YSR

ప్రొద్దుటూరు(వైఎస్‌ఆర్‌ జిల్లా ): అధికారంలో ఎవరుంటే వారి కాళ్ల కింద తివాచీ పరచడం, సీట్లలో ఎవరు కూర్చుంటే వారి ఫొటోలకు దండలేయడం కొందరు అధికారులకు వెన్నతో పెట్టిన విద్య. ప్రొద్దుటూరు మున్సిపల్‌ కమిషనర్‌ తూతిక శ్రీనివాస విశ్వనాథ్‌ కూడా ఇప్పుడు ఇదే ‘రాజకీయ భక్తి’ మార్గంలో నడుస్తూ బ్యూరోక్రసీ చరిత్రలోనే నిలిచిపోయే సరికొత్త వివాదాలకు కేరాఫ్‌ అడ్రస్‌గా మారారు. కమిషనర్‌ ఛాంబర్‌లో రాజ్యాంగబద్ధమైన హోదాలో ఉన్న ఉప ముఖ్యమంత్రి పవన్‌ కళ్యాణ్‌ ఫొటో ఉండేది. అయితే స్థానిక కూటమి ఎమ్మెల్యే నంద్యాల వరదరాజులరెడ్డిపై ఉన్న అమితమైన ‘ప్రేమ’ కొద్దీ, పవన్‌ ఫొటోను గుట్టుచప్పుడు కాకుండా పక్కనబెట్టి.. అదే స్థానంలో ఎమ్మెల్యే ఫొటోను తగిలించేశారు. ప్రభుత్వ ప్రొటోకాల్‌ను, నిబంధనలను బూజు పట్టిన కాగితాల్లా పక్కన పారేసి, స్థానిక బాస్‌ను ప్రసన్నం చేసుకునేందుకు కమిషనర్‌ పడిన తాపత్రయం అంతా ఇంతా కాదు. నెటిజన్ల షాక్‌.. కమిషనర్‌ యూ–టర్న్‌ డ్రామా అయితే, ఈ ‘ఫొటో మార్పిడి’ వ్యవహారాన్ని గమనించిన కొందరు నెటిజన్లు శుక్రవారం ఉదయం సోషల్‌ మీడియాలో కమిషనర్‌ అత్యుత్సాహంపై తీవ్రస్థాయిలో ట్రోలింగ్‌ మొదలుపెట్టారు. డిప్యూటీ సీఎం ఫొటో తీసేసి ఎమ్మెల్యే ఫొటో పెట్టడం ఏ చట్టంలో ఉందంటూ నెటిజన్లు ప్రశ్నించేసరికి కమిషనర్కు ఒక్కసారిగా చెమటలు పట్టాయి. వెంటనే తప్పు తెలుసుకున్న ఆయన.. పక్కన పారేసిన పవన్‌ కళ్యాణ్‌ ఫొటోను చకచకా తెచ్చి మళ్లీ పాత స్థానంలోనే తగిలించారు. అంతటితో ఆగకుండా, ఆ ఫొటోకు భక్తిశ్రద్ధలతో సెల్యూట్‌ చేస్తూ.. ‘సెల్యూట్‌ బాస్‌.. మనది విడదీయరాని బంధం, గుండెల్లో గూడు కట్టుకున్న అనుబంధం. అందుకో నా సెల్యూట్‌ బాస్‌.. మా పవన్‌ బాస్‌’ అంటూ తన అధికారిక సోషల్‌ మీడియా గ్రూపుల్లో కవిత్వాలు, పోస్టులు గుప్పించారు. రాజకీయాలు చేయాలనుకుంటే రాజీనామా చెయ్‌: ప్రజా సంఘాల ఆగ్రహం మున్సిపల్‌ కమిషనర్‌ హోదాలో ఉండి ఒక రాజకీయ నాయకుడిలా పవన్‌ కళ్యాణ్‌కు ఈ స్థాయి భజన చేస్తూ ఎలా పోస్టులు పెడతారంటూ దీనిపై ప్రజా సంఘాలు తీవ్రస్థాయిలో మండిపడ్డాయి.ఎమ్మార్పీఎస్ రాష్ట్ర అధికార ప్రతినిధి సుధాకర్‌ మాదిగ, జాతీయ మాలమహానాడు అధ్యక్షుడు గోసా మనోహర్, దళిత సంఘం నాయకుడు ఎమ్మన్యుయేల్‌ కమిషనర్‌ వ్యవహార శైలిపై నిప్పులు చెరిగారు. కూటమి నేతలపై అంతగా ప్రేమ ఉంటే ఉద్యోగానికి రాజీనామా చేసి, నేరుగా ఆ పార్టీల్లో చేరి జెండాలు మోసుకోవాలని ఘాటుగా విమర్శించారు. మరో తప్పు.. అంబేద్కర్‌తో పోలికా?! ప్రజా సంఘాల నుంచి విమర్శలు మరింత ముదరడంతో కమిషనర్‌ కంగారులో మరో తప్పిదానికి తెరలేపారు. ఈ వివాదాన్ని డైవర్ట్‌ చేయడానికి.. తాను గతంలో రాజ్యాంగ నిర్మాత డాక్టర్‌ బి.ఆర్‌.అంబేద్కర్‌ చిత్రపటానికి పూలమాల వేసి నమస్కరిస్తున్న ఒక పాత ఫొటోను తీసుకొచ్చి మళ్లీ అదే గ్రూపులో పోస్ట్‌ చేశారు. ఈ చర్యతో ప్రజా సంఘాల ఆగ్రహం కట్టలు తెంచుకుంది. దేశానికి రాజ్యాంగం రాసిన మహనీయుడు బాబాసాహెబ్‌ అంబేద్కర్‌ను, ఒక రాజకీయ పార్టీ నాయకుడైన పవన్‌కళ్యాణ్‌ను ఒకే తాటిపై తెచ్చి పోలుస్తారా?ఎంతటి అజ్ఞానం అంటూ వారు తప్పుబ ట్టారు. కుర్చీ కాపాడుకోవడానికి ప్రొటోకాల్‌ను ఖూ నీ చేసి,దొరికిపోయాక కవర్‌ చేసుకోవడానికి అంబేద్కర్‌ ను వాడుకుంటున్న కమిషనర్‌ తీరుపై ఇప్పుడు సోషల్‌ మీడియాలో విపరీతమైన ట్రోలింగ్‌ సాగుతోంది. ఇదీ చదవండి: టీడీపీ ఎమ్మెల్యే మాధవి రెడ్డికి భారీ షాక్‌

నీట్‌ పీజీ ఫలితాల్లో జిల్లా విద్యార్థులు ప్రతిభ కనబరిచారు. జాతీయ స్థాయిలో నిర్వహించిన ఈ ప్రతిష్టాత్మక పరీక్షలో మన విద్యార్థులు ర్యాంకులు సాధించి, తమ పట్టును నిరూపించుకున్నారు. మన్ననలు అందుకున్నారు. అశ్విత..అక్షర సరస్వతి బద్వేలు అర్బన్‌ :నీట్‌ పీజీ పరీక్షా ఫలితాల్లో బద్వేలుకు చెందిన గొడిసిపాటి అశ్వితరాయల్‌ 567 మార్కులతో జాతీయ స్థాయిలో 1100వ ర్యాంకు సాధించింది. పట్టణంలోని శ్రీకృష్ణదేవరాయనగర్‌కు చెందిన జి.అంకయ్య పట్టణంలోని ఓ ప్రైవేటు పాఠశాలలో ప్రధానోపాధ్యాయుడుగా పనిచేస్తుండగా భార్య రుక్మిణి ఇంట్లో టైలర్‌గా రాణిస్తోంది. వీరి కుమార్తె అయిన డాక్టర్‌ అశ్వితరాయల్‌ 1 నుంచి 10వ తరగతి వరకు పట్టణంలోని రాయలసీమ ఇంగ్లీషు మీడియం స్కూల్‌లో చదివింది. అనంతరం ఇంటర్మీడియట్‌ నెల్లూరు నారాయణ జూనియర్‌ కళాశాలలో పూర్తిచేసి నీట్‌లో అత్యుత్తమ ర్యాంకు సాధించి నంద్యాల శాంతారామ్‌ మెడికల్‌ కళాశాలలో ఎంబీబీఎస్‌ పూర్తి చేసింది. ఈ సందర్భంగా అశ్వితరాయల్‌ మాట్లాడుతూ పీజీలో రేడియాలజీ లేదా జనరల్‌ మెడిసిన్‌ కావాలన్నదే తన లక్ష్యమని తెలిపారు.

కడప అర్బన్‌: వైఎస్‌ఆర్‌ కడప జిల్లా ప్రధాన సెషన్‌న్స్‌ జడ్జి కోర్టు పబ్లిక్‌ ప్రాసిక్యూటర్‌గా ప్రముఖ న్యాయవాది గంగిరెడ్డి శివ శంకర్‌ రెడ్డిని నియమిస్తూ రాష్ట్ర ప్రభుత్వం ఉత్తర్వులు జారీ చేసింది. ఈ మేరకు గవర్నర్‌ ఆదేశానుసారం శివశంకర్‌ రెడ్డి పేరుమీద ప్రభుత్వ ప్రధాన కార్యదర్శి కుమార్‌ విశ్వజిత్‌ శుక్రవారం ఉత్తర్వులను జారీ చేశారు. ఈ నియామకం పదవీ బాధ్యతలు స్వీకరించిన తేదీ నుండి మూడు సంవత్సరాల కాలానికి, లేదా అతని సేవలు ముగిసే వరకు ఏది ముందుగా జరిగితే అది వర్తిస్తుంది. సోమ వారం ఆయన బాధ్యతలను చేపట్టనున్నారు.పథకాలను క్షేత్రస్థాయిలో పక్కాగా అమలు చేయాలి● సమగ్రశిక్ష ఏపీసీ అనురాధ కడప ఎడ్యుకేషన్‌: ప్రభుత్వం ప్రత్యేక అవసరాలు గల పిల్లల కోసం అమలు చేస్తున్న పథకాలను క్షేత్రస్థాయిలో పక్కాగా అమలు చేయాలని సమగ్రశిక్ష ఏపీసీ అనురాధ తెలిపారు. సమగ్రశిక్ష సమిళిత విద్య విభాగం ఆధ్వర్యంలో శుక్రవారం కడప సీపీ బ్రౌన్‌ లైబ్రరీ మీటింగ్‌ హాల్‌లో ఎంఈఓ–1, ఎంఈఓ–2లకు ఒకరోజు ఓరియంటేష్‌ కార్యక్రమాన్ని నిర్వహించారు. కార్యక్రమానికి ముఖ్య అతిథులుగా సమగ్రిశిక్ష ఏపీసీ అనురాధ, దివ్యాంగులశాఖ ఏడీ కిషోర్‌, ఐసీడీసీ అధికారి నాగేశ్వరి, కడప డిప్యూటీ ఈఓ రాజగోపాల్‌రెడ్డి, పొద్దుటూరు డిప్యూటీ ఈఓ శివప్రసాద్‌, పోలీస్‌ శాఖ ప్రతినిధి జ్యోతి హాజరయ్యారు. ఈ సందర్భంగా సమగ్రశిక్ష ఏపీసీ అనురాధ మాట్లాడుతూ ప్రత్యేక అవసరాలు గల పిల్లల కోసం అమలు చేస్తున్న పథకాలను పాఠశాలల్లో సక్రమంగా అమలయ్యే విధంగా ఎంఈఓలు చర్యలు తీసుకోవాలన్నారు. జిల్లావ్యాప్తంగా అన్ని యాజమాన్య పాఠశాలలు, కళాశాలలో 17 వేలకుపైగా ఉపాధ్యాయులు పనిచేస్తున్నారని, వీరిలో ఇప్పటి వరకు 14 వేలకపైగా ప్రసస్త్‌ యాప్‌ను డౌన్‌లోడు చేసుకున్నారని తెలిపారు. వారంతా తమ పరిధిలోని ప్రత్యేక అవసరాలు గల పిల్లల వివరాలను తప్పకుండా యాప్‌లో ఆప్‌లోడ్‌ చేయాలన్నారు. ఈ ప్రసస్త్‌యాప్‌ గురించి పాఠశాలల్లో అవగాహన కల్పించాలన్నారు. కార్యక్రమంలో జిల్లా ఐఈ– కో ఆర్డినేటర్‌ వెంకటసుబ్బయ్య, అసిస్టెంట్‌ కో–ఆర్డినేటర్‌ రమణమూర్తి, సెక్టోరియల్‌ అధికారులు రమేష్‌ రాజా, జాఫర్‌, రాజు, ఎఫ్‌ఎల్‌ఎన్‌ కో–ఆర్డినేటర్‌ కిరణ్‌, ఆర్పీలు వెంకటసుబ్బయ్య, మమత, విజయమ్మ, అర్షద్‌ తదితరులు పాల్గొన్నారు.

రాజంపేట టౌన్‌ : నీట్‌ పీజీ ఫలితాల్లో రాజంపేట పట్టణం మన్నూరుకు చెందిన నరసాపురం సునందకుమార్‌ సత్తా చాటి తొలి ప్రయత్నంలోనే ఆలిండియా స్థాయిలో 845వ ర్యాంకు సాధించారు. మొత్తం 720 మార్కులకు 570 మార్కులు సాధించి ఈ ఘనతను సొంతం చేసుకున్నాడు. సునందకుమార్‌ తండ్రి సురేంద్రబాబు చిరు వ్యాపారి కాగా, తల్లి మల్లీశ్వరి గృహిణి. సునందకుమార్‌ చిన్నప్పటి నుంచి చదువులో రాణిస్తున్నాడు. రాజంపేట పట్టణంలోని సాయి విద్యాలయలో పదవ తరగతి చదివి 9.8 జీపీఏ సాధించాడు. ఇంటర్‌ విజయవాడలోని శ్రీ చైతన్యలో చదివాడు. నీట్‌ యూజీ ఎంట్రెన్స్‌లో 639 మార్కులు సాధించి ఆలిండియాలో 6139 ర్యాంకు, స్టేట్‌లో 250 ర్యాంకు సాఽధించాడు. న్యూరో సర్జన్‌గా వైజాగ్‌లోని ఆంధ్ర యూనివర్శిటీలో ఎంబీబీఎస్‌ పూర్తి చేశారు. న్యూరో సర్జన్‌గా ప్రజలకు ఉత్తమ సేవలు అందించడమే తన లక్ష్యమని సునందకుమార్‌ తెలిపారు.

వేముల : వేల్పుల గ్రామ సమీపంలో శుక్రవారం జరిగిన రోడ్డు ప్రమాదంలో నరసింహులు (52) అనే వ్యక్తి మృతి చెందాడు. వేములలో నివాసముంటున్న నరసింహులు పనిమీద పులివెందులకు మోటార్‌ బైకుపై బయలుదేరాడు వేల్పుల వద్దకు వెళ్లగానే జరిగిన రోడ్డు ప్రమాదంలో నరసింహులు అక్కడికక్కడే మృతి చెందాడు. ఈ సంఘటనపై కేసు నమోదు చేసుకుని దర్యాప్తు చేస్తున్నట్లు పోలీసులు తెలిపారు. అలాగే రోడ్డు ప్రమాదంలో మృతి చెందిన నరసింహులు కుటుంబాన్ని జెడ్పీటీసీ వెంకట బయపురెడ్డి ఆసుపత్రిలో పరామర్శించి ఓదార్చారు. రోడ్డు దాటుతుండగా.. జమ్మలమడుగు రూరల్‌: జమ్మలమడుగు–ప్రొద్దుటూరు బైపాస్‌లోని రైల్వే స్టేషన్‌ వద్ద రోడ్డు దాటుతుండగా గుర్తు తెలియని వాహనం ఢీకొని గురువారం అర్ధరాత్రి బలరాం (45) అనే వ్యక్తి దుర్మరణం చెందాడు. పట్టణ సీఐ నరేష్‌బాబు తెలిపిన వివరాలిలా... ఒరిస్సా రాష్ట్రంలోని బరంపురంకు చెందిన బలరాం గత కొంత కాలంగా దాల్మియా కర్మాగారంలో కూలి పనులు చేసుకొనేవాడు. ఈ నేపథ్యంలో గురువారం రాత్రి స్వగ్రామానికి వెళ్లడానికి రైల్వేస్టేషన్‌కు వస్తుండగా గుర్తు తెలియని వాహనం ఢీకొంది. ఈ సంఘటనలో ఆయన అక్కడికక్కడే మృతి చెందినట్లు తెలిపారు. సంప్రదాయానికి సాంకేతికతను జోడించాలికడప ఎడ్యుకేషన్‌: సంప్రదాయ పద్ధతులు, ప్రాచీన వైద్య విధానాలకు ఆధునిక శాస్త్ర సాంకేతిక పరిజ్ఞానాన్ని జోడిస్తేనే మరింత మెరుగైన ఫలితాలు సాధ్యమని ఏపీ ఔషధ, సుగంధ మొక్కల బోర్డు (ఏపీఎంఏపీ) సీఈఓ ఆవుల చంద్రశేఖర్‌ అన్నారు. వైవీయూ తాళ్లపాక అన్నమాచార్య సెనేట్‌ హాల్లో బోటనీ విభాగం ఆధ్వర్యంలో, పీఎం–ఉషా సౌజన్యంతో మూలికా వైద్యంపై శుక్రవారం ఒక రోజు జాతీయ కార్యశాల ఘనంగా జరిగింది. ప్రధాన వక్తగా పాల్గొన్న సీఈఓ చంద్రశేఖర్‌ ‘ప్రస్తుత ధోరణులు, పరిశోధన ఆవిష్కరణలు, భవిష్యత్‌ అవకాశాలు’ అనే అంశంపై మాట్లాడారు. బోర్డు పనితీరును పీపీటీ, వీడియోల ద్వారా ప్రదర్శిస్తూ.. తాను పరిశోధించిన గ్రంథాలలోని 452 రకాల మొక్కలు, 225 రకాల ఔషధ పంటల సాగు విధానాలను క్షుణ్ణంగా వివరించారు. సదస్సులో వైవీయూ రెక్టార్‌ ప్రొఫెసర్‌ ఎ.జి.దాము, రిజిస్ట్రార్‌ ఎన్‌.సి.గంగిరెడ్డి, ప్రిన్సిపాల్‌ టి.శ్రీనివాస్‌ సందేశాలిచ్చారు. బెంగళూరు ఐఎన్‌ఎస్‌ఏ శాస్త్రవేత్తలు డాక్టర్‌ ఆర్‌.ఆర్‌.రావు, ఎం.సంజప్ప, కర్నూలు ఉర్దూ వర్సిటీ ఇన్‌ఛార్జ్‌ వీసీ పి.ఎస్‌.షావల్లి ఖాన్‌ రిసోర్స్‌ పర్సన్స్‌గా వివరణ ఇచ్చారు. సదస్సుకు సమన్వయకర్తగా ఎ.మధుసూదన రెడ్డి, నిర్వాహక కార్యదర్శులుగా టి.చంద్రశేఖర్‌, పులి చంద్రఓబుల్‌ రెడ్డి వ్యవహరించారు. కార్యక్రమంలో సబ్‌ డీఎఫ్‌ఓ స్వామి వివేకానంద, సాంకేతిక సహాయకుడు ప్రసాద్‌, కమిటీ సభ్యులు ఎస్‌.రాజగోపాల్‌ రెడ్డి, ఎన్‌.మీరావలి, సి.నాగేంద్ర, బి.క్రాంతి, ఎస్‌.హిమబిందు, డి.వి.సురేష్‌ బాబు, వి.విష్ణుబాబు, తదితరులు పాల్గొన్నారు.

చాపాడు : రేడియాలజీ లేదా జనరల్‌ మెడిసిన్‌లో సీటు సాధించడమే లక్ష్యంగా చవివానని నీట్‌ పీజీలో 2560వ ర్యాంక్‌ సాధించిన చియ్యపాడుకు చెందిన శ్రీయపురెడ్డి గోపినాథ్‌ రెడ్డి తెలిపారు. చియ్యపాడుకు చెందిన వైఎస్సార్‌సీపీ నేత, మాజీ జెట్పీటీసీ శ్రీయపురెడ్డి బాల నరసింహారెడ్డి, లక్ష్మీదేవి దంపతుల కుమారుడు గోపినాథ్‌రెడ్డి చిత్తూరులోని అపోలో మెడికల్‌ కాలేజీలో ఎంబీబీఎస్‌ పూర్తి చేశాడు. దేశ వ్యాప్తంగా గురువారం విడుదలైన జాతీయ స్థాయి నీట్‌ పీజీ పరీక్షా ఫలితాల్లో 560 మార్కులు సాధించి 2560వ ర్యాంక్‌ సాధించాడు. భవిష్యత్తులో ఎంఎస్‌ కార్డియాలజీ చదివి పేద ప్రజలకు వైద్య సేవలు అందిస్తానని తెలిపారు.

అనంతపురం సిటీ: హామీలు నెరవేర్చకుండా మోసం చేయాలని చూస్తే ప్రభుత్వానికి పతనం తప్పదని ఏపీ వైద్య, ఆరోగ్య శాఖ కాంట్రాక్టు ఉద్యోగుల జేఏసీ నాయకులు హెచ్చరించారు. సమస్యల పరిష్కారంలో చంద్రబాబు ప్రభుత్వం కాలయాపన చేస్తోందని మండిపడ్డారు. ప్రభుత్వ నిర్లక్ష్యాన్ని నిరసిస్తూ శుక్రవారం అనంతపురం వేదికగా సాగిన రాయలసీమ జోనల్‌ (జోన్‌–4) వైద్య ఉద్యోగుల గర్జన మహాసభ విజయవంతమైంది. ముందుగా సప్తగిరి సర్కిల్‌ నుంచి రుద్రంపేట బైపాస్‌ వరకు వైద్య, ఆరోగ్య శాఖ కాంట్రాక్టు ఉద్యోగులు భారీ ర్యాలీ చేపట్టారు. రాయలసీమ జిల్లాల నుంచి తరలివచ్చిన కాంట్రాక్ట్‌ నర్సులు, పారామెడికల్‌, ఫార్మసీ, ల్యాబ్‌ అసిస్టెంట్‌ సిబ్బంది వందలాది మంది ప్రభుత్వానికి వ్యతిరేకంగా గర్జించారు. అనంతరం రుద్రంపేట బైపాస్‌లోని యాదవ భవన్‌లో జరిగిన మహాసభలో జేఏసీ రాష్ట్ర చైర్మన్‌ కోటేశ్వరరావు డిమాండ్ల సాధన కోసం గతంలో 15 రోజుల పాటు ఉద్యమాన్ని తీవ్రతరం చేస్తే ఓ మెట్టు దిగివచ్చిన ఉన్నతాధికారులు.. చర్చల పేరుతో ఆర్థికేతర అంశాలు పరిష్కరిస్తామని, మిగిలిన డిమాండ్లను సీఎం దృష్టికి తీసుకెళ్తామని హామీ ఇచ్చారన్నారు. అయితే ఆర్థికపరమైన డిమాండ్లపై ఇప్పటి వరకూ వైద్య ఆరోగ్యశాఖ మంత్రి సత్యకుమార్‌ యాదవ్‌ కానీ, అధికారులు కానీ ఎలాంటి స్పష్టత ఇవ్వలేదన్నారు. మిగిలిన వారితో సమానంగా బేసిక్‌ వేతనం చెల్లించాలని, వంద శాతం గ్రాస్‌ సాలరీ ఇవ్వాలని డిమాండ్‌ చేశారు. ఏపీ గవర్నమెంట్‌ కాంట్రాక్టు నర్సెస్‌ అసోసియేషన్‌ జిల్లా అధ్యక్షురాలు శ్రీదేవి మాట్లాడుతూ కాంట్రాక్ట్‌ ఉద్యోగులను వెంటనే రెగ్యులరైజ్‌ చేయాలని, ఆ ప్రక్రియ పూర్తయ్యే వరకూ 100 శాతం గ్రాస్‌ వేతనం చెల్లించాలని కోరారు. విధి నిర్వహణలో మరణించిన ప్రతి కాంట్రాక్ట్‌ ఉద్యోగి కుటుంబానికీ రూ. 50 లక్షల ఎక్స్‌ గ్రేషియాతో పాటు ఆ కుటుంబంలో ఒకరికి కాంట్రాక్ట్‌ ఉద్యోగం కల్పించాలన్నారు. ఈపీఎఫ్‌, పరస్పర బదిలీల వంటి డిమాండ్లు పరిష్కరించాలన్నారు. అక్టోబర్‌ 3వ తేదీలోపు రెగ్యులరైజేషన్‌పై స్పష్టమైన జీఓ ఇవ్వకపోతే విధులు బహిష్కరించి నిరవధిక సమ్మెలోకి వెళ్తామని హెచ్చరించారు. వైద్య ఆరోగ్య శాఖ కాంట్రాక్ట్‌ ఉద్యోగుల పోరాటానికి తమ సంపూర్ణ మద్దతు ఉంటుందని ఈ సందర్భంగా సీఐటీయూ నాయకులు ప్రకటించారు. కార్యక్రమంలో ఏపీ ఎంఎల్‌టీ అసోసియేషన్‌ అధ్యక్షుడు శ్రీధర్‌, ఏపీ ఎన్జీఓ అధ్యక్షుడు మాధవ్‌, ఏపీ జేఏసీ జిల్లా అధ్యక్షుడు శరత్‌, జేఏసీ కో చైర్మన్‌ వెంకట్‌, ఏపీజీసీఎన్‌ఏ రాష్ట్ర అధ్యక్షుడు సుమన్‌, ఆర్గనైజింగ్‌ సెక్రటరీ వినోద్‌, ప్రశాంతి, లావణ్య, సుజేంద్ర, చాందిని, వెంకటేష్‌ నాయక్‌, శ్రీకాంత్‌, వలి, మహేష్‌, కాంట్రాక్ట్‌ నర్సులు, ఎక్స్‌ రే, ఓటీ, ఈసీజీ టెక్నిషీయన్లు పాల్గొన్నారు. మాట తప్పితే అక్టోబర్‌ 3 తర్వాత నిరవధిక సమ్మె వైద్య, ఆరోగ్య శాఖ కాంట్రాక్ట్‌ ఉద్యోగుల అల్టిమేటం అనంతపురం వేదికగా రాయలసీమ జోనల్‌–4 ‘గర్జన’

కడప వైఎస్‌ఆర్‌ సర్కిల్‌: కడప నగరంలోని డీఎస్‌ఏ క్రీడా మైదానంలో ఉత్సాహంగా స్కూల్‌ గేమ్‌ ఫెడరేషన్‌ (ఎస్‌జీఎప్‌) జిల్లా స్థాయి ఎంపికలు ఉత్సాహంగా సాగాయి. శుక్రవారం ఉషూ, బాక్సింగ్‌, జూడో పోటీలను నిర్వహించారు. అలాగే చెన్నూరు మండలం రామనపల్లి జిల్లాపరిషత్‌ ఉన్నత పాఠశాలలో గట్కా అండర్‌–17 ఎంపికలు నిర్వహించారు. ఈ ఎంపికలు ఎస్‌జీఎస్‌ జిల్లా కార్యదర్శులు విజయలక్ష్మీ, నాగరాజారెడ్డి ఆధ్వర్యంలో జరిగాయి. అనంతరం వ్యాయా మ ఉపాధ్యాయులు విద్యార్థులకు పోటీలను నిర్వహించి జిల్లా స్థాయికి ఎంపిక చేశారు. అండర్‌–17 గట్కా బాలికల జట్టు : ప్రణవి, స్వాతి,నీతు, ధర్మిత, సింధూర, మోక్ష్ఞశ్రీ, జాహ్నరెడ్డి, సుమశ్రీ, స్టాండ్‌బై: చరిత, రెడ్డి బీ, రోహిత రాయల్‌. అండర్‌–17 బాలుర జట్టు : మహ్మద్‌ అల్తాఫ్‌, నాగ చైతన్య, సయ్యద్‌ పౌజాన్‌, నాగ చైతన్య, వెంకట నాగ గౌతమ్‌ కృష్ణ, కమాల్‌ భాష, అబ్దుల్‌ రసూల్‌. స్టాండ్‌బై: మౌలాలి, సుజన్‌ కుమార్‌. ఉషూ జట్టుకు ఎంపికై న క్రీడాకారులు : బాలుర జట్టు: కుమార్‌, వీర సురేంద్ర కుమార్‌, రాధకృష్ణ, హేమంత్‌, సందీప్‌కుమార్‌, నాగబస్వేశ్వర రెడ్డి, జయప్రకాశ్‌. బాలికల జట్టు: మోక్షిత, కృష్ణవేణి, వెంకట సాయి భవ్య, అఖిల, ఎల్లమ్మ, హరిప్రియ. చికిత్స పొందుతూ గాయపడిన వ్యక్తి మృతి చక్రాయపేట: మండలంలోని సురభి గ్రామం మహబూబ్‌ నగర్‌ సమీపంలో గురువారం తెల్లవారు జామున జరిగిన రోడ్డు ప్రమాదంలో గాయపడి చికిత్స పొందుతున్న పెద్దిరెడ్డి భార్గవ్‌ రెడ్డి(32 మృతి చెందినట్లు ఎస్‌ఐ ఎస్‌కెఎం హుస్సేన్‌ తెలిపారు. మృతుడు అన్నమయ్య జిల్లా కాటమాయకుంట గ్రామం నల్లగుండ్ల పల్లెకు చెందిన వాడని తెలిపారు. మృతుడి తల్లి జయమ్మ ఫిర్యాదు మేరకు వివరాలిలా.. భార్గవ్‌రెడ్డికి చక్రాయపేట మండలంలోని మూలపల్లెకు చెందిన బేబితో వివాహమైంది. వారికి ఇద్దరు సంతానం. మూలపల్లెలోని అత్తగారి ఇంటికి వచ్చి తెల్లవారు జామునే ద్విచక్ర వాహనంలో వెళుతుండగా మహబూబ్‌నగర్‌ సమీపంలో లారీ ప్రమాదానికి గురై తీవ్రంగా గాయపడ్డాడు. కుటుంబ సభ్యులు 108లో రాయచోటికి తీసుకెళ్లి అక్కడ నుంచి తిరుపతిలోని ఓ ప్రైవేటు వైద్యశాలలో చేర్పించారు. అక్కడ చికిత్స పొందుతూ మృతి చెందినట్లు ఎస్‌ఐ తెలిపారు. గుర్తుతెలియని వాహనం ఢీకొని ..దువ్వూరు : మండలంలోని టంగుటూరు మెట్ట వద్దనున్న జాతీయ రహదారిపై శుక్రవారం తెల్లవారుజామున గుర్తు తెలియని వాహనం ఢీకొని వ్యక్తి మృదాడు. పోలీసుల కథనం మేరకు.. రాజుపాళెం మండలం టంగుటూరు గ్రామానికి చెందిన కాసా సుంకిరెడ్డి (61) శుక్రవారం తెల్లవారుజామున 5.30 గంటల సమయంలో జిల్లెల్ల వద్దనున్న పొలం వద్దకు స్కూటర్‌ వెళుతుండగా ఆళ్లగడ్డ వైపు నుంచి వస్తున్న గుర్తు తెలియని వాహనం స్కూట్‌ను ఢీకొనడంతో రోడ్డుపై పడిపోయాడు. బంధువులు అతడిని ప్రొద్దుటూరులోని ఓ ప్రైవేట్‌ ఆస్పత్రిలో చేర్పించారు. చికిత్స అందిస్తుండగా పరిస్థితి విషమించంతో మెరుగైన చికిత్స కోసం కర్నూలుకు తరలిస్తుండగా మార్గంమధ్యలో సుంకిరెడ్డి మృతి చెందినట్లు పోలీసులు తెలిపారు. మృతుడికి భార్య, ఇద్దరు పిల్లలు ఉన్నారు. కేసు నమోదు చేసి దర్యాప్తు చేస్తున్నట్లు ఎస్‌ఐ ధనుంజయుడు తెలిపారు.

పులివెందుల టౌన్‌ : పులివెందులలోని సబ్‌ రిజిస్ట్రార్‌ కార్యాలయంలో శుక్రవారం ఏసీబీ అధికారులు తనిఖీ నిర్వహించారు. 2018లో కార్యాలయంలో జరిగిన ఏసీబీ దాడులకు సంబంధించిన కేసు ప్రస్తుతం న్యాయస్థానంలో విచారణకు రావడంతో, అందులో నమోదైన అభియోగాలపై అధికారులు వివరాలను సేకరిస్తున్నట్లు సమాచారం. 2018లో పులివెందుల సబ్‌ రిజిస్ట్రార్‌గా బాలాజీ, సీనియర్‌ అసిస్టెంట్‌గా దస్తగిరి పనిచేస్తున్న సమయంలో ఏసీబీ అధికారులు కార్యాలయంలో దాడులు నిర్వహించారు. అప్పట్లో కార్యాలయంలోని అధికారులు, డాక్యుమెంట్‌ రైటర్ల నుంచి సుమారు రూ.1.17 లక్షల నగదును స్వాధీనం చేసుకుని పలువురిపై కేసు నమోదు చేశారు. ప్రస్తుతం ఆ కేసు కోర్టు విచారణ దశకు రావడంతో కేసులో ఉన్న సంబంధిత అధికారులు, డాక్యుమెంట్‌ రైటర్లను ఏసీబీ అధికారులు పిలిపించి వివరాలు తెలుసుకున్నట్లు సమాచారం. అనంతరం 2018లో రిజిస్ట్రేషన్‌న్‌ చేసిన పత్రాలను పరిశీలించారు. తనిఖీల సమయంలో అప్పట్లో పనిచేసిన బాలాజి, దస్తగిరి కూడా అక్కడ ఉన్నట్లు తెలిసింది.

కడప వైఎస్‌ఆర్‌ సర్కిల్‌: 2026–27 ఎకై ్సజ్‌ పాలసీలో భాగంగా జిల్లాలో మద్యం దుకాణాల లైసెన్సుల కేటాయింపునకు అధికారులు కసరత్తు పూర్తిచేశారు. 60కు పైగా మద్యం దుకాణాలకు దరఖాస్తులను స్వీకరించి, డ్రా ద్వారా లైసెన్స్‌లు మంజూరు చేయనున్నట్లు జిల్లా ప్రొహిబిషన్‌, ఎకై ్సజ్‌ సూపరింటెండెంట్‌ జె. రమేష్‌ తెలిపారు. శుక్రవారం కడప నగరంలోని ప్రకాష్‌ నగర్‌లోని జిల్లా ప్రొహిబిషన్‌, ఎకై ్సజ్‌ సూపరింటెంటెండ్‌ కార్యాలయంలో ఏర్పాటు చేసిన విలేకర్ల సమావేశంలో ఆయన మాట్లాడుతూ మొత్తం 60 మద్యం దుకాణాల్లో 57 దుకాణాలను జనరల్‌ కేటగిరీలో, మూడు దుకాణాలను గీత కూలాల కార్మికులకు కేటాయించినట్లు తెలిపారు. ఈ దుకాణాలకు సంబంధించి వచ్చిన దరఖాస్తులను పరిశీలించిన అనంతరం లాటరీ ద్వారా లైసెన్సుదారులను ఎంపిక చేయనున్నట్లు పేర్కొన్నారు. ఈ ప్రక్రియలో ఎలాంటి అవకతవకలకు తావులేకుండా నిబంధనల మేరకు డ్రా నిర్వహిస్తామని స్పష్టం చేశారు. జిల్లా ఎకై ్సజ్‌ పరిధిలోని గీత కులాల కార్మికులకు మూడు దుకాణాలను ఉన్నాయని వాటిలో వీరపునాయునిపల్లె మండలంలో గౌండ్ల, పెద్దముడియం మండలం గౌడ్‌, చక్రాయపేట ఈడిగ కులాలకు కేటాయించినట్లు తెలిపారు.ఆన్‌లైన్‌ ద్వారా అక్టోబర్‌ 1వ తేదీ రాత్రి 12 గంటల వరకు దరఖాస్తులు చేసుకునే అవకాశం కల్పించినట్లు వెల్లడించారు. దరఖాస్తుదారులు ఒకటి కంటే ఎక్కువ మద్యం దుకాణాలకు దరఖాస్తు చేసుకునే అవకాశం ఉందని, ఒక్కో దుకాణానికి దరఖాస్తు రుసుము కింద రూ.3 లక్షలు, ప్రాసెసింగ్‌ ఫీజు కింద రూ.1,000 చెల్లించాల్సి ఉంటుందన్నారు. అక్టోబరు 3న దరఖాస్తుల పరిశీలన, 5న కొత్త కలెక్టరేట్‌ కార్యాలయంలో జిల్లా కలెక్టర్‌ సమక్షంలో డ్రా తీస్తామన్నారు. అర్హులైన వారికి డ్రా ద్వారా దుకాణాలను కేటాయిస్తామన్నారు. మద్యం దుకాణాల ఎంపిక ప్రక్రియను పూర్తిగా పారదర్శకంగా నిర్వహించేందుకు చర్యలు తీసుకుంటున్నామన్నారు. కార్యక్రమంలో జిల్లా ప్రొహిబిషన్‌ అండ్‌ ఎకై ్సజ్‌ ఆసిస్టెంట్‌ సూపరింటెండ్‌ సోమయ్య పాల్గొన్నారు. 60 మద్యం దుకాణాల్లో 57 జనరల్‌, 3 గీత కార్మికులకు జిల్లా ప్రొహిబిషన్‌ అండ్‌ ఎకై ్సజ్‌ సూపరింటెండెంట్‌ జె. రమేష్‌

బద్వేలు అర్బన్‌: కర్నూలు జిల్లా ఓర్వకల్లు సమీపంలో గురువారం తెల్లవారుజామున జరిగిన ఘోర రోడ్డు ప్రమాదంలో కడప జిల్లా బద్వేలుకు చెందిన ఇద్దరు వ్యక్తులు దుర్మరణం పాలయ్యారు. హైదరాబాద్‌ నుంచి బద్వేలుకు వస్తున్న ప్రైవేటు ట్రావెల్స్‌ బస్సు, రోడ్డుపై ఆగి ఉన్న లారీని వెనుక నుండి బలంగా ఢీకొనడంతో ఈ విషాదం సంభవించింది. ఈ ప్రమాదంలో పెరుమాళ్ళ పోలయ్య (56), కత్తి రామాంజనేయులు అలియాస్‌ నాని (19) మరణించారు. బద్వేలు ఆంజనేయనగర్‌కు చెందిన బియ్యం వ్యాపారి పోలయ్య పని నిమిత్తం హైదరాబాద్‌ వెళ్లి తిరిగి వస్తుండగా ప్రమాదం జరిగింది. తీవ్ర గాయాలైన ఆయన్ను కర్నూలు ప్రభుత్వ ఆసుపత్రికి తరలించగా అక్కడ కన్నుమూశారు. మృతునికి భార్య, ఇద్దరు కుమార్తెలు ఉన్నారు. కాగా, జ్యోతిబసు కాలనీకి చెందిన నాని ఆటో నడుపుతూ జీవించేవాడు. ప్రమాదానికి గురైన బస్సుకు ఇతని తండ్రి డ్రైవర్‌గా చేస్తుండటంతో, నాని కూడా కొద్దిరోజులుగా క్లీనర్‌గా వెళ్తున్నాడు. ఈ ప్రమాదంలో తలకు తీవ్ర గాయమై నాని అక్కడికక్కడే మృతి చెందాడు. పోస్టుమార్టం అనంతరం మృతదేహాన్ని స్వగ్రామమైన ప్రకాశం జిల్లా దర్శికి తరలించారు.

● రూ.6 కోట్లతో 50 పడకల ఆధునిక భవన నిర్మాణానికి టెండర్లు పూర్తి ● మెరుగైన సౌకర్యాలతో క్రూ సెంటర్‌కు కొత్త శోభ ● బ్రిటిషు కాలం నాటి రన్నింగ్‌ రూమ్‌కు మంగళం రాజంపేట: ఉమ్మడి కడప జిల్లాలో రైల్వేపరంగా ఎంతో ప్రసిద్ధి చెందిన నందలూరు రైల్వే కేంద్రంలో ఆధునిక సౌకర్యాలతో కూడిన నవీన రన్నింగ్‌ రూమ్‌ నిర్మాణానికి రైల్వే శాఖ శ్రీకారం చుట్టింది. శతాబ్దాల చరిత్ర కలిగిన బ్రిటీష్‌ కాలం నాటి పాత రన్నింగ్‌ రూమ్‌కు మంగళం పాడుతూ.. లోకో పైలట్లు, గార్డులు విశ్రాంతి కోసం సరికొత్త హంగులతో ఈ నూతన భవనాన్ని నిర్మించనున్నారు. 2024 రైల్వే బడ్జెట్‌లో ఈ పనులకు రూ.3.35 కోట్ల నిధులు కేటాయించగా, ఇప్పుడు గుంతకల్‌ డివిజన్‌ రైల్వే ఉన్నతాధికారులు నిర్మాణ కార్యాచరణను వేగవంతం చేశారు. పాత పీడబ్ల్యూఐ స్థలం ఎంపిక ఈ నవీన రన్నింగ్‌ రూమ్‌ నిర్మాణం కోసం రైల్వే ఉన్నతాధికారులు నాగిరెడ్డిపల్లె రైల్వే కాలనీలోని పాత రైల్వే హాస్పిటల్‌ స్థలంతో పాటు పలు ప్రాంతాలను క్షుణ్ణంగా పరిశీలించారు. అయితే, నిరంతరం విధుల్లో ఉండి అలసిపోయే లోకో పైలట్లు, అసిస్టెంట్‌ లోకో పైలట్లకు ఎటువంటి ఆటంకం లేకుండా ప్రశాంతమైన వాతావరణంలో తగిన విశ్రాంతి లభించేలా ఈ భవనం ఉండాలని అధికారులు భావించారు. ఆ దిశగా అన్ని రకాలుగా అనుకూలంగా ఉండి, రైల్వే స్టేషన్‌కు అత్యంత సమీపంలో ఉన్న పాత పీడబ్ల్యూఐ స్థలాన్ని ఈ నవీన రన్నింగ్‌ రూమ్‌ నిర్మాణం కోసం తుది ఎంపిక చేశారు. రూ.6 కోట్లతో నూతన భవనాలు నందలూరు నవీన రన్నింగ్‌ రూమ్‌ నిర్మాణంతో పాటు రాజంపేట రైల్వేస్టేషన్‌లో ఆర్‌పీఎఫ్‌ అవుట్‌పోస్ట్‌ భవన నిర్మాణాన్ని కలిపి దాదాపు రూ.6 కోట్ల అంచనా వ్యయంతో పనులు చేపట్టనున్నారు. ఇందుకు సంబంధించి గుంతకల్‌ రైల్వే డివిజన్‌ ఉన్నతాధికారులు ఇప్పటికే అధికారికంగా టెండర్లను పిలిచారు. టెండర్‌ దక్కించుకోనున్న కాంట్రాక్ట్‌ సంస్థకు ఏడాది కాల పరిమితిని గడువుగా పెట్టినట్లు సమాచారం. గతంలో ఇండియన్‌ రైల్వేలోనే ఎక్కడా లేని విధంగా ఇక్కడ ఏసీ రన్నింగ్‌ రూమ్‌ కోసం నిధులు మంజూరైనా.. ఆ ప్రతిపాదనను పక్కనపెట్టి, ఇప్పుడు ఈ సరికొత్త శాశ్వత భవన నిర్మాణానికి సిద్ధమయ్యారు. ప్రాథమికంగా 50 పడకలతో ప్రారంభమై, భవిష్యత్తు అవసరాలను బట్టి దీనిని వంద పడకల రన్నింగ్‌ రూమ్‌గా విస్తరించడానికి అధికారులు సన్నాహాలు చేస్తున్నారు. 105 ఏళ్ల చారిత్రక రన్నింగ్‌ రూమ్‌ జ్ఞాపకాలు నందలూరు రైల్వే రన్నింగ్‌ రూమ్‌కు 105 ఏళ్ల ఘనమైన చరిత్ర ఉంది. 1920వ సంవత్సరంలో అప్పటి బ్రిటిషు రైల్వే పాలకులు ఇక్కడి స్టీమ్‌ లోకో ఇంజన్ల డ్రైవర్లు, ఫైర్‌మెన్ల విశ్రాంతి కోసం ఈ రన్నింగ్‌ రూమ్‌ను నిర్మించారు. అప్పట్లో ఇక్కడ 25 వరకు స్టీమ్‌ లోకో ఇంజన్లు అందుబాటులో ఉండేవి. ఆ కాలంలో నందలూరు రైల్వే కేంద్రం సదరన్‌ రైల్వే పరిధిలో ఉండటం వల్ల అరక్కోణం నుంచి నందలూరు వరకు రైల్వే క్రూ రాకపోకలు సాగించేవారు. అరక్కోణం నుంచి వచ్చే తమిళ రైల్వే సిబ్బంది ఇక్కడే స్థిరపడటం వల్లనే, నందలూరు స్టేషన్‌కు అత్యంత సమీపంలో ‘అరవపల్లె’ అనే చారిత్రక గ్రామం ఆవిర్భవించింది. నిత్యం లోకో పైలట్లు, అసిస్టెంట్‌ లోకో పైలట్లు, గార్డులు మార్పిడి జరిగే ఈ క్రూ సెంటర్‌కు, నవీన రన్నింగ్‌ రూమ్‌ నిర్మాణంతో సరికొత్త శోభ చేకూరనుంది. ఎర్రగంట్ల కష్టాలకు చెల్లుఒకానొక దశలో ఎర్రగుంట్లలో క్రూ సెంటర్‌ ఏర్పాటు చేసి, నందలూరు రన్నింగ్‌ క్రూ సెంటర్‌ను పూర్తిగా నిర్వీర్యం చేసేందుకు ఓ రైల్వే ఉన్నతాధికారి తీవ్ర వ్యూహం రచించారు. అయితే ఎర్రగుంట్ల నుంచి పనిచేయడానికి లోకో పైలట్లు తీవ్రంగా వ్యతిరేకిస్తూ వచ్చారు. అక్కడ వాతావరణం సరిపడక కొంతమంది సిబ్బంది ఊపిరితిత్తుల వ్యాధుల బారిన పడి ఇతర డిపార్టుమెంట్లకు మారిపోయారు. అయితే ఇప్పుడు నందలూరులో నూతన విశ్రాంతి భవనం రానుండటంతో వారి కష్టాలకు చెల్లుచీటీ పాడినట్లయింది. నందలూరు రైల్వే రన్నింగ్‌స్టాప్‌ క్రూ కుదింపు వ్యవహారంపై రాజంపేట ఎంపీ పీవీ మిథున్‌రెడ్డి గట్టిగా పోరాడారు. కేంద్ర రైల్వేమంత్రి అశ్విని వైష్ణవ్‌ను అనేకమార్లు కలిసి ఇక్కడి సమస్యలను వివరించారు. నందలూరు రైల్వే పూర్వవైభవం కోసం లోక్‌సభలో సైతం ఆయన గళమెత్తిన తర్వాత నుంచే రైల్వేశాఖ ఇక్కడ మెరుగైన వసతులు కల్పించే దిశగా వేగంగా అడుగులు వేస్తోంది.

కడప ఎడ్యుకేషన్‌: యోగి వేమన విశ్వవిద్యాలయం(వైవీయూ)లో రెండేళ్ల పోస్ట్‌ గ్రాడ్యుయేట్‌ జర్నలిజం (ఎంఏ) కోర్సుకు సంబంధించిన ప్రవేశాలు మొదలైనట్లు కోర్స్‌ కో–ఆర్డినేటర్‌, జర్నలిజం శాఖ విభాగాధిపతి తమ్మినేని శ్యామ్‌ స్వరూప్‌ తెలిపారు. ఏపీ పీజీ సెట్‌లో జర్నలిజం కోర్స్‌కు నమోదు చేసుకుని ర్యాంకు సాధించిన వారు వైవీయూలో ఆప్షన్స్‌ ఇచ్చి కోర్సులో చేరవచ్చని తెలిపారు. ఏ డిగ్రీ అర్హత ఉన్నా జర్నలిజం కోర్సులో అడ్మిషన్‌ పొందవచ్చన్నారు. మరిన్ని వివరాలకు 8008006630, 9640895256 నంబర్లలో సంప్రదించాలని ఆయన కోరారు. వైఎస్సార్‌సీపీలో నూతన నియామకం కడప కార్పొరేషన్‌: వైఎస్సార్‌ కాంగ్రెస్‌ పార్టీ అధ్యక్షులు వైఎస్‌ జగన్‌మోహన్‌రెడ్డి ఆదేశాల మేరకు వైఎస్సార్‌ కడప జిల్లాకు చెందిన దిగువ పేర్కొన్న వారిని వివిధ హోదాలలో నియమిస్తూ ఆ పార్టీ కేంద్ర కార్యాలయం ఉత్తర్వులు జారీ చేసింది. రాష్ట్ర పంచాయతీరాజ్‌ విభాగం కార్యదర్శిగా పి. జోగయ్య, రాష్ట్ర చేనేత విభాగం కార్యదర్శిగా పుల్లగూర ఉపేంద్ర(మైదుకూరు), జిల్లా ఐటీ విభాగం అధ్యక్షుడిగా డి.యు కిరణ్‌ కుమార్‌రెడ్డి(పులివెందుల), జిల్లా అంగన్‌వాడీ విభాగం అధ్యక్షురాలిగా రాచమల్లు రమాదేవి,జిల్లా యువజన విభాగం ప్రధాన కార్యదర్శిగా బీరం రాఘవేంద్రరెడ్డి, జిల్లా వైఎస్సార్‌టీయూసీ అధికార ప్రతినిధిగా వై. ప్రసన్న కుమార్‌ (ప్రొద్దుటూరు)లను నియమించారు. జెడ్పీ ప్రత్యేకాధికారిగా కలెక్టర్‌ బాధ్యతలు కడప సెవెన్‌రోడ్స్‌ : జిల్లా పరిషత్‌ పాలకవర్గం పదవీకాలం ఇటీవల ముగిసిన నేపథ్యంలో జిల్లా పరిషత్‌ ప్రత్యేకాధికారిగా కలెక్టర్‌ డాక్టర్‌ శ్రీధర్‌ చెరుకూరి శుక్రవారం బాధ్యతలు స్వీకరించారు. రాష్ట్ర ప్రభుత్వం జారీ చేసిన ఆదేశాల మేరకు జిల్లా పరిషత్‌లకు ప్రత్యేకాధికారులను నియమించగా, కడప జెడ్పీ ప్రత్యేకాధికారిగా జిల్లా కలెక్టర్‌ బాధ్యతలు చేపట్టారు. జిల్లా పరిషత్‌ కార్యాలయానికి చేరుకున్న కలెక్టర్‌ డాక్టర్‌ శ్రీధర్‌ చెరుకూరికి జెడ్పీ ముఖ్య కార్యనిర్వహణ అధికారి సుబ్రహ్మణ్యం, అధికారులు, ఉద్యోగులు ఘన స్వాగతం పలికారు. అనంతరం జెడ్పీ ప్రత్యేకాధికారిగా బాధ్యతలు చేపట్టిన శ్రీధర్‌ చెరుకూరి జిల్లా పరిషత్‌ కు సంబంధించి పలు అంశాలపై జెడ్పీ సీఈఓ తో చర్చించారు. త్వరలో జరగనున్న స్థానిక సంస్థల ఎన్నికలను సమర్థవంతంగా నిర్వహించేందుకు అన్ని రకాల చర్యలను ప్రణాళిక ప్రకారం చేపట్టాలని, ప్రతి ఒక్కరూ ఎన్నికల విధులను పారదర్శకంగా నిర్వహించేందుకు బా ధ్యతగా పనిచేయాలని ఎన్నికల విధులకు కేటాయించిన డాక్టర్‌ శ్రీధర్‌ సూచించారు. అదే సమయంలో ఎంపీపీల పదవీకాలం కూడా ముగియడంతో వారి స్థానంలో అన్ని మండలాలకు ప్రత్యేక అధికారులను కూడా నియమించారు.

కడప సెవెన్‌రోడ్స్‌ : జిల్లాలోని 39 మండల ప్రజాపరిషత్‌లకు ప్రత్యేక అధికారులను నియమిస్తూ కలెక్టర్‌ డాక్టర్‌ శ్రీధర్‌ చెరుకూరి ప్రొసీడింగ్స్‌ జారీ చేశారు. ఆరు నెలలు లేదా మండల పరిషత్‌లకు ఎన్నికలు జరిగి కొత్త సభ్యులు కొలువుదీరే వరకు వీరు కొనసాగుతారు. ఆ వివరాలిలా ఉన్నాయి. మండలం ప్రత్యేక అఽధికారి పేరు అట్లూరు అహ్మద్‌ మోహిద్దీన్‌ బి.కోడూరు బి.అనూరాధ బి.మఠం నాగయ్య బద్వేలు విజయలక్ష్మి సీకే దిన్నె చాన్‌బాష చక్రాయపేట నరేంద్ర చాపాడు బ్రహ్మనందరెడ్డి చెన్నూరు పరిమళజ్యోతి దువ్వూరు రవిచంద్రబాబు గోపవరం శ్రీనివాసమూర్తి జమ్మలమడుగు వెంకటేశ్వర్లు కలసపాడు రమేష్‌కుమార్‌ కమలాపురం శేషగిరి ఖాజీపేట ప్రసాద్‌రావు కొండాపురం జాన్‌ ఇర్విన్‌ లింగాల వెంకట సుబ్బయ్య ముద్దనూరు రఘురామ్‌ మైదుకూరు చింతామణి మైలవరం శివకుమారి పెద్దముడియం రామశివదీక్షిత్‌ పెండ్లిమర్రి శంకర్‌బాలాజీ పోరుమామిళ్ల రాజరత్నం ప్రొద్దుటూరు కృష్ణ పులివెందుల రమాదేవి రాజుపాలెం సుబ్రమణేశ్వరరావు కాశినాయన వేణు సిద్దవటం కృష్ణయ్య సింహాద్రిపురం మురళీధర్‌రెడ్డి తొండూరు హరిప్రసాద్‌ వల్లూరు కృష్ణకిశోర్‌ వీఎన్‌ పల్లె బీవీ రెడ్డి వేంపల్లె నాగసుధ వేముల శ్రీనివాసులు ఒంటిమట్ట చంద్రశేఖర్‌రెడ్డి ఎర్రగుంట్ల సురేష్‌కుమార్‌ రాజంపేట భరత్‌కుమార్‌ నందలూరు సుబ్బారెడ్డి వీరబల్లి రామిరెడ్డి సుండుపల్లె చిన్నారావు

కడప సిటీ : దేవునికడపలోని శ్రీ లక్ష్మి వెంకటేశ్వరస్వామి ఆలయ పవిత్రోత్సవాల్లో భాగంగా గురువారం వివిధ పూజాధి కార్యక్రమాలు నిర్వహించారు. అందులో భాగంగా పవిత్ర సమర్పణ, హోమాలు నిర్వహించారు. యాగశాలలో శాస్త్రోక్తంగా హోమాలు, జపాలు నిర్వహించారు. ఆలయ ప్రాంగణంలో ఉత్సవ మూర్తులను ఊరేగించారు. ఏడాది పొడవునా ఆలయంలో జరిగే నిత్య పూజలు, ఉత్సవాల్లో భక్తులు, అర్చకుల ద్వారా తెలిసి తెలియక జరిగే లోపాలు, అపచారాలు ఉంటాయి. అశౌచ దోషాల నివారణకు ఈ పవిత్రోత్సవాలను నిర్వహిస్తారు. శుక్రవారం పూర్ణాహుతి, చక్రస్నానం తదితర కార్యక్రమాలు నిర్వహించనున్నారు. దీంతో పవిత్రోత్సవాలు ముగియనున్నాయి.

కడప కోటిరెడ్డిసర్కిల్‌ : పరాభవ నామ సంవత్సర భాద్రపద పౌర్ణమి సందర్భంగా తమిళనాడులోని అరుణాచలానికి ప్రత్యేక బస్సు సౌకర్యం కల్పిస్తున్నట్లు ఏపీఎస్‌ ఆర్టీసీ కడప డిపో మేనేజర్‌ ఆర్‌సీ నిరంజన్‌ ఒక ప్రకటనలో తెలిపారు. ఈనెల 26వ తేది ఉదయం 9 గంటలకు కడప ఆర్టీసీ బస్టాండు నుంచి ఒక బస్సు, రాయచోటి బంగ్లా బస్టాండు నుంచి ఉదయం 10.15 గంటలకు మరో బస్సు బయలుదేరుతుందన్నారు. ఈ బస్సులో ఛార్జి కేవలం రూ. 1050గా నిర్ణయించారన్నారు. వివరాలకు 9959225774, 9494755057, 9440449559 నెంబర్లలో సంప్రదించాలని ఆయన కోరారు. జిల్లాలో విస్తారంగా వర్షాలు కడప అగ్రికల్చర్‌: అల్పపీడనం కారణంగా జిల్లాలో నాలుగు రోజుల నుంచి విస్తారంగా వర్షాలు కురుస్తున్నాయి. దీంతో ఉద్యాన పంటలతోపాటు వ్యవసాయ పంటలు జీవం పోసుకున్నాయి. బుధవారం ఉదయం నుంచి గురువారం తెల్లవారుజాము వరకు జిల్లావ్యాప్తంగా వర్షం కురిసింది. కొండాపురం మండలంలో అత్యధికంగా 32.6 మి.మీ వర్షం కురిసింది. అలాగే చెన్నూరు మండలంలో 31.2, సింహాద్రిపురంలో 25.2, పులివెందుల, జమ్మలమడుగులలో 17.6, ప్రొద్దుటూరులో 16.6, సిద్దవటంలో 15.6, చాపాడులో 14.4, వేంపల్లి, లింగాలలో 14, మైదుకూరులో 13, ఖాజీపేటలో 12.8, కడపలో 12.6, కాశినాయనలో 12.2, బి.మఠంలో 12, పెద్దముడియలో 11.8, తొండూరులో 10.4, ఒంటిమిట్ట, వల్లూరులలో 9.8 ,సికెదిన్నె 9.6, ముద్దనూరు, చక్రాయపేటలో 9.2, మైలవరంలో 9, వీఎన్‌పల్లిలో 8.8, కలసపాడులో 8.6, పోరుమామిళ్లలో 8.2, బద్వే ల్‌, వీరబల్లిలో 7.2, అట్లూరులో 6.4, నంద లూరులో 5.6, బి.కోడూరులో 5, రాజంపేటలో 4.6, కమలాపురంలో 4.4, గోపవరంలో 3.6, పెండ్లిమర్రి, టి. సుండుపల్లిలలో 3.2, వేములలో 3 మి.మీ వర్షం కురిసింది. 26న గెస్ట్‌ లెక్చరర్‌కు ఇంటర్వ్యూ ప్రొద్దుటూరు : స్థానిక ఎస్‌సీఎన్‌ఆర్‌ ప్రభుత్వ డిగ్రీ కళాశాలలో కంప్యూటర్‌ సైన్స్‌ గెస్ట్‌ లెక్చరర్‌ పోస్టుకు ఈనెల 26న ఉదయం 10 గంటలకు ఇంటర్వ్యూ నిర్వహించనున్నట్లు కళాశాల ప్రిన్సిపల్‌ డాక్టర్‌ చంద్రశేఖర్‌ ఒక ప్రకటనలో తెలిపారు. పీజీ (ఎంసీఏ లేదా ఎంఎస్సీ కంప్యూటర్‌ సైన్స్‌)లో 55 శాతం మార్కులు సాధించిన అభ్యర్థులు తమ బయోడేటాతో ఇంటర్వ్యూకు హాజరుకావాలని ఆయన సూచించారు. నేడు జిల్లాస్థాయి ఎంపికలు కడప ఎడ్యుకేషన్‌: కడప డీఎస్‌ఏ క్రీడా మైదానంలో శుక్రవారం ఉషూ, బాక్సింగ్‌, జూడో జిల్లాస్థాయి ఎంపికలు నిర్వహించనున్నట్లు జిల్లా కార్యదర్శులు విజయలక్ష్మి, నాగరాజురెడ్డి తెలిపారు. అలాగే చెన్నూరు మండలం రామనపల్లె బాలబాలికలు జిల్లా పరిషత్‌ ఉన్నత పాఠశాలలో గట్కా అండర్‌ 17 ఎంపికలు జరుగుతాయని వివరించారు. క్రీడాకారులందరూ 25వ తేదీ ఉదయం 9 గంటలకు స్టడీ సర్టిఫికెట్‌, ఆధార్‌ కార్డుతో హాజరుకావాలని సూచించారు. వైవీయూలో పీజీ ప్రవేశాలు ప్రారంభం – ఈ నెల 29వరకు కొనసాగింపు కడప ఎడ్యుకేషన్‌: యోగివేమన విశ్వవిద్యాలయంలో పోస్ట్‌ గ్రాడ్యుయేషన్‌ ప్రవేశాలు గురువారం ప్రారంభమయ్యాయి. ఆంధ్రప్రదేశ్‌ పోస్ట్‌ గ్రాడ్యుయేషన్‌ ఎంట్రన్స్‌ టెస్ట్‌ (ఏపీ పీజీ సెట్‌)–2026 అర్హత సాధించిన విద్యార్థులు కౌన్సెలింగ్‌కు హాజరయ్యారు. డైరెక్టర్‌ ఆఫ్‌ అడ్మిషన్స్‌ డైరెక్టర్‌ ప్రొఫెసర్‌ వి. రామకృష్ణ పర్యవేక్షణలో విద్యార్థులకు సర్టిఫికెట్ల పరిశీలన నిర్వహించారు. మొదటి విడతలో 303 మంది విద్యార్థులు యోగి వేమన విశ్వవిద్యాలయ క్యాంపస్‌ పోస్ట్‌ గ్రాడ్యుయేషన్‌ కళాశాలను కోరుకోగా వారికి తొలిరోజు వెరిఫికేషన్‌ చేశారు. ఈ సందర్భంగా డైరెక్టర్‌ రామకృష్ణ మాట్లాడుతూ అర్హత పత్రాల పరిశీలన ఈనెల 29వ తేదీ వర కు ఉంటుందని తెలిపారు. విద్యార్థులు సెల్ఫ్‌ రిపోర్టింగ్‌ అలాట్మెంట్‌ లెటర్‌ రెండు కాపీలు, అర్హత పత్రాల రెండు సెట్ల జిరాక్స్‌ కాపీలు, రెండు ఫొటోలు తీసుకురావాలన్నారు. అర్హత పత్రాల పరిశీలన కార్యక్రమంలో డీఓఏ అసోసియేట్‌ డైరెక్టర్లు, ప్రొఫెసర్‌ శ్రీధర్‌ రెడ్డి, ప్రొఫెసర్‌ రమేష్‌, డాక్టర్‌ మృత్యుంజయరావు, సిబ్బంది పాల్గొన్నారు.

కడప రూరల్‌ : వైద్యాధికారులు ప్రజాసేవ నైపుణ్యాలను పెంపొందించుకోవాలని జిల్లా వైద్య ఆరోగ్యశాఖ అధికారి డాక్టర్‌ యుగంధర్‌, ఐజీఓటీ కర్మయోగి జిల్లా నోడల్‌ అధికారి డాక్టర్‌ హీరేందర్‌ అన్నారు. గురువారం స్థానిక జిల్లా కార్యాలయంలో కర్మయోగి కార్యక్రమం పై వైద్యాధికారులకు శిక్షణ కార్యక్రమం నిర్వహించారు. ఈ సందర్భంగా వారు మాట్లాడుతూ ప్రభుత్వ ఉద్యోగుల జ్ఞానం, నైపుణ్యాలు, సామర్థ్యాలు, పరిపాలనా దక్షత, ప్రజాసేవా నైపుణ్యాలను పెంపొందించడం కర్మయోగి కార్యక్రమం ప్రధాన ఉద్దేశమని అన్నారు. ఉద్యోగులు తమ విధులకు సంబంధించిన వివిధ అంశాలపై నిరంతరం శిక్షణ పొందడంతో పాటు, ప్రభుత్వ కార్యక్రమాలు, పరిపాలనా విధానాలు, నాయకత్వ నైపుణ్యాలు, సాంకేతిక పరిజ్ఞానంపై అవగాహనను పెంచుకోవచ్చు అని తెలిపారు. నేడు నులిపురుగుల దినోత్సవం అనంతరం జిల్లా వైద్య ఆరోగ్యశాఖ అధికారి డాక్టర్‌ యుగంధర్‌ శుక్రవారం జిల్లా వ్యాప్తంగా నిర్వహించే జాతీయ నులిపురుగుల దినోత్సవం పై సమీక్షించారు. ఈ సందర్భంగా ఆయన మాట్లాడుతూ జిల్లాలోని 2744 అంగన్‌వాడీ సెంటర్లలో, 2832 ప్రభుత్వ, ప్రైవేటు పాఠశాలలు, కాలేజీల్లో 5,31,354 మంది బాల బాలికలను గుర్తించినట్లు చెప్పారు. 1 నుంచి 19 సంవత్సరాల పిల్లలందరికీ నులిపురుగుల నివారణ మాత్రలు అందేలా చర్యలు తీసుకోవాలన్నారు. జాతీయ అంధత్వ నియంత్రణ కార్యక్రమ సంయుక్త సంచాలకులు డాక్టర్‌ సునీల్‌ కుమార్‌ నాయక్‌ మాట్లాడుతూ ప్రతి స్కూల్‌లో పిల్లలకు చేతులశుభ్రత, వ్యక్తిగత శుభ్రత, గురించి అవగాహన కల్పించాలన్నారు. ఈ కార్యక్రమంలో డిఐఓ డాక్టర్‌ ప్రవీణ్‌ కుమార్‌, ప్రోగ్రామ్‌ అధికారి డాక్టర్‌ మహమ్మద్‌ తాహా, ఆర్‌బీఎస్‌కే ప్రోగ్రామ్‌ అధికారి డాక్టర్‌ అరిఫుల్లా, డెమో భారతి, డిప్యూటీ డెమో కుమారి తదితరులు పాల్గొన్నారు.

వేంపల్లె/యాదమరి : అతివేగం..అజాగ్రత్త డ్రైవింగ్‌ ఇద్దరు స్నేహితుల ప్రాణాలను బలితీసుకుంది. రహదారిపై మృత్యువు రూపంలో దూసుకొచ్చిన టాటా ఏస్‌ వాహనం ద్విచక్రవాహనాన్ని బలంగా ఢీకొనడంతో ఇద్దరు యువకులు దుర్మరణం చెందారు. చిత్తూరు జిల్లా యాదమరి మండలంలో బుధవారం అర్థరాత్రి సమయంలో జరిగిన ఈ రోడ్డు ప్రమాదం రెండు కుటుంబాల్లో తీరని విషాదాన్ని నింపింది. స్థానిక ఎస్సై ఈశ్వర్‌ కథనం మేరకు..వైఎస్సార్‌ కడప జిల్లా వేంపల్లె మండలం నాగూరు గ్రామానికి చెందిన నాగేళ్ల రామచంద్రారెడ్డి కుమారుడు రాంప్రసాద్‌రెడ్డి(21) ముత్తిరేవుల సమీపంలోని ఓ ప్రైవేట్‌ ఇంజినీరింగ్‌ కళాశాలలో బీటెక్‌ రెండో సంవత్సరం చదువుతున్నాడు. బుధవారం రాత్రి రాంప్రసాద్‌ తన స్నేహితుడైన చిత్తూరు పెద్ద హరిజనవాడకు చెందిన సురేష్‌ కుమారుడు ధనుష్‌(21)తో కలసి ద్విచక్రవాహనంలో ఓ ప్రైవేట్‌ కార్యక్రమానికి వెళ్లారు. అక్కడ నుంచి పని ముగించుకుని తిరుగు ప్రయాణమయ్యారు. ఈ క్రమంలో మండల పరిధి వరిగపల్లి జంక్షన్‌ వద్ద ఉన్న సర్వీసు రోడ్డులో ఎదురుగా వస్తున్న వీరి వాహనాన్ని టాటా ఏస్‌ డీకొంది. ఈ ప్రమాదంలో రాంప్రసాద్‌రెడ్డి తీవ్ర గాయాలతో అక్కడిక్కడే ప్రాణాలు కోల్పోయాడు. గుర్తించిన స్థానికులు వెంటనే పోలీసులకు సమాచారం అందించడంతో వారు ఘటన స్థలికి చేరుకున్నారు. తీవ్ర రక్తగాయాలతో మృత్యువుతో పోరాడుతున్న ధనుష్‌ను 108 అంబులెన్సు ద్వారా చితూరు ప్రభుత్వాసుపత్రికి తరలిలించారు. అయితే అప్పటికే అతను మరణించినట్లు వైద్యులు ధృవీకరించారు. ఇంజినీరింగ్‌ చదివి గొప్ప వాడై తమకు అండగా నిలుస్తాడని ఎన్నో ఆశలు పెట్టుకున్న రాంప్రసాద్‌ ఆసుపత్రిలో విగతిజీవిగా ఉండటాన్ని చూసి కుటుంబసభ్యులు రోదనలు మిన్నంటాయి. ఎస్సై ఈశ్వర్‌ కేసు నమోదు చేసి దర్యాప్తు ప్రారంభించారు. కాగా రోడ్డు ప్రమాదాల నివారణకు వాహనదారులు పరిమిత వేగంతో ప్రయాణించాలని, రహదారి భద్రతా నియమాలు విధిగా పాటించి ప్రమాదాల బారీన పడకుండా విలువైన ప్రాణాలు కాపాడుకోవాలని ఎస్సై సూచించారు.రాంప్రసాద్‌రెడ్డి(ఫైల్‌) ధనుష్‌(ఫైల్‌)ద్విచక్ర వాహనాన్ని డీకొని ఇద్దరు యువకులు దుర్మరణం

కడప ఎడ్యుకే షన్‌ : నీట్‌ పీజీ పరీక్షా ఫలితాల్లో కడపకు చెందిన ఆవుల ప్రత్యూష 562 మార్కులు సాధించి 1450వ ర్యాంక్‌ సాధించింది. కడప నగరం చిన్నాచౌక్‌ ఎస్‌ ఆర్‌ నగర్‌కు చెందిన రియల్‌ ఎస్టేట్‌ వ్యాపారి ఆవుల ఏరికలయ్య, గృహిణి సుభాషిణి దంపతులకు మొదటి కుమార్తె డాక్టర్‌. ప్రత్యూష. ఈమె 1 నుంచి 10వ తరగతి వరకు కడప నారాయణ ఒలింపియాడ్‌ స్కూల్‌లో చదివింది. పదవ తరగతిలో 9.7 పాయింట్లు సాధించింది. ఇంటర్‌ విజయవాడ నారాయణ కాలేజీలో చదివి 976 మార్కులు సాధించింది. తరువాత నీట్‌లో ఆల్‌ ఇండియా స్థాయిలో 11 వేల ర్యాంకు సాధించి తిరుపతి ఎస్వీ మెడికల్‌ కళాశాలలో ఎంబీబీఎస్‌ పూర్తి చేసింది. ఈ సందర్భంగా ప్రత్యూష మాట్లాడుతూ పీజీలో రేడియాలజీ లేదా డెర్మటాలజిస్ట్‌ కావాలనేదే లక్ష్యమని తెలిపారు.

కడప ఎడ్యుకేషన్‌ : నీట్‌పీజీలో కడపకు చెందిన కాంట్రాక్టర్‌ శ్యామల సాయి శ్రీధర్‌రెడ్డి, గృహిణి గౌరీదేవిల కుమార్తె జతీషరెడ్డి 1239వ ర్యాంకు సాధించింది. జతీషరెడ్డి 1 నుంచి 5వ తరగతి వరకు ఆర్టీపీపీలో చదివింది. 6,7 తరగతులను హైదరాబాద్‌ పబ్లిక్‌ స్కూల్లో, 8వ తరగతి నుంచి ఇంటర్మీడియట్‌ వరకు విజయవాడలోని శ్రీ చైతన్య స్కూల్‌, జూనియర్‌ కళాశాలలో చదివింది. ఇంటర్‌లో 970 మార్కులు సాధించింది. నీట్‌లో జాతీయస్థాయిలో 27 వేల ర్యాంకు సాధించి ఒంగోలు రిమ్స్‌ మెడికల్‌ కళాశాలలో ఎంబీబీఎస్‌ పూర్తి చేసింది. ప్రస్తుతం నీట్‌పీజీలో 1239వ ర్యాంకు సాధించింది. డెర్మటాలజీ చేయడమే ఆశయమని జతీషరెడ్డి తెలిపారు.

● ఒకే వీధికి చెందిన ఇద్దరిని బలిగొన్న రోడ్డు ప్రమాదం ● కన్నీరుమున్నీరైన కుటుంబ సభ్యులుప్రొద్దుటూరు క్రైం : బతుకుబండి లాగేందుకు నిత్యం శ్రమించే ఆ ఇద్దరూ గురువారం కూడా తమ పనిమీద బయలుదేరారు. రాళ్లను ట్రాక్టర్‌లో తీసుకెళ్లి విక్రయించి తిరిగి వస్తారనుకున్న కుటుంబ సభ్యులకు అంతలోనే తీరని విషాదం ఎదురైంది. బద్వేల్‌ సమీపంలో జరిగిన రోడ్డు ప్రమాదంలో ప్రొద్దుటూరు మండలంలోని చౌడూరు గ్రామానికి చెందిన పట్నం భాస్కర్‌, తలసరి రమణయ్య దుర్మరణం చెందడంతో ఆ గ్రామంలో విషాదం అలుముకుంది. ఒకే వీధిలో నివసించే ఇద్దరూ ఒకే ప్రమాదంలో మృత్యువాత పడటంతో వారి కుటుంబాలు కన్నీరుమున్నీరయ్యాయి. పట్నం భాస్కర్‌కు గ్రామ శివారులో ఎకరం చౌడు భూమి ఉంది. సొంతంగా ట్రాక్టర్‌ ఉండటంతో సమీపంలోని గనుల నుంచి రాళ్లను తీసుకెళ్లి ఇతర ప్రాంతాల్లో విక్రయిస్తూ కుటుంబాన్ని పోషించుకుంటున్నాడు. సాధారణంగా రాళ్లను విక్రయించేందుకు ఇతర ప్రాంతాలకు వెళ్లేటప్పుడు తనతో పాటు అదే వీధిలో నివసించే రమణ్యను కూడా తీసుకెళ్లేవాడు. ఎప్పటిలాగే గురువారం కూడా రమణయ్యను వెంటబెట్టుకొని రాళ్ల లోడుతో బద్వేల్‌ వైపు బయలుదేరాడు. అయితే మార్గంమధ్యలో జరిగిన రోడ్డు ప్రమాదం ఇద్దరి ప్రాణాలను బలిగొంది. పెద్ద దిక్కును కోల్పోయిన కుటుంబాలు భాస్కర్‌ మృతితో భార్య మునిలక్షుమ్మ, కుమారుడు వెంకటపవన్‌, కుమార్తె వెంకటసువర్ణ విషాదంలో మునిగిపోయారు. కుమార్తెకు ఇప్పటికే వివాహం కాగా, కుమారుడు పవన్‌ గ్రామంలోనే నెట్‌ సెంటర్‌ నిర్వహిస్తున్నాడు. కుటుంబానికి ఆధారంగా ఉన్న భాస్కర్‌ ఒక్కసారిగా దూరం కావడంతో కుటుంబ సభ్యుల రోదనలు మిన్నంటాయి. మరోవైపు రమణయ్య మృతితో భార్య రాజ్యలక్ష్మి, కుమారుడు వెంకటశివుడు, కుమార్తె శివలలిత తీవ్ర విషాదంలో మునిగిపోయారు. పిల్లలిద్దరికీ వివాహాలు కావడంతో వారి కుటుంబ బాధ్యతలు కొంత తీరిన సమయంలో రమణయ్య మృత్యువాత పడటం కుటుంబ సభ్యులను తీవ్రంగా కలచివేసింది. చౌడూరులో విషాదచాయలు.. ఒకే వీధిలో నివసిస్తూ, బతుకుతెరువు కోసం కలసి ప్రయాణించే ఇద్దరూ ఇక లేరన్న వార్త చౌడూరు గ్రామస్తులను, మృతుల సన్నిహితులను కలచివేసింది. పోస్టుమార్టం అనంతరం గురువారం సాయంత్రం ఇరువురి మృతదేహాలను గ్రామానికి తీసుకురావడంతో విషాద వాతావరణం నెలకొంది. తమతో కలిసి నిత్యం కనిపించే ఇద్దరు ఇక కనిపించరనే వాస్తవాన్ని జీర్ణించుకోలేక గ్రామస్తులు కన్నీటి పర్యంతమయ్యారు. బతుకుతెరువు కోసం బయలుదేరిన వారు తిరిగి రాకపోవడంతో రెండు కుటుంబాల్లో విషాదం మిగిలింది. ఇరువురిని కడసారి చూసేందుకు గ్రామస్తులంతా పెద్ద ఎత్తున తరలివచ్చారు.

కడప ఎడ్యుకేషన్‌ : పర్యావరణ పరిరక్షణలో భాగంగా పరిశ్రమ ప్రాంగణాల్లో మొక్కలను విరివిగా నాటాలని, పచ్చదనాన్ని మరింతగా పెంచాలని ఆంధ్రప్రదేశ్‌ ఎన్విరాన్‌మెంటల్‌ మేనేజ్‌మెంట్‌ కార్పొరేషన్‌ లిమిటెడ్‌ (ఏపీఈఎంసీఎల్‌) చైర్మన్‌ పోలంరెడ్డి దినేష్‌ రెడ్డి పరిశ్రమల అధికారులను ఆదేశించారు. వైఎస్‌ఆర్‌ కడప జిల్లాలోని భారతి సిమెంట్‌ పరిశ్రమను, ముద్దనూరు మండలం జీఎం ఎకో సర్వీసెస్‌ ఎల్‌ఎల్‌పీ పరిశ్రమలను ఆయన గురువారం సందర్శించారు. ఈ సందర్భంగా భారతి సిమెంట్‌ పరిశ్రమలోని హానికర వ్యర్థాల సహ–ప్రాసెసింగ్‌ యూనిట్‌ను పరిశీలించారు. హానికర వ్యర్థాలను నిర్దేశిత నిబంధనలకు అనుగుణంగా చట్టబద్ధంగా సహ–ప్రాసెసింగ్‌ చేస్తున్నారా లేదా అనే అంశాన్ని ధృవీకరించారు. అలాగే రికార్డులు, వ్యర్థాల నిర్వహణ విధానాలను పరిశీలించారు. దీంతోపాటు ముద్దనూరు మండలంలోని జీఎం ఎకో సర్వీస్‌ ఎల్‌ఎల్‌పిలోని హానికర వ్యర్థాల ప్రీ–ప్రాసెసింగ్‌ యూనిట్‌ను సందర్శించారు. ప్రీ–ప్రాసెస్‌ చేసిన హానికర వ్యర్థాలను నిబంధనలకు అనుగుణంగా.. చట్టబద్ధంగా అనుమతించిన సిమెంట్‌ పరిశ్రమలకు పంపిస్తున్నారా లేదా అనే అంశాన్ని పరిశీలిం చారు. 26 నుంచి ఎస్‌జీఎఫ్‌ జిల్లా స్థాయి ఎంపికలుకడప వైఎస్‌ఆర్‌ సర్కిల్‌ : ఈనెల 26 నుంచి అక్టోబర్‌ 2 వరకు జిల్లాలోని వివిధ క్రీడా మైదానా ల్లో స్కూల్‌ గేమ్స్‌ ఫెడరేషన్‌ (ఎస్‌జీఎఫ్‌) అండర్‌–19 జిల్లా స్థాయి ఎంపికలు నిర్వహిస్తున్నట్లు ఎస్‌జీఎఫ్‌ అండర్‌–19 జిల్లా కార్యదర్శి మురళీకృష్ణారెడ్డి తెలిపారు. ఈ ఎంపికలకు హాజరయ్యే క్రీడాకారులు 2007 జనవరి 1 తర్వాత జన్మించి ఉండాలన్నారు. ప్రతి విద్యార్ది రెండు లేదా మూడు క్రీడల్లో మాత్రమే పాల్గొనాల్సి ఉంటుందన్నారు. హాజరయ్యే వారు సంబంధిత మైదానాలకు ఉదయం 9 గంటలకు కల్లా హాజరుకావాలన్నారు.

చాపాడు : నీట్‌ పీజీ పరీక్షా ఫలితాల్లో మండల పరిధిలోని గుంతచీపాడు గ్రామానికి చెందిన ధనిరెడ్డి వెంకట వరుణేశ్వర్‌రెడ్డి జాతీయ స్థాయిలో 6363వ ర్యాంక్‌ సాధించాడు. గత ఏడాది కర్నూలులోని ప్రభుత్వ వైద్య కళాశాలలో ఎంబీబీఎస్‌ పూర్తి చేశాడు. ఈ ఏడాది జరిగిన పీజీ నీట్‌ పరీక్షలో 525 మార్కులు సాధించాడు. వరుణేశ్వర్‌రెడ్డి మాట్లాడుతూ జనరల్‌ మెడిసిన్‌ పూర్తి చేసి పేద ప్రజలకు ఉత్తమ వైద్య సేవలు అందించడమే లక్ష్యమని తెలిపాడు. ఇదే సంకల్పంతో చదివినట్లు విద్యార్థి తల్లిదండ్రులు రామలక్ష్మిరెడ్డి, ఉమామహేశ్వరి తెలిపారు. రైతు కుటుంబంలో పుట్టిన వెంకట వరుణేశ్వర్‌రెడ్డి చదువులో ప్రతిభ చాటుతూ నీట్‌ పీజీలో సీట్‌ సాధించడం పట్ల గ్రామస్తులు హర్షం వ్యక్తం చేశారు.

జిల్లావ్యాప్తంగా 63 పోస్టులకు 4821 మంది దరఖాస్తు కడప అగ్రికల్చర్‌: జిల్లా కేంద్ర సహకార బ్యాంకు (డీసీసీ)లో ఉద్యోగ ఖాళీల భర్తీకి శుక్రవారం ఆన్‌లైన్‌ పరీక్షలను నిర్వహించనున్నారు. ఇందుకోసం నిర్వాహకులు ఏర్పాట్లు పూర్తి చేశారు ఉదయం 8 గంటల నుంచి 10 గంటల వకు, 11.30 నుంచి 1.30 వరకు, సాయంత్రం 3.30 నుంచి 5.30 వరకు మూడు విడతల్లో ఈ పరీక్షలు నిర్వహించనున్నారు. డీసీసీ బ్యాంకులో మొత్తం 63 పోస్టులకు సంబంధించి జులై నెలలో ప్రభుత్వం నోటిఫికేషన్‌ను విడుదల చేయగా ఇందులో 23 అసిస్టెంట్‌ మేనేజర్‌ పోస్టులుకాగా మరో 40 స్టాప్‌ అసిస్టెంట్‌ పోస్టులను భర్తీ చేయనున్నారు. ఈ పోస్టుల కోసం జిల్లావ్యాప్తంగా 4821 మంది అభ్యర్థులు దరఖాస్తు చేసుకున్నారు. పరీక్ష రాసే అభ్యర్థుల సంఖ్య అధికంగా ఉండటంతో వీరి కోసం వైఎస్సార్‌జిల్లాలోతోపాటు పొరుగు జిల్లాలైన కర్నూల్‌, నంద్యాల, తాడిపత్రిల్లో కూడా పరీక్షా కేంద్రాలను కేటాయించారు. అభ్యర్థులు నిర్ణయించిన సమయంలోపు హాజరుకావాలని.. నిమిషం ఆలస్యమైనా పరీక్షకు ఆనుమతించేది లేదని అధికారులు స్పష్టం చేశారు.

– కలెక్టర్‌ డాక్టర్‌ శ్రీధర్‌ చెరుకూరి కడప సెవెన్‌రోడ్స్‌ : రాయలసీమ ప్రాంతాన్ని గ్లోబల్‌ హార్టికల్చర్‌ హబ్‌ గా తీర్చిదిద్దే క్రమంలో వైఎస్‌ఆర్‌ కడప జిల్లాను ఉద్యాన పంటల సాగుకు ప్రధాన క్షేత్రంగా అభివృద్ధి చేయాలని కలెక్టర్‌ డాక్టర్‌ శ్రీధర్‌ చెరుకూరి పేర్కొన్నారు. ఉద్యాన పంటల విస్తీర్ణాన్ని గణనీయంగా పెంచడంతో పాటు నీటి వనరులను సమర్థంగా వినియోగించుకునే సూక్ష్మ నీటి సాగు విధానాలను విస్తృతంగా ప్రోత్సహించాలని ఆయన అధికారులను ఆదేశించారు. గురువారం సాయంత్రం ముఖ్యమంత్రి నారా చంద్రబాబు నాయుడు రాష్ట్రంలోని అన్ని జిల్లాల కలెక్టర్లతో ఉద్యాన పంటల విస్తీర్ణం పెంపు, సూక్ష్మ నీటి సాగు విధానాల ప్రోత్సాహం, ఉద్యాన రంగ అభివృద్ధి తదితర అంశాలపై వీడియో కాన్ఫరెన్స్‌ నిర్వహించారు. ఈ సమావేశానికి కలెక్టర్‌ ఛాంబర్‌ నుంచి కలెక్టర్‌ హాజరయ్యారు. ఈ సందర్భంగా రాయలసీమ సమగ్ర ఉద్యాన అభివద్ధి కార్యక్రమం కింద వైఎస్‌ఆర్‌ కడప జిల్లాకు సంబంధించి రూపొందించిన సమగ్ర ప్రణాళికను, ప్రస్తుతం ఉద్యాన సాగు విస్తీర్ణం పెంపు, సూక్ష్మ సేద్య సాగు విధానాల ప్రగతి, సంబందిత అంశాల్లో ప్రగతి గురించి సీఎం చంద్రబాబుకు కలెక్టర్‌ వివరించారు.ఉద్యాన శాఖ జిల్లా అధికారి హరిప్రసాద్‌, ఏపీ ఎంఐపీ పీడీ బి.వి. రమణ పాల్గొన్నారు.

సాక్షి, వైఎ‍స్సార్‌: వైఎస్సార్‌ కడప జిల్లాలో కాల్పుల ఘటన తీవ్ర కలకలం రేపింది. దువ్వూరు వద్ద పోలీసుల అదుపు నుంచి తప్పించుకుని పారిపోయేందుకు ప్రయత్నించిన ఎర్రచందనం స్మగ్లర్లు జాకీర్‌, సుధాకర్‌పై పోలీసులు కాల్పులు జరిపినట్లు సమాచారం. ఈ ఘటనలో వీరికి గాయాలు కావడంతో జాకీర్‌, సుధాకర్‌ను చికిత్స కోసం కడప రిమ్స్‌ ఆస్పత్రికి తరలించారు.కాగా, దువ్వూరు వద్ద అక్రమ రవాణాకు సిద్ధంగా ఉంచిన ఎర్రచందనం దుంగలను పోలీసులు స్వాధీనం చేసుకున్నారు. పక్కా సమాచారంతో సంఘటనా స్థలానికి వెళ్లిన చాపాడు పోలీసులకు అక్కడ మోస్ట్‌ వాంటెడ్‌ స్మగ్లర్లు జాకీర్‌, సుధాకర్‌ను అదుపులోకి తీసుకున్నారు. అనంతరం, ఎర్రచందనం డంప్‌ ఎక్కడ ఉందో చూపించేందుకు వీరిని తీసుకెళ్తుండగా దువ్వూరు వద్ద పోలీసుల నుంచి తప్పించుకుని పారిపోయేందుకు ప్రయత్నించినట్లు సమాచారం. దీంతో పోలీసులు వారిపై కాల్పులు జరిపినట్లు తెలుస్తోంది. ఆత్మరక్షణ కోసం ఇద్దరిపై పోలీసులు కాల్పులు జరిపినట్లు తెలిసింది. ఈ ఘటనలో గాయపడిన జాకీర్‌, సుధాకర్‌ను చికిత్స కోసం కడప రిమ్స్‌ ఆస్పత్రికి తరలించారు.ఇదిలా ఉండగా.. జాకీర్‌పై హత్యాయత్నం (307) కేసుతో పాటు మరో 10 కేసులు ఉన్నట్లు పోలీసులు చెబుతున్నారు. ఎర్రచందనం అక్రమ రవాణాలో అతడు కీలక నిందితుడిగా ఉన్నట్లు సమాచారం. ఘటనాస్థలంలో స్వాధీనం చేసుకున్న ఎర్రచందనం దుంగలు, వాటి తరలింపునకు సంబంధించిన వివరాలపై పోలీసులు దర్యాప్తు చేస్తున్నారు.ఇదీ చదవండి: జనసేన నేతపై గన్‌తో దాడి..

● ప్రైవేటుకు ధీటుగా బీఎస్‌ఎన్‌ఎల్‌ నెట్‌వర్క్‌ సేవలు అందించాలి ● 21 గ్రామాల్లో బలహీనంగా సిగ్నల్‌ ● ఎంపీ వైఎస్‌ అవినాష్‌రెడ్డి కడప సెవెన్‌రోడ్స్‌ : జిల్లాలో ప్రైవేటుకు ధీటుగా బీఎస్‌ఎన్‌ఎల్‌ సేవలు అందించాలని కడప ఎంపీ వైఎస్‌ అవినాష్‌రెడ్డి అన్నారు. జిల్లాలోని 26 మండలాల పరిధిలోగల 21 గ్రామాల్లో అంతరాయం లేని మొబైల్‌ కనెక్టివిటీ అందించాలని, 79 గ్రామాల్లో నెట్‌వర్క్‌ సామర్థ్యాన్ని విస్తరించాలని కోరారు. బుధవారం కడపలో నిర్వహించిన టెలికాం అడ్వయిజరీ కమిటీ సమావేశంలో బీఎస్‌ఎన్‌ఎల్‌ ప్రిన్సిపల్‌ జనరల్‌ మేనేజర్‌ షేక్‌ ముజీబ్‌బాషాకు ఆయన వినతిపత్రం అందజేశారు. ఈ సందర్భంగా అవినాష్‌రెడ్డి మాట్లాడుతూ యూఎస్‌ఓఎఫ్‌ స్కీమ్‌ ద్వారా కొత్త 4జీ టవర్‌ ఏర్పాటు చేసి నెట్‌వర్క్‌ లేని గ్రామాలకు కనెక్టివిటీ కల్పించాలంటూ గతంలో రెండు సార్లు, ఈ ఏడాది ఏప్రిల్‌ 7వ తేది కేంద్ర కమ్యూనికేషన్స్‌ శాఖ మంత్రి అశ్విని వైష్ణవ్‌కు విన్నవించానని పేర్కొన్నారు. జిల్లాలో 100 గ్రామాల కు కనెక్టివిటీ సౌకర్యం కల్పించాలని తాను కేంద్ర మంత్రికి విన్నవించినట్లు వివరించారు. దీంతో 21 గ్రామాలకు మొబైల్‌ కనెక్టివిటీ కల్పించారని పేర్కొన్నారు. ఈ గ్రామాల్లో నెట్‌వర్క్‌ సిగ్నల్‌ బలహీనంగా ఉందన్నారు. నిరంతరం సేవల్లో ఏర్పడుతున్న అంతరాయాలను తొలగించేందుకు తక్షణ చర్యలు చేపట్టాలని కోరారు. మొబైల్‌ సేవలు బలహీనంగా ఉన్న 21 గ్రామాలు, కనెక్టివిటీ లేని 79 గ్రామాల ప్రజలు ప్రభుత్వ పథకాలు, సేవలు పొందడంలో తీవ్ర ఇబ్బందులు ఎదుర్కొంటున్నారని వివరించారు. విద్యార్థులపై ఈ ప్రభావం తీవ్రంగా ఉందని తెలిపారు. మొబైల్‌ కనెక్టివిటీ కల్పించడం కోసం 4జీ టవర్లు ఏర్పాటు చేయాలని, నెట్‌వర్క్‌ సామర్థ్యాన్ని మరిన్ని గ్రామాలకు విస్తరించాలని విజ్ఞప్తి చేశారు.

కడప వైఎస్‌ఆర్‌ సర్కిల్‌ : కడప ప్రభుత్వ సూపర్‌ స్పెషాలిటీ ఆసుపత్రిలో వైద్యులు అరుదైన, క్లిష్టమైన శస్త్రచికిత్సను విజయవంతంగా నిర్వహించారు. కర్నూలు జిల్లా ఆదోనికి చెందిన ఐదు నెలల చిన్నారికి రిట్రోపెరిటోనియల్‌ టెరటోమా కణితిని శస్త్రచికిత్స ద్వారా పూర్తిగా తొలగించారు. చిన్నారి కొంతకాలంగా తరచూ వాంతులతో బాధపడుతుండటంతో తల్లిదండ్రులు కడప ప్రభుత్వ సూపర్‌ స్పెషాలిటీ ఆసుపత్రికి తీసుకువచ్చారు. వైద్యులు పరీక్షలు నిర్వహించి స్కానింగ్‌ చేయగా, చిన్నారి కడుపులో సుమారు 15–10 సెంటీమీటర్ల పరిమాణంలో కణితి ఉన్నట్లు గుర్తించారు. కణితి కడుపు, ప్యాంక్రియాస్‌తో పాటు ప్రధాన రక్తనాళాలకు అత్యంత సమీపంలో ఉండటంతో శస్త్రచికిత్స అత్యంత క్లిష్టంగా మారింది. అయినప్పటికీ వైద్య బృందం అత్యంత జాగ్రత్తతో ఈ నెల 17వ తేదీన శస్త్రచికిత్స నిర్వహించింది. ప్రధాన రక్తనాళాలు, కడుపు, ప్యాంక్రియాస్‌కు ఎలాంటి నష్టం కలగకుండా కణితిని వాటి నుంచి వేరు చేసి పూర్తిగా తొలగించారు.శస్త్రచికిత్స అనంతరం చిన్నారి ఆరోగ్యం సంతృప్తికరంగా ఉండటంతో వైద్యుల పర్యవేక్షణలో కోలుకుని ఆసుపత్రి నుంచి డిశ్చార్జ్‌ అయ్యారు. వైద్యుల వివరాల ప్రకారం, రిట్రోపెరిటోనియల్‌ టెరటోమా చిన్నారుల్లో అత్యంత అరుదుగా కనిపించే కణితుల్లో ఒకటి. సుమారు రెండు లక్షల మంది శిశువుల్లో ఒకరికి ఈ తరహా కణితి వచ్చే అవకాశం ఉందని తెలిపారు. సకాలంలో గుర్తించి చికిత్స అందించకపోతే కణితి పరిమాణం పెరిగి కడుపులోని ఇతర అవయవాలు, ప్రధాన రక్తనాళాలపై ప్రభావం చూపే అవకాశం ఉందని, కొన్ని సందర్భాల్లో కణితి క్యాన్సర్‌గా మారే ప్రమాదం కూడా ఉంటుందని వైద్యులు వివరించారు. ఈ క్లిష్టమైన శస్త్రచికిత్సను పీడియాట్రిక్‌ సర్జరీ విభాగాధిపతి ప్రొఫెసర్‌ డాక్టర్‌ సునీల్‌ కుమార్‌ రెడ్డి ఆధ్వర్యంలో డాక్టర్‌ పి.వి. రమణ, డాక్టర్‌ సుకుమార్‌, డాక్టర్‌ సులక్షణ, మౌనికతో కూడిన బృందం నిర్వహించింది. అనస్థీషియా విభాగానికి చెందిన డాక్టర్‌ రాఘవేంద్ర, డాక్టర్‌ సోమశేఖర్‌ మరియు వారి బృందం శస్త్రచికిత్సకు సహకరించారు. జీజీహెచ్‌ సూపరింటెండెంట్‌, వైద్య కళాశాల ప్రిన్సిపాల్‌ వైద్య బృందాన్ని అభినందించారు.

– ఎస్పీ షెల్కే నచికేత్‌ విశ్వనాథ్‌ సిద్దవటం: ప్రజలకు మెరుగైన సేవలు అందజేయాలని జిల్లా ఎస్పీ షెల్కే నచికేత్‌ విశ్వనాథ్‌ పేర్కొన్నారు. సిద్దవటం మండలం భాకరాపేట సమీపంలోని 11వ బెటాలియన్‌లో శిక్షణ పొందుతున్న 548 కానిస్టేబుళ్ల పాసింగ్‌ అవుట్‌ పరేడ్‌కు సంబంధించి నిర్వహించిన రిహార్సల్‌ను బుధవారం సాయంత్రం ఆయన పరిశీలించారు. ఈ సందర్భంగా శిక్షణలో ఉన్న కానిస్టేబుళ్ల పరేడ్‌ కవాతు, డ్రిల్‌, మార్చింగ్‌, కమాండ్లకు అనుగుణంగా స్పందించే విధానం, క్రమశిక్షణ, సమన్వయం తదితర అంశాలను ఎస్పీ నిశితంగా పరిశీలించారు. అనంతరం ఆయన మాట్లాడుతూ పాసింగ్‌ అవుట్‌ పరేడ్‌లో ప్రతి ఒక్కరూ పూర్తి క్రమశిక్షణ, సమయపాలన, ఆత్మవిశ్వాసంతో పాల్గొనాలని సూచించారు. పోలీసు విధుల్లో క్రమశిక్షణ, శారీరక దారుఢ్యంతో పాటు ప్రజల పట్ల బాధ్యత, నిబద్ధత, సేవాభావం అత్యంత కీలకమని పేర్కొన్నారు. శిక్షణలో పొందిన నైపుణ్యాలను భవిష్యత్తులో విధులను సమర్థవంతంగా నిర్వర్తించాలని ఆదేశించారు. ప్రజలకు మెరుగైన పోలీసు సేవలు అందించాలని, అప్పుడే మంచి పేరు వస్తుందని ఆయన సూచించారు. పాసింగ్‌ అవుట్‌ పరేడ్‌ను విజయవంతంగా నిర్వహించేందుకు అవసరమైన అన్ని ఏర్పాట్లను పక్కాగా పూర్తి చేయాలని సంబంధిత అధికారులను ఆదేశించారు. ఈ కార్యక్రమంలో 11వ బెటాలియన్‌ కమాండెంట్‌ ఆనంద్‌ రెడ్డి, కడప డీటీసీ డీఎస్పీ అబ్దుల్‌ కరీం, బెటాలియన్‌ అసిస్టెంట్‌ కమాండెంట్‌ రాజశేఖర్‌, పోలీసు సిబ్బంది, శిక్షణలో ఉన్న కానిస్టేబుళ్లు పాల్గొన్నారు.

మున్సిపాలిటీ, పంచాయతీ ఎన్నికలు త్వరలో రానున్నందున.. మొన్నటి వినాయక చవితి పండుగనాడు ఏర్పాటు చేసిన మండపాల దగ్గర, రచ్చబండల వద్ద, వీధుల్లో మీటింగులు జోరందుకున్నాయి. ఐదేళ్లు మొహం చాటేసి ఇప్పుడు నోట్ల మూటలతో ఓటర్ల ముంగిట్లోకి వస్తున్న నాయకులు.. ‘గత ఐదేళ్లలో నేనేం చేశానో మీకు తెలుసు’’ అని ఒకరు మైక్‌ అందుకుంటే.. ‘నువ్వు చేసింది ఏమీ లేదు.. నన్ను గెలిపిస్తే గ్రామాన్ని పట్టణంగా, మున్సిపాలిటీని నగరంగా చేసి చూపిస్తా’ అని ఇంకొకరు సవాల్‌ విసురుతున్నారు. ఈ రాజకీయంలో బిర్యానీ ప్యాకెట్లతో ఓటర్లకు గాలం వేసేందుకు ‘చిరు కానుకలు’ అనే నైవేద్యాలను ఇప్పటి నుంచే అభ్యర్థులు సిద్ధం చేసుకుంటున్నారు. అయితే ఇక్కడ ఓటర్లు కూడా తక్కువ తినలేదు! ‘నేతలు పెట్టే నైవేద్యం తిందాం.. ఓటు మాత్రం మనకు సంక్షేమ పథకాలు అందించిన వాడికే వేద్దాం’ అని లోపల గట్టిగానే ప్లాన్‌ చేస్తున్నారు. మున్సిపాలిటీల్లో, పంచాయతీల్లో సమస్యల సుడిగుండంలో ఉన్న ప్రజలు.. ఈసారి నేతల ప్రలోభాల ఆశలకు లొంగుతారా? అనేది కాలమే నిర్ణయించాలి. ఈ రాజకీయంలో నిజమైన గెలుపు ఎవరికి దక్కుతుందో ఎన్నికలు జరిగి ఫలితాలు వచ్చే వరకు వేచి చూడాల్సిందే.

కడప ఎడ్యుకేషన్‌ : తెలుగు భాషా సాహిత్యాలకు వేదికగా సి.పి.బ్రౌన్‌ భాషా పరిశోధన కేంద్రం సేవలందించేలా రూపుదిద్దుతామని జిల్లా కలెక్టర్‌, సి.పి.బ్రౌన్‌ భాషా పరిశోధన కేంద్రం సలహామండలి చీఫ్‌ ప్యాట్రన్‌ డా. చెరుకూరి శ్రీధర్‌ పేర్కొన్నారు. వైవీయూ ఆధ్వర్యంలోని సి.పి.బ్రౌన్‌ భాషా పరిశోధన కేంద్రంలో బుధవారం బ్రౌన్‌శాస్త్రి సమావేశ మందిరంలో సి.పి.బ్రౌన్‌ భాషా పరిశోధన కేంద్రం సలహామండలి సమావేశాన్ని నిర్వహించింది. ముందుగా జిల్లా కలెక్టర్‌ శ్రీధర్‌, వైవీయూ ఉపకులపతి ఆచార్య బెల్లంకొండ రాజశేఖర్‌ సలహామండలి సభ్యులు నూతన భవన నిర్మాణాన్ని పరిశీలించారు. ఈ కార్యక్రమంలో కలెక్టర్‌ శ్రీధర్‌, వైవీయూ ఉపకులపతి, సలహామండలి ఛైర్మన్‌ ఆచార్య బెల్లంకొండ రాజశేఖర్‌, సలహామండలి సభ్యులు ఆచార్య రాచపాళెం చంద్రశేఖర రెడ్డి, ఆచార్య పి.సి.వెంకటేశ్వర్లు, డా. రావి శారద, డా. మన్నం వెంకటరాయుడు, సన్నపరెడ్డి వెంకటరామిరెడ్డి, జానమద్ది విజయ భాస్కర్‌, సి.పి.బ్రౌన్‌ భాషా పరిశోధన కేంద్రం సంచాలకులు మరియు సలహామండలి కన్వీనర్‌ ఆచార్య గంజి పార్వతి పాల్గొన్నారు. బ్రౌన్‌ భాషా పరిశోధన కేంద్రం ఆధ్వర్యంలో ఆన్‌లైన్‌ జర్నల్‌ నిర్వహించడం, మనసు ఫౌండేషన్‌ సహకారంతో తెలుగు బోధనా సమావేశాలు నిర్వహించడం, సోషియల్‌ మీడియా వేదికగా భాషా పరిశోధన కేంద్రం తరపున భాషా సాహిత్యాల ప్రచారాన్ని నిర్వహించడం లాంటి పలు అంశాలపై చర్చించారు. ఈ కార్యక్రమంలో సి.పి.బ్రౌన్‌ భాషా పరిశోధన కేంద్రం సహాయ పరిశోధకులు డా. భూతపురి గోపాలకృష్ణ శాస్త్రి, డా. చింతకుంట శివారెడ్డి, గ్రంథాలయ సహాయకులు పాల్గొన్నారు.కలెక్టర్‌ చెరుకూరి శ్రీధర్‌

ప్రొద్దుటూరు క్రైం : విద్యుత్‌ వైరు, ట్రాన్స్‌ఫార్మర్‌లోని విలువైన కాపర్‌ వైరును రాత్రి వేళల్లో చోరీలకు పాల్పడుతున్న ముఠా వ్యవహారాన్ని ప్రొద్దుటూరు పోలీసులు వెలుగులోకి తెచ్చారు. ఏడాది కాలంగా ప్రొద్దుటూరు, రాజుపాళెం మండలాల పరిధిలోని పలు గ్రామాల్లో వరుసగా విద్యుత్‌ వైర్లు, ట్రాన్స్‌ఫార్మర్లను ధ్వంసం చేసి వాటిలోని కాపర్‌ వైర్‌ను చోరీ చేస్తున్న ఐదుగురు సభ్యుల ముఠాను ప్రొద్దుటూరు రూరల్‌ పోలీసులు పట్టుకున్నారు. వీరితో పాటు 15 ఏళ్ల బాలుడిని కూడా పోలీసులు అదుపులోకి తీసుకున్నారు. అరెస్ట్‌ వివరాలను ఏఎస్పీ విభూకృష్ణ బుధవారం రూరల్‌ పోలీస్‌స్టేషన్‌లో వెల్లడించారు. ప్రొద్దుటూరు మండలంలోని సోములవారిపల్లె జగనన్న కాలనీలో విద్యుత్‌వైర్లు, ట్రాన్స్‌ఫార్మర్‌ కాపర్‌వైరు చోరీకి గురైనట్లు ఫిర్యాదు రావడంతో ఇటీవల పోలీసులు కేసు నమోదు చేసి దర్యాప్తు చేపట్టారు.. ఇందులో భాగంగా నిందితుల కదలికలపై రూరల్‌ సీఐ నాగభూషణ్‌, ఎస్‌ఐ రాజు, సిబ్బందితో కలిసి ప్రత్యేక నిఘా పెట్టి వారు సంచరిస్తున్న ప్రాంతానికి చేరుకున్నారు. ఈ క్రమంలో ప్రొద్దుటూరుకు చెందిన పొలిశెట్టి వెంకటేశ్వర్లు, మద్దికం కృష్ణయ్య, రామాపురం గ్రామానికి చెందిన ముక్కమల్ల మహేష్‌, చౌటపల్లెకు చెందిన మాలికి సాయికిరణ్‌, పొలంకి రంగనాయకులుతో పాటు 15 ఏళ్ల బాలుడిని అరెస్ట్‌ చేశారు. పోలీసులను చూసి నిందితులు పారిపోవడానికి ప్రయత్నించగా వెంబడించి అదుపులోకి తీసుకున్నారు. వారి వద్ద నుంచి రూ. 5.40 లక్షల నగదు, 56 కిలోల అల్యూమినియం విద్యుత్‌ వైరు, 5 కిలోల ట్రాన్స్‌ఫార్మర్‌ కాపర్‌వైరుతో పాటు చోరీకి ఉపయోగించిన ఆటో, రెండు ద్విచక్ర వాహనాలు, సామగ్రిని స్వాధీనం చేసుకున్నారు. వీరిపై కేసు నమోదు చేసి రిమాండుకు తరలించనున్నట్లు ఏఎస్పీ తెలిపారు. కాగా ఘటనా స్థలంలో పారిపోయిన ఆటో డ్రైవర్‌ కోసం గాలిస్తున్నామన్నారు. పట్టుబడిన నిందితులకు సంబంధించి నమోదైన కేసులు, గత నేరచరిత్ర గురించి విచారణ చేస్తున్నట్లు పేర్కొన్నారు. చోరీ చేసిన విద్యుత్‌వైర్‌, కాపర్‌ వైర్లను కొనుగోలు చేసిన గుజరీ వ్యాపారుల పాత్రపై కూడా విచారణ కొనసాగుతుందని పేర్కొన్నారు. ఏడాదిగా చోరీలు చేసే ముఠా గుట్టురట్టు ఐదుగురు నిందితులు అరెస్ట్‌ రూ. 5.40 లక్షలు నగదు, విద్యుత్‌, కాపర్‌ వైరుతో సహా వాహనాలు స్వాధీనం

కడప ఎడ్యుకేషన్‌: జీవవైవిధ్యం.. జీవుల మునుగడ పర్యావరణ సమతుల్యతకు ఆధారమని యోగి వేమన విశ్వవిద్యాలయం వీసీ బెల్లంకొండ రాజ శేఖర్‌ అన్నారు. వైవీయూ సైన్స్‌ బ్లాక్‌ లోని ఆచార్య జె. సి. బోస్‌ సెమినార్‌ హాల్‌లో బుధవారం ‘కడప జీవ వైవిధ్యం’అనే అంశంపై నిర్వహించిన అవగాహన సదస్సులో వీసీ మాట్లాడారు. ప్రకృతిపై ప్రేమ ఆసక్తులు ఉన్నవారు జీవ వైవిధ్యానికి హద్దులు దాటి అధ్యయనం చేస్తారని.. దీనికి పొరుగు రాష్ట్రానికి చెందిన పరిశోధకుడు కలివి కోడిపై చేసిన పరిశోధనే మంచి ఉదాహరణ అని అన్నారు. ప్రధాన వక్తగా హాజరైన మైసూర్‌ ప్రకృతి ఫౌండేషన్‌ శాస్త్రవేత్త డాక్టర్‌ పి.జగన్నాథం మాట్లాడుతూ ప్రతి విద్యార్థి ప్రకృతి ప్రేమికులుగా మారాలన్నారు. జీవం ఉన్న ప్రతి జీవిని రేపటి తరం కోసం కాపాడడం మన బాధ్యత అన్నారు. కలివికోడిని అధ్యయనం చేస్తున్నామని రాత్రి సమయాలలో ఇది తిరుగుతూ ఉంటుందన్నారు. గత ఆగస్టు 24న కలివికోడి చేసిన శబ్దాలు వినిపించాయని అక్కడున్న వారు చెప్పారని తెలిపారు. వైవీయూ రెక్టార్‌ ఎ. జి. దాము మాట్లాడారు. సదస్సు కన్వీనర్లు ప్రొఫెసర్‌ అనుప్రసన్న, పర్యావరణ శాస్త్ర విభాగం ప్రొఫెసర్‌ ఎం. శ్రీధర్‌ రెడ్డి, టి. చంద్రశేఖర్‌, నిర్వహణ కమిటీ ప్రొఫెసర్‌ ఎ. టి. వెంకట రమణ రెడ్డి , ఆచార్య వెంకట్రామిరెడ్డి, ఆచార్య ఏ మధుసూదన్‌ రెడ్డి, ఆచార్య ముని కుమారి, అధ్యాపకులు విద్యార్థులు పాల్గొన్నారు. వైవీయూ వీసీ ఆచార్య బెల్లంకొండ రాజశేఖర్‌

లింగాల : మండలంలోని చిన్నకుడాల గ్రామంలో వ్యవసాయ విద్యుత్‌ మోటార్ల కేబుల్‌ వైర్లను మంగళవారం రాత్రి గుర్తు తెలియని వ్యక్తులు అపహరించుకపోయారు. గ్రామానికి చెందిన శివనారాయణరెడ్డి అనే రైతుకు చెందిన 250మీటర్ల కేబుల్‌ వైర్లను ఎత్తుకెళ్లారు. దీని విలువ రూ.2లక్షలు ఉంటుందని రైతు వాపోతున్నాడు. నాగేంద్రనాథరెడ్డి, శంకర్‌రెడ్డి తది తర 8 మంది రైతులకు చెందిన కేబుల్‌ వైర్లను అపహరించుకపోవడంతో రైతులు ఆవేదన వ్యక్తం చేస్తున్నారు. దీనిపై లింగాల పోలీస్‌స్టేషన్‌లో ఫిర్యాదు చేశామని రైతులు తెలిపారు. ఎస్‌జీఎఫ్‌ అండర్‌–19 సెక్రటరీగా మురళీకృష్ణారెడ్డి కడప వైఎస్‌ఆర్‌ సర్కిల్‌ : వైఎస్సార్‌ కడప ఎస్‌జీఎఫ్‌ అండర్‌–19 సెక్రటరీగా డాక్టర్‌ పి.మురళీ కృష్ణారెడ్డిని కమిషనర్‌ ఆఫ్‌ స్కూల్‌ ఎడ్యుకేషన్‌ నియమించారు. బుధవారం కడప నగరంలోని ప్రభుత్వ బాలికల జూనియర్‌ కళాశాలలో ఫిజికల్‌ డైరెక్టర్‌ , ఫిజికల్‌ ఎడ్యుకేషన్‌ టీచర్స్‌ జనరల్‌ బాడీ సమావేశం నిర్వహించారు. ఈ సందర్భంగా ఆయన మాట్లాడుతూ ఎస్‌ జి ఎఫ్‌ క్రీడలు వివరాలు, క్రీడలు నిర్వహించే మైదానాల గురించి చర్చించారు. ఈ సమావేశంలో ఇంటర్మీడియట్‌ బోర్డ్‌ డివి ఈవో ప్రకాష్‌ పట్నాయక్‌, ప్రభుత్వ బాలికల జూనియర్‌ కళాశాల ప్రిన్సిపల్‌ సూర్యారావు, ఫిజికల్‌ డైరెక్టర్లు నాగేశ్వర్‌ రెడ్డి, పోలంకి గణేష్‌ బాబు పలువురు వ్యాయామ ఉపాధ్యాయులు పాల్గొన్నారు. యువకుడిపై కత్తితో దాడి మదనపల్లె టౌన్‌ : భూ వివాదంలో జరిగిన ఘర్షణలో ఓ యువకుడిని ప్రత్యర్థులు కత్తితో దాడి చేసి గాయపరిచారు. బుధవారం మదనపల్లి మండలంలో జరిగిన ఘటనపై బాధితుడు తాలూకా పోలీసులకు ఇచ్చిన ఫిర్యాదు మేరకు వివరాలు.. మండలంలోని కొత్తవారిపల్లె పంచాయతీ రెడ్డివారిపల్లికు చెందిన మణి (36) అదే గ్రామానికి చెందిన హరీష్‌కు కొంతకాలంగా భూ వివాదం నడుస్తోందని తెలిపారు. ఈ క్రమంలో పొలం వద్దకు వెళ్లి ఇంటికి వస్తున్న మణిని గ్రామానికి సమీపంలో అడ్డగించి కత్తితో దాడి చేసి గాయపరిచినట్లు బాధితుడు ఆరోపించారు. హరీష్‌ దాడిలో గాయపడిన బాధితుడిని కుటుంబీకులు చికిత్స కోసం స్థానిక జిల్లా ఆసుపత్రికి తరలించగా డాక్టర్లు అందించడంతో కోలుకుంటున్నారు. పోలీసులు కేసు దర్యాప్తు చేస్తున్నారు.

కడప సిటీ : తిరుమల తొలిగడప దేవునికడపలోని శ్రీ లక్ష్మీ వేంకటేశ్వరస్వామి ఆలయంలో పవిత్రోత్సవాలకు బుధవారం సాయంత్రం శాస్త్రోక్తంగా అంకురార్పణ చేశారు. ఇందులో భాగంగా సాయంత్రం 6 గంటలకు విష్వక్సేనపూజ, పుణ్యాహవచనం, రక్షాబంధనం, మృత్సంగ్రాహణం నిర్వహించారు. గురువారం చతుష్ఠార్చన, యాగశాలపూజ, పవిత్ర ప్రతిష్ఠ నిత్య హోమం నిర్వహిస్తారు. శుక్రవారం పవిత్ర సమర్పణ, హోమం నిర్వహించనున్నారు. శనివారం మహా పూర్ణాహుతి, పవిత్ర వితరణ తదితర కార్యక్రమాలు జరుగనున్నాయి. ఆలయంలో స్వామి, అమ్మవార్లను ఊరేగించనున్నారు. వేడుకగా శ్రీ వెంకటేశ్వరుని కల్యాణం దేవునికడపలోని శ్రీ లక్ష్మి వెంకటేశ్వరస్వామి ఆలయంలో శ్రవణా నక్షత్రం సందర్భంగా బుధవారం స్వామి, అమ్మవార్ల కల్యాణాన్ని వైభవంగా నిర్వహించారు. ఆలయ అర్చకులు స్వామి, అమ్మవార్ల కల్యాణాన్ని శాస్త్రోక్తంగా నిర్వహించారు. భక్తులు పెద్ద ఎత్తున హాజరై కల్యాణ క్రతువును తిలకించారు. ఆలయ ఇన్‌స్పెక్టర్‌ ఈశ్వర్‌రెడ్డి, సిబ్బంది పాల్గొన్నారు.

● భార్య ఉరేసుకోగా.. భర్త రైలు కింద పడి.. ● చిలంకూరు ఐసీఎల్‌ కాలనీలో విషాదంఅనారోగ్య సమస్యలు, మానసిక ఆందోళన ఓ కుటుంబంలో కోలుకోలేని విషాదాన్ని నింపాయి. భార్యాభర్తలు ఒకే రోజు వేర్వేరు చోట్ల బలవన్మరణానికి పాల్పడ్డారు. కుమారుడి భవిష్యత్తుపై ఆందోళనతో భర్త ఇంటి నుంచి వెళ్లిపోగా.. ఆ మనస్తాపంతో భార్య ఇంట్లోనే ఉరి వేసుకుంది. భర్త కడప రైల్వే స్టేషన్‌లో రైలు కింద పడి ఆత్మహత్య చేసుకున్నాడు. ఈ సంఘటన స్థానికంగా తీవ్ర కలకలం రేపింది. ఎర్రగుంట్ల : ఎర్రగుంట్ల మండల పరిధిలోని చిలంకూరు గ్రామంలో విషాదం చోటుచేసుకుంది. దంపతులు కల్లూరు మోహన్‌రెడ్డి, భారతి వేర్వేరు చోట్ల ఆత్మహత్య చేసుకున్నారు. వివరాల్లోకి వెళితే.. ముద్దనూరు మండల పరిధిలోని పెనికలపాడు గ్రామానికి చెందిన కల్లూరు మోహన్‌రెడ్డి చిలంకూరు ఐసీఎల్‌ ఫ్యాక్టరీలో సూపర్‌వైజర్‌గా పని చేస్తూ, తన భార్య భారతితో కలిసి ఐసీఎల్‌ కాలనీలోనే క్వార్టర్స్‌లో నివాసం ఉంటున్నారు. వీరిద్దరికి గౌతమి, హర్షవర్థన్‌రెడ్డి ఇద్దరు సంతానం. గౌతమికి వివాహం చేశారు. కల్లూరు మోహన్‌రెడ్డి, కల్లూరు భారతి కొంత కాలంగా అనారోగ్యంతో చికిత్స పొందుతున్నారు. తన కుమారుడు హర్షవర్షన్‌రెడ్డి ఉద్యోగంపై అతిగా ఆలోచించిన మోహన్‌రెడ్డి మంగళవారం మధ్యాహ్నం సమయంలో ఎవరికీ చెప్పకుండా ఇంటి నుంచి వెళ్లిపోయాడు. ఈ విషయంపై తెలిసిన వెంటనే ఆయన భార్య భారతి బంధువులు, తన భర్త స్నేహితుల ద్వారా విచారణ చేయగా ఆచూకీ తెలియరాలేదు. దీంతో మనస్తాపం చెందిన ఆమె ఇంట్లో ఎవరూ లేని సమయంలో ఉరి వేసుకుంది. మృతురాలి కుమార్తె గౌతమి ఇచ్చిన ఫిర్యాదు మేరకు కేసు నమోదు చేసుకుని దర్యాప్తు చేస్తున్నట్లు సీఐ విశ్వనాథరెడ్డి తెలిపారు. కడపలో.. కల్లూరు మోహన్‌రెడ్డి ఇంటిలో నుంచి ఎవరికీ చెప్పకుండా కడపకు వెళ్లి రైల్వే స్టేషన్‌లో రైలు కింద పడి చనిపోయినట్లు కడప రైల్వే పోలీసుల ద్వారా తెలిసింది. కుమారుడు హర్షవర్థన్‌రెడ్డి సంఘటన స్థలానికి వెళ్లి ఫిర్యాదు చేశాడు. కేసు దర్యాప్తు చేస్తున్నట్లు పోలీసులు తెలిపారు.

కడప సెవెన్‌రోడ్స్‌ : ఎగువన కురిసిన వర్షాలకు జిల్లాలోని కుందూ,పెన్నా నదులు జలకళను సంతరించుకున్నాయి. ముఖ్యంగా ఎగువనున్న నంద్యాల, నందికొట్కూరు, ఆళ్లగడ్డ ప్రాంతాల్లో కురుస్తున్న భారీ వర్షాల కారణంగా కుందూ పోటెత్తుతోంది. ఆ నీరంతా పెన్నాలో కలిసి జోరుగా ప్రవహిస్తోంది. సోమశిలకు చేరే వరకు ఎక్కడా నిల్వ చేసుకునే అవకాశం లేనందున ఈ నీళ్లన్నీ వృథాగా దిగువకు వెళ్లిపోతున్నాయి. కడప తాగునీటి అవసరాలకు పెన్నానే ప్రధాన నీటి వనరు. గండి, లింగంపల్లి వాటర్‌ వర్క్స్‌ నుంచి పంపింగ్‌ చేసి కడపకు తాగునీరు అందిస్తున్నారు. పాత కడప చెరువు ఆయకట్టు రైతులకు ఈ నీరే ఆధారం. అసలే తీవ్ర కరువుకాలం రాబోతోందన్న నేపథ్యంలో పెన్నా నీటిని ఒడిసిపట్టుకోవాల్సిన అవసరం ఉంది. ఈ నీటిని సద్వినియోగం చేసుకోవాలంటే ముందుగా కేసీ కాలువలో కూరుకుపోయిన వ్యర్థాలను తక్షణమే తొలగించాలి. కాలువలో పూర్తి సామర్థ్యంలో నీరు వస్తే 15–20 రోజుల్లోపుగా పాతకడప చెరువు నిండిపోతుంది. అక్టోబరులో మరిన్ని వర్షాలు కురిస్తే ఆయకట్టు రైతులు వరి లేదా జొన్న తదితర ఆరుతడి పంటలు సాగు చేసుకునే వీలుంటుంది. తమ చెరువులు నింపాలని పాతకడప ఆయకట్టు రైతులు కోరుతున్నారు. కడప కార్పొరేషన్‌: ఎగువ కురిసిన వర్షాల వల్ల పెన్నానదిలో నీటి ప్రవాహం పరవళ్లు తొక్కుతోంది. నిన్నామొన్నటి వరకూ ఎండిపోయి కనిపించిన పెన్నానది నేడు జలకళను సంతరించుకుంది. చెన్నూరు, కొండపేట, సిద్దవటం హైలెవెల్‌ బ్రిడ్జిల నుంచి చూస్తే నీటి ప్రవాహం కనుల విందుగా ఉంది. పెన్నా నుంచి వృథాగా వెళుతున్న 12 వేల క్యూసెక్కుల నీరు పెన్నా నీటితో పాతకడప చెరువు నింపాలని స్థానికుల డిమాండ్‌ కడపకు తాగునీరు, ఆయకట్టు కింద రబీ పంటలకు ఈ నీరే ఆధారం

చాపాడు : మండల కేంద్రమైన చాపాడులో స్థల సమస్య విషయంలో ఏర్పడిన వివాదం యువతి ఆత్మహత్యకు దారితీసిన కేసులో నిందితులు పూజారి రమణయ్య, కొండమ్మ, రాజోలి మహేశ్వర్‌రెడ్డి, రాజోలి మధుసూదన్‌రెడ్డిలకు ఏడేళ్లు జైలు శిక్షతోపాటు రూ.10వేలు చొప్పున జరిమానా విధిస్తూ ప్రొద్దుటూరు కోర్టు బుధవారం తీర్పు వెలువరించింది. పోలీసులు తెలిపిన వివరాల మేరకు.. పూజారి కొండయ్య, పూజారి రాముడు కుంటుంబ సభ్యుల మధ్య గత 20 ఏళ్ల నుంచి ఇళ్ల వద్ద ఖాళీ స్థలం వివాదం జరుగుతోంది. ఈ క్రమంలో 2016 జనవరి 22న ఇరు కుటుంబాల మధ్య ఘర్షణ జరిగింది. ఈ ఘర్షణలో కొండయ్య భార్య లక్షుమ్మ, కూతుర్లు పవిత్ర, స్వప్నపై రమణయ్య, కొండమ్మలు దాడికి పాల్పడ్డారు. ఈ దాడిలో రమణయ్య, కొండమ్మలకు మద్దతుగా మహేశ్వర్‌రెడ్డి, మధుసూదన్‌రెడ్డి కూడా వచ్చి దాడికి పాల్పడటంతోపాటు దుర్భాషలాడటంతో మనస్తాపం చెందిన కొండయ్య కూతురు పవిత్ర ఇంటిలోకి వెళ్లి కిరోసిన్‌ ఒంటిపై పోసుకుని నిప్పంటించుకుంది. ఆమెను ప్రొద్దుటూరు ప్రభుత్వాస్పత్రిలో చేర్పించారు. ఈ క్రమంలో చావు బతుకుల మధ్య కొట్టుమిట్టాడుతున్న పవిత్ర తన చావుకు పూజారి రమణయ్య, కొండమ్మ, రాజోలి మహేశ్వర్‌రెడ్డి, రాజోలి మధుసూదన్‌రెడ్డి కారణమని వాంగ్మూలం ఇచ్చి మృతి చెందింది. ఈ ఘటనపై పోలీసులు కేసు నమోదు చేసి దర్యాప్తు చేపట్టారు. ఈ కేసులో నలుగురు నిందితులపై నేరం రుజువు కావడంతో ఏడేళ్లు జైలు శిక్ష, ఒక్కొక్కరికి రూ.10వేలు జరిమానా విధిస్తూ ప్రొద్దుటూరు అదనపు జిల్లా జడ్జి సత్యకుమారి తీర్పు ఇచ్చారు.

వీరబల్లి : మండల పరిధిలో బుధవారం గడికోట ఘాట్‌ రోడ్‌లో ఆర్టీసీ బస్సు డ్రైవర్‌ అప్రమత్తంకావడంతో ప్రమాదం తప్పింది. వివరాలు ఇలా ఉన్నాయి.. గడిగోట నుంచి మధ్యాహ్నం ఆర్టీసీ బస్సు రాయచోటికి వస్తూ ఉండగా వీరబల్లి నుంచి గడికోటకు చెందిన వ్యక్తి ద్విచక్ర వాహనంలో గ్యాస్‌ సిలిండర్‌ తీసుకు వెళుతుండగా ఘాట్‌ రోడ్డులో సిలిండర్‌ కిందపడి పోయింది. సిలిండర్‌ బస్సుకు ఎదురుగా రావడంతో వాటిని తప్పించడానికి ఆర్టీసీ డ్రైవర్‌ బస్సును చాకచక్యంగా రోడ్డు పక్కన ఆపేశాడు. దీంతో ప్రమాదం తప్పింది. ప్రయాణికులు ఊపిరి పీల్చుకున్నారు.

కడప అగ్రికల్చర్‌ : ప్రాథమిక వ్యవసాయ సహకార పరపతి సంఘాలు వ్యాపారాలను ఏర్పాటు చేసుకుని ఆర్థికంగా బలోపేతం కావాలని డీసీఎంఎస్‌ చైర్మెన్‌ జయప్రకాష్‌ నారాయణ బాబు సూచించారు. కడప డీసీఎంఎస్‌ కార్యాలయ సమావేశ మందిరంలో బుధవారం సహకార సంఘాల అధ్యక్షుల సర్వసభ్య సమావేశం జరిగింది. ఈ సందర్భంగా ఆయన మాట్లాడుతూ పరపతి సంఘాలు ఆర్థికంగా బలపడాలంటే వ్యాపారాలను అభివృద్ధి చేసుకోవాలన్నారు. ముఖ్యంగా ఎరువులు, పురుగు మందుల షాపులతోపాటు పెట్రోల్‌ బంకులను ఏర్పాటు చేసుకుని ఆర్థికంగా బలపడాలని సూచించారు. అనంతరం సంఘానికి సంబంధించి మార్చి 2026 నుంచి ఆగష్టు 2026 వరకు జమ, ఖర్చులపై సమావేశంలో చర్చించారు. ఈ కార్యక్రమంలో డీసీఓ వెంకటసుబ్బయ్య, డీఎల్‌సీఓ గోపీనాయక్‌, డీఎంఓ పరిమళజ్యోతి, డీసీఎంఎస్‌ మేనేజర్‌ రఘురామిరెడ్డి, సహకారం సంఘాల చైర్మన్‌లు, సిబ్బంది పాల్గొన్నారు.

లింగాల : మండలంలోని అక్కులగారిపల్లి గ్రామంలో బుధవారం అరటి పొలాలను జర్మనీ టీం, ఐజీగార్ల్‌ అధికారులు సందర్శించారు. ఈ సందర్భంగా వారు ప్రకృతి వ్యవసాయ రైతుల పొలం, రసాయనిక వ్యవసాయ రైతుల పొలాలను పరిశీలించారు. ఈ సందర్భంగా వారు ప్రకృతి వ్యవసాయంలో పండించిన అరటిరైతు రాజశేఖర్‌ రెడ్డి తోటలో చెట్లు లావుగాను, ఏపుగాను, ఎక్కువ కాయలు దిగుబడి, నాణ్యత కలిగి ఉండడం గమనించారు. అలాగే చెట్లు ప్రకృతి వైపరీత్యాలను తట్టుకోవడం, ఎల్‌నినో ప్రభావంలో తక్కువ నీటి ఎద్దడి ఉన్నప్పటికీ చెట్లు ఏపుగా పెరగడం, వేర్లు దృడంగా ఉండడం, మల్చింగ్‌ చేయడం వల్ల భూమిలో తేమ శాతం బాగా ఉండడం, భూమిలో వేడి తక్కువగా ఉండటం గమనించారు. రసాయన పద్ధతిలో సాగుచేసిన అరటి తోటలో దీనికి పూర్తి భిన్నంగా ఉండటం గమనించారు. అనంతరం మురారిచింతలలో ప్రకృతి వ్యవసాయ రైతు నారాయణ రెడ్డి పొలంను జర్మనీ శాస్త్రవేత్తలు సందర్శించారు. ప్రకృతి వ్యవసాయం చేయడానికి గల కారణాలు, ప్రకృతి వ్యవసాయంవల్ల కలిగిన లాభాలు, నీవు వాడిన ఉత్పత్తులను తెలియజేయాలని వారు కోరారు. ఈ సందర్భంగా ప్రకృతి వ్యవసాయ పద్ధతులను ఆ రైతు వారికి వివరించారు. కార్యక్రమంలో జర్మనీ ఐఆర్‌ఐఎస్‌ఎస్‌ సంగీత అగర్వార్‌, రాష్ట్ర కమిటీ మెంబర్‌ మురళీధర్‌, రీసెర్చ్‌ డైరెక్టర్‌ వరప్రసాద్‌, ఐజీ గార్ల్‌ అధికారులు శివారెడ్డి, లలిత, గుల్జార్‌, జలాల్‌, అనిత, స్వాతి, పూజిత, తదితరులు పాల్గొన్నారు.

కడప సిటీ : దేవునికడప శ్రీ లక్ష్మి వెంకటేశ్వరస్వామి ఆలయంలో బుధవారం పవిత్రోత్సవాలకు అంకురార్పణ కార్యక్రమాన్ని నిర్వహించనున్నారు. ఈ నెల 26 వరకు ఈ పవిత్రోత్సవాలు జరగనున్నాయి. నేడు స్వామి, అమ్మవార్ల కల్యాణం శ్రవణా నక్షత్రం సందర్భంగా బుధవారం స్వామి, అమ్మవార్ల కల్యాణాన్ని నిర్వహించనున్నట్లు ఆలయ ఇన్‌స్పెక్టర్‌ ఈశ్వర్‌రెడ్డి తెలిపారు. ఉదయం 10.30 గంటలకు ఈ కల్యాణ కార్యక్రమం ఉంటుందని వివరించారు. 30న జిల్లా స్థాయి యువజనోత్సవాలు కడప సెవెన్‌రోడ్స్‌ : యువజన సర్వీసులశాఖ రాష్ట్ర కమిషనర్‌, కలెక్టర్‌ ఆదేశాల మేరకు ఈనెల 30న ‘జిల్లా స్థాయి యువజనోత్సవాలు’ నిర్వహించనున్నట్లు స్టెప్‌ సీఈఓ వీరప్రసాద్‌రావు ఒక ప్రకటనలో తెలిపారు. కడప నగర శివార్లలోని యోగి వేమన యూనివర్శిటీలోని తాళ్లపాక అన్నమాచార్య సెనెట్‌హాలులో ఉద యం 10 గంటల నుంచి ఈ ఉత్సవాలు జరుగుతాయని పేర్కొన్నారు. జిల్లా స్థాయి నుంచి జాతీయ స్థాయి వరకు జానపద నృత్యం, జానపద గేయం, కవిత్వం, పెయింటింగ్‌ విభాగాల్లో పోటీలు ఉంటాయన్నారు. వివరాలకు 9849497011, 9866852915 నంబర్లకు ఆఫీసు పనివేళల్లో సంప్రదించాలని సూచించారు. జిల్లా స్కూల్‌ గేమ్స్‌ కార్యదర్శుల నియామకం – బీఎన్‌ విజయలక్ష్మి, నాగరాజురెడ్డి ఎంపిక కడప ఎడ్యుకేషన్‌: జిల్లా స్కూల్‌ గేమ్స్‌ కార్యదర్శులుగా కడప జయనగర్‌కాలనీ బాలికల ఉన్నత పాఠశాలలో స్కూల్‌ అసిస్టెంట్‌ ఫిజికల్‌ ఎడ్యుకేషన్‌గా పనిచేస్తున్న బీఎన్‌ విజయలక్ష్మి, బద్వేల్‌ బాలుర జిల్లా పరిషత్తు ఉన్నత పాఠశాల పీఈటీ నాగరాజరెడ్డిలను ఎంపిక చేస్తూ ఏపీ పాఠశాల విద్య కమిషనర్‌ తమీమ్‌ అన్సరియా ఉత్తర్వులను జారీ చేశారు. వీరు 2026–27 విద్యా సంవత్సరానికి జిల్లాకు కేటాయించిన రాష్ట్రస్థాయి క్రీడలు సాఫ్ట్‌బాల్‌ అండర్‌ –17 బాలికలు, ఫుట్‌బాల్‌ అండర్‌ 17 బాలబాలికలు, షటిల్‌ బ్యాడ్మింటన్‌ అండర్‌ 14 బాలబాలికలు, జాతీయస్థాయి అండర్‌ 17 బాలబాలికల సాఫ్ట్‌బాల్‌ క్రీడల పర్యవేక్షణ కార్యదర్శులుగా విధులు నిర్వర్తించనున్నారు. లక్ష్యసాధనకు కృషి చేస్తున్నాం – ఏపీఎంఐపీ పీడీ బీవీ రమణ కడప అగ్రికల్చర్‌: జిల్లాకు ప్రభుత్వం నిర్దేశించిన లక్ష్యాన్ని సకాలంలో పూర్తి చేసేందుకు జిల్లా కంపెనీ ప్రతినిధులతో, క్షేత్రస్థాయి సిబ్బందితో ప్రతి రోజు సమీక్షా సమావేశాన్ని నిర్వహిస్తున్నామని ఏపీ ఎంఐపీ జిల్లా ప్రాజెక్టు డైరెక్టర్‌ బీవీ రమణ ఒక ప్రకటనలో తెలిపారు. సాక్షిలో ప్రచురితమైన ‘కరువు డప్పు– కానరాని డ్రిప్పు’ వార్తకు ఆయన స్పందించారు. ఈ ఆర్థిక సంవత్సరానికి బిందు, తుంపర సేద్య పరికరాల కోసం 10,600 హెక్టార్లు లక్ష్యంగా ప్రభుత్వం నిర్దేశించిందన్నారు. చీని, నిమ్మ, మామిడి, మిరప పంటల్లో బిందు సేద్యం కోసం వచ్చిన దరఖాస్తులను క్షేత్రస్థాయి సిబ్బందితో పరిశీలించి.. త్వరితగతిన పరికరాలు అందేలా చర్యలు తీసుకుంటామని పీడీ వివరించారు. కడప సెవెన్‌రోడ్స్‌ : జాతీయ నులి పురుగుల నిర్మూలన దినోత్సవాన్ని పురస్కరించుకుని జిల్లాలో 1 నుంచి 19 ఏళ్లలోపు పిల్లలందరికీ నులి పురుగుల నివారణ మాత్రలు అందించే కార్యక్రమాన్ని విజయవంతంగా నిర్వహించాలని జిల్లా రెవెన్యూ అధికారి మల్లికార్జునుడు సంబంధిత అధికారులకు సూచించారు. మంగళవారం కలెక్టరేట్‌లో జిల్లా స్థాయి కార్యాచరణ బృందం సమావేశం నిర్వహించారు. ఈ సందర్భంగా జిల్లా రెవెన్యూ అధికారి మాట్లాడుతూ, జిల్లాలోని ప్రభుత్వ, ప్రైవేటు పాఠశాలలు, కళాశాలలు, అంగన్‌వాడీ కేంద్రాల్లో నులి పురుగుల నివారణ మందు అందించనున్నట్లు తెలిపారు. అక్టోబర్‌ 1 నుంచి 2 ఏళ్లలోపు పిల్లలకు 200 మిల్లీగ్రాముల ఆల్బెండజోల్‌, 3 నుంచి 19 సంవత్సరాల వయస్సు గల పిల్లలకు 400 మిల్లీగ్రాముల ఆల్బెండజోల్‌ మాత్రలను మధ్యాహ్న భోజనం అనంతరం మింగించాలని సూచించారు. జిల్లా వ్యాప్తంగా సెప్టెంబర్‌ 25న, అలాగే మాత్రలు తీసుకోలేకపోయిన పిల్లలకు అక్టోబర్‌ 5న నులి పురుగుల నివారణ మందు అందించే కార్యక్రమం చేపట్టనున్నట్లు అధికారులు తెలిపారు. నులి పురుగుల నివారణతో పాటు వ్యక్తిగత, పరిసరాల పరిశుభ్రతపై పిల్లలకు అవగాహన కల్పించాలని సూచించారు. ఈ సమావేశంలో పలువురు అధికారులతోపాటు కార్యక్రమ నిర్వాహకుడు ఆర్‌బీఎస్‌కే ఎం. రామమూర్తి నాయక్‌ తదితరులు పాల్గొన్నారు.

కడప ఎడ్యుకేషన్‌: జిల్లాలో రోడ్డు ప్రమాదాల నివారణకు సంబంధిత శాఖల అధికారులు సమన్వయంతో పటిష్టమైన చర్యలు చేపట్టాలని కలెక్టర్‌ శ్రీధర్‌ అధికారులను ఆదేశించారు. మంగళవారం కలెక్టరేట్‌లోని పీజీఆర్‌ఎస్‌ హాల్లో ఎస్పీ షెల్కే నచికేత్‌ విశ్వనాథ్‌తో కలిసి జిల్లా రోడ్డు భద్రతా కమిటీ సమావేశాన్ని నిర్వహించారు. ఈ సందర్భంగా జిల్లాలో రోడ్డు ప్రమాదాల నివారణకు చేపడుతున్న చర్యలు, ప్రమాదాలు ఎక్కువగా జరుగుతున్న ప్రాంతాలు, బ్లాక్‌ స్పాట్ల గుర్తింపు, రహదారుల పరిస్థితి, ట్రాఫిక్‌ నియంత్రణ తదితర అంశాలపై సంబంధిత అధికారులతో సమీక్షించారు. జిల్లాలో ప్రమాదాలకు కారణమవుతున్న ప్రాంతాలను గుర్తించి అవసరమైన చోట రహదారి సూచికలు, హెచ్చరిక బోర్డులు, రోడ్‌ మార్కింగ్‌లు వంటి భద్రతా చర్యలు చేపట్టాలని కలెక్టర్‌ సూచించారు. పాఠశాలలు, కళాశాలలు, విద్యా సంస్థలు, గ్రామీణ ప్రాంతాల్లో రోడ్డు భద్రతపై అవగాహన కల్పించాలని, ముఖ్యంగా యువతలో ట్రాఫిక్‌ నిబంధనలపై చైతన్యం పెంచాలని అధికారులకు సూచించారు. జిల్లా ఎస్పీ షెల్కే నచికేత్‌ విశ్వనాథ్‌ మాట్లాడుతూ రోడ్డు భద్రతకు సంబంధించి చేపట్టిన చర్యలను వివరించారు. మాదకద్రవ్యాల రవాణాను అరికడదాం జిల్లాలో మాదక ద్రవ్యాల వినియోగం, అక్రమ రవాణాను పూర్తిస్థాయిలో అరికట్టేందుకు సంబంధిత శాఖలు సమన్వయంతో పటిష్టమైన చర్యలు చేపట్టాలని కలెక్టర్‌ శ్రీధర్‌ అధికారులను ఆదేశించారు. మంగళవారం కలెక్టరేట్‌లోని పీజీఆర్‌ఎస్‌ సమావేశ మందిరంలో ఎస్పీతో కలిసి జిల్లా మాదక ద్రవ్యాల నియంత్రణ కమిటీ సమావేశాన్ని నిర్వహించారు. ఈ సందర్భంగా జిల్లాలో మాదక ద్రవ్యాల నియంత్రణకు తీసుకుంటున్న చర్యలు, అక్రమ రవాణా నివారణ, కేసుల నమోదు, అవగాహన కార్యక్రమాల నిర్వహణ తదితర అంశాలపై సంబంధిత అధికారులతో సమీక్షించారు.

పులివెందుల టౌన్‌ : హైబ్రిడ్‌ అన్యుటీ మోడల్‌ ప్రాజెక్టు ద్వారా పులివెందుల మున్సిపాలిటీకి రూ.20కోట్లు మంజూరయ్యాయని కలెక్టర్‌ శ్రీధర్‌ చెరుకూరి తెలిపారు. మంగళవారం పట్టణంలోని స్థానిక మున్సిపల్‌ కార్యాలయంలోని కౌన్సిల్‌ హాలులో మున్సిపల్‌ కమిషనర్‌ శివ తనూజ అధ్యక్షతన హైబ్రిడ్‌ అన్యుటీ మోడల్‌ ప్రాజెక్టు ప్రారంభోత్సవ కార్యక్రమం నిర్వహించారు. ఈ సందర్భంగా కలెక్టర్‌ శ్రీధర్‌ చెరుకూరి మాట్లాడుతూ హెచ్‌ఏఎం ప్రాజెక్టు ద్వారా ప్రజలకు తాగునీరు, డ్రైనేజీ, రోడ్లు, వీధిలైట్లు, తదితర మౌలిక వసతులను కల్పిస్తామన్నారు. 15వ ఆర్థిక సంఘం ద్వారా వివిధ అభివృద్ధి పనుల ద్వారా నీటి సమస్య లేకుండా చూస్తామన్నారు. మున్సిపల్‌ స్పెషలాఫీసర్‌ చిన్నయ్య, తహసీల్దార్‌ నజీర్‌ అహమ్మద్‌, వివిధ శాఖల అధికారులు, సిబ్బంది పాల్గొన్నారు. అవకాడో తోట సందర్శన లింగాల : మండలంలోని వెలిదండ్ల గ్రామంలోని రైతు వరదారెడ్డి సాగు చేసిన అవకాడో పంటను మంగళవారం కలెక్టర్‌ సందర్శించారు. ఈ సందర్భంగా ఆయన అవకాడో మొక్కల ఎదుగుదల, సాగు విధానం తదితర అంశాలను పరిశీలించారు. అవకాడో సాగులో అనుసరిస్తున్న పద్ధతులు, అందుబాటులో ఉన్న రకాలు, మొక్కల వివరాలు, సాగులో ఎదురవుతున్న సవాళ్ల గురించి అడిగి తెలుసుకున్నారు. అవకాడో సాగులో విజయవంతమైన రైతు వరదారెడ్డిని అభినందించారు. వరదారెడ్డి తోటలోని నాణ్యమైన మదర్‌ ప్లాంట్ల నుంచి మంచి రకాలను ఎంపిక చేసి నర్సరీని అభివృద్ధి చేయాలని ఉద్యానవన శాఖ అధికారులను ఆదేశించారు. జిల్లా జిల్లా ఉద్యాన అధికారి హరిప్రసాద్‌, జిల్లా వ్యవసాయాధికారి సుబ్రహ్మణేశ్వరరావు, ఏడీఏ ప్రభాకర్‌రెడ్డి, హెచ్‌ఓ దీప, ఏఓ రమేష్‌, సచివాలయ సిబ్బంది, రైతులు పాల్గొన్నారు. స్మార్ట్‌ కిచెన్లు నూతన అధ్యాయం.. పులివెందుల టౌన్‌ : ప్రతి విద్యార్థికి నాణ్యమైన, పరిశుభ్రమైన, వేడివేడి భోజనం అందించడమే లక్ష్యంగా జిల్లాలో అమలు చేస్తున్న సెంట్రలైజ్డ్‌ స్మార్ట్‌ కిచెన్‌ వ్యవస్థ మధ్యాహ్న భోజన పథకంలో గుణాత్మక మార్పునకు నాంది పలుకుతోందని కలెక్టర్‌ శ్రీధర్‌ చెరుకూరి అన్నారు. మంగళవారం పట్టణంలోని స్థానిక ప్రభుత్వ మున్సిపల్‌ పాఠశాలలో సెంట్రలైజ్డ్‌ స్మార్ట్‌ కిచెన్‌ వ్యవస్థ నిర్వహణ, అమలు తీరును పరిశీలించారు. ఎంఈఓలు, మధ్యాహ్న భోజన పథక సిబ్బంది, తదితరులు పాల్గొన్నారు.

జిల్లాలో 104 ఎకరాల్లో పంటలు ఎండిపోయాయని వ్యవసాయ సమీక్ష సమయంలో వ్యవసాయశాఖ డీడీ నివేదికలు చదివారు. దీనికి వెంటనే స్పందించిన జెడ్పీ కో ఆప్షన్‌ సభ్యులు అచ్చుకట్ల కరీముల్లా, వీఎన్‌పల్లి ఎంపీపీ రఘునాథరెడ్డి మాట్లాడుతూ ఖరీఫ్‌ సీజన్‌లో తీవ్రవర్షాభావంతో వేల ఎకరాల్లో పంటలు ఎండిపోతుంటే మీరు కేవలం 39 మండలాల్లో 104 ఎకరాల్లో పంటలు ఎండిపోతున్నాయని చెప్పడం హాస్యాస్పదమన్నారు. అధికారులు చెప్పే పంటనష్టం లెక్కలన్నీ ఒక్క మండలంలో ఉంటుందన్నారు. దీన్ని బట్టి మీ సర్వే ఎంత పేలవంగా జరిగిందో తెలుస్తుందని అధికారుల తీరును దుయ్యబట్టారు. వీఎన్‌పల్లె మండలంలో అమ్మగారిపల్లె, కొమ్మెద్ది, మర్రిపల్లెలో పత్తి, వేరుశనగ, నిమ్మచెట్లు ఎండిపోతే మీరు క్షేత్రస్థాయిలో పర్యటించకుండానే దొంగలెక్కలు చెబుతున్నారన్నారు. ఇప్పటికై నా క్షేత్రస్థాయిలో పర్యటించి కరెక్టు లెక్కలను తేల్చాలని... కరువు జిల్లాగా ప్రకటించాలని డిమాండ్‌ చేశారు. అలాగే ఖాజీపేట మండలంలో విద్యుత్తు సమస్యలను అచ్చుకట్ల కరీముల్లా అధికారులు దృష్టికి తీసుకొచ్చారు.

కడప కార్పొరేషన్‌: ఆంధ్రప్రదేశ్‌ సదరన్‌ పవర్‌ డిస్ట్రిబ్యూషన్‌ కంపెనీ లిమిటెడ్‌ (ఏపీఎస్‌పీడీసీఎల్‌) పరిధిలో ఏడాది కాలంగా కొత్త విద్యుత్‌ మీటర్ల కొరత వినియోగదారులను తీవ్రంగా వేధిస్తోంది. విద్యుత్‌ సేవల్లో తామే ముందున్నామని చెప్పుకునే సంస్థ నిస్సహాయ స్థితికి ఈ కొరతే అద్దం పడుతోంది. కొత్తగా ఇళ్లు నిర్మించుకుని విద్యుత్‌ కనెక్షన్‌ కోసం దరఖాస్తు చేసుకున్న వారికి మీటర్లు అందుబాటులో లేక ఇబ్బందులు తప్పడం లేదు. కొన్ని ప్రాంతాల్లో కనెక్షన్‌ మంజూరైనా మీటర్‌ బిగించకపోవడంతో గృహ ప్రవేశాలు చేసిన వారు విద్యుత్‌ కోసం ఇరుగుపొరుగు ఇళ్లపై ఆధారపడాల్సిన దుస్థితి ఏర్పడుతోంది. మరోవైపు హైఓల్టేజ్‌, షార్ట్‌ సర్క్యూట్‌ వంటి ఇతర కారణాలతో మీటర్లు కాలిపోయినా, పాడైపోయినా వాటి స్థానంలో కొత్తవి ఏర్పాటు చేయడం లేదు. స్టాక్‌ లేదన్న కారణంతో సిబ్బంది జాప్యం చేస్తుండటంతో వినియోగదారులు తీవ్ర అవస్థలు పడుతున్నారు. చలానా మాత్రం కొత్త దానికంటే ఎక్కువే! కొత్త మీటర్లు అందుబాటులో లేకపోవడంతో ఏళ్ల క్రితం వినియోగించి పక్కనపెట్టిన పాత మీటర్లనే మరమ్మతులు చేసి ప్రస్తుతం బిగిస్తున్నారు. అయితే మీటర్‌ ఫీజు విషయంలో మాత్రం వినియోగదారులకు ఎలాంటి మినహాయింపు ఉండటం లేదు. పైగా కొత్త మీటరుకు ఎంత చెల్లించాలో, అంతకంటే ఎక్కువ మొత్తాన్ని చలానా రూపంలో ముక్కుపిండి వసూలు చేస్తున్నారు. సాధారణంగా గతంలో ఒక కిలోవాట్‌కు రూ.2,100, రెండు కిలోవాట్లు అయితే రూ.4,200 తీసుకొని కొత్త మీటర్లు ఇచ్చేవారు. కానీ ఇప్పుడు ఒక కిలోవాట్‌కు మీటర్‌ తీసుకుంటేనే ఏకంగా రూ.4,200 వసూలు చేస్తున్నారు. కేటగిరి–2 కింద కనెక్షన్‌ పొందితే రూ.5 వేలకు పైగా చెల్లించాల్సి వస్తోంది. పోనీ ఇంత డబ్బు తీసుకొని కొత్త మీటర్‌ ఇస్తున్నారా అంటే అదీ లేదు.. పాత మీటర్‌, పాత బాక్స్‌ ఇవ్వడంపై వినియోగదారులు మండిపడుతున్నారు. ఈ పాత మీటర్ల పనితీరు, కచ్చితత్వంపై సర్వత్రా అనుమానాలు వ్యక్తమవుతున్నాయి. మీటర్‌ రీడింగ్లో లోపాలు తలెత్తితే విద్యుత్‌ బిల్లులు తారుమారై తాము ఆర్థికంగా నష్టపోయే అవకాశం ఉందని వినియోగదారులు ఆందోళన వ్యక్తం చేస్తున్నారు. మీటర్‌ బాక్సుల కొరత కొత్త మీటర్ల కోసం ఇప్పటికే కేంద్ర కార్యాలయానికి ఇండెంట్‌ పెట్టినట్లు స్థానిక అధికారులు చెబుతున్నారు. అయితే పైస్థాయి నుండి స్టాక్‌ అసలు సరఫరా కాలేదని స్థానిక సిబ్బంది పేర్కొంటున్నారు. కొత్త మీటర్లు వచ్చే వరకు పాత వాటితోనే నెట్టుకురావాల్సి ఉంటుందని అనధికారికంగా స్పష్టం చేస్తున్నారు. ముఖ్యంగా పాత మీటర్‌లో రీడింగ్‌ను ‘0’ (సున్నా) చేసి కొత్తగా ఇస్తున్నారే తప్ప, వాటికి కనీసం కొత్త బాక్సులు కూడా ఇవ్వడం లేదు. సున్నం, సిమెంటు మరకలు పడి మురికిగా మారిన, ఎప్పుడో వాడేసి పాతవైపోయిన బాక్సులను వినియోగదారులకు అంటగడుతున్నారు. దీని వెనుక స్మార్ట్‌ మీటర్లను బలవంతంగా రుద్దేందుకు ఏమైనా తెరవెనుక ఒత్తిళ్లు సాగుతున్నాయా అనే అనుమానాలు కూడా వ్యక్తమవుతున్నాయి. ఉన్నతాధికారులు తక్షణమే స్పందించి ఈ కొత్త మీటర్ల కొరతను పరిష్కరించాల్సిన అవసరం ఉంది. లేదంటే కొత్త కనెక్షన్ల కోసం దరఖాస్తు చేసుకునే వారితో పాటు కాలిపోయిన, పాడైన మీటర్లను మార్చుకోవాల్సిన వినియోగదారుల ఇబ్బందులు మరింత పెరిగే అవకాశం ఉంది. రీడింగ్‌ల తారుమారుపై వినియోగదారుల గుండెల్లో రైళ్లు! కొత్త మీటర్ల కొరత పేరుతో ఏపీఎస్‌పీడీసీఎల్‌స్మార్ట్‌’ ప్లాన్‌? ఫీజుల్లో మాత్రం మినహాయింపు లేదు.. కొత్త వాటి కంటే రెట్టింపు వసూళ్లు వినియోగదారుల తీవ్ర అవస్థలు

కమలాపురం : మండలంలోని నల్లలింగాయపల్లెలో వెలసిన భారతి సిమెంట్‌ కార్పొరేషన్‌ ప్రైవేట్‌ లిమిటెడ్‌ పరిధిలోని డీఏవీ భారతి విద్యా మందిర్‌ విద్యార్థులు జాతీయ స్థాయి పోటీలకు ఎంపికై నట్లు ప్రిన్సిపల్‌ శివ్వం కిషోర్‌ కుమార్‌ తెలిపారు. మంగళవారం ఆయన విలేకరులతో మాట్లాడారు. ఇటీవల విజయనగరంలోని జీఎంఆర్‌వీ డీఏవీ పబ్లిక్‌ స్కూల్‌ (రాజాం)లో జరిగిన రాష్ట్ర స్థాయి డీఏవీ గేమ్స్‌ అండ్‌ స్పోర్ట్స్‌ పోటీల్లో తమ పాఠశాలకు చెందిన విద్యార్థులు ప్రాతినిథ్యం వహించి అత్యుత్తమ ప్రతిభ కనబరిచి జాతీయ స్థాయి పోటీలకు ఎంపికై నట్లు ఆయన వివరించారు. అక్టోబర్‌ 24, 25, 26 తేదీల్లో ఢిల్లీలోని ఎన్‌సీఆర్‌ రీజన్‌లో జరగబోయే జాతీయ స్థాయి పోటీల్లో పాల్గొంటారని తెలిపారు. అండర్‌–14 విభాగంలో కె.అచ్యుత్‌ 800 మీటర్ల పరుగు పందెం, ట్రిపుల్‌ జంప్‌లో అత్యుత్తమ ప్రతిభ కనబరిచి ప్రథమ స్థానంలో నిలిచాడని చెప్పారు. అండర్‌–17 బాలుర విభాగంలో ఎ.ఆదిల్‌ (10వ తరగతి) 800 మీటర్ల పరుగు పందెంలో ప్రతిభ కనబరిచి ద్వితీయ స్థానం సాధించారన్నారు. కె.వి. రుషి డిస్కస్‌త్రోలో ద్వితీయ స్థానంలో నిలిచాడన్నారు. అలాగే అండర్‌–17 బాలికల విభాగంలో ఎ.సాయి హర్షిత ట్రిపుల్‌ జంప్‌లో ప్రథమ స్థానం, జావెలిన్‌ త్రోలో ద్వితీయ స్థానం కై వసం చేసుకున్నారని తెలిపారు. బి.తేజ శ్రీ డిస్కస్‌ త్రో లో ద్వితీయ స్థానంలో నిలిచిందన్నారు. వీరితోపాటు మరి కొందరు విద్యార్థులు హ్యాండ్‌ బాల్‌ తదితర పోటీల్లో ప్రతిభ కనబరిచి జాతీయ స్థాయి పోటీలకు ఎంపికయ్యారని వివరించారు. ప్లాంట్‌ హెడ్‌ రామమూర్తి, ఇతర ప్రతినిధులు గౌరీ పరమేశ్వర రావు, భార్గవ్‌రెడ్డి, ప్రాంతీయ అధికారి శేషాద్రి తదితరులు విజేతలతోపాటు పీఈటీ చందును అభినందించారు. జాతీయ స్థాయి పోటీల్లో సైతం ఉత్తమ ప్రతిభ కనబరిచి విజయం సాధించాలన్నారు.

మైదుకూరు : బస్సులో నరసరావుపేటకు చెందిన ఓ మహిళ మర్చిపోయిన బ్యాగ్‌ను మైదుకూరు ఆర్టీసీ అధికారులు అప్పగించిన సంఘటన మంగళవారం జరిగింది. వివరాలు ఇలా ఉన్నాయి. పల్నాడు జిల్లా నరసరావుపేటలో అదే పట్టణానికి చెందిన పొన్నపల్లి కోటేశ్వరి, సిద్ధు కృష్ణమాచారి, మోటమర్రి లక్ష్మీకుమారి అనే వారు బ్రహ్మంగారిమఠం వెళ్లేందుకు మైదుకూరు డిపోకు చెందిన విజయవాడ సర్వీస్‌ బస్సు ఎక్కారు. వారు మైదుకూరు – పోరుమామిళ్ల రహదారిలోని మల్లేపల్లె వద్ద దిగిపోయారు. ఆ సమయంలో కోటేశ్వరి అనే మహిళ తన వద్ద ఉన్న బ్యాగ్‌ను బస్సులోనే మర్చిపోయింది. ఆమె ఫిర్యాదుతో మైదుకూరులో బస్సులో ఉన్న బ్యాగ్‌ను డిపో ఆయిల్‌ డిపార్ట్‌మెంట్‌ డీసీసీ ఎం.లక్షుమయ్య స్వాధీనం చేసుకున్నారు. అనంతరం బ్రహ్మంగారిమఠం నుండి వచ్చిన బాధితురాలికి డిపోకు చెందిన ట్రాఫిక్‌ ఇన్‌స్పెక్టర్లు విజయమ్మ, సరోజమ్మ, కానిస్టేబుల్‌ అనురాధ సమక్షంలో బ్యాగ్‌ను అప్పగించారు. బ్యాగ్‌లో రూ.8,890 నగదు, బంగారు పూసల దండ, ఇయర్‌ ఫోన్స్‌, చిన్న సెల్‌ ఉన్నాయని, ఆ బ్యాగ్‌ను అప్పగించిన ఆర్టీసీ అధికారులకు బాధితురాలు కోటేశ్వరి ధన్వవాదాలు తెలిపారు.

ప్రొద్దుటూరు : ప్రొద్దుటూరు టౌన్‌ బ్యాంక్‌లో చోటు చేసుకున్న అవకతవకల ఆరోపణలపై జిల్లా కోఆపరేటివ్‌ ఆఫీసర్‌ వెంకటసుబ్బయ్య మంగళవారం విచారణ చేపట్టారు. ఈ సందర్భంగా బ్యాంక్‌ సీఈఓ నిరంజన్‌రెడ్డిని విచారణ చేశారు. బ్యాంక్‌ రికార్డులు, ఖాతాదారుల సమాచారం ఎలా బయటికి వెళుతోందని అడిగి తెలుసుకున్నారు. బ్యాంక్‌కు సంబంధించిన సీసీ ఫుటేజీ సమాచారంపై నిబంధనల ప్రకారం వ్యవహరించాలని, సంబంధం లేని వారికి పాస్‌వర్డ్‌ ఇవ్వొద్దని తెలిపారు. జరిగిన అవకతవకలను క్షుణ్ణంగా పరిశీలించి పోలీసు కేసు నమోదు చేయాలని సూచించారు. ఆయన వెంట ప్రొద్దుటూరు డివిజన్‌ కోఆపరేటివ్‌ ఆఫీసర్‌ సత్యానందం, విచారణ అధికారి చెన్నకృష్ణారెడ్డి ఉన్నారు. కూలి చెల్లింపుపై ఘర్షణముద్దనూరు : స్థానిక ఎస్సీ కాలనీలో పెయింటింగ్‌ కూలి డబ్బులు చెల్లింపు విషయమై ఘర్షణ పడటంతో పోలీసులు మంగళవారం కేసు నమోదు చేశారు. హెడ్‌కానిస్టేబుల్‌ త్రివేది సమాచారం మేరకు.. ఈ నెల 19వ తేదీన ఎస్సీ కాలనీలో లక్ష్మీనరసింహులుకు రూ.2500 కూలి డబ్బులు చెల్లించపోవడంతో ఘర్షణ తలెత్తింది. ఈ ఘర్షణలో సుధాకర్‌ మరో ఇద్దరు.. నరసింహులుపై దాడి చేసి గాయపరిచారు. ఈ ఘటనపై ఫిర్యాదు అందడంతో ముగ్గురిపై కేసు నమోదు చేసినట్లు పోలీసులు తెలిపారు. అదనపు కట్నం కోసం వేధింపులుముద్దనూరు : అదనపు కట్నం తేవాలని భార్యను వేధిస్తున్నాడని అరుణ్‌పై పోలీసులు మంగళవారం కేసు నమోదు చేశారు. హెడ్‌కానిస్టేబుల్‌ త్రివేది సమాచారం మేరకు.. మండలంలోని నల్లబల్లె గ్రామానికి చెందిన అరుణ్‌కు సాయి దుర్గ అనే మహిళతో ఏడాదిన్నర క్రితం వివాహమైంది. గత కొంత కాలం నుంచి అరుణ్‌ అతని భార్య దుర్గను అదనపు కట్నం తేవాలని శారీరంగా, మానసికంగా వేధిస్తున్నాడు. భార్యపై దాడి చేయడంతో ఆమెకు గాయాలవడంతో చికిత్స నిమిత్తం ప్రొద్దుటూరు ప్రభుత్వ ఆసుపత్రికి తరలించారు. మంగళవారం బాధితురాలి ఫిర్యాదు మేరకు అరుణ్‌, అతని అవ్వపై కేసు నమోదు చేసి దర్యాప్తు చేస్తున్నట్లు పోలీసులు తెలిపారు.

చెన్నూరు(వల్లూరు) : చెన్నూరు టౌన్‌లోని కేఓఆర్‌ కాలనీలో ఉన్న శ్రీ ఎల్లమ్మ తల్లి దేవాలయంలో జరిగిన చోరీ కేసును చెన్నూరు పోలీసులు ఛేదించారు. ఆదివారం రాత్రి ఆలయంలోకి చొరబడిన దుండగులు అమ్మవారి వెండి ఆభరణాలను ఎత్తుకెళ్లారు. ఆలయ కమిటీ ఫిర్యాదు మేరకు కేసు నమోదు చేసిన పోలీసులు దర్యాప్తు చేపట్టారు. ఇదే క్రమంలో సోమవారం రాత్రి ఖాజీపేట మండలం అప్పన్నపల్లి గ్రామంలోని చౌడమ్మ తల్లి దేవాలయంలో దొంగతనానికి యత్నించగా.. స్థానికులు గమనించి పట్టుకోవడానికి ప్రయత్నించగా, నిందితుడు తన నంబర్‌ ప్లేట్‌ లేని బైకు విడిచిపెట్టి పరారీ అయ్యాడు. స్థానికులు ఖాజీపేట పోలీసు వాళ్లకి ఫిర్యాదు చేయగా, ఖాజీపేట పోలీసు వారు వచ్చి నగలను, బైకును స్వాధీనం చేసుకున్నారు. ఈ విషయం తెలిసిన చెన్నూరు సీఐ చాంద్‌ బాషా ఎల్లమ్మ తల్లి అమ్మవారి ఆభరణాల ఫొటోలను పోల్చి చూపించి మంగళవారం ఉదయం ఖాజీపేట పోలీసు వారికి సమాచారం ఇచ్చారు. ఖాజీపేట పోలీసు వారి దగ్గర ఉన్న ఎల్లమ్మ తల్లి ఆభరణాలను చెన్నూరు పోలీసులు తీసుకున్నారు. మొత్తం దొంగతనంలో నిందితుడు ఒక్కడే అని పోలీసులు నిర్ధారించారు. వారు కేసును దర్యాప్తు చేస్తున్నారు. అభివృద్ధి, సంక్షేమంతోనే కూటమికి మద్దతుకడప కోటిరెడ్డిసర్కిల్‌ : కూటమి ప్రభుత్వం అమలు చేస్తున్న అభివృద్ధి, సంక్షేమ కార్యక్రమాలను చూసి ప్రజలు స్థానిక సంస్థల ఎన్నికల్లో కూటమికి మద్దతుగా నిలుస్తారని బీజేపీ ఎమ్మెల్యే ఆదినారాయణరెడ్డి అన్నారు. మంగళవారం ఆర్‌అండ్‌బీ గెస్ట్‌హౌస్‌లో ఏర్పాటు చేసిన విలేకరుల సమావేశంలో ఆయన మాట్లాడారు. కూటమి ప్రభుత్వం విద్య, వైద్యం, సంక్షేమ రంగాలకు ప్రాధాన్యత ఇస్తూ ప్రజలకు అన్ని విధాలా మేలు చేస్తోందన్నారు. ప్రభుత్వ పాలనపై ప్రజలు సంతృప్తిగా ఉన్నారని పేర్కొన్నారు. ఎన్నికలు జరిగితేనే కేంద్రం నుంచి నిధులు అందుతాయని తెలిపారు. కూటమి నాయకులు, కార్యకర్తలు సమన్వయంతో సంక్షేమ పథకాలను ప్రజలకు వివరిస్తూ ఓట్లు అభ్యర్థిస్తారని చెప్పారు. రానున్న నాలుగు రోజుల్లో భారీ వర్షాలు కురిసే అవకాశం ఉందని అధికారులు చెబుతున్నారని, వర్షాల పరిస్థితిని పరిశీలించిన అనంతరం కరువుపై నిర్ణయం తీసుకుంటామని పేర్కొన్నారు. వైఎస్‌ వివేకానందరెడ్డి కుమార్తె వైఎస్‌ సునీత రాజకీయాల్లోకి వస్తే తమ సంపూర్ణ మద్దతు ఉంటుందని ఆదినారాయణరెడ్డి ప్రకటించారు. ఈ సమావేశంలో జిల్లా అధ్యక్షుడు జంగిటి వెంకటసుబ్బారెడ్డి, బీరం సుబ్బారెడ్డి, చేకూరి శారద, బొమ్మన సుబ్బరాయుడు, లక్ష్మీనారాయణరెడ్డి, కళ్యాణ్‌రాజు తదితరులు పాల్గొన్నారు.అప్పన్నపల్లిలో చోరీకి యత్నించి పట్టుబడ్డ నిందితుడు

● పీహెచ్‌సీ స్థలంలో నిర్మాణంపై వివాదం ● గ్రామస్తుల ఆందోళన ● అధికార పార్టీకి చెందిన నేతలు ఆక్రమణకు యత్నంసాక్షి టాస్క్‌ఫోర్స్‌ : ఎర్రగుంట్ల మండల పరిధిలోని కలమల్ల గ్రామంలో పీహెచ్‌సీ స్థలానికి సంబంధించిన వివాదం కోర్డులో నడస్తోంది. అయితే అధికార పార్టీకి చెందిన కొందరు నేతలు ఈ స్థలాన్ని తమ ఆధీనంలోకి తెచ్చుకోవడానికి ప్రయత్నాలు చేపట్టడంతో గ్రామస్తులు అడ్డుకున్నారు. దీంతో కొంత సేపు ఉద్రిక్తత నెలకొంది. అధికారులు కూడా అధికార పార్టీ నేతలకు కొమ్ము కాస్తున్నారని గ్రామస్తులు ఆరోపించారు. ఈ సందర్భంగా గ్రామస్తులు మాట్లాడుతూ గ్రామానికి చెందిన పద్మనాభరెడ్డి తన సొంత స్థలాన్ని పీహెచ్‌సీ నిర్మాణం కోసం చాలా ఏళ్ల కిందట దానం చేశారని తెలిపారు. ఈ స్థలాన్ని ప్రస్తుతం అధికారం అండతో గ్రామానికి చెందిన అధికార పార్టీ నాయకులు కొందరు ఆక్రమణకు ప్రయత్నం చేస్తున్నారని ఆరోపించారు. ఈ స్థలంపై కోర్టులో కూడా వివాదం నడుస్తోందని పేర్కొన్నారు. అయినా ఈ స్థలాన్ని తమ ఆధీనంలోకి తెచ్చుకోవడానికి అధికార పార్టీ నేతలు ప్రయత్నాలు చేపట్టారని ఆరోపించారు. వివాదం ఉన్న స్థలంలో అధికారుల మార్కింగ్‌, అనుమతులు లేకుండా ఏ విధంగా నిర్మాణ పనులు చేపడుతారని గ్రామస్తులు ఆందోళన చేస్తున్నారు. నిర్మాణ పనులు చేపట్టే ముందు సంబంఽధిత అధికారులు వచ్చి స్థలాన్ని పరిశీలించి, హద్దులను నిర్ధారించి అధికారికంగా మార్కింగ్‌ చేయాల్సి ఉన్నప్పటికీ అలాంటి ప్రక్రియ ఏదీ లేకుండానే పనులు చేయపట్టడం ఏమిటి ప్రశ్నించారు. అధికారులు కూడా స్థలం దానం ఇచ్చిన వారిపై తిట్ల పురాణానికి దిగడం దారుణమన్నారు. స్థలాన్ని ఆధీనంలోకి తెచ్చుకోవడానికి దౌర్జన్యానికి దిగడం, వారికి అండగా అధికారులు నిలవడం బాధాకరమన్నారు. ఈ వివాదంపై కలెక్టరుకు కూడా వినతి పత్రం ఇచ్చినట్లు తెలిపారు. కోర్టు పరిధిలో ఉన్న వివాదం పరిష్కారం అయ్యే వరకు ఎలాంటి నిర్మాణ పనులు చేపట్టకుండా స్థలం యథావిధిగా ఉండేలా కొనసాగించేలా జిల్లా కలెక్టర్‌ చర్యలు తీసుకోవాలని వారు కోరారు.

మైదుకూరు : రోడ్డుపై వెళుతున్న వ్యక్తిని ఓ గుర్తు తెలియని వాహనం ఢీకొట్టి కిలోమీటర్‌ దూరం ఈడ్చుకెళ్లింది. తీవ్ర రక్తగాయాలతో ఉన్న ఆ వ్యక్తిని చికిత్స కోసం ఆస్పత్రికి తరలిస్తుండగా మృతి చెందిన సంఘటన మైదుకూరు మండలం వనిపెంటలో సోమవారం రాత్రి జరిగింది. పోలీసులు, ప్రత్యక్ష సాక్షులు తెలిపిన మేరకు వివరాలు ఇలా ఉన్నాయి. వనిపెంటలోని వడ్డెర కాలనీకి చెందిన ముద్దం నాగరాజు(50) అనే వ్యక్తి సోమవారం రాత్రి 11.30 గంటల ప్రాంతంలో మెయిన్‌ రోడ్డుపై నడుచుకుంటూ వెళుతున్నాడు. మైదుకూరు వైపు నుంచి వచ్చిన గుర్తు తెలియని వాహనం అటవీ చెక్‌ పోస్టుకు సమీపంలో అతన్ని ఢీకొట్టింది. డ్రైవర్‌ వాహనాన్ని ఆపకుండా వెళ్లడంతో నాగరాజు శరీరాన్ని కిలోమీటర్‌ దూరంలోని దర్గా వరకు ఈడ్చుకెళ్లింది. అక్కడ తీవ్ర రక్తగాయాలతో రోడ్డు పక్కన పడిపోయిన అతన్ని 108 అంబులెన్స్‌లో చికిత్స కోసం కడప రిమ్స్‌కు తరలించారు. రాత్రి 1 గంట సమయంలో నాగరాజు మృతి చెందినట్లు వైద్యులు నిర్ధారించారు. నాగరాజు భార్య మహేశ్వరి పదేళ్ల కిందట ఆత్మహత్య చేసుకుని మృతి చెందింది. వారికి ఓ కుమార్తె, కుమారుడు ఉండగా వారిని అమ్మమ్మ ఆదిలక్ష్మి బ్రహ్మంగారిమఠం తీసుకెళ్లి పెంచుకుంటోంది. భార్య మృతి చెందినప్పటి నుంచి నాగరాజు ఒంటరిగా ఉంటున్నాడు. కుమార్తె నాగకళ్యాణి ఇచ్చిన ఫిర్యాదు మేరకు సంఘటనపై పోలీసులు కేసు నమోదు చేశారు. అర్బన్‌ ఎస్‌ఐ కత్తి వెంకటరమణ సంఘటనా స్థలాన్ని పరిశీలించారు. ప్రమాదానికి కారణమైన వాహనం కోసం గాలిస్తున్నారు. విద్యుత్‌ షార్ట్‌ సర్క్యూట్‌తో అగ్నిప్రమాదం చాపాడు : మండల పరిధి గుంతచీపాడులోని జి.మహేశ్వర్‌రెడ్డి ఇంటిలో సోమవారం రాత్రి విద్యుత్‌ షార్ట్‌ సర్క్యూట్‌ వల్ల అగ్ని ప్రమాదం జరిగింది. ఈ ప్రమాదంలో ఇంటిలోని టీవీ, ఫ్రిడ్జ్‌, సోఫాలతోపాటు ఇంటిలోని సామగ్రి మొత్తం కాలిపోయింది. బీరువాలో ఉన్న రూ.10 లక్షల నగదు కూడా కాలిపోయిందని బాధితుడు తెలిపాడు. గత రెండు నెలల క్రితం కూడా ఇదే ఇంటిలో విద్యుత్‌ షార్ట్‌ సర్క్యూట్‌ జరిగిందని బాధితులు విచారం వ్యక్తం చేస్తున్నారు. నగదుతోపాటు సామగ్రి కలిపి రూ.25 లక్షల వరకు నష్టం వాటిల్లినట్టు బాధితులు తెలిపారు. చదువుకునే పిల్లల ఫీజులకు, తన తండ్రి మోకాళ్ల ఆపరేషన్‌ కోసం డబ్బులు ఇంట్లో పెట్టుకున్నామని బాధితుడు తెలిపారు.గుర్తు తెలియని వాహనం ఢీకొని వ్యక్తి మృతిరూ.25 లక్షల వరకు నష్టం

బద్వేలు అర్బన్‌ : కడుపు నొప్పి తాళలేక ఓ వివాహిత ఆత్మహత్య చేసుకుని మృతి చెందిన సంఘటన మంగళవారం బద్వేలు పట్టణంలో చోటు చేసుకుంది. పోలీసులు తెలిపిన వివరాల మేరకు.. పట్టణంలోని గాంధీనగర్‌లో షేక్‌రుక్సానా(40) ఆమె భర్త ఖాదర్‌బాషాతో కలిసి నివసిస్తోంది. ఈమెకు ఒక కుమార్తె, ఒక కుమారుడు కాగా భర్త డ్రైవర్‌గా పని చేస్తూ జీవనం సాగిస్తుండేవాడు. వారం రోజుల క్రితం భర్త డ్రైవర్‌ డ్యూటీకి వెళ్లగా రుక్సానా ఇద్దరు పిల్లలతో కలిసి ఇంట్లో ఉంటోంది. అయితే కొంత కాలంగా కడుపునొప్పితో బాధపడుతుండే ఆమెకు వివిధ ఆసుపత్రుల్లో చికిత్స చేయించినప్పటికీ ఫలితం లేకుండా పోయింది. దీంతో మనస్తాపానికి గురైన ఆమె మంగళవారం తెల్లవారుజామున ఇంట్లో ఇద్దరు పిల్లలు నిద్రిస్తుండగా మరో గదిలోకి వెళ్లి ఫ్యాన్‌కు చీరతో ఉరి వేసుకుంది. కొద్దిసేపటి తర్వాత గదిలో తల్లి కనిపించకపోవడంతో మరో గదిలోనికి కిటికీ నుంచి చూడగా ఫ్యాన్‌కు ఉరి వేసుకుని వేలాడుతూ కనిపించింది. వెంటనే స్థానికుల సహకారంతో తలుపులు పగులకొట్టి పట్టణంలోని ఓ ప్రైవేటు ఆసుపత్రికి తరలించగా అప్పటికే మృతి చెందినట్లు వైద్యులు తెలిపారు. మృతురాలి కుమార్తె ఇచ్చిన ఫిర్యాదు మేరకు అర్బన్‌ సీఐ బి.రామకృష్ణ కేసు నమోదు చేసుకుని మృతదేహాన్ని పోస్టుమార్టం నిమిత్తం ప్రభుత్వాసుపత్రికి తరలించారు.

సాక్షి ప్రతినిధి, కడప : హైబ్రిడ్‌ యాన్యుటీ మోడల్‌ (హెచ్‌ఏఎం) ప్రాజెక్టు స్థానిక సంస్థలను నిర్వీర్యం చేయనుందా? ప్రధాన ఆదాయ వనరుగా ఉన్న ఎల్‌ఆర్‌ఎస్‌, బీపీఎస్‌ డెవలప్‌మెంట్‌ ఫీజులు ఆదాయం ఎస్క్రో అకౌంట్‌కు జమ కానుందా? అంటే ఔననే పరిశీలకులు వెల్లడిస్తున్నారు. జీఓ ఆర్టీ నంబర్‌ 1067తో స్థానిక సంస్థల స్వయం ప్రతిపత్తిపై దెబ్బ పడనుంది. లభించే ఆదాయం మున్సిపాలిటీలతో నిమిత్తం లేకుండా నేరుగా నిర్ణయించిన అకౌంట్‌కు జమ కానుంది. తద్వారా హెచ్‌ఏఎం ద్వారా చేపట్టిన పనుల చెల్లింపులకు చేరునుందని నిపుణులు వివరిస్తూనే, అప్పు చేసి పప్పు కూడు పెట్టడం ఎంత వరకూ శ్రేయస్కరమని నిలదీస్తున్నారు. రాష్ట్ర ప్రభుత్వం హైబ్రిడ్‌్‌ యాన్యుటీ మోడల్‌ ద్వారా చేపట్టే పనుల కోసం జీఓ ఆర్టీ నంబర్‌ 1067 విడుదల చేసింది. ఆ మేరకు ప్రొద్దుటూరు (రూ.40కోట్లు), పులివెందుల (రూ.20 కోట్లు) మున్సిపాలిటీల్లో వివిధ పనులు చేపట్టేందుకు సీఎం చంద్రబాబు పర్చువల్‌గా శంకుస్థాపన చేశారు. ఈ జీఓ ప్రధానంగా స్థానిక సంస్థల స్వయం ప్రతిపత్తిని నిర్వీర్యం చేయనుందని, ఎస్క్రో అకౌంట్‌ నిబంధనలు స్పష్టం చేస్తున్నాయని విశ్లేషకులు వాపోతున్నారు. మున్సిపాలిటీలకు స్థానికంగా వచ్చే కీలక ఆదాయమైనా ఎల్‌ఆర్‌ఎస్‌, బీపీఎస్‌, డెవలప్‌మెంట్‌ ఫీజులు, ఎంఐజీ/ఎల్‌ఐజీ లేఅవుట్ల సొమ్మును నేరుగా ‘ఎస్క్రో అకౌంట్‌‘కు మళ్లించాలని ఆ జీవో స్పష్టం చేస్తోందని వివరిస్తున్నారు. దీంతో మున్సిపాలిటీ గల్లా పెట్టాలో పైసల్‌ ఉండే పరిస్థితి ఉండదు. చిన్న చిన్న రోడ్ల మరమ్మతులు, తాగునీరు, పారిశుధ్యం లేదా అత్యవసర పనులకు కూడా నిధుల కొరత ఏర్పడి, మున్సిపాలిటీలు పూర్తిగా నిధుల రహితంగా మారే ప్రమాదం ఉందని పలువురు వాపోతున్నారు. మున్సిపాలిటీలు నిర్వీర్యం?! రోడ్లు, డ్రైన్లు, పార్కులు, స్ట్రీట్‌ లైట్లు, సెంట్రల్‌ మీడియన్లు వంటి మౌలిక వసతుల అభివృద్ధి పట్టణాలకు అవసరమే. వాటి కోసం రూపొందించిన ఆర్థిక నమూనా వల్ల భవిష్యత్తులో స్థానిక సంస్థలపై పడే బాధ్యతలు కూడా ప్రజలకు పారదర్శకంగా ఉండాలి కదా? అనే ప్రశ్నను పలువురు లేవనెత్తుతున్నారు. స్థానిక సంస్థల ఆదాయంలో ప్రధాన భాగం దీర్ఘకాలిక చెల్లింపులకు కేటాయించాల్సి వస్తే, భవిష్యత్తులో మున్సిపాలిటీ మనుగడ ఏమిటని పలువురు నిలదీస్తున్నారు. ప్రొద్దుటూరు మున్సిపాలిటీకి వివిధ పన్నుల రూపంలో రూ.2 కోట్ల ఆదాయం ఉంది. అందులో రూ.1.20 కోట్లు శానిటేషన్‌, అవుట్‌ సోర్సింగ్‌, సులబ్‌ కాంప్లెక్స్‌ వర్కర్ల జీతాలకు చెల్లించాల్సి ఉంది. మరో రూ.50 లక్షల పవర్‌ బిల్లులకు, ఇంకో రూ.72 లక్షలు అమృత్‌ స్కీమ్‌కు చెందిన బ్యాంకు కంతుకు చెల్లిస్తున్నారు. మరో రూ.10 లక్షల డీజిల్‌ బిల్లులు ఇలా సుమారు రూ.2.5 కోట్లు మున్సిపాలిటీకి ఖర్చు రానుంది. అంటే ఆదాయం కంటే ఖర్చు రూ.50 లక్షలు అదనంగా భరిస్తున్నారు. ఇకపై లభించే ఆదాయం ఎస్క్రో అకౌంట్‌కు జమ అయితే రెగ్యులర్‌ చెల్లింపుల పరిస్థితి ఏమిటని పలువురు నిలదీస్తున్నారు. ఇదీ చంద్రబాబు ప్రభుత్వం తీరు మున్సిపల్‌ ఎన్నికల కోసం జిమ్మిక్కులు ప్రొద్దుటూరులో ఆదాయం కంటే ఖర్చు ఎక్కువ రూ.40 కోట్లతో వివిధ పనుల నిర్మాణానికి శ్రీకారం ఆ మొత్తం కోసం మునిసిపాలిటీ ఆదాయం ఎస్క్రో అకౌంట్‌కు మళ్లింపు

ప్రొద్దుటూరు : స్థానిక మూడో వార్డుకు చెందిన టీడీపీ మాజీ కౌన్సిలర్‌ జంబాపురం రామాంజనేయరెడ్డిపై దంపతులు శోభారాణి, వంశీ మంగళవారం సాయంత్రం దాడి చేశారు. అధికార పార్టీకి చెందిన మాజీ కౌన్సిలర్‌ వార్డు పరిధిలో రామ్‌నగర్‌ వద్ద రోడ్డు ప్యాచ్‌ వర్క్‌ పనులను కాంట్రాక్టర్‌ చిరంజీవి చేపడుతున్నారు. పనుల నిర్వహణ ప్రదేశంలో ఎలాంటి సూచికలు లేకపోవడంతో దంపతులు ఇద్దరూ ద్విచక్రవాహనంలో ముందుకు వెళ్లారు. ఈ సందర్భంగా అక్కడున్న మాజీ కౌన్సిలర్‌ జంబాబాపురం రామాంజనేయరెడ్డి రోడ్డు వేస్తున్నది కళ్లు కనిపించడం లేదా అని దంపతులిరువురిని దూషించాడు. వెంటనే వారు నోరు అదుపులో పెట్టుకో అని వాగ్వాదం చేసి మాజీ కౌన్సిలర్‌పై దాడి చేశారు. ఈ సందర్భంగా వారు మాజీ కౌన్సిలర్‌పై చెప్పు విసిరివేశారు. దాడిలో మాజీ కౌన్సిలర్‌ చొక్కా కూడా చినిగిపోయింది. ఈ విషయం తెలుసుకున్న రామాంజనేయరెడ్డి సతీమణి సంఘటన స్థలానికి పరుగులు తీసుకుంటూ వచ్చింది. అయినా వారు వెనక్కు తగ్గలేదు. తప్పు మీది పెట్టుకుని మమ్మల్ని మాట్లాడితే ఎలా అని వాగ్వాదానికి దిగారు. తనపై జరిగిన దాడిని అవమానంగా భావించిన మాజీ కౌన్సిలర్‌ త్రీటౌన్‌ పోలీస్‌స్టేషన్‌లో ఫిర్యాదు చేయగా వారు సర్దిచెప్పారు. కేసు నమోదు చేయకుంటే తాను ఎమ్మెల్యే వరదరాజులరెడ్డి దగ్గరికి వెళుతానని మాజీ కౌన్సిలర్‌ బెదిరించినట్లు తెలిసింది.దూషించడంతోనే ఘటన

– మైలవరంలో అత్యధికంగా 25.4 మి.మీ వర్షం కడప అగ్రికల్చర్‌: జిల్లాలో వర్షాలు కొనసాగుతున్నాయి. వరుసగా రెండో రోజు పలు మండలాల్లో వర్షం కురిసింది. ఇందులో భాగంగా మైలవరంలో అత్యధికంగా 25.4 మి.మీ వర్షం కురిసింది. అలాగే నందలూరులో 23, బి. కోడూరులో 18, ముద్దనూరులో 15.8, సింహాద్రిపురంలో 14.2, కొండాపురంలో 13.2, పోరుమామిళ్ల, తొండూరులలలో 10.2, కమలాపురంలో 9.4, జమ్మలమడుగులో 8.4, లింగాల, ప్రొద్దుటూరులలో 8.2 , వేంపల్లిలో 6.2, దువ్వూరులో 3.4, కాశినాయనలలో 3.2, చాపాడులో 2.8, రాజుపాలెం, ఒంటిమిట్టలో 2.6, బి.మఠంలో 1.8, పెద్దముడియంలో 1.6, అట్లూరులో 0.8 మి.మీ వర్షం కురిసింది. హానర్స్‌లో ప్రవేశాలకు ఆహ్వానం కడప ఎడ్యుకేషన్‌: యోగి వేమన విశ్వ విద్యాలయం పరిధిలోని అన్ని యాజమాన్య కళాశాలలో డిగ్రీ మూడు సంవత్సరాలు పూర్తి చేసుకున్న విద్యార్థులకు 4వ సంవత్సరం హానర్స్‌లో ప్రవేశాలు కల్పిస్తున్నట్లు ప్రిన్సిపల్‌ జె. వెంకట లక్ష్మి ఒక ప్రకటనలో తెలిపారు. అర్హతలు కలిగిన విద్యార్థులు ఈ నెల 22 నుంచి 28 తేదీల్లోపు తమ ఒరిజినల్‌ సర్టిఫికెట్‌లతో 9491112150, 9441689606 నంబర్స్‌లో సంప్రదించాలని సూచించారు. 24 నుంచి పవిత్రోత్సవాలు కడప సిటీ : కడప నగర పరిధిలోని దేవునికడప శ్రీ లక్ష్మీ వేంకటేశ్వరస్వామివారి ఆలయంలో ఈ నెల 24 నుంచి 26వ తేదీ వరకు పవిత్రోత్సవాలు నిర్వహించనున్నారు. 23న సాయంత్రం పుణ్యాహవచనం, మత్స్యంగ్రహణం, అంకురార్పణ జరుగుతుంది. 24న ఉదయం చతుష్టార్చాన, అగ్ని ప్రతిష్ట, పవిత్ర ప్రతిష్ట, సాయంత్రం యాగశాలలో వైదిక కార్యక్రమాలు నిర్వహించనున్నారు. 25న పవిత్ర సమర్పణ, 26న పూర్ణాహుతి, పవిత్ర వితరణ, స్వామి, అమ్మవార్ల ఉత్సవమూర్తుల ఊరేగింపు జరగనుంది. ఆలయ పవిత్రతకు ఎలాంటి లోపం రానీయకుండా నివారించేందుకు ఏటా మూడు రోజుల పాటు పవిత్రోత్సవాలు నిర్వహించడం ఆనవాయితీగా వస్తోంది. దరఖాస్తుల ఆహ్వానం కడప రూరల్‌ : ఆశా కార్యకర్తల పోస్టులకు అర్హులైన అభ్యర్థులు దరఖాస్తు చేసుకోవాలని జిల్లా వైద్య ఆరోగ్యశాఖ అధికారి డాక్టర్‌ యుగంధర్‌ తెలిపారు. కమ్యూనిటీ ప్రాసెస్‌ పథకంలో భాగంగా జిల్లాలో గ్రామీణ(రూరల్‌) ప్రాంతాల్లో 27, పట్టణ (అర్బన్‌) ప్రాంతాల్లో 11, మొత్తం 38 ఆశ కార్యకర్తల నియామకాలను చేపడుతున్నట్లు పేర్కొన్నారు. అర్హులైన మహి ళా అభ్యర్తులు పూర్తి చేసిన తమ దరఖాస్తులను ఈ నెల 23 నుంచి 26వ తేదీ లోపు సంబంధిత ప్రాథమిక, పట్టణ ఆరోగ్య కేంద్రాలలో, స్వర్ణ గ్రామా (సచివాలయం) లలో అందజేయాలన్నారు. దరఖాస్తులు, ఖాళీల వివరాల కోసం ఆయా ప్రాంత ప్రాథమిక కేంద్రం, పట్టణ ఆరోగ్య కేంద్రాలలో మెడికల్‌ ఆఫీసర్‌ని సంప్రదించాలని తెలిపారు. దరఖాస్తు పూర్తి వివరాలకు కడప.ఏపీ.జీఓవీ.ఇన్‌ వెబ్‌ సైట్‌ ను సంప్రదించాలని సూచించారు. 25 మంది ఎంపిక కడప ఎడ్యుకేషన్‌: కడప ప్రభుత్వ డీఎల్‌టీసీ ఐటీఐలో సోమవారం నిర్వహించిన ప్రధానమంత్రి నేషనల్‌ అప్రెంటిస్‌షిప్‌ మేళాలో 25 మంది ఎంపికయ్యారని ఐటీఐల జిల్లా కన్వీనర్‌ జ్ఞానకుమార్‌ తెలిపారు. ఈ అప్రెంటిస్‌షిప్‌ మేళాలో పది పరిశ్రమల ప్రతినిధులు పాల్గొని శిక్షణకు అవసరమైన ఎంపిక చేసుకున్నారు. జిల్లావ్యాప్తంగా 67 మంది విద్యార్థులు పాల్గొనగా అందులో 25 మంది విద్యార్థులను అప్రెంటిస్‌ మేళాకు ఎంపిక చేసుకున్నారు. ఈ కార్యక్రమంలో కళాశాల ప్రిన్సిపల్‌, అధ్యాపకులు, విద్యార్థులు పాల్గొన్నారు. జిల్లాలో మద్యం దుకాణాల రెన్యువల్స్‌ కడప వైఎస్‌ఆర్‌ సర్కిల్‌: జిల్లాలో 83 మద్యం దుకాణాలు రెన్యువల్‌ అయినట్లు జిల్లా ప్రొహిబిషన్‌ అండ్‌ ఎకై ్సజ్‌ అధికారులు తెలిపారు. జిల్లాలో 141 మద్యం దుకాణాల గాను 83 మద్యం దుకాణాలు అయ్యాయని వీటి ద్వారా రూ. 3.901కోట్లు ఆదాయం వచ్చినట్లు తెలిపారు. కడప నగరంలో 22 మద్యం దుకాణాలకు గాను 19 రెన్యూవల్స్‌ అయ్యాయి.

● పాతాళానికి పడిపోయిన వైనం ● కొనడానికి ముందుకు రాని వ్యాపారులు ● ఆందోళనలో అన్నదాతలుకొండాపురం : అన్నదాతలు లక్షల రూపాయల అప్పు చేసి చీనీ సాగు చేశారు. ఏళ్లపాటు కంటికి రెప్పలా కాపాడుకున్నారు. ఈ ఏడాది దిగుబడులు ఆశాజనంగా ఉన్నా.. ధర పాతాళానికి పడిపోయింది. దసరా వేళ పెరుగుతుందని రైతులు ఆశగా ఎదురుచూస్తున్నారు. కొందరు పులివెందుల, అనంతపురం మార్కెట్లకు తీసుకెళ్తున్నారు. టన్ను ధర రూ.10 వేల నుంచి 18 వేల లోపు గ్రేడింగ్‌ ప్రకారం ధర నిర్ణయిస్తున్నారు. సాధారణంగా తోటల చుట్టూ తిరిగే వ్యాపారులు ఈ సారి కనిపించట్లేదు. దీంతో రైతులే వ్యాపారుల వద్దకు వెళ్తున్నారు. ఫోన్‌లు చేస్తున్నా వ్యాపారులు అందుబాటులోకి రావట్లేదని వారు వాపోతున్నారు. పంటను ఎలా అమ్ముకోవాలో దిక్కుతోచక అయోమయంలో పడ్డారు. దీనికితోడు ప్రస్తుతం వర్షాలు కురవక పోవడంతో కరువు ఛాయలు ఏర్పడ్డాయి. కొన్ని చోట్ల బోర్లలో నీళ్లు రాక అవస్థలు పడుతున్నారు. దీంతో అన్నదాతలు ఆందోళన చెందుతున్నారు. భారీగా పెట్టుబడి జిల్లాలోని కొండాపురం, సింహాద్రిపురం, లింగాల, ముద్దనూరు, తొండురు మండలాల్లో దాదాపు 75 వేల ఎకరాల్లో చీనీ సాగు చేశారు. జిల్లాలో నాలుగేళ్ల కిందట చీనీ పంటకు ఆశించిన ధరలు ఉంటుండటంతో.. వ్యాపారులు తోటల వద్దనే కాయలను కొనుగోలు చేసే వారు. ఈ ఏడాది చీనీ పంటకు ఎకరాకు లక్షకు పైగా అప్పు చేసి పెట్టుబడులు పెట్టారు. దిగుబడి ఆశాజనకంగా రావడంతో.. ధర బాగా పలికితే అప్పుల నుంచి బయట పడతామని రైతులు ఆశించారు. మార్కెట్‌లో ధర పతనం కావడంతో ఊహించని షాక్‌ తగిలింది. పది టన్నులకు రెండు టన్నుల సూట్‌తో చీనీ టన్ను ధర రూ.18 వేల లోపే పలుకుతోంది. గతంలో.. రెండు నెలల కిందట చీనీ ధర రూ.50 వేల నుంచి 70 వేల వరకు పలికింది. ఆ సమయంలో తోటల్లో చీనీ కాయలు లేక ధరలు పలికాయి. చీనీ కాయలు ఉన్న రైతులు అధిక ధరతో అమ్ముకున్నారు. చీనీ వ్యాపారులు అధికంగా వచ్చేవారు. తోటల చుట్టూ తిరిగే వారు. ప్రస్తుతం ఆ పరిస్థితి లేదు. తోటల్లో చీనీ దిగుబడి అధికంగా ఉండటంతో.. వ్యాపారుల చుట్టూ రైతులు తిరిగే పరిస్థితి తలెత్తింది. రోజురోజుకి చీనీ ధర పతనం అవుతుండడంతో.. కాయలు కోయడానికి సైతం వ్యాపారులు మొహం చాటేస్తున్నారు. దీంతో అన్నదాతలు కాయలు కొన్న వ్యాపారి కోసం పలుసార్లు ఫోన్‌ చేసినా స్పందించడం లేదు. గతంలో చీనీ కాయల కోసం తోటల వద్దకు వ్యాపారులు క్యూ కడితే.. ఈసారి వారి చుట్టూ తిరిగే పరిస్థితి ఏర్పడింది.

ఎస్పీ షెల్కే నచికేత్‌ విశ్వనాథ్‌కడప అర్బన్‌: జిల్లా పోలీస్‌ కార్యాలయంలో నిర్వహించిన ‘ప్రజా ఫిర్యాదుల పరిష్కార వేదిక – పీజీఆర్‌ఎస్‌’ కార్యక్రమంలో ఎస్పీ షెల్కే నచికేత్‌ విశ్వనాథ్‌ బాధితుల నుంచి ఫిర్యాదులను స్వీకరించారు. జిల్లా నలుమూలల నుంచి వచ్చిన వివిధ సమస్యలపై మొత్తం 146 ఫిర్యాదులు అందాయి. ప్రతి ఫిర్యాదును స్వయంగా పరిశీలించిన ఎస్పీ, సంబంధిత పోలీస్‌ అధికారులతో ఫోన్‌లో మాట్లాడి సమస్యల వివరాలను తెలుసుకున్నారు. ఫిర్యాదులపై చట్టపరమైన అంశాలను సమగ్రంగా పరిశీలించి, నిర్ణీత గడువులోగా నిష్పక్షపాతంగా విచారణ పూర్తి చేసి బాధితులకు న్యాయం జరిగేలా చర్యలు తీసుకోవాలని అధికారులను ఆదేశించారు. ప్రజలు తమ సమస్యలను పోలీస్‌ శాఖ దృష్టికి తీసుకురావాలని, చట్ట పరిధిలో పరిష్కరించగల ప్రతి ఫిర్యాదుపై తగిన చర్యలు తీసుకుంటామని ఎస్పీ భరోసా కల్పించారు. ఈ కార్యక్రమంలోఅడిషనల్‌ ఎస్పీ (అడ్మిన్‌)కె. ప్రకాష్‌ బాబు, స్పెషల్‌ బ్రాంచ్‌ డి.ఎస్పీ ఎన్‌. సుధాకర్‌, పలువురు పోలీస్‌ అధికారులు పాల్గొన్నారు.

● ఖరీఫ్‌ ముగుస్తున్నా సూక్ష్మసేద్యపరికరాలు అందించని సర్కారు ● ఆందోళన కలిగిస్తున్న దుర్భిక్షం.... సాగుపై తీవ్ర ప్రభావం ● జిల్లాలో 10600 హెక్టార్లకు కేవలం 376 హెక్టార్లకే డ్రిప్‌ సౌకర్యం కడప అగ్రికల్చర్‌: రైతుల సంక్షేమంపై సీఎం చంద్రబాబుకు చిత్తశుద్ధి ఉండదని మరోసారి రుజువైంది. ఖరీఫ్‌ ప్రారంభంలో పడిన అరకొర వానకు రైతులు అక్కడక్కడ పంటలు సాగు చేశారు. ఆపై వరుణుడు కరుణించకపోవడంతో పంటలు ఎండుముఖం పట్టాయి. అసలే వర్షాభావ పరిస్థితులు.. ఆపై బోర్లలో నీరు అడుగంటడంతో ఆరుతడి పంటను కాపాడుకునేందుకు రైతు తీవ్ర అవస్థలు పడుతున్నాడు. అదే సీజన్‌ ప్రారంభంలోనే రైతులకు కావాల్సిన బిందు, తుంపర సేద్య పరికరాలను అందించి ఉంటే పంటలను కాపాడుకునే వీలుండేది. కూటమి ప్రభుత్వం ఆ దిశగా ఆలోచించలేదు. కాగా జిల్లాలో ఈ ఖరీఫ్‌లో 56,867.50 ఎకరాల్లో(22747హెక్టార్లు) ఆరుతడి పంటలైన పత్తి, వేరుశనగ, మినుము, కంది, జొన్న, సజ్జ, మొక్కజొన్న పంటలను రైతులు సాగు చేశారు. తీవ్ర వర్షాభావ పరిస్థితుల నేపథ్యంలో ఇప్పటికే చాలా చోట్లు బోర్లలో నీరు తగ్గి సాగు చేసిన ఆరుతడి పంటలు వాడుముఖం పట్టాయి. ఇంకొన్ని చోట్లు బోర్లలో అరకొరగా నీరు వస్తున్నా ఎండల తీవ్రత దృష్ట్యా పంట పొలాలకు నీటి తడులను అందించడం కష్టతరంగా మారుతోందని రైతులు ఆందోళన వ్యక్తం చేస్తున్నారు. సకాలంలో సూక్ష్మ సేద్య పరికరాలు అందించి ఉంటే.. సూక్ష్మ సాగు పథకం కింద జిల్లావ్యాప్తంగా 2026–27 సంవత్సరానికి 10,600 హెక్టార్లలో బిందు, తుంపర సేద్యం పరికరాలు ఏర్పాటు చేయాలని ఏపీఎంఐపీ లక్ష్యంగా నిర్ణయించింది. ఖరీఫ్‌ సీజన్‌ ముగిసినా ఇప్పటికి కేవలం జిల్లాలో 376 హెక్టార్లలో మాత్రమే బిందు, తుంపర సేద్య పరికరాలను ఏర్పాటు చేశారు. కనీసం రబీ సీజన్‌కై నా బిందు, తుంపర పరిరకాలను ఏర్పాటు చేసి పంటలసాగుకు సహకరించాలని అన్నదాతలు వేడుకుంటున్నారు. డ్రిప్‌ కోసం పోటాపోటీ తక్కువ నీటి ఖర్చుతో అధిక విస్తీర్ణంలో పంటలు సాగు చేసేందుకు రైతులు ఆసక్తి చూపుతున్నారు. దీనికి బిందు, తుంపర పరికరాలు రైతులకు చాలా అవసరం. ప్రభుత్వం వీటిని 90శాతం రాయితీతో రైతులకు అందిస్తోంది. ఏటా రైతులు వీటిని మంజూరు చేయించుకునేందుకు వేల సంఖ్యలో దరఖాస్తులు చేసుకుంటారు. బిందు, తుంపర నీటి పరికరాల కోసం జిల్లాలో ఈ ఏడాది 8718 మంది రైతులు 10906 హెక్టార్లకు ఆన్‌ లైన్‌ ద్వారా తమ దరఖాస్తులను రిజిస్ట్రేషన్‌ చేసుకున్నారు. వీరిలో 4740 మంది రైతులకు సంబంధించి ప్రాథమిక సర్వే పూర్తి చేశారు. వీరిలో పథకం లబ్ధి పొందేందుకు 10శాతం వాటా సొమ్మును 2393 మంది రైతులు డీడీలు చెల్లించారు. వీరిలో 2105 మంది రైతులకు సంబంధించి 2510 హెక్టార్లకు బిందు, తుంపర సేద్య పరికరాల ఏర్పాటుకు కలెక్టర్‌ నుంచి పరిపాలన ఉత్తర్వులు పొందారు. వీరిలో ఇప్పటి వరకు కేవలం 376 మంది రైతులకే బిందు, తుంపర సేద్య పరకరాలను ఏర్పాటు చేశారు. ఎల్‌నినో ప్రభావంతో ఈ ఏడాది వర్షాభావ పరిస్థితులు, భూగర్భజలాలపై ఆందోళనతో బిందు, తుంపర సేద్య పరికరాల ఏర్పాటుకు రైతులు అంతగా అసక్తి చూపలేదు. దీనికితోడు కొన్ని కంపెనీలకు పరికరాల ఏర్పాటుకు అనుమతులు రాకపోవడంతో కొంత ఆలస్యం జరిగింది. ప్రస్తుతం సూక్ష్మనీటి సేద్యం పరికరాల కోసం దరఖాస్తు చేసుకుని ఎంపిక చేసిన రైతులకు బిందు, తుంపర సేద్య పరికరాలను ఏర్పాటు చేస్తున్నాం. వీలైనంత త్వరగా పథకానికి ఎంపికై న ప్రతి రైతుకు సూక్ష్మనీటి పరికరాలను అందిస్తాం. – బి.వి. రమణ, పీడీ, ఏపీఎంఐపీ

మైదుకూరు : పాలిటెక్నిక్‌ కాలేజీ విద్యార్థులకు ఈనెలాఖరు నాటికి వసతి కల్పించాలని.. ఈ మేరకు నూతన భవనాలను త్వరగా పూర్తి చేయాలని డీఈఓ షంషుద్దీన్‌ సంబంధిత అధికారులను ఆదేశించారు. నాడు–నేడు రెండో విడత నిధులు రూ.39లక్షలు మిగలడంతో ఆ నిధులతో పాలిటెక్నిక్‌ విద్యార్థుల కోసం భవన నిర్మాణాలు చేపట్టారు. ఈ మేరకు పాలిటెక్నిక్‌ కళాశాల కోసం స్థానిక జెడ్పీ గర్ల్స్‌ హైస్కూల్‌లో నిర్మాణం జరుగుతున్న భవనాలను ఆయన పరిశీలించారు. ఈసందర్భంగా ఏపీ రవీంద్రతో మాట్లాడి పలు సూచనలు చేశారు. గర్ల్స్‌ హైస్కూల్‌ పిల్లలకు రాగి జావ సక్రమంగా పెట్టడం లేదని వచ్చిన ఆరోపణలపై పూర్వ వంట ఏజెన్సీ నిర్వాహకురాలు లక్ష్మీదేవిని డీఈఓ విచారించారు. అనారోగ్యంతో ఒక రోజు బాయ్స్‌ హైస్కూల్‌లో తయారు చేయించి పిల్లలకు పెట్టినట్టు ఆమె వివరణ ఇచ్చారు. డీఈఓ వెంట డిప్యూటీ డీఈఓ రాజగోపాల్‌రెడ్డి, మున్సిపల్‌ ఏఈ నిరంజన్‌ రెడ్డి, ఎంఈఓ పద్మలత తదితరులు ఉన్నారు. విద్యార్థికి అభినందన.. ఢిల్లీలో జరిగిన అఖిల భారత సైనిక్‌ శిక్షణలో షూటింగ్‌ పోటీల్లో వెండి పతకం సాధించిన బాయ్స్‌ హైస్కూల్‌ ఎన్‌సీసీ విద్యార్థి హసన్‌ బాషాతో పాటు అతని తల్లిదండ్రులను డీఈఓ షంషుద్దీన్‌ అభినందించారు.

కడప సెవెన్‌రోడ్స్‌ : ప్రజా సమస్యల పరిష్కార వేదిక కార్యక్రమంలో వచ్చే అర్జీల పరిష్కారం నాణ్యత, పారదర్శకతతో పాటు ప్రజల్లో సంతృప్తి స్థాయి పెంపొందించేలా ఉండాలని కలెక్టర్‌ శ్రీధర్‌ చెరుకూరి అధికారులను ఆదేశించారు. సోమవారం కలెక్టరేట్‌ సభాభవన్‌లో నిర్వహించిన ప్రజా సమస్యల పరిష్కార వేదిక (పీజీఆర్‌ఎస్‌) కార్యక్రమంలో జేసీ నిధి మీనాతో కలిసి ప్రజల నుంచి నేరుగా వినతిపత్రాలు స్వీకరించి, వీటి పరిష్కారానికి తక్షణమే చర్యలు తీసుకోవాలని సంబంధిత అధికారులను ఆదేశించారు. అనంతరం పీజీఆర్‌ఎస్‌ ద్వారా అందిన ఫిర్యాదుల పరిష్కారంలో పెండెన్సీపై అధికారులతో కలెక్టర్‌ సమీక్షించారు. ప్రజల నుంచి అందిన ప్రతి అర్జీని క్షేత్రస్థాయిలో పరిశీలించి వాస్తవ పరిస్థితులను తెలుసుకున్న తర్వాతే జాప్యానికి తావులేకుండా తగిన పరిష్కారం చూపాలని సూచించారు. అలా పరిష్కరించినప్పుడే ప్రజల్లో అర్జీల పరిష్కారంపై నమ్మకం కలుగుతుందన్నారు. పీజీఆర్‌ఎస్‌ అర్జీల పరిష్కారంలో అన్ని శాఖలు సమన్వయంతో పనిచేయాలన్నారు. ప్రజల్లో పీజీఆర్‌ఎస్‌ ద్వారా పరిష్కరించిన ఫిర్యాదులపై ప్రజల అభిప్రాయం ప్రభుత్వానికి ఎంతో ముఖ్యమని పేర్కొంటూ, అన్ని ప్రభుత్వ కార్యాలయాల్లో పీజీఆర్‌ఎస్‌ ఫీడ్‌బ్యాక్‌ క్యూఆర్‌ కోడ్‌లను తప్పనిసరిగా ప్రదర్శించాలని ఆదేశించారు. డీఆర్వో మల్లికార్జునుడు, జెడ్పీ సీఈవో సుబ్రహ్మణ్యం, డిప్యూటీ కలెక్టర్లు రంగస్వామి, జాన్‌ ఇర్విన్‌, సమగ్ర శిక్ష ఏపీసీ అనురాధ, డీఆర్‌డీఏ పీడీ రాజ్యలక్ష్మి, జిల్లా సహకార శాఖాధికారి వెంకట సుబ్బయ్య, జిల్లా ఉపాది కల్పనాధికారి సురేష్‌ కుమార్‌, జిల్లా స్థాయి అధికారులు పాల్గొన్నారు.

కడప సెవెన్‌రోడ్స్‌ : స్థానిక కలెక్టరేట్‌లోని సభా భవన్‌లో మహాకవి గురజాడ వెంకట అప్పారావు జయంతిని సోమవారం ఘనంగా నిర్వహించారు. జిల్లా రెవెన్యూ అధికారి మల్లికార్జునుడు జ్యోతి ప్రజ్వలన చేసి, గురజాడ వెంకట అప్పారావు చిత్రపటానికి పూలమాల వేసి ఘనంగా నివాళులు అర్పించారు. ఈ సందర్భంగా ఆయన మాట్లాడుతూ తెలుగు సాహిత్యానికి గురజాడ అప్పారావు చేసిన సేవలు చిరస్మరణీయమని తెలిపారు. గురజాడ సాహిత్యం.. సమాజానికి స్ఫూర్తిదాయకమని పేర్కొన్నారు. ఈ కార్యక్రమంలో జిల్లా పరిషత్‌ సీఈఓ సుబ్రహ్మణ్యం, డీఆర్డీఏ పీడీ రాజ్యలక్ష్మి, జిల్లా ఉపాధి కల్పన శాఖాధికారి సురేష్‌ కుమార్‌, జిల్లా సహకార శాఖాధికారి వెంకట సుబ్బయ్య, స్టెప్‌ సీఈఓ బీవీ ప్రసాద్‌, జిల్లా స్వర్ణ గ్రామ, స్వర్ణ వార్డు అధికారి ప్రతాప్‌రెడ్డి, వివిధ శాఖల జిల్లా అధికారులు, సిబ్బంది తదితరులు పాల్గొన్నారు. జిల్లా పోలీస్‌ కార్యాలయంలో.. కడప అర్బన్‌ : వైఎస్‌ఆర్‌ కడప జిల్లా ఎస్‌.పి షెల్కే నచికేత్‌ విశ్వనాథ్‌ ఆదేశాల మేరకు జిల్లా పోలీస్‌ కార్యాలయంలో గురజాడ అప్పారావు చిత్రపటానికి అడిషనల్‌ ఎస్పీ(అడ్మిన్‌) కె.ప్రకాష్‌ బాబు పూలమాల వేసి నివాళులర్పించారు. ఈ కార్యక్రమంలో స్పెషల్‌ బ్రాంచ్‌ డి.ఎస్‌.పి ఎన్‌.సుధాకర్‌, ఆర్‌ఐలు సోమశేఖర్‌ నాయక్‌, పెద్దయ్య, టైటస్‌, ఆర్‌ఎస్‌ఐలు వెంకటేశ్వర్లు, పావని, పోలీస్‌ సిబ్బంది పాల్గొన్నారు. పోలీసుల అదుపులో ఎర్రచందనం స్మగ్లర్లు సాక్షి టాస్క్‌ఫోర్స్‌ : వైఎస్‌ఆర్‌ కడప జిల్లా పోలీసు యంత్రాంగం ఆధ్వర్యంలో ఎర్రచందనం అక్రమ రవాణా నియంత్రణలో భాగంగా.. పోలీసులు జరిపిన విస్తృత దాడుల్లో ప్రత్యేక బృందం దాదాపు 9 మంది పేరుమోసిన స్మగ్లర్లను అదుపులోకి తీసుకున్నారు. వారిని ప్రత్యేకంగా ఓ ప్రదేశంలో వుంచి విచారణ చేస్తున్నారు. వీరందరినీ జడ్చర్ల ప్రాంతంలో విచారణ చేసినట్లు సమాచారం. వీరిలో ప్రధాన ఎర్రచందనం స్మగ్లర్‌, ఇటీవల కాలం వరకు పీడీయాక్ట్‌లో వుండిన జాకీర్‌దే కీలకపాత్ర అని పోలీసుల విచారణలో తేలింది. జాకీర్‌ దగ్గరి బంధువు నాగదస్తగిరిరెడ్డి కూడా గతంలో పిడియాక్ట్‌లో శిక్షను అనుభవించి వెళ్లారు. పోలీసుల అదుపులో వున్న 9 మందిలో ఇద్దరిని తప్పించేందుకు నాగదస్తగిరిరెడ్డి తమ వంతుగా ‘అన్ని విధాలు’గా ప్రయత్నిస్తున్నట్లు సమాచారం. మరోవైపు ప్రత్యేక ప్రదేశంలో వుంచి విచారణ చేస్తున్న వీరిని సోమవారం జిల్లా పోలీస్‌బాస్‌ స్వయంగా వచ్చి విచారించినట్లు సమాచారం. వీరి నుంచి ఇప్పటి వరకు దాదాపు టన్ను మేరకు ఎర్రచందనం దుంగలను స్వాధీనం చేసుకున్నట్లు సమాచారం. ఇంకా లోతుగా విచారణ చేసి త్వరలో వీరిని అరెస్ట్‌ చేసి, మీడియా ముందు హాజరుపర్చనున్నట్లు తెలిసింది.

● టీడీపీ నేతల అండతో చెలరేగుతున్న వైనం ● అడ్డుకున్న ఓ వర్గం ● చోద్యం చూస్తున్న అధికారులుబి.కోడూరు : మండలంలోని అంకనగొడుగునూరు గ్రామంలో టీడీపీ నాయకుల అండదండలతో ఓ వర్గం వారు సర్వే నంబర్‌ 138/2లో ఉన్న సుమారు 1.60 ఎకరాల ప్రభుత్వ భూమిని జేసీబీలతో కంప చెట్లను తొలగించి ఆక్రమించే ప్రయత్నం చేశారు. దీంతో అదే గ్రామానికి చెందిన మరో వర్గం వారు ఆ ప్రభుత్వ భూమిలో తమకూ హక్కుందని, సుమారు 30 సంవత్సరాల క్రితం డీ పట్టా ఇచ్చి ఉన్నారని, అంతేకాకుండా 2016లో జరిగిన స్థల వివాద విషయమై కోర్టులో దావా నడుస్తోందని వారు ఆరోపిస్తూ ఆక్రమణను అడ్డుకున్నారు. దీంతో ఇరువర్గాల మధ్య స్వల్ప ఘర్షణ చోటు చేసుకుంది. ఈ విషయమై స్థానికులు మండల తహసీల్దారుకు ఫోన్‌లో విషయం తెలిపినా.. సకాలంలో స్పందించకపోవడంతో కొద్దిసేపు ఉద్రిక్త వాతావరణం నెలకొంది. ఆక్రమణ జరుగుతున్నా పోలీసులు చోద్యం చూస్తూ అధికార పార్టీ వర్గానికి వత్తాసు పలికినట్లు ఓ వర్గం వారు ఆరోపిస్తున్నారు. 2016లో ఈ స్థలం విషయమై ఇరువర్గాల మధ్య ఘర్షణ జరిగి కేసులు కూడా నమోదయ్యాయి. అప్పట్లో గ్రామస్తుల ఫిర్యాదు మేరకు రెవెన్యూ అధికారులు ఆ స్థలాన్ని సర్వే చేసి ఆ సర్వే నంబరులో ఎవరికీ హక్కులు లేవని ప్రభుత్వానిదే అంటూ హెచ్చరిక బోర్డును సైతం ఏర్పాటు చేశారు. కానీ ప్రస్తుతం హెచ్చరిక బోర్డును సైతం లెక్క చేయకుండా ఆక్రమించేందుకు ప్రయత్నం చేస్తున్నారు. మండలంలో రోజురోజుకు అధికార పార్టీ నాయకుల ఆగడాలు అంతకంతకు పెరుగుతున్నాయి. ప్రభుత్వ స్థలాలు, భూములను ఆక్రమించేసుకుంటూ పేదల కడుపు కొడుతున్నారని పలువురు ఆరోపిస్తున్నారు. ఇది ఇలాగే కొనసాగితే మండలంలో పేద, బడుగు, బలహీన వర్గాల ప్రజలు బతికి బట్టకట్టలేరని, ఉన్నతాధికారులు స్పందించి ఆక్రమణపై తగు చర్యలు తీసుకోవాలని గ్రామస్తులు కోరుతున్నారు. ఈ విషయమై మండల డిప్యూటీ తహసీల్దారు మధునాయక్‌ను వివరణ కోరగా ఆక్రమణ విషయమై మండల తహసీల్దారుకు సమాచారం అందిన వెంటనే స్థానిక వీఆర్‌ఓ, వీఆర్‌ఏలను సంఘటన స్థలానికి పంపి పనులను నిలుపుదల చేశామని, మంగళవారం రెవెన్యూ సిబ్బందితో కలిసి స్థలాన్ని పరిశీలించి కొలతలు వేయించి స్థలంలో హెచ్చరిక బోర్డును ఏర్పాటు చేస్తామన్నారు.

● యువకుడి తల్లిదండ్రులు, పోలీసుల వేధింపులే కారణం ● బాధితురాలి తల్లిదండ్రుల ఆరోపణకడప అర్బన్‌ : కడప నగరంలోని వన్‌టౌన్‌ పోలీస్‌ స్టేషన్‌ పరిధిలోని ఎర్రముక్కపల్లెలో నివాసం ఉంటున్న దేవతల కళ్యాణి (22) అనే యువతి తీవ్ర మానసిక ఆవేదనతో సోమవారం సాయంత్రం డెటాయిల్‌ అనే ద్రావణాన్ని తాగి ఆత్మహత్యాయత్నానికి పాల్పడింది. విశ్వసనీయ సమాచారం మేరకు, బాధితురాలి తల్లిదండ్రులు శశి, అనిల్‌కుమార్‌లు తెలిపిన కథనం మేరకు వివరాలు ఇలా ఉన్నాయి. ఎర్రముక్కపల్లె కంది పాలెం ప్రాంతానికి చెందిన 19 డివిజన్‌ టీడీపీ ఇన్‌ఛార్జ్‌ దారా రంజిత్‌ కుమార్‌ కుమారుడు సంజయ్‌తో కళ్యాణికి పరిచయం ఏర్పడింది. ఇద్దరూ ప్రేమలో ఉండగా వారి పెద్దలు అంగీకరించలేరు. కళ్యాణి ప్రస్తుతం ఎయిర్‌ పోర్టులో ఉద్యోగం చేస్తోంది. కళ్యాణి, సంజయ్‌ మధ్య మనస్పర్థలు ఏర్పడ్డాయో, లేక వీరి వివాహానికి వయోపరిమితి అడ్డమొస్తుందో, లేక ఇతరత్రా కారణాలతోనో పెద్దలు అంగీకరించలేదు. ఈ క్రమంలో అధికార పార్టీ నేతల అండదండలతో కళ్యాణిని, కుటుంబ సభ్యులను పోలీస్‌ స్టేషన్‌కు ఈనెల 18న పోలీసులు పిలిపించారు. ఈ క్రమంలో కౌన్సెలింగ్‌ నిర్వహించారు. ఈ కౌన్సెలింగ్‌లో తమ కుమార్తెను పోలీసులు అవమానకరంగా మాట్లాడాలని బాధితురాలి తల్లిదండ్రులు ఆరోపించారు. రంజిత్‌ కుమార్‌ కుటుంబ సభ్యులు, పోలీసుల అవమానకర మాటలతోనే తమ కుమార్తె డెటాల్‌ తాగి ఆత్మహత్యాయత్నానికి పాల్పడిందని వారు మీడియాకు తెలియజేశారు. ఈ విషయమై కడప ఒన్‌టౌన్‌ ఎస్‌ఐ ప్రదీప్‌ కుమార్‌ను వివరణ కోరగా తాము కేవలం కౌన్సెలింగ్‌ నిర్వహించామని, ఇద్దరి భవిష్యత్తు దృష్ట్యా బాగా వుండాలని మంచిమాటలు చెప్పామని, ఎలాంటి అవమానకర మాటలు మాట్లాడలేదని వివరణ ఇచ్చారు.

మైదుకూరు : మైదుకూరు మండలం వనిపెంట జెడ్పీ హైస్కూల్‌లో ఉపాధ్యాయుడి సంఘటన మరువక ముందే సోమవారం 9వ తరగతి విద్యార్థుల మధ్య ఘర్షణ జరిగింది. పొన్నోలు సుమంత్‌ అనే విద్యార్థిని కార్తీక్‌, చైతన్య, మరికొందరు మీద పడి చేతులతో కొట్టినట్టు తెలుస్తోంది. అనంతరం సుమంత్‌ను వారు తోయడంతో డెస్క్‌కు నుదురు కొట్టుకోగా గాయమైనట్టు సమాచారం. విద్యార్థులు కొట్టుకుంటున్న విషయం గమనించిన హెడ్మాస్టర్‌ గురవయ్య వారిని మందలించకపోవడం విమర్శలకు దారి తీస్తోంది. ఇదే విద్యార్థులు సుమంత్‌పై గతంలో రెండు సార్లు దాడి చేసినట్టు తెలుస్తోంది. గాయపడిన సుమంత్‌ను ఉపాధ్యాయులు స్థానిక పీహెచ్‌సీకి తీసుకుపోగా అక్కడ ప్రాథమిక చికిత్స చేశారు. నుదుటిపై గాయం నొప్పిగా ఉందని సుమంత్‌ చెప్పడంతో అతన్ని ప్రొద్దుటూరు ఏరియా ఆస్పత్రికి తీసుకెళ్లారు. ఈ విషయమై హెడ్‌మాస్టర్‌ గురవయ్యనున వివరణ కోరగా పిల్లలు మధ్యాహ్నం రెండవ పిరియడ్‌ సమయంలో తమాషా పడుతూ ఒకరినొకరు తోసుకున్నారని, ఆ సమయంలో సుమంత్‌ డెస్క్‌పై పడటంతో గాయం అయిందన్నారు. సంఘటన ఉదయం 10 గంటలకు జరిగిందని విద్యార్థులు చెబుతుండగా హెడ్మాస్టర్‌ మధ్యాహ్నం జరిగినట్టు చెబుతున్నారు.

కడప అర్బన్‌ : కడప నగరంలోని ఇండస్ట్రియల్‌ ఎస్టేట్‌లో ఐఓసీఎల్‌ ఎదురుగా ఉన్న తమ స్టాక్‌ పాయింట్‌లో స్క్రాబ్‌ రాగి మెటీరియల్‌ను దొంగలించుకుని వెళ్లినట్లు మూల సురేంద్ర ఈనెల 19న పోలీసులకు ఫిర్యాదు చేశారు. ఈ మేరకు సీఐ రాజగోపాల్‌ ఆధ్వర్యంలో కేసు నమోదు చేసి దర్యాప్తు ప్రారంభించారు. ఈ క్రమంలో సోమవారం కడప నగరం చలమారెడ్డిపల్లి సమీపంలోని కాశినాయన గుడి వద్ద షేక్‌ పీరును అరెస్ట్‌ చేశారు. అతని వద్ద నుంచి రూ.2 లక్షల విలువైన రాగి మెటీరియల్‌ను స్వాధీనం చేసుకున్నారు. నిందితుడిని న్యాయస్థానంలో హాజరు పరచి రిమాండ్‌కు తరలించారు. ఈ కేసులో నిందితుడిని అరెస్ట్‌ చేయడంలో కృషి చేసిన ఎస్‌ఐలు లక్ష్మీనారాయణ, చంద్రమోహన్‌, సిబ్బందిని సీఐ అభినందించారు.

కడప ఎడ్యుకేషన్‌: కడప వైఎస్సార్‌ స్టేడియంలో ఆదివారం నిర్వహించిన ఇండియా ఓపెన్‌ ప్రైజ్‌ మనీ చెస్‌ పోటీలలో కడప ప్రభుత్వ ఉన్నత పాఠశాలలో పదో తరగతి చదువుతున్న మేడ సుబ్బు దివ్యాంగుల విభాగంలో ప్రతిభ చాటి జిల్లాలో ప్రథమ స్థానంలో నిలిచాడు. ఈ సందర్భంగా విజేత సుబ్బుకు నిర్వాహకులు రూ.2,000 నగదు బహుమతితో పాటు మెడల్‌, సర్టిఫికెట్‌ అందజేశారు. విద్యార్థి సుబ్బును పాఠశాల ప్రధానోపాధ్యాయులు తుపాకుల మురళి, ఉపాధ్యాయులు సోమవారం పాఠశాలలో అభినందించారు. సుబ్బు భవిష్యత్తులో మరెన్నో అవార్డులు సాధించి పాఠశాలకు మంచి పేరు తీసుకురావాలని ఆకాంక్షించారు. ఈ కార్యక్రమంలో పాఠశాల ఉపాధ్యాయులు నరసింహులు, వేపరాల ఇమ్మానుయేల్‌ ఎబినేజర్‌ వెంకటరమణ, సరస్వతి, ఆకుల రాజా, శ్రీనివాసులు తదితరులు పాల్గొన్నారు.

బద్వేలు అర్బన్‌ : బద్వేలు నియోజకవర్గ తెలుగుదేశం పార్టీలో అసమ్మతి సెగలు తారాస్థాయికి చేరాయి. తెలుగుదేశం పార్టీలో ఎన్నో ఏళ్లుగా ఉంటున్న నాయకులను, కార్యకర్తలను ఆ పార్టీ బద్వేలు నియోజకవర్గ కొత్త బాస్‌ దూరం పెట్టడంతో పాటు కొందరిపై కక్ష సాఽధింపు చర్యలకు పాల్పడుతుండటాన్ని ఆ పార్టీ సీనియర్‌ నేతలు తీవ్రంగా వ్యతిరేకిస్తున్నారు. ఈ మేరకు సోమవారం పట్టణంలోని టీడీపీ సీనియర్‌ నాయకులు ఏపీఐఐసీ డైరెక్టర్‌ వర్ధిపోయినప్రసాద్‌రెడ్డి కార్యాలయంలో నియోజకవర్గస్థాయి సూర్యనారాయణరెడ్డి వ్యతిరేక వర్గం సమావేశం నిర్వహించింది. సీనియర్లను విస్మరిస్తున్నారని ఆవేదన తెలుగుదేశం పార్టీ ఆవిర్భావం నుంచి పార్టీలో పనిచేస్తున్న సీనియర్‌ నాయకులను టీడీపీ నియోజకవర్గ ఇన్‌ఛార్జి సూర్యనారాయణరెడ్డి విస్మరిస్తూ ఇటీవల పార్టీలో చేరిన వారికి పెద్దపీట వేస్తున్నారని సమావేశంలో కొందరు సీనియర్‌ నాయకులు ఆవేదన వ్యక్తం చేసినట్లు తెలిసింది. అంతేకాకుండా గతంలో ఉన్న మండల కమిటీలు, క్లస్టర్‌ ఇన్‌ఛార్జిలకు సమాచారం ఇవ్వకుండా ఏకపక్ష నిర్ణయాలు తీసుకుని ఇతర పార్టీల వారిని టీడీపీలోకి చేర్చుకోవడం, స్థానిక నేతలకు సమాచారం లేకుండానే అభివృద్ధి కార్యక్రమాల్లో పాల్గొంటుండటం వంటి అంశాలపై సమావేశంలో తీవ్రస్థాయిలో చర్చించినట్లు సమాచారం. 5 రోజుల్లో భారీ సమావేశం బద్వేలు నియోజకవర్గ కొత్త ఇన్‌ఛార్జి సూర్యనారాయణరెడ్డి అవలంబిస్తున్న ఏకపక్ష విధానాలు, కక్ష సాధింపు చర్యలపై అధిష్టానం దృష్టికి తీసుకెళ్లే క్రమంలో ఈ నెల 26 లేదా 27న కార్యకర్తల ఆవేదన సభ పేరుతో బద్వేలులో పది వేల మందితో నియోజకవర్గస్థాయి భారీ సమావేశం నిర్వహించాలని నిర్ణయించినట్లు తెలిసింది. ఆ సభలో భవిష్యత్‌ కార్యాచరణ రూపొందించాలని సమావేశంలో తీర్మానించినట్లు తెలిసింది. తెలుగుదేశం పార్టీకి కార్యకర్తలే వెన్నెముక అని పార్టీ అధినేత ప్రతి సందర్భంలో చెబుతున్నా బద్వేలులో మాత్రం సొంత పార్టీ కార్యకర్తలనే ఇబ్బందులకు గురిచేస్తున్నారని, కార్యకర్తలను విస్మరిస్తే పార్టీకి భవిష్యత్తు ఉండదనే విషయాన్ని అధిష్టానం గుర్తించేలా సమావేశం నిర్వహించాలని సమావేశానికి హాజరైన పార్టీ సీనియర్‌ నాయకులు స్పష్టం చేసినట్లు సమాచారం. బద్వేలు టీడీపీలో భగ్గుమన్న అసమ్మతి జ్వాల సూర్యనారాయణరెడ్డి వ్యతిరేక వర్గం సమావేశం భవిష్యత్‌ కార్యాచరణ ప్రకటించాలని నిర్ణయం

కడప కార్పొరేషన్‌ : పోలీస్‌ రిక్రూట్‌మెంట్‌పై తాను వ్యక్తిగతంగా ఎవరిపై నిందారోపణలు చేయలేదని వైఎస్సార్‌సీపీ కడప జిల్లా అధికార ప్రతినిధి పి.జయచంద్రారెడ్డి తెలిపారు. ఈ నెల 14వ తేదీ ఆయన పెట్టిన ప్రెస్‌మీట్‌పై పోలీసులు ఆధారాలు చూపాలని నోటీసులు జారీ చేసిన నేపథ్యంలో సోమవారం సాయంత్రం ఆయన వాటికి రాతమూలకంగా సమాధానం ఇచ్చారు. ప్రసార మాధ్యమాల్లో వచ్చిన సమాచారం మేరకు తాను ప్రెస్‌మీట్‌ పెట్టానని, అందులో అభ్యర్థుల అనుమానాలు నివృత్తి చేయమని కోరానే తప్ప ఎవరిపైనా ఆరోపణలు చేయలేదన్నారు. తాను మాట్లాడిన మాటలన్నీ అభ్యర్థులు అడిగిన ప్రశ్నలుగానే భావించాలని, ప్రభుత్వం వాటికి సమాధానం చెప్పాల్సిన అవసరముందని తెలిపారు. యువకుడి అదృశ్యంపులివెందుల రూరల్‌ : మున్సిపాలిటీ పరిధిలోని బ్రాహ్మణపల్లి గ్రామానికి చెందిన నారాయణస్వామి, అంజనమ్మ కుమారుడు దినేష్‌ ఈనెల 19వ తేదీ నుంచి కనిపించడం లేదని తల్లిదండ్రులు సోమవారం పులివెందుల అర్బన్‌ పోలీస్‌స్టేషన్లో ఫిర్యాదు చేశాడు. దినేష్‌ ఇంటర్‌ పూర్తి చేసి బీటెక్‌ వెళ్లాల్సి ఉంది. ఈ నేపథ్యంలో ఇంటి నుంచి వెళ్లిపోయాడని తల్లిదండ్రులు పోలీసులకు ఫిర్యాదు చేశారు. ఈ మేరకు కేసు నమోదు చేసి దర్యాప్తు చేస్తున్నట్లు పోలీసులు తెలిపారు. పట్టపగలే చోరీ కొండాపురం : గుర్తుతెలియని వ్యక్తులు పట్టపగలు ఇంట్లోకి చొరపడి రూ. 4 లక్షల విలువ గల బంగారం వస్తువులు చోరీ చేసిన ఘటన కొండాపురం మండల పరిధిలోని ఎస్‌.తిమ్మాపురం గ్రామంలో సోమవారం ఉదయం చోటు చేసుకుంది. ఆ ఇంటికి కొండాపురం సీఐ రాజా, ఇన్‌చార్జి ఎస్‌ఐ మంజునాథ, ఏఎస్‌ఐ హాజి బాషా చేరుకుని పరిశీలించారు. ఏఎస్‌ఐ తెలిపిన మేరకు వివరాలు ఇలా ఉన్నాయి. ఎస్‌.తిమ్మాపురం గ్రామంలోని ఎస్సీ కాలనీకి చెందిన పెద్దన్న ఇంటిలో ఎవరూ లేని సమయంలో పట్టపగలే దొంగతనం జరిగింది. సోమవారం ఉదయం పెద్దన్న కుటుంబ సభ్యులతో కలిసి తోటకు వెళ్లారు. తాళం చెవ్వు ఇంటి బయట మంచంలో ఉన్న పరుపు కింద పెట్టి వెళ్లారు. తిరిగి మధ్యాహ్నం 2 గంటల సమయంలో ఇంటికి వచ్చారు. ఇంటిలోని బీరువా తెరిచి ఉండటంతో దొంగతనం జరిగిన సంఘటనను పోలీసులకు తెలిపారు. బీరువాలోని హారం, చైన్‌, కమ్మలు కలిపి ఆరు తులాల బంగారంతోపాటు నగదు రూ. 25 వేలు గుర్తు తెలియని వ్యక్తులు ఎత్తుకెళ్లారు. ఈ ఘటనపై కేసు నమోదు చేసి దర్యాప్తు చేపడుతున్నట్లు ఏఎస్‌ఐ తెలిపారు. వీఆర్‌కు హెడ్‌కానిస్టేబుల్‌ ఖాజీపేట : ఖాజీపేటలో హెడ్‌కానిస్టేబుల్‌గా పని చేస్తున్న రామగోవిందును వీఆర్‌కు పంపినట్లు సీఐ వంశీధర్‌ తెలిపారు. విధి నిర్వహణలో నిర్లక్ష్యం వహించడం, అలాగే డ్యూటీ సక్రమంగా చేయక పోవడం వంటి అంశాలను పరిగణనలోకి తీసుకుని వీఆర్‌కు పంపినట్లు ఆయన పేర్కొన్నారు.

కడప అగ్రికల్చర్‌ : జిల్లాలో గత రెండు రోజుల నుంచి తొలకరి వర్షాలు పడుతున్నాయని, దీంతో రైతులు సాగు ఆశలు చిగురిస్తున్నాయని, ఈ నేపథ్యంలో ప్రభుత్వం రైతులకు విత్తనాలు, ఎరువులను సబ్సిడీతో అందించి ఆదుకోవాలని వైఎస్సార్‌సీపీ రైతు విభాగం జిల్లా అధ్యక్షుడు సంబటూరు ప్రసాద్‌రెడ్డి కోరారు. సోమవారం కడపలో ఆయన రైతు రాష్ట్ర కార్యదర్శి శంకర్‌రెడ్డి, చెన్నూరు ఎంపీపీ సురేష్‌యాదవ్‌, వైఎస్సార్‌సీపీ నాయకులు చెన్నకేశవరెడ్డి, కొండారెడ్డిలతో కలిసి మాట్లాడారు. ప్రభుత్వం ఇప్పుడైనా కనీసం రైతులపై దృష్టి పెట్టి ఎలాంటి నిబంధనలు లేకుండా 90 శాతం సబ్సిడీతో మినుములు, పెసలు, వెరుశనగక్కాయలతోపాటు 50 శాతం సబ్సిడీతో ఎరువులను ఇవ్వాలని డిమాండ్‌ చేశారు. ఖరీఫ్‌ పూర్తిగా కరువుతో ముగిసిందని, ఆ నష్టాన్ని పూడ్చేందుకు ప్రతి ఎకరాకు 20 వేల చొప్పున రైతులకు అందించి ఆదుకోవాలన్నారు. అలాగే బ్యాంకుల్లో రుణాలను మాఫీ చేసి కొత్త రుణాలను మంజూరు చేయాలన్నారు. మొదటి సంవత్సరం ఎత్తి వేసిన అన్నదాత సుఖీభవను కేంద్రంతో సంబంధం లేకుండా వెంటనే రూ.20 వేలు రైతులకు ఇవ్వాలన్నారు. అలాగే కూటమి అధికారంలోకి వచ్చాక పెండింగ్‌లో ఉన్న పంటల బీమా, పెట్టుబడి రాయితీ, సున్నావడ్డీ బకాయిలను కూడా రైతుల ఖాతాలకు జమ చేయాలని డిమాండ్‌ చేశారు. అలాగే కేంద్రంలో పలుకుబడి ఉపయోగించి జిల్లాకు ప్రత్యేక కరువు ఫ్యాకేజీ తీసుకు వచ్చి రైతులను అదుకోవాలన్నారు. అప్పుడే కూటమికి రైతుల పట్ల నిజమైన ప్రేమ ఉన్నట్లు నిరూపణ అవుతుందన్నారు.వైఎస్సార్‌సీపీ రైతు విభాగం జిల్లా అధ్యక్షుడు సంబటూరు ప్రసాద్‌రెడ్డి

రాజంపేట : నియోజకవర్గ కేంద్రమైన రాజంపేటలో సిలిండర్ల దొంగలు పడ్డారు. దీంతో పట్టణ వాసులు ఆందోళనకు గురవుతున్నారు. తాజాగా సోమవారం కూడా ఓ ఇంటిలో సిలిండర్‌ చోరీ చేశారు. దీంతో సిలిండర్ల దొంగలు పడటం ఏమిటి అని పలువురిని ఆరా తీశారు. ఒక్కొక్కరిగా సిలిండర్ల దొంగల బాధితులు బయటికి వస్తున్నారు. ఇప్పుడు ఖాళీ సిలిండర్లు దొరకడం లేదు, వీటిని దొంగలించి అమ్ముకుంటే.. డబ్బు బాగా వస్తుందనే ఉద్దేశంతో దొంగలు ఉన్నట్లు తెలుస్తోంది. పట్టణంలో ముందుగా రెక్కీ కూడా నిర్వహించుకుంటున్నారు. మధ్యతరగతి నుంచి ఆ పై ఉన్న నివాస ప్రాంతాల్లో ఆరుబయటి ఖాళీ సిలిండర్లను ముందుస్తుగానే గుర్తిస్తున్నారు. సహజంగా సిలిండర్‌ ఖాళీ అయితేనే సన్‌సైడ్‌, ఇంటి ముందు ఆరుబయట ఉంచడం జరుగుతూ వస్తోంది. ఇదే అదనుగా భావించి దొంగలు వాటిని చోరీ చేసుకొని తీసుకెళుతున్నారని బాధితులు వాపోతున్నారు. పట్టపగలే దర్జాగా.. పలు ప్రాంతాల ఇళ్లలో పట్టపగలే దర్జాగా సిలిండర్లను ఎత్తుకెళుతున్నారు. ఇలాంటి సంఘటనలు కొందరు సీసీ కెమెరాల్లో గుర్తించారు. మరో వైపు గ్యాస్‌ ఏజెన్సీ సిబ్బందిలా వ్యవహరిస్తూ, ఇళ్లలో ఖాళీగా ఉన్న సిలిండర్లను తీసుకెళ్లడంతో పలువురు లబోదిబోమంటున్నారు. ఇటీవల కొత్త కనెక్షన్లు ఇవ్వడం లేదు. చాలా మంది కొత్త కనెక్షన్లు ఇవ్వని స్థితిలో దొంగ సిలిండర్లను వారి కోటాలో తీసుకొని వంట వినియోగం కొనసాగిస్తున్నారు. దీన్ని ఆసరా చేసుకుని సిలిండర్లను గుర్తుతెలియని వ్యక్తులు తీసుకెళ్లి అమ్ముకుంటున్నారనే ఆరోపణలు వినిపిస్తున్నాయి.పోలీసులకు ఫిర్యాదుల వెల్లువ

పులివెందుల రూరల్‌ : జిల్లాలో శనివారం రాత్రి వీచిన ఈదురు గాలులు, భారీ వర్షానికి పులివెందుల మండల పరిధిలోని నల్లపురెడ్డి పల్లె, కొత్తపల్లె, మల్లికార్జునపురం, నల్లగొండు వారి పల్లె, యర్రబల్లె తదితర గ్రామాల పరిధిలోని అరటి చెట్లు నేలకొరిగాయి. దీంతో లక్షల్లో ఆస్తినష్టం వాటిల్లినట్లు బాధిత రైతులు ఆవేదన వ్యక్తం చేస్తున్నారు. పంట చేతికి వచ్చే సమయంలో ప్రకృతి కన్నెర్ర చేయడంతో తీవ్రంగా నష్టపోయామని కన్నీటిపర్యంతమయ్యారు. సుమారు రూ.50లక్షల దాకా నష్టం వాటిల్లిందని రైతులు తెలిపారు. ఈదురుగాలులకు పులివెందుల మండలం చంద్రగిరి గ్రామానికి వెళ్లే రహదారిలో ఉన్న శివ వైన్సుకు సంబంధించిన పైకప్పు లేచిపోవడంతోపాటు ప్రహారీ గోడలు కూడా కూలిపోయాయి.

● రాజంపేట నుంచే కనెక్టివిటీ ● తెరపైకి రైల్వే ప్రతిపాదనరాజంపేట : రాజంపేట నుంచి నెల్లూరు (సింహపురి) మధ్య సరికొత్త రైల్వే లైన్‌ ఏర్పాటుకు రైల్వే శాఖ ప్రతిపాదనలు సిద్ధం చేస్తోంది. ఈ మేరకు 120 కిలోమీటర్ల పొడవైన ఈ నూతన మార్గానికి సంబంధించి ఫైనల్‌ లొకేషన్‌ సర్వే, డీపీఆర్‌ రూపకల్పన కోసం కసరత్తు ప్రారంభమైంది.ప్రస్తుతం కడప, రాజంపేట ప్రాంతాల నుంచి నెల్లూరు వెళ్లాలంటే కేవలం బస్సు ప్రయాణమే దిక్కుగా మారింది. రాత్రి వేళల్లో అటవీ ప్రాంత చెక్‌పోస్టు నిబంధనల వల్ల బస్సు ప్రయాణాలు కూడా కష్టతరంగా మారుతున్నాయి. రైలులో వెళ్లాలంటే రేణిగుంట జంక్షన్‌ మీదుగా తిరిగి వెళ్లాల్సి వస్తోంది. ఈ నేపథ్యంలో నేరుగా రాజంపేట – నెల్లూరు లైన్‌ అందుబాటులోకి వస్తే దశాబ్దాల కాలంగా ఎదురుచూస్తున్న జిల్లా వాసుల కల నెరవేరుతుంది. ఈ ప్రాజెక్టు వల్ల కలిగే ప్రధాన ప్రయోజనాలు తూర్పు – పశ్చిమ అనుసంధానం : పశ్చిమ, మధ్య భారత ప్రాంతాల నుంచి ఏపీలోని కోస్తా తీర ప్రాంతాలకు మెరుగైన కనెక్టివిటీ లభిస్తుంది. పోర్టుల అభివృద్ధి : రాయలసీమ, కర్ణాటక ప్రాంతాల నుంచి కృష్ణపట్నం, రామాయపట్నం పోర్టులకు సరుకు రవాణా ఎంతో సులభతరం అవుతుంది. జంక్షన్‌గా రాజంపేట : ఈ కొత్త లైన్‌ గనుక ఆమోదం పొందితే రాజంపేట రైల్వే స్టేషన్‌ ఒక ప్రముఖ జంక్షన్‌గా మారి వ్యాపార, రవాణా పరంగా అభివృద్ధి చెందుతుంది.

● కొప్పర్తి పారిశ్రామికవాడను కడప బైపాస్‌కు కలుపుతూ కొత్త హైవే ● రూ.304 కోట్ల నిధులు మంజూరు చేసిన కేంద్రం ● కడప నగరంలో తగ్గనున్న ట్రాఫిక్‌ రద్దీకడప సిటీ : కడప నగర శివార్లలోని కొప్పర్తి పారిశ్రామికవాడకు మంచిరోజులు వచ్చాయి. కొప్పర్తి పారిశ్రామికవాడ– కడప బైపాస్‌ను కలుపుతూ నాలుగు లేన్ల గ్రీన్‌ ఫీల్డ్‌ రహదారి నిర్మాణానికి కేంద్రం పచ్చజెండా ఊపింది. ఈ మేరకు రూ. 304 కోట్ల నిధులు మంజూరు చేసింది. ‘గతి శక్తి’ కార్యక్రమంలో భాగంగా ఈ ప్రాజెక్టుకు కేంద్ర ప్రభుత్వం ఆమోదం తెలిపింది. ఇప్పటికే భూ సేకరణ పనుల్లో నేషనల్‌ హైవే అధికారులు నిమగ్నమయ్యారు. ఈ రోడ్డు నిర్మాణం పూర్తయితే పారిశ్రామిక అభివృద్ధితో పాటు కడప నగరంలో ట్రాఫిక్‌ రద్దీ తగ్గుతుంది. 5.8 కి.మీ. మేర హైవే ఈ ప్రాజెక్టులో భాగంగా 5.8 కిలోమీటర్ల పొడవున ఈ నిర్మాణానికి రూ.304.44 కోట్లు ఖర్చు చేయనున్నారు. రోడ్డు పొడవునా యాక్సెస్‌ కంట్రోల్‌ హైవేను నిర్మించనున్నారు. రెండు భారీ వంతెనలు, నాలుగు వెహిక్యులర్‌ అండర్‌ పాసులతో పాటు ప్రస్తుతమున్న కడప బైపాస్‌ను కూడా పటిష్టమైన సోల్డర్‌తో అభివృద్ధి పరచనున్నారు. ఈ పనుల వల్ల కొప్పర్తి పారిశ్రామిక ప్రాంతానికి రవాణా సౌకర్యాలు మెరుగు పడడంతోపాటు వాహన రాకపోకలు మరింత సులభతరం కానున్నాయి. విశాఖ–చైన్నెలకు అనుసంధానం విశాఖపట్టణం–చైన్నె పారిశ్రామిక కారిడార్‌లో అనుసంధానం బలోపేతం చేయడంలో ఈ రహదారి కీలకపాత్ర వహించనుంది. అంతేకాకుండా కడప నగరంలో ట్రాఫిక్‌ రద్దీని గణనీయంగా తగ్గించేందుకు అవకాశం ఏర్పడుతుంది. ఈ రోడ్డు నిర్మాణం వల్ల ప్రాజెక్టు ప్రాంతీయ, ఆర్థికాభివృద్దికి దోహదపడుతుంది. కొప్పర్తి పారిశ్రామికవాడ శరవేగంగా అభివృద్ధి చెందేందుకు ఈ కొత్త రహదారి మైలురాయిగా నిలుస్తుందని పలువురు అభిప్రాయం వ్యక్తం చేస్తున్నారు.

కడప ఎడ్యుకేషన్‌ : యోగి వేమన విశ్వవిద్యాలయంలో ఈ విద్యా సంవత్సరం నుంచి బిజినెస్‌ అనలిటిక్స్‌ కోర్సు ప్రారంభించామని ఎంబీఏ శాఖ విభాగాధిపతి, ప్రజా సంబంధాల విభాగం సంచాలకులు ఆచార్య పి.సరిత వెల్లడించారు. ఈ సందర్భంగా ఆమె మాట్లాడుతూ ఎంబీఏ–హ్యూమన్‌ రిసోర్స్‌ మేనేజ్‌మెంట్‌(హెచ్‌ఆర్‌ఎం) ఇది వరకే ఉందని.. ప్రస్తుత అవసరాలకు, ఉపాధి అవకాశాలకు మార్గంగా ఉపకులపతి ఆలోచనలతో బిజినెస్‌ అనలిటిక్స్‌ కోర్సును ప్రారంభిస్తున్నట్లు పేర్కొన్నారు. ఆంధ్రప్రదేశ్‌ రాష్ట్రంలో ఈ కోర్సు కలిగిన ఏకై క విశ్వవిద్యాలయం వైవీయూ అని తెలిపారు. 2017 నుంచి హైదరాబాద్‌ సెంట్రల్‌ విశ్వవిద్యాలయంలో ఎంబీఏ సీనియర్‌ ప్రొఫెసర్‌గా బిజినెస్‌ ఎనలిటిక్స్‌ కోర్స్‌ అమలు చేసి సత్ఫలితాలు తెచ్చిన ప్రస్తుత వైవీయూ వీసీ అదే పంథాలో ఇక్కడ విద్యార్థులకు ప్రయోజనం కల్పించాలని వైవీయూలో రెగ్యులర్‌ ఉచిత కోర్స్‌ (ఐసెట్‌ రాసిన వారికి ప్రవేశం) ప్రారంభించారన్నారు. ఆర్టిఫిషియల్‌ ఇంటెలిజెన్స్‌ మిషన్‌ లర్నింగ్‌ (ఏఐఎంఎల్‌) కాలంలో ఉన్న మనం బిజినెస్‌ రంగంలో అప్లికేషన్స్‌ విధానాన్ని చేసేందుకు ఎంబీఏ బిజినెస్‌ అనలిటిక్స్‌ చదివిన వారు ఉపయోగపడతారన్నారు. సంస్థల్లో మేనేజర్‌ జాబ్‌ పొందవచ్చు అన్నారు. భవిష్యత్తు అంతా డేటా సైన్స్‌ దే కాబట్టి మేనేజ్మెంట్‌ ప్రొఫెషనల్‌ గా ఎదిగేందుకు ఇది దోహదపడుతుందన్నారు. విశ్వవిద్యాల ఉపకులపతి ఆచార్య బెల్లంకొండ రాజశేఖర్‌ ఈ కోర్సుకు రెగ్యులర్‌గా పాఠ్యాంశాలు బోధిస్తారన్నారు. అంతేకాకుండా ఎంబీఏ ఎక్స్‌ఫర్టెడ్‌ ఫ్యాకల్టీ, పరిశ్రమలతో అనుసంధానమై నిపుణులతో పాఠాలు బోధించేలా చూస్తామన్నారు. ఆసక్తి గల అభ్యర్థులు తుది విడత కౌన్సెలింగ్‌ అవకాశాన్ని సద్వినియోగం చేసుకొని, వెబ్‌ ఆప్షన్లు నమోదు చేసే సమయంలో యోగి వేమన విశ్వవిద్యాలయాన్ని తమ ప్రాధాన్యతలలో ఒకటిగా ఎంపిక చేసుకోవలసిందిగా కోరారు. ఎంబీఏ బిజినెస్‌ అనలిటిక్స్‌ సెల్ఫ్‌ ఫైనాన్స్‌ కోర్స్‌ అయినప్పటికీ ప్రభుత్వ ఫీజు రీయింబర్స్‌మెంట్‌ ఉంటుందన్నారు. ప్రవేశాలు సంబంధిత అర్హత నిబంధనలు, సీట్ల లభ్యతకు లోబడి ఉంటుందన్నారు. కోర్సుల లభ్యత, అర్హత, ఫీజు రాయితీలు, ప్రవేశ విధానానికి సంబంధించిన మరిన్ని వివరాల కోసం అభ్యర్థులు యోగి వేమన విశ్వవిద్యాలయం, బిజినెస్‌ మేనేజ్‌మెంట్‌ విభాగాధిపతిని సంప్రదించవచ్చన్నారు. ఎపీఐసెట్‌–2026లో అర్హత సాధించి ప్రవేశానికి అర్హులైన అభ్యర్థులు ఎంబీఏ కోర్సులో ప్రవేశం పొందదలచినట్లయితే ఈనెల 21 నుంచి 24వ తేదీ వరకు నిర్వహించే తుది విడత వెబ్‌ కౌన్సెలింగ్‌ ప్రక్రియకు హాజరు కావాలని కోరారు. కౌన్సెలింగ్‌ విధానం కోసం అధికారిక వైవీయూ వెబ్‌సైట్‌ను సందర్శించవలసిందిగా సూచించారు. 24వ తేదీ వరకు నిర్వహణ వైవీయూలో నూతనంగా బిజినెస్‌ అనలిటిక్స్‌ కోర్సు

● ఇరు వర్గాలకు చెందిన ఏడుగురికి గాయాలు ప్రొద్దుటూరు క్రైం : స్థానిక మైదుకూరు రోడ్డులో గుజిరీ వ్యాపారుల మధ్య జరిగిన ఘర్షణలో ఇరువర్గాలకు చెందిన ఏడుగురికి గాయాలయ్యాయి. రూరల్‌ పోలీసులు తెలిపిన వివరాల మేరకు.. పెన్నానగర్‌కు చెందిన షాషా గుజిరీ వ్యాపారం చేస్తున్నాడు. అతనికి పట్టణంలోని పలువురు గుజిరీ వ్యాపారులతోపాటు కాంగ్రెస్‌ పార్టీ నాయకుడు పీఎండీ నజీర్‌, ఆయన సోదరుడు మహబూబ్‌బాషా కూడా గుజిరీ సరుకు పంపించేవారు. అయితే కొద్ది రోజులుగా పీఎండీ నజీర్‌, మహబూబ్‌బాషాలు షాషాకు గుజిరీ సరుకు పంపించడం మానేశారు. మౌలానా ఆజాద్‌ వీధికి చెందిన సయ్యద్‌ఖాన్‌ అనే వ్యాపారికి సరుకు పంపిస్తున్నారు. దీంతో షాషా పలుమార్లు నజీర్‌, మహబూబ్‌బాషాకు ఫోన్లు చేసి గట్టిగా వాగ్వాదం చేస్తూ దూషించాడు. దీంతో షాషాకు నజీర్‌ ఫోన్‌ చేసి మాట్లాడుకుందాం రా అని చెప్పాడు. ఈ క్రమంలో ఆదివారం మైదుకూరు రోడ్డులోని రిలయన్స్‌ పెట్రోల్‌ బంకు వద్ద ఉన్న సయ్యద్‌ఖాన్‌ షాపు వద్దకు కొంత మంది వ్యక్తులను వెంట తీసుకొని షాషా వెళ్లాడు. అప్పటికే అక్కడ సయ్యద్‌ఖాన్‌తోపాటు నజీర్‌, మహబూబ్‌బాషా మరి కొంత మంది షాపు వద్ద ఉన్నారు. అక్కడ అందరూ మాట్లాడుకునే క్రమంలో వాగ్వాదం చోటు చేసుకొని చివరకు ఘర్షణకు దారి తీసింది. ఈ క్రమంలోనే ఇరువర్గాల వారు రాళ్లు రువ్వుకున్నారు. ఘర్షణలో సయ్యద్‌ఖాన్‌, నజీర్‌తోపాటు మరో ఇద్దరికి గాయాలు కాగా, అవతలి వర్గానికి చెందిన షాషాతోపాటు మరో ఇద్దరు గాయపడ్డారు. విషయం తెలుసుకున్న రూరల్‌ ఎస్‌ఐ రాజు సిబ్బందితో కలిసి ఘటనా స్థలానికి వెళ్లారు. జరిగిన ఘటనపై స్థానికులతో మాట్లాడారు. గాయపడిన వారిని చికిత్స నిమిత్తం జిల్లా ప్రభుత్వాసుపత్రికి తరలించారు. పరస్పర ఫిర్యాదు మేరకు కేసు నమోదు చేసుకొని దర్యాప్తు చేస్తున్నట్లు ఎస్‌ఐ రాజు తెలిపారు.

● విద్యుత్‌ షాక్‌ తగిలి డిప్లొమో విద్యార్థికి తీవ్ర గాయాలు ప్రొద్దుటూరు క్రైం : పట్టణంలోని ఆర్ట్స్‌కాలేజీ రోడ్డులో ఏర్పాటు చేసిన వినాయక మండపం వద్ద విద్యుత్‌ షాక్‌ తగిలి ఊటుకూరు సందీప్‌ అనే యువకుడికి తీవ్ర గాయాలయ్యాయి. పోలీసులు తెలిపిన వివరాల మేరకు.. సందీప్‌ పాలిటెక్నిక్‌ రెండో సంవత్సరం చదువుతున్నాడు. యువకుడి తల్లి పద్మావతి అంగన్‌వాడీ వర్కర్‌గా పని చేస్తున్నారు. ఈ క్రమంలో ఆర్ట్స్‌కాలేజీ రోడ్డులో ఏర్పాటు చేసిన వినాయక మండపం వద్ద ఆదివారం సాయంత్రం ప్లగ్‌ తీసేందుకు ప్లగ్‌ బాక్స్‌ను పట్టుకోగా సందీప్‌ విద్యుత్‌ షాక్‌కు గురయ్యాడు. అపస్మారక స్థితిలో పడిపోయిన అతన్ని సన్నిహితులు, బంధువులు చికిత్స నిమిత్తం పట్టణంలోని ఓ ప్రైవేట్‌ ఆస్పత్రికి తరలించారు. అక్కడి వైద్యులు సీపీఆర్‌, షాక్‌ ట్రీట్‌మెంట్‌ ఇవ్వడంతో సందీప్‌ స్పృహలోకి వచ్చాడు. ప్రస్తుతం బాలుడి ఆరోగ్యం నిలకడగా ఉందని, ప్రాణాపాయం తప్పినట్లు వైద్యులు చెప్పారు. వన్‌టౌన్‌ సీఐ టీవీ కొండారెడ్డి, ఎస్‌ఐ మధుసూదన్‌రెడ్డి ఆస్పత్రికి వెళ్లి సందీప్‌ ఆరోగ్య పరిస్థితిపై వైద్యులతో మాట్లాడారు. వైద్యులతో తరచూ మాట్లాడుతూ వేగవంతమైన చికిత్స అందేలా చొరవ చూపారు. బాలుడికి ప్రాణాపాయం తప్పిందని తెలియడంతో సీఐ, ఎస్‌ఐతోపాటు బంధువులు ఊపిరి పీల్చుకున్నారు. తర్వాత సీఐ, ఎస్‌ఐలు ఘటన చోటు చేసుకున్న వినాయక మండపం వద్దకు వెళ్లి అక్కడి గణపతి విగ్రహాన్ని నిమజ్జనానికి తరలించే ఏర్పాట్లు చేశారు. ప్రొద్దుటూరు మున్సిపల్‌ కమిషనర్‌ టి.శ్రీనివాస విశ్వనాథ్‌ ఆస్పత్రికి వెళ్లి యువకుడిని పరామర్శించారు. సందీప్‌ ఆరోగ్యం గురించి వైద్యులను అడిగి తెలుసుకున్నారు.

ట్రాఫిక్‌ విషయమై సర్దిచెప్పడానికి వచ్చిన వ్యక్తిపై కర్రతో దాడి చేస్తున్న యువకుడు (ఫైల్‌) తల్లిదండ్రుల పర్యవేక్షణ అవసరం ఇటీవల జరిగిన ఘటనలు పరిశీలిస్తే చిన్న చిన్న కారణాలకే యువకులు గొడవ పడతున్నారు. క్షణికావేశంలో వారు ఏం చేస్తున్నారో తెలియని పరిస్థితిలో ఉన్నారు. పిల్లలపై తల్లిదండ్రుల పర్యవేక్షణ చాలా అవసరం. ఈ వయసులో వారిని సరైన దారిలో పెట్టకుంటే రానున్న రోజుల్లో ఎవరి మాట వినరు. రాత్రి పొద్దుపోయి ఇంటికి వస్తున్న పిల్లలపై తల్లిదండ్రులు నిఘా పెట్టాలి. ఆ సమయంలో వారు ఎక్కడ తిరుగుతున్నారో అడగాలి. గొడవలు పడి కేసుల్లో ఎరుక్కున్న వారికి భవిష్యత్తులో ఉద్యోగాలు రావు. – వంశీనాథ్‌, టూ టౌన్‌ సీఐ, ప్రొద్దుటూరు కష్టపడ్డా ఆశించినంత డబ్బు రాలేదని.. దొంగగా మారి.. ప్రొద్దుటూరు మండలంలోని పెన్నానగర్‌కు చెందిన ఓ యువకుడు ఇంటర్‌ వరకు చదువుకున్నాడు. కుటుంబ పోషణ కోసం డెలివరీ బాయ్‌గా ఉద్యోగంలో చేరాడు. డెలివరీ బాయ్‌గా ఎన్ని రోజులు పని చేసినా వచ్చే డబ్బుతో అతనికి సంతృప్తి కలగలేదు. ఈ క్రమంలోనే అతను చెడు వ్యసనాలకు లోనయ్యాడు. సులభంగా డబ్బు సంపాదించాలనే ఉద్దేశంతో ప్రొద్దుటూరుతోపాటు పలు ప్రాంతాల్లోని నిర్మానుష్య, జనసంచారం లేని ప్రాంతాల్లో పార్క్‌ చేసిన బైక్‌లను చోరీలు చేయసాగాడు. ఆరు నెలల్లోనే అతను 10 చోట్ల బైక్‌లను దొంగలించాడు. ఈ క్రమంలోనే ప్రొద్దుటూరులో చోరీ చేస్తుండగా ఇటీవల పోలీసులు అతన్ని అరెస్ట్‌ చేసి ఏడు బైక్‌లను స్వాధీనం చేసుకున్నారు. ● జల్సాలకు అలవాటు పడ్డ ఇద్దరు అమృతానగర్‌కు చెందిన యువకులు కొన్ని రోజుల క్రితం పట్టణ శివారులోని ఇందిరానగర్‌లో ఉన్న ఆలయంలో చోరీ చేశారు. ఆలయంలోని డబ్బుతోపాటు విగ్రహాన్ని దొంగలించిన వీరిని రూరల్‌ పోలీసులు అరెస్ట్‌ చేశారు. ● ప్రొద్దుటూరు ఎకై ్సజ్‌ పోలీసులు ఇటీవల వేర్వేరు ఘటనల్లో గంజాయి విక్రయిస్తున్న పలువురిని అరెస్ట్‌ చేశారు. వీరిలో ఎక్కువ మంది విద్యార్థులు, యువకులు గంజాయి విక్రేత లుగా ఉండటం ఆందోళన కలిగించే విషయం. ప్రొద్దుటూరు క్రైం : చదువుకోవాల్సిన వయసు.. భవిష్యత్తుకు బాటలు వేసుకోవాల్సిన సమయం.. జీవితంలో స్థిరపడేందుకు లక్ష్యాలను ఏర్పరుచుకోవాల్సిన దశ.. కానీ కొందరు యువత ఆ దిశగా కాకుండా జల్సాలు, వ్యవసనాలు, సులభంగా డబ్బు సంపాదించాలనే ఆలోచనలతో అడ్డదారులు తొక్కుతున్నారు. గంజాయి, క్రికెట్‌ బెట్టింగ్‌, మద్యం, ఆన్‌లైన్‌ వ్యవహారాలు, బెదిరింపులు, చోరీలకు పాల్పడుతూ.. చివరికి నకిలీ పోలీసుల అవతారం ఎత్తే స్థాయికి కొందరు దిగజారారు. ఇటీవల పోలీసులకు పట్టుబడుతున్న పలు కేసులను పరిశీలిస్తే విద్యార్థులు, యువకుల ప్రమేయం కనిపించడం ఆందోళన కలిగిస్తోంది. పోలీసులమంటూ ప్రేమికులకు బెదిరింపులు జల్సాలకు డబ్బులు అవసరం కావడంతో కొందరు యువకులు ఏకంగా నకిలీ పోలీసుల అవతారం ఎత్తుతున్న ఘటనలు వెలుగులోకి వస్తున్నాయి. ప్రేమికులను లక్ష్యంగా చేసుకొని తాము పోలీసులమని చెప్పడం.. వారిని బెదిరించడం.. వారి నుంచి నగదు, ఖరీదైన మొబైల్‌ ఫోన్లు తీసుకోవడం వంటి వ్యవహారాలకు పాల్పడుతున్నట్లు కేసులు నమోదు అవుతున్నాయి. ఇటీవల పలువురిని బెదిరించి డబ్బులు వసూలు చేస్తున్న ఇద్దరు నకిలీ పోలీసులను ప్రొద్దుటూరు రూరల్‌ పోలీసులు అరెస్ట్‌ చేశారు. సాధారణంగా పోలీసులంటే ప్రజలకు రక్షణ కల్పించే వ్యవస్థగా భావిస్తారు. అలాంటి పోలీసుల పేరునే అడ్డుపెట్టుకొని బెదిరింపులకు పాల్పడటం యువతలో కొందరు ఎంతటి అడ్డదారులు తొక్కుతున్నారో తెలియజేస్తోంది. చదువు అటకెక్కించి.. జల్సాలకు అలవాటు గంజాయి, మద్యం మత్తులో నేరాల బాట కేసుల్లో ఇరుక్కుంటున్న వైనం యువత దారి తప్పడానికి మరో ప్రధాన కారణం మద్యం. మైనర్లకు మద్యం విక్రయించకూడదనే నిబంధనలు ఉన్నప్పటికీ కొందరు వ్యాపారులు వాటిని పట్టించుకోవడం లేదు. 15–16 ఏళ్ల పిల్లలు మద్యం కోసం దుకాణాలకు వెళ్తే వ్యాపారులు వయసును పరిగణనలోకి తీసుకోకుండా వాళ్లకు మద్యం విక్రయిస్తున్నారు. మైనర్లకు మద్యం విక్రయించకుండా మద్యం షాపుల్లోనే నియంత్రిస్తే.. కొంత వరకు మద్యం అలవాటు నుంచి మైనర్లను దూరం చేయవచ్చని ప్రజలు అభిప్రాయపడుతున్నారు. క్రికెట్‌ బెట్టింగ్‌, ఆన్‌లైన్‌ మట్కా కూడా యువతను మరో ఉచ్చులోకి లాగుతోంది. ఒకప్పుడు కొందరు వ్యక్తులు, డబ్బున్న వర్గాలకు పరిమితమైన బెట్టింగ్‌ వ్యవహారాలు ఇప్పుడు కొత్త తరానికి చేరుతున్నాయి. డిగ్రీ, ఇంజినీరింగ్‌ చదువుతున్న విద్యార్థులతో పాటు సాఫ్ట్‌వేర్‌ తదితర ఉద్యోగాలు చేస్తున్న కొందరు కూడా బెట్టింగ్‌ కార్యకలాపాల్లోకి అడుగుపెడుతున్నారు. చెడు సావాసాల బారిన పడి ఇంట్లో తల్లిదండ్రులకు తెలియకుండా బీరువాల్లోని డబ్బును ఊడ్చేస్తున్నారు. తమ పిల్లలు బెట్టింగ్‌లో చిక్కుకున్న విషయం బయటికి తెలిస్తే పరువు పోతుందనే ఉద్దేశంతో తల్లిదండ్రులు గుట్టుచప్పుడు కాకుండా బాకీలు తీర్చిన ఘటనలు ప్రొద్దుటూరులో ఉన్నట్లు తెలుస్తోంది. ఇలా కుటుంబాలకు తెలియకుండా సాగుతున్న బెట్టింగ్‌ వ్యవహారాలు యువతను ఆర్థికంగా, మానసికంగా ఇబ్బందుల్లోకి నెడుతున్నాయి.

కడప అగ్రికల్చర్‌ : జిల్లాలో సాగు చేసిన ఆరుతడి పంటలతోపాటు ఉద్యాన పంటలకు ప్రస్తుత వర్షాలు కాసింత జీవం పోశాయి. శనివారం రాత్రి నుంచి ఆదివారం తెల్లవారుజామువరకు జిల్లావ్యాప్తంగా వర్షం కురిసింది. మరో పది రోజుల్లో రబీ సీజన్‌ ప్రారంభంకానున్న నేపథ్యంలో వర్షాలు ఇలాగే కొనసాగితే జిల్లాలో శనగపంట విస్తృతంగా సాగ య్యే అవకాశం ఉంది. ఇప్పటికే చాలా మంది రైతు లు శనగపంట సాగు చేసుకునేందుకు పొలాలను దుక్కులు దున్ని సిద్ధం చేసుకున్నారు. కాగా జిల్లావ్యాప్తంగా వర్షాధారంతోపాటు బోర్ల కింద 40,449 హెక్టార్లలో వరితోపాటు ఆరుతడి పంటలైన పత్తి, కంది, మినుము, పెసర, మొక్కజొన్న, సజ్జ, వంటి పంటలు సాగయ్యాయి. ప్రస్తుత వర్షాలు చీనీ తోటలకు మేలు చేకూరుస్తాయని రైతులు తెలిపారు. కాగా జిల్లాలోని ఈదురుగాలులు, వర్షాలకు పలు ప్రాంతాల్లో అరటి పంట నేలకొరిగింది. దీంతో రైతన్నలకు లక్షల రూపాయల్లో పంటనష్టం వాటిల్లింది. కొండాపురంతో అత్యధికంగా.. జిల్లాలో కొండాపురం మండలంలో అత్యధికంగా 126.6 మి.మీ వర్షం కురిసింది. అలాగే పులివెందుల్లో 123.6, పెండ్లిమర్రిలో 78.4, సీకేదిన్నె 55.4, వేంపల్లి 55.2, జమ్మలమడుగు 51.6, సింహాద్రిపురం 37.6, లింగాల 34, ఒంటిమిట్ట, మైలవరంలలో 32.4, నందలూరు, మైదుకూరులలో 32, చాపాడులో 30.2,రాజంపేటలో 31.4, చక్రాయపేటలో 31, ఖాజీపేట 30, అట్లూరు28.4, ఎర్రగుంట్ల 28, సిద్దవటంలో 26.8, ప్రొద్దుటూరు 25, ముద్దనూరు 24.8, కడప 24.4, చెన్నూరు 23.2, తొండూరు 20.4, వేముల 20, వీఎన్‌పల్లి 18.2, పెద్దముడియం 14.2, దువ్వూరు 12.2, బి.కోడూరు 11.8, పోరుమామిళ్ల 11.2, రాజుపాలెం 9.4, కమలాపురం 7.4, వల్లూరు7.2, బి.మఠం 6.2, కాశినాయన, వీరబల్లి 4.2, బద్వేల్‌, గోపవరం 4, టి.సుండుపల్లి మండలంలో 3.2 మి.మీ వర్షం కురిసింది. జిల్లావ్యాప్తంగా అన్ని మండలాల్లో వర్షం కొండాపురంలో అత్యధికంగా 126.4 మి.మీ వర్షం వాడుముఖం పట్టిన పంటలకు కాసింత ఉపశమనం

● కడప బాలికలు బెంగళూరులో లభ్యం ● సాంకేతిక పరిజ్ఞానంతో ఆచూకీ గుర్తింపు కడప అర్బన్‌ : కడపలోని సాయిపేటలో అదృశ్యమైన అయిన ఇద్దరు బాలికలను పోలీసులు 24 గంటల్లోనే గుర్తించి వారి తల్లిదండ్రులకు అప్పగించారు. కడప టూటౌన్‌ పోలీస్‌ స్టేషన్‌లో శనివారం నమోదైన ఇద్దరు బాలికల మిస్సింగ్‌ కేసులో పోలీసులు వెంటనే ప్రత్యేక గాలింపు చర్యలు చేపట్టారు. దర్యాప్తులో భాగంగా బాలికలు కడప నుంచి తిరుపతికి, అక్కడి నుంచి బెంగళూరుకు వెళ్లినట్లు గుర్తించారు. జిల్లా ఎస్పీ షెల్కే నచికేత్‌ విశ్వనాథ్‌ ఆదేశాల మేరకు కడప డీఎస్పీ ఈ.బాలస్వామిరెడ్డి పర్యవేక్షణలో కడప టూ టౌన్‌ ఇన్‌స్పెక్టర్‌ వి.శ్రీహరి ఆధ్వర్యంలో ప్రత్యేక పోలీసు బృందాన్ని ఏర్పాటు చేశారు. ఈ బృందంలో ఎస్‌ఐ ఆర్‌.వి.కొండారెడ్డి, కానిస్టేబుళ్లు రామకృష్ణ, తులసి రామయ్య, ఉమెన్‌ కానిస్టేబుల్‌ సాబిరున్‌ ఉన్నారు. పోలీసు బృందం బాలికలు వెళ్లిన మార్గాన్ని గుర్తించేందుకు సీసీ కెమెరా ఫుటేజీలను విస్తృతంగా పరిశీలించడంతోపాటు, అందుబాటులో ఉన్న సాంకేతిక పరిజ్ఞానాన్ని వినియోగించింది. సీసీ కెమెరా ఆధారాల ద్వారా బాలికల కదలికలను గుర్తించి, వారు తిరుపతి మీదుగా బెంగళూరుకు వెళ్లినట్లు నిర్ధారించారు. వెంటనే ప్రత్యేక పోలీసు బృందం బెంగళూరుకు చేరుకుని గాలింపు చర్యలు చేపట్టింది. అదృశ్యమైన 24 గంటల్లోపే ఇద్దరు బాలికలను సురక్షితంగా గుర్తించి, కడపకు తీసుకువచ్చారు. అనంతరం అవసరమైన పోలీసు ప్రక్రియను పూర్తి చేసి వారి తల్లిదండ్రులకు ఆదివారం సురక్షితంగా అప్పగించారు. ఈ సందర్భంగా కడప టూ టౌన్‌ ఇన్‌స్పెక్టర్‌ వి. శ్రీహరి మాట్లాడుతూ మిస్సింగ్‌ వ్యక్తుల విషయంలో ఎలాంటి ఆలస్యం చేయకుండా వెంటనే సమీప పోలీస్‌ స్టేషన్‌కు సమాచారం అందించాలని ప్రజలకు సూచించారు.

కడప కోటిరెడ్డిసర్కిల్‌ : అమృత్‌ భారత్‌ స్టేషన్ల నిర్మాణంలో భాగంగా కడప రైల్వేస్టేషన్‌లో జరుగుతున్న అభివృద్ధి పనులను 2027 మార్చిలోగా పూర్తి చేయాలని గుంతకల్లు డీఆర్‌ఎం చంద్రశేఖర్‌గుప్తా అధికారులను ఆదేశించారు. జిల్లా పర్యటనలో భాగంగా ఆదివారం కడప రైల్వేస్టేషన్‌కు వచ్చిన ఆయన వివిధ పనులను పరిశీలించారు. వివిధ విభాగాల్లో కలియ తిరిగి ప్రస్తుతం జరిగిన పనుల వివరాలు తెలుసుకున్నారు. ముఖ్యంగా వెయిటింగ్‌ హాలు, బుకింగ్‌ ఆఫీసు, ఫుడ్‌కోర్టు, లిఫ్ట్‌, ఎస్కలేటర్‌, టాయిలెట్లు, ఫుట్‌ ఓవర్‌ బ్రిడ్జి, పార్శిల్‌ కార్యాలయం, పార్కింగ్‌ఏరియాను పరిశీలించి తగు సూచనలు చేశారు. అనంతరం ప్రయాణికులకు కల్పిస్తున్న సౌకర్యాలపై రైల్వే అధికారులకు దిశా నిర్దేశం చేశారు. ఈ కార్యక్రమంలో సీనియర్‌ డీసీఎం సత్యనారాయణ, స్టేషన్‌ మేనేజర్‌ ఎల్వీ మోన్‌రెడ్డి, అధికారులు జనర్దాన్‌, దుర్గారావు, కోటేశ్వరరావు పాల్గొన్నారు.రైల్వేశాఖ గుంతకల్‌ డీఆర్‌ఎం చంద్రశేఖర్‌గుప్తా

జమ్మలమడుగు రూరల్‌ : మండల పరిధిలోని అంబవరం గ్రామంలో శనివారం రాత్రి వర్షం ధాటికి గడ్డం బాబ్జీకి చెందిన పాత మట్టి మిద్దె కూలిపోయింది. జమ్మలమడుగు మండలంలో శనివారం సాయంత్రం నుంచి వర్షం కురిసింది. గత కొంత కాలం నుంచి మిద్దె దెబ్బతిని ఉండటంతో బాబ్జీ పక్క ఇంటిలో కాపురం ఉంటున్నాడు. దీంతో ఎటువంటి ప్రమాదం సంభవించలేదు. ఇంటిలో పాత వస్తువులు మాత్రమే ఉన్నాయి. జమ్మలమడుగు రూరల్‌ : మండల పరిధి మోరగుడి గ్రామానికి చెందిన గునిశెట్టి కిషోర్‌(27) అనే యువకుడు ఆదివారం సాయంత్రం జీవితంపై విరక్తి చెంది రేకుల ఇంటిలో ఇనుప పైపునకు చీరతో ఉరి వేసుకున్నాడు. స్థానికులు తెలిపిన వివరాలు ఇలా ఉన్నాయి. గునిశెట్టి కిషోర్‌ బేకరీల్లో కేక్‌ మాస్టర్‌గా పనులు చేసుకుని జీవించేవాడు. అవివాహితుడు కావడంతో మద్యానికి బానిస అయ్యాడు. ఈ క్రమంలో జీవితంపై విరక్తి చెంది ఉరి వేసుకుని ఆత్మహత్య చేసుకున్నాడు. గమనించిన స్థానికులు కిషోర్‌ను కిందికి దించేసి ప్రభుత్వ ఆసుపత్రికి తరలించారు. డాక్టర్లు పరిశీలించి మృతి చెందినట్లు తెలిపారు. తండ్రి శ్రీనివాసులు గత కొంత కాలం క్రితమే ఇంటి నుంచి వెళ్లిపోయాడు. తల్లి లక్ష్మీదేవి మూగది. కూలీ పనులు చేసుకుంటూ జీవనం సాగిస్తోంది. కడప ఎడ్యుకేషన్‌ : కడప నగరం హబీబుల్లా వీధిలోని సుల్తాన్‌ ఫంక్షన్‌ హాల్‌లో ఆమ్‌ ఆద్మీ పార్టీ రాష్ట్ర సర్వసభ్య సమావేశం నిర్వహించారు. ఈ సందర్భంగా ఆ పార్టీ రాష్ట కన్వీనర్‌ శిర రమేష్‌కుమార్‌ మాట్లాడుతూ రాష్టవ్యాప్తంగా ఆమ్‌ ఆద్మీ పార్టీ స్థానిక సంస్థల ఎన్నికలకు వెళ్తున్నట్టు తెలిపారు. అందుకు ఆప్‌ కార్యకర్తలుగా స్వచ్చంధంగా సేవా గుణం కలిగిన వారు, ముఖ్యంగా మహిళలు రాజకీయాల్లోకి రావాలని కోరారు. ఈ కార్యక్రమంలో రాష్ట్ర కార్యదర్శి కల్లూరి బాలసుబ్రహ్మణ్యం, రాష్ట్ర సహాయ కన్వీనర్‌ వేంకట చలపతి, డాక్టర్‌ సేవా కుమార్‌, కడప జిల్లా కన్వీనర్‌ సాజిద్‌ హుసేన్‌, జిల్లా కోఆర్డినేటర్‌ రహమతుల్లా, జిల్లా కార్యదర్శి దస్తగిరి, అధికార ప్రతినిధి డాక్టర్‌ బేరిలా శ్రీనివాసులు, సహాయ కన్వీనర్‌ దాదా పీర్‌, అన్ని జిల్లాల కన్వీనర్‌లు, కార్యకర్తలు పాల్గొన్నారు.

కడప సిటీ : బొజ్జ గణపయ్య నిమజ్జనాలు ఏడో రోజు ఆదివారం కూడా కొనసాగాయి. ఇప్పటివరకు జిల్లా వ్యాప్తంగా 95 శాతం మేర వినాయక విగ్రహాలు నిమజ్జనాలు పూర్తయ్యాయి. ఏడో రోజు నిమజ్జనంలో భారీ వినాయక విగ్రహాలకు ఉదయం ప్రత్యేక పూజలు నిర్వహించారు. మధ్యాహ్నం అన్నదాన కార్యక్రమాలు నిర్వహించారు. అనంతరం బాణాసంచా పేలుస్తూ, డప్పు వాయిద్యాల మధ్య యువత ఉల్లాసంగా, ఉత్సాహంగా కేరింతలు కొడుతూ వినాయక విగ్రహాలను ఇర్కాన్‌ సర్కిల్‌ వద్ద ఏర్పాటు చేసిన ఘాట్‌ వద్దకు తీసుకెళ్లి నిమజ్జనం చేశారు. మిగిలిన ఐదుశాతం వినాయక విగ్రహాలను తొమ్మిదవరోజు నిమజ్జనం చేయనున్నారు. ఎన్జీఓ కాలనీలో.. కడప నగరంలోని ఎన్జీఓ కాలనీలో ఏర్పాటు చేసిన భారీ వినాయక విగ్రహానికి ఆదివారం భక్తులు పెద్ద ఎత్తున తరలివచ్చి పూజలు నిర్వహించారు. రాత్రి వివిధ సాంస్కృతిక కార్యక్రమాలు నిర్వహించారు.

బద్వేలు అర్బన్‌ : మండల పరిధిలోని పుట్టాయపల్లె గ్రామంలో ఆదివారం ఇరువర్గాల మధ్య ఘర్షణ జరిగింది. ఈ ఘటనలో వైఎస్సార్‌సీపీకి చెందిన బీరంరాములమ్మకు తీవ్ర గాయాలు కాగా శివారెడ్డికి స్వల్ప గాయాలయ్యాయి. అలాగే టీడీపీకి చెందిన నారాయణరెడ్డికి స్వల్ప గాయాలయ్యాయి. ఇందుకు సంబంధించి వివరాల్లోకి వెళితే.. వినాయకచవితి సందర్భంగా ఈ నెల 14న గ్రామంలో వినాయక ప్రతిమను ప్రతిష్టించారు. ఆ సమయంలో వైఎస్సార్‌సీపీకి చెందిన వారు గత వినాయక చవితికి సంబంధించిన జమాఖర్చులు తెలపాలని టీడీపీ వర్గీయులను అడిగారు. ఇంతలో పెద్దమనుషులు జోక్యం చేసుకుని వివాదాన్ని సద్దుమణిగింపజేసి 16వ తేదీన వినాయక విగ్రహాన్ని నిమజ్జనం చేశారు. అయితే టీడీపీ వర్గీయులను జమా ఖర్చుల గురించి ప్రశ్నించిన విషయాన్ని మనసులో పెట్టుకుని.. ఆదివారం జరుగుతున్న శ్రీరాముని గ్రామోత్సవం సందర్భంగా టీడీపీ వర్గీయులు వైఎస్సార్‌సీపీ వర్గీయులను దుర్భాషలాడారు. ఇదేమిటని ప్రశ్నించిన వైఎస్సార్‌సీపీ వర్గీయులపై టీడీపీ వర్గీయులు మూకుమ్మడిగా దాడి చేశారు. ఈ ఘటనలో బీరంరాములమ్మ తలకు తీవ్ర గాయాలు కావడంతో ఆమె కుటుంబ సభ్యులు బద్వేలు ప్రభుత్వాసుపత్రికి తరలిస్తుండగా.. తిరిగి పట్టణంలోని ఈద్గా వద్ద వైఎస్సార్‌సీపీ వర్గీయులపై దాడి చేశారు. ఆ సమయంలో పరస్పరం దాడులు చేసుకోవడంతో టీడీపీకి చెందిన నారాయణరెడ్డికి కూడా స్వల్ప గాయాలయ్యాయి. అనంతరం రాములమ్మకు ప్రభుత్వాసుపత్రిలో ప్రాథమిక చికిత్స అందించి మెరుగైన వైద్యం కోసం కడప రిమ్స్‌కు తరలించారు. విషయం తెలుసుకున్న రూరల్‌ సీఐ క్రిష్ణయ్య, రూరల్‌ ఎస్‌ఐ చిరంజీవి గ్రామానికి చేరుకుని ఘర్షణ విషయమై ఆరా తీశారు. ప్రస్తుతానికి ఈ వ్యవహారంపై ఎలాంటి కేసు నమోదు కాలేదు.

కడప సెవెన్‌రోడ్స్‌ : జిల్లా ప్రజల సమస్యల పరిష్కారం కోసం సోమవారం ఉదయం 10 గంటల నుంచి మధ్యాహ్నం 2 గంటల వరకు కలెక్టరేట్‌ సభాభవన్‌లో ప్రజా సమస్యల పరిష్కార వేదిక (పీజీఆర్‌ఎస్‌) నిర్వహించనున్నట్లు డీఆర్వో మల్లికార్జునుడు తెలిపారు. జిల్లా కేంద్రంతో పాటు డివిజన్‌, మండల, మున్సిపల్‌ స్థాయిల్లో కూడా ఈ కార్యక్రమం నిర్వహించనున్నట్లు పేర్కొన్నారు. ప్రజలు తమ సమస్యలతో హాజరై వినతిపత్రాలు అందజేయాలని కోరారు. అలాగే గతంలో సమర్పించిన అర్జీల వివరాలు తెలుసుకోవడానికి 1100 కాల్‌ సెంటర్‌ సేవలను వినియోగించుకోవచ్చని సూచించారు. క్యూఆర్‌ కోడ్‌ ద్వారా స్పందన తెలియజేయాలికడప సెవెన్‌రోడ్స్‌ : ప్రజా సమస్యల పరిష్కార వేదిక (పీజీఆర్‌ఎస్‌) ద్వారా అందుతున్న సేవలపై ప్రజలు తమ స్పందన తెలియజేయాలని కలెక్టర్‌ శ్రీధర్‌ చెరుకూరి ప్రజలకు విజ్ఞప్తి చేశారు. జిల్లా, మండల స్థాయి పీజీఆర్‌ఎస్‌ కేంద్రాల ప్రవేశ, నిష్క్రమణ ప్రాంతాలలో ప్రజలకు స్పష్టంగా కనిపించేలా క్యూ ఆర్‌ కోడ్‌ ప్రదర్శించాలని అధికారులను ఆదేశించారు. నేడు ‘డయల్‌ యువర్‌ సీఎండీ’కడప కార్పొరేషన్‌ : విద్యుత్‌ వినియోగదారుల సమస్యల పరిష్కారం కోసం సోమవారం ఉదయం 10 నుంచి మధ్యాహ్నం 12:30 గంటల వరకు ‘డయల్‌ యువర్‌ సీఎండీ’ కార్యక్రమాన్ని ఏపీఎస్పీడీసీఎల్‌ నిర్వహించనుంది. ఈ కార్యక్రమం ద్వారా తిరుపతి, చిత్తూరు, నెల్లూరు, కడప, అన్నమయ్య, కర్నూలు, నంద్యాల, అనంతపురం, శ్రీసత్యసాయి జిల్లాల నుంచి వినియోగదారులు మొబైల్‌ నంబరు 8977716661కు కాల్‌ చేసి తమ విద్యుత్‌ సమస్యలను సీఎండీ దృష్టికి తీసుకురావచ్చు. సర్కిల్‌ స్థాయిలోనూ డయల్‌ యువర్‌ ఎస్‌ఈ డయల్‌ యువర్‌ ఏపీఎస్పీడీసీఎల్‌ సీఎండీ కార్యక్రమంతో పాటు సర్కిల్‌ స్థాయిలో కూడా ప్రతి సోమవారం ఉదయం 8:30 నుంచి 9:30 గంటల వరకు ’డయల్‌ యువర్‌ ఎస్‌ఈ’కార్యక్రమాన్ని నిర్వహించనున్నారు. జిల్లాస్థాయిలో తమ విద్యుత్‌ సమస్యలను సూపరింటెండింగ్‌ ఇంజనీర్‌ దృష్టికి తీసుకువచ్చేందుకు వీలుగా అన్నమయ్య జిల్లా వినియోగదారులు 9440817449 నంబర్‌కి, వైఎస్సార్‌ కడప జిల్లా వారు 08562242457 నంబర్లకు కాల్‌ చేయా లని సూచించారు. రేపు జెడ్పీ స్థాయీ సంఘ సమావేశాలుకడప సెవెన్‌రోడ్స్‌ : ఉమ్మడి వైఎస్సార్‌ కడపజిల్లా స్థాయీ సమావేశాలు ఈనెల 22వ తేదిన కడపలోని జిల్లా పరిషత్‌ కార్యాలయంలో నిర్వహించనున్నట్లు జెడ్పీ సీఈఓ సుబ్రమణ్యం ఒక ప్రకటనలో తెలిపారు. ఉదయం 10 గంటల నుంచి జరిగే ఈ సమావేశాలకు ఉమ్మడిజిల్లా పరిషత్‌ ప్రాదేశిక నియోజకవర్గ సభ్యులు, వైఎస్సార్‌, అన్నమయ్య జిల్లాల అధికారులు హాజరు కావాలని ఆయన కోరారు. భక్తిశ్రద్ధలతోగణేష్‌ లడ్డూ ప్రసాద వేలంపులివెందుల టౌన్‌ : పట్టణంలోని స్థానిక మైత్రిలేఔట్‌లోని ఓపెన్‌ సమీపంలో కొలువుదీర్చిన శేష వినాయక విగ్రహాన్ని ఆదివారం ఏడవ రోజు నిమజ్జనం చేశారు. ఈ సందర్భంగా వినాయక మండపం వద్ద ఉత్సవ కమిటీ సభ్యుల ఆధ్వర్యంలో లడ్డూ వేలం పాట నిర్వహించారు. ఈ వేలం పాటలో ప్రజలు పోటాపోటీగా పాల్గొన్నారు. ఈ వేలం పాటలో రియల్‌ ఎస్టేట్‌ వ్యాపారి శ్రీపతి చిన్నబాలుడు, కుమారుడు శ్రీపతి చక్రవర్తి రూ. 6,55,116 లక్షలకు వినాయక లడ్డూను దక్కించుకున్నా రు. కార్యక్రమంలో గజానన ఉత్సవ కమిటీ సభ్యులు పాల్గొన్నారు. ఒంటిమిట్ట : మండల కేంద్రమైన ఒంటిమిట్టలోని మాడా వీధిలో గణేషుడి లడ్డూ రూ. 5.01 లక్షలు పలికింది. మామిళ్ల మేఘమాలరెడ్డి రూ. 5,01,000కు పాట పాడి దక్కించుకున్నారు. వేలం పాటలో సొంతం చేసుకున్న స్వామి వారి ప్రసాదాన్ని ఉత్సవ కమిటీ వారు మామిళ్ల మేఘమాల రెడ్డి కి అందజేశారు. అనంతరం వినాయక నిమజ్జనం అంగరంగ వైభవంగా జరిగింది.

● ఎస్పీ నచికేత్‌ విశ్వనాథ్‌ ● పోలీసులకు రివార్డులు అందజేతకడప అర్బన్‌ : జిల్లా పరిధి గోపవరం పరిసర ప్రాంతంలోని మైనర్‌ బాలికను ప్రేమ పేరుతో నమ్మించి పిపి కుంట అటవీ ప్రాంతానికి తీసుకెళ్లి.. అత్యాచారానికి పాల్పడి పెట్రోల్‌ పోసి సజీవ దహనం చేసి హత్య చేసిన జక్కల విఘ్నేష్‌ అలియాస్‌ సాయికి కడపలోని పోక్సో కోర్ట్‌ న్యాయమూర్తి ఎం.ఏ సోమశేఖర్‌ ఈ నెల 18న యావజ్జీవ కారగార శిక్ష, ఎనిమిది వేల రూపాయలు జరిమానా విధిస్తూ తీర్పు ఇచ్చారు. అలాగే బాధిత కుటుంబానికి రూ.5 లక్షలు చెల్లించాలని ప్రభుత్వాన్ని ఆదేశించారు. ఈ సంఘటనపై పోలీసుల దర్యాప్తు, చురుగ్గా పని చేసిన తీరును.. కోర్టు అధికారులు, న్యాయమూర్తులు వెంటనే స్పందించి సకాలంలో నిందితుడికి బెయిల్‌ రాకుండా చేసి అలాగే యావజ్జీవ కారాగార శిక్ష పడేలా చేయడం ప్రత్యేకంగా అభినందించదగ్గ విషయమని జిల్లా ఎస్పీ షెల్కే నచికేత్‌ విశ్వనాథ్‌ తెలిపారు. శనివారం కడపలోని జిల్లా పోలీస్‌ కార్యాలయ ఆవరణలో ఉన్న ‘పెన్నార్‌ కాన్ఫరెన్స్‌ హాల్‌లో నిర్వహించిన విలేకరుల సమావేశంలో జిల్లా ఎస్పీ మాట్లాడారు. ఈ సంఘటన జరిగిన సమయంలో దర్యాప్తు అధికారిగా వ్యవహరించిన అప్పటి రూరల్‌ సర్కిల్‌ ఇన్‌స్పెక్టర్‌ ఎం. నాగభూషణ్‌ సాంకేతిక ఆధారాలను సేకరించి నేరం జరిగిన 30 గంటల్లోనే నిందితుడిని అరెస్ట్‌ చేసి రిమాండ్‌ పంపి, సుమారు 60 మందికి పైగా సాక్షులను విచారణ చేశారన్నారు. మైదుకూరు డీఎస్పీ జి రాజేంద్రప్రసాద్‌ పర్యవేక్షణలో కేసు దర్యాప్తు 90 రోజుల్లోనే సమర్థవంతంగా పూర్తి చేసి పకడ్బందీగా చార్జ్‌సీట్‌ దాఖలు చేశారన్నారు. అంతేకాకుండా నిందితుడిని కోర్టులో కేసు విచారణ పూర్తయ్యే వరకు బెయిల్‌ రాకుండా చేసి సాక్షులను సకాలంలో కోర్టులో హాజరు పరిచి కోర్టులో విచారణ త్వరితగతిన జరిగేలా చేయడంలో ప్రస్తుత బద్వేల్‌ రూరల్‌ సీఐ ఎన్‌.కృష్ణయ్య ప్రధాన పాత్ర వహించారన్నారు. ఈ సందర్భంగా అప్పటి బద్వేల్‌ రూరల్‌ సీఐ ఎం.నాగభూషణ్‌, ప్రస్తుత సీఐ కృష్ణయ్య, ఎస్‌ఐ కె.శ్రీకాంత్‌, అడిషనల్‌ పబ్లిక్‌ ప్రాసిక్యూటర్‌ కె.వేణుగోపాల్‌, ఏఎస్‌ఐ ఆర్‌వీ నరసింహారావు, కానిస్టేబుల్‌ ఎన్‌ ప్రసన్నకుమార్‌, కోర్టు మానిటరింగ్‌ ఏఎస్‌ఐ ఏ.నాగేంద్ర, కానిస్టేబుల్‌ శ్రీనివాస్‌రెడ్డిలను అభినందించారు. సంఘటన స్థలం నుంచి తీవ్ర కాలిన గాయాలతో ఉన్న బాధితురాలని బద్వేలు ప్రభుత్వ ఆసుపత్రికి చేర్చి ఆమె ప్రాణాలను కాపాడడానికి ప్రయత్నించిన ఎస్సై, సిబ్బంది హెడ్‌ కానిస్టేబుల్‌ టీవీఎస్‌ ప్రసాద్‌, కానిస్టేబుల్‌ కేసీ పీరయ్య, యు.బ్రహ్మం, ఎస్‌ఎండీ రఫీ, ఎస్‌కె ఖాజా హుస్సేన్‌, కె.శ్రీనివాసులను ప్రత్యేకంగా అభినందించారు. వారందరికీ రివార్డులను అందజేశారు. ఈ సందర్భంగా పబ్లిక్‌ ప్రాసిక్యూటర్‌ కె.వేణుగోపాల్‌ మాట్లాడుతూ బాధితురాలి కుటుంబానికి ‘నల్సా’ తరపున రూ.8 లక్షలు నష్టపరిహారంగా అందించేందుకు ప్రకటన చేశారన్నారు. ఈ సమావేశంలో జిల్లా అదనపు ఎస్పీ అడ్మిన్‌ కే ప్రకాష్‌ బాబు, మైదుకూరు డీఎస్పి రాజేంద్రప్రసాద్‌, సీఐలు ఎం.నాగభూషణ్‌, ఎన్‌.కృష్ణయ్య, ఎస్సై శ్రీకాంత్‌, పోలీసు సిబ్బంది పాల్గొన్నారు.

చింతకొమ్మదిన్నె : మండలంలోని కమ్మవారిపల్లె నుంచి పొలతలకు వెళ్లే నీరుకోన సమీపంలో స్వామిగాళ్ళ ఆంజనేయులు (33) అనే వ్యక్తి శరీరం కాలిపోయి మృతి చెందిన స్థితిలో గుర్తించినట్లు చింతకొమ్మదిన్నె ఎస్‌ఐ శ్రీనివాసులరెడ్డి తెలిపారు. ఎస్‌ఐ కథనం మేరకు వివరాలు ఇలా ఉన్నాయి. పెండ్లిమర్రి మండలం వెల్లటూరు గ్రామస్తుడై, ప్రస్తుతం కడప నగరం నెహ్రూనగర్‌లో నివాసం ఉంటున్న స్వామిగాళ్ళ ఆంజనేయులు సూపర్‌ కే సంస్థలో సూపర్‌వైజర్‌గా కడప ఎస్టేట్‌ ప్రాంతంలో పని చేస్తున్నాడు. ఆయనకు వివాహమై 3 సంవత్సరాలైంది. అయితే అతనికి ఆర్థిక ఇబ్బందులు ఉన్నట్లు, అదే విషయాన్ని ఆయన తన భార్యకు చెప్పుకొని బాధపడే వాడని సమాచారం. ఈ క్రమంలో వల్లూరు మండలం పుల్లారెడ్డి పేట గ్రామానికి వెళ్లిం అంత్రం వేయించుకొని తిరిగి ఇంటికి వస్తూ మధ్యాహ్నం 12.30 గంటలకు.. అకస్మాత్తుగా కడప నగరం మోచంపేటలోని మాసీమ సర్కిల్‌ వద్ద ఆయన తన భార్యను వదిలి వెళ్లిపోయాడు. తన ఫోన్‌తోపాటు భార్య మొబైల్‌ ఫోన్‌ కూడా తన వెంటే తీసుకువెళ్లి.. ఫోన్లు స్విచ్‌ ఆఫ్‌ చేసుకున్నాడు. అనంతరం జాడ, సమాచారం లేకపోవడంతో శనివారం అతని భార్య పెండ్లిమర్రి పోలీసులకు భర్త కనిపించడం లేదని ఫిర్యాదు చేసింది. ఈ క్రమంలో అక్కడ పోలీసుల ద్వారా పొలతలకు వెళ్లే దారిలో ఆంజనేయులు తన ఒంటిపై పెట్రోల్‌ పోసుకొని నిప్పంటించుకొని చనిపోయినట్లు, శవాన్ని గుర్తించినట్లు తెలుసుకుంది. ఈ మేరకు మృతుడి భార్య కృష్ణవేణి చింతకొమ్మదిన్నె పోలీసులకు ఫిర్యాదు ఇచ్చినట్లు, ఆ వివరాల మేరకు కేసు నమోదు చేసి దర్యాప్తు చేస్తున్నట్లు తెలిపారు.

పులివెందుల : దివంగత ముఖ్యమంత్రి డాక్టర్‌ వైఎస్‌ రాజశేఖరరెడ్డి మేనత్త వైఎస్‌ కమలమ్మ అంత్యక్రియలు శనివారం అశ్రునయనాల మధ్య ముగిశాయి. ఆమె గత ఆదివారం అమెరికాలో తన కుమార్తె మెర్సీ ఇంట్లో అనారోగ్యంతో మృతి చెందిన విషయం తెలిసిందే. కమలమ్మ భౌతికకాయాన్ని అమెరికా నుంచి శనివారం తెల్లవారుజామున 3 గంటలకు పులివెందులకు తీసుకొచ్చారు. భాకరాపురంలోని జీసెస్‌ చారిటీస్‌ అనాథ శరణాలయంలో ఆమె గృహం వద్ద భౌతికకాయాన్ని ఉంచారు. ఆమె భౌతికకాయానికి మాజీ సీఎం వైఎస్‌ జగన్‌మోహన్‌రెడ్డి మాతృమూర్తి వైఎస్‌ విజయమ్మ, సతీమణి వైఎస్‌ భారతి, వైఎస్సార్‌ సోదరులు రవీంద్రనాథరెడ్డి, సుధీకర్‌రెడ్డి, ఎంపీ వైఎస్‌ అవినాశ్‌రెడ్డి, మాజీ ఎమ్మెల్యే భూమన కరుణాకరరెడ్డి, వైఎస్‌ భాస్కర్‌రెడ్డి, వైఎస్‌ ప్రతాప్‌రెడ్డి, వైఎస్‌ మనోహర్‌రెడ్డి, వైఎస్‌ జోసఫ్‌రెడ్డి, వైఎస్‌ మధురెడ్డి, చవ్వా దుశ్యంత్‌రెడ్డి, దివంగత డాక్టర్‌ ఈసీ గంగిరెడ్డి సతీమణి ఈసీ సుగుణమ్మ, కుమారుడు ఈసీ దినేష్‌రెడ్డి, మాజీ మున్సిపల్‌ చైర్‌పర్సన్‌ వైఎస్‌ ప్రమీలమ్మ తదితరులు పూలమాలలు వేసి నివాళులర్పించారు. అనంతరం కమలమ్మ కుమారులు క్రిష్టోఫర్‌, స్మిత్‌, కుమార్తె మెర్సీలను పరామర్శించి ఓదార్చారు. పులివెందులలోని లయోలా డిగ్రీ కళాశాల రోడ్డులో ఉన్న వైఎస్సార్‌ సమాధుల తోటలో శనివారం సాయంత్రం కమలమ్మ అంత్యక్రియలు ముగిశాయి. కమలమ్మ పవిత్ర ఆత్మకు శాంతి చేకూరాలని వైఎస్‌ కుటుంబ సభ్యులు ప్రత్యేక ప్రార్థనలు నిర్వహించారు. ఈ సందర్భంగా ఆమెతో వారికున్న అనుబంధం, ఆమె ఇతరులపట్ల చూపే ప్రేమాభిమానాలను గుర్తుకు తెచ్చుకున్నారు.నివాళులర్పించిన వైఎస్‌ విజయమ్మ, వైఎస్‌ భారతి

ఎర్రగుంట్ల : ప్రేమించిన అమ్మాయి చనిపోయిందని మనస్తాపం చెందిన ఓ యువకుడు ఆత్మహత్యకు ప్రయత్నిస్తున్న క్రమంలో పోలీసులు అడ్డుకుని కాపాడారు. వివరాలు ఇలా ఉన్నాయి. ప్రొద్దుటూరు ప్రాంతానికి చెందిన వీరశేఖర్‌ కుమారుడు అమరావతి నాగవీరచైతన్య(27) అనే యువకుడు ప్రైవేట్‌ జాబ్‌ చేస్తున్నాడు. ఇటీవల తాను ప్రేమించిన అమ్మాయి బైక్‌ ప్రమాదంలో చనిపోయింది. ఇది జరిగి సుమారు మూడు నెలలు దాటింది. అప్పటి నుంచి ప్రతి రోజు మద్యం తాగి ప్రేమించిన అమ్మాయి లేనప్పుడు తన జీవితం వ్యర్థమని భావించాడు. శనివారం మధ్యాహ్నం 3.30 గంటలకు ఎర్రగుంట్ల రైల్వేస్టేషన్‌ వచ్చి ప్రొద్దుటూరు రైల్వేస్టేషన్‌ వైపున ఉన్న రైలు పట్టాలపై పడుకుని తన స్నేహితులకు వీడియా కాల్‌ చేసి తాను చనిపోతున్నట్లు తెలిపారు. వెంటనే ఈ సమాచారాన్ని అతని స్నేహితులు ఎర్రగుంట్ల రైల్వే పోలీసులకు తెలియజేశారు. వీడియా కాల్‌లో రైలు పట్టాలపై ఉన్న పోల్‌ నంబర్‌ ఆధారం చేసుకుని ఎర్రగుంట్ల రైల్వే కానిస్టేబుల్‌ సర్వేశ్వరరెడ్డి వెళ్లి.. నాగవీర చైతన్యకు మంచి మాటలు చెప్పి స్టేషన్‌కు తీసుకు వచ్చారు. తర్వాత కౌన్సెలింగ్‌ ఇచ్చి నాగవీరచైతన్యను తన స్నేహితులైన తరుణ్‌కుమార్‌రావు, రంగమోహన్‌కు అప్పగించి ఇంటికి పంపించారు.ఆత్మహత్యకు యత్నిస్తున్న యువకుడిని కాపాడిన రైల్వే కానిస్టేబుల్‌

కడప అర్బన్‌ : కడప నగర శివార్లలోని కడప కేంద్ర కారాగారం, ప్రత్యేక మహిళా కారాగారంలను జిల్లా ప్రధాన న్యాయమూర్తి, న్యాయ సేవాధికార సంస్థ చైర్మన్‌ జి.రామ గోపాల్‌, సీనియర్‌ సివిల్‌ జడ్జి, జిల్లా న్యాయ సేవాధికార సంస్థ సెక్రటరీ ఎస్‌.బాబా ఫకృద్దీన్‌ తమ సిబ్బందితో ప్రిజన్‌ లీగల్‌ ఎయిడ్‌ క్లినిక్‌లను సందర్శించారు. ఈ సందర్భంగా వారు ఖైదీలతో మాట్లాడి కేసుల వివరాలు, ఆరోగ్య విషయాలను అడిగి తెలుసుకున్నారు. ఉచిత న్యాయ సహాయాన్ని సద్వినియోగం చేసుకోవాలన్నారు. ఖైదీలకు అవసరమైన వారికి వీల్‌ చైర్స్‌, వాకర్స్‌, వినికిడి యంత్రాలను పంపిణీ చేశారు. అనంతరం జైలు పరిసరాలను పరిశీలించి తగు సూచనలు, సలహాలు ఇచ్చారు. లీగల్‌ ఎయిడ్‌ క్లినిక్‌ ప్రాధాన్యత తెలియజేశారు. లీగల్‌ ఎయిడ్‌ బాక్సులను పరిశీలించారు. జైలు లోపల ఖైదీల హక్కులు, ఉచిత న్యాయ సాయం, లీగల్‌ ఎయిడ్‌ డిఫెన్స్‌ కౌన్సిల్‌ సిస్టం, మానసిక వ్యాధులతో బాధపడే ఖైదీల ఆరోగ్య విషయాల పట్ల తగు జాగ్రత్తలు తీసుకోవాలని సకాలంలో మందులను వాడాలని తెలియజేశారు. లీగల్‌ సర్వీసెస్‌ హెల్ప్‌ లైన్‌ నెంబర్‌ 15100పై ప్రచారం నిర్వహించారు. ఈ కార్యక్రమంలో బద్వేల్‌ అదనపు జూనియర్‌ సివిల్‌ జడ్జి పి.ముఖేష్‌ కుమార్‌, రాయచోటి అదనపు జూనియర్‌ సివిల్‌ జడ్జి నూతనగంటి తేజస్విని, పురుషుల, ప్రత్యేక మహిళ కారాగారాల సూపరింటెండెంట్‌లు వెంకటేశ్వరరావు, కృష్ణవేణితోపాటు, లీగల్‌ ఎయిడ్‌ డిఫెన్స్‌ కౌన్సిల్స్‌, పానల్‌ న్యాయవాదులు, పారా లీగల్‌ వాలంటరీలు, ఖైదీలు పాల్గొన్నారు.

కడప సిటీ : కొప్పర్తి పారిశ్రామిక ప్రాంతంలో చేపట్టిన మౌలిక వసతుల అభివృద్ధి పనులను నిర్ణీత గడువులోగా పూర్తి చేసి, పారిశ్రామిక పెట్టుబడులకు అనుకూలమైన ప్రపంచస్థాయి వసతులను అందుబాటులోకి తీసుకురావాలని నేషనల్‌ ఇండస్ట్రియల్‌ కారిడార్‌ డెవలప్‌మెంట్‌ కార్పొరేషన్‌ (ఎన్‌ఐసీడీసీ) సీఈఓ, మేనేజింగ్‌ డైరెక్టర్‌ రజత్‌ కుమార్‌ సైని తెలిపారు. శనివారం కడప సమీపంలోని కొప్పర్తి ఎన్‌ఐసీడీసీ పారిశ్రామిక ప్రాంతాన్ని కలెక్టర్‌ శ్రీధర్‌ చెరుకూరి, జేసీ డాక్టర్‌ నిధిమీనా, సబ్‌ కలెక్టర్‌ హెచ్‌.ఎస్‌. భావనలతో కలిసి పరిశీలించారు. పారిశ్రామికవాడ ప్రాంతంలో జరుగుతున్న మౌలిక వసతుల పనుల పరిశీలించిన అనంతరం గెస్ట్‌హౌస్‌లో ఏర్పాటు చేసిన సమావేశంలో ఆయన పనుల పురోగతిని సమీక్షించారు. వివిధ పనుల ప్రస్తుత స్థితిగతులను అధికారులను అడిగి తెలుసుకున్నారు. ప్రాజెక్టులోని అన్ని పనులను అక్టోబర్‌ 2028 నాటికి పూర్తి చేసేలా అధికారులు ప్రత్యేక దృష్టి సారించాలని ఆదేశించారు. కొప్పర్తి పారిశ్రామిక కేంద్రం ద్వారా సుమారు రూ.8,860 కోట్ల పెట్టుబడులు వచ్చే అవకాశం ఉండగా, దాదాపు 54,500 మందికి ఉపాధి అవకాశాలు లభించే అవకాశం ఉందన్నారు. ప్రాజెక్టు లక్ష్యాలను నిర్ణీత గడువులోగా సాధించేలా చర్యలు తీసుకోవాలని రజత్‌ కుమార్‌ సైని అధికారులకు సూచించారు. కడప ఆర్డీవో మురళి, ఏపీఐఐసి డిప్యూటీ జెడ్‌ఎం కమలాకర్‌, పరిశ్రమల శాఖ అధికారులు, వివిధ పరిశ్రమల యాజమాన్య ప్రతినిధులు తదితరులు పాల్గొన్నారు. పీఎం శ్రీ పాఠశాలల్లో మౌలిక సదుపాయాల పరిశీలన కడప ఎడ్యుకేషన్‌: ఒంటిమిట్టలోని జిల్లా పరిషత్‌ ఉన్నత పాఠశాల, కేంద్రీయ విద్యాలయ సంఘట న్‌ పాఠశాల, వల్లూరులోని ఏపీ మోడల్‌ స్కూళ్లలో పీఎం శ్రీ పథకం కింద అమలవుతున్న వివిధ అభివృద్ధి కార్యక్రమాలు, మౌలిక వసతులను ఎన్‌ఐిసీడీసీ సీఈఓ అండ్‌ ఎండీ కేంద్ర పరిశీలకులు రజత్‌ కుమార్‌ షైనీ, కలెక్టర్‌ చెరుకూరి శ్రీధర్‌ శనివారం తనిఖీ చేశారు. ఈ పరిశీలనలో భాగంగా పాఠశాలల్లో నిర్వహిస్తున్న స్కౌట్స్‌ అండ్‌ గైడ్స్‌ కార్యకలాపాలు, కిచెన్‌ గార్డెన్‌, సైన్స్‌ – కంప్యూటర్‌ ల్యాబ్‌లు, ఆట స్థలం), సోలార్‌ పవర్‌ వ్యవస్థ, సీసీ కెమెరాల నిర్వహణతో పాటు పీఎం శ్రీ పథకం కింద చేపట్టిన సుమారు 21 రకాల మౌలిక వసతులను వారు తనిఖీ చేశారు. అనంతరం విద్యార్థులతో ముచ్చటించి, వారి అభ్యసన సామర్థ్యాలను అడిగి తెలుసుకున్నారు. పీఎం శ్రీ పాఠశాలల లక్ష్యాలకు అనుగుణంగా ప్రతి కార్యక్రమాన్ని అత్యంత సమర్థవంతంగా అమలు చేయాలని అధికారులను ఆదేశించారు. ఎస్‌ఐఈఎంఏటి డైరెక్టర్‌ ప్రసన్న కుమార్‌, లెక్చరర్లు ప్రసాద్‌ రావు, శ్రీ సురేష్‌ కుమార్‌, పుల్లట రమేష్‌, ఆర్‌జేడీ శ్యామ్యూల్‌, డీఈఓ షంషుద్దీన్‌, సమగ్ర శిక్ష ఏపీసీ అనురాధ, జిల్లా అకాడమిక్‌ మానిటరింగ్‌ ఆఫీసర్‌ మహేశ్వర్‌ రెడ్డి, పాల్గొన్నారు.

కడప అగ్రికల్చర్‌: తీవ్ర వర్షాభావ పరిస్థితుల నేపథ్యంలో రబీలో రైతులు ప్రత్యామ్నాయ పంటలైన జొన్న, మినుము, పెసర, పొద్దుతిరుగుడు, కుసుమ, ఉలవ వంటి పంటలను సాగు చేసుకోవాలని ఊటకూరు కృషి విజ్ఞాన కేంద్ర అధిపతి, ప్రధానశాస్త్రవేత్త డాక్టర్‌. సునీల్‌కుమార్‌ తెలిపారు. కడప ఊటుకూరులోని వ్యవసాయ పరిశోధనా స్థానంలో శనివారం వివిధ డివిజన్ల ఏడీఏలకు శిక్షణ కార్యక్రమాన్ని నిర్వహించారు. ఈ సందర్భంగా ఆయన మాట్లాడుతూ ఆచార్య ఎన్జీరంగా వ్యవసాయ విశ్వవిద్యాలయ ఉత్తర్వుల నిమిత్తం కడప వ్యవసాయ పరిశోధనా స్థానం, కృషి విజ్ఞాన కేంద్రంతోపాటు డాట్‌ సెంటర్‌ల పరిధిలోని శాస్త్రవేత్తల బృంద సభ్యులు జిల్లాలోని 122 అధిక బెట్ట ప్రభావం కలిగిన రైతు సేవా కేంద్రాలను సందర్శించారన్నారు. ఈ రైతు సేవా కేంద్రాల పరిధిలోని రైతులకు తగిన సలహాలు ఇచ్చామని వివరించారు. సీనియర్‌ శాస్త్రవేత్త సుబ్రమణ్యం, కడప డడీఏ వేంకటేశు మాట్లాడుతూ వివిధ డివిజన్లకు సంబంధించిన ఏడీఏలు ప్రత్యామ్నాయ పంటల విత్తనాన్ని సిద్ధంగా ఉంచుకోవాలని సూచించారు. డాట్‌ సెంటర్‌ కో–ఆర్డినేటర్‌ ఎన్‌. కృష్ణ ప్రియ పలు సూచనలు చేశారు. ఈ కార్యక్రమంలో వివిధ డివిజన్ల నుంచి ఏడీఏలు, శాస్త్రవేత్తలు మాధురి, శ్రీవల్లి, సాయి మహేశ్వరి, మానస, పీరుసాహేబ్‌ తదితరులు పాల్గొన్నారు. కేవీకే అధిపతి డాక్టర్‌. సునిల్‌కుమార్‌

తిండి గింజల కోసమని... తిండిగింజల కోసమని బోరు కింద 40 సెంట్లలో వరిపంటను సాగు చేసుకున్నా. ప్రస్తుతం వస్తున్న కేసీ నీటితో వరినాటుకున్నా. ప్రస్తుతం పరిస్థితి బాగానే ఉంది. వర్షాల రాకుండా ఎండల తీవ్రత పెరిగితే మాత్రం కష్టాలు తప్పవు. – చిరంజీవిరెడ్డి, రైతు, కొత్తపల్లె, మైదుకూరు కడప అగ్రికల్చర్‌: ఎల్‌నినో ప్రభావానికి అధికారుల నిర్లక్ష్యం తోడై సాగునీటితో పాటు గుక్కెడు తాగునీటికీ కష్టమొచ్చింది. ఖరీప్‌ సీజనంతా చినుకు జాడ లేక పొలమంతా బోసిపోయింది. చివరికి కేసీ ఆయకట్టు రైతుల్లోనూ పంట సాగుకు ధైర్యం కరువైంది. ఈ నేపథ్యంలో తాగునీరుతోపాటు వినాయక నిమజ్జనం కోసమని అధికారులు కేసీ కాలువకి కాసింత నీటిని విడుదల చేశారు. ప్రస్తుతం ఈ నీటిని నమ్ముకుని కేసీ కెనాల్‌ కింద బోర్లు ఉండి నీటి ఆధారం గల రైతులు వరి సాగుకు సిద్ధమయ్యారు. ఈ మేరకు బీడు భూములకు నీటి తడులను అందించి దమ్ము చేసుకుంటున్నారు. సాధారణంగా వరినాట్లకు ముందు భూమి దమ్ము కోసం నీరు ఎక్కువ అవసరం. ఖరీఫ్‌ సీజన్‌లో దమ్ము చేసుకోవడానికీ రైతులు అంతగా సాహసించలేకపోయారు. కాగా ప్రస్తుతం వస్తున్న నీరు కేవలం తాగునీటి అవసరాల కోసమేననే అధికారులు చెబుతున్నారు. వర్షాభావ పరిస్థితులు కొనసాగినా... కేసీకి నీరు ఆగినా ప్రస్తుతం సాగవుతున్న‘వరి’కి కష్టకాలమే. ‘తిండిగింజలైనా పండించుకుంటే.. జీవనం గడుస్తుందనే ఆశతో వరి వేస్తున్నా’మంటున్న రైతుకు గడ్డుకాలమే. కేసీ కెనాల్‌లో ప్రవహిస్తున్న నీరు

● మైలవరం జలాశయ ఆయకట్టు రైతులకు నీరివ్వలేమంటూ అధికారుల చాటింపు ● నట్టేట ‘తడి’గుడ్డతో గొంతు కోశారని అన్నదాతల మండిపాటు చంద్రబాబు అధికారంలోకి వస్తూ వస్తూ కరువు వెంట తీసుకొస్తారని రైతులు నిత్యం చెబుతూ ఉంటారు. ఈ సారీ అదే నిజమైంది. ఎప్పుడూ లేనంతగా అధికారులు ఊరూరా కరువు దండోరా వేస్తున్నారు. ‘మైలవరం ఆయకట్టు రైతులకు సమాచారం ఏమనగా.. తగిన వర్షాలు లేకపోవడం వల్ల ఈ ఏడాది ఖరీఫ్‌ పంటలకు మైలవరం జలాశయం నుంచి కాలువలకు సాగునీటిని ఇవ్వడం సాధ్యం కాదు. రైతులు పంటలు వేయకుండా సహకరించగలరు. తగిన వర్షాలు కురిసి నీటి లభ్యత ఏర్పడితే రబీ పంటలకు మాత్రమే మైలవరం కాలువల ద్వారా నీటిని అందించగలం.. ఇట్లు మైలవరం జలాశయం అధికారులు..’ మైలవరం, పెద్దముడియం మండలాల్లోని పలు పల్లెల్లో జలాశయం అధికారులు శనివారం వేసిన దండోర ప్రకటన ఇది. కాగా ‘పంట సగ భాగం పెరిగిన తర్వాత ఇప్పుడు దండోర వేయడం వల్ల మమ్మల్ని నడి ఏట్లోకి తీసుకెళ్లి గొంతు కోయడమే’ అని ఇప్పటికే పంటలు సాగు చేసిన రైతులు ఆవేదన వ్యక్తం చేస్తున్నారు. మైలవరం: కూటమి ప్రభుత్వం రైతు గొంతు కోసింది.. పంట చేతికందే సమయంలో నీరివ్వలేమని చెప్పి దగా చేసింది. మైలవరం జలాశయం ఆయకట్టు పరిధిలోని జమ్మలమడుగు, మైలవరం, పెద్దముడియం మండలాల రైతులు జలాశయ నీటిని నమ్ముకుని కంది మినుము, మిరప, పత్తి, వరి, తదితర పంటలను వేల ఎకరాల్లో సాగుచేశారు. ఒక్కో పంటకు నెలన్నర నుంచి రెండు నెలలకు పైగా వయసు వచ్చింది. చేతులు కాలాక ఆకులు పట్టుకున్న చందంగా అధికార యంత్రాంగం వ్యవహరిస్తోంది. ఎల్‌నినో ఎఫెక్ట్‌ ఉంటుందని .. సమయానికి సాగునీరు వస్తుందో రాదోనని రైతులను ముందుగానే అప్రమత్తం చేయాల్సిన అధికా ర గణం తీరా చేతికందే దశలో సాగునీరందించలేమంటూ చేతులెత్తేసింది. దీంతో లక్షలు పోసి సాగు చేసిన పంట నిలువునా ఎండిపోతోంది. పంటపైనే ఆశ పెట్టుకున్న రైతు గుండె విలవిల్లాడుతుంది. నీరు ఇవ్వకపోతే ఎలా.. ఎగువ భాగాన వర్షాలు కురిసి శ్రీశైలం జలాశయానికి నీరొచ్చినా సరైన సమయంలో అధికారులు స్పందించకపోవడం వల్లే ఈ పరిస్థితి తలెత్తిందని అన్నదాతలు ఆరోపిస్తున్నారు. జీఎన్‌ఎస్‌ఎస్‌ కాలువ ద్వారా నీటి తరలింపును మాజీ సీఎం వైఎస్‌ జగన్‌మోహన్‌రెడ్డి సులభతరం చేసినా వాటిని వినియోగించుకోలేక గండికోటకు నీరు తెప్పించలేకపోయారని కూటమి తీరుపై స్థానిక రైతులు మండిపడుతున్నారు. ఈ విషయంలో కాసింత ముందే మేల్కొని ఉంటే మైలవరం జలాశయానికి నీరొచ్చి ఎల్‌నినో సమయంలో రైతులకు ఉపయోగకరంగా ఉండేది కదా అని ప్రశ్నిస్తున్నారు. అధికారులకు, ప్రజాప్రతినిధులకు ముందస్తు ఆలోచన లేకపోవడం వల్లే ఈ పరిస్థితి తలెత్తిందని.. ఇది ఎల్‌నినో ఎఫెక్ట్‌ కాదని.. ‘ఎల్లోనినో’ ఎఫెక్టేనని కూటమి ఫ్రభుత్వ తీరును తూర్పారబడుతున్నారు. చంద్రబాబు సర్కార్‌ రైతులను నది మధ్యలోకి తీసుకెళ్లి తడిగుడ్డతో గొంతు కోసేసింది. మైలవరం జలాశయ ఆయకట్టు రైతులు ఇప్పటికే పంటలను సాగుచేశారన్న విషయం ప్రభుత్వానికి తెలియదా?. ప్రస్తుతం అవి రెండు నెలల పైరుగా ఉంది. ఇప్పుడు ఉన్నపళంగా పంటలకు నీరు ఇవ్వలేమంటూ అధికారులు దండోర వేస్తే ఏం ప్రయోజనం? మొదట్లోనే ఈ మాట గట్టిగా చెప్పిఉంటే ఆదిలోనే మానుకునేవాళ్లం కదా! – ఈ.సునీల్‌కుమార్‌రెడ్డి, ఎన్‌ కొట్టాలపల్లి, పెద్దముడియం.

● రైతు సమస్యలను పట్టించుకోని కూటమి ప్రభుత్వం ● వైఎస్సార్‌ సీపీ జిల్లా అధ్యక్షుడు పి.రవీంద్రనాథ్‌రెడ్డి కడప కార్పొరేషన్‌ : చంద్రబాబు ఎప్పుడు అధికారంలోకి వచ్చినా రాష్ట్రంలో కరువు కాటకాలు, అకాల వరదలు సంభవించి పంట నష్టం తీవ్రంగా జరుగుతుందని వైఎస్సార్‌కాంగ్రెస్‌ పార్టీ జిల్లా అధ్యక్షుడు పి.రవీంద్రనాథ్‌రెడ్డి అన్నారు. శనివారం జిల్లా పార్టీ కార్యాలయంలో పార్టీ క్రమశిక్షణ కమిటీ చైర్మన్‌ శెట్టిపల్లె రఘురామిరెడ్డితో కలిసి వైఎస్సార్‌సీపీ రైతు విభాగం నాయకులతో సమావేశం నిర్వహించారు. ఈ సందర్భంగా ఆయన మాట్లాడుతూ ఎల్‌నినో ప్రభావం ఉంటుందని, వర్షాభాల పరిస్థితులు నెలకొంటాయని వాతావరణశాఖ పదేపదే చెబుతున్నా చంద్రబాబు సర్కార్‌ ముందస్తు చర్యలు చేపట్టడంలో తీవ్రంగా విఫలమైందని ధ్వజమెత్తారు. రాష్ట్రంలో 56 శాతం లోటు వర్షపాతం ఉందని, జిల్లాలో 288 మండలాలకుగాను 228 మండలాలలో వర్షపాతమే లేదన్నారు. 92 శాతం వరకు కృష్ణా జలాలు తెలంగాణకే తరలిపోతున్నాయన్నారు. దీంతో రాయలసీమ ప్రజలకు సాగునీరు కాదుకదా తాగునీరు కూడా అందక ఇబ్బందులు పడుతున్నారన్నారు. పంట నష్టపోయిన రైతులకు తక్షణమే పరిహారం ఇవ్వాలని, పశువులకు పశుగ్రాసం సరఫరా చేయాలని డిమాండ్‌ చేశారు. కేసీ కెనాల్‌ పరిధిలో 90 వేల ఎకరాల్లో వరి సాగు ప్రశ్నార్థకంగా మారిందన్నారు. జిల్లాలో 1.30 లక్షల ఎకరాల్లో పంటల సాగుపై ఆందోళన నెలకొందన్నారు. గతంలో వైఎస్‌జగన్‌ ప్రభుత్వం ఎకరాకు రూ. 15 వేలు చొప్పున పరిహారం ఇచ్చిందని, ప్రస్తుత ప్రభుత్వం కూడా ఆ విధంగా ఇచ్చి ఆదుకోవాలని కోరారు. రైతు సమస్యలపై ప్రభుత్వం స్పందించకపోతే వైఎస్సార్‌సీపీ ఆధ్వర్యంలో పెద్ద ఎత్తున ఉద్యమిస్తామని హెచ్చరించారు. మాజీ ఎమ్మెల్యే రఘురామిరెడ్డి మాట్లాడుతూ విత్తనాలు, ఎరువులు సరఫరా చేయడంపై ప్రభు త్వంలో ముందస్తు ప్రణాళిక కొరవడిందన్నారు. రైతులకు ఇన్‌ఫుట్‌ సబ్సిడీ, ఉచిత పంటలబీమా, కనీస మద్ద తు ధర అందించాలని డిమాండ్‌ చేశారు. స్థానిక సంస్థల ఎన్నికల్లో వైఎస్సార్‌ సీపీని గెలిపించేందుకు రైతులంతా కృషి చేయాలన్నారు. రైతు విబాగం జిల్లా అధ్యక్షులు సంబటూరు ప్రసాద్‌రెడ్డి, అశోక్‌రెడ్డి పాల్గొన్నారు.

‘సమాజం తలదించుకునేలా ఒక మైనర్‌ బాలికపై అమానుషంగా అత్యాచారం చేసి, ఆపై సజీవ దహనం చేసిన కిరాతకుడి పాపం పండింది. రాష్ట్ర వ్యాప్తంగా తీవ్ర సంచలనం సృష్టించిన ఈ దారుణ హత్య కేసులో ఎట్టకేలకు న్యాయం గెలిచింది. ఆ మృగాడికి కోర్టు యావజ్జీవ కారాగార శిక్ష (జీవిత ఖైదు) విధిస్తూ సంచలన తీర్పునిచ్చింది.’ గోపవరం : మైనర్‌ బాలికను ప్రేమ పేరుతో నమ్మించి అటవీ ప్రాంతానికి తీసుకెళ్లి అత్యాచారానికి పాల్పడి, అనంతరం సజీవ దహనం చేసి హత్య చేసిన కేసులో నేరం రుజువు కావడంతో కడప పోక్సో కోర్టు నిందితుడికి యావజ్జీవ కారాగార శిక్షతోపాటు రూ.8 వేల జరిమానా విధిస్తూ శుక్రవారం తీర్పు వెలువరించింది. బాధితురాలి కుటుంబానికి రూ.5 లక్షల పరిహారం ఇవ్వాలని ప్రభుత్వాన్ని కోర్టు ఆదేశించింది. ఇందుకు సంబంధించిన వివరాలను బద్వేలు రూరల్‌ సీఐ ఎన్‌.క్రిష్ణయ్య విలేకరులకు వెల్లడించారు. వైఎస్సార్‌ జిల్లా బద్వేలు రూరల్‌ పోలీసుస్టేషన్‌ క్రైం నంబర్‌ 231/2024 – బి.ఎన్‌.ఎస్‌–2023 సెక్షన్‌ 64, 103, 303(2), 238 పోక్సో చట్టం 2012 సెక్షన్‌ 3/4 కింద నమోదైన కేసులో అధికారులు సమర్థవంతమైన దర్యాప్తు, సాంకేతిక ఆధారాల సేకరణ, ప్రాసిక్యూషన్‌ ఫలితంగా నిందితుడిపై నేరం రుజువైంది. కడప పోక్సో కోర్టు న్యాయమూర్తి ఎం.ఏ.సోమశేఖర్‌ నిందితుడికి యావజ్జీవ కారాగార శిక్షతోపాటు రూ.8 వేలు జరిమానా విధిస్తూ తీర్పు ఇచ్చారు. కేసు పూర్వాపరాలు జక్కల విఘ్నేష్‌ అలియాస్‌ సాయి(19) ప్రేమ పేరుతో మైనర్‌ బాలికను నమ్మించి గోపవరం మండలం పి.పి.కుంట అటవీ ప్రాంతానికి తీసుకెళ్లి.. అత్యాచారానికి పాల్పడి అనంతరం పెట్రోలు పోసి సజీవ దహనం చేసి హత్యకు పాల్పడ్డాడు. తీవ్ర గాయాలతో ఆసుపత్రిలో చికిత్స పొందుతూ బాలిక మృతి చెందింది. కేసు దర్యాప్తు అధికారిగా వ్యవహరించిన అప్పటి బద్వేలు రూరల్‌ సీఐ ఎం.నాగభూషణం సాంకేతిక ఆధారాలు సేకరించి కేసు దర్యాప్తును సమర్థవంతంగా పూర్తి చేయడంతో.. నిందితుడిని వెంటనే అరెస్టు చేసి చార్జిషీట్‌ దాఖలు చేయడం జరిగింది. నిందితుడి వివరాలు జక్కల విఘ్నేష్‌ అలియాస్‌ సాయి బద్వేలు టౌన్‌ రామాంజనేయనగర్‌లో నివాసం ఉంటూ కడపలో ఓ హోటల్‌లో కుక్‌గా పని చేసే వాడు. దర్యాప్తు, ప్రాసిక్యూషన్‌ బృందానికి అభినందనలు కేసును సమర్థవంతంగా దర్యాప్తు చేసి చార్జిషీటు దాఖలు చేసిన మునుపటి బద్వేలు రూరల్‌ సీఐ నాగభూషణం సాక్షులను సకాలంలో కోర్టుకు హాజరుపరచడంతో పాటు సాక్షాలను సమర్థవంతంగా ప్రవేశపెట్టడంలో కీలకపాత్ర పోషించారు. అడిషనల్‌ పబ్లిక్‌ ప్రాసిక్యూటర్‌ కె.వేణుగోపాల్‌, బద్వేలు రూరల్‌ ప్రస్తుత సీఐ ఎన్‌.క్రిష్ణయ్య, కోర్టు మానిటరింగ్‌ ఏఎస్‌ఐ నాగేంద్ర, పీసీ శ్రీనివాసులును జిల్లా ఎస్పీ షెల్కే నచికేత్‌ విశ్వనాథ్‌ ప్రత్యేకంగా అభినందించారు. మహిళలు, బాలికలపై అఘాయిత్యాలకు పాల్పడే నిందితులపై పోలీసుశాఖ కఠిన చర్యలు తీసుకుంటుందని, నేరం రుజువైతే చట్టప్రకారం కఠిన శిక్షలు తప్పవని ఎస్పీ హెచ్చరించారు. పోక్సో కోర్టు సంచలన తీర్పు బాలికపై అత్యాచారం, హత్య కేసులో యావజ్జీవ కారాగార శిక్ష బాధితురాలి కుటుంబానికి రూ.5 లక్షల పరిహారం ఇవ్వాలని ప్రభుత్వానికి ఆదేశం

● మృతురాలి కుటుంబ సభ్యుల కొవ్వొత్తుల ప్రదర్శన బద్వేలు అర్బన్‌ : ప్రేమ పేరుతో తమ కుమార్తెను నమ్మించి హత్య చేసిన నిందితుడికి శుక్రవారం కడప ప్రత్యేక పోక్సో కోర్టు యావజ్జీవ కారాగార శిక్ష విధించడంతో.. తమ కుమార్తె ఆత్మకు శాంతి చేకూరిందని దస్తగిరమ్మ తల్లిదండ్రులు హుస్సేన్‌, హుస్సేనమ్మ పేర్కొన్నారు. దస్తగిరమ్మ హత్య కేసులో నిందితుడు జక్కల విఘ్నేష్‌కు యావజ్జీవ కారాగార శిక్ష పడిన నేపథ్యంలో శుక్రవారం స్థానిక నాలుగు రోడ్ల కూడలిలో దస్తగిరమ్మ తల్లిదండ్రులు, కుటుంబ సభ్యులు కొవ్వొత్తుల ప్రదర్శన నిర్వహించారు. ఈ సందర్భంగా వారు మాట్లాడుతూ అభం శుభం తెలియని తమ కుమార్తెను అత్యంత దారుణంగా హత్య చేసిన నిందితుడికి.. శిక్ష పడటం ద్వారా న్యాయం గెలిచిందని అన్నారు. తమ కుమార్తె కేసు విషయంలో నిందితుడికి శిక్ష పడేందుకు కృషి చేసిన న్యాయమూర్తి, న్యాయవాదులు, పోలీసులు, పబ్లిక్‌ ప్రాసిక్యూటర్‌లతోపాటు సాక్ష్యం చెప్పిన ప్రతి ఒక్కరికీ పేరుపేరున కృతజ్ఞతలు తెలుపుతున్నట్లు వారు పేర్కొన్నారు. ఇలాంటి శిక్షలు బాలికలపై నేరాలకు పాల్పడే వారికి కనువిప్పు అవుతాయని అన్నారు. అనంతరం నాలుగు రోడ్ల కూడలిలో బాణాసంచా కాల్చారు.

కడప అర్బన్‌ : కడప జిల్లా న్యాయ సేవాధికార సంస్థ ఆధ్వర్యంలో నిర్వహిస్తున్న న్యాయ సేవలు, న్యాయ విజ్ఞాన కార్యక్రమాలను విస్తృతంగా ప్రజలకు చేరువ చేయాలని జిల్లా ప్రధాన న్యాయమూర్తి జి.రామగోపాల్‌ సూచించారు. శుక్రవారం సాయంత్రం కడప జిల్లా పరిధిలోని అన్ని న్యాయస్థానాల న్యాయమూర్తులతో సమావేశం నిర్వహించారు. ప్రజలకు అందుతున్న న్యాయ సేవలు, ఉచిత న్యాయ సహాయం, న్యాయ విజ్ఞాన కార్యక్రమాల నిర్వహణ తదితర అంశాలపై సమీక్షించారు. ప్రతి నెల మూడు న్యాయ సేవలు, న్యాయ విజ్ఞాన కార్యక్రమాలను నిర్వహించి ప్రజలకు అవగాహన కల్పించాలని జిల్లా ప్రధాన న్యాయమూర్తి న్యాయమూర్తులకు సూచించారు. ప్రత్యేకంగా గ్రామీణ ప్రాంతాలు, విద్యాసంస్థలు, మహిళలు, పిల్లలు, వద్ధులు, కార్మికులు, ఇతర అవసరమైన వర్గాలకు న్యాయ సేవలు చేరేలా కార్యక్రమాలను ప్రణాళికాబద్ధంగా నిర్వహించాలని సూచించారు. ప్రజలకు న్యాయం సులభంగా, సమర్థవంతంగా అందించడంలో న్యాయ సేవాధికార సంస్థలు, న్యాయస్థానాలు సమన్వయంతో పనిచేయాలని పేర్కొన్నారు. ఈ కార్యక్రమంలో ఉమ్మడి కడప జిల్లా న్యాయమూర్తులు,సీనియర్‌ సివిల్‌ జడ్జి, జిల్లా న్యాయ సేవాధికార సంస్థ సెక్రటరీ ఎస్‌.బాబా ఫకృద్దీన్‌ పాల్గొన్నారు.

బద్వేలు అర్బన్‌ : త్వరలో జరగనున్న స్థానిక సంస్థల ఎన్నికలను ప్రశాంత వాతావరణంలో నిర్వహించేందుకు పటిష్ట చర్యలు చేపట్టనున్నట్లు కర్నూలు రేంజ్‌ డీఐజీ డాక్టర్‌ కోయప్రవీణ్‌ పేర్కొన్నారు. శుక్రవారం బద్వేలు అర్బన్‌ పోలీసుస్టేషన్‌ను ఆకస్మిక తనిఖీ చేసిన ఆయన స్థానిక సంస్థల ఎన్నికలపై సిబ్బందితో చర్చించారు. అనంతరం మీడియాతో మాట్లాడుతూ కర్నూలు రేంజ్‌ పరిధిలో రెండు కార్పొరేషన్లు, 21 మున్సిపాలిటీలకు ఎన్నికలు జరగనున్నాయని, ఈ నేపథ్యంలో ఆయా కార్పొరేషన్లు, మున్సిపాలిటీల పరిధిలోని అన్ని స్టేషన్లను తనిఖీ చేసి సిబ్బందికి క్షేత్రస్థాయిలో చేపట్టాల్సిన విధులపై అవగాహన కల్పిస్తున్నామని తెలిపారు. ఎన్నికలు జరగనున్న ప్రాంతాల్లో వారంలో రెండు రోజులు ఎస్‌హెచ్‌ఓలు, ఎస్‌ఐలు, వారంలో ఒక రోజు డీఎస్పీ, 15 రోజుల్లో ఒకసారి అడిషనల్‌ ఎస్పీ, నెల రోజుల్లో ఎస్పీ స్థాయి అధికారులు పల్లెనిద్ర కార్యక్రమం చేపట్టి స్థానిక పరిస్థితులపై అవగాహన పెంచుకోవాలని కోరారు. ముఖ్యంగా రౌడీషీటర్లు, ట్రబుల్‌మాంగర్స్‌లపై ప్రత్యేక నిఘా ఉంచి ఎన్నికలను ప్రశాంత వాతావరణంలో నిర్వహించేందుకు చర్యలు చేపట్టాలని సూచించారు. అనంతరం మైదుకూరు సబ్‌ డివిజన్‌ పరిధిలో శాంతిభద్రతలపై చేపడుతున్న చర్యల గురించి మైదుకూరు డీఎస్పీ రాజేంద్రప్రసాద్‌ను అడిగి తెలుసుకున్నారు. రివార్డులకు సిఫార్సు రాష్ట్రంలో సంచలనం రేపిన దస్తగిరమ్మ హత్య కేసులో నిందితుడికి యావజ్జీవ కారాగార శిక్ష పడిన నేపథ్యంలో శిక్ష పడేందుకు కృషి చేసిన పోలీసు అధికారులకు రివార్డులు అందించేందుకు సిఫార్సు చేయాలని మైదుకూరు డీఎస్పీని ఆదేశించారు. కార్యక్రమంలో అర్బన్‌ సీఐ రామకృష్ణ, పోరుమామిళ్ళ సీఐ హేమసుందర్‌రావు తదితరులు పాల్గొన్నారు. డీఐజీ కోయప్రవీణ్‌

● చోరీ కేసులో అక్క, బావ, మరదలు అరెస్ట్‌ ● 5 తులాల బంగారు గాజులు స్వాధీనం ప్రొద్దుటూరు క్రైం : రద్దీ ప్రాంతాలనే లక్ష్యంగా చేసుకొని వారు చోరీలు చేసేవారు. ఈ క్రమంలో ప్రొద్దుటూరులోని పాత బస్టాండులో మహిళ హ్యాండ్‌ బ్యాగ్‌ నుంచి బంగారు ఆభరణాలను దొంగలించిన ముగ్గురు నిందితులను త్రీ టౌన్‌ పోలీసులు అరెస్ట్‌ చేశారు. అరెస్ట్‌ వివరాలను శుక్రవారం సాయంత్రం డీఎస్పీ కార్యాలయంలో ఏఎస్పీ విభూకృష్ణ మీడియాకు వెల్లడించారు. ఎర్రగుంట్ల మండలంలోని చిలమకూరు గ్రామానికి చెందిన సారెడ్డి లక్ష్మీదేవి ఈ నెల 12న ప్రొద్దుటూరులోని పాతబస్టాండుకు వచ్చారు. మధ్యాహ్నం సమయంలో బస్సు ఎక్కుతుండగా రద్దీలో గుర్తు తెలియని వ్యక్తులు ఆమె హ్యాండ్‌ బ్యాగులో ఉన్న పర్సును అపహరించారు. అందులో సుమారు ఐదు తులాల బరువున్న నాలుగు బంగారు గాజులు ఉన్నాయి. ఈ విషయమై బాధితురాలు 13న త్రీ టౌన్‌ పోలీసులకు ఫిర్యాదు చేశారు. కేసు నమోదు చేసిన పోలీసులు దర్యాప్తు చేపట్టారు. సీసీ కెమెరాలు, టవర్‌ లొకేషన్‌ ఆధారంగా నిందితులు అన్నమయ్య జిల్లా గాలివీడు మండలం గోపన్నపల్లి గ్రామానికి చెందిన షేక్‌ కరమల్ల షబీనా అలియాస్‌ పఠాన్‌ షబీనా, పఠాన్‌ ముబీనా, పఠాన్‌ షాహిద్‌ఖాన్‌లుగా గుర్తించారు. పఠాన్‌ షబీనా, పఠాన్‌ ముబీనా అక్కాచెల్లెల్లు కాగా పఠాన్‌ షాహిద్‌ ముబీనా భర్త. ఈ క్రమంలో నిందితులు ఎర్రగుంట్ల రోడ్డులోని వాసవి సర్కిల్‌ వద్ద ఉండగా సీఐ రామాంజనేయుడు, ఎస్‌ఐ సంజీవరెడ్డి సిబ్బందితో కలిసి వారిని అరెస్ట్‌ చేశారు. వారి వద్ద నుంచి చోరీకి గురైన బంగారు గాజులను స్వాధీనం చేసుకున్నారు. వీరిపై కేసు నమోదు చేసి రిమాండుకు తరలించనున్నట్లు ఏఎస్పీ తెలిపారు. షబీనాపై గతంలో చోరీ కేసు ఉందన్నారు. అలాగే పఠాన్‌ షాహిద్‌ఖాన్‌పై కూడా పలు ఎకై ్సజ్‌ కేసులు ఉన్నాయని తెలిపారు. ఈ కేసులో ప్రతిభ కనబరచి నిందితులను పట్టుకొని, పూర్తి స్థాయిలో సొత్తును రికవరీ చేసిన సీఐ, ఎస్‌ఐలతోపాటు ఏఎస్‌ఐ శ్రీరాములు సుబ్బన్న, కానిస్టేబుల్‌ ధనాంజనేయులు, హోంగార్డులు జనార్థన్‌రెడ్డి, ధరణిలను ఏఎస్పీ అభినందించారు.

వేర్వేరు ప్రమాదాల్లో నలుగురుగు దుర్మరణం అన్నమయ్య జిల్లాలో శుక్రవారం రహదారులు నెత్తురోడాయి. వేర్వేరు ప్రాంతాల్లో జరిగిన రోడ్డు ప్రమాదాల్లో నలుగురు దుర్మరణం పాలయ్యారు. గమ్యస్థానాలకు చేరుకోవాల్సిన ప్రాణాలు మార్గం మధ్యలోనే అనంతవాయువుల్లో కలిసిపోవడంతో ఆయా కుటుంబాల్లో తీరని శోకం మిగిలింది. పాలసేకరణకు వచ్చి.. సంబేపల్లె : కుటుంబ పోషణలో భాగంగా పాల సేకరణకు వచ్చిన ఇద్దరు వ్యాపారులు రోడ్డు ప్రమాదంలో మృతి చెందారు. అన్నమయ్య జిల్లా సంబేపల్లె మండల కేంద్ర పరిధిలో శుక్రవారం రాత్రి ఈ సంఘటన చోటు చేసుకుంది. పోలీసుల వివరాల మేరకు.. రౌతుకుంట గ్రామం వంగిమళ్లవాండ్లపల్లెకు చెందిన పి.బాబాఫకృద్దీన్‌ (అలీ) (32), పి.కలందర్‌ (42) వ్యవసాయంతో పాటు పాల వ్యాపారం చేస్తూ జీవనం సాగిస్తున్నారు. ఈ క్రమంలో ఇద్దరు కలిసి ద్విచక్రవాహనంపై సంబేపల్లె మండల కేంద్రానికి వచ్చి ఓ రైతుకు పాల క్యాను ఇచ్చి బాటిల్‌లో పాలు తీసుకొని ఇంటికి వెళుతుండగా చిత్తూరు–కర్నూలు జాతీయ రహదారిపై నామాలగుట్ట సమీపంలోకి రాగానే తిరుపతి నుంచి రాయచోటి వస్తున్న ఆర్టీసీ బస్సు ఢీకొంది. ప్రమాదంలో ఇద్దరూ అక్కడిక్కడే మృతి చెందారు. వీరి మృతితో రౌతుకుంటలో విషాదచాయలు అలముకున్నాయి. ఇంటి పెద్ద దిక్కును కోల్పోయి ఆ కుటుంబాలు రోడ్డున పడ్డాయి. పాలు తీసుకోవడానికి వెళ్లిన భర్త విగతజీవిగా మారాడని తెలుసుకున్న అలీ భార్య, ఇద్దరు పిల్లలు బోరున విలపించారు. మరోవైపు కలందర్‌ కుటుంబ సభ్యులు, కువైట్‌లో ఉండటంతో వారి బాధ వర్ణణాతీతమని గ్రామస్తులు చెప్పారు. ఈ సంఘటనలో రోడ్డు దాటుతున్న రాజాకు తీవ్రగాయాలయ్యాయి. లారీలను తప్పించబోయి.. గాలివీడు : మండలంలోని నూలివీడు పంచాయతీ తానాబాయి సమీపంలో శుక్రవారం జరిగిన రోడ్డు ప్రమాదంలో ట్రాక్టర్‌ బోల్తా పడి ఇద్దరు మృతి చెందారు. పోలీసుల కథనం మేరకు.. అస్సాం రాష్ట్రానికి చెందిన అబ్దుల్‌ మతలబ్‌ (25), కాశం (23) రామాపురం మండలంలో జలజీవన్‌ మిషన్‌ పనుల్లో భాగంగా నీటి ట్యాంకుల నిర్మాణానికి కూలీలుగా వచ్చారు. శుక్రవారం గాలివీడుకు వచ్చి ఇనుప కడ్డీలను ట్రాక్టర్‌లో తరలిస్తుండగా దేవరకొండ సమీపంలోని తానాబాయి వద్ద ఎదురుగా నిలిపి ఉన్న లారీలను తప్పించబోయారు. ఈ క్రమంలో ట్రాక్టర్‌ అదుపుతప్పి బోల్తా పడింది. ట్రాక్టర్‌లో ఉన్న ఇనుప కడ్డీలు అబ్దుల్‌ మతలబ్‌, కాశంపై పడటంతో వారు అక్కడికక్కడే మృతి చెందారు. డ్రైవర్‌ ప్రాణాలతో బయటపడ్డాడు.ఫకృద్దీన్‌, కలందర్‌, మతలబ్‌, కాశం మృతదేహాలు

కడప సిటీ : ప్రజలకు సురక్షితమైన, నాణ్యమైన ఆహారం అందించడమే లక్ష్యంగా జిల్లాలో ఆహార నాణ్యతపై ప్రత్యేక దృష్టి సారించినట్లు జిల్లా ఫుడ్‌ సేఫ్టీ అధికారి డాక్టర్‌ హరిత తెలిపారు. శుక్రవారం కడప నగరంలోని పలు హోటళ్లు, రెస్టారెంట్లు, ఆహార తయారీ కేంద్రాలు, ఆహార పదార్థాల పంపిణీ కేంద్రాలు, పన్నీర్‌, పాల ఉత్పత్తుల కేంద్రాల్లో ఫుడ్‌ సేఫ్టీ విభాగం ఆధ్వర్యంలో అసిస్టెంట్‌ ఫుడ్‌ కంట్రోలర్‌ ఓవీ రాముడుతో కలిసి జిల్లా ఫుడ్‌ సేఫ్టీ అధికారి డాక్టర్‌ హరిత విస్తృత తనిఖీలు నిర్వహించారు. ఆహార పదార్థాల తయారీ, నిల్వ, విక్రయ ప్రక్రియలను అధికారులు క్షుణ్ణంగా పరిశీలించారు. ముఖ్యంగా వంటశాలల పరిశుభ్రత, ఆహారం తయారు చేసే ప్రాంతాల్లో పారిశుద్ధ్య పరిస్థితులు, సిబ్బంది వ్యక్తిగత పరిశుభ్రత, ఆహార పదార్థాలను నిల్వ చేసే విధానం, నిల్వ ఉష్ణోగ్రతలు, గడువు తేదీలు తదితర అంశాలను తనిఖీ చేశారు. అదే విధంగా హోటళ్లు, రెస్టారెంట్లలో వినియోగిస్తున్న వంట నూనెల నాణ్యత, కూరగాయలు, పాలు, పన్నీర్‌, ఇతర పాల ఉత్పత్తుల నాణ్యతను పరిశీలించారు. ఆహార పదార్థాల్లో కల్తీకి అవకాశం ఉన్న ప్రాంతాలు, నాణ్యతా ప్రమాణాలు పాటించని విధానాలపై అధికారులు ప్రత్యేకంగా దృష్టి సారించారు. నిబంధనల ప్రకారం ఆహార పదార్థాలను నిల్వ చేస్తున్నారా? పరిశుభ్రమైన వాతావరణంలో తయారు చేస్తున్నారా? అనే అంశాలను కూడా పరిశీలించారు. తనిఖీల సందర్భంగా అనుమానాస్పదంగా ఉన్న పన్నీర్‌, పాల ఉత్పత్తులు, ఇతర ఆహార పదార్థాల నుంచి నమూనాలను సేకరించినట్లు డాక్టర్‌ హరిత తెలిపారు. సేకరించిన నమూనాలను నాణ్యతా ప్రమాణాల పరిశీలన కోసం ఆహార పరిశోధన ప్రయోగశాలకు పంపినట్లు పేర్కొన్నారు. ప్రయోగశాల నుంచి వచ్చే నివేదిక ఆధారంగా తదుపరి చర్యలు చేపడతామని తెలిపారు. ఆహార పదార్థాల నాణ్యతపై అనుమానాలు ఉన్నా, కల్తీ ఆహారం విక్రయిస్తున్నట్లు గుర్తించినా ప్రజలు సంబంధిత అధికారులకు సమాచారం అందించాలని సూచించారు. ఇందుకోసం 104 /1967 హెల్ప్‌లైన్‌ ద్వారా ఫిర్యాదు చేయవచ్చని తెలిపారు.

కలెక్టరేట్‌లో బాధితురాలి ఆవేదనకడప సిటీ : మా పాప సదరం సర్టిఫికెట్‌ పొందేందుకు అర్హతలున్నా వైద్యులు లెక్కచేయకుండా, ఇవ్వకుండా ఇబ్బందులు పెడుతున్నారని బాధితురాలి తల్లి, బద్వేలుకు చెందిన షేక్‌ రిజ్వాన ఆవేదన వ్యక్తం చేశారు. శుక్రవారం ఈ విషయంపై కలెక్టర్‌కు నివేదించేందుకు బాధితురాలు షేక్‌ ముబీనతో కలిసి ఆమె కలెక్టరేట్‌కు వచ్చారు. ఈ సందర్భంగా శ్రీసాక్షిశ్రీతో మాట్లాడారు.తన కుమార్తె షేక్‌ ముబీన పుట్టుకతోనే మెదడు చిన్న సైజులో ఉందన్నారు. దీంతో ఎడమ చేయి, ఎడమ కాలుకు పక్షవాతం వచ్చిందన్నారు. వైద్య పరీక్షల్లో కూడా ఇది నిర్ధారణ అయిందన్నారు. మందులకు నెలకు రూ. 3500 అవుతోందని, ఒకవేళ వాడకపోతే రోజుకు 20 సార్లు ఫిట్స్‌ వస్తాయని, ఒకరు మాత్రం ఏ పనికి వెళ్లకుండా ఆమెను చూసుకోవాల్సిన అవసరం ఉందని ఆవేదన వ్యక్తం చేశారు. తమ భర్త పెయింటర్‌గా పనిచేస్తున్నాడని, బాడుగ ఇంటిలో నివాసం ఉంటున్నామని వివరించారు. ఒకరి సంపాదనతో ఇల్లు గడవక అప్పులపాలయ్యామని కంటి తడి పెట్టారు. సదరం సర్టిఫికెట్‌ కోసం దరఖాస్తు చేసుకుంటూనే ఉన్నామని, కానీ సర్టిఫికెట్‌ మాత్రం రావడం లేదన్నారు. వైద్యులు మానసిక చికిత్సాలయానికి వెళ్లమంటున్నారు తప్ప సదరం సర్టిపికెట్‌ ఇవ్వడం లేదన్నారు. ఒక్కగానొక్క కుమార్తె ఇలా అనారోగ్యం పాలు కావడంతో దిక్కుతోచని స్థితిలో ఉన్నామని, కలెక్టర్‌ను కలిస్తే న్యాయం జరుగుతుందన్న ఉద్దేశంతో ఇక్కడికి వచ్చామని వివరించారు.

ప్రధాన పంటల సాగు వివరాలు (హెక్టార్లలో)● ప్రత్యామ్నాయ పంటలే శరణ్యం! ● జిల్లా వ్యవసాయ శాఖాధికారుల కీలక ప్రణాళిక కడప అగ్రికల్చర్‌: జిల్లాలో ఈ ఏడాది ఖరీఫ్‌ సీజన్‌ ఆరుతడి పంటల రైతులను తీవ్ర నిరాశకు గురిచేస్తోంది. ఖరీఫ్‌ సీజన్‌ ప్రారంభంలో కొంత ఆశాజనకంగా వర్షం కురిసినా, ఆ తర్వాత నుంచి వరుణుడు పూర్తిగా ముఖం చాటేశాడు. దీంతో ఖరీఫ్‌ ప్రారంభమై 100 రోజులు దాటినప్పటికీ సాగు విస్తీర్ణం 52.9 శాతానికే చేరింది. మరో 12 రోజుల్లో పూర్తి ఖరీఫ్‌ సీజన్‌ కూడా ముగియనుండటంతో, ఈ ఏడాది పెట్టుబడులు కూడా దక్కవని అన్నదాతలు తీవ్ర ఆందోళన వ్యక్తం చేస్తున్నారు. వర్షాధారం కింద సాగు చేసిన ఆరుతడి పంటల రైతుల్లో ఆందోళన గుబులు రేపుతోంది. వర్షం వస్తుందో లేదోనన్న దిగులు అన్నదాతలను కంటిమీద కునుకు లేకుండా చేస్తోంది. జూలై నుంచి సెప్టెంబర్‌ దాకా ముఖం చాటేసిన వరుణుడు సాధారణంగా ఖరీఫ్‌లో వేరుశనగ, కంది, మినుము, సోయాబీన్‌, పత్తి, మొక్కజొన్న తదితర ప్రధాన పంటలు విత్తుకునేందుకు జూలై నెల మంచి పదునైన సమయం. అయితే ఈ కీలకమైన జూలై నెలలోనే వరుణుడు ముఖం చాటేయడంతో ఖరీఫ్‌ ఏరువాక సాగుపై కోలుకోలేని దెబ్బ పడింది. జిల్లాను కరువు కోరల్లోకి నెట్టేసింది. ఖరీఫ్‌ సీజన్‌ నెలవారీ వర్షపాత లోటు వివరాలు ఇలా ఉన్నాయి... జూన్‌: సాధారణ వర్షపాతం 68.2 ఎంఎం కాగా, కురిసింది 50.3 ఎంఎం మాత్రమే. అంటే – 26.3 శాతం లోటు నమోదైంది. జూలై: సీజన్‌ మార్చే ఈ నెలలో సాధారణ వర్షపాతం 96.7 ఎంఎం కు అత్యంత దారుణంగా కేవలం 24.5 ఎంఎం మాత్రమే కురిసింది. అంటే ఏకంగా – 74.7 శాతం లోటు వర్షపాతం అన్నదాతల ఆశలపై నీళ్లు చల్లింది. ఆగస్టు: సాధారణ వర్షపాతం 118.4 ఎంఎం కాగా, 66.7 ఎంఎం మాత్రమే కురిసింది. ఇందులోనూ – 43.7 శాతం లోటు మిగిలింది. సెప్టెంబర్‌: ఈ నెలలో సాధారణ వర్షపాతం 117.2 ఎంఎం కాగా, నేటివరకు కురిసింది కేవలం 3.3 ఎంఎం మాత్రమే. ఇంకా– 94.1 శాతం మేర భారీ లోటు కొనసాగుతోంది. మొత్తంగా ఖరీఫ్‌ సీజన్‌ సాధారణ వర్షపాతం 400.5 ఎంఎం కాగా, జిల్లాలో నమోదైంది కేవలం 144.8 ఎంఎం మాత్రమే. దీనివల్ల సీజన్‌ మొత్తమ్మీద –57.4 శాతం భయంకరమైన లోటు వర్షపాతం నమోదైంది. 40449 హెక్టార్లకే పరిమితం.. బోర్లలోనూ ‘నీటి’ కరువు జిల్ల్లాలో ఖరీఫ్‌ సాధారణ సాగు విస్తీర్ణం 76,496 హెక్టా ర్లు కాగా.. ఇందులో 40449 హెక్టార్లలో (52.9 శాతం) మాత్రమే వివిధ పంటలు సాగయ్యాయి. ఇందులో 16,074 హెక్టార్లలో ఆరుతడి పంటలను వర్షాధారంగా సాగు చేయగా, మరో 22747 హెక్టార్లలో బోరు బావుల కింద పంటలను సాగు చేశారు. వర్షాలు లేకపోవడంతో భూగర్భ జలాలు వేగంగా అడుగంటుతున్నాయి. చాలా ప్రాంతాల్లో బోర్లలో సైతం నీరు సరిగా రావడం లేదని, మరో 10 నుంచి 15 రోజుల్లో బోర్లలో నీరు పూర్తిగా తగ్గే అవకాశం ఉందని రైతులు ఆవేదన వ్యక్తం చేస్తున్నారు. ఏమాత్రం తేడా వచ్చినా తాము పెట్టిన లక్షల రూపాయల పెట్టుబడులు మట్టిపాలవుతాయని అన్నదాతలు కన్నీరుమున్నీరవుతున్నారు. వేరుశనగ: సాధారణ సాగు విస్తీర్ణం 4,446 హెక్టా ర్లు కాగా.. సీజన్‌ ముగిసే సమయానికి కేవలం 3,612 హెక్టార్లలో (81.2శాతం) మాత్రమే సాగైంది. ఇందులో 2,585 హెక్టార్లు వర్షాధారం కింద, 1,027 హెక్టార్లు బోర్ల కింద సాగైంది. అక్కడక్కడ వేరుశనగ పంట వాడుముఖం పట్టడంతో రైతులు తీవ్ర ఆందోళన చెందుతున్నారు. పత్తి: సాధారణ సాగు 22,469 హెక్టార్లు ఉండగా.. ఇప్పటివరకు 9,280 హెక్టార్లలోనే (41.3 శాతం) సాగైంది. ఇందులో 2,245 హెక్టార్లలో బోర్ల కింద సాగు చేయగా, మిగతా 7,035 హెక్టార్లలో వర్షాధారంగా సాగు చేశారు. కంది: సాధారణ సాగు 5,992 హెక్టార్లు కాగా.. కేవలం 2,156 హెక్టార్లలో (36.0 శాతం) మాత్రమే సాగైంది. ఇందులో కేవలం 29 హెక్టార్లలో మాత్రమే బోర్ల కింద, మిగతా 2,156 హెక్టార్లలో వర్షాధారంగా సాగు చేశారు. మినుము: సాధారణ సాగు 3,735 హెక్టార్లు కాగా.. 2,847 హెక్టార్లలో (76.0 శాతం) సాగైంది. ఇందులో 154 హెక్టార్లు మాత్రమే బోరుబావుల కింద కాగా, మిగతా 2,693హెక్టార్లు వర్షాధారంగా నమోదైంది. ఖరీఫ్‌ సీజన్‌లో వర్షాలు పూర్తిగా మొహం చాటేయడం, ఆరుతడి పంటల సాగు గడువు ముగిసిపోవడంతో రైతులు అప్రమత్తం కావాలని జిల్లా వ్యవసాయా ధికారి మట్ట సుబ్రహ్మణ్యేశ్వరరావు సూచిస్తున్నారు. తీవ్ర వర్షాభావ పరిస్థితుల నేపథ్యంలో పంట నష్టాలను తగ్గించుకునేందుకు ఈ క్రింది ప్రత్యామ్నాయ మార్గాలను అనుసరించాలని కోరుతున్నారు. ఆరుతడి పంటల స్థానంలో రబీ సన్నాహాలు: ఖరీఫ్‌లో విత్తుకోలేకపోయిన పొలాలను అలాగే వదిలేయకుండా, రాబోయే రబీ సీజన్‌కు అనుకూలమైన స్వల్పకాలిక పంటల సాగుకు భూములను సిద్ధం చేసుకోవాలి. స్వల్పకాలిక/ప్రత్యామ్నాయ పంటలు: నీటి లభ్యత తక్కువగా ఉన్నా తట్టుకుని నిలబడే జొన్న, సజ్జ, కొర్రలు, రాగులు వంటి తృణధాన్యాల పంటలతో పాటు.. రబీ సీజన్‌ ప్రారంభంలో శనగ, పొద్దుతిరుగుడు (సన్‌ఫ్లవర్‌), కుసుమలు వేసుకోవడం లాభదాయకం. నీటి యాజమాన్య పద్ధతులు: బోరు బావుల కింద నీటి లభ్యత క్రమంగా తగ్గుతున్నందున, సాంప్రదాయ పద్ధతుల్లో కాకుండా డ్రిప్‌ (బిందు) లేదా స్ప్రింక్లర్‌ (చిలకరింపు) సేద్యం ద్వారా మాత్రమే తక్కువ నీటితో ఎక్కువ విస్తీర్ణంలో తడులు అందించాలి. పంటల రక్షణ: ఇప్పటికే సాగు చేసి వాడుముఖం పడుతున్న వేరుశనగ, పత్తి పంటలకు రక్షణగా పొటాషియం నైట్రేట్‌ 5 గ్రాములు లీటరు నీటికి లేదా 20 గ్రాములు యూరియాను లీటర్‌ నీటికి కలిసి మొక్క బాగా తడిచేటట్లు పిచికారి చేసుకుంటే మేలు జరుగుతుంది. – మట్ట సుబ్రహ్మణ్యేశ్వర రావు, జిల్లా వ్యవసాయ అధికారి

కడప ఎడ్యుకేషన్‌: జిల్లాలోని ప్రభుత్వ, ప్రైవేట్‌ ఐటీఐలలో మిగిలి ఉన్న సీట్లకు దరఖాస్తులు ఆహ్వానిస్తున్నట్లు ప్రభుత్వ ఐటీఐల జిల్లా కన్వీనర్‌ జ్ఞానకుమార్‌ తెలిపారు. ఈ నెల 22వ తేదీ మధ్యాహ్నం 1 గంట వరకు దరఖాస్తుల స్వీకరణకు గడువు ఉందని తెలిపారు. కడపలోని ప్రభుత్వ ఐటీఐ మైనారీటీలో ఈ విద్యా సంవత్సరానికి మోటార్‌ మెకానిక్‌ వెహికల్‌, కంప్యూటర్‌, వెల్డర్‌, పిట్టర్‌ ట్రేడ్‌లలో మిగిలి ఉన్న సీట్లు ప్రవేశాల కోసం https:// itiadmissions. ap.gov.inలో తప్పని సరిగా రిజిస్టర్‌ చేసుకోవాలని తెలిపారు. శిక్షణా కాలం పూర్తి చేసుకున్న అభ్యర్థులకు ప్రాంగణ ఎంపికల ద్వారా వివిధ పరిశ్రమలలో ఉద్యోగ అవకాశం కల్పించనున్నట్లు తెలిపారు. అభ్యర్థులు 10వ తరగతి పాస్‌ లేదా ఫెయిల్‌, ఇంటర్‌ పాస్‌ లేదా ఫెయిల్‌ ఆపై విద్యార్హత కలిగిన వారు ఐటీఐలో చేరేందుకు అర్హులని తెలిపారు. వివరాలకు 9949085688, 7330965183 నంబర్లలో సంప్రదించాలని జిల్లా కన్వీనర్‌ తెలిపారు. గండి నిత్యాన్నదానానికి విరాళం చక్రాయపేట: గండి వీరాంజనేయ స్వామి సన్నిధిలో జరిగే శాశ్వత నిత్యాన్నదాన పథకానికి పులివెందులకు చెందిన సోకే వెంకటరమణ ఆయన సతీమణి రాధ రూ.లక్ష విరాళం ఇచ్చారు. కడప పార్లమెంట్‌ సభ్యులు వైఎస్‌ అవినాష్‌ రెడ్డి జన్మదినం సందర్భంగా ఎంపీ చేతుల మీదుగా అందజేసిన చెక్కును ఆయన తిరిగి దాతల ద్వారా తమకు అందజేసినట్లు ఆలయ సహాయ కమిషనర్‌ విశ్వనాథ్‌ తెలిపారు. అలాగే వీరన్న గట్టు పల్లెకు చెందిన పళ్లా అన్నయ్యకుమారుడు పల్లా నారాయణ స్వామి రు. 25,116లు స్కానర్‌ ద్వారా విరాళం ఇచ్చినట్లు ఆలయ అధికారి తెలిపారు. కార్యక్రమంలో ఆలయ చైర్మన్‌ వెంకటస్వామి పాల్గొన్నారు బ్రహ్మంగారి హుండీ ఆదాయం రూ. 52లక్షలు బ్రహ్మంగారిమఠం: శ్రీ పోతులూరు వీరబ్రహ్మేంద్ర స్వామి మఠంలో శుక్రవారం హుండీ ఆదాయాన్ని లెక్కించగా రూ 52,02,495 నగదు, 62గ్రాముల బంగారు, 351గ్రాములు వెండి వచ్చినట్లు మఠం నిర్వాకులు తెలిపారు. ఇందులో బ్రహ్మంగారిమఠం హుండీల ద్వారా రూ 47,85,689, పోలేరమ్మ దగ్గర హుండీ ద్వారా రూ 3,82,897, నిత్యఅన్నదానం దగ్గర హుండీ ద్వారా రూ 33, 909 ఆదాయం వచ్చినట్లు తెలిపారు. కార్యక్రమంలో మఠాధిపతి వీరధర్మజ వెంకటాద్రిస్వామి, ఎండోమెంట్‌ ఎసీ శంకర్‌బాలాజీ, విశ్వబ్రాహ్మణ కార్పోరేషన్‌మాజీ డైరెక్టర్‌ గొ డ్లవీడు సుబ్రమణ్యం తదితరులు పాల్గొన్నారు. ముగిసిన చెన్నకేశవుడి పవిత్రోత్సవాలు రాజంపేట: పదకవితాపితామహుడు తాళ్లపాక అన్నమాచార్యులు జన్మస్థలి తాళ్లపాకలో శ్రీ లక్ష్మీచెన్నకేశవస్వామి పవిత్రోత్సవాలు ముగిశాయి. ఇందులో భాగంగా శుక్రవారం స్వామివారికి పల్లకీ సేవ నిర్వహించారు. అంతకముందు ఉత్సవమూర్తులను సుందరంగా అలంకరించి పల్లకిపై కొలువు దీర్చారు.ప్రత్యేకపూజలు నిర్వహించారు. అనంతరం గ్రామపురవీధుల్లో పల్లకీ సేవను కొనసాగించారు. ఈ సందర్భంగా భఽక్తులు కాయకర్పూరాలను సమర్పించారు. కారక్రమంలో టెంపుల్‌ ఇన్‌స్పెక్టర్‌ బాలాజీ, మాజీ సర్పంచి గౌరీశంకర్‌ తదితరులు పాల్గొన్నారు. జాతీయస్థాయి పోటీలకు ఎంపిక వేంపల్లె : ఆర్జీయూకేటీ ఇడుపులపాయ ఆర్‌కే వ్యాలీ ట్రిపుల్‌ ఐటీ విద్యార్థులు జాతీయ స్థాయిలో జరిగే ప్రజ్ఞ – ది బిజినెస్‌ క్విజ్‌ ఫైనల్‌ పోటీలకు ఎంపికయ్యారని ట్రిపుల్‌ ఐటీ డైరెక్టర్‌ విజయ్‌ ప్రకాష్‌ తెలిపారు. శుక్రవారం ఇడుపులపాయ ఆర్‌కే వ్యాలీ ట్రిపుల్‌ ఐటీలో ఆయన మాట్లాడుతూ జాతీయ స్థాయిలో ఆఫ్‌లైన్‌ ఫైనల్స్‌ 2026 అక్టోబర్‌ 30 నుంచి నవంబర్‌ 1 వరకు భారతీయ మేనేజ్‌మెంట్‌ సంస్థ పోటీలు జరుగుతాయని, ఈ పోటీలకు 7వ జట్టు విద్యార్థులైన శ్రీచక్ర రెడ్డి, శ్రీజారెడ్డి విద్యార్థులు హాజరవుతారన్నారు. ఈ విజయం విద్యార్థుల వ్యాపార పరిజ్ఞానం, సమకాలీన అంశాలపై అవగాహన, విశ్లేషణాత్మక ఆలోచనా సామర్థ్యం, పోటీ స్ఫూర్తికి నిదర్శనంగా నిలుస్తుందన్నారు. విద్యార్థులను ఏఓ రవికుమార్‌, డీన్‌ ఆఫ్‌ ఆకడమిక్స్‌ రమేష్‌ కై లాస్‌లతోపాటు అధ్యాపకులు అభినందనలు తెలిపారు.

– బైక్‌ ప్రమాదంలో వ్యక్తి మృతి బ్రహ్మంగారిమఠం : మండలంలోని తోట్లపల్లె దగ్గర అడవి పందులు అడ్డురావడంతో బైక్‌ ప్రమాదంలో తోట్లపల్లె ఎస్సీ కాలనీకి చెందిన ఎర్రంపల్లె బాల బ్రహ్మయ్య(36) శుక్రవారం సాయంత్రం మృతి చెందాడు. స్థానికులు తెలిపిన వివరాలు ఇలా ఉన్నాయి. బాలబ్రహ్మయ్య తోట్లపల్లె దగ్గర ఉన్న గురుకుల పాఠశాలలో వాచ్‌మెన్‌గా ఉన్నాడు. మల్లేపల్లెకు వెళ్లి వస్తుండగా తోట్లపల్లె సమీపంలో ఒక్కసారిగా అడవి పందులు రోడ్డు దాటేందుకు పరుగులు పెట్టగా.. బైక్‌ను ఢీకొట్టాయి. బాల బ్రహ్మయ్య బైక్‌ కంప చెట్లలోకి వెళ్లి పడిపోవడంతో తలకు తీవ్ర గాయాలు అయ్యాయి. అక్కడికక్కడే మృతి చెందినట్లు తెలిపారు. కేసు నమోదు చేసుకొని దర్యాప్తు చేస్తున్నట్లు వారు తెలిపారు. సింహాద్రిపురం : సింహాద్రిపురం మండలం పైడిపాలెం గ్రామంలో శుక్రవారం వివాహిత హేమలత (20) ఉరి వేసుకుని ఆత్మహత్య చేసుకున్న సంఘటన చోటు చేసుకుంది. ఎస్‌ఐ ఘన మద్దిలేటి కథనం మేరకు వివరాలు ఇలా ఉన్నాయి. పైడిపాలెం గ్రామానికి చెందిన దాసరి హేమలతకు ఏడాది వయస్సు గల కుమార్తె ఉంది. భార్యాభర్తలిద్దరూ పాప పుట్టువెంట్రుకలు వచ్చే సోమవారం చేయాలని నిర్ణయించారు. ఈ కార్యక్రమాన్ని ఘనంగా చేయాలని భార్య పట్టుబట్టారు. దీనికి భర్త ఒప్పుకోకపోవడంతో హేమలత మనస్తాపం చెంది ఇంట్లో ఉరి వేసుకుని మృతి చెందింది. మృతురాలి తండ్రి ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఎస్‌ఐ తెలిపారు. వేముల : మండలంలోని దుగ్గన్నగారిపల్లె గ్రామానికి చెందిన రిటైర్డు ఆర్మీ ఉద్యోగి కేశవరెడ్డి(65) శుక్రవారం విద్యుత్‌ షాక్‌తో మృతి చెందాడు. ఈ సంఘటనకు సంబంధించి కుటుంబ సభ్యుల కథనం మేరకు వివరాలు ఇలా ఉన్నాయి. గ్రామానికి చెందిన కేశవరెడ్డి ఆర్మీలో రిటైర్డు అవ్వగానే.. వ్యవసాయం చేసుకుంటూ జీవనం సాగించేవాడు. రోజూ మాదిరిగానే శుక్రవారం ఉదయం పొలం వద్దకు నీరు పెట్టేందుకు వెళ్లాడు. అక్కడ తెగిపడిన వైర్లను గమనించని కేశవరెడ్డి మోటార్‌ ఆన్‌ చేయగానే విద్యుత్‌ షాక్‌కు గురై మృతి చెందాడు. ఈ సంఘటనకు సంబంధించి మృతుడి భార్య అరుణ కుమారి ఫిర్యాదు మేరకు కేసు నమోదు చేసుకుని దర్యాప్తు చేస్తున్నట్లు ఎస్‌ఐ ప్రవీణ్‌కుమార్‌ తెలిపారు.

కడప సిటీ : కలెక్టరేట్‌ భవన సముదాయంలోని ఈవీఎం గోడౌన్లను గుర్తింపు పొందిన అన్ని రాజకీయ పార్టీల ప్రతినిధుల సమక్షంలో శుక్రవారం జిల్లా కలెక్టర్‌ డాక్టర్‌ శ్రీధర్‌ చెరుకూరి పరిశీలించారు. ఎన్నికల కమిషన్‌ ఆదేశాల మేరకు త్రైమాసిక తనిఖీల్లో భాగంగా ఈవీఎంలను భద్రపరిచిన గోడౌన్లను తనిఖీ చేసినట్లు జిల్లా కలెక్టర్‌ తెలిపారు. ఈ కార్యక్రమంలో ఇన్‌చార్జి జిల్లా రెవెన్యూ అధికారి మల్లికార్జునుడు, హెచ్‌ సెక్షన్‌ సూపరింటెండెంట్‌ ఈ. శ్రీకాంత్‌ రెడ్డి, గుర్తింపు పొందిన రాజకీయ పార్టీల ప్రతినిధులు తదితరులు పాల్గొన్నారు. అభివృద్ధి పనులను వేగవంతం చేయాలి కడప సెవెన్‌రోడ్స్‌ : మైదుకూరు మున్సిపాలిటీలో చేపడుతున్న అభివృద్ధి పనులను నిర్దేశిత గడువులోగా పూర్తి చేసి ప్రజలకు మెరుగైన మౌలిక వసతులు అందేలా చర్యలు తీసుకోవాలని జిల్లా కలెక్టర్‌ డాక్టర్‌ శ్రీధర్‌ చెరుకూరి అధికారులను ఆదేశించారు. శుక్రవారం కలెక్టరేట్లోని తన ఛాంబర్‌ లో జిల్లా కలెక్టర్‌ అధ్యక్షతన మైదుకూరు మున్సిపాలిటీ అభివృద్ధి పురోగతిపై సమీక్ష సమావేశం జరిగింది. ఈ సమావేశానికి ముఖ్య అతిథిగా మైదుకూరు ఎమ్మెల్యే పుట్టా సుధాకర్‌ యాదవ్‌, వివిధ శాఖల జిల్లా అధికారులు హాజరయ్యారు. సమావేశంలో మైదుకూరు మున్సిపాలిటీతో పాటు నియోజకవర్గంలో వివిధ శాఖల ఆధ్వర్యంలో కొనసాగుతున్న అభివృద్ధి కార్యక్రమాలపై అధికారులు వివరాలను కలెక్టర్‌కు అందించారు. తాగునీటి సరఫరా, రహదారులు, డ్రైనేజీ, వీధి దీపాలు, పారిశుద్ధ్యం, పన్నుల వసూళ్లు, పట్టణ ప్రణాళిక, గృహ నిర్మాణ అనుమతులు, పట్టణ పేదల అభివృద్ధి, వివిధ అభివృద్ధి పథకాల కింద చేపడుతున్న పనుల పురోగతిని కలెక్టర్‌ సమీక్షించారు. ప్రస్తుతం బోరు బావుల ద్వారా 3.65 మిలియన్‌ లీటర్ల నీరు సరఫరా అవుతుండగా, అవసరానికి తగ్గ నీటి లభ్యత కోసం ప్రత్యామ్నాయ, శాశ్వత వనరులపై దృష్టి సారించాలని కలెక్టర్‌ సూచించారు. రహదారుల అభివృద్ధి, గుంతల పూడ్చివేత, మురుగు కాలువల నిర్మాణం, వర్షాకాలంలో లోతట్టు ప్రాంతాల్లో నీటి నిల్వలు ఏర్పడకుండా కాలువల్లో పూడిక తొలగింపు పనులను నిరంతరం పర్యవేక్షించాలని జిల్లా కలెక్టర్‌ ఆదేశించారు. అనంతరం ఎమ్మెల్యే పుట్టా సుధాకర్‌ యాదవ్‌ మాట్లాడారు. ఈ కార్యక్రమంలో మైదుకూరు మున్సిపల్‌ కమిషనర్‌ రంగస్వామి, తహసీల్దార్‌ రాజ సింహా నరేంద్ర, అన్ని శాఖల జిల్లా అధికారులు తదితరులు పాల్గొన్నారు.

కడప సిటీ : రానున్న స్థానిక సంస్థల ఎన్నికల నిర్వహణ నిష్పక్షపాతంగా, శాంతియుత వాతావరణంలో జరిగేలా చర్యలు తీసుకోవాలని వైఎస్సార్‌ సీపీ జిల్లా అధ్యక్షుడు పి.రవీంద్రనాథ్‌రెడ్డి, మాజీ డిప్యూటీ సీఎం ఎస్‌బీ అంజద్‌బాషలు కోరారు. శుక్రవారం సాయంత్రం వారు మాజీ మేయర్‌ పాకా సురేష్‌కుమార్‌, మాజీ డిప్యూటీ మేయర్‌ నిత్యానందరెడ్డి, ఎస్సీ సెల్‌ స్టేట్‌ వర్కింగ్‌ ప్రెసిడెంట్‌ పులి సునీల్‌కుమార్‌, యువజన విభాగం రాష్ట్ర ఉపాధ్యక్షుడు షఫీవుల్లా, మాజీ కార్పొరేటర్‌ త్యాగరాజు, ఈస్ట్‌జోన్‌ ప్రెసిడెంట్‌ రామ్మోహన్‌రెడ్డితో కలిసి కలెక్టరేట్‌లో జిల్లా కలెక్టర్‌ డాక్టర్‌ శ్రీధర్‌ చెరుకూరిని కలిసి వినతిపత్రం సమర్పించారు. ఈ సందర్భంగా వారు మీడియాతో మాట్లాడారు. ప్రస్తుతం జరుగుతున్న పరిణామాల నేపథ్యంలో పోలీసుల వ్యవహారశైలిపై కూడా ఫిర్యాదు చేసినట్లు వారు తెలిపారు. రానున్న స్థానిక ఎన్నికల నేపధ్యంలో పోలీసులు ఉద్దేశ పూర్వకంగా కేవలం వైఎస్సార్‌సీపీ నాయకులు, కార్యకర్తలపైనే బైండోవర్‌ కేసులు నమోదు చేస్తున్నారన్నారు. తెలుగుదేశం పార్టీ వారిపై ఎందుకు నమోదు చేయలేదని అడిగితే చేస్తాం...చూస్తామని కాలాయాపన చేస్తున్నారని, ఇది ఎంతవరకు సబబు అన్నారు. నిబంధనల ప్రకారం ఎన్నికలు వచ్చినపుడు కేసులు ఉన్న వారిపై బైండోవర్‌ కేసులు నమోదు చేయడం సర్వసాధారణమని, నిబంధనల ప్రకారం అన్ని పార్టీలకు ఇది వర్తిస్తుందన్నారు. జిల్లాలో వైఎస్సార్‌ సీపీ నాయకులు, కార్యకర్తల అరెస్టుల పర్వం కొనసాగుతోందని వారు ఆవేదన వ్యక్తం చేశారు. కేవలం వైఎస్సార్‌ సీపీ పార్టీనే టార్గెట్‌ చేసి పోలీసులు ఈ వ్యవహారాన్ని కొనసాగిస్తున్నారని, ఇది మంచి పద్దతి కాదన్నారు. అంతేకాకుండా వైఎస్సార్‌ సీపీ నాయకులు, కార్యకర్తలపై హెచ్చరికలు జారీ చేస్తున్నారన్నారు. ఈ విషయంపై విచారణ జరిపి సంబంధిత వ్యక్తులపై చర్యలు తీసుకోవాలని వారు కలెక్టర్‌ను కోరారు. నిబంధనలు అతిక్రమిస్తే న్యాయస్థానాన్ని ఆశ్రయిస్తాం ఎన్నికల నియామవళి ప్రకారం నిర్వహణ లేకపోతే న్యాయస్థానాన్ని ఆశ్రయించి ఎన్నికలు సజావుగా జరిగేందుకు చర్యలు తీసుకుంటామని వారు తెలిపారు. కలెక్టర్‌ను కలిసి ఈ విషయంపై క్షుణ్ణంగా వివరించామని తెలియజేశామన్నారు. జిల్లా ఎన్నికల అధికారిగా ఉన్న కలెక్టర్‌పై నమ్మకం ఉందని తెలిపారు. అలా కాకుండా పరిణామాలు మారితే న్యాయస్థానాన్ని ఆశ్రయించి శాంతియుత వాతావరణంలో నిష్పక్షపాతంగా ఎన్నికలు జరిగేందుకు తమవంతుగా ప్రయత్నంచేస్తామని వారు స్పష్టం చేశారు. కలెక్టర్‌కు వైఎస్సార్‌ సీపీ జిల్లా అధ్యక్షుడు రవీంద్రనాథ్‌రెడ్డి, మాజీ డిప్యూటీసీఎం అంజద్‌బాష వినతి

కడప అర్బన్‌ : జర్నలిస్టులపై దాడులు, బెదిరింపులను సహించేది లేదని వైఎస్సార్‌ జిల్లా ఎస్పీ నచికేత్‌ విశ్వనాథ్‌ స్పష్టం చేశారు. వేంపల్లి సాక్షి టీవీ విలేకరి దివాకర్‌రెడ్డిపై ఇసుక మాఫియా బెదిరింపుల అంశాన్ని ఆంధ్రప్రదేశ్‌ యూనియన్‌ ఆఫ్‌ వర్కింగ్‌ జర్నలిస్ట్‌ (ఏపీయూడబ్ల్యూజే) ఎస్పీ దృష్టికి తీసుకువచ్చింది. రైతులు ఇసుక దందాపై ఆందోళన చేసిన అంశాన్ని కవర్‌ చేసినందుకు దివాకర్‌రెడ్డికి బెదిరింపు కాల్స్‌, మెసేజ్‌లు వచ్చాయని.. ఇసుక మాఫియా ఆగడాలకు జర్నలిస్టులు భయాందోళనకు గురవుతున్నారని యూనియన్‌ నేతలు ఎస్పీకి తెలిపారు. బెదిరింపు కాల్స్‌కు సంబంధించిన ఆధారాలను సైతం ఎస్పీకి అందించారు. ఈ సందర్భంగా ఎస్పీ నచికేత్‌ విశ్వనాథ్‌ మాట్లాడుతూ జర్నలిస్టులపై దాడులు, బెదిరింపులను ఎట్టి పరిస్థితుల్లోనూ సహించేది లేదని స్పష్టం చేశారు. తప్పనిసరిగా బెదిరింపులకు దిగిన వారిపై కఠినంగా వ్యవహరిస్తామని ఆయన హామీ ఇచ్చారు. ఎస్పీకి ఫిర్యాదు చేసిన అనంతరం ఏపీయూడబ్ల్యూజే రాష్ట్ర మాజీ కార్యదర్శి పల్లేటి రామసుబ్బారెడ్డి, జిల్లా అధ్యక్షులు మోపూరి బాలకృష్ణారెడ్డి మాట్లాడుతూ రైతులు చేసిన ఆందోళనను కవర్‌ చేసినా చంపేస్తామంటూ బెదిరింపులకు దిగడం తగదన్నారు. ఇప్పటికే జిల్లాలో పలు సందర్భాల్లో జర్నలిస్టులపై దాడులకు దిగారని, భవిష్యత్తులో ఇలాంటి దాడులు, బెదిరింపులు లేకుండా చర్యలు తీసుకోవాల్సిన అవసరం ఎంతైనా ఉందన్నారు. ఇసుక మాఫియా నుంచి సాక్షి టీవీ విలేకరి దివాకర్‌రెడ్డికి వచ్చిన బెదిరింపు కాల్స్‌ విషయంలో ఎస్పీకి ఫిర్యాదు చేశామని, ఆయన సానుకూలంగా స్పందించి కఠిన చర్యలు తీసుకుంటామన్నారని వారు వివరించారు. ఈ సందర్భంగా ప్రభుత్వం జర్నలిస్టులపై దాడుల నివారణ కమిటీలను ఏర్పాటు చేయాలని వారు డిమాండ్‌ చేశారు. ఎస్పీని కలిసిన వారిలో ఐజేయూ సభ్యులు రామాంజనేయరెడ్డి, ఏపీయూడబ్ల్యూజే రాష్ట్ర కౌన్సిల్‌ సభ్యులు శివరాం, జిల్లా ఆర్గనైజింగ్‌ సెక్రటరీ సురేంద్ర, ఎలక్ట్రానిక్‌ మీడియా జర్నలిస్టుల అసోసియేషన్‌ రాష్ట్ర మాజీ అధ్యక్షుడు శ్రీనివాస్‌ వెన్ను, బిగ్‌ టీవీ స్టాఫ్‌ రిపోర్టర్‌ శివ, వివిధ పత్రికలు, చానళ్లకు చెందిన జర్నలిస్టులు, ఫొటో, వీడియో జర్నలిస్టులు ఉన్నారు. జిల్లా ఎస్పీ నచికేత్‌ విశ్వనాథ్‌ సాక్షి టీవీ విలేకరికి బెదిరింపులపై ఎస్పీ సీరియస్‌ ఇసుక మాఫియా నుంచి విలేకరులకు రక్షణ కల్పించాలన్న ఏపీయూడబ్ల్యూజే బెదిరింపు కాల్స్‌, మెసేజ్‌లపై ఎస్పీకి ఫిర్యాదు

పులివెందుల : స్థానిక గుంతబజార్‌ సమీపంలో ప్రతిష్టించిన వినాయకుడి నిమజ్జనం కార్యక్రమంలో అపశృతి చోటుచేసుకుంది. ట్రాక్టర్‌పై వెళుతుండగా ప్రమాదవశాత్తు కిందపడటంతో నలుగురు యువకులు తీవ్రంగా గాయపడ్డారు. గాయపడిన యువకులను వెంటనే స్థానిక గంగిరెడ్డి సార్‌ హాస్పిటల్‌లో చేర్పించి చికిత్స అందించారు. అనంతరం మెరుగైన వైద్యం కోసం కడపకు తరలించారు. విషయం తెలుసుకున్న మున్సిపల్‌ ఇన్‌చార్జి వైఎస్‌ మనోహర్‌ రెడ్డి ఆసుపత్రికి వెళ్లి క్షతగాత్రులను పరామర్శించారు. వారి ఆరోగ్య పరిస్థితిని వైద్యులను అడిగి తెలుసుకున్నారు. బాధిత కుటుంబాలకు అండగా ఉంటానని, భరోసా ఇచ్చారు. ఈ కార్యక్రమంలో వైసీపీ నాయకులు హాల్‌ గంగాధర్‌ రెడ్డి, కోడి రమణ, నూరుల్లా, కనక పాల్గొన్నారు.

రాజంపేట : పట్టణంలోని బైపాస్‌రోడ్డులో తిరుమల బార్‌ సమీపంలో గురువారం కియో కారు బీభత్స సృష్టించింది. రోడ్డు పక్కగా ఉన్న షాపుల బోర్డులను కొట్టుకుంటూ వెళ్లింది. అక్కడున్న వాహనాలను కూడా ఢీ కొట్టింది. ఈ ప్రమాదంలో ఇద్దరు గాయపడ్డారు. వారిని చికిత్స నిమిత్తం రాజంపేట ప్రాంతీయవైద్యశాలకు తరలించారు.కియో కారు డ్రైవరు నిద్రమత్తులో ఉండగా ఈ ప్రమాదం చోటుచేసుకుందా, లేక మరేదైన కారణమా అన్న అనుమానాలు వ్యక్తం అవుతున్నాయి. పోలీసుల విచారణలో వివరాలు వెల్లడి కావాల్సి ఉందని స్థానికులు చెబుతున్నారు. దాడిలో ఒకరికి ..వల్లూరు : మండల కేంద్రమైన వల్లూరులో నాగ రాజారెడ్డి అనే వ్యక్తిపై వెంకట సుబ్బయ్య అనే వ్యక్తి దాడి చేసిన సంఘటన గురువారం జరిగింది. స్థానికులు తెలిపిన సమాచారం మేరకు ఎదురు ఎదురు ఇళ్లలో నివసిస్తున్న నాగ రాజారెడ్డి, వెంకట సుబ్బయ్య కుటుంబాల మధ్య చిన్నపాటి తగాదా జరిగింది. ఈక్రమంలో వెంకట సుబ్బయ్య నాగ రాజారెడ్డిపై కర్రతో డాడి చేయడంతో అతనికి తీవ్ర రక్త గాయాలయ్యాయి. స్థానికులు క్షతగాత్రుని చికిత్స కోసం కడప ఆసుపత్రికి తరలించారు. గూడ్స్‌ రైలు కిందపడి వృద్ధురాలు మృతికడప కోటిరెడ్డిసర్కికల్‌ : కడప–కనుమలోపల్లె రైల్వేస్టేషన్‌ మధ్య గురువారం దిగువ రైలు పట్టాలపై వస్తున్న గూడ్స్‌ రైలు కిందపడి గుర్తు తెలియని వృద్ధురాలు మృతి చెందినట్లు కడప జీఆర్‌పీ పోలీసులు తెలిపారు. మృతురాలికి సుమారు 60 సంవత్సరాల వయస్సు ఉంటుందన్నారు. గూడ్స్‌ రైలు వెళుతన్న తరుణంలో అకస్మాత్తుగా అడ్డంగా వెళ్లి ఆత్మహత్య చేసుకున్నట్లు లోకో పైలెట్‌ తెలియజేశారన్నారు. మృతదేహాన్ని కడప రిమ్స్‌ మార్చురీలో ఉంచామని, ఈమెనుగుర్తించిన వారు కడప రైల్వే పోలీసులను సంప్రదించాలని కోరారు. గుర్తుతెలియని వ్యక్తి..చింతకొమ్మదిన్నె : మండల పరిధిలోని పులివెందుల రోడ్డు సాక్షి సర్కిల్‌ సమీపంలో గుర్తు తెలియని వ్యక్తి మృతిచెందినట్లు చింతకొమ్మదిన్నె సీఐ బాల మద్దిలేటి తెలిపారు. మృతుని ఆచూకీ ఎవరికై నా తెలిస్తే 9121100526, 9121100514 నంబర్లకు సమాచారం ఇవ్వాలని ఆయన కోరారు.

నాయకులు ఎంత వేషాలు వేస్తున్నా.. కడప జిల్లా ఓటర్లు మాత్రం చాలా తెలివి మీరిపోయి షార్పుగా ఉన్నారు. హారతి ఇచ్చేటప్పుడు నాయకుడి వంక చూసి లోలోపల నవ్వుతున్నారు. లడ్డూ ప్రసాదం తింటున్నారు, చందాలు లాగుతున్నారు. కానీ లోపల మాత్రం ‘నువ్వు ఎలక్షన్లు అవ్వగానే మళ్లీ వచ్చే ఏడాది దాకా కనిపించవని మాకు తెలుసులే లీడరూ...’ అని నవ్వుకుంటున్నారు. ఓట్ల కోసం పిల్లి లాగా నక్కి వస్తున్న ఈ రాజకీయ నాయకులకు వినాయకుడే బుద్ధి ప్రసాదించాలి. లేదంటే జనం ఈసారి మాట తప్పిన లీడర్ల భవిష్యత్తును కూడా నిమజ్జనం చేయడం ఖాయం. బద్వేలు: వినాయక చవితి పండుగ జోరుగా జరుగుతోంది. విఘ్నేశ్వరుడు బుద్ధిగా పీఠం మీద కూర్చుంటే, ఆయన కంటే బుద్ధిమంతుల్లా నటిస్తూ మన స్థానిక సంస్థల భావి కౌన్సిలర్లు, సర్పంచ్‌లు, జెడ్పీటీసీ అభ్యర్థులు మండపాల చుట్టూ ప్రదక్షిణలు మొదలు పెట్టారు. ఏటా భక్తితో అడపాదడప వచ్చే నాయకులు ఈసారి మాత్రం గుంపులు గుంపులుగా శక్తికి మించి ఊగిపోతూ స్వామివారి సేవకు పరుగులు పెడుతున్నారు. కారణం వినాయక నవరాత్రులు ముగియగానే వచ్చే స్థానిక సంస్థల ఎన్నికలే! స్వామి వారి లడ్డూ కంటే, ఓటరు దేవుడి ఓటు మీదనే మన లీడర్ల కన్ను పడింది. వైఎస్సార్‌ జిల్లాలోని అన్ని పట్టణాల్లో, గ్రామాల్లో, వీధి వీధినా సాగుతున్న ఈ భక్తి రాజకీయ ప్రహసనం ప్రత్యేకతను సంతరించుకుంది. స్వామి ముందు రాజకీయ వినతులు ఎప్పుడూ గల్లీ వైపు కన్నెత్తి చూడని పెద్ద మనుషులు కూడా ఇప్పుడు చేతులు కట్టుకుని ఏ సందులో గణపతి ఉంటే అక్కడికి దూరిపోతున్నారు. అయితే వాళ్లు గణపతి ముందు నిల్చుని అడుగుతోంది ఆయురారోగ్యాలు కాదు, ‘స్వామీ! ఎలాగైనా ఈసారి మా పార్టీ టికెట్‌ మాకే వచ్చేలా చూడు తండ్రీ! అవతలి వార్డులో నా ప్రత్యర్థికి డిపాజిట్‌ రాకుండా చెయ్‌’ అని మనసులోనే మైకులు పెట్టి ప్రార్థిస్తున్నారు. బద్వేలులోని ఒక మండపంలో ఓ ఆశావహుడు ఏకంగా 21 కేజీల లడ్డూ వేలంలో పాడేందుకు సిద్ధమయ్యాడు. ఆ లడ్డూ కొంటే వార్డులోని 400 బీసీ ఓట్లు, 200 ఎస్సీ ఓట్లు తన ఖాతాలోకి ఫ్రీగా బదిలీ అయిపోతాయన్నది ఆయన మాస్టర్‌ ప్లాన్‌ . దేవుడి మైకు.. ఓట్ల లొల్లి గతంలో వినాయకుడి మండపాల వద్ద భక్తి పాటలు వినిపించే మైకులు, ఇప్పుడు నాయకుల ఆత్మస్తుతికి వేదికలయ్యాయి. కడప నగరంలోని ఒక సందులో అధికార పార్టీ లీడరొకరు మైకందుకుని, ‘గణపతి బప్పా మోరియా.. వచ్చే ఎన్నికల్లో నన్నే గెలిపించాలయ్యా’ అంటూ రైమింగ్‌ డైలాగులు కొడుతున్నారు. వీధిలో డ్రైనేజీ, రోడ్ల గుంతలు, తాగునీరు రావాలన్నా ఓట్లు వేయాలని మైకు ముందు అరిచి గీపెడుతున్నారు. ఇదంతా చూస్తున్న వినాయకుడు ‘అయ్యా లీడరూ! నువ్వు గత ఐదేళ్లుగా ఇక్కడే కౌన్సిలర్‌వి కదా, అప్పుడు చేయని పనులు ఇప్పుడు నా మీద తోస్తావేంటయ్యా!’ అని లోపల లోపలే తల పట్టుకున్నాడు. నా ఫ్లెక్సీ పెద్దదా? నీ ఫ్లెక్సీ పెద్దదా? మండపాల వద్ద సరికొత్తగా ఫ్లెక్సీల యుద్ధం కూడా మొదలైంది. కడప జిల్లా వ్యాప్తంగా ఇప్పుడు వినాయకుడి కంటే పెద్ద సైజులో నాయకుల ఫ్లెక్సీలే దర్శనమిస్తున్నాయి. దేవుడి బొమ్మ మూలన ఉంటే, దానికి ఐదు రెట్లు పెద్దగా లీడర్ల ఫోటోలు కనిపిస్తున్నాయి. తనకంటే ప్రత్యర్థి ఫ్లెక్సీ పెద్దగా ఉంటే, అర్థరాత్రి పూట అనుచరులను పంపించి కొలతలు తీయించేంత ‘క్యాన్వాస్‌ రాజకీయం’ నడుస్తోంది. చందాల దందా.. బిజినెస్‌ కాలిక్యులేషన్‌ సాధారణంగా మండప నిర్వాహకులు చందాల కోసం ఇళ్ల చుట్టూ తిరుగుతారు. కానీ ఈసారి సీన్‌ రివర్స్‌ అయింది. లీడర్లే ఫోన్లు చేసి, చందాలు ఇస్తామని.. కాకపోతే అన్నదానం దగ్గర తమ బ్యానర్‌ కట్టాలని, మొదటి హారతి తమకే ఇవ్వాలని కండిషన్లు పెడుతున్నారు. పులివెందుల, జమ్మలమడుగు ఏరియాల్లో అయితే ఒకరు ఐదు వేలు ఇస్తే, మరొకరు పోటీ పడి పదివేలు ఇస్తున్నారు. ఇప్పుడు రూపాయి ఖర్చుపెడితే రేపు ఎన్నికల్లో వంద రూపాయలు సంపాదించుకోవచ్చనే ‘బిజినెస్‌ కాలిక్యులేషన్‌’ ఇక్కడ బాగా పనిచేస్తోంది. వినాయక మండపాల సాక్షిగా గల్లీల్లో మొదలైన ఆశావహుల ‘స్థానిక’ రాజకీయం లడ్డూల వేలం వెనుక ఓట్ల లెక్కలు.. చందాల పోటీ వెనుక లాభనష్టాల బేరీజు లీడర్ల నక్కవినయాలను కనిపెడుతూ లోలోపల నవ్వుకుంటున్న ఓటర్లు ‘గణపతి బప్పా మోరియా.. వచ్చే ఎన్నికల్లో నన్నే గెలిపించాలయ్యా’

కడప కార్పొరేషన్‌ : కడపలోని వైఎస్సార్‌ సీపీ కార్యాలయంలో గురువారం శ్రీ విశ్వకర్మ జయంతి నిర్వహించారు. వైఎస్‌ఆర్‌సీపీ విశ్వబ్రాహ్మణ విభాగం జిల్లా అధ్యక్షురాలు వి. నారాయణమ్మ ఆధ్వర్యంలో నిర్వహించిన కార్యక్రమానికి విశ్వబ్రాహ్మణులు, కంసాలులు, శిల్పులు, కార్పెంటర్లు హాజరయ్యారు. ఈ కార్యక్రమానికి ముఖ్య అతిథులుగా వైఎస్‌ఆర్‌సీపీ జిల్లా అధ్యక్షుడు పి. రవీంద్రనాథ్‌ రెడ్డి, మాజీ డిప్యూటీ సీఎం అంజాద్‌ బాషా, ఎమ్మెల్సీ రామచంద్రారెడ్డి పాల్గొని ప్రత్యేక పూజలు నిర్వహించారు. ఈ సందర్భంగా వారు మాట్లాడుతూ సృష్టి, నిర్మాణం, శిల్పకళకు ప్రతీకగా శ్రీ విశ్వకర్మను కొలుస్తామని పేర్కొన్నారు. సమాజ నిర్మాణంలో విశ్వకర్మ వర్గాల సంప్రదాయ వృత్తులు, నైపుణ్యాలు ఎంతో కీలకమని తెలిపారు. విశ్వకర్మ వర్గాల విజ్ఞప్తిని గుర్తించి ప్రభుత్వపరంగా విశ్వకర్మ జయంతి నిర్వహణకు గతంలో జీవో జారీ చేసిన ఘనత వైఎస్‌ జగన్‌కు దక్కుతుందని ఆయా నేతలు పేర్కొన్నారు.

పెండ్లిమర్రి : పెండ్లిమర్రి పోలీసు స్టేషన్‌ పరిధిలో విద్యుత్‌ ట్రాన్స్‌ఫార్మర్లలోని కాపర్‌ వైర్లు, రైతుల వ్యవసాయ మోటర్ల కేబుల్‌ వైర్ల చోరీకి పాల్పడుతున్న ఇద్దరు నిందితులను గురువారం అరెస్టు చేసినట్లు కడప రూరల్‌ సీఐ చల్లని దొర తెలిపారు. నందిమండల గ్రామ సమీపంలోని విద్యుత్‌ సబ్‌ స్టేషన్‌ సమీపంలో పూల్లగూర రాజ్‌కుమార్‌, సిగా బయన్నలు అనుమానంగా తిరుగుతూ ఉండడంతో విశ్వసనీయ సమాచారం మేరకు వారిని అదుపులోకి తీసుకొని విచారించగా వివిధ ప్రాంతాల్లో విద్యుత్‌ ట్రాన్స్‌ఫార్మర్‌లు ధ్వంసం చేసి కాపర్‌ వైర్లు, మోటర్లు కేబుల్‌ వైర్లు చోరీ చేసినట్లు వెల్లడించారన్నారు. వారి వద్ద నుంచి సుమారు 10కేజీల కాపర్‌ వైరు, 200 మీటర్ల కేబుల్‌ వైరు, దాదాపు రూ.70వేలు విలువచేసే చోరీ సోత్తును స్వాధీనం చేసుకొని కేసు నమోదు చేశామన్నారు. పెండ్లిమర్రి, వీరపునాయుని పల్లె పోలీసు స్టేషన్‌లో నమోదైన కేసుల్లో వీరిని నిందితులుగా చేర్చామన్నారు. కార్యక్రమంలో ఎస్‌ఐ తులసి నాగప్రసాద్‌, పోలీసులు పాల్గొన్నారు.

● నీటి వనరుల అనుసంధానంపై సమగ్ర కార్యాచరణ సిద్ధం చేయాలి ● కలెక్టర్‌ శ్రీధర్‌ చెరుకూరి బద్వేలు అర్బన్‌ : బద్వేలు నియోజకవర్గంలో భవిష్యత్తులో తాగునీటి సమస్య తలెత్తకుండా అవసరమైన ముందస్తు చర్యలు చేపట్టి సమగ్ర కార్యాచరణ ప్రణాళికను సిద్ధం చేయాలని కలెక్టర్‌ డాక్టర్‌ శ్రీధర్‌ చెరుకూరి ఇరిగేషన్‌ ఇంజనీరింగ్‌ అధికారులను ఆదేశించారు. గురువారం స్థానిక ఆర్డీఓ కార్యాలయంలో ఇరిగేషన్‌ ఇంజనీరింగ్‌ అధికారులతో నిర్వహించిన సమీక్షా సమావేశంలో ఆయన మాట్లాడుతూ ప్రధానంగా బద్వేలు రెవెన్యూ డివిజన్‌ పరిధిలో ఎక్కడా తాగునీటి సమస్య రాకుండా ప్రణాళికలు రూపొందించుకోవాలన్నారు. కాశినాయన మండలంలోని బొక్కినేరు వాగు కాలువ ద్వారా నీటిని ఎల్‌ఎస్‌పీ ప్రాజెక్టుకు అందించి అక్కడ నుంచి బద్వేలు, పోరుమామిళ్ల ప్రాంతాల్లోని చెరువులకు నీటిని సరఫరా చేసే అవకాశాలను పరిశీలించి కార్యాచరణ రూపొందించాలని సూచించారు. ఈ నీటివనరుల అనుసంధానం ద్వారా కాశినాయన, బి.కోడూరు, పోరుమామిళ్ల, బద్వేలు ప్రాంతాల్లో తాగునీటి అవసరాలను తీర్చేందుకు అవకాశం ఉంటుందని అధికారులు కలెక్టర్‌కు వివరించగా అందులో ఉన్న నీటి వనరుల సామర్థ్యం, కాలువ పరిస్థితి, నీటిని తరలించే మార్గాలు, అవసరమైన పనులను క్షేత్రస్థాయిలో పరిశీలించాలని అధికారులకు సూచించారు. మౌళిక వసతుల పనుల్లో వేగం పెంచండి బద్వేలు మున్సిపాలిటీని మోడల్‌ పట్టణంగా తీర్చిదిద్దడమే లక్ష్యంగా ప్రజలకు అవసరమైన మౌళిక వసతులు, అభివృద్ధి పనులను యుద్ధ్దప్రాతిపదికన వేగవంతం చేయాలని జిల్లా కలెక్టర్‌ అధికారులను ఆదేశించారు. పట్టణంలో పారిశుద్ధ్య లోపం కనిపిస్తే ఉపేక్షించేది లేదని అధికారులను హెచ్చరించారు. ప్రతి రోజూ వచ్చే 35.1 మెట్రిక్‌ టన్నుల చెత్తను వంద శాతం సేకరించి తడి, పొడి చెత్తగా వేరు చేసి ప్రాసెసింగ్‌ చేయాలని సూచించారు. డ్రైనేజీల్లో పూడికతీత పనులను వేగవంతం చేసేందుకు అదనంగా 25 మంది పారిశుద్ధ్య కార్మికులను మంజూరు చేశారు. బద్వేలు ఆర్డీఓ చంద్రమోహన్‌, ఆర్‌డబ్ల్యూఎస్‌ ఎస్‌ఈ ఏడుకొండలు, ఇరిగేషన్‌ ఈఈ మురళి, స్మార్ట్‌ కిచెన్స్‌ నోడల్‌ అధికారి జోయల్‌విజయకుమార్‌, మున్సిపల్‌ కమిషనర్‌ క్రిష్ణ, వివిధ శాఖల అధికారులు పాల్గొన్నారు.

సాక్షి ప్రతినిధి, కడప: కడప నగరంలో స్థానిక ఎమ్మెల్యే మాధవీరెడ్డి దంపతుల నియంతృత్వ పోకడలు పతాక స్థాయికి చేరాయి. గత మహానాడు సభలో తాను ప్రతిష్టాత్మక మహాదాత బుడ్డా వెంగళరెడ్డి ఇంటి ఆడబిడ్డనని సగర్వంగా ప్రకటించుకున్న ఆమె.. తీరా ఆచరణలోకి వచ్చేసరికి ఆ మహానుభావుడికి కేటాయించిన స్థలంలోనే తన మామ విగ్రహాన్ని నెలకొల్పడం పట్ల చరిత్రకారులు మరియు ప్రజాసంఘాల నాయకులు మండిపడుతున్నారు. మున్సిపల్‌ కార్పొరేషన్‌ ఏకగ్రీవంగా కేటాయించిన స్థలంలో బుడ్డా వెంగళరెడ్డి విగ్రహ ఏర్పాటును నిబంధనల పేరుతో అడ్డుకుని.. అదే పీఠంపై రాత్రికి రాత్రే తన మామగారైన మాజీ మంత్రి రాజగోపాల్‌రెడ్డి విగ్రహాన్ని అక్రమంగా ప్రతిష్టించడం జిల్లావ్యాప్తంగా తీవ్ర దుమారం రేపుతోంది. కాగా, ఇంత జరుగుతున్నా కలెక్టర్‌ శ్రీధర్‌, ఇతర అధికారులు నిమ్మకు నీరెత్తినట్లు ఉండిపోవడంపై తీవ్ర విమర్శలు వ్యక్తమవుతున్నాయి. డొక్కల కరవు రక్షకుడికి దక్కని గౌరవం! రేనాడు ప్రాంతానికి చెందిన బుడ్డా వెంగళరెడ్డి 1866 నాటి డొక్కల కరవు సమయంలో వేలాది మంది ప్రజలకు అంబలి పోసి ప్రాణాలు కాపాడారు. ఆ దాతృత్వం గురించి తెలుసుకున్న విక్టోరియా మహారాణి ఆయన్ను మద్రాసుకు పిలిపించి ఘనంగా సత్కరించి, బంగారు పతకాన్ని బహూకరించారు. రాయలసీమ చరిత్రలో దాతృత్వానికి చిరునామాగా నిలిచిన బుడ్డా వెంగళరెడ్డి, తొలి స్వాతంత్య్రయోధుడు ఉయ్యాలవాడ నరసింహారెడ్డి విగ్రహాలను కడప నగరంలో ఏర్పాటు చేయాలని వివిధ పార్టీలు, సంఘాల నాయకులు నిర్ణయించారు. వీరి అభ్యర్థన మేరకు అప్పటి నగర మేయర్‌ కె.సురేష్‌బాబు హయాంలో ఒకసారి, పాకా సురేష్‌కుమార్‌ హయాంలో మరోసారి మున్సిపల్‌ కార్పొరేషన్‌ జనరల్‌ బాడీ సమావేశం ఏకగ్రీవంగా తీర్మానం ఆమోదించింది. రైతు బజారు కూడలి వద్ద బుడ్డా వెంగళరెడ్డి, ఐటీఐ సర్కిల్‌ వద్ద ఉయ్యాలవాడ నరసింహారెడ్డి విగ్రహాల ఏర్పాటుకు కార్పొరేషన్‌ పచ్చజెండా ఊపింది. మాట తప్పిన తమ్ముళ్లు.. సుప్రీంకోర్టు రూల్స్‌ వర్తించవా? మహాదాత బుడ్డా వెంగళరెడ్డి, ఉయ్యాలవాడ నరసింహారెడ్డి విగ్రహాల ఏర్పాటు భూమి పూజకు సహకరించాలని ఎమ్మెల్యే మాధవీరెడ్డి దంపతులను రాయలసీమ కమ్యూనిస్టు పార్టీ, ఇంటాక్‌, రెడ్డి సేవా సమితి, లోక్‌సత్తా, ఏపీ రెడ్డి సంఘం, మానవత, ఏపీ దళితమిత్ర తదితర పార్టీలు, సంఘాల నాయకులు అప్పట్లో కోరారు. అయితే, సుప్రీంకోర్టు నిబంధనలు ఉన్నందువల్ల తాము ఈ కార్యక్రమానికి హాజరు కాలేమని.. మీరే ఏర్పాట్లు చేసుకుంటే అధికారుల నుంచి అభ్యంతరాలు రాకుండా కలెక్టర్‌తో తాను స్వయంగా మాట్లాడుతానని టీడీపీ నేత శ్రీనివాసులురెడ్డి అప్పట్లో ఆయా సంఘాలకు హామీ ఇచ్చారు. తీరా ఇప్పుడు అదే ప్రాంతంలో ఆయన తండ్రి, మాజీ మంత్రి రాజగోపాల్‌రెడ్డి విగ్రహాన్ని రాత్రికి రాత్రే అక్రమంగా నెలకొల్పడం గమనార్హం. బుడ్డా వెంగళరెడ్డి విగ్రహ ఏర్పాటుకు సుప్రీంకోర్టు నిబంధనలు అడ్డంకి అయితే, ఇప్పుడు రాజగోపాల్‌రెడ్డి విగ్రహానికి అవి వర్తించవా అని పలువురు నిలదీస్తున్నారు. చరిత్రకారుల పట్ల ప్రజాప్రతినిధులు అత్యంత నిర్లక్ష్యం ప్రదర్శించారని విశ్లేషకులు, ప్రజాస్వామ్యవాదులు ఆవేదన వ్యక్తం చేస్తున్నారు. కడపలో మాధవిరెడ్డి, శ్రీనివాసులరెడ్డి దంపతుల నియంతృత్వం అర్ధరాత్రి వేళ అక్రమంగా మామ ఆర్‌ఆర్‌ విగ్రహం ఏర్పాటు ఆచరణలో మహాదాత వెంగళరెడ్డికి అవమానం మున్సిపల్‌ కార్పొరేషన్‌ ఏకగ్రీవ తీర్మానం బూడిదపాలు

● వృద్ధురాలికి తీవ్ర గాయాలు ● కమిటీ మెంబర్‌పై చేయి చేసుకోన్న పోలీసులు ● అవమానంగా భావించి ఆత్మహత్యాయత్నంమైలవరం : మండలపరిధిలోని బుచ్చంపల్లె గ్రామంలో బుధవారం కూటమి నేతల మధ్య గొడవ జరిగింది. స్థానికుల కథనం మేరకు బుచ్చంపల్లె గ్రామంలో వినాయక చవితి పండుగ సందర్భంగా గ్రామంలో 3 విగ్రహలను ఏర్పాటు చేసుకున్నారు. అయితే ఇందులో ఒక విగ్రహానికి సంబంధించి గ్రామం నడిబొడ్డులో కూటమి నేతల అంతర్గత పోరు వల్ల పండుగలో ప్రశాతంత లేకుండా పోయింది. బుధవారం సాయంత్రం వినాయకుడిని విగ్రహం వద్ద లడ్డూను వేలం వేసేందుకు గ్రామస్తులు సిద్ధమయ్యారు.అయితే అనుకున్న విధంగానే లడ్డూను కూటమికి చెందిన ఒక వ్యక్తి రూ.51 వేలకు దక్కించుకున్నాడు. కాగా ఆ కూటమికి చెందిన వ్యక్తిని కమిటీ సభ్యులు డబ్బులు అడిగారు. కమిటీలో కూటమికి చెందిన మరోవ్యక్తి కూడా ఉన్నాడు. వేలం పాటలో దక్కించుకున్న లడ్డూ డబ్బులు కట్టనని వెనక్కి తిరగడంతో కమిటీలో ఉన్న మరో కూటమి మెంబర్‌ డబ్బు కట్టాల్సిందేనని నిలదీయడంతో మాట మాట పెరిగి పెద్ద గొడవగా మారింది. ఇందులో తలారి వెంకటమ్మ అనే వృద్ధురాలికి తీవ్రగాయాలయ్యాయి. గ్రామస్తులు ఆమెను ప్రొద్దుటూరు ఆసుపత్రికి తీసుకెళ్లగా. వయస్సు ఎక్కువగా ఉందని తాము ఏమి చేయలేమని వెనక్కి పంపినట్లు సమాచారం. ఇది ఇలా ఉండగా గ్రామంలో గొడవ జరగడంతో మైలవరం పోలీసులు గురువారం ఆరుగురు కమిటీ మెంబర్లను స్టేషన్‌కు పిలిపించారు. అందులో రాజమోహన్‌పై పోలీసులు చేయి చేసుకున్నారు. దీంతో అవమానంగా భావించి ఆత్మహత్యాయత్నానికి పాల్పడ్డాడు. విషయం తెలుసుకున్న బఽంధవులు ప్రొద్దుటూరు ఓ ప్రైవేట్‌ ఆసుపత్రికి తరలించారు. పరిస్థితి విషమంగా ఉన్నట్లు తెలిసింది.

ఇటీవలి కాలంలో మైనర్ల డ్రైవింగ్‌లపై వారి తల్లిదండ్రులను, సంరక్షకులను పిలిచి కౌన్సెలింగ్‌ను నిర్వహించాం. ఎస్పీ షెల్కే నచికేత్‌ విశ్వనాథ్‌ ఆదేశాలతో కడప డిఎస్పీ ఈ. బాలస్వామిరెడ్డి పర్యవేక్షణలో బైకర్లు, స్టంట్‌ మాస్టర్‌లపై చర్యలకు శ్రీకారం చుట్టాం. భవిష్యత్తులో ట్రాఫిక్‌ క్రమబద్ధీకరణతో పాటు, మైనర్ల డ్రైవింగ్‌, బైక్‌ రేసింగ్‌, స్టంట్స్‌పై నిరంతర నిఘాను కొనసాగిస్తాం. బాధ్యతాయుతంగా వ్యవహరించకపోతే స్టంట్స్‌కు పాల్పడే మైనర్లు, వారి తల్లిదండ్రులు, బంధువులపై, స్టంట్‌ మాస్టర్లపై చట్టపరంగా చర్యలను తీసుకుంటాం. – మర్రి తులసీరామ్‌, ఇన్‌స్పెక్టర్‌, ట్రాఫిక్‌ పోలీస్‌స్టేషన్‌, కడప

బద్వేలు అర్బన్‌ : నెల రోజుల క్రితం జరిగిన చిన్నపాటి ఘర్షణను దృష్టిలో ఉంచుకుని అన్నదమ్ములపై ఓ యువకుడు కత్తితో దాడి చేసిన ఘటన మంగళవారం అర్ధరాత్రి బద్వేలు పట్టణంలో చోటు చేసుకుంది. ఇందుకు సంబంధించి వివరాల్లోకి వెళితే మున్సిపాలిటీ పరిధిలోని భావనారాయణనగర్‌కు చెందిన నడిపికొండయ్య, నాగేశ్వరి కుమారులైన వెంకటమదన్‌, దినేష్‌లకు కడపకు చెందిన యశ్వంత్‌ అనే యువకుడి నడుమ నెల రోజుల క్రితం స్కూటీ యాక్సిడెంట్‌ విషయమై చిన్నపాటి ఘర్షణ జరిగింది. ఇటీవల కడప నుండి బద్వేలులోని తన సమీప బంధువుల ఇంటికి వచ్చిన యశ్వంత్‌ యాక్సిడెంట్‌ విషయమై మాట్లాడుకుందామని వెంకటమదన్‌, దినేష్‌లను గుంతపల్లె క్రాస్‌రోడ్డులోకి పిలిపించాడు. అక్కడ మాటమాట పెరగడంతో యశ్వంత్‌ ఒక్కసారిగా ఇరువురు అన్నదమ్ములపై కత్తితో దాడి చేసి అక్కడి నుండి పరారయ్యాడు. వెంటనే స్థానికులు అక్కడికి చేరుకుని గాయపడిన అన్నదమ్ములను ప్రభుత్వాసుపత్రికి తరలించారు. ప్రాథమిక చికిత్స అనంతరం మెరుగైన వైద్యం కోసం ఇరువురిని కడప రిమ్స్‌కు తరలించారు. విషయం తెలుసుకున్న అర్బన్‌ పోలీసులు ఘటన స్థలాన్ని పరిశీలించి గాయపడిన వారి నుండి ఘర్షణ జరగడానికి గల కారణాలను తెలుసుకున్నారు. కేసు నమోదు చేసుకున్న అర్బన్‌ పోలీసులు నిందితుడి కోసం గాలిస్తున్నారు.

మైదుకూరు : మైదుకూరు మున్సిపాలిటీలోని వేపరాలపల్లెకు చెందిన నల్లచ్చిగారి చిన్న ఓబులేసు (38) నంద్యాల జిల్లా అవుకు రిజర్వాయర్‌ ఇన్‌లెట్‌ కెనాల్‌లో ప్రమాదవశాత్తు పడి దుర్మరణం చెందాడు. అవుకు వద్ద మన ఇన్‌ఫ్రా కంపెనీలో ప్లాంట్‌ ఆపరేటర్‌గా పనిచేస్తున్న చిన్న ఓబులేసు, ఇద్దరు స్నేహితులతో కలసి మంగళవారం రిజర్వాయర్‌ వద్దకు వెళ్లాడు. రిజర్వాయర్‌ ఇన్‌లెట్‌ కెనాల్‌లో ముగ్గురూ నీటిలోకి దిగి కాళ్లు కడుక్కుంటుండగా చిన్న ఓబులేసు కాలు జారి నీటిలో పడిపోయాడు. అతని స్నేహితులకు ఈత రాకపోవడంతో సహాయం కోసం కేకలు వేశారు. చుట్టూ ఎవరూ లేకపోవడంతో చిన్న ఓబులేసు నీటిలో మునిగిపోయాడు. సంఘటనపై మృతుడి స్నేహితులు పోలీసులకు సమాచారం ఇవ్వడంతో వారు చిన్న ఓబులేసు ఆచూకీ కోసం గాలింపు చర్యలు చేపట్టారు. చీకటి పడటంతో గాలింపు కష్టంగా మారింది. బుధవారం ఉదయం చిన్న ఓబులేసు మృతదేహం బయటపడింది. అవుకు ప్రభుత్వ ఆస్పత్రిలో పోస్టుమార్టం అనంతరం అతని మృతదేహాన్ని స్వగ్రామం వేపరాలపల్లెకు తీసుకొచ్చారు. చిన్న ఓబులేసుకు భార్య మల్లేశ్వరి, ఇద్దరు కుమారులు ఉన్నారు. చిన్న ఓబులేసు మృతితో వేపరాలపల్లెలో విషాదఛాయలు అలుముకున్నాయి. కుటుంబాన్ని పోషించే వ్యక్తి మృతి చెందడంతో ప్రభుత్వం ఓబులేసు కుటుంబాన్ని ఆదుకోవాలని స్థానికులు కోరుతున్నారు.

● ఎంపీ వైఎస్‌ అవినాష్‌రెడ్డితో రైతుల ఆవేదన ● ‘వెలిగల్లు’ నుంచి నీటి విడుదలకు విన్నపం పులివెందుల/చక్రాయపేట : తీవ్ర వర్షాభావ పరిస్థితుల్లో పంటలను కాపాడుకునేందుకు తీవ్ర ఇబ్బందులు పడుతున్నామని రైతులు వాపోయా రు. ఈ మేరకు కడప ఎంపీ వైఎస్‌ అవినాష్‌రెడ్డి ఎదుట సమస్యల ఏకరువు పెట్టారు. బుధవారం పులివెందుల పట్టణంలోని స్థానిక భాకరాపురంలో ఉన్న తన నివాసంలో ఎంపీ వైఎస్‌ అవినాష్‌రెడ్డిని జెడ్పీటీసీ సభ్యుడు శివప్రసాదరెడ్డి, ఎంపీపీ మాధవి బాలకృష్ణ, వైఎస్సార్‌సీపీ ప్రధాన కార్య దర్శులు ఈశ్వరరెడ్డి, శ్రీధర్‌ రెడ్డి, యువజన విభాగం ప్రధాన కార్యదర్శి రామాంజనేయరెడ్డి, జేసీఎస్‌ కన్వీనర్‌ రామాంజుల రెడ్డి, మండల ఉపాధ్యక్షుడు గఫూర్‌, వైఎస్సార్‌సీపీ నేతలు గంగయ్య, దేవానందరెడ్డి, అంజలి రెడ్డి, రాజబాబు, పలువురు రైతులు కలిశారు. ఈ సందర్భంగా మండలంలో నెలకొన్న కరువు వర్షాభావ పరిస్థితులను అన్నదాతలు ఎంపీకి వివరించారు. వర్షాల్లేక పాపఘ్ని నదిలో భూగర్భజలాలు అడుగుంటిపోయాయని, బోర్ల ఫిల్టర్లు ఎండిపోయాయన్నారు. అలాగే తాగు నీటి ఎద్దడి కూడా గ్రామాల్లో నెలకొందని ఎంపీ దృష్టికి తీసుకెళ్లారు. ఈ నేపథ్యంలో అన్నమయ్య జిల్లాలోని వెలిగల్లు ప్రాజెక్టు నుంచి 0.02 టీఎంసీల నీటిని పాపాఘ్ని నదికి వదిలితే భూగర్భజలాలు వృద్ధి చెంది బోర్లు రీచార్జ్‌ అవుతాయని వివరించారు. అలాగే కుప్పానికి నీరు తీసుకెళ్లడానికి రైతుల అనుమతి లేకుండా పొలాల్లో పైపులైన్‌ పనులు చేస్తున్న విషయాన్ని ఎంపీ దృష్టికి తీసుకెళ్లారు. దీనికి స్పందించిన ఎంపీ సంబంధిత అధికారులతో మాట్లాడి సమస్య పరిష్కారమయ్యేలా చూస్తానన్నారు. అలాగే గండి ఆలయ మాజీ చైర్మన్‌ కావలి కృష్ణతేజ గండి సమస్యలతో పాటు వీరన్నగట్టుపల్లె సమస్యలను ఆయనకు వివరించారు. నీటి విడుదలకు ఇరిగేషన్‌ శాఖ చీఫ్‌ ఇంజనీర్‌కు లేఖ రాసిన ఎంపీ చక్రాయపేట, వేంపల్లె మండలాల్లో తాగునీటి కొరతను తీర్చడానికి వెలిగల్లు జలాశయం నుంచి పాపాఘ్ని నదిలోకి 0.20టీఎంసీల నీటిని విడుదల చేయాలని ఎంపీ వైఎస్‌ అవినాష్‌రెడ్డి ఇరిగేషన్‌ శాఖ చీఫ్‌ ఇంజనీర్‌ బాల చంద్రారెడ్డికి లేఖ రాశారు. పాపాఘ్ని నదీ పరివాహక ప్రాంతంలో పెద్ద ఎత్తున జరుగుతున్న అక్రమ ఇసుక తవ్వకాలు, వర్షపాతం కొరత కారణంగా భూగర్భ జలమట్టం గణనీయంగా తగ్గిపోయిందని అందులో పేర్కొన్నారు. ఎంపీ లేఖకు స్పందించిన ఇరిగేషన్‌ శాఖ సీఈ ఫోన్‌ ద్వారా ఎంపీతో మాట్లాడారు. ఈ విషయంపై నిర్ణయాధికారం కలెక్టర్‌ తీసుకుంటారని వివరించారు. దీంతో ఎంపీ వైఎస్‌ అవినాష్‌రెడ్డి తాగునీటి సమస్యపై కలెక్టర్‌ దృష్టికి కూడా తీసుకెళ్లారు.

రూ. 2.80 లక్షలు పలికిన ప్రసాదం ఖాజీపేట : మండలంలో గణపతి లడ్డూ వేలం అ‘ధర’హో అన్నట్లుగా సాగింది. త్రిపురవరం గ్రామంలో నెలకొల్పిన గణేశుడి లడ్డూ దక్కించుకునేందుకు పోటాపోటీగా పాల్గొన్నారు. రూ. 2.80 లక్షలు వేలం పాటలో పాడి మీగడ హరి కేశవరెడ్డి స్వామి వారి ప్రసాదాన్ని దక్కించుకున్నారు. వినాయక చవితి పండుగను పురస్కరించుకుని మూడు రోజులగా పూజలు అందుకున్న గణనాథులను బుధవారం నిమజ్జనం చేశారు. అలాగే మండలంలో లంబోదరుడి లడ్డూలను దక్కించుకోవడం కోసం భక్తులు ఉత్సాహం చూపారు. కడప ఎడ్యుకేషన్‌: జిల్లా స్థాయి సైన్సు సెమినార్‌లో జిల్లాకు చెందిన విద్యార్థులు ప్రతిభ చాటారు. కడప చెన్నూరు బస్‌స్టాండ్‌ సమీపంలోని జిల్లా సైన్స్‌ సెంటర్‌లో బుధవారం జిల్లా సైన్సు అధికారి లేబాక బాలాజీ ఆధ్వర్యంలో జిల్లా స్థాయి సైన్స్‌ సెమినార్‌ పోటీలు నిర్వహించారు. ఈ పోటీల్లో కడప నక్కాస్‌ ఉర్దూ మున్సిపల్‌ హైస్కూల్‌కు చెందిన 9వ తరగతి విద్యార్థి హిఫాతుజాల్లా ప్రథమ బహుమతిని సాధించగా, సిద్దవటం మండలం టక్కోటి జెడ్పీ హైస్కూల్‌లో పదో తరగతి చదువుతున్న రెడ్డెమ్మ ద్వితీయ స్థానంలో నిలిచింది. డీఈఓ షేక్‌ షంషుద్దీన్‌ విజేతలను అభినందిస్తూ 22న జరిగే రాష్ట్రస్థాయి పోటీల్లో జిల్లాకు మంచి పేరు తీసుకురావాలని ఆకాంక్షించారు. చెన్నూరులో స్వల్ప ఉద్రిక్తత చెన్నూరు(వల్లూరు): మండల కేంద్రమైన చెన్నూరులో గణేష్‌ నిమజ్జనం సందర్భంగా స్వల్ప ఉద్రిక్తత పరిస్థితులు నెలకొన్నాయి. బుధవారం చెన్నూరులోని తూర్పు హరిజనవాడలో నిమజ్జనం నేపథ్యంలో డీజే ఏర్పాటు చేశారు. సమాచారం అందుకున్న పోలీసులు డీజేలకు అనుమతులు లేదని, నిబంధనలకు లోబడి నిమజ్జనం నిర్వహించుకోవాలని హెచ్చరించారు. దీంతో డీజే నిర్వాహకులు అక్కడి నుంచి వెళ్లిపోయారు. అయితే కాలనీకి చెందిన వారు డీజే లేకుండా ఇక్కడి నుంచి కదలమని రోడ్డుపై బైఠాయించారు. పరిస్థితిని సీఐ చాంద్‌ బాషా ద్వారా తెలుసుకున్న డీఎస్పీ బాలస్వామిరెడ్డి అక్కడికి చేరుకుని పరిస్థితిని సమీక్షించారు. వెంటనే కడప నుంచి అదనపు పోలీసు బలగాలను రప్పించారు. అనంతరం స్థానిక నాయకుల జోక్యంతో ఇతరులకు ఇబ్బందులు లేకుండా డీజేను కొసాగించేలా నిమజ్జన గ్రామోత్సవానికి అనధికారికంగా అనుమతించారు. ఎట్టకేలకు నిమజ్జనం సజావుగా సాగింది. కాగా చివరి దశలో మద్యం మత్తులో యువకుల మధ్య ఘర్షణ వాతావరణం నెలకొనడంతో పోలీసులు వారిని అదుపులోకి తీసుకున్నట్లు సమాచారం.

● చవితి ఉత్సవాల్లో ఆర్కెస్ట్రా ● స్టెప్పులేసిన నాయకులుసాక్షి టాస్క్‌ ఫోర్స్‌ : ఒంటిమిట్ట మండలంలోని రాచగుడిపల్లెలో వినాయక మండపం వద్ద మంగళవారం రాత్రి ఏర్పాటు చేసిన ఆర్కెస్ట్రా వివాదాస్పదంగా మారింది. వినాయక ఉత్సవాల సందర్భంగా మండపం వద్ద నిర్వహించిన ఆర్కెస్ట్రాలో అమ్మాయిలతో అసభ్యకర నృత్యాలు వేయించడంపై మహిళలు ఆగ్రహం వ్యక్తం చేస్తున్నారు. అంతేకాదు డాన్స్‌ వేస్తున్న యువతులతో స్థానిక టీడీపీ నాయకుడు, రాజంపేట నియోజకవర్గానికి సంబంధం లేని మరో టీడీపీ నాయకుడితో కలిసి వేదికపై స్టెప్పులేశారు. అయితే ఆర్కెస్ట్రా డాన్స్‌ నిర్వహించేందుకు సంబంధిత అధికారుల నుంచి అనుమతులు తీసుకోలేదని స్థానికంగా ఆరోపణలు వినిపిస్తున్నాయి. అధికార పార్టీకి చెందిన ఒక నాయకుడి అండదండలు ఉండటంతోనే ఆర్కెస్ట్రా కార్యక్రమానికి పోలీసులు సహకరించినట్లు విమర్శలు ఉన్నాయి. ఆర్కెస్ట్రాకు అనుమతి లేదు మంగళవారం రాత్రి రాచగుడిపల్లిలో జరిగిన ఆర్కెస్ట్రాకు ఎలాంటి అనుమతి లేదని ఒంటిమిట్ట ఎస్‌ఐ శ్రీనివాసులు తెలిపారు. విషయం తెలిసిన వెంటనే సిబ్బందితో వెళ్లి కార్యక్రమాన్ని నిలిపేశారు. ప్రభుత్వ నిబంధనలను అతిక్రమించిన వారిపై శాఖ పరమైన చర్య తీసుకుంటామని పేర్కొన్నారు.

మండలం నమోదైన వర్షం మి.మీటర్లలో కడప 66.8 వల్లూరు 65.6 కమలాపురం 45.6 బద్వేల్‌ 34.2 గోపవరం 30.0 సీకేదిన్నె 27.4 పెద్దముడియం 24.2 పెండ్లిమర్రి 20.4 ఎర్రగుంట్ల 20.0 వీఎన్‌పల్లి 15.2 పులివెందుల 10.2 మైదుకూరు 9.8 నందలూరు 8.6 టి.సుండుపల్లి 7.8 ఖాజీపేట 6.4 తొండూరు 6.2 వేముల 5.0 సిద్దవటం 4.2 బికోడూరు 4.0 బిమఠం 3.8 చక్రాయపేట 3.0 అట్లూరు 2.8 రాజంపేట 2.6 ముద్దనూరు 2.4 ఒంటిమిట్ట 2.0 ప్రొద్దుటూరు 1.0 రాజుపాళెం 0.8

పులివెందుల : వైఎస్సార్‌ కడప జిల్లా పులివెందులలో ప్రముఖ కంటి వైద్యుడు, మాజీ ఎమ్మెల్యే దివంగత డాక్టర్‌ ఎస్‌.పురుషోత్తమరెడ్డి పెద్ద కుమారుడు డాక్టర్‌ ఎస్‌. విలియం సత్యానంద రెడ్డి (67) మంగళవారం ఉదయం కడపలో ఆకస్మికంగా గుండెపోటుతో మరణించారు. విలియం సత్యానంద రెడ్డి వైద్యవిద్యను ప్రతిష్టాత్మక వేలూరు సీఎంసీ వైద్య కళాశాలలో అభ్యసించి, ఎండీ కోర్సును కూడా పూర్తిచేసి, మదనపల్లె మిషనరీ హాస్పిటల్లో చాలా కాలం సేవలందించారు. కడప పట్టణంలో దీప నర్సింగ్‌ హోమ్‌ ఏర్పాటుచేసి ప్రముఖ వైద్య నిపుణుడిగా రోగులకు విశేషసేవలందించారు. ఆయన కుమార్తె దీప కడప పట్టణంలో ప్రముఖ స్పెషలిస్ట్‌ వైద్యురాలిగా సేవలందిస్తున్నారు. మరో ప్రముఖ వైద్యుడు డాక్టర్‌ విలియం సత్యానందరెడ్డి మృతి చెందడంతో వైఎస్‌ కుటుంబంలో విషాద ఛాయలు అలుముకున్నాయి. సత్యానందరెడ్డి భౌతికకాయాన్ని బుధవారం పులివెందులకు తీసుకొచ్చారు. పులివెందులలో దివంగత వైఎస్సార్‌ సతీమణి, మాజీ ముఖ్యమంత్రి వైఎస్‌ జగన్‌మోహన్‌రెడ్డి మాతృమూర్తి వైఎస్‌ విజయమ్మ, కడప ఎంపీ వైఎస్‌ అవినాష్‌రెడ్డి, ప్రముఖ పారిశ్రామికవేత్త వైఎస్‌ ప్రకాష్‌రెడ్డి, వైఎస్సార్‌సీపీ పులివెందుల నియోజకవర్గ ఇన్‌ఛార్జి వైఎస్‌ భాస్కర్‌రెడ్డి, వైఎస్‌ ప్రతాప్‌రెడ్డి, మున్సిపల్‌ ఇన్‌ఛార్జి వైఎస్‌ మనోహర్‌రెడ్డి, వైఎస్‌ జోసఫ్‌రెడ్డి, తదితరులతోపాటు వైఎస్‌ కుటుంబ సభ్యులు నివాళులర్పించారు. అనంతరం పులివెందుల లయోలా డిగ్రీ కాలేజీ రోడ్డులోని వైఎస్‌ సమాధుల తోటలో బుధవారం సాయంత్రం సత్యానందరెడ్డి అంత్యక్రియలు నిర్వహించారు. ఈ సందర్భంగా సత్యానందరెడ్డి డాక్టర్‌గా ప్రజలకు సేవలు అందించిన విషయాలను గుర్తుకు తెచ్చుకుని కుటుంబ సభ్యులతో ఆయన ఎంతో ప్రేమగా ఉండే విషయాలను తలుచుకుని బాధను వ్యక్తం చేశారు.

● అధికార పార్టీ కనుసన్నల్లో పోలీసులు! ● పులివెందులలో యథేచ్చగా టీడీపీ వర్గాల పరస్పర దాడులు ● టీడీపీ నాయకుల ప్రోద్బలంతో గన్‌మెన్‌ కాల్పులు ● గన్‌మెన్‌ కాల్పులపై విచారణ జరిగేనా..! ● పోలీసుల తీరుపై పెదవి విరుస్తున్న ప్రజలుసాక్షి టాస్క్‌ఫోర్స్‌ : వైఎస్సార్‌ కడప జిల్లా పులివెందుల పోలీసుల పనితీరు ‘‘నవ్విపోదురుగాక.. మాకేంటి సిగ్గు’’ అన్న చందంగా తయారైంది. సోమవారం అర్ధరాత్రి పులివెందులలో టీడీపీ నియోజకవర్గ ఇన్‌చార్జి బీటెక్‌ రవి వర్గాలు రెండుగా విడిపోయి యథేచ్చగా దాడులు చేసుకున్న విషయం విదితమే. ఈ సంఘటన పులివెందుల పోలీసుల తీరుపై సర్వత్రా విమర్శలు వ్యక్తమవుతున్నాయి. సోమవారం జరిగిన సంఘటనలో టీడీపీ నాయకులు పుష్పనాథరెడ్డి, అక్కులగారి విజయ్‌కుమార్‌రెడ్డి తమలో తామే కొట్టుకొని గన్‌మెన్‌తో కాల్పులు జరిపించినా పోలీసులు మాత్రం నో యాక్షన్‌ అన్నట్లుగా వ్యవహరించారు. దాడి సంఘటన పులివెందుల ప్రాంతంలో కలకలం సృష్టించింది. ఈ కేసు విషయంలో పోలీసుల పనితీరును రాజకీయ విశ్లేషకుల నుంచి సాధారణ ప్రజలు కూడా తీవ్రంగా తప్పుబడుతున్నారు. పోలీసుల పనితీరు వివాదాస్పదం సోమవారం అర్ధరాత్రి జరిగిన సంఘటనలో హజ్‌ కమిటీ డైరెక్టర్‌ మహబూబ్‌ బాషా గన్‌మెన్‌ రబ్బాని టీడీపీ నాయకుల ప్రోద్బలంతోనే కాల్పులు జరిపినట్లు స్పష్టంగా తెలుస్తోంది. కేవలం టీడీపీ నాయకుల ఒత్తిడి మేరకే గన్‌మెన్‌ గాలిలోకి కాల్పులు జరిపాడు. అయితే ఇందులో పోలీసుల పనితీరు వివాదస్పదంగా మారింది. జరిగిన సంఘటనలో టీడీపీ నాయకులు గన్‌మెన్‌పై తీవ్ర ఒత్తిడి చేయడంతోనే కాల్పులు జరిగాయి. పుష్పనాథరెడ్డి వర్గానికి చెందిన దాదాపు 100మంది అక్కుల గారి విజయ్‌కుమార్‌రెడ్డి ఇంటిపై దాడి చేయగా.. ఆ సమయంలో ఇంట్లో ఉన్న హజ్‌ కమిటీ డైరెక్టర్‌ మహబూబ్‌ బాషా ఆదేశాలతో గన్‌మెన్‌ కాల్పులు చేశాడు. విచారణ జరిగేనా..! సోమవారం జరిగిన ఘటనలో గన్‌మెన్‌ కాల్పులపై విచారణ జరిగే విషయం ప్రశ్నార్థకంగా మారింది. సాధారణంగా ప్రభుత్వ గన్‌మెన్‌ తన విధుల్లో భాగంగా కాల్పులు జరిపితే.. అందుకు సంబంధించి ఆర్డీఓ స్థాయి అధికారి సమక్షంలో ఎందుకు కాల్పులు జరిపావు.. ఏ సమయంలో జరిపావు.. ఎలాంటి పరిస్థితిలో జరపాల్సి వచ్చిందన్న విషయాలపై విచారణ జరపాల్సి ఉంది. చట్ట ప్రకారం ఈ పక్రియ కచ్చితంగా అమలు చేయాల్సి ఉంటుంది. అయితే పులివెందులలో జరిగిన సంఘటనలో ఇలాంటి చట్టపరమైన విచారణ జరగలేదని తెలుస్తోంది. చట్టాలు ఉన్నట్లా.. లేనట్లా పులివెందులలో చట్టాలు ఉన్నట్లా.. లేనట్లా అన్నట్లు మారింది. గతంలో వైఎస్సార్‌ విగ్రహం చుట్టూ టీడీపీ జెండాలు తెలుగు తమ్ముళ్లు అత్యుత్సాహంతో కడితే.. వాటిని తొలగించారన్న నెపంతో వైఎస్సార్‌సీపీ నాయకులపై అక్రమంగా నాన్‌ బెయిలబుల్‌ కేసులు కట్టడమే కాకుండా థర్డ్‌ డిగ్రీ ప్రయోగించిన చరిత్ర పులివెందుల పోలీసులది. అయితే పులివెందులలో అర్ధరాత్రి రణరంగం సృష్టించిన టీడీపీ నాయకులపై ఎలాంటి చర్యలు చేపట్టకపోవడంపై పోలీసుల పనితీరుపై విమర్శలు వెలువెత్తుతున్నాయి. వినాయక విగ్రహం వద్ద జరిగిన చిన్న సంఘటన చిలికి చిలికి గాలి వానలా మారి ఇరు వర్గాలవారు భీకరంగా దాడులు చేసుకోవడంతోపాటు వాహనాల ధ్వంసం చేశారు. అంతేకాకుండా టీడీపీ నాయకుని గన్‌మెన్‌ గాలిలో కాల్పులు కూడా చేశాడు. ఈ సంఘటనతో పులివెందుల ప్రజలు ఒక్కసారిగా ఉలిక్కి పడటం జరిగింది. రాష్ట్రమంతా ఈ సంఘటన ఓ సంచలనంగా మారింది. కానీ పులివెందుల పోలీసులకు మాత్రం ఈ సంఘటన ఒక చిన్న విషయంగా కనిపించడం గమనార్హం. గతంలో వైఎస్సార్‌ విగ్రహానికి టీడీపీ జెండాలు కట్టవద్దు అన్నందుకు పులివెందుల మున్సిపల్‌ మాజీ చైర్మన్‌ వరప్రసాద్‌తో సహా 18మందిని అరెస్టు చేసి థర్డ్‌ డిగ్రీ ప్రయోగించి జైలుకు పంపిన పోలీసులు టీడీపీ వారికి మాత్రం కేవలం 41ఏ నోటీసులు ఇచ్చి వదిలేయడం ఏమిటని పలువురు ప్రశ్నిస్తున్నారు. వైఎస్సార్‌సీపీ నేతలు ఎలాంటి తప్పు చేయకున్నా.. ఒంటి కాలిపై వస్తున్న అధికారులు.. ఓ దళిత మాజీ కౌన్సిలర్‌ కిశోర్‌పై థర్డ్‌ డిగ్రీ ప్రయోగించడం, అతను జాతీయ మానవ హక్కుల కమిషన్‌కు వెళ్లడంతో పులివెందుల డీఎస్పీకి తాఖీదులు వచ్చాయి. తమ సొంత వివాదాల్లో కాల్పులు జరపాల్సిందిగా గన్‌మెన్‌కు ఆదేశాలు ఇచ్చి టీడీపీ నాయకులు చట్టాన్ని తమ చేతుల్లోకి తీసుకున్న పులివెందుల పోలీసులు మాత్రం నిమ్మకు నీరెత్తినట్లు వ్యవహరిస్తున్నారు. పోలీసుల తీరుపై అసంతృప్తి పులివెందుల పోలీసుల పనితీరుపై ప్రజలు అసంతృప్తి వ్యక్తం చేస్తున్నారు. కూటమి ప్రభుత్వం అధికారంలోకి వచ్చినప్పటి నుంచి పులివెందుల ప్రాంతంలో యథేచ్చగా మట్కా, జూదాలతోపాటు అక్రమ మైనింగ్‌, అక్రమ ఇసుక రవాణా సాక్షాత్తూ ప్రభుత్వ అధికారుల కన్నుసన్నల్లోనే టీడీపీ నాయకులు దోచుకుంటున్నారు. అయినా ప్రభుత్వ అధికారులు అటువైపు కన్నెత్తి చూడటం లేదు. పులివెందుల సబ్‌ డివిజనల్‌ స్థాయి అధికారికి వైఎస్సార్‌సీపీ నాయకులపై విరుచుకుపడటం అలవాటుగా మారింది. వినాయక చవితి పండుగ సందర్భంగా ఏర్పాటు చేసిన మీడియా సమావేశంలో డివిజనల్‌ స్థాయి అధికారి మాట్లాడుతూ వినాయక మండపాల వద్ద గొడవలకు పాల్పడితే వారిపై పీడీ యాక్ట్‌ నమోదు చేస్తామని మీడియా సాక్షిగా హెచ్చరించారు. అయితే సోమవారం వినాయక మండపం సాక్షిగా జరిగిన టీడీపీ నాయకుల గొడవపై ఎలాంటి కేసులు నమోదు చేయకపోవడం పట్ల ఆయన పనితీరుపై విమర్శలు వెలువెత్తుతున్నాయి. పులివెందుల పోలీసులు చెప్పేదొకటి.. చేసేదొకటి అన్న చందంగా మారింది. పోలీసుల పనితీరు మీడియా సమావేశాలకు మాత్రమే పరిమితమైంది. ఆచరణలో మాత్రం అధికార పార్టీ నాయకుల ఆదేశాలను పాటించడమే తమ కర్తవ్యంగా మారిందని చెప్పవచ్చు.

సాక్షి ప్రతినిధి, కడప: ‘తస్మాత్‌ జాగ్రత్త...దొంగల్లారా....పారిపోండి’ అచ్చం ఇదే తీరులో జిల్లా అధికారులు ఉండిపోయారు. అనేక ఫిర్యాదులు, పత్రికా కథనాలు తర్వాత అక్రమ మైనింగ్‌ కట్టడి కోసం మూకుమ్మడి తనిఖీలు చేయాలని నిర్ణయించారు. ఈ విషయాన్ని ముందే కొంతమంది అధికారులు అక్రమార్కులకు తెలియజేశారు. ఆపై బుధవారం పోలీసు, రెవెన్యూ, మైనింగ్‌, రీజినల్‌ విజిలెన్స్‌ అండ్‌ ఎన్‌ఫోర్స్‌మెంట్‌ అధికారులు జాయింట్‌ ఇన్స్‌ఫెక్షన్‌కు వెళ్లారు. అక్రమార్కులెవ్వరూ అక్కడ లేరు, ఎలాంటి అక్రమ మైనింగ్‌ చేపట్టలేదని తేల్చేశారు. రీజినల్‌ విజిలెన్స్‌ అండ్‌ ఎన్‌ఫోర్స్‌మెంట్‌ అధికారులు సైతం చేతులు ఊపుకుంటూ ఎలా వెళ్లారో...అలానే వెనక్కు తిరిగిరావాల్సిన పరిస్థితి ఉత్పన్నమైంది. జిల్లాలో వేముల, వేంపల్లె మండలాలల్లో బైరెటీస్‌ నిక్షేపాల దోపిడీ బహిరంగంగా కొనసాగుతోంది. ఎలాంటి అనుమతులు లేకుండా యథేచ్చగా అక్రమ మైనింగ్‌కు పాల్పడుతున్నారు. మరోవైపు మైన్‌ లీజుదారుల అనుమతులతో నిమిత్తం లేకుండా, రాయల్టీ ఫీజు చెల్లించకుండా దౌర్జన్యంగా అక్రమ మైనింగ్‌కు పాల్పడుతున్నారు. ఈ వ్యవహారం మండలస్థాయిలో రెవెన్యూ, పోలీసుశాఖల నుంచి జిల్లా కేంద్రం, ఆపై రాష్ట్రస్థాయిలో తుదకు సీఎంఓ స్థాయి వరకు ఫిర్యాదులు వెళ్లాయి. ఈపరంపరలో జాయింట్‌ ఇన్స్‌ఫెక్షన్‌ చేపట్టాలని ఉన్నతాధికారులు నిర్ణయించారు. మైనింగ్‌ డీడీ, రీజినల్‌ విజిలెన్స్‌ అండ్‌ ఎన్‌ఫోర్స్‌మెంట్‌, పోలీసు, రెవెన్యూశాఖల అధికారులతో మూకుమ్మడిగా నిర్వహించాలని ఆదేశించారు. ఆ మేరకు బుధవారం తనిఖీలు చేయనున్నట్లు మండల కేంద్రమైన వేములకు ఆదేశాలు జారీ అయ్యాయి. అంతే ఎక్కడికక్కడ అక్రమార్కులు అప్రమత్తమయ్యారు. అక్రమంగా పోగేసుకున్న బైరెటీస్‌ నిల్వలు తరలించుకెళ్లారు. మంగళవారం సాయంత్రానికి అక్రమంగా ఏర్పాటు చేసుకున్న క్రేన్లు సైతం తీసేశారు. బుధవారం వెళ్లిన అధికారులకు ఆ ప్రాంతంలో ఏమాత్రం అక్రమ మైనింగ్‌ అనవాళ్లు కన్పించలేదు. ఉన్నతాధికారులు సైతం జాయింట్‌ ఇన్స్‌ఫెక్షన్‌ను మమ అన్పించారు. లీజులున్నా అక్రమార్కుల కనుసన్నుల్లోనే... వేముల, వేంపల్లె మండలాల్లో రెండేళ్లుగా అక్రమ మైనింగ్‌ యథేచ్చగా కొనసాగుతోంది. లీజు అనుమతులు ఉన్న వారైనా సరే, అక్రమార్కుల కనుసన్నుల్లోనే మైనింగ్‌ నిర్వహించాలనే నిబంధనలు తెరపైకి వచ్చాయి. వేముల, వి.కొత్తపల్లె, వేంపల్లె మండలంలోని బక్కన్నగారిపల్లె, తాళ్లపల్లె గ్రామాల్లో ఈ దందా కొనసాగుతోంది. తెలుగుదేశం పార్టీ నాయకులు ఎలాంటి అనుమతులు లేకుండా బైరెటీస్‌ నిక్షేపాలను కొల్లగొడుతున్నారు. అక్రమ మైనింగ్‌ ద్వారా ఆదాయం గడించడం ఒక మార్గమైతే... దౌర్జన్యం, దోపిడీలతో కోట్లాది రూపాయలు సొమ్ము చేసుకుంటున్నారు. తుదకు టిఫిన్‌ బురైటీస్‌ ప్రాంగణంలో నేషనల్‌ కంపెనీ ఆఫ్‌ లా ట్రిబ్యునల్‌ (ఎన్సీఎల్టీ) ద్వారా వేలంలో ఎంబసీ గ్రూపు కొనుగోలు చేసి ఉంచిన 3,500టన్నుల నిల్వలను కూడా 2025 సంక్రాంతి పండగ నాడు దౌర్జన్యంగా తరలించుకెళ్లారు. ఓవైపు ప్రభుత్వానికి రాయల్టీ రూపంలో రావాల్సిన ఆదాయం దక్కకపోగా, మరోవైపు యజమానులతో నిమిత్తం లేకుండా దౌర్జన్యంగా మైనింగ్‌ నిర్వహిస్తూ తెలుగుతమ్ముళ్లు కోట్లు గడిస్తున్నారని పలువురు వివరిస్తున్నారు. ప్రకృతి సంపద దోపిడీ... ఓ వైపు విలువైన ఖనిజాలు, మరోవైపు ఇసుక ద్వారా తెలుగుతమ్ముళ్లు దోపిడీకి పాల్పడుతున్నారు. ప్రకృతి సంపద కారణంగా కోట్లకు పడుగలెత్తుతున్నారు. ఇదేమి అన్యాయమంటే తెగబడి ప్రత్యక్ష దాడులకు దిగుతున్నారు. మంగళవారం వేంపల్లెలో అక్రమంగా ఇసుక తరలించుకెళ్లడంపై రైతులు ఆవేదన వ్యక్తం చేస్తే టీడీపీ నేతలు రైతులపై చెలరేగిపోయారు. ఇలాంటి పరిస్థితులను కళ్లుండీ చూడలేని స్థితిలో అధికారులు ఉండిపోయారని పరిశీలకులు వెల్లడిస్తున్నారు. ఈక్రమంలోనే అన్నీశాఖల అధికారులు బుధవారం జాయింట్‌ ఇన్స్‌ఫెక్షన్‌ చేసినా బైరెటీస్‌ ఖనిజాన్ని కొల్లగొడుతున్న నిర్వాహకులను కట్టడి చేయలేకున్నారని విశ్లేషకులు సైతం ఆరోపిస్తున్నారు. రెవెన్యూ, పోలీసు, విజిలెన్స్‌– ఎన్‌ఫోర్స్‌మెంట్‌, మైనింగ్‌ శాఖ ఉమ్మడి తనిఖీలు ముందు రోజు ఎక్కడికక్కడా అక్రమార్కులు గప్‌చిప్‌ అక్రమ మైనింగ్‌ కట్టడిపై అధికారులకు చిత్తశుద్ధి లేమి టిఫెన్‌ బైరెటీస్‌ ప్రాంగణంలో మమ అన్పించిన అధికారులు వేముల, వేంపల్లె మండలాల్లో యథేచ్చగా దందా వ్యవస్థలు తనంతట తానుగా రాజ్యాంగానికి లోబడి వ్యవహరిస్తే, చట్టం తన పని తాను చేసుకుపోతుంది. అప్పుడే కొంతలో కొంతైనా ప్రజల ధన, మాన ప్రాణాలకు రక్షణగా నిలుస్తోంది. వ్యవస్థలు నిర్వీర్యం అయితే దౌర్జన్యపరులదే రాజ్యం, దోపిడీ దారులదే భోజ్యం అన్నట్లుగా ఉండిపోతుంది. ఇప్పుడు వేముల, వేంపల్లె మండలాల్లో అక్రమ మైనింగ్‌ వ్యవహారంలో ఇదే చోటుచేసుకుంది. అధికారులు ప్రేక్షక పాత్రను పోషిస్తున్నారు. ప్రభుత్వం అన్ని శాఖలను సమన్వయపర్చి జాయింట్‌ ఇన్స్‌ఫెక్షన్‌కు ఆదేశించినా, పట్టుమని పది రాళ్లు కూడా బైరెటీస్‌ ఖనిజాన్ని పట్టుకోలేకపోయారు. అందుకు కారణం కొంతమంది అధికారులు అక్రమార్కులకు అండగా నిలుస్తుండడమేనని స్థానికులు ఆరోపిస్తున్నారు.

● గణనాథునికి ఘనంగా వీడ్కోలు ● 70 శాతం విగ్రహాలు నిమజ్జనం కడప సిటీ : ఆదిపూజల దేవుడు...ఆది దంపతుల సుతుడు...బొజ్జ గణపయ్య నిమజ్జనాన్ని బుధవారం మూడవరోజు భక్తులు భక్తిశ్రద్ధలతో నిర్వహించారు. జిల్లా కేంద్రమైన కడపతోపాటు ప్రొద్దుటూరు, పులివెందుల, కమలాపురం, బద్వేలు, జమ్మలమడుగు, మైదుకూరు, రాజంపేట తదితర ప్రాంతాలలో మూడు రోజులు భక్తిశ్రద్ధలతో పూజలు, సాంస్కృతిక కార్యక్రమాలు నిర్వహించారు. ఇప్పటికే జిల్లాలో చిన్నా, పెద్ద విగ్రహాలను దాదాపు 70 శాతం మేర నిమజ్జనం చేశారు. తొలుత భక్తులకు అన్నదానాలు చేశారు. ఆపై స్వామి ని పందిళ్లలో నుంచి వాహనాలపై చేర్చి నిమజ్జనానికి తరలించారు. సందడే సందడి జైబోలో గణేష్‌ మహరాజ్‌కీ....గణపతి బొప్పమోరియా.. నినాదాలతో నిమజ్జన దారులు హోరెత్తాయి. తప్పెట్లు, చెక్కభజనలు, బ్యాండుమేళాలు, భక్తి గీతాలాపనలు, యువకుల ఈలలు, కేరింతల మధ్య కట్టల తెగిన ఉత్సాహం మధ్య గణపతి నిమజ్జనం ఘనంగా జరిగింది. మధ్యాహ్నం 2 గంటల నుంచి రాత్రి వరకు జిల్లాలో గణపయ్య విగ్రహాల నిమజ్జనం కొనసాగింది. ఈ సందర్భంగా పలుచోట్ల గణపతి చేతిలో పూజలందుకున్న లడ్డూల వేలం పాటలు, ఉట్టికొట్టడం, మహిళలకు ముగ్గుల పోటీలు, బాలలకు వివిధ రకాల పోటీలను ఏర్పాటు చేసి బహుమతులు ఇవ్వడం తదితర కార్యక్రమాలు నిర్వహించారు. కడప నగర పరిధిలోని ఇర్కాన్‌ సర్కిల్‌ వద్ద, దుర్గమ్మ ఆలయం సమీపం, ఫాతిమా కళాశాల వద్దగల కేసీ కెనాల్‌లో నిమజ్జనం చేశారు. జిల్లా ఎస్పీ ఆధ్వర్యంలో విస్తృతమైన పోలీసు బందోబస్తు నిర్వహించారు. మున్సిపల్‌ కార్పొరేషన్‌ అధికారులు, సిబ్బంది నిరంతరం కార్యక్రమాలను పర్యవేక్షించి పారిశుద్ద్య పనులు నిర్వహించారు. చిట్టి గణపయ్యను నిమజ్జనానికి తీసుకెళ్తూ..వీఎన్‌పల్లెలో గ్రామోత్సవంలో గణనాథులు

ప్రొద్దుటూరు క్రైం : ‘ప్రజలారా.. మీ బ్యాంకు ఖాతాల్లోని డబ్బుకు భద్రత ఉందా ?.. ఒకసారి మీ ఖాతాలను చెక్‌ చేసుకోండి’ అంటూ ప్రొద్దుటూరు మాజీ ఎమ్మెల్యే, వైఎస్సార్‌సీపీ అధికార ప్రతినిధి రాచమల్లు శివప్రసాద్‌రెడ్డి ప్రజలకు సూచించారు. దొరసానిపల్లెలోని క్యాంపు కార్యాలయంలో బుధవారం రాచమల్లు విలేకరుల సమావేశంలో మాట్లాడారు. బొందలకుంట సుబ్బరాయుడు అనే వ్యక్తి విద్యుత్‌శాఖలో పని చేస్తూ కొన్ని నెలల క్రితం ప్రమాదవశాత్తు మృతి చెందారన్నారు. ఆయనకు రావల్సిన బీమా మొత్తంలో సుమారు రూ. 11.51 లక్షలు టౌన్‌ బ్యాంక్‌లో జమ అయ్యాయని పేర్కొన్నారు. ఆ మొత్తాన్ని పొందేందుకు అర్హత కలిగిన వారసురాలు మృతుడి పెద్ద కుమార్తె సుచరిత అని అన్నారు. అయితే బ్యాంక్‌లో తన పేరుతో డబ్బు జమ అయిన విషయం ఆమెకు తెలియదని చెప్పారు. ఈ క్రమంలో విషయం తెలుసుకున్న పట్టణంలోని టీడీపీ నాయకుడు, ప్రముఖ న్యాయవాది ఈవీ సుధాకర్‌రెడ్డి తనకు సంబంధించిన ఉషారాణి అనే మహిళను బ్యాంక్‌కు తీసుకెళ్లి సుచరితగా చూపించారన్నారు. అంతేకాకుండా సుచరితకు సంబంధించిన పాన్‌కార్డు, ఆధార్‌ కార్డులను ఇచ్చి, ఫొటో మాత్రం ఉషారాణివి ఇచ్చారని తెలిపారు. కొత్త ఖాతాదారుని పరిచయస్తుడి స్థానంలో ఈవీ సుధాకర్‌రెడ్డి సంతకం చేసి ఆమె పేరుతో 2025 సెప్టెంబర్‌ 20న అకౌంట్‌ ఓపెన్‌ (17393) చేయించినట్లు రాచమల్లు వెల్లడించారు. బ్యాంక్‌లో రూ.11.51 లక్షలు జమ అయిన తర్వాత ఈ ఏడాది మార్చి 9న ఉషారాణిని బ్యాంక్‌కు తీసుకెళ్లి రూ. 9 లక్షలు డ్రా చేశారని రాచమల్లు పేర్కొన్నారు. మరుసటి రోజు మరో రూ.2.51,500 డ్రా చేసిందని తెలిపారు. ఖాతాదారులకు చెందాల్సిన డబ్బును ఇతరులు వచ్చి ఫోర్జరీ సంతకాలతో డబ్బును కాజేసినట్లు రాచమల్లు ఆరోపించారు. టౌన్‌ బ్యాంక్‌ చైర్మన్‌గా ఆయన శిష్యుడు బొగ్గుల సుబ్బారెడ్డి ఉన్నాడనే ఉద్దేశ్యంతో సాక్షాత్తూ అధికార పార్టీ నాయకుడు ఈవీ సుధాకర్‌రెడ్డి ఈ చర్యలకు పాల్పడటం సిగ్గు చేటని రాచమల్లు విమర్శించారు. అధికార పార్టీ నాయకులే బ్యాంకింగ్‌ వ్యవస్థను దిర్వినియోగం చేస్తున్నారని తెలిపారు. ఇలా ఎంతో మందికి చెందిన ఇన్సూరెన్స్‌ డబ్బులు బ్యాంకులకు వస్తుంటాయని, ఎన్ని బ్యాంకుల్లో ఎన్ని మోసాలు చేశారో నిగ్గు తేల్చాల్సిన బాధ్యత ఎమ్మెల్యే నంద్యాల వరదరాజులరెడ్డికి లేదా అని రాచమల్లు ప్రశ్నించారు. ఖాతాలు చెక్‌ చేసుకోండి ప్రస్తుత పరిణామాలను దృష్టిలో ఉంచుకొని ప్రతి ఒక్కరూ తమ బ్యాంకు ఖాతాలను పరిశీలించుకోవాలని రాచమల్లు సూచించారు. తమకు తెలియకుండా ఏమైనా లావాదేవీలు జరిగాయా? అనుమానాస్పదంగా డబ్బులు డ్రా అయ్యాయా? అనే విషయాలను పరిశీలించుకోవాలని చెప్పారు. తమ పార్టీకి చెందిన కుమార్‌రెడ్డి 17 ఏళ్లు టౌన్‌ బ్యాంక్‌ చైర్మన్‌గా ఉంటూ ఉత్తమ సేవలు అందించారని గుర్తుచేశారు. అతని పాలనలో బ్యాంకు ఎంతో పురోభివృద్ధి సాధించినట్లు పేర్కొన్నారు. అలాంటి ఉత్తముడైన కుమార్‌ను టీడీపీ నాయకులు అన్యాయంగా తొలగించారన్నారు. ఈ మొత్తం వ్యవహారంపై సంబంధిత బ్యాంకు అధికారులు, పోలీసులు సమగ్ర విచారణ జరిపి వాస్తవాలను ప్రజల ముందు ఉంచాలని రాచమల్లు శివప్రసాద్‌రెడ్డి డిమాండ్‌ చేశారు. ఈ విషయమై తాను ఫిర్యాదు చేయనున్నట్లు తెలిపారు. అవసరమైతే జ్యుడీషియల్‌ విచారణ కోరతానని చెప్పారు. ఒకరి పేరుపై ఉన్న రూ.11.51 లక్షల బీమా సొమ్మును మరొక మహిళ పేరుతో డ్రా టీడీపీ నాయకుల కనుసన్నల్లో ఘరానా మోసం ఎమ్మెల్యే వరద ఎందుకు నోరు మెదపరు? ప్రొద్దుటూరు మాజీ ఎమ్మెల్యే, వైఎస్సార్‌సీపీ రాష్ట్ర అధికార ప్రతినిధి రాచమల్లు శివప్రసాద్‌రెడ్డి

కడప సిటీ : జర్నలిజం రంగంలో విశేష సేవలందిస్తూ, వృత్తిపరమైన ప్రతిభను కనబరిచిన పాత్రికేయులను ప్రోత్సహించి, వారి సేవలను గుర్తించి గౌరవించేందుకు 2025 సంవత్సరానికి 12 విభాగాల్లో ఉత్తమ జర్నలిస్టు అవార్డులు అందజేయాలని రాష్ట్ర ప్రభుత్వం నిర్ణయించింది. ఈ అవార్డులకు అర్హులైన వారిని ఎంపిక చేసేందుకు ఆయా విభాగాలకు చెందిన జర్నలిస్టుల నుంచి దరఖాస్తులను ఆహ్వానిస్తున్నట్లు రాష్ట్ర సమాచార పౌరసంబంధాల శాఖ సంచాలకులు కేఎస్‌ విశ్వనాథన్‌ ఒక ప్రకటనలో తెలిపారు. అర్హులైన జర్నలిస్టులు తమ దరఖాస్తులను 2026 సెప్టెంబరు 28వ తేదీ సాయంత్రం 5.00 గంటల్లోగా డైరెక్టర్‌, సమాచార పౌరసంబంధాల శాఖ, 2వ అంతస్తు, ఎన్టీఆర్‌ పరిపాలన భవనం, పండిట్‌ నెహ్రూ బస్‌స్టేషన్‌, విజయవాడ – 520013 అనే చిరునామాకు పంపించాలని ఆయన సూచించారు. గ్యాస్‌ సిలిండర్‌ లీకేజీ.. సామగ్రి దగ్ధంఎర్రగుంట్ల : మండల పరిధిలోని పెద్దనపాడు గ్రామానికి చెందిన పల్ల లీలావతి ఇంటిలో గ్యాస్‌ సిలిండర్‌ లీక్‌ అయి ఇంటిలోని సామగ్రి దగ్ధం అయిన సంఘటనలో బుధవారం చోటు చేసుకుంది. లీలావతి అనే మహిళ వంట చేయడానికి గ్యాస్‌ స్టవ్‌ వెలిగించింది. తర్వాత బయటకు పోయి వచ్చిన చూడగానే ఇంటిలో గ్యాస్‌ లీక్‌ అయి మంటలు వ్యాపించాయి. ఇంటిలో ఉన్న విలువైన వస్తువులు కాలిపోయాయి. వెంటనే స్థానికులు సమీపంలో ఉన్న అగ్నిమాపక సిబ్బందికి సమాచారం ఇవ్వడంతో మంటలు ఆర్పివేశారు. సుమారు రూ.2 లక్షలు వరకు నష్టం వాటిల్లిందని బాధితురాలు లీలావతి వాపోయింది. అగ్ని ప్రమాద బాధితులకు ఎంపీ రూ.లక్ష సాయంనందలూరు : మండలంలోని నాగిరెడ్డిపల్లి గ్రామపంచాయతీ పరిధి అరవపల్లి రైల్వే గేట్‌ సమీపంలోని జయలక్ష్మి ఎలక్ట్రికల్‌ అండ్‌ ఫ్యాన్సీ స్టోర్‌ ఇటీవల విద్యుత్‌ షార్ట్‌సర్క్యూట్‌ కారణంగా అగ్ని ప్రమాదానికి గురై పూర్తిగా దగ్ధమైన విషయం తెలిసిందే. ఈ ప్రమాదంలో దుకాణంలోని వస్తువులు పూర్తిగా కాలిపోవడంతో కుటుంబం తీవ్రంగా నష్టపోయింది.ఈ నేపథ్యంలో రాజ్యసభ సభ్యుడు మేడ రఘునాథ రెడ్డి, రాజంపేట ఎమ్మెల్యే ఆకేపాటి అమర్‌నాథ్‌ రెడ్డి, నందలూరు ఎంపీపీ మేడ విజయభాస్కర్‌ రెడ్డి బాధిత కుటుంబాన్ని పరామర్శించి పరిస్థితిని అడిగి తెలుసుకున్నారు. అనంతరం బాధిత కుటుంబానికి ఎంపీ మేడా రఘునాథ రెడ్డి తన సొంత నిధుల నుంచి రూ.లక్ష ఆర్థిక సహాయాన్ని అందించారు. ఈ సందర్భంగా రాజ్యసభ సభ్యులు (ఎంపీ) మేడ రఘునాథ రెడ్డి మాట్లాడుతూ అగ్ని ప్రమాదంలో నష్టపోయిన కుటుంబానికి తన వంతు సహాయంగా ఆర్థిక సాయం అందించినట్లు తెలిపారు. 28లోగా దరఖాస్తుల ఆహ్వానం

● వైఎస్సార్‌సీపీ కార్యకర్తలు, నాయకులపై అక్రమకేసులు పెడితే ఊరుకోం ● వైఎస్సార్‌సీపీజిల్లా అధ్యక్షుడు పి.రవీంద్రనాథ్‌రెడ్డి, మాజీ ఎమ్మెల్యే శెట్టిపల్లి రఘురామిరెడ్డి కడప అర్బన్‌: ప్రభుత్వాన్ని ప్రశ్నించే వారిని టార్గెట్‌ చేస్తూ అక్రమ కేసులతో.. అరెస్టులతో వేధిస్తున్నా రని వైఎస్సార్‌ సీపీ నేతలు ఆరోపించారు. ఈ విషయమై కడపలో ఎస్పీ నచికేత్‌ విశ్వనాథ్‌ను వైఎస్సార్‌సీపీ జిల్లా అధ్యక్షుడు పి. రవీంద్రనాథ్‌ రెడ్డి, మాజీ ఎమ్మెల్యే రఘురామిరెడ్డి కలిశారు. ఈ సందర్భంగా వైఎస్సార్‌సీపీ శ్రేణులపై జరుగుతున్న అక్రమ అరెస్టులు, కేసులు, బైండోవర్ల అంశాలను ఎస్పీ దృష్టికి తీసుకెళ్లారు. అనంతరం పి. రవీంద్రనాథ్‌ రెడ్డి మీడియాతో మాట్లాడుతూ ప్రభుత్వాన్ని ప్రశ్నించే వారిని టార్గెట్‌ చేస్తూ అక్రమ కేసులు, అరెస్టులు చేస్తున్నారని ఆరోపించారు. పత్రికల్లో వచ్చిన వార్తలను సోషల్‌ మీడియా గ్రూపుల్లో ఫార్వర్డ్‌ చేసినంత మాత్రాన కేసులు పెట్టి అరెస్ట్‌ చేయడం దారుణమన్నారు. ఎన్నికల సమయంలో వైఎస్సార్‌సీపీకి మద్దతుగా నిలిచారనే కారణంతో పార్టీ శ్రేణులను ఇబ్బందులకు గురిచేస్తున్నారని ఆరోపించారు. ఎలాంటి నోటీసులు ఇవ్వకుండానే పోలీస్‌ స్టేషన్లకు పిలిపించి బైండోవర్‌ చేయడం సరికాదన్నారు. ఈ విషయంలో న్యాయస్థానాలను ఆశ్రయించి న్యాయపోరాటం చేస్తామని స్పష్టం చేశారు. ప్రస్తుతం అధికారంలో ఉన్న వెన్నుపోటు పార్టీ ప్రభుత్వం మరో రెండేళ్ల పాటు మాత్రమే ఉంటుందన్నారు. రాబోయేకాలంలో వైఎస్సార్‌సీపీ ప్రభుత్వం వస్తుందన్నారు. ప్రస్తుతం తమ కార్యకర్తలను, నాయకులను ఇబ్బందులకు గురిచేసిన అధికారుల సర్వీసు మరో ఇరవై ఏళ్లు, ముప్పై ఏళ్లు ఉంటుందనే విషయాన్ని మర్చిపోకూడదన్నారు. మైదుకూరులో పోలీసులు రెడ్‌బుక్‌ రాజ్యాంగాన్ని అమలు చేస్తున్నారన్నారు.వాస్తవ సంఘటనను, అన్ని పత్రికల్లో, మీడియాలో వచ్చిన సంఘటనను తమ స్థానిక ప్రజల గ్రూప్‌లో పోస్టు చేశాడనీ కక్షపూరితంగా వైఎస్సార్‌సీపీ బీసీ సెల్‌ జిల్లా అధ్యక్షుడు నేటపల్లి శివరామకృష్ణపై అక్రమంగా కేసును బనాయించడం ఎంతవరకు సమంజసమని ప్రశ్నించారు. ఫార్వర్డ్‌ చేయడం నేరమా? శివరామకృష్ణపై ఇప్పటికే ఒకసారి కేసులను బనాయించారని, దాదాపు 40 నుంచి 50 రోజులపాటు జైలులో ఉండి వచ్చారన్నారు. వచ్చే స్థానిక సంస్థల ఎన్నికల సమయంలో తమను అడ్డుకుంటారని టీడీపీ శ్రేణులు భావించి ఇలాంటి కుట్రలతో అక్రమకేసులను బనాయించారన్నారు. ఈ కేసు విషయంలో న్యాయస్థానాన్ని ఆశ్రయిస్తామన్నారు. – మైదుకూరు మాజీ ఎమ్మెల్యే శెట్టిపల్లి రఘురామిరెడ్డి మాట్లాడుతూ ఈనెల 11న మైదుకూరు మండలం జి.వి సత్రంలో పాఠశాలలో స్మార్ట్‌కిచెన్‌లో బల్లిపడిన విషయం తెలిసి పప్పును పారబోశారన్నారు. తరువాత ఎమ్మార్వో, ఎంపీడీఓ ఇతర అధికారులు వచ్చిన సమయానికి ఐదుగురు విద్యార్థులను స్థానిక పీహెచ్‌సీకి తీసుకెళ్లి ట్రీట్‌మెంట్‌ను ఇప్పించారన్నారు. స్మార్ట్‌కిచెన్‌లో ప్రభుత్వం నియమించిన వారే ఉన్నారన్నారు. వారిపై అధికారులు తీసుకుంటున్న చర్యలపై అన్ని టీవీ ఛానెళ్లలో, పత్రికల్లో ప్రచురితమైందన్నారు. వాట్సాప్‌గ్రూప్‌లో వచ్చిన విషయాన్ని శివరామకృష్ణ పోస్ట్‌ చేశారని అక్రమంగా కేసులను బనాయించారన్నారు. కేవలం టీడీపీ వారి కక్షసాధింపు చర్యల్లో భాగంగానే ఇలా చేశారని కడపలోని జిల్లా పోలీసు కార్యాలయానికి వచ్చి ఎస్పీ షెల్కే నచికేత్‌ విశ్వనాథ్‌ను కలిసి వినతిపత్రం సమర్పించామన్నారు. వాస్తవాలను విచారిస్తే అన్యాయంగా కేసు బనాయించారని తెలుస్తుందనీ శివరామకృష్ణ పేరును ఎఫ్‌ఐఆర్‌ నుంచి తొలగించాలనీ విజ్ఞప్తి చేశామన్నారు. ఈ కార్యక్రమంలో వైఎస్సార్‌సీపీ రాష్ట్ర కార్యదర్శి రెడ్యం వెంకటసుబ్బారెడ్డి, మాజీమేయర్‌ పాకా సురేష్‌కుమార్‌, పార్టీ స్టేట్‌ వర్కింగ్‌ ప్రెసిడెంట్‌ పులి సునీల్‌కుమార్‌, రాష్ట్ర బీసీ విభాగం నాయకులు ఆదిమూలం శివయ్యయాదవ్‌, పార్టీ మైదుకూరు మండల ప్రధాన కార్యదర్శినేట్లపల్లి రామాంజనేయులు యాదవ్‌ పాల్గొన్నారు.

కడప అర్బన్‌ : కడప నగరం ద్వారకా నగర్‌లో నివాసముంటున్న ప్రైవేట్‌ ల్యాబ్‌ టెక్నీషియన్‌ సుబ్బరాయుడు ఇంట్లో సోమవారం మధ్యాహ్నం దొంగల పడి బంగారు, వెండి ఆభరణాలు అపహరించారు. కడప వన్‌టౌన్‌ పోలీసుల వివరాల మేరకు.. ద్వారకా నగర్‌లో నివాసం ఉంటున్న సుబ్బరాయుడు సోమవారం మధ్యాహ్నం కుటుంబ సభ్యులతో కడప మృత్యుంజయకుంటకు వెళ్లాడు. తిరిగి సాయంత్రం ఇంటికి వచ్చేలోపు ఇంటి తాళాలను పగలగొట్టి దొంగలు బీరువాలో ఉన్న 22 గ్రాముల బంగారు 250 గ్రాముల వెండి వస్తువులను అపహరించినట్లు తెలిపారు. బాధితుల ఫిర్యాదు మేరకు కేసు నమోదు చేసి విచారణ చేస్తున్నట్లు కడప ఒన్‌టౌన్‌ ఎస్‌ఐ అమర్‌నాథ్‌రెడ్డి తెలియజేశారు.

చింతకొమ్మదిన్నె : జిల్లాలోని వేర్వేరు ప్రాంతాల్లో ఇద్దరు బలవన్మరణం చెందారు. చింతకొమ్మదిన్నె మండలంలోని రోడ్డు క్రిష్ణాపురం గ్రామంలో రాగినూతుల రెడ్డయ్య(43) ఉరి వేసుకుని ఆత్మహత్య చేసుకున్నాడు. సీఐ బాల మద్దిలేటి తెలిపిన వివరాల మేరకు.. రెడ్డయ్య తిరుపతి ప్రాంతం నుంచి రోడ్డు కృష్ణాపురానికి ఇల్లరికపు అల్లుడిగా వచ్చి లారీ ట్రాన్స్‌పోర్టు వ్యాపారం చేస్తూ జీవనం సాగించేవాడు. నెల రోజుల కిందట పెద్ద కూమార్తె వివాహం చేశాడు. ఇల్లు నిర్మాణ క్రమంలో అప్పులు ఎక్కువ కావడం, దీంతో భార్యాభర్తల మధ్య కలహాలు రావడంతో మంగళవారం మధ్యాహ్నం.. భార్య పక్క వీధిలో గల ఆమె తల్లిదండ్రుల ఇంటికి వెళ్లినపుడు, ఇంట్లో గడియ పెట్టుకుని బెడ్‌ రూములో ఫ్యాన్‌కి ఉరి వేసుకుని ఆత్మహత్య చేసుకున్నట్లు తెలిపారు. మృతుడికి ఇద్దరు కుమార్తెలు ఉన్నారు. మద్యానికి బానిసై.. బద్వేలు అర్బన్‌ : మండల పరిధిలోని చింతలచెరువు పంచాయతీ శ్రీనివాసపురం గ్రామానికి చెందిన పొన్నా వెంకటేష్‌(30) సోమవారం రాత్రి ఉరి వేసుకుని ఆత్మహత్య చేసుకున్నాడు. పోలీసులు తెలిపిన వివరాల మేరకు.. శ్రీనివాసపురం గ్రామానికి చెందిన వెంకటేష్‌ కూలీ పనులు చేసుకుని జీవనం సాగిస్తుండేవాడు. ఈయనకు భార్య, ఇద్దరు పిల్లలు ఉన్నారు. ఇటీవల కాలంలో మద్యానికి బానిసై తరచూ భార్యతో గొడవ పడుతుండేవాడు. ఈ క్రమంలో సోమవారం రాత్రి కూడా భార్యతో గొడవ పడి ఇంట్లోని గదిలోకి వెళ్లి తలుపులు వేసుకున్నాడు. అయితే ఎంత సేపటికీ బయటికి రాకపోవడంతో అనుమానం వచ్చిన భార్య కిటికీలో నుంచి గమనించగా ఫ్యాన్‌కు ఉరి వేసుకుని వేలాడుతూ కనిపించాడు. వెంటనే స్థానికులకు సమాచారం ఇవ్వగా వారు వచ్చి తలుపులు పగులకొట్టి వెంకటేష్‌ను బద్వేలులోని ప్రభుత్వాసుపత్రికి తీసుకెళ్లగా.. పరీక్షించిన వైద్యులు అప్పటికే మృతి చెందినట్లు ధ్రువీకరించారు. మృతుడి తండ్రి రోశయ్య ఇచ్చిన ఫిర్యాదు మేరకు రూరల్‌ ఎస్‌ఐ చిరంజీవి కేసు నమోదు చేసుకుని పోస్టుమార్టం నిమిత్తం మృతదేహాన్ని ప్రభుత్వాసుపత్రి ఆవరణలోని శవపరీక్ష గదికి తరలించారు.

ఒంటిమిట్ట : ఒంటిమిట్ట శ్రీ కోదండరామాలయంలో ఈ నెల 11న అంకురార్పణతో ప్రారంభమైన పవిత్రోత్సవాలు సోమవారం ముగిశాయి. మూడు రోజులుగా యాగశాలలో వేదపండితులు హోమాలు నిర్వహించారు. చివరిరోజు సోమవారం విష్వక్సేన ఆరాధన, పుణ్యహవచనం, అగ్ని ప్రతిష్ఠ, పవిత్ర దేవతా హోమం, శాంతి హోమం, మహా పుర్ణాహుతి, కుంభ ప్రోక్షణ, పవిత్ర వితరణ, మహా మంగళహారతి తదితర పూజలు శాస్త్రోక్తంగా నిర్వహించారు. ఈ కార్యక్రమంలో వివిధ ప్రాంతాల నుంచి వచ్చిన భక్తులు అధిక సంఖ్యలో పాల్గొన్నారు. వారు స్వామి, అమ్మవారిని దర్శించుకుని తరించారు. ఇద్దరిపై చీటింగ్‌ కేసు కడప అర్బన్‌ : కడప నగరంలోని వన్‌టౌన్‌ పోలీస్‌స్టేషన్‌ పరిధిలో నివసిస్తున్న గౌస్‌ బాషా అనే వ్యక్తి, రైతులతో కలిసి చేసిన ఫిర్యాదుతో మధ్యప్రదేశ్‌లో ఉంటున్న బన్వర్లాల్‌, విష్ణు భాయ్‌పై అక్కడే కేసు నమోదు అయింది. ఆ కేసును మధ్యప్రదేశ్‌ రాష్ట్రానికి చెందిన పోలీసులు కడప వన్‌టౌన్‌కు బదిలీ చేశారు. గౌస్‌ బాషా రైతుల దగ్గర నుంచి సేకరించిన పొగాకును మధ్యప్రదేశ్‌కు తీసుకెళ్లి దాదాపు 20 లక్షల రూపాయలకు విక్రయించాడు. అక్కడ వ్యాపారులు, ఈ కేసులో నిందితులైన ఇద్దరు.. గౌస్‌బాషాకు కేవలం 3 లక్షలు మాత్రమే ఇచ్చారు. మిగిలిన 17 లక్షలు పెండింగ్‌లో ఉంచారు. దీంతో గౌస్‌ బాషా బాధిత రైతులను మధ్యప్రదేశ్‌కు తీసుకెళ్లి ఫిర్యాదు చేయగా కేసు నమోదు చేశారు. సదరు కేసును మధ్యప్రదేశ్‌ పోలీసులు కడప వన్‌ టౌన్‌కు బదిలీ చేశారు. కడప వన్‌ టౌన్‌ సీఐ తిమ్మారెడ్డి ఆధ్వర్యంలో కేసు దర్యాప్తు చేస్తున్నారు.

ఒంటిమిట్ట : మండల పరిధి రాచగుడిపల్లిలోని దళితవాడకు చెందిన బల్లి శేఖర్‌ అనే దళితుడి ఇంటిపై అదే గ్రామానికి చెందిన అగ్రకులాలకు చెందిన టీడీపీ నాయకులు దాడి చేశారు. ఈ విషయమై మాల మహానాడు సంఘం నాయకులు బాధితుడితో కలిసి మంగళవారం ఒంటిమిట్ట ఎస్‌ఐ శ్రీనివాసులుకు ఫిర్యాదు చేశారు. ఫిర్యాదులో పేర్కొన్న మేరకు వివరాలు ఇలా ఉన్నాయి. రాచగుడిపల్లిలోని 148 సర్వే నంబర్‌లో 23 సెంట్ల ప్రభుత్వ భూమిని అదే గ్రామానికి చెందిన టీడీపీ నాయకుడు నల్లగొండు సుబ్బారెడ్డి ఆక్రమించి, అందులో ఇప్పటికే కాంపౌండ్‌ వాల్‌ నిర్మించి, ఫామ్‌ హౌస్‌ నిర్మించే ప్రయత్నం చేస్తున్నాడని రాచగుడిపల్లి గ్రామస్తులు ఆరోపిస్తున్నారు. ఆక్రమణను గ్రామస్తులు వ్యతిరేకిస్తున్నారు. ఈ క్రమంలో బల్లి శేఖర్‌ అనే దళితుడు తన ఇంటి వద్ద ఒంటిమిట్ట తహసీల్దార్‌కు వినతి పత్రాన్ని అందించేందుకు కొంత మంది గ్రామస్తులతో సంతకాలను సేకరిస్తున్న నేపథ్యంలో, టీడీపీ నాయకుడు నల్లగొండు వెంకట సుబ్బారెడ్డి, అతని భార్య(మాజీ ఎంపీపీ) నల్లగొండు లక్ష్మీదేవి, వారి బావమరిది ఆరెమ్‌ జస్వంత్‌, వారి డ్రైవర్‌ సునీల్‌, సాకే హరి అతని ఇంటిపైకి ఒక్కసారిగా దాడి చేశారు. వారు దాడి చేసిన సమయంలో ఇంటిలో బల్లి శేఖర్‌, ఆయన భార్య మాత్రమే ఉన్నారు. ఈ దాడిలో బల్లి శేఖర్‌ను ఇంటి నుంచి బయటికి లాగి, కొడుతూ, కుల దూషణ చేసి, నిన్న చంపేస్తాం, కట్టేసి కొడతాం అంటూ లాక్కెళుతుండగా.. అక్కడే ఉన్న దళితవాడకు చెందిన వారు శేఖర్‌ను రక్షించారు. తనపై దాడి చేసిన వారిపై కఠినమైన చర్యలు తీసుకొని, వారి నుంచి తనను రక్షించాలని బాధితుడు బల్లి శేఖర్‌ ఫిర్యాదులో పేర్కొన్నారు.

బద్వేలు : జిల్లా ప్రజల ఆరోగ్యం తీవ్ర ప్రమాదంలో పడింది. కల్తీలను నియంత్రించి ప్రజల ఆరోగ్య భద్రతను కాపాడాల్సిన అధికారులు అటువైపు కన్నెత్తి చూడటం లేదు. కూరల్లో వేసుకునే కారం నుంచి నూనె వరకూ.. చికెన్‌, మటన్‌, చేపల వరకూ ఎక్కడ చూసినా కల్తీ.. జిల్లా ప్రజల్ని కలవరపెడుతోంది. నిరంతరం తనిఖీలు చేయాల్సిన ఫుడ్‌ సేఫ్టీ అధికారులు మొక్కుబడి తనిఖీలతో మమ అనిపిస్తున్నారు. టార్గెట్‌ల కోసం తనిఖీలు చేయడం తప్ప నిబంధనలు పాటించని హోటళ్లు, రెస్టారెంట్లపై దాడులు చేసిన దాఖలాలు కనిపించడం లేదు. పూరీ కూరలో చనిపోయిన బల్లి – రంగంలోకి పోలీస్‌ ఇటీవల ప్రొద్దుటూరు పట్టణంలోని ఓ టిఫిన్‌ సెంటర్‌లో షేక్‌ ముస్తాఫా అనే యువకుడు పూరీ కొనుగోలు చేశాడు. అయితే ఇంటికెళ్లి చూడగా పూరీ కూరలో చనిపోయిన బల్లి కనిపించడంతో నిర్ఘాంతపోయాడు. ఇదేమిటని హోటల్‌ యజమానిని ప్రశ్నించగా, అతను అత్యంత నిర్లక్ష్యంగా సమాధానం ఇచ్చాడు. దీంతో బాధితుడు ముస్తాఫా వెంటనే ఒకటో పట్టణ పోలీస్‌ స్టేషన్‌లో ఫిర్యాదు చేశాడు. యువకుడి ఫిర్యాదుపై వన్‌టౌన్‌ సి.ఐ. కొండారెడ్డి తక్షణమే స్పందించి, తన సిబ్బందితో కలిసి సదరు టిఫిన్‌ సెంటర్‌ను తనిఖీ చేసి, నిబంధనలకు విరుద్ధంగా ఉన్న హోటల్‌ను వెంటనే మూయించారు. ఆహార భద్రతా అధికారులు చేయాల్సిన తనిఖీలను పోలీసులు చేయాల్సి వస్తోందని, జిల్లాలో ఫుడ్‌ సేఫ్టీ విభాగం అసలు బతికే ఉందా అని నగరవాసులు ఆగ్రహం వ్యక్తం చేస్తున్నారు. ఎఫ్‌ఎస్‌ఎస్‌ఏఐ నిబంధనలు గాల్లో.. ఆహార భద్రత ప్రమాణాల చట్టం ప్రకారం హోటల్స్‌, రెస్టారెంట్స్‌, ఫాస్ట్‌ఫుడ్‌ సెంటర్లు, ఆహార పదార్థాలు తయారుచేసే యూనిట్లు కచ్చితంగా లైసెన్స్‌ లేదా రిజిస్ట్రేషన్‌ కలిగి ఉండాలి. ఆ లైసెన్స్‌ నెంబర్‌ను స్పష్టంగా బోర్డులపై ప్రదర్శించాల్సి ఉన్నా జిల్లాలో ఎక్కడా ఈ నిబంధన పాటించడం లేదు.నరకాన్ని వంటగది, పైకప్పు, నేల ఎల్లప్పుడూ శుభ్రంగా ఉంచాలి. పురుగులు, బొద్దింకలు, ఎలుకలు రాకుండా జాగ్రత్తలు తీసుకోవాలి. వంటకు పరిశుభ్రమైన నీటిని మాత్రమే ఉపయోగించాలి. కానీ జిల్లాలోని అత్యధిక హోటళ్లలో కిచెన్‌, డైనింగ్‌ ప్రాంతాలు అత్యంత అపరిశుభ్రంగా దర్శనమిస్తున్నాయి. స్వీట్‌ షాపుల్లో రంగుల దందా.. కుళ్లిన పదార్థాల విక్రయాలు నాణ్యత లేని కల్తీ, గడువు తీరిన పదార్థాలను ఉపయోగించరాదని చట్టం చెబుతున్నా.. జిల్లాలోని స్వీట్‌ దుకాణాలు, క్యాటరింగ్‌ యూనిట్లు యథేచ్ఛగా హానికరమైన కెమికల్‌ కలర్స్‌, కల్తీ పదార్థాలు వాడుతున్నట్లు తీవ్ర ఆరోపణలు ఉన్నాయి. ఆహార పదార్థాలను రోజల తరబడి నిల్వ ఉంచడం, కుళ్లిన పదార్థాలను వినియోగదారులకు వడ్డించడం సర్వసాధారణంగా మారింది. ఇటీవల కాలంలో పలు హోటళ్లు, స్వీట్‌షాపుల తనిఖీల్లో నిల్వ ఉంచిన ఆహార పదార్థాలను ఫుడ్‌ సేఫ్టీ అధికారులు గుర్తించినప్పటికీ.. వారిపై ఎలాంటి కఠిన చర్యలు తీసుకున్న దాఖలాలు లేవు. దీంతో వ్యాపారులు మరింత రెచ్చిపోయి వినియోగదారుల ప్రాణాలతో ఆడుకుంటూ, అందినకాడికి దోచుకుంటున్నారు. ఫుడ్‌ సేఫ్టీ అధికారులు మామూళ్ల మత్తు వీడి, జిల్లాలోని తినుబండారాల వ్యాపార సామ్రాజ్యాలపై తక్షణమే మెరుపు దాడులు నిర్వహించి కఠిన చర్యలు తీసుకోవాలని ప్రజలు డిమాండ్‌ చేస్తున్నారు. నిద్రమత్తులో ఫుడ్‌ సేఫ్టీ అధికారులు ప్రొద్దుటూరులో పూరీ కూరలో చనిపోయిన బల్లి కలకలం కడపకు తుకారామ్‌ లాంటి అధికారి కావాలంటున్న ప్రజలు

● బాధితుడికి కన్ను పోయే పరిస్థితి ● పోలీసుల అదుపులో ఇద్దరు యువకులుప్రొద్దుటూరు క్రైం : చిన్నవీధిలో ట్రాఫిక్‌ జామ్‌ ఏర్పడటంతో వాహనాన్ని కాస్త వెనక్కి తీసుకోవాలని సూచించిన ఓ యువకుడిపై ఇద్దరు యువకులు కర్రలతో దారుణంగా దాడి చేసిన ఘటన పట్టణంలోని గౌరమ్మకట్ట వీధిలో అర్ధరాత్రి చోటు చేసుకుంది. ఈ దాడిలో పట్టణానికి చెందిన ధనుష్‌ కుమార్‌ అనే యువకుడి కంటికి తీవ్ర గాయమైంది. పరిస్థితి విషమంగా ఉండటంతో మెరుగైన వైద్యం కోసం కుటుంబ సభ్యులు ధనుష్‌ను తిరుపతిలోని అరవింద్‌ కంటి ఆస్పత్రికి తరలించారు. పోలీసులు, బాధితులు తెలిపిన వివరాల మేరకు.. గౌరమ్మకట్ట వీధిలో యువకులు వినాయకుడి మండపాన్ని ఏర్పాటు చేశారు. అన్ని చోట్లా పోలీసులు ఉండలేరు కాబట్టి అక్కడి యువకులే ట్రాఫిక్‌ను క్లియర్‌ చేసే బాధ్యతను తీసుకున్నారు. వాహనాలు ఎదురెదురుగా వచ్చినప్పుడు సంబంధిత వాహన యజమానులు, డ్రైవర్లకు సూచనలు ఇస్తూ.. ట్రాఫిక్‌ను క్లియర్‌ చేస్తూ వచ్చారు. ఈ క్రమంలో సోమవారం అర్ధరాత్రి దాటిన తర్వాత అదే వీధిలో రెండు కార్లు ఎదురెదురుగా రావడంతో రాకపోకలకు అంతరాయం కలిగి ట్రాఫిక్‌ జామ్‌ ఏర్పడింది. దీంతో అక్కడే ఉన్న ధనుష్‌కుమార్‌ అనే యువకుడు ట్రాఫిక్‌ క్లియర్‌ అయ్యే వరకు వాహనాన్ని కాస్త వెనక్కి తీసుకోవాలని సూచించినట్లు తెలిసింది. ఆగ్రహానికి గురైన కారులోని ఇద్దరు యువకులు ఒక్కసారిగా కిందికి దిగి ధనుష్‌పై కర్రలతో విచక్షణారహితంగా దాడి చేశారు. ఈ దాడిలో ధనుష్‌ కంటికి తీవ్ర గాయమైంది. పరిస్థితి విషమంగా ఉండటంతో కుటుంబ సభ్యులు హుటాహుటీనా తిరుపతికి తరలించారు. ప్రాణాపాయం నుంచి నివారించేందుకు తీవ్రంగా దెబ్బతిన్న కంటిని తొలగించాల్సిన పరిస్థితి ఉందని కుటుంబ సభ్యులకు వైద్యులు చెప్పినట్లు సమాచారం. అందరూ ఆనందోత్సాహాలతో వినాయకచవితి వేడుకలు జరుపుకొంటున్న వేళ.. ధనుష్‌ కుటుంబంలో మాత్రం విషాదం నెలకొంది. ట్రాఫిక్‌ స్తభించిన సమయంలో సాయం చేయబోయిన యువకుడిపై అమానుషంగా దాడి చేయడం ఆ కుటుంబంలో తీరని వేదనను మిగిల్చింది. సీసీ కెమెరాల్లో దాడి దృశ్యాలు కాగా దాడికి సంబంధించిన దృశ్యాలు సమీపంలోని సీసీ కెమెరాల్లో రికార్డయ్యాయి. వాటి ఆధారంగా గుర్తించిన పోలీసులు పట్టణానికి చెందిన సంతోష్‌కుమార్‌రెడ్డి, భార్గవ్‌కుమార్‌రెడ్డి అనే యువకులను అదుపులోకి తీసుకొని విచారణ చేస్తున్నట్లు తెలిసింది. వారిరువురూ యువకుడిపై దాడి చేయడంతోపాటు వాహనాల అద్దాలను కూడా ధ్వంసం చేసినట్లు కెమెరాల్లో రికార్డయింది. ఘటనకు గల కారణాలు, దాడి సమయంలో వారు మద్యం తాగి ఉన్నారా తదితర అంశాలపై పోలీసులు దర్యాప్తు చేస్తున్నారు. ఈ ఘటనపై కేసు నమోదు చేసినట్లు టూ టౌన్‌ సీఐ వంశీనాథ్‌ తెలిపారు.

తొండూరు : తొండూరులోని ప్రాథమిక ఆరోగ్య కేంద్రాన్ని డీఎంహెచ్‌ఓ యుగంధర్‌ మంగళవారం తనిఖీ చేశారు. ఈ సందర్భంగా ఆయన ఎలక్ట్రానిక్‌ హెల్త్‌ రికార్డ్‌ నమోదు విధానంపై వైద్యాధికారి గవాస్కర్‌రెడ్డిని అడిగి వివరాలు తెలుసుకున్నారు. కార్యక్రమంలో డిప్యూటీ డీఎంహెచ్‌ఓ ఖాజా మొయినుద్దీన్‌, జిల్లా మలేరియా నివారణ అధికారి అరిఫుల్లా, జిల్లా ఎపిడమిక్‌ సెల్‌ సూపర్‌వైజర్లు ప్రసాద్‌ రాఘవ, మలేరియా సబ్‌ యూనిట్‌ ఆఫీసర్‌ సిద్ధయ్య, సీనియర్‌ అసిస్టెంట్‌ నరేష్‌ తదితరులు పాల్గొన్నారు. విలేజ్‌ హెల్త్‌ క్లినిక్‌పై స్పందన మండలంలోని బూచుపల్లి విలేజ్‌ హెల్త్‌ క్లినిక్‌ను మూసివేశారంటూ పత్రికల్లో వచ్చిన కథనంపై జిల్లా వైద్య ఆరోగ్యశాఖ అధికారి పి.యుగంధర్‌ స్పందించారు. విలేజ్‌ హెల్త్‌ క్లినిక్‌ సీహెచ్‌ఓ, ఎంఎల్‌హెచ్‌పీ ప్రసన్న, ఏఎన్‌ఎం షహనాజ్‌ బేగం, ఆశా కార్యకర్తలపై ఆయన ఆగ్రహం వ్యక్తం చేశారు. బాధ్యతతో విధులు నిర్వహించాలని ఆదేశించారు.

మహారాష్ట్ర ఫుడ్‌ అండ్‌ డ్రగ్‌ అడ్మినిస్ట్రేషన్‌ కమిషనర్‌గా బాధ్యతలు చేపట్టిన కేవలం 60 రోజుల్లోనే ఆయన 1,100 దాడులు నిర్వహించి, 200 రెస్టారెంట్ల లైసెన్స్‌లను రద్దు చేశారు. 487 పాల కేంద్రాలపై దాడులు చేసి కల్తీ పాలను అరికట్టడంతో పాటు, రూ.1.50 కోట్ల విలువైన కల్తీ నూనెలను సీజ్‌ చేశారు. చట్టం ఎవరికై నా ఒక్కటేనని నిరూపిస్తూ స్వయంగా బాంబే హైకోర్టు క్యాంటిన్‌లోనే తనిఖీలు చేయించి, అపరిశుభ్రత కారణంగా దానిని మూసివేయించారు. కడప జిల్లాలోని వందలాది హోటళ్లు, ఫాస్ట్‌ఫుడ్‌ సెంటర్లలో నిరంతరం కల్తీలు జరుగుతున్నా ఫుడ్‌ సేఫ్టీ అధికారులు మామూళ్ల మత్తులో తూతూమంత్రంగా తనిఖీలు చేస్తున్నారు. ఈ నేపథ్యంలో జిల్లా ప్రజల ఆరోగ్యాన్ని కాపాడటానికి, కల్తీ మాఫియా గుండెల్లో వణుకు పుట్టించడానికి తుకారామ్‌ ముండే లాంటి కఠినమైన అధికారి వైఎస్సార్‌ కడప జిల్లాకు రావాలని స్థానికులు బలంగా డిమాండ్‌ చేస్తున్నారు.

మైదుకూరు : రెవెన్యూ రికార్డుల్లో ఉన్న తరతరాలుగా సాగు చేసుకుంటున్న తమ భూమిని వీఆర్‌ఏ (గ్రామ రెవెన్యూ సహాయకుడు) సయ్యద్‌ సిలార్‌ అహమ్మద్‌ ప్రయత్నిస్తున్నాడని మైదుకూరు మండలం జాండ్లవరం గ్రామానికి చెందిన కోట నాగమునెమ్మ ఆవేదన వ్యక్తం చేసింది. మంగళవారం ఆమె మైదుకూరులో తన కోడలు హేమతో కలిసి ఆ వివరాలను విలేకరులకు వివరించింది. బాల మునెమ్మ తెలిపిన మేరకు వివరాలు ఇలా ఉన్నాయి. నంద్యాలంపేట రెవెన్యూ పొలం సర్వే నంబర్‌ 1062లో 3.98 ఎకరాల భూమిని బాల మునెమ్మ భర్త కోట బాలనారాయణరెడ్డి ముదిజేజి కోట పోలక్క పేరుతో 1914 నుంచి 1956 వరకు ఆర్‌హెచ్‌లో ఉంది. ఆ తర్వాత సదరు భూమిని ఎవరికీ విక్రయించలేదు. క్రయ విక్రయాలు కూడా జరగలేదు. కాగా కొన్నాళ్ల కిందట తువ్వపల్లెకు చెందిన వీఆర్‌ఏ సిలార్‌ అహమ్మద్‌ తన కుటుంబ సభ్యుల పేరుతో ఆన్‌లైన్‌లో నమోదు చేయించుకున్నాడు. ఆ విషయం తెలిసిన బాల మునెమ్మ, కుటుంబ సభ్యులతో కలిసి అప్పటి తహసీల్దార్‌ నాగేశ్వరరావుకు ఆన్‌లైన్‌లో సిలార్‌ అహ్మద్‌ కుటుంబ సభ్యుల పేరును తొలగించాలని విన్నవించింది. తహసీల్దార్‌ నాగేశ్వరరావు పొలాన్ని పరిశీలించగా నాగ మునెమ్మ ఆ పొలంలో కంది పంటను సాగు చేసి ఉంది. అయినా తహసీల్దార్‌ ఆన్‌లైన్‌ నుంచి సిలార్‌ అహమ్మద్‌ కుటుంబ సభ్యుల పేర్లను తొలగించలేదు. దీంతో నాగమునెమ్మ 2025లో కోర్టును ఆశ్రయించింది. కోర్టులో కేసు జరుగుతుండగానే సిలార్‌ అహమ్మద్‌ సర్వే నంబర్‌ 1062లోని భూమిలో అక్రమంగా బోర్‌ వేశాడు. ఓ పల్లె వద్ద ఉన్న తన భూమి సర్వే నంబర్‌ 1287/3 పేరుతో దరఖాస్తు చేసి సర్వే నంబర్‌ 1062 భూమిలో ట్రాన్స్‌ఫార్మర్‌ ఏర్పాటు చేయించాడు. దానిపై నాగమునెమ్మ పలుమార్లు స్పందనలో ఫిర్యాదు చేసినా.. అధికారులు ఎలాంటి చర్యలు చేపట్టలేదు. దాంతో విజిలెన్స్‌ వారికి ఫిర్యాదు చేసి జాయింట్‌ ఇన్‌స్పెక్షన్‌ చేయాలని కోరారు. ఆ మేరకు మండల సర్వేయర్‌, వీఆర్‌ఓ, విద్యుత్‌ లైన్‌మెన్‌ విజిలెన్స్‌ అధికారులు విచారణ చేసి సర్వే నంబర్‌ 1062లో అక్రమంగా ట్రాన్స్‌ఫార్మర్‌ ఏర్పాటు చేసినట్లు నిర్ధారించి ట్రాన్స్‌ఫార్మర్‌ను తొలగించారు. కాగా సర్వే నంబర్‌ 1062లోని భూమిని అసైన్‌మెంట్‌ కమిటీ ద్వారా మంజూరు చేయాలని దరఖాస్తు చేసుకున్నామని, అది పరిశీలనలో ఉండగానే మండల తహసీల్దార్‌ సదరు భూమి నుంచి తమను బలవంతంగా ఖాళీ చేయించడానికి ప్రయత్నిస్తున్నారని ఈ ఏడాది ఆగస్టులో వీఆర్‌ఏ సిలార్‌ అహమ్మద్‌ కుటుంబ సభ్యుల పేరుతో కోర్టును ఆశ్రయించారు. భూమి విషయమై పిటిషనర్‌ జోలికి వెళ్లవద్దని జోక్యం చేసుకోవద్దని ఈ నెల 1న కోర్టు తహసీల్దార్‌ను ఆదేశించింది. అదే సమయంలో కోర్టు ఈ కేసును పూర్తిగా అంగీకరించడం లేదని పేర్కొంటూ, ఈ విషయమై నాగమునెమ్మకు నోటీసు ఇవ్వాలని కోర్టు ఆదేశించింది. కోర్టు భూమిని సాగు చేసుకోమని చెప్పిందని ఇప్పుడు తమ భూమిని దున్ని పండ్ల మొక్కలు నాటేందుకు సిలార్‌ అహమ్మద్‌ ప్రయత్నిస్తున్నాడని, అధికారులు తమకు న్యాయం చేయాలని నాగమునెమ్మ కోరింది.జాండ్లవరం గ్రామానికి చెందిన మహిళ ఆవేదన

ప్రొద్దుటూరు కల్చరల్‌ : స్థానిక అగస్త్యేశ్వరస్వామి ఆలయంలో జరిగిన అవినీతిపై వచ్చిన ఫిర్యాదు మేరకు లోకాయుక్త కర్నూలు డీఎస్పీ కె.కృష్ణ మంగళవారం విచారణ చేపట్టారు. అగస్త్యేశ్వరస్వామి ఆలయంలోని రికార్డులను క్షుణ్ణంగా ఆయన పరిశీలించారు. కొంత మంది సిబ్బందితో మాట్లాడి వివరాలు సేకరించారు. గతంలో ఆర్‌అండ్‌బీ గెస్ట్‌ హౌస్‌లో విచారణ జరిపారు. ప్రజా పక్షం పార్టీ అధ్యక్షుడు పుత్తా లక్ష్మిరెడ్డి వివరాలు అందించగా రెండో సారి ఆయన విచారణ చేశారు. లోకాయుక్త జడ్జి ఆదేశాల మేరకు విచారణ చేస్తున్నామని, వివరాలను జడ్జికి అందిస్తామని డీఎస్పీ తెలిపారు. బీజేపీ పట్టణ–1 అధ్యక్షుడు నరేంద్ర రావు మాట్లాడుతూ విచారణ త్వరగా పూర్తి చేసి దోషులను శిక్షించాలని డీఎస్పీని కోరారు. అవినీతికి పాల్పడిన అందరిపై కఠిన చర్యలు తీసుకోవాలని కోరారు.

ఖాజీపేట : ద్విచక్ర వాహనంపై యూరియా బస్తాను తీసుకువెళ్తున్న రైతు రోడ్డు ప్రమాదంలో దుర్మరణం చెందాడు. అప్పనపల్లె గ్రామానికి చెందిన చెన్నూరు నాగేశ్వరయ్య (55) తన బైక్‌పై పంట పొలంలో యూరియా చల్లేందుకు సోమవారం బస్తాను తీసుకెళ్తున్నాడు. నాగసానిపల్లెలోని పొలం వద్దకు వెళ్లే ప్రయత్నంలో బైక్‌ అదుపు తప్పి విద్యుత్‌ స్తంభాన్ని ఢీకొంది. నాగేశ్వరయ్య తల పోల్‌కు బలంగా తగలడంతో అక్కడికక్కడే మృతి చెందాడు. వెంటనే పోలీసులకు సమాచారం ఇవ్వడంతో కేసు నమోదు చేసి మృతదేహాన్ని రిమ్స్‌కు తరలించారు. గండి హుండీ ఆదాయం లెక్కింపుచక్రాయపేట : ప్రసిద్ధి గాంచిన గండి వీరాంజనేయస్వామి దేవస్థానానికి హుండీల ద్వారా రూ.47,90,134 ఆదాయం వచ్చినట్లు ఆలయ సహాయ కమిషనర్‌ విశ్వనాథ్‌ తెలిపారు. మంగళవారం ఆయనతోపాటు కడప పక్కీరుపల్లె శ్రీరామస్వామి దేవాలయ గ్రేడ్‌–2 ఈవో సురేష్‌కుమార్‌రెడ్డి పర్యవేక్షణలో హుండీల ఆదాయాన్ని లెక్కించారు. ఆలయంలోని శాశ్వత హుండీల ద్వారా రూ.47,37,791, అన్నప్రసాద వితరణ సత్రంలోని హుండీ ద్వారా రూ.52,343 కలిపి పై మొత్తం వచ్చిందని సహాయ కమిషనర్‌ తెలిపారు. అలాగే మిక్స్‌డ్‌ బంగారు, వెండి ఆభరణాలు, 11 కువైట్‌ కాయిన్స్‌ వచ్చినట్లు పేర్కొన్నారు. కార్యక్రమంలో ఆలయ చైర్మన్‌ వెంకటస్వామి, ప్రధాన, ఉప ప్రధాన, ముఖ్య అర్చకులు కేసరి, రాజారమేష్‌, రాజగోపాలాచార్యులు, ఆర్కే వ్యాలీ ఏఎస్‌ఐ నాగరాజు, పోలీసులు, చక్రాయపేట ఆంధ్రప్రదేశ్‌ గ్రామీణ బ్యాంకు సిబ్బంది, ఆలయ సిబ్బంది, పాలక మండలి సభ్యులు పాల్గొన్నారు. ‘పప్పులో బల్లి’ కేసులో ఒకరి అరెస్ట్‌మైదుకూరు : మైదుకూరు మండలం జీవీ సత్రంలోని స్మార్ట్‌ కిచెన్‌లో వండిన పప్పులో బల్లి పడిన సంఘటనలో ఒకరిని అరెస్టు చేసినట్టు పోలీసులు తెలిపారు. జీవీ సత్రం హైస్కూల్‌లో పిల్లలకు భోజనం వడ్డించే పూర్వ వంట ఏజెన్సీ సభ్యులు చంద్ర, లీలావతి, మరో ఇద్దరిపై ఎంఈఓ–2 నరహరి శర్మ ఫిర్యాదు మేరకు కేసు నమోదు చేసినట్టు పోలీసులు పేర్కొన్నారు. ఇందులో సోమవారం చంద్రను అరెస్టు చేసి రిమాండ్‌కు పంపినట్టు తెలిపారు. మిగిలిన ముగ్గురిని విచారణ చేస్తున్నట్టు చెప్పారు.

మైదుకూరు : మండలంలోని బసవాపురం జగనన్న కాలనీకి చెందిన మీసాల సుబ్రహ్మణ్యం(45) ఆత్మహత్య చేసుకున్నాడు. పోలీసులు తెలిపిన మేరకు వివరాలు ఇలా ఉన్నాయి. కూలి పనులు చేసుకుని జీవనం సాగించే సుబ్రహ్మణ్యంకు ఒక కుమారుడు, ఒక కుమార్తె ఉన్నారు. కుమార్తెకు వివాహం కాగా కుమారుడు రాజంపేట ప్రాంతంలో ఓ ప్రైవేట్‌ కంపెనీలో పని చేస్తున్నాడు. సుబ్రహ్మణ్యం మద్యానికి బానిసై రోజూ తాగుతూ ఉండగా భార్య స్వర్ణలత మందలించేది. గుండె జబ్బుతో బాధపడుతున్న నీవు రోజు మద్యం తాగితే ఎలా అంటూ వాపోయేది. సుబ్రమ్మణ్యం తన ధోరణి మానుకోకపోవడంతో ఆమె నాలుగు నెలల కిందట నెల్లూరులో ఉన్న తన పుట్టింటికి వెళ్లిపోయింది. ఈ క్రమంలో అతను ఒంటరిగా ఉంటూ ఇంకా ఎక్కువ మద్యం తాగుతూ జీవితంపై విరక్తి చెంది ఆదివారం రాత్రి గడ్డి మందును తాగాడు. సుబ్రహ్మణ్యం తమ్ముడు నాగేంద్ర ప్రసాద్‌, మరదలు నాగసుబ్బమ్మ చికిత్స కోసం ప్రొద్దుటూరు ప్రభుత్వాస్పత్రికి తరలించారు. మెరుగైన చికిత్స కోసం అక్కడి నుంచి కడప రిమ్స్‌ ఆస్పత్రికి తీసుకెళ్లారు. అక్కడ చికిత్స పొందుతూ సోమవారం సాయంత్రం సుబ్రహ్మణ్యం మృతి చెందాడు. మృతుడి కుమారుడు మంజునాథ్‌ ఫిర్యాదు మేరకు పోలీసులు కేసు నమోదు చేసుకుని దర్యాప్తు చేస్తున్నారు. కేసు నమోదు వేంపల్లె : వేంపల్లెలోని ప్రభుత్వాసుపత్రిలో పని చేస్తున్న సెక్యూరిటీ గార్డుపై దాడి చేసిన ఆరుగురిపై కేసు నమోదు చేసినట్లు ఎస్‌ఐ తిరుపాల్‌ నాయక్‌ తెలిపారు. ఆదివారం రాత్రి డ్యూటీలో ఉన్న సెక్యూరిటీ గార్డులపై వేంపల్లెకు చెందిన రోహిత్‌తోపాటు మరో ఐదుగురు వ్యక్తులు ఆసుపత్రి వద్దకు వెళ్లి అర్ధరాత్రి దాడి చేసినట్లు సెక్యూరిటీ గార్డులు ఫిర్యాదు చేసినట్లు తెలిపారు. సెక్యూరిటీ గార్డుల ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఎస్‌ఐ తెలిపారు.

ప్రాణం పోసే ప్లాంట్‌కుజమ్మలమడుగు : కరోనా కష్టకాలంలో వందలాది మంది ప్రాణాలు కాపాడేందుకు భారీ ఖర్చుతో ఏర్పాటు చేసిన లక్షలాది రూపాయల విలువైన ఆక్సిజన్‌ ప్లాంట్‌..అధికారుల నిర్లక్ష్యం, ప్రభుత్వాల సమన్వయ లోపంతో ఐదేళ్లుగా మూలనపడి తుప్పుపడుతోంది. జమ్మలమడుగు ప్రభుత్వాసుపత్రి ప్రాంగణంలో రూ.70 నుంచి రూ.80 లక్షల భారీ వ్యయంతో నిర్మించిన ఈ ప్లాంట్‌ నేటికీ రన్నింగ్‌లోకి రాకపోవడంపై స్థానికులు, రోగులు తీవ్ర ఆగ్రహం వ్యక్తం చేస్తున్నారు. 2021 నుండి రేకుల షెడ్డుకే పరిమితం ప్రపంచాన్ని వణికించిన కరోనా సమయంలో ఆక్సిజన్‌ అందక ఎక్కువ మంది రోగులు మరణించడంతో పాటు ఆక్సిజన్‌ సిలిండర్ల కొరత తీవ్రంగా ఏర్పడింది. ఈ దుస్థితిని నివారించేందుకు 2021లో జమ్మలమడుగు ప్రభుత్వాసుపత్రి వెనుక వైపు అత్యవసరంగా ఒక రేకుల షెడ్డును నిర్మించి ఈ ఆక్సిజన్‌ ప్లాంట్‌ను ఏర్పాటు చేశారు. అయితే, సెకండ్‌ వేవ్‌ ముగిసి కరోనా తీవ్రత తగ్గిపోవడంతో అధికారులు ఈ ప్లాంట్‌ ఉనికినే పూర్తిగా మర్చిపోయారు. ప్లాంట్‌ నిర్వహణ కొరకు కేంద్ర ప్రభుత్వం నుండి తుది అనుమతులు రాలేదనే సాకుతో దీనిని ఎవరూ పట్టించుకోవడం లేదు. ఏడాదికి రూ. లక్షకు పైగా సిలిండర్ల భారం ప్లాంట్‌ అందుబాటులో లేకపోవడంతో ఆసుపత్రిలో రోగులకు అత్యవసర సేవలు అందించేందుకు వైద్యాధికారులు బయటి నుంచి ఆక్సిజన్‌ సిలిండర్లను కొనుగోలు చేయాల్సి వస్తోంది. ప్రస్తుతం ఆసుపత్రిలో నెలకు సగటున 30 ఆక్సిజన్‌ సిలిండర్లను ఉపయోగిస్తున్నారు. ఒక్కో సిలిండర్‌కు రూ. 300 చొప్పున వైద్యాధికారులు చెల్లిస్తుండటంతో.. ప్రతినెలా రూ. 10 వేల వరకు కేవలం సిలిండర్ల కోసమే ఖర్చు చేయాల్సి వస్తోంది. ఈ లెక్కన ఏడాదికి రూ. లక్షకు పైగా ఆక్సిజన్‌ కొనుగోళ్లకే సరిపోతోంది. కరోనా వేళ ప్రాణదాత.. ఇపుడు మూలనపడ్డ వైనం నెలకు రూ.10 వేల సిలిండర్ల ఖర్చు.. ప్రజాధనం వృథా 2021లో జమ్మలమడుగు ప్రభుత్వాసుపత్రిలో ఏర్పాటు సెకండ్‌ వేవ్‌ తర్వాత గాలికొదిలేసిన అధికారులుమెయింటెనెన్స్‌ తక్కువ.. ప్రయోజనం ఎక్కువ ఆక్సిజన్‌ ప్లాంట్‌ను రన్నింగ్‌లోకి తీసుకువచ్చి నడిపితే దానికి అయ్యే నిర్వహణ ఖర్చు చాలా తక్కువగా ఉంటుంది. బయటి నుంచి కొనుగోలు చేసే సిలిండర్ల ఖర్చుతో పోలిస్తే ప్లాంట్‌ నిర్వహణ చాలా చౌక. ప్లాంట్‌ను ప్రారంభిస్తే ఆసుపత్రిలోని అత్యవసర విభాగాలకు, శ్వాసకోశ సమస్యలతో వచ్చే రోగులకు నిరంతరాయంగా ఉచిత ఆక్సిజన్‌ అందడమే కాకుండా, ఆసుపత్రికి ఆర్థికంగా ఎంతో ఉపయోగకరంగా ఉంటుంది. – రఫిక్‌ పాషా, సూపరిండెంటెంట్‌, జమ్మలమడుగు ఆసుపత్రి

వేంపల్లె : నారికేళ వినాయక.. ప్రొద్దుటూరు కల్చరల్‌ : శివలింగాల గణపతి ఏకదంతుడు ఊరూవాడా కొలువుదీరాడు.. బహురూపాల్లో దర్శనమిచ్చాడు.. జగమంతా వెలుగులు పంచి ఆది దేవుడై ఆశీర్వదించాడు. జిల్లావ్యాప్తంగా సోమవారం వినాయక చవితి వేడుకలు సంబరంగా సాగాయి. కళ్లు చెదిరి మండపాల సెట్టింగులతో.. సాంస్కృతిక కార్యక్రమాలతో చవితి వేడుకలు ఆద్యంతం వైభవంగా సాగాయి. మంగళవారం రోజు వినాయక మండపాల వద్ద అన్నదానాలు చేశారు. భక్తులు స్వామివారిని దర్శించుకున్నారు. కడపలో ఎస్పీ నచికేత్‌ గణపయ్యను దర్శించుకున్నారు. నిమజ్జనంలో తీసుకునే చర్యలపై అధికారులకు పలు సూచనలు చేశారు. గణపయ్యకు ‘ఆధార్‌’ పేరు: శ్రీ గణేష్‌, తండ్రి పేరు: శివుడు, చిరునామా: నాగిరెడ్డిపల్లి. నందలూరు మండలం నాగిరెడ్డిపల్లి మదర్‌ థెరిసా వీధి యువత ఇలా వినూత్నంగా ఆలోచించారు. గణపయ్యకు ఆధార్‌, పాన్‌ కార్డు థీమ్‌తో మండపాన్ని తీర్చిదిద్దారు. – నందలూరు

కడప అర్బన్‌: వైఎస్‌ఆర్‌ ఉమ్మడి కడప జిల్లా ప్రధాన న్యాయమూర్తిగా బాధ్యతలు స్వీకరించిన జి.రామ గోపాల్‌ను కలెక్టర్‌ డాక్టర్‌ శ్రీధర్‌ చెరుకూ రి మర్యాదపూర్వకంగా కలిసి శుభాకాంక్షలు తెలిపారు. అలాగే ఎస్పీ షెల్కే నచికేత్‌ విశ్వనాథ్‌ కూడా జిల్లా ప్రధాన న్యాయమూర్తిని కలిశారు. లోక్‌ అదాలత్‌లో 92,091 కేసుల పరిష్కారం ● రాష్ట్రస్థాయిలో కడప జిల్లాకు రెండో ర్యాంక్‌ ● జిల్లా ప్రధాన న్యాయమూర్తి జి.రామగోపాల్‌ కడప అర్బన్‌: జాతీయ లోక్‌ అదాలత్‌లో వైఎస్‌ఆర్‌ ఉమ్మడి కడప జిల్లా రాష్ట్ర స్థాయిలో ప్రతిష్టాత్మకమైన రెండో ర్యాంకు సాధించినట్లు జిల్లా ప్రధాన న్యాయమూర్తి జి.రామగోపాల్‌ మంగళవారం ఒక ప్రకటనలో తెలిపారు. జిల్లావ్యాప్తంగా ఏర్పాటు చేసిన 29 బెంచీలలో మొత్తం 92,091 కేసులు విజయవంతంగా పరిష్కారమయ్యాయని పేర్కొన్నారు. వీటిలో 91,236 క్రిమినల్‌ కేసులు, 201 సివిల్‌ కేసులు, 654 ప్రీ–లిటిగేషన్‌ కేసులు ఉన్నాయి. ఈ రాజీ మార్గాల ద్వారా కక్షిదారులకు రూ. 22,11,42,448 మొత్తాన్ని చెల్లించినట్లు ఆయన వివరించారు. కేసుల త్వరితగతిన పరిష్కారానికి సహకరించిన న్యాయమూర్తులు, న్యాయవాదులు, సిబ్బంది, కక్షిదారులకు జిల్లా ప్రధాన న్యాయమూర్తి ప్రత్యేక కృతజ్ఞతలు తెలియజేశారు.

సాక్షి ప్రతినిధి కడప : ‘బుడ్డా వెంగళరెడ్డి ఇంటి ఆడబిడ్డను నేను’ కడపలో జరిగిన తెలుగుదేశం పార్టీ మహానాడు వేదికపై ఎమ్మెల్యే మాధవీరెడ్డి చెప్పిన ఈ మాట బాగా ప్రాచుర్యం పొందింది. అదే బుడ్డా వెంగళరెడ్డి విగ్రహ నిర్మాణానికి మున్సిపల్‌ కార్పొరేషన్‌ కేటాయించిన స్థలంలో ఎమ్మెల్యే తన మామ అయిన మాజీమంత్రి రాజగోపాల్‌రెడ్డి విగ్రహ ఏర్పాటు కోసం నిర్మాణాలు చేపట్టడం వివాదానికి దారి తీస్తోంది. ఎమ్మెల్యే, ఆమె భర్త శ్రీనివాసులురెడ్డి తీరుపై పలువురు చరిత్రకారులు మండిపడుతున్నారు. అధికార దర్పంతో నిబంధనలు ఉల్లంఘించి నిర్మాణం చేపడుతున్నప్పటికీ మున్సిపల్‌ కమిషనర్‌తోపాటు సంబంధిత అధికారులు చేష్టలుడి చూస్తుండటంపై తీవ్ర విమర్శలు వ్యక్తమవుతున్నాయి. ఉయ్యాలవాడ గ్రామానికి చెందిన బుడ్డా వెంగళరెడ్డి 1866 నాటి డొక్కల కరువు సమయంలో వేలాది మంది ప్రజలకు అంబలి పోసి ప్రాణాలు కాపాడారు. విషయం తెలుసుకున్న విక్టోరియా మహారాణి ఆయన్ను మద్రాసుకు పిలిపించి ఘనంగా సత్కరించి బంగారు పతకాన్ని బహూకరించారు. రాయలసీమ చరిత్రలో దాతృత్వానికి చిరునామాగా నిలిచిన మహాదాత బుడ్డా వెంగళరెడ్డి, త్యాగానికి ప్రతీక అయిన తొలి స్వాతంత్య్ర యోధుడు ఉయ్యాలవాడ నరసింహారెడ్డి విగ్రహాలను కడప నగరంలో ఏర్పాటు చేయాలని వివిధ పార్టీలు, సంఘాల నాయకులు నిర్ణయించారు. వీరి అభ్యర్థన మేరకు అప్పటి నగర మేయర్‌ కె.సురేష్‌బాబు హయాంలో ఒకసారి, పాకా సురేష్‌కుమార్‌ హయాంలో మరోసారి మున్సిపల్‌ కార్పొరేషన్‌ జనరల్‌ బాడీ సమావేశం ఏకగ్రీవంగా తీర్మానం ఆమోదించింది. రైతు బజారు కూడలి వద్ద బుడ్డా వెంగళరెడ్డి, ఐటీఐ సర్కిల్‌ వద్ద ఉయ్యాలవాడ నరసింహారెడ్డి విగ్రహాల ఏర్పాటుకు కార్పొరేషన్‌ పచ్చజెండా ఊపింది. అప్పుడు నిబంధనలు....ఇప్పుడు? రాయలసీమ కమ్యూనిస్టు పార్టీ, ఇంటాక్‌, రెడ్డి సేవా సమితి, లోక్‌సత్తా, ఏపీ రెడ్డి సంఘం, మానవత, ఏపీ దళితమిత్ర తదితర పార్టీలు, సంఘాలకు చెందిన నాయకులు గతంలో ఎమ్మెల్యే, ఆమె భర్త శ్రీనివాసులురెడ్డిని కలిసి సహకరించాలని కోరారు. భూమి పూజ కూడా వారి చేతుల మీదుగానే నిర్వహించాలని కోరారు. సుప్రీం కోర్టు నిబంధనలు ఉన్నందువల్ల తాము హాజరు కాలేమని, మీరు ఏర్పాట్లు చేసుకుంటే అధికారుల నుంచి అభ్యంతరాలు రాకుండా కలెక్టర్‌తో తాను మాట్లాడుతానని టీడీపీ నేత శ్రీనివాసులురెడ్డి అప్పట్లో హామీ కూడా ఇచ్చారు. అయితే ఇప్పుడు అదే ప్రాంతంలో ఆయన తండ్రి, దివంగత మాజీ మంత్రి రాజగోపాల్‌రెడ్డి విగ్రహాన్ని ఏర్పాటు చేసేందుకు పనులు చేపట్టడం చర్చనీయాంశంగా మారింది. బుడ్డా విగ్రహ ఏర్పాటుకు సుప్రీంకోర్టు నిబంధనలు అడ్డంకి అయితే, ఇప్పుడు రాజగోపాల్‌రెడ్డి విగ్రహానికి అవి వర్తించవా? అనే ప్రశ్న ఉదయిస్తోంది. మాటల్లో ఒకటి.. చేతల్లో మరొకటా..?!ఎమ్మెల్యే మాధవీరెడ్డి మహానాడు సభలో మాట్లాడుతూ తాను బుడ్డా వెంగళరెడ్డి ఇంటి ఆడబిడ్డనని చెప్పుకుని ఇప్పుడు బుడ్డా విగ్రహం ఏర్పాటుకు కేటాయించిన స్థలంలో తన మామ విగ్రహం ఏర్పాటు చేయిస్తున్నారని పలువురు విమర్శిస్తున్నారు. మాటల్లో బుడ్డా వారసత్వంపై గౌరవం, ఆచరణలో మాత్రం భిన్నంగా వ్యవహారించడాన్ని ఎలా అర్థం చేసుకోవాలని పలువురు ప్రశ్నిస్తున్నారు. ఇది ఆమె ద్వంద్వ వైఖరికి నిదర్శనమని పలువురు వాపోతున్నారు. బుడ్డా పట్ల ప్రజల్లో ఉన్న అపార గౌరవాన్ని తనకు అనుకూలంగా ఉపయోగించుకోవడానికే మహానాడు సభలో ఎమ్మెల్యే అలా మాట్లాడారు తప్ప చిత్తశుద్దితో కాదని అంటున్నారు. ఒక మహాదాత పట్ల కుటుంబ అనుబంధాన్ని ప్రకటించడం ఒక అంశమైతే, ఆయన చరిత్రను ప్రజల మధ్య చిరస్థాయిగా నిలబెట్టేందుకు కృషి చేయకపోవడం మరో అంశమని పరిశీలకులు వెల్లడిస్తున్నారు. కడపలోనే ఎందుకు? ఉమ్మడి జిల్లాలో మంత్రిగా పనిచేసిన లక్కిరెడ్డిపల్లె రాజగోపాల్‌రెడ్డి విగ్రహం ఏర్పాటుపై ఎవరికీ అభ్యంతరాలు ఉండాల్సిన పని లేదు. అయితే, ఆయన ప్రాతినిద్యం వహించిన లక్కిరెడ్డిపల్లెలో ఏర్పాటు చేయడం సముచితంగా ఉంటుందని పలువురు అభిప్రాయపడుతున్నారు. కడప నగరానికి ఆయన చేసిన ప్రత్యేక సేవలు ఏమిటి? ఆయన ప్రాతినిధ్యం వహించిన ప్రాంతంలో విగ్రహం లేకపోయినా కడప నగరంలోనే ఎందుకు? అనే ప్రశ్నలు వినిపిస్తున్నాయి. కడపతో చారిత్రక, సామాజిక అనుబంధం ఉన్న వెంగళరెడ్డి విగ్రహం కోసం ఇప్పటికే మున్సిపల్‌ కార్పొరేషన్‌ తీర్మానం ఉన్నప్పటికీ దాన్ని పక్కకు నెట్టి మరో విగ్రహానికి ప్రాధాన్యత ఇవ్వడం సమంజసమేనా? అని ప్రజలు ప్రశ్నిస్తున్నారు. కడప రైతు బజారు కూడలిలో మహాదాత విగ్రహ ఏర్పాటుకు కార్పొరేషన్‌ తీర్మానం ప్రస్తుతం అదే ప్రాంతంలో మాజీ మంత్రి రాజగోపాల్‌రెడ్డి విగ్రహ నిర్మాణ పనులు అధికారం ఉందని నిబంధనలకు విరుద్ధంగా అక్రమంగా నిర్మాణం చోద్యం చూస్తున్న అధికారులుబుడ్డా విగ్రహ ఏర్పాటుకు మున్సిపల్‌ కార్పొరేషన్‌ తీర్మానం ఉన్నప్పటికీ, ఆ స్థానంలో ఎలాంటి అనుమతులు లేకుండా మరో విగ్రహం ఏర్పాటు చేస్తుంటే అధికారులు ఎందుకు నిలువరించడం లేదు? ప్రస్తుతం జరుగుతున్న విగ్రహ నిర్మాణ పనులకు ఏ నిబంధనల ప్రకారం అనుమతి లభించింది? అనే ప్రశ్నలకు మున్సిపల్‌, సంబంధిత అధికారులు స్పష్టత ఇవ్వాల్సిన అవసరం ఉంది. పబ్లిక్‌ స్థలాల్లో విగ్రహాల ఏర్పాటుకు ప్రభుత్వం నిర్ణయించిన నిబంధనలు ఏమైనా ఉంటే అవి అందరికీ ఒకే విధంగా వర్తించాలి. ఒకరి విషయంలో నిబంధనలు చూపించి, మరొకరి విషయంలో పక్కన పెడితే ప్రజల్లో పలు సందేహాలు తలెత్తడం సహజం. అధికారుల ఉదాసీన వైఖరి వల్లే వివాదాలు తలెత్తుతున్నాయని విశ్లేషకులు వెల్లడిస్తున్నారు. ఇప్పటికై నా మహానీయులకు విగ్రహాల ఏర్పాటుకు తీర్మానం చేసిన స్థలాలను పరిరక్షించాలని పలువురు కోరుతున్నారు.

కడప అర్బన్‌ : వైద్య వృత్తి సేవకు ప్రతిరూపమని వైద్యాధికారులు తెలిపారు. కడపలోని ప్రభుత్వ వైద్య కళాశాల(రిమ్స్‌)లో 2026 సంవత్సరానికి గాను ఎంబీబీఎస్‌ కోర్సులో ప్రవేశం పొందిన విద్యార్థులకు మంగళవారం ఘనంగా స్వాగత కార్యక్రమం, ఓరియంటేషన్‌ ప్రోగ్రామ్‌ నిర్వహించారు. ఈ కార్యక్రమంలో కళాశాల ఇన్‌చార్జ్‌ ప్రిన్సిపల్‌ డాక్టర్‌ విజయభాస్కర్‌రెడ్డి, జీజీహెచ్‌ సూపరింటెండెంట్‌ డాక్టర్‌ పెంచలయ్య, వైస్‌ ప్రిన్సిపల్స్‌ డాక్టర్‌ నాగశ్రీలత, డాక్టర్‌ శ్రీనివాసులు, డాక్టర్‌ పద్మజ పాల్గొని విద్యార్థులకు తమ సందేశాలను అందించారు. అదే విధంగా అన్ని విభాగాల హెచ్‌ఓడీలు, ఫ్యాకల్టీ సభ్యులు హాజరై కొత్తగా ఎంబీబీఎస్‌లో చేరిన విద్యార్థులకు వైద్య విద్య, క్రమశిక్షణ, భవిష్యత్‌ కెరీర్‌ పై తగు సూచనలు అందించారు. ఈ కార్యక్రమంలో కొత్తగా ప్రవేశం పొందిన విద్యార్థుల తల్లిదండ్రులు కూడా పాల్గొని తమ అభిప్రాయాలు, మనోభావాలను వ్యక్తం చేశారు.

సాక్షి,వైఎస్సార్‌ జిల్లా: పులివెందులలో ఉద్రిక్తత చోటుచేసుకుంది. గణేష్ విగ్రహం వద్ద టీడీపీ నాయకుల మధ్య జరిగిన ఘర్షణ తీవ్ర రూపం దాల్చింది. టీడీపీ నేతలు పుష్పనాథ్‌రెడ్డి, విజయ్‌రెడ్డిల మధ్య స్థానిక వివాదం కారణంగా వాగ్వాదం మొదలైంది. ఈ గొడవలో విజయ్‌రెడ్డి, పుష్పనాథ్‌రెడ్డిపై చేయి చేసుకున్నాడు. దీంతో ఇరువర్గాలూ పరస్పరం రాళ్లతో దాడి చేసుకున్నాయి. ఈ ఘర్షణలో విజయ్‌కుమార్‌రెడ్డి ఇంటి వద్ద నిలిపి ఉంచిన మూడు వాహనాలు ధ్వంసమయ్యాయి.పరిస్థితిని అదుపులోకి తెచ్చి, ఇరువర్గాలను శాంతింపజేసేందుకు హజ్ కమిటీ డైరెక్టర్ భాషా మధ్యవర్తిగా రంగంలోకి దిగారు. అయితే ఆయన అక్కడకు వెళ్లిన సమయంలో పరిస్థితి మరింత ఉద్రిక్తతంగా మారడంతో, ఆయన గన్‌మెన్ గాల్లోకి ఒక రౌండ్ కాల్పులు జరిపాడు. ఈ ఘటన స్థానికంగా కలకలం సృష్టించింది.

పులివెందుల(వైఎస్ఆర్ కడప జిల్లా): దివంగత సీఎం డాక్టర్‌ వైఎస్‌ రాజశేఖరరెడ్డి మేనత్త, వైఎస్‌ రాజారెడ్డి సోదరి వైఎస్‌ కమలమ్మ (88) ఆదివారం కన్ను మూశారు. కొద్ది రోజులుగా ఆమె అనారోగ్యంతో బాధపడుతు­న్నారు. ఈ క్రమంలో ఇటీవల ఆమెను పులివెందులలో మాజీ సీఎం వైఎస్‌ జగన్‌ దంపతులు పరామర్శించారు.కమలమ్మ మెరుగైన చికిత్స కోసం అమెరికా వెళ్లి అక్కడే ఆమె కుమార్తె మెర్సీ వద్ద ఉంటున్నారు. ఈ క్రమంలో ఆరోగ్య పరిస్థితి విషమించి ఆదివారం అక్కడే ప్రాణాలు విడిచారు. కమలమ్మ భౌతికకాయాన్ని పులివెందులకు తీసుకొచ్చి వైఎస్సార్‌ సమాధుల తోటలో అంత్యక్రియలు నిర్వహించేందుకు ఏర్పాట్లు చేస్తున్నారు. కమలమ్మ మృతిపై మాజీ సీఎం వైఎస్‌ జగన్‌ దంపతులతో పాటు, వైఎస్సార్‌ సతీమణి వైఎస్‌ విజయమ్మ, కడప ఎంపీ వైఎస్‌ అవినాష్‌ రెడ్డి, వైఎస్‌ కుటుంబ సభ్యులు దిగ్భాంతి వ్యక్తం చేశారు.