్డు కింద భూములు కోల్పోతున్న రైతులకు న్యాయం జరిగేంత వరకు రైతు సంఘం పోరాడుతుందని రాష్ట్ర అధ్యక్షులు వి.కృష్ణయ్య అన్నారు. బుధవారం గుంటూరు బ్రాడీపేట లోని యుటియఫ్‌ హాల్లో ఔటర్‌ రింగ్‌ రోడ్‌ రైతుల కమిటీ సమావేశం జొన్న శివశంకర్‌ అధ్యక్షతన జరిగింది. ఈ సందర్భంగా కృష్ణయ్య మాట్లాడుతూ 121 గ్రామాలకు సంబంధించి, 23 మండలాల్లో పదివేల ఎకరాలు పైన భూములు ఔటర్‌ రింగ్‌ రోడ్డు కింద రైతులు కోల్పోతున్నారన్నారు. ఇందులో సన్నా,చిన్న కారు రైతులు అత్యధికంగా ఉన్నారన్నారు. కాని రాష్ట్ర ప్రభుత్వం ఇప్పటివరకు సరైన ప్రకటన చేయకుండా రహస్యంగా ఔటర్‌ రింగ్‌ రోడ్డు నిర్మాణం కొరకు పావులు కదుపుతుందన్నారు. భూమి కోల్పోతున్న రైతులు అయోమయ పరిస్థితిలో ఉన్నారన్నారు. రైతులు నష్టాలు పాలు చేసే పద్ధతిలో రాష్ట్ర ప్రభుత్వం వ్యవహరిస్తుందన్నారు. 2013 భూ సేకరణ కింద ఇవ్వాల్సిన నష్టపరిహారాలు కుదించే విధంగా కొత్త జీవో తీసుకువచ్చింది అన్నారు. ఈ కొత్త జీవో వల్ల రైతులకి ఎప్పుడో పాతకాలం రిజిస్ట్రేషన్‌ విలువ ఉండటం వల్ల పరిహారం చాలా తక్కువగా వచ్చే అవకాశం ఉందన్నారు. సిటీ అవుట్‌ కట్స్‌లో ఉన్న ఈ భూములకు ప్రైవేటు మార్కెట్‌ కోట్ల రూపాయలు ఉంటే రాష్ట్ర ప్రభుత్వం జీవో ప్రకారం లక్షల్లో మాత్రమే పరిహారం అంది పరిస్థితి ఉందన్నారు. రైతు సంఘం జిల్లా కార్యదర్శి కంచుమాటి అజయ్‌ కుమార్‌ మాట్లాడారు. రాష్ట్ర ఉపాధ్యక్షురాలు వల్లూరి భారతి, ఔటర్‌ రింగ్‌ రోడ్డు రైతుల కమిటీ నాయకులు కోయ కోటేశ్వరరావు, గుంటుపల్లి సాంబశివరావు, కె. పద్మావతి, రమేషు,కాజా వెంకటేశ్వరరావు, పి.శివ పార్వతి, ములకా శివసాంబిరెడ్డి, సిహెచ్‌.భాస్కర్‌ రావు, వెంగళరెడ్డి, బి.శ్రీనివాసరావు, చంద్రమౌళి, కృష్ణ మోహన్‌ తదితరులు పాల్గొన్నారు. రైతు సంఘం రాష్ట్ర అధ్యక్షుడు వి.కృష్ణయ్య

తాడేపల్లి రూరల్‌: తాడేపల్లి కృష్ణాకెనాల్‌ పరిధిలో గుంటూరు వెళ్లే రైల్వే మార్గంలో ఓ వ్యక్తి మృతదేహం ఉందనే సమాచారంతో బుధవారం తాడేపల్లి కృష్ణాకెనాల్‌ జీఆర్పీ అధికారులు సంఘటనా స్థలానికి చేరుకుని విచారణ చేపట్టారు. ట్రాక్‌పై రెండు ముక్కలుగా పడిఉన్న మృతదేహాన్ని పక్కకు తీశారు. ఏఎస్‌ఐ రత్తయ్య తెలిపిన వివరాల ప్రకారం రైల్వేట్రాక్‌పై 50 సంవత్సరాల వయస్సు ఉన్న ఓ వ్యక్తి రెండు ముక్కలుగా పడి ఉన్నాడని, అతని జేబులో వెతగ్గా ఆధార్‌ కార్డు లభించిందని, అయితే ఆధార్‌కార్డులో ఉన్న వ్యక్తి ఇతను ఒకటేనా అన్నది అనుమానంగా ఉందని తెలిపారు. ఆధార్‌కార్డులో వీర్ల గురవయ్య, ప్రకాశం జిల్లా, దొనకొండ మండలం, పోలేపల్లి గ్రామం అని ఉందని, ఆ గ్రామంలో విచారణ చేస్తే తప్ప ఆధార్‌ కార్డులో ఉన్న వ్యక్తి, మృతి చెందిన వ్యక్తి ఒక్కరా కాదా అనేవిషయం తెలియదన్నారు. మృతదేహాన్ని గుంటూరు కోవిడ్‌ ఫైటర్స్‌ చారిటబుల్‌ ట్రస్ట్‌ సహాయంతో గుంటూరు రైల్వే ఆసుపత్రికి తరలించినట్లు ఆయన తెలిపారు. గుర్తుతెలియని వృద్ధుడి మృతదేహం లభ్యం తాడేపల్లి రూరల్‌: మంగళగిరి–తాడేపల్లి నగరపాలక సంస్థ పరిధిలోని పెనుమాక శివారులో చిగురు ఆశ్రమం దగ్గర అమరావతి కరకట్ట దిగువ ప్రాంతంలో తాడేపల్లి పోలీసులు బుధవారం గుర్తుతెలియని మృతదేహాన్ని గుర్తించారు. ఘటనపై తాడేపల్లి ఎస్‌ఐ ఖాజావలి మాట్లాడుతూ.. పెనుమాక శివారులోని చిగురు ఆశ్రమం ఎదురుగా కరకట్ట దిగువ ప్రాంతంలో ఓ చెట్టుకింద సుమారు 65 సంవత్సరాల వయస్సు కలిగిన గుర్తుతెలియని వృద్ధుడి మృతదేహం ఉందని, మృతుడి వద్ద ఎటువంటి ఆధారాలు లభించలేదని, నెరిసిన జుట్టు, తెల్లని గడ్డం ఉన్నాయని, ఎవరైనా ఈ మృతదేహాన్ని గుర్తిస్తే 8688831364 నెంబరుకు ఫోన్‌ చేసి సమాచారం ఇవ్వాలని ఆయన కోరారు. మృతదేహాన్ని పోస్టుమార్టం నిమిత్తం మంగళగిరి ఏరియా ఆసుపత్రికి తరలించినట్లు తెలిపారు. అక్రమ రిజిస్ట్రేషన్లు రద్దు చేయాలి నరసరావుపేట: పట్టణంలోని సత్తెనపల్లి రోడ్డులోని సాయిరాం టౌన్‌షిప్‌–2లో టీఎస్‌ నెంబర్‌ 35లోని 1.28 ఎకరాలపై హైకోర్టులో కేసు నడుస్తుండగా చేసిన రిజిస్ట్రేషన్లు రద్దు చేయాలని ప్రజాసంఘాల నాయకులు, రైతులు కోరారు. ఈ మేరకు ప్రకాష్‌నగర్‌లోని జిల్లా రిజిష్ట్రార్‌ కార్యాలయం ఎదుట ధర్నా చేసి, రిజిస్ట్రార్‌ శ్రీరామకుమార్‌కు బుధవారం వినతిపత్రం అందజేశారు. ప్రజా సంఘాల నాయకులు మీడియాతో మాట్లాడుతూ వెంచర్‌ యజమానులు కోర్టులో పెండింగ్‌లో ఉన్న భూములు అమ్మడమే గాక అక్రమ రిజిస్ట్రేషన్‌ చేసి కొనుగోలుదారులను మోసం చేస్తున్నారని ఆరోపించారు.

గుంటూరు వెస్ట్‌ (క్రీడలు): అథ్లెటిక్‌ అసోసియేషన్‌ ఆఫ్‌ గుంటూర్‌ జిల్లా ఆధ్వర్యంలో స్థానిక బీఆర్‌ స్టేడియంలో బుధవారం నిర్వహించిన జిల్లా స్థాయి జావెలిన్‌ త్రో పోటీలకు విశేష స్పందన లభించింది. ఈ పోటీల్లో పలు పలు ప్రాంతాలకు చెందిన సుమారు 50 మంది క్రీడాకారులు పాల్గొన్నారు. ఈ నెల 7న నేషనల్‌ జావీలిన్‌ డేను పురస్కరించుకుని ఈ పోటీలు నిర్వహించామని జిల్లా అథ్లెటిక్స్‌ సంఘం కార్యదర్శి జీవీఎస్‌ ప్రసాద్‌ తెలిపారు. ఆయన మాట్లాడుతూ ప్రతి సంవత్సరం అథ్లెటిక్‌ అసోసియేషన్‌ గుంటూరు జిల్లా ఆధ్వర్యంలో ఈ పోటీలు అత్యంత ఘనంగా నిర్వహిస్తున్నామన్నారు. జిల్లాకు జాతీయ స్థాయిలో ఒక ప్రత్యేకమైన స్థానాన్ని తెచ్చేందుకు జాతీయ స్థాయిలో గుర్తింపు రావడానికి జిల్లా అథ్లెటిక్స్‌ సంఘం ఫౌండర్‌ జాతీయ హమ్మర్‌ త్రోయర్‌ గారా శేషయ్య చేసిన కృషి ఎనలేనిదని తెలిపారు. అనంతరం ఈ పోటీల్లో గెలుపొందిన క్రీడాకారులకు ప్రసాద్‌తోపాటు అంతర్జాతీయ మాస్టర్‌ అథ్లెటిక్‌ క్రీడాకారుడు జీజే కిషోర్‌, శాప్‌ అథ్లెటిక్‌ కోచ్‌ వెంకటేశ్వరరావులు సర్టిఫికెట్లను అందజేశారు. శిక్షకులు శివారెడ్డి, కె.రవి, దీపు తదితరులు పాల్గొన్నారు.

ఏఎన్‌యూ (పెదకాకాని): ఏఎన్‌యూలోని కాంట్రాక్ట్‌ అధ్యాపకులను సేవలను తక్షణమే క్రమబద్ధీకరించాలని సంఘం అధ్యక్షుడు డాక్టర్‌ సీహెచ్‌ తిరుమలరావు డిమాండ్‌ చేశారు. విశ్వవిద్యాలయం ఎదుట ఒప్పంద అధ్యాపకులు చేపట్టిన రిలే నిరాహార దీక్షలు బుధవారానికి 18వ రోజుకు చేరుకున్నాయి. ఇందులో భాగంగా వారికి సంఘీభావంగా ఇతర ఒప్పంద అధ్యాపకులు కూడా తమ బోధనా కార్యక్రమాలు ముగిసిన వచ్చి మద్దతు తెలిపారు. ముందుగా జనసేన రాష్ట్ర పార్టీ కార్యాలయానికి చేరుకుని విశాఖపట్నం సౌత్‌ ఎమ్మెల్యే వంశీకృష్ణ శ్రీనివాసయాదవ్‌, రాష్ట్ర ఉన్నత విద్యాశాఖ కమిషనర్‌ ఎన్‌. భరత్‌గుప్తాను కలసి వినతిపత్రం అందజేశారు. రాష్ట్ర స్థాయి ఆల్‌ యూనివర్సిటీ కాంట్రాక్ట్‌ టీచర్స్‌ అసోసియేషన్‌ పిలుపు మేరకు చేపట్టిన ఈ దీక్షల్లో భాగంగా అధ్యాపకుల సంఘం అధ్యక్షుడు మాట్లాడుతూ రాజ్యాంగం కల్పించిన సమానత్వ హక్కు ప్రకారం తమను కూడా రెగ్యులర్‌ అధ్యాపకులతో సమానంగా పరిగణించాలన్నారు. తమ న్యాయమైన డిమాండ్లపై త్వరితగతిన సానుకూల నిర్ణయం తీసుకోకపోతే రాష్ట్రవ్యాప్తంగా ఉద్యమాన్ని మరింత ఉధృతం చేస్తామని హెచ్చరించారు. ఏఎన్‌యూ వద్ద 18వ రోజుకు చేరిన రిలే నిరాహారదీక్షలు

తాడేపల్లి రూరల్‌: రాజధాని ముఖద్వారమైన ఉండవల్లి అమరావతి కరకట్ట వెంబడి ముఖ్యమంత్రి నారా చంద్రబాబునాయుడు నివాసానికి అతికొద్ది దూరంలో టిప్పర్‌ లారీ బుధవారం తెల్లవారుజామున అదుపుతప్పి బోల్తాపడింది. సేకరించిన వివరాల ప్రకారం కృష్ణాజిల్లా నుంచి వెస్ట్‌ బైపాస్‌ మీదుగా కంకర లోడ్‌తో సీడ్‌ యాక్సెస్‌ రోడ్‌ నుంచి అమరావతి కరకట్టమీదకు ఎక్కుతుండగా అదుపు తప్పి కృష్ణానదివైపునకు బోల్తా పడింది. పక్కనే భారీ వేపచెట్టు ఉండడంతో దానికి ఆనుకుని లారీ మరో పల్టీ వేయకుండా ఆగిపోయింది. ఈ ప్రమాదంలో డ్రైవర్‌కు స్వల్పగాయాలయ్యాయి. పలు గ్రామాల్లో వ్యవసాయ శాస్త్రవేత్తల పర్యటన రైతులకు సూచనలు తాడికొండ: ఆచార్య ఎన్‌జీ రంగా వ్యవసాయ విశ్వవిద్యాలయం ఆధ్వర్యంలో బుధవారం మండలంలోని పలు గ్రామాల్లో లాం ఫామ్‌ శాస్త్రవేత్తలు పర్యటించారు. తుళ్ళూరు మండలంలో పెదపరిమి – వడ్డమాను గ్రామాల్లో ఉన్న పంటలను పరిశీలించి పంటల వారీగా ఎల్‌నినో సమయంలో తీసుకోవలసిన జాగ్రత్తలు రైతులకు వివరించారు. మృత్తికా శాస్త్రం ప్రధాన శాస్త్రవేత్త డాక్టర్‌ వి.శైలజ, సేద్య విభాగం ప్రధాన శాస్త్రవేత్త డాక్టర్‌ పి.వెంకటరావు, తెగుళ్ల విభాగం ప్రధాన శాస్త్రవేత్త డాక్టర్‌ వి.మనోజ్‌, ఏరువాక కేంద్రం విస్తరణ శాస్త్రవేత్త డాక్టర్‌ ఏ.మనోజ్‌లు రైతులకు పలు సూచనలు చేశారు. ఈ కార్యక్రమంలో పెదపరిమి, వడ్డమాను గ్రామానికి చెందిన రైతులు, సిబ్బంది పాల్గొన్నారు. రాజధానిలో మంత్రుల పర్యటన తాడికొండ: రాజధాని ప్రాంతంలో రాష్ట్ర మంత్రులు పి.నారాయణ, వంగలపూడి అనిత, కొండపల్లి శ్రీనివాస్‌లు బుధవారం పర్యటించారు. ఈ సందర్బంగా నిర్మాణంలో ఉన్న బంగ్లాలు, ఐకానిక్‌ టవర్లు, ఎమ్మెల్సీ క్వార్టర్లును పరిశీలించగా వీరికి మంత్రి నారాయణ నిర్మాణ పనులను వివరించారు. అనంతరం హోం మంత్రి అనిత మీడియాతో మాట్లాడుతూ మంత్రి నారాయణ ఆధ్వర్యంలో అమరావతి నిర్మాణ పనులు చాలా బాగా జరుగుతున్నాయన్నారు. డిసెంబర్‌ నాటికి అమరావతిలో 4వేల ఇళ్లు ప్రభుత్వానికి అందజేస్తామని నారాయణ తెలిపారన్నారు. మంత్రి కొండపల్లి శ్రీనివాస్‌ మాట్లాడుతూ ప్రపంచ స్థాయి రాజధానికి మంచి ప్రణాళిక తో ముందుకెళ్తున్నామన్నారు. పలువురు సీఆర్డీయే అధికారులు, ఇంజినీరింగ్‌ సిబ్బంది పాల్గొన్నారు.

పెదకాకాని: శివాలయంలో జరుగుతున్న పవిత్రోత్సవాలు భక్తిశ్రద్ధలతో కొనసాగుతున్నాయి. శ్రీ మల్లేశ్వరస్వామి దేవస్థానంలో నిర్వహిస్తున్న పవిత్రోత్సవాలలో భాగంగా రెండో రోజు బుధవారం ఉదయం పవిత్ర సమర్పణ, విశేష ద్రవ్యహోమం, పూర్ణాహుతి, ఉపచారం, మంత్రపుష్పం, హారతి, విబూది, కుంకుమ ప్రసాద వితరణలు తదితర కార్యక్రమాలను ఆలయ స్థానాచార్యులు, ప్రధాన అర్చక, వేద పండితులు ఆధ్వర్యంలో నిర్వహించారు. చివరి రోజు గురువారం ఉదయం ప్రత్యేక కార్యక్రమాలు ఉంటాయని ఆలయ ఉప కమిషనరు గోగినేని లీలాకుమార్‌, పాలకమండలి చైర్మన్‌ కోసూరి పూర్ణచంద్రరావులు తెలిపారు. ఆలయ అధికారులు, కోసూరి పూర్ణచంద్రరావు దంపతులు, బండారు మల్లేశ్వరి దంపతులు, వుల్లం రాజేశ్వరి దంపతులు, ధూపాటి శివశంకరరావు, బైరపనేని ధనలక్ష్మి దంపతులు, ఎక్స్‌ అఫీషియో సభ్యులు పేటేటి ధన మహేశ్వర ప్రసాద్‌, భక్తులు పాల్గొన్నారు.

గుంటూరు ఎడ్యుకేషన్‌: నాలుగేళ్ల వయసులోనే అరుదైన జన్యుపరమైన వ్యాధికి గురైన చిన్నారిని సంపూర్ణ ఆరోగ్యవంతుడిగా తీర్చిదిద్దేందుకు మనసున్న దాతలు ముందుకు రావాలని మాస్టర్‌మైండ్స్‌ విద్యాసంస్థల అడ్మిన్‌ అడ్వైజర్‌ మట్టుపల్లి మోహన్‌ పేర్కొన్నారు. బుధవారం బ్రాడీపేటలోని మాస్టర్‌మైండ్స్‌ కార్యాలయంలో జరిగిన మీడియా సమావేశంలో మట్టుపల్లి మోహన్‌ మాట్లాడుతూ తమ వద్ద సీఏ అభ్యసించి తెనాలిలో స్థిరపడిన హరీష్‌, బాల నవ్య శ్రీ దంపతుల నాలుగేళ్ల కుమారుడు అశ్వత్‌ గరుదత్‌ జన్యుపరమైన అరుదైన కండరాల వ్యాధి డీఎండీ (డ్యూచెన్‌ మస్కులర్‌ డిస్ట్రోఫీ)కి గురై తీవ్ర అనారోగ్యంతో ఉన్నాడని చెప్పారు. ఈ వ్యాధిని నయం చేసేందుకు అమెరికాలోనే ఉండే ఇంజక్షన్‌ ఖరీదు 26 కోట్ల రూపాయలు అవుతుందని, అంత శక్తి లేని ఆ కుటుంబాన్ని కేంద్ర, రాష్ట్ర ప్రభుత్వాలు, వివిధ రాజకీయ పార్టీలు, సభ్య సమాజం ఆదుకోవాలని విజ్ఞప్తి చేశారు. సీఏ విద్యను పూర్తి చేసుకున్న మాస్టర్‌మైండ్స్‌ పూర్వ విద్యార్థులైన తల్లిదండ్రులు తెనాలిలో వృత్తిని కొనసాగిస్తున్నారని చెప్పారు. నాలుగేళ్ల వయసు గల కుమారుడు అశ్వత్‌ గురుదత్‌ అనారోగ్యానికి గురి కావడంతో గత ఏడాది బెంగళూరులోని శివాన్సీ న్యూరో మెడికేర్‌ ఆసుపత్రిలో వైద్య పరీక్షలు చేయించగా అరుదైన వ్యాధి బయటపడిందన్నారు. మాస్టర్‌ మైండ్స్‌ అధ్యాపకులు, యాజమాన్యం, విద్యార్థులు సంయుక్తంగా ఆర్థిక సహాయాన్ని అందించామని చెప్పారు. అదే విధంగా వేర్వేరు మార్గాల ద్వారా ఇప్పటి వరకూ రూ.3.11కోట్లు వచ్చాయని చెప్పారు. అయినప్పటికీ రూ.26 కోట్ల భారం మోయలేని పరిస్థితుల్లో సోషల్‌ మీడియాతో పాటు మీడియా ద్వారా దయా హృదయులైన దాతలకు, ప్రభుత్వాలకు విజ్ఞప్తి చేస్తున్నారని తెలిపారు. పునర్విక శ్రీ అనే బాలికకు ప్రభుత్వం సాయం చేసిన విధంగా అశ్వత్‌ గురుదత్‌కు పునర్జన్మ ప్రసాదించాలని కోరుతున్నామన్నారు. కార్పొరేట్‌ సంస్థలు సామాజిక సేవా కార్యక్రమాలకు చేపట్టేందుకు కేటాయించే సీఎస్‌ఆర్‌ నిధులను బాలుడి వైద్యానికి అందించాలని కోరారు. దాతలు తమ విరాళాలను ఫోన్‌ పే నెంబర్‌ 9700 365341కు పంపాలని తల్లిదండ్రులు హరీష్‌, నవ్య శ్రీ విజ్ఞప్తి చేశారు.

గుంటూరు రూరల్‌: వ్యక్తి తీవ్రగాయాలతో రోడ్డు పక్కన పడి ఉండి, అనంతరం చికిత్స పొందుతూ మృతిచెందిన సంఘటన బుధవారం జరిగింది. నల్లపాడు పోలీసులు తెలిపిన వివరాల మేరకు.. బుడంపాడు గ్రామ శివారులో గల పోగాకు గోడౌన్‌ వద్ద సుమారు 35 నుంచి 40 సంవత్సరాల వయసు గల వ్యక్తి గుర్తు తెలియని వ్యక్తి తీవ్ర రక్తగాయాలతో ఉన్నట్లు స్థానికులు ఇచ్చిన సమాచారం మేరకు ఘటనస్థలానికి వెళ్లి పరిశీలించినట్లు తెలిపారు. ఏదైనా గుర్తుతెలియని వాహనం ఢీకొనడం వల్ల గాయాలైనట్లు భావిస్తున్నట్లు తెలిపారు. చికిత్స నిమిత్తం జీజీహెచ్‌కు తరలించగా చికిత్స పొందుతూ మృతి చెందాడన్నారు. మృతదేహాన్ని పోస్ట్‌మార్టం నిమిత్తం జీజీహెచ్‌ మార్చురీకి తరలించామని, మృతుడు బ్లాక్‌ కలర్‌ చొక్కా, బ్లాక్‌ ప్యాంట ధరించి ఉన్నాడన్నారు. చుట్టుపక్కల వారిని విచారించగా ఇతను భిక్షాటన చేస్తూ ఉంటాడని తెలిసింది. మృతుడి ఆచూకీ తెలిసినవారు నల్లపాడు పోలీస్‌ స్టేషన్‌కు గానీ లేదా 8688831376, 8688831607 సెల్‌ నంబర్లలో గానీ సంప్రదించాలన్నారు.

● ఎన్‌సీడీ–సీడీ సర్వేలో బయటపడుతున్న వాస్తవాలు ● ముందస్తు జాగ్రత్తలతో వ్యాధి కట్టడికి అవకాశం క్యాన్సర్‌ అవగాహన ర్యాలీ నిర్వహిస్తున్న వైద్యులు, వైద్య సిబ్బంది (ఫైల్‌) క్యాన్సర్‌... ఈ పేరు వింటేనే ప్రతి ఒక్కరిలో వణుకు పుడుతుంది. పూర్వం రాచపుండుగా పిలువబడే క్యాన్సర్‌ సోకితే మరణమే అనే భావన చాలా మందిలో ఉంది. నేడు పల్లె, పట్నం అనే తేడా లేకుండా జిల్లా వ్యాప్తంగా క్యాన్సర్‌ కేసులు చాపకింద నీరులా నమోదవుతున్నాయి. ఆధునిక జీవనశైలి వల్లే కేసుల సంఖ్య పెరిగిపోతుందని వెద్య నిపుణులు చెబుతున్నారు.

మంగళగిరి రూరల్‌: పచారీ షాపులో కావలసిన సరుకులు కట్టించుకొని అనంతరం షాపు నిర్వహిస్తున్న వృద్ధురాలపైనే కత్తితో దాడి చేసిన ఘటన మంగళగిరి పట్టణం కొత్తపేటలో బుధవారం చోటు చేసుకుంది. స్థానికుల సమాచారం ప్రకారం కొత్తపేటలో నిర్మల జూనియర్‌ కాలేజ్‌ ఎదుట వాడపల్లి శ్రీలక్ష్మి అనే వృద్ధురాలు (60) భర్త చనిపోవడంతో ఒంటరిగానే జీవనం కొనసాగిస్తూ పచారీ దుకాణం నిర్వహిస్తుంది. ఇంటినే షాపుగా మార్చుకొని వ్యాపారం చేసుకుంటుంది. రోజు లాగానే మధ్యాహ్నం సుమారు రెండున్నర గంటలకు ఓ గుర్తు తెలియని యువకుడు షాపులోకి వచ్చి కావాల్సిన వస్తువులన్నీ కట్టించుకున్నారు. ఆ యువకుడు ఏదో వస్తువు అడిగితే ఆమె షాపులోపలికి వెళ్లిందని ఇతను కూడా ఆమెతో పాటే లోపల కు వెళ్లాడని ఆ తర్వాత యువకుడు కూరగాయల కోసే కత్తితో వీపు భాగంలో పొడిచి పారిపోయాడని స్థానికులు తెలిపారు. బహుశా యువకుడు బంగారం కోసమో, నగదు కోసమో వచ్చి ఉంటాడని అందుకే ఆమెను అనుసరించి షాపులోపలికి వెళ్లాడని, అక్కడ నగదు కాని బంగారం కాని దొరకపోవటంతో ఆమె కేకలు వేసేసరికి చేసేది లేక అక్కడే ఉన్న కూరగాయల కోసే కత్తితో పొడిచి పారిపోయి ఉంటాడని వారు అంటున్నారు. ఆమె బయటకు వచ్చి కేకలు వేయడంతో రక్తపు మడుగులో ఉన్న ఆమెను హుటాహుటిన విజయవాడ గవర్నమెంట్‌ హాస్పిటల్‌కు తరలించారు ప్రస్తుతం ప్రాణాపాయం లేదని వైద్యులు తెలిపారు. పోలీసులు ఘటన స్థలానికి చేరుకొని చుట్టుపక్కల సీసీ కెమెరాలు పరిశీలించి దర్యాప్తును వేగవంతం చేసారు. పట్టపగలే కత్తితో వృద్ధురాలపై దాడి చేయడంతో స్థానికులు విస్మయం వ్యక్తంచేస్తూ భయాందోళనలకు గురయ్యారు.

ప్రిన్సిపల్‌ సెక్రటరీ జె.శ్యామలరావు సూచన తాడికొండ: స్వాతంత్య్ర దినోత్సవాలకు పక్కా ఏర్పాట్లు చేయాలని ప్రిన్సిపల్‌ సెక్రటరీ జె. శ్యామలరావు ఆదేశించారు. గుంటూరు జిల్లా తుళ్లూరు మండలం రాయపూడిలోని మినిస్టర్స్‌ క్వార్టర్స్‌ వెనుక ఉన్న పరేడ్‌ గ్రౌండ్‌లో బుధవారం ప్రభుత్వ ప్రిన్సిపల్‌ సెక్రటరీ (పొలిటికల్‌) జె. శ్యామలరావు, గుంటూరు జిల్లా కలెక్టర్‌ సాయికాంత్‌ వర్మ, జిల్లా ఎస్పీ వకుల్‌ జిందాల్‌తో కలిసి ఉన్నతస్థాయి అధికారుల సమీక్ష సమావేశం నిర్వహించి, క్షేత్రస్థాయిలో పరిశీలన చేశారు. కార్యక్రమానికి రాష్ట్ర గవర్నర్‌, ముఖ్యమంత్రి, ఇతర ముఖ్య ప్రజాప్రతినిధులు, ఉన్నతాధికారులు హాజరుకానున్న నేపథ్యంలో ఏర్పాట్ల పురోగతి, భద్రత, ట్రాఫిక్‌, రహదారుల సదుపాయాలపై శ్యామలరావు అధికారులతో సమగ్రంగా చర్చించారు. ఆయన మాట్లాడుతూ పరేడ్‌ గ్రౌండ్‌ పరిసరాల్లో ఎటువంటి లోటుపాట్లు లేకుండా కట్టుదిట్టమైన పోలీసు బందోబస్తు, నిఘా, సీసీ కెమెరాల పర్యవేక్షణ ఏర్పాటు చేయాలని సూచించారు. ట్రాఫిక్‌ – పార్కింగ్‌ విషయమై వేడుకలకు వచ్చే వీఐపీలు, అధికారులు, సాధారణ ప్రజలకు వేర్వేరుగా వాహన పార్కింగ్‌ స్థలాలను కేటాయించాలని కోరారు. ట్రాఫిక్‌ చిక్కులు లేకుండా మళ్లింపు ప్రణాళికను సిద్ధం చేయాలని ఆదేశించారు. అత్యవసర వైద్య సహాయం కోసం గ్రౌండ్‌ వద్ద ప్రత్యేక మెడికల్‌ క్యాంపులు, అంబులెన్సులను సిద్ధంగా ఉంచాలని డీఎంహెచ్‌ఓను కోరారు. సమావేశంలో ఏపీ సీఆర్డీఏ కమిషనర్‌ కాటమనేని విజయ రామరాజు, అడిషనల్‌ కమిషనర్‌ భార్గవ తేజ, గుంటూరు జాయింట్‌ కలెక్టర్‌ అశుతోష్‌ శ్రీవాస్తవ, నగర పాలక సంస్థ కమిషనర్‌ మయూర్‌ అశోక్‌, అడిషనల్‌ ఎస్పీ ఏటీవీ రవికుమార్‌, జిల్లా సరఫరాల శాఖ అధికారి కోమలి పద్మావతి, ఆర్డీఓ శ్రీనివాసరావు పాల్గొన్నారు.

మంగళగిరి రూరల్‌: మండల పరిధిలోని బేతపూడిలోని అమృత యూనివర్సిటీ స్నాతకోత్సవం బుధవారం ఘనంగా నిర్వహించారు. భారత మాజీ ఉప రాష్ట్రపతి ముప్పవరపు వెంకయ్య నాయుడు, విద్యా, ఐటీ శాఖ మంత్రి నారా లోకేష్‌ ముఖ్య అతిథులుగా హాజరయ్యారు. మాజీ ఉప రాష్ట్రపతి ఎం.వెంకయ్యనాయుడు మాట్లాడుతూ ప్రకృతిని ప్రేమించడం, కుటుంబ విలువలను కాపాడుకోవడం, దేశాభివృద్ధిలో భాగస్వాములు కావడం ద్వారా యువత తమ జీవితాన్ని విజయవంతం చేసుకోవచ్చని సూచించారు. ప్రతి ఒక్కరూ సమయాన్ని సద్వినియోగం చేసుకుని కష్టపడి పనిచేయాలన్నారు. కుటుంబ వ్యవస్థే భారతదేశానికి ప్రపంచవ్యాప్తంగా ప్రత్యేక గుర్తింపు తీసుకొచ్చిందన్నారు. మంత్రి నారా లోకేష్‌ మాట్లాడుతూ విశ్వవిద్యాలయాలను పరిశ్రమలను మరింత దగ్గర చేస్తున్నామని, ఆవిష్కరణలకు ప్రోత్సహిస్తున్నామని చెప్పారు. విద్య అంటే కేవలం వృత్తిపరమైన జీవితాన్ని నిర్మించుకోవడం మాత్రమే కాదని వ్యక్తిత్వ వికాసానికి సంబంధించిందని అన్నారు. అమృత విశ్వ విద్యాపీఠం అమృత యూనివర్సిటీ ఎగ్జిక్యూటివ్‌ డైరెక్టర్‌ విజయేంద్రజీ, అడ్మినిస్ట్రేటివ్‌ డైరెక్టర్‌ స్వామి నిజామృతానందపురిజీ, అమరావతి క్యాంపస్‌ రిజిస్ట్రార్‌ విపిన్‌ నాయర్‌, డీన్‌ సీకే జయశంకర్‌ పాల్గొన్నారు.

పెదకూరపాడు: పట్టపగలు ఇంట్లోకి ప్రవేశించి దంపతులపై కత్తితో దాడి చేసిన ఘటనలో భార్య మృతి చెందింది. భర్త పరిస్థితి విషమంగా ఉంది. ఈ ఘటన పెదకూరపాడు గ్రామంలో సంచలనం సృష్టించింది. స్థానికులు, పోలీసుల కథనం ప్రకారం.. పెదకూరపాడు గ్రామంలోని దామచర్ల పాలెం కాలనీలో నివాసం ఉంటున్న అవ్వారి బాల గురవయ్య, అరుణ దంపతుల ఇంటికి ఆధార్‌ కార్డు వెరిఫికేషన్‌ నిమిత్తం అంటూ గుర్తుతెలియని వ్యక్తులు వచ్చారు. ఇంట్లోకి ప్రవేశించి ఆధార్‌ కార్డు తీసుకురావాలని చెప్పారు. బాల గురవయ్య తెస్తున్న సమయంలో ఒక్కసారిగా కత్తితో దాడి చేశారు. తలపై గట్టిగా మోదగా అక్కడికక్కడే స్పృహ తప్పి పడిపోయారు. అనంతరం ఓ దుండగుడు ఇంట్లోకి వెళ్లి అరుణ (45)పై దాడి చేసి కత్తితో గొంతు కోశాడు. ఆమె కేకలు వేసుకుంటూ ఇంటి బయటకి పరుగులు తీసుకుంటూ వచ్చి ప్రాణాలు కోల్పోయింది. స్థానికులు కొందరు బాల గురువయ్యను పెదకూరపాడు సామాజిక ఆరోగ్య కేంద్రానికి తరలించారు. పెదకూరపాడు డీఎస్పీ కృష్ణ చైతన్య, సీఐ నాగరాజు ఘటనా స్థలానికి చేరుకొని డాగ్‌స్క్వాడ్‌, క్లూస్‌ టీమ్‌ను పిలిపించారు. ఇటీవల బాల గురవయ్య తన పొలం అమ్మినట్టు స్థానికులు తెలిపారు. బాల గురవయ్య మొదటి భార్య పదిహేను సంవత్సరాల క్రితమే మృతి చెందింది. అనంతరం కృష్ణా జిల్లా నర్తనశాలకు చెందిన అరుణను రెండో వివాహం చేసుకున్నారు. అరుణకు కూడా ఇది రెండో పెళ్లి. అప్పటికే ఆమెకు ఇద్దరు కుమార్తెలు ఉన్నారు. బాల గురవయ్య మొదటి భార్య, ఆమె కుమార్తె కూడా పాము కాటుకు గురై గతంలో మృతి చెందారు.

లక్ష్మీపురం: గుంటూరు సెంట్రల్‌ జీఎస్టీ కమిషనరేట్‌ కమిషనర్‌ అరుణ్‌ రిచర్డ్‌ సారథ్యంలో ‘టౌన్‌ అఫీషియల్‌ లాంగ్వేజ్‌ ఇంప్లిమెంటేషన్‌ కమిటీ’ (టోలీక్‌) హిందీ సమావేశం బుధవారం గుంటూరు కన్నవారితోటలోని జీఎస్టీ భవన్‌లో జరిగింది. కేంద్ర ప్రభుత్వ కార్యాలయాల దైనందిన కార్యకలాపాల్లో హిందీ వినియోగాన్ని ప్రోత్సహించడం, అధికారుల్లో హిందీపై పని పరిజ్ఞానాన్ని పెంపొందించడం అనే లక్ష్యంతో ఈ కార్యక్రమాన్ని నిర్వహించారు. గుంటూరులో పనిచేస్తున్న వివిధ కేంద్ర ప్రభుత్వ కార్యాలయాలకు చెందిన అధికారులు, సిబ్బంది పాల్గొన్నారు. అధికారిక హిందీలో నైపుణ్యాన్ని మెరుగుపరచుకునే ఆచరణాత్మక పద్ధతులపై సమావేశంలో చర్చించారు. ముందుగా గుంటూరు సెంట్రల్‌ జీఎస్టీ ఇన్‌స్పెక్టర్‌ సునీల్‌ చౌదరి అధికార భాషా చట్టం తదితరాలను వివరించారు. పలువురు తమ సందేహాలను నివృత్తి చేసుకోవడంతోపాటు అధికార భాష అమలుపై అవగాహనను బలోపేతం చేసుకున్నారు. ఈ సందర్భంగా జీఎస్టీ జాయింట్‌ కమిషనర్‌ దేవ్‌కుమార్‌ రిజ్వాని మాట్లాడుతూ, హిందీ వినియోగం కేవలం అధికార భాషకు సంబంధించిన రాజ్యాంగ, చట్టపరమైన నిబంధనలను నెరవేర్చడమే కాకుండా, పరిపాలనా సామర్థ్యాన్ని పెంచడమన్నారు. ప్రజలకు మరింత చేరువ కావడానికి కూడా దోహదపడుతుందన్నారు. అధికారులకు సెంట్రల్‌ జీఎస్టీ సూపరింటెండెంట్‌ హెయర్‌ బాబు కృతజ్ఞతలు తెలిపారు. కేంద్ర ప్రభుత్వ అధికారులు రవీంద్రనాథ్‌, అశుతోష్‌, అమృత్‌ రాజ్‌, శశిదాస్‌, ఆనందగోపాల్‌, చంద్రవర్మ, నీరజ్‌, రవి, శ్యాంప్రకాశ్‌, అమిత్‌, చక్రధర్‌, రాజేష్‌, ప్రణిత, ఫణి తదితరులు పాల్గొన్నారు.

పెదకాకాని: అక్రమంగా కోడె దూడలను తరలిస్తున్న వారిపై కేసు నమోదు చేసినట్లు పోలీసులు తెలిపారు. పోలీసుల కథనం ప్రకారం శ్రీకాకుళం జిల్లా కోటబొమ్మాళి సంత నుంచి మంగళవారం కోడె దూడల లోడుతో కంటైనర్‌ లారీ నెల్లూరు జిల్లా సూళ్ళూరుపేట బయలు దేరింది. ఈ లారీ రాత్రి 9 గంటలకు పెదకాకాని వై జంక్షన్‌కు చేరుకునే సరికి అనుమానం వచ్చిన పోలీసులు తనిఖీ చేయడంతో అక్రమంగా 35 కోడె దూడలను తరలిస్తున్నట్లు గుర్తించి లారీని పోలీసుస్టేషన్‌కు తరలించారు. ప్రాథమిక విచారణలో మణికంఠ, జమి రాజశేఖర్‌, ఐనవోలు హరిప్రసాద్‌లు గత కొంతకాలంగా అక్రమంగా పశువులను తరలిస్తున్నట్లు వెల్లడైంది. జిల్లెళ్లగూడెంకు చెందిన డ్రైవర్‌ సింహాద్రిని అదుపులోకి తీసుకున్నారు. మానవతా ధృక్పదంతో స్పందించిన పోలీసులు బుధవారం మధ్యాహ్నం కంటైనర్‌ లారీలో ఉన్న కోడె దూడలను కాళీగార్డెన్స్‌ సమీపంలో ఉన్న గేదెల షెడ్డుకు తరలించి పశుగ్రాసం, నీరు అందించేలా చర్యలు తీసుకున్నారు. కోడెదూడలను తరలిస్తున్న మణికంఠ, జమి రాజశేఖర్‌, ఐనవోలు హరిప్రసాద్‌లతో పాటు మరికొందరిపై కేసు నమోదు చేసి దర్యాప్తు చేస్తున్నట్లు పెదకాకాని సీఐ టీపీ నారాయణస్వామి తెలిపారు.

ప్రత్తిపాడు: ప్రత్తిపాడు మండలం నడింపాలెంలో మంగళవారం కేంద్ర బృందం పర్యటించింది. స్థానిక 16వ నంబరు జాతీయ రహదారి వెంబడి ఉన్న 149/4 సర్వే నంబరులో 15 ఎకరాల ప్రభుత్వ భూమిని ఆయుష్‌ ఆస్పత్రితోపాటు అనుబంధ సంస్థలకు కేటాయించేందుకు ప్రతిపాదనలు పంపారు. ఈ నేపథ్యంలో ఢిల్లీ నుంచి సెంట్రల్‌ కౌన్సిల్‌ ఫర్‌ రీసెర్చ్‌ ఇన్‌ యోగా అండ్‌ నేచురోపతి (సీసీఆర్‌వైఎన్‌) డైరెక్టర్‌ డాక్టర్‌ జ్యోతి కేశ్వాని, ఆయుష్‌ మంత్రిత్వ శాఖ సీనియర్‌ ప్రాజెక్టు మేనేజర్‌–కన్సల్టెంట్‌ ప్రమోద్‌ వర్మ, పరిశోధన అధికారి డాక్టర్‌ ఎన్‌.వి. జ్ఞానదీప్‌ తటావర్తిల బృందం ప్రతిపాదిత స్థలాన్ని గుంటూరు జిల్లా కలెక్టర్‌ సీఎం. సాయికాంత్‌ వర్మతో కలిసి పరిశీలించింది. స్థల స్వభావం, విస్తీర్ణం, హద్దులు, రోడ్డు మార్గం తదితర అంశాలను బృంద సభ్యులకు కలెక్టర్‌ వివరించారు. ప్రతిపాదిత స్థలం పక్కనే వాగు ఉండటంతో వరదల సమయంలో వరద నీరు ఆస్పత్రిలోకి వచ్చే అవకాశం ఉందని, అలానే నిర్దేశిత భూమిలో ఒక రైతుకి చెందిన పట్టా భూమి ఉందని బృంద సభ్యులు ప్రస్తావించారు. స్పందించిన జిల్లా కలెక్టర్‌ ఈ స్థలంలో ఆస్పత్రి నిర్మాణానికి అంగీకారం తెలిపితే వారం రోజుల్లో సమస్య పరిష్కరించి భూమి అప్పగిస్తామని చెప్పారు. వరద సమస్య లేకుండా కాంక్రీట్‌ డ్రైన్‌ నిర్మాణం చేపట్టి అందజేస్తామని కలెక్టర్‌ వివరించారు. సాధ్యమైనంత త్వరగా స్థలాన్ని ఫైనల్‌ చేసి టెండర్ల ప్రక్రియ ప్రారంభించాలని రాష్ట్ర ఆరోగ్యశాఖ జాయింట్‌ సెక్రటరీ, ఆయుష్‌ విభాగం డైరెక్టర్‌ రోనంకి గోపాలకృష్ణ కేంద్ర బృందాన్ని కోరారు. కార్యక్రమంలో ప్రత్తిపాడు ఎమ్మెల్యే బూర్ల రామాంజనేయులు, గుంటూరు ఆర్డీవో కె.శ్రీనివాసరావు, ప్రత్తిపాడు తహసీల్దార్‌ కె.వెంకటేశ్వరరావు, ఆయా శాఖల అధికారులు పాల్గొన్నారు.

గుంటూరు లీగల్‌: కేసుల సత్వర పరిష్కారానికి మధ్యవర్తిత్వం ఎంతగానో ఉపయోగపడుతుందని.. కక్షిదారులకు సమయం, డబ్బు ఆదా అవుతాయని జిల్లా ప్రధాన న్యాయమూర్తి, గుంటూరు జిల్లా న్యాయ సేవాధికార సంస్థ చైర్మన్‌ బి.సాయి కల్యాణ్‌ చక్రవర్తి అన్నారు. మధ్యవర్తిత్వంపై ప్రజల్లో మరింత అవగాహన పెంపొందించడానికి కృషి చేయాలని అన్నారు. దేశం కోసం మధ్యవర్తిత్వం 3.0 కార్యక్రమంలో భాగంగా జిల్లాలోని స్టేక్‌ హోల్డర్స్‌ (బ్యాంకు, ఫైనాన్సియల్‌ సంస్థలు, బీమా కంపెనీల అడ్వకేట్లు)కు మంగళవారం జిల్లా కోర్టులో అవగాహన సదస్సు నిర్వహించారు. మధ్యవర్తిత్వం, స్టాండర్డ్‌ ఆపరేటింగ్‌ ప్రొసీజర్‌ గురించి అవగాహన కల్పించారు. కార్యక్రమంలో జిల్లా న్యాయ సేవాధికార సంస్థ కార్యదర్శి సయ్యద్‌ జియాఉద్దీన్‌, బ్యాంకు, ఫైనాన్సియల్‌ సంస్థలు, బీమా కంపెనీ అడ్వకేట్లు, పిటిషనర్‌ అడ్వకేట్లు పాల్గొన్నారు. రాష్ట్ర గృహ నిర్మాణ సంస్థ ఎండీ నరసరావుపేట: పీఎంఏవై.20 కింద గృహ నిర్మాణాలు చేపట్టిన లబ్ధిదారులకు వెంటనే బిల్లులు చెల్లించాలని రాష్ట్ర గృహ నిర్మాణ సంస్థ మేనేజింగ్‌ డైరెక్టర్‌ పి.అరుణ్‌బాబు ఆదేశించారు. నరసరావుపేట, వినుకొండ ప్రాంతాల్లో అధికారులతో కలిసి నిర్మాణంలో ఉన్న గృహాలను మంగళవారం పరిశీలించారు. స్థానిక 33వ వార్డులో లబ్ధిదారులు ఇళ్లను త్వరగా నిర్మాణం పూర్తి చేసి అధికారులతో బిల్లులు పెట్టించుకోవాలని సూచించారు. అనంతరం వినుకొండ పట్టణంలోని 10వ వార్డులో గృహాలను తనిఖీ చేశారు. జాప్యం లేకుండా బిల్లులు చెల్లించాలని అధికారులను ఆదేశించారు. గృహ నిర్మాణశాఖ ఎస్‌ఈ ఎం.కృష్ణయ్య, జిల్లా అధికారి యూవీఎన్‌వీ ప్రసాద్‌, నరసరావుపేట కార్యనిర్వాహక శాఖ అధికారి బి.శివలింగం, ఉపకార్యనిర్వాహక ఇంజినీరు కె.సాంబయ్య, అసిస్టెంట్‌ ఇంజినీర్లు, వార్డు ఎమినిటీలు పాల్గొన్నారు. ప్రత్తిపాడు: గుంటూరు ఐజీ సర్వ శ్రేష్ట త్రిపాఠి మంగళవారం సాయంత్రం ప్రత్తిపాడు పోలీస్‌ స్టేషనును ఆకస్మికంగా తనిఖీ చేశారు. స్టేషన్‌లో రికార్డులను పరిశీలించారు. పెండింగ్‌లో ఉన్న కేసులు, వాటి పురోగతి వివరాలను ఎస్‌ఐ కె.నరహరిని అడిగి తెలుసుకున్నారు. స్టేషన్‌ పరిసరాలతోపాటు రిసెప్షన్‌ సెంటర్‌ను పరిశీలించారు. సిబ్బంది, మహిళా పోలీస్‌లతో మాట్లాడి మెరుగైన పోలీసింగ్‌పై దిశానిర్దేశం చేశారు. తదనంతరం ప్రత్తిపాడు సర్కిల్‌ కార్యాలయాన్ని పరిశీలించారు. ఐజీ మీడియాతో మాట్లాడారు. పోలీస్‌ స్టేషనులో పబ్లిక్‌కు ఫ్రెండ్లీ ఓరియెంటెడ్‌ ఉందా, ప్రజలకు న్యాయం జరుగుతుందా, పోలీస్‌ అధికారులు ఎలా పనిచేస్తున్నారనే అంశాలను పరిశీలించేందుకు ఆకస్మిక తనిఖీ చేపట్టినట్లు తెలిపారు. ఐజీ వెంట గుంటూరు సౌత్‌ జోన్‌ డీఎస్పీ జి.పూర్ణచంద్రరావు, ప్రత్తిపాడు సీఐ పి.సుబ్బారావు తదితర అధికారులు ఉన్నారు. వినుకొండ: అప్పుల బాధ, పోలీసుల వేధింపులు తాళలేక ఓ యువకుడు సెల్ఫీ వీడియో తీసుకొని ఆత్మహత్యాయత్నానికి పాల్పడిన ఘటన పల్నాడు జిల్లా బొల్లాపల్లి మండలం గంగులపాలెంలో చోటుచేసుకుంది. గ్రామానికి చెందిన సూరిబోయిన వెంకటేశ్వర్లు తండ్రి, తల్లి, తమ్ముడు అప్పులు చేసి ఊరు విడిచి వెళ్లిపోయారు. గ్రామంలో ఉన్న వెంకటేశ్వర్లును పోలీసులు స్టేషన్‌కు పిలిపించి వేధిస్తుండడంతో, మనస్తాపానికి గురై ఎలుకల పేస్ట్‌ తిని ఆత్మహత్యాయత్నం చేశాడు. అంతకుముందు తన బాధను సెల్ఫీ వీడియోలో తెలిపాడు. బంధువులు అతడిని మెరుగైన చికిత్స నిమిత్తం గుంటూరు తరలించారు.

అధికార పార్టీ నేతల కుట్రలతో ఓట్లు గల్లంతు సాక్షి ప్రతినిధి, గుంటూరు: ఓటరు జాబితా ప్రత్యేక సమగ్ర సవరణ (ఎస్‌ఐఆర్‌) ప్రక్రియను తమకు అనుకూలంగా మలుచుకున్న అధికార పార్టీ నేతలు అక్రమాలకు పాల్పడ్డారు. వైఎస్సార్‌ సీపీ నేతలు, వారి మద్దతుదారుల ఓట్ల తొలగింపే ధ్యేయంగా కుయుక్తులు పన్నారు. ఇలా పొన్నూరు మండలం మన్నవ గ్రామంలో ఏకంగా నాలుగు వందలకుపైగా వైఎస్సార్‌ సీపీ మద్దతుదారుల ఓట్లను తొలగించిన ఘటన వెలుగులోకి వచ్చింది. గ్రామానికి చెందిన అధికార పార్టీ నేత ఇచ్చిన ఫిర్యాదుతో ఎటువంటి విచారణ లేకుండానే ఓట్ల తొలగింపునకు బీఎల్‌వోలు పాల్పడ్డారంటే పరిస్థితి ఏ స్థాయిలో దిగజారిందో అర్థం చేసుకోవచ్చు. 167, 168 బూత్‌లలో 190 మంది ఓట్లు తొలగించడం గమనార్హం. గ్రామంలో కాకుండా మండల కేంద్రంలో ఉంటున్నారనే ఒకే ఒక్క కారణంతో వీరి ఓట్లను తొలగించే కుట్రకు అధికార పార్టీ నేతలు తెరతీశారు. స్థానిక ఎమ్మెల్యే ధూళిపాళ్ల నరేంద్ర ఆయన స్వగ్రామంలో కాకుండా జిల్లా కేంద్రమైన గుంటూరులో, ఆయన కుమార్తెలు హైదరాబాద్‌లో నివాసం ఉంటున్నప్పటికీ వారి ఓట్లు తొలగించలేదు. అదే అధికారులు... నియోజకవర్గంలోనే ఉంటున్న వారి ఓట్లను మాత్రం తొలగించడంపై విమర్శలు వస్తున్నాయి. మన్నవలోనే కాకుండా అనేక గ్రామాల్లో సైతం ఇలాగే కుట్రపూరితంగా ఓట్లు తొలగిస్తున్నారనే ఆరోపణలు వెల్లువెత్తుతున్నాయి. ఓటర్లు అప్రమత్తంగా లేకపోతే అధికార పార్టీ చేసే ఓటు చోరీలో పలువురి ఓట్లు పోతాయనే అభిప్రాయాలు వ్యక్తమవుతున్నాయి. అంతా అడ్డగోలుగానే... గ్రామానికి చెందిన మాజీ ఎంపీపీ, మాజీ ఏఎంసీ చైర్మన్‌ బొనిగల వేణుప్రసాద్‌ ఓటు గల్లంతు అయింది. ప్రస్తుత మాజీ సర్పంచ్‌ ఓటు ఉంచి, ఆయన భార్య బొనిగల సుభాషిణి ఓటు తొలగించారు. అదేవిధంగా ప్రస్తుత మన్నవ ఎంపీటీసీ ఓటు ఉంచిన అధికారులు... ఆయన భార్య బొనిగల దేవి, కుమారుడు బొనిగల అభినాగ్‌ పేర్లను ఓటరు జాబితా నుంచి తొలగించారు. వీరితో పాటు గ్రామానికి చెందిన సుమారు 400 మంది వైఎస్సార్‌సీపీ మద్దతుదారుల ఓట్లు ఇష్టానుసారంగా తొలగించిన వైనం బయటపడింది. వీరంతా మండల కేంద్రమైన పొన్నూరులో ఉపాధి, వ్యాపారాలు చేసుకుంటూ జీవనం సాగిస్తున్నారు. వీరి ఇళ్లు, ఆధార్‌ కార్డులు, రేషన్‌ కార్డులు గ్రామంలోనే ఉన్నాయి. మూడు దశాబ్దాలుగా ఓటు హక్కు వినియోగించుకుంటున్నారు. అయినప్పటికీ అధికార పార్టీ నేతల ఒత్తిడితో వీరి ఓట్లను బీఎల్‌వోలు తొలగించడం గమనార్హం. బాధితులు ఎన్నికల కమిషన్‌కు, పీజీఆర్‌ఎస్‌లో సైతం ఫిర్యాదు చేసి ఓటు హక్కు కల్పించాలని కోరినప్పటికీ ఫలితం లేకుండా పోయింది.

గుంటూరు రూరల్‌: నగర శివారుల్లోని లాంఫాం వ్యవసాయ పరిశోధన స్థానం ఆచార్య ఎన్‌.జి. రంగా వ్యవసాయ విశ్వవిద్యాలయాన్ని ఫ్లోరిడా విశ్వవిద్యాలయానికి చెందిన ప్రముఖ శాస్త్రవేత్త గ్లోబల్‌ ఫుడ్‌ సిస్టమ్స్‌ ఇన్‌న్‌స్టిట్యూట్‌(జీఎఫ్‌ఎస్‌ఐ) పరిశోధన విభాగం సహా సంచాలకులు డాక్టర్‌ కాకాని విజయగోపాల్‌ మంగళవారం సందర్శించారు. ఉపకులపతి డాక్టర్‌ పీవీ సత్యనారాయణ ఇతర అధికారులతో కలిసి పర్యటించారు. అనంతరం రెండు విశ్వవిద్యాలయాల మధ్య ఇప్పటికే కుదిరిన అవగాహన ఒప్పందం ప్రకారం ఎంఓయూలను మార్చుకున్నారు. భవిష్యత్‌ సహకార అవకాశాలపై చర్చించారు. ఫ్లోరిడా రాష్ట్రంలోని వాతావరణ పరిస్థితులు, పంటల సాగు విధానాలు వ్యవసాయ వ్యవస్థలు భారతదేశంలోని అనేక ప్రాంతాల వ్యవసాయ పరిస్థితులతో సారూప్యతను కలిగి ఉండటంతో, అక్కడ అభివృద్ధి చేసిన సాంకేతికతలను భారతీయ పరిస్థితులకు అనుగుణంగా సమర్థంగా అనుసరించి అమలు చేయవచ్చని అభిప్రాయపడ్డారు. కృత్రిమ మేధ ఆధారిత అల్గారిథమ్‌లు, డిజిటల్‌ వ్యవసాయం, కచ్చిత వ్యవసాయం, వ్యవసాయ యాంత్రీకరణ రంగాల్లో ఫ్లోరిడా విశ్వవిద్యాలయం అభివృద్ధి చేసిన సాంకేతికతలను ఆంధ్రప్రదేశ్‌లో రైతుల అవసరాలకు అనుగుణంగా విస్తరించే అవకాశాలపై చర్చించారు. ఫ్లోరిడా విశ్వవిద్యాలయం అందిస్తున్న ఆనన్‌లైన్‌ కోర్సుల్లో ఎన్జీరంగా విద్యార్థులు, అధ్యాపకులు శాస్త్రవేత్తలు నమోదు చేసుకుని అంతర్జాతీయ ప్రమాణాల ధ్రువపత్రాలు పొందే అవకాశాలను కూడా వివరించారు.

పెదకాకాని: శ్రీ మల్లేశ్వరస్వామి వారి సన్నిధిలో పవిత్రోత్సవాలు వైభవంగా ప్రారంభమయ్యాయి. పెదకాకాని శివాలయంలో మూడు రోజుల పాటు జరిగే ఈ వేడుకలకు మంగళవారం ఆలయ స్థానాచార్యులు, ప్రధాన అర్చకులు, అర్చకస్వాములు, వేదపండితుల పర్యవేక్షణలో శ్రీకారం చుట్టారు. కార్యక్రమాలను ఆలయ ఉప కమిషనర్‌ గోగినేని లీలాకుమార్‌, చైర్మన్‌ కోసూరి పూర్ణచంద్రరావు, ధర్మకర్తలు పర్యవేక్షించారు. మొదటి రోజు ఉదయం పవిత్రములు గల వెదురుపేటికలతో యజ్ఞశాల ప్రదక్షిణ పూర్వకంగా యాగశాల ప్రవే శం, శివానుజ్ఞ, శ్రీ విఘ్నేశ్వరపూజ, పుణ్యాహవాచనం, పంచగవ్య పూజ, ప్రాశనం, రక్షాసూత్ర పూజ, ధారణ, బృత్విగ్వరణం, దీక్షాధారణ, అఖండ దీపస్థాపన, యాగేశ్వర కుంభస్థాపన పూజ, వాస్తు కుంభస్థాపన పూజ, వాస్తు శాంతి హోమం, బలి పర్యగ్నీకరణ, బలిహరణ, తీర్థప్రసాద వినియోగం జరిగింది. సాయంత్రం 5.30 గంటల నుంచి మంగళవాయిద్యాలు, చతుర్వేద పారాయణాలు, గోపూజ అనుజ్ఞ, విఘ్నేశ్వరపూజ, పుణ్యాహవాచనం, పంచగవ్యం, వాస్తుశాంతి, వాస్తు పర్యగ్నీకరణ, మృత్సంగ్రహణం, అంకురార్పణం, రక్షాబంధనం, మంత్రపుష్పం, హారతి, విభూతి, కుంకుమ ప్రసాద వితరణ జరిగినట్లు ఆలయ ఉప కమిషనర్‌ తెలిపారు. ఆయా కార్యక్రమాల్లో ఎక్స్‌అఫీషియో సభ్యుడు పేటేటి ధన మహేశ్వరప్రసాద్‌, ధర్మకర్తల మండలి సభ్యులు, స్థానాచార్యులు పొత్తూరి సాంబశివరావు, ప్రధాన అర్చకులు పొత్తూరి లక్ష్మీనారాయణ వరప్రసాదు, ఉప ప్రధాన అర్చకులు, అర్చకులు, వేద పండితులు పాల్గొన్నారు.

గుంటూరు లీగల్‌: గుంటూరు బార్‌ అసోసియేషన్‌ న్యాయవాదుల క్రికెట్‌ టోర్నమెంట్‌ను జిల్లా ప్రధాన న్యాయమూర్తి బి.సాయి కళ్యాణ్‌ చక్రవర్తి మంగళవారం ప్రారంభించారు. పోలీస్‌ పరేడ్‌ గ్రౌండ్‌లో పోటీలను తొలుత జిల్లా ప్రధాన న్యాయమూర్తి బ్యాటింగ్‌ చేయగా బార్‌ కౌన్సిల్‌ మెంబర్‌ ఒట్టిజొన్నల బ్రహ్మారెడ్డి బౌలింగ్‌ చేసి లాంఛనంగా ప్రారంభించారు. మొదటి మ్యాచ్‌లో ఈగల్‌ టీం తమ ప్రత్యర్థి ఇండియా లీగల్‌–11 జట్టుపై అద్భుత విజయాన్ని నమోదు చేసింది. ఈ మ్యాచ్‌లో అత్యుత్తమ ప్రదర్శన కనబరిచిన సచిన్‌ స్పార్క్‌కు మ్యాన్‌ ఆఫ్‌ ది మ్యాచ్‌ అవార్డు లభించింది. రెండవ మ్యాచ్‌లో 11 బుల్లెట్స్‌ జట్టు తమ ప్రత్యర్థి ప్రేమ్‌ చంద్‌ టీంపై విజయం సాధించింది. ఈ మ్యాచ్‌లో అత్యుత్తమ ఆటతీరుతో ఆకట్టుకున్న కె.ఆనంద్‌ మ్యాన్‌ ఆఫ్‌ ది మ్యాచ్‌ ఎంపికయ్యారు. కార్యక్రమంలో ఆంధ్రప్రదేశ్‌ బార్‌ కౌన్సిల్‌ సభ్యులు జి.శాంతకుమార్‌, వి.బ్రహ్మారెడ్డి, గుంటూరు బార్‌ అసోసియేషన్‌ అధ్యక్షుడు మధిర నాగేశ్వరరావు పాల్గొని క్రీడాకారులను అభినందించారు. తాడేపల్లి రూరల్‌: బకింగ్‌హామ్‌ కెనాల్‌లో దూకి గల్లంతైన విద్యార్థిని మృతదేహం మంగళవారం లభించింది. తాడేపల్లి పట్టణ పరిధిలోని వైఎస్సార్‌ సెంటర్‌ పశువుల హాస్పిటల్‌ సమీపంలో నివాసముండే సురేంద్ర, అనిత దంపతుల కుమార్తె ఐశ్వర్య (17) చదువు విషయంలో తల్లిదండ్రులు ఒత్తిడి తట్టుకోలేక సోమవారం ఆత్మహత్య చేసుకోవాలని నిర్ణయించుకుని బకింగ్‌హామ్‌ కెనాల్‌ బ్రిడ్జిపై నుంచి నీటిలో దూకి గల్లంతైంది. తండ్రి ఇచ్చిన ఫిర్యాదు మేరకు తాడేపల్లి పోలీసులు కేసు నమోదు చేశారు. పోలీసులు మంగళగిరి 6వ బెటాలియన్‌కు చెందిన ఎన్‌డీఆర్‌ఎఫ్‌ బృందాలు గాలింపు చర్యలు చేపట్టాయి. తాడేపల్లి రూరల్‌ పరిధిలోని మెల్లెంపూడి వద్ద ఐశ్వర్య మృతదేహం లభించడంతో పోలీసులు ఆ మృతదేహాన్ని పోస్ట్‌మార్టం నిమిత్తం మంగళగిరి ఏరియా ఆసుపత్రికి తరలించారు. ఐశ్వర్య మృతదేహాన్ని నీటిలో నుంచి బయటకు తీయగానే అక్కడే ఉన్న తండ్రి సురేంద్ర కుప్పకూలిపోయాడు. ఆయన్ను ఓదార్చి బంధువుల ఇంటికి తీసుకువెళ్లారు. ఈ ఘటనపై ఎస్‌ఐ ప్రదీప్‌ కేసు నమోదు చేసి దర్యాప్తు చేపట్టారు.

లక్ష్మీపురం: మిర్చి బస్తాల వరుస చోరీలకు పాల్పడుతున్న 10 మంది సభ్యుల ముఠాను అరెస్ట్‌ చేశారు. వారి నుంచి నాలుగు వాహనాలు, రూ. లక్ష నగదు, పది మిర్చి బస్తాలను స్వాధీనం చేసుకున్న ఘటన మంగళవారం చోటుచేసుకుంది. నగరంపాలెం సీఐ మునిపల్లి రాజేష్‌ తెలిపిన వివరాల ప్రకారం... హౌసింగ్‌ బోర్డు, నల్లపాడు ప్రాంతానికి చెందిన బత్తుల శంకరావు మిర్చి యార్డులో మేసీ్త్రగా పని చేస్తున్నారు. జూలై 30వ తేదీన గురజాల నుంచి కొనుగోలు చేసిన 120 మిర్చి బస్తాలను ట్రాక్టర్‌లో గుంటూరు మిర్చి యార్డుకు తీసుకొస్తుండగా, యార్డులో రద్దీ ఎక్కువగా ఉండటంతో మధ్యాహ్నం సుమారు 2 గంటల సమయంలో ట్రాక్టర్‌ను రామిరెడ్డి నగర్‌ శ్మశానవాటిక ఎదురుగా నిలిపి విశ్రాంతి తీసుకున్నారు. అనంతరం మిర్చి యార్డులో రద్దీ తగ్గిన తర్వాత ట్రాక్టర్‌ను యార్డు లోపలికి తీసుకెళ్లి లోడును దించారు. అదే సమయంలో 38 మిర్చి బస్తాలు చోరీకి గురైనట్లు గుర్తించి నగరంపాలెం పోలీస్‌ స్టేషన్‌లో ఫిర్యాదు చేశారు. ఎస్పీ ఆదేశాలతో గుంటూరు వెస్ట్‌ డివిజన్‌ ఇన్‌చార్జి డీఎస్పీ బెల్లం శ్రీనివాసరావు పర్యవేక్షణలో నగరంపాలెం సీఐ మునిపల్లి రాజేష్‌ ఆధ్వర్యంలో మూడు బృందాలతో దర్యాప్తు చేపట్టారు. రూ. లక్షకు విక్రయం ఈ క్రమంలో అందిన విశ్వసనీయ సమాచారం మేరకు మంగళవారం గుంటూరు నగరంలోని కొండా వెంకటప్పయ్య కాలనీ, వీఐపీ రోడ్డులోని లాలుపురం సమీపంలోని భవానీపురం ప్లాట్స్‌ వద్దకు వెళ్లారు. అక్కడే ఉన్న పది మంది పరారయ్యేందుకు యత్నించగా అదుపులోకి తీసుకున్నారు. ఘటనా స్థలంలో వారే మిర్చి బస్తాల చోరీలకు పాల్పడుతున్నట్లు గుర్తించారు. ఈ ముఠాలో ప్రధాన నిందితుడు ఆవుల గణేష్‌ ఆధ్వర్యంలో చోరీలు చేస్తున్నట్లు అంగీకరించారు. విచారణలో జూలై 30న అర్ధరాత్రి 38 మిర్చి బస్తాలను కాజేసి మూడు టాటా ఇన్‌ట్రా వాహనాల్లో తరలించారని వెల్లడైంది. ప్రత్తిపాడు మండలం యనమదల గ్రామానికి చెందిన వ్యక్తికి రూ. లక్షకు విక్రయించినట్లు ఒప్పుకొన్నారు. వారి నుంచి రూ. లక్ష నగదు, చోరీకి వినియోగించిన మూడు టాటా ఇన్‌ట్రా వాహనాలు, ఒక ద్విచక్ర వాహనం, పది మిర్చి బస్తాలను స్వాధీనం చేసుకున్నారు. నిందితులైన కృష్ణబాబు కాలనీకి చెందిన మోచర్ల దుర్గారావు, కొండేటి దుర్గారావు, బాపట్ల జిల్లా చుండూరు గ్రామానికి చెందిన (ప్రస్తుతం కృష్ణబాబు కాలనీలో నివాసం ఉంటున్న) నాగిపోగు రాజేష్‌, మోటమర్రి మరియదాసు, కట్టా ఆనందరావు, పొన్నాల నరసింహారావు, షేక్‌ నాగూర్‌, షేక్‌ మున్నా బాషా, దేవళ్ల లక్ష్మీనారాయణ, షేక్‌ సంజీత్‌లను అరెస్ట్‌ చేశారు. ప్రధాన నిందితుడు ఆవుల గణేష్‌ పరారీలో ఉండగా, గాలిస్తున్నట్లు సీఐ వెల్లడించారు. సీఐ, ఎస్‌ఐ, సిబ్బంది శ్రీనివాసరావు, జాన్‌ సైదా, బెనర్జీ, గంగరాజులను జిల్లా ఎస్పీ వకుల్‌ జిందాల్‌ అభినందించారు. రూ.లక్ష నగదు, 4 వాహనాలు, పది మిర్చి బస్తాలు స్వాధీనం

గుంటూరు వెస్ట్‌: స్వాతంత్య్ర సమరయోధుడు, విద్యావేత్త, తెలుగు భాషా సంస్కృతి పరిరక్షకుడు, మాజీ విద్యాశాఖ మంత్రి మండలి వెంకట కృష్ణారావు శత జయంతి ఉత్సవాలు స్థానిక కలెక్టరేట్‌లోని వీసీ హాలులో మంగళవారం ఘనంగా నిర్వహించారు. జాయింట్‌ కలెక్టర్‌ అశుతోష్‌ శ్రీవాస్తవ, జిల్లా రెవెన్యూ అధికారి షేక్‌ ఖాజావలిలు ఘనంగా నివాళులర్పించారు. జేసీ మాట్లాడుతూ వెంకట కృష్ణారావు జీవిత విశేషాలు, విద్యా రంగానికి, తెలుగు భాషాభివృద్ధికి, సామాజిక సేవకు ఆయన చేసిన విశిష్ట సేవలను వివరించారు. యువతలో సేవాభావం, దేశభక్తి, తెలుగు భాష పట్ల గౌరవాన్ని పెంపొందించేలా వ్యవహరించారన్నారు. మండలి ఆశయాలను భావితరాలకు చేరవేయడం, ఆయన చేసిన సేవలను స్మరించుకోవడం ప్రతి ఒక్కరి బాధ్యత అని పేర్కొన్నారు. ఆయన తెలుగు జాతి గర్వించదగ్గ నాయకుల్లో ఒకరని, ఆయన రాజకీయవేత్త, గాంధేయవాది, సంఘసేవకుడు, విద్యా–సాంస్కృతిక పరిరక్షకుడుగా సేవలు అందించారన్నారు. ప్రజాసేవను జీవిత ధ్యేయంగా తీసుకొని నిరాడంబర జీవనం గడిపిన ఆయనను ‘దివిసీమ గాంధీ‘ అని గౌరవంగా పిలవడం, ఆయన పట్ల ప్రజలకు గల గౌరవం తెలియజేస్తుందన్నారు. కార్యక్రమంలో పర్యాటక అధికారి రమ్య, కలెక్టరేట్‌ ఏఓ మల్లేశ్వరి, స్టెప్‌ సీఈఓ పి.వి.ఎన్‌.సత్యనారాయణ, మాజీ ఏపీ పోలీసు అధికారుల సంఘం రాష్ట్ర మాజీ ప్రధాన కార్యదర్శి డి.సుబ్రహ్మణ్యం, పెన్షనర్స్‌ అసోసియేషన్‌ అధ్యక్షులు వి.మాణిక్యాలరావు, సీనియర్‌ సిటిజన్‌ మాధా రాధాకృష్ణమూర్తి తదితరులు పాల్గొన్నారు.

గుంటూరు వెస్ట్‌: అంగన్‌వాడీ కేంద్రాలను సంతృప్తి స్థాయిలో నిర్వహించాలని జాయింట్‌ కలెక్టర్‌ అశుతోష్‌ శ్రీవాస్తవ ఆదేశించారు. మహిళా అభివృద్ధి, శిశు సంక్షేమ శాఖ జిల్లా స్థాయి సమీక్ష సమావేశం మంగళవారం స్థానిక కలెక్టరేట్‌లోని డీఆర్సీ సమావేశ మందిరంలో నిర్వహించారు. జేసీ మాట్లాడుతూ పబ్లిక్‌ పాజిటివ్‌ పర్సెప్షన్‌ లో ఎల్లప్పుడూ సానుకూల స్పందన పొందేవిధంగా పనిచేయాలని సూచించారు. ప్రతి అంశాన్ని నిశితంగా తనిఖీ చేయాలని సీడీపిఓలు, పర్యవేక్షకులకు సూచించారు. ప్రీస్కూల్‌ అటెండెనన్స్‌, ఆపార్‌ ఐడీ క్రియేషన్‌, లబ్ధిదారుని అభా ఐడీ క్రియేషన్‌, టేక్‌ హామ్‌ రేషన్‌ పంపిణీ, ఏ.ఐ.ఇ.సి.డి స్క్రీనింగ్‌, గ్రోత్‌ మానిటరింగ్‌, పి.ఎం.ఎం.వి.వై, సరుకుల నమోదు తదితర శాఖాపరమైన సూచీలకు అనుగుణంగా ఖచ్చితమైన, నాణ్యమైన డేటాను నమోదు చేసి, లక్ష్యాలను పూర్తిస్థాయిలో సాధించేలా చర్యలు తీసుకోవాలన్నారు. తల్లిపాల ప్రాముఖ్యత, శిశువుల ఆరోగ్యానికి, ఎదుగుదలకు తల్లిపాలు అందించే ప్రయోజనాలపై అవగాహన కల్పించాలని అన్నారు. సమావేశంలో మహిళా అభివృద్ధి, శిశు సంక్షేమ శాఖ ప్రాజెక్ట్‌ డైరెక్టర్‌ పి.పి.జి. ప్రసూన, సీడీపీఓలు, సూపర్‌వైజర్లు పాల్గొన్నారు. జాయింట్‌ కలెక్టర్‌ అశుతోష్‌ శ్రీవాస్తవ

డీఎంహెచ్‌ఓ డాక్టర్‌ కొర్రా విజయలక్ష్మిగుంటూరు మెడికల్‌: సుస్థిరమైన జీవితానికి తల్లిపాల సంస్కృతిని ప్రోత్సమించాలని జిల్లా వైద్య, ఆరోగ్యశాఖాధికారి(డీఎంహెచ్‌ఓ) డాక్టర్‌ కొర్రా విజయలక్ష్మి అన్నారు. ప్రపంచ తల్లిపాల వారోత్సవాలలో భాగంగా జిల్లా వైద్య ఆరోగ్యశాఖ, గుంటూరు కిమ్స్‌ శిఖర హాస్పిటల్‌ సంయుక్తంగా మంగళవారం జిల్లా వైద్య ఆరోగ్యశాఖ సమావేశ మందిరంలో జిల్లాలోని ప్రాథమిక, పట్టణ ఆరోగ్య కేంద్రాల వైద్యాధికారులకు ఒకరోజు శిక్షణ కార్యక్రమాన్ని నిర్వహించారు. డీఎంహెచ్‌ఓ మాట్లాడుతూ తల్లిపాలు శిశువులు, చిన్నపిల్లల పోషణకు సుస్థిరమైన పోషణ విధానం గురించి ప్రజలకు అవగాహన కల్పించాలన్నారు. కార్యక్రమంలో డాక్టర్‌ అనిత, డాక్టర్‌ సాహితీ పాల్గొన్నారు. కార్యక్రమంలో పాల్గొన్న తల్లులకు డీఎంహెచ్‌ఓ డాక్టర్‌ కొర్రా విజయలక్ష్మి పండ్లు పంపిణీ చేశారు. కార్యక్రమంలో ఉప జిల్లా వైద్య ఆరోగ్యశాఖ అధికారిణి డాక్టర్‌ అన్నపూర్ణ, డీపీఎంఓ డాక్టర్‌ సుజాత, డీఐఓ డాక్టర్‌ వల్లిక, కిమ్స్‌ శిఖర హాస్పటల్‌ ఉప పర్యవేక్షకురాలు డాక్టర్‌ కృష్ణ ప్రభ, కార్యాలయ సిబ్బంది, ఆశ వర్కర్లు, తల్లులు పాల్గొన్నారు.

పెదనందిపాడు: స్థానిక పోలీస్‌స్టేషన్‌ను గుంటూరు రేంజీ ఐజీ సర్వ శ్రేష్ట త్రిపాఠి మంగళవారం ఆకస్మిక తనిఖీ నిర్వహించారు. స్టేషన్‌లోని రికార్డులను పరిశీలించారు. మహిళా సిబ్బంది, ఇతర అధికారుల ఇబ్బందులను స్వయంగా అడిగి తెలుసుకున్నారు. మండలంలో శాంతిభద్రతలు పటిష్టంగా అమలు పర్చాలని సూచించాచారు. ప్రజల నుంచి వచ్చిన ఫిర్యాదులను వేగంగా పరిష్కరించాలని ఆదేశించారు. ఆయన వెంట డీఎస్పీ పూర్ణచంద్రరావు, సీఐ పి.సుబ్బారావు, పెదనందిపాడు ఎస్‌ఐ ఏకనాథ్‌, ప్రత్తిపాడు ఎస్‌ఐ నరహరి, కాకుమాను ఎస్‌ఐ హరికృష్ణ ఉన్నారు.

తాడేపల్లి రూరల్‌: గ్లోబల్‌ ఐకాన్స్‌ ఫోరం సొసైటీ ఆధ్వర్యంలో ‘మన అమరావతి’ థీమ్‌తో నిర్వహిస్తున్న స్టేట్‌ ఐకాన్స్‌ అవార్డ్స్‌–2026 పోస్టర్‌ను రాష్ట్ర కార్మిక శాఖ మంత్రి వాసంశెట్టి సుభాష్‌ మంగళవారం తాడేపల్లిలోని ఆయన కార్యాలయంలో ఆవిష్కరించారు. అనంతరం ఏర్పాటు చేసిన విలేకరుల సమావేశంలో మంత్రి మాట్లాడుతూ వివిధ రంగాల్లో విశిష్ట ప్రతిభ కనబర్చిన వారికి గుర్తించి పురస్కారాలతో సత్కరించనున్నట్లు తెలిపారు. ప్రతిభను ప్రోత్సహించడం సమాజ అభివృద్ధికి దోహదపడుతుందని పేర్కొన్నారు. ఆగస్టు 8వ తేదీ విజయవాడ గుణదలలోని హయ్యత్‌ ప్లేస్‌లో స్టేట్‌ ఐకాన్స్‌ అవార్డ్స్‌–2026ను ఘనంగా నిర్వహించనున్నట్లు తెలిపారు. గ్లోబల్‌ ఐకాన్స్‌ షోరం సొసైటీ అధ్యక్షులు చైతన్య, కార్యదర్శి జయా పటేరియా మాట్లాడారు. కార్యక్రమంలో సొసైటీ ఉపాధ్యక్షులు ఈశ్వర్‌, సంయుక్త కార్యదర్శి కోడే శ్రీచైతన్య, ట్రెజరర్‌ అప్పారావు, కమిటీ సభ్యుడు డాక్టర్‌ ఎ.నవీన్‌ తదితరులు పాల్గొన్నారు. గుంటూరు ఎడ్యుకేషన్‌: విద్యార్థుల్లో సృజనాత్మకతను వెలికి తీసి, ప్రశ్నించేతత్వం పెంపొందించేందుకు జనవిజ్ఞాన వేదిక ఆధ్వర్యంలో రాష్ట్రవ్యాప్తంగా 8,9,10 తరగతుల విద్యార్థులకు చెకుముకి సైన్స్‌ సంబరాలు నిర్వహిస్తున్నట్లు జనవిజ్ఞాన వేదిక రాష్ట్ర కమిటీ సభ్యుడు డాక్టర్‌ ఎ.సత్యనారాయణ ప్రసాద్‌ తెలిపారు. మంగళవారం బ్రాడీపేటలోని యూటీఎఫ్‌ కార్యాలయంలో చెకుముకి సైన్స్‌ సంబరాల పోస్టర్లు విడుదల చేశారు. ప్రసాద్‌ మాట్లాడుతూ ఈనెల 27న పాఠశాల స్థాయి, సెప్టెంబర్‌ 8న మండల, సెప్టెంబర్‌ 27న జిల్లా, నవంబర్‌ 1,2,3 తేదీల్లో రాష్ట్రస్థాయి పోటీలు జరుగుతాయని వివరించారు. ప్రభుత్వ, ప్రైవేటు పాఠశాలల విద్యార్థులు పాల్గొనే విధంగా ఉపాధ్యాయులు, ప్రధానోపాధ్యాయులు, పాఠశాలల యాజమాన్యం ప్రోత్సహించాలని కోరారు. వివరాలకు 90004 53600,84999 32328 నంబర్‌లలో సంప్రదించాలని సూచించారు. కార్యక్రమంలో జనవిజ్ఞాన వేదిక జిల్లా అధ్యక్ష, కార్యదర్శులు ఉదయ భాస్కర్‌, టి.జాన్‌బాబు, బి.ప్రసాద్‌, టీఆర్‌ రమేష్‌, ఎస్‌ఎం సుభానీ, గురవయ్య, ఇ.అనిల్‌ కుమార్‌ తదితరులు పాల్గొన్నారు.

గుంటూరు ఎడ్యుకేషన్‌: పేదల పెన్నిధిగా, దివిసీమ గాంధీగా పేరొందిన మండలి వెంకటకృష్ణారావు చిరస్మరణీయుడని ఉమ్మడి గుంటూరు జిల్లా పరిషత్‌ చైర్‌ పర్సన్‌ కత్తెర హెనీ క్రిస్టినా కొనియాడారు. మాజీ మంత్రి మండలి వెంకటకృష్ణారావు శత జయంతి సందర్భంగా మంగళవారం జెడ్పీ సమావేశ మందిరంలో ఆయన చిత్రపటానికి పూలమాల వేసి నివాళులర్పించారు. హెనీ క్రిస్టినా మాట్లాడుతూ ప్రజాసేవే పరమావధిగా భావించి జీవితాంతం ప్రజల సంక్షేమం కోసం అంకితభావంతో పనిచేసిన మండలి వెంకట కృష్ణారావు రాజకీయాల్లో నిజాయితీ, నిబద్ధత, విలువలకు ప్రతీకగా నిలిచారన్నారు. డెప్యూటీ సీఈఓ చొప్పర కృష్ణ, అకౌంట్స్‌ ఆఫీసర్‌ పుల్లగూర శామ్యూల్‌ పాల్‌, ఏఓలు రాజా రత్నబాబు, తన్నీరు శ్రీనివాసరావు మాట్లాడారు. గుంటూరు ఎస్పీ కార్యాలయంలో... నగరంపాలెం: మాజీ మంత్రి, దివంగత మండలి వెంకటకృష్ణారావు జయంతిని మంగళవారం నగరంపాలెం జిల్లా పోలీస్‌ కార్యాలయ(డీపీఓ) ఆవరణలో మంగళవారం నిర్వహించారు. తొలుత ఆయన చిత్రపటానికి ఎస్పీ వకుల్‌ జిందాల్‌ పూలమాల వేసి నివాళులర్పించారు. ఎస్పీ మాట్లాడుతూ ఉమ్మడి ఏపీ రాజకీయ చరిత్రలో తనదైన ముద్ర వేసిన మహోన్నత నాయకుడి అని అన్నారు. కార్యక్రమంలో ఏఆర్‌ ఆర్‌ఐ కృష్ణయ్య, ఎస్‌బీ సీఐ మల్లికార్జునరావు పాల్గొన్నారు.

నెహ్రూనగర్‌: రాష్ట్ర ప్రభుత్వం జారీ చేసిన జీఓ ఎం.ఎస్‌.నెం.30 ప్రకారం అభ్యంతరం లేని ప్రభుత్వ భూముల్లో దశాబ్దాలుగా నివాసాలు ఉంటున్న పేదలకు వేగంగా క్రమబద్ధీకరణ (రెగ్యులరైజేషన్‌) చేసి హక్కు పట్టాలు అందించేందుకు తగిన చర్యలు తీసుకోవాలని గుంటూరు నగరపాలక సంస్థ కమిషనర్‌ కె.మయూర్‌ అశోక్‌ ఆదేశించారు. మంగళవారం జీఎంసీ ప్రధాన కార్యాలయంలో ఉన్నతాధికారులతో ప్రత్యేక సమీక్ష నిర్వహించారు. సమావేశంలో జాయింట్‌ కలెక్టర్‌ అశుతోష్‌ శ్రీవాస్తవ పాల్గొన్నారు. కమిషనర్‌ మాట్లాడుతూ నగర పరిధిలోని అడవితక్కెళ్లపాడు, చౌడవరం, ప్రగతినగర్‌ ప్రాంతాల్లో జరుగుతున్న సర్వే ప్రక్రియను వేగవంతం చేయాలని స్పష్టం చేశారు. క్షేత్రస్థాయిలో ఏర్పాటు చేసిన 35 ప్రత్యేక బృందాల్లోని రెవెన్యూ, ప్లానింగ్‌ కార్యదర్శులు పరస్పర సమన్వయంతో పనిచేసి ఎటువంటి లోపాలు లేకుండా పక్కా రికార్డులు సిద్ధం చేయాలని సూచించారు. పేదలకు త్వరితగతిన హక్కు పట్టాలు అందేలా అధికారులు నివేదికల తయారీలో జాప్యం వహించకూడదని హెచ్చరించారు. సమావేశంలో అదనపు కమిషనర్‌ ఐ.కిషోర్‌, సిటీ ప్లానర్‌ డి.రాంబాబు, తహసీల్దార్లు సుభానీ, కిరణ్‌కుమార్‌ తదితరులు పాల్గొన్నారు.

నరసరావుపేట ఈస్ట్‌: రాష్ట్రవ్యాప్తంగా అన్ని జిల్లా కేంద్రాల్లో ఈనెల 9వ తేదీన ఆదివాసీ దినోత్సవాన్ని ఘనంగా నిర్వహించాలని ఆంధ్రప్రదేశ్‌ గిరిజన సమాఖ్య రాష్ట్ర సహాయ కార్యదర్శి బి.శ్రీనునాయక్‌ ప్రభుత్వాన్ని కోరారు. అరండల్‌పేటలోని సీపీఐ కార్యాలయంలో మంగళవారం ఏర్పాటు చేసిన గిరిజన సమాఖ్య ముఖ్యనేతల సమావేశంలో ఆయన మాట్లాడుతూ, ఐక్యరాజ్యసమితి ఆగస్ట్‌ 9వ తేదీని అంతర్జాతీయ గిరిజన దినోత్సవంగా ప్రకటించిన విషయాన్ని గుర్తు చేసారు. గిరిజనుల సంస్కృతి, సంప్రదాయాలను కాపాడుకోవలసిన ఆవశ్యకత ఎంతైనా ఉందన్నారు. ప్రభుత్వం ప్రతి జిల్లా కేంద్రానికి రూ.2లక్షలు కేటాయించి గిరిజన దినోత్సవాన్ని ఘనంగా నిర్వహించాలని డిమాండ్‌ చేసారు. సమావేశంలో గిరిజన సమాఖ్య పట్టణ ప్రధాన కార్యదర్శి కోయ శ్రీను, సహాయ కార్యదర్శి పాలపర్తి వెంకటలక్ష్మి, ఉపాధ్యక్షులు పాలపర్తి శ్రీనివాసరావు, మొగిలి అనూరాధ పాల్గొన్నారు. సత్తెనపల్లి: చెక్కు బౌన్స్‌ కేసులో ఆరు నెలలు జైలు శిక్ష, రూ.10 వేలు జరిమాన విధిస్తూ పల్నాడు జిల్లా సత్తెనపల్లి పట్టణంలోని ఒకటో అదనపు జూనియర్‌ సివిల్‌ జడ్జి న్యాయస్థాన న్యాయమూర్తి పి.ప్రియదర్శిని మంగళవారం తీర్పు చెప్పారు. కేసు వివరాలు ఇలా ఉన్నాయి... పట్టణంలోని బోయ కాలనీలో నివాసం ఉండే బంటుపల్లి సూర్యనారాయణ అనే వ్యక్తి దగ్గర విజయవాడ దుర్గాపురం పున్నయ్య కాలనీ నివాసి అయిన తుమ్మల నాగేంద్ర ప్రసాద్‌ తన కుటుంబ, వ్యాపార అవసరాల నిమిత్తం రూ. 1.30 లక్షలు అప్పుగా తీసుకోని 2017 మే 15న ఒక ప్రామిసరీ నోటు రాసి ఇచ్చాడు. సదరు బాకీ తీర్చమని సూర్యనారాయణ కోరగా నాగేంద్రప్రసాద్‌ సింగ్‌ నగర్‌ బ్రాంచి ఎస్‌బీఐ కి చెందిన చెక్కును రూ. 1.30 లక్షలకు 2018 జూన్‌ 27న ఇచ్చాడు. ఆ చెక్కును కలక్షన్‌ నిమిత్తం ఫిర్యాది తన బ్యాంక్‌ అకౌంట్‌ అయిన సత్తెనపల్లి విజయబ్యాంక్‌ లో ప్రెజెంట్‌ చేయగా ముద్దాయి అకౌంట్‌ బ్లాక్‌డ్‌ అని చెక్కుబౌన్స్‌ అయ్యింది. దీంతో సూర్యనారాయణ న్యాయస్థానంలో చెక్కుబౌన్స్‌ కేసు వేయగా సుధీర్ఘ విచారణ అనంతరం న్యాయమూర్తి ప్రియదర్శిని తీర్పువెలువరించారు. జరిమానా రూ. 10 వేలు చెల్లించటంతో ఆరు నెలలు జైలు శిక్ష విధించారు. మరో కేసులో... మాచర్ల: వెల్దుర్తి మండల పరిధిలోని శిరిగిరిపాడు గ్రామానికి చెందిన జవిశెట్టి వెంకటేశ్వర్లు వద్ద బొల్లాపల్లి మండల పరిధిలోని గండిగనుముల గ్రామానికి చెందిన దేవయ్య 2019లో రూ.5,40,000లు అప్పుగా తీసుకున్నాడు. ఈ మేరకు బాకీ తీర్చేందుకు వెంకటేశ్వర్లుకు అదే సంవత్సరంలో చెక్కు ఇచ్చాడు. చెక్కు బౌన్స్‌ కాగా బాధితుడు మాచర్ల కోర్టును ఆశ్రయించాడు. దీనిపై కోర్టు విచారణ జరిపి మంగళవారం అదనపు జూనియర్‌ సివిల్‌ జడ్జి కోర్టు న్యాయమూర్తి శ్రీనివాస్‌ కల్యాణ్‌ తీర్పునిస్తూ కిన్నెర దేవయ్యకు నాలుగు నెలల శిక్షతోపాటు రూ.10,80,000 చెల్లించాలని తీర్పునిచ్చారు. దీంతో పాటు నష్టపరిహారంగా మరో రూ.2,70,000 చెల్లించాలని లేదా మరో రెండు నెలలు జైలు శిక్ష అనుభవించాలని తీర్పునిస్తూ ఉత్తర్వులు జారీ చేశారు.

అటవీశాఖ కార్యాలయం ఎదుట ఆందోళన మంగళగిరి టౌన్‌: ఆంధ్రప్రదేశ్‌ అటవీశాఖలో పనిచేస్తున్న ఔట్‌సోర్సింగ్‌ ఉద్యోగులకు భద్రత కల్పించి, ఎస్‌ఎస్‌ఆర్‌ ప్రకారం జీతాలు అమలు చేయాలని ఆంధ్రప్రదేశ్‌ ఫారెస్ట్‌ డిపార్ట్‌మెంట్‌ ఔట్‌సోర్సింగ్‌ ఎంప్లాయీస్‌ వెల్ఫేర్‌ అసోసియేషన్‌ నాయకులు డిమాండ్‌ చేశారు. మంగళగిరి పట్టణంలోని రాష్ట్ర అటవీశాఖ కార్యాలయం వద్ద మంగళవారం డిమాండ్లను పరిష్కరించాలని కోరుతూ నిరసన కార్యక్రమం నిర్వహించారు. ఆంధ్రప్రదేశ్‌ రాష్ట్ర ప్రిన్సిపల్‌ చీఫ్‌ కన్జర్వేటర్‌ ఆఫ్‌ ఫారెస్ట్‌ అండ్‌ హెడ్‌ ఆఫ్‌ ఫారెస్ట్‌ ఫోర్స్‌ చలపతిరావుకు వినతిపత్రం అందజేశారు. పలువురు నాయకులు మాట్లాడుతూ ఎస్‌ఎస్‌ఆర్‌ ప్రకారం జీతాలు అమలు చేయాలని, ప్రతి నెల క్రమం తప్పకుండా జీతాలు జమ అయ్యేలా చర్యలు తీసుకోవాలని కోరారు. పెండింగ్‌లో ఉన్న ఈపీఎఫ్‌, ఈఎస్‌ఐ బకాయిలను వెంటనే జమ చేయాలని, పెండింగ్‌లో ఉన్న జీతాల బకాయిలను విడుదల చేయాలని కోరారు. సంజీవని ఆరోగ్య బీమా అమలు వంటి డిమాండ్లను ప్రభుత్వం అమలు చేయాలని కోరారు. అడవుల సంరక్షణలో పనిచేస్తున్న ప్రొటెక్షన్‌ హెల్పర్లకు రక్షణ పరికరాలు, కనీస సౌకర్యాలు కల్పించాలని, ఖాళీ పోస్టులను భర్తీచేసి అదనపు పనిభారం తగ్గించాలని విజ్ఞప్తి చేశారు. కార్యక్రమంలో అసోసియేషన్‌ రాష్ట్ర అధ్యక్షులు రాజు, కార్యదర్శి కార్తీక్‌, అటవీశాఖ ఔట్‌ సోర్సింగ్‌ ఉద్యోగులు కిరణ్‌, కుమార్‌, ధనుంజయ్‌, రాకేష్‌ పాల్గొన్నారు.

సాక్షి,తాడేపల్లి: గుంటూరు జిల్లా రేపల్లె నియోజకవర్గంలో టీడీపీకి గట్టి ఎదురుదెబ్బ తగిలింది. ఆ పార్టీకి చెందిన కీలక నేత గూడపాటి శ్రీనివాసరావు మంగళవారం వైఎస్సార్‌సీపీలో చేరారు.గుంటూరు జిల్లా రేపల్లె నియోజకవర్గానికి చెందిన టీడీపీ నాయకుడు, రెవెన్యూ మంత్రి అనగాని సత్యప్రసాద్‌ ప్రధాన అనుచరుడు, ప్రముఖ కాపు నాయకుడు గూడపాటి శ్రీనివాసరావు తన అనుచరులతో సహా, వైఎస్సార్‌సీపీలో చేరారు. వందలాది మంది అభిమానులతో తాడేపల్లిలోని పార్టీ కేంద్ర కార్యాలయానికి వచ్చిన శ్రీనివాసరావు, వైఎస్‌ జగన్‌ సమక్షంలో వైఎస్సార్‌లోసీపీలో చేరారు. ఆయనకు స్వయంగా కండువా కప్పిన వైఎస్‌ జగన్ పార్టీలోకి ఆహ్వానించారు.ఈ సందర్భంగా వైఎస్‌ జగన్‌ మాట్లాడుతూ, జీఎస్‌ (గూడపాటి శ్రీనివాసరావు) అన్నతో పాటు, చేరిన ఆయన అనుచరులందరికీ సాదరంగా వైఎస్సార్‌సీపీ కుటుంబంలోకి ఆహ్వానిస్తున్నాను. అదే విధంగా జీఎస్‌ అన్నను కూడా గుండెల్లో పెట్టుకుంటాను. మీరందరూ రావడం సంతోషం. నియోజకవర్గంలో మోహన్‌ (పీటా నాగమోహనకృష్ణ)ను తమ్ముడిగానే భావించి, రాబోయే ఎన్నికల్లో గెలిపించే దిశగా మీరంతా కూడా అడుగులు వేయాలని మీ అందరికీ విజ్ఞప్తి చేస్తున్నాను. జీఎస్‌ అన్న రాకతో, రేపల్లెలో.. మరీ ముఖ్యంగా పట్టణంలో పార్టీ మరింతగా బలపడుతుందని ఆశిస్తున్నానని వైఎస్‌ జగన్‌ అన్నారు. మాజీ మంత్రులు అంబటి రాంబాబు, పేర్ని నాని, రేపల్లె నియోజకవర్గం పార్టీ ఇంఛార్జ్‌ పీటా నాగమోహనకృష్ణ, ఎమ్మెల్సీ లేళ్ల అప్పిరెడ్డితో పాటు, పార్టీకి చెందిన పలువురు సీనియర్‌ నేతలు, నాయకులు, కార్యకర్తలు, అభిమానులు ఈ కార్యక్రమంలో పాల్గొన్నారు. కాగా, రేపల్లె నియోజకవర్గంలో మంచి పట్టున్న గూడపాటి పార్టీని వీడటం టీడీపీకి పెద్ద లోటుగా మారగా, వైఎస్సార్‌సీపీకి అక్కడ రాజకీయంగా మరింత బలం చేకూరినట్లయింది.

సాక్షి, గుంటూరు: ఆలూరు వైఎస్సార్‌సీపీ ఎమ్మెల్యే విరూపాక్షిపై అక్రమ కేసు నమోదు చేయడాన్ని ఆ పార్టీ తీవ్రంగా వ్యతిరేకిస్తోంది. మంగళవారం గుంటూరులో మీడియాతో మాట్లాడిన పార్టీ జిల్లా అధ్యక్షుడు, మాజీ మంత్రి అంబటి రాంబాబు.. ఇది రాజకీయ కక్ష సాధింపులో భాగమని చంద్రబాబు సర్కార్‌పై మండిపడ్డారు.టీడీపీ నేతలు చేసిన తప్పులకు వైఎస్సార్‌సీపీ నేతలపై కేసులు పెడుతున్నారని అంబటి మండిపడ్డారు. బెయిల్‌ రాకుండా ఉండేలా కఠినమైన సెక్షన్లతో కేసులు పెట్టాలని ప్రభుత్వం ప్రయత్నిస్తోందని ఆరోపించారు.“ఆలూరులో టీడీపీ నేతే దాడి చేశారు”ఆలూరు ఘటనను ప్రస్తావించిన అంబటి.. అక్కడ అసలు తప్పు చేసిన వారిపై కాకుండా బాధితులపై కేసులు పెడుతున్నారని ఆరోపించారు. టీడీపీ నేతే మహిళపై దాడి చేసి ఆమె బట్టలు చించేశారని, అయినా అధికార పార్టీ నేతలను కాపాడే ప్రయత్నం జరుగుతోందని విమర్శించారు.“చంద్రబాబు చర్యలను ప్రజలు గమనిస్తున్నారు”కూటమి ప్రభుత్వం తీసుకుంటున్న నిర్ణయాలను ప్రజలు గమనిస్తున్నారని అంబటి వ్యాఖ్యానించారు. ప్రతిపక్ష నేతలను భయపెట్టేందుకు కేసులు, అరెస్టులను ఉపయోగిస్తున్నారని ఆరోపించారు. ఇలాంటి బెదిరింపులకు వైఎస్సార్‌సీపీ భయపడదని అంబటి స్పష్టం చేశారు.

ప్రముఖ గాయని ఎస్పీ శైలజ ఏఎన్‌యూ(పెదకాకాని): సంగీతం శ్రద్ధగా నేర్చుకుని సాధన చేయడం ద్వారా సంగీత రంగంలో రాణించవచ్చని ప్రముఖ గాయని డాక్టర్‌ ఎస్పీ శైలజ అన్నారు. ఆచార్య నాగార్జున విశ్వవిద్యాలయంలో స్వర్ణోత్సవ వేడుకల సందర్భంగా సోమవారం డాక్టర్‌ శైలజ దంపతులు విచ్ఛేశారు. తొలుత జ్యోతి ప్రజ్వలన, ప్రముఖ గాయకుడు, నటుడు ఎస్పీ బాలసుబ్రహ్మణ్యం విగ్రహానికి పూలమాల వేసి నివాళులర్పించారు. శైలజ మాట్లాడుతూ సంగీతంనపై ఆసక్తి ఉంటే సాధన ద్వారా ఉన్నత శిఖరాలకు చేరుకోవచ్చన్నారు. వీసీ కె.గంగాధరరావు మాట్లాడుతూ సంగీతం, పాటలు ఒత్తిడిని దూరం చేస్తాయన్నారు. కార్యక్రమంలో సినీనటుడు సుధాకర్‌ పాల్గొన్నారు.

మంగళగిరి టౌన్‌: స్థలం లేకుండానే ఉన్నట్లు చూపించి మోసగించిన నిందితులను పట్టణ పోలీసులు సోమవారం అరెస్ట్‌ చేశారు. వివరాలు.. మంగళగిరి పట్టణం భార్గవపేటకు చెందిన చౌడేశ్వరి, భర్త వెంకటేశ్వరరావు టైలర్‌గా పనిచేస్తున్నాడు. వారిద్దరి పిల్లలు సాఫ్ట్‌వేర్‌ ఉద్యోగాలు చేస్తున్నారు. 2025 నవంబర్‌లో మంగళగిరి పట్టణానికి చెందిన యేసు అనే తెలిసిన వ్యక్తి చౌడేశ్వరి ఇంటికి వచ్చి తక్కువలో స్థలం అమ్మకానికి ఉందని నమ్మబలికాడు. గౌరీశంకర్‌, సునీల్‌, మాజీ కౌన్సిలర్‌ మునగపాటి వెంకటేశ్వరరావు అనే వ్యక్తులను యేసు వెంటబెట్టుకుని మంగళగిరి పట్టణంలోని ఓ ఫంక్షన్‌ హాల్‌ పక్కన 300 గజాల స్థలం అమ్మకానికి ఉందని చూపించారు. దాని విలువ రూ.93 లక్షలు ఉంటుందని చెప్పగా విక్రయ అగ్రిమెంట్‌, విక్రయ బయానా రశీదు, తయారు చేసిన స్టాంప్‌ పేపర్లు కూడా తీసుకొచ్చారు. అదే రోజుల లక్ష రూపాయలు నగదు ఇవ్వగా బయానా రశీదు ఇచ్చారు. స్థలాన్ని కొనుగోలు చేసేందుకు బ్యాంకులో రుణం కోసం డాక్యుమెంట్లను తీసుకెళ్లగా, బ్యాంకు అధికారులు పరిశీలించి ఈ స్థలానికి ఎలాంటి బ్యాంకు లోన్‌ రాదని చెప్పారని బాధితురాలు ఫిర్యాదులో పేర్కొంది. అప్పటికే మొత్తం అగ్రిమెంట్‌ తాలూకా అడ్వాన్స్‌ కింద రూ.15 లక్షలు ఇచ్చారు. డాక్యుమెంట్‌ పూర్తి వివరాల కోసం సబ్‌రిజిస్ట్రార్‌ కార్యాలయానికి వెళ్లి వాళ్లు ఇచ్చిన డాక్యుమెంట్‌ను పరిశీలించమని చెప్పగా మంగళగిరి రెవెన్యూ తాలూకా డి–223/ఎ సర్వే నెంబర్‌లో 300 చదరపు గజాల స్థలం లేదని అధికారులు చెప్పారు. దీంతో వారిని నిలదీయగా మాయమాటలు చెబుతూ కాలం వెళ్లబుచ్చారు. లేని స్థలాన్ని ఉన్నట్లు చూపించారని, మోసపోయామని గ్రహించిన బాధితురాలు చౌడేశ్వరి జూన్‌ 28న మంగళగిరి పట్టణ పోలీస్‌స్టేషన్‌లో ఫిర్యాదు చేసింది. పట్టణ పోలీసులు కేసు నమోదు చేసి దర్యాప్తు చేపట్టారు. మంగళగిరి పట్టణ సీఐ వీరాస్వామి పర్యవేక్షణలో ఎస్‌ఐ రవీంద్రనాయక్‌, సిబ్బంది బృందాలుగా ఏర్పడి ఆదివారం ఇందిరానగర్‌ సెంటర్‌ వద్ద నిందితులను అరెస్ట్‌ చేశారు. 15 లక్షల రూపాయలు అడ్వాన్స్‌గా తీసుకుని మోసం చేసిన నిందితులు మాజీ కౌన్సిలర్‌ మునగపాటి వెంకటేశ్వరరావు, గౌరీశంకర్‌, ఏసులను అదుపులోకి తీసుకోగా మరో వ్యక్తి సునీల్‌ పరారీలో ఉన్నాడని, అతడ్ని కూడా త్వరలో అదుపులోకి తీసుకుని కోర్టులో హాజరుపరుస్తామని పట్టణ సీఐ వీరాస్వామి తెలిపారు.

జీఎంసీ ప్రజారోగ్య విభాగంలో 30 సంవత్సరాల నుంచి పనిచేస్తున్నాం. గత 15 సంవత్సరాలుగా ఇన్‌చార్జ్‌ శానిటరీ ఇన్‌స్పెక్టర్లుగా విధులు నిర్వహిస్తున్నాం. అనుభవజ్జులైన వారిని అదే డివిజన్‌లో కాకుండా వేరే డివిజన్‌కు బదిలీ చేస్తున్నారు. ఇది సరికాదు. ఆయా ప్రాంతాలపై పట్టు ఉండే శానిటరీ ఇన్‌స్పెక్టర్లను బదిలీ చేయకూడదు. చేస్తున్న బదిలీలను నిలిపివేసి అదే డివిజన్‌లో కంటిన్యూ చేయాలి. – కె.మల్లేశ్వరరావు, కార్యదర్శి మాదిగ ఎంప్లాయీస్‌ వెల్ఫేర్‌ అసోసియేషన్‌ ●

ఆర్టీసీలో ప్రవేశపెట్టనున్న ఎలక్ట్రిక్‌ బస్సులను మేం పూర్తిగా స్వాగతిస్తున్నాం. అయితే ప్రస్తుతం సీ్త్ర–శక్తి పథకం ద్వారా ప్రభుత్వం ఉచిత బస్సు అవకాశాన్ని ఇస్తుంది. కేవలం 30 సీట్లు సామర్థ్యం ఉన్న ఎలక్ట్రిక్‌ బస్సులతో ఇది సాధ్యంకాదు. అలా అయితే ప్రస్తుతం అందుబాటులో ఉన్న 10,700 డీజిల్‌ బస్సుల స్థానంలో కనీసం 25 వేల ఎలక్ట్రిక్‌ బస్సులు ఏర్పాటు చేయాలి. ఆర్టీసీ ఉద్యోగులకు 12వ పీఆర్సీ, డీఏలు వెంటనే ప్రకటించాలి. – ఏపీపీటీడీ (ఆర్టీసీ) ఉద్యోగ సంఘ జేఏిసీ నాయకులు ●

మంగళవారం శ్రీ 4 శ్రీ ఆగస్టు శ్రీ 2026సాగునీటి కోసం రైతుల భగీరథ యత్నం 7తెనాలి: తెనాలి మార్కెట్‌యార్డులో సోమవారం క్వింటా నిమ్మకాయలు కనిష్ట ధర రూ.4000, గరిష్ట ధర రూ.7600, మోడల్‌ ధర రూ.5400 వరకు పలికింది.అచ్చంపేట: పులిచింతల ప్రాజెక్టులో ప్రస్తుత నిల్వ 28.9183 టీఎంసీలు. విద్యుత్‌ ఉత్పత్తి నిమిత్తం ప్రాజెక్టు దిగువకు 400 క్యూసెక్కులు వదులుతున్నారు.మాచర్ల: నాగార్జునసాగర్‌ ప్రాజెక్టు నీటిమట్టం సోమవారం 513.10 అడుగులుగా ఉంది. తెలంగాణ లోని ఎస్‌ఎల్‌బీసీకి 900 క్యూసెక్కులు విడుదల చేస్తున్నారు.జిల్లా కలెక్టర్‌ ిసీఎం సాయికాంత్‌ వర్మ గుంటూరు వెస్ట్‌: పంటల బీమా గడువు ఈనెల 15 వరకు పొడిగించారని జిల్లా కలెక్టర్‌ సీఎం సాయికాంత్‌ వర్మ తెలిపారు. సోమవారం స్థానిక కలెక్టరేట్‌లోని వీసీ హాల్లో వివిధ శాఖల అధికారులతో సమీక్షించారు. కలెక్టర్‌ మాట్లాడుతూ వంద శాతం రైతులు పంట బీమా చేసుకునే విధంగా అధికారులు చర్యలు తీసుకోవాలన్నారు. రాబోయే 15, 20 రోజులపాటు తహసీల్దార్‌, వ్యవసాయ అధికారులు, ఏపీఎం క్షేత్ర స్థాయిలో పర్యటించి రైతులకు అవగాహన కల్పించాలని తెలిపారు. పంటలకు సరిపడా సాగునీరు అందుబాటులో ఉండే అవకాశం లేనట్లు జలవనరులు శాఖ తెలియజేసిందని, దానికనుగుణంగా రైతులకు ప్రత్యామ్నాయ పంటలకు వెళ్లాలని సూచించారు. ఎల్‌నినో ప్రభావం ఉన్నందున ప్రకృతి వ్యవసాయం దిశగా ప్రోత్సహించాలన్నారు. మండలాల వారీగా పంట విస్తీర్ణం వివరాలు సమర్పించాలని పేర్కొన్నారు. కౌలు రైతులకు సి.సి.ఆర్‌ కార్డులు జారీ చేయాలని చెప్పారు. గ్రీన్‌ గుంటూరులో భాగంగా జిల్లాలోని మున్సిపల్‌ కమిషనర్‌లు, ఎంపీడీఓలు పెద్దఎత్తున మొక్కలు నాటి ఆయా ప్రదేశాలను, రహదారికి ఇరువైపుల ఆహ్లాదకరంగా తయారు చేయాలని తెలిపారు. ప్రతి మొక్కను జియో ట్యాగింగ్‌ చేయాలన్నారు. వీబీ జీ రామ్‌ జీ కింద వేతనదారులు ఎక్కువ సంఖ్యలో భాగస్వామ్యం అయ్యేవిధంగా చర్యలు తీసుకోవాలని చెప్పారు. పెండింగ్‌లో ఉన్న 22(ఎ) కేసులను ఆగస్టు 15 నాటికి పరిష్కరించాలన్నారు. గృహ పట్టాల రెగ్యులరైజేషన్‌పై దృష్టి సారించాలని కలెక్టర్‌ తెలిపారు. ఈ నెల 13వ తేదీన సీడ్‌ యాక్సస్‌ రహదారి ప్రారంభోత్సం జరిగే అవకాశం ఉందని చెప్పారు. జాయింట్‌ కలెక్టర్‌ అశుతోష్‌ శ్రీవాస్తవ, డీఆర్వో షేక్‌ ఖాజావలి, జడ్పీ సీఈఓ వి.జ్యోతిబసు, జిల్లా వ్యవసాయ అధికారి ఎం.పద్మావతి, ముఖ్య ప్రణాళిక అధికారి పి.శేషశ్రీ, డీపీఓ బి.వి.నాగ సాయికుమార్‌, అధికారులు పాల్గొన్నారు. తెనాలి: సూపర్‌ ఎల్‌నినో ప్రభావంపై వాతావరణ శాఖ హెచ్చరికలు ఎప్పట్నుంచో ఉన్నాయి. అయినా ప్రభుత్వం ఖరీఫ్‌ సాగు నిమిత్తం పంటకాల్వలకు నీటి విడుదల షెడ్యూలును గత మే నెలలోనే ప్రకటించింది. వరిసాగుకు అవసరమైన విత్తనాలను సబ్సిడీపై అందజేశారు. సీజను ఆరంభం నుంచి వ్యవసాయశాఖ ‘పొలం పిలుస్తోంది’ షెడ్యూలును అమలుచేస్తోంది. వరి వెదజల్లాక సాగునీరు ఇవ్వలేం...వరిసాగు చేయొద్దంటూ ప్రభుత్వం ప్రకటించటం రైతులను తీవ్ర నిరాశపరచింది. పంటలను కాపాడుకునేందుకు అందుబాటులో ఉన్న నీటివనరులను వినియోగిస్తూ, అవకాశం లేని అన్నదాతలు భారీ వ్యయంతో తమ పంటపొలాల్లో బోర్లు వేయిస్తున్నారు. భూగర్భజలాలను అందుబాటులోకి తెస్తున్నారు. ఇందుకు వ్యయప్రయాసలనూ లెక్కజేయటం లేదు. నీటి విడుదల లేక.. మంగళగిరి నియోజకవర్గంలోని దుగ్గిరాల నుంచి తెనాలి, వేమూరు, రేపల్లె, పొన్నూరు, బాపట్ల నియోజకవర్గాలతోపాటు ప్రకాశం జిల్లాలోని కొంత ఆయకట్టు కలిపి కృష్ణా పశ్చిమడెల్టాగా వ్యవహరిస్తారు. ఇందులో గుంటూరు, బాపట్ల జిల్లాల పరిధిలో దాదాపు 5.20 లక్షల ఆయకట్టు ఉండగా, ప్రకాశం జిల్లాలో మరో 50 వేల ఆయకట్టు ఉంది. ఈ మొత్తానికి సీతానగరం నుంచి సాగునీటిని విడుదల చేస్తుంటారు. ఈ సంవత్సరం షెడ్యూలు ప్రకారం జూలై 10వ తేదీన సాగునీటిని విడుదల చేయాల్సివుండగా, అయిదురోజులు ఆలస్యంగా 15వ తేదీన జలవనరులశాఖ మంత్రి షెడ్యూల్‌ విడుదల చేశారు. పట్టిసీమ నుంచి విడుదల చేసిన నీరు ఏమాత్రం పంటభూములకు ఎక్కే పరిస్థితి కనిపించటం లేదు. వరికి నో.. మరి ఏం చేయాలో ఎప్పటికి చెప్పేనో..! మరోవైపు ప్రభుత్వం వరిసాగు వద్దని, ప్రత్యామ్నాయ పంటలు వేసుకోవాలని చెబుతూ వస్తోంది. వరిసాగుకు సాగునీటిని ఇవ్వలేమని కూడా ఖరాకండీగా పాలకులు చెప్పేశారు. కృష్ణాడెల్టా ఆయకట్టు స్థిరీకరణ కోసం నిర్మించిన పులిచింతల ప్రాజెక్టులో 29 టీఎంసీల నీటి నిల్వలు ఉంచుకుని, అందులోంచి నీటిని ఇవ్వకపోవటాన్ని రైతులు ప్రశ్నిస్తున్నారు. అదేమంటే 2027 జూన్‌ నాటికి దిగువ ప్రాంతాల్లో తాగునీటి అవసరాలను దృష్టిలో పెట్టుకుని నిల్వ చేస్తామని జలవనరులశాఖ అధికారులు చెప్పటంపై ఆగ్రహం వ్యక్తంచేశారు. పశ్చిమ డెల్టాలోని మాగాణి భూముల్లో వరిపైరు మినహా మరో పంటకు ఆస్కారం లేదని రైతులు గుర్తుచేస్తున్నారు. అలాంటప్పుడు ప్రత్యా మ్నాయ పంటలు వేసుకోమని చెబుతున్న ప్రభుత్వం, ఏయే పంటలు వేసుకోవాలి? విత్తనాలు ఎప్పుడిస్తారు? అనే అంశాలపై మాత్రం నోరు మెదపకపోవటం నివ్వెరపరుస్తోంది. పశ్చిమడెల్టాకు ఇప్పటివరకు పంటలకు అవసరమైన స్థాయిలో నీరు విడుదల కావటం లేదు. వరిసాగుకు కనీసం 6 వేల క్యూసెక్కులు ఇవ్వాల్సిన తరుణంలో ఆదివారం 2,519 క్యూసెక్కులు, సోమవారం 2,720 క్యూసెక్కులను విడుదల చేశారు. పశ్చిమడెల్టాలో ముందుగా సాగు ఆరంభించే కొల్లిపర మండల రైతులు, దాదాపు 15 వేల ఎకరాల్లో వరి వెదజల్లారు. మెట్ట భూముల్లో 1935 ఎకరాల్లో పసుపు, 1508 ఎకరాల్లో అరటి, నిమ్మ 87, మినుములు 818, కూరగాయలు 55, పండ్లసాగు 15 ఎకరాల చొప్పున ఉంది. వరితోపాటు ఇతర పంటలను కాపాడుకునేందుకు భగీరథ ప్రయత్నం ఆరంభించారు. గత 45 రోజుల్లోనే కొల్లిపర మండలంలో 250–300 బోర్లు వేయించి ఉంటారని అంచనా. ఈ పనిలో ఇతర జిల్లాకు చెందిన 15 మంది మేస్త్రిలు నిమగ్నమై ఉన్నారు. గతంలో 50 అడుగుల లోతులో బోర్లు వేసి నీటి ఇంజిన్‌ లేదా బావిలో మోటారుతో పంట చేలకు నీరు అందించేవారు. ప్రస్తుతం ఆ లోతులో నీరు అందకపోవటంతో 70 నుంచి 100 అడుగుల లోతు బోర్లు వేయిస్తున్నారు. అంత లోతునుంచి నీటిని తోడేందుకు సబ్‌మెర్సిబుల్‌ నీటి మోటార్లను వినియోగిస్తున్నారు. ఇందుకోసం దాదాపు రూ.లక్షన్నర వ్యయం చేస్తున్నారు. అయితే ఈ పరిణామంతో భూగర్భజలాలు తగ్గిపోవటమే కాదు. కొన్ని ప్రాంతాల్లో నీరు కూడా ఉప్పిరిసిపోయే ప్రమాదం ఉందనే ఆందోళన వ్యక్తమవుతోంది. ఇప్పటివరకు పంటకాల్వలకు సాగునీటిని సక్రమంగా ఇవ్వలేదు. వెదజల్లిన వరిపైరును ఏదోలా కాపాడుకోవాల్సి ఉంది. రూ.లక్షన్నర వరకు ఖర్చుచేసి బోరు వేయిస్తున్నా. రైతులకు భారం తగ్గించటానికి ప్రభుత్వమే బోర్లు వేయించి, సబ్సిడీపై మోటారు, సామగ్రిని అందించి సహాయం చేయాలి. – మర్రెడ్డి శివసాంబిరెడ్డి, రైతు కొల్లిపర ప్రాంత రైతులు పంటపొలాల్లో బోర్లు వేయటానికి ఆసక్తి చూపుతున్నారు. గత రెండు నెలల్నుంచి బోర్లు వేయిస్తున్నారు. ఇందుకోసం 15 మంది మేసీ్త్రలం పనిచేస్తున్నాం. దాదాపు 300 కొత్త బోర్లు వేశాం. పంటను కాపాడుకోవాల్సిన రైతులకు ఇది తప్పని పరిస్థితి అయింది. – బడుగు సోమేశ్వరరావు, మేస్త్రి, మద్దూరు, కృష్ణాజిల్లా

తాడికొండ: ఎల్‌నినో పరిస్థితులను శాసీ్త్రయంగా ఎదుర్కొనేందుకు రైతులు సకాలంలో తగిన యాజమాన్య చర్యలు చేపట్టాలని ఆచార్య ఎన్జీ రంగా వ్యవసాయ యూనివర్సిటీ శాస్త్రవేత్తలు పేర్కొన్నారు. ఎల్‌నినో ప్రభావం నేపథ్యంలో ఆచార్య ఎన్జీ రంగా వ్యవసాయ విశ్వవిద్యాలయం, ప్రాంతీయ వ్యవసాయ పరిశోధనా స్థానం, లాం, గుంటూరు ఆధ్వర్యంలో శాస్త్రవేత్తల బృందం సోమవారం తాడికొండ మండలంలోని పలు గ్రామాల్లో క్షేత్రస్థాయి పర్యటన జరిపింది. పత్తి, మినుము, పెసర, కూరగాయలు, కొన్ని ఉద్యాన పంటల్లో ఎదుగుదల మందగించడం, ఆకులు వాడిపోవడం, తేమ కొరత లక్షణాలు స్పష్టంగా కనిపిస్తున్నాయని తెలిపారు. రైతులకు పలు శాసీ్త్రయ సూచనలు అందించారు.

ముస్తఫా వ్యవహారంలో గుంటూరు ఎడ్యుకేషన్‌: గుంటూరు తూర్పు నియోజకవర్గ మాజీ ఎమ్మెల్యే ఎండీ ముస్తఫాపై చంద్రబాబు ప్రభుత్వం మోపిన అక్రమ కేసులకు వ్యతిరేకంగా న్యాయ పోరాటానికి దిగుతున్నట్లు మాజీ మంత్రి, వైఎస్సార్‌ సీపీ జిల్లా అధ్యక్షుడు అంబటి రాంబాబు స్పష్టం చేశారు. బృందావన్‌గార్డెన్స్‌లోని వైఎస్సార్‌ సీపీ జిల్లా కార్యాలయంలో సోమవారం ఏర్పాటు చేసిన మీడియా సమావేశంలో అంబటి రాంబాబు మాట్లాడుతూ పొగాకు వ్యాపారితో నెలకొన్న లావాదేవీలకు సంబంధించిన వ్యవహారంలో మాజీ ఎమ్మెల్యే ముస్తఫా, అతని కుమారుడు బషీర్‌పై నూజివీడు పోలీసు స్టేషన్‌లో నమోదైన కేసుకు రాజకీయ రంగు పులిమిన ప్రభుత్వం ఆయన కుటుంబాన్ని వేధింపులకు గురి చేస్తోందని విమర్శించారు. రూ.36 లక్షలు తీసుకుని సరుకు ఇవ్వకపోవడంతో వ్యాపారి కొడుకును సరుకుతో తీసుకొచ్చి, పెదకాకాని స్టేషన్‌లో అప్పగించిన ముస్తఫా తనయుడు బషీర్‌పై కిడ్నాప్‌ కేసు నమోదు చేయడం దారుణమన్నారు. ముస్తఫాతోపాటు అతని తనయుడు బషీర్‌పై కిడ్నాప్‌తో ఎస్సీ, ఎస్టీ కేసు, కిడ్నాప్‌ కేసు సైతం నమోదు చేశారని ఆగ్రహం వ్యక్తం చేశారు. మైనార్టీ నేతపై వేధింపులు తాడికొండ సర్పంచ్‌గా, రెండుసార్లు ఎమ్మెల్యేగా సేవలందించిన ముస్తఫా వివాద రహితుడిగా గుంటూరు ప్రజలకు సుపరిచితుడేనని, అటువంటి ఆయనపై టీడీపీ సర్కారుకు కక్ష ఎందుకని ప్రశ్నించారు. వైఎస్సార్‌ సీపీ నగర అధ్యక్షురాలిగా ఉన్న ముస్తఫా కుమార్తె షేక్‌ నూరి ఫాతిమా ప్రభుత్వానికి వ్యతిరేకంగా మాట్లాడుతున్నారని, ఆమె గళం విన్పించకుండా చేసేందుకు ప్రభుత్వం వారి కుటుంబంపై కక్ష కట్టిందని పేర్కొన్నారు. వారం రోజుల వ్యవధిలో నూరి ఫాతిమా ఇంటితో పాటు ఆమె నివాసం ఉంటున్న అపార్ట్‌మెంట్‌లో ఫ్లాట్లు, బంధువుల ఇళ్లలో పోలీసులు సోదాలు చేశారని, పెదకాకాని సీఐ నారాయణస్వామి నూరిఫాతిమా అపార్ట్‌మెంట్‌లోని సీసీ ఫుటేజ్‌ పట్టుకెళ్లారని అన్నారు. ముస్తఫా ఇంట్లో గంజాయి వంటి మత్తు పదార్థాలు పెట్టే ఆలోచనతో పోలీసులు పదే, పదే సోదాలు చేశారని విమర్శించారు. పోలీసుల అతి ప్రవర్తనపై హైకోర్టులో క్వాష్‌ పిటిషన్‌ పోలీసుల అతి ప్రవర్తనపై హైకోర్టులో క్వాష్‌ పిటిషన్‌ వేస్తున్నామని స్పష్టం చేశారు. ఉగ్రవాదులు, తీవ్రమైన నేరాలు చేసిన వ్యక్తుల ఫొటోలు ప్రచురించిన విధంగా వ్యాపార లావాదేవీకి సంబంధించిన కేసులో ముస్తఫా, అతని కొడుకు పరారీలో ఉన్నారని, వారిని అప్పగిస్తే బహుమతి ఇస్తామంటూ నూజివీడు పోలీసులు ఎల్లో మీడియా పత్రికలో ప్రకటనం ఇవ్వడం దారుణమన్నారు. రెండు సార్లు ఎమ్మెల్యేగా పని చేసిన మైనార్టీ నేతకు ఇచ్చే గౌరవం ఇదేనా అని ప్రశ్నించారు. పోలీసులు చట్ట ప్రకారం వెళ్లకుండా, ఇష్టారాజ్యంగా వ్యవహరించడం తగదని, మహిళలను, బంధువులను బెదిరించడం దుర్మార్గమని అన్నారు. పోలీసులతోపాటు తెర వెనుక ఉండి నడిపిస్తున్న పెద్దలు ఫలితాన్ని ఖచ్చితంగా అనుభవిస్తారని అన్నారు. ఈనాడు పత్రిక ముస్తఫాపై ఇంత దిగజారి వార్తలు ప్రచురించడం పత్రికా లోకానికి సిగ్గు చేటన్నారు. ముస్తఫా కుటుంబానికి పార్టీ అండగా ఉంటుందన్నారు. కేంద్ర మంత్రి పెమ్మసాని నేరస్తుడు కేంద్ర మంత్రి పెమ్మసాని నేరస్తుడని, అందుకే ఆయన మాట్లాడడని అంబటి రాంబాబు అన్నారు. గుంటూరు జిల్లాలో టీడీపీ ఎమ్మెల్యేలందరూ డమ్మీలని, పోలీసు యంత్రాంగం పెమ్మసాని చేతుల్లో ఉందన్నారు. పెద్ద మనిషిలా చెలామణీ అవుతూ తడి గుడ్డలతో గొంతులు కోస్తున్నారనీ, టీడీపీ గుండాలను పంపి, పోలీసులను అడ్డుకోవద్దని పెమ్మసాని చెప్పడంతోనే నా ఇల్లు, కార్యాలయాలపై ఏడు గంటలపాటు విధ్వంసం జరిగిందన్నారు. దాడికి పాల్పడిన వారితోపాటు సూత్రధారులకు సంకెళ్లు వేయించే వరకు నిద్ర పోనని స్పష్టం చేశారు. తన ఇంటిపై దాడి జరిగిన రోజు సీఐలు గంగా వెంకటేశ్వర్లు, వంశీకి ఫోన్లు చేయలేదని పెమ్మసాని చెప్పగలరా అని ప్రశ్నించారు. ఇప్పటి వరకు తాను చేసిన ఆరోపణలు అబద్ధం అని పోలీసులు చెప్పలేదన్నారు. వైఎస్సార్‌ సీపీ నగర అధ్యక్షురాలు, తూర్పు నియోజకవర్గ సమన్వయకర్త షేక్‌ నూరి ఫాతిమా మాట్లాడుతూ మాజీ ఎమ్మెల్యే షేక్‌ ఎండీ ముస్తఫాను సంబంధం లేని కేసులో ఇరికించి, మానసికంగా వేధిస్తున్నారని అన్నారు. కుటుంబ సభ్యులను వేధించడంతో పాటు డీఎస్పీ స్థాయి అధికారి ప్రతిరోజూ స్టేషన్‌కు రమ్మని పిలవడం, కోర్టు ఆర్డర్‌ లేకుండా ఇంట్లో తనిఖీలు చేయడం రాజకీయ కక్ష సాధింపేనని అన్నారు. పోలీసుల తీరుపై న్యాయ పోరాటం చేస్తామని స్పష్టం చేశారు. సమావేశంలో వైఎస్సార్‌ సీపీ జిల్లా మైనార్టీ సెల్‌ అధ్యక్షుడు పఠాన్‌ సైదా ఖాన్‌, తూర్పు. పశ్చిమ నియోజకవర్గాల మైనార్టీ సెల్‌ అధ్యక్షులు లియాకత్‌ అలీ, ఖాసిం బేగ్‌, మైనార్టీ సెల్‌ ప్రధాన కార్యదర్శి షారుఫుద్దీన్‌, కార్యదర్శి ఉమర్‌, ఈసీ సభ్యుడు బషీద్‌, ఖాజావలి, పలావ్‌ సైదా పాల్గొన్నారు.

గుంటూరు వెస్ట్‌: ప్రజా సమస్యల పరిష్కార వేదిక కార్యక్రమం ద్వారా ప్రజలు అందిస్తున్న అర్జీల పరిష్కారం నాణ్యతతో పాటు వేగవంతంగా ఉండాలని జిల్లా జాయింట్‌ కలెక్టర్‌ అశుతోష్‌ శ్రీ వాస్తవ అధికారులను ఆదేశించారు. సోమవారం స్థానిక కలెక్టరేట్లోని ఎస్‌ఆర్‌ శంకరన్‌ సమావేశ మందిరంలో నిర్వహించిన పీజీఆర్‌ఎస్‌ కార్యక్రమంలో జేసీ పాల్గొని ప్రజల నుంచి అర్జీలు స్వీకరించారు. అధికారులతో మాట్లాడుతూ జిల్లా నలుమూలల నుంచి వచ్చిన అర్జీదారుల సమస్యలు తెలుసుకుని పరిష్కారానికి కృషి చేయాలన్నారు. అర్జీలను నిర్ణీత గడువులోగా పరిష్కరించడంతో పాటు, పరిష్కారం సాధ్యంకాని అంశాలపై స్పష్టమైన కారణాలను అర్జీదారులకు తెలియజేయాలని ఆదేశించారు. ప్రజా సమస్యల పరిష్కారమే ప్రభుత్వ యంత్రాంగం ప్రధాన లక్ష్యంగా పనిచేయాలని జేసీ స్పష్టం చేశారు. అనంతరం వచ్చిన 420 అర్జీలను డీఆర్‌ఓ షేఖ్‌ ఖాజావలి, జెడ్పీ సీఈఓ జ్యోతి బసు, డీఎంహెచ్‌ఓ డాక్టర్‌ విజయలక్ష్మి, స్పెషల్‌ డిప్యూటీ కలెక్టర్‌ గంగరాజు, డీపీఓ సాయి కుమార్‌, జిల్లా అధికారులు పరిశీలించారు.

గుంటూరు లీగల్‌: జాతీయ, రాష్ట్ర న్యాయ సేవాధికార సంస్థ ఆదేశాల మేరకు, జిల్లా ప్రధాన న్యాయమూర్తి, న్యాయ సేవాధికార సంస్థ జిల్లా చైర్మన్‌ బి.సాయి కల్యాణ్‌ చక్రవర్తి సూచనల మేరకు సోమవారం వన్‌ కే వాక్‌ నిర్వహించారు. జిల్లా న్యాయ సేవాధికార సంస్థ కార్యదర్శి సయ్యద్‌ జియాఉద్దీన్‌ మాట్లాడుతూ మధ్యవర్తిత్వం అనేది కేసుల సత్వర పరిష్కారానికి ఎంతగానో ఉపయోగపడుతుందని అన్నారు. కక్షిదారులకు సమయం, డబ్బు వృథా కాకుండా కేసులను సులభ మార్గంలో పరిష్కరించుకోవచ్చని పేర్కొ న్నారు. మధ్యవర్తిత్వంపై ప్రజల్లో మరింత అవగాహన పెంపొందించడానికి ఈ వన్‌ కే వాక్‌ నిర్వహించినట్లు తెలిపారు. వన్‌ కే వాక్‌ జిల్లా న్యాయ సేవాధికార సంస్థ కార్యాలయం నుంచి మెడికల్‌ కాలేజీ రోడ్డు, పోలీస్‌ పెరేడ్‌ గ్రౌండ్‌ మీదుగా సంస్థ కార్యాలయం వరకు సాగింది. మధ్యవర్తిత్వంపై అవగాహన కలిగించారు. కార్యక్రమంలో ప్యానెల్‌ అడ్వకేట్స్‌, పారా లీగల్‌ వలంటీర్స్‌, లీగల్‌ ఎయిడ్‌ డిఫెన్స్‌ కౌన్సిల్‌ సిబ్బంది, జిల్లా న్యాయ సేవాధికార సంస్థ సిబ్బంది పాల్గొన్నారు. నరసరావుపేట రూరల్‌: కోటప్పకొండ త్రికోటేశ్వరస్వామి దేవస్ధానంలో సహస్ర ఘటాభిషేకాన్ని సోమవారం శాస్త్రోక్తంగా నిర్వహించారు. రాష్ట్రంలో నెలకొన్న వర్షాభావ పరిస్థితుల నేపథ్యంలో సమృద్ధిగా వర్షాలు కురిసి ప్రజలు సంతోషంగా ఉండాలని కోరుతూ సహస్ర ఘటాభిషేకాన్ని నిర్వహించారు. ఉదయం స్వామి వారికి విశేష పూజలు, అభిషేకాలు అర్చక స్వాములు జరిపారు. గణపతి పూజ, వరుణ జప సంకల్పం, నవగ్రహ మండపారాధన అనంతరం సహస్ర ఘటాభిషేకం నిర్వహించారు. ఉదయం 10గంటలకు ప్రారంభమైన ఘటాభిషేకం మధ్యాహ్నం 2గంటల వరకు కొనసాగింది. గర్భాలయంలోని మూలవిరాట్‌ పూర్తిగా నీటమునిగే వరకు ఘటాభిషేకాన్ని నిర్వహించారు. కార్యక్రమంలో ఎమ్మెల్యే డాక్టర్‌ చదలవాడ అరవిందబాబు, ఈవో డి.చంద్రశేఖరరావు, సిబ్బంది పాల్గొన్నారు. మంత్రి నారాయణ గుంటూరు వెస్ట్‌: రాజధాని ప్రాంత రైతుల ప్రయోజనాలే పరమావధిగా వివిధ ప్రాజెక్టులు చేపట్టడం జరుగుతుందని రాష్ట్ర మున్సిపల్‌ వ్యవహారాల శాఖ మంత్రి నారాయణ స్పష్టం చేశారు. సోమవారం స్థానిక కలెక్టరేట్‌లోని శంకరన్‌ సమావేశ మందిరంలో జిల్లా కలెక్టర్‌ సాయికాంత్‌ వర్మ, సీఆర్డిఏ అడిషనల్‌ కమిషనర్‌ భార్గవ తేజ, తాడికొండ శాసనసభ్యులు తెనాలి శ్రావణ్‌ కుమార్‌ తదితరులతో కలిసి తాడికొండ, మోతడక, కంతేరు గ్రామ రైతులతో మంత్రి నారాయణ సమావేశమయ్యారు. మంత్రి నారాయణ మాట్లాడుతూ రైతుల ప్రయోజనాలను కాపాడుతూనే ప్రాజెక్టులను చేపడుతున్నామన్నారు. తాడికొండ, మోతడక గ్రామాల రైతులు ల్యాండ్‌ పూలింగ్‌కు ముందుకు వచ్చారని, కంతేరు గ్రామ రైతులతో మరోసారి మాట్లాడి తెలియజేస్తామని అన్నారని వివరించారు. రైతులు కోరిన విధంగా ల్యాండ్‌ ఫూలింగ్‌కు కాలవ్యవధి నిర్ణయిస్తామన్నారు. సమావేశంలో మూడు గ్రామాల రైతులతోపాటు సీఆర్‌డీఏ అడిషనల్‌ కమిషనర్‌ కార్తీక్‌, జాయింట్‌ కలెక్టర్‌ అశుతోష్‌ శ్రీ వాస్తవ, డీఆర్వో ఖాజావలి, ఇతర అధికారులు పాల్గొన్నారు. ఇంద్రకీలాద్రి(విజయవాడపశ్చిమ): దుర్గమ్మకు విజయవాడకు చెందిన భక్తులు సోమవారం రూ.17 లక్షల విలువైన లక్ష్మీకాసుల హారాన్ని కానుకగా సమర్పించారు. దొండేటి ఐశ్వర్య జ్యోతి, కుటుంబ సభ్యులు అమ్మవారిని దర్శించుకునేందుకు ఇంద్రకీలాద్రికి విచ్చేసి సుమారు 108 గ్రాముల బంగారంతో తయారు చేయించిన కాసుల హారాన్ని అందజేశారు.

సాక్షి, గుంటూరు: కేంద్ర సహాయ మంత్రి పెమ్మసాని చంద్రశేఖర్ వైఖరిపై వైఎస్సార్‌సీపీ సీనియర్ నేత అంబటి రాంబాబు తీవ్రస్థాయిలో విరుచుకుపడ్డారు. కేంద్రమంత్రి పెమ్మసాని చంద్రశేఖర్ చెప్పే అభివృద్ధి ఏంటో ప్రజలు గమనించాలి. అర్ధరాత్రి వేళల్లో మహిళలు ఉన్న ఇళ్లలోకి చొరబడి, తలుపులు పగులగొట్టి పోలీసులు తనిఖీలు చేయడమేనా ఆయన తెచ్చే అభివృద్ధి? అని అంబటి రాంబాబు ప్రశ్నించారు.గుంటూరు జిల్లాలో హోం డిపార్ట్‌మెంట్ పూర్తిగా పెమ్మసాని జేబులోనే ఉందని, ఆయన కనుసన్నల్లోనే పోలీసు యంత్రాంగం నడుస్తోందని ఆరోపించారు.నా ఇంటిపై దాడి చేయించారు. గతంలో తన ఇంటిపై జరిగిన దాడిని ప్రస్తావిస్తూ అంబటి భావోద్వేగానికి గురయ్యారు. "నా ఇంటిపై దాడి చేసే సమయంలో 24 గంటల్లో సినిమా చూపిస్తా అని పెమ్మసాని ఎందుకు మాట్లాడారు? ఇప్పుడు ఆయన ఎందుకు మౌనంగా ఉన్నారు? ఆయనకు తప్పు చేశాననే భావన ఉంది.. ఎందుకంటే ఆయన ఒక నేరస్థుడు అని మండిపడ్డారు.తాను నల్లపాడు పోలీస్ స్టేషన్ లాకప్‌లో ఉన్న సమయంలో జరిగిన ఒక అంతర్గత విషయాన్ని అంబటి బయటపెట్టారు. నేను నల్లపాడు స్టేషన్‌లో ఉన్నప్పుడు అక్కడి ఇద్దరు సీఐలకు పెమ్మసాని స్వయంగా ఫోన్ చేశారా లేదా? ఒకవేళ ఆయన పోలీసులకు ఫోన్ చేయలేదని నిరూపిస్తే, నేను ఆయన కాళ్లకు దండం పెడతా అంటూ సవాల్ విసిరారు. పెమ్మసాని మీద తనకు ఎలాంటి వ్యక్తిగత కోపం లేదని, కానీ తన ఇంటిపై దాడి చేయించి క్రూరత్వానికి పాల్పడినందుకే తాను తీవ్రమైన కడుపుమంటతో మాట్లాడుతున్నానని స్పష్టం చేశారు. నా ఇంటిపై దాడి చేసిన వారిలో ఇంతవరకు పోలీసులు ఒక్కరినైనా అరెస్ట్ చేశారా? అని నిలదీశారు.

తాడేపల్లి : తీవ్రవాదిని అరెస్టు చేసినట్లు ఎమ్మెల్యే విరూపాక్షిని అరెస్టు చేయడం దుర్మార్గమని మాజీ ఎమ్మెల్యే టీజేఆర్‌ సుధాకర్‌బాబు ధ్వజమెత్తారు. తమ పార్టీకి చెందిన సీదిరి అప్పలరాజు, ముస్తఫాపై కూడా ఇలాగే దాడులు చేయించారని మండిపడ్డారు టీజేఆర్‌. ఈరోజు(సోమవారం, ఆగస్టు 3వ తేదీ) తాడేపల్లి వైఎస్సార్‌సీపీ కేంద్ర కార్యాలయం నుంచి మాట్లాడిన టీజేఆర్‌.. బీసీ,‌ ఎస్సీలపై చంద్రబాబు దురుద్దేశంతోనే దాడులు చేయిస్తున్నారని విమర్శించారు. ‘ నాగరాజు తన భార్య నైటీని చించి, మాపార్టీ నేతలపై ఆరోపణలు చేయటం సిగ్గుచేటు. పోలీసుల సమక్షంలోనే ఈ సంఘటన జరిగింది. మంత్రులు పార్థసారధి, సంధ్యారాణి సిగ్గు లేకుండా మాపై ఆరోపణలు చేశారు. అధికార మదం తలకెక్కిన మాటలను మంత్రులు మాట్లాడుతున్నారు. లోకేష్ చేసిన డీఎస్సీ అక్రమాలను డైవర్షన్ చేయటానికే ఈ కుట్రలకు తెర తీశారు. తన కొడుకు కనపడటం లేదని కోర్టుకు వెళ్లిన మాల గంగమ్మను పోలీసులు కొట్టి చంపారు. చివరికి పోలీసుల పహరాలోనే ఆమె శవాన్ని దహనం చేయించారు. మా నిజ నిర్ధారణ కమిటీ గ్రామానికి వెళ్తే మమ్మల్ని వారి ఇంటికి కూడా వెళ్లనీయలేదు. గంగమ్మ మృతికి కారణమైన పోలీసులపై కేసు పెట్టాలి. తప్పుడు కేసుల పెట్టి వేధిస్తున్న ఏ పోలీసులనూ వదలం. గుంటూరులో మాజీ ఎమ్మెల్యే ముస్తఫాపై పోలీసులు అరాచకం చేశారు. తనకు డబ్బులు ఇవ్వాల్సిన వ్యాపారిపై ముస్తఫా ఫిర్యాదు చేస్తే ఆయనపైనే కేసు పెట్టారు. డిప్యూటీ స్పీకర్ రఘురామకృష్ణమరాజు బెదిరింపులపై ఫిర్యాదు చేసిన మాదాలా శ్రీనివాస్ పైనే తిరిగి కేసు పెట్టారు. ఆముదాలవలస ఇంఛార్జి చింతాడ రవికుమార్ పై అక్రమ కేసులు పెట్టారు. ఎస్ఐ మీద అసభ్యకరంగా ప్రవర్తించింది పోలీసులే. ఆ పోలీసులను వదిలేసి, చింతాడ రవి మీద ఎలా కేసు పెడతారు?, ఆముదాలవలస ఎమ్మెల్యే కూన రవికుమార్ ఒక మహిళా అధికారిని వేధిస్తే ఎందుకు కేసు పెట్టలేదు?, ఆ మహిళా అధికారి స్వయంగా ఫిర్యాదు చేసినా పట్టించుకోరా?, మహిళా ఎస్ఐ కేసులో ధనేటి రమ్మోహనరావు, తేజేశ్వర్రావు ఇద్దరూ స్థానికంగా లేకపోయినా కేసు పెట్టారు. ఎన్.సురేష్ అనే డాక్యుమెంట్ రైటర్ పైన కూడా అలాగే కేసు పెట్టారు. ఇలాంటి అక్రమ కేసులతో రాష్ట్రం పరువు తీస్తున్నారునీట్ పేపర్ లీకైనందున కేంద్ర మంత్రి రాజీనామా చేస్తే మరి లోకేష్ ఏం చేస్తున్నారు?, డీఎస్సీ అక్రమాలపై నైతిక బాధ్యత వహించరా?, ఎమ్మెల్యే విరూపాక్షిని బేషరతుగా విడుదల చేయాలి. సీసీ కెమెరా హార్డ్ డిస్కులను భద్రపరచాలి. చింతాడ రవికుమార్ కేసులో అక్కడ లేని వారిపై కేసులను ఉపసంహరించుకోవాలి. అధికార దుర్వినియోగానికి పాల్పడుతున్న చంద్రబాబు, లోకేష్, పవన్ కళ్యాణ్ ప్రజలకు క్షమాపణ చెప్పాలి’ అని డిమాండ్‌ చేశారు.

● ఆలయంలో మరోమారు బయటపడ్డ భద్రతా లోపం ● సోషల్‌ మీడియాలో పోస్ట్‌పై పోలీసులకు ఫిర్యాదు ఇంద్రకీలాద్రి (విజయవాడ పశ్చిమ): విజయవాడలోని ఇంద్రకీలాద్రిపై ఉన్న దుర్గగుడి రాజగోపురం ఎదుట యువతి డ్యాన్స్‌ చేసి సోషల్‌ మీడియాలో పోస్ట్‌ చేసిన ఘటన ఆలస్యంగా వెలుగు చూసింది. దీనిపై ఆలయ అధికారులు ఆదివారం వన్‌టౌన్‌ పోలీసులకు ఫిర్యాదు చేశారు. జూలై 7న గుంటూరుకు చెందిన ఓ యువతి రాజగోపురం ఎదుట డ్యాన్స్‌ చేసింది. సెల్‌ఫోన్‌లో వీడియో తీసి సోషల్‌ మీడియాలో అప్‌లోడ్‌ చేసింది. ఈ వ్యవహారం ఆలయ అధికారుల దృష్టికి ఆదివారం రావడంతో సీసీ కెమెరాలను పరిశీలించి పోలీసులకు ఫిర్యాదు చేశారు. ఆ యువతి సోషల్‌ మీడియాలో ఈ ఒక్క వీడియోనే కాకుండా గతంలోనూ అనేక సార్లు ఆలయ ప్రాంగణంలోని రాజగోపురం లోపల కూడా వీడియోలు తీసి అప్‌లోడ్‌ చేసినట్లు గుర్తించారు. దుర్గగుడిలో వరసగా చోటుచేసుకుంటున్న ఘటనలతో ఆలయ ప్రతిష్ట దెబ్బతింటోందని భక్తులు అభిప్రాయపడుతున్నారు. మరోవైపు ఆలయ భద్రతా లోపాలపై అనుమానాలు వ్యక్తం అవుతున్నాయి. ఆలయంలోకి సెల్‌ఫోన్లతో ప్రవేశం లేదని దేవస్థానం పదే పదే ప్రచారం చేసుకుంటున్నప్పటికీ ఆలయంలోకి సెల్‌ఫోన్లతో ప్రవేశించడంపై తీవ్ర విమర్శలు వెల్లువెత్తుతున్నాయి.

లక్ష్మీపురం: రాష్ట్ర ప్రభుత్వం ఆశా వర్కర్లతో వెట్టిచాకిరి చేయిస్తూ కనీస వేతనాలు అమలు చేయకుండా అన్యాయంగా వ్యవహరిస్తోందని ఏఐటీయూసీ రాష్ట్ర ప్రధాన కార్యదర్శి ఎస్‌.వెంకటసుబ్బయ్య పేర్కొన్నారు. గుంటూరు, కొత్తపేట, మల్లయ్యలింగంభవన్‌లో ఆదివారం ఆశా వర్కర్స్‌ యూనియన్‌ రాష్ట్ర కమిటీ సమావేశం నిర్వహించారు. సమావేశానికి యూనియన్‌ రాష్ట్ర అధ్యక్షురాలు ఎల్‌.శాంతి అధ్యక్షత వహించారు. ఆయన మాట్లాడుతూ ఆశా కార్యకర్తలు ఎన్నో ఏళ్లుగా ప్రజలకు వైద్య సేవలు అందిస్తున్నప్పటికీ వారికి కనీస వేతనాలు అమలు చేయడం లేదని ఆవేదన వ్యక్తం చేశారు. పీఎఫ్‌, ఈఎస్‌ఐ లాంటి సామాజిక భద్రత సౌకర్యాలు లేవని చెప్పారు. గత ఎన్నికల్లో చంద్రబాబు అధికారంలోకి వస్తే వేతనాలు పెంచుతామని హామీ ఇచ్చారని, కానీ ఇంతవరకు వారి సమస్యలు వినడానికి కూడా ఇష్టపడడం లేదని విమర్శించారు. ఏఐటీయూసీ సీనియర్‌ నాయకులు వెలుగురి రాధా కృష్ణమూర్తి మాట్లాడారు. ఏపీ ఆశా వర్కర్స్‌ యూనియన్‌(ఏఐటీయూసీ) గౌరవ అధ్యక్షుడిగా ఎస్‌.వెంకటసుబ్బయ్య, రాష్ట్ర అధ్యక్ష, కార్యదర్శులుగా గుంటి వేణుగోపాల్‌, ఎల్‌.శాంతి, వర్కింగ్‌ ప్రెసిడెంట్‌ రమీ జాబి, డెప్యూటీ జనరల్‌ సెక్రెటరీ చాముండేశ్వరి, కోశాధికారి యు.మరియమ్మ ఏకగ్రీవంగా ఎన్నికయ్యారు. ఉపాధ్యక్షులుగా వేదవతి, చందా మరై, సహాయ కార్యదర్శులుగా రత్న, కె.కల్పన, కుమారి జిల్లాల నుంచి ఐదు మంది చొప్పున ఎన్నికయ్యారు. సమావేశంలో సీపీఐ గుంటూరు జిల్లా కార్యదర్శి కోట మాల్యాద్రి, రావుల అంజిబాబు పాల్గొన్నారు. ఏఐటీయూసీ రాష్ట్ర ప్రధాన కార్యదర్శి వెంకటసుబ్బయ్య పిలుపు

బాపట్ల: ఆంధ్రప్రదేశ్‌ ప్రభుత్వ ఉద్యోగుల సంఘం జిల్లా అధ్యక్షులుగా జీవీవీ రాఘవరెడ్డి ఏకగ్రీవంగా ఎన్నికయ్యారు. సంఘం జిల్లా సమావేశం స్థానిక సూర్యకాళి ఫంక్షన్‌న్‌హాలులో ఆదివారం నిర్వహించారు. సమావేశంలో జిల్లా అధ్యక్షులుగా జీవీవీ రాఘవరెడ్డిని ఎన్నుకోవటంతోపాటు కార్యకవర్గాన్ని ప్రకటించారు. రాష్ట్ర ఆర్గనైజింగ్‌ సెక్రటరీ నాగ సాయి ముఖ్యఅతిథిగా పాల్గొని కార్యక్రమాన్ని నిర్వహించారు. ఉద్యోగుల సమస్యలపై పోరాటాలు చేసిన ఏకై క సంఘం ఇదేనని ఆయన పేర్కొన్నారు. ఎన్నికలకు అధికారిగా రాష్ట్ర కార్యదర్శి జి కిషోర్‌కుమార్‌, పరిశీలకులుగా జి నాగసాయి, అసిస్టెంట్‌ ఎన్నికల అధికారిగా సిహెచ్‌ కిరణ్‌కుమార్‌రెడ్డి వ్యవహరించారు. 18 మందితో జిల్లా కార్యవర్గాన్ని ఎన్నుకున్నారు. రాష్ట్ర అధ్యక్షులు కె.ఆర్‌.సూర్యనారాయణకు కృతజ్ఞతలు తెలిపారు. జిల్లా కార్యదర్శి జి.రవికుమార్‌ మాట్లాడుతూ రాష్ట్ర నాయకత్వ ఆదేశాలను సంఘ నాయకులు తప్పకుండా పాటించాలని పేర్కొన్నారు. సంఘం బలోపేతానికి ప్రతి ఒక్కరు కృషి చేయాలని పిలుపునిచ్చారు. నూతన జిల్లా కమిటీ జిల్లా అధ్యక్షులుగా జీవీవీ రాఘవరెడ్డి, కార్యదర్శిగా జి రవికుమార్‌, అసోసియేట్‌ ప్రెసిడెంట్‌గా మారుతీప్రసాద్‌, ఉపాధ్యక్షులుగా జె.శ్రీలక్ష్మి, పి తులసీరామ్‌, కె.వి రమణమ్మ, కే జయరామిరెడ్డి, కే శ్రీనివాసరెడ్డి, సీహెచ్‌ జనార్దన్‌రెడ్డి, కార్యనిర్వహక కార్యదర్శిగా జి జ్యోతి, సంయుక్త కార్యదర్శిగా నజరీన్‌, ఎం శ్రీనివాసులు, బి శ్రీకాంత్‌రెడ్డి, పుల్లారావు, రవిచంద్ర, రోశయ్య, పి భానుప్రకాష్‌, కోశాధికారిగా సందీప్‌ ఏకగ్రీవంగా ఎన్నికయ్యారు. వీరికి అతిథులు, తోటి ఉద్యోగులు, శ్రేయోభిలాషులు శుభాకాంక్షలు తెలిపారు.

కొరిటెపాడు(గుంటూరు): గుంటూరు జిల్లాలో శనివారం ఉదయం నుంచి ఆదివారం ఉదయం వరకు ఆరు మండలాల్లో తేలికపాటి నుంచి ఓ మోస్తరు వర్షం కురిసింది. అత్యధికంగా మంగళగిరి మండలంలో 13.2 మిల్లీమీటర్లు వర్షం కురవగా, అత్యల్పంగా గుంటూరు పశ్చిమలో 1.2 మి.మీ వర్షం కురిసింది. సగటున 2 మి.మీ వర్షపాతం నమోదైంది. వివిధ మండలాల్లో నమోదైన వర్షపాతం వివరాలు ఇలా ఉన్నాయి. దుగ్గిరాల మండలంలో 12.4 మి.మీ., పెదకాకాని 5, తాడేపల్లి 3.6, తుళ్లూరు మండలంలో 1.4 మి.మీ చొప్పున వర్షం కురిసింది. గుంటూరు ఎడ్యుకేషన్‌ రంగస్థలానికి వన్నె తెచ్చిన వ్యక్తిగా బళ్లారి రాఘవ చిరస్థాయిలో నిలిచిపోతారని జెడ్పీ సీఈవో వి.జ్యోతిబసు పేర్కొన్నారు. ఆదివారం ప్రముఖ రంగస్థల నటుడు బళ్లారి రాఘవ జయంతి సందర్భంగా జెడ్పీ సమావేశ మందిరంలో ఆయన చిత్రపటానికి పూలమాల వేసి నివాళులర్పించారు. జెడ్పీ పరిపాలనాధికారులు, ఉద్యోగులు పాల్గొన్నారు. చిలకలూరిపేటటౌన్‌: భార్య పుట్టింటికి వెళ్లిందని మనస్తాపం చెందిన భర్త బలవన్మరణానికి పాల్పడ్డాడు. అర్బన్‌ పోలీసులు తెలిపిన వివరాల ప్రకారం..చిలకలూరిపేట పట్టణంలోని మద్దినగర్‌కు చెందిన షేక్‌ నాగూర్‌వలి(30) తాపీ పనులను చేసుకుంటూ జీవనం సాగిస్తున్నాడు. ఈ క్రమంలో భార్య మస్తాన్‌బీ చీరాల మండలం పందిళ్లపల్లి గ్రామానికి వెళ్లి రెండు రోజులు ఉండి వస్తానని భర్తకు చెప్పి శనివారం వెళ్లింది. ఆదివారం భార్య తను చెప్పినా వినకుండా వెళ్లిందని మనస్తాపం చెందిన నాగూర్‌వలి ఇంట్లో శ్లాబుకు ఫ్యాన్‌ కోసం ఏర్పాటు చేసిన హుక్‌కు టవల్‌తో ఆదివారం ఉదయం ఉరివేసుకుని ఆత్మహత్యకు పాల్పడ్డాడు. అంతా గమనించే లోపే మృతి చెంది ఉండటంతో నాగూర్‌వలి అక్క మస్తాన్‌బీ ఫిర్యాదు మేరకు అర్బన్‌ పోలీసులకు కేసు నమోదు చేసి మృతదేహాన్ని పోస్టుమార్టంకు తరలించారు. మృతుడికి ఇద్దరు కుమారులు ఉన్నారు. కృష్ణలంక(విజయవాడతూర్పు): రాష్ట్ర వ్యాప్తంగా ఉన్న ప్రభుత్వ, ప్రైవేటు ఉన్నత పాఠశాలల్లో జన విజ్ఞాన వేదిక(జేవీవీ)ఆధ్వర్యంలో ఈ నెల 27వ తేదీ నుంచి చెకుముకి సైన్స్‌ సంబరాలు ప్రారంభిస్తున్నట్లు జనవిజ్ఞాన వేదిక రాష్ట్ర అధ్యక్షుడు, మాజీ ఎమ్మెల్సీ కె.ఎస్‌.లక్ష్మణరావు పేర్కొన్నారు.గవర్నర్‌పేటలోని బాలోత్సవ భవన్‌లో ఆదివారం జేవీవీ రాష్ట్ర కమిటీ సమావేశం జరిగింది. ఈ సందర్భంగా చెకుముకి సైన్స్‌ సంబరాలకు సంబంధించిన వాల్‌పోస్టర్‌ను ఆవిష్కరించారు. జేవీవీ రాష్ట్ర ప్రధాన కార్యదర్శి తవ్వా సురేష్‌ మాట్లాడుతూ పాఠశాల స్థాయి ఆగస్టు 27న, మండల స్థాయి సెప్టెంబర్‌ 11న, జిల్లా స్థాయి సెప్టెంబర్‌ 27న, నవంబర్‌ 1, 2, 3 తేదీల్లో రాష్ట్రస్థాయి సంబరాలు జరుగుతాయని వివరించారు. రాష్ట్రంలోని ప్రభుత్వ, ప్రైవేట్‌ పాఠశాలలకు చెందిన 8, 9, 10 తరగతుల విద్యార్థులు పాల్గొనవచ్చని తెలిపారు.

రొంపిచర్ల: స్థానిక జిల్లా పరిషత్‌ ఉన్నత పాఠశాల్లో ఆదివారం ఆంధ్రప్రదేశ్‌ బేస్‌బాల్‌ సంఘం ఆధ్వర్యంలో పల్నాడు జిల్లా కార్యవర్గ ఎన్నికలు నిర్వహించారు. కార్యక్రమానికి గౌరవ అధ్యక్షులు చిరంజీవి, సురేష్‌, చిన్నరామయ్య, ఎస్‌ఏఏపీ అబ్జర్వర్‌ పి.నరసింహారెడ్డి, ఆంధ్రప్రదేశ్‌ బేస్‌బాల్‌ అబ్జర్వర్‌ చి.శ్రీనివాసరావు, ఎన్నికల అధికారి రమణారెడ్డి, ముఖ్య అతిథి వై.సైదయ్య పాల్గొన్నారు. ఎన్నికల్లో పి. మణికంఠ వరప్రసాద్‌ రెడ్డి అధ్యక్షుడిగా, జి.వేమారెడ్డి కార్యదర్శిగా, చి.నాగేంద్రం ఖజాంచీగా, వి.అంజిరెడ్డి ఉపాధ్యక్షుడిగా, పి.కృష్ణారెడ్డి సంయుక్త కార్యదర్శిగా, వి. శివారెడ్డి, ఎ.కమలమ్మ కార్యవర్గ సభ్యులుగా ఏకగ్రీవంగా ఎన్నికయ్యారు. నూతన కమిటీ సభ్యులకు పలువురు అభినందనలు తెలిపారు.

తెనాలిరూరల్‌: రోడ్డు ప్రమాదం దాడికి దారి తీసింది. పట్టణ ఐతానగర్‌కు చెందిన వల్లభాపురపు మాణిక్యరావు(రౌడీషీటర్‌), సుబ్బారావు రాత్రి వేళల్లో ఆటో నడుపుతున్నారు. శనివారం అర్ధరాత్రి దాటాక ఇస్లాంపేట/ముత్తెంశెట్టిపాలేనికి బాడుగ రాగా వెళ్లారు. తిరిగి వచ్చే క్రమంలో కబేళా వంతెన మార్గంలో అప్పుతే నరసరావుపేట నుంచి వచ్చి కారుకు కవర్‌ వేస్తున్న సుల్తాన్‌(రౌడీషీటర్‌)ను ఢీకొట్టారు. ముందుకు పడిన సుల్తాన్‌ ముక్కుకు తీవ్ర గాయమైంది. ఆటోను ఆపకుండ వెళ్లిపోవడంతో సుల్తాన్‌, అతడి మిత్రులు, బంధువులు బైక్‌లపై వెంబడించారు. ఐతానగర్‌లో ఆటోను అడ్డగించి మాణిక్యరావు, సుబ్బారావులపై కర్రలు, రాడ్డులతో దాడి చేశారు. దాడిలో ఇద్దరికీ గాయాలు కాగా తెనాలి జిల్లా ప్రభుత్వ వైద్యశాలకు తరలించారు. అక్కడ నుండి మాణిక్యరావును గుంటూరు వైద్యశాలకు పంపారు. ఈ ఘటనపై వన్‌ టౌన్‌ పోలీస్‌స్టేషన్‌లో మాణిక్యరావుపై సెక్షన్‌ 279 కింద ఆదివారం రాత్రి కేసు నమోదైంది. అలానే సుల్తాన్‌, మరి కొందరిపై టూ టౌన్‌ పోలీస్‌ స్టేషన్‌లో హత్యాయత్నం కేసు నమోదు చేశారు. కాగా మాణిక్యరావు, సుబ్బారావు మద్యం తాగి ఉన్నట్టు పోలీసుల విచారణలో వెల్లడైంది. గుంటూరు ఎడ్యుకేషన్‌: సమాజానికి వినోదాత్మకంగా మంచి సందేశాన్ని అందించాలనే సంకల్పంతో అమీర్‌ లోగ్‌ చిత్ర బృందం చేసిన ప్రయత్నం ఎంతో అభినందనీయమని రాజ్యసభ సభ్యుడు భాష్యం రామకృష్ణ అన్నారు. ఆదివారం గోరంట్లలోని భాష్యం టెన్త్‌ క్యాంపస్‌ థియేటర్‌లో అమీర్‌ లోగ్‌ చిత్రంలోని కాసుల కళ గీతాన్ని భాష్యం రామకృష్ణ ఆవిష్కరించారు. రామకృష్ణ మాట్లాడుతూ చిత్ర దర్శకుడు రమణారెడ్డికి ఒక ఆర్కిటెక్చర్‌గా భాష్యం విద్యాసంస్థలతో ఉన్న అనుబంధాన్ని గుర్తుచేశారు. ఆయనలోని సృజనాత్మకతను వెలికితీస్తూ చిత్రాన్ని నిర్మించడం ఎంతో ఆశ్చర్యానికి గురి చేసిందని, సీని రంగంలో విజయవంతంగా రాణించాలని ఆకాంక్షించారు. కార్యక్రమంలో చిత్ర నటీనటులు, కో–ప్రొడ్యూసర్‌ మనోహర్‌ రెడ్డి, సంగీత దర్శకులు స్మరణ్‌ సాయి, సింగర్‌ రాహుల్‌ సిప్లిగంజ్‌, కొరియోగ్రాఫర్‌ యానీ మాస్టర్‌, డీఓపీ ఎస్‌వీకే, గీత రచయిత మనోజ్‌ కుమార్‌ తదితరులు పాల్గొన్నారు. రాష్ట్రస్థాయి పోటీల్లో తృతీయ స్థానం సాధించిన రవీంద్ర రెడ్డి ప్రత్తిపాడు: క్యారమ్స్‌ పోటీల్లో ప్రత్తిపాడు కుర్రాడు సత్తా చాటాడు. నెల్లూరులో జూలై 31 నుంచి ఆగస్టు 2 వరకు ఏపీ 1వ ర్యాంకింగ్‌ క్యారమ్‌ టోర్నమెంట్‌ – 2026 రాష్ట్ర స్థాయి క్యారమ్స్‌ పోటీలు నిర్వహించారు. ఏపీ క్యారమ్స్‌ అసోసియేషన్‌, జిల్లా క్యారమ్స్‌ అసోసియేషన్‌ పర్యవేక్షణలో నిర్వహించిన చాంపియన్‌ షిప్‌ పోటీల్లో ప్రత్తిపాడుకు చెందిన క్యారమ్స్‌ ప్లేయర్‌ బాపతు రవీంద్ర రెడ్డి గుంటూరు జిల్లా నుంచి పాల్గొని ఉత్తమ ఆటతీరును కనబరిచాడు. రాష్ట్ర స్థాయిలో తృతీయ స్థానం సాధించాడు. అసోసియేషన్‌ ప్రతినిధులు రవీంద్ర రెడ్డికి ట్రోఫీ, సర్టిఫికెట్‌ అందజేశారు. గతంలోనూ రవీంద్ర రెడ్డి అనేక జిల్లా, రాష్ట్ర స్థాయి పోటీల్లో బహుమతులు సాధించాడు. ఈ సందర్భంగా ప్రత్తిపాడు క్యారమ్స్‌ ఆటగాళ్లు, యువత, గ్రామస్తులు రవీంద్ర రెడ్డికి అభినందనలు తెలిపారు. నరసరావుపేట: గడిచిన 24 గంటల వ్యవధిలో జిల్లాలోని 28 మండలాలకుగాను పది మండలాల్లో 77.6 మిల్లీమీటర్ల వర్షపాతం నమోదైనట్లు ఆదివారం సంబంధిత అధికారులు వెల్లడించారు. రెంటచింతల 3.6 మి.మీ, గురజాల 9.8, దాచేపల్లి 1.6, నరసరావుపేట, మాచవరం మండలాల్లో 1.8 చొప్పున, అచ్చంపేట 15.2, క్రోసూరు 2.6, అమరావతి 12.8, పెదకూరపాడు 22.0, రాజుపాలెం 2.2, ముప్పాళ్ల 4.2, మీ.మీ. వర్షం కురిసింది.

● కూతురు నిశ్చితార్ధం కబుర్లు చెప్పి వస్తుండగా తండ్రి మృతి ● కోటనెమలిపురిలో విషాదం రాజుపాలెం: కూతురు నిశ్చితార్ధానికి బంధువులను పిలిచేందుకు వెళ్లి తిరిగి వస్తూ తండ్రి అనంతలోకాలకు చేరుకోవడంతో శుభకార్యం జరుపుకోవాల్సిన కుటుంబంలో విషాదం నిండింది. మండలంలోని అనుపాలెం సమీపంలో ఈ దుర్ఘటన ఆదివారం జరిగింది. స్థానికులు తెలిపిన వివరాలు ఇలా ఉన్నాయి... మండలంలోని కోటనెమలిపురి గ్రామానికి చెందిన ఆదిమూలం కాశియ్య (45) భార్య పూజితతోపాటు ఇద్దరు కుమార్తెలు, ఒక కుమారుడు ఉన్నారు. పెద్ద కుమార్తెకు సోమవారం నిశ్చితార్ధం కావడంతో అంచులవారిపాలెం గ్రామంలోని బంధువులను ఆహ్వానించి తిరిగి ద్విచక్ర వాహనంపై కోటనెమలిపురికి బయలుదేరాడు. మార్గంమధ్యంలో మాచర్ల–గుంటూరు రహదారిపై అనుపాలెం సమీపంలోని కోల్డ్‌స్టోరేజ్‌ వద్ద మాచర్ల నుంచి గుంటూరు వెళ్తున్న ఆర్టీసీ బస్సు ఎదురుగా ఢీకొనడంతో తీవ్రగాయాలై అక్కడికక్కడే మృతి చెందాడు. తెల్లవారితే శుభకార్యం జరుపుకోవాల్సిన కుటుంబంలో తీరని విషాదం మిగిలింది. కుటుంబసభ్యులు విలపిస్తున్న తీరు చూపరులను కంటతడి పెట్టిస్తుంది. ఎస్‌ఐ మణికృష్ణ ఘటనాస్థలానికి చేరుకుని మృతదేహానికి పంచనామా నిర్వహించి పోస్టుమార్టం నిమిత్తం సత్తెనపల్లి ఏరియా వైద్యశాలకు తరలించారు.

● రూ.6 లక్షల విలువ చేసే బంగారం స్వాధీనం ● వివరాలు వెల్లడించిన డీఎస్పీ పూర్ణచంద్రరావుగుంటూరు రూరల్‌: మహిళ చనిపోగా ఆ ఇంట్లో మృతురాలికి చెందిన నగదు చోరీ కేసులో మరోమహిళను అరెస్ట్‌ చేసిన ఘటన కాకుమాను పోలీస్‌ స్టేషన్‌ పరిధిలో చోటుచేసుకుంది. నగరంలోని సౌత్‌ సబ్‌ డివిజన్‌ డీఎస్పీ కార్యాలయంలో ఏర్పాటు చేసిన విలేకరుల సమావేశంలో నిందితుల వివరాలను డీఎస్పీ పూర్ణచంద్రరావు తెలిపారు. డీఎస్పీ మాట్లాడుతూ కాకుమాను మండలం పాండ్రపాడులో దేవిరెడ్డి సుబ్బాయమ్మ(75) అనారోగ్యంతో గత నెల 12వ తేదీన మృతి చెందారు. మృతురాలికి పెదనందిపాడు మండలం రావిపాడులో అంత్యక్రియలు నిర్వహించారు. అనంతరం అందరూ పాండ్రపాడుకు చేరుకున్నారు. ఈ క్రమంలో మృతురాలికి చెందిన బంగారు వస్తువులు కనిపించకపోవటంతో ఇల్లంతా వెతికారు. ఎంతకి దొరకకపోవటంతో వెంటనే మృతురాలి మనుమడు వెంకటేష్‌, కాకుమాను పోలీసులకు ఫిర్యాదు చేశారు. కేసు నమోదు చేసిన పోలీసులు జిల్లా ఎస్పీ వకుల్‌జిందాల్‌ ఆదేశాల మేరకు కేసు దర్యాప్తు చేశారు. దర్యాప్తులో మృతురాలికి చెందిన బంగారు వస్తువులను ఆమె బంధువు పాండ్రపాడుకు చెందిన దేవిరెడ్డి నాంచారమ్మ దొంగిలించినట్లు గుర్తించారు. నిందితురాలిని ఏటుకూరు బైపాస్‌వద్ద ఆదివారం అరెస్ట్‌ చేశారు. నిందితురాలి వద్ద నుంచి సుమారు రూ.6 లక్షలు విలువ చేసే బంగారు చైన్‌, బంగారు తాడు, ఉంగరం, మంగళసూత్రం సుమారు 57 గ్రాములు స్వాధీనం చేసుకున్నారు. నిందితురాలిని కోర్టుకు అప్పగించగా రిమాండ్‌కు తరలించారు. కేసు దర్యాప్తులో ప్రతిభ చూపిన ప్రత్తిపాడు సీఐ పీ సుబ్బారావు, ఎస్‌ఐ హరికృష్ణ, కానిస్టేబుల్స్‌ నరసింహారావు, చిరంజీవి, సంసోన్‌, శ్రీకాంత్‌, శివపార్వతిలను అభినందించి రివార్డులు అందజేశారు.

రేపల్లె: పట్టణంలోని ప్రభుత్వ పాలిటెక్నిక్‌ కళాశాలలో నిర్వహిస్తున్న టైప్‌రైటింగ్‌ పరీక్షలు ఆదివారంతో ముగిశాయి. ఎగ్జామినేషన్‌ చీప్‌ సూపరింటెండెంట్‌ కే.మల్లికార్జునరావు మాట్లాడుతూ శని, ఆదివారాలలో జరిగిన పరీక్షకు నూరువాతం విద్యార్థులు హాజరయ్యారన్నారు. రెండవ రోజు పరీక్షకు ఇంగ్లీష్‌ జూనియర్‌ గ్రేడ్‌కు ఏడు, లోయర్‌ గ్రేడ్‌కు 16, హయ్యర్‌ గ్రేడ్‌కు ఏడు, తెలుగు హయ్యర్‌కి ఇరువురు మొత్తం 32 మంది హాజరైనట్లు పేర్కొన్నారు. మార్టూరు: రోడ్డు దాటుతున్న వృద్ధురాలిని ఆటో ఢీకొట్టిన ప్రమాదంలో ఆమె మృతి చెందిన సంఘటన జాతీయ రహదారిపై కోలలపూడి వద్ద ఆదివారం సాయంత్రం జరిగింది. హైవే అంబులెన్సు సిబ్బంది నాయక్‌, స్థానికుల వివరాలు ఇలా ఉన్నాయి. కోలలపూడికి చెందిన యార్లగడ్డ ఆదెమ్మ(70) ముప్పవరం నుంచి కోలలపూడి కూడలి వద్ద బస్సు దిగి ఇంటికి వెళ్లడం కోసం రహదారి దాటుతోంది. ఈ క్రమంలో అదే మార్గంలో కోలలపూడి వైపు వెళ్తున్న ఆటో ఆదెమ్మను వెనుక నుంచి బలంగా ఢీకొట్టింది. ప్రమాద తీవ్రతకు తీవ్రగాయాలై అపస్మారక స్థితిలో ఉన్న ఆదెమ్మను హైవే అంబులెన్స్‌ సిబ్బంది నాయక్‌ మార్టూరు ప్రభుత్వ ఆసుపత్రికి తరలించారు. పరిస్థితి విషమించి ఆదెమ్మ అప్పటికే మృతి చెందినట్లు వైద్యులు ధ్రువీకరించారు. పోలీసులు కేసు నమోదు చేసుకుని ఆదెమ్మ మృతదేహాన్ని పోస్టుమార్టం నిమిత్తం తరలించారు. మృతురాలు ఆదెమ్మకు భర్త, ముగ్గురు కుమారులు, ఒక కుమార్తె ఉన్నారు. ఇదిలా ఉండగా ప్రమాదానికి కారణమైన ఆటో డ్రైవర్‌ను స్థానికులు పోలీసులకు పట్టించినట్లు సమాచారం. వేటపాలెం: బైక్‌ పై వెనుక కూర్చొన్న వ్యక్తి కిందపడి అక్కడికక్కడే మృతి చెందాడు. వేటపాలెం–చీరాల రోడ్డులో ఆమోదగిరిపట్నం వద్ద ఆదివారం ఈ సంఘటన చోటు చేసుకుంది. స్థానికులు తెలిపిన వివరాల మేరకు.. వేటపాలెం మార్కెట్‌ సెంటర్‌ వద్ద గోలి గోపి(36) నివాసం ఉంటున్నాడు. మధ్యాహ్నం గుండెల్లో నొప్పిగా ఉందని చెప్పి తన పక్కింటి అతని సహాయంతో మోటార్‌ బైక్‌ పై చీరాల హాస్పిటల్‌కి వెళుతున్నాడు. ఆమోద గిరిపట్నం వద్దకు వెళ్లే సరికి బైక్‌ వెనుక వైపు కూర్చునొని ఉన్న గోపీకి ఫిట్స్‌ వచ్చి బైక్‌ పై నుంచి కింద పడి పోయాడు. బైక్‌ ఆపి చూడగా గోపీ మృతి చెంది ఉన్నాడు. బైక్‌ వెనకూర్చుని ఉన్న సమయంలో ఫిట్స్‌ రావడంతో కింద పడి మృతి చెందాడని భావిస్తున్నారు. గోపీ వేటపాలెం సెంటర్లో కర్రీ పాయింట్‌ నిర్వహిస్తుంటాడు. భార్య, ఒక కూతురు ఉంది. సంఘటనా స్థలాన్ని ఎస్సై పి.జనార్దన్‌ పరిశీలించి దర్యాప్తు చేస్తున్నాడు.

పెదకాకాని: పెదకాకానిలోని భ్రమరాంబ మల్లేశ్వరస్వామి దేవస్థానంలో ఆషాఢ మాసం పురస్కరించుకుని భ్రమరాంబ అమ్మవారిని ఆదివారం శాకంబరీదేవిగా అలంకరించి ప్రత్యేక పూజలు చేశారు. అమ్మవారిని కూరగాయలు, ఆకుకూరలు, పండ్లు, డ్రై ఫ్రూట్స్‌, సుగంధ ద్రవ్యాలతో శోభాయమానంగా అలంకరించారు. అంతరాలయం, ఆలయ ప్రాంగణం, ధ్వజస్తంభం వద్ద పండ్లు, ఆకుకూరలు, కూరగాయల తోరణాలతో తీర్చిదిద్దారు. ఆలయ డిప్యూటీ కమిషనర్‌ గోగినేని లీలాకుమార్‌ పర్యవేక్షణలో స్థానాచార్యులు, ప్రధాన అర్చకులు, అర్చకులు, వేదపండితులు శాకంబరి అమ్మవారికి ప్రత్యేక పూజలు నిర్వహించారు. ఆయా ప్రాంతాల నుంచి అధికసంఖ్యలో భక్తులు తరలివచ్చి భ్రమరాంబ సమేత మల్లేశ్వరస్వామి వారిని దర్శించుకుని మొక్కులు చెల్లించుకున్నారుతాలయంలోని విఘ్నేశ్వరుణ్ణి, నందీశ్వరుడిని, ప్రసన్నాంజనేయస్వామి వారిని, భద్రకాళి సమేత వీరభద్ర స్వామివారిని కూడా కూరగాయలు, ఆకుకూరలు, పండ్లతో చక్కగా అలంకరించారు. ఆలయ ప్రాంగణమంతా పచ్చని ఆకుకూరలు, కూరగాయల తోరణాలతో కళకళలాడింది. ఆలయానికి తరలి వచ్చిన భక్తులందరికీ ప్రత్యేక దర్శనం, అన్న ప్రసాదం ఏర్పాట్లు చేసినట్లు డీసీ తెలిపారు. ఆలయ ధర్మకర్తల మండలి చైర్మన్‌ కోసూరి పూర్ణచంద్రరావు దంపతులు, పాలకవర్గం సభ్యులు పెదకాకాని ప్రధాన సెంటర్‌ నుంచి ఆషాఢ సారెతో ఊరేగింపుగా ఆలయానికి చేరుకుని అమ్మవారికి సమర్పించారు. ఆలయానికి విచ్చేసిన భక్తులందరికీ కదంబ ప్రసాదం, తీర్థ ప్రసాదాలు పంపిణీ చేశారు. కార్యక్రమంలో పాలకవర్గం సభ్యులు, ఎక్స్‌అఫీషియో సభ్యులు పేటేటి ధన మహేశ్వరప్రసాద్‌, ఆలయ సిబ్బంది, భక్తులు పాల్గొన్నారు. సోమవారం కూడా అమ్మవారు భక్తులకు శాకంబరీదేవిగానే దర్శనమిస్తారని డీసీ తెలిపారు. భక్తులు పెద్దసంఖ్యలో హాజరు కావాలని కోరారు.

నాదెండ్ల: ఖరీఫ్‌ సీజన్‌లో పత్తి సాగుపైనా రైతుల ఆశలు సన్నగిల్లుతున్నాయి. పత్తికి బదులుగా ప్రత్యామ్నాయ పంటల వైపు మొగ్గు చూపుతున్నారు. ఎన్‌నినో ప్రభావంతో వర్షపాతం తక్కువగా ఉండనుందని వాతావరణ శాఖ అంచనాలు వెలువడుతున్నాయి. తీవ్ర వర్షాభావ పరిస్ధితులు, వేసవిని తలపించేలా ఎండలు, వడగాల్పులతో రైతులు ఆందోళన చెందుతున్నారు. గతేడాది ఇదే సమయంలో వర్షాలు సకాలంలో కురవటంతో రైతులు వివిధ రకాల పంటలు సాగు చేశారు. ఈ ఏడాది అందుకు భిన్నంగా వాతావరణం ఉండనుండటంతో సాగుపై సందిగ్ధంలో ఉన్నారు. గణపవరం గ్రామానికి చెందిన రైతు తొండెపు వెంకటేశ్వర్లు రెండు ఎకరాలతోపాటు ఆరెకరాలు కౌలుకు తీసుకుని పత్తి సాగు చేశారు. రెండు నెలల క్రితం కురిసిన వర్షానికి విత్తనాలు నాటారు. అప్పటి నుంచి వర్షాలు లేకపోవటంతో పత్తి మొక్కలు అరకొరగా మొలిచాయి. అడుగు మేర పెరిగి గిడసబారిపోయాయి. వాస్తవానికి ఈ సమయానికి పూత, పిందె దశకు రావాల్సి ఉంది. భిన్నమైన వాతావరణంతో పత్తి సాగుకు అనుకూలంగా లేదని భావించి ఒక సాలును నేలలో దున్ని వీటి స్థానంలో కంది విత్తనాలు ఎదబెట్టారు. పత్తిపై ఆశలు వదులుకున్న రైతు కందితోనైనా నష్టం తప్పుతుందని ఆశిస్తున్నారు. నియోజకవర్గ పరిధిలోని చాలామంది పత్తి రైతుల పరిస్థితి ఇలాగే ఉండటంతో వాపోతున్నారు.

ఆదివారం రికార్డు స్థాయిలో వందకు పైగా భక్తి బృందాలు, సుమారు 35వేల మంది భక్తులు అమ్మవారికి సారె సమర్పించినట్లు ఆలయ అధికారులు పేర్కొంటున్నారు. ఆషాఢ మాసోత్సవాలలో ఇంత భారీ స్థాయిలో భక్తులు అమ్మవారికి సారె సమర్పించడం ఇదే తొలిసారని అధికారులు పేర్కొన్నారు. సారె సమర్పించేందుకు విచ్చేసిన భక్తులతో ఆలయ ప్రాంగణంలో ఎక్కడ చూసినా రద్దీనే కనిపించింది. మహామండపం, రాజగోపురం, లక్ష్మీ గణపతి ప్రాంగణం, ఘాట్‌రోడ్డు ఇలా ఎక్కడ చూసినా బృందాలు, బృందాలుగా భక్తులు కనిపించారు. రద్దీ నేపథ్యంలో అమ్మవారి దర్శనానికి గంటన్నర సమయం పట్టింది. వెస్ట్‌ ఎసీపీ దుర్గారావు, వన్‌టౌన్‌ సీఐ గుణారామ్‌ స్కానింగ్‌ పాయింట్‌లో రద్దీని పర్యవేక్షించి ఆలయ సిబ్బందితో పాటు పోలీసు, సెక్యూరిటీ సిబ్బందికి సూచనలు ఇచ్చారు.

పింగళి, బళ్లారి గుంటూరు వెస్ట్‌: పింగళి వెంకయ్య, బళ్లారి రాఘవలు దేశానికి విశిష్ట సేవలు అందించిన మహనీయులు అని, వారి జయంతి సందర్భంగా స్మరించుకోవడం, వారు సమాజానికి చేసిన సేవలను గుర్తుచేసుకోవడం ఆనందదాయకమని జాయింట్‌ కలెక్టర్‌ అశుతోష్‌ శ్రీవాస్తవ పేర్కొన్నారు. భారత జాతీయ పతాక రూపకర్త పింగళి వెంకయ్య, రంగస్థల కళాకారుడు బళ్లారి రాఘవ జయంతి కార్యక్రమం ఆదివారం స్థానిక కలెక్టరేట్‌లో ఘనంగా నిర్వహించారు. పింగళి వెంకయ్య, బళ్లారి రాఘవ చిత్రపటాలకు జాయింట్‌ కలెక్టర్‌ అశుతోష్‌ శ్రీవాస్తవ పూలమాలలు వేసి నివాళులర్పించారు. జేసీ మాట్లాడుతూ స్వాతంత్య్ర సమరయోధుడు దేశవ్యాప్తంగా స్వాతంత్య్ర దినోత్సవం రోజున గర్వంగా ఎగురవేస్తున్న భారత జాతీయ పతాకాన్ని రూపొందించిన పింగళి వెంకయ్య భారతదేశానికి చిరస్మరణీయమైన సేవ చేసిన మహనీయులని కొనియాడారు. కళారంగంలో అసాధారణ ప్రతిభ కనబరిచిన బళ్లారి రాఘవ నటనా వైభవం గొప్పదని చెప్పారు. క్రిమినల్‌ లాయర్‌ గాను ఆయన సేవలకు బ్రిటీష్‌ ప్రభుత్వ ప్రశంసలు కూడా పొందారని గుర్తు చేశారు. కార్యక్రమంలో స్టెప్‌ సీఈఓ పి.వి.ఎన్‌.సత్యనారాయణ, కలెక్టరేట్‌ ఏఓ మల్లీశ్వరి, కార్యాలయ సిబ్బంది తదితరులు పాల్గొన్నారు. విజయపురిసౌత్‌: నాగార్జునసాగర్‌ జలాశయ నీటిమట్టం ఆదివారం 513.10 అడుగులకు చేరింది. ఇది 136.9932 టీఎంసీలకు సమానం. సాగర్‌ జలాశయం నుంచి ఎస్‌ఎల్‌బీసీకి 900 క్యూసెక్కులు విడుదలవుతోంది. దీంతో సాగర్‌ జలాశయం నుంచి మొత్తం ఔట్‌ఫ్లోగా 900 క్యూసెక్కులు విడుదలవుతోంది. శ్రీశైలం జలాశయం నుంచి సాగర్‌ జలాశయానికి 900 క్యూసెక్కులు వచ్చి చేరుతోంది.

గుంటూరు ఎడ్యుకేషన్‌: సభ్య సమాజం తలదించుకునేలా ఐ–టీడీపీ సోషల్‌ మీడియాలో వస్తున్న పోస్టులపై పోలీసులు దృష్టి సారించకుండా, ప్రభుత్వానికి వ్యతిరేకంగా వైఎస్సార్‌సీపీ నేతలు చేసే పోస్టులపై మాత్రం అక్రమంగా కేసులు నమోదు చేస్తున్నారని ఆ పార్టీ జిల్లా అధికార ప్రతినిధి సూరసాని వెంకట్‌రెడ్డి ఆరోపించారు. ఆదివారం బృందావన్‌ గార్డెన్స్‌లోని వైఎస్సార్‌ సీపీ జిల్లా కార్యాలయంలో పార్టీ అనుబంధ విభాగాల నాయకులతో కలిసి నిర్వహించిన మీడియా సమావేశంలో ఆయన మాట్లాడారు. టీడీపీ తరఫున ఎంపీగా గెలిచిన కేంద్ర సహాయ మంత్రి పెమ్మసాని చంద్రశేఖర్‌ కారణంగా గుంటూరులో రాజకీయ వైషమ్యాలు పెరిగాయని వెంకట్‌రెడ్డి ఆరోపించారు. ఆయన ప్రోద్బలంతో గత జనవరి 31వ తేదీన మాజీ మంత్రి అంబటి రాంబాబు నివాసంపై టీడీపీ కార్యకర్తలు దాడి చేశారని గుర్తుచేశారు. ఇల్లు, కార్యాలయాన్ని ధ్వంసం చేయడంతోపాటు పెట్రోలు బాంబులు విసిరి హత్యాయత్నానికి పాల్పడ్డారని పేర్కొన్నారు. ఈ ఘటనలో బాధితుడైన అంబటిపైనే పోలీసులు తిరిగి కేసు నమోదు చేశారని విమర్శించారు. తన ఇంటిపై దాడి చేసిన వారిని అరెస్టు చేసి చట్టపరంగా శిక్షించాలని అంబటి రాంబాబు అప్పటి నుంచి డిమాండ్‌ చేస్తున్నప్పటికీ చర్యలు తీసుకోలేదని అన్నారు. అయితే, పెమ్మసాని చంద్రశేఖర్‌ను ఉద్దేశించి సోషల్‌ మీడియాలో వీడియో పోస్టు చేసిన వెంటనే మంగళగిరి సీఐడీ పోలీస్‌ స్టేషన్‌లో కేసు నమోదు చేశారని ఆరోపించారు. అధికారం శాశ్వతం కాదని, చట్టబద్ధంగానే పోరాటం కొనసాగిస్తామని చెప్పారు. తాము అధికారంలోకి వచ్చాక వడ్డీ సహా చెల్లిస్తామని హెచ్చరించారు. ఈ సమావేశంలో నగర ఎస్సీ విభాగ అధ్యక్షుడు పాటిబండ్ల కిరణ్‌, నగర లీగల్‌ సెల్‌ అధ్యక్షుడు రామకృష్ణారెడ్డి, పశ్చిమ నియోజకవర్గ ఎస్సీ విభాగ అధ్యక్షుడు జి. ప్రభు, లీగల్‌ సెల్‌ అధ్యక్షుడు వేణు, విద్యార్థి విభాగ అధ్యక్షుడు భాను, డివిజన్‌ పార్టీ అధ్యక్షుడు రెడ్డి కోటేశ్వరరావు, నాయకులు షర్ఫుద్దీన్‌, సుబ్బారావు, బత్తుల వెంకట్రావు, టీవీఎల్‌ పవన్‌, ఆటో మురళి తదితరులు పాల్గొన్నారు.

భక్త బృందాలతో కిక్కిరిసిన ఇంద్రగిరి ఇంద్రకీలాద్రి(విజయవాడపశ్చిమ): ఇంద్రకీలాద్రిపై దుర్గమ్మ సన్నిధిలో జరుగుతున్న ఆషాఢ మాసోత్సవాలలో ఆదివారం రికార్డు స్థాయిలో భక్తులు, భక్త బృందాలు అమ్మవారికి సారెను సమర్పించాయి. ఆలయానికి చేరుకునే కుమ్మరి పాలెం, బ్రాహ్మణ వీధి, కెనాల్‌రోడ్డు, ప్రకాశం బ్యారేజీ ఇలా ఏ రోడ్డు చూసినా అమ్మవారికి సారె సమర్పించేందుకు విచ్చేస్తున్న భక్త బృందాలే దర్శనమిచ్చాయి. మేళతాళాలు, మంగళవాయిద్యాల నడుమ భక్తులు కుటుంబ సమేతంగా తరలి రావడం కనిపించింది. 8 గంటలకే క్యూలైన్లు కిటకిట.. ఉదయం 8 గంటలకు ప్రారంభమైన సారె సంబరాలు రాత్రి 9 గంటల వరకు ఏకధాటిన కొనసాగాయి. ఉభయ తెలుగు రాష్ట్రాలకు చెందిన భక్తులు ఆదివారం తెల్లవారుజామునే నగరానికి చేరుకుని పవిత్ర కృష్ణానదిలో పుణ్యస్నానాలు ఆచరించారు. దీంతో దుర్గాఘాట్‌ భక్తులతో కిటకిటలాడింది. దుర్గగుడి ఈవో శీనానాయక్‌ దుర్గాఘాట్‌, కేశఖండనశాలను పరిశీలించి భక్తులకు ఇబ్బందులు లేకుండా సిబ్బందికి ఆదేశాలు జారీ చేశారు. ఉదయం 8 గంటలకే భక్తుల వాహనాలతో హెడ్‌ వాటర్‌ వర్క్స్‌, సీతమ్మవారి పాదాలు, వీఎంసీ కార్యాలయ పరిసరాలు కిటకిటలాడాయి. భక్తుల రద్దీ నేపథ్యంలో ఉదయం 9 గంటల నుంచి అంతరాలయ దర్శనం, పది గంటల నుంచి అన్ని దర్శన టికెట్ల విక్రయాలను దేవస్థానం రద్దు చేసింది. అన్ని క్యూలైన్లలో భక్తులు త్వరత్వరగా ముందుకు కదిలేలా ఆలయ అధికారులు చర్యలు తీసుకున్నారు. మొత్తం 5 క్యూలైన్ల ద్వారా భక్తులు అమ్మవారిని దర్శించుకుని సారెను సమర్పించారు. మహామండపం మొదటి అంతస్తుకు క్యూ.. ఆదివారం కావడంతో తెల్లవారుజాము నుంచే పెద్ద ఎత్తున భక్తులు ఇంద్రకీలాద్రికి తరలిరావడంతో అటు ఘాట్‌రోడ్డులోని క్యూలైన్లు ఓం టర్నింగ్‌ వరకు కిటకిటలాడాయి. ఇక మహామండపం 7వ అంతస్తు నుంచి మొదటి అంతస్తు వరకు అన్ని క్యూలైన్లు కిటకిటలాడుతూ కనిపించడం విశేషం. గతంలో భక్తుల క్యూ లైన్‌ మహా మండపం మొదటి అంతస్తుకు చేరిన సందర్భాలు లేవని ఆలయ అధికారులు పేర్కొంటున్నారు. అటు ఘాట్‌రోడ్డు, ఇటు మహా మండపం మొదటి అంతస్తు వరకు క్యూలైన్లు కిటకిటలాడుతూ కనిపించడంతో భక్తులు అమ్మవారి పాత మెట్ల మార్గం ద్వారా కొండపైకి చేరుకోవడం కనిపించింది. మధ్యాహ్నం మహా నివేదన సమయానికి పాత మెట్లు కూడా పూర్తిగా నిండిపోవడంతో భక్తుల మధ్య తోపులాట జరగకుండా పోలీసులు చర్యలు తీసుకున్నారు. పాత మెట్లపై వచ్చిన వారికి గాలిగోపురం మెట్ల మార్గం ద్వారా స్కానింగ్‌ పాయింట్‌కు మళ్లించారు.

చందోలు(కర్లపాలెం): చందోలు గ్రామంలో వేంచేసి ఉన్న బగళా ముఖి అమ్మవారు ఆదివారం అభయప్రదాయిని అలంకరణలో పూజలు అందుకున్నారు. ఆషాఢ మాసం సందర్భంగా చందోలు, కుంచలవారిపాలేనికి చెందిన భక్తులు పొంగళ్లు చేసుకుని మంగళవాయిద్యాలతో ఊరేగింపుగా తరలివచ్చారు. అమ్మవారి ఆలయానికి చేరుకుని ప్రదక్షిణలు చేశారు. అనంతరం అమ్మవారికి సారె, ఇతర నైవేద్యాలు సమర్పించారు. అమరావతి: అమరావతి గ్రామ దేవత పెద్దింటమ్మకు ఆషాఢ మాసం బోనాలను ఆదివారం సమర్పించారు. ఆదివారం ఉదయాన్నే అమ్మవారికి పంచామృత అభిషేకం, అనంతరం వివిధ రకాల కూరగాయలతో శాకంబరీదేవి అలంకారం చే శారు. భక్తులకు దర్శన భాగ్యం కల్పించారు. గ్రామంలోని భక్తులు పొంగళ్లు చేసుకుని మేళాతాళాలతో ఊరేగింపుగా పెద్దింటమ్మ గుడికి చేరుకున్నారు. అనంతరం అమ్మవారికి ఆషాఢ మాస బోనాలు సమర్పించారు. కార్యక్రమంలో గ్రామస్తులు పెద్దసంఖ్యలో పాల్గొన్నారు. అమ్మవారికి ప్రత్యేక పూజలు నిర్వహించారు. భక్తులకు నిర్వాహకులు తీర్థ్ధప్రసాదాలు అందజేశారు. నరసరావుపేట రూరల్‌: కోటప్పకొండ త్రికోటేశ్వరస్వామి దేవస్థానంలో సోమవారం సహస్ర ఘటాభిషేకం నిర్వహిస్తున్నట్టు ఆలయ ఈవో డి.చంద్రశేఖరరావు ఆదివారం ఒక ప్రకటనలో పేర్కొన్నారు. వర్షాలు సమృద్ధిగా కురిసి రాష్ట్రం సుభిక్షంగా ఉండాలని దేవదాయ శాఖ కమిషనర్‌ ఆదేశాల మేరకు ఈ సహస్ర ఘటాభిషేకం నిర్వహిస్తున్నట్టు తెలిపారు. భక్తులు అధిక సంఖ్యలో పాల్గొని వేడుకను విజయవంతం చేయాలని కోరారు. గుంటూరు లీగల్‌: బార్‌ కౌన్సిల్‌ ఆఫ్‌ ఏపీ సభ్యుడు వట్టిజొన్నల బ్రహ్మారెడ్డి ఆధ్వర్యంలో గుంటూరులోని ఆఫీసర్‌ క్లబ్‌లో జరిగిన పురుష న్యాయవాదుల షటిల్‌ డబుల్స్‌ పోటీలు ఆదివారం ముగిశాయి. విన్నర్‌గా జె.మాధవరావు–సుదర్శన్‌, రన్నర్‌గా బి.ప్రభాకర్‌ వర్మ–జి.శ్రీనివాస్‌ జోడీ నిలిచారు. గుంటూరు బార్‌ అసోసియేషన్‌ ప్రెసిడెంట్‌ మధిర నాగేశ్వరరావు డ్రా తీసి పోటీలు తొలుత ప్రారంభించారు. స్పోర్ట్స్‌, కల్చరల్‌ సెక్రటరీ కుప్పాల హనుమంతరావు పర్యవేక్షించారు. రాయపూడి శ్రీను, షేక్‌ సుభాని, పాలపర్తి అనిల్‌, మైలా జాన్‌ జాబేజ్‌, బండ్ల కృష్ణ, కొప్పుల కిరణ్‌, సతీష్‌ సహకారం అందించారు. దుర్గమ్మకు కానుకగా బంగారు వస్తువులు ఇంద్రకీలాద్రి(విజయవాడ పశ్చిమ): ఇంద్ర కీలాద్రిపై కొలువై ఉన్న దుర్గమ్మకు విజయనగరానికి చెందిన భక్తులు ఆదివారం బంగారపు నత్తు, బొట్టు, బొల్లాకిని కానుకగా సమర్పించారు. విజయనగరం జిల్లా గాజుల రేగకు చెందిన కె. సత్యనారాయణ, అప్పాయమ్మ దంపతులు కుటుంబ సమేతంగా అమ్మవారిని దర్శించుకునేందుకు విచ్చేశారు. రూ. 2.50 లక్షల వ్యయంతో సుమారు 19 గ్రాముల బంగారాన్ని వినియోగించి బొట్టు, నత్తు, బొల్లాకిని తయారు చేయించి ఆలయ అధికారులకు అందజేశారు. దాతలకు ఆలయ మర్యాదలతో అమ్మవారి దర్శనభాగ్యం కల్పించారు. వేద పండితుల ఆశీర్వచనం అనంతరం దాతలకు ఆలయ పర్యవేక్షకులు నాగేశ్వరరావు తదితరులు అమ్మవారి చిత్రపటం,ప్రసాదాలు, శేష వస్త్రాలను బహూకరించారు.

సాక్షి,తాడేపల్లి : కర్నూలు జిల్లా ఆలూరు ఎమ్మెల్యే విరూపాక్షి అరెస్టుపై వైఎస్సార్‌సీపీ అధినేత, మాజీ సీఎం వైఎస్‌ జగన్‌మోహన్‌ రెడ్డి ఆగ్రహం వ్యక్తం చేశారు. నారాసుర పాలనలో పరాకాష్టకు అరాచకం అంటూ ఆదివారం ఎక్స్‌ వేదికగా ట్వీట్‌ చేశారు. ఆ ట్వీట్‌లో నారాసుర పాలనలో పరాకాష్టకు అరాచకం అంటూ ధ్వజమెత్తారు. చంద్రబాబు. రాష్ట్రంలో ఇవాళ ఏం జరుగుతోంది? దాడి చేసినవారు అధికారపార్టీ వాళ్లయితే వారికి రక్షణ! దాడికి గురైనవారు వైఎస్సార్‌సీపీ వాళ్లయితే వారిపైనే కేసులు ! బాధితులకు అండగా నిలబడితే ప్రజాప్రతినిధులపైనా కేసులు! ప్రశ్నిస్తే అరెస్టులు ! నిలదీస్తే అర్ధరాత్రి తలుపులు బద్దలుకొట్టడం! ఇదేనా ప్రజాస్వామ్యం?ఇదేనా న్యాయం? ఇదేనా చట్టం?చంద్రబాబు… నేను సూటిగా అడుగుతున్నాను. ఆలూరు బీసీ ఎమ్మెల్యే విరూపాక్షి ఏమైనా ఉగ్రవాదా? ప్రజల చేత ఎన్నుకోబడిన ఒక ఎమ్మెల్యే ఇంటిపై అర్ధరాత్రి 2.45 గంటలకు భారీ పోలీసు బలగాలతో దాడి చేయాల్సిన అవసరం ఏమొచ్చింది? ఇంటి తలుపులు బద్దలుకొట్టి, ఎమ్మెల్యే విరూపాక్షిని, ఆయన కుమారుడు చంద్రశేఖర్‌ను అరెస్టు చేసిన తీరు చూస్తే రాష్ట్రంలో అసలు రూల్‌ ఆఫ్‌ లా అనేది ఉందా? అని అనిపిస్తోంది. చిప్పగిరి మండలం నేమకళ్లులో వైఎస్సార్‌సీపీ నాయకుడి ఇంటిపై టీడీపీవాళ్లు దాడిచేస్తే, తన ప్రాణాలకు ప్రమాదం ఉందని, తన కుటుంబాన్ని కాపాడాలని ఆ నాయకుడు ఎమ్మెల్యే విరూపాక్షికి కాల్‌చేశాడు. ఒక కార్యకర్త ప్రాణభయంతో సహాయం కోరితే స్పందించడం ఎమ్మెల్యే చేసిన నేరమా? బాధిత కుటుంబానికి అండగా నిలబడటం తప్పా? చివరకు పరామర్శించేందుకు వెళ్లిన విరూపాక్షిపైనే టీడీపీ శ్రేణులు రాళ్లతో దాడి చేశాయి. ఆ దాడిలో ఆయన సోదరుడు శ్రీరాముడు గాయపడ్డారు. నిజంగా చట్టం పనిచేస్తే ఎవరిని అరెస్టు చేయాలి? దాడి చేసినవారిని అరెస్టు చేయాలా? దాడికి గురైన ఎమ్మెల్యేను అరెస్టు చేయాలా? కానీ ఈ ప్రభుత్వంలో దాడి చేసినవారికి రక్షణ లభిస్తోంది. దాడికి గురైన ఎమ్మెల్యేనే నిందితుడిగా మార్చి ఆయనపైన, కార్యకర్తలపైన హత్యాయత్నం కేసులు బనాయిస్తున్నారు.ఎమ్మెల్యే ఇంట్లోని సీసీటీవీ హార్డ్‌డిస్కులను పోలీసులు ఎందుకు తీసుకెళ్లారు? అర్ధరాత్రి పోలీసులు చేసిన దౌర్జన్యానికి సంబంధించిన దృశ్యాలు బయటకు వస్తాయనే భయమా? తలుపులు ఎలా బద్దలుకొట్టారో… కుటుంబ సభ్యులను ఎలా భయపెట్టారో… ఎమ్మెల్యేను ఎలా అరెస్టు చేశారో… ప్రజలకు తెలియకూడదనే హార్డ్‌డిస్కులను తీసుకెళ్లారా? చంద్రబాబు.. సాక్ష్యాలను కాపాడాల్సిన పోలీసులతోనే సాక్ష్యాలను మాయం చేయించే ప్రయత్నం చేస్తున్నారా?శ్రీకాకుళం జిల్లాలోనూ ఇదేరకంగా అరాచకం చేస్తున్నారు. ఒక రోడ్డు ప్రమాదాన్ని రాజకీయ కక్షతో హత్య కేసుగా మార్చారు. మాజీ మంత్రి సీదిరి అప్పలరాజును అరెస్టు చేశారు. ఆయన కుటుంబాన్ని పరామర్శించేందుకు నేను వెళ్లినప్పుడు సంఘీభావంగా లక్షలాదిగా ప్రజలు తరలివచ్చారు. ఆ ప్రజాస్పందనను చూసి మీ ప్రభుత్వం భయపడింది. ఆ భయంతోనే ఒక వీడియో క్లిప్‌ను వక్రీకరించారు. చింతాడ రవికుమార్‌పై తీవ్రమైన సెక్షన్లతో కేసులు పెట్టారు. అనేకమంది నాయకులపై అక్రమ కేసులు నమోదు చేశారు. నాయకులు ప్రజల మధ్యకు వెళ్తే కేసులు. ప్రజలు నాయకులను కలిస్తే కేసులు. ప్రభుత్వాన్ని ప్రశ్నిస్తే కేసులు. ప్రతిపక్షానికి మద్దతు పలికితే కేసులు. ఇది ప్రజాస్వామ్యమా? లేక మీ పోలీసు రాజ్యమా? లేక జంగిల్ రాజ్యమా?గుంటూరు ఈస్ట్‌ మాజీ ఎమ్మెల్యే షేక్‌ మొహ్మద్‌ ముస్తఫా, ఆయన కుమారుడిపైనా ఇదే రాజకీయ కక్షసాధింపు కొనసాగుతోంది. ఒక వ్యాపార వివాదంలో సంబంధిత వ్యక్తిని, లారీలను పోలీస్‌ స్టేషన్‌కు అప్పగించినప్పటికీ… తిరిగి ముస్తఫాపైనే కిడ్నాప్‌ కేసు పెట్టారు. పోలీసులకు అప్పగించిన వ్యక్తిని కిడ్నాప్‌ చేశారని కేసు పెట్టడం ఎక్కడి న్యాయం? కేవలం వైఎస్సార్‌సీపీ నాయకుడని కేసు పెడతారా?రాష్ట్రంలోని ‌Gen-Z తరం ఇవాళ ప్రభుత్వాన్ని గట్టిగా ప్రశ్నిస్తూ పోరాటాలు చేస్తోంది. డీఎస్సీ–2025 అక్రమాలపై సీబీఐ విచారణ ఎందుకు జరపడం లేదు? అక్రమాలకు బాధ్యత వహిస్తూ విద్యాశాఖ మంత్రి లోకేష్‌ ఎందుకు రాజీనామా చేయడం లేదు? విద్యార్థులకు చెల్లించాల్సిన రూ.9,500 కోట్ల విద్యాదీవెన, వసతిదీవెన బకాయిలు ఎందుకు చెల్లించడం లేదు? నెలకు రూ.3 వేల నిరుద్యోగ భృతి ఇస్తామని చెప్పి ఎందుకు మోసం చేశారు? మూడేళ్లకు ఒక్కో నిరుద్యోగికి బకాయిపడ్డ రూ.1.08 లక్షలు ఎప్పుడు చెల్లిస్తారు? అని. కాని, ఈ ప్రశ్నలకు మీ దగ్గర మీ తనయుడు లోకేష్ దగ్గర సమాధానం లేదు. అందుకే ప్రజల దృష్టిని మళ్లించేందుకు అక్రమ కేసులు పెడుతున్నారు. అర్ధరాత్రి అరెస్టులు చేస్తున్నారు. పోలీసు దౌర్జన్యాలకు పాల్పడుతున్నారు.చంద్రబాబు.. గుర్తుపెట్టుకోండి. అధికారం శాశ్వతం కాదు. పోలీసు బలం శాశ్వతం కాదు. అక్రమ కేసులు శాశ్వతం కాదు. ఎన్ని కేసులు పెట్టినా… ఎన్ని అర్ధరాత్రి అరెస్టులు చేసినా… ఎన్ని తలుపులు బద్దలుకొట్టినా… ఎన్ని పోలీసు బలగాలను దించినా… వైఎస్సార్‌సీపీ వెనక్కి తగ్గదు. బాధితులకు అండగా నిలుస్తాం. అన్యాయాన్ని నిలదీస్తాం. అరాచక పాలనపై పోరాడుతాం. మీరు అరెస్టులు చేయగలరేమో కానీ కార్యకర్తల గుండెల్లో ఉన్న ధైర్యాన్ని బద్దలుకొట్టలేరు. ప్రజల వేస్తున్న ప్రశ్నలనూ ఆపలేరు’ అని పునరుద్ఘాటించారు. నారాసుర పాలనలో పరాకాష్టకు అరాచకం!దాడి చేసినవారికి రక్షణ… బాధితులపై కేసులతో రాజకీయ కక్ష!@ncbn గారూ.. రాష్ట్రంలో ఇవాళ ఏం జరుగుతోంది? దాడి చేసినవారు అధికారపార్టీ వాళ్లయితే వారికి రక్షణ! దాడికి గురైనవారు వైయస్సార్‌సీపీ వాళ్లయితే వారిపైనే కేసులు ! బాధితులకు అండగా నిలబడితే…— YS Jagan Mohan Reddy (@ysjagan) August 2, 2026

సాక్షి, గుంటూరు: తాడికొండ నియోజకవర్గంలో దారుణం జరిగింది. మేడికొండూరు మండలం డోకిపర్రులో వైఎస్సార్‌సీపీ నేత రత్తయ్యను చంపేందుకు జనసేన నేతలు యత్నించారు. రత్తయ్య తల, ముఖంపై రాళ్లతో దాడి చేసిన జనసేన మూకలు.. ఆయన చనిపోయాడనుకుని వదిలేసి వెళ్లిపోయారు. స్థానికులు గుర్తుపట్టి.. రత్తయ్యను ఆసుపత్రికి తరలించారు.20 రోజుల క్రితం రత్తయ్య ఇంటిపై జనసేన మూకలు దాడి చేశారు. రత్తయ్య తన ఇంటి ముందు వైఎస్సార్‌సీపీ బ్యానర్లు ఏర్పాటు చేశారు. ఆ బ్యానర్‌ తీసేయాలని రత్తయ్యను జనసేన నేతలు హెచ్చరించారు. ఈ క్రమంలో జనసేన నేతలపై ఫిర్యాదు చేసినా కానీ పోలీసులు పట్టించుకోలేదు. దీంతో​ జనసేన నేతలపై గ్రీవెన్స్‌లో రత్తయ్య ఫిర్యాదు చేశారు. ఈ నేపథ్యంలో రత్తయ్యపై రాత్రి విచక్షణారహితంగా రాళ్లు, కర్రలతో​ దాడి చేశారు. రత్తయ్య పరిస్థితి విషమంగా ఉంది. ఆసుపత్రిలో చికిత్స పొందుతున్నారు.

సాక్షి, తాడేపల్లి: నేడు పింగళి వెంకయ్య జయంతి. ఈ సందర్భంగా వైఎస్సార్‌సీపీ అధినేత వైఎస్‌ జగన్‌.. పింగళి వెంకయ్యకు నివాళి అర్పించారు. వైఎస్‌ జగన్‌ ఎక్స్‌ వేదికగా..‘కుల, మత, ప్రాంతాలకు అతీతంగా భారతీయతను చాటి చెప్పే చిహ్నం మన త్రివర్ణ పతాకం. భారత జాతీయ జెండాకు రూపకల్పన చేసిన చిరస్మరణీయుడు, తెలుగు జాతికే గర్వకారణం పింగళి వెంకయ్య. నేడు ఆయన జయంతి సందర్భంగా నివాళులు’ అని పోస్టు చేశారు. కుల, మత, ప్రాంతాలకు అతీతంగా భారతీయతను చాటి చెప్పే చిహ్నం మన త్రివర్ణ పతాకం. భారత జాతీయ జెండాకు రూపకల్పన చేసిన చిరస్మరణీయుడు, తెలుగు జాతికే గర్వకారణం పింగళి వెంకయ్య గారు. నేడు ఆయన జయంతి సందర్భంగా నివాళులు. pic.twitter.com/62kGr55Rqz— YS Jagan Mohan Reddy (@ysjagan) August 2, 2026

● రెండేళ్లలో కొత్త పింఛన్‌ ఊసే ఎత్తని చంద్రబాబు ప్రభుత్వం ● దరఖాస్తులు ఇవ్వాలంటూ ప్రకటనలతో సరి ● ప్రతి నెలా అడ్డగోలు కారణాలతో లబ్ధిదారుల తొలగింపు నెహ్రూనగర్‌: కూటమి ప్రభుత్వం అధికారంలోకి వచ్చి రెండు సంవత్సరాలు దాటినా కొత్త పింఛన్ల మంజూరుకు చర్యలు తీసుకోలేదని అర్హులు చెబుతున్నారు. కుటుంబానికి ఆధారం కోల్పోయిన అనేక మంది వితంతువులు రెండేళ్లుగా పింఛన్‌ కోసం ఎదురుచూస్తున్నారు. అలాగే వృద్ధులు కూడా తీవ్ర ఇబ్బందులు ఎదుర్కొంటున్నారు. పింఛన్‌ వస్తే కనీసం మందుల ఖర్చులకై నా ఇతరులపై ఆధారపడాల్సిన పరిస్థితి తప్పుతుందని వారు వాపోతున్నారు. అయితే ప్రభుత్వం నుంచి ఎలాంటి స్పందన లేకపోవడంతో నిరాశ వ్యక్తం చేస్తున్నారు. ఇటీవల కొత్త పింఛన్లు మంజూరు చేస్తున్నామని, సచివాలయాల్లో దరఖాస్తులు చేసుకోవాలని ప్రభుత్వం సూచించడంతో జిల్లా వ్యాప్తంగా లక్షలాది మంది దరఖాస్తులు సమర్పించారు. ఇప్పటివరకు కొత్త పింఛన్ల మంజూరుపై ప్రభుత్వం నుంచి ఎలాంటి స్పందన లేకపోవడంతో వారు నిరాశకు గురవుతున్నారు. ఎస్సీ, ఎస్టీ, బీసీ, మైనార్టీలకు 50 ఏళ్లకే పింఛన్‌ ఇస్తామని హామీ ఇచ్చిన ప్రభుత్వం ఆ దిశగా ఎలాంటి నిర్ణయం తీసుకోలేదని వారు పేర్కొంటున్నారు. వైఎస్సార్‌ సీపీ పాలనలో భేష్‌ గత వైఎస్సార్‌ సీపీ ప్రభుత్వ హయాంలో సంక్షేమ పథకాలను అర్హుల ఇళ్లకే డోర్‌ డెలివరీ చేసేవారు. 50 ఇళ్లకు ఒక వలంటీర్‌ను నియమించి, అర్హులైన కుటుంబాల నుంచి దరఖాస్తులు స్వీకరించి పథకాలు అందించేవారు. 35 సంవత్సరాలు దాటిన మహిళలకు భర్త మరణిస్తే తదుపరి నెల నుంచే వితంతు పింఛన్‌ మంజూరు చేసేవారు. అర్హులైన వారు దరఖాస్తు చేసుకుంటే కొద్ది రోజుల వ్యవధిలోనే మంజూరు అయ్యేది. పార్టీలకు అతీతంగా పింఛన్లు అందించేవారు. ప్రతి నెల మొదటి తేదీ తెల్లవారుజామునే వలంటీర్లు ఇంటింటికీ వెళ్లి పింఛన్లు పంపిణీ చేసేవారు. ప్రస్తుతం వలంటీర్‌ వ్యవస్థ లేకపోవడంతో ప్రజలు సచివాలయాల చుట్టూ తిరగాల్సిన పరిస్థితి ఏర్పడిందని పలువురు అంటున్నారు. నెలలోనే 2,981 తగ్గింపు జిల్లా వ్యాప్తంగా ఒక్క నెలలోనే 2,981 పింఛన్లు తగ్గాయి. జూలైలో 2,51,771 పింఛన్లు ఉండగా, ఆగస్టు నాటికి అవి 2,48,790కు చేరాయి. అధికారులను ప్రశ్నిస్తే, మరణాలు తదితర కారణాలతో తొలగించాల్సి వస్తోందన్నారని స్థానికులు చెబుతున్నారు. కొత్తవి మంజూరు చేయకపోగా, ఉన్న పింఛన్లను వివిధ కారణాలతో తొలగించడంపై పలువురు అసంతృప్తి వ్యక్తం చేస్తున్నారు. రాష్ట్రంలో చంద్రబాబు ప్రభుత్వం వచ్చి రెండు సంవత్సరాలు దాటినా ఎన్నికల హామీలను అమలు చేయడం లేదు. అన్ని వర్గాల ప్రజలను నిరాశపరుస్తోందని పలువురు విమర్శిస్తున్నారు. ఇప్పటి వరకు ఒక్క కొత్త పింఛన్‌ కూడా మంజూరు కాలేదని అర్హులు ఆవేదన వ్యక్తం చేస్తున్నారు. పైగా ఇప్పటికే ఉన్న పింఛన్లలోనూ కోతలు విధిస్తున్నారని ఆరోపిస్తున్నారు. వృద్ధులు, దివ్యాంగులు, వితంతువులు పింఛన్ల కోసం సచివాలయాల చుట్టూ తిరుగుతున్నారు.

గుంటూరు వెస్ట్‌: ప్రతి నియోజకవర్గంలో ఒక ఎం.ఎస్‌.ఎం.ఇ. పార్క్‌ ఏర్పాటుకు చర్యలు చేపట్టామని జిల్లా కలెక్టర్‌ సి.ఎం.సాయికాంత్‌ వర్మ తెలిపారు. జిల్లా పారిశ్రామిక, ఎగుమతుల ప్రోత్సాహక కమిటీ (డి.ఐ.ఇ.పి.సి.) సమావేశం శనివారం స్థానిక కలెక్టరేట్‌లోని వీసీ హాలులో నిర్వహించారు. కలెక్టర్‌ మాట్లాడుతూ ఎం.ఎస్‌.ఎం.ఇ. పార్క్‌ ఏర్పాటుకు పొన్నూరు మినహా అన్ని నియోజకవర్గాలలో భూములను గుర్తించామన్నారు. ప్రతి నియోజకవర్గంలో ఒక్కొక్క మోడల్‌లో ఏర్పాటుకు కార్యాచరణ ప్రణాళికలు సిద్ధం చేశామన్నారు. జిల్లా పరిశ్రమల శాఖ జనరల్‌ మేనేజర్‌ జయలక్ష్మి మాట్లాడుతూ జిల్లా ఎగుమతుల ప్రణాళిక ప్రతిపాదించామని పేర్కొన్నారు. దీనిపై రైతులకు అవగాహన కార్యక్రమాలు నిర్వహించాల్సి ఉందన్నారు. డి.ఐ.ఇ.పి.సి. సమావేశంలో 11 ఎం.ఎస్‌.ఎం.ఇ. సంస్థలకు పెట్టుబడి, వడ్డీ, విద్యుత్‌, సాంకేతిక అప్‌గ్రేడేషన్‌ కింద రూ.1.53 కోట్ల రాయితీకి ఆమోదం తెలిపారు. జూలై 4 నుంచి 30వ తేదీ వరకు సింగిల్‌ డెస్క్‌ పోర్టల్‌లో అందిన 55 దరఖాస్తులలో 24 దరఖాస్తులకు నిర్దేశిత సమయంలో ఆమోదం తెలిపింది. సమావేశంలో జిల్లా పరిశ్రమల శాఖ ఉప సంచాలకులు ప్రదీప్‌ కుమార్‌, జిల్లా వ్యవసాయ అధికారి ఎం.పద్మావతి, కాలుష్య నియంత్రణ మండలి పర్యావరణ ఇంజినీర్‌ ఎం.డి.నజీనా బేగం, భూగర్భ జలాల శాఖ ఉప సంచాలకులు వందనంతదితర అధికారులు పాల్గొన్నారు. జిల్లా కలెక్టర్‌ సాయికాంత్‌ వర్మ

తెనాలి: కృష్ణా పశ్చిమ డెల్టాలో ఖరీఫ్‌ సీజనులో వరి సాగుకు నీరు ఇచ్చి తీరాల్సిందేనని అఖిలపక్ష నాయకులు పేర్కొన్నారు. లేకుంటే ఆందోళనకు దిగాల్సి వస్తుందని హెచ్చరించారు. పశ్చిమ డెల్టాకు సాగునీటి సాధన కోసం తెనాలి, వేమూరు నియోజకవర్గాలకు చెందిన వివిధ రాజకీయ పార్టీల నాయకులు డెల్టా పరిరక్షణ సమితిగా ఏర్పాటయ్యారు. శనివారం మధ్యాహ్నం స్థానిక వార్ఫ్‌ రోడ్డులోని జలవనరుల శాఖ పశ్చిమ డెల్టా ఈఈ కార్యాలయానికి వెళ్లారు. వరి సాగుకు నీరు విడుదల చేయకపోవడం, వరి కాకుండా ప్రత్యామ్నాయ పంటలు వేయాలని ప్రభుత్వం చెప్పడంపై జిల్లా కేంద్ర సహకార బ్యాంక్‌ మాజీ చైర్మన్‌ మారౌతు సీతారామయ్య ప్రశ్నించారు. సబ్సిడీ విత్తనాలు రైతులకు పంపిణీ చేసి, వాటిని చేలల్లో వెదజల్లి పైరు పెరుగుతున్న దశలో నీరు ఇవ్వలేమని చెప్పటం అర్థరహితంగా పేర్కొన్నారు. పులిచింతల రిజర్వాయరు నుంచి గత మే నెలలో 10 టీఎంసీల నీటిని ఎందుకు విడుదల చేయాల్సి వచ్చిందని మాజీ ఎంపీపీ మైనేని రత్నప్రసాద్‌ ఈఈ ఎస్‌.సుధాకర్‌ను ప్రశ్నించారు. కాంగ్రెస్‌ పార్టీ నియోజకవర్గ ఇన్‌చార్జి డాక్టర్‌ చందు సాంబశివుడు మాట్లాడుతూ వేసవిలో అనవసరంగా నీటిని వృథా చేశారని విమర్శించారు. పులిచింతలలో ఉన్న 29 టీఎంసీల నుంచి ఖరీఫ్‌కు సాగునీరు ఇవ్వాల్సిందేనని డిమాండ్‌ చేశారు. ఇందుకు సమాధానంగా ఈఈ మాట్లాడుతూ ఆ నీటిని వచ్చే ఏడాది జూన్‌ వరకు నిల్వచేసి, తాగునీటి అవసరాలకు వినియోగిస్తామని చెప్పటంతో నాయకులు మండిపడ్డారు. ఇప్పుడు పంటల అవసరానికి నీరివ్వకుండా ఏడాదిపాటు నిల్వ చేయటం ఏమిటని ధ్వజమెత్తారు. ప్రభుత్వాన్ని తప్పుదోవ పట్టిస్తోంది అధికారులేనని అయితానగర్‌ రైతుసంఘం నాయకుడు ఈదర పూర్ణచంద్‌ ఆరోపించారు. కృష్ణానదికి వరద ఆరంభమైందని, గోదావరి నుంచి ఆరు లక్షల క్యూసెక్కుల నీరు సముద్రం పాలవుతోందని చెబుతూ ఈ సమయంలో గుంటూరు జిల్లా కలెక్టర్‌ సాగునీరు ఇవ్వలేమని చెప్పటం బాధ్యతారాహిత్యమని పూర్ణచంద్‌ తీవ్రంగా విమర్శించారు. ఇప్పటికై నా పులిచింతల, పట్టిసీమ నుంచి అవసరమైన మేరకు సాగు నీటిని విడుదల చేయాలని కోరారు. ఏటా జూలై 15వ తేదీకల్లా డెల్టా కాల్వలకు పూర్తిస్థాయిలో సాగునీరు ఇవ్వాలని, పులిచింతలలో జూలై 15వరకు పూర్తిస్థాయి నీటిమట్టం ఉండేలా చూడాలని, పట్టిసీమ కాల్వ సామర్థ్యం పెంచాలని, ప్రకాశం బ్యారేజి ఎగువన హరిశ్చంద్రాపురం వద్ద బ్యారేజీ నిర్మించాలని, ప్రకాశం బ్యారేజీ ఎగువ పూడిక తీయాలని, దిగువను చెక్‌ డ్యామ్‌లు నిర్మించి సముద్రపు నీరు చొచ్చుకురాకుండా ఏర్పాట్లు చేయాలని కోరుతూ వినతిపత్రం అందజేశారు. కార్యక్రమంలో మారౌతు సీతారామయ్య, మైనేని రత్నప్రసాద్‌, ఈదర పూర్ణచంద్‌, డాక్టర్‌ చందు సాంబశివుడు, కొల్లిపర బాబుప్రసాద్‌, చెరుకుమల్లి సింగారావు, చవ్వాకుల రాఘవరావు, కేవీ సత్యనారాయణ, జె.శంకరరావు, పొన్నూరు నాగసూర్య శశిధరరావు, ఇ.వెంకటేశ్వరరావు, పి.స్టీవెన్‌ బాబు, కె.కోటేశ్వరరావు, పెనుగొండ శివకుమార్‌ తదితరులు పాల్గొన్నారు.

ఆదివారం శ్రీ 2 శ్రీ ఆగస్టు శ్రీ 2026దర్శనం పేరుతో వసూళ్ల దందాదివ్యాంగ చిన్నారుల్లో ఆత్మవిశ్వాసం నింపాలి ● టీటీడీ బ్రేక్‌ దర్శనాల పేరుతో టీడీపీ నేతల భారీ దోపిడీ ● నకిలీ సిఫార్సు లేఖలతో భక్తులను దగా చేసిన జనసేన నేత ● గుంటూరు మిర్చి వ్యాపారుల నుంచి రూ. 4.22 లక్షలు వసూలు ● గురజాల, వినుకొండ నియోజకవర్గాలలో భక్తులకు టోకరా సాక్షి ప్రతినిధి, గుంటూరు: వీఐపీ దర్శనాలు, సుప్రభాత సేవలకు అవకాశం ఇప్పిస్తామంటూ నకిలీ సిఫార్సు లేఖలతో భక్తులను కూటమి నేతలు నిండా ముంచేస్తున్నారు. దేవుళ్లంటే భయం కూడా లేకుండా వారు ధనార్జనే ధ్యేయంగా టీటీడీ లేఖలను సైతం అమ్ముకుంటున్న దుర్మార్గపు ఘటనలు జిల్లాలో అనేకం వెలుగుచూస్తున్నాయి. వీరిని పట్టుకుని దందా వెనుక ఉన్న ముఠాను అరెస్టు చేసి, అసలు సూత్రధారులను బయటకు లాగాల్సిన పోలీసులు కనీసం కేసులు కూడా నమోదు చేయలేదు. అధికార పార్టీ నేతలు ఏం చేసినా చూసీచూడనట్లు మిన్నకుండటం పోలీసులకు అలవాటుగా మారిపోయిందనే విమర్శలు వినిపిస్తున్నాయి. ● శావల్యాపురం మండలం కొత్తలూరు గ్రామానికి చెందిన 26 మంది భక్తులు తిరుమల స్వామివారిని దర్శించుకోవాలని నిర్ణయించుకున్నారు. వీరికి ఈపూరు మండలం కొండ్రముట్ల గ్రామానికి చెందిన పాపిశెట్టి శ్రీనివాసరావు అనే టీడీపీ నాయకుడు సేవా టిక్కెట్లతో పాటు రూములు కూడా సమకూరుస్తానంటూ సుమారు రూ.60 వేలు వసూలు చేశాడు. తీరా దర్శనం సమయానికి ఫోన్‌ స్విచ్‌ ఆఫ్‌ చేశాడు. గ్రామస్తులు సిఫార్సు లేఖలను టీటీడీ సిబ్బందికి చూపించగా, అవి నకిలీవని నిర్ధారించారు. దీంతో చేసేదేమీ లేక ఉచిత దర్శనం చేసుకుని వెనుదిరగాల్సి వచ్చింది. అదే గ్రామానికి చెందిన ఓ ఎన్నారై నుంచి కూడా ఇతను రూ.26 వేలు వసూలు చేశాడనే ఆరోపణలు ఉన్నాయి. గ్రామస్తులు దీనిపై పోలీసులకు ఫిర్యాదు చేసినా ఎలాంటి కేసు నమోదు చేయలేదని చెబుతున్నారు. టీడీపీ నాయకుడు కావడంతోనే పోలీసులు చూసీచూడనట్లు వదిలేశారని ఆరోపిస్తున్నారు. ● గుంటూరు నగరానికి చెందిన సుమారు 67 మంది మిర్చి వ్యాపారులు గత నెలలో తిరుమల వెళ్లి దర్శనం చేసుకునేందుకు సిఫార్సు లేఖల కోసం ప్రయత్నించారు. నిమ్మల శ్రీనివాస్‌ అనే వ్యక్తి టీటీడీ ఉద్యోగులతో విస్తృత పరిచయాలు ఉన్నాయని వారిని నమ్మించాడు. సుప్రభాత సేవ దర్శన టిక్కెట్లు ఇప్పిస్తానంటూ నమ్మబలికి రూ.4.22 లక్షలు కాజేశాడు. భక్తులు గత నెల 22న తిరుమల చేరుకున్నారు. సిఫార్సు లేఖలు పెడతానంటూ డబ్బులు తీసుకున్న నిమ్మల శ్రీనివాస్‌ కొద్దిసేపు మాట్లాడి ఫోన్‌ స్విచ్‌ ఆఫ్‌ చేయడంతో బాధితులకు అనుమానం వచ్చింది. అతను ఇచ్చిన లేఖలను టీటీడీ అధికారులకు చూపించగా, అవి నకిలీవని తేలింది. దీంతో టీటీడీ విజిలెన్స్‌ అధికారుల సూచన మేరకు తిరుమల–2 టౌన్‌ పోలీస్‌ స్టేషన్‌లో ఫిర్యాదు చేయగా కేసు నమోదు చేశారు. కేసు నమోదు చేసినప్పటికీ, నిందితుడిని పట్టుకుని నకిలీ సిఫార్సు లేఖలపై లోతుగా దర్యాప్తు జరపకుండా వదిలేశారనే విమర్శలు వెల్లువెత్తాయి. వ్యాపారులంతా గుంటూరుకు చెందినవారు కావడంతో నల్లపాడు పోలీస్‌ స్టేషన్‌కు వెళ్లగా... తిరుపతిలో ఇప్పటికే కేసు నమోదు అయినందున ఇక్కడ మరో కేసు పెట్టలేమని పోలీసులు తెలిపారు. నిందితుడు జనసేన నాయకుడు కావడంతో అతనిపై చర్యలు తీసుకునేందుకు పోలీసులు వెనుకాడుతున్నారనే ఆరోపణలు వినిపిస్తున్నాయి. ● గురజాల కేంద్రంగా టీడీపీ నేతల సిఫార్సు లేఖలు ఇప్పిస్తానంటూ భక్తుల నుంచి భారీగా డబ్బులు దండుకున్న వైనం ఆలస్యంగా బయటపడింది. వీఐపీ బ్రేక్‌ దర్శనానికి రూ.25 వేల నుంచి రూ.30 వేల వరకు వసూలు చేస్తున్నారని, దీని వెనుక టీడీపీ ముఖ్య నేతల హస్తం ఉందనే ఆరోపణలు వినిపిస్తున్నాయి. పోలీసులు ఈ దందా వెనుక ఉన్న పెద్దల పాత్రను వెలికితీయలేదనే విమర్శలు ఉన్నాయి. దీనిపై మాజీ ఎమ్మెల్యే కాసు మహేష్‌రెడ్డి పలు మార్లు విమర్శలు గుప్పించినా ప్రభుత్వం నుంచి స్పందించకపోవడం గమనార్హం. ఇవి కేవలం వెలుగులోకి వచ్చిన సంఘటనలు మాత్రమే. కూటమి నేతలు తమ అక్రమ దందాకు దేవుళ్లను సైతం వాడుకుంటున్నారనే విమర్శలు తీవ్రంగా వినిపిస్తున్నాయి. వినుకొండ నియోజకవర్గంలోనూ టీటీడీ దర్శనాల పేరుతో టోకరా వేశారు. తెనాలి, వేమూరు నియోజకవర్గాల అఖిలపక్ష నేతల డిమాండ్‌ అచ్చంపేట: పులిచింతల ప్రాజెక్టులో ప్రస్తుత నిల్వ 28.99 టీఎంసీలు. విద్యుత్‌ ఉత్పత్తి నిమిత్తం ప్రాజెక్టు దిగువకు 400 క్యూసెక్కులు వదులుతున్నారు. అక్రమాలకు, అవినీతికి అలవాటు పడిన కూటమి నేతలు అందుకు దేవుడిని సైతం వదలడం లేదు. టీటీడీ వీఐపీ దర్శనాల పేరుతో భక్తుల నుంచి భారీగా డబ్బులు వసూలు చేసి వారిని ముంచారు. గుంటూరు జిల్లాలోనూ కూటమి నేతలు దర్శనాల దందా కొనసాగిస్తూ భక్తుల మనోభావాలతో ఆటలాడుకుంటున్నారు. పల్నాడు జిల్లా గురజాల, వినుకొండలో ఇదే దందా కొనసాగుతోంది.

చేబ్రోలు: సాంకేతిక పరిజ్ఞానం అపార అవకాశాలను అందిస్తున్నప్పటికీ, అదే సమయంలో వాస్తవాలను వక్రీకరించే ప్రమాదాన్ని కూడా తెచ్చిందని అటార్నీ జనరల్‌ ఆఫ్‌ ఇండియా డాక్టర్‌ ఆర్‌.వెంకటరమణి హెచ్చరించారు. చేబ్రోలు మండలం వడ్లమూడి విజ్ఞాన్‌ యూనివర్సిటీలో 14వ స్నాతకోత్సవాన్ని శనివారం వర్సిటీ ప్రాంగణంలో వైభవంగా నిర్వహించారు. సమాచారాన్ని విమర్శనాత్మకంగా విశ్లేషించే సామర్థ్యం యువతకు అత్యవసరమని అన్నారు. ముగ్గురు ప్రముఖులకు గౌరవ డాక్టరేట్లు స్నాతకోత్సవం సందర్భంగా విజ్ఞాన్‌ యూనివర్సిటీ గౌరవ డాక్టరేట్‌లను వివిధ రంగాలలో కృషి చేసిన హైదరాబాద్‌లోని నాట్కో ఫార్మా సీఈఓ రాజీవ్‌ నన్నపనేని, గ్రీన్‌కో ఫౌండర్‌, ప్రెసిడెంట్‌, జాయింట్‌ మేనేజింగ్‌ డైరెక్టర్‌ మహేష్‌ కొల్లి, మ్యూజిక్‌ డైరెక్టర్‌ మణిశర్మలకు ప్రదానం చేశారు. ఈ సందర్భంగా మొత్తం 2,599 మంది విద్యార్థులకు డిగ్రీలు ప్రదానం చేశారు. వీటితోపాటు 63 విద్యార్థులకు బంగారు పతకాలను అందజేశారు. పరిశోధనలు సమాజానికి మేలు చేసేలా.. నాట్కో ఫార్మా సీఈఓ రాజీవ్‌ నన్నపనేని మాట్లాడుతూ పరిశోధనలు, ఆవిష్కరణలు కేవలం వ్యాపార కోణంలోనే కాకుండా సమాజానికి మేలు చేసేలా ఉండాలని సూచించారు. ఆరోగ్య రక్షణ రంగానికి సాంకేతికత తోడైతే మరిన్ని అద్భుతాలు సాధించవచ్చన్నారు. యువత నిరంతర పరిశోధనలపై దృష్టి సారించాలని కోరారు. నాట్కో సంస్థ ప్రస్థానం ఈ ప్రాంతం నుంచే, వ్యవసాయ నేపథ్యం ఉన్న కుటుంబం నుంచే ప్రారంభమైందని గుర్తుచేసుకున్నారు. విద్యార్థులు సాధించిన మార్కులు, రాసిన పరీక్షలు కేవలం ప్రాథమిక జ్ఞానాన్ని అందించే మార్గాలు మాత్రమేనని, అవి మాత్రమే భవిష్యత్‌ను నిర్ణయించలేవని అభిప్రాయపడ్డారు. గ్లోబల్‌ ఎనర్జీలో భాగస్వామ్యం.. గ్రీన్‌కో వ్యవస్థాపకులు, జాయింట్‌ మేనేజింగ్‌ డైరెక్టర్‌ మహేష్‌ కొల్లి మాట్లాడుతూ గ్లోబల్‌ ఎనర్జీ ట్రాన్స్‌మిషన్‌ ప్రక్రియలో భారతదేశం కేవలం భాగస్వామిగా మాత్రమే కాకుండా, ప్రపంచానికే నాయకత్వం వహించే స్థాయికి చేరిందని వివరించారు. పర్యావరణహిత స్వచ్ఛ ఇంధనం, నిరంతర శక్తి నిల్వ దిశగా సాగుతున్న ఈ ప్రయాణంలో స్పష్టమైన విజన్‌, సరికొత్త సాంకేతికతలతో ముందుకెళ్తున్నామని తెలిపారు. భారతదేశానికి ఉన్న విస్తారమైన వనరులు, సాంకేతిక నైపుణ్యం దేశాన్ని గ్లోబల్‌ క్లీన్‌ ఎనర్జీ లీడర్‌గా నిలబెడతాయన్నారు. బంగారు పతకాల విజేతలు వీరే.. స్నాతకోత్సవం సందర్భంగా ఆయా విభాగాల్లో సత్తా చాటిన విద్యార్థులకు బంగారు పతకాలు అందజేశారు. ప్రతిష్టాత్మక చైర్మన్స్‌ గోల్డ్‌ మెడల్‌– పరుచూరు తరుణ్‌( ఏఐ అండ్‌ ఎంఎల్‌), ఎండోమెంట్‌ అవార్డులు– చల్లగుల్ల తేజ అమృత సాయి, భవ్యశ్రీ ముప్పాళ్ల, కె.కార్తికేయ, బెస్ట్‌ లీడర్‌ అవార్డు– హరిదాసు సాహితి, బెస్ట్‌ ఎన్‌సీసీ క్యాడెట్‌ – చాగం రాఘవి, మేజర్‌ తీగవరపు శ్రీతేజ భరద్వాజ్‌ మెమోరియల్‌ అవార్డ్‌– నాగ సంహిత, బెస్ట్‌ ఎన్‌ఎస్‌ఎస్‌– సోషల్‌ ఎంగేజ్‌మెంట్‌ వలంటీర్‌– బి.నాగ ప్రీతిక రెడ్డి, బెస్ట్‌ అవుట్‌ గోయింగ్‌ స్టూడెంట్‌ ఫ్రమ్‌ హాస్టల్స్‌– కె.సాయి సత్యకృష్ణ, ముత్యాలంపల్లి ప్రణీత, ఎగ్జంప్లరీ స్టూడెంట్‌ అవార్డు– వి.శ్రీసాయి హిమజ తులసి తదితరులకు బంగారు పతకాలను అందుకున్నారు. కార్యక్రమంలో విజ్ఞాన్‌ విద్యాసంస్థల చైర్మన్‌ లావు రత్తయ్య, వైస్‌ చైర్మన్‌ లావు శ్రీకృష్ణదేవరాయలు, చాన్స్‌లర్‌ పావులూరి సుబ్బారావు, సీఈఓ డాక్టర్‌ మేఘన కూరపాటి, వైస్‌ చాన్స్‌లర్‌ కేవీ క్రిష్ణకిషోర్‌, రిజిస్ట్రార్‌ పీఎంవీ రావు పాల్గొన్నారు.