ఆదిలాబాద్‌: హనుమకొండలోని జేఎన్‌ స్టేడియంలో నిర్వహించిన ‘3వ తెలంగాణ త్రోస్‌, జంప్స్‌, 400 మీటర్ల అథ్లెటిక్స్‌ ఛాంపియన్‌షిప్‌–2026’లో విజేతలైన జిల్లా క్రీడాకారులను బుధవారం జిల్లా అథ్లెటిక్స్‌ అసోసియేషన్‌ ఆధ్వర్యంలో జిల్లా కేంద్రంలో సన్మానించారు. అసోసియేషన్‌ అధ్యక్షుడు అడ్డి భోజారెడ్డి మాట్లాడారు. ‘రాష్ట్ర స్థాయి పోటీల్లో జిల్లా క్రీడాకారులు 10 పతకాలు సాధించారని, క్రీడాకారుల క్రమశిక్షణ, కోచ్‌ రాకేశ్‌ శిక్షణతోనే ఇది సాధ్యమైందని తెలిపారు. హ్యామర్‌ త్రోలో అరుణ, విక్రమ్‌ సింగ్‌, షాట్‌పుట్‌లో చరణ్‌ బంగారు, జ్యోతీశ్వరన్‌, సౌమ్య, జ్యోతి, సంజన, ఖుషి రజత, వంశీ, సౌమ్య కాంస్య పతకాలు సాధించగా అసోసియేషన్‌ సెక్రటరీ రాజేశ్‌, పెటా ప్రెసిడెంట్‌ పార్థసారథి, పీడీ కృష్ణతో కలిసి అభినందించారు.

ఆదిలాబాద్‌టౌన్‌: ఆధార్‌, ఫోన్‌ నంబర్లు తప్పనిసరిగా నమోదు చేసిన తర్వాతే గదులివ్వాల ని డీఎస్పీ ఎల్‌.జీవన్‌రెడ్డి సూచించారు. ఎస్పీ అఖిల్‌ మహాజన్‌ ఆదేశాల మేరకు పట్టణంలోని లాడ్జిల యజమానులు, నిర్వాహకులతో బుధవారం వన్‌టౌన్‌ పోలీస్‌స్టేషన్‌లో సమావేశం ని ర్వహించి మాట్లాడారు. గంజాయి విక్రయాలు, చట్టవ్యతిరేక కార్యకలాపాలకు పాల్పడే వ్యక్తులు, పాత మొబైల్‌ ఫోన్లు సేకరించే నేరస్తులకు గదులు ఇవ్వవద్దని తెలిపారు. లాడ్జిల్లో బ స చేసిన వారి పూర్తి వివరాలను ప్రతీ వారం ఆ యా ఠాణాల్లో ఇవ్వాలని ఆదేశించారు. ఫొటో గుర్తింపు పత్రాలను భద్రపర్చుకోవాలని తెలి పారు. అనుమానాస్పద వ్యక్తులు కనిపిస్తే వెంటనే తమకు సమాచారం ఇవ్వాలని సూచించా రు. నిబంధనలు ఉల్లంఘిస్తే కేసులు నమోదు చేస్తామని హెచ్చరించారు. పట్టణ సీఐలు సునీల్‌కుమార్‌, నాగరాజు, ఫణిధర్‌, ఎస్సైలు సంజయ్‌, రాజశేఖర్‌రెడ్డి పాల్గొన్నారు.

కైలాస్‌నగర్‌: రెండోవిడత ఇందిరమ్మ ఇళ్ల నిర్మాణాలను జిల్లా నుంచే ప్రా రంభిస్తామని రాష్ట్ర రెవెన్యూ, హౌసింగ్‌ శాఖల మంత్రి పొంగులేటి శ్రీనివాసరెడ్డి ప్రకటించడంతో జిల్లాలోని గూ డులేని పేదప్రజల్లో హర్షం వ్యక్తమవుతోంది. రాష్ట్ర ఆవిర్భావ దినోత్సవమైన జూన్‌ 2న మలివిడత ఇళ్ల ని ర్మాణాలకు శ్రీకారం చుడతా మని, దీనిపై ఈ నెల 21న జరి గే రాష్ట్ర కేబినెట్‌లో నిర్ణయం తీసుకుంటామని మంత్రి ప్రకటించారు. దీంతో సొంతిళ్ల కోసం ఆశగా ఎదురుచూస్తున్న పేదలు ఆనందం వ్యక్తం చేస్తున్నారు. తొలివిడత కంటే మ లి విడతలో రెట్టింపు స్థాయిలో మంజూరు చేస్తామ నే ప్రభుత్వ నిర్ణయంతో జిల్లాకు సుమారు 30వేల కు పైగా ఇళ్లు వచ్చే అవకాశముంది. అయితే, వీటిని అనర్హులకు కాకుండా అర్హులను గుర్తించి ఇస్తే పేద ల సొంతింటి కలతోపాటు ప్రభుత్వ లక్ష్యం నెరవేరనుందనే అభిప్రాయం వ్యక్తమవుతోంది. 81వేల మందికి పైగా అర్హులు దారిద్య్ర రేఖకు దిగవనున్న నిరుపేదల సొంతింటి కల సాకారం చేయాలనే ఉద్దేశంతో రాష్ట్ర ప్రభుత్వం ఇందిరమ్మ పథకాన్ని అమలు చేస్తోంది. ఒక్కో ని ర్మాణానికి రూ.5లక్షల చొప్పున ఆర్థికసాయం అందజేస్తోంది. ఇళ్ల కోసం ప్రజాపాలన, ప్రజావాణి కార్యక్రమాలతోపాటు ఎంపీడీవో కార్యాలయాల్లోనూ దరఖాస్తు చేసుకోవచ్చు. జిల్లా వ్యా ప్తంగా అందిన దరఖాస్తులను క్షేత్రస్థాయిలో పరి శీలించిన అధికారులు 81,901 మందిని (ఉ ట్నూర్‌, ఇంద్రవెల్లి మండలాలు మినహా) అర్హులుగా గుర్తించారు. ఇంటి స్థలం ఉండి ఇళ్లు లేనివారిని ఎల్‌–1 జాబితా లో చేర్చారు. ఇళ్లకు అర్హత ఉండి స్థలం లేనివారు 26,158 మంది ఉన్నట్లు నిర్ధారించారు. వీరిని ఎల్‌–2 జాబితా లో చేర్చారు. గతంలో ఇందిరమ్మ ఇళ్లు పొంది ఉండటం, ఆర్‌సీసీ పక్కాభవనం ఉండటం, నాలుగు చక్రాల వాహనం, ఆదాయపు పన్ను చెల్లించినవారిని అనర్హులుగా ఎల్‌–3జాబితాలో చేర్చారు. ఇందులో 53,959 మంది ఉన్నట్లు గుర్తించారు. అర్హులకు కేటాయిస్తేనే ప్రయోజనం తొలివిడతలో నియోజకవర్గానికి 3,500 చొప్పున జిల్లాకు 7,800 ఇళ్లు మంజూరయ్యాయి. ఆదిలాబా ద్‌, బోథ్‌, ఖానాపూర్‌ ఎమ్మెల్యేలు ప్రభుత్వానికి చేసి న విజ్ఞప్తి మేరకు మరో 8వేలకు పైగా ఇళ్లు మంజూ రయ్యాయి. కాగా, ఇందులో చాలామంది అనర్హుల కు మంజూరయ్యాయనే ఆరోపణలు వ్యక్తమయ్యా యి. దీనిపై ప్రజాప్రతినిధులు, అధికారులకు అధికసంఖ్యలో ఫిర్యాదులు కూడా వెళ్లాయి. ఈ విడతలో నైనా అర్హులను గుర్తించి ఇళ్లు మంజూరు చేయాలనే అభిప్రాయం వ్యక్తమవుతోంది. తద్వారా వారి సొంతింటి కల సాకారమవుతుంది. ప్రభుత్వం ఆశించిన లక్ష్యం నెరవేరనుంది. కానీ, ఇందిరమ్మ కమిటీలపైనే ఆధారపడి వారిచ్చే సిఫారసుల మేరకు ఇళ్లు మంజూరు చేస్తే మళ్లీ అనర్హులకే ప్రయోజనం కలిగే అవకాశముంది. అధికారులు ప్రత్యేక పరిశీలన చేపట్టి అర్హులనే లబ్ధిదారులుగా ఎంపిక చేయాలనే అభిప్రాయం సర్వత్రా వ్యక్తమవుతోంది. తొలి విడత.. నత్తనడక.. మంజూరైన ఇళ్లు 16,106 మార్కౌట్‌స్థాయిలో 1,819 బేస్మెంట్‌ లెవల్‌లో 5,219 రూఫ్‌లెవల్‌లో 2,959 స్లాబ్‌ లెవల్‌లో 3,026 పూర్తయిన ఇళ్లు 1,477 ప్రారంభంకాని ఇళ్లు 1,606మొదటి విడతలో మంజూరైన ఇళ్ల వివరాలు జిల్లాలో తొలివిడతలో మంజూరైన ఇందిరమ్మ ఇళ్ల నిర్మాణాలు నత్తనడకన సాగుతున్నాయి. 16,106 ఇళ్లు మంజూరు కాగా, ఇప్పటివరకు 1,477 మాత్రమే పూర్తి కావడం పరిస్థితికి అద్దం పడుతోంది. జిల్లా వ్యాప్తంగా ఇప్పటికీ 1,606 ఇళ్లు ప్రారంభానికే నోచుకోలేదు. 1,819 నిర్మాణాలు పునాది దశలోనే ఉన్నాయి. ఈ విడతలోనైనా నిర్మాణాల్లో వేగం పెంచి త్వరగా పూర్తయ్యేలా చూడాలని ప్రభుత్వం సూచిస్తోంది.

ఆదిలాబాద్‌టౌన్‌: జిల్లా కేంద్రానికి చెందిన చౌహాన్‌ రాణా ఆశిష్‌ ఉస్మానియా యూనివర్సిటీ నుంచి జ ర్నలిజం, మాస్‌ కమ్యూని కేషన్‌ విభాగంలో పీహెచ్‌ డీ పట్టా పొందారు. ‘పొలిటికల్‌ ఇన్‌ఫ్లూయెన్స్‌ ఆఫ్‌ సోషల్‌ మీడియా ఏ కేస్‌ స్టడీ ఆన్‌ ట్రైబ్స్‌ ఆఫ్‌ ఆదిలాబాద్‌’ అనే అంశంపై ఆయన పరిశోధన చేశారు. 2023లో గిరిజన ప్రాంతాల్లో సో షల్‌ మీడియా, రాజకీయ ప్రభావంపై పరిశోధ న చేసి భూ హక్కులు, విద్య, ఆరోగ్యం లాంటి స్థానిక సమస్యలు, సంప్రదాయ ప్రచార పద్ధతుల కంటే డిజిటల్‌ ప్ర చార ప్రభావం పెరుగుతోందని వివరించారు. ఇతని తండ్రి చౌహాన్‌ జైవంత్‌ రావు విద్యుత్‌ శా ఖలో సీఈగా, తల్లి స్వరూప చవాన్‌ ఆది లాబాద్‌లో ఉపాధ్యాయురాలిగా పని చేస్తున్నా రు. ఆశిష్‌కు డాక్టరేట్‌ రావడంపై పలువురు అభినందించారు.

సాక్షి, ఆదిలాబాద్‌: సభ్యత్వ నమోదుకు బీఆర్‌ఎస్‌ సిద్ధమైంది. డిజిటల్‌ పద్ధతిలో నమోదు చేయాలని పార్టీ అధినేత కేసీఆర్‌ ఇప్పటికే ఆదేశించారు. ఎన్నిక ల కమిషన్‌ ఆఫ్‌ ఇండియా చేపట్టిన ‘సర్‌’ ప్రక్రియతో పాటు ఓటరు జాబితా సవరణ తదితర కార్యాచరణ అంతా డిజిటల్‌ పద్ధతిలోనే జరుపుతున్న నేపథ్యంలో పార్టీ ఇలా నిర్ణయించింది. నియోజకవర్గాల్లోని మండలాలు, మున్సిపాలిటీల్లో అన్నిచోట్ల స మన్వయ కమిటీల నియామకానికి నేతలు కసరత్తు చేస్తున్నారు. జిల్లా ఇన్‌చార్జిగా రావుల శ్రావణ్‌కుమార్‌రెడ్డిని పార్టీ అధిష్టానం నియమించింది. ప్రాదేశిక ఎన్నికలకు ముందు బీఆర్‌ఎస్‌ అన్నిచోట్ల క్షేత్రస్థాయిలో పార్టీని మరింత బలోపేతం చేసేందుకు కా ర్యాచరణ సిద్ధం చేస్తోంది. సభ్యత్వాల నమోదుకు ఒక్కో పోలింగ్‌ కేంద్రానికి ఇద్దరు కార్యకర్తలను ఎంపిక చేసి వారికి జిల్లా కేంద్రాల్లో సాంకేతిక నిపుణులతో శిక్షణ ఇప్పించాలని నిర్ణయించారు. మండలా లు, బల్దియాల్లో ఐదుగురు నేతలతో సమన్వయ క మిటీలను నియమించే దిశగా చర్యలు చేపట్టారు. సంస్థాగత నిర్మాణంపై దృష్టి కాంగ్రెస్‌ అధికారంలోకి వచ్చిన తర్వాత బీఆర్‌ఎస్‌ నుంచి చాలామంది ముఖ్య నేతలు పార్టీని వీడారు. దీంతో పలు నియోజకవర్గాల్లో పార్టీ కార్యక్రమాలు చేపట్టడంలో కొంత వెనుకబడింది. ఈ నేపథ్యంలో పార్టీని సంస్థాగత నిర్మాణం చేసి పటిష్టపర్చాలని అ ధినేత కేసీఆర్‌ సభ్యత్వ నమోదుకు శ్రీకారం చుట్టా రు. జిల్లాలోని బోథ్‌, ఆసిఫాబాద్‌ నియోజకవర్గాల్లో బీఆర్‌ఎస్‌ ఎమ్మెల్యేలు అనిల్‌ జాదవ్‌, కోవ లక్ష్మి ప్రాతినిధ్యం వహిస్తుండగా, ఆదిలాబాద్‌ నియోజకవర్గంలో పార్టీ కార్యక్రమాలను ఇదివరకు జిల్లా అ ధ్యక్షుడిగా వ్యవహరించిన మాజీ మంత్రి జోగు రా మన్న పర్యవేక్షిస్తున్నారు. ఈ నియోజకవర్గాల్లో పా ర్టీ కార్యక్రమాలు కొనసాగుతున్నాయి. ప్రతీ పోలింగ్‌ బూత్‌కు ఇద్దరు కార్యకర్తలకు శిక్షణ ఇచ్చి వారిని సభ్యత్వ నమోదులో పాల్గొనేలా చర్యలు తీసుకోవాలని పార్టీ అధిష్టానం ఆదేశించింది.

తాంసి: ఆలయాల నిర్మాణాలు గ్రామస్తుల ఐ క్యతకు నిదర్శనమని, ఐక్యతతో ముందుకు సా గితేనే గ్రామాలాభివృద్ధి సాధ్యమని ఆదిలాబా ద్‌ ఎంపీ గోడం నగేశ్‌ పేర్కొన్నారు. బుధవా రం భీంపూర్‌ మండలంలోని అంతర్గాం గ్రా మంలో నూతనంగా నిర్మించిన శివాలయంలో విగ్రహ ప్రతిష్ఠాపనోత్సవానికి హాజరయ్యారు. హోమం, ప్రత్యేకపూజల్లో పాల్గొన్నారు. ఈ సందర్భంగా ఎంపీ మాట్లాడుతూ.. ఆలయ ప్రాంగణంలో షెడ్‌ నిర్మాణానికి త్వరలోనే రూ.5లక్షలు మంజూరు చేస్తానని హామీ ఇచ్చారు. డీసీసీ బీ మాజీ చైర్మన్‌ అడ్డి భోజారెడ్డి, తహసీల్దార్‌ ర మేశ్‌, ఎంపీడీవో గోపాలకృష్ణారెడ్డి, ఎస్సై పీర్‌సింగ్‌నాయక్‌, జెడ్పీటీసీ మాజీ సభ్యుడు రాజు, సర్పంచ్‌ రాకేశ్‌యాదవ్‌ తదితరులున్నారు.

ఆదిలాబాద్‌టౌన్‌: కేంద్ర హోంశాఖ సహాయ మంత్రి బండి సంజయ్‌ కుమారుడు భగీరథ్‌ను అరెస్ట్‌ చేయాలని మాజీ మంత్రి జోగు రామన్న డిమాండ్‌ చేశారు. బుధవారం జిల్లా కేంద్రంలోని బీఆర్‌ఎస్‌ కార్యాలయంలో విలేకరులతో మాట్లాడారు. లైంగిక దాడికి గురైన మైనర్‌ బాలిక పక్షాన కాంగ్రెస్‌ ప్రభుత్వం ఎందుకు స్పందించడం లేదని ప్రశ్నించారు. కాంగ్రెస్‌, బీజేపీ ఒక్కటే అనేందుకు ఇదే నిదర్శనమని ఆరోపించారు. గత ప్రభుత్వం అమలు చేసిన అభివృద్ధి, సంక్షేమ పథకాలు స్థానిక ఎమ్మెల్యేకు కనిపించకపోవడం హాస్యాస్పదంగా ఉందని పేర్కొన్నారు. రిటైర్డ్‌ ఉద్యోగులు కొప్పుల దేవన్న, కారం కార్తిక్‌, గెడం నగేశ్‌, కలగట్టు అనిల్‌, ఆది నారాయణ, కుమ్ర నగేశ్‌ తదితరులు బీఆర్‌ఎస్‌లో చేరగా రామన్న వారికి పార్టీ కండువాలు కప్పి ఆహ్వానించారు. నాయకులు మెట్టు ప్రహ్లాద్‌, రాఘవేంద్ర, లింగారెడ్డి, వెంకట్‌రెడ్డి, గణేశ్‌, లస్మన్న, సత్యనారాయణ, అడెల్లు తదితరులున్నారు.

ఆదిలాబాద్‌టౌన్‌: ప్రభుత్వ పాఠశాలల బలోపేతంలో భాగస్వాములు కావాలని కలెక్టర్‌ రాజర్షిషా పి లుపునిచ్చారు. ప్రజాపాలన–ప్రగతి ప్రణాళిక వి ద్యావారోత్సవాల్లో భాగంగా బుధవారం రిమ్స్‌ ఆడిటోరియంలో ఆదిలాబాద్‌ నియోజకవర్గ పరిధిలోని సర్పంచులు, మున్సిపల్‌ వార్డు కౌన్సిలర్లకు నిర్వహించిన విద్యా అవగాహన సదస్సుకు హాజరై మా ట్లాడారు. ‘ప్రొఫెసర్‌ జయశంకర్‌ బడిబాట’ కార్యక్రమాన్ని విజయవంతం చేసేందుకు అంగన్‌వాడీ పి ల్లలను ప్రాథమిక పాఠశాలల్లో చేర్పించాలని ప్రజా ప్రతినిధులను కోరారు. విద్యార్థులు మధ్యలో చదు వు మానేయకుండా పర్యవేక్షించాలని సూచించారు. ప్రతీ పాఠశాలకు నిర్దేశించిన ఎన్‌రోల్‌మెంట్‌ లక్ష్యాలను చేరుకునేందుకు గ్రామాలు, వార్డుల్లో విస్తృత అవగాహన కల్పించాలని సూచించారు. స్థానిక సంస్థల అదనపు కలెక్టర్‌, ఇన్‌చార్జి డీఈవో రాజేశ్వర్‌, మున్సిపల్‌ వైస్‌ చైర్మన్‌ రోహిత్‌, డీఎల్పీవో ఫణీందర్‌, కోఆర్డినేటర్‌ అజయ్‌, అధికారులు పాల్గొన్నారు. జనగణనను పకడ్బందీగా చేపట్టాలి కైలాస్‌నగర్‌: జనగణన పకడ్బందీగా చేపట్టాలని క లెక్టర్‌ రాజర్షి షా ఆదేశించారు. జిల్లా కేంద్రంలోని శాంతినగర్‌, బొక్కలగూడ కాలనీల్లో నిర్వహిస్తున్న జనగణన హౌస్‌ లిస్టింగ్‌ సర్వేను ఆకస్మికంగా పరిశీ లించారు. ప్రక్రియ క్రమపద్ధతిలో సాగుతుండటంతో సంతృప్తి వ్యక్తం చేశారు. ఈ నెల 14నుంచి హౌ స్‌ లిస్టింగ్‌ ఆపరేషన్‌ (హెచ్‌ఎల్‌వో) యాప్‌ ద్వారా డేటా నమోదు ప్రక్రియ ప్రారంభం కానున్న నేపథ్యంలో సాంకేతిక అంశాలపై అప్రమత్తంగా ఉండాలని సూచించారు. మాస్టర్‌ ట్రైనర్‌ శ్రీహరిబాబు, ఫీల్డ్‌ ట్రైనర్‌ సుజాత్‌ఖాన్‌, మున్సిపల్‌ టౌన్‌ ప్లానింగ్‌ అధికారులు నవీన్‌కుమార్‌, సాయికృష్ణ ఉన్నారు. ఘన వ్యర్థాల నిర్వహణ కఠినంగా అమలు కేంద్ర ప్రభుత్వం నోటిఫై చేసిన ఘన వ్యర్థాల నిర్వహణ–2026ను కఠినంగా అమలు చేయాలని కలెక్టర్‌ రాజర్షి షా ఆదేశించారు. కేంద్ర పర్యావరణ, అటవీ, వాతావరణ మార్పుల మంత్రిత్వ శాఖ నిర్వహించిన జాతీయ స్థాయి సెన్సిటైజేషన్‌ వెబినార్‌లో కలెక్టరేట్‌ నుంచి పాల్గొన్నారు. అనంతరం జిల్లా అధికారులతో సమీక్షించిన కలెక్టర్‌ పలు సూచనలు చేశారు. మే 5, 2026న జారీ చేసిన తాజా ఉత్తర్వులను జిల్లాలో అత్యంత ప్రాధాన్యతతో అమలు చేయాలని సూచించారు. నిర్లక్ష్యం వహించే అధికారులను ఉపేంక్షించబోమని హెచ్చరించారు. బల్క్‌ వేస్ట్‌ జనరేటర్లను గుర్తించి నిబంధనల ప్రకా రం వారి ప్రాంగణాల్లోనే వ్యర్థాల ప్రాసెసింగ్‌ జరిగేలా పర్యవేక్షించాలని సూచించారు. స్థానిక సంస్థల అదనపు కలెక్టర్‌ రాజేశ్వర్‌, డీఆర్డీవో రవీందర్‌ రాథో డ్‌, డీఎల్పీవో ఫణిందర్‌రావు పాల్గొన్నారు. కొనుగోలు కేంద్రం తనిఖీ తాంసి: మండల కేంద్రంలోని సబ్‌ మార్కెట్‌ యార్డులో ఏర్పాటు చేసిన జొన్నల కొనుగోలు కేంద్రాన్ని కలెక్టర్‌ రాజర్షి షా ఆకస్మికంగా తనిఖీ చేశారు. రైతులతో మాట్లాడి సమస్యలు తెలుసుకున్నారు. రైతులు పండించిన జొన్న పంటను పూర్తిగా ప్రభుత్వమే కొనుగోలు చేస్తుందని, ఆందోళన చెందవద్దని తెలిపారు. అదనపు కలెక్టర్‌ చిత్రు, మార్క్‌ఫెడ్‌ డీఎం మ హేశ్‌, డీఏవో శ్రీధర్‌స్వామి, ఏడీఏ శ్రీనివాస్‌, ఎంబీఐ శ్రీనివాస్‌, కొనుగోలు కేంద్రం ఇన్‌చా ర్జి శ్రీనివాస్‌, ఎంపీడీవో మోహన్‌రెడ్డి, తహసీ ల్దార్‌ లక్ష్మి, ఏవో రవీందర్‌ తదితరులున్నారు.

ఆదిలాబాద్‌టౌన్‌: ఎయిడ్స్‌ రహిత జిల్లాగా తీర్చిదిద్దడమే లక్ష్యమని డీఎంహెచ్‌వో నరేందర్‌ రాథోడ్‌ పే ర్కొన్నారు. ఆలయ ఫౌండేషన్‌ ఆధ్వర్యంలో రిమ్స్‌లోని ఏఆర్‌టీ సెంటర్‌లో హెచ్‌ఐవీతో జీవిస్తున్న 18 మంది పేదలకు బుధవారం పౌష్టికాహారం పంపిణీ చేయగా నరేందర్‌ రాథోడ్‌ హాజరై మాట్లాడారు. ప్ర భుత్వ ఏఆర్‌టీ సెంటర్‌ ద్వారా అందించే మందులతో పాటు పౌష్టికాహారం తీసుకుంటే ఆరోగ్యవంతమైన జీవితాన్ని గడపవచ్చని భరోసా ఇచ్చారు. నా కో, తెలంగాణ రాష్ట్ర ఎయిడ్స్‌ నియంత్రణ మండలి నిర్దేశించిన 95:95:99 లక్ష్యాలను అధిగమించి జిల్లా ను ఆదర్శంగా నిలపాలని తెలిపారు. హెచ్‌ఐవీతో జీవిస్తున్న చిన్నారులకు పూర్తి సహకారం అందిస్తామని చెప్పారు. చిన్నారుల ఉన్నత విద్య, పెద్దలకు ఆసరా పెన్షన్ల కోసం సంబంధిత అధికారులకు నివేదిక పంపిస్తామని హామీ ఇచ్చారు. అనంతరం రిమ్స్‌ డైరెక్టర్‌ జైసింగ్‌ రాథోడ్‌ మాట్లాడుతూ.. హెచ్‌ఐవీతో జీవిస్తున్న వారు క్రమం తప్పకుండా ఏఆర్‌ టీ సెంటర్‌లో మందులు తీసుకోవాలని, తద్వారా వ్యాధిని నియంత్రణలో ఉంచవచ్చని పేర్కొన్నారు. హెచ్‌ఐవీ బాధితులపై వివక్ష చూపకుండా సహకా రం అందించాలని సూచించారు. ఏఆర్‌టీ సెంటర్‌ డాక్టర్‌ పద్మిని ప్రియదర్శిని, సీపీఎం నాగరాజు, ఎన్జీ వో ప్రతినిధులు సాయినాథ్‌, భాగ్యలక్ష్మి ఉన్నారు.

బోథ్‌: ధాన్యం దళారులకు అమ్ముకోవద్దని, కొనుగోలు కేంద్రాల్లోనే విక్రయించి మద్దతు ధర పొందా లని ఎమ్మెల్యే అనిల్‌జాదవ్‌ సూచించారు. సొనాల మండల కేంద్రంలో మార్క్‌ఫెడ్‌ ఆధ్వర్యంలో బోథ్‌ పీఏసీఎస్‌ ద్వారా ఏర్పాటు చేసిన జొన్నల కొనుగో లు కేంద్రాన్ని బుధవారం ప్రారంభించారు. ఈ సందర్భంగా ఎమ్మెల్యే మాట్లాడుతూ.. కేంద్రాల్లో అన్ని సౌకర్యాలు కల్పించి రైతులు ఇబ్బందులు పడకుండా చూడాలని సూచించారు. జిల్లా గ్రంథాలయ సంస్థ చైర్మన్‌ మల్లెపూల నర్సయ్య, సర్పంచ్‌ బిందుజ రెడ్డి, పీఏసీఎస్‌ చైర్మన్‌ కదం ప్రశాంత్‌, స్థానిక నాయకుడు తుల శ్రీనివాస్‌ తదితరులున్నారు. కాగా, సొనాల మండలంలో పలు శుభకార్యాలకు హాజరైన ఎమ్మెల్యే తిరుగు ప్రయాణంలో స్థానికంగా గల చిన్నపాటి హోటల్‌ వద్ద ఆగారు. టీ తాగు తూ స్థానికులతో సరదాగా ముచ్చటించారు. రోడ్డు నిర్మాణానికి శంకుస్థాపన నేరడిగొండ: మండలంలోని వడూర్‌ గ్రామం నుంచి దంస్యతండా వరకు రూ.15లక్షలతో చేపట్టిన గ్రావెల్‌ రోడ్డు నిర్మాణానికి ఎమ్మెల్యే అనిల్‌జాదవ్‌ శంకుస్థాపన చేశారు. ఎన్నో ఏళ్లుగా ఎదురుచూస్తున్న రహదారి పనులు ప్రారంభం కావడంతో గ్రా మస్తులు హర్షం వ్యక్తం చేశారు. మండలంలోని సు ర్దాపూర్‌ గ్రామంలోని హన్మాన్‌ ఆలయంలో నిర్వహించిన హన్మాన్‌ విగ్రహ ప్రతిష్ఠాపనకు ఎమ్మెల్యే హాజరై హోమం, ప్రత్యేకపూజల్లో పాల్గొన్నారు. స్వా మివారిని దర్శించుకుని పూజలు చేశారు. స్థానిక ప్ర జాప్రతినిధులు, కాంగ్రెస్‌ నాయకులు పాల్గొన్నారు.

తలమడుగు: బక్రీద్‌ సందర్భంగా జిల్లాలో ఏర్పాటు చేసిన చెక్‌పోస్టుల వద్ద ప్రతీ వాహనాన్ని క్షుణ్ణంగా తనిఖీ చేస్తూ పశువుల అక్రమ రవాణాను అడ్డుకోవాలని ఎస్పీ అఖిల్‌ మహాజన్‌ ఆదేశించారు. బుధవారం రాత్రి మండలంలోని లక్ష్మీపూర్‌ గ్రామ సమీపంలో ఏర్పాటు చేసిన చెక్‌పోస్టును ఆయన పరిశీలించారు. ఈ సందర్భంగా ఆయన మాట్లాడుతూ.. పశువల అక్రమ రవాణాను అడ్డుకోవాలని సూచించారు. పశువులను తరలిస్తున్న వాహనాలకు సంబంధించిన పత్రాలను పరిశీలించాలని తెలిపారు. అనుమానాస్పద వాహనాలపై ప్రత్యేక నిఘా ఉంచాలని పేర్కొన్నారు. సిబ్బంది 24 గంటలు షిఫ్ట్‌ విధానంలో విధులు నిర్వహించాలని సూచించారు. నిర్లక్ష్యం వహించకుండా అప్రమత్తంగా ఉండాలని ఆదేశించారు. తనిఖీ సమయంలో అనుమానాస్పదంగా పారిపోయే వాహనాల సమాచారాన్ని వెంటనే ఉన్నతాధికారులకు చేరవేయాలని సూచించారు. రూరల్‌ సీఐ ఫణిదర్‌, తలమడుగు ఎస్సై రాధిక, పోలీస్‌ సిబ్బంది పాల్గొన్నారు.

ఆదిలాబాద్‌టౌన్‌: వైద్యసేవల్లో నర్సుల పాత్ర కీలకమని కలెక్టర్‌ రాజర్షిషా అన్నారు. అంతర్జాతీయ నర్సుల దినోత్సవం సందర్భంగా రిమ్స్‌ ఆడిటోరియంలో మంగళవారం నిర్వహించిన కార్యక్రమానికి ముఖ్యఅతిథిగా హాజరయ్యారు. ఉత్తమ సేవలు అందించిన పలువురు స్టాఫ్‌ నర్సులు, అధికారులను సన్మానించారు. రోగుల విషయంలో నర్సుల చూపే కరుణ, సేవాభావం అమూల్యమైందని అన్నారు. అందుకే వారిని గౌరవప్రదంగా సిస్టర్స్‌ అని పిలుస్తారని చెప్పారు. ఈ సందర్భంగా నిర్వహించిన సాంస్కృతిక కార్యక్రమాలు అలరించాయి. ఇందులో రిమ్స్‌ డైరెక్టర్‌ జైసింగ్‌ రాథోడ్‌, డిప్యూటీ సూపరింటెండెంట్‌ నరేందర్‌, నర్సింగ్‌ సూపరింటెండెంట్లు కల్పన, రమాదేవి, ఉమ పాల్గొన్నారు. ఓటమి విజయానికి తొలిమెట్టుఓటమి అనేది విజయానికి తొలి మెట్టులా మారుతుందని కలెక్టర్‌ రాజర్షిషా అన్నా రు. జిల్లా కేంద్రంలోని గెజిటెడ్‌ నం.1 పాఠశాలలో పదో తరగతిలో ఫెయిల్‌ అయిన విద్యార్థుల కోసం ఏర్పాటు చేసిన ప్రత్యేక శిక్షణ కార్యక్రమాన్ని మంగళవారం ప్రారంభించారు. ఈ సందర్భంగా కలెక్టర్‌ మాట్లాడుతూ, ప్రగతి ప్రణాళిక విద్యా వారోత్సవాల సందర్భంగా పదో తరగతిలో ఫెయిల్‌ అయిన విద్యార్థుల కోసం జిల్లాలో మూడు కేంద్రాలను ఏ ర్పాటు చేసినట్లు తెలిపారు. విద్యార్థులు కష్టపడి చదివి వంద శాతం ఉత్తీర్ణులు కావాలని సూచించారు. కార్యక్రమంలో ఆదిలాబాద్‌ అర్బన్‌ ఎంఈవో సోమయ్య, డీసీఈబీ సెక్రెటరి గజేందర్‌, ప్రధానోపాధ్యాయురాలు నీలా దేవి, ఉపాధ్యాయులు, విద్యార్థులు తదితరులు పాల్గొన్నారు.

ఆదిలాబాద్‌టౌన్‌: కేంద్ర హోంశాఖ సహాయ మంత్రి బండి సంజయ్‌ కుమారుడు భగీరథ్‌ను తక్షణమే అరెస్ట్‌ చేయాలని ఐద్వా జిల్లా కార్యదర్శి మంజూల డిమాండ్‌ చేశారు. జిల్లా కేంద్రంలోని కుమురంభీం చౌక్‌లో మంగళవారం నిరసన వ్యక్తం చేశారు. నైతిక బాధ్యత వహిస్తూ బండి సంజయ్‌ వెంటనే తన పదవికి రాజీ నామా చేయాలని డిమాండ్‌ చేశారు. బాధితురాలిపైనే కేసు పెట్టడం దారుణమని అన్నారు. ఇందులో విజయ, మీన, నర్మద, రాధ, ఆరీఫా బేగం, గంగాసాగర్‌ తదితరులు పాల్గొన్నారు. బండి సంజయ్‌ రాజీనామా చేయాలి కై లాస్‌నగర్‌: తన తనయుడు భగీరథ్‌ కేసు నిష్పక్షపాతంగా విచారణ జరగాలంటే కేంద్ర మంత్రి పదవికి బండి సంజయ్‌ రాజీనామా చేయాలని కాంగ్రెస్‌ పార్టీ జిల్లా అధికార ప్ర తినిధి బాలురి గోవర్దన్‌ రెడ్డి డిమాండ్‌ చేశారు. జిల్లా కేంద్రంలోని పార్టీ కార్యాలయంలో ఆయన మంగళవారం విలేకరులతో మాట్లాడారు. తీవ్రమైన ఆరోపణలపై విచారణ జరుగుతున్నప్పుడు కేంద్ర మంత్రి హోదాలో కొనసాగడం విచారణ ప్రక్రియను ప్రభావితం చేస్తుందన్నారు. ఇందులో పార్టీ జిల్లా ప్రధాన కార్యదర్శులు సంజయ్‌కుమార్‌, దేవిదాస్‌చారి తదితరులు పాల్గొన్నారు.

భవిష్యత్‌లో డాక్టర్‌ కావాలనే ఎన్నో ఆశలతో నీట్‌ రాసిన విద్యార్థులపై ఒక్కసారిగా పిడుగు పడినట్లయింది. పరీక్ష రద్దుతో ఆందో ళన వ్యక్తమవుతోంది. ఇప్పటికే రెండేళ్లు కష్టపడి పరీక్ష రాస్తే ఒక్కసారిగా రద్దు చేయడం మానసిక వేదనకు గురి చేస్తోందని వాపోయారు. ప్రశ్నపత్రాలు లీక్‌ కాకుండా పటిష్ట చర్యలు తీసుకోవాలని కోరుతున్నారు. – మంచిర్యాలఅర్బన్‌/నిర్మల్‌రూరల్‌రాత్రింబవళ్లు కష్టపడ్డాను రెండేళ్లుగా కుటుంబానికి దూరంగా ఉంటూ కష్టపడి చదివాను. తెల్ల కోటు వేసుకోవాలనే ఆశతో నీట్‌కు సిద్ధమయ్యాను. ఎన్‌టీఏ పరీక్ష రద్దుతో నిరాశ నెలకొంది. నీట్‌ పేపర్‌ లీక్‌ అయిందని చెప్పడంతో ఒక్కింత ఆశ్చర్యానికి గురయ్యాను. తల్లిదండ్రులు కూడా ఇబ్బందికి గురయ్యారు. పేపర్‌ లీక్‌ అనేది బాధాకరం. మళ్లీ పరీక్ష రాయాలంటే ఎన్నో ఇబ్బందులుంటాయి. అంతా సంతోషంగా ఉంటామని అనుకున్నా నేపథ్యంలో పరీక్షలు రద్దుకావడం బాధాకరం. – నేహ అంజుం, నీట్‌ విద్యార్థిని మంచిర్యాలరద్దుతో నిరాశ ఎంబీబీఎస్‌ సీటు సంపాదించుకోవాలని తల్లిదండ్రులు, నా కల. నేను రెండేళ్లుగా ఎంతో కష్టపడ్డాను. తీరా చూస్తే నీట్‌ రద్దు చేస్తూ నిర్ణయం తీసుకోవడం ఎంతో బాధాకరంగా మారింది. నీట్‌ పేపర్‌ లీకేజీ కావడం అత్యంత బాధాకరం. ఇలాంటి చర్యల వల్ల మధ్యతరగతి విద్యార్థుల భవిష్యత్తుపై ప్రభావం చూపుతుంది. నీట్‌ పేపర్‌ లీకేజీ పునరావృతం కాకుండా చూడాలి. మళ్లీ పరీక్షలు రాయాలంటే కొంత మేర ఇబ్బందిగా చెప్పవచ్చు. – ప్రాణహిత, నీట్‌ విద్యార్థిని, మంచిర్యాలమానసిక ఒత్తిడి పెరుగుతుంది మళ్లీ నీట్‌ రాయమనడంతో మాపై మానసిక ఒత్తిడి మరింత పెరుగుతుంది. రెండేళ్లు కష్టపడి మొన్ననే పరీక్ష బాగా రాసాం. మార్కులు కూడా బాగానే వస్తున్నాయి. కానీ ఒక్కసారిగా రద్దుచేసి మళ్లీ పరీక్ష రాయమంటే భయమేస్తోంది. హైదరాబాదులోని కోచింగ్‌ సెంటర్‌లో ఉండి చదువుకున్నాం. మళ్లీ అక్కడికి వెళ్లి చదవాలంటే దూర భారంతోపాటు వ్యయప్రయాసలు పడాల్సిందే. ఒక రాష్ట్రంలో లీకై తే దేశ మొత్తం మంది విద్యార్థులను బలి చేయడం అన్యాయం. – మంగ్లారపు నక్షత్ర, నిర్మల్‌

ఆదిలాబాద్‌టౌన్‌: జిల్లాలో నేరాల నియంత్రణకు ప్రత్యేక చర్యలు చేపట్టామని ఎస్పీ అఖిల్‌ మహాజన్‌ అన్నారు. మంగళవారం రాత్రి జిల్లా వ్యాప్తంగా నా కాబందీ నిర్వహించారు. మహారాష్ట్ర సరిహద్దు ప్రాంతాలు, ప్రధాన రహదారులు, పట్టణాల్లో 25 ప్రత్యేక చెక్‌పోస్టులు ఏర్పాటు చేసి వాహనాలను క్షుణ్ణంగా తనిఖీ చేశారు. డ్రంకెన్‌ డ్రైవ్‌ చేస్తూ, నంబర్‌ ప్లేట్‌, సరైన పత్రాలు లేకుండా వాహనాలు నడిపే వారిపై పోలీసులు చర్యలు తీసుకున్నారు. అనుమానాస్పద వ్యక్తుల వేలిముద్రలను పరిశీలించి వివరాలు నమోదు చేసుకున్నారు. ఎస్పీ అఖిల్‌ మహాజన్‌ స్వయంగా చెక్‌పోస్టులను పరిశీలించి అధికారులకు సూచనలు చేశారు. ఇందులో ఆది లాబాద్‌ డీఎస్పీ ఎల్‌.జీవన్‌ రెడ్డి, పోలీసు అధికారులు, సిబ్బంది పాల్గొన్నారు. విధి నిర్వహణలో అప్రమత్తంగా ఉండాలి తలమడుగు: విధి నిర్వహణలో ప్రతి ఒక్కరూ అప్రమత్తంగా ఉండాలని ఎస్పీ అఖిల్‌ మహాజన్‌ అన్నా రు. స్థానిక పోలీస్‌ స్టేషన్‌ను ఎస్పీ మంగళవారం త నిఖీ చేశారు. రికార్డులు పరిశీలించిన అనంతరం మాట్లాడారు.నకిలీ విత్తనాలు, గంజాయి అక్రమ ర వాణాను అరికట్టాలన్నారు. ఆయన వెంట రూరల్‌ సీఐ ఫణిదర్‌, ఎస్సై రాధిక, సిబ్బంది పాల్గొన్నారు. రెండో విడత డ్రైవింగ్‌ లైసెన్స్‌ మేళా ఆదిలాబాద్‌టౌన్‌: రెండో విడత మెగా డ్రైవింగ్‌ లైసె న్స్‌ మేళాను యువత సద్వినియోగం చేసుకోవాలని ఎస్పీ అఖిల్‌ మహాజన్‌ అన్నారు. మంగళవారం జిల్లా పోలీసు కార్యాలయంలో మాట్లాడారు. ఈ నెల 16వరకు సంబంధిత పోలీసు స్టేషన్లలో ఉట్నూ ర్‌, ఇంద్రవెల్లి, బజార్‌హత్నూర్‌ మండలాల యువకులు టూవీలర్‌ లైసెన్స్‌ కోసం దరఖాస్తు చేసుకోవచ్చని తెలిపారు. ఆధార్‌, పదో తరగతి మెమో, అడ్రస్‌ప్రూఫ్‌ జిరాక్స్‌లను పోలీసు స్టేషన్‌లో అందజేయాలని సూచించారు. మొదటి విడతలో 205 మంది ఆదివాసీలకు డీజీపీ చేతుల మీదుగా లైసెన్సులు అందించినట్లు చెప్పారు. లర్నింగ్‌ లైసెన్స్‌ కోసం మీసేవలో నమోదు చేసుకోవాలని, ఇందుకోసం రూ.600 చెల్లించాల్సి ఉంటుందని పేర్కొన్నారు.

ఆదిలాబాద్‌టౌన్‌: దేశ వ్యాప్తంగా కోట్లాది మంది విద్యార్థుల భవిష్యత్తును నిర్ణయించే నీట్‌ పేపర్‌ లీకేజీ ఘటన దారుణమని ఏఐవైఎఫ్‌ జిల్లా కార్యదర్శి మెస్రం భాస్కర్‌ అన్నారు. జిల్లాకేంద్రంలోని కా ర్యాలయంలో మంగళవారం ముఖ్య నాయకుల స మావేశం నిర్వహించారు. ఈ సందర్భంగా ఆయన మాట్లాడుతూ, పరీక్షలను పారదర్శకంగా నిర్వహించడంలో విఫలమైన నేషనల్‌ టెస్టింగ్‌ ఏజెన్సీ (ఎన్టీఏ)ను పూర్తిగా ప్రక్షాళన చేయాలని డిమాండ్‌ చేశారు. లీకేజీపై సుప్రీంకోర్టు సిట్టింగ్‌ న్యాయమూర్తి పర్యవేక్షణలో సమగ్ర విచారణ జరపాలని, బాధ్యులైన వారిపై కఠిన చర్యలు తీసుకోవాలని డిమాండ్‌ చేశారు. ఇందులో జిల్లా నాయకులు సచిన్‌, వెంకటేశ్‌, ఇర్ఫాన్‌, వేణు, రవి, దిగంబార్‌ తదితరులు పాల్గొన్నారు.

సాక్షి,ఆదిలాబాద్‌: ప్రభుత్వ కార్యక్రమ నిర్వహణ కోసం వ్యవసాయ శాఖ డబ్బులు వసూలు చేయడం వివాదాస్పదమవుతోంది. ప్రైవేట్‌ విత్తన, ఎరువుల డీలర్ల నుంచి ఇటీవల రశీదులు ఇచ్చి మరీ పెద్ద ఎత్తున వసూళ్లు చేశారనే విమర్శలు వెల్లువెత్తుతున్నాయి. ఈ పరిస్థితుల్లో రానున్న వానాకాలం సీజన్‌లో విత్తన లోపాలు, ఎరువుల అక్రమాలు జరిగితే ఆ డీలర్లపై ఎలా చర్యలు తీసుకుంటారు.. విచారణ బాధ్యతా యుతంగా ఎలా చే స్తారు.. అనే చర్చ మొదలైంది. మొత్తంగా ఈ వ్యవహారం ప్రస్తు తం వ్యవసాయ శాఖతో పాటు రైతుల్లోహాట్‌టాపిక్‌గా మారింది. ప్రభుత్వ కార్యక్రమాలకు.. రాష్ట్ర ప్రభుత్వం నిర్వహిస్తున్న ప్రజాపాలన–ప్రగతి ప్రణాళికలో భాగంగా జిల్లాలో వ్యవసాయ శాఖ ఆధ్వర్యంలో ఈనెల 4 నుంచి రైతు వారంగా నిర్వహించారు. రైతులు, వ్యవసాయ కూలీలు, గ్రామీణ ప్రజల అభివృద్ధే లక్ష్యంగా ప్రతిరోజు ప్రత్యేక కార్యక్రమాలు చేపట్టారు. దీంతోపాటు కృషి విజ్ఞాన కేంద్రంలో ఇటీవల జోనల్‌ రీసెర్చ్‌ ఎక్స్‌టెన్షన్‌ అడ్వైజరి కమిటీ సమావేశం కూడా నిర్వహించడం జరిగింది. ఇందులో ఉమ్మడి జిల్లా నుంచి ఆదర్శ రైతులు పాల్గొన్నారు. వ్యవసా య, అనుబంధ శాఖ ల శాస్త్రవేత్తలు పా ల్గొని రైతులకు అవగాహన కల్పించారు. మొత్తంగా ఈ రెండు కార్యక్రమాల నిర్వహణ కోసం వ్యవసాయ శాఖ ప్రైవేట్‌ విత్తన, ఎరువుల డీ లర్ల నుంచి పెద్ద మొత్తం వసూలు చేశారనే ఆరోపణలు వ్యక్తమవుతున్నాయి. చర్యలు ఎలా.. రానున్నది వానాకాలం సీజన్‌. జిల్లాలో సుమారు 6లక్షల ఎకరాల్లో వివిధ పంటలు సాగవుతాయి. పత్తి పెద్ద ఎత్తున సాగవుతుంది. ఆ విత్తనాలను ప్రైవేట్‌ వ్యాపారులే విక్రయిస్తారు. అంతే కాకుండా ఎరువుల పంపిణీలోనూ డీలర్లదే ప్రధాన భూమిక. అలాంటప్పుడు నకిలీ విత్తనాలు, ఎరువుల అక్రమాలు చోటు చేసుకుంటే వ్యవసాయ శాఖ అధికారులు సదరు కంపెనీలపై నివేదిక వ్యతిరేకంగా ఎలా ఇవ్వగలుగుతారనే ప్రశ్న అందరిలో వ్యక్తమవుతుంది. అలాంటప్పుడు రైతుకు నష్టం జరిగే పరిస్థితులు ఉంటాయి. జిల్లా కేంద్రంలోని వ్యవసాయ శాఖ కార్యాలయంఅడ్వైజరి కమిటీ సమావేశం కోసం.. ప్రజాపాలన–ప్రగతి ప్రణాళిక కార్యక్రమం నిర్వహణ కోసం ఎవరి నుంచి మేము డబ్బులు స్వీకరించలేదు. కృషి విజ్ఞాన కేంద్రంలో జోనల్‌ రీసెర్చ్‌ ఎక్స్‌టెన్షన్‌ అడ్వైజరి కమిటీ సమావేశం నిర్వహించడం జరిగింది. దీనికి ఉమ్మడి జిల్లా నుంచి రైతులు వచ్చారు. పలువురు శాస్త్రవేత్తలు పాల్గొన్నారు. ఏటా ఒక్కో జిల్లాలో ఈ సమావేశం నిర్వహిస్తుంటారు. దానికోసం కొంత మంది డీలర్ల నుంచి మేము రశీదులు ఇచ్చిమరీ డబ్బులు తీసుకున్నాం. ఇది అక్రమ వసూళ్లు కాదు. కార్యక్రమ నిర్వహణ కోసమే ఇలా చేయడం జరిగింది. – శ్రీధర్‌స్వామి, జిల్లా వ్యవసాయ శాఖ అధికారి ప్రైవేట్‌ కంపెనీల డీలర్లలో ఒక్కొక్కరి నుంచి వేలాది రూపాయల చొప్పున వ్యవసాయ శాఖ యథేచ్ఛగా వసూళ్లకు పాల్పడింది. ఏకంగా వారు డీలర్లకు రశీదులు ఇచ్చి మరీ వసూళ్లు చేపట్టడం ప్రస్తుతం వివాదాస్పదంగా మారింది. సాధారణంగా ప్రభుత్వ కార్యక్రమాల నిర్వహణకు సంబంధించి గవర్నమెంట్‌ నుంచే బిల్లులు పెట్టుకునేందుకు ఆస్కారం ఉంటుంది. అలా కాకుండా బిల్లులు రావడం లేదని ఇలా నేరుగా వసూళ్లు చేశారా.. అనే విషయంపై సర్వత్రా చర్చించుకుంటున్నారు.

కై లాస్‌నగర్‌: ఆదిలాబాద్‌ మున్సిపల్‌ కోఆప్షన్‌ ఎన్నిక అంశం చర్చనీయాంశంగా మారింది. దరఖాస్తులు స్వీకరించి 15 రోజులవుతున్నా ప్రత్యేక సమావేశం నిర్వహించకపోవడంపై పలువురు పెదవి విరుస్తున్నారు. చైర్‌పర్సన్‌, వైస్‌ చైర్మన్‌ ఎన్నిక సందర్బంగా కూటమిగా ఏర్పడి ఆ పదవులను దక్కించుకున్న బీఆర్‌ఎస్‌, కాంగ్రెస్‌, ఎంఐఎం పార్టీల్లో కో ఆప్షన్‌ పదవులపై సఖ్యత కుదరలేదనే అభిప్రాయం వ్యక్తమవుతుంది. ఇదే జాప్యానికి కారణమనే విమర్శలున్నాయి. మరోవైపు మున్సిపల్‌లో అత్యధిక స్థానాలను కై వసం చేసుకున్న బీజేపీ ఈ పదవులను ఎలాగైనా దక్కించుకోవాలని వ్యూహాత్మకంగా అడుగులు వేస్తోంది. నాలుగు పదవులకు 27 మంది పోటీ మున్సిపల్‌ పరిధిలో మొత్తం నాలుగు కో ఆప్షన్‌ పదవులకు ఎన్నిక జరగనుంది. ఇందులో రెండు జనరల్‌, మరో రెండు మైనార్టీలకు కేటాయించిన విషయం తెలిసిందే. వీటి కోసం గత నెల 17న మున్సిపల్‌ అధికారులు నోటిఫికేషన్‌ విడుదల చేశారు. 25వరకు దరఖాస్తులు స్వీకరించారు. 28 మంది పోటీకి సై అన్నారు. పరిశీలనలో నిబంధనల ప్రకారం లేని ఒక దరఖాస్తును తొలగించారు. మిగిలిన వాటిలో బీఆర్‌ఎస్‌, కాంగ్రెస్‌ల నుంచి అత్యధికంగా 20 మంది మాజీ కౌన్సిలర్లు, ఒక మాజీ సర్పంచ్‌ దరఖాస్తు చేసుకున్నారు. ఎంఐఎం నుంచి ముగ్గురు, బీజేపీ నుంచి ముగ్గురు బరిలో నిలిచారు. మొత్తంగా నాలుగు పదవులకు 27 మంది పోటీపడుతున్నారు. ఈమేరకు ఎన్నిక నిర్వహించి మెజార్టీ సభ్యుల మద్దతు పొందిన వారిని కోఆప్షన్‌ సభ్యులుగా ప్రకటించాలి. బీజేపీ వ్యూహత్మకంగా అడుగులు కూటమిగా ఏర్పడి చైర్‌పర్సన్‌, వైస్‌చైర్మన్‌ పదవులను దక్కించుకున్న విషయం విదితమే. అధికారం చేపట్టి మూడు నెలలు గడువకముందే వారి మధ్య అభిప్రాయ బేధాలు బయటపడుతున్నాయి. అయితే దీనిని బీజేపీ తనకు అనుకూలంగా మార్చుకోవాలని భావిస్తోంది. ఆ పార్టీకి 21మంది కౌన్సిలర్లతో పాటు ఎంపీ, ఎమ్మెల్యేల ఎక్స్‌ అఫిషియో ఓట్లతో కలిపి 23 సభ్యుల బలం ఉంది. మూడు పదవులను పార్టీ కై వసం చేసుకోవాలని గట్టి సంకల్పంతో ఉంది. నాలుగోది కూడా ముస్లిం మైనార్టీ వర్గానికి చెందిన మాజీ కౌన్సిలర్‌కు మద్దతునివ్వాలని నిర్ణయించింది. జాప్యంపై నిరాశ దరఖాస్తుల పరిశీలన ముగిసిన నాటి నుంచి 14 రో జుల తర్వాత ప్రత్యేక సమావేశం నిర్వహించాల్సి ఉందని పలువురు కౌన్సిలర్లు చెబుతున్నారు. అయి తే జాప్యం అవుతున్న తీరు చర్చనీయాంశంగా మా రింది. కమిషనర్‌ సెలవులో ఉండటంతోనే సమావేశ నిర్వహణలో ఆలస్యమైనట్లుగా కూటమి కౌన్సి లర్లు చెబుతున్నారు. మరోవైపు నిబంధనల ప్రకా రం నిర్వహించకుంటే కోర్టుకు వెళ్లాలని బీజేపీ భావిస్తున్నట్లుగా ప్రచారం సాగుతుంది. 15 తర్వాత నిర్వహిస్తాం మున్సిపల్‌ కమిషనర్‌ సెలవులో ఉండటంతో ప్ర త్యేక సమావేశం నిర్వహణకు వీలుపడలేదు. క మిషనర్‌ విధుల్లో చేరిన వెంటనే ఈ నెల 15తర్వాత ప్రత్యేక తేదీ ప్రకటించి సమావేశాన్ని నిర్వహిస్తాం. జాప్యంలో ఎలాంటి రాజకీయ కారణా లు లేవు. సభ్యుల ఎన్నిక పారదర్శకంగా నిబంధనల ప్రకారం జరిగేలా చర్యలు తీసుకుంటాం. – బండారి అనూష, మున్సిపల్‌ చైర్‌పర్సన్‌

నీట్‌ వంటి ప్రతిష్టాత్మక పరీక్షల్లో పేపర్‌ లీక్‌ ఆరోపణలు ఆందోళనకరం. లక్షలాది మంది విద్యార్థులు సంవత్సరాల పాటు కష్టపడి, ఒత్తిడిని ఎదుర్కొంటూ ఈ పరీక్షకు సిద్ధమవుతున్నారు. కొంతమంది చేసిన తప్పులకు నిజాయితీగా చదివిన విద్యార్థులు శిక్ష అనుభవించకూడదు. సమగ్రమైన దర్యాప్తు జరగాలి. అవినీతికి లేదా అక్రమాలకు పాల్పడిన వారిపై కఠిన చర్యలు తీసుకోవాలి. నిజాయితీగా చదివిన విద్యార్థుల మానసిక స్థితి, భవిష్యత్తును కాపాడటం ముఖ్యం. భవిష్యత్తులో ఇలాంటి ఘటనలు జరగకుండా కట్టుదిట్టమైన భద్రతా చర్యలు, డిజిటల్‌ మానిటరింగ్‌ అమలు చేయాలి. వైద్య విద్యపై ప్రజల నమ్మకం నిలబెట్టడం అందరి బాధ్యత. – డాక్టర్‌ ఎస్‌సీహెచ్‌ఎస్‌ రామకృష్ణ, కార్యదర్శి, ఇండియన్‌ మెడికల్‌ అసోసియేషన్‌ రద్దు చేయడం దారుణం నీట్‌ పరీక్షలు రద్దు చేయడం దారుణం. విద్యార్థులు మానసికంగా ఇబ్బంది పడతారు. ఎంతో కష్టపడి నీట్‌ రాసిన విద్యార్థులు మంచిర్యాంకులు వస్తాయని ఎదురు చూస్తున్నారు. ఎక్కడో రాజస్థాన్లో పేపర్‌ లీకేజ్‌ అయిందని పరీక్షలు రద్దు చేయడం సమంజసం కాదు. మా అబ్బాయి కోన సాయి సాత్విక్‌ నీట్‌ పరీక్షకు కష్టపడి చదివాడు. అలాగే రానున్న ఎంసెట్‌కు కూడా ప్రిపేర్‌ అవుతున్నాడు. ఈ సమయంలో పరీక్ష రద్దు ప్రభావం ఎంసెట్‌పై పడుతుంది. తిరిగి పరీక్షలు నిర్వహించడం, మళ్లీ చదివి రాయడం అంటే విద్యార్థికి ఇబ్బందిగా ఉంటుంది. – కోన సత్యనారాయణ, కే.పెదపూడి, అంబాజీపేట మండలం, కోనసీమ జిల్లా కొత్త పరీక్షా తేదీలను ప్రకటించాలి దేశవ్యాప్తంగా లక్షలాది మంది విద్యార్థులు తమ భవిష్యత్తును ఈ పరీక్షలపై ఆధారపడి నిర్మించుకుంటున్నారు. ఇటువంటి పరిస్థితుల్లో పరీక్షల పారదర్శకత, నిష్పాక్షికత, విశ్వసనీయతను కాపాడటం కేంద్ర పరీక్షా సంస్థల ప్రాథమిక బాధ్యత. ఆరోపణల నేపథ్యంలో పరీక్షలను రద్దు చేయడం విద్యార్థుల నమ్మకాన్ని నిలబెట్టే దిశగా తీసుకున్న అత్యవసర చర్యగా భావించాలి. అయితే, విద్యార్థులు మానసిక ఒత్తిడికి గురికాకుండా, త్వరితగతిన కొత్త పరీక్షా తేదీలను ప్రకటించి, భద్రతా ప్రమాణాలను మరింత బలోపేతం చేయాలని కేంద్ర ప్రభుత్వం, ఎన్టీఏకు విజ్ఞప్తి చేస్తున్నాం. – మతుకుమిల్లి శ్రీవిజయ్‌ ధైర్యంగా ఉండాలి నీట్‌ 2026 ఎన్నో నెలల కృషి, కష్టం. ఎంతోమంది విద్యార్థుల, తల్లిదండ్రుల కష్టం బూడిదలో పోసిన పన్నీరైంది. ఇది చాలా దారుణం, తిరిగి నీట్‌ ఎగ్జామ్‌ ఎప్పుడూ ప్రారంభమవుతుందో తెలిసే వరకు ఎవరూ భయపడకుండా ధైర్యంగా ఉండాలి. – వై.గోవిందరాజు, కోచింగ్‌ సెంటర్‌ నిర్వాహకుడు, రాజమహేంద్రవరం

రంపచోడవరం: మహిళలు తమకు రక్షణగా నిలిచే చట్టాలపై అవగాహన పెంచుకోవాలని రంపచోడవరం ఎస్‌డీపీవో అష్రిఫ్‌ అలీ అన్నారు. మహిళల భద్రత, హెల్మెట్‌ వినియోగంపై రంపచోడవరంలో మంగళవారం నిర్వహించిన సదస్సులో ఆయన పాల్గొన్నారు. ఈ సందర్భంగా పోలీస్‌ స్టేషన్‌ నుంచి హెల్మెట్‌ ధరించి మోటార్‌ బైక్‌ నడుపుతూ ర్యాలీలో పాల్గొన్నారు. అనంతరం పోలీస్‌స్టేషన్‌ ఆవరణలో నిర్వహించిన సదస్సులో ఆయన మాట్లాడుతూ మహిళా భద్రత, పోక్సో చట్టం గురించి అవగాహన కల్పించారు. రోడ్డు ప్రమాదాలు నివారణకు తీసుకోవాల్సిన జాగ్రత్తలను వివరించారు. మద్యం తాగి వాహనాలు నడిపితే కఠిన చర్యలు తప్పవన్నారు. మైనర్లకు వాహనాలు ఇవ్వొద్దని సూచించారు. కార్యక్రమంలో సీఐ సన్యాసి నాయుడు, ఎస్‌ఐ రమేష్‌, వీఓఏలు, ఐసీడీఎస్‌ ఉద్యోగులు పాల్గొన్నారు.

బోట్‌క్లబ్‌ (కాకినాడ సిటీ): తమ సమస్యలు ఎవరికి చెప్పుకోవాలని, కలెక్టర్‌, జాయింట్‌ కలెక్టర్‌ లేకుండా జిల్లా పరిషత్‌ సమావేశం ఎందుకని కోనసీమ జిల్లాకు చెందిన జెడ్పీటీసీ సభ్యులు మండిపడ్డారు. కాకినాడలోని జిల్లా పరిషత్‌ సమావేశ మందిరంలో మంగళవారం ఉమ్మడి తూర్పుగోదావరి జిల్లా పరిషత్‌ సమావేశం జెడ్పీ చైర్మన్‌ విప్పర్తి వేణుగోపాలరావు అధ్యక్షతన నిర్వహించారు. జెడ్పీ సమావేశాలకు కలెక్టర్‌, జేసీ ఎందుకు రావడం లేదని ప్రశ్నించారు. ప్రతీ సమావేశానికి కలెక్టర్‌ ఎందుకు దూరంగా ఉంటున్నారో చెప్పాలని ఎమ్మెల్సీ కుడుపూడి సూర్యనారాయణరావు ఆధ్వర్యంలో సుమారు అరగంట పాటు జిల్లా పరిషత్‌ సమావేశ మందిరంలో జెడ్పీటీసీ సభ్యులు నేలపై కూర్చుని నిరసన తెలిపారు. కలెక్టర్‌ లేకుంటే తాము సమావేశం బహిష్కరిస్తామని ప్రకటించారు. సమావేశానికి హాజరుకాని కలెక్టర్‌పై కేంద్ర, రాష్ట్ర ప్రభుత్వాలకు ఫిర్యాదు చేయాలన్నారు. కలెక్టర్‌ రానప్పుడు దూర ప్రాంతాల నుంచి తాము వచ్చినా ఏమీ ఉపయోగమని ప్రశ్నించారు. ఎమ్మెల్సీ కుడుపూడి సూర్యనారాయణ మాట్లాడుతూ కోనసీమలో జాతీయ రహదాలకు పనులు జరుగుతున్నాయని, ఇరిగేషన్‌కు సంబంధించిన విషయాలు సమావేశంలో చర్చించాలని దీనిపై వివరణ ఇచ్చేందుకు కలెక్టర్‌ కనీసం జాయింట్‌ కలెక్టర్‌ అయినా లేకుంటే ఎలా అన్నారు. జెడ్పీ సమావేశానికి డీఆర్‌ఓ స్థాయి అధికారులను పంపిస్తున్నారని, ఇలా అయితే సమావేశం వద్దని ఆయన జెడ్పీ చైర్మన్‌కు సూచించారు. జిల్లా పరిషత్‌ సమావేశం వేరొక రోజు పెట్టాలని ఆ రోజు కలెక్టర్‌ వచ్చేలా చూడాలని ఎమ్మెల్సీతో పాటు జేడ్పీటీసీ సభ్యులు పట్టుబట్టారు. జెడ్పీ చైర్మన్‌ తో పాటు జెడ్పీ సీఈఓ లక్ష్మణరావు సభ్యులకు ఎంత సర్దిచెప్పినా వారు తగ్గలేదు. కలెక్టర్‌తో సంప్రదించిన తర్వాతనే తాము సమావేశానికి తేదీలు ఖరారు చేశామని జెడ్పీ చైర్మన్‌ విప్పర్తి వేణుగోపాలరావు తెలిపారు. కోనసీమ జిల్లాకు జడ్జి రావడంతో ప్రొటోకాల్‌ నిమిత్తం కలెక్టర్‌ ఉండాల్సి వచ్చిందని చెప్పడంతో వారు శాంతించారు. సంక్షేమ హాస్టళ్లలో స్వచ్ఛమైన మంచినీరివ్వాలి : ఎమ్మెల్సీ సూర్యనారాయణరావు సంక్షేమ హాస్టల్లో ఉంటున్న విద్యార్థులకు స్వచ్ఛమైన మంచినీరు అందించకపోవడంతో రోగాల బారిన పడుతున్నారని ఎమ్మెల్సీ కుడుపూడి సూర్యనారాయణరావు ఆవేదన వ్యక్తం చేశారు. హాస్టళ్లలో ఏర్పాటు చేసిన ఆర్వో ప్లాంట్లు సక్రమంగా లేకపోవడంతో విద్యార్థులు రోగాల బారిన పడుతున్నారని అన్నారు. ఆర్వో ప్లాంట్‌ల నిర్వహణను ఆయా కంపెనీలు సక్రమంగా చేయడం లేదని, అధికారులు పర్యవేక్షించడం లేదని మండిపడ్డారు. వైద్య సేవలు సక్రమంగా అందడం లేదు ఉమ్మడి జిల్లాలోని పలు ప్రాథమిక ఆరోగ్య కేంద్రాల్లో వైద్యుల కొరత, సిబ్బంది కొరత ఎక్కువగా ఉందని, దీంతో వైద్య సేవలు అందకపోవడంతో ప్రజలు చాలా ఇబ్బందులు పడుతున్నారని పలువురు జెడ్పీటీసీ సభ్యులు చెప్పారు. ఏజెన్సీ ప్రాంతంలో ఈ సమస్య ఎక్కువగా ఉందని అక్కడి జెడ్పీటీసీ సభ్యులు, ఎంపీపీలు మండిపడ్డారు. దూర ప్రాంతాలకు వెళ్లి ప్రైవేట్‌ ఆసుపత్రిలో వేలాది రూపాయలు వెచ్చించి వైద్యం చేయించుకోవాల్సి వస్తోందన్నారు. ప్రభుత్వ ఆసుపత్రుల్లో నిరుపేదల నుంచి డబ్బు వసూలు చేస్తున్నారని చెప్పారు. రహదారులు సక్రమంగా లేకపోవడంతో అనేక అవస్థలు పడుతున్నామని పలువురు సభ్యులు తెలిపారు. ముఖ్యంగా రౌతులపూడి, తేటగుంట, ఎస్‌ పైడిపాల రోడ్డు పూర్తిగా గోతుల మయం అయిందన్నారు. ఎమ్మెల్యేలు బత్తుల బలరామకృష్ణ, పంతం నానాజీ, వేగుళ్ల జోగేశ్వరరావు, సత్తి రామకృష్ణారెడ్డి పాల్గొన్నారు. కోనసీమ జెడ్పీటీసీ సభ్యుల ఆందోళన రైతులకు మద్దతు ధర కల్పించడంలో ప్రభుత్వం విఫలం వాడి వేడిగా ఉమ్మడి తూర్పుగోదావరి జిల్లా పరిషత్‌ సమావేశం వరి రైతులు నష్టపోతున్నారు : ఎంపీ బోస్‌ ప్రస్తుత రబీలో వరి రైతులకు మద్దతు ధర రాాకపోవడం వల్ల ప్రతి బస్తాకు రూ.200 నుంచి రూ.300 నష్టపోవాల్సి వస్తోందని రాజ్యసభ సభ్యుడు పిల్లి సుభాష్‌ చంద్రబోస్‌ అన్నారు. తేమ పేరుతో ధాన్యం కొనుగోలు చేయకపోవడంతో రైతులు దళారులకు అమ్ముకోవాల్సిన పరిస్థితి వచ్చిందన్నారు. కోనసీమ జిల్లాలో తక్కువ రైస్‌మిల్లులు ఉండడం వల్ల ధాన్యం కొనుగోలు చేయడం లేదన్నారు. ఉమ్మడి తూర్పుగోదావరి జిల్లా పరిధిలోని ఇతర రైస్‌ మిల్లులకు కోనసీమ ధాన్యం తరలించే ఏర్పాట్లు చేయాలని, అప్పుడు రైతులకు మద్దతు ధర లభిస్తుందన్నారు. దీనికి కాకినాడ జిల్లా కలెకర్ట్‌ సానుకూలంగా స్పందించి ధాన్యం కొనుగోలుకు చర్యలు తీసుకొంటామని చెప్పారు.

పోలవరంబుధవారం శ్రీ 13 శ్రీ మే శ్రీ 2026ఫ కనెట్‌ కాక..పరిమితంగా సిగ్నల్స్‌ జిల్లాలోని ఎగువ ప్రాంతంలో ఉన్న రాజవొమ్మంగి, వై.రామవరం మండలాల్లో బీఎస్‌ఎన్‌ల్‌ సేవల పరిస్థితి దారుణంగా ఉంది. సెల్‌ టవర్లు ఉన్నా కేవలం మీటర్ల దూరంలో మాత్రమే సిగ్నల్స్‌ అందుతున్నాయని, అటవీ ప్రాంతాల్లో కేవలం గ్రామం వరకు మాత్రమే సిగ్నల్స్‌ పరిమితమవుతున్నాయని వినియోగదారులు వాపోతున్నారు. మరోవైపు చింతూరు డివిజన్‌లో 65 బీఎస్‌ఎన్‌ఎల్‌ టవర్లుండగా వాటిలో 4జీ టవర్లు 57 ఉన్నాయి. డివిజన్‌ కేంద్రమైన చింతూరులో రెండు నెలలుగా బీఎస్‌ఎన్‌ఎల్‌ వినియోగదారులు తీవ్ర ఇబ్బందులు ఎదుర్కొంటున్నారు. బీఎస్‌ఎన్‌ఎల్‌కు సంబంధించిన అండర్‌ గ్రౌండ్‌ కేబుల్‌ తెలంగాణ నుంచి జాతీయ రహదారి 30 వెంబడి చింతూరుకు వస్తుంది. రెండేళ్లుగా ఈ జాతీయ రహదారి నిర్మాణ పనులు జరుగుతుండడం, తవ్వకాల సమయంలో కేబుల్‌ తెగిపోయి సిగ్నల్స్‌ నిలిచిపోతున్నాయి. ఫ పనిచేయన్‌ సెల్‌ఫోన్‌ సిగ్నల్స్‌ ఫ నిత్యం మొరాయిస్తున్న వైనం ఫ ప్రజల తీవ్ర అవస్థలు చింతూరు: ఆధునిక కాలంలో సెల్‌ఫోన్‌కు ఉన్న ప్రాధాన్యం గురించి ప్రత్యేకంగా చెప్పనవసరం లేదు. ఉదయం లేచింది మొదలు, రాత్రి పడుకోబోయే వరకూ, అర్ధరాత్రి అత్యవసర సమయంలోనూ దీని అవసరం చాలా ఉంటుంది. జేబులో రూపాయి లేకపోయినా పర్వాలేదు గానీ సెల్‌ఫోన్‌ లేకపోతే బతకడం చాలా కష్టం. దీనికి అనుగుణంగానే వివిధ కంపెనీలు నెట్‌ వర్క్‌లను విస్తరించుకుంటూ వినియోగదారులకు సేవలు అందిస్తున్నాయి. కానీ పోలవరం జిల్లాల్లో మాత్రం సెల్‌ సిగ్నల్స్‌ (నెట్‌ వర్క్‌) వ్యవస్థ సక్రమంగా పనిచేయక ప్రజలు తీవ్ర ఇబ్బంది పడుతున్నారు. 12 మండలాల్లో.. జిల్లాలోని 12 మండలాల్లో సుమారు 450కి పైగా బీఎస్‌ఎన్‌ఎల్‌ టవర్లున్నాయి. వీటి పరిధిలో ఆయా మండలాల్లో లక్ష మందికి పైగా వినియోగదారులు సేవలు పొందుతున్నారు. ప్రస్తుతం పట్టణ ప్రాంతాల్లో 5జీ నెట్‌వర్క్‌ విస్తృతంగా అభివృద్ధి చెందుతుంటే జిల్లాలోని కొన్ని ప్రాంతాల్లో ఇంకా 2జీ, 3జీ నెట్‌వర్క్‌ సేవలే అందుతున్నాయి. ఇటీవల చాలా టవర్లను 4జీగా అప్‌గ్రేడ్‌ చేసినా సరైన రీతిలో సేవలు అందించడం లేదు. బ్రాడ్‌బ్యాండ్‌ సేవలూ అంతే.. సెల్‌ సిగ్నల్స్‌తో పాటు బ్రాడ్‌ బ్యాండ్‌ సేవలు కూడా నిలిచి పోతుండడంతో తీవ్ర ఇబ్బందులు ఎదురవుతున్నాయి. చింతూరులోని బీఎస్‌ఎన్‌ఎల్‌ కార్యాలయానికి సరైన రక్షణ వ్యవస్థ లేకపోవడంతో విలువైన వస్తువులు చోరీకి గురవుతున్నాయి. ఇటీవల బ్యాటరీలకు సంబంధించిన కాపర్‌ కేబుల్‌ చోరీకి గురై 20 గంటలకు పైగా సేవలు నిలిచిపోయాయి. ఇక మారుమూల గిరిజన గ్రామాల్లో పరిస్థితి మరింత దారుణంగా ఉంది. రోజుల తరబడి సేవలు నిలిచిపోతుండడంతో అత్యవసర సమయాల్లో సమాచారం ఇచ్చేందుకు తీవ్ర కష్టాలు పడుతున్నామని వినియోగదారులు అవేదన వ్యక్తం చేస్తున్నారు. చింతూరులో బీఎస్‌ఎన్‌ఎల్‌తో పాటు జియో, ఎయిర్‌టెల్‌, వీఐ (వొడాఫోన్‌, ఇండియా) టవర్లు వున్నాయి. వీటిలో జియో ఆపరేటర్‌పై వినియోగదారులు తీవ్ర ఆగ్రహం వ్యక్తం చేస్తున్నారు. ఏడాదిన్నర క్రితం 4జీ సేవలతో జియో టవర్‌ నిర్మాణం కాగా నేటికీ అవే 4జీ సేవలు కొనసాగుతున్నాయి. ఇతర నెట్‌వర్క్‌లకు చెందిన వినియోదారులను ఆకట్టుకునేందుకు త్వరలోనే 5జీ సేవలు అందుబాటులోకి వస్తాయని ఆశచూపడంతో చాలామంది నంబరు పోర్టబులిటీ ద్వారా జియో నెట్‌వర్క్‌లోకి మారారు. ఏడాదిన్నర కావస్తున్నా నేటికీ 5జీ సేవలు అందుబాటులోకి రాలేదు. మరోవైపు ఎయిర్‌టెల్‌ వినియోగదారుల పరిస్థితి కూడా ఇదే రీతిలో వుంది. వాయిస్‌ కాల్స్‌ అప్పడప్పుడూ మొరాయించినా ఈ రెండు నెట్‌వర్క్‌లకు సంబంధించి ఇంటర్నెట్‌ సేవలు చాలా దారుణంగా వున్నాయి. టవర్ల ప్రారంభ సమయంలో 20 ఎంబీకి పైగా వున్న ఇంటర్నెట్‌ వేగం ప్రస్తుతం 5 ఎంబీ కంటే దిగువకు పడిపోయిందని, ఒక్కోసారి కేబీల్లో చూపిస్తోందని వినియోగదారులు వాపోతున్నారు. సిగ్నల్స్‌ దారుణం మెరుగైన సేవలు అందిస్తారనే ఆశతో ఇతర నెట్‌వర్క్‌ నుంచి జియోకు మారాను. ఇంటర్నెట్‌ వేగం చాలా తక్కువగా ఉంటోంది. ప్రారంభంలో బాగానే వున్నా ఇటీవల చాలా దారుణంగా పడిపోయింది. 5జీ సేవలు ఇస్తామని చెబితే జియో నెట్‌వర్క్‌లోకి మారినా నేటికీ 4జీ సేవలు మాత్రమే అందిస్తున్నారు. – మల్లెల్లి ప్రదీప్‌, చింతూరు నెట్‌వర్క్‌ మెరుగుపరచాలి మా ప్రాంతంలో బీఎస్‌ఎన్‌ఎల్‌ నెట్‌వర్క్‌ సరిగా పనిచేయడం లేదు. దీంతో చాలా ఇబ్బందులు పడుతున్నాం. ప్రైవేటు నెట్‌వర్క్‌లకు సంబంధించిన సిమ్‌లు కొనుగోలు చేస్తున్నాం. నెట్‌వర్క్‌ వ్యవస్థను మెరుగుపరిచి సేవలను విస్తరిస్తే బాగుంటుంది. –గోరా అప్పలస్వామి, అప్పలరాజుపేట, రాజవొమ్మంగి మండలం గ్రామానికే పరిమితం సెల్‌ సిగ్నల్స్‌ కేవలం టవర్‌ ఉన్న గ్రామానికి మాత్రమే పరిమితమవుతున్నాయి. ఊరు దాటితే సిగ్నల్‌ అందడం లేదు. అత్యవసర సమయాల్లో సిగ్నల్‌ వున్న ప్రాంతాలకు వెళ్లి మాట్లాడాల్సి వస్తోంది. ఆపరేటర్లు సేవలను విస్తరించకుండా తీవ్ర నిర్లక్ష్యం వహిస్తున్నారు. – పయ్యాల నాగేశ్వరరావు, చింతూరు మొరాయింపు సెల్‌ఫోన్‌ సిగ్నల్స్‌ నిత్యం మొరాయిస్తుండడంతో జిల్లా పరిధిలోని ప్రజలతో పాటు ఉద్యోగులు తీవ్ర ఇబ్బందులు పడుతున్నారు. ప్రభుత్వ రంగ సంస్థ అయిన బీఎస్‌ఎన్‌ల్‌తో పాటు ప్రైవేటు ఆపరేటర్లకు సంబంధించిన టవర్లు సైతం వినియోగదారులుకు నాణ్యమైన సిగ్నల్స్‌ అందించడంలో విఫలమవుతున్నాయి. ఈ విషయంపై సంబంధిత ఆపరేటర్లకు ఫిర్యాదు చేసినా సిగ్నల్‌ వ్యవస్థను మెరుగు పరచడంలో తీవ్ర నిర్లక్ష్యం వహిస్తున్నారనే ఆరోపణలు వస్తున్నాయి.

వై.రామవరం: పి.యర్రగొండ ఏకలవ్య మోడల్‌ రెసిడెన్షియల్‌ పాఠశాలలో 11వ తరగతిలో ప్రవేశానికి దరఖాస్తులు ఆహ్వానిస్తున్నట్లు ప్రిన్సిపాల్‌ డాక్టర్‌ భూరా రామ్‌ భైరవ తెలిపారు. ఈ పాఠశాలలో మొత్తం 90 సీట్లు ఉండగా, ఈ ఏడాది ఇదే పాఠశాలలో పదో తరగతి ఉత్తీర్ణులైన 59 మంది విద్యార్థులకు కేటాయించామన్నారు. మిగిలిన 31 సీట్లను బయట పాఠశాలల నుంచి వచ్చే గిరిజన బాల బాలికలకు ఇస్తామన్నారు. వీటిలో 16 మంది బాలురు, 15 మంది బాలికలకు అవకాశం ఉందని, రాష్ట్ర బోర్డు, సీబీఎస్‌ఈ, ఇతర గుర్తింపు పొందిన విద్యాసంస్థల నుంచి వచ్చిన గిరిజన విద్యార్థులు దరఖాస్తు చేసుకోవచ్చునన్నారు. పదో తరగతి మెరిట్‌ జాబితా ఆధారంగా సీట్ల కేటాయింపు ఉంటుందన్నారు. ఆసక్తి కల విద్యార్థుల పాఠశాలలోని తమ కార్యాలయానికి వచ్చి వివరాలు తెలుసుకోవాలన్నారు.

● కోనసీమ రైతు పరిరక్షణ సమితి ● కలెక్టరేట్‌ వద్ద పారబోస్తామని హెచ్చరిక అమలాపురం రూరల్‌: జిల్లాలో రబీలో రైతులు పడించిన బొండాలు రకం వరి ధాన్యాన్ని కనీస మద్దతు ధరకు ప్రభుత్వం కొనుగోలు చేయాలని రైతులు డిమాండ్‌ చేశారు. కొనుగోలు ప్రక్రియలో నిర్లక్ష్యం చేస్తే రైతులు పడించిన ధాన్యాన్ని ట్రాక్టర్లలో తీసుకువచ్చి కలెక్టరేట్‌ వద్ద పడేసి నిరసన చేపడతామని రైతులు హెచ్చరించారు. కోనసీమ రైతు పరిరక్షణ సమితి అధ్వర్యంలో సోమవారం కలెక్టరేట్‌ వద్ద వారు నిరసన తెలిపారు. సంఘం జిల్లా అధ్యక్షుడు యాళ్ల బ్రహ్మానందం, ప్రధాన కార్యదర్శి అయితాబత్తుల ఉమామహేశ్వరరావు అధ్వర్యంలో రైతు ప్రతినిధులు జేసీ నిడియాదేవిని కలసి ఈ మేరకు వినతిపత్రం అందజేశారు. జిల్లాలో ఉన్న మండపేట రైస్‌ మిల్లుల్లో గతంలో ధాన్యం కోనుగోలు జరిగేదని, జిల్లా విభజనతో మండపేట తూర్పుగోదావరి జిల్లాలో కలవడం వల్ల సమస్య వస్తోందన్నారు. రైతు నాయకులు చిక్కం పెద్దబ్బులు, జిన్నూరి వెంకటేశ్వరరావు, ఆకుల లక్ష్మణరావు, ఆకుల శేషనాయుడు, టీవీవీ సత్యనారాయణ తదితరులు పాల్గొన్నారు.

రంపచోడవరం: రాజవొమ్మంగి సీడీపీఓ మరణానికి కారకులను వెంటనే అరెస్ట్‌ చేయాలని సీఐటీయూ జిల్లా కమిటీ, ఏపీ అంగన్‌వాడీ వర్కర్స్‌ అండ్‌ హెల్పర్స్‌ యూనియన్‌ (సీఐటీయూ) ఆధ్వర్యంలో సోమవారం రంపచోడవరం ఐటీడీఏ వద్ద ఆందోళన నిర్వహించారు. ఈ సందర్భంగా సీఐటీయూ జిల్లా ప్రధాన కార్యదర్శి వెంకట్‌, జిల్లా అధ్యక్షులు వాణిశ్రీ, అంగన్‌వాడీల యూనియన్‌ జిల్లా కార్యదర్శి నిర్మల మాట్లాడుతూ కొత్తగా పదోన్నతితో రాజవొమ్మంగి సీడీపీఓగా వచ్చిన సుజాత చాలా మృదు స్వభావని, పని పట్ల అంకితభావం గల వ్యక్తి అన్నారు. రాజవొమ్మంగి ఐసీడీఎస్‌ పరిధిలోని అంగన్‌వాడీ సిబ్బందిని సమన్వయం చేసుకుంటూ ముందుకు సాగారని అన్నారు. సూపర్‌వైజర్‌ బదిలీ విషయంలో సూపర్‌వైజర్‌ అసోసియేషన్‌ నాయకులు శ్రీకాంత్‌రాజు చేసిన వేధింపులు, బెదిరింపు కాల్స్‌ వల్లే సీడీపీఓ ఆత్మహత్య చేసుకున్నట్టు కుటుంబ సభ్యులు ఆరోపిస్తూ ఫిర్యాదులు ఇచ్చారని, కానీ నేటికి శ్రీకాంత్‌రాజును పోలీసులు అరెస్టు చేయకపోవడం సరికాదన్నారు. అనంతరం కలెక్టర్‌కు వినతిపత్రం అందించారు. దీనిపై కలెక్టర్‌ దినేష్‌ కుమార్‌ స్పందిస్తూ ఘటనపై విచారణ కమిటీని ఏర్పాటు చేశామన్నారు. ఆ నివేదక ఆధారంగా కారకులపై చర్యలు తీసుకుంటామని అన్నారు. కార్యక్రమంలో అంగన్‌వాడీ యూనియన్‌ జిల్లా అధ్యక్షులు రాజేశ్వరి, జిల్లా నాయకురాళ్లు రామలక్ష్మి, రాణి, వెంకటలక్ష్మి, కుమారి, ప్రసన్న, సీత, సునీత, కనకలక్ష్మి, ముత్తమ్మ తదితరులు పాల్గొన్నారు.

● వైఎస్సార్‌ సీపీ నేతలు గన్నవరపు, జిన్నూరి ● వర్షాలకు దెబ్బతిన్న పంటల పరిశీలన అయినవిల్లి: మొక్కజొన్న, అరటి పంటలకు ప్రభుత్వం గిట్టుబాబు ధర ప్రకటించాలని, తుపాను, అకాల వర్షాలకు దెబ్బతిన్న ఆయా పంటల రైతులను ఆదుకోవాలని నియోజకవర్గ వైఎస్సార్‌ సీపీ కోఆర్డినేటర్‌ గన్నవరపు శ్రీనివాసరావు, పార్టీ రాష్ట్ర రైతు విభాగం అధ్యక్షులు జిన్నూరి రామారావు (బాబి) ప్రభుత్వాన్ని డిమాండ్‌ చేశారు. సోమవారం మండలంలోని తొత్తరమూడి కె.పెదలంకలో తుపాను, వర్షాలకు దెబ్బతిన్న పంటలను వారు పరిశీలించారు. రైతులు గుత్తాల బాబురావు, రేవు రాంబాబు, బొక్కా సత్యనారాయణ, మద్దా వెంకటలక్ష్మి తదితరులు పాడైన పంటలను వారికి చూపించారు. ఈ ఏడాది మొక్కజొన్న ఎకరాకు 40 బస్తాల వరకు దిగుబడి వచ్చిందని, అరటి సైతం బాగుందని, కానీ మార్కెట్‌లో గిట్టుబాటు ధర లేక అయినకాడికి విక్రయించాల్సి వస్తోందని వాపోయారు. ఈ సందర్భంగా శ్రీనివాసరావు, రామారావు మాట్లాడుతూ గత వైఎస్సార్‌ సీపీ ప్రభుత్వంలో మొక్కజొన్నకు ఎంఎస్‌పీ క్వింటాలుకు రూ.2400 చెల్లించే వారని ఈ ప్రభుత్వంలో రూ.1400 నుంచి రూ.1700 మాత్రమే చెల్లింస్తున్నారన్నారు. అరటి గెల మార్కెట్‌లో రూ.400 వరకూ పలికేదని ఇప్పుడు రూ.50కి కూడా కొనావారు లేరన్నారు. ఇంతలా నష్టపోతున్న రైతులను ఆదుకోవాల్సిన ప్రభుత్వం నిమ్మకు నీరేత్తినట్లు చూస్తోందని మండి పడ్డారు. తక్షణం రైతులకు గిట్టుబాటు ధర ప్రకటించి ఆదుకోవాలని కోరారు. పంటల బీమాకు కేంద్ర ప్రభుత్వం, రైతులు ముందుకు వచ్చినా రాష్ట్ర ప్రభుత్వం తమవాటా చెల్లించలేని స్థితిలో ఉందన్నారు. దీంతో బీమా సంస్థలు పంటల బీమాకు ముందుకు రావడం లేదన్నారు. కార్యక్రమంలో అయినవిల్లి, పి.గన్నవరం మండలాల వైఎస్సార్‌ సీపీ అధ్యక్షులు మేడిశెట్టి శ్రీనివాసబాబు, యన్నబత్తుల ఆనంద్‌, రాష్ట్ర రైతు విభాగ జాయింట్‌ సెక్రటరీ కొర్లపాటి కోటబాబు, రైతు విభాగం మండల అధ్యక్షుడు రెడ్డి గనిరాజు, కోట విజయరాజు, గుత్తుల నాగబాబు, మిండగుడిది శిరీష్‌ నారాయణస్వామి, కుడుపూడి రామకృష్ణ, మిండగుదిటి రాంబాబు, కుసుమ సునీల్‌కుమార్‌, మతుకుమిల్లి సత్తులు తదితరులు ఉన్నారు.

● దేవి ఫిషరీస్‌ వద్ద పెదబొడ్డు వెంకటాయపాలెం గ్రామస్తుల ఆందోళన ● అస్వస్థతకు గురైన పలువురు ఆస్పత్రుల్లో చేరిక తాళ్లరేవు: కోరంగి పంచాయతీ పరిధిలోని రొయ్యల ప్రాసెసింగ్‌ ప్లాంట్ల నుంచి వస్తున్న కలుషిత జలాలు కాలువలోకి వదలడంతో పలువురు అస్వస్థతకు గురయ్యారు. ఈ నేపథ్యంలో పెదబొడ్డు వెంకటాయపాలెం గ్రామస్తులు సోమవారం స్థానిక దేవి ఫిషరీష్‌ వద్ద ఆందోళన చేసి బాధ్యులను శిక్షించాలని, ఆయా కంపెనీలపై అధికారులు దృష్టి సారించాలని నినాదాలు చేశారు. ఎంపీటీసీ సభ్యుడు పాలెపు పోశియ్య, గ్రామ పెద్దలు పంట కాలువ చెంతనే ఉన్న కంపెనీలు వ్యర్థ జలాలను శుద్ధి చేయకుండా వదిలేస్తున్నారని ఆరోపించారు. దీంతో రెండు మూడు రోజులుగా గ్రామంలో సుమారు 30 మంది వివిధ ఆస్పత్రిలలో వాంతులు, విరేచనాలతో చికిత్స పొందుతున్నారని తెలిపారు. కోరంగిలో రొయ్యల ప్రాసెసింగ్‌ ప్లాంటు నుంచి పంట కాలువలోకి విడుదలైన కలుషిత జలాలు

● అఖిల భారత వ్యవసాయ కార్మిక సంఘం ప్రధాన కార్యదర్శి వెంకట్‌ ● అమలాపురంలో మొదలైన మహాసభలు ● ఎర్ర జెండాలతో హోరెత్తిన మహా ప్రదర్శన అమలాపురం టౌన్‌: వ్యవసాయ కార్మికుల్లో ఐక్యత కోసం, కార్మిక హక్కుల సాధన కోసం జాతీయ, రాష్ట్ర వ్యాప్తంగా పోరాటాలు, ఉద్యమాలు చేస్తున్నామని అఖిల భారత వ్యవసాయ కార్మిక సంఘం ప్రధాన కార్యదర్శి బి.వెంకట్‌ అన్నారు. కేంద్ర, రాష్ట్ర ప్రభుత్వాలు వ్యవసాయ కార్మికులకు ఇచ్చిన హామీలను నెరవేర్చడం లేదని ధ్వజమెత్తారు. అమలాపురం గడియారం స్తంభం సెంటరులో 30వ వ్యవసాయ కార్మిక సంఘం రాష్ట్ర మహా సభలు సోమవారం నుంచి ప్రారంభమయ్యాయి. బుధవారం వరకు నిర్వహించేందుకు రాష్ట్ర సంఘం ఏర్పాట్లు చేసింది. పుర వీధుల్లో సంఘం మహా ప్రదర్శన నిర్వహించింది. ప్రదర్శనలో వ్యవసాయ కార్మిక ప్రతినిధులు 30వ కవాతు నిర్వహించారు. సభలో వ్యవసాయ కార్మిక సంఘం అఖిల భారత అధ్యక్షుడు ఎ.విజయరాఘవన్‌, అఖిల భారత సహాయ కార్యదర్శి విక్రమ్‌ సింగ్‌, మాజీ ఎమ్మెల్సీ ఇళ్ల వెంకటేశ్వరరావు, సంఘం రాష్ట్ర అధ్యక్షుడు దడాల సుబ్బారావు, రాష్ట్ర ఉపాధ్యక్షులు కారెం వెంకటేశ్వరరావు, చైతన్య, రాష్ట్ర కార్యదర్శులు కె.లోకనాధం, వి.వెంకటేశ్వర్లు ప్రసంగించి వ్యవసాయ కార్మికుల పట్ల కేంద్ర, రాష్ట్ర ప్రభుత్వం అనుసరిస్తున్న నిర్లక్ష్య వైఖరిపై ప్రశ్నించారు. సంఘ రాష్ట్ర అధ్యక్షుడు దడాల సుబ్బారావు అధ్యక్షతన జరిగిన ఈ సభలకు పలు రాష్ట్రాల నుంచి వ్యవసాయ కార్మిక ప్రతినిధులు హాజరై ప్రసంగించారు.

రాజవొమ్మంగి: చిరుత పులి మళ్లీ రాజవొమ్మంగి మండలంలోకి ప్రవేశించింది. సోమవారం చికిలింత గ్రామంలో రైతు సోమరాజుకు చెందిన ఆవును హతమార్చింది. ఈ విషయం తెలుసుకున్న రాజవొమ్మంగి అటవీ క్షేత్రాధికారి ఉషారాణి తమ సిబ్బందితో వెళ్లి పులి చికిలింత, వాతంగి, పెదగర్రంగి పరిసర ప్రాంతంలోనే ఉన్నట్లు నిర్ధారణకు వచ్చారు. ఆయా గ్రామాల ప్రజలు అప్రమత్తంగా ఉండాలని సూచించారు. పుట్టిన రోజు వేడుకలకు వచ్చి అనంత లోకాలకు.. రంపచోడవరం: స్నేహితులతో కలసి పుట్టిన రోజు వేడుకలు జరుపుకొనేందుకు వచ్చిన ఓ యువకుడు రోడ్డు ప్రమాదంలో మృతి చెందాడు. రంపచోడవరం మండలం బోర్నగూడెం గ్రామం శివారున ఈ ఘటన జరిగింది. పోలీసుల కథనం ప్రకారం.. రాజానగరం మండలం నందరాడ గ్రామానికి చెందిన మేడిశెట్టి తరుణ్‌ కుమార్‌ (35) పుట్టినరోజు వేడుకలు జరుపుకొనేందుకు ముసురుమిల్లి ప్రాజెక్టు వద్దకు స్నేహితులతో కలసి వచ్చాడు. రెండు బైక్‌లపై నలుగురు యువకులు వచ్చారు. ముసురుమిల్లి ప్రాజెక్టు సమీపంలో ఇద్దరు స్నేహితులు ఉండగా, తరుణ్‌కుమార్‌, ఈలి ప్రవీణ్‌లు కేక్‌, బిర్యానీ తేవడానికి మోటార్‌ సైకిల్‌పై రంపచోడవరం బయలు దేరారు. బోర్నగూడెం శివారున ఎదురుగా వేగంగా ఆటో వచ్చి మోటార్‌ సైకిల్‌ను బలంగా ఢీకొంది. తరుణ్‌ కుమార్‌ తలకు బలమైన గాయమై అక్కడికక్కడే మృతి చెందాడు. ఈలి ప్రవీణ్‌కు తీవ్ర గాయాలు కావడంతో రంపచోడవరం ఏరియా ఆసుపత్రికి తరలించారు. సంఘటన స్థలాన్ని సీఐ సన్యాసినాయుడు, ఎస్సై రాంబాబు పరిశీలించి కేసు నమోదు చేశారు. అత్యాచారం కేసులో 20 ఏళ్ల జైలు రంపచోడవరం: అత్యాచారం కేసులో నిందితుడికి జైలు శిక్ష పడింది. పోలీసుల కథనం ప్రకారం.. 2024లో మారేడుమిల్లి సంత మార్కెట్‌కు చెందిన బాలిక (16)పై బలవంతంగా వై.రామవరం మండలం తూనికలపాడు గ్రామానికి చెందిన కంగల బుజ్జిబాబు దొర అత్యాచారం చేశాడు. ఈ కేసులో నిందితుడికి 20 ఏళ్ల జైలు శిక్ష, రూ. 50 వేల జరిమానా విధిస్తూ కాకినాడ స్పెషల్‌ కోర్ట్‌ ఫర్‌ పోక్సో న్యాయమూర్తి శ్రీదేవి తీర్పు చెప్పారు. కడియం రైల్వే గేటు మూసివేత కడియం: సోమవారం నుంచి ఈ నెల 16వ తేదీ వరకు కడియం ఫిష్‌ఫామ్‌ వద్దగల రైల్వే గేటును మూసివేయనున్నారు. ట్రాక్‌ మరమ్మతుల్లో భాగంగా గేటును మూసివేస్తున్నట్లు రైల్వే అధికారులు తెలిపారు. ఈ మేరకు ప్రజలు సహకరించాలని వారు కోరారు.

రంపచోడవరం: స్థానిక ఐటీడీఏ సమావేశ భవనంలో సోమవారం నిర్వహించిన పీజీఆర్‌ఎస్‌కు అర్జీలు వెల్లువలా వచ్చాయి. మొత్తం 98 అర్జీలు స్వీకరించినట్లు కలెక్టర్‌ కె.దినేష్‌ కుమార్‌ తెలిపారు. రెవెన్యూ క్లినిక్‌కు 13 అర్జీలు వచ్చాయన్నారు. రాజవొమ్మంగి మండలం సింగంపల్లిలో నేషనల్‌ హైవే 516 నిర్మాణంలో భాగంగా నష్టపోయిన తమకు పరిహారం ఇవ్వాలని కలెక్టర్‌కు ఎనిమిది బాధిత కుటుంబాలు అర్జీ అందజేశాయి. మారేడుమిల్లి మండలం తాడేపల్లి పంచాయతీ నీలవరం – వెదురులంక వీధి వరకూ వేసిన విద్యుత్‌ స్తంభాలకు సరఫరా అందించాలని, నీలవరం గ్రామానికి ఆశ వర్కర్‌ను నియమించాలని వైస్‌ ఎంపీపీ తుంబుడు లత, తుంబుడు సోమిరెడ్డి, తుంబుడు నరేందర్‌రెడ్డి కోరారు. ఎటువంటి ఆదాయం లేని తనకు వికలాంగ పింఛన్‌ మంజూరు చేయాలని అడ్డతీగల మండలం ఉప్పలపాడు గ్రామానికి చెందిన బండి మరిడియ్య దరఖాస్తు సమర్పించారు. నిమ్మలపాలెం గ్రామంలో భూ సర్వే చేసి 74 మంది గిరిజనులకు పట్టాలు మంజూరు చేయాలని బలిజ నాగిరెడ్డి, వెంకటరెడ్డి, సంకు అబ్బాయిరెడ్డి తదితరులు అర్జీ ఇచ్చారు. నోడల్‌ అధికారి తూతిక శ్రీనివాస్‌ విశ్వనాథ్‌, డీఆర్‌ఓ అంబేద్కర్‌ పాల్గొన్నారు.

● వెదురు మొక్కల పెంపకంలో అశ్రద్ధ ● పైలెట్‌ ప్రాజెక్టులోనే హంసపాదు ● గిరిజనులకు చేకూరని ప్రయోజనం అంతన్నారు.. ఇంతన్నారు.. గిరిజనులకు ఆర్థిక ప్రయోజనమే లక్ష్యమన్నారు.. చివరికి పథకాన్ని నీరుగార్చారు.. జిల్లాలో పైలెట్‌ ప్రాజెక్టుగా చేపట్టిన వెదురు మొక్కల పెంపకంలో నిర్లక్ష్యాన్ని ప్రదర్శిస్తున్నారు.. ఇలా నిధులు వృథా చేసి, లక్ష్యాన్ని పక్కన బెట్టేశారు. రంపచోడవరం: జిల్లాలో వెదురు మొక్కల పెంపకం ద్వారా గిరిజన రైతులకు ఆర్థిక ప్రయోజనం చేకూర్చేందుకు రంపచోడవరం ఐటీడీఏ చర్యలు చేపట్టింది. ఇందులో భాగంగా మారేడుమిల్లి, వై రామవరం మండలాల్లో పైలెట్‌ ప్రాజెక్టుగా వెదురు మొక్కలు పెంపకం చేపట్టేందుకు కార్యచరణ రూపొందించింది. ఉపాధి హామీ, వెలుగు సంయుక్తంగా రైతులను గుర్తించి వారికి మొక్కలు ఇచ్చేందుకు చర్యలు చేపట్టింది. ఇలా రైతులకు వెదురు మొక్కలు అందజేసింది. ఈ పథకాన్ని ఐటీడీఏ అధికారులు తూతూమంత్రంగా నిర్వహించి, క్షేత్ర స్థాయిలో పరిశీలన చేయకపోవడంతో లక్ష్యం నీరుగారింది. జిల్లాలో పది వేల మంది రైతులతో 4 వేల ఎకరాల్లో వెదురు మొక్కలు నాటించేందుకు కార్యచరణ రూపొందించారు. ఇందులో భాగంగా మండలాల వారీగా రైతులను గుర్తించారు. ఒక్కో రైతు 37 సెంట్ల భూమిలో వెదురు మొక్కలు నాటుకునేందుకు ఇవ్వాలని నిర్ణయించారు. ఒక్కో రైతుకు 60 వెదురు మొక్కలు పంపిణీ చేస్తారు. దీని కోసం రైతు రూ.1,200 చెల్లించాలి. అయితే తిరిగి రైతు ఖాతాలో మొక్కలు కొనుగోలు కోసం ఇచ్చిన డబ్బులు జమ చేస్తారు. ఈ ప్రాజెక్టును ముందుకు తీసుకు వెళ్లేందుకు వెలుగు, ఉపాధి హామీ పథకం, ఉద్యాన శాఖ, ఇండస్ట్రీ ఫౌండేషన్లను భాగస్వాములను చేశారు. వెలుగు సిబ్బంది రైతులకు వెదురు మొక్కలను అందజేస్తారు. ఉపాధి హామీ సిబ్బంది మొక్కలు నాటడానికి గోతులు తీసి మస్తర్లు నమోదు చేస్తారు. ఉద్యాన శాఖ వెదురు మొక్కలు నాటుకునే విధానం, పెంపకంపై అవగాహన కల్పిస్తారు. రైతులకు వెదురు మొక్కలను ఇండస్ట్రీ ఫౌండేషన్‌ సరఫరా చేస్తుంది. సమగ్ర ఇదీ ప్రాజెక్టు స్వరూపం. ఇందులో అడుగడుగడుగునా లోపాలే కనిపించాయి. వర్షాలు పడని సమయంలో.. పైలెట్‌ ప్రాజెక్టులో భాగంగా మారేడుమిల్లి, వై రామవరం మండలాల్లో సుమారు 1,200 మంది రైతులకు వెదురు మొక్కలను గత ఏడాది సెప్టెంబర్‌లో అందజేశారు. వీటిని వర్షాలు లేని సమయంలో ఇవ్వడంతో మొక్కలను నాటుకునేందుకు రైతులు ఆసక్తి చూపలేదు. ఈ కారణాలతో మొక్కలు నాటకుండానే చాలాచోట్ల చనిపోయాయి. అలాగే నాటిన మొక్కలు దెబ్బతిన్నాయి. ఇచ్చిన మొక్కల్లో సుమారు 50 శాతంపైనే పాడయ్యాయి. మొక్కలు నాటేందుకు అనుకూలంగా లేని సమయంలో ఇవ్వడం వల్లే ఈ పరిస్థితి వచ్చిందని విమర్శలు వినిపిస్తున్నాయి. అయితే అధికారులు ఒత్తిడి కారణంగానే సెప్టెంబర్‌ నెలలో మొక్కలు ఇచ్చినట్లు తెలుస్తుంది. మొక్కలు ఇచ్చినా వాటిని నాటుకున్నారో తేదో పరిశీలించకపోవడం శోచనీయం. కేంద్ర ప్రభుత్వం వెదురు అభివృద్ధికి నేషనల్‌ బాంబో మిషన్‌ ఏర్పాటు చేసింది. వెదురు నాటిన రైతులకు నాలుగు సంవత్సరాల తర్వాత రూ.37,411 ఆదాయం వస్తుంది. 40 ఏళ్లు పాటు రాబడి రానుంది. ఫలితం శూన్యం ఏజెన్సీలో వెలుగు ద్వారా చేపట్టిన ప్రాజెక్టుల ఫలితాలు శూన్యమే. వారు చేపట్టిన ప్రాజెక్టుల ద్వారా గిరిజనులకు ఆర్థికంగా ఆదాయం వచ్చిన దాఖలాలు లేవు. గతంలో జీడిపిక్కల ఫ్యాక్టరీ, జామాయిల్‌ మొక్కల పంపిణీ, ఇటుకల తయారీ పరిశ్రమ, పసుపు తయారీ, వెదురుతో కొవ్వొత్తుల తయారీ వంటి అనేకం ఉన్నాయి. ఏవీ మంచి ఫలితాలు ఇవ్వలేదు. పైలెట్‌ ప్రాజెక్టుపై శ్రద్ధ లేక నిరుపయోగం అయ్యింది. – పండా రామకృష్ణదొర, వైఎస్సార్‌ సీపీ ఎస్టీ సెల్‌ కన్వీనర్‌

ఉట్నూర్‌రూరల్‌: విద్యార్థులకు మెరుగైన వసతులు కల్పించడమే లక్ష్యంగా ప్రభుత్వం పనిచేస్తోందని ఖానాపూర్‌ ఎమ్మెల్యే వెడ్మ బొజ్జు అన్నారు. ఉట్నూర్‌ మండలం లక్కారం జెడ్పీ ఉన్నత పాఠశాలలో రూ. 40 లక్షల అంచనా వ్యయంతో నిర్మించనున్న అదనపు తరగతి గదుల నిర్మాణానికి సోమవారం ఆయన భూమి పూజ చేసి, పనులు ప్రారంభించారు. ఈ సందర్భంగా ఎమ్మెల్యే మాట్లాడుతూ.. పాఠశాల గదుల నిర్మాణ పనులను నాణ్యతతో, త్వరితగతిన పూర్తి చేయాలని గుత్తేదారులు, పాఠశాల సిబ్బందిని ఆదేశించారు. రాబోయే ఆగస్టు 15న స్వాతంత్య్ర దినోత్సవం వరకు పనులు పూర్తి చేసి, అదే రోజు ప్రారంభోత్సవం జరుపుకునేలా చర్యలు తీసుకోవాలని సూచించారు. అదనపు గదులు మంజూరు చేసినందుకు పాఠశాల సిబ్బంది ఎమ్మెల్యేను ఘనంగా సన్మానించి కృతజ్ఞతలు తెలిపారు. అనంతరం పదో తరగతి ఫలితాల్లో ఉత్తమ ప్రతిభ కనబరిచిన విద్యార్థులను ఎమ్మెల్యే సన్మానించి అభినందనలు తెలిపారు. కార్యక్రమంలో లక్కారం సర్పంచ్‌ రేణుక, వార్డు సభ్యులు, గ్రామస్తులు, ఉపాధ్యాయులు, విద్యార్థులు పాల్గొన్నారు.

ఉట్నూర్‌రూరల్‌: ఏజెన్సీ పరిధిలోని గిరిజన పా ఠశాలల్లో విద్యార్థుల అభ్యసన స్థాయి మెరుగుపరిచేందుకు ‘గురు సంకల్పం’ అనే కార్యక్రమాని కి ఐటీడీఏ పీవో మకరందు శ్రీకారం చు ట్టారు. ఈ మేరకు అధికారులతో కలిసి క్యూఆర్‌, కరపత్రాలను సోమవారం ఆవిష్కరించారు. విద్యార్థు ల అభ్యసన స్థాయి మెరుగుపరిచేందుకు వినూ త్న ఆలోచనలు, ఆచరణాత్మక పరిష్కారాలు, వి జయవంతమైన ఉత్తమ పద్ధతులను పంచుకోవడానికి ఆయా పాఠశాలల నుంచి ఉపాధ్యాయులు ప్రతిపాదనలను క్యూఆర్‌ కోడ్‌ స్కాన్‌ చేసి జూన్‌ 2వరకు సమర్పించాలన్నారు. మొదటి బహుమతిగా రూ.5వేలు, రెండో బహుమతిగా రూ.4 వేలు, వినూత్నమైన వాటికి రూ.3 వేల చొప్పున నగదు అందించనున్నట్లు తెలిపారు.

ఇచ్చోడ: నియోజకవర్గాన్ని అన్ని రంగాల్లో అభివృద్ధి చేసేందుకు తనవంతు కృషి చేస్తున్నానని బోథ్‌ ఎమ్మెల్యే అనిల్‌జాదవ్‌ అన్నారు. మండల కేంద్రంలో రూ.21లక్షలతో నిర్మించనున్న సీసీ రోడ్డు పనులకు సోమవారం భూమి పూజ చేశారు. ఈ సందర్భంగా ఆయన మాట్లాడారు. ప్రతీ గ్రామానికి సీసీ రోడ్డు, డ్రెయినేజీ వ్యవస్థ మెరుగుపరిచేందుకు కృషి చేస్తున్నట్లు తెలిపారు. కార్యక్రమంలో సర్పంచ్‌ కొడప జలైజాకు, ఉప సర్పంచ్‌ శిరీష్‌రెడ్డి, బీఆర్‌ఎస్‌ నాయకుడు కృష్ణారెడ్డి, పీఎసీఎస్‌ చైర్మన్‌ శ్రీకాంత్‌రెడ్డి, మాజీ ఎంపీటీసీలు శివకుమార్‌రెడ్డి, సుభాష్‌,తదితరులు పాల్గొన్నారు.

కై లాస్‌నగర్‌: ప్రజావాణి పోర్టల్‌లో నమోదయ్యే ప్ర తీ ఫిర్యాదును నిర్దిష్ట గడువులోపు పరిష్కరించి బా ధితులకు సాంత్వన చేకూర్చాలని కలెక్టర్‌ రాజర్షి షా అన్నారు. కలెక్టరేట్‌ సమావేశ మందిరంలో సోమవారం ప్రజావాణి నిర్వహించారు. ఇందులో భాగంగా జిల్లాలోని వివిధ ప్రాంతాల నుంచి వచ్చిన బాధితుల నుంచి ఆయన అర్జీలు స్వీకరించారు. వారి స మస్యలు అడిగి తెలుసుకున్నారు. దరఖాస్తులను సంబంధిత శాఖల అధికారులకు అందజేస్తూ త్వరి తగతిన పరిష్కరించేలా శ్రద్ధ వహించాలని ఆదేశించారు. ఇందిరమ్మ ఇళ్ల మంజూరు, సామాజిక భద్రతా పింఛన్లు, ఉపాధి హామీ పనులు, భూభారతి స మస్యలు వంటి అంశాలకు సంబంధించి మొత్తం 75 దరఖాస్తులు అందినట్లు అధికారులు వెల్లడించా రు. కార్యక్రమంలో అదనపు కలెక్టర్లు ఆర్‌ఎస్‌ చిత్రు, ఎస్‌.రాజేశ్వర్‌, డీఆర్వో స్రవంతి తదితరులు పాల్గొన్నారు. ఈ వారం అర్జీదారుల్లో కొందరి నివేదన..

రోగులకు సేవలు అందిస్తున్న స్టాఫ్‌ నర్సులురోగికి వైద్యుడు చికిత్స అందిస్తే ఆచరణలో అమలు చేసేది వీరే.. భయంతో వచ్చే పేషెంట్‌లో ఆత్మస్థైర్యం నింపేది ఈ సిస్టర్సే.. ప్రసవ వేదనలో ఉన్న గర్భిణి నుంచి అత్యవసర ట్రీట్‌మెంట్‌ అవసరమైన రోగి వరకు వీరు అందించే సేవలే కీలకం. ప్రజారోగ్య వ్యవస్థలో వెన్నెముకగా నిలిచే వీరికి ఒక ప్రత్యేక రోజు ఉందండోయ్‌. ఫ్లోరెన్స్‌ నైటింగేల్‌ జయంతి సందర్భంగా ఏటా మే 12న అంతర్జాతీయ నర్సుల దినోత్సవం నిర్వహిస్తుంటారు. ఈ నేపథ్యంలో జిల్లా కేంద్రంలోని రిమ్స్‌లో సేవలందిస్తున్న పలువురి నర్సులపై కథనం. – ఆదిలాబాద్‌టౌన్‌

‘సీసీఐ’కి నోటీసులు జారీ చేయాలి ఆదిలాబాద్‌టౌన్‌: సీసీఐ సిమెంట్‌ ఫ్యాక్టరీని కేంద్ర ప్రభుత్వం తుక్కు కింద విక్రయిస్తుంటే విద్యుత్‌, మున్సిపల్‌ శాఖాల పెండింగ్‌ బకాయిలు ఎవరు చెల్లిస్తారని సీసీఐ సాధన కమిటీ కన్వీనర్‌ దర్శనాల మల్లేశ్‌ ప్రశ్నించారు. విద్యుత్‌ శాఖ కార్యాలయం ఎదుట సోమవారం నిరసన వ్యక్తం చేశారు. ఈ సందర్భంగా ఆయన మాట్లాడుతూ, సామాన్యులకు రూ.2వేల కరెంట్‌ బిల్లు పెండింగ్‌ ఉంటే విద్యుత్‌ సరఫరా నిలిపివేస్తున్న అధికారులు సీసీఐ సంస్థ మాత్రం రూ.18 కోట్లు బకాయిలు ఉన్నా ఎందుకు వసూలు చేయడం లేదని అన్నారు. సామాన్యులకు ఒక న్యాయం.. బడాబాబులకు ఒక న్యాయమా అని మండిపడ్డారు. సీసీఐ ఫ్యాక్టరీని తుక్క కింద వి క్రయించిన తర్వాత ఈ బకాయిలను ఎలా వసూలు చేస్తారని, యాజమన్యానికి బకాయిలు చెల్లించాలని నోటీసులు జారీ చేయాలని డిమాండ్‌ చేశారు. కేంద్ర ప్రభుత్వ తీరును నిరసిస్తూ నినాదాలు చేశారు. అనంతరం విద్యుత్‌ శాఖ అధికారి జేఆర్‌ చౌహాన్‌కు సీసీఐకి నోటీసులు ఇవ్వాలంటు వినతిపత్రం అందించారు. ఇందులో సాధన కమిటీ నాయకులు బండి దత్తాత్రి, లోకారి పోశేట్టి, దాసరి రమేశ్‌, స్వరూప, మమత, జగన్‌ సింగ్‌, గోవర్ధన్‌, బొర్రన్న, సచిన్‌, పర్వీన్‌ సుల్తానా తదితరులు పాల్గొన్నారు. దరఖాస్తు చేసుకోండిఆదిలాబాద్‌టౌన్‌: ప్రభుత్వ ఐటీఐ కళాశాలలో ఇంజినీరింగ్‌, నాన్‌ ఇంజినీరింగ్‌ ట్రేడ్‌ కోర్సుల్లో శిక్షణ పొందేందుకు ఆసక్తి, అర్హత గల విద్యార్థులు దరఖాస్తు చేసుకోవాలని కళాశాల ప్రిన్సిపల్‌ శ్రీనివాస్‌ ప్రకటనలో తెలిపారు. ఈనెల 14 నుంచి జూన్‌ 8వరకు ఆన్‌లైన్‌లో దరఖాస్తు చేసుకోవాలని సూచించారు. అభ్యర్థులు 8, 10వ తరగతి ఉత్తీర్ణులై ఉండాలని పేర్కొన్నారు. కోపా, డ్రెస్‌మేకింగ్‌, స్టెనోగ్రాఫర్‌, ఎలక్ట్రీషియన్‌ కోర్సులో శిక్షణ కల్పించనున్నట్లు తెలిపారు. వివరాలకు 8500465816 నంబర్‌లో సంప్రదించాలని సూచించారు.

ఎస్‌ఐఆర్‌ ప్రక్రియ వేగవంతం చేయాలి కై లాస్‌నగర్‌: ప్రత్యేక సమగ్ర సవరణ (ఎస్‌ఐఆర్‌) ప్రక్రియలో భాగంగా తాజా ఓటరు జాబి తాను 2002 ఎస్‌ఐఆర్‌ జాబితాతో మ్యాపింగ్‌ చేసే ప్రక్రియ వేగవంతం చేయాలని కలెక్టర్‌ రా జర్షిషా అదేశించారు. రాష్ట్ర ఎన్నికల ప్రధాన అధికారి సుదర్శన్‌ రెడ్డి సోమవారం హైదరాబా ద్‌ నుంచి జిల్లా కలెక్టర్లు, జిల్లా ఎన్నికల అధి కారులు, సంబంధిత అధికారులతో నిర్వహించిన వీడియో కాన్ఫరెన్స్‌లో కలెక్టరేట్‌ నుంచి ఆ యన పాల్గొన్నారు. అనంతరం జిల్లాలోని సంబంధిత అధికారులతో ఆయన మాట్లాడుతూ, ప్రతీ నియోజకవర్గంలో బీఎల్‌వోల పనితీరును నిరంతరం పర్యవేక్షిస్తూ లక్ష్యాలకు అనుగుణంగా మ్యాపింగ్‌ పూర్తి చేయాలన్నారు. ఈ మేరకు అవసరమైన డేటా ఎంట్రీ ఆపరేటర్లు, అన్ని వనరులను సిద్ధం చేసుకోవాలన్నారు. మ్యాపింగ్‌ పురోగతిని పెంచేందుకు ప్రతి బుధవారం రాజ కీయ పార్టీలతో సమావేశాలు నిర్వహించా లని సూచించారు. వీడియో కాన్ఫరెన్స్‌లో డీఆ ర్‌వో స్రవంతి, ఆర్డీవో జగదీశ్వర్‌ రావ్‌ పాల్గొన్నారు. ఆదిలాబాద్‌: జనగణన–2027 ప్రక్రియలో ప్రతి ఒక్కరూ భాగస్వాములు కావాలని కలెక్టర్‌ రాజర్షి షా అన్నారు. జిల్లా కేంద్రంలోని ఇందిరా ప్రియదర్శిని స్టేడియం నుంచి కలెక్టరేట్‌ వరకు సోమవారం నిర్వహించిన ‘సెన్సెస్‌ వాక్‌’ (మారథాన్‌)ను ఆయ న జెండా ఊపి ప్రారంభించారు. ఈ సందర్భంగా మాట్లాడుతూ, జిల్లాలో ఇప్పటికే 12వేల కుటుంబా లు సెల్ఫ్‌ ఎన్యూమరేషన్‌ ద్వారా వివరాలు నమో దు చేసుకున్నాయన్నారు. జూన్‌ 9 వరకు నిర్వహించే మొదటి దశ హౌస్‌లిస్టింగ్‌, హౌసింగ్‌ సెన్సెస్‌ అత్యంత కీలకమని పేర్కొన్నారు. జిల్లాలోని 1,293 బ్లాకుల్లో ఎన్యూమరేటర్లు పర్యటిస్తారని, వారు అడి గే ప్రశ్నలకు ప్రజలు నిర్భయంగా, యథార్థమైన సమాచారం అందించాలని కోరారు. ప్రజలు ఇచ్చే సమాచారం డేటా ప్రైవసీ చట్టాల ప్రకారం అత్యంత గోప్యంగా ఉంటుందని వెల్లడించారు. ఇది ప్రభు త్వ అభివృద్ధి పథకాల రూపకల్పనకు మాత్రమే ఉపయోగపడుతుందని స్పష్టం చేశారు. సెల్ఫ్‌ ఎన్యూమరేషన్‌ చేసుకున్న వారు తమ ఎస్‌ఈ ఐడీ చూపిస్తే ప్రక్రియ వేగవంతం అవుతుందని సూచించారు. ఇందులో అదనపు కలెక్టర్లు ఆర్‌ఎస్‌.చిత్రు, రాజేశ్వర్‌, డీఆర్వో స్రవంతి, యువత, విద్యార్థులు తదితరులు పాల్గొన్నారు. నైపుణ్యాలు పెంపొందించుకోవాలి ఆదిలాబాద్‌రూరల్‌: వేసవి శిబిరాల్లో విద్యార్థులు నైపుణ్యాలు పెంపొందించుకోవాలని కలెక్టర్‌ రాజర్షి షా అన్నారు. విద్యా వారోత్సవాల సందర్భంగా మండలంలోని యాపల్‌గూడ జెడ్పీ ఉన్నత పాఠశాలలో ఏర్పాటు చేసిన వేసవి శిబిరం, బడి బాట కా ర్యక్రమాలను సోమవారం ఆయన ప్రారంభించారు. తబలా, హార్మోనియం వాయించి విద్యార్థులను ఉత్సాహ పరిచారు. విద్యార్థులు ఆసక్తి మేర కు మ్యూజిక్‌, కోడింగ్‌, యోగా, క్రీడల్లో నైపుణ్యం సాధించాలన్నారు. అలాగే జనగణన ప్రక్రియకు ప్రజలంతా సహకరించాలన్నారు. ఇందులో అదనపు కలెక్టర్‌, ఇన్‌చార్జి డీఈవో రాజేశ్వర్‌, ప్రధానోపాధ్యాయులు వినోద్‌రెడ్డి, సర్పంచ్‌ నీరోష్‌, ఉపసర్పంచ్‌ దత్తు, అమ్మ ఆదర్శ పాఠశాల చైర్మన్‌ పార్వతి, ఎంఈవో రమేశ్‌రెడ్డి, ఉపాధ్యాయులు, విద్యార్థులు తదితరులున్నారు. స్కానింగ్‌ యంత్రాలు అందజేత కై లాస్‌నగర్‌: జిల్లా కేంద్రంలోని రిమ్స్‌ ఆసుపత్రిలో నిర్వహించే సదరం శిబిరాల్లో చిన్నారులకు కంటి పరీక్షలు నిర్వహించి, వైకల్య శాతాన్ని నిర్ధారించేందుకు గాను అత్యాధునిక స్కానింగ్‌ యంత్రాలు వచ్చాయి. ఉత్తరప్రదేశ్‌లోని ప్రయాగ్‌రాజ్‌ నుంచి ప్రత్యేకంగా తెప్పించిన సెర్ప్‌ సీఈవో వాటిని జిల్లాకు పంపించారు. సోమవారం కలెక్టరేట్‌ సమావేశ మందిరంలో కలెక్టర్‌ రాజర్షి షా వాటిని రిమ్స్‌ డైరెక్టర్‌ జైసింగ్‌ రాథోడ్‌, డీఎంహెచ్‌వో నరేందర్‌ రాథోడ్‌కు అందజేశారు.

నేను 2006లో ఔట్‌సోర్సింగ్‌ పద్ధతిన జిల్లా ఆస్పత్రిలో పనిచేశాను. 2021లో రెగ్యులర్‌ ఉద్యోగం వచ్చింది. వైద్య వృత్తిపై మక్కువతో పాటు లైఫ్‌ సెట్‌ అవుతుందని ఈ వృత్తిని ఎంచుకున్నాను. నా చెల్లె జ్యోత్స్న సైతం స్టాఫ్‌ నర్సుగా పనిచేస్తుంది. నేను 2007 నుంచి 2021 వరకు రిమ్స్‌లోని ఏఆర్టీ విభాగంలో హెచ్‌ఐవీ వ్యాధిగ్రస్తులకు సేవలు అందించాను. పలువురు ఆత్మహత్యకు పాల్పడేందుకు యత్నించగా, వారికి కౌన్సెలింగ్‌ ఇచ్చి ప్రాణాలు కాపాడిన సందర్భాలు ఉన్నాయి. చాలా మంది ఆ వార్డులో పని చేసినప్పుడు నన్ను భయపెట్టారు. ప్రాణాలు సైతం లెక్కచేయకుండా సేవలు అందించాను. – కె.స్వప్న మేరి, స్టాఫ్‌ నర్సు భద్రత లేకపోయినా.. నేను 2014 నుంచి 2020 వరకు నిర్మల్‌ జిల్లాలోని దస్తూ రాబాద్‌ పీహెచ్‌సీ పరిధిలో కాంట్రాక్ట్‌ పద్ధతిన పనిచేశాను. అది రౌండ్‌దిక్లాక్‌ పీహెచ్‌సీ. రాత్రి సమయంలో ఎలాంటి భద్రత లేకపోయినప్పటికీ విధులు నిర్వర్తించాను. ఆ ప్రాంతంలో పాము, కుక్క కాటు కేసులు అధికంగా వచ్చేవి. రక్తపింజర కాటుకు గురైన పలువురు ప్రాణాపాయ స్థితిలో వచ్చారు. వారికి వైద్యసేవలు అందించి ప్రాణాలు కాపాడడం మరిచిపోలేను. మా అమ్మ, అక్కయ్యకు ఆరోగ్యం బాగలేనప్పుడు నేను కూడా డాక్టర్‌ కావాలనే ఆలోచన వచ్చింది. ఆర్థిక పరిస్థితులతో కాలేకపోయాను. ఏఎన్‌ఎం శిక్షణ పొంది స్టాఫ్‌ నర్సుగా సేవలు అందిస్తున్నాను. – ఇందిరా, స్టాఫ్‌నర్సు

నేను 2011లో కాంట్రాక్ట్‌ స్టాఫ్‌ నర్సుగా విధుల్లో చేరాను. 2021లో రెగ్యులర్‌ ఉద్యోగం వచ్చింది. రిమ్స్‌తో పాటు భీంపూర్‌ పీహెచ్‌సీలో సేవలందించాను. అక్కడికి రోడ్డు సౌకర్యం సరిగా ఉండదు. వర్షాకాలంలో ప్రాణాలు అరిచేతిలో పెట్టుకొని వాగు దాటాల్సి వచ్చేది. నా సేవలకు గుర్తింపుగా అప్పటి ఐటీడీఏ పీవో, కలెక్టర్‌ చేతుల మీదుగా ఉత్తమ ప్రశంసా పత్రాలు అందుకున్నాను. నా కుటుంబ సభ్యుల సహకారంతో విధులు బాధ్యతాయుతంగా నిర్వర్తిస్తున్నాను. – పి.శ్యామల, స్టాఫ్‌ నర్సు

ఆదిలాబాద్‌టౌన్‌: విద్యార్థులు చదువుతో పాటు నైపుణ్యాలు పెంపొందించుకోవాలని ఆదిలాబాద్‌ ఎంపీ గోడం నగేశ్‌ అన్నారు. ప్రజాపాలన–ప్రగతి ప్రణాళికలో భాగంగా సోమవారం నుంచి ప్రారంభమైన విద్యా వారోత్సవాల కార్యక్రమాన్ని ప్రభుత్వ సైన్స్‌ డిగ్రీ కళాశాలలో నిర్వహించారు. ఈ సందర్భంగా ఆయన మాట్లాడారు. ప్రభుత్వ విద్యాసంస్థల్లో నాణ్యమైన విద్య అందుతుందని, విద్యార్థులు సద్వినియోగం చేసుకుని రాణించాలని సూచించారు. కార్యక్రమంలో ప్రిన్సిపాల్‌ సంగీత, లెక్చరర్లు తదితరులు పాల్గొన్నారు. ఆర్ట్స్‌ అండ్‌ కామర్స్‌ డిగ్రీ కళాశాలలో.. జిల్లా కేంద్రంలోని ప్రభుత్వ ఆర్ట్స్‌ అండ్‌ కామర్స్‌ డి గ్రీ కళాశాలలో నిర్వహించిన విద్యా వారోత్సవాల్లో మున్సిపల్‌ చైర్‌పర్సన్‌ అనూష పాల్గొన్నారు. కళాశాలలో ప్రవేశాలకు సంబంధించిన కరపత్రాలను ప్రి న్సిపాల్‌ అతీక్‌ బేగం, లెక్చరర్లతో కలిసి విడుదల చే శారు. ఈ సందర్భంగా ఆమె మాట్లాడుతూ చదువుతోనే సమాజంలో గుర్తింపు లభిస్తుందని అన్నారు. కేజీబీవీ నూతన భవనం ప్రారంభం నార్నూర్‌: గాదిగూడలోని కేజీబీవీలో నూతనంగా నిర్మించిన భవనాన్ని ఎంపీ నగేశ్‌, ఆసిఫాబాద్‌ ఎమ్మెల్యే కోవ లక్ష్మి ఆదివారం ప్రారంభించారు. రూ.40 లక్షల వ్యయంతో నిర్మించనున్న అదనపు గదుల నిర్మాణానికి భూమి పూజ చేశారు. అనంతరం మండలానికి చెందిన 20 మంది లబ్ధిదారులకు కల్యాణలక్ష్మి చెక్కులు పంపిణీ చేశారు. నార్నూర్‌ ఎంపీడీవో కార్యాలయంలో నిర్వహించిన కార్యక్రమంలో 57 మంది లబ్ధిదారులకు కల్యాణలక్ష్మి, షాదీముబారక్‌ చెక్కులు అందజేశారు. కార్యక్రమాల్లో తహసీల్దార్‌ రాజలింగు, ఎంపీడీవో పుల్లారావు, సెక్టోరియల్‌ అధికారి ప్రత్యుష, ఎస్‌వో సరస్వతి, సర్పంచ్‌ చంద్రకళరాజు, జాదవ్‌ శ్రీరామ్‌నాయక్‌, కాంబ్లె ఉద్దవ్‌, రూప్‌దేవ్‌, సత్యనారాయణ తదితరులున్నారు.

ఆదిలాబాద్‌టౌన్‌: ప్రజల నుంచి వచ్చే ఫిర్యాదులపై అధికారులు బాధ్యతాయుతంగా వ్యవహరించి సమస్యల పరిష్కారానికి కృషి చేయాలని ఎస్పీ అఖిల్‌ మహాజన్‌ అన్నారు. పోలీస్‌ ముఖ్య కార్యాలయంలో సోమవారం గ్రీవెన్స్‌ నిర్వహించారు. జిల్లా నలుమూలల నుంచి వచ్చిన బాధితులు నేరుగా ఎస్పీకి తమ సమస్యలను వివరించారు. ఫిర్యాదులు స్వీకరించిన ఆయన వాటిని పరిష్కరించాలని సంబంధిత అధికారులకు ఫోన్‌ ద్వారా ఆదేశించారు. మొత్తం 29 ఫిర్యాదులు వచ్చినట్లు తెలిపారు. ఇందులో సీసీ కొండరాజు, సిబ్బంది వామన్‌, సునీల్‌ తదితరులు పాల్గొన్నారు.

ఆదిలాబాద్‌టౌన్‌: కేంద్ర ప్రభుత్వం ప్రకటించిన ఓఎస్‌హెచ్‌, ఎస్‌ఎస్‌, ఐఆర్‌ కార్మిక కోడ్‌ల నిబంధనలు వ్యతిరేకిస్తూ రిమ్స్‌ కమిటీ ఆధ్వర్యంలో ఆదివారం నిరసన వ్యక్తం చేశారు. ని బంధనల ప్రతులను దహనం చేశారు. జిల్లా సహాయ కార్యదర్శి సురేందర్‌ మాట్లాడుతూ కేంద్ర ప్రభుత్వం తీసుకొచ్చిన కొత్త కార్మిక రూ ల్స్‌ కార్మికుల హక్కులను కాలరాస్తున్నాయని విమర్శించారు. తక్షణమే ఆ నిర్ణయాలను వెన క్కి తీసుకోవాలని డిమాండ్‌ చేశారు. ఇందులో రిమ్స్‌ కమిటీ అధ్యక్షుడు పేరుక దేవిదాస్‌, సు మంత్‌, సభ్యులు నాగన్న, లక్ష్మి పాల్గొన్నారు.

ఆదిలాబాద్‌టౌన్‌: సీసీఐ పునఃప్రారంభించాలని డిమాండ్‌ చేస్తూ సాధన కమిటీ ఆధ్వర్యంలో ఆదివారం ఆందోళన చేపట్టారు. జిల్లా కేంద్రంలోని బస్టాండ్‌ ఎదుట జాతీయ రహదా రిపై నిరసన తెలిపారు. ఈ సందర్భంగా కమిటీ కన్వీనర్‌ దర్శనాల మల్లేశ్‌, కోకన్వీనర్‌ కొండా రమేశ్‌ మాట్లాడుతూ, ప్రధాని మోదీ తె లంగాణకు టూరిస్టులా వచ్చి వెళ్లడం కాకుండా నిధులు, కొత్త ప్రాజెక్టులు ప్రకటించాలని డి మాండ్‌ చేశారు. జిల్లాలో ఉన్న ఏకై క కేంద్ర ప్ర భుత్వరంగ సంస్థ అయిన సీసీఐని వెంటనే తెరిపించాలని కోరారు. లేకుంటే నిర్వాసిత రై తులకు భూములు తిరిగి అప్పగించాలన్నారు. ఇందులో రమేశ్‌, పోశెట్టి, దత్తాత్రి, జగన్‌ సింగ్‌, ఈశ్వర్‌ దాస్‌, సచిన్‌, మంజుల, జి.సుభాష్‌, శివ, సురేందర్‌ తదితరులు పాల్గొన్నారు.

కై లాస్‌నగర్‌: అన్ని వర్గాలకు సమన్యాయం చేయడమే లక్ష్యంగా కాంగ్రెస్‌ పనిచేస్తుందని ఎస్సీ విభా గం ఉమ్మడి ఆదిలాబాద్‌ జిల్లా పరిశీలకుడు సమతా సుదర్శన్‌ అన్నారు. పార్టీ బలోపేతంలో భాగంగా జిల్లా, రాష్ట్ర స్థాయి ఎస్సీ విభాగం పదవుల నియామకాల కోసం దరఖాస్తుల స్వీకరణ చేపట్టారు. జిల్లా కేంద్రంలోని పార్టీ కార్యాలయంలో ఆదివారం నిర్వహించిన కార్యక్రమంలో సుమారు వంద మంది ఆశావహుల నుంచి దరఖాస్తులు స్వీకరించారు. ఈ సందర్భంగా ఆయన మాట్లాడుతూ, రాష్ట్రంలో కాంగ్రెస్‌ ప్రభుత్వం అందిస్తున్న సంక్షేమ, అభివృద్ధి పథకాలను నాయకులు, కార్యకర్తలు ప్రజల్లోకి తీసుకెళ్లాలని సూచిం3చారు. డీసీసీ అధ్యక్షుడు నరేశ్‌ జాదవ్‌ మాట్లాడుతూ, కాంగ్రెస్‌ సామాజిక న్యాయానికి కట్టుబడి పనిచేస్తోందని, ఎస్సీ వర్గాలకు పార్టీలో సముచిత ప్రాధాన్యత కల్పిస్తుందని తెలిపారు. కార్యక్రమంలో వ్యవసాయ మార్కెట్‌ కమిటీ చైర్మన్‌ బోరంచు శ్రీకాంత్‌ రెడ్డి, వైస్‌చైర్మన్‌ తన్వీర్‌, సంజీవరెడ్డి తదితరులు పాల్గొన్నారు.

సాక్షి ప్రతినిధి, మంచిర్యాల: ఉమ్మడి జిల్లాలో ‘హస్తం’పార్టీ నేతలకు నామినేటెడ్‌ పదవుల్లో నిరాశే మిగిలింది. ఇటీవల ప్రకటించిన పదవుల్లో ఏ ఒక్కరికీ అవకాశం దక్కక అనేక మంది సీనియర్లు నారాజ్‌లో ఉన్నారు. అసంతృప్తి చెందిన నాయకులు ఇటీవల ఉమ్మడి జిల్లా ఇన్‌చార్జి మంత్రి ‘జూపల్లి’ దృష్టికి తీసుకెళ్ళారు. ఏళ్ళుగా పార్టీని నమ్ముకున్న సీనియర్లకు పదవుల్లో అవకాశం ఉంటుందని ఆశించిన వారందరికీ భంగపాటే ఎదురైంది. ఎమ్మెల్యే, ఎంపీ, డీసీసీ అధ్యక్ష పదవులు ఆశించిన వారితో పాటు ఆదివాసీ, మహిళా, కార్మిక, రైతు, యువ నాయకులతో సహా సీనియర్లు ఉన్నారు. ఆశావహులు అనేకం ఉమ్మడి జిల్లాలో అనేక మంది సీనియర్లు పదవులపై ఆశలు పెట్టుకున్నారు. వీరిలో డీసీసీ మాజీ అధ్యక్షుడు కొక్కిరాల విశ్వప్రసాద్‌రావు, ఆసిఫాబాద్‌ నియోజకవర్గ ఇన్‌చార్జిగా ఉన్న శ్యామ్‌నాయక్‌, ఓయూ విద్యార్థి నాయకుడు దుర్గం భాస్కర్‌ ఆశావహుల్లో ఉన్నారు. నిర్మల్‌లో డీసీసీ మాజీ అధ్యక్షుడు కూచాడి శ్రీహరిరావు, మాజీ ఎమ్మెల్యే నారాయణరావు పాటిల్‌, మంచిర్యాల జిల్లాలో కేవీ ప్రతాప్‌, డా.నీలకంఠేశ్వర్‌రావు, నూకల రమేశ్‌, న్యాతరి స్వామి, తదితర యువ నాయకులు ఉన్నారు. ఆదిలాబాద్‌ జిల్లాలో డీసీసీ మాజీ అధ్యక్షుడు కంది శ్రీనివాస్‌రెడ్డి, బోథ్‌ ఇన్‌చార్జి అడె గజేందర్‌, గండ్రాత్‌ సుజాత, సాజిత్‌ఖాన్‌ పదవులు ఆశిస్తున్న వారిలో ఉన్నారు. ఇక పార్టీపై అసంతృప్తితో బోథ్‌ మాజీ ఎమ్మెల్యే బాపురావు ఇటీవల కవిత ఏర్పాటు చేసిన పార్టీలో చేరగా, మాజీ ఎమ్మెల్యే కోనేరు కోనప్ప బీఆర్‌ఎస్‌లో చేరారు. ఒకే ఒక్కరికి దక్కిన పోస్టు ఉమ్మడి జిల్లాలో మంచిర్యాల, బెల్లంపల్లి, చెన్నూర్‌, ఖానాపూర్‌ పరిధిలో నలుగురు కాంగ్రెస్‌ ఎమ్మెల్యేలు, ఓ ఎంపీ, ఎమ్మెల్సీ ఉన్నారు. చెన్నూర్‌ ఎమ్మెల్యే గడ్డం వివేక్‌ వెంకటస్వామికి మంత్రి పదవి దక్కింది. మంత్రి పదవి ఆశించిన మంచిర్యాల ఎమ్మెల్యే ప్రేమ్‌సాగర్‌రావుకు పౌరసరఫరాల శాఖ కార్పొరేషన్‌ చైర్మన్‌ ప్రకటించినప్పటికీ బాధ్యతలు స్వీకరించలేదు. మంచిర్యాల జిల్లా దండేపల్లికి చెందిన కొట్నాక తిరుపతి గిరిజన సహకార ఆర్థికాభివృద్ధి కార్పొరేషన్‌ (జీసీసీ) చైర్మన్‌గా నియమితులయ్యారు. పార్టీ అగ్రనేత రాహుల్‌గాంధీతో భారత్‌ జోడో యాత్ర సమయంలో తిరుపతి వెంట ఉన్నారు. ఆయనకు ఢిల్లీ నుంచి మద్దతు ఉండడంతో ఒక్కరికే నామినేటెడ్‌ పదవి దక్కింది. కేడర్‌కు ‘చేయి’ఇచ్చేవారేరి? స్థానిక ప్రజాప్రతినిధులు, పార్టీ కోసం కష్టపడుతున్న వారికోసం అధిష్టానాన్ని ఒప్పించి నామినేటెడ్‌ పదవుల్లో అవకాశం కల్పించాలని కేడర్‌ కోరుతోంది. ఇక కొందరు తమ బయోడేటాను గాంధీ భవన్‌తో సహా ఢిల్లీ వరకు పంపించారు. అయితే తమకు పదవులు వచ్చేలా స్థానిక ప్రజాప్రతినిధులే చొరవచూపాలని కోరుతున్నారు. త్వరలో భర్తీ చేయబోయే ఉమ్మడి జిల్లా సహకార శాఖలో డీసీసీబీ, డీసీఎంఎస్‌ పదవులు, జిల్లా గ్రంథాలయాల సంస్థ చైర్మన్లు, డివిజన్‌ స్థాయి మార్కెట్‌ కమిటీ చైర్మన్లు, మండల, గ్రామస్థాయిలో ప్రాథమిక సహకార సంఘాల్లో నియామకంపై ఇంకా స్పష్టత రావాల్సి ఉంది. ‘మాజీ’ల ఆశలు గల్లంతు ఉమ్మడి జిల్లాలో బీఆర్‌ఎస్‌ నుంచి వచ్చిన మాజీ ప్రజాప్రతినిధుల ఆశలు గల్లంతయ్యాయి. వీరిలో సీనియర్‌ మాజీమంత్రి ఇంద్రకరణ్‌ రెడ్డి, కేంద్ర మాజీమంత్రి వేణుగోపాల చారీ, మాజీ ఎమ్మెల్యేలు విఠల్‌రెడ్డి, రేఖానాయక్‌, మాజీ ఎమ్మెల్సీ పురాణం సతీశ్‌కుమార్‌, మాజీ ఎంపీ సోయం బాపురావు, తదితర మాజీ ప్రజాప్రతినిధులకు నామినేటెడ్‌ పదవుల్లో ఆవకాశం రాలేదు.

ఇచ్చోడ: రైతులు పండించిన పంటను చివరి గింజ వరకు కొనుగోలు చేస్తామనే ప్రభుత్వ మాటలు నీటి మూటలే అవుతున్నాయి. లక్ష్యం సాకుగా చూపి అధికారులు కొనుగోలు కేంద్రాలను మూసి వేయడంతో రైతుల పరిస్థితి అగమ్యగోచరంగా మారుతోంది. జిల్లాలో ఇప్పటికీ ఇంకా సగం మంది వద్ద పంట దిగుబడి నిల్వలు ఉండడం గమనార్హం. మరోవైపు ఆయా యార్డులకు తీసుకువచ్చి నెలరోజులవుతున్నా కోనుగోలు చేయకపోవడంతో వారి ఇక్కట్లు వర్ణనాతీతంగా మారాయి. గత్యంతరం లేక కొందరు ప్రైవేట్‌లో విక్రయించి నష్టపోతుండగా.. చాలా మంది ప్రభుత్వ ప్రకటన కోసం రోజుల తరబడి ఎదురుచూస్తున్నారు. ఇప్పటి వరకు లక్ష 16 వేల క్వింటాళ్లే జిల్లా వ్యాప్తంగా మార్క్‌ఫెడ్‌ ఆధ్వర్యంలో 18 కేంద్రాల ద్వారా మార్చి 26 నుంచి ఏప్రిల్‌ 24 వరకు కేవలం లక్ష 16వేల 885 క్వింటాళ్లు మాత్రమే కొనుగోలు చేశారు. కొంత మంది రైతులు పత్తి, సోయా సాగు చేసిన భూములను చదును చేసి రబీలో శనగ సాగు చేయడం ద్వారా పంట చేతికి రావడం కొంత ఆలస్యమైంది. ప్రభుత్వం విధించిన గడువులోపు వారి పంటలు చేతికి రాక పోవడంతో మద్దతు ధరకు విక్రయించుకోలేని పరిస్థితి. మద్దతు ధర రూ.5,875 ఉండగా..ప్రైవేట్‌లో రూ.5వేలకు మించి పలకకపోవడంతో రైతులు నష్టపోతున్నారు. ఇప్పటికై నా ప్రభుత్వం స్పందించి కొనుగోళ్లు చేపట్టాలని వారు కోరుతున్నారు. జిల్లాలో శనగసాగు వివరాలు సాగు విస్తీర్ణం : 42,277ఎకరాలు దిగుబడి అంచనా : 3,34,700 క్వింటాళ్లు మద్దతు ధర : రూ.5,875 కొనుగోలు చేసింది : 1,16,885 క్వింటాళ్లు

శిక్షణకు హాజరైన ఎన్యూమరేటర్లు (ఫైల్‌)కై లాస్‌నగర్‌: జాతీయ జనగణనలో భాగంగా తొలివిడతగా గృహాల లెక్కింపునకు రంగం సిద్ధమైంది. నేటి నుంచి షురూ కానుంది. ఈ ప్రక్రియ జూన్‌ 9 వరకు కొనసాగనుంది. ఎన్యూమరేటర్లు తమకు కేటాయించిన హౌస్‌ లిస్టింగ్‌ బ్లాక్‌లోని ఇంటింటికీ వెళ్లి 33 ప్రశ్నలతో కూడిన సమాచారం సేకరించనున్నారు. రాష్ట్రం ఏర్పడ్డాక తొలిసారిగా నిర్వహిస్తున్న ఈ ప్రక్రియ పూర్తిగా డిజిటల్‌ విధానంలో చేపడుతున్నారు. వచ్చే ఏడాది ఫిబ్రవరిలో రెండో విడతలో భాగంగా జనగణనను లెక్కించనున్నారు. 200 ఇళ్లకో ఎన్యూమరేటర్‌ గృహాల జాబితా సేకరించేందుకు నేటి నుంచి ఎన్యూమరేటర్లు క్షేత్రస్థాయికి వెళ్లనున్నారు. 200 ఇళ్లకు ఒకరు చొప్పున కేటాయించారు. ఆరుగురు చేసిన గణన వివరాలు పర్యవేక్షించేందుకు ఒక సూపర్‌వైజర్‌ను నియమించారు. ఇప్పటికే వారికి మాస్టర్‌ ట్రైనర్ల ద్వారా శిక్షణ అందించారు. ఎన్యూమరేటర్‌ తమ సెల్‌ఫోన్‌లో సెన్సెస్‌ 2027 యాప్‌ డౌన్‌లోడ్‌ చేసుకుని సేకరించిన వివరాలను అందులో నమోదు చేయాల్సి ఉంటుంది. 33 ప్రశ్నలతో సమాచారం సేకరణ ఇళ్ల జాబితా, గృహగణనలో భాగంగా ఎన్యూమరేటర్లు 33 ప్రశ్నలతో కూడిన సమాచారం సేకరించనున్నారు. భవనం నంబర్‌ (మున్సిపల్‌, గ్రామం వారీగా), ఇంటినంబర్‌, ఇంటినేల, గోడలు, పైకప్పు తయారీకి ఉపయోగించిన ప్రధాన పదార్థం, ఇంటి వినియోగం, ఇంటి పరిస్థితి, కుటుంబ క్రమసంఖ్య, ఫ్యామిలీలో నివసించే వ్యక్తులు, యజమాని పేరు, లింగం, కులం, ఇల్లు (సొంతమా/అద్దెనా), అందుబాటులో ఉన్న గదులు, నివసిస్తున్న వివాహిత జంటలు, తాగునీటి ప్రధాన వనరు, లభ్యత, వెలుతురు ప్రధాన వనరు, మరుగుదొడ్డి సౌకర్యం, రకం, నీటిపారుదల వ్యవస్థ, స్నానపు గది సౌకర్యం, వంట గది ఎల్‌పీజీ/పీఎన్‌జీ కనెక్షన్‌, వంట కోసం వినియోగించే ప్రధాన ఇంధనం, రేడియా, ట్రాన్సిస్టర్‌, టెలివిజన్‌, ఇంటర్నెట్‌, ల్యాప్‌టాప్‌, కంప్యూటర్‌, టెలిఫోన్‌, మొబైల్‌ఫోన్‌, స్మార్ట్‌ఫోన్‌, సైకిల్‌, స్కూటర్‌, మోటర్‌సైకిల్‌, మోపెడ్‌, కారు, జీపు, వ్యాన్‌, కుటుంబం ప్రధానంగా వినియోగించే ధాన్యాలు, మొబైల్‌ నెంబర్‌ వంటి 33 రకాల ప్రశ్నాలతో కూడిన సమాచారం సేకరించనున్నారు. ఈ వివరాలను మౌఖికంగా చెబితే సరిపోతుందని ఎన్యూమరేటర్లకు ఆధార్‌, పాన్‌, బ్యాంకు అకౌంట్‌ పాస్‌బుక్‌ వంటి ధ్రువీకరణ పత్రాలను చూపించాల్సిన, ఇవ్వాల్సిన అవసరం లేదని అధికారులు సూచిస్తున్నారు. జిల్లాలోని.. కుటుంబాలు : 2,84,600 జనాభా : 7,08,972 హౌస్‌లిస్టింగ్‌ బ్లాక్‌లు : 1923 ఎన్యూమరేటర్లు : 1352 సూపర్‌వైజర్లు : 241జనగణన పేరిట కొంతమంది ఆకతాయిలు, దుండగులు ఇళ్ల వద్దకు వచ్చి దోపిడీ, దొంగతనాలు వంటి వాటితో మోసగించే అవకాశముంటుంది. ఈ విషయంలో జాగ్రత్త వహించాలని అధికారులు సూచిస్తున్నారు. గణనకు వచ్చే వారు ప్రభుత్వ ఉద్యోగులే ఉంటారు. వీరు విధిగా ఐడీ కార్డు ధరించి ఉంటారు. ఎవరికై నా అనుమానం కలిగితే ఐడీ కార్డుపై ఉన్న క్యూఆర్‌ కోడ్‌ స్కాన్‌ చేస్తే సదరు ఉద్యోగి పేరు, వివరాలు ఇట్టే తెలిసిపోతాయని అధికారులు పేర్కొంటున్నారు.

ఆదిలాబాద్‌టౌన్‌: పదో తరగతిలో ఫెయిల్‌ అయిన విద్యార్థులపై కలెక్టర్‌, విద్యా శాఖ ఫోకస్‌ పెంచారు. అడ్వాన్స్‌డ్‌ సప్లిమెంటరీలో వంద శాతం ఉత్తీర్ణులయ్యేలా చర్యలు చేపడుతున్నారు. ప్రత్యేక తరగతుల నిర్వహణకు సిద్ధమయ్యారు. ఈనెల 12 నుంచి ప్రారంభించేందుకు ఆ శాఖ అధికారులు అన్ని ఏ ర్పాట్లు పూర్తి చేశారు. తరగతులకు విధిగా హాజరయ్యేలా చూసే బాధ్యతలను సంబంధిత ప్రధానో పాధ్యాయులకు అప్పగించారు. ఈ విద్యార్థులకు స్నాక్స్‌ తో పాటు దూరప్రాంతాల నుంచి హాజరయ్యేవారికిరవాణా చార్జీలు సైతం చెల్లించనున్నారు. మూడు కేంద్రాల్లో.. ఈనెల 12 నుంచి జూన్‌ 3 వరకు ప్రత్యేక తరగతులు నిర్వహిస్తున్నారు. ఇందుకోసం జిల్లాలో మూడు కేంద్రాలను ఏర్పాటు చేశారు. ఆదిలాబాద్‌ పట్టణంలోని గెజిటెడ్‌ నం.1 పాఠశాలలో జిల్లా కేంద్రంతో పాటు రూరల్‌, మావల, బేల, జైనథ్‌, తలమడుగు, తాంసి మండలాల విద్యార్థులకు తరగతులు నిర్వహిస్తారు. అలాగే ఇచ్చోడ జెడ్పీఎస్‌ఎస్‌లో ఇచ్చోడ, బోథ్‌, గుడిహత్నూర్‌, బజార్‌హత్నూర్‌, నేరడిగొండ, సిరికొండ విద్యార్థులకు తరగతులు ఉంటాయి. ఇక జెడ్పీఎస్‌ఎస్‌ ఉట్నూర్‌ తెలుగు మీడియం పాఠశాలలో ఉట్నూర్‌, ఇంద్రవెల్లి, నార్నూర్‌, గాదిగూడ విద్యార్థులకు బోధించనున్నారు. ఈ తరగతులు ఉదయం 8 నుంచి మధ్యాహ్నం 12 గంటల వరకు కొనసాగుతాయి. ప్రతి విద్యార్థికి స్నాక్స్‌, రవాణా చార్జీల కోసం సమగ్ర శిక్ష ద్వారా రూ.1100 చెల్లిస్తారు. ఇందులో రూ.100 స్టేషనరీ కోసం వినియోగించాల్సి ఉంటుంది. గతేడాది సప్లిమెంటరీ ఫెయిల్‌ అయిన విద్యార్థుల కోసం కూడా ప్రత్యేక తరగతులు నిర్వహించారు. 251 మంది హాజరు కాగా 225 మంది ఉత్తీర్ణులయ్యారు. జిల్లాలో.. పది ఫెయిల్‌ అయిన విద్యార్థులు : 350 ప్రభుత్వ యాజమాన్యాలకు సంబంధించి : 312 ప్రైవేట్‌ పాఠశాలలకు సంబంధించి : 38 సబ్జెక్టుల వారీగా.. తెలుగు : 62 హిందీ 19 ఇంగ్లిష్‌ : 173 గణితం 84 సామాన్య : 132 సాంఘిక : 42

ఆదిలాబాద్‌: హైదరాబాద్‌లోని జేఎన్‌ స్టేడియం వే దికగా ఆదివారం నిర్వహించిన 3వ తెలంగాణ త్రో స్‌, జంప్స్‌–400 మీటర్ల అథ్లెటిక్స్‌ చాంపియన్‌షి ప్‌’లో జిల్లా క్రీడాకారులు అద్భుత ప్రతిభ కనబ రిచారు. మొత్తం 10 పతకాలను (3 స్వర్ణం, 5 రజ తం, 2 కాంస్యం) కై వసం చేసుకుని జిల్లా సత్తా చా టారు. స్వర్ణ పతక విజేతల్లో అరుణ (మహిళల హ్యామర్‌ త్రో), విక్రమ్‌ సింగ్‌ (అండర్‌–20 బాయ్స్‌ హ్యామర్‌ త్రో), కె. చరణ్‌ (అండర్‌–18 బాయ్స్‌ షాట్‌పుట్‌) ఉన్నారు. రజత పతకాలను ఎన్‌.జి. జ్యోతీశ్వరన్‌ (హ్యామర్‌ త్రో), ఎం.సౌమ్య (హ్యామర్‌ త్రో), బి. జ్యోతి (డిస్కస్‌ త్రో), సంజన (అండర్‌– 16 గర్‌ల్స్‌ జావెలిన్‌ త్రో), సీహెచ్‌.ఖుషి(హైజంప్‌) సాధించారు. ఎం.సౌమ్య (డిస్కస్‌ త్రో), రాథోడ్‌ వంశీ (హ్యామర్‌త్రో) కాంస్య పతకాలను కై వసం చేసుకున్నారు. విజేతలను జిల్లా అథ్లెటిక్స్‌ అసోసియేషన్‌ అధ్యక్షుడు అడ్డి భోజారెడ్డి, కార్యదర్శి పి. రా జేశ్‌, డీవైఎస్‌వో జక్కుల శ్రీనివాస్‌, ఒలింపిక్‌ అసో సియేషన్‌ అధ్యక్షుడు బెల్లూరి గోవర్ధన్‌ రెడ్డి, పేటా అధ్యక్షుడు పార్థసారథి అభినందించారు. రాష్ట్ర అథ్లెటిక్స్‌ ప్రధాన కార్యదర్శి సారంగపాణి, ఆర్గనైజింగ్‌ సెక్రెటరీ వెంకటేశ్వర్‌ చేతుల మీదుగా క్రీడాకారులు పతకాలు అందుకున్నారు. కోచ్‌ వీజీఎస్‌ రాకేశ్‌ను పలువురు ప్రత్యేకంగా ప్రశంసించారు.

తొలి విడత ఇళ్ల జాబితా, గృహ గణన ప్రక్రియ నేటి నుంచి ప్రారంభమవుతుంది. ఎన్యూమరేటర్లకు ప్రజలు వాస్తవ సమాచారం అందించి సహకరించాలి. ఇది ఎలాంటి సబ్సిడీలకు ముడిపడిన అంశం కాదు. భారతీయ పౌరుడిగా ఎలాంటి మౌలిక వసతులు ఉన్నాయి.. ఇల్లు ఉందా లేక అద్దెకు ఉంటున్నారా అనే సమాచారాన్ని మాత్రమే సేకరిస్తారు. వాటికి సంబంధించి ఎలాంటి ఆధారాలు అడగరు. కేవలం సమాచారం చెబితే సరిపోతుంది. స్వీయగణన చేసుకున్న వారు తమ ఎస్‌ఈ ఐడీ చూపిస్తే అందులోని సమాచారం సరిగా ఉందా లేదా అనే దాన్ని పరిశీలించి వెళుతారు. ఈ కార్యక్రమ విజయవంతానికి ప్రతి ఒక్కరూ సహకరించాలి. – ఎస్‌.రాజేశ్వర్‌, అదనపు కలెక్టర్‌

● ప్రేమ పంచుతూ.. సహనం పాటిస్తూ.. ● లక్ష్యసాధనలో తోడయ్యే దైవమే అమ్మ ● నేడు మదర్స్‌డే ఆదిలాబాద్‌టౌన్‌: ప్రపంచంలో అమ్మను మించిన దైవం లేదు. మా అమ్మ ఊర్మిల గుప్తా ప్రోత్సాహంతోనే నేను ఈ స్థాయికి ఎదిగాను. మేము ఇద్దరం అన్నదమ్ములం, ఒక సోదరి. అమ్మా నాన్న మా అందరిని చదివించి ఉన్నత స్థాయికి ఎదిగేలా కృషి చేశారు. అమ్మ చేతి వంట అంటే నాకు ఎంతో ఇష్టం. ప్రతీ విషయాన్ని వివరించి చెబుతుంది. అన్యాయం జరిగితే ప్రశ్నించాలని నేర్పించింది. కష్టపడేతత్వాన్ని అమ్మను చూసే నేర్చుకున్నాను. ఈ సమాజంలో నిస్వార్థమైన ప్రేమ తల్లిది మాత్రమే. – అఖిల్‌ మహాజన్‌, ఎస్పీ

కై లాస్‌నగర్‌: ఈ నెల 20న నిర్వహించనున్న మెగా జాబ్‌మేళాను నిరుద్యోగ యువత సద్వి నియోగం చేసుకోవాలని మున్సిపల్‌ చైర్‌పర్సన్‌ బండారి అనూష కోరారు. జిల్లా యంత్రాంగం ఆధ్వర్యంలో మావలలోని చిలుకూరి లక్ష్మీగార్డెన్‌లో నిర్వహించనున్న ఈ మేళా నిర్వహణపై మున్సిపల్‌ కౌన్సిల్‌ సమావేశ మందిరంలో వార్డు అధికారులు, మున్సిపల్‌ సిబ్బందితో శనివారం ప్రత్యేక సమావేశం నిర్వహించారు. ఈ సందర్భంగా ఆమె మాట్లాడుతూ, ఉద యం 10 గంటల నుంచి ప్రారంభమయ్యే మేళాలో వివిధ రంగాలకు చెందిన 50కి పైగా ప్రముఖ కంపెనీలు పాల్గొననున్నట్లు తెలిపా రు. 5వేల మందికి ఉద్యోగ అవకాశాలు కల్పించే లక్ష్యంతో నిర్వహిస్తున్న మేళాను 18 నుంచి 33 ఏళ్లలోపు నిరుద్యోగ యువత సద్విని యోగం చేసుకోవాలని సూచించారు. అనంతరం కార్యక్రమానికి సంబంధించిన వాల్‌పోస్టర్‌ విడుదల చేశారు. సమావేశంలో ఇన్‌చార్జ్‌ కమిషనర్‌ సందీప్‌, బీసీ స్టడీ సర్కిల్‌ డైరెక్టర్‌ ప్రవీణ్‌కుమార్‌, స్టెప్‌ మాజీ సీఈవో వెంకటేశ్వర్లు, వసంత్‌ తదితరులు పాల్గొన్నారు.

తలమడుగు: ఆంక్షలు లేకుండా జొన్న పంటను ఎకరాకు 20 క్వింటాళ్ల చొప్పున కొనుగోలు చేయాలని బోథ్‌ ఎమ్మెల్యే అనిల్‌ జాదవ్‌ అన్నారు. తాంసి మండల కేంద్రంలో సహకార సంఘం ఆధ్వర్యంలో ఏర్పాటు చేసిన జొన్న కొనుగోలు కేంద్రాన్ని ఆయన శనివారం ప్రారంభించారు. ఈ సందర్భంగా మాట్లాడుతూ, రైతులు పండించిన ప్రతీ గింజను ప్రభుత్వం కొనుగోలు చేయాలన్నారు. అలాగే కేంద్రాల్లో రైతులకు ఇబ్బందులు తలెత్తకుండా చూడాలన్నారు. ఇందులో మార్కెట్‌ కమిటీ చైర్మన్‌ శ్రీకాంత్‌రెడ్డి, సహకార సంఘ చైర్మన్‌ భోజారెడ్డి, సీఈవో మోతె శ్రీనివాస్‌, ఉత్తమ్‌, శ్రీధర్‌రెడ్డి, మండల నాయకులు, అధికారులు పాల్గొన్నారు.

ఆదిలాబాద్‌టౌన్‌: మాతృత్వం అనేది ప్రతీ మహిళకు గొప్ప వరం. జీవితం సృష్టించే శక్తి తల్లికి మాత్రమే ఉంటుంది. అత్యంత పవిత్రమైనది. ఒక ప్రాణాన్ని తన గర్భంలో మోస్తూ ప్రపంచానికి పరిచయం చేస్తుంది. ఓ మహిళ తల్లి కాకపోవడానికి భార్య భర్తల్లో లోపం ఉండొచ్చు. ప్రస్తుత జీవనశైలీ కారణంగా సంతానలేమి సమస్యలు ఎదురవుతున్నాయి. ఉద్యోగ రీత్యా ఒత్తిడికి గురవుతున్నా రు. వీటిని అధిగమించేందుకు వైద్యుల సలహాలు, సూచనలు పాటించాలి. గర్భందాల్చిన తర్వాత వైద్య పరీక్షలు చేయించుకోవడం, ప్రశాంతంగా ఉండటం, విశ్రాంతి తీసుకోవడం, కుటుంబ సహకారం చాలా అవసరం. – డాక్టర్‌ రమ, గైనకాలజిస్ట్‌

బాధను దిగమింగి.. ముందడుగు వేసి ఆదిలాబాద్‌టౌన్‌: కర్నూల్‌ జిల్లా నంద్యాల తాలుకా మసీద్‌పురానికి చెందిన ఆవుల వెంకటేశ్వర్లు తిర్యాణిలో కానిస్టేబుల్‌ విధులు నిర్వహించేవాడు. 1998లో రోడ్డు ప్రమాదంలో మృతి చెందాడు. ఆయనకు భార్య నీలమ్మతో పాటు ముగ్గురు కుమార్తెలు. ఆ సమయంలో పెద్ద కుమార్తె శారద ఐదో తరగతి, రెండో కుమార్తె స్వప్న 3వ తరగతి, మూడో కుమార్తె సంధ్య ఇంకా బడికి వెళ్లని పరిస్థితి. నీలమ్మ 7వ తరగతి వరకే చదువుకోవడంతో విద్యా శాఖలో ఆఫీస్‌ సబార్డినేట్‌ ఉద్యోగం కల్పించారు. భర్త చనిపోవడంతో దిక్కుతోచని స్థితిలో ఉన్నప్పటికీ బాధను దిగమించి పిల్లలను ఉన్నత స్థాయికి చేర్చారు ఆ ఇల్లాలు. ప్రస్తుతం పెద్ద కుమార్తె, రెండో కుమార్తె నర్సింగ్‌ ఆఫీసర్లుగా ఉండగా, మూడో కుమార్తె గృహిణిగా ఉంది. నీలమ్మ ఓపెన్‌ ఇంటర్‌ చదివి రికార్డు అసిస్టెంట్‌గా పదోన్నతి పొందారు. ఇలా రెండు బాధ్యతలు నిర్వర్తిస్తూ అందరికీ ఆదర్శంగా నిలుస్తున్నారిమే.అటు పాలన.. ఇటు లాలన కై లాస్‌నగర్‌: ఆదిలాబాద్‌ పట్టణ ప్రథమ పౌరురాలైన బండారి అనూష అటు మున్సిపల్‌ చైర్‌పర్సన్‌గా, ఇటు తల్లిగా తన బాధ్యతలు సమర్థవంతంగా నిర్వహిస్తున్నారు. అమ్మగా పిల్లల బాగోగులు చూడటంతో పాటు చైర్‌పర్సన్‌గా పట్టణాభివృద్ధి కోసం ఆరాటపడుతున్నారు. కూతురు అమిత ఐదో తరగతి చదువుతుండగా, కుమారుడు శివకృష్ణ ఒకటో తరగతిలో ఉన్నారు. ఉదయం పిల్లలిద్దరినీ రెడీ చేసి స్కూల్‌కు పంపించేంత వరకు వారితోనే బీజీగా గడుపుతారు. అనంతరం పట్టణ పాలన వ్యవహారాల్లో లీనమవుతారు. ప్రజాప్రతినిధి అయినప్పటికీ కుటుంబంలో తల్లిగా పిల్లల బాధ్యత కూడా అంతే ముఖ్యమని అంటున్నారు చైర్‌పర్సన్‌.అమ్మగా ఉంటూనే పాలనలో రాణిస్తున్న వారు కొందరైతే.. కుటుంబ పెద్ద పాత్రనూ పోషిస్తూ ముందుకు సాగుతున్న వారు మరికొందరు. బిడ్డల అభివృద్ధిలో తమదైన పాత్ర పోషిస్తూ ఆదర్శంగా నిలుస్తున్నారు పలువురు మాతృమూర్తులు. బట్టలు కుడుతూ.. కుమారులను ఉన్నత స్థాయికి చేర్చి ఆదిలాబాద్‌టౌన్‌: పట్టణంలోని సునార్‌ గల్లీకి చెందిన మూడపెల్లి భారతి కుట్టుమిషన్‌పై బట్టలు కుడుతూ ఇద్దరు కుమారులను ఉన్నత స్థాయికి చేర్చింది. భర్త మానసిక వ్యాధితో బాధపడుతుండడంతో అన్నీ తానై ధైర్యంగా ముందుకు సాగింది. పెద్ద కుమారుడు బాలకృష్ణ ప్రస్తుతం ఎస్‌బీఐలో మేనేజర్‌గా విధులు నిర్వహిస్తుండగా, చిన్న కుమారుడు శివకృష్ణ ట్రైబల్‌ వెల్ఫేర్‌ రెసిడెన్షియల్‌ డిగ్రీ కళాశాలలో ప్రిన్సిపాల్‌గా ఉన్నారు. వీరు పదో తరగతి తర్వాత పార్ట్‌ టైమ్‌ ఉద్యోగాలు చేస్తూ తల్లికి చేదోడువాదోడుగా నిలిచారు. ఉద్యోగం వచ్చిన తర్వాత తల్లిని కంటికిరెప్పలా చూసుకుంటున్నారు. నాడు తల్లి పడ్డ కష్టంతోనే తాము ఈ స్థాయికి ఎదిగగలిగామని వారు పేర్కొంటున్నారు.

కై లాస్‌నగర్‌: అమ్మ అమిత షా నాకు రోల్‌మోడల్‌. నా ఎదుగుదలలో కీలకం కూడా. చిన్నతనం నుంచే చదువుపై ఆసక్తి పెంపొందించడంతో పాటు ఫోకస్‌ పెంచేలా నన్ను ప్రోత్సహించారు. గణిత సబ్జెక్ట్‌పై పట్టు సాధించేలా అవగాహన కల్పించారు. క్రమశిక్షణతో కూడిన జీవితాన్ని అలవర్చుకునేలా దిశానిర్దేశం చేశారు. నేను ఐఏఎస్‌ సాధించానంటే అమ్మ అందించిన ప్రోత్సహంతోనే. అమ్మ చేతి వంటలంటే నాకు చాలా ఇష్టం. వృత్తిపరంగా దూరంగా ఉంటున్నా నా వద్దకు వచ్చినప్పుడు అమ్మనే స్వయంగా చేసి వడ్డిస్తుంది. – రాజర్షి షా, కలెక్టర్‌

సాత్నాల: ఆయకట్టు రైతులకు పూర్తిస్థాయిలో సాగునీరందించడమే లక్ష్యమని కలెక్టర్‌ రాజర్షి షా అన్నారు. ‘ప్రజా పాలన– ప్రగతి ప్రణాళిక’, రైతు వారోత్సవాల్లో భాగంగా సాత్నాల ప్రాజెక్టు కుడి కాలువ పరిధిలోని మేడిగూడ–సి కెనాల్‌ వద్ద పూడికతీత పనులను శనివారం ప్రారంభించారు. ఈ సందర్భంగా కలెక్టర్‌ మాట్లాడుతూ, సాగునీటి రంగంలో మౌలిక వసతుల మెరుగుదలకు ప్రాధాన్యం ఇస్తున్నామని తెలిపారు. 3.6 కిలోమీటర్ల పొడవున్న ఈ కాలువలో ప్రస్తుతం 1.5 కిలోమీటర్ల మేర పూడికతీత, చెట్ల తొలగింపు పనులు చేపట్టినట్లు తెలిపారు. ఉపాధి హామీ పథకం కింద నిర్వహిస్తున్న ఈ పనులు పూర్తయితే ఆయకట్టు చివరి వరకు సక్రమంగా సాగునీరు అందుతుందన్నారు. అనంతరం ప్రాజెక్టును పరిశీలించారు. మరమ్మతుల కోసం ప్రభుత్వం రూ.69 లక్షల నిధులు మంజూరు చేసిందని తెలిపారు. ఆయన వెంట నీటిపారుదల శాఖ ఈఈ ఉమామహేశ్వరరావు, డీఈ శ్రీనివాసరావు, ఏఈ మహేశ్‌, తహసీల్దార్‌ జాదవ్‌ రామారావు, ఇన్‌చార్జి ఎంపీడీవో వెంకట్‌రాజు, ఏపీవో వెంకటరమణ, సర్పంచ్‌ అంజనాబాయి, ఇతర అధికారులు, కూలీలు పాల్గొన్నారు.విద్యా వారోత్సవాలు ఘనంగా నిర్వహించాలికై లాస్‌నగర్‌: ప్రజాపాలన–ప్రగతి ప్రణాళికలో భాగంగా విద్యా వారోత్సవాలు ఘనంగా నిర్వహించాలని కలెక్టర్‌ రాజర్షి షా ఆదేశించారు. హైదరాబాద్‌ నుంచి రాష్ట్ర ప్రభుత్వ ప్రధాన కార్యదర్శి రామకృష్ణారావు జిల్లా కలెక్టర్లతో శనివారం నిర్వహించిన వీడియో కాన్ఫరెన్స్‌లో క్యాంపు కార్యాలయం నుంచి కలెక్టర్‌ హాజరయ్యారు. అనంతరం అధికారులతో కలెక్టర్‌ సమీక్షిస్తూ, ప్రజాపాలన–ప్రగతి ప్రణాళికలో భాగంగా ఈ నెల 11 నుంచి 17 వరకు నిర్వహించనున్న విద్యా వారోత్సవాల్లో భాగంగా జయశంకర్‌ బడిబాట, లైబ్రరీ డే, తల్లిదండ్రుల సమావేశాలు, పదో తరగతిలో ఉత్తీర్ణత సాధించని విద్యార్థుల కోసం ప్రత్యేక శిబిరాలు ఏర్పాటు చేయాలన్నారు. విద్యాసంస్థల్లో చేపట్టే అభివృద్ధి పనులకు శంకుస్థాపనలతో పాటు ఇందులో ప్రజాప్రతినిధులు, తల్లిదండ్రులను భాగస్వామ్యం చేయాలని దిశానిర్దేశం చేశారు. జనగణన ప్రక్రియలో భాగంగా సెల్ఫ్‌ ఎన్యూమరేషన్‌ ప్రతి ఒక్కరూ పూర్తి చేసేలా అవగాహన కల్పించాలని, ప్రభుత్వ ఉద్యోగులు విధిగా తమ వివరాలు నమోదు చేసుకోవాలని ఆదేశించారు. అలాగే జిల్లాలో ఫార్మర్‌ రిజిస్ట్రేషన్‌ ప్రక్రియను వంద శాతం పూర్తి చేయాలని, ఇందుకోసం ఏఈవోలకు స్పష్టమైన లక్ష్యాలను కేటాయించి రోజువారీ నివేదికలు సమర్పించాలని వ్యవసాయ శాఖ అధికారులను ఆదేశించారు.ఇందులో అదనపు కలెక్టర్‌ ఆర్‌ఎస్‌.చిత్రు, జిల్లా వ్యవసాయ అధికారి శ్రీధర్‌ స్వామి, పౌర సరఫరాల జిల్లా మేనేజర్‌ సుధారాణి, విద్యా, రవాణా, మార్కెటింగ్‌, ఇతర సంబంధిత శాఖల అధికారులు, సిబ్బంది పాల్గొన్నారు.

కై లాస్‌నగర్‌: జిల్లాలో జాతీయ గ్రామీణ ఉపాధి హామీ పనులకు హాజరయ్యే కూలీల సంఖ్య తక్కువగా నమోదవుతోంది. గతంతో పోల్చితే ఈ ఏడాది భారీగా తగ్గింది. జాబ్‌కార్డులు, పనులు, హాజరవుతున్న కూలీల సంఖ్యకు ఏమాత్రం పొంతన ఉండడం లేదు. ఉపాధి పనులు చేపట్టేందుకు ఏప్రిల్‌, మే నెలలే అనుకూలం. అయితే ఈ సమయంలోనే కూలీలు ఆశించిన స్థాయిలో పనులకు హాజరుకావ డం లేదు. కూలీల సంఖ్య పెంచాలంటూ అధికారులు పదేపదే ఆదేశిస్తున్నా క్షేత్రస్థాయిలో పురోగతి కనిపించని పరిస్థితి. ఇలాగే కొనసాగితే వంద రోజుల పని కల్పించాలనే సర్కారు లక్ష్యం నెరవేరకపోవచ్చని తెలుస్తోంది. కేంద్ర సంస్కరణల ప్రభావమే.. ఉపాధి పనుల్లో అక్రమాలకు చెక్‌పెట్టాలనే ఉద్దేశంతో కేంద్ర ప్రభుత్వం ఇటీవల పలు సంస్కరణలు అమల్లోకి తెచ్చింది. ఇందులో ప్రధానంగా పనుల కు హాజరయ్యే కూలీలకు ముఖ ఆధారిత (ఫేస్‌ రికగ్నైజేషన్‌ అటెండెన్స్‌) హాజరు అమలు చేస్తోంది. ఇందుకోసం నేషనల్‌ మొబైల్‌ మానిటరింగ్‌ సిస్టం (ఎన్‌ఎంఎంఎస్‌) యాప్‌ను అందుబాటులోకి తెచ్చింది. కూలీల హాజరును దీని ద్వారానే రెండు పూటలా నమోదు చేయాల్సి ఉంటుంది. ఉదయం పనులకు హాజరైన కూలీ ఫొటోతో అటెండెన్స్‌ నమోదు చేయనుండగా మధ్యాహ్నం గ్రూప్‌ ఫొటోను నమోదు చేస్తున్నారు. దీంతో పనిచేసిన సమయం కంటే అ టెండెన్స్‌ వేసేందుకే ఎక్కువగా పోతుందని కూలీలు చెబుతున్నారు. అలాగే గతంలో మాదిరి సులువైన పనులను చేసే అవకాశం లేదు. చెరువులు, ప్రాజెక్టులతో పాటు నీటి కుంటలు, చెక్‌ డ్యాంల్లో పూడికతీత పనులు, రాళ్ల కట్టలు, మట్టికట్టలు, గుట్టలపైన కందకాలు వంటి కఠినమైన పనులు చేయాల్సి వస్తుంది. గతంలో పనులకు వెళ్లినట్లుగా వెళ్లి కొద్ది సమయానికే తిరిగి వచ్చే వారు. ప్రస్తుతం అలాంటి అవకాశం లేకపోగా, రెండు పూటల అటెండెన్స్‌ నమోదుతో చాలా మంది అంతగా ఆసక్తి చూపనట్లుగా తెలుస్తోంది. ఫలితంగానే కూలీల సంఖ్య తక్కువగా నమోదవుతోంది. అలాగే ఈ ఏడాది ఎండల తీవ్రత కూడా అధికంగా ఉంది. పగటి ఉష్ణోగ్రతలు ఇప్పటికే 46 డిగ్రీల మార్క్‌ దాటాయి. పని ప్రదేశాల్లో సరైన సౌకర్యాలు ఉండకపోవడం, భానుడి ప్రభావంతో చాలా మంది పనులకు హాజరుకావడం లేదనే అభిప్రాయం వ్యక్తమవుతోంది. అక్రమాలకు చెక్‌.. కేంద్రం తెచ్చిన ఎన్‌ఎంఎంఎస్‌ యాప్‌ ద్వారా ఉపాధి పనుల్లో అక్రమాలకు పూర్తిగా అడ్డుకట్టపడింది. గతంలో మాదిరి బోగస్‌ మస్టర్లు వేసే అవకాశం లే కుండా పోయింది. ప్రస్తుతం నిబంధనల మేరకు ప నులు చేసిన కూలీలకు మాత్రమే అటెండెన్స్‌ నమోదవుతుంది. దీంతో అవసరమైన కూలీలు మా త్ర మే పనులకు హాజరవుతున్నట్లుగా చెబుతున్నారు. జిల్లాలో ఉపాధి హామీ వివరాలుమొత్తం జాబ్‌కార్డులు 1,74,628 ఇందులో యాక్టివ్‌ 1,05,514 మొత్తం కూలీలు 1,95,638 పనులకు హాజరవుతున్న వారు 63,600కూలీల సంఖ్య పెంచేందుకు చర్యలు ఉపాధి పనులకు వచ్చే కూలీల సంఖ్య తగ్గిన మాట వాస్తవమే. పెంచేందుకు ప్రత్యేక చర్యలు తీసుకున్నాం. అటెండెన్స్‌ నమోదు సమస్య దూరం చేసేలా గతంలో ఉన్న మేట్స్‌ వ్యవస్థను తిరిగి అందుబాటులోకి తెస్తున్నాం. నలుగురైదుగురు కూలీలకు మేట్‌ను నియమిస్తున్నాం. దీంతో పాటు వర్షాకాలంలో చేపట్టే వనమహోత్సవంలో భాగంగా మొక్కలు నాటేందుకు అవసరమైన గుంతలను తవ్వే పనులను సోమవారం నుంచి ప్రారంభిస్తున్నాం. కూలీల హాజరు పెంచేలా సర్పంచ్‌లతో ప్రత్యేక అవగాహన కార్యక్రమాలు చేపడుతున్నాం. – కుటుంబరావు, అదనపు డీఆర్డీవో

ఆదిలాబాద్‌టౌన్‌: పోలీసు సిబ్బంది విధి నిర్వహణలో నిర్లక్ష్యం వహించకుండా క్రమశిక్షణ, సమయపాలన పాటించాలని ఎస్పీ అఖిల్‌ మహాజన్‌ అన్నారు. ఏఆర్‌ హెడ్‌క్వార్టర్స్‌లో శనివారం నిర్వహించిన పరేడ్‌ కార్యక్రమంలో పాల్గొని సిబ్బందికి సూచనలు చేశారు. నిత్యం వ్యాయామం చేస్తూ శారీరక దృఢత్వం పెంపొందించుకోవాలని సూచించారు. ప్రతీ శనివారం నిర్వహించే పరేడ్‌లో తప్పనిసరిగా పాల్గొని కవాతులో నైపుణ్యం సాధించాలన్నారు. యూనిఫామ్‌కు ఉన్న గౌరవాన్ని మరింత పెంచేలా బాధ్యతాయుతంగా వ్యవహరించాలన్నారు. 50ఏళ్లు పైబడిన సిబ్బందికి ప్రత్యేక యోగా కార్యక్రమం కూడా ఉంటుందని వివరించారు. కార్యక్రమంలో డీఎస్పీలు ఎల్‌.జీవన్‌రెడ్డి, పోతారం శ్రీనివాస్‌, కమతం ఇంద్రవర్ధన్‌, సీఐలు నాగరాజు, ప్రేమ్‌కుమార్‌, ఫణిదర్‌, ప్రణయ్‌ కుమార్‌, రిజర్వ్‌ ఇన్‌స్పెక్టర్లు డి.వెంకటి, టి.మురళి, ఎన్‌.చంద్రశేఖర్‌, ఎస్సైలు, రిజర్వ్‌ సిబ్బంది తదితరులు పాల్గొన్నారు.

ఆదిలాబాద్‌టౌన్‌: సిమెంట్‌ పరిశ్రమను అమ్ముకునే కుట్రను కేంద్రప్రభుత్వం మానుకోవాలని సీసీఐ సాధన కమిటీ కన్వీనర్‌ దర్శనాల మల్లేశ్‌ అన్నారు. జిల్లా కేంద్రంలోని సీపీఐ కార్యాలయంలో శుక్రవారం నిర్వహించిన సమావేశంలో ఆయన మాట్లాడారు. పరిశ్రమ రక్షణ కో సం పోరాటంలో కాంగ్రెస్‌ పార్టీ కలిసి రా వాలని కోరారు. సీసీఐ పునఃప్రారంభించేలా చూడాలని, లేకుంటే నిర్వాసిత రైతులకు భూ ములు తిరిగి అప్పగించాలని డిమాండ్‌ చేశా రు. అలాగే యాజమాన్యం మున్సిపాలిటీ, వి ద్యుత్‌శాఖకు చెల్లించాల్సిన పన్ను, బిల్లుల బ కాయిలు వెంటనే చెల్లించాలన్నారు. అప్పటివరకు డిస్మెంటల్‌ పనులను నిలిపివేయాలన్నా రు. ఇందులో భాగంగా ఈనెల 11న ము న్సిపల్‌ కార్యాలయం ఎదుట, 14న విద్యుత్‌ శాఖ కార్యాలయాల ఎదుట ధర్నా కార్యక్రమాలు చేపడుతున్నట్లు తెలిపారు. ఇందులో అందరూ భాగస్వాములు కావాలన్నారు. కార్యక్రమంలో కోకన్వీనర్లు కొండ రమేశ్‌, అరుణ్‌కుమార్‌, జగన్‌సింగ్‌, ఈశ్వర్‌దాస్‌, దాసరి రమేశ్‌, బండి దత్తాత్రి, లోకారి పోశెట్టి, లంకా రాఘవులు, కిరణ్‌, సతీష్‌, ఆశన్న పాల్గొన్నారు.

కై లాస్‌నగర్‌: మీ సేవ ద్వారా అందించే సర్టిఫికెట్ల జారీలో అక్రమాలకు చెక్‌ పెట్టాలని భావించిన ప్రభుత్వం పలు సంస్కరణలకు శ్రీకారం చుట్టింది. తహసీల్దార్లకే పరిమితమైన లాగిన్లను జీపీవో, ఆర్‌ఐలకు కల్పించింది. ప్రయోగాత్మకంగా ఆదాయ ధ్రువీకరణ పత్రాల జారీకి ఈ విధానాన్ని అమలు చేసింది. విజయవంతం కావడంతో దశలవారీగా అ న్ని సర్టిఫికెట్లకు వర్తింపజేస్తోంది. నూతన విధానం అమలుతో సర్టిఫికెట్ల జారీ ప్రక్రియ సులభతరం కావడంతో పాటు పారదర్శకత పెరగనుంది. జీపీవో, ఆర్‌ఐలకు ప్రత్యేక లాగిన్‌లు .. ఇప్పటి వరకు తహసీల్దార్‌కే పరిమితమైన లాగిన్‌లను తాజాగా గ్రామపాలన అధికారి (జీపీవో), రెవెన్యూ ఇన్‌స్పెక్టర్‌ (ఆర్‌ఐ)లకు కల్పించింది. వారి సెల్‌ఫోన్లలోనే దరఖాస్తుల పరిశీలన, క్షేత్రస్థాయిలో విచారణ చేపట్టేందుకు వీలుగా మీసేవ మొబైల్‌ యాప్‌ను అందుబాటులోకి తెచ్చింది. ప్రయోగాత్మకంగా ఆదాయ సర్టిఫికెట్ల జారీ కోసం దీనిని అమలు చేసింది. మీసేవ నుంచి జీపీవోలకు దరఖాస్తు వివరాలు అందిన వెంటనే వారు దరఖాస్తుదారు ఇంటికి వెళ్లి విచారణ చేపడుతున్నారు. యాప్‌లో అప్పటికప్పుడు వివరాలు నమోదు చేస్తున్నారు. ఈ ప్రక్రియ విజయవంతం కావడంతో ప్రస్తుతం కులం, నివాస, కుటంబ సభ్యుల ధ్రువీకరణ, ఈబీసీ, ఓబీసీ వంటి సర్టిఫికెట్ల జారీకి వర్తింపజేస్తుంది. ప్రజలు సర్టిఫికెట్ల కోసం మీసేవ కేంద్రాల్లో దరఖాస్తు చేసుకుంటే సరిపోతుంది. వివరాలు తొలుత యాప్‌లో జీపీవో లాగిన్‌కు వెళుతాయి. విచారణ చేపట్టి ధ్రువీకరిస్తే ఆర్‌ఐ లాగిన్‌కు చేరుతాయి. అక్కడ ఓకే చేస్తే డిప్యూటీ తహసీల్దార్‌, తహసీల్దార్‌ లాగిన్‌లకు వెళుతాయి. వారు అప్రూవ్‌ చేయగానే సర్టిఫికెట్‌ జారీ అవుతుంది. ఈ ప్రక్రియ ద్వారా కార్యాలయంలో హార్డ్‌ కాపీలు ఇచ్చే ఇక్కట్లు తొలగిపోయాయి. రెవెన్యూశాఖ ద్వారా జారీ చేసే కుల, ఆదాయ, నివాస వంటి వివిధ ధ్రువీకరణ పత్రాలు పొందేందుకు ప్రజలు సమీప మీసేవ కేంద్రాల్లో దరఖాస్తు చేసేవారు. ఈ వివరాలు ఆన్‌లైన్‌లో తహసీల్దార్‌ లాగిన్‌కు వెళ్లేవి. అయినా దరఖాస్తుదారులు తమ దరఖాస్తుతో పాటు జతచేసిన ధ్రువీకరణపత్రాలతో కూడిన హార్డ్‌కాపీలను తహసీల్‌ కార్యాలయాలకు వెళ్లి ఇచ్చేవారు. వాటిని ఆర్‌ఐలు, డిప్యూటీ తహసీల్దార్లు పరిశీలించిన అనంతరం సర్టిఫికెట్లు జారీ చేయాల్సి ఉంటుంది. అయితే ఆర్‌ఐలు క్షేత్రస్థాయిలో విచారణ చేపట్టకుండానే ధ్రువీకరించేవారు. ఫలితంగా అనర్హులు సైతం సర్టిఫికెట్లు పొందేవారు. ఇలాంటి అక్రమాలకు చెక్‌ పెట్టేందుకు ప్రభుత్వం పలు సంస్కరణలు చేపట్టింది. హార్డ్‌కాపీలు ఇవ్వాల్సిన అవసరం లేదు రెవెన్యూశాఖ ద్వారా అవసరమైన ధ్రువీకరణ పత్రాల కోసం మీసేవ కేంద్రాల్లో దరఖాస్తు చేసుకుంటే సరిపోతుంది. గతంలో మాదిరి తహసీల్దార్‌ కార్యాలయాలకు వచ్చి హర్డ్‌కాపీలే ఇవ్వాల్సిన అవసరం లేదు. దరఖాస్తు వివరాలు జీపీవో, ఆర్‌ఐల లాగిన్లకు వెలుతాయి. వారు మొబైల్‌యాప్‌ ద్వారా క్షేత్రస్థాయిలో విచారణ చేపట్టిన తర్వాత డీటీ, తహసీల్దార్‌ లాగిన్లకు చేరుతాయి. వారు ఓకే చేయగానే సర్టిఫికెట్లు జారీ అవుతాయి. ఈ ప్రక్రియ తద్వారా పారదర్శకత పెరగడంతో పాటు కార్యాలయాలకు తిరిగే ఇక్కట్లు తొలగిపోతాయి. అలాగే గడువు లోపు సర్టిఫికెట్లు జారీ అవుతాయి. – బండి రవి,ఈ డిస్ట్రిక్‌ మేనేజర్‌, ఆదిలాబాద్‌ జిల్లాలోని మీసేవ కేంద్రాలు : 72 రోజుకు సర్టిఫికెట్ల కోసం అందే దరఖాస్తులు : 218

ఆదిలాబాద్‌టౌన్‌: బక్రీద్‌ను జిల్లాలో ప్రశాంత వాతావరణంలో నిర్వహించేందుకు అన్ని శాఖల సమన్వయంతో పటిష్ట ఏర్పాట్లు చేస్తున్నట్లు ఎస్పీ అఖిల్‌ మహాజన్‌ తెలిపారు. జిల్లా పోలీస్‌ కార్యాలయంలో శుక్రవారం వివిధ శాఖలతో పాటు పోలీస్‌ అధికారులు, ముస్లిం మత పెద్దలు, ఖురేషి వర్గ ప్రతినిధులతో సమావేశమయ్యారు. ఈ సందర్భంగా ఆయన మాట్లాడారు. జిల్లాలో ఎక్కడైనా చట్టవిరుద్ధంగా ఆవులు, దూడలను అక్రమంగా రవాణా చేసి వధిస్తే కఠిన చర్యలు తీసుకుంటామని హెచ్చరించారు. ఇతర రాష్ట్రాలు, జిల్లాల నుంచి జంతువుల అక్రమ రవాణాను అడ్డుకునేందుకు జిల్లా వ్యాప్తంగా ఏడు చెక్‌పోస్టుల వద్ద నిరంతరం నిఘా కొనసాగిస్తున్నట్లు పేర్కొన్నారు. సంబంధిత శాఖల సమన్వయంతో వాహనాల తనిఖీలు కట్టుదిట్టంగా నిర్వహిస్తున్నట్లు తెలిపారు. అక్రమ రవాణాను అడ్డుకునే పేరుతో ఎవరూ చట్టాన్ని చేతుల్లోకి తీసుకోరాదని, వ్యక్తిగత దాడులకు పాల్పడితే కఠిన చర్యలు తప్పవని హెచ్చరించారు. సోషల్‌ మీడియాలో విద్వేషాలు రెచ్చగొట్టే పోస్టులు, మార్ఫింగ్‌ ఫొటోలు, అసత్య ప్రచారాలు చేసిన వారిపై కూడా చట్టపరమైన చర్యలు తప్పవన్నారు. ఇందుకోసం జిల్లా పోలీస్‌ మీడియా మానిటరింగ్‌ సెల్‌ నిరంతర నిఘా కొనసాగిస్తోందన్నారు. ప్రజల్లో భయాందోళనలు కలిగించే పుకార్లను వ్యాప్తి చేసిన వారిపై కూడా చర్యలు ఉంటాయని పేర్కొన్నారు. అత్యవసర పరిస్థితుల్లో ప్రజలు డయల్‌ 100, సమీప పోలీస్‌ స్టేషన్‌లో సంప్రదించాలని సూచించారు. బక్రీద్‌ను శాంతియుత వాతావరణంలో జరుపుకోవాలని కోరారు. పూర్తి అనుమతులు తీసుకున్న తర్వాతనే పశువుల వధ నిర్వహించాలని సూచించారు. సమావేశంలో ఆదిలాబాద్‌ డీఎస్పీ ఎల్‌.జీవన్‌రెడ్డి, స్పెషల్‌ బ్రాంచ్‌ డీఎస్పీ పోతారం శ్రీనివాస్‌, సీఐలు బి.సునీల్‌ కుమార్‌, నాగరాజు, ఫణిదర్‌, ముస్లిం మత పెద్దలు, ఖురేషి వర్గ ప్రతినిధులు తదితరులు పాల్గొన్నారు.

ఆదిలాబాద్‌టౌన్‌: మత్స్యకారుల అభివృద్ధే ప్రభుత్వ ధ్యేయమని కలెక్టర్‌ రాజర్షిషా అన్నారు. ప్రజాపాలన–ప్రగతి ప్రణాళికలో భాగంగా మత్స్యశాఖ ఆధ్వర్యంలో శుక్రవారం రిమ్స్‌ ఆడిటోరియంలో ప్రత్యేక కార్యక్రమం నిర్వహించారు. ఈ సందర్భంగా కలెక్టర్‌ మాట్లాడుతూ, మత్స్యకారుల ఆర్థిక స్థితిగతులు మెరుగుపర్చేందుకు ప్రభుత్వం కృషి చేస్తుందన్నారు. చేపల ఉత్పత్తిలో కేవలం సంప్రదాయ పద్ధతులకే పరిమితం కాకుండా అధునాతన సాంకేతిక వినియోగించాలని సూచించారు. కార్యక్రమంలో ఆదిలాబాద్‌ మార్కెట్‌ కమిటీ చైర్మన్‌ బోరంచు శ్రీకాంత్‌రెడ్డి, మున్సిపల్‌ చైర్‌పర్సన్‌ అనూష, మత్స్య శాఖ అధికారి మోయినొద్దీన్‌, జిల్లా సంక్షేమ అధికారి మిల్కా, మత్స్యకారులు పాల్గొన్నారు. గ్రామీణాభివృద్ధిలో పశుపోషణే కీలకం ఆదిలాబాద్‌టౌన్‌(బేల): గ్రామీణ ఆర్థిక వ్యవస్థ బ లోపేతంలో పశుపోషణ కీలకమని కలెక్టర్‌ రాజ ర్షిషా అన్నారు. బేల మండలంలోని సిర్సన్న గ్రా మంలో పశుసంవర్ధక శాఖ ఆధ్వర్యంలో శుక్రవారం అవగాహన కార్యక్రమం నిర్వహించారు. కార్యక్రమాన్ని ఎమ్మెల్యే పాయల్‌ శంకర్‌తో కలిసి కలెక్టర్‌ ప్రారంభించారు. అనంతరం మాట్లాడుతూ మేలు జాతి దూడలను శాసీ్త్రయ పద్ధతిలో పెంచడం ద్వా రా పాల దిగుబడి పెరుగుతుందని తెలిపారు. పశుసంవర్ధక శాఖ ఆధ్వర్యంలో అందుబాటులో ఉన్న కృత్రిమ గర్భధారణ, ఆధునిక సౌకర్యాలను రైతులు వినియోగించుకోవాలని సూచించారు. కార్యక్రమంలో జిల్లా పశుసంవర్ధక శాఖ అధికారి రామారా వు, జిల్లా వ్యవసాయ అధికారి శ్రీధర్‌స్వామి, అధి కారులు సాయితేజ, దీప్‌రతన్‌, సర్పంచ్‌ పోచక్క, గ్రామస్తులు తదితరులు పాల్గొన్నారు. వివరాలు పక్కాగా నమోదు చేయాలి జనగణనలో భాగంగా ప్రతీ ఇంటి వివరాలు పక్కాగా నమోదు చేయాలని కలెక్టర్‌ రాజర్షిషా అన్నారు. క్యాంప్‌ కార్యాలయం నుంచి అధికారులతో శుక్రవారం జూమ్‌ మీటింగ్‌ నిర్వహించారు. జనగణన సన్నాహకంలో భాగంగా ఈనెల 11 నుంచి 13 వరకు మూడు రోజుల పాటు ఎన్యూమరేటర్లు, సూపర్‌వైజర్లు క్షేత్రస్థాయిలో పర్యటించి హెచ్‌ఎల్‌బీ మ్యాప్‌ సిద్ధం చేయాలని ఆదేశించారు. మ్యాపింగ్‌ పూర్తయిన తర్వాత జూన్‌ 9 నుంచి ఇళ్ల జాబితాను పూర్తి చేయాలన్నారు. ఇందులో అదనపు కలెక్టర్లు చిత్రు, రాజేశ్వర్‌, డీఆర్వో స్రవంతి, తహసీల్దార్లు, మాస్టర్‌ ట్రైనర్లు శ్రీహరి తదితరులు పాల్గొన్నారు. జొన్నల కొనుగోలుకు సర్వం సిద్ధం.. జిల్లాలోని రైతులు సాగు చేసిన జొన్న పంటను మద్దతు ధరతో కొనుగోలు చేసేందుకు యంత్రాంగం అన్ని చర్యలు చేపట్టిందని కలెక్టర్‌ తెలిపారు. క్వింటాలు మద్దతు ధర రూ.3,699తో కొనుగోలు చేయనున్నట్లు పేర్కొన్నారు. దళారుల చేతిలో రైతులు మోసపోకుండా ఉండేందుకు గ్రామస్థాయిలోనే కొనుగోలు కేంద్రాలను అందుబాటులోకి తెస్తున్నట్లు వివరించారు. ఉట్నూర్‌ ఐటీడీఏ ద్వారా గిరిజన ప్రాంతాల్లోని రైతుల సౌకర్యార్థం ఏడు కేంద్రాలను ఏర్పాటు చేసినట్లు తెలిపారు. ఆదిలాబాద్‌ సొసైటీ పరిధిలోని భీంపూర్‌ డీఆర్‌ డిపో, తలమడుగు పరిధిలోని డీఆర్‌ డిపో ఝరి, భోరజ్‌లోని పిప్పర్‌వాడ రైతు వేదిక, ఇచ్చోడ సొసైటీ పరిధిలోని గుడిహత్నూర్‌ జెడ్పీఎస్‌ఎస్‌ పాఠశాల, బజార్‌హత్నూర్‌లోని దహెగాం రైతువేదిక, ఉట్నూర్‌ సొసైటీ పరిధిలోని గాదిగూడ, నార్నూర్‌ ప్రాంతాల్లో కేంద్రాలను ఏర్పాటు చేసినట్లు వివరించారు.

కౌటాల: తెలంగాణలో సాగునీటి రంగానికి పూర్వవైభవం తీసుకువచ్చే దిశగా సీఎం రేవంత్‌రెడ్డి నాయకత్వంలో ప్రాణహిత ప్రాజెక్టును పక్కాగా కట్టి తీరుతామని ఉమ్మడి జిల్లా ఇన్‌చార్జి, రాష్ట్ర ఎకై ్స జ్‌, పర్యాటక శాఖ మంత్రి జూపల్లి కృష్ణారావు అన్నారు. కుమురంభీం ఆసిఫాబాద్‌ జిల్లా కౌటాల మండలం తుమ్మిడిహెట్టి సమీపంలోని ప్రాణహిత నదిపై బరాజ్‌ నిర్మాణ ప్రతిపాదిత స్థలాన్ని శుక్రవారం రాష్ట్ర మైనింగ్‌, కార్మికశాఖ మంత్రి గడ్డం వివేక్‌ వెంకటస్వామి, ఎమ్మెల్సీ దండె విఠల్‌, ఎమ్మెల్యేలు గడ్డం వినోద్‌, పాల్వాయి హరీశ్‌బాబుతో కలి సి పరిశీలించారు. బరాజ్‌ ఎత్తు, సామర్థ్యం, గతంలో చేపట్టిన కాలువల పనులు, మహారాష్ట్రలోని శివిని గ్రామ పరిధిలోని ముంపు పరిధి, అటవీ, పర్యావరణ అనుమతులు తదితర అంశాలపై నీటి పారుదల శాఖ అధికారులతో చర్చించారు. అనంతరం దివంగత సీఎం వైఎస్‌ రాజశేఖరరెడ్డి ప్రారంభించిన డా.బీఆర్‌ అంబేడ్కర్‌ ప్రాణహిత– చేవెళ్ల సుజల స్రవంతి ప్రాజెక్టు శిలాఫలకాన్ని పరిశీలించారు. అంబేడ్కర్‌ విగ్రహానికి పూలమాలలు వేసి నివాళులర్పించారు. స్థానిక బుద్ధ మందిర్‌లో పూజ లు చేశారు. ప్రాణహిత నదికి శాస్త్రోక్తంగా పూజలు చేసి జలహారతి ఇచ్చారు. గ్రావిటీ ద్వారా ‘ఎల్లంపల్లి’కి నీరు అనంతరం ఏర్పాటు చేసిన విలేకరుల సమావేశంలో మంత్రులు మాట్లాడారు. ఉమ్మడి రాష్ట్రంలో దివంగత వైఎస్‌ రాజశేఖరరెడ్డి 2008లో రూ.38,500 కోట్ల అంచనా వ్యయంతో 16 లక్షల ఎకరాలకు సాగునీరందించాలనే లక్ష్యంతో ప్రాణహిత– చేవెళ్ల ప్రాజెక్టు నిర్మాణానికి భూమిపూజ చేశారని గుర్తు చేశారు. అప్పట్లోనే 106 కిలోమీటర్ల మేర కెనాల్‌ నిర్మాణానికి ప్రతిపాదనలు సిద్ధం చేసి 71.5 కి.మీ.ల భూసేకరణ పూర్తి చేశారని తెలిపారు. 46 కి.మీ.ల మేర పనులు కూడా పూర్తయ్యాయని వెల్ల డించారు. గత బీఆర్‌ఎస్‌ ప్రభుత్వం ఈ ప్రాజెక్టును పక్కనబెట్టి కాళేశ్వరం పేరుతో రూ.లక్షల కోట్లు ఖర్చు చేసిందని మండిపడ్డారు. తుమ్మిడిహెట్టి బరాజ్‌ నిర్మిస్తే ఒక్క యూనిట్‌ విద్యుత్‌ ఖర్చు లేకుండా గ్రావిటీ ద్వారా శ్రీపాద ఎల్లంపల్లి ప్రాజెక్టుకు నీటిని తరలించవచ్చని తెలిపారు. ఈ నెల 10న ప్రధానమంత్రి నరేంద్ర మోదీ తెలంగాణ పర్యట నకు రానున్న నేపథ్యంలో తుమ్మిడిహెట్టి బరాజ్‌ విషయాన్ని బీజేపీ నేతలు ఆయన దృష్టికి తీసుకుని వెళ్లాలని కోరారు. తెలంగాణ రైతుల పక్షాన నిలబడి మహారాష్ట్ర ప్రభుత్వాన్ని ఒప్పించేలా చొరవ చూపాలని విజ్ఞప్తి చేశారు. ఉమ్మడి జిల్లా రైతాంగానికి అన్యాయం ప్రాణహిత ప్రాజెక్టును మాజీ ముఖ్యమంత్రి కేసీఆర్‌ కమీషన్ల కోసమే తుమ్మిడిహెట్టి నుంచి కాళేశ్వరానికి తరలించి ఉమ్మడి ఆదిలాబాద్‌ జిల్లా రైతాంగానికి తీరని అన్యాయం చేశారని మంత్రి గడ్డం వివేక్‌ వెంకటస్వామి ఆరోపించారు. చిన్న కాంట్రాక్టర్‌గా ఉన్న మేఘా కృష్ణారెడ్డి కేసీఆర్‌ హయాంలో కాళేశ్వరం ప్రాజెక్టు కట్టి ప్రపంచ స్థాయి కాంట్రాక్టర్‌గా ఎదిగా రని ఎద్దేవా చేశారు. ప్రాణహిత ప్రాజెక్టుతో ఉమ్మడి జిల్లాలోని 2 లక్షల ఎకరాలకు సాగునీరు అందించేందుకు సీఎం రేవంత్‌రెడ్డి సిద్ధంగా ఉన్నారని తెలిపారు. కార్యక్రమంలో కలెక్టర్‌ హరిత, ఎస్పీ నితిక పంత్‌, అదనపు కలెక్టర్‌ డేవిడ్‌, కాగజ్‌నగర్‌ సబ్‌ కలెక్టర్‌ శ్రద్ధా శుక్లా, డీఎస్పీ వహీదుద్దీన్‌, మాజీ ఎమ్మెల్యే ఆత్రం సక్కు, డీసీసీ అధ్యక్షురాలు ఆత్రం సుగుణ, జిల్లా ఉపాధ్యక్షులు దుర్గం జానకీరావు, శ్యామ్‌నాయక్‌, మండల అధ్యక్షుడు నికాడే గంగారాం తదితరులు పాల్గొన్నారు.

ఆదిలాబాద్‌టౌన్‌: మద్యం సేవించి వాహనాలు నడపడంతో రోడ్డు ప్రమాదాలు జరుగుతున్నాయి. వా హనదారులతోపాటు అమాయకుల ప్రాణాలు గాలి లో కలిసిపోతున్నాయి. బాధిత కుటుంబాల్లో తీరని విషాదం మిగులుతోంది. జిల్లాలో డ్రంకెన్‌డ్రైవ్‌ కేసులు రోజురోజుకూ పెరుగుతున్నాయి. ముఖ్యంగా యువత మద్యం సేవించి బైక్‌లు, కార్లు నడిపే ధోర ణి ఆందోళన కలిగిస్తోంది. రాత్రి వేళ ప్రధాన రహదారులు, పట్టణ ప్రాంతాల్లో ట్రాఫిక్‌ పోలీసులు డ్రంకెన్‌డ్రైవ్‌ నిర్వహించి మద్యం మత్తులో వాహనా లు నడిపేవారిని గుర్తించి కేసులు నమోదు చేస్తున్నా రు. గతంలో జరిమానాతోనే సరిపెట్టగా, వారి తీరులో మార్పు రాకపోవడంతో మరింత కఠినంగా వ్య వహరిస్తున్నారు. ఇటీవల పలువురు మందుబాబు లపై కేసులు నమోదు చేసి కోర్టులో హాజరుపర్చగా వారికి జరిమానాతోపాటు జైలు శిక్ష విధించారు. మ ద్యం సేవించి అతివేగంగా వాహనాలు నడపడం, ట్రాఫిక్‌ నిబంధనలు పాటించకపోవడం, హెల్మెట్‌ ధరించకపోవడం లాంటి కారణాలతో ప్రమాదాలు జరుగుతున్నట్లు పోలీసులు చెబుతున్నారు. ఉదయం వేళలోనూ కేసులు.. ఇదివరకు రాత్రి వేళ మాత్రమే పోలీసులు డ్రంకెన్‌డ్రైవ్‌ పరీక్షలు నిర్వహించారు. ప్రస్తుతం ఉదయం 8 గంటల సమయంలోనూ పోలీసుల తనిఖీల్లో మందుబాబులు మద్యం సేవించి వాహనాలు నడుపు తూ పట్టుబడడం ఆందోళనకు గురి చేస్తోంది. ఉద యం 10గంటల వరకు మద్యం షాపులు తెరుచుకో కపోగా బెల్ట్‌షాపుల్లో మద్యం సేవించి వాహనాలపై ప్రయాణాలు సాగిస్తున్నట్లు తెలుస్తోంది. తెలంగాణ చౌక్‌లో నిత్యం కేసులు జిల్లాకేంద్రంలోని తెలంగాణచౌక్‌లో నిత్యం ట్రాఫిక్‌ పోలీసులు తనిఖీలు చేస్తుండగా నాలుగైదు డ్రంకెన్‌డ్రైవ్‌ కేసులు నమోదవుతున్నాయి. సోమవారం ఎక్కువ మొత్తంలో ఈ కేసులు నమోదవుతున్నట్లు పోలీసులు చెబుతున్నారు. వాహనదారులు త మ ప్రాణాలతోపాటు ఇతరుల ప్రాణాలను కూడా ప్రమాదంలోకి నెట్టొద్దని వారు సూచిస్తున్నారు. ఇటీవల నమోదైన కేసుల్లో కొన్ని.. జిల్లాలో ఇటీవల డ్రంకెన్‌డ్రైవ్‌లో పట్టుబడ్డ మందుబాబులకు కోర్టు జైలు శిక్ష విధించింది. వారం క్రి తం జిల్లా వ్యాప్తంగా 20 పోలీస్‌స్టేషన్ల పరిధిలో పో లీసులు ప్రత్యేక డ్రైవ్‌ నిర్వహించారు. 1,558 వాహనాలను తనిఖీ చేశారు. సాయంత్రం 6నుంచి రాత్రి 10 గంటల వరకు 79 డ్రంకెన్‌డ్రైవ్‌ కేసులు, తొమ్మిది మైనర్‌ డ్రైవింగ్‌ కేసులు నమోదైనట్లు వారు తెలిపా రు. గతనెల 29న ఆదిలాబాద్‌ వన్‌టౌన్‌ పోలీసులు మద్యం సేవించిన ఇద్దరు వాహనదారులపై కేసు న మోదు చేశారు. వీరిని కోర్టులో హాజరుపర్చగా జడ్జి మూడు రోజుల చొప్పున జైలు శిక్ష విధించారు. ఇటీవల ఇచ్చోడ పోలీస్‌స్టేషన్‌ పరిధిలో పట్టుబడ్డ ఐదుగురికి కోర్టు ఒక్కరోజు చొప్పున జైలు శిక్ష, తొమ్మిది మందికి జరిమానా విధించింది. ఆదిలాబాద్‌ ట్రాఫి క్‌ పోలీస్‌స్టేషన్‌ పరిధిలో 17మందికి జైలు శిక్ష వేసింది. అయినప్పటికీ మందుబాబుల్లో మార్పు కానరా వడం లేదు. పోలీసులు మరింత కఠినంగా వ్యవహరిస్తూ ముమ్మరంగా వాహనాల తనిఖీ చేపడుతున్నారు. ఇకపై డ్రంకెన్‌డ్రైవ్‌లో పట్టుబడితే జైలుకు వెళ్లక తప్పదని హెచ్చరిస్తున్నారు. గతేడాది నమోదైన కేసులు 14,491 కోర్టులో జరిమానా చెల్లించినవారు 10,507 ఈ ఏడాది నమోదైన కేసులు (ఇప్పటివరకు) 6,545 కోర్టులో జరిమానా చెల్లించినవారు 3,728 ఈ ఏడాది జైలు శిక్షపడిన వారు 31

బోథ్‌: మండలంలోని కనుగుట్ట గ్రామంలో ఇ టీవల జరిగిన అగ్ని ప్రమాదంలో కాలిపోయిన మొక్కజొన్న, జొన్న పంటలను ఆదిలాబాద్‌ ఎంపీ గోడం నగేశ్‌ గురువారం పరిశీలించారు. పంట నష్టపోయిన రైతు కుటుంబాలను పరా మర్శించి భరోసానిచ్చారు. ఈ సందర్భంగా రైతులు తమకు జరిగిన నష్టాన్ని ఎంపీకి వివరించి ప్రభుత్వం నుంచి పరిహారం అందేలా చూడాలని వేడుకున్నారు. ఎంపీ వెంటనే ఉన్నతాధికారులతో ఫోన్లో మాట్లాడారు. పంట న ష్టాన్ని త్వరగా అంచనా వేసి బాధితులను ఆ దుకోవాలని ఆదేశించారు. గ్రామస్తుల వినతి మేరకు బోథ్‌ నియోజకవర్గ కేంద్రంలో అగ్ని మాపక కేంద్రం (ఫైర్‌ స్టేషన్‌) ఏర్పాటుపై ఎంపీ సానుకూలంగా స్పందించారు. అగ్నిమాపక కేంద్రం ఏర్పాటుకు కృషి చేస్తానని చెప్పారు. నాయకులు బోరే రవీందర్‌, జీవీ రమణ, పీఏసీఎస్‌ చైర్మన్లు, మాజీ సర్పంచులు, ఎంపీటీసీ మాజీ సభ్యులు పాల్గొన్నారు.

బోథ్‌: రైతులు ఆధునిక సాంకేతికత, యాంత్రీకరణను అందిపుచ్చుకోవాలని కలెక్టర్‌ రాజర్షి షా సూ చించారు. మండల కేంద్రంలోని రైతువేదికలో గురువారం నిర్వహించిన ప్రజాపాలన–ప్రగతి ప్రణాళిక రైతు వారోత్సవాలకు హాజరై రైతులకు అవసరమై న సూచనలు చేశారు. అనంతరం ఆయన మాట్లాడుతూ.. నిరుద్యోగ యువత గ్రూపులుగా ఏర్పడి పీ ఎంఈజీపీ కింద 40శాతం రాయితీతో డ్రోన్లు కొనుగోలు చేసి ఉపాధి పొందాలని సూచించారు. నానో డీఏపీ వినియోగించి మంచి దిగుబడులు సాధిస్తు న్న రైతులను కలెక్టర్‌ శాలువాలతో సన్మానించారు. అంతకుముందు రైతువేదిక ఆవరణలో ఏర్పాటు చేసిన వ్యవసాయ, సోలార్‌ విద్యుత్‌ స్టాళ్లను పరిశీ లించారు. అనంతరం రైతులను సన్మానించారు. కా ర్యక్రమంలో జిల్లా వ్యవసాయాధికారి శ్రీధర్‌స్వామి, తహసీల్దార్‌ సుభాష్‌ చందర్‌, ఎంపీడీవో రమే శ్‌, ఆత్మ చైర్మన్‌ గొర్ల రాజుయాదవ్‌, సర్పంచ్‌ అన్నపూర్ణ–మహేందర్‌ తదితరులు పాల్గొన్నారు. విద్యా వారోత్సవాలను సక్సెస్‌ చేయాలి ఆదిలాబాద్‌టౌన్‌: ఈ నెల 11నుంచి 17వరకు జిల్లావ్యాప్తంగా నిర్వహించే విద్యావారోత్సవాలను విజ యవంతం చేయాలని కలెక్టర్‌ రాజర్షిషా సూచించా రు. ప్రజాపాలన–ప్రగతిప్రణాళికలో భాగంగా వి ద్యావారోత్సవాల నిర్వహణపై రిమ్స్‌ ఆడిటోరి యంలో స్థానిక సంస్థల అదనపు కలెక్టర్‌, ఇన్‌చార్జి డీఈవో రాజేశ్వర్‌తో కలిసి అవగాహన సదస్సు ని ర్వహించి దిశానిర్దేశం చేశారు. విద్యావ్యవస్థను బ లోపేతం చేయడం, డ్రాపౌట్స్‌ను బడుల్లో చేర్పించ డం తదితర విషయాలపై అవగాహన కల్పించారు. గుర్తింపు లేని పాఠశాలలను సీజ్‌ చేయాలని అధికా రులకు సూచించారు. అనంతరం సైన్స్‌ ఫోరం స భ్యులు కలెక్టర్‌, డీఈవోను శాలువాలతో సన్మానించారు. టీజీఈడబ్ల్యూఐడీసీ ఈఈ రవీందర్‌, పీఆర్‌ ఈఈ రాథోడ్‌ శివరాం, డీఎస్వో నందిని, డీఎ ల్పీవో ఫణీందర్‌రావు, ఎంఈవో సోమయ్య ఉన్నారు. వేగంగా డిజిటల్‌ జనగణన కైలాస్‌నగర్‌: జిల్లాలో డిజిటల్‌ జనగణన ప్రక్రియ వేగంగా సాగుతోందని కలెక్టర్‌ రాజర్షి షా తెలిపా రు. హైదరాబాద్‌ నుంచి డైరెక్టర్‌ ఆఫ్‌ సెన్సస్‌ భార తి హోలీకేరి జనగణన విధివిధానాలపై కలెక్టర్లు, అ దనపు కలెక్టర్లు, జిల్లా అధికారులతో నిర్వహించిన వీడియో కాన్ఫరెన్స్‌లో కలెక్టరేట్‌ నుంచి ఆయన పా ల్గొని మాట్లాడారు. జిల్లాలో ఇప్పటివరకు 89.34 శాతం స్వయం గణన పూర్తయిందని తెలిపారు. 8,014 ప్రక్రియలకు గాను 7,160 విజయవంతంగా ముగిశాయని వివరించారు. 1,923 హౌస్‌ లిస్టింగ్‌ బ్లాక్‌ డీమార్కేషన్‌ ప్రక్రియను ఆన్‌లైన్‌ పోర్టల్‌లో వందశాతం పూర్తి చేసినట్లు తెలిపారు. అదనపు కలెక్టర్‌ ఆర్‌ఎస్‌.చిత్రు, డీఆర్వో స్రవంతి ఉన్నారు. జొన్న కొనుగోళ్లు వేగవంతం చేయాలి జొన్నల కొనుగోళ్ల ప్రక్రియలో వేగం పెంచి రైతుల కు ఇబ్బందులు లేకుండా చూడాలని కలెక్టర్‌ రాజర్షి షా అధికారులను ఆదేశించారు. కలెక్టర్‌ క్యాంప్‌ కా ర్యాలయంలో జొన్న కొనుగోళ్లపై ఆయన అధికారులతో సమీక్ష నిర్వహించి పలు ఆదేశాలు, సూచనలు జారీ చేశారు. అదనపు కలెక్టర్‌ ఆర్‌ఎస్‌ చిత్రు, మా ర్క్‌ఫెడ్‌ జిల్లా మేనేజర్‌ మహేశ్‌కుమార్‌, జిల్లా సహకార అధికారి సత్యనారాయణ, జిల్లా రవాణా అధి కారి శ్రీనివాస్‌, గిరిజన సహకార సంస్థ జిల్లా మేనేజర్లు, అధికారులు, సిబ్బంది పాల్గొన్నారు.

కైలాస్‌నగర్‌: ఆదిలాబాద్‌ అర్బన్‌, మావల మండలాల పరిధిలోని 192 మంది కల్యాణలక్ష్మి, షాదీముబారక్‌ లబ్ధిదారులకు జిల్లా పరిషత్‌ సమావేశ మందిరంలో ఎమ్మెల్యే పాయల్‌ శంకర్‌ గురువారం చె క్కులు పంపిణీ చేశారు. కార్యక్రమంలో మున్సిపల్‌, మార్కెట్‌ కమిటీ చైర్మన్లు బండారి అనూష, బోరంచు శ్రీకాంత్‌రెడ్డి, డీటీ శ్రీవాణి, ఆర్‌ఐలు యజువేందర్‌రెడ్డి, శశికళ, కౌన్సిలర్లు నరేశ్‌కుమార్‌, గంట జీవన్‌ తదితరులు పాల్గొన్నారు. సాత్నాల మండలంలో.. సాత్నాల: మండల కేంద్రంలోని తహసీల్దార్‌ కార్యాలయంలో 42మంది లబ్ధిదారులకు ఆదిలాబాద్‌ ఎ మ్మెల్యే పాయల్‌ శంకర్‌ కల్యాణలక్ష్మి, షాదీ ముబార క్‌ చెక్కులు పంపిణీ చేశారు. కార్యక్రమంలో తహసీల్దార్‌ రాథోడ్‌ రాజేశ్వరి, ఆర్‌ఐ రమేశ్‌, సర్పంచ్‌ సాయివర్మ తదితరులు పాల్గొన్నారు. జైనథ్‌ మండలంలో.. జైనథ్‌: మండలంలోని శ్రీలక్ష్మీనారాయణస్వామి ఆ లయ ప్రాంగణంలో లబ్ధిదారులకు కలాణలక్ష్మి, షాదీ ముబారక్‌ చెక్కులను ఎమ్మెల్యే పాయల్‌ శంకర్‌ పంపిణీ చేశారు. కార్యక్రమంలో జైనథ్‌, బేల తహసీల్దార్లు నారాయణ, ప్రవీణ్‌కుమార్‌, సాత్నాల ఆర్‌ఐ సాయినాథ్‌, మార్కెట్‌ కమిటీ చైర్మన్‌ అశోక్‌రెడ్డి, వివిధ పార్టీల నాయకులు పాల్గొన్నారు.

ఆదిలాబాద్‌టౌన్‌/ఇంద్రవెల్లి/నేరడిగొండ/తాంసి: జిల్లాలో గురువారం కురిసిన అకాల వర్షం అన్నదా తలను అవస్థలకు గురి చేసింది. ఆయా మార్కెట్‌ యార్డుల్లో రైతులు విక్రయించేందుకు తెచ్చిన ధా న్యం తడిసిపోయింది. చాలామంది రైతులు ముందుగానే ధాన్యం కుప్పలపై కవర్లు కప్పి జాగ్రత్తపడ్డారు. ఇంద్రవెల్లి మండలకేంద్రంలోని వ్యవసాయ మార్కెట్‌ యార్డ్‌కు మొక్కజొన్నలు తెచ్చిన రైతులు ధాన్యం తడవకుండా టార్పాలిన్లు కప్పారు. అయినప్పటికీ ధాన్యం తడవడంతో ఆందోళన చెందుతున్నారు. ఆయా గ్రామాల్లో చేతికొచ్చిన జొన్న, మొ క్కజొన్న పంటలు వర్షానికి దెబ్బతిన్నాయి. నేరడిగొండ మండల కేంద్రంలోని మార్కెట్‌ యార్డులో ఆరబోసిన మక్కలు తడిసి ముద్దయ్యాయి. సకాలంలో ధాన్యం తూకం వేయకపోవడం, సరిపడా టా ర్పాలిన్లు లేకపోవడంతో రైతులు తమ పంటలను కాపాడుకునేందుకు ఇబ్బందులకు గురయ్యారు. తాంసి మండల కేంద్రంతోపాటు మండలంలోని గిరిగాం, పొన్నారి, వడ్డాడి, హస్నాపూర్‌, కప్పర్ల గ్రామాల్లోనూ వర్షం కురిసింది. తాంసి సబ్‌ మార్కెట్‌యార్డులో రైతులు విక్రయించేందుకు తెచ్చిన జొ న్న పంట తడిసిపోయింది. చాలామంది రైతులు ముందే ధాన్యం కుప్పలపై టార్పాలిన్లు కప్పుకొని జాగ్రత్త పడ్డారు. మండలంలో చాలాచోట్ల జొన్నపంటలు గాలివానకు నేలవాలాయి.

కై లాస్‌నగర్‌: కలెక్టర్‌ రాజర్షి షా చొరవతో భీంపూర్‌ మండలం గొల్లఘాట్‌ గ్రామానికి చెందిన గిరిజన రైతు మడావి గంగారాం ఏళ్లనాటి భూ సమస్య పరిష్కారమైంది. గంగారాంకు చెందిన తొమ్మిదెకరాల సాగు భూమి నిషేధిత జా బితా (ఇనాం భూమి)లో చేరింది. దీంతో పట్టా పొందడానికి అవకాశం లేకుండా పోయి ప్రభు త్వ ప్రయోజనాలు పొందలేకపోయాడు. బాధి త రైతు ఇటీవల కలెక్టర్‌ను కలిసి సమస్య వివరించి పరిష్కారించాలని కోరాడు. స్పందించిన కలెక్టర్‌ భూభారతి చట్టం ద్వారా సమస్య పరి ష్కరించాలని భీంపూర్‌ తహసీల్దార్‌ బానోత్‌ ర మేశ్‌ను ఆదేశించారు. దీంతో క్షేత్రస్థాయిలో వి చారణ చేపట్టిన అధికారులు ఆ భూమిని రైతు గంగారాం పేరిట నమోదు చేసి పట్టాదారు పా సుపుస్తకం అందజేశారు. దశాబ్దాల నాటి భూ సమస్య పరిష్కారం కావడంతో రైతు గంగా రాం ఆనందం వ్యక్తం చేశాడు. గురువారం కలెక్టర్‌ రాజర్షి షాను మర్యాదపూర్వకంగా కలిశా డు. ఈ సందర్భంగా కృతజ్ఞతలు తెలిపాడు.

రేషన్‌దుకాణాల ద్వారా తక్కువ ధరకే జొన్నలు, మొక్కజొన్నలు అందించాలని రాష్ట్ర ప్రభుత్వం నిర్ణయించడం సంతోషకరం. జొన్న బలవర్ధకమైన ఆహారం. జొన్న రొ ట్టెలు తింటే ఆరోగ్యానికి మంచిది. దీర్ఘకాలిక వ్యాధులు దరిచేరవు. రేషన్‌షాపుల్లో ఉచితంగా బియ్యం పంపిణీ చేస్తుండటంతో వాటినే ఎక్కువగా వినియోగిస్తున్నారు. జొన్నలు అందించడం ద్వారా పేదలకు ఎంతో ప్రయోజనం చేకూరనుంది. రేషన్‌ షాపుల ద్వారా ఒక్కొక్కరికీ 10కిలోల చొప్పున జొన్నలు అందిస్తే ప్రయోజనకరంగా ఉంటుంది. – మైలారపు రాజేశ్‌, టీచర్స్‌కాలనీ, ఆదిలాబాద్‌

ఇచ్చోడ: రైతులు అధైర్యపడొద్దని, అన్ని విధాలా అండగా ఉంటామని బోథ్‌ ఎమ్మెల్యే అనిల్‌జాదవ్‌ పేర్కొన్నారు. మండలంలోని దుబార్‌పేట్‌లో ఇటీవల అగ్ని ప్రమాదంలో కాలిపోయిన పంటలను గు రువారం పరిశీలించారు. ఈ సందర్భంగా ఆయన మాట్లాడారు. ప్రభుత్వం కూడా సానుకూలంగా స్పందించి పంట నష్టపోయిన రైతులకు పరిహారం అందించేలా చర్యలు తీసుకోవాలని కోరారు. అగ్ని ప్రమాదంలో కాలిపోయిన పంటల వివరాలు సేకరించాలని వ్యవసాయ సిబ్బందికి సూచించారు. నీ టి ఎద్దడిని నివారించాలని దుబార్‌పేట్‌లో గ్రామస్తులు ఎమ్మెల్యేను కోరారు. దీంతో వెంటనే స్పందించి బోరుబావికి భూమిపూజ చేశారు. అంతకుముందు సాథ్‌ నంబర్‌ గ్రామంలో ఇందిరమ్మ ఇంటిని ప్రారంభించి మాట్లాడారు. అర్హులందరికీ ఇందిరమ్మ ఇల్లు మంజూరు చేస్తామని చెప్పారు. బీఆర్‌ఎస్‌ మండల కన్వీనర్‌ ఏనుగు కృష్ణారెడ్డి, మాజీ ఎంపీపీ నిమ్మల ప్రీతంరెడ్డి, మాజీ ఎంపీటీసీ గాడ్గే సుభాష్‌, నాయకుడు మహేందర్‌రెడ్డి ఉన్నారు.

రహదారులపై ప్రమాదాలు చోటు చేసుకుంటున్నప్పుడు మనుషులు క్షతగాత్రులుగా మారినా చూసీ చూడనట్లు వ్యవహరిస్తున్న ఈ రోజుల్లో మూగ జీవాలకు ఏదైనా ప్రమాదం సంభవించినప్పుడు వాటికి అండగా నిలుస్తూ చికిత్స అందిస్తోంది పట్టణంలోని గోమాత సేవా ఫౌండేషన్‌. 2011లో ఈ స్వచ్ఛంద సంస్థ ప్రారంభమైంది. మూగజీవాలు అనారోగ్యంతో ఎక్కడైనా పడిపోవడం, అచేతన స్థితిలో కదలకుండా ఉండడం, రహదారి ప్రమాదంలో గాయాలు కావడం, ఏదైనా మురికి కాలువలో పడిపోవడం వంటి సమయంలో ఆ జీవాలకు ప్రాథమిక చికిత్స అందించడంతో పాటు వాటి బాగోగులు చూసుకుంటున్నారు ఈ సంస్థ ప్రతినిధులు. స్థానికులు సమాచారం అందిస్తే వెంటనే ఆ ప్రాంతానికి చేరుకుని సపర్యలు అందిస్తున్నారు. ప్రమాదవశాత్తు గోమాతలు చనిపోతే వాటికి శాస్తోక్త్రంగా అంత్యక్రియలు సైతం నిర్వహిస్తుండడం విశేషం. తమకు యంత్రాంగం మరింతగా సహకరిస్తే మూగజీవాల బాగోగులు పూర్తిస్థాయిలో చూడడానికి తాము సిద్ధంగా ఉన్నామని ఫౌండేషన్‌ ప్రతినిధులు చెబుతున్నారు. యంత్రాంగం సహకరించాలి.. ఫౌండేషన్‌ను 15ఏళ్ల క్రితం ప్రారంభించాం. అప్పటి నుంచి గోమాతల కోసం ఎన్నో సేవా కార్యక్రమాలు చేస్తున్నాం. రాత్రి, పగలు ఏ సమయమైనా సంప్రదించిన వెంటనే అక్కడికి చేరుకుని జీవాలకు చికిత్స అందిస్తున్నాం. పలు సందర్భాల్లో మరణిస్తే అంత్యక్రియల సైతం చేస్తున్నాం. ఫౌండేషన్‌ తరఫున ఇప్పటివరకు ఎన్నో ఆవులను ప్రమాదాల నుంచి కాపాడమే కాకుండా, వాటి బాగోగులు చూసుకున్నాం. అధికార యంత్రాంగం సహకరిస్తే మూగజీవాల సేవలో మరింతగా పాటుపడతాం. – సురేష్‌ ఓటార్కార్‌, గోమాత సేవా ఫౌండేషన్‌ అధ్యక్షుడు, ఆదిలాబాద్‌

ఆదిలాబాద్‌: భారతదేశ సంస్కృతి విశ్వవ్యాప్తం అయ్యిందని ఎమ్మెల్యే పాయల్‌ శంకర్‌ అన్నారు. జిల్లా కేంద్రంలోని శంకర్‌ గుట్టపై వెలసిన బీరప్ప ఆలయ పునర్నిర్మాణ పనులు బుధవారం ప్రారంభించారు. ఈసందర్భంగా ఆయన మాట్లాడుతూ, మన సంస్కృతి, సాంప్రదాయాలను కాపాడుకోవాల్సిన బాధ్యత ప్రతి ఒక్కరిపై ఉందన్నారు. ఆలయ సమగ్ర అభివృద్ధికి తన వంతు సహకారం అందిస్తానని, నిధుల కొరత లేకుండా చూస్తానని హామీ ఇచ్చారు. ఇందులో మాజీ మంత్రి జోగు రామన్న, ఆలయ కమిటీ సభ్యులు, స్థానిక ప్రజాప్రతినిధులు, భక్తులు పాల్గొన్నారు. ప్రధాని మోదీ బహిరంగ సభ విజయవంతం చేయాలి.. ఆదిలాబాద్‌: తెలంగాణలో ఎప్పుడు ఎన్నికలు వచ్చినా పశ్చిమ బెంగాల్‌ తరహా తీర్పే ఇక్కడి ప్రజలు ఇస్తారని ఆదిలాబాద్‌ ఎమ్మెల్యే పాయల్‌ శంకర్‌ ధీమా వ్యక్తం చేశారు. ఈనెల 10న ప్రధాని నరేంద్ర మోదీ బహిరంగ సభను విజయవంతం చేయాలని జిల్లా కేంద్రంలో బుధవారం ప్రచారం నిర్వహించారు. ఇందులో భాగంగా పట్టణంలోని కొలిపురా కాలనీలో వాల్‌ పెయింటింగ్‌ కార్యక్రమాన్ని చేపట్టి, ప్రజలను కలుస్తూ సభకు తరలిరావాలని పిలుపునిచ్చారు. ఆయన వెంట కౌన్సిలర్‌ శైలజ, పార్టీ నాయకులు రవి, హన్మండ్లు, దినేష్‌ మటోలియా, శివ తదితరులున్నారు.

కై లాస్‌నగర్‌: జిల్లాలో గ్రామీణ ప్రాంత విద్యార్థుల విజ్ఞాన వికాసం కోసం యంత్రాంగం ‘స్నేహ’ పేరిట వేసవి శిబిరాలను వినూత్నంగా నిర్వహిస్తున్నట్లుగా కలెక్టర్‌ రాజర్షిషా తెలిపారు. కలెక్టరేట్‌ సమావేశ మందిరంలో సంబంధిత శాఖల అధికా రులతో బుధవారం సన్నాహక సమీక్ష నిర్వహించా రు. ఈ నెల 12 నుంచి విద్యార్థులకు ఆటపాటలు, సృజనాత్మక కార్యక్రమాల ద్వారా విజ్ఞానం పెంపొందేలా వీటిని నిర్వహించనున్నట్లు తెలిపారు. జిల్లా గ్రామీణాభివృద్ధి సంస్థ, సెర్ప్‌ సంయుక్త ఆధ్వర్యంలో అంతర్జాతీయ సంస్థ యునిసెఫ్‌ తెలంగాణ ప్రభుత్వ సహకారంతో ఈ శిబిరాలు కొనసాగుతాయని పేర్కొన్నారు. గ్రామ స్థాయిలో విస్తృత ప్రచారం కల్పించాలని అధికారులను ఆదేశించారు. ఇందులో స్థానిక సంస్థల అదనపు కలెక్టర్‌ రాజేశ్వర్‌, డీఆర్డీవో రాథోడ్‌ రవీందర్‌, డీఎంహెచ్‌వో నరేందర్‌ రాథోడ్‌, ఇన్‌చార్జి డీపీవో ఫణిందర్‌ రావు తదితరులు పాల్గొన్నారు. వినూత్న పంటలు సాగు చేయాలి తాంసి: రైతులు సంప్రదాయ పంటలకే పరిమితం కాకుండా వినూత్న పంటలు సాగు చేయాలని కలెక్ట ర్‌ రాజర్షి షా అన్నారు. మండలంలోని హస్నాపూర్‌ గ్రామ రైతువేదికలో బుధవారం నిర్వహించిన రైతు వారోత్సవాల కార్యక్రమానికి ఆయన హాజరై మా ట్లాడారు. ప్రభుత్వం అమలు చేస్తున్న సంక్షేమ కా ర్యక్రమాలను రైతులు సద్వినియోగం చేసుకోవాలన్నారు. ఇందులో జిల్లా వ్యవసాయాధికారి శ్రీధర్‌స్వామి, సర్పంచ్‌ లింగారెడ్డి, ఎంపీవో అవినాష్‌రెడ్డి, ఏవో రవీందర్‌, ఏఈవో అమీరుద్దీన్‌, పంచాయతీ కార్యదర్శి లావణ్య పాల్గొన్నారు. జొన్నలు కొనుగోలు పరిమితి పెంచాలని వినతి జొన్నల కొనుగోలు పరిమితి ఎకరానికి 15 క్వింటా ళ్లకు పెంచాలని తాంసి మండల రైతులు కోరారు. ఈ మేరకు పొన్నారి గ్రామానికి విచ్చేసిన కలెక్టర్‌ను మండలంలోని వడ్డాడి, హస్నాపూర్‌ గ్రామాల రైతులు కలిసి వినతిపత్రం అందజేశారు. స్పందించిన కలెక్టర్‌ ప్రభుత్వంతో పాటు మార్క్‌ఫెడ్‌ ఉన్నతాధికారుల దృష్టికి తీసుకెళ్లి పరిమితి పెంచేలా చూస్తానని హామీ ఇచ్చారు.

ఆదిలాబాద్‌టౌన్‌: భూ మాఫియా మోసాలపై ఉక్కుపాదం మోపుతామని ఎస్పీ అఖిల్‌ మహాజన్‌ అన్నారు.జిల్లా కేంద్రంలోని పోలీస్‌ హెడ్‌క్వార్టర్స్‌లో బుధవారం భూ చట్టాలు, రికార్డులపై పోలీసు అధికారులకు శిక్షణ కార్యక్రమం నిర్వహించారు. కలెక్టరేట్‌ సూపరింటెండెంట్‌ నలంద ప్రియ అవగాహన కల్పించారు. భూ యాజమాన్య చరిత్ర, అమలులోకి వచ్చిన భూ చట్టాల పరిమితులతో పాటు ఇతర అంశాలను వివరించారు. ఈ సందర్భంగా ఎస్పీ మాట్లాడుతూ భూ సంబంధిత కేసుల్లో చట్టబద్ధంగా చర్యలు తీసుకోవాలని అధికారులను ఆదేశించారు. అనంతరం సూపరింటెండెంట్‌ను ఎస్పీ శాలువాతో సన్మానించారు. ఇందులో ఉట్నూర్‌ ఏఎస్పీ రిత్విక్‌సాయి కొట్టే, డీఎస్పీ ఎల్‌.జీవన్‌ రెడ్డి, శిక్షణ ఐపీఎస్‌ రాహుల్‌ కాంత్‌, సీఐలు పాల్గొన్నారు.

ఆదిలాబాద్‌టౌన్‌: రైతులు తమ పంటలకు గిట్టుబాటు ధర పొందాలంటే మార్కెటింగ్‌ విధానాలపై సమగ్ర అవగాహన అవసరమని అదనపు కలెక్టర్‌ రాజేశ్వర్‌, ఆదిలాబాద్‌ వ్యవసాయ మార్కెట్‌ కమిటీ చైర్మన్‌ బోరంచు శ్రీకాంత్‌ రెడ్డి అన్నారు. ప్రజాపాలన–ప్రగతి ప్రణాళికలో భాగంగా జిల్లా కేంద్రంలోని మార్కెట్‌ యార్డులో బుధవారం రైతు వారోత్సవాలు నిర్వహించారు. ఈ సందర్భంగా వారు మాట్లాడుతూ, రైతులు పంట మార్పిడి విధానం పాటించాలన్నారు. అలాగే ప్రభుత్వం అందిస్తున్న ధరల సమాచారం, మార్కెట్‌, నిల్వ సదుపాయాలను సద్వినియోగం చేసుకోవాలని సూచించారు. శాస్త్రవేత్తలు, వ్యవసాయ అధికారుల సూచనలు పాటిస్తూ సాగును లాభసాటిగా మార్చుకోవాలని కోరారు. అంతకుముందు రైతులను వారు శాలువాలతో సన్మానించారు. కార్యక్రమంలో జిల్లా గ్రంథాలయ సంస్థ చైర్మన్‌ మల్లెపూల నరసయ్య, మున్సిపల్‌ చైర్‌పర్సన్‌ అనూష, మార్కెటింగ్‌ ఏడీ గజానన్‌, మార్కెట్‌ కమిటీ సభ్యులు, వ్యవసాయ శాఖ అధికారులు, సిబ్బంది, రైతులు పాల్గొన్నారు.

కై లాస్‌నగర్‌: జిల్లా కేంద్రంలోని అక్రమ లేఅవుట్‌పై బల్దియా అధికారులు కొరడా ఝుళిపించారు. మహాలక్ష్మివాడ కాలనీలోని సర్వేనంబర్‌ 76/1/2, 76/1/3 ల్లోని మూడు ఎకరాల స్థలంలో ఓ రియల్‌ వ్యాపారి లేఅవుట్‌ ఏర్పాఠి టు చేశాడు. మున్సిపల్‌ నుంచి ఎలాంటి అనుమతులు పొందకుండానే అందులో రాళ్లను పాతి ప్లాట్లుగా మార్చాడు. దీనిపై కమిషనర్‌కు ఫిర్యాదులు రావడంతో ఆయన టౌన్‌ ప్లానింగ్‌ అధికారులను విచారణకు ఆదేశించారు. ఈమేరకు టీపీఓ సుమలత, టీపీఎస్‌ నవీన్‌కుమార్‌ సిబ్బందితో కలిసి లేఅవుట్‌ను పరిశీలించారు. నిబంధనల ప్రకారం అనుమతులు లేకపోవడంతో అక్రమమని నిర్ధారిస్తూ అందులో పా తిన రాళ్లను తొలగించి వేసినట్లు టీపీవో తెలి పారు. అక్రమంగా ఏర్పాటు చేసే లేఅవుట్లపై కఠినంగా వ్యవహరిస్తామని హెచ్చరించారు.

గోమాత సేవలో నిమగ్నంసాటి మనుషులను పట్టించుకోని ప్రస్తుత సమాజంలో కొంతమంది మూగజీవా లపై మానవత్వం ప్రదర్శిస్తున్నారు. వాటి భావాలను అర్థం చేసుకొని ఆకలి, దప్పికలు తీరుస్తున్నారు. ఆపదొస్తే ఆప్తులుగా నిలుస్తూ కారుణ్యం ప్రదర్శిస్తున్నారు. జిల్లా కేంద్రంలో ఆదర్శంగా నిలుస్తున్న ఆయా స్వచ్ఛంద సంస్థలపై ప్రత్యేక కథనం. – ఆదిలాబాద్‌ దాహార్తి తీరుస్తున్న.. గోమాత సేవా సమితి వేసవి ఎండలకు మనుషులే అల్లాడిపోతుంటారు. మూగజీవాల పరిస్థితి చెప్పనక్కరలేదు. ఈ క్రమంలో ఏళ్లుగా వాటి దాహార్తి తీర్చడంతో పాటు గ్రాసం అందిస్తూ ఆదర్శంగా నిలుస్తున్నారు జిల్లా కేంద్రంలోని గోమాత సేవా సమితి వెల్ఫేర్‌ సొసైటీ. 2010లో ఈ సమితి ఆధ్వర్యంలో ఆదిలాబాద్‌ పట్టణ వ్యాప్తంగా పశువులు ఎక్కువగా సంచరించే ప్రదేశాలను గుర్తించి 15 నీటి తొట్టెలను ఏర్పాటు చేశారు. ప్రధానంగా వేసవిలో అందులో నీటితో పాటు పచ్చిగడ్డిని సైతం అందుబాటులో ఉంచుతున్నారు ఈ సంస్థ ప్రతినిధులు. కోవిడ్‌ సమయంలో ఎన్నో ఆంక్షల నడుమ గ్రాసం తీసుకువచ్చి వాటి ఆకలి తీర్చామని పేర్కొంటున్నారు. దాతలు స్పందిస్తే మరిన్ని అందుబాటులోకి తెస్తామని చెబుతున్నారు. దాతలు ముందుకు రావాలి.. గోమాత సేవా సమితి ఆధ్వర్యంలో 16 ఏళ్లుగా మూగజీవాలకు సేవ చేస్తున్నాం. పట్టణవ్యాప్తంగా 15 ప్రాంతాల్లో నీటి తొట్టెలను ఏర్పాటు చేశాం. అందులో నీటితో పాటు గ్రాసం అందుబాటులో ఉంచుతున్నాం. కోవిడ్‌ సమయంలో సైతం వాటికి ఆహారం అందించాం. ఎవరైనా దాతలు ముందుకు వస్తే మరిన్ని ఏర్పాటు చేసేందుకు సిద్ధంగా ఉన్నాం. – గణేశ్‌ వర్మ, గోమాత సమితి వ్యవస్థాపక అధ్యక్షుడు

ఆదిలాబాద్‌రూరల్‌: నిరుద్యోగ యువతకు ఉపాధి కల్పనే ప్రభుత్వ ప్రధాన లక్ష్యమని కలెక్టర్‌ రాజర్షిషా అన్నారు. రాష్ట్ర క్రీడలు, యువజన సేవల శాఖ ఆధ్వర్యంలో తెలంగాణ మైనారిటీ గురుకుల బాలికల పాఠశాలలో బుధవారం జాబ్‌ మేళా కార్యక్రమం నిర్వహించారు. ఈ సందర్భంగా కలెక్టర్‌ మాట్లాడుతూ, నిరుద్యోగ యువత ప్రభుత్వ ఉద్యోగాల కోసమే వేచి చూడకుండా, ప్రైవేటు రంగంలో ఉన్న అవకాశాలను ద్వినియోగం చేసుకొని ఆర్థికంగా స్థిరపడాలన్నారు. అనంతరం ఉద్యోగాలకు ఎంపికై న అభ్యర్థులకు నియామక పత్రాలు అందజేశారు. ఇందులో అదనపు కలెక్టర్‌ రాజేశ్వర్‌, మున్సిపల్‌ చైర్‌పర్సన్‌ బండారి అనూష, ఆదిలాబాద్‌ వ్యవసాయ మార్కెట్‌ కమిటీ చైర్మన్‌ శ్రీకాంత్‌ రెడ్డి, జిల్లా యువజన క్రీడల అధికారి శ్రీనివాస్‌, ఉపాధి కల్పన అధికారి మిల్కా, నిరుద్యోగులు పాల్గొన్నారు.

కై లాస్‌నగర్‌: జిల్లాలోని ప్రాథమిక వ్యవసాయ సహకార సంఘాల పాత పాలకవర్గాలకే తిరిగి ప్రభుత్వం పగ్గాలు అప్పగించింది. పాలకవర్గాలను రద్దు చేస్తూ ఇటీవల జారీ చేసిన జీవో 597ను హైకోర్టు ఆదేశాలతో ప్రభుత్వం ఉపసంహరించుకుంది. దీంతో పీఏసీఎస్‌ చైర్మన్‌, డైరెక్టర్లుగా మొన్నటి వరకు విధులు నిర్వహించిన వారికే తిరిగి బాధ్యతలు అప్పగిస్తూ జిల్లా సహకార శాఖ అధికారి ఎం.సత్యనారాయణ మంగళవారం రాత్రి ఉత్తర్వులు జారీ చేశారు. దీంతో బుధవారం నుంచి జిల్లాలోని 28 పీఏసీఎస్‌ పాత పాలవర్గాలు యథావిధిగా కొనసాగనున్నాయి. హైకోర్టు తీర్పు, ప్రభుత్వం నిర్ణయంపై హర్షం వ్యక్తం చేస్తున్నాయి. ఏం జరిగిందంటే.. జిల్లా సహకార శాఖ పరిధిలోని ప్రాథమిక వ్యవసా య సహకార సంఘాలకు 2019 ఫిబ్రవరిలో ఎన్నికలు జరిగాయి. సొసైటీ చైర్మన్‌తో పాటు 12 మంది డైరెక్టర్లను ఎన్నుకున్నారు. వీటి ఐదేళ్ల పదవీకాలం గడువు గతేడాది ఫిబ్రవరి 13తో ముగిసింది. వారి విజ్ఞప్తి మేరకు పదవీకాలాన్ని ప్రభుత్వం ఆరునెలల పాటు పొడిగించింది. గతేడాది ఆగస్టు 14తో పూర్తి కావడంతో ప్రభుత్వం రెండో సారి పొడిగిస్తూ అవకాశం కల్పించింది. ఈ క్రమంలోనే రాష్ట్ర ప్రభుత్వం వాటిని రద్దుచేస్తూ 19 డిసెంబర్‌ 2025న జీవో 597 జారీ చేసింది. దీంతో సర్కారు నిర్ణయంపై పాలకవర్గాలు ఒక్కసారిగా ఖంగుతున్నాయి. ఉన్నపాటుగా రద్దు చేసిన ప్రభుత్వం తిరిగి ఎన్నికలు నిర్వహిస్తుందని భావించారు. అయితే అలా చేయకుండా పర్స న్‌ ఇన్‌చార్జీలుగా సహకార శాఖ అధికారులు, ఉద్యోగులను నియమించింది. దీంతో ఆగ్రహించిన చైర్మ న్లు రాష్ట్ర హైకోర్టును అప్పట్లోనే ఆశ్రయించారు. ఈ క్రమంలో వారినే కొనసాగించాలంటూ హైకోర్టు సైతం ఆదేశించింది. అయినా ప్రభుత్వం ఈ ఆదేశాలు లెక్కచేయకుండా నామినేటేడ్‌ పద్ధతిలో పాలకవర్గాలను భర్తీ చేయాలని మంత్రివర్గ సమావేశంలో నిర్ణయించింది. జీవో ఉపసంహరించుకున్న ప్రభుత్వం .. సొసైటీ పాత పాలకవర్గాలకు బాధ్యతలు అప్పగించాలని చెప్పినహైకోర్టు ఆదేశాలను ప్రభుత్వం లెక్క చేయకపోవడంతో సొసైటీ చైర్మన్లు మరోసారి న్యా యస్థానాన్ని ఆశ్రయించారు. ప్రభుత్వంపై కోర్టు ది క్కరణ కేసు ఫైల్‌ చేశారు. దీంతో ప్రభుత్వం దిగివచ్చింది. పాలకవర్గాలను రద్దు చేస్తూ జారీ చేసిన జీవో 597ను ఉపసంహరించుకుంది. 14.02.2025 రోజున చైర్మన్లు, డైరెక్టర్లుగా ఉన్నటువంటి వారిని యఽథావిధిగా నియమించాలని సహకారశాఖ అధి కారులను ఆదేశించింది. ప్రభుత్వం ఆదేశాలతో జిల్లా సహకారశాఖ అధికారులు చర్యలు చేపట్టారు. జిల్లాలోని 28 సొసైటీ చైర్మన్లు, డైరెక్టర్లుగా పాత వారికి బాధ్యతలు అప్పగిస్తూ డీసీవో ఉత్తర్వులు జారీ చేశారు. ప్రభుత్వ తదుపరి చర్యల వరకు పాత సొసైటీలే కొనసాగనున్నాయి.

కై లాస్‌నగర్‌: జిల్లాలోని గ్రామ పంచాయతీల్లో 2025–26 ఆర్థిక సంవత్సరానికి గాను ఆస్తి పన్ను వసూళ్ల గడువు ఇటీవల ముగిసింది. మార్చి 31తో ఆర్థిక సంవత్సరం ముగిసిన విషయం తెలిసిందే. అయితే పన్ను వసూలు లక్ష్య సాధన కోసం మరో 15 రోజుల పాటు ప్రభుత్వం గడువు పొడిగించింది. ఇది కూడా ఇటీవల ముగియగా జిల్లాలోని 217 జీపీలు శతశాతం వసూలు చేసి ఆదర్శంగా నిలి చాయి. ఇందులో 25 పంచాయతీలు వందశాతానికి మించి వసూలు చేయడం గమనార్హం. లక్ష్యం చేరిన జీపీల్లో అత్యధికంగా ఆదివాసీ గ్రామాలే ఉండటం గిరిపుత్రుల బాధ్యత, చైతన్యానికి నిదర్శనంగా నిలుస్తోంది. అన్ని వసతులున్న మైదాన ప్రాంతాల్లోని పంచాయతీలు పన్నుల చెల్లింపులో వెనుకబడడం విస్మయానికి గురిచేస్తోంది. వందశాతం వసూలు ఇలా.. జిల్లా వ్యాప్తంగా 473 పంచాయతీలు ఉండగా ఇందులో 192 వంద శాతం పన్నులు వసూలు చేశాయి. మరో 25 గ్రామాల్లో లక్ష్యానికి మించి వ సూలు చేసి ఆదర్శంగా నిలిచాయి. మరో 20 గ్రా మాలు లక్ష్యానికి 99శాతంతో అడుగుదూరంలో నిలిచాయి. మిగతా పంచాయతీల్లో 57 నుంచి 98 శాతం వరకు వసూలైనట్లుగా అధికారిక లెక్కలు చె బుతున్నాయి. వందశాతం పన్నులను వసూలు చేసి న గ్రామాల్లో ఇచ్చోడ, ఇంద్రవెల్లి, భీంపూర్‌ మండలాలు ఆదర్శంగా నిలుస్తున్నాయి. ఇక్కడి మెజార్టీ గ్రామాలు ఏజెన్సీ అయినా వందశాతం పన్ను చెల్లించి బాధ్యత, చైతన్యాన్ని చాటుకున్నాయి. జిల్లాలో ఇలా.. జిల్లావ్యాప్తంగా గడిచిన ఆర్థిక సంవత్సరానికి 85.15 శాతం పన్నులు వసూలయ్యాయి. ఆయా పంచాయతీల పరిధిలో 1,79,236 ఆస్తులు ఉండగా వీటికి సంబంధించి మొత్తం రూ.6కోట్ల71లక్షల 58వేల 878 పన్ను లక్ష్యంగా ఉంది. ఇందులో రూ.6కోట్ల 39లక్షల 90వేల 446 వసూలు చేశారు. రూ.77లక్షల 85వేల 330 బ్యాలెన్స్‌గా మిగిలాయి. మండలాల వారీగా శతశాతం పన్ను వసూలు చేసిన జీపీల వివరాలు వందశాతం లక్ష్యంగా ముందుకు ప్రతీ పంచాయతీలో వందశాతం పన్నులు వసూలు లక్ష్యంగా ప్రయత్నించాం. మెజార్టీ జీపీల్లో లక్ష్యాన్ని సాధించినప్పటికీ కొన్ని చోట్ల వెనుకబడ్డాం. వచ్చే ఏడాది వందశా తం అధిగమించేలా ప్రణాళికాబద్ధంగా ముందుకు సాగుతాం. ప్రజలు సైతం స్వ చ్ఛందంగా పన్ను చెల్లించి గ్రామాల అభివృద్ధికి సహకరించాలి. – ఫణిందర్‌రావు, జిల్లా ఇన్‌చార్జి పంచాయతీ అధికారి మండలం పంచాయతీల సంఖ్య సిరికొండ 10 తాంసి 05 భీంపూర్‌ 17 ఆదిలాబాద్‌రూరల్‌ 16 జైనథ్‌ 07 నార్నూర్‌ 15 ఇంద్రవెల్లి 21 గుడిహత్నూర్‌ 12 ఇచ్చోడ 31 బజార్‌హత్నూర్‌ 15 బోథ్‌ 08 నేరడిగొండ 11 సొనాల 04 సాత్నాల 07 భోరజ్‌ 06 గాదిగూడ 06 తలమడుగు 07 బేల 10 ఉట్నూర్‌ 09

కబడ్డీలో శిక్షణ ఇస్తున్న కోచ్‌ టేబుల్‌ టెన్సీస్‌ ఆడుతూ..ఆదిలాబాద్‌టౌన్‌: జిల్లాలో వేసవి క్రీడా శిక్షణ శిబి రాలు అందుబాటులోకి వచ్చేశాయి. పోలీసు శాఖ ఆధ్వర్యంలో ఎస్పీ అఖిల్‌ మహాజన్‌ గతేడాది నుంచి వీటిని నిర్వహిస్తున్నారు. ఇందులో భాగంగా ఈ ఏడాది ఏర్పాటు చేసిన శిబిరాన్ని మంగళవారం ఆయన ప్రారంభించారు. ఈనెలాఖరు వరకు జిల్లాలోని ఐదు ప్రాంతాల్లో వీటిని నిర్వహిస్తున్నారు. ఆయా క్యాంప్‌లలో విద్యార్థులకు యోగా, కరాటే, వాలీబాల్‌, క్రికెట్‌, అథ్లెటిక్స్‌ వంటి పలు క్రీడలపై నిపుణుల ద్వారా శిక్షణ అందిస్తున్నారు. కేవలం క్రీడలకే పరిమితం కాకుండా, శారీరక దారుఢ్యం, క్రమశిక్షణ, జట్టు భావన, స్వీయరక్షణ వంటి అంశాలపై దృష్టి సారిస్తున్నారు. ఉదయం 6 నుంచి 7.30 గంటల వరకు సాగుతున్న శిక్షణలో విద్యార్థులు ఉత్సాహంగా పాల్గొంటున్నారు. తమ ప్రతిభకు పదును పెంచి మెరుగుపర్చుకుంటున్నారు. జిల్లా వ్యాప్తంగా ఐదు కేంద్రాల్లో శిబిరాలను ఏర్పాటు చేశారు. పోలీస్‌ హెడ్‌క్వార్టర్స్‌తో పాటు ఇచ్చోడ, బోథ్‌, నార్నూర్‌, ఇంద్రవెల్లిలో నిర్వహిస్తున్న ఈ క్యాంపులకు 550 మంది హాజరవుతున్నారు. శిక్షకులు ప్రతీ విద్యార్థి సామర్థ్యాన్ని గుర్తించి వారికి తగిన మార్గదర్శనం అందిస్తున్నారు. పోలీసులు మీకోసం కార్యక్రమంలో భాగంగా ప్రజలతో సత్సంబంధాలు పెంచాలనే ఉద్దేశంతో ఎస్పీ ఈ కార్యక్రమం చేపడుతున్నారు. ఆత్మరక్షణ కళలు.. వివిధ క్రీడాపోటీలు శిబిరంలో భాగంగా విద్యార్థులకు పోలీస్‌స్టేషన్‌ సందర్శనలు, పోలీసుల విధుల నిర్వహణపై ప్రత్యక్ష అవగాహన, ఆయుధాల వినియోగం, వాటి పనితీరు, పోలీసుల కఠిన శిక్షణ విధానాలపై ప్రత్యేక కార్యక్రమాలు నిర్వహిస్తున్నారు. వీటి ద్వారా విద్యార్థుల్లో చట్టాలపై అవగాహన పెంపొందించడంతో పాటు సమాజంలో బాధ్యతాయుత పౌరులుగా ఎదగడానికి ప్రేరణ కలుగుతుంది. క్రికెట్‌ సాధనలో చిన్నారులు విద్యార్థులకు మంచి వేదిక.. వేసవి సెలవులను సద్వినియోగం చేసుకునేలా విద్యార్థులకు ఇది మంచి వేదికగా నిలుస్తుంది. చెడు అలవాట్లు, మత్తు పదార్థాలు, మొబైల్‌ ఫోన్లు, వ్యసనాలకు దూరంగా ఉండేలా అవగాహన కల్పించడం ఈ క్యాంప్‌ ప్రధాన ఉద్దేశం. శిక్షణతో విద్యార్థుల్లో క్రమశిక్షణ, ఆత్మవిశ్వాసంతో పాటు మానసిక, శారీరక దృఢత్వం పెంపొందుతుంది. ఈ శిబిరాల్లో క్రికెట్‌, టేబుల్‌ టెన్నీస్‌, ఆర్చరీ, వాలీబాల్‌, యోగా, కరాటే తదితర క్రీడాంశాల్లో శిక్షణ కల్పిస్తున్నారు.

నేను కబడ్డీ, వాలీబాల్‌లో శిక్షణ పొందుతున్నా. కొత్త నైపుణ్యాలు నేర్చుకుంటున్నా. స్నేహితులతో కలిసి ఆడటం ఆనందంగా ఉంది. ఆటల్లో గెలుపోటములు సహజమని తెలుసుకున్నా. – శ్రీహిత, విద్యార్థిని క్రికెట్‌ అంటే ఇష్టం నాకు క్రికెట్‌ అంటే ఇష్టం. ఈ క్యాంప్‌లో క్రికెట్‌, వాలీబాల్‌లో శిక్షణ పొందుతున్నా. జట్టు ఆటల్లో పాల్గొనడం ద్వారా టీమ్‌ స్పిరిట్‌తో పాటు నాయకత్వ లక్షణాలు పెంపొందుతాయి. – శయాన్‌, విద్యార్థి కరాటే శిక్షణతో ధైర్యం పెరిగింది.. కరాటే ద్వారా ఆత్మరక్షణ పద్ధతులు నేర్చుకుంటున్నా. ఇప్పుడు నాలో ధైర్యం పెరిగింది. క్రమశిక్షణ ఎంత ముఖ్యమో తెలుసుకున్నాను. గురువుల మార్గదర్శనం బాగుంది. – నిహస్వి, విద్యార్థిని జిల్లాలో ఐదు చోట్ల నిర్వహిస్తున్నాం.. సమ్మర్‌ క్యాంప్‌ల ద్వారా విద్యార్థుల్లో శారీరక, మానసిక దృఢత్వం పెంపొందుతుంది. ఈనెలాఖరు వరకు జిల్లా వ్యాప్తంగా ఐదు చోట్ల వీటిని నిర్వహిస్తున్నాం. వీటి ద్వారా పిల్లల్లో పోలీసులనే భయం తొలుగుతుంది. అన్యాయం జరిగినప్పుడు నిర్భయంగా ఫిర్యాదు చేయాలనే విషయం అవగతమవుతుంది. అలాగే వారిలో క్రమశిక్షణ అలవాటు పడుతుంది. ఆయా క్రీడాంశాలకు సంబంధించిన నిష్ణాతులతో శిక్షణ కల్పిస్తున్నాం. అనంతరం సర్టిఫికెట్లు అందజేస్తాం. – అఖిల్‌ మహాజన్‌, ఎస్పీ

ఆదిలాబాద్‌టౌన్‌: మహిళలు, బాలికలకు భరోసా కేంద్రం ధైర్యంగా ఉంటుందని ఎస్పీ అఖిల్‌ మ హాజన్‌ అన్నారు. భరోసా, షీటీమ్‌ కార్యాలయాన్ని మంగళవారం పరిశీలించారు. ఈ సందర్భంగా ఎ స్పీ మాట్లాడుతూ, మహిళలు వేధింపులు, దాడుల కు గురైన వెంటనే డయల్‌ 100కు సమాచారం అందించాలని సూచించారు. భార్యభర్తల మధ్య గొడవలు, ఇతర సమస్యలతో సతమతమవుతున్న వారికి షీటీమ్‌, భరోసా కేంద్రాల్లో కౌన్సెలింగ్‌ ఇస్తున్నట్లు తెలిపారు. ఎస్పీ వెంట ఆదిలాబాద్‌ డీఎస్పీ ఎల్‌. జీవన్‌ రెడ్డి, వన్‌టౌన్‌ సీఐ సునిల్‌ కుమార్‌, ప్రేమ్‌కుమార్‌, భరోసా సెంటర్‌ అధికారి రూపరాణి, షీటీమ్‌ సిబ్బంది వాణి, మహేష్‌ తదితరులున్నారు. పండుగలు ప్రశాంతంగా జరుపుకోవాలి మత సామరస్యాన్ని కాపాడుతూ పండుగలను ప్రశాంతంగా జ రుపుకోవాలని ఎస్పీ అఖిల్‌ మహాజన్‌ అ న్నారు. జిల్లా కేంద్రంలోని వన్‌టౌన్‌లో ఖురేషి కులస్తులు, హిందూ సంఘాలతో మంగళవారం నిర్వహించిన సమావేశంలో ఆ యన మాట్లాడారు. సరైన అనుమతి, ప త్రాలు ఉన్న పశువుల ను మాత్రమే సంహరించాలని సూచించా రు. ఆవులను ఎట్టి పరిస్థితుల్లో వధించవద్దని పేర్కొన్నారు. ఎలాంటి సమాచారం ఉన్నా పోలీసులకు తెలియజేయాలన్నారు. సొంతగా వాహనాలు ఆపడం, తనిఖీలు నిర్వహించడం వంటివి చేయవద్దని, జిల్లా వ్యాప్తంగా ఏడు చెక్‌పోస్టులను ఏర్పాటు చేసినట్లు వివరించారు. ఇందులో డీఎస్పీ ఎల్‌.జీవన్‌ రెడ్డి, సీఐలు సునిల్‌ కుమార్‌, నాగరాజు, ఫణిందర్‌, స్వామి తదితరులున్నారు.

బోథ్‌: మండలంలోని కనుగుట్ట శివారులో ఇటీవల ప్రమాదవశాత్తు జొన్న, మొక్కజొన్న పంటలు దగ్ధమైన విషయం తెలిసిందే. ఈ మేరకు కలెక్టర్‌ రాజర్షి షా మంగళవారం ఘటనా స్థలాన్ని సందర్శించారు. 19 మంది రైతులకు చెందిన 48 ఎకరాల మేర పంట నష్టపోయినట్లు గుర్తించారు. షార్ట్‌ సర్క్యూట్‌ వల్లే ప్రమాదం జరిగిందని, విద్యుత్‌ లైన్లు, ట్రాన్స్‌ఫార్మర్లు సరిగా లేని విషయాన్ని రైతులు కలెక్టర్‌ దృష్టికి తీసుకువచ్చారు. అలాగే ఆ శాఖ అధికారులు కూడా అందుబాటులో ఉండటం లేదని ఫిర్యాదు చేయడంతో ఏఈపై కలెక్టర్‌ ఆగ్రహం వ్యక్తం చేశా రు. తక్షణమే తగు చర్యలు చేపట్టాలని ఆదేశాలు జారీచేశారు. పంట నష్టానికి సంబంధించి సమగ్ర నివేదికను ప్రభుత్వానికి సమర్పించి రైతులకు న్యా యం జరిగేలా చూస్తామని హామీ ఇచ్చారు. ఆయన వెంట ఆర్డీవో జగదీశ్వర్‌, తహసీల్దార్‌ సుభాష్‌ చందర్‌, సర్పంచ్‌ అనిత రాజేందర్‌, రైతులు పాల్గొన్నారు.

ఆదిలాబాద్‌: సికింద్రాబాద్‌ పరేడ్‌ గ్రౌండ్‌ వేదికగా ఈనెల 10న నిర్వహించనున్న ప్రధాని న రేంద్ర మోదీ భారీ బహిరంగ సభను విజయవంతం చేయాలని ఆదిలాబాద్‌ ఎమ్మెల్యే పా యల్‌ శంకర్‌, నిజామాబాద్‌ అర్బన్‌ ఎమ్మెల్యే సూర్యనారాయణ గుప్తా కోరారు. జిల్లా కేంద్రంలోని ఎమ్మెల్యే క్యాంపు కార్యాలయంలో మంగళవారం వారు విలేకరులతో మాట్లాడారు. ప్రతీ పోలింగ్‌ కేంద్రం, గ్రామం నుంచి ప్రజలు స్వచ్ఛందంగా తరలివచ్చి జయప్రదం చేయాలని కోరారు. ఇందులో పార్టీ జిల్లా అధ్యక్షుడు బ్రహ్మానంద, లాలా మున్నా, జోగు రవి, శ్రీకాంత్‌, కృష్ణయాదవ్‌, దినేష్‌ మటోలీయా, సాయి, రాకేష్‌ తదితరులున్నారు. ముగిసిన ‘జనగణన’ శిక్షణకై లాస్‌నగర్‌: జనగణన–2027 నిర్వహణపై ఆదిలాబాద్‌ పట్టణంలోని ఎన్యూమరేటర్లు, సూపర్‌వైజర్లకు నిర్వహించిన శిక్షణ మంగళవారంతో ముగిసింది. ఎంపిక చేసిన 400 మందికి 8 బ్యాచ్‌లుగా శిక్షణ అందించారు. స్థానిక టీటీడీసీలో నిర్వహించిన ముగింపు కార్యక్రమానికి మున్సిపల్‌ కమిషనర్‌ జగదీశ్వర్‌గౌడ్‌ హాజరై గణన ప్రక్రియపై పలు సూచనలు చేశా రు. ఈ నెల 11 నుంచి ప్రారంభం కానున్న హౌస్‌ లిస్టింగ్‌ ప్రక్రియను పక్కాగా చేపట్టాలన్నారు. ఏ ఒక్క కుటుంబం తప్పిపోకుండా ప్రత్యేక శ్రద్ధ వహించాలన్నారు. ఈ నెల 10వరకు స్వీయ నమోదుకు అవకాశం ఉన్నందున పట్టణంలోని ప్రభుత్వ ఉద్యోగులు, విద్యార్థులు, రిటైర్డు ఉద్యోగులు, విద్యావంతులు స్వ యంగా తమ వివరాలు నమోదు చేసుకోవా లని సూచించారు. 11 నుంచి ఇళ్ల వద్దకు వచ్చే ఎన్యూమరేటర్లకు ఎస్‌ఈఐడీని చూపిస్తే సరిపోతుందని పేర్కొన్నారు. కార్యక్రమంలో టౌన్‌ ప్లానింగ్‌ అధికారి నవీన్‌కుమార్‌, మాస్టర్‌ ట్రైనర్లు తదితరులు పాల్గొన్నారు.

నేరడిగొండ: అసెంబ్లీలో తాను చేసిన ప్రస్తావన ఫలి తంగా రాజురా గ్రామ రైతులకు నష్ట పరిహారం అందినట్లు బోథ్‌ ఎమ్మెల్యే అనిల్‌ జాదవ్‌ అన్నారు. మండలంలోని రాజురా గ్రామంలో చెరువు నిర్మాణంతో భూములు కోల్పోయిన 38 మంది రైతులకు ప్రభుత్వం నుంచి మంజూరైన రూ.కోటి 18 లక్షల నష్టపరిహారాన్ని మంగళవారం ఆయన పంపిణీ చేశారు. 2012లో చెరువు నిర్మాణం కారణంగా భూములు కోల్పోయిన రైతులకు అప్పటి ప్రభుత్వం 2014లో 50 శాతం నిధులు విడుదల చేసిందని, మిగతా వాటి కోసం రైతులు ఏళ్లుగా ఎదురుచూస్తుండగా, ఇటీవల అసెంబ్లీలో సమస్యను ప్రస్తావించినట్లు తెలిపారు. ప్రభుత్వం స్పందించి రెండో విడతగా నిధులు విడుదల చేసిందని పేర్కొన్నారు. ఇందులో మండల రెవెన్యూ అధికారులు, ప్రజాప్రతినిధులు, నాయకులు, రైతులు పాల్గొన్నారు.

కై లాస్‌నగర్‌: రైతులకు ఇబ్బందులు కలుగకుండా యాసంగి వరి ధాన్యం కొనుగోలు చేయాలని రాష్ట పౌర సరఫరాల శాఖ మంత్రి ఉత్తమ్‌ కుమార్‌రెడ్డి అ ధికారులను ఆదేశించారు. హైదరాబాద్‌లోని సచి వాలయం నుంచి జిల్లా కలెక్టర్లు, అదనపు కలెక్టర్లు, పౌర సరఫరాల శాఖ అధికారులతో కలిసి ఆయన సోమవారం వీడియో కాన్ఫరెన్స్‌ నిర్వహించారు. ఈ సందర్భంగా మంత్రి మాట్లాడుతూ, రాష్ట్రంలో అకాల వర్షాలు కురుస్తున్నందున కొనుగోలు కేంద్రాల్లో తగు చర్యలు చేపట్టాలన్నారు. సరిపడా టార్పాలిన్లు, తేమనిర్ధారణ యంత్రాలను అందుబాటులో ఉంచాలన్నారు. కొనుగోలు చేసిన ధాన్యాన్ని కేటా యించిన రైస్‌ మిల్లులకు వెంటవెంటనే పంపించాలన్నారు. ఇందులో కలెక్టర్‌ రాజర్షిషా, అదనపు కలెక్టర్‌ ఆర్‌ఎస్‌ చిత్రు, పౌర సరఫరాల శాఖ అధికారులు నందిని, సుధారాణి, తదితరులు పాల్గొన్నారు.

ఆదిలాబాద్‌: దేశ రాజధానిలో జిల్లా బాల కేంద్రం చిన్నారులు తమ కూచిపూడి నృత్య ప్రతిభతో సత్తా చాటారు. న్యూఢిల్లీలోని ఏపీ భవన్‌, అంబేద్కర్‌ ఆడిటోరియంలో ఆదివారం రాత్రి నిర్వహించిన జాతీయ నృత్య పురస్కార మహోత్సవంలో అద్భుత ప్రదర్శన ఇచ్చి అవార్డులు సొంతం చేసుకున్నారు. తెలుగు ఉద్యోగుల సంక్షేమ సంఘం, న్యూఢిల్లీ, హైదరాబాద్‌కు చెందిన సాంస్కృతిక లలిత కళల సమాఖ్య సంయుక్త ఆధ్వర్యంలో నృత్యోత్సవం నిర్వహించారు. ఇందులో గడ్డం శ్రీనిధి, క్షీరసాగర జాహ్నవి, లింగంపల్లి సాయి కార్తీక, పడాల ధన్విక ప్రదర్శనలు ప్రేక్షకులను మంత్రముగ్ధులను చేశాయి. వీరి ప్రతిభను గుర్తించిన నిర్వాహకులు వారికి పురస్కారాలు అందజేయడమే కాకుండా, మలేషియాలో నిర్వహించే అంతర్జాతీయ నృత్య పోటీలకు ఎంపిక చేసినట్లు ప్రకటించారు. అలాగే హాలీవుడ్‌ ఫిలిం డైరెక్టర్‌ సత్యరెడ్డి తన తదుపరి సినిమాలో వీరికి నటించే అవకాశం కల్పిస్తానని హామీ ఇచ్చారు. ఈ సందర్భంగా విజేతలను మాస్టర్స్‌, తల్లిదండ్రులు, బాల కేంద్రం పర్యవేక్షకుడు మిట్టు రవి ప్రత్యేకంగా అభినందించారు.

ఆదిలాబాద్‌టౌన్‌: జిల్లావ్యాప్తంగా ఆదివారం రాత్రి పోలీసులు భారీ ‘స్పెషల్‌ డ్రైవ్‌’ నిర్వహించారు. సాయంత్రం 6 నుంచి రాత్రి10 గంటల వరకు 20 పోలీస్‌ స్టేషన్ల పరిధిలో తనిఖీలు చేపట్టారు. 1,558 వాహనాలను తనిఖీ చేసి నిబంధనలు ఉల్లంఘించిన వారిపై కఠిన చర్యలు తీసుకున్నారు. ఇందులో మద్యం సేవించి వాహనాలు నడిపిన వారు 79 మంది (డ్రంకెన్‌ డ్రైవ్‌), నంబర్‌ ప్లేట్‌ లేకుండా తిరుగుతున్న వాహనాలు 61, మైనర్‌ డ్రైవింగ్‌కు సంబంధించి 9 కేసులు నమోదయ్యాయి. అలాగే అర్ధరాత్రి వేళ అనుమానాస్పదంగా తిరుగుతున్న 200 మంది వ్యక్తుల వేలిముద్రలను పోలీసులు సేకరించారు. ఈ సందర్భంగా ఎస్పీ అఖిల్‌ మహాజన్‌ మాట్లాడుతూ రహదారి ప్రమాదాల నివారణకు, ప్రజల భద్రతకే ఈ తనిఖీలు నిర్వహిస్తున్నామని, ప్రతి ఒక్కరూ ట్రాఫిక్‌ నియమాలు పాటించాలని సూచించారు. నిబంధనలు అతిక్రమిస్తే చట్టపరమైన చర్యలు తప్పవన్నారు. భవిష్యత్తులోనూ ఇలాంటి తనిఖీలు కొనసాగుతాయని స్పష్టం చేశారు.

ఆదిలాబాద్‌టౌన్‌: పశువుల అక్రమ రవాణాను పూర్తి గా అడ్డుకోవాలని ఎస్పీ అఖిల్‌ మహాజన్‌ అన్నారు. జిల్లా కేంద్రంలోని వన్‌టౌన్‌లో చెక్‌పోస్టు సిబ్బందికి సోమవారం పలు సూచనలు చేశారు. ఈ సందర్భంగా ఆయన మాట్లాడుతూ, బక్రీద్‌ సందర్భంగా జిల్లాలో ఏడు చెక్‌పోస్టులను ఏర్పాటు చేసినట్లు తెలిపారు. పిప్పర్‌వాడ, ఆనంద్‌పూర్‌, శంకర్‌గూడ, లక్ష్మిపూర్‌, లోకారి, ఉట్నూర్‌, ఘన్‌పూర్‌లో 24 గంటల పాటు తనిఖీలు నిర్వహించేలా చర్యలు చేపడుతున్నట్లు పేర్కొన్నారు. ఎస్సై స్థాయి అధికారి పర్యవేక్షణ కొనసాగుతుందని తెలిపారు. విధుల్లో అప్రమత్తంగా ఉండాలని, నిర్లక్ష్యం వహిస్తే చర్యలు తప్పవన్నారు. వాహనాల్లో అక్రమంగా తరలిస్తున్న పశువులు లభిస్తే వెంటనే గోశాలకు తరలించాలన్నారు. ఎండ తీవ్రత నేపథ్యంలో సిబ్బంది జాగ్రత్తలు పాటించాలని సూచించారు. ఎస్పీ వెంట ఆది లాబాద్‌ డీఎస్పీ జీవన్‌ రెడ్డి, సీఐలు సునిల్‌ కుమార్‌, నాగరాజు, ప్రేమ్‌కుమార్‌, శ్రావణ్‌, రమేష్‌ తదితరులున్నారు. శిక్షణతో పిల్లల్లో ప్రత్యేక ప్రావీణ్యం శిక్షణతో పిల్లల్లో ప్రత్యేక ప్రా వీణ్యం లభిస్తుందని ఎస్పీ అఖిల్‌ మహాజన్‌ అన్నా రు. జిల్లా కేంద్రంలోని పోలీస్‌ హెడ్‌క్వార్టర్స్‌లో ఏర్పాటు చేసిన వేసవి శిబి రాన్ని సోమవారం ఆయన ప్రారంభించి మాట్లాడారు. జిల్లాలో ఐదు చోట్ల 550 మంది విద్యార్థులతో వేసవి శిబిరాలు నిర్వహిస్తున్నట్లు తెలిపారు. ఆదిలాబాద్‌ ఏఆర్‌ హెడ్‌క్వార్టర్స్‌, ఇచ్చోడ, ఇంద్రవెల్లి, నార్నూర్‌, బోథ్‌లో ఏ ర్పాటు చేసిన శిక్షణను విద్యార్థులు సద్వినియోగం చేసుకోవాలని కోరా రు. కార్యక్రమంలో అదనపు ఎస్పీ సురేందర్‌ రావు, డీఎస్పీలు ఎల్‌.జీవన్‌ రెడ్డి, ఇంద్రవర్ధన్‌, మావల ఎస్‌హెచ్‌ఓ రాహుల్‌కాంత్‌, సీఐలు నాగరాజు, సునిల్‌ కుమార్‌, ప్రేమ్‌కుమార్‌, శ్రావణ్‌, చంద్రశేఖర్‌, వెంకటి పాల్గొన్నారు. మాదకద్రవ్యాలకు దూరంగా ఉండాలిమాదకద్రవ్యాలకు దూరంగా ఉండాలని ఎస్పీ అఖి ల్‌ మహాజన్‌ అన్నారు. జిల్లా కేంద్రంలోని డవ్‌ (డీఅడిక్షన్‌ అండ్‌ వెల్‌నెస్‌) సెంటర్‌ను సోమవారం సందర్శించారు. మాదకద్రవ్యాల వ్యసనానికి గురైన వారికి ఈ సెంటర్‌ ఒక మంచి అవకాశమని తెలిపా రు. ఆయన వెంట ఆదిలాబాద్‌ డీఎస్పీ ఎల్‌.జీవన్‌రెడ్డి, మావల ఎస్‌హెచ్‌వో రాహుల్‌ కాంత్‌, టూటౌన్‌ సీఐ నాగరాజు, మావల సీఐ కె.స్వామి, పోలీస్‌ సిబ్బంది తదితరులు పాల్గొన్నారు. సమస్యలకు శాశ్వత పరిష్కారం చూపాలి ప్రజా సమస్యలకు శాశ్వత పరిష్కారం చూపాలని ఎస్పీ అఖిల్‌ మహాజన్‌ పోలీసు అధికారులకు సూ చించారు. సోమవారం పోలీసు కార్యాలయంలో గ్రీవెన్స్‌ నిర్వహించారు. 24 మంది తమ సమస్యలను ఎస్పీకి విన్నవించారు. సంబంధిత పోలీసు అధికారులకు ఫోన్‌ చేసి సత్వరమే సమస్యలను పరిష్కరించాలని ఆదేశించారు.ఇందులో సీసీ కొండరాజు, ప్రజా ఫిర్యాదుల విభాగం అధికారి జైస్వాల్‌ కవిత, సిబ్బంది పాల్గొన్నారు.

ఆదిలాబాద్‌టౌన్‌: రైతుల సమస్యలపై రాజకీయాలు చేయవద్దని ఎమ్మెల్యే పాయల్‌ శంకర్‌ అన్నారు. ఆదిలాబాద్‌ వ్యవసాయ మార్కెట్‌ యార్డులో తలమడుగు పీఏసీఎస్‌ ఆధ్వర్యంలో ఏర్పాటు చేసిన జొన్నల కొనుగోలు కేంద్రాన్ని మార్కెట్‌ కమిటీ చైర్మన్‌ బోరంచు శ్రీకాంత్‌రెడ్డితో కలిసి సోమవారం ఆయన ప్రారంభించారు. ప్రభుత్వం క్వింటాలుకు రూ. 3,180 (హైబ్రిడ్‌) మద్దతు ధరతో కొనుగోళ్లు చేపడుతోందని, రైతులు 14 శాతం తేమ మించకుండా పంటను తీసుకురావాలని సూచించారు. దళారుల విషయంలో అప్రమత్తంగా ఉండాలని పేర్కొన్నారు. ఇందులో మున్సిపల్‌ చైర్‌ పర్సన్‌ అనూష, బీజేపీ నాయకులు దయాకర్‌, మార్కెట్‌ కమిటీ సభ్యులు పాల్గొన్నారు.

ఇలా కేటుగాళ్లు దుకాణాలు, ఏటీఎంలను ఎక్కువగా టార్గెట్‌ చేస్తూ తమ పని కానిచ్చేస్తున్నారు.ఆదిలాబాద్‌టౌన్‌: కరీంనగర్‌ జిల్లా కేంద్రంలోని ఓ జ్యూయలరీ షాపులో పట్టపగలే దుండగులు లూ టీకి పాల్పడ్డ ఘటన రాష్ట్రవ్యాప్తంగా సంచలనంగా మారింది. జిల్లా వ్యాపారుల్లోనూ ఇది గుబులు రేపుతోంది. మనమెంత భద్రం అనే దానిపై సర్వత్రా చ ర్చ మొదలైంది. పసిడి ధరలు ఆకాశాన్ని అంటడంతో కేటుగాళ్లు బంగారు దుకాణాలపై కన్నేస్తున్నారు. అలాగే మహిళల మెడలో నుంచి ఆభరణాలు సైతం ఎత్తుకెళ్తున్నారు. అంతేకాకుండా వ్యాపార సముదాయాల్లోనూ చోరీలకు పాల్పడుతున్నారు. ఏటీఎం సెంటర్లను దోచుకెళ్తున్నారు. ఈక్రమంలో పో లీసు శాఖ ఇటీవల వ్యాపారులంతా తప్పనిసరిగా సీసీ కెమెరాలు ఏర్పాటు చేసుకోవాలని సూచించా రు. చోరీలు, సంఘటనలు జరిగినప్పుడు నిందితులను త్వరితగతిన గుర్తించడంతో పాటు పట్టుకునేందుకు ఆస్కారం ఉంటుందని పేర్కొంటున్నారు. భద్రత పాటిస్తేనే చోరీలకు చెక్‌.. జ్యూయలరీ షాపులు, సూపర్‌ మార్కెట్లు, ఏటీఎం సెంటర్లు, బ్యాంకులు, వైన్స్‌లు, ఇతర వ్యాపార, వా ణిజ్య సముదాయాల్లో భద్రత చర్యలు పాటిస్తేనే చో రీలకు చెక్‌ పడనుంది. ప్రతీ దుకాణంలో లోపల, బ యట సీసీ కెమెరాలు ఏర్పాటు చేసుకోవాలని పో లీసులు సూచిస్తున్నారు. ఏటీఏంలు, జ్యూయలరీ షాపుల్లో సెక్యూరిటీ గార్డులను నియమించుకోవ డం మంచిదని పేర్కొంటున్నారు. అలాగే షాపుల్లో సైరన్‌ అలారం ఏర్పాటు చేసుకుంటే తుపాకులు, ఇతర ఆయుధాలతో లోనికి చొరబడినప్పుడు వాటి ని నొక్కితే సైరన్‌ మోగి దొంగలు పారిపోయే అవకాశం ఉంటుంది. చుట్టుపక్కల వారు అక్కడికి చేరుకొని అప్రమత్తం అవ్వడంతో వారి ఆగడాలకు చెక్‌ పెట్టవచ్చని పోలీసు అధికారులు చెబుతున్నారు. జిల్లా కేంద్రంలోని వ్యాపార సముదాయాలుబంగారం ధరలు ఆకాశాన్ని అంటుతున్నాయి. ప్రస్తుతం తులం ధర రూ.లక్ష 50వేలకు పైగా పలుకుతుంది. తక్కువ మొత్తంలో దోపిడీకి పాల్పడినా ఎక్కువ మొత్తంలో డబ్బులు రాబట్టుకోవచ్చనే భావనతో దుండగులు ఇలాంటి చోరీలకు యత్నిస్తున్నారు. అలాగే మహిళల మెడలో నుంచి సైతం కేటుగాళ్లు బంగారు గొలుసులను ఎత్తుకెళ్తున్నారు. రోజుకో కొత్త పుంతల్లో చోరీలకు పాల్పడుతున్నారు.

ఆదిలాబాద్‌: తెలంగాణలోనూ బీజేపీ అధికారంలో కి రావడం ఖాయమని ఎమ్మెల్యే పాయల్‌ శంకర్‌ అన్నారు. మూడు రాష్ట్రాల్లో బీజేపీకి అనుకూల ఫలి తాలు రావడంతో జిల్లా కేంద్రంలోని ఎమ్మెల్యే క్యాంపు కార్యాలయం వద్ద సోమవారం సంబరాలు నిర్వహించారు. పార్టీ ఆధ్వర్యంలో టపాసులు కాల్చి, మి ఠాయిలు పంచారు. ఈ సందర్భంగా ఆయన మా ట్లాడుతూ, ఐదు రాష్ట్రాలకు సంబంధించిన ఎన్ని కల ఫలితాల్లో దాదాపు 90 శాతం బీజేపీకి అనుకూలంగా ఉండటం ప్రజల విశ్వాసానికి నిదర్శనమని పేర్కొన్నారు. ఇందులో పార్టీ జిల్లా అధ్యక్షుడు బ్రహ్మానంద్‌, నాయకులు లాలా మున్నా, జోగు రవి, దినేష్‌ మటోలియా, ఘటిక క్రాంతి, సుమన్‌, మయూర్‌ చంద్ర, కృష్ణ యాదవ్‌, శ్రీకాంత్‌, ఉదయ్‌, సూర్య, కిరణ్‌ సాయి పాల్గొన్నారు.

కై లాస్‌నగర్‌: ప్రజావాణిలో అందించే అర్జీలు పెండింగ్‌లో ఉంచకుండా ఎప్పటికప్పుడు పరిష్కరిస్తూ బాధితులకు భరోసా కల్పించాలని అదనపు కలెక్టర్లు ఎస్‌.రాజేశ్వర్‌, ఆర్‌ఎస్‌. చిత్రు అన్నారు. కలెక్టరేట్‌ సమావేశ మందిరంలో సోమవారం నిర్వహించిన గ్రీవెన్స్‌లో భాగంగా జిల్లాలోని వివిధ ప్రాంతాల నుంచి తరలివచ్చిన బాధితుల నుంచి అర్జీలు స్వీకరించారు. వారి సమస్యలు అడిగి తెలుసుకున్నారు. దరఖాస్తులను సంబంధిత శాఖల అధికారులకు అందజేస్తూ త్వరితగతిన పరిష్కరించాలని ఆదేశించారు. కాగా, ఇందిరమ్మ ఇళ్ల మంజూరు, పింఛన్లు, ఉపాధి హామీ పథకం పనులు, భూ సమస్యల పరిష్కారం వంటి సమస్యలపై పలు అర్జీలు అందాయి. అందులో కొందరి నివేదన ఇలా.. మేమంతా ఎలాంటి జీవనాధారం లేని నిరుపేదలం. పక్కా ఇండ్లు లేవు. ఉన్న స్థలంలో చిన్నపాటి గుడిసెలు వేసుకుని ఏళ్లుగా కాలం వెల్లదీ స్తున్నాం. మాలాంటి వారి కోసం ప్రభుత్వం ఇందిరమ్మ ఇళ్ల నిర్మాణాన్ని చేపట్టడం ఆనందంగా ఉంది. ఎల్‌–2 జాబితాలో పేర్లు కలిగిన మాకు ఇళ్లు మంజూరు చేయాలని కోరుతున్నాం. – డొప్టాల గ్రామస్తులు, బేల మండలం సర్వేనంబర్‌ 70నుంచి 8వరకు గల 2 కిలో మీటర్ల మేర పంటచేలకు వెళ్లే రోడ్డు అధ్వానంగా ఉంది. ఈ సర్వేనంబర్ల పరిధిలో మండలంలో ఆరు గ్రా మాల రైతులకు సంబంధించి వెయ్యి ఎకరాలకు పైగా పంట చేలు ఉన్నాయి. సరైన రోడ్డు సౌకర్యం లేక వానాకాలంలో తీవ్ర ఇబ్బందులు ప డుతున్నాం. పొలంబాటలో భాగంగా రోడ్డు నిర్మా ణం చేపట్టి సమస్య పరిష్కరించాలని కోరుతున్నాం. – గిర్నూర్‌ రైతులు, బజార్‌హత్నూర్‌(మం) మేమంతా ప్రభుత్వ పాఠశాలల్లో పనిచేస్తున్న స్వచ్ఛ కార్మికులం. మండుతున్న ఎండల తీవ్రతకు పాఠశాలల్లోని మొక్కలను సంరక్షించాల్సి న బాధ్యత మాపై ఉంటుంది. దీంతో సెలవు రోజుల్లోనూ పచ్చదనం, పారిశుద్ధ్యాన్ని పర్యవేక్షించే మాకు ప్రభుత్వం వేసవి సెలవుల్లో వేతనాలు మాత్రం మంజూరు చేయడం లేదు. మా కు న్యాయం చేసేలా చూడాలని కోరుతున్నాం. – ప్రభుత్వ పాఠశాలల స్వచ్ఛ కార్మికులు

బంగారం ధర పెరగడంతో దొంగలు రెచ్చిపోతున్నారు. పోలీసులు ప్రస్తుతం గస్తీ నిర్వహిస్తున్నప్పటికీ మరింతగా పెంచాలి. సీసీ కెమెరాలు సంఘం, పోలీసుల ఆధ్వర్యంలో మరిన్ని ఏర్పాటు చేస్తే బాగుంటుంది. బంగారు దుకాణాల యజమానులు అప్రమత్తంగా ఉండడంతోనే చోరీలను నియంత్రించవచ్చు. – లక్ష్మణ్‌రాజు, శ్రీనిధి జ్యూయలరీ యజమాని, ఆదిలాబాద్‌ ఎమర్జెన్సీ సైరన్‌ ఏర్పాటు చేసుకోవాలి.. జ్యూయలరీ షాపుల యజమానులు, ఏటీఎం సెంటర్ల వద్ద ఎమర్జెన్సీ సైరన్‌ ఏర్పాటు చేసుకోవాలి. దీంతో దుండగులు లోనికి చొరబడి ఆయుధాలతో బెదిరించినప్పుడు అలారం మోగితే చుట్టుపక్కల వారితో పాటు పోలీసులు అక్కడికి చేరుకునే అవకాశం ఉంటుంది. ప్రతీ షాపు వద్ద సెక్యూరిటీ గార్డులతో పాటు ఎంట్రీవద్ద మెటల్‌ డిటెక్టర్‌ ఏర్పాటు చేసుకోవాలి. దీంతో ఆయుధాలు ఉన్నవారిని లోనికి రాకుండా అడ్డుకోవచ్చు. కరీంనగర్‌లో జరిగిన ఘటనకు సంబంధించి దుండగులు జిల్లా మీదుగా వెళ్తే వారిని పట్టుకోవడానికి పిప్పర్‌వాడ టోల్‌ప్లాజా వద్ద చెక్‌పోస్టు ఏర్పాటు చేశాం. – ఎల్‌.జీవన్‌ రెడ్డి, ఆదిలాబాద్‌ డీఎస్పీ

ఓ వైపు ఎండల తీవ్రత పెరిగింది. భూగర్భ జలాలు అడుగంటి ప్రజలకు నీటి ఇక్కట్లు మొదలయ్యాయి. ఈ క్రమంలో ఇచ్చోడ టీచర్స్‌కాలనీలో గల ఈ బోరు స్థానికుల నీటి అవసరాలు తీర్చుతోంది. ఒక్కటి కాదు.. రెండు కాదు ఏకంగా 15 కనెక్షన్లతో సుమారు 50 ఇళ్లకు నీటిని అందిస్తోంది. రిటైర్డ్‌ ఆర్మీ జవాన్‌ జాదవ్‌ అశోక్‌ ఇంటి వద్ద ఉన్న ఈ బోరు బావికి మండు వేసవిలోనూ నీటి లభ్యత పుష్కలంగా ఉంటుంది. దీంతో కాలనీవాసులను వాడుకోవాలని సూచించగా వారు ఇలా ఇద్దరు ముగ్గురు కలిపి ఓ కనెన్షన్‌ చొప్పున ఏర్పాటు చేసుకున్నారు. నాలుగేళ్లుగా దాదాపు 50 కుటుంబాలకు 24 గంటల పాటు నీటిని అందిస్తున్న అశోక్‌ను పలువురు అభినందిస్తున్నారు. – ఇచ్చోడ

కై లాస్‌నగర్‌: జాతీయ గ్రామీణ ఉపాధి హామీ పథకాన్ని తొలగించేందుకు కేంద్రం చేస్తున్న కుట్రలను ఐక్యంగా ఎండగట్టాలని మాజీ మంత్రి జోగు రామన్న పిలుపునిచ్చారు. వీబీజీ రామ్‌జీ పేరిట తీసుకువస్తున్న కొత్త చట్టాన్ని వ్యతిరేకిస్తూ సోమవారం వ్యవసాయ కార్మిక సంఘం ఆధ్వర్యంలో కలెక్టరేట్‌ ఎదుట ధర్నా చేపట్టారు. ఈ సందర్భంగా ఆయన హాజరై మాట్లాడారు. కేంద్ర ప్రభుత్వం వీబీజీ రామ్‌జీ పేరిట కార్మికుల హక్కులను దెబ్బతీయాలని చూస్తోందన్నారు. గతంలో 95 శాతం వరకు నిధులు కేటాయించిన కేంద్రం, ప్రస్తుతం కేవలం 60 శాతానికి పరిమితం చేస్తూ పథకాన్ని క్రమంగా కనుమరుగుచేసే ప్రయత్నం చేస్తోందని మండిపడ్డారు. ఉపాధి హామీ కార్మికుల సంక్షేమం కోసం సీపీఎం చేపడుతున్న పోరాటాలకు బీఆర్‌ఎస్‌ సంపూర్ణ మద్దతు ఇస్తుందని స్పష్టం చేశారు. ఇందులో నాయకులు మల్లేశ్‌, రాఘవులు, కిరణ్‌, దత్తు తదితరులు పాల్గొన్నారు.

మున్సిపల్‌ పరిధిలో వందలాది వాహనాలు ఉన్నాయి. ప్రతినెలా వాటి నిర్వహణ పేరిట లక్షల్లో ఖర్చవుతుంది. ఇందులో వేలాది రూపాయల దుర్వినియోగం అవుతున్నట్లుగా తెలుస్తోంది. దీనికి చెక్‌ పెట్టాలనే ఉద్దేశంతోనే బల్దియా ఆధ్వర్యంలో సొంతంగా గ్యారేజ్‌ ఏర్పాటు చేయాలని నిర్ణయించాం. ఇందుకోసం రూ.50లక్షలు కేటాయించాం. సామగ్రితో పాటు షెడ్‌ నిర్వహణకు అవసరమైన టెండర్లు నిర్వహిస్తున్నాం. ఈ ప్రక్రియ పూర్తయిన వెంటనే సంబంధిత కాంట్రాక్టర్‌కు పనులు కేటాయించి త్వరితగతిన అమలులోకి తెచ్చేలా చూస్తాం. – బండారి అనూష, మున్సిపల్‌ చైర్‌పర్సన్‌

ఆదిలాబాద్‌టౌన్‌: సీసీఐ భూ నిర్వాసితులకు న్యా యం చేస్తూ సీసీఐ పరిశ్రమ పునఃప్రారంభించాలని మాజీ మంత్రి జోగు రామన్న అన్నారు. జిల్లా కేంద్రంలోని యాదవ సంఘ భవనంలో అఖిలపక్షం ఆధ్వర్యంలో ‘సీసీఐ పరిశ్రమ కొత్త పరిణామాలు– మన కర్తవ్యం’ అంశంపై ఆదివారం చర్చావేదిక ని ర్వహించారు. ఈ సందర్భంగా ఆయన మాట్లాడా రు. పరిశ్రమ పునరుద్ధరణతో యువతకు ఉపాధి అవకాశాలతో పాటు అనేక కుటుంబాలు జీవనోపాధి పొందుతాయని అన్నారు. ప్రస్తుతం పరిశ్రమను తుక్కు కింద అమ్మే ప్రయత్నం జరుగుతుందని, దానిని సహించబోమని పేర్కొన్నారు. అవసరమైతే నిర్వాసితులతో కలిసి ఎంపీ, ఎమ్మెల్యే ఇళ్లను ము ట్టడిస్తామన్నారు. సమావేశంలో సీసీఐ సాధన కమి టీ నాయకులు విజ్జగిరి నారాయణ, కొండ రమేశ్‌, బండి దత్తాత్రి, నర్సింగ్‌, అరుణ్‌కుమార్‌, చారి, రాఘవులు, కిరణ్‌, తరుణ్‌కుమార్‌, రమేశ్‌, వెంకట్‌నారాయణ, పోశెట్టి, ప్రహ్లాద్‌, ప్రేమల, ఈశ్వర్‌, నర్సింగ్‌, శివ, శ్రీనివాస్‌ తదితరులు పాల్గొన్నారు.

జైనథ్‌: రైతులు పండించిన పంట కొనుగోలు విషయంలో రాజకీయం చేయొద్దని ఎమ్మెల్యే పాయల్‌ శంకర్‌ అన్నారు. మండల కేంద్రంలో ని మార్కెట్‌ కార్యాలయంలో మార్క్‌ఫెడ్‌ ఆధ్వర్యంలో పీఏసీఎస్‌ సహకారంతో ఏర్పాటు చేసి న జొన్న పంట కొనుగోలు కేంద్రాన్ని ఆదివా రం ఆయన ప్రారంభించి మాట్లాడారు. అధి కారులు జొన్న పంట కొనుగోలు చేపడుతున్న విషయం తెలుసుకొని బీఆర్‌ఎస్‌ నాయకులు ధర్నాకు దిగడం సరికాదన్నారు. రైతులు కొనుగోలు కేంద్రాన్ని సద్వినియోగం చేసుకోవాలని కోరారు. ఇందులో మార్కెట్‌ కమిటీ చైర్మన్‌ అల్లూరి అశోక్‌రెడ్డి, పీఏసీఎస్‌ సీఈవో గంగన్న, ఉపసర్పంచ్‌ సుభాష్‌, వివిధ పార్టీల నా యకులు లింగారెడ్డి, జగదీశ్‌రెడ్డి, వెంకట్‌రెడ్డి, గణేశ్‌యాదవ్‌, రుకేష్‌రెడ్డి, రాందాస్‌ పాల్గొన్నారు.

కై లాస్‌నగర్‌: ఆదిలాబాద్‌ మున్సిపాలిటీకి ఇక సొంత వాహన గ్యారేజీ అందుబాటులోకి రానుంది. చెత్త సేకరణ, నీటి సరఫరా, ఇతరత్రా వాహనాల మరమ్మతులు, సర్వీసింగ్‌కు బల్దియా ఏటా లక్షలా ది రూపాయలు వెచ్చించాల్సి వస్తోంది. చిన్నపాటి మరమ్మతులకు సైతం కొన్నిసార్లు వేలాది రూపాయలు చెల్లిస్తున్నారు. దీంతో బల్దియాపై ఆర్థిక భా రం పడుతుంది. ఈ పరిస్థితికి చెక్‌ పెట్టాలని భావించిన మున్సిపల్‌ నూతన కౌన్సిల్‌ సొంతంగా గ్యారేజ్‌ ఏర్పాటు చేయాలని నిర్ణయించింది. ఇటీవల నిర్వహించిన సర్వసభ్య సమావేశంలో రూ.50లక్షలు కేటాయిస్తూ ఏకగ్రీవంగా తీర్మానించింది. త్వరలోనే టెండర్ల ప్రక్రియ పూర్తి చేసి అందుబాటులోకి తెచ్చేందుకు అధికారులు ఏర్పాట్లు చేస్తున్నారు. ఖర్చులు తగ్గించుకునేలా.. మున్సిపల్‌ పరిధిలో చెత్త సేకరణ, నీటి సరఫరాకు సంబంధించిన ట్రాక్టర్లు, ట్రాలీఆటోలు, పొక్లెయిన్లు, ట్యాంకర్లు వందలాదిగా ఉన్నాయి. వీటి నిర్వహణను ప్రైవేట్‌గా చేయిస్తున్నారు. దీంతో ప్రతినెలా మున్సిపల్‌ నుంచి రూ.లక్షల్లో వెచ్చించాల్సి వస్తుంది. కొన్ని సందర్భాల్లో అవసరం లేనప్పటికీ ఆయా విభాగాల అధికారులు, సిబ్బంది తప్పుడు బిల్లులు సృష్టించి అందినకాడికి దండుకుంటున్నారనే ఆరోపణలున్నాయి. ఈ పరిస్థితులను గుర్తించిన నూతన కౌన్సిల్‌ సొంతంగా బల్దియా గ్యారేజ్‌ ఏర్పాటు చేయాలని నిర్ణయించింది. గతనెల 29న నిర్వహించిన మున్సిపల్‌ సర్వసభ్య సమావేశంలో రూ.50లక్షలు కేటాయిస్తూ ఏకగ్రీవ తీర్మానం చేసింది. టెండర్లు నిర్వహణకు ఇంజినీరింగ్‌ అధికారులు ఏర్పాట్లు చేస్తున్నారు. స్థలం ఎంపిక.. పట్టణంలోని 44వ వార్డు పరిధిలోకి వచ్చే సుందరయ్యనగర్‌లోని రక్షిత మంచినీటి స్థలంలో గల మున్సిపల్‌ ప్రాంతాన్ని అధికారులు ఎంపిక చేశారు. ఇప్పటికే అక్కడ తాత్కాలికంగా ప్రహరీ నిర్మించి ఉంది. దీన్ని పూర్తిస్థాయిలో గ్యారేజీగా రూపుదిద్దనున్నారు. మరమ్మతులకు ప్రత్యేక షెడ్లతో పాటు వాటర్‌ వాషింగ్‌ కోసం మిషన్‌ కొనుగోలు చేయనున్నారు. ప్రస్తుతం మరమ్మతు పనులను ఇద్దరు కార్మికులు చేపడుతుండగా, గ్యారేజ్‌ అందుబాటులోకి వస్తేమరో ఇద్దరిని ఔట్‌సోర్సింగ్‌ ప్రాతిపదికన నియమించనున్నారు. టెండర్ల ప్రక్రియ పూర్తయిన వెంటనే సంబంధిత కాంట్రాక్టర్‌ ద్వారా అవసరమైన సామగ్రి తెప్పించాలని భావిస్తున్నారు. మొత్తంగా బల్దియాకు సొంతంగా గ్యారేజ్‌ ఏర్పాటు కానుంది.

ఆదిలాబాద్‌టౌన్‌: ప్రభుత్వ పాఠశాలలను బలోపే తం చేసేందుకు ప్రభుత్వం చర్యలు చేపట్టింది. ఇప్పటికే బడుల్లో మౌలిక వసతులపై దృష్టి సారించింది. అలాగే విద్యార్థులకు పాఠ్యపుస్తకాలు, నోట్‌ బుక్స్‌ సైతం బడులు తెరిచే రోజు ఇవ్వాలని నిర్ణయించింది. ఇప్పటికే 85 శాతం పుస్తకాలు జిల్లా కేంద్రంలోని గోదాములకు చేరాయి. ఈనెల 15 నుంచి వాటిని మండల పాయింట్లకు చేర్చేలా అధికారులు చర్యలు చేపడుతున్నారు. అయితే వీటిని రవాణా చేసేందుకు నిధులు విడుదల కాకపోవడంతో అయోమయంలో ఉన్నారు. చేరుకున్న పాఠ్య పుస్తకాలు.. పాఠ్యపుస్తకాల్లో తెలుగు, ఉర్దూ మీడియం వారికి పార్ట్‌–1 పుస్తకాలను పంపిణీ చేస్తారు. మొదటి విడ త జూన్‌లో పంపిణీ చేయనుండగా, నాలుగైదు నెలల తర్వాత పార్ట్‌–2 పుస్తకాలు రానున్నాయి. వీటిలో తెలు గు, ఉర్దూ ఒకవైపు ఉండగా, ఇంగ్లిష్‌లో మరోవైపు ముద్రించబడి ఉంటుంది. దీంతో ఆంగ్ల మాధ్య మం చదివే విద్యార్థులకు ఇబ్బందులు కలగకుండా ప్రభుత్వం కొన్నేళ్లుగా ఈ విధానాన్ని అమలు చేస్తుంది. ఇంగ్లిష్‌, మరాఠీ, హిందీ మీడియంకు సంబంధించి ఒకేసారి సరఫరా అవుతా యి. అయితే ఈ పుస్తకాలను పార్ట్‌–1గా విభజించడం ద్వారా బరువు సైతం తగ్గిందని ఉపాధ్యాయులు చెబుతున్నారు. వీటితో పాటు విద్యార్థులకు నోట్‌బుక్‌లను సైతం ప్రభుత్వం సరఫరా చేస్తుంది. ఇవి నేరుగా పాఠశాలలకే సరఫరా కానున్నాయి. మొదటిరోజే పంపిణీ.. ప్రభుత్వం విద్యార్థులకు ఇబ్బందులు కలగకుండా ముందస్తుగానే పుస్తకాలు పంపిణీ చేయాలని నిర్ణయించింది. ఇందులో భాగంగా ప్రింటింగ్‌ ప్రెస్‌ల నుంచి జిల్లా కేంద్రాలకు సరఫరా చేసింది. అయితే ఇక్కడి నుంచి ఎంఆర్‌సీ పాయింట్లకు, అక్కడినుంచి స్కూళ్లకు సరఫరా చేయాల్సి ఉంది. గ తేడాది పాఠ్య పుస్తకాల పంపిణీలో కొంత ఆలస్యమైంది. ఈసా రి అలా జరగకుండా పుస్తకాలను సరఫరా చేసేందుకు విద్యా శాఖాధికారులు చర్యలు చేపడుతున్నాయి. పుస్తకాల పంపిణీకి గడువు సమీపిస్తుండడంతో పూర్తిస్థాయిలో సరఫరా అవుతాయా అనే అనుమానాలు వ్యక్తమవుతున్నాయి. జిల్లా కేంద్రానికి దగ్గరగా ఉన్న మండలాల ఎంఈవోలు గోదాం నుంచి పుస్తకాల ను తీసుకెళ్తుండగా, ఉట్నూర్‌, నార్నూర్‌, గాదిగూడ, బోథ్‌, ఇంద్రవెల్లి దూర ప్రాంతాల మండలాలకు సకాలంలో సరఫరా చేస్తే విద్యార్థులకు మొదటిరోజే పుస్తకాలను పంపిణీ చేసే అవకాశం ఉంటుందని ఉపాధ్యాయులు చెబుతున్నారు. ప్రాథమిక స్థాయికి సంబంధించిన పుస్తకాలు ఇంకా పూర్తిస్థాయిలో సరఫరా కాలేదు. సకాలంలో పుస్తకాలు పాఠశాలలకు చేరుకుంటే విద్యార్థులకు ప్రయోజనకరంగా ఉంటుంది. జిల్లాలో.. మొత్తం పాఠశాలలు : 1,439 రావాల్సిన పాఠ్యపుస్తకాలు : 4,80,700 ఇప్పటివరకు చేరుకున్నవి : 4,10,000 ఇంకా రావాల్సినవి : 70,700డీఈవో పరిధిలో 702 పాఠశాలలు ఉండగా, మిగతా అన్ని యాజమాన్యాలు కలిపి 1,439 ఉన్నాయి. కాగా ప్రైవేట్‌ మినహా మిగతా యాజమాన్యాలకు పాఠ్యపుస్తకాలు, నోట్‌ బుక్స్‌ను ప్రభుత్వం ఉచితంగా పంపిణీ చేస్తుంది. జిల్లాకు అవసరమైన పుస్తకాలు 4లక్షల 80వేల 700 పుస్తకాలు అవసరం ఉండగా, ఇప్పటివరకు 4లక్షల10వేల పుస్తకాలు చేరుకున్నట్లు అధికారులు చెబుతున్నారు. జిల్లా కేంద్రంలోని ఆర్‌వీఎం గోదాంతో పాటు మార్కెట్‌ యార్డులో వీటిని భద్రపర్చారు. ఈనెల 15 నుంచి ఆయా పాఠశాలలకు సరఫరా చేసేందుకు అధికారులు నిర్ణయించారు. అయితే రవాణా చార్జీలు విడుదల కాకపోవడంతో సరఫరా ఏవిధంగా చేయాలనే ఆలోచనలో పడ్డారు. గతేడాది డీసీఈబీ నుంచి నిధులను సమకూర్చారు.

● 48 మంది విద్యార్థుల గైర్హాజరు ● కేంద్రాలను పరిశీలించిన కలెక్టర్‌, ఎస్పీ కై లాస్‌నగర్‌: వైద్య విద్యలో ప్రవేశం కోసం దేశవ్యాప్తంగా నిర్వహించిన జాతీయ ప్రవేశ అర్హత పరీక్ష (నీట్‌) ఆదివారం జిల్లాలో ప్రశాంతంగా ముగిసింది. జిల్లావ్యాప్తంగా 1700 మంది దరఖాస్తు చేసుకోగా వారి కోసం జిల్లా కేంద్రంలో ఏడు కేంద్రాలను ఏర్పాటు చేశారు. పరీక్ష మధ్యాహ్నం 2 నుంచి సాయంత్రం 5గంటల వరకు సాగింది. బయోమెట్రిక్‌ అటెండెన్స్‌ నేపథ్యంలో విద్యార్థులను ఉద యం 11నుంచి మధ్యాహ్నం 1.30 గంటల వరకు కేంద్రాల్లోకి అనుమతించారు. నిర్ణీత సమయం ము గిసిన వెంటనే గేట్లను మూసివేశారు. ఎండ తీవ్రత నేపథ్యంలో విద్యార్థులు ముందుగానే కేంద్రాలకు చేరుకున్నారు. వారిని పోలీసులు క్షుణ్ణంగా తనిఖీ చే సిన లోనికి అనుమతించారు. పరీక్షకు 1652 మంది హాజరుకాగా 48 మంది గైర్హాజరైనట్లు అధికారులు వెల్లడించారు. ఎలాంటి అవాంఛనీయ ఘటనలు తలెత్తకుండా కేంద్రాల వద్ద పోలీసులు పకడ్బందీ బందోబస్తు ఏర్పాటు చేశారు. పలు కేంద్రాలను కలెక్టర్‌ రాజర్షి షా, ఎస్పీ అఖిల్‌ మహాజన్‌ సంయుక్తంగా పరిశీలించారు. నిర్వహణపై ఆరా తీఽశారు. వారి వెంట అదనపు కలెక్టర్‌ ఆర్‌ఎస్‌ చిత్రు, ఆర్డీవో జగదీశ్వర్‌రావు, కో–ఆర్డినేటర్‌ అశోక్‌ పాల్గొన్నారు. ముగిసిన టీజీఆర్‌జేసీ ప్రవేశ పరీక్ష ఆదిలాబాద్‌టౌన్‌: టీజీ ఆర్‌జేసీసెట్‌ ఆదివారం ప్ర శాంతంగా ముగిసింది. ఉదయం 10 నుంచి మధ్యాహ్నం 12.30 గంటల వరకు పరీక్ష నిర్వహించారు. ఇందు కోసం జిల్లా కేంద్రంలో 19 కేంద్రాలను ఏర్పాటు చేశారు. ఎంపీసీ, బైపీసీ కోర్సుల కోసం మొత్తం 4,617 మంది దరఖాస్తు చేసుకోగా, 3,426 మంది హాజరైనట్లు డీఈవో రాజేశ్వర్‌ తెలిపారు.

బోథ్‌: అర్హులందరికీ సంక్షేమ పథకాలు అందేలా కృషి చేస్తానని ఎమ్మెల్యే అనిల్‌ జాదవ్‌ అన్నారు. ప్రజా పాలన– ప్రగతి ప్రణాళికలో భాగంగా మండలంలోని ఓ ఫంక్షన్‌ హాల్‌లో శనివారం నిర్వహించిన కార్యక్రమంలో మాట్లాడారు. అనంతరం నియోజకవర్గ వ్యాప్తంగా 439 మంది లబ్ధిదారులకు కల్యాణ లక్ష్మి చెక్కులను, బోథ్‌ మండలానికి చెందిన 235 మందికి ఇందిరమ్మ ఇళ్ల పట్టాలను ఆయన పంపిణీ చేశారు. త్వరలోనే బోథ్‌లో నూతన ఫైర్‌ స్టేషన్‌ నిర్మాణం కానున్నట్లు పేర్కొన్నారు. ఇందులో జిల్లా గ్రంథాలయ చైర్మన్‌ మల్లెపూల నర్సయ్య, ఆత్మ చైర్మన్‌ రాజు, ప్రజా ప్రతినిధులు, అధికారులు తదితరులు పాల్గొన్నారు. అలాగే మండలంలోని నేరేడిపల్లి, పరుపులపల్లె గ్రామస్తులు ఎమ్మెల్యేను కలిసి సమస్యలు విన్నవించారు. పరిష్కరిస్తానని ఆయన హామీ ఇచ్చారు. శ్రీధర్‌ రెడ్డి, శంకర్‌, సర్పంచ్‌లు విశ్వేశ్వర్‌రావ్‌,కృష్ణ, ఉప సర్పంచ్‌ దర్ము తదితరులు పాల్గొన్నారు. రైతులకు తక్షణ సాయం అందించాలి నేరడిగొండ: నియోజకవర్గంలో ఇటీవల అగ్నిప్రమాదాలతో పంట పొలాల్లో వ్యవసాయ పనిము ట్లు, స్ప్రింక్లర్‌ పైపులు అగ్నికి ఆహుతైన ఘటనపై ఎమ్మెల్యే అనిల్‌ జాదవ్‌ స్పందించారు. జిల్లా హార్టికల్చర్‌ అధికారులతో శనివారం చర్చించారు. తక్షణ సాయం అందించాలని ఆదేశించారు.

కై లాస్‌నగర్‌: జిల్లా అభివృద్ధికి అధికారులు, ప్రజాప్రతినిధులు సమన్వయంతో పనిచేయాలని కలెక్టర్‌ రాజర్షి షా అన్నారు. ప్రజా పాలన–ప్రగతి ప్రణాళిక 99 రోజుల కార్యక్రమంలో భాగంగా శనివారం ఆదిలాబాద్‌ నియోజకవర్గ స్థాయి సమావేశాన్ని స్థానిక ఎస్టీయూ భవన్‌లో నిర్వహించారు. ఎమ్మెల్యే శంకర్‌, మున్సిపల్‌ చైర్‌పర్సన్‌ అనూషతో కలిసి కార్యక్రమాన్ని ఆయన ప్రారంభించారు. అనంతరం మాట్లాడారు. సంక్షేమ పథకాలు అర్హులందరికీ అందుతున్నాయా లేదా తెలుసుకునేందుకు యంత్రాంగం నిరంతరం గ్రామాలను సందర్శించాలన్నారు. 99 రోజుల కార్యాచరణ ప్రణాళికను క్షేత్రస్థాయిలో పక్కాగా అమలు చేయాలన్నారు. ప్రజల నుంచి అందిన ప్రతీ దరఖాస్తును నిర్దేశించిన గడువులోపు పరిష్కరించాలని, ఇందులో నిర్లక్ష్యం వహిస్తే సహించేది లేదని హెచ్చరించారు. అలాగే దరఖాస్తుల స్థితిగతులను ఎప్పటికప్పుడు ఆన్‌లైన్‌లో అప్‌డేట్‌ చేయాలన్నారు. పారదర్శకమైన పాలన అందించడమే ప్రభుత్వ లక్ష్యమని పేర్కొన్నారు. అనంతరం పలువురు లబ్ధిదారులకు వివిధ పథకాల ప్రయోజనాలను అందజేశారు. అక్కడ ఏర్పాటు చేసిన అంగన్‌వాడీల స్టాళ్లను తిలకించారు. ఈ సందర్భంగా చిన్నారుల సాంస్కృతిక ప్రదర్శనలు ఆకట్టుకున్నాయి. ఇందులో టీజీఎస్‌సీపీసీఆర్‌ సభ్యురాలు ప్రేమలత అగర్వాల్‌, అదనపు ఎస్పీ పి.సురేందర్‌రావు, జిల్లా సంక్షేమ అధికారి మిల్కా, ఎస్సీ కార్పొరేషన్‌ ఈడీ మనోహర్‌రావు, డీపీవో రమేశ్‌, మున్సిపల్‌ కమిషనర్‌ జగదీశ్వర్‌గౌడ్‌ తదితరులు పాల్గొన్నారు.

కై లాస్‌నగర్‌: పట్టణ పరిధిలో తాగునీటి ఎద్దడి తలెత్తకుండా ప్రత్యేక దృష్టి సారిస్తున్నాం.. అలాగే ఆదిలాబాద్‌ను క్లీన్‌ అండ్‌ గ్రీన్‌గా మార్చేందుకు చర్యలు చేపడుతాం.. బల్దియా ఆదాయం పెంచే దిశగా ప్రత్యేక ప్రణాళికతో ముందుకు సాగుతామని అన్నారు ఇటీవల కమిషనర్‌గా బాధ్యతలు చేపట్టిన జగదీశ్వర్‌గౌడ్‌. శనివారం ‘సాక్షి’కి ఇచ్చిన ఇంటర్వ్యూలో ఆయన పలు విషయాలు వెల్లడించారు. సాక్షి: మరో వారం, పది రోజుల్లో పట్టణంలోని పలు కాలనీల్లో నీటి ఎద్దడి తీవ్రమయ్యే అవకాశముంది.. నియంత్రణకు ఎలాంటి చర్యలు చేపడుతారు? కమిషనర్‌: ప్రస్తుతం మిషన్‌ భగీరథ నీటితో పాటు లాండసాంగ్వి, మావల నుంచి కూడా నీటి సరఫరా జరుగుతుంది. సమస్య తలెత్తితే ఆయా ప్రాంతాలకు ట్యాంకర్ల ద్వారా నీటిని సరఫరా చేస్తాం. సాక్షి: పట్టణంలోని 49 వార్డులకు ఒకే శానిటరీ ఇన్‌స్పెక్టర్‌ ఉండటంతో పర్యవేక్షణ లోపించి పారిశుద్ధ్య నిర్వహణ గాడి తప్పుతుందనే విమర్శలున్నాయి.. దీనిపై ఎలాంటి చర్యలు తీసుకుంటారు? కమిషనర్‌: త్వరలోనే శానిటరీ ఇన్‌స్పెక్టర్‌తోపాటు జవాన్లతో ప్రత్యేక సమావేశం నిర్వహిస్తా. అలాగే చెత్త సేకరణ కోసం కొత్తగా ఐదు ఎలక్ట్రికల్‌ ఆటోలు, ట్రాక్టర్లను కొనుగోలు చేయాలనుకుంటున్నాం. ప్రజలు ఎక్కడపడితే అక్కడ చెత్త వేయొద్దు. ఇళ్ల వద్దకు వచ్చే మున్సిపల్‌ సిబ్బందికే అప్పగించాలి. పట్టణ పరిశుభ్రతకు అందరూ సహకరించాలి. సాక్షి: గ్రేడ్‌–1 స్థాయి కలిగిన మున్సిపల్‌లో ఆదాయం పెంపుకోసం ఎలాంటి కార్యాచరణ చేపడుతారు..? కమిషనర్‌: ఇంటి పన్ను, ట్రేడ్‌ లైసెన్స్‌, నల్లా బిల్లులు సకాలంలో వసూలు చేసేలా ప్రత్యేక ఆదేశాలు జారీ చేస్తాను. ప్రధానంగా జీఐఎస్‌ మ్యాపింగ్‌ ద్వారా ఇళ్లను సర్వే చేయిస్తాను. అలాగే ప్రచార హోర్డింగ్‌లకు సంబంధించి పన్నులను సైతం రెగ్యులర్‌గా రాబట్టేలా చూస్తాను. తద్వారా ఆదాయం పెరిగే అవకాశముంటుంది. సాక్షి: కార్యాలయంలో పలువురు అధికారులతో పాటు ఉద్యోగులు సైతం సమయపాలన పాటించడం లేదనే విమర్శలున్నాయి.. దీంతో ప్రజలు ఇబ్బందులకు గురవుతున్నారు.. ఈ సమస్యను ఎలా అధిగమిస్తారు? కమిషనర్‌: క్షేత్రస్థాయిలో విధులు నిర్వహించే అధికారులు, ఉద్యోగులు మినహా మిగతా వారంతా సమయపాలన పాటించాలి. కార్యాలయంలో విధిగా అందుబాటులో ఉండాలి. ఎవరైనా నిర్లక్ష్యంగా వ్యవహరిస్తే వారిపై తప్పకుండా తగు చర్యలు తీసుకుంటాం.సాక్షి: పలు కాలనీల్లో లీకేజీల ద్వారా మిషన్‌ భగీరథ నీరు వృథాగా పోతుంది.. వాటిని ఎలా అరికడుతారు? కమిషనర్‌: లీకేజీలు గుర్తించేందుకు వార్డుల వారీగా స్పెషల్‌ డ్రైవ్‌తో పాటు అవసరమైన చర్యలు చేపడుతాం. ప్రజలు కూడా నీటిని పొదుపుగా వాడుకోవాలి. సాక్షి: పట్టణంలో చాలా చోట్ల ఆక్రమణలు పెరిగి రోడ్లు ఇరుకుగా మారాయి.. వాటిపై ఎలాంటి చర్యలు చేపడుతారు? కమిషనర్‌: ఆక్రమణల విషయాన్ని చైర్‌పర్సన్‌, కలెక్టర్‌ దృష్టికి తీసుకెళ్లి తగు చర్యలు తీసుకుంటాం.

సాక్షి, ఆదిలాబాద్‌: ప్రొఫెసర్‌ జయశంకర్‌ తెలంగాణ రాష్ట్ర వ్యవసాయ యూనివర్సిటీ ఆధ్వర్యంలో రైతులకు సాగు సంబంధిత అంశాల్లో అవగాహన కల్పించాలని ప్రభుత్వం నిర్ణయించింది. ఇందులో భాగంగా రాష్ట్రవ్యాప్తంగా 1600 గ్రామాల్లో ప్రత్యేక కార్యక్రమాలు నిర్వహిస్తున్నారు. జిల్లాలో 60 జీపీల్లో చేపడుతుండగా, ఇప్పటికే 10 గ్రామాల్లో పూర్తయ్యాయి. ప్రభుత్వం ప్రతిష్టాత్మకంగా చేపట్టిన 99 రోజుల ‘ప్రజాపాలన– ప్రగతి ప్రణాళిక’లో భాగంగా వ్యవసాయ వర్సిటీ ఆదేశాల మేరకు జిల్లాలో ఈ కార్యక్రమాలు చేపడుతున్నారు. ఏప్రిల్‌ 27న మొదలు కాగా, మే 23 వరకు కొనసాగనున్నాయి ప్రధాన ఉద్దేశాలు.. యూరియా వాడకం తగ్గించడం, పంట మార్పిడి పాటించడం, సేంద్రియ సాగు పద్ధతులు అవలంబించడాన్ని ప్రభుత్వం ప్రతిష్టాత్మకంగా తీసుకుంది. ఈ నేపథ్యంలోనే వ్యవసాయ శాస్త్రవేత్తలు గ్రామాల్లో పర్యటించి రైతులను అవగాహన పరిచే దిశగా కృషి చేస్తున్నారు. ఆరు బృందాలుగా.. జిల్లాలో కృషి విజ్ఞాన కేంద్రం (కేవీకే) ప్రోగ్రాం కోఆర్డినేటర్‌ డాక్టర్‌ ఎన్‌. రాంగోపాల్‌ వర్మ ఆధ్వర్యంలో ఈ అవగాహన కార్యక్రమాలు నిర్వహిస్తుండగా, ఆరు బృందాలు ఇందులో పాల్గొంటున్నాయి. ఇందులో వ్యవసాయ పరిశోధన స్థానం, కృషి విజ్ఞాన కేంద్రం శాస్త్రవేత్తలు, జిల్లాలోని వ్యవసాయ కళాశాల బోధన సిబ్బంది పాల్గొని రైతులకు వివిధ అంశాలపై అవగాహన కల్పిస్తూ చైతన్య పరుస్తున్నారు. ప్రాధాన్యత అంశాలు..

కై లాస్‌నగర్‌(బేల): జొన్న, శనగ పంటలను ప్రభుత్వం వెంటనే కొనుగోలు చేయాలని డిమాండ్‌ చేస్తూ రైతులు శనివారం రోడ్డెక్కి ఆందోళనకు దిగా రు. బేల మండలంలోని సిర్సన్న, కొబ్బాయి జాతీ య రహదారిపై బైఠాయించారు. ట్రాఫిక్‌కు అంతరాయం ఏర్పడటంతో సమాచారం అందుకున్న పో లీసులు అక్కడికి చేరుకున్నారు. ఆందోళనకారుల ను సముదాయించారు. మార్కెటింగ్‌ అధికారులతో మాట్లాడించి ఆందోళన విరమింపజేవారు. వీరి ఆందోళనకు బీఆర్‌ఎస్‌ మద్దతు తెలిపింది. మాజీ మంత్రి జోగు రామన్న మాట్లాడు తూ, పంట కొనుగోళ్ల విషయంలో కేంద్ర రాష్ట్ర ప్ర భుత్వాలు రైతులను తీవ్ర ఇబ్బందులకు గురి చేస్తున్నాయన్నారు. ఇందులో పార్టీ నాయకులు తదితరులు పాల్గొన్నారు. భోరజ్‌లో.. సాత్నాల: జొన్న కొనుగోళ్లు వెంటనే చేపట్టాలని డిమాండ్‌ చేస్తూ రైతులు ఆందోళన చేపట్టారు. భోర జ్‌ మండలం మాండగడ జాతీయ రహదారిపై రా స్తారోకో నిర్వహించారు. పలువురు మాట్లాడుతూ, పంటకోత పూర్తయినా కొనుగోలు కేంద్రాలు ప్రా రంభించకపోవడంతో తీవ్ర ఇబ్బందులు ఎదుర్కొంటున్నామని తెలిపారు. నాఫెడ్‌ అధికారులు వచ్చి కొనుగోళ్లు ప్రారంభిస్తామని హామీ ఇవ్వడంతో ఆందోళన విరమించారు. ఇందులో రైతులు ప్రహ్లాద్‌, ఊషన్న, ప్రభాకర్‌ తదితరులు పాల్గొన్నారు. ‘రైతులు రోడ్డెక్కితేనే పంటల కొనుగోళ్లు’ ఆదిలాబాద్‌టౌన్‌: రెతులు తమ పంటలను కొనుగోలు చేయాలంటూ రోడ్డెక్కితే తప్ప ప్రభుత్వంలో చలనం రావడం లేదని బోథ్‌ ఎమ్మెల్యే అనిల్‌ జాద వ్‌, మాజీ మంత్రి జోగు రామన్న అన్నారు. జిల్లా కేంద్రంలోని పార్టీ కార్యాలయంలో శనివారం వారు విలేకరులతో మాట్లాడారు. రైతుల పక్షాన బీఆర్‌ఎస్‌ నిరసనలు చేపట్టడంతోనే ప్రభుత్వం దిగివచ్చి కొనుగోళ్లు ప్రారంభించేందుకు చర్యలు చేపడతుందన్నారు. ఇందులో పార్టీ నాయకులు నారాయణ, ప్రహ్లాద్‌, రమేష్‌, గంగయ్య, ప్రశాంత్‌, దయానంద్‌, ఎస్‌కే కలీమ్‌ తదితరులున్నారు. కై లాస్‌నగర్‌: రహదారిపై బైఠాయించిన రైతులు, బీఆర్‌ఎస్‌ నాయకులు

ఆదిలాబాద్‌టౌన్‌: అప్రమత్తతతోనే సైబర్‌ నేరాలకు అడ్డుకట్ట వేయవచ్చని ఎస్పీ అఖిల్‌ మహాజన్‌ అన్నారు. జిల్లా కేంద్రంలోని పోలీసు కార్యాలయంలో గడిచిన వారం రోజుల్లో చోటుచేసుకున్న సైబర్‌ నేరాల వివరాలను శనివారం వెల్లడించారు. ప్రస్తుతం అనేక రకాలుగా సైబర్‌ నేరాలు జరుగుతున్నాయని, ఈ మేరకు ప్రజలు అప్రమత్తతగా ఉండాలని సూచించారు. బాధితులు మోసానికి గురైన గంటలోపు 1930లో ఫిర్యాదు చేయాలని సూచించారు. ‘గోల్డెన్‌ అవర్‌‘ లోపు స్పందిస్తే పోగొట్టుకున్న సొమ్ము తిరిగి రాబట్టే అవకాశాలు ఎక్కువగా ఉంటాయన్నారు. తక్కువ సమయంలో ఎక్కువ డబ్బులు సంపాదించవచ్చనే ఆలోచనతో ప్రజలు సైబర్‌ నేరగాళ్ల ఉచ్చులో పడుతున్నారని తెలిపారు. ప్రస్తుతం జాబ్‌ ఫ్రాడ్‌, ఇన్‌వెస్ట్‌మెంట్‌ ఫ్రాడ్‌, లోన్‌ ఫ్రాడ్‌, ఓటీపీ ఫ్రాడ్‌, ఏపీకే ఫైల్స్‌ ఫ్రాడ్‌, బిజినెస్‌ లోన్‌ ఫ్రాడ్‌, డిజిటల్‌ అరెస్ట్‌, హనీ ట్రాప్‌, మనీలాండరింగ్‌ వంటి వాటితో ప్రజలను మోసం చేసే ప్రయత్నాలు చేస్తున్నారని పేర్కొన్నారు. ఈమేరకు అప్రమత్తతతో వ్యవహరించాలన్నారు. ఎలాంటి సందేహలున్నా సంబంధిత పోలీస్‌స్టేషన్‌లో సంప్రదించాలని సూచించారు. గంజాయి రహిత జిల్లా లక్ష్యం ఆదిలాబాద్‌టౌన్‌: జిల్లాను గంజాయి రహితంగా మార్చేందుకు పోలీస్‌ యంత్రాంగం కృషి చేస్తుందని ఎస్పీ అఖిల్‌ మహాజన్‌ అన్నారు. జి ల్లా పోలీస్‌ కార్యాలయంలో గత నెల రోజుల్లో నమోదైన గంజాయి కేసుల వివరాలను శని వారం వెల్లడించారు. గత నెలలో 16 కేసులు నమోదు కాగా 28 మందిని అరెస్టు చేసినట్లు పేర్కొన్నారు. అలాగే గంజాయికి బానిసైన 14 మందిని కోర్టు ద్వారా 30 రోజులపాటు డి అడిక్షన్‌ సెంటర్‌కు తరలించినట్లు తెలిపారు. జిల్లాలో గంజాయిని కనుమరుగు చేసేలా ప్రత్యేక చర్యలు తీసుకుంటున్నట్లు పేర్కొన్నారు. గత నెలలో 60 మంది సస్పెక్ట్‌ షీటర్లు, రౌడీ షీటర్ల ను తనిఖీ చేయగా 15 మంది గంజాయి సేవించినట్లు తనిఖీలో తెలిందన్నారు. వారిపై కేసులు నమోదు చేసినట్లు పేర్కొన్నారు.

ఇంద్రవెల్లి: ఉపాధి హామీ పథకాన్ని కూలీలు సద్వి నియోగం చేసుకోవాలని ఐటీడీఏ పీవో మంద మకరందు అన్నారు. మండలంలోని సమాక గ్రామాన్ని శనివారం ఉదయం సందర్శించి ఉపాధి హామీ ప నులను పరిశీలించారు. కూలీలతో మాట్లాడి సమస్యలు అడిగి తెలుసుకున్నారు. సమాక, పాటగూడ గ్రామాల్లో తాగునీటి సమస్య ఉందని, బోరుబావులు మంజూరు చేయాలని విన్నవించగా పంచా యతీ తీర్మానాలు ఇస్తే మంజూరుకు కృషి చేస్తానని పీవో పేర్కొన్నారు. అక్కడి నుంచి ఐఎఫ్‌పీసీఎల్‌ జిన్నింగ్‌ మిల్లును సందర్శించిన ఆయన కమిటీ సభ్యులతో సమావేశమయ్యారు. సంస్థ నిర్వహణ పై చర్చించారు. అనంతరం ఇంద్రవెల్లిలోని అమరవీరుల స్తూపాన్ని సందర్శించారు.అమరులకు నివా ళులర్పించి స్థానికులను స్మృతి వనం వివరాలు అడి గి తెలుసుకున్నారు. అక్కడి నుంచి స్థానిక ప్రభు త్వ ఆస్పత్రికి చేరుకున్నారు. రోగులతో మాట్లాడి వైద్యసేవల తీరుపై ఆరా తీశారు. గర్భిణులకు మె రుగైన సేవలందించాలని వైద్యాధికారులకు సూచించారు. ఆయన వెంట ఏజెన్సీ అదనపు వైద్యాధికారి మనో హర్‌, వైద్యులు పూజిత, సర్పంచ్‌లు మోహన్‌సింగ్‌, రాజేశ్వర్‌,ఏపీవో శ్రీనివాస్‌,ఆయా గ్రామాల ప్రజ లు, తదితరులు ఉన్నారు.

కై లాస్‌నగర్‌: పట్టణంలో ఆస్తి పన్ను బకాయిలు పే రుకుపోకుండా ఉండాలనే ఉద్దేశంతో ప్రభుత్వం అ మలు చేసిన ఎర్లీబర్డ్‌ స్కీంకు ఆదిలాబాద్‌ మున్సిప ల్‌ పరిధిలో ఆశించిన స్పందన లభించలేదు. 2026 –27 ఆర్థిక సంవత్సరానికిగాను ముందస్తుగా పన్ను చెల్లించే వారికి ఐదు శాతం రాయితీ వర్తింపజేసింది. నివాస, నివాసేతర భవనాలకు సంబంధించి ఇప్పటి వరకు ఎలాంటి పాత బకాయిలు లేనటువంటి వారిని ఈ రాయితీకి అర్హులుగా ప్రకటించింది. గత నెల 1నుంచి అమలు చేసిన ఈ స్కీం గడువు 30వ తేదీతో ముగిసింది. అయితే పట్టణవాసులు స్వచ్ఛంద పన్ను చెల్లింపుపై అంతగా ఆసక్తి చూపలేదు. గతంతో పోల్చితే పన్ను వసూలు స్వల్పంగా పెరిగినా ఆశించిన స్థాయిలో కాకపోవడం గమనార్హం. మున్సిపల్‌ పరిధిలో ఇలా.. పట్టణంలో మొత్తం 49 వార్డులున్నాయి. వీటిలో 2026–27 ఆర్థిక సంవత్సరానికి ఎలాంటి బకాయిలు లేని అసెస్‌మెంట్లకు సంబంధించి రూ.16.5 కోట్ల ఆస్తి పన్ను డిమాండ్‌ ఉంది. ఎర్లీబర్డ్‌ అమల్లో భాగంగా ఈ పన్నుల వసూలు కోసం బల్దియా అధికారులు ఆరు ప్రత్యేక బృందాలను ఏర్పాటు చేశారు. ఒక్కో బృందంలో బిల్‌ కలెక్టర్‌, అసిస్టెంట్‌ బిల్‌ కలెక్టర్‌ను నియమించారు. వీరు ఉదయం, సాయంత్రం తమకు కేటాయించిన వార్డుల్లో తిరుగుతూ పన్నుల వసూళ్లకు యత్నించారు. స్కీం అమలుకు గత నెల 30వరకు గడువు ఉండగా పట్టణ వ్యాప్తంగా రూ.2.34 కోట్లు వసూలయ్యాయి. కాగా, గతేడాదితో పోల్చితే కేవలం రూ.10 లక్షలు మాత్రమే అదనంగా వసూలవడం గమనార్హం. ఆశించిన ప్రచారం లేకపోవడమేనా.. ఈ స్కీం గడువుపై క్షేత్రస్థాయిలో ఆశించిన ప్రచా రం లేకపోవడంతో పట్టణ ప్రజలు అంతగా ఆసక్తి చూపనట్లుగా తెలుస్తోంది. ఐదు శాతం రాయితీపై అవగాహన కల్పించాల్సిన యంత్రాంగం అంతగా పట్టించుకోకపోవడంతోనే ఈ పరిస్థితి ఏర్పడిందనే అభిప్రాయం వ్యక్తమవుతోంది. గతేడాది మున్సిపల్‌ కార్యాలయంతో పాటు పట్టణంలోని అన్ని ప్రధాన కూడళ్లతో ప్రత్యేక ఫ్లెక్సీలు, హోర్డింగ్‌లు ఏర్పాటు చేశారు. అలాగే మైక్‌తో కూడిన ఆటో ద్వారా ప్రచారం కల్పించారు. ఈ సారి అలాంటి కార్యక్రమాలేవి చేపట్టలేదు. దీంతోనే ఆశించిన మేర పన్ను వసూలు కాలేదని తెలుస్తోంది. గతేడాదితో పోల్చితే పెరిగిన వసూళ్లు పన్నులు సకాలంలో వసూలు చేసేందుకు ప్రభుత్వం ఎర్లీబర్డ్‌ స్కీం అమలు చేస్తోంది. గత నెల 30వరకు పన్ను చెల్లించిన వారికి ఐదు శాతం రాయితీ కల్పించాం. పట్టణ పరిధిలో 6,673 మంది ఆస్తి పన్నును స్వచ్ఛందంగా ముందస్తుగా చెల్లించారు. గతేడాదితో పోల్చితే రూ.10 లక్షలు అదనంగా వసూలయ్యాయి. – బి.కళ్యాణ్‌, బల్దియా రెవెన్యూ అధికారి ఆదిలాబాద్‌ పట్టణంలోని.. అసెస్‌మెంట్లు : 48,448 ఆస్తి పన్ను డిమాండ్‌ : రూ.16.5 కోట్లు పన్ను చెల్లించిన అసెస్‌మెంట్లు : 6,673 వసూలైన పన్ను మొత్తం : రూ.2.34 కోట్లు

కై లాస్‌నగర్‌: ఆదిలాబాద్‌ మున్సిపల్‌ నూతన కమిషనర్‌గా ఏ.జగదీశ్వర్‌గౌడ్‌ శుక్రవారం బా ధ్యతలు స్వీకరించారు. ఇది వరకు పనిచేసిన జి.రాజును మంచిర్యాల కార్పొరేషన్‌ కమిషనర్‌గా బదిలీ చేసిన ప్రభుత్వం ఆయన స్థానంలో నిర్మల్‌ కమిషనర్‌గా పనిచేసిన జగదీశ్వర్‌గౌడ్‌ను ఇక్కడ నియమించిన విషయం తెలిసిందే. ఈమేరకు ఉదయం కార్యాలయానికి చేరుకున్న ఆయనకు అధికారులు, సిబ్బంది పుష్పగుచ్ఛాలు అందజేసి స్వాగతం పలికారు. రాజు నుంచి బాధ్యతలు చేపట్టారు. అనంతరం కలెక్టర్‌ రాజర్షి షా, ఎమ్మెల్యే శంకర్‌, మున్సిపల్‌ చైర్‌పర్సన్‌ అనూషను ఆయన మర్యాదపూర్వకంగా కలిశారు.

సాక్షి ప్రతినిధి, మంచిర్యాల: ప్రాణహిత–చేవెళ్ల ప్రాజెక్టు నిర్మాణానికి కీలక ముందడుగు పడింది. 150మీటర్ల ఎత్తులో బరాజ్‌ నిర్మాణం, వంద టీఎంసీల నీటి వినియోగానికి ఇటీవల రాష్ట్ర సాగునీటి శాఖ ఉన్నత స్థాయి సమీక్ష సమావేశంలో ముఖ్య మంత్రి రేవంత్‌రెడ్డి ఆమోదం తెలిపారు. మహారాష్ట్రలోముంపు ఏర్పడితే పరిహారం చెల్లింపులకు సిద్ధంగా ఉన్నట్లు ప్రకటించారు. ఆ రాష్ట్ర ప్రభుత్వంతో సంప్రదింపులు జరుపనున్నారు. ఈ క్రమంలో ఉమ్మడి ఆదిలాబాద్‌ జిల్లా వాసుల ఏళ్లనాటి సాగునీటి కల సాకారం వైపు మళ్లీ ఆశలు చిగురిస్తున్నా యి. ఈ నెల 7న సీఎం రేవంత్‌రెడ్డి స్వయంగా బరా జ్‌ నిర్మించే కుమురంభీం ఆసిఫాబాద్‌ జిల్లా కౌటాల మండలం తుమ్మిడిహెట్టి శివారు ప్రాణహిత నది వద్దకు రానున్నారు. 18ఏళ్లుగా ఎదురుచూపులు.. ఉమ్మడి జిల్లా రైతాంగానికి సాగునీరు అందించేందుకు జలయజ్ఞంలో భాగంగా 2008లో దివంగత ముఖ్యమంత్రి వైఎస్‌.రాజశేఖరరెడ్డి డాక్టర్‌ బీఆర్‌. అంబేడ్కర్‌ ప్రాణహిత–చేవెళ్ల ప్రాజెక్టుకు తుమ్మిడిహెట్టి వద్ద శంకుస్థాపన చేశారు. 152 అడుగుల ఎత్తులో బరాజ్‌ నిర్మించి ఆసిఫాబాద్‌, బెల్లంపల్లి, చెన్నూర్‌, మంచిర్యాల నియోజకవర్గాలకు నీరందించాలి. ఆ తర్వాత ఎల్లంపల్లి వరకు నీటిని తరలించి అక్కడ నుంచి ఆరు జిల్లాలకు నీరివ్వాలి. ఇందుకోసం భూసేకరణ, 71కిలోమీటర్ల కాలువల నిర్మాణానికి రూ.11వేల కోట్లు వెచ్చించారు. అయితే 152మీటర్ల ఎత్తులో నిర్మిస్తే మహారాష్ట్రలోని చంద్రపూర్‌, గడ్చిరోలి జిల్లాల్లో 30 గ్రామాల ముంపు ఏర్పడుతుందని అభ్యంతరాలు రావడంతో ఆగిపోయింది. ఉమ్మడి రాష్ట్రం, తెలంగాణ వచ్చాక కూడా రెండు రాష్ట్రాల మధ్య చర్చలు జరిగాయి. చివరగా 2015లో నాటి నీటిపారుదల శాఖ మంత్రి టి.హరీశ్‌రావుతో జరిగిన చర్చల్లో 148మీటర్ల ఎత్తు వరకు అంగీకరించారు. పూర్తి స్థాయి ఎత్తుకు ఒప్పుకోకపోవడంతో ప్రాజెక్టును పూర్తిగా పక్కనపెట్టారు. రీడిజైన్‌లో గోదావరి–ప్రాణహిత కలిసే మేడిగడ్డ వద్ద కాళేశ్వరం ప్రాజెక్టు నిర్మించారు. తర్వాత వార్దా నదిపై బరాజ్‌ కట్టి మంచిర్యాల, ఆసిఫాబాద్‌ జిల్లాల్లో రెండు లక్షల ఎకరాల సాగునీటికి డిజైన్లు చేసినా ముందుకు సాగలేదు. భారీగా పెరగనున్న వ్యయం గతంతో పోలిస్తే బరాజ్‌ నిర్మాణం, కాలువలు, భూ సేకరణ ఇతర వ్యయం ఎల్లంపల్లి వరకే భారీగా అవుతుందని నిపుణులు అంచనా వేస్తున్నారు. ప్రస్తుతం బరాజ్‌ ఎత్తు విషయంలో స్పష్టత వచ్చినప్పటికీ ఇంకా తుమ్మిడిహెట్టి నుంచి ఎల్లంపల్లి వరకు నీటిని తరలించే విషయంలో స్పష్టత రావాల్సి ఉంది. ఇప్పటికీ డీపీఆర్‌ సిద్ధం కాలేదు. గోదావరిపై ఉన్న సుందిళ్ల బరాజ్‌కు తరలించడమా, లేక పాత డిజైన్‌ ప్రకారమే ముందుకు వెళ్తారా? అనేది తుది ప్రతిపాదన వెల్లడి కావాల్సి ఉంది. దీంతో పెరిగిన ఖర్చులతో రూ.20వేల కోట్ల వరకు అవుతుందనే అంచనా ఉంది. తుమ్మిడిహెట్టికి రెండో ముఖ్యమంత్రి 2008లో నాటి కాంగ్రెస్‌ సర్కారు హయాంలో దివంగత ముఖ్యమంత్రి వైఎస్‌.రాజశేఖరరెడ్డి తుమ్మిడిహెట్టి ప్రాంతాన్ని ప్రారంభ సమయంలో సందర్శించారు. మళ్లీ 18ఏళ్ల తర్వాత ఓ ముఖ్యమంత్రి ఈ ప్రాంతానికి వస్తున్నారు. ఈ నెల 7న ఆసిఫాబాద్‌ జిల్లా కౌటాల మండలం తుమ్మిడిహెట్టి వద్ద సీఎం రేవంత్‌రెడ్డి స్వయంగా పరిశీలించనున్నారు. ఈ మేరకు జిల్లా అధికారులు ఏర్పాట్లు చేస్తున్నారు.

ఉట్నూర్‌రూరల్‌: రోగులకు మెరుగైన వైద్యసేవలందించాలని ఐటీడీఏ పీవో మంద మకరందు అన్నా రు. మండలంలోని దంతన్‌పల్లి, శ్యాంపూర్‌ పీహెచ్‌సీలను శుక్రవారం తనిఖీ చేశారు. రోగులతో మా ట్లాడి ఆరోగ్య సేవలపై ఆరా తీశారు. అవసరమైన మందులు అందుబాటులో ఉండేలా చర్యలు తీసుకోవాలని సిబ్బందికి సూచించారు. విద్యార్థులు అన్ని రంగాల్లో రాణించాలి విద్యార్థులు చదువుతో పాటు అన్నిరంగాల్లో రాణించాలని పీవో మకరందు అన్నారు. కుమురం భీం కాంప్లెక్స్‌లో నిర్వహిస్తున్న వేసవి శిక్షణ శిబిరాలను శుక్రవారం సందర్శించారు. కార్యక్రమంలో జిల్లా క్రీడల అధికారి పార్థసారథి, క్రీడా పాఠశాల ప్రధానోపాధ్యాయుడు గంగారాం, శిక్షకులు పాల్గొన్నారు. పీవోకు శుభాకాంక్షల వెల్లువ ఇటీవల పీవోగా బాధ్యతలు చేపట్టిన మకరందును గిరిజన సహకార సంస్థ డివిజనల్‌ మేనేజర్‌ గుడిమళ్ల సందీప్‌కుమార్‌తో పాటు సిబ్బంది శుక్రవారం కలిసి శుభాకాంక్షలు తెలిపారు.

ఆదిలాబాద్‌టౌన్‌: కార్మికులు తమ హక్కులతో పా టు చట్టాలపై అవగాహన కలిగి ఉండాలని కలెక్టర్‌ రాజర్షిషా అన్నారు. జిల్లా కేంద్రంలోని ద్వారకానగర్‌లో గల మేస్త్రి సంఘ భవనంలో శుక్రవారం మేడే వేడుకలు ఘనంగా నిర్వహించారు. ఈ సందర్భంగా ఆయన మాట్లాడుతూ, ప్రభుత్వం అమలు చేస్తు న్న వివిధ సంక్షేమ పథకాలను కార్మికులు సద్వి నియోగం చేసుకోవాలని కోరారు. ఇందులో పా యల్‌ ఎమ్మెల్యే శంకర్‌, చీఫ్‌ లీగల్‌ ఎయిడ్‌ డిఫెన్స్‌ కౌన్సిల్‌ దాసరి గంగారాం, డిప్యూటీ కమిషనర్‌ ఆఫ్‌ లేబర్‌ రాజేశ్వరి, అసిస్టెంట్‌ లేబర్‌ ఆఫీసర్‌ చందన్‌ కుమార్‌, డిప్యూటీ లీగల్‌ ఎయిడ్‌ డిఫెన్స్‌ కౌన్సిల్‌ అశోక్‌, ఐటీఐ ఏటీఓ శ్రీనివాస్‌, మేసీ్త్ర సంఘం నా యకులు, సిబ్బంది, కార్మికులు పాల్గొన్నారు. దత్తత చట్టబద్ధంగా ఉండాలి పిల్లల దత్తత చట్టబద్దంగా ఉండాలని కలెక్టర్‌ రాజర్షి షా అన్నారు. జిల్లా కేంద్రంలోని రిమ్స్‌లో లీగల్‌ అడప్షన్‌ హెల్ప్‌డెస్క్‌, శిశు సంరక్షణ ఊయల కార్యక్రమాన్ని శుక్రవారం ప్రారంభించారు. జిల్లాలో గు ర్తించిన ఐదేళ్లలోపు పిల్లలు 40మంది ఉన్నారని తెలి పారు. పిల్లల సంరక్షణకు ఏర్పాటు చేసిన ఊ యల ప్రాధాన్యతను వివరించారు. కార్యక్రమంలో రిమ్స్‌ డైరెక్టర్‌ జైసింగ్‌ రాథోడ్‌, జిల్లా సంక్షేమ అధి కారి మిల్కా, డీఎంహెచ్‌వో నరేందర్‌ రాథోడ్‌, డీసీ పీవో రాజేంద్ర ప్రసాద్‌,రాధిక,ఆనంద్‌ పాల్గొన్నారు. శిశుగృహను సందర్శించిన కలెక్టర్‌.. జిల్లా కేంద్రంలోని శిశుగృహను కలెక్టర్‌ సందర్శించా రు. పిల్లల సంరక్షణ విషయంలో ఎలాంటి అలసత్వం వహించవద్దని సిబ్బందిని ఆదేశించారు. శిశుగృహలో నూతనంగా నిర్మించిన అదనపు గదు ల భవనాన్ని ప్రారంభించి పిల్లల సంరక్షణపై ఆరా తీ శారు. ఆయన వెంట పంచాయతీరాజ్‌ ఈఈ రాథో డ్‌ శివరాం, బాలసంరక్షణ అధికారి రాజేంద్ర ప్రసా ద్‌, స్వామి, విజయలక్ష్మి, స్వప్న తదితరులున్నారు. లబ్ధిదారులకు పట్టాలు పంపిణీ సాత్నాల: ప్రజాపాలన–ప్రగతి ప్రణాళికలో భాగంగా భోరజ్‌ మండలం రాంపూర్‌ (టి) గ్రామంలో డ బుల్‌ బెడ్‌రూమ్‌ ఇళ్ల పట్టాల పంపిణీ శుక్రవారం నిర్వహించారు. కలెక్టర్‌ రాజర్షి షా, ఎమ్మెల్యే శంకర్‌ హాజరై లబ్ధిదారులకు ప్రొసీడింగ్‌ పత్రాలు అందజేశారు. గతంలో నిర్వహించిన రెవె న్యూ సదస్సులో వచ్చిన విన్నపాలను పరిశీలించి లబ్ధిదారులను పారదర్శకంగా ఎంపిక చేసినట్లు కలెక్టర్‌ వెల్లడించా రు. కార్యక్రమంలో జిల్లా గ్రంథా లయ సంస్థ చైర్మన్‌ మల్లెపూల నర్సయ్య, అదనపు కలెక్టర్‌ ఆర్‌ఎస్‌.చిత్రు, ఆర్డీవో జగదీశ్వర్‌ రావు, హౌసింగ్‌ నోడల్‌ అధి కారి శంకర్‌, పంచాయతీ రాజ్‌ ఈఈ శివరాం, తహసీల్దార్‌ రాజేశ్వరి, జైనథ్‌ వ్యవసాయ మార్కెట్‌ చైర్మ న్‌ అశోక్‌రెడ్డి, సర్పంచ్‌ వెంకటమ్మ, పాల్గొన్నారు. రైతు వారోత్సవాలు ఘనంగా నిర్వహించాలి కై లాస్‌నగర్‌: ‘ప్రజాపాలన– ప్రగతి ప్రణాళిక’ కా ర్యక్రమంలో భాగంగా ఈనెల 4 నుంచి 9 వరకు రైతు వారోత్సవాలు ఘనంగా నిర్వహించాలని రాష్ట్ర మంత్రులు అధికారులను ఆదేశించారు. శు క్రవారం సాయంత్రం రాష్ట్ర మంత్రులు తుమ్మల నాగేశ్వరరావు, ఉత్తమ్‌ కుమార్‌రెడ్డి, రాష్ట్ర ప్రభు త్వ ప్రధాన కార్యదర్శి రామకృష్ణారావు ఇతర ఉన్నతాధికారులతో కలిసి ప్రజాపాలన–ప్రగతి ప్రణాళిక, రైతు వారోత్సవాలు, వరి ధాన్యం కొ నుగోలు, జనగణన స్వీయ నమోదు, నీట్‌ నిర్వహణ తదితర అంశాలపై వీడియో కాన్ఫరెన్స్‌ ద్వారా సమీక్షించారు. కలెక్టరేట్‌ సమావేశ మందిరం నుంచి కలెక్టర్‌ రాజర్షిషా వీడియో కాన్ఫరె న్స్‌లో పాల్గొన్నారు. ఈ సందర్భంగా కలెక్టర్‌ మా ట్లాడుతూ జిల్లాలో రైతు వారోత్సవాలను విజయవంతంగా నిర్వహిస్తామని తెలిపారు. ఇప్పటికే వరి ధాన్యం కొనుగోలు కేంద్రాలను ప్రారంభించినట్లు వివరించారు. ఉపాధి హామీ పథకం పకడ్బందీగా అమలవుతోందని, కూలీలకు నిరంతరం పని కల్పిస్తున్నట్లు చెప్పారు. జనగణనలో భాగంగా సెల్ఫ్‌ ఎన్యూమరేషన్‌ ప్రక్రియ మరింత వేగవంతం చేస్తామని కలెక్టర్‌ తెలిపారు. ఇందులో అదనపు కలెక్టర్‌ చిత్రు, ఏఎస్పీ సురేందర్‌ రావు, ఆర్డీవో జగదీశ్వర్‌ రావు, డీఆర్డీవో రవీందర్‌, ఇతర అధికారులు, సిబ్బంది పాల్గొన్నారు.

సాక్షి,ఆదిలాబాద్‌: గ్రామపంచాయతీల్లో కొత్త పాలకవర్గాలు ఏర్పడిన తర్వాత పెండింగ్‌లో ఉన్న 15వ ఆర్థిక సంఘం నిధులు రెండు నెలల క్రితం కేంద్ర ప్రభుత్వం నుంచి విడుదలైన విషయం తెలిసిందే. జిల్లాకు మూడు విడతల్లో కలిపి సుమారు రూ.40 కోట్ల వరకు నిధులు వచ్చాయి. వీటిని అడ్డగోలుగా స్వాహా చేస్తున్నారని, పెండింగ్‌ బిల్లులు తమకు వచ్చేవి ఉన్నాయంటూ పలువురు కార్యదర్శులు నిబంధనలు ఉల్లంఘించి హాంఫట్‌ చేసిన తీరును ‘సాక్షి’ వెలుగులోకి తీసుకువచ్చింది. అప్పట్లో దీనిపై విచారణ చేస్తున్నామని, వ్యక్తిగత ఖాతాల్లోకి నిధులు మళ్లిస్తే చర్యలు తప్పవని చెప్పిన అధికారులు నామమాత్రంగా వ్యవహారాన్ని ముగించేందుకు యత్నిన్నారనే విమర్శలు వ్యక్తమవుతున్నాయి. అక్రమాలు ఇలా.. ప్రస్తుత పాలకవర్గాలు ఏర్పడక ముందు ప్రత్యేక అధికారుల పర్యవేక్షణలో కార్యదర్శుల ఆధ్వర్యంలో జీపీల నిర్వహణ కొనసాగిన విషయం తెలిసిందే. గత సర్పంచుల పదవీ కాలం ముగిసిన తర్వాత ఈ ప్రత్యేక అధికారుల పాలన కొనసాగింది. ఆ సమయంలో కేంద్రం నుంచి వచ్చే నిధులు నిలిచి పోవడం, రాష్ట్రం నుంచి కూడా ప్రత్యేక ఫండ్స్‌ రాకపోవడంతో పారిశుధ్యం, విద్యుత్‌ బిల్లులు, ట్రాక్టర్ల నిర్వహణ కోసం కార్యదర్శులుగా వ్యవహరించిన వారు తమ జేబుల్లో నుంచి వెచ్చించినట్లు పేర్కొన్నారు. ఈ క్రమంలో కొత్త పాలకవర్గాలు ఏ ర్పడిన తర్వాత పెండింగ్‌ నిధులు కోట్లలో వచ్చాయి. అయితే వాటిని సరైన బిల్లులు లేకుండానే ఫోరం, ఏజెన్సీల పేరిట కాకుండా నేరుగా వ్యక్తిగత ఖాతా ల్లోకి చాలా మంది కార్యదర్శులు మళ్లించుకున్నారు. ఈ అక్రమాలను ‘సాక్షి’ మార్చి 31న ‘నిధులు స్వాహా’ శీర్షికన వెలుగులోకి తెచ్చింది. ఏజెన్సీల పేరిట కాకుండా వ్యక్తిగత ఖాతాల్లోకి లక్షల నిధులను మళ్లించుకుంటున్నారని కథనంలో పేర్కొంది. కొత్త పేమెంట్స్‌ నిలుపుదల.. జిల్లాకు రూ.40 కోట్ల పెండింగ్‌ నిధులు రాగా ‘సాక్షి’లో ఈ అక్రమాలకు సంబంధించి కథనం ప్రచురితమైన సమయానికే అందులో నుంచి సగానికి పైగా పేమెంట్లు అడ్డగోలుగా చేపట్టారనే విమర్శలు వ్యక్తమయ్యాయి. అప్పట్లో విచారణ చేపడుతున్న క్రమంలోనే కొత్త పేమెంట్లను నిలుపుదల చేశారు. ఇప్పటికీ అదే పరిస్థితి. అయితే విచారణ మమ అనిపించేలా కొనసాగిందన్న విమర్శలు లేకపోలేదు. జిల్లా యంత్రాంగం దీనిపై దృష్టి సారిస్తే పెద్ద ఎత్తున జరిగిన అక్రమాలు బయటపడతాయనే అభిప్రాయం వ్యక్తమవుతుంది. చిన్న చిన్న తప్పులే.. గ్రామపంచాయతీల్లో నిధులను డ్రా చేసుకునే క్రమంలో చిన్న చిన్న తప్పులకు పాల్పడినట్లు మా విచారణలో తేలింది. ఇంకా విచారణ కొనసాగుతుంది. కొత్త పేమెంట్లను నిలిపివేశాం. పూర్తి స్థాయిలో నివేదిక తయారు చేస్తున్నాం. – రమేశ్‌, జిల్లా పంచాయతీ అధికారిఈ విషయంపై డీపీవో రమేశ్‌ను నాడు వివరణ కోరగా.. విచారణ జరుపుతామని, ఎవరైనా వ్యక్తిగతంగా నిధులు స్వాహా చేస్తే చర్యలు తప్పవని పేర్కొన్న విషయం తెలిసిందే. అయితే ఈ విచారణ నామమాత్రంగా ముగించి, చిన్న తప్పులే జరిగాయని నివేదిక తయారు చేసినట్లుగా విమర్శలు వ్యక్తమవుతున్నాయి. పెద్ద మొత్తంలో జరిగిన అక్రమాలకు సంబంధించి విచారణ అధికారులు నామమాత్రంగా ముగించి కప్పిపుచ్చాలని చూస్తున్నారనే విమర్శలు వినిపిస్తున్నాయి.

ఆదిలాబాద్‌టౌన్‌: అతివలకు రక్షణగా షీటీమ్‌ పనిచేస్తుందని ఎస్పీ అఖిల్‌ మహాజన్‌ అన్నారు. జిల్లా పోలీసు కార్యాలయంలో నెలవారీ నివేదికను శుక్రవారం విడుదల చేశారు. ఈ సందర్భంగా ఆయన మాట్లాడుతూ, జిల్లాలో 24 గంటల పాటు షీటీమ్‌ సేవలు అందిస్తున్నట్లు తెలిపారు. ఇప్పటికే 50 మంది ఆకతాయిలకు కౌన్సెలింగ్‌ ఇచ్చినట్లు పేర్కొన్నారు. గతనెలలో 59 ఫిర్యాదులు వచ్చాయని తెలిపారు. పోలీసు అక్కా కార్యక్రమం ద్వారా పాఠశాల, కళాశాల విద్యార్థులకు బాల్య వివాహాలు, సైబర్‌క్రైమ్‌, మోసపోతున్న సంఘటనలపై అవగాహన కల్పిస్తున్నట్లు చెప్పారు. హాట్‌స్పాట్లలో తనిఖీల సందర్భంగా గుర్తించిన వారికి కౌన్సెలింగ్‌ నిర్వహించామని, అలాగే 40 మందిపై ఈపెట్టి కేసులు నమోదు చేసినట్లు తెలిపారు. విద్యార్థులు అప్రమత్తంగా ఉండాలని, చెడు మార్గంలో పయనించవద్దని సూచించారు. షీటీమ్‌ సభ్యులు సుశీల, వాణిశ్రీ తదితరులు పాల్గొన్నారు.

బజార్‌హత్నూర్‌: నియోజకవర్గ వ్యాప్తంగా మౌలిక వసతుల కల్పనకు కృషి చేస్తానని ఎమ్మెల్యే అనిల్‌ జాదవ్‌ అన్నారు. మండలంలోని కొత్తపల్లి గ్రామాన్ని శుక్రవారం సందర్శించారు. ఆరు దశాబ్దాలుగా గ్రామానికి రోడ్డు వసతి లేక స్థానికులు పడుతున్న ఇబ్బందులను అడిగి తెలుసుకున్నారు. బండ్రేవ్‌ వాగుపై వంతెనతో పాటు రహదారి సౌకర్యం కల్పిస్తానని హామీ ఇచ్చారు. అనంతరం రాంపూర్‌కు చేరుకున్న ఆయన పలువురు బీఆర్‌ఎస్‌లో చేరగా వారికి కండువాలు కప్పి ఆహ్వానించారు. ఇందులో సర్పంచ్‌లు ప్రియాంకభీమేష్‌, సాయన్న, సు భాష్‌, ప్రవీణ్‌, రాజారాం, చంద్రశేఖర్‌, రాజేందర్‌, మారుతి, వినిల్‌, మురళీకృష్ణ, నర్సయ్య, రాజన్న, రమణ, రాజేశ్వర్‌, రమేశ్‌, కవీందర్‌ పాల్గొన్నారు. కొత్త కోడళ్ల భేటీకి ఎమ్మెల్యే.. ఇచ్చోడ: మండలంలోని గుబ్బ గ్రామంలో గురువారం రాత్రి నిర్వహించిన సిడాం కొత్త కోడళ్ల భేటీకి ఆయన హాజరయ్యారు. గ్రామ సమస్యలు తెలుసుకొని పరిష్కారానికి కృషి చేస్తానన్నారు. ఇందులో పార్టీ మండల కన్వీనర్‌ కృష్ణారెడ్డి, నాయకులు పాండురంగ్‌, రమేశ్‌ తదితరులున్నారు.

కై లాస్‌నగర్‌: ఇందిరమ్మ ఇళ్ల పథకంలో ము న్సిపల్‌ పారిశుద్ధ్య కార్మికులకు 25 శాతం కోటా తప్పనిసరిగా అమలు చేయాలని ఎమ్మెల్యే పాయల్‌ శంకర్‌ ప్రభుత్వాన్ని డిమాండ్‌ చేశారు. ప్రపంచ కార్మిక దినోత్సవం పురస్కరించుకుని మున్సిపల్‌ కార్యాలయంలో శుక్రవారం నిర్వహించిన కార్యక్రమానికి ఆయన హాజరయ్యా రు. ఐదు వస్తువులతో కూడిన కిట్‌లను చైర్‌పర్సన్‌ అనూషతో కలిసి కార్మికులకు అందజేశారు. ఈ సందర్భంగా ఆయన మాట్లాడుతూ, పట్టణాన్ని పరిశుభ్రంగా ఉంచడంలో మున్సి పల్‌ పారిశుద్ధ్య కార్మికుల కృషి అభినందనీయమన్నారు. కార్యక్రమంలో కమిషనర్‌ ఏ.జగదీశ్వర్‌గౌడ్‌ , ఎస్సై శంకర్‌, కౌన్సిలర్లు సాయి చరణ్‌గౌడ్‌, నరేష్‌కుమార్‌, శ్రీకాంత్‌ పాల్గొన్నారు.

ఒంగోలు టౌన్‌: జిల్లా ప్రజా పరిషత్‌లో పనిచేస్తూ మరణించిన సిబ్బంది కుటుంబ సభ్యులకు జెడ్పీ చైర్‌ పర్సన్‌ బూచేపల్లి వెంకాయమ్మ నియామక పత్రాలు అందజేశారు. జిల్లా పరిషత్‌ కార్యాలయంలో గురువారం జరిగిన కార్యక్రమంలో జూనియర్‌ సహాయకులుగా నియామకపత్రాలు అందజేశారు. ఒంగోలు జిల్లా ప్రజా పరిషత్‌ కార్యాలయంలో దాసిరి అమూల్య, ఎం రామకృష్ణ, కొండపి మండల పరిషత్‌లో కె.వెంకటరెడ్డి, వలేటివారిపాలెం మండల పరిషత్‌ కార్యాలయంలో డి.శివ కార్తీక్‌, రాచర్ల మండల పరిషత్‌ కార్యాలయంలో బి.అశోక్‌రెడ్డి, కురిచేడు జిల్లా పరిషత్‌ ఉన్నత పాఠశాలలో శేషం సరళ కుమారి, వీరభద్రాపురం జిల్లా పరిషత్‌ ఉన్నత పాఠశాలలో సీహెచ్‌ వంశీకృష్ణ, కామేపల్లి జిల్లా పరిషత్‌ ఉన్నత పాఠశాలలో ఎస్‌.మెర్సీ, సంజీవరావుపేట జిల్లా పరిషత్‌ ఉన్నత పాఠశాలలో షేక్‌ గౌసియాలను నియమించారు. కార్యక్రమంలో జెడ్పీ ముఖ్య కార్య నిర్వాహణాధికారి బి.చిరంజీవి, ఉప ముఖ్య కార్యానిర్వాహణాధికారి పి.బాలమ్మ పాల్గొన్నారు. ఒంగోలు టౌన్‌: జిల్లా ప్రజా పరిషత్‌లో పరిధిలో వివిధ కార్యాలయాల్లో పనిచేస్తున్న నలుగురు సీనియర్‌ సహాయకులకు పరిపాలనాధికారులుగా పదోన్నతులు కల్పిస్తూ జెడ్పీ చైర్‌పర్సన్‌ బూచేపల్లి వెంకాయమ్మ గురువారం ఉత్తర్వులు జారీ చేశారు. కొత్తపట్నం మండల ప్రజా పరిషత్‌ కార్యలయంలో పీఐయూ (పీఆర్‌)లో విధులు నిర్వహిస్తున్న టి.మారుతీరాం, కందుకూరు పీఆర్‌ఐ డివిజన్‌లో విధులు నిర్వహిస్తున్న షేక్‌ జాఫర్‌ బాషా, యర్రగొండపాలెం పీఆర్‌ఐ సబ్‌ డివిజన్‌లో పనిచేస్తున్న సయ్యద్‌ ఖలీముద్దిన్‌ ఖాద్రీ, ఒంగోలు జిల్లా ప్రజా పరిషత్‌లో పనిచేస్తున్న టీవీఎస్‌ సూరిలకు పదోన్నతుల ఉత్తర్వులు అందజేశారు. ఈ కార్యక్రమంలో డిప్యూటీ సీఈఓ పి.బాలమ్మ, పరిపాలనాధికారి చల్లా శ్రీనివాస కుమార్‌ తదితరులు పాల్గొన్నారు.

బీవీ సుబ్బయ్య పాఠశాలలో అభినందనలుడ్రీమ్స్‌ స్కూల్లో..నిర్మల పాఠశాల విద్యార్థులతో..జీఎమ్‌ఎస్‌లో అభినందనలుక్విస్‌ విద్యార్థులను అభినందిస్తున్న దృశ్యం ఒంగోలు సిటీ: పదో తరగతి పబ్లిక్‌ పరీక్షలలో గురువారం జిల్లా విద్యార్థులు సత్తా చాటారు. ఒంగోలు నగరంలో కర్నూలు రోడ్డులోని క్విస్‌ హైస్కూల్‌ విద్యార్థిని పున్నాల అమృత (592) మార్కులు సాధించింది. 18 మంది 550 పైగా, 28 మంది విద్యార్థులు 500 కు పైగా మార్కులు సాధించారు. క్విస్‌ విద్యాసంస్ధల అధినేత డాక్టరు నిడమానూరు సూర్య కళ్యాణ్‌ చక్రవర్తి, ఎగ్జిక్యూటివ్‌ వైస్‌ చైర్మన్‌ డాక్టరు నిడమానూరి గాయత్రిదేవి, ప్రిన్సిపాల్‌ కమలేశ్వరి, ప్లానింగ్‌ ఆఫీసర్‌ శ్రీనివాసరావు అభినందనలు తెలిపారు. నారాయణ స్కూల్‌ విద్యార్థుల ప్రతిభ.. నారాయణ స్కూల్‌ విద్యార్థి వేముల రామకృష్ణ 598 మార్కులు సాధించి జిల్లా స్థాయిలో ప్రతిభ సాధించారు. పది మంది విద్యార్థులు రాష్ట్ర స్థాయిలో ప్రతిభ చాటారు. ప్రతి ఇద్దరిలో ఒకరికి 550 మార్కులు సాధించారని తెలిపారు. నారాయణ స్కూల్స్‌ ఏజీఎం పెద్దిరెడ్డి, డీజీఎం పిచ్చిరెడ్డి మాట్లాడుతూ ఇంతటి ఘన విజయానికి కారణమైన విద్యార్ధుల కఠోర శ్రమ, ఉపాధ్యాయుల అంకితభావాన్ని తల్లిదండ్రుల సహకారాన్ని కొనియాడారు. క్లస్టర్‌ ప్రిన్సిపాల్స్‌, అకడమిక్‌ డీన్స్‌, ఉపాధ్యాయులు, విద్యార్ధులు, తల్లిదండ్రులు పాల్గొన్నారు. మాంటిస్సోరి ప్రతిభ... రేవేండ్ల టాప్సీ 592 మార్కులు, కె.ధన్వీన్‌ 590 మార్కులు సాధించి ప్రతిభ చూపినట్లు కరస్పాండెంట్‌ ప్రకాష్‌, డైరెక్టర్‌ శబరీనాథ్‌, ప్రిన్సిపాల్‌ నూరుద్దీన్‌ తెలిపారు. 23 మంది వి 580 మార్కులు పైగా సాధించినట్లు తెలిపారు. ప్రతిభ విద్యాసంస్థలు మారం ఈశ్వరరెడ్డి 583 మార్కులు, నారు అరుణ్‌కుమార్‌రెడ్డి 557, పి.జగన్‌సాయి 551, లోకండె వెంకటశ్రీలక్ష్మి 550 మార్కులు సాధించినట్లు విద్యాసంస్థల చైర్మన్‌ నల్లూరి వెంకటేశ్వర్లు, వైస్‌ చైర్మన్‌ నల్లూరి సీతారామాంజనేయులు, సీఈఓ నల్లూరి జయప్రకాష్‌నారాయణ్‌, ఉపాధ్యాయ, సిబ్బంది అభినందనలు తెలిపారు. సత్తా చాటిన ఎస్‌ఆర్‌ స్కూల్‌.. ఎం. బాలాదిత్య 590, ఎన్‌.బ్రహ్మేశ్వర్‌ 586, డి.నాగఅంజలి 583, ఆర్‌.గణేష్‌ 574 మార్కులతో సత్తా చాటారని ఎస్‌.ఆర్‌ గ్రూప్‌ ఆఫ్‌ స్కూల్స్‌ కరస్పాండెంట్‌ ములకా రామిరెడ్డి, డైరెక్టరు ములకా రత్నకుమారి, ప్రిన్సిపాల్స్‌ విజయ, ప్రశాంతి,రెహమాన్‌, జానీ, ఉపాధ్యాయులు అభినందనలు తెలిపారు. కేరళ హైస్కూల్‌.. వై.విమల జానకి 596 మార్కులతో సత్తా చాటారని కరస్పాండెంట్‌ సీబీ మైఖేల్‌ ప్రత్యేకంగా అభినందనలు తెలిపారు. పి.జ్యోతిర్మయి 592, డి.హేమంత్‌బాబు 591, ఇ.వి.సాయి మహిత 590 మార్కులతో సత్తా చాటారు. 39 మంది విద్యార్ధులు 500 పైగా మార్కులు సాధించారని తెలిపారు. సీబీ మైఖేల్‌, షైమా సిబి ప్రత్యేక అభినందనలు తెలిపారు. డ్రీమ్స్‌ విద్యార్థుల విజయదుందుభి ఎస్‌కే షహీన్‌ 586, పి.సంయుక్త ప్రియ 579, సాయి కార్తిక 575, బి. కుసుమాంజలి 574,పి. భార్గవరామ్‌ 553 మార్కులు సాధించారని స్కూలు కరెస్పాండెంట్‌ లక్ష్మీదేవి తెలియజేశారు. జీఎంఎస్‌ విద్యార్థుల హవా.. జి.భాను ప్రసాద్‌ 590, జి. మోక్షిత్‌ సాయి తేజ 589, బి.వెంకట సాయి జ్యోతిక 588 మార్కులతో ప్రతిభ కనబర్చారు. పరీక్షకు హాజరైన విద్యార్థుల్లో 42 శాతం మంది 550 మార్కులు, 69 శాతం మంది 500 కి పైగా మార్కులు సాధించారని కరస్పాండెంట్‌ ఎం. కొండయ్య తెలిపారు. ప్రిన్సిపాల్‌, డీన్స్‌ పి.రామారావు, అలెక్స్‌, సీహెచ్‌ సుజిత తదితరులు పాల్గొన్నారు. బీవీ సుబ్బయ్య స్కూలు విద్యార్థులు ప్రతిభ విద్యార్థులు అత్యుతమ ఫలితాలు సాధించారని స్కూలు కరెస్పాండెంట్‌ బొడ్డు కోటిలింగం తెలిపారు. ఎం. మాధవ రెడ్డి 589, ఎం.రాము 583, ఎస్‌. సాయికృష్ణారెడ్డి 584 మార్కులు సాధించారన్నారు. శ్రీ విశ్వేశ్వరయ్యి ఎడ్యుకేషనల్‌ సొసైటీ ట్రెజరర్‌ బి. రవిప్రసాద్‌, స్కూలు హెచ్‌ఎం వై. వేణుగోపాల్‌ రెడ్డి తదితరులు పాల్గొన్నారు. ఆంధ్రా హైస్కూలు విద్యార్థుల సత్తా పదో తరగతి పరీక్షల్లో ఆంధ్ర హై స్కూల్‌ విద్యార్థి డి. ప్రవళిక కే. భానుతేజ 586 మార్కులు సాధించారని స్కూల్‌ కరస్పాండెంట్‌ జి. శ్రీనివాసరావు , డైరెక్టర్‌ విజయలక్ష్మి తెలిపారు. అలాగే రోజారమణి 580, యన్‌ ఆశ్రిత 577 మార్కులు వచ్చాయని వారు చెప్పారు. నిర్మల హైస్కూలు.. ఉత్తమ ఫలితాలు సాధించారని స్కూలు కరెస్పాండెంట్‌ ఎన్‌. సురేంద్ర, చీఫ్‌ అకడమిక్‌ అడ్వైజర్‌ ఎన్‌.హరిబాబు తెలిపారు. కె. జాగృతి 596, ఏఎన్‌ఎస్‌ వైష్ణవి 594, ఎల్‌ హిమబిందు, కే మేఘనలకు 591 మార్కులు వచ్చాయన్నారు. ప్రిన్స్‌పల్‌ ఎస్‌. విక్టర్‌ పాల్‌, ఎన్‌. పద్మజ పాల్గొన్నారు.

లక్ష్మణచాంద: మద్యానికి బానిసై ఒకరు ఆత్మహత్యకు పాల్పడిన సంఘటన మండలంలో చోటు చేసుకుంది. ఎస్సై గోపి తెలిపిన వివరాల మేరకు మండలంలోని గంజాల్‌ గ్రామానికి చెందిన మూడారపు ప్రణయ్‌కుమార్‌ (28) కొంతకాలంగా మద్యానికి బానిసయ్యాడు. బుధవారం రాత్రి మద్యం సేవించి ఇంటికి వచ్చి భార్యతో గొడవపడ్డాడు. మద్యం మత్తులో జీవితంపై విరక్తి చెంది ఇంట్లో ఉరేసుకుని ఆత్మహత్య చేసుకున్నాడు. గురువారం ఉదయం గమనించిన కుటుంబ సభ్యులు పోలీసులకు సమాచారం అందించారు. మృతుని భార్య వినీత పిర్యాదు మేరకు కేసు నమోదు చేసుకొని దర్యాప్తు జరుపుతున్నట్లు ఎస్సై తెలిపారు. మృతునికి ఇద్దరు కూతుర్లు, కుమారుడు ఉన్నారు. బైకును తప్పించబోయి.. ఎడ్లబండిని తాకి.. వేమనపల్లి: ఎదురుగా వచ్చిన బైకును తప్పించబోయిన ఆర్టీసీ బస్సు పక్కనే నిలిచి ఉన్న ఎడ్లబండిని తాకడంతో విద్యుత్‌ స్తంభం విరిగి బస్సుపై పడింది. దీంతో గ్రామంలో మూడు గంటల పాటు విద్యుత్‌ సరఫరా నిలిచిపోయింది. వివరాలు ఇలా ఉన్నాయి. గురువారం మండల కేంద్రంలోని బస్టాండ్‌ వద్ద వారసంత జరుగుతోంది. సుంపుటం నుంచి వచ్చిన ఆర్టీసీ బస్సు బస్టాండ్‌ సమీపంలోకి రాగానే డ్రైవర్‌ ఎదురుగా వస్తున్న బైక్‌ను తప్పించబోయి మరోవైపు నిలిపి ఉన్న ఎడ్లబండిని తాకించాడు. ఎడ్ల బండి విద్యుత్‌ స్తంభానికి తాకడంతో స్తంభం విరిగి ఆర్టీసీ బస్సుపై పడిపోయింది. విద్యుత్‌ సరఫరా నిలిచి పోవడంతో పెను ప్రమాదం తప్పింది. వార సంత జరిగే ప్రదేశంలోనే ఈ ఘటన జరగడం, ఎలాంటి ప్రమాదం చోటు చేసుకోకపోవడంతో వ్యాపారులు, ప్రజలు ఊపిరి పీల్చుకున్నారు. విద్యుత్‌ శాఖ ఏఈ దీక్షిత్‌, సబ్‌ ఇంజినీర్‌ ఆకాష్‌, నీల్వాయి ఎస్సై జగదీష్‌రెడ్డి సహాయక చర్యలు చేపట్టారు.

జన్నారం: ఇంటర్‌ విద్యార్థినిపై అత్యాచారానికి పాల్పడిన నిందితునిపై పోక్సో కేసు నమోదు చేసి రిమాండ్‌కు తరలించినట్లు లక్సెట్టిపేట సీఐ రమణమూర్తి, ఎస్సై ఉదయ్‌కిరణ్‌ తెలిపారు. గురువారం విలేకరుల సమావేశంలో వివరాలు వెల్లడించారు. ఇంటర్‌ మొదటి సంవత్సరం పూర్తి చేసిన ఓ బాలిక వేసవి సెలవులో పిన్ని, బాబాయి ఇంటికి వచ్చింది. జన్నారం మండలం కవ్వాల్‌ గ్రామానికి చెందిన డోంగరి లక్ష్మణ్‌ సదరు బాలికతో సాన్నిహిత్యం ఏర్పర్చుకొని ఆమెతో పొటోలు దిగాడు. ఫొటోలు సోషల్‌ మీడియాలో పెడుతానని, కుటుంబ సభ్యులకు చూపిస్తానని బెదిరించి ఆమైపె అత్యాచారానికి పాల్పడ్డాడు. బాధితురాలు కుటుంబ సభ్యులకు విషయం చెప్పడంతో బాలిక తల్లి గత నెల 28న పోలీస్‌స్టేషన్‌లో ఫిర్యాదు చేయడంతో పోక్సో కేసు నమోదు చేశారు. సీఐ రమణమూర్తి ఆధ్వర్యంలో విచారణ జరిపి 29న నిందితుడిని అరెస్ట్‌ చేసి లక్సెట్టిపేట కోర్టులో హాజరు పర్చగా న్యాయమూర్తి రిమాండ్‌ విధించినట్లు తెలిపారు.

ఉట్నూర్‌రూరల్‌: ఇటీవల విడుదలైన పదోతరగతి పరీక్ష ఫలితాల్లో గిరిజన ఆశ్రమ పాఠశాలలు అత్యుత్తమ ఫలితాలు సాధించడం గర్వకారణమని ఐటీడీఏ పీవో మంద మకరందు అన్నారు. గురువారం పీవో చాంబర్‌లో మాట్లాడుతూ ఈ విజయానికి ఉపాధ్యాయుల నిబద్ధత, తల్లిదండ్రుల ప్రోత్సాహం కారణమన్నారు. భవిష్యత్తులో కూడా ఆశ్రమ పాఠశాలలు ఇదే విధంగా ఉత్తమ ఫలితాలు సాధించాలని ఆశాభావం వ్యక్తం చేశారు. ఈ కార్యక్రమంలో ఐటీడీఏ అధికారులు, తదితరులు పాల్గొన్నారు. అదుపుతప్పి ఆటో బోల్తానర్సాపూర్‌ (జి): మండలంలోని నసీరాబాద్‌ వద్ద గురువారం అదుపుతప్పి ఆటో బోల్తా పడిన ఘటనలో ఒకరికి గాయాలయ్యాయి. స్థానికులు తెలిపిన వివరాల మేరకు.. దిలావర్‌పూర్‌ నుంచి కూలీలతో భైంసా వైపు వెళ్తున్న ఆటో నసీరాబాద్‌ వద్దకు రాగానే అదుపుతప్పి బోల్తా పడింది. ఈ ఘటనలో ఓబేద్‌ అనే యువకుడికి గాయాలు కావడంతో 108 కు సమాచారం అందించారు. ఈఎంటీ ఆనంద్‌, పైలట్‌ సాయికిరణ్‌ బాధితుడికి ప్రథమ చికిత్స చేసి భైంసా ఏరియా ఆసుపత్రికి తరలించారు.

శ్రీరాంపూర్‌: శ్రీరాంపూర్‌ ఏరియా వాటర్‌ ట్యాంక్‌ ప్రాంతానికి చెందిన కార్మిక నాయకుడు జక్కుల రాజేశం శ్రమశక్తి అవార్డుకు ఎంపికయ్యారు. శుక్రవారం రవీంద్రభారతిలో జరిగే మేడే వేడుకల్లో కార్మిక శాఖ మంత్రి గడ్డం వివేక్‌ వెంకటస్వామి చేతుల మీదుగా అవార్డు అందుకోనున్నారు. 1986లో సింగరేణి సంస్థలో చేరిన రాజేశం సాజక్‌, ఏఐటీయూసీ, టీఎన్‌టీయూసీ, టీబీజీకేఎస్‌ సంఘాల్లో క్రీయాశీలకంగా పని చేశారు. సికాస ఉద్యమం బలంగా ఉన్న సమయంలో వారితో కలిసి పోరాడి శ్రీరాంపూర్‌ ఏరియాలోని అరుణక్కనగర్‌, సుందరయ్యనగర్‌, తదితర సింగరేణి భూముల్లో కార్మికులకు గుడిసెలు వేయించారు. తాళ్లపల్లి ఎంపీటీసీగా, సర్పంచ్‌గా సేవలందించారు. అమరులైన కార్మికులను స్మరించుకోవాలనే ఉద్దేశంతో శ్రీరాంపూర్‌ బస్టాండ్‌లో కార్మిక విగ్రహాన్ని ఏర్పాటు చేయించారు. ఎన్టీఆర్‌ విగ్రహం, బస్టాండ్‌ ఆయన సర్పంచ్‌గా ఉన్న సమయంలో ఏర్పాటు చేసినవే. 2018లో రిటైర్డ్‌ అయినప్పటికీ ఇప్పటికీ కార్మికుల సమస్యలపై తన గళం విప్పుతూనే ఉన్నారు. కార్మికవర్గ పోరాటాల్లో ఆయన చేసిన కృషిని గుర్తించిన ప్రభుత్వం శ్రమశక్తి అవార్డుకు ఎంపిక చేసింది. శ్రీరాంపూర్‌: ఐఎన్‌టీయూసీ కేంద్ర, బ్రాంచి ఉపాధ్యక్షుడు జెట్టి శంకర్‌రావు శ్రమశక్తి అవార్డుకు ఎంపికయ్యారు. 1987లో సింగరేణిలో ఉద్యోగంలో చేరిన శంకర్‌రావు ప్రస్తుతం శ్రీరాంపూర్‌ సీహెచ్‌పీలో ఎలక్ట్రీషియన్‌గా విధులు నిర్వహిస్తున్నారు. 40 సంవత్సరాలుగా ఒకే సంఘంలో పని చేసిన ఘనత ఆయనకే దక్కుతుంది. కార్మికుల సమస్యల పరిష్కారంలో ముందుండడమే కాకుండా అందరితో సన్నిహితంగా మెలుగుతారు. తనకు అవార్డు రావడం సంతోషకరంగా ఉందన్నారు.

కై లాస్‌నగర్‌(బేల): బే ల మండలంలోని కీర్తన డిగ్రీ కళాశాల ప్రిన్సిపాల్‌ డా.వేముగంటి వరప్రసాద్‌రావు బోధన, సేవ, పరిశోధన రంగాల్లో చేస్తున్న సేవలకుగానూ అంతర్జాతీయ గుర్తింపు పొందారు. యునైటెడ్‌ కింగ్‌డమ్‌లోని క్వాలిటీ ఎడ్యుకేషన్‌ అసెస్‌మెంట్‌ కౌన్సిల్‌ నుంచి ఫెలో రాయల్‌ మెంబర్‌ ఆఫ్‌ ఇంటిగ్రేటేడ్‌ సైంటిఫిక్‌ ఇన్నోవేషన్‌ పేరిట విశిష్ట గౌరవాన్ని కల్పిస్తూ ధృవీకరణ పత్రం అందజేసింది. సమీకృత శాసీ్త్రయ అభివృద్ధి, వివిధ విభాగాల్లో అసాధారణమైన కృషి , ఆవిష్కరణలు, నిబద్ధతను ప్రదర్శించిన వ్యక్తులకు ఈ పురస్కారం ప్రకటిస్తున్నట్లుగా స్పష్టం చేసింది. విదేశాల్లో ఉద్యోగ అవకాశాలుఉట్నూర్‌రూరల్‌: ఆస్ట్రేలియా, జర్మనీ, ఒమన్‌ వంటి దేశాల్లో ఉద్యోగాల కోసం గిరిజన నిరుద్యోగ యువత నుంచి దరఖాస్తులు ఆహ్వానిస్తున్నట్లు ఐటీడీఏ పీవో మంద మకరందు గురువారం ఒక ప్రకటనలో తెలిపారు. తెలంగాణ ఓవర్సీస్‌ మాన్పవర్‌ కంపెనీ లిమిటెడ్‌ హైదరాబాద్‌ ద్వారా ఈ నియామకాలు జరుగుతాయని పేర్కొన్నారు. చీఫ్‌ ప్రాజెక్ట్‌ ఆఫీసర్‌, డైరెక్టర్‌ ఆఫ్‌ స్టడీస్‌ వంటి ఉన్నత స్థాయి పోస్టులతో పాటు స్ప్రే పెయింటర్‌ (100), ప్యానెల్‌ బీటర్‌ (100), ఆటోమోటివ్‌ మెకానిక్‌ (100), వెల్డర్‌ (100), ఎలక్ట్రీషియన్‌ (120), నర్సులు (90), ట్రాన్స్‌మిషన్‌ లైన్‌ టెక్నీషియన్‌ (20), అగ్రికల్చర్‌ ఇంజనీర్‌ తదితర పోస్టులు ఉన్నాయన్నారు. 25 నుంచి 45 ఏళ్ల లోపు వయస్సువారు అర్హులన్నారు. ఆసక్తి కలవారు ధ్రువీకరణ పత్రాలతో మే 1 నుంచి 10లోగా దరఖాస్తు చేసుకోవాలన్నారు.

రెక్కాడితే గానీ డొక్కాడని బతుకులు గడుపుతున్నారు కార్మికులు. నిద్ర నుంచి మేల్కొనగానే పనికోసం అన్వేషణ మొదలవుతుంది. పనిదొరికితే ఆ రోజు గడుస్తుంది. లేదంటే పస్తులే. ఎండైనా వానైనా, చలినైనా తట్టుకుని కష్టపడాల్సిందే. తమ కుటుంబాల పోషణ కోసం ఇతర రాష్ట్రాలకు వలస వెళ్లి, కష్టమైనా ఇష్టంగా పనులు చేస్తున్నారు. ప్రభుత్వం కార్మికుల కోసం ఎన్ని పథకాలు ప్రవేశపెట్టినా వారి రాత మాత్రం మారడం లేదు. మేడే సందర్భంగా నిర్మల్‌ జిల్లా కేంద్రంలో పనిలో నిమగ్నమైన కార్మికుల బతుకుపోరాట చిత్రాలు ఇవీ. – సాక్షి ఫొటోగ్రాఫర్‌ నిర్మల్‌

ఉట్నూర్‌రూరల్‌: కాలం కాఠినంగా మారింది. తల్లి గర్భంలోంచి బయటకు వచ్చిన ఆ శిశువును కళ్లు తెరవకుండానే అనాథను చేసింది. ఉట్నూర్‌ మండలం రాంజీగోండ్‌కు చెందిన గిరిజన మహిళ ఆత్రం గంగుబాయి ఇటీవల మగబిడ్డకు జన్మనిచ్చి కన్నుమూసింది. నాలుగు నెలల క్రితం భర్త విఠల్‌కూడా మృతి చెందాడు. తాజాగా తల్లి మృతితో మూడేళ్ల బాలుడు, పుట్టిన శిశువు అనాథలయ్యారు. విషయం తెలుసుకున్న ఖానాపూర్‌ ఎమ్మెల్యే వెడ్మ బొజ్జు పటేల్‌ స్పందించారు. గురువారం బాధిత నివాసానికి చేరుకుని చిన్నారుల నానమ్మను ఓదార్చారు. ‘మీరు అనాథలు కాదు, నా పిల్లలు’ అని మాటిచ్చి, పసి బాలుడిని తమ చేతుల్లోకి తీసుకున్నారు. ఆవిర్భావ్‌ నామకరణం ఎమ్మెల్యే క్యాంపు కార్యాలయంలో భార్య దృపదతో కలిసి పసి బాలుడికి ‘ఆవిర్భావ్‌’ అని నామకరణం చేశారు. పెరిగి పెద్దయ్యే వరకు పోషణ, పాలు, ఖర్చులు తాను భరిస్తానని ప్రకటించారు. ప్రభుత్వం తరపున రూ.1,90,000 చెక్కు అందజేశారు. సొంత పిల్లల్లా భావించి బాధ్యతలు చేపట్టిన ఈ దంపతుల చర్య స్థానికుల్లో సంతోషాన్ని రేకెత్తించింది. ఆవిర్భావ్‌ జీవితంలో కొత్త వెలుగు పుట్టాలనే ఆశతో పేరు పెట్టారు. ఈ మానవత్వం సమాజానికి ప్రేరణగా నిలిచింది.

బోథ్‌: మండల కేంద్రంలోని లాల్‌పిచ్‌ మైదానం సమీపంలో సాగుచేసిన 13 ఎకరాల జొన్నపంట ప్రమాదవశాత్తు దగ్ధమైంది. గురువారం సాయంత్రం పంటచేలలో ఒక్కసారిగా మంటలు చెలరేగడంతో సింగం వెంకటరమణకు చెందిన ఎనిమిది ఎకరాలు, గోవింద్‌కు చెందిన రెండెకరాలు, మాధవ్‌కు చెందిన మూడెకరాల్లో పంట పూర్తిగా కాలిపోయింది. గమనించిన స్థానికులు ఇచ్చోడలోని ఫైర్‌స్టేషన్‌కు సమాచారం ఇవ్వడంతో సిబ్బంది వచ్చి మంటలు ఆర్పివేశారు. సింగం వెంకటరమణకు రూ.4 లక్షలు, గోవింద్‌కు రూ.1.50 లక్షలు, మాధవ్‌కు రూ.2 లక్షల వరకు నష్టం వాటిల్లిందని బాధిత రైతులు వాపోయారు. తమను ప్రభుత్వం ఆదుకోవాలని కోరారు. మెడిగూడలో (ఆర్‌)లో.. సాత్నాల: మండలంలోని మెడిగూడ (ఆర్‌)లో విద్యుత్‌ షార్ట్‌ సర్క్యూట్‌తో జొన్నపంట దగ్ధమైంది. గ్రామానికి చెందిన చిట్యాల రాములు రెండెకరాల్లో సాగు చేసిన జొన్నపంటను కోసి పంటచేలోనే ఉంచాడు. గురువారం పంటచేల పైనుంచి వెళ్తున్న విద్యుత్‌ తీగలు ఒకదానికి ఒకటి తాకి నిప్పులు ఎగిసి పడడంతో పంటకు నిప్పంటుకుని క్షణాల్లో మంటలు వ్యాపించాయి. గమనించిన స్థానిక రైతులు ఆర్పేందుకు ప్రయత్నించినప్పటికీ అదుపులోకి రాకపోవడంతో జొన్న పంట పూర్తిగా దగ్ధమైంది. దాదాపు రూ.1,50,000 నష్టం వాటిల్లిందని బాధిత రైతు వాపోయాడు. సమాచారం తెలుసుకున్న రెవెన్యూ అధికారులు సంఘటన స్థలాన్ని పరిశీలించి వివరాలు సేకరించారు. విద్యుత్‌ శాఖ నిర్లక్ష్యం వల్ల ఈ ఘటన జరిగిందని గ్రామస్తులు ఆరోపించారు. భవిష్యత్‌లో ఇలాంటి ఘటనలు పునరావృతం కాకుండా విద్యుత్‌ లైన్లను సరిచేయాలని డిమాండ్‌ చేశారు. కుంటాలలో.. లోకేశ్వరం(కుంటాల): కుంటాల మండలంలోని కల్లూర్‌లో 11 కేవీ విద్యుత్‌ తీగలు గాలికి ఒకదానికి ఒకటి తాకడంతో నిప్పురవ్వలు ఎగిసిపడి గ్రామానికి జొన్నపంట దగ్ధమైంది. బాధిత రైతులు తెలిపిన వివరాల మేరకు అందకూర్‌కు చెందిన వెంకట్‌ వారం రోజుల క్రితం జొన్నచేను కోసి పంటను కల్లూర్‌లోని సాయిరాం చేనులో ఆరబెట్టాడు. పంటచేను పైనుంచి వెళ్లిన 11 కేవీ విద్యుత్‌ తీగలు ఒకదానికి ఒకటి తాకడంతో నిప్పురవ్వలు ఎగిసిపడి మంటలు చెలరేగాయి. జొన్నపంటతో పాటు రైతులు సాయిరాం, బలిరాంకు చెందిన వ్యవసాయ పరికరాలు దగ్ధమయ్యాయి. జొన్న పంట విలువ రూ.20 వేలు, వ్యవసాయ పరికరాల విలువ రూ.10 వేలు ఉంటుందని బాధిత రైతులు తెలిపారు.

ఆదిలాబాద్‌రూరల్‌: మండలంలోని చించుఘా ట్‌ పంచాయతీ పరిధిలో రాయి సెంటర్‌ గిరి జన భవన్‌ నిర్మాణానికి ఎమ్మెల్యే పాయల్‌ శంకర్‌ గురువారం భూమిపూజ చేశారు. ఈ సందర్భంగా ఆయన మాట్లాడుతూ.. రాయి సెంట ర్లు గిరిజన యువతకు సాంకేతిక, నైపుణ్యాభివృద్ధికి ఎంతో ఉపయోగపడతాయని తెలిపా రు. రాయి సెంటర్లతో ఉపాధి అవకాశాలు పెంపొందించి గిరిజనుల ఆర్థిక స్థితి మెరుగుపడేలా చర్యలు తీసుకుంటున్నట్లు చెప్పారు. ఇప్పటికే ఆదిలాబాద్‌ నియోజకవర్గానికి 106 రాయిసెంటర్లు మంజూరు చేసినట్లు తెలిపారు. ఇంకా 46 రాయి సెంటర్ల మంజూరుకు ప్రభుత్వానికి ప్రతిపాదనలు పంపినట్లు పేర్కొన్నారు.

బోథ్‌: నియోజకవర్గ కేంద్రంలోని ఏరియా ఆస్పత్రి అభివృద్ధి సమీక్షా సమావేశాన్ని గురువారం ఎమ్మె ల్యే అనిల్‌ జాదవ్‌ అధ్యక్షతన నిర్వహించారు. వంద పడకల నూతన ఆస్పత్రి భవన నిర్మాణ పనుల పు రోగతిని ఎమ్మెల్యే సమీక్షించారు. ఈ సందర్భంగా ఆయన మాట్లాడుతూ.. ప్రజలకు మెరుగైన వైద్య సేవలు త్వరగా అందుబాటులోకి తీసుకురావాలని సూచించారు. ఆస్పత్రి ప్రారంభానికి అవసరమైన అత్యాధునిక వైద్య పరికరాలు, మౌలిక సదుపాయా ల కల్పనపై పలు నిర్ణయాలు తీసుకున్నారు. ఐసీ యూ బెడ్లు, ఇన్‌ పేషెంట్‌ పడకలు, వీల్‌ చైర్లు, ఇత ర ఫర్నిచర్‌ అవసరాలను గుర్తించి నివేదిక సిద్ధం చేశారు. మెడికల్‌ సూపరింటెండెంట్‌ రవీంద్రప్ర సాద్‌, సర్పంచ్‌ కె.అన్నపూర్ణ మహేందర్‌, ఆర్‌ఎంవో, అకౌంట్స్‌ ఆఫీసర్‌ తదితరులు పాల్గొన్నారు. బాధిత కుటుంబానికి పరామర్శ బోథ్‌ మండల కేంద్రానికి చెందిన పుండ్రు గంగా రెడ్డి ఇటీవల మరణించగా విషయం తెలుసుకున్న ఎమ్మెల్యే అనిల్‌జాదవ్‌ ఆయన నివాసానికి వెళ్లి కుటుంబ సభ్యులను పరామర్శించారు. గంగారెడ్డి చిత్రపటానికి పూలమాల వేసి నివాళులర్పించారు. ఆయన వెంట స్థానిక నాయకులున్నారు.

సాక్షి, ఆదిలాబాద్‌: ఎట్టకేలకు ఎకై ్సజ్‌ శాఖలో విధులు నిర్వహిస్తున్న పలువురు కానిస్టేబుళ్లు బదిలీ అ య్యారు. కొద్దిరోజుల క్రితం జిల్లా నుంచి 70మంది వరకు నిజామాబాద్‌, జగిత్యాల, నిర్మల్‌ జిల్లాలకు ట్రాన్స్‌ఫర్‌ అయ్యారు. అలాగే, ఆయా జిల్లాల నుంచి అంతే సంఖ్యలో మన జిల్లాకు కానిస్టేబుళ్లు బదిలీ పై వచ్చారు. ఎన్నో ఏళ్ల తర్వాత ఎకై ్సజ్‌ శాఖలో బదిలీలు చోటుచేసుకోవడం గమనార్హం. రాష్ట్ర ఎకై ్స జ్‌ శాఖలో సుదీర్ఘ కాలంగా కానిస్టేబుళ్లు ఒకేచోట పాతుకుపోయారు. అసలు బదిలీల ప్రక్రియే లేకపోవడంతో అవినీతి, అక్రమాలపై ఆ శాఖలో ఫిర్యాదులు పెరిగిపోయాయి. అంతే కాకుండా కొంత మంది కానిస్టేబుళ్లు లిక్కర్‌, గంజాయి స్మగ్లర్లతో చేయి కలిపి అవినీతి, అక్రమాలకు పాల్పడుతున్నారనే ఫిర్యాదులు వెల్లువెత్తాయి. ప్రధానంగా నిజామాబాద్‌ జిల్లాలో గంజాయి స్మగ్లర్ల దాడిలో కానిస్టేబుల్‌ సౌమ్య మృతి తర్వాత ఈ శాఖలో ఇలాంటి అంశాలపై కమిషనర్‌ హరికిరణ్‌ నిశితంగా దృష్టి సారించడం, ఎక్సైజ్‌శాఖ మంత్రి జూపల్లి కృష్ణారావు శాఖ లో ప్రక్షాళన విషయంలో నిక్కచ్చిగా వ్యవహరించడంతో రాష్ట్ర వ్యాప్తంగా కానిస్టేబుళ్ల బదిలీలు చోటుచేసుకున్నాయని ఆ శాఖలో చర్చ సాగుతోంది. ఎనిమిదేళ్లకు పైగా ఒకేచోట.. ఎకై ్సజ్‌ శాఖలో సుమారు ఎనిమిదేళ్ల నుంచి ఒకేచోట విధులు నిర్వహిస్తున్న పలువురు కానిస్టేబుళ్లు ట్రా న్స్‌ఫర్‌ అయ్యారు. జిల్లా నుంచి పెద్ద మొత్తంలో బాసర జోన్‌ పరిధిలోని ఆయా జిల్లాలకు బదిలీపై వెళ్లారు. కాగా, శాఖలో ప్రక్షాళన కారణంగా బదిలీ పై ఇతర జిల్లాల నుంచి వచ్చిన కానిస్టేబుళ్లు తిరిగి సొంత జిల్లాలకు వెళ్లేందుకు ప్రయత్నాలు చేస్తున్నప్పటికీ ఈ విషయంలో కమిషనర్‌ కఠినంగా ఉండడంతో తప్పనిసరి పరిస్థితుల్లో బదిలీ స్థానాల్లో చేరి నట్లు ప్రచారం జరుగుతోంది. ఇతర జిల్లాల నుంచి ఆదిలాబాద్‌ జిల్లాకు బదిలీపై వచ్చిన పలువురు కానిస్టేబుళ్లకు తమ సొంత జిల్లాల్లో రాజకీయంగా పలుకుబడి ఉండడంతో ఇక్కడి అధికారులతో కొంత వైరం కొనసాగుతుందనే ప్రచారం కూడా లేకపోలేదు. మొత్తంగా ఎకై ్సజ్‌ శాఖలో కానిస్టేబుళ్ల బదిలీ ల అంశం ప్రాధాన్యత సంతరించుకుంది.

కై లాస్‌నగర్‌: జిల్లాలో ఈ నెల 3న నిర్వహించనున్న నేషనల్‌ ఎలిజిబిలిటీ కమ్‌ ఎంట్రన్స్‌ టెస్ట్‌ (నీట్‌)ను పకడ్బందీగా నిర్వహించాలని కలెక్టర్‌ రాజర్షిషా ఆదేశించారు. గురువారం కలెక్టరేట్‌ సమావేశ మందిరంలో సంబంధిత అధికారులతో సమన్వయ సమావే శం నిర్వహించి మాట్లాడారు. నీట్‌ విద్యార్థుల భవి ష్యత్‌తో కూడుకున్నదని, ఏ చిన్న పొరపాటుకు తా వులేకుండా అన్ని శాఖల అధికారులు సమన్వయంతో పకడ్బందీ ఏర్పాట్లు చేయాలని సూచించారు. ప రీక్షాకేంద్రాల్లో నిరంతర విద్యుత్‌ సరఫరా, తాగునీ రు, తగినంత వెలుతురు, ఫర్నిచర్‌ ఉండేలా చూడాలని తెలిపారు. ఎండ తీవ్రతను దృష్టిలో ఉంచుకుని ప్రతీ కేంద్రం వద్ద మెడికల్‌ క్యాంపు ఏర్పాటు చేయాలని, ఏఎన్‌ఎంలతో పాటు అవసరమైన మందులు, ఓఆర్‌ఎస్‌ ప్యాకెట్లు అందుబాటులో ఉంచాలని సూ చించారు. అభ్యర్థులు సకాలంలో కేంద్రాలకు చేరుకునేలా అదనపు ఆర్టీసీ బస్సులు నడపాలని సంబంధిత అధికారులను ఆదేశించారు. ముఖ్యంగా ప రీక్షాకేంద్రాల వద్ద భద్రత, క్రమశిక్షణ విషయంలో రాజీ పడకూడదని, 144 సెక్షన్‌ను కఠినంగా అమలు చేయాలని సూచించారు. పరీక్ష సమయంలో జి రాక్స్‌ సెంటర్లు తప్పనిసరిగా మూసివేయాలని ఆదేశించారు. నిర్ణీత సమయానికంటే నిమిషం ఆలస్యమైనా అభ్యర్థులను అనుమతించే ప్రసక్తి లేదని తెలి పారు. అడిషనల్‌ కలెక్టర్లు ఆర్‌ఎస్‌ చిత్రు, ఎస్‌.రాజేశ్వర్‌, ఆర్డీవో జగదీశ్వర్‌రావు పాల్గొన్నారు. ప్రణాళిక పనులు పక్కాగా పూర్తి చేయాలి జిల్లాలో చేపట్టిన ప్రజాపాలన–ప్రగతి ప్రణాళిక 99 రోజుల కార్యక్రమంలో భాగంగా చేపట్టిన పనులను పక్కాగా నాణ్యతతో పూర్తి చేయాలని కలెక్టర్‌ రాజర్షిషా ఆదేశించారు. కలెక్టరేట్‌ సమావేశ మందిరంలో సంబంధిత అధికారులతో సమీక్షించారు. నియోజకవర్గంలో కొనసాగుతున్న పనుల పురో గతి, నిధుల వినియోగంపై ఆరా తీశారు. పనుల్లో జాప్యం చేస్తే సహించబోమని స్పష్టం చేశారు. ని యోజకవర్గ స్థాయి అధికారులు క్షేత్రస్థాయిలో పర్యటిస్తూ నిరంతరం పర్యవేక్షించాలని తెలిపారు. సి విల్‌ పనులు, డ్రైనేజీ వ్యవస్థ, వీధి దీపాలు, పారిశుద్ధ్యంపై ప్రత్యేక దృష్టి సారించాలని సూచించారు. అడిషనల్‌ కలెక్టర్లు, ఆర్డీవో, డీఆర్డీవో పాల్గొన్నారు. రేపు మీ సేవా అర్హత పరీక్ష జిల్లాలో కొత్తగా ఏర్పాటు చేయనున్న మీ సేవా కేంద్రాల నిర్వహణ కోసం దరఖాస్తు చేసుకున్న అభ్యర్థులకు ఈ నెల 2న అర్హత పరీక్ష నిర్వహించనున్నట్లు కలెక్టర్‌ రాజర్షి షా ఓ ప్రకటనలో తెలిపారు. ఆదిలాబాద్‌ పట్టణంలోని సాత్నాల బస్టాండ్‌ సమీపంలోగల ప్రభుత్వ బాలుర జూనియర్‌ కళాశాలలో ఉదయం 11నుంచి మధ్యాహం 12గంటల వరకు పరీక్ష నిర్వహించనున్నట్లు పేర్కొన్నారు. అభ్యర్థులు హాల్‌టికెట్లను https:// adilabad. nic. in నుంచి లేదా తహసీల్దార్‌ కార్యాలయం నుంచి పొందవచ్చని తెలిపారు. కంప్యూటర్స్‌ బేసిక్స్‌, ఎం.ఎస్‌ ఆఫీస్‌పై 40 మల్టీపుల్‌ చాయిస్‌ ప్రశ్నలు ఉంటాయని పేర్కొన్నారు.

కైలాస్‌నగర్‌: ఆదిలాబాద్‌ జిల్లా అగ్నిగుండంలా మారింది. మే ప్రారంభానికి ముందే భానుడు ఉగ్రరూపం దాల్చుతున్నాడు. గురువారం రాష్ట్రంలోనే జిల్లాలో రికార్డు స్థాయి ఉష్ణోగ్రతలు నమోదయ్యాయి. అత్యధికంగా ఆదిలాబాద్‌ పట్టణంలో 46 డిగ్రీలు నమోదైంది. మిగతా మండలాల్లో 44 నుంచి 45 డిగ్రీల గరిష్ట ఉష్ణోగ్రతలు నమోదయ్యాయి. దీంతో ఉదయం 10గంటలకే భానుడు భగ్గుమంటున్నాడు. భగభగ మండే ఎండల తీవ్రతకు జనాలు ఇళ్ల నుంచి బయటకు వెళ్లలేని పరిస్థితి నెలకొంది. అత్యవసర పనుల కోసం బయటకు వెళ్లే వారు గొడుగులు, రక్షణ కవచాలు ధరిస్తున్నారు. ఎండల తీవ్రతతో ఇళ్లలోని కూలర్లు, ఫ్యాన్లు పని చేయని పరిస్థితి ఉంది. మనుషులతోపాటు పశుపక్షాదులు, మూగజీవాలు ఎండ తీవ్రతకు అల్లాడుతున్నాయి. ఎండలకు తోడు ఉక్కపోతతో వృద్ధులు, చిన్నారులు, గర్భిణులు, బాలింతలు తీవ్ర అవస్థలు పడుతున్నారు. పలుచోట్ల వడదెబ్బ బారిన పడి మరణాలు కూడా సంభవిస్తున్నాయి. రానున్న రోజుల్లో ఈ ఉష్ణోగ్రతలు మరింతగా పెరిగే అవకాశం ఉన్నందునా ప్రజలు అప్రమత్తంగా ఉండాలని, తగిన జాగ్రత్తలు తీసుకోవాలని అధికారులు సూచిస్తున్నారు.

కై లాస్‌నగర్‌: ఇటీవల నూతనంగా బాధ్యతలు స్వీకరించిన వరంగల్‌ రీజియన్‌ పరిధిలోని మున్సిపల్‌ చైర్‌పర్సన్లు, మేయర్లకు కమిషనర్‌ అండ్‌ డైరెక్టర్‌ ఆఫ్‌ మున్సిపల్‌ అడ్మినిస్ట్రేషన్‌ ఆధ్వర్యంలో ప్రత్యేక శిక్షణ తరగతులు నిర్వహించారు. హైదరాబాద్‌లోని ఓ ప్రైవేట్‌ హోటల్‌లో సీడీఎంఏ టీకే.శ్రీదేవి ఆధ్వర్యంలో నిర్వహించిన శిక్షణ తరగతులకు ఆదిలాబా ద్‌ మున్సిపల్‌ చైర్‌పర్సన్‌ బండారి అనూష హాజరయ్యారు. మున్సిపాలిటీ పాలనా వ్యవహారాల నిర్వహణ, టౌన్‌ ప్లానింగ్‌, రెవెన్యూ, ఇంజినీరింగ్‌, శానిటేషన్‌ విభాగాల్లో జరుగుతున్న కార్యకలాపాలు వాటిపై పర్యవేక్షణ తదితర అంశాలపై అవగాహన కల్పించారు. చెత్త సేకరణ, మున్సిపాలిటీకి సొంత ఆదాయాన్ని సమకూర్చుకునే ట్రేడ్‌ లైసెన్సులు, వాటర్‌ టాక్స్‌, ప్రాపర్టీ టాక్స్‌, యూజర్స్‌ చార్జీల వసూలు లాంటి వివిధ అంశాలపై వారికి శిక్షణ ఇచ్చారు. ఈ సందర్భంగా మాట్లాడిన చైర్‌పర్సన్‌ బండారి అనూష ఆదిలాబాద్‌ మున్సిపల్‌ పరిస్థితిని సమగ్రంగా వివరిస్తూ.. ప్రత్యేక నిధులు కేటాయించేలా చూడాలని కమిషనర్‌కు విజ్ఞప్తి చేశారు.

కైలాస్‌నగర్‌: ఆదిలాబాద్‌ మున్సిపల్‌ కమిషనర్‌గా జగదీశ్వర్‌గౌడ్‌ నియమితులయ్యారు. ప్రస్తుతం కమి షనర్‌గా పని చేస్తున్న రా జును మంచిర్యాల మున్సి పల్‌ కార్పొరేషన్‌ కమిషనర్‌గా ప్రభుత్వం బ దిలీ చేసింది. ఆయన స్థానంలో నిర్మల్‌ ము న్సిపల్‌ కమిషనర్‌గా పనిచేస్తున్న జగదీశ్వర్‌గౌ డ్‌ను నియమిస్తూ గురువారం ఉత్తర్వులు జారీ చేసింది. కాగా, జగదీశ్వర్‌గౌడ్‌ ఇదివరకు ఆది లాబాద్‌ మున్సిపాలిటీలో శానిటరీ ఇన్‌స్పెక్టర్‌గా సుదీర్ఘకాలం పాటు పని చేశారు. ఆయన ఆదిలాబాద్‌ పట్టణంలోని దస్నాపూర్‌ వాస్తవ్యుడు కావడం గమనార్హం. శుక్రవారం ఆయన కమిషనర్‌గా బాధ్యతలు స్వీకరించనున్నారు.

నిర్మల్‌ జిల్లా: మండల కేంద్రం పెంబి శివారులో మంగళవారం మధ్యాహ్నం విద్యుత్‌ షార్ట్‌సర్క్యూట్‌తో పదెకరాల మొక్కజొన్న దగ్ధమంది. స్థానికులు తెలిపిన వివరా ల మేరకు పెంబి శివారులో మంగళవారం మధ్యాహ్నం విద్యుత్‌ తీగలు తాకి నిప్పురవ్వలు ఎగిసిపడటంతో గోస్కూల శ్రీనివాస్‌, గోస్కూల తిరుమల, ఎలిగేటి అనిల్‌ కుమార్‌, కోప్పుల జ్యోతి, ఒద్నాల ఉమకు చెందిన పదెకరాల మొక్కజొన్న పూర్తిగా కాలి బూడిదయ్యింది.విద్యుత్‌ శాఖ ఏఈ శ్రీనివాస్‌ని వివరణ కోరగా.. సంఘటన స్థలాన్ని పరిశీలించా మని, షార్ట్‌సర్క్యూట్‌తో జరిగిన ఆనవాళ్లు లేవన్నా రు. సంఘటన స్థలాన్ని ఎంఆర్‌ఐ శ్రావణ్‌ రెడ్డి, ఏఈవో నాగమణి, జీపీవో భాస్కర్‌ పరిశీలించారు. రూ.7.56 లక్షలనష్టంవాటిల్లినట్లు అంచనా వేశారు.మాలేగాంలో..కుభీర్‌: మండలంలోని మాలేగాంలో మంగళవారం ఉదయం బండారి భోజన్న అనే రైతుకు చెందిన 2ఎకరాల 30 గుంటల్లో మొక్కజొన్న పంట ప్రమాదవశాత్తు దగ్ధమైంది. సుమారు రూ.2లక్షల నష్టం జరిగినట్లు రెవెన్యూ అధికారులు అంచనా వేశారు. ప్రభుత్వం పరిహారం అందించి ఆదుకోవాలని బాధిత రైతు భోజన్న కోరుతున్నాడు.స్పందించిన సీఎం..షార్ట్ సర్క్యూట్ కారణంగా నిర్మల్ జిల్లా పెంబి మండల కేంద్రంలో చేతికొచ్చిన మొక్కజొక్క పంట కాలిపోయి రైతులు ఆవేదనలో ఉన్నారన్న సమాచారంపై ముఖ్యమంత్రి రేవంత్ రెడ్డి వెంటనే స్పందించారు. ఆ సంఘటన పూర్తి వివరాలు పరిశీలించి నష్టపోయిన రైతులకు తగిన విధంగా ఆదుకోవాలని.. ఆర్థిక సహాయం అందించాలని సీఎం.. సీఎంఓ అధికారులను ఆదేశించారు. సీఎం ఆదేశాల మేరకు అధికారులు, జిల్లా కలెక్టర్ అవసరమైన చర్యలు చేపట్టారు.

ఆదిలాబాద్‌టౌన్‌: నకిలీ విత్తనాలు, నిషేధిత గడ్డి మందుపై నిఘా పెంచాలని ఎస్పీ అఖిల్‌ మహాజన్‌ అన్నారు. జిల్లా కేంద్రంలోని ఏఆర్‌ హెడ్‌క్వార్టర్స్‌ సమావేశ మందిరంలో పోలీసు సిబ్బందితో బుధవారం నెలవారీ సమీక్ష నిర్వహించారు. ఈ సందర్భంగా ఎస్పీ మాట్లాడుతూ.. నకిలీ విత్తనాలు, గడ్డి మందుల విక్రయాలపై నిఘా పెంచాలన్నారు. రైతులను మోసం చేసేవారిపై కఠిన చర్యలు తీసుకోవాలన్నారు. స్టేషన్లలో సిబ్బంది పనితీరు మెరుగుపడేలా ఎస్‌హెచ్‌వోలు చొరవ చూపాలన్నారు. రౌడీషీటర్లు, సస్పెక్ట్‌ షీటర్లపై నిరంతరం నిఘా కొనసాగించాలని, రాత్రి సమయాల్లో గస్తీ పెంచాలన్నారు. అసాంఘిక కార్యకలాపాలు, గ్యాంబ్లింగ్‌ వంటి చట్టవిరుద్ధ చర్యలు, ఆర్థిక నేరాలను అడ్డుకునేందుకు ముందస్తు చర్యలు చేపట్టాలని ఆదేశించారు. గ్రామాల్లో సీసీ కెమెరాలను ఏర్పాటు చేయాలని సూచించారు. ఇందులో అదనపు ఎస్పీలు మౌనిక, సురేందర్‌ రావ్‌, ఉట్నూర్‌ ఏఎస్పీ రుత్విక్‌ సాయి కొట్టే, శిక్షణ ఐపీఎస్‌ రాహుల్‌కాంత్‌, డీఎస్పీలు జీవన్‌ రెడ్డి, పోతారం శ్రీనివాస్‌, ఇంద్రవర్ధన్‌, సీఐలు, ఎస్సైలు తదితరులు పాల్గొన్నారు.

మళ్లీ తెరపైకి.. అక్రమ అసెస్‌మెంట్లుకైలాస్‌నగర్‌: ఆదిలాబాద్‌ మున్సిపల్‌ పరిధిలోని వివిధ కాలనీల్లో చోటు చేసుకున్న అక్రమ అసెస్‌మెంట్ల వ్యవహారం మళ్లీ తెరపైకి వచ్చింది. ఎస్పీ అఖిల్‌ మహాజన్‌ విజ్ఞప్తి మేరకు మున్సిపల్‌ శాఖ ఉన్నతాధికారులు విచారణకు ఆదేశించారు. ఇందులో భాగంగా వరంగల్‌ రీజినల్‌ డైరెక్టర్‌ (ఆర్‌డీ) షాహిద్‌ మసూద్‌ మున్సిపల్‌ కార్యాలయంలో పోలీసులు, మున్సిపల్‌ అధికారులతో తాజాగా విచారణ చేపట్టడం ప్రాధాన్యత సంతరించుకుంది. ఈ మేరకు అక్రమార్కుల్లో గుబులు మొదలైంది. గత కౌన్సిల్‌ హయాంలో పట్టణంలోని కేఆర్‌కే, ఎంప్లాయీస్‌ కాలనీ, సర్వే నం.170, టీచర్స్‌ కాలనీ, మావల, సర్వేనం.68, ఖానాపూర్‌, దుబ్బగూడ తది తర కాలనీల్లో వందలాది ప్రభుత్వ స్థలాలతో పా టు పేదలకు సర్కారు కేటాయించిన స్థలాలను కొంత మంది ఆక్రమించేశారు. వాటికి తప్పుడు ధ్రువీకరణ పత్రాలతో మున్సిపల్‌ కార్యాలయంలో అసెస్‌మెంట్‌ (డోర్‌ నంబర్‌) పొందారు. ఆందోళనకు గురైన బాధితులు అప్పట్లోనే ఎస్పీ అఖిల్‌ మహా జన్‌కు ఫిర్యాదు చేశారు. స్పందించిన జిల్లా పోలీస్‌ బాస్‌ సీడీఎంఏకు లేఖ రాశారు. ఈమేరక ఆ శాఖ ఉన్నతాధికారులు విచారణకు ఆదేశించారు. దీంతో మున్సిపల్‌ కార్యాలయానికి వచ్చిన ఆర్‌డీ మంగళవారం విచారణ జరిపారు. మున్సిపల్‌ పరిధిలోని వివిధ కాలనీల్లో జరిగిన అక్రమ అసెస్‌మెంట్లు, వాటికి జతచేసిన డాక్యుమెంట్లను పరిశీలించారు. మున్సిపల్‌, పోలీసు అధికారుల వద్ద ఉన్న డాక్యుమెంట్ల వివరాలు పరిశీలించారు. వాటిని ఎందుకు చేయాల్సి వచ్చిందనే దానిపై ఆరా తీశారు. కాలనీల వారీగా అక్రమ అసెస్‌మెంట్లపై నిర్ణీత ప్రొఫా ర్మాలో నివేదిక అందజేయాలని మున్సిపల్‌ కమిషనర్‌ రాజును ఆదేశించారు. అక్రమాలు జరిగినట్లుగా గుర్తించడంతో అక్రమార్కుల్లో వణుకు మొదలైంది. చర్యలు తప్పవనే అధికారుల సూచనతో వాటి నుంచి ఏవిధంగా బయటపడాలనే దిశగా ప్రయత్నాలు చేస్తున్నట్లుగా తెలుస్తోంది. ఈ వ్యవహారంలో గతంలో ముగ్గురు మున్సిపల్‌ అధికారులపై వేటుపడిన విషయం తెలిసిందే. మరింత సమగ్రంగా విచారణ జరిపితే మరింత మందిపై చర్యలు తప్పవనే అభిప్రాయం వ్యక్తమవుతుంది. నివేదిక సిద్ధం చేస్తున్నాం.. గతంలో జరిగిన అక్రమ అసెస్‌మెంట్ల వ్యవహారంపై వరంగల్‌ ఆర్‌డీ విచారణ చేపట్టారు. పూర్తిస్థాయిలో ఆరా తీసి డాక్యుమెంట్లను పరిశీలించారు. కాలనీల వారీగా ప్రభుత్వ స్థలాలు, అసైన్డ్‌ ల్యాండ్‌లు, పట్టా కలిగిన ప్లాట్లను అక్రమంగా కబ్జా చేసి అసెస్‌మెంట్‌ చేసుకున్న వారి వివరాలతో కూడిన నివేదిక అందించాలని ఆదేశించారు. తదనుగుణంగా దృష్టి సారించాం. పూర్తిస్థాయిలో పరిశీలించి నివేదిక సమర్పిస్తాం. – జి.రాజు, మున్సిపల్‌ కమిషనర్‌

కై లాస్‌నగర్‌: ఆదిలాబాద్‌ పట్టణంలోని గాంధీ పా ర్కులో నెలకొన్న నీటి కరువు దూరం చేసి పచ్చదనం పెంపొందించే దిశగా కలెక్టర్‌ రాజర్షి షా ప్ర త్యేక దృష్టి సారించారు. కేంద్ర ప్రభుత్వం ఇటీవల జిల్లాకు ప్రకటించిన జల్‌శక్తి జన్‌ బాగీదారి నగదు పురస్కారం కింద అందించిన నిధుల ద్వారా నీటి సంరక్షణ చర్యలు చేపట్టారు. రూ.7.94లక్షల వ్యయంతో నీటి కుంటలు, బోర్‌వెల్‌ రీచార్జ్‌ స్ట్రక్చర్లు నిర్మించే పనులకు శ్రీకారం చుట్టారు. జిల్లా గ్రామీణాభివృద్ధి సంస్థ ద్వారా చేపట్టిన ఈ పనులు బుధవారం ప్రారంభమయ్యాయి. త్వరితగతిన పూర్తిచేసేలా ముందుకు సాగుతున్నారు. పార్కులో నీటి కటకట.. పట్టణంతో పాటు చుట్టు పక్కల ప్రాంతాల ప్రజ లకు ఆహ్లాదం పంచే ఏకై క పార్కు ఇది. వారాంతపు సెలవులు, పండుగ రోజుల్లో చిన్నపిల్లలతో కిటకిట లాడుతుంది. అయితే ఈ ఉద్యానవననంలో తర చూ నీటి కటకట నెలకొంటుంది. ముఖ్యంగా వేసవి లో సమస్య జఠిలమవుతుంది. పార్కులో పచ్చద నం పంచేందుకు, నీటి అవసరాలు తీర్చేందు కోసం ఏడు బోర్లు ఉన్నప్పటికీ అందులో వేసవిలో ఒక్కటి మాత్రమే పనిచేయడం గమనార్హం. భూగర్భజలాలు అడుగంటి మిగతా వాటి నుంచి చుక్కనీరు రాని పరిస్థితి. ఈ క్రమంలో మొక్కలను సంరక్షించుకోవడం సమస్యాత్మకంగా మారుతుంది. ఆహ్లాదం పంచాల్సిన పచ్చదనం ఎండలకు కరువవుతోంది. దీంతో సందర్శకులకు నిరాశ తప్పని పరిస్థితి. వర్షపునీటిని ఒడిసిపట్టేలా..పార్కులో నీటి ఎద్దడి పరిస్థితిని గమనించిన కలెక్టర్‌ ఇటీవల జల్‌శక్తి జన్‌ బాగీదారి కేంద్ర పురస్కారం ద్వారా జిల్లాకు వచ్చిన నిధులను వినియోగించాలని భావించారు. వర్షపునీటిని వందశాతం ఒడిసిపట్టి సంరక్షించేలా ఏడు నీటి కుంటలు నిర్మించాలని నిర్ణయించారు. పార్కులో ని ఉసిరివనంలో నిర్మించే వీటిలో ఒక్కో దానికి రూ.92వేలు వెచ్చించనున్నారు. కుంట చుట్టూరా వర్షపునీరు నిలిచి ఉంచేలా ప్రత్యేకంగా రాళ్ల కట్టలను కూడా ఏర్పాటు చేయనున్నారు. వీటితో పాటు పార్కులోని ఆరు బోరు బావుల్లో నీటిని నిల్వ ఉంచేలా ప్రత్యేకంగా బోర్‌వెల్‌ రీచార్జి స్ట్రక్చర్స్‌ నిర్మించనున్నారు. ఇందుకోసం ఒక్కో దానికి రూ.30వేల చొప్పున వెచ్చించనున్నారు. ఇందిరా ప్రియదర్శిని స్టేడియంలో గల స్విమ్మింగ్‌ పూల్‌లో వృథా నీటిని వేసవిలో ఇందులోకి మళ్లించేలా ప్రతిపాదనలు చేస్తున్నట్లుగా తెలు స్తోంది. ఈ చర్యలతో పార్కులో నీటి సమస్య పూర్తిగా తొలగిపోనుందని డీఆర్డీఏ అధికారి గోరఖ్‌నాథ్‌ చౌహన్‌ తెలిపారు.

ఆదిలాబాద్‌టౌన్‌: సర్కారు బడుల్లో చదివిన విద్యార్థులు పదో తరగతిలో ఉత్తమ ఫలితాలు సాధించా రు. జిల్లాలోని 59 పాఠశాలల్లో వంద శాతం ఉత్తీ ర్ణత నమోదైంది. వివరాలిలా ఉన్నాయి. 44 జెడ్పీ స్కూళ్లలో.. 44 జెడ్పీ పాఠశాలల్లో శతశాతం ఫలితాలు వచ్చా యి. ఇందులో పొచ్చర(ఆదిలాబాద్‌రూరల్‌), లాండసాంగ్వి, పిప్పిరి, దహెగాం, సాంగిడి, కొగ్దూర్‌, చప్రాల, అర్లి(టి), పిప్పల్‌కోటి, కరంజి, భీంపూర్‌, సొనాల, కౌఠ(బి), మర్లపల్లి, పొచ్చర(బోథ్‌), ఉర్దూ మీడియం బోథ్‌, బోరిగాం, కోకస్‌మన్నూర్‌, గిమ్మ, జైనథ్‌, పెండల్‌వాడ, దీపాయిగూడ, గూడ, కాన్ప మేడిగూడ, కూర, బాలాపూర్‌, పిప్పర్‌వాడ, లక్ష్మిపూర్‌, అడ, కౌట, భీంపూర్‌(నార్నూర్‌), వడూర్‌, తేజాపూర్‌, వాంకిడి, కుమారి, కుచులాపూర్‌, ఖోడద్‌, లింగి, తాంసి, కప్పర్ల, పొన్నారి, ఘోట్కు రి, శ్యామ్‌పూర్‌, సాలెవాడ(కె) ఉన్నాయి. తొమ్మిది కేజీబీవీల్లో .. ‘మోడల్‌’లో 99 శాతం ఉత్తీర్ణత.. ప్రభుత్వ యాజమాన్యంలో ఒక పాఠశాల.. ప్రభుత్వ యాజమాన్య పాఠశాలల్లో కేవలం ఒకే పాఠశాలలో వంద శాతం ఉత్తీర్ణత నమోదైంది. ఆది లాబాద్‌ పట్టణంలోని తెలంగాణ స్పోర్ట్స్‌ స్కూల్‌లో విద్యార్థులంతా పాస్‌ అయ్యారు. రావుల స్ఫూర్తి, బంగారుగూడ మోడల్‌ స్కూల్‌ (587) దుక్రే వైశాలి, తోషం కేజీబీవీ (564)

కై లాస్‌నగర్‌: సాంకేతికత విస్తరిస్తున్న క్రమంలో సైబర్‌ నేరగాళ్ల ఉచ్చులో పడకుండా అప్రమత్తంగా ఉండాలని కలెక్టర్‌ రాజర్షి షా అన్నారు. ప్రజాపాలన–ప్రగతి ప్రణాళిక 99 రోజుల కా ర్యాచరణలో భాగంగా స్థానిక టీటీడీసీలో సైబ ర్‌ నేరాలపై బుధవారం అవగాహన సదస్సు నిర్వహించారు. ఈ సందర్భంగా ఆయన మాట్లాడారు. చదువుకున్న వారితో పాటు ఉన్నత పదవుల్లో ఉన్నవారు సైతం సైబర్‌ మోసాలకు గురవుతున్నారని అన్నారు. బ్యాంకు ఖాతాల వివరాలు, పాస్‌వర్డ్‌, ఓటీపీ వంటివి ఎట్టి పరిస్థితుల్లో ఇతరులకు చెప్పకూడదన్నారు. అనంతరం సైబర్‌ నేరాలపై అవగాహన, జాబ్‌మేళాకు సంబంధించిన పోస్టర్లను ఆవిష్కరించారు. ఇందులో అదనపు ఎస్పీ సురేందర్‌రావు, జిల్లా సంక్షేమ అధికారి మిల్కా, పొలీస్‌, మహిళా, శిశు సంక్షేమ, ఇతర శాఖల అధికారులు, సిబ్బంది పాల్గొన్నారు. నిరంతర విద్యుత్‌ సరఫరా అందించాలిఆదిలాబాద్‌టౌన్‌: వినియోగదారులకు అంతరాయం లేకుండా నిరంతర విద్యుత్‌ సరఫరా అందించాలని కలెక్టర్‌ రాజర్షిషా అన్నారు. జిల్లా కేంద్రంలోని భుక్తాపూర్‌లో గల విద్యుత్‌ డివిజన్‌ కార్యాలయాన్ని బుధవారం తనిఖీ చేశారు. పలు విభాగాలను సందర్శించి రిజిస్టర్లు, విద్యుత్‌ సరఫరాకు సంబంధించిన రికార్డులను పరిశీలించారు. అధికారుల పనితీరుపై ఆరా తీశారు. అనంతరం కలెక్టర్‌ మాట్లాడుతూ ప్రస్తుతం జిల్లా వ్యాప్తంగా విద్యుత్‌ వినియోగం పెరిగిన నేపథ్యంలో ప్రజలకు ఎలాంటి ఇబ్బందులు కలగకుండా నిరంతర సరఫరా ఉండేలా చర్యలు చేపట్టాలన్నారు. కలెక్టర్‌ వెంట విద్యుత్‌ శాఖ ఎస్‌ఈ ఆర్‌.శేషారావు, ఏఈలు, ఇతర అధికారులు ఉన్నారు.

ఆదిలాబాద్‌టౌన్‌: అక్షర క్రమంలో ముందు వరుసలో ఉన్న ఆదిలాబాద్‌ జిల్లా పదో తరగతి ఫలితాల్లో వెనుకబడింది. రాష్ట్ర స్థాయిలో జిల్లా 21వ స్థానంలో నిలిచింది. గతేడాదితో పోల్చితే 12 స్థానాలు పడిపోయింది. టెన్త్‌ ఫలితాలను ప్రభుత్వం సలహాదారు కే.కేశవరావు, విద్యాశాఖ కార్యదర్శి యోగితా రాణా బుధవారం విడుదల చేశారు. ఈ సారి ప్రైవేట్‌కు ధీటుగా సర్కారు బడుల్లో చదివిన విద్యార్థులు సైతం అత్యుత్తమ మార్కులు సాధించారు. తగ్గిన ఉత్తీర్ణత శాతం.. గతేడాదితో పోల్చితే ఈ సారి 0.5 శాతం ఉత్తీర్ణత తగ్గింది. గత ఏడాది 97.40 శాతం విద్యార్థులు ఉత్తీ ర్ణులు కాగా ఈసారి 96.90 శాతం నమోదైంది. గతేడాది జిల్లా విద్యార్థులు రాష్ట్ర స్థాయిలో 9వ స్థానంలో నిలువగా ఈ సారి 21 స్థానానికి పడిపోవడం గమనార్హం. ఈ ఏడాది జిల్లా వ్యాప్తంగా 10,875 మంది విద్యార్థులు పరీక్షలకు హాజరు కాగా 10,538 మంది ఉత్తీర్ణత సాధించారు. ఇందులో బాలురు 5,439 మంది హాజరు కాగా 5,227 మంది పాస్‌ అయ్యారు. 91.1 శాతం ఉత్తీర్ణత నమోదైంది. బాలికలు 5,436 మంది పరీక్షకు హాజరు కాగా 5,311 మంది పాస్‌ అయ్యారు. 97.7 శాతం ఉత్తీ ర్ణత నమోదైంది. ఉత్తీర్ణత శాతం పరంగా 0.5 శా తం తగ్గినప్పటికీ స్థానం మాత్రం 9 నుంచి 21వ స్థానానికి పడిపోవడం ఫలితాల్లో నమోదైన వెనుకబాటుకు నిదర్శనంగా నిలుస్తోంది. నేటి నుంచి రీకౌంటింగ్‌కు అవకాశం.. మార్కుల రీకౌంటింగ్‌, రీ వెరిఫికేషన్‌కు సంబంధించి విద్యాశాఖ షెడ్యూల్‌ ప్రకటించింది. ఇందుకు ఈ నెల 30 నుంచి జూన్‌ 14 వరకు గడువు విధించింది. రీకౌంటింగ్‌ కోసం రూ. 500, రీవెరిఫికేషన్‌ కోసం సబ్జెక్టుకు రూ.1,000 చొప్పున చెల్లించాల్సి ఉంటుంది. సబ్జెక్టుల వారీగా.. తెలుగులో 99.43 శాతం, సెకండ్‌ లాంగ్వేజ్‌లో 99.83, ఇంగ్లీష్‌లో 98.41, గణితంలో 99.23, సైన్స్‌లో 98.79, సాంఘిక శాస్త్రంలో 99.61 శాతం విద్యార్థులు ఉత్తీర్ణత సాధించారు. అయితే తెలుగులో 62 మంది, సెకండ్‌ లాంగ్వేజ్‌లో 19, ఇంగ్లీష్‌లో 173, గణితంలో 84, సైన్స్‌లో 132, సోషల్‌లో 42 మంది విద్యార్థులు ఫెయిల్‌ అయ్యారు. యాజమాన్యాల వారీగా.. ఆశ్రమ పాఠశాలల్లో 98.88 శాతం, బీసీ వెల్పేర్‌లో 99.50, ప్రభుత్వ పాఠశాలల్లో 86.97, కేజీబీవీల్లో 98.40, మోడల్‌ స్కూళ్లలో 99.82, ప్రైవేట్‌ స్కూళ్లలో 98.59, రెసిడెన్షియల్‌ మినీలో వంద శాతం, సోషల్‌ వెల్ఫేర్‌ రెసిడెన్షియల్‌లో వంద శాతం, ట్రైబ ల్‌ వెల్ఫేర్‌ రెసిడెన్షియల్‌లో 98.99 శాతం, జెడ్పీలో 95.02 శాతం ఉత్తీర్ణత సాధించారు. డీఈవో కార్యాలయంసంవత్సరం ఉత్తీర్ణత శాతం జిల్లా స్థానం 2022-23 88.68 19 2023-24 92.23 172024-25 97.40 92025-26 96.90 21మెరుగైన ఫలితాల సాధనకు చర్యలు జిల్లాలో ఈసారి ఫలితాల్లో కొంత వెనుకబడ్డాం. వచ్చే విద్యా సంవత్సరంలో మెరుగైన ఫలితాలు సాధించేలా ముందు నుంచే ప్రత్యేక దృష్టి సారిస్తాం. కేజీబీబీవీలతో పాటు ప్రభుత్వ యాజమాన్య పాఠశాలల్లో మంచి ఫలితాలు సాధించాం. ఫెయిల్‌ అయిన విద్యార్థులు సప్లిమెంటరీ పరీక్షల్లో వందశాతం ఉత్తీర్ణత సాధించేలా ప్రత్యేక శ్రద్ధ వహిస్తాం. – ఎస్‌.రాజేశ్వర్‌, అదనపు కలెక్టర్‌, ఇన్‌చార్జి డీఈవో జూన్‌ 5 నుంచి సప్లిమెంటరీ..పరీక్షల్లో ఫెయిల్‌ అయిన విద్యార్థుల కోసం జూన్‌ 5 నుంచి 12 వరకు అడ్వాన్స్‌డ్‌ సప్లమెంటరీ పరీక్షలు నిర్వహించనున్నారు. ఉదయం 9.30 నుంచి మధ్యాహ్నం 12.30 గంటల వరకు పరీక్ష ఉంటుంది. ఈ నెల 30 నుంచి మే 14 వరకు ఫీజు చెల్లించేందుకు గడువు ఉంది. మే 15 వరకు ప్రధానోపాధ్యాయులు ఎన్‌ఆర్‌లను ఆన్‌లైన్‌ ద్వారా డీఈవో కార్యాలయంలో సమర్పించాలి.

బోథ్‌: రైతులు పంట దిగుబడులను దళారులకు విక్రయించి నష్టపోవద్దని ఎమ్మెల్యే అనిల్‌ జాదవ్‌ అన్నారు. మండల కేంద్రంలో ఏర్పాటు చేసిన మొక్కజొన్న కొనుగోలు కేంద్రాన్ని బుధవారం ఆయన ప్రారంభించి మాట్లాడారు. కొనుగోలు కేంద్రంలోనే మద్దతు ధర లభిస్తుందని, రైతులు సద్వినియోగం చేసుకోవాలని కోరారు. కార్యక్రమంలో స్థానిక ప్రజా ప్రతినిధులు, నాయకులు, కార్యకర్తలు, రైతులు పాల్గొన్నారు. ధార్మిక కార్యక్రమాలు సంప్రదాయాలకు ప్రతీక నేరడిగొండ: ధార్మిక కార్యక్రమాలు సంప్రదాయాలకు ప్రతీకగా నిలుస్తాయని ఎమ్మెల్యే అనిల్‌ జాదవ్‌ అన్నారు. మండలంలోని సేవాదాస్‌నగర్‌లో బుధవారం నిర్వహించిన జగదాంబదేవి విగ్రహ ప్రతిష్టాపన మహోత్సవ కార్యక్రమానికి ఆయన హాజరై ప్రత్యేక పూజలు నిర్వహించారు. ఇందులో మాజీ ఎంపీపీ రాథోడ్‌ సజన్‌, సర్పంచ్‌ వినేశ్‌, నాయకులు రవీందర్‌ రెడ్డి, పవన్‌, ప్రతాప్‌ సింగ్‌, కార్యకర్తలు, గ్రామస్తులు పాల్గొన్నారు. అంగన్‌వాడీ సిబ్బందికి మొబైల్‌ ఫోన్లు పంపిణీ రాష్ట్ర ప్రభుత్వం అంగన్‌వాడీ సిబ్బందికి 5జీ మొబై ల్‌ ఫోన్లను ఇటీవల మంజూరు చేసింది. ఈమేరకు గుడిహత్నూర్‌ మండల అంగన్‌వాడీ టీచర్లు, సూపర్‌వైజర్లకు మండల కేంద్రంలోని తన నివాసంలో ఎమ్మెల్యే అనిల్‌ జాదవ్‌ బుధవారం పంపిణీ చేశా రు. కార్యక్రమంలో సీడీపీవో సౌందర్య, సూపర్‌వైజ ర్‌ జయశ్రీ, అంగన్‌వాడీ టీచర్లు, సిబ్బంది తది తరులు పాల్గొన్నారు.

తాంసి: పంట విక్రయించేందుకు యార్డుకు వచ్చిన రైతులకు ఎలాంటి ఇబ్బందులు లేకుండా చూడాలని అదనపు కలెక్టర్‌ చిత్రు అన్నారు. మండల కేంద్రంలోని సబ్‌మార్కెట్‌ యార్డులో చేపడుతున్న మొక్కజొన్న కొనుగోళ్లను బుధవారం ఆయన పరిశీలించారు. రైతులతో మా ట్లాడి సమస్యలు అడిగి తెలుసుకున్నారు. తా గునీరు, నీడ వసతి కల్పించాలని, ప్రతీ రైతు పంటను పూర్తిస్థాయిలో కొనుగోలు చేయాలని అధికారులను ఆదేశించారు. ఆయన వెంట సీఈవో శ్రీనివాస్‌, రాంరెడ్డి, దత్తు, సొసైటీ కా ర్యదర్శులు సుధాకర్‌, సిద్ధాంత్‌, ఇంతియాజ్‌, అఖిల్‌ తదితరులున్నారు.

కై లాస్‌నగర్‌: కేంద్రం నుంచి మరిన్ని నిధులు తీసుకువచ్చి ఆదిలాబాద్‌ పట్టణాభివృద్ధికి తనవంతు సహకారం అందిస్తానని ఎంపీ గోడం నగేశ్‌ అన్నారు. మున్సిపల్‌ కార్యాలయ సమావేశ మందిరంలో చైర్‌పర్సన్‌ బండారి అనూష అధ్యక్షతన బుధవారం నిర్వహించిన కౌన్సిల్‌ సర్వసభ్య సమావేశానికి ఆయన తొలిసారిగా హాజరయ్యారు. పట్టాణాభివృద్ధిలో ఆయా శాఖల ద్వారా చేపడుతున్న కార్యక్రమాలు, నిధుల వివరాలు అడిగి తెలుసుకున్నారు. కేంద్ర ప్రభుత్వ నిధుల వినియోగంపై ఆరా తీశారు. ఇబ్బందులు తలెత్తకుండా పనులు పూర్తి చేయాలని సూచించారు. ఈ సందర్భంగా ఎంపీ మాట్లాడుతూ, మున్సిపాలిటీని ఆదర్శంగా తీర్చిదిద్దేందుకు తన వంతు కృషి చేస్తానన్నారు. కేంద్రం నుంచి అదనంగా నిధులు తీసుకువస్తానన్నారు. అమృత్‌ పథకంలో వివిధ పనులు కొనసాగుతున్నాయని పేర్కొన్నారు. కేంద్ర ప్రభుత్వం పేదలకు అందిస్తున్న ఉచిత బియ్యాన్ని సద్వినియోగం చేసుకోవాలని కోరారు. బల్దియాకు సొంత గ్యారేజ్‌ .. మున్సిపల్‌ వాహనాల మరమ్మతులు, సర్వీసింగ్‌, వాటర్‌ వాషింగ్‌ పనులను సొంతంగా నిర్వహించేలా రూ.50 లక్షలతో ఏర్పాటు చేయనున్న సొంత గ్యారేజ్‌కు కౌన్సిల్‌ ఏకగ్రీవంగా ఆమోదం తెలిపింది. అలాగే అన్ని కమ్యూనిటీల శ్మశానవాటికల్లో మౌలిక సదుపాయాల కల్పనకు నిధులు కేటాయించింది. నీటి సరఫరా మోటర్ల మరమ్మతు, వీధి దీపాలు, కాంట్రాక్ట్‌ వర్కర్స్‌ వేతనాల కోసం నిధులు కేటాయిస్తూ కౌన్సిల్‌ ఆమోదించింది. 16 అంశాల ఎజెండాతో సమావేశం నిర్వహించగా వినాయక్‌ చౌక్‌, ఓల్డ్‌ బస్టాండ్‌ ప్రాంతంలోని వీధి వ్యాపారుల దుకాణాల అద్దె పెంపును వాయిదా వేయగా.. మిగతా అన్ని అంశాలకు కౌన్సిల్‌ పచ్చజెండా ఊపింది. సమావేశానికి మున్సిపల్‌ అధికారులతో పాటు హౌసింగ్‌, రెవెన్యూ, డీఆర్డీఏ, విద్యుత్‌శాఖల అధికారులు తొలిసారిగా హాజరయ్యారు. సమావేశంలో కమిషనర్‌ జి.రాజు, ఎంఈ అరుణ్‌కుమార్‌ తదితరులు పాల్గొన్నారు.

వై.రామవరం: ఏజన్సీలో జీడిపిక్కలను గిరిజన రైతుల వద్ద ప్రభుత్వమే కొనుగోలు చేయాలని ఆదివాసీ గిరిజన చైతన్య వేదిక సంక్షేమ సంఘం జిల్లా అధ్యక్షులు వెదుళ్ల లచ్చిరెడ్డి ప్రభుత్వాన్ని డిమాండ్‌ చేశారు. ఈ సందర్భంగా బుధవారం వై.రామవరం మండలం సింహాద్రిపాలెం గ్రామంలో గిరిజన జీడి మామిడి రైతులతో బుధవారం సమావేశం నిర్వహించారు. ఆయన మాట్లాడుతూ ఏజన్సీలో కొందరు దళారులు జీడిపిక్కల కంపెనీ యాజమాన్యాలతో కుమ్మకై ్క జీడి పిక్కలకు వైరస్‌ వచ్చిందని వంకలు పెడుతూ గిట్టుబాటు ధర కల్పించకుండా మోసగిస్తున్నారని ఆరోపించారు. ఒక సింహాద్రిపాలెం గ్రామంలోనే రైతుల వద్ద సుమారు 4 వందల బస్తాలు జీడిపిక్క నిల్వలు ఉండిపోయాయన్నారు. గతంలో కేజీ రూ.150కు కొనుగోలు చేసి, ప్రస్తుతం రూ.వందకు కూడా కొనుగోలుకు ముందుకు రావడం లేదని ఆయన ఆవేదన వ్యక్తం చేశారు. అంతే కాకుండా ఈ దళారులంతా సిండికేట్‌గా ఏర్పడి గిరి రైతులను మోసగిస్తున్నారని అన్నారు. ప్రభుత్వం స్పందించి రైతు భరోసా కేంద్రాల ద్వారా ధాన్యం కొనుగోలు చేసినట్లే, జీడిపిక్కలు కూడా కొనుగోలు చేసి ఇక్కడి రైతులను ఆదుకోవాలని కోరారు. అలాగే తమ సంఘం రైతులకు అండగా ఉండి పోరాడుతుందని భరోస ఇచ్చారు. ఈ మేరకు గురువారం జిల్లా కలెక్టర్‌ను కలసి విన్నవించనున్నట్లు లచ్చిరెడ్డి తెలిపారు. గిరిజన రైతులను మోసగిస్తున్న దళారుల ఆగడాలకు అడ్డుకట్ట వేసి, వారిపై తగిన చర్యలు తీసుకోవాలని కోరారు. ఈ కార్యక్రమంలో ఆదివాసీ గిరిజన చైతన్య వేదిక సంక్షేమ సంఘం జిల్లా కార్యదర్శి మడిగొంట వెంకటేశ్వర్లు, మండల అధ్యక్షుడు పుడిగి లక్ష్మణరావు, మాజీ సర్పంచ్‌లు వేట్ల జోగిరెడ్డి, వేట్ల సన్యాసిరెడ్డి జీడిమామిడి రైతులు పాల్గొన్నారు. ప్రభుత్వమే కొనుగోలు చేయాలి గిరిజనులు సేకరించిన జీడిపిక్కలను ప్రభుత్వమే కొనుగోలు చేయాలి. సిండికేటుగా మారి రైతులను మోసం చేస్తున్న దళారులపై అధికారులు చర్యలు తీసుకోవాలి. దళారుల ఆగడాలతో పేరుకుపోతున్న నిల్వలు వైరస్‌ వచ్చిందని దుష్ప్రచారం చేస్తూ గిట్టుబాటు ధరకు ఎసరు ఆదివాసీ గిరిజన చైతన్య వేదిక జిల్లా అధ్యక్షుడు లచ్చిరెడ్డి