గుంటూరు మెడికల్‌ కాలేజీకి డబుల్‌ విజయం

● డాక్టర్‌ ఎన్‌.వి.సుందరాచారి మాట్లాడుతూ పరిశోధన అనేది వైద్య రంగంలో అత్యంత కీలకమని పేర్కొన్నారు. పరిశోధనల ద్వారానే ఆరోగ్యకరమైన సమాజాన్ని నిర్మించవచ్చని తెలిపారు. గుంటూరు మెడికల్‌ కాలేజీలో మరిన్ని పరిశోధనలను ప్రోత్సహిస్తామని ఆయన చెప్పారు. ● డాక్టర్‌ నమ్రితా.. రేబీస్‌ సమగ్ర నిర్వహణ అంశంపై, అసిస్టెంట్‌ ప్రొఫెసర్‌ డాక్టర్‌ హనీ రాజేష్‌ మార్గదర్శకత్వంలో పరిశోధన నిర్వహించారని తెలిపారు. ● డాక్టర్‌ వీణ ప్రియా.. డాక్టర్‌ విష్ణునందన్‌ మార్గదర్శకత్వంలో యాంటీబయాటిక్స్‌ స్వీయ వినియోగధోరణులపై అధ్యయనం చేశారని వెల్లడించారు. ● ఈ సందర్భంగా డాక్టర్‌ విష్ణునందన్‌ మాట్లాడుతూ తమ అధ్యయనంలో సుమారు 32 శాతం మంది వైద్యుల సలహా లేకుండా యాంటీబయాటిక్స్‌ వినియోగిస్తున్నారని, ఇది అత్యంత ప్రమాదకరమని తెలిపారు. ఈ అలవాటు వల్ల తీవ్ర సమస్యలు ఏర్పడే ప్రమాదం ఉందని హెచ్చరించారు.