Dr B R Ambedkar Konaseema

● జిల్లా వ్యాప్తంగా 19 ఏళ్లలోపు పిల్లలకు ఆల్బెండజోల్‌ పంపిణీ ● నేడు జాతీయ నులిపురుగుల నిర్మూలన కార్యక్రమం రాజమహేంద్రవరం రూరల్‌: పిల్లల ఎదుగుదలకు అవరోధంగా నిలుస్తున్న నులిపురుగుల నివారణకు సోమవారం జిల్లా వ్యాప్తంగా అధికారులు ఆల్బెండజోల్‌ మాత్రలను పంపిణీ చేసి జాతీయ నులి పురుగుల నిర్మూలన కార్యక్రమం నిర్వహిస్తున్నారు. నులి పురుగుల వల్ల కడుపులో నొప్పి, మంట, వికారం వంటి వాటితో అవస్థ పడుతూ పిల్లలు నీరసపడతారు. ఏడాది నుంచి 19 ఏళ్లలోపు పిల్లల్లో ఈ ఎదుగుదల, నులిపురుగుల సమస్య ఎక్కువగా ఉంటుంది. అపరిశుభ్రతే కారణం.. అపరిశుభ్రత వల్లే నులి పురుగులు ఎక్కువగా వ్యాపిస్తాయి. పరిసరాలు, వ్యక్తిగత పరిశుభ్రత పాటించని పిల్లలకు ఈ సమస్య ఎక్కువగా ఉంటుంది. కలుషిత నీరు, బహిరంగ ప్రదేశాల్లో మల విసర్జన వల్ల, కూరగాయలు శుభ్రం చేయకుండా వండడం, ఆహార పదార్థాలపై మూతలు లేకపోవడం వల్ల ఈ సమస్య ఉత్పన్నమవుతుంది. ఏడాది నుంచి రెండేళ్ల లోపు చిన్నారులకు అల్బెండజోల్‌ సగం మాత్ర (200 మిల్లీగ్రాములు) నీళ్లలో కలిపి పట్టించాలి. 2 నుంచి 19 ఏళ్లలోపు పిల్లలు 400 మిల్లీ గ్రాముల మాత్రను మధ్యాహ్నాం భోజనమయ్యాక చప్పరించేలా చేడాలి. జిల్లాలో 4,46,865 మందికి ఆల్బెండజోల్‌ మాత్రలు పంపిణీ చేయనున్నారు. సోమవారం వేయించుకోని వారికి వచ్చేనెల ఐదున మాత్రలను ఇవ్వనున్నారు. జిల్లాలో అంగన్‌వాడీ కేంద్రాలు, ప్రభుత్వ, ప్రైవేటు పాఠశాలలు, జూనియర్‌, పాలిటెక్నిక్‌ కళాశాలల్లో, బడి బయట పిల్లలకు ఈ మాత్రలు పంపిణీ చేయనున్నారు. స్కూల్‌ హెల్త్‌ ప్రోగ్రాంలో భాగంగా రాష్ట్రీయ బాల స్వాస్థ్య ఆరోగ్య మిషన్‌ ఆధ్వర్యంలో స్కూల్‌ హెల్త్‌ ప్రోగ్రామ్‌లో భాగంగా అల్బెండజోల్‌ మాత్రల పంపిణీ చేస్తున్నాం. కలెక్టర్‌ ఆదేశాలు మేరకు ఈ కార్యక్రమాన్ని విజయవంతం చేస్తాం. – డా.పి.కోమల, డీఎంహెచ్‌వో, తూర్పుగోదావరి జిల్లా

రాయవరం: మండలంలోని సోమేశ్వరం శివారు నాగవంశీయులపేట వద్ద ఆదివారం మధ్యాహ్నం రెండు వాహనాలు ఢీకొని ముగ్గురు గాయపడ్డారు. స్థానికులు తెలిపిన వివరాల ప్రకారం రామచంద్రపురం నుంచి మోటార్‌ సైకిల్‌పై ఇద్దరు వస్తుండగా, రాయవరం వైపు నుంచి మోటార్‌ సైకిల్‌ను నడిపించుకుంటూ మరో వ్యక్తి వస్తున్నాడు. ఆగి ఉన్న లారీని దాటే క్రమంలో ఆ ఇద్దరు వ్యక్తులు వాహనాన్ని నడిపిస్తూ వస్తున్న వ్యక్తిని ఢీకొట్టారు. దీంతో ముగ్గురికీ గాయాలయ్యాయి. క్షతగాత్రులను ఆస్పత్రికి తరలించారు. ఎస్సై డి.సురేష్‌బాబును వివరణ కోరగా తమకు ఎటువంటి ఫిర్యాదు అందలేదని తెలిపారు. చికిత్స పొందుతూ యువకుడి మృతి అనపర్తి: మోటార్‌ బైక్‌ జారిపడి గాయాలపాలైన వ్యక్తి చికిత్స పొందుతూ మృతి చెందాడు. బిక్కవోలు పోలీసులు, స్థానికులు తెలిపిన వివరాల ప్రకారం బిక్కవోలు గ్రామం కొత్తపేటకు చెందిన కల్లేపల్లి శివరామకృష్ణ (26) తాపీ పనితో పాటు శుభకార్యాలకు వంటలు కూడా చేస్తుంటాడు. ఈ నెల 21న గోకవరంలో శుభకార్యానికి వంట పనికి వెళ్లి 23వ తేదీ రాత్రి తిరిగి వస్తుండగా బలభద్రపురం కానేడు రోడ్‌ వద్ద పెట్రోలు బంకు సమీపంలో వర్షం వల్ల రోడ్డు కనపడక వాహనం అదుపుతప్పి పడిపోయాడు. ఈ ప్రమాదంలో అతడి తలకు తీవ్ర గాయం కావడంతో అటుగా వెళ్తున్న వారు 108 అంబులెన్సుకు సమాచారం ఇచ్చి అనపర్తి ఏరియా ఆస్పత్రికి ప్రధమ చికిత్స నిమిత్తం తరలించారు. అనంతరం మెరుగైన చికిత్సకు కాకినాడ జీజీహెచ్‌కు తరలించగా అక్కడ చికిత్స పొందుతూ ఆదివారం ఉదయం 10.45 గంటలకు మృతి చెందాడు. శివరామకృష్ణ తండ్రి ఫిర్యాదు మేరకు ఎస్సై రవిచంద్రకుమార్‌ కేసు దర్యాప్తు చేస్తున్నారు.

చంద్రబాబు బీసీలను ఓటు బ్యాంకుగా వినియోగించుకుని, అధికారంలోకి వచ్చిన తర్వాత వెన్నుపోటు పొడవడం పరిపాటిగా మారింది. ఇప్పుడు ఓట్లు వేసిన బీసీలంతా చంద్రబాబు పాలనను చూసి కన్నీళ్లు తెచ్చుకుంటున్నారు. 2029లో వైఎస్‌ జగన్‌మోహన్‌రెడ్డిని ముఖ్యమంత్రిని చేసేందుకు బీసీలంతా తమ సత్తా చాటాలి. – నవుడు వెంకటరమణ, రాష్ట్ర బీసీ సెల్‌ వర్కింగ్‌ ప్రెసిడెంట్‌ ఉప ముఖ్యమంత్రిగా బీసీలు పనికిరారా! కూటమి ప్రభుత్వంలో బీసీలకు ఉప ముఖ్యమంత్రి పదవి ఇవ్వలేదు. బీసీలు ఉప ముఖ్యమంత్రిగా పనికిరారా..??. బీసీలకు స్థానిక సంస్థల ఎన్నికల్లో 34 శాతం రిజర్వేషన్‌ ఇస్తామని చంద్రబాబు జీఓ ఇచ్చారు. నాలుక గీసుకోవడానికి కూడా జీఓలు పనికిరావు. చంద్రబాబు బీసీలను వాడుకుంటున్నారు. బీసీలకు మంచి చేయాలనే ఉద్దేశం వైఎస్‌ జగన్‌మోహన్‌రెడ్డికి మాత్రమే ఉంది. రానున్న స్థానిక సంస్థల ఎన్నికలు మన ఆత్మగౌరవానికి సంబంధించినవి. ఆ సెమీ ఫైనల్స్‌లో వైఎస్సార్‌ సీపీ విజయం సాధిస్తేనే చంద్రబాబుకు బుద్ధి వస్తుంది. – మార్గాని భరత్‌రామ్‌, మాజీ ఎంపీ, వైఎస్సార్‌ సీపీ జాతీయ అధికార ప్రతినిధి డీఎస్సీ అక్రమాలపై జైలుకెళ్లడం ఖాయం వైఎస్‌ జగన్‌మోహన్‌రెడ్డి ప్రభుత్వంలో రాష్ట్రంలో బీసీలకు నామినేటెడ్‌ పదవులతో పాటు సంక్షేమ పథకాలు అందించారు. డీఎస్సీ స్పోర్ట్స్‌ కోటా అక్రమాలపై చంద్రబాబు, లోకేశ్‌ జైలుకెళ్లడం ఖాయం. స్థానిక సంస్థల ఎన్నికల్లో బీసీల్లో చిన్నస్థాయి కులాలకు సైతం ప్రాధాన్యం కల్పించి వారిని రాజకీయంగా ప్రోత్సహించాలి. 2029 ఎన్నికల్లో వైఎస్‌ జగన్‌ను ముఖ్యమంత్రిని చేసేందుకు బీసీలంతా ఐక్యంగా కృషి చేయాలి. – కుడుపూడి సూర్యనారాయణరావు, ఎమ్మెల్సీ రాజకీయ ప్రాధాన్యం కల్పించారు గత ప్రభుత్వంలో శాలివాహన (కుమ్మరి) కులస్తులకు రాజకీయ ప్రాధాన్యం కల్పించారు. నా భార్య మోహినికి మండల పరిషత్‌ అధ్యక్షురాలిగా అవకాశం కల్పించారు. ప్రతి గ్రామంలో మహాత్మ జ్యోతిరావు ఫూలే విగ్రహాలను వైఎస్సార్‌ సీపీ తరుఫున ఏర్పాటు చేయాల్సిన అవసరం ఉంది. వైఎస్‌ జగన్‌ సీఎం అయితేనే బీసీలకు న్యాయం జరుగుతుంది. – బొండాడ వెంకన్నబాబు, వైఎస్సార్‌ సీపీ జిల్లా ఉపాధ్యక్షుడు, తూర్పుగోదావరి 50 ఏళ్లకే పింఛన్‌ ఏదీ? అధికారంలోకి రాగానే బీసీలకు 50 ఏళ్లకే పింఛన్‌ ఇస్తానన్న చంద్రబాబు 27 నెలలు గడిచినా అందించడం లేదు. రాష్ట్రంలో విశ్వ బ్రాహ్మణులు 20 లక్షల మంది ఉన్నారు. వారికి వెన్నుపోటు పార్టీ న్యాయం చేయలేదు. 2029లో వైఎస్‌ జగన్‌ సీఎం కావడం ఖాయం. – పాపయ్యచారి, విశ్వబ్రాహ్మణ కార్పొరేషన్‌ మాజీ చైర్మన్‌

● కుక్క కాటును నిర్లక్ష్యం చేస్తే ప్రమాదం ● సత్ఫలితాలివ్వని ఏబీసీ శస్త్ర చికిత్సలు ● నేడు ప్రపంచ ర్యాబిస్‌ నివారణ దినం అందుబాటులో ఏఆర్‌వీ జిల్లాలోని అన్ని ప్రభుత్వ ఆస్పత్రుల్లో యాంటీ రేబిస్‌ వ్యాక్సిన్లు (ఏఆర్‌వీ) అందుబాటులో ఉన్నాయి. కుక్క కరిచిన వెంటనే అధైర్య పడకుండా సమీప ఆస్పత్రికి వెళ్లి చికిత్స చేయించుకోవాలి. – ఎం.సుమలత, జిల్లా కన్వీనర్‌, ఆర్‌బీఎస్‌కే, అమలాపురం ఆలమూరు: కేవలం కుక్కల వల్లే కాకుండా పిల్లి, నక్క, డేగ వంటి జంతువుల వల్ల కూడా రేబిస్‌ వ్యాధి వచ్చే ప్రమాదం ఉన్నప్పటికీ ఇంటా బయటా ఎక్కువగా ప్రజలు కుక్క కాట్లకే త్వరగా గాయపడి ఈ వ్యాధి బారిన పడుతుంటారు. వీధి కుక్కల సంతతి అంతకంతకూ పెరిగిపోతున్న నేపథ్యంలో తగిన జాగ్రత్తలు తీసుకోవలసిన అవసరం మనపైనే ఉంది. యాంటీ బర్త్‌ కంట్రోల్‌ (ఏబీసీ) శస్త్ర చికిత్సల వల్ల అంతగా ప్రయోజనం కనిపించడం లేదన్నది నిర్వివాదాంశం. 2024లో పశుసంవర్థక శాఖ గణాంకాల ప్రకారం ఉమ్మడి తూర్పుగోదావరి జిల్లాలో 95,571 కుక్కలు ఉన్నాయి. కాగా 2025–26 మధ్య కాలంలో సుమారు 16 వేల మంది కుక్క కాట్లకు గురయ్యారు. 2030 చివరి నాటికి ర్యాబిస్‌ రహిత దేశంగా అవ్వాలన్న కేంద్ర ప్రభుత్వ లక్ష్యం కనుచూపు మేరలో కనపడడం లేదు. రేబిస్‌ నిరోధక టీకాను కనుగొన్న లూయీ పాశ్చర్‌ వర్ధంతిని పురస్కరించుకుని ఏటా సెప్టెంబర్‌ 28న ర్యాబిస్‌ నివారణ దినోత్సవాన్ని నిర్వహిస్తున్న నేపథ్యంలో కుక్కకాటు వల్ల ఎదురయ్యే దుష్పరిణామాల గురించి చర్చించుకోవడం అవసరం. రేబిస్‌ వ్యాధి లక్షణాలు ● రేబిస్‌ సోకిన రోగికి గొంతు మింగుడు పడదు. ● ఆహారం తినలేక ఆరోగ్యం క్షీణిస్తుంది. ● నీళ్లను చూస్తే భయపడుతుంటారు. ● వ్యాధి తీవ్రత పెరిగే కొద్దీ మందబుద్ధులవుతారు.

● గ్యాస్‌ కిక్‌లకు గురవుతున్న బావులు ● ఓఎన్‌జీసీకి సవాలుగా మారుతున్న వైనం ● నాడు మోరి–7లో.. మొన్న కరవాక –27లో ప్రొడక్షన్‌ టెస్టింగ్‌లలో తప్పిన బ్లో అవుట్లు ● ఓఎన్జీసీకి సవాల్‌గా మారిన డ్రిల్లింగ్‌లు మలికిపురం: అది 1995వ సంవత్సరం. కేజీ బేసిన్‌లో రాజోలు దీవిలోని కేజీ బేసిన్‌లో ఓఎన్జీసీ కార్యకలాపాలు ముమ్మరంగా జరుగుతున్న రోజులు. ఆ ఏడాది మార్చి నెలలో మండలం చింతలమోరిలో మోరి వెస్ట్‌–7 బావిలో సుమారు రెండు నెలల పాటు 2,700 మీటర్ల లోతుకు ఓఎన్‌జీసీ విజయవంతంగా డ్రిల్లింగ్‌ నిర్వహించింది. ఈ బావిలో అపార చమురు, గ్యాస్‌ నిక్షేపాలు ఉన్నాయని గుర్తించిన సిబ్బంది ఆనందోత్సాహాలతో ఉత్పత్తి పరీక్షలకు శ్రీకారం చుట్టారు. పరీక్షలు ప్రశాంతంగా సాగుతున్న సమయంలో ఒక్కసారిగా గ్యాస్‌ ఎగజిమ్మింది. ఈ హఠాత్‌ పరిణామంతో షాక్‌ తిన్న అధికారులు, ఈ బావిలో బ్లో–అవుట్‌ ప్రమాదం ఉందని గుర్తించి ఉన్నతాధికారులకు పరిస్థితి వివరించారు. నిక్షేపాలు పుష్కలంగా ఉండడంతో ఈ బావిని వదులు కోలేని ఓఎన్జీసీ అప్పటి అధునాత సాంకేతిక పరికరాలతో సుమారు మరో రెండు నెలల పాటు శ్రమించినప్పటికీ ఫలితం లేదు. వెల్‌ నుంచి బారీగా గ్యాస్‌కిక్‌లు వచ్చాయి. దీంతో చేసేది లేక అధికారులు ఆ బావిని మూసేశారు. అనంతరం ఇక్కడి డ్రిల్లింగులలో పలు బావులో ఇబ్బందులు ఏర్పడినప్పటికీ అదే పాయింట్‌లో మరో వెల్‌ ఏర్పాటు చేసి విజయం సాధించారు. అయితే మోరి–7 బావి ఇప్పటికీ తెరవ లేక మొత్తం సైట్‌ మూసేశారు. సుమారు 15 ఏళ్ల అనంతరం కాట్రేనిపాడులోని కరవాక–27 బావిలో ఓఎన్‌జీసీకి మోరి–7 బావికి మించిన తీవ్ర సమస్య ఎదురైంది. 2011 ఏప్రిల్‌ నెలలో ఈ బావిలో డ్రిల్లింగ్‌ ప్రారంభించారు. ఆ ఏడాది సెప్టెంబరు వరకూ సుమారు 3200 మీటర్ల లోతు డ్రిల్లింగ్‌ చేసి అపార చమురు, గ్యాస్‌ నిక్షేపాలు ఉన్నట్టు గుర్తించారు. ప్రొడక్షన్‌ టెస్టింగ్‌ పనుల్లో ఇబ్బందులు ఏర్పడి అప్పట్లో బ్లో–అవుట్‌ ప్రమాదం తప్పింది. ఆ వెల్‌ను మూసివేసిన అదికారులు అక్టోబరు నెలలో పక్కనే మరో బావి వేసి డ్రిల్లింగ్‌ ప్రారంభించారు. మరో మూడు నెలలపాటు శ్రమించిన సిబ్బంది ప్రస్తుతం 3,886 మీటర్ల లోతు డ్రిల్లింగ్‌ చేశారు. మళ్లీ అదే పరిస్థితి పునరావృతం అయింది. ప్రొడక్షన్‌ టెస్టింగ్‌ చేపట్టిన ఈ బావి నుంచి రెండు రోజుల పాటు ముడి చమురు, గ్యాస్‌ ఎగజిమ్మాయి. ఈ బావిలో సెకనుకు 7 వేల క్యూబిక్‌ మీటర్ల పీడనం నమోదైంది. సాధారణ స్థాయి మూడు వేలకు పీడనం దిగితే ఈ బావిని వినియోగించవచ్చని భావించారు. కానీ ఈ బావిని కూడా అప్పట్లో మూసేశారు. అదే పరిస్థితి ఈ ఏడాది జనవరి నెల ఐదో తేదీన మలికిపురం మండలంలోని ఇరుసుమండ గ్రామంలో మోరి–5 బావిలో ఎదురైంది. ఇటీవల ఇలాంటి మూతపడిన బావులను పునరుద్ధరించి ఉత్పత్తి ప్రారంభించే పనులలో బాగంగా డీప్‌ సంస్థ డ్రిలింగ్‌ ప్రారంభించింది. ఈ బావిని కూడా మోరి–7, కరవాక–27 బావుల మాదిరిగానే 2012 సంవత్సరంలో అనేక ఇబ్బందులు పడి బ్లో అవుట్‌ ప్రమాదం పొంచి ఉండడంతో మూసేశారు. డీప్‌ సంస్థ గత జనవరి నెలలో దీనిని ప్రారంభించి భారీగా ఉన్న గ్యాస్‌ నిల్వలను అదుపు చేయలేకపోవడంతో బోఅవుట్‌ సంభవించింది. వారం తరువాత ఉన్నత స్థాయి అధికారుల జోక్యంతో దానిని అదుపు లోనికి తెచ్చేందుకు చర్యలు తీసుకున్నారు. అయితే బావిలోనే ఏర్పడిన మార్పులతో దానికదే మూసుకుపోయి బ్లోఅవుట్‌ అదుపులోకి వచ్చింది. ప్రస్తుతం ఇలాంటి బావులను తెరిచే పనులలో ఇక్కడ గుత్తేదారు సంస్థలు నిమగ్నమయ్యాయి. సముద్ర తీరంలోని కరవాక, తూర్పుపాలెం గ్రామాలలోని సుమారు పది బావులను ప్రస్తుతం డ్రిల్లింగ్‌ చేస్తున్నారు. అలాగే ప్రస్తుతం సముద్ర తీరంలో ఇటీవల ఉత్పత్తిలో ఉన్న బావుల నుంచి సైతం గ్యాస్‌ కిక్‌లు రావడంతో మరమ్మతులు చేయడం, అతి కష్టం మీద అదుపు చేస్తున్న సంఘటనలు ఇక్కడ చోటు చేసుకున్నాయి. తూర్పుపాలెంలోని కేఎస్‌పీ–46 బావి సైతం తరచూ మొరాయిస్తూ సిబ్బందికి సవాలు విసురుతోంది. గత జనవరిలో ఇరుసుమండలోని మోరి–5 బావిలో సంభవించిన బ్లో అవుట్‌రాజోలు మండలం పొన్నమండ చమురు బావిలో గ్యాస్‌ లీకేజీని నియంత్రిస్తున్న సిబ్బంది

సాక్షి, రాజమహేంద్రవరం/ రాజమహేంద్రవరం రూరల్‌/ ధవళేశ్వరం: ఎప్పటికీ బీసీల ఆత్మ బంధువు మాజీ సీఎం వైఎస్‌ జగన్‌మోహన్‌రెడ్డేనని బీసీ నేతలు ముక్తకంఠంతో చెప్పారు. గత ఎన్నికల సమయంలో చంద్రబాబు మాయమాటలు చెప్పి అధికారంలోకి వచ్చారన్నారు. దగా చేసిన వెన్నుపోటు పార్టీ వంచనపై బీసీలు గర్జించారు. జనాభాలో సగం కంటే ఎక్కువగా బీసీలు ఉన్నప్పటికీ నేటికీ కులవృత్తిదారులుగానే చంద్రబాబు చూస్తున్నాడని ధ్వజమెత్తారు. ఓటు బ్యాంకుగా వాడుకుంటూ రాజకీయ ప్రాతినిధ్యం కల్పించకుండా చిన్నచూపు చూస్తున్నాడని మండిపడ్డారు. సంక్షేమ పథకాలు అమలు చేయకపోవడంతో పాటు ఫీజు రీయింబర్స్‌మెంట్‌ బకాయిలు పేరుకుపోవడంతో ఎక్కువగా బీసీ, ఎస్సీ, ఎస్టీ, మైనార్టీ విద్యార్థులే ఆర్థికంగా నష్టపోతున్నారని ఆవేదన వ్యక్తం చేశారు. జ్యోతీరావు ఫూలే ఆశయాలను ఆచరణలో అమలు చేసి బలహీన వర్గాలకు మేలు చేసింది దివంగత మహానేత వైఎస్సార్‌, ఆయన తనయుడు వైఎస్సార్‌ సీపీ అధినేత వైఎస్‌ జగన్‌మోహన్‌రెడ్డి అని అన్నారు. నా బీసీలు అని చెప్పే దమ్మున్న జగన్‌ మళ్లీ గెలిస్తేనే బీసీలకు మంచి రోజులొస్తాయని.. దీనికోసం అంతా ఐక్యంగా ముందుకు సాగుదామని ప్రతినబూనారు. వెన్నుపోటు పార్టీ వంచనపై బీసీల గర్జన సదస్సు మాజీ మంత్రి, వైఎస్సార్‌ సీపీ తూర్పు గోదావరి జిల్లా అధ్యక్షుడు, రాజమహేంద్రవరం రూరల్‌ నియోజకవర్గ ఇన్‌చార్జి చెల్లుబోయిన వేణుగోపాలకృష్ణ అధ్యక్షతన కాతేరులో ఆదివారం జరిగింది. ముందుగా జ్యోతీరావు ఫూలే, దివంగత మహానేత వైఎస్సార్‌ విగ్రహాలకు నివాళులర్పించారు. అనంతరం మాజీ మంత్రులు బొత్స సత్యనారాయణ, సీదిరి అప్పలరాజు, ధర్మాన కృష్ణదాస్‌, బూడి ముత్యాలనాయుడు, విడదల రజని, జోగి రమేష్‌, మాజీ స్పీకర్‌ తమ్మినేని సీతారాం, ఎమ్మెల్సీ రమేష్‌యాదవ్‌ మాట్లాడుతూ చంద్రబాబు పాలన తీరును ఎండగట్టారు. తొలుత ఇటీవల మృతి చెందిన వైఎస్సార్‌ సీపీ ప్రచార కమిటీ రాష్ట్ర అధ్యక్షుడు దివంగత కాకుమాను రాజశేఖర్‌ చిత్రపటం వద్ద నివాళులర్పించారు. నియోజకవర్గాల కోఆర్డినేటర్లు పిల్లి సూర్యప్రకాష్‌, గుడాల గోపి, వివిధ విభాగాల కార్పొరేషన్ల మాజీ చైర్మన్లు మామిడి శ్రీకాంత్‌, గుబ్బల తమ్మయ్య, సంకిస భవానీప్రియ, పార్టీ రాష్ట్ర కార్యదర్శులు గుబ్బల తులసీకుమార్‌, చెల్లుబోయిన శ్రీనివాస్‌, ఒమ్మి రఘురామ్‌, పాటి శివకుమార్‌, వాసిరెడ్డి జమీల్‌, వివిధ జిల్లాల బీసీ సెల్‌ అధ్యక్షులు అల్లి రాజబాబు, మట్టపర్తి నాగేంద్ర, నెరుసు చిరంజీవులు, శివకుమార్‌ గౌడ్‌, చిప్పడ నరసింహారావు, మానికొండ వెంకటేశ్వరరావు, దార్ల పాపయ్య, కాకినాడ మాజీ మేయర్‌ పి.సరోజ, ఏఎంసీ మాజీ చైర్మన్లు, వైఎస్సార్‌ సీపీ బీసీ మహిళా విభాగం జిల్లా అధ్యక్షురాలు మార్తి లక్ష్మి తదితరులు పాల్గొన్నారు. రాష్ట్ర ప్రచార కమిటీ అధ్యక్షుడు దివంగత కాకుమాను రాజశేఖర్‌ చిత్రపటానికి నివాళులర్పిస్తున్న తమ్మినేని, బొత్స సత్యనారాయణ, వేణు, భరత్‌రామ్‌ తదితరులుబీసీ గర్జనకు హాజరైన నేతలు రిజర్వేషన్ల పేరిట డ్రామా.. స్థానిక సంస్థల ఎన్నికలు సమీపిస్తుండడంతో 34 శాతం రిజర్వేషన్ల పేరిట డ్రామాకు చంద్రబాబు తెరతీశాడు. వాస్తవానికి బీసీలకు మేలు చేయాలనే చిత్తశుద్ధి వెన్నుపోటు పార్టీ నాయకుడికి లేదు. రాజకీయ ప్రాతినిధ్యం కల్పించే ఉద్దేశమే ఉంటే పవన్‌ కళ్యాణ్‌ పక్కన కూర్చునే అర్హత ఉన్న ఒక్క బీసీ ఎమ్మెల్యే దొరకలేదా..? వైఎస్‌ జగన్‌ ముగ్గురు బీసీలను ఉప ముఖ్యమంత్రులను చేస్తే వెన్నుపోటు పార్టీ నాయకుడు ఒక్కరినీ డిప్యూటీ సీఎంను చేయలేదు. ప్రతి మహిళకు నెలకు రూ.1,500 ఇస్తామని మోసం చేశారు. రూ.9 వేల కోట్ల ఫీజు రీయింబర్స్‌మెంట్‌ బకాయిలు చెల్లించకపోవడంతో బీసీ విద్యార్థులే నష్టపోతున్నారు. బీసీ రక్షణ చట్టం తీసుకొస్తామని కాలయాపన చేస్తున్నారు. బలహీనవర్గాల గొంతుకగా వైఎస్సార్‌ సీపీ పోరాడుతుంది. వైఎస్‌ జగన్‌ సీఎం అయితేనే బలహీన వర్గాలకు ప్రాధాన్యం దక్కుతుంది. – చెల్లుబోయిన వేణుగోపాలకృష్ణ, మాజీ మంత్రి, వైఎస్సార్‌ సీపీ జిల్లా అధ్యక్షుడు ఫ వైఎస్‌ జగన్‌తోనే బలహీన వర్గాల సంక్షేమం ఫ చంద్రబాబు పాలనలో వెన్నుపోటు, దగా ఫ ఎన్నికల వేళ ఓట్ల కోసం మళ్లీ ఎత్తుగడలు ఫ రాజకీయ ప్రాతినిధ్యం కల్పించడంలో చిన్నచూపు ఫ రెండున్నరేళ్లలో బలహీన వర్గాలకు చేసిందేమీ లేదు ఫ వెన్నుపోటు పార్టీ వంచనపై బీసీ గర్జనలో వైఎస్సార్‌ సీపీ నేతలు బీసీ గర్జనలో చేసిన తీర్మానాలుఫ బీసీలకు 34 శాతం రిజర్వేషన్‌ కల్పించేందుకు చట్టం చేయాలి. ఫ తక్షణమే ఉప ముఖ్యమంత్రి పదవి బీసీలకు ఇవ్వాలి. ఫ ఆదరణ పథకం పేరుతో బడ్జెట్‌లలో కేటాయించిన రూ.3 వేల కోట్లతో తక్షణమే పనిముట్లు ఇవ్వాలి. ఫ 50 సంవత్సరాలు నిండిన బీసీలకు రూ.4 వేల చొప్పున పింఛన్‌ మంజూరు చేయాలి. ఫ ఫీజు రీయింబర్స్‌మెంట్‌ బకాయిలు రూ.9 వేల కోట్లు విడుదల చేయాలి. ఫ రైతులకు ఉచిత పంటల బీమా పథకం అమలుకు చర్యలు తీసుకోవాలి. ఫ 18 నుంచి 60 ఏళ్ల మధ్య మహిళలకు నెలకు రూ.1,500 ఇస్తామన్న హామీ వెంటనే ఆచరణలో పెట్టాలి. ఫ ఆరోగ్యశ్రీ పథకాన్ని పూర్తి స్థాయిలో అమలు చేసి పేదల ఆరోగ్యానికి బాసటగా నిలవాలి. ఫ బీసీ నేతలపై కేసులు, వేధింపులు తక్షణమే ఆపాలి. ఫ బీసీలకు 150 రోజుల పాటు ఉపాధి హామీ పథకం అమలు చేయాలి. ఫ చట్టసభల్లో రాజ్యాధికారం కోసం బీసీ రిజర్వేషన్‌ బిల్లు ఆమోదించేలా కేంద్ర ప్రభుత్వంపై ఒత్తిడి తీసుకురావాలి. ఫ బీసీ కార్పొరేషన్‌ రుణాల కోసం 3 లక్షల అప్లికేషన్లు రాగా, వారికి తక్షణమే రుణాలు మంజూరు చేయాలి.

అమలాపురం టౌన్‌: స్మృతి (జ్ఞాపకం లేదా ధర్మ శాస్త్రాలు) ఆధారంగా వచ్చినదే స్మార్త విద్య అని మండలం పేరూరు శివారు విశ్వేశ్వర అగ్రహారానికి చెందిన స్మార్త పండితులు కర్రా భాస్కరావధానులు అన్నారు. శ్రీకోనసీమ వేద శాస్త్ర సన్మాన సభ సంస్థ ఆధ్వర్యంలో స్థానిక శ్రీసత్యసాయి కళ్యాణ మండపంలో ఆదివారం జరిగిన స్మార్తాగమ అపర విద్వత్సభలో ఆయన స్మార్త విద్య పరమార్ధాన్ని వివరించారు. ఆశ్వాలాయనాది మహర్షులు అందించిన గృహ్య సూత్రాల ప్రకారం స్మార్త విద్య కొనసాగుతోందని తెలిపారు. సభకు పశ్చిమ గోదావరి జిల్లా భీమవరం మావుళ్లమ్మ దేవస్థానం ఆస్థాన విద్యాంసుడు బ్రహ్మశ్రీ యావని వేంకట రామచంద్రసోమయాజి ఘనపాఠి అధ్యక్షత వహించి మాట్లాడుతూ వేదం ఎవరికై నా శిరోధార్యమని, స్మార్త విద్య అంటే హిందూ ధర్మ శాస్త్రాల ప్రకారం గృహస్తులు ఆచరించాల్సిన నిత్య, నైమిత్తిక కర్మలు, పూజా విధానాలు తెలిపే వైదిక విద్య అని అన్నారు. బ్రహ్మశ్రీ శంకరమంచి శాంతి బాబు, బ్రహశ్రీ వడ్లమాని సుబ్రహ్మణ్య ఘనపాఠి, బహ్మశ్రీ బాదంపూడి ఫణిశర్మ, బ్రహ్మశ్రీ పాణంగిపల్లి సూర్యనారాయణాచార్యులు, పంచాంగ కర్త పిడపర్తి భాస్కర సుబ్రహ్మణ్య శాస్త్రి, ప్రయాగ కిషోర్‌శర్మ, గరిమెళ్ల విశ్వనాథశాస్త్రి సభా వేదికపై ఆశీనులై స్మార్త విద్య ప్రాధాన్యాన్ని వివరించారు. విద్వత్సభ శ్రీకోనసీమ వేద శాస్త్ర సన్మాన సభ అధ్యక్షుడు గుళ్లపల్లి ప్రభాకర ఫణి రాజా, కార్యదర్శి గుళ్లపల్లి వెంకట్రామ్‌ ఆధ్వర్యంలో జరిగింది.

గోదావరిలోకి దూకి వ్యక్తి ఆత్మహత్యాయత్నం ఐ.పోలవరం: మురమళ్ల వంతెనపై ఓ వ్యక్తి ఆత్మహత్యాయత్నానికి పాల్పడగా స్థానిక జాలర్లు అతడిని రక్షించారు. వివరాల్లోకి వెళితే మండలం కేశనకుర్రు (చిన్న కేశనకుర్రు) పల్లెగూడెం గ్రామానికి చెందిన మల్లాడి శ్రీను కుటుంబ కలహాలతో మురమళ్ల వంతెన పై నుంచి గోదావరిలోకి దూకి ఆత్మహత్యాయత్నం చేశాడు. గోదావరిలో కొట్టుకుపోతున్న అతడిని స్థానిక మత్స్యకారులు రక్షించారు. సమాచారం అందుకున్న పోలీసులు అక్కడికి చేరుకుని శ్రీనును అదుపులోకి తీసుకుని పోలీసు స్టేషన్‌కు తరలించారు. శ్రీను భార్య పుట్టింటికి వెళ్లి తిరిగి రాకపోవడంతో మనస్తాపానికి గురై ఆత్మహత్యాయత్నం చేసినట్టు పోలీసులు తెలిపారు.

అమలాపురం రూరల్‌: జిల్లా స్థాయిలో కలెక్టరేట్‌లో నిర్వహించే ప్రజా సమస్యల పరిష్కార వేదిక (పీజీఆర్‌ఎస్‌), రెవెన్యూ క్లినిక్‌ కార్యక్రమాలను ఈ నెల 28వ తేదీ సోమవారం యథావిధిగా నిర్వహిస్తామని జిల్లా కలెక్టర్‌ ఆర్‌.మహేష్‌కుమార్‌ ఆదివారం తెలిపారు. ఉదయం 10 గంటల నుంచి కలెక్టరేట్‌ గోదావరి భవన్‌లో ఈ కార్యక్రమం జరుగుతుందని ప్రజలు తమ అర్జీలను అందజేయవచ్చని సూచించారు. ఆన్‌లైన్‌లోనూ అర్జీలు నమోదు చేయవచ్చని తెలిపారు. తహసీల్దార్‌, ఎంపీడీవో కార్యాలయాల్లోనూ పీజీఆర్‌ఎస్‌ కార్యక్రమం జరుగుతుందని పేర్కొన్నారు. సమన్వయంతో నులిపురుగుల నివారణ అమలాపురం రూరల్‌: జిల్లాలోని అధికారులు, సిబ్బంది సమన్వయంతో జాతీయ నులిపురుగుల నివారణ కార్యక్రమాన్ని విజయవంతం చేయాలని డీఎం అండ్‌ హెచ్‌వో దుర్గారావు దొర ఆదివారం కోరారు. గతంలో వాయిదా పడిన జాతీయ నులిపురుగుల నివారణ దినోత్సవాన్ని సోమవారం నిర్వహించనున్నట్టు ఆయన చెప్పారు. జిల్లాలో అన్ని అంగన్‌వాడీ కేంద్రాలు, ప్రభుత్వ, ప్రైవేట్‌ పాఠశాలలు, ప్రభుత్వ, ప్రైవేట్‌ ఇంటర్మీడియట్‌ కళాశాలలు, ఐటీఐలు, నర్సింగ్‌ కళాశాలలు, ప్రైవేట్‌ డిగ్రీ, ఇంజినీరింగ్‌ కళాశాలల్లో ఒకటో సంవత్సరం విద్యార్థులకు మాత్రలు వేయించాలన్నారు. గైర్హాజరైన పిల్లలు, విద్యార్థులకు అక్టోబర్‌ ఐదో తేదీన మాత్రలు అందజేయనున్నట్టు తెలిపారు. వైద్య ఉద్యోగాలను తగ్గించే జీవోలు రద్దు చేయాలి ఏపీజీఈఏ జిల్లా సమావేశం డిమాండ్‌అమలాపురం టౌన్‌: వైద్యశాఖలో ఉద్యోగాలను క్రమేపీ తగ్గించేందుకు విడుదల చేసిన 143, 32 జీవోలను ప్రభుత్వం తక్షణమే రద్దు చేయాలని ఆంధ్రప్రదేశ్‌ ప్రభుత్వ ఉద్యోగుల సంఘం (ఏపీజీఈఏ) ఆధ్వర్యంలో జిల్లా వైద్య ఆరోగ్య శాఖ ఉద్యోగుల సమావేశం డిమాండ్‌ చేసింది. స్థానిక గొల్లగూడెం బైపాస్‌ రోడ్డులో గల ఏపీజీఈఏ జిల్లా శాఖ కార్యాలయంలో ఆదివారం జిల్లా ఆరోగ్య శాఖ ఉద్యోగుల సమావేశం జరిగింది. జిల్లా అధ్యక్షుడు కె.మల్లేశ్వరరావు మాట్లాడుతూ ఆ జీవోలను తక్షణమే రద్దు చేయాలని డిమాండ్‌ చేశారు. వచ్చే నవంబర్‌లో పశ్చిమ గోదావరి జిల్లా తాడేపల్లిగూడెంలో జరగనున్న వైద్య ఆరోగ్య శాఖ ఉద్యోగుల ప్రాంతీయ సమావేశాన్ని విజయవంతం చేయాలని ఆయన పిలుపునిచ్చారు. తూర్పుగోదావరి జిల్లా అధ్యక్షుడు పి.గిరిప్రసాద్‌వర్మ, పశ్చిమ గోదావరి జిల్లా అధ్యక్షుడు యాళ్ల మోహనరావు సమావేశానికి ముఖ్య అతిధులుగా హాజరై ప్రసంగించారు. సంఘ నేతలు ఎం.శ్రీనివాస్‌, యు.కుమారి, పి.కామేశ్వరరావు, జి.సద్గుణరావు, జి.ప్రసాద్‌ తదితరులు పాల్గొన్నారు. వీఆర్‌ఏల సమస్యలను వెంటనే పరిష్కరించాలి ఎమ్మెల్సీ బొమ్మి ఇజ్రాయిల్‌ఉప్పలగుప్తం: గతంలో వీఆర్‌ఏలకు హామీలు ఇచ్చి ప్రస్తుతం అధికారంలో ఉన్న కూటమి ప్రభుత్వం చిరుద్యోగులైన వీఆర్‌ఏల సమస్యలను వెంటనే పరిష్కరించాలని ఎమ్మెల్సీ బొమ్మి ఇజ్రాయిల్‌, వైఎస్సార్‌సీపీ రైతు విభాగం రాష్ట్ర అధ్యక్షుడు జిన్నూరి రామారావు (బాబి) డిమాండ్‌ చేశారు. ఆదివారం స్థానిక మండల పరిషత్‌ కార్యాలయం వద్ద వీఆర్‌ఏల సంఘ మండల అధ్యక్షుడు ఉందుర్తి అంజలరావు ఆధ్వర్యంలో కొనసాగుతున్న వీఆర్‌ఏల 12వ రోజు నిరసన శిబిరం వద్దకు వెళ్లి తమ మద్దతు తెలిపారు. పే స్కేల్‌, రెగ్యురలైజేషన్‌, పదోన్నతి వంటి విషయాలపై ప్రభుత్వం వెంటనే స్పందించి చిరుద్యోగులను ఆదుకోవాలని డిమాండ్‌ చేశారు. వైఎస్సార్‌సీపీ మహిళా విభాగం జిల్లా అధ్యక్షురాలు వంగా గిరిజాకుమారి, జిల్లా కార్యదర్శి పొగాకు శ్రీను, నేతలు సీహెచ్‌ విద్యాసాగర్‌, ఎల్‌.శ్రీను, పి.రమణ, జె.సురేష్‌, ఎస్‌.పట్టాభి తదితరులు పాల్గొన్నారు.

● హైదరాబాద్‌ నుంచి వచ్చిన భక్తుల వాహనంలో గుర్తింపు ● మద్యాన్ని పారబోయించి కొండపైకి పంపిన భద్రతా సిబ్బంది అన్నవరం: రత్నగిరిపై సత్యదేవుని దర్శనానికి వెళ్తున్న వాహనంలో పెద్ద సంఖ్యలో మద్యాన్ని ఆదివారం టోల్‌గేట్‌ వద్ద స్వాధీనం చేసుకున్నారు. వివరాల్లోకి వెడితే హైదరాబాద్‌కు చెందిన భక్తుల బృందం టెంపోలో సత్యదేవుని దర్శనానికి వచ్చారు. టోల్‌గేట్‌ వద్ద వారి వాహనాన్ని పరిశీలించిన భద్రతా సిబ్బంది తనిఖీ చేసి ప్రయాణికుల సీట్ల కింద దాచి ఉంచిన నాలుగు ఫుల్‌ బాటిల్‌ మద్యం సీసాలను గుర్తించారు. సీసాల్లోని మద్యాన్ని అక్కడి టబ్‌లో పారబోయాలని సూచించగా వారు సిబ్బందితో వాగ్వాదానికి దిగి సీసాలను స్వాధీనం చేసుకోండి తిరిగి వెళ్లేటపుడు తీసుకువెళ్తామని చెప్పారు. దీనికి సిబ్బంది అభ్యంతరం చెప్పగా తప్పని పరిస్థితుల్లో మద్యాన్ని పారబోసి రత్నగిరికి వెళ్లారు. వారు యానాంలో రూ.8 వేలకు ఆ మద్యాన్ని కొనుగోలు ట్రాన్స్‌పోర్టు విభాగం సూపరింటెండెంట్‌ రమణ తెలిపారు.

● గోదావరి పొదల్లో అపస్మారక స్థితిలో గుర్తింపు ● ప్రథమ చికిత్స అనంతరం మెరుగైన చికిత్సకు రాజమహేంద్రవరం జీజీహెచ్‌కు తరలింపు ఆత్రేయపురం: స్థానిక గౌతమి గోదావరిలో మునిగి గల్లంతైన చిట్టిబాబు ఆదివారం మృత్యుంజయుడిగా బయటపడ్డాడు. వివరాల్లోకి వెళితే గ్రామానికి చెందిన పందిరి నాగమణి మృతి చెందడంతో ఆమె అంతిమ సంస్కారాల నిమిత్తం తాపేశ్వరానికి చెందిన తన అల్లుడు కాకిలేటి చిట్టిబాబు వచ్చి స్నానాల కోసం బంధువులతో పాటు పుష్కరఘాట్‌లో దిగగా నీటి ప్రవాహానికి గల్లంతైన విషయం తెలిసిందే. శనివారం అర్ధరాత్రి వరకూ గాలించినా ఫలితం లేకపోయింది. దీంతో చిట్టిబాబు కుమారుడు కాకిలేటి రాహుల్‌కుమార్‌ ఎస్సై రాము, తహసీల్దార్‌ ఆర్‌.డి.రామచంద్రమూర్తి, వీఆర్వో జ్యోతికి ఫిర్యాదు చేశారు. కాగా ఆదివారం తెల్లవారుజాము నుంచి అతడి బంధుమిత్రులు మళ్లీ గాలింపు మొదలుపెట్టగా నది గట్టున పొదలలో అపస్మారక స్థితిలో ఉన్న అతడిని వారు గుర్తించారు. వెంటనే అతడిని స్థానిక పీహెచ్‌సీకి తరలించి ప్రాథమిక చికిత్స చేసి మెరుగైన చికిత్స నిమిత్తం రాజమహేంద్రవరం జీజీహెచ్‌కు తరలించారు. చిట్టిబాబు ఆరోగ్యంగా ఉండడంతో తాపేశ్వరంలోని బంధుమిత్రులు ఊపిరి పీల్చుకున్నారు.

● బెండపూడి రోడ్డు ప్రమాదంలో ఇద్దరి మృతి ● యూట్యూబర్‌ రాజు, శివాజీగా గుర్తింపు ● వెనుక నుంచి ట్రాలీ లారీ ఢీకొని ప్రమాదం అన్నవరం/శంఖవరం: వారిద్దరూ చిన్ననాటి స్నేహితులు. ఒకటే ఊరు. ఏం చేసినా ఇద్దరూ కలిసే చేసేవారు. ఎన్ని జన్మల స్నేహమో ఈ జన్మలోనూ జతగా వెళ్లిపోయారు. వివరాల్లోకి వెళితే.. బెండపూడి వద్ద జాతీయ రహదారిపై శనివారం రాత్రి జరిగిన రోడ్డు ప్రమాదంలో శంఖవరం మండలం కొత్తూరు గ్రామానికి చెందిన పలివెల వెంకట జవహర్‌లాల్‌ కుమార్‌ రాజు (రాజు) (41), కర్రి శివ గణేష్‌ (శివాజీ) (41) మృతి చెందారు. రాత్రి 10.30 గంటల సమయంలో హైవేపై బైక్‌ మీద వెళ్తూ బెండపూడికి వెళ్లేందుకు కుడివైపునకు తరగ్గా అదే సమయంలో వెనుకనుంచి వస్తున్న ట్రాలీ లారీ వీరిని బలంగా ఢీకొనడంతో వారి తలలకు తీవ్ర గాయాలై అక్కడికక్కడే మృతి చెందారు. వారి బైక్‌ను లారీ కొంత దూరం లాక్కుపోయింది. ట్రాలీకి సపోర్టుగా అమర్చిన రాడ్లు రాజును రోడ్డు మీద లాక్కునిపోవడంతో అతడి శరీరం ఛిద్రమైంది. ఇద్దరి శరీరాల మీదుగా ట్రాలీ టైర్లు ఎక్కడం శరీరాలు నుజ్జయ్యాయి. రాజు ఆర్‌ఆర్‌ న్యూస్‌ యూట్యూబ్‌ ఛానల్‌ నడుపుతూ అనేక సామాజిక అంశాలపై వార్తలు ప్రసారం చేస్తూ గుర్తింపు పొందాడు. తొండంగి పోలీసులు కేసు నమోదు చేసి దర్యాప్తు చేస్తున్నారు. కొంతంగి కొత్తూరులో విషాదఛాయలు మృతి చెందిన ప్రాణ స్నేహితులూ పలివల రాజా, కర్రి శివాజీ శంఖవరం మండలం కొంతంగి కొత్తూరు గ్రామానికి చెందిన వారు కావడంతో ఆ గ్రామంలో విషాద ఛాయలు అలముకున్నాయి. పలివల రాజా యూట్యూబ్‌ చానల్‌ రిపోర్టర్‌గా, శివాజీ సామాజిక సేవల్లో చురుగ్గా పాల్గొనేవాడని గ్రామస్తులు తెలిపారు. రాజా వివాహమై కుమార్తె, కుమారుడు ఉండగా, శివాజీకి కుమారుడు ఉన్నాడు. వారిద్దరి మృతితో ఆ రెండు కుటుంబాలూ రోడ్డునపడ్డాయి. వారి మృతితో వారిళ్ల వద్ద కుటుంబ సభ్యుల రోదనలు మిన్నంటాయి. వారిద్దరి కుటుంబాలను స్థానిక ఎమ్మెల్యే వరుపుల సత్యప్రభ పరామర్శించి విచారం వ్యక్తం చేశారు.

● పోలీసుల అదుపులో వ్యాపారి ● దొంగనోట్లకు బదులు టాయ్‌ కరెన్సీ ఇచ్చాడని ఘాతుకం ● యలమంచిలి సీఐ ధనుంజయ్‌ వెల్లడి అమలాపురం టౌన్‌: కిడ్నాప్‌నకు గురైన అనకాపల్లి జిల్లా యలమంచిలికి చెందిన కర్రి వర ప్రకాష్‌ది హత్యేనని అక్కడి సీఐ ధనుంజయ్‌ ఆదివారం వెల్లడించారు. దర్యాప్తు నిమిత్తం అమలాపురం వచ్చిన ఆయన మాట్లాడుతూ కోనసీమ జిల్లా అమలాపురం శ్రీరామపురం సెంటర్‌లో షణ్ముఖ సాయి జనరల్‌ స్టోర్స్‌ నిర్వహిస్తున్న వ్యాపారి కేదారశెట్టి నాగ విజయ్‌ గణేష్‌ ఈ హత్య కేసులో ప్రధాన నిందితుడు కాగా, రెండో నిందితుడు ముమ్మిడివరం మండలం మహిపాలచెరువు గ్రామానికి చెందిన ఆటో డ్రైవర్‌ రామాంజనేయులని ఆయన తెలిపారు. దొంగనోట్ల మార్పిడిలో జరిగిన మోసమే ప్రకాష్‌ హత్యకు దారి తీసినట్టు ఆయన అన్నారు. ఇక్కడి వ్యాపారి నాగ విజయ్‌ గణేష్‌ ఇంటికి వెళ్లి అతడిని అదుపులోకి తీసుకుని వరప్రకాష్‌ను హత్య చేసిన అల్లవరం మండలం గోడిలంక శ్మశానానికి వెళ్లి దర్యాప్తు చేశారు. కాగా రెండో నిందితుడు రామాంజనేయులు పరారీలో ఉన్నట్టు ఆయన తెలిపారు. హత్య జరిగిందిలా.. అమలాపురం వ్యాపారి నాగ విజయ్‌ గణేష్‌, అతడికి పరిచయస్తుడైన రామాంజనేయులు అక్రమ సంపాదనలో భాగంగా యలమంచిలికి చెందిన రమేష్‌, మరో ఇద్దరు వ్యక్తులకు అసలు నగదు ఇస్తే వారు బ్లాక్‌ మనీ ఇస్తారని తెలిపాడు. దీంతో వారిద్దరూ ఈ నెల 18న యలమంచిలికి చెందిన ముగ్గురినీ రాజమహేంద్రవరంలో కలుసుకున్నారు. వచ్చిన ముగ్గురూ ఒకే రకమైన బ్యాగ్‌లు తీసుకురాగా గణేష్‌, రామాంజనేయులు వారి వద్ద ఉన్న రూ.10 లక్షల అసలునోట్లు ఇచ్చి దొంగనోట్లను తీసుకున్నారు. ఇంతలో చిన్న పని ఉందని నమ్మించి రమేష్‌ అసలు నోట్లు పట్టుకుని అక్కడి నుంచి జారుకున్నాడు. మిగిలిన వారు కూడా వెళ్లిపోబోతుండగా రమేష్‌ వచ్చేవరకు ఉండాలని ఆదేశించాడు. అతడు ఎంతకీ రాకపోవడంతో అనుమానం వచ్చి బ్యాగ్‌లు తెరిచి చూడగా దొంగనోట్లు కాకుండా చిన్నపిల్లలు ఆడుకునే టాయ్‌ కరెన్సీ ఉన్నట్టు వ్యాపారి గుర్తించాడు. దీంతో వారిని పట్టుకోబోతుండగా వారు పలుగు పెట్టారు. ఈ క్రమంలో వ్యాపారికి వర ప్రకాష్‌ దొరికిపోయాడు. దీంతో వ్యాపారితో పాటు రామాంజనేయులు అతడిని కారులో అమలాపురం తీసుకువచ్చి గోడిలంక శ్మశానంలో గట్టిగా కొట్టారు. దీంతో అతడు చనిపోయాడు. ఎవరికీ అనుమానం రాకుండా ఆ మృతదేహాన్ని అర్ధరాత్రి వేళ ధవళేశ్వరం బ్యారేజీ వద్దకు తీసుకువచ్చి గోదావరిలో విసిరేశారు. 18వ తేదీ తెల్లవారు జామున వారు ఆ మృతదేహాన్ని గోదావరిలో పడేసినట్లు యలమంచిలి పోలీసులు తమ విచారణలో గుర్తించారు.

● ఆ దిశగా కార్యకర్తలు పని చేయాలి ● ఎమ్మెల్సీ తోట త్రిమూర్తులు పిలుపుఉప్పలగుప్తం: వైఎస్సార్‌ సీపీ కార్యకర్తలు శక్తిమంతంగా పని చేసి, వచ్చే సార్వత్రిక ఎన్నికల్లో వైఎస్సార్‌ సీపీని అధికారంలోకి తీసుకొచ్చి, వైఎస్‌ జగన్‌మోహన్‌రెడ్డిని ముఖ్యమంత్రిని చేసుకోవాలని ఎమ్మెల్సీ తోట త్రిమూర్తులు పిలుపునిచ్చారు. ఉప్పలగుప్తంలోని పార్టీ బూత్‌ కమిటీల విభాగం జిల్లా అధ్యక్షుడు చీకట్ల కిషోర్‌ నివాసంలో ఆదివారం ఏర్పాటు చేసిన ఆత్మీయ సమావేశంలో ప్రముఖ పారిశ్రామికవేత్త చలమలశెట్టి సునీల్‌, వైఎస్సార్‌ సీపీ అమలాపురం, పి.గన్నవరం నియోజకవర్గాల కో ఆర్డినేటర్లు డాక్టర్‌ పినిపే శ్రీకాంత్‌, గన్నవరపు శ్రీనివాసరావుతో కలసి ఎమ్మెల్సీ త్రిమూర్తులు పాల్గొన్నారు. మండలానికి తొలిసారి వచ్చిన సునీల్‌ను ఆయన అభిమానులు చీకట్ల కిషోర్‌ ఆధ్వర్యాన గజమాలతో సత్కరించి, వేద పండితుల సమక్షంలో పూర్ణకుంభంతో స్వాగతించారు. ఈ సందర్భంగా సునీల్‌ మాట్లాడుతూ, తమ పరిశ్రమలు అనేకచోట్ల ఉన్నాయని, ఈ జిల్లాలో సైతం అనువైన ప్రాంతాల్లో అనుకూలమైన పరిశ్రమలు ఏర్పాటు చేసి, యువతకు చేయూతనిస్తామని అన్నారు. డాక్టర్‌ శ్రీకాంత్‌ మాట్లాడుతూ, తమ నియోజకవర్గ అభివృద్ధిపై ప్రత్యేక దృష్టి పెట్టాలని కోరారు. కార్యక్రమంలో పార్టీ రైతు విభాగం రాష్ట్ర అధ్యక్షుడు జిన్నూరి రామారావు (బాబీ), పార్టీ అమలాపురం నియోజకవర్గ పరిశీలకుడు కటకంశెట్టి ఆదిత్య, రాష్ట్ర కార్యదర్శి జక్కంపూడి వాసు, జిల్లా ఉపాధ్యక్షుడు కూనపురెడ్డి రాంబాబు, జిల్లా మహిళా విభాగం అధ్యక్షురాలు వంగా గిరిజా కుమారి, పార్టీ మండల అధ్యక్షుడు బద్రి బాబ్జీ, జిల్లా కార్యదర్శి పొగాకు శ్రీను, యువజన విభాగం మండల అధ్యక్షుడు ఓగూరి విజయకుమార్‌, బూత్‌ కమిటీ, ఆర్‌టీఐ విభాగం అధ్యక్షులు కోటుం లోవరాజు, పోలిశెట్టి వీర్రాజు, నాయకులు కుంచే స్వామి, నల్లా నాయుడు, తదితరులు పాల్గొన్నారు.

సాక్షి, అమలాపురం: కోనసీమ జిల్లాలోని గోదావరి నదీపాయల్లో వరద పోటు పెరుగుతోంది. ఎగువ ప్రాంతాల్లో కురుస్తున్న భారీ వర్షాలతో భద్రాచలం, శబరి పరీవాహక ప్రాంతాల నుంచి వరద ప్రవాహం క్రమేపీ పెరుగుతోంది. ధవళేశ్వరం సర్‌ ఆర్థర్‌ కాటన్‌ బ్యారేజీ వద్ద ఇన్‌ఫ్లో భారీగా పెరగడంతో.. బ్యారేజ్‌ గేట్లు ఎత్తివేసి దిగువకు పెద్ద ఎత్తున నీరు విడుదల చేస్తున్నారు. కోనసీమపై సోమవారం ఉదయం నుంచి వరద ప్రభావం కనిపించనుంది. ప్రస్తుతం బ్యారేజీ వద్ద సుమారు సాయంత్రం ఆరు గంటల సమయంలో 6.30 లక్షల క్యూసెక్కుల వరద ప్రవాహం ఉండగా.. రాత్రికి ఎనిమిది లక్షల క్యూసెక్కులకు చేరుకునే అవకాశం ఉందని అధికారులు అంచనా వేస్తున్నారు. దీంతో కోనసీమలోని గోదావరి పాయల్లో వరద ఉధృతి మరింత పెరిగే అవకాశముంది. లంకలకు ముంపు ముప్పు.. వైనతేయ, వశిష్ట, వృద్ధ గౌతమి గోదావరి పాయల్లో నీటి ప్రవాహం క్రమంగా పెరుగుతోంది. అన్నంపల్లి, పి.గన్నవరం అక్విడెక్టుల వద్ద వరద నీరు ఉరకలేస్తోంది. ఐ.పోలవరం, అయినవిల్లి, ముమ్మిడివరం, మామిడికుదురు, కె.గంగవరం తదితర మండలాల్లో గోదావరి పాయల మధ్య ఉన్న లంక గ్రామాలను ఆనుకుని వరద ప్రవహిస్తోంది. ప్రస్తుతం ప్రధాన గ్రామాలకు ముంపు ప్రమాదం లేకపోయినా.. వరద మరింత పెరిగితే లోతట్టు ప్రాంతాల్లోకి, కొబ్బరి తోటలు, ఇతర వ్యవసాయ భూముల్లోకి వరద నీరు చేరే అవకాశం ఉందని అధికారులు చెబుతున్నారు. ముమ్మిడివరం మండలంలోని ఠాన్నేల్లంక, కూనాలంక, గురజాపులంక, అయినవిల్లి మండలంలోని కొండుకుదురులంక, కె.గంగవరం మండలంలోని శేరులంక తదితర లంక గ్రామాల్లోని లోతట్టు తోటల్లోకి వరద నీరు చేరే అవకాశం ఉంది. దీంతో ఆయా ప్రాంతాల ప్రజలు అప్రమత్తంగా ఉండాల్సిన పరిస్థితి ఏర్పడింది. వరద ఉధృతి మరింత పెరిగితే రేవుల వద్ద ఆంక్షలు విధించే అవకాశం ఉంది. ఇప్పటికే కోటిపల్లి–ముక్తేశ్వరం రేవును మూసివేశారు. పరిస్థితిని బట్టి మరికొన్ని రేవుల్లో పడవ ప్రయాణాలను నిలిపివేసేందుకు అధికారులు సిద్ధమవుతున్నారు. కనాయిలంక కాజ్‌వే మునిగే అవకాశం పి.గన్నవరం సరిహద్దులో పశ్చిమగోదావరి జిల్లా పరిధిలోని కనాయిలంక కాజ్‌వే ఆదివారం రాత్రికి వరద నీటిలో మునగనుంది. భద్రాచలం వద్ద ఉదయం 11 గంటల సమయానికి వరద 8.68 లక్షలుగా ఉంది. దీనికి శబరి వరద తోడైంది. ధవళేశ్వరం బ్యారేజ్‌ వద్ద తొలి ప్రమాద హెచ్చరిక వరకు వరద పెరుగుతుందని అంచనా వేస్తున్నారు. ఎగువ నుంచి వరద ప్రవాహం మరింత పెరిగితే పరిస్థితిని బట్టి హెచ్చరికలు జారీ చేసే అవకాశం ఉంది. మూడు రోజుల్లో 121.87 టీఎంసీలు ధవళేశ్వరం బ్యారేజీ నుంచి సముద్రంలోకి మిగులు జలాల విడుదల 24 నుంచి 27 వరకు 121.876 టీఎంసీలుగా ఉంది. 24న 1,145.278 టీఎంసీలుగా ఉన్న మిగులు జలాలు 27 నాటికి 1,267.154 టీఎంసీలకు చేరాయి. ఎగువ ప్రాంతాల నుంచి వరద ప్రవాహం మరింత పెరుగుతున్న నేపథ్యంలో కోనసీమలో గోదావరి పాయల ఉధృతి కూడా క్రమంగా పెరుగుతోంది. నెమ్మదిగా పెరుగుతున్న గోదావరి ప్రస్తుతం 6.30 లక్షల క్యూసెక్కులు రాత్రికి 8 లక్షలకు చేరువలో ఎగువన భద్రచలం.. శబరికి పెరుగుతున్న వరద కోనసీమ జిల్లాపై సోమవారం ఉదయం నుంచి ప్రభావం మూడు రోజుల్లో సముద్రంలోకి 121.15 టీఎంసీలు

గత వైఎస్సార్‌ సీపీ ప్రభుత్వంలోనే చేనేత కుటుంబాలకు మేలు జరిగింది. ప్రతి చేనేత కార్మికుడికి ఏడాదికి రూ.24 వేలు అందజేసి వారిని ఆదుకున్నారు. కూటమి ప్రభుత్వంలో చేనేత కార్మికులకు తీవ్ర అన్యాయం జరుగుతోంది. బీసీలకు న్యాయం జరగాలంటే 2029లో వైఎస్‌ జగన్‌మోహన్‌రెడ్డిని ముఖ్యమంత్రిగా గెలిపించుకోవాలి. – చందన నాగేశ్వర్‌, ఏపీ గ్రీనింగ్‌ అండ్‌ బ్యూటిఫికేషన్‌ కార్పొరేషన్‌ మాజీ చైర్మన్‌ నాడు మామకు.. నేడు బీసీలకు బలహీన వర్గాలకు వైఎస్సార్‌ ఎంతో అండగా నిలిచారు. తూర్పు కాపులకు బీసీ సర్టిఫికెట్ల మంజూరులో ఎదురవుతున్న సమస్యను వైఎస్‌ రాజశేఖర్‌రెడ్డి వద్దకు తీసుకెళ్లగానే పరిష్కరించారు. దేశంలో నా బీసీలు, నా ఎస్సీలు, నా ఎస్టీలు అన్న దమ్మున్న నాయకుడు వైఎస్‌ జగన్‌ ఒక్కరే. నాడు మామ ఎన్టీఆర్‌కు వెన్నుపోటు పొడిచిన చంద్రబాబు... ఇప్పుడు బీసీలకు సైతం వెన్నుపోటు పొడిచారు. – రౌతు సూర్యప్రకాశరావు, మాజీ ఎమ్మెల్యే, రాజమహేంద్రవరం వ్యతిరేకతను ఓట్లుగా మలుచుకోవాలి వెన్నుపోటు పార్టీపై ఈ రెండున్నరేళ్లలో ప్రజల్లో తీవ్ర వ్యతిరేకత వచ్చింది. ఆ వ్యతిరేకతను ఓట్లుగా మలుచుకునేందుకు నేతలంతా దిశానిర్దేశం చేయాలి. గతంతో పోల్చితే వైఎస్సార్‌ సీపీ ఓట్లు షేర్‌ శాతం గణనీయంగా పెరగడంతో విజయం తథ్యం. 139 బీసీ కులాల మధ్య సమన్వయం సాధించాలి. వైఎస్‌ జగన్‌ బీసీలకు చేసిన మేలును ప్రజల్లోకి తీసుకువెళ్లాలి. – గూడూరు శ్రీనివాస్‌, పార్లమెంటు కో ఆర్డినేటర్‌, రాజమహేంద్రవరం అన్ని కులాలకూ సంక్షేమ పథకాలు మత్స్యకారులకు వైఎస్‌ జగన్‌ పాలనలో మేలు జరిగింది. వారి జీవనోపాధిని మెరుగుపరిచేందుకు రూ.3 వేల కోట్లతో 11 హార్బర్ల నిర్మాణం ప్రారంభించారు. అన్ని కులాల సంక్షేమానికి అనేక పథకాలు అమలు చేశారు. బీసీ సంఘాలను, నాయకులను చైతన్యపరిచి వైఎస్‌ జగన్‌మోహన్‌రెడ్డిని మరోసారి ముఖ్యమంత్రిని చేసేందుకు అంతా కృషి చేయాలి. –పొన్నాడ సతీష్‌, మాజీ ఎమ్మెల్యే, ముమ్మిడివరం వెన్నుపోటు పార్టీకి బుద్ధి చెప్పాలి చంద్రబాబు అధికారంలోకి వచ్చి బీసీలకు వెన్నుపోటు పొడిచారు. బీసీ రుణాలు మంజూరు చేయకుండా, సంక్షేమ పథకాలు అమలు చేయకుండా అన్నివిధాలా మోసం చేశారు. వెన్నుపోటు పార్టీకి ఓటుతో బుద్ధి చెప్పే సమయం ఆసన్నమైంది. రాబోయే స్థానిక సంస్థల ఎన్నికల్లో వైఎస్సార్‌ సీపీ అభ్యర్థుల విజయానికి ఐక్యంగా కృషి చేయాలి. – ఆవాల లక్ష్మీనారాయణ, పెరిక సామాజికవర్గ రాష్ట్ర అధ్యక్షుడు, కాకినాడ చరమగీతం పాడే సమయం వచ్చింది రాష్ట్రంలో బీసీలకు మేలు జరిగేది వైఎస్‌ జగన్‌మోహన్‌రెడ్డితోనే. గత ప్రభుత్వంలో అనేక సంక్షేమ పథకాలను అమలు చేశారు. వెన్నుపోటు పార్టీ ఎన్నికల్లో ఇచ్చిన ఏ ఒక్క హామీని అమలు చేయకుండా బీసీలకు వెన్నుపోటు పొడిచింది. బీసీలంతా చంద్రబాబు పాలనకు చరమగీతం పాడే సమయం దగ్గరపడింది. – కొండపల్లి దుర్గారావు, వైఎస్సార్‌ సీపీ జిల్లా బీసీ సెల్‌ అధ్యక్షుడు, తూర్పు గోదావరి

పి.గన్నవరం(డాక్టర్ బి.ఆర్ అంబేద్కర్ కోనసీమ జిల్లా): ఇటీవల పి గన్నవరం ఎమ్మెల్యే గెడ్డి సత్యనారాయణ సమక్షంలో తమ పార్టీ నుంచి భారీ చేరికలు అని చెప్పి మీడియాను తప్పుదోవ పట్టించారని వైఎస్సార్‌సీపీ నేత గన్నవరపు శ్రీనివాస్‌ ఆగ్రహం వ్యక్తం చేశారు. తెలుగుదేశం పార్టీ కార్యకర్తలను జనసేన పార్టీలో చేర్చుకొని, వారిని వైఎస్సార్‌సీపీ కార్యకర్తలుగా చూపించారన్నారు. ముంగండపాలెంలో టిడిపి కార్యకర్తలను వైఎస్సార్‌సీపీ కార్యకర్తలుగా చూపించడం విడ్డూరంగా ఉందన్నారు. వైఎస్సార్‌సీపీ నుంచి వచ్చారని చెబుతున్న వారి టీడీపీ సభ్యత్వాలు బయటపెడుతున్నామన్నారు. టీడీపీ నేతలను జనసేనలో చేర్చుకునే ఈ హడావుడి చేస్తున్నారని మండిపడ్డారు.

సాక్షి, తూర్పుగోదావరి జిల్లా: కూటమి ప్రభుత్వంలో ఉప ముఖ్యమంత్రిగా బీసీలు పనికిరారా? అంటూ వైఎస్సార్‌సీపీ నేత, మాజీ ఎంపీ మార్గాని భరత్‌ రామ్‌ మండిపడ్డారు. రాజమండ్రి రూరల్‌ కాతేరులో నిర్వహించిన ‘వెన్నుపోటు పార్టీ వంచన’పై బీసీ గర్జన సభలో ఆయన మాట్లాడుతూ.. చంద్రబాబు బీసీలను వాడుకుంటున్నారంటూ ఆగ్రహం వ్యక్తం చేశారు.బీసీలకు మంచి చేయాలనే ఉద్దేశం వైఎస్‌ జగన్‌కు మాత్రమే ఉంది. ప్రభుత్వానికి బుద్ధి వచ్చే విధంగా తీర్పు ఇవ్వాలి. రేపు జరగబోయే స్థానిక సంస్థల యుద్ధం మన ఆత్మగౌరవానికి సంబంధించింది.‌ ఆత్మగౌరవం నిలబడాలంటే వైఎస్సార్‌సీపీ విజయం సాధించాలని మార్గాని భరత్‌ పిలుపునిచ్చారు.మాజీ మంత్రి సీదిరి అప్పలరాజు మాట్లాడుతూ.. మన నాయకుడు గతంలోనే జయహో బీసీ అంటూ నినాదం ఇచ్చారు. వెన్నుపోటు నాయకులు అలవికాని, అబద్ధపు హామీలు ఇచ్చి అధికారంలోకి వచ్చారు. ఎంతకాలం ఇటువంటి పరిపాలన?. బీసీలను ఆర్థికంగా, రాజకీయంగా గుర్తించింది వైఎస్‌ జగన్‌ మాత్రమే. బీసీలకు 34 శాతం రిజర్వేషన్ ఇచ్చేస్తామని ఇప్పుడు చెప్పటం మరో వెన్నుపోటు. బీసీలు గుర్తింపు పెరగాలంటే వైఎస్‌ జగన్‌ను మళ్లీ ముఖ్యమంత్రిని చేసుకోవాలి’’ అని ఆయన పేర్కొన్నారు.జోగి రమేష్ మాట్లాడుతూ.. రానున్న ఎన్నికల్లో కూటమి ప్రభుత్వాన్ని గోదావరిలో కలిపేందుకు సిద్ధంగా ఉండండి. ఉభయ గోదావరి జిల్లాల్లో మార్పు వచ్చింది‌.‌ దానికారణం బీసీలే.. బీసీ, ఎస్సీ, ఎస్టీ మైనారిటీల్లో ఇంటికి ఇద్దరు ఉద్యోగస్తులయ్యారంటే అది కేవలం వైఎస్సార్ చలవే. సాధారణ నాయకులను సైతం అసెంబ్లీలో కూర్చోబెట్టిన ఘనత వైఎస్‌ జగన్‌కే దక్కుతుంది.. 29 రాష్ట్రాల్లో ఓకే నాయకుడు.. ఒకే పార్టీ, ఒకే అజెండాతో 40 శాతం ఓట్లు సాధించిన ఒకే ఒక్క నాయకుడు వైఎస్ జగన్

● పెరుగుతున్న వరద గోదావరి ● జిల్లాలో పొంగి పొర్లుతున్న డ్రెయిన్లు ఐ.పోలవరం/ అయినవిల్లి/ పి.గన్నవరం: గోదావరి వరద క్రమేపీ అధికమవుతోంది. ఎగువ ప్రాంతాల్లో కురుస్తున్న భారీ వర్షాలతో ధవళేశ్వరం కాటన్‌ బ్యారేజీ వద్ద ఇన్‌ ఫ్లో భారీగా పెరిగింది. ఈ ప్రభావం జిల్లాలోని గోదావరి నదీపాయల్లో కనిపిస్తోంది. గడిచిన మూడు రోజుల నుంచి వరద ఉధృతి పెరుగుతోంది. ధవళేశ్వరం కాటన్‌ బ్యారేజ్‌ వద్ద ఈ నెల 24న ఉదయం ఆరు గంటలకు 1,37,099 క్యూసెక్కులు ఉండగా, అది కాస్తా 25న 3,50,387 క్యూసెక్కులకు చేరింది. శనివారం 26వ తేదీ ఉదయం 6 గంటలకు ఇన్‌ ఫ్లో ఏకంగా 5,02,021 క్యూసెక్కులకు పెరిగింది. ఉధృతంగా ప్రవహిస్తూ.. వైనతేయ, వశిష్ట, వృద్ధ గౌతమి గోదావరి పాయల్లో వరద ఉధృతంగా ప్రవహిస్తోంది. ఆదివారం ఉదయం నుంచి వరద మరింత పెరిగే అవకాశం ఉందని అధికారులు అంచనా వేస్తున్నారు. అన్నంపల్లి, పి.గన్నవరం ఆక్విడెక్టుల వద్ద వరద నీరు ఉరకలేస్తూ ప్రవహిస్తోంది. ఐ.పోలవరం, అయినవిల్లి, ముమ్మిడివరం, మామిడికుదురు, కె.గంగవరం తదితర మండలాల్లో గోదావరి పాయల మధ్య ఉన్న లంక గ్రామాలను ఆనుకుని వరద ప్రవహిస్తోంది. ప్రస్తుతానికి లంక గ్రామాలకు ఎటువంటి ముంపు ప్రమాదం లేదని అధికారులు చెబుతున్నా, రేవులపై ఆంక్షలు మొదలయ్యాయి. ఇప్పటికే కోటిపల్లి – ముక్తేశ్వరం రేవును మూసివేశారు. వరద తీవ్రతను బట్టి మిగిలిన రేవులను కూడా మూసివేసి పడవ ప్రయాణాలను నిలిపివేయడానికి అధికారులు సిద్ధమవుతున్నారు. బండారులంక ఎగువ కౌశిక, గోరింకల డ్రైన్ల ముంపు నీరు పి.గన్నవరం మండలం ముంజవరం పొట్టు వద్ద వైనతేయలోకి దిగాల్సి ఉంది. అలాగే శంకరగుప్తం డ్రైనేజీ, కేశనపల్లి, గొంది అవుట్‌ఫాల్‌ స్లూయిస్‌ల ద్వారా ఐ.పోలవరం మండలంలోని నార్త్‌ అడ్డాల, సౌత్‌ అడ్డాల డ్రైన్ల నీరు వృద్ద గౌతమీలోకి దిగాల్సి ఉంది. వరద ఉండటంతో ఆశించిన స్థాయిలో ముంపు నీరు దిగడం లేదు.

వైఎస్సార్‌సీపీ జిల్లా అధ్యక్షుడు జగ్గిరెడ్డి కొత్తపేట: రాష్ట్ర వ్యాప్తంగా గ్రామ రెవెన్యూ సహాయకులు (వీఆర్‌ఏలు) న్యాయమైన డిమాండ్లను పరిష్కరించాలని కోరుతూ చేస్తున్న నిరసన కార్యక్రమాలకు వైఎస్సార్‌సీపీ జిల్లా అధ్యక్షుడు, మాజీ ఎమ్మెల్యే చిర్ల జగ్గిరెడ్డి పార్టీ తరపున సంపూర్ణ మద్దతు తెలిపారు. స్థానిక పాత తహసీల్దార్‌ కార్యాలయం వద్ద వీఆర్‌ఏలు చేపట్టిన దీక్షలు 11వ రోజుకు చేరుకున్న నేపథ్యంలో శనివారం దీక్షా శిబిరాన్ని సందర్శించిన జగ్గిరెడ్డి వారికి సంఘీభావం తెలిపారు. వారి సమస్యలను, డిమాండ్లను అడిగి తెలుసుకున్నారు. ఈ సందర్భంగా ఆయన మాట్లాడుతూ 11 రోజులుగా ఎండను, వర్షాన్ని, కుటుంబ పరిస్థితులను లెక్కచేయకుండా తమ న్యాయమైన హక్కుల కోసం వీఆర్‌ఏలు దీక్ష చేస్తున్నప్పటికీ ప్రభుత్వం స్పందించకపోవడం బాధాకరమన్నారు. గ్రామస్థాయిలో ప్రభుత్వ పరిపాలన, సంక్షేమ కార్యక్రమాల అమలు, రెవెన్యూ శాఖ కార్యకలాపాల్లో వీఆర్‌ఏలు కీలక పాత్ర పోషిస్తున్నారని చెప్పారు. వారికి న్యాయమైన వేతనం, ఉద్యోగ భద్రత కల్పించాల్సిన బాధ్యత ప్రభుత్వంపై ఉందన్నారు. ప్రస్తుతం పెరిగిన నిత్యావసర వస్తువుల ధరలు, కుటుంబ ఖర్చుల నేపథ్యంలో నెలకు లభిస్తున్న గౌరవ వేతనం సరిపోదని, వారి సేవలకు అనుగుణంగా గౌరవప్రదమైన వేతనం అందించాల్సిన అవసరం ఉందని చెప్పారు. వారి నిరసన దీక్షను రాజకీయ కోణంలో చూడకుండా మానవతా దృక్పథంతో ప్రభుత్వం వెంటనే స్పందించాలని కోరారు. వీఆర్‌ఏల న్యాయమైన డిమాండ్లను వైఎస్సార్‌సీపీ అధినేత, మాజీ సీఎం వైఎస్‌ జగన్‌మోహన్‌రెడ్డి నాయకత్వంలో ప్రభుత్వం దృష్టికి తీసుకెళ్లేందుకు తమ వంతు కృషి చేస్తామని హామీ ఇచ్చారు. ఆయన వెంట పార్టీ నేతలు గొల్లపల్లి డేవిడ్‌రాజు, మార్గన గంగాధరరావు, ముసునూరి వెంకటేశ్వరరావు, ముత్యా వీరభద్రరావు, జెడ్పీటీసీ మాజీ సభ్యురాలు గూడపాటి రమాదేవి, కుర్రా శ్రీను తదితరులు ఉన్నారు. 11వ రోజు దీక్షలో వీఆర్‌ఏల సంఘ జిల్లా నాయకుడు పిల్లంగోరు బాలు, నేతలు కే భీమశంకరం, సత్యనారాయణ, ఇస్సాక్‌, లవరాజు, ఎస్‌.నాగభూషణం తధితరులు పాల్గొన్నారు.

రాజమహేంద్రవరం రూరల్‌: వెన్నుపోటు పార్టీ వంచనపై బీసీ గర్జన జోన్‌–2 ఉమ్మడి తూర్పు, పశ్చిమగోదావరి జిల్లాల బీసీ నాయకుల సమావేశం కాతేరులోని వెంకటాద్రి గార్డెన్స్‌లో ఆదివారం ఉదయం 9.30 గంటలకు జరుగుతుందని మాజీ మంత్రి, వైఎస్సార్‌ సీపీ జిల్లా అధ్యక్షుడు చెల్లుబోయిన శ్రీనివాస వేణుగోపాలకృష్ణ, పార్టీ రాష్ట్ర బీసీ సెల్‌ అధ్యక్షుడు, ఎమ్మెల్సీ రాచపల్లి రమేష్‌యాదవ్‌ తెలిపారు. శనివారం కాతేరులోని వెంకటాద్రి గార్డెన్స్‌లో ఏర్పాట్లను వారు పరిశీలించారు. ఈ సమావేశానికి రాష్ట్ర మాజీ మంత్రులు, శాసనసభ్యులు, శాసనమండలి సభ్యులు, మాజీ ప్రజాప్రతినిధులు హాజరవుతారని, మేధావులు, న్యాయవాదులు, వైద్యులు, బీసీ నేతలంతా హాజరై విజయవంతం చేయాలని చెల్లుబోయిన వేణు, రాచపల్లి రమేష్‌ యాదవ్‌ పిలుపునిచ్చారు.

సాక్షి, అమలాపురం: జిల్లాలో మొత్తం 146 మద్యం దుకాణాలు ఉండగా, 134 దుకాణాలు రెన్యువల్‌ అయ్యాయి. మరో 12 దుకాణాలకు టెండర్‌ విధానం అమలు చేస్తున్నారు. రెన్యువల్‌ అయిన దుకాణాలకు చంద్రబాబు ప్రభుత్వం లైసెన్స్‌ ఫీజులు గణనీయంగా పెంచింది. గతంలో దుకాణాలకు తొలి ఏడాది రూ.61.50 లక్షలు, రెండో ఏడాది రూ.71.50 లక్షలు లైసెన్స్‌ ఫీజుగా నిర్ణయించారు. రెండో ఏడాది లైసెన్స్‌ ఫీజుకు రూ.27.25 లక్షల కలిపి ఈ ఏడాదికి రూ.98.75 లక్షలుగా నిర్ణయించారు. పర్మిట్‌ రూమ్‌ కోసం మరో రూ.7.50 లక్షలు చెల్లించాల్సి ఉంటుంది. మొత్తం అన్నీ కలిపి రూ.1.06 కోట్లు. ఇక కొత్తగా దుకాణాలకు నిర్వహించే టెండర్ల ధరావతు రూ.2 లక్షలుగా ఉన్న నాన్‌ రిఫండబుల్‌ డీడీని రూ.3 లక్షలకు పెంచారు. లైసెన్స్‌ ఫీజులతో పాటు అన్నీ పెరిగినా, ఇస్తానన్న కమీషన్‌లో ఆరు శాతం తగ్గించి ఇస్తున్నా దుకాణదారులు మాత్రం వెనకడుగు వేయడం లేదు. పెరిగిన భారం మందుబాబులపైనే.. లైసెన్స్‌ ఫీజులు, డీడీలు, పర్మిట్‌ రూమ్‌ రుసుములతో పాటు దుకాణాల అద్దెలు, సిబ్బంది వేతనాలు, విద్యుత్‌, రవాణా, నిర్వహణ ఖర్చులు వ్యాపారులకు అదనంగా ఉంటాయి. ఎకై ్సజ్‌, పోలీసులకు ఇచ్చే మామూళ్లు వీటికి అదనం. పెట్టుబడి పెరిగిన నేపథ్యంలో ఆ మొత్తాన్ని తిరిగి రాబట్టుకునేందుకు మద్యం విక్రయాల్లో బహిరంగ దోపిడీ చేస్తున్నారు. జిల్లా వ్యాప్తంగా క్వార్టర్‌ బాటిల్‌పై ఎమ్మార్పీ ధర కంటే రూ.10 నుంచి రూ.20 వరకు అదనంగా వసూలు చేస్తున్నారు. రెన్యువల్స్‌ పేరుతో సర్కారు దోపిడీ లైసెన్స్‌, పర్మిట్‌ రూమ్‌ పేరిట భారీగా ఫీజులు అయినా వెనక్కి తగ్గని దుకాణదారులు ఇప్పటికే ఎమ్మార్పీ కన్నా అధిక ధరకు మద్యం విక్రయాలు అదనపు ఫీజులతో మరింత వసూలుకు రెడీ కోనసీమ జిల్లాలో 146 మద్యం దుకాణాలు 134 మద్యం దుకాణాలు రెన్యువల్‌ మందుబాబుల జేబుకు చిల్లు బెల్టుషాపుల్లో ఇంకో మోత మద్యం దుకాణాల వద్దే పరిస్థితి ఇలా ఉంటే.. బెల్టుషాపుల్లో ధర మరింత మండుతోంది. ఒక్కో మద్యం దుకాణం పరిధిలో సుమారు 15 నుంచి 20 వరకు బెల్టుషాపులు ఉన్నట్టు సమాచారం. గ్రామాలు, శివారు ప్రాంతాల్లో అనధికారికంగా సాగుతున్న ఈ విక్రయ కేంద్రాల్లో క్వార్టర్‌పై రూ.20 నుంచి రూ.30 వరకు అదనంగా వసూలు చేస్తున్నారు. మద్యం దుకాణాలకు సెలవు ఉన్న రోజుల్లో రూ.50 అదనంగా చేసి అమ్మకాలు చేస్తున్నారంటే పరిస్థితిని అర్థం చేసుకోవచ్చు. ఇంత జరుగుతున్నా ఎకై ్సజ్‌ అధికారులు నోరుమెదపడం లేదు. ఎమ్మార్పీ కన్నా అదనంగా అమ్మడం జిల్లాలో బహిరంగంగానే సాగుతోంది. అయినా ప్రభుత్వ పెద్దల నుంచి వస్తున్న ఆదేశాలతో ఎకై ్సజ్‌ అధికారులు చూసీచూడనట్టుగా వదిలేస్తున్నారు. దీనికితోడు జిల్లాలో ముమ్మిడివరం నియోజకవర్గం పరిధిలో ఏకంగా 45 షాపుల సిండికేట్‌లో ఒక కీలక నేత సోదరుడికి వాటాలున్నాయి. అమలాపురం నేతకు దుకాణాల్లో వాటాలు ఉండగా, కొత్తపేటలో ఒక కీలక దేవస్థానం పాలకవర్గ నేతకు ఏకంగా 62 షాపుల్లో వాటాలుండటం గమనార్హం. కూటమి పార్టీ నేతల హవా కూడా ఎకై ్సజ్‌ అధికారుల చేతులకు బంధనాలు వేస్తోంది.

వాడపల్లి వెంకన్న దర్శనానికి పోటెత్తిన భక్తులు ఆత్రేయపురం: గోవింద.. హరి గోవింద నామ స్మరణ మార్మోగింది. కోనసీమ తిరుమల వాడపల్లి వేంకటేశ్వర స్వామివారి దేవస్థానం భక్తులతో కిక్కిరిసింది. ఏడు ప్రదక్షిణలు, ఏడేడు జన్మల పుణ్యఫలంగా భావించి స్వామివారిని సుమారు లక్షకు పైగా భక్తులు శనివారం దర్శించుకున్నారని ఆలయ ఈఓ, దేవదాయ శాఖ ఉప కమిషనర్‌ నల్లం సూర్య చక్రధరరావు తెలిపారు. పెద్ద సంఖ్యలో భక్తు లు కాలినడకన సైతం వచ్చారు. ఆలయంలో వేకువ జామునే సుప్రభాత సేవ, తొలి హారతి, నీరాజనం, ఐశ్వర్య లక్ష్మీహోమం, బాల భోగం వంటి కార్యక్రమాలను ఆలయ అర్చకులు, వేద పండితులు ఆగమ శాస్త్రానుసారం నిర్వహించారు. ఆలయ ఆవరణలో వేంచేసియున్న క్షేత్రపాలకులు, అన్నపూర్ణ సమేత విశ్వేశ్వరస్వామి వారిని భక్తులు దర్శించారు. పెద్ద సంఖ్యలో భక్తులు వకుళామాత అన్నదాన భవనంలో స్వామివారి తీర్థప్రసాదాలు స్వీకరించారు. రూ.54,65,715 ఆదాయం సమకూరింది. ఆర్యవైశ్య సేవా ట్రస్ట్‌ ఆధ్వర్యంలో భక్తులకు ప్రసాదాలు పంపిణీ చేశారు. ఆలయ చైర్మన్‌ ముదునూరి వెంకటరాజు, కమిటీ సభ్యులు ఏర్పాట్లను పర్యవేక్షించారు.

ఉప్పలగుప్తం: జనసేన ప్రాతినిధ్యం వహిస్తున్న నిడదవోలు నియోజకవర్గం ఉండ్రాజవరంలో రంగా అభిమానులపై కూటమి ప్రభుత్వ నాయకుల కనుసన్నల్లో పోలీసులు లాఠీచార్జి చేస్తూ దౌర్జన్యానికి పాల్పడటం దారుణమని వైఎస్సార్‌సీపీ యువజన విభాగం రాష్ట్ర కార్యదర్శి, కాపు సంఘ నాయకుడు సలాది సతీష్‌ అన్నారు. వంగవీటి మోహనరంగా విగ్రహాన్ని శుక్రవారం అర్ధరాత్రి తొలగించడం, అక్కడి యువకులపై పోలీసులు లాఠీచార్జి చేయడాన్ని తీవ్రంగా ఖండించారు. ఈ మేరకు శనివారం ఆయన విలేకరులతో మాట్లాడారు. గత కొంతకాలంగా రంగా విగ్రహ ఏర్పాటుకు స్థానిక ఎమ్మెల్యేను అభ్యర్థిస్తున్నా వారికి అనుమతి ఇవ్వడంలో కూటమి నేతలు బెట్టు చూపించారన్నారు. దీనిపై శనివారం ఘటనాస్థలికి వచ్చిన రంగా కుమార్తె ఆశాకిరణ్‌పై సైతం పోలీసులు విరుచుకుపడిన తీరు దారుణమన్నారు. ఆశాకిరణ్‌కు ప్రభుత్వం రక్షణ కల్పించాలని, రంగా విగ్రహాన్ని అభిమానులు చూపించిన స్థానంలో ఏర్పాటు చేయాలని సతీష్‌ డిమాండ్‌ చేశారు.

వెనక్కి నెట్టేసి..సాక్షి, రాజమహేంద్రవరం: చంద్రబాబు బీసీలకు వెన్నుపోటు పొడిచాడని ఆయా వర్గాలు మండిపడుతున్నాయి. ఒక్క బీసీ ఎమ్మెల్యేను కూడా ఉప ముఖ్యమంత్రిని చేసి తమ పక్కన కూర్చోబెట్టుకునేందుకు ఇష్టపడడం లేదని, బలహీన వర్గాల విషయంలో చంద్రబాబు అనుసరించే ద్వంద్వ వైఖరికి ఇదే నిదర్శనమని అంతా అంటున్నారు. సంక్షేమ పథకాలు అందించడంలోనూ, రాజకీయ ప్రాతినిధ్యం కల్పించడంలోనూ పూర్తిగా మోసం చేశారని ఆవేదన వ్యక్తం చేస్తున్నారు. కూటమి ప్రభుత్వం అధికారంలోకి వచ్చి 27 నెలలు గడిచిన నేపథ్యంలో బీసీలకు ఇచ్చిన హామీల అమలుపై ప్రశ్నలు సంధిస్తున్నారు. పింఛన్లు, మహిళలకు ఆర్థిక సాయం, స్థానిక సంస్థల్లో రిజర్వేషన్లు, మంత్రివర్గంలో ప్రాతినిధ్యం వంటి అంశాలపై బీసీ సంఘాలు తమ అసంతృప్తిని వ్యక్తం చేస్తున్నాయి. మమ అని‘పింఛన్‌’.. 50 ఏళ్ల వయసు దాటిన బీసీలకు పింఛన్‌ అందిస్తామని ఎన్నికల సమయంలో చంద్రబాబు ఇచ్చిన హామీపై నేటికీ కార్యాచరణ ప్రారంభం కాలేదు. ఉమ్మడి జిల్లాలో లక్షల మంది అర్హులు పింఛన్ల కోసం ఆశగా ఎదురుచూస్తున్నారు. మహిళలకు రూ.1,500 సాయం ఊసేలేదు మహిళలకు ఆర్థిక భరోసా కల్పిస్తామని కూటమి ఎన్నికల సమయంలో ఇచ్చిన హామీ కూడా అమలుకు నోచుకోలేదు. గత వైఎస్సార్‌ సీపీ ప్రభుత్వంలో బీసీ నేస్తం పథకం ద్వారా అర్హులైన బీసీ మహిళలకు ఏడాదికి రూ.18 వేల చొప్పున ఆర్థిక సాయం అందించేవారు. కూటమి ప్రభుత్వం ఎన్నికల సమయంలో 18 నుంచి 60 ఏళ్ల మధ్య వయసున్న మహిళలకు నెలకు రూ.1,500 చొప్పున ఇస్తామని హామీ ఇచ్చి ఓట్లు వేయించుకుంది. దీనికోసం తూర్పుగోదావరి జిల్లాలో 2.3 లక్షల మందికి పైగా బీసీ మహిళలు ఆశగా ఎదురు చూస్తున్నారు. ఉప ముఖ్యమంత్రిగా నో చాన్స్‌ ఉప ముఖ్యమంత్రి పదవి చేపట్టేందుకు ఒక్క బీసీ ఎమ్మెల్యే కూడా దొరకలేదా అని ఆయా వర్గాలు ప్రశ్నిస్తున్నాయి. గత వైఎస్సార్‌ సీపీ ప్రభుత్వంలో ముగ్గురు బీసీ ఎమ్మెల్యేలకు ఉప ముఖ్యమంత్రి పదవులు ఇచ్చారని ఆ పార్టీ వర్గాలు గుర్తుచేస్తున్నాయి. హామీలిచ్చి.. ఆనక మరిచి.. గత ఎన్నికల సమయంలో చంద్రబాబు అండ్‌ కో బీసీలపైనా వరాల జల్లు కురిపించారు. తీరా ఎన్నికలయ్యాక ఆ హామీల అమలునే మరిచిపోయారు. వాటిని పరిశీలిస్తే... బీసీలకు 50 ఏళ్లకే నెలకు రూ.4 వేల పింఛన్‌. బీసీల రక్షణ కోసం ప్రత్యేక చట్టం. బీసీ సబ్‌ ప్లాన్‌ ద్వారా ఐదేళ్లలో లక్షన్నర కోట్ల రూపాయల ఖర్చు. స్థానిక సంస్థలు, నామినేటెడ్‌ పదవుల్లో 34 శాతం రిజర్వేషన్‌. చట్టసభల్లో బీసీలకు 33 శాతం రిజర్వేషన్‌ కోసం తీర్మానం చేసి కేంద్ర ప్రభుత్వానికి పంపించడం. తక్కువ జనాభా ఉండడంతో ఎన్నికల్లో పోటీ చేయలేని వర్గాలకు నామినేషన్‌ ద్వారా రాజకీయ భాగస్వామ్యం కల్పించడం. దామాషా ప్రకారం బీసీ కార్పొరేషన్లకు నిధులివ్వడంతో పాటు స్వయం ఉపాధికి ఐదేళ్లలో రూ.10 వేల కోట్ల ఖర్చు. రూ.5 వేల కోట్లతో ఆదరణ పథకం పునరుద్ధరిస్తామని హామీ. గొర్రెల పెంపకం యూనిట్లకు రాయితీలివ్వడంతో పాటు వాటికి బీమా సౌకర్యం కల్పించడం. పవర్‌లూమ్‌లకు 500 యూనిట్లు, హ్యాండ్లూమ్‌లకు 200 యూనిట్ల ఉచిత విద్యుత్‌ సౌకర్యం కల్పించడం. దేవాలయాల్లో పనిచేసే నాయీ బ్రాహ్మణులకు రూ.25 వేల గౌరవ వేతనమివ్వడంతో పాటు వారి షాపులకు 200 యూనిట్ల వరకూ ఉచిత విద్యుత్‌ కల్పించడం. బీసీలకు 45 శాతం సీట్లిచ్చిన జగన్‌ గత వైఎస్సార్‌ సీపీ ప్రభుత్వంలో స్థానిక సంస్థల ఎన్నికల్లో బీసీలకు 45 శాతం మేర సీట్లు వైఎస్‌ జగన్‌మోహన్‌రెడ్డి కేటాయించారని ఆ పార్టీ వర్గాలు, బీసీ సంఘాల ప్రతినిధులు గుర్తు చేసుకుంటున్నారు. నామినేటెడ్‌ పదవుల్లోనూ సామాన్యులను కూర్చోబెట్టిన మనసున్న నాయకుడని కొనియాడుతున్నారు. అప్పట్లోనే 34 శాతం రిజర్వేషన్ల అమలుకు ప్రయత్నిస్తే, నాడు ప్రతిపక్షంలో ఉన్న చంద్రబాబు న్యాయపరమైన చిక్కులు సృష్టించారని ఆరోపిస్తున్నారు. ప్రస్తుతం స్థానిక సంస్థల ఎన్నికలు సమీపిస్తుండడం వల్లే బీసీలకు 34 శాతం రిజర్వేషన్ల డ్రామాకు చంద్రబాబు తెరతీశారనే ఆరోపణలు వినిపిస్తున్నాయి. ఫ బీసీలకు చంద్రబాబు దగా ఫ పింఛన్ల నుంచి రాజకీయ ప్రాతినిధ్యం వరకూ మోసమే ఫ బీసీ డిక్లరేషన్‌ పేరిట ఎన్నికల వేళ బూటకపు ప్రచారం ఫ వెన్నుపోటు పార్టీ వంచనపై బీసీల గర్జన నేడు ఫ హాజరుకానున్న వైఎస్సార్‌ సీపీ ఉమ్మడి గోదావరి జిల్లాల నాయకులు

మాజీ ఎంపీ చింతా అనురాధ ఆగ్రహం అల్లవరం : ప్రజలకు, ప్రభుత్వాన్ని చేరువ చేయాలన్న లక్ష్యంతో మాజీ ముఖ్యమంత్రి వైఎస్‌ జగన్‌మోహన్‌రెడ్డి వలంటీర్‌ వ్యవస్థను ఏర్పాటు చేసి లబ్ధిదారుడి చెంతకే సంక్షేమ పథకాలను అందిస్తే, కూటమి ప్రభుత్వం మాత్రం సోషల్‌ మీడియా ఇన్‌ఫ్లుయెన్సర్లకు చెల్లింపులకు పాల్పడుతోందని మాజీ ఎంపీ చింతా అనురాధ మండిపడ్డారు. ఈ మేరకు శనివారం ఒక ప్రకటన విడుదల చేశారు. సంక్షేమ ఫలాలను ఇంటికి చేర్చే వలంటీర్లను తొలగించి వారి నోట్లో మట్టికొట్టారని ధ్వజమెత్తారు. నిరుద్యోగులకు నెలకు రూ.3 వేలు ఇస్తామని ప్రకటించి రెండేళ్లయినా ఒక్క నిరుద్యోగికి భృతి ఇచ్చావా అని ప్రశ్నించారు. వలంటీర్లకు రూ.5 వేల గౌరవ వేతనాన్ని రూ.10 వేలకు పెంచుతామని హామీ ఇచ్చి తీరా అధికారంలోకి వచ్చిన తర్వాత ఆ వ్యవస్థనే కనమరుగు చేశారని మండిపడ్డారు. బాబూ.. నీ పాలనలో నిరుద్యోగులకు భృతి లేదు, వలంటీర్లకు రూ.10 వేలు వేతనం లేదు.. సోషల్‌ మీడియా ఇన్‌ఫ్లుయెన్సర్లకు మాత్రం నెలనెలా చెల్లింపులకు నిధులు ఎక్కడ నుంచి తెస్తావంటూ ప్రశ్నించారు. ఇది ప్రజా పాలనా.. ప్రచార పాలనా అని నిలదీశారు. ప్రజలకు ఉపయోగపడే వ్యవస్థని నిర్వీర్యం చేసి ప్రభుత్వ ప్రచారానికి కొత్త వ్యవస్థను తేవడమేమిటని ప్రశ్నించారు. ప్రజలకు కావాల్సింది సోషల్‌ మీడియా ప్రచారం కాదని, అభివృద్ధి, సంక్షేమం అని తెలిపారు. ఉత్సాహభరితంగా 5కే రెడ్‌ రన్‌ అమలాపురం రూరల్‌: హెచ్‌ఐవీ (ఎయిడ్స్‌)పై యువతలో అవగాహన కల్పించిందుకు అమలాపురంలో శనివారం నిర్వహించిన 5కే రెడ్‌ రన్‌ ఉత్సాహభరిత వాతావరణంలో జరిగింది. రాష్ట్ర ఎయిడ్స్‌ నియంత్రణ సంస్థ, డిస్ట్రిక్ట్‌ ఇంటిగ్రేటెడ్‌ స్ట్రాటజీ ఫర్‌ హెచ్‌ఐవీ, ఎయిడ్స్‌ (దిశ), జిల్లా స్పోర్ట్స్‌ అథారిటీ సంయుక్త ఆధ్వర్యంలో ఈ కార్యక్రమం చేపట్టారు. భట్నవిల్లి హైవే వద్ద నిర్వహించిన ఈ పోటీలను ఇన్‌చార్జి డీఎంహెచ్‌వో, జిల్లా లెప్రసీ, ఎయిడ్స్‌ అండ్‌ టీబీ అధికారి శ్రీనివాస్‌ ప్రారంభించారు. జిల్లాలోని ప్రభుత్వ, ప్రైవేటు కళాశాలలకు చెందిన 140 మంది యువతీయువకులు ఉత్సాహంగా పాల్గొన్నారు. మహిళలు, పురుషులకు వేర్వేరుగా పోటీలు నిర్వహించి విజేతలకు నగదు బహుమతులు అందజేశారు. విజేతలను విజయవాడలో నిర్వహించే రాష్ట్రస్థాయి 5కే రెడ్‌ రన్‌ పోటీలకు పంపించనున్నట్టు శ్రీనివాస్‌ తెలిపారు. నాకో సాంకేతిక నిపుణురాలు నాజియా హుస్సేన్‌, దిశ క్లినికల్‌ సర్వీస్‌ ఆఫీసర్‌ ఎ.బుజ్జిబాబు తదితరులు పాల్గొన్నారు.

సాక్షి, అమలాపురం: కోనసీమలో జిల్లా పరిషత్‌ కార్యకలాపాలు శుక్రవారం నుంచి అధికారికంగా ప్రారంభమయ్యాయి. ఇప్పటివరకు ఉమ్మడి తూర్పుగోదావరి జిల్లా పరిధిలో కొనసాగిన పరిపాలనకు తెరపడి సొంత జిల్లా పరిషత్‌ ఏర్పాటుతో స్థానిక పాలనకు కొత్త అధ్యాయం మొదలైంది. అమలాపురం మండల పరిషత్‌ కార్యాలయం పైభాగంలోని బ్లాక్‌లో నూతన జిల్లా పరిషత్‌ కార్యాలయాన్ని ఏర్పాటు చేశారు. రాష్ట్ర ప్రభుత్వం ఇటీవల మంజూరు చేసిన పోస్టులకు అనుగుణంగా జిల్లాకు కేటాయించిన సీఈఓ, డీఈ, ఇతర సెక్షన్ల సిబ్బంది శుక్రవారం సాయంత్రం విధుల్లో చేరారు. జిల్లాలో 19 మండల పరిషత్తులతో కొత్త జిల్లా పరిషత్‌ ఏర్పడింది. ఇప్పటి వరకు అన్ని ఫైళ్లు కాకినాడ జిల్లా పరిషత్‌కే వెళ్లాల్సి వచ్చేది. ఇక నుంచి అన్ని అభివృద్ధి పనులు, పంచాయతీల పాలన, ఉపాధి హామీ, పారిశుధ్యం, వీధి దీపాలు, నిధుల కేటాయింపులు వంటి అంశాలన్నీ అమలాపురం కేంద్రంగానే పర్యవేక్షించనున్నారు. నూతన జిల్లా పరిషత్‌ ఏర్పాటు వల్ల మండల అధికారులు, సర్పంచులు కాకినాడ వరకు వెళ్లాల్సిన అవసరం తప్పిందని, త్వరితగతిన పనులు పూర్తవుతాయని సిబ్బంది తెలిపారు.

అమలాపురం టౌన్‌: జిల్లాలోని మొత్తం 146 మద్యం దుకాణాలకు 12 దుకాణాలు తప్ప మిగిలిన 134 దుకాణాలు రెన్యువల్‌ అయ్యాయి. 12 దుకాణాలు రెన్యూవల్‌ కాకపోవటంతో ఎకై ్సజ్‌ శాఖ ఆ దుకాణాల లైసెన్స్‌ల మంజూరుకు నోటిఫికేషన్‌ జారీ చేసిందని జిల్లా ఎకై ్సజ్‌ అధికారి ఆర్‌ఎస్‌ కుమారేశ్వరరావు తెలిపారు. 2026–27 సంవత్సరానికి రెన్యువల్‌ అనంతరం 12 దుకాణాల లైసెన్స్‌ల మంజూరుకు ఈ నోటిఫిషన్‌ విడుదలైందన్నారు. లైసెన్స్‌ల కాల పరిమితి 2026 అక్టోబర్‌ 1 నుంచి 2027 సెప్టెంబర్‌ 30వ తేదీ వరకూ ఉంటుందని అన్నారు. ఆసక్తి గల దరఖాస్తుదారులు వచ్చే నెల 1వ తేదీ రాత్రి 12 గంటలలోపు ఆన్‌లైన్‌ లేకుంటే, ఆఫ్‌లైన్‌ విధానంలో దరఖాస్తులు సమర్పించాలని సూచించారు. ఒక్కో దరఖాస్తుకు రూ. 3,00,000 దరఖాస్తు రుసుం ఉంటుందని, ఈ మొత్తాన్ని జిల్లా ఎకై ్సజ్‌ అధికారి పేరుతో చెల్లించాలన్నారు. అదనంగా రూ.1000 ప్రాసెసింగ్‌ ఫీజును కమిషనర్‌, ప్రొహిబిషన్‌ అండ్‌ ఎకై ్సజ్‌, ఏపీ మంగళగిరి పేరుతో తీయాలన్నారు. అమలాపురం ఎక్సైజ్‌ స్టేషన్‌ పరిధిలో అమలాపురం 1, కొత్తపేట ఎకై ్సజ్‌ స్టేషన్‌ పరిధిలో కొత్తపేట 3 దుకాణాలు, రాజోలు ఎకై ్సజ్‌ స్టేషన్‌లో రాజోలు 2 దుకాణాలు, రామచంద్రపురం ఎకై ్సజ్‌ స్టేషన్‌ పరిధిలో రామచంద్రపురం 6 దుకాణాలు, ఆలమూరు ఎకై ్సజ్‌ స్టేషన్‌లో ఆలమూరులో ఒక దుకాణానికి దరఖాస్తులు సమర్పించాలన్నారు. దరఖాస్తుల పరిశీలన వచ్చే నెల 5వ తేదీ ఉదయం 8 గంటలకు అమలాపురం కలెక్టరేట్‌లోని గోదావరి భవన్‌లో జిల్లాలోని 12 దుకాణాలకు లాటరీ ద్వారా ఎంపిక ఉంటుంది. జిల్లా కలెక్టర్‌, జాయింట్‌ కలెక్టర్‌ సమక్షంలో ఈ ప్రక్రియ నిర్వహిస్తారు. కోనసీమ జిల్లాలో 12 దుకాణాలకు లైసెన్స్‌లు మంజూరు కావాల్సి ఉండగా, ఒక దుకాణం మాత్రం తూర్పుగోదావరి జిల్లా ఎకై ్సజ్‌ పరిధిలో ఆలమూరు మండలం మద్యం లైసెన్స్‌ దుకాణం ఉందని కుమారేశ్వరరావు వివరించారు. జిల్లా ఎకై ్సజ్‌ శాఖ గణంకాల ఆధారంగా మొత్తం 13 దుకాణాలుగా నమోదు చేశారని తెలిపారు. ఫ 1 వరకూ దరఖాస్తుల స్వీకరణ ఫ 5న లాటరీ విధానంలో ఎంపిక

యానాం: గోదారోళ్లకు పులస తర్వాత చీరమేను చేప రుచేవేరు. చిన్న సైజులో ఉండే చీరమేను చేప పేరు చెబితే అందరూ లొట్టలేసుకుని తింటారు. సీజనల్‌ చేప కావడంతో ముఖ్యంగా సెప్టెంబర్‌, అక్టోబర్‌, నవంబర్‌ నెలల్లో శీతాకాలం ప్రారంభం సమయంలో ఇది గోదావరి నదీ ముఖద్వారం వద్ద అంటే గోదావరి (తీపినీరు), సముద్రం (ఉప్పునీరు) కలిసే ప్రదేశాల్లో వాటికి ఆక్సిజన్‌ ఎక్కువగా ఉండే బ్రాకిస్‌ వాటర్‌లో లభిస్తుంది. చీరమేనును సోల, సేరు, తవ్వ, గ్లాసు, బకెట్‌ కొలతల్లో అమ్ముతుంటారు. యానాం మార్కెట్‌లో లభిస్తుండటంతో మాంసాహార ప్రియులు చీరమేను కొనుగోలుకు ఆసక్తి కనబరుస్తున్నారు. శుక్రవారం ప్లాస్టిక్‌ బకెట్‌లో ఉన్న 10 కిలోల చీరమేను ధర రూ.26 వేలకు పలికింది.

సంక్షేమ పథకాలకు నిధులు లేవంటున్న ప్రభుత్వం సోషల్‌ మీడియా ప్రచారానికి ప్రత్యేక పాలసీ తీసుకురావడం దారుణం. ఇచ్చిన హామీలను అమలు చేయకుండా ప్రజాధనాన్ని ప్రచారానికి వినియోగించడం సరికాదు. ఈ నిర్ణయం సరైంది కాదు. – ఎస్‌.రాంజీ హర్షవర్ధన్‌, బీటెక్‌, కొమరగిరి, ఐ.పోలవరం మండలం ముందు పథకాలు అమలు చేయండి ఎన్నికల ముందు చాలా పథకాలు అమలు చేస్తామన్నారు కదా. ముందు వాటిని ప్రజలకు అందించడం ముఖ్యం. పింఛన్ల కోసం ఇప్పుడు దరఖాస్తులు అడిగారు. ఎప్పుడు ఇస్తారనేది మాత్రం చెప్పడం లేదు. ప్రభుత్వం ప్రజా ప్రయోజన కార్యక్రమాలు అమలు చేయాలి. –పితాని ఏసుబాబు, సూర్యానగర్‌, అమలాపురం మున్సిపాలిటీ ఆడబిడ్డ నిధి ఎప్పుడిస్తావ్‌ బాబూ.. ఎన్నికల్లో ఇచ్చిన హామీ మేరకు ఆడబిడ్డ నిధి, 50 ఏళ్లకే పింఛన్‌ వంటివి అమలు చేయకుండా సోషల్‌ మీడియా ప్రచారానికి ప్రజాధనం ఖర్చు చేయడం దారుణం. గతంలో డ్వాక్రా రుణమాఫీ అని ఓట్లేయించుకుని మోసం చేశారు. ఇప్పుడు ఆడబిడ్డ పేరుతో మరోసారి మోసం చేస్తున్నారు. – కర్రా లక్ష్మి, కొత్తపేట

ఐ.పోలవరం: కేంద్ర పాలిత ప్రాంతం పుదుచ్చేరి పరిధిలోని యానాం నుంచి కృష్ణా జిల్లాకు అక్రమంగా తరలిస్తున్న మద్యాన్ని ఐ.పోలవరం పోలీసులు పట్టుకున్నారు. ఎస్సై ఎంవీవీ రవీంద్రబాబు కథనం ప్రకారం.. ఐ.పోలవరం మండలంలోని పాత ఇంజరం పోలీస్‌ స్టేషన్‌ పరిధిలో పోలీసులు శుక్రవారం మధ్యాహ్నం వాహనాలు తనిఖీ చేస్తున్నారు. ఆ సమయంలో యానాం వైపు నుంచి వస్తున్న ఏపీ 39 టీయూ 1898 నంబర్‌ కారును ఆపి తనిఖీ చేశారు. అందులో ఏడు బాక్సుల్లో ఉన్న వివిధ రకాల 36 మద్యం బాటిళ్లను గుర్తించారు. కారులో ఉన్న కృష్ణా జిల్లా గుడ్లవల్లేరుకు చెందిన ముగ్గురిని అదుపులోకి తీసుకుని, మద్యం, కారును స్వాధీనం చేసుకున్నారు. దీనిపై కేసు నమోదు చేసి, దర్యాప్తు చేస్తున్నారు. పట్టివేత వెనుక మరో కోణం! ఈ మద్యం పట్టివేత వెనుక మరో కోణం ఉందని స్థానికులు అంటున్నారు. ఓవర్‌టేక్‌ విషయంలో మద్యం తరలిస్తున్న కారును మరో కారు యజమాని అడ్డుకుని మురమళ్ల సమీపంలో వాగ్వాదానికి దిగినట్లు వారు చెబుతున్నారు. ఈ క్రమంలో జరిగిన ఘర్షణలో మద్యం తరలిస్తున్న కారు అద్దాలు పగిలాయి. అదే సమయంలో అటుగా వెళుతున్న ముమ్మిడివరం సీఐ మోహన్‌ కుమార్‌ వారి వద్దకు వెళ్లారు. ఈ క్రమంలో ఆ కారులో మద్యం బాటిళ్లున్న విషయం గుర్తించారని, దీనిపై సమాచారం అందడంతో పోలీసులు ఆ మద్యం స్వాధీనం చేసుకున్నారని అంటున్నారు. అసలు ఏం జరిగిందనే విషయం పోలీసులు నిర్ధారించాల్సి ఉంది.

సాక్షి, అమలాపురం: వైఎస్సార్‌ సీపీ రాష్ట్ర అనుబంధ విభాగాల్లో జిల్లాకు పెద్దపీట వేశారు. పార్టీ అధ్యక్షుడు, మాజీ ముఖ్యమంత్రి వైఎస్‌ జగన్‌మోహన్‌రెడ్డి ఆదేశాల మేరకు రాష్ట్ర పార్టీ కమిటీ, వివిధ అనుబంధ విభాగాల్లో పదవులు భర్తీ చేస్తూ పార్టీ కేంద్ర కార్యాలయం శుక్రవారం ప్రకటన విడుదల చేసింది. ఇందులో జిల్లాకు చెందిన 9 మందికి ప్రాధాన్యం కల్పించడం విశేషం. ముమ్మిడివరానికి చెందిన నేల కిషోర్‌ కుమార్‌ను రాష్ట్ర జాయింట్‌ సెక్రటరీగా నియమించారు. రాష్ట్ర అనుబంధ విభాగాల్లో నియమితులైన వారిలో కాలే రాజబాబు (ముమ్మిడివరం) కల్చరల్‌ వింగ్‌ జనరల్‌ సెక్రటరీగా, సానబోయిన మల్లికార్జునరావు (ముమ్మిడివరం) బీసీ సెల్‌ జనరల్‌ సెక్రటరీగా, జన శంకరరావు (రాజోలు) వీవర్స్‌ వింగ్‌ జనరల్‌ సెక్రటరీగా, కరెల్లా రమేష్‌ (అమలాపురం) వీవర్స్‌ వింగ్‌ సెక్రటరీగా, ముదునూరి వీవీ సత్యసుబ్బరాజు (ముమ్మిడివరం) వాణిజ్య విభాగం సెక్రటరీగా, దంగేటి రుద్ర, బొంతు గోవింద్‌శెట్టి (అమలాపురం) పంచాయతీరాజ్‌ వింగ్‌ సెక్రటరీలుగా, కుడుపూడి శివశంకరరావు (ముమ్మిడివరం) పంచాయతీరాజ్‌ వింగ్‌ జాయింట్‌ సెక్రటరీగా, చప్పిడి వెంకటేశ్వరరావు (అమలాపురం) వలంటీర్స్‌ వింగ్‌ సెక్రటరీలుగా నియమితులయ్యారు. కాకుమానుకు నివాళి అల్లవరం: గుంటూరులోని శాప్‌ కార్యాలయం వద్ద నిర్వహించిన నిరసన కార్యక్రమంలో పాల్గొని గుండెపోటుకు గురై మృతి చెందిన వైఎస్సార్‌ సీపీ రాష్ట్ర అధికార ప్రతినిధి కాకుమాను రాజశేఖర్‌ పార్ధివదేహాన్ని ఎమ్మెల్సీ ఇజ్రాయిల్‌ సందర్శించారు. ఒంగోలులోని ఆయన నివాసం వద్ద రాజశేఖర్‌ పార్ధవదేహానికి పూలమాల వేసి నివాళులర్పించారు. రాజశేఖర్‌ మృతి పార్టీకి తీరని లోటుగా, పార్టీ కోసం నిస్వార్థంగా పని చేశారని ఇజ్రాయిల్‌ కన్నీటి పర్యంతమయ్యారు. ఆయన వెంట ఏపీ ఎస్సీ సెల్‌ కార్యదర్శి పలివెల సుధాకర్‌, వైఎస్సార్‌ సీపీ సోషల్‌ మీడియా జిల్లా కార్యదర్శి ఆకుమర్తి రమేష్‌, సోషల్‌ మీడియా ఎగ్జిక్యూటివ్‌ మెంబర్‌ మంద దుర్గారావు, ఆకుమర్తి దుర్గారావు, కొండేటి సురేష్‌బాబు ఉన్నారు. కొత్త కార్యవర్గం ఎన్నికఅమలాపురం టౌన్‌: జిల్లా లైసెన్స్‌ టెక్నికల్‌ పర్సన్‌ (ఎల్‌టీపీ) ఇంజినీర్ల సంఘం సర్వసభ్య సమావేశం స్థానిక యెండూరి కన్వెన్షన్‌ హాలులో శుక్రవారం జరిగింది. ఈ సందర్భంగా సంఘ నూతన కార్యవరాన్ని ఏకగ్రీవంగా ఎన్నుకున్నారు. జిల్లా సంఘ అధ్యక్షుడిగా ఐ.బాలకృష్ణ, కార్యదర్శిగా మలిశెట్టి నాగేశ్వరరావు, కోశాధికారిగా సుదర్శనం శ్రీకాంత్‌లను ఎన్నుకున్నారు. నూతన కార్యవర్గాన్ని వెల్ఫేర్‌ అసోసియేషన్‌ ఆఫ్‌ ఎల్‌టీపీ ఏపీ జనరల్‌ సెక్రటరీ పీవీఎన్‌ మాణిక్యాలరావు అభినందించారు. సమావేశంలో రాష్ట్ర కార్యవర్గం నుంచి అరిగెల సుబ్బారావు, ఏడిద దొరబాబు, కొవ్వూరి రామచంద్రారెడ్డి, శ్రీనివాసరావు, వి.కన్నబాబు, కృష్ణంరాజు తదితరులు ప్రసంగించారు. నేడు ‘5కే రెడ్‌ రన్‌’ మారథాన్‌ అమలాపురం రూరల్‌: యువత, ప్రజల్లో హెచ్‌ఐవీ, ఎయిడ్స్‌, లైంగిక సంక్రమిత వ్యాధులపై సమగ్ర అవగాహన కల్పించేందుకు అమలాపురంలో శనివారం ‘5కే రెడ్‌ రన్‌’ మారథాన్‌ నిర్వహించనున్నట్లు కలెక్టర్‌ ఆర్‌.మహేష్‌ కుమార్‌ తెలిపారు. ఈ మారథాన్‌ శనివారం ఉదయం 6 గంటలకు భట్నవిల్లి హైవే వద్ద ప్రారంభమై, ఐదు కిలోమీటర్ల మేర కొనసాగుతుందని తెలిపారు. వీఆర్‌ఏల వినూత్న నిరసన కొత్తపేట: స్థానిక పాత తహసీల్దార్‌ కార్యాలయం వద్ద మండల వీఆర్‌ఏలు వివిధ రీతుల్లో నిరసన తెలియజేసిన విషయం తెలిసిందే. 10వ రోజు మెయిన్‌ రోడ్డులో భిక్షాటన చేస్తూ నిరసన తెలిపారు. తమ డిమాండ్లు పరిష్కరించాలని సమ్మె చేస్తున్నా.. ప్రభుత్వం స్పందించకపోవడం దారుణమన్నారు. రోడ్డున పడ్డాం.. ఆకలితో అలమటిస్తున్నాం.. భిక్షం వేయండి బాబూ అంటూ వ్యాపారులను వీఆర్‌ఏలు వేడుకుంటూ నిరసన తెలిపారు. మండల సంఘ అధ్యక్షుడు కె.భీమశంకరం, ప్రధాన కార్యదర్శి పిల్లంగోరు బాలు, కోశాధికారి ఎస్‌.నాగభూషణం తధితరులు పాల్గొన్నారు.

కొత్తపేట: స్థానిక చింతామణి గణపతి శతాబ్ది ఉత్సవాలు అత్యంత వైభవంగా నిర్వహించిన ఆర్యవైశ్య సంఘ నాయకులను ముస్లిం సంఘ నాయకులు ఘనంగా సత్కరించారు. ఆర్యవైశ్య సంఘం నాయకుడు, ఉత్సవ కమిటీ చైర్మన్‌ యెండూరి పవన్‌కుమార్‌ తదితర ఆధ్వర్యంలో 9 రోజుల పాటు వివిధ కార్యక్రమాలు నిర్వహించారు. ఈ మేరకు స్థానిక కమ్మిరెడ్డిపాలెం జామియా మసీద్‌లో శుక్రవారం నమాజ్‌ తర్వాత మండల ముస్లిం, మైనార్టీ సంఘ నాయకుడు, కళాసాహితి సభ్యుడు షేక్‌ గౌస్‌, మసీదు, షాదీఖానా కమిటీ ప్రెసిడెంట్‌ షేక్‌ కాజాబాబు ఆధ్వర్యంలో యెండూరి పవన్‌కుమార్‌, ఆర్యవైశ్య సంఘ సభ్యుడు, సత్యసాయి సేవా సమితి కన్వీనర్‌ కంకటాల సత్యనారాయణమూర్తి (కేఎస్‌ఎన్‌)ను ఘనంగా సత్కరించారు. కుల, మతాలు వేరైనా అందరూ కలిసిమెలిసి ఉండాలనే ఉద్దేశంతో ఈ చిరు సత్కారం చేశామని వారన్నారు.

ఫ కూటమి నేతల మధ్య స్థల సర్వే వివాదం ఫ సమిశ్రగూడెంలో పడగ విప్పిన ఆధిపత్య పోరు ఫ మంత్రి దుర్గేష్‌కు పరస్పర ఫిర్యాదులు ఫ చెరువు సుందరీకరణ పనులకు ఆటంకం నిడదవోలు రూరల్‌: కూటమి నాయకుల మధ్య అంతర్గత విభేదాలు, ఆధిపత్య పోరుతో నిడదవోలు మండలం సమిశ్రగూడెంలో అభివృద్ధి పనులకు తీవ్ర ఆ టంకం ఏర్పడింది. స్వార్థ ప్రయోజనాల కోసం స్థానిక నేతలు ఒత్తిడి తేవడంతో.. అటు పనులు సాగించలేక, ఇటు నిర్ణయాలు తీసుకోలేక అధికారులు నలిగిపోతున్నారు. ఒకవైపు ప్రభుత్వ భూమిని ఆక్రమించి, సొంత అవసరాలకు రోడ్డు వేసుకునేందుకు కూటమిలోని జనసేన నేత ఒకరు ప్రయత్నిస్తూంటే.. దానిని అడ్డుకుంటూ అదే కూటమిలోని టీడీపీ నాయకుడు ఒకరు ఏకంగా మంత్రి కందుల దుర్గేష్‌కు ఫిర్యాదు చేయడం స్థానికంగా తీవ్ర సంచలనం సృష్టించింది. వివరాలివీ.. సమిశ్రగూడెంలో ప్రధాన చెరువును అభివృద్ధి చేయడంతో పాటు చుట్టూ వాకింగ్‌ ట్రాక్‌, చిల్ట్రన్‌ పార్క్‌, ఓపెన్‌ జిమ్‌ ఏర్పాటుకు రూ.50 లక్షలతో పనులు చేపట్టారు. చిల్ట్రన్‌ పార్కు ఏర్పాటు చేసే ప్రభుత్వ స్థలం జనసేన నాయకుడి స్థలం పక్కనే ఉంది. ఈ నేపథ్యంలో ఆ స్థలాన్ని సర్వే చేయాలంటూ టీడీపీ గ్రామ కమిటీ అధ్యక్షుడు రెవెన్యూ, గ్రామ పంచాయతీ అధికారుల దృష్టికి తీసుకువెళ్లాడు. దీనిపై మంత్రి దుర్గేష్‌కు సైతం ఫిర్యాదు చేశాడు. ఈ నేపథ్యంలో సర్వే చేసేందుకు వచ్చిన అధికారులను జనసేన నేత అడ్డుకుని వెనక్కి పంపించేశాడు. అక్కడితో ఆగకుండా ప్రభుత్వాసుపత్రి వెనుక నుంచి తన కల్యాణ మండపానికి వెళ్లేందుకు సొంత స్థలంలో రోడ్డు నిర్మించాలంటూ అధికారులపై ఒత్తిడి తీసుకురావడంతో ఈ వ్యవహారం మరింత వివాదాస్పదంగా మారింది. నలిగిపోతున్న అధికారులు ఒకవైపు ఆక్రమణలు, చెరువు సుందరీకరణ పనులకు అడ్డంకులు, మరోవైపు కూటమి పార్టీల నేతల మధ్య ఫిర్యాదుల పర్వంతో స్థానిక పంచాయతీ, రెవెన్యూ అధికారులు తీవ్ర ఒత్తిడికి గురవుతున్నారు. ఆక్రమణలను నిర్ధారించడానికి, సరిహద్దులను గుర్తించడానికి సర్వేకు సిద్ధమైన అధికారులను జనసేన నాయకుడు తన రాజకీయ బలంతో అడ్డుకున్నారని, నిబంధనల ప్రకారం పని చేద్దామంటే అధికార కూటమి నేతలు బెదిరింపులకు దిగుతున్నారని, దీంతో ఎటు తేల్చుకోలేక తాము ఇబ్బందులు పడుతున్నామని అధికారులు వాపోతున్నారు. కూటమి నేతలు తక్షణం వర్గ పోరుకు స్వస్తి పలికి, చెరువు అభివృద్ధి పనులను వేగవంతం చేయడంతో పాటు పంచాయతీ స్థలాన్ని కాపాడాలని గ్రామస్తులు డిమాండ్‌ చేస్తున్నారు.

వై.రామవరం: మండలంలోని చింతలపూడి పంచాయతీ బంగారుబందలు గ్రామానికి చెందిన బలిజె సుబ్బమ్మ (56) ప్రమాదవశాత్తూ కొండవాగులో జారి పడి మృతి చెందింది. గ్రామస్తుల కథనం ప్రకారం.. గ్రామ శివారులోని కొండవాగుకు గురువారం ఉదయం బహిర్భూమికి వెళ్లిన ఆమె ఎంతకూ తిరిగి రాలేదు. కుటుంబ సభ్యులు, స్థానికులు వాగు పరిసరాల్లో గాలించినా సాయంత్రం వరకు జాడ తెలియరాలేదు. లోతట్టు గ్రామం కావడం, మార్గం మధ్యలో కొండ వాగులు ఉధృతంగా పొంగి పొర్లుతూండటం, విద్యుత్‌ సరఫరా లేక, సెల్‌ టవర్లు పని చేయక ఈ సమాచారం శుక్రవారం ఉదయం ఆలస్యంగా వెలుగులోకి వచ్చింది. వెంటనే తహసీల్దార్‌ శ్రీరాములుదొర, ఎంపీడీఓ బాపన్నదొర, ఎస్సై పృథ్వీయాదవ్‌, డిప్యూటీ ఎంపీడీఓ శ్రీనివాసరాజులు ఆ గ్రామానికి అగ్నిమాపక శకటాన్ని, సిబ్బందిని తీసుకుని వెళ్లారు. వాగు కాస్త శాంతించడంతో గ్రామస్తుల సహకారంతో సంఘటన స్థలం వద్ద గాలించగా.. సుబ్బమ్మ మృతదేహం కొండవాగులో శుక్రవారం మధ్యాహ్నం లభ్యమైంది. ఆమె మృతదేహాన్ని గ్రామస్తులు జోలి కట్టుకుని అక్కడి నుంచి గ్రామంలోకి తీసుకొచ్చారు. కొండవాగులు పొంగుతూండటంతో మృతదేహాన్ని పోస్టుమార్టం నిమిత్తం ఆసుపత్రికి తరలించేందుకు ఆటంకం ఏర్పడింది.

సాక్షి టాస్క్‌ఫోర్స్‌: పరిపాలనలో పారదర్శకతతో పాటు, జవాబుదారీతనం ఉందంటూ డబ్బా కొట్టుకోవడంలో కూటమి నాయకులు ఎప్పుడూ ముందుంటారు. కానీ, ఓ గ్రామ పంచాయతీ నిధులు పక్కదారి పట్టాయంటూ అదే గ్రామానికి చెందిన వ్యక్తి నేరుగా కలెక్టర్‌కు ఫిర్యాదు చేసినప్పటికీ, దానిపై విచారణకే నెలలు గడిపేశారు. తీరా విచారణ పూర్తయ్యాక, అక్రమాలు నిగ్గు తేల్చడంలో ఇంకా మీనమేషాలు లెక్కిస్తున్నారు. ఇదంతా కావాలనే కాలయాపన చేస్తున్నట్లుగా ఉందని గ్రామస్తులు బాహాటంగా విమర్శిస్తున్నారు. ఏం జరిగిందంటే.. తూర్పు గోదావరి జిల్లా కలెక్టరేట్‌కు కూతవేటు దూరంలో ఉన్న కడియం మండలంలోని కడియపులంక పంచాయతీలో.. నిబంధనలకు విరుద్ధంగా 15వ ఆర్థిక సంఘం నిధులు దాదాపు రూ.25 లక్షల వరకు ఖర్చు చేసినట్లు చూపారంటూ గత ఆగస్టులో ఆ గ్రామానికి చెందిన ఓ వ్యక్తి కలెక్టర్‌కు ఫిర్యాదు చేశారు. అలాగే డీజిల్‌, బ్లీచింగ్‌, తాగునీరు, పన్నుల విధింపు వ్యవహారాల్లో సైతం భారీగా నిధులు పక్కదారి పట్టించి, ప్రభుత్వ ఆదాయానికి గండి కొట్టారని ఆరోపించారు. ఒక్కో ఖర్చుకు రెండుసార్లు బిల్లులు చెల్లించడం, చేయని పనులకు చేసినట్లుగా బిల్లులు పెట్టడం, ఎం.బుక్‌లో నమోదు చేయకుండానే ఖర్చులు చూపడం.. ఇలా అనేక అక్రమాలు దాదాపు ఏడాదిన్నరగా జరిగినట్లు ఆరోపణలు వెల్లువెత్తాయి. దీనిపై డీఎల్‌పీఓ నాగలత ఆధ్వర్యాన నలుగురు పంచాయతీ కార్యదర్శులతో విచారణ కమిటీ ఏర్పాటు చేశారు. వారు దాదాపు నెల రోజుల పాటు విచారణ జరిపి, ఉన్నతాధికారులకు పది రోజుల కిందట నివేదిక అందజేశారు. అయితే, అక్రమాలు జరిగాయా? లేదా? జరిగితే ఎంత సొమ్ము పక్కదారి పట్టింది? నిధుల దుర్వినియోగం జరిగితే పంచాయతీ కార్యదర్శిపై ఏం చర్యలు తీసుకుంటున్నారనే ప్రశ్నలకు అధికారులు ఇప్పటి వరకూ ఎటువంటి వివరాలూ వెల్లడించలేదు. అక్రమాలు నిజమని తేలితే సంబంధిత సిబ్బందిని సస్పెండో, బదిలీయో చేసి, మరింత లోతుగా విచారణ జరపడంతో పాటు, సదరు సొమ్ము రికవరీకి చర్యలు చేపట్టాలి. కానీ, కడియపులక పంచాయతీ వ్యవహారంలో అటువంటిదేమీ జరగకపోవడం విడ్డూరంగా ఉందని గ్రామస్తులు విమర్శిస్తున్నారు. మండలంలోని పలు పంచాయతీల్లో కూడా బిల్లు కలెక్టర్లు వసూలు చేసిన పన్నులను పక్కదారి పట్టించిన ఘటనలున్నాయని, అయితే అవి బయటకు రాకుండా సంబంధిత అధికారులకు ‘తాయిలాలు’ అందజేసి మాఫీ చేసుకుంటున్నారనే ఆరోపణలు కూడా వస్తున్నాయి. దోచింది కొండంత.. వెలుగు చూసేది గోరంత పన్ను వసూళ్ల వ్యవహారాల్లో అనేక అక్రమాలు చోటు చేసుకుంటాయన్నది బహిరంగ రహస్యం. ఇలా అక్రమాలకు పాల్పడే వారిని కొంత మంది ఉన్నతాధికారులతో సహా వాటాలు పంచుకుని కాపాడుతున్నారన్న ఆరోపణలున్నాయి. దీనికి తగినట్టుగానే అధికారుల తీరు కూడా ఉంటోందని పలువురు విమర్శిస్తున్నారు. ఎంత సొమ్ము పక్కదారి పట్టినప్పటికీ.. అధికారికంగా కొంత మాత్రమే చూపిస్తున్నారని, తద్వారా ఆ సొమ్ము వెనక్కు చెల్లించేసి, తరువాత కూడా ఆ ఉద్యోగిని అదే స్థానంలో కొనసాగిస్తున్నారని చెబుతున్నారు. అందువల్లనే కొందరు కింది స్థాయి ఉద్యోగులు ఎటువంటి జంకూ లేకుండా నిధుల దుర్వినియోగానికి, అక్రమాలకు పాల్పడుతున్నారని అంటున్నారు. కడియపులంక పంచాయతీలో జరిగిన అవకతవకల ఆరోపణలపై విచారణ చేపట్టిన అధికారులు, డీఎల్‌పనోను సంప్రదించేందుకు ప్రయత్నించగా స్పందించలేదు. ఫ కడియపులంక పంచాయతీలో నిధుల దుర్వినియోగంపై కలెక్టర్‌కు ఫిర్యాదు ఫ రోజుల తరబడి విచారణ ఫ ఇప్పటికీ బయటకు రాని నివేదిక ఫ అక్రమార్కులను కాపాడేందుకేనని అనుమానాలు

నీట మునిగిన ఆత్రేయపురం పోలీస్‌ స్టేషన్‌భారీ వర్షాలకు అధ్వానంగా మారిన పెదపట్నం–మానేపల్లి రోడ్డుసాక్షి, అమలాపురం: తీవ్ర వాయుగుండం ప్రభావంతో జిల్లాను రెండున్న రోజుల పాటు వర్షం ముంచెత్తింది. మంగళవారం అర్ధరాత్రి నుంచి శుక్రవారం తెల్లవారు జాము వరకు ఎడతెరిపి లేకుండా కురిసిన వర్షం శుక్రవారం ఉదయం ఎనిమిది గంటలకు తెరిపిచ్చింది. పలుచోట్ల ఎండ కూడా రావడంతో ప్రజలు ఊపిరిపీల్చుకున్నారు. రహదారులపై చేరిన వర్షపు నీరు క్రమంగా తగ్గుముఖం పట్టింది. అయితే వరుస వర్షాలతో పంట కాలువలు, డ్రైన్లు పొంగిపొర్లడంతో లోతట్టు ప్రాంతాల్లో పరిస్థితి పూర్తిగా సాధారణం కాలేదు. జిల్లాలో గురువారం ఉదయం నుంచి శుక్రవారం ఉదయం వరకు సగటున 51.3 మిల్లీమీటర్ల వర్షపాతం నమోదైంది. రామచంద్రపురంలో అత్యధికంగా 102.2 మిల్లీమీటర్లు, మలికిపురంలో అత్యల్పంగా 24.6 మిల్లీమీటర్ల వర్షం కురిసింది. ఆత్రేయపురంలో 46.4, ఆలమూరులో 40.2, రావులపాలెంలో 64.2, కొత్తపేటలో 70.6, కె.గంగవరంలో 44.2, ఐ.పోలవరంలో 40.8, ముమ్మిడివరంలో 56.4, అయినవిల్లిలో 56.6, పి.గన్నవరంలో 39.8, అంబాజీపేటలో 49.8, మామిడికుదురులో 47.4, రాజోలులో 49.2, సఖినేటిపల్లిలో 59, అల్లవరంలో 43.4, అమలాపురంలో 39.8, ఉప్పలగుప్తంలో 55.2, కాట్రేనికోనలో 45.2 మిల్లీమీటర్ల వర్షపాతం నమోదైంది. 10 వేల ఎకరాల్లో చేలల్లో ముంపు వరుస వర్షాలతో ఐ.పోలవరం, ముమ్మిడివరం, అల్లవరం, ఉప్పలగుప్తం, అమలాపురం, మలికిపురం, మామిడికుదురు, రాజోలు మండలాల్లో సుమారు 10 వేల ఎకరాల్లో వరి చేలు వర్షం బారినపడ్డాయి. ప్రస్తుతం పొలాల్లో నిలిచిన నీటితో పెద్దగా నష్టం లేకపోయినా.. మురుగునీటి కాలువల ద్వారా నీరు సకాలంలో బయటకు వెళ్లకపోతే పంట దెబ్బతినే అవకాశం ఉందని రైతులు చెబుతున్నారు. అయితే అమలాపురం మండలం నల్లమిల్లి, జనుపల్లిలో మాత్రం చేలు దెబ్బతినే పరిస్థితి నెలకొంది. మరోవైపు వరుసగా కురిసిన వర్షాలతో జనజీవనం కొంత స్తంభించింది. రహదారులు, లోతట్టు ప్రాంతాల్లో నీరు నిలిచిపోవడంతో ప్రజలు ఇబ్బందులు ఎదుర్కొన్నారు. శుక్రవారం ఉదయం నుంచి వర్షం తెరపివ్వడంతో పరిస్థితి కొంత మెరుగుపడింది. ఈ వర్షాలు ఈ ఏడాది ఇప్పటివరకు ఉన్న వర్షాభావ పరిస్థితులకు కొంతమేర ఉపశమనం కలిగించాయని రైతులు భావిస్తున్నారు. పెరుగుతున్న గోదావరి వర్షం తగ్గుముఖం పట్టిన సమయంలో గోదావరి వరద మాత్రం క్రమంగా పెరుగుతోంది. ఈ నెల 24వ తేదీ ఉదయం ధవళేశ్వరం బ్యారేజీ వద్ద 1,37,099 క్యూసెక్కులుగా ఉన్న ఇన్‌ఫ్లో శుక్రవారం సాయంత్రం ఆరు గంటలకు 4.10 లక్షల క్యూసెక్కులకు చేరింది. దీంతో పి.గన్నవరం, అన్నంపల్లి అక్విడెక్టుల వద్ద కూడా వరద ఉధృతి పెరిగింది. భద్రాచలం వద్ద కూడా వరద ప్రవాహం పెరిగినా.. అధికారులు ముందుగా అంచనా వేసినంత వేగంగా పెరుగుదల కనిపించలేదు. ప్రస్తుత పరిస్థితులను బట్టి కోనసీమలో అంచనా వేసిన స్థాయిలో భారీ వరద వచ్చే సూచనలు కనిపించడం లేదని సాగునీటి పారుదల శాఖ అధికారులు చెబుతున్నారు. మరో 1.50 లక్షల క్యూసెక్కుల వరకు వరద పెరిగినా పరిస్థితి అదుపులోనే ఉంటుందని అంచనా వేస్తున్నారు. దీంతో గోదావరి లంక గ్రామాల ప్రజలు కొంత ఊపిరి పీల్చుకుంటున్నారు. అయినప్పటికీ వరద ప్రవాహం పెరుగుతున్న నేపథ్యంలో లోతట్టు, లంక ప్రాంతాల ప్రజలు అప్రమత్తంగా ఉండాలని అధికారులు సూచిస్తున్నారు. నీట మునిగిన పోలీస్‌ స్టేషన్‌ ఆత్రేయపురం: భారీ వర్షాలకు ఆత్రేయపురం పోలీస్‌ స్టేషన్‌ నీట మునిగింది. కనీసం స్టేషన్‌కు వెళ్లడానికి వీల్లేకుండా మోకాలు లోతు నీరు చేరింది. స్టేషన్‌లోకి సైతం నీరు రావడంతో పోలీస్‌ సిబ్బంది రికార్డులు, కంప్యూటర్లు, ఆయుధ సామగ్రి పాడవుతుందని ఆందోళన చెందుతున్నారు. కాగా నీటిని మోటార్ల ద్వారా అల్లూరి పార్కులోని చెరువులోకి తోడుతున్నారు. ఫ జిల్లాపై వాయుగుండం ప్రభావం ఫ రెండు రోజులు ఎడతెరిపి లేని వర్షాలు ఫ శుక్రవారం ఉదయం నుంచి కాస్త ఊరట

ఫ వైఎస్సార్‌ సీపీ జిల్లా అధ్యక్షుడు చెల్లుబోయిన వేణు ఫ వెన్నుపోటు పార్టీ వంచనపై రేపు బీసీ గర్జన ఫ 34 నియోజకవర్గాల ప్రతినిధులతో కాతేరులో నిర్వహణ ఫ ఉమ్మడి ఉభయ గోదావరి జిల్లాల నుంచి హాజరు కానున్న నేతలు రాజమహేంద్రవరం రూరల్‌: కూటమి ప్రభుత్వ పాలనలో బీసీలకు జరుగుతున్న ద్రోహంపై చర్చించేందుకు ఉమ్మడి తూర్పు, ఉమ్మడి పశ్చిమ గోదావరి జిల్లాల పరిధిలోని 34 నియోజకవర్గాలకు చెందిన బీసీ ప్రజాప్రతినిధులు, మాజీ ప్రజాప్రతినిధులు, నాయకులు, విద్యాధికులతో ఆదివారం సమావేశం నిర్వహిస్తున్నారు. ‘వెన్నుపోటు పార్టీ వంచనపై బీసీ గర్జన’ పేరిట నిర్వహిస్తున్న రాజమహేంద్రవరం రూరల్‌ కాతేరులోని వెంకటాద్రి గార్డెన్స్‌లో ఆ రోజు ఉదయం 10 గంటలకు నిర్వహిస్తున్నారు. వైఎస్సార్‌ సీపీ జిల్లా అధ్యక్షుడు, మాజీ మంత్రి చెల్లుబోయిన శ్రీనివాస వేణుగోపాలకృష్ణ ఈ వివరాలు తెలిపారు. గర్జన ఏర్పాట్లను ఆయన, ఎమ్మెల్సీ కవురు శ్రీనివాస్‌, పార్టీ బీసీ విభాగం రాష్ట్ర వర్కింగ్‌ ప్రెసిడెంట్‌, జోన్‌–2 కో ఆర్డినేటర్‌ నవుడు వెంకట రమణ, ఏపీ గ్రీనింగ్‌ అండ్‌ బ్యూటీఫికేషన్‌ కార్పొరేషన్‌ మాజీ చైర్మన్‌, పార్టీ రాష్ట్ర కార్యదర్శి చందన నాగేశ్వర్‌ తదితరులు శుక్రవారం పరిశీలించారు. బీసీలకు వెన్నుపోటు పార్టీ ద్రోహం ఈ సందర్భంగా వేణు విలేకర్లతో మాట్లాడుతూ, బీసీలకు గత వైఎస్‌ జగన్‌ ప్రభుత్వం ఎంతో ప్రాధాన్యం ఇచ్చిందని అన్నారు. కానీ, పదవులు, పథకాల్లో బీసీలకు వెన్నుపోటు పార్టీ ప్రభుత్వం దారుణమైన ద్రోహం చేస్తోందని ధ్వజమెత్తారు. ప్రచారం తప్పతే బీసీలకు ఈ ప్రభుత్వం చేసిందేమీ లేదన్నారు. దాదాపు రెండున్నరేళ్లుగా కూటమి ప్రభుత్వం చేస్తున్న మోసాన్ని ప్రతి బీసీ సామాజిక వర్గీయుడికీ అర్థమయ్యే రీతిలో కార్యాచరణ రూపొందించామని చెప్పారు. ఈ దిశగా కాతేరులో నిర్వహిస్తున్న గర్జన సమావేశానికి బీసీ ప్రజాప్రతినిధులు, నామినేటెడ్‌ పదవులు నిర్వహించిన నాయకులు, డాక్టర్లు, లాయర్లు తదితర విద్యాధికులు హాజరు కావాలని చేశారు. పార్టీ ప్రముఖులు బొత్స సత్యనారాయణ, ధర్మాన ప్రసాదరావు, ధర్మాన కృష్ణదాసు, పిల్లి సుభాష్‌చంద్రబోస్‌, సీదిరి అప్పలరాజు, తమ్మినేని సీతారాం, బూడి ముత్యాలనాయుడు, విడదల రజని, అనిల్‌ కుమార్‌ యాదవ్‌, జోగి రమేష్‌, ఎమ్మెల్సీ కుడుపూడి సూర్యనారాయణరావు తదితరులు ఈ సమావేశానికి హాజరవుతారని తెలిపారు. బీసీలు వెన్నెముక అని చెబుతూనే ఆ వర్గాలకు కూటమి ప్రభుత్వం ఏవిధంగా ద్రోహం చేస్తోందో ప్రపంచానికి తెలియజేయాలన్న అజెండాతోనే ఈ సమావేశం ఏర్పాటు చేస్తున్నామని వేణు చెప్పారు. ఎమ్మెల్సీ కవురు శ్రీనివాస్‌ మాట్లాడుతూ, వెన్నుపోటు పార్టీ మోసాలపై జరిగే ఈ సమావేశం బీసీలకు అత్యంత కీలకమని అన్నారు. దీనికి అందరూ తరలివచ్చి బీసీలకు జరుగుతున్న మోసంపై గళమెత్తాలని కోరారు. వైఎస్సార్‌, వైఎస్‌ జగన్‌ చేసిన మేలును కూడా తెలియజేస్తామని చెప్పారు. నవుడు వెంకట రమణ మాట్లాడుతూ, మాజీ మంత్రి చెల్లుబోయిన వేణు ఆధ్వర్యంలో జరిగే ఈ సభను విజయవంతం చేసేందుకు కార్యాచరణ రూపొందించామని, అన్ని ఏర్పాట్లూ పూర్తి చేశామని చెప్పారు. బీసీలందరూ ఈ సమావేశానికి హాజరు కావాలని కోరారు. చందన నాగేశ్వర్‌ మాట్లాడుతూ, వైఎస్‌ జగన్‌ హయంలో బీసీలకు ఎంతో మేలు చేసారని, కూటమి ప్రభుత్వం తీవ్ర అన్యాయం చేస్తోందని అన్నారు. బీసీలకు జరుగుతున్న అన్యాయాన్ని కాతేరు సదస్సు వేదికగా ప్రపంచం ముందుకు తీసుకెళ్లాలని కోరారు. బీసీ విభాగం జిల్లా అధ్యక్షుడు కొండపల్లి దుర్గారావు మాట్లాడుతూ, కూటమి ప్రభుత్వం బీసీలకు మనుగడ లేకుండా చేస్తోందని విమర్శించారు. కార్యక్రమంలో పార్టీ నాయకులు రుఖియా సయ్యద్‌, చాపా రాజా, యెజ్జు వాసు, ఆచంట కల్యాణ్‌, వాసంశెట్టి శ్రీనివాస్‌, కొల్లి నాని తదితరులు పాల్గొన్నారు.

చంద్రబాబు ప్రభుత్వాన్ని ప్రశ్నిస్తే సోషల్‌ మీడియా ఇన్‌ప్లూయెన్సర్ల మీద కేసులు పెడుతున్నారు. అదే వారికి అనుకూలంగా ప్రచారం చేస్తే డబ్బులు ఇవ్వడానికి సిద్ధపడుతున్నారు. ఇదెక్కడి న్యాయం. ఇలాంటి విధానం ఏ రాష్ట్రంలోనూ లేదు. –పోతురాజు బాబూరావు, గొల్లపాలెం, కాజులూరు మండలం ప్రజాధనాన్ని దోచిపెట్టేందుకే.. సోషల్‌ మీడియా ఇన్‌ఫ్లుయెన్సర్ల పేరుతో టీడీపీ కార్యకర్తలకు ప్రజాధనం కట్టబెట్టే ప్రయత్నం దారుణం. ఎన్నికల్లో ఇచ్చిన హామీ మేరకు నిరుద్యోగ భృతి, కొత్త పింఛన్లను ముందుగా అర్హులకు అందించాలి. ప్రజలకు ప్రయోజనం లేని నిర్ణయాలను మానుకోవాలి. – కాండ్రేగుల దుర్గ, అంబాజీపేట

జీజీయూలో నిర్వహించిన హెచ్‌ఆర్‌ సదస్సు రాజానగరం: చదువుతో పాటు పరిశ్రమలకు అవసరమైన నైపుణ్యాలను పెంపొందించుకుంటేనే మంచి ఉద్యోగావకాశాలను పొందగలుగుతారని రాజానగరం సమీపంలోని గోదావరి గ్లోబల్‌ యూనివర్సిటీ (జీజీయూ) చానల్సర్‌ కేవీవీ సత్యనారాయణరాజు (చైతన్యరాజు) అన్నారు. క్యాంపస్‌లో శుక్రవారం జరిగిన హెచ్‌ఆర్‌ సదస్సులో ఆయన మాట్లాడుతూ విద్యార్థులకు ఉజ్వలమైన భవిష్యత్తును అందించుటలో ఇటువంటి సదస్సులు ఎంతగానో తోడ్పడతాయన్నారు. కార్యక్రమంలో వీసీ డాక్టర్‌ యు.చంద్రశేఖర్‌, ప్రొ.వీసీ డాక్టర్‌ కేవీబీ రాజు, రిజిస్ట్రార్‌ డాక్టర్‌ పీఎంఎంఎస్‌ శర్మ, వివిధ సాఫ్ట్‌వేర్‌ సంస్థలకు చెందిన హెచ్‌ఆర్‌ నిపుణులు, అధ్యాపకులు, విద్యార్థులు పాల్గొన్నారు.

అమలాపురం రూరల్‌: జిల్లాలో కురుస్తున్న భారీ వర్షాలు, రానున్న గోదావరి వరదల నేపథ్యంలో జిల్లా యంత్రాంగం, పోలీస్‌ శాఖ పూర్తి స్థాయిలో అప్రమత్తంగా ఉన్నాయని కలెక్టర్‌ ఆర్‌.మహేష్‌ కుమార్‌ తెలిపారు. కలెక్టరేట్‌లో గురువారం ఏర్పాటుచేసిన సమావేశంలో జిల్లా ఎస్పీ రాహుల్‌ మీనా, జాయింట్‌ కలెక్టర్‌ వై. ఖోమ్‌ నైడియా దేవిలతో కలసి ఆయన మాట్లాడారు. ప్రజల రక్షణ, భద్రతే ప్రధాన లక్ష్యంగా ముందస్తు చర్యలు చేపడుతున్నామని వెల్లడించారు. గాలి వేగం గంటకు 30 కిలోమీటర్ల కంటే తక్కువగా ఉండటంతో జిల్లాలో పెద్దగా నష్టం సంభవించలేదన్నారు. ఎగువ ప్రాంతాల్లో కురుస్తున్న భారీ వర్షాల కారణంగా రానున్న రెండు రోజుల్లో గోదావరిలో భారీగా వరద నీరు చేరే అవకాశం ఉందని కలెక్టర్‌ తెలిపారు. సెప్టెంబర్‌ 26 నాటికి సుమారు 10 లక్షల క్యూసెక్కుల వరద ప్రవాహంతో మొదటి ప్రమాద హెచ్చరిక స్థాయికి, సెప్టెంబర్‌ 27 నాటికి రెండో ప్రమాద హెచ్చరిక స్థాయికి వరద చేరే అవకాశం ఉందన్నారు. ఈ నేపథ్యంలో గోదావరి పరీవాహక ప్రాంతాలు, లోతట్టు ప్రాంతాలపై ప్రత్యేక దృష్టి సారించి పరిస్థితులను ఎప్పటికప్పుడు పర్యవేక్షిస్తున్నట్టు తెలిపారు. వాతావరణ పరిస్థితులు, వర్షపాతం, పిడుగుపాటు హెచ్చరికలను ఎప్పటికప్పుడు తెలుసుకునేందుకు రాష్ట్ర ప్రభుత్వం రూపొందించిన ‘అవేర్‌’ యాప్‌ను ప్రజలంతా డౌన్‌లోడ్‌ చేసుకోవాలన్నారు. భారీ వర్షాల కారణంగా విద్యుత్‌, తాగునీరు, డ్రైనేజీ తదితర అత్యవసర సమస్యలు ఏర్పడితే ప్రజలు జిల్లా స్థాయి కంట్రోల్‌ రూమ్‌ను 08856–293104 నంబర్‌లో సంప్రదించాలని కలెక్టర్‌ సూచించారు. వరద ముప్పుపై అప్రమత్తతతో పనిచేయాలి అమలాపురం రూరల్‌: ప్రస్తుత భారీ వర్షాలతో గోదావరి వరద ముప్పు పొంచి ఉన్న నేపథ్యంలో ఎలాంటి ప్రాణ, ఆస్తి నష్టం జరగకుండా అధికారులు పూర్తి అప్రమత్తతతో పనిచేయాలని కలెక్టర్‌ ఆర్‌.మహేష్‌కుమార్‌ ఆదేశించారు. గురువారం కలెక్టరేట్‌ నుంచి వీడియో కాన్ఫరెన్స్‌ ద్వారా వరద పరిస్థితులు, పింఛన్‌ దరఖాస్తుల పరిశీలన, పింఛన్ల పంపిణీకి ఏర్పాట్లు, ఎలక్టోరల్‌ రోల్‌ పరిశీలన తదితర అంశాలపై ఆర్‌డీవోలు, డీఎస్పీలు, ఎంపీడీవోలు, తహసీల్దార్లతో సమీక్షించారు. ఎలక్టోరల్‌ రోల్‌ సవరణ పనులను నిర్దేశిత గడువులోగా పూర్తి చేయాలని ఈ సందర్భంగా చెప్పారు. పాఠశాలలు, అంగన్‌వాడీ కేంద్రాలకు స్థానిక పరిస్థితులకు అనుగుణంగా సెలవులు ప్రకటించాలని చెప్పారు. శిథిలావస్థలో ఉన్న భవనాలను గుర్తించి వాటి సమీపంలోకి విద్యార్థులు వెళ్లకుండా రక్షణ చర్యలు చేపట్టాలని ఆదేశించారు. విలేకరుల సమావేశంలో కలెక్టర్‌, ఎస్పీ

అమలాపురం టౌన్‌: అక్టోబర్‌ నాలుగున రాజమహేంద్రవరంలో జరగనున్న కాంట్రాక్ట్‌ అవుట్‌ సోర్సింగ్‌ ఉద్యోగుల గోదావరి మహా గర్జనను విజయవంతం చేయాలని ఏపీ స్టేట్‌ గవర్నమెంట్‌ కాంట్రాక్ట్‌ అవుట్‌ సోర్సింగ్‌ ఎంప్లాయీస్‌ ఫెడరేషన్‌ జేఏసీ జిల్లా కార్యవర్గ ప్రతినిధులు పిలుపునిచ్చారు. స్థానిక ప్రభుత్వ ఏరియా ఆస్పత్రి ప్రాంగణంలో గురువారం జరిగిన నిరసన కార్యక్రమంలో వారు ప్రసంగించారు. సమాన పనికి సమాన వేతనం ఇవ్వాలని, ఉద్యోగ భద్రత కల్పించాలని ఈ సందర్భంగా డిమాండ్‌ చేశారు. అనంతరం గోదావరి మహా గర్జన పోస్టర్లను ఆవిష్కరించారు. ఉమ్మడి ఉభయ గోదావరి జిల్లాల స్థాయిలో రాజమహేంద్రవరంలో జరగనున్న ప్రాంతీయ మహా గర్జన సదస్సుకు కాంట్రాక్ట్‌, అవుట్‌ సోర్సింగ్‌ ఉద్యోగులు తరలిరావాలని జేఏసీ నేత నూకపెయ్యి గంగాధర్‌ విజ్ఞప్తి చేశారు. జేఏసీ ప్రతినిధులు పి.నాగలక్ష్మి, నాగారపు శ్రీనివాసరావు, సుమతి, అనంతకుమారి, సీహెచ్‌ కృష్ణ సురేష్‌, బి.శ్రీనివాసరావు తదితరులు పాల్గొన్నారు.కాంట్రాక్ట్‌ అవుట్‌ సోర్సింగ్‌ ఉద్యోగుల జేఏసీ పిలుపు

మడికి నుంచి దుళ్ల వెళ్ళే రోడ్డులో విద్యుత్‌ తీగలపై పడిన భారీ వక్షం వాయంగుండం కారణంగా కురిసిన వర్షాలకు అయినవిల్లిలో కొబ్బరితోటల్లోకి చేరిన నీరు అమలాపురం పట్టణం విద్యుత్‌ నగర్‌ రోడ్లు ముంపునకు గురైన దృశ్యంసాక్షి, అమలాపురం: ముఖం వాచేలా ఎదురుచూసినా రాని వర్షం.. గడచిన రెండు రోజులుగా బెంబేలెత్తించేలా కురిసింది. బంగాళాఖాతంలో ఏర్పడిన తీవ్ర వాయుగుండం ‘ఆర్నాబ్‌’ ప్రభావంతో కోనసీమ జిల్లా రెండో రోజూ తడిసిముద్దయింది. బుధవారం రాత్రి నుంచి గురువారం సాయంత్రం వరకు తెరపనేది లేనట్టుగా కురుస్తున్న వర్షంతో పల్లెలు, పట్టణాలు జలమయమయ్యాయి. ఎల్‌ నినో తర్వాత కరువుతీరా వర్షం కురిసిందని రైతులు సంబరపడేలోపే, రెండో రోజు కురిసిన కుండపోత వర్షం అన్నదాత గుండెల్లో గుబులు రేపింది. తీవ్ర వాయుగుండం ప్రభావంతో డాక్టర్‌ బీఆర్‌ అంబేడ్కర్‌ కోనసీమ జిల్లాలో రెండో రోజు కూడా తెరిపి లేకుండా భారీ వర్షం కురుస్తోంది. జిల్లాలో 24 గంటల్లో సగటున 125.6 మి.మీ. వర్షపాతం నమోదైంది. అత్యధికంగా కొత్తపేట మండలంలో 172.6 మిల్లీ మీటర్ల వర్షం కురవగా, అత్యల్పంగా రాజోలు మండలంలో 81 మిల్లీమీటర్ల వర్షం కురిసింది. లోతట్టు ప్రాంతాలు జలమయం వర్షాలకు జిల్లా కేంద్రమైన అమలాపురంతో పాటు రామచంద్రపురం మున్సిపాలిటీ, ముమ్మిడివరం నగర పంచాయతీలలో లోతట్టు ప్రాంతాలు నీట మునిగాయి. రోడ్లు, డ్రైన్లు ఏకమవ్వడంతో నీరు దిగే పరిస్థితి లేకుండా పోయింది. అమలాపురంలో గరిగుండ చెరువు, అశోక్‌నగర్‌, సావరం వంటి ప్రాంతాల్లో మోకాలు లోతున నీరు నిలిచిపోవడంతో వాహనచోదకులు, స్థానికులు ఇక్కట్ల పాలయ్యారు. ఈదురుగాలులకు కొన్నిచోట్ల భారీగా చెట్లు విరిగి పడడంతో ట్రాఫిక్‌కు అంతరాయం ఏర్పడింది. ముమ్మిడివరం నగర పంచాయతీ శివారు సురాయిచెరువులు, కొత్తలంక, కాట్రేనికోన మండలాల్లో విద్యుత్‌ సరఫరాకు అంతరాయం ఏర్పడింది. భారీ వర్షాలకు పెదపూడి మండలంలో భారీ నష్టం చోటుచేసుకుంది. కరకుదురు, చింతపల్లి, పెదపూడి, పెద్దాడ, జి.మామిడిడ తదితర గ్రామాల్లో తీవ్ర నష్టం జరిగింది. 14 విద్యుత్‌ స్తంభాలు, 10 చెట్లు, ఒక ఇల్లు కూలిపోయాయి. ఇల్లు కూలిన ఘటన సంపర గ్రామంలో జరిగింది. బుధవారం అర్ధరాత్రి వీచిన ఈదురు గాలులకు, భారీ వర్షానికి నందంపూడిలో పశువుల పాక కూలిపోయి రెండు పాడె గేదెలు మృతి చెందాయి. మరో రెండు పశువులు తీవ్ర గాయాలతో బయటపడ్డాయి. ఆలమూరు మండలం మడికి జాతీయ రహదారిపై భారీ వృక్షం కూలిపోయి విద్యుత్‌ తీగలపై పడింది. దీంతో విద్యుత్‌ స్తంభం ఒరిగిపోయింది. ఆ సమయంలో అక్కడ ఎవరూ లేకపోవడం ప్రమాదం తప్పింది. జనజీవనం అస్తవ్యస్తం గత రెండు రోజులుగా కురిసిన వర్షాలతో జిల్లాలో జనజీవనం స్తంభించిపోయింది. ప్రజలు ఇబ్బందులు పడ్డారు. వ్యాపారులు, వ్యవసాయ ఉత్పత్తుల ఎగుమతులు నిలిచిపోయాయి. తోపుడు బండ్లు, రోడ్ల వెంబడి చిన్నచిన్న వ్యాపారాలు చేసుకునే చిరు వ్యాపారులు ఎక్కువగా ఇబ్బంది పడ్డారు. వరుసగా రెండో రోజు కూడా వ్యాపారం లేకుండా పోయింది. అన్నదాతల్లో గుబులు వాయుగండం అన్నదాతను ఆందోళనలోకి నెట్టివేసింది. అమలాపురం మండలం నల్లమిల్లి, జనుపల్లి, అల్లవరం మండలం దేవగుప్తం, దేవగుప్తం రావుపాలెం వంటి ప్రాంతాల్లో వరిచేలు పెద్ద ఎత్తున నీట మునిగాయి. కాట్రేనికోన, ముమ్మిడివరం, మలికిపురం, ఐ.పోలవరం తదితర మండలాల్లో సైతం వర్షం వల్ల చేలు మంపుబారిన పడ్డాయి. అమలాపురం నియోజకవర్గం పరిధిలో వాసాలతిప్ప, కూనవరం, ముమ్మిడివరం నియోజకవర్గం పరిధిలో అయినాపురం, నార్త్‌ అడ్డాల్‌, రాజోలు దీవిలో శంకరగుప్తం డ్రెయిన్లు పొంగి పొర్లుతున్నాయి. కోనసీమ జిల్లాలో ఈ ఏడాది ఖరీఫ్‌ ఆలస్యమైంది. చేలు పొట్టపోసుకునే దశలో ఉన్నాయి. ఈ కారణంగా ముంపుబారిన పడినా పెద్దగా నష్టం ఉండదని వ్యవసాయ శాఖ అధికారులు చెబుతున్నారు. వర్షాలు కొనసాగితే తీర ప్రాంత మండలాల్లోని వరిచేలల్లో మరింత ముంపు పెరిగే అవకాశముంది. కలెక్టరేట్‌లో కంట్రోల్‌ రూమ్‌ ఏర్పాటు తీవ్ర వాయుగండం ప్రభావంతో భారీ వర్షాలు కురుస్తుండడంతో జిల్లా యంత్రాంగం అప్రమత్తమైంది. జిల్లా కలెక్టరేట్‌లో కంట్రోల్‌ రూమ్‌ ఏర్పాటు చేశారు. కంట్రోల్‌ రూమ్‌ నంబర్‌ : 08856 293104 మండలం కురిసిన వర్షం (మి.మీటర్లలో) కొత్తపేట – 172.6 కాట్రేనికోన – 153.6 ఆత్రేయపురం – 153.4 రామచంద్రపురం – 152.6 రావులపాలెం – 152.4 ఉప్పలగుప్తం – 149.6 ముమ్మిడివరం – 148.2 అయినవిల్లి – 144.6 ఐ.పోలవరం – 134.4 అమలాపురం – 127.0 కె.గంగవరం – 119.4 అంబాజీపేట – 119.0 అల్లవరం – 107.0 ఆలమూరు – 106.8 సఖినేటిపల్లి – 102.2 మామిడికుదురు – 91.0 పి.గన్నవరం – 87.2 మలికిపురం – 84.0 రాజోలు – 81.0 వాయుగుండం ప్రభావంతో రెండోరోజూ భారీ వర్షాలు స్తంభించిన జనజీవనం నీట మునిగిన రోడ్లు, లోతట్టు ప్రాంతాలు ముంపుబారిన పంట పొలాలు పొంగి ప్రవహిస్తున్న పంట కాలువలు, డ్రెయిన్లు కూలిన భారీ వృక్షాలు, విద్యుత్‌ స్తంభాలు

అమలాపురం రూరల్‌: బంగాళాఖాతంలో ఏర్పడిన తీవ్ర తుపాను కారణంగా జిల్లా వ్యాప్తంగా భారీ వర్షాలు కురుస్తుండటంతో కలెక్టర్‌ ఆదేశాల మేరకు అంబేడ్కర్‌ కోనసీమలో జిల్లాలోని అన్ని యాజమాన్య పాఠశాలలకు శుక్రవారం కాంపెన్సేటరీ సెలవు ప్రకటించినట్టు డీఈవో మహబూబ్‌ బాషా తెలిపారు. అంబేడ్కర్‌ కోనసీమ జిల్లాలో ఉప విద్యాశాఖ అధికారులకు, మండల విద్యాశాఖ అధికారులకు, అన్ని యాజమాన్య పాఠశాలల ప్రధానోపాధ్యాయులకు సెలవును ఆమలు చేయాలని ఆయన సూచించారు. వాడపల్లి వెంకన్న ఆదాయం రూ.2.50 కోట్లు ఆత్రేయపురం: కోనసీమ తిరుమలగా ప్రసిద్ధిగాంచిన వాడపల్లి వెంకటేశ్వర స్వామి 37 రోజుల హుండీల ఆదాయం రూ.2 కోట్ల 50 లక్షల 11 వేల 671 లభించినట్టు ఆలయ ఈవో, దేవదాయ శాఖ ఉప కమిషనర్‌ నల్లం సూర్యచక్రధరరావు తెలిపారు. ఆలయ ఆవరణలోని హుండీలను బుధవారం దేవదాయ శాఖ అధికారులు వి.సత్యనారాయణ, ఎస్‌టీపీటీ శ్రీనివాస్‌, దేవాలయాల ఈవోలు ఎస్‌.సత్య మహేంద్ర, వై.సత్యనారాయణ సమక్షంలో లెక్కించారు. ప్రధాన, విశ్వేశ్వర స్వామి హుండీలతో కలిపి రూ.2 కోట్ల 4 లక్షల 24 వేల 921, అన్నప్రసాద వితరణ ద్వారా రూ.45,86,750 లభించాయని చెప్పారు. 84 గ్రాముల బంగారం, 1.617 కిలోల వెండి, 13 దేశాలకు చెందిన 86 విదేశీ కరెన్సీ నోట్లు వచ్చాయన్నారు. వీఆర్‌ఏల అర్ధనగ్న నిరసన కొత్తపేట: గ్రామ రెవెన్యూ సహాయకులు (వీఆర్‌ఏ) పలు డిమాండ్లతో చేపట్టిన నిరవధిక నిరసన కార్యక్రమంలో భాగంగా గురువారం కొత్తపేట మండల వీఆర్‌ఏలు అర్ధనగ్నంగా నిరసన తెలిపారు. ఎనిమిది రోజుల పాటు స్థానిక పాత తహసీల్దార్‌ కార్యాలయం వద్ద వివిధ రీతుల్లో నిరసన తెలియజేసిన వీఆర్‌ఏలు తొమ్మిదో రోజు అర్ధనగ్న ప్రదర్శన జరిపారు. ప్రభుత్వం ముందుంచిన డిమాండ్లు నెరవేర్చాలని కోరుతూ నినాదాలు చేశారు. అనంతరం స్థానిక కాపు కళ్యాణ మండపం వద్ద ఎమ్మెల్యే బండారు సత్యానందరావును కలిసి వినతిపత్రం సమర్పించారు. తమ న్యాయమైన కోర్కెలను ప్రభుత్వం దృష్టికి తీసుకువెళ్లి పరిష్కరించేందుకు కృషి చేయాలని కోరారు. కార్యక్రమంలో సంఘ మండల అధ్యక్షుడు కే భీమశంకరం, ప్రధాన కార్యదర్శి పిల్లంగోరు బాలు, కోశాధికారి ఎస్‌ నాగభూషణం తదితరులు పాల్గొన్నారు.

సాక్షి, అమలాపురం: ప్రజా ప్రయోజనాల కన్నా స్వార్థ ప్రయోజనాలకు పెద్ద పీట వేస్తే.. ఫలితాలు ఎలా ఉంటాయనే దానికి ఈ రెండు రోడ్లు ఒక ఉదాహరణ. నిర్మించి రెండు, మూడు నెలలు కాకుండానే ఈ రోడ్ల నాణ్యత బట్టబయలైంది. ఈ ఏడాది భారీ వర్షాలు లేక ఇన్ని రోజులూ బయటపడని రోడ్ల నాణ్యత తీవ్ర వాయుగుండం నేపథ్యంలో కేవలం రెండు రోజుల పాటు కురిసిన వర్షాలతో వీటి డొల్లతనం బయటపడింది. అమలాపురం మండలం ఈదరపల్లి నుంచి ఇందుపల్లి వరకు (ఎన్‌కౌంటర్‌ వంతెన మీదుగా) నిర్మించిన రహదారి రెండుగా విడిపోయింది. ఈ రహదారిని సుమారు రూ.1.50 కోట్లతో గత వేసవిలో నిర్మించారు. అంతకుముందు ఇక్కడ గ్రావెల్‌ రోడ్డు ఉండేది. స్థానికేతరుడైన ఒక కూటమి ప్రజాప్రతినిధికి చెందిన వ్యాపార ప్రయోజనాల కోసం భారీ వాహనాలు వెళ్లేందుకు వీలుగా గత వేసవిలో ఈ రహదారిని ఆఘమేఘాల మీద నిర్మించారు. అమలాపురం నియోజకవర్గంలో పలు రహదారులు అధ్వానంగా ఉన్నప్పటికీ ఇక్కడ మాత్రం నాయకుని ప్రయోజనాల కోసం రోడ్డు నిర్మాణం వేగంగా పూర్తి చేశారు. కౌశికను ఆనుకుని నిర్మించిన ఈ రోడ్డు కృంగిపోకుండా రిటైనింగ్‌ వాల్‌ నిర్మాణం చేపట్టారు. అయినా కూడా రోడ్డు రెండుగా చీలిపోయింది. 200 అడుగుల మేర.. అడుగు వెడల్పున రోడ్డు రెండుగా చీలిపోవడం గమనార్హం. నిర్మాణం లోపభూయిష్టంగా సాగిందనే విషయాన్ని ఇది తేటతెల్లం చేసింది. దీనికితోడు రోడ్డు దిగువన పాత భవనాలకు చెందిన ఇటుకు బొంత, ఇతర సిమెంట్‌ రద్దు వేసి దాని మీద గ్రావెల్‌, బీటీ వేశారనే విమర్శలు కూడా ఉన్నాయి. దీనిపై పంచాయతీరాజ్‌ అధికారులు నోరుమెదపడం లేదు. ఈదరపల్లి – ముక్కామల రోడ్డు సైతం.. అమలాపురం రూరల్‌: ఈదరపల్లి – ముక్కామల మధ్య బైపాస్‌ రోడ్డు అవినీతి బీటలు తీసింది. ఆధునీకరించిన నెల రోజులకే ఈ రోడ్డు కుంగిపోయిన విషయాన్ని సాక్షి ‘బైపాస్‌ రోడ్డుకు అవినీతి బీటలు’ అనే శీర్షికన వెలుగులోకి తెచ్చిన విషయం తెలిసిందే. రిటైనింగ్‌ వాల్స్‌ నిర్మాణం చేసిన చోట రోడ్డు కుంగిపోవడం విడ్డూరం. నెల రోజుల పాటు కాలువకు నీరు నిలిపి.. ఆయకట్టును ఎండబెట్టి మరీ నిర్మించిన రోడ్డు రెండు నెలలకే కుంగిపోయింది. రిటైనింగ్‌ వాల్‌ నిర్మించిన చోటే కుంగిపోయిన ముక్కామల – ఈదరపల్లి బైపాస్‌ రోడ్డు కూటమి పాలనలో అవినీతికి ఈ రోడ్లే తార్కాణం – డాక్టర్‌ పినిపే శ్రీకాంత్‌ కూటమి నేతల అవినీతి, అక్రమాలకు ఈ రెండు రోడ్ల డొల్లతనమే ఒక మచ్చుతునక అని వైఎస్సార్‌సీపీ కో ఆర్డినేటర్‌ డాక్టర్‌ పినిపే శ్రీకాంత్‌ విమర్శించారు. రోడ్లు కుంగిపోవడంపై ఆయన స్పందిస్తూ.. రెండు నెలల వ్యవధిలోనే ముక్కామల–ఈదరపల్లి బైపాస్‌ రోడ్డు కుంగిపోవడం దారుణమన్నారు. ఈ రోడ్డును సకాలంలో పూర్తిచేయకపోవడం వల్ల రైతులు నష్టపోవడంతో పాటు ప్రమాదం జరిగి ఇద్దరు మృత్యువాత పడ్డారని ఆయన గుర్తు చేశారు. ఇక ఈదరపల్లి– ఇందుపల్లి రోడ్డు రెండుగా విడిపోవడం చూస్తుంటే అమలాపురం నియోజకవర్గంలోనూ.. రాష్ట్ర వ్యాప్తంగా కూటమి పాలనలో నిర్మిస్తున్న రహదారుల్లో నాణ్యత ఏపాటిదో అర్థమవుతోందన్నారు. నిత్యం నీతి, నిజాయతీల గురించి మాట్లాడే కూటమి నేతలు ఈ రోడ్ల డొల్లతనం మీద స్పందించాలని ఆయన డిమాండ్‌ చేశారు. అమలాపురం ఎమ్మెల్యే అయితాబత్తుల ఆనందరావు ఎస్‌.యానాంలో జరిగే సంక్రాంతి సంబరాలకు విదేశీయులను తీసుకువస్తానని, ఈ ప్రాంత అందాలను చూపుతానని గొప్పగా చెబుతున్నారని, వారికి నాణ్యత లేక రెండుగా విడిపోతున్న రోడ్లను కూడా చూపించాలని శ్రీకాంత్‌ ఎద్దేవా చేశారు.

సాక్షి, అమలాపురం: ఉమ్మడి తూర్పుగోదావరి జిల్లా పరిషత్‌ వ్యవస్థలో కొత్త అధ్యాయం ప్రారంభం కానుంది. ఉమ్మడి జిల్లా పరిషత్‌ నాలుగు జిల్లా పరిషత్‌లుగా విడిపోయి డాక్టర్‌ బీఆర్‌ అంబేడ్కర్‌ కోనసీమ జిల్లా పరిషత్‌ కొత్తగా ఏర్పడనుంది. రాష్ట్ర ప్రభుత్వం జారీ చేసిన జీవో 115, 116 ప్రకారం జిల్లాకు 19 మండలాలతో శుక్రవారం నుంచి కొత్త జిల్లా పరిషత్‌ పరిపాలన మొదలుకానుంది. జిల్లాల పునర్వ్యవస్థీకరణ నేపథ్యంలో దాని పరిధి మారుతోంది. కాకినాడ, తూర్పుగోదావరి, డాక్టర్‌ బీఆర్‌ అంబేడ్కర్‌ కోనసీమ, పోలవరం జిల్లాల పరిధిలో కొత్త జిల్లా పరిషత్‌లు ఏర్పడుతున్నాయి. దీంతో స్థానిక సంస్థల పరిపాలన మరింత వికేంద్రీకృతం కానుంది. ఇక నుంచి ఆయా జిల్లాల పరిధిలోనే జెడ్పీ వ్యవహారాలు కొనసాగనున్నాయి. కోనసీమ జిల్లా పరిషత్‌కు అమలాపురం ఎంపీడీవో కార్యాలయాన్ని కేంద్రంగా నిర్ణయించారు. ప్రస్తుతం ఉమ్మడి జిల్లా పరిషత్‌ పరిధిలో పనిచేస్తున్న అధికారులు, సిబ్బందిని కొత్త జిల్లా పరిషత్‌లకు మండలాల నిష్పత్తి ఆధారంగా కేటాయించే ప్రక్రియ ఇప్పటికే పూర్తయింది. దీంతో కొత్త జెడ్పీ కార్యాలయ నిర్వహణకు అవసరమైన సిబ్బంది అందుబాటులోకి రానున్నారు. కలెక్టర్‌ ఆధ్వర్యంలో ప్రత్యేక పాలన.. కొత్త జిల్లా పరిషత్‌కు ప్రత్యేకాధికారిగా జిల్లా కలెక్టర్‌ ఆర్‌.మహేష్‌ కుమార్‌ను ప్రభుత్వం నియమించింది. అధికారికంగా జీవో రావాల్సి ఉంది. జిల్లా పరిషత్‌ విభజన ఉత్తర్వుల్లో ఈ విషయాన్ని పేర్కొన్న విషయం తెలిసిందే. ఉమ్మడి జిల్లా పరిషత్‌ పాలకవర్గం గడువు గురువారం రాత్రితో ముగియడంతో ఎన్నికై న జెడ్పీ పాలకవర్గం ఏర్పడే వరకు కలెక్టర్‌ ఆధ్వర్యంలో పరిపాలన కొనసాగనుంది. కొత్త జిల్లా పరిషత్‌ కార్యాలయంలో పరిపాలనాపరమైన విధులు నిర్వహించేందుకు సీఈవోతో పాటు అడ్మినిస్ట్రేటివ్‌ ఆఫీసర్‌, సీనియర్‌ అసిస్టెంట్లు, జూనియర్‌ అసిస్టెంట్లు, టైపిస్టులు, ఆఫీస్‌ సబార్డినేట్లు పనిచేయనున్నారు. జిల్లా పరిషత్‌ పరిపాలన, కార్యాలయ వ్యవహారాలు, రికార్డుల నిర్వహణ, ఉత్తర ప్రత్యుత్తరాలు తదితర బాధ్యతలను వీరు నిర్వహించనున్నారు. 19 మండలాలతో ఏర్పాటు అమలాపురం ఎంపీడీవో కార్యాలయం కేంద్రంగా పరిపాలన ప్రత్యేకాధికారిగా జిల్లా కలెక్టర్‌ నియామకం అధికారుల వికేంద్రీకరణ పూర్తి నేటి నుంచి ప్రత్యేక పాలన

కొబ్బరి రకం ధర (రూ.) కొత్త కొబ్బరి (క్వింటాల్‌) 16,000 – 17,000 కొత్త కొబ్బరి (రెండో రకం) 15,000 – 16,000 కురిడీ కొబ్బరి (పాతవి) గండేరా (వెయ్యి) 26,500 గటగట (వెయ్యి) 23,500 కురిడీ కొబ్బరి (కొత్తవి) గండేరా (వెయ్యి) 25,500 గటగట (వెయ్యి) 22,500 నీటికాయ పాత (ముక్కుడు) కాయ (వెయ్యి) 21,000 – 22,000 కొత్త (పచ్చి) కాయ (వెయ్యి) 21,000 – 22,000 కొబ్బరి నూనె (15 కిలోలు) 5,000 కిలో 350

● విద్యుత్‌ వైర్లకు తగిలిన బరకం ● షాక్‌తో యువకుడి మృతి ● మరో ఇద్దరికి తీవ్ర గాయాలు ● బి.దొడ్డవరంలో ఘటన మామిడికుదురు: గణేష్‌ నిమజ్జనం సందర్భంగా బి.దొడ్డవరం గ్రామంలో అపశ్రుతి చోటు చేసుకుంది. ఈ సంఘటనకు సంబంధించి స్థానికులు, నగరం ఎస్సై ఎ.పద్మారావు బుధవారం తెలిపిన వివరాలివీ.. గ్రామం ఎంట్రన్స్‌లో ఉన్న వినాయకుని ఆలయం వద్ద ఏర్పాటు చేసిన వినాయకుని విగ్రహం నిమజ్జనం ఊరేగింపును బుధవారం ఘనంగా ఏర్పాటు చేశారు. విగ్రహాన్ని నిమజ్జనం చేసి, భక్తులు ట్రాక్టర్‌పై రాత్రి తిరిగి వస్తున్నారు. గ్రామంలోని ఆంజనేయస్వామి ఆలయం సమీపానికి వచ్చేసరికి ఆ ట్రాక్టర్‌లోని డీజే బాక్సులపై వేసిన బరకం గాలికి ఎగిరి 11 కేవీ విద్యుత్‌ తీగలకు తాకింది. దీంతో, ఒక్కసారిగా మంటలు చెలరేగాయి. ట్రాక్టర్‌ టైర్లకు సైతం మంటలు వ్యాపించాయి. దానిపై ఉన్న ముమ్మిడివరం మండలం అయినాపురానికి చెందిన ఇళ్ల సాయిచందు (25), అల్లవరం మండలం తూర్పులంకకు చెందిన బడుగు దుర్గాప్రసాద్‌, పంపాని వీర సాయి శంకర్‌ ఒక్కసారిగా విద్యుత్‌ షాక్‌కు గురై, కిందకు దూకేశార. తీవ్రంగా గాయపడిన ఈ ముగ్గురినీ అమలాపురంలోని ఓ ప్రైవేటు ఆస్పత్రికి తరలించారు. అక్కడ చికిత్స పొందుతూ సాయిచందు మృతి చెందాడు. మరో బాధితుడు దుర్గాప్రసాద్‌ పరిస్థితి ఆందోళనకరంగా ఉండటంతో మెరుగైన వైద్యం కోసం కాకినాడలోని ప్రైవేటు ఆస్పత్రికి తరలించారు. మృతుడు సాయిచందు తండ్రి శ్రీనివాసరావు ఫిర్యాదు మేరకు ఈ సంఘటనపై పోలీసులు కేసు నమోదు చేశారు. అవివాహితుడైన సాయిచందు మృతితో అతడి కుటుంబ సభ్యులు కన్నీరుమున్నీరుగా విలపించారు. చేతికి అంది వచ్చిన కొడుకు దూరమయ్యాడని పెద్ద పెట్టున రోదించారు.

సాంకేతిక లోపాలతోనే.. సదరం సర్టిఫికెట్లలో అర్హులకు అనర్హత వస్తోందనే విషయంలో కొంత నిజం ఉంది. దీనిని సాంకేతిక లోపంగా గుర్తించాం. ఈవిధంగా ఇటీవల నా వద్దకు ఇద్దరు వచ్చారు. అర్హులైనప్పటికీ అనర్హులుగా వైకల్యం శాతం రావడంతో.. సంబంధిత వైద్యునితో మాట్లాడి, సదరం సర్టిఫికెట్‌లో వచ్చిన శాతాన్ని పోల్చి, తిరిగి వారికి అర్హులుగా ధ్రువపత్రం ఇచ్చాం. దీనిపై కలెక్టర్‌తో మాట్లాడతాను. ఈవిధంగా ఎవరికై నా జరిగితే.. మా వద్దకు వస్తే రికార్డులు సరిచూసి, సమస్య పరిష్కరిస్తాం. సదరం సర్టిఫికెట్ల జారీలో వైకల్యం శాతాన్ని సరిగ్గా చూడకుండా, సొమ్ముకు కక్కుర్తి పడి ఇష్టారాజ్యంగా ఎవరైనా వ్యవహరిస్తే చర్యలు తీసుకుంటాం. దీనిపై సమాచారం ఉంటే వెంటనే మాకు ఫిర్యాదు చేయండి. – డాక్టర్‌ సోఫియా, సూపరిండెంటెంట్‌, జిల్లా ప్రభుత్వాసుపత్రి, రాజమహేంద్రవరం కంబాలచెరువు (రాజమహేంద్రవరం): దివ్యాంగుల జీవితాలకు భరోసా అందించేందుకు సదరం సర్టిఫికెట్‌ అత్యంత కీలకం. ప్రభుత్వం అందించే పింఛన్‌, వివిధ సంక్షేమ పథకాలు, విద్య, ఉపాధి, రాయితీలు తదితర ప్రయోజనాలకు సదరం సర్టిఫికెట్‌లో పేర్కొన్న వైకల్యం శాతం ఆధారంగానే అర్హత నిర్ణయిస్తారు. అలాంటి కీలక ధ్రువపత్రం కోసం వచ్చే దివ్యాంగులకు రాజమహేంద్రవరం ప్రభుత్వాసుపత్రి(జీజీహెచ్‌)లో విచిత్రమైన అనుభవాలు ఎదురవుతున్నాయి. ఇక్కడ ప్రతి మంగళవారం సదరం శిబిరం నిర్వహిస్తారు. దీనికి అధిక సంఖ్యలో దివ్యాంగులు వస్తూంటారు. అయితే, వీరికి అక్కడి వైద్యులు ఇస్తున్న ధ్రువపత్రంలో పేర్కొంటున్న వైకల్యం శాతానికి, నిజజీవితంలో వారికున్న వైకల్యానికి పొంతన ఉండటం లేదు. శాతం ఎక్కడ మారుతోంది? సదరం ప్రక్రియలో వైద్యులు, సంబంధిత నిపుణులు నిర్వహించే పరీక్షలే ప్రాథమిక ఆధారం కావాలి. పరీక్షల సమయంలో ఒక స్థాయి వైకల్యం నమోదవుతున్నా.. తుది సర్టిఫికెట్‌ ఇచ్చేసరికి ఆ శాతం తగ్గిపోతోందని బాధితులు ఆవేదన వ్యక్తం చేస్తున్నారు. ఒకవేళ తొలిసారి నిర్వహించిన పరీక్షా ఫలితాలకు, తుది ధ్రువపత్రంలోని శాతానికి తేడా ఉంటే దానికి కారణాలేమిటి, ఏదైనా నిర్ణీత ఫార్ములా ప్రకారం లెక్కిస్తున్నారా, ఏదైనా ఇతర వైద్య పరీక్షను కూడా పరిగణనలోకి తీసుకుంటున్నారా వంటి విషయాలను అభ్యర్థులకు స్పష్టంగా తెలియజేయాల్సిన అవసరం ఉంది. బాధితుడికి వివరించే వ్యవస్థ ఏదీ? సదరం ధ్రువీకరణకు ఆసుపత్రికి వస్తున్న దివ్యాంగులు గంటల తరబడి వేచి ఉంటారు. వివిధ విభాగాల్లో పరీక్షలు చేయించుకుంటారు. అవసరమైన పత్రాలన్నీ సమర్పిస్తారు. చివరకు వారికిచ్చే ధ్రువపత్రంలో తన వైకల్య శాతం ఎంత, ఎందుకు అలా నిర్ధారించారనే విషయాలు మాత్రమే కాకుండా ఆ శాతం ఎలా వచ్చిందో తెలుసుకునే హక్కు కూడా ఉండాలి. ఈ ప్రక్రియలో స్పష్టత లేకపోతే బాధితుడు ఎవరిని ఆశ్రయించాలి, తన పరీక్షా నివేదికపై అభ్యంతరం ఉంటే ఎవరికి ఎలా అప్పీల్‌ చేయాలి, వైకల్య శాతం తప్పుగా నమోదైందని భావిస్తే పునఃపరీక్షకు అవకాశం ఉందా, దీనంతటికీ ఎవరు బాధ్యత వహిస్తారనే విషయాలను అధికార యంత్రాంగం స్పష్టం చేయాలి. దళారుల దందా సదరం ధ్రువీకరణకు వస్తున్న దివ్యాంగుల అమాయకత్వాన్ని అవకాశంగా తీసుకుని ఆసుపత్రి పరిసరాల్లో కొందరు దళారులు సహాయం పేరుతో దందా సాగిస్తున్నారు. పరీక్షలు త్వరగా పూర్తి చేయిస్తామని, ఈ మొత్తం ప్రక్రియలో సహకరిస్తామని దివ్యాంగులను నమ్మిస్తున్నారు. సర్టిఫికెట్‌ విషయంలో హామీలు ఇస్తున్నారని, ధ్రువపత్రం జారీ చేసే వైద్యులతో మంతనాలు జరుపుతున్నారనే ఆరోపణలు కూడా వస్తున్నాయి. ఇటువంటి వ్యవహారాలపై అధికారులు దృష్టి పెట్టాల్సి ఉంది. పాపం వెంకటేశ్వరరావు రాజమహేంద్రవరం నగరానికి చెందిన ఎలుబండి మోహన వెంకటేశ్వరరావు అనే వ్యక్తికి ఎడమ చెవి పూర్తిగా వినిపించదు. కుడి చెవి చాలా కొద్దిగా మాత్రమే, అదీ చాలా గట్టిగా అరిస్తేనే వినిపిస్తుంది. వినికిడికి సంబంధించి అతని వైకల్యం 70 శాతం పైగా ఉంటుంది. కానీ, సదరం శిబిరంలో వైద్యులు జారీ చేసిన ధ్రువపత్రంలో కేవలం 17 శాతమే వైకల్యమున్నట్లు పేర్కొన్నారు. అయితే, అదే వెంకటేశ్వరరావుకు రాజమహేంద్రవరం ప్రభుత్వాసుపత్రిలో అంతకుముందు ఓ ఆడియాలజీ పరీక్ష నిర్వహించారు. ఆ పరీక్ష నివేదిక ప్రకారం అతడి కుడి చెవికి ప్యూర్‌ టోన్‌ యావరేజ్‌ (పీటీఏ) 91 డెసిబుల్స్‌, ఎడమ చెవికి పీటీఏ 56 డెసిబుల్స్‌గా నమోదు చేశారు. కుడి చెవికి హియరింగ్‌ లాస్‌, ఎడమ చెవికి కాస్త తీవ్రంగాను వినికిడి లోపం ఉన్నట్లు నమోదు చేశారు. ఎడమ చెవికి హియరింగ్‌ ఎయిడ్‌ ఉపయోగించాలని కూడా సిఫారసు చేశారు. కానీ, చివరకు సదరం ధ్రువపత్రంలో మాత్రం వైకల్యం 17 శాతమే ఉన్నట్లు ఏవిధంగా నిర్ధారించారో ఎవ్వరికీ అర్థం కాని పరిస్థితి. ఒక్క వెంకటేశ్వరరావుకే కాదు.. ఇదే సమస్యను పలువురు దివ్యాంగులు ఎదుర్కొంటున్నారు. కొంత మంది వైద్యులు లేదా సిబ్బంది కాసులకు కక్కుర్తి పడి సదరం శిబిరంలో ఈవిధంగా సర్టిఫికెట్లు ఇస్తున్నారనే ఆరోపణలు వస్తున్నాయి. దీనివలన ఎంతో మంది దివ్యాంగులు అర్హులైనప్పటికీ అనర్హులుగానే మిగిలిపోతూ, ప్రభుత్వ పథకాలకు దూరమవుతున్నారు. దివ్యాంగుల బతుకులతో చెలగాటం సర్టిఫికెట్ల జారీలో వింతలు అసలు వైకల్యానికి.. వైద్యుల ధ్రువీకరణకు ఆమడ దూరం ప్రభుత్వాసుపత్రిలో అర్హులకు అన్యాయం!

● పోలీసు వాహనం కూడా ధ్వంసం ● రాంగ్‌ రూట్‌లో అతి వేగంగా డ్రైవింగ్‌ ● కటకటాల్లోకి నిందితుడు అమలాపురం టౌన్‌: నైట్‌ పెట్రోలింగ్‌ విధులు నిర్వహిస్తున్న ఓ ఎస్సై పైకే ఓ ప్రబుద్ధుడు కారుతో దూసుకెళ్లాడు. వివరాలివీ.. స్థానిక కొంకాపల్లికి చెందిన చల్లా ఫణికుమార్‌ (ఫణి) తన కారు(ఏపీ 04 ఆర్‌ 1111)తో అమలాపురం ఆర్టీసీ బస్‌ స్టేషన్‌ రోడ్డులో బుధవారం అర్ధరాత్రి రాంగ్‌ రూట్‌లో, అతి వేగంగా దూసుకొస్తున్నాడు. ఆ సమయంలో అక్కడ పట్టణ ఎస్సై ఎన్‌ఆర్‌ కిషోర్‌బాబు నైట్‌ పెట్రోలింగ్‌లో ఉన్నారు. ఫణి తన కారు నిర్లక్ష్యంగా నడుపుతూ ఆయన పైకి దూసుకొచ్చి ఢీకొట్టాడు. అక్కడితో ఆగకుండా అక్కడే ఆగి ఉన్న పోలీసు వాహనాన్ని కూడా ఢీకొని, అక్కడి నుంచి పరారయ్యాడు. అతడి కారు చక్రం మీద నుంచి దూసుకుపోవడంతో ఎస్సై కిషోర్‌బాబు ఎడమ పాదానికి తీవ్ర గాయమైంది. ఆయనను పోలీసు సిబ్బంది తక్షణం ఆస్పత్రికి తరలించారు. మరికొంత మంది పోలీసులు ఫణి కారును వెంబడించి, అతడిని పట్టుకునేందుకు ప్రయత్నించారు. ఈ క్రమంలో ఫణి ఈదరపల్లి గ్రామం మీదుగా ఉన్న కొంకాపల్లి బైపాస్‌ రోడ్డులో కలెక్టర్‌ బంగ్లాకు వెళ్లే రోడ్డు వద్ద కారుతో పొదల్లోకి దూసుకుపోయాడు. అనంతరం, ఆ కారును అక్కడే వదిలేసి పరారయ్యాడు. ప్రభుత్వ అధికారిని గాయపరచడంతో పాటు పోలీసు వాహనంపై దాడికి విఫలయత్నం చేసిన ఫణి ఆచూకీ కోసం పోలీసులు గాలించి, గురువారం ఉదయం పట్టుకున్నారు. అతడిపై కేసు నమోదు చేసి, అరెస్టు చేసినట్లు పట్టణ సీఐ పి.వీరబాబు తెలిపారు. నిందితుడిని కోర్టులో హాజరు పరిచి, కేసు దర్యాప్తు చేస్తున్నామని చెప్పారు. కారు బీభత్సం కొత్తపేట: స్థానిక సంత మార్కెట్‌ సెంటర్‌లోని వినాయకుడి ఆలయం ఎదురుగా బుధవారం తెల్లవారుజామున సుమారు 4 గంటల సమయంలో ఓ కారు అదుపు తప్పి బీభత్సం సృష్టించింది. ఒక్కసారిగా షాపుల వైపు దూసుకొచ్చి, మెట్లను, అక్కడే ఉన్న ఐరన్‌ స్టాండ్లను ధ్వంసం చేసింది. కారు కూడా నుజ్జయ్యింది. కారులో డ్రైవర్‌తో పాటు మరొకరున్నారు. స్వల్ప గాయాలతో వారు పెను ప్రమాదం నుంచి తప్పించుకున్నారని స్థానికులు తెలిపారు. టైరు పంక్చర్‌ కావడం వల్లే కారు అదుపు తప్పినట్లు డ్రైవర్‌ చెప్పారు. పోలీసుల జోక్యం లేకుండా ఇరు పక్షాలూ రాజీ పడినట్టు సమాచారం.

● ఊపందుకున్న ఊహాగానాలు ● కార్తికమాసం నాటికి నియమిస్తారంటూ ప్రచారంఅన్నవరం: ప్రముఖ పుణ్యక్షేత్రమైన అన్నవరంలోని వీర వెంకట సత్యనారాయణస్వామివారి దేవస్థానానికి త్వరలోనే కొత్త ఈఓ వస్తారంటూ జోరుగా ప్రచారం సాగుతోంది. రెవెన్యూ విభాగానికి చెందిన ఒక మహిళా అధికారి డైరెక్ట్‌గా రాష్ట్ర ప్రభుత్వంలోని చినబాబు అండతో ప్రయత్నాలు చేస్తుండగా, పాత ఈఓ ఒకరు మళ్లీ ఇక్కడకు వచ్చేందుకు ఆసక్తి చూపుతున్నారన్న ప్రచారం జరుగుతోంది. దేవదాయశాఖ ఉన్నతాధికారులు మాత్రం రెవెన్యూ విభాగ అధికారి కన్నా దేవదాయశాఖ అధికారినే నియమించాలనే ఆలోచనలో ఉన్నట్టు సమాచారం. అన్నవరం దేవస్థానం ఇన్‌చార్జి ఈవోగా కోనసీమలోని వాడపల్లి దేవస్థానం ఈఓ నల్లం సూర్యచక్రధరరావు ఆరు నెలలుగా బాధ్యతలు నిర్వహిస్తున్న విషయం తెలిసిందే. అయితే తలుపులమ్మ దేవస్థానం ఈఓ విశ్వనాథరాజును వాడపల్లికి నియమించి, సూర్యచక్రధరరావును అన్నవరానికి రెగ్యులర్‌గా, తలుపులమ్మ దేవస్థానానికి ఇన్‌చార్జిగా నియమిస్తారనే ప్రచారం సాగుతోంది. కార్తికమాసం లోపు ఈ మార్పులు జరగవచ్చని సమాచారం. వారానికి మూడు రోజులు ప్రస్తుతం ఇన్‌చార్జి ఈవోగా పనిచేస్తున్న సూర్యచక్రధరరావు అన్నవరంలో మూడు రోజులు, వాడపల్లి దేవస్థానంలో నాలుగు రోజులు పనిచేస్తున్నారు. వాడపల్లికి ఇటీవల కాలంలో భక్తుల రాక బాగా పెరిగింది. శనివారం రోజు సుమారు లక్షకు పైగా వస్తుండడంతో ఈవో శుక్రవారం నుంచి అక్కడే ఉండి ఏర్పాట్లు పర్యవేక్షిస్తున్నారు. మళ్లీ ఆదివారం మధ్యాహ్నం నుంచి మూడు రోజుల పాటు అన్నవరం దేవస్థానంలో ఉంటున్నారు. మధ్యలో క్యాంపులు, వాడపల్లిలో ఇతర కార్యక్రమాలకు హాజరు కావాల్సి వస్తోంది. వాస్తవానికి వాడపల్లి అంత కాకపోయినా శని, ఆదివారాలలో సత్యదేవుని ఆలయానికి కూడా భక్తులు పోటెత్తుతారు. శనివారం పూర్తిగా, ఆదివారం మధ్యాహ్నం వరకు ఈఓ అన్నవరం దేవస్థానంలో ఉండకపోవడం సమస్యగా మారింది. అయితే ఈవో లేని రోజుల్లో మిగిలిన ఉద్యోగుల పర్యవేక్షణ ఉండడం లేదనే విమర్శలు వస్తున్నాయి.

గోపాలపట్నం: విశాఖ నగరంలో చైన్‌ స్నాచింగ్‌లకు పాల్పడుతున్న అంతర్రాష్ట్ర ముఠాను ఎయిర్‌పోర్టు క్రైమ్‌ పోలీసులు అరెస్టు చేశారు. ఎయిర్‌పోర్టు క్రైమ్‌ పోలీస్‌ స్టేషన్‌లో గురువారం నిర్వహించిన విలేకర్ల సమావేశంలో క్రైమ్‌ ఏసీపీ ఎ.వెంకటరావు, వెస్ట్‌ సబ్‌ డివిజన్‌ క్రైమ్‌ సీఐ తిరుమలరావు ఈ వివరాలు వెల్లడించారు. వారి కథనం ప్రకారం.. నగరంలోని మురళీనగర్‌, మాధవధార ప్రాంతాల్లో ఆగస్టు 17న ఇందన సుశీల, ఉషారాణిల మెడలో బంగారు గొలుసులు, పుస్తెలతాళ్లు అపహరించిన ఘటనలపై పోలీసులు కేసులు నమోదు చేసి, దర్యాప్తు చేపట్టారు. సీసీ కెమెరా ఫుటేజీలు, సాంకేతిక ఆధారాలతో నిందితులను గుర్తించిన పోలీసులు ఎస్సై కె.రవికిషోర్‌ ఆధ్వర్యాన ఆరు ప్రత్యేక బృందాలతో గాలింపు చేపట్టి, అరెస్టు చేశారు. ప్రధాన నిందితుడు మహేంద్ర సింగ్‌ ర్యాపిడో బైక్‌ రైడర్‌గా పని చేస్తూ మధురవాడ వద్ద చంద్రంపాలెంలో నివసిస్తున్నాడు. రాజస్థాన్‌లోని పాగౌర్‌ జిల్లా పంచవటి గ్రామానికి చెందిన అతడిపై ఆంధ్రప్రదేశ్‌, తెలంగాణ రాష్ట్రాల్లో సుమారు 40 చైన్‌ స్నాచింగ్‌ కేసులున్నాయి. 2012–15 మధ్య హైదరాబాద్‌ జీడిమెట్ల, కూకట్‌పల్లి, కేపీహెచ్‌బీ కాలనీ, బాలానగర్‌, సనత్‌నగర్‌, బహీర్‌బాద్‌, మియాపూర్‌, అల్వాల్‌, 2024లో బాచుపల్లి, జగద్గిరిగుట్ట, అంధ్రప్రదేశ్‌లోని చేబ్రోలు ప్రాంతాల్లో చైన్‌ స్నాచింగ్‌లకు పాల్పడ్డాడు. 2025–26 మధ్య రాజమహేంద్రవరం ప్రకాష్‌ నగర్‌లో 2, శ్రీకాకుళం 2, ఖాజీపేట 2, అనకాపల్లి 2, కాకినాడ సర్పవరం 2, నెల్లూరు బాలాజీనగర్‌ 2, విశాఖలో 2 చోట్ల దొంగతనాలకు పాల్పడ్డాడు. దొంగిలించిన బంగారాన్ని కొమ్మాది జంక్షన్‌కు చెందిన మండ్రు లతా రత్నాకర్‌ సహకారంతో అనకాపల్లి గోల్డ్‌ మార్కెట్‌లో విక్రయించేవాడు. నిందితుల నుంచి 65 గ్రాముల బంగారం, రూ.5.55 లక్షల నగదును పోలీసులు స్వాధీనం చేసుకున్నారు. నిందితులను రిమాండ్‌కు తరలించారు. రాత్రి వేళ ఒంటరిగా ప్రయాణించేటప్పుడు విలువైన ఆభరణాలు ధరించవద్దని, అనుమానాస్పద వ్యక్తులు కనిపించినా, దాడి చేసినా వెంటనే 112కు లేదా సమీప పోలీస్‌ స్టేషన్‌కు సమాచారం ఇవ్వాలని పోలీసులు సూచించారు.

మామిడికుదురు: అప్పనపల్లి శ్రీ బాల బాలాజీ స్వామి వారి మాస కల్యాణాన్ని బుధవారం అత్యంత వైభవంగా నిర్వహించారు. వేద మంత్రాలు, మంగళ వాయిద్యాలు, భక్తుల కోలాహలం నడుమ ఈ ఉత్సవం అత్యంత వేడుకగా జరిగింది. స్వామి వారి జన్మనక్షత్రం శ్రవణం కావడంతో ఆలయంలో ఉదయం నుంచే ప్రత్యేక పూజలు నిర్వహించారు. అధిక సంఖ్యలో తరలి వచ్చిన భక్తుల గోవింద నామస్మరణతో ఆలయ ప్రాంగణం మార్మోగింది. కల్యాణోత్సవాన్ని ఈఓ ఎం.రాంబాబురెడ్డి పర్యవేక్షించారు. భారతీయ సంస్కృతికి మూలస్తంభాలు వేదాలు అమలాపురం టౌన్‌: భారతీయ సంస్కృతికి నాలు గు వేదాలు మూల స్తంభాలని ఘనపాఠులు అన్నారు. అమలాపురం సత్యసాయి కల్యాణ మండపంలో బుధవారం జరిగిన 64వ కోనసీమ వేద శాస్త్ర సన్మాన సభలో వారు ఉపన్యసించారు. సభకు అధ్యక్షత వహించిన దువ్వూరి ఫణి యజ్ఞేశ్వర సోమయాజులు ఘనపాఠి మాట్లాడుతూ, అనంతమైన జ్ఞానాన్ని వ్యాస మహర్షి రుగ్వేదం, యజుర్వేదం, సామవేదం, అధర్వణ వేదాలుగా విభజించారని చెప్పారు. శృంగేరి ఆస్థాన విద్వాంసుడు విశ్వనాథ గోపాలకృష్ణశాస్త్రి వేద సభ విశిష్టత గురించి వివరించారు. ప్రవా రామకృష్ణ సోమయాజి వైదిక ధర్మం – విశ్వ మానవ శ్రేయ స్సు అనే అంశంపై ప్రసంగించారు. టీటీడీ పాలక మండలి సభ్యుడు విష్ణుభట్ల నాగ శంకర వేంకట లక్ష్మీనారాయణ ఘనపాఠి వైదిక వాఙ్మయం విశిష్టతను విశ్లేషించారు. తంగిరాల సుబ్రహ్మణ్య సో మయాజులు అధర్వణ వేదం, యజుర్వేద క్రమంపై అనుగ్రహ భాషణం చేశారు. వడ్లమాని సుబ్రహ్మణ్య ఘనపాఠి వేద రక్షణ ఆవశ్యకతను వివరించారు. గుళ్లపల్లి సీతారామ శ్రీహర ఘనపాఠి వేద విద్యార్థులకు వేదాధ్యయనం గురించి చెప్పారు. ఉభయ తెలుగు రాష్ట్రాల నుంచి దాదాపు 200 మంది వేద పండితులు ఈ వేద సభకు హాజరయ్యారు. కడియాల వేంకట సత్య సీతారామ ఘనపాఠి ఆధ్వర్యాన ఒకేసారి 200 మంది వేద పండితులు ఏకకంఠంతో చెప్పిన వేదస్వస్తితో అమలాపురం పట్టణం పులకించింది. అనంతరం వేద పండితులను సత్కరించారు. శ్రీ కోనసీమ వేద శాస్త్ర సన్మాన సభ సంస్థ అధ్యక్ష కార్యదర్శులు గుళ్లపల్లి ప్రభాకర ఫణి రాజా, గుళ్లపల్లి వెంకట్రామ్‌ ఆధ్వర్యంలో ఈ కార్యక్రమం జరిగింది. జనగణన హౌస్‌ లిస్టింగ్‌ ప్రక్రియ నూరు శాతం పూర్తి అమలాపురం రూరల్‌: జనగణనలో భాగంగా మొదటి దశలో హౌస్‌ లిస్టింగ్‌ ప్రక్రియ జిల్లాలో నూరు శాతం పూర్తి చేశామని జిల్లా రెవెన్యూ అధి కారి (డీఆర్‌ఓ) వి.సుబ్బారావు తెలిపారు. అమరావతిలోని రాష్ట్ర సచివాలయం నుంచి జనగణన డైరెక్టర్‌ జె.నివాస్‌ అన్ని జిల్లాల కలెక్టర్లు, జాయింట్‌ కలెక్టర్లతో బుధవారం నిర్వహించిన వీడియో కాన్ఫరెన్స్‌లో కలెక్టరేట్‌ నుంచి ఆయన పాల్గొన్నారు. మొత్తం జనగణన ప్రక్రియలో డేటా నాణ్యత కచ్చితత్వానికి ప్రాధాన్యం ఇవ్వాలని చెప్పారు. సమావేశంలో సెన్సస్‌ జిల్లా ఇన్‌చార్జి తరుణ్‌ తదితరులు పాల్గొన్నారు. దోపిడీ కేసులో ఇద్దరికి మూడేళ్ల జైలు కొత్తపేట: దోపిడీ కేసులో ఇద్దరు నిందితులకు మూడేళ్ల జైలుశిక్ష విధిస్తూ అమలాపురం రెండో అదనపు జిల్లా సెషన్స్‌ జడ్జి జి.చంద్రమౌళీశ్వరి బుధవారం తీర్పు చెప్పారు. పోలీసుల కథనం ప్రకారం.. వానపల్లికి చెందిన కుక్కునూరి సూరిబాబుపై 2013 ఫిబ్రవరి 3వ తేదీ అర్ధరాత్రి ముగ్గురు వ్యక్తులు కత్తితో దాడి చేసి, సెల్‌ఫోన్‌, రూ.6 వేల నగదు దోచుకెళ్లారు. అయినవిల్లి మండలం నేదునూరుకు చెందిన సానబోయిన ప్రసా ద్‌, అంబాజీపేటకు చెందిన ఖండవల్లి సూరిబా బు, కాగిత శ్రీనులను నిందితులుగా పోలీసులు గుర్తించారు. ఈ కేసు అప్పీల్‌ సమయంలో కాగిత శ్రీను అనారోగ్యంతో మృతి చెందాడు. విచారణ అనంతరం మిగిలిన ఇద్దరు నిందితులకు మూడేళ్ల చొప్పున జైలుశిక్ష విధిస్తూ న్యాయమూర్తి తీర్పు చెప్పారు. ఎస్పీ రాహుల్‌ మీనా, కొత్తపేట డీఎస్పీ సుంకర మురళీమోహన్‌ పర్యవేక్షణలో రావులపాలెం రూరల్‌ సీఐ సీహెచ్‌ విద్యాసాగర్‌, కొత్తపేట ఎస్సై జి.సురేంద్ర, కోర్టు హెడ్‌ కానిస్టేబుల్‌ జి.ప్రభాకరరావులు సాక్షులను సమర్థవంతంగా కోర్టులో ప్రవేశపెట్టారు. అడిషనల్‌ పీపీ అడపా ప్రసాద్‌ ప్రాసిక్యూషన్‌ నిర్వహించారు.

అల్లవరం: మెగా డీఎస్పీ నియమకాల్లో జరిగిన అక్రమాలు, అవకతవకలను ప్రశ్నిస్తున్న వైఎస్సార్‌ సీపీ శ్రేణులపై కేసులు నమోదు చేసి, రౌడీ షీట్లు ఓపెన్‌ చేయడాన్ని మాజీ ఎంపీ, వైఎస్సార్‌ సీపీ మహిళా విభాగం జోన్‌–2 వర్కింగ్‌ ప్రెసిడెంట్‌ చింతా అనురాధ బుధవారం ఒక ప్రకటనలో తీవ్రంగా ఖండించారు. కూటమి ప్రభుత్వం అఽధికారంలోకి వచ్చినప్పటి నుంచీ ప్రశ్నించే హక్కును కాలరాస్తోందన్నారు. ప్రభుత్వ అవినీతి, అక్రమాలను ప్రశ్నిస్తున్న వారిపై కేసులు నమోదు చేయడం, జైల్లో పెట్టడం పరిపాటిగా మార్చుకున్నారని ధ్వజమెత్తారు. డీఎస్సీలో అక్రమాలను ప్రశ్నిస్తున్న వైఎస్సార్‌ సీపీ శ్రేణుల్లో 51 మందిపై కేసులు నమోదు చేయాలని ప్రభుత్వం ఆదేశాలు ఇవ్వడంపై ఽమండిపడ్డారు. డీఎస్సీ నియమకాల్లో తప్పుల మీద తప్పులు చేసిన కూటమి ప్రభుత్వం, ఆ తప్పులను ప్రశ్నిస్తున్న వారిపై కేసులు పెట్టడం చాలా దారుణమని అన్నారు. డీఎస్సీ నియమకాల్లో పారదర్శకతపై తలెత్తుతున్న ప్రశ్నలకు సమాధానం చెప్పాల్సిన బాధ్యత ప్రభుత్వంపై ఉందన్నారు. విజయవాడ శాప్‌ కార్యాలయం వద్ద జరిగిన నిరసన కార్యక్రమంలో కొంత మందిపై కేసులు పెట్టడం, మరికొందరిపై కఠిన చర్యలకు పాల్పడడం ద్వారా అసలు సమస్యను ప్రభుత్వం పక్కదారి పట్టించేందుకు ప్రయత్నిస్తోందని అన్నారు. ప్రజా సమస్యలపై ప్రశ్నించిండం, నిరసన తెలపడం రాజ్యాంగం కల్పించిన హక్కు అని, దీనిని కాలరాస్తే సహించేది లేదని హెచ్చరించారు. పోలీసులు అధికార పార్టీకి వంత పాడటం మానుకోవాలని హితవు పలికారు. ఎల్లకాలం కూటమి ప్రభుత్వం అధికారంలో ఉండదన్న విషయాన్ని గుర్తుంచుకోవాలని అనురాధ అన్నారు.

● పలువురికి తీవ్ర గాయాలు ● గణేశ నిమజ్జనం ఊరేగింపులో ఘటనఅంబాజీపేట: గణేష్‌ నిమజ్జనం ఊరేగింపు సందర్భంగా అంబాజీపేటలో రెండు సామాజిక వర్గాల మధ్య ఘర్షణ చోటు చేసుకుంది. స్థానికుల కథనం ప్రకారం.. గంగలకుర్రు గుంటమామిడి తోటకు చెందిన ఒక సామాజిక వర్గానికి చెందిన గణేశ ఉత్సవ కమిటీ సభ్యులు నిమజ్జన కార్యక్రమంలో భాగంగా బుధవారం రాత్రి ఊరేగింపు నిర్వహించారు. అదే సమయంలో గుంటమామిడితోట నుంచి మరో సామాజిక వర్గం వారు రావులమ్మ ఆలయం మీదుగా ఊరేగింపుగా వెళ్తుతున్నారు. ఆ సమయంలో ఆలయం వద్ద గణపతి పూజలు నిర్వహిస్తున్న గంగలకుర్రు గుంటమామిడి తోటకు చెందిన వారు వైఎస్సార్‌ సీపీ జెండాలను చూసి అక్కడి నుంచి ఊరేగింపును ముందుకు తీసుకెళ్లాలని చెప్పారు. దీంతో, ఇరు వర్గాల మధ్య మాటామాటా పెరిగి కొట్లాటకు దారి తీసింది. దీంతో, ఓ సామాజిక వర్గానికి చెందిన నాగేశ్వరరావు, వాసు, హరికృష్ణ, ఆనంద్‌ శ్రీధర్‌, రాము, మణికుమార్‌, రమేష్‌లకు తీవ్రగాయాలయ్యాయి. వీరితో పాటు మరో సామాజిక వర్గానికి చెందిన నరసింహమూర్తి, లక్ష్మీనారాయణ, మల్లికార్జునరావు, వరప్రసాద్‌, సతీష్‌, బాలసుబ్రమణ్యాలకు కూడా తీవ్ర గాయాలవడంతో ఆసుపత్రికి తరలించారు. సంఘటన స్థలానికి పి.గన్నవరం సీఐ రుద్రరాజు భీమరాజు, అంబాజీపేట ఎస్సై షేక్‌ సుభానీ చేరుకున్నారు. సంఘటన స్థలాన్ని పరిశీలించి, కేసు నమోదు చేసినట్లు ఎస్సై సుభాని తెలిపారు.

నిర్మించిన నెల రోజులకే దిగిపోయిన ఈదరపల్లి – ముక్కామల రోడ్డుఅమలాపురం రూరల్‌: ఈదరపల్లి – ముక్కామల మధ్య బైపాస్‌ రోడ్డు అవినీతి బీటలు తీసింది. ఆధునికీకరించిన నెల రోజులకే ఈ రోడ్డు కుంగిపోయింది. జూలై నెలలో కోట్లాది రూపాయల ఖర్చుతో పంట కాలువ వైపు రక్షణ గోడ నిర్మించారు. పాలగుమ్మి, నడిపూడి, మొసలపల్లి, నేదునూరు, పెద్దపాలెం, ముక్కామల ప్రాంతాల్లో కాలువకు రివిట్‌మెంట్‌ నిర్మించారు. కొత్తగా బీటీ రోడ్డు వేశారు. అప్పట్లో నెల రోజుల పాటు పంట కాలవకు నీరు నిలిపి వేసి మరీ ఈ పనులు చేశారు. నీరు నిలిపివేయడంపై జల వనరుల శాఖ మంత్రి నిమ్మల రామానాయుడు సంబంధిత కాంట్రాక్టర్‌పై మండిపడి, కేసు కూడా నమోదు చేయించారు. అనంతరం, గత ఆగస్టు నెలలో రోడ్డు పనులు మొక్కుబడిగా చేసి, మమ అనిపించారు. నెల రోజులు కూడా పూర్తి కాకుండానే ఈ రోడ్డు కుంగిపోయి ప్రమాదకరంగా తయారైంది. దీనిపై వాహనదారులు మండిపడుతున్నారు. తక్షణమే ఈ రోడ్డుకు మరమ్మతులు చేయాలని అధికారులను డిమాండ్‌ చేస్తున్నారు.

● వానలో తడుస్తూ జలదీక్ష ● సమస్యలు పరిష్కరించాలని డిమాండ్‌కొత్తపేట/అంబాజీపేట/పి.గన్నవరం/ఆలమూరు: పేస్కేల్‌ అమలు చేయాలని, నామినీలుగా పని చేస్తున్న వారిని వీఆర్‌ఏలుగా నియమించాలనే పలు డిమాండ్లతో గ్రామ రెవెన్యూ సహాయకులు (వీఆర్‌ఏ) చేపట్టిన నిరవధిక సమ్మె ఎనిమిదో రోజుకు చేరింది. ఏడు రోజుల పాటు పలు రకాలుగా నిరసనలు తెలిపిన వారు బుధవారం వినూత్నంగా జలదీక్ష నిర్వహించారు. ఎడతెరిపి లేకుండా కురుస్తున్న వానలో తడుస్తూనే వారు జలదీక్ష ద్వారా నిరసన తెలిపారు. ● కొత్తపేట మండల వీఆర్‌ఏలు స్థానిక పాత రామాలయం వీధి రోడ్డు చివరన బొబ్బర్లంక – ముక్తేశ్వరం కాలువలో ఈ కార్యక్రమం నిర్వహించారు. ఈ సందర్భంగా వీఆర్‌ఏల సంఘం జిల్లా నాయకుడు పిల్లంగోరు బాలు మాట్లాడుతూ, రాష్ట్రవ్యాప్తంగా సుమారు 20 వేల మందికి పైగా వీఆర్‌ఏలు పని చేస్తున్నారని, తమకు రూ.10,500 వేతనం మాత్రమే ఇస్తూండటంతో కుటుంబ పోషణకు ఇబ్బందిగా ఉందని తెలిపారు. విధుల్లో మరణించిన వారి కుటుంబాల్లో అర్హులకు కారుణ్య నియామకాలు చేపట్టాలని, రీసర్వే, ఎన్నికల విధులు, భూమి శిస్తు వసూళ్లు, వాచ్‌మన్‌ విధులు తదితర అదనపు బాధ్యతల నుంచి మినహాయింపు ఇవ్వాలని డిమాండ్‌ చేశారు. కార్యక్రమంలో సంఘం మండల అధ్యక్షుడు కె.భీమశంకరం, కోశాధికారి ఎస్‌.నాగభూషణం తదితరులు పాల్గొన్నారు. ● అంబాజీపేట మండల వీఆర్‌ఏలు బీవీ సత్యనారాయణ, సీహెచ్‌ నాగేశ్వరరావు, జి.రామకృష్ణ, ఎం.భాస్కరరావులు మొసలపల్లి ప్రధాన పంట కాలువలో అర్ధనగ్న ప్రదర్శన చేపట్టారు. జీవితాల్లో ఎదుగుదల లేక తీవ్ర అవస్థలు ఎదుర్కొంటున్నామని ఆవేదన వ్యక్తం చేశారు. అర్హత కలిగిన వీఆర్‌ఏలకు ప్రమోషన్లు ఇవ్వాలని, వీఆర్‌ఓ, అటెండర్‌, నైట్‌ వాచ్‌మన్‌ పదోన్నతి కోటాను 30 నుంచి 70 శాతానికి పెంచాలని డిమాండ్‌ చేశారు. ● పి.గన్నవరం మండలానికి చెందిన వీఆర్‌ఏలు వైనతేయ గోదావరి నదీపాయలో జలదీక్ష నిర్వహించారు. వీఆర్‌ఏల సంఘం కొత్తపేట డివిజన్‌ అధ్యక్షుడు గోగన్నమఠం ఆంజనేయులు, గౌరవాధ్యక్షుడు కుంపట్ల రామకృష్ణ, మండల వీఆర్‌ఏల సంఘ అధ్యక్షుడు ఆకుమర్తి శ్రీకృష్ణ శ్రీనివాసరావు, కార్యదర్శి యార్లగడ్డ మహాలక్ష్మి, ఉపాధ్యక్షుడు పల్లేరు చిట్టి వెంకన్న తదితరులు పాల్గొన్నారు. ● వీఆర్‌ఏల సంఘం ఆలమూరు మండల అధ్యక్షుడు తాతపూడి ఇస్సాక్‌ ఆధ్వర్యాన స్థానిక కోరంగి పెద్ద పంట కాలువలో వీఆర్‌ఏలు అర్ధనగ్నంగా జలదీక్ష చేపట్టారు. తెలంగాణ ప్రభుత్వం అమలు చేస్తున్న పే స్కేల్‌ ఇవ్వాలని డిమాండ్‌ చేశారు. సంఘం మండల కార్యదర్శి కె.శివరామారావు, ఉపాధ్యక్షుడు భువనగిరి ఏసు, సలహాదారు వి.నాగేశ్వరరావు తదితరులు ఈ దీక్షలో పాల్గొన్నారు.

వినాయక చవితి పర్వదినం మొదలు తొమ్మిది రోజుల పాటు పూజలందుకున్న గణనాథుడు తిరిగి గంగమ్మ ఒడిని చేరి.. అక్కడి నుంచి తల్లిదండ్రుల చెంతకు పయనమవుతున్నాడు. జిల్లావ్యాప్తంగా వేలాది మండపాల్లో కొలువుదీరి, పూజలందుకున్న గణేశుని నిమజ్జనోత్సవాలను భక్తులు బుధవారం కోలాహలంగా నిర్వహించారు. ఎడతెరిపి లేని వర్షాన్ని సైతం లెక్క చేయకుండా.. బాజాభజంత్రీలు, నృత్యాలు, బాణసంచా కాల్పుల నడుమ భారీ ఊరేగింపులు నిర్వహిస్తూ.. గోదావరి పాయలు, కాలువల్లో ఏకదంతుని విగ్రహాలను నిమజ్జనం చేశారు. – కె.గంగవరం వినాయకుని విగ్రహాన్ని పడవపై తీసుకెళ్లి, గౌతమీ గోదావరిలో నిమజ్జనం చేస్తున్న భక్తులు

వానావరణంతొలిసారి సాధారణం కన్నా అధికంగా.. ఎల్‌నినో ప్రభావంతో నైరుతి రుతుపవనాలు ప్రవేశించిన జూన్‌ నుంచి ఆగస్టు వరకూ మూడు నెలల పాటు లోటు వర్షపాతమే నమోదైంది. ఈ నెలలో మాత్రమే సాధారణం కన్నా అధిక వర్షపాతం నమోదు కావడం విశేషం. ఈ నెలలో వరుసగా ఏర్పడిన రెండు అల్పపీడనాలు వర్షపాతం లోటును కొంత మేర పూడ్చాయి. ఈ నెల 1 నుంచి 23వ తేదీ వరకూ జిల్లా సాధారణ వర్షపాతం 130.1 మిల్లీమీటర్లు కాగా, ఇప్పటి వరకు 161.8 మిల్లీమీటర్లు నమోదు కావడం గమనార్హం. దీని ప్రకారం ఈ నెలలో సాధారణం కన్నా 23.8 శాతం అధిక వర్షపాతం నమోదైంది. అయితే, మొత్తం నైరుతి రుతుపవనాల సీజన్‌ చూస్తే ఇప్పటికీ వర్షపాతం లోటు కొనసాగుతూనే ఉంది. జూన్‌ 1 నుంచి ఈ నెల 23వ తేదీ వరకు జిల్లా సాధారణ వర్షపాతం 714.2 మిల్లీమీటర్లు కాగా, ఇప్పటి వరకు 425 మిల్లీమీటర్లు మాత్రమే (40.5 శాతం లోటు) నమోదైంది.నైరుతి రుతుపవనాల సీజన్‌లో నెలవారీగా వర్షపాతం (మిల్లీమీటర్లలో) నెల సాధారణం కురిసింది లోటు/అధికం (శాతం) జూన్‌ 112.5 57.9 –49 జూలై 240.1 124 –48 ఆగస్టు 231.5 81.3 –65 సెప్టెంబర్‌ 130.1 161.8 +23.8 (23 వరకు)

కొత్త జిల్లా పరిషత్‌ల ఏర్పాటుకు సమయం దగ్గర పడుతూండటంతో విభజన ప్రక్రియను ప్రభుత్వం వేగవంతం చేసింది. జెడ్పీ పరిధిలోని 62 మండలాలకు చెందిన ఉద్యోగులను కొత్తగా పునర్వ్యవస్థీకరించిన నాలుగు జిల్లాలకు తాత్కాలికంగా కేటాయిస్తూ పంచాయతీరాజ్‌, గ్రామీణాభివృద్ధి శాఖ కమిషనర్‌ వీఆర్‌ కృష్ణతేజ మైలవరపు ఉత్తర్వులు జారీ చేశారు. దీని ప్రకారం ఉమ్మడి జిల్లా నుంచి ఏర్పడిన కొత్త జిల్లాలకు మండలాల వారీగా ఉద్యోగులను విభజించారు. మొత్తం 106 మంది సిబ్బంది ఉండగా, వారిని మండలాల నిష్పత్తి ప్రకారం విభజించారు. జిల్లా హెడ్‌ కాకుండా మిగిలిన సిబ్బంది కేటాయింపులు ఇలా.. హోదా మొత్తం జిల్లాల వారీగా కేటాయించిన సిబ్బంది పోస్టులు తూర్పు గోదావరి కాకినాడ కోనసీమ పోలవరం అడ్మినిస్ట్రేటివ్‌ ఆఫీసర్‌ 11 2 4 3 2 సీనియర్‌ అసిస్టెంట్‌ 24 5 8 7 4 జూనియర్‌ అసిస్టెంట్‌ 42 8 14 13 7 టైపిస్ట్‌ 7 2 2 2 1 ఆఫీస్‌ సబార్డినేట్‌ 18 3 6 6 3 ఫ డ్రైవర్లు ముగ్గురు, రికార్డు అసిస్టెంట్లు ఇద్దరు, క్లాస్‌–4 సిబ్బంది నలుగురిని కూడా నిష్పత్తి వారీగా విభజించారు. యూడీ స్టెనో, ఎల్‌డీ స్టెనో, దఫేదార్‌/ల్యాబ్‌ అసిస్టెంట్‌ పోస్టులు ప్రస్తుతం ఖాళీగా ఉన్నట్లు పేర్కొన్నారు.

అమలాపురం రూరల్‌: జిల్లాలోని ఎనిమిది మండలాల పరిధిలో మాత్రమే వరి సాగుపై కరవు ప్రభావం కొంత మేరకు ఉందని కలెక్టర్‌ ఆర్‌.మహేష్‌ కుమార్‌ తెలిపారు. జిల్లాలో పంటల సాగు విస్తీర్ణం, భూగర్భ జలాల పరిస్థితి, సాగునీటి వనరులు, వర్షపాతం తదితర అంశాలపై కలెక్టరేట్‌లో మంగళవారం నిర్వహించిన సమీక్షలో ఆయన మాట్లాడారు. జిల్లాలోని అన్ని మండలాల సాధారణ గణాంకాల ఆధారంగా కొన్ని ప్రాంతాల్లో కరవు పరిస్థితులు నమోదవుతున్నట్లు కనిపిస్తున్నప్పటికీ, క్షేత్ర స్థాయి నిజ నిర్ధారణ సూచికల ఆధారంగా వరి పంటపై ప్రస్తుతం గణనీయమైన కరవు ప్రభావం లేదని చెప్పారు. వరి సాగు పరిస్థితులు, పంటపై వర్షాభావ ప్రభావం తదితర అంశాలను క్షేత్ర స్థాయి వాస్తవ పరిస్థితులకు అనుగుణంగా పరిశీలించాలని అధికారులను ఆదేశించారు. ఆ గణాంకాల ఆధారంగా ముందస్తు ప్రణాళికలు రూపొందించుకోవాలన్నారు. లోటు వర్షపాతం నేపథ్యంలో పశుగ్రాసం, పశు పోషణకు సంబంధించిన పరిస్థితులను నిరంతరం పర్యవేక్షిస్తున్నామని అధికారులు కలెక్టర్‌కు వివరించారు. ప్రస్తుత భారీ వర్షాల కారణంగా పంటలు, ఆస్తులకు నష్టం వాటిల్లకుండా ప్రత్యేక చర్యలు చేపట్టాలని కలెక్టర్‌ ఆదేశించారు. సమావేశంలో జిల్లా రెవెన్యూ అధికారి వి.సుబ్బారావు, జిల్లా ముఖ్య ప్రణాళిక అధికారి ఎం.మురళీకృష్ణ, జిల్లా పశు సంవర్ధక, వ్యవసాయ, మత్స్యశాఖల అధికారులు బి.నాగేశ్వరరావు, ఎం.వెంకట రామారావు, ఎ.కరుణాకరరావు తదితరులు పాల్గొన్నారు. క్షేత్ర స్థాయికి వెళ్తేనే పీజీఆర్‌ఎస్‌ సమస్యలు పరిష్కారం అమలాపురం రూరల్‌: ప్రజా సమస్యల పరిష్కార వేదిక(పీజీఆర్‌ఎస్‌)లో వస్తున్న సమస్యలు క్షేత్ర స్థాయిలో పర్యటిస్తేనే పరిష్కారమవుతాయని డివిజన్‌, మండల స్థాయి అధికారులకు కలెక్టర్‌ మహేష్‌ కుమార్‌ దిశానిర్దేశం చేశారు. ప్రభుత్వ ప్రధాన కార్యదర్శి సాయి ప్రసాద్‌, భూ ప్రధాన పరిపాలన అధికారి జయలక్ష్మి రాష్ట్ర సచివాలయం నుంచి అన్ని జిల్లాల కలెక్టర్లు, జాయింట్‌ కలెక్టర్లతో మంగళవారం నిర్వహించిన వీడియో కాన్ఫరెన్స్‌లో ఆయన పాల్గొన్నారు. అనంతరం అధికారులతో మాట్లాడుతూ, 22–ఎ నిషేధిత భూముల రీ సర్వే పనులు వేగవంతం చేసి, పరిష్కారానికి చర్యలు తీసుకోవాలని ఆదేశించారు. మడ అడవుల భూముల రీ సర్వే పనులు కూడా వేగవంతం చేయాలని ఆదేశించారు.

అమలాపురం రూరల్‌: ఏపీ రెవెన్యూ సర్వీసెస్‌ అసోసియేషన్‌ (ఏపీఆర్‌ఎస్‌ఏ) రాష్ట్ర ఉపాధ్యక్షుడిగా అమలాపురం తహసీల్దార్‌ వీఎస్‌ దివాకర్‌ నాలుగోసారి ఏకగ్రీవంగా ఎన్నికయ్యారు. విజయవాడలోని అసోసియేషన్‌ రాష్ట్ర కార్యాలయంలో ఈ ఎన్నిక జరిగింది. ఉపాధ్యక్షుడిగా ఎన్నికై న నేపథ్యంలో కలెక్టర్‌ మహేష్‌ కుమార్‌ను దివాకర్‌ కలెక్టరేట్‌లో మంగళవారం మర్యాదపూర్వకంగా కలుసుకున్నారు. ఆయనను కలెక్టర్‌ సత్కరించి, అభినందనలు తెలిపారు. ఉద్యోగ సంఘం బాధ్యతలు సమర్థవంతంగా నిర్వహించాలని ఆకాంక్షించారు. కార్యక్రమంలో అమలాపురం ఆర్‌డీఓ సరళావతి, సంఘం జిల్లా కార్యదర్శి శ్రీనివాస్‌, అమలాపురం డివిజన్‌ అధ్యక్షుడు పలివెల అశోక్‌ ప్రసాద్‌, ఆర్గనైజింగ్‌ సెక్రటరీ ఇబ్రహీం, గ్రామ రెవెన్యూ అధికారుల సంఘం జిల్లా గౌరవాధ్యక్షుడు సాధనాల ఏలేశ్వరరావు తదితరులు పాల్గొన్నారు. హైవేపై అక్రమంగా పార్కింగ్‌ ఫ రవాణా శాఖ మెరుపు దాడులు ఫ 15 వాహనాలపై కేసులు అమలాపురం రూరల్‌: పేరూరు, పాశర్లపూడి, కూడలి వద్ద 216వ నంబర్‌ జాతీయ రహదారిపై వాహనాల అక్రమ పార్కింగ్‌పై రవాణా శాఖ మంగళవారం మెరుపు దాడులు చేసింది. హైవేపై అనధికారికంగా నిలిపి ఉంచిన 15 రవాణా వాహనాలపై కేసులు నమోదు చేసి, రూ.45,500 అపరాధ రుసుం విధించినట్లు జిల్లా రవాణా శాఖ అధికారి దేవిశెట్టి శ్రీనివాసరావు తెలిపారు. రహదారి భద్రత ఉల్లంఘన కింద అక్రమంగా నిలిపిన బస్సులు, ట్రాక్టర్లు, ఇసుక లారీలపై కేసులు నమోదు చేసి, వాటిని అక్కడి నుంచి తొలగించామని పేర్కొన్నారు. ఇటీవల జాతీయ రహదారిపై జరిగిన రోడ్డు ప్రమాదాలకు అక్రమంగా నిలిపిన వాహనాలే కారణమని అన్నారు. ఆయా ప్రదేశాల్లో వెంటనే హెచ్చరిక బోర్డులు ఏర్పాటు చేసేందుకు జాతీయ రహదారుల అభివృద్ధి సంస్థ (ఎన్‌హెచ్‌ఏఐ) సత్వర చర్యలు తీసుకోవాలన్నారు. పోలీసు, రవాణా, ఎన్‌హెచ్‌ఏఐ సమన్వయంతో రోడ్డు ప్రమాదాలను అరికట్టే దిశగా కృషి చేస్తామని డీటీఓ తెలిపారు. తనిఖీల్లో మోటార్‌ వెహికల్‌ ఇన్‌స్పెక్టర్లు రవికుమార్‌, కౌశిక్‌ పాల్గొన్నారు.

యానాం: పుస్తెలు అమ్మి అయినా పులస చేప తినాలనే నానుడి గోదావరి జిల్లాల్లో ఉంది. కానీ, ప్రస్తుతం పుస్తెలు అమ్మితే వచ్చే సొమ్ము కూడా సరిపోని రీతిలో వీటి ధరలు పలుకుతున్నాయి. యానాం వద్ద గౌతమీ గోదావరిలో మంగళవారం మత్స్యకారుల వలకు చిక్కిన పులస చేపకు రూ.26 వేల అత్యధిక ధర పలికింది. స్థానిక పుష్కర ఘాట్‌ వద్ద నిర్వహించిన వేలం పాటలో ఈ చేపను కోటిపల్లికి చెందిన మత్స్యకారుడు రూ.26 వేలకు దక్కించుకుని, తిరిగి మరో వ్యక్తికి రూ.27 వేలకు విక్రయించాడు. ఈ సీజన్‌లో అత్యధిక ధర పలికిన పులస ఇదే కావడం విశేషం. గోదావరికి ఎర్రనీరు రావడంతో ఆగస్టు నుంచి సెప్టెంబర్‌ వరకు పులస చేపలు పడుతూంటాయి. ఈ సీజన్‌లో చాలా తక్కువగానే పులసలు పడ్డాయి. దీంతో, వీటి ఖరీదు వేల రూపాయలు పలుకుతోంది. సామాన్యులకు అందనంత భారీ ధరలో ఈ చేప ఉందని పులస ప్రియులు నిరుత్సాహం వ్యక్తం చేస్తున్నారు.

మలికిపురం: కోనసీమ, పశ్చిమ గోదావరి జిల్లాల ప్రజల చిరకాల కలల వారధికి టెండర్ల ప్రక్రియ ముగిసినా, అనుమానాల నీలినీడలు మాత్రం వీడటం లేదు. వశిష్ట గోదావరి నదిపై సఖినేటిపల్లి – నర్సాపురం మధ్య వంతెన నిర్మించాలనేది శతాబ్దానికి పైబడిన స్వప్నం. ఇక్కడ వంతెన లేకపోవడంతో ప్రతి రోజూ సుమారు 20 వేల మంది ప్రజలు ప్రమాదకర పరిస్థితుల్లో పడవలు, పంట్లపై గోదావరి దాటుతూ రాకపోకలు సాగిస్తున్నారు. పలువురు విద్యార్థులు సైతం తమ చదువుల కోసం రోజూ నర్సాపురం వెళ్లి వస్తూంటారు. ఇక్కడ వంతెన నిర్మిస్తే ఈ విద్యార్థులతో పాటు బాపట్ల జిల్లా రేపల్లె నుంచి కృష్ణా జిల్లా మచిలీపట్నం, పశ్చిమ గోదావరి జిల్లా నర్సాపురం, కోనసీమ జిల్లాలోని సఖినేటిపల్లి, ఓడలరేవు, యానాం మీదుగా కాకినాడ వరకూ తీర ప్రాంత ప్రజలకు రాకపోకలు ఎంతో సులభతరమవుతాయి. 1910 నుంచే.. సఖినేటిపల్లి – నర్సాపురం వంతెన నిర్మాణానికి 1910లో అప్పటి బ్రిటిష్‌ ప్రభుత్వం రూ.70 వేలు మంజూరు చేసింది. దేశానికి స్వాతంత్య్రం వచ్చిన తరువాత 1970లో అప్పటి కేంద్ర మంత్రి బ్రహ్మదత్‌, 1985లో అప్పటి ముఖ్యమంత్రి ఎన్‌టీ రామారావు మరోసారి శంకుస్థాపన చేశారు. అయినప్పటికీ ఈ మూడు విడతల్లోనూ వంతెన నిర్మాణం సాకారం కాలేదు. 2004 ఎన్నికల్లో అప్పటి సీఎం చంద్రబాబు నాయుడు ఫ్లోటింగ్‌ బ్రిడ్జి పేరుతో శంకుస్థాపన చేశారు. అది కూడా మరుగున పడింది. వైఎస్‌ రాజశేఖరరెడ్డి ముఖ్యమంత్రిగా ఉన్న సమయంలో 2008లో ఈ వంతెనకు శంకుస్థాపన చేశారు. నిధుల కొరత ఉన్నప్పటికీ పలు విధానాల్లో వంతెన నిర్మాణం పూర్తి చేసేందుకు కృషి చేశారు. అంతలోనే వైఎస్‌ హఠాణ్మరణం చెందడంతో ఆయన రూపొందించిన కార్యాచరణను కొన్ని శక్తులు తరువాతి కాలంలో అడ్డుకున్నాయి. జగన్‌ చొరవతో.. ఇక్కడి ప్రజల చిరకాల ఆకాంక్షను గమనించిన గత ముఖ్యమంత్రి వైఎస్‌ జగన్‌మోహన్‌రెడ్డి 2021లో ఈ వంతెన డిజైన్‌లో స్వల్ప మార్పులు చేశారు. 216 జాతీయ రహదారికి అనుసంధానం చేస్తూ.. వశిష్ట నదిపై అప్రోచ్‌కు ఇబ్బందులు లేకుండా సఖినేటిపల్లి – నర్సాపురం బదులు.. కాస్త దూరంగా రామేశ్వరం – రాజుల్లంక మధ్య కేంద్ర ప్రభుత్వం సహకారంతో రూ.400 కోట్ల అంచనాతో వంతెన మంజూరు చేయించారు. వంతెన, రోడ్డు నిర్మాణానికి అవసరమైన భూసేకరణ కోసం తొలి విడతగా రూ.65 కోట్లు కూడా విడుదల చేశారు. ఉభయ జిల్లాల్లో 38 హెక్టార్ల భూమి సేకరించారు. నగదు చెల్లింపులు కూడా దాదాపు పూర్తయ్యాయి. అయితే, గుడిమెళ్లంకలోని ప్రధాన పంట కాలువపై ఫ్లై ఓవర్‌ నిర్మాణం జరిగే చోటు మార్చాలంటూ కూటమి సానుభూతిపరులు కోర్టుకు వెళ్లారు. దీంతో, అప్పట్లో వైఎస్‌ జగన్‌ చేయాల్సిన భూమిపూజ రెండుసార్లు వాయిదా పడింది. నిర్మాణం ఇలా.. మలికిపురం మండలం దిండి వద్ద జాతీయ రహదారి నుంచి బైపాస్‌ మార్గం ప్రారంభమవుతుంది. రామరాజులంక, పెదతిప్ప, గుడిమెళ్లంక, మలికిపురం, సఖినేటిపల్లి మండలం టేకిశెట్టిపాలెం అంతర్వేదిపాలెం, సఖినేటిపల్లి, రామేశ్వరం మీదుగా గోదావరి నది దాటి పశ్చిమ గోదావరి జిల్లాలోకి ఈ రోడ్డు ప్రవేశిస్తుంది. అక్కడి నుంచి రాజుల్లంక, పీచుపాలెం మీదుగా సీతారామపురం వద్ద జాతీయ రహదారి 216కు అనుసంధానంమయ్యేలా ఈ వంతెన, రోడ్డు డిజైన్‌ రూపొందించారు. మొత్తం రోడ్డు పొడవు 23.2 కిలోమీటర్లు కాగా ఇందులో రాజుల్లంక – రామేశ్వరం మధ్య గోదావరి నదిపై 1,100 మీటర్ల మేర వంతెన నిర్మిస్తారు. అంచనాలు రూ.600 కోట్లకు.. ఈ ప్రాజెక్టు తాజా అంచనాలు సుమారు రూ.600 కోట్లకు చేరాయి. ఈ వంతెన, రోడ్డు నిర్మాణానికి టెండర్లు పిలిచారు. స్కైలార్‌ ఇన్‌ఫ్రా రూ.334 కోట్లకు, వల్లభనేని కన్‌స్ట్రక్షన్‌ రూ.576 కోట్లకు, నితిన్‌ సాయి కన్‌స్ట్రక్షన్స్‌ రూ.507 కోట్లకు, రాజస్థాన్‌కు చెందిన బీఆర్‌కే సంస్థ రూ.299 కోట్లకు టెండర్లు దాఖలు చేశాయి. నిబంధనల ప్రకారం అతి తక్కువగా రూ.299 కోట్లకు టెండర్‌ వేసిన బీఆర్‌కే సంస్థకు టెండరు ఖరారైంది. దీనికి సంబంధించిన తుది ప్రక్రియ ఇంకా పూర్తి కావాల్సి ఉంది. ఫ సఖినేటిపల్లి – నర్సాపురం వంతెనకు టెండరు ఖరారు ఫ అంచనా సుమారు రూ.600 కోట్లు ఫ రూ.299 కోట్లకే దక్కించుకున్న రాజస్థాన్‌ సంస్థ ఫ వ్యయం సగానికి సగం కుదింపు ఫ ఇంత తక్కువ సొమ్ముతో బైపాస్‌ కం వంతెన పనులు సాధ్యమేనా! ఫ నిర్మాణంపై ఎన్నో సందేహాలు ఆచరణ సాధ్యమేనా? సాధారణంగా అధికారులు రూపొందించిన అంచనాల కంటే తక్కువకే నిర్మాణ సంస్థలు టెండర్లు దాఖలు చేస్తూంటాయి. ఆధునిక యంత్రాలను ఉపయోగించడంతో పాటు నిర్మాణంలో తక్కువ ఖర్చయ్యే పద్ధతులు అవలంబిస్తాయి. అలాగే, అంచనాల్లోని అనవసరపు ఖర్చులను తగ్గిస్తాయి. తద్వారా తాము పేర్కొన్న వ్యయానికే ఆయా నిర్మాణాలను నాణ్యతా ప్రమాణాలతో పూర్తి చేసేందుకు ఆయా సంస్థలు ప్రణాళికలు రూపొందించుకుంటాయి. అయితే, వ్యయాన్ని ఎంతగా నియంత్రించినప్పటికీ వశిష్ట గోదావరిపై వంతెన, రోడ్డు నిర్మాణాన్ని రూ.299 కోట్లతో పూర్తి చేయడం ఆచరణ సాధ్యం కాకపోవచ్చని నిపుణులు చెబుతున్నారు. దీనికి వారు అనేక కారణాలు చెబుతున్నారు. ఫ ఈ ప్రాంతంలో నేల దృఢత్వం తక్కువ. లూజ్‌ సాయిల్‌ (మెత్తటి నేల) ఉండటంతో ఇక్కడ గట్టి నేల లేదా రాతిపొరలు చాలా లోతులో ఉంటాయి. అందువలన పిల్లర్ల పునాదులను 30 నుంచి 50 మీటర్ల లోతు నుంచి నిర్మించాల్సి ఉంటుంది. దీనికి భారీగా ఐరన్‌, కాంక్రీట్‌ అవసరమవుతాయి. ఫ గోదావరి వరదల సమయంలో నదిలోని ఇసుక కొట్టుకుపోతుంది. ఈ ఇసుక కోత వలన వంతెన పునాదులు దెబ్బ తినకుండా ఉండాలంటే సాధారణం కంటే మరింత లోతుగా, బలంగా పిల్లర్లు వేయాల్సి ఉంటుంది. ఫ వంతెనకు ఇరువైపులా నిర్మించే అప్రోచ్‌ రోడ్ల నిర్మాణంలో నేలను గట్టి పరచడానికి జాతీయ రహదారుల సంస్థ ప్రమాణాలకు అనుగుణంగా ప్రత్యేక సాంకేతికతను వినియోగించాలి. ఫ మెత్తటి నేలలు, నీటిలో పనులు చేయడానికి భారీ హైడ్రాలిక్‌ రిగ్స్‌, క్రేన్లు అవసరమవుతాయి. వీటి నిర్వహణ ఖర్చులు చాలా అధికంగా ఉంటాయి. ఫ ఇటువంటి సవాళ్ల నడుమ కేవలం రూ.299 కోట్లతో ఈ వంతెన, రోడ్డు నిర్మాణం సాధ్యం కాకపోవచ్చని స్వయంగా కొంత మంది అధికారులే అంటున్నారు. ఫ దీనిపై ఉన్నతాధికారులు, ఆ సంస్థ ప్రతినిధులు ఎటువంటి నిర్ణయం తీసుకుంటారో వేచి చూడాల్సిందే.

రాజానగరం: తిరుమలేశుని లడ్డూ ప్రసాదంలో జంతువుల కొవ్వు కలిసిందంటూ తప్పుడు ప్రచారం చేసిన సీఎం, డిప్యూటీ సీఎంలు భక్తులకు బహిరంగ క్షమాపణలు చెప్పాలని వైఎస్సార్‌ సీపీ అమలాపురం పార్లమెంటరీ నియోజకవర్గ పరిశీలకురాలు జక్కంపూడి విజయలక్ష్మి డిమాండ్‌ చేశారు. లడ్డూ ప్రసాదంలో జంతువుల కొవ్వు కలవలేదని ఈడీ కూడా నిర్ధరించిన నేపథ్యంలో.. తూర్పు గోదావరి జిల్లా రాజానగరం రావుల చెరువు గట్టున కొలువు దీరిన వేంకటేశ్వర స్వామి వారిని పార్టీ నాయకులతో కలసి ఆమె మంగళవారం దర్శించుకుని, ప్రత్యేక పూజలు చేశారు. గుడి మెట్లను నీటితో కడిగి, పసుపు, కుంకుమలతో బొట్లు పెట్టారు. అనంతరం విలేకర్లతో మాట్లాడుతూ, కోట్లాది మంది భక్తుల మనోభావాలు తినేలా, ప్రతిపక్షాన్ని టార్గెట్‌ చేస్తూ ఆడిన లడ్డూ డ్రామాపై చంద్రబాబు, పవన్‌ కల్యాణ్‌ సమాధానం చెప్పాలని అన్నారు. లడ్డూ ప్రసాదంలో కల్తీ జరిగిందని 2024లో ఈ పెద్దలు చేసిన ఆరోపణలపై సుప్రీంకోర్టు పర్యవేక్షణలో సీబీఐ ప్రత్యేక బృందం దర్యాప్తు చేపట్టిందన్నారు. తాజాగా వెలువడిన ఈడీ దర్యాప్తులో కూడా లడ్డూ ప్రసాదంలో జంతువుల కొవ్వు కలవలేదనే విషయం స్పష్టమైందని అన్నారు. రాజకీయ స్వార్థం కోసం స్వామి వారి లడ్డూ ప్రసాదాన్ని చంద్రబాబు వివాదంలోకి తీసుకువచ్చారని ఆగ్రహం వ్యక్తం చేశారు. సనాతన ధర్మం గురించి మాట్లాడే పవన్‌ కల్యాణ్‌ ఈ వ్యవహారంపై ఇప్పుడు ఏం సమాధానం చెబుతారని ఆమె ప్రశ్నించారు. చంద్రబాబు, పవన్‌ కల్యాణ్‌ సమాధానం చెప్పాలి వైఎస్సార్‌ సీపీ నాయకురాలు జక్కంపూడి విజయలక్ష్మి రాజానగరం వేంకటేశ్వరస్వామి ఆలయంలో పూజలు

రావులపాలెం: తిరుమ ల లడ్డూలో జంతువుల కొవ్వు కలిసిందంటూ తప్పుడు ప్రచారం చేసిన ముఖ్యమంత్రి చంద్రబాబు, డి ప్యూటీ సీఎం పవన్‌ కల్యాణ్‌లు ప్రజలకు తక్షణం క్షమాపణ చెప్పాలని వైఎస్సార్‌ సీపీ జిల్లా అధ్యక్షుడు, మాజీ ఎమ్మెల్యే చిర్ల జగ్గిరెడ్డి డిమాండ్‌ చేశారు. శ్రీవారి లడ్డూ ప్రసాదంలో ఎటువంటి జంతువుల కొవ్వులూ కలవలేదంటూ కేంద్ర దర్యాప్తు సంస్థ ఎన్‌ఫోర్స్‌మెంట్‌ డైరెక్టరేట్‌ (ఈడీ) స్పష్టం చేసిందని గుర్తు చేశారు. ఎటువంటి నిర్ధరణలూ లేకుండా తిరుమల లడ్డూ ప్రసాదంలో జంతువుల కొవ్వు కలిసిందంటూ చంద్రబాబు, ఇంకో అడుగు ముందుకేసి బాత్‌రూములు కడిగే కెమికల్స్‌తో లడ్డూలు తయారు చేసి, అయోధ్యకు పంపారంటూ పవన్‌ కల్యాణ్‌ 2024లో తప్పుడు ఆరోపణలు చేశారని గుర్తు చేశారు. అదే సమయంలో నెయ్యి పేరుతో వెజిటబుల్‌ ఆయిల్స్‌, రసాయన పదార్థాలతో కల్తీ జరిగినట్టు కూడా చంద్రబాబు అన్నారన్నారు. వారి దుష్ప్రచారం దేశంలోనే కాకుండా ప్రపంచవ్యాప్తంగా ఉన్న కోట్లాది మంది భక్తుల్లో తీవ్ర ఆందోళనకు కారణమైందన్నారు. ఈ నేపథ్యంలో గతంలో సీబీఐ, తాజాగా ఈడీ.. లడ్డూ తయారీకి ఉపయోగించిన నెయ్యిలో ఎటువంటి జంతు కొవ్వులూ కలవలేదని స్పష్టమైందన్నారు. రాజకీయ ప్రత్యర్థులను ఎదుర్కొనే క్రమంలో తిరుమల వంటి అత్యంత పవిత్రమైన క్షేత్రాన్ని రాజకీయ వివాదాల్లోకి లాగడం సరి కాదని హితవు పలికారు. ఇకనైనా తప్పుడు ప్రచారంతో ప్రజల్లో అనుమానాలు, భయాందోళనలు సృష్టించకుండా వాస్తవాలు వివరించాలని డిమాండ్‌ చేశారు. ఈడీ దర్యాప్తు ద్వారా వెలుగులోకి వచ్చిన వాస్తవాల నేపథ్యంలో.. భక్తుల మనోభావాలను గౌరవిస్తూ చంద్రబాబు, పవన్‌ కల్యాణ్‌ బాధ్యతాయుతంగా వ్యవహరించాలని జగ్గిరెడ్డి సూచించారు. ఫ చంద్రబాబు, పవన్‌ కల్యాణ్‌లకు జగ్గిరెడ్డి డిమాండ్‌ ఫ తిరుమల లడ్డూలో జంతువుల కొవ్వు కలిసిందంటూ అసత్య ప్రచారం చేశారు ఫ అది అబద్ధమంటూ ఈడీ వెల్లడించిందని స్పష్టీకరణ

అమలాపురం టౌన్‌: తెలుగు సామాజిక, సాహిత్య రంగాలకు నవయుగ వైతాళికుడు గురజాడ అప్పారావు అందించిన సేవలు అజరామరమని ఎస్పీ రాహుల్‌ మీనా అన్నారు. తన కార్యాలయంలో సోమవారం జరిగిన గురజాడ జయంతి కార్యక్రమంలో ఆయన మాట్లాడారు. తొలుత గురజాడ చిత్రపటానికి పూలమాల వేసి వందనం అర్పించారు. ఏఎస్పీ మహేంద్ర మత్తే, ఇతర పోలీస్‌ అధికారులు కూడా గురజాడ చిత్రపటానికి పూలమాలలు వేసి, నివాళులర్పించారు. ఆర్మ్‌డ్‌ రిజర్వ్‌ (ఏఆర్‌) డీఎస్పీ సుబ్బరాజు, స్పెషల్‌ బ్రాంచి సీఐ వి.పుల్లారావు, ఏఆర్‌ ఆర్‌ఐ బ్రహ్మానందం, ఎస్పీ కార్యాలయ ఏఏఓ బాలాజీ తదితరులు గురజాడ సేవలను కొనియాడారు. గురజాడది ప్రత్యేక ముద్ర అమలాపురం రూరల్‌: గురజాడ అప్పారావు సాహిత్య సేవలు చిరస్మరణీయమని జిల్లా రెవెన్యూ అధికారి (డీఆర్‌ఓ) వి.సుబ్బారావు అన్నారు. తెలుగు సాహిత్య రంగంలో తనదైన ముద్ర వేసిన మహాకవి అని అన్నారు. గురజాడ జయంతి సందర్భంగా కలెక్టరేట్‌లో ఆయన చిత్రపటానికి డీఆర్‌ఓ, ఇతర అధికారులు పూలమాలలు వేసి నివాళులర్పించారు. కన్యాశుల్కం నాటకం ద్వారా సమాజంలోని సామాజిక దురాచారాలపై తనదైన శైలిలో గురజాడ ప్రశ్నించారని అన్నారు. దేశమంటే మట్టి కాదోయ్‌, దేశమంటే మనుషులోయ్‌ అనే సందేశం ద్వారా దేశభక్తి, మానవతా విలువలను ప్రజల్లో పెంపొందించారని కొనియాడారు. కార్యక్రమంలో జిల్లా పరిపాలన, విద్య, వైద్య, ఆరోగ్య, పర్యాటక శాఖల అధికారులు కె.నాగలక్ష్మమ్మ, మెహబూబ్‌ బాషా, ఎం.దుర్గారావుదొర, అన్వర్‌ తదితరులు పాల్గొన్నారు. చమురు సంస్థల నిర్లక్ష్యంతోనే గ్యాస్‌ పైప్‌ లైన్ల లీకేజీ అమలాపురం రూరల్‌: చమురు సంస్థల నిర్లక్ష్యంతోనే జిల్లాలో గ్యాస్‌ పైప్‌లైన్ల లీకేజీ వంటి సంఘటనలు జరుగుతున్నాయని ఎమ్మెల్సీ కుడుపూడి సూర్యనారాయణరావు అన్నారు. కలెక్టరేట్‌ వద్ద సోమవారం ఆయన విలేకర్లతో మాట్లాడారు. 1980 నుంచి పలు చమురు సంస్థలు జిల్లాలోని సముద్ర తీర ప్రాంతం నుంచి హైడ్రోకార్బన్‌ నిల్వలను తరలించుకుపోతున్నా, ఇక్కడి ప్రజలకు న్యాయం చేయడం లేదని విమర్శించారు. సముద్ర తీరంలో జీవరాశులు నాశనమవుతున్నా కేంద్ర, రాష్ట్ర ప్రభుత్వాలు స్పందించడం లేదని అన్నారు. వశిష్ట ఎస్‌–1 టెర్మినల్‌, గాడిమొగ, ధీరూభాయ్‌ 1, 2, కేజీ–3 బ్లాక్‌ పరిధిలో పైప్‌లైన్ల లీకేజీల వల్ల అగ్ని ప్రమాదాలు జరుగుతున్నాయని వివరించారు. ఈ ప్రాంతంలోని సముద్రంలో దొరికే చేపల వల్ల బ్లడ్‌ క్యాన్సర్‌ వంటి వ్యాధులు సంభవిస్తున్నాయని ఆందోళన వ్యక్తం చేశారు. నగరంలో 2014లో జరిగిన ప్రమాదం వల్ల అనేక మంది మృతి చెందారని, పాతకాలం నాటి పైప్‌లైన్లే దీనికి కారణమని అన్నారు. పైపులైన్లు మార్చాలంటూ డీఆర్‌ఓ సుబ్బారావుకు ఎమ్మెల్సీ కుడుపూడి వినతిపత్రం అందజేశారు.

పట్టాదారు పాస్‌ పుస్తకం ఇవ్వలేదు మా గ్రామంలో సర్వే నంబర్‌ 52/3లో 20 సెంట్ల భూమిని 2024లో కొనుగోలు చేశాం. పట్టాదారు పాస్‌ పుస్తకం కోసం దరఖాస్తు చేస్తే గ్రామకంఠం భూమి అని చెబుతూ అధికారులు నిరాకరించారు. జిరాయితీ మెరక భూమిగా ఈ భూమి అమ్మిన వ్యక్తి పేరిట గతంలో పట్టాదారు పాస్‌ పుస్తకం ఉందని చెప్పినా అధికారులు పట్టించుకోలేదు. మా భూమిని పక్క రైతు భూమితో కలిపి రీ సర్వేలో మొత్తం 25 సెంట్లు ఆన్‌లైన్‌ చేశారు. మా భూమికి విడిగా ఆన్‌లైన్‌ చేసి, పట్టాదారు పాస్‌ పుస్తకం ఇవ్వాలని పీజీఆర్‌ఎస్‌లో ఫిర్యాదు చేసి తిరుగుతున్నా న్యాయం జరగడం లేదు. – కముజు శ్యామల, సత్యనారాయణ దంపతులు, పశువుల్లంక, ఐ.పోలవరం మండలంఅమలాపురం రూరల్‌: ప్రభుత్వ కార్యాలయాల చుట్టూ ప్రదక్షిణలు చేస్తూ అర్జీలు ఇవ్వడమే తప్ప తమ సమస్యలు పరిష్కారానికి నోచుకోవడం లేదని ప్రజలు ఆవేదన వ్యక్తం చేశారు. కలెక్టరేట్‌లో సోమవారం జరిగిన ప్రజా సమస్యల పరిష్కార వేదిక (పీజీఆర్‌ఎస్‌) కార్యక్రమంలో జిల్లాలోని వివిధ ప్రాంతాల నుంచి వచ్చిన 295 మంది వివిధ సమస్యలపై అర్జీలు సమర్పించారు. వారి నుంచి జిల్లా రెవెన్యూ అధికారి (డీఆర్‌ఓ) వి.సుబ్బారావు, సమగ్ర శిక్ష అదనపు ప్రాజెక్ట్‌ కో ఆర్డినేటర్‌ జి.మమ్మీ, ఆర్‌డీఓ సరళాదేవి తదితరులు అర్జీలు స్వీకరించారు. పోలీస్‌ గ్రీవెన్స్‌కు 36 అర్జీలు అమలాపురం టౌన్‌: ఎస్పీ కార్యాలయంలో సోమవారం జరిగిన పీజీఆర్‌ఎస్‌ కార్యక్రమంలో 36 అర్జీలు వచ్చాయి. పలు ప్రాంతాల నుంచి వచ్చిన ప్రజల నుంచి ఎస్పీ రాహుల్‌ మీనా, ఏఎస్పీ మహేంద్ర మత్తే ఫిర్యాదులు స్వీకరించారు.హౌసింగ్‌లో అవకతవకలు కూటమి ప్రభుత్వం వచ్చిన తర్వాత హౌసింగ్‌ లోన్‌ ఇస్తామని అధికారులు చెప్తే పాత ఇంటిని కూల్చి కొత్తగా నిర్మించుకున్నాను. అధికారులు వచ్చి మా ఇంటి నిర్మాణ పనుల ఫొటోలు తీసుకుని వెళ్లారు. చివరకు నా పేరు హౌసింగ్‌ లోన్‌ లబ్ధిదారుల జాబితాలో రాలేదు. మా గ్రామంలో గతంలో లోన్లు పొంది, రెండంతస్తులు బిల్డింగులు ఉండి, అక్రమ లే అవుట్‌లో ఇళ్లు నిర్మించుకున్న వాళ్లకు అధికారులు హౌసింగ్‌ రుణాలు అందిస్తున్నారు. అముడా పరిధిలో మోడల్‌ విలేజ్‌గా ఎంపికై న మా గ్రామంలో హౌసింగ్‌ రుణాల అవకతవకలపై పూర్తి విచారణ జరపాలి. – నందుల సత్యనారాయణ, విలసవిల్లి, ఉప్పలగుప్తం మండలం ఖాళీ బిందెలతో నిరసన తమకు తాగునీరు ఇవ్వాలని డిమాండ్‌ చేస్తూ భట్నవెల్లి గ్రామ పంచాయతీ శివారు కొత్తచెరువు దళితపేటకు చెందిన 30 కుటుంబాల ప్రజలు, మహిళలు కలెక్టరేట్‌ వద్ద సోమవారం ఖాళీ బిందెలతో నిరసన తెలిపారు. దళితపేటలో వంద సంవత్సరాల నుంచి జీవిస్తున్నా మౌలిక సదుపాయాలు కల్పించడంలో అధికారులు, ప్రజాప్రతినిధులు వివక్ష చూపుతున్నారనిటావేదన వ్యక్తం చేశారు. తాగునీరు ఇవ్వడం లేదని, వీధి దీపాలు, రోడ్లు, డ్రైనేజీ వంటి సౌకర్యాలకు నోచుకోలేదని అన్నారు. జల్‌ జీవన్‌ మిషన్‌లో భాగంగా ప్రతి ఇంటికీ తాగునీటి కుళాయి వేయడంలో అధికారులు నిర్లక్ష్యం చూపారని వారి ఆందోళనకు మద్దతు తెలిపిన బహుజన్‌ సమాజ్‌ పార్టీ నియోజకవర్గ ఇన్‌చార్జి పొలమూరి మోహన్‌బాబు అన్నారు. దళితపేటకు కిలోమీటరు దూరంలో ఎమ్మెల్యే అయితాబత్తుల ఆనందరావు ఇల్లు ఉందని, అయినప్పటికీ అక్కడి వారిపై వివక్ష చూపుతున్నారని విమర్శించారు. దళితపేటలో వెంటనే తాగునీరు, డ్రైనేజీ, రోడ్డు, వీధి దీపాల వంటి మౌలిక సౌకర్యాలు కల్పించాలని డిమాండ్‌ చేశారు. ఈమేరకు పీజీఆర్‌ఎస్‌లో డీఆర్‌ఓ సుబ్బారావుకు వినతిపత్రం అందజేశారు.ఫ పీజీఆర్‌ఎస్‌కు అర్జీల వెల్లువ ఫ ప్రదక్షిణలే తప్ప పరిష్కారం లేదని ప్రజల ఆవేదన

కొత్తపేటలో మోకాళ్లపై నిలుచుని నిరసన తెలుపుతున్న వీఆర్‌ఏలు ఐ.పోలవరంలో రైతులకు వినతిపత్రాలు అందజేస్తున్న వీఆర్‌ఏలు కొత్తపేట/ఐ.పోలవరం: పే స్కేల్‌ అమలు, వీఆర్‌ఏలుగా నామినీల నియామకం, అర్హులకు ప్రమోషన్లు, డీఏ, కనీస వేతన చట్టం అమలు తదితర సమస్యలు పరిష్కరించాలనే డిమాండ్లతో గ్రామ రెవెన్యూ సహాయకులు (వీఆర్‌ఏ) సోమవారం వినూత్న నిరసనలు చేపట్టారు. కొత్తపేటలోని స్థానిక పాత తహసీల్దార్‌ కార్యాలయం వద్ద ఆరు రోజులుగా నిర్వహిస్తున్న శిబిరంలో మోకాళ్లపై నిలబడి నిరసన తెలిపారు. తమ న్యాయమైన కోర్కెలు నెరవేర్చాలని డిమాండ్‌ చేశారు. కార్యక్రమంలో వీఆర్‌ఏల సంఘం నాయకుడు పిల్లంగోరు బాలు, మండల సంఘం అధ్యక్షుడు కె.భీమశంకరం, కోశాధికారి ఎస్‌.నాగభూషణం తదితరులు పాల్గొన్నారు. ఐ.పోలవరం తహసీల్దార్‌ కార్యాలయం ఎదుట వివిధ గ్రామాల ప్రజలు, రైతులు, నాయకులకు వీఆర్‌ఏలు వినతిపత్రాలు అందజేసి, వినూత్నంగా నిరసన తెలిపారు. ఆయా వర్గాల వారికి తమ సమస్యలు వివరించారు. మండల వీఆర్‌ఏల సంఘం ఆధ్వర్యాన జరిగిన ఈ కార్యక్రమంలో గాలి సత్యనారాయణ, వి.గంగాధరరావు, సానబోయిన సత్యనారాయణ, బి.సుదర్శనరావు తదితరులు పాల్గొన్నారు.

తమకు ఇళ్ల స్థలాలు చూపించాలని డిమాండ్‌ చేస్తూ ఈదరపల్లి బైపాస్‌ రోడ్డులో నివాసం ఉంటున్న సర్కస్‌ కళాకారులు కలెక్టరేట్‌ వద్ద ధర్నా చేశారు. గత వైఎస్సార్‌ సీపీ ప్రభుత్వంలో పది కుటుంబాలకు సమసన గ్రామంలో రెండు సెంట్ల ఇళ్ల స్థలాలిచ్చారని తెలిపారు. కూటమి ప్రభుత్వం వచ్చిన తరువాత రెండేళ్లుగా తమకు స్థలాలు చూపించ లేదని మహిళలు ఆవేదన వ్యక్తం చేశారు. ఇప్పుడు తాము నివాసం ఉంటున్న గుడారాలు ఖాళీ చేయాలంటూ అధికారులు ఒత్తిడి చేస్తున్నారని సంఘం నాయకుడు శ్రీనివాస్‌ వాపోయారు. గతంలో ఇచ్చిన ప్రభుత్వ పట్టాలకు సంబంధించి తమకు ఇళ్ల స్థలాలు చూపించాలని కోరుతూ డీఆర్‌ఓకు వినతిపత్రం అందజేశారు.

చెంచు కులానికి చెందిన నేను కూలి పనులు చేసుకుంటూ ప్రభుత్వ, ప్రైవేటు ప్రాంతాల్లో చిన్నచిన్న గుడారాలు వేసుకుంటూ జీవిస్తున్నాం. మా పిల్లలు ముమ్మిడివరం నగర పంచాయితీలోని ప్రభుత్వ పాఠశాలలో ప్రాథమిక, ఉన్నత పాఠశాలల్లో చదువుతున్నారు. వారికి సంబంధించిన రికార్డులు, టీసీల్లో ఎస్టీ, ఉపకులం చెంచులుగా రికార్డు చేసి ఇచ్చారు. కానీ, ప్రభుత్వ ఉత్తర్వుల మేరకు మమ్మల్ని షెడ్యూల్డ్‌ ట్రైబ్‌(ఎస్టీ)గా గుర్తిస్తూ కుల ధ్రువీకరణ పత్రాలు ఇచ్చేందుకు వివిధ మండలాల్లో తహసీల్దార్లు నిరాకరిస్తున్నారు. దీంతో, మా పిల్లల ఉన్నత చదువులు, స్కాలర్‌షిప్‌, ప్రభుత్వ సంక్షేమ పథకాల వంటి వాటికి దరఖాస్తు చేసుకోవడంలో ఇబ్బంది అవుతోంది. దీనిపై డీఆర్‌ఓకు ఫిర్యాదు చేశాం. – అవుల మరియమ్మ, ముమ్మిడివరం నగర పంచాయతీ

అమలాపురం టౌన్‌: గత ప్రభుత్వంలో ముఖ్యమంత్రి వైఎస్‌ జగన్‌మోహన్‌రెడ్డి పేదల పక్షపాతిగా బీసీల అభ్యున్నతికి ఎన్నో కార్యక్రమాలు, పథకాలు అమలు చేశారని వైఎస్సార్‌ సీపీ బీసీ విభాగం నేతలు అన్నారు. వీటిని కూటమి ప్రభుత్వం భ్రష్టు పట్టించిందని విమర్శించారు. ఈ మేరకు అమలాపురంలో ఆదివారం జరిగిన వైఎస్సార్‌ సీపీ బీసీ విభాగం రౌండ్‌ టేబుల్‌ సమావేశంలో పలు తీర్మానాలను ఆమోదించారు. బీసీ సెల్‌ జిల్లా అధ్యక్షుడు మట్టపర్తి నాగేంద్ర అధ్యక్షతన జరిగిన ఈ సమావేశంలో మాజీ మంత్రి, రాష్ట్ర బీసీ నేత చెల్లుబోయిన శ్రీనివాస వేణుగోపాలకృష్ణ ఈ తీర్మానాలను ప్రవేశపెట్టి ప్రభుత్వాన్ని ప్రశ్నించారు. ఇవీ తీర్మానాలు ఫ ఆదరణ పథకం పేరుతో బడ్జెట్‌లో రూ.3 వేల కోట్లు కేటాయించి, రూ.3 కూడా ఖర్చు చేయకుండా బీసీలను ఈ ప్రభుత్వం మోసం చేసింది. గడచిన మూడు బడ్జెట్లలో బీసీలకు అన్యాయం చేసింది. తక్షణమే బీసీలకు ఆదరణ పథకంలో రూ.3 వేల కోట్లతో పనిముట్లు ఇవ్వాలి. ఫ త్వరలో జరగనున్న స్థానిక సంస్థల ఎన్నికల్లో బీసీలకు 34 శాతం రిజర్వేషన్లు అమలు చేస్తున్నట్లు నోటి మాటగా కూటమి ప్రభుత్వం ప్రకటించింది. ఈ రిజర్వేషన్లను చట్టబద్ధతతో ప్రకటించాలి. ఫ బీసీలకు రక్షణ చట్టాన్ని కేంద్ర ప్రభుత్వం ద్వారా ఆమోదింపజేయాలి. ఫ రాష్ట్ర ఉప ముఖ్యమంత్రి పదవి బీసీలకు ఇవ్వాలి. ఫ 50 సంవత్సరాలు నిండిన వారికి పెన్షన్లు ఇస్తామంటూ ఎన్నికల్లో చంద్రబాబు ఇచ్చిన హామీని అమలు చేసి తీరాలి. ఫ రాష్ట్రంలో మద్యం ఏరులై పారుతోంది. ఒక అధికారిక మద్యం షాపునకు అనుబంధంగా అనధికారికంగా అనేక బెల్టు షాపులు వెలిశాయి. పర్మిట్‌ రూముల పేరిట మద్యం దుకాణాలను బార్లుగా చేశారు. ఎక్కడికక్కడ సిండికేట్లుగా ఏర్పడి మద్యాన్ని ఎంఆర్‌పీ కంటే అధిక ధరలకు అమ్మడాన్ని తక్షణమే అరికట్టాలి. మద్యం షాపుల పరంగా నెలకొన్న అనేక సమస్యలను తక్షణమే పరిష్కరించాలి. ఫ రైతులకు ఉచిత పంటల బీమా అమలు చేయాలి. ఫ వ్యవసాయ రంగం పలు సమస్యలతో సతమతమవుతున్న నేపథ్యంలో ఎన్నికల్లో చంద్రబాబు ఇస్తామన్న రూ.20 వేల సాయాన్ని రైతులకు తక్షణం ఇవ్వాలి. ఫ ఆరోగ్యశ్రీ పథకాన్ని పూర్తి స్థాయిలో అమలు చేసి, పేదల ఆరోగ్యానికి బాసటగా నిలవాలి. ఫ రాష్ట్రవ్యాప్తంగా రూ.9 వేల కోట్ల ఫీజు రీయింబర్స్‌మెంట్‌ బకాయిలను తక్షణం చెల్లించాలి. ఫ రాష్ట్రవ్యాప్తంగా పేదలకు ఇళ్లు ఇస్తామంటూ 3 లక్షల దరఖాస్తులు తీసుకున్నారు. తక్షణం ఆ పేదలకు ఇళ్లు ఇవ్వాలి. ఫ ఆడబిడ్డలకు నెలకు రూ.1,500 ఇస్తామన్న హామీని కూడా వెంటనే అమలు చేయాలి. ఫ వైఎస్సార్‌ సీపీ బీసీ విభాగం నేతల డిమాండ్‌ ఫ రౌండ్‌ టేబుల్‌ సమావేశంలో పలు తీర్మానాలు

తూర్పుగోదావరి: పాము కాటును గమనించక పోవడంతో చికిత్స ఆలస్యమై చిన్నారి మృతి చెందిన ఘటన చింతలచెరువు గ్రామంలో విషాదాన్ని నింపింది. వివరాల్లోకి వెళితే కృష్ణవరం పంచాయతీ చింతలచెరువులో కుర్సం ధర్మరాజు, విజయ దంపతుల ఆరేళ్ల పెద్ద కుమారుడు జై ప్రణయ్‌ (6) స్థానిక పాఠశాలలో ఒకటో తరగతి చదువుతున్నాడు. శనివారం ఉదయం 11 గంటల వేళ తల్లి విజయ ఇంటి ఆవరణలోని అరటి గెల కోసి కాయలు తీస్తుండగా వాటి మధ్య ఉన్న కట్లపాము ఆమె చేతిపై పడింది. దీంతో ఆమె విదిలించుకోగా అది పక్కనే ఉన్న దుస్తులలో నక్కింది. బాలుడి పెదనాన్న వచ్చి దానిని చంపేశాడు. ఆ తరువాత తల్లి పొలం పనులకు వెళ్లిపోయింది. కాగా ఆదివారం తెల్లవారు జామున ప్రణవ్‌ నోటి నుంచి నురగలు రావడం, పాము కాటు పడిన గుర్తులు ఉండి వాపు రావడాన్ని గమనించిన తల్లిదండ్రులు హుటాహుటిన 30 కిలోమీటర్ల దూరంలో ఉన్న భద్రాచలంలోని ప్రైవేటు ఆస్పత్రికి తీసుకువెళ్లారు. అక్కడ చికిత్స అందిస్తుండగానే ఆ బాలుడు మృతి చెందాడు. చికిత్స ఆలస్యం కావడం వల్లే బాలుడు మృతి చెందాడని వైద్యులు తెలిపారు.

అమలాపురం టౌన్‌: స్థానిక మహిపాలవీధిలోని మున్సిపల్‌ పాఠశాల హెచ్‌ఎం మలిశెట్టి మూర్తి (ఎంఎస్‌ఎన్‌ మూర్తి)కి చెందిన రెండస్తుల డాబా ఇంట్లో ఆదివారం తెల్లవారుజామున విస్ఫోటం సంభవించి ఇంటిపై అంతస్తు 50 శాతం దెబ్బతింది. ఈ ప్రమాదంలో తీవ్రంగా గాయడిన మూర్తి పెద్ద కుమారుడు సాయిరామ్‌ను వైద్యం కోసం కిమ్స్‌ ఆస్పత్రికి తరలించారు. సుమారు రూ.10 లక్షల వరకూ ఆస్తి నష్టం సంభవించినట్లు అగ్ని మాపక సిబ్బంది అంచనా వేశారు. డీఎస్పీ టీఎస్‌ఆర్‌కే ప్రసాద్‌, సీఐ పి.వీరబాబు ఘటన స్థలాన్ని, జరిగిన నష్టాన్ని పరిశీలించారు. ఈ ఘటనపై దర్యాప్తు చేస్తున్నట్టు డీఎస్పీ తెలిపారు. పై అంతస్తు గదులను పూర్తిగా మూసివేయడం వల్ల ఇంట్లోని ఇన్వెర్టర్‌ బ్యాటరీ పేలి విద్యుత్‌ షార్ట్‌ సర్క్యూట్‌ కావడం వల్ల సమీపంలో ఉన్న సగం వాడి వదిలేసిన సిలిండర్‌ నుంచి గ్యాస్‌ లీకై ఈ పేలుడు జరిగి ఉండవచ్చని అంచనా వేస్తున్నారు. ఇంటిలో పేలుడు పదార్థాలేవీ లేవని ఆయన తెలిపారు. క్లూస్‌ టీమ్‌ వచ్చి ఆధారాలు సేకరించి రాజమండ్రి రీజినల్‌ ఫోరెన్సిక్‌ ల్యాబ్‌కు తరలించారు. తెల్లవారు జాము 4.45 గంటలకు ఇంటి పై అంతస్తులో పెద్ద శబ్దం వచ్చిందని, పిడుగుపాటు వల్ల ఈ పేలుడు జరిగి ఉండవచ్చని ఇంటోని వారు చెప్తున్నారు. కానీ ఆ సమయంలో అటువంటి వాతావరణ పరిస్థితి ఏమీ లేదని పోలీసులు తెలిపారు. పరుపు నుంచి మంటలు పై అంతస్తులో మూర్తి ఇద్దరి కుమారులు నిద్రిస్తుండగా మంచంపై పరుపు నుంచి మంటలు వ్యాపించడం, శ్లాబ్‌ సీలింగ్‌ ఊడి పడడం, గోడలు, కిటికీలు, తలుపులు దెబ్బతినడండో పెద్ద కుమారుడు సాయిరామ్‌ కంగారు పడి పక్క ఇంటివైపు దూకేశాడు. దీంతో అతడు తీవ్రంగా గాయపడ్డాడు. కాగా చిన్న కుమారుడు క్షేమంగానే ఉన్నాడు. ఈ ఘటనతో విద్యుత్‌ సరఫరా నిలిచిపోవడంతో ఏం జరుగుతోందో తెలియక బాధిత కుటుంబం, ఇరుగుపొరుగువారు అయోమయానికి గురయ్యారు. సాయిరామ్‌ను ఆస్పత్రికి తరలించేందుకు 108 అంబులెన్స్‌కు ఫోన్‌ చేసినా స్పందించలేదని, ఫైర్‌ సిబ్బంది కూడా కొద్ది సేపటికి వచ్చి పరుపు నుంచి వచ్చిన మంటలను అదుపు చేశారని స్థానికులు తెలిపారు. 50 శాతం మేర దెబ్బతిన్న పై అంతస్తు రూ.10 లక్షల ఆస్తి నష్టమని అంచనా ఇన్వెర్టర్‌ బ్యాటరీ పేలడం.. విద్యుదాఘాతంతో మంటలు వ్యాపించి ఖాళీ సిలిండర్‌ సైతం పేలినట్టు చెప్తున్న బాధితులు కేసు దర్యాప్తు చేస్తున్న పోలీసులు

అమలాపురం రూరల్‌: జిల్లాలో ఖరీఫ్‌ ధాన్యం సేకరణకు వాహన యజమానులు సహకరించాలని జిల్లా రవాణాధికారి దేవిశెట్టి శ్రీనివాసరావు విజ్ఞప్తి చేశారు. ధాన్యం సేకరణలో సరిపడా వాహనాలను సమకూర్చడం కీలక అంశమని, ట్రాక్టర్‌ ట్రైలర్‌, లారీల యజమానులు స్వచ్ఛందంగా ముందుకొచ్చి రైతు సేవా కేంద్రాల్లో వివరాలు నమోదు చేసుకోవాలని కోరారు. జీపీఎస్‌ ట్రాకర్‌ విధిగా ప్రతి వాహనానికీ అమర్చుకోవాలని చెప్పారు. ఇందుకు లారీ యజమానుల సంఘం సహకరించాలని పేర్కొన్నారు. పోరాడేందుకు మళ్లీ అవకాశమివ్వండి ఎమ్మెల్సీ గోపిమూర్తి అమలాపురం టౌన్‌: ఉపాధ్యాయ సమస్యలపై పోరాడేందుకు తనను మరోసారి ఎన్నుకోవాలని ఎమ్మెల్సీ గోపిమూర్తి కోరారు. యూటీఎఫ్‌ జిల్లా శాఖ మధ్యంతర కౌన్సిల్‌ సమావేశం స్థానిక సంఘ కార్యాలయంలో ఆదివారం జరిగింది. ఈ సందర్భంగా గోపిమూర్తి తనకు ఎమ్మెల్సీగా మళ్లీ అవకాశమివ్వాలని కోరారు. యూటీఎఫ్‌ జిల్లా అధ్యక్షుడు జీవీ రమణ మాట్లాడుతూ ఉపాధ్యాయ ఎమ్మెల్సీగా బొర్రా గోపిమూర్తిని మళ్లీ గెలిపించాలని పిలుపునిచ్చారు. సంఘ రాష్ట్ర కార్యదర్శి జ్యోతిబసు మాట్లాడుతూ ఉపాధ్యాయులను టెట్‌ నుంచి మినహాయించాలని డిమాండ్‌ చేశారు. మాజీ ఎమ్మెల్సీ ఐవీ వెంకటేశ్వరరావు, యూటీఎఫ్‌ జిల్లా ప్రధాన కార్యదర్శి ఎంటీవీఏఎస్‌ సుబ్బారావు, నేతలు పెంకే వెంకటేశ్వరరావు, పి.శ్రీనివాసరావు, కె.శ్రీనివాసరావు తదితరులు పాల్గొన్నారు. నేడు యథావిధిగా పీజీఆర్‌ఎస్‌˘ అమలాపురం రూరల్‌: అమలాపురం కలెక్టరేట్‌లో సోమవారం యథావిధిగా జిల్లా స్థాయి ప్రజా సమస్యల పరిష్కార వేదిక (పీజీఆర్‌ఎస్‌) కార్యక్రమం నిర్వహిస్తున్నట్టు జిల్లా ఇన్‌చార్జి కలెక్టర్‌ వైఖోమ్‌ నిడియా దేవి తెలిపారు. కలెక్టరేట్‌తో పాటు రెవెన్యూ డివిజన్‌, మండల తహసీల్దార్‌, మున్సిపల్‌ కార్యాలయాలు, గ్రామ, వార్డు సచివాలయాల్లో పీజీఆర్‌ఎస్‌ అర్జీలను స్వీకరిస్తారని చెప్పారు. ప్రజలు తమ సమస్యలను సంబంధిత అధికారుల దృష్టికి తీసుకువచ్చి పరిష్కరించుకోవాలని సూచించారు. ముందస్తు అరెస్టులు చట్ట వ్యతిరేకంఐలు జిల్లా ప్రధాన కార్యదర్శి గుదిమెళ్ళ శ్రీ భాస్కరాచార్యులుపిఠాపురం: ముఖ్యమంత్రి, మంత్రుల పర్యటన నేపథ్యంలో ప్రతిపక్షాలు, ప్రజాసంఘాల నేతలను ముందస్తు అరెస్టుల పేరుతో అదుపులోకి తీసుకోవడం, గృహ నిర్బంధాలకు పాల్పడడం చట్ట వ్యతిరేకమని, అప్రజాస్వామికమని ఆల్‌ ఇండియా లాయర్స్‌ యూనియన్‌ (ఐలు) జిల్లా ప్రధాన కార్యదర్శి గుదిమెళ్ళ శ్రీభాస్కరాచార్యులు తెలిపారు. ఆదివారం ఆయన విలేకరులతో మాట్లాడుతూ ప్రజాస్వామ్యంలో ప్రజలే ప్రభువులని పోలీసులు గుర్తుంచుకోవాలన్నారు. చట్ట ప్రకారం, నిబంధనల మేరకు వ్యవహరించాల్సిన పోలీసులు వాటిని పక్కనపెట్టి అధికార పార్టీ మెప్పు కోసం కాకినాడ జిల్లాలో సీపీఎం, సీఐటీయూ, ప్రజా సంఘాల నాయకులను ముందస్తు అరెస్టుల పేరుతో పోలీస్‌ స్టేషన్లకు తరలించడం, గృహనిర్బంధాలకు పాల్పడటం, వేధించడాన్ని తీవ్రంగా ఖండిస్తున్నట్టు చెప్పారు. ఇటువంటి పద్ధతులు ప్రజాస్వామ్యంలో మంచివి కాదని హితవు పలికారు. ప్రజలు ఎన్నుకున్న ముఖ్యమంత్రి, మంత్రులకు వారు జిల్లాకు వచ్చినప్పుడు ఆ ప్రజలు సంఘాల ఆధ్వర్యంలో తమ కష్టాలు, సమస్యలు చెప్పుకొనే, వినతి పత్రాలు సమర్పించుకునే అవకాశం లేకుండా పోలీసులు అడ్డుకుంటున్నారని విమర్శించారు. పవన్‌ కళ్యాణ్‌ పర్యటన నేపథ్యంలో సీపీఎం, సీఐటీయూ ప్రజా సంఘాల నేతల ముందస్తు అరెస్టులు, గృహనిర్బంధాలకు పోలీసులు దిగారని తెలిపారు. కాకినాడ రూరల్‌ మండలం సీఐటీయూ కార్యదర్శి టి.రాజా ఆసుపత్రి పనిమీద వెళ్తున్నప్పటికీ అతన్ని పోలీసులు అదుపులోకి తీసుకోవడం మానవ హక్కుల ఉల్లంఘన అన్నారు. భవిష్యత్తులో జిల్లాలో సీఎం, మంత్రుల పర్యటన సందర్భంగా ప్రతిపక్షాల, ప్రజా సంఘాల నాయకులను ముందస్తు అరెస్టుల పేరుతో అదుపులోకి తీసుకోకుండా, గృహనిర్బంధాలకు పాల్పడకుండా ముఖ్యమంత్రి, ఉప ముఖ్యమంత్రి స్పష్టమైన ఆదేశాలు జిల్లా ఎస్పీ, కలెక్టర్లకు ఇవ్వాలని, ప్రజల రాజ్యాంగపరమైన హక్కులు కాపాడాలని విజ్ఞప్తి చేశారు.

కాకినాడ రూరల్‌: ఆంధ్ర కాపు సద్భావన సంఘం తాత్కాలిక నూతన అధ్యక్షుడిగా ముమ్మడి సత్యనారాయణను ఆదివారం ఏకగ్రీవంగా ఎన్నుకున్నారు. స్థానిక ఎన్‌ఎఫ్‌సీఎల్‌ రోడ్డులోని శుభం కాపు కల్యాణ మండపంలో ఈ ఎన్నిక నిర్వహించారు. సంఘ గౌరవాధ్యక్షుడు బసవ ప్రభాకరావు, చిట్నీడి శ్రీనివాస్‌, సలాది మూర్తి మాట్లాడుతూ కాపు సద్భావన సంఘం ఆంధ్ర సద్భావన సంఘంగా మారిందన్నారు. సత్యనారాయణ మాట్లాడుతూ సంఘం బలోపేతానికి కృషి చేస్తానన్నారు. కార్యక్రమంలో సభ్యులు రంగనాయకులు, రెడ్నం రాజా, కొప్పిశెట్టి శ్రీను, గంగిరెడ్డి మూర్తి, జంక్షణ బాబ్జీ, అడపా ప్రకాశరావు పాల్గొన్నారు. చెస్‌లో గీతాశ్రీ ప్రతిభపాలకొల్లు సెంట్రల్‌: పాలకొల్లులో ఆదివారం రాష్ట్రస్థాయి ఓపెన్‌ ర్యాపిడ్‌ చెస్‌ పోటీలు ఉత్సాహంగా జరిగాయి. స్థానిక బ్రాడీపేట బైపాస్‌ రోడ్డులో యూరోకిడ్స్‌లో అనసూయ చెస్‌ అకాడమీ ఆధ్వర్యంలో పోటీలు నిర్వహించారు. విజేతలలో ఒకరిగా నిలచిన కోనసీమ జిల్లాకు చెందిన కొట్టాల గీతశ్రీకి జిల్లా చెస్‌ అసోసియేషన్‌ అధ్యక్షుడు మాదాసు కిశోర్‌ రూ.30 వేల నగదు బహుమతి అందజేశారు. ఉత్సాహంగా అంతర్‌ రాష్ట్ర కరాటే పోటీలుఅమలాపురం రూరల్‌: మండలంలోని సమనస ఢిల్లీ పబ్లిక్‌ స్కూల్‌లో పవర్‌ కిక్‌ షోటోకాన్‌ కరాటే అసోసియేషన్‌ ఆధ్వర్యంలో నిర్వహించిన రెండో అంతర్‌ రాష్ట్ర ఇన్విటేషనల్‌ ఓపెన్‌ కరాటే చాంపియన్‌షిప్‌–2026 పోటీలు ఆదివారం ఘనంగా జరిగాయి. రాష్ట్రంలోని వివిధ జిల్లాల నుంచి 900 మందికి పైగా విద్యార్థులు పాల్గొని ప్రతిభ ప్రదర్శించారు. విజేతలకు ఏఎస్పీ ఎం.మహేంద్ర, పాఠశాల డైరెక్టర్‌ నంద్యాల మనువిహార్‌ పతాకాలు, ప్రశంసా పత్రాలు అందజేశారు. విద్యుదాఘాతంతో ఐదు గేదెలు మృతిరైతుకు న్యాయం చేస్తామన్న ఏడీఈ కాట్రేనికోన: మండలం చిర్రయానం రోడ్డులో కిందకు వేలాడుతున్న విద్యుత్‌ తీగలు తగిలి ఆదివారం ఐదు పాడి గేదెలు మృతి చెందాయి. ఈ ఘటనతో వాటి యజమాని, రైతు పాలెపు రామకృష్ణకు రూ.8 లక్షలు నష్టం వాటిల్లింది. చిర్రయానం–గచ్చకాయల పోర సరిహద్దు వద్ద మేతకు వచ్చిన గేదెలలో ఒక గేదె కొమ్ములు ఆ తీగలకు తగలడంతో మృతి చెందింది. మిగిలిన గేదెలు చనిపోయిన గేదెను వాసన చూస్తూ తాకడంతో అవి కూడా మృతి చెందాయి. వాటిని చూసిన రైతు భోరున విలపించాడు. సమాచారం అందుకున్న విద్యుత్‌ శాఖ ఏడీఈ డి.శ్రీనివాసరావు ఘటనా స్థలానికి చేరుకుని రైతుకు తగిన న్యాయం చేస్తామని హామీ ఇచ్చారు. సముద్ర తీరం వెంబడి వీచే తీవ్రమైన గాలుల వల్ల స్తంభాలు ఒరిగిపోవడం, విద్యుత్‌ తీగలు తెగి వేలాడుతుంటాయని, ఈ ప్రమాదాలను అరికట్టేందుకు కవర్‌ కండక్టర్‌ కేబుల్‌ ఏర్పాటుకు కృషి చేస్తామని ఏడీఈ తెలిపారు.

● వేతనాల మంజూరులో ప్రభుత్వం నిర్లక్ష్యం ● మరో మూడు రోజుల్లో పదవీకాలం ముగింపు ● ఆవేదన వ్యక్తం చేస్తున్న ఎంపీటీసీ సభ్యులుఅంబాజీపేట: కూటమి ప్రభుత్వం అధికారం చేపట్టి రెండున్నరేళ్లు అవుతున్నా ప్రజాప్రతినిధులను అగౌరవ పరుస్తూనే ఉంది కూటమి ప్రభుత్వం. ఎంపీటీసీలకు వైఎస్సార్‌ సీపీ ప్రభుత్వ హయాంలో రెండు విడతలుగా గౌరవ చెల్లించగా, 2024 జూన్‌ నెలలో కూటమి ప్రభుత్వం ఏర్పాటైన తర్వాత వారంతా పూర్తి నిర్లక్ష్యానికి గురవుతున్నారు. జిల్లాలో అమలాపురంలో 61 మంది, పి.గన్నవరం 79, రావులపాలెం 86, ముమ్మిడివరం 52, రాజోలు 63, రామచంద్రపురం 59 మంది ఎంపీటీసీ సభ్యులు ఉన్నారు. వీరికి 32 నెలల వేతనం అందాల్సి ఉంది. ఈ నెల 23తో వారి పదవీ కాలం ముగియనుంది. పలు సమావేశాల్లో వారికి అందాల్సిన గౌరవ వేతనాల కోసం బడ్జెట్లు ప్రవేశపెట్టినా ప్రజా ప్రతినిధుల ఖాతాల్లో ఒక్క రూపాయి విదల్చడం లేదు. అధిక శాతం ఎంపీటీసీ సభ్యులు వైఎస్సార్‌ సీపీ వారు కావడం వల్లే నిధులు మంజూరు చేయడం లేదని వారు అంటున్నారు. స్థానిక ఎంపీడీఓ కార్యాలయంలో జరగనున్న మండల సర్వసభ్య సమావేశంలో సమస్యలు పరిష్కారమవుతాయని ప్రజాప్రతినిధులు ఎదురుచూస్తున్నారు. ప్రజలు నేరుగా ఎన్నుకున్న తమను పదవిని బట్టి గౌరవించడం ప్రభుత్వం బాధ్యత అని, తమకు ఇవ్వాల్సిన గౌరవ వేతనాలు బకాయి పెట్టడం ఎంతవరకు సమంజసమని వారు ఆవేదన వ్యక్తం చేస్తున్నారు. కూటమి ప్రభుత్వం ఏర్పాడిన తరువాత గత రెండున్నరేళ్లలో ఎంపీటీసీల పేరున ఒక్క అభివృద్ధి పనీ చేపట్టలేకపోయారు. గతంలో వైఎస్సార్‌ సీపీ అధికారంలో ఉండగా ఎంపీటీసీలకు ప్రాముఖ్యం ఇస్తు గ్రామాల అభివృద్ధికి నిధులు మంజూరు చేశారు. చంద్రబాబు ప్రభుత్వం వచ్చాక అభివృద్ధి పనులు సాగడం లేదు. కేవలం 85 శాతం మంది వైఎస్సార్‌ సీపీ ఎంపీటీసీలుగా ఉన్నారనే నిధులు, అభివృద్ధిని అడ్డుకున్నారని పలువురు విమర్శిస్తున్నారు.బిల్లులు పెడుతున్నా మంజూరు చేయరు ప్రభుత్వం ఎంపీటీసీ సభ్యులను చిన్నచూపు చూడడంలో ఆంతర్యమేమిటో తెలియడం లేదు. తమకు రావలసిన వేతనాలు చెల్లించడానికి ఇంత ప్రాధేయపడాలా? వేతనాల బిల్లులు పెడుతున్నా మంజూరు చేయకపోవడం దౌర్భాగ్యం. రెండు సార్లు బడ్జెట్‌ సమావేశం జరిగినా అందులోను కేటాయించలేదు. ఎంపీటీసీలపై నిర్లక్ష్యంగా వ్యహరించడం కూటమి ప్రభుత్వానికి మంచిది కాదు. – దొమ్మేటి వెంకటేశ్వరరావు, ఎంపీపీ, మాచవరం

పాము కాటు లక్షణాలు ఇవీ.. ● తీవ్రమైన జ్వరంతో పాటు రక్తపోటు రావచ్చు. ● భరించలేని నొప్పి, కనురెప్పలు మూతపడడం. ● కాటు పడిన చోట వాపు రావడం, శరీరం పాలిపోవడం.ఆలమూరు: ఉమ్మడి తూర్పుగోదావరి జిల్లా వ్యాప్తంగా గ్రామీణ ప్రాంతాలే అత్యధికంగా ఉండడంతో సహజంగానే పాముల వంటి విష కీటకాల బెడద సహజంగానే ఉంటుంది. పొలాలు, మొక్కలు, తుప్పలు పేరుకుపోయిన ప్రదేశాల్లో ఇవి ఎక్కువగా తారసపడుతుంటాయి. దీంతో ఆయా ప్రాంతాల్లో పనులు చేసుకునే వారు, పాదచారులు సహజంగానే వాటి కాట్లకు గురవుతుంటారు. కాటు వేసి తప్పించుకునే పాము ఏ స్థాయి విషపూరితమైనదో తెలియదు. అందువల్ల చిన్న పాము కాటును సైతం సంప్రదాయ చికిత్స కాకుండా సమీపంలోని ఆస్పత్రికి వెళ్లి చికిత్స తీసకోవలసిన ఆవశ్యకత ఎంతైనా ఉంది. కోనసీమ, కాకినాడ, తూర్పుగోదావరి, పోలవరం జిల్లాల వ్యాప్తంగా ఈ నెల 19 నుంచి 25వ తేదీ వరకు అంతర్జాతీయ పాముకాటు అవగాహన వారోత్సవాలు నిర్వహిస్తున్న నేపథ్యంలో వైద్యశాఖ ప్రజలను అప్రమత్తం చేస్తూ అవగాహన కల్పిస్తోంది. పాము కాట్ల నుంచి రక్షించే వ్యాక్సిన్‌ ఏఎస్‌వీ (యాంటీ స్నేక్‌ వీనమ్‌)ని 1895లో ప్రాన్స్‌కు చెందిన ఫిజీషియన్‌ ఆల్బెర్ట్‌ కాల్మెట్టే కనుగొన్నారు. ఇది దేశవ్యాప్తంగా అన్ని ఆస్పత్రుల్లో అందుబాటులో ఉంటుంది. పాముకాట్ల కేసుల్లో దేశంలో రెండో స్థానంలో ఉన్న మన రాష్ట్రంలో ఉమ్మడి తూర్పుగోదావరి జిల్లా నాలుగో స్థానంలో ఉంది. ఉమ్మడి జిల్లా వ్యాప్తంగా 23 ప్రభుత్వ, ఏరియా ఆస్పత్రులోను, 158 పట్టణ, గ్రామీణ పీహెచ్‌సీలలో దీనిని అందుబాటులో ఉంచారు. ఇటీవలి కాలంలో 108 వాహనాల్లో సైతం ఉంచుతున్నారు. ఏటా సుమారు 500 మంది వరకూ పాముకాట్లకు గురవుతుండగా సకాలంలో చికిత్స అందక సుమారు పది శాతం మంది మృత్యువాత పడుతున్నట్టు అధ్యయనాలు చెప్తున్నాయి. ఈ ఏడాది ఇప్పటి వరకూ సుమారు 350 కేసులు నమోదు కాగా, ఆరుగురు మృతి చెందారు. జాతిని బట్టి ప్రాణాపాయం సాధారణంగా కోస్తా జిల్లా పరిసరాల్లో అనేక విష సర్ప జాతులు ఉన్నా కట్లపాము, రక్త పింజర, తాచు పాము, పొడపాము కాట్ల వల్లే ఎక్కువ మరణాలు సంభవిస్తున్నట్లు వైద్యులు చెబుతున్నారు. రక్తపింజర కాటు వేస్తే రెండు గంటల తరువాత, తాచుపాము కాటు వేస్తే అరగంటలో, కట్లపాము కాటు వేస్తే నిమిషాల వ్యవధిలో విషం శరీరమంతా పాకి ప్రాణాపాయానికి అవకాశం ఉంది. ఆలస్యమైతే ప్రాణాపాయం తప్పదు సంప్రదాయ వైద్యం, చికిత్సలు వద్దు అన్ని ఆస్పత్రుల్లో అందుబాటులో ఏఎస్‌వీ ఉమ్మడి జిల్లా వ్యాప్తంగా 25వ తేదీ వరకు అంతర్జాతీయ పాముకాటు అవగాహన వారోత్సవాలువ్యాక్సిన్లు అందుబాటులో ఉన్నాయి పాముకాటుకు గురైన వ్యక్తులు మనోస్థైర్యాన్ని కోల్పోకుండా వీలైనంత త్వరగా చికిత్స అందజేయాలి. అన్ని ఆస్పత్రులలోనూ ఏఎస్‌వీ వ్యాక్సిను అందుబాటులో ఉన్నాయి. – ఎం.దుర్గారావు దొర, జిల్లా వైద్యారోగ్యశాఖ, అమలాపురంతీసుకోవలసిన జాగ్రత్తలు కాటు పడిన వెంటనే సబ్బునీటితో కడగాలి కాటు వేసిన మూడు గంటలలోపు ఏఎస్‌వీ వేయించి వైద్యం అందించాలి. వ్యవయాయ క్షేత్రాల్లో పనిచేసే వారు పాదరక్షలు ధరించాలి. పెస్ట్‌ కంట్రోల్‌ వినియోగించడం ద్వారా పాముల సంచారాన్ని అరికట్టవచ్చు.

అమలాపురం టౌన్‌: ఆటోలో ప్రయాణికురాలు మరచిపోయిన బంగారు ఆభరణాల బ్యాగ్‌ను డ్రైవర్‌ పోలేటి సతీష్‌ స్థానిక పట్టణ పోలీస్‌స్టేషన్‌లో అప్పగించి తన నిజాయతీని చాటుకున్న ఘటన ఆదివారం జరిగింది. సఖినేటిపల్లి మండలం గొంది గ్రామానికి చెందిన నల్లి వనిత అమలాపురం ప్రభుత్వ ఆస్పత్రిలో టీబీ జిల్లా సూపర్‌వైజర్‌గా పనిచేస్తున్నారు. స్థానిక ఎర్ర వంతెన వద్దనున్న వసతి గృహంలో ఉంటున్నారు. సొంతూరు వెళ్లిన ఆమె తిరిగి హాస్టల్‌కు వచ్చేందుకు ఆదివారం రాత్రి 7.30 గంటలకు అమలాపురం గడియారం స్తంభం సెంటర్‌లో రూ.6 లక్షల విలువైన బంగారు ఆభరణాలు ఉన్న బ్యాగ్‌తో ఆటో ఎక్కారు. ఎర్రవంతెన వద్దకు వెళ్లిన తర్వాత బ్యాగ్‌ను ఆటోలో మరిచిపోయి దిగిపోయారు. దీంతో బ్యాగ్‌ను గమనించిన అయినవిల్లికి చెందిన ఆటో డ్రైవర్‌ సతీష్‌ తక్షణమే పట్టణ పోలీస్‌ స్టేషన్‌కు తీసుకొచ్చి సీఐ పి.వీరబాబుకు అప్పగించాడు. తర్వాత వనిత కొద్దిసేపటికి తన నగలు పోయినట్టు ఫిర్యాదు ఇచ్చేందుకు పోలీస్‌ స్టేషన్‌కు వచ్చారు. అప్పటికే ఆటో డ్రైవర్‌ సతీష్‌ బ్యాగ్‌ను తీసుకొచ్చి ఇచ్చిన విషయాన్ని ఆమెకు వివరించిన పోలీసులు బ్యాగ్‌ను ఆమెకు అప్పగించారు. ఈ సందర్భంగా ఆటో డ్రైవర్‌ సతీష్‌ నిజాయతీని మెచ్చి సీఐ వీరబాబు, పట్టణ ఎస్సైలు కిషోర్‌బాబు, శ్రీనివాసరావు, జోషిల సమక్షంలో ఘనంగా సత్కరించి అభినందించారు. సతీష్‌కు వనిత కృతజ్ఞతలు తెలిపారు.రూ.6 లక్షల బంగారు ఆభరణాల బ్యాగ్‌ పోలీసులకు అప్పగింత

అమలాపురం టౌన్‌ : రవణం వీధిలోని శ్రీ సర్వమంగళ ఆలయంలోకి ప్రవేశించిన వర్షపు నీరుఅమలాపురం టౌన్‌ : మెయిన్‌ రోడ్డుపై నిలిచిపోయిన వర్షం నీరుఅమలాపురం, అంబాజీపేట మండలాల్లో ఆదివారం కురిసిన భారీ వర్షంతో రహదారులు జలమయమయ్యాయి. డ్రైనేజీలు పొంగి ప్రవహించాయి. దీంతో రాకపోకలకు వాహనదారులు తీవ్ర ఇబ్బందులు పడ్డారు. ఎడతెరిపి లేకుండా కురిసిన వర్షానికి పలు కాలనీలు, వీధులు జలమయమయ్యాయి. పలు ఇళ్లు, ఆలయాల్లోకి వర్షపు నీరు ప్రవేశించింది. అమలాపురంలో మున్సిపల్‌ కమిషనర్‌ వి.నిర్మల్‌కుమార్‌ పట్టణంలో ముంపునకు గురైన వీధుల్లో డ్రెయిన్లు త్వరగా లాగేలా సిబ్బందితో చర్యలు చేపట్టారు. భారీ వర్షాలకు అంబాజీపేట మండలంలోని కొబ్బరి, కోకో, అరటి, కూరపాదులు నీట మునిగాయి. – అమలాపురం టౌన్‌/ అంబాజీపేట

అమలాపురం టౌన్‌: వెన్నుపోటు పాలనతో ముఖ్యమంత్రి చంద్రబాబు ప్రతిసారీ బీసీలను నిలువునా మోసం చేస్తున్నారని వక్తలు విమర్శించారు. చంద్రబాబు పాలనలో ప్రస్తుతం రాష్ట్రం ప్రమాదం అంచున ఉందని, ఈ మోసపూరిత సర్కారును జనాభాలో 52 శాతం ఉన్న బీసీలే కాపాడాలని పిలుపునిచ్చారు. స్థానిక యెండూరి ఫంక్షన్‌ హాలులో వైఎస్సార్‌సీపీ బీసీ సెల్‌ జిల్లా రౌండ్‌ టేబుల్‌ సమావేశం ఆ విభాగం జిల్లా అధ్యక్షుడు మట్టపర్తి నాగేంద్ర అధ్యక్షతన ఆదివారం నిర్వహించారు. ఈ నెల 27న రాజమహేంద్రవరంలో జరగనున్న ఉమ్మడి ఉభయగోదావరి జిల్లాల స్థాయి వైఎస్సార్‌సీపీ బీసీ గర్జన సభను విజయవంతం చేయాలని నేతలు కోరారు. వెన్నుపోటు పార్టీ, వెన్నుపోటు పాలనపై ఈ సభ చర్చిస్తుందని పార్టీ బీసీ సెల్‌ రాష్ట్ర వర్కింగ్‌ ప్రెసిడెంట్‌ నౌడు వెంకటరమణ చెప్పారు. ఉమ్మడి ఉభయ గోదావరి జిల్లాల్లోని బీసీలు పెద్ద ఎత్తున తరలిరావాలని ఆయన పిలుపునిచ్చారు. చంద్రబాబు నాడు మామ ఎన్టీఆర్‌కు వెన్నుపోటు పొడిచారని, ఆ తర్వాత సీఎం అయినప్పుడు ఎస్సీలను, తర్వాత బీసీలను, ఇప్పుడు రాష్ట్రాన్ని వెన్నుపోటుతో మోసం చేస్తున్నారని నౌడు వెంకటరమణ, మాజీ మంత్రి చెల్లుబోయిన వేణుగోపాలకృష్ణ అన్నారు. బీసీలను చట్టసభలకు అత్యధికంగా పంపిన ఘనత వైఎస్‌ జగన్‌దేనన్నారు. బీసీలకు స్థానిక సంస్థల్లో అత్యధిక పదవులు వరించేలా చేసిందీ ఆయననేనని చెప్పారు. ఎమ్మెల్సీ, ఉభయ తెలుగు రాష్ట్రాల శెట్టిబలిజ మహానాడు కన్వీనర్‌ కుడిపూడి సూర్యనారాయణరావు మాట్లాడుతూ బీసీలే వెన్నెముక అని అబద్ధాల పాలన చేసే చంద్రబాబుకు అదే బీసీలు వచ్చే ఎన్నికల్లో బుద్ధి చెబుతారని స్పష్టం చేశారు. ముమ్మిడివరం, రామచంద్రపురం నియోజకవర్గాల పార్టీ కో ఆర్డినేటర్లు పొన్నాడ సతీష్‌కుమార్‌, పిల్లి సూర్యప్రకాష్‌ మాట్లాడుతూ ప్రస్తుతం బీసీల మంత్రం జపిస్తున్న చంద్రబాబు బీసీలకు రిజర్వేషన్లు పెంచినట్లు కొత్త డ్రామాకు తెరతీశాడని, కోర్టులో నిలబడని బీసీల రిజర్వేషన్‌ శాతంపై అభూతకల్పనలతో ప్రచారం చేసుకుంటున్నారని విమర్శించారు. వైఎస్సార్‌, జగన్‌లే బీసీలను తలెత్తుకునేలా చేశారని వారు గుర్తుచేశారు. బీసీ నేతలు పితాని బాలకృష్ణ, చెల్లుబోయిన శ్రీనివాసరావు, కుడుపూడి బాబు, గొవ్వాల రాజేష్‌, కుడుపూడి భరత్‌ భూషణ్‌, భరణికాన బాబు, యల్లమిల్లి బోస్‌, దొమ్మేటి సత్యమోహన్‌, సంసాని బులినాని, గుత్తుల చిరంజీవిరావు, దొమ్మేటి వెంకటేశ్వరరావు, కముజు రమణ, అల్లి రాంబాబు, జి.వీరన్న, దార్ల పాపయ్యాచార్యులు, విత్తనాల ఇంద్రశేఖర్‌ తదితరులు పాల్గొన్నారు. ప్రమాదం అంచున ఉన్న రాష్ట్రాన్ని బీసీలే రక్షించాలి బీసీలకు చట్టసభలు, స్థానిక సంస్థల్లో రిజర్వేషన్లు కల్పించిన ఘనత జగన్‌దే 27న రాజమహేంద్రవరంలో ఉమ్మడి ఉభయ గోదావరి జిల్లాల స్థాయి వైఎస్సార్‌సీపీ బీసీ సభ బీసీలు అత్యధికంగా తరలివచ్చి బలం, సత్తా చూపించాలి బీసీ సెల్‌ వర్కింగ్‌ ప్రెసిడెంట్‌ వెంకటరమణ, మాజీ మంత్రి వేణు, ఎమ్మెల్సీ సూర్యనారాయణరావు పిలుపు

● 9 మంది మత్స్యకారులు సురక్షితం ● ధ్వంసమైన పడవ.. రూ.30 లక్షల ఆస్తి నష్టం ఐ.పోలవరం: సముద్రంలో ఓ బోటు మునిగిన ఘటనలో తొమ్మిది మంది మత్స్యకారులు సురక్షితంగా బయటపడ్డారు. వివరాలివీ.. ఐ.పోలవరం మండలంలోని మత్స్యకార గ్రామమైన భైరవపాలేనికి చెందిన తొమ్మిది మంది మత్స్యకారులు ఐదు రోజుల క్రితం చింతా శ్రీనుకు చెందిన మర పడవపై సముద్రంలో వేటకు వెళ్లారు. చేపల వేట అనంతరం తిరిగి వస్తుండగా ఆదివారం రాత్రి బలమైన ఈదురు గాలులు వీచాయి. దీంతో వారి బోటు ఒక్కసారిగా సముద్రంలో మునిగిపోయింది. అందులోని వారిని అక్కడే మరో బోటులో ఉన్న మత్స్యకారులు రక్షించి, సురక్షితంగా ఒడ్డుకు తీసుకొచ్చారు. సముద్రంలో మునిగిన బోటు గాలుల తాకిడికి మొగ వద్దకు కొట్టుకు వచ్చింది. అది పూర్తిగా ధ్వంసమైందని, ఐదు రోజుల పాటు కష్టపడి సంపాదించిన మత్స్యసంపద కూడా నీటమునిగిందని, సుమారు రూ.30 లక్షల ఆస్తినష్టం వాటిల్లిందని చింతా శ్రీను ఆవేదన వ్యక్తం చేశారు.

● ఒడ్డున లభ్యమైన పాదరక్షలు, వస్తువులు ● కేసు దర్యాప్తు చేస్తున్న పోలీసులు తాళ్లపూడి: స్నేహితుడిని కలసి వస్తానని చెప్పి ఇంటి నుంచి వెళ్లిన సాఫ్ట్‌వేర్‌ ఇంజినీర్‌ అనుమానాస్పద స్థితిలో అదృశ్యమయ్యాడు. కుటుంబ సభ్యులు, తాళ్లపూడి పోలీసుల కథనం ప్రకారం మండలంలోని బల్లిపాడు గ్రామానికి చెందిన పెండ్యాల జ్యోతి స్వరూప్‌కుమార్‌ (25) హైదరాబాద్‌లో సాఫ్ట్‌వేర్‌ ఉద్యోగిగా పనిచేస్తున్నాడు. శనివారం సాయంత్రం వేగేశ్వరపురంలో ఉన్న తన స్నేహితుడిని కలసి వస్తానని ఇంటి నుంచి వెళ్లాడు. ఈ క్రమంలో బల్లిపాడు గోదావరి రేవు వద్ద కొద్దిసేపు గడిపిన స్వరూప్‌ గోదావరి అందాలను వీడియో తీసి, దానికి పాటను జోడించి తన వాట్సప్‌ స్టేటస్‌గా పెట్టుకున్నాడు. దానిని పలువురు స్నేహితులు సైతం వీక్షిచారు. కొద్ది సేపటికే అతని జాడ తెలియకపోవడం, ఫోన్‌ చేసినా స్పందించకపోవడంతో కుటుంబ సభ్యులు, స్నేహితులు ఆందోళనకు గురయ్యారు. వెంటనే తాళ్లపూడి పోలీసులకు సమాచారం ఇచ్చారు. ఎస్సై టి.రామకృష్ణ వెంటనే ఘటన స్థలానికి చేరుకుని అక్కడ స్వరూప్‌ వేసుకున్న చెప్పులు ఒడ్డున ఉండగా, అతని ఫోన్‌ మరో చోట ఉంచడాన్ని గుర్తించారు. ప్రమాద వశాత్తు గోదావరిలో పడి గల్లంతై ఉంటాడని పోలీసులు, ఫైర్‌ సిబ్బంది, మత్స్యకారులు గాలింపు చేపట్టారు. స్వరూప్‌ ఆ కుటుంబంలో రెండో కుమారుడు. కాగా పెద్ద కుమారుడు, కుమార్తె కూడా సాఫ్ట్‌వేర్‌ ఉద్యోగులుగానే స్థిరపడ్డారు. స్వరూప్‌ ఆచూకీ తెలియకపోవడంతో ఆ కుటుంబంలో తీవ్ర విషాదఛాయలు అలముకున్నాయి. ఘటనా ప్రదేశాన్ని తహసీల్దార్‌ లక్ష్మీ లావణ్య, రెవెన్యూ స్బింది, తాళ్లపూడి ఎస్సై టి.రామకృష్ణ పరిశీలించారు. పోలీసులు కేసు దర్యాప్తు చేస్తున్నారు.

ఏం తినాలో అర్థం కావడం లేదు ఇదివరకు రూ.150కి చేతి సంచి నిండా కూరగాయలు వచ్చేవి.. ఇప్పుడు రూ.500 పెట్టినా సంచి నిండటం లేదు. ఉల్లిపాయల ధర పెరగడంతో పులుసుతో పూట గడపడం కూడా భారంగా మారింది. కర్రీ పాయింట్‌లో రూ.15 ఉన్న ప్యాకెట్‌ కూర ఇప్పుడు రూ.20కి చేరింది. ప్రతి వస్తువుకూ ధర పెరుగుతుండటంతో ఏం కొనాలో.. ఏం తినాలో అర్థం కావడం లేదు. – పోతుల చంద్రావతి, గృహిణి, కొత్తపేట బియ్యం ధరలు ఎక్కువయ్యాయి ఇటీవల బియ్యం ధరలు విపరీతంగా పెరిగాయి. పెరిగిన ధరల వల్ల రోజుకు అదనంగా రూ.30 ఖర్చవుతోంది. మా కుటుంబంలో ఎనిమిది మంది సభ్యులున్నారు. ధరల పెరుగుదల ప్రభావం తీవ్రంగా పడుతోంది. – కర్రి గనికమ్మ, కర్రివానిరేవు, ముమ్మిడివరం మండలం సాక్షి, అమలాపురం: ప్రస్తుత మార్కెట్‌లో పెరుగుతున్న నిత్యావసర వస్తువులు, నూనెలు, కూరగాయలు, పెట్రోల్‌, డీజిల్‌ ఇలా పెరుగుతున్న ధరలు చూస్తే సామాన్యుల నెలవారీ బడ్జెట్‌ తలకిందులవుతోంది. ఆదాయం మాత్రం అదే స్థాయిలో ఉండటంతో నెలాఖరుకు వచ్చేసరికి చేతిలో మిగిలేది ఏమీ ఉండటం లేదని మధ్యతరగతి కుటుంబాలు వాపోతున్నాయి. ధరల పెరుగుదలతో ఇప్పటికే కుటుంబ అవసరాల్లో కోతలు పెట్టుకుంటున్న సామాన్యులు.. పొదుపు, పిల్లల చదువు, వైద్యం వంటి భవిష్యత్‌ అవసరాలపై మాత్రం ఇది తీవ్ర ప్రభావం చూపుతుందని ఆందోళన చెందుతున్నారు. ఒక్కసారిగా ‘ఉల్లి’క్కిపాటు కోస్తేనే కన్నీళ్లు తెచ్చే ఉల్లిపాయ, ఈ రోజుల్లో మార్కెట్‌లో దాని ధర చూస్తేనే కళ్లలో నీరు తెప్పిస్తోంది. కూరల్లో ఉల్లి లేకపోతే రుచి లేదు.. మార్కెట్‌లో కొనేందుకు జేబులో డబ్బు లేదు! బంగారంతో పోటీ పడుతున్నట్టు ఉల్లి రేటు పెరుగుతోంది. గత నెల రోజుల వ్యవధిలో ఉల్లిపాయ ధర గణనీయంగా పెరిగింది. కర్నూలు తదితర ప్రాంతాల నుంచి సాధారణంగా వచ్చే ఉల్లిపాయల సరఫరాలో మార్పులు రావడం, ఇతర ప్రాంతాల నుంచి సరుకు తీసుకురావాల్సి రావడం వల్ల రవాణా ఖర్చులు పెరుగుతున్నాయని వ్యాపార వర్గాలు చెబుతున్నాయి. దీనికి తోడు హోల్‌సేల్‌ మార్కెట్‌లో భారీగా సరకును నిల్వ ఉంచడం, డిమాండ్‌కు అనుగుణంగా సరఫరా లేకపోవడం వంటి అంశాలు కూడా ధరలపై ప్రభావం చూపుతున్నాయి. ప్రస్తుతం మార్కెట్‌లో కిలో ఉల్లి ధర రూ.65 పైమాటే ఉంది. నెల రోజుల్లో కిలో రూ.25 నుంచి ఈ మొత్తానికి పెరిగిపోవడంతో వినియోగదారులు గగ్గోలు పెడుతున్నారు. ముద్ద దిగక.. పెరుగుతున్న బియ్యం ధరతో సామాన్యుల నోటికి ముద్ద చేరడం లేదు. రేషన్‌ బియ్యం తినలేక, బయట మార్కెట్‌లో కొనలేక సామాన్యులు నలిగిపోతున్నారు. పేద, మధ్యతరగతి కుటుంబాలు సైతం నాణ్యతను బట్టి మార్కెట్‌లో బియ్యం కొనుగోలు చేయాల్సి వస్తోంది. వివిధ రకాల బియ్యం ధరలు పెరగడంతో నెలకు అవసరమైన బియ్యం కోసం అదనపు ఖర్చు అవుతోంది. 25 కిలోల సన్న బియ్యం బస్తా రూ.2 వేలు పెట్టి కొనుగోలు చేయాల్సిన పరిస్థితి నెలకొంది. నెల రోజుల క్రితం అదే బస్తా రూ.1400 ఉండగా, ఒక్కసారిగా రూ.600 పెరిగింది.బియ్యం ధరలు (కేజీకి) బీపీటీ రకాలు : రూ.65 హెచ్‌ఎంటీ రకాలు : రూ.72 రా రైస్‌ : రూ.72 హెచ్‌ఎంటీ మసర్‌ : రూ.56 నిత్యావసరాలు పంచదార : రూ.65 మినప్పప్పు : రూ.130 మినపగుళ్లు : రూ.170 కందిపప్పు : రూ.150 శనగపప్పు : రూ.100 వేరుశెనగ గుళు : రూ.170 ఏపీ శనగపప్పు : రూ.110 చింతపండు : రూ.140 పెసరపప్పు : రూ.130 మైదా : రూ.60 బియ్యం నూక : రూ.55 కరాచీ : రూ.60 వంటనూనె : రూ.182 జీడిపప్పు : రూ.450 వెల్లుల్లి : రూ.320 ఎండుమిర్చి : రూ.320 కారం : రూ.250 ఉప్పు ప్యాకెట్‌ : రూ.30 బెల్లం : రూ.75 కూరగాయల ధరలు ఉల్లిపాయలు : రూ.60 నుంచి రూ.70 వంకాయలు : రూ.60 పచ్చి మిర్చి : రూ.60 చిక్కుడుకాయ : రూ.120 క్యారెట్‌ : రూ.50 నుంచి రూ.60 పెట్రోల్‌, డీజిల్‌ ధరలు పెట్రోల్‌ లీటరు : రూ.117.41 డీజిల్‌ లీటరు : రూ.104.49 గ్యాస్‌ ధరలు గృహ సిలిండర్‌ : రూ.972 (14 కేజీలు) వాణిజ్య సిలిండర్‌ : రూ.2866 (19 కేజీలు) పెరుగుతున్న ధరలు.. తరిగిపోతున్న ఆదాయం బియ్యం, పప్పులు, నూనె, కూరగాయల ధరల మోత పెట్రోల్‌, డీజిల్‌, గ్యాస్‌ భారం అదనం నెలవారీ కుటుంబ బడ్జెట్‌ తారుమారు ఆదాయం పెరగక.. ఖర్చులు మాత్రం పెరుగుతూ సామాన్యుల అవస్థలు ఆర్థికంగా చితికిపోతున్న పేద కుటుంబాలు ఇంధన ధరల భారం అన్నింటిపైనా పడుతోంది పెట్రోల్‌, డీజిల్‌ ధరల పెరుగుదల కేవలం వాహనదారులపైనే కాకుండా రవాణా వ్యవస్థ ద్వారా అన్ని వస్తువుల ధరలపైనా ప్రభావం చూపుతోంది. రవాణా ఖర్చులు పెరిగితే కూరగాయలు, కిరాణా సరకుల ధరలు కూడా పెరిగే అవకాశం ఉంటుంది. యుద్ధం తరువాత డీజిల్‌, పెట్రోల్‌ ధరలు పెరగడం వల్ల కూడా ఇప్పుడు నిత్యావసర, కూరగాయల ధరలు పెరగడానికి కారణమైంది. – తాడి వెంకటరెడ్డి, పీఏసీఎస్‌ మాజీ వైస్‌ చైర్మన్‌, మొగలిపాలెం, రామచంద్రపురం మండలం రూ.20 వేలు సరిపోవడం లేదు ధరల పెరుగుదలతో కుటుంబ నెలవారీ బడ్జెట్‌ రెట్టింపైంది. రూ.20 వేలు ఒక మూలకు రావడం లేదు. తినడానికి కొనుక్కునేవాటికి పిల్లల చదువు, ప్రయాణ ఖర్చులను కూడా కలుపుకుంటే రూ.30 వేలు దాటుతోంది. ఆదాయం పెరగలేదు.. కానీ ఖర్చులు మాత్రం రెండు, మూడు రెట్లు పెరిగాయి. – గున్నేపల్లి భీమ్‌ శంకర్‌, ముస్లిం వీధి, అమలాపురం

కోనసీమ తిరుమల వాడపల్లి శ్రీ వెంకటేశ్వర స్వామి వారి దర్శనానికి శనివారం భారీ సంఖ్యలో భక్తులు విచ్చేశారు. లక్ష మందికి పైగా భక్తులు స్వామివారిని దర్శించారని ఆలయ ఈవో నల్లం సూర్యచక్రధరరావు తెలిపారు. అధిక సంఖ్యలో భక్తుల రాకతో ఆలయ ప్రాంగణం, క్యూలైన్లు కిక్కిరిసిపోయాయి. భక్తులు వేద ఆశీర్వచనం, విశిష్ట దర్శనం, ఉచిత దర్శనం ద్వారా స్వామిని దర్శించి మొక్కులు తీర్చుకున్నారు. పెద్ద సంఖ్యలో భక్తులు స్వామివారి ఉచిత అన్న ప్రసాదం, తీర్థప్రసాదాలు స్వీకరించారు. – ఆత్రేయపురం దర్శనానికి క్యూలైన్‌లలో వేచి ఉన్న భక్తులు u

కొత్తపేట: స్కూల్‌ గేమ్స్‌ ఫెడరేషన్‌ (ఎస్‌జీఎఫ్‌) బాలికల విభాగం జిల్లా సెక్రటరీగా మండలంలో పలివెల జెడ్పీ హైస్కూలు పీడీ య ర్రంశెట్టి శేషసత్య ఉషారాణి నియమితులయ్యారు. ఈ మేరకు పాఠశాల విద్యా శాఖ కమిషనర్‌ ఉత్తర్వులు జారీ చేసినట్టు ఉషారాణి శనివారం తెలిపారు. ఖో–ఖో క్రీడలో 8 సార్లు జాతీయ స్థాయిలో పాల్గొన్న క్రీడాకారిణి అయిన ఉషారాణి వ్యాయామ ఉపాధ్యాయినిగా 1996లో సర్వీస్‌లో చేరారు. ఆమెను ఎంఈఓలు మట్టపర్తి హరిప్రసాద్‌, కే లీలావతి, పలివెల పాఠశాల హెచ్‌ఎం ఇందిరాబాయి తదితరులు అభినందించారు.

మొబైల్‌ వాహనాన్ని ప్రారంభించిన ఎస్పీ అమలాపురం టౌన్‌: నేర పరిశోధనలో శాసీ్త్రయ ఆధారాల సేకరణకు ప్రత్యేకంగా రూపొందించిన మొబైల్‌ ఫోరెన్సిక్‌ వాహనం పోలీసుల దర్యాప్తులో ఎంతో కీలకంగా ఉంటుందని జిల్లా ఎస్పీ రాహుల్‌ మీనా అన్నారు. జిల్లాకు కేటాయించిన మొబైల్‌ ఫోరెన్సిక్‌ వాహనాన్ని స్థానిక జిల్లా ఎస్పీ కార్యాలయ ప్రాంగణంలో శనివారం ఆయన ప్రారంభించారు. ఈ వాహనం నేర స్థలానికి నేరుగా చేరుకుని అక్కడిక్కడే ఆధారాలను గుర్తించడం, సేకరించడం, భద్ర పరచడం, డాక్యుమెంటేషన్‌ చేయడం వంటి పనులు చేస్తుందని ఈ సందర్భంగా ఎస్పీ వివరించారు. నేరస్తుల సాధారణ భౌతిక ఆధారాల సేకరణ, కంటికి కనిపించని ఆధారాలను గుర్తించేందుకు హై–ఇంటెన్సిటీ ఫోరెన్సిక్‌ లైట్‌ వంటి ఆధునాతన పరికరాలు ఈ వాహనంలో ఉన్నాయని తెలిపారు. ఈ వాహనంలో రక్తం, వీర్యం వంటి జీవ ఆధారాల ప్రాథమిక పరీక్ష, సేకరణ కిట్లు, డీఎస్‌ఏ నమూనా సేకరణ కిట్‌, మాదక ద్రవ్యాలు, పేలుడు పదార్థాల స్క్రీనింగ్‌ కిట్లు, గన్‌ షాట్‌ రెసిడ్యూ సేకరణ కిట్‌, బుల్లెట్‌ హోల్‌ పరిశీలన కిట్‌, ట్రేస్‌ ఎవిడెన్స్‌ కోసం స్టీరియో మైక్రో స్కోప్‌, డీఎస్‌ఎల్‌ఆర్‌ కెమెరా, బాడీ–వార్న్‌ కెమెరా వంటి ఆధునాతన సదుపాయాలు ఉంటాయని ఆయన చెప్పారు. వాహనంలో జీపీఎస్‌, సీసీ టీవీ, డ్యాష్‌ బోర్డు కెమెరా, వెయింగ్‌ బ్యాలెన్స్‌, మినీ రిఫ్రిజేటర్‌, ఎల్‌ఈడీ స్క్రీన్‌, పబ్లిక్‌ అనౌన్స్‌మెంట్‌ సిస్టం, బార్‌ కోడ్‌ స్కానర్‌, థర్మల్‌ ప్రింటర్‌, జనరేటర్‌ వంటి పరికరాలతో పాటు డిజిటల్‌ ఇన్వెస్టిగేషన్‌ కిట్‌ సదుపాయం కూడా ఉంటుందని వివరించారు. పోలీసుల దర్యాప్తులో ఈ వాహనంలో ఉన్న సదుపాయాలు ఎంతో కీలకం కానున్నయని ఎస్పీ తెలిపారు. ఈ పరికరాలు సేకరించిన ఆధారాలు సంబంధిత కేసును దర్యాప్తు చేస్తున్న అధికారికి అందించి కోర్టుల్లో సునాయాసంగా అందజేసేలా ఉపయోగపడతాయని చెప్పారు. ఇద్దరు ఉద్యోగులు వాహనంలో ఉండి పరికరాలు ఆపరేట్‌ చేస్తారన్నారు. వాహనం ప్రారంభ కార్యక్రమంలో స్పెషల్‌ బ్రాంచి సీఐ వి.పుల్లారావు, డీసీఆర్‌బీ సీఐ రాజేష్‌, ఏఆర్‌ ఆర్‌ఐ బ్రహ్మానందం తదితరులు పాల్గొన్నారు.

దక్షిణ కోస్తా రైల్వే చొరవతో తొలిసారిగా మహారాష్ట్రకు కాకినాడ రూరల్‌: కలప గుజ్జును రైలు మార్గంలో రవాణా చేసే కార్యక్రమానికి దక్షిణ కోస్తా రైల్వే శ్రీకారం చుట్టింది. భారతీయ రైల్వే చరిత్రలో తొలిసారిగా కాకినాడ పోర్టు నుంచి మహారాష్ట్రలోని భిగ్వాన్‌కు ఒక సరుకుగా దీనిని లోడ్‌ చేసి రవాణాను శనివారం ప్రారంభించింది. రోడ్డు మార్గం నుంచి రైలు మార్గానికి విజయవంతంగా మళ్లించడం ద్వారా సరకు రవాణా ఆదాయానికి కొత్త వనరుకు తెరతీసింది. గత 15 ఏళ్లుగా కాకినాడ నుంచి మహారాష్ట్రలోని కాగితపు పరిశ్రమలకు దిగుమతి చేసుకున్న కలప గుజ్జును రోడ్డు మార్గం ద్వారానే రవాణా చేసేవారు. ఈ రవాణాను రైలు మార్గానికి మళ్లించే అవకాశాలను గుర్తించిన దక్షిణ కోస్తా రైల్వే, పరిశ్రమ ప్రతినిధులతో చర్చలు జరిపి, వాస్తవ లోడింగ్‌ అవసరాలు, సుంకాల (టారిఫ్‌) విధానాన్ని పరిశీలించింది. వాస్తవానికి ఒక్కో వాగన్‌కు 45–50 టన్నుల కలప గుజ్జును మాత్రమే లోడ్‌ చేయగల సామర్థ్యం ఉంటుందని, అయితే రైల్వే వసూలు చేసే చార్జీల విధానం మాత్రం 65.1 టన్నుల సామర్థ్యం ఆధారంగా ఉండటం వల్ల రోడ్డు మార్గంతో పోలిస్తే రైలు రవాణా ఖరీదైనదిగా మారిందని గమనించారు. ఈ సమస్యను పరిష్కరించేందుకు, దక్షిణ కోస్తా రైల్వే పరిశ్రమ వర్గాలతో చర్చలు జరిపి, కలప గుజ్జు రవాణాకు తగిన రేట్లను నిర్ణయించాలని ఈ ఏడాది జూలైలో రైల్వే బోర్డుకు ఒక ప్రతిపాదన పంపింది. ఈ ప్రతిపాదన మేరకు, సరకు రవాణా టారిఫ్‌లోని క్లాస్‌–110 కింద కలప గుజ్జును ఒక వస్తువుగా చేర్చారు. దీనివల్ల రవాణా చార్జీలు గణనీయంగా తగ్గాయి. ఫలితంగా రోడ్డు మార్గం కంటే రైలు మార్గం ద్వారా రవాణా చేయడం మరింత చౌకగా మారింది. దీంతో 1061 కిలోమీటర్ల మేర సాగే సుదూర రవాణా రోడ్డు మార్గం నుంచి రైలు మార్గానికి విజయవంతంగా మళ్లింది. దిగుమతి చేసుకున్న కలప గుజ్జును తీసుకెళ్తున్న మొట్టమొదటి ’బోస్ట్‌’ (రేక్‌) కాకినాడలో లోడ్‌ చేయడంతో మహారాష్ట్రలోని భిగ్వాన్‌కు బయలుదేరింది. రూ.20 కోట్ల వార్షిక ఆదాయం.. ఒక్కో రేక్‌ (గూడ్స్‌ రైలు) రవాణా ద్వారా దాదాపు రూ.40 లక్షల ఆదాయం సమకూరుతుంది. తద్వారా దక్షిణ కోస్తా రైల్వేకు సంవత్సరానికి సుమారు 1.5 లక్షల టన్నుల అదనపు లోడింగ్‌తో పాటు, అంచనా ప్రకారం దాదాపు రూ.20 కోట్ల వార్షిక సరకు రవాణా ఆదాయం సమకూరుతుందని భావిస్తున్నారు. ఈ రవాణా మార్గాన్ని గుర్తించి, అభివృద్ధి చేసి విజయవంతంగా మళ్ళించడంలో సమష్టిగా కృషి చేసిన ప్రిన్సిపల్‌ చీఫ్‌ ఆపరేషన్స్‌ మేనేజర్‌ వినీత్‌ కుమార్‌, ప్రిన్సిపల్‌ చీఫ్‌ కమర్షియల్‌ మేనేజర్‌ కె.సాంబశివరావు, విజయవాడ డీఆర్‌ఎం మోహిత్‌ సోనకియాతో పాటు మొత్తం బృందాన్ని దక్షిణ కోస్తా రైల్వే జీఎం సందీప్‌ మాథుర్‌ అభినందించారు.

మాజీ ఎంపీ అనురాధ డిమాండ్‌ అల్లవరం: తిరుమల తిరుపతి దేవస్థానంలో కలియుగ దైవం శ్రీ వెంకటేశ్వర స్వామి వారికి సమర్పించే లడ్డు ప్రసాదం తయారీలో ఉపయోగించే నెయ్యిలో ఎలాంటి జంతు కొవ్వు అవశేషాలూ లేవని ఈడీ నిర్ధారించిందని, ఈ నేపథ్యంలో సీఎం చంద్రబాబు నాయుడు, ఉప ముఖ్యమంత్రి పవన్‌ కళ్యాణ్‌ భక్తులకు క్షమాపణలు చెప్పాలని మాజీ ఎంపీ చింతా అనురాధ డిమాండ్‌ చేశారు. ఈ మేరకు శనివారం ఆమె ఒక ప్రకటన విడుదల చేశారు. తాజాగా వెలువడిన ఈడీ దర్యాప్తు వివరాలతో లడ్డు వ్యవహారానికి తెరపడిందని ఆమె తెలిపారు. రాజకీయ ప్రయోజనాల కోసం చంద్రబాబు, పవన్‌, కూటమి నేతలు.. కోట్లాది మంది శ్రీవారి భక్తుల మనోభావాలను దెబ్బతీసేలా ఆరోపణలు చేశారని విమర్శించారు. పవిత్రమైన శ్రీవారి ప్రసాదాన్ని రాజకీయాలకు ఉపయోగించుకుని, వైఎస్సార్‌సీపీ ప్రభుత్వంపై, వైఎస్‌ జగన్‌మోహన్‌రెడ్డిపై దుష్ప్రచారం చేయడం దారుణమని పేర్కొన్నారు. భక్తుల విశ్వాసాలకు సంబంధించిన పవిత్రమైన అంశాలను రాజకీయ ప్రయోజనాల కోసం ఉపయోగించుకోవడం ఇకనైనా మానుకోవాలని కూటమి నేతలకు హితవు పలికారు. కూటమి ప్రభుత్వం ఎన్ని దుష్ప్రచారాలు చేసినా నిజం తేటతెల్లమైందని ఆమె తెలిపారు. నాలుగో రోజుకు చేరిన వీఆర్‌ఏల సమ్మె పి.గన్నవరం: తమ డిమాండ్లను అమలు చేయాలని కోరుతూ పి.గన్నవరం తహసీల్దార్‌ కార్యాలయం వద్ద వీఆర్‌ఏలు చేపట్టిన సమ్మె శనివారం నాటికి నాలుగో రోజుకు చేరుకుంది. నామినీలుగా పనిచేస్తున్నవారిని వీఆర్‌ఏలుగా నియమించాలని, అర్హత ఉన్న వీఆర్‌ఏలకు పదోన్నతి కల్పించాలని డిమాండ్‌ చేశారు. ఆందోళన కార్యక్రమంలో మండల వీఆర్‌ఏల సంఘ అధ్యక్ష కార్యదర్శులు ఆకుమర్తి శ్రీకృష్ణ శ్రీనివాసరావు, యార్లగడ్డ మహాలక్ష్మి, గౌరవాధ్యక్షుడు చిలకపాటి చిన్నారావు, ఉపాధ్యక్షుడు పల్లేరు చిట్టి వెంకన్న, కుంపట్ల రామకృష్ణ తదితరులు పాల్గొన్నారు. జూనియర్‌ సివిల్‌ జడ్జిల బదిలీలు కాకినాడ లీగల్‌: పలువురు జూనియర్‌ సివిల్‌ జడ్జిలకు కొత్త నియామకాలు, బదిలీలు చేస్తూ హైకోర్టు శుక్రవారం ఉత్తర్వులు జారీ చేసింది. చిత్తూరు జిల్లా పుంగనూరు ఒకటో అదనపు జూనియర్‌ సివిల్‌ జడ్జిగా విధులు నిర్వహిస్తున్న కె.కృష్ణవంశీని బదిలీపై కాకినాడ నాలుగో అదనపు జూనియర్‌ సివిల్‌ జడ్జిగా నియమించారు. కర్నూలు జిల్లా ఆదోని రెండో అదనపు జూనియర్‌ సివిల్‌ జడ్జి ఆత్మకూరి వెంకట సాయి శ్రీవల్లిని బదిలీపై కాకినాడ ఒకటో జూనియర్‌ సివిల్‌ జడ్జిగా నియమిస్తూ ఆదేశాలిచ్చింది.

జస్టిస్‌ బులుసు శివశంకర్‌ అమలాపురం రూరల్‌: కోనసీమలో అనాదిగా వేదం పరిఢవిల్లుతోందని తెలంగాణ రాష్ట్ర పోలీస్‌ కంప్లయింట్‌ అథారిటీ చైర్మన్‌ జస్టిస్‌ బులుసు శివశంకర్‌ అన్నారు. మండలంలోని సాకుర్రు గ్రామంలో రాణి హయగ్రీవ అవధాని వేద శాస్త్ర పరిషత్‌, ఆత్రేయ మహర్షి వేద శాస్త్ర పరిషత్‌ ఆధ్వర్యంలో గుల్లపల్లి దత్తాత్రేయ ఘనాపాటి అధ్యక్షతన శనివారం నిర్వహించిన వార్షిక వేద సభలో ఆయన ముఖ్య అతిథిగా ప్రసగించారు. కోనసీమ వేదాలకు పుట్టినిల్లని, అటువంటి సీమలో వేద శాస్త్ర పరిషత్తులు సభలు నిర్వహించడం ఎంతో ప్రశంసనీయమని చెప్పారు. గోదావరి జిల్లా నుంచి వేద పండితులు అధిక సంఖ్యలో పాల్గొని వేద స్వస్తి నిర్వహిచారు. విశ్వనాథ గోపాలకృష్ణ ఘనాపాటి, వడ్లమాని సుబ్రమణ్య ఘనాపాటి, దువ్వూరి ప్రకాశ అవధానులు, తిరుమల తిరుపతి దేవస్థానం పండితుడు చిన్న ఆంజనేయ ఘనాపాటి ప్రసం గించారు. ఈ సందర్భంగా శతాధిక స్మార్త పండితుడు గరిమెళ్ళ విశ్వనాథంను సత్కరించారు.

● రైతులు తీవ్రంగా నష్టపోతున్నారు ● చంద్రబాబు తీరుపై వైఎస్సార్‌సీపీ జిల్లా అధ్యక్షుడు జగ్గిరెడ్డి విమర్శలు రావులపాలెం: రాష్ట్రంలో కరువు పరిస్థితులు స్పష్టంగా కనిపిస్తున్నాయని, రైతుల పక్షపాతినని చెప్పుకొనే చంద్రబాబు ఇప్పటివరకు కరువు మండలాలను ఎందుకు ప్రకటించలేదో చెప్పాలని వైఎస్సార్‌సీపీ జిల్లా అధ్యక్షుడు చిర్ల జగ్గిరెడ్డి డిమాండ్‌ చేశారు. స్థానిక వైఎస్సార్‌సీపీ క్యాంపు కార్యాలయంలో శనివారం ఏర్పాటుచేసిన విలేకరుల సమావేశంలో ఆయన మాట్లాడారు. రాష్ట్రవ్యాప్తంగా 50 శాతం వర్షపాత లోటు ఉంటే, ఒక్క డాక్టర్‌ బీఆర్‌ అంబేడ్కర్‌ కోనసీమ జిల్లాలోనే 57 శాతం లోటు నమోదైందన్నారు. ఈ పరిస్థితుల్లో పక్క ఉన్న కర్ణాటక వంటి రాష్ట్రాలు ఆగస్టు 28వ తేదీనే కరువు మండలాలను ప్రకటించాయన్నారు. కరువు ప్రకటన లేకపోవడం వల్ల రైతులు తీవ్రంగా నష్టపోతారని చెప్పారు. కరువు మండలాలు ప్రకటిస్తే రైతులకు ఎంతో మేలు జరుగుతుందని, బ్యాంకుల రుణాలు రీషెడ్యూల్‌ అవుతాయని, క్రాప్‌ ఇన్సూరెన్స్‌ వర్తిస్తుందని, ఇన్‌పుట్‌ సబ్సిడీ అందుతుందని వివరించారు. ఇవేవీ ఇవ్వకూడదనే ఉద్దేశంతోనే చంద్రబాబు ప్రభుత్వం కరువు మండలాలను ప్రకటించడం లేదని విమర్శించారు. మోంథా తుపాను బకాయిలే రూ.800 కోట్లు ఉన్నాయని, కరువు ప్రకటిస్తే రూ.6 వేల కోట్లకు పైగా ఇన్‌పుట్‌ సబ్సిడీ ఇవ్వాల్సి వస్తుందనే నెపంతో ప్రభుత్వం కాలయాపన చేస్తోందని చెప్పారు. యూరియా కూడా ఇవ్వట్లేదు.. జిల్లాలో కనీసం యూరియా కూడా దొరకని పరిస్థితి ఉందని, రైతులు బ్లాక్‌ మార్కెట్‌లో ఎరువులు కొనుక్కోవాల్సి వస్తోందని జగ్గిరెడ్డి తెలిపారు. జిల్లాకు ప్రాతినిధ్యం వహిస్తున్న వ్యవసాయ మంత్రి కొబ్బరి, కోకో, కంద వంటి పంటలకు కేజీ యూరియా కూడా ఇవ్వడం లేదన్నారు. క్యాబేజీకి 3 కేజీలు కావాల్సి ఉంటే అర కేజీ మాత్రమే ఇస్తున్నారన్నారు. మరోవైపు ఎరువుల ధరలను విపరీతంగా పెంచేశారన్నారు. దీనివల్ల ఎకరాకు రూ.10 వేలు అదనపు భారం పడుతుందని చెప్పారు. కాలువ చివరి భూములకు సాగునీరందడం లేదని తెలిపారు. టన్నుకు రూ.26 వేల వరకు మేత ధర పెంచి ఆక్వా రైతునూ కోలుకోలేని దెబ్బతీశారని విమర్శించారు. నిత్యావసరాల ధరలు మండిపోతుండటంతో సామాన్య ప్రజలు అల్లాడిపోతున్నారని చెప్పారు. తక్షణమే రాష్ట్రంలో వర్షాభావ మండలాలను ’కరువు మండలాలు’గా ప్రకటించాలని వైఎస్సార్‌ సీపీ తరపున డిమాండ్‌ చేస్తున్నామన్నారు. అక్రమార్జనలో బిజీగా కూటమి నేతలు నియోజకవర్గాల్లో బెల్ట్‌ షాపులు, లిక్కర్‌ కమీషన్ల ద్వారా వచ్చే లాభాలను పంచుకోవడంలోనే కూటమి నాయకులు బిజీగా ఉన్నారని, సందుసందునా బెల్ట్‌ షాపులు నడుస్తున్నా ప్రభుత్వం పట్టించుకోవడం లేదని దుయ్యబట్టారు. మద్యంలో స్థానిక ఎమ్మెల్యే రూ.3 కోట్ల వరకు మామూళ్ళు తీసుకుని తమ్ముళ్ళకు నష్టాలను పంచారని వాళ్ళ నాయకులే చెబుతున్నారన్నారు. సమావేశంలో నేతలు కె.శ్రీనివాసరావు, జి.రమాదేవి, ఎం.గంగాధరరావు, బి.కరుణాకరం, టి.శ్రీను తదితరులు పాల్గొన్నారు.

సాక్షి, అమలాపురం: ఒకటి కాదు.. రెండు కాదు.. పాతికేళ్లు దాటింది. కోనసీమ రైల్వే ప్రాజెక్టుకు పనులు ప్రారంభించి రజతోత్సవమవుతోంది. శంకుస్థాపన నాటి ఆశలు ఇప్పటికీ సాకారం కాలేదు. కోనసీమకు రైలు వస్తుందన్న కల ఇంకా పట్టాలకెక్కలేదు. అమలాపురం వేదికగా 2000 నవంబర్‌ 16న అప్పటి కేంద్ర రైల్వే మంత్రి మమతా బెనర్జీ కోటిపల్లి–నరసాపురం రైల్వే లైన్‌కు శంకుస్థాపన చేశారు. కాకినాడ నుంచి కోటిపల్లి వరకు పూర్తయిన ఈ రైల్వే లైన్‌ అక్కడి నుంచి ముందుకు సాగడం లేదు. మొత్తం 57.21 కిలోమీటర్ల ఈ రైల్వే మార్గం కోనసీమను రైల్వే పటంలోకి తీసుకురావడంతో పాటు వరి, కొబ్బరి, అరటి, ఆక్వా తదితర వ్యవసాయ ఉత్పత్తుల రవాణాకు కూడా కీలకంగా మారుతుందని స్థానికులు ఎన్నో ఆశలు పెట్టుకున్నారు. 25 ఏళ్ల దాటినా అవే ఎదురు చూపులు 2000–01లో ప్రాజెక్టు రైల్వే బడ్జెట్‌లోకి వచ్చింది. తొలినాళ్లలో సుమారు రూ.329 కోట్లుగా ఉన్న అంచనా వ్యయం కాలక్రమంలో భారీగా పెరిగి రూ.2120 కోట్లకు చేరింది. 2023 మార్చి నాటికి రైల్వే శాఖ రూ.1181 కోట్లు ఖర్చు చేసింది. అయినా రైలు పరుగులు పెట్టే పరిస్థితి రాలేదు. ప్రాజెక్టు జాప్యం కోనసీమలో అసంతృప్తికి ప్రధాన కారణంగా మారింది. నవంబరు నాటికి పాతకేళ్లవుతున్నా 2026లోనూ కోటిపల్లి–నరసాపురం కొత్త రైల్వే లైనన్‌ కొనసాగుతున్న ప్రాజెక్టుల జాబితాలోనే ఉండిపోయింది. మూడు వంతెనలకు సంబంధించి పిల్లర్లు మాత్రమే పూర్తయ్యాయి. వాటిపై గెడ్డర్ల నిర్మాణం జరగడం లేదు. గౌతమీ నదిపై గెడ్డర్ల నిర్మాణాలకు టెండర్లు ఖరారై మూడేళ్లు కావస్తున్నా పనులు మొదలు కాలేదు. భూసేకరణే అతి పెద్ద సమస్య కోటిపల్లి–నరసాపురం రైల్వే లైన్‌కు మొత్తం 421.35 హెక్టార్ల భూమి అవసరమని 2024లో కేంద్రం తెలిపింది. అందులో అప్పటికి రాష్ట్ర ప్రభుత్వం 162.52 హెక్టార్లను మాత్రమే రైల్వేకు అప్పగించింది. మిగిలిన భూమి అందుబాటులోకి రాకపోవడంతో పనులు వేగంగా సాగలేదని కేంద్రం స్పష్టం చేసింది. అందుబాటులో ఉన్న భూముల్లో మాత్రం పనులు కొనసాగుతున్నాయని తెలిపింది. ఆ తర్వాత భూసేకరణ ప్రక్రియలో కొంత పురోగతి వచ్చినప్పటికీ సమస్య పూర్తిగా పరిష్కారం కాలేదు. అమలాపురం–గుడిమెల్లంక మధ్య అలైన్‌మెంట్‌ మార్పుపై 2024–25లో హైకోర్టులో పిటిషన్లు దాఖలయ్యాయి. భూసేకరణకు సంబంధించిన అభ్యంతరాలు, పరిహారం అంశాలు కూడా ప్రాజెక్టు వేగాన్ని ప్రభావితం చేస్తున్నాయి. గోదావరి పాయలపై.. మూడు భారీ వంతెనలు కోనసీమ రైల్వే ప్రాజెక్టులో అత్యంత క్లిష్టమైన భాగం గోదావరి పాయలపై వంతెనల నిర్మాణం. గౌతమీ, వైనతేయ, వశిష్ఠ నదులపై భారీ రైల్వే వంతెనలు నిర్మించాల్సి ఉంది. ఈ మూడు వంతెనల పనులు వివిధ దశల్లో కొనసాగుతున్నట్టు రైల్వేశాఖ అధికారులు చెబుతున్నారు. గడచిన రెండున్నరేళ్లుగా కేవలం రెండు, మూడు పిల్లర్ల పనులు మాత్రమే పూర్తయ్యాయి. మరీ ముఖ్యంగా గడచిన ఏడాది కాలంగా దాదాపు పనులు నిలిచిపోయాయి. భూసేకరణ ఒకవైపు.. వంతెనల నిర్మాణం మరోవైపు.. పెరుగుతున్న నిర్మాణ వ్యయం ఇంకోవైపు.. ఇలా ప్రాజెక్టు ముందుకు సాగుతున్న ప్రతి దశలో కొత్త సవాళ్లు ఎదురవుతున్నాయి. నిరసన తెలిపినా బాబు నుంచి స్పందన లేదు ఇటీవల భూసేకరణకు నిధులు, పరిహారం, పనుల వేగవంతంపై స్పష్టమైన హామీ ఇవ్వాలని డిమాండ్‌ చేస్తూ విద్యార్థులు, ప్రజా సంఘాల ప్రతినిధులు నిరసనలు చేపట్టారు. ముఖ్యమంత్రి చంద్రబాబు ఈ నెల తొమ్మిదిన అంబాజీపేట పర్యటనకు వచ్చిన నేపథ్యంలో కోనసీమ రైల్వేలైన్‌ అంశం చర్చనీయాంశమైంది. ప్రాజెక్టుకు భూసేకరణ సమస్య పరిష్కారం, రాష్ట్ర వాటా నిధుల విడుదల, కేంద్రంతో సమన్వయం వంటి అంశాలపై స్పష్టత వస్తుందని ప్రజా సంఘాలు ఆశించాయి. పర్యటనలో ఈ ప్రాజెక్టుపై చంద్రబాబు నుంచి నిర్దిష్టమైన హామీ రాకపోవడం గమనార్హం. కూటమి అధికారంలోకి వచ్చి రెండున్నరేళ్లవుతోంది. వచ్చే రెండున్నరేళ్లలోనూ ఈ ప్రాజెక్టు పూర్తయ్యే పరిస్థితి కనిపించడం లేదు. జగన్‌ హయాంలో రూ.50 కోట్ల కేటాయింపులు.. మాజీ ముఖ్యమంత్రి వైఎస్‌ జగన్‌మోహన్‌రెడ్డి ప్రభుత్వ హయాంలో 2023లో భూసేకరణకు రూ.50 కోట్ల కేటాయింపులు చేశారు. ప్రభుత్వం మారిన తరువాత భూ సేకరణ వివాదాలుగా మారింది. దీనిపై ప్రభుత్వానికి చిత్తశుద్ధి లేకపోవడం కూడా ఒక కారణం. మరోవైపు ప్రాజెక్టును త్వరగా పూర్తి చేయాలని కోనసీమ జేఏసీ, రైల్వే సాధన సమితి తదితర ప్రజా సంఘాలు ఆందోళనలు చేస్తున్నాయి. హామీలు గాలికొదిలేశారు.. చంద్రబాబుతో పాటు ఉప ముఖ్యమంత్రి పవన్‌ కల్యాణ్‌ తదితరులు ప్రాజెక్టు పూర్తి చేస్తామని గతంలో హామీలు ఇచ్చిన నేపథ్యంలో ఇప్పుడు ఆ హామీలు కార్యరూపం దాల్చేలా చర్యలు చేపట్టాలని కోనసీమ ప్రజలు కోరుతున్నారు. రైల్వే ప్రాజెక్టు పనులు నిలిచిపోవడానికి రాష్ట్ర వాటా బకాయిలు, భూమి అప్పగింతలో జాప్యమే కారణమని కేంద్రం చెబుతోంది.

పిఠాపురం: ఉష్ణోగ్రతల్లో అస్తవ్యస్త మార్పులకు పట్టు రైతులు తీవ్రంగా నష్టపోతున్నారు. రేయింబవళ్లు కష్టపడి పెంచిన పట్టు పురుగులు గూళ్లు అల్లుకునే నాలుగు, ఐదు దశల్లో చనిపోతుండడంతో కనీస పెట్టుబడులు రాక రూ.కోట్లలో నష్టపోతున్నారు. వాతావరణంలో విపరీత మార్పుల వల్ల ‘ప్రాచీన్‌’, ’గ్రాసరీ’ వంటి వైరల్‌ వ్యాధులు వ్యాపించి గూడు పెట్టే దశలో పురుగులు చనిపోతుండడం ఒక కారణమైతే, ప్రభుత్వ, ప్రైవేటు చాకీ సెంటర్ల నుంచి సరఫరా అయ్యే గుడ్లు, పురుగులలో నాణ్యతా లోపం మరో కారణమని రైతులు అంటున్నారు. లక్షల్లో పెట్టుబడి ఎకరం మల్బరీ తోట నిర్వహణకు ప్రతి విడతకూ రూ.70 వేల నుంచి రూ.లక్ష వ్యయమవుతుంది. పురుగులు గూళ్లు అల్లే చివరి నాలుగు, ఐదు దశల్లో ఉష్ణోగ్రతల్లో విపరీత మార్పుల వల్ల అవి చనిపోతుండడంతో పెట్టుబడులు, కష్టం వృథాపోతున్నాయి. ప్రభుత్వం, పట్టు పరిశ్రమల శాఖ తక్షణం స్పందించి ఆదుకోవాలని రైతులు ఆందోళన వ్యక్తం చేస్తున్నారు. ఉమ్మడి జిల్లాలో సాగు ఇలా.. రాష్ట్రంలో పలమనేరు, హిందూపురంతో పాటు జిల్లాలో గొల్లప్రోలు మండలం చేబ్రోలులో పట్టుగూళ్ల కొనుగోలు కేంద్రాలు ఉన్నాయి. ఉమ్మడి జిల్లాలో కోనసీమలోని అమలాపురం, రాజమహేంద్రవరం మినహా ఎజన్సీలో 5, పెద్దాపురం డివిజన్‌లో 12, కాకినాడ డివిజన్‌లో 2 మండలాల్లో 4500 ఎకరాల్లో 1100 మంది రైతులు మల్బరీ సాగు చేసేవారు. ఇలా రోజుకు ఐదు టన్నుల పట్టుగూళ్లు దిగుబడి ఉండేది. ప్రభుత్వ ప్రోత్సాహం కరువు గతంలో జిల్లాలో పండించిన పట్టుగూళ్లకు కేజీ రూ.550 వరకు ధర పలకగా ప్రస్తుతం రూ.250 కూడా పలకక రైతులు నష్టపోతున్నారు. ప్రభుత్వం ఇవ్వాల్సిన ఇన్సెంటివ్‌ సైతం రూ.4 కోట్ల మేర బకాయి పెట్టింది. షెడ్ల నిర్మాణానికి ప్రోత్సాహకాలు లేవు. వీటన్నింటికీ తోడు తెగుళ్ల బెడదతో పురుగులు గూళ్ల కట్టని పరిస్థితి నెలకొంది. పక్క పొలాల్లో పురుగు మందుల వల్లే.. రైతుల విజ్ఞప్తితో మల్బరీ పంటలను పరిశీలించిన శాస్త్రవేత్తలు సమీప పొలాల్లో పిచికారీ చేస్తున్న పురుగు మందుల వల్లే పట్టు పురుగులు చనిపోతున్నాయని చెప్తున్నారు. పంట నష్టాలకు కారణమవుతున్న తెగుళ్ల నివారణ చర్యలను ఇప్పటికీ అధికారులు చెప్పకపోవడంతో అసలు సాగుకు దూరమయ్యే పరిస్థితి నెలకొందని రైతులు అంటున్నారు. చేబ్రోలులో కనుమరుగు కానున్న మల్బరీ తోటలు చేబ్రోలులో పట్టు పురుగుల పెంపకం షెడ్‌ గూళ్లు కట్టే వేళ చనిపోతున్న పట్టు పురుగులు ఉష్ణోగ్రతల్లో తీవ్ర మార్పులతో వైపరీత్యం రూ.లక్షల్లో ఖర్చుచేసి నష్టపోతున్న రైతులు మూడు వేల నుంచి 300ఎకరాలకు పడిపోయిన మల్బరీ సాగు పట్టించుకునే వారు లేరు పంటలు నష్టపోతున్నా అధికారులు పట్టనట్టు వ్యవహరిస్తున్నారు. చేబ్రోలులో ఇప్పటికే 50 మంది వరకు రైతులు తీవ్ర నష్టాల పాలయ్యారు. కలెక్టర్‌ మా సమస్యను పరిశీలించి ఆదుకోవాలి. – వులవకాయల రాంబాబు, పట్టు రైతు, చేబ్రోలు, గొల్లప్రోలు మండలం సాగంటేనే భయమేస్తోంది గతంలో పట్టు సాగంటే పరుగులు తీసే రైతులు నేడు భయపడుతున్నారు. ఇప్పటికే చాలా మంది పంటకు దూరమయ్యారు. మండలంలో పట్టు సాగు లేకుండా పోయే పరిస్థితి ఎదురవుతోంది. పట్టు పురుగు గూడు ఎందుకు కట్టడం లేదో శాస్త్రవేత్తలు పరిశోధించి నివారణ చర్యలు సూచించాలి. – ఓరుగంటి రామారావు, పట్టు రైతు, చేబ్రోలు, గొల్లప్రోలు మండలం

అమలాపురం టౌన్‌: జిల్లా స్కూల్‌ గేమ్స్‌ ఫెడరేషన్‌ (ఎస్‌జీఎఫ్‌) సెక్రటరీగా అమలాపురం జెడ్పీ బాలుర హైస్కూలు వ్యాయామ ఉపాధ్యాయుడు కామన గణేష్‌కుమార్‌ నియమితులయ్యారు. ఈ మేరకు కమిషనర్‌ ఆఫ్‌ స్కూల్‌ ఎడ్యుకేషన్‌ కార్యాలయం నుంచి ఆయనకు ఉత్తర్వులు జారీ అయ్యాయి. క్రీడా రంగంలో 30 సంవత్సరాల అనుభవంతో విద్యార్థుల్లో క్రీడా నైపుణ్యం అభివృద్ధికి చేస్తున్న కృషిని పరిగణనలోకి తీసుకుని ఆయనకు ఈ బాధ్యతలు అప్పగించారు. ఏడాది పాటు ఆయన ఈ బాధ్యతల్లో కొనసాగనున్నారు. జిల్లాలోని పాఠశాల విద్యార్థుల్లో క్రీడా ప్రతిభను వెలికితీసి వివిధ పోటీలను సమర్ధవంతంగా నిర్వహించడంలో కీలక పాత్ర పోషించాల్సి ఉంది. పాఠశాల హెచ్‌ఎం షేక్‌ అలీ, పీఈటీలు తోట రవి, పరమట ప్రసాద్‌, సిబ్బంది శుక్రవారం ఆయన్ని అభినందించారు. బోధనేతర యాప్‌ల భారం తగ్గించాలి డీఈవోకు ఆప్టా జిల్లా అధ్యక్షుడి వినతి అమలాపురం టౌన్‌: ఉపాధ్యాయులకు బోధనేతర యాప్‌ల భారం తగ్గించాలని, పలు రకాల ప్రభుత్వ పోర్టళ్లతో రోజూ డేటా ఎంట్రీ, వీడియోలు, సర్టిఫికెట్ల భారం వల్ల పాఠశాలల్లో బోధన కుంటుపడుతోందని ఏపీపీటీఏ (ఆప్టా) జిల్లా సంఘ అధ్యక్షుడు షబ్బీర్‌ హుస్సేన్‌.. అమలాపురంలోని డీవైఈవో కార్యాలయంలో డీఈవో ఎస్‌కే మహబూబ్‌ బాషా, జిల్లా సమగ్ర శిక్షా ఏపీసీ జి.మమ్మీలకు వినతి పత్రం అందించారు. యుడైస్‌లో వేరియేషన్స్‌ వల్ల ఉపాధ్యాయులు తీవ్ర ఇబ్బందులు పడుతున్నారని, దీనిని సరళీకృతం చేయాలని ఈ సందర్భంగా కోరారు. మధ్యాహ్న భోజన పథకం బిల్లులు సక్రమంగా, సకాలంలో విడుదల చేయాలని అభ్యర్థించారు. రేపు వైఎస్సార్‌ సీపీ బీసీ సెల్‌ జిల్లా సమావేశం అమలాపురం టౌన్‌: వైఎస్సార్‌సీపీ బీసీ సెల్‌ జిల్లా సమావేశం అమలాపురంలో ఆదివారం సాయంత్రం జరగనుందని ఆ విభాగం జిల్లా అధ్యక్షుడు మట్టపర్తి నాగేంద్ర శుక్రవారం తెలిపారు. కోనసీమ జిల్లా ఏర్పడిన తరువాత జరిగే బీసీ సెల్‌ తొలి సమావేశం ఇదేనని ఆయన చెప్పారు. ఈ సమావేశానికి పార్టీ బీసీ సెల్‌ రాష్ట్ర కో ఆర్డినేటర్‌ నౌడు వెంకటరమణ, ఎమ్మెల్సీ కుడుపూడి సూర్యనారాయణరావు, మాజీ ఎంపీ, మాజీ మంత్రి పిల్లి సుభాష్‌చంద్రబోస్‌, మాజీ మంత్రి, తూర్పుగోదావరి పార్టీ జిల్లా అధ్యక్షుడు చెల్లుబోయిన వేణుగోపాలకృష్ణ ముఖ్య అతిథులుగా హాజరవుతారని తెలిపారు. పార్టీ జిల్లా బీసీ సెల్‌కు చెందిన నాయకులు, కార్యకర్తలు సమావేశానికి హాజరై విజయవంతం చేయాలని ఆయన కోరారు. విమాన ఇంధన ప్రాజెక్టుపై ప్రహసనంగా పబ్లిక్‌ గ్రీవెన్స్‌ కాకినాడ రూరల్‌: కాకినాడ యాంకరేజ్‌ పోర్టు సమీపంలో ప్రతిపాదించిన సుస్థిర విమాన ఇంధన ప్రాజెక్టుపై పర్యావరణ ప్రజాభిప్రాయ సేకరణ పూర్తిగా ప్రహసనంగా మారిందని కాకినాడ పౌర సంక్షేమ సంఘం తీవ్ర ఆగ్రహం వ్యక్తం చేసింది. స్థానిక రైతులకు, మత్స్యకారులకు తీర ప్రాంత నగర గ్రామీణ ప్రజలకు పత్రికా ముఖంగా కనీస సమాచారం ఇవ్వకుండా, నోటిఫికేషన్‌ వివరాలను గోప్యంగా ఉంచి నిర్వహించిన ఈ సేకరణ చట్టవిరుద్ధమని పౌర సంక్షేమ సంఘం కన్వీనర్‌, ప్రముఖ సామాజిక వేత్త రమణరాజు దుయ్యబట్టారు. దీనిపై కేంద్ర పర్యావరణ, అటవీ మంత్రిత్వ కాలుష్య నియంత్రణ ఉన్నతాధికారులకు, సుప్రీంకోర్టుకు లేఖ పంపినట్టు తెలిపారు. లోపభూయిష్టంగా జరిగిన నిన్నటి సమావేశాన్ని రద్దు చేసి, స్థానిక భాషలో పూర్తి నివేదికలను ప్రజలకు అందుబాటులో ఉంచి తక్షణమే ప్రత్యేక గ్రీవెన్స్‌ నిర్వహించాలని డిమాండ్‌ చేశారు. అత్యంత సున్నితమైన కాకినాడ తీర ప్రాంతంలో వందలాది ఎకరాల మడ అడవులు, సముద్ర జీవ వైవిధ్యం, సీఆర్‌జెడ్‌ పరిధిని ఈ ప్లాంట్‌ తీవ్రంగా దెబ్బతీస్తుందని ఆందోళన వ్యక్తం చేశారు. పర్యావరణ విధ్వంసం వల్ల మత్స్యకారుల జీవనోపాధి, తాగునీటి భద్రత పణంగా పెడుతున్నారని మండిపడ్డారు. పరిశ్రమల పేరుతో తీరప్రాంతాన్ని ఆక్రమించుకుంటూ, స్థానిక యువతకు ఉద్యోగాల్లో ఇచ్చే ప్రాధాన్యతపై కంపెనీ యాజమాన్యం స్పష్టమైన లిఖితపూర్వక హామీ ఇవ్వాలని డిమాండ్‌ చేశారు.

కారు, 67 బ్యాటరీలు, రూ. 3.75 లక్షల నగదు స్వాధీనం ప్రత్తిపాడు: ఉమ్మడి తూర్పుగోదావరి జిల్లాగా ఉన్న కాలంలో వివిధ ప్రాంతాల్లో సెల్‌ఫోన్‌ టవర్ల బ్యాటరీల చోరీలకు పాల్పడిన వారిని పోలీసులు శుక్రవారం అరెస్టు చేశారు. ఆయా టవర్లలో పనిచేసే టెక్నిషీయన్లే ఈ చోరీలకు పాల్పడం విశేషం. కొన్ని బ్యాటరీలతో కారులో వెళ్తున్న నిందితులను మండలంలోని లంపకలోవ గ్రామ సమీపంలో అదుపులోకి తీసుకున్నారు. స్థానిక పోలీస్‌ స్టేషన్‌లో డీఎస్పీ ఏబీజీ తిలక్‌ శుక్రవారం సాయంత్రం విలేకరులకు ఆ వివరాలను అందించారు. కొంత కాలంగా ప్రత్తిపాడు, అన్నవరం, కిర్లంపూడి, గండేపల్లి, పిఠాపురం, తొండంగి, తుని, అనపర్తి తదితర ప్రాంతాల్లో వరసగా సెల్‌ ఫోన్‌ టవర్ల బ్యాటరీలు చోరీకి గురవుతున్నాయి. పోలీసులకు ఫిర్యాదులు అందిన మేరకు ఈ బ్యాటరీల నిర్వహణ తెలిసిన వారే ఈ చోరీలకు పాల్పడినట్టు గుర్తించారు. సీఐ బి.సూర్య అప్పారావు పర్యవేక్షణలో ఎస్సై ఎస్‌.లక్ష్మీకాంతం సిబ్బందితో ముమ్మర గస్తీ ఏర్పాటు చేశారు. శుక్రవారం 11 అమర్‌రాజ్‌ 600 ఎంఏహెచ్‌ బ్యాటరీలతో వెళ్తున్న కారును లంపకలోవ గ్రామ సమీపంలో ఎస్సై లక్ష్మీకాంతం అదుపులోకి తీసుకుని, కారులో ఉన్న గొల్లప్రోలు మండలం తాటిపర్తికి చెందిన ఎయిర్‌టెల్‌ టెక్నీషియన్‌ అమలకంటి సూరిబాబు అనే సురేంద్ర, తుని మార్కెండేయ పేటకు చెందిన ఎయిల్‌టెల్‌ టెక్నీషియన్‌ చిదం కనక దుర్గా పార్థసారధి అనే పార్థు, తుని గవరపేటకు చెందిన ఏటీసీ టెక్నీషియన్‌ అల్లవరపు వెంకటేష్‌ మరికొంత మంది ముఠాగా ఏర్పడి రాత్రి సమయాల్లో వరస దొంగతనాలకు పాల్పడుతున్నారు. నిందితులు ఇచ్చిన వాగ్మూలం మేరకు చోరీ చేసిన బ్యాటరీలను తుని గ్రామానికి చెందిన పాత ఇసుప సామాను కొట్టు యజమాని పులి రామకృష్ణారెడ్డికి విక్రయిస్తున్నారు. వీరి నలుగురిని పోలీసులు అరెస్టు చేశారు. మొత్తం జిల్లాలో రూ.4 లక్షల విలువ చేసే 374 బ్యాటరీలు చోరీకి గురైనట్టు ఫిర్యాదులు అందాయి. అయితే వీటిలో 56 సెల్‌ టవర్లకు చెందిన 67 బ్యాటరీలను, కొన్నింటిని విక్రయించగా వచ్చిన రూ.3.75 లక్షల నగదును నిందితుల నుంచి స్వాధీనం చేసుకున్నారు. ఈ ముఠాకు చెందిన మిగిలిన వారిని త్వరలోనే అరెస్టు చేస్తామని, నిందితులపై సస్పెక్ట్‌ షీట్లు తెరిచి, ఆయా స్టేషన్లకు పంపిస్తామని డీఎస్పీ తిలక్‌ తెలిపారు. ఈ సమావేశంలో ప్రత్తిపాడు సీఐ బి.సూర్య అప్పారావు, ఎస్సై ఎస్‌.లక్ష్మీకాంతం తదితర సిబ్బంది పాల్గొన్నారు.

● పుష్కర కాలంలో రెండో అత్యల్ప ఇన్‌ఫ్లో ● 2017లో అతి తక్కువగా 1291.80 టీఎంసీలు ● ఈ ఏడాది మరింత దిగువకు ● సెప్టెంబరు 18 నాటికి 1102.801 టీఎంసీలే ● డిసెంబరు నాటికి పెరిగినా పెద్దగా ఆశాజనకం కాదంటున్న నిపుణులు ● రబీ గట్టెక్కాలంటే కనీసం 3 వేల టీఎంసీల ఇన్‌ఫ్లో అవసరం ● అప్పుడే రబీ కాలంలో సహజ జలాల రాక సాక్షి, అమలాపురం: గోదావరి డెల్టా రైతాంగంలో రబీపై మళ్లీ ఆందోళన మొదలైంది. పుష్కర కాలంలో గోదావరిలో ఇన్‌ఫ్లో ఈ స్థాయిలో తగ్గిపోవడం రైతులను కలవరపెడుతోంది. ధవళేశ్వరం వద్ద సర్‌ ఆర్థర్‌ కాటన్‌ బ్యారేజీకి వస్తున్న నీటి ప్రవాహ గణాంకాలను పరిశీలిస్తే పరిస్థితి తీవ్రత స్పష్టమవుతోంది. గత పుష్కర కాలంలో అత్యల్పంగా 2017లో 1291.80 టీఎంసీల ఇన్‌ఫ్లో నమోదైంది. ఆ తర్వాత ఈ ఏడాదే అత్యల్ప స్థాయికి ఇన్‌ఫ్లో పడిపోయింది. అప్పుడూ ఇప్పుడూ చంద్రబాబు ప్రభుత్వమే అధికారంలో ఉండటం గమనార్హం. జనవరి ఒకటో తేదీ నుంచి సెప్టెంబరు 18 వరకు బ్యారేజీకి కేవలం 1102.801 టీఎంసీల నీరు మాత్రమే చేరింది. ఈ ఏడాది ఇన్‌ఫ్లో 2017 కన్నా కొంతమేర పెరిగే అవకాశమున్నా అది రబీ సాగుకు మేలు చేసే స్థాయిలో ఉండదని సాగునీటిపారుదల నిపుణులు చెబుతున్నారు. ప్రస్తుతం ధవళేశ్వరం బ్యారేజ్‌ వద్ద శుక్రవారం ఉదయం ఆరు గంటల సమయానికి 1,93,633 క్యూసెక్కులు ఉంది. దిగువకు 1,80,333 క్యూసెక్కులు విడుదల చేశారు. మూడు రోజుల క్రితం తెలంగాణలో వర్షాలు పడడం వల్ల కొంత వరకు ఇన్‌ఫ్లో పెరిగింది. రెండు మూడు రోజుల్లో తిరిగి తగ్గిపోనుంది. బాబు కాలంలో గడ్డు పరిస్థితులు... గత పుష్కర కాలంలో గోదావరి కనిష్ట స్థాయిలో నీటి ప్రవాహాలు చూసింది ముఖ్యమంత్రి చంద్రబాబు నాయుడు కాలంలోనే కావడం గమనార్హం. అసలు బాబు కాలంలోనే గోదావరిలో సగటు నీటి ప్రవాహాలు తక్కువగా ఉన్నాయి. 2015 నుంచి 2018 వరకు సగటు 2232.63 టీఎంసీలు కాగా, 2019 నుంచి 2023 వరకు వైఎస్‌ జగన్‌మోహన్‌రెడ్డి కాలంలో నమోదైన సగటు ఇన్‌ఫ్లో 4012.24 టీఎంసీలు కావడం గమనార్హం. రబీకి నీటి భరోసా ఎక్కడ? గోదావరి డెల్టా పరిధిలో మొత్తం 10.53 లక్షల ఎకరాల ఆయకట్టు ఉంది. ఇందులో రబీ వరి సాగు సుమారు 8.96 లక్షల ఎకరాలు. ఖరీఫ్‌ సీజన్‌ మరో నెల రోజుల్లో ముగింపు దశకు చేరుతుంది. ఈ నేపథ్యంలో వచ్చే రబీ సాగుకు అవసరమైన నీటి లభ్యతపై డెల్టా రైతుల్లో ఆందోళన నెలకొంది. ఏడాది మొత్తంలో కనీసం మూడువేల టీఎంసీల స్థాయిలో ఇన్‌ఫ్లో ఉండాలని నీటిపారుదల రంగ నిపుణులు చెబుతున్నారు. అలాగైతేనే రబీ కాలంలో కనీసం 25 టీఎంసీల వరకు సహజ జలాల లభ్యత ఉంటుందని చెబుతున్నారు. ఈ స్థాయిలో నీరుంటేనే సీలేరు నుంచి వచ్చే 45 టీఎంసీలకు తోడు, పోలవరం వద్ద నిల్వ ఉండే నీరు కలిపి మొత్తం 90 టీఎంసీలు వస్తోందని, అప్పుడే డెల్టాలో మొత్తం రబీ సాగుకు బొటాబొటీగా నీరందించవచ్చని అంచనా. ధవళేళ్వరం బ్యారేజ్‌ వద్ద సెప్టెంబరు 18 నాటికే ఇన్‌ఫ్లో కేవలం 1102.801 టీఎంసీల వద్ద ఉండటంతో మిగిలిన కాలంలో ఎంతమేర నీరు చేరుతుందనేది కీలకంగా మారింది. గోదావరి క్యాచ్‌మెంట్‌ ఏరియాలో భారీ వర్షాలు కురిస్తే తప్ప ఇప్పుడున్న ఇన్‌ఫ్లో పరిగణనలోకి తీసుకుంటే డిసెంబరు నాటికి 1500 టీఎంసీల నీరొస్తే చాలా అద్భుతమనే చెప్పాలి. అవసరమైన దానిలో సగం కన్నా నీరు తక్కువగా వచ్చే అవకాశం ఉండడంతో రబీ సాగుపై అనుమానాలు వ్యక్తమవుతున్నాయి. ఖరీఫ్‌లోనే కష్టాలు రాష్ట్ర ప్రభుత్వ వైఫల్యం కారణంగా ఈ ఏడాది గోదావరి డెల్టాలో ఖరీఫ్‌ ఆరంభం నుంచే సాగునీటి సమస్య రైతులను వెంటాడుతోంది. ప్రధాన కాలువలకు నీరు విడుదల చేసినప్పటికీ శివారు ప్రాంతాల్లోని పంట కాలువలకు సకాలంలో నీరు చేరకపోవడంతో అమలాపురం, ఉప్పలగుప్తం, అల్లవరం, ఐ.పోలవరం, ముమ్మిడివరం మండలాల్లోని పలు చోట్ల నారుమడులు ఎండిపోయి రైతులు కాలువల్లోకి దిగి నిరసనలు చేశారు. నీరున్నప్పుడే కాలువల ద్వారా చేలకు అందించలేని చంద్రబాబు ప్రభుత్వం గోదావరిలో రబీ సమయంలో నీటి ఎద్దడి ఏర్పడితే చేతులెత్తేయడం మినహా మరో మార్గం లేదని రైతులు భయపడుతున్నారు. అందుబాటులోకి వచ్చే నీటిని ముందుగానే అంచనా వేసుకుని రబీ సాగుకు ప్రణాళిక రూపొందించాల్సిన అవసరం ఉందని సూచిస్తున్నారు. సంవత్సరం : ఇన్‌ఫ్లో (టీఎంసీలు) 2015 : 1859.31 2016 : 3101.66 2017 : 1291.80 2018 : 2677.73 2019 : 4041.49 2020 : 3706.88 2021 : 2728.17 2022 : 6489.81 2023 : 3094.83 2024 : 4371.63 2025 : 4902.31 2026 : 1102.801 (సెప్టెంబరు 18 వరకు)

● ప్రముఖ నటుడు గౌతం రాజు ● సందడిగా ‘అనగనగా తూర్పులంకలో’ చిత్రీకరణ మామిడికుదురు: గ్రామీణ వాతావరణం నేపథ్యంలో తెరకెక్కుతున్న ‘అనగనగా తూర్పులంకలో’ చిత్రం సన్నివేశాలను మండలంలోని నగరంలో శుక్రవారం చిత్రీకరించారు. చిత్ర కథానాయకుడు రాజు, ప్రముఖ నటుడు గౌతం రాజు తదితరులపై దర్శకుడు పవర్‌ వినయ్‌ చిత్రీకరిస్తున్న సన్నివేశాలను చూసేందుకు స్థానికులు రావడంతో కోలాహలం నెలకొంది. చిత్ర దర్శకుడు పవర్‌ వినయ్‌ మాట్లాడుతూ గ్రామీణ వాతావరణంలో సాగుతున్న ఈ చిత్రంలో నాలుగు పాటలు ఉంటాయని తెలిపారు. చిత్రం షూటింగ్‌ శరవేగంగా సాగుతోందని ఎగ్జిక్యూటివ్‌ ప్రొడ్యూసర్‌ వీవీ రాంబాబు తెలిపారు. చిన్న చిత్రాలతోనే పరిశ్రమకు పూర్వ వైభవం: గౌతం రాజు చిత్రీకరణలో పాల్గొన్న సీనియర్‌ నటుడు గౌతం రాజు మీడియాతో మాట్లాడుతూ ఆంధ్రప్రదేశ్‌ చిత్ర పరిశ్రమకు పెట్టింది పేరని, ఇక్కడే సినీ ఇండస్ట్రీ పుట్టి పెరిగిందని గుర్తుచేశారు. చిన్న చిత్రాలను ఆదరించాల్సిన ఆవశ్యకత ఎంతైనా ఉందన్నారు. తద్వారా ఎందరో ప్రతిభావంతులైన కళాకారులకు ఉపాధి లభిస్తుందని ఆయన ఆశాభావం వ్యక్తం చేశారు. ఈ చిత్రం ప్రతి ఒక్కరినీ ఆకట్టుకుంటుందని ఆయన అన్నారు.

ఆలమూరు: మండలంలోని పెదపళ్లకు చెందిన దివ్యాంగులైన ఇలపర్తి ఉమాదేవి, సుంకర శ్రీనివాసుకు పింఛన్‌ దరఖాస్తులను తిరస్కరించడంపై ఆ గ్రామస్తులు ఆగ్రహం వ్యక్తం చేశారు. దివ్యాంగులైన వారిద్దరూ సుమారు 90 శాతం అంగవైకల్యంతో తీవ్రమైన అనారోగ్య సమస్యతో బాధపడుతున్నారు. తమ పని సైతం తాము చేసుకోలేని స్థితిలో ఉన్నారు. ఇటీవల ప్రభుత్వం మంజూరు చేసిన సదరం సర్టిఫికెట్‌లో వారికి 90 శాతం అంగవైకల్యాన్ని నమోదు చేసినా ‘టెంపరరీ’ అని పేర్కొనడం వారి పాలిట శాపంగా మారింది. వారిద్దరూ ఆన్‌లైన్‌లో పింఛన్‌ కోసం దరఖాస్తు చేసుకోగా అవి తిరస్కరణకు గురయ్యాయి. దీనిపై ఆగ్రహం చెందిన దివ్యాంగుల కుటుంబ సభ్యులు గ్రామ పంచాయతీ వద్ద నిరసన వ్యక్తం చేశారు. తమ ఆవేదనను కూటమి నేతల దృష్టికి తీసుకువెళ్ళినా పట్టించుకోలేదని వారు వాపోయారు. వైద్యారోగ్య శాఖ అధికారుల నిర్లక్ష్యం వల్ల అసలైన దివ్యాంగులకు టెంపరరీ సర్టిఫికెట్‌ మంజూరు చేయడాన్ని నిరసిస్తూ వారి కుటుంబ సభ్యులు పార్టీలకతీతంగా పలువురు నేతలను తీసుకువెళ్లి ఆలమూరులో తహసీల్దార్‌ కందుల కుశరాజు, ఎంపీడీఓ ఎ.రాజు, మండల ప్రత్యేక అధికారి లక్ష్మీ ప్రత్యూషకు ఫిర్యాదు చేశారు.

● చేపల చెరువు లీజుదారుని హత్య కేసులో వీడిన మిస్టరీ ● నిందితుడు జయబాబు అరెస్టు ప్రత్తిపాడు: కాకినాడ జిల్లా ప్రత్తిపాడు మండలం టి.రాయవరం సమీపంలో చేపల చెరువు లీజుదారు హత్య కేసులో మిస్టరీని పోలీసులు ఛేదించారు. వివాహేతర సంబంధంపై తండ్రి మందలించాడని అతడి కుమార్తె నాగలక్ష్మి తన ప్రియుడు వ్యాన్‌ డ్రైవర్‌ జయబాబుతో కలసి ఈ పథకం పన్నినట్టు పోలీసులు తెలిపి నిందితుడిని అరెస్టు చేశారు. ఏలూరు జిల్లా పైడి చింతపర్రు గ్రామానికి చెందిన మోరి నరసింహారావు (70) ఈ నెల 11వ తేదీ అర్ధరాత్రి హత్యకు గురైన విషయం తెలిసిందే. ఈ ఘటనపై పెద్దాపురం డీఎస్పీ ఏబీజీ తిలక్‌ స్థానిక పోలీసు స్టేషన్‌లో శుక్రవారం తెలిపిన వివరాలు ఇలా ఉన్నాయి. వితంతువైన చేపల చెరువు లీజుదారు కుమార్తె బలే నాగలక్ష్మి చేపల ఎరువు, మేత తదితరాలతో తరచూ వచ్చే వ్యాన్‌ డ్రైవర్‌ జయబాబుతో ఆరు నెలలుగా వివాహేతర సంబంధం సాగిస్తోంది. ఈ విషయం తెలిసి తండ్రి నరసింహారావు ఆమెను మందలించడంతో ప్రియుడు జయబాబుతో కలిసి తండ్రి హత్యకు కుట్ర పన్నింది. హత్య చేస్తే డీజే సౌండ్‌ సిస్టమ్‌ కొని ఇస్తానని, కొంత నగదు ముట్టజెప్పింది. ఇందులో భాగంగా హత్యకు వారం రోజుల ముందే ఆమె తన పింఛను నిమిత్తం స్వగ్రామం కొవ్వాడలంకకు వెళ్లినట్టు కథ అల్లింది. ఆ రోజు అర్ధరాత్రి జయబాబు టి.రాయవరం వచ్చి నరసింహారావును హత్య చేసి రెండు వేలు నగదు, రోల్డుగోల్డు నగలు దోచుకుపోయాడు. అనంతరం వచ్చిన నాగలక్ష్మి రూ.2 లక్షల నగదు, పది గ్రాముల బంగారం చోరీకి గురైనట్టు పోలీసులకు ఇచ్చిన ఫిర్యాదులో పేర్కొంది. ఈ ఘటనపై సీఐ సూర్య అప్పారావు పర్యవేక్షణలో ప్రత్తిపాడు, అన్నవరం, రౌతులపూడి ఎస్సైలతో మూడు బృందాలుగా దర్యాప్తు ముమ్మరం చేసి సీసీ ఫుటేజీలు, డాగ్‌ స్క్వాడ్‌, క్లూస్‌ టీం, సెల్‌ఫోన్‌ కాల్‌ డేటా ఆధారంగా కేసును చాకచక్యంగా ఛేదించి అనకాపల్లి జిల్లా పాయకరావు పేట మండలం పడాల లక్ష్మీపురం గ్రామానికి చెందిన వ్యాన్‌ డ్రైవర్‌ వీర్ల జయ నాగ వెంకట సత్యనారాయణ అలియాస్‌ జయబాబును ధర్మవరం నుండి వెల్దుర్తి రోడ్డులో శుక్రవారం అరెస్టు చేశారు. నాగలక్ష్మిని అరెస్టు చేయాల్సి ఉంది. కేసు ఛేదనలో చాకచక్యంగా వ్యవహరించిన పోలీస్‌ సిబ్బందిని ఎస్పీ జి.బింధుమాదవ్‌ అభినందిస్తూ, ప్రోత్సాహక నగదు బహుమతిని పెద్దాపురం డీఎస్పీ ఏబీజీ తిలక్‌కు అందజేశారు.

తుని: భర్త వేధింపులు తట్టుకోలేక ఇద్దరు పిల్లలతో ఆత్మహత్యకు యత్నించిన తల్లిని స్థానిక జీఆర్పీ సిబ్బంది రక్షించారు. గురువారం రాత్రి జరిగిన ఈ ఘటనకు సంబంధించి పోలీసులు తెలిపిన వివరాలు ఇలా ఉన్నాయి. తొండంగి మండలం ఎల్లయ్యపేట గ్రామానికి చెందిన వరికుంట్ల వరలక్ష్మి గురువారం స్కూల్లో చదువుతున్న తన ఇద్దరు పిల్లలను తీసుకుని తుని రైల్వేస్టేషన్‌కు వచ్చింది. స్కూల్‌ యూనిఫాంతో ఉన్న నా చిన్నారులతో కలిసి ట్రాక్‌పైకి వచ్చి ఆత్మహత్యకు యత్నిస్తున్న సమయంలో విధి నిర్వహణలో ఉన్న హెడ్‌ కానిస్టేబుల్‌ శ్రీనివాసరావు, కానిస్టేబుళ్లు శివ, సురేష్‌, నాగరాజు, ఆర్పీఎఫ్‌ సిబ్బంది వారిని అక్కడి నుంచి పోలీస్‌స్టేషన్‌కు తీసుకువచ్చారు. అక్కడ వారు ఆ తల్లిని ఆత్మహత్యా యత్నానికి దారి తీసిన కారణాలపై ప్రశ్నించారు. ఆమె భర్త రమేష్‌ ఇంట్లో ఉన్న డబ్బులతో పాటు కాఫీ హోటల్‌లో సంపాదించిన సొమ్ము తీసుకుని ఇంటి నుంచి వెళ్లిపోయాడని, సొమ్ము ఖర్చు చేసి వచ్చిన రమేష్‌ నీది దిక్కులేని పరిస్థితి, ఎక్కడి కై నా వెళ్లిపో, లేదా చచ్చిపో అంటున్నాడని ఆమె చెప్పింది. భర్త వేధింపులతో మనస్తాపానికి గురై ఆమె తన ఇద్దరు పిలలతో ఆత్మహత్యకు ప్రయత్నించినట్టు పోలీసులు తెలిపారు. వరలక్ష్మి తల్లిదండ్రులకు సమాచారం ఇచ్చి పిల్లలు, తల్లిని అప్పగించారు. ఈ విషయాన్ని తొండంగి పోలీస్‌స్టేషన్‌ ఎస్సైకు రైల్వే పోలీసులు తెలియజేశారు. బాధతరాలిని పోలీస్‌స్టేషన్‌కు పిలిపించి విచారణ జరిపి తగిన చర్యలు తీసుకుంటామని చెప్పారన్నారు. సకాలంలో స్పందించిన జీఆర్పీ సిబ్బందిని ఉన్నతాధికారులు అభినందించారు. భర్త వేధిస్తున్నాడని మనస్తాపంతో నిర్ణయం తుని రైల్వే ట్రాక్‌పై ఉండగా రక్షించిన జీఆర్పీ సిబ్బంది పిల్లలతో సహా ఆమె తల్లిదండ్రులకు అప్పగింత

కరప : కొరుపల్లిలోని కాశీ వారాహి అమ్మవారి ఆలయాన్ని దేవదాయ శాఖ స్వాధీనం చేసుకోవడంపై మహిళలు తీవ్ర ఆగ్రహం వ్యక్తం చేశారు. ఆలయం వద్ద శుక్రవారం నిరసన తెలిపారు. ఈ నెల 15న అమ్మవారి ఆలయాన్ని దేవదాయ శాఖ స్వాధీనం చేసుకున్న విషయం పాఠకులకు తెలిసిందే. ఈ చర్యను నిరసిస్తూ ఒక మహిళా భక్తురాలు శుక్రవారం జరిగే సామూహిక కుంకుమ పూజలను అడ్డుకొని నిరసన వ్యక్తం చేస్తామని ప్రకటించడం సామాజిక మాధ్యమాల్లో వైరల్‌గా మారింది. దీంతో ఆలయ అధికారులు పోలీసులకు సమాచారం అందించగా, కాకినాడ రూరల్‌ సీఐ చైతన్య కృష్ణ ఆధ్వర్యంలో కరప ఎస్సై సునీత, గొల్లపాలెం పెదపూడి ఎస్సైలతో పాటు పోలీస్‌ సిబ్బంది పహరా కాశారు. ఉదయం ఎనిమిది గంటల సమయంలో కొంతమంది మహిళా భక్తులు రోడ్డుపై బైఠాయించి నిరసన తెలిపేందుకు ప్రయత్నించగా పోలీసులు వారిని అడ్డుకున్నారు. ఈ సందర్భంగా సింగల్‌ ట్రస్టీ రాపాక శ్రీనివాస్‌, ఇన్‌స్పెక్టర్‌ ఫణీంద్ర కుమార్‌ మాట్లాడుతూ కాశీ వారాహి అమ్మవారి ఆలయాన్ని దేవదాయ శాఖ స్వాధీనం చేసుకున్నట్టు చెప్పారు. ఇక నుంచి ఆలయ ధర్మకర్త దొరబాబు నిర్వహించిన రీతిలోనే పూజా కార్యక్రమాలు, కుంకుమ పూజలు యథావిధిగా జరుగుతాయన్నారు. కాశీ వారాహి అమ్మవారి ఆలయం వద్ద నిరసన

● రూ.1,39,100 అపరాధ రుసుం వసూలు ● డీటీవో శ్రీనివాసరావు అమలాపురం రూరల్‌: వినాయక చవితి పండుగ సెలవుల రద్దీని దృష్టిలో ఉంచుకుని గత వారం రోజులుగా జిల్లాలో ప్రైవేట్‌ ట్రావెల్స్‌ బస్సులపై ప్రత్యేక తనిఖీలు నిర్వహించినట్టు డీటీవో దేవిశెట్టి శ్రీనివాసరావు తెలిపారు. 193 బస్సు లను తనిఖీ చేసి 61 బస్సులపై కేసులు నమోదు చేశామని, రూ.1,39,100 అపరాధ రుసుం విధించామని ఆయన శుక్రవారం పేర్కొన్నారు. ముమ్మిడివరం అన్నంపల్లి టోల్‌ ప్లాజా, రావులపాలెం ఈతకోట టోల్‌ ప్లాజాల వద్ద ఈ తనిఖీలు చేశామన్నారు. తనిఖీల్లో ఎంవీఐలు రాజేంద్ర ప్రసాద్‌, రవికుమార్‌, ఓలేటి శ్రీనివాస్‌, సురేష్‌ కుమార్‌, షణ్ముఖ్‌ శ్రీనివాస్‌, కౌశిక్‌, వరప్రసాద్‌ పాల్గొన్నారు. తల్లిదండ్రులకు బాలిక అప్పగింత తుని: ఇంటిలో ఎవరికీ చెప్పకుండా రైలులో వచ్చిన విజయనగరం జిల్లా మెంటాడ మండలం చల్లపల్లి గ్రామానికి చెందిన ఏడిబిల్లి భానును తుని జీఆర్పీ సిబ్బంది ఆమె తల్లిదండ్రులకు అప్పగించారు. శుక్రవారం జీఆర్పీ హెడ్‌ కానిస్టేబుల్‌ శ్రీనివాసరావు తెలిపిన వివరాల మేరకు భాను విజయనగరం నుంచి విశాఖ రైల్వేస్టేషన్‌కు చేరుకుని అక్కడ కడప వెళ్లే తిరుమల ఎక్స్‌ప్రెస్‌ ఎక్కి జనరల్‌ భోగీలో కూర్చుంది. బెదురు చూపులు చూస్తున్న ఆమె గురించి ప్రయాణికులు రైల్వే పోలీసులకు సమాచారం ఇచ్చారు. ఈ మేరకు ఆమెను కాకినాడ జిల్లా తునిలో దించి రైల్వే పోలీసు స్టేషన్‌కు తీసుకువెళ్లి సమాచారం సేకరించారు. బాలిక తల్లి జానకి ఏఎన్‌ఎంగా పని చేస్తున్నట్టు గుర్తించి ఆండ్ర పోలీస్‌స్టేషన్‌కు సమాచారం ఇచ్చి తుని వచ్చిన తల్లిదండ్రులు, బంధువుల సమక్షంలో బాలికను అప్పగించారు.

కాకినాడ రూరల్‌: రమణయ్యపేట గ్రామ పంచాయతీ పరిధిలోని గైగోలుపాడులో శ్రీనివాసా ట్రేడర్స్‌కు చెందిన ఆయిల్‌ రీ ప్యాకింగ్‌ యూనిట్‌పై విజిలెన్స్‌ అధికారులు శుక్రవారం దాడులు నిర్వహించారు. 930 కేజీల ఆయిల్‌ను ఈ సందర్భంగా సీజ్‌ చేశారు. ఫుడ్‌ కంట్రోల్‌, జీఎస్టీ, లీగల్‌ మెట్రాలజీ, రవాణా, పంచాయతీ తదితర శాఖల అధికారులులీ తనిఖీల్లో పాల్గొన్నారు. లైసెన్స్‌, అనుమతులు తదితరాలను ఆయా శాఖల అధికారులు క్షుణ్ణంగా పరిశీలించారు. ఈ సందర్భంగా ఆయిల్‌ రీ ప్యాకింగ్‌కు సంబంధించి లోపాలను గుర్తించారు. ఎస్‌ఎస్‌ ఆరోగ్య రిఫైన్డ్‌ పామోలిన్‌ ఆయిల్‌, ఎస్‌ఎస్‌ గోల్డ్‌ఫిట్‌ సోయా ఆయిల్‌, సోయా ఆయిల్‌ లీజుగా రీ ప్యాకింగ్‌ చేసి హోల్‌సేల్‌ అండ్‌ రిటైల్‌లో విక్రయాలు చేపడుతున్నట్టు గుర్తించారు. గోల్డ్‌ ఫిట్‌ రిఫైన్డ్‌ ఆయిల్‌ ప్యాకెట్‌పై సన్‌ప్లవర్‌ ఫొటో ఉన్నప్పటికీ అందులో ఉన్నది ఏ రకం ఆయిల్‌ అనేది పేర్కొనలేదు. దీంతో దానిని సీజ్‌ చేశారు. ఈ సందర్భంగా కాకినాడ అసిస్టెంట్‌ ఫుడ్‌ కంట్రోలర్‌ ఎన్‌.రమేష్‌బాబు మీడియాతో మాట్లాడుతూ యూనిట్‌ తనిఖీలో మూడు నమూనాలు సేకరించినట్టు చెప్పారు. సీజ్‌ చేసిన 930 కేజీల ఆయిల్‌ విలువ రూ.1.84 లక్షలు ఉంటుందన్నారు. లేబుల్‌ తప్పిదంపై జాయింట్‌ కలెక్టరు కోర్టులో కేసు పెట్టామన్నారు. దాడుల్లో విజిలెన్స్‌ సీఐ గోపాలకృష్ణ, జీఎస్టీ అధికారిణి శిరీష, ఎంవీఐ వెంకన్నబాబు, పంచాయతీ కార్యదర్శి చంద్రకళ తదితరులు పాల్గొన్నారు.

అన్నవరం: అసలే వేసవిని తలపిస్తున్న ఎండలు.. ఆపై సిమెంటు ఫ్లోరింగ్‌పై నడక.. సత్యదేవుని దర్శించుకునేందుకు శుక్రవారం రత్నగిరికి విచ్చేసిన భక్తులకు నరకప్రాయంగా మారింది. దేవస్థానానికి విచ్చేసే భక్తులకు ఎండ నుంచి ఉపశమనం లభించక తీవ్ర ఇబ్బంది పడుతున్నారు. ప్రతి రోజూ ఉదయం పది గంటల నుంచి మధ్యాహ్నం వరకు 30 డిగ్రీల పైబడి ఎండలు కాస్తుండడంతో స్వామివారి సన్నిధికి విచ్చేసే భక్తులు అల్లాడిపోతున్నారు. స్వామివారి దర్శనం అయ్యాక అన్నదానం హాలు వద్దకు వెళ్లేందుకు, పశ్చిమ రాజగోపురం ఎదురుగా గల విశ్రాంతి షెడ్డు వద్దకు వెళ్లేందుకు సిమెంట్‌ రోడ్డుపై నడుస్తుంటే కాళ్లు కాలి ఇబ్బంది పడుతున్నారు. పశ్చిమ రాజగోపురం వద్ద గల చెట్టు వద్ద సేదతీరుతున్నారు. అధికారులు కనీసం షామి యానాలు కూడా వేయించకపోవడం, రోడ్డుపై నడిచేందుకు వీలుగా కార్పెట్‌ ఏర్పాటు చేయకపోవడం, రోడ్డును నీటితో తడపకపోవడంపై విమర్శలు వ్యక్తమవుతున్నాయి. ఇప్పటికై నా భక్తుల ఇబ్బందులను గుర్తించి చర్యలు తీసుకోవాలని కోరుతున్నారు. ఎండ దెబ్బకు రత్నగిరి భక్తుల వెతలు

అమలాపురం రూరల్‌: జిల్లాలో పెన్షన్‌ దరఖాస్తుల క్షేత్రస్థాయి పరిశీలన వేగవంతం చేయాలని ఇన్‌చార్జి కలెక్టర్‌ వైఖోమ్‌ నిడియా దేవి అధికారులను ఆదేశించారు. ఈ మేరకు సంబంధిత జిల్లా అధికారులు, మున్సిపల్‌ కమిషనర్లు, ఎంపీడీవోలు, డీపీవో, డీఎల్‌డీవోలతో శుక్రవారం ఆమె కలెక్టరేట్‌ నుంచి టెలీ కాన్ఫరెన్స్‌ నిర్వహించారు. జిల్లా వ్యాప్తంగా వివిధ పింఛన్ల కోసం మొత్తం 38,598 దరఖాస్తులు అందినట్టు ఈ సందర్భంగా కలెక్టర్‌ తెలిపారు. నిర్దేశిత గడువులోగా క్షేత్రస్థాయిలో వాటి పరిశీలన ప్రక్రియ పూర్తిచేయాలని చెప్పారు. ఎకై ్సజ్‌, మత్స్య, చేనేత తదితర శాఖలకు సంబంధించిన దరఖాస్తులను ఆయా శాఖల అధికారులు పరిశీలించాలన్నారు. వెల్ఫేర్‌ అసి స్టెంట్లు, వార్డు సెక్రటరీల లాగిన్లలో ఉన్న వృద్ధాప్య, వితంతు, దివ్యాంగ పెన్షన్‌ దరఖాస్తులను ఈ నెల 21 నాటికి తప్పనిసరిగా పరిశీలించి తదుపరి లాగిన్లకు పంపించాలని ఆదేశించారు. అక్టోబర్‌ రెండో తేదీ వరకు నిర్వహించనున్న స్వచ్ఛతా హీ సేవా పక్షోత్సవాల్లో భాగంగా ప్రతి మూడో శనివారం ప్రత్యేక పారిశుధ్య కార్యక్రమాలు నిర్వహించాలని అధికారులను ఆదేశించారు. డీఆర్‌డీఏ పీడీ రాంబాబు, డీపీవో శాంతి కుమారి తదితరులు పాల్గొన్నారు. జిల్లా ఇన్‌చార్జి కలెక్టర్‌

చింతూరు: మండలంలోని లక్కవరం ఏకలవ్య పాఠశాలకు చెందిన ఇంటర్‌ ఫస్టియర్‌ విద్యార్థి ని ఫినాయిల్‌ తాగినట్లు తెలిసింది. పాఠశాలలో గురువారం జరిగిన ఘటన శుక్రవారం వెలుగులోకి వచ్చింది. గురువారం ఉదయం ఆమె తండ్రితో కలసి పాఠశాలకు రాగా తండ్రి వెళ్లిన కొద్దిసేపటికి ఆమె డార్మెటరీలో వున్న ఫినాయిల్‌ తాగినట్టు సమాచారం. ఈ విషయాన్ని గమనించిన పాఠశాల సిబ్బంది ఆమెను తొలుత సమీపంలోని తులసిపాక పీహెచ్‌సీకి, అక్కడి నుంచి చింతూరు సీహెచ్‌సీకి తరలించి వైద్యం అందించినట్లు సమాచారం. మెరుగైన వైద్యం నిమిత్తం భద్రాచలం ఆసుపత్రికి తరలించగా ఆమె కోలుకున్నట్లు తెలిసింది. కాగా ఆమె ఫినాయిల్‌ తాగడానికి కారణాలు తెలియరాలేదు. పాఠశాల ప్రిన్సిపాల్‌ దిలీప్‌సింగ్‌ను వివరణ కోరగా తాను ప్రస్తుతం అరకులో వున్నానని, పాఠశాలకు వచ్చిన అనంతరం ఈ ఘటనపై సమాచారం సేకరిస్తానని తెలిపారు. కోలుకుంటున్న క్షతగాత్రులు తుని రూరల్‌: బస్‌ ప్రమాదంలో తీవ్రంగా గాయపడిన పెళ్లి బృందం సభ్యులు కాకినాడలో వివిధ ప్రైవేట్‌ ఆస్పత్రులలో కోలుకుంటున్నారు. గురువారం తుని మండలం తేటగుంట శివారు రాజుల కొత్తూరు వద్ద ఉప్పాడ కొత్తపల్లి మండలం ఉప్పాడకు వెళ్తున్న పెళ్లి బృందం బస్సును కంటైనర్‌ డీకొనడంతో జరిగిన ప్రమాదంలో 43 మందికి గాయపడగా 108 అంబులెన్సుల్లో తుని ఏరియా ఆస్పత్రికి తరలించగా, ప్రాథమిక చికిత్స అనంతరం తీవ్రంగా గాయపడిన వారు మెరుగైన చికిత్స నిమిత్తం కాకినాడలోని పలు ప్రైవేటు ఆస్పత్రులలో చేరారు. స్వల్పంగా గాయపడిన వారు వారి వారి ఇళ్లకు వెళ్లిపోయారు. ఈ సంఘటనలో ఎవరికీ ప్రాణాపాయం జరగకపోవడంతో పెళ్లి బృందం ఊపిరి పీల్చుకుంది. విద్యుదాఘాతంతో వివాహిత మృతి తొండంగి: మండలంలోని బెండపూడిలో విద్యుత్‌షాక్‌ గురై వివాహిత మృతి చెందింది. పోలీసులు తెలిపిన వివరాల ప్రకారం రౌతులపూడి మండలం గిడజాం గ్రామానికి చెందిన యర్రా శివాజి, యర్రా జ్యోతి (32) దంపతులు వీరికి 13 ఏళ్ల కుమార్తె సత్య, తొమ్మిదేళ్ల కుమారుడు అనిరుధ్‌ ఉన్నారు. జ్యోతి స్వగ్రామమైన బెండపూడిలో ఐదేళ్లుగా అద్దె ఇంట్లో నివసిస్తోంది. శివయ్య స్థానికంగా దాబాలో పనిచేస్తుండగా జ్యోతి బెండపూడి వైజంక్షన్‌ వద్ద ఓ ప్రైవేటు బేకరీ షాపులో పనిచేస్తోంది. శుక్రవారం ఇంట్లో బట్టలు ఉతుకుతూ ఆ తడి చేతులతో విద్యుత్‌ మీటర్‌ వద్ద స్విచ్‌ ఆన్‌ చేయగా షాక్‌కు గురై పక్కనే ఉన్న ఇనుప గేటుకు తగిలింది. దీంతో ఆమె అక్కడికక్కడే మృతి చెందింది. జ్యోతి తల్లి సమాచారం మేరకు శివయ్య ఇచ్చిన ఫిర్యాదుతో పోలీసులు కేసు దర్యాప్తు చేస్తున్నారు. ఫామ్‌హౌస్‌లో చోరీ సొత్తు విలువ రూ.3.5 లక్షలు రాజమహేంద్రవరం రూరల్‌: తన భార్యకు చెందిన బొమ్మూరులోని ఫామ్‌హౌస్‌లో గుర్తు తెలియని వ్యక్తులు ప్రవేశించి రూ.3.5 లక్షల విలువైన వస్తువులను చోరీ చేశారని శ్యామలానగర్‌కు చెందిన ఎస్‌.కుమార్‌ గురువారం రాత్రి బొమ్మూరు పోలీసులకు ఫిర్యాదుచేశారు. పోలీసుల సమాచారం మేరకు కుమార్‌ భార్య ఎస్‌.శ్రీలతకు బొమ్మూరు గ్రామంలో ఫామ్‌హౌస్‌ ఉంది. అక్కడ వ్యవసాయ పరికరాలు, ఇతర గృహోపకరణాలను భద్రపరచడానికి ఉపయోగించే ఒక చిన్న ఫామ్‌ హౌస్‌ ఉంది. ఈ నెల పదో తేదీన ఆ క్షేత్రంలో పనిచేసే కోనే ప్రసాద్‌, ఆయన భాగస్వామి పీవీ గోపాలరావు అక్కడికి వెళ్లినప్పుడు, గుర్తు తెలియని వ్యక్తులు ఫామ్‌ హౌస్‌ తలుపులు పగలగొట్టి లోపలికి ప్రవేశించినట్లు గమనించారు. మూడు పెద్ద పురాతన ఇత్తడి పాత్రలు, రెండు మోటార్లు, ఇత్తడి బ్లింకర్లు (పశువుల కాళ్ళకు కట్టేవి) వంటి వస్తువులను దొంగిలించి పరారయ్యారని, సొత్తు విలువ రూ.3.5 లక్షలు ఉంటుందని కుమార్‌ పోలీసులకు ఇచ్చిన ఫిర్యాదులో పేర్కొన్నారు. ఇన్‌స్పెక్టర్‌ పి.కాశీవిశ్వనాథం కేసు నమోదు చేసి దర్యాప్తు చేస్తున్నారు.

వడివడిగా సాక్షి, అమలాపురం: రాష్ట్రంలో జిల్లాల పునర్వ్యవస్థీకరణకు అనుగుణంగా జిల్లా ప్రజా పరిషత్తుల (జెడ్పీ) పునర్వ్యవస్థీకరణ వేగమందుకుంది. ఉమ్మడి తూర్పు గోదావరి జిల్లా పరిషత్‌ నాలుగు జిల్లా పరిషత్‌లుగా పునర్విభజన జరగనుంది. దీనికి సంబంధించి ఈ నెల ఐదో తేదీన ఆదేశాలిచ్చిన ప్రభుత్వం, ఈ నెల 25 నుంచి కొత్త జెడ్పీల కార్యకలాపాలు ప్రారంభించాలని తాజాగా ఉత్తర్వులు జారీ చేసింది. ఈ నెల 24లోగా ప్రస్తుత పరిషత్తుల విభజన ప్రక్రియను పూర్తి చేయాలని ఆదేశించింది. ఉమ్మడి తూర్పుగోదావరి పరిషత్‌కు ముగింపు ప్రజలకు పరిపాలనను చేరువ చేయాలనే లక్ష్యంతో గత వైఎస్సార్‌సీపీ ప్రభుత్వం చిన్న జిల్లాలను ఏర్పాటు చేసింది. దీని వల్ల కలెక్టరేట్‌తో పాటు అన్ని ప్రభుత్వ శాఖల కార్యాలయాలు జిల్లా కేంద్రాలకు, వాటికి దగ్గరగా సమీప ప్రాంతాలకు తరలిరావడంతో ప్రజలకు ఏ అవసరం వచ్చినా సుదూర ప్రాంతాలకు వెళ్లాల్సిన అవసరం లేకుండా ఉంది. జిల్లాల విభజనలకు కొనసాగింపుగా ప్రభుత్వం ఇప్పుడు జెడ్పీల విభజనకు సిద్ధమైంది. ప్రస్తుత ఉమ్మడి జెడ్పీ పదవీ కాలం ముగుస్తుండడంతో విభజన చేయాలని నిర్ణయించింది. ఈ మేరకు ప్రభుత్వం సెప్టెంబరు ఐదో తేదీన జారీ చేసిన 115, 116 జీవోల ఆధారంగా పంచాయతీరాజ్‌ శాఖ ఉన్నతాధికారులు తాజాగా మార్గదర్శకాలు జారీ చేశారు. ఈ నెల 25 నుంచి కొత్త జిల్లా ప్రజా పరిషత్తులు అమల్లోకి రానున్నాయి. ఇందుకు సంబంధించి పంచాయతీరాజ్‌ విభాగం ఈ నెల 16న సర్క్యులర్‌ మెమో జారీ చేసింది. దీని ప్రకారం కొత్త జెడ్పీల ఏర్పాటులో ఫైళ్లు, రికార్డుల విభజనపై ప్రభుత్వం ప్రత్యేక దృష్టి పెట్టింది. పాత పరిషత్‌ కార్యాలయాల్లోని ఈ–ఫైళ్లు, మాన్యువల్‌ ఫైళ్లు, రికార్డు గదుల్లోని మూసివేసిన ఫైళ్లతో పాటు పరిపాలన, ఆస్తులు, సర్వీసు వ్యవహారాలు, ఎన్నికలు, కోర్టు కేసులకు సంబంధించిన రిజిస్టర్లను గుర్తించి పూర్తి జాబితా సిద్ధం చేయాలని ఆదేశించింది. ఉమ్మడి తూర్పుగోదావరి జెడ్పీ పరిధిలో దశాబ్దాలుగా కొనసాగిన పరిపాలనా వ్యవస్థకు ముగింపు పలికి నాలుగు కొత్త వ్యవస్థలు అందుబాటులోకి రానున్నాయి. ఇకపై కాకినాడ, డాక్టర్‌ బీఆర్‌ అంబేడ్కర్‌ కోనసీమ, తూర్పుగోదావరి, పోలవరం జిల్లాలకు నాలుగు ప్రత్యేక జిల్లా ప్రజా పరిషత్తులు ఏర్పడనున్నాయి. కాకినాడ జెడ్పీ 20 మండలాలు, డాక్టర్‌ బీఆర్‌ అంబేడ్కర్‌ కోనసీమ జెడ్పీ 19, తూర్పుగోదావరి జెడ్పీ 22 మండలాలు, పోలవరం జెడ్పీ 11 మండలాలతో ఏర్పడనున్నాయి. 25న కొత్త సీఈవోల బాధ్యతలు కొత్త జిల్లా పరిషత్తులకు ముఖ్య కార్యనిర్వహణ అధికారులు (సీఈవోలు), ఉప ముఖ్య కార్యనిర్వహణ అధికారుల (డీసీఈవోలు) నియామకానికి ప్రతిపాదనలు పంపాలని ప్రభుత్వం ఆదేశించింది. కొత్త సీఈవోలు ఈ నెల 25న బాధ్యతలు స్వీకరించిన వెంటనే పాత పరిషత్‌ అధికారులతో సమన్వయం చేసుకుని రికార్డులు, ఫైళ్లు, ఇతర పరిపాలనా వ్యవహారాలను స్వాధీనం చేసుకునేలా చర్యలు చేపట్టనున్నారు. ఉమ్మడి జిల్లాలో కొత్తగా ఏర్పడనున్న 3 జిల్లా ప్రజా పరిషత్తులకు అధికారులు, సిబ్బందిని కేటాయించనున్నారు. ప్రస్తుత సిబ్బందిని తాత్కాలికంగా కొత్త పరిషత్తులకు సర్దుబాటు చేయనున్నారు. తుది సిబ్బంది కేటాయింపు రాష్ట్రపతి ఉత్తర్వులు–2025 ప్రకారం చేపట్టనున్నట్టు ప్రభుత్వం స్పష్టం చేసింది. ఆస్తులు, నిధులపైనా త్వరలో స్పష్టత జెడ్పీల విభజనలో ఫైళ్లు, రికార్డులే కాకుండా ఆస్తులు, నిధులు, అప్పులు, మౌలిక సదుపాయాల పంపిణీ కూడా కీలకం కానుంది. వీటిపై ప్రత్యేకంగా ఉత్తర్వులు జారీ చేయనున్నట్టు అధికారులు తెలిపారు. ఈ నెల 25లోగా బదిలీకి సంబంధించిన రికార్డులన్నింటినీ సిద్ధం చేయాలని జిల్లా కలెక్టర్లు, జిల్లా పరిషత్‌ ముఖ్య కార్యనిర్వహణ అధికారులకు పంచాయతీరాజ్‌ శాఖ కమిషనర్‌ వీఆర్‌కే తేజ మైలవరపు ఆదేశాలు జారీ చేశారు. 25 నుంచి కొత్త జిల్లా పరిషత్తులు 24తో ఉమ్మడి జిల్లా పరిషత్‌కు చివరి రోజు ఫైళ్లు, రికార్డుల విభజన పూర్తి చేయాలని ప్రభుత్వ జీవో ఉమ్మడి తూర్పుగోదావరి జిల్లా పరిషత్‌ నాలుగుగా విభజన తూర్పుగోదావరి, కాకినాడ, కోనసీమ, పోలవరం జిల్లా పరిషత్తులుగా ఏర్పాటు కొత్త పరిషత్తులకు సీఈవో, డిప్యూటీ సీఈవోల పోస్టింగ్‌కు కసరత్తు సిబ్బంది తాత్కాలిక కేటాయింపునకు ప్రతిపాదనలు

అమలాపురం రూరల్‌: సమాజ అభివృద్ధిలో వృత్తిదారులైన శిల్పులు, వడ్రంగులు, కమ్మరులు, కంసాలీలు, ఇతర చేతివృత్తిదారుల పాత్ర అత్యంత కీలకమైనదని జిల్లా రెవెన్యూ అధికారి వి.సుబ్బారావు అన్నారు. జిల్లా వెనుకబడిన తరగతుల సంక్షేమ శాఖ ఆధ్వర్యంలో విరాట్‌ విశ్వకర్మ జయంతి సందర్భంగా గురువారం అమలాపురం కలెక్టరేట్‌లో బీసీ సంక్షేమ అధికారులు, విశ్వబ్రాహ్మణ సంఘాల ప్రతినిధులు, వివిధ సంక్షేమ సంఘాల నాయకులతో కలిసి విరాట్‌ విశ్వకర్మ చిత్రపటానికి డీఆర్‌ఓ పూలమాలలు వేసి ఘనంగా నివాళులర్పించారు. డీఆర్‌ఓ మాట్లాడుతూ తమ వృత్తి పట్ల అంకితభావంతో శ్రమశక్తితో సృజనాత్మకతతో పనిచేసే వృత్తిదారులు సమాజ నిర్మాణంలో విశిష్ట సేవలు అందిస్తున్నారన్నారు. విశ్వబ్రాహ్మణ సంఘాల నాయకులు కట్టోజు కన్నాయిదాసు, ఆవపాటి వేణుగోపాలకృష్ణ, కోచూరి చిదంబరరావు, దేవాదుల సూర్యనారాయణమూర్తి, చేబ్రోలు గంగనాగేశ్వరరావు.. విశ్వకర్మ విశిష్టతను వివరించారు. ఈ కార్యక్రమంలో జిల్లా బీసీ సంక్షేమ అధికారి పి.భగవాన్‌, సహాయ సంక్షేమ అధికారి కేఎన్‌ దొర, ఇతర అధికారులు, సిబ్బంది పాల్గొన్నారు.

రామచంద్రపురం రూరల్‌: ప్రసిద్ది చెందిన ద్రాక్షారామ ప్రసన్నాంజనేయస్వామి ఆలయాన్ని దేవదాయ శాఖ స్వాధీనం చేసుకోవడంపై మాజీ ఎంపీ పిల్లి సుభాష్‌చంద్రబోస్‌ ఆగ్రహం వ్యక్తం చేశారు. దేవదాయ శాఖ డిప్యూటీ కమిషనర్‌పై నిప్పులు చెరిగారు. ఆ ఆలయానికి ఎలాంటి ఆస్తులూ లేవని, సరైన ఆదాయం లేదని, అయినప్పుటికీ నిబంధనలకు విరుద్ధంగా కేవలం మంత్రి సుభాష్‌ చెప్పినందుకు స్వాధీనం చేసుకున్నట్టు చెప్పడం విడ్డూరంగా ఉందన్నారు. సుభాష్‌ ఏం చెబితే అది చేసేస్తారా.. చట్టం చూసుకోవాల్సిన అవసరం లేదా అని ప్రశ్నించారు. 63 ఏళ్లుగా ఆలయంలో చందాలు వేసుకుని ప్రతి ఏటా కార్తిక మాసం చివరి మంగళవారం రోజున కార్తిక మాస దీపారాధన మహోత్సవాన్ని అంగరంగ వైభవంగా నిర్వహిస్తున్న కమిటీకి కనీసం నోటీసు ఇవ్వకుండా రహస్యంగా చేయాల్సిన అవసరం ఏమొచ్చిందని నిలదీశారు. ఇప్పటికై నా సరిచేసుకోవాలని సూచించారు. అలా కాకపోతే త్వరలో ద్రాక్షారామలో మౌన ప్రదర్శనకు దిగుతామని హెచ్చరించారు. మంత్రి సుభాష్‌కు బోస్‌ హెచ్చరిక.. ఆలయం విషయంలో తీసుకున్న నిర్ణయం సమంజసం కాదని, ఇప్పటికై నా నిర్ణయాన్ని ఉపసంహరించుకోవాలని మంత్రి సుభాష్‌కు బోస్‌ సూచించారు. సరైన నిర్ణయం తీసుకోకుంటే ఉద్యమం తీవ్రతరం చేస్తామని హెచ్చరించారు. వైఎస్సార్‌ సీపీ నియోజకవర్గ కోఆర్డినేటర్‌ పిల్లి సూర్యప్రకాశ్‌ మాట్లాడుతూ తాము రాజకీయాలు చేయడానికి కాదని, భక్తుల మనోభావాలను గౌరవించకుండా మంత్రి సుభాష్‌ తీసుకున్న నిర్ణయాన్ని పార్టీ తరపున ఖండిస్తున్నామని చెప్పారు. వెంటనే ఈ నిర్ణయాన్ని వెనక్కి తీసుకోవాలని డిమాండ్‌ చేశారు. కార్యక్రమంలో ఎంపీపీ అంబటి భవాని, వైస్‌ ఎంపీపీలు నరాల రాజ్యలక్ష్మి, శాకా బాబీ తదితరులు పాల్గొన్నారు.

కాకినాడ రూరల్‌: విమానయాన ఇంధనం ఉత్పత్తి కాకినాడలో చేపట్టేందుకు సంబంధించిన ప్రతిపాదనపై ఏపీ కాలుష్య నియంత్రణ మండలి అధికారులు గురువారం ప్రజాభిప్రాయ సేకరణ చేపట్టారు. పోర్టు కార్యాలయం వెనుక ఏపీ మారిటైమ్‌ బోర్డుకు చెందిన సుమారు 45.8 ఎకరాల్లో రూ.2500 కోట్ల పెట్రోలియం రిఫైనింగ్‌ యూనిట్‌ ఏర్పాటుకు ప్రతిపాదనలపై ఈ కార్యక్రమం నిర్వహించారు. సుస్థిర విమానయాన ఇంధనం ఉత్పత్తి ఏడాదికి 93 వేల మెట్రిక్‌ టన్నులు, జీవ ఇంధనం ఉత్పత్తి ఏడాదికి 352 మెట్రిక్‌ టన్నులు చేపట్టే ప్రతిపాదనతో మెస్సర్స్‌ సాఫ్ట్‌వన్‌ ఇండియా ఎస్‌పికాంపాక్ట్‌ ప్రైవేట్‌ లిమిటెడ్‌ సంస్థ ముందుకొచ్చిందని వివరించారు. ప్రజా సంఘాలు, స్వచ్ఛంద సంస్థలు, కార్మికులు, కుల సంఘాల పెద్దలు, దమ్ములపేట, డెయిరీ ఫారం సెంటర్‌ ప్రాంతాల ప్రజల సమక్షంలో ఈ కార్యక్రమం నిర్వహించి వారి అభిప్రాయాలు నమోదు చేసుకున్నారు. పరిశ్రమ వద్దని కొందరు అభ్యంతరం వ్యక్తం చేయగా, ఉపాధి అవకాశాలు కల్పించాలని మరికొందరు కోరారు. ఈ కార్యక్రమంలో ఏపీ కాలుష్య నియంత్రణ మండలి కాకినాడ ఈఈ సూర్యకళ, ఆర్డీవో మల్లిబాబు పాల్గొన్నారు. సత్యదేవుని ఆలయంలో ఐదుగురికి పదోన్నతి అన్నవరం: ప్రముఖ పుణ్యక్షేత్రమైన అన్నవరంలోని శ్రీవీర వేంకట సత్యనారాయణ స్వామివారి దేవస్థానంలో జూనియర్‌ అసిస్టెంట్లుగా విధులు నిర్వహిస్తున్న ఐదుగురికి సీనియర్‌ అసిస్టెంట్లుగా పదోన్నతి కల్పిస్తూ ఈవో నల్లం సూర్యచక్రధరరావు గురువారం ఆదేశాలు జారీ చేశారు. ఈ మేరకు వారికి పదోన్నతి ఉత్తర్వులు అందజేశారు. పదోన్నతి పొందినవారిలో నటరాజన్‌ రాంజీ, మౌనికారాజ్‌, సందీప్‌ గౌడ్‌, పేరిందేవి, సత్యభార్గవి ఉన్నారు. మోకాళ్లపై నిలబడి నిరసన నిడదవోలు: తమ న్యాయమైన సమస్యలు పరిష్కరించాలనే డిమాండుతో ఉండ్రాజవరం తహసీల్దార్‌ కార్యాలయం వద్ద గ్రామ రెవెన్యూ సహాయకులు (వీఆర్‌ఏ) మోకాళ్లపై నిలబడి గురువారం వినూత్న రీతిలో నిరసన తెలిపారు. ఏళ్ల తరబడి పని చేస్తున్న తమకు పదోన్నతులు కల్పించాలని, జీతభత్యాలు పెంచాలని, నామినీలను వీఆర్‌ఏలుగా గుర్తించాలని పెద్ద పెట్టున నినదించారు. అనంతరం, తహసీల్దార్‌ పీఎన్‌డీ ప్రసాద్‌కు వినతిపత్రం సమర్పించారు. ఈ సందర్భంగా వీఆర్‌ఏల సంఘం మండల శాఖ అధ్యక్షుడు తణుకు శంకరం మాట్లాడుతూ, తమ సమస్యలు పరిష్కరించేంత వరకు పోరాటం కొనసాగిస్తామని అన్నారు. వీఆర్‌ఏల నిరసనకు వివిధ ప్రజా సంఘాల నాయకులు మద్దతు తెలిపారు. సర్వేల భారాన్ని తొలగించండి పీహెచ్‌సీ ఎదుట వైద్య ఉద్యోగుల నిరసన అడ్డతీగల: సర్వేల భారంపై గురువారం మండలం ఎల్లవరం పీహెచ్‌సీ ఎదుట వైద్య ఉద్యోగులు నల్ల బ్యాడ్జీలు ధరించి నిరసనకు దిగారు. అటు ప్రజలకు ఇటు వైద్య ఉద్యోగులకు ఇబ్బందిగా మారిన సర్వేల్లో కొన్ని మార్పులు చేయాలని వారు డిమాండ్‌ చేస్తున్నారు. యునైటేడ్‌ మెడికల్‌ అండ్‌ హెల్త్‌ ఎంప్లాయీస్‌ యూనియన్‌ ఆధ్వర్యంలో జరిగిన ఈ కార్యక్రమంలో పాల్గొన్న యూనియన్‌ జిల్లా అధ్యక్షురాలు పి.సత్యవతి మాట్లాడుతూ ప్రభుత్వం కొత్తగా ప్రవేశపెట్టిన ఎన్‌ఎల్‌ఈపీ సర్వే వల్ల ప్రజలు, మహిళా ఉద్యోగులు తీవ్ర ఇబ్బందులు పడుతున్నారన్నారు. సర్వే చేసే క్రమంలో ఓటీపీ, వేలి ముద్ర విషయంలో సాంకేతిక సమస్యల వల్ల సర్వే ముందుకు సాగడం లేదన్నారు. ఈ రెండు ఆప్షన్‌లను ప్రభుత్వం తొలగిస్తే సర్వే సులువవుతుందని అన్నారు. లేదా రోజువారీ 5, 6 మందిని సర్వే చేసేలా వెసులుబాటు కల్పించాలన్నారు. నిరసన అనంతరం సంబంధిత వైద్యాధికారులకు వినతిపత్రం అందించారు. పీహెచ్‌సీ ఎదుట నిరసన తెలుపుతున్న వైద్య ఉద్యోగులు

అప్పలరాజుపేట పరిసరాల్లో హై అలర్ట్‌ రాజవొమ్మంగి: పులి మెడలో వున్న ట్రాకర్‌ ద్వారా పెద్దపులి ప్రస్తుతం రాజవొమ్మంగి మండలం అప్పలరాజుపేటలోని వట్టిగెడ్డ రిజర్వాయర్‌ వద్దకు వచ్చినట్లు అటవీ అధికారులు గురువారం ప్రకటించారు. మెగా ఫోన్‌తో హెచ్చరికలు జారీ చేస్తు స్థానికులను అప్రమత్తం చేశారు. అప్పలరాజుపేట వద్ద గల వట్టిగెడ్డ రిజర్వాయర్‌ పరీవాహక ప్రాంతంలో పులి సంచరిస్తున్నట్లు స్పష్టంగా తెలుసుకున్న రాజవొమ్మంగి ఫారెస్టు రేంజి అధికారి ఉషారాణి తమ సిబ్బందితో ఆ ప్రాంతానికి వెళ్లి మరోసారి ట్రాకర్‌ ద్వారా పులి ఎక్కడ వున్నది పరిశీలించారు. అనంతరం అప్పలరాజుపేట గిరిజనులతో సమావేశం ఏర్పాటు చేసి తగిన జాగ్రత్తలు సూచించారు. పశువులను మేత కోసం అడవి వైపు విడిచి పెట్టవద్దని కోరారు. అలాగే ఒంటరిగా సంచరించవద్దని, పెద్దపెద్ద శబ్ధాలు చేస్తు నిత్యం అప్రమత్తంగా వుండాలని కోరారు. కొండపోడు భూములకు వెళ్లే వారు తదుపరి ఆదేశాలు జారీ అయ్యేవరకు అడవిలోకి వెళ్ల వద్దని కోరారు. ఇదిలా వుండగా గురువారం అడవికి వెళ్లిన కేదారి సత్యవతి అనే గిరిజన మహిళ తనకు చాలా దగ్గరలో పులి గాండ్రింపు వినిపించిందని, దీనితో వడి వడిగా ఇంటికి చేరానని సాక్షికి తెలిపింది. పులి సంచరిస్తోందన్న వార్తలతో ఈ ప్రాంత రైతులు ఆందోళన వ్యక్తం చేస్తున్నారు. సంబంధిత అధికారులు తగిన రక్షణ చర్యలు చేపట్టాలని గిరిజనులు కోరుతున్నారు. ఎఫ్‌ఎస్‌ఓ భవాని, ఎఫ్‌బీఓ సూర్యప్రసాద్‌ బేస్‌ క్యాంపు సిబ్బంది పాల్గొన్నారు.

రావులపాలెం: ప్రభుత్వ నిర్లక్ష్యం కారణంగా జిల్లాలో అన్నదాతకు అన్నీ కష్టాలు, నష్టాలే మిగులుతున్నాయని వైఎస్సార్‌సీపీ జిల్లా అధ్యక్షుడు చిర్ల జగ్గిరెడ్డి పార్టీ అధినేత, మాజీ ముఖ్యమంత్రి వైఎస్‌ జగన్‌మోహన్‌రెడ్డికి వివరించారు. గురువారం రాష్ట్రంలోని వివిధ జిల్లాల పార్టీ అధ్యక్షులతో నిర్వహించిన జూమ్‌ కాన్ఫరెన్స్‌లో జిల్లా పరిస్థితిపై వైఎస్‌ జగన్‌ ఆరా తీశారు. దీంతో జిల్లాలో నెలకొన్న పరిస్థితులను అధినేత దృష్టికి తీసుకెళ్లినట్టు జగ్గిరెడ్డి స్థానిక విలేకరులకు తెలిపారు. ఆయన తెలిపిన వివరాల ప్రకారం.. కోనసీమ జిల్లాలో నీరు అందుబాటులో ఉన్నప్పటికీ ఖరీఫ్‌ సీజన్‌లో సైతం శివారు ప్రాంతాల ఆయకట్టుకు పూర్తిస్థాయిలో సాగునీరు అందడం లేదని జగన్‌కు వివరించారు. ఒక్కో నియోజకవర్గానికి రూ.300 కోట్లు కేటాయించామని ఇరిగేషన్‌ మంత్రి చెబుతున్నప్పటికీ, క్షేత్రస్థాయిలో జరిగిన పనులు మాత్రం శూన్యంగా ఉన్నాయన్నారు. కాలువల్లో నీరు వచ్చిన తర్వాత పనులు చేపట్టే ప్రయత్నం చేశారని, దీనివల్ల ఎలాంటి ప్రయోజనం ఉండదని వివరించారు. జిల్లాలో యూరియా సమస్య తీవ్రంగా ఉందని, 30–40 సెంట్ల భూమి సాగు చేస్తున్న కౌలు రైతులకు సైతం అవసరమైన మేరకు అందడం లేదని చెప్పారు. కొబ్బరి పంటలకు యూరియా అందక రైతులు ఇబ్బందులు పడుతున్నారని, క్యాబేజీ వంటి పంటలకు మూడు బస్తాలు అవసరమైతే కేవలం అర బస్తా మాత్రమే అందుతున్న పరిస్థితి ఇక్కడ ఉందని తెలిపారు. ఎరువుల ధరలు విపరీతంగా పెరగడం, కరెంటు కోతలు, కంద వంటి పంటలకు గిట్టుబాటు ధర లేకపోవడం వల్ల రైతులు తీవ్ర ఇబ్బందులు ఎదుర్కొంటున్నారన్నారు. వ్యవసాయ పెట్టుబడులు పెరిగిపోవడంతో రైతులపై ఆర్థిక భారం మరింత పెరిగిందన్నారు. మరోపక్క నిత్యావసర వస్తువుల ధరలు పెరగడంతో సామాన్య ప్రజల జీవితం భారంగా మారిందన్నారు. ఈ పరిస్థితుల్లో రైతులు అప్పుల భారంతో తీవ్ర ఇబ్బందులు ఎదుర్కొంటున్నారని వివరించారు. రైతుల సమస్యలపై ప్రభుత్వం తక్షణమే స్పందించి అవసరమైన సహాయక చర్యలు చేపట్టేలా ఒత్తిడి తీసుకురావాలన్నారు. రాష్ట్రంలో కరువు పరిస్థితులు నెలకొన్న ప్రాంతాలను తక్షణమే గుర్తించి కరువు మండలాలను ప్రకటించాలని, రైతులకు అవసరమైన ఉపశమన చర్యలు అందించాలని, రైతుల రుణాలను రీషెడ్యూల్‌ చేసేందుకు చర్యలు తీసుకోవాలని ప్రభుత్వాన్ని డిమాండ్‌ చేయాలని జగ్గిరెడ్డి కోరారు. శివారుకు సాగునీరందడం లేదు యూరియా కొరతతో అన్నదాతకు అష్టకష్టాలు కౌలు రైతులు, కొబ్బరి, కూరగాయల రైతులకూ తీవ్ర ఇబ్బందులు ఎరువుల ధరలు, విద్యుత్‌ కోతలు, గిట్టుబాటు ధర లేకపోవడంతో పెరుగుతున్న ఆర్థిక భారం వైఎస్సార్‌సీపీ అధినేతకు వైఎస్‌ జగన్‌కు వివరించిన జగ్గిరెడ్డి

సాక్షి, కాకినాడ జిల్లా: పెళ్లి బృందం బస్సుకు పెను ప్రమాదం తప్పింది. పెళ్ళి బస్సును కంటైనర్‌ లారీ వెనుక నుంచి ఢీ కొట్టింది. దీంతో అదుపు తప్పిన బస్సు.. పల్టీ కొట్టింది. కొందరు ప్రయాణికులు బస్సు అద్దాలు పగులకొట్టి బయటపడ్డారు.తుని సమీపంలోని తేటగుంట జాతీయ రహదారిపై ఈ ప్రమాదం చోటుచేసుకుంది. ఉప్పాడకు చెందిన పెళ్లి బృందం తునిలో వివాహ వేడుకకు హాజరై తిరిగి వెళ్తుండగా ఈ ఘటన జరిగింది. బస్సులో 65 మందికిపైగా ఉన్నారు. 43 మంది గాయపడగా.. తుని ఏరియా ఆసుపత్రికి తరలించారు.ఇదీ చదవండి: AP: ఆ జిల్లాలకు పిడుగుపాటు హెచ్చరిక

ఎన్‌హెచ్‌ఆర్‌సీకి ఆహార భద్రతా విభాగం నివేదిక అమలాపురం టౌన్‌: రాజమహేంద్రవరం లాలాచెరువు ప్రాంతంలో గత ఫిబ్రవరి నెలలో సంభవించిన కల్తీ పాల విషాదంపై అప్పట్లో అమలాపురానికి చెందిన న్యాయవాది వి.రమేష్‌చంద్రవర్మ జాతీయ మానవ హక్కుల కమిషన్‌(ఎన్‌హెచ్‌ఆర్‌సీ)కు ఫిర్యాదు చేశారు. ఈ నేపథ్యంలో కమిషన్‌ ఇచ్చిన ఆదేశాల మేరకు రాష్ట్ర ఆహార భద్రతా విభాగం ఎన్‌హెచ్‌ఆర్‌సీకి నివేదిక సమర్పించిందని రమేష్‌చంద్రవర్మ తెలిపారు. తూర్పు గోదావరి జిల్లా కోరుకొండ మండలం నర్సాపురం గ్రామానికి చెందిన వరలక్ష్మీ మిల్క్‌ డెయిరీ నుంచి సరఫరా అయిన పాలల్లో ఇథిలీన్‌ గ్లైకాల్‌ వంటి ప్రమాదకర రసాయనాలు కలపడం వల్లే బాధితులకు కిడ్నీల వైఫల్యం సంభవించిందని ఆ నివేదిక పేర్కొంది. ఈ తప్పిదం తేలడంతో అప్పట్లో బాధ్యులపై ఎఫ్‌ఐఆర్‌ నమోదు చేసి అరెస్టు చేశామని తెలిపింది. ఈ ఘోర ఘటనతో మృతి చెందిన 16 మంది బాధిత కుటుంబాలకు ఒక్కొక్కరికి రూ.10 లక్షల చొప్పున మొత్తం రూ.1.60 కోట్ల పరిహారం అందజేశారని న్యాయవాది రమేష్‌చంద్రవర్మ తెలిపారు. రాష్ట్రంలోని అన్ని డెయిరీలపై నిరంతర నిఘాతో శాంపిల్స్‌ పరీక్షలు నిర్వహించే వరకూ తన న్యాయ పోరాటం కొనసాగుతుందని ఆయన స్పష్టం చేశారు. పక్కా ప్రణాళికతో అటవీ భూముల రీ సర్వే అమలాపురం రూరల్‌: జిల్లాలోని రక్షిత అటవీ భూముల రీ సర్వే పనులను పక్కా ప్రణాళికతో చేపట్టాలని ఇన్‌చార్జి కలెక్టర్‌ వైఖోమ్‌ నైడియాదేవి అన్నారు. అమరావతి నుంచి ప్రభుత్వ ప్రధాన కార్యదర్శి జి.సాయి ప్రసాద్‌, భూ పరిపాలన చీఫ్‌ కమిషనర్‌ అధికారి జి.జయలక్ష్మి వివిధ జిల్లాల కలెక్టర్లు, జాయింట్‌ కలెక్టర్లతో బుధవారం నిర్వహించిన వీడియో కాన్ఫరెన్స్‌లో ఆమె పాల్గొన్నారు. అనంతరం జరిగిన సమావేశంలో మాట్లాడుతూ, భూముల రీ సర్వే, 22–ఎ నిషేధిత భూముల జాబితా సవరణ, కొత్త పట్టాదారు పాస్‌ పుస్తకాల పంపిణీ, రెవెన్యూ రికార్డుల డిజిటలైజేషన్‌, రక్షిత అటవీ భూముల పురోగతి, ిపీజీఆర్‌ఎస్‌ వంటి వాటిపై ఆర్‌డీఓలు, తహసీల్దార్లు, ఇతర అధికారులకు దిశానిర్దేశం చేశారు. అమలాపురం, కాట్రేనికోన, రాజోలుల్లో పెండింగ్‌లో ఉన్న నిషేధిత భూముల కేసులపై తక్షణ చర్యలు చేపట్టాలన్నారు. అల్లవరం మండలం బెండమూర్లంక, ఐ.పోలవరం మండలం గుత్తెనదీవుల్లో రీ సర్వే పనులు పూర్తి చేశారని, మిగిలిన తీర ప్రాంత రక్షిత అటవీ భూముల సర్వే కూడా త్వరితిగతిన పూర్తి చేయాలని నైడియాదేవి ఆదేశించారు. ఘనంగా గణేశుని ఊరేగింపుఅయినవిల్లి: చవితి ఉత్సవాల్లో భాగంగా అయినవిల్లి విఘ్నేశ్వరస్వామి వారు మూషిక వాహనంపై బుధవారం మాడవీధుల్లో ఊరేగుతూ భక్తులకు దర్శనమిచ్చారు. మంగళవాయిద్యాల ఘోష నడుమ సాగిన ఈ ఊరేగింపులో పెద్ద సంఖ్యలో భక్తులు పాల్గొన్నారు. సాయంత్రం ఏడు గంటలకు స్వామివారికి ప్రధానార్చకుడు అయినవిల్లి సూర్యనారాయణమూర్తి ఆధ్వర్యాన వేద పండితులు పంచహారతులు ఇచ్చారు. ఆలయ ట్రస్టు బోర్డు చైర్మన్‌ విళ్లా సూర్యనారాయణ, సభ్యులు, గ్రామస్తులు పాల్గొన్నారు. ఈ సందర్భంగా ఆలయం వద్ద ఏర్పాటు చేసిన సాంస్కృతిక కార్యక్రమాలు భక్తులను అలరించాయి.

డిజిటల్‌ ఇండియా అన్నారు. నగదు లేని సమాజమని గొప్పలు చెప్పారు. పెద్దపెద్ద కార్పొరేట్‌ మాల్స్‌ నుంచి రోడ్డు పక్కన చిరు వ్యాపారాల వరకూ.. ఏది కొనుగోలు చేయాలన్నా క్యూఆర్‌ కోడ్‌ స్కాన్‌ చేసి, నగదు బదిలీ చేయవచ్చన్నారు. సేవలు ఉచితమంటూ ఎర వేశారు. అలా ప్రజలకు అలవాటు చేసి.. చేసి.. ఫోన్‌ లేనిదే బతుకు నడవని స్థితికి తెచ్చారు. ఇప్పుడు అదే ఫోన్‌ పేమెంట్లపై చార్జీల కత్తి పెడుతున్నారు. వ్యాపారుల పైనే ఈ చార్జీలు అని ఎన్‌పీసీఐ చెబుతున్నప్పటికీ.. అంతిమంగా తమ జేబుకే చిల్లు పడుతుందనే ఆందోళన వినియోగదారుల్లో వ్యక్తమవుతోంది.● యూపీఐ సేవలపై ఇకపై వడ్డన ● రూ.2 వేలకు పైబడిన వ్యాపార లావాదేవీలపై అదనపు చార్జీలు ● వచ్చే నెల 15 నుంచి అమలు ● వ్యాపారులు, వినియోగదారుల్లో ఆందోళనబోట్‌క్లబ్‌ (కాకినాడ సిటీ): నగదు రహిత లావాదేవీలకు మార్గం సుగమం చేసిన యూనిఫైడ్‌ పేమెంట్స్‌ ఇంటర్‌ఫేస్‌ (యూపీఐ) విధానంలో కొత్తగా మర్చంట్‌ డిస్కౌంట్‌ రేటు (ఎండీఆర్‌) అమలులోకి రానుండటంపై ఇటు వ్యాపారులు, అటు వినియోగదారుల్లో ఆందోళన వ్యక్తమవుతోంది. ఇప్పటి వరకూ ఫోన్‌పే, గూగుల్‌పే, పేటీఎం తదితర యూపీఐ యాప్‌ల ద్వారా ప్రజలు సులభంగా చెల్లింపులు చేసుకుంటున్నారు. అయితే, అక్టోబర్‌ 15 నుంచి రూ.2 వేలకు పైబడిన కొన్ని వ్యాపార లావాదేవీలపై ఎండీఆర్‌ విధించనున్నట్లు నేషనల్‌ పేమెంట్స్‌ కార్పొరేషన్‌ ఆఫ్‌ ఇండియా (ఎన్‌పీసీఐ) ప్రకటించింది. ప్రతి నెలా 39 లక్షల యూపీఐ లావాదేవీలు జిల్లావ్యాప్తంగా ప్రతి నెలా సగటున 39 లక్షల యూపీ ఐ లావాదేవీలు జరుగుతున్నాయి. గత నెలలో యూపీ ఐ లావాదేవీల ద్వారా జిల్లాలో రూ.150 కోట్లు పైగా నగదు బదిలీ జరిగింది. ఇందులో అధికంగా వ్యాపా రాలకు సంబంధించిన యూపీఐ లావాదేవీలే ఉన్నా యని బ్యాంకు వర్గాలు బెబుతున్నాయి. కరోనాకు ముందు ప్రజలు ఏం కావాలన్నా డబ్బులతోనే కొనుగోలు చేసేవారు. కరోనా తర్వాత యూపీఐ లావాదేవీలు అధికంగా పెరిగాయి. ప్రస్తుతం యూపీఐ లావాదేవీలపై ప్రభుత్వం వడ్డన మొదలు పెట్టడంతో వినియోగదారుల్లో అయోమయం నెలకొంది. వాయింపు ఇలా.. ● యూపీఐ ద్వారా ఇద్దరు వ్యక్తుల మధ్య జరిగే లావాదేవీలకు ఎంత మొత్తమైనా సరే ఎండీఆర్‌ చెల్లించనవసరం లేదు. ● ప్రతి నెలా యూపీఐ క్యూఆర్‌ కోడ్‌ ద్వారా రూ.లక్ష వరకూ స్వీకరించే అర్హత కలిగిన చిన్న వ్యాపారులకు కూడా జీరో ఎండీఆర్‌ కొనసాగనుంది. ● వ్యాపారులకు చేసే యూపీఐ చెల్లింపుల్లో కూడా రూ.2 వేల వరకు ఎలాంటి ఎండీఆర్‌ ఉండదు. ● రూ.2 వేలకు పైబడి పెద్ద వ్యాపార లావాదేవీలపై 0.4 శాతం ఎండీఆర్‌ విధిస్తారు. ● రూ.75 వేలు, అంతకు పైబడిన వ్యాపార లావాదేవీలపై రూ.300కే చెల్లించాల్సి ఉంటుంది. ఉదాహరణకు యూపీఐ ద్వారా రూ.10 వేలు చెల్లిస్తే 0.4 శాతం ప్రకారం ఎండీఆర్‌ రూ.40 చెల్లించాలి. రూ.50 వేలకు రూ.200 చార్జీ ఉంటుంది. ● రైల్వే టికెట్ల బుకింగ్‌, టెలికం సేవలు, బీమా ప్రీమియం, ఇంధనం, వ్యవసాయ పెట్టుబడి వంటి రంగాల్లో రూ.2 వేలకు పైబడిన యూపీఐ లావాదేవీలపై 0.4 శాతానికి బదులు ప్రతి లావాదేవీపై రూ.5 ఫ్లాట్‌ ఎండీఆర్‌ విధించనున్నారు. దీనిపై కూడా సంబంధిత వినియోగదారుల్లో అనేక సందేహాలు వ్యక్తమవుతున్నాయి. ● యూపీఐ లావాదేవీలపై ఎండీఆర్‌ చార్జీని వ్యాపారే భరించాల్సి ఉంటుందని, వినియోగదారుల నుంచి వసూలు చేయరాదని కేంద్ర ఆర్థిక శాఖ స్పష్టం చేసింది. ఆమేరకు బ్యాంకులు చర్యలు తీసుకోవాలని సూచించింది. ● అయితే, ఈ భారాన్ని వ్యాపారులు ఎందుకు భరిస్తారని, ఆ చార్జీలు కూడా తమపైనే మోపుతారని వినియోగదారులు ఆందోళన చెందుతున్నారు. ఇప్పుడు రూ.2 వేల వరకూ ఉచితం అని అంటున్నా.. రానున్న రోజుల్లో ప్రతి లావాదేవీపై కూడా చార్జీ విధించవచ్చనే అనుమానాలు సర్వత్రా వ్యక్తమవుతున్నాయి. వ్యాపారులపై అదనపు భారం ఇప్పటి వరకూ యూపీఐ చెల్లింపులు పూర్తి ఉచితం కావడంతో చిన్నా పెద్దా వ్యాపారులందరూ విస్తృతంగా క్యూఆర్‌ కోడ్‌లు వినియోగిస్తున్నారు. ఇటువంటి దుకాణాలు, రెస్టారెంట్లు, ఆన్‌లైన్‌ వ్యాపార సంస్థలు, ఇతర వ్యాపారులకు కొత్త ఎండీఆర్‌ అదనపు భారంగా మారనుంది. ముఖ్యంగా అధిక విలువ కలిగిన లావాదేవీలు ఎక్కువగా జరిగే వ్యాపారాల్లో ఈ వ్యయం పెరిగే అవకాశముందని చెబుతున్నారు. తద్వారా తమ లాభాలపై ప్రభావం పడుతుందేమోనని వ్యాపార వర్గాలు ఆందోళన వ్యక్తం చేస్తున్నాయి. అధిక మొత్తంలో చెల్లింపులు చేసే వ్యాపారులకు మాత్రం వ్యయం పెరిగే అవకాశాలు స్పష్టంగా కనిపిస్తున్నాయి. అయితే, కేంద్ర ఆర్థిక శాఖ చెప్పినట్టు ఈ అదనపు వ్యయాన్ని వ్యాపారులే భరిస్తారా లేక వస్తువులు, సేవల ధరల్లో ఏదైనా మార్పు చేసి, ఆ భారాన్ని వినియోగదారులపైనే మోపుతారా అనేది వేచి చూడాలి. కొత్త ఎండీఆర్‌ విధానంతో యూపీఐ లావాదేవీలు తగ్గవచ్చనే అభిప్రాయం కూడా వ్యక్తమవుతోంది. వ్యాపారం తగ్గే ప్రమాదం ప్రస్తుతం యూపీఐ వల్ల వ్యాపారం బాగా జరుగుతోంది. యూపీఐ లావాదేవీలపై ప్రభుత్వం డబ్బులు వసూలు చేస్తే వ్యాపారం పడిపోయే ప్రమాదం ఉంది. ప్రతి కొనుగోలూ డబ్బులతోనే జరగాలంటే ప్రజలు వెనకడుగు వేస్తారు. – దొరబాబు, డ్రైఫ్రూట్స్‌ వ్యాపారి, కాకినాడ అప్పుడే నగదు వైపు మళ్లుతున్నారు ఇప్పటి వరకూ యూపీఐ ద్వారానే ప్రజలు అధికంగా నా వద్ద బియ్యం కొనుగోలు చేస్తున్నారు. ప్రతి రోజూ 70 శాతం మంది నగదుకు బదులు యూపీఐ లావాదేవీలే జరుపుతున్నారు. ఇప్పుడు యూపీఐ ఎక్కువగా వాడితే అదనంగా డబ్బులు వసూలు చేస్తారనే ప్రచారం మొదలైంది. ఆ ప్రభావం అప్పుడే మొదలైంది. ఈ రోజు ఉదయం నుంచి ఎక్కువ మంది డబ్బులిచ్చే బియ్యం కొనుగోలు చేస్తున్నారు. – జి.స్వామి, బియ్యం వ్యాపారి, కాకినాడ

● పుర పీఠంపై కూటమిలో పీటముడి ● అమలాపురంలో సైకిల్‌ – టీ గ్లాసు ఢీ అంటే ఢీ ● టీడీపీకే ఎమ్మెల్యే, ఏఎంసీ, అముడా పదవులు ● మున్సిపల్‌ చైర్మన్‌గిరీ తమకే ఇవ్వాలని జనసేన పట్టు ● ససేమిరా అంటున్న టీడీపీ ● అధిష్టానాల వద్దకు మున్సిపల్‌ పంచాయితీసాక్షి, అమలాపురం: కూటమిలో కొత్త చిచ్చుకు అమలాపురం మున్సిపల్‌ చైర్మన్‌ పదవి కారణమవుతోంది. టీడీపీ – జనసేన మధ్య ఇప్పటికే ఉన్న రాజకీయ విభేదాలకు ఇది మరింత ఆజ్యం పోస్తోంది. అన్ని పదవులూ వదులుకుంటున్న తమకు మున్సిపల్‌ చైర్మన్‌ పదవి ఎట్టి పరిస్థితుల్లోనూ దక్కాల్సిందేనని జనసేన పట్టుబడుతూండగా.. టీడీపీ నేతలు ససేమిరా అంటున్నారు. ఆ సీటు కూడా తమకే ఇవ్వాలని కోరుతున్నారు. దీంతో చైర్మన్‌ పదవి కోసం ఇరు పార్టీల మధ్య ఢీ అంటే ఢీ అన్నట్టుగా పరిస్థితి మారింది. ఈ వ్యవహారం ఇప్పటికే ఆ రెండు పార్టీల అధిష్టానాల దృష్టికి వెళ్లగా.. ఇరు వర్గాలూ తమ వాదనలు వినిపిస్తున్నాయి. గత సార్వత్రిక ఎన్నికల సమయంలో అమలాపురం పార్లమెంటరీ స్థానం పరిధిలోని మండపేట, రామచంద్రపురం, ముమ్మిడివరం, కొత్తపేట నియోజకవర్గాలను టీడీపీకి, రాజోలు జనసేనకు కేటాయించిన విషయం తెలిసిందే. అమలాపురం, పి.గన్నవరం స్థానాల విషయంలో చివరి వరకూ ఉత్కంఠ నెలకొంది. తొలుత పి.గన్నవరం స్థానాన్ని టీడీపీ తీసుకుని సరిపెల్ల రాజేష్‌కు (మహాసేన రాజేష్‌) కేటాయించింది. ఆయన అభ్యర్థిత్వంపై రెండు పార్టీల్లోనూ వ్యతిరేకత వ్యక్తం కావడంతో చివరకు పి.గన్నవరం జనసేనకు, అమలాపురం టీడీపీకి దక్కాయి. నాటి పరిణామాలను ఇప్పుడు జనసేన నేతలు ప్రధానంగా ప్రస్తావిస్తున్నారు. జిల్లా కేంద్రమైన అమలాపురం నుంచి పోటీ చేయాలని తాము పట్టుబట్టినా.. చివరకు టీడీపీకే ఈ సీటు వెళ్లిందని, నియోజకవర్గంలోని కీలక పదవుల్లోనూ సైకిల్‌కే ప్రాధాన్యం దక్కిందని అంటున్నారు. అమలాపురం మార్కెట్‌ కమిటీ చైర్‌పర్సన్‌ పదవి టీడీపీకి చెందిన అధికారపు జయ వెంకటలక్ష్మికి దక్కింది. అమలాపురం అర్బన్‌ డెవలప్‌మెంట్‌ అథారిటీ (అముడా) చైర్మన్‌ పదవిని సైతం అదే పార్టీకి చెందిన అల్లాడ సోంబాబుకు కట్టబెట్టారు. ఎమ్మెల్యేతో పాటు మార్కెట్‌ కమిటీ, అముడా వంటి కీలక పదవులన్నీ టీడీపీ ఖాతాలోకి వెళ్లడంతో.. ఇప్పుడు మున్సిపల్‌ చైర్మన్‌ పదవి తమ పార్టీకి ఇవ్వాల్సిందేనని జనసేన నేతలు పట్టుబడుతున్నారు. గత మున్సిపల్‌ ఎన్నికల్లో టీడీపీకి నాలుగు కౌన్సిలర్‌ స్థానాలే రాగా, జనసేనకు ఆరు వచ్చాయని వారు గుర్తు చేస్తున్నారు. మొత్తం విషయాన్ని అధిష్టానం దృష్టికి తీసుకెళ్లిన జనసేన నేతలు.. అమలాపురం మున్సిపాలిటీ విషయంలో వెనక్కి తగ్గేదే లేదని స్పష్టం చేస్తున్నట్లు తెలుస్తోంది. పార్టీ అధినేత పవన్‌ కల్యాణ్‌ను కలిసిన సందర్భంలోనూ ఇదే అంశాన్ని ప్రస్తావించినట్లు సమాచారం. తాడేపల్లిగూడెం ఎమ్మెల్యే బొలిశెట్టి శ్రీనివాస్‌తో బుధవారం సమావేశమైన జనసేన నాయకులు చైర్మన్‌ పదవి జనసేనకే దక్కేలా చూడాలంటూ మరోసారి తమ వాదన వినిపించినట్టు తెలిసింది. ఇటీవల అమలాపురంలో ఎమ్మెల్యే ఆనందరావుతో పాటు టీడీపీ నేతలు తమకు పెద్దగా ప్రాధాన్యం ఇవ్వడం లేదని వారు ఆ సందర్భంగా ఏకరువు పెట్టారు. ఎవరి ప్రయత్నాలు వారివి మున్సిపల్‌ చైర్మన్‌ పదవి జనరల్‌ కేటగిరీలో ఉంటుందనే ప్రచారం జరుగుతూండటంతో జనసేనలో పలువురు నేతలు ఇప్పటికే ప్రయత్నాలు ప్రారంభించారు. ఆ పార్టీ నుంచి సీనియర్‌ నాయకుడు, పార్టీ అధినేత పవన్‌ కల్యాణ్‌కు ఆంతరంగికుడిగా ముద్రపడిన నల్లా శ్రీధర్‌, మాజీ మున్సిపల్‌ చైర్మన్‌ యాళ్ల నాగ సతీష్‌ ఈ పదవిని ఆశిస్తూ ఎవరి ప్రయత్నాలు వారు చేస్తున్నారు. వీరిద్దరూ కలిసి ముందుగా చైర్మన్‌ పదవిని జనసేనకు ఖరారు చేయించుకునేందుకు పార్టీ పెద్దల వద్ద తమ వాదన వినిపిస్తున్నట్లు తెలుస్తోంది. తాజా మాజీ మున్సిపల్‌ ప్రతిపక్ష నాయకుడు యేడిద శ్రీను కూడా తన వంతు ప్రయత్నాలు చేస్తున్నట్టు సమాచారం. ఈ కుర్చీ మాకే ఇచ్చేయండిఅలా కుదరదు.. ఈ కుర్చీ కూడా మాదే..దక్కకుంటే.. సహాయ నిరాకరణ? ఇరు పార్టీల నేతలూ మున్సిపల్‌ చైర్మన్‌ పదవిని తమ రాజకీయ ప్రాబల్యానికి ప్రతీకగా భావిస్తున్న నేపథ్యంలో వ్యవహారం రసవత్తరంగా మారింది. ఎవరికి అవకాశం వచ్చినా రెండో వారి నుంచి సహాయ నిరాకరణ ఎదురు కానుంది. అమలాపురంలో ఇప్పటికే కూటమి పార్టీల తీరు అతుకుల బొంతగా ఉంది. మున్సిపల్‌ ఎన్నికల నేపథ్యంలో ఈ విభేదాలు మరింత ముదరనున్నాయి. జిల్లాలో అమలాపురంతో పాటు రామచంద్రపురం మున్సిపాలిటీలు, ముమ్మిడివరం నగర పంచాయతీ ఉన్నాయి. అయితే, కూటమిలో మున్సిపల్‌ పీఠంపై అసలు తలనొప్పి మాత్రం అమలాపురంలోనే కనిపిస్తోంది.మా అబ్బాయికే ఇవ్వండి మరోవైపు మున్సిపల్‌ పీఠం కూడా తమకే ఇవ్వాలని టీడీపీ సైతం స్పష్టం చేస్తోంది. తన కుమారుడు మెట్ల సత్యకు చైర్మన్‌ అవకాశం ఇవ్వాలని టీడీపీ నేత మెట్ల రమణబాబు కోరుతున్నట్లు సమాచారం. తనకు ఎమ్మెల్సీ పదవి దక్కలేదని, రాష్ట్ర స్థాయి కార్పొరేషన్‌ చైర్మన్‌ పదవి కూడా రాలేదని.. కనీసం తన కుమారుడికి మున్సిపల్‌ చైర్మన్‌ అవకాశమైనా కల్పించాలని పార్టీ పెద్దలను కోరుతున్నట్లు తెలుస్తోంది.

సాక్షి అమలాపురం: కొత్త సామాజిక భద్రతా పింఛన్ల కోసం జిల్లాలో దరఖాస్తులు వెల్లువెత్తుతున్నాయి. ప్రభుత్వం విధించిన గడువు బుధవారంతో ముగియబోతోంది. దీంతో, వేలాదిగా దరఖాస్తుదారులు గ్రామ, వార్డు సచివాలయాలకు పోటెత్తుతున్నారు. అధికారిక సమాచారం ప్రకారం జిల్లాలోని 19 మండలాలు, మూడు పట్టణ ప్రాంతాల పరిధిలో మంగళవారం సాయంత్రం 4 గంటల సమయానికి మొత్తం 31,477 దరఖాస్తులు వచ్చాయి. దరఖాస్తుల స్వీకరణ గడువు ముగిసిన అనంతరం ఈ సంఖ్య మరింత పెరగనుంది. ఇప్పటి వరకూ జిల్లాలోనే అత్యధికంగా అమలాపురం రూరల్‌ మండలంలో 2,050 దరఖాస్తులు వచ్చాయి. అలాగే, వృద్ధాప్య పింఛన్లకు అత్యధికంగా 18,690 దరఖాస్తులు వచ్చాయి. గతంలో అర్హత పొందినా మళ్లీ దరఖాస్తు చేయాల్సిందే.. గత వైఎస్సార్‌ సీపీ ప్రభుత్వం 2024 జనవరి వరకూ కొత్త పింఛన్లు అందించింది. ఆ తర్వాత కొత్తగా వచ్చిన దరఖాస్తుల్లో గ్రామాల వారీగా 10 నుంచి 30 వరకూ పింఛన్లు మంజూరు చేసే ప్రక్రియ చేపట్టింది. సరిగ్గా అదే సమయంలో సార్వత్రిక ఎన్నికల కోడ్‌ అమలులోకి వచ్చింది. ఎన్నికల అనంతరం అధికారంలోకి వచ్చిన చంద్రబాబు ప్రభుత్వం ఆ దరఖాస్తులను పట్టించుకోకపోగా.. ఇప్పటి వరకూ కొత్తగా ఒక్క పింఛను కూడా మంజూరు చేయలేదు. ఎన్నికల ముందు నాటికి ఉమ్మడి తూర్పు గోదావరి జిల్లాలో సుమారు 18 వేల మందికి పైగా అర్హులున్నట్లు సమాచారం. అయితే, వారి దరఖాస్తులను ప్రస్తుత కూటమి ప్రభుత్వం పరిగణనలోకి తీసుకోకుండా, మళ్లీ కొత్తగా దరఖాస్తు చేయాల్సిందేనని వారికి సూచించింది. దీంతో, తమకు గతంలో వచ్చిన అర్హత ఆధారంగా పింఛన్‌ ఇస్తారా.. లేక మళ్లీ కొత్తగా ఎంపిక ప్రక్రియ మొదలుపెడతారా అనే సందేహం అప్పటి దరఖాస్తుదారుల్లో నెలకొంది. కొందరి వద్దకు స్థానిక రాజకీయ నాయకులు వెళ్లి ఎన్టీఆర్‌ భరోసా పింఛన్‌ దరఖాస్తులపై సంతకాలు తీసుకోవడంతో పాటు ఆధార్‌, రేషన్‌ కార్డు తదితర వివరాలు సేకరిస్తున్నట్లు సమాచారం. ఎన్నికల వేళే ఎందుకు? కూటమి ప్రభుత్వం ఏర్పడి సుమారు 27 నెలలవుతున్నా ఇప్పటి వరకూ ఒక్కరికి కూడా కొత్తగా సామాజిక భద్రతా పింఛను ఇవ్వలేదు. సరిగ్గా ఇదే సమయంలో ప్రతి నెలా ఇస్తున్న పింఛన్ల సంఖ్య క్రమంగా తగ్గిస్తోంది. అటువంటిది త్వరలో స్థానిక సంస్థలు నిర్వహిస్తామని చెబుతూ.. సరిగ్గా ఇదే తరుణంలో కొత్త పింఛన్ల దరఖాస్తులు స్వీకరణ హడావుడి మొదలుపెట్టింది. అన్ని దరఖాస్తులూ స్వీకరించి, ఆన్‌లైన్‌ చేసిన తర్వాతే అర్హతలను పరిశీలిస్తామని అధికారులు చెబుతున్నారు. దీనినిబట్టి ‘స్థానిక’ ఎన్నికల ప్రక్రియ పూర్తయ్యే నాటికి అర్హుల తుది జాబితా ఖరారయ్యే అవకాశం ఉంది. దీంతో, ఎన్నికల నేపథ్యంలో చంద్రబాబు ప్రభుత్వం తమను మాయ చేస్తోందేమోననే సందేహం పలువురిలో ఉంది. దరఖాస్తు చేసుకున్న వారందరికీ పింఛన్‌ ఇస్తారా.. లేక నిబంధనల పేరుతో కొందరినే ఎంపిక చేస్తారా అనే ఆందోళన వారిని వెంటాడుతోంది. ఎర మాత్రమేనని, ‘స్థానిక’ సంగ్రామం ముగిసిన తరువాత చాలా వరకూ దరఖాస్తులను ప్రభుత్వం బుట్టదాఖలు చేస్తుందేమోనని పలువురు అనుమానాలు వ్యక్తం చేస్తున్నారు.కొత్త పింఛన్లకు మండలాలు/అర్బన్‌ ప్రాంతాలవారీగా వచ్చిన దరఖాస్తులుమండలం/ వచ్చిన అర్బన్‌ ప్రాంతం దరఖాస్తులు అమలాపురం రూరల్‌ 2,050 రావులపాలెం 1,822 ఆలమూరు 1,708 సఖినేటిపల్లి 1,706 కొత్తపేట 1,681 పి.గన్నవరం 1,673 మలికిపురం 1,633 రాజోలు 1,607 మామిడికుదురు 1,579 రామచంద్రపురం రూరల్‌ 1,543 అయినవిల్లి 1,498 అల్లవరం 1,491 ఐ.పోలవరం 1,475 ఆత్రేయపురం 1,464 ఉప్పలగుప్తం 1,417 కాట్రేనికోన 1,414 అంబాజీపేట 1,289 కె.గంగవరం 1,275 ముమ్మిడివరం 956 రామచంద్రపురం అర్బన్‌ 870 అమలాపురం అర్బన్‌ 776 ముమ్మిడివరం అర్బన్‌ 550 ఫ కొత్త పింఛన్లకు జిల్లాలో వేలాదిగా దరఖాస్తులు ఫ ఇప్పటి వరకు 31,477 మంది నుంచి స్వీకరణ ఫ సచివాలయాలకు పోటెత్తుతున్న జనం ఫ నేటితో ముగియనున్న గడువు ఫ ఎన్నికల స్టంట్‌గానే ప్రజల్లో అనుమానాలు ఫ చేతికి అందితేనే కానీ నమ్మలేమంటున్న దరఖాస్తుదారులు కేటగిరీల వారీగా దరఖాస్తుల వివరాలుకేటగిరీ వచ్చిన దరఖాస్తులు వృద్ధాప్య 18,690 వితంతు 6,199 దివ్యాంగ 4,060 మత్స్యకార 779 చేనేత 555 గీత కార్మికులు 537 డప్పు కళాకారులు 283 చర్మకారులు 267 ఒంటరి మహిళలు 104 ట్రాన్స్‌జెండర్లు 3

అయినవిల్లి: చవితి మహోత్సవాల్లో భాగంగా సుప్రసిద్ధ పుణ్యక్షేత్రం అయినవిల్లి విఘ్నేశ్వర స్వామి వారి దర్శనానికి సోమ, మంగళవారాల్లో భక్తులు అధిక సంఖ్యలో తరలివచ్చారు. సుమారు 50 వేల మంది భక్తులు స్వామివారిని దర్శించి, ప్రత్యేక పూజలు నిర్వహించారు. చవితి పర్వదినాన్ని పురస్కరించుకుని తెల్లవారుజామున 4 గంటల నుంచే ప్రధానార్చకుడు అయినవిల్లి సూర్యనారాయణమూర్తి ఆధ్వర్యాన స్వామివారికి ప్రత్యేక పూజలు జరిపారు. వేద పండితులు పర్యవేక్షణలో పంచామృతాభిషేకం, లఘున్యాస, ఏకాదశ రుద్రాభిషేకం, శ్రీలక్ష్మీ గణపతి హోమం, లక్ష గరిక పూజ, పండ్ల రసాలతో అభిషేకాలు నిర్వహించారు. స్వామివారిని అర్చకులు సుగంధభరిత పుష్పమాలికలతో సర్వాంగ సుందరంగా అలంకరించారు. సాయంత్రం ఏడు గంటలకు పంచహారతులు ఇచ్చారు. స్వామివారిని ముషిక వాహనంపై ఉంచి, ఆలయ మాడ వీధుల్లో ఘనంగా ఊరేగించారు. ఉత్సవాల్లో భాగంగా ఏర్పాటు చేసిన సాంస్కృతిక కార్యక్రమాలు భక్తులను అలరించాయి. చవితి మహోత్సవాల సందర్భంగా ఆలయం విద్యుద్దీప కాంతులతో తళుకులీనింది. పుష్పాలంకరణతో ఆలయ ప్రాగణం కొత్త శోభను అద్దుకుంది. ఆలయ వెలుపల మట్టి గణపతిని ప్రతిష్ఠించి, స్వామివారి నవరాత్రుల్లో ప్రత్యేక పూజలు చేసేందుకు ఏర్పాట్లు చేశారు.

సాక్షి ప్రతినిధి, కాకినాడ: గ్రామ, మండల, నియోజకవర్గ, జిల్లా స్థాయిల్లో పార్టీ సంస్థాగత నిర్మాణాన్ని బలోపేతం చేసేందుకు నూతన కమిటీలను నియమిస్తామని జనసేన పార్టీ అధినాయకత్వం ఎట్టకేలకు ప్రకటించింది. దీనికోసం ఆ పార్టీ శ్రేణుల నుంచి దరఖాస్తులు కూడా స్వీకరించారు. అన్ని అంశాలూ పరిశీలించాక కమిటీలను ప్రకటిస్తామని పార్టీ వర్గాలు వెల్లడించాయి. పార్టీ అధినేత, డిప్యూటీ సీఎం పవన్‌ కల్యాణ్‌ సైతం దరఖాస్తులను పరిశీలిస్తున్నట్లు ఎక్స్‌ వేదికగా వెల్లడించారు. తూర్పు గోదావరి, కాకినాడ, కోనసీమ జిల్లాల్లో జిల్లా, నియోజకవర్గ ఇన్‌చార్జులు, మండల అధ్యక్ష పదవుల భర్తీకి జనసేన అధిష్టానం కసరత్తు చేస్తోంది. ఇందులో జిల్లా అధ్యక్ష పదవుల భర్తీ కీలకంగా మారింది. పార్టీ శ్రేణులపై అధినేత పవన్‌ వ్యవహరిస్తున్న తీరు సరిగ్గా లేదని.. జిల్లా అధ్యక్షుడిగా ఉన్నప్పటికీ కూటమిలో తమకు తగిన ప్రాధాన్యం దక్కదనే ఉద్దేశంతో ఈ పదవికి ఎక్కువ మంది నేతలు విముఖత వ్యక్తం చేస్తున్నట్లు చెబుతున్నారు. ఈ నేపథ్యంలో జిల్లా అధ్యక్ష పదవులకు దరఖాస్తులు నామమాత్రంగానే అందినట్లు సమాచారం. భగ్గుమంటున్న విభేదాలు ఫ సరిగ్గా ఇదే తరుణంలో ‘టీ గ్లాసు’లో గలాటా మొదలైంది. జనసేన జిల్లా అధ్యక్ష పదవుల భర్తీలో కోసం ఎవరికి వారే వర్గాలుగా విడిపోయి కుమ్ములాడుకుంటున్నారు. ఫ జనసేన కాకినాడ జిల్లా అధ్యక్ష పదవి భర్తీపై ఆ పార్టీలో వర్గ విభేదాలు భగ్గుమంటున్నాయి. ఈ పదవికి కొన్నాళ్ల కిందట జనసేన తీర్థం పుచ్చుకున్న పిఠాపురం మాజీ ఎమ్మెల్యే పెండెం దొరబాబు, డీసీసీబీ చైర్మన్‌ తుమ్మల బాబు పోటీ పడుతున్నారు. ఇటీవల డీసీసీబీలో జరిగిన నిధుల గోల్‌మాల్‌ వ్యవహారం చర్చనీయాంశంగా మారింది. ఉద్యోగుల నిధుల స్వాహా అంశం అధినేత పవన్‌ దృష్టికి వెళ్లిందని, ఆయన డీసీసీబీ చైర్మన్‌ తుమ్మల బాబుకు చీవాట్లు పెట్టారని చెబుతున్నారు. దీని వెనుక దొరబాబు వర్గం కీలక పాత్ర పోషించిందని తుమ్మల బాబు వర్గం అనుమానిస్తున్నట్లు సమాచారం. దీంతో, ఈ రెండు వర్గాల మధ్య అంతర్గత పోరు నడుస్తోంది. పెండెం దొరబాబుకు అధ్యక్ష పీఠం దక్కకుండా చేసేందుకు బాబు వర్గం పావులు కదుపుతున్నట్లు ఆరోపణలున్నాయి. అయితే, అధ్యక్ష పీఠం తమకే దక్కుతుందని దొరబాబు వర్గం ధీమాగా ఉంది. దీని కోసం పవన్‌ వద్ద పైరవీలు చేస్తున్నట్లు తెలిసింది. ఫ జనసేన జిల్లా అధ్యక్ష పదవికి సంబంధించి కోనసీమలో సైతం విభేదాలు భగ్గుమంటున్నాయి. ఇక్కడ జనసేన కొత్తపేట నియోజకవర్గ ఇన్‌చార్జి బండారు శ్రీనివాసరావు, అమలాపురానికి చెందిన నల్లా శ్రీధర్‌, ఎస్సీ కోటాలో అయితే గన్నవరం ఎమ్మెల్యే గిడ్డి సత్యనారాయణ పోటీ పడుతున్నట్లు సమాచారం. ఈ పదవి తమకు దక్కుతుందంటే తమకేనంటూ వారు తమ అనుచరులకు లీక్‌లు ఇస్తున్నారు. పార్టీ బలోపేతానికి శ్రమించిన తమకు అధ్యక్ష పదవి కట్టబెట్టకపోతే సహించేది లేదంటూ ఆయా వర్గాలు అల్టిమేటం జారీ చేస్తున్నాయి.ఫ జిల్లా అధ్యక్ష పదవుల కోసం జనసేనలో సిగపట్లు ఫ ఉమ్మడి జిల్లాలో వర్గాలుగా విడిపోయి కుమ్ములాటలు ఫ నేతల మధ్య ముదురుతున్న వర్గపోరు ఫ తమ నేతకే దక్కాలంటూ లాబీయింగ్‌

అమలాపురం రూరల్‌: తమ డిమాండ్ల సాధన కోసం గ్రామ రెవెన్యూ సహాయకులు (వీఆర్‌ఏ) బుధవారం నుంచి సమ్మె చేయనున్నారు. తమ సంఘం రాష్ట్ర కమిటీ పిలుపు మేరకు కలెక్టరేట్‌ వద్ద వీఆర్‌ఏలు మంగళవారం నిరసన తెలిపారు. తొలుత అమలాపురంలోని అంబేద్కర్‌ భవన్‌లో జిల్లా స్థాయి సమావేశం నిర్వహించారు. అనంతరం, కలెక్టరేట్‌ వద్ద ఆందోళన చేశారు. ఈ సందర్భంగా వీఆర్‌ఏల సంఘం జిల్లా అధ్యక్షుడు దారపురెడ్డి వీరభద్రం మాట్లాడుతూ, ఎనిమిదేళ్లుగా తమ కనీస వేతనం ఏమాత్రం పెరగలేదని ఆవేదన వ్యక్తం చేశారు. పెరిగిన ఖర్చులకు, తమకు ఇస్తున్న జీతానికి అసలు ఏమాత్రం సంబంధం లేదని అన్నారు. వీఆర్‌ఏలకు తక్షణం పే స్కేల్‌ అమలు చేయాలని, నామినీగా పని చేస్తున్న వారిని రెగ్యులర్‌ చేయాలని, అర్హులైన వారికి ప్రమోషన్లు కల్పించాలని డిమాండ్‌ చేశారు. అనంతరం, జిల్లా రెవెన్యూ అధికారి (డీఆర్‌ఓ) సుబ్బారావుకు బుధవారం నుంచి సమ్మె చేస్తున్నట్లు నోటీసు అందజేశారు. ప్రభుత్వం సానుకూల నిర్ణయం తీసుకునేంత వరకూ తమ సమ్మె కొనసాగుతుందని స్పష్టం చేశారు. కార్యక్రమంలో వీఆర్‌ఏల సంఘం అమలాపురం మండల అధ్యక్షుడు మొగలికుదురు లక్ష్మణరావు, పలువురు నాయకులు పాల్గొన్నారు.ముగ్గు వేసి నిరసన అమలాపురం టౌన్‌: తమ ఉద్యోగాలను రెగ్యులరైజ్‌ చేయాలనే డిమాండుతో ఏపీ మెడికల్‌ అండ్‌ హెల్త్‌ కాంట్రాక్ట్‌ ఎంప్లాయీస్‌ అసోసియేషన్‌ ఆధ్వర్యాన ఉద్యోగులు దశల వారీ ఆందోళనలు చేస్తున్న విషయం తెలిసిందే. ఇందులో భాగంగా అమలాపురం ప్రభుత్వ ఏరియా ఆస్పత్రి పాంగణంలో ఏపీ వైద్య, ఆరోగ్య శాఖ కాంట్రాక్‌ స్టాఫ్‌ నర్సుల అసోసియేషన్‌ రాష్ట్ర సంయుక్త కార్యదర్శి బి.అచ్యుతవల్లి ఆధ్వర్యాన ఉద్యోగులు మంగళవారం ముగ్గులు వేసి నిరసన తెలిపారు. తమ ఉద్యోగాలను రెగ్యులర్‌ చేయాలని ఆకాంక్షిస్తూ ఇంగ్లిషు అక్షరాలతో ముగ్గులు వేశారు. అసోసియేషన్‌ జిల్లా అధ్యక్షురాలు ఎం.శివకుమారి, సభ్యులు పాల్గొన్నారు. ధాన్యం కొనుగోళ్లకు పకడ్బందీ ఏర్పాట్లు అమలాపురం రూరల్‌: ఖరీఫ్‌ ధాన్యం కొనుగోళ్లకు పకడ్బందీగా ఏర్పాట్లు చేయాలని జిల్లా ఇన్‌చార్జి కలెక్టర్‌, జాయింట్‌ కలెక్టర్‌ వైఖోమ్‌ నైడియాదేవి సంబంధిత అధికారులను ఆదేశించారు. ఈ అంశంపై కలెక్టరేట్‌లో మంగళవారం నిర్వహించిన సమీక్షా సమావేశంలో ఆమె మాట్లాడారు. ప్రస్తుత ఖరీఫ్‌లో జిల్లాలో 1,19,176 ఎకరాల్లో వరి సాగు జరిగిందని చెప్పారు. ఎకరాకు సగటున 2.70 మెట్రిక్‌ టన్నుల దిగుబడి ఆధారంగా మొత్తం 3,33,413.817 మెట్రిక్‌ టన్నుల ధాన్యం ఉత్పత్తి అవుతుందని అంచనా వేశామని తెలిపారు. ఇందులో స్థానిక వినియోగం 33,387.524 మెట్రిక్‌ టన్నులు కాగా, 3,00,026.293 మెట్రిక్‌ టన్నుల ధాన్యం మార్కెట్‌కు వచ్చే అవకాశం ఉందని అధికారులు చెప్పారు. సాధారణ రకం ధాన్యం క్వింటాల్‌కు రూ.2,441, గ్రేడ్‌–ఎ రకానికి రూ.2,461 చొప్పున కనీస మద్దతు ధర చెల్లిస్తారన్నారు. వరి కోతలు నవంబర్‌ మొదటి వారం నుంచి ప్రారంభమయ్యే అవకాశముందని చెప్పారు. అందుకు అనుగుణంగా ధాన్యం కొనుగోలు కేంద్రాల్లో అవసరమైన మౌలిక వసతులు కల్పించాలని ఇన్‌చార్జి కలెక్టర్‌ ఆదేశించారు. సమావేశంలో అమలాపురం ఆర్‌డీఓ కె.సరళావతి, పౌర సరఫరాల సంస్థ జిల్లా మేనేజర్‌ కె.బాలకుమారి, జిల్లా వ్యవసాయ, పౌర సరఫరాల, మార్కెటింగ్‌, సహకార శాఖల అధికారులు ఎం.రామారావు, పి.విజయ్‌ భాస్కర్‌, కె.విశాలాక్షి, హుస్సేన్‌, తూనికలు – కొలతల శాఖ అసిస్టెంట్‌ కంట్రోలర్‌ శంకర విశ్వేశ్వరరావు, కార్మిక శాఖ అసిస్టెంట్‌ కమిషనర్‌ టి.నాగలక్ష్మి, లీడ్‌ బ్యాంక్‌ మేనేజర్‌ కేశవవర్మ తదితరులతో పాటు రైస్‌ మిల్లర్స్‌ అసోసియేషన్‌ నాయకులు పాల్గొన్నారు.

అమలాపురం రూరల్‌: ముఖ్యమంత్రి చంద్రబాబు నాయుడు బీసీలను ఓటు బ్యాంకుగా మాత్రమే చూస్తూ, వారికి వెన్నుపోటు పొడుస్తున్నారని ఎమ్మెల్సీ కూడుపూడి సూర్యనారాయణరావుఽ విమర్శించారు. స్థానిక సంస్థల ఎన్నికలు సమీపిస్తూండటంతో బీసీలకు 34 శాతం రిజర్వేషన్ల పేరిట కొత్త డ్రామాకు తెర లేపారని ధ్వజమెత్తారు. వెన్నుపోటు పార్టీ టీడీపీ వంచనపై ఈ నెల 27వ తేదీన రాజమహేంద్రవరం రూరల్‌ కాతేరు వెంకటాద్రి గార్డెన్స్‌లో వైఎస్సార్‌ సీపీ సీపీ ఆధ్వర్యాన ఉభయ గోదావరి జిల్లాల బీసీ గర్జన సదస్సు నిర్వహిస్తున్నారు. ఈ సదస్సు పోస్టర్లను అమలాపురం మండలం భట్నవెల్లిలోని మాజీ మంత్రి పినిపే విశ్వరూప్‌ క్యాంప్‌ కార్యాలయంలో ఎమ్మెల్సీ కుడుపూడి, బీసీ సంఘాల నాయకులు మంగళవారం ఆవిష్కరించారు. ఈ సందర్భంగా వైఎస్సార్‌ సీపీ బీసీ సెల్‌ జిల్లా అధ్యక్షుడు మట్టపర్తి నాగేంద్ర అధ్యక్షన జరిగిన సమావేశంలో ఎమ్మెల్సీ మాట్లాడుతూ, బీసీలకు పెద్దపీట వేసిన ఘనత మాజీ సీఎం వైఎస్‌ జగన్‌మోన్‌రెడ్డికే దక్కుతుందని అన్నారు. వైఎస్సార్‌ సీపీ హయాంలో 56 బీసీ కార్పొరేషన్లు ఏర్పాటు చేసి, చైర్మన్లను, డైరెక్టర్లను నియమించారని గుర్తు చేశారు. అప్పటి వరకూ సామాన్యులకు అవకాశం దక్కని టీటీడీ పాలక మండలిలో సైతం బీసీలను సభ్యులుగా నియమించారని చెప్పారు. ఎమ్మెల్సీలుగా, రాజ్యసభ సభ్యులుగా మెజార్టీ సీట్లు బీసీలకే ఇచ్చారని గుర్తు చేశారు. వైఎస్‌ జగన్‌ పాలనలోనే బీసీ వర్గానికి రాజ్యాధికారం దక్కిందని అన్నారు. వెన్నుపోటు పార్టీ సారథ్యంలోని కూటమి ప్రభుత్వంలో బీసీలకు ఎక్కడా ప్రాధాన్యం ఇవ్వడం లేదని విమర్శించారు. వైఎస్‌ జగన్‌ హయాంలో ముగ్గురు బీసీలకు ఉప ముఖ్యమంత్రులుగా అవకాశం కల్పించారని ఆయన గుర్తు చేశారు. డిప్యూటీ సీఎం పదవికి ఒక్క బీసీ దొరకలేదా? చంద్రబాబు ప్రభుత్వం బీసీల్లో ఒక్కరికీ ప్రాధాన్యం ఇవ్వలేదని సూర్యనారాయణరావు మండిపడ్డారు. ఉప ముఖ్యమంత్రి పదవి ఇవ్వడానికి ఒక్క బీసీ కూడా చంద్రబాబుకు దొరకలేదా అని నిలదీశారు. బీసీని డిప్యూటీ సీఎంను చేసి పక్కన కూర్చోబెట్టుకునేందుకు చంద్రబాబు ఇష్టపడకపోవడం దారుణమని అన్నారు. వైఎస్సార్‌ సీపీ బీసీ సెల్‌ జిల్లా అధ్యక్షుడు నాగేంద్ర మాట్లాడుతూ, రాజమహేంద్రవరంలో జరిగే ఉభయ గోదావరి జిల్లాల బీసీ గర్జన సదస్సును విజయవంతం చేసేందుకు జిల్లావ్యాప్తంగా బీసీ సంఘాల నాయకులు తరలి రావాలని కోరారు. ఈ సదస్సు నేపథ్యంలో ఈ నెల 20న అమలాపురంలో కోనసీమ బీసీ సెల్‌ సమావేశం జరుగుతుందని చెప్పారు. బీసీలకు 34 శాతం రిజర్వేషన్‌ ఇచ్చేందుకు గత ముఖ్యమంత్రి వైఎస్‌ జగన్‌ ప్రయత్నిస్తే, టీడీపీ నేతలు కోర్టుకెళ్లి అడ్డుకున్నారని ఆగ్రహం వ్యక్తం చేశారు. అయినప్పటికీ 45 శాతం పైగా బీసీలకు స్థానిక సంస్థల ఎన్నికల్లో అవకాశమిచ్చిన గొప్ప నాయకుడు జగన్‌ అని కొనియాడారు. వైఎస్సార్‌ సీపీ రాష్ట్ర కార్యదర్శి చెల్లుబోయిన శ్రీనివాసరావు మాట్లాడుతూ, 20 లక్షల ఉద్యోగాలిస్తామంటూ నిరుద్యోగులకు చంద్రబాబు వెన్నుపోటు పొడిచారని విమర్శించారు. 50 ఏళ్లు దాటిన బీసీలకు పింఛన్లు ఇస్తామని మోసం చేశారన్నారు. వైఎస్‌ జగన్‌మోహన్‌రెడ్డిని మళ్లీ సీఎంను చేసేందుకు కృషి చేద్దామని పిలుపునిచ్చారు. ఈ కార్యక్రమంలో పార్టీ, వివిధ విభాగాల నాయకులు కుడుపూడి భరత్‌, జాన గణేష్‌, సంసాని నాని, గువ్వల రాజేష్‌, భరణికాన బాబు, గుబ్బల వీవీ సత్యనారాయణ, మట్టపర్తి శివ రాంబాబు, ఎంపీపీ శేషారావు, విత్తనాల మూర్తి, దొమ్మేటి రాము, మాజీ మున్సిపల్‌ చైర్‌పర్సన్‌ రెడ్డి సత్య నాగేంద్రమణి, బీసీ సంఘాల మండల అధ్యక్షులు పాల్గొన్నారు. ఫ రిజర్వేషన్ల పేరిట కొత్త డ్రామా ఫ ఎమ్మెల్సీ కుడుపూడి సూర్యనారాయణరావు విమర్శ ఫ 27న రాజమహేంద్రవరంలో బీసీ గర్జన ఫ విజయవంతం చేయాలని నేతల పిలుపు ఫ సదస్సు పోస్టర్ల ఆవిష్కరణ

రాష్ట్రంలోని బలహీన వర్గాల ప్రజలకు మాజీ సీఎం వైఎస్‌ జగన్‌ ప్రభుత్వంలోనే మేలు జరిగింది. భవిష్యత్‌లోనూ ఆయన పాలనలోనే సంక్షేమ ఫలాలు, రాజ్యాధికారం ద క్కుతాయి. మార్కెట్‌, దేవాలయ కమిటీల్లోనూ బీసీలకు రిజర్వేషన్లు కల్పించి సామాన్యులను అందలం ఎక్కించారు. బీసీలకు 34 శాతం రిజర్వేషన్లు ఇచ్చేందుకు జగన్‌ ప్రయత్నిస్తే కోర్టుల ద్వారా చంద్రబాబు అడ్డుకున్నారు. అయినా వెనక్కి తగ్గక 40 శాతం మేర సీట్లు కేటాయించి పెద్ద మనసు చాటుకున్నారు. మహిళలకైతే 50 శాతం పదవులు కేటాయించారు. ఎంపీపీలు, జెడ్పీటీసీలు, జెడ్పీ చైర్మన్లు, మార్కెట్‌ కమిటీ చైర్మన్లు, టీటీడీ బోర్డు మెంబర్లుగా ఎందరికో అవకాశమిచ్చారు. బీసీలు, శెట్టి బలిజలకు మంత్రులుగా అవకాశమిచ్చారు. బీసీలు జడ్జిలుగా పనికిరారని ఉత్తరం రాసి న దుర్మార్గుడు చంద్రబాబు. 34 శాతం రిజర్వేషన్లు ఇస్తానని బాబు మరోసారి మోసం చేస్తున్నాడు. – చెల్లుబోయిన వేణుగోపాలకృష్ణ, మాజీ మంత్రి, వైఎస్సార్‌ సీపీ జిల్లా అధ్యక్షుడు బీసీలకు రాజ్యాధికారం కావాలి సంపద సృష్టించే బీసీలకు రాజ్యాధికారం ఇవ్వాలన్నదే జగన్‌ ఏకై క లక్ష్యం. 2029 ఎన్నికల్లో మనందరికీ అంతిమ పోరాటం. వైఎస్‌ జగన్‌ నాయకత్వంలో అధిక పార్లమెంటు, అసెంబ్లీ సీట్లు సాధించాలి. అప్పడు కేంద్ర ప్రభుత్వం మెడలు వంచి బీసీలకు రాజ్యాధికారం సాధించవచ్చు. – కుడిపూడి సూర్యనారాయణ, ఎమ్మెల్సీ ●

రావులపాలెం: మండలంలోని ఈతకోట టోల్‌ ప్లాజా వద్ద రవాణా శాఖ అధికారులు ఆదివారం 28 ప్రైవేట్‌ ట్రావెల్స్‌ బస్సులను తనిఖీ చేశారు. నిబంధనలకు విరుద్ధంగా ఉన్న 11 బస్సులపై కేసులు నమోదు చేసి రూ.26 వేలు అపరాధ రుసుం విధించినట్టు జిల్లా రవాణా శాఖాధికారి దేవిశెట్టి శ్రీనివాసరావు తెలిపారు. ప్రయాణికుల భద్రతే లక్ష్యంగా ఈ తనిఖీలు కొనసాగుతున్నట్టు ఆయన చెప్పారు. ఈ తనిఖీల్లో మోటార్‌ వెహికల్‌ ఇన్‌స్పెక్టర్లు ఓలేటి శ్రీనివాస్‌, షణ్ముఖ్‌ శ్రీనివాస్‌ పాల్గొన్నారు. నేడు పీజీఆర్‌ఎస్‌ రద్దు అమలాపురం రూరల్‌: వినాయక చవితి సెలవు దినం కావడంతో ఈ నెల 14వ తేదీ సోమవారం జిల్లా కలెక్టరేట్‌లో జరిగే జిల్లా స్ధాయి ప్రజా ఫిర్యాదుల పరిష్కార వేదిక (పీజీఆర్‌ఎస్‌) కార్యక్రమాన్ని రద్దు చేస్తున్నట్టు జిల్లా ఇన్‌చార్జి కలెక్టర్‌ వైఖోమ్‌ నిడియా దేవి ఆదివారం ఒక ప్రకటనలో తెలిపారు. జిల్లాలోని తహసీల్దార్‌, ఎంపీడీవో, మున్సిపల్‌, సచివాలయాల్లో జరిగే పీజీఆర్‌ఎస్‌లను సైతం రద్దు చేసినట్టు పేర్కొన్నారు. ఎస్పీ కార్యాలయంలోనూ.. అమలాపురం టౌన్‌: ఈ నెల 14వ తేదీ సోమవారం జిల్లా పోలీస్‌ కార్యాలయంలో జరగాల్సిన ప్రజా ఫిర్యాదుల పరిష్కార వేదిక (పీజీఆర్‌ఎస్‌) కార్యక్రమాన్ని వినాయక చవితి కారణంగా రద్దు చేస్తున్నట్టు జిల్లా ఎస్పీ కార్యాలయం ఆదివారం ఒక ప్రకటనలో తెలిపింది. జిల్లా ప్రజలు గమనించాలని కోరింది. మద్యం షాపుల లైసెన్స్‌ రెన్యువల్‌కు నోటిఫికేషన్‌ అమలాపురం టౌన్‌: జిల్లాలో ప్రస్తుతం అమలులో ఉన్న మద్యం దుకాణాల లైసెన్సులను 2026–27 సంవత్సరానికి పునరుద్ధరించేందుకు నోటిఫికేషన్‌ జారీ అయిందని జిల్లా ఎకై ్సజ్‌ అధికారి ఆర్‌ఎస్‌ కుమారీశ్వరన్‌ ఆదివారం ఒక ప్రకటనలో తెలిపారు. 2026 అక్టోబర్‌ ఒకటి నుంచి 2027 సెప్టెంబర్‌ 30 వరకు దుకాణాల పునరుద్ధరణ జరుగుతుందని పేర్కొన్నారు. నిబంధనల ప్రకారం ట్యాక్సులు చెల్లించి రెన్యువల్‌ దరఖాస్తులు చేసుకోవాలని సూచించారు. ఓపెన్‌ కేటగిరీలోని 114 దుకాణాలతో పాటు గీత కులాలకు కేటాయించిన 21 దుకాణాలకు కూడా రెన్యువల్‌ చేసుకోవాలని తెలిపారు. ఈ నెల 21 సాయంత్రం 5 గంటల లోపు సంబంధిత ఎకై ్సజ్‌ అధికారికి దరఖాస్తులను సమర్పించాలని సూచించారు. ఈఎన్‌టీ వైద్యుల సంఘ రాష్ట్ర అధ్యక్షుడిగా మూర్తి కర్నూలు (హాస్పిటల్‌): ఈఎన్‌టీ వైద్యుల సంఘం రాష్ట్ర నూతన అధ్యక్షుడిగా కాకినాడకు చెందిన డాక్టర్‌ జీఎస్‌ఎన్‌ మూర్తి ఎన్నికయ్యారు. ఏఓఐ ఏపీ కాన్‌–2026 పేరుతో మూడు రోజులుగా కర్నూలులో నిర్వహిస్తున్న 44వ ఈఎన్‌టీ వైద్యుల రాష్ట్రస్థాయి కాన్ఫరెన్స్‌ ఆదివారం ముగిసింది. ముందుగా సంఘ వార్షిక సర్వసభ్య సమావేశం నిర్వహించి నూతన అధ్యక్షుడిని ఎన్నుకున్నారు. అధ్యక్షుడి పదవీ కాలం రెండేళ్లు. గత రెండేళ్లుగా అధ్యక్షుడిగా పనిచేసిన డాక్టర్‌ బి.జయప్రకాష్‌రెడ్డి (కర్నూలు)ని ఘనంగా సన్మానించారు. కార్యక్రమంలో కార్యనిర్వాహక చైర్మన్‌ డాక్టర్‌ పి.హరికృష్ణ, కర్నూలు అధ్యక్షుడు డాక్టర్‌ ఎం.మహేంద్రకుమార్‌ తదితరులు పాల్గొన్నారు. ఈఎన్‌టీ వైద్యుల రాష్ట్ర కాన్ఫరెన్స్‌లో భాగంగా మూడోరోజు సీఎస్‌ఎఫ్‌ రైనోరియా సమగ్ర నిర్వహణ, మధ్య చెవిలో ఏర్పడే అసాధారణ చర్మపు పెరుగుదలను తొలగించే శస్త్రచికిత్సలపై శిక్షణ ఇచ్చారు.

●సాక్షి, రాజమహేంద్రవరం/రాజమహేంద్రవరం రూరల్‌: రాష్ట్రంలోని బలహీన వర్గాల అసలైన ఆత్మబంధువు వైఎస్‌ జగన్‌మోహన్‌రెడ్డేనని వైఎస్సార్‌ సీపీ బీసీ నాయకులు ముక్త కంఠంతో నినదించారు. 139 బీసీ కులాల కోసం 56 కార్పొరేషన్లు ఏర్పాటు చేసిన ఘనత ఆయకే దక్కుతుందని కొనియాడారు. వెన్నుపోటు పార్టీ వంచనపై బీసీ గర్జన పేరిట రౌండ్‌టేబుల్‌ సమావేశాన్ని వైఎస్సార్‌ సీపీ బీసీ విభాగం రాష్ట్ర అధ్యక్షుడు, ఎమ్మెల్సీ రాచపల్లి రమేష్‌యాదవ్‌ అధ్యక్షతన, మాజీ మంత్రి చెల్లుబోయిన వేణుగోపాలకృష్ణ ఆధ్వర్యంలో బొమ్మూరులోని పార్టీ కార్యాలయంలో ఆదివారం నిర్వహించారు. బీసీలకు కూటమి ప్రభుత్వంలో జరుగుతున్న అన్యాయాన్ని ఎండగడుతూ జగన్‌ ప్రభుత్వంలో జరిగిన మేలును వారంతా గుర్తు చేసుకున్నారు. పార్టీ నాయకులతో పాటు ఎమ్మెల్సీ కవురు శ్రీనివాస్‌, మాజీ ఎమ్మెల్సీ మేకా శేషుబాబు, సీఈసీ సభ్యుడు పితాని బాలకృష్ణ, బీసీ సెల్‌ ఏలూరు జిల్లా అధ్యక్షుడు నెరుసు చిరంజీవులు, ప్రధాన కార్యదర్శి మరడ అనిల్‌కుమార్‌, రాష్ట్ర కార్యదర్శి గంధం రవి, చందన నాగేశ్వర్‌ తదితరులు మాట్లాడారు.శెట్టిబలిజలకు సముచిత స్థానం శెట్టిబలిజలకు జగన్‌ సముచిత స్థానం కల్పించారు. పిల్లి సుభాష్‌చంద్రబోస్‌కు ఉప ముఖ్యమంత్రితో పాటు, రాజ్యసభకు పంపించారు. చెల్లుబోయిన వేణుగోపాలకృష్ణను మంత్రిని చేశారు. జగన్‌ మళ్లీ ముఖ్యమంత్రి అయితేనే బడుగు, బలహీనవర్గాలకు న్యాయం జరుగుతుంది. – చెల్లుబోయిన శ్రీనివాస్‌, మాజీ మున్సిపల్‌ వైస్‌ చైర్మన్‌, అమలాపురం సమన్వయం సాధించాలి బీసీల మధ్య సమన్వయం సాధించినప్పుడే ఐక్యత సాధించగలం. ఏ బీసీకి కష్టమొచ్చినా అందరూ అండగా నిలవాలి. ఆ దిశగా అవసరమైన కార్యాచరణ చేపట్టాలి. – గూడూరి శ్రీనివాస్‌, వైఎస్సార్‌ సీపీ పార్లమెంట్‌ ఇన్‌చార్జి, రాజమహేంద్రవరం జగన్‌తోనే గౌరవం బీసీలకు స్థానిక సంస్థల ఎన్నికల్లో 45 శాతం పైగా రిజర్వేషన్లు కల్పించడంతో పాటు కార్పొరేషన్‌ పదవులు ఇచ్చి గౌరవం కల్పించింది వైఎస్‌ జగన్‌. రాబోయే స్థానిక సంస్థల ఎన్నికల్లో వైఎస్సార్‌ సీపీ జెండా ఎగురవేద్దాం. – అల్లి రాజబాబు, వైఎస్సార్‌ సీపీ బీసీ సెల్‌ అధ్యక్షుడు, కాకినాడ జిల్లా బీసీలను మోసగించిన చంద్రబాబు ఎన్నికల సమయంలో బూటకపు హామీలిచ్చిన చంద్రబాబు గద్దెనెక్కిన తర్వాత బీసీలకు వెన్నుపోటు పొడిచారు. చంద్రబాబు మోసాలను ప్రతి ఒక్కరూ క్షేత్ర స్థాయిలోకి తీసుకెళ్లాలి. – కొండపల్లి దుర్గారావు, వైఎస్సార్‌ సీపీ బీసీ సెల్‌ అధ్యక్షుడు, తూర్పు గోదావరి జిల్లా చంద్రబాబు మోసాలు ఎండగట్టాలి చంద్రబాబు బీసీలకు 50 ఏళ్లకే పింఛన్‌ ఇస్తానంటూ హామీ ఇచ్చి అధికారంలోకి వచ్చాక వంచించారు. బీసీ సోదరులందరూ చంద్రబాబు మోసాలను ప్రజలకు వివరించాలి. – మట్టా నాగేంద్ర, వైఎస్సార్‌ సీపీ బీసీ సెల్‌ అధ్యక్షుడు, బీఆర్‌ అంబేడ్కర్‌ కోనసీమ జిల్లా జగన్‌ సీఎం అయితేనే బీసీలకు రాజ్యాధికారం ఆయన పాలనలోనే బలహీన వర్గాలకు లబ్ధి 45 శాతం పైగా సీట్లు కేటాయించిన ఘనత ఆయనదే మహిళలకు 50 శాతం పదవులు ఇప్పించారు రెండేళ్లుగా బీసీలకు చంద్రబాబు వెన్నుపోటు ఒక్కరికీ ‘ఉప ముఖ్యమంత్రి’ ఇవ్వలేదు రాజ్యసభ, ఎమ్మెల్సీల నియామకంలోనూ అన్యాయం ఉమ్మడి తూర్పు, పశ్చిమ గోదావరి జిల్లాల బీసీ గర్జనలో వైఎస్సార్‌ సీపీ నేతలు

అయినవిల్లి: అయినవిల్లి విఘ్నేశ్వరుని ఆలయం ఆదివారం భక్తులతో కిక్కిరిసింది. అయినవిల్లి గణపతీ.. ఆపదల నుంచి మమ్ము రక్షించు స్వామీ.. మా తొలి పూజ నికేనయ్యా.. అంటూ భక్తులు మొక్కారు. ఆలయ ప్రధానార్చకుడు అయినవిల్లి సూర్యనారాయణమూర్తి ఆధ్వర్యంలో స్వామికి మేలుకొలుపు సేవ, పంచామృతాభిషేకం, ఏకాదశ, లఘున్యాస పూర్వక అభిషేకాలు, శ్రీలక్ష్మీగణపతి హోమం, గరిక పూజ వంటి విశేష పూజలు నిర్వహించారు. అర్చకులు స్వామిని వివిధ పుష్పాలతో సర్వాంగ సుందరంగా అలంకరించారు. స్వామికి మహా నివేదన చేశారు. సాయంత్రం ఎనిమిది గంటలకు స్వామికి విశేష సేవలు చేసి ఆలయ తలుపులు వేశారు. 2680 మంది స్వామివారి అన్నప్రసాదం స్వీకరించారు. స్వామికి ఆదివారం ఒక్కరోజు రూ.3,29,751 ఆదాయం లభించిందని ఆలయ అసిస్టెంట్‌ కమిషనర్‌, ఈఓ ముదునూరి సత్యనారాయణరాజు తెలిపారు. వినాయక చవితికి ముస్తాబు వినాయక చవితి సందర్భంగా సోమవారం నుంచి ఈ నెల 22 వరకు ఆలయంలో స్వామివారికి ప్రత్యేక పూజలు నిర్వహించనున్నారు. చవితి ఉత్సవాలు ఘనంగా నిర్వహించేందుకు ఆలయ అధికారులు ప్రత్యేక ఏర్పాట్లు చేశారు. భక్తుల రద్దీని దృష్టిలో ఉంచుకుని ప్రత్యేక క్యూలైన్లు నిర్మించారు. విద్యుద్దీపాలతో ఆలయాన్ని సర్వాంగ సుందరంగా తీర్చిదిద్దారు. సోమవారం సుమారు 30 వేల మంది భక్తులు స్వామివారిని దర్శించుకునే అవకాశం ఉందని ఆలయ అధికారులు అంచనా వేస్తున్నారు. రద్దీకి అనుగుణంగా ప్రత్యేక దర్శనం, ప్రసాదం, అన్నప్రసాదం తదితర ఏర్పాట్లు చేశారు. లక్ష కుంకుమార్చన, వివిధ పుష్పాలతో ప్రత్యేక అలంకరణ, హారతులు తదితర కార్యక్రమాలు జరుగుతాయని ఆలయ అసిస్టెంట్‌ కమిషనర్‌, ఎగ్జిక్యూటివ్‌ ఆఫీసర్‌ తెలిపారు.

సోమవారం శ్రీ 14 శ్రీ సెప్టెంబర్‌ శ్రీ 2026కడలిలోకి 1.70 లక్షల క్యూసెక్కులు ధవళేశ్వరం: కాటన్‌ బ్యారేజ్‌ నుంచి ఆదివారం 1,70,849 క్యూసెక్కుల మిగులు జలాలను సముద్రంలోకి విడుదల చేశారు. గోదావరి డెల్టా కాలువలకు 13,200 క్యూసెక్కుల నీటిని విడుదల చేశారు. ఇందులో తూర్పు డెల్టాకు 4,700, మధ్య డెల్టాకు 1,500, పశ్చిమ డెల్టాకు 7 వేల క్యూసెక్కుల నీటిని వదిలారు. బాలలు ఇన్‌స్పైర్‌ చేశారు విద్యార్థుల మేధకు పదును పెట్టే లక్ష్యంతో జాతీయ స్థాయిలో ఏటా నిర్వహించే ‘ఇన్‌స్పైర్‌’ పోటీల్లో జిల్లా విద్యార్థులు ప్రతిభ చూపారు.వెన్నుపోటు పార్టీ మోసాలు ఎండగట్టాలి వెన్నుపోటు పార్టీ నాయకుడు చంద్రబాబు బూటకపు హామీలతో అధికారంలోకి వచ్చి బీసీలను మోసం చేశారు. చంద్రబాబు మోసాలను క్షేత్రస్థాయిలోకి తీసుకు వెళ్లాలి. బీసీల సమస్యలను తమకు తెలియజేస్తే పార్టీ అధినేత జగన్‌ దృష్టికి తీసుకెళ్తాం. – నవుడు వెంకటరమణ, వైఎస్సార్‌ సీపీ రాష్ట్ర బీసీ సెల్‌ వర్కింగ్‌ ప్రెసిడెంట్‌, జోన్‌ 2 రీజినల్‌ అధ్యక్షుడు బీసీలను విస్మరించిన ప్రభుత్వం చంద్రబాబు సర్కారు బీసీలను విస్మరించిందన్న విషయాన్ని క్షేత్రస్థాయిలోకి తీసుకెళ్లాలి. జగనన్న చేయూత పథకం ద్వారా 26 లక్షల మందికి రూ.18 వేలు చొప్పున అందజేశారు. చంద్రబాబు అబద్ధపు హామీతో ఏడాదికి రూ.48 వేలు వస్తాయని ఆశించి 26 లక్షల కుటుంబాలు మోసపోయాయి. 27న బీసీ గర్జనను విజయవంతం చేసుకుంటే స్థానిక ఎన్నికల్లోనూ ప్రభావం కనిపిస్తుంది. – మార్గాని భరత్‌రామ్‌, మాజీ ఎంపీ, వైఎస్సార్‌ సీపీ జాతీయ అధికార ప్రతినిధి తూర్పు కాపులకు వైఎస్సార్‌తో మేలు తూర్పు కాపులకు ఉత్తరాంధ్ర మినహా ఇతర ప్రాంతాల్లో బీసీ సర్టిఫికెట్లు ఇవ్వడం లేదని వైఎస్సార్‌ వద్దకు వెళ్తే వెంటనే ఒక జీవో జారీ చేయించారు. ఎక్కడున్నా తూర్పు కాపులేనని, వారికి బీసీ సర్టిఫికెట్లు ఇవ్వాలని ఆదేశాలు జారీ చేశారు. 27వ తేదీన జరిగే సభలో తూర్పు కాపులను ఓబీసీలో చేరుస్తామన్న భరోసా కల్పించాలి. – రౌతు సూర్యప్రకాశరావు, మాజీ ఎమ్మెల్యే, రాజమహేంద్రవరం బీసీలను ఏకం చేయాలి బీసీలను ఏకం చేయాల్సిన అవసరం ఉంది. కులాల వారీగా కమిటీలు వేసి క్షేత్రస్థాయిలో సమస్యలు తెలుసుకోవాల్సిన అవసరం ఉంది. 2029లో వైఎస్‌ జగన్‌ను ముఖ్యమంత్రిని చేయాలన్న కృతనిశ్చయంతో పనిచేయాలి.–పొన్నాడ సతీష్‌కుమార్‌, మాజీ ఎమ్మెల్యే, ముమ్మిడివరం 8

● డీసీసీబీలోనూ కౌడలో భారీ ఎత్తున అక్రమాలు ● వైఎస్సార్‌సీపీ జిల్లా అధ్యక్షుడు దాడిశెట్టి రాజా డిమాండ్‌ బోట్‌క్లబ్‌ (కాకినాడ సిటీ): రాష్ట్రంలో ఎల్‌నినో పేరుతో సీఎం చంద్రబాబు రైతుల నోట్లో మట్టి కొట్టి వారికి తీవ్ర నష్టాన్ని కలుగజేస్తున్నారని వైఎస్సార్‌సీపీ జిల్లా అధ్యక్షుడు దాడిశెట్టి రాజా విమర్శించారు. పక్క రాష్ట్రం తెలంగాణలో ఇదే తరహా వాతావరణం ఉన్నా అక్కడ 93 శాతం భూములు సాగవుతున్నాయని ఆయన తెలిపారు. చంద్రబాబు పంటలకు నీళ్లందించే విషయంపై దృష్టి పెట్టకుండా రాజకీయం చేసి రాష్ట్రాన్ని అధోగతి పాలు చేస్తున్నాడని మండిపడ్డారు. స్థానిక పార్టీ కార్యాలయంలో ఆదివారం ఆయన విలేకరుల సమావేశంలో మాట్లాడుతూ రైతులు తీవ్ర ఇబ్బందుల్లో ఉన్నారని, వారి రుణాలను రీ షెడ్యూల్‌ చేయాలని కోరారు. తక్షణమే కొత్త రుణాలివ్వాలని డిమాండ్‌ చేశారు. వర్షాభావ పరిస్థితుల నేపథ్యంలో జిల్లాలో రైతులు పంటలు సాగుచేసుకోవాలని సూచించిన నాయకులు.. ప్రస్తుతం పంటలు ఎండిపోతున్నా పట్టించుకోవడం లేదన్నారు. వర్షాభావ పరిస్థితులు నేపథ్యంలో ప్రత్యామ్నాయ పంటలు సాగుచేసుకోవాలని అవగాహన కల్పించేవారు కరువయ్యారన్నారు. జిల్లా కేంద్ర సహకార బ్యాంకులో సుమారు రూ.2.25 కోట్ల అవినీతి జరిగిందని, దీనిపై విచారణ చేయాలని డిమాండ్‌ చేశారు. ఉద్యోగులకు ఏప్రిల్‌ ఒకటిన జీతాలు పెంచి జూలై ఒకటిన వారి నుంచి తిరిగి తీసుకున్నారన్నారు. కొడవలి కొండపై ‘కేజీఎఫ్‌’ మాదిరిగా మైనింగ్‌.. గొల్లప్రోలు మండలంలోని కొడవలి కొండపై ‘కేజీఎఫ్‌’ సినిమా మాదిరిగా మైనింగ్‌ నిర్వహిస్తున్నారని, దాన్ని ఆపాలని నేపాల్‌, శ్రీలంక దేశాలకు చెందిన బౌద్ధవులు నిరసన చేపట్టిన విషయాన్ని దాడిశెట్టి రాజా గుర్తుచేశారు. దీనివల్ల అంతర్జాతీయ స్థాయిలో జిల్లా పరువు పోయిందన్నారు. పిఠాపురంలో కాకినాడ అభివృద్ధి ఆధారిత సంస్థ (కౌడ) నిధులు దుర్వినియోగమయ్యాయన్నారు. ఎటువంటి అనుమతులూ లేకుండా రూ.5 లక్షల లోపు పనులు చేయకుండానే బిల్లులు తీసుకుంటున్నారన్నారు. ఈ విధంగా పిఠాపురం నియోజకవర్గంలోను, డీసీసీబీ బ్యాంకులో అక్రమాలు జరుగుతున్నా జిల్లాకు చెందిన మంత్రి పవన్‌ కళ్యాణ్‌ స్పందించకపోవడం దారుణమన్నారు. ఈ అక్రమాల విషయం పవన్‌ కళ్యాణ్‌కు తెలిసిందా లేదా తెలిస్తే ఎందుకు మిన్నకుండిపోయారో బహిర్గతం చేయాలని డిమాండ్‌ చేశారు. జరుగుతున్న అక్రమాల వెనుక ఎవరున్నారో విచారణ చేయాలన్నారు. తుమ్మల బాబుపై చర్యలు తీసుకోవాలి.. పెద్దాపురం నియోజకవర్గ వైఎస్సార్‌సీపీ ఇన్‌చార్జి దవులూరి దొరబాబు మాట్లాడుతూ డీసీసీబీ ఉద్యోగులను భయపెట్టి వారి జీతాలు పెంచి రూ.2.25 కోట్లు కాజేసిన తుమ్మల బాబుపై చర్యలు తీసుకోవాలన్నారు. పదోన్నతులు కల్పిస్తానంటూ ఉద్యోగుల వద్ద కూడా భారీగా నగదు కాజేసినట్టు చెప్పారు. జూలై ఒకటో తేదీన అనపర్తి, రఘుదేవపురం, మురమళ్ళ, ప్రత్తిపాడు డీసీసీబీ బ్యాంక్‌ బ్రాంచ్‌ అధికారులు మిగిలిన బ్యాంకుల వారి వద్ద నుంచి అక్రమంగా వసూలు చేసిన డబ్బులను అధ్యక్షుడు బాబుకు నగదు రూపంలో అందించారన్నారు. ఇది నిజం కాకపోతే జూలై ఒకటో తేదీ సీసీ టీవీ కెమెరాల ఫుటేజీలను బయటపెట్టాలని దవులూరి డిమాండ్‌ చేశారు. డీసీసీబీ బ్యాంక్‌, కౌడ అక్రమాలు, కొడవలి అక్రమ మైనింగ్‌పై తమ వద్ద పూర్తి ఆధారాలున్నాయని చెప్పారు. ఉద్యోగుల నుంచి అక్రమంగా వసూళ్లు.. సహకార బ్యాంకులో జీతాలు పెంచినట్టే పెంచి మళ్లీ వారి దగ్గర నుంచి అక్రమంగా కాజేశారన్నారు. పలువురు సహకార ఉద్యోగులు దీనిపై తనకు ఫిర్యాదు చేశారన్నారు. తమ వద్ద తీసుకున్న డబ్బుల విషయం పవన్‌కు తెలియజేయాలని తనను కోరినట్టు చెప్పారు.

● టీటీడీ వేద పండితులు శ్రీపాద, గుళ్లపల్లి ● ఘనంగా వీరభద్ర వేదశాస్త్ర విద్వత్సభ కొత్తపేట: పూర్వజన్మ సుకృతం వల్లే ఈ పుణ్యభూమిలో జన్మించామని టీటీడీ మాజీ పరీక్ష అధికారి బ్రహ్మశ్రీ శ్రీపాద మాణిక్య అవధానులు, గుళ్లపల్లి దత్తాత్రేయ ఘనపాఠి అన్నారు. వీరభద్ర వేదశాస్త్ర విద్వత్సభ 59వ వార్షికోత్సవాన్ని పురస్కరించుకుని శనివారం స్థానిక హరిహర దేవాలయ ప్రాంగణంలో వేదసభ నిర్వహించారు. సభకు గుళ్లపల్లి అధ్యక్షత వహించారు. ఈ సందర్భంగా వేద పఠనంలో భాగంగా సంహిత క్రమ అధ్యాయాలు, వేదాల ప్రాముఖ్యతను, సనాతన ధర్మం ప్రాముఖ్యతను వివరించారు. అన్ని ధర్మాలకు సనాతన ధర్మమే మూలమని, వేదం చెప్పినట్టు నడుచుకోవాలని, ముఖ్యంగా పిల్లలను సనాతన ధర్మం వైపు నడిపించాలని తల్లిదండ్రులకు సూచించారు. మాణిక్యావధాని పర్యవేక్షణలో సభ నిర్విరామంగా జరిగింది. ఉమ్మడి ఉభయ గోదావరి జిల్లాల నుంచి సుమారు 70 మంది ఘనపాఠిలు పాల్గొని వేదాలు వల్లించారు. అనేక గ్రామాల నుంచి వేద పండితులు పాల్గొన్నారు. అనంతరం మాణిక్య అవధానులు, దత్తాత్రేయ ఘనాపాఠి తదితరులను వేదసభ నిర్వహణ కమిటీ సభ్యులు ఘనంగా సత్కరించారు. కార్యక్రమంలో కమిటీ అధ్యక్షుడు కీర్తి వెంకటేశ్వరరావు, ప్రధాన కార్యదర్శి ముసునూరి వెంకటేశ్వరరావు, కార్యదర్శులు కాకరపర్తి బంగారుబాబు, పట్టమట్ట రామకృష్ణ రవిప్రసాద్‌, చిలుకూరి రామశేషగిరిరావు, తనికెళ్ల వెంకట రామారావు, అజ్జరపు వెంకట సత్యనారాయణ తదితరులు పాల్గొన్నారు.

● 2 కాసుల బంగారం ● రూ.2 లక్షల నగదు చోరీప్రత్తిపాడు: దుండగులు చేపల చెరువు యజమాని గొంతు కోసి హత్య చేసి, బంగారు వస్తువులు, నగదు దోచుకుపోయిన ఘటన శనివారం మండలంలోని టి.రాయవరంలో జరిగింది. పోలీసులు, స్థానికుల కథనం మేరకు గ్రామానికి చెందిన తటవర్తి మెహర్‌ ప్రసాద్‌కు చెందిన చెరువును ఏలూరు జిల్లా పైడి చింతపర్రు గ్రామానికి చెందిన మోరి నరసింహారావు (70) లీజుకు తీసుకుని నాలుగేళ్లుగా చేపలు పెంచుతున్నాడు. చెరువు వద్ద మకాంలో కొవ్వాడలంక గ్రామానికి చెందిన వితంతువైన తన కూమార్తె బలే నాగలక్ష్మితో కలిసి అతను జీవిస్తున్నాడు. ఐదు రోజుల క్రితం పెన్షన్‌ నిమిత్తం తన కుమార్తె కొవ్వాడలంక వెళ్ళింది. శుక్రవారం సాయంత్రం చేపల చెరువు మకానికి సమీపంలో ఉన్న ప్రత్తిపాడు మండలం ఏలూరు గ్రామానికి చెందిన స్నేహితులు గొర్ల రాంబాబు, చిరికే అప్పారావుతో కలిసి టీ తాగారు. ఆ రాత్రి వేళ ఇద్దరు లేదా ముగ్గురు అగంతకులు వచ్చారని, వారితో జరిగిన ఘర్షణలో పదునైన ఆయుధంతో నరసింహారావు మెడ కోసి, హత్య చేసినట్టు పోలీసులు భావిస్తున్నారు. నాగలక్ష్మి గదిలోని బీరువా పగలగొట్టి 10 గ్రాముల బంగారు వస్తువులు, రూ.2 లక్షల నగదు దోచుకుపోయారు. స్నేహితులు రాంబాబు, అప్పారావు ఉదయం వచ్చి పిలిచినా పలకకపోవడంతో లోపలికి వెళ్లి చూడగా అతడు విగతజీవుడై పడి ఉన్నాడు. వారి సమాచారం మేరకు ఎస్సై ఎస్‌.లక్ష్మీకాంతంతో కలిసి సీఐ బి.సూర్య అప్పారావు, డీఎస్పీ ఏబీజీ తిలక్‌ హత్యా స్థలాన్ని పరిశీలించి విచారణ చేపట్టారు. క్లూస్‌ టీం, డాగ్‌ స్క్వాడ్‌ అధారాలను సేకరిస్తోంది. మృతదేహాన్ని శవపరీక్షకై ప్రత్తిపాడు సీహెచ్‌సీకి తరలించారు. నాగలక్ష్మి ఫిర్యాదు మేరకు కేసు దర్యాప్తు చేస్తున్నారు.

పి.గన్నవరం టీడీపీలోమళ్లీ రాజుకున్న విభేదాలు.. ఇప్పుడు ఆనందసాగర్‌కు ఇన్‌చార్జి బాధ్యతలు దాదాపు ఖరారయ్యాయనే ప్రచారంతో మళ్లీ విభేదాలు రాజుకుంటున్నాయి. పార్టీ సీనియర్లు జెడ్పీ మాజీ చైర్మన్‌ నామన రాంబాబు, సీనియర్లు డొక్కా నాథ్‌బాబు, నాగాబత్తుల సుబ్బారావు వంటి వారు కూడా వ్యతిరేకిస్తున్నారు. బాబు పర్యటనలో పాస్‌ల కేటాయింపులోనూ తమకు అన్యాయం జరిగిందంటూ కొందరు పార్టీ అధ్యక్షులు రాజీనామాల వరకు వెళ్లినట్టు సమాచారం. చంద్రబాబు పర్యటనతో కేడర్‌లో జోష్‌ రావాల్సిన సమయంలో ఈ పరిణామాలు ఆ పార్టీకి ఇబ్బందికరంగా మారాయి. ఇటీవల జరిగిన చంద్రబాబు జిల్లా పర్యటన పి.గన్నవరం నియోజకవర్గ టీడీపీలో కొత్త విభేదాలకు దారితీసింది. ఇంతవరకు పార్టీలో అంతర్గతంగా ఉన్న ఆధిపత్య పోరు కాస్తా మరింత ముదిరి రాజీనామాల వరకు వెళ్లింది. సాక్షి, అమలాపురం: పి.గన్నవరం నియోజకవర్గ టీడీపీలో విభేదాలు భగ్గుమన్నాయి. పి.గన్నవరం, అంబాజీపేట, అయినవిల్లి మండలాల టీడీపీ అధ్యక్షులు ప్రత్తిపాటి ఉమామహేశ్వరి, గూడాల ఫణి, వస్కా శ్యామ్‌లు తమ పదవులకు రాజీనామా చేశారు. పార్టీ కో కన్వీనర్లుగా ఉన్న మోకా ఆనందసాగర్‌, దాసరి వీరవెంకట సత్యనారాయణలతో కలిసి పనిచేయలేమని, కార్యకర్తలకు తీవ్ర అవమానం జరుగుతోందని చెబుతూ తమ రాజీనామా లేఖలను జిల్లా ఇన్‌చార్జి మంత్రి అచ్చెన్నాయుడు, పార్టీ రాష్ట్ర అధ్యక్షుడు పళ్ల శ్రీనివాస్‌కు పంపారు. మరీ ముఖ్యంగా కో కన్వీనర్‌గానే కాకుండా రాష్ట్ర సివిల్‌ సప్లయిస్‌ కార్పొరేషన్‌ డైరెక్టర్‌గా ఉన్న ఆనందసాగర్‌ తీరుతో తాము తీవ్ర అవమానాలకు గురవుతున్నామని వారు పేర్కొన్నారు. ఒకేసారి ముగ్గురు మండల అధ్యక్షుల రాజీనామా అస్త్రం ఆ పార్టీలో కలకలం రేపుతోంది. మరోపక్క అమలాపురం ఎంపీ గంటి హరీష్‌కు కూడా వారు లేఖ రాశారు. దీనిపై ఆయన విషయాన్ని పార్టీ జిల్లా అధ్యక్షుడు గుత్తుల సాయి దృష్టికి తీసుకెళ్లారు. సాయి మాట్లాడిన తరువాత రాజీనామా వ్యవహారం బయటకు పడకుండా ఉండేలా తాము రాజీనామాలు చేయలేదని, తమ అసంతృప్తిని మాత్రం లేఖ రూపంలో పార్టీ పెద్దలకు వివరించామని మండల అధ్యక్షులు చెబుతున్నారు. ఇటీవల పార్టీ అధినేత చంద్రబాబు పర్యటన నేపథ్యంలో ఆయన నియోజకవర్గ పార్టీ నేతలతో అంబాజీపేటలో సమీక్ష సమావేశం నిర్వహించారు. పార్టీలో అందరూ ఒక మాటపై పనిచేయాలని సూచించారు. అయితే బాబు పర్యటనలో హెలీప్యాడ్‌ వద్ద, రైతులకు పాస్‌ పుస్తకాల పంపిణీ వద్ద, కార్యకర్తల సమీక్ష సమావేశాలకు పార్టీ నాయకులకు, కార్యకర్తలకు ఇవ్వాల్సిన పాస్‌లు ఆనందసాగర్‌ తనకు నచ్చినవారికి ఇవ్వడం, పార్టీ మండల అధ్యక్షులను, ఇతర నాయకులను పట్టించుకోకపోవడంతో వారంతా ఆగ్రహంతో ఉన్నారు. ఇది తమకు అవమానంగా భావించి వారు రాజీనామా అస్త్రాన్ని ప్రయోగించారు. అదే అసంతృప్తికి కారణమా? స్థానిక సంస్థల ఎన్నికలకు పార్టీ శ్రేణులను సమాయత్తం చేయాల్సిన సమయంలో పి.గన్నవరం నియోజకవర్గ టీడీపీలో విభేదాలు బయటపడుతున్నాయి. నియోజకవర్గ పార్టీ ఇన్‌చార్జిగా స్థానికేతరుడైన ఆనందసాగర్‌ను ఖరారు చేశారనే ప్రచారం కేడర్‌లో అసంతృప్తికి కారణమవుతోంది. ఇప్పటికే నియోజకవర్గంలో కో–కన్వీనర్ల జోక్యం పెరగడం, సీనియర్‌ కార్యకర్తలను పక్కన పెడుతున్నారనే విమర్శలు వినిపిస్తున్నాయి. ఇదే బాటలో మరికొందరు కీలక నాయకులు కూడా పయనించనున్నారనే ప్రచారం పార్టీ కేడర్‌లో ఆందోళనకు కారణమవుతోంది. తొలి నుంచీ వ్యతిరేకత ఆనందసాగర్‌కు ఇన్‌చార్జి పదవిని నాలుగు మండలాల పార్టీ కేడర్‌తో పాటు సాధారణ కార్యకర్తలు కూడా తొలి నుంచీ వ్యతిరేకిస్తున్నారు. ఇప్పటికే పలు సందర్భాల్లో మండలాల వారీగా సమావేశాలు ఏర్పాటు చేసి స్థానికులకే ఇన్‌చార్జి పదవి ఇవ్వాలనే తీర్మానాలు చేసి పార్టీ అధిష్టానానికి పంపించారు. ఈ పరిణామాల నేపథ్యంలోనే 2019 ఎన్నికల తర్వాత కొంతకాలం పి.గన్నవరం నియోజకవర్గానికి పార్టీ ఇన్‌చార్జి లేకుండా పోయారని గుర్తుచేస్తున్నారు. గత ఎన్నికల్లో టీడీపీ నుంచి సరిపెళ్ల రాజేష్‌ (మహాసేన రాజేష్‌)ను అభ్యర్థిగా ఎంపిక చేసిన సమయంలోనూ స్థానికేతరుడు, వివాదాస్పద వ్యక్తి అంటూ కేడర్‌ నుంచి తీవ్ర వ్యతిరేకత వ్యక్తమైంది. పార్టీ కార్యాలయం ధ్వంసం వరకు వెళ్లింది. ఈ పరిణామాలతో అభ్యర్థిని మార్చడంతో పాటు ఈ స్థానాన్ని జనసేనకు కేటాయించిన విషయం తెలిసిందే. ఆదివారం శ్రీ 13 శ్రీ సెప్టెంబర్‌ శ్రీ 2026 ముగ్గురు మండల అధ్యక్షుల రాజీనామా బెదిరింపు అసంతృప్తి వ్యక్తం చేస్తూ లేఖాస్త్రం కోకన్వీనర్లతో కలసి పనిచేయలేమంటూ లేఖలు విభేదాలు రాజేసిన చంద్రబాబు పర్యటన ఆనందసాగర్‌కు ఇన్‌చార్జి పదవి నేపథ్యంలో తిరుగుబాటు

ఫ అధికారుల దాటవేత ధోరణి ఫ అరకు ఎంపీ తనూజరాణి, మాజీ ఎమ్మెల్యే ధనలక్ష్మి కూనవరం: ఏజెన్సీలోని పాఠశాలల్లో విద్యార్థులు అంతుచిక్కని రీతిలో మృత్యువాతకు గురవుతుంటే కూటమి ప్రభుత్వం స్పందించడం లేదని అరకు ఎంపీ గుమ్మా తనూజా రాణి, మాజీ ఎమ్మెల్యే, వైఎస్సార్‌ సీపీ కో ఆర్డినేటర్‌ నాగులపల్లి ధనలక్ష్మి అన్నారు. కూనవరం మండల పరిధి గొమ్ముగూడెం గ్రామాన్ని శనివారం వారు సందర్శించారు. ఈ సందర్భంగా మాట్లాడుతూ జిల్లాలో ఇప్పటికి పది మంది విద్యార్థులు మృతి చెందారన్నారు. ఏజెన్సీ మండలాల్లో విద్యార్థుల మరణ మృదంగం మోగుతుంటే ప్రభుత్వానికి చీమకుట్టినట్టు కూడా లేదని మండిపడ్డారు. కూనవరం మండలంలో ఏడో తరగతి విద్యార్థిని జాహ్నవి వైద్యం అందక మృతి చెందిందని, ఎటపాక మండలం విస్సాపురం పంచాయతీ గొల్లగుప్పలో ఇద్దరు మృతి చెందగా, మరో 50 మంది అస్వస్థతకు గురైన విషయం తెలిసిందేనని చెప్పారు. గొల్లగుప్పలో వైఎస్సార్‌ సీపీ కార్యకర్తలు స్పందించిన తీరు అమోఘమన్నారు. అనంతరం ప్రజలు వివిధ సమస్యలపై వినతి పత్రాలు అందజేశారు.

ఎమ్మెల్సీ సూర్యనారాయణరావు ధ్వజం అమలాపురం టౌన్‌: ఎమ్మార్పీ కంటే అధిక ధరలకు మద్యం విక్రయాలు చేస్తున్నా రని ఎమ్మెల్సీ కుడుపూడి సూర్యనారాయణరావు విమర్శించారు. కోనసీమ పర్యటన కు వచ్చిన సీఎం చంద్రబాబు అంబాజీపేటలో మ ద్యం అధిక ధరలపై మొక్కుబడి ప్రకటనలకే పరిమితమయ్యారని, అడ్డుకునేందుకు ఆచరణలో చేపట్టిన చర్యలు శూన్యమని తెలిపారు. బాబు వెళ్లిన సాయంత్రం నుంచే మద్యం దుకాణాల్లో ఎమ్మార్పీ కంటే అధిక ధరలకు యథావిధిగా విక్రయాలు చేయడమే దీనికి నిదర్శనమన్నారు. స్థానిక తన క్యాంపు కార్యాలయంలో శనివారం ఆయన విలేకరులతో మాట్లాడారు. మద్యం సిండికేట్లు, అధికారులు కుమ్మకై ్క ధరలు పెంచి అనధికార దందా సాగిస్తున్నారని మండిపడ్డారు. మరోపక్క యానాం నుంచి మద్యం, పెట్రోలు, డీజిల్‌ కోనసీమకు అక్రమంగా రవాణా యథేచ్ఛగా సాగుతున్నా సంబంధిత శాఖలకు, అధికారులకు పట్టడం లేదన్నారు. ఇసుక దందా కూడా కోనసీమలో అధికమైందని ఆయన ఆందోళన వ్యక్తం చేశారు. ఇండిగో సర్వీసు అత్యవసర ల్యాండింగ్‌ కోరుకొండ: చైన్నె నుంచి గన్నవరం విమానాశ్రయానికి బయలుదేరిన ఇండిగో విమాన సర్వీ సు శనివారం రాజమహేంద్రవరం విమానాశ్రయంలో అత్యవసరంగా దిగింది. వాతావరణం అనుకూలించకపోవడంతో గన్నవరం విమానాశ్రయం నుంచి సిగ్నల్‌ రాకపోవడంతో గాల్లో చక్కర్లు కొట్టి వెనుదిరిగింది. ఇదిలా ఉండగా 65 మంది ప్రయాణికులతో బయలు దేరిన విమానం గాల్లో చక్కర్లు కొట్టడంతో స్థానికులు ఏం జరిగిందోనని ఆందోళనకు గురయ్యారు.

● పారిశుధ్యంపై మరింత దిగువకు సర్వే ఫలితం ● పద్మావతి సంస్థ వైపే అధికారుల మొగ్గు ● ప్రభుత్వ పెద్దల అండదండలతోనే కొనసాగింపు ● రూ.1.3 లక్షలు పోగొట్టుకున్న గొల్లప్రోలు వీఆర్వో ● నగదు బదిలీని ఫ్రీజ్‌ చేసిన సైబర్‌ క్రైం సిబ్బందిఅన్నవరం: ప్రముఖ ఆలయాల్లో పారిశుధ్యం బాగోలేదని భక్తులు అసంతృప్తి వ్యక్తం చేస్తున్నా సంబంధిత కాంట్రాక్టర్‌పై చర్యలు తీసుకోలేని పరిస్థితి దేవదాయ శాఖలో నెలకొంది. తొమ్మిది నెలలుగా 70 శాతం మంది భక్తులు ఈ విషయమై అసంతృప్తి వ్యక్తం చేస్తున్నా ఈ కాంట్రాక్టు దక్కించుకున్న పద్మావతి సంస్థ యజమాని భాస్కరనాయుడు కావడం ఆయన ప్రభుత్వ పెద్దలకు కావలసిన వారు కావడమేనని సర్వత్రా ఆరోపణలు వెల్లువెత్తుతున్నాయి. రాష్ట్రంలోని ఏడు ప్రముఖ దేవాలయాలకు తిరుపతికి చెందిన ఆ సంస్థదే కాంట్రాక్టు కావడం గమనార్హం. రెండేళ్లకు రూ.80 కోట్ల పైమాటే ఏడు దేవస్థానాలలో పారిశుధ్య కాంట్రాక్ట్‌ విలువ రెండేళ్లకు కలిపి రూ.80 కోట్లు పైమాటే. శ్రీశైలం దేవస్థానంలో ఈ కాంట్రాక్ట్‌ నెలకు రూ.1.10 కోట్లు కాగా, అన్నవరంలో నెలకు రూ.80 లక్షలు. మిగిలిన దేవస్థానాలలో ఆవరణ తక్కువ కనుక రూ.60 లక్షలు నుంచి రూ.50 లక్షల వరకు ఉంది. పాత కాంట్రాక్ట్‌ రూ.49 లక్షలు అన్నవరం దేవస్థానంలో పాత పారిశుధ్య కాంట్రాక్ట్‌ నెలకు రూ.49 లక్షలు కాగా, పద్మావతి సంస్థకు రూ.31 అదనంగా సుమారు రూ.80 లక్షలు చెల్లిస్తున్నారు. ఈ మొత్తంలో రూ.7.5 లక్షలు ఫినాయిల్‌, బ్లీచింగ్‌ తదితర సామగ్రికి, రూ.3.68 లక్షలు మెషీన్ల నిర్వహణకు చెల్లించాల్సి ఉంది. 365 మంది సిబ్బందికి కార్మిక చట్టాల ప్రకారం రూ.65 లక్షలు వేతనాలు చెల్లించాలి. కాంట్రాక్టర్‌కు ఈ మొత్తం మీద 4.95 శాతం సర్వీస్‌ టాక్స్‌ చెల్లించాలి. ఈ మొత్తం నెలకు రూ.80 లక్షలు. సర్వేల్లో దిగజారిన పారిశుధ్యం రాష్ట్ర ప్రభుత్వం వాట్సాప్‌, ఐవీఆర్‌ఎస్‌ ద్వారా సేకరించిన అభిప్రాయ సేకరణలో గత ఏడాది జూన్‌ నుంచి ఈ ఏడాది మే వరకు 67.3 శాతం మంది మాత్రమే పారిశుధ్యంపై సంతృప్తి వ్యక్తం చేశారు. అది ఈ ఏడాది జూన్‌ నుంచి ఆగస్టు వరకు 67.5 శాతం ఉంది. ఈ మూడు నెలల్లో జూలైలో 66 శాతం. ఆగస్టులో 64.9 శాతం మాత్రం భక్తులు మాత్రమే సంతృప్తి వ్యక్తం చేశారు. పరిస్థితి మెరుగుపరచాలి వచ్చే నెలలో ప్రారంభమయ్యే దసరా నుంచి వరుసగా పర్వదినాలే. తరువాత కార్తికమాసం ఇలా వరస ముఖ్యమైన కార్యక్రమాలు జరగనున్న నేపథ్యంలో ఆలయాల్లో పారిశుధ్యం మెరుగుకు చర్యలు చేపట్టాల్సి ఉంది.ఏసీబీ తనిఖీలని బెదిరింపు కాల్‌పిఠాపురం: గొల్లప్రోలు వీఆర్వో వెంకటపతిని ఏసీబీ అధికారులమని బెదిరించి రూ.1.3 లక్షలు దోచుకున్న ఘటన వెలుగుచూసింది. వివరాల్లోకి వెళితే గత సోమవారం ఓ వ్యక్తి 9740562154 నంబరు నుంచి ఫోన్‌ చేసి ఏసీబీ అధికారిగా పరిచయం చేసుకుని మీపై అవినీతి ఆరోపణలు వచ్చాయి, తమ వద్ద ఆధారాలు ఉన్నాయి, తనిఖీలకు వస్తున్నామని బెదిరించాడు. తానేమీ అవినీతికి పాల్పడలేదని చెప్పినా వినకుండా పదేపదే ఫోన్లు చేసిన బెదిరించి తమ నంబర్‌కు రూ.2 లక్షలు వేస్తే దాడికి రామని ఆ వ్యక్తి చెప్పాడు. దీంతో వీఆర్వో తన భార్య బంగారాన్ని విక్రయించి వారు చెప్పిన 9493614191 నంబర్‌కు రూ.95 వేలు ఒకసారి, రూ.5 వేలు మరోసారి ఫోన్‌పే చేశాడు. అయినప్పటికీ మిగిలిన సొమ్ము కోసం బెదిరించడంతో మరో రూ.30 వేలు పంపాడు. ఈ విషయాన్ని సహోద్యోగులకు చెప్పగా వారి సూచన మేరకు సదరు నంబర్‌కు ఫోన్‌ చేయగా స్విచ్‌ ఆఫ్‌ అని వచ్చింది. దీంతో తాను మోసపోయినట్టు గుర్తించిన వెంకటపతి పోలీసులకు సమాచారం ఇచ్చాడు. వెంటనే అప్రమత్తమైన పోలీసులు సైబర్‌ క్రైం సిబ్బంది ద్వారా ఆ సొమ్మును ఫ్రీజ్‌ చేసినట్టు తెలిపారు. కేసు దర్యాప్తు చేస్తున్నట్టు ఎస్సై ఎన్‌ రామకృష్ణ తెలిపారు. వీఆర్వోకు వచ్చిన ఫోన్‌ నంబరును విచారించగా మద్దూరి రాజ్‌కుమార్‌గా గుర్తించారు. కాగా సోమవారం ఉదయం నుంచి ఆ కార్యాలయంలోని పలువురు అధికారులకు ఇలా బెదిరింపు కాల్స్‌ చేసి సిబ్బంది సమాచారం అడిగారని, దాడి చేస్తున్నట్టు చెప్పగా వాటిని కట్‌ చేసినట్టు పలువురు తెలిపారు. ఇలా తహసీల్దారు కార్యాలయంలో ఆర్‌ఐకి ఫోన్‌ చేసి వివరాలు అడిగి యథా ప్రకారం బెదిరించగా, ఆధారాలు ఉంటే వచ్చి విచారణ చేసుకోవచ్చని ఆయన బదులివ్వడంతో ఆ కాల్‌ కట్‌ చేశారని, ఇదే విషయంపై సహోద్యోగులకు అవగాహన కల్పిస్తుండగానే వీఆర్వో వారి వలకు చిక్కినట్టు తెలుస్తోంది.

ఎమ్మెల్సీ ఇజ్రాయిల్‌ అల్లవరం: అమలాపురం మున్సిపాలిటీలో ఎస్సీ, ఎస్టీ, బీసీ, ఓసీ మహిళా ఓటర్ల సర్వే ఇంటింటికీ వెళ్లి నిర్వహించకుండా, ఏసీ గదుల్లో కూర్చుని మొక్కుబడిగా చేస్తున్నారనే విమర్శలు వస్తున్నాయని ఎమ్మెల్సీ బొమ్మి ఇజ్రాయిల్‌ తెలిపారు. ఈ మేరకు శనివారం ఆయన ఒక ప్రకటన విడుదల చేశారు. ప్రభుత్వం ఈ నెల ఐదున జారీ చేసిన జీవో ప్రకారం ఈ నెల 8 నుంచి 12 వరకు సర్వే నిర్వహించాల్సి ఉందని పేర్కొన్నారు. అమలాపురం మున్సిపాలిటీలో క్షేత్రస్థాయి సిబ్బంది ఇంటింటికీ వెళ్లి సర్వే నిర్వహించలేదని స్థానికుల నుంచి విమర్శలు వస్తున్నాయని తెలిపారు. ఇది నిబంధనలకు పూర్తి విరుద్ధమని, దీని ద్వారా ఎస్సీ, ఎస్టీ, బీసీ ఓటర్లకు అన్యాయం జరుగుతుందని ఆయన ఆందోళన వ్యక్తం చేశారు. మహిళా ఓటర్ల సర్వేని ఇంటింటికీ వెళ్లి చేపట్టాలని డిమాండ్‌ చేశారు. సర్వే పూర్తయిన తర్వాత జాబితాను పారదర్శకంగా పరిశీలించి అభ్యంతరాలకు అవకాశం కల్పించాలని పేర్కొన్నారు. వాస్తవ ఓటర్ల సర్వే ఆధారంగా రిజర్వేషన్లు కల్పించాలని డిమాండ్‌ చేశారు. ఏదైనా అవకతవకలు జరిగితే రాష్ట్ర ఎన్నికల కమిషన్‌ దృష్టికి తీసుకెళ్లి బాధ్యులపై చర్యలకు సిఫార్సు చేస్తామని ఇజ్రాయిల్‌ హెచ్చరించారు. వర్షంలోనూ వాడపల్లికి తగ్గని రద్దీ ఆత్రేయపురం : కోనసీమ తిరుమల వాడపల్లి శ్రీ వెంకటేశ్వర స్వామి వారి దర్శనానికి వర్షాలను సైతం లెక్కచేయకుండా శనివారం భారీ సంఖ్యలో భక్తులు తరలివచ్చారు. భక్తులు ఏడు ప్రదక్షిణలు చేసి స్వామివారిని దర్శించుకున్నారు. సుమారు 1,03,668 మంది భక్తులు స్వామివారిని దర్శించుకున్నారని ఆలయ ఈవో నల్లం సూర్యచక్రధరరావు తెలిపారు. పెద్ద సంఖ్యలో భక్తులు కాలినడకన సైతం స్వామివారి దర్శనానికి విచ్చేశారు. ఆలయంలో వేకువ జామునే సుప్రభాత సేవ, తొలి హారతి, నీరాజనం, ఐశ్వర్య లక్ష్మీ హోమం, బాల భోగం వంటి కార్యక్రమాలను అర్చకులు, వేదపండితులు ఆగమ శాస్త్రానుసారం నిర్వహించారు. ఆదాయం రూ. 65,93,892 వచ్చింది. పెద్ద సంఖ్యలో భక్తులు స్వామివారి ఉచిత అన్న ప్రసాదం, తీర్థప్రసాదాలు స్వీకరించారు. సమస్యలపై సీఎంకి మెయిల్‌ వైద్య ఆరోగ్య కాంట్రాక్ట్‌ ఉద్యోగుల నిరసన అమలాపురం టౌన్‌ : తమ ఉద్యోగాలను రెగ్యులైజ్‌ చేయాలన్న డిమాండ్‌తో గత కొన్ని రోజులుగా వినూత్న రీతిలో నిరసనలు చేస్తున్న జిల్లా వైద్య ఆరోగ్య శాఖకు చెందిన కాంట్రాక్టు ఉద్యోగులు శనివారం ముఖ్యమంత్రి చంద్రబాబుకు తమ సమస్యలు, డిమాండ్లపై మెయిల్‌ పంపించారు. ‘మెయిల్‌ టు సీఎం’ పేరిట జేఏసీ రాష్ట్ర వ్యాప్త పిలుపు మేరకు ఈ కార్యక్రమం చేపట్టినట్టు రాష్ట్ర వైద్య ఆరోగ్య కాంట్రాక్ట్‌ స్టాఫ్‌ నర్సుల అసోసియేషన్‌ సంయుక్త కార్యదర్శి బి.అచ్యుతవల్లి తెలిపారు. ఈ కార్యక్రమంలో జిల్లా అసోసియేషన్‌ అధ్యక్షురాలు ఎం.శివకుమారి, కాంట్రాక్ట్‌ ఉద్యోగులు పాల్గొన్నారు. ఆంధ్రప్రదేశ్‌ మెడికల్‌ అండ్‌ హెల్త్‌ కాంట్రాక్ట్‌ ఎంప్లాయీస్‌ జేఏసీ ఆధ్వర్యంలో ఈ నిరసనలు జరుగుతున్నాయి. అన్నవరం దేవస్థానానికి కొత్త బస్సులు అన్నవరం: ప్రముఖ పుణ్యక్షేత్రమైన అన్నవరంలోని శ్రీవీర వేంకట సత్యనారాయణ స్వామివారి దేవస్థానానికి విచ్చేసే భక్తుల కొరకు దేవస్థానం కొనుగోలు చేసిన రెండు కొత్త బస్సులను ఆదివారం ప్రారంభిస్తున్నారు. ఈ బస్సుల ఛాసిస్‌ కొనుగోలు, తరువాత బాడీ బిల్డింగ్‌కు మొత్తం రూ.90 లక్షలు వ్యయమైందని అధికారులు తెలిపారు. 36 సీటింగ్‌తో ఉండే ఈ బస్సులకు హైదరాబాద్‌లోనే బాడీ బిల్డింగ్‌ చేయించినట్టు అధికారులు చెప్పారు. సత్యదేవుని ఆలయానికి రైల్వేస్టేషన్‌, బస్‌స్టేషన్‌ల నుంచి భక్తులు రత్నగిరికి రాకపోకలు సాగించేందుకు, సత్యగిరి, రత్నగిరి మధ్య ఉచిత బస్సు సర్వీసు కలిపి దేవస్థానానికి ప్రస్తుతం 11 బస్సులు ఉన్నాయి. వీటిలో 15 సంవత్సరాల సర్వీసు పూర్తయిన రెండు బస్సులను త్వరలో ఉపసంహరించనున్నారు. వాటి స్థానంలో ఈ కొత్త బస్సులను ప్రవేశపెడతారు.

తాళ్లరేవు: జాతీయ రహదారి 216లో చొల్లంగి వద్ద జరిగిన రోడ్డు ప్రమాదంలో బొడ్డు వెంకటేశ్వరరావు (50) అనే వ్యక్తి దుర్మరణం పాలయ్యాడు. కోరంగి ఎస్‌ఐ పి.సత్యనారాయణ తెలిపిన వివరాల మేరకు కరప మండలం ఉప్పలంక గ్రామానికి చెందిన వెంకటేశ్వరరావు, అతని కుమారుడు బొడ్డు తబన్‌బాబులు ఆటోలో మట్లపాలెం వెళుతుండగా, యానాం వైపు నుంచి అతి వేగంగా వస్తున్న మోటార్‌ సైకిల్‌ ఢీకొట్టింది. ఈ ప్రమాదంలో ఆటోలో ప్రయాణిస్తున్న వెంకటేశ్వరరావు అక్కడికక్కడే మృతి చెందగా, ఆటో డ్రైవర్‌ నాగబాబు, తబన్‌బాబులకు స్వల్ప గాయాలయ్యాయి. మృతదేహాన్ని పోస్టుమార్టమ్‌ నిమిత్తం కాకినాడ ప్రభుత్వాస్పత్రికి తరలించారు. కేసు దర్యాప్తు చేస్తున్నట్లు ఎస్‌ఐ తెలిపారు. భట్నవిల్లిలో కారు బోల్తాపశ్చిమగోదావరి వాసులకు స్వల్ప గాయాలు అమలాపురం రూరల్‌: కోనసీమ జిల్లా అమలాపురం మండలం భట్నవిల్లిలో జాతీయ రహదారిపై శనివారం రాత్రి కాకినాడ వైపు నుంచి పశ్చిమగోదావరి జిల్లా వెళ్తున్న కారు అదుపుతప్పి బోల్తా పడింది. స్థానిక వనువులమ్మ గుడిసెంటర్‌ వద్ద టర్నింగ్‌ పాయింట్‌లో ఈ ప్రమాదం జరిగింది. ఈ ఘటనలో కారు ముందు భాగం దెబ్బతింది. కాగా కారులో ప్రయాణిస్తున్న ముగ్గురిని స్థానికుల సురక్షితంగా బయట తీశారు. వారికి స్వల్ప గాయాలు కాగా స్థానిక ఆస్పత్రిలో చికిత్స చేయించారు. తాలూకా ఎస్సై చైతన్యకుమార్‌ సంఘటన స్థలానికి చేరుకుని పరిస్థితిని పరిశీలించారు. ప్రైవేటు బస్సులపై దాడులు అమలాపురం రూరల్‌: ముమ్మిడివరం మండలం అన్నంపల్లి టోల్‌ ప్లాజా వద్ద రవాణాశాఖ అధికారులు శనివారం ప్రైవేట్‌ బస్సులను తనిఖీలు చేశారు. 21 ప్రైవేట్‌ ట్రావెల్స్‌ బస్సులను తనిఖీ చేసి నిబంధనలు పాటించని 12 బస్సులపై కేసులు నమోదు చేసి రూ.40,800 అపరాధ రుసుం విధించినట్టు జిల్లా రవాణాధికారి దేవిశెట్టి శ్రీనివాసరావు తెలిపారు. ఈ తనిఖీల్లో ఎంవీఐలు సురేష్‌ కుమార్‌, వరప్రసాద్‌ పాల్గొన్నారు. మందుల లోడు లారీలో అగ్నిప్రమాదం తుని రూరల్‌: విశాఖపట్నానికి గూడ్స్‌ లారీలో తరలిస్తున్న మందులు లోడులో అగ్ని ప్రమాదం సంభవించడంతో రూ.ఐదు లక్షల నష్టం వాటిల్లినట్టు ఇన్‌చార్జి అగ్నిమాపక అధికారి కె.భాస్కరరాజు తెలిపారు. శనివారం హైదరాబాద్‌ నుంచి విశాఖపట్నానికి ప్రైవేట్‌ గూడ్స్‌ లారీలో మందులు తరలిస్తుండగా తుని మండలం తేటగుంట శివారు రాజుల కొత్తూరు వద్ద జాతీయ రహదారిపై ఈ ప్రమాదం జరిగిందన్నారు. వాహనం వేగంగా వెళ్తుంతుండగా మందులు ఒకదానితో మరోకటి రాపిడికి గురై మంటలు వ్యాపించినట్టు తెలిపారు. ఈ ఘటనలో ఎవరికీ ఏ ప్రమాదం జరగలేదన్నారు. నష్టం మరింత ఎక్కువగా ఉంటుందని డ్రైవర్‌ తెలిపారు.

రాజమహేంద్రవరం రూరల్‌: రాష్ట్రంలో ఫోరెన్సిక్‌ సేవలను బలోపేతం చేసేందుకు రాజమహేంద్రవరంలో రీజినల్‌ ఫోరెన్సిక్‌ సైన్స్‌ లేబొరేటరీ నిర్మించినట్టు డీజీపీ హరీష్‌కుమార్‌ గుప్తా అన్నారు. శనివారం రాజమహేంద్రవరంలో నిర్మించిన ల్యాబ్‌ను ఆయన ప్రారంభించారు. అనంతరం ఆయన వివిధ విభాగాలను సందర్శించి పనులను ఆరా తీశారు. అనంతరం డీజీపీ మీడియాతో మాట్లాడుతూ 2025 సంవత్సరంలో రాష్ట్రంలో 1,87,721 ఎఫ్‌ఐఆర్‌లు నమోదయ్యాయని, వీటిలో ఏడేళ్లు లేదా అంతకంటే ఎక్కువ జైలు శిక్ష పడే నేరాలకు సంబంధించిన 16,847 కేసులు ఉన్నాయని తెలిపారు. సాక్ష్యాల సేకరణ కోసం ఎఫ్‌ఎస్‌ఎల్‌/క్రైమ్‌ స్పాట్‌ టీమ్స్‌ సుమారు 4,200 నేర స్థలాలను సందర్శించాయని, మొత్తం 25,602 కేసులను ఏపీఎఫ్‌ఎస్‌ఎల్‌, ఆర్‌ఎఫ్‌ఎస్‌ఎల్‌లకు ఫోరెన్సిక్‌ పరీక్షల కోసం పంపించారని తెలిపారు. ప్రస్తుతం గుంటూరు, కర్నూలు, విజయవాడ, విశాఖపట్నం, తిరుపతి, అనంతపురంలో 6 ల్యాబ్‌లు పనిచేస్తున్నాయని తెలిపారు. 2025లో ల్యాబొరేటరీ 25,602 కేసుల్లో 23,682 పరిశీలించి, 1,920 పెండింగ్‌లో ఉంచిందన్నారు. దీంతో 92.5 శాతం డిస్పోజల్‌ రేటు సాధించి దేశ వ్యాప్తంగా రెండో స్థానాన్ని సాధించిందన్నారు. హత్య, పోక్సో/మహిళలపై నేరాలకు సంబంధించిన కేసుల టర్న్‌ అరౌండ్‌ సమయాన్ని దాదాపు 50 శాతం తగ్గించి, 15 రోజుల నుంచి 7 రోజులకు తీసుకువచ్చామన్నారు. ఎన్‌డీపీఎస్‌ కేసులను గతంలో 30 రోజులు పట్టే సమయంలోగా కాకుండా 14 రోజుల్లో పూర్తి చేస్తున్నామన్నారు. ఆధునిక ఫోరెన్సిక్‌ సాంకేతికతలు, విశ్లేషణాత్మక పరికరాల వినియోగంతో డీఎన్‌ఏ డిటెక్షన్‌ రేటు 85 శాతం నుంచి 97 శాతానికి, రక్త గ్రూప్‌ డిటెక్షన్‌ రేటు 52 శాతం నుంచి 85.77 శాతానికి పెరిగిందన్నారు. కొత్త క్రిమినల్‌ చట్టాలు, 2023 అమలులో భాగంగా ఏపీఎఫ్‌ఎస్‌ఎల్‌ 24+7, మూడంచెల ఫోరెన్సిక్‌ ఆధారాల సేకరణ వ్యవస్థను ప్రవేశపెట్టినట్లు తెలిపారు. ఉమ్మడి జిల్లా శాసీ్త్రయ దర్యాప్తు అవసరాలను ఈ ల్యాబ్‌ తీర్చనుందన్నారు. ఈ ఏడాదికి సుమారు 2,300 కేసులను స్వీకరించే అవకాశం ఉందన్నారు. ఏపీఎఫ్‌ఎస్‌ఎల్‌ డైరెక్టర్‌ పీహెచ్‌డీ రామకృష్ణ, ఏలూరు రేంజ్‌ ఐజీ జీవీజీ అశోక్‌కుమార్‌, ఎస్పీ డి.నరసింహకిశోర్‌, పశ్చిమగోదావరి, ఏలూరు, కోనసీమ, కృష్ణా జిల్లా ఎస్పీలు అద్నాన్‌ నయీమ్‌ అస్మి, శివ కిశోర్‌, విద్యాసాగర్‌ నాయుడు, నగరపాలకసంస్థ కమిషనర్‌ రాహుల్‌ మీనా, ఆర్‌ఎఫ్‌ఎస్‌ఎల్‌ జేడీ ఈశ్వరమ్మ, జిల్లా పోలీసు అధికారులు పాల్గొన్నారు. రాష్ట్ర డీజీపీ హరీష్‌కుమార్‌ గుప్తా

● కోనసీమ జిల్లాలో కరువు తీరా వర్షం ● రైతుల ఆశలు తీర్చిన అల్పపీడనం ● శనివారం తెల్లవారు జాము నుంచి భారీ వర్షం ● సేద తీరిన ఉద్యాన పంటలు ● వరి రైతులకు సైతం మేలు సాక్షి, అమలాపురం: నిప్పులు కక్కుతున్న సూర్యుడు.. భగభగ మండుతున్న ఎండలు.. బయట అడుగు పెడితేనే ఆపసోపాలు పడుతున్న పరిస్థితి. చినుకు జాడ లేక నెర్రలు బారిన చేలు.. ఎండ వేడికి వాడి వాలిపోయిన కొబ్బరి, అరటి తోటలు.. చుక్క నీటికి నోచుకోక ఎండిపోతున్న కూరగాయ పంటలు. ఎల్‌ నినో ప్రభావంతో గడచిన మూడు నెలలుగా ఇదే పరిస్థితి. అటు సామాన్యులు, ఇటు అన్నదాతలు ఆకాశం వైపు ఆశగా చూస్తూ వాన చినుకు కోసం ముఖం వాచేలా ఎదురు చూస్తున్నారు. అడపాదడపా ఒకటి రెండు చినుకులు పడినా, అవి వాతావరణాన్ని చల్లబరచలేదు. పొలాల దాహాన్ని తీర్చలేదు. ఈ సమయంలో బంగాళాఖాతంలో ఏర్పడిన అల్పపీడన ప్రభావంతో కురిసిన వర్షం కోనసీమకు కొత్త ఊపిరి పోసింది. చిరు జల్లులతో మొదలై జోరువానగా మారడంతో వాతావరణం ఒక్కసారిగా ఆహ్లాదకరంగా మారింది. చల్లని ఈదురుగాలులు గిలిగింతలు పెట్టాయి. బీటలు బారిన నేల తన దాహం తీర్చుకుంది. వాన నీటికి తడిసిన చెట్ల ఆకులు స్నానమాడి, మలినాన్ని వదిలి సరికొత్త కాంతితో మెరిశాయి. వాడిన కూరగాయ పంటలకు మళ్లీ జీవం వచ్చింది. రైతుల ముఖాల్లో ఆనందపు వెలుగులు విరిశాయి. పల్లపు ప్రాంతాలు జలమయం... ఎల్‌నినో ప్రభావంతో ఈ ఏడాది నైరుతి రుతుపవనాల ఆరంభం నుంచే వరుణుడు ముఖం చాటేయడంతో తీవ్ర వర్షాభావాన్ని ఎదుర్కొంటున్న జిల్లాలో ఎట్టకేలకు కరువు తీరా వర్షం కురిసింది. శనివారం తెల్లవారుజాము నుంచి అల్పపీడన ప్రభావంతో భారీ వర్షం కురియడంతో లోతట్టు కాలనీల్లో, రోడ్లపై ముంపునీరు చేరింది. సామాన్యులు, చిరు వ్యాపారులు, వాహనచోదకులు ఇబ్బందులు పడ్డారు. తెల్లవారు జాము నుంచి పది గంటల వరకు జిల్లాలో పలు ప్రాంతాల్లో ఏకధాటిగా వర్షం కురిసింది. జిల్లాలో శనివారం ఉదయం ఎనిమిది గంటల వరకు సగటున 37.4 మి.మీ. వర్షపాతం నమోదైంది. పి.గన్నవరంలో అత్యధికంగా 60 మి.మీ., అత్యల్పంగా రామచంద్రపురంలో 10.6 మి.మీ. నమోదైంది. తరువాత కూడా మధ్యమధ్యలో కాస్త తెరపి ఇచ్చినా వర్షం పడుతూనే ఉంది. వరికి ఊరట.. సేదతీరిన తోటలు జిల్లాలో సుమారు 1.40 లక్షల ఎకరాల్లో సాగవుతున్న వరి పంటకు వర్షం ఎంతో మేలు చేసింది. ముఖ్యంగా నీరందక ఇబ్బంది పడుతున్న శివారు, మెరక ప్రాంతాల రైతులకు వర్షం వరంగా మారింది. పంటలకు అవసరమైన తేమ లభించడంతో రైతులు ఊరట చెందుతున్నారు. కొబ్బరి, అరటి, కోకో తోటలు వాడిపోయే పరిస్థితికి చేరుకున్నాయి. మోటార్లు, పంట కాల్వల ద్వారా నీరు అందిస్తున్నా.. ఆశించిన స్థాయిలో తేమ లేక ఉద్యాన రైతులు ఇబ్బందులు పడ్డారు. వీటితో పాటు లంక గ్రామాల్లోని మెరక ప్రాంతాల ఉద్యాన పంటలకు ఈ వర్షం మరింత ప్రయోజనం చేకూర్చింది. మూడు నెలల్లో 57 శాతం లోటు కోనసీమలో జూన్‌ నుంచి ఆగస్టు వరకు వరుసగా సాధారణం కంటే తక్కువ వర్షపాతమే నమోదైంది. మూడు నెలలకు కలిపి జిల్లాలో సాధారణ వర్షపాతం 585.6 మి.మీ. కాగా.. వాస్తవంగా 251 మి.మీ. మాత్రమే కురిసింది. దీంతో సగటున 57 శాతం లోటు ఏర్పడింది. జూన్‌లో 60 శాతం, జూలైలో 48.8 శాతం, ఆగస్టులో ఏకంగా 64.9 శాతం లోటు నమోదైంది. తాజా వర్షం రైతులకు ఊరటనిచ్చినా ఉప్పలగుప్తం, అల్లవరం, ఐ.పోలవరం, ముమ్మిడివరం, కాట్రేనికోన, మామిడికుదురు, మలికిపురం, సఖినేటిపల్లి మండలాల్లో ముంపు నీరు బయటకు వెళ్లే పరిస్థితి లేకపోవడంతో రైతులు అప్రమత్తంగా ఉన్నారు. మరో రెండు రోజులు ఇదే స్థాయిలో వర్షాలు కొనసాగితే చేలల్లో నీరు నిలిచే ప్రమాదం ఉందని ఆందోళన చెందుతున్నారు.

కొత్తపేట: హైకోర్టు న్యాయవాదులుగా కొత్తపేటకు చెందిన ఇద్దరు అర్హత సాధించారు. వారిలో స్థానిక జెడ్పీటీసీ సభ్యురాలు గూడపాటి రమాదేవి ఒకరు కాగా, స్థానిక న్యాయవాది గూడపాటి విజయకుమార్‌ మరొకరు. శనివారం అమరావతి హైకోర్టు భవనం ఏపీ బార్‌ కౌన్సిల్‌ హాలులో నిర్వహించిన కార్యక్రమంలో కౌన్సిల్‌ చైర్మన్‌ చలసాని అజయ్‌కుమార్‌ వీరితో ప్రమాణం చేయించారు. అనంతరం కౌన్సిల్‌ నుంచి హైకోర్టు లాయర్‌ సర్టిఫికెట్‌ను వారు అందుకున్నారు. రమాదేవి 2021లో జరిగిన జెడ్పీటీసీ ఎన్నికల్లో వైఎస్సార్‌సీపీ తరపున పోటీచేసి విజయం సాధించారు. గత ఐదేళ్లుగా స్థానిక సమస్యలపై జెడ్పీ, మండల పరిషత్‌ సమావేశాల్లో తన వాణి వినిపించి, వాటి పరిష్కారానికి కృషి చేశారు. రమాదేవి, విజయ్‌కుమార్‌లను వైఎస్సార్‌సీపీ జిల్లా అధ్యక్షుడు చిర్ల జగ్గిరెడ్డి, రాష్ట్ర కార్యదర్శి గొల్లపల్లి డేవిడ్‌రాజు, ఎంపీపీ ఎం.గంగాధరరావు, నేతలు ఎం.వెంకటేశ్వరరావు ఎం.వీరభద్రరావు, జి.ప్రవీణ్‌కుమార్‌ అభినందించారు.

ఇందుగలడందు లేడని సందేహము వలదు.. ఎందెందు వెదకిన అందందే గలడు చక్రి సర్వోపగతుండు అంటాడు ప్రహ్లాదుడు. భక్తాధీనుడైన భగవంతుడు భక్తుని భావమును అనుసరించి అతడు ఏ విధంగా తలస్తే ఆ రూపముగా వచ్చి అభీష్టాలు నెరవేరుస్తుంటాడు. వినాయక చవితి పండగ సందర్భంగా స్వామి వారిని విభిన్న ఆకృతులలో రూపొందించారు తయారీదారులు. సంప్రదాయ పద్ధతిలో కాకుండా వివిధ దేవతా మూర్తుల అలంకారాల్లో ఏకదంతుడిని తీర్చిదిద్దుతున్నారు. ఉమ్మడి జిల్లా వ్యాప్తంగా ఉత్సవ కమిటీలు ఎవరికి నచ్చిన విగ్రహాలను వారు వారి పందిళ్లలో నెలకొల్పి ప్రతిష్టిస్తున్నారు. – సాక్షి నెట్‌వర్క్‌

కొబ్బరి రకం ధర (రూ.) కొత్త కొబ్బరి (క్వింటాల్‌) 16,000 – 17,000 కొత్త కొబ్బరి (రెండో రకం) 15,000 – 16,000 కురిడీ కొబ్బరి (పాతవి) గండేరా (వెయ్యి) 24,500 గటగట (వెయ్యి) 22,000 కురిడీ కొబ్బరి (కొత్తవి) గండేరా (వెయ్యి) 23,500 గటగట (వెయ్యి) 21,000 నీటికాయ పాత (ముక్కుడు) కాయ (వెయ్యి) 20,000 – 21,000 కొత్త (పచ్చి) కాయ (వెయ్యి) 20,000 – 21,000 కొబ్బరి నూనె (15 కిలోలు) 5,000 కిలో 350

● కొబ్బరి చిప్ప బొగ్గు ధరకు రెక్కలు ● గతంలో టన్ను ఽగరిష్ట ధర రూ.38 వేలు ● ఇప్పుడు రూ.75 వేలకు పైబడి ● కేరళ, తమిళనాడు కన్నా కోనసీమ చిప్పకు డిమాండ్‌ ● స్థానికంగా చిప్పలు దొరకక ఇబ్బంది ● కొబ్బరికాయ నేరుగా ఎగుమతి వల్లే అసలు అనర్థంసాక్షి, అమలాపురం: కొబ్బరి చిప్పకు.. ఆ చిప్పలతో తయారు చేసిన బొగ్గుకు రోజురోజుకూ డిమాండ్‌ పెరుగుతోంది. గతంలో టన్ను గరిష్టంగా రూ.38 వేల వరకు పలికిన కొబ్బరి చిప్ప బొగ్గు.. ప్రస్తుతం రూ.75 వేలకు పైబడి ధర ఉంది. ఇదే పరిస్థితి కొనసాగితే త్వరలో టన్ను ధర రూ.లక్షకు చేరినా ఆశ్చర్యం లేదని వ్యాపార వర్గాలు చెబుతున్నాయి. జిల్లాలో తయారయ్యే ‘కొబ్బరి చిప్ప బొగ్గు’ నాణ్యత దేశం దాటి అంతర్జాతీయ సరిహద్దులకు చేరింది. వైనతేయ నదీ తీరంలో పి.గన్నవరం, అంబాజీపేట మండలాల్లో ఏడాదికి సుమారు 1100 టన్నుల చిప్ప బొగ్గు ఉత్పత్తి అవుతోందని అంచనా. ఇక్కడి నుంచి తమిళనాడు కాంగాయం, పల్లడం, కోయంబత్తూరు, కర్ణాటకలోని బెంగళూరు, తెలంగాణలోని హైదరాబాద్‌తో పాటు నెల్లూరు, గూడూరు వంటి ప్రాంతాలకు ఎగుమతి చేస్తున్నారు. అక్కడ దీనిని మరింత నాణ్యంగా మార్చి ఇతర దేశాలకు ఎగుమతి చేస్తున్నారు. నేరుగా ఎగుమతులతో.. చిప్ప బొగ్గు ధర టన్ను రూ.75 వేలు దాటినా స్థానిక వ్యాపారులు, తయారీదారులకు ప్రయోజనం లేదు. గత కొన్ని నెలులుగా కొబ్బరి చిప్ప లభ్యత లేదు. గతంలో ఉభయ గోదావరి జిల్లాల్లో 60 శాతం కొబ్బరి ఎండు కొబ్బరిగా మార్చేవారు. దీనివల్ల అంబాజీపేట, పి.గన్నవరం, రాజోలు, ఉమ్మడి పశ్చిమ గోదావరిలో ఏలూరు, పాలకొల్లు, జంగారెడ్డిగూడెం, నల్లజర్ల ప్రాంతాల్లో చిప్ప విరివిగా దొరికేది. ఇప్పుడు కొబ్బరి ధర పెరగడంతో కాయ నేరుగా ఉత్తరాది రాష్ట్రాలకు ఎగుమతి అవుతోంది. కుళ్లిన కొబ్బరి కాయ కూడా ఎగుమతి జరుగుతోంది. ఆలయాల నుంచి వచ్చే చిప్ప మాత్రమే వస్తోంది. కిలో చిప్ప ధర కూడా రూ.5 నుంచి రూ.35కు పెరిగింది. గతంలో అప్పటికప్పుడు కావాలంటే 50 నుంచి 70 టన్నుల బొగ్గును స్థానికంగా సేకరించేవారమని, ఇప్పుడు టన్ను బొగ్గు కూడా సేకరించలేకపోతున్నామని పి.గన్నవరం మండలం ముంజువరానికి చెందిన తయారీదారుడు మట్టపర్తి రామకృష్ణ ‘సాక్షి’ వద్ద వాపోయారు. ఇతర ప్రాంతాల నుంచి ఇక్కడ బొగ్గు కొనేవారు ఇప్పుడు నేరుగా చిప్పనే కొంటున్నారని, దీనివల్ల చిప్ప దొరకడం లేదని తయారీదారులు ఆవేదన వ్యక్తం చేస్తున్నారు. దీంతో సుమారు వెయ్యి కుటుంబాలు ప్రస్తుతం ఉపాధిని కోల్పోయాయి. అంతర్జాతీయంగా డిమాండ్‌ పెరగడంతో.. దక్షిణాది రాష్ట్రాలైన తమిళనాడు, కేరళ, కర్ణాటక కన్నా ఇక్కడ ఉత్పత్తి అవుతున్న బొగ్గు నాణ్యమైనది. చిప్ప దళసరిగా ఉండడంతో దీనిలో అధిక శాతం గ్యాస్‌ నిక్షిప్తమై వేగంగా మండుతుంది. సేంద్రియ కర్బనం ఉత్పత్తి అవుతుంది. అంతర్జాతీయంగా డిమాండ్‌ పెరగడంతో ధర అంచనాలకు మించి పెరిగింది. గత ఏడాది వరకు బాగా ఆరిన కొబ్బరి చిప్ప బొగ్గు అత్యధిక ధర కిలో రూ.35 నుంచి రూ.38 వరకు ఉండేది. ఇప్పుడు అది కాస్తా రూ.75 దాటింది. త్వరలో కిలో రూ.100 అవుతుందని వ్యాపారులు అంచనా వేస్తున్నారు.

ప్రత్తిపాడు రూరల్‌: పెద్దపులి సంచారంతో ప్రత్తిపాడు, శంఖవరం మండలాల ప్రజలు నిద్రలేని రాత్రులు గడుపుతున్నారు. గురువారం అర్ధరాత్రి దాటిన తర్వాత, శుక్రవారం తెల్లవారుజామున రాజవొమ్మంగి రేంజి పరిధిలోకి వెళ్లినట్లు రేడియో కాలర్‌ ద్వారా అటవీశాఖ అధికారులు గుర్తించారు. అయితే పులి పూర్తిగా అటవీ ప్రాంతంలోకి వెళ్లిందనే నిర్ధారణ లేకపోవడంతో అధికారులు అప్రమత్తంగా ఉన్నారు. ఆవులపై దాడి.. ఒకటి మృతి శుక్రవారం సాయంత్రం అవేల్తి గ్రామ పరిసర ప్రాంతాల్లో పులి రెండు ఆవులపై దాడి చేసినట్లు అటవీశాఖకు సమాచారం అందింది. ఈ ఘటనలో ఒక ఆవు మృతి చెందగా.. మరో ఆవు తప్పించుకున్నట్లు అధికారులు తెలిపారు. అక్కడికి వెళ్లిన అధికారులు క్షేత్రస్థాయిలో పరిస్థితిని సమీక్షిస్తున్నారు. రేడియో కాలర్‌ ద్వారా జిల్లా అటవీ అధికారి ఎ.రామచంద్రరావు సిబ్బందికి సూచనలిస్తున్నారు. కాగా అత్యవసరమైతే తప్ప ఎవరూ ఒంటరిగా బయటకు రావొద్దని అధికారులు హెచ్చరిస్తున్నారు. దారపల్లి వాటర్‌ఫాల్స్‌కు వెళ్లొద్దు పులి సంచారం నేపథ్యంలో దారపల్లి వాటర్‌ఫాల్స్‌ ప్రాంతానికి తదుపరి ఉత్తర్వులు జారీ చేసే వరకు ఎవరూ వెళ్లవద్దని పర్యాటకులు, స్థానికులకు అటవీశాఖ అధికారులు స్పష్టం చేశారు. గతంలోనూ పలుమార్లు.. నియోజకవర్గానికి పెద్దపులి సంచారం కొత్తేమీ కాదు. 2022లో ప్రత్తిపాడు మండలంలో సుమారు 37 రోజులపాటు పులి సంచరించింది. పోతులూరు కొండలు, పాండవులపాలెం–పొదురుపాక ప్రాంతాల్లో పులి కదలికలు, పశువులపై దాడులు నమోదయ్యాయి. 2024 డిసెంబరులోనూ ప్రత్తిపాడు మండలంలోని బాపన్నధార పరిసరాల్లో లేగ దూడపై దాడి చేసింది. 2026 మార్చిలోనూ పులి సంచారం కలకలం రేపింది. ప్రత్తిపాడు, శంఖవరం మండలాల్లో మూడు రోజులుగా సంచారం రేడియో కాలర్‌ ద్వారా రాజవొమ్మంగి రేంజ్‌ వైపు వెళ్లినట్లు గుర్తింపు అప్రమత్తమైన అటవీశాఖ అడవుల్లోకి వెళ్లొద్దని ప్రజలకు హెచ్చరిక

సాక్షి, అంబేద్కర్ కోనసీమ జిల్లా: మరోసారి తాడేపల్లిగూడెం జనసేన ఎమ్మెల్యే బొలిశెట్టి శ్రీనివాస్‌ వ్యాఖ్యలు వైరల్‌గా మారాయి. జనసేన కార్యకర్తలను కూలీలుగా చూడొద్దని చంద్రబాబును బొలిశెట్టి కోరారు. స్థానిక సంస్థల ఎన్నికల్లో మనం బలంగా ఉన్నచోట్ల మనమే పోటీ చేద్దామని జనసేన శ్రేణులకు బొలిశెట్టి శ్రీనివాస్‌ పిలుపునిచ్చారు.కాగా, స్థానిక ఎన్నికలపై అంబేద్కర్‌ కోనసీమ జిల్లా ముమ్మిడివరం నియోజకవర్గ జనసేన పార్టీ సమావేశంలో బొలిశెట్టి సంచలన వ్యాఖ్యలు చేసిన సంగతి తెలిసిందే. ‘గత ఎన్నికల్లో టీడీపీ గెలిచిన చోట జనసేన సైనికులను తొక్కేస్తున్నారు.. జనసేన గెలిచిన చోట మాత్రం టీడీపీ వాళ్లను మనం గౌరవిస్తున్నాం’ అంటూ బొలిశెట్టి వ్యాఖ్యానించారు.టీడీపీ నాయకులు మనల్ని తొక్కేస్తున్న విషయం మన పార్టీ నాయకులకు కూడా తెలుసని, వారి తీరుపై తాను సీఎం చంద్రబాబుతో కో–ఆర్డినేషన్‌ కమిటీ సమావేశంలో మాట్లాడతానని అన్నారు. ‘మీరు ఆవేదన చెందాల్సిన అవసరం లేదు. మీరే పవన్‌ కళ్యాణ్‌కు బలం, మాకు బలగం. ఈ రెండున్నరేళ్లు మీ బాధను చూశాం. ఇక నుంచి మీరు బాధపడకుండా చూసుకోవాలి్సన బాధ్యతను జనసేన తీసుకుంటుంది’ అని చెప్పారు. బొలిశెట్టి శ్రీనివాస్‌ చేసిన ఈ వ్యాఖ్యలు హాట్‌ టాపిక్‌గా మారాయి. జనసేన అనుబంధ సోషల్‌ మీడియాలో పెద్ద ఎత్తున వైరల్‌ అవుతున్నాయి.ఇదీ చదవండి: ఆయన మనకెందుకు?

గ్రోయిన్స్‌ నిర్మాణాల ముసుగులో అక్రమ రవాణా అల్లవరం: మండలంలోని కొమరగిరిపట్నం సముద్ర తీర ప్రాంతం నుంచి సముద్ర ఇసుకను భారీ లారీల్లో యథేచ్ఛగా తరలిస్తున్నారు. రాత్రి పది గంటల తర్వాత ఇసుకను అక్రమంగా రవాణా చేస్తూ తమ జేబులు నింపుకుంటున్నారు. అడ్డుకునేవారు లేకపోవడంతో పదుల సంఖ్యలో లారీల ద్వారా ఇసుకను తరలించేస్తున్నారు. ఇంత జరుగుతున్నా మైన్స్‌, రెవెన్యూ, పోలీసు అధికారులు మాత్రం అటువైపు కన్నెత్తయినా చూడకపోవడం గమనార్హం. అమలాపురం రూరల్‌కు చెందిన జనసేన నాయకుడు ఈ అక్రమ ఇసుక దందాను నిర్వహిస్తుండటం, అధికార పార్టీ ఎమ్మెల్యే అండదండలు ఉండడంతో అధికారులు పట్టనట్టు వ్యవహరిస్తున్నారు. కొమరగిరిపట్నంలోని కొంతమంది స్థానిక పెద్దలకు ఆలయ నిర్మాణాలకు గాను లక్షల్లో డబ్బులు అందాయని, దాని కారణంగానే స్థానికుల సహకారంతోనే ఇసుక దందా కొనసాగుతోందని విమర్శలు వెల్లువెత్తుతున్నాయి. గ్రోయిన్స్‌ నిర్మాణాల ముసుగులో దందా ఓడలరేవు సముద్రంలో భారీ కెరటాల తాకిడికి తీరం కోతకు గురి కాకుండా ఓఎన్‌జీసీ నాలుగు కిలోమీటర్ల మేర తీరం నుంచి సముద్రంలోకి గ్రోయిన్స్‌ నిర్మాణాలు జరుగుతున్నాయి. నిర్మాణాలకు కావాల్సిన గ్రానైట్‌ రాళ్లను రాజమహేంద్రవరం, రాజానగరం ప్రాంతాల నుంచి లారీల్లో ఓడలరేవు తీరానికి తరలిస్తున్నారు. గురువారం రాత్రి గ్రానైట్‌ రాళ్లు తీసుకొచ్చిన లారీలు డంపింగ్‌ అయిన తర్వాత వాటిలోనే తిరిగి ఇసుక లోడ్‌ చేసి అమలాపురం పరిసర ప్రాంతాలకు తరలించారు. అక్రమ ఇసుక రవాణాపై మైన్స్‌ అధికారులకు సమాచారం ఇచ్చినా స్పందించడం లేదని పలువురు గ్రామస్తులు తెలిపారు. ఇసుక మాఫియాను సమర్ధించనని సీఎం చంద్రబాబునాయుడు ప్రగల్భాలు పలుకుతుంటే స్థానికంగా ఉన్న టీడీపీ, జనసేన, బీజేపీ నాయకుల కన్నసన్నల్లో ఇసుక దందా కొనసాగుతోందని పలువురు విమర్శిస్తున్నారు. ఇసుక అక్రమ రవాణాను నిలువరించకపోతే భవిష్యత్‌లో ఓడలరేవు, కొమరగిరిపట్నం గ్రామాలకు పెను ప్రమాదం తప్పదని స్థానికులు ఆందోళన వ్యక్తం చేస్తున్నారు.

ప్రయాణికుల భద్రతపై ఆందోళన? కొవ్వూరు – చాగల్లు మధ్య రైల్వే ట్రాక్‌లు, పాయింట్లు, సిగ్నలింగ్‌ వ్యవస్థ, వంతెనలు వంటి వాటిపై రైల్వే ఉన్నతాధికారుల ప్రత్యేక తనిఖీలు తూతూమాత్రంగానే ఉంటున్నాయని స్థానికులు విమర్శిస్తున్నారు. ఈ స్టేషన్ల మధ్య తరచుగా ప్రమాదాలు జరుగుతున్న నేపథ్యంలో ప్రయాణికులు తమ భద్రతపై ఆందోళన చెందుతున్నారు. గూడ్స్‌ రైళ్లు పట్టాలు తప్పిన సమయంలో పక్క ట్రాక్‌లో ప్రయాణికుల రైలు ఉంటే పరిస్థితి మరింత తీవ్రంగా మారే అవకాశం ఉంటుంది. ఈ నేపథ్యంలో చిన్నపాటి ఘటనలను కూడా రైల్వే అధికారులు తేలికగా తీసుకోరాదు. చిన్న సాంకేతిక లోపం కూడా పెద్ద ప్రమాదానికి దారి తీసే అవకాశం ఉంటుంది. ప్రమాదం జరిగిన తర్వాత కారణాలు వెతకడం కంటే.. ప్రతి డీరైల్‌మెంట్‌పై సాంకేతికంగా సమగ్ర విచారణ జరిపి, ముందుగానే లోపాలను గుర్తించి, శాశ్వత ప్రాతిపదికన సరి చేయడం అత్యవసరంగా కనిపిస్తోంది. తద్వారా ఇటువంటి ప్రమాదాలు పునరావృతం కాకుండా చూడవచ్చని ప్రయాణికులు సూచిస్తున్నారు. చాగల్లు: విజయవాడ – విశాఖపట్నం రైల్వే మార్గంలో వేలాది మంది ప్రయాణికులు నిత్యం అనేక రైళ్లలో రాకపోకలు సాగిస్తూంటారు. తూర్పు తీరంలో అత్యంత కీలకమైన రైల్వే లైను ఇది. ఈ మార్గంలోని కొవ్వూరు – చాగల్లు రైల్వే స్టేషన్ల మధ్య ఇటీవల తరచుగా గూడ్స్‌ రైళ్లు పట్టాలు తప్పుతూండటంతో (డీరైల్‌) ప్రయాణికులు తీవ్ర ఆందోళన చెందుతున్నారు. గడచిన ఆరు నెలల్లోనే ఏకంగా మూడు గూడ్స్‌ రైళ్లు పట్టాలు తప్పాయి. గత ఫిబ్రవరి 12న విశాఖపట్నం నుంచి విజయవాడ వైపు వెళ్తున్న ఓ గూడ్స్‌ రైలు చాగల్లు రైల్వే స్టేషన్‌ సమీపాన పట్టాలు తప్పింది. గత నెల 31న విశాఖపట్నం సమీపంలోని సింహాచలం నుంచి విజయవాడ వద్ద ఉన్న కొండపల్లికి బొగ్గు లోడుతో వెళ్తున్న గూడ్స్‌ రైలుకు చెందిన ఓ వ్యాగన్‌.. కొవ్వూరు రైల్వే స్టేషన్‌లోని మూడో నంబర్‌ ప్లాట్‌ఫారం చివరన ఉన్న నాలుగో లైన్‌లో (లూప్‌లైన్‌) పట్టాలు తప్పింది. తాజాగా శుక్రవారం ఒడిశాలోని పారాదీప్‌ పోర్టు నుంచి మహారాష్ట్రలోని బారామతికి ఎరువులను రవాణా చేస్తున్న గూడ్స్‌ రైలు కొవ్వూరు రైల్వే స్టేషన్‌ ఔటర్‌లో పట్టాలు తప్పింది. మొత్తం 47 వ్యాగన్లకు గాను ఎనిమిది పట్టాలు తప్పాయి. మూడు సందర్భాల్లోనూ గూడ్స్‌ రైళ్లే పట్టాలు తప్పినప్పటికీ... కొవ్వూరు – చాగల్లు మధ్య జరుగుతున్న వరుస ప్రమాదాలు ఇక్కడి ట్రాక్‌ల నిర్వహణ, రైల్వే పాయింట్లు, సిగ్నలింగ్‌ వ్యవస్థ, వేగ నియంత్రణ తదితర సాంకేతిక అంశాలను ప్రశ్నార్థకం చేస్తున్నాయి. రైళ్ల రాకపోకలు ఎక్కువగా ఉండే విజయవాడ – విశాఖపట్నం మార్గంలో రైల్వే ట్రాక్‌లపై నిరంతరం సమగ్ర పరిశీలన అవసరమనే విషయాన్ని ఈ ప్రమాదాలు చెప్పకనే చెబుతున్నాయి. ప్రయాణికులకు అవస్థలుఫ తరచుగా డీరైల్‌ అవుతున్న గూడ్స్‌ రైళ్లు ఫ కొవ్వూరు – చాగల్లు స్టేషన్ల మధ్య వరుస ప్రమాదాలు ఫ ఆరు నెలల్లోనే మూడు ఘటనలు ఫ భద్రతపై ప్రయాణికుల ఆందోళన హెల్ప్‌ డెస్క్‌ ఏర్పాటు రాజమండ్రి ప్రధాన రైల్వే స్టేషన్‌లో అధికారులు హెల్ప్‌డెస్క్‌ ఏర్పాటు చేశారు. రైళ్ల రాకపోకలు సజావుగా సాగేంత వరకూ ఈ హెల్ప్‌ డెస్క్‌ కొనసాగుతుందని రైల్వే సీటీఐ సుంకర చంద్రమౌళి తెలిపారు. పెరవలి/రాజమహేంద్రవరం సిటీ: కొవ్వూరు రైల్వే స్టేషన్‌ వద్ద గూడ్స్‌ రైలు పట్టాలు తప్పటంతో విజయవాడ – విశాఖపట్నం మధ్య ఇరువైపులా పలు రైళ్లు 2 నుంచి 6 గంటల మేర ఆలస్యంగా నడిచాయి. రాజమండ్రి, సామర్లకోట, నిడదవోలు జంక్షన్‌ తదితర స్టేషన్లలో పలు రైళ్లు నిలిచిపోవడంతో ప్రయాణికులు గంటలకొద్దీ పడిగాపులు పడ్డారు. విశాఖపట్నం వైపు వెళ్లే రత్నాచల్‌, ప్రశాంతి, బొకారో, తిరుమల, సింహాద్రి, వందేభారత్‌, కోణార్క్‌, జన్మభూమి తదితర ఎక్స్‌ప్రెస్‌ రైళ్లు గంటలకొద్దీ ఆలస్యంగా నడిచాయి. అలాగే, విజయవాడ వైపు వెళ్లే బొకారో, శేషాద్రి, తిరుమల, వందేభారత్‌ రైళ్లు సుమారు రెండున్నర గంటలు ఆలస్యంగా నడిచాయి. కాకినాడ నుంచి సర్కార్‌ ఎక్స్‌ప్రెస్‌ 5 గంటలు, తిరుపతి ఎక్స్‌ప్రెస్‌ 4 నాలుగు గంటల పాటు ఆలస్యంగా బయలుదేరాయి. రైళ్లు ఆలస్యంగా నడవడంతో రాజమండ్రి రైల్వే స్టేషన్‌లో ప్లాట్‌ఫారాలు రద్దీగా మారాయి. కూర్చునేందుకు బెంచీలు సైతం చాలక వృద్ధులు, చిన్నారులు, మహిళలు తీవ్ర ఇబ్బందులు పడ్డారు. రైళ్ల రాకపోకలపై అధికారులు సరైన సమాచారం ఇవ్వలేదంటూ ప్రయాణికులు ఆగ్రహం వ్యక్తం చేశారు. పలు రైళ్ల రద్దు: విశాఖపట్నం – విజయవాడ రత్నాచల్‌ ఎక్స్‌ప్రెస్‌, విజయవాడ – రాజమండ్రి – విజయవాడ (67202/67201) రైళ్లను అధికారులు శుక్రవారం రద్దు చేశారు. విజయవాడ – విశాఖపట్నం రత్నాచల్‌ ఎక్స్‌ప్రెస్‌(12718)ను శనివారం రద్దు చేశారు. హుటాహుటిన ట్రాక్‌ పునరుద్ధరణ పనులు ౖరైల్వే అధికారులు హుటాహుటిన సంఘటన స్థలానికి చేరుకుని ట్రాక్‌ పునరుద్ధరణ పనులు చేపట్టారు. పట్టాలు తప్పిన వ్యాగన్ల నుంచి ఎరువులు కిందకు దింపి, మరమ్మతులు చేపట్టారు. సుమారు నాలుగు గంటల తరువాత ట్రాక్‌ సక్రమంగా ఉందని నిర్ధారించుకున్న తరువాత రైళ్ల రాకపోకలకు గ్రీన్‌ సిగ్నల్‌ ఇచ్చారు. కాగా, ప్రమాద స్థలానికి మీడియాను వెళ్లనివ్వకుండా రైల్వే అధికారులు అడ్డుకోవడంతో కొద్దిసేపు వాగ్వాదం జరిగింది.

అమలాపురం టౌన్‌: గోల్డ్‌ లోన్‌ అప్రైజర్‌ చార్జీలను 50 శాతం తగ్గిస్తూ చేసిన నిర్ణయాన్ని పునః పరిశీలించాలని డిమాండ్‌ చేస్తూ బ్యాంక్‌ గోల్డ్‌ అప్రైజర్‌ మజ్దూర్‌ యూనియన్‌ ప్రతినిధులు అమలాపురం గడియారం స్తంభం సెంటరులో శుక్రవారం సాయంత్రం నిరసన చేపట్టారు. యూనియన్‌ రాష్ట్ర అధ్యక్షుడు ఎన్‌వీ కొండలరావు తదితరులు మాట్లాడుతూ బ్యాంకు బంగారు ఆభరణాల పరిశీలన, నాణ్యత నిర్ధారణ, బరువు అంచనాలు వేసే బాధ్యతను తాము నిర్వహిస్తున్నామని వారు తెలిపారు. పనిభారానికి అనుగుణంగా చార్జీలు కొనసాగించాలని డిమాండ్‌ చేశారు. చార్జీలు నిర్ణయించే సమయంలో అప్రైజర్ల ప్రతినిధులతో చర్చించాలని సూచించారు. అనంతరం అమలాపురం ఎస్‌బీఐ రీజనల్‌ మేనేజర్‌కు వారు తమ డిమాండ్లతో కూడిన వినతి పత్రాన్ని అందించారు. యూనియన్‌ ప్రతినిధులు పూడి శ్రీనివాసరావు, ఎం.హరికృష్ణమాచారి, భరణికాన బాబు, లక్కోజు ప్రసాద్‌, బొల్లోజు కిరణ్‌, శ్రీరంగనాథ్‌, జగదీష్‌ తదితరులు పాల్గొన్నారు.

మట్టి గణపతిని పూజించడం ద్వారా పర్యావరణాన్ని కాపాడుకుందామంటున్నారు పర్యావరణ వేత్తలు. పర్యావరణ స్పృహతో అడుగులు వేస్తూ, రేపటి తరానికి స్వచ్ఛమైన గాలిని, నీటిని కానుకగా ఇవ్వడమే మనం ఆ విఘ్నేశ్వరునికి సమర్పించే నిజమైన నైవేద్యమని చెబుతున్నారు. రసాయన కవచాలు, ప్రాణాంతక కృత్రిమ రంగుల వినియోగం ద్వారా మన జీవనాధారమైన జలవనరులను విషతుల్యం చేయొద్దని కోరుతున్నారు. వినాయక చవితి సందర్భంగా ఇదే లక్ష్యంతో మట్టి గణపతి ప్రాముఖ్యతను వివరిస్తూ ప్రజల్లో అవగాహన కల్పిస్తూ స్వచ్ఛంద సంస్థలు తమవంతు కృషి చేస్తున్నాయి. సాక్షి, అమలాపురం: వినాయక చవితి సందడి మొదలైంది. పండగ వేళ భక్తితో పాటు పర్యావరణ పరిరక్షణ పైనా ప్రజల్లో అవగాహన పెరుగుతోంది. ప్లాస్టర్‌ ఆఫ్‌ ప్యారిస్‌ (పీఓపీ)తో తయారు చేసిన వినాయక విగ్రహాలకు బదులు మట్టి విగ్రహాలనే పూజించాలన్న సందేశం జిల్లాలో విస్తరిస్తోంది. పర్యావరణ వేత్తలు, స్వచ్ఛంద సంస్థలు, ప్రకృతి ప్రేమికులు ఏటా చేపడుతున్న ప్రచారంతో మట్టి గణపతులకు డిమాండ్‌ పెరుగుతోంది. పీఓపీ విగ్రహాలతో జల కాలుష్యం.. పీఓపీ విగ్రహాలు నీటిలో సులభంగా కరగకపోవడంతో నిమజ్జనం తర్వాత చెరువులు, కాలువలు, నదులు, సముద్రాల్లో వ్యర్థాలుగా మిగిలిపోతున్నాయి. వీటికి వేసే రసాయన రంగులు నీటిలో కలవడంతో జలకాలుష్యం పెరిగే ప్రమాదం ఉంది. నీటి నాణ్యత దెబ్బతినడంతో చేపలు, ఇతర జలచరాలపై ప్రతికూల ప్రభావం పడుతుంది. నిమజ్జనం అనంతరం ఒడ్డుకు చేరే పీఓపీ అవశేషాలను తొలగించడం స్థానిక సంస్థలకు అదనపు భారంగా మారుతోంది. కోనసీమ జిల్లా పరిధిలో డెల్టా పంట కాలువల్లో కూడా వీటిని కలిపేస్తున్నారు. ఇలా చేయడం వల్ల తాగునీరు కలుషితమవుతోంది. మట్టి విగ్రహాలకు పెరుగుతున్న ఆదరణ ఈ నేపథ్యంలో కోనసీమ జిల్లాలో మట్టి విగ్రహాల తయారీకి ఆదరణ పెరుగుతోంది. ముఖ్యంగా ముమ్మిడివరం మండలం గాడిలంకతో పాటు పలు ప్రాంతాల్లో స్థానిక కళాకారులు మట్టి వినాయక విగ్రహాలను తయారు చేస్తున్నారు. సహజసిద్ధమైన మట్టితో తయారు చేయడంతో నిమజ్జనం అనంతరం విగ్రహం కరిగి మట్టిలో కలిసిపోయే అవకాశం ఉండటంతో పర్యావరణహిత ఎంపికగా వీటిని ప్రజలు భావిస్తున్నారు. మరోవైపు పీఓపీతో తయారయ్యే భారీ విగ్రహాలను ఎక్కువగా పందిళ్లలోనే ప్రతిష్ఠిస్తున్నారు. పెద్ద విగ్రహాల తయారీలో పీఓపీతో పాటు రసాయన రంగుల వినియోగం అధికంగా ఉండటంతో పర్యావరణంపై మరింత ప్రభావం చూపే ప్రమాదం ఉందని పర్యావరణ ప్రేమికులు చెబుతున్నారు. మట్టి గణపతులపై అవగాహన పెంచేందుకు స్వచ్ఛంద సంస్థలు సోషల్‌ మీడియాను వేదికగా చేసుకుంటున్నాయి. గతంలో మట్టి విగ్రహాల తయారీ, పంపిణీకి పరిమితమైన కార్యక్రమాలు ఇప్పుడు ప్రత్యేక క్యాంపెయిన్లుగా మారుతున్నాయి. పర్యావరణ పరిరక్షణలో భాగస్వాములు కావాలంటే మట్టి గణపతిని పూజించడమే ఉత్తమ మార్గమంటూ ప్రజలకు సందేశం ఇస్తున్నారు. 66 ఏళ్లుగా మట్టి గణపతికే పూజలు రామచంద్రపురం దఫెదార్‌ సెంటరులో శ్రీవర సిద్ధి వినాయక స్వామి ఆలయ బాల భక్త సమాజంలో 66 ఏళ్లుగా మట్టితో తయారు చేసిన గణపతి విగ్రహానికే భక్తులు పూజలు నిర్వహిస్తున్నారు. పర్యావరణ పరిరక్షణలో భాగంగా ఈ సంప్రదాయాన్ని కొనసాగిస్తున్నారు. 2010లో అప్పటి జిల్లా కలెక్టర్‌ నీతూ కుమారి ప్రసాద్‌ చేతుల మీదుగా ఉమ్మడి తూర్పుగోదావరి జిల్లా స్థాయి పర్యావరణ పరిరక్షణ అవార్డు అందుకున్నారు. మట్టి విగ్రహాలకు పెరుగుతున్న డిమాండ్‌ కోనసీమలో విస్తరిస్తున్న పర్యావరణ హితం మట్టి వినాయకుడినే పూజిద్దామంటున్న స్వచ్ఛంద సంస్థలు సోషల్‌ మీడియాలో ప్రత్యేక క్యాంపెయిన్‌ పీఓపీ విగ్రహాలతో పర్యావరణానికి పెను ముప్పు

చింతూరు: గుర్తు తెలియని వాహనం ఢీకొని గుర్తు తెలియని వృద్ధురాలు మృతి చెందిన సంఘటన చింతూరు మండలం గొర్లగూడెం సమీపాన జాతీయ రహదారి–30పై శుక్రవారం రాత్రి చోటు చేసుకుంది. గొర్లగూడెం – కన్నాపురం నడుమ రోడ్డుపై ఆమె మృతదేహం పడి ఉండటాన్ని గమనించిన స్థానికులు.. పోలీసులకు సమాచారమిచ్చారు. ఎస్సై సంతోష్‌ కుమార్‌ సంఘటన స్థలానికి చేరుకుని వృద్ధురాలి మృతదేహాన్ని చింతూరు ప్రభుత్వ ఆసుపత్రికి తరలించారు. ఆమె ఆచూకీ తెలియరాలేదని, ఆమెను ఢీకొన్న వాహనం ఆగకుండా వెళ్లిపోయిందని చెప్పారు. పోలీసులు కేసు నమోదు చేసి, దర్యాప్తు చేస్తున్నారు.

కంబాలచెరువు (రాజమహేంద్రవరం): ఔషధ నియంత్రణ శాఖ అధికారులు రాజమహేంద్రవరం, కాకినాడల్లో శుక్రవారం విస్తృత తనిఖీలు నిర్వహించారు. ట్రమడాల్‌, ఎన్‌ఆర్‌ఎక్స్‌ డ్రగ్స్‌ అమ్మకాలపై రాష్ట్రవ్యాప్తంగా చేపట్టిన దాడుల్లో భాగంగా ఉమ్మడి తూర్పు గోదావరి జిల్లాలోని పలు హోల్‌సేల్‌ దుకాణాల్లో తనిఖీలు చేశారు. డ్రగ్స్‌ ఏడీ నాగమణి, రాజమహేంద్రవరం, కాకినాడ డ్రగ్స్‌ ఇన్‌స్పెక్టర్లు కల్యాణి, మురళి ఆయా ప్రాంతాల్లో మెరుపు దాడులు నిర్వహించారు. పలు హోల్‌సేల్‌ దుకాణాల్లో ఎన్‌ఆర్‌ఎక్స్‌ డ్రగ్స్‌ అమ్మకాలకు సంబంధించిన బిల్లులు లభించలేదు. వాటిని అమ్మిన రిటైల్‌ మందుల దుకాణానికి సంబంధించిన బిల్లులు తనిఖీ చేయనున్నారు. బాలిక ఆత్మహత్య రాజానగరం: స్థానిక పోలీస్‌ స్టేషన్‌ పరిధిలోని కోలమూరు అరుంధతిపేటకు చెందిన బాలిక చిర్రా బ్లెస్సీ (17) శుక్రవారం తన ఇంట్లో ఉరి వేసుకుని ఆత్మహత్య చేసుకుంది. రాజానగరం సీఐ వీరయ్యగౌడ్‌ కథనం ప్రకారం.. ఇంటర్‌ వరకూ చదువుకుని, ఇంట్లోనే ఉంటున్న బ్లెస్సీ ఏడాది క్రితం నాయనమ్మతో గొడవ పడి ఆవులకు పెట్టే మందు తాగేసింది. వెంటనే ఆస్పత్రికి తీసుకువెళ్లి వైద్యం చేయించడంతో ప్రాణాపాయం తప్పింది. నెల రోజుల క్రితం కిడ్నీ నొప్పితో బాధ పడుతూంటే కుటుంబ సభ్యులు రాజమహేంద్రవరంలోని ఒక ప్రైవేటు ఆస్పత్రిలో చికిత్స చేయించారు. అయినప్పటికీ నొప్పి తగ్గలేదు. గురువారం మరోసారి నొప్పి వస్తోందనడంతో మెడికల్‌ షాపు నుంచి టాబ్లెట్‌ తీసుకువచ్చి వేశారు. ఈ నేపథ్యంలో తల్లిదండ్రులు ఎప్పటిలానే ఉదయమే రోజువారీ పనులకు వెళ్లారు. మధ్యాహ్నం 12 గంటలకు ఇంటికి వస్తున్న ఆమె తండ్రి చిర్రా దానియేలుకు తెలిసిన వ్యక్తి ఎదురొచ్చి బ్లెస్సీ ఉరి వేసుకుందని చెప్పాడు. పరుగున వెళ్లిన తండ్రి.. కుమార్తెను వెంటనే కిందకు దింపి, సమీప ఆస్పత్రికి తీసుకువెళ్లారు. అప్పటికే, ఆ బాలిక మృతి చెందిందని వైద్యులు తెలిపారు. దానియేలు ఫిర్యాదు మేరకు కేసు నమోదు చేసి, దర్యాప్తు చేస్తున్నామని సీఐ తెలిపారు.

అమలాపురం టౌన్‌: బ్యాంక్‌ ఉద్యోగులకు ఐదు రోజుల పని దినాలు కల్పించాలని డిమాండ్‌ చేస్తూ యునైటెడ్‌ ఫోరం ఆఫ్‌ బ్యాంక్‌ యూనియన్స్‌ ఆధ్వర్యంలో జిల్లాలోని పలు బ్యాంకుల ఉద్యోగులు శుక్రవారం ఒక రోజు సమ్మె చేపట్టారు. కోనసీమలోని బ్యాంక్‌లకు చెందిన దాదాపు 500 మంది అధికారులు, ఉద్యోగులు అమలాపురం ఎస్‌బీఐ మెయిన్‌ బ్రాంచికి చేరుకుని ధర్నా నిర్వహించారు. అక్కడి నుంచి గడియారం స్తంభం సెంటరు వరకు ప్లకార్డులు చేతబూని నిరసన ర్యాలీ చేపట్టారు. తమ డిమాండ్లు నెరవేర్చాలని కోరుతూ పెద్దపెట్టున నినాదాలు చేశారు. ఈ సమస్యపై 2026 జనవరి 27న తాము సమ్మె నిర్వహించిన క్రమంలో ఇండియన్‌ బ్యాంక్స్‌ అసోసియేషన్‌ (ఐబీఏ) త్వరలో పరిష్కరిస్తామని హామీ ఇవ్వడాన్ని వారు గుర్తు చేశారు. ఆ హామీ అమలు కాకపోవడంతో యూఎఫ్‌బీయూ మరోసారి సమ్మెకు దిగాల్సి వచ్చిందని బ్యాంక్‌ల యూనియన్ల నాయకులు తెలిపారు. ఈ కార్యక్రమానికి అమలాపురం ఆఫీసర్స్‌ అసోసియేషన్‌ జోనల్‌ సెక్రటరీ సురేష్‌కుమార్‌ కానూరి, యూనియన్‌ జోనల్‌ సెక్రటరీ గణేష్‌, పలు బ్యాంక్‌ల యూనియన్ల ప్రతినిధులు బి.శ్రీనివాసరావు, టీవీ సత్యనారాయణ, వైఎల్‌ ప్రసాద్‌, దుర్గారామ్‌ తదితరులు నాయకత్వం వహించారు. హడలెత్తిస్తున్న బెబ్బులి మరోసారి రాజవొమ్మంగి అడవుల్లోకి రాక రాజవొమ్మంగి: ప్రజలను హడలెత్తిస్తున్న పులి మరో మారు రాజవొమ్మంగి అడవుల్లోకి వచ్చింది. గురువారం ఏలేశ్వరం ఫారెస్టు రేంజ్‌లోని ఉలిగోగులపాడు పరిసర అటవీ ప్రాంతంలో సంచరించగా, అదే రోజు రాత్రి రాజవొమ్మంగి అడవుల వైపు వచ్చినట్లు సమాచారం. రాజవొమ్మంగి ఫారెస్టు రేంజ్‌ వాతంగి పరిసర అడవికి పులి వచ్చినట్లు రేడియో కాలర్‌ ద్వారా తెలిసిందని రాజవొమ్మంగి రేంజ్‌ ఆఫీసర్‌ ఉషారాణి శుక్రవారం విలేకరులకు తెలిపారు. సుమారు రెండు నెలల క్రితం రాజవొమ్మంగి అటవీ క్షేత్రంలో హల్‌చల్‌ చేసి, అనేక పశువులను చంపి, జిల్లా దాటి వెళ్లిపోయిన పులి తిరిగి ఇదే ప్రాంతానికి మరోసారి రావడంతో వాతంగి పరిసర గ్రామాల ప్రజల్లో ఆందోళన నెలకొంది. కాగా వాతంగి, కొమరాపురం, ఓగిపాలెం, లోదొడ్డి, ఓకుర్తి, బట్టావారివీధి, పెద రెల్లంగిపాడు రిజర్వు ఫారెస్టు పరిసర ప్రాంత ప్రజలు అప్రమత్తంగా ఉండాలని, పశువులను మేతకు అడవుల్లోకి విడిచిపెట్టవద్దని, రాత్రి పూట ఒంటరిగా తిరగవద్దని రేంజ్‌ ఆఫీసర్‌ ఉషారాణి గిరిజనులకు సూచించారు. రాత్రి వేళల్లో ఇళ్లలో లైట్లు వేసి ఉంచాలని కోరారు. తమ సిబ్బంది ఆయా గ్రామాల్లో తిరుగుతూ పరిస్థితిని సమీక్షిస్తున్నారని, అప్రమత్తంగా ఉండాలని దండోరా వేస్తున్నారని తెలిపారు. ఆవెల్తి గ్రామంలో ఆవులపై పులి దాడి! శంఖవరం: మండలంలోని అవెల్తి గ్రామంలో శుక్రవారం రాత్రి పులి దాడిలో ఒక ఆవు మృతి చెందగా మరో ఆవు గాయపడిందని గిరిజనులు తెలిపారు. గ్రామ శివారులో రెండు పశువులపై పులి దాడి చేయగా, ఒక ఆవు మృతి చెందిందని, మరో ఆవు గాయాలతో ఇంటికి వచ్చిందన్నారు. రాత్రి సమయం కావడంతో ఘటనా స్ధలానికి వెళ్లడం వీలుకాక, అటవీ శాఖ అధికారులకు సమాచారం అందించారు. వారు వచ్చి పరిశీలించిన అనంతరం పులి దాడి చేసిందా, మరేదైనా జరిగిందా అనే విషయం తెలియాల్సి ఉంది.