Parvathipuram Manyam

కూటమి పొత్తుల్లో భాగంగా సాలూరు మున్సిపల్‌ చైర్‌పర్సన్‌ అభ్యర్థిత్వాన్ని తెలుగుదేశం పార్టీకి కాకుండా జనసేనకు కేటాయించడంతో మంత్రి సంధ్యారాణి కంటతడిపెట్టారు. ఈ మేరకు శుక్రవారం టీడీపీ క్యాంప్‌ కార్యాలయంలో జరిగిన సమావేశానికి పార్వతీపుం మన్యం జిల్లా ఇన్‌చార్జి మంత్రి అచ్చెన్నాయుడు హాజరయ్యరు. ఈ సమావేశంలో మంత్రి సంధ్యారాణి మాట్లాడుతూ పట్టణంలో బలం లేని చోట జనసేన పార్టీకి చైర్‌పర్సన్‌ అభ్యర్థిత్వాన్ని కట్టబెట్టడంతో తెలుదేశం కార్యకర్తలకు అన్యాయం జరిగిందన్నారు. అసెంబ్లీ ఎన్నికల్లో 12 వేల ఓట్లకు పైగా మెజారిటీ ఇచ్చిన మున్సిపాలిటీని జనసేనకు అప్పజెప్పడంపై ఆమె తీవ్ర అసంతృప్తికి గురయ్యారు. దీనిపై అచ్చెన్నాయుడు మాట్లాడుతూ శ్రీకాకుళం కూడా జనసేనకు కేటాయించారన్నారు. మా అండతో గెలిచి చిన్న చూపా?జనసేన అండతో, కష్టంతో అధికారంలోకి వచ్చి ఇప్పుడు సీట్లు ఇచ్చే సరికి కష్టంగా అనిపిస్తుందా అని జనసేన కార్యకర్తలు మండి పడుతున్నారు.. మంత్రి మాటలకు జనసేన నాయకులు అసంతృప్తి వ్యక్తం చేస్తున్నారు.-సాలూరు రూరల్‌(పార్వతీపురం మన్యం )

2011 జనాభా లెక్కల ప్రకారం జిల్లా జనాభా 9.25 లక్షలు. ఇందులో బీసీలే 55.5 శాతం ఉన్నట్లు గణాంకాలు చెబుతున్నాయి. అంటే మొత్తం జనాభాలో సగానికిపైగా వెనుకబడిన వర్గాలవారే. అత్యధిక శాతం మంది కొప్పలవెలమ, కాపు సామాజిక వర్గానికి చెందినవారే ఉన్నారు. మొత్తం 451 పంచాయతీల్లో 6,43,874 మంది ఓటర్లుండగా.. ఇందులో బీసీలే 3,48,928 మంది. జనాభాపరంగా గానీ, ఓటర్లపరంగానైనా సగానికిపైగా ఉన్న బీసీల్లో రాజకీయ ప్రాతినిధ్యం వహిస్తున్న వారిని వేలిమీదే లెక్కపెట్టవచ్చు. వీరికి ప్రాధాన్యం లేని నామినేటెడ్‌ పదవులను ఇస్తూ చంద్రబాబు ప్రభుత్వం చేతులు దులుపుకొంటోంది. సాక్షి, పార్వతీపురం మన్యం: పార్వతీపురం మన్యం.. పేరులోనే మన్యం ఉంది. ఏజెన్సీ ప్రాంత జిల్లా. గిరిజన జనాభా కూడా అధికమే. రాజకీయాల్లో శాసనసభ రిజర్వేషన్‌ పరంగా పార్వతీపురం నియోజకవర్గం ఒక్కటే ఎస్సీ కాగా.. మిగతా సాలూరు, పాలకొండ, కురుపాం నియోజకవర్గాలు ఎస్టీలే. బీసీలకు రాజకీయాల్లో ప్రాతినిధ్యం లభిస్తుందని ‘వెనుకబడిన వర్గాలు’ ఎప్పటి నుంచో ఎదురుచూస్తున్నాయి. చట్టసభల్లో ‘అధ్యక్షా..’ అనాలని ఆశపడుతున్నాయి. ఆ ఆశలు.. కలలుగానే మిగిలిపోతున్నాయి. చివరికి స్థానిక ఎన్నికల్లో సైతం.. వారికి ప్రాతినిధ్యం కరువవుతోంది. ‘బీసీలు.. బీసీలు..’ అంటూ ఎన్నికల కోసం కపట ప్రేమ ఒలకబోసిన ముఖ్యమంత్రి చంద్రబాబు.. సీట్ల రిజర్వేషన్‌ విషయంలో మరోసారి ఆ వర్గాలకు వెన్నుపోటు పొడిచారు. జెడ్పీ చైర్మన్‌ పీఠమైనా దక్కాలని.. పార్వతీపురం మన్యం జిల్లా ఆవిర్భవించిన తర్వాత తొలిసారిగా జిల్లా పరిషత్‌ ఎన్నికలు జరుగుతున్నాయి. కొత్తగా జెడ్పీ కూడా ఏర్పడింది. తొలిసారి జెడ్పీ పీఠంపై బీసీలను కూర్చోబెట్టాలని ఆయా వర్గాల నాయకులు ప్రజాప్రతినిధుల వద్ద డిమాండ్లు కూడా వినిపించారు. రిజర్వేషన్‌ తమకు అనుకూలంగా వస్తుందని ఎన్నో ఆశలు పెట్టుకున్నారు. పోటీకి సిద్ధమై.. ఈసారి ఎలాగైనా తామే ‘అధ్యక్షా..’ అని పిలుపించుకోవాలని ఆరాటపడ్డారు. ఆ విధంగానైనా బీసీలకు సముచిత స్థానం లభిస్తుందని భావించారు. ఇటీవల కాలంలో బీసీలకు 34 శాతం రిజర్వేషన్లు అంటూ చంద్రబాబు ప్రభుత్వం ఆడిన డ్రామాలను కొంతమంది నిజమేనని భావించారు. తీరా.. రిజర్వేషన్లు ప్రకటిస్తేనేగానీ వారికి అసలు తత్త్వం బోధపడలేదు. మరోసారి మోసపోయామంటూ ఇప్పుడు బాధ పడుతున్నారు. పార్వతీపురం మున్సిపల్‌ స్థానాన్ని జనరల్‌ మహిళకు కేటాయించారు. ఇక్కడున్న 36 వార్డుల్లో 11నే బీసీలకు దక్కాయి. ఎస్సీ, ఎస్టీలకు ఏడు ఉండగా.. మిగిలినవన్నీ జనరల్‌ మహిళ, అన్‌రిజర్వుడు స్థానాలే. సాలూరు మున్సిపాలిటీ 32 వార్డుల్లో 11 బీసీలకు ఉన్నాయి. ఎస్సీ, ఎస్టీలకు ఐదు కాగా.. మిగిలినవి జనరల్‌నే. పాలకొండ నగర పంచాయతీలో 28 వార్డులకు గానూ.. 10 మాత్రమే వెనుకబడిన వర్గాలకు దక్కాయి. 14 స్థానాలు జనరల్‌ మహిళ, అన్‌రిజర్వుడువే. సాలూరు, పాలకొండ అధ్యక్ష స్థానాలు బీసీ మహిళకు కేటాయించడం కాస్త ఊరట. 15 జెడ్పీటీసీ స్థానాల్లో గానీ, 15 ఎంపీపీ స్థానాల్లో గానీ ఒక్క బీసీకీ స్థానం ఇవ్వలేదు. జెడ్పీటీసీల్లో, ఎంపీపీల్లో అన్‌రిజర్వుడు ఎనిమిది చొప్పున ఉన్నాయి. 226 ఎంపీటీసీ స్థానాల్లో 35 బీసీలకు కాగా.. అన్‌రిజర్వుడు 98 స్థానాలు ఉన్నాయి. ఇక, 451 సర్పంచ్‌ స్థానాల్లో కేవలం 64 మాత్రమే బీసీ వర్గాలకు కేటాయించారు. అన్‌రిజర్వుడు స్థానాలు 163 ఉన్నాయి. ఈ గణాంకాలే చంద్రబాబు ప్రభుత్వానికి బీసీలంటే ఎంత ప్రేముందో చెబుతున్నాయని ఆయా వర్గాలు ఆవేదన వ్యక్తం చేస్తున్నాయి. రాజకీయాల్లో ప్రాతినిధ్యం ఇంకెప్పుడు? సీట్ల రిజర్వేషన్‌లో చోటు ఎక్కడ? అధిక శాతం సీట్లు అన్‌రిజర్వుడుకు.. జనాభాలో సగభాగం.. జడ్పీ చైర్మన్‌ సీటు అయినా దక్కని వైనం ఆవేదనలో బీసీ వర్గాలు

● మున్సిపల్‌ ఎన్నికలు పారదర్శకంగా జరగాలి ● నామినేషన్‌ కేంద్రాలను పరిశీలించిన సబ్‌ కలెక్టర్‌ సచిన్‌ అర్చిత్‌పార్వతీపురం రూరల్‌: పార్వతీపురం మున్సిపల్‌ ఎన్నికల నామినేషన్ల పర్వం శుక్రవారం ప్రారంభమైంది. తొలిరోజు మొత్తం 8 నామినేషన్లు దాఖలయ్యాయి. ఇందులో వైఎస్సార్‌సీపీ నుంచి 7, సీపీఎం నుంచి ఒక నామినేషన్‌ నమోదైంది. అలాగే, చైర్‌పర్సన్‌ స్థానానికి సంబంధించి వైఎస్సార్‌సీపీ నుంచి ఒక నామినేషన్‌ దాఖలైనట్లు అధికారులు వెల్లడించారు. మున్సిపల్‌ ఎన్నికల నామినేషన్ల స్వీకరణ ప్రక్రియను సజావుగా, ప్రశాంతంగా, క్రమబద్ధంగా నిర్వహించేందుకు అధికారులు అన్ని ఏర్పాట్లు పూర్తి చేయాలని పార్వతీపురం సబ్‌ కలెక్టర్‌ సచిన్‌ అర్చిత్‌ రహార్‌ ఆదేశించారు. ఈ మేరకు శుక్రవారం ఆయన పార్వతీపురంలో ఏర్పాటు చేసిన నామినేషన్‌ కేంద్రాలను క్షేత్రస్థాయిలో పరిశీ లించారు. ఈ సందర్భంగా మాట్లాడుతూ..నామినేషన్ల స్వీకరణ సమయంలో ఎలాంటి అవాంఛనీయ సంఘటనలు జరగకుండా పటిష్ట భద్రతా చర్యలు చేపట్టాలని పోలీసు శాఖకు సూచించారు. అభ్యర్థులు నామినేషన్లు దాఖలు చేసేటప్పుడు ఎన్నికల నియమావళిని కచ్చితంగా పాటించేలా చూడాలన్నారు. కేంద్రాల వద్ద గందరగోళం తలెత్తకుండా మున్సిపల్‌ సిబ్బంది సమర్థవంతంగా విధులు నిర్వహించాలని చెప్పారు. ఎన్నికల ప్రక్రియ అంతా పారదర్శకంగా, శాంతియుత వాతావరణంలో ముగిసేందుకు అన్ని శాఖల అధికారులు సమన్వయంతో పనిచేయాలని ఆయన స్పష్టం చేశారు. పాలకొండ: పాలకొండ నగరపంచాయతీ ఎన్నికలకు సంబంధించి తొలిరోజు శుక్రవారం ఒక్క నామినేషన్‌ కూడా దాఖాలు కాలేదు. ఉదయం 10 గంటల నుంచి 3 గంటల వరకు నామినేషన్ల కౌంటర్లను డీఎస్పీ ఎం.రాంబాబు, కమిషనర్‌ నూకరాజు, తహసీల్దార్‌ రాధాకృష్ణమూర్తి పర్యవేక్షించారు. సాలూరు రూరల్‌: మున్సిపల్‌ ఎన్నికల నామినేషన్లలో భాగంగా తొలిజు కౌన్సిల్‌ అభ్యర్థులుగా 5 నామినేషన్లు దాఖలు కాగా చైర్‌పర్సన్‌ అభ్యర్థిగా 1నామినేషన్‌ దాఖలైంది. దీనిపై మున్సిపల్‌ ఎన్నికల అధికారి తెలిపిన వివరాల ప్రకారం 8 వ వార్డునుంచి ఇద్దరు నామినేషన్లు వేయగా 12 వ వార్డునుంచి 1. 20 వ వార్డు నుంచి 2 నామినేషన్లు వేశారు. అలాగే చైర్‌పర్సన్‌ అభ్యర్థిగా భవిరెడ్డి రిబ్కా రాణి 25 వ వార్డునుంచి నామినేషన్‌ దాఖలు చేశారు.

విజయనగరం: జిల్లా పరిధిలోని మున్సిపాలిటీలు, కార్పొరేషన్‌లో రాజకీయ వేడి పెరుగుతోంది. నామినేషన్ల స్వీకరణకు మరో రెండు రోజులు సమయం మాత్రమే ఉంది. చైర్‌పర్సన్‌ అభ్యర్థుల నుంచి కార్పొరేటర్లు, కౌన్సిలర్ల వరకు అందరి గుండెల్లోనూ రైళ్లు పరిగెడుతున్నాయి. సమయం తక్కువగా ఉండడం, అధికారిక లాంఛనాలు పూర్తి కావాల్సి ఉండడంతో ఉత్కంఠగా మారింది. ముహూర్తం బాగుండాలని.. పార్టీల నుంచి ఆశీస్సులు లేదా అనధికారికంగా అభ్యర్థిత్వంపై స్పష్టత లభించిన వారు..ఇప్పటికే తమ హడావుడిని మొదలుపెట్టేశారు. సరిగ్గా మూడు రోజులే గడువు ఉండడంతో నామినేషన్‌ దాఖలుకు ’మంచి ముహూర్తం’, శుభ ఘడియల కోసం జ్యోతిష్యులను ఆశ్రయిస్తున్నారు. నిమిషం ఆలస్యమైనా కలిసొచ్చే అదష్టం చేజారిపోతుందనే నమ్మకంతో గడియారపు ముళ్లతో పోటీపడుతున్నారు. అన్నింటినీ సిద్ధం చేసుకుంటూ.. టికెట్‌ ఖరారైన వారితో పాటు..ఇంకా స్పష్టత రాని ఆశావహులు ముందస్తు జాగ్రత్త చర్యల్లో భాగంగా అన్నీ సిద్ధం చేసుకుంటున్నారు. చివరి నిమిషంలో అధిష్ఠానం కరుణిస్తే..క్షణం ఆలస్యం చేయకుండా నామినేషన్‌ దాఖలు చేసేందుకు సిద్ధంగా ఉంటున్నారు. ఈ క్రమంలో సెంటిమెంట్లు తెరపైకి వచ్చాయి. స్థానిక ప్రముఖ దేవాలయాలు, ప్రసిద్ధ పుణ్యక్షేత్రాల్లో ప్రత్యేక పూజలు, అభిషేకాలు నిర్వహిస్తున్నారు. కొందరు తమ ఇష్టదైవాలను దర్శించుకుని, కొబ్బరికాయలు కొట్టి నామినేషన్‌ పత్రాలపై సంతకాలకు సిద్ధమవుతున్నారు. మరికొందరు కుటుంబసభ్యుల సమక్షంలో సెంటిమెంట్‌ రంగుల దుస్తులు ధరించి..నామినేషన్‌ కేంద్రాల బాట పట్టేందుకు సన్నద్ధమవుతు న్నారు. పత్రాల వేటలో పరుగులు అభ్యర్థిత్వాలపై ఒకవైపు ఉత్కంఠ కొనసాగుతుంటే..మరోవైపు ‘నో డ్యూస్‌’ సర్టిఫికెట్లు, కుల, ఆదాయ ధ్రువీకరణ పత్రాలు, నామినేషన్‌ సెట్లు సిద్ధం చేసుకోవడం అభ్యర్థులకు కత్తి మీద సాములా మారింది. వ్యవధి తక్కువగా ఉండడంతో ప్రభుత్వ కార్యాలయాల చుట్టూ తిరుగుతూ.. ధ్రువీకరణ పత్రాలు సమకూర్చుకునేందుకు పరుగులు పెడుతున్నారు. రెండు రోజులు ఎలా ఉంటాయో..? మున్సిపల్‌ పీఠాలను కై వసం చేసుకునేందుకు రాజకీయ పార్టీలు వ్యూహాలకు పదును పెడుతుంటే.. క్షేత్రస్థాయిలో అభ్యర్థులు మాత్రం ముహూర్తాలు, సెంటిమెంట్ల నడుమ ఉత్కంఠ పోరును ఎదుర్కొంటున్నారు. రానున్న రెండు రోజులు పురపాలక రాజకీయం ఎలాంటి అనూహ్య పరిణామాలకు తెరలేస్తుందోనని సర్వత్రా ఆసక్తి నెలకొంది. ఇవి తెలుసుకోండి.. నగరపాలక సంస్థలో మేయర్‌, కార్పొరేటర్‌ పదవులకు పోటీ చేసేవారు ఫారం–8లో నామినేషన్‌ సమర్పించాలి. పురపాలికల్లో చైర్మన్‌, కౌన్సిలర్‌ అభ్యర్థులు ఫారం–1 ఉపయోగించాలి. నామినేషన్‌ పత్రాలను ఎన్నికల అధికారి కార్యాలయం నుంచి ఉచితంగా పొందవచ్చు. అభ్యర్థులకు కనీసం 21 ఏళ్లు నిండి ఉండాలి. ● అభ్యర్థి పేరు, తండ్రి లేదా భర్త పేరు, వయసు, చిరునామా, సామాజికవర్గం, ఓటరు జాబితాలో పేరు ఉన్న వార్డు, క్రమసంఖ్య వివరాలు నమోదు చేయాలి. ● మేయర్‌, కార్పొరేటర్‌ అభ్యర్థులు జనరల్‌ అయితే రూ.5 వేలు, ఎస్సీ, ఎస్టీ, బీసీ వర్గాలకు చెందినవారైతే రూ.2,500, మున్సిపల్‌ చైర్మన్‌, కౌన్సిలర్‌ అభ్యర్థులు జనరల్‌ అయితే రూ.3 వేలు, ఎస్సీ, ఎస్టీ, బీసీలకు రూ.1500 డిపాజిట్‌ చెల్లించాలి. ● ఒక అభ్యర్థి ఒకే పదవికి గరిష్టంగా 4 నామినేషన్‌ పత్రాలు సమర్పించే అవకాశం ఉంది. ఏదైనా పత్రంలో లోపం ఉన్నప్పటికీ మరో పత్రం నిబంధనలకు అనుగుణంగా ఉంటే సరిపోతుంది. అభ్యర్ధుల్లో తీరని గుబులు నామినేషన్‌లు వేసేందుకు సన్నాహాలు మంచి ముహూర్తం కోసం పండితుల చుట్టూ ప్రదక్షిణ అవసరమైన పత్రాల కోసం వెతకులాట

విజయనగరం ఫోర్ట్‌: పట్టణంలోని ఆర్‌అండ్‌బీ రైతు బజార్‌లో ఎన్నికల కోడ్‌ ఉన్నప్పటికీ సీఎం,మంత్రులతో కూడిన ఫ్లెక్సీలు ఏర్పాటు చేశారనే అంశంపై శుక్రవారం రైతు బజార్‌లో ఎన్నికల కోడ్‌ ఉల్లంఘన అనే శీర్షికన ప్రచురించిన కథనానికి రైతు బజార్‌ అధికారులు స్పందించారు. ఫ్లెక్సీలను, బియ్యం బస్తాలపై ఉన్న సీఎం, మంత్రుల ఫొటోలను తొలగించారు. బోలెరో వ్యాన్‌ డ్రైవర్‌ అరెస్టుబొండపల్లి: మండలంలోని నెలివాడ జంక్షన్‌ వద్ద జాతీయ రహదారి26పై జరిగిన రోడ్డు ప్రమాదంలో ద్విచక్ర వాహనదారు తీవ్రంగా గాయపడడానికి కారణమైన బొలెరో వ్యాన్‌ డ్రైవర్‌ను అరెస్టు చేసి రిమాండ్‌కు పంపించినట్లు ఎస్సై యు.మహేష్‌ తెలిపారు. సీతానగరం మండలంలోని లక్ష్మీపురం గ్రామానికి చెందిన గొర్లె శంకర్రావు ఈనెల 14న విజయనగరం నుంచి ద్విచక్ర వాహనంపై సీతానగరం వైపు వెళ్తుండగా ఎదురుగా వస్తున్న బొలెరో వ్యాన్‌ ఢీకొట్టింది. దీంతో గాయపడిన వ్యక్తి ఫిర్యాదు చేయడంతో కేసు నమోదు చేసి దర్యాప్తు నిర్వహించి నిందితుడిని కోర్టులో శుక్రవారం హాజరు పరిచినట్లు తెలిపారు. విద్యుత్‌ షాక్‌తో యువకుడి మృతికొత్తవలస: మండలంలోని దేవాడ గ్రామంలో ఒక ఇంటి శ్లాబ్‌ పనులకు సంబంధించి రాడ్‌బెండింగ్‌ పనులు నిర్వహిస్తున్న సమయంలో విద్యుత్‌ షాక్‌కు గురై జామి మండలం జి.సింగవరం గ్రామానికి చెందిన మద్దిల రమణ (33) శుక్రవారం మృతిచెందాడు. ఈ ఘటనకు సంబంధించి సీఐ విజయకుమార్‌ తెలిపిన వివరాలిలా ఉన్నాయి. రమణ రాడ్‌బెడింగ్‌ పనులను నిర్వహిస్తూ కుటుంబాన్ని పోషించుకుంటున్నాడు.ఈ క్రమంలో దేవాడ గ్రామంలో ఒక ఇంటికి శ్లాబ్‌ పనులకు సంబంధించి రాడ్‌బెండింగ్‌ పనులు నిర్వహిస్తుండగా రాడ్‌ కట్‌ చేసే మిషన్‌ హ్యాండిల్‌కు విద్యుత్‌ సరఫరా కావడంతో తీవ్ర షాక్‌కు గురయాడు. దీంతో స్థానికులు చెంతనే గల వియ్యంపేట పీహెచ్‌సీకి తరలించారు. అక్కడి నుంచి మెరుగైన వైద్యం కోసం కొత్తవలసలో ఓ ప్రైవేట్‌ ఆసుపత్రికి తరలిస్తుండగా మృతిచెందాడు. మృతుడి తల్లి ఈశ్వరమ్మ ఫిర్యాదు మేరకు కేసు నమోదు చేసి దర్యాప్తు చేస్తున్నట్లు సీఐ తెలిపారు. ఉరివేసుకుని వ్యక్తి ఆత్మహత్యవిజయనగరం టౌన్‌: జిల్లా కేంద్రంలోని కమ్మవీధిలో నివాసం ఉంటున్న తియ్యాల గోపి (45) టిఫిన్‌ షాపు పెట్టుకుని భార్య, ఇద్దరు ఆడపిల్లలతో జీవనం సాగిస్తున్నాడు. షాపు పూర్తయిన తర్వాత ఇంటికి వచ్చిన గోపీ స్నానం చేయడానికి బెడ్‌రూమ్‌లోకి వెళ్లాడు. కాసేపటి తర్వాత భార్య జ్యోతిస్వరూప ఎంతపిలిచినప్పటికీ రాకపోయేసరికి తలుపులు కొట్టగా తీయలేదు. లోపల గడియ పెటి ఉందని తెలుసుకున్న ఆమె గట్టిగా తలుపులు తోసి లోపలికి వెళ్లి చూసేసరికి భర్త ఉరివేసుకుని కనిపించడంతో కేకలువేసింది. చుట్టుపక్కల వారు వచ్చి గోపీని కిందకు దించి ఆటోలో ప్రభుత్వ ఆస్పత్రికి తరలించగా అప్పటికే మృతిచెందినట్లు పోలీసులు ధ్రువీకరించారు. ఏ కారణంతో తన భర్త చనిపోయాడో తెలియదని భార్య ఫిర్యాదులో పేర్కొంది. మృతుని భార్య జ్యోతిస్వరూప ఫిర్యాదు మేరకు టూటౌన్‌ సీఐ టి.శ్రీనివాస్‌ కేసునమోదుచేసి దర్యాప్తు చేస్తున్నారు. ఎన్నికల కోడ్‌పై అధికారుల నిర్లక్ష్యంబలిజిపేట: ఎన్నికల కోడ్‌ అమలు చేయడంలో అధికారులు నిర్లక్ష్యంగా వ్యవహరిస్తున్నారనే విమర్శలు వినిపిస్తున్నాయి. ఎన్నికల కమిషన్‌ నిర్దేశించిన ప్రవర్తనా నియమావళిని అధికారులు పాటించడం లేదని స్పష్టమవుతోంది. అధికారుల కార్యాలయాల వద్ద ఉండే పోస్టర్లనే అధికారులు తొలగించకపోవడం ఏమిటని పలువురు ప్రశ్నిస్తున్నారు. బలిజిపేటలో తహసీల్దార్‌ కార్యాలయం కాంపౌండ్‌వాల్‌కు ప్రభుత్వ పథకం పోస్టర్‌ ఉన్నప్పటికీ దానిని సిబ్బంది తొలగించలేదని, ఎన్నికల నియమావళి అంటే నిర్లక్షమా? లేక అధికార పార్టీపై అభిమానమా? అనే అనుమానాలను మండల ప్రజలు వ్యక్తం చేస్తున్నారు.

● సాలూరు మున్సిపాలిటీ జనసేనకు కేటాయింపు ● తీవ్ర అసంతృప్తి వ్యక్తం చేసిన మంత్రిసాలూరు రూరల్‌: కూటమి పొత్తుల్లో భాగంగా సాలూరు మున్సిపల్‌ చైర్‌పర్సన్‌ అభ్యర్థిత్వాన్ని తెలుగుదేశం పార్టీకి కాకుండా జనసేనకు కేటాయించడంతో మంత్రి సంధ్యారాణి కంటతడిపెట్టారు. ఈ మేరకు శుక్రవారం టీడీపీ క్యాంప్‌ కార్యాలయంలో జరిగిన సమావేశానికి పార్వతీపుం మన్యం జిల్లా ఇన్‌చార్జి మంత్రి అచ్చెన్నాయుడు హాజరయ్యరు. ఈ సమావేశంలో మంత్రి సంధ్యారాణి మాట్లాడుతూ పట్టణంలో బలం లేని చోట జనసేన పార్టీకి చైర్‌పర్సన్‌ అభ్యర్థిత్వాన్ని కట్టబెట్టడంతో తెలుదేశం కార్యకర్తలకు అన్యాయం జరిగిందన్నారు. అసెంబ్లీ ఎన్నికల్లో 12 వేల ఓట్లకు పైగా మెజారిటీ ఇచ్చిన మున్సిపాలిటీని జనసేనకు అప్పజెప్పడంపై ఆమె తీవ్ర అసంతృప్తికి గురయ్యారు. దీనిపై అచ్చెన్నాయుడు మాట్లాడుతూ శ్రీకాకుళం కూడా జనసేనకు కేటాయించారన్నారు. మా అండతో గెలిచి చిన్న చూపా? జనసేన అండతో, కష్టంతో అధికారంలోకి వచ్చి ఇప్పుడు సీట్లు ఇచ్చే సరికి కష్టంగా అనిపిస్తుందా అని జనసేన కార్యకర్తలు మండి పడుతున్నారు.. మంత్రి మాటలకు జనసేన నాయకులు అసంతృప్తి వ్యక్తం చేస్తున్నారు.

లక్కవరపుకోట: తప్పుడు ఫిర్యాదులతో వేధింపులు తాళలేక మనస్తాపానికి గురై తల్లి అనారోగ్యంతో మృతి చెందగా, ఆ బాధను తట్టుకోలేకపోయిన కుమారుడు ఉరివేసుకుని ప్రాణ ం తీసుకున్నాడు ఈ ఘటన విజయనగరం జిల్లా లక్కవరపుకోట మండలం కళ్లేపల్లి గ్రామంలో శుక్రవారం జరిగింది. కేవలం 25 రోజుల వ్యవధిలో తల్లీకొడుకులు పాలిక దేముడమ్మ(46), సురేష్‌(27) మృతి చెందడంతో గ్రామంలో విషాదం అలుముకుంది. తల్లీకొడుకులపై తప్పుడు ఫిర్యాదులు చేసి పోలీస్‌స్టేషన్‌కు రప్పించి వేదనకు గురిచేసిన మహిళపై బాధిత కుటుంబం ఎల్‌.కోట పోలీసులకు ఫిర్యాదు చేసింది. ఈ ఘటనకు సంబందించి ఎస్సై జె.రామకృష్ణ, బాధిత కుటుంబ సభ్యులు తెలిపిన వివరాలిలా ఉన్నాయి. కళ్లేపల్లి గ్రామానికి చెందిన పాలిక సురేష్‌ ఆటో నడుపుకుంటూ తల్లిదండ్రుల వద్ద ఉంటూ జీవనం సాగిస్తున్నాడు. ఈ క్రమంలో విశాఖపట్నానికి చెందిన భర్తకు దూరంగా 12 సంవత్సరాల బాలుడితో ఉంటున్న ఓ వివాహితతో సురేష్‌కు పరిచయం ఏర్పడింది. ఈ విషయం ఆమె ఇంట్లో తెలియడంతో వారిద్దరికీ ఓ గుడిలో పెళ్లి చేశారు. అప్పటి నుంచి వారిద్దరూ కొన్నాళ్లు విశాఖపట్నంలో.. మరి కొన్నాళ్లు కళ్లేపల్లి గ్రామంలో ఉండేవారు. ఈ నేపథ్యంలో కొద్ది రోజుల తరువాత తనకు భర్తతో విడాకులు తీసుకుందని మాయమాటలు చెప్పి బలవంతంగా గుడిలో పెళ్లి చేశారంటూ సురేష్‌ ఆమెకు దూరంగా ఉండడం మొదలు పెట్టాడు. ఈ క్రమంలో ఆమె గత నెల 17వ తేదీన విశాఖపట్నం నాలుగవ పట్టణ పోలీస్‌స్టేషన్‌లో సురేష్‌తో పాటు కుటుంబ సభ్యులపై ఫిర్యాదు చేసింది. ఈ మేరకు పోలీసులు సురేష్‌ కుటుంబాన్ని పోలీస్‌స్టేషన్‌కు పిలిచి విచారణ చేశారు. అనంతరం కౌన్సెలింగ్‌ చేసి ఇంటికి పంపించేశారు. ఈ ఘటనతో మనస్తాపానికి లోనై ఆరోగ్యం క్షీణించిన సురేష్‌ తల్లి దేముడమ్మ గతనెల 22వ తేదీన మృతి చెందింది. మరోమారు సదరు మహిళ ఈ నెల 14న అదే పోలీస్‌స్టేషన్‌లో ఫిర్యాదు చేయడంతో సురేష్‌ తండ్రి పాలిక సత్యనారాయణ, ఆయన ఇద్దరు కుమార్తెలు, ఇద్దరు అల్లుళ్లను పోలీస్‌ స్టేషన్‌కు రావాలని పోలీసులు ఫోన్‌ చేశారు. దీంతో సురేష్‌ మినహా అందరూ వెళ్లారు. సురేష్‌ పోలీస్‌స్టేషన్‌కు రాకపోవడంతో 15వ తేదీకి మళ్లీ రావాలని పోలీసులు సూచించారు. తల్లి మరణించి కర్మకాండలు పూర్తి కాలేదు. గ్రామ పొలిమేర దాటకూడదన్న ఉద్దేశంతో సురేష్‌ పోలీస్‌స్టేషన్‌కు హాజరు కాలేదు. సురేష్‌ రావాల్సిందేనని పోలీసులు పట్టుపట్టడంతో చేసేది లేక గ్రామంలో ఉన్న తన సొంత ఇంటిలో గురువారం రాత్రి ఫ్యాన్‌కు ఉరి వేసుకుని ఆత్మహత్యకు పాల్పడ్డాడు. దీంతో కుటుంబ సభ్యులు ఎల్‌.కోట పోలీసులకు ఫిర్యాదు చేయగా శవ పంచనామా నిర్వహించి మృతదేహాన్ని ఎస్‌.కోట సీహెచ్‌సీకి తరలించారు. మృతుడి తండ్రి సత్యనారాయణ ఇచ్చిన ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఎస్సై జె.రామకృష్ణ తెలిపారు. పోలీసుల వేధింపులకు ఓ కుటుంబం బలి! 25 రోజుల వ్యవధిలో తల్లీకొడుకుల మృతి మనస్తాపంతో ఆరోగ్యం క్షీణించి తల్లిమృతి ఉరివేసుకుని కుమారుడి ఆత్మహత్య తప్పుడు ఫిర్యాదుల వేధిపులే కారణమంటూ పోలీసులకు ఫిర్యాదు

రాజాం: మండలంలోని కంచరాం జిల్లా పరిషత్‌ ఉన్నత పాఠశాలకు చెందిన పలువురు విద్యార్థులు రాష్ట్ర స్థాయి స్కూల్‌ గేమ్స్‌ఫెడరేషన్‌ పోటీల్లో సత్తా చాటారు. ఈనెల 10 నుంచి 13 వరకు పల్నాడు జిల్లా కారంపూడిలో ఈ పోటీలు జరగ్గా, అండర్‌–17 విభాగంలో 46 కిలోల ప్రీస్టైల్‌ రెజ్లింగ్‌ పోటీల్లో ఎస్‌.అపర్ణ రాష్ట్ర స్థాయిలో ద్వితీయ స్థానాన్ని సాధించి, కాంస్యపతకం గెలవగా, ఇదే పోటీల్లో కె.లావణ్య 65 కిలోల ప్రీస్టైల్‌ విభాగంలో రాష్ట్రస్థాయిలో తృతీయస్థానాన్ని దక్కించుకుని రజతపతకం సాధించిందని పీడీ దుర్గారావు తెలిపారు. ఈ సందర్భంగా విద్యార్థులను హెచ్‌ఎం వై.గౌరునాయుడు, పాఠశాల కార్యదర్శి, ఏపీటీఎఫ్‌ జిల్లా అధ్యక్షులు మజ్జి మదన్‌మోహన్‌, పీడీ తాలాడ దుర్గారావు, ఉపాధ్యాయులు పి.వేణుగోపాలరావు, వై.భాస్కరరావు, ఎం.కిషోర్‌, లెంక శ్రీనివాసరావు, బి.మహేష్‌, ఎం.గౌరీశంకర్‌, అరుణ, టి.అనూరాధ, పి.కోటేశ్వరరావు, మంజుల, సుమలత, ముత్యాలమ్మ, సుభాషిణి, లక్ష్మి, పీఈటీ బి.నారాయణనాయుడు తదితరులు శుక్రవారం అభినందించారు.

చీపురుపల్లి: పట్టణంలోని మెయిన్‌రోడ్‌లో అర్ధరాత్రి సమయంలో వాహనాలు అటకాయించి, అల్లరి చేసి, డబ్బులు డిమాండ్‌ చేస్తున్న ఆకతాయిలను చీపురుపల్లి ఎస్సై ఉమా వెంకటేశ్వరరావు శుక్రవారం సాయంత్రం అరెస్టు చేశారు. అర్ధరాత్రి సమయంలో వాహనదారులను అడ్డగించి భయాందోళనకు గురి చేసిన నలుగురు యువకులను గుర్తించారు. ఈ మేరకు చీపురుపల్లిలోని కుమ్మరికాలనీకి చెందిన శఠగోపం కార్తీక్‌, అలజంగి కార్తీక్‌, గరివిడి మండలంలోని కేఎల్‌.పురం గ్రామానికి చెందిన ముల్లు దుర్గాప్రసాద్‌లను అరెస్టు చేసి రిమాండ్‌కు తరలించినట్లు ఎస్సై తెలిపారు. నాలుగో యువకుడు రాజాం పట్టణానికి చెందిన వ్యక్తి అని అదుపులోకి తీసుకునేందుకు ప్రయత్నిస్తున్నట్లు చెప్పారు. పట్టణంలోని మెయిన్‌రోడ్‌లో ఈ సంఘటన ఈ నెల 12న అర్ధరాత్రి జరిగింది. దీనిపై ఈ నెల 14న సాక్షి పత్రికలో ‘అర్థరాత్రి గంజాయిబాబుల అలజడి’ శీర్షికన కథనం వెలువడిన సంగతి తెలిసిందే. దీనిపై దర్యాప్తు నిర్వహించి మెయిన్‌రోడ్‌లో సంఘటన జరిగిన స్థలంలో సీసీ కెమెరాల ఫుటేజీ సేకరించారు. దీంతో పాటు చీపురుపల్లి నుంచి శివరాం గ్రామానికి టాటామ్యాజిక్‌లో వెళ్తున్న హరిబాబు అనే వ్యక్తిని రెడ్డిపేట తోటపల్లి కాలువ వద్ద అటకాయించి ప్రాణభయం కలిగించి డబ్బులు లాగేశారు. దీనిపై బాధితుడు హరిబాబు పోలీసులకు ఫిర్యాదు కూడా చేశాడు. ఈ మేరకు స్థానిక పోలీస్‌స్టేషన్‌లో దారిదోపిడీ సెక్షన్‌ కింద కేసు నమోదు చేసి ముగ్గురు యువకులను అరెస్టు చేసినట్లు ఎస్సై తెలిపారు. మిగిలిన వారి కోసం గాలిస్తున్నామని త్వరలో వారిని కూడా అరెస్టు చేస్తామని స్పష్టం చేశారు.

● ప్రథమ, ద్వితీయ స్థానాలను సాధించిన బాలురు, బాలికల జట్లుతెర్లాం: రాష్ట్రస్థాయి సాఫ్ట్‌బాల్‌ పోటీల్లో జిల్లాకు చెందిన బాలురు, బాలికల జట్లు సత్తా చాటాయి. రాష్ట్రస్థాయిలో జరిగిన పోటీల్లో జిల్లాకు చెందిన బాలుర జట్టు ప్రథమ స్థానం, బాలికల జట్టు ద్వితీయ స్థానంలో నిలిచాయి. అండర్‌–17 జూనియర్‌ రాష్ట్ర స్థాయి పోటీలు వైఎస్సార్‌ కడప జిల్లాలో ఈనెల 12 నుంచి 15వరకు జరిగాయి. ఈ పోటీల్లో జిల్లాకు చెందిన బాలురు, బాలికల జట్లు పాల్గొన్నాయి. రాష్ట్రస్థాయి సాఫ్ట్‌బాల్‌ పోటీల్లో మొదటి నుంచి మంచి ప్రతిభ కనబరచిన జిల్లా బాలురు, బాలికల జట్లు ఫైనల్‌ పోటీలకు చేరాయి. ఫైనల్‌ పోటీల్లో జిల్లాకు చెందిన బాలురు జట్టు కడప జిల్లా జట్టుతో పోటీపడి విజయం సాధించి రాష్ట్ర స్థాయిలో ప్రథమ స్థానాన్ని కై వసం చేసుకుంది. అలాగే జిల్లాకు చెందిన బాలికల జట్టు రాష్ట్రస్థాయిలో ద్వితీయ స్థానాన్ని సొంతం చేసుకుంది. జిల్లాకు చెందిన రెండు జట్లు అత్యుత్తమ ఆటతీరు కనబరిచి రాష్ట్ర స్థాయిలో ప్రథమ, ద్వితీయ స్థానాలను, వ్యక్తిగత గోల్డ్‌ మెడల్స్‌తోపాటు షీల్డ్‌లను క్రీడాకారులు కై వసం చేసుకున్నారు. ఇరుజట్ల క్రీడాకారులను జిల్లా సాఫ్ట్‌బాల్‌ అసోసియేషన్‌ అధ్యక్ష, కార్యదర్శులు, పలువురు పీడీలు, పీఈటీలు, కోచ్‌లు అభినందించారు. మరిన్ని పోటీల్లో బాగా రాణించి జిల్లాకు మంచి పేరు తీసుకురావాలని వారంతా ప్రోత్సహించారు.

గంట్యాడ: కోడి విషయంలో భార్యాభర్తల మధ్య జరిగిన గొడవ ఓ వ్యక్తి హత్యకు దారితీసింది. వివాదాన్ని సర్దిచెప్పేందుకు ప్రయత్నించిన వ్యక్తిని కత్తితో పొడిచి హతమార్చిన ఘటన గంట్యాడ మండలం, రేగూరు గ్రామంలో జరిగింది. ఈ ఘటనపై పోలీసులు తెలిపిన వివరాల ప్రకారం..డి.కె.పర్తి పంచాయతీ పరిధి రేగూరు గ్రామానికి చెందిన నేగలి పోలయ్య(35) గురువారం రాత్రి తన భార్యతో కోడి విషయంలో గొడవపడ్డాడు. అదే గ్రామానికి చెందిన నేగలి గంగులు అలియాస్‌ గంగారాజు(41) జోక్యం చేసుకుని, భార్యను ఎందుకు కొడుతున్నావంటూ పోలయ్యను వారించే ప్రయత్నం చేశాడు. దీంతో ఆగ్రహానికి గురైన పోలయ్య..కోడిని కోసేందుకు తన వద్ద ఉన్న కత్తితో గంగులు ఛాతీలో పొడిచాడు. తీవ్ర రక్తస్రావమై గంగులు అక్కడికక్కడే మృతిచెందాడు. ఈ సమాచారం అందుకున్న గంట్యాడ ఎస్సై కె.లక్ష్మణరావు, ఇన్‌చార్జి సీఐ టి.శ్రీనివాసరావు ఘటనా స్థలాన్ని పరిశీలించారు. క్లూస్‌ టీమ్‌, ఫోరెన్సిక్‌ నిపుణులు ఆధారాలు సేకరించారు. మృతుడి మొదటి భార్య ఫిర్యాదు మేరకు పోలీసులు కేసు నమోదు చేసి దర్యాప్తు చేపట్టారు. మృతదేహాన్ని పోస్టుమార్టం నిమిత్తం తరలించి, నిందితుడిపై చట్టపరమైన చర్యలు చేపట్టినట్లు పోలీసులు తెలిపారు. భామిని: మండలంలోని దిమ్మిడిజోలకు చెందిన వివాహిత కేవటి సరస్వతి(36) శుక్రవారం చెట్టుకు ఉరివేసుకుని మృతి చెందినట్లు బత్తిలి ఎస్సై కె.రవీంద్ర తెలిపారు.దిమ్మిడిజోల–లోవగూడల మధ్య తోటలో చెట్టుకు వేలాడుతున్న సరస్వతి(36) మృతదేహాన్ని స్థానికులు గుర్తించి సమాచారం అందించారు. మూడేళ్ల క్రితం భర్త మృతి చెందడంతో ఇద్దరు పిల్లలతో దిమ్మిడిజోల వచ్చి తండ్రి కేవటి ఆదినారాయణ ఇంటిలో సరస్వతి ఉంటోంది. రోజువారీ కూలి పనులతో జీవనం సాగిస్తున్న తరుణంలో ఘనసరకు చెందిన నారాయణ అనే యువకుడితో వివాహేతర సంబంధం ఏర్పడిందని దాని కారణంగా ఈ సంఘటన జరిగి ఉండవచ్చని స్థానికులు అనుమానాలు వ్యక్తం చేశారు. ఈ విషయంపై మృతురాలి తండ్రి ఆదినారాయణ పోలీసులకు ఫిర్యాదు చేస్తూ తన కూతురు సరస్వతి మృతికి ఘనసరకు చెందిన నారాయణే కారణమని పేర్కొన్నాడు. ఫిర్యాదు మేరకు పోలీసులు కేసు నమోదు చేసి మృతదేహాన్ని పోస్ట్‌మార్టం కోసం తరలించారు.

పార్వతీపురం రూరల్‌: జంఝావతి రిజర్వాయర్‌ నిర్మాణాన్ని పూర్తి చేయాలని కోరుతూ చేపట్టిన ‘జంఝావతి సాధన దీక్షలు’ 25వ రోజుకు చేరుకున్నాయి. ఈ దీక్షల్లో శుక్రవారం శ్రామిక మహిళా సంఘం జిల్లా కన్వీనర్‌ వాకాడ ఇందిర, సీపీఎం కొమరాడ మండల కన్వీనర్‌ కొల్లి సాంబమూర్తి, ఏపీ గిరిజన సంఘం నాయకుడు యు.వెంకటేష్‌, ఎస్‌ఎఫ్‌ఐ పట్టణ అధ్యక్షుడు ఎం.శివ తదితరులు పాల్గొని మద్దతు తెలిపారు. ఈ సందర్భంగా వారు మాట్లాడుతూ.. 25 రోజులుగా కొనసాగుతున్న ఈ దీక్షలకు మేధావులు, మహిళలు, న్యాయవాదులు, కార్మిక, ప్రజా సంఘాలు, రాజకీయ పార్టీలు, విద్యార్థులు మద్దతు తెలుపుతున్నారని పేర్కొన్నారు. ఐదు మండలాలు, 75 గ్రామాల రైతులకు ప్రయోజనం చేకూర్చే ఈ ప్రాజెక్టును వెంటనే పూర్తి చేయాలని వారు డిమాండ్‌ చేశారు. ప్రాజెక్టు సాధన కోసం శనివారం పార్వతీపురంలో ర్యాలీ నిర్వహించనున్నట్లు తెలిపారు. ఈ ర్యాలీలో అన్ని వర్గాల ప్రజలు పాల్గొనాలని సాధన కమిటీ ప్రతినిధులు విజ్ఞప్తి చేశారు.● నేడు పార్వతీపురంలో ర్యాలీ

విజయనగరం టౌన్‌: పోలీసు అధికారులు, సిబ్బంది రాజకీయ ప్రభావాలకు అతీతంగా నిష్పక్షపాతంగా విధులు నిర్వహించాలని విశాఖ రేంజ్‌ ఐజీపీ గోపీనాథ్‌ జెట్టి అధికారులకు దిశానిర్దేశం చేశారు. ఈ మేరకు శుక్రవారం ఆయా జిల్లాల పరిఽధిలో ఉన్న ఎస్పీలతో పాటు ఎసీడీపీఓలతో జూమ్‌ కాన్ఫరెన్స్‌ ద్వారా సమీక్షా సమావేశం నిర్వహించారు. ఎన్నికల ప్రవర్తనా నియమావళి ఉల్లంఘనలపై తక్షణమే చట్టపరమైన చర్యలు తీసుకోవాలని ఆదేశించారు. ప్రతి జిల్లాలో పోలింగ్‌ కేంద్రాలు, సమస్యాత్మక ప్రాంతాలు, సున్నితమైన గ్రామాలను గుర్తించి అవసరమైన పోలీసు బలగాలు, అదనపు సిబ్బంది, రిజర్వు బలగాల మోహరింపునకు పక్కా ప్రణాళిక రూపొందించాలని సూచించారు. హిస్టరీషీట్లు కలిగిన వారు, రౌడీషీటర్లు, పాత నేరస్తులు, ఎన్నికల సమయంలో అల్లర్లకు పాల్పడే అవకాశం ఉన్న వ్యక్తులపై నిఘా ఉంచి, అవసరమైన వారిపై బైండోవర్‌, చట్టపరమైన ముందస్తు చర్యలు చేపట్టాలని చెప్పారు. పెండింగ్‌ నాన్‌ బెయిల్‌బుల్‌ వారెంట్ల అమలును వేగవంతం చేయాలని ఆదేశించారు. స్పెషల్‌ బ్రాంచ్‌ అధికారులు రాజకీయ విభేదాలు, వర్గ ఘర్షణలు, ఉద్రిక్తతలకు దారితీసే పరిస్ధితులపై ముందస్తు సమాచారాన్ని సేకరించి, సంబంధిత అధికారులతో తక్షణమే పంచుకోవాలని సూచించారు. అవాంఛనీయ ఘటనలు జరగకుండా నివారణ చర్యలు చేపట్టాలని స్పష్టం చేశారు. ఒడిశా రాష్ట్రం నుంచి ఆంధ్రప్రదేశ్‌లోకి జరిగే సారా, అక్రమ మద్యం రవాణాను అరికట్టేందుకు ఎకై ్సజ్‌ శాఖతో సమన్వయం చేసుకోవాలన్నారు. కాన్ఫరెన్స్‌లో విజయనగరం ఎస్పీ ఏఆర్‌ దామోదర్‌, పార్వతీపురం మన్య జిల్లా ఎస్పీ ఎస్‌వీ మాధవ రెడ్డి ఇతర జిల్లాల ఎస్పీలు, ఎస్డీపీఓలు పాల్గొన్నారు.

బొండపల్లి: కూటమి ప్రభుత్వం ఇచ్చిన హమీలను ఒక్కటి కూడా అమలు చేయక, తర్వలో జరగనున్న స్థానిక సంస్థల ఎన్నికల్లో ప్రజలను మాయ మాటలతో మభ్య పెట్టనున్న విషయాలను గ్రామగ్రామాన విస్తృతంగా ప్రచారం చేయాలని శాసన మండలి విపక్షనేత బొత్స సత్యనారాయణ, మాజీ ఎమ్మెల్యే, వైఎస్సార్‌సీపీ గజపతినగరం నియోజకవర్గం ఇన్‌చార్జ్‌ బొత్స అప్పలనరసయ్యలు అన్నారు. ఈ మేరకు బొండపల్లి మండలంలోని కొత్త పాలెం గ్రామానికి చెందిన టీడీపీ సీనియర్‌ నాయకుడు, మాజీ వైస్‌ ఎంపీపీ బొడ్డు రాముతో పాటు గ్రామ మాజీతాజా సర్పంచ్‌ బొడ్డు సత్యవతి, మరో వంద కుటుంబాల వారు జిల్లా కేంద్రంలోని బొత్స అప్పలనరసయ్య క్యాంపు కార్యాలయంలో శుక్రవారం టీడీపీని వీడి వైఎస్సార్‌సీపీలో చేరారు. వారికి బొత్స అప్పలనరసయ్య పార్టీ కండువాలు కప్పి సాదరంగా పార్టీలోకి ఆహ్వానించారు. ఈ సందర్భంగా పార్టీలో చేరిన వారు మాట్లాడుతూ గత ప్రభుత్వ హయాంలో జరిగిన అభివృద్ధి తప్ప నియోజకవర్గానికి ఈ కూటమి ప్రభుత్వంలో చేసిన అభివృద్ధి శూన్యమన్నారు. కార్యక్రమంలో వైఎస్సార్‌సీపీ యువ నాయకుడు బొత్స సాయిగురునాయుడు, పార్టీ రాష్ట్ర కార్యవర్గ సభ్యుడు బీవీ ప్రభూజీరాజు, మాజీ ఎంపీపీ చల్లా చలం నాయుడు, పార్టీ మండల అధ్యక్షుడు బొద్దల చిన్నం నాయుడు నాయకులు మహంతి రమణ, కర్రోతు శ్రీనివాసరావు, సాలాపు పెంటం నాయుడు, మంత్రి గోవింద, పల్లి రఘు, వేమలి వెంకటరావు, బోడసింగి జగదీశ్వర్రావు, సిరిపురం నాయుడుబాబు తదితరులు పాల్గొన్నారు.వైఎస్సార్‌సీపీలో పలువురి చేరిక రామభద్రపురం: మండలంలోని కొండకెంగువ గ్రామపంచాయతీ రెండవ వార్డుకు చెందిన తాజా మాజీ వార్డు మెంబర్లు కర్రి దాలినానాయుడు, పెదపల్లి సీతారాంల తో పాటు పలు కుటుంబాలు గురువారం మాజీ ఎమ్మెల్యే శంబంగి వెంకట చినఅప్పలనాయుడు, మాజీ ఎంపీపీ చొక్కాపు లక్ష్మణరావు, వైఎస్సార్‌సీపీ మహిళా విభాగం జిల్లా ఉపాధ్యక్షురాలు అప్పికొండ నిర్మల సమక్షంలో వైఎస్సార్‌సీపీలో చేరారు. ఈ సందర్భంగా మాజీ ఎమ్మెల్యే శంబంగి వారికి పార్టీ కండువాలు వేసి ఆహ్వానించారు. కార్యక్రమంలో గ్రామ సీనియర్‌ నాయుకుడు బెవర ప్రసాదరావు, మాజీ ఎంపీటీసీ కంచుపల్లి రాము తదితరులు పాల్గొన్నారు.స్థానిక సమరానికి వైఎస్సార్‌సీపీ సన్నద్ధం పార్వతీపురం రూరల్‌: స్థానిక సంస్థల ఎన్నికల్లో విజయబావుటా ఎగురవేసే లక్ష్యంతో పార్వతీపురం వైఎస్‌స్రా్‌సీపీ శ్రేణులు కదనోత్సాహంతో సన్నద్ధమవుతున్నాయి. పురపాలక ఎన్నికల సమరానికి సన్నద్ధమవుతూ శుక్రవారం పలువురు నాయకులు మాజీ శాసనసభ్యుడు అలజంగి జోగారావు సమక్షంలో పార్టీ కండువా కప్పుకున్నారు. ఎన్నికల క్షేత్రంలో నాయకులు, కార్యకర్తలు సమన్వయంతో అడుగులేసి, ఉమ్మడి కృషితో పార్టీ విజయానికి అహర్నిశలు శ్రమించాలని ఈ సందర్భంగా జోగారావు శ్రేణులకు దిశానిర్దేశం చేశారు. స్థానిక క్యాంపు కార్యాలయంలో జరిగిన ఈ కార్యక్రమంలో..టీడీపీ నుంచి 20వ వార్డుకు చెందిన నాగిరెడ్డి ధనుంజయ్‌, రాధ, అలాగే 31వ వార్డు నుంచి సారిక సుధాకరరావు (భవాని) పార్టీలో చేరారు. వారికి పార్టీ కండువాలు కప్పి సాదరంగా ఆహ్వానించిన మాజీ ఎమ్మెల్యే, వారినే ఆయా వార్డుల వైఎస్సార్‌సీపీ అభ్యర్థులుగా అధికారికంగా ప్రకటించారు. అందరూ కలిసికట్టుగా కదిలి ప్రజాక్షేత్రంలో అభ్యర్థుల గెలుపునకు బాటలు వేయాలని ఆయన పిలుపునిచ్చారు. కార్యక్రమంలో పార్టీ జిల్లా ఎస్సీ సెల్‌ అధ్యక్షుడు సర్వీశెట్టి శ్రీనివాసరావు, జిల్లా యువజన విభాగం ఉపాధ్యక్షుడు గాడు శంకరరావు, సీనియర్‌ నాయకులు నిమ్మకాయల సుందరరావు, బొంగు సురేష్‌, రాధ, ధర్మవరపు గురుమూర్తితో పాటు పలువురు కార్యకర్తలు పాల్గొన్నారు.వైఎస్సార్‌సీపీలో 17 కుటుంబాలు చేరిక గుర్ల: స్థానిక ఎన్నికల్లో వైఎస్సార్‌సీపీ అభ్యర్థులు గెలుపునకు ప్రతి ఒక్కరూ కృషి చేయాలని శాసన మండలి ప్రతిపక్ష నేత, ఎమ్మెల్సీ బొత్స సత్యనారాయణ సూచించారు. ఈ మేరకు గుర్ల మండలంలోని సొలిపిసోమరాజు పేటకు చెందిన 17 కుటుంబాల వారు గంటాన ప్రవీణ్‌, గంటాన గోవింద్‌, గంటాన వంశీ, గిడిజాల రాజయ్య, గొడ్డు సాయి, బూర రాజు, టొంపల శివ, గిడిజాల రాంబాబు, బండి సుగుణకుమార్‌, గిడిజాల అప్పలరాజు, గిడిజాల వర ప్రసాద్‌, గిడిజాల పైడిరాజు, గిడిజాల రాజారావు, గిడిజాల వంశీ, గంటాన శంకర్‌లకు ఎమ్మెల్సీ బొత్స సత్యనారాయణ వైఎస్సార్‌సీపీ కండువాలు వేసి పార్టీలోకి ఆహ్వనించారు. గరివిడి క్యాంపు కార్యాలయంలో గుర్ల మండల నాయకులతో శుక్రవారం ఆయన సమావేశమైన సందర్భంగా పార్టీలో చేరికలు జరిగాయి. కార్యక్రమంలో వైఎస్సార్‌సీపీ రాష్ట్ర కార్యదర్శి కేవీ సూర్యనారాయణ రాజు, పార్టీ మండల అధ్యక్షుడు పొట్నూరు సన్యాసినాయుడు, మాజీ జెడ్పీటీసీ శీర అప్పలనాయుడు, వైఎస్సార్‌సీపీ నాయకులు వరదా ఈశ్వరరావు, బెల్లాన బంగారునాయుడు, జమ్ము స్వామినాయుడు, తోట తిరుపతిరావు పాల్గొన్నారు. శాసనమండలి విపక్షనేత బొత్స సత్యనారాయణ, మాజీ ఎమ్మెల్యే అప్పలనరసయ్య టీడీపీని వీడి వైఎస్సార్‌సీపీలో చేరిన మాజీ వైస్‌ ఎంపీపీ రాము, 100 కుటుంబాల వారు

శుక్రవారం శ్రీ 16 శ్రీ అక్టోబర్‌ శ్రీ 2026ఎంపీటీసీల రిజర్వేషన్లు ఖరారు గిరిజన ఉద్యోగులను వేధిస్తే సహించేది లేదు సీతంపేట: గిరిజన ఉద్యోగులను వేధిస్తే సహించేది లేదని గిరిజన ఐక్యవేదిక రాష్ట్ర ప్రధాన కార్యదర్శి బిడ్డిక తేజేశ్వరరావు, సలహాదారు ఎ.మన్మథరావు, సెక్రటరీ, జిల్లా కార్యవర్గ సభ్యులు కె.కాంతారావు, ఎన్‌.కాంతారావు గురువారం ఒక ప్రకటనలో తెలిపారు. పాలకొండ ఎంపీడీఓ కార్యాలయంలో పనిచేస్తున్న ఎస్‌ఏ రాముడుతో పాటు ముగ్గురు గిరిజన ఉద్యోగుల ఆత్మగౌరవం దెబ్బతీసే విధంగా ఎంపీడీఓ బి.రామకృష్ణ కులదూషణ, మానసిక వేధింపులకు పాల్పడుతున్నట్టు గిరిజన సంఘాల దృష్టికి వచ్చిందన్నారు. ఈ విషయమై రాష్ట్ర ఎస్‌టీ కమిషన్‌ విచారణకు ఆదేశించిన నేపథ్యంలో విచారణ వేగవంతం చేయాలని డిమాండ్‌ చేశారు. మలేరియా, డెంగీ నివారణకు ప్రత్యేక చర్యలు పార్వతీపురం: జిల్లాలో మలేరియా, డెంగీ, టైఫాయిడ్‌ వంటి వ్యాధుల నివారణకు చర్యలు చేపట్టాలని కలెక్టర్‌ డాక్టర్‌ ఎన్‌.ప్రభాకరరెడ్డి వైద్యాధికారులను ఆదేశించారు. కలెక్టరేట్‌లో వైద్య ఆరోగ్యశాఖ అధికారులతో గురువారం నిర్వహించిన సమీక్షలో ఆయన మాట్లాడుతూ, రాబోయే మూడు రోజులపాటు అన్ని గ్రామాలు, మున్సిపాలిటీల్లో 100 శాతం లార్వా వేట కార్యక్రమం నిర్వహించాలని సూచించారు. ఏఎన్‌ఎంలు, ఆశ కార్యకర్తలు ఇంటింటికి వెళ్లి దోమల వృద్ధి ప్రాంతాలను గుర్తించి నివారణ చర్యలు చేపట్టాలని, పారిశుధ్యంపై ప్రజలకు అవగాహన కల్పించాలన్నారు. వివాహాలు, జాతరలు, హస్టళ్లలో ఆహార భద్రత, పరిశుభ్రత తనిఖీలు నిర్వహించాలని సూచించారు. వైద్య సిబ్బంది విధులలో నిర్లక్ష్యం వహిస్తే కఠిన చర్యలు తీసుకుంటామని హెచ్చరించారు. సమావేశంలో సబ్‌ కలెక్టర్‌ సచిన్‌ ఆర్చిత్‌ రహార్‌, డీఎంహెచ్‌ఓ పి.విజయలక్ష్మి, ఇతర వైద్యాధికారులు పాల్గొన్నారు. శతాధిక వృద్ధురాలు మృతి రాయగడ: స్థానిక ఇందిరానగర్‌ మొదటి లైన్‌లో నివసిస్తున్న శతాధిక వృద్ధురాలు వై.నారాయణమ్మ (112) గురువారం మృతి చెందారు. ఆమె పార్వతీపురం మన్యం జిల్లా కొమరాడ మండలం పరిధిలోని కొటిపాము గ్రామంలో 1914లో జన్మించారు. ఆమె చిన్న కుమారుడు చిన్నంనాయుడు ఉద్యోగ రీత్యా రాయగడలో స్థిరపడ్డారు. దీంతో కొడుకుతో పాటు ఆమె కూడా ఇక్కడే ఉంటున్నారు. గురువారం ఉదయం ఆమె మృతి చెందినట్లు మనువడు వై.దామోదరరావు తెలిపారు. ఆమె జీవించినంత కాలం ఎటువంటి అనారోగ్య సమస్యలు లేకుండా సంపూర్ణ ఆరోగ్యంగా తన పనితానే చేసుకునేవారని చెప్పారు. తమ కుటుంబంలో ఐదు తరాలను చూసిన నారాయణమ్మ సహజ మృతి చెందినట్టు పేర్కొన్నారు. ఆమెకు ఇద్దరు కొడుకులు, ఒక కుమార్తె ఉన్నారు. సాక్షి, పార్వతీపురం మన్యం/పార్వతీపురం రూరల్‌: స్థానిక సమరానికి సమయం ఆసన్నమైంది. ఎన్నికల ఘట్టంలో తొలి అడుగు కొద్దిసేపట్లో పడనుంది. ఇప్పటికే ఎన్నికల ప్రక్రియకు అధికార యంత్రాంగం ఏర్పాట్లు చేయగా.. అత్యంత కీలకమైన నామినేషన్ల ఘట్టం శుక్రవారం నుంచి మొదలుకానుంది. జిల్లాలో తొలివిడతగా పార్వతీపురం, సాలూరు పురపాలక సంఘాలతో పాటు.. పాలకొండ నగర పంచాయతీకి ఎన్నికలు జరగనున్న విషయం విదితమే. శుక్రవారం ఓటర్ల జాబితా ప్రచురణతో పాటు.. ఇదే రోజు నుంచి నామినేషన్ల స్వీకరణ ప్రారంభమవుతుంది. ఈ మేరకు ఆయా పురపాలక సంఘాల్లో ఏర్పాట్లు పూర్తి చేశారు. 18వ తేదీ వరకూ నామినేషన్లు స్వీకరిస్తారు. తొలిరోజు నామినేషన్లు పడే అవకాశం కనిపించడం లేదు. ప్రధాన రాజకీయ పక్షాలు ఇంకా గెలుపు గుర్రాల వేటలోనే ఉన్నాయి. ప్రధానంగా అధికార కూటమిలో ఇంకా సీట్ల సర్దుబాటు అంశం ఒక కొలిక్కి రాలేదు. సప్తమి కలసి రావడంతో అధిక శాతం మంది ఈ నెల 17న నామినేషన్లు దాఖలు చేసే యోచనలో ఉన్నారు. మరోవైపు అభ్యర్థులు నో డ్యూ సర్టిఫికెట్ల కోసం పరుగులు తీస్తున్నారు. పార్వతీపురం పురపాలక సంఘం పరిధిలో ఎన్నికల నిర్వహణకు సంబంధించి ఏర్పాట్లు పూర్తి చేసినట్లు మున్సిపల్‌ కమిషనర్‌ బి. రాంగోపాల్‌ తెలిపారు. ఇప్పటికే మున్సిపల్‌ పరిధిలో ప్రత్యేక బృందాలతో ఏర్పాట్లు ప్రారంభించినట్లు వెల్లడించారు. శుక్రవారం నుంచి నామినేషన్ల స్వీకరణ ప్రక్రియ ప్రారంభం కానుందని కమిషనర్‌ తెలిపారు. ఈ నేపథ్యంలో నామినేషన్ల స్వీకరణ కోసం మొత్తం తొమ్మిది గదులను సిద్ధం చేశామన్నారు. ప్రతి 4 వార్డులకు ఒక కౌంటర్‌ చొప్పున ఏర్పాటు చేయగా.. చైర్మన్‌ నామినేషన్ల కోసం ప్రత్యేకంగా ఒక రూమ్‌ కేటాయించామని తెలిపారు. ఎన్నికల నేపథ్యంలో బకాయిలు ఉన్నవారు నో డ్యూ సర్టిఫికెట్లు పొందేందుకు రెవెన్యూ విభాగాన్ని ప్రత్యేకంగా అందుబాటులోకి తీసుకువచ్చామని తెలిపారు. ప్రజల సౌకర్యార్థం మూడు షిఫ్టుల్లో హెల్ప్‌ డెస్క్‌లను కూడా ఏర్పాటు చేశామన్నారు. ఎన్నికల ప్రక్రియ పారదర్శకంగా జరిగేందుకు కమాండ్‌ కంట్రోల్‌ రూమ్‌ను ఏర్పాటు చేశామని చెప్పారు. రెండో అంతస్తులోని మెటీరియల్‌ రూములకు సీసీ కెమెరాలు, పోలీసు భద్రతతో పాటు అదనపు సిబ్బందిని నియమించామని, రహస్య పత్రాల భద్రత కోసం కొత్త బీరువాలను కూడా సమకూర్చామన్నారు. వివాదాలకు తావు లేకుండా ఉండేందుకు ప్రతి రూమ్‌లో డిజిటల్‌ క్లాక్‌లను ఏర్పాటు చేయాలని నిర్ణయించామన్నారు. ఐటీడీఏ పీఓ ఆధ్వర్యంలో ప్రత్యేక లాగిన్‌ రూపొందించి, ఆన్‌లైన్‌ ద్వారా సమాచారాన్ని ఎప్పటికప్పుడు పరిశీలిస్తున్నట్లు తెలిపారు. గెలుపు గుర్రాల కోసం వైఎస్సార్‌సీపీ అన్వేషిస్తోంది. మూడు చోట్లా తమ పట్టును నిలుపుకొనేందుకు ప్రయత్నాలు చేస్తోంది. చంద్రబాబు ప్రభుత్వం అడ్డదారులు తొక్కకుండా ఉంటే.. వైఎస్సార్‌సీపీ అభ్యర్థులు అధిక స్థానాల్లో విజయకేతనం ఎగురవేస్తారని ఆ పార్టీ నాయకులు ధీమాగా ఉన్నారు. మరోవైపు కూటమిలో సీట్ల పంచాయితీ ఇంకా ఒక కొలిక్కి రాలేదు. మూడు చోట్లా మహిళలే చైర్మన్‌ అభ్యర్థులుగా ఉన్నారు. రిజర్వేషన్‌తోపాటు, సీట్ల పంపకాల కోసం టీడీపీ, జనసేన, బీజేపీలు ఎవరికి వారు మెట్టు దిగడం లేదు. ప్రధానంగా పాలకొండ నగర పంచాయతీ చైర్మన్‌ పీఠం కోసం జనసేప పట్టుపడుతోంది. ఎవరు ఎక్కడ నుంచి బరిలో దిగనున్నారో ఈ రోజు తేలిపోయే అవకాశాలున్నాయి. సీటు రాకపోతే ఇండిపెండెంట్‌గానైనా పోటీ చేసేందుకు పలువురు ప్రయత్నాలు చేస్తున్నారు. ప్రధానంగా పార్వతీపురం మున్సిపల్‌ చైర్‌పర్సన్‌ పీఠం కోసం అధికార పార్టీలోనే వర్గాలుగా విడిపోయి వ్యూహప్రతివ్యూహాలు పన్నుతున్నారు. సీటు కోసం రూ.కోట్లు ఖర్చు పెట్టడానికై నా కొంతమంది వెనుకాడడం లేదు. సాక్షి, పార్వతీపురం మన్యం: స్థానిక సంస్థల ఎన్నికలకు సంబంధించి జిల్లాలో 226 ఎంపీటీసీ స్థానా లకు రిజర్వేషన్లను ఖరారు చేస్తూ కలెక్టర్‌ ప్రభాకరరెడ్డి నోటిఫికేషన్‌ జారీ చేశారు. ఇందులో జనరల్‌ 117 స్థానాలు కాగా.. మహిళలకు 109 కేటాయించారు. కేటగిరీల వారీగా: ఎస్టీ – 71 (జనరల్‌ 40, మహిళ 31) ఎస్సీ – 22 (జనరల్‌ 12, మహిళ 10) బీసీ – 35 (జనరల్‌ 18, మహిళ 17) అన్‌ రిజర్వుడు – 98(జనరల్‌ 47, మహిళ 51) నేడు మేయర్‌ అభ్యర్థిగా కోలగట్ల శ్రావణి నామినేషన్‌ విజయనగరం: విజయనగరం మున్సిపల్‌ కార్పొరేషన్‌ మేయర్‌ అభ్యర్థిగా వైఎస్సార్‌సీపీ తరఫున పార్టీ రాష్ట్ర మహిళా విభాగం ప్రధాన కార్యదర్శి, మాజీ డిప్యూటీ మేయర్‌ కోలగట్ల శ్రావణి శుక్రవారం నామినేషన్‌ దాఖలు చేయనున్నారు. ఉదయం 10 గంటలకు మాజీ డిప్యూటీ స్పీకర్‌ కోలగట్ల వీదభద్ర స్వామి ఇంటి నుంచి భారీ ర్యాలీగా కార్పొరేషన్‌ కార్యాలయానికి తరలివెళ్లనున్నారు. పురపాలక పోరుకు నేటి నుంచి నామినేషన్ల స్వీకరణ పార్వతీపురం, సాలూరు, పాలకొండల్లో ‘స్థానిక’ సందడి అభ్యర్థుల ఎంపికకు ప్రధాన పార్టీల కసరత్తు కూటమికి సర్దు‘పోటు’ స్థానిక ఎన్నికల కోడ్‌ గురువారం నుంచి అమల్లోకి రావడంతో రాజకీయ నాయకుల విగ్రహాలకు ముసుగులు పడుతున్నాయి. ప్రధాన కూడళ్లలో ఉన్న పార్టీల ఫ్లెక్సీలను, జెండాలను తొలగిస్తున్నారు. ఇందులో వివక్షకు తావు లేకుండా.. కోడ్‌ పక్కాగా అమలు చేయాలని పలు పార్టీల నాయకులు కోరుతున్నారు.

సాక్షి ప్రతినిధి, విజయనగరం: పురపోరుకు ఘంటారావం మోగింది. అధికార కూటమిలో సీట్లు కుమ్ములాటలు ఆరంభమయ్యాయి. ప్రతిపక్ష వైఎస్సార్‌ కాంగ్రెస్‌ పార్టీ తన అభ్యర్థిగా మాజీ డిప్యూటీ మేయర్‌, వైఎస్సార్‌సీపీ రాష్ట్ర మహిళా ప్రధాన కార్యదర్శిగా పనిచేసిన కోలగట్ల శ్రావణిని బరిలో దించేందుకు రంగం సిద్ధంచేసింది. ఏపీ శాసన సభ మాజీ డిప్యూటీ స్పీకర్‌ కోలగట్ల వీరభద్రస్వామి రాజకీయ వారసత్వాన్ని ఒడిసి పట్టిన శ్రావణి.. పార్టీ అధినేత వైఎస్‌ జగన్‌మోహన్‌రెడ్డి ఆశీస్సులతో ఈ సారి నేరుగా మేయర్‌గా పోటీ చేసేందుకు బరిలోకి దిగారు. నగర ప్రజల సంపూర్ణ మద్దతు కూడగట్టి ప్రత్యక్ష ఎన్నికల బరికి ఏర్పాట్లు చేసుకుంటున్నారు. వార్డుల వారీగా రిజర్వేషన్లు ఖరారు కావడంతో ఎక్కడెక్కడ ఎవరు బలమైన అభ్యర్థులు, ఎవరిని ఎలా కలుపుకొని పోవాలి? ఆయా వార్డుల్లో అవతల వైపు ఎవరెవరు పోటీ చేస్తున్నారు? వారిని ఎలా ఢీకొనాలి అనే సమీకరణాలు వేస్తూ ప్రచార ప్రణాళికలు సిద్ధం చేస్తున్నారు. ● ప్రజలతో మమేకం.. శ్రావణికి నగరంలో బంధుగణంతో పాటు అభిమానులు అధికమంది ఉన్నారు. పార్టీ శ్రేణులతో స్నేహపూర్వక సంబంధాలు ఉన్నాయి. గతంలో పనిచేసిన వార్డు వలంటీర్లను పేర్లుపెట్టిపిలిచే చనువు, ఆయా కుటుంబాలతో అనుబంధం ఉంది. పార్టీ నాయకుల వద్ద గౌరవం ఉంది. ప్రతీ వార్డు ప్రజలను ఆత్మీయంగా అక్కున చేర్చుకునే గుణం ఆమె సొంతం. ఇవన్నీ ఆమె విజయానికి పునాదులుగా మారుతాయని రాజకీయ విశ్లేషకులు చెబుతున్నారు. ● మేయర్‌ పీఠంపై జనసేన ఆశలు ఇదిలా ఉండగా విజయనగరం మేయర్‌ పదవి తమకు కేటాయించాలని జనసేన పట్టుపడుతోంది. ఈ మేరకు జనసేన నాయకులు కొందరు ఇప్పటికే అధినేత పవన్‌ కల్యాణ్‌ను కలిసినట్టు తెలిసింది. ఈ మేరకు తాము రూ.10 కోట్ల నుంచి రూ.15 కోట్లు ఖర్చు పెట్టుకోవడానికి సిద్ధం అని ప్రతిపాదనలు సైతం పంపించారని భోగట్టా. మేయర్‌ వాటాల పంపిణీలో టీడీపీ, జనసేనల్లో ఎవరికి వస్తుందన్నది ఇంకా తేలలేదు. మరోవైపు పట్టణంలోని 62 వార్డుల్లో తెలుగుదేశం, జనసేన, బీజేపీలకు ఎవరికి ఎన్ని వార్డులు కేటాయిస్తారన్నది కూడా స్పష్టత లేదు. ఈ విషయంలో కూడా కూటమి పార్టీల మధ్య చర్చ ఇంతవరకు జరగలేదు. దీంతో ఏ వార్డులో ఎవరు పోటీ చేయాలన్నదానిమీద కూడా స్పష్టత లేకపోవడంతో కూటమి పార్టీల మధ్య స్తబ్ధత నెలకొంది. ఒకవార్డు నుంచి టీడీపీ అభ్యర్థి పోటీ చేయాలనుకున్నా అదికాస్తా జనసేనకు కేటాయిస్తే తన శ్రమ..ఖర్చు వృథా అయిపోతాయన్న ఆందోళన టీడీపీ వారిలో నెలకొంది. అందుకే ఎక్కడివారు అక్కడే గప్‌ చుప్‌గా ఉన్నారు. దీంతో ఎవరికి.. ఎక్కడ ఏ స్థానం దక్కుతుందో తెలియక టెన్షన్‌తో గుడ్లు మీటకరించి చూస్తున్నారు. మరోవైపు మేయర్‌ స్థానాన్ని పొరపాటున టీడీపీకి కేటాయిస్తే ఓడిస్తామంటూ జనేసేన శ్రేణులు కొందరు బహిరంగ వ్యాఖ్యలు చేస్తుండడంతో టెన్షన్‌ మొదలైంది. డిప్యూటీ మేయర్‌గా పనిచేసిన అనుభవంతో పాటు పట్టణంలోని అన్ని వార్డులను గత ఐదేళ్లపాటు కలియదిరిగిన శ్రావణి ఆయా వార్డులోని ప్రధాన సమస్యలు, వాటి పరిష్కారానికి చేపట్టాల్సిన చర్యలకు సంబంధించి పూర్తి అవగాహన ఉంది. ఇది మన విజయనగరం అని ప్రజలు గర్వంగా చెప్పుకునేలా గత వైఎస్సార్‌సీపీ ప్రభుత్వంలో కోలగట్ల వీరభద్రస్వామి అభివృద్ధి పనులు చేశారు. అదే ఒరవడిలో ఆమె తనయ కూడా ప్రతివార్డు అభివృద్ధి ప్రణాళికను సిద్ధం చేసుకుని ఎన్నికల వైపు అడుగువేస్తున్నారు. విజయమే లక్ష్యంగా ముందుకు సాగుతున్నారు.

● కుటుంబసభ్యులకు అప్పగించిన పోలీసులు కొత్తవలస: మండలంలోని ఓ గ్రామానికి చెందిన యువతి ఈ నెల 13న ఇంటి నుంచి అదృశ్యమవగా ఆమె అక్క ఇచ్చిన ఫిర్యాదు మేరకు ఎస్సై జోగారావు కేసు నమోదు చేసి దర్యాప్తు ప్రారంభించారు. కుటుంబసభ్యులు ఇష్టంలేని పెళ్లి చేసేందుకు ఏర్పాట్లు చేస్తుండగా అది నచ్చక ఇంటి నుంచి యువతి వెళ్లిపోయినట్లు పోలీసులు గుర్తించారు.13న ఆటో ఎక్కి విశాఖపట్నం ఆర్‌టీసీ కాంప్లెక్స్‌కు వెళ్లి అక్కడినుంచి విజయవాడ వెళ్లినట్లు తెలిపారు. 14వ తేదీన పత్రికల్లో వచ్చిన వార్త ఆమె సెల్‌ఫోన్‌కు రావడంతో గ్రహించి తిరిగి గురువారం మండలానికి చేరుకోవడంతో ఆమె కుటుంబ సభ్యులకు అప్పజెప్పినట్లు ఎస్సై తెలిపారు. దుర్గమ్మ సేవలో కేశలి అప్పారావు విజయనగరం కల్చరల్‌(క్రైమ్‌): స్థానిక కానుకుర్తి వీధిలో శ్రీఆదిభట్ల ఫౌండేషన్‌ ఆధ్వర్యంలో జరుగుతున్న దేవీ నవరాత్రి మహోత్సవాలకు చైల్డ్‌ వెల్ఫేర్‌ కమిషన్‌ మాజీ చైర్మన్‌ కేశలి అప్పారావు గురువారం హాజరై దుర్గమ్మను దర్శించుకున్నారు. ఉత్సవాల్లో భాగంగా నిర్వహించిన ప్రత్యేక హారతి కార్యక్రమానికి ఆయన హాజరు కాగా ఆయనకు ఉత్సవ కమిటీ సాదరంగా ఆహ్వానించి, అమ్మవారి ఆశీర్వచనాలు అందజేశారు. అనంతరం శ్రీఆదిభట్ల ఫౌండేషన్‌ ప్రతినిధి ఆనందనారాయణదాసు ఆయనను ఘనంగా సత్కరించి, అమ్మవారి ప్రసాదాలు అందజేశారు.

పెందుర్తి: ఓ నిరాశ్రయ వృద్ధుడికి పెందుర్తి పోలీసులు ఆశ్రయం కల్పించారు. పెందుర్తి కూడలి అనకాపల్లి బస్టాప్‌ వద్ద నంబారు ఆంథోని(70) అనే వృద్ధుడు కొద్దిరోజులుగా తిరుగాడుతున్న విషయాన్ని బ్లూకోట్స్‌ కానిస్టేబుల్‌ లెక్కల చంద్రశేఖర్‌ గుర్తించారు. వెంటనే విషయాన్ని సీఐ కేవీ సతీష్‌కుమార్‌ దృష్టికి తీసుకెళ్లారు. సీఐ ఆదేశాల మేరకు ఆంథోనీని స్థానిక లయోలా వృద్ధాశ్రమంలో చేర్చారు. అతని కుటుంబ సభ్యులు విజయనగరం జిల్లా కొత్తవలస మండలం గొల్లలపాలెంలో ఉన్నట్లు గుర్తించామని..వారిని పిలిపించి అప్పగంచే ప్రయత్నం చేస్తున్నట్లు సీఐ వెల్లడించారు.

పార్వతీపురం రూరల్‌/విజయనగరం టౌన్‌: రానున్న స్థానిక సంస్థల ఎన్నికల సన్నద్ధత, భద్రతా ఏర్పాట్లపై విశాఖపట్నం రేంజ్‌ ఐజీపీ గోపీనాథ్‌ జెట్టి గురువారం నిర్వహించిన దూర దృశ్య సమీక్షా సమావేశంలో విజయనగరం జిల్లా ఎస్పీ ఏ ఆర్‌ దామోదర్‌, పార్వతీపురం మన్యం జిల్లా ఎస్పీ ఎస్‌.వి.మాధవ్‌ రెడ్డి పాల్గొన్నారు. రేంజ్‌ పరిధిలోని ఆరు జిల్లాల ఎస్పీలతో నిర్వహించిన ఈ భేటీలో స్థానిక పోరు భద్రతా చర్యలపై ఐజీపీ సమగ్రంగా చర్చించారు. ఎన్నికలను శాంతియుతంగా, స్వేచ్ఛగా నిర్వహించేందుకు పకడ్బందీ ప్రణాళికలు రూపొందించాలని ఐజీపీ ఆదేశించారు. జిల్లాలోని పోలింగ్‌ కేంద్రాలు, సమస్యాత్మక ప్రాంతాలను అంచనా వేసి అదనపు బలగాల మోహరింపునకు ముందస్తు చర్యలు చేపట్టాలన్నారు. రౌడీషీటర్లు, పాత నేరస్తులపై నిరంతర నిఘా ఉంచి, చట్ట ప్రకారం బైండోవర్‌ కేసులు నమోదు చేయాలని సూచించారు. పెండింగ్‌ నాన్‌–బెయిలబుల్‌ వారెంట్లను త్వరితగతిన అమలు చేయాలని ఆదేశించారు. సిబ్బంది రాజకీయ ప్రభావాలకు అతీతంగా నిష్పక్షపాతంగా విధులు నిర్వహించాలని, కోడ్‌ ఉల్లంఘనలపై తక్షణ చర్యలు తీసుకోవాలని స్పష్టం చేశారు. రెవెన్యూ, ఎన్నికల అధికారులతో సమన్వయం చేసుకుంటూ ముందస్తు భద్రతా చర్యలు పూర్తి చేయాలని సూచించారు.

● నిబంధనలు అతిక్రమిస్తే జైలుకే ● పారదర్శకంగా ఎన్నికల నిర్వహణకు చర్యలు ● సమావేశంలో కలెక్టర్‌, ఎస్పీ విజయనగరం టౌన్‌: స్థానిక సంస్థల ఎన్నికలను సజావుగా సాగించేందుకు పటిష్టమైన కార్యాచరణ చేపట్టినట్లు కలెక్టర్‌ ఎస్‌.రామసుందర్‌ రెడ్డి, ఎస్పీ ఏఆర్‌.దామోదర్‌లు స్పష్టం చేశారు. ఈ మేరకు కలెక్టరేట్‌లో గురువారం నిర్వహించిన సమావేశంలో వివరాలు వెల్లడించారు. ఈ సందర్భంగా ఎస్పీ దామోదర్‌ మాట్లాడుతూ గతంలో నిర్వహించిన ఎన్నికల్లో నమోదైన కేసుల్లో నిందితులుగా ఉన్న వారిపై కోర్టులో కేసులు నడుస్తున్నాయని, వారిపై ప్రత్యేకంగా నిఘా కూడా పెట్టామన్నారు. క్షేత్రస్థాయిలో సమస్యలను సృష్టించే వ్యక్తులను పార్టీలకతీతంగా 20వేల మందికి పైగా గుర్తించి, ఇప్పటికి వారి నుంచి రూ. 2 నుంచి రూ. 3 లక్షలకు సొంత పూచీకత్తుగా మండల ఎగ్జిక్యూటివ్‌ కార్యాలయంలో బాండ్లు తీసుకున్నామన్నారు. ఎవరైనా నిబంధనలకు విరుద్ధంగా వ్యవహరిస్తే వారి నుంచి సొంత పూచీకత్తుగా బాండులో సూచించిన మొత్తాన్ని చెల్లించే విధంగా చర్యలు చేపట్టి, వారిని జైలుకు పంపిస్తామన్నారు. ఎన్నికల నిర్వహణ సమయంలో చెక్‌పోస్టులను ఏర్పాటుచేసి, వాహన తనిఖీలను నిర్వహిస్తామన్నారు. రైతులు, వ్యాపారస్తులు , ప్రజలు ఎక్కువ మొత్తంలో నగదును తమ అవసరాల నిమిత్తం ఇతర ప్రాంతాలకు తీసుకువెళ్లే సమయంలో సరైన ఆధారాలు చూపించాలని స్పష్టం చేశారు. చాలా వరకూ ఆన్‌లైన్‌ లావాదేవీలు జరిపేందుకు మాత్రమే ప్రాధాన్యత కల్పించాలన్నారు.సజావుగా ఎన్నికల నిర్వహణకు చర్యలు కలెక్టర్‌ ఎస్‌.రామసుందర్‌ రెడ్డి మాట్లాడుతూ రాష్ట్ర ఎన్నికల కమిషన్‌ స్థానిక సంస్థల ఎన్నికల షెడ్యూల్‌ను విడుదల చేయడంతో దానికి అనుగుణంగా మున్సిపల్‌, ఎంపీటీసీ, జెడ్పీటీసీ, పంచాయతీ ఎన్నికలను సజావుగా, శాంతియుతంగా నిర్వహించేలా ముందస్తు చర్యలను చేపడుతున్నామన్నారు. విజయనగరం మున్సిపాలిటీ ఎన్నికలను అక్టోబరు 28న నిర్వహించాల్సి ఉండగా, అక్టోబరు 27న పట్టణంలో శ్రీ పైడితల్లి అమ్మవారి సిరిమానోత్సవం నిర్వహించాల్సి ఉందన్నారు. ఈ నేపథ్యంలో అక్టోబరు 28న జరగాల్సిన మున్సిపల్‌ ఎన్నికలను అక్టోబరు 29న నిర్వహించే విధంగా చర్యలు చేపట్టాలని రాష్ట్ర ఎన్నికల కమిషన్‌ను కోరినట్లు చెప్పారు. సమావేశంలో జాయింట్‌ కలెక్టర్‌ సేతు మాధవన్‌, డీఆర్‌ఓ సీహెచ్‌.సత్తిబాబు పాల్గొన్నారు.ఆధారాలు లేకుండా వార్తలు ప్రసారం చేస్తే చర్యలు అదేవిధంగా ఎటువంటి నిర్ధారణ లేకుండా అసత్యవార్తలను సోషల్‌ మీడియాలో ప్రచారం చేసినా, ప్రచురించినా, సర్క్యులేట్‌ చేసినా, వారిపై చట్టపరమైన చర్యలు తప్పవని ఎస్పీ హెచ్చరించారు. స్థానిక సంస్థల ఎన్నికల దృష్ట్యా బ్యాంకుల్లో విధులు నిర్వహించే ఆయుధాలను మినహాయించి, మిగిలిన వారి నుంచి లైసెన్స్‌డ్‌ ఆయుధాలను సీజ్‌ చేశామన్నారు. ఎన్నికల నిర్వహణ సమయంలోనే విజయనగరం ఉత్సవాలు, శ్రీ పైడితల్లి అమ్మవారి సిరిమానోత్సవం ఒక్కసారే నిర్వహించాల్సి రావడం వలన ఇతర శాఖల అధికారులను సమన్వయం చేసుకుంటూ విజయనగర ఉత్సవాలు, పైడితల్లి సిరిమానోత్సవం, మున్సిపల్‌ ఎన్నికలను శాంతియుతంగా, సజావుగా, ఎటువంటి అవాంఛనీయ సంఘటనలు జరగకుండా నిర్వహిస్తామని, ప్రజలందరూ జిల్లా యంత్రాంగానికి సహకరించాలని కోరారు.

విజయనగరం ఫోర్ట్‌: స్థానిక సంస్థల ఎన్నికలకు ఎన్నికల కోడ్‌ ఈనెల 14వతేదీ నుంచి అమల్లోకి వచ్చింది. ఎన్నికల సంఘం కూడా 14 వతేదీ నుంచి కోడ్‌ అమల్లోకి వస్తుందని ప్రకటించింది. అయినప్పటికీ విజయనగరం పట్టణంలోని ఆర్‌అండ్‌బీ రైతు బజార్‌లో సీఎం, మంత్రుల ఫొటోలతో ముద్రించిన ఫ్లెక్సీలు ఇంకా ఉంచడం గమనార్హం. అంతేకాకుండా ధరణి పేరుతో రాయితీపై సీఎం చంద్రబాబు, మంత్రుల ఫొటోలతో ముద్రించిన బియ్యం బస్తాలను కూడా విక్రయిస్తున్నారు. ఇది చూసిన వారంతా ఎన్నికల కోడ్‌ వీరికి వర్తించదా? అని గుసగుసలు ఆడుకుంటున్నారు.

విజయనగరం ఫోర్ట్‌: విజయనగరంలో ఈఎస్‌ఐ 100 పడకల ఆస్పత్రి నిర్మాణం నత్తనడకన సాగుతోంది. నిర్మాణం ఎప్పటికి పూర్తవుతుందో తెలియని పరిస్థితి. 100 పడకల ఆస్పత్రి పూర్తయితే కార్మికులకు మెరుగైన వైద్య సేవలు అందుతాయని భావించారు. ఏళ్లు గడుస్తున్నా నిర్మాణం అయితే పూర్తి కాకపోవడంతో కార్మికులకు మెరుగైన వైద్య సేవలు అందని పరిస్థితి. కార్మికులకు మెరుగైన వైద్య సేవలు అందించడంతో పాటు విశాఖపట్నం ఈఎస్‌ఐ ఆస్పత్రికి రిఫర్‌ల్స్‌ తగ్గించాలనే ఉద్దేశంతో జిల్లాకు మంజూరు చేసిన ఈఎస్‌ఐ ఆస్పత్రి నిర్మాణంపై నీలినీడలు కమ్ముకున్నాయి. ఈఎస్‌ఐ ఆస్పత్రి జిల్లాలో లేక పోవడం వల్ల కేవలం ఓపీ సేవలు మాత్రమే కార్మికులకు అందుతున్నాయి. దీంతో ఇన్‌పేషేంట్‌ సేవలు కావాలన్నా, స్పెషాలిటీ వైద్య సేవలు కావాలన్నా విశాఖపట్నంలో ఉన్న ఈఎస్‌ఐ ఆస్పత్రికి పరుగుతీయాల్సిన పరిస్థితి. మా కష్టాలు ఎప్పుడు తీరుతాయోనని కార్మికులు ఆవేదన వ్యక్తం చేస్తున్నారు. అన్ని ఉన్నా అల్లుడు నోట్లో శని అన్న సామెత మాదిరి ఆస్పత్రి మంజూరైనా నిర్మాణం పూర్తి చేయక పోవడం వల్ల కష్టాలు తప్పడం లేదని కార్మికులు వాపోతున్నారు. శిథిలావస్థలో డయోగ్నోస్టిక్‌ సెంటర్‌ ఈఎస్‌ఐ డయోగ్నోస్టిక్‌ సెంటర్‌ శిథిలావస్థకు చేరింది. దీంతోవైద్య సిబ్బంది, చికిత్స కోసం కార్మికులు ఆందోళన చెందుతున్నారు. భవనం పెచ్చులు ఊడుతుండడంతో ఎప్పుడు ఏ ప్రమాదం జరుగుతుందోనని కార్మికులు ఆవేదన చెందుతున్నారు. జిల్లాలో ఈఎస్‌ఐ కార్పొరేషన్‌ పరిధిలో ఉన్న కార్మికులకు డయోగ్నోస్టిక్‌ సెంటర్‌ సేవలే దిక్కుగా నిలిచాయి. కేవలం ఓపీ సేవలే తప్ప ఇన్‌పేషేంట్‌ సేవలు అందని పరిస్థితి. ఆర్థో, గైనిక్‌, జనరల్‌ సర్జరీ, రేడియాలజీ, పిడియాట్రిక్‌, ఈఎన్‌టీ, జనరల్‌ మెడిసిన్‌ విభాగాలకు సంబంధించి ఓపీ సేవలే అందుతున్నాయి. డయోగ్నొస్టిక్‌ సెంటర్‌ కావడం వల్ల మధ్యాహ్నం 3 గంటలకే ఓపీ సేవలు బంద్‌ అవుతున్నాయి. ఆ తర్వాత ఏ సేవలు కావాలన్నా మరుసటి రోజు రావాల్సిన పరిస్థితి. అత్యవసర పరిస్థితి అయితే విశాఖపట్నంలో ఉన్న ఈఎస్‌ఐ ఆస్పత్రికి గాని రిఫరల్‌ ఆస్పత్రికి గాని వెళ్లాల్సిన పరిస్థితి.కొన్ని నెలలు పడుతుంది ఈఎస్‌ఐ 100 పడకల ఆస్పత్రి నిర్మాణం ఇంకా పూర్తి కాలేదు. నిర్మాణం పూర్తికావడానికి ఇంకా కొన్ని నెలలు సమయం పట్టే అవకాశం ఉంది. జీవన్‌, కార్మిక రాజ్య బీమా సంస్థ, మేనేజర్‌

విజయనగరం లీగల్‌: శాశ్వత లోక్‌ అదాలత్‌ను వినియోగించుకోవాలని జిల్లా ప్రధాన న్యాయమూర్తి బబిత అన్నారు. ఈ మేరకు గురువారం జిల్లా న్యాయ సేవ అధికార సంస్థ ఆధ్వర్యంలో శాశ్వత ప్రజా న్యాయ పీఠంపై న్యాయ అవగాహన సదస్సు జరిగింది.ఈ సందర్భంగా జిల్లా ప్రధాన న్యాయమూర్తి బబిత మాట్లాడుతూ శాశ్వత ప్రజా న్యాయ పీఠం ఏ సేవలు అందిస్తుందో వివరించారు. పలు సేవలకు సంబంధించిన తగాదాలను రాజీ మార్గం ద్వారా లేదా తుది తీర్పు ద్వారా పరిష్కరిస్తుందన్నారు. బీమా. బ్యాంకింగ్‌ ఆర్థిక సంస్థల సేవలు. విద్య, విద్యాసంస్థలకు సంబంఽధించిన కేసులు, ఉపాధి హామీ పథకానికి సంబంధించిన తగాదాలు, పారిశుధ్య సేవలు, ఆస్పత్రి లేక నర్సింగ్‌ హోమ్‌ సేవలపై తగాదాలు రాజీ మార్గం ద్వారా పరిష్కరించుకోవచ్చని వివరించారు. శాశ్వత లోక్‌ అదాలత్‌ ద్వారా కోర్టు ఫీజు కూడా ఉచితం. శాశ్వత అదాలత్‌ ద్వారా వచ్చిన కోర్టు తీర్పును అప్పీల్‌ చేసుకు అవకాశం లేదన్నారు. కార్యక్రమంలో శాశ్వత లోక్‌ అదాలత్‌ చైర్మన్‌ దుర్గయ్య, న్యాయ అధికార సంస్థ కార్యదర్శి కృష్ణ ప్రసాద్‌, బార్‌ అసోసియేషన్‌ ప్రెసిడెంట్‌. రమేష్‌ కుమార్‌, స్టేట్‌ బార్‌ కౌన్సిల్‌ మెంబర్‌ బెల్లాన. రవి, బ్యాంకు అధికారులు, ఇన్సూరెన్స్‌ కంపెనీ అధికారులు, న్యాయవాదులు, పోస్టల్‌ అధికారులు, అడ్వకేట్స్‌ పాల్గొన్నారు జిల్లా ప్రధాన న్యాయమూర్తి బబిత

● రెవెన్యూలో విచిత్ర విన్యాసాలు ● జూనియర్లకు తహసీల్దార్‌ బాధ్యతలు ● ఎన్నికల వేళ ఆందోళనవిజయనగరం గంటస్తంభం: జిల్లా రెవెన్యూ శాఖలో వింత పోకడలు జోరందుకున్నాయి. మండల స్థాయిలో అత్యంత కీలకమైన తహసీల్దార్‌ పోస్టుల నిర్వహణలో తీవ్ర గందరగోళం నెలకొంది. అర్హత, అపార అనుభవం కలిగిన సీనియర్‌ అధికారులను పక్కనపెట్టి, రీసర్వే కోసం నియమించిన జూనియర్‌ రీసర్వే డిప్యూటీ తహసీల్దార్ల(ఆర్‌ఎస్‌డీటీ) చేతుల్లోకి తహసీల్దార్‌ బాధ్యతలు వెళ్లిపోవడం రెవెన్యూ వర్గాల్లో హాట్‌ టాపిక్‌గా మారింది. ఒక చోట పోస్టింగ్‌..ఇంకోచోట బాధ్యతలు జిల్లాలోని పలు మండలాల్లో రెగ్యులర్‌ తహసీల్దార్లు లేకపోవడం, ఉన్నవారిని ఇష్టారాజ్యంగా డిప్యుటేషన్లపై తిప్పడం సర్వసాధారణమైపోయింది. వంగర, రేగిడి మండలాలకు పూర్తిస్థాయి తహసీల్దార్లు లేకపోవడంతో ఆర్‌ఎస్‌డీటీలకే పూర్తి బాధ్యతలు అప్పగించారు. వంగర తహసీల్దార్‌గా శివనాగజ్యోతిని నియమించినప్పటికీ, ఆమెను చీపురుపల్లి ఆర్డీవో కార్యాలయంలో ఏవోగా డిప్యుటేషన్‌పై పంపారు. సీఎస్‌డీటీపై వేటు పడడంతో చివరకు ఆర్‌ఎస్‌డీటీ శ్రీనివాసరావుకు బాధ్యతలు వచ్చాయి. రేగిడిలోనూ కృష్ణలత రిలీవ్‌ కావడంతో ఆర్‌ఎస్‌డీటీ ఈశ్వరరావుకే తహసీల్దార్‌ బాధ్యతలు కట్టబెట్టారు. పదోన్నతులు వచ్చినా పోస్టింగులు శూన్యం గత జూన్‌ 24న విశాఖపట్నం నుంచి స్వర్ణబాయికి గంట్యాడ తహసీల్దార్‌గా పోస్టింగ్‌ ఇస్తూ ఉత్తర్వులు వచ్చాయి. కానీ ఆమెను చీపురుపల్లిలో పనిచేస్తున్న సూర్యకాంతం స్థానంలో గంట్యాడకు డిప్యుటేషన్‌పై ఉంచి, కలెక్టరేట్‌లోనే కొనసాగిస్తున్నారు. మరోవైపు కొద్ది నెలల క్రితం తహసీల్దార్‌ నుంచి ప్రత్యేక డిప్యూటీ కలెక్టర్‌గా పదోన్నతి పొందిన పద్మావతికి ఇప్పటివరకు ఎటువంటి పోస్టింగ్‌ ఇవ్వకుండా ఖాళీగా ఉంచడం విస్మయం కలిగిస్తోంది. భోగాపురం, విజయనగరం రూరల్‌ మండలాల్లోనూ డిప్యుటేషన్ల పర్వమే సాగుతోంది. ఎన్నికల వేళ తప్పిదాలు జరిగితే ఎవరిది బాధ్యత? గతంలో రీసర్వేలో భూసరిహద్దు సమస్యల పరిష్కారానికి ప్రత్యేకంగా ఆర్‌ఎస్‌డీటీ పోస్టులను సృష్టించి సీనియర్‌ అసిస్టెంట్లు, ఆర్‌ఐలకు పదోన్నతులు కల్పించారు. వీరికి పరిపాలనాపరంగా అనుభవం తక్కువగా ఉంటుంది. స్థానిక సంస్థల ఎన్నికలు సమీపిస్తున్న తరుణంలో, అనుభవం లేని వారితో కీలక కార్యకలాపాలు నడిపించడం వల్ల తీవ్ర లోపాలు తలెత్తే ప్రమాదం ఉందని ఉద్యోగ వర్గాలు ఆందోళన వ్యక్తం చేస్తున్నాయి. తప్పనిసరి పరిస్థితుల్లోనే అప్పగించాం ఈ అంశంపై జిల్లా రెవెన్యూ అధికారి(డీఆర్వో) సీహెచ్‌ సత్తిబాబు వివరణ ఇస్తూ..తహసీల్దార్‌ స్వర్ణబాయికి డిప్యూటీ కలెక్టర్‌ వద్ద పోస్టింగ్‌ చూపించామని, పద్మావతికి కూడా తగిన బాధ్యతలు అప్పగిస్తామని తెలిపారు. తప్పనిసరి పరిస్థితుల్లోనే ఆర్‌ఎస్‌డీటీలకు తహసీల్దార్‌ బాధ్యతలు ఇవ్వాల్సి వచ్చిందని స్పష్టం చేశారు.

చీపురుపల్లి రూరల్‌(గరివిడి): గరివిడి(శ్రీరామ్‌నగర్‌) జిల్లా పరిషత్‌ ఉన్నత పాఠశాలలో ఎనిమిదో తరగతి చదువుతున్న గరివిడి పట్టణానికి చెందిన విద్యార్థిని సింగవరపు లక్ష్మి జాతీయస్థాయి రెజ్లింగ్‌ పోటీలకు ఎంపికై ంది. ఈనెల 10 నుంచి 12 వరకు పల్నాడు జిల్లాలోని కారంపూడి బాలుర ఉన్నత పాఠశాలలో జరిగిన రాష్ట్రస్థాయి స్కూల్‌గేమ్స్‌ రెజ్లింగ్‌ పోటీల్లో జిల్లా తరఫున ప్రాతినిధ్యం వహించి బంగారు పతకం సాధించింది. దేశ రాజధాని డిల్లీలో అఖిల భారత స్కూల్‌గేమ్స్‌ సమాఖ్య ఆధ్యర్యంలో నిర్వహించే జాతీయస్థాయి పోటీల్లో ఈ విద్యార్థిని పాల్గొననుంది. జాతీయస్థాయి క్రీడా పోటీలకు లక్ష్మి ఎంపిక కావడం పట్ల ప్రధానోపాధ్యాయురాలు ఎం.నిర్మల, పీడీ ఉదయ్‌కుమార్‌, ఎస్‌ఎంసీ చైర్మన్‌ వాండ్రంగి వెంకటేష్‌, సహాపాధ్యాయులు ఆమెను గురువారం అభినందించారు. కురుపాం: మండల కేంద్రంలోని మహాత్మాగాంధీ జ్యోతిబా పూలే సంక్షేమ ఆశ్రమ పాఠశాల సమీపంలో గురువారం రెండు ద్విచక్రవాహణాలు ఎదురెదురుగా బలంగా ఢీకొన్న సంఘటనలో ముగ్గురికి తీవ్రగాయాలయ్యాయి. ఈ సంఘటనపై స్థానికులు అందించిన వివరాల్లోకి వెళ్తే..దుడ్డుఖల్లు గ్రామం నుంచి కురుపాం వైపు ఎర్ర నవీన్‌, వర్రి దేముడుబాబు బైక్‌పై వస్తుండగా ఎదురుగా కురుపాం మండలం చెరువు కొమ్మవలస గ్రామానికి చెందిన పల్ల రవి పామాయిల్‌ తోటకు వెళ్తుండగా రెండు బైక్‌లు బలంగా ఢీకొన్నాయి దీంతో ముగ్గురు వ్యక్తులకు తీవ్ర గాయాలు కాగా వెంటనే కురుపాం సామాజిక ఆరోగ్య కేంద్రానికి తరలించారు. ఈ ప్రమాదంలో ఎర్ర నవీన్‌కు ఎడమచేయి విరగగా, వర్రి దేముడు బాబుకు కుడి కాలు విరిగిందని, పల్ల రవికి ముఖంపై తీవ్రగాయాలయ్యాయని ప్రథమ చికిత్సను అందించిన వైద్య సిబ్బంది తెలిపారు మెరుగైన వైద్యసేవల కోసం పార్వతీపురం ఏరియా ఆస్పత్రికి తరలించారు. ఈ మేరకు పోలీసులు కేసు నమోదు చేయాల్సి ఉంది. బస్సు ఢీకొని ఇద్దరికి..గజపతినగరం రూరల్‌: మండలంలోని మధుపాడ 26వ నంబర్‌ జాతీయ రహదారి సమీపాన గల పాలధార చెరువు వద్ద బుధవారం రాత్రి రోడ్డు ప్రమాదం జరిగి ఒకరు తీవ్రంగా గాయపడగా, మరొకరికి స్వల్ప గాయాలయ్యాయి. ఈ విషయమై గురువారం స్థానిక పోలీసులు తెలిపిన వివరాల ప్రకారం..ఒడిశా వైపు నుంచి విజయనగరం వెళ్తున్న బస్సు, మండలంలోని రామన్నపేట గ్రామంలో పెళ్లి చూసుకుని ద్విచక్ర వాహనంపై మరుపల్లి వైపు వెళ్తున్న ధనాల గోపి, తుపాకుల వాసు ప్రయాణిస్తున్న మోటార్‌సైకిల్‌ను ఢీకొట్టింది. రాత్రి సుమారు 10.45 గంటల సమయంలో జరిగిన ఈ ప్రమాదంలో ధనాల గోపికి తీవ్ర గాయాలు కాగా, తుపాకుల వాసుకు స్వల్ప గాయాలయ్యాయి. క్షతగాత్రులను 108 అంబులెన్‌న్స్‌లో విజయనగరంలోని ప్రభుత్వ కేంద్రాస్పత్రికి తరలించారు. ఈ ఘటనపై ఎస్సై కె.కిరణ్‌ కుమార్‌ నాయుడు కేసు నమోదు చేసి దర్యాప్తు చేస్తున్నారు. 17 నుంచి రాష్ట్ర స్థాయి క్లాసికల్‌ ఓపెన్‌ చెస్‌ పోటీలువిజయనగరం: ఉత్తరాంధ్రల ఇలవేల్పు పైడితల్లమ్మవారి జాతర మహోత్సవాన్ని పురష్కరించుకుని ఈనెల 17 నుంచి 19వ తేదీ వరకు చెస్‌ అసోసియేషన్‌ ఆఫ్‌ విజయనగరం, ఫైర్‌ చెస్‌ స్కూల్‌ ఆధ్వర్యంలో రాష్ట్ర స్థాయి క్లాసికల్‌ ఓపెన్‌ చెస్‌ పోటీలు జరగనున్నట్లు అసోసియేషన్‌ జిల్లా సీఈఓ కెవి.జ్వాలాముఖి తెలిపారు. విజయనగరం జిల్లా కేంద్రంలోని ఫైర్‌చెస్‌ స్కూల్‌లో నిర్వహించే పోటీల్లో విజేతలుగా నిలిచే క్రీడాకారులకు మొత్తంగా రూ.50వేల నగదు బహుమతులు ప్రదానం చేయనున్నట్లు తెలిపారు. అండర్‌–07,09,11,13 విభాగాలతో పాటు ఓపెన్‌ విభాగాల్లో పోటీలు నిర్వహిస్తామని పోటీల్లో పాల్గొనే క్రీడాకారులు సెల్‌నంబర్‌ 7416666567కు కాల్‌ చేసి పేర్లు నమోదు చేసుకోవాలని సూచించారు.

● నూతనోత్సాహంలో వైఎస్సార్‌సీపీ నాయకులులక్కవరపుకోట: వైఎస్సార్‌ కాంగ్రెస్‌ పార్టీలో ప్రతి కార్యకర్తా క్రియాశీలక నాయకుడేనని శాసన మండలి విపక్షనేత, మాజీ మంత్రి బొత్స సత్యనారాయణ పేర్కొన్నారు. పార్టీ బలోపేతంలో కార్యకర్తలే కీలకమని, వారి కృషి, అంకితభావమే పార్టీకి బలమని తెలిపారు. ఈ మేరకు ఎస్‌.కోట మాజీ శాసనసభ్యుడు కడుబండి శ్రీనివాసరావు ఆధ్వర్యంలో లక్కవరపుకోట మేజర్‌ పంచాయతీ మాజీ సర్పంచ్‌, తెలుగుదేశం పార్టీకి చెందిన నాయకుడు సంగం గోవిందరావు విజయనగరంలో బొత్స సత్యనారాయణ సమక్షంలో వైఎస్సార్‌సీపీలో గురువారం చేరారు.ఆయనతో పాటు గ్రామానికి చెందిన 150 కుటుంబాలు వారు సైతం వైఎస్సార్‌సీపీలో చేరారు. వారందరికీ మాజీ మంత్రి బొత్స సత్యనారాయణ పార్టీ కండువాలు వేసి సాదరంగా ఆహ్వానించారు. ఈ సందర్భంగా నూతనంగా పార్టీలో చేరిన గోవిందరావు మాట్లాడుతూ రానున్న స్థానిక సంస్థల ఎన్నికల్లో పార్టీని విజయపథంలో నిలబట్టేందుకు కృషి చేస్తానని తెలిపారు. పార్టీ ఏ బాధ్యత అప్పగించినా తు.చ తప్పక నిర్వర్తిస్తానని స్పష్టం చేశారు. లక్కవరపుకోట మాజీ సర్పంచ్‌తో పాటు పెద్ద సంఖ్యలో తెలుగుదేశం పార్టీకి చెందిన కుటుంబాలు వైఎస్సార్‌సీపీలో చేరడంతో రాజకీయ వర్గాల్లో చర్చనీయాంశంగా మారింది. కార్యక్రమంలో మాజీ ఎంపీపీ గేదెల శ్రీనివాసరావు, మాజీ ఎంపీటీసీ యడ్ల కిశోర్‌కుమార్‌, ఎల్‌.కోట మేజర్‌ పంచాయతీ మాజీ సర్పంచ్‌ జామి అప్పలరాజు, ప్రముఖ న్యాయవాది తూర్పాటి శివాజీ, పలు గ్రామాల మాజీ సర్పంచ్‌లు ఏడువాక కిశోర్‌కుమార్‌, కొట్యాడ మహేష్‌, వైఎస్సార్‌ సీసీ మండల యూత్‌ అధ్యక్షుడు తూర్పాటి అప్పలరాజు తదితరులు పాల్గొన్నారు.

పార్వతీపురం: జిల్లాలో ప్రత్యేక ఓటర్ల జాబితా సమగ్ర సవరణ (ఎస్‌ఐఆర్‌) ప్రక్రియ సమర్థ్ధవంతంగా సాగుతోందని ఎలక్టోరల్‌ రోల్‌ అబ్జర్వర్‌ జె.వెంకటమురళి ప్రశంసించారు. కలెక్టరేట్‌లో కలెక్టర్‌ డా.ఎన్‌.ప్రభాకరరెడ్డి, జాయింట్‌ కలెక్టర్‌ ఆర్‌.వైశాలితో కలిసి ఈఆర్‌ఓలు, ఏఈఆర్‌ఓలతో బుధవారం సమీక్ష నిర్వహించారు. పరిమిత వనరులు, సవాళ్లు ఉన్నప్పటికీ ఓటర్ల జాబితా సవరణలో అధికారులు మెరుగైన పనితీరు కనబరుస్తున్నారని అబ్జర్వర్‌ కొనియాడారు. ఎన్నికల కమిషన్‌ మార్గదర్శకాల ప్రకారం ప్రక్రియను సమర్థవంతంగా నిర్వహిస్తున్న అధికారులను కలెక్టర్‌ అభినందించారు. సమావేశంలో సబ్‌ కలెక్టర్లు సచిన్‌ ఆర్చిత రహార్‌, పవార్‌ స్వప్నిల్‌ జగన్నాథ్‌, డీఆర్వో కె.హేమలత, ఇతర అధికారులు పాల్గొన్నారు.

● తక్షణం ఎన్నికల ప్రవర్తన నియమావళి అమలు ●ఈ నెల 16న ఎన్నికల నోటిఫికేషన్‌ విడుదల ● 28న పోలింగ్‌.. 30న ఫలితాలు వెల్లడి ● తొలి దశలోనే మున్సిపాలిటీ, నగర పంచాయతీ ఎన్నికలు ●ఎంపీపీ, జెడ్పీటీసీ స్థానాల్లో సగం మహిళలకే కేటాయింపు ●రెండు మున్సిపాలిటీలు, నగర పంచాయతీ పీఠం సైతం ఆమెదే.. జననేతను చూసి... మురిసిపోయిన ప్రజానీకం వైఎస్‌ జగన్‌తో వైఎస్సార్‌సీపీ నెల్లిమర్ల నియోజకవర్గ ఇన్‌చార్జి గదల సన్యాసినాయుడుసాక్షి, పార్వతీపురం మన్యం: స్థానిక సంస్థల ఎన్నికల నగారా మోగింది. రాష్ట్ర ఎన్నికల కమిషనర్‌ అనిల్‌ చంద్ర పునేఠా ఎన్నికల షెడ్యూల్‌ విడుదల చేశారు. జిల్లా వ్యాప్తంగా బుధవారం నుంచే ఎన్నికల కోడ్‌ అమలులోకి వచ్చింది. రాజకీయ పార్టీల నాయకులు చేపట్టే ఏ కార్యక్రమాల్లోనూ అధికారులు పాల్గొనకూడదు. తొలి దశలో జిల్లాలోని పార్వతీపురం (36 వార్డు లు), సాలూరు (32వార్డులు) మున్సిపాలిటీలతో పాటు.. పాలకొండ నగర పంచాయతీ (28 వార్డు లు)కి ఎన్నికలు జరగనున్నాయి. ఈ నెల 16న ఓట రు జాబితాలను ప్రదర్శించనున్నారు. అదే రోజున ఎన్నికల నోటిఫికేషన్‌ జారీతో పాటు.. నామినేషన్ల స్వీకరణ కూడా ప్రారంభం అవుతుంది. ఈ నెల 18వ తేదీ వరకూ నామినేషన్లు స్వీకరిస్తారు. 19న పరిశీలన జరుపుతారు. 21వ తేదీ మధ్యాహ్నం 3 గంటల వరకూ నామినేషన్ల ఉప సంహరణకు గడువిచ్చారు. మధ్యాహ్నం 3 గంటల తర్వాత బరిలో ఉన్న అభ్యర్థులను ప్రకటిస్తారు. ఈ నెల 28న ఉదయం 7 నుంచి సాయంత్రం 5 గంటల వరకు పోలింగ్‌ జరగనుంది. అవసరమైన చోట రీపోలింగ్‌ నిర్వహిస్తారు. 30వ తేదీన ఫలితాలు ప్రకటిస్తారు. నవంబర్‌ 3న ఎంపీటీ సీ, జెడ్పీటీసీ ఎన్నికలు నిర్వహించనున్నారు. దీనికి సంబంధించి ఈ నెల 19న నోటిఫికేషన్‌ విడుదల కానుంది. గ్రామ పంచాయతీలకు మూడు విడతల్లో ఎన్నికలు నిర్వహించనున్నారు. నవంబర్‌ 26న మొదటి విడత, 29న రెండో విడత, డిసెంబర్‌ 2న మూడో విడత జరగనున్నాయి. ఎన్నికలు జరిగిన రోజునే ఓట్ల లెక్కింపు ఉంటుంది. మొత్తం 15 స్థానాలకు ఎస్టీ–5, ఎస్సీ– 2, అన్‌ రిజర్వుడు–8 ఉన్నాయి. మొత్తంగా మహిళలకే ఏడు స్థానాలు కేటాయించారు. మండలాల వారీగా.. కొమరాడ – ఎస్టీ మహిళ, వీరఘట్టం–అన్‌ రిజర్వుడు, గుమ్మలక్ష్మీపురం– ఎస్టీ, సాలూరు–అన్‌ రిజర్వుడు(మహిళ), మక్కువ–ఎస్టీ, సీతానగరం–అన్‌ రిజర్వుడు(మహిళ), కురుపాం–అన్‌ రిజర్వుడు, సీతంపేట–ఎస్టీ, భామిని ఎస్టీ (మహిళ), పాలకొండ–ఎస్సీ, పార్వతీపురం – అన్‌ రిజర్వుడు, బలిజిపేట–అన్‌ రిజర్వుడు (మహిళ), గరుగుబిల్లి– ఎస్సీ(మహిళ), పాచిపెంట – అన్‌ రిజర్వుడు (మహిళ), జియ్యమ్మవలస – అన్‌ రిజర్వుడు కేటగిరీ కింద కేటాయించారు. వివిధ మండల పరిషత్‌ అధ్యక్షుల (ఎంపీపీ) స్థానా ల కేటాయింపు, రిజర్వేషన్ల వివరాలిలా ఉన్నాయి. మొత్తం 15 మండల పరిషత్‌ అధ్యక్ష స్థానాలకు సంబంధించి ఎస్టీలకు 5, ఎస్సీలకు 2, అన్‌ రిజర్వుడు 8 చొప్పున కేటాయించారు. ఇందులో మహిళలకే ఎనిమిది సీట్లు దక్కుతున్నాయి. ●కొమరాడ మండలం – ఎస్టీ, వీరఘట్టం –ఎస్సీ (మహిళ), గుమ్మలక్ష్మీపురం – ఎస్టీ (మహిళ ), సా లూరు–అన్‌ రిజర్వుడ్‌, మక్కువ–అన్‌ రిజర్వుడు(మహిళ), సీతానగరం–ఎస్సీ, కురుపాం–ఎస్టీ (మ హిళ), సీతంపేట–ఎస్టీ (మహిళ), భామిని– ఎస్టీ కేటగిరీలకు కేటాయించారు. పాలకొండ మండలం – అన్‌ రిజర్వుడు (మహిళ), పార్వతీపురం మండ లం – అన్‌ రిజర్వుడ్‌, బలిజిపేట–అన్‌ రిజ ర్వుడు(మహిళ), గరుగుబిల్లి–అన్‌ రిజర్వుడ్‌, పాచిపెంట–అన్‌ రిజర్వుడ్‌, జియ్యమ్మవలస–అన్‌ రిజర్వుడు(మహిళ) కేటగిరీ కింద నిర్ణయించారు. స్థానిక ఎన్నికల్లో మహిళల హవా నడుస్తోంది. ఇప్పటికే పార్వతీపురం, సాలూరు మున్సిపాలిటీలు, పాలకొండ నగర పంచాయతీ అధ్యక్ష స్థానాలను అతివలకు కేటాయించిన విషయం విదితమే. ఇప్పుడు ఎంపీపీ, జడ్పీటీసీ స్థానాల్లోనూ సగం వారికే దక్కడం గమనార్హం. రిజర్వేషన్ల ప్రకారం పదవుల్లో మహిళలు అయితే ఉంటున్నారు గానీ.. ‘అధికారం’ మాత్రం పతుల చేతుల్లోనే ఉంటోంది. పాలన లో నిర్ణయాలు తీసుకునే అధికారం వారి వద్దే అట్టిపెట్టుకుంటున్నారు. త్వరలో జరగనున్న స్థానిక ఎన్నికలకు సంబంధించి జిల్లాలోని మొత్తం 15 జెడ్పీటీసీ, 15 ఎంపీపీ స్థానాలకు కేటాయించిన రిజర్వేషన్ల వివరాలను కలెక్టర్‌, జిల్లా ఎన్నికల అధికారి ఎన్‌.ప్రభాకర రెడ్డి బుధవారం అధికారికంగా ప్రకటించారు.

● అంగన్‌వాడీ కేంద్రాలకు అందనిపాలు ● 14వ తేదీ వచ్చినా సరఫరా కాని పౌష్టికాహారం విజయనగరం ఫోర్ట్‌: అంగన్‌వాడీ కేంద్రాల పరిధిలో ఉన్న లబ్ధిదారులకు పౌష్టికాహార లోపం నివారించేందుకు ప్రతిరోజు పాలు అందిస్తారు. కేంద్రాలకు వచ్చే లబ్ధిదారులకు కేంద్రంలో మరిగించి పాలు ఇస్తారు. గర్భిణులు, బాలింతలు, 7 నెలల నుంచి 3 సంవత్సరాల లోపు పిల్లలకు ఇంటికి పాలు అందిస్తారు. అయితే ఈనెల 14 వతేదీ వచ్చినా ఇంతవరకు అంగన్‌వాడీ కేంద్రాలకు పాలు చేరలేదు. దీంతో లబ్ధిదారులకు పాలు అందలేదనే ఆరోపణలు వినిపిస్తున్నాయి. అంగన్‌వాడీ కేంద్రాలకు వచ్చే పిల్లల్లో అధికశాతం మంది పేద వారే. జిల్లాలో ఐసీడీఎస్‌ ప్రాజెక్టుల వివరాలు జిల్లాలో బాడంగి, భోగాపురం, బొబ్బిలి, చీపురుపల్లి, గజపతినగరం, గంట్యాడ, గరివిడి, రాజం, ఎస్‌.కోట, వియ్యంపేట, విజయనగరం ఐసీడీఎస్‌ ప్రాజెక్టులు ఉన్నాయి. వాటి పరిధిలో 2499 అంగన్‌వాడీ కేంద్రాలు ఉన్నాయి. వాటిలో 292 మినీ అంగన్‌వాడీ కేంద్రాలు, 2,207 మెయిన్‌ అంగన్‌వాడీ కేంద్రాలు ఉన్నాయి. 71,991 మంది లబ్ధిదారులు జిల్లాలో ఉన్న అంగన్‌వాడీ కేంద్రాల పరిధిలో 71,991 మంది లబ్ధిదారులు ఉన్నారు. గర్భిణులు 7,300 మంది, బాలింతలు 7, 077 మంది ఉన్నారు. ఆరు నెలల లోపు చిన్నారులు 6,509 మంది , ఏడు నెలల నుంచి 3 సంవత్సరాల లోపు పిల్లలు 35,208మంది ఉన్నారు. 3 నుంచి ఆరు సంవత్సరాల లోపు పిల్లలు 15897 మంది ఉన్నారు. 100 ఎంఎల్‌ పాలు ఇవ్వాలి అంగన్‌వాడీ కేంద్రాలకు వచ్చే చిన్నారులకు ప్రతిరోజూ 100 ఎంఎల్‌ పాలు ఇవ్వాలి. గర్భిణులు, బాలింతలకు నెలకు 5 లీటర్ల పాలు ఇవ్వాలి. 7 నెలల నుంచి 3 ఏళ్ల లోపు పిల్లలకు నెలకు రెండున్నర లీటర్ల పాలు ఇవ్వాలి. ఈ లెక్కన నెలకు 1,99,647 లీటర్ల పాలు జిల్లాకు అవసరం. ప్రతి నెల ఒకటో తేదీనాటికి పాలు అంగన్‌వాడీ కేంద్రాలకు చేరాల్సి ఉంది. ఒకటో తేదీ నాటికి పాలు చేరినట్లయితే అంగన్‌వాడీ కార్యకర్తలు బాలింతలు, గర్భిణులు, 3 ఏళ్ల లోపు చిన్నారులకు ఇంటికి పాలు అందిస్తారు. అయితే ఈనెల 14వతేదీ వచ్చినా కేంద్రాలకు పాలు చేరకపోవడంతో లబ్ధిదారులకు అందని పరిస్థితి. అంగన్‌వాడీ కేంద్రాల పరిధిలో పిల్లలు, గర్భిణులు, బాలింతలు పౌష్టికాహార లోపం బారిన పడకుండా ఉండాలనే ఉద్దేశంతో అంగన్‌వాడీ పిల్లలకు భోజనం పెడుతున్నారు. గర్భిణులు, బాలింతలకు టేక్‌హోం రేషన్‌ పేరుతో బియ్యం, బెల్లం, ఖర్జూరం, వేరుశెనగ చక్కీలు, గుడ్లు , రాగి పిండి, అటుకులు, పాలు ఇస్తారు. అయితే ఈ పౌష్టికాహారం సకాలంలో లబ్ధిదారులకు చేరినట్లయితే లక్ష్యం నేరవేరతుంది. విచారణ చేసి చర్యలు కొన్ని కేంద్రాలకు పాలు చేరాయి. ఏ కేంద్రాలకు అయితే పాలు చేరలేదో విచారణ చేసి చర్యలు తీసుకుంటాం. కేవీ బాలమణి, పీడీ, ఐసీడీఎస్‌

● చిన్నారి ఆలోచనలు.. జాతీయ స్థాయి ఆవిష్కరణలు! ● ఒకరిది ఆరోగ్య భద్రత..మరొకరిది రైతుకు ఊరటవిజయనగరం అర్బన్‌: చిన్న వయసులోనే వినూత్నంగా ఆలోచించారు.. నిత్యజీవితంలో ఎదురయ్యే సమస్యలకు సాంకేతిక పరిష్కారాలు చూపించారు. తమ ఆలోచనలకు ప్రాజెక్టుల రూపమిచ్చి జాతీయ స్థాయిలో గుర్తింపు పొందారు విజయనగరం జిల్లాకు చెందిన ఇద్దరు విద్యార్ధినులు. న్యూఢిల్లీలో నిర్వహించిన 12వ జాతీయ స్థాయి ఇన్‌స్పైర్‌ మనక్‌ నేషనల్‌ ఎగ్జిబిషన్‌ అండ్‌ ప్రాజెక్ట్‌ కాంపిటేషన్స్‌కు వీరు రూపొందించిన రెండు ప్రాజెక్టులు ఎంపిక కావడం విశేషం. ఒక ప్రాజెక్టు నిద్రలోనూ ఆరోగ్య పరిస్థితులను పర్యవేక్షించే విధంగా ఉండగా.. మరొకటి తక్కువ ఖర్చుతో ధాన్యాన్ని శుభ్రం చేసేందుకు ఉపయోగపడేలా రూపొందించారు. నిద్రలోనూ ఆరోగ్యంపై నిఘా.. మలిచర్ల జిల్లా పరిషత్‌ ఉన్నత పాఠశాలలో ఆరోతరగతి చదువుతున్న ఎ.సాయివైష్టవి ‘రిమోట్‌ స్లీప్‌ మానిటరింగ్‌ అండ్‌ మెడికల్‌ అలారం సిస్టమ్‌’ను గైడ్‌ టీచర్‌ సైన్స్‌ ఉపాధ్యాయుడు సుబ్రహ్మణ్యం సహకారంతో రూపొందించారు. నిద్రిస్తున్న సమయంలో వ్యక్తి ఆరోగ్య పరిస్థితులను పర్యవేక్షిస్తూ, అవసరమైన సందర్భాల్లో వైద్యపరమైన హెచ్చరికలు అందించాలన్నది ఈ ప్రాజెక్టు ప్రధాన ఉద్దేశం. నిద్రలో ఉన్నవారి ఆరోగ్య పరిస్థితిపై కుటుంబ సభ్యులు, సంరక్షకులు అప్రమత్తంగా ఉండేందుకు సాంకేతిక పరిజ్ఞానాన్ని ఉపయోగించవ్చనే ఆలోచన ఇందులో కనిపిస్తుంది. ఆరో తరగతిలోనే ఆరోగ్య భద్రతపై దృష్టి సారించి ప్రాజెక్టును రూపొందించడం సాయి వైష్టవి సృజనాత్మకతకు నిదర్శనం. రైతుకు తక్కువ ఖర్చుతో పరిష్కారం.. కొండవెలగాడ జిల్లా పరిషత్‌ ఉన్నత పాఠశాలలో తొమ్మిదో తరగతి చదువుతున్న ఎల్‌.లిడియో గ్రేస్‌ వ్యవసాయానికి ఉపయోగపడే ప్రాజెక్టును గైడ్‌ టీచర్‌ సైన్స్‌ ఉపాధ్యాయుడు కృష్ణమోహన్‌ సహకారంతో రూపొందించారు. ‘లో కాస్ట్‌ విన్నోయింగ్‌ యూనిట్‌’ పేరుతో రూపొందించిన ఈ నమూనా ద్వారా ధాన్యం నుంచి పొట్టు, తేలికపాటి వ్యర్ధాలను వేరు చేయవచ్చు. సాధారణంగా ధాన్యాన్ని తూర్పారబట్టే ప్రక్రియలో శ్రమ, సమయం అవసరమవుతాయి. ఈ పనిని తక్కువ ఖర్చుతో సులభతరం చేయాలన్న ఆలోచనతో లిడియో గ్రేస్‌ తన ప్రాజెక్టును రూపొందించారు. రైతులకు ఉపయోగపడే పరిష్కారాన్ని ఆవిష్కరించాలన్న తపన ఈ నమూనాలో ప్రతిబింబిస్తోంది. సృజనాత్మకతకు జాతీయ గుర్తింపు విద్యార్థుల్లో శాసీ్త్రయ దృక్పథం, పరిశోధనా ఆసక్తి, నూతన ఆవిష్కరణల పట్ల అభిరుచిని పెంపొందించడమే ఇన్‌స్పైర్‌ మనక్‌ కార్యక్రమ లక్ష్యం. ఈ వేదిక ద్వారా విద్యార్థులు తమ చుట్టూ ఉన్న సమస్యలను గుర్తించి, వాటికి పరిష్కారాలను అన్వేషించే అవకాశం లభిస్తుంది. ఈ క్రమంలో జిల్లాకు చెందిన ఇద్దరు విద్యార్ధినులు రూపొందించిన ప్రాజెక్టులు జాతీయ స్థాయికి ఎంపిక కావడంతో విద్యారంగంలో జిల్లాకు గర్వకారణంగా నిలిచింది. విద్యార్థినుల ప్రతిభను డీఈఓ యూ.మాణిక్యం నాయుడు, జిల్లా సైన్స్‌ అధికారి టి.రాజేష్‌ అభినందించారు. వారికి మార్గదర్శకత్వం వహించిన ఉపాధ్యాయులు, ప్రధానోపాధ్యాయులను ప్రశంసించారు. భవిష్యత్తులో మరిన్ని వినూత్న ఆవిష్కరణలతో జిల్లాకు మంది పేరుతేవాలంటూ ప్రోత్సహించారు.

● రోడ్డు ప్రమాద బాధితుడికి కళావతి సపర్యలు ● 108 సాయంతో ఆస్పత్రికి తరలింపుపాలకొండ రూరల్‌: వైఎస్సార్‌సీపీ నాయకురాలు, నియోజకవర్గ మాజీ ఎమ్మెల్యే విశ్వాసరాయి కళావతి తన మానవత్వం చాటుకున్నారు. రోడ్డు ప్రమాదంలో గాయపడిన వ్యక్తికి ఘటనా స్థలంలో సపర్యలు చేయడంతో పాటు 108కు సమాచారం అందించి క్షతగాత్రుడిని ఆస్పత్రికి తరలించారు. భామిని మండలం తాలాడకు చెందిన కొవ్వాడ మురళి అనే వ్యక్తి ద్విచక్రవాహనంపై పాలకొండ వచ్చాడు. స్థానిక యాలాం కూడలి వద్ద సీతంపేట నుంచి శ్రీకాకుళం రహదారిలోకి వెళ్తున్న లారీ ముందు చక్రం మురళి ఎడమకాలి పాదంపై నుంచి వెళ్లిపోయింది. దీంతో పాదం పూర్తిగా నుజ్జునుజ్జయిది. ఈ సమయంలో భామిని నుంచి పట్టణంలోకి వస్తున్న మాజీ ఎమ్మెల్యే కళావతి తన వాహనం నిలిపి, బాధితుడికి సపర్యలు చేశారు. తీవ్రగాయంతో విలవిల్లాడుతున్న మురళికి ధైర్యం చెప్పడంతో పాటు 108కి సమాచారం అందించారు. వాహనం అక్కడికి చేరుకునే వరకూ ఉండి క్షతగాత్రుడిని స్థానిక ఏరియా ఆస్పత్రికి తరలించే ఏర్పాటు చేశారు. గాయం తీవ్రత అధికంగా ఉండడంతో వైద్యులు బాధితుడిని శ్రీకాకుళం రిఫర్‌ చేశారు.

విజయనగరం టౌన్‌: మున్సిపల్‌ ఎన్నికలను స్వేచ్ఛగా, శాంతియుతంగా, నిష్పక్షపాతంగా నిర్వహించేందుకు ఎన్నికల ప్రవర్తనా నియమావళిని తప్పనిసరిగా ప్రతి ఒక్కరూ పాటించాలని ఎస్పీ ఏఆర్‌.దామోదర్‌ సూచించారు. ఎన్నికల సమయంలో ఓటర్లను ప్రలోభపెట్టేందుకు డబ్బు, మద్యం,బహుమతులు, ఇతర వస్తువులు పంపిణీ చేయడం చట్టవిరుద్ధమని, అటువంటి చర్యలకు ఎవరూ పాల్పడవద్దన్నారు. ఓటువేయాలని, లేదా వేయవద్దని ఓటర్లపై ఒత్తిడి చేయడం, బెదిరించడం, భయపెట్టడం వంటి చర్యలకు పాల్పడకూడదన్నారు. కులం, మతం, ప్రాంతం, భాష తదితర అంశాల ఆధారంగా ప్రజలను రెచ్చగొట్టేలా ప్రచారం చేయడం, విద్వేషాలను ప్రేరేపించే వ్యాఖ్యలు చేయరాదన్నారు. ఇతర అభ్యర్థులపై నిర్ధారణ లేని ఆరోపణలు, అసత్య ప్రచారాలు చేయకుండా ఎన్నికల ప్రచారంలో సంయమనం పాటించాలని సూచించారు. ఎన్నికల సమయంలో అనుమతి లేకుండా ర్యాలీలు, సమావేశాలు, లౌడ్‌ స్పీకర్లు వినియోగించడం , గోడలపై రాతలు రాయడం, అనధికారికంగా పోస్టర్లు, బ్యానర్లు ఏర్పాటుచేయడం వంటి చర్యలకు పాల్పడరాదని పేర్కొన్నారు. ఇతర అభ్యర్థుల ప్రచార సామగ్రిని చించివేయడం లేదా ధ్వంసం చేయడం చేయకూడదన్నారు సోషల్‌ మీడియాలో కూడా ప్రతి ఒక్కరూ బాధ్యతాయుతంగా వ్యవహరించాలని, తప్పుడు వార్తలు, మార్పింగ్‌ ఫొటోలు, వీడియోలు, అభ్యంతరకరమైన, రెచ్చగొట్టే పోస్టులను ప్రచారం చేయరాదని సూచించారు. అనధికారంగా పెద్ద మొత్తంలో డబ్బులను వెంట తీసుకువెళ్లవద్దని, ఆన్‌లైన్‌ లావాదేవీలు మాత్రమే చేయడం శ్రేయస్కరమని ప్రజలకు సూచించారు. ఎన్నికల సమయంలో అనుమానాస్పదంగా నగదు, మద్యం , ఇతర వస్తువుల పంపిణీ జరుగుతున్నట్లు తెలిసినా, శాంతి భద్రతలకు విఘాతం కలిగించే చర్యలు జరుగుతున్నా వెంటనే డయల్‌ 100కు లేదా స్థానిక పోలీసులకు సమాచారమందించాలని కోరారు. ఎన్నికల నియమాలను ఉల్లంఘించే వారిపై చట్టప్రకారం కఠిన చర్యలు చేపడతామని స్పష్టం చేశారు. ఎస్పీ ఏఆర్‌ దామోదర్‌

గంట్యాడ: ఉత్తరప్రదేశ్‌లోని లక్నోలో జరుగుతున్న 39వ ఆలిండియా పోస్టల్‌ చాంపియన్‌షిప్‌లో లక్కిడాం గ్రామానికి చెందిన గొళ్లు కుమార్‌ ప్రతిభ చాటి స్వర్ణ పతకాన్ని కై వసం చేసుకున్నారు. వెయిట్‌లిఫ్టింగ్‌ విభాగంలో పోటీపడిన ఆయన స్నాచ్‌లో 115 కిలోలు, క్లీన్‌ అండ్‌ జర్క్‌లో 150 కిలోలు చొప్పున మొత్తం 265 కిలోల బరువును ఎత్తి అగ్రస్థానంలో నిలిచారు. జాతీయ స్థాయిలో బంగారు పతకం సాధించి తన గ్రామానికి, ప్రాంతానికి మంచి గుర్తింపు తెచ్చిన గొళ్లు కుమార్‌ను పలువురు క్రీడాకారులు, గ్రామ ప్రముఖులు అభినందించారు. జాతీయ స్థాయి జూడో పోటీలకు కొట్టక్కి విద్యార్థినిరామభద్రపురం: మండలంలోని కొట్టక్కి గ్రామానికి చెందిన విద్యార్థిని రొంగలి మౌనిక జాతీయ స్థాయి జూడో పోటీలకు ఎంపికై నట్లు జిల్లా జూడో సంఘం ప్రతినిధి బి. రత్నకిషోర్‌ తెలిపారు. మౌనిక తిరుపతిలో ఈ నెల 12వ తేదీన నిర్వహించిన రాష్ట్రస్థాయి అండర్‌ 19 జూడో పోటీల్లో 48 కేజీల విభాగంలో స్వర్ణ పతకం సాధించి జాతీయ స్థాయి పోటీలకు ఎంపికై నట్లు తెలిపారు. ఈ సందర్భంగా హెచ్‌ఎం, ఉపాధ్యాయులు మౌనికను అభినందించారు.

● ఎల్‌హెచ్‌ఎంఎస్‌ సేవలు వినియోగించుకోవాలిరాజాం సిటీ: మీ ప్రయాణమే వరంగా దొంగలు భావించి ఇళ్లల్లో చోరీలకు పాల్పడే అవకాశాలు ఉన్నాయి. ఇంట్లో దాచుకునే సొత్తు క్షణాల్లో దోచుకెళ్లిపోయే ప్రమాదం ఉంది. ఇంటిల్లిపాది దూర ప్రాంతాలకు ప్రయాణాలకు వెళ్లేటప్పుడు దొంగతనాలపై అప్రమత్తంగా వ్యవహరించాల్సిన అవసరం ఎంతైనా ఉంది. ఇప్పుడు తాళం వేసిన ఇల్లు కనిపిస్తే చాలు పట్టపగలే దొంగతనాలు జరుగుతున్నాయి. దూర ప్రయాణాలు చేసేవారు ఎల్‌హెచ్‌ఎంఎస్‌ (లాక్డ్‌ హౌస్‌ మానిటరింగ్‌ సిస్టమ్‌)ను సద్వినియోగం చేసుకోవాలని పోలీసులు సూచిస్తున్నారు. క్యాంపులు వెళ్లేవారంతా ఆభరణాలను ఇళ్లలో ఉంచకుండా బ్యాంకు లాకర్లలో భద్రపర్చుకోవాలి. సుదూర ప్రాంతాలకు వెళ్లిన వారు ఎల్‌హెచ్‌ఎంఎస్‌ యాప్‌ను మొబైల్‌లో డౌన్‌లోడ్‌ చేసుకుని రిజిస్ట్రేషన్‌ చేయించుకున్న వారి ఇళ్లకు పోలీసులు సీసీ కెమెరాలు అమర్చడంతో పాటు పర్యవేక్షణ చేపట్టనున్నారు. దీనికి ఎటువంటి ఖర్చులేకుండా సేవలు పొందవచ్చు.జాగ్రత్తలు తప్పనిసరి.. ● ఊరికి వెళ్లే సమయంలో ఇంటిలోని అన్ని తలుపులకు తాళాలు వేయాలి. ● ముఖ్యంగా ఇంటి ముఖద్వారానికి వేసే తాళం నాసిరకం కాకుండా చూసుకోవాలి. ● ఇరుగుపొరుగు వారికి తమ ఇంటిని గమనిస్తూ ఉండమని చెప్పాలి. అలాగే రోజుకు ఒకటిరెండుసార్లు తమ ఇంటి గురించి ఫోన్‌చేసి తెలుసుకుంటూ ఉండాలి. ● నమ్మకమైన వ్యక్తులను రాత్రిపూట పడుకునేలా ఏర్పాటుచేయడం శ్రేయస్కరం. ● లాకర్‌ ఉన్న వారు బంగారు ఆభరణాలను లాకర్‌లో భద్రపర్చుకోవడం మంచిది. ● ప్రస్తుతం మార్కెట్‌లో వైఫైతో కూడిన సీసీ కెమెరాలు అందుబాటులో ఉన్నాయి. వాటి ధర మధ్యతరగతి ప్రజలకు అందుబాటులో ఉన్నాయి. వాటిని అమర్చుకుని ఆండ్రాయిడ్‌ఫోన్‌కు అనుసంధానం చేసుకుంటే ఎప్పటికప్పుడు ఇంటిని పరిశీలించుకోవచ్చు.

● ఎస్పీ మాధవ్‌ రెడ్డి ● ‘మీ పోలీస్‌–మీకు తెలుసా’ విజేతలకు బహుమతులుపార్వతీపురం రూరల్‌: రానున్న స్థానిక సంస్థల ఎన్నికల నేపథ్యంలో పోలీసు అధికారులు, సిబ్బంది సమయస్ఫూర్తితో, అప్రమత్తంగా విధులు నిర్వర్తించాలని పార్వతీపురం మన్యం ఎస్పీ ఎస్‌.వి. మాధవ్‌ రెడ్డి ఆదేశించారు. ఈ మేరకు జిల్లా పోలీసు కార్యాలయంలో బుధవారం నిర్వహించిన మాసాంతపు నేర సమీక్షా సమావేశంలో ఆయన మాట్లాడారు. ఎన్నికల నమూనా ప్రవర్తనా నియమావళి అమలు, సున్నిత, అతి సున్నిత ప్రాంతాలపై ప్రత్యేక నిఘా, ముందస్తు బైండోవర్‌ చర్యలు చేపడుతూ అల్లర్ల నివారణకు ప్రణాళికలు సిద్ధం చేయాలని సూచించారు. అలాగే పెండింగ్‌ కేసుల దర్యాప్తు పురోగతి, గంజాయి నియంత్రణ, రోడ్డు భద్రతపై అధికారులకు దిశానిర్దేశం చేశారు. విధి నిర్వహణలో ప్రతిభ కనబరిచిన 37 మంది పోలీసు అధికారులకు, సిబ్బందికి ఈ సందర్భంగా ప్రశంసాపత్రాలు అందజేశారు. ‘మీ పోలీస్‌ – మీకు తెలుసా?’ విజేతలకు బహుమతులు.. విద్యార్థుల్లో చట్టాలపై అవగాహన పెంచేందుకు నిర్వహించిన ‘మీ పోలీస్‌ – మీకు తెలుసా?’ పరీక్షలో ఉత్తమ ప్రతిభ కనబరిచిన విద్యార్థులకు ఎస్పీ ప్రశంసాపత్రాలు, బహుమతులు పంపిణీ చేశారు. సైబర్‌ నేరాలు, మాదకద్రవ్యాల నివారణ, రహదారి భద్రత, మహిళా రక్షణ తదితర అంశాలపై 21 ఏళ్లలోపు విద్యార్థులకు ఈ పోటీ నిర్వహించారు. ఈ కార్యక్రమాల్లో అదనపు ఎస్పీ ఎం. వెంకటేశ్వరరావు, డీఎస్పీలు శేషయ్య, రాంబాబు, సీఐలు, ఎస్సైలు, పోలీసు సిబ్బంది పాల్గొన్నారు.

● సరిహద్దులో ఎకై ్సజ్‌ దాడులు ● రాయగడ జిల్లాలో 4 కేసులు నమోదుపార్వతీపురం రూరల్‌: జిల్లాలోకి ఒడిశా నుంచి సారా అక్రమ రవాణాను అరికట్టేందుకు ఎకై ్సజ్‌ అధికారులు దాడులు చేపట్టారు. ఉన్నతాధికారుల ఆదేశాల మేరకు, అసిస్టెంట్‌ సూపరింటెండెంట్‌ ఎ.సంతోష్‌ నేతృత్వంలో బుధవారం ఈ అంతర్రాష్ట్ర ఆపరేషన్‌ నిర్వహించారు. ఒడిశాలోని రాయగడ జిల్లా పరిధిలో కెరడ, అనేజా గ్రామాల్లో ఏపీ ఎకై ్సజ్‌ అధికారులు, ఒడిశాలోని శేషఖాల్‌ పోలీసుల సహకారంతో విస్తృతంగా తనిఖీలు చేపట్టారు. ఈ దాడుల్లో కురుపాం, సీతానగరం ఎకై ్సజ్‌ సిబ్బందితో పాటు పార్వతీపురం, విజయనగరం ఎనన్‌ఫోర్స్‌మెంట్‌ విభాగాలు సంయుక్తంగా పాల్గొన్నాయి. ఈ సోదాల్లో సారా తయారీకి సిద్ధం చేసిన సుమారు 8,600 లీటర్ల ఎఫ్‌జె ఊటను అధికారులు గుర్తించి, అక్కడికక్కడే ధ్వంసం చేశారు. ఈ ఆపరేషన్‌న్‌లో భాగంగా మొత్తం 4 కేసులు నమోదు చేశారు. సరిహద్దుల్లో సారా రవాణాను అరికట్టేందుకు రాబోయే రోజుల్లోనూ ఇలాంటి దాడులు కొనసాగిస్తామని అధికారులు ఈ సందర్భంగా స్పష్టం చేశారు.

● వరి పంటలు, మొక్కజొన్న కండెలు ధ్వంసం ● ఆందోళన చెందుతున్న రైతులు మక్కువ: అడవుల్లో తిరగాల్సిన ఏనుగులు, మైదాన ప్రాంతాల పొలాల వైపు దారి మళ్లగా, తాజాగా పొలాల బాట నుంచి రోడ్డెక్కాయి. ఏనుగుల గుంపు రహదారులపై సంచరిస్తుండడంతో ప్రజలు బెంబేలెత్తుతున్నారు. ఎటువంటి జంకు, భయం లేకుండా అడవులలో సంచరించే విధంగా రోడ్లపై ఏనుగులు గుంపు తిరుగుతున్నాయి. ఏనుగుల కదలికలను అటవీశాఖ అధికారులు, ట్రాకర్స్‌ ఎప్పటికప్పుడు గమనిస్తూ, ఏనుగుల గుంపును అనుసరిస్తున్నారు. అయినప్పటికీ అవి మాత్రం చేయాల్సిన నష్టాన్ని చేస్తున్నాయని రైతులు ఆవేదన చెందుతున్నారు. నష్టపోతున్న రైతులు మండలంలోకి ఏనుగులు ప్రవేశించి సుమారు పది రోజులు దాటిపోతోంది. వరి పంటలను నాశనం చేయడంతో పాటు, రైతులు పొలాల్లో, కళ్లాలు, రహదారులపై ఎండబెట్టిన మొక్కజొన్న కండెలను తినివేస్తుండడంతో రైతులు నష్టపోతున్నారు. అలాగే అక్కడక్కడ వ్యవసాయ పంపు సెట్లు పాడుచేశాయని రైతులు ఆవేదన చెందుతున్నారు. ఏనుగులను మచ్చికచేసుకుని, వాటిని తరలించేందుకు కుంకీ ఏనుగులను తీసుకువచ్చినప్పటికీ ప్రయోజనం లేకపోయిందని పలువురు విమర్శిస్తున్నారు. ఏనుగులు మన్యం జిల్లాలోకి ప్రవేశించి సుమారు 10 ఏళ్లు కావస్తోంది. అధికారులు సరైన చర్యలు చేపట్టకపోవడంతో మన్యం ప్రజలకు గజరాజుల నుంచి అవస్థలు తప్పడంలేదని వాపోతున్నారు. గతంలో నాలుగు ఏనుగులు మన్యం జిల్లాలోకి ప్రవేశించగా, ప్రస్తుతం వాటి సంఖ్య ఎనిమిదికి చేరింది. ఇప్పటికై నా ఉన్నతాధికారులు స్పందించి ఏనుగుల గుంపును తరలించేలా చర్యలు చేపట్టకపోతే వాటి సంఖ్య గణనీయంగా పెరిగే అవకాశం లేకపోలేదు. ఏనుగుల సంఖ్య పెరిగే కొద్దీ మరింత విధ్వంసం జరిగే అవకాశం ఉంటుందని మన్యం ప్రజలు ఆవేదన చెందుతున్నారు.

మక్కువ: ఉత్తరాంద్రుల ఇలవేల్పు శంబర పోలమాంబ అమ్మవారు బుధవారం లలితా త్రిపురసుందరిదేవి రూపంలో భక్తులకు దర్శనమిచ్చారు. శంబర గ్రామంలోని చదురుగుడిలో కొలువైన పోలమాంబ అమ్మవారిని ప్రత్యేకంగా అలంకరించారు. దేవీ శరన్నవరాత్రి ఉత్సవాల్లో భాగంగా ఆలయంలో లలితా హోమం నిర్వహించారు. పూజలలో పాల్గొన్న భక్తులకు అమ్మవారి ప్రసాదాన్ని దేవదాయ శాఖ ఆధ్వర్యంలో అందించారు. కార్యక్రమంలో ట్రస్ట్‌ బోర్డు చైర్మన్‌ నైదాన తిరుపతి, ఆలయ ఈవో వి వి.సూర్యనారాయణ, ఆలయ కమిటీ సభ్యులు, గ్రామ పెద్దలు, భక్తులు పాల్గొన్నారు. జిల్లా అటవీ అధికారిగా బబితా కుమారి బాధ్యతల స్వీకరణవిజయనగరం గంటస్తంభం: జిల్లా అటవీ శాఖ అధికారిగా బబితా కుమారి (ఐఎఫ్‌ఎస్‌) బుధవారం బాధ్యతలు స్వీకరించారు. ఇప్పటివరకు అదనపు బాధ్యతలు నిర్వహిస్తున్న శ్యామ్‌ సుందరం నుంచి ఆమె బాధ్యతలు తీసుకున్నారు. జిల్లాలో అటవీ సంపద పరిరక్షణతో పాటు నగరవనాలు, ఎకో టూరిజం పార్కుల అభివృద్ధికి కృషి చేస్తానని ఈ సందర్భంగా ఆమె తెలిపారు. విజయవాడలీగల్‌: బ్లేడుతో గాయపరిచిన కేసులో ముద్దాయికి ఏడాది జైలుశిక్ష, వెయ్యి రూపాయల జరిమానా విధిస్తూ 13వ అదనపు జిల్లా సెషన్స్‌ కోర్టు న్యాయమూర్తి ఎం.సుధ బుధవారం తీర్పునిచ్చారు. విజయనగరం జిల్లా గంట్యాడ గ్రామానికి చెందిన వ్యక్తి విజయవాడ గవర్నర్‌ పేట పోలీస్‌ స్టేషన్‌ పరిధిలోని పెద్దిబోట్ల వారి వీధిలోని ఓ హాస్టల్‌లో ఉంటూ చదువుకుంటున్నాడు. 2022 ఏప్రిల్‌ మూడో తేదీ సాయంత్రం ఐస్‌క్రీమ్‌ బండి వద్దకు వెళ్లాడు. అదే సమయంలో విజయవాడకు చెందిన కందుల విఘ్నేశ్వరరావు అలియాస్‌ విఘ్నేష్‌ అక్కడికి వచ్చి గంట్యాడకు చెందిన వ్యక్తిని డబ్బు ఇవ్వాలని డిమాండ్‌ చేశారు. డబ్బులు ఇవ్వకపోవడంతో విఘ్నేష్‌ తన వద్ద ఉన్న బ్లేడ్‌తో అతని మెడ, చేతి మీద గాయపరిచి పారిపోయాడు. ఈ ఘటనపై గవర్నర్‌పేట పోలీసులు కేసు నమోదు చేశారు. నిందితుడు విఘ్నేష్‌ను అదే నెల నాలుగో తేదీన అరెస్ట్‌ చేసి న్యాయస్థానంలో హాజరుపరిచారు. ప్రాసిక్యూషన్‌ తరఫున అడిషనల్‌ పబ్లిక్‌ ప్రాసిక్యూటర్‌ గీతా పూర్ణిమ, ప్రస్తుత ఇన్‌స్పెక్టర్‌ బాలమురళీకృష్ణ, సీఎంఎస్‌ ఇన్‌స్పెక్టర్‌ వాసవి, సీఎంఎస్‌ సిబ్బంది పర్యవేక్షణలో ఆరుగురు సాక్షులను విచారించారు. నిందితుడిపై నేరం రుజువుకావడంతో న్యాయమూర్తి పైవిధంగా తీర్పునిచ్చారు.రోడ్డు ప్రమాదంలో వ్యక్తి మృతి● మరొకరికి తీవ్ర గాయాలు గంట్యాడ: మండల పరిధిలోని కొర్లాం గ్రామ సమీపంలో గ్రీన్‌ఫీల్డ్‌ హైవే–516 పై బుధవారం జరిగిన రోడ్డు ప్రమాదంలో ఒకరు మృతి చెందగా, మరొకరు తీవ్రంగా గాయపడ్డారు. వివరాల్లోకి వెళితే..కె.కోటపాడు మండలం వారాడ సంతపాలెం గ్రామానికి చెందిన జాగరపు దేవుడు(55), చుక్క నాగమనాయుడు ఈనెల 13న బంధువుల ఇంట శుభకార్యం నిమిత్తం సాలూరు వెళ్లారు. తిరిగి ద్విచక్ర వాహనంపై వస్తుండగా కొర్లాం సమీపంలో వాహనం అదుపుతప్పింది. ఈ ప్రమాదంలో బైక్‌ వెనుక కూర్చున్న జాగరపు దేవుడు తీవ్ర గాయాల పాలై అక్కడికక్కడే మృతి చెందాడు. బైక్‌ నడుపుతున్న నాగమనాయుడు తీవ్రంగా గాయపడడంతో మెరుగైన చికిత్స నిమిత్తం విశాఖపట్నం ఆస్పత్రికి తరలించారు. ఈ సమాచారం అందుకున్న గంట్యాడ ఎస్సై కె.లక్ష్మణరావు ఘటనా స్థలానికి చేరుకుని కేసు నమోదు చేసి దర్యాప్తు చేపట్టారు.

పార్వతీపురం మన్యం: పట్టణంలో ఆసక్తికర పరిణామం చోటుచేసుకుంది. సాలూరు మున్సిపల్‌ పీఠంపై ఆశలతోనే ఓ జంట పెళ్లి బంధంలోకి అడుగు పెట్టినట్లు సోషల్‌ మీడియా వేదికగా జోరుగా ప్రచారం సాగుతోంది. అధికార పార్టీకి చెందిన మాజీ కౌన్సిలర్‌ ఉన్నఫలంగా, ఏ హడావిడీ లేకుండా ఆలయంలో వివాహం చేసుకున్నాడు. సాలూరు మున్సిపల్‌ పీఠం బీసీ మహిళకు రిజర్వుడు కావడం.. ఆ పీఠం తన కుటుంబానికే ఇస్తున్నారన్న హామీతోనే అప్పటికప్పుడు పెళ్లికి ఉపక్రమించినట్లు వార్తలు వినిపిస్తున్నాయి. ఇది యాదృచ్ఛికమో.. వాస్తవమో గానీ, ఈ వార్త సామాజిక మాధ్యమాల్లో తెగ వైరల్‌ అవుతోంది. ఇదీ చదవండి: సీకే కుటుంబానికి సీటిస్తే ఊరుకోం

–8లోసేదదీరుతూ... సంచరిస్తూ.. మక్కువ మండలాన్ని గడిచిన పది రోజులుగా ఏనుగుల గుంపు వీడడం లేదు. పంటలను నాశనం చేస్తున్నాయి. ఐదు దుకాణాల్లో చోరీ చీపురుపల్లి పట్టణంలోని మెయిన్‌రోడ్‌లో వరుసగా ఐదు దుకాణాల్లో జరిగిన చోరీ కలకలం రేపింది. బుధవారం శ్రీ 14 శ్రీ అక్టోబర్‌ శ్రీ 2026సాక్షి, పార్వతీపురం మన్యం: ఎన్నికల వేడి మొదలవుతోందంటే చాలు.. నాయకుల్లో ఒక్కసారిగా కదలిక! నిన్నటి వరకు నత్తనడకన సాగిన పనులకు స్థానిక సంస్థల ఎన్నికల పుణ్యమానీ ఇప్పుడు వేగం పెరుగుతోంది. ఎక్కడ చూసినా శంకుస్థాపనలు.. మరెక్కడ చూసినా ప్రారంభోత్సవాలు.. ఇంకెక్కడో హామీల వర్షం! గ్రామాలు, పట్టణాల్లో అభివృద్ధి హడావుడి ఊపందుకుంటోంది. ప్రజలపై నాయకులకు ఒక్కసారిగా ప్రేమ పొంగుకొస్తోంది. మరి ఈ ప్రేమ ఇన్నాళ్లూ ఏమైంది? ప్రజల సమస్యలు ఇప్పుడే గుర్తొచ్చాయా? శంకుస్థాపనలు సరే.. పనుల సంగతేంటి? జిల్లాలోని నాలుగు నియోజకవర్గాల్లోనూ ప్రస్తుతం శిలాఫలకాలు ఏర్పాటు చేయడం, కొబ్బరికాయలు కొట్టడం, ఫొటోలకు పోజులివ్వడం సాగుతోంది. సాలూరు పట్టణంలోని 28వ వార్డులో పైలట్‌ వాటర్‌ స్కీమ్‌ను రాష్ట్ర గిరిజన సంక్షేమ శాఖ మంత్రి గుమ్మిడి సంధ్యారాణి ఇటీవల ప్రారంభించారు. వార్డులోని రామాలయం వద్ద నేలపై కూర్చొని స్థానికులతో సరదాగా ముచ్చటిస్తూ, వారి సమస్యలను తెలుసుకునే ప్రయత్నం చేశారు. రూ.13 కోట్ల నిధులతో సాలూరు మండలం నెలిపర్తి పంచాయతీ దుగ్దసాగరం నుంచి వంగరగుడ్డివలస వరకు రోడ్డు, వట్టిగెడ్డ వంతెన నిర్మాణం కోసం మంత్రి సంధ్యారాణి శంకుస్థాపన చేశారు. గ్రామీణ ప్రాంతాల్లో మౌలిక సదుపాయాలు కల్పనతో పల్లెలు రూపురేఖలు మార్చడమే లక్ష్యంగా కూటమి ప్రభుత్వం పనిచేస్తున్నట్లు ఆమె చెప్పుకొచ్చారు. పార్వతీపురం నియోజకవర్గంలో అభివృద్ధి కార్యక్రమాలను వేగవంతం చేస్తున్నామని శాసనసభ్యులు బోనెల విజయచంద్ర అంటున్నారు. బెలగాం నుంచి రాయగాడ రోడ్డు వరకు (డంపింగ్‌ యార్డ్‌ వరకు) దాదాపు రెండు కిలోమీటర్ల పైగా ఉన్న ప్రధాన రహదారి సంపూర్ణ పునర్నిర్మాణం కోసం రెండు కోట్ల రూపాయలకు పైగా నిధులు మంజూరు చేయించి శంకుస్థాపన చేసినట్లు తెలిపారు. నర్సిపురం ఎస్సీ వీధిలో రూ.10 లక్షలు, బీసీ కాలనీలో రూ. 10 లక్షల వ్యయంతో సీసీ రోడ్ల నిర్మాణం, ఓలేటి ఫామ్‌ అమ్మవారి పేరంటాలు గుడి వద్ద రూ.48 లక్షలతో రోడ్లు, డ్రైనేజీల నిర్మాణ పనులను చేపడుతున్నట్లు వివరించారు. గుమ్మలక్ష్మీపురం మండలం పెదఖర్జ గ్రామంలో ప్రధానమంత్రి కృషి సించాయీ యోజన–2 (పీఎంకేఎస్‌వై–2) పథకంలో భాగంగా రైతులకు వ్యవసాయ పనిముట్లను ప్రభుత్వ విప్‌ జగదీశ్వరి పంపిణీ చేశారు. ఇలా.. నిత్యం ఇలాంటి సీన్‌లే ఎక్కడ చూసినా దర్శనమిస్తున్నాయి. శంకుస్థాపనలు చేయడమే అభివృద్ధికి కొలమానం కాదు.. ప్రకటించిన పనుల్లో ఎన్ని పూర్తయ్యాయి? ఎన్ని నిధులు విడుదలయ్యాయి? ఎన్ని ప్రజలకు ఉపయోగపడుతు న్నాయి? ఎన్ని ఇంకా కాగితాలకే పరిమితమయ్యాయి? ఈ లెక్కలు బయటపడితేనే ప్రజాప్రతినిధుల అసలు నిజస్వరూపం వెలుగు చూస్తుంది. శంకుస్థాపన చేసిన రహదారిపై ప్రయాణం సాఫీగా సాగాలి. తాగునీటి పథకం ప్రారంభిస్తే ఇంటింటికీ నీరు చేరాలి. డ్రైనేజీ పనులు చేపడితే మురుగునీటి సమస్య తీరాలి. అప్పుడే అభివృద్ధికి అర్థం ఉంటుంది.. జిల్లాలో ఈ రెండున్నర ఏళ్ల కాలంలో ఇలాంటి పనులు ఎన్ని సాఫీగా సాగాయో ఇటు ప్రజాప్రతినిధులకు, అటు ఆ ప్రాంత ప్రజలకు బాగానే ఎరుక. ఇన్నాళ్లు నిర్లక్ష్యం.. ఇప్పుడెందుకీ హడావుడి? ఇప్పుడే గుర్తొచ్చిన అభివృద్ధి.. గుర్తుకొస్తున్న ప్రజలు గ్రామాలు, పట్టణాల్లో శంకుస్థాపనల సందడి.. నాయకుల హామీల హోరు రెండున్నరేళ్లుగా కనిపించని చొరవ.. ఇప్పుడు మాత్రం వరాల జల్లు పదవి కోసం పరిణయంరాష్ట్రంలో చంద్రబాబు ప్రభుత్వం అధికారంలోకి వచ్చిన దాదాపు రెండున్నరేళ్లుగా అంతగా కనిపించని చొరవ.. ఇప్పుడు కొన్నిచోట్ల స్పష్టంగా కనిపిస్తోందనే చర్చ ప్రజల్లో సాగుతోంది. రహదారులు, డ్రైనేజీలు, తాగునీరు, ఇతర మౌలిక వసతుల పనులకు హడావుడిగా శ్రీకారం చుడుతున్నారు. ప్రజాప్రతినిధుల పర్యటనలు పెరుగుతున్నాయి. అధికారుల సమీక్షలు, అభివృద్ధి ప్రకటనలు ఊపందుకుంటున్నాయి. ప్రజలకు అవసరమైన పనులు జరగడం ఆహ్వానించదగ్గదే. ప్రజల సమస్యలు ఎన్నికల వేళే ఎందుకు గుర్తుకొస్తున్నాయన్నదే అసలు ప్రశ్న. ప్రజాసేవకు ఎన్నికల క్యాలెండర్‌తో సంబంధం ఉండాలా? ఐదేళ్ల పాలనలో ప్రతి రోజూ ప్రజలకు జవాబుదారీగా ఉండాల్సిన నాయకులు.. స్థానిక ఎన్నికల సమయం దగ్గరపడగానే ఎందుకు హడావుడి చేస్తున్నారు?. ఇదంతా ఎన్నికల డ్రామా అంటూ జనం నుంచి విమర్శలు వినిపిస్తున్నాయి.

పార్వతీపురం రూరల్‌: అరుణోదయ యూనివర్సిటీ పరిశోధన మార్గదర్శకుడు, స్టూడెంట్‌ సక్సెస్‌ సొసైటీ అధ్యక్షుడు డాక్టర్‌ శంకరరావు కోచెర్లకు ‘డాక్టర్‌ ఏపీజే. అబ్దుల్‌ కలాం జాతీయ విద్యావేత్త పురస్కారం’ లభించింది. విద్యారంగంలో ఆయన చేసిన కృషి, పరిశోధనా మార్గదర్శకత్వానికి గుర్తింపుగా వెల్‌రెడ్‌ ఫౌండేషన్‌ ఈ పురస్కారాన్ని అందించింది. ఈ పురస్కారానికి సంబంధించిన అధికారిక పత్రాన్ని ఫౌండేషన్‌ డైరెక్టర్‌ శ్రబానీ కాయేత్‌ జారీ చేశారు. కేంద్ర ప్రభుత్వ కార్పొరేట్‌ వ్యవహారాల మంత్రిత్వ శాఖ పరిధిలో (సెక్షప్‌ 8 కింద) నమోదైన ఈ లాభాపేక్షలేని సంస్థ, డాక్టర్‌ శంకరరావు వత్తిపరమైన అంకితభావాన్ని, విద్యార్థుల సాధికారతకు ఆయన చేస్తున్న సేవలను పత్రంలో పొందుపరిచింది. యువతలో విద్యావగాహన, నాయకత్వ లక్షణాలు పెంపొందించడం ద్వారా సామాజిక అభివృద్ధికి ఆయన చేస్తున్న కృషికి ఈ పురస్కారం గుర్తింపుగా ఫౌండేషన్‌ పేర్కొంది. పైడితల్లి జాతరకు 100 ప్రత్యేక బస్సులు విజయనగరం అర్బన్‌: దసరా పండగను పురస్కరించుకుని ప్రయాణికుల సౌకర్యార్థం విజయనగరం నుంచి విశాఖపట్నం, పార్వతీపురం, శ్రీకాకుళం, రాజాం, ఎస్‌.కోట తదితర ప్రాంతాలకు సుమారు 100 ప్రత్యేక బస్సులను నడపనున్నట్లు జిల్లా ప్రజా రవాణా అధికారి జి.వరలక్ష్మి తెలిపారు. ఈ మేరకు మంగళవారం ఏర్పాటు చేసిన విలేకరుల సమావేశంలో ఆమె మాట్లాడుతూ పండగ రద్దీకి అనుగుణంగా ప్రత్యేక బస్సులను అందుబాటులోకి తీసుకువస్తామన్నారు. అదేవిధంగా విజయనగరానికి చెందిన ఉత్తరాంధ్ర ఇలవేల్పు శ్రీపైడితల్లమ్మ జాతర సందర్భంగా వివిధ డిపోల నుంచి 100కు పైగా ప్రత్యేక బస్సులను నడిపేందుకు ఏర్పాట్లు చేస్తున్నట్లు వెల్లడించారు. జాతరకు వచ్చే భక్తులకు రవాణా ఇబ్బందులు కలగకుండా అవసరమైన మేరకు బస్సు సర్వీసులు అందుబాటులో ఉంచుతామని తెలిపారు. ప్రయాణికులు ఆర్టీసీ ప్రత్యేక బస్సు సౌకర్యాలను వినియోగించుకోవాలని కోరారు. ఆటో, క్యాబ్‌ డ్రైవర్లకు సంక్షేమ బోర్డు ఏర్పాటు చేయాలి● ఊబర్‌, ఓలా, ర్యాపిడోలను రద్దు చేయాలి విజయనగరం గంటస్తంభం: ఆటో, క్యాబ్‌ డ్రైవర్లకు సంక్షేమ బోర్డు ఏర్పాటు చేయాలని, ఊబర్‌ ఓలా, ర్యాపిడోలను రద్దుచేసి ప్రభుత్వమే యాప్‌ను తీసుకురావాలని, శ్రీ శక్తి పథకంతో నష్టపోయిన డ్రైవర్లకు తక్షణ సాయం కింద రూ.20000 ప్రకటించాలని కోరుతూ మంగళవారం విజయనగరం జిల్లా ఆటో – ట్రాన్స్‌పోర్ట్‌ వర్కర్స్‌ యూనియన్‌ ఆధ్వర్యంలో నిరసన చేపట్టారు. మొదటగా విజయనగరం కలెక్టరేట్‌ ఏవో ఆఫీసులో వినతిపత్రం అందజేశారు. కలెక్టరేట్‌ గేటు వద్ద ధర్నాకు అనుమతించక పోవడంతో కంటోన్మెంట్‌ పార్కు వద్ద ధర్నా నిర్వహించి, నిరసన వ్యక్తం చేశారు. ఈ సందర్భంగా సీఐటీయూ జిల్లా కోశాధికారి ఎ. జగన్మోహన్‌రావు మాట్లాడుతూ ప్రధానమంత్రి నరేంద్ర మోడీ, ముఖ్యమంత్రి చంద్రబాబు కార్పొరేట్‌ సంస్థల లాభాల కోసం పనిచేస్తున్నారని, అందులో భాగంగానే ఆటో, క్యాబ్‌ డ్రైవర్‌ల పొట్టకొట్టి ఉబర్‌, ఓలా, ర్యాపిడో సంస్థలకు అనుమతులతో పాటు పార్కింగ్‌ స్థలాలు ఇస్తున్నారని ధ్వజమెత్తారు. వైట్‌ బోర్డు వాహనదారులు సైతం యాప్‌ ద్వారా పాసింజర్‌ సర్వీస్‌ చేస్తున్నారని, వాటిని నియంత్రించాలన్నారు. శ్రీ శక్తి పథకంతో నష్టపోతున్న ఆటో, క్యాబ్‌ డ్రైవర్లకు రాష్ట్ర ప్రభుత్వం తక్షణ సహాయం రూ.20,000 ప్రకటించాలని డిమాండ్‌ చేశారు. 2023, 24 నుంచి పెండింగ్‌లో ఉన్న ఈ చలానా కేసులు పూర్తిగా ఎత్తివేయాలని, క్యాబ్‌ లకు టోల్‌ చార్జీలు మినహాయింపు ఇవ్వాలని , ఒకే దేశం ఒకే పన్ను తరహాలో పెట్రోల్‌, డీజిల్‌ను జీఎస్టీ పరిధిలోకి తేవాలని, ఎల్లో బోర్డు వాహనాలకు రాయితీపై ఇవ్వాలని డిమాండ్‌ చేశారు. సమస్యలు పరిష్కరించాలని కోరుతూ డిసెంబర్‌ 1, 2, 3 తేదీల్లో ఢిల్లీలో ధర్నా చేపడుతున్నామని డ్రైవర్‌లంతా పాల్గొని విజయవంతం చేయాలని పిలుపునిచ్చారు. ధర్నాలో సీఐటీయూ జిల్లా ఉపాధ్యక్షురాలు వి.లక్ష్మి, కార్యదర్శి బి.రమణ, ఆటో యూనియన్‌ రాష్ట్ర కమిటీ సభ్యులు సీహెచ్‌ ముత్యాలు, నాయకులు పాపారావు, రామునాయుడు, కూర్మారావు, ఈశ్వరరావు, లక్ష్మ ణరావు, డీఎల్‌ఎన్‌, సంతోష్‌, శివ తదితరులు పాల్గొన్నారు.

విజయనగరం టౌన్‌: జిల్లాలో వివిధ ప్రాంతాల్లో పోగొట్టుకున్న మొబైల్స్‌ను సైబర్‌ సెల్‌ పోలీసులు ట్రాక్‌ చేసి రూ.15లక్షల12వేల 500 విలువైన వివిధ బ్రాండ్‌లకు చెందిన 121 మొబైల్స్‌ను ఎస్పీ ఏఆర్‌.దామోదర్‌ చేతుల మీదుగా బాధితులకు మంగళవారం జిల్లా పోలీసు కార్యాలయంలో అందజేశారు. ఈ సందర్భంగా ఎస్పీ మాట్లాడుతూ వివిధ ప్రాంతాల్లో బాధితులు పోగొట్టుకున్న మొబైల్స్‌ వివరాలను సీఈఐఆర్‌ పోర్టల్‌లో నమోదు చేసి, పోయిన మొబైల్స్‌ను ట్రాక్‌ చేసేందుకు ప్రత్యేకంగా మిస్సింగ్‌ మొబైల్‌ ట్రాకింగ్‌ సిస్టమ్‌ను వినియోగిస్తున్నామన్నారు. బాధితులు స్థానిక పోలీసుస్టేషన్‌లో కానీ, సైబర్‌ సెల్‌లో గానీ నేరుగా పోర్టల్‌లో కానీ నమోదుచేయవచ్చన్నారు. మహిళలు తమ మొబైల్స్‌లో శక్తి యాప్‌ను తప్పనిసరిగా నిక్షిప్తం చేసుకోవాలని సూచించారు. మొబైల్‌ఫోన్‌లను ట్రాక్‌ చేసి, బాధితులకు అందజేయడంలో ప్రతిభ కనబర్చిన సైబర్‌ సెల్‌ సీఐ శోభన్‌బాబు, ఎస్సై ఆర్‌.జయంతి, సిబ్బంది శ్రీనివాసరావు, తిరుపతినాయుడు, రాజేష్‌, సతీష్‌లను ఎస్పీ అభినందించారు.

ఉత్తరాంధ్రుల ఇలవేల్పు శంబర పోలమాంబ అమ్మవారు మంగళవారం అన్నపూర్ణదేవిగా భక్తులకు దర్శనమిచ్చారు. చదురుగుడిలో కొలువైన పోలమాంబను గాజులతో ప్రత్యేకంగా అలంకరించారు. దేవీ శరన్నవరాత్రి ఉత్సవాల్లో భాగంగా ఆలయంలో శివలింగానికి మహా రుద్రాభిషేకం చేశారు. పూజల్లో పాల్గొన్న భక్తులకు అమ్మవారి ప్రసాదాన్ని దేవదాయ శాఖ ఆధ్వర్యంలో అందించారు. కార్యక్రమంలో ట్రస్టు బోర్డు చైర్మన్‌ నైదాన తిరుపతి, ఆలయ ఈఓ వి.వి.సూర్యనారాయణ, ఆలయ కమిటీ సభ్యులు, గ్రామ పెద్దలు, భక్తులు పాల్గొన్నారు. – మక్కువ

రామభద్రపురం: మండలంలోని నాయుడువలసలో వైఎస్సార్‌సీపీ మద్దతుదారులైన రైతులకు చెందిన మినీ గోకులాల నిర్మాణాలకు అధికారులు చర్యలు చేపట్టారు. కూటమి పాలనలో పాలకులు, అధికారులు పాడిరైతులపై వివక్ష చూపుతున్నారు. అధికారులు స్థానిక అధికార పార్టీ నేతల ఒత్తిళ్లకు తలొగ్గి రాజకీయాలు చేస్తూ వైఎస్సార్‌సీపీ మద్దతుదారు పాడి రైతులను ఇబ్బందులు పెడుతున్నారని ఈ నెల 12వ తేదీన ‘ఇదేం పాడి పని’ శీర్షికన సాక్షి కథనం ప్రచురించింది. ఈ కథనానికి స్పందించిన ఉన్నతాధికారులు రాజకీయాలకతీతంగా పాడి రైతుల సమస్యలు పరిష్కరించాలని తక్షణమే పాడిరైతులకు మంజూరు చేసిన మినీ గోకులాల నిర్మాణాలు చేపట్టేలా చర్యలు తీసుకోవాలని మండల వీబీజీ రాంజీ అధికారులను ఆదేశించారు. ఉన్నతాధికారుల ఆదేశాల మేరకు ఏపీవో త్రినాథరావు, టెక్నికల్‌ అసిస్టెంట్‌ నటరాజ్‌లు నాయుడువలస గ్రామానికి వెళ్లారు.అక్కడ నిలిపేసిన వైఎస్‌ఆర్‌సీపీ మద్దతుదారులైన పాడిరైతులు కేతిరెడ్డి సూర్యనారాయణ, అంబటి శ్రీనివాసరావులకు చెందిన మినీ గోకులాల నిర్మాణాలకు మార్కింగ్‌ ఇచ్చి నిర్మాణాలు చేపట్టేలా చర్యలు తీసుకున్నారు. దీంతో ఆయా రైతులు ఆనందం వ్యక్తంచేస్తూ సాక్షికి కృతజ్ఞతలు తెలిపారు.

● ప్రలోభాలకు లొంగొద్దు ● స్థానిక ఎన్నికలపై పార్టీ శ్రేణులకు రాజన్నదొర దిశానిర్దేశం సాలూరు: ఎటువంటి ప్రలోభాలకు లొంగవద్దు.. బెదిరింపులకు భయపడవద్దు.. రానున్న స్థానిక సంస్థలతో పాటు అన్ని ఎన్నికల్లోనూ వైఎస్సార్‌సీపీ అభ్యర్థుల గెలుపే ధ్యేయంగా పనిచేద్దామని వైఎస్సార్‌ సీపీ శ్రేణులకు మాజీ డిప్యూటీ సీఎం, పార్టీ సాలూరు నియోజకవర్గ ఇన్‌చార్జి పీడిక రాజన్నదొర పిలుపునిచ్చారు. సాలూరు మండలం మరిపల్లిలో వైఎస్సార్‌సీపీ కమిటీ సభ్యులకు ఐడీ కార్డులను మంగళవారం అందజేశారు. ఈ సందర్భంగా ఆయన మాట్లాడుతూ... ఇచ్చిన హామీలను అమలుచేయకుండా గిరిజనులతో పాటు అన్ని వర్గాల ప్రజలను చంద్రబాబు ప్రభుత్వం మోసం చేసిందన్నారు. జీఓ 3 పునరుద్ధరించిలేదని, షెడ్యూల్‌ గ్రామాల గుర్తింపు తదితర హామీలను అమలు చేయకుండా మోసం చేస్తోందని విమర్శించారు. స్థానిక ఎన్నికల్లో వెన్నుపోటు పార్టీకి బుద్ధిచెప్పేందుకు ఓటర్లు సిద్ధంగా ఉన్నారన్నారు. గత జగన్‌మోహన్‌రెడ్డి ప్రభుత్వం వైఎస్సార్‌ చేయూత కింద ఏడాదికి రూ.18,500 ఇవ్వగా, చంద్రబాబు ప్రభుత్వం సూపర్‌సిక్స్‌లో భాగంగా ఆడబిడ్డ నిధి కింద ప్రతినెల రూ.1500 ఇస్తామని ఇచ్చిన హామీని అమలు చేయకుండా మహిళలను మోసం చేశారన్నారు. నిరుద్యోగులకు నెలకు రూ.3వేలు చొప్పున నిరుద్యోగ భృతి ఇస్తామని ముంచేశారన్నారు. ఇవన్నీ ప్రజలకు వివరించి స్థానిక ఎన్నికల్లో వైఎస్సార్‌సీపీ అభ్యర్థుల గెలుపునకు కృషిచేయాలన్నారు. కార్యక్రమంలో పార్టీ నాయకులు దండి శ్రీనివాసరావు, రెడ్డి సురేష్‌, పెద్దింటి మాధవరావు, మువ్వల ఆదయ్య, తదితరులు పాల్గొన్నారు.

విజయనగరం టౌన్‌: జిల్లాలోని వివిధ మొడికల్‌ షాప్స్‌లో నార్కోటిక్‌ కంట్రోల్‌ బ్యూరో (ఎన్‌సిబి) విశాఖ జోన్‌ అధికారులు, వన్‌టౌన్‌ పోలీసులు, ఈగల్‌ టీమ్‌ సంయుక్త ఆధ్వర్యంలో మంగళవారం తనిఖీలు నిర్వహించారు. పట్టణంలోని వెంకటపద్మ మెడికల్స్‌, ధన్వి, మువ్వగోపాల, అపోలో ఫార్మసీ, కస్వీ, తిరుమల మెడికవర్‌ హోల్‌సేల్‌, రిటైల్స్‌ షాపులలో తనిఖీలు చేశారు. ఈ సందర్భంగా ఎన్‌సీబీ ఇన్‌స్పెపెక్టర్‌ సతీష్‌కుమార్‌, స్టేట్‌ డ్రగ్స్‌ శాఖకు చెందిన లావణ్యలు మాట్లాడుతూ నార్కోటిక్‌ డ్రగ్స్‌, సైకోట్రోఫిక్‌ పదార్థాల అక్రమ నిల్వలు, విక్రయాలు, వాటికి సంబంధించిన రికా ర్డుల నిర్వహణ పరిశీలించామన్నారు. మెడికల్‌ షాపుల నిర్వహకులందరూ ఔషధాల విక్రయాలు, నిల్వలు, రికార్డుల నిర్వహణకు సంబంధించిన నిబంధనలు, మార్గదర్శకాలను తప్పనిసరిగా పాటించాలన్నారు. తనిఖీల సమయంలో సరైన డాక్యుమెంటేషన్‌, రికార్డులు, వైద్యుల ప్రిస్క్రప్షన్‌, లేదా చెల్లుబాటయ్యే లైసెన్స్‌లు లేనట్లు గుర్తిస్తే నిబంధనల ప్రకారం ఆషాపు లైసెన్స్‌ తక్షణమే రద్దుచేస్తామన్నారు. నిబంధనలు ఉల్లంఘించిన వారిపై నార్కోటిక్‌ డ్రగ్స్‌ అండ్‌ సైకోట్రోఫిక్‌ సబ్‌స్టాన్సెస్‌ (ఎన్‌డీపీఎస్‌) చట్టంప్రకారం కఠినచర్యలు చేపడతామని స్పష్టం చేశారు. కార్యక్రమంలో ఈగల్‌ టీమ్‌ ఎస్‌ఐ స్వీటీ, వన్‌టౌన్‌ పోలీసులు పాల్గొన్నారు.

చీపురుపల్లి: పట్టణంలోని మెయిన్‌రోడ్‌లో వరుసగా ఐదు దుకాణాల్లో జరిగిన చోరీ కలకలం రేపింది. సోమవారం రాత్రి జరిగిన ఈ చోరీ వ్యాపారుల్లో గుబులు రేపింది. పట్టణంలోని లావేరురోడ్‌లో వరుసగా ఐదు దుకాణాల్లో సోమవారం అర్ధరాత్రి చోరీ జరిగింది. ఈ చోరీలో కలివరపు విశ్వేశ్వరరావుకు చెందిన కిరాణా దుకాణంలో రూ.50 వేలు నగదు అపహరణకు గురైంది. మిగిలిన నాలుగు దుకాణాల్లో చోరీకి ప్రయత్నించిన దుండగులు ఏమీ లభ్యంకాకపోవడంతో దుకాణాల్లో వస్తువులు చిందరవందర చేసి వెళ్లిపోయారు. దీంతో మంగళవారం ఉదయం బాధితులు చీపురుపల్లి పోలీసులకు ఫిర్యాదు చేశారు. ఎస్సై ఉమా వెంకటేశ్వరరావు చోరీకి గురైన దుకాణాలను పరిశీలించారు. బాధితులకు అండగా వైఎస్సార్‌సీపీ ఇదిలా ఉండగా విషయం తెలుసుకున్న వైఎస్సార్‌సీపీ జిల్లా అధ్యక్షుడు బెల్లాన చంద్రశేఖర్‌, వైఎస్సార్‌సీపీ మండల అధ్యక్షుడు మీసాల వరహాలనాయుడు, పార్టీ జిల్లా ప్రధాన కార్యదర్శి ఇప్పిలి అనంతం, నియోజకవర్గ యువజన విభాగం అధ్యక్షుడు బెల్లాన వంశీకృష్ణ, గవిడి సురేష్‌లు చోరీ జరిగిన దుకాణాలను పరిశీలించారు. అనంతరం బాధితులతో మాట్లాడి అండగా ఉంటామని భరోసా కల్పించారు. జిల్లా పార్టీ అధ్యక్షుడు బెల్లాన చంద్రశేఖర్‌ అక్కడి నుంచి పోలీసులతో మాట్లాడి త్వరితగతిన విచారణ జరిపి బాధితులకు న్యాయం చేయాలని కోరారు.

కురుపాం: ఆంధ్ర–ఒడిశా సరిహద్దు ప్రాంతాల్లో ఇరు రాష్ట్రాల పోలీసులు మంగళవారం సంయుక్త దాడులు నిర్వహించారు. కురుపాం ఎకై ్సజ్‌ శాఖ సర్కిల్‌ ఇన్‌స్పెక్టర్‌ పి.శ్రీనివాసరావు దీనిపై మాట్లాడుతూ స్థానిక ఎన్నికల నేపథ్యంలో సారా తయారీ, రవాణాను నిరోధించే చర్యల్లో భాగంగా అనిజ, కెరడ, వలవ గ్రామాల్లో తనిఖీలు చేపట్టామన్నారు. సారా తయారీ కోసం నిల్వచేసిన 8,600 లీటర్ల పులిసిన బెల్లం ఊటనుఽ ధ్వంసం చేసినట్లు తెలిపారు. అనధికార మద్యం విక్రయాల విషయమై జియ్యమ్మవలస మండలం బిత్రపాడు గ్రామానికి చెందిన జి.గౌరీశంకర్‌, గుమ్మలక్ష్మీపురం మండలం బీరుపాడు గ్రామానికి చెందిన శకుంతలను అదుపులోకి తీసుకున్నట్లు చెప్పారు. వారి నుంచి 22 మద్యం సీసాలు స్వాఽ దీనం చేసుకుని కేసులు నమోదు చేశామన్నారు. చెప్పా రు. ఈ దాడుల్లో విజయనగరం ఎన్‌ఫోర్స్‌మెంట్‌ ఏఈ ఎస్‌ ఎంవీ.గోపాల కృష్ణ, పార్వతీపురం మన్యం జిల్లా అసిస్టెంట్‌ ఎకై ్సజ్‌ సూపరింటెండెంట్‌ ఎ.సంతోష్‌, కురుపాం ఎకై ్సజ్‌ శాఖ ఎస్‌ఐ జె.రాజశేఖర్‌, సిబ్బంది పాల్గొన్నారు.

చీపురుపల్లి: అదేదో మారుమూల ప్రాంతం కాదు.. సాక్షాత్తూ చీపురుపల్లి పట్టణంలోని విజయనగరం–పాలకొండ మెయిన్‌రోడ్డులో సోమవారం అర్ధరాత్రి గంజాయి, మద్యం మత్తులో కొందరు యువకులు అలజడి సృష్టించారు. ఆ రోడ్డు గుండా వచ్చే వాహనచోదకులపై ఇష్టారాజ్యంగా ప్రవరిస్తూ భయాందోళనకు గురిచేశారు. ఆంజనేయపురం మెయిన్‌ రోడ్‌లో వచ్చే వాహనాలను అడ్డుకుని వికృతంగా ప్రవర్తించినట్టు చూసిన వారు చెబుతున్నారు. లారీలను అడ్డగించి కదలనివ్వకుండా వారి నుంచి డబ్బులు డిమాండ్‌ చేసినట్లు తెలిసింది. అదే రోడ్డులో ప్రయాణించే కార్లును సైతం అడ్డగించి అసభ్యకరంగా ప్రవర్తించారని పలువురు ప్రయాణికులు తెలిపారు. పట్టణంలోని మెయిన్‌రోడ్‌లో ఇంత జరుగుతున్నా పోలీసు గస్తీ లేకపోవడంపై పట్టణ ప్రజలు మండిపడుతున్నారు. మెయిన్‌రోడ్‌లోనే పరిస్థితి ఇలా ఉంటే ఇక కాలనీల్లో ఎలా ఉంటుందో అర్థం చేసుకోవచ్చని పలువురు చర్చించుకుంటున్నారు. అదే సమయంలో చీపురుపల్లి పట్టణంలోని లావేరురోడ్‌లో ఐదు దుకాణాల్లో చోరీ జరగడం సైతం చర్చాంశనీయాంశంగా మారింది. చీపురుపల్లి మెయిన్‌ రోడ్‌లో వాహనాలు అడ్డగించి హడావిడి కానరాని పోలీస్‌ పెట్రోలింగ్‌ భయాందోళనలకు గురైన వాహనచోదకులు

● జాతీయ స్థాయి పోటీలకు ఎంపిక ● అభినందించిన కుటుంబసభ్యులు, గ్రామస్తులుతెర్లాం: మండలంలోని కూనాయవలస గ్రామానికి చెందిన బొమ్మి యశ్వంత్‌ రాష్ట్రస్థాయి లాన్‌ టెన్నిస్‌ పోటీల్లో సత్తా చాటాడు. ఈనెల 10 నుంచి 12వరకు శ్రీకాళహస్తిలోని విక్రం టెన్నిస్‌ అకాడమీలో 70వ స్కూల్‌ గేమ్స్‌ ఫెడరేషన్‌ లాన్‌ టెన్నిస్‌ అండర్‌–17 విభాగంలో జరిగిన రాష్ట్రస్థాయి పోటీల్లో పాల్గొన్న యశ్వంత్‌ అత్యంత ప్రతిభ కనబరిచి విజేతగా నిలిచాడు. ఇటీవల శ్రీకాళహస్తిలో జరిగిన 70వ ఏపీ స్కూల్‌ గేమ్స్‌ పోటీల్లో అండర్‌–17 విభాగంలో పాల్గొని రాష్ట్రస్థాయిలో ప్రథమ స్థానంలో నిలిచి బంగారు పతకం, ప్రశంసా పత్రాన్ని సాధించాడు. ఈ పోటీల్లో బాగా రాణించడంతో జాతీయ స్థాయిలో జరగనున్న లాన్‌టెన్నిస్‌ పోటీలకు ఆంధ్రప్రదేశ్‌ రాష్ట్రం తరఫున ఎంపికయ్యాడు. వైఎస్సార్‌ సీపీ రాష్ట్ర బీసీసెల్‌ ప్రధాన కార్యదర్శి, బొబ్బిలి మాజీ ఏఎంసీ చైర్మన్‌, కూనాయవలసకు చెందిన బొమ్మి శ్రీనివాసరావు కుమారుడు యశ్వంత్‌. లాన్‌టెన్నిస్‌లో యశ్వంత్‌ చూపిన ప్రతిభకు కుటుంబసభ్యులు, గ్రామస్తులు, వైఎస్సార్‌సీపీ మండల నాయకులు అభినందించారు.

విశాఖపట్నం: స్థానిక ద్వారకా బస్‌స్టేషన్‌ ముఖద్వారం వద్ద ఆర్టీసీ బస్సు ఢీకొని మంగళవారం రాత్రి ఓ తాపీమేస్త్రి మృతి చెందాడు. దీనిపై టూటౌన్‌ ట్రాఫిక్‌ ఎస్సై సింహాచలం తెలిపిన వివరాలిలా ఉన్నాయి. విజయనగరం జిల్లా బూర్జవలసకు చెందిన వి.చంద్ర(51) భార్య సీతతో కలిసి సీతంపేటలో మేస్త్రి పని ముగించుకుని కేజీహెచ్‌ సమీపంలోని ఇంటికి వెళ్తున్నారు. ఈ క్రమంలో మంగళవారం రాత్రి 7.45 గంటల సమయంలో గాజువాక నుంచి ఆర్టీసీ కాంప్లెక్స్‌కు వస్తున్న 38ఎన్‌ బస్సు చంద్రను ఢీకొంది. దీంతో ఆయన బస్సు వెనుక చక్రం కింద పడిపోగా, చక్రం తలపై నుంచి వెళ్లడంతో అక్కడికక్కడే మృతిచెందాడు. కళ్లెదుటే భర్త ప్రాణాలు కోల్పోవడంతో సీత కన్నీరుమున్నీరుగా విలపించింది. ఈ సమాచారం అందుకున్న ట్రాఫిక్‌ ఎస్సై సింహాచలం ఘటనా స్థలానికి చేరుకుని మృతదేహాన్ని కేజీహెచ్‌ మార్చురీకి తరలించారు. భార్య సీత ఫిర్యాదు మేరకు కేసు నమోదు చేసి దర్యాప్తు చేస్తున్నట్లు తెలిపారు.

పార్వతీపురం రూరల్‌: విజయవాడలోని జగ్గయ్యపేట ఏసీఎస్‌ కళాశాల వేదికగా నిర్వహించిన జాతీయస్థాయి థాంగ్‌–టా మార్షల్‌ ఆర్ట్స్‌ పోటీల్లో పార్వతీపురం మన్యం జిల్లా యువకుడు శనపతి వినయ్‌ కుమార్‌ స్వర్ణ పతకం సాధించాడు. అండర్‌–19 విభాగంలో ప్రథమ స్థానంలో నిలిచి పసిడి పతకాన్ని గెలుపొందాడు. పార్వతీపురం పట్టణంలోని వివేకానంద కాలనీ ఉజ్జిడితల్లి వీధికి చెందిన శనపతి చంద్రరావు, సంధ్యారాణి దంపతుల కుమారుడు వినయ్‌ కుమార్‌. కోచ్‌ ఎస్‌.మురళి వద్ద మార్షల్‌ ఆర్ట్స్‌లో శిక్షణ పొందాడు. జాతీయస్థాయిలో స్వర్ణ పతకం సాధించి జిల్లాకు గుర్తింపు తెచ్చిన వినయ్‌ను తల్లిదండ్రులు, బంధువులు, స్నేహితులు, స్థానికులు అభినందించారు. భవిష్యత్తులో మరిన్ని విజయాలు సాధించి ఉన్నత స్థాయికి ఎదగాలని వారు ప్రోత్సహించారు.

● చిలకాంలో కిడ్నీ వ్యాధులతో ఇప్పటి వరకు 11 మంది మృతి ● తాగునీటి శాంపిల్స్‌ సేకరణ గరుగుబిల్లి: మండలంలోని చిలకాం గ్రామంలో భూగర్భ జలాలు కలుషితానికి గల కారణాలను గుర్తించేందుకు కాలుష్య నియంత్రణ మండలి అధికారులు మంగళవారం క్షేత్రస్థాయిలో పరిశీలించారు. కాలుష్య నియంత్రణ మండలి చైర్మన్‌ డాక్టర్‌ పి.కృష్ణయ్య, కార్యదర్శి శ్రీశరవణన్‌ ఆదేశాల మేరకు సమగ్ర విచారణ జరుపుతామని విశాఖ జోనల్‌ సీనియర్‌ ఎన్విరాన్‌మెంటల్‌ ఇంజినీర్‌ టి.సుదర్శనం తెలిపారు. గ్రామంలో ఎస్సీ, బీసీ కాలనీలను సందర్శించిన అధికారులు కిడ్నీ వ్యాధులతో మృతి చెందిన వారి వివరాలు, ప్రస్తుతం వ్యాధులతో బాధపడుతున్నవారు, డయాలసిస్‌ పొందుతున్న వారి సమాచారాన్ని సేకరించారు. తాగునీటి వనరుల శాంపిల్స్‌ సేకరణ, పేపర్‌ ప్లేట్‌ పరిశ్రమ అనుమతులను పరిశీలించారు. కిడ్నీ వ్యాధులు కారణంగా గ్రామంలో 11 మంది మృతి చెందిన నేపధ్యంలో అన్ని కోణాల్లో విచారణ జరిపి, గుర్తించిన అంశాలపై ఉన్నతాధికారులకు నివేదిక అందిస్తామని సుదర్శనం వెల్లడించారు. పరిశీలనలో సీనియర్‌ ఎన్విరాన్‌మెంటల్‌ సైంటిస్ట్‌లు వీరేంద్ర కుమార్‌, పి.శ్రీనివాసరావు, బి.కరుణశ్రీ తదితరులు పాల్గొన్నారు.తాగునీటి శాంపిల్స్‌ను సేకరిస్తున్న బృంద సభ్యులు

సాలూరు: పట్టణంలో ఆసక్తికర పరిణామం చోటుచేసుకుంది. సాలూరు మున్సిపల్‌ పీఠంపై ఆశలతోనే ఓ జంట పెళ్లి బంధంలోకి అడుగు పెట్టినట్లు సోషల్‌ మీడియా వేదికగా జోరుగా ప్రచారం సాగుతోంది. అధికార పార్టీకి చెందిన మాజీ కౌన్సిలర్‌ ఉన్నఫలంగా, ఏ హడావిడీ లేకుండా ఆలయంలో వివాహం చేసుకున్నాడు. సాలూరు మున్సిపల్‌ పీఠం బీసీ మహిళకు రిజర్వుడు కావడం.. ఆ పీఠం తన కుటుంబానికే ఇస్తున్నారన్న హామీతోనే అప్పటికప్పుడు పెళ్లికి ఉపక్రమించినట్లు వార్తలు వినిపిస్తున్నాయి. ఇది యాదృచ్ఛికమో.. వాస్తవమో గానీ, ఈ వార్త సామాజిక మాధ్యమాల్లో తెగ వైరల్‌ అవుతోంది.

పార్వతీపురం రూరల్‌: జమ్ము కశ్మీర్‌ ప్రభుత్వం అక్టోబర్‌ 25, 2026న శ్రీనగర్‌లో ’3వ ఎడిషన్‌ కాశ్మీర్‌ మారథాన్‌–2026ను నిర్వహిస్తున్నట్లు జిల్లా క్రీడాభివృద్ధి అధికారి డాక్టర్‌ కె.శ్రీధర్‌ రావు మంగళవారం ఒక పత్రికా ప్రకటనలో తెలిపారు. ఈ మారథాన్‌కు సంబంధించి ఫుల్‌ మారథాన్‌ ఓవరాల్‌ విజేతలకు రూ. 25 లక్షలు, అలాగే హాఫ్‌ మారథాన్‌ సీ్త్ర, పురుషుల విభాగాల్లో విజేతలకు రూ.15 లక్షలు చొప్పున నగదు బహుమతి అందజేయనున్నారు. 18 సంవత్సరాలు పైబడిన సీ్త్ర, పురుషులు ఈ పోటీలకు అర్హులు. రిజిస్ట్రేషన్‌ ఫీజు రూ.2200 గా నిర్ణయించారు. 42 కిలోమీటర్ల ఈ మారథాన్‌ పిక్చర్‌ స్క్వేర్‌ రూట్‌, దాల్‌ లేక్‌, చినార్‌ ట్రీస్‌, మొఘల్‌ గార్డెనన్స్‌ గుండా సాగుతుంది. ఆసక్తి గల పార్వతీపురం మన్యం జిల్లా యువతీయువకులు ‘హెచ్‌టీటీపీ://డబ్ల్యూడబ్ల్యూడబ్ల్యూ.కశ్మీర్‌మారథాన్‌.జెకె.జిఓవి.ఇన్‌‘ వెబ్‌సైట్‌ ద్వారా ఆన్‌న్‌లైన్‌లో దరఖాస్తు చేసుకోవాలని సూచించారు. ఇతర వివరాలకు ఫోన్‌ 9866805716, 7396423490 నంబర్లను సంప్రదించవచ్చు. తహసీల్దార్‌ కార్యాలయం ఆకస్మిక తనిఖీ మక్కువ: మండల కేంద్రంలోని తహసీల్దార్‌ కార్యాలయాన్ని పార్వతీపురం సబ్‌ కలెక్టర్‌ సచిన్‌ అర్చిత్‌ రహార్‌ మంగళవారం ఆకస్మికంగా తనిఖీ చేశారు. కార్యాలయంలోని పలు కీలక రికార్డులను పరిశీలించి, సిబ్బంది పనితీరును అడిగి తెలుసుకున్నారు. ప్రజా సమస్యల పరిష్కార వేదిక ద్వారా వచ్చిన అర్జీలపై సమీక్షా సమావేశం నిర్వహించారు. ప్రజల నుంచి వచ్చిన ఫిర్యాదులను ఎప్పటికప్పుడు పరిష్కరించాలని, అర్జీలను నిర్ణీత గడువులోగా విచారించి ప్రజలకు గుణాత్మకమైన సేవలు అందించాలని సంబంధిత అధికారులను ఆదేశించారు. స్థానిక జిల్లా పరిషత్‌ ఉన్నత పాఠశాల ఆవరణలోని ఈవీఎంల భద్రతా గదిని (స్ట్రాంగ్‌ రూమ్‌) సబ్‌ కలెక్టర్‌ క్షేత్రస్థాయిలో పరిశీలించారు. స్ట్రాంగ్‌ రూమ్‌ వద్ద ఏర్పాటు చేసిన రక్షణ చర్యలు, సీసీ కెమెరాల పనితీరు, భద్రతా ఏర్పాట్లపై సంతృప్తి వ్యక్తం చేశారు. కార్యక్రమంలో తహసీల్దార్‌ భానుప్రసాద్‌, రెవెన్యూ శాఖల అధికారులు, సిబ్బంది పాల్గొన్నారు. ఆధునిక సాగు పద్ధతులతో పెట్టుబడి ఆదా గరుగుబిల్లి: ఆధునిక సాగు పద్ధతులతో పెట్టుబడి ఆదా అవుతుందని రైతు సాధికార సంస్థ (ఆర్‌వైఎస్‌ఎస్‌) ఎగ్జిక్యూటివ్‌ డైరెక్టర్‌, రిటైర్డ్‌ ఐఏఎస్‌ అధికారి టి.బాబురావునాయుడు అన్నారు. శాస్త్ర, సాంకేతిక పరిజ్ఞానాన్ని వినియోగించుకుని నూతన పద్ధతులు పాటించడం వల్ల తక్కువ ఖర్చుతో అధిక దిగుబడులు సాధించవచ్చన్నారు. గరుగుబిల్లి మండలం సంతోషిపురంలో వరి పంటలో సుడిదోమ నివారణకు తూటికాడ కషాయాన్ని డ్రోన్‌తో పిచికారీ చేశారు. డ్రోన్‌తో పిచికారీ చేయడం వల్ల కలిగే ప్రయోజనాలను వివరించారు. కార్యక్రమంలో రీజినల్‌ థీమాటిక్‌ లీడ్‌ కె.ప్రకాష్‌ మాట్లాడుతూ.. ఎల్‌నినో ప్రభావాన్ని దృష్టిలో ఉంచుకుని ఆరుతడి పంటలు, పప్పు ధాన్యాలు, నూనె గింజలు, చిరుధాన్యాల సాగుపై రైతులు దృష్టి సారించాలని సూచించారు. కార్యక్రమంలో ప్రకృతి వ్యవసాయ ప్రబంధకుడు ఎం.శ్రావణ్‌ కుమార్‌నాయుడు, ఏఈఓ ఎ.హరీష్‌, మండల ఇన్‌చార్జి వి.పోలినాయుడు, వెంకట్‌నాయుడు, ప్రసాద్‌, గంగ, నైరా వ్యవసాయ కళాశాల విద్యార్థులు పాల్గొన్నారు. జిల్లా అదనపు ఎస్పీగా పద్మలత విజయనగరం టౌన్‌: జిల్లా అదనపు ఎస్పీ (అడ్మిన్‌)గా ఎ.పద్మలతను నియమిస్తూ ప్రభుత్వ ప్రిన్సిపల్‌ సెక్రటరీ కుమార్‌ విశ్వజీత్‌ మంగళవారం ఉత్తర్వులు జారీచేశారు. ఆమె ఇప్పటివరకూ సీఐడీ విభాగంలో అదనపు ఎస్పీగా విధులు నిర్వహించారు. ప్రస్తుతం ఇక్కడ అదనపు ఎస్పీ(అడ్మిన్‌)గా పనిచేసిన సౌమ్యలతను విజిలెన్స్‌కు బదిలీ చేస్తూ ఉత్తర్వులు జారీచేశారు.

● రిజర్వేషన్‌ ఖరారు ● రేసులోకి ఆశావహులు సాక్షి, పార్వతీపురం మన్యం: పార్వతీపురం మన్యం జిల్లా పరిషత్‌ అధ్యక్ష స్థానాన్ని గిరిజనులకే (షెడ్యూల్డ్‌ ట్రైబ్‌) కేటాయించారు. ఈ మేరకు మంగళవారం రాత్రి నోటిఫికేషన్‌ విడుదల చేశారు. జిల్లా ఏర్పడిన తర్వాత తొలి జెడ్పీ చైర్మన్‌ పీఠం ఎస్టీ(జనరల్‌)లకే కేటాయించడం గమనార్హం. 2022లో విజయనగరం, శ్రీకాకుళం జిల్లాల్లోని కొంత భాగాలతో కలిసి నాలుగు నియోజకవర్గాలుగా పార్వతీపురం మన్యం జిల్లా ఏర్పడిన విషయం విదితమే. ఇందులో పార్వతీపురం ఎస్సీ కాగా.. సాలూరు, పాలకొండ, కురుపాం నియోజకవర్గాలు ఎస్టీగా ఉన్నాయి. ఇప్పటివరకు ఉమ్మడి విజయనగరం జిల్లా పరిషత్‌గానే సాగింది. గత నెల 24వ తేదీతో ప్రస్తుత జెడ్పీ సభ్యుల పదవీకాలం పూర్తి కావడంతో.. ప్రభుత్వ ఆదేశాల మేరకు కొత్త జిల్లాల ప్రాతిపదికన జిల్లా పరిషత్‌లు ఏర్పడ్డాయి. ఇందులో భాగంగా 15 మండలాలతో మన్యం జిల్లా పరిషత్‌ ఆవిర్భవించింది. ఈ మండలాల్లో ఎంపీపీల పదవీ కాలం ముగియడంతో ప్రస్తుతం ప్రత్యేక అధికారుల పాలన కొనసాగుతోంది. జిల్లా పరిషత్‌ పరిధిలో 15 జెడ్పీటీసీ, 226 ఎంపీటీసీ స్థానాలు ఉన్నాయి. 6.43 లక్షల మంది ఓటర్లు ఉన్నారు. ఈ దఫా జెడ్పీపీఠం అధిరోహించిన వారు.. మన్యం జిల్లా పరిషత్‌ తొలి చైర్మన్‌గా చరిత్రకెక్కనున్నారు. తొలి జెడ్పీ అధ్యక్షునిగా బరిలో నిలిచేందుకు పలువురు ఆసక్తి చూపిస్తున్నారు. టీడీపీ అభ్యర్థిగా తెలుగుదేశం పార్టీ రాష్ట్ర కార్యదర్శి వైరిచర్ల వీరేష్‌ చంద్రదేవ్‌ పేరు ప్రధానంగా వినిపిస్తోంది. మిత్ర పక్షం జనసేన పార్టీకి పొత్తుల్లో భాగంగా కేటాయిస్తే మాజీ ఎమ్మెల్యే నిమ్మక జయరాజు పేరు కూడా చర్చలోకి వస్తోంది. ఇదే సమయంలో పాలకొండ జనసేన పార్టీ ఎమ్మెల్యే నిమ్మక జయకృష్ణ కుటుంబం నుంచి కూడా పోటీపడుతున్నట్లు సమాచారం. అవసరమైతే పాలకొండ నగర పంచాయతీ పీఠాన్ని వదులుకోవడానికై నా జనసేన నుంచి సిద్ధంగా ఉన్నట్లు తెలుస్తోంది. మరోవైపు పాలకొండకే చెందిన టీడీపీ నియోజకవర్గ ఇన్చార్జి పడాల భూదేవి తమ కుటుంబం నుంచి కూడా బరిలోకి దింపాలని ఆలోచిస్తున్నట్లు తెలుస్తోంది. బీజేపీ జిల్లా అధ్యక్షుడు ద్వారపురెడ్డి శ్రీనివాసరావుతో వీరికి బంధుత్వం కూడా ఉంది. ఆ విధంగానూ ప్రయత్నాలు చేస్తున్నట్లు వినిపిస్తోంది. వైఎస్సార్సీపీ కూడా ఆ పార్టీ నుంచి బలమైన అభ్యర్థిని బరిలో దించే యోచనలో ఉంది.

మక్కువ: మక్కువ మండలాన్ని గడిచిన పది రోజులుగా ఏనుగుల గుంపు వదలడం లేదు. మండలంలోని పలు గ్రామాల సమీపంలో నదులు, చెరువుల్లో నీరు పుష్కలంగా ఉండడంతో పాటు, ఆయిల్‌ పామ్‌ తోటలు, జీడితోటలు, ఎత్తైన కొండలు ఉన్నందున సేదదీరుతూ సంచరిస్తున్నాయి. మంగళవారం తెల్లవారుజామున మక్కువ, డబ్బూరివలస గ్రామ సమీపాల్లోని వరిపంట పొలాల గట్లపై నుంచి చెరువుకు చేరుకున్నాయి. చెరువులో సేదదీరుతున్న ఏనుగుల గుంపును చూసేందుకు మండలంలోని పలు గ్రామాల నుంచి పెద్ద ఎత్తున ప్రజలు చేరుకున్నారు. ఏనుగులు ప్రజలకు ఎటువంటి హాని చేయకుండా అటవీ శాఖ సిబ్బంది, ట్రాకర్స్‌ చర్యలు చేపట్టారు. చెరువులో సేదదీరిన ఏనుగుల గుంపు, కొంత సమయం పోయిన తర్వాత సువర్ణముఖి నదిలోకి జారుకున్నాయి. ఆందోళనలో ప్రజలు రెండు రోజులుగా మార్కొండ పుట్టి, సరాయవలస పంచాయతీల పరిధిలోని పలు గ్రామాల్లో ఏనుగులు సంచరించడంతో ఆయా గ్రామాల ప్రజలు, రైతులు ఆందోళన చెందుతున్నారు. రాత్రి వేళ ఏనుగులు గ్రామాల సమీపంలో సంచరిస్తుండడంతో, ఏ హాని తలపడతాయోనని బిక్కుబిక్కు మంటూ ఉన్నారు. వారం రోజుల క్రితం వరకు పంట పొలాల్లో సంచరించిన ఏనుగుల గుంపు, పంథా మార్చి, జనావాసాల్లోకి వస్తుండడంతో ఏం జరుగుతుందోనని మండల ప్రజలు ఆందోళన చెందుతున్నారు. ఏనుగులను చూసేసరికి ప్రజలు గట్టిగా కేరింతలు కొట్టడంతో, ఏనుగులు విసుగుచెంది జనావాసాల్లోకి చొరబడితే పెద్ద నష్టం జరిగే ఆస్కారం ఉంటుంది. ఏనుగులను రెచ్చగొట్టే ధోరణలో ప్రజలెవరూ వ్యవహరించరాదని అటవీశాఖ అధికారులు విజ్ఞప్తి చేస్తున్నారు. వ్యవసాయ పొలాలకు విద్యుత్‌ సరఫరా బంద్‌ ఏనుగులు సంచరిస్తున్న గ్రామాల సమీపంలోని పంట పొలాలకు విద్యుత్‌ సరఫరా నిలిచిపోతుండడంతో రైతులు ఆవేదన చెందుతున్నారు. ఎండలు అధికంగా ఉండడం, వర్షాలు కురవకపోవడంతో, పంటలు ఎండిపోతున్నాయి. వ్యవసాయ మోటార్ల ద్వారా పంట పొలాలకు నీరు అందించేందుకు, ఏనుగులు తిరిగే ప్రదేశంలో విద్యుత్‌ సరఫరా నిలిపివేయడంతో, పంటలకు నీరు అందించలేకపోతున్నామని రైతులు వాపోతున్నారు. ఇప్పటికై నా ఉన్నతాధికారులు స్పందించి ఏనుగుల గుంపును తరలించేలా చర్యలు చేపట్టాలని మక్కువ మండల ప్రజలు కోరుతున్నారు. భయాందోళనకు గురి చేస్తున్న ఏనుగుల గుంపు చూసేందుకు తరలివచ్చిన ప్రజలు నిలిచిపోతున్న విద్యుత్‌ సరఫరా ఆందోళనలో అన్నదాతలు

నెల్లిమర్ల రూరల్‌: మండలంలోని టెక్కలి గ్రామంలో ఉన్న సెంచూరియన్‌ విశ్వ విద్యాలయంలో స్కూల్‌ ఆఫ్‌ మేనేజ్‌మెంట్‌ ఆధ్వర్యంలో మంగళవారం బిగ్‌ ఫెస్ట్‌–2026 కార్యక్రమం ఘనంగా జరిగింది. ఈ సందర్భంగా ఏర్పాటు చేసిన అవగాహన కార్యక్రమంలో వీసీ ప్రొఫెసర్‌ ప్రశాంత్‌ కుమార్‌ మహంతి మాట్లాడుతూ మేనేజ్‌మెంట్‌ విద్యార్థులకు వ్యాపార ఆలోచనలతో పాటు నైపుణ్యాలు ఎంతో అవసరమన్నారు. ముఖ్య అతిథిగా హాజరైన ఐఐఎం విశాఖ ప్రొఫెసర్‌ పంకజ్‌ విశకర్మ వ్యాపారాల్లో అనుసరించాల్సిన మార్కెటింగ్‌ వ్యూహాలను వివరించారు. కార్యక్రమంలో బోర్డు సభ్యుడు నరేంద్ర, సిబ్బంది పల్లవి, రవికుమార్‌, తదితరులు పాల్గొన్నారు.

● 17న పార్వతీపురంలో రైతుల ప్రదర్శనపార్వతీపురం రూరల్‌: జంఝావతి ప్రాజెక్టును పూర్తిచేసే వరకు తమ పోరాటం కొనసాగుతుందని సాధన సమితి, గ్లోబల్‌ స్ఫూర్తి డెవలప్‌మెంట్‌ సొసైటీ నాయకులు స్పష్టం చేశారు. ఈ మేరకు పార్వతీపురంలో జరుగుతున్న జంఝావతి సాధన దీక్షలు మంగళవారానికి 22వ రోజుకు చేరుకున్నాయి. ఈ దీక్షలకు మద్దతుగా గ్లోబల్‌ స్ఫూర్తి సొసైటీ సభ్యులు చర్చి వీధి పార్కు నుంచి శిబిరం వరకు ర్యాలీ నిర్వహించారు.ఐదు దశాబ్దాలుగా ప్రాజెక్టు పూర్తికాక రైతులకు నష్టం జరుగుతోందని నాయకులు ఈ సందర్భంగా పేర్కొన్నారు. కేంద్రం, రాష్ట్రం, ఒడిశాలో ఎన్డీఏ ప్రభుత్వాలే అధికారంలో ఉన్నందున, రాష్ట్ర ప్రభుత్వం వెంటనే చొరవ తీసుకుని ప్రాజెక్టును పూర్తిచేయాలని వారు డిమాండ్‌ చేశారు. ప్రాజెక్టు సాధన కోసం ఈ నెల 17న పార్వతీపురంలో రైతుల ప్రదర్శన నిర్వహిస్తున్నట్లు ప్రకటించారు. కార్యక్రమంలో స్ఫూర్తి సొసైటీ రాష్ట్ర అధ్యక్షురాలు బలగ రాధానాయుడు, ఉపాధ్యక్షుడు అనంతరావు, సాధన సమితి నాయకులు చుక్క భాస్కరరావు తదితరులు పాల్గొన్నారు.

విజయనగరం కల్చరల్‌ (క్రైమ్‌): ౖపెడితల్లి సిరిమానోత్సవంలో భాగంగా సిరిమాను చెట్టు తరలింపు ప్రక్రియ సోమవారం సంబరంగా సాగింది. విజయనగరం మండలం జొన్నవలసలో సిరిమాను, ఇరుసుమాను చెట్లకు భక్తులు ప్రత్యేక పూజలు చేశారు. పసుపుకుంకుమలు సమర్పించారు. ము హూర్తం ప్రకారం సిరిమాను పూజారి బంటుపల్లి వెంకటరావు, ఆలయ అధికారులు, ప్రజాప్రతినిధులు సిరిమాను చెట్టు కొట్టేందుకు గొడ్డలి గాట్లు పెట్టారు. వడ్రంగులు రెండు చింత చెట్లను నరికి ఎడ్లబళ్లకు కట్టి తరలింపునకు ఏర్పాట్లు చేశారు. జొన్నవలసలో సాయంత్రం ఆరంభమైన సిరిమా ను చెట్టు తరలింపులో వేలాది మంది భక్తులు పాల్గొన్నారు. దారి పొడవునా మహిళలు పసుపునీళ్లతో సిరిమాను చెట్టుకు చల్లదనం చేశారు. జొన్నవలస నుంచి దుప్పాడ, బంగ్లారోడ్డు, ఎత్తుబ్రి డ్జి, వనంగుడి మీదుగా గంటస్తంభం, చదురుగు డి,శివాలయం మీదుగా హుకుంపేటకు తరలించా రు. సుమారు 8 కిలోమీటర్ల మీర సాగిన సిరిమా ను చెట్టు తరలింపు ప్రక్రియ భక్తుల జయజయ ధ్వానాలు, సాంస్కృతిక ప్రదర్శనల నడుమ సా గింది. ఎక్కడా ట్రాఫిక్‌ ఇబ్బందులు తలెత్తకుండా పోలీసులు బందోబస్తు విధులు నిర్వహించారు. సిరిమాను చెట్టును దర్శించుకున్న నేతలు, భక్తులు సిరిమాను చెట్టును మంత్రి కొండపల్లి శ్రీనివాస్‌, ఎమ్మెల్యే అదితి గజపతిరాజు, ఎంపీ కలిశెట్టి అప్పలనాయుడు, ఎమ్మెల్సీ గాదె శ్రీనివాసులనాయుడు, మాజీ డిప్యూటీ స్పీకరల్‌ కోలగట్ల వీరభద్రస్వామి, మాజీ డిప్యూటీ మేయర్‌, వైఎస్సార్‌సీపీ రాష్ట్ర మహిళా ప్రధానకార్యదర్శి కోలగట్ల శ్రావణి, బీజేపీ జిల్లా అధ్యక్షుడు రాజేష్‌ వర్మ, పైడితల్లి ఆలయ ఈఓ శిరీష, సిరిమాను పూజారి బంటుపల్లి వెంకటరావు, సిరిమాను చెట్ల దాతలు బూర్లి శ్రీనివాసరావు, రవి, వారి కుటుంబ సభ్యు లు ప్రత్యేక పూజలు చేశారు. సిరిమాను చెట్టుకు పసుపునీళ్లతో చల్లదనం దారిపొడవునా పైడిమాంబకు జేజేలు సిరిమాను తరలింపులో పాల్గొన్న యువకులు ట్రాఫిక్‌ సమస్యలేకుండా పోలీస్‌ బందోబస్తు హుంకుంపేటకు చేరిన సిరిమాను చెట్టు

పార్వతీపురం: ప్రభుత్వ కార్యాలయాలు, పాఠశాలల్లో పరిశుభ్రత పాటించాలని, నిత్యావసర సరుకు ల ధరల నియంత్రణపై ప్రత్యేక దృిష్టి సారించాలని కలెక్టర్‌ డాక్టర్‌ ఎన్‌. ప్రభాకరరెడ్డి అధికారులను ఆదేశించారు. సోమవారం పీజీఆర్‌ఎస్‌ అనంతరం నిర్వహించిన సమీక్షలో ఆయన మాట్లాడుతూ పాఠశాలలను క్రమం తప్పకుండా తనిఖీ చేసి, మెరుగు పరచాలని సూచించారు. గ్రామాల్లో ప్లాస్టిక్‌ విని యోగాన్ని అరికట్టి, చెత్తాచెదారం రోడ్డులపై వేయకుండా చర్యలు తీసుకోవాలన్నారు. సరుకుల కృత్రిమ కొరత సృష్టించినా, అధిక ధరలకు విక్రయించినా చర్యలు తీసుకోవాలని ఆదేశించారు. సమావేశంలో జేసీ ఆర్‌.వైశాలి పాల్గొన్నారు.

● అర్జీదారులతో మాట్లాడి క్షేత్రస్థాయిలో పరిశీలించాలి ● కలెక్టర్‌ డా. ఎన్‌. ప్రభాకరరెడ్డిపార్వతీపురం: ప్రజా సమస్యల పరిష్కారమే ప్రధాన లక్ష్యమని, ప్రజల నుంచి అందిన ప్రతీ అర్జీని నిర్దేశిత గడువులోగా పరిష్కరించాలని కలెక్టర్‌ డా. ఎన్‌. ప్రభాకరరెడ్డి అధికారులను ఆదేశించారు. ఈ మేరకు సోమవారం కలెక్టరేట్‌లో నిర్వహించిన పీజీఆర్‌ఎస్‌, రెవెన్యూ క్లినిక్‌ కార్యక్రమంలో జేసీ ఆర్‌.వైశాలితో కలిసి ప్రజల నుంచి మొత్తం 75 అర్జీలను స్వీకరించారు. వివిధ ప్రాంతాల నుంచి వచ్చిన ప్రజలు రహదారులు, రేషన్‌ కార్డులు, ఉద్యోగాలు, ప్రభుత్వ భూముల ఆక్రమణలు, భూ రికార్డుల సమస్యలపై వినతులను సమర్పించారు. అర్జీలను పరిశీలించిన కలెక్టర్‌ సంబంధిత అధికారులతో మాట్లాడి సమస్యల పరిష్కారానికి కఠిన చర్యలు తీసుకోవాలని, పెండింగ్‌ అర్జీలను ప్రత్యేకంగా సమీక్షించి జాప్యం లేకుండా పరిష్కరించాలని ఆదేశించారు. ప్రజలు ఒకే సమస్యపై పదేపదే కార్యాలయాల చుట్టూ తిరగకుండా అధికారులు బాధ్యతాయుతంగా వ్యవహరించాలన్నారు. 1100 టోల్‌ ఫ్రీ సేవల ద్వారా అందే ఫిర్యాదులను కూడా సత్వరం పరిష్కరించాలన్నారు. కార్యక్రమంలో సబ్‌కలెక్టర్లు ఆర్చిత్‌ సచిన్‌ రహార్‌, పవర్‌ స్వప్నిల్‌ జగన్నాథ్‌, డీఆర్‌ఓ కె.హేమలత, ఎస్‌డీసీ ధర్మరాజు తదితరులు పాల్గొన్నారు. దివ్యాంగులకు వైబ్రేషన్‌ స్టిక్‌, వినికిడి యంత్రం అందజేత పార్వతీపురం: పీజీఆర్‌ఎస్‌లో అందిన దరఖాస్తులపై స్పందించిన కలెక్టర్‌ డా. ఎన్‌. ప్రభాకరరెడ్డి ఇద్దరు అర్జీదారులకు వైబ్రేషన్‌ స్టిక్‌, వినికిడి యంత్రాన్ని అందజేశారు. సోమవారం కలెక్టరేట్‌లో నిర్వహించిన పీజీఆర్‌ఎస్‌లో పార్వతీపురానికి చెందిన సీహెచ్‌ విజయకుమార్‌ వైబ్రేషన్‌ స్టిక్‌, కురుపాం మండలానికి చెందిన ఎం.కృష్ణమూర్తి వినికిడి యంత్రం కోసం అర్జీలను సమర్పించారు. వాటిని పరిశీలించిన కలెక్టర్‌ తక్షణమే స్పందించి అవసరమైన పరికరాలను అందజేశారు. కార్యక్రమంలో జేసీ ఆర్‌.వైశాలి, సబ్‌కలెక్టర్లు ఆర్చిత్‌ సచిన్‌, రహర్‌, పవర్‌ స్వప్నిల్‌ జగన్నాథ్‌, డీఆర్‌ఓ కె. హేమలత తదితరులు పాల్గొన్నారు. ఫిర్యాదులపై సత్వర చర్యలు పార్వతీపురం రూరల్‌: జిల్లా పోలీసు ప్రధాన కార్యాలయంలో ఎస్పీ ఎస్‌.వి.మాధవ్‌రెడ్డి ఆధ్వర్యంలో సోమవారం ‘ప్రజా సమస్యల పరిష్కార వేదిక’ కార్యక్రమం జరిగింది. జిల్లాలోని వివిధ ప్రాంతాల నుంచి వచ్చిన బాధితుల నుంచి ఎస్పీ అర్జీలు స్వీకరించారు. వారితో ముఖాముఖి మాట్లాడి సమస్యలను అడిగి తెలుసుకున్నారు. ఈ కార్యక్రమంలో కుటుంబ కలహాలు, సైబర్‌ మోసాలు, భూ వివా దాలు, నకిలీ పత్రాలు, అధిక వడ్డీలు, మహిళలపై వేధింపులు తదితర సమస్యలకు సంబంధించి 5 ఫిర్యాదులు అందాయి. ఈ ఫిర్యాదులను పరిశీలించిన ఎస్పీ.. సంబంధిత పోలీసు అధికారులతో ఫోన్‌లో మాట్లాడారు. వాస్తవాలను నిర్ధారించుకుని చట్టపరిధిలో తక్షణ చర్యలు చేపట్టాలని ఆదేశించారు. అలాగే, ఆయా చర్యల నివేదికలను జిల్లా కార్యాలయానికి పంపాలని స్పష్టం చేశారు. ప్రతి సోమవారం ఉదయం 10 గంటల నుంచి మధ్యాహ్నం 1 గంట వరకు నిర్వహించే ఈ వేదికను ప్రజలు సద్వినియోగం చేసుకోవాలని ఎస్పీ సూచించారు. కార్యక్రమంలో డీసీఆర్‌బీ సీఐ జీఏవీ రమణ, ఎస్సై అశోక్‌ చక్రవర్తి, పోలీసు సిబ్బంది పాల్గొన్నారు. ఐటీడీఏ పీజీఆర్‌ఎస్‌కు 33 వినతులు సీతంపేట: సీతంపేట ఐటీడీఏలో సోమవారం జరిగిన పీజీఆర్‌ఎస్‌కు 33 వినతులు వచ్చాయి. పాలకొండ సబ్‌ కలెక్టర్‌, ఐటీడీఏ ఇన్‌చార్జ్‌ పీఓ పవార్‌ స్వప్నిల్‌ వినతులు స్వీకరించారు. టెక్నికల్‌ పోస్టులో తనను నియమించాలని తొత్తడికి చెందిన ప్రమీల కోరారు. సీతంపేట గ్రామం నుంచి ఎగువముల్లెల గూడ గ్రామం వరకు బీటీ రోడ్డు నిర్మించాలని అడ్డంగి గ్రామస్తుడు శివ కోరారు. దుగ్గికి చెందిన కొండగొర్రె పెంటయ్య వ్యవసాయ పైపులు ఇప్పించాలని విన్నవించాడు. మేకల కొనుగోలుకు రుణం ఇప్పించాలని మామిడిమానుగూడ గ్రామానికి చెందిన ఆరిక బోడమ్మ కోరింది. ఈతమాను గూడకు చెందిన సవర అమల తదితరులు అన్నదాత సుఖీభవ నిధులు జమ కాలేదని ఫిర్యాదు చేశారు. ఉల్లిమానుగూడకు చెందిన సవర సుంకయ్య వ్యవసాయ కాలువకు మరమ్మతులు చేయాలని కోరారు. కార్యక్రమంలో ఏపీఓ చిన్నబాబు, ఈఈ రమాదేవి, డిప్యూటీ ఈఓ నారాయుడు పాల్గొన్నారు.

పాలకొండ రూరల్‌: జాతీయ స్థాయి వెయిట్‌లిఫ్టింగ్‌ పోటీలకు స్థానిక పెద్దకాపు వీధికి చెందిన పొగిరి కిశోర్‌ ఎంపికయ్యారు. ఈ నెల 9,10,11 తేదీల్లో కాకినాడలో జరిగిన రాష్ట్రస్థాయి పోటీలో వివిధ విభాగాల్లో 181 కేజీల మేర బరువు ఎత్తి ప్రథమ స్థానంలో నిలవడంతో పాటు జాతీయ స్థాయి పోటీలకు ఎంపికయ్యారు. దేశ రాజధాని ఢిల్లీలో వచ్చే నెల 30న జరగనున్న జాతీయస్థాయిలో పాల్గొననున్నాడు. ఆయన తల్లిదండ్రులు వెంకటరమణ ఎలక్ట్రీషియన్‌ కాగా తల్లి జ్యోతి గృహిణి. కిశోర్‌ గత ఏడాది వీఎల్‌ఎం కేటగిరిలో సిల్వర్‌ మెడల్‌ సాధించాడు. ఈ మేరకు క్రీడాకారుడిని పార్వతీపురం మన్యం జిల్లా కబడ్డీ అసోసియేషన్‌ గౌరవాధ్యక్షుడు పల్లా కొండలరావు తదితరులు పాలకొండలో సోమవారం అభినందించారు. జాతీయ స్థాయిలో సత్తాచాటాలంటూ ప్రోత్సహించారు.రైతుబజార్‌లో బియ్యం కౌంటర్‌పునఃప్రారంభంవిజయనగరం ఫోర్ట్‌: రైతు బజార్లలో బియ్యం కౌంటర్లు ఎత్తేయడంతో వినియోగదారులు ఇబ్బంది పడుతున్నారనే అంశంపై ఈనెల 9న సాక్షిలో బియ్యం కౌంటర్లు ఎత్తేశారు శీర్షికన ప్రచురించిన కథనానికి అధికారులు స్పందించారు.ఈ మేరకు సోమవారం ఆర్‌అండ్‌బీ రైతు బజార్‌లో మార్కెటింగ్‌శాఖ ఎ.డి రవికిరణ్‌, సివిల్‌సప్‌లైస్‌ డీఎం బి. శాంతిలు ధరణి పేరుతో బియ్యం కౌంటర్లను పునఃప్రారంభించారు. ఐటీఐలో క్యాంపస్‌ ప్లేస్‌మెంట్స్‌ డ్రైవ్‌ రేపుసాలూరు: పట్టణంలోని ప్రభుత్వ ఐటీఐ కళాశాలలో బుధవారం క్యాంపస్‌ ప్లేస్‌మెంట్‌ డ్రైవ్‌ నిర్వహిస్తున్నట్లు ఇన్‌చార్జ్‌ ప్రిన్సిపాల్‌, ప్లేస్‌మెంట్‌ ఆఫీసర్‌ కోట్ల శ్రీనివాసరావు ఓ ప్రకటనలో తెలిపారు. స్కైనిడర్‌ ఎలక్ట్రిక్‌ ప్రైవేట్‌ లిమిటెడ్‌, టీవీఎస్‌ ట్రైనింగ్‌ అండ్‌ సర్వీసెస్‌ తదితర కంపెనీలు ఈ ప్లేస్‌మెంట్‌కు వస్తాయన్నారు.ఆసక్తిగల అభ్యర్థులు తమ బయోడేటా, సర్టిఫికెట్లతో హాజరుకావాలని సూచించారు. మరిన్ని వివరాలకు ఫోన్‌ 9573644439 నంబరును సంప్రదించాలని పిలుపునిచ్చారు. హుండీ ఆదాయం చోరీదత్తిరాజేరు: మండల కేంద్రంలోని శివాలయంలో ఉన్న హుండీని గుర్తు తెలియని వ్యక్తులు చోరీ చేసినట్లు శివాలయం కమిటీ సభ్యులు సోమవారం తెలిపారు. భక్తులు హుండీలో వేసిన డబ్బులు అధిక మొత్తంలో ఉండడంతో గుర్తు తెలియని వ్యక్తులు సోమవారం తెల్లవారుజామున చోరీకి పాల్పడినట్లు తెలిపారు.ఈ విషయమై పెదమానాపురం పోలీసులకు సమాచారం అందించడంతో వారు వచ్చి పరిశీలించినట్లు గ్రామ మాజీ సర్పంచ్‌ మహదేవ్‌ ఫణీంద్రుడు తెలిపారు. బంగారం చోరీకేసులో నిందితుడి అరెస్టుబాడంగి: మండలంలోని గజరాయునివలసలో గ్రామంలో జరిగిన బంగారం చోరీ కేసులో నిందితుడిని పోలీసులు అరెస్ట్‌ చేసి బొబ్బిలికోర్టుకు తరించగా న్యాయమూర్తి రిమాండ్‌ విధించారు. దీనికి సంబంధించి ఎస్సై సూర్యకుమారి అందించిన వివరాలిలా ఉన్నాయి. గజరాయునివలస గ్రామానికి చెందిన గిరి జాపు సురేష్‌ ఇంటిలో సోమవారం ఉదయం దొంగతనం జరిగిందని తమకు ఫిర్యాదు అందింది. ఫిర్యాదుమేరకు కేసునమోదుచేసి దర్యాప్తు చేసి అదే గ్రామానికి చెందిన పక్కింటి వ్యక్తి దొంగతనం చేసినట్లు రుజువవడంతో నిందితుడి దగ్గర నుంచి ముప్పావుతులం బంగారాన్ని స్వాధీనం చేసుకుని అరెస్ట్‌ చేసి కోర్టుకు తరలించామని ఎస్సై చెప్పారు.

● ఎమ్మెల్సీ పాలవలస విక్రాంత్‌వంగర: రైతులను ఆదుకోవడంలో చంద్రబాబు ప్రభుత్వం పూర్తిగా విఫలమైందని ఎమ్మెల్సీ పాలవలస విక్రాంత్‌ అన్నారు. ఈ మేరకు ఆయన సోమవారం వంగరలో విలేకరులతో మాట్లాడారు. ఇటీవల సంభవించిన తుపాను కారణంగా కొప్పర, కొండచాకరాపల్లి, గీతనాపల్లి గ్రామాలు ముంపునకు గురయ్యాయని, ఆయా గ్రామస్తులకు పునరావాస సౌకర్యాలు సకాలంలో కల్పించడంలో ప్రభుత్వ, అధికార యంత్రాంగం విఫలమయ్యాయన్నారు. ఆయా గ్రామాల్లో సువర్ణముఖి నది ఉధృతి వల్ల పంటలకు తీవ్రనష్టం జరిగిందని, ఏ ఒక్క రైతును ప్రభుత్వం ఆదుకోలేదన్నారు. నష్టం వాటిల్లిన రైతులకు ఎకరాకు రూ.20 వేలు అందజేయాలని డిమాండ్‌ చేశారు. గత ప్రభుత్వం హయాంలో మాజీ ముఖ్యమంత్రి వైఎస్‌ జగన్‌మోహన్‌రెడ్డి నిష్పక్షపాతంగా పంటల బీమా పథకాన్ని అమలు చేశారని, ప్రీమియం డబ్బులు ప్రభుత్వమే చెల్లించి రైతులు సాగు చేసిన పంటలకు రక్షణ కల్పించారని గుర్తు చేశారు. చంద్రబాబు ప్రభుత్వం రైతులను ఆదుకోవడంలో విఫలమైందని, ఇది రైతు వ్యతిరేక ప్రభుత్వమన్నారు. కార్యక్రమంలో వైఎస్సార్‌సీపీ మండల అధ్యక్షుడు కరణం సుదర్శనరావు, మండల యూత్‌ విభాగం అధ్యక్షుడు బొక్కేల వెంకటప్పలనాయుడు, మాజీ ఎంపీటీసీ కనగల పద్మ, దేవకివాడ దుర్గప్పలనాయుడు, పాలవలస ధవళేశ్వరరావు పాల్గొన్నారు.

పార్వతీపురం రూరల్‌: కలెక్టరేట్‌లో సోమవారం జరిగిన పీజీఆర్‌ఎస్‌కు అర్జీదారులు పోటెత్తారు. అధికారులకు తమ కష్టాలు వివరించారు. కన్నీళ్లు తుడవాలంటూ ప్రాథేయపడ్డారు. అర్జీలు అందజేసి గోడు వినిపించారు. ●ఊరికి కిలోమీటరు దూరంలో ఉన్న శ్మశానానికి వెళ్లేందుకు రోడ్డు లేక ఇబ్బందులు పడుతున్నాంటూ కురుపాం మండలం బియ్యాలవలస పంచా యతీ మిరగూడ వాసులు ఆవేదన వ్యక్తం చేశారు. అధికారులకు వినతులు అందజేశారు. ●సమగ్ర భూ రీసర్వేలో భాగంగా ఫీల్డ్‌ వెరిఫికేషన్‌ పూర్తయిన గ్రామాల్లో ఫారం–31 నోటీసులను ముందుగా రైతులకు అందించాలని ఆంధ్రప్రదేశ్‌ రైతు సంఘం జిల్లా కమిటీ కోరింది. సర్వే వివరాలు తెలియక రైతులు ఆందోళన చెందుతున్నారని, భవిష్యత్తులో సరిహద్దు వివాదాలు రాకుండా ముందస్తుగా అభ్యంతరాల స్వీకరణకు గడువు ఇవ్వాలని విన్నవించారు. ●సీతానగరం మండలం సూరంపేట గిరిజన వాడ మధ్యన సెల్‌టవర్‌ నిర్మాణంపై స్థానికులు అభ్యంతరం తెలిపారు. ఊరికి దూరంగా ఏర్పాటుచేసేలా చర్యలు తీసుకోవాలని కలెక్టర్‌కు విన్నవించారు. ●పార్వతీపురం పట్టణంలోని వివేకానంద కాలనీ సమీపంలో ఉన్న శ్మశాన వాటిక అధ్వానంగా మారిందని, వెంటనే ప్రహరీ, షెడ్డు నిర్మించి శాశ్వత పరిష్కారం చూపాలని స్థానికులు కోరారు. ●బడిలో పనిచేసే సిబ్బందితో హెచ్‌ఎం సొంత పనులు చేయిస్తున్నారని పార్వతీపురం మండలం డోకిశీల బాలుర గిరిజన ఆశ్రమ పాఠశాల సిబ్బంది ఆవేదన వ్యక్తం చేశారు. బట్టలు ఉతికించడం, తోట పనులు, సిమెంట్‌ పనులు చేయిస్తున్నారని, ప్రశ్నిస్తే జీతాలు ఆపేస్తానని భయభ్రాంతులకు గురిచేస్తున్నారని ఆరోపించారు.

పార్వతీపురం: సామాన్యులకు తక్కువ ధరకు నాణ్యమైన సన్నబియ్యం అందించేందుకు ప్రభుత్వం ధరణి బియ్యం విక్రయాలు చేపడుతుందని కలెక్టర్‌ డా.ఎన్‌.ప్రభాకరరెడ్డి అన్నారు. ఈ మేరకు సోమవారం కలెక్టరేట్‌లో విక్రయాల పోస్టర్‌ను ఆయన ఆవిష్కరించారు. రైతు బజార్‌ ద్వారా బీపీటీ రకం కిలో రూ.49, కేఎన్‌ఎం/ఆర్‌ఎన్‌ఆర్‌ రకం కిలో రూ.50లు చొప్పున విక్రయించనున్నట్లు వెల్లడించారు. కార్యక్రమంలో జేసీ వైశాలి, సబ్‌ కలెక్టర్‌లు సచిన్‌ రహార్‌, పవార్‌ స్వప్నిల్‌ జగన్నాథ్‌, డీఆర్‌ఓ కె.హేమలత, తదితరులున్నారు. పార్వతీపురం: జిల్లాలో ని గరుగుబిల్లి మండలం, చిలకాం గ్రామలో పర్యావణ అనుమతులు లేకుండా నిర్వహిస్తు న్న పరమేశ్వరి పేపర్‌ ప్లేట్ల తయారీ పరిశ్రమకు ఏపీపీసీబీ క్లోజర్‌ ఆర్డర్‌ జారీ చేసింది, పరిశ్రమ వ్యర్థ జలాలను శుద్ధి చేయకుండా ఇంకుడు గుంతల్లోకి వదులుతున్నట్లు అధికారులు గుర్తించారు. గ్రామంలో కిడ్నీ వ్యాధులు, మరణాలపై వచ్చిన ఫిర్యాదుల నేపధ్యంలో భూగ ర్భ జలాల నాణ్యతను శాసీ్త్రయంగా పరీక్షించి సమగ్ర నివేదిక సమర్పించాలని ఏపీపీసీబీ చైర్మన్‌ డా.పి.కృష్ణయ్య అధికారులను ఆదేశించారు. ప్రయోగశాల పరీక్షలు, పర్యావరణ పరి స్థితుల పరిశీలన అనంతరం నివేదిక ఆధారంగా తదుపరి చర్యలు తీసుకోనున్నారు. సీతంపేట: గిరిజన మహిళలు తయారు చేసిన కొండ చీపుర్లను విజయవాడలోని సరాసా ఎగ్జిబిషన్‌లో విక్రయాలకు పంపిస్తున్నట్టు పాలకొండ సబ్‌ కలెక్టర్‌, ఐటీడీఏ ఇన్‌చార్జ్‌ పీఓ పవార్‌ స్వప్నిల్‌ తెలిపారు. కొండచీపుర్ల నాణ్యతను ఆయన సోమవారం పరిశీలించారు. వినియోగదారులకు మన్యం కొండచీపుర్లను పరిచయం చేసి, వాటి మార్కెటింగ్‌కు విస్త్రృత అవకాశాలు కల్పిస్తున్నట్లు పేర్కొన్నారు. మహిళా రైతులకు ఆదాయాలను పెంపొందించుకోవడానికి చర్యలు తీసుకుంటున్నామన్నారు. కార్యక్రమంలో ఏపీఓ చిన్నబాబు తదితరులు పాల్గొన్నారు. మక్కువ: ఉత్తరాంధ్రుల ఆరాధ్యదైవం శంబర పోలమాంబ అమ్మవారు సోమవారం గాయత్రి దేవి అలంకరణలో భక్తులకు దర్శనమిచ్చారు. చదురుగుడిలో కొలువైన పోలమాంబ అమ్మవారిని అర్చకులు పసుపు కొమ్ములతో ప్రత్యేకంగా అలంకరించారు. శరన్నవరాత్రి ఉత్సవా ల్లో భాగంగా ఆలయంలో గణపతి హోమం నిర్వహించారు. పూజల్లో పాల్గొన్న భక్తులకు అమ్మవారి ప్రసాదాన్ని అందజేశారు. కార్యక్రమంలో ట్రస్టు బోర్డు చైర్మన్‌ నైదాన తిరుపతి, ఆలయ ఈఓ వి.వి.సూర్యనారాయణ, ఆలయ కమిటీ సభ్యులు, గ్రామ పెద్దలు, భక్తులు పాల్గొన్నారు.

లు, ఫ్రిజ్‌లు, కుక్కర్లు కుర్చీలు తదితర ఇంటికి కావలసిన సామగ్రి పెట్టారు.అయితే ఆ సామగ్రిని ఎంఆర్‌పీ కంటే తక్కువ ధరకు విక్రయిస్తామని, ముందుగా డబ్బులు కడితే పది రోజుల్లో 40 శాతం నుంచి 50 శాతం వరకు ధర తగ్గించి సామగ్రి ఇంటికే సరఫరా చేస్తామని ఆటో ద్వారా ప్రచారం చేయడంతో పాటు కరపత్రాలు పంపిణీ చేశారు. తక్కువ ధరకు వస్తున్నాయని ఆశపడిన కొంతమంది వినియోగదారులు ముందుగా డబ్బులు చెల్లించగా వారికి 10 రోజుల్లో వారు బుక్‌ చేసుకున్న సామగ్రి ఇంటికి పట్టుకెళ్లి ముట్టజెప్పారు. దీంతో మరింత నమ్మకంపెంచుకున్న మరి కొంత మంది కొత్త వినియోగదాలరులు మరికొన్ని వస్తువులకు ముందుగానే డబ్బులు చెల్లించారు.ఆ డబ్బులతో మోసగాళ్లు ఉడాయించారు. అలాగే అవే సామగ్రి విజయనగరంలో ఓ హోమ్‌నీడ్స్‌ షాపు, మండలకేంద్రంలోని ఓ స్టీలు దుకాణం వద్ద కూడా ఆ మోసగాళ్లు ముందుగా డబ్బులు చెల్లించి వస్తువులు పట్టుకెళ్లడం చేసేవారు. కొద్ది రోజులు లావాదేవీలు జరిపి పూర్తిగా నమ్మకం కలిగించారు.ఆఖరికి ఆ దుకాణాదారులకు కూడా సుమారు రూ.2 లక్షల వరకు టోకరా పెట్టినట్లు తెలిసింది.అయితే బాధితుల్లో 10 మంది వరకు చెప్పేందుకు భయపడుతుండగా 15 మంది పోలీసులకు ఫిర్యాదు చేశారు. బాధితుల ఫిర్యాదు మేరకు పోలీసులు దుకాణానికి తాళం వేయడంతో పాటు బాధితుల వివరాలు సేకరించి మోసగాళ్ల కోసం గాలిస్తున్నారు.రామభద్రపురం: పేద, మధ్యతరగతి ప్రజల ఆశలను అలుసుగా చేసుకుని కొంతమంది ఇతర రాష్టాలకు చెందిన మోసగాళ్లు వ్యాపార అవతారమెత్తి ప్రజలను మోసగిస్తున్నారు. దుకాణాలు ఏర్పాటు చేసి ఇంటికి కావాల్సిన సామగ్రి తక్కువ ధరలకు ఇస్తామని నమ్మబలికి ముందుగా వినియోగదారుల నుంచి సుమారు రూ.5 లక్షల వరకు డబ్బులు వసూలూ చేసి ఉడాయించడంతో బాధితులు లబోదిబో మంటున్నారు. ఈ విషయం ఆలస్యంగా వెలుగులోకి వచ్చింది. దీనిపై బాధితులు, స్థానికులు తెలిపిన వివరాలిలా ఉన్నాయి. తమిళనాడుకు చెందిన పలువురు యువకులు నెలరోజుల క్రితం మండలకేంద్రంలో ఓ దుకాణం అద్దెకు తీసుకున్నారు. అందులో వీపీఆర్‌ హోమ్‌ నీడ్స్‌ అండ్‌ ఆర్డర్‌ సప్లయర్స్‌ పేరిట బీరువాలు, మంచాలు, పరుపు తక్కువ ధరకే ఇంటి వస్తు సామగ్రి ఇస్తామని నమ్మబలికి.. డబ్బులు వసూలు చేసి మోసగాళ్ల పరారీ లబోదిబోమంటున్న బాధితులు

విజయనగరం: మాజీ ముఖ్యమంత్రి, వైఎస్సార్‌సీపీ జాతీయ అధ్యక్షుడు వై.ఎస్‌.జగన్‌మోహన్‌రెడ్డి ఈ నెల 14న విజయనగరం జిల్లాలో పర్యటించనున్నా రు. ఈ మేరకు పర్యటన వివరాలను పార్టీ జిల్లా అధ్యక్షుడు బెల్లాన చంద్రశేఖర్‌ పార్టీ జిల్లా కార్యాల యంలో సోమవారం సాయంత్రం నిర్వహించిన సమావేశంలో వెల్లడించారు. భోగాపురం మండల కేంద్రంలో పార్టీ నాయకుడు ఉప్పాడ శివారెడ్డి వివాహ వేడుక కోసం ఆ రోజు మధ్యాహ్నం మూడున్నర గంటలకు భోగాపురంలోని అల్లూరి సీతారామరాజు అంతర్జాతీయ విమానాశ్రయానికి చేరుకుంటారు. అక్కడ నుంచి నేరుగా సమీపంలోని సన్‌రే రిసార్ట్స్‌కు చేరుకుని నూతన వధూవరులను ఆశీర్వదిస్తారు. అంతకుముందు విమానాశ్రయంలో ఉమ్మడి విజయనగరం జిల్లాకు చెందిన పార్టీ ముఖ్య నాయకులంతా ఘన స్వాగతం పలకనున్నారు. కార్యక్రమం అనంతరం సాయంత్రం 4.15 గంటలకు సన్‌ రే రీసార్ట్స్‌ నుంచి బయలుదేరి ఎయిర్‌ పోర్టుకు చేరుకున్న అనంతరం నేరుగా బెంగుళూరు పయనమవుతారు. వై.ఎస్‌.జగన్‌మోహన్‌రెడ్డి జిల్లా పర్యటన పార్టీశ్రేణులంతా విజయవంతం చేయాలని బెల్లాన పిలుపునిచ్చారు. సమావేశంలో ఎమ్మెల్సీ డాక్టర్‌ పెనుమత్స సురేష్‌బాబు, నెల్లిమర్ల నియోజకవర్గ ఇన్‌చార్జి గదల సన్యాసినాయుడు, పార్టీ రాష్ట్ర కార్యదర్శి కె.వి.సూర్యనారాయణరాజు, పార్టీ జిల్లా ప్రధాన కార్యదర్శి ఇప్పిలి అనంత్‌, పూసపాటిరేగ మండలాధ్యక్షుడు పతివాడ అప్పలనాయుడు, పార్టీ ఉపాధ్యక్షుడు పతివాడ సత్యనారాయణ, పార్టీ నాయకులు డోల మన్మథకుమార్‌, సముద్రపు రామారావు, తదితరులు పాల్గొన్నారు.

చిత్రంలో అడుగుకో గుంతతో కనిపిస్తున్నది పాలకొండ మండలంలోని పద్మాపురం మీదుగా భాసూరు గ్రామానికి వెళ్లే రోడ్డు. దాదాపు 7 కిలోమీటర్ల దూరంలోని పాలకొండకు రావాలంటే భాసూరుతో పాటు అర్ధలి, వీపీ రాజుపేట వాసులు ఈ రోడ్డుమీదుగానే రాకపోకలు సాగించాలి. రోడ్డు రాళ్లుతేలి గుంతలుగా మారడంతో ప్రయాణానికి నరకయాతన పడుతున్నారు. వాహనాలు తరచూ మరమ్మతులకు గురవుతుండడంతో ఆవేదన చెందుతున్నారు. పల్లెపండగ పేరుతో రోడ్డు వేస్తున్నామని చెబుతున్న కూటమి నేతలకు భాసూరు రోడ్డు కనిపించడంలేదా అని ప్రశ్నిస్తున్నారు. – పాలకొండ రూరల్‌

సంతకవిటి: మండలంలోని రంగారాయపురం వద్ద గల నారాయణపురం ఆనకట్ట నుంచి ప్రారంంభమైన కుడి ప్రధాన కాలువలోకి 400 వందల క్యూసెక్కుల సాగునీటిను శుక్రవారం రాత్రి విడుదల చేశారు. ఇటీవల సాయన్న గెడ్డలో వచ్చిన వరద ఉధృతి కారణంగా నారాయణపురం కుడి ప్రధాన కాలువకు అనేక చోట్ల అతి భారీ నుంచి చిన్న గండ్లు వరకు దాదాపు పది చోట్ల గండ్లు పడ్డాయి. దీంతో గండ్లను తాత్కాలికంగా పూడ్చి వేసే పనులు శుక్రవారం సాయంత్రానికి పూర్తవడంతో రాత్రి 8 గంటల సమయంలో సాగు నీరు విడిచి పెట్టినట్లు డీఈ వై.రవీంద్ర నాయుడు శనివారం తెలిపారు.

పార్వతీపురం రూరల్‌: జిల్లా పింఛనుదారుల అక్టోబరు నెలవారీ సమావేశం ఈ నెల 12వ తేదీ ఉదయం 10 గంటలకు జరగనుంది. స్థానిక రైతుబజారు దరి ఉన్న పింఛనుదారుల భవన సముదాయంలో ఈ సదస్సును నిర్వహించనున్నట్లు అధ్యక్షుడు ఎ.త్రినాధం శనివారం ఒక ప్రకటనలో తెలిపారు. సమావేశానికి భారత స్టేట్‌ బ్యాంకు రీజనల్‌ మేనేజరు హాజరు కానున్నారని, సీనియరు సిటిజన్లను లక్ష్యంగా చేసుకుని జరుగుతున్న సైబరు నేరాలు, డబ్బు దొంగలింపులు, డిజిటల్‌ అరెస్టుల వంటి వాటి బారిన పడకుండా ఉండటానికి తీసుకోవాల్సిన జాగ్రత్తలను ఆయన వివరిస్తారని పేర్కొన్నారు. బ్యాంకుల్లో సీనియరు సిటిజన్లకు లభించే రాయితీల గురించి కూడా అవగాహన కల్పిస్తారని, కావున పింఛనుదారులందరూ ఈ సమావేశానికి హాజరై కార్యక్రమాన్ని విజయవంతం చేయాలని సంఘం అధ్యక్షుడు కోరారు. కరాటే పోటీల్లో 22 పతకాలు విజయనగరం అర్బన్‌: సత్య డిగ్రీ, పీజీ కళాశాల గ్రౌండ్స్‌లో శిక్షణ పొందుతున్న వివిధ పాఠశాలల విద్యార్థులు జాతీయ స్థాయి కరాటే పోటీల్లో 22 పతకాలు సాధించారు. అక్టోబర్‌ 4న కొత్తవలస సమీపంలోని తుమ్మికపల్లె గ్రామం వీరభద్రపురంలోని ఎన్‌ఎస్‌ఆర్‌ కల్యాణ వేదికలో నిర్వహించిన ఇన్విటేషన్‌ నేషనల్‌ కరాటే ఛాంపియన్‌షిప్‌–2026 (ఛాంపియన్స్‌ కప్‌ 3.0)లో 5 బంగారు, 6 వెండి, 11 కాంస్య పతకాలు కై వసం చేసుకున్నారు. ఒకినావా స్పోర్ట్స్‌ కరాటే–డో అసోసియేషన్‌ ఆఫ్‌ ఆంధ్రప్రదేశ్‌ ఆధ్వర్యంలో జరిగిన పోటీల్లో కుమిటే, కాటా విభాగాల్లో విద్యార్థులు ప్రతిభ కనబరిచారు. కోచ్‌లు సంతోష్‌, అసిస్టెంట్‌ కోచ్‌ సుధీర్‌, పిభార్గవ్‌లను కళాశాల డైరెక్టర్‌ డాక్టర్‌ ఎం.శశిభూషణరావు, ప్రిన్సిపాల్‌ డాక్టర్‌ ఎంవీ సాయిదేవమణి అభినందించారు.

విజయనగరం టౌన్‌: కుటుంబ సమేతంగా చూడవలసిన చిత్రం ‘చకోర’ అని చిత్ర హీరో శ్రవణ్‌ కుమార్‌ పేర్కొన్నారు. ఇటీవల తెలుగు రాష్ట్రాల్లో విడుదలైన చకోర చిత్ర యూనిట్‌ శనివారం విజయనగరంలో సందడి చేసింది. సీఎంఆర్‌ కూడలి నుంచి ఎన్‌సీఎస్‌ థియేటర్‌ వరకూ ఓపెన్‌ టాప్‌ కార్‌లో ఊరేగింపుగా వచ్చారు. ఈ సందర్భంగా హీరో మాట్లాడుతూ సొంత జిల్లాలో తనకు ఎనలేని ఆదరణ లభించిందని ఆనందం వ్యక్తం చేశారు. సినిమా బాగా వచ్చిందని, యువత ఎ క్కువగా ఆదరిస్తున్నారన్నారు. యూత్‌పుల్‌ లవ్‌స్టోరీలో ట్రూలవ్‌ కాన్సెప్ట్‌ అందరినీ ఆకట్టుకుంటుందన్నారు. తొలి చిత్రాన్ని చేయడానికి కారణమైన తన తల్లి లక్ష్మి, కుటుంబ సభ్యులకు కృతజ్ఞతలు తెలిపారు. అనంతరం కుటుంబ సభ్యులు, అభిమానులతో కలిసి ఆయన సినిమా వీక్షించారు.

● ప్రభుత్వం కొనేది లేదు.. ● దళారీలను ఆశ్రయించక తప్పదు.. ● నష్టపోతున్న రైతులు భామిని: చంద్రబాబు ప్రభుత్వం అన్నదాతను నిలువెల్లా మోసం చేస్తూనే ఉంది. తాజాగా ఇందులో మొక్కజొన్న సాగు రైతులు కూడా చేరారు. ఇటీవల పంటలకు ఈ క్రాప్‌ నమోదు చేయాలని చెబుతూనే ఉన్నారు. అన్ని రైతు సేవా కేంద్రాల ద్వారా రైతు పంటలను ఈ క్రాప్‌ కూడా చేయించారు. అయితే ప్రస్తుతం మొక్కజొన్న పంట కోత దశకు వచ్చింది. మిషన్లతో సేకరించిన జొన్న గింజలు ఆరపోతలు మొదలయ్యాయి. ఈ క్రమంలో ప్రభుత్వం కనీసం మద్దతు ధర చెల్లించే ప్రయత్నం చేయడం లేదు. ఇదే విషయమై వ్యవసాయాధికారులను ప్రశ్నిస్తే వారి నుంచి సమాధానం ఉండడం లేదు. ఇటీవల అర్నబ్‌ తుఫాన్‌ తరువాత జొన్న పంట అమ్మకానికి వచ్చేసరికి మద్దతు వచ్చే పరిస్థితి లేదని రైతులు వాపోతున్నారు. దీంతో తప్పనిసరి పరిస్థితుల్లో దళారీలను ఆశ్రయించి తీవ్రంగా నష్టపోతున్నామని ఆవేదన వ్యక్తం చేస్తున్నారు. ప్రభుత్వ నిర్లక్ష్యాన్ని ఆసరాగా చేసుకొని దళారీలు, వ్యాపారులు కొనుగోలు ధరలను తగ్గించేస్తున్నారు. కళ్లాల్లో శ్యాంపిల్స్‌ తీసుకొని తక్కువ ధరకు పొందేలా బేరాలు ఆడుతున్నారని తప్పనిసరి పరిస్థితుల్లో విక్రయించక తప్పడం లేదని రైతులు వాపోతున్నారు. గతంలో జగనన్న ప్రభుత్వంలో మార్క్‌ఫెడ్‌ ద్వారా మొక్కజొన్న కొనుగోలు చేసింది. క్వింటాకు రూ.2,725లు చెల్లించింది. అదే ఆశతో ఇప్పుడు మొక్కజొన్న సాగు విస్తీర్ణం పెంచారు. ఖరీఫ్‌లో మిగతా పంటల సాగు తగ్గించి మొక్కజొన్నపై రైతులు దృష్టి సారించారు. తీరా ఇప్పుడు విక్రయించే సరికి ప్రభుత్వ నిర్లక్ష్యంతో తీవ్రంగా నష్టపోతున్నామని ఆవేదన వ్యక్తం చేస్తున్నారు. తీవ్రంగా నష్టపోతున్నాం.. నేను రెండున్నర ఎకరాల్లో జొన్న పంట వేశాను. ప్రభుత్వం మద్దతు ధర చెల్లిస్తుందని ఆశించాను. పండిన పంటకు గిట్టుబాటు ఉందని, మరో రెండెకరాలు కౌలుకు తీసుకొని సాగు చేశాను. కూటమి ప్రభుత్వ తీరుతో తీవ్రంగా నష్టపోతున్నా. కొనుగోలు కేంద్రాలు ఏర్పాటు చేయలేదు. జొన్న పంటకు మద్దతు ధర లేకపోవడంతో తీవ్రంగా నష్టపోతున్నాం. – అర్లి రాజు, రైతు, నేరడి పంట మార్చి నష్టపోయా.. మెట్టు పంటలకు గిట్టుబాటు వస్తుందని ఆశించాను. దిగుబడి బాగుంటుందని మొక్కజొన్న సాగుపై దృష్టి పెట్టాను. నేను సాగు చేసే రెండు ఎకరాల గరు పుచ్చ సాగు మార్చాను. జగనన్న ప్రభుత్వం వలె జొన్న మద్దతు ధర వస్తుందని ఆశించాను. మరో ఎకరం భూమి కౌలుకు తీసుకొని మూడు ఎకరాలు మొక్కజొన్న పంట వేశాను. కూటమి ప్రభుత్వం మద్దతు ధర చెల్లించక పోవడంతో నష్టాల పాలవుతున్నాను. వాతావరణ పరిస్థితులు అనుకూలించక, ప్రభుత్వ తోడ్పాటు అందించక తీవ్రంగా నష్టపోతున్నాం. – కిల్లారి లక్ష్మీనారాయణ, రైతు, ఘనసర

● మేయర్‌, జెడ్పీచైర్మన్‌ అంటూ భారీ ‘ట్రైలర్‌’... ● చివరకు అరకులో ’సైడ్‌ రోల్‌’తో సరి ● కేడర్లో నైరాశ్యం సాక్షి ప్రతినిధి, విజయనగరం: జింకులో కావాలా.. బంకులో కావాలా.. స్టీల్‌ ప్లాంటా.. షిప్‌యార్డా అని అన్నీ అడిగి చివరకు ముంబై రోడ్ల మీద పావ్‌బజ్జీ దుకాణం పెట్టించిన పట్నాయక్‌ సీన్‌ గుర్తుంది కదా.. అచ్చం జెడ్పీ మాజీ చైర్మన్‌ చిన్న శ్రీను పరిస్థితి కూడా అలాగే అయింది. ఆయన టీడీపీలో చేరగానే జిల్లా పరిషత్‌ చైర్మన్‌ ఇస్తారన్నారు.. రెండ్రోజులు గడిచాక అబ్బబ్బ అదికాదు మేయర్‌ అన్నారు... అది కాకపోయినా ఉత్తరాంధ్ర కోఆర్డినేటర్‌ ఇచ్చి మూడు జిల్లాలను లాక్కొచ్చే పని అప్పగిస్తారన్నారు. అలాంటి ప్రోమోలు వేసి జిల్లాలో అక్కడక్కడ కొద్దిమంది వైఎస్సార్‌సీపీ క్యాడర్‌ను టీడీపీలో చేర్చుకున్నారు.. ప్రోమో వరకు బాగానే ఉంది కానీ అసలు సినిమా రిలీజ్‌ అయ్యేసరికి సీన్‌ అర్థమైపోయింది. ఆయనది మెయిన్‌ క్యారెక్టర్‌ కాదు సైడ్‌ రోల్‌ అని తెలిసేసరికి ఆయన అనుచరులకు దెబ్బడిపోయింది. అరకు పరిశీలకుడిగా ఏం చేస్తారు... ఇప్పటికే అరకు టీడీపీ పార్లమెంట్‌ ఇన్‌చార్జిగా తేజోవతి ఉన్నారు. ఆమె ఇప్పటికే సాలూరు, పాలకొండ , కురుపాం, అరకు.. పాడేరు ప్రాంతాల్లో విస్తృతంగా తిరుగుతూ వచ్చే ఎన్నికల్లో ఏదో చోట నుంచి టిక్కెట్‌ తెచ్చుకునే పనిలో ఉన్నారు. ఇక ఇప్పుడు ఆమెకు సహాయకుడి పాత్రలో పరిశీలకుడిగా నియమితులైన చిన్నశ్రీను అక్కడ ఎలాంటి పాత్ర పోషిస్తారు అనేదానిపై క్యాడర్లో ఉన్న మబ్బులు తొలగిపోయాయి. మేయర్‌.. జెడ్పీ.. జిల్లా పోస్ట్‌.. ఉత్తరాంధ్ర కోఆర్డినేటర్‌ అనే స్థాయి నుంచి ఏకంగా మన్యం నియోజకవర్గానికి పంపడం అంటే ఆయన స్థాయిని తగ్గించడమా? కాదా? అనేది ఇప్పటికే జనాలకు అర్థమైపోయింది. అడవి బాట... రాజవుతాడుకున్న రాముడు కై క పుణ్యాన వనవాసం పేరిట అడవుల బాట పట్టినట్టు.. జిల్లా అధ్యక్షుడవుతాడనుకున్న చిన్నశ్రీను మన్యం బాట పట్టాల్సి వచ్చిందన్నది ఇప్పుడు జిల్లాలో సాగుతున్న చర్చ. ఇక మన్యం ఏజన్సీ ప్రాంతాల నుంచి ఆయనకు నిష్కృతి ఎప్పుడన్నది అధినేత చంద్రబాబుకు తప్ప ఎవరికి తెలియదు. టీడీపీలో చేరినప్పుడు ఆయనకు ఇచ్చిన ఎలివేషన్లకు.. క్యాడర్లో కల్పించిన ఆశలకు ఇప్పుడు ప్రాక్టికల్‌గా కనిపిస్తున్న దానికి బోల్డంత తేడా కనిపిస్తోంది. అయోమయంలో క్యా‘డర్‌ ’.. గతంలో చిన్నశ్రీను స్థాయి వేరు... పరిసరాల్లోని అన్నిజిల్లాల నాయకులు, మంత్రులు, ఎంపీలు, ఎమ్మెల్యేలు, నాయకులు అందరూ ఆయన ఇంటికి వచ్చి ప్రసన్నం చేసుకునేవారు. అదే స్థాయి గుర్తింపు, ప్రాధాన్యం దక్కుతుంది. ఆయన వెంట నడిస్తే రాజకీయ భవిష్యత్తు ఉంటుందనే ఆశతో కొంతమంది ఆయన వెంట నడిచారు. అయితే, ఇప్పుడు వారి భ్రమలు తొలగుతున్నాయి. జిల్లా అధ్యక్షుడు అవుతాడునుకున్న తమ నేత జిల్లా సరిహద్దుల అవతలకు విసిరేయబడితే ఇక తమ స్థాయి.. తమకు ఎలాంటి గుర్తింపు వస్తుంది? అక్కడికెళ్లి ఏం బావుకుంటాం అనే మీమాంస ఆయన అనుచరుల్లో నెలకొంది. లీడ్‌ రోల్‌ అన్నారు... సైడ్‌ క్యారెక్టర్‌తో సరిపెట్టారు.. పార్టీలో చేరగానే ప్రధాన బాధ్యతలు ఇస్తారని ప్రచారం చేశారు. కోరుకున్న పదవి.. బాధ్యత ఇచ్చి ఆయనను ముందు పెట్టీ టీడీపీ జిల్లా రాజకీయాలు నడిపిస్తారని అన్నారు. తీరా చూస్తే ఆయనను కానరాని కానలకు పరిశీలకుడిగా వేసి గెస్ట్‌ పాత్రకు పరిమితం చేశారు. ట్రైలర్లో చూపించిన ఎలివేషన్‌ సీన్లన్నీ ఎడిటింగ్‌లో కట్‌ అయిపోయినట్లు అయిందని ఆయన అనుచరులు కొందరు లోలోన ఫీలవుతుండగా, పెద్దదో..చిన్నదో..గుర్తింపు ఉన్నదో లేనిదో ఏదో ఒకటి ఇచ్చారులే.. లేనిబావ కన్నా గుడ్డిబావ నయం అన్నట్లుగా మరికొందరు సమాధానపర్చుకుంటున్నారు.

పద్మనాభం: మండలంలోని కృష్ణాపురంలో జరిగిన రోడ్డు ప్రమాదంలో తీవ్రంగా గాయపడిన వ్యక్తి చికిత్స పొందుతూ మృతి చెందినట్లు సీఐ ఎం.చంద్రమౌళి శనివారం తెలిపారు. పోలీసులు తెలిపిన వివరాల ప్రకారం.. విజయనగరానికి చెందిన షేక్‌ తాజ్‌ ఖాన్‌ (29) శుక్రవారం ద్విచక్ర వాహనంపై తగరపువలస వైపు వెళ్తుండగా, కృష్ణాపురం వెంగమాంబ క్వారీ సమీపంలో లారీ ఢీకొట్టింది. ఈ ప్రమాదంలో తాజ్‌ఖాన్‌కు బలమైన గాయాలవడంతో, వెంటనే ఆయన్ని చికిత్స నిమిత్తం విజయనగరం మహారాజా ఆస్పత్రికి తరలించారు. అక్కడ చికిత్స పొందుతూ ఆయన ప్రాణాలు కోల్పోయారు. ఈ ఘటనపై అందిన ఫిర్యాదు మేరకు ప్రమాదానికి కారణమైన లారీ డ్రైవర్‌ పల్లంటి కొండలరావుపై కేసు నమోదు చేసి అరెస్టు చేసినట్లు సీఐ చంద్రమౌళి తెలిపారు. అత్తింటి వేధింపులపై కేసు నమోదు పూసపాటిరేగ : భోగాపురం మండలంలోని దల్లిపేట గ్రామంలో భర్తపై భార్య ఫిర్యాదు చేయడంతో కేసు నమోదు అయింది. గ్రామానికి చెందిన దల్లి చిట్టిలక్ష్మిని ఆమె భర్త దల్లి రామచంద్రరావు నిత్యం మద్యం తాగి వచ్చి వేధిస్తుండడంతో పాటు అత్త మామలు అదనపు కట్నం కోసం తరుచూ ఇబ్బంది పెట్టంతో భోగాపురం పోలీస్‌స్టేషన్‌లో చిట్టి లక్ష్మి ఫిర్యాదు చేసింది. దీంతో కేసు నమోదు చేసి దర్యాప్తు చేస్తున్నట్టు సీఐ కూన దుర్గాప్రసాద్‌ తెలిపారు. యువకుడి అదృశ్యం చీపురుపల్లి రూరల్‌(గరివిడి): గరివిడి పట్టణంలో సుంకర దినేష్‌కుమార్‌(22) అనే యువకుడు అదృశ్యమైనట్లు పోలీసులు కేసు నమోదు చేశారు. వివరాల్లోకి వెళ్తే.. గరివిడి పట్టణంలోని తహసీల్దార్‌ కార్యాలయం వెనుక కుటుంబ సభ్యులతో కలిసి దినేష్‌కుమార్‌ నివాసం ఉంటున్నాడు. నెల్లిమర్లలోని మిమ్స్‌ కళాశాలలో ఫిజియోథెరపి కోర్సు చదువుతున్నాడు. ఈ నెల 6వ తేదీ సాయంత్రం 4గంటల సమయంలో ఇంటి నుంచి బయటకు వెళ్లి వస్తానని చెప్పి వెళ్లిన దినేష్‌కుమార్‌ తిరిగి ఇంటికి చేరుకోలేదు. దీంతో ఆందోళన చెందిన కుటుంబ సభ్యులు చుట్టుప్రక్కల ప్రాంతాలతో పాటుగా బంధువుల ఇళ్ల వద్ద వెతికినప్పటికీ ఆచూకీ లభించలేదు. ఈ మేరకు దినేష్‌కుమార్‌ తండ్రి సుంకర సుధాకర్‌ గరివిడి పోలీసుస్టేషన్‌లో ఫిర్యాదు చేశారు. పోలీసులు కేసు నమోదు చేసి దర్యాప్తు చేస్తున్నారు. భర్త అదృశ్యంపై భార్య ఫిర్యాదు రాజాం సిటీ: రేగిడి మండలం కోడిశ గ్రామానికి చెందిన కాయల శివుడు కనిపించడం లేదని అతని భార్య లక్ష్మి ఫిర్యాదు చేసిందని ఎస్‌ఐ మహ్మద్‌ సల్మాన్‌బేగ్‌ శనివారం తెలిపారు. పశువుల వ్యాపారం చేస్తున్న శివుడు ఈ నెల 8న సమీప బంధువైన కాయల సాంబయ్యతో కలిసి పశువుల విక్రయానికి రాజాం వచ్చారు. పని పూర్తయిన తరువాత సాంబయ్య స్వగ్రామం చేరుకోగా శివుడు కనిపించలేదని ఫిర్యాదులో పేర్కొన్నట్టు తెలిపారు. భార్య లక్ష్మి ఫిర్యాదు మేరకు కేసు నమోదుచేసి దర్యాప్తు చేస్తున్నామని చెప్పారు. మనస్తాపంతో విద్యార్థి ఆత్మహత్యవిజయనగరం టౌన్‌: మనస్తాపంతో విద్యార్థి ఆత్మహత్య చేసుకున్న సంఘటన జిల్లా కేంద్రంలో చోటుచేసుకుంది. దీనికి సంబంధించి టూ టౌన్‌ పోలీసులు శనివారం అందించిన వివరాలిలా ఉన్నాయి. స్థానిక కొత్తపేట గొల్లవీధికి చెందిన యర్ర జశ్వంత్‌ (18) ఇంటర్‌మీడియట్‌ ఫస్ట్‌ ఇయర్‌ ఫెయిలయ్యాడు. దాంతో మరి చదవనని ఇంట్లోనే ఉంటూ ఎవరితోనూ మాట్లాడకుండా, మానసికంగా బాధపడేవాడు. భోజనం కూడా సరిగ్గా చేయకుండా ఉండడంతో పలుసార్లు అనారోగ్యానికి గురయ్యాడు. ఈ క్రమంలో శుక్రవారం సాయంత్రం ఇంట్లోనే బెడ్‌ రూమ్‌లో సీలింగ్‌ ప్యాన్‌కు చున్నీతో ఉరి వేసుకుని మృతి చెందినట్టు కుటుంబ సభ్యులు ఫిర్యాదు చేశారు. మృతుని తల్లిదండ్రులు యర్ర ప్రసాద్‌, సుజాత ఫిర్యాదు మేరకు టూ టౌన్‌ సీఐ టి.శ్రీనివాసరావు కేసు నమోదు చేసి దర్యాప్తు చేస్తున్నారు. రోడ్డు ప్రమాదంలో వ్యక్తికి గాయాలుభామిని: భామిని వయా లివిరి రహదారిలో శనివారం రాత్రి జరిగిన రోడ్డు ప్రమాదంలో మూలగూడకు చెందిన బిడ్డిక కృష్ణ తీవ్రంగా గాయపడ్డారు. కృష్ణ తన స్వగ్రామం నుంచి ద్విచక్ర వాహనంపై మండల కేంద్రానికి వస్తుండగా రహదారిపై ఉన్న గోతులు తప్పించబోయి ప్రమాదానికి గురయ్యాడు. అక్కడి వారు 108కి సమాచారం ఇవ్వడంతో క్షతగాత్రుని తొలిత భామిని పీహెచ్‌సీకి తరలించారు. పరిస్థితి అనుకూలంగా లేకపోవడంతో ఈయనను మెరుగైన వైద్యం కోసం సీతంపేట ఏరియా ఆస్పత్రికి తరలించారు.

సాలూరు: ఆంధ్రా – ఒడిశా వివాదాస్పద కొటియా గ్రూపు గ్రామాల్లో ఎస్పీ మాధవరెడ్డి ఆదేశాల మేరకు, సబ్‌ డివిజన్‌ డీఎస్పీ సీహెచ్‌వీ శేషయ్య ఆధ్వర్యంలో పోలీసులు శనివారం విస్తృత తనిఖీలు చేపట్టారు. దొర్లతాడివలస, మూలతాడివలస, ధూళిభద్ర గ్రామాల సమీపంలో కొండ ప్రాంతాల్లో నాటుసారా తయారీ జరుగుతున్నట్టు గుర్తించిన పోలీసులు ప్రత్యేకంగా గాలింపు చర్యలు చేపట్టారు. ఈ క్రమంలో నాటుసారా తయారీకి వినియోగిస్తున్న 14 డ్రమ్ముల్లో నిల్వ ఉంచిన సుమారు 2800 లీటర్ల బెల్లం ఊటతో పాటు మూడు లీటర్ల నాటుసారాను స్వాధీనం చేసుకున్నారు. వీటి విలువ సుమారు రూ.లక్ష ఉంటుందని అధికారులు అంచనా వేశారు. పోలీసులు తనిఖీతో నాటుసారా తయారీలో నిమగ్నమైన వ్యక్తులు అక్కడి నుంచి పరారయ్యారు. వీరిని పట్టుకునేందుకు ప్రత్యేక చర్యలు చేపట్టినట్టు డీఎస్పీ తెలిపారు. రూరల్‌ సీఐ రామకృష్ణ, సాలూరు, మక్కువ మండలాల ఎస్‌ఐలు రవీంద్రరాజు, వెంకటరమణతో పాటు ఎస్‌టీఎఫ్‌, ఈగల్‌ విభాగాలకు చెందిన సుమారు 30 మంది పోలీసు సిబ్బంది పాల్గొన్నారు.

విజయనగరం టౌన్‌: దసరా, శరన్నవరాత్రి మహోత్సవాలకు సొంత జిల్లాలకు రైళ్ల ద్వారా వద్దామనుకునే ప్రయాణికులకు తీవ్ర నిరాశే మిగిలింది. 60 రోజులు ముందుగానే రిజర్వేషన్‌ బుకింగ్‌లు ప్రారంభం కావడం, అంతా ఆన్‌లైన్‌ సౌకర్యం ఏర్పాటు చేయడంతో రిజర్వేషన్‌ కౌంటర్‌కి వెళ్లి క్యూలైన్‌లో నిల్చొని, తమ మొబైల్‌ ద్వారా టికెట్‌ బుకింగ్‌ చేసేసుకుంటున్న పరిస్థితి వచ్చింది. సౌత్‌కోస్ట్‌ రైల్వే డివిజన్‌ విజయనగరం మీదుగా ప్రతీ రోజు 200 రైళ్లు అప్‌ అండ్‌ డౌన్‌లో తిరుగుతుంటాయి. ఇవికాకుండా పండగ పర్వదినాల్లో సౌత్‌కోస్ట్‌ జోన్‌ అధికారులు ప్రత్యేకంగా 19 రైళ్లను అప్‌ అండ్‌ డౌన్‌లో ఏర్పాటు చేశారు. అయితే వీటిలో ఏ ఒక్క రైలుకు రిజర్వేషన్‌ బెర్త్‌లు ఖాళీల్లేకపోవడంతో ప్రయాణికులు తీవ్ర నిరాశ వ్యక్తం చేస్తున్నారు. తత్కాల్‌ కోసం రాత్రంతా రిజర్వేషన్‌ కౌంటర్‌ల వద్ద పడిగాపులు కాస్తున్న పరిస్థితి దాపురించింది. 60 రోజుల ముందు రిజర్వేషన్‌లు చేయించుకునేందుకు వచ్చేవారికి కూడా కొద్ది నిమషాల్లోనే రైళ్లన్నీ పుల్‌ అయిపోతూ వెయిటింగ్‌ లిస్టులు కనిపిస్తుండడంతో ఏం చేయాలో తెలియక అవస్థలు పడుతున్నారు. ఇక ప్రయాణికుల రద్దీని దృష్టిలో పెట్టుకుని రైలు నెంబర్‌ 07268/07267 జనసాధారణ రైలు మెమూ స్పెషల్‌ విశాఖ నుంచి పార్వతీపురం వరకూ మాత్రమే ఈ నెల 20 వరకూ నడుస్తుందని అధికారులు పేర్కొన్నారు. ఉదయం 10 గంటలకు విశాఖలో బయలుదేరి, పార్వతీపురం మధ్యాహ్నం 12.25 గంటలకు చేరుతుంది. తిరుగు ప్రయాణంలో 12.35 గంటలకు బయలుదేరి సాయంత్రం 4 గంటలకు విశాఖ చేరుతుంది. విశాఖ, సింహాచలం, కొత్తవలస, విజయనగరం, గజపతినగరం, కోమటిపల్లి, డొంకినవలస, బొబ్బిలి, సీతానగరం, నర్సిపురం హాల్ట్‌, పార్వతీపురం వరకూ మాత్రమే ప్రత్యేక రైలును ఏర్పాటు చేశారు. పైడితల్లి పండగకు ప్రత్యేక రైళ్లు ఉన్నట్టా? లేనట్టా? ఉత్తరాంధ్రుల ఆరాధ్య దైవం శ్రీ పైడితల్లి అమ్మవారు పండగకు గతంలో ఈస్ట్‌కోస్ట్‌ రైల్వే అధికారులు ప్రత్యేక రైళ్లను కేటాయించారు. ఈ ఏడాది సౌత్‌ కోస్ట్‌ రైల్వేగా మారిన తర్వాత ఈ ఏడాది పైడితల్లి పండగకు ప్రత్యేక రైళ్లు ఉన్నట్టా? లేనట్టా? అని ప్రయాణికులు ఆవేదన వ్యక్తం చేస్తున్నారు. ఈ ఏడాది అక్టోబరు 26, 27 తేదీల్లో నిర్వహించే తొలేళ్లు, సిరిమాను సంబరాలకు లక్షలాది మంది భక్తులు విజయనగరానికి తరలివస్తారు. ప్రయాణికుల రద్దీని దృష్టిలో పెట్టుకుని రాష్ట్ర పండగ నేపథ్యంలో అమ్మజాతరకు వచ్చే భక్తులకు రైల్వే అధికారులు ఈ ఏడాది ప్రత్యేక రైళ్లను త్వరితగతిన కేటాయించాలని ఆ దిశగా ప్రజాప్రతినిధులు దృష్టి సారించాలని కోరుతున్నారు. రెండు నెలల వరకూ వెయిటింగ్‌ లిస్టే దర్శనం 20వ తేదీ వరకూ విశాఖ–పార్వతీపురం వరకు జన సాధారణ రైలు జనరద్దీని బట్టి ప్రత్యేక రైళ్లను వేస్తూ ఉండాలి పైడితల్లి పండగకు ప్రత్యేకరైళ్లు ఉన్నట్టా? లేనట్టా?అదనపు రైళ్లను కేటాయించాలి దసరా, సంక్రాంతి పర్వదినాల్లో రిజర్వేషన్‌లు ఖాళీ ఉండవు. అటువంటి సమయాల్లో అవసరాన్ని బట్టి మరిన్ని రైళ్లను రద్దీ ప్రాంతాల్లో నడిపే విధంగా రైల్వే ఉన్నతాధికారులు చర్యలు చేపట్టాలి. దీనిపై ఎంపీ, స్థానిక ఎమ్మెల్యేలు ప్రత్యేక శ్రద్ధ కనబర్చాలి. రానున్న పైడితల్లి అమ్మవారి పండగకు ఒడిశా నుంచి అధికంగా భక్తులు తరలివస్తారు. జనసాధారణ రైళ్లను నాలుగైదు వేస్తే బావుంటుంది. – పావని పాత్రో, ప్రయాణికురాలు

● ఉద్యోగ నోటిఫికేషన్లు ప్రభుత్వం ఇవ్వకపోవడం, యువత స్థిరపడకపోడం ● స్కిల్‌ డెవలప్‌మెంట్‌ ట్రైనింగ్‌ సెంటర్లు జాడలేకపోవడం, స్వయం ఉపాధి అవకాశాలు తగ్గడం, రుణాలు మంజూరు లేకపోవడం ● స్థిరపడిన యువకులకే పిల్ల నిచ్చేందుకు తల్లిదండ్రులు ఆసక్త్తి చూపడం ● యువతులు కూడా వ్యవసాయం, కూలి పనులు చేసేందుకు నిరాకరించడం, అటువంటి అబ్బాయిలకు నో చెప్పడం. ● చూస్తుండగానే యువతలో వయస్సు పెరగడం, మానసిక ఒత్తిడికి గురికావడం. ● బొబ్బిలి పట్టణానికి చెందిన ఓ సాఫ్ట్‌వేర్‌ ఉద్యోగి ఏడాదికి రూ.30 లక్షల వార్షిక వేతనం తీసుకుంటున్నారు. వయస్సు 37 ఏళ్లు. వధువు వయస్సు ఆయన వయస్సుకు ఐదారేళ్ల వ్యత్యాసం ఉండాలన్న అభిప్రాయానికి అనుకూలమైన సంబంధం దొరకడంలేదు. పెళ్లి అవుతుందా లేదా అన్న బెంగ ఇప్పుడు ఆయనను వెంటాడుతోంది. ● పాలకొండ పట్టణానికి చెందిన ఓ యువకుడు పాల వ్యాపారం చేస్తున్నాడు. నెలకు రూ.40వేల వరకు సంపాదిస్తున్నాడు. అతని కంటే పెద్దవారికి పెళ్లి జరగడంలో ఆలస్యమైంది. యువకుడికి పెళ్లి సంబంధాలు చూసేసరికి వయస్సు 32 ఏళ్లు దాటింది. అప్పటి నుంచి పెళ్లి సంబంధాలు చూస్తున్నా ఇప్పటికీ అనుకూలమైన సంబంధం కుదరలేదు. ఇప్పుడు వయస్సు 36 ఏళ్లు కావడంతో పెళ్లి జరుగుతుందోలేదోనని బెంగపడుతున్నాడు. ● రాజాం పట్టణంలోని ఓ యువకుడికి నాలుగేళ్ల కిందట రెసిడెన్సియల్‌ స్కూల్‌లో టీచర్‌ ఉద్యోగం వచ్చింది. ప్రస్తుతం రూ.52 వేలు జీతం. తల్లిదండ్రులు మూడేళ్ల కిందట మృతిచెందారు. ప్రస్తుతం ఆయన వయస్సు 40 ఏళ్లు కావడంతో అతనితో పెళ్లికి ఆడపిల్లలు ఆసక్తి చూపడంలేదు. ఉద్యోగం ఉంటే భార్యను సుఖంగా చూసుకోవచ్చని కష్టపడి చదివిన ఆయనకు ఉద్యోగం వచ్చే సమయానికి వయస్సు దాటిపోవడంతో పెళ్లికాని పురుషుల జాబితాలో చేరిపోయాడు. ప్రస్తుతం పార్వతీపురం మన్యం జిల్లా జనాభా 9.25 లక్షల మంది బ్యానర్‌... పురుషులు : 4.54 లక్షలుమహిళలు: 4.07లక్షలు21–30 ఏళ్ల మధ్య యువత జనాభా: 1.50 లక్షలు అబ్బాయిలు: 68 వేలుఅమ్మాయిలు: 82 వేలు సీ్త్ర,పురుష నిష్పత్తి : 1035:1000 ఉమ్మడి విజయనగరం జిల్లా ఎంప్లాయ్‌మెంట్‌లో నమోదైన నిరుద్యోగుల సంఖ్య: 90,000ఇందులో 30 ఏళ్లుదాటిన వారి సంఖ్య : 30,000 పార్వతీపురం మన్యం జిల్లాలో ఆడపిల్లల నిష్పత్తి మగపిల్లలు కంటే ఎక్కువగా ఉంది. ప్రతీ 1000 మంది పురుషులకు 1035 మంది సీ్త్రలు ఉన్నారు. అయినప్పటికీ మగపిల్లలకు సకాలంలో పెళ్లిళ్లు జరగడంలేదు. స్థిరాస్తులు (వ్యవసాయ భూములు, అద్దెషాపులు, అద్దె భవనాలు), ఆదాయ వనరులు ఉన్న వారిని సైతం పెళ్లిచేసుకునేందుకు అమ్మాయిలు నిరాకరిస్తున్నారు. వీటికి తోడు గతంలో మాదిరిగా కాకుండా ఉమ్మడి కుటుంబాన్ని పూర్తిగా వ్యతిరేకిస్తున్నారు. తల్లిదండ్రులకు దూరంగా ఉండే అబ్బాయి లు, తల్లిదండ్రులు లేని ఏకాకి జీవితం గడిపే అబ్బాయిలు, అక్కచెల్లెళ్లు లేని అబ్బాయిలు ఉన్న సంబంధాలు చూసుకుంటున్నారు. విలాస జీవితాలపై మొగ్గుచూపుతున్నారు. ఇవన్నీ పెళ్లికాని పురుషుల సంఖ్య పెరుగుదలకు కారణమవుతున్నాయి. ఉద్యోగం ఉంటేనే... నిరుద్యోగ సమస్య రాజ్యమేలుతోంది. ప్రభుత్వ నోటిఫికేషన్లు సకాలంలో రాకపోవడం, వచ్చిన నోటిఫికేషన్లలో తక్కువ సంఖ్యలో మాత్రమే ఉద్యోగాలు ఉండడం, అవి కూడా ఎన్నో ఏళ్లుగా ఆయా ఉద్యోగాలకోసం పరితపించేవారికే రావడంతో తక్కువ వయసులో ఉద్యోగాలు పొందేవారి సంఖ్య తగ్గిపోయింది. ఇలా తక్కువ వయస్సు ఉండి, ఉద్యోగం పొందినవారికి మాత్రమే 30 ఏళ్లు లోపు పెళ్లిళ్లు అవుతున్నాయి. 30 ఏళ్లు మార్జిన్‌ దాటిన తరువాత ఉద్యోగం ఉన్నా పిల్లని ఇచ్చేందుకు తల్లిదండ్రులు నిరాకరిస్తున్నారు. పెద్దలు నచ్చజెప్పినా ఆడ పిల్లలు ఒప్పుకోవడం లేదు. కొంతమంది ప్రైవేట్‌ రంగంలో ఉద్యోగాలు సంపాదించినప్పటికీ వాటిలో స్థిరత్వంలేకపోవడంతో ఆడ పిల్లలు తల్లిదండ్రులు అటువంటి ఉద్యోగులకు పిల్లలను ఇవ్వడంలేదు. యువత కూడా తమకు సరైన ఆదాయ మార్గాలు, నిలకడతో కూడిన ఉద్యోగాలు లేక తమ భార్యలను పోషించగలమో లేదో అనే బెంగతో పెళ్లిళ్లకు వెనుకడుగువేస్తున్నారు. మరో వైపు ఆడపిల్లల తల్లిదండ్రులు కూడా ప్రభుత్వ ఉద్యోగులు, స్థిరమైన ప్రైవేటు ఉద్యోగులవైపు దృష్టిసారిస్తూ, ఆ సంబంధాలనే నిశ్చయం చేసుకుంటున్నారు. పాలకొండ/రాజాం ఉమ్మడి విజయనగరం జిల్లాలో పెళ్లికాని పురుషుల సంఖ్య రోజురోజుకూ పెరుగుతోంది. 30 ఏళ్లు దాటినా పెళ్లికాక చాలా మంది యువకులు ఆవేదన చెందుతున్నారు. పల్లెలు, పట్టణాలు అనేతేడా లేకుండా ఈ సమస్య కనిపిస్తోంది. ఒకప్పుడు పెళ్లి ఈడు రాగానే అమ్మాయిలు..అబ్బాయిల్లో పెళ్లి కళ కనిపించేది. అమ్మాయిల తల్లిదండ్రులకు బెంగ ఉండేది. సకాలంలో ఎవరో ఒక అయ్య చేతిలో పెట్టేస్తే బాధ్యత తీరుపోతుందిలే అనుకునేవారు. 18 ఏళ్లు దాటిన వెంటనే బంధువులను సంప్రదిస్తూ ఆడపిల్లలకు పెళ్లిసంబంధాలు కావాలని అడిగేవారు. భార్యను పోషించుకునే స్థోమత ఉంటే చాలు అనుకునేవారు. ఇప్పుడు పరిస్థితి పూర్తిగా భిన్నం. అమ్మాయిలు చక్కగా చదువుకుంటున్నారు. ఉన్నత స్థానాల్లో స్థిరపడుతున్నారు. తమకు కావాల్సిన వరుడు కూడా తమ స్థాయికి తగ్గట్టుగా ఉండాలని భావిస్తున్నారు. అదే విషయం తల్లిదండ్రులకు చెబుతున్నారు. వయస్సు 30 ఏళ్లు వచ్చినా అమ్మాయిల విషయంలో తల్లిదండ్రులు తొందరపడడం లేదు. అబ్బాయిలు విషయంలో ప్రస్తుత పరిస్థితి దారుణంగా మారింది. పుట్టినప్పుడు అబ్బాయి పుడితే బాగుండేది అనుకున్న తల్లిదండ్రులు వారికి పెళ్లి ఈడు వచ్చేటప్పటికి ఆందోళన చెందుతున్నారు. స్థిరపడకపోతే పెళ్లి ఎలా అవుతుంది.. ఎవరైనా పిల్లనిస్తే పెళ్లిచేద్దామన్న యాతనలో పడ్డారు. చివరకు సకాలంలో పెళ్లిళ్లు చేయలేక చతికిలపడుతున్నారు. మనోవేదనతో కుంగిపోతున్నారు. ఇవి కూడా ఒకరకంగా కారణాలే.. సీ్త్ర నిష్పత్తి ఎక్కువగా ఉన్నా.. 30 ఏళ్లు వచ్చినా పెళ్లికి దూరంగానే యువకులు వెంటాడుతున్న నిరుద్యోగ సమస్య ఉద్యోగం వచ్చేనాటికి మీరుతున్న పెళ్లివయస్సు నిరుద్యోగులకు పోషించలేమనే బెంగ మద్యం, గంజాయికి బానిసలుగా మారుతున్న వైనం ఆస్తులు ఉన్నా ఆడపిల్లలను ఇచ్చేందుకు మక్కవ చూపని తల్లిదండ్రులు స్థిరపరులకు, తక్కువ వయస్సువారివైపే ఆసక్తి పల్లెలు..పట్టణాల్లో ఇదే పరిస్థితి

● ఐదో రోజుకు చేరిన వైద్యారోగ్య కాంట్రాక్టు సిబ్బంది సమ్మె పార్వతీపురం రూరల్‌: వైద్యారోగ్య శాఖలో పని చేస్తున్న కాంట్రాక్టు సిబ్బంది చేపట్టిన సమ్మె శనివారం ఐదో రోజుకు చేరుకుంది. తమ సమస్యలను వెంటనే పరిష్కరించాలని కోరుతూ జిల్లా కేంద్ర ఆస్పత్రి ఎదుట ఏర్పాటు చేసిన శిబిరం వద్ద వారు వినూత్న రీతిలో నిరసన గళమెత్తారు. రహదారికి ఇరువైపులా మానవహారంగా ఏర్పడిన సిబ్బంది.. చేతులు పైకెత్తి సంకెళ్లు వేసుకున్నట్లు ప్రదర్శిస్తూ ఆందోళన చేపట్టారు. దీర్ఘకాలంగా సేవలందిస్తున్న కాంట్రాక్టు ఉద్యోగులందరినీ తక్షణమే క్రమబద్ధీకరించాలని, ఆ ప్రక్రియ పూర్తయ్యే వరకు నూరు శాతం గ్రాస్‌ వేతనం చెల్లించాలని నాయకులు ప్రధానంగా డిమాండ్‌ చేశారు. ఉద్యోగులందరికీ హెల్త్‌ ఇన్సూరెన్స్‌, ఈహెచ్‌సీ కార్డులు మంజూరు చేయాలని కోరారు. విధి నిర్వహణలో ప్రాణాలు కోల్పోయిన ఉద్యోగుల కుటుంబాలకు రూ.50 లక్షల పరిహారంతో పాటు, వారి కుటుంబంలో ఒకరికి కాంట్రాక్టు ఉద్యోగం కల్పించాలని ప్రభుత్వానికి విజ్ఞప్తి చేశారు. నిరసన కార్యక్రమంలో ఏపీ జేఏసీ చైర్మన్‌, పార్వతీపురం యూనియన్‌ జిల్లా ప్రతినిధి ఎస్‌.నారాయణరావు, కన్వీనర్‌ దిలీప్‌, కో–చైర్మన్‌ సురేష్‌, వైస్‌ చైర్మన్‌ రాజ్యలక్ష్మితో పాటు ఇతర పారా మెడికల్‌ సిబ్బంది పాల్గొన్నారు. తన కుమార్తెతో కలిసి సమ్మెలో పాల్గొన్న వైద్య ఆరోగ్య శాఖ కాంట్రాక్టు ఉద్యోగి

విజయనగరం టౌన్‌: నేర నియంత్రణకు హైక్వాలిటీ నైట్‌ విజన్‌ సీసీ కెమెరాలను పట్టణంలోని ప్రధాన కూడళ్లలో అదనంగా ఏర్పాటు చేస్తున్నట్లు ఎస్పీ ఎఆర్‌.దామోదర్‌ తెలిపారు. వన్‌టౌన్‌ పోలీసుల ఆధ్వర్యంలో స్థానిక ఆర్‌టీసీ కాంప్లెక్స్‌, రైల్వేస్టేషన్‌ పరిసర ప్రాంతాల్లో సీసీ కెమెరాలను ఏర్పాటు చేశారు. ఈ మేరకు శనివారం వాటిని ప్రారంభించారు. ఆర్టీసీ కాంప్లెక్స్‌ వద్ద ఏర్పాటు చేసిన సీసీ కెమెరాల ప్రారంభ కార్యక్రమానికి ముఖ్య అతిథిగా ఎస్పీ హాజరై, పరిశీలించారు. అనంతరం ఆయన మాట్లాడుతూ ఆర్‌టీసీ కాంప్లెక్స్‌కు ప్రతీరోజూ పెద్ద సంఖ్యలో ప్రయాణికులు వివిధ ప్రాంతాల నుంచి రాకపోకలు సాగిస్తుంటారన్నారు. జేబు దొంగతనాలు, బ్యాగ్‌ కటింగ్స్‌, చైన్‌ స్నాచింగ్స్‌, ఈవ్‌ టీజింగ్‌, గంజాయి అక్రమ రవాణాను నియంత్రించేందుకు కొత్తగా 12 హైక్వాలిటీ నైట్‌ విజన్‌ సీసీ కెమెరాలను ఏర్పాటు చేశామన్నారు. ఆర్‌టీసీ కాంప్లెక్స్‌లో పోలీసుల సహాయ కేంద్రాన్ని ఏర్పాటు చేసేందుకు అధికారులు స్ధలం కేటాయించాలని కోరారు. నేర నియంత్రణలో భాగంగా పోలీసుశాఖ చేపడుతున్న చర్యలకు ఆర్‌టీసీ అధికారులు, ప్రజలు సహకరించాలని కోరారు. అనంతరం కాంప్లెక్స్‌ పరిసర ప్రాంతాలను సందర్శించి, సీసీ పుటేజ్‌ పనితీరు పర్యవేక్షించారు. కార్యక్రమంలో విజయనగరం డీఎస్పీ ఎస్‌.లక్ష్మణమూర్తి, వన్‌టౌన్‌ సీఐ ఆర్‌విఆర్‌కె.చౌదరి, సీసీఎస్‌ సీఐ డిడి.నాయుడు, ఆర్‌టీసీ డిపో మేనేజర్‌ జె.శ్రీనివాసరావు, ఎస్‌ఐలు సురేంద్రనాయుడు, రవి, ప్రసన్నకుమార్‌, స్టేషన్‌ మేనేజర్‌ సిహెచ్‌.దుర్గరాజు తదితరులు పాల్గొన్నారు.

సాక్షి, పార్వతీపురం మన్యం: పార్వతీపురం ప్రజల జీవనాడిలాంటి జంఝావతి ప్రాజెక్టుకు దశాబ్దాలుగా మోక్షం కలగడం లేదు. ఒడిశా ప్రభుత్వం ససేమిరా అనడం.. రాష్ట్రంలోని కూటమి పాలకులకు చిత్తశుద్ధి కొరవడడం వల్ల వేలాది మంది రైతులకు సాగు, తాగునీటి కష్టాలు తప్పడం లేదు. జంఝావతి ప్రాజెక్టు సాధన కోసం 19 రోజులుగా పార్వతీపురంలో ‘జంఝావతి సాధన కమిటీ’ ఆధ్వర్యంలో రిలే దీక్షలు చేపడుతున్నారు. కమిటీ ప్రతినిధులు, వివిధ ప్రజా సంఘాల నేతలు గొంతు చించుకుంటున్నా.. ఏ ఒక్క ప్రజాప్రతినిధి నుంచి కూడా కనీస స్పందన ఉండడం లేదు. సుమారు 75 గ్రామాల రైతుల సాగు, తాగునీరు అవసరాలు తీరడానికి ఈ ప్రాజెక్టు ఎంతో కీలకం. ఇది పూర్తయితే పార్వతీపురం పట్టణానికి దశాబ్దాల నీటి సమస్య కూడా తీరుతుంది. ఒడిశా మడత పేచీ.. జిల్లాలోని ఆంధ్ర, ఒడిశా సరిహద్దులో నిర్మించతలపెట్టిన జంఝావతి జలాశయం నిర్మాణం ఐదు దశాబ్దాలుగా అసంపూర్తిగానే మిగిలిపోయింది. రెండు రాష్ట్రాల జల వివాదాలతో ముందుకు అడుగులు పడడం లేదు. ప్రభుత్వాలు ఇచ్చిన హామీ అమలు కార్యరూపం దాల్చడం లేదు. ఏటా అంచనా వ్యయం పెరుగుతోంది. జిల్లాలోని కొమరాడ మండలం రాజ్యలక్ష్మీపురం వద్ద నాగావళి నదిపై జంఝావతి జలాశయం నిర్మించాలని 1975లో అప్పటి ప్రభుత్వం నిర్ణయించింది. 26,640 ఎకరాలకు సాగునీరు అందించేందుకు రూ.13.50 కోట్లతో ప్రతిపాదించారు. ఒడిశా అడ్డంకులతో నిలిచింది. గతంలో అప్పటి దివంగత ముఖ్యమంత్రి వై.ఎస్‌.రాజశేఖరరెడ్డి దీన్ని జలయజ్ఞంలో చేర్చారు. 2006లో ఆస్ట్రియా సాంకేతికతతో తాత్కాలికంగా రైతులకు సాగు నీరందించేందుకు రూ.5 కోట్ల ఖర్చుతో రబ్బర్‌ డ్యామ్‌ నిర్మించారు. కొమరాడ, సీతానగరం, గరుగుబిల్లి, మక్కువ, పార్వతీపురం మండలాల్లో సుమారు 12 వేల ఎకరాలకు నీరందించేందుకు కాలువలు నిర్మించాలి. అప్పట్లోనే ఒడిశా ప్రభుత్వం మోకాలడ్డింది. జంఝావతి నది నుంచి నాలుగు టీఎంసీల నీటిని వినియోగించుకొనేలా జలాశయానికి రూపకల్పన చేశారు. ఇది పూర్తయితే ఒడిశాలోని 1,175.10 ఎకరాలు ముంపునకు గురవుతాయి. 848.76 ఎకరాలు ప్రభుత్వ అటవీ భూములు కాగా.. 326.34 ఎకరాలు ప్రైవేటు వ్యక్తులకు చెందినవి. నాలుగు గ్రామాలు పూర్తిగా, ఆరు గ్రామాలకు పాక్షికంగా ఇబ్బంది ఎదురవుతోంది. దాదాపు 189 కుటుంబాలు నిర్వాసితులవుతాయి. పునరావాసం కల్పన, నష్టపరిహారం చెల్లింపునకు అప్పటి ఏపీ ప్రభుత్వం అంగీకరించినా ఒడిశా మడతపేచీతో అక్కడే ఆగిపోయింది. గత వైఎస్సార్‌సీపీ ప్రభుత్వ హయాంలో అప్పటి ముఖ్యమంత్రి జగన్‌మోహన్‌రెడ్డి కూడా ఒడిశా ప్రభుత్వంతో స్వయంగా చర్చలు జరిపారు. అటు నుంచి సానుకూలత రాకపోవడంతో ముందుకు అడుగులు పడలేదు. పెరిగిన అంచనా వ్యయం.. ఇదే సమయం ప్రస్తుతం ప్రాజెక్టు అంచనా వ్యయం భారీగా పెరిగింది. కొంత మేర కుడి, ఎడమ కాలువలు పనులు పూర్తి చేసినా.. అనుసంధాన పనులు విడిచిపెట్టారు. కొమరాడ మండలం డంగభద్ర దగ్గర కాలువలో రాతిబండ కూడా పెద్ద ఆటంకంగా మారింది. ప్రస్తుతం రాష్ట్రంలో బీజేపీతో కలిసిన కూటమి ప్రభుత్వమే అధికారంలో ఉంది. ఒడిశాలోనూ బీజేపీ ప్రభుత్వానిదే అధికారం. కేంద్రంలోనూ ఎన్డీయే ప్రభుత్వం ఉండడం సానుకూల అంశం. ఇరు ప్రభుత్వాలూ కూర్చొంటే ప్రాజెక్టుకు అనుకూలంగా మారే అవకాశాలు ఉంటాయని ప్రజాసంఘాల నాయకులు అంటున్నారు. జంఝావతి ప్రాజెక్టు పూర్తిచేయాలని రైతుల డిమాండ్‌ 19 రోజులుగా రిలే నిరాహార దీక్షలు పాలకుల నుంచి స్పందన శూన్యం

రామభద్రపురం: భూ పట్టాలు ఇప్పిస్తామని గ్రామానికి చెందిన టీడీపీ నాయకుడు బొబ్బిలి కోటకు తీసుకెళ్లి ఎమ్మెల్యే బేబీనాయనతో పార్టీ కండువాలు వేయించి మోసం చేశారని కొట్టక్కి గ్రామానికి చెందిన సోషల్‌ మీడియా ప్రతినిధి రాంబార్కి కిరణ్‌కుమార్‌తో పాటు పలువురు యువకులు మాజీ ఎమ్మెల్యే శంబంగి వెంకట చినఅప్పలనాయుడు ముందు ఏకరువు పెట్టుకున్నారు. మండల పార్టీ కార్యాలయంలో శనివారం మాజీ ఎమ్మెల్యే శంబంగిని కలిసిన వారు భూ పట్టాలు ఇస్తామని చెప్పి ఇప్పటికీ మూడు నెలలవుతున్నా ఇంత వరకు ఆ ఊసే లేదని, పట్టాలు ఎప్పుడిస్తారని అడిగితే టీడీపీ నాయకులు మాట్లాడటం లేదని ఆవేదన వ్యక్తం చేశారు. టీడీపీ నాయకుల మాటలు నమ్మి కండువాలు వేసుకుని మోసపోయామని, ఇక నుంచి అలా జరగకుండా వైఎస్సార్‌సీపీకి మద్దతు ఇస్తూ మీ వెంట నడుస్తామని చెప్పారు. కిలాడి అభిషేక్‌, వసంతుల బాలాజీ, రావాడ వేణు, ఇనుచుప్పల ఉమామహేష్‌, ఇనుచుప్పల వెంకటరమణ పాల్గొన్నారు.

పార్వతీపురం రూరల్‌: అండర్‌ 14 బాలికల క్రికెట్‌ ఎంపిక పోటీలలో పార్వతీపురం మండలంలోని పెదబొండపల్లి జెడ్పీ ఉన్నత పాఠశాల ఎనిమిదో తరగతి విద్యార్థిని గొర్లి శ్రీవాణి రాష్ట్రస్థాయి జట్టుకు ఎంపికై ంది. ఈ మేరకు పాఠశాల ప్రధానోపాధ్యాయిని ఐ.గౌరి వివరాలను వెల్లడించారు. ఈ ఎంపిక పోటీల కోసం శ్రీవాణికి వ్యాయామ ఉపాధ్యాయుడు సింహాచలం ప్రత్యేక తర్ఫీదునిచ్చారు. శ్రీవాణి రాష్ట్ర జట్టుకు ఎంపికవడం పట్ల స్కూల్‌ మేనేజ్‌మెంట్‌ కమిటీ చైర్మన్‌ రెడ్డి ప్రసాద రావు, కార్యదర్శి సూర్యనారాయణ హర్షం వ్యక్తం చేశారు. త్వరలో చిత్తూరులో జరగనున్న రాష్ట్ర స్థాయి పోటీల్లో శ్రీవాణి ఉత్తమ ప్రదర్శన కనబరిచి, జాతీయ స్థాయి పోటీలకు ఎంపికవ్వాలని హెచ్‌ఎం గౌరి కోరారు. ఈ కార్యక్రమంలో పాఠశాల ఉపాధ్యాయ సిబ్బంది శశిధర్‌ కుమార్‌, ప్రసాద్‌, ఉమా, కృష్ణమూర్తి, విజయ్‌ కుమార్‌, భాస్కర రావు, భవానీ దేవి, చంద్రకళ, శ్రీనివాసరావు, జనార్దన్‌, రామలింగ స్వామి పాల్గొని క్రీడాకారిణికి, వ్యాయామ ఉపాధ్యాయునికి శుభాకాంక్షలు తెలియజేశారు.

కొత్తవలస: జాతీయ స్థాయి కరాటే పోటీల్లో కొత్తవలస మండలంలోని అర్ధానపాలెం గ్రామం సమీపంలో గల ఏపీ మోడల్‌ స్కూల్‌లో ఇంటర్‌ ప్రథమ సంవత్సరం చదువుతున్న గనివాడ సాయిచైతన్య బంగారు పతకం సాధించినట్లు ప్రిన్సిపాల్‌ జి.ప్రసన్న శుక్రవారం తెలిపారు. మండలంలోని తుమ్మికాపల్లి గ్రామం సమీపంలో గల ఎన్‌ఎస్‌ఆర్‌ కల్యాణ మంటపంలో ఇటీవల జాతీయస్థాయి కరాటే బెల్ట్‌ పోటీలను నిర్వహించారు.ఈ పోటీలకు దేశంలో గల 14 రాష్ట్రాలకు చెందిన సుమారు 700 మందికి పైగా క్రీడాకారులు పాల్గొన్నారు. ఈ పోటీల్లో సాయిచైతన్య విశేష ప్రతిభ కనబరిచి బంగారు పతకం సాధించినట్లు ఆమె తెలిపారు.ఈ సందర్భంగా సాయిచైతన్యను బోధనా సిబ్బంది శివప్రసాద్‌, పీడీ పి.మణి తదితరులు అభినందించారు. ఆర్టీసీలో ఐటీఐ అప్రెంటిస్‌షిప్‌ దరఖాస్తుల స్వీకరణపార్వతీపురం రూరల్‌: ఏపీఎస్‌ఆర్టీసీలో ఐటీఐ అప్రెంటిస్‌షిప్‌ కోసం ఆన్‌న్‌లైన్‌లో దరఖాస్తులు స్వీకరిస్తున్నట్లు పార్వతీపురం మన్యం జిల్లా ప్రజా రవాణా అధికారి శ్రీ గౌతమ్‌ ఛటర్జీ తెలిపారు. జిల్లాలో డీజిల్‌ మెకానిక్‌, మోటార్‌ మెకానిక్‌, ఎలక్ట్రీషియన్‌, డ్రాఫ్ట్‌మెన్‌ సివిల్‌ విభాగాల్లో ఖాళీలు ఉన్నాయని వెల్లడించారు. అర్హులైన అభ్యర్థులు //డబ్ల్యూ డబ్ల్యూ డబల్యు.అప్రెంటిస్‌షిప్‌ ఇండియా.జివోవి.ఇన్‌// వెబ్‌సైట్‌ ద్వారా అక్టోబర్‌ 11 నుంచి 26వ తేదీ లోపు ఆన్‌లైన్‌లో దరఖాస్తు చేసుకోవాలని, ఆ తర్వాత వచ్చే దరఖాస్తులు పరిగణనలోకి తీసుకోరని స్పష్టం చేశారు. ఆన్‌లైన్‌లో దరఖాస్తు చేసుకున్న విజయనగరం, పార్వతీపురం మన్యం, శ్రీకాకుళం జిల్లాల అభ్యర్థులకు అక్టోబర్‌ 30న ఉదయం 10 గంటలకు విజయనగరం వీటీ అగ్రహారంలోని ఆర్టీసీ జోనల్‌ స్టాఫ్‌ ట్రైనింగ్‌ కళాశాలలో ధ్రువీకరణ పత్రాల పరిశీలన జరుగుతుంది. అభ్యర్థులు రిజిస్ట్రేషన్‌ ఫారం, పదో తరగతి, ఐటీఐ మార్కుల జాబితాలు, కుల, నివాస ధ్రువీకరణ పత్రాలు, ఆధార్‌, పాన్‌కార్డు, బయోడేటాతో పాటు అసలు సర్టిఫికెట్లు, ఒక సెట్‌ జిరాక్స్‌ కాపీలను వెంట తీసుకురావాలి. సర్టిఫికెట్ల పరిశీలన సమయంలో అభ్యర్థులు రూ.118 ప్రాసెసింగ్‌ ఫీజు చెల్లించాల్సి ఉంటుంది. ఇదివరకే అప్రెంటిస్‌షిప్‌ పూర్తి చేసిన వారు దరఖాస్తుకు అనర్హులు. ఇతర సందేహాలకు పని వేళల్లో ఫోన్‌ 08922–294906 నంబరును సంప్రదించవచ్చని సూచించారు. రన్నింగ్‌ ట్రైన్‌లో మొబైల్స్‌ దొంగ అరెస్ట్‌విజయనగరం టౌన్‌: రైల్వేస్టేషన్‌, ఫ్లాట్‌ఫామ్‌, రన్నింగ్‌ ట్రైన్స్‌లో ప్రయాణికుల వద్ద మొబైల్‌ ఫోన్‌లను దొంగతనం చేస్తున్న ఛత్తీస్‌గఢ్‌ రాష్ట్రం, రాయపూర్‌కి చెందిన శత్రుఘ్న అనే వ్యక్తిని ఆర్‌పీఎఫ్‌, జీఆర్‌పీ సిబ్బంది శుక్రవారం విజయనగరం రైల్వేస్టేషన్‌లో గుర్తించి అదుపులోకి తీసుకున్నారు. నిందితుడి నుంచి రూ. 20వేలు విలువ కలిగిన మొబైల్‌ను స్వాధీనం చేసుకుని, నిందితుడిని అరెస్టు చేసి, రిమాండ్‌ నిమిత్తం రైల్వేకోర్టుకు తరలించారు. కార్యక్రమంలో ఆర్‌పీఎఫ్‌ ఎస్సై గోవిందరావు, జీఆర్‌పీ హెచ్‌సీ రవికుమార్‌, తదితరులు పాల్గొన్నారు.పాము కాటుతో వ్యక్తి మృతితెర్లాం: మండలంలోని అప్పలంపేట గ్రామంలో పాముకాటుకు గురైన ఓ వ్యక్తి మృతి చెందాడు, ఈ సంఘటనకు సంబంధించి తెర్లాం ఎస్సై బి.సాగర్‌బాబు శుక్రవారం తెలిపిన వివరాలిలా ఉన్నాయి. గ్రామానికి చెందిన సాకేటి నాగభూషణరావు(51) గురువారం సాయంత్రం పొలానికి వెళ్లి తిరిగి ఇంటికి వస్తుండగా గట్టుపై పాము కాటువేసింది. వెంటనే చికిత్స నిమిత్తం రాజాంలోని ఆస్పత్రికి తరలించగా పరిస్థితి విషమించడంతో మెరుగైన వైద్య సేవలు అందించేందుకు శ్రీకాకుళం రిమ్స్‌ ఆస్పత్రికి తరలించారు. అక్కడ చికిత్స పొందుతూ శుక్రవారం ఉదయం మృతి చెందాడు. మృతుడికి భార్య కల్యాణి, వివాహితుడైన కుమారుడు సాయి ఉన్నారు. భర్త మృతి చెందడంతో తనకు దిక్కెవరంటూ భార్య కన్నీరుమున్నీరుగా విలపిస్తోంది. మృతుని కుటుంబ సభ్యుల ఫిర్యాదుపై ఎస్సై కేసు నమోదు చేసి దర్యాప్తు చేస్తున్నారు.

● జిల్లా ప్రజారవాణా అధికారి జి.వరలక్ష్మి విజయనగరం క్రైమ్‌: దసరా సందర్భంగా విజయనగరం కాంప్లెక్స్‌ నుంచి ప్రత్యేక బస్సులు నడుపుతున్నట్టు ఆర్టీసీ జిల్లా ప్రజా రవాణా అధికారి వరలక్ష్మి శుక్రవారం తెలిపారు. విశాఖపట్నం, సింహాచలం, అనకాపల్లి, శ్రీకాకుళం, చీపురుపల్లి, పాలకొండ, సాలూరు, పార్వతీపురం, ఎస్‌.కోట రూట్‌లలో 100 సర్వీసులు నడుపుతామన్నారు. ఆదివారం అదనంగా 10 స్పెషల్స్‌ బస్సులు, సోమవారం 15 స్పెషల్స్‌ బస్సులు వేస్తామని చెప్పారు. దూర ప్రాంత సర్వీసులను కూడా పెంచామని, ప్రయాణికులు ఈ ప్రత్యేక సర్వీసులను సద్వినియోగం చేసుకోవాలని కోరారు. బాలుడి తొడలో దూరిన కర్రముక్క ● మెరుగైన వైద్యం కోసం విశాఖ కేజీహెచ్‌కు తరలింపు పార్వతీపురం రూరల్‌: ఆడుకుందామని ఉత్సాహంగా చెట్టెక్కిన ఓ బాలుడు ప్రమాదవశాత్తూ కిందపడి తీవ్రంగా గాయపడిన ఘటన గుమ్మలక్ష్మీపురం మండలం పెదఖర్జ గ్రామంలో చోటు చేసుకుంది. గ్రామానికి చెందిన మండంగి సుమన్‌ కుమారుడు వరుణ్‌ తేజ్‌ స్థానిక ప్రభుత్వ పాఠశాలలో ఏడవ తరగతి చదువుతున్నాడు. సాయంత్రం సమయంలో ఆడుకునేందుకు ఇంటి ఆవరణలోని పూలచెట్టు ఎక్కాడు. అదుపుతప్పి బాలుడు కిందకు జారి పడిపోయాడు. ఈ క్రమంలో కింద ఉన్న ఓ కర్ర ముక్క బాలుడి ఎడమ కాలి తొడ భాగంలోకి బలంగా గుచ్చుకుంది. తొడ కింద నుంచి పైకిరావడంతో కుటుంబ సభ్యులు ఆందోళనకు గురయ్యారు. వెంటనే పార్వతీపురం జిల్లా ఆస్పత్రికి తరలించారు. అక్కడ వైద్యులు బాలుడికి ప్రాథమిక చికిత్స అందించారు. గాయం తీవ్రత ఎక్కువగా ఉండడం, కర్రముక్క కాలిలో ప్రమాదకరంగా ఇరుక్కుపోవడంతో మెరుగైన వైద్యం నిమిత్తం విశాఖ కేజీహెచ్‌కు తరలించారు. సీఈసీని బర్తరఫ్‌ చేయాలి పార్వతీపురం రూరల్‌: కేంద్ర ఎన్నికల ప్రధాన కమిషనర్‌ (సీఈసీ) జ్ఞానేష్‌ కుమార్‌ను బర్తరఫ్‌ చేయడంతో పాటు ప్రత్యేక ఓటర్ల పరిశీలన (‘సర్‌’) విధానాన్ని రద్దు చేయాలని ఇండియా కూటమి నాయకులు డిమాండ్‌ చేశారు. ఈ మేరకు పార్వతీపురం ఆర్టీసీ కాంప్లెక్స్‌ నుంచి అంబేడ్కర్‌ విగ్రహం వరకు శుక్రవారం నిరసన ర్యాలీ చేపట్టారు. ‘సర్‌’ పేరుతో దేశవ్యాప్తంగా దాదాపు 13 కోట్ల మందిని ఓటర్ల జాబితా నుంచి తొలగించడం దారుణమన్నారు. సుప్రీంకోర్టు జోక్యం చేసుకుని సీఈసీని తొలగించాలని, ‘సర్‌’ను రద్దు చేయకపోతే ప్రజాసంఘాలతో కలిసి దేశవ్యాప్తంగా ఉద్యమిస్తామని హెచ్చరించారు. కార్యక్రమంలో కాంగ్రెస్‌ పార్టీ జిల్లా అధ్యక్షుడు వంగల దాలినాయుడు, సీపీఐ జిల్లా కార్యదర్శి కూరంగి మన్మథరావు, సీపీఎం, న్యూ డెమోక్రసీ, ఇతర పక్షాల నాయకులు బత్తిన మోహనరావు, గేదెల రామకృష్ణ, అడ్డాకుల చిన్నారావు, గొర్లి వెంకటరమణ, పోలా ఈశ్వరరావు, పి.సంగం, తోట జీవ తదితరులు పాల్గొన్నారు.స్విమ్మర్‌కు అభినందనలు పార్వతీపురం రూరల్‌: జర్మనీ నుంచి స్విట్జర్లాండ్‌ వరకు ఉన్న బోడెన్సీ సరస్సును విజయవంతంగా ఈదిన పార్వతీపురం మన్యం జిల్లాకు చెందిన పారా స్విమ్మర్‌ గణేష్‌ బాలగను డీఈఓ బ్రహ్మాజీరావు శుక్రవారం అభినందించారు. గతనెల 12న బోడెన్సీ సరస్సులో 11.176 కిలోమీటర్ల దూరాన్ని 5 గంటల 14 నిమిషాల 33 సెకన్లలో ఈదుకుంటూ స్విట్జర్లాండ్‌ చేరుకోవడం అభినందించదగ్గదన్నారు. గణేష్‌ క్రీడా స్ఫూర్తి విద్యార్థులకు ఆదర్శనీయమన్నారు. భవిష్యత్తులో గణేష్‌ మరిన్ని విజయాలు సాధించాలని ఆకాంక్షించారు.

పాలకొండ: నేలబావిలో పడిన ఓ చిన్నారి అదృష్టవశాత్తు ప్రాణాప్రాయం నుంచి బయటపడింది. పాలకొండ పట్టణంలో శుక్రవారం జరిగిన ఈ సంఘటన వివరాలిలా ఉన్నాయి. పట్టణానికి చెందిన భోగి గణేష్‌ దంపతులు విశాఖపట్నంలో నివాసం ఉంటున్నారు. తన భార్య తల్లితండ్రులు పాలకొండలోని చిన్నబల్లంకి వీధిలో నివాసం ఉంటున్నారు. దసరా పండగ నేపథ్యంలో గణేష్‌ భార్య తన మూడేళ్ల కుమార్తె లహరిని తీసుకుని వచ్చింది. అమ్మవారి మొక్కు ఉన్న నేపథ్యంలో శుక్రవారం ఉదయం భవానీ మాల వేసుకుంది. తాతగారి ఇంటి వద్ద ఉన్న చిన్నారి లహరి నిరుపయోగంగా ఇంటి సమీపంలో ఉన్న నేల బావి వద్ద ఆడుకుంటూ ప్రమాదవశాత్తు బావిలో పడిపోయింది. బావి సుమారు 12 అడుగుల లోతులో ఉన్నా నీరు లేకపోవడంతో ఎటువంటి ప్రమాదం జరగలేదు. స్థానికులు గుర్తించి వెంటనే అగ్నిపమాక శాఖకు సమాచారం అందించారు. తక్షణమే అగ్నిమాపక శాఖ అధికారి జామి సర్వేశ్వరరావు ఆధ్వర్యంలో సిబ్బంది వచ్చి బావిలో దిగి చిన్నారిని బయటకు తీయడంతో అంతా ఊపిరి పీల్చుకున్నారు. చిన్నారిని రక్షించిన అగ్నిమాపక సిబ్బందికి స్థానికులు అభినందనలు తెలిపారు.

పార్వతీపురం, సీతంపేట ఐటీడీఏ పాలకవర్గ సమావేశాలు రాజకీయ ఆధిపత్య ప్రదర్శనకు వేదికగా మారాయన్న విమర్శలు వ్యక్తమవుతున్నాయి. బీసీ సమాజానికి క్షమాపణ చెప్పాల్సిందే.. 34 శాతం రిజర్వేషన్లు సాధించడంలో చంద్రబాబు ప్రభుత్వం పూర్తిగా విఫలమైంది. సరైన క్షేత్రస్థాయి సర్వేలు చేయకుండా, కేవలం తాత్కాలిక డేటాతో తూతూ మంత్రంగా జీవోలు ఇచ్చి, కోర్టుల్లో భంగపడ్డారు. కుటిల రాజకీయంతో చేసిన తమ వైఫల్యాన్ని కప్పిపుచ్చుకుంటూ ఇప్పుడు ఆ నెపాన్ని వైఎస్సార్‌సీపీపై నెట్టే ప్రయత్నం చేయడం సిగ్గుచేటు. ఈ మోసానికి ముఖ్యమంత్రి చంద్రబాబు భేషరతుగా బీసీ సమాజానికి క్షమాపణ చెప్పాలి. గత ప్రభుత్వ హయాంలో ఎన్ని చట్టపరమైన అడ్డంకులు ఉన్నా.. వెనక్కి తగ్గకుండా, బీసీ వర్గాలకు నాటి ముఖ్యమంత్రి జగన్‌ సముచిత స్థానం కల్పించారు. – బొమ్మి రమేష్‌, వైఎస్సార్‌సీపీ మండలాధ్యక్షుడు, పార్వతీపురం

బీసీలకు ప్రాధాన్యం శూన్యం ప్రభుత్వం చెబుతున్న మాటలన్నీ స్థానిక సంస్థల వేళ.. ఎన్నికల నినాదంగానే కనిపిస్తోంది. రిజర్వేషన్లపై న్యాయపరమైన పరిష్కారం, పదవుల్లో సముచిత ప్రాతినిధ్యం, నిర్ణయాధికార వ్యవస్థల్లో భాగస్వామ్యం.. ఈ మూడింటిలో ప్రభుత్వం చూపే చిత్తశుద్ధే బీసీల పట్ల దాని నిబద్ధతకు కొలమానం కానుంది. జిల్లాలో ఇప్పటివరకు భర్తీ చేసిన నామినేటెడ్‌ పదవుల్లో బీసీలకు ఎన్ని దక్కాయి? ప్రభుత్వ కమిటీలు, సంస్థలు, ఇతర కీలక పదవుల్లో బీసీలకు ఎంత ప్రాతినిధ్యం కల్పించారన్నది ఆ పార్టీ నాయకులే ఓ సారి బేరీజు వేసుకోవాలి. – కె.కల్పన, మండల మహిళా సంఘం మాజీ అధ్యక్షురాలు, పాలకొండ

పాలకొండ: ఉత్తరాంధ్రుల ఆరాధ్య దైవం పాలకొండ కోటదుర్గమ్మ వారి శరన్నవరాత్రి ఉత్సవాలకు సర్వం సిద్ధం చేశారు. ఏటా 9 రోజుల పాటు ఉత్సవాల నిర్వహణ, అమ్మవారు పలు రూపాల్లో భక్తులకు దర్శనం ఉంటుంది. ఉమ్మడి విజయనగరం జిల్లాతో పాటు శ్రీకాకుళం తదితర ప్రాంతాల భక్తులు అమ్మవారి ఉత్సవాల్లో పాల్గొని మొక్కులు తీర్చుకుంటారు. ఈ మేరకు ఏర్పాట్లు పూర్తిచేశారు. 11న అమ్మవారి నిజరూప దర్శనం ఏడాదిలో ఒక్కరోజు మాత్రమే అమ్మవారి నిజరూప దర్శనం భక్తులకు కలుగుతుంది. ఈ దర్శనం కోసం వేలాదిగా భక్తులు తరలివస్తారు. ఈ ఏడాది 11 నుంచి అమ్మవారి నిజరూప దర్శన భాగ్యం కలగనుంది. గట్టి పోలీస్‌ బందోబస్తు.. దసరా ఉత్సవాల నిర్వహణకు సుమారుగా 220 మంది పోలీసులు బందోబస్తు ఏర్పాటు చేస్తున్నట్టు డీఎస్పీ ఎం.రాంబాబు తెలిపారు. ఒక డీఎస్పీ, ఇద్దరు సీఐలు, 8 మంది ఎస్సైల ఆధ్వర్యంలో అమ్మవారి ఆలయం వద్ద ఎటువంటి అవాంఛనీయ సంఘటనలు జరగకుండా చర్యలు తీసుకున్నామని తెలిపారు. ఈ తొమ్మిది రోజుల పాటు వన్‌ వే ట్రాఫిక్‌ ఆంక్షలు అమలులో ఉంటాయని వివరించారు. 100 మందితో పారిశుద్ధ్య పనులు అమ్మవారి ఉత్సవాల నేపథ్యంలో 100 మంది పారిశుద్ధ్య, మెప్మా సిబ్బందితో సేవా కార్యక్రమాలు నిర్వహిస్తున్నట్టు నగర పంచాయతీ కమిషనర్‌ నూకరాజు తెలిపారు. ప్రతిరోజు పారిశుద్ధ్య పనులు, తాగునీరు పంపిణీ, ఆలయ ఆవరణలో సేవా కార్యక్రమాలు చేపడుతున్నామని తెలిపారు. దేవాదాయ శాఖ నుంచి రూ.25 లక్షలు దసరా ఉత్సవాల నిర్వహణకు దేవదాయ శాఖ నుంచి రూ.25 లక్షల వరకు నిధులు ఖర్చు చేస్తున్నట్లు ఈఓ వి.వి.సూర్యనారాణ తెలిపారు. భక్తుల కోసం ప్రత్యేక మరుగుదొడ్లు నిర్వహణ, తాగునీరు, క్యూలైన్లు ఏర్పాటు చేస్తామని చెప్పారు. పక్కాగా ఉత్సవాల నిర్వహణ: సబ్‌ కలెక్టర్‌ దసరా ఉత్సవాల నిర్వహణ ప్రణాళిక ప్రకారం నిర్వహించాలని సబ్‌ కలెక్టర్‌ పవర్‌ స్వప్నిల్‌ తెలిపారు. శుక్రవారం ఉత్సవ ఏర్పాట్లు ఆయన పరిశీలించారు. ఈ సందర్భంగా అన్ని ప్రభుత్వ శాఖల అధికారులతో సమావేశమై ఉత్సవాల ఏర్పాట్లపై సమీక్షించారు. మరుగుదొడ్లు ఏర్పాటు చేయాలన్నారు. తాగునీరు అందుటులో ఉంచాలని, క్యూలైన్లు పక్కాగా ఏర్పాటు చేయాలని తెలిపారు. విద్యుత్‌ సమస్యలు లేకుండా చర్యలు తీసుకోవాలని ఏఈ యోగికి ఆదేశించారు. ఏర్పాట్లు పరిశీలించిన సబ్‌ కలెక్టర్‌, డీస్పీలు ఉత్సవాలు ఘనంగా నిర్వహించాలని ఆదేశాలు కోటదుర్గమ్మ వారి నిజరూప దర్శనం రేపు

మాజీ డిప్యూటీ సీఎం పాముల పుష్పశ్రీవాణి మాట్లాడుతూ ఆంధ్రప్రదేశ్‌ ప్రజల్లో సంక్షేమం అంటే వై.ఎస్‌.జగన్‌మోహన్‌ రెడ్డి, మోసం అంటే చంద్రబాబు అనే అభిప్రాయం ఉందన్నారు. కరోనా కష్టకాలంలోనూ సంక్షేమ పథకాలను నిలిపివేయకుండా ప్రజలకు అందించిన ఘనత గత వైఎస్సార్‌సీపీ ప్రభుత్వానిదని స్పష్టంచేశారు. మహిళలు, రైతులకు ఇబ్బందులు కలగకుండా పాలన సాగించామని, ప్రస్తుత ప్రభుత్వం మోసపూరిత హామీలతో అధికారంలోకి వచ్చి ప్రజలను ఇబ్బందులకు గురిచేస్తోందని విమర్శించారు. మండలంలో 1500 మంది క్రియాశీలక కార్యకర్తలకు గుర్తింపు కార్డులను అందిస్తామని చెప్పారు.

మక్కువ: ఉత్తరాంధ్ర ఇలవేల్పు శంబర పోలమాంబ అమ్మవారి ఆలయంలో ఈ నెల11వ తేదీ నుంచి 20వరకు శరన్నవరాత్రి మహోత్సవా(దసరా ఉత్సవాలు)లు జరపనున్నట్లు ఈవో వీవీ సూర్యనారాయణ తెలిపారు. ఈ మేరకు పోలమాంబ అమ్మవారి చదురుగుడిలో శుక్రవారం ఆలయ కమిటీ చైర్మన్‌ నైదాన చిన్నతిరుపతి, కమిటీ సభ్యులు, దేవాదాయ శాఖ సిబ్బంది, గ్రామ పెద్దలు దేవి శరన్నవరాత్రుల మహోత్సవాల తేదీలను, జరపనున్న పూజలను కరపత్రం ద్వారా విడుదల చేశారు. ఈ కార్యక్రమంలో దేవాదాయ శాఖ సిబ్బంది మురళీకృష్ణ మూర్తి నాయుడు తదితరులు పాల్గొన్నారు.

● రీజినల్‌ ఫైర్‌ ఆఫీసర్‌సీతంపేట (విశాఖ): ఫైర్‌ సిబ్బంది సమస్యలను ప్రత్యక్షంగా తెలుసుకుని, తన పరిధిలో ఉన్న సమస్యలను వెంటనే పరిష్కరించేందుకు కృషి చేస్తానని రీజినల్‌ ఫైర్‌ ఆఫీసర్‌ నిరంజన్‌ రెడ్డి తెలిపారు. ఆంధ్రప్రదేశ్‌ రాష్ట్ర విపత్తు స్పందన, అగ్నిమాపక సేవల అసోసియేషన్‌ ఆధ్వర్యంలో రాష్ట్రవ్యాప్తంగా నిర్వహిస్తున్న జోనల్‌ సమావేశాల్లో భాగంగా శుక్రవారం విశాఖలో జోన్‌–1 ఉత్తరాంధ్ర జిల్లాల స్థాయి సమావేశం నిర్వహించారు. ఆర్టీసీ కాంప్లెక్స్‌ సమీపంలోని ఎల్‌ స్క్వేర్‌ ఫంక్షన్‌ హాల్‌లో జరిగిన సమావేశంలో అసోసియేషన్‌ రాష్ట్ర అధ్యక్షుడు కె.చంద్రశేఖర్‌ మాట్లాడుతూ అగ్నిమాపక సిబ్బంది సమస్యలను గుర్తించి, వాటి పరిష్కారానికి సమష్టిగా కృషి చేయడమే జోనల్‌ సమావేశాల ప్రధాన ఉద్దేశమని తెలిపారు. అనంతరం ఉద్యోగుల సమస్యలపై రీజనల్‌ ఫైర్‌ ఆఫీసర్‌ నిరంజన్‌ రెడ్డికి వినతిపత్రం అందజేశారు .కార్యక్రమంలో జిల్లా అగ్నిమాపక అధికారి సత్యనారాయణ, విజయనగరం జిల్లా అగ్నిమాపక అధికారి సాయి రాజేష్‌, పార్వతీపురం మన్యం జిల్లా అగ్నిమాపక అధికారి సింహాచలం, తదితరులు పాల్గొన్నారు.

అంతా బాగు..సాక్షి, పార్వతీపురం మన్యం: గిరిజనుల సమస్యలను చర్చించి, వాటి పరిష్కారానికి కార్యాచరణ రూపొందించాల్సిన పార్వతీపురం, సీతంపేట ఐటీడీఏ పాలకవర్గ సమావేశాలు రాజకీయ ఆధిపత్య ప్రదర్శనకు వేదికగా మారాయన్న విమర్శలు వ్యక్తమవుతున్నాయి. ఏళ్ల తరబడి పరిష్కారానికి నోచుకోని గిరిజన సమస్యలు, ఆశ్రమ పాఠశాలలు, సంక్షేమ వసతి గృహాల్లో విద్యార్థుల అనారోగ్య సమస్యలు, గ్రామాల్లో కనీస సౌకర్యాల కొరత వంటి అంశాలపై సమగ్ర చర్చ జరగాల్సి ఉండగా.. సమావేశంలో నిధుల కేటాయింపులు, తమకు సమాచారం ఇవ్వలేదంటూ అధికారులపై అసంతృప్తి వ్యక్తం చేయడానికే ప్రాధాన్యం ఇచ్చారన్న ఆరోపణలు వినిపిస్తున్నాయి. దాదాపు ఐదేళ్ల విరామం తర్వాత నిర్వహించిన సమావేశాల తీరు ఇప్పుడు చర్చనీయాంశంగా మారింది. ప్రభుత్వం మారాక తొలిసారి... గురువారం పార్వతీపురం ఐటీడీఏ కార్యాలయంలో నిర్వహించిన 75వ పాలకవర్గ సమావేశంపై పలు విమర్శలు వెల్లువెత్తుతున్నాయి. కూటమి ప్రభుత్వం అధికారంలోకి వచ్చిన తర్వాత తొలిసారిగా ఈ సమావేశం నిర్వహించడం.. పేరుకుపోయిన సమస్యలపై ఎంతవరకు చర్చ జరిగిందన్న ప్రశ్నలు ఉత్పన్నమవుతున్నాయి. నిబంధనల ప్రకారం ప్రతి మూడు నెలలకోసారి నిర్వహించాల్సిన సమావేశాలను ఇంతకాలం ఎందుకు నిర్వహించలేదన్న ప్రశ్నకు సమాధానం చెప్పాల్సిన అవసరం ఉందని పలువురు అభిప్రాయపడుతున్నారు. ప్రశ్నించే గొంతుకలను పక్కన పెట్టేందుకేనా? గిరిజన ప్రాంతాల్లో ప్రజలు ఎదుర్కొంటున్న సమస్యలను పాలకుల దృష్టికి తీసుకెళ్లడంలో ఎంపీపీలు, జెడ్పీటీసీ సభ్యులు కీలక పాత్ర పోషిస్తారు. గ్రామస్థాయిలో రహదారులు, తాగునీరు, విద్య, వైద్యం, సంక్షేమ పథకాల అమలులో ఎదురవుతున్న ఇబ్బందులను అధికారుల ముందు ప్రస్తావించేందుకు పాలకవర్గ సమావేశాలు కీలక వేదికలుగా నిలుస్తాయి. ప్రజాప్రతినిధుల పదవీకాలం ముగిసే వరకు సమావేశాలు నిర్వహించకపోవడంపై తాజా మాజీ సభ్యులు అసంతృప్తి వ్యక్తం చేస్తున్నారు. పదవుల్లో ఉన్నప్పుడే సమావేశం నిర్వహించి ఉంటే క్షేత్రస్థాయిలోని సమస్యలు, అధికారుల పనితీరుపై ప్రశ్నలు ఎదురయ్యేవని, అందుకే సమావేశాల నిర్వహణలో జాప్యం జరిగిందా? అన్న అనుమానాలను వారు వ్యక్తం చేస్తున్నారు.గిరిజనుల ప్రాణాల కంటే ప్రాధాన్యాలే ముఖ్యమా?గిరిజన సంక్షేమ ఆశ్రమ పాఠశాలలు, వసతి గృహాల్లో విద్యార్థులు అనారోగ్యానికి గురవుతున్న ఘటనలు ఆందోళన కలిగిస్తున్నాయి. పలువురు విద్యార్థులు మరణించిన సంఘటనలు కోకొల్లలు. ఇటీవల అనసభద్ర ఘటనలో విద్యార్థి కుటుంబానికి రూ.3 లక్షల పరిహారం ప్రకటించి, అందజేశారు. ఇదే సమయంలో గిరిజన విద్యార్థులు పిట్టల్లా రాలిపోతున్నా కనీస చలనం పాలకుల్లో లేదు. కురుపాం ఘటనలో పచ్చకామెర్లతో ఇద్దరు విద్యార్థులు చనిపోతే ఆ కుటుంబాలకు పరిహారం ఊసు లేదు. సాలూరులో గోడ కూలి విద్యార్థి చనిపోతే.. పరిహారం ఇస్తామని చెప్పి, విస్మరించారు. గిరిజన గ్రామాల్లో ఇప్పటికీ మౌలిక సదుపాయాల కొరత, వైద్య సేవల అందుబాటులో ఇబ్బందులు, విద్యార్థుల ఆరోగ్య పరిరక్షణ వంటి సమస్యలు ప్రాధాన్య పరిష్కారాన్ని కోరుతున్నాయి. ఇటువంటి కీలక అంశాలపై పాలకవర్గ సమావేశంలో సమగ్రంగా చర్చించి, స్పష్టమైన కార్యాచరణ రూపొందించాల్సిన అవసరం ఉంది. అందుకు భిన్నంగా అన్ని చోట్లా ‘బాగు’ అని అధికారులు చెప్పడం.. దానికి ప్రజాప్రతినిధులు ‘కూటమి ప్రభుత్వం’లో అంతే! అంటూ తలూపడానికే సరిపోయింది. విద్యార్థుల ఆరోగ్య పరిరక్షణకు తీసుకుంటున్న చర్యలేమిటి? గిరిజన గ్రామాలకు వైద్య సేవలు ఎంతవరకు అందుతున్నాయి? మౌలిక సదుపాయాల కల్పనలో ఎదురవుతున్న అడ్డంకులేమిటి? పెండింగ్‌లో ఉన్న అభివృద్ధి పనులు ఎప్పుడు పూర్తవుతాయి? వంటి ప్రశ్నలకు సమాధానాలు చెప్పాల్సి ఉన్నా.. వీటి కంటే ఎక్కడ నిధులున్నాయి, ఆ పథకాల కోసం తమకు ఎందుకు చెప్పలేదని రాజకీయ ఆధిపత్యం చూపించడానికే సమావేశాన్ని ప్రజాప్రతినిధులు పరిమితం చేశారు. ఐటీడీఏ పరిధిలోని గిరిజన ప్రాంతాల అభివృద్ధికి కేటాయించే నిధులు, వాటి వినియోగం, ప్రాధాన్య క్రమంలో చేపట్టాల్సిన పనులపై చర్చ జరగడం సహజం. ఆ నిధుల కేటాయింపుల చర్చ ప్రజల అవసరాలు, వెనుకబడిన గ్రామాల అభివృద్ధి లక్ష్యంగా సాగాలి. తమకు సమాచారం అందించలేదంటూ అధికారులపై అసంతృప్తి వ్యక్తం చేయడం కంటే, గిరిజనులకు అందాల్సిన ప్రయోజనాలు పూర్తిస్థాయిలో అందుతున్నాయా? అన్న అంశంపై ప్రజాప్రతినిధులు దృష్టి సారించలేదు. ఐటీడీఏ పరిధిలో వీడీవీకేలు – యంత్రాల కొనుగోలు, ట్రైకార్‌ రుణాలు, నైపుణ్య శిక్షణ వంటి అంశాల్లో పెద్ద ఎత్తున అవినీతి, అక్రమాలు చోటుచేసుకున్నాయి. దీనిపై కనీస చర్చ జరగలేదు. గిరిజనుల జీవన ప్రమాణాలను మెరుగుపరిచే నిర్ణయాలు తీసుకోవడం, వాటి అమలుపై సమీక్ష నిర్వహించడం, బాధ్యతలను నిర్దేశించడం వంటి అంశాలకు ప్రాధాన్యం ఇవ్వాల్సిన వేదికలో... సుదీర్ఘ కాలం తర్వాత జరిగిన పార్వతీపురం, సీతంపేట ఐటీడీఏ పాలకవర్గ సమావేశాలనేవి కేవలం నిధుల కేటాయింపులు, అధికారుల వివరణలు, నాయకుల మధ్య ఆధిపత్య పోరుకే పరిమితం కావడంపై విమర్శలు వెల్లువెత్తుతున్నాయి. ఐటీడీఏలో ఏళ్ల నిర్లక్ష్యం.. గిరిజనుల సమస్యలపై మౌనం ఐదేళ్ల విరామం తర్వాత భేటీ.. ఆదివాసీల ఇబ్బందులపై చర్చ కరువు గిరిజనుల గోడు వినాల్సిన వేదికలో ఆధిపత్య పోరు నిధుల వాటాపైనే ఆసక్తి

● రోడ్డు ప్రమాదంలో కాళ్లు పోగొట్టుకున్న మహిళ ● ఐదునెలలుగా వైద్యం● ఇంటిముఖం చూడని కుటుంబం ● అనాథలుగా పిల్లలు ● కనీస ఖర్చులకు నగదులేక ఇబ్బందుల్లో బాధితులురాజాం: అనుకోని రోడ్డు ప్రమాదం హాయిగా సాగిపోతున్న జీవితంలో కష్టాలు తెచ్చిపెట్టింది. కూలిపనిచేస్తే కానీ డొక్కాడని ఇంటిలో కొండంత ఆపద తీసుకొచ్చింది. రోడ్డు ప్రమాదం రూపంలో విధివంచనకు బలైన ఆ కుటుంబం సాయం చేసే చేతుల కోసం ఎదురుచూస్తోంది. ఆ వివరాలు ఇలా ఉన్నాయి. రాజాం మండలం పొగిరి గ్రామానికి చెందిన కొండేటి రాజేశ్వరి గత ఐదునెలలుగా ఆస్పత్రిలో మంచానికే పరిమితమైంది. అంతకుముందు భర్త అచ్చియ్యతో కలిసి కూలిపనులు చేసుకుంటూ కుటుంబాన్ని నెట్టుకొచ్చేది. అచ్చయ్య తన కులవృత్తి నాయిబ్రాహ్మణ పనిచేస్తూ, ఖాళీ సమయంలో కూలిపనికి వెళ్లేవాడు. వారికి ఇద్దరు మగపిల్లలు. భార్యాభర్తలు కష్టపడి ఇద్దరి పిల్లలను ప్రభుత్వబడిలో చదివించుకుంటూ హాయీగా జీవించేవారు. రోడ్డు ప్రమాదంతో తారుమారు ఐదునెలల క్రితం బంధువులతో కలిసి రాజేశ్వరి ఆటోలో పెళ్లికి వెళ్తుండగా, పాలకొండ సమీపంలో తుమరాడ దగ్గర రోడ్డు ప్రమాదం జరిగింది. ఆటో బోల్తా పడడంతో ఆటోలోని ప్రయాణికులు గాయాలపాలయ్యారు. వారిలో రాజేశ్వరికి తీవ్రగాయాల య్యాయి. రెండు కాళ్లూ విరిగిపోయాయి. నడుమువరకూ మాంసం కొట్టుకుపోయింది. డబ్బులుపెట్టి ప్రైవేట్‌ ఆస్పత్రికి వెళ్లే స్థోమత లేక ఈ కుటుంబం శ్రీకాకుళంలోని రిమ్స్‌ ఆస్పత్రిలో వైద్యంకోసం చేరింది. అప్పటినుంచి రెండు పర్యాయాలు ఈమెకు వైద్యులు ఆపరేషన్‌ చేశారు. ఇప్పటికీ రెండు కాళ్లు తిరిగిరాలేదు. ఊడిపోయిన కండభాగం తిరిగి పునరుద్ధరణ అవలేదు. వైద్యం ఉచితంగా అందుతున్నప్పటికీ చిన్నచిన్న ఖర్చులు, ఆస్పత్రిలోనే భార్యతో పాటు భర్త ఉండిపోవడం, భోజన ఖర్చులు అధికమవడం, ఇంటి వద్ద కూలీనాలీ లేకపోవడంతో వారికి ఇప్పుడు అప్పులభారం పెరిగింది. ఐదునెలలుగా ఇంటిముఖం ఎలా ఉంటుందో భార్యాభర్తలకు తెలియదు. ఇప్పటికీ ఆస్పత్రిలోనే ఇద్దరు ఆలుమగలు ఉంటున్నారు. ఇతర ఖర్చుల నిమిత్తం వారికి రూ.1.50 లక్షలు మేర అప్పులు పెరిగిపోయాయి. ఇప్పుడు అప్పు ఇచ్చే దాతలేకుండా పోయాడు. అటు వైద్యం పూర్తికాలేదు. ఇంటికి వెళ్లొద్దు అంటూ వైద్యుల సూచన. చేసేది లేక మంచానికే పరిమితమైన భార్య రాజేశ్వరిని చూస్తూ భర్త అచ్చయ్య దీనంగా గడుపుతున్నాడు. ఈ కష్టాల సుడిగుండంనుంచి గట్టెక్కించే దాతల కోసం ఎదురుచూస్తున్నాడు. తన ఇద్దరు మగపిల్లలను అరసబ లగ వద్ద తమ బంధువుల ఇంటికి పంపించేశాడు.శ్రీకాకుళం ఆస్పత్రిలో ఐదునెలలుగా చికిత్స పొందుతున్న రాజేశ్వరి, పక్కన భర్త అచ్చియ్య దాతలు ముందుకు వచ్చి తనకు (ఫోన్‌నంబర్‌ 7680019084) ఆర్థిక సాయం చేయాలని, తన భార్య ఆరోగ్యాన్ని కాపాడాలని కోరుతున్నాడు.

● వైఎస్సార్‌సీపీ జిల్లా అధ్యక్షుడు శత్రుచర్ల పరీక్షిత్‌ రాజుగరుగుబిల్లి: రాజ్యాంగం కల్పించిన హక్కులను పరిరక్షించుకోవాల్సిన బాధ్యత ప్రతి పౌరుడిపై ఉందని వైఎస్సార్‌ కాంగ్రెస్‌ పార్టీ జిల్లా అధ్యక్షుడు శత్రుచర్ల పరీక్షిత్‌ రాజు పేర్కొన్నారు. ఎన్నికల కమిషన్‌ను అడ్డంపెట్టుకొని కూటమి ప్రభుత్వం చేపడుతున్న చట్ట వ్యతిరేక కార్యకలాపాలను అడ్డుకోకపోతే ప్రజాస్వామ్య హక్కులకు ముప్పు వాటిల్లే ప్రమాదం ఉందని ఆయన హెచ్చరించారు. గరుగుబిల్లి మండలం రావివలస గ్రామంలో శుక్రవారం నిర్వహించిన వైఎస్సార్‌సీపీ మండల విస్తృతస్థాయి సమావేశంలో ఆయన మాట్లాడారు. ఎవరికి ఓటు వేయాలన్నది కాకుండా ఎవరు ఓటు వేయాలనే పరిస్థితికి ప్రస్తుత ప్రభుత్వాలు తీసుకొచ్చాయన్నారు. వైఎస్సార్‌సీపీ ప్రభుత్వ హయాంలో పార్టీలకు అతీతంగా సంక్షేమ పథకాలు అందించామని తెలిపారు. అవినీతి రహిత పాలన అందించడం వల్లే ప్రజలు ‘శత్రుచర్ల’,‘ మరిశర్ల’ కుటుంబాలను ఎన్నో ఏళ్లుగా ఆదరిస్తున్నారని పేర్కొన్నారు. పార్టీ కార్యకర్తల సంక్షేమానికి ప్రాధాన్యమిస్తూ గుర్తింపు కార్డులు మంజూరు చేస్తున్నామని, కార్యకర్తలు ప్రమాదాలకు గురైనప్పుడు వారి కుటుంబాలకు పార్టీ తరఫున రూ.5 లక్షల వరకు ఆర్థిక సహాయం అందించే విధంగా చర్యలు తీసుకుంటున్నామని వివరించారు. సమావేశంలో వైఎస్సార్‌సీపీ మండల కన్వీనర్‌ కేతిరెడ్డి అచ్యుతరావు, ఎం.సత్యనారాయణ, గంట చిన్నంనాయుడు, మరడాన వెంకటనాయుడు, జి.పద్మావతి, సిహెచ్‌.వెంకటనాయుడు, తెర్లి ఎల్లంనాయుడు, ఎ.గౌరునాయుడు, బి.అప్పడు, ఎం.గౌరునాయుడు, కె.ఇందుమతి, జి.ముసలినాయుడు, ఎం.భాస్కరరావు, ఎస్‌.సూర్యనారాయణ, డి.తిరుపతిరావు, కార్యకర్తలు, అభిమానులు అధిక సంఖ్యలో పాల్గొన్నారు.

● కేజీబీవీ విద్యార్థినులకు మానసిక వికాసంపై అవగాహన సీతానగరం: మండలంలోని జోగింపేట కేజీబీవీలో జరుగుతున్న ‘ప్రపంచ మానసిక ఆరోగ్య వారోత్సవాల ముగింపు సందర్భంగా విద్యార్థినుల మానసిక వికాసం, శారీరక దృఢత్వం, సమగ్ర అభివృద్ధి లక్ష్యంగా అవగాహన కార్యక్రమం శుక్రవారం జరిగింది. పాఠశాల ప్రిన్సిపాల్‌ జొన్నాడ సంధ్య అధ్యక్షతన జరిగిన ఈ కార్యక్రమంలో కెరీర్‌ అండ్‌ మెంటల్‌ హెల్త్‌ కౌన్సిలర్‌ కె.రాంబాబు పాల్గొని విద్యార్థినులకు కీలక సూచనలు, కౌన్సెలింగ్‌ అందించారు. కార్యక్రమానికి సంబంధించిన 15 ముఖ్యమైన అంశాల నివేదిక: విద్యార్థినుల మానసిక ఆరోగ్య ప్రతిజ్ఞ: ఉదయం పాఠశాల ప్రార్థన సమయంలో విద్యార్థిను లందరితో మానసిక ఆరోగ్యం, ధనాత్మక ఆలోచనల ప్రాముఖ్యతపై ప్రతిజ్ఞ చేయించారు. ఉపాధ్యాయుల ప్రతిజ్ఞ: విద్యార్థుల మానసిక క్షేమానికి, వారిని అనునిత్యం ప్రోత్సహించడానికి ఉపాధ్యాయులు కూడా ప్రత్యేకంగా ప్రతిజ్ఞ చేశారు. మానసిక ఆరోగ్య సంరక్షణ: ప్రతిరోజూ మానసికంగా దృఢంగా ఉండడానికి, ఒత్తిడిని అధిగమించడానికి అవసరమైన ప్రాథమిక సూత్రాలపై విద్యార్థులకు స్పష్టమైన అవగాహన కల్పించారు. పోషకాహారం– నిద్ర: మంచి సమతుల్య ఆహారం, తగినంత నిద్ర, ఆరోగ్యకరమైన జీవన అలవాట్లు మనిషి మానసిక ఆరోగ్యంపై చూపే సానుకూల ప్రభావాల గురించి వివరించారు. సమయ పాలన (సెలవుల క్రమశిక్షణ): రాబోయే దసరా/సంక్రాంతి సెలవులకు కేటాయించిన సమయానికే ఇంటికి వెళ్లడం, తిరిగి నిర్ణీత సమయానికి పాఠశాలకు చేరుకోవడం వంటి సమయపాలన నియమాలను స్పష్టం చేశారు. ఇంటి వద్ద వ్యక్తిగత భద్రత: సెలవుల్లో ఇంటి వద్ద ఉన్నప్పుడు విద్యార్థినులు తమ సొంతభద్రత, స్వీయ రక్షణ, శారీరక ఆరోగ్యం పట్ల తీసుకోవాల్సిన జాగ్రత్తలను తెలిపారు. తల్లిదండ్రులతో అనుబంధం: ఇంట్లో ఉన్న సమయంలో తల్లిదండ్రులతో సత్సంబంధాలు కలిగి ఉండడం, ఇంటిపనుల్లో సహాయం, అభిరుచులు వారితో పంచుకోవడం ఆవశ్యకతను తెలియజేశారు. సామాజిక ప్రవర్తన: ఇరుగుపొరుగు వారితో, సమాజంలో తోటివారితో మంచి ప్రవర్తన, గౌరవప్రదమైన మాట తీరు కలిగి ఉండాలని సూచించారు. విద్యాభ్యాసంలో నిలకడ: సెలవుల్లో కూడా చదువును నిర్లక్ష్యం చేయకుండా, కేటాయించిన అసైనన్‌మెంట్లు ప్రాజెక్ట్‌ వర్క్‌లను పూర్తి చేయాలని ఉద్బోధించారు. కార్యక్రమంలో ప్రిన్సిపాల్‌ జొన్నాడ సంధ్య మాట్లాడుతూ ప్రతి విద్యార్థిని మానసికంగా సంపూర్ణ ఆరోగ్యంతో ఉన్నప్పుడే చదువులో విజయం సాధించగలరని పేర్కొన్నారు.

● ఆపన్న హస్తాల కోసం ఎదురు చూస్తున్న పేద కుటుంబంకురుపాం: ఆ చిన్ని గుండెకు పెద్ద కష్టం వచ్చింది. దాతల సహాయం కోసం ఓ నిరుపేద కుటుంబం ఆశగా ఎదురు చూస్తోంది. అభంశుభం తెలియని వయస్సులో గుండెకు సంబంధించిన రోగం రావడంతో ఏం చేయాలో తెలియక అవస్థలు పడుతున్న సమయంలో విజయవాడలోని ఓ ప్రైవేటు ఆస్పత్రిలో ఉచితంగా ఓపెన్‌ హార్ట్‌ సర్జరీ చేసి ప్రాణాలు నిలబెట్టారు. కానీ రోజువారి మందులకు, పలుమార్లు వైద్య తనిఖీలకు, ఇబ్బందులు పడుతున్నారు. సహాయం అందించే ఆపన్న హస్తం కోసం ఆశగా ఎదురు చూస్తున్నారు. కురుపాం మండల కేంద్రంలోని శివ్వన్నపేట లో కొత్తపట్నం కౌశిక్‌ (10) తండ్రి రాము, తల్లి త్రివేణిలు నివాసం ఉంటున్నారు. తండ్రి సిమెంట్‌ పని కూలి చేస్తేనే పూట గడుస్తుంది. కౌశిక్‌ కు గత నెలలో గుండెకు శస్త్ర చికిత్సను విజయవాడలోని హెల్ప్‌ ఆస్పత్రి వారు ఉచితంగా చేసి సహాయం అందించారు. అయితే ప్రతి నెల విజయవాడ వెళ్లి తనిఖీ చేసుకోవాల్సి ఉంది. మందులు కొనుక్కో వడానికి ఆర్థికంగా బాగా ఇబ్బంది పడుతున్నారు. ఈ సమస్యల పరిష్కారానికి కలెక్టర్‌ నిర్వహించే ప్రజా సమస్యల పరిష్కార వేదికలో విన్నవించుకోగా ఇలాంటి కేసులకు ఆర్థికంగా సహాకారం అందించే పథకం ఏదీ లేదని మందుల కోసం సమీప మాదలింగి పీహెచ్‌సీకి వెళ్లాలని సూచించారు. అక్కడికి వెళ్తే ఈ మందులు ఇక్కడ దొరకవు పార్వతీపురం ఏరియా ఆస్పత్రికి వెళ్లాలని సూచించారని ఇలా తిరగడమే మిగులుతుందని రోజు రోజుకు తమ కుమారుడి ఆరోగ్యం క్షీణిస్తోందని ఆవేదన వ్యక్తం చేస్తూ దాతలు కనికరించి ఆర్థిక సాయం అందజేయాలని నిరుపేద తల్లిదండ్రులు కోరుతున్నారు.

పార్వతీపురం రూరల్‌: జిల్లా పోలీస్‌ ప్రధాన కార్యాలయంలో శుక్రవారం ‘పోలీస్‌ వెల్ఫేర్‌ డే’ (గ్రీవెన్స్‌ డే) కార్యక్రమం జరిగింది. ఈ సందర్భంగా ఎస్పీ ఎస్‌.వి.మాధవ్‌ రెడ్డి పోలీసు సిబ్బందితో సమావేశమై వారి వ్యక్తిగత, ఆరోగ్య, శాఖాపరమైన సమస్యలను అడిగి తెలుసుకున్నారు. సిబ్బంది నుంచి ప్రధానంగా అనారోగ్య సమస్యలు, బదిలీలకు సంబంధించిన విజ్ఞప్తులు వచ్చాయని, వాటి పూర్వాపరాలు పరిశీలించి పరిష్కారానికి తగిన చర్యలు తీసుకుంటామని ఎస్పీ తెలిపారు. ఎలక్షన్‌ సెల్‌ సిబ్బందితో..అదనపు ఎస్పీ.. మరోవైపు రానున్న స్థానిక సంస్థల ఎన్నికల నిర్వహణపై జిల్లా అదనపు ఎస్పీ ఎం.వెంకటేశ్వర రావు ఎలక్షన్‌ సెల్‌ సిబ్బందితో సమావేశమయ్యారు. ఎన్నికల నిర్వహణకు చేపట్టాల్సిన ముందస్తు చర్యలు, కార్యాచరణపై వారికి దిశానిర్దేశం చేశారు. సమస్యాత్మక, సున్నితమైన గ్రామాలు, గతంలో అవాంఛనీయ ఘటనలు జరిగిన ప్రాంతాలపై ప్రత్యేక దృష్టి సారించి పరిస్థితులను ఎప్పటికప్పుడు పర్యవేక్షించాలని ఆదేశించారు. ఎన్నికలకు సంబంధించిన సమాచారం, నివేదికలు, ఫిర్యాదులను ఉన్నతాధికారుల దృష్టికి తీసుకురావాలని సూచించారు. ఎన్నికల ప్రవర్తనా నియమావళి అమలు, అక్రమ కార్యకలాపాల నివారణ, శాంతిభద్రతల పరిరక్షణలో సంబంధిత విభాగాలతో సమన్వయంతో పనిచేయాలని స్పష్టం చేశారు. సమావేశంలో ఎస్బీ సీఐ రమేష్‌, డీసీఆర్‌బీ ఎస్సైలు, ఎలక్షన్‌ సెల్‌ సిబ్బంది పాల్గొన్నారు.

పాలకొండ పట్టణంలో నేలబావిలో పడిన ఓ చిన్నారి అదృష్టవశాత్తు ప్రాణాపాయం నుంచి బయటపడింది. –8లోన్యాయస్థానంలో నిలవదని తెలియదా? బీసీలకు 34 శాతం రిజర్వేషన్లు కల్పిస్తామని ప్రకటించడం మాత్రమే సరిపోదు. ఆ నిర్ణయం న్యాయస్థానాల పరిశీలనను తట్టుకునేలా ఉండాలి. బీసీలకు మేలు చేయాలన్న సంకల్పం మాటల్లో కాదు.. ఆచరణలోనూ కనిపించాలి. చంద్ర బాబు ప్రభుత్వం తీసుకొచ్చిన జీవోలు న్యాయస్థానాల్లోనూ నిలవవని ఆ పార్టీ నేతలకు కూడా తెలుసు. తెలిసి కూడా ఎందుకు ఈ డ్రామాలు? ఓట్ల కోసం బీసీ వర్గాలను మోసం చేయడానికి కాదా? – కనపాక సూర్యప్రకాశ్‌, బీసీ నాయకుడు, మాజీ ఎంపీపీ, పాలకొండ

విజయనగరం: రాష్ట్రస్థాయిలో జరగనున్న రగ్బీ అండర్‌–14 బాల, బాలికల పోటీల్లో పాల్గొనబోయే జిల్లా క్రీడాకారులు గురువారం పయనమయ్యారు. ఈ నెల 9 నుంచి 11వ తేదీ వరకు అన్నమయ్య జిల్లాలోని వాయలపాడు మండలం కోటమంచూరులో జరగనున్న పోటీలకు 25 మంది క్రీడాకారులు విజయనగరం జిల్లా నుంచి ప్రాతినిధ్యం వహించనున్నారు. ఈ మేరకు క్రీడాకారులకు జిల్లా స్కూల్‌గేమ్స్‌ ఫెడరేషన్‌ కార్యదర్శులు ఆర్‌.వాణిశ్రీ, బి.శ్రీనివాసరావులు సూచనలు, సలహాలు చేశారు. రాష్ట్ర స్థాయి పోటీల్లో ఉత్తమ ప్రతిభ కనబరిచి జాతీయస్థాయి పోటీలకు అర్హత సాధించడం ద్వారా క్రీడాకారులు తమ ఉజ్వల భవిష్యత్‌కు బాటలు వేసుకోవాలని సూచించారు. కార్యక్రమంలో పలువురు వ్యాయామ ఉపాధ్యాయులు పాల్గొన్నారు. రెండు ముక్కలైన విద్యుత్‌ స్తంభం● విద్యుత్‌ స్తంభాన్ని ఢీకొన్న ట్రాక్టరు బొండపల్లి: మండలంలోని కనిమెరక–దేవుపల్లి గ్రామాల మధ్య ఎంఎన్‌ చానల్‌ గట్టుకు అనుకుని గ్రావెల్‌ లోడుతో వస్తున్న ట్రాక్టర్‌ అదుపుతప్పి హెచ్‌టీ విద్యుత్‌ స్తంభాన్ని ఢీకొట్టడంతో ఆ స్తంభం రెండు ముక్కలైంది. గురువారం జరిగిన ఈ సంఘటనకు సంబంధించి వివరాలు ఇలా ఉన్నాయి. గ్రావెల్‌ లోడుతో ట్రాక్టర్‌ డ్రైవర్‌ మితిమీరిన వేగంతో వెళ్తూ అదుపు తప్పడంతో పక్కనే ఉన్న స్తంభాన్ని బలంగా ఢీకొట్టాడు. దీంతో జరిగిన ప్రమాదంలో 17 గ్రామాలకు విద్యుత్‌ సరఫరా అయ్యే ప్రధాన స్తంభం రెండు ముక్కలైపోయింది. అయితే అదృష్టవశాత్తు ట్రాక్టర్‌ డ్రైవర్‌తో పాటు, కూలీలు, రహదారిపై ప్రయాణాలు సాగించే వారికి ఎటువంటి ప్రమాదం జరగకపోవడంతో స్థానికులు, అధికారులు ఊపిరి పీల్చుకున్నారు. విరిగిపోయిన స్తంభాన్ని మార్చి ఎటువంటి విద్యుత్‌ సరఫరాకు అంతరాయం కలగకుండా అన్ని చర్యలు తీసుకున్నట్లు ఏఈఈ శంకర్రావు తెలిపారు. ప్రొఫెసర్‌ లజపతిరాయ్‌కు స్పిరిచ్యువల్‌ సైంటిస్ట్‌ అవార్డునెల్లిమర్ల రూరల్‌: ప్రముఖ విద్యావేత్త, మాజీ వైస్‌ చాన్సలర్‌, రామాయణ పరిశోధకుడు ప్రొఫెసర్‌ హనుమంతు లజపతిరాయ్‌ను ప్రతిష్టాత్మక స్పిరిచ్యువల్‌ సైంటిస్ట్‌ అవార్డుకు ఎంపిక చేసినట్లు అసావేరి సెంటర్‌ ఫర్‌ ఇండిక్‌ నాలెడ్జ్‌ సిస్టమ్స్‌ వ్యవస్థాపక అధ్యక్షుడు ప్రొఫెసర్‌ డాక్టర్‌ కృష్ణవీర్‌ అభిషేక్‌ తెలిపారు. ఈ మేరకు మండలంలోని టెక్కలి గ్రామంలో ఉన్న సెంచూరియన్‌ యూనివర్సిటీలో గురువారం ఆయన మాట్లాడారు. వచ్చే నెల విశాఖలో అవార్డును ప్రదానం చేయనున్నట్లు వెల్లడించారు. విద్య, ప్రజా పరిపాలన, రామాయణ పరిశోధన, సామాజిక రంగాల్లో ఆయన చేసిన విశిష్ట సేవలను గుర్తించి ఈ పురస్కారానికి ఎంపిక చేసినట్లు తెలిపారు. కోడిగుడ్ల వ్యాన్‌ బోల్తా● పగిలిపోయిన రూ.1.50లక్షల విలువ చేసే గుడ్లు తెర్లాం: మండలంలోని లోచర్ల వద్ద కోడిగుడ్లతో వెళ్తున్న వ్యాన్‌ బోల్తా పడడంతో సుమారు రూ.లక్షా 50వేల విలువ చేసే కోడిగుడ్లన్నీ పూర్తిగా పగిలిపోయాయి. రాజాం నుంచి బలిజిపేట వెళ్లేందుకు కోడిగుడ్ల వ్యాన్‌ గురువారం ఉదయం పణుకువలస మీదుగా వస్తోంది. లోచర్ల వచ్చేసరికి ఎదురుగా వస్తున్న ద్విచక్ర వాహనాన్ని తప్పించబోయి రోడ్డుపై ఎండ బెట్టిన మొక్కజొన్న గింజలపై వ్యాన్‌ ఎక్కడంతో అదుపుతప్పి వ్యాన్‌ బోల్తా పడింది. ఈ ప్రమాదంలో వ్యాన్‌ డ్రైవర్‌కు గానీ, సహాయకుడికి గానీ ఎటువంటి గాయాలు కాలేదు, అలాగే వ్యాన్‌కు ఎటువంటి నష్టం జరగలేదు. అయితే వ్యాన్‌లో రవాణా చేస్తున్న రూ.1.50లక్షలు విలువ చేసే కోడిగుడ్లు రోడ్డుపై పడిపోవడంతో అవన్నీ పూర్తిగా పగిలిపోయాయి. రోడ్డుపై పడిపోయి పగిలిపోయిన కోడిగుడ్లను స్థానికులు ఇంటికి తీసుకు వెళ్లిపోయారు.

పార్వతీపురం: జిల్లాలో ఓటర్ల జాబితా సమగ్ర పునఃపరిశీలనతో పాటు కొత్త ఓటర్ల నమోదు కోసం ప్రత్యేక డ్రైవ్‌ నిర్వహిస్తున్నట్లు జిల్లా ఎన్నికల అధికారి, కలెక్టర్‌ డాక్టర్‌ ఎన్‌.ప్రభాకరరెడ్డి తెలిపారు. భారత ఎన్నికల సంఘం ఆదేశాల మేరకు గైర్హాజరు, శాశ్వతంగా ఇతర ప్రాంతాలకు తరలివెళ్లిన, మరణించిన, డూప్లికేట్‌ ఓటర్ల వివరాలను పరిశీలించడంతో పాటు అర్హులైన ప్రతీ ఒక్కరికి ఓటు హక్కు కల్పిస్తామని చెప్పారు. గతంలో ఓటర్ల జాబితా సవరణ, నోటీసుల విచారణ సమయంలో తొలగించబడిన, పొరపాటున పేర్లు గల్లంతైన ఓటర్ల వివరాలను బీఎల్‌ఓలు ఇంటింటికీ వెళ్లి క్షేత్రస్థాయిలో పరిశీలిస్తారని తెలిపారు. అర్హత కలిగిన వారు తమ ఓటుహక్కును తిరిగి పొందేందుకు అవసరమైన చర్య లు చేపడతారన్నారు. ఓటర్లు తన దరఖాస్తు లు, క్‌లైమ్‌లు, అభ్యంతరాలను ఓటరు హెల్ప్‌లైన్‌ యాప్‌ లేదా ఓటర్సు.ఈసీఐ.జీఓవీ.ఇన్‌ ద్వారా ఆన్‌లైన్‌లో సమర్పించవచ్చన్నారు. పార్వతీపురం రూరల్‌: ప్రెసిడెన్షియల్‌ ఆర్డర్‌–2025 కింద పార్వతీపురం మన్యం జిల్లాలోని వికలాంగ (పీహెచ్‌సీ) కోటా ఉపాధ్యాయుల ధ్రువీకరణ పత్రాల పరిశీలన అక్టోబర్‌ 12 నుంచి 16వ తేదీ వరకు జరగనుంది. శ్రీకాకుళంలోని ప్రభుత్వ బాలికల ఉన్నత పాఠశాల (జీజీహెచ్‌ఎస్‌) కేంద్రంగా, శ్రీకాకుళం మెడికల్‌ బోర్డు ఆధ్వర్యంలో ఈ కార్యక్రమం నిర్వహిస్తున్నట్లు జిల్లా విద్యాశాఖాధికారి పి.బ్రహ్మాజీ రావు గురువారం ఒక ప్రకటనలో తెలిపారు. ఈ ధ్రువీకరణ ప్రక్రియ ప్రతిరోజూ ఉదయం 10 గంటల నుంచి సాయంత్రం 5 గంటల వరకు కొనసాగుతుంది. మండలాల వారీగా కేటాయించిన షెడ్యూల్‌ ప్రకారం, అక్టోబర్‌ 12న సాలూరు, పాచిపెంట, మక్కువ మండలాలకు, 13న బలిజిపేట, సీతానగరం, పార్వతీపురం మండలాలకు చెందిన ఉపాధ్యాయులకు ధ్రువీకరణ ఉంటుంది. 14న కొమరాడ, కురుపాం, గుమ్మలక్ష్మీపురం, 15న జియ్యమ్మవలస, వీరఘట్టం, గరుగుబిల్లి, 16వ తేదీన సీతంపేట, భామిని, పాలకొండ మండలాలకు చెందిన వారు హాజరుకావాల్సి ఉంటుంది.సంబంధిత పీహెచ్‌సీ ఉపాధ్యాయులు తమ ఒరిజినల్‌ పీహెచ్‌సీ సర్టిఫికెట్లతో పాటు అవసరమైన ఇతర పత్రాలను తప్పనిసరిగా తమ వెంట తీసుకురావాలని డీఈఓ స్పష్టం చేశారు. ఈ సమాచారాన్ని ఉపాధ్యాయులకు తెలియజేసి, వారు నిర్ణీత షెడ్యూల్‌ ప్రకారం విధిగా హాజరయ్యేలా చూడాల్సిన బాధ్యత డిప్యూటీ ఈఓలు, ఎంఈఓలు, ప్రధానోపాధ్యాయులదేనని ఆయన ఆదేశించారు. మక్కువ: గత మూడు రోజులుగా ఏనుగుల గుంపు పనసభద్ర పంచాయతీ పరిధిలో సంచరిస్తుండడంతో స్థానికులు భయాందోళన చెందుతున్నారు. మండలంలోని ఎరస్రామంత వలస, చిమిడివలస, సాలూరు మండలం జగ్గుదొరవలస గ్రామాల సమీపంలో 8 ఏనుగులు తిరుగుతున్నాయి. మొక్కజొన్న, వరి పంటలను నాశనం చేస్తుండడంతో రైతులు గగ్గోలు పెడుతున్నారు. గురువారం తెల్లవారు జామున ఎర్రసామంతవలస గ్రామంలోకి వచ్చేందుకు ప్రయత్నించగా అటవీ శాఖ సిబ్బంది, ట్రాకర్స్‌ వాటిని అడ్డుకున్నారు. గ్రామ సమీపంలోని ఓ పూరిపాకను ఏనుగులు ధ్వంసం చేశాయి. ఆ సమయంలో ఇంట్లో ఎవరూ లేకపోవడంతో అంతా ఊపిరి పీల్చుకున్నారు. ఏనుగులు సంచరించేందుకు అనువుగా ఆయిల్‌ పామ్‌ తోటలు, ఆడారు గెడ్డ ఉన్నందున ఏనుగులు పనసభద్ర పంచాయతీ పరిధిలోనే తిష్ట వేశాయి. పంట పొలాలకు వెళ్లేందుకు రైతులు భయాందోళన చెందుతున్నారు. కొన్నిసార్లు రోడ్లపైకి వస్తుండడంతో రాకపోకలు సాగించేందుకు వాహనదారులు, స్థానికులు ఆందోళన చెందుతున్నారు.

–8లో● అడుగడుగునా ఆంక్షలు ● రెండంచెల భద్రత దాటాకే సమావేశంలోకి.. ● పాలకవర్గ భేటీలో ఐటీడీఏ అధికారుల అత్యుత్సాహం యథేచ్ఛగా గ్రావెల్‌ తవ్వకాలు గ్రావెల్‌ అక్రమ తవ్వకాలకు బడి, గుడితో పాటు సాక్షాత్తు ఆర్డీఓ కార్యాలయం ఉన్నా అక్రమార్కులు లెక్క చేయడం లేదు. సాక్షి, పార్వతీపురం మన్యం: ప్రతి ఒక్కరికీ ఫొటో గుర్తింపుతో ప్రత్యేకంగా ముద్రించిన ఐడీ కార్డులు.. వాటితోపాటు, శాఖ ఐడీ కార్డు ఉంటేనే లోపలికి అనుమతి! ఇది కూడా చాలదు.. రెండంచెల ‘పోలీసు వలయం’ దాటాలి. అక్కడ అడుగడుగునా తనిఖీలు.. వారి వద్దనున్న జాబితాలో పేర్లు చూసుకుని, వచ్చేవారితో అవి సరిపోలితేనే, ‘టిక్కు’ పెట్టుకుని లోపలికి వదలడం.. జిల్లా అధికారి ఒక్కరికే లోపలికి అనుమతి.. వారితోపాటు ఇంకెవరొచ్చినా ‘నో వే’. మీడియాకు కూడా ఇవే ఆంక్షలు. తీరా చూస్తే.. ఇదేమన్నా ముఖ్యమంత్రి సభనా.. లేక, మంత్రివర్గ సమావేశామా? పోనీ ఏమైనా పార్లమెంట్‌లోకి వెళ్తున్నామా? అంటే అదీ లేదు. ఇంత హడావిడి గురువారం జరిగిన పార్వతీపురం ఐటీడీఏ పాలకవర్గ సమావేశానికే! పార్వతీపురం ఐటీడీఏలో చాలీచాలని గిరిమిత్ర సమావేశ మందిరంలో పాలకవర్గ భేటీ పెట్టి.. జిల్లా అధికారులకు సైతం ముప్పతిప్పలు పెట్టించిన ఐటీడీఏ అధికారుల నిర్వాకమిదీ! ఐదేళ్ల తర్వాత నిర్వహించిన సమావేశానికి ఐటీడీఏ పీవో, ఏపీవో అత్యుత్సాహం చూపారు. గేటు వద్దే పోలీసులను మోహరించి, వచ్చేవారందరినీ అడ్డుకున్నారు. బయట వ్యక్తుల మాట దేవుడెరుగు.. ఉదయం 9 గంటలు దాటిన తర్వాత వచ్చిన ఐటీడీఏ ఉద్యోగులను సైతం విధులకు వెళ్లనీయకుండా వెనక్కి పంపారు. ఇంత హడావిడి దేనికంటే.. అక్కడ ఓ ఉద్యోగి చెప్పిన సమాధానం.. ‘అందరూ వచ్చేస్తే భోజనాలు ఎక్కడ సరిపోతాయండీ’! సమావేశం కవరేజీకి వచ్చిన మీడియాకు సైతం ఆంక్షలు పెట్టడం తీవ్ర వివాదానికి కారణమైంది. చివరికి మంత్రి సంధ్యారాణి జోక్యం చేసుకుని, సమావేశంలో లోపలికి మీడియాకు అనుమతించాల్సి వచ్చింది. ఇంత హడావిడి చేసిన యంత్రాంగం.. టీడీపీ నాయకులకు మాత్రం రాచమర్యాదలు చేసింది. ఏ హోదా లేనప్పటికీ.. సమావేశం లోపల దర్జాగా పలువురు టీడీపీ నాయకులు కూర్చోవడం కనిపించింది. ఇవన్నీ చూసిన పలువురు అధికారులు సమావేశం తీరుపై పెదవి విరిచారు.

రాజాం: మండలంలోని కంచరాం జెడ్‌పీహైస్కూల్‌ పీడీ తాలాడ దుర్గారావు స్కూల్‌ గేమ్స్‌ ఫెడరేషన్‌ నిర్వహిస్తున్న రాష్ట్రస్థాయి పోటీలకు కోచ్‌గా ఎంపికయ్యారు. ఈనెల 10 నుంచి 12 వరకూ పల్నాడు జిల్లా కారంపూడిలో జరుగనున్న పోటీలకు ఈయన ఉమ్మడి శ్రీకాకుళం జిల్లాకు చెందిన రెజ్లింగ్‌ టీమ్‌కు కోచ్‌గా వ్యవహరించనున్నారని స్కూల్‌ గేమ్స్‌ కమిటీ గురువారం తెలిపింది. ఈ మేరకు ఆయన రెజ్లింగ్‌ టీమ్‌తో కోచ్‌గా పోటీలకు బయల్దేరారు. ఈ సందర్భంగా ఆయన్ని పాఠశాల హెచ్‌ఎం వై.గౌరునాయుడు, ఏపీటీఎఫ్‌ జిల్లా అధ్యక్షుడు మజ్జి మదన్‌మోహన్‌, ఉపాధ్యాయులు లంక శ్రీనివాసరావు, పి.వేణుగోపాలరావు, వై.భాస్కరరావు, బి.మహేష్‌, గౌరీశంకరరావు, టి.అనూరాధ, అరుణ, వల్లూరి ముత్యాలమ్మ తదితరులు అభినందించారు. జర్నలిస్టు అవార్డులకు దరఖాస్తు గడువు పెంపుపార్వతీపురం: ఉత్తమ జర్నలిస్టుల అవార్డులకు దరఖాస్తు చేసుకునే గడువును అక్టోబర్‌ 15వరకు పొడిగించినట్లు సమాచార పౌరసంబంధాలశాఖ ఒక ప్రకటనలో తెలిపింది. ప్రింట్‌, ఎలక్ట్రానిక్‌ మీడియా జర్నలిస్టులకు పది విభాగాల్లో మొత్తం 12 అవార్డులు అందజేయనున్నట్లు పేర్కొన్నారు. అవార్డుల నగదు పారితోషికం రూ. లక్ష నుంచి రూ.2 లక్షల వరకు ఉంటుంది. అర్హులైన జర్నలిస్టులు తమ దరఖాస్తులతోపాటు 2025లో ప్రచురితమైన, ప్రసారమైన కనీసం ఐదు వార్తా కథనాలు, వ్యాసాలు, ఫొటోలు సంబంధిత ఆధారాలను జతచేయాలి. దరఖాస్తులను డైరెక్టర్‌, సమాచార పౌరసంబంధాల శాఖ, రెండవ అంతస్తు, ఎన్‌టీఆర్‌ పరిపాలన భవనం, పండిట్‌ నెహ్రూ బస్టేషన్‌ విజయవాడ చిరునామాకు నేరుగా లేదా పోస్టు ద్వారా పంపించాలని సూచించారు.

సాక్షి, పార్వతీపురం మన్యం/పార్వతీపురం రూరల్‌: దాదాపు ఐదేళ్ల తరువాత జరిగిన పార్వతీపురం ఐటీడీఏ 75వ పాలకవర్గ సమావేశం వాడీవేడిగా సాగింది. పలు అంశాల్లో అధికారుల తీరుపై ప్రజాప్రతినిధులు తీవ్ర అసహనం వ్యక్తం చేశారు. ‘నిధులెంత.. దేనికెంత.. ఖర్చెంత’ అన్న రీతిగానే సమావేశం సాగింది. టీటీడీకి జీడిపప్పు సరఫరా నుంచి జలజీవన్‌ మిషన్‌ పనులు, పర్యాటక అభివృద్ధి, ఐటీడీఏ నిధుల వినియోగం, పట్టాల పంపిణీ వరకు పలు అంశాలపై సమావేశంలో ప్రశ్నల వర్షం కురిపించారు. ఒకానొక దశలో మంత్రి సంధ్యారాణి కంటే దూకుడుగా ప్రశ్నలు సంధించిన పార్వతీపురం ఎమ్మెల్యే బోనెల విజయ్‌ చంద్ర.. ‘మీరు ఉండండి.. మీకేం తెలియదు‘ అంటూ మంత్రిపై కూడా ఆగ్రహం వ్యక్తం చేయడం గమనార్హం. ప్రధానంగా జిల్లా అధికారులనే లక్ష్యంగా చేసుకుని ఆయన విమర్శలు సాగాయి. రాష్ట్ర మహిళా, శిశు సంక్షేమం, గిరిజన సంక్షేమ శాఖా మంత్రి గుమ్మిడి సంధ్యారాణి అధ్యక్షతన ఐటీడీఏ గిరిమిత్ర సమా వేశ మందిరంలో గురువారం ప్రారంభమైన సమావేశంలో పీఓ ఆర్‌.వైశాలి.. 2021 తర్వాత పాలకవర్గ భేటీ నిర్వహించుకుంటున్నట్లు ప్రకటించారు. జీసీసీ చైర్మన్‌ కిడారి శ్రావణ్‌ కుమార్‌, ప్రభుత్వ విప్‌, కురుపాం ఎమ్మెల్యే తోయక జగదీశ్వరి, కలెక్టర్‌ ఎన్‌.ప్రభాకర రెడ్డి, జీసీసీ ఎండీ ఎస్‌.ఎస్‌. శోభిక, సబ్‌ కలెక్టర్‌ ఆర్చిత్‌ సచిన్‌ రహార్‌, పవార్‌ స్వప్నిల్‌ జగన్నాథ్‌, ఎమ్మెల్సీ గాదె శ్రీనివాసులునాయుడు, ఎమ్మెల్యే బోనెల విజయచంద్ర, ఉమ్మడి జిల్లాల అధికారులు పాల్గొన్నారు. ఇటీవల అనసభద్ర ఏకలవ్య పాఠశాలలో మృతి చెందిన గిరిజన విద్యార్థి సవర అర్పిత్‌ కుటుంబానికి రూ.3 లక్షల పరిహారం చెక్కును మంత్రి అందజేశారు. సమావేశం ప్రారంభంలోనే టూరిజం వెబ్‌సైట్‌ను మంత్రితో ప్రారంభిస్తున్నట్లు ప్రకటించగా.. జిల్లా పర్యాటక అధికారిణి వాణీ శైలజ మాట్లాడుతూ.. కలెక్టర్‌ చొరవతో జిల్లా పర్యాటకరంగానికి కొత్త ఊపు వచ్చిందని చెప్పారు. ఇదే మాట.. మంత్రితో పాటు, పార్వతీపురం ఎమ్మె ల్యే విజయ్‌చంద్ర ఆగ్రహానికి గురైంది. కూటమి ప్రభుత్వం నిధులిస్తోందని.. ప్రభుత్వ సూచనలు లేకుండా ఏ ఒక్కటీ జరగదని.. తెలుసుకుని మాట్లాడాలని ఆగ్రహించారు. దీంతో బిత్తరపోవడం టూరిజం అధికారి వంతైంది. రీసర్వే పూర్తయిన గ్రామాల్లో మొత్తం 8,275 మంది రైతులకు ఈ పుస్తకాలను అందజేయనున్నట్టు అధికారులు తెలిపారు. సమావేశంలో కొమరాడ మండలం గుణానపురం రైతుకు వీటిని తొలుత అందిస్తామని చెప్పగా.. పాస్‌ పుస్తకాల పంపిణీ జరుగుతున్నట్లు తనకు సమాచారం ఎందుకు ఇవ్వలేదని, ఇక్కడ ఏ ఒక్కరికీ ఇచ్చేది లేదని ప్రభుత్వ విప్‌ తోయక జగదీశ్వరి అసహనం వ్యక్తం చేశారు. అక్కడ మొదలు సమావేశం వాడీవేడిగా సాగింది. అధికారులను మూకుమ్మడిగా టార్గెట్‌ చేస్తున్నట్లు ఉందని అర్థమయ్యిందో, లేక.. ఎన్నికల కమిషన్‌ వీసీ అదే సమయంలో ఉండడం కారణమో గానీ.. సమావేశం ప్రారంభంలోనే కలెక్టర్‌ అక్కడ నుంచి వెళ్లిపోవడం చర్చనీయాంశంగా మారింది. పల్లెపండగ 3.0, జల్‌జీవన్‌మిషన్‌ పనులను జిల్లాలో ప్రారంభించకపోవడం అంశం సమావేశంలో వేడిని పెంచింది. రాష్ట్రవ్యాప్తంగా పల్లె పండగ పనులు జరుగుతుంటే.. జిల్లాలో ఎందుకు చేపట్టలేదని పార్వతీపురం ఎమ్మెల్యే విజయ్‌చంద్ర ప్రశ్నించారు. రూ.150 కోట్ల మేర గత ఏడాది పనులే ఇంకా మిగిలిపోయాయని అధికారులు వివరించగా.. వాటిని ఎమ్మెల్యేల దృష్టిలో పెట్టి, ప్రాధాన్యత, అవసరం మేరకు చేపట్టాలని మంత్రి సూచించారు. జల్‌జీవన్‌ మిషన్‌ పనులను ఎందుకు ప్రారంభించలేదని, ఈ విషయాన్ని ఎమ్మెల్యేల దృష్టిలో ఎందుకు పెట్టలేదని మంత్రితోపాటు, ఎమ్మెల్యే విజయ్‌చంద్ర నిలదీశారు. పార్వతీపురం నియోజకవర్గంలో ‘ఎవరైనా వద్దన్నారా.. చెప్పండి’ అంటూ పదేపదే అదే మాటను అధికారులను నిలదీయడంతో మంత్రి సంధ్యారాణి జోక్యం చేసుకుని అజెండాలో ఇంకా చాలా అంశాలున్నాయని సర్దిచెప్పేందుకు ప్రయ త్నించారు. దీంతో ‘మీరు ఆగండి..’ అంటూ మంత్రిని ఉద్దేశించి ఎమ్మెల్యే ఊగిపోయారు. ఈ సందర్భంగా ప్రోటోకాల్‌ అంశం కూడా వివాదానికి దారితీసింది. ఎమ్మెల్యేకు ఈఈ స్థాయి అధికారి ఫోన్‌ చేయకూడదనే నిబంధన ఎక్కడ ఉందంటూ విజయ్‌చంద్ర ప్రశ్నించారు. ప్రజాప్రతినిధులతో సమ న్వయం లేకుండా వ్యవహరిస్తే మరోసారి సహించే ది లేదని అధికారులను మంత్రి హెచ్చరించారు. ఐదేళ్లుగా పాలకవర్గ సమావేశాలు సక్రమంగా జరగ ని పరిస్థితుల్లో ఐటీడీఏ నిధులను ఏ విధంగా, ఎవ రి ప్రయోజనం కోసం ఖర్చు చేశారో పూర్తి వివరా లు వెల్లడించాలని ఎమ్మెల్యే జగదీశ్వరి డిమాండ్‌ చేశారు. ప్రజాప్రతినిధులను పక్కనపెట్టి నిర్ణయా లు తీసుకుంటే చూస్తూ ఊరుకోబోమని ఎమ్మెల్యేలు స్పష్టం చేశారు. ●జిల్లాలోని అన్ని యాజమాన్యాల పాఠశాలల్లో డ్రాపౌట్ల విషయమై చర్చ జరగ్గా.. 1,400 మంది వరకు విద్యార్థుల ఆచూకీ లేకుండా పోయిందని (అన్‌ ట్రేస్‌డ్‌) డీఈవో బ్రహ్మాజీరావు బదులిచ్చారు. ‘అన్‌ ట్రేస్‌డ్‌’ అనే పదం వాడడంపై ఎమ్మెల్యే విజ య్‌చంద్ర ఆగ్రహం వ్యక్తం చేశారు. ఇందులో 1,100 మంది వరకు విద్యార్థులు ఐటీడీఏ పరిధిలో నే ఉన్నారని సంబంధిత అధికారులు చెప్పడంతో పాఠశాలలకు రాకుండా అంతమంది పిల్లలు ఎక్కడున్నారని ఆశ్చర్యపోవడం అందరి వంతైంది. ●రహదారులపై సమీక్షలో మంత్రి స్పందిస్తూ.. రెండున్నరేళ్లుగా తాను చెబుతున్న బాగువలస రోడ్డునే ఇప్పటివరకు వేయలేదని అసహనం వ్యక్తం చేశారు. ●ఇకపై ప్రతి మూడు నెలలకోసారి పాలకవర్గ సమావేశం నిర్వహిద్దామని మంత్రి ప్రకటించారు. శ్రీవారి ప్రసాదాల తయారీ కోసం పార్వతీపురం మన్యం జిల్లా నుంచి టీటీడీకి పంపిన జీడిపప్పు తిరస్కరణకు గురైన వ్యవహారంపై మంత్రి గుమ్మడి సంధ్యారాణి అధికారులను ప్రశ్నించారు. జీడిపప్పులో తేమ శాతం నిర్దేశిత నిబంధనల కంటే ఎక్కువగా ఉండడంతోనే టీటీడీ అధికారులు సరుకును వెనక్కి పంపినట్లు అధికారులు వివరించారు. శ్రీవారి ప్రసాదానికి సంబంధించిన సరుకుల విషయంలో అత్యంత భక్తిశ్రద్ధలు, నాణ్యతా ప్రమాణాలు పాటి ంచాలని.. లేదంటే తిరిగి పంపిస్తారని స్పష్టం చేశారు. సరుకులను ముందస్తుగా పరీక్షించకుండా పంపించి జిల్లా ప్రతిష్ఠకు భంగం కలిగే పరిస్థితి తీసుకురావొద్దని అధికారులను హెచ్చరించారు. జీడిపప్పు నాణ్యతనే ఆ స్థాయిలో టీటీడీ అధికారులు పరిశీలిస్తే.. గత ప్రభుత్వ హయాంలో కల్తీ నెయ్యి సరఫరా చేశారంటూ మంత్రి ఎలా విమర్శలు చేశారన్న గుసగుసలు అధికార వర్గాల నుంచి వినిపించాయి.

● తహసీల్దార్‌ కార్యాలయం ఎదుట ఆందోళన ● న్యాయం చేయాలని డీటీకి వినతిపత్రం అందజేత పూసపాటిరేగ: పోలిపల్లిలో డేటా సెంటర్‌ నిర్మాణానికి అవసరమైన భూ సేకరణకు రైతులకు ఎలాంటి నోటీసులు ఇవ్వకుండా నోటిఫికేషన్‌ ఎలా ఇస్తారంటూ రైతులు ఆగ్రహం వ్యక్తంచేశారు. భోగాపురం తహసీల్దార్‌ కార్యాలయం ఎదుట పోలిపల్లి గ్రామ రైతులు గురువారం నిరసన తెలిపారు. కనీసం గ్రామసభ కూడా నిర్వహించకపోవడాన్ని ఆక్షేపించారు. నోటిఫికేషన్‌లో ఉన్న విస్తీర్ణానికి, రికార్డు పాప్తికి వ్యత్యాసం ఉందన్నారు. డీ పట్టాలో హక్కు దారులు కాకుండా నోటిఫికేషన్‌లో వేరే వ్యక్తులు పేర్లు ఎలా వచ్చాయని అధికారులను ప్రశ్నించారు. న్యాయపరమైన స్పష్టత వచ్చే వరకు భూసేకరణ ప్రక్రియ నిలుపుదల చేయాలని డిమాండ్‌ చేశారు. ఈ మేరకు డిప్యూటీ తహసీల్దార్‌ సుభాష్‌కు వినతిపత్రం అందజేశారు. కార్యక్రమంలో పోలిపల్లి రైతులు పి.రవిశంకర్‌, ఎ.శ్రీను, ఎస్‌.రాము, పి.కనకమహాలక్ష్మి పాల్గొన్నారు.

పార్వతీపురం రూరల్‌: మాదకద్రవ్యాల రవాణా, అసాంఘిక కార్యకలాపాలను అరికట్టే చర్యల్లో భాగంగా పోలీసులు గురువారం రాయపూర్‌–విశాఖపట్నం పాసింజర్‌ రైలు (58527)లో ప్రత్యేక తనిఖీలు నిర్వహించారు. పార్వతీపురం నుంచి బొబ్బిలి రైల్వే స్టేషన్‌ వరకు ఈ ఆపరేషన్‌ చేపట్టారు. జిల్లా సీసీఎస్‌, ఈగల్‌ టీం, కొమరాడ పోలీస్‌, జీఆర్‌పీ, ఆర్‌పీఎఫ్‌ సిబ్బందితో పాటు డాగ్‌ స్క్వాడ్‌ బృందాలు సంయుక్తంగా రైలులోని అన్ని బోగీలు, ప్రయాణికుల సామగ్రిని క్షుణ్ణంగా పరిశీలించాయి. ఈ సోదాల్లో ఎలాంటి మత్తు పదార్థాలు లభించలేదని అధికారులు వెల్లడించారు. డ్రగ్స్‌ అక్రమ రవాణా లేదా అనుమానాస్పద వ్యక్తుల గురించి సమాచారం తెలిస్తే ఏపీ ఈగల్‌ టోల్‌ ఫ్రీ నంబర్‌ 1972, డయల్‌ 112 లేదా స్థానిక పోలీస్‌ స్టేషన్‌ కు తెలపాలని విజ్ఞప్తి చేశారు. కార్యక్రమంలో ఎస్సైలు జగదీశ్‌ నాయుడు, భాస్కరరావు, అప్పారావు, ఇతర పోలీసు సిబ్బంది పాల్గొన్నారు.ట్రైన్‌లో ప్రయాణికుల వస్తువులను తనిఖీ చేస్తున్న పోలీసులు

చికెన్‌● పార్థివదేహానికి నివాళులర్పించిన మాజీ ఎమ్మెల్యే జోగారావుపార్వతీపురం రూరల్‌: పురపాలక సంఘం 25వ వార్డు మాజీ కౌన్సిలర్‌, వైఎస్సార్సీపీ సీనియర్‌ నాయకురాలు గండి లక్ష్మి ఆకస్మికంగా గుండెపోటు కారణంగా గురువారం మృతిచెందారు. ఈ మరణవార్త తెలుసుకున్న మాజీ ఎమ్మెల్యే అలజంగి జోగారావు ఆమె నివాసానికి వెళ్లి పార్థివదేహానికి నివాళులర్పించారు. ఆమె పవిత్ర ఆత్మకు శాంతి చేకూరాలని భగవంతుని ప్రార్థించారు. ఈ సందర్భంగా కుటుంబ సభ్యులకు తన ప్రగాఢ సానుభూతిని తెలియజేశారు. కార్యక్రమంలో మాజీ ఎమ్మెల్యేతో పాటు పలువురు మండల, పట్టణ వైఎస్సార్సీపీ నాయకులు, కార్యకర్తలు పాల్గొని ఆమెకు శ్రద్ధాంజలి ఘటించారు.

సాక్షి, విశాఖపట్నం: కూటమి ప్రభుత్వ ‘వెన్నుపోటు’ రాజకీయాన్ని, బీసీలకు జరిగిన వంచనను ఎండగట్టేందుకు ఈ నెల 16న విశాఖలో నిర్వహించనున్న ‘బీసీ గర్జన’ను విజయవంతం చేయాలని వైఎస్సార్‌సీపీ నేతలు పిలుపునిచ్చారు. ఉత్తరాంధ్ర జోన్‌–1 పరిధిలో బీసీ గర్జన సన్నాహక సమావేశాన్ని గురువారం ఎండాడలోని వైఎస్సార్‌సీపీ కార్యాలయంలో పార్టీ బీసీ సెల్‌ రాష్ట్ర అధ్యక్షుడు, ఎమ్మెల్సీ రమేష్‌ యాదవ్‌ ఆధ్వర్యంలో నిర్వహించారు. ఉత్తరాంధ్రలోని బీసీ నేతల నుంచి సూచనలు, సలహాలు స్వీకరించారు. రాష్ట్రంలోని 139 బీసీ కులాల సమస్యలను తెలుసుకుని, వాటిని ప్రజల్లోకి తీసుకెళ్లే అంశాలపై చర్చించారు. ఎన్నికలకు ముందు కూటమి ఇచ్చిన హామీలు, అధికారంలోకి వచ్చిన తర్వాత బీసీలకు జరిగిన అన్యాయం, వైఎస్సార్‌సీపీ ప్రభుత్వంలో బీసీలకు అందిన సంక్షేమాన్ని ప్రజలకు వివరించాలని నేతలు సూచించారు. కార్యక్రమంలో వైఎస్సార్‌సీపీ విజయనగరం జిల్లా అధ్యక్షుడు బెల్లాన చంద్రశేఖర్‌, మాజీ ఎమ్మెల్యేలు బొత్స అప్పలనర్సయ్య, శోభా హైమావతి, సమన్వయకర్తలు బొత్స అనూష, బీసీ సెల్‌ అధ్యక్షడు మామిడి శ్రీకాంత్‌, తదితరులు పాల్గొన్నారు. మోసాలను ప్రజల్లోకి తీసుకెళ్లాలి: ధర్మాన ప్రసాదరావు బీసీల పార్టీగా చెప్పుకొనే టీడీపీ.. బీసీలకు చేసింది మోసం, దగా తప్ప మరేమీ లేదని మాజీ మంత్రి ధర్మాన ప్రసాదరావు అన్నారు. వైఎస్సార్‌సీపీ ప్రభుత్వంలో బీసీలకు అనేక సంక్షేమ పథకాలు అమలు చేశామని, వాటిని ప్రజల్లోకి తీసుకెళ్లాల్సిన బాధ్యత బీసీ నాయకులు, కార్యకర్తలపై ఉందన్నారు. ప్రభుత్వ భూములను కారుచౌకగా కేటాయిస్తున్నారని, విశాఖలో ఇటీవల 16 హోటళ్లకు ప్రభుత్వ భూములు కేటాయించిన అంశాన్ని ప్రజలకు వివరించాలన్నారు. బీసీలకు విద్య, వైద్యం అందని పరిస్థితి నెలకొందని విమర్శించారు. స్థానిక సంస్థల ఎన్నికల్లో పార్టీని బలోపేతం చేసి, బీసీల హక్కుల కోసం ఐక్యంగా పోరాడాలని పిలుపునిచ్చారు. మేలు కన్నా మోసమే ఎక్కువ: బొత్స నాలుగు దఫాలుగా ముఖ్యమంత్రిగా పనిచేసిన చంద్రబాబు బీసీలకు చేసిన మేలు కన్నా మోసమే ఎక్కువని శాసనమండలి విపక్షనేత బొత్స సత్యనారాయణ విమర్శించారు. ఐదేళ్లు అధికారంలో ఉన్న వైఎస్‌ జగన్‌మోహన్‌రెడ్డి బీసీలకు చారిత్రాత్మక మేలు చేశారని అన్నారు. 2019లో బీసీ గర్జనలో ఇచ్చిన హామీలను మేనిఫెస్టోలో చేర్చి అమలు చేశామని గుర్తుచేశారు. సర్పంచ్‌ స్థాయి నుంచి జిల్లా స్థాయి వరకు బీసీ కమిటీలను సమన్వయం చేసుకుని గర్జనను విజయవంతం చేయాలని కోరారు. 20 ఏళ్ల పాలనలో అన్యాయం: బూడి చంద్రబాబు ఉమ్మడి, విభజిత ఆంధ్రప్రదేశ్‌లో సుమారు 20 ఏళ్లు పాలించినా బీసీలకు తీవ్ర అన్యాయం చేశారని మాజీ డిప్యూటీ సీఎం బూడి ముత్యాలనాయుడు విమర్శించారు. 2014లో ఇచ్చిన హామీలను అమలు చేయకుండా, 2024లోనూ మరోసారి బీసీలను మోసం చేశారని అన్నారు. టీడీపీ బీసీల పార్టీ కాదని, వంచించిన పార్టీ అని ధ్వజమెత్తారు.

గంట్యాడ: మండలంలోని బురదపాడు గ్రామానికి చెందిన లచ్చిరెడ్డి వెంకట్రావు(45) పాము కాటుతో గురువారం మృతిచెందాడు. పొలం పనులకు వెళ్తుండగా గట్టుపై పాము కాటేయడంతో అపస్మారక స్థితికి చేరుకున్నాడు. జిల్లా కేంద్రాస్పత్రికి తరలించగా అప్పటికే మృతి చెందినట్లు వైద్యులు నిర్ధారించారు. మృతుడికి భార్య వరలక్ష్మి, ఇద్దరు కుమారులు ఉన్నారు. చెరువులో పడి మరో వ్యక్తి..గంట్యాడ: మండలంలోని చిన్నమానాపురం గ్రామానికి చెందిన పాసల రమాకాంత్‌(34) కారు ప్రమాదంలో మృతిచెందాడు. బుధవారం రాత్రి కొటారుబిల్లి మీదుగా చిన్నమానాపురం వెళ్తుండగా నీలావతి పెట్రోల్‌ స్టాక్‌ పాయింట్‌ వద్ద కారు అదుపుతప్పి గంట్యాడ పెద్దచెరువులోకి దూసుకెళ్లింది. కారును నడుపుతున్న రమాకాంత్‌ నీటిలో మునిగి ఊపిరాడక మృతి చెందినట్లు పోలీసులు తెలిపారు. కుటుంబ సభ్యుల ఫిర్యాదు మేరకు మృతదేహాన్ని పోస్టుమార్టం నిమిత్తం తరలించినట్లు ఎస్సై సాయికృష్ణ తెలిపారు. మృతుడికి తల్లి, సోదరుడు ఉన్నారు.

● 81,401 మంది వివరాల పునఃపరిశీలనకు ప్రత్యేక డ్రైవ్‌ ● కొత్త ఓటర్ల నమోదుపైనా ప్రత్యేక దృష్టి సాక్షి, పార్వతీపురం మన్యం: అర్హత ఉన్న ప్రతి ఒక్కరి పేరు ఓటర్ల జాబితా లో ఉండేలా జిల్లాలో ఎన్నికల యంత్రాంగం మరో సారి క్షేత్రస్థాయి పరిశీలన చేపడుతోంది. ఎన్నికల సంఘం ఆదేశాల మేరకు ఓటర్ల జాబితా పునఃపరిశీలనతో పాటు కొత్త ఓటర్ల నమోదుకు ప్రత్యేక డ్రైవ్‌ నిర్వహిస్తోంది. గతంలో ఓటర్ల జాబితా సవరణ సందర్భంగా తొలగించిన.. తొలగింపునకు గుర్తించిన ఓటర్ల వివరాలను బీఎల్వోలు ఇంటింటికీ వెళ్లి మరోసారి పరిశీలించనున్నారు. అందుబాటులో లేనివారు 12,205 మంది సర్‌–2026లో భాగంగా జిల్లాలో మొత్తం 7,90,562 మంది ఓటర్ల వివరాలను పరిశీలించారు. వివిధ కారణాలతో 81,401 మంది ఓటర్ల వివరాలను పునఃపరిశీలనకు గుర్తించారు. వీరిలో 75,119 మంది ఏఎస్డీడీ ప్రక్రియలో, మరో 6,282 మంది నోటీసుల దశలో ఉన్నారు. 75,119 మందిలో 36,003 మంది మరణించిన వారిగా.. 12,205 మంది ఆచూకీ లేని లేదా అందుబాటులో లేనివారిగా గుర్తించారు. మరో 16,116 మంది ఇతర ప్రాంతాల కు శాశ్వతంగా తరలివెళ్లినట్లు, 10,705 మంది ఇప్ప టికే ఇతర ప్రాంతాల్లో ఓటర్లుగా నమోదైనట్లు తేలింది. మరో 90మంది ఇతర కారణాల కింద ఉన్నారు. అర్హులైతే తిరిగి అవకాశం జాబితా నుంచి పేరు తొలగింపునకు గుర్తించినంత మాత్రాన అర్హులైన ఓటర్లు ఆందోళన చెందాల్సిన అవసరం లేదని కలెక్టర్‌, జిల్లా ఎన్నికల అధికారి ఎన్‌.ప్రభాకరరెడ్డి స్పష్టం చేశారు. నోటీసుల దశలో ఉన్న 6,282 మంది వివరాలను నిబంధనల ప్రకా రం మరోసారి పరిశీలిస్తున్నారు. క్షేత్రస్థాయి పరిశీల నలో వారు అర్హులుగా తేలితే, నిబంధనల ప్రకారం వారి పేర్లను తిరిగి ఓటర్ల జాబితాలో చేర్చేందుకు చర్యలు తీసుకుంటారు. 18 ఏళ్లు నిండిన వారికి అవకాశం జిల్లాలో కొత్త ఓటర్ల నమోదుపైనా ఎన్నికల అధికారులు ప్రత్యేక దృష్టి సారించారు. 18 సంవత్సరాలు నిండిన యువతీ యువకులు, కళాశాల విద్యార్థు లు, ఇప్పటివరకు ఓటర్లుగా నమోదు కాని అర్హులైన పౌరులు ఈ అవకాశాన్ని వినియోగించుకోవాలని కలెక్టర్‌ కోరారు. ఓటర్లు తమ దరఖాస్తులు, క్లెయిమ్‌ లు, అభ్యంతరాలను ఓటర్‌ హెల్‌లైన్‌ యాప్‌ లేదా ఓటర్స్‌.ఈసీఐ.జీఓవీ.ఇన్‌ ద్వారా ఆన్‌లైన్‌లో సమ ర్పించవచ్చు. సంబంధిత బీఎల్వోలను సంప్రదించి తమ వివరాలను పరిశీలించుకోవడంతో పాటు అవసరమైన మార్పులు, నమోదుకు సంబంధించిన ప్రక్రియను పూర్తి చేసుకోవచ్చు. ప్రజల సహకారం కీలకం ఓటర్ల జాబితా ఎన్నికల సమయంలో మాత్రమే ఉపయోగపడే పత్రం కాదని, ప్రజాస్వామ్యంలో ప్రతి పౌరుడి హక్కును నిర్ధారించే కీలకమైన జాబి తా అని జిల్లా ఎన్నికల అధికారి, కలెక్టర్‌ డాక్టర్‌ ఎన్‌. ప్రభాకర రెడ్డి తెలిపారు. ప్రజలు, యువత, విద్యార్థులు, ప్రజాప్రతినిధులు ఈ ప్రత్యేక డ్రైవ్‌కు సహకరించి అర్హులైన ప్రతిఒక్కరి పేరు ఓటర్ల జాబితాలో ఉండేలా తమ వంతు బాధ్యత నిర్వర్తించాలని కోరారు.

● ఫీజు ప్రక్రియతో ప్రభుత్వానికి రూ.9.51 కోట్ల ఆదాయం ● జిల్లా ప్రొహిబిషన్‌ అండ్‌ ఎకై ్సజ్‌ అధికారి బి.శ్రీనాథుడువిజయనగరం రూరల్‌: విజయనగరం జిల్లాలో మద్యం దుకాణాల (ఎ–4 షాపుల) కేటాయింపునకు నిర్వహించిన లక్కీ డ్రా ప్రక్రియ గురువారం విజయవంతంగా పూర్తయింది. నిబంధనల ప్రకారం కలెక్టర్‌ ఎన్‌.రాంసుందర్‌ రెడ్డి చేతుల మీదుగా జిల్లాలోని 25 మద్యం దుకాణాలకు లాటరీ ప్రక్రియను నిర్వహించారు. జిల్లాలో 169 మద్యం దుకాణాలు ఉండగా 2026 27 ఆర్థిక సంవత్సరానికి రెన్యువల్‌ చేసుకోవడానికి ప్రభుత్వం ఉత్తర్వులు జారీ చేయగా గడువు ముగిసే నాటికి 139 మద్యం దుకాణాలు రెన్యువల్‌ అయ్యాయి. మిగిలిన 30 దుకాణాలను లాటరీ పద్ధతిలో కేటాయించేందుకు అధికారులు నోటిఫికేషన్‌ జారీ చేయగా ఈనెల 6న గడువు ముగిసేనాటికి 25 మద్యం దుకాణాలకు 138 దరఖాస్తులు వచ్చాయి. ఈ 25 మద్యం దుకాణాల నిర్వహణకు వచ్చిన దరఖాస్తులను పరిశీలించి, కలెక్టరేట్‌ ఆడిటోరియంలో గురువారం లాటరీ ప్రక్రియ నిర్వహించినట్లు డీఈఈవో శ్రీనాథుడు తెలిపారు. మద్యం దుకాణాల రెన్యువల్‌, 25 ఎ–4 మద్యం దుకాణాలకు సంబంధించి లైసెన్‌న్స్‌ ఫీజు, పర్మిట్‌ రూమ్‌ ఫీజు ప్రక్రియ ద్వారా ప్రభుత్వానికి రూ.9.51 కోట్ల ఆదాయం సమాకూరిందని ఆయన వెల్లడించారు. ఇంకా మిగిలిపోయిన ఐదు మద్యం దుకాణాలకు కేటాయింపులకు కొద్ది రోజుల్లో నోటిఫికేషన్‌ జారీ చేయనున్నట్లు ఆయన తెలిపారు. కార్యక్రమంలో డిప్యూటీ కమిషనర్‌ శ్రీనివాస్‌ చౌదరి, ఎకై ్సజ్‌ అధికారులు, సిబ్బంది పాల్గొన్నారు. జిల్లావ్యాప్తంగా రూ.52.88 కోట్ల వార్షిక ఆదాయం అంచనా పార్వతీపురం రూరల్‌: పార్వతీపురం మన్యం జిల్లాలో 2026–27 లైసెన్స్‌ సంవత్సరానికి గాను నోటిఫై చేసిన 9 ఎ–4 ఓపెన్‌ కేటగిరీ మద్యం దుకాణాలకు 8.10.2026న కలెక్టరేట్‌లోని సువర్ణముఖి సమావేశ మందిరంలో లాటరీ నిర్వహించారు. జాయింట్‌ కలెక్టర్‌ వైశాలి పర్యవేక్షణలో లాటరీ ద్వారా 9 దుకాణాలకు దరఖాస్తుదారుల ఎంపిక జరిగింది. పాలకొండ, పార్వతీపురం, సాలూరు, సీతానగరం ప్రాంతాల్లోని దుకాణాలకు కేటాయింపులు పూర్తయ్యాయి. ఈ 9 దుకాణాలకు గాను 45 దరఖాస్తులు రాగా, తిరిగి చెల్లించని దరఖాస్తు రుసుము ద్వారా ప్రభుత్వానికి రూ.1,35,00,000 ఆదాయం సమకూరింది. జిల్లాలో 52 ఓపెన్‌ కేటగిరీ, 4 గీత కులాల దుకాణాలు కలుపుకుని మొత్తం 56 దుకాణాలు ఉన్నాయి. వాటిలో 47 దుకాణాలు ఇప్పటికే రెన్యువల్‌ అయ్యాయి. మొత్తం 56 దుకాణాలకు సంబంధించి వార్షిక రిటైల్‌ ఎకై ్సజ్‌ పన్ను (ఆర్‌ఇటి), పర్మిట్‌ రూమ్‌ ఆర్‌ఈటీ, రెన్యువల్‌ ఆర్‌ఈటీ, దరఖాస్తు రుసుము అన్నీ కలిపి 2026–27 సంవత్సరానికి గాను మొత్తం రూ.52,88,70,000 వార్షిక ఆదాయం సమకూరనుంది. ప్రస్తుతం 47 దుకాణాల రెన్యువల్‌, అన్ని దుకాణాల తొలి వాయిదాలు, దరఖాస్తు రుసుములతో కలుపుకుని మొత్తం రూ.23,16,92,500 ఆదాయం ప్రభుత్వానికి చేరిందని జిల్లా ప్రొహిబిషన్‌, ఎకై ్సజ్‌ అధికారి పత్రికా ప్రకటనలో వెల్లడించారు.

● పాఠశాల, ఆర్డీఓ కార్యాలయానికి పొంచి ఉన్న ప్రమాదం ● ఆర్డీఓకు ఫిర్యాదు చేసిన ఉపాధ్యాయులు ● చర్యలకు ఆదేశించిన ఆర్డీఓచీపురుపల్లి: గ్రావెల్‌ అక్రమ తవ్వకాలకు బడి, గుడి ఎలాగూ లేదు సరికదా సాక్షాత్తు ఆర్డీఓ కార్యాలయం ఉన్నా కూడా అక్రమార్కులు లెక్క చేయడం లేదు. కొండ కనిపిస్తే గ్రావెల్‌ తవ్వడమే పనిగా పెట్టుకున్నారు. అది కూడా రాత్రి సమయాల్లో జేసీబీ యంత్రాలతో కొండలు తవ్వి, లారీలు, ట్రాక్టర్లలో గ్రావెల్‌ రవాణా సాగిస్తున్న అక్రమార్కులు పగలు మాత్రం అటువైపు కన్నెత్తి చూడడం లేదు. ఇదంతా ఎక్కడో కాదు సాక్షాత్తు రెవెన్యూ డివిజిన్‌ కార్యాలయాన్ని ఆనుకుని, రామాంజనేయకాలనీ జిల్లా పరిషత్‌ ఉన్నత పాఠశాల ఆవరణలోనే జరుగుతున్నప్పటికీ అక్రమార్కుల ఆగడాలను అడ్డుకునేదెవరో తెలియడం లేదు. కొద్దికాలం క్రితం సైతం ఇదే కొండల్లో ఇష్టారాజ్యంగా గ్రావెల్‌ అక్రమ తవ్వకాలు యథేచ్ఛగా జరిగాయి. అప్పట్లో కూడా అక్రమార్కులపై చర్యలు తీసుకునేందుకు అధికార యంత్రాంగం ఎలాంటి చొరవ చూపించకపోవడంతో విమర్శలు వ్యక్తమయ్యాయి. దీంతో తాజాగా మళ్లీ చీపురుపల్లి– గరివిడి పట్టణాల మధ్య రామాంజనేయకాలనీ జిల్లా పరిషత్‌ ఉన్నత పాఠశాల, రెవెన్యూ డివిజిన్‌ కార్యాలయాన్ని ఆనుకుని ఉన్న కొండల్లో రాత్రి సమయాల్లో అక్రమార్కులు గ్రావెల్‌ తవ్వకాలు ప్రారంభించారు. దీనిపై స్వయంగా ఉపాధ్యాయులే ఆర్డీఓ సుధారాణికి ఫిర్యాదు చేశారు. దీనికి స్పందించిన ఆర్డీఓ సుధారాణి తక్షణమే విచారణ జరిపి నివేదిక ఇవ్వాలని రెవెన్యూ యంత్రాంగాన్ని ఆదేశించారు. అక్రమ తవ్వకాలతో ప్రమాదంలో పాఠశాల గ్రావెల్‌ అక్రమ తవ్వకాలు జరుపుతున్న కొండకు దిగువ భాగంలో రామాంజనేయకాలనీ జిల్లా పరిషత్‌ ఉన్నత పాఠశాల ఉంది. ఈ పాఠశాల పరిసరాల్లో కొండ వరకు ఆట స్థలం క్రింద ఉపాధ్యాయులే చదును చేయించారు. తాజాగా అక్రమార్కులు రాత్రి సమయాల్లో కొండ కింద భాగంలో జేసీబీ యంత్రాలతో గ్రావెల్‌ తవ్వకాలు జరుపుతున్నారు. దీంతో వర్షాలు కురిసినప్పుడు కొండ మట్టి పెళ్లలు విరిగిపడితే అదే సమయంలో విద్యార్థులు అక్కడ ఆడుకుంటే పెద్ద ప్రమాదం జరుగుతుందని ఉపాధ్యాయులు భావిస్తున్నారు. అంతేకాకుండా గ్రావెల్‌ కోసం తవ్వకాలు జరిపే ప్రాంతంలో వర్షాలు కురిసినప్పుడు నీళ్లతో నిండి ఉండడం ఆ గుంతల్లోకి పొరపాటున విద్యార్థులు వెళ్తే ప్రమాదం తప్పదని ఆందోళన చెందుతున్నారు. ఆర్డీఓ కార్యాలయం ఉందన్న భయం కూడా లేకుండా.. గ్రావెల్‌ అక్రమ తవ్వకాలు జరిపే కొండను ఆనుకుని రామాంజనేయకాలనీ జిల్లా పరిషత్‌ ఉన్నత పాఠశాల ఉండడం ఒకెత్తు అయితే అదే కొండను ఆనుకుని రెవెన్యూ డివిజినల్‌ కార్యాలయం కూడా ఉంది. ఆర్డీఓ కార్యాలయం ఉందనే భయం కూడా అక్రమార్కుల్లో లేదనే చర్చ జరుగుతోంది. దాదాపు ఆర్డీఓ కార్యాలయం ప్రహరీ వరకు గ్రావెల్‌ తవ్వకాలు జరపడం కొసమెరుపు.

భామిని: ఆంధ్రా–ఒడిశా రాష్ట్రాల మధ్య వివాదాస్పదంగా మారిన నేరడి బ్యారేజ్‌ను సెంట్రల్‌ వాటర్‌ కమిషన్‌ (సీడబ్ల్యూసీ) నియమించిన సూపర్‌ వైజరీ కమిటీ గురువారం సందర్శించింది. కమిటీ చైర్మన్‌, చీఫ్‌ ఇంజినీర్‌ జి.నాగమోహన్‌ (భువనేశ్వర్‌) ఆధ్వర్యంలో కో ఆర్టినేటర్‌ ఎస్‌ఈ ఆదిత్య ఎస్‌.ఎస్‌.మూల, చీఫ్‌ ఇంజినీర్‌ అరుణకుమార్‌ పాలో బ్యారేజ్‌ స్థలాన్ని పరిశీలించారు. వీరికి ఇక్కడి సమస్యను ఉత్తరాంధ్ర చీఫ్‌ ఇంజినీర్‌ కె.శేషుబాబు, వంశధార ఎస్‌ఈ రామచంద్రరావు వివరించారు. వివాదస్పదంగా మారిన ఒడిశాకు చెందిన 106 ఎకరాల భూమిపై కమిటీ సభ్యులు వివరాలు సేకరించారు. ముందుగా కాట్రగడ–బి వద్ద నిర్మించిన ఓపెన్‌ హెడ్‌ చానల్‌, స్లైడ్‌ వియ్యర్‌, హెడ్‌ స్లూయిజ్‌ పనితీరు పరిశీలించి వంశధార నదిలో ప్రవాహ తీరును అధికారులను అడిగి తెలుసుకున్నారు. అనంతరం ఒడిశా గజపతి జిల్లా కలెక్టర్‌తో సమావేశమయ్యారు. కలెక్టర్‌తో కలిసి బ్యారేజీ నిర్మాణం వల్ల ముంపునకు గురయ్యే ఒడిశా తీరంలోని సర, బడిగాం గ్రామాలను పరిశీలించారు. గ్రామస్తులు అభ్యర్థనలు ఆలకించారు. పూర్తి రక్షణ ఏర్పాట్లు జరిగాకే బ్యారేజీ నిర్మాణం సాగుతుందని స్పష్టంచేశారు. కార్యక్రమంలో వంశధార డీఈఈ భవానీ శంకర్‌, సీడబ్ల్యూసీ ఈఈలు, ఏఈలు పాల్గొన్నారు.

పార్వతీపురం రూరల్‌: జంఘావతి ప్రాజెక్టు సాధనే ధ్యేయంగా రాజకీయ పార్టీలు, ప్రజా సంఘాలు ఐక్యంగా పోరాడాలని తీర్మానించాయి. ఈ మేరకు గురువారం పార్వతీపురంలోని గిరిజన సామాజిక భవనంలో ’జంఘావతి ప్రాజెక్టు సాధన సమితి’ ఆధ్వర్యంలో రౌండ్‌టేబుల్‌ సమావేశం నిర్వహించారు. ప్రాజెక్టును తక్షణమే పూర్తి చేసి రైతులకు సాగునీరు, ప్రజలకు తాగునీరు అందించాలని ఈ సందర్భంగా నేతలు డిమాండ్‌ చేశారు. పాలకుల నిర్లక్ష్యం వల్లే జంఘావతి ప్రాజెక్టు నేటికీ పూర్తి కాలేదని వారు పేర్కొన్నారు. ప్రాజెక్టు సాధన కోసం రానున్న పది రోజుల్లో వేలాది మందితో పార్వతీపురంలో భారీ ప్రదర్శన నిర్వహించనున్నట్లు సమావేశంలో ప్రకటించారు. ప్రాజెక్టు పూర్తయ్యే వరకు అందరూ ఐక్యంగా ముందుకు సాగుతామని నాయకులు ముక్తకంఠంతో స్పష్టం చేశారు.ఈ సమావేశంలో సాధన సమితి నేతలు మరిశర్ల మాలతీ కృష్ణమూర్తి నాయుడు, చుక్క భాస్కరరావు, పల్లి రాజగోపాల్‌ నాయుడులతో పాటు సీపీఎం జిల్లా కార్యదర్శి కొల్లి గంగునాయుడు, రైతు కూలీ సంఘం రాష్ట్ర కార్యదర్శి దంతులూరి వర్మ, ఐఎఫ్‌టీయూ జిల్లా అధ్యక్షుడు గేదెల సర్వేశ్వరరావు, కాంగ్రెస్‌ అధ్యక్షులు తీళ్ల గౌరీశంకర్‌ రావు, సీపీఐ నేత ఆర్‌.వీ.ఎస్‌ కుమార్‌, ఇతర ప్రజా సంఘాల నాయకులు ఎం.కృష్ణమూర్తి, బుడితి అప్పలనాయుడు, పోలా రమణి, రెడ్డి శ్రీదేవి, గున్నేష్‌, బీవీ రమణ, బి.సూరిబాబు తదితరులు పాల్గొన్నారు.

కరోనా వంటి విపత్కర పరిస్థితుల్లో ప్రాణాలకు తెగించి సేవలందించాం. ప్రతి ఇంటి కీ ప్రభుత్వ పథకాలు చేరువ చేశాం. వలంటీర్లకు ఇచ్చిన హామీని టీడీపీ ప్రభుత్వం తుంగలోతొక్కి వ్యవస్థనే రద్దు చేసింది. మాకిచ్చిన కేవలం రూ.5 వేల గౌరవ వేతనంతో ప్రజాధనం దుర్వినియో గం అయిపోతోందని విమర్శించిన పాలకులకు ఇప్పుడు వారి సొంత డప్పు కొట్టేందుకు సోషల్‌మీడియా ఇన్‌ఫ్లెయెన్సర్లకు రూ.లక్షలు చెల్లిస్తామని జీఓ విడుదల చేశారు. ఇది కదా ప్రజాధనం దుర్వినియోగం అంటే? – తియ్యాల పోలిరాజు, వలంటీరు, వీరఘట్టం గత వైఎస్సార్‌సీపీ ప్రభుత్వంలో ఎటువంటి వివక్ష లేకుండా గడపగడపకు ప్రభుత్వ పథకాలు చేరువచేయడంలో వలంటీర్లు కీలక భూమిక పోషించారు. కేవలం రూ.5వేల గౌరవ వేతనంతో ప్రజలకు సేవచేశాం. మాకిచ్చిన రూ.5వేల గౌరవ వేతనం దుబారా అంటూ ప్రచారం చేసిన కూటమి నాయకులకు... ఇప్పుడు టీడీపీ సోషల్‌ మీడియా కార్యకర్తలకు లక్షలాది రూపాయలు దోచి పెట్టడం కనిపించకపోవడం విచారకరం. ఇది ప్రజావ్యతిరేక ప్రభుత్వం. – సఖినాన లక్ష్మునాయుడు, వలంటీరు, మహదేవివలస, వీరఘట్టం మండలం

–8లోగురువారం శ్రీ 8 శ్రీ అక్టోబర్‌ శ్రీ 2026గిరిజన గోడు.. కంటిచూపు లేకపోతే అంధకారమే..! మనిషి జీవితంలో అత్యంత అమూల్యమైన వరం కంటి చూపు. కంటి సంరక్షణ సైతం అంతే ప్రధానం. పవర్‌ ట్రాన్స్‌ఫార్మర్‌ వద్ద మంటలు పాలకొండ మండలం నవగాం విద్యుత్‌ సబ్‌స్టేషన్‌లో మంగళవారం రాత్రి మంటలు చెలరేగాయి. టీటీడీకి పంపిన జీడిపప్పు వెనక్కి వచ్చిన వ్యవహారంపై సమగ్ర విచారణ జరపాలి. ఐటీడీఏ పాలకవర్గ సమావేశంలో దీనిపై చర్చించి చర్య లు తీసుకోవాలి. నాణ్యత ప్రమాణాలు పాటించని వారిపై కఠిన చర్యలు తీసుకోవాలి. అధికా రుల పర్యవేక్షణలో ఏమైనా లోపాలు లేదా అక్రమాలు జరిగాయా అనే కోణంలో కూడా విచార ణ జరపాల్సిన అవసరం ఉంది. జీడిపప్పు ప్రాసెసింగ్‌ యూనిట్‌లో పనిచేస్తున్న గిరిజన యువతులకు రోజుకు రూ.200 నుంచి రూ. 250 వరకు మాత్రమే కూలి చెల్లిస్తున్నారు. కష్టపడి పనిచేస్తున్న కార్మికులకు న్యాయమైన వేత నం అందేలా అధికారులు చర్యలు తీసుకోవాలి. ఆ మేరకు సమావేశంలో చర్చించాలి. – పల్ల సురేష్‌, గిరిజన విద్యార్థి సంఘం అధ్యక్షుడు పార్వతీపురం రూరల్‌: రాష్ట్ర ఎస్సీ కమిషన్‌ సభ్యుడు రావాడ సీతారాం అక్టోబర్‌ 8, 9 తేదీ ల్లో పార్వతీపురం మన్యం జిల్లాలో పర్యటించనున్నట్లు కమిషన్‌ కార్యదర్శి ఎస్‌.చిన్నరాము డు ఒక ప్రకటనలో తెలిపారు. అక్టోబర్‌ 8న ఉదయం 10 గంటలకు ఆయన భామిని మండల రెవెన్యూ కార్యాలయానికి చేరుకుంటారు. స్థానిక తలడ గ్రామానికి చెందిన దారా విజయ ఇచ్చిన అర్జీ మేరకు వంశధార కెనాల్‌ ప్రాజెక్టుపై జాయింట్‌ ఇన్‌న్‌స్పెక్షన్‌ నిర్వహిస్తారు. మధ్యాహ్నం 2 నుంచి 4 గంటల వరకు ఎస్సీ బాధితులు, ఫిర్యాదుదారుల నుంచి అర్జీలు స్వీకరిస్తారు. సాయంత్రం 4 గంటలకు అక్కడి నుంచి బయలుదేరి, పాలకొండ చేరుకుని రాత్రి బస చేస్తారు. అక్టోబర్‌ 9న ఉదయం 10 గంటల నుంచి పాలకొండ మండలంలోని ఎస్సీ కాలనీల్లో పర్యటించి ప్రజల సమస్యలను పరిశీలిస్తారు. మధ్యాహ్నం 2 గంటల నుంచి వీరఘట్టం మండలంలోని ఎస్సీ వీధులను సందర్శిస్తారు. సాయంత్రం 4 గంటలకు పర్యటన ముగించుకుని తిరుగు ప్రయాణమవుతారు. పాలకొండ: ఉత్తరాంధ్రుల ఆరాధ్య దైవం పాలకొండ కోటదుర్గమ్మవారి హుండీల ఆదాయా న్ని బుధవారం లెక్కించారు. ఆలయ కార్యనిర్వహణాధికారి వి.వి.సూర్యనారాయణ, జగ న్నాథస్వామి ఆలయ ఈఓ పరమేశ్వరి ఆధ్వర్యంలో ఉదయం హుండీల తెరచి లెక్కింపు చేపట్టారు. ఆగస్టు 10 నుంచి నేటి వరకు 59 రోజులకు హుండీల ద్వారా రూ.7,87,679 ఆదాయం సమకూరిందని ఈఓ తెలిపారు. ఆదాచాపికప ఆలయ బ్యాంకు ఖాతాలో జమచేసినట్టు వెల్లడించారు. పార్వతీపురం: ధాన్యం సేకరణలో ఎలాంటి జా ప్యం లేకుండా అధికారులు, బ్యాంకర్లు, రైస్‌ మిల్లర్లు సమన్వయంతో పనిచేయాలని జాయింట్‌ కలెక్టర్‌ ఆర్‌.వైశాలి ఆదేశించారు. రైస్‌ మిల్లర్లు, బ్యాంక్‌ ప్రతినిధులతో బుధవా రం నిర్వహించిన సమీక్ష సమావేశంలో ఆమె మాట్లాడారు. అర్హులైన రైస్‌ మిల్లర్లకు ఈ– బ్యాంక్‌ గ్యారెంటీలు త్వరగా మంజూరు చేయా లని బ్యాంకర్లను ఆదేశించారు. రైతుల నుంచి ధాన్యం స్వీకరించేందుకు మిల్లులు పూర్తి స్థాయిలో సిద్ధంగా ఉండాలని సూచించారు. సమావేశంలో సివిల్‌ సప్‌లై అధికారులు, లీడ్‌ బ్యాంకు ప్రతినిధులు, జిల్లా వ్యవసాయశాఖ సిబ్బంది పాల్గొన్నారు. బొబ్బిలి: గ్రోత్‌సెంటర్‌లోని బెర్రీ ఫెర్రో ఎల్లాయీస్‌ పరిశ్రమలో మంగళవారం రాత్రి అగ్నిప్రమాదం సంభవించిన సంగతి తెలిసిందే. ప్రమాద కారణాలు, రక్షణ చర్యలను తెలుసుకునేందుకు వివిధ శాఖల అధికారులు పరిశ్రమను బుధవారం పరిశీలించారు. కార్మిక భద్రతా లోపాలను గుర్తించారు. పరిశీలించిన వారిలో ఇన్‌చార్జి తహసీల్దార్‌ తొగురు సుబ్బారావు, ఆర్‌ఐ రామ్‌కుమార్‌, డిప్యూటీ కమిషనర్‌ ఆఫ్‌ లేబర్‌ ఉన్నారు. సాక్షి, పార్వతీపురం మన్యం: గిరిజన ప్రాంతాల అభివృద్ధి, సంక్షేమానికి కీలక వేదికగా భావించే పార్వతీపురం ఐటీడీఏ పాలకవర్గ సమావేశం ఎన్నో ఏళ్ల తర్వాత గురువారం జరగనుంది. ప్రతి మూడు నెలలకోసారి సమావేశాలు జరగాల్సి ఉన్నా ఆ ఊసేలేదు. దానివల్ల ఐటీడీఏలోని లోపాలు, అవినీతి అక్రమాలకు అడ్డులేకుండా పోయింది. గిరిజన సంక్షేమానికి ఖర్చు చేయాల్సిన నిధులు పక్కదారి పడుతున్నాయి. ప్రతి పనికీ కమీషన్లు ఇక్కడ సర్వసాధారమయ్యాయి. ఈ సమావేశంపై గిరిజన వర్గాల్లో భారీ ఆశలు నెలకొన్నాయి. ఏళ్లుగా పెండింగ్‌లో ఉన్న ఉద్యోగ, ఉపాధి, విద్య, వైద్యం, మౌలిక వసతులు, భూ సమస్యలకు పరిష్కారం చూపే దిశగా సమావేశంలో స్పష్టమైన నిర్ణయాలు తీసుకోవాలని గిరిజన సంఘాలు కోరుతున్నాయి. ముఖ్యంగా గిరిజన నిరుద్యోగులకు ప్రత్యేక డీఎస్సీ, బ్యాక్‌లాగ్‌ పోస్టుల భర్తీ, ట్రైకార్‌ రుణాల మంజూరు, ఆశ్రమ పాఠశాలల్లో ఏఎన్‌ఎంల నియామకం వంటి అంశాలు ప్రాధాన్యత సంతరించుకున్నాయి. ఐటీడీఏ పరిధిలోని ప్రభుత్వ శాఖల్లో ఖాళీగా ఉన్న గిరిజనుల బ్యాక్‌లాగ్‌ పోస్టులను గుర్తించి ప్రత్యేక నియామక ప్రక్రియ ద్వారా భర్తీ చేయాలనే డిమాండ్‌ బలంగా వినిపిస్తోంది. రాబోయే డీఎస్సీ నోటిఫికేషన్‌లో గిరిజన నిరుద్యోగులకు ప్రత్యేక అవకాశాలు కల్పించాలని, షెడ్యూల్డ్‌ ప్రాంతాల్లో ఖాళీగా ఉన్న ఉపాధ్యాయ పోస్టుల భర్తీకి ప్రత్యేక డీఎస్సీ నిర్వహించాలని కోరుతున్నారు. జీవో 3 అమలు విషయంలో ఏర్పడిన న్యాయపరమైన పరిస్థితులకు చట్టబద్ధమైన పరిష్కారం చూపి, ప్రత్యేక నియామక ప్రక్రియకు మార్గం సుగమం చేయాలని కూడా గిరిజన సంఘాలు కోరుతున్నాయి. గిరిజన విద్యార్థుల ఆరోగ్యం మరో ప్రధాన అంశంగా మారింది. ఏటా పదుల సంఖ్యలో గిరిజన ఆశ్రమ పాఠశాలల విద్యార్థులు పిట్టల్లా రాలిపోతున్నారు. వారికి నాణ్యమైన ఆహారం అందడం లేదు. సరైన మౌలిక వసతులు సమకూరడం లేదు. విద్యార్థుల మరణాలపై మానవతా దృక్పథంతో స్పందించి పరిహారం అందించే చర్యలు ఈ ప్రభుత్వంలో కానరావడం లేదు. సాంఘిక సంక్షేమశాఖలో విద్యార్థి మరణిస్తే ఆ కుటుంబాన్ని ఆర్థికంగా ఆదుకునేందుకు ‘సాంత్వన’ పథకాన్ని అమలు చేస్తున్నారు. గిరిజన సంక్షేమశాఖలో ఆ పరిస్థితి లేదు. ఆశ్రమ పాఠశాలల్లో ఖాళీగా ఉన్న ఏఎన్‌ఎం పోస్టులను భర్తీ చేసి, విద్యార్థులకు నిరంతర వైద్య సేవలు అందుబాటులో ఉండేలా చర్యలు తీసుకోవాలన్న డిమాండ్‌ ఉంది. గతంలో చోటుచేసుకు న్న విద్యార్థుల మరణాలపై సమగ్ర విచారణ జరిపి, బాధిత కుటుంబాలకు తగిన పరిహారం అందించడంతో పాటు భవిష్యత్తులో ఇలాంటి ఘటనలు పునరావృతం కాకుండా ముందస్తు ఆరోగ్య పరిరక్ష ణ వ్యవస్థను బలోపేతం చేయాలని కోరుతున్నారు. ●విద్యా ప్రమాణాల మెరుగుదలతో పాటు ఏకలవ్య మోడల్‌ రెసిడెన్షియల్‌ పాఠశాలల్లో స్థానిక గిరిజన విద్యార్థుల భాషా అవసరాలకు అనుగుణంగా ఉపాధ్యాయులను నియమించాలనే అంశం కూడా సమావేశం ముందుకు రావాలని గిరిజన సంఘాలు కోరుతున్నాయి. గిరిజన యువతకు స్వయం ఉపా ధి కల్పించడంలో కీలకమైన ట్రైకా ర్‌ రుణాల మంజూరుపైనా సమావేశంలో సమగ్ర చర్చ జరగాలన్న డిమాండ్‌ వినిపిస్తోంది. అర్హులైన గిరిజనులకు రుణాలు త్వరితగతిన అందేలా చర్యలు తీసుకోవడంతో పాటు, గరిష్ఠంగా 90 శాతం వరకు రుణ సదుపాయం కల్పించే విధంగా చర్యలు తీసుకోవాలనే డిమాండ్‌ ఉంది. గత ఏడాది ఐటీడీఏకు వచ్చిన నిధులు, ఖర్చు చేసిన మొత్తం, మిగిలిన నిధులు, గిరిజన సమగ్ర అభివృద్ధికి చేపట్టిన కార్యక్రమాలపై పూర్తి నివేదికను సమావేశంలో బహిర్గతం చేయాలన్న వాదన వినిపిస్తోంది. గతంలో గిరిజనుల అవసరాలకు అనుగుణంగా ఐటీడీఏలో ట్రైకార్‌ నిధులను వెచ్చించేవారు. కొన్నేళ్లుగా అధికారులు కమీషన్ల వలలో పడి ఇష్టారీతిన పరికరాలు కొనుగోలు చేస్తున్నారు. ట్రాక్టర్లు, చేపల వలలు, ఇతర సామగ్రి కొనుగోలుపై ఆయా వర్గాల నుంచి తీవ్ర అసంతృప్తి ఉంది. యువతను పోటీ పరీక్షలకు సిద్ధం చేయడానికి ఐటీడీఏ పరిధిలో గిరిజన స్టడీ సర్కిల్‌ ఏర్పాటు చేయాలనే డిమాండ్‌ ఉంది. యూపీఎస్సీ, ఏపీపీఎస్సీ, డీఎస్సీ, పోలీస్‌ తదితర పోటీ పరీక్షలకు ఉచిత నాణ్యమైన కోచింగ్‌ అందిస్తే గిరిజన యువతకు ఉద్యోగ అవకాశాలు పెరుగుతాయని సంఘాలు పేర్కొంటున్నాయి. ఐటీడీఏ పరిధిలోని గిరిజనుల జీవన ప్రమాణాల మెరుగుదలకు గత ఏడాది వివిధ శాఖలు చేపట్టిన కార్యక్రమాలు, ఖర్చు చేసిన నిధులు, సాధించిన ఫలితాలపై సమగ్ర నివేదికను సమావేశంలో ప్రవేశపెట్టాలని డిమాండ్‌ ఉంది. ప్రతి ఏడాది షెడ్యూల్డ్‌ ప్రాంతాల పరిపాలన, గిరిజన సంక్షేమంపై వార్షిక నివేదికను ప్రభుత్వానికి సమర్పించే విధానం తీసుకురావాలని కూడా కోరుతున్నారు. ఉద్యోగం నుంచి ఉపాధి వరకు.. విద్య నుంచి వైద్యం వరకు.. భూమి నుంచి మౌలిక వసతుల వరకు గిరిజన ప్రాంతాల సమస్యలపై ఐటీడీఏ పాలకవర్గ సమావేశం ఏ మేరకు నిర్ణయాలు తీసుకుంటుందనేది ఇప్పుడు ఆసక్తికరంగా మారింది. ఏళ్లుగా పెండింగ్‌లో ఉన్న సమస్యలకు తీర్మానాలకే పరిమితం కాకుండా కార్యాచరణకు మార్గం చూపుతుందా అన్నది గిరిజన వర్గాల్లో చర్చనీయాంశంగా మారింది. సమీక్షా సమావేశంలో మాట్లాడుతున్న కలెక్టర్‌ ప్రభాకరరెడ్డి పార్వతీపురం: జిల్లాలో డోలీ బాధిత గ్రామాల రోడ్ల నిర్మాణ పనులను డిసెంబర్‌ నాటికి పూర్తి చేయాల ని కలెక్టర్‌ డా.ఎన్‌.ప్రభాకరరెడ్డి ఇంజినీరింగ్‌ అధికారులను ఆదేశించారు. కలెక్టరేట్‌లో పంచాయతీరా జ్‌, ఐటీడీఏ శాఖల అధికారులతో రోడ్ల నిర్మాణ పనులపై బుధవారం సమీక్షించారు. ఉపాధిహామీ నిధులతో రోడ్ల పనులకు ప్రాధాన్యం కల్పించాలన్నారు. పనుల్లో జాప్యం చేసే కాంట్రాక్టర్లపై చర్యలు తీసుకుని, సామర్ధ్యం ఉన్నవారికే పనులు అప్పగించాలని సూచించారు. రోడ్ల నిర్మాణంలో నాణ్యతా ప్రమాణాలు పాటించాలని, అధికారులు క్షేత్రస్థాయిలో పనులు పర్యవేక్షించాలని ఆదేశించారు. సమావేశంలో డ్వామా పీడీ కె.రామచంద్రరావు, పీఆర్‌, ఐటీడీఏ అధికారులు పాల్గొన్నారు. ప్రశాంత ఎన్నికలే లక్ష్యం.. స్థానిక సంస్థల ఎన్నికలను ప్రశాంతంగా, సమర్ధవంతంగా నిర్వహించేందుకు అవసరమైన ఏర్పాట్లు పూర్తి చేయాలని కలెక్టర్‌ డా.ఎన్‌.ప్రభాకరరెడ్డి అధికారులను ఆదేశించారు. కలెక్టరేట్‌ నుంచి అధికారులతో నిర్వహించిన వర్చువల్‌ సమావేశంలో ఎన్నికల ఏర్పాట్లపై సమీక్షించారు. స్ట్రాంగ్‌ రూమ్‌లు, రూట్‌ మ్యాప్‌లు, వాహనాలు, జోనల్‌, రూట్‌ అధికారుల నియామకంతో పాటు సున్నిత, అత్యంత సున్నిత పోలింగ్‌ కేంద్రాలను గుర్తించి వివరాలను పోలీస్‌ అధికారులకు అందించాలని సూచించారు. ఎన్నికల సిబ్బందికి ముందస్తుగా నియామక ఉత్తర్వులు జారీ చేయాలన్నారు. ఎస్పీ ఎస్‌.వి.మాధవరెడ్డి మాట్లాడుతూ ఎన్నికల విధులకు అవసరమైన సిబ్బంది నియామకానికి సంబంధించిన వివరాలను ముందుగా అందజేయాలని కోరారు. ఐటీడీఏ పాలకవర్గ సమావేశంలో గిరిజన ప్రాంతాల అభివృద్ధి, సంక్షేమం, విద్య, ఉపాధి, మౌలిక సదుపాయాలు, ఐటీడీఏ నిధుల వినియోగంపై సమగ్రంగా చర్చించి, పెండింగ్‌లో ఉన్న సమస్యలకు పరిష్కారం చూపాలని గిరిజన సంక్షేమ సంఘం డిమాండ్‌ చేస్తోంది. గిరిజన విద్యార్థుల మరణాలపై సమగ్ర విచారణ జరిపి బాధిత కుటుంబాలకు తగిన పరిహారం అందించాలి. – తాడంగి సాయిబాబు/పాలక రంజిత్‌కుమార్‌, గిరిజన సంక్షేమ సంఘం ఉత్తరాంధ్ర అధ్యక్ష, ప్రధాన కార్యదర్శులు పార్వతీపురం ఐటీడీఏ పరిధిలోని గిరిజన గ్రామాల్లో రహదారులు, తాగునీరు, విద్యుత్‌, రవాణా, అంగన్‌వాడీ భవనాలు, వైద్య సదుపాయాలు వంటి ప్రాథమిక వసతుల సమస్య తీవ్రంగా ఉంది. వీటి కల్పనపై ప్రత్యేక దృష్టి పెట్టాలని గిరిజన సంఘాలు కోరుతున్నాయి. అవసరమైన ప్రాంతాలను గుర్తించి ప్రత్యేక నిధులు కేటాయించి పనులు చేపట్టాలని ఆశిస్తున్నారు. మరోవైపు షెడ్యూల్డ్‌ ప్రాంతాల్లో గిరిజనుల భూముల రక్షణ అంశం కూడా కీలకంగా మారింది. ఎల్‌టీఆర్‌కు సంబంధించి సుప్రీంకోర్టు, హైకోర్టు ఇచ్చిన తీర్పులను సమర్థవంతంగా అమలు చేసి గిరిజన భూముల ఆక్రమణలను అడ్డుకోవాలన్న డిమాండ్‌ ఉంది. ఎల్‌టీఆర్‌ను నిర్వీర్యం చేసే ప్రయత్నాలపై న్యాయపరంగా అనుబంధ పిటిషన్లు దాఖలు చేసి గిరిజనుల భూహక్కులను కాపాడాలని కోరుతున్నారు. ఐటీడీఏ పరిధిలో 54 వన్‌దన్‌ వికాస కేంద్రాలను (వీడీవీకేలు) ఏర్పాటు చేశారు. పరిశ్రమల ఏర్పాటుకు నిధులు అందించారు. ఇక్కడ అవినీతి రాజ్యమేలింది. కమీషన్లకు కక్కుర్తి పడి, పనికిరాని యంత్రాలను కొనుగోలు చేశారు. దీనివల్ల కోట్లాది రూపాయల నిధులు దుర్వినియోగం అయ్యాయన్న ఆరోపణలు ఉన్నాయి. పార్వతీపురం కేంద్ర వ్యవసాయ మార్కెట్‌ యార్డులో నడుస్తున్న జీడిపప్పు ప్రాసెసింగ్‌ యూనిట్‌కు సంబంధించి నాణ్యత ప్రమాణాలు, ప్రాసెసింగ్‌ విధానం, ప్యాకింగ్‌, సరఫరా తదితర అంశాలపై అనేక అనుమానాలు వ్యక్తమవుతున్నాయి. తిరుమల తిరుపతి దేవస్థానానికి కోట్ల రూపాయల విలువ చేసే జీడిపప్పు ఇక్కడ నుంచి పంపగా.. నాణ్యత లేదన్న కారణంతో అది వెనక్కి వచ్చేసింది. ఈ వ్యవహారంపై పాలకవర్గ సమావేశంలో ప్రత్యేకంగా చర్చించి, వాస్తవాలను వెలుగులోకి తీసుకురావాల్సిన అవసరం ఉంది. జీడిపప్పు ప్రాసెసింగ్‌ కేంద్రాల్లో నిల్వలు, నాణ్యత, ప్యాకింగ్‌ విధానం, సరఫరా చేస్తున్న సంస్థలు, ప్రభుత్వ నిబంధనల అమలు తదితర అంశాలపై అధికారులు పూర్తిస్థాయిలో తనిఖీలు నిర్వహించాలి.

కురుపాం: జాతీయస్థాయి మాస్టర్స్‌ అథ్లెటిక్స్‌ పోటీలకు కురుపాం జిల్లా పరిషత్‌ ఉన్నత పాఠశాల వ్యాయామ ఉపాధ్యాయుడు పి.హరికృష్ణ ఎంపికై నట్లు ప్రధానోపాధ్యాయుడు తోట శంకరరావు బుధవారం తెలిపారు. గత నెల 12,13 వ తేదీల్లో పశ్చిమగోదావరి జిల్లా తణుకు లో జరిగిన రాష్ట్రస్థాయి పోటీల్లో పరుగు పందెంలో ప్రథమ స్థానం సాధించి జాతీయ స్థాయి పోటీలకు ఎంపికై నట్లు తెలిపారు.ఈ నెల 9వ తేదీన కోయంబత్తూరులో జరగనున్న జాతీయ స్థాయి పోటీల్లో ఐదు కిలోమీటర్ల విభాగం, 800 మీటర్ల విభాగం, లాంగ్‌ జంప్‌ మొత్తం మూడు విభాగాలో జరిగే పోటీల్లో హరికృష్ణ పాల్గొంటారని తెలిపారు. ప్రతి సంవత్సరం దేశ వ్యాప్తంగా ఉద్యోగ, ఉపాధ్యాయుల కోసం ఈ పోటీలు నిర్వహిస్తారన్నారు. 8నుంచి స్కూల్‌ గేమ్స్‌ జిల్లా జట్ల ఎంపికవిజయనగరం: రాష్ట్రస్థాయిలో జరగనున్న స్కూల్‌గేమ్స్‌ పోటీల్లో పాల్గొనబోయే జిల్లా క్రీడాకారుల ఎంపిక పోటీలు ఈనెల 8,9,10 తేదీల్లో నిర్వహించనున్నట్లు జిల్లా స్కూల్‌ గేమ్స్‌ ఫెడరేషన్‌ కార్యదర్శులు ఆర్‌.వాణిశ్రీ, బి.శ్రీనివాసరావులు తెలిపారు. ఈనెల 8వ తేదీన బాడంగి మండలంలో గల ఏపీడబ్ల్యూఆర్‌ఎస్‌ గురుకుల పాఠశాలలో అండర్‌–14,17,19 వయస్సుల విభాగాల్లో బాల,బాలికలకు మాల్కబ్‌ క్రీడాంశంలో ఎంపికలు నిర్వహిస్తామన్నారు. అదేవిధంగా 9వ తేదీన అండర్‌–17 బాల, బాలిలకు విజ్జి స్టేడియంలో అథ్లెటిక్స్‌ క్రీడాంశంలో ఎంపికలు జరుగుతాయని పేర్కొన్నారు. 9,10 తేదీల్లో అండర్‌–11,14,17,19 వయస్సుల విభాగాల్లో బాల, బాలికలకు స్కేటింగ్‌ క్రీడాంశంలో ఎంపికలు జరుగుతాయని వివరించారు. అర్హత, ఆసక్తి గల క్రీడాకారులు ఎంపిక పోటీల్లో పాల్గొనవచ్చని, జిల్లాస్థాయి పోటీల్లో ఉత్తమ ప్రతిభ కనబరిచిన క్రీడాకారులను రాష్ట్రస్థాయి పోటీలకు ఎంపిక చేయనున్నట్లు తెలిపారు. 22 మంది కోడి పందాల రాయుళ్ల అరెస్టువేపాడ: మండలంలోని కొండగంగుబూడి పంచాయతీ ఎస్‌.కోట సీతారాంపురం సమీపంలోని కొండల్లో బుధవారం సాయంత్రం వల్లంపూడి పోలీసులు నిర్వహించిన దాడుల్లో 22 మంది కోడి పందాల రాయుళ్లు పట్టుబడినట్లు వల్లంపూడి ఎస్సై ఎస్‌.సుదర్శన్‌ తెలిపారు. ఇందుకు సంబంధించి పోలీసులు తెలిపిన వివరాలిలా ఉన్నాయి. పోలీసులకు అందిన సమాచారం మేరకు ఎస్సై సుదర్శన్‌తో పాటు సిబ్బంది నిర్వహించిన దాడుల్లో 22 మంది కోడి పందాల రాయుళ్లు పట్టుబడ్డారని తెలిపారు. వారి నుంచి రూ.61,330, 19 సెల్‌ ఫోన్లు, 13 పందెం కోళ్లు, 10 ద్విచక్రవాహనాలు, 13 కార్లు స్వాధీనం చేసుకుని కేసు నమోదు చేసినట్లు ఎస్సై సుదర్శన్‌ తెలిపారు. గుర్తు తెలియని వ్యక్తి మృతివిజయనగరం టౌన్‌: రైల్వేస్టేషన్‌ పరిసరాల్లో గుర్తు తెలియని వ్యక్తి మృతిచెందినట్లు వన్‌టౌన్‌ పోలీసులు బుధవారం తెలిపారు. సుమారు 25 నుంచి 30 ఏళ్ల వయసు కలిగిన వ్యక్తి మృతిచెందినట్లు స్థానికులు అందించిన సమాచారంతో అక్కడికి వెళ్లి పరిశీలించామన్నారు. మృతదేహాన్ని జిల్లా కేంద్రాస్పత్రికి తరలించి కేసు నమోదుచేసి దర్యాప్తు చేస్తున్నట్లు వన్‌టౌన్‌ సీఐ ఆర్‌వీఆర్‌కే.చౌదరి తెలిపారు. ఆచూకీ తెలిసిన వారు వన్‌టౌన్‌ పోలీసులను సంప్రదించాలని కోరారు. సారాతో వ్యక్తి అరెస్టుకురుపాం: నవోదయం 2.0 కార్యక్రమంలో భాగంగా కురుపాం ఎకై ్సజ్‌ సర్కిల్‌ పరిధిలో ఉన్న జియ్యమ్మవలస మండలం చినమేరంగి గ్రామ సమీపంలో బుధవారం దాడులు నిర్వహించగా సారా విక్రయిస్తున్న ఒక వ్యక్తిని అరెస్టు చేసినట్లు ఎకై ్సజ్‌ సీఐ పి.శ్రీనివాసరావు తెలిపారు. ఈ సందర్భంగా ఆయన మాట్లాడుతూ మల్లుగూడ గ్రామానికి చెందిన బిడ్డిక గోపాలరావు ఐదు లీటర్ల సారా కలిగి ఉన్నట్లు గుర్తించి నిందితుడిని న్యాయ స్థానం నందు హాజరుపరచగా న్యాయస్థానం 14 రోజుల రిమాండ్‌ విధించిందన్నారు. సారా రవాణా, తయారీ, విక్రయాలపై నిఘా పెడుతున్నామని సారా సమాచారం తెలిస్తే ఫోన్‌ 6302936599 నంబర్‌కు ప్రజలు తెలియజేయాలని కోరారు.

● గెడ్డలో పడి బాలుడి మృతి ● భోరున విలపిస్తున్న తల్లిదండ్రులు, కుటుంబసభ్యులు పూసపాటిరేగ: భోగాపురం మండలంలోని ముక్కాం గ్రామంలో బుధవారం గెడ్డలో పడి నాలుగేళ్ల బాలుడు ప్రాణాలు కోల్పోయాడు. ఈ ఘటనపై పోలీసులు తెలిపిన వివరాల ప్రకారం.. ప్రస్తుతం విశాఖపట్నంలో నివాసముంటున్న బడే గుర్రమ్మ తన నాలుగేళ్ల కుమారుడు వెంకీతో కలిసి ఐదు రోజుల క్రితం తమ సొంత గ్రామమైన ముక్కాంలో ఉన్న అక్క కారి అప్పయ్యమ్మ ఇంటికి వచ్చి కుమారుడిన వదిలి విశాఖ వెళ్లింది. బుధవారం ఉదయం సుమారు 11 గంటల సమయంలో బాలుడు వెంకీ కనిపించడం లేదని గుర్రమ్మకు అక్క అప్పయ్యమ్మ ఫోన్‌ చేసి తెలపడంతో గుర్రమ్మ వెంటనే విశాఖ నుంచి గ్రామానికి చేరుకుంది. బాలుడి కోసం చుట్టుపక్కల వెతుకుతుండగా, సాయంత్రం సుమారు 4:30 గంటల సమయంలో గ్రామానికి ఆనుకుని ఉన్న పక్క గెడ్డలో బాలుడు శవమై తేలియాడడం గుర్తించారు. ఆటలాడుకుంటూ వెళ్లి ప్రమాదవశాత్తు గెడ్డలో పడిపోవడం వల్లే బాలుడు మృతి చెంది ఉంటాడని భావిస్తున్నారు. తల్లి గుర్రమ్మ ఇచ్చిన ఫిర్యాదు మేరకు పోలీసులు కేసు నమోదు చేసుకుని దర్యాప్తు చేపట్టారు.

రేగిడి: మండల పరిధిలోని సంకిలి చక్కెర కర్మాగారంలో క్రషింగ్‌ నిలిపివేస్తామని యాజమాన్యం ప్రకటించడంతో చెరకు రైతులంతా సంఘటితంగా ఏర్పడి ఉద్యమం లేవనెత్తారు. ఆంధ్రప్రదేశ్‌ చెరకు రైతుల సంఘం ఆధ్వర్యంలో ఇటీవల రైతులంతా రోడ్డెక్కి ఆందోళన బాట పట్టారు. దీనికి స్పందించిన చక్కెర కర్మాగార యాజమాన్యం ఈ నెల 8న మధ్యాహ్నం 3 గంటలకు చెరకు రైతులతో చర్చలకు ఆహ్వానించినట్లు చెరకురైతుల సంఘం రాష్ట్ర ప్రధాన కార్యదర్శి బుడితి అప్పలనాయుడు తెలిపారు. ఈ మేరకు బుధవారం సంకిలి వద్ద చెరకు రైతులతో సమావేశం నిర్వహించారు. ఈ సందర్భంగా ఆయన మాట్లాడుతూ చెరకు రైతుల పరిరక్షణ సమితి ఏర్పాటుతో యాజమాన్యం చర్చలకు పిలవడం శుభపరిణామమన్నారు. స్థానిక చక్కెర పరిశ్రమను నిలబెట్టుకునేందుకు రైతులంతా ఏకతాటిపై ఉన్నారన్నారు. ఎప్పటిలాగే యాజమాన్యం చెరకు పండించిన రైతులకు రాయితీలు తదితర వాటిని అందజేస్తే భవిష్యత్తులో అధికంగా చెరకు పంట వేసేందుకు అవకాశం ఉందన్నారు. ఈ సమావేశంలో కిమిడి సూరపునాయుడు, కింజరాపు సురేష్‌, నిష్టల సూర్యప్రకాష్‌ గుప్త, చింత సంగంనాయుడు తదితరులు పాల్గొన్నారు.

కురుపాం: పార్వతీపురం మన్యం జిల్లాలో స్టాంపుల కొరత లేదని జిల్లా రిజిస్ట్రార్‌ పార్వతి తెలిపారు. కురుపాం సబ్‌ రిజిస్ట్రార్‌ కార్యాలయా న్ని బుధవారం ఆకస్మికంగా తనిఖీ చేశారు. అందుతున్న సేవలను సబ్‌ రిజిస్ట్రార్‌ ఆర్‌.కల్యాణిని అడిగి తెలుసుకున్నారు. అనంతరం ఆమె మాట్లాడుతూ 2026–27 ఆర్థిక సంవత్సరానికి రూ.3.96 కోట్ల ఆదాయార్జన లక్ష్యంకాగా 82 శాతం మేర సాధించామన్నారు. జిల్లా లో ఇటీవల ఏర్పడిన స్పాంపుల కొరత సమస్య తీరిందని, ప్రస్తుతం అన్నిరకాల స్టాంపులు అందుబాటులో ఉన్నాయన్నారు. రిజిస్ట్రేషన్‌ పరంగా ఏదైనా ఇబ్బంది ఉంటే సెల్‌: 94409 74628కు ఫోన్‌చేసి ఫిర్యాదు చేయాలన్నారు.

● వరుసగా ముగ్గురు బాలింతల మృతి ● గిరిజన పల్లెల్లో కలవరంపాచిపెంట: తొమ్మిది నెలలు కడుపులో మోసి..బిడ్డను ఎప్పుడు చేతుల్లోకి తీసుకుంటానా అని ఎదురుచూశారు. పురిటి నొప్పులను భరించి పండంటి బిడ్డకు జన్మనిచ్చారు. ఆ చిన్నారి బోసినవ్వులు చూస్తూ మురిసిపోవాల్సిన వేళ..విధి వారి జీవితాలను అర్ధాంతరంగా ముగించింది. అమ్మ ఒడిలో పెరగాల్సిన పసిబిడ్డలకు తల్లి ప్రేమ దూరమైంది. ఒక ఇంట్లో తల్లిని కోల్పోయిన పసికందు మిగిలితే.. మరో ఇంట్లో బిడ్డతోపాటే తల్లి ప్రాణమూ పోయింది. రోజుల వ్యవధిలో పాచిపెంట మండలంలోని గిరిజన గ్రామాలకు చెందిన ముగ్గురు బాలింతలు కన్నుమూయడం ఆయా కుటుంబాల్లో తీరని శోకాన్ని నింపడంతోపాటు గిరిజన పల్లెల్లో కలవరం రేపుతోంది. పురిటి ఆనందం పూర్తిగా ఆస్వాదించకముందే ఆ కుటుంబాలను విషాదం చుట్టుముట్టడం అందరినీ కలిచివేస్తోంది. పసిబిడ్డను వదిలి..తల్లి గొట్టూరు పంచాయతీ మూలపాడుకు చెందిన పోయి రంభ (25) ఈ ఏడాది మార్చి 21న గురువునాయుడుపేట పీహెచ్‌సీలో మగబిడ్డకు జన్మనిచ్చింది. గత 15 రోజులుగా కాళ్లు, చేతులు, ముఖం వాపులు, నొప్పులతో బాధపడుతున్న ఆమె సాలూరులోని ఓ ప్రైవేట్‌ ఆస్పత్రిలో చికిత్స పొందడంతోపాటు నాటు మందులు వాడినట్లు కుటుంబ సభ్యులు తెలిపారు. పరిస్థితి విషమించి బుధవారం మృతిచెందింది. బిడ్డ క్షేమంగా ఉన్నాడు. బిడ్డతో పాటు తల్లి కూడా.. కేరంగి పంచాయతీ దొరలద్దండికి చెందిన పాడి సీతమ్మ (41) గత నెల 25న ప్రసవం కోసం గురువునాయుడుపేట పీహెచ్‌సీకి రాగా సాలూరు ఏరియా ఆస్పత్రికి రిఫర్‌ చేశారు. అక్కడ సిజేరియన్‌ ద్వారా మగబిడ్డకు జన్మనివ్వగా శిశువు మృతి చెందింది. ఆమె పరిస్థితి విషమించడంతో విజయనగరం జిల్లా కేంద్రాస్పత్రికి తరలించగా చికిత్స పొందుతూ సీతమ్మ కూడా మృతి చెందినట్లు వైద్యాధికారి సురేష్‌ చంద్రదేవ్‌ తెలిపారు. మరో గిరిజన కుటుంబంలోనూ విషాదమే.. పాంచాలి పంచాయతీ జీలుగువలసకు చెందిన కొర్రా లక్ష్మి (28) ఆగస్టు 30న సాలూరు ఏరియా ఆస్పత్రిలో మగబిడ్డకు జ న్మనిచ్చింది. ఈ నెల 3న అనారోగ్యానికి గురై స్థా నికంగా నాటు వైద్యం చేయించుకుని పసరు మందు వాడినట్లు సమాచారం. ఆరోగ్యం క్షీణించడంతో గురువునాయుడుపేట పీహెచ్‌సీ నుంచి సా లూరు, అనంతరం విజయనగరం కేంద్రాస్పత్రికి తరలించగా చికిత్స పొందుతూ మృతి చెందింది. కారణాలపై విచారణ అవసరం వరుస మరణాలతో గిరిజన పల్లెల్లో ఆందోళన నెలకొంది. ప్రసవానంతరం బాలింతల ఆరోగ్యాన్ని క్రమం తప్పకుండా పర్యవేక్షిస్తున్నారా? అనారోగ్య లక్షణాలను ముందుగానే గుర్తిస్తున్నారా? నాటు, పసరు మందులపై తగిన అవగాహన కల్పిస్తున్నారా? అనే ప్రశ్నలు తలెత్తుతున్నాయి. అయితే ముగ్గురి మరణాలకు ఒకే కారణమని నిర్ధారణ కాలేదు. నాటు మందులే కారణమని తేల్చడం సరికాదు. వైద్య రికార్డులు, చికిత్స వివరాలను పరిశీలించి మరణాలకు గల కారణాలపై సమగ్ర విచారణ జరపడంతోపాటు గిరిజన గ్రామాల్లో బాలింతల ఆరోగ్యంపై ప్రత్యేక పర్యవేక్షణ చేపట్టాలని స్థానికులు కోరుతున్నారు.

● నేత్రాలపట్ల అప్రమత్తత అవసరం ● కంటిసమస్యలపై నిర్లక్ష్యం తగదు ● నేడు ప్రపంచ దృష్టి దినోత్సవం కంటి సంరక్షణకు తీసుకోవాల్సిన జాగ్రత్తలు ● ఎలాంటి సమస్య లేకున్నా ఏడాదికి ఒకసారి అయినా కంటి పరీక్షలు చేయించుకోవాలి. ● ఆకుకూరలు, పండ్లు, విటమిన్‌ ఎ అధికంగా ఉండే కూరగాయలను ఆహారంలో భాగంగా చేసుకోవాలి. ● బీపీ, సుగర్‌ అదుపులో ఉంచుకోవాలి. ● మురికి చేతులతో కళ్లను పదేపదే రుద్దడం వల్ల ఇన్‌ఫెక్షన్లు వచ్చే ప్రమాదముంది. ● వెల్డింగ్‌, పరిశ్రమలు, వ్యవసాయ పనుల్లో ఉన్నప్పుడు ప్రొటెక్టివ్‌ గ్లాసెస్‌ వాడాలి. ● వైద్యుని సలహా లేకుండా కంటి డ్రాప్స్‌ వాడకూడదు. ● ఆకస్తాత్తుగా చూపు మందగించడం, తీవ్రమైన నొప్పి కంటి గాయాలైతే వెంటనే నేత్ర వైద్యుడిని సంప్రదించాలి.ప్రభుత్వ సర్వజన ఆస్పత్రిలో కంటిరోగిని పరీక్షిస్తున్న వైద్యుడు నేడు ప్రపంచ దృష్టి దినోత్సవంవిజయనగరం ఫోర్ట్‌: మనిషిజీవితంలో అత్యంతఅమూల్యమైన వరం కంటి చూపు. ఉదయం లేచింది మొదలు రాత్రి నిద్రపోయే వరకు ప్రతి క్షణం ప్రపంచాన్ని అస్వాదించాలన్నా, చదువు, ఉద్యోగ, కుటుంబ బాధ్యతలను నిర్వర్తించాలన్నా చూపు సక్రమంగా ఉండడం ఎంతో ముఖ్యం. అయితే చాలా మంది కంటి సమస్యలను ప్రారంభంలో నిర్లక్ష్యం చేస్తుంటారు. ఇదే అసలు ముప్పునకు దారితీస్తోంది.గురువారం ప్రపంచ దృష్టి దినోత్సవం సందర్భంగా సాక్షి అందిస్తున్న ప్రత్యేక కథనం. కంటి చూపు తగ్గేవరకు ఆగకుండా ముందే కంటి పరీక్షలు చేయించుకోవాలి. దూరంగా ఉన్న వస్తువులు మసకగా కనిపించడం, చదవడంలో ఇబ్బంది తరచూ తలనొప్పి కళ్లలో మంట లేదా అలసట వంటిలక్షణాలు చాలా మంది పట్టించుకోరు. కాపీ ఈలక్షణాలు గ్లకోమా, రెటీనా, కంటి శుక్లం సమస్యలకు సంకేతం కావచ్చు. గ్లకోమా ప్రారంభదశలో ఎటువంటి లక్షణాలు చూపించకుండానే క్రమంగా చూపును దెబ్బతీస్తుంది. కంటిచూపుపై మొబైల్స్‌ ప్రభావం నేటి ఽఆధునిక కాలంలో మొబైల్స్‌, ల్యాప్‌టాప్‌లు, ఆన్‌లైన్‌ క్లాసుల కారణంగా పిల్లల కంటి చూపుపై తీవ్ర ప్రభావం పడుతోంది. పాఠశాల స్థాయిలోనే పిల్లలకు దృష్టి పరీక్షలు చేయించడం చాలా ముఖ్యం. క్లాస్‌ రూమ్‌లో బ్లాక్‌ బోర్డు సరిగా కనిపించకపోవడం, పుస్తకాన్ని ముక్కుకు దగ్గరగా పెట్టుకుని చదవడం, కళ్లను పదేపదే రుద్దడం వంటి లక్షణాలు కనిపిస్తే తల్లిదండ్రులు వెంటనే అప్రమత్తం కావాలి. స్క్రీన్‌ టైమ్‌ను తగ్గించి పిల్లలు రోజూ బయట ఆట ఆడేలా ప్రోత్సహించాలి. 20 అడుగుల దూరంలో ఉన్న వస్తువును 20 సెకన్ల పాటు చూడడం పాటించాలి.కంటి సమస్యలు అశ్రద్ధ చేయరాదుకంటి ఆరోగ్యంపై ప్రతి ఒక్కరూ బాధ్యత వహించాలి. కంటి సమస్యలను అశ్రద్ధ చేయకూడదు. అదేవిధంగా సొంతంగా మందులు వాడడం గాని, పసరు మందులు గాని వేసుకోకూడదు. చూపు లేకపోతే జీవితం అంధకారమే. కావును కళ్లను పరిరక్షించుకోవాలి. డాక్టర్‌ కె. త్రినాథ్‌ రావు, జిల్లా అంధత్వ నివారణ సంస్థ పోగ్రాం మేనేజర్‌ సుగర్‌ వ్యాధిగ్రస్తులు అప్రమత్తం సుగర్‌ వ్యాధి గుండె, కిడ్నీలపైనే కాకుండా కళ్లపై కూడా తీవ్ర ప్రభావం చూపుతుంది. సుగర్‌ లెవల్స్‌ అదుపులో లేకపోతే డయాబెటిక్‌ రెటినోపతి కారణంగా చూపు కోల్పేయే ప్రమాదం ఉంది. కాబట్టి సుగర్‌ ఉన్న ప్రతి బక్కరూ రెటీనా పరీక్షలు చేయించుకోవాలి.

● భయంతో పరుగు తీసిన షిఫ్ట్‌ ఆపరేటర్‌లు వీరఘట్టం/పాలకొండ రూరల్‌: పాలకొండ మండలం నవగాం విద్యుత్‌ సబ్‌స్టేషన్‌లో మంగళవారం రాత్రి తీవ్ర విద్యుత్‌ సంక్షోభం ఏర్పడింది. సబ్‌స్టేషన్‌లో ఉన్న పవర్‌ ట్రాన్స్‌ఫార్మర్‌ వద్ద మంగళవారం రాత్రి 10.20 గంటలకు నిప్పులు రాలడంతో పెద్దగా మంటలు వ్యాపించాయి. దీంతో భయభ్రాంతులకు గురైన షిఫ్ట్‌ ఆపరేటర్లు పరుగులు తీశారు. వెంటనే అప్రమత్తమైన సిబ్బంది యార్డ్‌లో పూర్తిగా విద్యుత్‌ సరఫరా నిలిపివేసి మంటలను అదుపు చేశారు. ఈ విషయాన్ని విద్యుత్‌ శాఖ ఉన్నతాధికారులకు తెలియజేయడంతో డీఈఈ రామకృష్ణ, ఏడీఈ చంద్రమౌళి, వీరఘట్టం, పాలకొండ ఏఈలు సోమేశ్వరరావు, యోగితో పాటు లైన్‌మెన్‌ అందరూ నవగాం సబ్‌స్టేషన్‌కు చేరుకుని పరిస్థితిని పరిశీలించారు. పవర్‌ ట్రాన్స్‌ఫార్మర్‌ నుంచి ఆయిల్‌ లీకవడంతో మంటలు చెలరేగినట్లు గుర్తించారు.పవర్‌ ట్రాన్స్‌ఫార్మర్‌కు పూర్తిగా విద్యుత్‌ సరఫరా నిలిపివేశారు. ప్రత్యామ్నాయ విద్యుత్‌ పునరుద్ధరణ చర్యలు చేపట్టారు. వీరఘట్టం, పాలకొండల నుంచి ప్రత్యామ్నాయ విద్యుత్‌ సరఫరా తీసుకుని బుధవారం తెల్లవారుజామున 3.15 గంటలకు నవగాం విద్యుత్‌ సబ్‌స్టేషన్‌లో ఉన్న అన్ని ఫీడర్లకు విద్యుత్‌ సరఫరా పునరుద్ధరణ చేశారు. బుధవారం ఉదయం పార్వతీపురం మన్యం జిల్లా విద్యుత్‌శాఖ ఎంఆర్‌టీ టీమ్‌ వచ్చి పవర్‌ ట్రాన్స్‌ఫార్మర్‌ను పరిశీలించారు. దీన్ని బాగుచేసేందుకు మరో రెండు రోజులు సమయం పట్టే అవకాశం ఉందని ట్రాన్స్‌కో అధికారులు చెబుతున్నారు.

● ఇండోర్‌లో జరిగిన పోటీల్లో 8 కాంస్య పతకాలు కై వసంవిజయనగరం: మధ్యప్రదేశ్‌లోని ఇండోర్‌లో అక్టోబర్‌ 2 నుంచి 4 వరకు జరిగిన 43వ నేషనల్‌ జూనియర్‌, 40వ నేషనల్‌ సబ్‌–జూనియర్‌ క్యోరుగి తైక్వాండో చాంపియనన్‌ షిప్‌–2026లో విజయనగరం జిల్లా క్రీడాకారులు విశేష ప్రతిభ కనబరిచి 8 కాంస్య పతకాలను కై వసం చేసుకున్నారు. ఆంధ్రప్రదేశ్‌కు ప్రాతినిధ్యం వహించిన ఎన్‌.హర్షిణి, వి.రోహిణి, ఎస్‌.జాజిలి, కె. నీహారిక, ఆర్‌. పూర్ణ చందు, డి. కార్తికేయ, డి. ధనేష్‌లు ఒక్కో కాంస్య పతకం సాధించగా, టి. జతిన్‌ రెండు కాంస్య పతకాలను గెలుచుకున్నాడు. జాతీయస్థాయిలో జిల్లాకు ఘనత తెచ్చిన ఈ విజేతలకు విజయనగరం రైల్వే స్టేషన్‌లో జిల్లా తైక్వాండో అసోసియేషన్‌ అధ్యక్షుడు గురాన అయ్యలు, రాష్ట్ర కార్యదర్శి సీహెచ్‌. వేణుగోపాల్‌ రావు, కోచ్‌లు, తల్లిదండ్రులు ఘన స్వాగతం పలికి అభినందనలు తెలిపారు. భవిష్యత్తులో వీరు అంతర్జాతీయ స్థాయిలో కూడా మెరిసి మరిన్ని విజయాలు సాధించాలని ప్రతినిధులు ఆకాంక్షించారు.

విజయనగరం రూరల్‌: సైనికుల పునరావాసానికి నైపుణ్య శిక్షణ ఎంతో కీలకమని సీటీయూ ఉపకులపతి టి.శ్రీనివాసన్‌ అన్నారు. ఈ మేరకు కేంద్రియ గిరిజన విశ్వవిద్యాలయం (సీటీయూ) ఆధ్వర్యంలో పుణే సైనిక పునరావాస సంచాలక కార్యాలయం సహకారంతో జాబ్‌ ఓరియెంటెడ్‌ ఎడ్యుకేషన్‌ అండ్‌ రీసెటిల్మెంట్‌ కార్యక్రమంలో భాగంగా ‘సర్టిఫికెట్‌ ప్రోగ్రాం ఇన్‌ ట్రావెల్‌ కన్సల్టెన్సీ కోర్సు’ బుధవారం ఘనంగా ప్రారంభమైంది. ఈ సందర్భంగా ఉపకులపతి టి.శ్రీనివాసన్‌ మాట్లాడుతూ విద్యను ఉపాధి అవకాశాలతో అనుసంధానించడంలో ఇటువంటి నైపుణ్యాభివృద్ధి కార్యక్రమాలు కీలకపాత్ర పోషిస్తాయని పేర్కొన్నారు. ప్రస్తుత ఉద్యోగ రంగంలో మారుతున్న అవసరాలకు అనుగుణంగా నూతన నైపుణ్యాలను అభివృద్ధి చేసుకోవడంతో శిక్షణార్థులు మెరుగైన ఉపాధి, స్వయం ఉపాధి అవకాశాలను అందిపుచ్చుకోవచ్చని తెలిపారు. శిక్షణలో పొందే జ్ఞానం, అనుభవాన్ని సద్వినియోగం చేసుకుని తమ వృత్తిపరమైన సామర్థ్యాలను మరింత పెంపొందించుకోవాలని, భవిష్యత్‌లో ఆత్మవిశ్వాసంతో కొత్త అవకాశాలను అందిపుచ్చుకోవాలని శిక్షణార్థులకు సూచించారు. పర్యాటక రంగంలో అవకాశాలు రిజిస్ట్రార్‌ జితేంద్ర మోహన్‌ మిశ్రా మాట్లాడుతూ, సైనిక సేవల అనంతరం పునరావాసం పొందే వారికి నైపుణ్యాభివృద్ధి ద్వారా ఉపాధి అవకాశాలు కల్పించడం ఈ కార్యక్రమం ప్రధాన ఉద్దేశమని తెలి పారు. ప్రయాణం, పర్యాటక రంగాల్లో పెరుగుతు న్న అవకాశాల నేపథ్యంలో ఈ కోర్సు ఎంతో ఉపయోగకరమని పేర్కొన్నారు. కన్సల్టెంట్‌ డాక్టర్‌ ఉజ్వల్‌ కుమార్‌ ఘటక్‌ మాట్లాడుతూ, సైనిక సేవల అనంతరం కొత్త వృత్తి జీవితాన్ని ప్రారంభించేందుకు నైపుణ్య శిక్షణ ఎంతో అవసరమన్నారు. ఈ కార్యక్రమంలో సైనిక పునరావాస సంచాలక కార్యాలయం ప్రతినిధి డీజీఆర్‌ (సౌత్‌) లెఫ్టినెంట్‌ కల్నల్‌ నీరజ్‌ కుమార్‌ మాట్లాడుతూ భారత సైన్యం, భార త నౌకాదళం, భారత వైమానిక దళంలో సేవానంతరం పునరావాసం, ప్రత్యామ్నాయ ఉపాధి అవకా శాలు కల్పించడంలో తమ కార్యాలయం కీలకపాత్ర పోషిస్తోందని తెలిపారు. నైపుణ్య శిక్షణ ద్వారా మాజీ సైనికులు కొత్త వృత్తుల్లో స్థిరపడేందుకు, స్వయం ఉపాధి పొందేందుకు ఇటువంటి కార్యక్రమాలు ఎంతో ప్రయోజనకరమని పేర్కొన్నారు. కా ర్యక్రమంలో సీటీయూ ఏవో ఎన్‌వీఎస్‌ సూర్యనారా యణ, ఆర్మీ, నేవీకి చెందిన 45 మంది సైనిక శిక్షణార్థులు, అధ్యాపకులు, విద్యార్థులు పాల్గొన్నారు. సీటీయూ ఉపకులపతి టి.శ్రీనివాసన్‌

విజయనగరం రూరల్‌: జవహర్‌లాల్‌ నెహ్రూ టెక్నలాజికల్‌ యూనివర్సిటీ గురజాడ విజయనగరం (జేఎన్‌టీయూజీవీ), విశాఖపట్నానికి చెందిన శ్రీయాన్‌ ఇంటర్నేషనల్‌ బిజినెస్‌ అడ్వైజరీ ప్రైవేట్‌ లిమిటెడ్‌ సంస్థతో బుధవారం కీలక అవగాహన ఒప్పందం (ఎంవోయూ) కుదుర్చుకుంది. ఈ సందర్భంగా వర్సిటీ వీసీ వి.వి.సుబ్బారావు, రిజిస్ట్రార్‌ కె.సి.బి.రావు, శ్రీయానన్‌ డైరెక్టర్‌ ఎస్‌.కిరణ్‌కుమార్‌ ఎంవోయూపై సంతకం చేశారు. ఈ ఒప్పందంతో విద్య–పరిశ్రమ అనుసంధానం మరింత బలోపే తం కావడంతో పాటు, భవిష్యత్‌ గ్రీన్‌ టెక్నాలజీలు, ఏఐ, రోబోటిక్స్‌, సుస్థిరత రంగాల్లో విద్యార్థుల నైపుణ్యాలు పెంపొందేందుకు అవకాశం కలుగుతుందని వర్సిటీ వర్గాలు పేర్కొన్నాయి. పునరుత్పాదక ఇంధనం, సుస్థిరత, ఇంధన పొదుపు, కత్రిమ మేధ (ఏఐ), రోబోటిక్స్‌, ఈఎస్‌జీ, కార్బన్‌ మేనేజ్‌మెంట్‌ తదితర ఆధునిక రంగాల్లో విద్యార్థులకు పరిశ్రమ ఆధారిత నైపుణ్య శిక్షణ, ప్రాజెక్టు ఆధారిత అభ్యాసం, పరిశోధన, ఇంటర్న్‌షిప్‌లను అందించ డమే ఈ ఒప్పందం ప్రధాన ఉద్దేశమన్నారు. విద్యార్థులకు పరిశ్రమల సమస్యల పరిష్కాంపై ప్రాక్టికల్‌ శిక్షణ, నిపుణుల మార్గదర్శకత్వం, ఇంటర్న్‌షిప్‌లు అందించే అవకాశం ఉంటుంది. బీటెక్‌ చివరి సంవత్సరం, ఎంటెక్‌, పీహెచ్‌డీ విద్యార్థుల ప్రాజెక్టులకు పరిశ్రమ నిపుణులు మార్గదర్శకత్వం అందించడంతో పాటు విద్యార్థుల ఆలోచనలను ప్రోటోటైప్‌ నుంచి వ్యాపార నమూనా, వాణిజ్యీకరణ దిశగా తీసుకెళ్లేందుకు సహకారం అందించనున్నారు. ‘లివింగ్‌ ల్యాబొరేటరీ’గా క్యాంపస్‌.. జేఎన్‌టీయూ జీవీ ప్రాంగణాన్ని దశలవారీగా సుస్థిర, స్మార్ట్‌ క్యాంపస్‌ ‘లివింగ్‌ ల్యాబొరేటరీ’గా అభివద్ధి చేసే అవకాశాన్ని ఎంవోయూ ప్రతిపాదిస్తోంది. సౌర విద్యుత్‌, ఇంధన సామర్థ్యం, నీరు– వ్యర్థాల నిర్వహణ, గ్రీనన్‌ ఇన్‌ప్రాస్ట్రక్చర్‌, ఎలక్ట్రిక్‌ వాహనాల ఛార్జింగ్‌, ఈఎస్‌జీ డేటా మానిటరింగ్‌ వంటి అంశాల్లో ప్రయోగాత్మక కార్యకలాపాలకు అవకాశం కల్పించనున్నారు. సోలార్‌ ట్రైనింగ్‌ ల్యాబ్‌, బ్యాటరీ ఎనర్జీ స్టోరేజ్‌, ఈవీ చార్జింగ్‌ డెమో యూనిట్లు, ఐఓటీ/ఏఐ ఆధారిత ఎనర్జీ మేనేజ్‌మెంట్‌, రోబోటిక్స్‌ డెమో యూనిట్లు, కార్బన్‌–ఈఎస్‌జీ డేటా ల్యాబ్‌తో కూడిన ‘రెన్యూవబుల్‌ ఎనర్జీ, ఈఎస్‌జీ అండ్‌ ఇన్నోవేషన్‌ సెంటర్‌’ ఏర్పాటును కూడా పరిశీలించనున్నారు. కార్బన్‌ డ్యాష్‌ బోర్డు లు, ఉద్గారాల తగ్గింపు అవకాశాల గుర్తింపులో విద్యార్థులకు భాగస్వామ్యం లభిస్తుంది.

సీతంపేట: ఏజెన్సీ చిన్నారులపై మృత్యుపంజా శీర్షికన సాక్షిలో బుధవారం ప్రచురితమైన కథనంపై సంబంధిత అధికారులు స్పందించారు. ఈమేరకు ఐటీడీఏ డిప్యూటీ డీఎంహెచ్‌వో విజయపార్వతి, సీడీపీఓ బి.సిమ్మాలమ్మతో పాటు వైద్యసిబ్బంది చిన్నకంబ, వంబరెల్లి గ్రామాల్లో ఇటీవల మృతిచెందిన ఇద్దరు చిన్నారుల కుటుంబాల వద్దకు వెళ్లి వివరాలు సేకరించారు. మృతికి గల కారణాలు తెలుసుకున్నారు. ఇద్దరు చిన్నారుల పోషకస్థితి సంబంధిత రికార్డుల్లో నార్మల్‌గా నమోదు చేశారని, రక్తహీనత లేదన్నారు. ఒక చిన్నారికి బ్లడ్‌ ఇన్‌ఫెక్షన్‌, జ్వరం కారణంగా చికిత్స అందించామన్నారు. మరొకరికి యాస్పిరేషన్‌, న్యుమేనియా చికిత్స అందజేశారని, వైద్యశాఖలో నమోదైన మరణానికి కూడా ఇవే కారణాలని పేర్కొన్నారు.

సాక్షి, పార్వతీపురం మన్యం: నూతన ఎక్సైజ్‌ పాలసీ 2026–27లో భాగంగా జిల్లాలో రెన్యువల్‌ కాక.. మిగిలిపోయిన తొమ్మిది మద్యం దుకాణాలకు నిర్ణీ త గడువు ముగిసేలాగా 45 దరఖాస్తులు వచ్చాయి. వీటికి సంబంధించి దుకాణాల కేటాయింపునకు గురువారం ఉదయం 8 గంటలకు కలెక్టరేట్‌ పీజీఆర్‌ఎస్‌ సమావేశ మంది రంలో కలెక్టర్‌ ప్రభాకర రెడ్డి సమక్షంలో లాటరీ తీయనున్నారు. ఒక్కో దుకాణానికి సగటున నాలుగు నుంచి 8 వర కు దరఖాస్తులు అందా యి. వీటి ద్వారా ప్రాసెసింగ్‌ ఫీజు కింద రూ. 45 వేలు, దరఖాస్తు రుసుము కింద రూ. 1.35 కోట్లు ప్రభుత్వానికి ఆదా యం రూపంలో లభించింది. అందిన దరఖాస్తులు ఆధారంగా.. నిబంధనల ప్రకారం దుకాణాల కేటాయింపు ఉంటుందని జిల్లా ప్రొవిబిషన్‌, ఎక్సైజ్‌ అధికా రి కె.సహదేవ తెలిపారు. అయితే, కొన్ని దుకాణాల కు అధికారపార్టీ నాయకు లు సిండికేట్‌గా మారి తక్కువ దరఖాస్తులు వేయించి ప్రభుత్వ ఆదాయానికి గండికొట్టినట్టు సమాచారం.

● రోడ్డు కోసం నిరసన ఎమ్మెల్యేగారూ.. మా కష్టాలు చూడండి... రేషన్‌ సరుకుల కోసం రాళ్లదారిలో కిలోమీటర్ల దూరం నడక యాతన తప్పడం లేదు.. పల్లె పండగ పేరుతో రోడ్లు నిర్మిస్తామని చెబుతున్నారు... ఎక్కడ వేస్తున్నారో మాకు తెలియడం లేదు.. మా ఊరు రోడ్డు ఒక్కసారి చూడండి... కష్టాలను గుర్తించి తక్షణమే రోడ్డు నిర్మించండి అంటూ గుమ్మలక్ష్మీపురం మండలం లుంబేసు పంచాయతీ దేరుగుండ గిరిజనులు ఆందోళన చేశారు. కురుపాం ఎమ్మెల్యే తోయక జగదీశ్వరి తోటి గిరిజనుల కష్టాలు గుర్తించకపోవడం విచారకరమన్నారు. ప్రభుత్వం ఏర్పడి మూడేళ్లవుతున్నా రోడ్డు నిర్మించకపోవడంపై ఆవేదన వ్యక్తంచేశారు. కార్యక్రమంలో ఆదివాసీ గిరిజన సంఘం నాయకులు మండంగి సన్యాసిరావు, తోయక ఈశ్వరరావు, మండంగి చంద్రశేఖర్‌ తదితరులు పాల్గొన్నారు. – గుమ్మలక్ష్మీపురం పార్వతీపురం రూరల్‌: ఈవీఎంల భద్రతలో ఇసుమంతైనా లోపం ఉండకూడదని, అడుగడుగునా కట్టుదిట్టమైన నిఘా కొనసాగాలని ఎస్పీ ఎస్‌.వి.మాధవ్‌ రెడ్డి స్పష్టం చేశారు. జిల్లా కేంద్రంలోని ఈవీఎం స్ట్రాంగ్‌ రూమ్‌ల భద్రతా ఏర్పాట్లను ఆయన మంగళవారం ఆకస్మికంగా తనిఖీ చేశారు. స్ట్రాంగ్‌ రూమ్‌ వద్ద గస్తీ విధానాలు, సీసీటీవీల పర్యవేక్షణను నిశితంగా పరిశీలించి పోలీసు సిబ్బందిని అప్రమత్తం చేశారు. అనంతరం ఎస్పీ మాట్లాడుతూ.. స్ట్రాంగ్‌ రూమ్‌ పరిసరాల్లోకి అనధికార వ్యక్తుల ప్రవేశాన్ని పూర్తిస్థాయిలో కట్టడి చేయాలన్నారు. అనుమతి ఉన్న అధికారులైనా సరే.. వారి రాకపోకల సమయాలను తప్పనిసరిగా లాగ్‌ బుక్‌లో నమోదు చేయాలని నిబంధన విధించారు. అనుమానాస్పద వ్యక్తులు కనిపిస్తే తక్షణం ఉన్నతాధికారుల దృష్టికి తీసుకురావాలని సూచించారు. విధి నిర్వహణలో ఏమాత్రం అలసత్వం ప్రదర్శించినా, నిర్లక్ష్యం వహించినా కఠిన చర్యలు తప్పవని హెచ్చరించారు. ఎస్పీ మాధవ్‌ రెడ్డి

రేగిడి: మండల పరిధిలోని కొమెర గ్రామానికి చెందిన పాడి గాయత్రి చక్కని ప్రతిభ కనబరిచింది. ఈ నెల 5న విడుదలైన అగ్రిసెట్‌లో రాష్ట్రస్థాయిలో 69వ ర్యాంకు సాధించింది. ఆమె తల్లిదండ్రులు పాడి రామమోహన్‌, పాడి కవిత వ్యవసాయ కుటుంబానికి చెందినవారు. ఈ సందర్భంగా తల్లిదండ్రులతో పాటు గ్రామస్తులు గాయత్రిని అభినందించారు.మెగా జాబ్‌ మేళా రేపుపార్వతీపురం రూరల్‌: ఆంధ్రప్రదేశ్‌ నైపుణ్యాభివృద్ధి, ఉపాధి కల్పన శాఖ ఆధ్వర్యంలోని మోడల్‌ కెరీర్‌ సెంటర్‌ సౌజన్యంతో అక్టోబర్‌ 8న గురువారం పార్వతీపురం మన్యం జిల్లాలో మెగా జాబ్‌ మేళా నిర్వహించనున్నట్లు జిల్లా ఉపాధి, నైపుణ్యాభివృద్ధి అధికారి సీహెచ్‌. సుబ్బారెడ్డి మంగళవారం ఒక ప్రకటనలో తెలిపారు. స్థానిక గాయత్రి డిగ్రీ కళాశాల ప్రాంగణంలో ఉదయం 10 గంటలకు ఈ మేళా జరుగుతుంది. టాటా ఎలక్ట్రానిక్స్‌, ఫాక్స్‌కాన్‌, ఫ్లిప్‌కార్ట్‌, కియా మోటార్స్‌, మదర్‌సన్‌, హెటిరోతో సహా మొత్తం 10 సంస్థలు ఈ జాబ్‌ మేళాలో పాల్గొంటున్నాయి. 8, 10వ తరగతి, ఇంటర్‌, ఐటీఐ, డిప్లమో, ఏదైనా డిగ్రీ, బీటెక్‌ (బ్యాక్‌లాగ్స్‌ ఉన్నవారూ అర్హులే), ఎంఎస్సీ చదివిన వారు ఈ ఉద్యోగాలకు దరఖాస్తు చేసుకోవచ్చు. అభ్యర్థుల వయోపరిమితి 18 నుంచి 40 ఏళ్ల మధ్య ఉండాలి. ఎంపికై న వారికి కంపెనీని బట్టి నెలకు రూ.9,500 నుంచి రూ.35,800 వరకు వేతనం చెల్లిస్తారు. సంస్థల నిబంధనల ప్రకారం పీఎఫ్‌, ఈఎస్‌ఐతో పాటు ఉచిత భోజనం, వసతి, రవాణా సదుపాయాలు కల్పిస్తారు. ఆసక్తి గల అభ్యర్థులు ముందుగా ఆన్‌న్‌లైన్‌ ఫారం ద్వారా రిజిస్ట్రేషన్‌ చేసుకోవచ్చని, ఇంటర్వ్యూకు హాజరయ్యేటప్పుడు తప్పనిసరిగా తమ బయోడేటా (రెజ్యూమె), పాస్‌పోర్ట్‌ సైజ్‌ ఫొటోలను తీసుకురావాలని అధికారులు సూచించారు. పిచ్చి కుక్క దాడిలో నలుగురికి గాయాలుచీపురుపల్లి: పట్టణంలోని దేవాంగులవీధిలో పిచ్చి కుక్క స్వైర విహారం చేసింది. ఏకకాలంలో ఒకే కుటుంబంలోని నలుగురు వ్యక్తులపై దాడి చేసి స్థానికులను ఆందోళనకు గురి చేసింది. సోమవారం రాత్రి 9 గంటల సమయంలో దేవాంగులవీధిలో వాకిట్లో నిలబడిన పండిత సంతోష్‌ కుమార్‌, పండిత విష్ణుప్రియ, పండిత కళ్యాణి, పండిత గోవర్ధన్‌లను పిచ్చి కుక్క ఇష్టారాజ్యంగా కరిచి అక్కడి నుంచి పరారైంది. అకస్మాత్తుగా వీధిలోకి వచ్చిన పిచ్చి కుక్క స్థానికులను కరిచి వేస్తుండడంతో స్థానికులు గుర్తించి వెంబడించగా అక్కడి నుంచి సమీపంలోని రైల్వేస్టేషన్‌ వైపు పరుగులు తీసి పరారైంది. దీంతో కుక్క కాటుకు గురైన వారిని స్థానికులు ప్రభుత్వ ఆస్పత్రికి తీసుకెళ్లగా అక్కడ వారికి టీకాలు వేశారు.

సీతానగరం: మండలంలోని ప్రధానరహదారిపై హనుమాన్‌ జంక్షన్‌ వద్ద ఆటో ద్విచక్రవాహనం ‘ఢీ’కొట్టిన సంఘటనలో ద్విచక్రవాహనంపై వెళ్తున్న వ్యక్తి గాయాలపాలయ్యాడు. దీనిపై స్థానికులు తెలిపిన వివరాలిలా ఉన్నాయి. సాలూరు నుంచి పార్వతీపురం పేపర్‌ ప్లేట్ల లోడ్‌తో ఆటో వెళ్తుండగా సీతానగరం మండలంలోని హనుమాన్‌ జంక్షన్‌ దాటుతున్న సమయంలో సీతానగరం గ్రామంలోని సుంకరివీధికి చెందిన కర్రోతు మహేష్‌ హైవేరోడ్డుకు ఎడమ భాగాన ఉన్న హడ్కో కాలనీ రోడ్డు నుంచి ద్విచక్రవాహనంపై ఇంటికి రోడ్డు దాటుకుని వస్తుండగా ఆటో ఢీకొట్టడంతో తలకు గాయాలయ్యాయి. ద్విచక్ర వాహనంపై నుంచి మహేష్‌ కిందకు పడిపోవడంతో రోడ్డు తగిలి తలకు గాయాలయ్యాయి. గాయాల పాలైన వ్యక్తిని గమనించిన స్థానికులు వెంటనే స్థానిక ప్రాధమిక ఆరోగ్య కేంద్రానికి తరలించారు. డాక్టర్‌ పి.ఉషారాణి ప్రాథమిక వైద్యసేలందించిన అనంతరం మెరుగైన వైద్య సహాయం నిమిత్తం 108 వాహనం సహాయంతో పార్వతీపురం ప్రభుత్వ జిల్లా కేంద్రాస్పత్రికి తరలించారు. సీతానగరం పోలీసులు ప్రమాద జరిగిన స్థలాన్ని పరిశీలించారు.

విజయనగరం: పారా స్విమ్మింగ్‌ రాష్ట్ర స్థాయి పోటీల్లో జిల్లాకు చెందిన క్రీడాకారులు సత్తా చాటారు. ఇటీవల విజయవాడ గాంధీనగర్‌లోని సర్‌ విజ్జి మున్సిపల్‌ స్విమ్మింగ్‌ పూల్‌ వేదికగా జరిగిన ఆంధ్రప్రదేశ్‌ రాష్ట్ర 8 వ పారా స్విమ్మింగ్‌ చాంపియన్‌ షిప్‌ –2026 లో జిల్లాకు చెందిన హేమవతి 50 మీటర్ల ఫ్రీ స్టైల్‌ విభాగంలో అత్యుత్తమ ప్రతిభ కనబరిచి గోల్డ్‌ మెడల్‌ గెలుచుకోగా, జాగారణ సత్యనారాయణ 50 మీటర్ల బెస్ట్‌ స్ట్రోక్‌ విభాగంలో సిల్వర్‌ మెడల్‌, ఫ్రీ స్టైల్‌ విభాగంలో బ్రాంజ్‌ మెడల్‌ సాధించారు. జాతీయ పోటీలకు ఎంపికై న వారి వివరాలు త్వరలో ప్రకటిస్తారని పారా స్పోర్ట్స్‌ అసోసియేషన్‌ జిల్లా అధ్యక్షుడు కె. దయానంద్‌ తెలిపారు. రాష్ట్రస్థాయి పోటీల్లో సత్తా చాటిన క్రీడాకారులను ఆయన అభినందించారు.

పూసపాటిరేగ: త్రిశూల్‌తో యువత చైతన్యవంతులు కావాలని విజయనగరం ఎస్పీ ఏఆర్‌ దామోదర్‌ అన్నారు. ఈ మేరకు మంగళవారం ఆయన పూసపాటిరేగ మండలం సీహెచ్‌ అగ్రహారంలో గల ఓ ప్రైవేట్‌ లే అవుట్‌లో విద్యార్థులు, యువతకు మహిళల భద్రత, రహదారి భద్రత, డ్రగ్స్‌ పట్ల అవగాహన కల్పించారు. ఈ సందర్భంగా మాట్లాడుతూ విద్యార్థులు, యువత రహదారి భద్రత, మహిళలు, బాలల భద్రత, మాదక ద్రవ్యాల పట్ల తప్పనిసరిగా అవగాహన కలిగి ఉండాలని సూచించారు. ఇందులో భాగంగా జిల్లా పోలీస్‌ శాఖ త్రిశూల్‌ పేరుతో యువతలో చైతన్యం నింపేందుకుచర్యలు చేపడుతున్నట్లు తెలిపారు. మహిళలు, బాలల భద్రత, రహదారి భద్రత పట్ల ప్రతి ఒక్కరూ తప్పనిసరిగా అవగాహన కలిగి ఉండాలని సూచించారు. బాలికలు, మహిళల పట్ల లైంగిక వేధింపులకు పాల్పడితే తగిన చర్యలు తీసుకుంటామని హెచ్చరించారు. బాలికలపై లైంగికదాడులకు పాల్పడే నిందితులపై న్యాయస్థానాల్లో నేరాలు రుజువయ్యేలా జిల్లా పోలీస్‌ శాఖ చేపట్టిన చర్యల ఫలితంగా 35పోక్సో కేసుల్లో 20 సంవత్సరాలకు పైబడి శిక్షల పడినట్లు తెలిపారు. యువత ఆకతాయిపనులకు స్వస్తి పలికి మహిళలు, బాలికల పట్ల గౌరవ భావంతో మెలగాలని వారికి భద్రత కల్పించడంలో భాగస్వాములు కావాలని యువతకు పిలుపునిచ్చారు. రహదారి భద్రత పాటించకుంటే తప్పు చేయని కుటుంబాలు భారీ మూల్యం చెల్లించుకోవాల్సి వస్తుందన్నారు. కుటుంబాన్ని పెంచే యజమాని లేక వారి పిల్లల భవిష్యత్‌ అంధకారంలోకి వెళ్తుందన్నారు. ద్విచక్ర వాహనంపై వెళ్లేటప్పుడు హెల్మెట్‌ ధరించేవిధంగా చూడాలని , రహదారి భద్రతా నియమాలు, నిబంధనలు పాటించాలని కోరారు. యువత డ్రగ్స్‌, గంజాయికి అలవాటు పడితే జీవితాలు నాశనమవుతాయని హెచ్చరించారు. యువత భవిష్యత్‌ను నాశనం చేసే క్రికెట్‌ బెట్టింగ్స్‌, రమ్మీ ఆటలకు దూరంగా ఉండాలన్నారు. ఇటువంటి యాప్స్‌ ఉపయోగించడం వల్ల అప్పుల బారిన పడే అవకాశాలు ఏర్పడతాయన్నారు. యువత మంచి క్రమశిక్షణ, నడవడికతో చదువులపై దృష్టి సారించి భవిష్యత్‌కు బంగారు బాట వేసుకోవాలని హితవు పలికారు. కార్యక్రమంలో ఇన్‌చార్జి డీఎస్పీ ఎస్‌.రాఘవులు,భోగాపురం రూరల్‌ సీఐ ఎన్‌. శ్రీనివాసరావు, పూసపాటిరేగ ఎస్సై వి. అరుణ్‌కిరణ్‌తో పాటు పెద్ద సంఖ్యలో విద్యార్థులు, యువత పాల్గొన్నారు.

నిత్యావసర సరుకుల ధరల పెరుగుదలతో సామాన్యుల బడ్జెట్‌ తల్లకిందులవుతోంది. రేషన్‌ దుకాణాల్లో సరుకుల పంపిణీ నిలిచిపోవడం ఉక్కిరిబిక్కిరి చేస్తోంది. ఆర్థిక కష్టాలను తెచ్చిపెడుతోంది. జీవనం దుర్భరం చేస్తోంది. ధరలు పెరిగినంత వేగంగా నెలకు వచ్చే మొత్తం పెరగకపోవడం, జనం కష్టాలను సర్కారు గుర్తించకపోవడం ఆవేదనకు గురిచేస్తోంది. ఇల్లు గడిపేందుకు అప్పులు చేయాల్సిన దుస్థితి నెలకొంది. ఉమ్మడి విజయనగరం జిల్లాలో రేషన్‌ కార్డులు: వీరఘట్టం/బొబ్బిలి: బహిరంగ మార్కెట్‌లో కూరగాయలు, నిత్యావసర సరుకుల ధరలు చుక్కలనంటుతున్నాయి. ధరల నియంత్రణకు కూటమి ప్రభుత్వం కనీస చర్యలు తీసుకోవడంలేదు. రేషన్‌ దుకాణాల్లో టమాటా, ఉల్లిపాయలు అందిస్తామని పౌరసరఫరాల శాఖా మంత్రి నాదెండ్ల మనోహర్‌ చేస్తున్న ప్రకటనలు ఉత్తుత్తివిగానే మారాయి. రేషన్‌ డిపోల నుంచి సరఫరా చేయాల్సిన సరుకులకు కోతపెట్టడం సామాన్య, మధ్యతరగతి ప్రజలను ఆందోళనకు గురిచేస్తోంది. గతంలో ప్రతినెలా రేషన్‌ దుకాణాల్లో ఇచ్చే పంచదార, కందిపప్పు, గోధుమపిండి అన్ని డిపోలకు సరఫరా చేయకపోవడంపై ఆవేదన వ్యక్తమవుతోంది. మరోమారు పెరిగిన బియ్యం ధరలు బియ్యం ధరల పెరుగుదలకు అంతూపొంతూ లేకుండా ఉంది. మూడు నెలల కిందట పెరిగిన బియ్యం ధరల పరంపర ఇంకా కొనసాగుతూనే ఉంది. ప్రస్తుతం బీపీటీ, స్వర్ణ, ఆర్‌జేఎల్‌ రకాలపై ధరలు క్వింటాపై రూ.850 వరకు పెరిగినట్టు వ్యాపారులు చెబుతున్నారు. ఆ తరహా ధాన్యం ఉత్పత్తులు, మరాడే అధునాతనన మల్లులు ఉత్తరాంధ్రలో లేకపోవడంతో వ్యాపారులు ఈ బియ్యం రకాలను ఉభయగోదావరి జిల్లాల నుంచి దిగుమతి చేస్తూ అధిక ధరలకు విక్రయిస్తున్నారు. ప్రస్తుతం పండగల సీజన్‌ నడుస్తోంది. ఈ రోజుల్లో అధిక ధరలతో అవస్థలు పడుతున్న ప్రజలకు రేషన్‌ సరుకులను ఎగ్గొట్టడం దారుణం. అన్ని రకాల నిత్యావసర సరుకుల పంపిణీకి చర్యలు తీసుకోవాలి. – బి.సుకన్య, గృహిణి, గోపాలరాయుడి పేట, బొబ్బిలి మండలంకూరగాయల కొరత.. ఈ ఏడాది ఆరంభంలో వర్షాభావ పరిస్థితులు... తర్వాత తుఫాన్‌ వర్షాలకు కూరగాయల పంటలు పూర్తిగా పాడయ్యాయి. కూరగాయలకు కొరత ఏర్పడింది. రామభద్రపురం, బొబ్బిలి, ఎస్‌.కోట, కొత్తవలస, గజపతినగరం, చీపురుపల్లి, రాజాం తదితర పట్టణాల్లోని కూరగాయల మార్కెట్లు కూరగాయల కొరతతో కొట్టుమిట్టాడుతున్నాయి. ఒక్కో రకం కూరగాయలు కిలో రూ.50వరకు ధర పలుకుతున్నాయి. పేద, మధ్యతరగతి ప్రజలు కూరగాయలు కొనుగోలు చేసేందుకు భయపడుతున్నారు. పప్పుదినుసులు కూడా కిలో రూ.150 వరకు పలుకుతుండడంతో ఆందోళన చెందుతున్నారు. ప్రజల సంక్షేమానికి కోతపెట్టడం చంద్రబాబు ప్రభుత్వానికి అలవాటు. ఎన్నికల సమయంలో ఇచ్చిన హామీలను అటకెక్కించారు. ఇప్పుడు రేషన్‌ సరుకులకూ కోతపెట్టారు. యంత్రాంగం స్పందించి వెంటనే నిత్యావసర సరుకులను రేషన్‌ షాపుల ద్వారా సరఫరా చేయాలి. ప్రజలకు ధరల భారం నుంచి ఉపశమనం కల్పించాలి. –భోగిగౌరి, మాజీ ఎంపీపీ, బాడంగి గోదాముల్లో ఉన్న మేరకు ఇచ్చాం గత నెలలో గోదాముల్లో ఉన్నటువంటి మిగులు సరుకునే కొందరు కార్డు దారులకు అందజేశాం. జిల్లా నుంచి కొనుగోలు జరిగితే అందరికీ అందజేయగలం. – ఆర్‌.సాయికృష్ణ, స్వర్ణలత, సీఎస్‌డీటీలు రేషన్‌ దుకాణాల్లో నిలిచిన పంచదార, గోధుమ పిండి పంపిణీ బీపీటీ బియ్యం కౌంటర్లు మూత పెరిగిన నిత్యావసర ధరలతో సామాన్యులకు తిప్పలు పట్టించుకోని సర్కారు తీరుపై ఆగ్రహం

పార్వతీపురం రూరల్‌: జిల్లాలో నూతనంగా నిర్మించిన 11 ‘ఆయుష్మాన్‌ ఆరోగ్య మందిర్‌–విలేజ్‌ హెల్త్‌ క్లినిక్‌’లను మంగళవారం రాష్ట్ర వైద్యారోగ్య, కుటుంబ సంక్షేమశాఖ మంత్రి సత్యకుమార్‌ యాదవ్‌ వర్చువల్‌ విధానంలో ప్రారంభించారు. జాతీయ ఆరోగ్య మిషన్‌, ప్రధానమంత్రి ఆయుష్మాన్‌ భారత్‌ హెల్త్‌ ఇన్‌ఫ్రాస్ట్రక్చర్‌ మిషన్‌, 15వ ఆర్థిక సంఘం, ఉపాధి హామీ నిధులు కలిపి మొత్తం రూ.406.34 లక్షలతో ఈ భవనాలను నిర్మించారు. స్థానికంగా జిల్లా స్థాయిలో జరిగిన కార్యక్రమంలో జాయింట్‌ కలెక్టర్‌ ఆర్‌.వైశాలి పాల్గొని శిలాఫలకాలను ఆవిష్కరించారు. ఈ సందర్భంగా ఆమె మాట్లాడుతూ.. నాన్‌ కమ్యూనికేబుల్‌ (అంటువ్యాధులు కాని) వ్యాధులను ముందస్తుగా గుర్తించి, గ్రామీణ ప్రజలకు స్థానికంగా సత్వర ప్రాథమిక వైద్య సేవలు అందించడమే ఈ క్లినిక్‌ల ప్రధాన ఉద్దేశమని తెలిపారు. కొత్తగా పాలకొండ నియోజకవర్గంలో 7, సాలూరులో 2, కురుపాంలో 2 చొప్పున క్లినిక్‌లను ఏర్పాటు చేసినట్టు వెల్లడించారు. కార్యక్రమంలో డీఎంహెచ్‌ఓ పి.విజయలక్ష్మి, డీసీహెచ్‌ఎస్‌ జి.నాగభూషణరావు, ప్రొగ్రాం మేనేజర్లు, డిప్యూటీ డీఎంహెచ్‌ఓలు, ఇతర వైద్యాధికారులు పాల్గొన్నారు. పాస్‌పుస్తకాల పంపిణీ వేగవంతం చేయాలి విజయనగరం గంటస్తంభం: జిల్లాలోని రైతులందరికీ నిర్దేశిత గడువులోగా పట్టాదారు పాస్‌పుస్తకాలు అందజేయాలని జాయింట్‌ కలెక్టర్‌ ఎస్‌.సేతుమాధవన్‌ అధికారులను ఆదేశించారు. కలెక్టరేట్‌ నుంచి ఆయన ఆర్డీఓలు, తహసీల్దార్లతో వీడియో కాన్ఫరెన్స్‌లో మంగళవారం మాట్లాడారు. అక్టోబర్‌, నవంబర్‌ నెలల పాస్‌పుస్తకాల పంపిణీ, భూముల రీసర్వే, 22ఏ దరఖాస్తుల పరిష్కారం, మాన్యువల్‌ రికార్డుల డిజిటలైజేషన్‌, పీజీఆర్‌ఎస్‌ వినతులపై సమీక్షించారు. ప్రజల నుంచి వచ్చే సమస్యలను జాప్యం లేకుండా పరిష్కరించాలని స్పష్టం చేశారు. వివిధ అభివృద్ధి ప్రాజెక్టులకు భూ సేకరణను వేగవంతం చేయాలని సూచించారు.

● అడుగడుగునా దౌర్జన్యం.. అధికార దుర్వినియోగం ● ఎస్‌ఎంసీ చైర్మన్‌ అభ్యర్థి సుంకర గణపతి ఆరోపణగజపతినగరం రూరల్‌: తొలిసారి వాయిదా అనంతరం ఈ నెల మూడో తేదీన రెండోసారి నిర్వహించిన మండలంలోని లోగిశ పాఠశాల యాజమాన్య కమిటీ (ఎస్‌ఎంసి) ఎన్నికల్లో అడుగడుగున దౌర్జన్యాలు, అధికార దుర్వినియోగం స్పష్టంగా కనిపించిందని, అధికారులను తమ గుప్పెట్లో పెట్టుకుని టీడీపీ మద్దతుదారులు ఎన్నిక వాయిదా వేయించారని.. దీనిపై న్యాయస్థానాన్ని ఆశ్రయిస్తామని లోగిశ జెడ్పీ హైస్కూల్‌ ఎస్‌ఎంసీ చైర్మన్‌ అభ్యర్థి సుంకరి గణపతి అన్నారు. ఈ మేరకు మంగళవారం ఆయన విలేకరులతో మాట్లాడుతూ, ప్రశాంతంగా ఎన్నికలు జరగాలని తాము ఆశించినా.. అధికార పార్టీ అండదండలతో టీడీపీ మద్దతు దారులు రెచ్చిపోయి దాడులకు దిగారని ఆరోపించారు. దూర ప్రాంతాల నుంచి తమకు మద్దతు తెలిపే తల్లిదండ్రులను ఆటోలో తీసుకువస్తే ఆ ఆటోలపై దాడి చేసి తల్లిదండ్రులను భయభ్రాంతులకు గురి చేశారని తెలిపారు. అలాగే ఓటర్లు కానివారు పాఠశాల లోపలికి ప్రవేశించి గందరగోళం సష్టించి ఘర్షణకు దిగారని, ఇవన్నీ పోలీసుల సమక్షంలోనే జరిగినా ప్రేక్షకపాత్ర వహించారే తప్ప ఎటువంటి చర్యలు తీసుకోలేదని ఆరోపించారు. తమను రెచ్చగొట్టే ప్రయత్నం కూడా చేశారన్నారు. ఎస్సై కిరణ్‌ కుమార్‌ నాయుడిని అధికార పార్టీ నాయకులు తమ ఇళ్లల్లోకి, తమ పార్టీ కార్యాలయంలోనికి పంపించి నానా యాగీ చేయించారని..ఇది ఎంతవరకు సమంజసమని ప్రశ్నించారు. 165 మంది తల్లిదండ్రులు సంతకాలు పెట్టినా ఎందుకు ఎన్నిక నిర్వహించలేదని ప్రశ్నించారు. టీడీపీ మద్దతుదారులకు పూర్తి బలం ఉంటే.. ఎన్నిక వాయిదా పడేది కాదు కదా అన్నారు. ఆ బలం లేకే అధికారాన్ని ఉపయోగించుకుని ప్రధానోపాధ్యాయులు, పోలీసుల సహకారంతో ఎన్నిక వాయిదా వేసే పన్నాగం పన్నారని ఆరోపించారు. ఇది ముమ్మాటికీ అప్రజాస్వామికనని, దీనికి సంబంధించి తమ వద్ద అన్ని రకాల ఆధారాలు ఉన్నాయని.. న్యాయ స్థానంలో తేల్చుకుంటామని స్పష్టం చేశారు.

విజయనగరం అర్బన్‌: జననం..మరణం..ప్రతి కుటుంబానికి తప్పనిసరిగా ఎదురయ్యే ప్రక్రియ. కానీ ఇకపై ఈ వివరాలను సకాలంలో నమోదు చేయకపోతే సామాన్యులకు అదనపు ఇబ్బందులు తప్పేలా లేవు. జనన, మరణ ధ్రువీకరణ వత్రాల నమోదుకు 21 రోజుల గడువు విధించడంతో పాటు, ఆలస్యమయ్యే కొద్దీ నిబంధనలను కఠినతరం చేశారు. దీంతో నిర్లక్ష్యం చేసినా.. పరిస్థితుల కారణంగా ఆలస్యమైనా..తర్వాత ధ్రువీకరణ పత్రం కోసం అధికారుల చుట్టూ తిరగాల్సిన పరిస్థితి ఏర్పడనుంది. కేంద్ర ప్రభుత్వ ఆదేశాల మేరకు ఈ నెల 1వ తేదీ నుంచి రాష్ట్రవ్యాప్తంగా మున్సిపల్‌ కార్పొరేషన్లు, మున్సిపాలిటీలు, నగర పంచాయతీలు, గ్రామ పంచాయతీల్లో కొత్త నిబంధనలు అమల్లోకి వచ్చాయి. రిజిస్ట్రేషన్‌ ఆఫ్‌ బర్‌త్స్‌ అండ్‌ డెత్స్‌ యాక్ట్‌–1969లోని సెక్షన్‌ 13కు చేసిన సవరణల ఆధారంగా ఆలస్య నమోదుకు కొత్త విధానం అమలు చేస్తున్నారు. 21 రోజుల్లోనే సులువు..ఆతర్వాతే అసలు చిక్కు జననం లేదా మరణం జరిగిన 21 రోజుల్లోపు వివరాలు నమోదు చేస్తే ధ్రువీకరణ పత్రం జారీ ప్రక్రియ సులభంగా ఉంటుంది. కానీ ఆ గడువు దాటితే ఆలస్య నమోదుకు సంబంధించిన నిబంధనలు వర్తిస్తాయి. దీంతో సాధారణంగా రిజిస్ట్రార్‌ వద్ద పూర్తయ్యే ప్రక్రియ క్రమంగా ఉన్నతాధికారుల అనుమతుల దిశగా వెళ్తుంది. ఏడాది దాటితే జిల్లా మెజిస్ట్రేట్‌ లేదా డివిజనల్‌ మెజిస్ట్రేట్‌ ఆదేశాలు అవసరం. రెండేళ్లు దాటితే ఫస్ట్‌ క్లాస్‌ జ్యుడిషియల్‌ మెజిస్ట్రేట్‌ ఆదేశాలు తీసుకోవాల్సి ఉంటుంది. అంటే గడువు పెరిగే కొద్దీ దరఖాస్తుదారుపై ప్రక్రియాపరమైన భారం కూడా పెరగనుంది. పత్రం కోసం..అధికారుల చుట్టూ తిరగాల్సిందేనా? జనన ధ్రువీకరణ పత్రం లేకపోతే పిల్లల స్కూల్‌ అడ్మిషన్లు, విద్యా ధ్రువీకరణ పత్రాలు తదితర అవసరాల్లో ఇబ్బందులు తలెత్తే అవకాశం ఉంటుంది. మరణ ధ్రువీకరణ పత్రం లేకపోతే వారసత్వం, ఆస్తి, ప్రభుత్వ పథకాలు, ఇతర అధికారిక వ్యవహారాలు ముందుకు సాగడం కష్టమవుతుంది. ఇలాంటి కీలక పత్రాల విషయంలో కుటుంబాలు సకాలంలో నమోదు చేయకపోతే తర్వాత అదనపు ధ్రువీకరణలు, అధికారుల ఆదేశాలు, కార్యాలయల చుట్టూ తిరిగే పరిస్థితి రావచ్చని ఆందోళన వ్యక్తమవుతోంది. జిల్లా మారితే..ఇబ్బంది లేదంటున్న అధికారులు ఒక జిల్లాకు చెందిన వ్యక్తి మరో జిల్లాలో మరణించినా కుటుంబ సభ్యులు తప్పనిసరిగా సొంత కార్యాలయాల చుట్టూ తిరగాల్సిన అవసరం లేదని అధికారులు చెబుతున్నారు. పోస్టుమార్టం అనంతరం ఆస్పత్రి ఇచ్చే ధ్రువీకరణ పత్రాన్ని మీసేవా కేంద్రాల్లో సమర్పించి డెత్‌ సర్టిఫికెట్‌ పొందే అవకాశం ఉందని పేర్కొంటున్నారు. జనన, మరణ నమోదుకు కఠిన నిబంధనలు ఆలస్యమైతే అధికారుల చుట్టూ తిరగాల్సిందే ఏడాది దాటితే మెజిస్ట్రేట్‌ ఆదేశాలు రెండేళ్లు దాటితే కోర్టు చుట్టూ ప్రదక్షిణలు 1వ తేదీ నుంచి అమలవుతున్న కొత్త నిబంధనలుఆలస్యం చేయకుండా వెంటనే నమోదు చేసుకోండి కేంద్ర ప్రభుత్వ తాజా సవరణ చట్టం ప్రకారం జనన, మరణాల నమోదులో కీలక మార్పులు అమల్లోకి వచ్చాయి. ఏడాది లోపు అయితే తహసీల్దార్‌ స్థాయిలో పరిశీలన జరుగుతుంది. ఏడాది దాటి రెండేళ్ల లోపు ఆలస్యమైతే ఆర్డీవో స్థాయి అధికారులు విచారణ జరిపి ఉత్తర్వులు ఇస్తారు. ఇక రెండేళ్లు దాటిన పాత కేసుల నమోదుకు మాత్రం ఫస్ట్‌ క్లాస్‌ జ్యుడిషియల్‌ మెజిస్ట్రేట్‌ కోర్టు ఆదేశాలు తప్పనిసరి. కోర్టుల చుట్టూ తిరిగి ఇబ్బందులు పడకూడదంటే, ఇంట్లో ఎవరైనా జన్మించినా లేక మరణించినా అశ్రద్ధ చేయకుండా వెంటనే సచివాలయాల్లో దరఖాస్తు చేసుకోవాలి. – ఎస్‌.సుధాసాగర్‌, ఆర్డీవో, విజయనగరం

రాష్ట్ర ప్రభుత్వం ప్రజలకు ఇచ్చిన సంక్షేమ పథకాలు ఏవీ లేవు. ప్రభుత్వ కార్యక్రమాలను కొండంతగా సోషల్‌ మీడియాలో ప్రచారానికి ప్రజల డబ్బును ఖర్చుచేయడం విచారకరం. లక్షలాది రూపాయల ప్రజల సొమ్మను పార్టీ కార్యకర్తలకు సోషల్‌ మీడియా ఇన్‌ఫ్లుయెన్సర్ల పేరుతో చెల్లించే ఎత్తుగడను ప్రతిఒక్కరూ గుర్తించాలి. గతంలో వలంటీర్లుగా నెలకు ఐదువేల వేతనంతో నెలంతా ప్రజల సంక్షేమం కోసం పనిచేశాం. ఇంటింటికీ పింఛన్లు, రేషన్‌ సరుకులు అందించాం. కరోనా సమయంలో ప్రాణాలకు తెగించి విధులు నిర్వర్తించాం. అలాంటి వలంటీర్లపై విషం వెళ్లగక్కిన కూటమి నాయకులు ఇప్పుడు నోరు కదపడం లేదు. – శృంగవరపు మౌనిక, మాజీ వలంటీర్‌, బత్తిలి, భామిని మండలం కూటమి ప్రభుత్వం పేద ప్రజలకు ప్రకటించిన సంక్షేమ పథకాలను అందించి ఆదుకోవాలి. అంతేగాని లేనిపోని ప్రచారాలకు, ఆర్భాటాలకు లక్షలాది రూపాయల ప్రజాధనాన్ని దుర్వినియోగం చేసే ప్రయత్నాలను ప్రజలు గుర్తిస్తున్నారు. టీడీపీ కార్యకర్తలనే సోషల్‌ మీడియా ఇన్‌ఫ్లుయెన్సర్లగా ఎంపికచేసి రూ.లక్షలు కట్టబెట్టడానికి చేస్తున్న ప్రయత్నాలు విరమించుకోవాలి. నెలకు 5వేలు గౌరవ వేతనంతో ప్రజలకు నిరంతర సేవలందించే వలంటీర్లపై ఆడిపోసుకున్న కూటమి నాయకులకు ఇప్పుడు లక్షలాది రూపాయల ప్రజాధనం వృథా చేయడం కనిపించడంలేదా?. – గౌడు శివాజీ, మాజీ వలంటీర్‌, బత్తిలి, భామిని మండలం

ఏజెన్సీ చిన్నారులపై● మూడు రోజుల్లో ఇద్దరి మృతి ● ఆందోళనలో తల్లిదండ్రులు సీతంపేట: ఏజెన్సీలో చిన్నారుల వరుస మరణాలు కలవర పెడుతున్నాయి. మూడు రోజుల వ్యవధిలో ఇద్దరు చిన్నారులు మృతి చెందడం తల్లిదండ్రుల్లో ఆందోళన కలిగిస్తోంది. శనివారం వంబరెల్లికి చెందిన రెండు నెలల పసిబిడ్డ రోజంతా గుక్కతిప్పకుండా ఏడుస్తుండడంతో స్థానిక ఏరియా ఆస్పత్రికి తీసుకువచ్చారు. పరిస్థితి విషమించడంతో శ్రీకాకుళం రిమ్స్‌కు రిఫర్‌ చేశారు.అక్కడ చికిత్సపొందుతూ మృతిచెందాడు. చిన్నకంబకు చెందిన మరో ఆరునెలల బాలుడు ఉన్నట్టుండి ఇంటివద్ద తీవ్ర అస్వస్థతకు గురికావడంతో స్థానిక ఏరియా ఆస్పత్రికి తీసుకువచ్చారు. పరిస్థితి విషమించడంతో శ్రీకాకుళం సర్వజన ఆస్పత్రికి రిఫర్‌ చేశారు.అక్కడ నాలుగు రోజులుగా చికిత్స పొందుతూ సోమవారం మృతిచెందాడు. వరుసగా సంభవిస్తున్న ఈ ఘటనలు సీతంపేట ఏజెన్సీలో చిన్నారుల ఆరోగ్యపరిస్థితిపై కలకలం రేపుతున్నాయి. ఏం జరుగుతోంది..? అంగన్‌వాడీ కేంద్రాల ద్వారా గర్భిణులు, బాలింతలు, చిన్నారులకు పోషకాహారం అందిస్తున్నారు. అయినా చిన్నారులు అనారోగ్యానికి గురై ప్రాణాలు కోల్పోవడానికి పోషకాహారలోపం, రక్తహీనత, తక్కువ బరువు వంటి కారణాలేమైనా ఉన్నాయా? అన్నది పరిశీలించాల్సి ఉంది. ప్రతి చిన్నారి ఆరోగ్య పరిస్థితిపై క్రమం తప్పకుండా పర్యవేక్షణ జరుగుతోంది. ఎత్తు, బరువులు ఎప్పటికప్పుడు పర్యవేక్షించే వ్యవస్థ ఏర్పాటు చేశారు. వైద్యశాఖ ద్వారా సకాలంలో టీకాలు వేసే కార్యక్రమం చేస్తున్నారు. ఇన్ని చేస్తున్నా మరణాలు ఎందుకు సంభవిస్తున్నాయనేది ప్రశ్నార్థకంగా మారింది. ఇటీవల మృతిచెందిన చిన్నారుల వైద్యచరిత్ర, పోషక స్థితి, రక్తహీనత, బరువు, వ్యాధి తీవ్రత తదితర అంశాలు పరిశీలించాల్సి ఉందని పలువురు తెలియజేస్తున్నారు. ఒక్కో చిన్నారి మృతి వెనుక ఒక్కో కుటుంబం తీరని విషాదంలో మునిగిపోతోంది. కారణం పోషకాహార లోపమా..? వైద్యసేవల కొరతా? లేదా మరేదైనా కారణమా అన్నది శోధించాల్సి ఉందని పలువురు తెలియజేస్తున్నారు. వెలుగులోకి వస్తున్న మరణాలు కొన్నైతే, మారుమూల ప్రాంతాల్లో వెలుగులోకి రానివి ఎన్నో ఉంటాయని పలువురు చెబుతున్నారు. మరో చిన్నారి ప్రాణం పోయే వరకు వేచిచూడకుండా చిన్నారుల ఆరోగ్యంపై ప్రత్యేక దృష్టి సారించాల్సిన అవసరం ఉందని పలువురు చెబుతున్నారు. పోషకాహారం సక్రమంగా అందిస్తున్నాం చిన్నారులకు సరైన పోషకాహారం అందిస్తున్నాం. ప్రతి రోజూ అంగన్‌వాడీ కేంద్రాలు తెరిచి ఉంచి పిల్లలను పర్యవేక్షిస్తున్నాం. ఎత్తు, బరువులు ఎప్పటికప్పుడు చూస్తున్నాం. పిల్లల పర్యవేక్షణలో తల్లిదండ్రులు పూర్తిగా అవగాహన కలిగి ఉండాలి.

● మాజీ డిప్యూటీ సీఎం పీడిక రాజన్నదొర సాలూరు: రానున్న స్థానిక సంస్థల ఎన్నికల్లో వైఎస్సార్‌సీపీ అభ్యర్థుల గెలుపే ధ్యేయంగా పని చేద్దామని, అన్ని స్థానాల్లోనూ విజయపతాకం ఎగురవేద్దామని పార్టీ పీఏసీ సభ్యుడు, మాజీ డిప్యూటీ సీఎం పీడిక రాజన్నదొర పార్టీ శ్రేణులకు పిలుపునిచ్చారు. పట్టణంలోని తన గృహం వద్ద సాలూరు మున్సిపాలిటీలోని 21, 23, 24, 25, 26 వార్డులకు చెందిన వైఎస్సార్‌సీపీ కమిటీ సభ్యులకు పార్టీ ఐడీ కార్డులు అందజేశారు. ఈ సందర్భంగా ఆయన మాట్లాడుతూ... గత జగన్‌మోహన్‌రెడ్డి సంక్షేమ పాలనకు, ప్రస్తుత చంద్రబాబు మోసపూరిత పాలన మధ్య తేడాను ప్రజలకు వివరించాలన్నారు. ప్రతి మహిళకు జగన్‌మోహన్‌రెడ్డి ప్రభుత్వం వైఎస్సార్‌ చేయూత పథకం కింద ఏడాదికి రూ.18,500 అందజేయగా, ప్రస్తుత చంద్రబాబు ప్రభుత్వం సూపర్‌ సిక్స్‌లో భాగంగా ఆడబిడ్డ నిధి కింద ప్రతినెలా రూ.1500 ఇస్తామన్న హామీని విస్మరించి మోసం చేసిందన్నారు. నిరుద్యోగభృతి, ఫీజురీయింబర్స్‌మెంట్‌ డబ్బులు ఇవ్వకుండా నిరుద్యోగులు, విద్యార్థులను ఇబ్బందులకు గురిచేస్తోందన్నారు. టీడీపీ వెన్నుపోటు పార్టీ అని ప్రజలు గుర్తించారని, ప్రభుత్వంపై ప్రజల్లో తీవ్ర వ్యతిరేకత పెరుగుతోందన్నారు. కార్యక్రమంలో పార్టీ నాయకులు తాడ్డి రమణ, కర్రి శేషు, అల్లు అప్పమ్మ, పిట్టా వాసు, బీసపు బాలకృష్ణ, కస్తూరి రామకృష్ణ, సింగారపు ఈశ్వరరావు, బలరాం, రౌతు సురేష్‌, కర్రి అప్పలస్వామి, తదితరులు పాల్గొన్నారు.

పార్వతీపురం రూరల్‌: సమస్యలు పరిష్కరించేది లేదని ప్రభుత్వం తేల్చిచెప్పడంతో వైద్యశాఖ కాంట్రాక్టు ఉద్యోగులు సమ్మె సైరన్‌ మోగించారు. జేఏసీ పిలుపు మేరకు మంగళవారం సాధారణ సేవలు బహిష్కరించిన నర్సులు, ల్యాబ్‌ టెక్నీషియన్లు, పారామెడికల్‌ సిబ్బంది.. బుధవారం నుంచి అత్యవసర సేవలకూ దూరం కానున్నారు. ఇందులో భాగంగా పార్వతీపురం జిల్లా కేంద్రాస్పత్రి ఎదుట మంగళవారం ధర్నా చేశారు. ఆందోళన శిబిరానికి ఏపీ ఎన్జీఓ సంఘం పార్వతీపురం మన్యం జిల్లా అధ్యక్షుడు జి.వి.ఆర్‌.ఎస్‌.కిశోర్‌ మద్దతు తెలిపి మాట్లాడారు. 2001లో జీఓ 257 కింద ఉద్యోగులకు వేతనాలు పెరిగినా భద్రత కరవైందన్నారు. తక్షణమే 7,000 మంది కాంట్రాక్టు వైద్య సిబ్బంది సర్వీసును క్రమబద్ధీకరించాలని డిమాండ్‌ చేశారు.

గరుగుబిల్లి: ఈ ఏడాది తక్కువ వర్షపాతం నమోదైన నేపథ్యంలో సమృద్ధిగా వర్షాలు కురవాలని, ప్రజల సంక్షేమం, శ్రేయస్సుకోసం తోటపల్లిలోని శ్రీ వేంకటేశ్వరస్వామి, శ్రీ కోదండరామస్వామి ఆలయాల్లో మంగళవారం వరుణ యాగం, వరుణ జపం ఘనంగా నిర్వహించారు. ఆలయ అర్చకులు వీవీ అప్పలాచార్యులు ఆధ్వర్యంలో ఉదయం 6.54గంటలకు పూజ, హోమం కార్యక్రమాలు చేపట్టారు. కార్యక్రమంలో కురుపాం ఎమ్మెల్యే టి. జగదీశ్వరి కుటుంబ సమేతంగా పాల్గొని ప్రత్యేక పూజలు నిర్వహించారు. ఆలయ అభివృద్ధికి తనవంతు కృషి చేస్తానని ఆమె ఈ సందర్భంగా తెలిపారు. కార్యక్రమంలో దేవాదాయశాఖ జిల్లా అధికారి ఎస్‌.రాజారావు, ఆలయ ధర్మకర్తల మండలి చైర్మన్‌ ఎం.పకీరునాయుడు, ధర్మకర్తల మండలి సభ్యులు, స్థానికులు, భక్తులు పాల్గొన్నారు.

రాజాం: ఈనెల 9 నుంచి కాకినాడలో జరగనున్న స్కూల్‌ గేమ్స్‌ఫెడరేషన్‌ రాష్ట్ర స్థాయి పోటీలకు రాజాం మండలంలోని కంచరాం జిల్లా పరిషత్‌ ఉన్నత పాఠశాల విద్యార్థి ఎం.కార్తీక్‌ ఎంపికయ్యాడు. ఈనెల 4న శ్రీకాకుళంలో నిర్వహించిన జిల్లా స్థాయి పోటీల్లో ఆ విద్యార్థి అండర్‌ –17 విభాగంలో 71 కిలోల వెయిట్‌ లిఫ్టింగ్‌ పోటీల్లో సత్తాచాటాడు. ఉమ్మడి శ్రీకాకుళం జిల్లా తరఫున రాష్ట్రస్థాయి పోటీల్లో పాల్గొంటున్నట్లు పాఠశాల వ్యాయామ ఉపాధ్యాయుడు తాలాడ దుర్గయ్య వెల్లడించారు. ఈ సందర్భంగా పీడీ దుర్గయ్య, పీఈటీ బీఎన్‌ నాయుడులతో పాటు పాఠశాల హెచ్‌ఎం వై.గౌరునాయుడు, ఏపీటీఎఫ్‌ జిల్లా అధ్యక్షులు మజ్జి మదన్‌మోహన్‌, లెంక శ్రీనివాసరావు, పి.వేణుగోపాల్‌, ఎం. గౌరీశంకర్‌, బి.మహేష్‌లు విద్యార్థి కార్తీక్‌ను అభినందించారు. కళాకారులను ఆదుకోండి విజయనగరం క్రైమ్‌: కళాకారులకు రూ.10 వేల పెన్షన్‌ ఇచ్చి, ఆదుకోవాలని ఏపీ ప్రజానాట్య మండలి జిల్లా అధ్యక్షుడు తామాడ రాము డిమాండ్‌ చేశారు. ఇదే విషయమై కళాకారులతో కలిసి జిల్లా కేంద్రంలోని కలెక్టరేట్‌ వద్ద సోమవారం నిరసనకు దిగారు. ఐదేళ్లు పాలించిన ప్రజాప్రతినిధులకు నెలనెలా పెన్షన్‌ ఇస్తున్నారు కానీ కళారంగాన్ని బతికిస్తున్న కళాకారులను ఆదుకునే ప్రయత్నం ప్రభుత్వం చేయకపోవడం దుర్మార్గమన్నారు. ఇప్పటికై నా కళాకారులకు గుర్తింపుకార్డులు మంజూరు చేసి, పెన్షన్‌ ఇవ్వాలని విజ్ఞప్తి చేశారు. కార్యక్రమంలో బుగత అశోక్‌, ఈశ్వరరావు తదితరులు పాల్గొన్నారు. హెచ్చరిక బోర్డు ఏర్పాటుగుర్ల: మండలంలోని పెద్దబంటుపల్లిలో సర్వే నంబర్‌ 2–1. 2–2లో ఉన్న రెండు ఎకరాల 52 సెంట్ల భూమి అక్రమణకు గురవుతోందని సాక్షి ఈనెల5న సోమవారం ‘దర్జాగా కబ్జా’ అనే శీర్షికతో ప్రచురించింది. దీనికి రెవెన్యూ అధికారులు స్పందించి అక్రమణ స్థలంలో హెచ్చరిక బోర్డును సోమవారం ఏర్పా టు చేశారు. బోర్డును తొలగిస్తే చర్యలు తీసుకుంటామని అక్రమణదారులను ఆర్‌ఐ అప్పలరాజు, వీఆర్వో దేముడమ్మ హెచ్చరించారు. సచివాలయం ఉద్యోగిని భర్త అదృశ్యంరాజాం సిటీ: మండల పరిధి సోపేరు గ్రామానికి చెందిన తన భర్త మామిడి రవికుమార్‌ కనిపించడంలేదని భార్య కుంపిల్లి చాందిని సో మవారం పోలీసులకు ఫిర్యాదు చేసింది. దీనిపై ఎస్సై సల్మాన్‌బేగ్‌ తెలిపిన వివరాల ప్రకారం మున్సిపాల్టీ పరిధి పొనుగుటివలస సచివాలయంలో చాందిని వ్యవసాయ సహాయకురాలి గా పనిచేస్తోంది. ఎప్పటిలాగానే ఈ నెల 1న విధులకు హాజరైన ఆమె సాయంత్రం ఇంటికి చేరుకునేసరికి తన భర్త కనిపించలేదు. ఎవరికీ చెప్పకుండా ఇంటి నుంచి వెళ్లిపోయిన రవికుమార్‌ ఫోన్‌ స్విచాఫ్‌ రావడంతో అన్ని చోట్ల వెతి కినా ప్రయోజనం లేకపోవడంతో పోలీసులకు ఫిర్యాదు చేసింది. ఫిర్యాదు మేరకు కేసు నమోదుచేసి దర్యాప్తు చేస్తున్నామని ఎస్సై తెలిపారు.

సాక్షిప్రతినిధి,విజయనగరం/పూసపాటిరేగ: ఊరికి విమానాశ్రయం వచ్చింది అని ఆనందించాలో ఊరికి చుట్టూ ఉరితాడు పేనిందని బాధపడాలో తెలియని దుస్థితి. తామిచ్చిన భూముల్లో విమానాలు ఎగురుతున్నాయి. మొన్నటివరకు గోగు, వేరుశనగ పండిన పొలాల్లో రాజహంసల్లాంటి విమానాలు వాలుతున్నాయి.. కానీ ఆ పొలాల అవతలున్న తోటలు... చేలలోకి వెళ్లాలంటే భోగాపురం మండలంలోని దిబ్బలపాలెం, కవులవాడ, జమ్మయ్యపాలెం గ్రామస్తులకు చుక్కలు కనిపిస్తున్నాయి. అప్పట్లా అడ్డంగా నడిచిపోయే దారి లేదు. ఎటు చూసినా భారీ జైలు గోడను తలపించే ప్రహరీ. ఆపైన విద్యుత్‌ ఫెన్సింగ్‌. దానిలోంచి వెళ్లే దారి లేదు. చుట్టూ తిరిగి వెళ్దామంటే ఎలా వెళ్లినా ఐదారు కిలోమీటర్లు దూరం. పైగా ఆ దారి కూడా లారీలు.. టిప్పర్ల మట్టి రవాణాతో మోకాళ్ల లోతు గోతులు.. ఎక్కడైనా బండి కానీ సైకిల్‌ కానీ దిగబడితే ఇక అంతే. మరి ఆ భూముల్లోని కొబ్బరి .. మామిడి తోటలు.. ఇతర పొలాల్లోకి ఎలా వెళ్లేది.. ఫలసాయం ఎలా తెచ్చుకునేది అంటూ పలు గ్రామాల ప్రజలు ఆవేదన చెందుతున్నారు. ఎయిర్‌పోర్ట్‌ కారణంగా మా గ్రామాలకు గుర్తింపు వచ్చిందా ? ఆ ప్రాజెక్టు మా జీవితాలకు గుదిబండగా మారిందా? అన్న ప్రశ్నకు సమాధానం తెలియడం లేదని అంటున్నారు. ● ప్రగల్బాలు వద్దు.. దారిచూపండి.. కూటమి ప్రభుత్వం అధికారంలోకి వచ్చాక ‘స్వర్ణాంధ్ర సాధిస్తాం.. ఆకాశమే హద్దుగా అభివృద్ధి చేస్తాం’ అంటూ ప్రకటనలకే పరిమితమైంది తప్ప, క్షేత్రస్థాయిలో ప్రజలు పడుతున్న రాకపోకల తిప్పలను పట్టించుకోవడం లేదని స్థానికులు మండిపడుతున్నారు. ‘అంగట్లో అన్నీ ఉన్నా.. అల్లుడి నోట్లో శని ఉందన్నట్లు‘ ఎయిర్‌పోర్టు పక్కనే ఉన్న పల్లెలకు చిన్న దారి వేసేందుకు ప్రభుత్వం చొరవచూపకపోవడంపై ఆవేదన వ్యక్తంచేస్తున్నారు. విమానాశ్రయ పనుల కోసం పాత రోడ్లను మూసివేసి, ప్రత్యామ్నాయం చూపకపోవడంతో బడులకు వెళ్లే పిల్ల లు, అత్యవసర వైద్యం కోసం వెళ్లే రోగులు నిత్యం అల్లాడిపోతున్నారు. చుట్టూ తిరుగుతున్నాం.. ఎయిర్‌పోర్ట్‌ వస్తే మా ఊళ్ల రూపురేఖలు మారతాయనుకున్నాం. తీరా చూస్తే ఉన్న రహదారి కూడా పోయి డొంకబాటలే దిక్కయ్యాయి. కూటమి ప్రభుత్వానికి ముందస్తు ప్రణాళికే లేదు. రోడ్డుకు కిలోమీటరు దూరంలో ఉన్న ఊరికి ఇప్పుడు 5 కిలోమీటర్ల మేర చుట్టూ తిరిగి వెళ్లాల్సి వస్తోంది. ఆటోలు కూడా మా ఊళ్లకు రావడానికి భయపడుతున్నాయి. – కెళ్ల సూరిబాబు, దిబ్బలపాలెం ఇబ్బందులు పడుతున్నాం.. ఎయిర్‌పోర్ట్‌కు వెళ్లేందుకు ఒక్కటే రోడ్డు వేశారు. సర్వీసు రోడ్లు వేయలేదు. జంక్షన్లలో అండర్‌ పాసేజ్‌లు ఇవ్వలేదు. దీంతో గ్రామం ఓ వైపు.. పంటల భూములు రోడ్డుకు మరోవైపు ఉండిపోయాయి. రోడ్డు దాటి వెళ్లేందుకు నానా అవస్థలు పడుతున్నాం. పంట ఉత్పత్తులు తెచ్చేకునేందుకు కష్టాలు తప్పడంలేదు. సర్వీసు రోడ్లు నిర్మించి మార్గం సుగమం చేయాలి. – నీలాపు చిట్టమ్మ, దిబ్బలపాలెం మా బాధలు పట్టించుకోవడంలేదు.. ప్రభుత్వం, అధికారులు మా రోడ్డు కష్టాలను పట్టించుకోవడం లేదు. చిన్న వర్షం పడితే చాలు తాత్కాలిక మట్టిదారులు బురదమయమై కాలినడకన వెళ్లడం కూడా కష్టమవుతోంది. అత్యవసర పరిస్థితి వస్తే ఊళ్లోనే ప్రాణాలు వదలాల్సి వస్తోంది. – మునకాల బంగారమ్మ, దిబ్బలపాలెం● నరకయాతన.. ‘ముందు వెళ్తే గొయ్యి.. వెనక్కి వస్తే నుయ్యి!’ అనేలా తయారైంది విజయనగరం జిల్లా భోగాపురం మండలంలో ఏర్పాటు చేసిన అల్లూరి సీతారామరాజు అంతర్జాతీయ విమానాశ్రయం సరిహద్దు గ్రామాల పరిస్థితి. ఎయిర్‌పోర్టు వస్తే తమ బతుకులు మారుతాయని ఆశపడిన దిబ్బలపాలెం, కవులవాడ, జమ్మయ్యపాలెం ప్రజల కు ఇప్పుడు కనీసం నడవడానికి దారి కూడా లేక నిత్యం నరకయాతన అనుభవించాల్సి వస్తోంది. ‘చేతులు కాలేక ఆకులు పట్టుకున్నట్లు ‘అధికారు లు, ప్రజాప్రతినిధులు ముందే ప్రత్యామ్నాయ రహదారులు చూపించకుండా నిర్లక్ష్యం వహించడంతో ఈ మూడు గ్రామాల ప్రజల రాకపోకలు పూర్తిగా స్తంభించిపోయాయి. అభివృద్ధికి నోచుకోని జమ్మయ్యపేట రోడ్డు భోగాపురం ఎయిర్‌పోర్ట్‌ పేరుతో గ్రామాలు దిగ్బంధం గ్రామాలకు తెగిన ‘కనెక్టివిటీ’ ‘కూటమి’ నిర్లక్ష్యానికి బలైపోతున్న దిబ్బలపాలెం, కవులవాడ, జమ్మయ్యపాలెం స్వర్ణాంధ్ర ప్రగల్భాలు సరే.. పల్లెలకు దారేది? అధికారుల నిర్లక్ష్యంతో స్తంభించిన రాకపోకలు.. కూటమి సర్కారు తీరుపై గ్రామీణుల మండిపాటు సర్వీసు రోడ్లు నిర్మించాలని వేడుకోలు

సీతంపేట: ప్రతి సోమవారం ఐటీడీఏలో జరిగే ప్రజాసమస్యల పరిష్కార వేదిక (పీజీఆర్‌ఎస్‌)కు అధికారులు గైర్హాజరైతే సహించేది లేదని పాలకొండ సబ్‌కలెక్టర్‌, ఐటీడీఏ ఇన్‌చార్జ్‌ పీఓ పవార్‌స్వప్నిల్‌ హెచ్చరించారు. ఈ మేరకు సోమవారం ఎస్‌ఆర్‌ శంకరన్‌ సమావేశ మందిరంలో జరిగిన పీజీఆర్‌ఎస్‌లో ఆయన మాట్లాడుతూ వివిధ శాఖల అధికారులంతా పీజీఆర్‌ఎస్‌కు హాజరు కావాలన్నారు. ఈ సందర్భంగా 53 వినతులను స్వీకరించారు. ఈతమానుగూడ, పోలిష్‌కోటకు చెందిన ఆరిక తురకన్న, రాజేష్‌, సురేష్‌ తదితరులు తమ పిల్లలకు తల్లికి వందనం డబ్బులు రాలేదని విన్నవించారు. చెత్తసేకరణ సిబ్బంది గత 8 నెలలుగా విధులకు సక్రమంగా హాజరు కావడం లేదని జన్ని సంజీవరావు ఫిర్యాదు చేశాడు. బంజీరుపేలో వాటర్‌ ట్యాంక్‌ ఎత్తు పెంచాలని ఎ.పుష్పలత వినతి ఇచ్చారు. జన్నోడుగూడ గ్రామానికి రహదారి సౌకర్యం కల్పించాలని తురకన్న కోరాడు. కార్యక్రమంలో ఏపీవో జి.చిన్నబాబు, ఏపీడీ ఎం.వి.రమణ, వ్యవసాయాధికారి వాహిని, డీఈ నాగభూషణరావు, పీఆర్‌ ఏఈ కిరణ్‌కుమార్‌, ఆర్‌డబ్ల్యూఎస్‌ జేఈ సత్యం, ఎంఈఓ ఆనందరావు తదితరులు పాల్గొన్నారు.

కొమరాడ మండలం చోళ్లపథం పంచాయతీ ఇంద్రా నగరం గ్రామానికి చెందిన పాడి సువర్ణ ఇటీవల అంగన్వాడీ సహాయకురా లి పోస్టు కోసం దరఖాస్తు చేసుకున్నారు. వయసు తక్కువున్నా.. మెరిట్‌ ప్రకారం ముందు వరుసలో ఉన్నా.. ఎస్టీ సామాజిక వర్గానికి చెందిన తనకు కాదని.. మరొకరికి పోస్టు ఇచ్చారని ఆమె వాపోయింది. వారికి రాజకీయ సిఫారసు ఉండటం వల్ల తనకు అన్యాయం చేశారని వాపోయింది. ●2024 సార్వత్రిక ఎన్నికల సమయంలో ఫొటో, వీడియోగ్రాఫర్లుగా సేవలందించామని.. పని చేసిన కాలానికి ఇంకా బకాయి మొత్తం ఉందని పాలకొండ నియోజకవర్గానికి చెందిన కె.అన్నాజీరావు తదితరులు ఫిర్యాదు చేశారు. ఎన్నికలు ముగిసి, రెండున్నరేళ్లు అవుతున్నా ఇంకా బకాయిలు చెల్లించకపోవడం దారుణమన్నారు. తక్షణమే తగు చర్యలు తీసుకోవాలని కోరారు.

● మూడు కోళ్లు, ద్విచక్ర వాహనం స్వాధీనంమెంటాడ: మండలంలోని ఉద్దంగి పంచాయతీ పరి ధి పొరంలోవలో కోడి పందాలు ఆడుతున్న ఆరుగురు వ్యక్తులను అరెస్ట్‌ చేసినట్లు ఆండ్ర ఎస్సై కె.సీతా రాం తెలిపారు. కోడి పందాలు నిర్వహిస్తున్నారన్న సమాచారం మేరకు పోలీసులు అక్కడికి చేరుకుని దాడి నిర్వహించారు. ఈ సందర్భంగా కోడి పందా లు ఆడుతున్న ఆరుగురిని అదుపులోకి తీసుకున్నా రు. వారి నుంచి మూడు కోళ్లు, ద్విచక్ర వాహనాలను స్వాధీనం చేసుకుని సీజ్‌ చేసినట్లు ఎస్సై తెలిపారు. అనంతరం పట్టుబడిన వ్యక్తులపై విచారణ చేపట్టి కేసు నమోదు చేసినట్లు ఎస్సై వెల్లడించారు. కోడి పందాలు, చట్టవిరుద్ధ కార్యకలాపాలకు పాల్పడితే కఠిన చర్యలు తీసుకుంటామని హెచ్చరించారు.

● ఎఫ్‌ఏసీతో గిరిజన విద్యకు ఇబ్బందులా? ● రెగ్యులర్‌ డిప్యూటీ డైరెక్టర్‌ను నియమించాలని ఆదివాసీ సంఘాల డిమాండ్‌సాక్షి, పార్వతీపురం మన్యం: పార్వతీపురం ఐటీడీఏలో కీలకమైన డిప్యూటీ డైరెక్టర్‌ పోస్టు ఖాళీగా ఉండంపై ఆదివాసీ సంఘాలు ఆందోళన వ్యక్తం చేస్తున్నాయి. ఈ పోస్టులో ఏపీవో మురళీధర్‌కు పూర్తి అదనపు బాధ్యతలు (ఎఫ్‌ఏసీ) అప్పగించడం వల్ల గిరిజన విద్యాశాఖ పరిపాలనపై ప్రతికూల ప్రభా వం పడుతోందని వారు చెబుతున్నారు. గిరిజన విద్యార్థులకు సంబంధించిన కీలక అంశాలపై నిర్ణయాలు తీసుకోవడంలో జాప్యం జరుగుతోందని ఆవేదన వ్యక్తం చేస్తున్నారు. ఐటీడీఏ పరిధిలోని ఆశ్రమ పాఠశాలలు, గిరిజన సంక్షేమ హాస్టళ్లు, విద్యార్థుల స్కాలర్‌షిప్‌లు, వివిధ విద్యా పథకాల అమలు తదితర అంశాల్లో డిప్యూటీ డైరెక్టర్‌ పోస్టు కీలకం. ఇలాంటి ప్రాధాన్యమైన పోస్టును ఖాళీగా ఉంచి, ఇప్పటికే ఇతర బాధ్యతలు నిర్వహిస్తున్న ఏపీవోకు ఎఫ్‌ఏసీ ఇవ్వడం వల్ల విద్యాశాఖపై పూర్తి స్థాయి పర్యవేక్షణ కష్టమవుతుంది. విద్యార్థుల సమస్యలు పెండింగ్‌లో.. ఏపీవోకు ఇప్పటికే వారి సొంత శాఖకు సంబంధించిన విధులు, బాధ్యతలు ఉన్నాయి. అదనంగా విద్యాశాఖ బాధ్యతలు అప్పగించడం వల్ల పనిభా రం పెరుగుతుందని ఆదివాసీ సంఘాలు అంటున్నాయి. ఫలితంగా గిరిజన విద్యార్థులకు సంబంధించిన సమస్యలు, పాఠశాలలు–హాస్టళ్ల నిర్వహణ, విద్యా పథకాల అమలు వంటి అంశాలు పెండింగ్‌లో ఉండే అవకాశం ఉందన్నది వారి వాదన. డిప్యూటీ డైరెక్టర్‌ పోస్టును ప్రభుత్వం వెంటనే రెగ్యులర్‌ అధికారితో భర్తీ చేయాలని.. తక్షణ నియామకం సాధ్యం కాకపోతే ఐటీడీఏలో అనుభ వం ఉన్న సీనియర్‌ ఏటీడబ్ల్యూవోకు సీనియారిటీ ప్రాతిపదికన బాధ్యతలు అప్పగించాలని ఆదివాసీ సంఘాలు కోరుతున్నాయి. ఐటీడీఏలో ప్రస్తుతం కొనసాగుతున్న ఎఫ్‌ఏసీ విధానంపై గిరిజన సంక్షేమ శాఖ కమిషనర్‌ తక్షణమే స్పందించాలని.. ప్రభుత్వం స్పందించకపోతే కార్యాలయం ఎదుట ఆందోళన చేపడతామని హెచ్చరిస్తున్నాయి.

ఆధార్‌లో తప్పుల తడకలు.. సాక్షి, పార్వతీపురం మన్యం/పార్వతీపురం రూరల్‌ : ఆధార్‌లో తప్పుల వల్ల చదువు మధ్యలోనే ఆగిపోయిందని ఒకరు.. పింఛన్‌ అందక జీవనం దుర్భరంగా మారిందని ఇంకొకరు.. ఉద్యోగ నియామకా ల్లో తనకు అన్యాయం చేశారని మరొకరు.. ఇలా వివిధ సమస్యలపై సోమవారం కలెక్టరేట్‌లో జరిగి న ప్రజా సమస్యల పరిష్కార వేదిక కార్యక్రమానికి అర్జీదారులు తరలివచ్చారు. సమస్యల పరిష్కారం కోరుతూ అధికారులకు వినతి పత్రాలు అందజేశారు. సాలూరు మండలం కొత్తవలస పంచాయతీ జి.కర కవలసకు చెందిన పలువురు విద్యార్థులు పి.కోనవలస గిరిజన సంక్షేమ పాఠశాలలో పదో తరగతి చదువుతున్నారు. వీరి ఆధార్‌ కార్డులో తప్పులు ఉన్నాయన్న కారణంతో, మార్పుచేసి తీసుకురావా లని ఉపాధ్యాయులు ఇళ్లకు పంపేశారు. లేదంటే పదో తరగతి పరీక్షలు రాయించలేమని అంటున్నా రు. పుట్టిన ధ్రువపత్రం కోసం ఆధార్‌ సెంటర్లు, సచివాలయాల చుట్టూ తిరుగుతున్నా.. ఫలితం ఉండడం లేదని తల్లిదండ్రులు వాపోతున్నారు. గెజిటెడ్‌ అధికారితో జారీ చేసిన పత్రం అడుగుతున్నారని.. ఎవరిని అడిగినా చేయడం లేదని అడ్డాకుల గంగమ్మ, మంగమ్మ తదితరులు వాపోతున్నారు. ఇదే పరిస్థితి కురుపాం మండలంలో కూడా పలువురు ఎదుర్కొంటున్నారు. గదబకరకవలసకు చెందిన విద్యార్థి కొర్ర గణేష్‌కు ఆధార్‌లో అడ్డాకుల హేమంత్‌గా పడింది. పేరు మార్చేందుకు ఎన్ని చోట్ల తిరిగి నా ఫలితం ఉండడం లేదని.. దీనివల్ల తన చదువు కూడా ఆగిపోయిందని గణేష్‌ చెబుతున్నాడు.

టీనేజ్‌లో గర్భం దాల్చడం వల్ల అనేక సమస్యలు ఉన్నాయని తల్లిదండ్రులకు చెబుతున్నాం. వారిలో కూడా మార్పు రావాలి. బాల్య వివాహాలతో ఆడపిల్లలు అనేక ఆరోగ్య పరమైన సమస్యలు ఎదుర్కోవాల్సి వస్తుంది. పుట్టే పిల్లల్లో శారీరక, మానసిక ఎదుగుదల తక్కువగా ఉంటుంది. తల్లీబిడ్డల ఆరోగ్యం దెబ్బతినే అవకాశం ఉంది. – డాక్టర్‌ ఎస్‌. జీవనరాణి, డీఎంహెచ్‌ఓ 10, 640 మంది గర్భిణులుగా నమోదు ఏప్రిల్‌ నుంచి సెప్టెంబర్‌ 13 వరకు జిల్లాలో 10,640 మంది గర్బిణులు నమోదయ్యారు. వారిలో టీనేజ్‌ గర్భిణులు 622 మంది ఉండడం గమనార్హం.