● రాష్ట్ర పంచాయతీరాజ్‌ శాఖ మంత్రి ధనసరి సీతక్క ములుగు : బీఆర్‌ఎస్‌, బీజేపీ నాయకులు ప్రజాప్రభుత్వంపై తప్పుడు ఆరోపణలు చేస్తూ చిల్లర రాజకీయాలకు పాల్పడుతున్నారని రాష్ట్ర పంచాయతీరాజ్‌ శాఖ మంత్రి ధనసరి సీతక్క మండిపడ్డారు. శుక్రవారం జిల్లా కేంద్రంలోనీ ఎమ్మెల్యే క్యాంపు కార్యాలయంలో కాంగ్రెస్‌ నాయకులతో కలిసి నిర్వహించిన విలేకరుల సమావేశంలో మాట్లాడారు. పదేళ్లలో బీఆర్‌ఎస్‌ చేయలేని అభివృద్ధిని ప్రజా ప్రభుత్వం చేస్తుండడాన్ని చూసి ఓర్వలేక విమర్శలు చేస్తున్నారన్నారు. కాంగ్రెస్‌ నాయకులపై కేటీఆర్‌ విమర్శలు చేసే ముందు తన పార్టీ నేతల రాజకీయ నేపథ్యాన్ని చూసుకోవాలని సూచించారు. దళిత ముఖ్యమంత్రి, ప్రతీ దళిత కుటుంబానికి మూడెకరాల భూమి వంటి హామీలను గతంలో బీఆర్‌ఎస్‌ ఇచ్చి నెరవేర్చలేదని విమర్శించారు. రాజకీయాలు మానుకుని హుందాగా కేంద్రం నుంచి రాష్ట్రానికి రావాల్సి న నిధులు విడుదల చేయించడంలో బీజేపీ నాయకులు చిత్తశుద్ధి చూపాలని డిమాండ్‌ చేశారు. బీఆర్‌ఎస్‌, బీజేపీ నాయకులు హుందాగా వ్యవహరించాలని, లేనిపక్షంలో ప్రజల చేతిలో మరోసారి గుణపాఠం తప్పదని హెచ్చరించారు. కార్యక్రమంలో గ్రంథాలయ సంస్థ చైర్మన్‌ బానోత్‌ రవిచందర్‌, నాయకులు గొల్లపల్లి రాజేందర్‌ గౌడ్‌, పల్లె జయపాల్‌ రెడ్డి, ముసినపల్లి కుమార్‌ తదితరులు పాల్గొన్నారు. రూ.5.37 లక్షల విలువైన గంజాయి పట్టివేత ● ఇద్దరు యువకుల అరెస్ట్‌ ● వివరాలు వెల్లడించిన పోలీసులు స్టేషన్‌ఘన్‌పూర్‌: ఘన్‌పూర్‌ శివారు కొత్తపల్లి క్రాస్‌రోడ్డు వద్ద రూ.5, 37, 500 విలువైన గంజాయి పట్టుకుని ఇద్దరి యువకులను అరెస్ట్‌ చేసినట్లు స్టేషన్‌ఘన్‌పూర్‌ సీఐ ఎస్‌.శ్రీనివాస్‌, ఎస్సై పిట్ట రాజేశ్‌ తెలిపారు. వారి వివరాల ప్రకారం.. బైక్‌పై హనుమకొండ నుంచి స్టేషన్‌ఘన్‌పూర్‌ మీదుగా హైదరాబాద్‌కు గంజాయి తరలిస్తున్నారనే విశ్వసనీయ సమాచారం మేరకు కొత్తపల్లి క్రాస్‌రోడ్డు వద్ద ఎస్సై రాజేశ్‌ ఆధ్వర్యంలో శుక్రవారం సాయంత్రం వాహనాల తనిఖీ చేపట్టారు. ఈ సమయంలో బైక్‌పై ఇద్దరు యువకులు అనుమానాస్పదంగా వెళ్తుండగా వారిని ఆపి తనిఖీ చేశారు. వారి వద్ద ఉన్న బ్యాగులో 10 కిలోల 750 గ్రాముల ఎండు గంజాయి లభించింది. దీంతో అదుపులోకి తీసుకుని విచారించారు. ఒడిశాకు చెందిన మనోజ్‌మడి, మడకం ముకేశ్‌ తమ స్నేహితుడు జోగ భీమ మడకాని వద్ద గంజాయి తీసుకుని వెళ్తున్నట్లు ఒప్పుకున్నారు. దీంతో నిందితులను అరెస్ట్‌ చేసి వారి వద్ద నుంచి గంజాయితో పాటు బైక్‌, ఫోన్‌ను స్వాధీనం చేసుకున్నట్లు సీఐ, ఎస్సై తెలిపారు.

● మృతుడు ఏపీ నెల్లూరు జిల్లావాసి నెక్కొండ: ఎదురుగా వస్తున్న బైక్‌ను లారీ ఢీకొన్న ఘటనలో ఒకరు దుర్మరణం చెందారు. ఈ ఘటన వరంగల్‌ జిల్లా నెక్కొండ–వరంగల్‌ ప్రధాన రహదారిలో శుక్రవారం రాత్రి చోటుకుంది. ఏఎస్సై రవి తెలిపిన వివరాల ప్రకారం.. ఆంధ్రప్రదేశ్‌ రాష్ట్రం నెల్లూరు జిల్లా సీతారామపురం మండలం బసినేనిపల్లి గ్రామానికి చెందిన షేక్‌ మస్తాన్‌ (50) వరంగల్‌ జిల్లా నెక్కొండ మండలం సాయిరెడ్డిపల్లిలో తాపీమేసీ్త్రగా పనిచేస్తున్నాడు. మస్తాన్‌ నెక్కొండ నుంచి బైక్‌పై వస్తుండగా మార్గమధ్యలోని క్రషర్‌ మిల్లు వద్ద లారీ అదుపుతప్పి బైక్‌ను ఢీకొంది. ఈ ప్రమాదంలో మస్తాన్‌ తలకు తీవ్ర గాయమై అక్కడికక్కడే మృతిచెందాడు. పంచనామా నిర్వహించిన అనంతరం మృతదేహాన్ని పోస్టుమార్టం నిమిత్తం నర్సంపేట ప్రభుత్వ ఆస్పత్రికి తరలించామని ఏఎస్సై తెలిపారు. కేసు నమోదు చేసుకుని దర్యాప్తు చేస్తున్నామని చెప్పారు. మృతుడికి భార్య మస్తానమ్మ, ఇద్దరు కుమారులు ఉన్నారు.

కేఎంసీలో సీటు సాధించిన వేదశ్రీ.. దుగ్గొండి: వరంగల్‌ జిల్లా దుగ్గొండి మండలం తిమ్మంపేట గ్రామానికి చెందిన ఈదుల వీరస్వామి, పద్మ దంపతుల కూతురు వేదశ్రీ నీట్‌లో 469 మార్కులు సాధించి వరంగల్‌ కాకతీయ మెడికల్‌ కాలేజీలో సీటు సాధించింది. ఎస్సీ కాలనీలో తొలిసారి మెడిసిన్‌ సీటు సాధించిన విద్యార్థినిగా వేదశ్రీ నిలిచింది. ఈమేరకు వేదశ్రీని సర్పంచ్‌ మోడెం శ్రీలతామల్లేశం, గ్రామస్తులు అభినందించారు. కాగా, వేదశ్రీ టెన్త్‌ వరకు ప్రభుత్వ పాఠశాలలో చదివింది.

ఖిలా వరంగల్‌: ముఖ్యమంత్రి రేవంత్‌రెడ్డిని కించపరిచేలా ఏఐ సాంకేతికతతో రూపొందించిన చిత్రాన్ని ఎక్స్‌ (ట్విటర్‌) వేదికగా సోషల్‌ మీడియాలో పోస్టు చేశారంటూ బీఆర్‌ఎస్‌ సోషల్‌ మీడియా ఇన్‌చార్జ్‌ మహమ్మద్‌ బాబు అలియాస్‌ బాబు మియాపై గురువారం రాత్రి కాంగ్రెస్‌ మైనార్టీ నాయకుడు మహ్మద్‌ కమాలుద్దీన్‌ మిల్స్‌కాలనీ పోలీస్‌ స్టేషన్‌లో ఫిర్యాదు చేశారు. ఈమేరకు నిందితుడిపై 196,353(2),356 బీఎన్‌ఎస్‌ కింద కేసు నమోదు చేసినట్లు ఇన్‌స్పెక్టర్‌ స్వామి తెలిపారు. శుక్రవారం నిందితుడిని అరెస్ట్‌ చేసి కోర్టులో హాజరు పర్చగా..రిమాండ్‌కు తరలించకుండా పర్సనల్‌ బెయిల్‌పై నిందితుడిని విడుదల చేసినట్లు ఇన్‌స్పెక్టర్‌ తెలిపారు. విడుదల చేయాలని ధర్నా.. తమ పార్టీ కార్యకర్తపై అక్రమ కేసులు బనాయించారని ఆరోపిస్తూ శుక్రవారం మధ్యాహ్నం మిల్స్‌కాలనీ పోలీస్‌ స్టేషన్‌ ఎదుట బీఆర్‌ఎస్‌ మాజీ ఎమ్మెల్యే నన్నపునేని నరేందర్‌, కార్యకర్తలు బైఠాయించారు. ప్రజాస్వామ్యంలో ప్రభుత్వ విధానాలను సోషల్‌ మీడియా ద్వారా ప్రశ్నించడం, ప్రజాసమస్యలను ప్రస్తావించడం ప్రతీ ఒక్కరి హక్కు అని పేర్కొన్నారు. వెంటనే విడుదల చేయాలని డిమాండ్‌ చేశారు. బీఆర్‌ఎస్‌ కార్యకర్తపై కేసు.. అరెస్ట్‌

● మాజీ ఎమ్మెల్యే అరూరి రమేష్‌ వర్ధన్నపేట: కాంగ్రెస్‌ ప్రభుత్వం వెయ్యి రోజుల పాలన పూర్తిగా విఫలమైందని వర్ధన్నపేట మాజీ ఎమ్మెల్యే అరూరి రమేష్‌ విమర్శించారు. వెయ్యి రోజుల పాలన వైఫల్యంపై బీఆర్‌ఎస్‌ చేపట్టిన పోరుబాటలో భాగంగా మూడోరోజు శుక్రవారం అరూరి రమేష్‌ ఆధ్వర్యంలో స్థానిక మార్కెట్‌ ఆవరణలో వంటావార్పుతో నిరసన చేపట్టారు. అనంతరం పేదలకు అన్నదానం చేశారు. ఈ సందర్భంగా ఆయన మాట్లాడుతూ రేవంత్‌ ప్రభుత్వం మహిళలకు ఇచ్చిన గ్యారెంటీలను విస్మరించి మోసం చేసిందన్నారు. అన్ని వర్గాలను మోసం చేసిన ఈ కాంగ్రెస్‌ ప్రభుత్వాన్ని రానున్న రోజుల్లో బొందపెట్టడం ఖాయమన్నారు. కార్యక్రమంలో నాయకులు, కార్యకర్తలు పాల్గొన్నారు.

కాజీపేట రూరల్‌ : కాజీపేట–బల్హార్షా సెక్షన్ల మధ్య గల జమ్మికుంట, పొత్కపల్లి రైల్వే స్టేషన్ల మధ్య ఆటోమెటిక్‌ బ్లాక్‌ సిగ్నలింగ్‌ కమిషనింగ్‌ కోసం చేపట్టే నాన్‌ ఇంటర్‌లాకింగ్‌ వర్క్స్‌తో ఈనెల 9, 10వ తేదీన పలు రైళ్ల రద్దు, పాక్షికంగా రద్దు, రీషెడ్యూలింగ్‌, రెగ్యులేషన్‌ చేస్తున్నట్లు దక్షిణ మధ్య రైల్వే సీపీఆర్వోశ్రీధర్‌ శుక్రవారం తెలిపారు. 10న రద్దయిన రైళ్లు.. ఈ నెల 10వ తేదీన కాజీపేట–సిర్పూర్‌కాగజ్‌నగర్‌ (17003) రైలు, బల్హార్షా–కాజీపేట (17004) రైలును రద్దు చేశారు. పాక్షికంగా రద్దయిన రైళ్లు.. 10వ తేదీన భద్రాచలంరోడ్‌–బల్హార్షా (17033) సింగరేణి వరంగల్‌–బల్హార్షా మధ్య, సిర్పూర్‌టౌన్‌–భద్రాచలంరోడ్‌ (17034) సింగరేణి సిర్పూర్‌టౌన్‌–వరంగల్‌ మధ్య, హైదరాబాద్‌–సిర్పూర్‌కాగజ్‌నగర్‌ (17011) ఇంటర్‌సిటీ కాజీపేట–సిర్పూర్‌కాగజ్‌నగర్‌ మధ్య, సిర్పూర్‌కాగజ్‌నగర్‌–బీదర్‌ (17012) బీదర్‌ ఎక్స్‌ప్రెస్‌ సిర్పూర్‌కాగజ్‌నగర్‌–కాజీపేట మధ్య రద్దు చేశారు. రీషెడ్యూలింగ్‌ ఆఫ్‌ ట్రైన్స్‌.. 10వ తేదీన సికింద్రాబాద్‌–సిర్పూర్‌కాగజ్‌నగర్‌ (17233) ఎక్స్‌ప్రెస్‌ గంట, సిర్పూర్‌ టౌన్‌–కరీంనగర్‌ (6777) పుష్‌పుల్‌ గంట, కరీంనగర్‌–బోధన్‌ (67773) పుష్‌పుల్‌ గంట రీషెడ్యూలింగ్‌తో నడవనున్నాయి. రెగ్యులేషన్‌ ఆఫ్‌ ట్రైన్స్‌.. ఈ నెల 9వ తేదీన వరంగల్‌ మీదుగా వెళ్లే దానాపూర్‌–ఎస్‌ఎంవీటీ బెంగళూరు (22365) ఎక్స్‌ప్రెస్‌ 75 నిమిషాలు, ఎస్‌ఎంవీటీ బెంగళూరు–దానాపూర్‌ (22366) ఎక్స్‌ప్రెస్‌ 45 నిమిషాలు, న్యూఢిల్లీ–చైన్నె సెంట్రల్‌ (12622) ఎక్స్‌ప్రెస్‌ 30 నిమిషాలు, ఈ నెల 10న చైన్నె సెంట్రల్‌–ఎంఎంవీడీ కాట్రా (160 31) ఎక్స్‌ప్రెస్‌ 30 నిమిషాలు రెగ్యులేషన్‌ చేశారు. రెండు రైళ్లు రద్దు, నాలుగు పాక్షికంగా.. ఈ నెల 9, 10వ తేదీల్లో చేపట్టనున్న రైల్వే బ్లాక్‌

ఖిలా వరంగల్‌ : మామునూరు గ్రామానికి చెందిన డాక్టర్‌ రేగూరి బుచ్చిరెడ్డి కుమారుడు వినయ్‌కుమార్‌ రెడ్డి కై లాస యాత్ర అనంతరం నేపాల్‌–టిబెట్‌ సరిహద్దులో గల్లంతయ్యాడు. మానస సరోవర్‌, కై లాస పర్వత యాత్రను పూర్తి చేసుకుని ఆగస్టు 26న నేపాల్‌కు తిరిగి వస్తున్న క్రమంలో ఈ ఘటన చోటు చేసుకున్నట్లు కుటుంబ సభ్యులు తెలిపారు. ఇమ్మిగ్రేషన్‌ పక్రియలో ఉన్న సమయంలో వెనుక నుంచి అకస్మాత్తుగా భారీగా బురదతో కూడిన వరద దూసుకురావడంతో ఆయన గల్లంతయ్యాడు. నేపాల్‌లోని రసువా ప్రాంతంలో ఆగస్టు 26న సంభవించిన భారీ వరదల నేపథ్యంలో పలు వురు విదేశీయులు గల్లంతయ్యారు. ఈఘటనకు సంబంధించి విడుదలైన గల్లంతైన వారి జాబితాలో రేగూరి వినయ్‌కుమార్‌రెడ్డి పేరు కూడా నమోదైంది. అధికారిక వివరాల ప్రకారం ఆయన వయసు 44 ఏళ్లు కాగా కెనడా పౌరుడిగా పేర్కొన్నారు. చివరిసారిగా తల్లిదండ్రులతో మాటలు.. కై లాస పర్వత యాత్రలో ఉన్న వినయ్‌కుమార్‌ రెడ్డి ఆగస్టు 24న తన తల్లిదండ్రులతో చివరి సారి మాట్లాడినట్లు కుటుంబీకులు తెలిపారు. కై లాస పర్వతానికి ఉత్తర, దక్షిణ వైపులను చూపిస్తూ వారితో మాట్లాడినట్లు చెప్పారు. ఆతర్వాత ఆయన నుంచి ఎలాంటి సమాచారం లేకపోవంతో కుటంబంలో ఆందోళన నెలకొంది. కెనడాలో నివసిస్తున్న వినయ్‌కుమార్‌ రెడ్డి.. ఇషా ఫౌండేషన్‌కు చెందిన ఎస్‌–3 బృందంతో కై లాస యాత్రకు వెళ్లాడు. యాత్ర పూర్తి చేసుకుని తిరుగు ప్రయాణంలో ప్రకృతి విపత్తు వినయ్‌కుమార్‌రెడ్డిని కబలించిందనే సమాచారం శుక్రవారం అందడంతో కుటుంబీకులు కన్నీరుమున్నీరవుతున్నారు. ఆచూకీ కోసం ఎదురుచూపులు.. వరదల్లో గల్లంతైనప్పటి నుంచి వినయ్‌కుమార్‌ రెడ్డి ఆచూకీ లభించలేదు. అతడు క్షేమంగా బయటపడి తిరిగి వస్తారన్న ఆశతో కుటుంబీకులు ఎదురు చేస్తున్నారు. మరో వైపు నేపాల్‌ అధికారులు గల్లంతైన వారిని గుర్తించే ప్రక్రియను కొనసాగిస్తున్నారు. భారీ వరద ఉధృతికి అనేక ప్రాంతాల్లో రాకపోకలు, సమాచార వ్యవస్థలు దెబ్బతినడంతో గాలింపు చర్యలు సవాలుగా మారాయనే సమాచారం తమకు ఆలస్యంగా చేరిందని తల్లిదండ్రులు కన్నీరుమున్నీరవుతూ పేర్కొన్నారు. వినయ్‌ కుమార్‌రెడ్డి కోసం గాలింపు నేపాల్‌–టిబెట్‌ సరిహద్దులో గల్లంతు సొంతూరు మామునూరు.. కెనడాలో సెటిల్‌

నల్లబెల్లి: బంధువు వివాహ వేడుకకు వెళ్లేందుకు సర్వం సిద్ధం చేసుకున్న ఆ ఇంట్లో ఒక్కసారిగా విషాద ఛాయలు అలుముకున్నాయి. బాలిక విద్యుదాఘాతంతో మృతి చెందింది. ఈ ఘటన వరంగల్‌ జిల్లా నల్లబెల్లిలో చోటు చేసుకుంది. ఎస్సై మోడెం సాయి ప్రసన్నకుమార్‌, కుటుంబ సభ్యుల కథనం ప్రకారం.. మండల కేంద్రానికి చెందిన పిట్టల రమేశ్‌, రజిత దంపతుల చిన్న కూతురు సిరివెన్నెల (14) స్థానిక ఉన్నత పాఠశాలలో 9వ తరగతి చదువుతోంది. కుటుంబ సభ్యులందరూ కలిసి బంధువు వివాహ వేడుకకు హాజరయ్యేందుకు శుక్రవారం ఉదయం అన్ని ఏర్పాట్లు చేసుకున్నారు. ఈ క్రమంలో త్వరగా స్నానం చేయాలని తల్లిదండ్రులు సూచించగా వెళ్లిన సిరివెన్నెల కరెంట్‌ మోటార్‌ స్విచ్‌ ఆన్‌ చేసే క్రమంలో విద్యుత్‌ షాక్‌కు గురై కిందపడిపోయింది. గమనించిన కుటుంబీకులు వెంటనే 108లో నర్సంపేట ప్రభుత్వ ఆస్పత్రికి తరలించగా అప్పటికే చనిపోయినట్లు వైద్యులు నిర్ధారించారు. దీంతో తల్లిదండ్రుల రోదనలు మిన్నంటాయి. పెళ్లిలో కుటుంబ సభ్యులతో సంతోషంగా గడపాల్సిన ఆ ఇంట తీరని శోకం నిండింది. సమాచారం తెలుసుకున్న ఎస్సై సాయి ప్రన్న కుమార్‌ వెంటనే ఘటనాస్థలికి చేరుకుని వివరాలు సేకరించారు. మృతురాలి తండ్రి రమేశ్‌ ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఎస్సై తెలిపారు.విద్యుత్‌షాక్‌ తగిలి బాలిక మృతి ● నల్లబెల్లిలో ఘటన

ఎంబీబీఎస్‌ సీటు సాధించిన నల్ల శ్వేతలింగాలఘణపురం: జనగామ జిల్లా లింగాలఘణపురం మండలం జీడికల్‌ గ్రామానికి చెందిన నల్ల శ్వేత నీట్‌లో ర్యాంకు సాధించి వరంగల్‌ కాకతీయ మెడికల్‌ కాలేజీలో ఎంబీబీఎస్‌ సీటు సాధించింది. మంజుల, భిక్షపతి దంపతులకు కూతురు శ్వేత, కుమారులు చందు, శ్రావణ్‌ ఉన్నారు. శ్వేత గ్రామంలోని ప్రభుత్వ పాఠశాలలోనే చదివింది. 2020లో పదో తరగతి పూర్తి చేసింది. ఆ తర్వాత 2022లో జఫర్‌గఢ్‌ బాలికల రెసిడెన్షియల్‌ కళాశాలలో ఇంటర్మీడియట్‌ పూర్తి చేసి లాంగ్‌టర్మ్‌ కోచింగ్‌ తీసుకుంది. 2025–2026లో నీట్‌ పరీక్షలో ర్యాంకు సాధించి కేఎంసీలో ఎంబీబీఎస్‌ సీటు సాధించింది. దీనిపై తల్లిదండ్రులతోపాటు గ్రామస్తులు శ్వేతను అభినందించారు.

జనగామ: రాష్ట్రాన్ని దొంగల మాదిరి దోపిడీ చేస్తూ ప్రజాపాలన అని చెప్పుకోవడానికి కాంగ్రెస్‌ ప్రభుత్వానికి సిగ్గు లేదా అని మాజీమంత్రి, బీఆర్‌ఎస్‌ పార్టీ డిప్యూటీ ఫ్లోర్‌ లీడర్‌ తలసాని శ్రీనివాస్‌ యాదవ్‌ ప్రశ్నించారు. ఈ మేరకు శుక్రవారం జిల్లా కేంద్రంలోని క్యాంపు కార్యాలయంలో ఎమ్మెల్యే పల్లా రాజేశ్వర్‌రెడ్డి అధ్యక్షతన జరిగిన సమావేశంలో పాల్గొని మాట్లాడారు. ఆచరణ సాధ్యం కాని అనేక హామీలిచ్చి అధికారంలోకి వచ్చి వెయ్యి రోజులైనా అమలు చేయకుండా ప్రజలను మోసం చేశారని మండిపడ్డారు. రాష్ట్ర ఏర్పాటుకు ముందు నీళ్లు, విద్యుత్‌ కోసం ప్రజలు అల్లాడిపోయారని, కానీ కేసీఆర్‌ ప్రభుత్వం వచ్చాక 24 గంటల విద్యుత్‌ సరఫరా, చెరువుల అభివృద్ధి, సాగునీటి ప్రాజెక్ట్‌ నిర్మాణంతో ధాన్యం ఉత్పత్తిలో తెలంగాణ మొదటి స్థానంలో నిలిచిందన్నారు. కానీ కాంగ్రెస్‌ ప్రభుత్వం వచ్చిన తర్వాత విద్యుత్‌, నీటి సమస్యలు ఎందుకు వచ్చాయో చెప్పాలని డిమాండ్‌ చేశారు. అన్నదాతలకు రైతుబంధు, రైతుబీమా లాంటి పథకాలు అందించి అండగా నిలిచామని చెప్పారు. వారసత్వంగా వచ్చిన, పేదల ఇళ్లు, భూములను 22 ఏ పరిధిలోకి తీసుకొచ్చే అధికారం ఎవరు ఇచ్చారని ప్రశ్నించారు. ప్రజలు కూడా కాంగ్రెస్‌ పాలనతో విసిగిపోయారని, ఎప్పుడు ఎన్నికలు వస్తాయా అని ఎదురుచూస్తున్నారన్నారు. కాంగ్రెస్‌కు బుద్ధి చెప్పడానికి సిద్ధంగా ఉన్నారన్నారు. పాలిటెక్నిక్‌ కళాశాలలకు సంబంధించిన జీఓ నంబర్‌ 97ను ఈ నెల 7లోగా రద్దు చేయకపోతే లక్ష మంది విద్యార్థులతో అసెంబ్లీని ముట్టడిస్తామని హెచ్చరించారు. ప్రభుత్వం ఏర్పాటుచేసిన ఉన్నతస్థాయి కమిటీ సంబంధిత వర్గాలతో చర్చించి జీఓ రద్దుకు సిఫారసులు చేయాలన్నారు. టీఆర్‌ఎస్‌వీ రాష్ట్ర అధ్యక్షుడు గెల్లు శ్రీనివాస్‌, గొర్రెలు, మేకల కార్పొరేషన్‌ మాజీ చైర్మన్‌ దూదిమెట్ల బాలరాజు యాదవ్‌, గాడిపెల్లి ప్రేమలతారెడ్డి, పెద్దిరాజిరెడ్డి, గద్దల నర్సింగారావు, ధర్మపురి శ్రీనివాస్‌, కొమ్ము రాజు, తిరుమలరెడ్డి, గునిగంటి రామకృష్ణ, ఉల్లెంగుల సందీప్‌, రేఖరాజు, నీల యాదగిరి, సేవెల్లి మధు, సుధాకర్‌, ఎనగందుల కృష్ణ, సువార్త, గోపగోని సుగుణాకర్‌ గౌడ్‌, ఉల్లెంగుల నర్సింగ్‌, సంపత్‌, దేవర రాజు, బొల్లం శారత, జాయ మల్లేశం తదితరులు పాల్గొన్నారు. మాజీ మంత్రి తలసాని శ్రీనివాస్‌ యాదవ్‌

హన్మకొండ : రాష్ట్రంలో రేవంత్‌రెడ్డి నేతృత్వంలో విశ్వాసఘాతుక ప్రభుత్వ పాలన సాగుతోందని శాసన మండలి ప్రతిపక్ష నేత సిరికొండ మధుసూదనాచారి దుయ్యబట్టారు. శుక్రవారం హనుమకొండ బాలసముద్రంలోని బీఆర్‌ఎస్‌ కార్యాలయంలో ఏర్పాటు చేసిన విలేకరుల సమావేశంలో ఆయన మాట్లాడారు. వంద రోజుల్లో హామీలు అమలు చేస్తామని చెప్పి వెయ్యి రోజులైనా నెరవేర్చకుండా సంబురాలు జరుపుకోవడం సిగ్గుచేటన్నారు. పెన్షన్‌ రూ.4 వేలకు పెంపు, మహిళలకు నెలకు రూ.2,500, కౌలు రైతులకు ఎకరాకు రూ.15 వేలు, వ్యవసాయ కూలీలకు రూ.12 వేలు, నియోజకవర్గానికి 3,500 ఇళ్లు, విద్యార్థులకు రూ.5 లక్షల విద్యా భరోసా కార్డు, రెండు లక్షల ప్రభుత్వ ఉద్యోగాలు, జాబ్‌ క్యాలెండర్‌, నిరుద్యోగ భృతి వంటి హామీలు ఏమయ్యాయని ప్రశ్నించారు. ప్రభుత్వాన్ని ప్రశ్నించే వారిపై అక్రమ కేసులు పెట్టడం సీఎం వికృత పాలనకు నిదర్శనమన్నారు. మాజీ చీఫ్‌ విప్‌ దాస్యం వినయ్‌ భాస్కర్‌ మాట్లాడుతూ రాష్ట్రంలో రాక్షస పాలన నడుస్తుందన్నారు. అనుమతి తీసుకుని హామీలు అమలు చేయాలని డిమాండ్‌ చేస్తూ నిరసనలు చేపడుతుంటే పోలీసులు అడ్డుకుంటున్నారని మండిపడ్డారు. సమావేశంలో జెడ్పీ మాజీ చైర్మన్‌ సాంబారి సమ్మారావు, ‘కుడా’ మాజీ చైర్మన్‌ మర్రి యాదవరెడ్డి, నాయకులు బొంగు అశోక్‌ యాదవ్‌, నయీమొద్దిన్‌, తాళ్లపల్లి జనార్దన్‌ గౌడ్‌, సల్వాజి రవీందర్‌రావు, తదితరులు పాల్గొన్నారు. సంబురాలు జరుపుకోవడం సిగ్గుచేటు శాసనమండలి ప్రతిపక్ష నేత మధుసూదనాచారి

ఖానాపురం : దివంగత నర్సంపేట మాజీ ఎమ్మెల్యే పెద్ది సుదర్శన్‌రెడ్డి విగ్రహ ఏర్పాటుపై ఉద్రిక్తతలు నెలకొంటూనే ఉన్నాయి. ఇటీవల నర్సంపేటలో గద్దె, విగ్రహాన్ని తొలగించడంతో ఆగ్రహ జ్వాలలు వెల్లువెత్తాయి. ఈ క్రమంలో వరంగల్‌ జిల్లా ఖానాపురం మండలం అశోక్‌నగర్‌లో మరోసారి ఉద్రిక్త పరిస్థితులు చోటుచేసుకున్నాయి. పార్టీ గ్రామ శ్రేణుల వివరాల ప్రకారం.. గ్రామ ప్రధాన రహదారి వెంట బీఆర్‌ఎస్‌ పార్టీకి రెండు గుంటల స్థలం ఉంది. ఇందులో కొంత స్థలంలో పార్టీ కార్యాలయం నిర్మించారు. మిగతా స్థలంలో మాజీ ఎమ్మెల్యే సుదర్శన్‌రెడ్డి విగ్రహం ఏర్పాటు చేయాలని నాయకులు నిర్ణయించారు. దీనికి గతనెల 18న విగ్రహ ఏర్పాటు అనుమతికి గ్రామ పంచాయతీ కార్యాలయంలో దరఖాస్తు చేసుకున్నారు. స్థానిక సర్పంచ్‌ అచ్యుతం విగ్రహ ఏర్పాటుకు అభ్యంతరం తెలపలేదు. జీపీ నుంచి ఎలాంటి అనుమతులు ఇవ్వలేదు. రోడ్డు వెంట ఏర్పాటు చేసుకుంటే వెడల్పులో తొలగించాల్సి వస్తే సహకరించాలని సర్పంచ్‌.. బీఆర్‌ఎస్‌ నాయకులకు సూచించారు. దీంతో ఈనెల 2న నిర్మాణ పనులు ప్రారంభించారు. 3వ తేదీన మధ్యాహ్నం పనులు చేపట్టారు. రాత్రి 10 గంటల వరకు గద్దె నిర్మాణ పనులు కొనసాగాయి. ఈ క్రమంలో అనుమతి లేకుండా గద్దె నిర్మాణం కొనసాగుతుందనే విషయం రాత్రి 11 గంటల సమయంలో ఎంపీడీఓ అద్వైత, నర్సంపేట ఆర్డీఓ ఉమారాణితోపాటు కలెక్టర్‌ సత్యశారద దృష్టికి వెళ్లింది. దీంతో విషయాన్ని సీరియస్‌గా తీసుకున్న కలెక్టర్‌.. వెంటనే గద్దెను తొలగించాలని అధికారులను ఆదేశించారు. దీంతో రాత్రి 11.30 ప్రాంతంలో ఎస్సై రామ్మోహన్‌, చెన్నారావుపేట ఎస్సై రాజేశ్‌రెడ్డి సిబ్బందితో అశోక్‌నగర్‌కు చేరుకుని స్థానిక బీఆర్‌ఎస్‌ నాయకులు ఉపేందర్‌రెడ్డి, నరేశ్‌, సురేశ్‌, వెంకన్నను అదుపులోకి తీసుకుని ఖానాపురం పోలీస్‌స్టేషన్‌కు తరలించారు. అనంతరం జీపీ సిబ్బందితో కలిసి రాత్రి 2 గంటల సమయంలో గద్దెను తొలగించారు. ఈ సమయంలో ఉద్రిక్తత పరిస్థితులు నెలకొనడంతో పాటు బీఆర్‌ఎస్‌ నాయకులు ఆగ్రహం వ్యక్తం చేశారు. గత నెలలో శివాలయం కూల్చివేసిన ఘటనతో రాష్ట్రవ్యాప్తంగా చర్చనీయాంశంగా మారిన అశోక్‌నగర్‌ మరోసారి వార్తల్లో నిలిచింది. ఇదే విషయంపై జీపీ కార్యదర్శి జనార్దన్‌ను వివరణ కోరగా విగ్రహ ఏర్పాటుకు ఎలాంటి అనుమతి ఇవ్వలేదని, కలెక్టర్‌ నుంచి మాత్రమే అనుమతి తీసుకోవాల్సి ఉంటుందని తెలిపారు. నిబంధనలకు విరుద్ధంగా నిర్మాణం చేపడుతుండడంతో ఉన్నతాధికారుల ఆదేశాల మేరకు గద్దెను తొలగించినట్లు తెలిపారు. ఖానాపురం మండలం అశోక్‌నగర్‌లో ఘటన రెండో కూల్చివేతతో బీఆర్‌ఎస్‌ నాయకుల ఆగ్రహం

20ఏళ్లుగా రెండున్నర ఎకరాల్లో మిర్చి పంట సాగు చేస్తున్న. 50 క్వింటాళ్ల వరకు దిగుమతి వస్తుంది. ఎగుమతి ఉన్నప్పుడు ధర మంచిగానే ఉంటుంది. ఎగుమతులు నిలిచిపోతే ధర తగ్గించి కొంటున్నారు. ప్రభుత్వమే ఎగుమతి చేస్తే రైతులకు మంచి రోజులు వస్తాయి. – గుగులోత్‌ కిషన్‌ నాయక్‌, రైతు, ఛాంప్లానాయక్‌ తండా రైతులను ప్రోత్సహించినట్లే..20 ఏళ్లుగా మామిడితోట సాగు చేస్తున్న. కాయలకు కవర్లు పెట్టి సాగు చేస్తున్నాం. ముసుగు మామిడికి ఇతర దేశాల్లో డిమాండ్‌ ఉంది. కానీ ఎగుమతి లేకపోవడంతో ఆశించిన స్థాయిలో లాభాలు రావడం లేదు. ప్రభుత్వం ఎగుమతి చేసే బాధ్యత తీసుకుంటే మామిడి రైతులకు మరింత ప్రోత్సాహం కలుగుతుంది. – మర్రు వేణు, మామిడిరైతు, మల్యాల పసుపు బంగారమే.. మా గ్రామంలో నాతోపాటు మరో 20 మంది రైతులు పసుపు పండిస్తాం. ధర పడిపోవడం, ఎగుమతులు లేకపోవడంతో సాగు తగ్గింది. గతేడాది మంచి ధర వచ్చింది. ఈ ఏడాది కూడా ఐదెకరాల్లో పసుపు సాగు చేశాను. ఎగుమతులు పెంచితే పసుపు పండించడమంటే బంగారం పండించడమే. – కొండ్రెడ్డి ప్రభాకర్‌రెడ్డి, నర్సింహులపేట సాగు పెరుగుతుంది..జిల్లాలో మిర్చి, మామిడి, పసుపు పండించే రైతులు ఎక్కువగా ఉన్నారు. ధరలో హెచ్చు తగ్గులతో ఇబ్బందులు పడి వరి సాగువైపు మొగ్గు చూపుతున్నారు. ఎగుమతుల కేంద్రంగా మహబూబాబాద్‌ను ఎంపిక చేయడంతో మిర్చి, పసుపు, మామిడి సాగు విస్తీర్ణం పెరుగుతుంది. – జిలుగు మరియన్న, జిల్లా ఉద్యానవనశాఖ అధికారి●

ఇనుగుర్తి: రైతులు, నిరుపేదలకు అండగా నిలవడమే ప్రభుత్వ లక్ష్యమని ఎమ్మెల్యే భూక్య మురళీనాయక్‌ అన్నారు. అర్హులైన ప్రతీ ఒక్కరికి నాణ్యమైన సన్నబియ్యం అందించడంతోపాటు ప్రభుత్వ సంక్షేమ పథకాలు పారదర్శకంగా అందేలా చర్యలు తీసుకుంటున్నట్లు తెలిపారు. మండలకేంద్రంలోని రైతువేదికలో శుక్రవారం స్మార్ట్‌ రేషన్‌ కార్డులను ఎమ్మెల్యే లబ్ధిదారులకు పంపిణీ చేశారు.ఈ కార్యక్రమంలో సర్పంచ్‌ తమ్మడపల్లి కుమార్‌, తహసీల్దార్‌ శ్రీనివాసులు, ఎంపీడీఓ పార్థసారథి, దిశా కమి టీ సభ్యులు గుజ్జునూరి బాబురావు, మార్కెట్‌ డైరెక్టర్‌ కొట్టం రాము, పీఏసీఎస్‌ డైరెక్టర్‌ కొట్టం మహేందర్‌ పాల్గొన్నారు. ఇనుగుర్తి కొత్త మండలంగా ఏర్పడినప్పటికీ తాజాగా అందజేసిన స్మార్ట్‌రేషన్‌ కార్డులపై ఇంకా కేసముద్రం, నెల్లికుదురు మండలాల పేర్లు ఉండడంపై లబ్ధిదారులు అసంతృప్తి వ్యక్తం చేస్తున్నారు.నేడు గురు పూజోత్సవంమహబూబాబాద్‌ అర్బన్‌: జిల్లాకేంద్రంలోని కలెక్టర్‌ కార్యాలయం ఐడీఓసీలో నేడు మధ్యాహ్నం 3 గంటలకు గురుపూజోత్సవం వేడుకలను నిర్వహించనున్నట్లు జిల్లా ఏసీజీఈ మందుల శ్రీరాములు శుక్రవారం ఒక ప్రకటనలో తెలిపారు. ఈ కార్యక్రమానికి ముఖ్యఅతిథులు మంత్రులు పొంగులేటి శ్రీనివాస్‌రెడ్డి, సీతక్క, ప్రభుత్వ విప్‌ జాటోతు రామచంద్రునాయక్‌, ఎమ్మెల్యే డాక్టర్‌ భూక్య మురళీనాయక్‌, తదితరులు హాజరు కానున్నట్లు తెలిపారు. ఉపాధ్యాయులు సకాలంలో హాజరై విజయవంతం చేయాలని కోరారు. అన్ని పంటలకు మద్దతు ధర చట్టం చేయాలి కొత్తగూడ: రైతులు పండించే అన్ని రకాల పంటలకు మద్దతు ధర చట్టం చేయాలని ఏఐకేఎంఎస్‌ జిల్లా ప్రధాన కార్యదర్శి గుజ్జు దేవేందర్‌ డిమాండ్‌ చేశారు. శుక్రవారం మండలకేంద్రంలో సంఘం ఆధ్వర్యంలో ర్యాలీ నిర్వహించారు. ఈ సందర్భంగా ఆయన మాట్లాడుతూ కేంద్ర, రాష్ట్ర ప్రభుత్వాలు అవలంభిబిస్తున్న రైతు వ్యతిరేఖ విధానాలపై ఉద్యమిస్తామన్నా రు. ఈనెల 8, 9 తేదీల్లో మంచిర్యాలలో జరిగే ఏఐకేఎంఎస్‌ రాష్ట్ర మహా సభలను విజయవంతం చేయాలని కోరారు. ఈ ర్యాలీలో శ్రీశైలం, బూర్క వెంకటయ్య, పుల్లన్న, పూర్ణచందర్‌, జామ్లా, రాజు తదితరులు పాల్గొన్నారు. కాళేశ్వరం దేవస్థానం నిర్మాణాల వేగిరం కాళేశ్వరం: మహదేవపూర్‌ మండలం కాళేశ్వరం దేవస్థానం జీర్ణోద్ధరణలో భాగంగా విజయగణపతి ఆలయం నైరుతి మూలన నిర్మిస్తున్న విషయం తెలిసిందే. రూ.198కోట్లతో ఆలయ నిర్మాణాలు చేపట్టారు. శుక్రవారం స్టోన్‌తో బేస్‌మెంట్‌ 12ఫీట్ల నుంచి నిర్మాణం చేపట్టారు. వెనుకాల ప్రాకారం నిర్మిస్తున్నారు. దీంతో పనులు శరవేగంగా జరుగుతున్నాయి.

గార్ల: మండలంలోని మర్రిగూడెం క్రాస్‌రోడ్డు వద్ద పెట్రోలింగ్‌ చేస్తున్న పోలీసులను చూసి పారిపోతున్న ఇద్దరిని పట్టుకుని వారి వద్ద నుంచి రూ.2,15,100 విలువ చేసే బంగారు, వెండి ఆభరణాల ప్రాపర్టీని రికవరీ చేసినట్లు ఎస్సై బి.సాయికుమార్‌ శుక్రవారం వెల్లడించారు. ఎస్సై కథనం ప్రకారం వివరాలు ఇలా ఉన్నాయి. గార్ల మండలం రాంపురం గ్రామానికి చెందిన చింత యుగంధర్‌, బోడ సాంబశివరావులు ఇటీవల గార్ల గ్రామ పంచాయతీ జీవంజిపల్లిలోని కొణతం సత్యనారాయణరెడ్డి ఇంట్లో చోరీకి పాల్పడి, బీరువాలోని రూ.20వేల విలువ గల విదేశీ కరెన్సీ నాణేలు, రూ.2,400నగదు ఎత్తుకెళ్లారు. అదే రోజు రాత్రి వీరిద్దరు కలిసి మహబూబాబాద్‌లోని హస్తినపురంలో ఓ ఇంట్లో చోరీకి పాల్పడి బంగారు మంగళ సూత్రాలు, చైన్‌, రెండు జతల పట్టీలు చోరీ చేసినట్లు పోలీసులు తెలిపారు. వారి నుంచి సొమ్ము రికవరీ చేసుకొని అరెస్ట్‌ చేసి రిమాండ్‌ నిమిత్తం కోర్టుకు తరలించినట్లు ఎస్సై సాయికుమార్‌ తెలిపారు.

సాక్షి ప్రతినిధి, వరంగల్‌: కాంగ్రెస్‌ పార్టీ ఓరుగల్లు రాజకీయాల్లో ఆట మొదలైంది. ఒకవైపు కొండా సురేఖ రాజకీయ భవిష్యత్తుపై చర్చ.. మరోవైపు వరంగల్‌ తూర్పులో అంతర్గత సమీకరణాలపై ఆసక్తి.. వెరసి ‘కొండా’ దంపతులకు ‘అక్కడ సెగ.. ఇక్కడ పొగ..’ అన్నట్టుగా పరిస్థితి మారింది. తాజా పరిణామాల నేపథ్యంలో సురేఖ పార్టీకి, ఎమ్మెల్యే పదవికి రాజీనామా చేస్తారనే ప్రచారానికి ఆమె స్వయంగా తెరదించారు. కాంగ్రెస్‌లోనే కొనసాగుతానని స్పష్టం చేశారు. దీంతో తక్షణ రాజకీయ సంక్షోభంపై కొంత స్పష్టత వచ్చింది. వరంగల్‌ తూర్పుపై ఎమ్మెల్సీ బసవరాజు సారయ్య, ‘కుడా’ చైర్మన్‌ గుండు సుధారాణిలు పట్టు బిగిస్తుండటం.. వేగంగా మారుతున్న రాజకీయ పరిణామాల నేపథ్యంలో కొండా దంపతుల వ్యూహం ఏమిటన్నది ఆసక్తికరంగా మారింది. ఇదే సమయంలో తూర్పులో కొండా కుటుంబానికి భిన్నంగా వేగమందుకున్న కాంగ్రెస్‌ నేతల కదలికలపై చర్చ మొదలైంది. కాంగ్రెస్‌లోనే.. సురేఖ స్పష్టత.. పార్టీ మారతారనే ప్రచారం, ఎమ్మెల్యే పదవికి రాజీనామా చేస్తారనే చర్చ మధ్య సురేఖ తన వైఖరిని స్పష్టం చేశారు. ప్రస్తుతానికి కాంగ్రెస్‌లోనే కొనసాగుతానని ప్రకటించారు. దీంతో వెంటనే పార్టీ మార్పు, ఎమ్మెల్యే పదవికి రాజీనామా వంటి అంశాలపై నెలకొన్న ఉత్కంఠకు తెరపడినట్టయింది. ఆమె ఎమ్మెల్యేగా కొనసాగుతూ కాంగ్రెస్‌లోనే తన రాజకీయ ప్రస్థానాన్ని ముందుకు తీసుకెళ్లనున్నారు. మంత్రి పదవి లేకుండా ఎమ్మెల్యేగా కొనసాగుతున్న నేపథ్యంలో.. పార్టీలో తన రాజకీయ ప్రాధాన్యాన్ని ఎలా కొనసాగిస్తారు? స్థానికంగా తన వర్గాన్ని ఎలా సమన్వయం చేసుకుంటారు? అన్నది ఇప్పుడు కీలకంగా మారింది. పెరుగుతున్న వ్యతిరేక స్వరం వరంగల్‌ తూర్పు కాంగ్రెస్‌లో కొండా సురేఖకు భిన్నమైన రాజకీయ వర్గాలు గతంలోనూ ఉన్నాయి. మాజీ మంత్రి బస్వరాజు సారయ్య, మాజీ మేయర్‌ గుండు సుధారాణి వంటి నేతలు వరంగల్‌ తూర్పు రాజకీయాల్లో తమదైన ప్రాధాన్యం కలిగిన నాయకులు. గత రాజకీయ పరిణామాల్లో కొండా కుటుంబంతో వీరికి భిన్నాభిప్రాయాలు కనిపించిన సందర్భాలున్నాయి. తాజాగా శుక్రవారం మీడియాతో మాట్లాడిన గుండు సుధారాణి.. సీఎం రేవంత్‌ రెడ్డిపై అనుచిత వ్యాఖ్యల చేస్తే ఊరుకునేది లేదని గట్టిగానే హెచ్చరించారు. దమ్ముంటే రాజీనామా చేసి ఇండిపెండెంట్‌ పోటీ చేయాలని, తాను సైతం ఇండిపెండెంట్‌గా బరిలో ఉంటానని బసవరాజు సారయ్య సురేఖకు సవాల్‌ విసిరారు. ఈ పరిస్థితుల్లో వీరి రాజకీయ వైఖరి ఎలా ఉంటుంది? కొండా సురేఖతో పార్టీ అంతర్గతంగా సమన్వయం జరుగుతుందా? లేక కాంగ్రెస్‌లో వేర్వేరు రాజకీయ శక్తులుగా కొనసాగుతారా? అన్నది ఆసక్తికరంగా మారింది.‘కొండా’ అనుచర వర్గంలో మౌనం తాజా పరిణామాల తర్వాత కొండా సురేఖకు మద్దతుగా ఉండే నాయకులు, కార్యకర్తల నుంచి పెద్దగా బహిరంగ ప్రకటనలు కనిపించకపోవడం రాజకీయ వర్గాల్లో చర్చకు దారితీస్తోంది. దీనిని మొత్తం అనుచరవర్గం మౌనంగా ఉందని చెప్పడం కంటే.. ప్రస్తుత రాజకీయ పరిస్థితుల్లో ఆచితూచి వ్యవహరిస్తున్న వాతావరణంగా చూడాల్సి ఉంటుందన్న వాదన వినిపిస్తోంది. కొండా సురేఖ కాంగ్రెస్‌లోనే కొనసాగుతానని స్పష్టం చేసిన నేపథ్యంలో.. ఆమె అనుచరుల రాజకీయ వైఖరి కూడా పార్టీ నిర్ణయాలకు అనుగుణంగానే ఉండే అవకాశముంది. భవిష్యత్తులో ఏదైనా కీలక రాజకీయ నిర్ణయం వస్తే.. స్థానికంగా ఆమె వెంట ఎవరెవరు నిలుస్తారన్నది అప్పుడే స్పష్టం కానుంది. దీంతోపాటు కాంగ్రెస్‌లో కొనసాగుతున్న కొండా సురేఖకు ఇప్పుడు ప్రధాన సవాలు పార్టీ బయట కంటే సొంత పార్టీలోనే తన రాజకీయ స్థానాన్ని నిలబెట్టుకోవడమే. కాంగ్రెస్‌లోనే ఉంటూ రాజకీయ బలాన్ని పునర్నిర్మించుకోవడమా? పార్టీలోని విభేదాలను అధిష్టానం దష్టికి తీసుకెళ్లడమా? వరంగల్‌ తూర్పులో తన కేడర్‌ను మరింత బలోపేతం చేసుకోవడమా? వీటిలో ఏ మార్గాన్ని ఎంచుకుంటారన్నది వారి తదుపరి రాజకీయ చర్యలతోనే స్పష్టం కానుంది. ఒక్కటవుతున్న ‘కొండా’ వ్యతిరేక వర్గీయులు సైలెంట్‌ మోడ్‌లో సురేఖ అనుచరవర్గం పార్టీ, ఎమ్మెల్యే పదవులకు రాజీనామా చేయబోనని స్పష్టత ‘తూర్పు’ రాజకీయాల్లో వేగం పెరిగిన పరిణామాలు కొండా దంపతుల భవిష్యత్‌ వ్యూహం ఏమిటి?

సాక్షి, మహబూబాబాద్‌: భూమినే నమ్ముకొని జీవించే రైతు.. అతివృష్టి, అనావృష్టి.. ప్రకృతికి కోపం వచ్చినా.. పంటలను చీడపీడలు నాశనం చేసినా.. లాభం వచ్చినా.. నష్టం వచ్చినా.. సాగు చేయడం మాత్రం మరువడు రైతు. అయితే కష్ట, నష్టాలకోర్చి పండించిన పంటకు గిట్టుబాటు ధర లేకపోతే.. సతికిల పడుతాడు.. మళ్లీ లేచేందుకు అప్పులైనా చేస్తారు.. అయితే పండించిన పంటకు గిట్టుబాటు ధర వస్తే మాత్రం రైతు రెట్టింపు ఉత్సాహంతో మరుసటి సంవత్సరం సాగుకు సన్నద్ధం అవుతారు. గిట్టుబాటు ధర అనేది పంటల ఎగుమతి మీద ఆధారపడి ఉంటుంది. ఇంతటి ప్రాముఖ్యం గల ఎగుమతి కేంద్రంగా మానుకోట జిల్లాను ఎంపిక చేస్తున్నట్లు కేంద్ర ప్రభుత్వం ప్రకటించింది. దీంతో మిర్చి, పసుపు, మామిడి పంటలకు గిట్టుబాటు ధర వస్తుందనే ఆశ రైతుల్లో చిగురించింది. తేజ మిర్చికి డిమాండ్‌.. ఇక్కడ సాగుచేసే తేజ మిర్చికి మార్కెట్‌లో మంచి డిమాండ్‌ ఉంటుంది. కాస్త హెచ్చుతగ్గులతో జిల్లాలో ప్రతీ ఏటా 70వేల ఎకరాల మేరకు మిర్చి పంట సాగు చేస్తారు. దీనిని చూసిన పలు కంపెనీలు జిల్లాలోని సీరోలు మండలం కాంపెల్లి, మరిపెడ మండలం, డోర్నకల్‌ మండలం తోడెళ్లగూడెం ప్రాంతాల్లో మిర్చి నుంచి రసాయనాలు తీసే పరిశ్రమను ఏర్పాటు చేశారు. ఇక్కడ తీసిన మిర్చి రసాయనాన్ని ఆఫ్రికా, యూరప్‌, చైనా దేశాలకు ఎగుమతి అవుతుంది. అయితే దళారుల మోసం, మార్కెట్‌లో మిర్చి క్వింటాకు రూ.25వేల మేరకు పలుకగా.. మార్కెట్‌లో మోసం, దళారుల ఇష్టారాజ్యంతో రూ.5వేలకు పడిపోయిన సందర్భాలు ఉన్నాయి. ఇప్పుడు ప్రభుత్వమే నేరుగా ఎగుమతి చేసే అవకాశాన్ని కల్పించడంతో రైతు పండించిన పంటకు కనీస మద్ధతు ధర వచ్చే అవకాశం ఉంటుంది. పసుపునకు పూర్వవైభవం పసుపు పంట అంటే బంగారం పండించినట్లే అని భావించిన జిల్లా రైతులు గతంలో విరివిరిగా సాగుచేసేవారు. కానీ బోర్డు లేకపోవడం, ఇతర దేశాలకు ఎగుమతులు సన్నగిల్లడం వంటి ప్రభావంతో ధరతో పాటు సాగు పడిపోయింది. గతేడాది నుంచి క్వింటాకు రూ.8 వేల నుంచి రూ.16వేల వరకు ధర పలకడంతో ఈఏడాది సాగుకు రైతులు మొగ్గుచూపారు. ఎగుమతులు పెరిగితే కనీస మద్ధతు ధర క్వింటాకు రూ.20 వేలకు పైగా ఉండే అవకాశం ఉంది. మామిడికి జిల్లా ప్రత్యేకత సాధారణ మామిడి పండ్లకన్నా.. పిందె దశలోనే కవర్లు తొడిగి పండించిన మామిడి పండ్లకు అంతర్జాతీయ మార్కెట్‌లో మంచి డిమాండ్‌ ఉంటుంది. మానుకోట జిల్లాలో కవర్లు తొడిగి పండించిన మామిడి పండ్లు అమెరికా, జర్మనీ తదితర దేశాలకు ఎక్కువగా ఎగుమతి అవుతున్నాయి. జిల్లాలోని 15వేల ఎకరాల్లో పండ్ల తోటలు ఉన్నాయి. ప్రస్తుతం ప్రభుత్వం తరఫున ఎగుమతులు పెంచితే మంచి ధర వస్తుంది. దీని ఆధారంగా మామిడి సాగు మరింత పెరగనుంది. ప్రకటించిన కేంద్ర ప్రభుత్వం మిర్చి, పసుపు, మామిడి పంటలకు పెరగనున్న డిమాండ్‌

మహబూబాబాద్‌: కాంగ్రెస్‌ ప్రభుత్వం ఎన్నికల ముందు ఇచ్చిన ఆరు గ్యారంటీలను వెంటనే అమలు చేయాలని మాజీ మంత్రి సత్యవతి రాథోడ్‌ అన్నారు. బీఆర్‌ఎస్‌ పార్టీ ఆధ్వర్యంలో నిరసన కార్యక్రమంలో భాగంగా శుక్రవారం జిల్లాకేంద్రంలో వంటావార్పు కార్యక్రమం నిర్వహించారు. ఈ సందర్భంగా మాజీ మంత్రి మాట్లాడుతూ బాకీలు చెల్లించేంత వరకు ఉద్యమం ఆగదన్నారు. హామీలను అమలు చేయకుండా కాలయాపన చేస్తుందన్నారు. మాజీ ఎంపీ మాలోత్‌ కవిత మాట్లాడుతూ మహిళలకు ఇచ్చిన హామీలను అమలు చేయకపోవడంలో ప్రభుత్వం విఫలమైందన్నారు. మానుకోట ఎమ్మెల్యే మురళీనాయక్‌ జిల్లాకేంద్రంలోని గుమ్ముడూర్‌ ప్రాంతాన్ని రెడ్‌ లైట్‌ ఏరియా అనడం బాధాకరమన్నారు. మాజీ ఎమ్మెల్యే బానోత్‌ శంకర్‌నాయక్‌ మాట్లాడుతూ మహిళలకు ఇస్తామన్న రూ.2,500 ఇవ్వడం లేదన్నారు. ఈ కార్యక్రమంలో నాయకుల పాల్వాయి రామ్మోహన్‌రెడ్డి, మార్నెని వెంకన్న, ఫరీద్‌, గద్దె రవి, గుండా రాజశేఖర్‌ తదితరులు పాల్గొన్నారు. మాజీ మంత్రి సత్యవతి రాథోడ్‌ బీఆర్‌ఎస్‌ ఆధ్వర్యంలో వంటావార్పు

విద్యార్థులతో ప్రయోగం చేయిస్తున్న ఉపాధ్యాయుడు రామ సంతోశ్‌ కుమార్‌ విద్యార్థులు తయారు చేసిన కృత్యాధార చిత్రాలతో ఉపాధ్యాయుడు రవి నడక నేర్పే నాన్న.. నడవడిక నేర్పే చదువు.. పలుకు నేర్పే అమ్మ. పలుకుబడినిచ్చే సమాజం. అజ్ఞానంనుంచి అందరూ కీర్తించేలా మార్చే దిక్సూచి.. నాలుగు గోడల నడుమ భవిష్యత్‌ను తీర్చిదిద్దే నిర్మాత.. చాక్‌పీస్‌ ముక్కలతో తలరాతను మార్చే ఆధునిక బ్రహ్మ అన్నీ ఉపాధ్యాయుడే. ఉమ్మడి వరంగల్‌ జిల్లాలో జ్ఞాన తరంగాలను.. విజ్ఞాన భాండాగారాలను తయారు చేస్తున్న వారి సేవలకు సలాం పలుకుతూ నేడు (శనివారం) ఉపాధ్యాయ దినోత్సవం సందర్భంగా ‘సాక్షి’ ప్రత్యేక కథనాలు. కృత్యాధార బోధన.. సామర్థ్యాల సాధనమహబూబాబాద్‌ రూరల్‌: విద్యార్థుల్లో భయాన్ని పోగొట్టి పాఠ్యాంశంలోని విషయాలను అర్థం చేసుకుని సామర్థ్యాలను సాధించేలా విద్యా బోధన చేస్తున్నారు మహబూబాబాద్‌ మండలం కంబాలపల్లి ప్రభుత్వ ప్రాథమిక పాఠశాల ఉపాధ్యాయుడు ఆవునూరి రవి. 14 ఏళ్లుగా ప్రయోగాత్మక కృత్యాధార బోధన చేస్తున్నారు. కృత్యాధార బోధనతో విద్యార్థుల్లో ఆంగ్ల భాషపై ఇష్టం పెంచుతున్నారు. నల్లబెల్లి: వరంగల్‌ జిల్లా నల్లబెల్లి మండలం జెడ్పీఎస్‌ఎస్‌లో స్కూల్‌ అసిస్టెంట్‌గా విధులు నిర్వహిస్తున్న రామ సంతోశ్‌ కుమార్‌ బోధనలో వినూత్న పద్ధతులు అవలంబిస్తున్నారు. పదో తరగతి విద్యార్థులు మెరుగైన ఫలితాలు సాధించాలనే లక్ష్యంతో ఆయన నిత్యం ఉదయం 5 గంటలకే జూమ్‌ తరగతులు నిర్వహిస్తున్నారు. యూట్యూబ్‌ చానల్‌ ప్రారంభించి ఇప్పటి వరకు దాదాపు 50 పాఠ్యంశాల వీడియోలు అప్‌లోడ్‌ చేశారు. రాష్ట్ర స్థాయి ఇన్‌స్పైర్‌, సైన్స్‌ఫేర్‌ గైడ్‌ టీచర్‌గా పాల్గొని విద్యార్థులను ప్రోత్సహించారు. అంతరిక్ష విజ్ఞానంపై విద్యార్థుల్లో ఆసక్తి పెంచేందుకు ఇస్రో శాస్త్రవేత్తలతో అతిథి ఉపన్యాసాలు నిర్వహించారు. ఎన్‌సీఈఆర్టీ నిర్వహించే ఆన్‌లైన్‌ పోర్టల్‌ కోసం ఈ–కంటెంట్‌ రూపొందించి 40కి పైగా వీడియోలు అందించారు. మన టీవీలో ప్రత్యక్ష ప్రసారాల ద్వారా పాఠ్యాంశాలు బోధించారు.ఏటూరునాగారం: ములుగు మండలం జంగాలపల్లి క్రాస్‌కు చెందిన పోతు రాజశేఖర్‌ ఏటూరునాగారం నార్త్‌ ప్రభుత్వ ప్రాథమిక పాఠశాలలో ఎస్‌జీటీ ఉపాధ్యాయుడిగా విధులు నిర్వర్తిస్తున్నారు. ఆయన ఆ పాఠశాలలో చేరినప్పుడు విద్యార్థుల సంఖ్య 90 మాత్రమే. ప్రస్తుతం 170 మందికి చేరింది. దాతల సహకారంతో పాఠశాలలో నూతనంగా కంప్యూటర్‌ ల్యాబ్‌, రేకుల షెడ్డు, ప్రొజెక్టర్‌, టాయిలెట్ల నిర్మాణాలు చేపట్టారు. పాఠశాలలో గ్రంథాలయం ఏర్పాటు చేసి పుస్తక పఠనంపై మక్కువ పెంచుతున్నారు. ఇప్పటికీ ఏ విద్యార్థి బడికి రాకపోయినా ఇంటికి వెళ్లి బండిమీద పాఠశాలకు తీసుకొస్తున్నారు. ఉమ్మడి జిల్లాలో పలువురు ఉపాధ్యాయుల అంకితభావం విద్యార్థుల నమోదు పెంపు.. అకుంఠిత దీక్షతో విధులు ఆదర్శంగా నిలుస్తూ బడులను కాపాడుతున్న టీచర్లు నేడు జాతీయ ఉపాధ్యాయ దినోత్సవం

● మంత్రి ధనసరి సీతక్క కొత్తగూడ/గంగారం: ప్రభుత్వ సంక్షేమ పథకాలు ప్రజలకు అందే విధంగా అధికారులు పని చేయాలని పంచాయతీరాజ్‌, సీ్త్ర శిశు సంక్షేమ శాఖ మంత్రి ధనసరి సీతక్క సూచించారు. మంగళవారం మండల కేంద్రంలోని రైతు వేదికలో స్మార్ట్‌ రేషన్‌కార్డుల పంపిణీ కార్యక్రమంలో మంత్రి పాల్గొని మాట్లాడారు. గతంలో దివంగత ముఖ్యమంత్రి రాజశేఖరరెడ్డి హయాంలో రేషన్‌ కార్డులు ఇచ్చారని, మళ్లీ ముఖ్యమంత్రి రేవంత్‌రెడ్డి ఆధ్వర్యంలో ఇవ్వడం జరిగిందన్నారు. ఇచ్చిన కార్డులను స్మార్ట్‌గా మార్చి అందిస్తున్నట్లు వివరించారు. ఒక్క కొత్త రేషన్‌ కార్డు కూడా ఇవ్వలేని కొందరు నాయకులు చేస్తున్న విమర్శలను ప్రజలు తిప్పి కొట్టాలని పిలుపునిచ్చారు. కొత్తగూడ, గంగారం మండలాల్లో అన్ని అభివృద్ధి పనులను వేగవంతం చేస్తామన్నారు. ఎల్‌నినో కారణంగా ఏర్పడ్డ కరువు పరిస్థితులను ఎదుర్కోవడానికి రైతులు ప్రత్యామ్నాయ పంటల వైపు దృష్టి సారించాలని సూచించారు. కార్యక్రమంలో డీఎస్‌ఓ రమేష్‌, తెలంగాణ రాష్ట్ర రూరల్‌ డెవలప్‌మెంట్‌ కార్పొరేషన్‌ సభ్యుడు చల్ల నారాయణరెడ్డి, మహిళా కమిషన్‌ సభ్యురాలు నునావత్‌ రాధ, స్థానిక సర్పంచ్‌ మల్లెల భాగ్యమ్మ, వివిద శాఖల మండల స్థాయి అధికారులు పాల్గొన్నారు.

ములుగు : మండలంలోని అబ్బాపూర్‌ గ్రామంలో వృద్ధురాలి మెడలోని బంగారు ఆభరణా (పుస్తెలతాడు)న్ని ఎత్తుకెళ్లిన ముగ్గురు నిందితులను అరెస్ట్‌ చేసి రిమాండ్‌కు తరలించినట్లు డీఎస్పీ రవీందర్‌ తెలిపారు. ఈ మేరకు మంగళవారం జిల్లా కేంద్రంలోని తన కార్యాలయంలో ఏర్పాటు చేసిన విలేకరుల సమావేశంలో వివరాలు వెల్లడించారు. పెద్దపల్లి జిల్లా ఓదెల గ్రామానికి చెందిన సిరిగిరి ప్రసాద్‌, నిర్మల్‌ జిల్లాకు చెందిన పండుగ రమేశ్‌ , నిజామాబాద్‌ జిల్లా సారంగపూర్‌ గ్రామానికి చెందిన గుంజ గంగాధర్‌ కొంతకాలంగా చోరీలకు పాల్పడుతున్నారు. ఈ క్రమంలో అబ్బాపూర్‌లో వృద్ధ దంపతులు మాత్రమే నివసిస్తున్న ఇంటిని ప్రసాద్‌ కొద్దిరోజులు గమనించాడు. అనంతరం మిగతా ఇద్దరితో కలిసి చోరీకి పథకం వేశాడు. ఆగస్టు 19న గ్రామానికి వచ్చి రెక్కీ నిర్వహించారు. ఈక్రమంలో అదే రోజు అర్ధరాత్రి తర్వాత వృద్ధురాలు మూత్రవిసర్జనకు బయటకు వచ్చిన సమయంలో ఆమె మెడలోని బంగారు పుస్తెలతాడును లాక్కెళ్లారు. అనంతరం గ్రామంలో పార్క్‌ చేసిన బైక్‌పై పరారయ్యారు. కొలనూరు రైల్వే స్టేషన్‌ వద్ద బైక్‌ పంక్చర్‌ కావడంతో అక్కడే వదిలి రైలులో మంచిర్యాల వెళ్లారు. తిరిగి చోరీలకు పాల్పడేందుకు ములుగు పరిసర ప్రాంతాల్లో రెక్కీ నిర్వహిస్తున్న సమయంలో మంగళవారం ఉదయం జీవింతరావుపల్లి వై జంక్షన్‌ వద్ద పోలీసులకు చిక్కారు. దీంతో వారి వద్ద నుంచి మొత్తం 4.280 తులాల బంగారం ఆభరణాలు, అబ్బాపూర్‌లో అపహరించిన బైక్‌, నిందితుల బైక్‌, రెక్కీకి ఉపయోగించిన కారు స్వాధీనం చేసుకుని అరెస్ట్‌ చేసినట్లు డీఎస్పీ వివరించారు. కాగా, కేసు ఛేదనలో సమర్థవంతంగా విధులు నిర్వర్తించిన ములుగు సీఐ సురేశ్‌, ఎస్సై ఎస్‌. వెంకటేష్‌ సిబ్బందిని డీఎస్పీ అభినందించారు. వివరాలు వెల్లడించిన పోలీసులు

రఘునాథపల్లి: బావమరిదిని కత్తితో పొడిచి బావ హత్యాయత్నం చేశాడు. ఈ ఘటన మంగళవారం జనగామ జిల్లా రఘునాథపల్లి మండలం గోవర్ధనగిరి దర్గా సమీపంలో జరిగింది. పోలీసుల వివరాల ప్రకారం.. రఘునాథపల్లి గ్రామానికి చెందిన పర్వతం ప్రసాద్‌, రజిత దంపతులు తమ కూతురు చందనను ఏడేళ్ల క్రితం వరంగల్‌ ఏనుమాముల మార్కెట్‌ బాలాజీ నగర్‌కు చెందిన సిరిగిరి రాజ్‌కుమార్‌ (30)కు ఇచ్చి వివాహం చేశారు. కొన్నాళ్ల తర్వాత దంపతుల మధ్య గొడవలు జరుగుతుండగా తన అక్కను ఎందుకు వేధిస్తున్నావంటూ చందన తమ్ముడు అర్జున్‌ (22) బావ రాజ్‌కుమార్‌ను మందలించాడు. అప్పటి నుంచి అర్జున్‌పై రాజ్‌కుమార్‌ కక్ష పెంచుకున్నాడు. బావమరిదితో స్నేహంగా ఉంటున్నట్లు నటించాడు. సోమవారం రాజ్‌కుమార్‌ అత్తగారింటికి వచ్చి బావ మరిదితో గడిపా డు. మంగళవారం సరదాగా గడుపుదామని బావమరిదితో కలిసి గోవర్ధనగిరి శివారులోకి వెళ్లారు. ఈ క్రమంలో ఇద్దరూ కలిసి మద్యం సేవించారు. అనంతరం అర్జున్‌ను రాజ్‌కుమార్‌ గోవర్ధనగిరి దర్గా సమీంలోని ఓ వెంచర్‌ వద్దకు తీసుకెళ్లి కత్తితో కడుపులో పొడిచాడు. అనంతరం బైక్‌పై పరారయ్యాడు. కత్తి పోటుతో తీవ్రంగా గాయపడిన అర్జు న్‌ను 108లో వరంగల్‌ ఎంజీఎం ఆస్పత్రికి తరలించగా చికిత్స పొందుతున్నాడు. బోరు వేసే పని ఉందని తీసుకెళ్లి.. కుటుంబ గొడవలను దృష్టిలో పెట్టుకుని అర్జున్‌ను హత్య చేయాలనే పథకంలో భాగంగా రాజ్‌కుమార్‌ ముందుగానే కత్తి కొనుగోలు చేసి తన ఉంచుకున్నాడు. బోరు వేసే పని ఉందని అర్జున్‌ను దర్గా సమీపంలోని వెంచర్‌ వద్దకు తీసుకెళ్లాడు. చెట్టు కింద కూర్చుంటున్న సమయంలో రాజ్‌కుమార్‌ కత్తితో పొడిచి పరారయ్యాడు. ఈ ఘటనపై అర్జున్‌ తండ్రి పర్వతం ప్రసాద్‌ ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఎస్సై నరేశ్‌ తెలిపారు. పరారీలో ఉన్న నిందితుడి కోసం గాలింపు చర్యలు చేపట్టినట్లు ఎస్సై పేర్కొన్నారు. గోవర్ధనగిరి దర్గా సమీపంలో ఘటన వరంగల్‌ ఎంజీఎంలో చికిత్స పొందుతున్న బాధితుడు

హసన్‌పర్తి : హసన్‌పర్తి మండలం అన్నాసాగరం శివారులోని ఎస్సార్‌ యూనివర్సిటీలో ఎస్‌ఐబీ–2026 ఇంటర్నల్‌ హ్యాక్‌ థాన్‌ మంగళవారం ఘనంగా నిర్వహించారు. ఇందులో బి.టెక్‌ విద్యార్థులతో కూడిన సుమారు 300 బృందాలు ఉత్సాహంగా పాల్గొన్నాయి. వంద మంది అధ్యాపకులు మోంటార్లు, కోఆర్డినేటర్లుగా వ్యవహరించారు. ఈసందర్భంగా డీన్‌ డాక్టర్‌ శశికళ మాట్లాడుతూ విద్యార్థులు తరగతి గదిలో నేర్చుకున్న సైద్ధాంతిక పరిజ్ఞానాన్ని వాస్తవ ప్రపంచ సమస్యల పరిష్కారానికి హ్యాక్‌థాన్‌లు గొప్ప అవకాశాన్ని కల్పిస్తాయన్నారు. విద్యార్థుల్లో పెరుగుతున్న ఆవిష్కరణ, సమస్యల పరిష్కార స్ఫూ ర్తికి నిదర్శనమన్నారు. విద్యార్థుల్లో దాగి ఉన్న సృజనా త్మక శక్తులు, సాంకేతిక నైపుణ్యాలు పెంపొందించడానికి ఇలాంటి కార్యక్రమాలు దోహదపడుతాయన్నారు. డాక్టర్‌ సందీప్‌, డాక్టర్‌ సురేశ్‌ తదితరులు పాల్గొన్నారు.

గీసుకొండ/ఖిలా వరంగల్‌ : వరంగల్‌ నగరంలో కాంగ్రెస్‌ నాయకుడు అడప మహేశ్‌ సజీవ దహనం, హత్య కేసులో ఏ3గా ఉన్న జన్ను మధు(42) అనారోగ్యంతో బాధపడుతూ మంగళవారం ఉదయం చనిపోయినట్లు స్థానికులు తెలిపారు. గీసుకొండ పరిధి కోటిలింగాల గుడి సమీపంలో గత జూలై 18న మహేశ్‌పై రౌడీషీటర్‌ పత్తి కుమార్‌ పెట్రోల్‌ పోసి నిప్పంటించగా చికిత్స పొందుతూ చనిపోయాడు. ఈ కేసులో జన్ను మధు ఏ3గా ఉన్నాడు. నిందితులను అదే నెల 25న అరెస్టు చేసి రిమాండ్‌కు తరలించారు. ఆగస్టు 15న వారంతా బెయిల్‌పై విడుదలయ్యారు. మధు కొంతకాలంగా కిడ్నీ వ్యాధితోపాటు చలిజ్వరం, ఇతర ఆరోగ్య సమస్యలను ఎదుర్కొంటున్నాడు. ఇటీవల కిడ్నీనొప్పి తీవ్రంకాగా ఆర్‌ఎంపీ వద్దకు వెళ్లగా తుంటికి ఇంజక్షన్‌ ఇచ్చాడని, అది ఇన్‌ఫెక్షన్‌ అయి పెద్దగడ్డ ఏర్పడిందని స్థానికులు తెలిపారు. అతడిని మెరుగైన చికిత్స కోసం హనుమకొండలోని ఓ ప్రైవేట్‌ ఆస్పత్రికి తరలించగా మంగళవారం ఉదయం మృతిచెందినట్లు బంధువులు తెలిపారు. కాగా, సెంట్రింగ్‌ పనిచేసే మధుకు భార్య, ఇద్దరు పిల్లలు ఉన్నారు. అడప మహేశ్‌ సజీవ దహనం కేసులో ఏ3గా ఉన్న మధు

హన్మకొండ చౌరస్తా : కాంగ్రెస్‌ ప్రభుత్వం అధికా రంలోకి వచ్చి వెయ్యి రోజుల ప్రజాపాలనలో తెలంగాణ ప్రగతికి కొత్త బాటలు వేసిందని వరంగల్‌ ఎంపీ డాక్టర్‌ కడియం కావ్య అన్నారు. హనుమకొండలోని డీసీసీ కార్యాలయంలో మంగళవారం ఏర్పా టు చేసిన విలేకరుల సమావేశంలో ఆమె మాట్లాడారు. వెయ్యి రోజుల పాలనలో రైతులకు రుణమాఫీ, రైతు భరోసా, సన్నబియ్యానికి బోనస్‌, ఉచిత విద్యుత్‌, తదితర పథకాలు అమలు చేస్తున్నామని తెలిపారు. పదేళ్లలో బీఆర్‌ఎస్‌ ప్రభుత్వం చేయని కొత్త రేషన్‌ కార్డులు పంపిణీ చేశామన్నారు. ఇప్పటికే 72 వేల ప్రభుత్వ ఉద్యోగాల భర్తీ ప్రక్రియను పూర్తి చేశామని తెలిపారు. వర్ధన్నపేట ఎమ్మెల్యే కె.ఆర్‌ నాగరాజు మాట్లాడుతూ పదేళ్లపాటు రాష్ట్రంలో బీఆర్‌ఎస్‌ విధ్వంసకర పాలన కొనసాగిందన్నారు. ఇంటికో ఉద్యోగం, దళితుడిని ముఖ్యమంత్రి చేస్తానని, ఇలా అనేక అబద్ధపు హామీలతో గద్దెనెక్కి ప్రజలను మోసం చేశారని మండిపడ్డారు. హనుమకొండ డీసీసీ అధ్యక్షుడు ఇనగాల వెంకట్రాంరెడ్డి మాట్లాడుతూ సీఎం రేవంత్‌ రెడ్డి నాయకత్వంలో సంక్షేమం, అభివృద్ధిలో రాష్ట్రం దూసుకుపోతుంటే ఓర్వలేకనే బీఆర్‌ఎస్‌ నాయకులు నిరాధారమైన ఆరోపణలు చేస్తున్నారన్నారు. హనుమకొండ జిల్లా కిసాన్‌ కాంగ్రెస్‌ అధ్యక్షుడు పింగిళి వెంకటరెడ్డి, జిల్లా జనరల్‌ సెక్రటరీ శ్రీనివాస్‌రెడ్డి, మార్క విజయ్‌గౌడ్‌, సీనియర్‌ నాయకులు వీసం సురేందర్‌రెడ్డి, తిరుపతి, హసన్‌పర్తి మండల మహిళ ఉపాధ్యక్షురాలు స్వాతి తదితరులు పాల్గొన్నారు. సంక్షేమం, అభివృద్ధితో ప్రజల గుండెల్లో కాంగ్రెస్‌ వరంగల్‌ ఎంపీ కడియం కావ్య

కాళేశ్వరం: జయశంకర్‌ భూపాలపల్లి జిల్లా మ హదేవపూర్‌ మండలం కాళేశ్వరంలో వచ్చే ఏడాది జూన్‌ 26 నుంచి జూలై 7వ తేదీ వరకు జరగనున్న గోదావరి నది పుష్కరాలకు రాష్ట్ర ప్రభుత్వం అష్ట తీర్థాల ఘాట్ల విస్తరణకు ఇరిగేషన్‌శాఖకు రూ.60 కోట్లు మంజూరు చేసిన విషయం తెలిసిందే. కాగా, గత నెల 17న టెండర్లకు దరఖాస్తులు ఆహ్వానించగా సాంకేతిక కారణాలతో వాయిదా వేశారని తెలిసింది. మ ళ్లీ ఆగస్టు 31న టెండర్లు నిర్వహించగా ఒక్క ద రఖాస్తు కూడా రానట్లు సమాచారం. దీంతో టెండర్లు వేయడగానికి కాంట్రాక్టర్లు వెనుకంజ వేస్తున్నట్లు తెలిసింది. ఫలితంగా టెండర్లపై అ యోమయం నెలకొందని చర్చ జరుగుతోంది. విదేశీగడ్డపై అంతర్జాతీయ ఫార్మసీ సదస్సులో అవార్డులు హన్మకొండ : కెనడాలోని మాంట్య్రాల నగరంలో జరుగుతున్న 84వ అంతర్జాతీయ ఫార్మసీ సదస్సులో హనుమకొండ విద్యానగర్‌లోని సెయింట్‌ పీటర్స్‌ ఫార్మసీ కళాశాల అధ్యాపకులు అవార్డులు అందుకున్నారు. ఆగస్టు 30 నుంచి సెప్టెంబర్‌ 2వ తేదీ వరకు అంతర్జాతీయ సదస్సు జరిగింది. నిర్వాహకుల ఆహ్వానంతో కళాశాల నుంచి డాక్టర్‌ ప్రవీణ్‌ దేవానందన్‌, డాక్టర్‌ రణధీర్‌ చౌదరి సదస్సులో పాల్గొన్నారు. 120 దేశాల నుంచి ఫార్మసీ మేధావులు, వ్యాపారవేత్తలు, నిపుణులు, యూనివర్సిటీ, ఫార్మసీ కళాశాల ఆచార్యులు, శాస్త్రవేత్తలు పాల్గొన్నారు. ఇందులో కళాశాల అధ్యాపకుడు డాక్టర్‌ ప్రవీణ్‌ దేవానందన్‌ ప్రతిష్టాత్మక ఎఫ్‌ఐపీ ఫౌండేషన్‌ అండ్‌ ఎర్లీ కెరీర్‌ ప్రోగ్రాం గైడ్‌ అవార్డు అందుకున్నారు. ఇదే కళాశాలకు చెందిన డాక్టర్‌ రణధీర్‌ చౌదరికి ఎర్లీ కెరీర్‌ లీడర్‌షిప్‌ డెవలప్‌మెంట్‌ విభాగంలో స్కాలర్‌షిప్‌ అందించారు. అవార్డులు అందుకోవడం జిల్లాకు గర్వకారణమని కళాశాల చైర్మన్‌ జైపా ల్‌రెడ్డి, ప్రిన్సిపాల్‌ రాజశ్రీ తెలిపారు. చెక్‌ బౌన్స్‌ కేసులో వ్యక్తికి ఏడాది జైలు, జరిమానా జనగామ : చెక్‌ బౌన్స్‌ కేసులో జనగామ ప్రిన్సిపల్‌ జ్యుడీషియల్‌ మేజిస్ట్రేట్‌ ఫస్ట్‌క్లాస్‌ కోర్టు.. ఓ వ్యక్తికి ఏడాది జైలుతోపాటు జరిమానా విధిస్తూ మంగళవారం తీర్పు వెలువరించింది. అడ్వకేట్‌ శ్రీరామ్‌ శ్రీనివాస్‌ తెలిపిన వివరాలు ఇలా ఉన్నాయి. జనగామకు చెందిన బి.నాగరాజు రియల్‌ ఎస్టేట్‌ విక్రయాలకు సంబంధించి హైదరాబాద్‌ కాచిగూడ, లింగంపల్లికి చెందిన టి.వెంకట్రావుతో రూ.50 లక్షల విలువైన అగ్రిమెంట్‌ చేసుకున్నారు. అనంతరం అగ్రిమెంట్‌ను రద్దు చేసుకునే సమయంలో వెంకట్రావు రూ.15 లక్షల చొప్పున నాలుగు చెక్కులను నాగరాజుకు అందజేశారు. ఆ చెక్కులను నాగరాజు బ్యాంకులో జమ చేయగా నగదు లేకపోవడంతో బౌన్స్‌ అయ్యాయి. దీంతో 2023లో నాగరాజు కోర్టును ఆశ్రయించారు. ఈ కేసులో నాగరాజు తరఫున అడ్వకేట్‌ శ్రీరామ్‌ శ్రీనివాస్‌ వాదనలు వినిపించారు. నాలుగు చెక్కులకు సంబంధించి ఒక్కో చెక్కురూ.15 లక్షలతోపాటు రూ.5 లక్షల జరిమానా చొప్పున మొత్తం రూ.80 లక్షలు నాగరాజుకు చెల్లించాలని విచారణ అనంతరం ప్రిన్సిపల్‌ జ్యుడీషియల్‌ మేజిస్ట్రేట్‌ ఫస్ట్‌క్లాస్‌ కోర్టు న్యాయమూర్తి జి.శశి తీర్పు వెలువరించారు. అలాగే, ఒక్కో చెక్కుకు రూ.10 వేల చొప్పున కోర్టులో డిపాజిట్‌ చేయాలని న్యాయమూర్తి తీర్పులో పేర్కొన్నట్లు అడ్వకేట్‌ శ్రీనివాస్‌ తెలిపారు. కాగా, వెంకట్రావును చర్లపల్లి జైలుకు తరలించినట్లు అడ్వకేట్‌ చెప్పారు.

కలెక్టర్‌ స్నేహ శబరీష్‌ నర్సింహులపేట: జిల్లాలో 22/ఏ నిషేధిత జాబితాలోని వ్యవసాయేతర భూములను సక్రమంగా గుర్తించాలని కలెక్టర్‌ స్నేహశబరీష్‌ అన్నారు. మంగళవారం రాత్రి మండల కేంద్రంలోని తహసీల్దార్‌ కార్యాలయాన్ని ఆమె ఆకస్మికంగా సందర్శించి భూ రికార్డులను తనిఖీ చేశారు. భూ రికార్డుల్లో ఎక్కడైనా వ్యవసాయేతర భూములు, ప్రభుత్వ కార్యాలయాలు, స్కూళ్లు, సబ్‌స్టేషన్లు తదితరాలు ఉంటే త్వరితగతిన గుర్తించాలని ఆదేశించారు. నర్సింహులపేట, వంతడపల, కొమ్ములవంచ, పెద్దనాగారం, కౌసల్యదేవిపల్లి, బొజ్జన్నపేట గ్రామాలకు సంబంధించిన రికార్డులను తనిఖీ చేశారు. కార్యక్రమంలో తహసీల్దార్‌ రమేష్‌బాబు, డీటీ, జీపీఓలు పాషా, తుమ్మ రాధిక తదితరులు పాల్గొన్నారు. ఎన్‌ఎంఎంఎస్‌ గడువు పెంపుమహబూబాబాద్‌ అర్బన్‌: జాతీయ మీన్స్‌ కమ్‌ మెరిట్‌ స్కాలర్‌షిప్‌ (ఎన్‌ఎంఎంఎస్‌) దరఖాస్తుల గడువు ఈ నెల 30 వరకు పొడిగించినట్లు డీఈఓ సత్యనారాయణమూర్తి మంగళవారం తెలిపారు. జిల్లాలో అన్ని ప్రభుత్వ పాఠశాలల ప్రధానోపాధ్యాయులు, ఉపాధ్యాయులు విద్యార్థులతో నూతనంగా, అలాగే దరఖాస్తు రెన్యూవల్‌ చేసుకోవాలని తెలపాలని ఆయన సూచించారు. రోడ్డు ప్రమాద కేసులు పరిష్కరించాలిమహబూబాబాద్‌ రూరల్‌: లోక్‌ అదాలత్‌లో రోడ్డు ప్రమాద కేసులను అధిక సంఖ్యలో పరిష్కరించాలని జిల్లా జడ్జి మురళీమోహన్‌ అన్నారు. ఈ నెల 12న జరగనున్న జాతీయ లోక్‌ అదాలత్‌ సన్నాహక చర్యల్లో భాగంగా జిల్లా జడ్జి మంగళవారం బీమా కంపెనీ న్యాయవాదులతో సమావేశమయ్యారు. ఈ సందర్భంగా ఆయన ఆయా కంపెనీల పెండింగ్‌ కేసుల వివరాలు, లోక్‌ అదాలత్‌ పరిష్కార ప్రక్రియలపై సమీక్షించారు. రోడ్డు ప్రమాదంలో వైకల్యం పొందినవారు, కుటుంబ సభ్యులను పోగొట్టుకున్న వారు నష్టపరిహారం కోసం ఆత్రుతతో ఎదురుచూస్తుంటారని, వారికి సత్వర న్యాయం కల్పించడమే ధ్యేయంగా బీమా కంపెనీలు ముందుకు వచ్చి కేసులను లోక్‌ అదాలత్‌ ద్వారా పరిష్కరించాలన్నారు. బీమా కంపెనీలు తాము ఏయే కేసులలో రాజీకి సిద్ధమో ఆ కేసుల జాబితా వెంటనే సమర్పించాలని కోరారు. ఈ నెల 7, 8వ తేదీల్లో రోడ్డు ప్రమాద కేసుల పరిష్కాల నిమిత్తం ప్రీ లోక్‌ అదాలత్‌లను నిర్వహిస్తామన్నారు. జిల్లా న్యాయ సేవాధికార సంస్థ కార్యదర్శి స్వాతిమురారి, న్యాయవాదులు పద్మాకర్‌ రెడ్డి, శ్రీనివాస్‌, శృతి తదితరులు పాల్గొన్నారు. రెండు రైస్‌ మిల్లుల్లో ఆకస్మిక తనిఖీకేసముద్రం: మున్సిపాలిటీ కేంద్రంలోని లక్ష్మీపురుషోత్తం, నీలకంఠ రైస్‌ మిల్లుల్లో స్టేట్‌ సివిల్‌ సప్లయీస్‌ టాస్క్‌ఫోర్స్‌ అధికారులు మంగళవారం ఆకస్మికంగా తనిఖీ చేశారు. 2022–23 సంవత్సరానికి సంబంధించిన టెండర్‌ ధాన్యం బకాయిలు చెల్లించకపోవడంతో తనిఖీలు నిర్వహించినట్లు డీఎస్‌ఓ రమేశ్‌ తెలిపారు. ఉన్నతాధికారులకు నివేదిక అందించిన అనంతరం చర్యలు తీసుకోనున్నట్లు తెలిపారు. పూర్తిస్థాయిలో నిండిన బయ్యారం పెద్దచెరువుబయ్యారం: రెండుగుట్టల నడుమ కాకతీయులకాలంలో నిర్మించిన బయ్యారం పెద్దచెరువు పూర్తిస్థాయిలో నిండి జలకళను సంతరించుకుంది. రాష్ట్రంలో ఏటా వానాకాలంలో మీడియం ఇరిగేషన్‌ ప్రాజెక్టుల్లో ముందుగా మత్తడి దూకే బయ్యారం పెద్దచెరువు ఈ ఏడాది ఎల్‌నినో ప్రభావంతో ఆలస్యంగా మత్తడి దశకు చేరింది. 16.2 అడుగుల పూర్తిస్థాయి నీటి సామర్థ్యం గల బయ్యారం పెద్దచెరువులోకి మంగళవారం ఉదయం వరకు పూర్తిస్థాయి నీరు చేరింది. దీంతో స్వల్పస్థాయిలో మత్తడి నుంచి నీరు బయటకు వస్తోంది.

నేను పత్తితోపాటు ఇతర పంటలు సాగు చేస్తున్నా. గతంలో నీటికొరత కారణంగా పంటలు కాపాడుకోవడం కష్టంగా ఉండేది. ‘మారి’ సంస్థ ద్వారా ‘బెటర్‌ కాటన్‌ ప్రాజెక్టు’లో భాగంగా రూ. 20 వేల సాయం అందడంతో ఫాంపాండ్‌ నిర్మించుకున్న. ఇప్పడు వర్షపు నీటిని నిల్వ చేసుకుని అవసరమైన సమయంలో పంటలకు అందిస్తున్న. దీంతో నీటి సమస్య కొంత వరకు తగ్గింది. పంటల పెరుగుదల కూడా మెరుగుపడింది. రైతులకు ‘మారి’ సంస్థ సాయం ఉపయోగకరంగా ఉంది. దండిగ భాగ్యమ్మ, మహిళా రైతు, కొండాపురం, పాలకుర్తి మండలంరైతులకు స్ఫూర్తిగా నిలుస్తోంది రైతులు వర్షపు నీటిని సంరక్షించుకుని సాగుకు వినియోగించుకునేలా ‘బెటర్‌ కాటన్‌ ప్రాజెక్టు’ ద్వారా ప్రోత్సహిస్తున్నాం. వాతావరణ మార్పుల నేపథ్యంలో రైతులు నీటి సంరక్షణకు మరింత ప్రాధాన్యం ఇవ్వాల్సిన అవసరం ఉంది. భాగమ్మ నిర్మించుకున్న ఫాంపాండ్‌ నిర్మాణం ఇతర రైతులకు స్ఫూర్తిగా నిలుస్తోంది. వర్షపు నీటిని నిల్వ చేసుకోవడం ద్వారా పంటలకు నీటి భద్రత కల్పించడంతోపాటు భూగర్భ జలాల పెంపునకు కూడా ఫాంపాండ్‌లు దోహదపడుతాయి. భాగ్యమ్మ చిన్న అడుగు.. భవిష్యత్‌లో ఇతర రైతులకు నీటి సంరక్షణపై అవగాహన కల్పించేందుకు పెద్ద మార్పునకు నాంది కావాలి. –వెంకటేశ్వర్లు, మేనేజర్‌, మారి సంస్థ, జనగామ

● అస్వస్థతతో పొలంలో పడి రైతు మృతి ● గాజులగట్టు శివారులో ఘటన గూడూరు: వరి పైరుకు పురుగు మందు పిచికారీ చేస్తూ అస్వస్థతతో ఓ రైతు పొలంలోనే మృతి చెందాడు. ఈ ఘటన మంగళవారం మహబూబాబాద్‌ జిల్లా గూడూరు మండలం గాజులగట్టు శివారులో చోటు చేసుకుంది. పోలీసుల కథనం ప్రకారం.. మండలంలోని చకృతండాకు చెందిన ధరంసోతు రాముడు (35) గాజులగట్టు శివారులోని తన వరి పంటలో పంపు ద్వారా పురుగు మందు పిచికారీ చేస్తున్నాడు. ఈ క్రమంలో అస్వస్థతకు గురై పొలంలో పడి మృతిచెందాడు. కొంత సమయం తర్వాత పంపు శబ్దం వినబడుతూ రాముడు కనిపించకపోవడంతో సమీపంలోని మరో రైతు వెళ్లి చూడగా రాముడు మృతి చెంది కనిపించాడు. సమాచారం అందుకున్న గ్రామస్తులు, పోలీసులు ఘటనాస్థలికి చేరుకుని వివరాలు సేకరించారు. మృతుడికి భార్య, ఇద్దరు పిల్లలు ఉన్నారు. పూర్తి వివరాలు తెలియాల్సి ఉందని ఎస్సై రమేశ్‌బాబు తెలిపారు.

తొర్రూరు: పట్టణంలో పారిశుద్ధ్య పరిస్థితి అధ్వానంగా మారింది. అన్నారం రోడ్డులో రహదారి వెంట చెత్త, చెదారం రోజుల తరబడి తొలగించకుండా అలాగే వదిలేయడంతో దుర్వాసన వెదజల్లుతోంది. డాక్టర్‌ రాజేందర్‌రెడ్డి ఆస్పత్రి సమీపంలో డ్రెయినేజీలో మద్యం దుకాణం పక్కన డిస్పోజబుల్‌ గ్లాస్‌లు, వ్యర్థాలు పేరుకుపోయాయి. నీరు నిలిచి ఆ ప్రాంతంలో దుర్వాసన వెదజల్లుతోంది. చెత్త తొలగించకపోతే సీజనల్‌ వ్యాధుల బారిన పడే ప్రమాదం ఉంది. మున్సిపాలిటీ అధికారులు స్పందించి మురుగు తొలగించాలని స్థానికులు కోరుతున్నారు. తొర్రూరులోని అన్నారం రోడ్డులో నిలిచిన మురుగు

కేసముద్రం: కేసముద్రం మున్సిపాలిటీలో రోడ్ల విస్తరణ పనులు చేపడు తున్నారు. దీంతో రోడ్లకు ఇరువైపులా ఉన్న సైడ్‌ కాల్వలను కూల్చివేశారు. అంబేడ్కర్‌ సెంటర్‌, ఉప్పరపల్లి రోడ్డు, కేసముద్రంవిలేజ్‌ వైపు ఇళ్ల నుంచి వచ్చే మురుగు, వర్షపునీరు ఎక్కడికక్కడే నిలిచిపోతోంది. దీంతో దుర్వాసన రావడంతోపాటు దోమలు వృద్ధి చెంది ప్రజలు తీవ్ర ఇబ్బందులు పడుతున్నారు. అదే విధంగా పైపులైన్లు తరచూ పగులుతుండడంతో తాగునీరు కలుషితమవుతోంది. ఖాళీ స్థలాల్లో ముళ్లచెట్లు ఏపుగా పెరగడంతో పందులు స్వైరవిహారం చేస్తున్నాయి. దోమల వల్ల ప్రజల కంటిమీద కునుకులేకుండా పోతుంది. పైపులైన్‌ వేసేందుకు పలుచోట్ల తవ్విన కందకాలను అలాగే వదిలేయడంతో ప్రమాదకరంగా మారాయి.

మహబూబాబాద్‌: సీపీఎస్‌ను రద్దు చేసి పాత పెన్షన్‌ విధానం అమలు చేయాలని తెలంగాణ రాష్ట్ర ఎంప్లాయీస్‌ జేఏసీ జిల్లా చైర్మన్‌ వడ్డెబోయిన శ్రీనివాస్‌ డిమాండ్‌ చేశారు. టీజీఈ జేఏసీ జిల్లా కమిటీ ఆధ్వర్యంలో మంగళవారం కలెక్టరేట్‌ ఎదుట పెన్షన్‌ విద్రోహ దినంలో భాగంగా నిరసన కార్యక్రమం నిర్వహించారు. ఈసందర్భంగా శ్రీనివాస్‌ మాట్లాడుతూ.. వెంటనే రెండో పీఆర్సీ ప్రకటించాలన్నారు. జీవిత భద్రతకు ఓపీఎస్‌ ఎంతో కీలకమన్నారు. సీపీఎస్‌ వల్ల ఉద్యోగులు ఇబ్బందులు పడుతున్నారన్నా రు. ఉద్యోగుల సమస్యలు పరిష్కరించాలని డిమాండ్‌ చేశారు. నాయమైన డిమాండ్లను పరిష్కరించకుండా నిర్లక్ష్యం చేస్తే ఉద్యమాన్ని మరింత ఉధృతం చేస్తామని హెచ్చరించారు. కార్యక్రమంలో నాయకులు రఫీ, మురళీకృష్ణ, ఫెరోజ్‌, రమేశ్‌, రోహిత్‌, ప్రసాద్‌, మైస నాగయ్య పాల్గొన్నారు.

ఆత్మకూరు: అదనపు కట్నం వేధింపులు తాళలేక మనస్తాపంతో ఓ వివాహిత ఉరేసుకుని ఆత్మహత్యకు పాల్పడింది. ఈ ఘటన హనుమకొండ జిల్లా ఆత్మకూరు మండలం గూడెప్పాడ్‌ గ్రామంలో చోటుచేసుకుంది. సీఐ సంతోశ్‌ కథనం ప్రకారం.. వరంగల్‌ జిల్లా చెన్నారావుపేట మండలం లింగగిరి గ్రామానికి చెందిన అఖిల(24)కు గూడెప్పాడ్‌ గ్రామానికి చెందిన చల్లా ప్రవీణ్‌రెడ్డితో 2022లో వివాహం జరిగింది. వీరికి ఓ కుమారుడు అధిక్‌రెడ్డి ఉన్నాడు. వివాహమైన కొంత కాలం నుంచి ప్రవీణ్‌రెడ్డి అదనపు కట్నం రూ.50 వేలు కావాలంటూ అఖిలను వేధించసాగాడు. ఈ క్రమంలో సోమవారం రాత్రి అదనపు కట్నం కోసం మరో సారి భార్యతో గొడవ పడ్డాడు. దీంతో వేధింపులు భరించలేక అఖిల మంగళవారం ఉదయం ఉరేసుకుని ఆత్మహత్యకు పాల్పడింది. ఈ విషయం తెలుసుకున్న సీఐ సంతోశ్‌ హుటాహుటిన ఘటనాస్థలికి చేరుకుని వివరాలు సేకరించి మృతదేహాన్ని పోస్టుమార్టం నిమిత్తం వరంగల్‌ ఎంజీఎం తరలించారు. తహసీల్దార్‌ జగన్‌మోహన్‌రెడ్డి ఎంజీఎంలో పంచనామా నిర్వహించారు. మృతురాలి సోదరుడు బుర్ర చందర్‌ ఫిర్యాదు మేరకు పరకాల ఏసీపీ సతీశ్‌బాబు కేసు నమోదు చేసి దర్యాప్తు చేస్తున్నట్లు సీఐ సంతోశ్‌ తెలిపారు. గూడెప్పాడ్‌లో ఘటన వివరాలు వెల్లడించిన పోలీసులు

● ఎమ్మెల్యే భూక్య మురళీనాయక్‌ మహబూబాబాద్‌ రూరల్‌: రాష్ట్రంలో కాంగ్రెస్‌ ప్రభు త్వ వెయ్యి రోజుల పాలన దేశానికే రోల్‌ మోడల్‌గా మారిందని ఎమ్మెల్యే భూక్య మురళీనాయక్‌ అన్నారు. జిల్లా కేంద్రంలోని ఎమ్మెల్యే క్యాంపు కార్యాలయంలో మంగళవారం ఏర్పాటు చేసిన విలేకరుల సమావేశంలో ఎంపీ పోరిక బలరాంనాయక్‌, డీసీసీ అధ్యక్షురాలు భూక్య ఉమతో కలిసి ఎమ్మెల్యే మురళీనాయక్‌ మాట్లాడారు. కాంగ్రెస్‌ పార్టీ అధి కారంలోకి వచ్చాక ఒక్క మహబూబాబాద్‌ అసెంబ్లీ నియోజకవర్గంలోనే రూ.3వేల కోట్లతో సీసీ రోడ్లు, ఔటర్‌ రింగ్‌ రోడ్డు, చెరువుల సుందరీకరణ, ఇంటిగ్రేటెడ్‌ హాస్టళ్లు, అంగన్‌వాడీ కేంద్రాలు, వీఓ భవనాలు, వివిధ కళాశాలల నిర్మాణం, రైల్వే పీరియాడికల్‌ ఓవర్‌ హాలింగ్‌ పరిశ్రమ, తదితర అభివృద్ధి పనులు చేపట్టామని తెలిపారు. సొంత చెల్లెలు తనకు రాఖీ కట్టవద్దని విదేశాలకు వెళ్లిన మాజీ మంత్రి కేటీఆర్‌ మహిళలను ఎలా గౌరవిస్తారని ఎంపీ పోరిక బలరాంనాయక్‌ ప్రశ్నించారు. రక్త సంబంధాన్ని గౌరవించని వ్యక్తి ప్రజలను ఎలా గౌరవిస్తారో చెప్పాలన్నారు. కార్యక్రమంలో మున్సిపల్‌ చైర్‌పర్సన్‌ గుగులోత్‌ జ్యోతి, కాంగ్రెస్‌ అర్బన్‌ అధ్యక్షుడు ఘనపురపు అంజయ్య, మండల అధ్యక్షుడు శ్రీనివాస్‌, సమ్మిగౌడ్‌, అశోక్‌, బాలాజీ, కౌన్సిలర్లు శివకుమార్‌, రవినా యక్‌, దిలీప్‌, మాధవి, సరిత, రాజు, నాయకులు, కార్యకర్తలు పాల్గొన్నారు. రాహుల్‌గాంధీపై కేసు ఉపసంహరించాలి కాంగ్రెస్‌ అగ్రనేత రాహుల్‌ గాంధీపై నమోదు చేసిన ఎఫ్‌ఐఆర్‌ను వెంటనే ఉపసంహరించుకోవాలని ఎంపీ పోరిక బలరాంనాయక్‌, ఎమ్మెల్యే భూక్య మురళీనాయక్‌, డీసీసీ అధ్యక్షురాలు భూక్య ఉమ డిమాండ్‌ చేశారు. ‘అన్యాయ ఎఫ్‌ఐఆర్‌ వద్దు.. న్యాయం కావాలి’ అంటూ కాంగ్రెస్‌ పార్టీ ఆధ్వర్యంలో జిల్లా కేంద్రంలోని అంబేడ్కర్‌ సెంటర్‌ వద్ద మంగళవారం ధర్నా నిర్వహించారు. వారు మాట్లాడుతూ.. ప్రజాస్వామ్యంలో ప్రతిపక్ష నాయకుడి గొంతు నొక్కడానికి కేసులు, బెదిరింపులు, దర్యాప్తు సంస్థలను రాజకీయ ప్రయోజనాల కోసం ఉపయోగించడం సరికాదన్నారు. మున్సిపల్‌ చైర్‌ పర్సన్‌ జ్యోతి, ఏఎంసీ వైస్‌ చైర్మన్‌ మదన్‌ గోపాల్‌ లోయ, డీవైసీ అధ్యక్షుడు సురేష్‌ నాయక్‌, జిల్లా ఎస్టీ సెల్‌, ఎస్సీ సెల్‌ అధ్యక్షులు ప్రసాద్‌ నాయక్‌, శ్రీధర్‌, నాయకులు రమేష్‌, వంశీ తదితరులు ఉన్నారు.

జనగామ: రైల్వే స్టేషన్‌లో ఫుట్‌ఓవర్‌ బ్రిడ్జిపై కోతులు ఒక్కసారిగా దూసుకురావడంతో వృద్ధ దంపతులు భయపడి బ్రిడ్జి దిగి పట్టాల వైపు వెళ్లారు. అక్కడ ఆగి ఉన్న గూడ్స్‌ కింది నుంచి పట్టాలు దాటే క్రమంలో రైలు కదలడంతో భార్య అక్కడికక్కడే మృతి చెందింది. ఈ ప్రమాదంలో కళ్లెదుటే భార్యను కోల్పోయిన భర్త గుండెలవిసేలా రోదించారు. ఈ ఘటన జనగామ రైల్వే స్టేషన్‌లో చోటు చేసుకుంది. రైల్వే పోలీసులు, మృతురాలి కుమారుడి స్నేహితుడు కోయల్కర్‌ రాజేశ్‌ కథనం ప్రకారం.. జనగామలోని బాణాపూర్‌ మూడో ఫేజ్‌కు చెందిన గంగాసాని గురువారెడ్డి, ఊర్మిళ (76) దంపతులు గత నెల 31వ తేదీన యాదగిరిగుట్ట లక్ష్మీనరసింహాస్వామి వారి దర్శనం ముగించుకుని అదే రోజు రాత్రి జనగామకు చేరుకున్నారు. రాత్రి సమయం కావడంతో ఇంటికెళ్లేందుకు రవాణా సౌకర్యం లేకపోవడంతో స్థానిక ప్రభుత్వ ఆస్పత్రి ఆవరణలో బస చేశారు. మంగళవారం ఉదయం ఇంటికెళ్లేందుకు రైల్వే స్టేషన్‌కు చేరుకున్నారు. ప్లాట్‌ఫాం 2 నుంచి ప్లాట్‌ఫాం 1కు వెళ్లేందుకు ఫుట్‌ ఓవర్‌ బ్రిడ్జి ఎక్కారు. అయితే బ్రిడ్జిపై గుంపులుగా ఉన్న కోతులు ఒక్కసారిగా వారిపైకి దూసుకురావడంతో వృద్ధ దంపతులు భయాందోళనకు గురయ్యారు. వాటి నుంచి తప్పించుకునేందుకు హడావుడిగా బ్రిడ్జి దిగి కిందికొచ్చారు. మరో మార్గం లేకపోవడంతో రెండో ప్లాట్‌ఫాం వద్ద నిలిచి ఉన్న గూడ్స్‌ రైలు కింద నుంచి పట్టాలు దాటేందుకు యత్నించారు. గురువారెడ్డి ముందుగా పట్టాలు దాటగా, ఆ తర్వాత ఊర్మిళ ట్రాక్‌ దాటుతున్న సమయంలో రైలు ఒక్కసారిగా కదిలింది. దీంతో రైలు ఆమైపె నుంచి వెళ్లడంతో అక్కడికక్కడే మృతి చెందింది. ఆమె వెనుక ఉన్న మరో ఇద్దరు ప్రయాణికులు తృటిలో ప్రమాదం నుంచి బయటపడ్డారు. కళ్లెదుటే భార్య మృతి చెందడంతో గురువారెడ్డి కన్నీరుమున్నీరయ్యారు. మృతురాలికి కుమారుడు సంతోశ్‌ ఉన్నారు. రైల్వే పోలీసులు కేసు నమోదు చేసి పోస్టుమార్టం నిమిత్తం మృతదేహాన్ని జిల్లా ఆస్పత్రికి తరలించారు. కోతుల బెడదపై ప్రయాణికుల ఆగ్రహం.. జనగామ రైల్వే స్టేషన్‌ పరిసరాల్లో, ముఖ్యంగా ఫుట్‌ఓవర్‌ బ్రిడ్జిపై కోతుల బెడద రోజురోజుకూ పెరుగుతోందని ప్రయాణికులు ఆందోళన వ్యక్తం చేస్తు న్నారు. కోతులు గుంపులుగా తిరుగుతూ ప్రయాణికులపైకి దూసుకురావడంతో వృద్ధులు, మహిళలు, పిల్లలు బ్రిడ్జిపై వెళ్లేందుకు భయపడుతున్నారు. ఈ పరిస్థితుల్లో కొందరు ప్రాణాలకు తెగించి రైల్వే పట్టాలు దాటాల్సి వస్తోంది. తాజా ఘటన నేపథ్యంలో రైల్వే, పురపాలక అధికారులు తక్షణమే స్పందించి స్టేషన్‌లో కోతుల బెడద అరికట్టి తమ భద్రతకు చర్యలు చేపట్టాలని పలువురు ప్రయాణికుల డిమాండ్‌ చేస్తున్నారు. కదిలిన గూడ్స్‌ రైలు.. వృద్ధురాలి మృతి కళ్లెదుటే భార్యను కోల్పోయిన భర్త ఫుట్‌ఓవర్‌ బ్రిడ్జిపై కోతుల గుంపులతో భయం..భయం

మహబూబాబాద్‌ అర్బన్‌: బీజేపీ రాష్ట్ర కార్యాలయంపై దాడికి ప్రయత్నించడం, నల్లగొండ జిల్లా కార్యాలయం, నాయకులపై జరిగిన దాడులను తీవ్రంగా ఖండిస్తున్నామని, కాంగ్రెస్‌ పార్టీ నాయ కుల అరాచకాలను అరికట్టాలని బీజేపీ జిల్లా అధ్యక్షుడు వెంకటేశ్వర్లు అన్నారు. జిల్లా కేంద్రంలోని బీజేపీ కార్యాలయంలో మంగళవారం ఏర్పాటు చేసిన సమావేశంలో ఆయన మాట్లాడారు. రాష్ట్రంలో కాంగ్రెస్‌ ప్రభుత్వం అధికారంలోకి వచ్చిన తర్వాత రాజకీయ ప్రత్యర్థులపై దాడులు, బెదిరింపులు, అరాచకాలకు పాల్పడే సంస్కృతిని ప్రోత్సహిస్తున్నారనే ఆరోపణలు ప్రజల్లో కలుగుతున్నాయన్నారు. అనంతరం వివేకానంద సెంటర్‌లో బీజేపీ, బీజేవైఎం నాయకులు నిరసన తెలిపారు. రాష్ట్ర కార్యవర్గ సభ్యుడు రామచంద్రరావు, జిల్లా ప్రధాన కార్యదర్శి మహేశ్‌గౌడ్‌, జిల్లా ఉపాధ్యక్షుడు పద్మావతి, జిల్లా కార్యదర్శులు సతీష్‌, రామోజీ, నాగరాజు, హిందూభారతి తదితరులు ఉన్నారు.

సురేఖకు ఢిల్లీ పిలుపు రావడంతో ఉమ్మడి వరంగల్‌ కాంగ్రెస్‌లో ఒక్కసారిగా చర్చ మొదలైంది. పార్టీ నేతలు, కార్యకర్తలు తాజా పరిణామాలపై ఆరా తీస్తున్నారు. సురేఖకు ఏం జరుగుతుంది? అధిష్టానం ఏ నిర్ణయం తీసుకుంటుంది? మంత్రి పదవిలో కొనసాగుతారా? అన్నదే ప్రధాన చర్చగా మారింది. కొండా కుటుంబానికి ఉమ్మడి వరంగల్‌ రాజకీయాల్లో ఉన్న ప్రాధాన్యం దృష్ట్యా అధిష్టానం తీసుకునే నిర్ణయం స్థానిక రాజకీయాలపై కూడా ప్రభావం చూపే అవకాశముందని పార్టీ వర్గాలు అంచనా వేస్తున్నాయి. ఢిల్లీ నుంచి వెలువడే నిర్ణయంతోనే ఈ రాజకీయ ఉత్కంఠకు తెరపడనుంది.

కేయూ క్యాంపస్‌ : కాకతీయ యూనివర్సిటీ హైదరాబాద్‌కు చెందిన వేదా ఎడ్యుకేషనల్‌ సొసైటీ, ప్రజ్ఞ సెమీ కండక్టర్స్‌ ప్రైవేట్‌ లిమిటెడ్‌, అటల్‌ ల్యాబ్స్‌ ప్రైవేట్‌ లిమిటెడ్‌ సంస్థలతో అవగాహన ఒప్పందం (ఎంఓయూ) కుదుర్చుకుంది. సోమవారం సాయంత్రం హైదరాబాద్‌లోని ఉస్మానియా యూనివర్సిటీలో కేయూ వీసీ కె. ప్రతాప్‌రెడ్డి సమక్షంలో రిజిస్ట్రార్‌ వి. రామచంద్రం, వేదా ఐఐటీ డైరెక్టర్‌ అండ్‌ హెడ్‌ కె సుబ్బరంగయ్యతో పాటు సంబంధిత సంస్థల ప్రతినిధులు అవగాహన ఒప్పంద పత్రాలపై సంతకాలు చేసి మార్చుకున్నారు. ఈ విషయాన్ని రిజిస్ట్రార్‌ రామచంద్రం మంగళవారం యూనివర్సిటీలో వెల్లడించారు. ఇంజనీరింగ్‌ విద్యార్థులకు ప్రయోజనం.. ఈ అవగాహన ఒప్పందంతో ఇంజనీరింగ్‌ విద్యార్థులకు ప్రయోజనం కలగనుంది. పరిశ్రమల అవసరాలకనుగుణంగా ఇండస్ట్రీ రెడీ ప్రొఫెషనల్‌ ట్రైనింగ్‌, విద్యార్థుల్లో పరిశ్రమలకనుగుణంగా అవసరమై న నైపుణ్యాలు పెంపొందించనున్నారు. ఈ భాగస్వామ్యంలో భాగంగా పీఎల్‌ఎస్‌ఐ డిజైన్‌, ఎంబెడెడ్‌ సిస్టమ్స్‌ డిజైన్‌, ఆర్టిఫీషియల్‌ ఇంటెలిజెన్స్‌ వంటి ఆధునిక సాంకేతిక రంగాల్లో ఇండస్ట్రీ రెడీ ప్రొఫెషనల్‌ ట్రైనింగ్‌ కార్యక్రమం నిర్వహించనున్నారని వీసీ ప్రతాప్‌రెడ్డి, రిజిస్ట్రార్‌ రామచంద్రం తెలిపారు. కేయూలోని కోఎడ్యుకేషన్‌ ఇంజనీరింగ్‌ కళాశాల, క్యాంపస్‌లోని యూనివర్సిటీ మహిళా ఇంజనీరింగ్‌ కళాశాల, వరంగల్‌ కిట్స్‌ విద్యార్థులు అర్హులుగా ఉంటారు. బీటెక్‌, బీటెక్‌ హానర్స్‌ విద్యార్థులకు నాలుగో సంవత్సరం 7, 8 సెమిస్టర్లు, ఎంటెక్‌ విద్యార్థులకు రెండో సంవత్సరం 3, 4వ సెమిస్టర్‌ విద్యార్థులకు శిక్షణలు ఇవ్వబోతున్నామని వారు తెలిపారు. ఈసీఈ, సీఎస్‌ఈ, ఈఈఈ అనుబంధ విభాగాలకు చెందిన బ్యాక్‌లాగ్‌ లేని విద్యార్థుల కోసం కనీసం 7.5 సీజీపీఏ లేదా 70శాతం మార్కులు సాధించిన స్టూడెంట్లకు ఈ శిక్షణ ఇస్తారు. వేదా ఐఐటీ నిర్వహించబోయే రాత పరీక్ష, ఇంటర్వ్యూల ద్వారా ఆయా విద్యార్థులను ఎంపిక చేస్తారు. అవగాహన ఒప్పందం ఐదు సంవత్సరాల పాటు ఉంటుందని వీసీ, రిజిస్ట్రార్‌ తెలిపారు. కేయూ ఓఎస్‌డీ బి. వెంకట్రాంరెడ్డి, రూసా నోడల్‌ అధికారి ఆర్‌. మల్లికార్జున్‌రెడ్డి, వరంగల్‌ కిట్స్‌ ప్రిన్సిపాల్‌ కె. అశోక్‌రెడ్డి తదితరులు పాల్గొన్నారు.

వర్షపు చుక్కను ఒడిసి పట్టిన మహిళా రైతు భాగ్యమ్మపాలకుర్తి టౌన్‌ : వర్షం పడితే నీరు పొలంలో నిలవడం.. ఎండలు మొదలైతే అదే నీటి కోసం ఎదురు చూడడం.. నీటి కొరతతో పంటలు కాపాడుకునేందుకు ఆ మహిళా రైతు గతంలో ఎన్నో ఇబ్బందులు పడ్డారు. దీంతో ఈ ఇబ్బందులకు శాశ్వత పరిష్కారం కోసం వర్షపు ప్రతీ చుక్కను ఒడిసిపట్టాలని ఆలోచించారు. అనుకున్నదే తడువుగా తన వ్యవసాయ భూమిలో ఫాంపాండ్‌ నిర్మించుకున్నారు. ఫలితంగా వర్షాకాలంలో నీటిని కుంటలో నిల్వ చేసుకుని అవకాశం ఏర్పడింది. దీంతో ముఖ్యంగా ఎండాకాలంలో సాగు నీటి కోసం ఇబ్బందులు పడాల్సిన పరిస్థితి కొంతవరకు తగ్గింది. అంతేకాకుండా నీటి నిల్వ కోసం ఆ ప్రయత్నం ఇతర రైతులకు స్ఫూర్తిగా నిలుస్తోంది. ఆమె జనగామ జిల్లా పాలకుర్తి మండలం కొండాపురం గ్రామానికి చెందిన మహిళా రైతు దండిగ భాగ్యమ్మ. ‘మారి’ స్వచ్ఛంద సంస్థ సహకారం.. భాగ్యమ్మ ప్రయత్నానికి ‘మారి’ స్వచ్ఛద సంస్థ అండగా నిలిచింది. ఆ సంస్థ అమలు చేస్తున్న ‘బెటర్‌ కాటన్‌ ప్రాజెక్టు’లో భాగంగా ఫాంపాండ్‌ నిర్మాణానికి రూ.20 వేల ఆర్థిక సాయం చేయడంతో భాగ్యమ్మ తను పొలంలో నీటి కుంట(ఫాంపాండ్‌)ను నిర్మించుకున్నారు. ఫలితంగా వర్షపు నీటిని కుంటలో నిల్వ చేసుకుని అవకాశం కలిగింది. రైతులకు వరం.. ఫాంపాండ్‌ నిర్మాణాలు మార్బన్‌ ఆర్కిటెక్టస్‌ ఫర్‌ రూరల్‌ ఇండియా (మారి) స్వచ్ఛంద సంస్థ ‘బెటర్‌ కాటన్‌ ప్రాజెక్టు’ ద్వారా జనగామ జిల్లాలో 20 ఫాంపాండ్‌ (నీటి గుంతల) నిర్మాణాలు రైతులకు వరంగా మారాయి. పాలకుర్తి , జఫర్‌గఢ్‌, చిల్పూరు, స్టేషన్‌ఘన్‌పూర్‌, దేవరుప్పలు మండలాల్లో రైతులు ఫాంపాండ్‌ నిర్మాణాలను విరివిగా చేపడుతున్నారు. ఇవి రైతులకు ఎంతో ప్రయోజనం చేకూర్చుతున్నాయి. తగినంత వర్షపాతం ఉన్నప్పటికీ కరువు ప్రాంతాల్లో భూగర్భ జలాల పెంపునకు ఫాంపాండ్‌లు దోహదపడున్నాయి. వేసవితాపంతో అడుగంటిన భూగర్భజలాలతో కొట్టుమిటాడుతున్న రైతులకు వ్యవసాయ బోర్లలో నీటి మట్టం పెంపునకు దోహదపడుతూ ఆసరాగా నిలుస్తున్నాయి. తీవ్ర కరువు పరిస్థితుల్లో వేసుకున్న పంటలకు నీరందించడంతో పాటు పశువుల దాహార్తిని తీర్చుతున్నాయి. రైతుల కష్టాలను గట్టెక్కించే నీటిగుంతల నిర్మాణాలకు ‘బెటర్‌ కాటన్‌ ప్రాజెక్టు’ రైతులకు వెన్నుదన్నుగా నిలుస్తోంది. ఫాంపాండ్‌ నిర్మాణంతో నీరు నిల్వ ఫలితంగా వేసవిలో సాగుకు తప్పిన ఇబ్బందులు

విద్యారణ్యపురి : హనుమకొండ జిల్లా నుంచి ముగ్గురు టీచర్లు రాష్ట్ర స్థాయి అవార్డుకు ఎంపికయ్యారు. మడికొండలోని జిల్లా పరిషత్‌ హైస్కూల్‌ ఫిజికల్‌ సైన్స్‌ స్కూల్‌ అసిస్టెంట్‌ కలసాని మాధవరెడ్డి విద్యార్థులకు సులభంగా అర్థమయ్యేలా విద్యాబోధన చేస్తున్నారు. 2016,2019లో రాష్ట్రస్ధాయి చెకుముకి సైన్స్‌టాలెంట్‌ టెస్టులో గైడ్‌ టీచర్‌గా భాగస్వాములయ్యారు. 2026లో రాష్ట్రస్థాయి ఫిజికల్‌సైన్స్‌ టాలెంట్‌ టెస్టులోనూ ఆయన మార్గదర్శకంలో ఓ విద్యార్థి టాప్‌–5లో నిలిచారు. అలాగే, హసన్‌పర్తి మండలం జయగిరి ఎంపీయూపీఎస్‌ ఎస్‌జీటీ ఎ. కుమారస్వామి టీఎల్‌ఎం టీచింగ్‌లెర్నింగ్‌ మెటీరియల్‌తో విద్యాబోధన చేస్తున్నారు. అంతేగాకుండా వెనుకబడిన విద్యార్థులపై ప్రత్యేక దృష్టిసారిస్తూ వారిలో అభ్యసనా సామర్థ్యాలు సాధించేలా కృషిచేస్తున్నారు. అలాగే, హసన్‌పర్తి టీజీఆర్‌ఎస్‌ గర్ల్స్‌ టీజీటీ సైన్స్‌ టీచర్‌ కేఎన్‌వీ రాజగోపాల్‌ విద్యార్థులకు అర్థమయ్యేలా సులభంగా బోధిస్తూ వారిలో ఆ శాస్త్రంపై ఆసక్తి పెంపొందడానికి కృషి చేస్తున్నారు.

● వరంగల్‌ పోలీసు కమిషనర్‌ ఎన్‌. శ్వేత మామునూరు: పోలీసులు విధుల్లో రాణిస్తూ క్రీడల్లోనూ సత్తా చాటాలని వరంగల్‌ పోలీస్‌ కమిషనర్‌ (సీపీ) శ్వేత అన్నారు. మామునూరు టీజీ ఎస్పీ నాలుగో బెటాలియన్‌లో కమాండెంట్‌ ఎన్‌. వి. సత్య శ్రీనివాస ఆధ్వర్యంలో మూడు రోజులుగా ఉత్సాహంగా సాగిన ఇంటర్‌ –కంపెనీ స్పోర్ట్స్‌ అండ్‌ గేమ్స్‌ మీట్‌–2026 గురువారం ముగిసింది. ముఖ్యఅతిథిగా సీపీ హాజరై మాట్లాడారు. క్రీడలు మానసిక ఉల్లాసంతోపాటు శారీరక దృఢత్వాన్ని పెంపొందిస్తాయన్నారు. అనంతరం విజేతలకు ట్రోఫీ అందజేసి అభినందించారు. ఈస్ట్‌జోన్‌ డీసీపీ అంకిత్‌కుమార్‌, ఏసీపీ వెంకటేష్‌, మామునూరు ఇన్‌స్పెక్టర్‌ శ్రీనివాస్‌, ఏసీ బాలయ్య, వీరన్న, రాజేందర్‌, విజయ్‌, కార్తీక్‌, రవి, రాజిరెడ్డి, సర్వర్‌, వెంకటేశ్వర్లు, ఆరజ్‌కుమార్‌, రాంప్రసాద్‌, పోలీస్‌ క్రీడాకారులు పాల్గొన్నారు.

ఉమ్మడి జిల్లాలో పలువురు రాష్ట్ర స్థాయి ఉత్తమ అధ్యాపక, ఉపాధ్యాయులుగా ఎంపిక జాతీయ ఉపాధ్యాయ దినోత్సవాన్ని పురస్కరించుకుని తెలంగాణ రాష్ట్ర ప్రభుత్వం గురువారం రాష్ట్ర స్థాయి ఉత్తమ అధ్యాపక, ఉపాధ్యాయ అవార్డులు ప్రకటించింది. ఇందులో ఉమ్మడి వరంగల్‌ జిల్లాకు చెందిన పలువురు ఆ అవార్డులకు ఎంపికయ్యారు. వీరికి ఈ నెల 5వ తేదీన కొడంగల్‌లోని ఓ కళాశాలలో అవార్డుల ప్రదానోత్సవం జరగబోతుంది. రాష్ట్ర ముఖ్యమంత్రి, విద్యాశాఖమంత్రిగా ఈ అవార్డులను ప్రదానం చేయబోతున్నారు. అవార్డులతోపాటు రూ. 10వేల నగదు పురస్కారం కూడా అందించనున్నారు. కాగా, ఉమ్మడి వరంగల్‌ జిల్లా విద్యారంగంలో వినూత్నంగా బోధించడం, పరిశోధనలు చేయడంతోపాటు పరిశోధకులకు మార్గదర్శకం వహించడం, పాఠశాలల్లో మౌలిక వసతుల కల్పనకు కృషి చేయడం లాంటి కార్యక్రమాలు చేపడుతూ రాష్ట్ర స్థాయి ఉత్తమ అధ్యాపకులు, ఉపాధ్యాయులుగా ఎంపికై న వారిపై ‘సాక్షి’ ప్రత్యేక కథనం.

హసన్‌పర్తి : కమ్యూనిస్టులు లేని ప్రాంతాలు వెనుకబాటుకు గురయ్యాయని సీపీఎం పొలిట్‌ బ్యూరో సభ్యుడు బీవీ రాఘవులు అన్నారు. గురువారం హసన్‌పర్తి భీమారంలో అఖిల భారత కిసాన్‌ సభ జాతీయ ఉపాధ్యక్షుడు సారంపల్లి మల్లారెడ్డి సంతాప సభ నిర్వహించారు. రాఘవులు ముఖ్య అతి థిగా హాజరై మాట్లాడుతూ భూమి, భుక్తి కోసం పో రాటం చేసింది కమ్యూనిస్టులేనన్నారు. వారి పో రాటంతోనే ప్రాజెక్ట్‌లు, కాల్వలు వచ్చాయన్నారు. మల్లారెడ్డి తన గ్రామంలో సర్పంచ్‌గా పనిచేసి ప్ర జలకు కావాల్సిన సౌకర్యాలు సమకూర్చారన్నారు. ఆయన చివరి శ్వాస వరకు పార్టీ కోసం పనిచేశారని పేర్కొన్నారు. పార్టీ రాష్ట్ర కార్యదర్శి జాన్‌వెస్లీ మా ట్లాడుతూ మల్లారెడ్డి మృతి పార్టీకి తీరని లో న్నా రు. రాజ్యాంగాన్ని ధిక్కరించేలా పాలకవర్గాలు వ్య వహరిస్తున్నారని ఆందోళన వ్యక్తం చేశారు. వరంగల్‌ పశ్చిమ, పరకాల ఎమ్మెల్యేలు నాయిని రాజేందర్‌రెడ్డి, రేవూరి ప్రకాశ్‌రెడ్డి, ఎమ్మెల్సీ బస్వారాజు సారయ్య, మాజీ ఎంపీ వినోద్‌కుమార్‌, మాజీ మేయర్‌ టి.రాజేశ్వర్‌రావు మాట్లాడారు. జిల్లాలో సాగునీరు కోసం, రైతాంగ సమస్యల కోసం నిరంతర పోరాటాలు నడిపిన నాయకుడు సారంపల్లి మల్లారెడ్డి అని కొనియాడారు. సీపీఎం కేంద్ర కమిటీ సభ్యుడు ఎస్‌.వీరయ్య మాట్లాడుతూ మల్లారెడ్డి ఆశయ సాధనకు కృషి చేయాలన్నారు. సీపీఎం జిల్లా కార్యదర్శి ప్రభాకర్‌రెడ్డి అధ్యక్షతన జరిగిన ఈసమావేశంలో పార్టీ రాష్ట్ర కార్యదర్శి వర్గ సభ్యులు నాగయ్య, సుదర్శన్‌, సాగర్‌, వ్యవసాయ కార్మిక సంఘం అఖిల భారత ప్రధాన కార్యదర్శి బి.వెంకట్‌, నాయకులు రంగయ్య, వాసుదేవారెడ్డి, రమేశ్‌, చుక్కచయ్య, రాములు, మల్లారెడ్డి పాల్గొన్నారు. సీపీఎం పొలిట్‌ బ్యూరో సభ్యుడు రాఘవులు మల్లారెడ్డికి ఘన నివాళి

కాజీపేట రూరల్‌ : ప్రయాణికుల సౌకర్యార్థం కాజీపేట జంక్షన్‌ మీదుగా సుబేదార్‌ఘంజ్‌–యశ్వంత్‌పూర్‌–సుబేదార్‌ఘంజ్‌్‌ మ ధ్య సెప్టెంబర్‌ 11వ తేదీ నుంచి 26 ప్రత్యేక రైళ్లను నడిపిస్తున్నట్లు దక్షిణ మధ్య రైల్వే సీపీఆర్వో ఎ.శ్రీధర్‌ గురువారం తెలిపారు. ప్రత్యేక రైళ్ల వివరాలు.. సెప్టెంబర్‌ 11 నుంచి డిసెంబర్‌ 4వ తేదీ వరకు 13 సర్వీస్‌లుగా సుబేదార్‌ఘంజ్‌లో ప్రతీ శుక్రవారం బయలుదేరే సుబేదార్‌ఘంజ్‌–యశ్వంత్‌పూర్‌ (04135) ఎక్స్‌ప్రెస్‌ మరుసటి రోజు కాజీపేట జంక్షన్‌కు చేరుకుని వెళ్తుంది. సెప్టెంబర్‌ 14 నుంచి డిసెంబర్‌ 7వ తేదీ వరకు 13 సర్వీస్‌లుగా యశ్వంత్‌పూర్‌లో ప్రతీ సోమవారం బయలుదేరే యశ్వంత్‌పూర్‌–సుబేదార్‌ఘంజ్‌ (04136) ఎక్స్‌ప్రెస్‌ మరుసటి రోజు కాజీపేట జంక్షన్‌కు చేరుకుని వెళ్తుంది. 33 ఏసీ, స్లీపర్‌ క్లాస్‌, జనరల్‌ సెకండ్‌ క్లాస్‌ కోచ్‌లతో ప్రయాణించే ఈ రైళ్ల సర్వీస్‌లుకు అప్‌ అండ్‌ డౌన్‌లో శంకర్‌ఘర్‌, దాబుర, మాణిక్‌పూర్‌, సంత, కఠ్ని, జబల్‌పూర్‌, ఇటార్జీ, నాగ్‌పూర్‌, బల్హర్షా, సిర్పూర్‌కాగజ్‌నగర్‌, బెల్లంపల్లి, మంచిర్యాల, కాజీపేట, సికింద్రాబాద్‌, లింగంపల్లి, వికారాబాద్‌, తాండూర్‌, యాద్గిరి, కృష్ణ, రాయ్‌చూర్‌, గుంతకల్లు, అనంతపురం, ధర్మవరం, హిందూపురం, యెలహంక స్టేషన్‌లో హాల్టింగ్‌ కల్పించారు. నేడు జన్‌సాధరణ్‌ రైళ్లు.. ప్రయాణికుల రద్దీ దృష్ట్యా కాజీపేట జంక్షన్‌ మీదుగా శుక్రవారం సికింద్రాబాద్‌–సిర్పూర్‌కాగజ్‌నగర్‌, సిర్పూకాగజ్‌నగర్‌–హైదరాబాద్‌ మధ్య రెండు అన్‌రిజర్వుడ్‌ జన్‌సాధరణ్‌ ప్రత్యేక రైళ్లను నడిపిస్తున్నట్లు దక్షిణ మధ్య రైల్వే సీపీఆర్వో ఎ.శ్రీధర్‌ గురువారం తెలిపారు. వివరాలు.. ఈనెల 4వ తేదీన (శుక్రవారం) సికింద్రాబాద్‌లో 12:10 గంటలకు బయలుదేరే సికింద్రాబాద్‌–సిర్పూర్‌కాగజ్‌నగర్‌ (07235) జన్‌సాధరణ్‌ ఎక్స్‌ప్రెస్‌ కాజీపేటకు 14:10 గంటలకు చేరుకుని సిర్పూర్‌కాగజ్‌నగర్‌కు 17:30 గంటలకు చేరుకుంటుంది. సిర్పూర్‌కాగజ్‌నగర్‌లో 18:00 గంటలకు బయలుదేరే సిర్పూర్‌కాగజ్‌నగర్‌–హైదరాబాద్‌ (07236) జన్‌సాధరణ్‌ ఎక్స్‌ప్రెస్‌ కాజీపేట 21: 15 గంటలకు చేరుకుని హైదరాబాద్‌కు 23:15 గంటలకు చేరుకుంటుంది. ఈ రైళ్లకు చర్లపల్లి, భువనగిరి, జనగామ, కాజీపేట, జమ్మికుంట, పెద్దపల్లి, రామగుండం, మంచిర్యాల, బెల్లంపల్లి, ఆసిఫాబాద్‌లో హాల్టింగ్‌ కల్పించారు. 11వ తేదీ నుంచి అమలు

● కేయూ వీసీ కె. ప్రతాప్‌రెడ్డి కేయూ క్యాంపస్‌ : కాకతీయ యూనివర్సిటీలో క్రీడల మౌలిక వసతుల అభివృద్ధికి ప్రాధాన్యం ఇస్తున్నామని వీసీ కె.ప్రతాప్‌రెడ్డి అన్నారు. గురువారం యూనివర్సిటీ పరిధిలోని ఉమ్మడి వరంగల్‌, ఖమ్మం, ఆదిలాబాద్‌ జిల్లాల్లోని కళాశాలల ఫిజికల్‌ డైరెక్టర్ల(పీడీ)తో యూనివర్సిటీలోని సెనెట్‌హాల్‌లో నిర్వహించిన మీట్‌లోఆ యన మాట్లాడారు. ఖేల్‌ ఇండియా పథకంకింద క్రీడా వసతుల అభివృద్ధికి రూ.40 కోట్లతో కేంద్ర ప్రభుత్వానికి ప్రతిపాదనలు పంపామని వెల్లడించారు. విశ్వవిద్యాలయం పరిధిలో 386 కళాశాలలున్నాయని, వీటిలో ప్రిన్సిపాల్‌ తర్వాత ఫిజికల్‌ డైరెక్టర్‌ పాత్రే కీలకమన్నారు. అంతర్‌ విశ్వవిద్యాలయాల క్రీడాపోటీల్లో సుమారు 32 రకాలు ఉంటున్నాయని, కొత్త క్రీడలను కూడా పరిచయం చేసి విద్యార్థులను ప్రోత్సహించాలన్నారు. సమావేశంలో రిజిస్ట్రార్‌ వి.రామచంద్రం, స్పోర్ట్స్‌ బోర్డు సెక్రటరీ, పాలకమండలి సభ్యుడు బి.సురేశ్‌లాల్‌, యూనివర్సిటీ క్యాంపస్‌ కళాశాల ప్రిన్సిపాల్‌ టి.మనోహర్‌, కాకతీయ యూనివర్సిటీ ఫిజికల్‌ డైరెక్టర్ల అసోసియేషన్‌ అధ్యక్షుడు జె. సోమన్న మాట్లాడారు. మాజీ కేయూ స్పోర్ట్స్‌బోర్డు కార్యదర్శి వై. వెంకయ్య 2025–2026 క్రీడావార్షిక నివేదికను ప్రవేశపెట్టారు. క్రీడాకారులకు నాణ్యతతో కూడిన ట్రాక్‌స్యూట్‌ అందించాలని, మరికొన్ని సమస్యలు పరిష్కరించాలని ఫిజికల్‌ డైరెక్టర్లు అధికారులను కోరారు. కార్యక్రమంలో ఆచార్య రమేశ్‌రెడ్డి, ఫిజికల్‌ డైరెక్టర్లు సావిత్రి, వెంకన్న, శ్రీనివాస్‌రెడ్డి, రాజేశ్‌, ఎటీబీటీప్రసాద్‌, తదితరులు పాల్గొన్నారు.

మహబూబాబాద్‌ రూరల్‌: హైదరాబాద్‌లోని బీజేపీ ప్రధాన కార్యాలయం ముట్టడి, నల్లగొండ బీజేపీ ఆఫీస్‌పై కాంగ్రెస్‌ పార్టీ శ్రేణులు చేసిన దాడిని నిరసిస్తూ గురువారం జిల్లా కేంద్రంలోని ఎమ్మెల్యే క్యాంపు కార్యాలయం ముట్టడికి బీజేపీ నాయకులు, కార్యకర్తలు యత్నించారు. అయి తే డీఎస్పీ తిరుపతిరావు పర్యవేక్షణలో టౌన్‌ ఇన్‌చార్జ్‌ సీఐ అంజలి ఆధ్వర్యంలో ఎమ్మెల్యే క్యాంపు కార్యాలయం ఎదుట పోలీసులు భారీగా మోహరించి పటిష్ట బందోబస్తు ఏర్పాటు చేశారు. బీజేపీ శ్రేణులు మూడుకొట్ల సెంటర్‌ నుంచి ప్రదర్శనగా బయలుదేరి వెళ్తుండగా పంచముఖ హనుమాన్‌ దేవాలయం సమీపంలో పోలీసులు రహదారిపై తమ వ్యాన్‌ అడ్డుపెట్టి రోప్‌ పార్టీ ద్వారా అడ్డుకున్నారు. ఈ క్రమంలో పోలీసులు, బీజేపీ శ్రేణుల మధ్య వాగ్వాదంతో పాటు తోపులాట జరిగింది. ఈక్రమంలో పోలీసులు పలువురు బీజేపీ నాయకులు, కార్యకర్తలను అదుపులోకి తీసుకుని ఓ వాహనంలో బలవంతంగా ఎక్కించారు. అయినప్పటికీ కొంతమంది ఎమ్మెల్యే కార్యాలయం వైపు పరుగులు పెట్టారు. పోలీసుల వారిని అడ్డుకుని, అదుపులోకి తీసుకుని కురవి పోలీస్‌స్టేషన్‌కు తరలించారు.

శుక్రవారం శ్రీ 4 శ్రీ సెప్టెంబర్‌ శ్రీ 20267● బోధనలో ఒక్కొక్కరిది ఒక్కోశైలి ● ఉమ్మడి జిల్లాలో పలువురు రాష్ట్రస్థాయి ఉత్తమ అధ్యాపక, ఉపాధ్యాయుల ఎంపిక ● రేపు కొడంగల్‌లో అవార్డుల ప్రదానం వాహనాల వేలంతో రూ.6.3 లక్షల ఆదాయం తొర్రూరు: గుడుంబా సంబంధిత కేసుల్లో ఎకై ్సజ్‌ శాఖ సీజ్‌ చేసిన వాహనాలకు వేలం నిర్వహించగా ప్రభుత్వానికి రూ.6.3 లక్షల ఆదాయం సమకూరింది. ఎకై ్సజ్‌ అధికారులు గురువారం డివిజన్‌ కేంద్రంలోని ఎకై ్సజ్‌ పోలీస్‌ స్టేషన్‌ ఆవరణలో వేలం నిర్వహించారు. జిల్లా ఎకై ్సజ్‌ సూపరింటెండెంట్‌ పి.కరమ్‌చంద్‌ పర్యవేక్షణలో సీఐ బూస అశోక్‌ ఆధ్వర్యంలో 30 వాహనాలకు వేలం నిర్వహించారు. 50మంది వేలం పాటలో పాల్గొనగా 27 వాహనాలను పలువురు దక్కించుకున్నారు. రూ.6.3 లక్షలు ప్రభుత్వానికి సమకూరింది. కార్యక్రమంలో ఎస్సైలు శంకర్‌, గౌతమ్‌, సిబ్బంది పాల్గొన్నారు. పత్తికి రికార్డు ధర రూ.9,015కేసముద్రం: కేసముద్రం వ్యవసాయ మార్కెట్‌లో పత్తికి రికార్డుస్థాయి ధర రూ.9,015 పలికింది. గురువారం మార్కెట్‌కు 79 బస్తాల పత్తి రాగా, క్వింటాకు గరిష్ట ధర రూ.9,015, కనిష్ట ధర రూ.2,122 పలికినట్లు మార్కెట్‌ అధికారులు తెలిపారు. కాగా, పత్తికి మద్దతు ధర రూ.8,667ఉండగా.. అంతకు మించి ధర పలకడం విశేషం. మార్కెట్‌కు సెలవులు మహబూబాబాద్‌ రూరల్‌: శ్రీకృష్ణ జన్మాష్టమి సందర్భంగా మహబూబాబాద్‌ వ్యవసాయ మార్కెట్‌ పరిధిలో శుక్రవారం క్రయవిక్రయాలు జరగవని ఏఎంసీ చైర్మన్‌ ఇస్లావత్‌ సుధాకర్‌ గురువారం తెలిపారు. శని, ఆదివారాలు వారాంతపు సెలవుల అనంతరం మళ్లీ సోమవారం నుంచి మార్కెట్‌ పరిధిలో యధావిధిగా క్రయవిక్రయాలు జరుగుతాయన్నారు. బాల్యవివాహాలను ప్రోత్సహించొద్దు బయ్యారం: బాల్యవివాహాలను ప్రోత్సహించడం చట్టరీత్యా నేరమని జిల్లా న్యాయసేవాధికార సంస్థ సీనియర్‌ న్యాయవాది చెన్నమల్లారెడ్డి అన్నారు. మండలంలోని కొత్తగూడెంలో గురువారం జిల్లా మహిళా సాధికారిత కేంద్రం, చైల్డ్‌ హెల్ప్‌లైన్‌ సమన్వయంతో నిర్వహించిన అవగాహన సదస్సును ఉద్దేశించి ఆయన మాట్లాడారు. యువతులకు 18, యువకులకు 21 సంవత్సరాలు నిండిన తర్వాతే వివాహం జరిపించాలన్నారు. బాల్యవివాహాలు చేస్తే 1098నంబర్‌కు గానీ, స్థానిక పోలీసులకు గానీ సమాచారం అందించాలన్నారు. అనంతరం బాల్యవివాహా లపై ముద్రించిన పోస్టర్లను ఆవిష్కరించారు. జీఓ 97ను రద్దు చేయాలి కేసముద్రం: రాష్ట్ర ప్రభుత్వం పాలిటెక్నిక్‌ కాలేజీలను శక్తిలో విలీనం చేస్తూ జారీ చేసిన జీఓ నంబర్‌ 97ను వెంటనే రద్దు చేయాలంటూ బుధవారం మున్సిపాలిటీ కేంద్రంలో పాలిటెక్నిక్‌ విద్యార్థులు రాస్తారోకో నిర్వహించారు. ముందుగా పాలిటెక్నిక్‌ కాలేజీ నుంచి ర్యాలీగా వచ్చి పొట్టిశ్రీరాములు సెంటర్‌ వద్ద విద్యార్థులు బైఠాయించారు. అదే విధంగా పాలిటెక్నిక్‌ కళాశాలలో అధ్యాపకులు నిరసన తెలిపారు. ఎకై ్సజ్‌ అధికారుల బదిలీలు మహబూబాబాద్‌ రూరల్‌: జిల్లా ఎకై ్సజ్‌ శాఖ పరిధిలో పని చేస్తున్న సీఐలు, ఎస్సైలను బదిలీ చేస్తూ అధికారులు బుధవారం రాత్రి ఉత్తర్వులు జారీ చేశారు. మహబూబాబాద్‌ సీఐ జి.చిరంజీవి ఖమ్మం వన్‌ టౌన్‌కు, ఎస్సై ఐ.అశోక్‌ కుమార్‌ పదోన్నతిపై పాల్వంచ, ఎస్సై జి.మౌనిక సిద్దిపేట, డీటీఎఫ్‌ సీఐ సీహెచ్‌.నీరజ హుస్నాబాద్‌, డీటీఎఫ్‌ ఎస్సై ఆర్‌.కిరీటి ఖమ్మం టు టౌన్‌, గూడూరు సీఐ ఎన్‌.భిక్షపతి నిర్మల్‌, ఎస్సై ఎస్‌.రాజేశ్వరి పదోన్నతిపై కరీంనగర్‌ ఎన్‌ఫోర్స్‌మెంట్‌, తొర్రూరు ఎస్సై ఎం.రవళి ఖమ్మం జిల్లా వైరాకు బదిలీ అయ్యారు. విధుల్లో చేరిన నూతన అధికారులు.. జిల్లాలో ఎకై ్సజ్‌ సీఐలు, ఎస్సైలు బదిలీకాగా.. వారి స్థానంలో మానుకోట సీఐగా ఇల్లెందు నుంచి బి.రాంప్రసాద్‌, రామగుండం నుంచి ఎస్సై ఎం.శ్రీనివాస్‌, సింగరేణి నుంచి ఎస్సై డి.వసంతలక్ష్మి, తొర్రూరు ఎస్సైగా కొత్తగూడెం డీటీఎఫ్‌ నుంచి కె.గౌతమ్‌, గూడూరు ఎస్సైగా బెల్లంపల్లి నుంచి ఎం.వెంకటేష్‌, మహబూబాబాద్‌ డీటీఎఫ్‌ సీఐగా గురునాథ్‌ సుల్తానాబాద్‌ స్టేషన్‌ నుంచి బదిలీపై వచ్చి విధుల్లో చేరారు. సాక్షి ప్రతినిధి, వరంగల్‌: మంత్రి పదవినుంచి బర్తరఫ్‌తో సుమారు 18 రోజుల కొండా సురేఖ ఎపిసోడ్‌కు గురువారం ఎండ్‌ కార్డు పడింది. పరకాల వేదికగా మొదలైన రాజకీయ వివాదం.. రాష్ట్ర రాజధాని హైదరాబాద్‌ను దాటి ఢిల్లీకి చేరింది. అక్కడ కాంగ్రెస్‌ అధిష్టానం స్థాయిలో జరిగిన చర్చలు.. మంత్రివర్గం నుంచి బయటకు పంపే స్థాయికి చేరాయి. కూతురు కొండా సుస్మిత చేసిన వ్యాఖ్యలతో మొదలైన ఈ వివాదం.. ఆ తర్వాత వరుస ఫిర్యాదులు, ఎమ్మెల్యేల నివేదికలు, క్రమశిక్షణ కమిటీ రిపోర్ట్‌, ఆమె మాజీ ఓఎస్డీ సుమంత్‌ వ్యవహారం.. హైకమాండ్‌ను ఆగ్రహానికి గురి చేశాయి. చివరకు సురేఖను కేబినెట్‌ నుంచి తప్పించారు. ఆగస్టు 16 తర్వాత మొదలైన పరిణామాలు గురువారం నాటి కొండా సురేఖ బర్తరఫ్‌ వరకు జరిగిన తంతు ఉమ్మడి వరంగల్‌ కాంగ్రెస్‌ వర్గాల్లో హాట్‌ టాపిక్‌గా మారింది. కూతురు మాటలనుంచి కేబినెట్‌ వేటు దాకా.. ఆగస్టు 16న సీఎం రేవంత్‌రెడ్డి పరకాల పర్యటన తర్వాత చోటుచేసుకున్న పలు ఘటనలు కొండా సురేఖ రాజకీయ ప్రస్థానంలో మరో కీలక మలుపునకు నాంది పలికాయి. సురేఖ జన్మదినం సందర్భంగా ఆగస్టు 19న ఆమె కుమార్తె సుస్మిత.. ముఖ్యమంత్రి రేవంత్‌రెడ్డి, మంత్రి పొంగులేటి శ్రీనివాస్‌ రెడ్డిని ఉద్దేశించి చేసిన వ్యాఖ్యలు కాంగ్రెస్‌లో తీవ్ర అసంతృప్తికి కారణమయ్యాయి. అధిష్టానం సీరియస్‌గా తీసుకుంది. తన కుమార్తె చేసిన వ్యాఖ్యలకు తాను బాధ్యురాలిని కాదని, వాటితో తనకు సంబంధం లేదని ఆమె స్పష్టం చేసినా ప్రయోజనం లేకుండా పోయింది. పార్టీ వర్గాల్లో మాత్రం సురేఖ వైఖరిపై భిన్నాభిప్రాయాలు వ్యక్తమయ్యాయి. సురేఖపై ఈ ఒక్క అంశమే కాకుండా.. మరి కొన్నింటితో కూడిన ఫిర్యాదుల ఫైల్‌ అధిష్టానం ముందుకు వెళ్లినట్లు ప్రచారం. కూతురు చేసిన వ్యాఖ్యల వివాదంపై రంగంలోకి దిగిన టీపీసీసీ క్రమశిక్షణ కమిటీ సైతం సురేఖపై చర్యలు తీసుకోవాలని సిఫారసు చేయడం ఈ వ్యవహారంలో కీలక మలుపుగా మారింది. ఇదే సమయంలో సురేఖ మాజీ ఓఎస్డీ సుమంత్‌పై నమోదైన కేసు, అందులో వెలుగులోకి వచ్చిన ఆరోపణలు అధిష్టానం దృష్టికి వెళ్లినట్లు చెబుతున్నారు. వీటన్నింటిపై సుదీర్ఘంగా చర్చించిన తర్వాత సురేఖ స్వచ్ఛందంగా తప్పుకునే పరిస్థితి లేదని భావించి బర్తరఫ్‌ నిర్ణయం తీసుకున్నట్లు ప్రకటించడం గమనార్హం. ఇప్పటికై తే ఇంతే.. ఎమ్మెల్యేగా సురేఖ మంత్రి పదవి పోయినా.. సురేఖ రాజకీయ ప్రస్థానం ముగి సినట్లు కాదు. ఇప్పటికే ఈ విషయమై మీడియా సమావేశంలో క్లారిటీ ఇచ్చారు. తానేమీ తప్పు చేయలేదని, పదవిపోతే బాధ పడాల్సిన అవసరం లేదన్న ఆమె.. వరంగల్‌ తూర్పు నియోజకవర్గ ప్రజల కోసం ఎమ్మెల్యేగా కొనసాగుతానన్నా రు. కేబినెట్‌ నుంచి బర్తరఫ్‌ అయినప్పటికీ సోనియా, రాహు ల్‌, ప్రియాంకా గాంధీలంటే ఇష్టమన్న ఆమె.. ఎమ్మెల్యేగా తన తదుపరి అడుగులు ఎలా ఉంటాయన్నది ఇప్పుడే చెప్పలేమనడం ఆసక్తికరంగా మారాయి. ఉమ్మడి వరంగల్‌ కాంగ్రెస్‌ రాజకీయాలపై ఈ పరిణామాలు భవిష్యత్‌లో ఎలాంటి ప్రభావం చూపుతాయన్న చర్చ పార్టీ శ్రేణుల్లో జరుగుతోంది. హనుమకొండ రాంనగర్‌లో నిర్మానుష్యంగా ఉన్న తాజా మాజీ మంత్రి కొండా సురేఖ నివాసం ‘పరకాల’నుంచి మొదలైన మాటల దాడి.. ఎమ్మెల్యేల నివేదికలతో ముదిరిన పంచాయితీ క్రమశిక్షణ కమిటీ సిఫారసుతో కీలక మలుపు ఉత్కంఠ రేపిన ఢిల్లీ మంతనాలు.. చివరకు కేబినెట్‌నుంచి వేటు 18రోజులపాటు ఉమ్మడి జిల్లా కాంగ్రెస్‌లో రాజకీయ ప్రకంపనలు

మహబూబాబాద్‌: జిల్లాలో అంగన్‌వాడీ వ్యవస్థలో 231 పోస్టుల భర్తీకి ఆగస్టు 24న నోటిఫికేషన్‌ విడుదల చేశారు. అదే నెల 25నుంచి ఈనెల 3వ తేదీ వరకు దరఖాస్తులు స్వీకరించారు. కాగా 101 టీచర్‌ పోస్టులకు 2,172 దరఖాస్తులు, 130 ఆయా పోస్టులకు 891 దరఖాస్తులు వచ్చాయి. తర్వాత సర్టిఫికెట్ల వెరిఫికేషన్‌, ఫైనల్‌గా ఇంటర్వ్యూల ద్వారా అభ్యర్థుల ఎంపిక ప్రక్రియ పూర్తవుతుంది. 1,437 కేంద్రాలు.. జిల్లాలో 1,437అంగన్‌వాడీ కేంద్రాలు ఉన్నాయి. కాగా 1,309 మంది టీచర్లు, 957 మంది ఆయాలు, 49 మంది సూపర్‌వైజర్లు మాత్రమే పని చేస్తున్నారు. టీచర్లు లేని సెంటర్లను ఇన్‌చార్జ్‌లతో నిర్వహిస్తున్నారు. దీంతో కేంద్రాల నిర్వహణ కష్టంగా మారింది. దీంతో ఎట్టకేలకు 231 పోస్టుల భర్తీకి నోటిఫికేషన్‌ విడుదల చేసింది. 3,063 దరఖాస్తులు.. జిల్లా పరిధిలో 231 పోస్టులకు గాను 3,063 దరఖాస్తులు వచ్చాయని అధికారులు తెలిపారు. 101 టీచర్‌ పోస్టులకు 2,172 దరఖాస్తులు, 130ఆయా పోస్టులకు 891దరఖాస్తులు వచ్చాయి. ఈనెల 7నుంచి సర్టిఫికెట్ల వెరిఫికేషన్‌.. ఈనెల 7నుంచి 19వరకు సర్టిఫికెట్ల వెరిఫికేషన్‌ చేపట్టనున్నట్లు అధికారులు తెలిపారు. ప్రాజెక్ట్‌ల వారీగా సర్టిఫికెట్ల వెరిఫికేషన్‌ ఆతర్వాత ఫిజికల్‌ వెరిఫికేషన్‌ ఉంటుంది. ఆ జాబితాను జీపీల్లో ప్రదర్శించి అభ్యంతరాల స్వీకరణ ఇతర ప్రక్రియ పూర్తి కావడానికి 20 నుంచి 25రోజుల సమయం పడుతుందని అధికారులు పేర్కొన్నారు. ఇంటర్‌ ఉత్తీర్ణత, 18 నుంచి 35 సంవత్సరాలలోపు వయసు ఉండి, స్థానిక మహిళ అయి ఉండాలి. చివరికి ఇంటర్వ్యూల ద్వారా ఎంపికి పూర్తి చేస్తారు. 231 అంగన్‌వాడీ పోస్టులకు 3,063అర్జీలు ఈనెల 7నుంచి 19వరకు సర్టిఫికెట్ల వెరిఫికేషన్‌ ఇంటర్వ్యూల ద్వారా ఎంపిక

● కలెక్టర్‌ స్నేహశబరీష్‌ మహబూబాబాద్‌: ఎస్సీ, ఎస్టీ చట్టం కింద నమోదైన కేసుల్లో బాధితులకు తక్షణ సహాయం అందించాలని కలెక్టర్‌ స్నేహశబరీష్‌ ఆదేశించారు. కలెక్టరేట్‌లోని ప్రధాన సమావేశ మందిరంలో గురువారం జిల్లా ఎస్సీ, ఎస్టీ విజిలెన్స్‌ అండ్‌ మానిటరింగ్‌ కమిటీ సమావేశం నిర్వహించారు. కలెక్టర్‌ మా ట్లాడుతూ.. బాధితులకు నష్టపరిహారం, పెన్షన్‌, ఇతర ఫలాలను వెంటనే అందజేయాలన్నారు. రెవెన్యూ, పోలీస్‌, సాంఘిక సంక్షేమశాఖల అధికారులు సమన్వయంతో పని చేసి కేసులు పరిష్కారం వేగవంతం చేయాలన్నారు. వసతిగృహాల్లో పక్కాగా డైట్‌ మెనూ పాటించాలని, గృహాలను అధికారులు తనిఖీ చేయాలన్నారు. ఎస్పీ శబరీష్‌, అదనపు కలెక్టర్‌ అనిల్‌కుమార్‌, ఇన్‌చార్జ్‌ అదనపు కలెక్టర్‌ పురుషోత్తం, సంబంధిత అధికారులు పాల్గొన్నారు. నోటీసులకు స్పందించాలి ఎస్‌ఐఆర్‌(సర్‌)లో భాగంగా అధికారులు ఇచ్చిన నోటీసులకు ఓటర్లు తప్పనిసరిగా స్పందించి ఓటును పరిరక్షించుకోవాలని కలెక్టర్‌ స్నేహశబరీష్‌ అన్నారు. జిల్లా కేంద్రంలోని హన్మంతునిగడ్డ డాక్టర్‌ బీఆర్‌ అంబేడ్కర్‌ భవన్‌, పద్మశాలి భవన్‌లోని పోలింగ్‌ కేంద్రాల్లో కొనసాగుతున్న నోటీసుల ప్రక్రియను గురువారం కలెక్టర్‌ పరిశీలించారు. ఈసందర్భంగా ఆమె మాట్లాడుతూ.. 11రకాల గుర్తింపు కార్డుల్లో ఏదైనా ఒకటి జతపర్చి బీఎల్‌ఓలకు అందజేయాలన్నారు. ఆర్డీఓ రాజేశ్వరి, మున్సిపల్‌ డీఈఈ ఉపేందర్‌, డీటీ నాగరాజు పాల్గొన్నారు. ఆరు గ్యారంటీల అమలులో విఫలంకురవి: ఆరు గ్యారంటీలు అమలు చేయడంలో సీఎం రేవంత్‌రెడ్డి ప్రభుత్వం విఫలమైందని మాజీ మంత్రులు రెడ్యానాయక్‌, సత్యవతిరాథోడ్‌ విమర్శించారు. గురువారం బీఆర్‌ఎస్‌ రాష్ట్ర వర్కింగ్‌ ప్రెసిడెంట్‌ కేటీఆర్‌ పిలుపుమేరకు కాంగ్రెస్‌ పార్టీ ఇచ్చిన హామీలను అమలు చేయాలని డిమాండ్‌ చేస్తూ ఆందోళన కార్యక్రమం నిర్వహించారు. ఎస్సారెస్పీ కాల్వ వద్దకు వెళ్లి పరిశీలించి, రైతులకు నాణ్యమైన కరెంట్‌ ఇస్తున్నారా..?, వ్యవసాయానికి సాగునీరు సరిపోను అందుతుందా..? అని రైతులను అడిగి తెలుసుకున్నారు. అక్కడ నుంచి ర్యాలీగా గుడిసెంటర్‌ వద్దకు వెళ్లి ధర్నా నిర్వహించారు. ఈ సందర్భంగా వారు మాట్లాడుతూ.. కాంగ్రెస్‌ పార్టీ ప్రజలకు అబద్ధపు హామీలు ఇచ్చి అధికారంలోకి వచ్చిందన్నారు. డోర్నకల్‌ ఎమ్మెల్యే పొద్దున లేస్తే సూర్యాపేటలోనే ఉంటున్నారని, ప్రజలకు అందుబాటులో ఉండడం లేదన్నారు. బీఆర్‌ఎస్‌ కార్యకర్తలు బాకీ కార్డులను అన్ని గ్రామాల్లో పంచాలని, కాంగ్రెస్‌ ఇచ్చిన గ్యారంటీలు, హామీలు నెరవేర్చలేదని ప్రజలకు తెలిసేలా చెప్పాలని అన్నారు. బీఆర్‌ఎస్‌ నాయకులు పిచ్చిరెడ్డి, రవినాయక్‌, లాలయ్య, నర్సింహారావు, రమేశ్‌, నాగయ్య, భరత్‌, విజయ్‌, శ్రీను, శోభన్‌, కృష్ణ, భాస్కర్‌, నెహ్రూ, నరహరి, సాంబశివరావు పాల్గొన్నారు.

సాక్షిప్రతినిధి, వరంగల్‌ : పదవులు రావడం.. పోవడం రాజకీయాల్లో సహజమే. కానీ కొందరిని మాత్రం అదృష్టం వెంటాడుతూనే ఉంటుంది. వరంగల్‌ రాజకీయాల్లో గుండు సుధారాణి పరిస్థితి ఇందుకు తాజా ఉదాహరణగా నిలుస్తోంది. ఇటీవల గ్రేటర్‌ వరంగల్‌ మేయర్‌ పదవినుంచి మాజీ అయిన ఆమెకు.. కొద్ది రోజుల వ్యవధిలోనే మరో కీలక పదవి దక్కింది. సామాజిక సమీకరణల్లో భాగంగా ‘కుడా’ (కాకతీయ అర్బన్‌ డెవలప్‌మెంట్‌ అథారిటీ) చైర్మన్‌ పదవి ఆమెను వరించింది. టీడీపీలో రాజ్యసభ సభ్యురాలిగా, బీఆర్‌ఎస్‌ హయాంలో మేయర్‌గా ఎన్నికై ప్రభుత్వం ఏర్పాటు తర్వాత కాంగ్రెస్‌ పార్టీలో చేరగా ఇప్పుడు ‘కుడా’ చైర్‌పర్సన్‌ పదవి వరించింది. కాగా, ప్రస్తుతం ఈ పదవిలో హనుమకొండ డీసీసీ అధ్యక్షుడు ఇనగాల వెంకట్రాంరెడ్డి కొనసాగుతున్నారు. ఆయనను తప్పించి సుధారాణికి బాధ్యతలు అప్పగించారు. సురేఖ బర్తరఫ్‌.. సమీకరణాల్లో మార్పు కొండా సురేఖను రాష్ట్ర మంత్రివర్గంనుంచి తప్పించడంతో ఉమ్మడి వరంగల్‌ రాజకీయాల్లో సామాజిక, ప్రాంతీయ సమీకరణలపై చర్చ మొదలైంది. ఈ నేపథ్యంలో ఇప్పటికే పద్మశాలి సామాజికవర్గానికి చెందిన గుండు సుధారాణికి కుడా చైర్మన్‌ పదవి ఇవ్వడం ద్వారా ఆ వర్గానికి రాజకీయ ప్రాధాన్యం కొనసాగించాలనే ఉద్దేశంతో ప్రభుత్వం నిర్ణయం తీసుకున్నట్లు రాజకీయ వర్గాల్లో చర్చ జరుగుతోంది. కాగా, ఉమ్మడి వరంగల్‌ రాజకీయాల్లో కీలకంగా ఉన్న గుండు సుధారాణికి రాజకీయంగా కీలక పదవులు కొత్తేమీ కాదు. గ్రేటర్‌ వరంగల్‌ మేయర్‌గా పనిచేసిన ఆమె.. ఇటీవల మేయర్‌ పదవీకాలం ముగియడంతో ఆ పదవికి వీడ్కోలు పలికారు. దీంతో ఇక ఆమె రాజకీయ భవిష్యత్‌ ఏమిటన్న చర్చ జరుగుతున్న సమయంలోనే మరో కీలక బాధ్యత దక్కడం విశేషం. వరంగల్‌ రాజకీయాల్లో గుండు సుధారాణికి ‘ఒక పదవి పోతే.. మరో పదవి వెతుక్కుంటూ వచ్చిన’ పరిస్థితి ఏర్పడింది. అందుకే ప్రస్తుతం వరంగల్‌ రాజకీయ వర్గాల్లో ఆమెకు ‘అదృష్టం మరోసారి వరించింది’ అన్న చర్చ సాగుతోంది. ఇంటివద్ద సంబురాలు వరంగల్‌ చౌరస్తా : కుడా చైర్‌పర్సన్‌గా గుండు సుధారాణి నియామకం పట్ల ఆ పార్టీ నాయకులు, కార్యకర్తలు పెద్ద ఎత్తున సంబురాలు జరుపుకున్నారు. గురువారం సాయంత్రం రామన్నపేటలోని సుధారాణి ఇంటి ఎదుట బాణసంచా పేల్చి, స్వీట్లు పంపిణీ చేసుకున్నారు. గుండు సుధారాణికి మరో కీలక పదవి.. ‘కుడా’ చైర్‌పర్సన్‌గా నియామకం సురేఖ బర్తరఫ్‌తో మారిన సామాజిక సమీకరణలు పద్మశాలి వర్గానికి మళ్లీ ప్రాధాన్యం.. సీఎం రేవంత్‌రెడ్డికి కృతజ్ఞతలు.. కాకతీయ అర్బన్‌ డెవలప్‌మెంట్‌ అథారిటీ (కుడా) చైర్‌పర్సన్‌గా పదవి ఇచ్చి నాపై సీఎం రేవంత్‌రెడ్డి ఉంచిన నమ్మకాన్ని నిలబెడతా. ఆయనకు కృతజ్ఞతలు. బీసీల అభ్యున్నతి, మహిళా సాధికారతకు కృషి చేస్తా. నా నియామకానికి సహకరించిన ఉమ్మడి జిల్లా ఇన్‌చార్జ్‌ మంత్రి పొంగులేటి శ్రీనివాస్‌రెడ్డి, మంత్రులు సీతక్క, పొన్నం ప్రభాకర్‌, రాజ్యసభ సభ్యుడు వేం నరేందర్‌ రెడ్డి, ఎమ్మెల్సీ బస్వరాజు సారయ్య, ఏఐసీసీ, టీపీసీసీ నేతలు, ఎంపీలు, ఎమ్మెల్యేలు, డీసీసీ అధ్యక్షులకు ప్రత్యేక ధన్యవాదాలు. – గుండు సుధారాణి

మహబూబాబాద్‌: పారిశుద్ధ్య సమస్య పరిష్కారానికి ప్రజలు సహకరించాలని, తడి, పొడి చెత్త వేరు చేసి ఇ వ్వాలని, రోడ్లపై చెత్త వేయవద్దని మున్సిపల్‌ కమిషనర్‌ వినోద్‌కుమార్‌ అన్నారు. జిల్లాలోని మున్సిపాలిటీల్లో పేరుకుపోయిన పారిశుద్ధ్యం, తదితర విషయాలపై సాక్షి దినపత్రికలో ‘మురుగు.. పరుగు’ అనే శీర్షికన బుధవారం ప్రచురితమైన కథనంపై మున్సిపల్‌ కమిషనర్‌ వినోద్‌కుమార్‌ స్పందించారు. కాల్వలు శుభ్రం చేయాలని, రోడ్లపై చెత్తను తొలగించాలని శానిటరీ ఇన్‌స్పెక్టర్‌ శ్రీహరిని ఆదేశించారు. ఈ మేరకు కార్మికులతో పలు ప్రాంతాల్లో శుభ్రం చేయించారు. ఈసందర్భంగా కమిషనర్‌ మాట్లాడుతూ.. అందరి సహకారంతోనే పారిశుద్ధ్య సమస్య తీరుతుందని, ప్రధానంగా ప్లాస్టిక్‌ బాటిళ్లు కాల్వల్లో వేయవద్దన్నారు. ఖాళీ స్థలాల యజమానులకు నో టీసులు ఇచ్చి శుభ్రం చేసుకోవాలని తెలియజేస్తామన్నారు. పందుల పెంపకందారులతో సమావేశం నిర్వహించి, సమస్య పరిష్కరిస్తామన్నారు. కుక్కల బెడదను అరికట్టే విషయంలో ఏబీసీ సెంటర్‌లో ఆపరేషన్ల సంఖ్య పెరిగిలా చూస్తామన్నారు. మున్సిపల్‌ కమిషనర్‌ వినోద్‌కుమార్‌

తొర్రూరు: ప్రస్తుతం ఏర్పడిన కరువు కాలం తెచ్చినది కాదని.. కాంగ్రెస్‌ తెచ్చిన కరువు అని మాజీ మంత్రి ఎర్రబెల్లి దయాకర్‌రావు విమర్శించారు. కాంగ్రెస్‌ ప్రభుత్వ 1000 రోజుల పాలనను నిరసిస్తూ బీఆర్‌ఎస్‌ పార్టీ ఆధ్వర్యంలో బుధవారం డివిజన్‌ కేంద్రంలో భారీ ర్యాలీ నిర్వహించారు. తొర్రూరు, పెద్దవంగర, రాయపర్తి మండలాల బీఆర్‌ఎస్‌ నాయకులతో కలిసి గాంధీ సెంటర్‌లో ధర్నా చేపట్టారు. దయాకర్‌రావు మాట్లాడుతూ.. కాంగ్రెస్‌ ప్రభుత్వ 1000 రోజుల పాలన అబద్ధాల పునాదులపై సాగిందని, ఆరు గ్యారంటీల పేరిట ప్రజలను ప్రభుత్వం నిండా ముంచిందన్నారు. వంద రోజుల వ్యవధిలో హామీలు అమలు చేస్తామన్న రేవంత్‌రెడ్డి వెయ్యి రోజులైనా అమలు చేయకుండా ప్రజలకు మొండి చేయి చూపారన్నారు. పాలనపై కాకుండా సంపాదనపై దృష్టి పెట్టాడన్నారు. 420 హామీలు, 13 డిక్లరేషన్లు, 6 గ్యారంటీల పేరిట కాంగ్రెస్‌ ప్రభుత్వం ప్రజలను మోసం చేసిందని మండిపడ్డారు. పంటల సాగుకు నీళ్లు వదలాలని అడిగితే అరెస్టు చేసి కేసులు పెడుతున్నారన్నారు. పంటలు కళ్ల ముందే ఎండిపోతుంటే పుట్టెడు బాధలో ఉన్న రైతులపై రేవంత్‌రెడ్డి సర్కారు బలవంతంగా రుద్దుతున్న కరువు ఇది అని స్పష్టం చేశారు. అన్ని సర్వేలు బీఆర్‌ఎస్‌ పార్టీ గెలుస్తుందని నివేదికలు ఇచ్చాయన్నారు. కేసీఆర్‌ మళ్లీ సీఎం కావడం ఖాయమని, తాను పాలకుర్తిలో గెలిచి మంత్రిని అవుతానని తెలిపారు. కార్యక్రమంలో బీఆర్‌ఎస్‌ నాయకులు పసుమర్తి సీతారాములు, మంగళపల్లి శ్రీనివాస్‌, తూర్పాటి చిన్న అంజయ్య, రామిని శ్రీనివాస్‌, ఈదురు ఐలయ్య, శ్రీరాం సుధీర్‌, సోమ నర్సింహారెడ్డి, మూనావత్‌ నర్సింహనాయక్‌, జినుగు అనిమిరెడ్డి, రంగు కుమార్‌, కుర్ర శ్రీనివాస్‌, నలమాస ప్రమోద్‌, అనుమాండ్ల ప్రదీప్‌రెడ్డి, అంకూస్‌, ధరావత్‌ జైసింగ్‌, శామకూరి ఐలయ్య, వీరారెడ్డి, సర్పంచులు, మున్సిపల్‌ కౌన్సిలర్లు పాల్గొన్నారు. అబద్ధాల పునాదులపై రేవంత్‌రెడ్డి పాలన మాజీ మంత్రి దయాకర్‌రావు

కాళేశ్వరం : గోదావరి పుష్కరాలను దృష్టిలో ఉంచుకుని కాళేశ్వరం దేవస్థాన అభివృద్ధి, పునర్నిర్మాణ పనులను గడువులోగా పూర్తి చేయాలని జయశంకర్‌ భూపాలపల్లి కలెక్టర్‌ రాహుల్‌ శర్మ అధికారులను ఆదేశించారు. ఈ మేరకు బుధవారం మహదేవపూర్‌ మండలం కాళేశ్వరంలో నిర్మాణంలో ఉన్న దేవాలయాన్ని సందర్శించి పనులను క్షేత్రస్థాయిలో పరిశీలించారు. ఆలయ ప్లాన్‌, డ్రాయింగ్‌లను చూశారు. అనంతరం ఆర్‌అండ్‌బీ, ఇరిగేషన్‌, దేవాలయ అధికారులతోపాటు సివిల్‌, స్టోన్‌ వర్క్‌ కాంట్రాక్టర్లతో పనుల పురోగతిపై ఈఓ కార్యాలయంలో సమీక్ష నిర్వహించారు. ఈ సందర్భంగా కలెక్టర్‌ మాట్లాడుతూ గోదావరి పుష్కరాల నాటికి భక్తులకు ఎలాంటి ఇబ్బందులు కలగకుండా ఆలయ అభివృద్ధి పనులు వేగంగా పూర్తి చేయాలన్నారు. పనులన్నీ మే నెల చివరి వరకు పూర్తయ్యేలా సమగ్ర కార్యాచరణ రూపొందించాలని పేర్కొన్నారు. పనుల్లో నాణ్యతకు అత్యంత ప్రాధాన్యం ఇవ్వాలని స్పష్టం చేశారు. దేవాలయ నిర్మాణంలో నాణ్యమైన కృష్ణ శిలలను తెప్పించి అవసరమైన కార్వింగ్‌ పనులు చేపడుతున్నట్లు తెలిపారు. ఆలయ చారిత్రక ప్రాధాన్యత, నిర్మాణ నాణ్యత, భ క్తుల సౌకర్యాలను దృష్టిలో ఉంచుకుని ప్రతీ పనిని పకడ్బందీగా పూర్తి చేయాలని ఆదేశించారు. కార్యక్రమంలో ఆర్‌అండ్‌బీ ఎస్‌ఈ రమేశ్‌, పీఆర్‌ ఈఈ విద్యాసాగర్‌, శిక్షణ డిప్యూటీ కలెక్టర్‌ నవీన్‌ రెడ్డి, దేవాలయ ఈఓ మహేశ్‌, తదితరులు పాల్గొన్నారు. బాలాలయంలో పూజలు.. కలెక్టర్‌ రాహుల్‌శర్మ మొదటిసారి బాలాలయంలో కాళేశ్వరంలోని శ్రీ కాళేశ్వర ముక్తీశ్వర స్వామివారి ఉత్సవ మూర్తులను దర్శించుకుని ప్రత్యేక పూజలు నిర్వహించారు. అంతకుముందు కలెక్టర్‌కు ఆలయ అర్చకులు, అధికారులు పూర్ణకుంభంతో ఘన స్వాగతం పలికారు. పీఆర్‌ ఈఈ విద్యాసాగర్‌, ఆలయ ఉప ప్రధాన అర్చకులు ఫణీంద్రశర్మ, తదితరులు పాల్గొన్నారు. పుష్కరాలు దృష్టిలో ఉంచుకుని వేగం పెంచాలి జయశంకర్‌ భూపాలపల్లి కలెక్టర్‌ రాహుల్‌శర్మ

మహబూబాబాద్‌ అర్బన్‌: విదేశీ విద్యా పర్యటనలో భాగంగా బుధవారం డీఈఓ కార్యాలయంలో త్రీమెన్‌ కమిటీ ఆధ్వర్యంలో ఉపాధ్యాయులకు ఇంటర్వ్యూలు నిర్వహించినట్లు జిల్లా ఇన్‌చార్జ్‌ అదనపు కలెక్టర్‌ పురుషోత్తం తెలిపారు. జిల్లా నుంచి మొత్తం 14 మంది ఉపాధ్యాయులు హాజరయ్యారన్నారు. ఎంపికై న ఉపాధ్యాయులు విదేశీ పర్యటనలో అంతర్జాతీయ స్థాయిలో అమలవుతున్న ఉత్తమ విద్యా విధానాలు, వినూత్న బోధన పద్ధతులు, విద్యారంగంలో నూతన పరిణామాలపై అధ్యయనం చేస్తారన్నారు. కార్యక్రమంలో డీఈఓ సత్యనారాయణమూర్తి, జిల్లా సంక్షేమ శాఖ అధికారి శిరీష తదితరులు పాల్గొన్నారు. ప్రపంచ దేశాలకు మార్గదర్శకాలుమహబూబాబాద్‌: గాంధీ చూపిన అహింస, శాంతి ప్రపంచ దేశాలకు మార్గదర్శకాలని అదనపు కలెక్టర్‌ అనిల్‌కుమార్‌ అన్నారు. గాంధీ రీసెర్చ్‌ ఫౌండేషన్‌ ఆధ్వర్యంలో ఈనెల 2నుంచి అక్టోబర్‌ 2వరకు నిర్వహించే గాంధీజీ మాసోత్సవాల పోస్టర్లు, కరపత్రాలను బుధవారం కలెక్టర్‌లో ఆవిష్కరించారు. అదనపు కలెక్టర్‌ మాట్లాడుతూ.. నాటి భారతదేశ స్వాత ంత్య్ర సంగ్రామం మొదలు ప్రత్యేక తెలంగాణ ఉద్యమం వరకు ప్రజలు అహింసాయుత శాంతి మార్గాల ద్వారా విజయం సాధించారన్నారు. కార్యక్రమంలో గాంధీజీ రీసెర్చ్‌ ఫౌండేషన్‌ రాష్ట్ర కన్వీనర్‌ పరికిపండ్ల అశోక్‌, డీపీఆర్వో రాజేంద్రప్రసాద్‌, అప్పారావు, చిత్తనూరి శ్రీనివాస్‌, మధు తదితరులు పాల్గొన్నారు. రైతులకు అవగాహన కల్పించాలి మహబూబాబాద్‌ రూరల్‌: ప్రభుత్వం అమలు చేస్తున్న వ్యవసాయశాఖ పథకాలపై రైతులకు అవగాహన కల్పించాలని రాష్ట్ర వ్యవసాయ శాఖ అడిషనల్‌ డైరెక్టర్లు విజయకుమార్‌, బాలు అన్నారు. వ్యవసాయ శాఖ అమలు చేస్తున్న వివిధ పథకాలపై హైదరాబాద్‌లోని రాష్ట్ర వ్యవసాయ కమిషనర్‌ కార్యాలయం నుంచి వారు బుధవారం వీడియో కాన్ఫరెన్స్‌ ద్వారా సమీక్ష నిర్వహించారు. రైతులు వానాకాలంలో సాగు చేసిన ఏడు సన్నరకాల వివరాల నమోదు, క్రాప్‌ బుకింగ్‌, ఆత్మ పథకం ద్వారా నిర్వహిస్తున్న రైతు శిక్షణ కార్యక్రమాలు, ప్రదర్శన వివరాలు, ప్రకృతి వ్యవసాయం శిక్షణ కార్యక్రమాలు, ఎరువుల పంపిణీ, ఎఫ్‌ఎఫ్‌ఎస్‌ అమలుపై సమీక్షించారు. డీఏఓ ఎస్‌.విజయచంద్ర, మహబూబాబాద్‌, మరిపెడ ఏడీఏలు మురళీ, శ్రీనివాసరావు, మండల వ్యవసాయ అధికారులు, టెక్నికల్‌ వ్యవసాయ అధికారులు పాల్గొన్నారు. సాంకేతిక పరిజ్ఞానాన్ని వినియోగించాలిమహబూబాబాద్‌ రూరల్‌: జిల్లాలో గణేష్‌ ఉత్సవాల్లో సాంకేతిక పరిజ్ఞానాన్ని వినియోగించుకోవాలని ఎస్పీ శబరీష్‌ అన్నారు. మహబూబా బాద్‌ టౌన్‌ పోలీస్‌ స్టేషన్‌లో పోలీస్‌ అధికారులతో బుధవారం సమీక్ష సమావేశం నిర్వహించారు. ఎస్పీ మాట్లాడుతూ.. జిల్లాలో గణేష్‌ ఉ త్సవాలు శాంతియుత వాతావరణంలో జరిగేలా చూడాలన్నారు. విగ్రహాల ఏర్పాటు, నిబ ంధనలు, మార్గదర్శకాలను నిర్వాహకులకు ముందుగానే తెలియజేయాలన్నారు. మండల స్థాయిలో గణేష్‌ ఉత్సవ కమిటీ సభ్యులతో సమావేశాలు నిర్వహించి, విగ్రహాల ప్రతి ష్ఠాపన, ఊరేగింపు, నిమజ్జనం తదితర అంశాలపై ముందస్తుగా సమన్వయం చేయాలని సూచించారు. విగ్రహ ఏర్పాటు ఏర్పాటు ప్రాంతాలను జియో ట్యాగింగ్‌ చేయాలన్నారు. ఉత్సవాల సందర్భంగా శాంతిభద్రతలు, ట్రా ఫిక్‌ నియంత్రణ, విద్యుత్‌ భద్రత, శబ్ద కాలుష్య నిబంధనలు, ఊరేగింపు, నిమజ్జన మార్గాలపై ప్రణాళిక రూపొందించాలని సూచించారు. విద్యార్థులను తీర్చిదిద్దాలిమహబూబాబాద్‌ రూరల్‌: పాఠశాలల విద్యార్థులు చదవడంతో పాటు రాయడంలో మెరుగుపడేలా చూడాలని డీఈఓ సత్యనారాయణమూర్తి అన్నారు. మహబూబాబాద్‌ మండలంలోని పెసరబండ తండా మండల ప్రజా పరిషత్‌ ప్రాథమిక పాఠశాలను డీఈఓ బుధవారం సందర్శించారు. ఈ సందర్భంగా ఆయన ఒకటి, రెండు తరగతుల విద్యార్థుల సామర్థ్యాలను పరిశీలించి తెలుగు పాఠ్యాంశానికి సంబంధించిన పదాలను చెబుతూ వారితో చదివించి, నల్లబల్లపై రాయించారు. జిల్లా సైన్స్‌ అధికారి అప్పారావు, ఈదులపూసపల్లి జెడ్పీ హై స్కూల్‌ కాంప్లెక్స్‌ హెచ్‌ఎం వీరయ్య, పెసరబండతండా పాఠశాల హెచ్‌ఎం ప్రసాద్‌ పాల్గొన్నారు.

పరకాల: బీఆర్‌ఎస్‌, కాంగ్రెస్‌ పార్టీలకు రజాకార్ల వారసత్వ పార్టీ ఎంఐఎంపై ఉన్న అభిమానం.. తెలంగాణ ప్రజలపై ఏమాత్రమూ లేదని బీజేపీ రాష్ట్ర అధ్యక్షుడు రాంచందర్‌రావు అన్నారు. ఆ రెండు పార్టీలు ఎంఐఎంకు రెండు కోరలని, వాటిని పీకేస్తే తెలంగాణ ప్రజలకు నిజమైన స్వాతంత్య్రం సిద్ధిస్తుందన్నారు. 1948, సెప్టెంబర్‌ 2న పరకాల చాపలబండ వద్ద జరిగిన దక్కన్‌ జలియన్‌వాలాబాగ్‌ ఘటనను స్మరించుకుంటూ స్థానిక అమరధామంలో అమరవీరులకు ఘనంగా నివాళులు అర్పించారు. కార్యక్రమానికి పార్టీ రాష్ట్ర అధ్యక్షుడు రాంచందర్‌రావుతోపాటు మాజీ ఎంపీ బూర నర్సయ్య, రాష్ట్ర నాయకులు హాజరయ్యారు. ముందుగా రాంచందర్‌రావు, రాష్ట్ర నాయకులకు బైక్‌ ర్యాలీతో ఘన స్వాగతం పలికారు. అమరధామం వద్ద తెలంగాణ అమరవీరుల సేవలను స్మరించుకున్నారు. స్వాతంత్య్ర సమరయోధుల సతీమణులను సన్మానించారు. ఈ సందర్భంగా రాంచందర్‌రావు మాట్లాడుతూ తెలంగాణ విమోచన దినోత్సవాన్ని అఽధికారికంగా నిర్వహించడంతోపాటు ప్రభుత్వ పాఠ్యపుస్తకాల్లో పాఠ్యాంశంగా చేర్చాలని డిమాండ్‌ చేశారు. మరో రెండేళ్లలో బీజేపీ అధికారంలోకి రావడం ఖాయమని, అప్పుడు తెలంగాణ ప్రజలంతా గర్వపడేలా తెలంగాణ విమోచన దినోత్సవాన్ని అధికారికంగా నిర్వహిస్తామన్నారు. ప్రభుత్వ పాఠ్యపుస్తకాల్లో విమోచన దినోత్సవం ప్రాధాన్యతను చేర్చి భావితరాలకు తెలియజేస్తామని తెలిపారు. కార్యక్రమంలో బీజేపీ రాష్ట్ర ప్రధాన కార్యదర్శి గుజ్జుల ప్రేమేందర్‌రెడ్డి, మాజీ ఎమ్మెల్యే మార్తినేని ధర్మారావు, జిల్లా అధ్యక్షుడు కొలను సంతోష్‌రెడ్డి, రాష్ట్ర కార్యవర్గ సభ్యులు డాక్టర్‌ పి.కాళీప్రసాద్‌రావు, డాక్టర్‌ పెసరు విజయ్‌చందర్‌రెడ్డి, డాక్టర్‌ సిరంగి సంతోష్‌కుమార్‌, రావు పద్మ, జిల్లా, పట్టణ నాయకులు పాల్గొన్నారు. బీజేపీ రాష్ట్ర అధ్యక్షుడు రాంచందర్‌రావు మండిపాటు పరకాల అమరధామంలో తెలంగాణ అమరవీరులకు నివాళి

పాలకుర్తి టౌన్‌/స్టేషన్‌ఘన్‌పూర్‌: క్షేత్రస్థాయిలో ట్రాన్స్‌ ఫార్మర్ల వైఫల్యాలను నియంత్రించి వినియోగదారులకు నాణ్యమైన విద్యుత్‌ అందించేందుకు కృషి చేయాలని టీజీ ఎన్పీసీఎల్‌ సీఎండీ కర్నాటి వరుణ్‌రెడ్డి అధికారులను ఆదేశించారు. జనగామ జిల్లా పాలకుర్తి మండలం మల్లంపల్లిలో నిర్మిస్తున్న 33/11 కేవీ సబ్‌స్టేషన్‌ పనుల పురోగతిని బుధవారం పరిశీలించి త్వరితగతిన పూర్తి చేయాలన్నా రు. వావిలాల గ్రామంలో మహిళ సమాఖ్య ఆధ్వర్యంలో రూ. 2.97కోట్లతో ఏర్పాటు చేసిన సోలార్‌ పాంట్‌ను పరిశీలించారు. అనంతరం పాలకుర్తి సబ్‌ స్టేషన్‌, సెక్షన్‌ కార్యాలయం, ఈఆర్‌ఓ భవన నిర్మాణ పనులు పరిశీలించారు. అలాగే, స్టేషన్‌ ఘన్‌పూర్‌ విద్యుత్‌ సబ్‌స్టేషన్‌ పక్కన నిర్మిస్తున్న డీఈ, ఈఆర్‌ఓ కార్యాలయాలను పరిశీలించిన అనంతరం సబ్‌స్టేషన్‌లో అధికారులు, సిబ్బందితో సమీక్షించారు. ఈ సందర్భంగా ఆయా చోట్ల సీఎండీ మాట్లాడుతూ డీటీఆర్‌ ఫెయిల్యూర్‌ తగ్గించాలని, లైన్లను సక్రమంగా మెయింటనెన్స్‌ చేస్తూ వినియోగదారులకు నాణ్యమైన విద్యుత్‌ సరఫరా చేయాలన్నారు. విద్యుత్‌ పనులు చేపట్టే ముందు ప్రతీ ఉద్యోగి కచ్చితంగా వన్‌ మినిట్‌ రూల్‌ పాటించాలన్నారు. విద్యుత్‌ లైన్ల నిర్వహణ పనుల సమయంలో ఎల్‌సీ యాప్‌ కచ్చితంగా అమలు చేయాలన్నారు. కాగా, 13 ఏళ్లుగా పనిచేస్తున్న తమను శాశ్వత ఉద్యోగులుగా తీసుకోవాలని అన్‌మ్యాన్డ్‌ డిస్ట్రిబ్యూషన్‌ వర్కర్స్‌ యూనియన్‌ జిల్లా అధ్యక్షుడు మిట్టపల్లి ఆనంద్‌ పాలకుర్తిలో సీఎండీకి వినతిపత్రం అందజేశారు. సీఎండీ వెంట ఎస్‌ఈ సంపత్‌రెడ్డి, డీఈలు సారయ్య, విజయ్‌కుమార్‌, ఏడీ శ్రీధర్‌, అనూప్‌, భాస్కర్‌, ఏఓ శేఖర్‌, ఏడీఈ రణధీర్‌రెడ్డి, ఏఈలు సుమన్‌, ఆవిరినేని రణధీర్‌రావు, కొంరయ్య, శంకర్‌, శివకుమార్‌, లైన్‌ఇన్‌స్పెక్టర్లు యాదగిరి, పెద్దిరెడ్డి, లైన్‌మన్‌లు కాల్‌రామ్‌, అన్వర్‌పాషా, సబ్‌ ఇంజనీర్లు రాకేశ్‌, రామకృష్ణ, మహేందర్‌రెడ్డి, ఐకేపీ ఏపీఎం వెంకటేశ్వర్లుగౌడ్‌, కాంట్రాక్టర్‌ చల్లా రఘురెడ్డి, తదితరులు పాల్గొన్నారు. టీజీ ఎన్పీడీసీఎల్‌ సీఎండీ వరుణ్‌రెడ్డి

ఖిలా వరంగల్‌: ఉమ్మడి వరంగల్‌ జిల్లాలో 2026–2027 సీజన్‌కు సంబంధించిన పత్తి కొనుగోళ్లకు కాటన్‌ కార్పొరేషన్‌ ఆఫ్‌ ఇండియా (సీసీఐ) సన్నాహాలు చేస్తోంది. ఈమేరకు కొనుగోలు కేంద్రాలు ఏర్పాటు చేయడంతోపాటు జిన్నింగ్‌ మిల్లుల్లో బేళ్ల కోసం టెండర్లు పిలిచి పూర్తి చేసింది. గతంలోని ధరలతోపాటు ఇతర నిబంధనలతో ఒకే టెండర్‌ ప్రకటన ఇచ్చే వారు. ఈ సీజనల్‌లో తొలివిడత ధరల ప్రస్తావన లేకుండా ఆసక్తి గల వారు దరఖాస్తు చేసుకోవాలని టెండర్‌ ప్రకటన వచ్చింది. మరో రెండు నెలల్లో పత్తి పంట చేతికొచ్చి క్రయవిక్రయాలు ప్రారంభించే అవకాశం ఉంది. దీంతో వ్యాపారులతోపాటు సీసీఐ పత్తి కొనుగోళ్లకు ఏర్పాట్లు చేస్తోంది 7.24 లక్షల ఎకరాల్లో పత్తిసాగు.. ఉమ్మడి జిల్లాలో ఈ సీజన్‌లో పత్తి సాగు సుమారు 7.24 లక్షలకు పైగా ఎకరాలకు చేరుకుంది. 50.25 లక్షల క్వింటాళ్ల పత్తి వస్తుందని అధికారులు అంచనా వేశారు. మద్దతు ధరతో పత్తిని కొనుగోలు చేసే సీసీఐ.. పత్తిలో గింజలు తీసి బేళ్లుగా మార్చి ఎగుమతి చేయడానికి ఏటా టెండర్లు ఆహ్వానిస్తుంది. అదే తరహాలో టెండర్లను పిలిచింది. గత ఏడాది 6.53 లక్షల బేళ్లను సిద్ధం చేసి ఎగుమతి చేసింది. ఈ సీజనల్‌లో పత్తి క్రయవిక్రయాల్లో ఇబ్బందులు లేకుండా చర్యలు తీసుకుంటోంది. ఉమ్మడి వరంగల్‌ జిల్లాలో టెండర్లు పూర్తిచేసిన సీసీఐ 16 మార్కెట్‌ యార్డుల పరిధిలో 19 కేంద్రాలు ఏర్పాటు 50.25 లక్షల క్వింటాళ్ల పత్తి వస్తుందని అధికారుల అంచనాఉమ్మడి వరంగల్‌ జిల్లాలోని 16 మార్కెట్‌ యార్డుల పరిధిలో 19 సీసీఐ కొనుగోలు కేంద్రాలు ఏర్పాటు చేయనున్నారు. ములుగు, కేసముద్రం–ఏ, బీ, తొర్రూరు, మహబూబాబాద్‌, కాటారం, చిట్యాల, భూపాలపల్లి, కొడకండ్ల, నర్సంపేట, జనగామ–ఏ,బీ, ఘన్‌పూర్‌, ఆత్మకూరు, రాంపూర్‌, పరకాల, ఎల్కతుర్తి, వరంగల్‌–ఏ,బీ కేంద్రాలు ఉన్నాయి. గతంలో ఏర్పాటు చేసిన కేంద్రాలను ఈసారి కూడా ఏర్పాటు చేయాలని నిర్ణయం తీసుకున్నారు. కేంద్రాల వారీగా కొనుగోలు చేసే పత్తిని బేళ్లుగా మార్చేందుకు ఏటా జిన్నింగ్‌ మిల్లులను అద్దెకు తీసుకుంటున్నారు. జిన్నింగ్‌ మిల్లులు, గిడ్డంగులు, బేళ్ల రవాణాకు వాహనాలు, తాత్కాలిక ఉద్యోగులు తదితర వాటికి కూడా టెండర్లను ఆహ్వానించినట్లు మార్కెటింగ్‌ శాఽఖ అధికారులు తెలిపారు. పత్తిని బేళ్లుగా మార్చేందుకు జిన్నింగ్‌ మిల్లులు అద్దెకు..

● జనహృదయ నేతకు ఘన నివాళి మహబూబాబాద్‌ రూరల్‌: మహానేత, దివంగత ముఖ్యమంత్రి డాక్టర్‌ వైఎస్‌.రాజశేఖరరెడ్డి ఆశయ సాధనకు కాంగ్రెస్‌ ప్రభుత్వం కృషి చేస్తోందని మా నుకోట మున్సిపల్‌ చైర్‌పర్సన్‌ గుగులోత్‌ జ్యోతి అన్నారు. జిల్లా కేంద్రంలో బుధవారం కాంగ్రెస్‌ పా ర్టీ ఆధ్వర్యంలో వైఎస్‌.రాజశేఖరరెడ్డి వర్ధంతి నిర్వహించారు. వ్యవసాయ మార్కెట్‌ ఎదుట ఉన్న ఆయన విగ్రహానికి పూలమాలలు వేసి నివాళులర్పి ంచారు. ఈ సందర్భంగా మున్సిపల్‌ చైర్‌పర్సన్‌ జ్యోతి మాట్లాడుతూ.. ఉమ్మడి ఆంధ్రప్రదేశ్‌ రాష్ట్ర ముఖ్యమంత్రిగా వైఎస్‌.రాజశేఖరరెడ్డి అనేక సంక్షేమ పథకాలు ప్రవేశపెట్టి అమలు చేశారని కొనియాడారు. 108 అంబులెన్స్‌ సేవలు, ఆరోగ్య శ్రీ, ఉచిత కరెంట్‌, రైతు రుణమాఫీ, ఫీజు రీయింబర్స్‌మెంట్‌ ఇలా అనేక సంక్షేమ పథకాలు తీసుకువచ్చి ప్రజలందరినీ ఆదుకున్నారని పేర్కొన్నారు. ప్రస్తుతం సీఎం రేవంత్‌ రెడ్డి నాయకత్వంలోని కాంగ్రెస్‌ ప్రభుత్వం వైఎస్సార్‌ అడుగుజాడల్లో నడుస్తూ ఇందిరమ్మ ఇళ్లు, సన్న బియ్యం, 200 యూనిట్ల ఉచిత కరెంట్‌ తదితర సంక్షేమ పథకాలు అమలు చేస్తోందన్నారు. కార్యక్రమంలో కాంగ్రెస్‌ అర్బన్‌ అధ్యక్షుడు ఘనపురపు అంజయ్య, తెలంగాణ ఆదివాసీ కాంగ్రెస్‌ రాష్ట్ర కో ఆర్డినేటర్‌ గుగులోత్‌ వెంకట్‌ నాయక్‌, కాంగ్రెస్‌ నాయకులు ఎండి.హారుణ్‌, బానోత్‌ ప్రసాద్‌ నాయక్‌, రామగోని రాజు గౌడ్‌, బెల్లంకొండ శ్రీనివాస్‌, పద్మం ప్రవీణ్‌ కుమార్‌, బోడ రవి, బానోత్‌ భాస్కర్‌ పాల్గొన్నారు.

వరంగల్‌ చౌరస్తా : కాళోజీ నారాయణరావు ఆరోగ్య విశ్వవిద్యాలయం (కేఎన్‌ఆర్‌యూహెచ్‌ఎస్‌) రెక్టార్‌గా డాక్టర్‌ దేవులపల్లి ప్రవీణ్‌కుమార్‌ బుధవారం బాధ్యతలు స్వీకరించారు. ప్రవీణ్‌కుమార్‌ 2017 నుంచి 2022 వరకు రెండు పర్యాయాలు కేఎన్‌ఆర్‌యూహెచ్‌ఎస్‌ రిజిస్ట్రార్‌గా పనిచేశారు. అనంతరం నర్సంపేట ప్రభుత్వ వైద్య కళాశాల ఇన్‌చార్జ్‌ ప్రిన్సిపాల్‌గా సేవలందించారు. ప్రస్తుతం నర్సంపేట ప్రభుత్వ వైద్య కళాశాలలో అనస్థీషియ విభాగం ప్రొఫెసర్‌, హెచ్‌ఓడీగా విధులు నిర్వర్తిస్తున్నారు. బాధ్యతలు స్వీకరించిన ప్రవీణ్‌ కుమార్‌కు వీసీ రమేశ్‌రెడ్డి, రిజిస్ట్రార్‌ జె. వెంకటేశ్వర్లు, పరీక్షల నియంత్రణాధికారి వందన శుభాకాంక్షలు తెలిపారు. వ్యవసాయ మోటారుకు పైపు బిగిస్తుండగా.. ● విద్యుదాఘాతానికి గురై రైతు మృతి ● వావిలాలలో ఘటన పాలకుర్తి టౌన్‌ : విద్యుదాఘాతంతో ఓ రైతు మృతి చెందాడు. ఈ ఘటన బుధవారం సాయంత్రం జనగామ జిల్లా మండలం పాలకుర్తి మండలం వావిలాలలో చోటు చేసుకుంది. ఎస్సై దూలం పవన్‌కుమార్‌ కథనం వివరాల ప్రకారం.. గ్రామానికి చెందిన అనపర్తి ఉపేందర్‌(49) తన వ్యవసాయ బావి వద్దకు వెళ్లి కరెంట్‌ మోటారుకు పైపు బిగిస్తున్నాడు. ఈ సమయంలో విద్యుత్‌ షాక్‌ తగిలి అక్కడికక్కడే మృతి చెందాడు. అక్కడే ఉన్న సమీప రైతులు చూసి ఈ విషయాన్ని కుటుంబీలతోపాటు పోలీసులకు సమాచారం అందించారు. దీంతో పోలీసులు వెంటనే ఘటనా స్థలికి చేరుకుని వివరాలు సేకరించి పంచానామ నిర్వహించి మృతదేహాన్ని పోస్టు మార్టం నిమిత్తం జనగామ ఏరియా ఆస్పత్రికి తరలించారు. మృతుడి భార్య అరుణ ఫిర్యాదు మేరకు కేసు నమోదు చేసి దర్యాప్తు చేస్తునట్లు ఎస్సై తెలిపారు. మృతుడికి కుమారుడు, కూతురు ఉన్నారు. బాధిత కుటుంబాన్ని ప్రభుత్వం ఆదుకోవాలని గ్రామస్తులు కోరారు. యాంత్రీకరణతో రైతుకు భరోసా.. ● అడ్వాంట గ్లోబల్‌ సీఈఓ భూపెన్‌ వి.దూబెరఘునాథపల్లి: ఆధునిక, యాంత్రీకరణ, నా ణ్యమైన విత్తనోత్పత్తితోనే రైతులకు దిగుబడులు, ఆర్థిక భరోసా సాధ్యమవుతుందని అడ్వాంట గ్లోబల్‌ సీఈఓ భూపేన్‌ వి. దూబె అన్నారు. బుధవారం మండలంలోని భాంజీపేట శివారులో అడ్వాంట కంపెనీలో నిర్వహించిన కార్యక్రమంలో ఆయన పాల్గొని మాట్లాడారు. విత్తన రంగంలో ఆధునిక సాంకేతికతను అనుసంధానం చేస్తూ రైతులకు ప్రయోజనం చేకూర్చే దిశగా సంస్థ పనిచేస్తోందన్నారు. కార్యక్రమంలో గ్లోబల్‌ చీఫ్‌ సప్లయ్‌ ఆఫీసర్‌ చెరుకు రమేశ్‌, ఆసియా, ఆఫ్రికా ప్రాంతీయ ప్రతినిధి బెళగంవార్‌, యూపీఎల్‌ సీఈఓ చెరుకు రవిశంకర్‌, జాతీయ ప్రతినిధి తుషార్‌ త్రివేది, భారతి గ్రూపు ఇండస్ట్రీస్‌ చైర్మన్‌ బొత్స బ్రహ్మానందరెడ్డి, సర్పంచ్‌ గైని శ్రీనివాస్‌, గొరిగ రవి, యూనిమార్ట్‌, అడ్వాంట ప్రతినిధులు పాల్గొన్నారు.

హన్మకొండ : ఉద్యమకారుల విగ్రహాలు ఏర్పాటు చేయాల్సిందేనని పూర్వ తెలంగాణ జేఏసీ చైర్మన్‌, ఎమ్మెల్సీ ప్రొఫెసర్‌ కోదండరాం అన్నారు. బుధవారం హనుమకొండ బాలసముద్రంలోని కాళోజీ కళాక్షేత్రంలో పూర్వ తెలంగాణ జేఏసీ ఆధ్వర్యంలో మాజీ ఎమ్మెల్యే, ఉద్యమకారుడు పెద్ది సుదర్శన్‌ రెడ్డి యాది సభ నిర్వహించారు. ఇందులో ప్రొఫెసర్‌ కోదండరాం మాట్లాడుతూ పెద్ది సుదర్శన్‌ రెడ్డి విగ్రహం ఏర్పాటుకు తెలంగాణ జన సమితి సహకారం అందిస్తుందన్నారు. ఇది న్యాయమైన డిమాండ్‌ అన్నారు. ఉద్యమకారులపై కేసులు ఎత్తి వేయాలని సీఎం రేవంత్‌ రెడ్డికి చెప్పానన్నారు. పెద్ది సుదర్శన్‌ రెడ్డితో తనకు మంచి అనుబంధం ఉందన్నారు. తెలంగాణ జేఏసీ ద్వారా నర్సంపేటలో తెలంగాణ ఉద్యమకారులు పెద్ది సుదర్శన్‌ రెడ్డి విగ్రహం ఏర్పాటు చేయాలని, విగ్రహం ఏర్పాటు పెద్ది సుదర్శన్‌ రెడ్డికి నిజమైన నివాళి అని శాసన మండలి ప్రతిపక్ష నేత సిరికొండ మధసూదనాచారి అన్నారు. తామంతా వెనుకాముందు ఆలోచిస్తే పెద్ది సుదర్శన్‌ రెడ్డి.. కేసీఆర్‌కు నేరుగా సూచనలు చేసే వారని, నిక్కచ్చి నాయకుడని కొనియాడారు. నర్సంపేటలో సుదర్శన్‌ రెడ్డి విగ్రహం ఏర్పాటును అడ్టుకోవడం దుర్మార్గమన్నారు. మాజీ మంత్రి ఎర్రబెల్లి దయాకర్‌ రావు మాట్లాడుతూ నర్సంపేటను జిల్లా చేస్తారా? మెడికల్‌ కాలేజీ ఇస్తారా అని పట్టుబట్టి మెడికల్‌ కాలేజీ సాధించిన అభివృద్ధి కాముకుడు పెద్ది సుదర్శన్‌ రెడ్డి అన్నారు. మెడికల్‌ కాలేజీకి పెద్ది పేరు పెట్టడంతోపాటు విగ్రహం ఏర్పాటుకు ఎమ్మెల్సీ కోదండరాం చొరవ తీసుకోవాలన్నారు. మాజీ ఎంపీ వినోద్‌ కుమార్‌ మాట్లాడుతూ పెద్ది సుదర్శన్‌ రెడ్డి ప్రత్యేక రాష్ట్రం ఏర్పాటు ఆవశ్యకతను ఆకలింపు చేసుకుని ఉద్యమాన్ని ముందుకు తీసుకెళ్లారన్నారు. అతడి శక్తిని చూసి పార్టీ జిల్లా అధ్యక్షుడిగా నియమించినట్లు గుర్తు చేశారు. సభలో ఆయా పార్టీల నాయకులు, ఉద్యమకారులు పాల్గొన్నారు. ● పూర్వ తెలంగాణ జేఏసీ చైర్మన్‌, ఎమ్మెల్సీ ప్రొఫెసర్‌ కోదండరాం

● జిల్లా జడ్జి మురళీమోహన్‌ మహబూబాబాద్‌ రూరల్‌ : జాతీయ లోక్‌ అదాలత్‌లో అధిక సంఖ్యలో కేసులను పరిష్కరించాలని జిల్లా జడ్జి మురళీమోహన్‌ అన్నారు. ఈ నెల 12న దేశవ్యాప్తంగా జరగనున్న జాతీయ లోక్‌అదాలత్‌ను పురస్కరించుకుని జిల్లా కోర్టు ప్రాంగణంలో న్యాయవాదులతో బుధవారం సన్నాహక, సమన్వయ సమావేశం నిర్వహించారు. ఈ సందర్భంగా జిల్లా జడ్జి మాట్లాడుతూ.. కోర్టుల్లో పెండింగ్‌లో ఉన్న మోటారు వాహన ప్రమాద నష్టపరిహార కేసులను రాజీమార్గం ద్వారా త్వరితగతిన పరిష్కరించుకునేలా కక్షిదారులకు అవగాహన కల్పించాలని సూచించారు. ఈ నెల 7, 8వ తేదీల్లో ప్రీ లోక్‌ అదాలత్‌ నిర్వహిస్తామని, రాజీకి సిద్ధమైన కేసుల వివరాలను న్యాయవాదులు 5వ తేదీలోపు న్యాయ సేవా సంస్థలో అందించాలని కోరారు. ఈ ప్రీ లోక్‌ అదాలత్‌ ద్వారా పిటీషనర్లు, ఇన్సూరెన్స్‌ కంపెనీల మధ్య సంప్రదింపులు జరిపి సత్వర పరిష్కారం దిశగా కృషి చేస్తామన్నారు. సమావేశంలో జిల్లా న్యాయ సేవాధికార సంస్థ కార్యదర్శి, సీనియర్‌ సివిల్‌ జడ్జి స్వాతి మురారి, బార్‌ అసోసియేషన్‌ అధ్యక్షుడు మామిడాల సత్యనారాయణ, న్యాయవాదులు పాల్గొన్నారు.

నయీంనగర్‌ : ఐటీ జాబ్‌, ఉన్నత చదువు కోసం అమెరికాలో నివసిస్తున్న తెలంగాణ ఎన్‌ఐఆర్‌లకు వీసా నిబంధనల్లో సడలింపులివ్వాలని అమెరికా కాంగ్రెస్‌ ప్రతినిధులను ఎమ్మెల్సీ తక్కెళ్లపల్లి రవీందర్‌ రావు కోరారు. అమెరికా పర్యటనలో ఉన్న రవీందర్‌ రావు వర్జీనియా 10వ కాంగ్రెషనల్‌ డిస్ట్రిక్ట్‌ ప్రతినిధి సుహాస్‌ సుబ్రహ్మణ్యం, 11వ డిస్ట్రిక్ట్‌ ప్రతినిధి జేమ్స్‌ వాకిన్‌ షాను కలిశారు. అమెరికాలో 12 లక్షల మందికిపైగా తెలుగువాళ్లు నివసిస్తున్నారని, అందులో 6 లక్షల మంది వరకు తెలంగాణ వాసులు ఉన్నారని, టూరిస్ట్‌ వీసాల్లో ఆ కుటుంబాల ఇబ్బందులను రవీందర్‌ రావు వారికి వివరించారు. లక్ష డాలర్ల ఫీజు చెల్లింపును తగ్గించే విషయమై పార్లమెంట్‌లో ప్రస్తావించాలని వారికి విన్నవించారు. ఇందుకు వారు సానుకూలంగా స్పందించి హామీ ఇచ్చారు. అమెరికా కాంగ్రెస్‌ ప్రతినిధులను కలిసిన వారిలో రవీందర్‌ రావుతోపాటు పులి రవి, డాక్టర్‌ భిక్షం గుజ్జ ఉన్నారు.

మహబూబాబాద్‌ రూరల్‌ : విద్యార్థుల ఉజ్వల భవిష్యతే లక్ష్యంగా మౌలిక వసతుల కల్పనకు చర్యలు తీసుకుంటున్నామని కొండా లక్ష్మణ్‌ తెలంగాణ రాష్ట్ర ఉద్యాన విశ్వవిద్యాలయం డీన్‌ చీనానాయక్‌ అన్నారు. యూనివర్సిటీ పరిధి మహబూబాబాద్‌ జిల్లా కేంద్రంలోని మల్యాల ఉద్యాన కళాశాలను బుధవారం సందర్శించారు. ఈ సందర్భంగా ఆయన మాట్లాడుతూ క్షేత్రస్థాయి అనుభవం, వ్యవసాయ, ఉద్యాన ఆచరణాత్మక పరిజ్ఞానం పెంపొందించేలా కళాశాలల్లో అన్ని వసతులు అందుబాటులోకి తీసుకొస్తున్నామన్నారు. కళాశాలలో విద్యార్థులకు ఎదురవుతున్న ఇబ్బందులపై ఇటీవల పత్రికల్లో కథనాలు ప్రచురితం కావడంతో యూనివర్సిటీ వీసీ రాజిరెడ్డి ఆదేశాల మేరకు కళాశాలను సందర్శించామని తెలిపారు. విద్యార్థులకు అందుతున్న వసతులు, విద్యా బోధన, ఆహారం, సాగు పద్ధతులు తదితర అంశాలపై ఆరా తీశామని, తరగతి గదులు, వంటశాల, భోజనశాల, కూరగాయల సాగు ప్రాంతాలను పరిశీలించామన్నారు. స్థానిక ప్రజాప్రతినిధుల సహకారంతో కళాశాలలో మరిన్ని మెరుగైన వసతులు కల్పించేందుకు చర్యలు తీసుకుంటున్నామని తెలిపారు. విద్యార్థుల అభ్యాసానికి పెద్దపీట వేస్తూ కళాశాలలో ఆధునిక ప్రయోగశాలలు, లైబ్రరీ, హాస్టల్‌, క్రీడా ప్రాంగణాలు ఏర్పాటు చేశామని వెల్లడించారు. మల్యాల ఉద్యాన కళాశాల అసోసియేట్‌ డీన్‌ ప్రీతంగౌడ్‌, బోధన, బోధనేతర సిబ్బంది పాల్గొన్నారు. రాష్ట్ర ఉద్యాన విశ్వవిద్యాలయం డీన్‌ చీనానాయక్‌

సాక్షిప్రతినిధి, వరంగల్‌ : సింగరేణి ప్రాంత ప్రజలతోపాటు ఉద్యోగులు, కార్మికులు, వ్యాపారులు, విద్యార్థుల జీవితాలతో విడదీయరాని బంధం పెనవేసుకున్న ‘సింగరేణి’ రైలు అర్ధ శతాబ్దం పూర్తి చేసుకుంది. 1976 సెప్టెంబర్‌ 2న భద్రాచలం రోడ్‌ నుంచి బెల్లంపల్లి వరకు ఎక్స్‌ప్రెస్‌గా ప్రారంభమైన ఈ రైలు.. ఐదు దశాబ్దాల కాలంలో ఎన్నో రూపాలు మార్చుకుంది. ఎక్స్‌ప్రెస్‌గా మొదలై ప్యాసింజర్‌గా మారింది. సిర్పూర్‌ టౌన్‌ వరకు పొడిగింపునకు నోచుకుంది. కరోనా తర్వాత మళ్లీ ఎక్స్‌ప్రెస్‌ హోదాలోకి వచ్చింది. ప్రస్తుతం మెమూ ఎక్స్‌ప్రెస్‌గా పట్టాలపై పరుగులు తీస్తోంది. రైల్వే చరిత్రలోనూ దీని ప్రారంభ తేదీ 1976 సెప్టెంబర్‌ 2గానే నమోదై ఉంది. గనుల ప్రాంతాలకు ‘రైలు’బాట సింగరేణి బొగ్గు గనుల విస్తరణతోపాటు కార్మికులు, ఉద్యోగులు, వారి కుటుంబాలు, బొగ్గు ఆధారిత పరిశ్రమలు, వ్యాపార కార్యకలాపాలు పెరుగుతున్న సమయంలో ఉత్తర–దక్షిణ సింగరేణి ప్రాంతాలను అనుసంధానించేందుకు, కార్మికుల రాకపోకలను సులభతరం చేసేందుకు, గనుల ప్రాంతాలకు వేగవంతమైన రవాణా సౌకర్యం కల్పించేందుకు ఈ రైలుకు రూపకల్పన జరిగింది. అందుకే దీనికి ‘సింగరేణి’ అనే పేరు సార్థకమైంది. ప్రారంభంలో భద్రాచలం రోడ్‌–బెల్లంపల్లి మధ్య ఎక్స్‌ప్రెస్‌గా నడిచిన ఈ రైలుకు కేవలం ఎక్స్‌ప్రెస్‌ హాల్టులే ఉండేవి. అనంతరం ప్యాసింజర్‌గా మార్చడంతో చిన్న స్టేషనలో ఆగుతూ వేలాది మందికి అందుబాటులోకి వచ్చింది. ఇంజిన్‌ మార్చేందుకు కాజీపేటకు.. కరోనా తర్వాత ఎక్స్‌ప్రెస్‌.. ఒక దశలో సింగరేణి ప్యాసింజర్‌ కాజీపేట జంక్షన్‌ వరకు వచ్చి ఇంజిన్‌ మార్చుకుని తిరిగి సిర్పూర్‌ టౌన్‌ వైపు వెళ్లేది. ఈ ప్రయాణం అప్పట్లో రైల్వే ప్రయాణికులకు ప్రత్యేక అనుభూతిగా ఉండేది. కాలక్రమంలో రైలు సిర్పూర్‌ టౌన్‌ వరకు పొడిగించారు. కాగా, కరోనా సమయంలో దేశవ్యాప్తంగా రైళ్ల నిర్వహణలో చోటుచేసుకున్న భారీ మార్పుల క్రమంలో సింగరేణి రైలుకూ ప్యాసింజర్‌ హోదా నుంచి మెమూ ఎక్స్‌ప్రెస్‌ రూపంలోకి వచ్చింది. దీంతో గతంలో ఉన్న అన్ని స్టాప్‌లలో ఆగే అవకాశం లేకుండా కొన్ని హాల్టులు తొలగిపోయాయి. సింగరేణి రైలుకు కొమురం భీం ఆసిఫాబాద్‌, మంచిర్యాల, పెద్దపల్లి, కరీంనగర్‌, హనుమకొండ, వరంగల్‌, మహబూబాబాద్‌, భద్రాద్రి కొత్తగూడెం జిల్లాలతో ప్రత్యేక అనుబంధం ఉంది. బల్హర్షా, సిర్పూర్‌ టౌన్‌–భద్రాచలం రోడ్‌ మధ్య సింగరేణి మెమూ ఎక్స్‌ప్రెస్‌గా నడుస్తోంది. వయా కాజీపేట, వరంగల్‌, చింతలపల్లి, ఎల్గూరు, నెక్కొండ, మహబూబాబాద్‌, డోర్నకల్‌ క్రాస్‌నుంచి భద్రాచలం వెళ్తుంది. భద్రచాలం టు బల్హర్షా రూట్‌లో డోర్నకల్‌ క్రాస్‌నుంచి మహబూబాబాద్‌, వరంగల్‌, కాజీపేట, హసన్‌పర్తి, ఉప్పల్‌నుంచి వెళ్తుంది. ఉద్యోగానికి వెళ్లే సింగరేణి కార్మికుడి నుంచి ఉన్నత విద్య కోసం ప్రయాణించే విద్యార్థి వరకు.. వ్యాపార అవసరాల కోసం రాకపోకలు సాగించే వ్యాపారి నుంచి వైద్యం కోసం జిల్లా కేంద్రాలకు వచ్చే సామాన్యుడి వరకు.. ఈ రైలు ఐదు దశాబ్దాలుగా అనేక వర్గాలకు ప్రయాణ సాధనంగా నిలిచింది. అలాగే, సింగరేణి రైలు రేక్‌ను రామగిరి రైలు తదితర సర్వీసులతోపాటు రేక్‌ షేరింగ్‌ విధానంలో వినియోగిస్తున్నారు.అర్ధశతాబ్దం దాటిన సింగరేణి రైలు ప్రయాణం 1976 సెప్టెంబర్‌ 2న భద్రాచలం రోడ్‌–బెల్లంపల్లి మధ్య ఎక్స్‌ప్రెస్‌గా ప్రారంభం ప్యాసింజర్‌గా మారి.. సిర్పూర్‌ టౌన్‌ వరకు పొడిగింపు కరోనా తర్వాత మళ్లీ ఎక్స్‌ప్రెస్‌ హోదా ఉమ్మడి వరంగల్‌కు ప్రత్యేక అనుబంధం

● కలెక్టర్‌ స్నేహ శబరీష్‌ తొర్రూరు రూరల్‌: ప్రభుత్వం ఎంతో ప్రతిష్టాత్మకంగా చేపట్టిన భూ రీ సర్వేను త్వరితగతిన పూర్తి చేయాలని కలెక్టర్‌ స్నేహ శబరీష్‌ సూచించారు. తొర్రూరు మండలంలోని జమస్థాపురం గ్రామంలో కొనసాగుతున్న భూ రీ సర్వేను కలెక్టర్‌ పరిశీలించారు. ఈ సందర్భంగా ఆమె మట్లాడుతూ.. జిల్లాలో మొదటి విడతలో ఎంపికై న 70గ్రామాల్లో భూ రీ సర్వే కొనసాగుతుందన్నారు. ఆయా గ్రామాల సరిహద్దులను సరి చేస్తూ, ప్రతీ రైతుకు చెందిన వ్యవసాయ భూమిని గుర్తించడంలో నిర్లక్ష్యం చేయవద్దని, భవిష్యత్‌లో ఎలాంటి వివాదాలు, భూ సమస్యలు లేకుండా చర్యలు తీసుకుంటున్నట్లు చెప్పారు. ఏళ్లుగా భూ సమస్యలతో గ్రామీణ ప్రాంత రైతులు, ప్రజలు తరచూ గొడవలు పడుతున్నారని ఆవేదన వ్యక్తం చేశారు. గ్రామాల్లో భూ సమస్యల శాశ్వత పరిష్కారం కోసం ప్రభుత్వం భూ సర్వే చేపట్టిందన్నారు. అనంతరం తొర్రూరు తహసీల్దార్‌ కార్యాలయాన్ని ఆకస్మికంగా తనిఖీ చేసి రికార్డులు, భూ భారతి ద్వారా చేపడుతున్న రిజిస్ట్రేషన్లను పరిశీలించారు. కార్యక్రమంలో ఆర్డీఓ గణేష్‌, ల్యాండ్‌ రికార్డ్స్‌ ఏడీ శ్రీనివాస్‌, తహసీల్దార్‌ శ్రీనివాస్‌, ఆర్‌ఐ విక్రమ్‌, సిబ్బంది పాల్గొన్నారు.

● దుగ్గొండిలో ఘటన దుగ్గొండి: చెరువు గుంతలో పడి ఓ వ్యక్తి మృతి చెందాడు. ఈ ఘటన వరంగల్‌ జిల్లా దుగ్గొండిలో చోటు చేసుకుంది. మండల కేంద్రానికి చెందిన ముప్పారపు రాజ మొగిలి (55) గేదె పాలు విక్రయించుకుంటూ జీవ నం సాగిస్తున్నాడు. ఈ క్రమంలో మంగళవారం గేదెలను మేత నిమిత్తం బయటకు తోలుకెళ్లాడు. సాయంత్రానికి గేదెలు ఇంటికి చేరినా రాజమొగిలి రాలేదు. దీంతో కుటుంబ సభ్యులు వెతకగా రాత్రి సమయంలో గ్రామంలోని పెద్ద చెరువులోని ఓ గుంతలో మృతి చెంది కనిపించాడు. దీంతో కుటుంబ సభ్యులు పోలీసులకు సమాచారం అందించగా వారు ఘటనాస్థలికి చేరుకుని మృతదేహాన్ని బయటకు తీసి పోస్టుమార్టం నిమిత్తం నర్సంపేట ఆస్పత్రి మార్చురీకి తరలించారు. మృతుడి భార్య రమ ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఎస్సై రణధీర్‌రెడ్డి బుధవారం తెలిపారు.

సాక్షి, మహబూబాబాద్‌: మాతృ దేవో భవ.. పితృదేవో భవ.. ఆచార్య దేవోభవ అంటారు. తల్లిదండ్రులు జన్మనిస్తే.. సమాజంలో ఉన్నతంగా తీర్చిదిద్దేది మాత్రం గురువులే. ఇంతటి ప్రాధాన్యత ఉన్న గురువులను పూజించుకునే అవకాశం ప్రతీ సంవత్సరం సెప్టెంబర్‌ 5న కలుగుతుంది. ఈ ప్రత్యేక రోజున గురువులను ప్రభుత్వం తరఫున సన్మానించడం ఆనవాయితీ. ఈమేరకు ఉత్తమ ఉపాధ్యాయుల ఎంపిక చేసేందుకు జిల్లా విద్యాశాఖ కసరత్తు చేస్తోంది. జిల్లా నుంచి 28 దరఖాస్తులు.. ఉత్తమ గురువుల ఎంపిక కోసం విద్యాశాఖ ప్రకటన విడుదల చేయగా.. జిల్లాలో 28 మంది ఉపాధ్యాయులు దరఖాస్తు చేసుకున్నారు. ఇందులో 13 మంది సెకండరీ గ్రేడ్‌ టీచర్లు, 14 మంది స్కూల్‌ అసిస్టెంట్లు, ఒకరు ప్యానల్‌ గ్రేడ్‌ హెడ్మాస్టర్‌ ఉన్నారు. అయితే గతంలో మండల విద్యాశాఖ అధికారికి దరఖాస్తు చేసుకుంటే అక్కడ ప్రాథమిక పరిశీలన పూర్తి చేసి తర్వాత జిల్లా కమిటీకి పంపించేవారు. ఈ ఏడాది మాత్రం దరఖాస్తుపై ఎంఈఓతో సంతకం పెట్టించి, నేరుగా జిల్లా విద్యాశాఖ కార్యాలయంలో అందజేయాలని చెప్పారు. ఆగస్టు 29వ తేదీ వరకు వచ్చిన దరఖాస్తులను పరిగణనలోకి తీసుకున్నారు. తొమ్మిది అంశాలు.. 100 మార్కులు ఉత్తమ గురువుల ఎంపికలో తొమ్మిది అంశాలు, 100 మార్కులు కేటాయించారు. దరఖాస్తుతో పాటు పెట్టిన వార్తా క్లిప్పింగ్స్‌, ఫొటోలు, రికార్డుల ఆధారంగా మార్కులు కేటాయించారు. ప్రధానంగా పాఠశాలల్లో పిల్లలను చేర్పించడం, బడి బయట ఉన్న బడీడు పిల్లలను బడిలో చేర్పించి డ్రౌపౌట్‌ లేకుండా చూడడం, పదో తరగతిలో ఉత్తీర్ణత శాతం, ఉపాధ్యాయుడు బోధించే సబ్జెక్టుల్లో ఉత్తీర్ణత, సాధించిన మార్కులు పరిగణనలోకి తీసుకుంటారు. అదేవిధంగా జిల్లాస్థాయి నుంచి జాతీయస్థాయి వరకు జరిగిన సైన్స్‌ ఫెయిర్‌లో విద్యార్థుల పాల్గొనడం, ఉత్తములుగా ఎంపిక కావడానికి సదరు ఉపాధ్యాయుడి తోడ్పాటు, పాఠశాలలోని పిల్లల ఆధార్‌ నమోదు, దాతలు, పూర్వ విద్యార్థులు, ఉపాధ్యాయులు, పిల్లల భాగస్వామ్యం, ప్రభు త్వ నిధులతో పాఠశాలల్లో మౌలిక వసతులు సమకూర్చుకోవడం, విద్యార్థులకు సౌకర్యాలు మెరుగుపర్చడం, పాఠశాలలో ఆహ్లాదకరమైన వాతావరణం నెలకొల్పడం, పచ్చదనం, పరిశుభ్రత వంటి అంశాలకు పది మార్కులు చొప్పున 80 మార్కులు ఉంటాయి. బోధనోపకరణాలు, ఏఐ, ఇతర అందిపుచ్చుకున్న నూతన పరిజ్ఞానంతో బోధన, అనుకరణ మొదలైన వినూత్న బోధనకు 20 మార్కులు ఉంటాయి. ఇలా మొత్తంగా 100 మార్కులకు వచ్చిన మార్కులను లెక్కించి ఉత్తమ గురువులను ఎంపిక చేయనున్నట్లు విద్యాశాఖ అధికారులు చెబుతున్నారు. గతంలో విమర్శలు.. ఉన్నతాధికారులు పేర్కొన్న పారామీటర్లు, ఉపాధ్యాయులు సమర్పించిన ఆధారాలను పరిశీలించి తుది జాబితాను తయారు చేసినట్లు తెలిసింది. ఇందుకోసం జిల్లాలోని ఐదుగురు పీజీ హెచ్‌ఎంలతో కమిటీ వేసి తుది జాబితాను తయారు చేశారు. అయితే గతంలో జిల్లా విద్యాశాఖ అధికారి కార్యాలయంలో పనిచేస్తూ చక్రంతిప్పే పలువురు ఉద్యోగులు తమ అనుచరులకు ఉత్తమ ఉపాధ్యాయ అవార్డు ఇప్పించే ప్రయత్నం చేశారు. పలుమార్లు అనర్హులను ఉత్తమ ఉపాధ్యాయులుగా ఎంపిక చేసి విమర్శలు ఎదుర్కొన్నారు. ఈ విషయం తెలుసుకుని గత ఏడాది 30 మంది జాబితా పంపించగా అందులో 10 మందిని మాత్రమే ఎంపిక చేశారు. ఇప్పుడు కూడా పంపించిన 28 మంది జాబితాలో ఎంత మందిని ఎంపిక చేస్తారో అనేది తేలాల్సి ఉంది. కాగా, కలెక్టర్‌ చైర్మన్‌గా, అదనపు కలెక్టర్‌(లోకల్‌ బాడీ), జిల్లా విద్యాశాఖ అధికారి సభ్యులుగా ఉండి తుది జాబితా సిద్ధం చేయనున్నారు. ఉత్తమ ఉపాధ్యాయుల ఎంపికకు కసరత్తు తొమ్మిది అంశాలు.. 100 మార్కులు ఐదుగురు సభ్యుల కమిటీతో దరఖాస్తుల పరిశీలన జిల్లాలో 28 మంది ఉపాధ్యాయుల దరఖాస్తు కలెక్టర్‌ వద్దకు చేరిన తుది జాబితా

● టీజీ ఎన్పీడీసీఎల్‌ సీఎండీ కర్నాటి వరుణ్‌రెడ్డి తొర్రూరు: విద్యుత్‌ సరఫరాలో నాణ్యత, భద్రతకు ప్రాధాన్యమిస్తున్నట్లు టీజీ ఎన్పీడీసీఎల్‌ సీఎండీ కర్నాటి వరుణ్‌రెడ్డి తెలిపారు. డివిజన్‌ కేంద్రంలోని విద్యుత్‌ సబ్‌స్టేషన్‌ను బుధవారం ఆయన సందర్శించారు. సిబ్బందితో మాట్లాడి పలు సూచనలు చేశారు. విద్యుత్‌ సరఫరాలో అంతరాయాలు లేకుండా రియల్‌ టైం ఫీడర్‌ మానిటరింగ్‌ ద్వారా సబ్‌ స్టేషన్ల పని తీరు పర్యవేక్షిస్తున్నట్లు తెలిపారు. విని యోగదారులకు మెరుగైన విద్యుత్‌ అందించడమే లక్ష్యమన్నారు. సాంకేతిక సమస్యలను గుర్తించి తక్షణ చర్యలు చేపడుతున్నామన్నారు. విద్యుత్‌ పనులు చేసే క్రమంలో భద్రతా నియమాలు పాటించాలన్నారు. తొర్రూరు పరిధిలో నూతన సబ్‌ స్టేషన్‌ల పనులు వేగవంతం చేయాలని సూచించారు. ఎస్‌ఈ దర్శనం, డీఈలు హీరాలాల్‌, సునీతాదేవి, అశోక్‌, ఏడీఈ అశోక్‌, శ్రీనివాసరావు పాల్గొన్నారు. నాణ్యమైన విద్యుత్‌ అందించడమే లక్ష్యం పెద్దవంగర: రైతులకు నాణ్యమైన విద్యుత్‌ అందించడమే లక్ష్యమని ఎన్పీడీసీఎల్‌ సీఎండీ వరుణ్‌ రెడ్డి అన్నారు. మండల కేంద్రంలో నిర్మిస్తున్న విద్యుత్‌ సబ్‌స్టేషన్‌ పనులను బుధవారం పరిశీలించారు. మిగిలిన పనులసు త్వరితగతిన వేగవంతం చేయాలని అధికారులను ఆదేశించారు.

కేయూ క్యాంపస్‌ : కాకతీయ యూనివర్సిటీ.. ప్ర ముఖ స్వచ్ఛంద సంస్థ యునైటెడ్‌ వే ఆఫ్‌ హైదరాబాద్‌ మధ్య కీలక అవగాహన ఒప్పందాలు (ఎంఓయూ) జరిగాయి. ఈ మేరకు బుధవారం కేయూ వీసీ కె. ప్రతాప్‌రెడ్డి సమక్షంలో రిజిస్ట్రార్‌ వి. రామచంద్రం ఆ సంస్థ సీఈఓ రేఖాశ్రీనివాసన్‌ ఒప్పంద పత్రాలపై సంతకాలు చేసి మార్చుకున్నారు. మొద టి అవగాహన ఒప్పందం ప్రకారం కాకతీయ యూ ని వర్సిటీ పరిధిలో డిగ్రీ, ఇంజనీరింగ్‌ కోర్సులు అభ్యసిస్తూ ఆర్థికంగా వెనుకబడిన ప్రతిభావంతులైన విద్యార్థులకు స్కాలర్‌షిప్‌లు, కెరీర్‌ మార్గదర్శకత్వం, మెంటార్‌షిప్‌ సేవలు అందిచనున్నారు. టెన్త్‌, ఇంటర్మీడియట్‌లో 75 శాతం మార్కులు కలిగి కుటుంబ వార్షిక ఆదాయం రూ. 8లక్షల లోపు ఉన్న విద్యార్థులు ఈస్కాలర్‌షిప్‌లకు అర్హులని రిజిస్ట్రార్‌ రామచంద్రం తెలిపారు. దివ్యాంగులు, ఆర్మీ వెటరన్స్‌ పిల్లలకు ప్రాధాన్యతనిస్తారు. ఈ కార్యక్రమాల అమలుకు కేయూ మెకానికల్‌ ఇంజనీరింగ్‌ విభాగం అసిస్టెంట్‌ ప్రొఫెసర్‌ ఎ. సిద్దార్థ కోఆర్డినేటర్‌గా వ్యవహరిస్తున్నారు. ‘ప్లాంట్‌ ఫర్‌ ప్లానెట్‌’ ద్వారా వెయ్యి మొక్కలు రెండో కీలక ఒప్పందం ప్రకారం ‘ప్లాంట్‌ ఫర్‌ద ప్లానెట్‌’ ద్వారా 1000 మొక్కలతో హరిత క్యాంపస్‌గా అభివృద్ధి పరిచేలా ఒప్పందం కుదుర్చుకున్నారు. ఇందులో భాగంగా కేయూలోని కోఎడ్యుకేషన్‌ ఇంజనీరింగ్‌ కళాశాల సమీపంలో ఎకరం భూమిలో 1000 మొక్కలు నాటనున్నారు. ఈ మొక్కల పరిరక్షణకు అవసరమైన ప్రహరీ ఏర్పాటుచేయడంతోపాటు నిర్వహణ బాధ్యతను ఆ స్వచ్ఛంద సంస్థ మూడేళ్లపాటు చేపట్టనుందని రిజిస్ట్రార్‌ రామచంద్రం తెలిపారు. ఈ ప్రాజెక్టు అమలుతో యూనివర్సిటీకి ఎలాంటి ఆర్థికపరమైన భారం ఉండబోదని తెలిపారు. కేయూ ఇంజనీరింగ్‌ కళాశాల ప్రిన్సిపాల్‌ ఎన్‌. రమణ, ఆ సంస్థ ప్రతినిధులు తదితరులు పాల్గొన్నారు. కేయూ, యునైటెడ్‌ వే ఆఫ్‌ హైదరాబాద్‌ ఎంఓయూ

సాక్షిప్రతినిధి, వరంగల్‌: ఇసుక లారీల్లో ఓవర్‌లోడ్‌కు ఇక భారీ మూల్యం చెల్లించాల్సిందే. ఇసుక రవాణాలో నిర్ణీత సామర్థ్యానికి మించి తరలించే ప్రతీ మెట్రిక్‌ టన్ను ఇసుకకు రూ.2 వేల చొప్పున జరిమానా విధించాలని ప్రభుత్వం నిర్ణయించింది. అంతేకాకుండా ఒకే వాహనం రెండు సార్లకు మించి ఓవర్‌లోడ్‌ ఉల్లంఘనలకు పాల్పడితే సాండ్‌ మేనేజ్‌మెంట్‌ సిస్టమ్‌లో ఆ వాహనాన్ని తదుపరి బుకింగ్‌లకు బ్లాక్‌ చేయనున్నారు. మైన్స్‌ సర్వేలెన్స్‌ సిస్టం ద్వారా ఓవర్‌లోడ్‌ను గుర్తించి జరిమానాను ఆన్‌లైన్‌లో వసూలు చేయాలని ప్రభుత్వం జారీ చేసిన జీఓ నంబర్‌ 28లో స్పష్టం చేసింది.ఈ నిబంధనలతో ఉమ్మడి జిల్లాలోని రీచ్‌లనుంచి అదనపు ఇసుక తరలించే వందలాది లారీలకు చెక్‌పడనుంది. క్వారీ నుంచి స్టాక్‌యార్డు వరకు.. కొన్ని రీచ్‌ల్లో నేరుగా భారీ వాహనాల్లో ఇసుక లోడ్‌ కాకుండా రీచ్‌ నుంచి స్టాక్‌యార్డుకు ట్రాక్టర్లు/చిన్న వాహనాల ద్వారా తరలించి, అక్కడినుంచి లారీల్లోకి రీలోడ్‌ చేసే విధానం ఉంది. తాడిచెర్ల తాజా టెండర్లలోనూ రీచ్‌ నుంచి స్టాక్‌యార్డుకు ఇసుక తరలించి, తిరిగి లారీల్లోకి లోడ్‌ చేయాల్సి ఉందని పేర్కొన్నారు. అందువల్ల కొత్త నిబంధన కేవలం లారీ డ్రైవర్‌పైనే కాకుండా రీచ్‌–స్టాక్‌యార్డు–లోడింగ్‌–రవాణా మొత్తం వ్యవస్థపై జాగ్రత్త పెంచే అవకాశం ఉంది. ఇదిలా ఉండగా ఓవర్‌లోడ్‌ పూర్తిగా నియంత్రితమైతే ఒక్క ట్రిప్పులో తరలించే ఇసుక పరిమాణం తగ్గుతుంది. మరోవైపు రోడ్లపై ఒత్తిడి, రోడ్డు నష్టం, ప్రమాదాల ముప్పు తగ్గే అవకాశం ఉంది. ఓవర్‌లోడ్‌ లారీలకే సమస్య.. కొత్త జీఓతో అసలు సమస్య ఓవర్‌లోడ్‌ చేసే లారీలకే. ఒక లారీలో నిర్ణీత పరిమితికి మించి టన్ను ఇసుక ఉంటే రూ.2వేల జరిమానా. 3 టన్నులు అదనంగా ఉంటే రూ.6వేలు, ఐదు టన్నులు అయితే రూ.10వేలు.. అంటే ఒక్క ట్రిప్పులో ఎక్కువ ఇసుక వేసుకుని అదనపు ఆదాయం పొందాలనుకునే ప్రయత్నం జరిమానాతో పోలిస్తే నష్టదాయకంగా మారే అవకాశం ఉంది. జీఓ ప్రకారం జరిమానా అదనంగా తరలించిన ఇసుక పరిమాణంపై విధించనున్నారు. లారీ యజమానులకు ఇది మరింత కీలకమైన నిబంధన. రెండుకంటే ఎక్కువ ఓవర్‌లోడ్‌ ఉల్లంఘనలు గుర్తించిన వాహనాన్ని సాండ్‌ మేనేజ్‌మెంట్‌ సిస్టమ్‌లో తదుపరి బుకింగ్‌ల నుంచి బ్లాక్‌ చేయనున్నారు. రెండు కంటే ఎక్కువ ఓవర్‌లోడ్‌ ఉల్లంఘనలు నమోదైతే ఆ వాహనంతో టీజీఎండీసీ ఇసుకను బుక్‌ చేసుకునే అవకాశమే కోల్పోయే పరిస్థితి ఏర్పడుతుంది.ఉమ్మడి జిల్లాలో ఇసుక రీచ్‌లు ఇలా.. గోదావరి పరీవాహక ప్రాంతం కారణంగా ఉమ్మడి వరంగల్‌లోని ముఖ్యంగా ములుగు, జయశంకర్‌ భూపాలపల్లి జిల్లాల్లో ఇసుక తవ్వకాలు, రవాణా కార్యకలాపాలు సాగుతున్నాయి. టీజీఎండీసీ వివరాల ప్రకారం.. ములుగు జిల్లాలో టీజీఎండీసీ రికార్డుల్లో మారికాల, సూరవీడు, ముత్తారం, కొండాపురం, కొరకల్లు వంటి ఇసుక రీచ్‌ల వివరాలు ఉన్నాయి. ఉదాహరణకు మారికాల రీచ్‌కు1,59,680 మెట్రిక్‌ టన్నులు, కొరకల్లు రీచ్‌కు 99,948 క్యూబిక్‌ మీటర్ల పరిమాణం కేటాయించారు. సూరవీడు రీచ్‌కు 70 వేల క్యూబిక్‌ మీటర్లు, ముత్తారం రీచ్‌కు 99,400 క్యూబిక్‌ మీటర్ల ఇసుక తరలింపునకు అనుమతి ఉంది. జేఎస్‌ భూపాలపల్లి జిల్లాలో ఈ ఏడాది కూడా భారీ స్థాయిలో ఇసుక డీ–సిల్టేషన్‌ పనులకు టీజీఎండీసీ టెండర్లు పిలిచింది. తాడిచెర్ల–1, తాడిచెర్ల–2 రీచ్‌లలో సుమారు 14 లక్షల మెట్రిక్‌ టన్నుల ఇసుక డీ–సిల్టేషన్‌కు సంబంధించిన టెండర్‌ అయ్యింది. ఆయా రీచ్‌ల నుంచి ఇసుక తరలించే లారీలకు ‘ఓవర్‌లోడ్‌’ నిబంధన ప్రభావం పడనుంది. దీంతో ఇసుక వ్యాపారుల, లారీ ఓనర్ల లెక్కలు తారుమారు కానున్నాయి. ఇసుక లారీలో మె.టన్నుకు అదనంగా.. రూ.2వేల మోత రెండుసార్లు ఓవర్‌.. మూడోసారికి బుకింగ్‌ కట్‌ రీచ్‌ నుంచి స్టాక్‌యార్డు.. అక్కడినుంచి లారీ వరకు నిఘా కొత్త నిబంధనలు విధించిన రాష్ట్ర ప్రభుత్వం తారుమారు కానున్న వ్యాపారుల లెక్కలు

● కర్రతో విచక్షణారహితంగా కొట్టడంతో తీవ్రగాయాలు ధర్మసాగర్‌: హనుమకొండ జిల్లా ధర్మసాగర్‌ మండలంలోని ఉనికిచర్ల సమీపంలో గల ఓ ప్రైవేట్‌ పాఠశాలలో బుధవారం ఓ విద్యార్థిని వ్యాయామ ఉపాధ్యాయుడు కర్రతో తీవ్రంగా కొట్టడంతో తీవ్ర గాయాలయ్యాయి. బాధితుడి తల్లిదండ్రులు తెలిపిన వివరాల ప్రకారం.. కోమటిపల్లి ప్రాంతంలోని నిరూప్‌నగర్‌కు చెందిన ఓ విద్యార్థి ఉనికిచర్ల సమీపంలోని ఒక ప్రైవేట్‌ పాఠశాలలో 7వ తరగతి చదువుతున్నాడు. వ్యాయామ ఉపాధ్యాయుడు అతడిని కర్రతో విచక్షణారహితంగా కొట్టడంతో తీవ్ర గాయాలయ్యాయి. గతంలో విరిగిన కుడిచేయిని పట్టుకుని లాగుతూ దారుణంగా కొట్టాడని బాధితుడు ఆవేదన వ్యక్తం చేశారు. కాగా, తీవ్ర గాయాలపాలైన ఆ బాలుడు అండర్‌–14 తైక్వాండో విభాగంలో బ్లాక్‌బెల్ట్‌ సాధించాడు. సదరు వ్యాయామ ఉపాధ్యాయుడిపై కఠిన చర్యలు తీసుకోవాలని స్థానికులు డిమాండ్‌ చేస్తున్నారు.

మహబూబాబాద్‌ రూరల్‌ : జిల్లా కేంద్రంలో ఇటీవల ఆత్మహత్య చేసుకున్న ట్రైనీ డిప్యూటీ తహసీల్దార్‌ డోలి సంధ్య కేసులో బాధిత కుటుంబానికి న్యాయం చేయాలని కోరుతూ కుటుంబ సభ్యులు, బంధువులు, మిత్రులు, విద్యార్థి సంఘాలు సోమవారం ఆందోళన చేపట్టారు. జిల్లా కేంద్రంలోని బస్టాండ్‌ సెంటర్‌, కేసముద్రం రోడ్డు వద్ద జరిగిన ఆందోళన సందర్భంగా అటువైపుగా వెళ్తున్న కలెక్టర్‌ స్నేహశబరీష్‌ వాహనాన్ని కుటుంబ సభ్యులు ఆపి వారి బాధను వ్యక్తం చేశారు. తీవ్రబాధలో ఉన్న డోలి సంధ్య తమ్ముడు డోలి రాజేష్‌ ఒంటిపై పెట్రోల్‌ పోసుకుని ఆత్మహత్యాయత్నం చేయగా పోలీసులు అడ్డుకొని వారిని పోలీసు స్టేషన్‌కు తరలించారు. ఈ సందర్భంగా మృతురాలి కుటుంబ సభ్యులు, విద్యార్థి సంఘాల నాయకులు వెలుగు శ్రావణ్‌, మేక వెంకటేష్‌, బోనగిరి మధు, మునగాల మహేష్‌, కేలోత్‌ సాయికుమార్‌, గుగులోత్‌ సూర్యప్రకాష్‌, బానోత్‌ సింహాద్రి మాట్లాడుతూ ట్రైనీ డిప్యూటీ తహసీల్దార్‌ డోలి సంధ్య మరణించి నేటికి 16 రోజులు కావొస్తున్నా నిందితుడిని అరెస్టు చేయకపోవడం పోలీసుల అలసత్వానికి నిదర్శనమని విమర్శించారు. ఆమె మృతికి కారకుడైన మున్సిపాలిటీ వార్డు ఆఫీసర్‌ తేజావత్‌ శ్యామ్‌ను వెంటనే అరెస్టు చేసి రిమాండ్‌కు తరలించాలని వారు డిమాండ్‌ చేశారు. నిందితుడు శ్యామ్‌ కు రాజకీయ అండదండలు ఉండడం వల్లనే పోలీసులు ఈ కేసును నిర్లక్ష్యం చేస్తున్నారన్నారని ఆరోపించారు. ఇదిలా ఉండగా మానుకోట మాజీ ఎమ్మెల్యే బానోత్‌ శంకర్‌ నాయక్‌ ఘటన స్థలానికి వచ్చి బాధిత కుటుంబానికి మద్దతు తెలిపారు. కార్యక్రమంలో కుటుంబ సభ్యులు వెంకటేశ్వర్లు, పద్మ, స్వాతి, విద్యార్థి సంఘాల నాయకులు జలగం ప్రవీణ్‌, చిలువేరు వికాస్‌, గుడిబోయిన వెంకటేశ్వర్లు తదితరులు పాల్గొన్నారు. ఎమ్మెల్యే, ఎమ్మెల్సీ వాహనాల అడ్డగింత.. ఆందోళనలో భాగంగా మృతురాలి కుటుంబ సభ్యులు, బంధువులు, విద్యార్థి సంఘాలు అటువైపుగా వెళ్తున్న నర్సంపేట ఎమ్మెల్యే దొంతి మాధవరెడ్డి, ఎమ్మెల్సీ బస్వరాజు సారయ్య వాహనాలను అడ్డుకుని నిరసన తెలిపారు. రోడ్డుపై బైఠాయింపు, ఎమ్మెల్యే, ఎమ్మెల్సీ, కలెక్టర్‌ వాహనం అడ్డగింత సంధ్య తమ్ముడు రాజేష్‌ పెట్రోల్‌ పోసుకొని ఆత్మహత్యాయత్నం

మహబూబాబాద్‌: స్మార్ట్‌రేషన్‌ కార్డులపై లబ్ధిదారులు పలు సందేహాలు వ్యక్తం చేస్తున్నారు. అసలు స్మార్ట్‌ కార్డు పంపిణీ ఉద్దేశం ఏమిటి, క్యూఆర్‌ కోడ్‌ఎలా పని చేస్తుందని లబ్ధిదారులు ఆసక్తిగా ఎదురుచూస్తున్నారు. పంపిణీ చేసిన పలు కార్డుల్లో పేర్లు ఇతర తప్పులు ఉన్నాయి. వాటి సవరణ ఉంటుందా అని.. ఇలా అనేక సందేహాలను లబ్ధిదారులు వ్యక్తపరుస్తున్నారు. పూర్తిస్థాయిలో గైడ్‌లెన్స్‌ రాలేదని సివిల్‌ సప్లయీస్‌ అధికారులు చెబుతున్నారు. కార్డుల పంపిణీలోనూ తీవ్ర జాప్యం చేస్తున్నారు. 558 రేషన్‌ షాపులు.. జిల్లాలో 18 మండలాల్లో 558 రేషన్‌షాపులు ఉన్నాయి. 2,79,039 రేషన్‌కార్డులు ఉన్నాయని అధికారులు తెలిపారు. ఈపాస్‌ మిషన్‌ల ద్వారా ఐరిస్‌, బయోమెట్రిక్‌, ఓటీపీల ద్వారా లబ్ధిదారులకు బియ్యం పంపిణీ చేస్తున్నారు. ఆరు ఎంఎల్‌ఎస్‌ పాయింట్ల ద్వారా రేషన్‌షాపులకు బియ్యం సరఫరా జరుగుతోంది. లబ్ధిదారుల సంఖ్యను బట్టి బియ్యం కోటా కేటాయిస్తున్నారు. 2,78,379 స్మార్ట్‌ కార్డులు.. జిల్లాలో 2,79,039 రేషన్‌కార్డులు ఉండగా 2,78,379 స్మార్ట్‌కార్డులు సరఫరా చేసినట్లు అధికారులు తెలిపారు. ఆగస్టు 15న పంద్రాగస్టు వేడుకల సందర్భంగా కార్డుల పంపిణీ ప్రభుత్వం లాంఛనంగా ప్రారంభించిన విషయం విదితయే. కాగా, కార్డులను తహసీల్దార్లకు అప్పగించగా.. వారు జీపీఓ, పంచాయతీ కార్యదర్శుల ద్వారా పంపిణీ చేస్తున్నారు. మున్సిపాలిటీల్లో వార్డు ఆఫీసర్ల ద్వారా పంపిణీ చేస్తున్నారు. పంపిణీలోనూ జాప్యం.. గ్రామాల్లో కార్డులు పంపిణీ చేపడుతుండగా... మున్సిపాలిటీల్లో తీవ్రజాప్యం జరుగుతోంది. మానుకోట మున్సిపాలిటీలో నక్షా ప్రాజెక్ట్‌ సర్వే జరుగుతుండడంతో స్మార్ట్‌ కార్డులు పంపిణీ చేయడం లేదు. మిగిలిన మున్సిపాలిటీల్లో కూడా పంపిణీ ఆలస్యమవుతోంది. అయితే కార్డులను రేషన్‌ డీలర్లకు అప్పగిచంగా.. 90శాతం మందికి పంపిణీ చేయలేదు. సెప్టెంబర్‌ 1నుంచి పంపిణీ చేయనున్నట్లు చెబుతున్నారు. చాలా కార్డుల్లో తప్పులు.. పంపిణీ చేసిన కార్డుల్లో చాలా వరకు తప్పులు ఉన్నాయి. ప్రధానంగా ఇంటిపేరు, యజమాని పేరు, అక్షరాలలో తప్పులు ఉన్నాయి. పిల్లల పేర్లు అప్‌డేట్‌ కాలేదు. ఇలాంటి సమస్యలతో లబ్ధిదారులు ఇబ్బందులు పడుతున్నారు. అయితే సవరణ ఉంటుందా లేదా అనే సందేహాలతో ప్రజలు సతమతమవుతున్నారు. సవరణ ఉంటుందా ? స్మార్ట్‌ రేషన్‌ కార్డుల సవరణ ఉంటుందని, అయితే ఎలా చేయాలని అనే విషయాలపై స్పష్టత రాలేదని అధికారులు అంటున్నారు. ఆన్‌లైన్‌ ద్వారా ఉంటుందని, తహసీల్దార్‌ కార్యాలయాల్లో కార్డుల్లో తప్పులు పరిశీలిస్తారని, వివరాలను ఆన్‌లైన్‌ చేయాల్సి ఉంటుందని, అయితే ప్రభుత్వం నుంచి పూర్తి స్పష్టత లేదని అధికారులు చెబుతున్నారు. స్మార్డ్‌ రేషన్‌ కార్డులపై ఎన్నో సందేహాలు తప్పుడు వివరాల ముద్రణతో లబ్ధిదారుల పరేషాన్‌ కార్డు ఎలా పని చేస్తుందోనని ఆసక్తి గైడ్‌లైన్స్‌ రాలేదంటున్న అధికారులు జిల్లాలో మొత్తం రేషన్‌కార్డులు 2,79,039.. సరఫరా చేసినవి 2,78,379 పంపిణీలో తీవ్ర జాప్యం మృతురాలి పేర స్మార్ట్‌ రేషన్‌ కార్డు.. కురవి: సీరోలు మండలం కొత్తూరు(సీ) గ్రామంలో చనిపోయిన వృద్ధురాలి పేరు మీద రాష్ట్ర ప్రభుత్వం స్మార్ట్‌ రేషన్‌ కార్డు పంపిణీ చేసింది. గ్రామానికి చెందిన గుండె ఎల్లమ్మ ఈ ఏడాది ఫిబ్రవరి 4న మృతి చెందింది. కాగా, స్మార్ట్‌ రేషన్‌ కార్డు(ఫుడ్‌ సెక్యూరిటీ కార్డు)ను అధికారులు మృతురాలి కుటుంబ సభ్యులకు అందజేశారు. ఎలాంటి గైడ్‌లైన్స్‌ రాలేదు కొన్ని కార్డుల్లో తప్పులు ఉన్నాయి. సవరణ ఉంటుంది. లబ్ధిదారులు పరేషాన్‌ కావద్దు. పూర్తిస్థాయిలో కార్డు పని చేసే విధానంపై స్పష్టత రాలేదు. దీంతో మేము కూడా స్పష్టంగా చెప్పలేకపోతున్నాం. గైడ్‌ లైన్స్‌ రాగానే వివరాలు తెలియజేస్తాం. కార్డుల పంపిణీ వేగవంతం చేస్తాం. –రమేశ్‌, డీసీఎస్‌ఓ

● మహిళా సర్పంచ్‌ల ఫోరం రాష్ట్ర అధ్యక్షురాలు గుంటిపల్లి రేణుకధర్మసాగర్‌ : చేయూత పెన్షన్ల దరఖాస్తు గడువును సెప్టెంబర్‌ 15వ తేదీ వరకు పొడిగించడం పట్ల రాష్ట్ర మహిళా సర్పంచుల ఫోరం హర్షం ప్రకటించింది. ఈ మేరకు ముఖ్యమంత్రి రేవంత్‌ రెడ్డికి మహిళా సర్పంచ్‌ల ఫోరం రాష్ట్ర అధ్యక్షురాలు గుంటిపల్లి రేణుక సోమవారం ఒక ప్రకటనలో కృతజ్ఞతలు తెలిపారు. ఈ అవకాశాన్ని గ్రామాల్లో సర్పంచులు వినియోగించుకోవాలని కోరారు. సదరం క్యాంపుల ద్వారా మండల రెవెన్యూ కార్యాలయాల ద్వారా, సంబంధిత కార్యాలయాలనుంచి తగు ధ్రువపత్రాలు తీసుకొని నిర్ణీత గడువులోగా ఆన్‌లైన్‌ చేసేలా అధికారులకు సహకరించాలని పేర్కొన్నారు. గ్రామాల్లో అర్హులైన ప్రతీ ఒక్కరికి పెన్షన్‌ ఇప్పించే బాధ్యత తీసుకోవాలని సూచించారు. దరఖాస్తు గడువు పెంపు అంశం పేదలపై ముఖ్యమంత్రి కనబరుస్తున్న చిత్తశుద్ధికి నిదర్శనంగా పేర్కొన్నారు.

హనుమకొండ uవరంగల్‌ uజనగామ uములుగు uమహబూబాబాద్‌ uభూపాలపల్లి uఆరు జిల్లాల్లోని పాఠశాలలకు రూ.643.20 లక్షల నిధులు ● జీరో నుంచి 10 మంది విద్యార్థులుంటే కేటాయింపుల్లేవువిద్యారణ్యపురి: ఉమ్మడి వరంగల్‌ జిల్లాలోని ప్రభుత్వ, స్థానిక సంస్థల పాఠశాలలు, కేజీబీవీలు, మోడల్‌ స్కూళ్లకు గిరిజన సంక్షేమశాఖ పాఠశాలలకు 2026–27 సంవత్సరానికి కాంపోజిట్‌ స్కూల్‌ గ్రాంట్‌ మంజూరు చేస్తూ ఇటీవల రాష్ట్ర పాఠశాల విద్యాశాఖ డైరెక్టర్‌, సమగ్ర శిక్ష ప్రాజెక్ట్‌ డైరెక్టర్‌ నవీన్‌ నికోలస్‌ ఉత్తర్వులు జారీ చేశారు. జీరో ఎన్‌రోల్‌మెంట్‌ పాఠశాలలకు, పీఎంశ్రీ పాఠశాలలకు, జీరో నుంచి 10 మధ్య విద్యార్థుల నమోదు ఉన్న పాఠశాలలకు ఈ నిధులు మంజూరు చేయలేదు. పాఠశాలల వారీగా నిధులు ఒకటినుంచి 30 మంది విద్యార్థులున్న పాఠశాలలకు రూ.10 వేల చొప్పున, 31 నుంచి 100 మంది విద్యార్థులుంటే రూ.25 వేలు, 101 నుంచి 250 మంది ఉంటే రూ.50 వేలు, 251 నుంచి 1,000 మంది విద్యార్థులుంటే రూ.75 వేలు, 1,000పైన విద్యార్థులుంటే రూ.లక్ష చొప్పున నిధులు కేటాయించారు. ఉమ్మడి వరంగల్‌ జిల్లా పరిధిలోని ఆరు జిల్లాలకు మొత్తం రూ.643.20 లక్షలు గ్రాంటు నిధులు మంజూరు చేశారు. ఈనిధులు వీటికి వినియోగించుకోవాలి.. ● పాఠశాలలకు అవసరమైన స్టేషనరీ చాక్‌పీస్‌లు, వైట్‌ పేపర్లు, రిజిస్టర్లు తదితరాలు సమకూర్చుకోవడం, పరీక్షల నిర్వహణకు వినియోగించుకోవడం. ● స్వాతంత్య్ర, గణతంత్ర దినోత్సవం వంటి జాతీయ పండుగల నిర్వహణకు వినియోగించుకోవచ్చు. ● పాఠశాలలో ఇంటర్నెట్‌ చార్జీలకు వినియోగించుకోవాలి.. ● కంప్యూటర్లు, ప్రొజెక్టర్‌ కే–యాన్‌ టీవీ, తదితర పరికరాల మరమ్మతులకు వినియోగించుకోవాలి. ● తలుపులు, కిటికీలు, ఫ్లోరింగ్‌ వంటి చిన్న చిన్న మరమ్మతులకు వినియోగించుకోవచ్చు. ● తాగునీటి సదుపాయం కల్పించుకునేందుకు కూడా ఈగ్రాంట్‌లో 10 శాతం మొత్తాన్ని స్వచ్ఛత, యాక్షన్‌ప్లాన్‌లో భాగంగా చేతులు కడుక్కునేందుకు లిక్విడ్‌ సోప్‌, టాయిలెట్‌ శుభ్రపర్చే సామగ్రి తప్పనిసరిగా కొనుగోలు చేయాల్సి ఉంటుంది. ● దివ్యాంగ విద్యార్థులున్న పాఠశాలల్లో, పాఠశాల ఆవరణలో సురక్షితమైన అవరోధాలు లేని ప్రవేశం కోసం రెయిలింగ్‌ ఇతర చిన్న సదుపాయాల కోసం గ్రాంటు నుంచి నిధులు వినియోగించుకోవచ్చు. ● పాఠశాలల్లో ఆవరణను క్రమం తప్పకుండా శుభ్రపర్చాలి. శానిటైజ్‌ చేయాలి. తగిన వెంటిలేషన్‌లో డిస్‌ ఇన్‌స్పెక్ట్‌ చేయాలి. ● సబ్బు, హ్యాండ్‌ శానిటైజర్‌, క్లోరిన్‌ సొల్యూషన్‌ ఇతర శుభ్రపర్చే సామగ్రిని ఎల్లప్పుడూ నిల్వ ఉంచాలి. ● గ్రాంట్‌ వినియోగానికి సంబంధించి పాఠశాల యాజమాన్య కమిటీ (ఎస్‌ఎంసీ) అమ్మ ఆదర్శ పాఠశాల కమిటీ (ఏఏపీసీ) తీర్మానం చేసి రికార్డుల్లో పేర్కొనాలి. ● గ్రాంటును మార్గదర్శకాలకు అనుగుణంగా సక్రమంగా వినియోగించే బాధ్యత హెచ్‌ఎం/ప్రిన్సిపాళ్లదే.. మొత్తం పాఠశాలలుమొత్తం గ్రాంటు (లక్షల్లో)

కేయూ క్యాంపస్‌ : అంతర్జాతీయ స్థాయిలో ఉన్నత విద్య అవకాశాలు అందించేందుకు కాకతీయ యూనివర్సిటీ మరో కీలక ముందడుగు వేసింది. జర్మనీలోని రూట్లెంగెన్‌ యూనివర్సిటీతో అవగాహన ఒప్పందం కుదుర్చుకుంది. సోమవారం హైదరాబాద్‌లోని ఉస్మానియా యూనివర్సిటీలో జర్మనీ రూట్లెంగెన్‌ యూనివర్సిటీ ప్రత్యేక ప్రతినిధి రాజ్‌వంగపండు, కేయూ వీసీ కె. ప్రతాప్‌రెడ్డి, రిజిస్ట్రార్‌ వి. రామచంద్రం, ఓఎస్‌డీ బి. వెంకట్రామ్‌రెడ్డి పాల్గొని అవగాహన ఒప్పంద పత్రాలు మార్చుకున్నారు. ఓయూ వీసీ కుమార్‌ సమక్షంలో ఈ ఒప్పందం కుదుర్చుకున్నారు. కేయూ యూజీసీ కోఆర్డినేటర్‌, రూసా నోడల్‌ అఽధికారి ఆర్‌. మల్లికార్జున్‌రెడ్డి పాల్గొన్నారు. రూట్లెంగెన్‌ యూనివర్సిటీకి చెందిన ప్రొఫెసర్‌ బ్రూనె జోచెన్‌, ప్రోగ్రాం మేనేజర్‌ స్టెఫాన్‌ డెగ్లిమాన్‌ ప్రతినిధులుగా ఆన్‌లైన్‌లో పాల్గొన్నారు. ఈ ఎంఓయూతో ప్రయోజనం.. జర్మనీ రూట్లెంగెన్‌ యూనివర్సిటీతో కుదుర్చుకున్న అవగాహన ఒప్పందంతో కాకతీయ యూనివర్సిటీ విద్యార్థులు 3 ప్లస్‌ 2 మాస్టర్స్‌ కోర్సు ద్వారా తమ ఉన్నత విద్యను జర్మనీలో కొనసాగించే అవకాశం పొందనున్నారు. ఇందులో మొదటి మూడు సంవత్సరాల విద్యను కాకతీయ యూనివర్సిటీలో పూర్తిచేసి తదుపరి రెండేళ్లు మాస్టర్స్‌ విద్యను జర్మనీ రూట్లెంగెన్‌ యూనివర్సిటీలో అభ్యసించే అవకాశం ఉంటుంది. మొదటి మూడు సంవత్సరాల డిగ్రీ అనంతరం ఆ జర్మనీ యూనివర్సిటీ మాస్టర్స్‌ డిగ్రీని ప్రదానం చేస్తుంది. కంప్యూటర్‌ సైన్స్‌, ఆర్టిఫీషియల్‌ ఇంటెలిజెన్స్‌, మిషన్‌ లెర్నింగ్‌, ఇంజనీరింగ్‌ విభాగాలకు చెందిన విద్యార్థులు రూట్లెంగెన్‌ యూనివర్సిటీలో మాస్టర్‌ ఆఫ్‌ ప్రొఫెషనల్‌ సాఫ్ట్‌వేర్‌ ఇంజనీరింగ్‌, ఇతర వి భాగాలకు చెందిన విద్యార్థులు మాస్టర్‌ ఆఫ్‌ డిజి టల్‌ బిజినెస్‌ మేనేజ్‌మెంట్‌ వంటి మాస్టర్స్‌ కోర్సుల్లో విద్యను కొనసాగించేందుకు అవకాశం కల్పించనున్నారని కేయూ వీసీ ప్రతాప్‌రెడ్డి, రిజిస్ట్రార్‌ రామచంద్రం తెలిపారు. తొలుత ఈ కార్యక్రమం ద్వారా కేయూ నుంచి 20మంది విద్యార్థులను మెరిట్‌ కమ్‌ రిజర్వేషన్‌ ప్రాతిపదికన ఎంపిక చేయబోతున్నారు. ఎంపికై న విద్యార్థులు అంతర్జాతీయ స్థాయి విద్యనభ్యసించడంతోపాటు జర్మనీలో ఉన్నత విద్య, భవిష్యత్‌ ఉపాధి అవకాశాలను పొందేందుకు ఈ ఒప్పందం దోహపడుతుందని వారు తెలిపారు.

కేసముద్రం: మహబూబాబాద్‌ జిల్లా కేసముద్రం మండలంలోని నారాయణపురం గ్రామ రైతులకు ఎట్టకేలకు పట్టాదారు పాసుపుస్తకాలు రావడంతో సంబురాలు జరుపుకున్నారు. సోమవారం రాష్ట్ర రెవెన్యూశాఖ మంత్రి పొంగులేటి శ్రీనివాస్‌రెడ్డి పంచాయతీరాజ్‌ శాఖ మంత్రి ధనసరి సీతక్క, రాజ్యసభ సభ్యుడు వేం నరేందర్‌రెడ్డి, ఎంపీ బలరాంనాయక్‌, ఎమ్మెల్యే భూక్య మురళీనాయక్‌తో కలిసి కేసముద్రంవిలేజ్‌లో 33/11 కేవీ సబ్‌స్టేషన్‌ను ప్రారంభించారు. అనంతరం కేసముద్రం మున్సిపాలిటీ నూతన భవనం, ఇనుగుర్తి, దంతాలపల్లి, సీరోలులో నూతన తహసీల్దార్‌ భవన నిర్మాణాలకు ఇక్కడి నుంచే శంకుస్థాపనలు చేశారు. ఎంపీడీఓ కార్యాలయ ఆవరణలో జరిగిన సభలో నారాయణపురం రైతులకు నూతన పట్టాదారు పాసుపుస్తకాలు అందజేశారు. ఈ సందర్భంగా రాజ్యసభ సభ్యుడు వేం నరేందర్‌రెడ్డి మాట్లాడుతూ.. నారాయణపురం గ్రామ సమస్య స్టేట్‌ ఇష్యూగా మారిందని, కాంగ్రెస్‌ ప్రభుత్వం ఏర్పడిన తర్వాత భూభారతి ద్వారా రెవెన్యూశాఖ మంత్రి పొంగులేటి శ్రీనివాస్‌రెడ్డి సహకారంతో నారాయణపురం రైతులకు పట్టాదారు పాసుపుస్తకాలు రావడం సంతోషంగా ఉందన్నారు. మిగిలిన 150 ఎకరాల సమస్యను కూడా పరిష్కరిస్తామన్నారు. ప్రభుత్వ విప్‌ జాటోత్‌ రాంచంద్రునాయక్‌ మాట్లాడుతూ.. కాంగ్రెస్‌ ప్రభుత్వం వచ్చాకే అన్నివిధాలా అభివృద్ధి జరుగుతుందన్నారు. ఎంపీ పోరిక బలరాంనాయక్‌ మాట్లాడుతూ.. నారాయణపురం రైతుల సమస్యను పరిష్కరించేందుకు గతంలో ప్రయత్నించామని, ప్రస్తుతం పాసుపుస్తకాలు అందించి న్యాయం చేశామన్నారు. స్థానిక ఎమ్మెల్యే మురళీనాయక్‌ మాట్లాడుతూ.. మానుకోటలో ఆర్డీఓ, తహసీల్దార్‌ కార్యాలయాల భవనాలు మంజూరు చేయాలని మంత్రులను కోరారు. కార్యక్రమంలో కలెక్టర్‌ స్నేహ శబరీష్‌, ఎన్పీడీసీఎల్‌ సీఎండీ వరుణ్‌రెడ్డి, ఎస్పీ శబరీష్‌, వర్ధన్నపేట, భూపాలపల్లి ఎమ్మెల్యేలు కేఆర్‌.నాగరాజు, గండ్ర సత్యనారాయణరావు, సీసీఎల్‌ సెక్రటరీ లోకేశ్‌కుమార్‌, రెవెన్యూ, రిజిస్ట్రేషన్‌, స్టాంప్స్‌ ప్రత్యేక కార్యదర్శి రాజీవ్‌గాంధీ హనుమంతు, డీసీసీ అధ్యక్షురాలు భూక్య ఉమ, జిల్లా గ్రంథాలయ సంస్థ చైర్మన్‌ వెన్నం శ్రీకాంత్‌రెడ్డి, మున్సిపల్‌ చైర్‌పర్సన్‌ బానోత్‌ సునీతవెంకన్న, వైస్‌చైర్‌పర్సన్‌ అల్లం రమనాగేశ్వర్‌రావు, నారాయణపురం సర్పంచ్‌ ధారావత్‌ యమునసుమన్‌నాయక్‌ తదితరులు పాల్గొన్నారు. నారాయణపురం రైతులకు మంత్రుల చేతులమీదుగా పట్టాల పంపిణీ

ఖమ్మం లీగల్‌: అప్పు చెల్లించే క్రమాన జారీ చేసిన చెక్కు చెల్లకపోవడంతో జైలుశిక్ష విధిస్తూ ఖమ్మం ఫస్ట్‌ అడిషనల్‌ జ్యుడీషియల్‌ మేజిస్టేట్‌ కోర్టు జడ్జి బెక్కం రజిని సోమవారం తీర్పు వెలువరించారు. వివరాలు.. నేలకొండపల్లి మండలం ముజ్జుగూడేనికి చెందిన సిరికొండ వెంకటేశ్వర్లు వద్ద మహబూబాబాద్‌ జిల్లా డోర్నకల్‌ మండలం దేస్యాతండా గ్రామానికి చెందిన బానోతు రాజేష్‌ అప్పు తీసుకున్నాడు. తిరిగి చెల్లించే క్రమాన ఆయన జారీ చేసిన చెక్కు చెల్లకపోవడంతో వెంకటేశ్వర్లు తన న్యాయవాదుల ద్వారా లీగల్‌ నోటీసు జారీ చేసి కోర్టులో ప్రైవేట్‌ కేసు దాఖలు చేశాడు. విచారణ అనంతరం రాజేష్‌కు ఆరు నెలల జైలుశిక్ష విధించడమే కాక ఫిర్యాదికి రూ.3లక్షల పరిహారం చెల్లించాలని ఖమ్మం ఫస్ట్‌ అడిషనల్‌ జ్యుడీషియల్‌ మేజిస్టేట్‌ కోర్టు జడ్జి బెక్కం రజిని సోమవారం తీర్పు ఇచ్చారు. మనస్తాపంతో వ్యక్తి మృతి ● మల్కాపూర్‌లో ఘటన చిల్పూరు : వ్యవసాయ భూమి కబ్జాకు గురైందని తనకు న్యాయం చేయాలని అధికారుల చుట్టూ తిరుగుతున్నా పట్టించుకోకపోవడంతో మనస్తాపంతో అనారోగ్యానికి గురైన ఓ వ్యక్తి మృతి చెందాడు. ఈ ఘటన సోమవారం జనగామ జిల్లా చిల్పూరు మండలం మల్కాపూర్‌లో చోటు చేసుకుంది. మృతుడి కుమారుడు లింగారెడ్డి కథనం ప్రకారం.. గ్రామానికి చెందిన బిల్లా మల్లారెడ్డి(55) వ్యవసాయ భూమిని గ్రామానికి చెందిన కొందరు నాయకులు కబ్జా చేశారు. దీనిపై మల్లారెడ్డి జీపీ ఎదుట తనకు న్యాయం చేయాలని నిరసన చేపట్టాడు. అధికారులు వచ్చి న్యాయం చేస్తామని హామీ ఇచ్చి నెలలు దాటుతున్నా ఎలాంటి చర్యలు లేకపోవడంతో మల్లారెడ్డి మనస్తాపంతో అనారోగ్యానికి గురై మృతి చెందాడు. ఇప్పటికై నా తమకు న్యాయం జరిగేలా చూడాలని మృతుడి కుమారుడు లింగారెడ్డి కోరారు. రోడ్డు ప్రమాదంలో మహిళ.. రఘునాథపల్లి: హ నుమకొండ–హైదరాబాద్‌ జాతీయ రహదారిలోని రఘునాథపల్లి బ్రిడ్జిపై కాలినడకన వెళ్తున్న ఓ మహిళను మినీ వ్యాన్‌ ఢీకొంది. ఈ ఘటనలో తీవ్రంగా గాయపడిన ఆ మహిళ వరంగల్‌ ఎంజీఎంలో చికిత్స పొందుతూ సోమవారం మృతి చెందింది. పోలీసుల వివరాల ప్రకారం.. మండలంలోని భాంజీపేటకు చెందిన ఈరాపురం వెంకటమ్మ(50),యాదగిరి దంపతులు రఘునాథపల్లిలో బయటి కమ్మరి వృత్తి చేస్తూ జీవనం గడుపుతున్నారు. ఆదివారం స్వగ్రామానికి వెళ్లి అర్ధరా త్రి సమయంలో నిడిగొండ నుంచి కాలినడకన రఘునాథపల్లికి బయలు దేరారు. మండల కేంద్రంలో బ్రిడ్జిపై నుంచి కాలినడకన వెళ్తుండగా జనగామ నుంచి వరంగల్‌ వైపునకు వెళ్తు న్న టాటా మినీ వ్యాన్‌ వెంకటమ్మను ఢీకొంది. దీంతో ఆమెకు తీవ్ర గాయాలుకాగా వెంటనే 108లో జనగామ ప్రభుత్వ ఆస్పత్రికి తరలించారు. అనంతరం మెరుగైన వైద్యం కోసం ఎంజీఎం తరలించగా చికిత్స పొందుతూ మృతి చెందింది. మృతురాలి కుమారుడు సారయ్య ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఎస్సై నరేశ్‌ తెలిపారు.

జనగామ : జనగామ జిల్లా నుంచి దీక్ష కార్యక్రమానికి సంబంధించిన ‘సాక్షి’ కథనాన్ని కేంద్ర విద్యా సాంకేతిక సంస్థ (సీఐఈటీ) తన అధికారిక సామాజిక మాధ్యమాలు ఎక్స్‌, ఇన్‌స్టాగ్రాం, ఫేస్‌బుక్‌, లింక్ట్‌ఇన్‌ అధికారిక ఖాతాల ద్వారా పంచుకుంది. జిల్లాలో దీక్ష శిక్షణ కార్యక్రమం అమలుపై ఆదివారం ప్రచురితమైన ‘సాక్షి’ కథనాన్ని ఎన్‌సీఈఆర్‌టీ దీక్ష సామాజిక మాధ్యమ వేదికల్లో జాతీయ స్థాయిలో ప్రచారం చేయడం విశేషంగా నిలిచింది. దీనిపై విద్యాశాఖ వర్గాలు హర్షం వ్యక్తం చేశాయి. 2, 5న తిరుపతి–రక్సోల్‌–తిరుపతి ఎక్స్‌ప్రెస్‌లు రద్దు కాజీపేట రూరల్‌ : కాజీపేట జంక్షన్‌ మీదుగా తిరుపతి–రక్సోల్‌–తిరుపతి ఎక్స్‌ప్రెస్‌ రైళ్ల సర్వీస్‌లను నవంబర్‌ 2, 5వ తేదీల్లో రద్దు చేస్తున్నట్లు దక్షిణ మధ్య రైల్వే సీపీఆర్వో ఎ.శ్రీధర్‌ సోమవారం తెలిపారు. సౌత్‌ ఈస్ట్రన్‌ రైల్వేలో చక్రాధర్‌పూర్‌ డివిజన్‌లో బగ్‌దేహి–జర్సుగూడ మధ్య 4 లైన్ల నిర్మాణంతో చేపట్టిన రైల్వే నాన్‌ ఇంటర్‌ లాకింగ్‌ వర్క్‌తో ఈ రెండు రైళ్ల సర్వీస్‌లను రద్దు చేసినట్లు తెలిపారు. రద్దయిన రైళ్లు.. 2వ తేదీన తిరుపతి–రక్సోల్‌ (17433) ఎక్స్‌ప్రెస్‌, నవంబర్‌ 5వ తేదీన రక్సోల్‌–తిరుపతి (17434) ఎక్స్‌ప్రెస్‌లను రద్దు చేసినట్లు సీపీఆర్వో తెలిపారు.

సాక్షి, మహబూబాబాద్‌ : ‘ఏ గ్రామంలో చూసినా భూ సమస్య కనిపిస్తోంది. భూమి ఒకరికి, హక్కు మరొకరికి అన్నట్లు ఉంది. వీటన్నింటికి పరిష్కారం చూపేందుకు ప్రభుత్వం చిత్తశుద్ధితో చేపట్టిన భూ సర్వేను వడివడిగా చేయాలి. ఈ ప్రక్రియను తహసీల్దార్లనుంచి కలెక్టర్ల వరకు పర్యవేక్షించాలి. ఏమాత్రం నిర్లక్ష్యం చేసినా వారిపై వేటు తప్పదు’ అని ఉమ్మడి వరంగల్‌ జిల్లా ఇన్‌చార్జ్‌ మంత్రి, రాష్ట్ర గృహనిర్మాణ, రెవెన్యూ శాఖ మంత్రి పొంగులేటి శ్రీనివాస్‌రెడ్డి హెచ్చరించారు. ఉమ్మడి వరంగల్‌ జిల్లాలో రెవెన్యూ, రీ–సర్వే, రిజిస్ట్రేషన్‌, హౌసింగ్‌ అంశాలపై మహబూబాబాద్‌ ఐడీఓసీ కార్యాలయంలో సోమవారం ఆయన మంత్రి ధనసరి అనసూయ (సీతక్క), ఉమ్మడి వరంగల్‌ జిల్లా ప్రజాప్రతినిధులు, రెవెన్యూ, రిజిస్ట్రేషన్‌, గహ నిర్మాణ శాఖల కార్యదర్శులతో సమీక్ష నిర్వహించారు. భూ సర్వేలో నిర్లక్ష్యం వద్దు.. ఈ సందర్భంగా మంత్రి పొంగులేటి శ్రీనివాస్‌రెడ్డి మాట్లాడుతూ ప్రతీ జిల్లాలో 70 రెవెన్యూ గ్రామాలను లక్ష్యంగా ఎంపిక చేసి మొదటి విడత భూ సర్వేను నవంబర్‌ నెలాఖరు నాటికి పూర్తి చేయాలని స్పష్టం చేశారు. ప్రతీ అంగుళం భూమిని వ్యవసాయ, వ్యవసాయేతర, ఆబాదీ ఆస్తుల వారీగా శాసీ్త్రయంగా సర్వే చేయడమే ప్రభుత్వ లక్ష్యమన్నారు. ఉమ్మడి వరంగల్‌ జిల్లా పరిధిలోని 31 నాన్‌–కెడస్ట్రల్‌ గ్రామాలకుగాను 18 గ్రామాల్లో రీ–సర్వే పనులు ప్రారంభమయ్యాయని, వీటిలో ఐదు గ్రామాల్లో సర్వే పూర్తయిందని, మరో 13 గ్రామాల్లో పనులు కొనసాగుతున్నాయని అధికారులు మంత్రికి వివరించారు. మిగిలిన 13 గ్రామాల్లో, భూపాలపల్లి జిల్లాలో 8, జనగామ జిల్లాలో 5 గ్రామాల్లో సర్వే పనులను తక్షణమే ప్రారంభించాలని మంత్రి ఆదేశించారు. సర్వే గ్రామాలను తహసీల్దార్లు ప్రతీరోజు, నెలలో ఐదు రోజులు ఆర్డీఓలు, మూడు సార్లు కలెక్టర్లు పరిశీలించాలని, ప్రజల అభిప్రాయాలు తెలుసుకోవాలని చెప్పారు. క్షేత్రస్థాయికి వెళ్లకుండా సర్టిఫికెట్లు జారీ చేయడం, ప్రభుత్వ నిబంధనలకు విరుద్ధంగా వ్యవహరించడం వంటి చర్యలను ఏమాత్రమూ ఉపేక్షించబోమని హెచ్చరించారు. రిజిస్ట్రేషన్‌ శాఖ కార్యాలయాల నిర్మాణాలు పూర్తిచేయాలి జూలై 7న జారీ చేసిన ప్రభుత్వ ఉత్తర్వుల మేరకు నర్సంపేట, పరకాల, ములుగు, జనగామ, భూపాలపల్లి ప్రాంతాల్లో ఐదు సబ్‌–రిజిస్ట్రార్‌ కార్యాలయాలు, వరంగల్‌లో ఒక డీఐజీ కార్యాలయం మంజూరైనట్లు అధికారులు తెలిపారు. హనుమకొండ జిల్లా పలివేల్పులలో డీఐజీ కార్యాలయం కోసం ఎకరం 20 గుంటల ఎస్సారెస్పీ స్థలాన్ని కేటాయించేందుకు ప్రతిపాదనలు సిద్ధం చేసినట్లు తెలిపారు. పరకాలలో నూతన భవన నిర్మాణం 7 శాతం పూర్తయిందని తెలిపారు. భీమదేవరపల్లి, పరకాల భవన నిర్మాణ పనులను వేగవంతం చేసేందుకు హౌసింగ్‌ శాఖకు అప్పగించాలని నిర్ణయించారు. ఇందిరమ్మ ఇళ్ల నిర్మాణంలో ఆలస్యం వద్దు జనగామ, మహబూబాబాద్‌ జిల్లాల్లో ఇందిరమ్మ ఇళ్ల నిర్మాణాలు సంతృప్తికరంగా కొనసాగుతున్నాయని, ములుగు, భూపాలపల్లి జిల్లాల్లో పురోగతి ఆశించిన స్థాయిలో లేదని మంత్రి పొంగులేటి అసంతృప్తి వ్యక్తం చేశారు. భూపాలపల్లి జిల్లాలో 4,600 ఇళ్లు మంజూరు కాగా 3,946 ఇళ్లకు ప్రాసెస్‌ పూర్తయినప్పటికీ ఇప్పటివరకు 854 ఇళ్లు మాత్రమే పూర్తయ్యాయని తెలిపారు. ములుగు జిల్లాలో కూడా ఇళ్ల పూర్తిశాతం 50 శాతానికిలోపే ఉందని పేర్కొన్నారు. పెండింగ్‌ ఇళ్ల నిర్మాణాలను వేగవంతం చేసి సెప్టెంబర్‌ 15నాటికి గరిష్ట సంఖ్యలో పూర్తి చేసేలా ప్రత్యేక కార్యాచరణ చేపట్టాలని సంబంధిత కలెక్టర్లను ఆదేశించారు. రెండో విడతలో ప్రతీ నియోజకవర్గానికి 2వేల ఇళ్లను ప్రభుత్వం మంజూరు చేసిందని మంత్రి తెలిపారు. గుడిసెల్లో నివసిస్తున్న అర్హులైన కుటుంబాలకు మొదటి ప్రాధాన్యత ఇవ్వాలని సూచించారు. రాజ్యసభ సభ్యుడు వేం నరేందర్‌రెడ్డి, ఎంపీలు బలరాం నాయక్‌, కడియం కావ్య, ప్రభుత్వ విప్‌ రాంచంద్రునాయక్‌, ఎమ్మెల్సీ సారయ్య, ఎమ్మెల్యేలు కడియం శ్రీహరి, దొంతి మాధవరెడ్డి, మురళీనాయక్‌, రాజేందర్‌రెడ్డి, కేఆర్‌ నాగరాజు, గండ్ర సత్యనారాయణరావు, యశస్వినిరెడ్డి, గ్రంథాలయ చైర్మన్లు శ్రీకాంత్‌ రెడ్డి, ప్రకాశ్‌, లాండ్‌ అడ్మినిస్ట్రేషన్‌ చీఫ్‌ కమిషనర్‌ లోకేష్‌ కుమార్‌, రెవెన్యూ, రిజిస్ట్రేషన్‌, స్టాంప్స్‌ ప్రత్యేక కార్యదర్శి రాజీవ్‌గాంధీ హన్మంతు, భూ భారతి డైరెక్టర్‌, గృహనిర్మాణశాఖ ప్రత్యేక కార్యదర్శి గౌతమ్‌, కలెక్టర్లు స్నేహ శబరీష్‌, సత్యశారద, చాహత్‌ బాజ్‌పాయ్‌, సందీప్‌కుమార్‌ ఝా, భోర్ఖడే హేమంత్‌ సహదేవరావు, రాహుల్‌ శర్మ పాల్గొన్నారు. ప్రతీ అంగుళం శాసీ్త్రయంగా ఉండాలి నిర్లక్ష్యం చేసే అధికారులపై వేటు తప్పదు నిరుపేదలకు ఇందిరమ్మ ఇళ్లలో మొదటి ప్రాధాన్యం ఉమ్మడి జిల్లా సమీక్షలో రాష్ట్ర గృహనిర్మాణ, రెవెన్యూ శాఖ మంత్రి పొంగులేటి శ్రీనివాస్‌రెడ్డి హాజరైన మంత్రి సీతక్క, ఎంపీలు, ఎమ్మెల్యేలుతహసీల్దార్లనుంచి కలెక్టర్ల వరకు పర్యవేక్షించాలిపట్టా తె చ్చిన సంబురం 22–ఏ భూముల విషయంలో జాగ్రత్త.. ప్రతీ జిల్లాలో 22–ఏ కింద ఉన్న భూములు ఏవీ? వాటిలో వ్యవసాయ, వ్యవసాయేతర భూములు ఎన్ని? ఇతర వివరాలు ఏమిటి అనే అంశాలను నాలుగు కాలమ్స్‌తో కూడిన సమగ్ర నివేదికగా సిద్ధం చేయాలని మంత్రి ఆదేశించారు. సర్వేనంబర్ల వారీగా పూర్తి వివరాలను రెండు రోజుల్లో అధికారులకు సమర్పించాలని స్పష్టం చేశారు. 22–ఏ జాబితాలో పొరపాటున చేరిన రైతుల భూముల వివరాలను పరిశీలించి, అర్హత ఉన్న భూములను జాబితా నుంచి తొలగించే ప్రక్రియను వేగవంతం చేయాలని సూచించారు. అటవీ, రెవెన్యూ భూముల సరిహద్దు వివా దాలను శాశ్వతంగా పరిష్కరించాలని ఆదేశించారు. కలెక్టర్లు, అటవీశాఖ అధికారులు సంయుక్తంగా సమావేశమై, శాసీ్త్రయ పద్ధతుల్లో భూముల కొలతలు చేపట్టి సరిహద్దులు నిర్ధారించాలని సూచించారు.

ఎన్పీడీసీఎల్‌ సీఎండీ కర్నాటి వరుణ్‌రెడ్డి గూడూరు: విద్యుత్‌ సరఫరాలో అంతరాయం లేకుండా ఎప్పటికప్పుడు సమస్యలు పరిష్కరించాలని ఎన్పీడీసీఎల్‌ సీఎండీ వరుణ్‌రెడ్డి సూచించారు. మండలంలోని తీగలవేణి 33/11 కేవీ విద్యుత్‌ సబ్‌ స్టేషన్‌ను సోమవారం ఆయన ఆకస్మికంగా తనిఖీ చేశారు. ఈ సందర్భంగా పరిసరాలను పరిశీలించి, విద్యుత్‌ సరఫరా పరిస్థితిపై సిబ్బందిని అడిగి తెలుసుకున్నారు. గ్రామాల్లో గృహ, వ్యవసాయ విద్యుత్‌ వినియోగదారులకు అంతరాయం లేకుండా చూడాలన్నారు. కొన్ని సమయాల్లో అవసరమైన మరమ్మతుల కోసం జరిగే అంతరాయానికి వినియోగదారులు సహకరించాలని, అలాంటి పరిస్థితిని వినియోగదారులకు ముందుగా తెలపాలన్నారు. ‘ఓపెన్‌’ ప్రవేశాల గడువు పొడిగింపుమహబూబాబాద్‌ అర్బన్‌: ఓపెన్‌ స్కూల్‌ సొసైటీ 2026–27 విద్యా సంవత్సరంలో పదో తరగతి, ఇంటర్‌లో ప్రవేశాల దరఖాస్తు గడువు ను ఈ నెల 15వ తేదీ వరకు పొడిగించినట్లు డీఈఓ సత్యనారాయణమూర్తి సోమవారం తెలి పారు. ఆసక్తిగల విద్యార్థులు జిల్లాలోని అన్ని మండలాల విద్యాశాఖ కార్యాలయాలు, జిల్లా కేంద్రంలోని ప్రభుత్వ బాలుర ఉన్నత పాఠశాల ఓపెన్‌ టెన్త్‌ అధ్యయన కేంద్రాన్ని సంప్రదించాలన్నారు. పూర్తి వివరాలకు జిల్లా పరీక్షల విభాగం అధికారి మందుల శ్రీరాములు 9849761012 ఫోన్‌ నంబర్‌ను సంప్రదించాలన్నారు. బాలికలందరికీ హెచ్‌పీవీ వ్యాక్సిన్‌ వేయాలి గూడూరు: జిల్లాలో 14–15సంవత్సరాలలోపు బాలికలకు హెచ్‌పీవీ వ్యాక్సిన్‌ వేయాలని డీఎంహెచ్‌ఓ రవిరాథోడ్‌ అన్నారు. మండలంలోని తీగలవేణి పీహెచ్‌సీని సోమవారం ఆయన తనిఖీ చేశారు. ఈ సందర్భంగా జాతీయ కార్యక్రమాలకు చెందిన పలు రికార్డులను పరిశీలించారు. సిబ్బందికి సీజనల్‌ వ్యాధులు, ఎన్‌సీడీ స్క్రీనింగ్‌కు సంబంధించిన పలు సూచనలు చేశారు. అన్ని రకాల మందులు అందుబాటులో ఉండాలని, సమయానుకూలంగా విధులు నిర్వర్తించాలని సూచించారు. కార్యక్రమంలో ఆస్పత్రి వైద్యుడు రాంబాబు, సూపర్‌వైజర్‌ శానుబేగం, గణేష్‌, ఫార్మసిస్టు అమల, మధు, సిబ్బంది పాల్గొన్నారు. దరఖాస్తుల ఆహ్వానం మహబూబాబాద్‌ అర్బన్‌: తెలంగాణ మైనార్టీ స్టడీ సర్కిల్‌ కెరీర్‌ కౌన్సెలింగ్‌ సెంటర్‌ హైదరాబాద్‌ వారి ఆధ్వర్యంలో జిల్లాలోని అర్హులైన మైనార్టీ అభ్యర్థుల నుంచి గ్రూపు–1 నుంచి గ్రూపు–4 ఉద్యోగాల శిక్షణకు దరఖాస్తులు ఆహ్వానిస్తున్నట్లు జిల్లా మైనార్టీ సంక్షేమశాఖ అధికారి నాగలక్ష్మి సోమవారం తెలిపారు. అభ్యర్థులు డిగ్రీ ఉత్తీర్ణత సాధించి ఉండాలన్నారు. ఈ నెల 1నుంచి 14 తేదీ వరకు ఆన్‌లైన్‌లో www.directormscccctelangana@gmail.com దరఖాస్తులు చేసుకోవాలన్నారు. జిల్లా నుంచి 100 మంది అభ్యర్థులకు ఈ నెల 15 నుంచి శిక్షణ తరగతులు ప్రారంభిస్తామన్నారు. డిజిటల్‌ స్కానింగ్‌ కోసం అభ్యర్థులు అన్ని ఒరిజినల్‌ సర్టిఫికెట్లు, ఆధార్‌కార్డు, పాస్‌ఫొటోలతో రిజిస్ట్రేషన్‌ చేసుకోవాలన్నారు. పూర్తి వివరాలకు 040– 23236112, 9059050062 ఫోన్‌ నంబర్లలో సంప్రదించాలన్నారు.

భీమదేవరపల్లి : ముల్కనూరు మహిళా సహకార డెయిరీ పాల సేకరణ ధరలను పెంచుతున్నామని, పెరిగిన ధరలు సెప్టెంబర్‌ 1 (మంగళవారం) ఉద యం నుంచే అమల్లోకి వస్తాయని డెయిరీ అధ్యక్షురాలు బుర్ర ధనశ్రీ, జనరల్‌ మేనేజర్‌ మార్పాటి భాస్కర్‌ రెడ్డి సోమవారం ఒక ప్రకటనలో తెలిపా రు. తాజా నిర్ణయం ప్రకారం సగటున ఆవు పాలపై లీటరుకు రూ. 1.25, గేదె పాలపై లీటరుకు రూ. 3.50 చొప్పున పెంచినట్లు వెల్లడించారు. గ్రామీణ ప్రాంత మహిళలు పాడి పశుపోషణపై ఆధారపడి పాల ఉత్పత్తిని పెంచుకుంటూ తమ కుటుంబాలకు ప్రధాన ఆర్థిక వనరుగా మా ర్చుకుంటున్నారన్నారు. మా ర్కెట్‌లో పోటీ, పాడి రైతుల సంక్షేమాన్ని దృష్టిలో ఉంచుకుని పాల సేకరణ ధరలను పెంచినట్లు పేర్కొన్నారు. సభ్యులందరూ పరస్పర సహకారంతో డెయిరీని విజయవంతంగా నడిపిస్తూ, లాభాలను ఏటా బోనస్‌ రూపంలో తిరిగి పొందుతున్నారని గుర్తుచేశారు. పెరిగిన పాల ధరలు, డెయిరీ అందిస్తున్న వివిధ సేవలను సభ్యులందరూ సద్వినియోగం చేసుకుని, పాల సేకరణను మరింత పెంచి ఆర్థికంగా మరింత అభివృద్ధి చెందాలని వారు ఆకాంక్షించారు. ఆవు పాలకు సగటున రూ. 1.25, గేదె పాలకు రూ. 3.50 పెంపు

కేయూ క్యాంపస్‌ : కాకతీయ యూనివర్సిటీలోని వివిధ విభాగాలు, వర్సిటీ కాలేజీల్లో 16 పీరియడ్‌ల వర్క్‌లోడుతో పనిచేస్తున్న పార్ట్‌టైం అధ్యాపకుల ముఖ గుర్తింపు హాజరు నమోదు కోసం రిజిస్ట్రేషన్‌ ప్రక్రియకు సంబంధిత అధికారులు ఉపక్రమించగా తమకు ఈ విధానం వద్దంటూ కొందరు పార్ట్‌టైం అధ్యాపకులు సోమవారం పరిపాలన భవనం వద్ద ఆందోళన చేపట్టారు. తమకు ఎఫ్‌ఆర్‌ఎస్‌ వద్దని, ప్రస్తుతం చెల్లిస్తున్న వేతనాలను పెంపుదల చేసి ప్రతీ నెల చెల్లించాలని, పార్ట్‌టైం లెక్చరర్లను కాంట్రాక్టు లెక్చరర్లుగా అప్‌గ్రేడ్‌ చేయాలని డిమాండ్‌ చేస్తూ ఆందోళన కొనసాగించారు. పార్ట్‌టైం అధ్యాపకులకు ముఖగుర్తింపు హాజరు నమోదు ప్రక్రియకు సంబంధించి పరిపాలన భవనంలోని సెనెట్‌ హాల్‌లో రిజిస్ట్రేషన్‌ ప్రక్రియను సోమవారం చేసుకోవాలని రిజిస్ట్రార్‌ రామచంద్రం ఇటీవల సర్క్యూలర్‌ జారీచేశారు. ఈ నేపథ్యంలో తమకు ముఖ గుర్తింపు హాజరు నమోదు విధానం అమలు వద్దంటూ పార్ట్‌టైం అధ్యాపకులు ఆందోళన చేపట్టగా రిజిస్ట్రేషన్‌ ప్రక్రియ జరగలేదు. ఆందోళన సమయంలో వీసీ ప్రతాప్‌రెడ్డి, రిజిస్ట్రార్‌ రామచంద్రం హైదరాబాద్‌లో ఉన్నారు. రిజిస్ట్రార్‌ రామచంద్రం పార్ట్‌టైం అధ్యాపకులతో ఫోన్‌లో మాట్లాడారు. ముఖ గుర్తింపు హాజరు ప్రభుత్వ విధానమని తప్పనిసరిగా నమోదు చేసుకోవాలన్నారు. బుధవారం వీసీ ప్రతాప్‌రెడ్డి యూనివర్సిటీలో అందుబాటులో ఉంటారని, తాను మంగళవారం అందుబాటులో ఉంటానని పార్ట్‌టైం అధ్యాపకులకు తెలిపారు. వీసీ వచ్చాక కలిసి చర్చించాలని సూచించారు. అనంతరం పార్ట్‌టైం అధ్యాపకులు కేయూ ఇన్‌చార్జ్‌ రిజిస్ట్రార్‌, పరీక్షల నియంత్రణాధికారి కె. రాజేందర్‌కు వినతిపత్రం సమర్పించారు.

తొర్రూరు: డబుల్‌ బెడ్రూం ఇళ్ల పంపిణీకి చర్యలు తీసుకుంటామని రాష్ట్ర గృహ నిర్మాణ సంస్థ ఎండీ వీపీ గౌతమ్‌ తెలిపారు. డివిజన్‌ కేంద్రంలోని దుబ్బతండా సమీపంలోని డబుల్‌ బెడ్రూం ఇళ్లను సోమవారం ఆయన పరిశీలించారు. ఇళ్ల వద్ద నీరు, విద్యుత్‌, రహదారులు, డ్రెయినేజీలు తదితర సదుపాయాలను త్వరితగతిన పూర్తి చేయాలని, అర్హులైన లబ్ధిదారులకు ఇళ్లు అందించేందుకు చర్యలు తీసుకోవాలన్నారు. అనంతరం 10వ వార్డులో ఇందిరమ్మ ఇళ్ల పురోగతిని పరిశీలి ంచారు. మున్సిపల్‌ కమిషనర్‌ వక్కల శ్యామ్‌ సుందర్‌, ఆర్‌అండ్‌బీ డీఈ కృష్ణమోహన్‌, ఎంపీడీఓ కూస వెంకటేశ్వర్లు, ఇరిగేషన్‌ డీఈ సునిల్‌, ఏఈలు మహేష్‌, గోపి, యామిని, పలు శాఖల అధికారులు తదితరులు పాల్గొన్నారు. ఇందిరమ్మ ఇళ్ల నిర్మాణాల పరిశీలన మహబూబాబాద్‌ రూరల్‌ : మహబూబాబాద్‌ మండలంలోని బలరాంతండా గ్రామంలో నిర్మాణంలో ఉన్న ఇందిరమ్మ ఇళ్లను రాష్ట్ర గృహ నిర్మాణ శాఖ మేనేజింగ్‌ డైరెక్టర్‌ వీపీ గౌతమ్‌ సోమవారం సందర్శించి పరిశీలించారు. ఆయన ఇందిరమ్మ ఇళ్ల లబ్ధిదారులతో మాట్లాడుతూ.. ఇంటి నిర్మాణానికి ఎంత ఖర్చు వచ్చిందని అడిగారు. అదేవిధంగా ఇసుక ఏవిధంగా కొనుగోలు చేసి తీసుకువచ్చారని, అదనంగా డబ్బులు ఖర్చు అవుతున్నాయా అని అడిగి తెలుసుకున్నారు. ఎంపీడీఓ రఘుపతిరెడ్డి, బలరాం తండా సర్పంచ్‌ ఇస్లావత్‌ వస్రాం, గృహ నిర్మాణ శాఖ ఏఈ సుమన్‌, పంచాయతీ కార్యదర్శి భవాని ఉన్నారు. ఇసుక నిల్వల పరిశీలన నెల్లికుదురు: ఇందిరమ్మ ఇళ్ల నిర్మాణాల్లో భాగంగా మండల కేంద్రంలోని బ్రాహ్మణకొత్తపల్లి గ్రామ శివారు ఆకేరు వాగులో ఇసుక నిల్వలను హౌసింగ్‌ కార్పొరేషన్‌ ఎండీ వీపీ గౌతమ్‌ సోమవారం పరిశీలించారు. అనంతరం మండల కేంద్రంలో ఇందిరమ్మ ఇళ్లను పరిశీలించి లబ్ధిదారులతో మా ట్లాడారు. ఎంపీడీఓ సింగారపు కుమార్‌, ఐబీ అధికారులు, హౌసింగ్‌ అధికారులు ఉన్నారు.

వరంగల్‌ క్రైం: వరంగల్‌ పోలీస్‌ కమిషనరేట్‌ పరిధిలో భారీగా ఇన్‌స్పెక్టర్లను బదిలీ చేస్తూ కమిషనర్‌ శ్వేత సోమవారం రాత్రి ఉత్తర్వులు జారీ చేశారు. ఎస్‌.శ్రీనివాస్‌ వీఆర్‌ నుంచి స్టేషన్‌ ఘన్‌పూర్‌, జి.వేణు స్టేషన్‌ ఘన్‌పూర్‌ నుంచి సీఐ రఘునాథపల్లి, ఎ.శ్రీనివాస్‌ రఘునాథపల్లి నుంచి ఎస్‌బీ వరంగల్‌, పి.దేవేందర్‌ టాస్క్‌ఫోర్స్‌ నుంచి సీఐ నర్మెట్ట, టి.రవికుమార్‌ పీటీసీ వరంగల్‌ నుంచి మహిళా పోలీస్‌ స్టేషన్‌–2, ఎ.సువర్ణ మహిళా పోలీస్‌ స్టేషన్‌ నుంచి సీసీఎస్‌, పి.మంగిలాల్‌ టాస్క్‌ఫోర్స్‌ నుంచి అటాచ్డ్‌ మిల్స్‌కాలనీ, భరత్‌ సుమన్‌ సీఐ పాలకుర్తి, వి.జానకీరామ్‌రెడ్డి పాలకుర్తి నుంచి ఎస్‌బీ వరంగల్‌, టి.కిరణ్‌ పీసీఆర్‌, ఎ.ప్రవీణ్‌కుమార్‌ వీఆర్‌ వరంగల్‌ నుంచి పరకాల, వి.క్రాంతికుమార్‌ పరకాల నుంచి టాస్క్‌ఫోర్స్‌, జి.బాబులాల్‌ టాస్క్‌ఫోర్స్‌ నుంచి ఆత్మకూరు, ఆర్‌.సంతోశ్‌ ఆత్మకూరు నుంచి పర్వతగిరి సర్కిల్‌, బి.రాజగోపాల్‌ పర్వతగిరి నుంచి టాస్క్‌ఫోర్స్‌, కె.శ్రీను వీఆర్‌ వరంగల్‌ నుంచి ఎల్కతుర్తి, పి.రమేశ్‌ ఎల్కతుర్తి నుంచి మహిళా పోలీస్‌ స్టేషన్‌–1, కె.సూర్యప్రసాద్‌ మహిళా పోలీస్‌ స్టేషన్‌–1 నుంచి సీటీసీ వరంగల్‌, కె.సాయిరమణ వీఆర్‌ వరంగల్‌ ఎస్‌బీ వరంగల్‌, వై.సంజీవ్‌రావు సీసీఆర్‌బీ వరంగల్‌ నుంచి సీఐ వర్ధన్నపేట, కె.శ్రీనివాస్‌రావు వర్ధన్నపేట నుంచి సీసీఆర్‌బీ వరంగల్‌కు బదిలీ చేస్తూ ఉత్తర్వులు వెలువడ్డాయి. మొత్తం కమిషనరేట్‌ పరిధిలో 22 మంది ఇన్‌స్పెక్టర్లకు స్థానచలనం కలిగింది. ఒకేసారి 22 మందికి స్థానచలనం ఉత్తర్వులు జారీ చేసిన కమిషనర్‌ శ్వేత

● రాజ్యసభ సభ్యుడు వేం నరేందర్‌రెడ్డి మహబూబాబాద్‌: పోలీస్‌శాఖ ఆధ్వర్యంలో పోలీస్‌ కానిస్టేబుల్‌, ఎస్సై ఉద్యోగాలకు సిద్ధమవుతున్న నిరుద్యోగ యువత ఉచిత శిక్షణను సద్వినియోగం చేసుకోవాలని రాజ్యసభ సభ్యుడు వేం నరేందర్‌రెడ్డి అన్నారు . కలెక్టరేట్‌లో ఆదివారం జిల్లా పోలీస్‌శాఖ ఆధ్వర్యంలో ఏర్పాటు చేసిన ఉచిత పోలీస్‌ కానిస్టేబుల్‌, ఎస్సై కోచింగ్‌ శిబిరాన్ని ప్రారంభించారు. ఈసందర్భంగా వేం నరేందర్‌రెడ్డి మాట్లాడుతూ.. జిల్లాలోని యువత పోలీస్‌ ఉద్యోగాలు సాధించేందకు జిల్లా పోలీస్‌శాఖ ఆధ్వర్యంలో ఎంతో చక్కటి ఉచిత కోచింగ్‌ అందిస్తున్నారన్నారు. అభ్యర్థులు కష్టపడి ఉద్యోగాలు సాధించాలన్నారు. ఎస్పీ శబరీష్‌ మాట్లాడుతూ.. ఉచిత కోచింగ్‌ శిబిరం అభ్యర్థులకు ఎంతో ఉపయోగపడుతుందన్నారు. అభ్యర్థులు నిరుత్సాహ పడకుండా కష్టపడి ఉద్యోగాలు సాధించాలన్నారు. రాష్ట్రంలోనే మానుకోట జిల్లా నుంచి అత్యధిక సంఖ్యలో యువత ఉద్యోగాలు సాధించాలని ఆకాంక్షించారు. అనంతరం స్టడీ మెటీరియల్‌ను పంపిణీ చేశారు. కార్యక్రమంలో కలెక్టర్‌ స్నేహశబరీష్‌, ఎంపీ పోరిక బలరాంనాయక్‌, ఎమ్మెల్యే భూక్య మురళీనాయక్‌, మున్సిప ల్‌ చైర్‌పర్సన్‌ గుగులోత్‌ జ్యోతి, పోలీస్‌ అధికారులు, 500 మంది అభ్యర్థులు పాల్గొన్నారు.

రైల్వేస్టేషన్‌లో ప్రయాణికులతో నిండిపోయిన ప్లాట్‌ఫాం కేసముద్రం రైల్వేస్టేషన్‌లో ఒకటే టికెట్‌ కౌంటర్‌ ఉండడంతో కిక్కిరిసిన ప్రయాణికులు కేసముద్రం: రాఖీ పండుగ సందర్భంగా సొంతూళ్లకు వచ్చిన వారంతా తిరుగు ప్రయాణం కావడం కేసముద్రం రైల్వేస్టేషన్‌ ఆదివారం కిక్కిరిసిపోయింది. చుట్టుపక్కల గ్రామాలు, తండాల నుంచి తిరిగి పట్టణాలకు వెళ్లేందుకు అధిక సంఖ్యలో ప్రయాణికులు కేసముద్రం రైల్వేస్టేషన్‌కు చేరుకోగా ప్లాట్‌ఫాంపై రద్దీ ఏర్పడింది. ఇదిలా ఉంటే కేసముద్రం రైల్వేస్టేషన్‌లో ఒకటే టికెట్‌ కౌంటర్‌ ఉండడంతో ప్రయాణికులు తీవ్ర ఇబ్బందులు పడ్డారు. సికింద్రాబాద్‌ వైపునకు వెళ్లే గోల్కొండ ఎక్స్‌ప్రెస్‌ రైలు కేసముద్రం రైల్వేస్టేషన్‌లో నిలవగా, ప్రయాణికులు రైలు ఎక్కేందుకు ఇబ్బందులు పడ్డారు. రైలు బోగీలు అన్ని అప్పటికే ప్రయాణికులతో కిక్కిరిసిపోగా, కాలు పెట్టలేని పరిస్థితి ఉంది. దీంతో రైలు ఎక్కిన ప్రయాణికులంతా తీవ్ర ఇబ్బందులు పడాల్సి వచ్చింది. రాఖీ పండుగకు వచ్చి వెళ్తుండడంతో రద్దీ

ములుగు మున్సిపాలిటీ పరిధి గణేశ్‌లాల్‌పల్లిలో ఆదివారం విషాదం చోటుచేసుకుంది. గ్రామ సమీపంలోని మొండి కుంటలో పడి మాలోతు వినయ్‌ (15), రాజేశ్‌ (12) అన్నదమ్ములు మృతి చెందారు. మంగపేట మండలం కమలాపురానికి చెందిన వీరు రాఖీ పౌర్ణమి సందర్భంగా తల్లితో కలిసి అమ్మమ్మ ఇంటికి వచ్చారు. ఆదివారం సాయంత్రం బహిర్భూమికి వెళ్లిన సమయంలో ప్రమాదవశాత్తు కుంటలో పడిపోయారు. ఇద్దరూ నీటిలో మునిగిపోవడంతో స్థానికులు బయటకు తీసి ములుగు ఆస్పత్రికి తరలించారు. అప్పటికే వారు మృతి చెందినట్లు వైద్యులు నిర్ధారించారు. ములుగు జిల్లా గణేశ్‌లాల్‌పల్లి మొండికుంటలో మునిగి మృతిచెందిన అన్నదమ్ములు వినయ్‌, రాజేశ్‌ (ఫైల్‌)

కేసముద్రం: మున్సిపాలిటీ పరిధిలో పలు అభివృద్ధి పనుల శంకుస్థాపనలు, ప్రారంభోత్సవాలకు రాష్ట్ర రెవెన్యూశాఖ మంత్రి పొంగులేటి శ్రీనివాస్‌రెడ్డి, రాజ్యసభ సభ్యుడు వేం నరేందర్‌రెడ్డి సోమవారం రానున్నట్లు అధికారులు ఆదివారం తెలిపారు. ఈ మేరకు ఎంపీడీఓ కార్యాలయ ఆవరణలో సభాప్రాంగణంతో పాటు తగిన ఏర్పాట్లను ముమ్మరం చేస్తున్నారు. కేసముద్రంవిలేజ్‌లో 33/11 కేవీ సబ్‌స్టేషన్‌ ప్రారంభోత్సవం, మున్సిపాలిటీ కార్యాలయ భవన నిర్మాణానికి శంకుస్థాపన, నారాయణపురం గ్రామ రైతులకు పట్టాదారు పాస్‌బుక్కుల పంపిణీ, ఇనుగుర్తి, సీరోలు, దంతాలపల్లి మండల కేంద్రాల్లో తహసీల్దార్‌ కార్యాలయాల నిర్మాణానికి ఇక్కడి నుంచే శంకుస్థాపన చేయనున్నట్లు తెలిపారు. ఆయిల్‌పామ్‌ రైతుల గోస పట్టని ప్రభుత్వం తొర్రూరు: ఆయిల్‌పామ్‌ రైతుల కష్టాలు తీర్చడంలో కాంగ్రెస్‌ ప్రభుత్వం పూర్తిగా విఫలమైందని మాజీ మంత్రి ఎర్రబెల్లి దయాకర్‌రావు అన్నారు. డివిజన్‌ కేంద్రంలోని వ్యవసాయ మార్కెట్‌లో ఉంచిన ఆయిల్‌పామ్‌ గెలలను ఆదివారం మాజీ మంత్రి దయాకర్‌రావు పరిశీలించారు. అనంతరం రైతులతో మాట్లాడి సమస్యలు అడిగి తెలుసుకున్నారు. ఈసందర్భంగా దయాకర్‌రావు మాట్లాడుతూ.. వంట నూనెల లోటు పూడ్చేందుకు గత బీఆర్‌ఎస్‌ ప్రభుత్వం ఆయిల్‌పామ్‌ పంటను ప్రోత్సహించిందని, దీని కోసం తొర్రూరు శివారు గోపాలగిరిలో పరిశ్రమను మంజూరు చేయించామన్నారు. అప్పటి ప్రభుత్వంతో మాట్లాడి రూ.100 కోట్లు సైతం కేటాయించామన్నారు. ప్రస్తుత కాంగ్రెస్‌ ప్రభుత్వం పరిశ్రమ పనులు ప్రారంభించడంలో అలసత్వం వహిస్తోందన్నారు. నర్సరీలో నాణ్యత లేని మొక్కలను రైతులకు పంపిణీ చేస్తున్నారని ఆరోపణలు వస్తున్నాయని, దానిపై స్పష్టతనివ్వడంలో అధికారులు విఫలమయ్యారన్నారు. ఆయిల్‌పామ్‌ సాగు రైతుల మార్కెటింగ్‌ కష్టాలు తీర్చేందుకు రాష్ట్ర ప్రభుత్వం సిద్ధంగా లేదని, దానిలో భాగంగానే పరిశ్రమ పనులను అటకెక్కిస్తుందన్నారు. కార్యక్రమంలో మాజీ ఎంపీపీ తూర్పాటి చిన్న అంజయ్య, కౌన్సిలర్‌ తూర్పాటి రవి, నాయకులు కుర్ర శ్రీనివాస్‌, ధరావత్‌ జైసింగ్‌, రాయిశెట్టి వెంకన్న తదితరులు పాల్గొన్నారు. పాలనలో కాంగ్రెస్‌ ప్రభుత్వం విఫలం మహబూబాబాద్‌: కాంగ్రెస్‌ వెయ్యి రోజుల పాలనలో పూర్తిగా విఫలమైందని మాజీ ఎమ్మెల్యే బానోత్‌ శంకర్‌నాయక్‌ అన్నారు. జిల్లా కేంద్రంలోని తన క్యాంపు కార్యాలయంలో ఆదివారం నిర్వహించిన విలేకరుల సమావేశంలో శంకర్‌నాయక్‌ మాట్లాడారు. కాంగ్రెస్‌ పాలన విఫలంపై బీఆర్‌ఎస్‌ పార్టీ ఆధ్వర్యంలో వారం రోజుల పాటు నిర్వహించే నిరసన కార్యక్రమాలను విజయవంతం చేయాలని పిలుపునిచ్చారు. వచ్చే నెల 2న నియోజకవర్గ కేంద్రాల్లో ధర్నాలు, 3న వ్యవసాయ విధ్వంసంపై నిరసన, 4న మహిళలకు రూ.2500, కేసీఆర్‌ కిట్స్‌ తదితర విషయాలపై వంటావార్పు కార్యక్రమాలు ఉంటాయన్నారు. 5న పెండింగ్‌ ఫీజు రీయింబర్స్‌మెంట్‌, తదితర అంశాలపై ర్యాలీలు ఉంటాయన్నారు. 7న మండల కేంద్రాల్లో ప్రజావాణి కార్యక్రమంలో 420 హామీల అమలుపై వినతులు ఇస్తామన్నారు. 8న వారం రోజుల నిరసన కార్యక్రమాలపై ప్రెస్‌మీట్‌, ఆతర్వాత అంబేడ్కర్‌ విగ్రహాలకు వినతుల సమర్పించడం జరుగతుందని తెలిపారు. ఆరు గ్యారంటీలను అమలు చేయకుండా కాంగ్రెస్‌ ప్రభుత్వం మోసం చేసిందన్నారు. నారాయణపురం రైతుల విషయంలో బీఆర్‌ఎస్‌ హయాంలోనే పట్టాలు ఇస్తే కాంగ్రెస్‌ ప్రభుత్వం మళ్లీ ఇచ్చి షో చేస్తుందన్నారు. సమావేశంలో నాయకులు నాయిని రంజిత్‌, ఫరీద్‌, లూనావత్‌ అశోక్‌, యాకూబ్‌రెడ్డి, తేళ్ల శ్రీను, నరేష్‌, ఆవుల వెంకన్న తదితరులు పాల్గొన్నారు. ‘బొగత’ అదుర్స్‌ వాజేడు: మండల పరిధిలోని చీకుపల్లి గ్రామ సమీపంలో ఉన్న బొగత జలపాతం పర్యాటకులను ఆకట్టుకుంటోంది. దీంతో ఆదివారం సెలవు రోజు కావడంతో పర్యాటకులు భారీగా తరలివచ్చారు.

పిచ్చిమొక్కల మధ్య ఉన్న ద్విచక్ర వాహనాలు మహబూబాబాద్‌ రూరల్‌: మహబూబాబాద్‌ ఎ కై ్సజ్‌ స్టేషన్‌ ఆవరణలో బెల్లం, పటిక, గుడుంబా తరలిస్తూ వివిధ కేసుల్లో పట్టుబడ్డ ద్విచక్రవాహనాలకు రక్షణ కరువై ఎండకు ఎండుతూ..వానకు తడుస్తూ పాడైపోతున్నాయి. సుమారు వందకుపైగా వాహనాలు నెలల తరబడి మూలనపడి ఉండడంతో వాటి చుట్టూ పిచ్చిమొక్కలు పెరిగి పలు వాహనాల స్పేర్‌ పార్ట్‌లు పనికిరాకుండాపోతున్నాయి. అలాగే వివిధ కేసుల్లో పట్టుబడ్డ బెల్లం, పటిక బస్తాలు కూడా ఎకై ్సజ్‌ స్టేషన్‌ ఆవరణలో ఉండగా వాటి పరిస్థితి ఇదే విధంగా మారింది. వర్షం వచ్చినప్పుడల్లా కొంతకొంత బెల్లం, పటిక కరిగిపోతుంది. వాటికి సంబంధించి పట్టుబడిన వాహనాల దుస్థితి అధ్వానంగా తయారవుతుంది. వాహనాలు ఎండకు ఎండుతూ.. వర్షానికి తడుస్తూ ఉండడం వల్ల వాటికి వేలంపాటలు నిర్వహించినప్పుడు తక్కువ ధరలు పలుకుతుండగా ప్రభుత్వ ఆదాయానికి గండిపడుతోంది.

డోర్నకల్‌: డోర్నకల్‌ నియోజకవర్గ పరిధిలోని శ్రీరాంసాగర్‌ ప్రాజెక్ట్‌(ఎస్సారెస్పీ) కాల్వల పరిస్థితి అధ్వానంగా మారింది. సరైన నిర్వహణ లేక చాలా ప్రాంతాల్లో కాల్వలు కనుమరుగవుతున్నాయి. కాగా, డీబీఎం–48 కాల్వ వరంగల్‌, మహబూబా బాద్‌ జిల్లాల్లో వ్యవసాయానికి జీవనాడి లాంటిది. సుమారు 1.43 లక్షల ఎకరాలకుపైగా సాగు నీరందించేందుకు నిర్మించిన డీబీఎం–48కాల్వ కింద ప్రధానంగా వరి, మొక్కజొన్న, పత్తి, మిరప పంటలు సాగు చేస్తున్నారు. చివరి ఆయకట్టుకు అందని నీరు.. తీగరాజుపల్లి వద్ద ప్రారంభమయ్యే డీబీఎం–48 కాల్వ డోర్నకల్‌ మండలంలోని వెన్నారం శివారు మున్నేరువాగు వద్ద ముగుస్తుంది. ఎగువ ప్రాంతా ల్లో కాల్వలు చెట్లు, పిచ్చి మొక్కలతో పూడుకుపోవడం, కాల్వలకు గండ్లు పడడం, ఆక్రమణకు గురి కావడంతో చివరి ఆయకట్టుకు నీరందడం లేదు. చాలా ప్రాంతాల్లో కాల్వల లైనింగ్‌ ధ్వంసమైంది. కాల్వలకు గండ్లు పడిన సమయంలో మరమ్మతుల కోసం ఆ ప్రాంతాలకు చేరుకునేందుకు కాల్వకు ఇరు పక్కలా 22 నుంచి 55 అడుగుల స్థలంలో దారి నిర్మించారు. అయితే చాలా ప్రాంతాల్లో దారిని పూర్తిగా ఆక్రమించారు. రైతులు కాల్వకు ఇరుపక్కలా దారిని ఆక్రమించి దున్నేయడంతో కాల్వ ప్రమాదకరస్థాయిలో ఉంది. దీంతో ఈ ప్రాంత రైతులు వ్యవసాయ బావులు, చెరువులు, మున్నేరు, ఆకేరు వాగులపైనే ఆధారపడుతున్నారు. వర్షాభావ పరిస్థితులు.. వర్షాభావ పరిస్థితుల నేపథ్యంలో ఒక్క పంట కూడా సాగు చేసే అవకాశం లేకుండాపోయింది. అయితే ఎగువ ప్రాంతంలో నీటి నిల్వల ఉన్న సమయంలో డీబీఎం–48 కాల్వ ద్వారా జోన్లవారీగా షెడ్యూల్‌ ప్రకారం ఎనిమిది నెలల పాటు 15 రోజులకోసారి నీటిని వరుసగా మూడు నుంచి నాలుగు రోజుల పాటు విడుదల చేసేవారు. ప్రస్తుతం శ్రీరాంసాగర్‌ ప్రాజెక్ట్‌లో సరిపడా నీటి నిల్వలు లేకపోవడంతో డీబీఎం–48 కాల్వకు నీరు విడుదల కావడం లేదు. డీబీఎం–48 కాలువ కింద కురవి మండలంలో 23 వేల ఎకరాలు, డోర్నకల్‌ మండలంలో 18 వేల ఎకరాలు సాగయ్యే అవకాశాలు ఉన్నాయి. కాగా, అధికారులు స్పందించి కాల్వల ఆక్రమణలు గుర్తించి ఆక్రమణ స్థలాలను స్వాధీనపర్చుకోవాలని, గండ్లు పడిన ప్రాంతాలకు మరమ్మతులు చేయాలని, చెట్లు, పిచ్చి మొక్కలు తొలగించి పూర్తిస్థాయిలో మరమ్మతులు చేయాలని రైతులు కోరుతున్నారు. నీటి నిల్వలు ఉన్న సమయంలో కాల్వకు నీటిని విడుదల చేయాలని కోరుతున్నారు.వరంగల్‌ జిల్లా సంగెం మండలం తీగరాజుపల్లి వద్ద కాకతీయ ప్రధాన కాల్వ నుంచి ప్రాంరభమయ్యే డీబీఎం–48 కాల్వ పర్వతగిరి, నెక్కొండ మండలాల మీదుగా ప్రవహించి మహబూబాబాద్‌ జిల్లాలోకి ప్రవేశిస్తుంది. జిల్లాలోని కేసముద్రం, మహబూబాబాద్‌, కురవి మండలాల మీదుగా డోర్నకల్‌ మండలం వెన్నారం వరకు ప్రవహించి సుమారు 50 కిలోమీటర్ల పరిధిలో వ్యవసాయ భూములకు సాగునీరందిస్తుంది. ప్రతీ ఏటా ఎస్సారెస్పీ కాల్వ ద్వారా వానాకాలం, యాసంగి పంటలకు నీరందించేందుకు చెరువులను నీటితో నింపుతున్నారు. మరమ్మతులకు నోచుకోని ఎస్సారెస్పీ కాల్వలు చెట్లు, పిచ్చి మొక్కలతో కనుమరుగు కొన్ని చోట్ల ఆక్రమణకు గురైన వైనం

వెంకటాపురం(ఎం): మండల పరిధిలోని చారిత్రక రామప్ప ఆలయం చరిత్ర ఎంతో గొప్పదని పలువురు పర్యాటకులు కొనియాడారు. ఈ మేరకు ఆదివారం దేవాలయాన్ని జర్మనీ దేశస్తులు కేబ్లిజ్‌ యంగ్‌, యులిస్టేయింబ్‌, చీకో స్టాన్‌లు సందర్శించారు. రామలింగేశ్వర స్వామిని వారు దర్శించుకోగా అర్చకులు హరీశ్‌శర్మ, ఉమాశంకర్‌ వారికి తీర్థప్రసాదాలు అందజేశారు. ఆలయ చరిత్ర, శిల్పకళ ప్రాముఖ్యత గురించి టూరిజం గైడ్‌ విజయ్‌ కుమార్‌ వారికి వివరించారు. అలాగే రామప్ప దేవాలయాన్ని ఐటీడీఏ స్పెషల్‌ డిప్యూటీ కలెక్టర్‌ గంట ప్రతాప్‌ కుటుంబ సమేతంగా సందర్శించారు. ఈ సందర్భంగా అర్చకులు వారికి స్వాగతం పలికి ప్రత్యేక పూజలు చేసి తీర్థప్రసాదాలు అందజేశారు. ఆలయ చరిత్రను గైడ్‌ విజయ్‌ కుమార్‌ వారికి వివరించారు. అనంతరం రామప్ప చెరువు సందర్శించారు.

ఎస్‌ఎస్‌తాడ్వాయి: మేడారం సమ్మక్క–సారలమ్మను దర్శించుకునేందుకు ఆదివారం భక్తులు వేలాదిగా తరలివచ్చారు. వివిధ ప్రాంతాల నుంచి కుటుంబ సమేతంగా వచ్చిన భక్తులతో మేడారం పరిసరాలు సందడిగా మారాయి. ముందుగా జంపన్నవాగుకు చేరుకున్న భక్తులు పుణ్యస్నానాలు ఆచరించారు. అనంతరం అమ్మవార్ల గద్దెలను దర్శించుకుని మొక్కులు చెల్లించుకున్నారు. పసుపు, కుంకుమ, ఎత్తు బంగారం(బెల్లం), చీర సారె, కానుకలు, ఒడిబియ్యం సమర్పించి మొక్కులు తీర్చుకున్నారు. కొందరు భక్తులు తలనీలాలు సమర్పించారు. అలాగే దర్శనం అనంతరం భక్తులు మేడారం సమీపంలోని అటవీ ప్రాంతంలో వంటావార్పు చేసుకున్నారు. కుటుంబ సభ్యులు, బంధుమిత్రులతో కలిసి సహపంక్తి భోజనాలు చేశారు. నార్లాపూర్‌ ఎస్సై కమలాకర్‌ ఆధ్వర్యంలో పోలీసులు గద్దెల వద్ద భద్రతా చర్యలు చేపట్టారు. కాగా మేడారం పరిసరాల్లో తాగునీటి సౌకర్యం అంతంతమాత్రంగానే ఉండడంతో భక్తులు ఇబ్బందులు పడ్డారు.

● ఉద్యాన, పట్టు పరిశ్రమ శాఖ సంచాలకులు యాస్మిన్‌ భాషామహబూబాబాద్‌ రూరల్‌ : ఆయిల్‌ పామ్‌, ఉద్యాన, కూరగాయలు, పండ్లు, పూలు, మల్బరీ మొదలైన మార్కెట్‌ డిమాండ్‌ ఉన్న పంటల సాగుపై ఉద్యాన, పట్టు పరిశ్రమ శాఖ సంచాలకులు యాస్మిన్‌ భాషా శనివారం హైదరాబాదు నుంచి వీడియో కాన్ఫరెన్స్‌ నిర్వహించారు. ఎకరానికి రెండు రూ.లక్షల వరకు ఆదాయాన్ని ఇచ్చే ఆయిల్‌ పామ్‌, అన్ని రకాల కూరగాయలు, పండ్లు, పూలు, మల్బరీ, నూతన పంటలైన కోకో, కొబ్బరి, వక్క, అవకాడో, తదితర పంటల సాగుపై వివరించారు. పంట మార్పిడి ద్వారా ఉద్యాన పంటలు, మల్బరీ విస్తీర్ణాన్ని పెంచాలని తెలిపారు. రైతులకు నిత్యం సాగులో మెళకువలు తెలుపుతూ రాయితీలు అందించాలని, బోర్ల కింద ఆయిల్‌ పామ్‌, పండ్ల తోటలు, కూరగాయలు, పూలు, మల్బరీ, పలు రకాల ఉద్యాన పంటలు సాగు చేసేలా అవగాహన కల్పించాలన్నారు. వీడియో కాన్ఫరెన్స్‌లో జిల్లా ఉద్యాన అధికారి జినుగు మరియన్న, ఉద్యాన అధికారులు శాంతిప్రియ, శాంతిప్రియదర్శిని, స్రవంతి, అధికారులు తదితరులు పాల్గొన్నారు.

సీఎంతో భేటీ ఆధారంగా పార్టీ వివాదం సమసిపోయిందని చెప్పలేని పరిస్థితి. సుస్మిత వ్యాఖ్యలతో సంబంధం లేదన్న మంత్రి సురేఖ పేర్కొనగా.. కొండా మురళీధర్‌రావు ‘సుస్మితకు ప్లాన్‌–ఎ అది.. ప్లాన్‌–బీ ఏముందో చెప్పలేం కదా’ అని చేసిన వ్యాఖ్యలపై కూడా వారి వ్యతిరేకవర్గంలో చర్చ జరుగుతోంది. అమెరికా పర్యటనలో ఉన్న ఏఐసీసీ ప్రధాన కార్యదర్శి కేసీ వేణుగోపాల్‌ తిరిగొచ్చిన తర్వాతే హైకమాండ్‌ నిర్ణయం వెలువడే అవకాశం ఉందని సమాచారం. రోజుకో మలుపు తిరుగుతున్న ఈ వివాదానికి ఎప్పుడు తెరపడుతుంది? సురేఖపై చర్యలు ఉంటాయా? ఉంటే ఎలాంటి నిర్ణయం వెలువడుతుంది? ప్రస్తుతం ఉమ్మడి వరంగల్‌ కాంగ్రెస్‌ వర్గాల్లో ఇదే హాట్‌టాపిక్‌గా మారింది.

కేసముద్రం: రాష్ట్ర రెవెన్యూ, గృహ శాఖ మంత్రి పొంగులేటి శ్రీనివాస్‌రెడ్డి, రాజ్యసభ సభ్యుడు వేం నరేందర్‌రెడ్డి సోమవారం కేసముద్రం రానున్నట్లు కాంగ్రెస్‌ పార్టీ నాయకులు శనివారం ఒక ప్రకటనలో తెలిపారు. మున్సిపాలిటీ పరిధి కేసముద్రంవిలేజ్‌లో నూతనంగా నిర్మించిన కేసముద్రం–2 33/11 కేవీ సబ్‌స్టేషన్‌ను ప్రారంభించేందుకు, నారాయణపురం గ్రామ రైతులకు కొత్త పట్టాదారు పాసుపుస్తకాలను అందించేందుకు, మున్సిపాలిటి కార్యాలయం నూతన భవన నిర్మాణానికి శంకుస్థాపన చేయనున్నట్లు తెలిపారు. కాగా స్థానిక ఎంపీడీఓ కార్యాలయ ఆవరణంలో సభాప్రాంగణం ఏర్పాటుకు అధికారులు, ప్రజాప్రతినిధులు, కాంగ్రెస్‌ నాయకులు ఏర్పాట్లు చేస్తున్నారు. శాంతి భద్రతల పరిరక్షణే లక్ష్యం గూడూరు: ప్రజలతో ఫ్రెండ్లీ పోలీసుగా శాంతి భద్రతల పరిరక్షణే లక్ష్యంగా విధులు నిర్వర్తించాలని డీఎస్పీ తిరుపతిరావు అన్నారు. మండల కేంద్రంలోని సర్కిల్‌ పోలీస్‌ స్టేషన్‌ను శనివారం ఆయన తనిఖీ చేశారు. ఈ సందర్భంగా పలు కేసుల రిజిస్టర్లను పరిశీలించారు. పోలీస్‌ స్టేషన్‌ నిర్వహణ, కేసుల దర్యాప్తు పురోగతి, పెండింగ్‌ కేసులు, సిబ్బంది పనితీరును పరిశీలించారు. పెండింగ్‌లో ఉన్న కేసులను త్వరగా పరిష్కరించాలని సిబ్బందికి సూచించారు. సర్కిల్‌ పరిధిలో శాంతి భద్రతలను కాపాడేందుకు, నేరాల నియంత్రణ, నివారణకు ప్రత్యేక చర్యలు చేపట్టాలని సిబ్బందికి దిశానిర్ధేశం చేశారు. కార్యక్రమంలో సీఐ వినయ్‌కుమార్‌, ఎస్సై రమేష్‌బాబు, సిబ్బంది పాల్గొన్నారు. అంతర్జాతీయ సదస్సుకు అప్పరాజ్‌పల్లి వాసి గూడూరు: సెప్టెంబర్‌ 10, 11 తేదీల్లో స్పెయిన్‌లో జరిగే అంతర్జాతీయ సదస్సుకు.. టాటా ఇనిస్టిట్యూట్‌ ఆఫ్‌ సోషల్‌ సైన్సెస్‌లో ప్రొఫెసర్‌గా పనిచేస్తున్న మండలంలోని అప్పరాజ్‌పల్లి గ్రామానికి చెందిన డాక్టర్‌ ధారావత్‌ మోహన్‌నాయక్‌కు ఆహ్వానం అందినట్లు శనివారం ఒక ప్రకటనలో తెలిపారు. యూనివర్సిటీ ఆఫ్‌ మాట్రిడ్‌ గెటాఫే క్యాంపస్‌లో జరిగే ఈ సదస్సులో మోహన్‌నాయక్‌ శ్రీకులం, వలసలు, అసమానతలు : ప్రపంచ వ్యాప్తంగా కుల వ్యవస్థ కొనసాగింపు, కుల వ్యతిరేక ఉద్యమాలుశ్రీ అనే అంశంపై ప్రసంగించనున్నట్లు తెలిపారు. ప్రయాణం, ఆతిథ్యం ఖర్చుల నిమిత్తం మాట్రిడ్‌ విశ్వవిద్యాలయమే ప్రత్యేక గ్రాంట్‌ మంజూరు చేసినట్లు తెలిపారు. దరఖాస్తుల ఆహ్వానం మహబూబాబాద్‌ అర్బన్‌: జిల్లాలోని గిరిజన సంక్షేమ గురుకుల విద్యాలయాల్లో 2026–27 విద్యా సంవత్సరానికి పార్ట్‌టైమ్‌ బోధన సిబ్బంది నియామకానికి దరఖాస్తులు ఆహ్వానిస్తున్నటు జిల్లా గిరిజన సంక్షేమ శాఖ ఆర్సీఓ నారాయణనాయక్‌ శనివారం ఒక ప్రకటనలో పేర్కొన్నారు. జేఎల్‌ మ్యాథ్స్‌–1, జేఎల్‌ కామర్స్‌–01, పీజీటీ బయోసైన్స్‌–1, పీజీటీ ఫిజికల్‌ సైన్స్‌ (మహిళ) –2, డీఎల్‌ కంప్యూటర్‌ సైన్స్‌ –1 ఖాళీగా ఉన్నాయని తెలిపారు. పీజీ, పీహెచ్‌డీ, సెట్‌, బీఈడీ నెట్‌ అర్హత గల అభ్యర్థులు తమ ధ్రువీకరణ పత్రాలతో సెప్టెంబర్‌ 2వ తేదీ ఉదయం 10 గంటలకు జిల్లా కేంద్రంలోని గిరిజన బాలుర గురుకుల పాఠశాలలో సంప్రదించాలని సూచించారు. అక్కడే దరఖాస్తులు స్వీకరించి అదే రోజే డెమోను నిర్వహిస్తామని ఇతర వివరాలకు 73829 31512, 79010 99787 ఫోన్‌ నంబర్లను సంప్రదించాలని తెలిపారు. రేపటి ప్రజావాణి రద్దు మహబూబాబాద్‌: ఈనెల 31న కలెక్టరేట్‌లో జరిగే ప్రజావాణి కార్యక్రమం రద్దు చేసినట్లు కలెక్టర్‌ స్నేహశబరీష్‌ శనివారం ఒక ప్రకటనలో తెలిపారు. జిల్లా అభివృద్ధి సంక్షేమ పథకాల అమలుపై కలెక్టరేట్‌లోని ప్రధాన సమావేశ మందిరంలో సోమవారం అత్యవసర సమావేశం జరుగనుందని తెలిపారు. జిల్లా అధికారులు, సిబ్బంది ఈ కార్యక్రమంలో ఉంటారని పేర్కొన్నారు. ప్రజలు గమనించి కలెక్టరేట్‌, ఆర్డీఓ కార్యాలయాలకు రావొద్దని కోరారు. జిల్లాలో మిగితా అన్ని చోట్లా యథావిధిగా ప్రజావాణి కార్యక్రమాలు కొనసాగుతాయని స్పష్టం చేశారు.

మహబూబాబాద్‌: ప్రభుత్వం ఎంతో ప్రతిష్టాత్మకంగా సివిల్‌ సప్లయీస్‌ లబ్ధిదారులకు స్మార్ట్‌ రేషన్‌ కార్డుల పంపిణీ కార్యక్రమానికి శ్రీకారం చుట్టింది. ఈ నెల 15న పంద్రాగస్టు వేడుకల సందర్భంగా ఈ కార్డుల పంపిణీని ప్రభుత్వం లాంఛనంగా ప్రారంభించింది. కానీ పంపిణీ కార్యక్రమం నెమ్మదిగా సాగుతోంది. దీనికి తోడు పలు కార్డుల్లో లబ్ధిదారుల వివరాలు, అడ్రెస్‌ తప్పుగా ప్రింట్‌ అయింది. తప్పుల సవరణ ఎలా చేసుకోవాలనే విషయంలో లబ్ధిదారులు పరేషాన్‌ అవుతున్నారు. అధికారుల వద్ద కూడా సమాచారం లేకపోవడంతో వారు కూడా స్పష్టత ఇవ్వలేని పరిస్థితి నెలకొంది. 18 మండలాలు.. 558 రేషన్‌షాపులు జిల్లాలోని 18 మండలాలకు మొత్తం 558 రేషన్‌ షా పులు ఉన్నాయి. ఈ– పాస్‌ మిషన్‌ల ద్వారా ఐరిస్‌, బయోమెట్రిక్‌, ఓటీపీల ద్వారా లబ్ధిదారులకు బియ్యం పంపిణీ చేస్తున్నారు. ఆరు ఎంఎల్‌ఎస్‌ పాయింట్ల ద్వారా రేషన్‌షాపులకు బియ్యం సరఫరా చేస్తున్నారు. లబ్ధిదారుల సంఖ్యకు అనుగుణంగా ప్రతీ నెల బియ్యం కోటాను కేటాయిస్తున్నారు. 2,78,379 కార్డుల సరఫరా జిల్లాలో మొత్తం 2,79,039 కార్డులకు గాను 2,78,379 కార్డులు సరఫరా చేశారు. తహసీల్దార్లకు కార్డుల పంపిణీ బాధ్యత అప్పగించారు. వారు జీపీఓలు, పంచాయతీ కార్యదర్శుల ద్వారా పంపిణీ చేస్తున్నారు. మున్సిపాలిటీల్లో వార్డు ఆఫీసర్ల ద్వారా కార్డుల పంపిణీ చేపట్టాలి, కానీ మానుకోట మున్సిపాలిటీలో నక్షా ప్రాజెక్ట్‌ నేపథ్యంలో డీలర్లకే పంపిణీ బాధ్యత అప్పగించారు. దీంతో కార్డుల పంపిణీలో జాప్యం జరుగుతుంది. వివరాల్లో తప్పుల ముద్రణ పలు కార్డుల్లో పేర్లు ఇతర్రా తప్పులు ఉన్నాయి. దీంతో లబ్ధిదారులు పరేషాన్‌ అవుతున్నారు. వాటిని ఏవిధంగా సవరణ చేసుకోవాలని ఆందోళన చెందుతున్నారు. సంబంధిత కార్యాలయాలకు వెళ్తే గైడ్స్‌లైన్స్‌ రాలేదని అధికారులు సమాధానమిస్తున్నారు. కార్డు ఎలా పని చేస్తుందో..? ప్రస్తుతం ఐరిస్‌, బయోమెట్రిక్‌, ఓటీపీల పద్ధతిలో రేషన్‌ షాపుల్లో బియ్యం ఇస్తున్నారు. అయితే ప్రభుత్వం ప్రస్తుతం స్మార్ట్‌ కార్డులు పంపిణీ చేస్తున్నందున.. ఈకార్డులు ఎలా పనిచేస్తాయనే ఆలోచన లబ్ధిదారుల్లో మొదలైంది. ఈ –పాస్‌ మిషన్ల బదులు వేరే మిషన్లు వస్తాయా.. అనే సందేహలు వ్యక్తం చేస్తున్నారు. ఈ–పాస్‌ మిషన్‌ టెండర్‌ కాలపరిమితి ఐదు సంవత్సరాలు పూర్తి కావస్తున్న నేపథ్యంలో ఈ స్మార్ట్‌ కార్డులు పంపిణీ చేస్తున్నారని పలువురు రేషన్‌ డీలర్లు చెబుతున్నారు. యాప్‌తో వివరాలు టీ రేషన్‌ యాప్‌లో అన్ని వివరాలు ఉంటాయని, స్మార్ట్‌ రేషన్‌ కార్డుపై ఉన్న క్యూ ఆర్‌ కోడ్‌ స్కాన్‌ చేస్తే కార్డుకు కేటాయించిన రేషన్‌ ఇతరత్రా అన్నివివరాలు తెలుస్తాయని డీసీఎస్‌ఓ కార్యాలయం సిబ్బంది చెబుతున్నారు. ఏటీఎం కార్డు మాదిరిగా ఉండటంతో ఆకార్డు పని తీరు ఎలా ఉంటుందో అని తెలుసుకోవడానికి లబ్డిదారులు ఆసక్తి చూపుతున్నారు. రేషన్‌ ప్రధానంగా దుర్వినియోగానికి చెక్‌ పెట్టేందుకు ప్రభుత్వం స్మార్ట్‌ రేషన్‌ కార్డులు ఏర్పాటు చేసిందని చెబుతున్నారు. ఆగష్టు మాసంలోనే మూడు నెలల బియ్యం పంపిణీ చేయడంతో మళ్లీ పంపిణీకి చాలా సమయం ఉండడంతో ఆలోపు గైడ్‌ లైన్స్‌ రూపొందించే అవకాశం ఉందని అధికారులు చెబుతున్నారు. కార్డులపై తప్పుగా వివరాల ముద్రణ మండలాల వారీగా తహసీల్దార్లకు కార్డుల అప్పగింత మున్సిపాలిటీల్లో పంపిణీలో తీవ్రజాప్యం కార్డులు పనితీరు.. సవరణపై సందేహలు

● గతనెలలోనూ వచ్చిన పాము ● భయాందోళనకు గురవుతున్న పిల్లలుమరిపెడ రూరల్‌: మరిపెడ మండల పరిషత్‌ ఆవరణలోని భవిత కేంద్రం (ప్రత్యేక అవరాల పిల్లల వనరుల కేంద్రం)లోకి శనివారం విషసర్పం ప్రవేశించింది. పామును గమనించిన ఉపాధ్యాయురా లు అప్రమత్తమై బయటకు వచ్చి స్థానికులకు సమాచారం అందించారు. అక్కడికి చేరుకున్న గిరిపురం మాజీ సర్పంచ్‌ పెద్దబోయిన జనార్ధన్‌ బాత్రూంలో దాగిఉన్న పామును బయటకు తీయడంతో ప్రమా దం తప్పింది. గత నెలలోనూ ఇదే కేంద్రంలోకి పాము చొరబడింది. వరుస పాముల బెడదతో దివ్యాంగుల పిల్లలు వారి తల్లిదండ్రులు ఆందోళన వ్యక్తం చేస్తున్నారు. అధికారులు స్పందించి భవిత భవనం చుట్టూ ఉన్న పిచ్చి మొక్కలు తొలగించేలా చర్యలు చేపట్టాలని పలువురు కోరుతున్నారు.

● ఐటీడీఏ పీఓ లెనిన్‌ వత్సల్‌ టొప్పో కొత్తగూడ: విద్యార్థులను క్రీడాకారులుగా తీర్చిదిద్దాలని ఐటీడీఏ పీఓ లెనిన్‌ వత్సల్‌ టొప్పో క్రీడా పాఠశాల ఉపాద్యాయులు, పీడీ, పీఈటీలకు సూచించారు. జాతీయ క్రీడా దినోత్సవాన్ని పురస్కరించుకుని మండలకేంద్రంలోని గిరిజన సంక్షేమ క్రీడా పాఠశాలను శనివారం ఆయన సందర్శిచారు. క్రీడా మైదానం పరిశీలించి అక్కడ చేపట్టాల్సిన అభివృద్ధి కార్యక్రమాలకు నివేదిక తయారు చేయాలని ఇంజనీరింగ్‌ అధికారులకు ఆదేశించారు. విద్యార్థులకు చదువుతోపాటు క్రీడల్లో మెళకువలు నేర్పించేందుకు చేపడుతున్న కార్యకలాపాలపై అడిగి తెలుసుకున్నారు. డిసెంబర్‌లో జరిగే ఖేలో ఇండియాలో ఎక్కువ పతకాలు సాధించేలా విద్యార్థులను సిద్ధం చేయాలని సూచించారు. విద్యార్థులకు పౌష్టికాహారం అందించడంలో నిర్లక్ష్యం చేస్తే చర్యలు తీసుకుంటామని హెచ్చరించారు. అనంతరం ద్యాన్‌ చంద్‌ చిత్రపటానికి పూల మాల వేసి నివాళులర్పించారు. కార్యక్రమంలో డీడీ దేశీరాం, హెచ్‌ఎం సారయ్య, పీడీలు పాల్గొన్నారు. ధ్యాన్‌చంద్‌ స్ఫూర్తితో క్రీడల్లో రాణించాలి మహబూబాబాద్‌ అర్బన్‌: హాకీ క్రీడాకారుడు ధ్యాన్‌చంద్‌ స్ఫూర్తితో యువత జాతీయ, అంతర్జాతీయ స్థాయి క్రీడల్లో రాణించాలని జిల్లా యువజన, క్రీడల శాఖ అధికారి ఓలేటి జ్యోతి అన్నారు. జిల్లా కేంద్రలోని ప్రభుత్వ జూనియర్‌ కళాశాలలో శని వారం జాతీయ క్రీడా దినోత్సవం నిర్వహించారు. ఈ సందర్భంగా ఆమె మాట్లాడారు. ప్రతిభావంతులైన క్రీడాకారులకు క్రీడాకోటలో ప్రభుత్వంతోపా టు, వివిధ రంగాల్లో ఉద్యోగ అవకాశాలు లభిస్తాయన్నారు. అనంతరం తెలంగాణ స్పోర్ట్స్‌ అథారిటీ ఆధ్వర్యంలో క్రీడాదినోత్సవం సందర్భంగా వర్చువల్‌ పద్ధతిలో క్రీడలపై అవగాహన కల్పించారు. కార్యక్రమంలో డీఐఈఓ మదార్‌గౌడ్‌ కళాశాల ప్రిన్సిపాల్‌ గణేష్‌, కోచ్‌లు కుమారస్వామి, రాంబాబునాయక్‌, దాక్షినాయక్‌ పాల్గొన్నారు.

ఆదివారం శ్రీ 30 శ్రీ ఆగస్టు శ్రీ 2026సాక్షి, మహబూబాబాద్‌/ కేసముద్రం: పోరాటాల ఫలితంగా తెలంగాణ రాష్ట్రం.. మహబూబాబాద్‌ జిల్లా.. తొర్రూరు కొత్త రెవెన్యూ డివిజన్‌ ఏర్పాటయ్యాయి. విభజనతో పరిపాలన ప్రజలకు చేరువైంది. కానీ జిల్లాలోని కేసముద్రం మండలం నారాయణపురం గ్రామ రైతులకు మాత్రం డివిజన్‌ విభజన శాపంగా మారింది. డివిజన్‌ మార్పుతో వందల సంవత్సరాల నుంచి సేద్యం చేసుకునే భూముల వివరాలు తారుమారయ్యాయి. దీంతో నారాయణపురం రైతులు పదేళ్లుగా ప్రభుత్వ పథకాలకు నోచుకోలేదు. దీంతో రైతులు పోరాటబాట పట్టడంతో సమస్య గ్రామం నుంచి అసెంబ్లీలో చర్చజరిగే వరకు వెళ్లింది. రైతుల పోరాటం, అధికారులు, ప్రజాప్రతినిధుల శ్రమ ఫలించింది. రైతులకు భూమి హక్కు పట్టాపాస్‌ పుస్తకాలు ఇచ్చేందుకు మార్గం సుగమమైంది. డివిజన్‌ మార్పుతో మొదలైన సమస్య.. నారాయణపురం గ్రామం మొదట్లో నెల్లికుదురు మండలం చిన్నముప్పారం రెవెన్యూ గ్రామ పంచాయతీ పరిధిలో ఉండేది. తొర్రూరు రెవెన్యూ డివిజన్‌ ఏర్పడిన సమయంలో చిన్నముప్పారం గ్రామం తొర్రూరు డివిజన్‌లో చేరగా.. నారాయణపురం మానుకోట డివిజన్‌లోనే ఉండిపోయింది. దీంతో 116, 117, 145 నుంచి మొదలుకుని 185 సర్వే నంబర్ల వరకు మొత్తం 43 సర్వే నంబర్ల పరిధిలో 1,827.12 ఎకరాల భూమితో కొత్త రెవెన్యూ గ్రామం ఏర్పడింది. భూప్రక్షాళన సందర్భంగా నారాయణపురం గ్రామానికి చెందిన సర్వే నంబర్లు అన్నీ అటవీశాఖ పరిధిలో నమోదయ్యాయి. దీంతో రైతుల సమస్య మొదలైంది. అసెంబ్లీలో చర్చ.. తాము సాగుచేసుకునే భూమి ఫారెస్టు భూమిగా నమోదు కావడంతో రైతులకు ప్రభుత్వ పథకాలు అందలేదు. రైతు బంధు, రైతు బీమా, రుణమాఫీ, చివరకు ధాన్యం కొనుగోళ్లు, యూరియా బస్తాల కూడా సబ్సిడీ పొందలేని పరిస్థితి నెలకొంది. దీంతో గ్రామంలోని నాయకులు, రైతులు మాజీ సీఎం కేసీఆర్‌, ప్రస్తుత ముఖ్యమంత్రి రేవంత్‌ రెడ్డి వరకు సమస్య చేరేలా పోరాడారు. అసెంబ్లీలో నారాయణపురం రైతుల సమస్యపై చర్చ కూడా జరిగింది. ధరణీ చట్టంలోని లొసుగు ప్రస్తావన, భూ భారతి ఏర్పాటు విషయంలో నారాయణపురం రైతుల సమస్యను కూడా పరిగణలోకి తీసుకొని చట్టం చేసినట్లు సీఎం, మంత్రులు బహిరంగంగా చెప్పడం గమనార్హం. ఎట్టకేలకు సమస్య పరిష్కారం దశాబ్దాల తరబడి ప్రభుత్వ పథకాలు అందక గోసపడ్డ నారాయణపురం రైతులు సంతోషంగా నవ్వే రోజు ఆసన్నమైంది. గ్రామంలో 43 సర్వే నంబర్లు, 1,827.12 ఎకరాల భూమి ఉంది. అయితే గత ప్రభుత్వం రైతులకు పట్టాలు ఇచ్చేందుకు ప్రయత్నించగా.. భూమి, సర్వే నంబర్ల మధ్య తేడా ఉండటంతో ఆ ప్రక్రియ ఆగిపోయింది. భూ భారతి చట్టం వచ్చిన తర్వాత సర్వే అండ్‌ బౌండ్రీస్‌ 1923 చట్టం ప్రకారం రెండు సర్వే బృందాలను ఏర్పాటు చేసి 160రోజులు సర్వే చేశారు. దీంతో 780 మంది రైతులకు చెందిన 1,468 ఎకరాల భూమి ఏ అడ్డంకులు లేకుండా ఉన్నట్లు తేలింది. దీంతో ఈనెల 31న సంబంధిత రైతులకు పట్టాలు ఇచ్చేందుకు సిద్ధమయ్యారు. మిగిలిన 129 మంది రైతులకు చెందిన 149 ఎకరాల భూమి సర్వే నంబర్‌ 117లో ఉంది. ఈ నంబర్‌ ఫారెస్టు భూమిలో చూపిస్తుంది. అయితే అటవీశాఖతో సంప్రదింపులు జరిపి అది కూడా త్వరలో పరిష్కారం చేసేందుకు అధికారులు చర్యలు చేపడుతున్నారు. దశాబ్దా భూ సమస్యకు పరిష్కారం అర్హులకు పట్టాల పంపిణీకి సిద్ధం గతంలో డివిజన్‌ విభజనతో రైతుల రికార్డుల తారుమారు స్వరాష్ట్రంలో పథకాలకు నోచుకోని రైతులు పట్టాలు వస్తుండడంతో హర్షం

సాక్షి ప్రతినిధి, వరంగల్‌: మైనింగ్‌ అంటేనే కోట్లాది రూపాయల విలువైన ఖనిజ సంపద. ఇసుక, క్వారీలు, గ్రానైట్‌, బిల్డింగ్‌ స్టోన్‌, రోడ్‌ మెటల్‌.. ఇలా ప్రభుత్వానికి భారీగా ఆదాయం తెచ్చిపెట్టేవి. వీటికి అనుమతులు ఇవ్వడం, లీజులను పర్యవేక్షించడం, రాయల్టీ వసూలు చేయడం, అక్రమ మైనింగ్‌, అక్రమ రవాణాను అడ్డుకోవడం మైన్స్‌ అండ్‌ జియాలజీ శాఖ పరిధిలోని కీలక బాధ్యతలు. అలాంటి శాఖలో జిల్లాస్థాయి అధికారుల పోస్టింగులు ఇప్పుడు చర్చనీయాంశంగా మారాయి. వనరులు, ఆదాయం ఎక్కువగా ఉన్న ప్రాంతాల్లో పోస్టింగ్‌ కోసం పైరవీలు, రాజకీయ పలుకుబడి, లావాదేవీలు జరుగుతున్నాయన్న ఆరోపణలు చాలాకాలంగా వినిపిస్తున్నాయి. తాజాగా భూపాలపల్లి జిల్లా మైన్స్‌ ఏడీ బొజ్జ జయరాజుకు సంబంధించిన వ్యవహారంలో ఏసీబీ సోదాలు జరగడం ఈ చర్చకు మరింత ఊతమిచ్చింది. ఒక అసిస్టెంట్‌ డైరెక్టర్‌.. 12 జిల్లాల పర్యవేక్షణకు ఇన్‌చార్జ్‌.. భూపాలపల్లి మైన్స్‌ ఏడీగా పనిచేసి గురువారం ఏసీబీ దాడులకు గురైన బొజ్జ జయరాజు ములుగు జిల్లా మైన్స్‌ బాధ్యతల్లోనూ కొద్ది రోజులు ఇన్‌చార్జ్‌గా ఉన్నారు. 2024 మార్చి 15న భూపాలపల్లి ఏడీగా వచ్చిన ఆయన 2025 అక్టోబర్‌ 8న వరంగల్‌ రీజియన్‌ (ఉమ్మడి వరంగల్‌, కరీంనగర్‌, ఖమ్మం)కు డిప్యూటీ డైరెక్టర్‌గా ఇన్‌చార్జ్‌ బాధ్యతల్లోకి వచ్చారు. రాజకీయ పలుకుబడి, ఉన్నతాధికారుల అండదండలతోనే ఈ అదనపు బాధ్యతలు దక్కాయన్న ఆరోపణలు అప్పట్లో వచ్చాయి. దీంతో ఏడీతోపాటు పూర్వ వరంగల్‌, కరీంనగర్‌, ఖమ్మంలకు చెందిన 12 జిల్లాల మైనింగ్‌ పర్యవేక్షణ బాధ్యతలు కూడా డీడీగా ఈయనకే. ఇదిలా ఉండగా ఉమ్మడి వరంగల్‌లో ఏడీలకు వరంగల్‌, హనుమకొండకు చాలాకాలం ఒక్కరే ఏడీగా బాధ్యతలు నిర్వహించారు. భూపాలపల్లి, ములుగుకు కూడా ఒక్కరే ఉన్నారు. ఇటీవల హనుమకొండకు పూర్తి కాలపు ఏడీ రాగా, మిగతా చోట్ల హెడ్‌ ఆఫీసు కనుసన్నల్లో ఉండే ఏజీలను ఏడీలుగా నియమించారంటే గనులశాఖలో పోస్టింగ్‌ల తీరును అర్థం చేసుకోవచ్చు. ‘మినరల్స్‌’ ఉన్న చోటే ఎందుకీ ఆసక్తి? ఉమ్మడి వరంగల్‌లోని అన్ని జిల్లాల్లో ఖనిజ వనరులు ఒకే రకంగా లేవు. భూపాలపల్లి, ములుగు ప్రాంతాల్లో గోదావరి పరీవాహక ప్రాంతం కారణంగా ఇసుక కార్యకలాపాలకు ప్రాధాన్యం ఉండగా.. ఇతర జిల్లాల్లో గ్రానైట్‌, బిల్డింగ్‌ స్టోన్‌, రోడ్‌ మెటల్‌, లేటరైట్‌, ఇతర ఖనిజాల తవ్వకాలు జరుగుతున్నాయి. మహబూబాబాద్‌లో ఇనుప ఖనిజం, లేటరైట్‌తోపాటు బ్లాక్‌, కలర్‌ గ్రానైట్‌, బిల్డింగ్‌ స్టోన్‌, రోడ్‌ మెటల్‌, ఎర్త్‌, గ్రావెల్‌ వంటి ఖనిజాలు ఉన్నట్లు అధికారిక మైన్స్‌ శాఖ వివరాలు చెబుతున్నాయి. అక్కడ 168 బ్లాక్‌ గ్రానైట్‌ మైనర్‌ మినరల్‌ లీజులు నమోదై ఉండగా.. 66 పనిచేస్తున్నట్లు జిల్లా శాఖ వివరాలు పేర్కొంటోంది. అందుకే ఖనిజ వనరులు ఎక్కువగా ఉన్న ప్రాంతాల్లో మైన్స్‌ అధికారుల పోస్టింగులు సహజంగానే ప్రాధాన్యం సంతరించుకుంటాయి. ఈ నేపథ్యంలోనే మినరల్స్‌ బాగా ఉన్న ‘మంచి పోస్టింగ్‌’ల కోసం పైరవీలు చేసుకుని వస్తున్నట్లు ప్రచారం ఉంది. వారికి రాజకీయ పలుకుబడి, ఉన్నతస్థాయి అండదండలు పుష్కలంగా ఉంటాయన్న ఆరోపణలు వినిపిస్తున్నాయి. దీంతో మీడియాకు కూడా శాఖాపరమైన సమాచారం ఇవ్వకుండా ‘టూర్‌’ల పేరిట తప్పుకున్న సందర్భాలు పలుసార్లు విమర్శలకు దారి తీశాయి. కాగా ఇటీవల ఏసీబీ దాడులు, అక్రమాస్తుల కేసులు వెలుగులోకి వస్తుండటంతో మైనింగ్‌ శాఖలో అధికారుల పోస్టింగులు, వారి పనితీరుపై మరోసారి చర్చ మొదలైంది. గనులశాఖలో కొందరు అధికారుల తీరిది పొలిటికల్‌ అండ, ఉన్నతాధికారుల సపోర్టు ఒక్కొక్కరికీ రెండేసి జిల్లాలు.. ఏడీలకు డీడీ బాధ్యతలు ఆదాయానికి మించిన ఆస్తులు.. అక్రమ వ్యాపారులతో చెట్టాపట్టాల్‌ ఏసీబీ సోదాలతో మళ్లీ చర్చకు వచ్చిన పోస్టింగ్‌ల దందాఆరు జిల్లాల్లో.. మూడుచోట్ల ఇన్‌చార్జ్‌లే.. ఆగస్టు 2026లో ఆయా జిల్లాల అధికారిక వెబ్‌సైట్లలో కనిపిస్తున్న వివరాలను పరిశీలిస్తే ఉమ్మడి వరంగల్‌లోని ఆరు జిల్లాల్లో మూడు చోట్ల ఇన్‌చార్జ్‌ వ్యవస్థ కనిపిస్తోంది. హనుమకొండలో ఏడీ బాధ్యతలు ఇన్‌చార్జ్‌కి ఉండగా ఇటీవల రెగ్యులర్‌ ఏడీని నియమించారు. వరంగల్‌లో రెగ్యులర్‌ ఏడీ ఉన్నట్లు జిల్లా వెబ్‌సైట్‌ పేర్కొంటోంది. జనగామలో జిల్లా వెబ్‌సైట్‌, కేంద్ర మైన్స్‌ శాఖ డేటాలో అధికారి హోదాకు సంబంధించి వ్యత్యాసం కనిపిస్తోంది. ఇక్కడ కూడా అసిస్టెంట్‌ జియోలజిస్టు(ఏజీ)నే ఇన్‌చార్జ్‌ ఏడీగా నియమించినట్లు తెలిసింది. మహబూబాబాద్‌లో రెగ్యులర్‌ ఏడీ ఉన్నారు. భూపాలపల్లిలో డిప్యూటీ డైరెక్టర్‌ స్థాయి అధికారి ఇన్‌చార్జ్‌ ఏడీగా ఉన్నారు. ఆయన (బి.జయరాజు) గురువారం ఆదాయానికి మించిన ఆస్తుల కేసులో ఏసీబీకి చిక్కారు. ఇందులో కొన్ని చోట్ల అసిస్టెంట్‌ జియాలజిస్ట్‌లు ఇన్‌చార్జ్‌ అసిస్టెంట్‌ డైరెక్టర్‌లుగా పోస్టింగ్‌లు తెచ్చుకున్నారు. ములుగులో ఇన్‌చార్జ్‌ ఏడీగా ఉన్న అసిస్టెంట్‌ జియోలజిస్ట్‌ భద్రాద్రి కొత్తగూడెం ఇన్‌చార్జ్‌ ఏడీగా కూడా వ్యవహరిస్తున్నారు.

మహబూబాబాద్‌: నిత్యావసర వస్తువుల ధరలు విపరీతంగా పెరుగుతున్నాయి. మరోవైపు పెట్రోల్‌, డీజిల్‌, గ్యాస్‌ ధరలు పేదలు, మధ్య తరగతి ప్రజలకు భారంగా మారాయి. మాంసం, చికెన్‌ ధరలు కూడా అడ్డగోలుగా పెరుగుతున్నాయి. ఉప్పు, సబ్బుల ధరలు మినహా అన్ని రేట్లు ఆకాశాన్నంటుతున్నాయి. కాగా, చక్కెర కిలో ధర ప్రస్తుతం రూ.70 ఉండగా.. రూ.100కు చేరినా ఆశ్చర్యపోవాల్సిన అవసరం లేదని వ్యాపారులు అంటున్నారు. కూరగాయల ధరలకు రెక్కలు.. కూరగాయాల ధరలు మార్కెట్‌లో మండిపోతున్నాయి. క్యారెట్‌ కిలో రూ.100, చిక్కుడు కాయలు రూ.100, కొత్తిమీర రూ.60, మెంతికూర రూ .100, క్యాబేజీ రూ.60, వంకాయ రూ.50, పచ్చిమిర్చి రూ.60, కాప్సికమ్‌ రూ.100, బెండకాయ రూ.60, దొండకాయ రూ.50, బీట్‌రూట్‌ రూ.60, కాకరకాయ రూ.60, టమాట రూ.30, ఆలుగడ్డలు కిలో ధర రూ.30 పలుకుతోంది. పెట్రోలు, డీజిల్‌తో భారం.. పెట్రోల్‌, డీజిల్‌ ధరలు పేద ప్రజలపై తీవ్ర భారం చూపుతున్నాయి. ప్రస్తుతం పెట్రోల్‌ లీటరు రూ.116 , డీజిల్‌ రూ.104 విక్రయిస్తున్నారు. కొన్ని నెలల క్రితం యుద్ధాల వల్ల ధరలు పెరగడంతో పేద, మధ్య తరగతి ప్రజలపై తీవ్ర భారం పడుతోంది. అలాగే వంట గ్యాస్‌ ధరలు వరుసగా పెరుగుతూ వచ్చాయి. జిల్లాలో పలు కంపెనీలకు చెందిన 2,11,531 గ్యాస్‌ కనెక్షన్లు ఉన్నాయి. ఈఏడాది మార్చి 7న గ్యాస్‌ సిలిండర్‌ ధర రూ 60 పెరిగింది. అప్పటి వరకు సిలిండర్‌ ధర రూ.924 ఉండగా.. రూ.60 పెరగడంతో రూ.984కి చేరింది. అలాగే జూన్‌లో మళ్లీ రూ.29 పెరుగగా రూ.1,013కి చేరింది. డెలివరీ పేరుతో రూ.1,030 తీసుకుంటున్నారు. అమాంతం పెరిగిన బియ్యం ధరలు.. మాములు సన్న బియ్యం క్వింటా ధర రూ.6,000పైనే ఉంది. జై శ్రీరాం లాంటి బియ్యం అయితే రూ.7,000కు విక్రయిస్తున్నారు. ఈసారి వర్షాలు లేక పంటలు పండే పరిస్థితి లేదు. కరువు సాకుగా చూపి క్వింటా రూ.8,000పైనే విక్రయించే పరిస్థితి ఉందని పేదలు ఆవేదన వ్యక్తం చేస్తున్నారు. అలాగే మాంసం కేజీ రూ.1,000, బోన్‌లెస్‌ మటన్‌ రూ.1,200, చికెన్‌ రూ.220 వరకు విక్రయిస్తున్నారు. కోడి గుడ్ల ధరలు ఈమధ్య కాలంలో కొంత తగ్గాయి. పచ్చడి మెతుకులే శరణ్యం.. ఇలాగే ధరలు పెరిగితే పచ్చడి మెతుకులే శరణ్యమని పేదలు, మధ్య ప్రజలు ఆవేదన వ్యక్తం చేస్తున్నారు. పచ్చళ్లు తినే పాత రోజులు వస్తాయని వారు వాపోతున్నారు. ప్రభుత్వం స్పందించి ధరలు తగ్గించకపోతే పేదలు, మధ్య తరగతి వారికి ఇబ్బందులు తప్పవు. రోజురోజుకూ పెరుగుతున్న నిత్యావసర వస్తువుల ధరలు మండుతున్న కూరగాయల రేట్లు.. చేదెక్కిన చెక్కర మరోవైపు వేధిస్తున్న పెట్రోల్‌, డీజిల్‌, గ్యాస్‌ ధరలు ఇలాగే పెరిగితే పచ్చడి మెతుకులే దిక్కని పేదల ఆవేదన కట్టడి చేయాలని వేడుకోలునిత్యావసరాల ధరలు (రూ.లలో)వస్తువు (కిలో) నెలక్రితం ప్రస్తుతం చక్కెర 42 70 ఉల్లిగడ్డలు 25 60 కారం 200 360 పసుపు 220 300 ధనియాలు 140 230 అల్లం 50 130 ఎల్లిగడ్డలు 120 250 పల్లీలు 100 150 మినప పప్పు 120 140 పెసర పప్పు 110 120 కంది పప్పు 120 140 మైసూర్‌ పప్పు 80 100 శనిగపప్పు 80 90 చింతపండు 135 150 పెసర్లు 85 100ధరలు తగ్గించాలి నిత్యావసర వస్తువుల ధరలు పెరుగుతున్నాయి. ఇలాగే పెరిగితే వాటిని కొనుగోలు చేయలేం. పచ్చడితో అన్నం తినాల్సిందే. ఇప్పటికే ఒకకూర వండుకుని జాగ్రత్తగా మూడు పూటలు తింటున్నాం. –సాంబారి మనీష, గృహిణి, జమాండ్లపల్లి పెట్రోల్‌, డీజిల్‌ ధరలు నియంత్రించాలి పెట్రోల్‌, డీజిల్‌ ధరలను నియంత్రించాలి. వాటిని సాకుగా చూపుతూ మిగితా వస్తువుల ధరలు పెంచుతున్నారు. వంట గ్యాస్‌ ధరలు కూడా పెరుగుతున్నాయి. ధరలు నియంత్రించకపోతే పేద, మధ్య తరగతి ప్రజలకు చాలా ఇబ్బంది అవుతుంది. ప్రభుత్వం స్పందించి అన్ని ధరలు నియంత్రించాలి. – పెరుగుకుమార్‌, మానుకోట

ఎస్‌ఎస్‌తాడ్వాయి : మేడారం సమక్క, సారలమ్మ మహాజాతర.. ఎన్నో ప్రత్యేకతలకు నిలయం. పరా క్రమం, ధిక్కార స్వరానికి నిలువెత్తు నిదర్శనం. ఆదివాసీల భక్తి, సంప్రదాయాలకు ప్రతీక. ఈ క్రమంలో ఇన్ని ప్రత్యేకలున్న ఈ మహాజాతరలో ఆదివాసీల సంప్రదాయ ఆహారానికి ఆధునికతను జోడించి తయారు చేస్తున్న ఇప్పపువ్వు లడ్డూ ప్రస్తుతం ప్రత్యేక ఆకర్షణగా నిలుస్తోంది. అడవిలో లభించే ఇప్పపువ్వుతో తయారు చేస్తున్న ఈ లడ్డూకు భక్తులు, పర్యాటకుల ఆదరణ లభిస్తోంది. రుచికరం.. ఆరోగ్యం పదిలంగా ఉంచే సహజ ఆహారంగా గుర్తింపు పొందుతుండడంతోపాటు ఆదివాసీ మహిళలకు ఉపాధి, ఆదాయం అందిస్తోంది. అడవిని నమ్ముకుని జీవించే ఆదివాసీ, గిరిజనులకు ఇది ఆహార వనరు మాత్రమే కాదు.. కుటుంబానికి ఆదాయాన్ని సమకూర్చే అటవీ ఉత్పత్తి కూ డా. తరాలుగా తమ ఆహార సంస్కృతిలో భాగమైన ఇప్పపువ్వుకు ప్రస్తుతం మార్కెట్‌ విలువను జోడిస్తున్నారు. రాష్ట్ర మంత్రి సీతక్క చొరవతో తెలంగాణ సమ్మిళిత జీవనోపాధుల ప్రాజెక్టు సాంకేతిక, ఆర్థిక సహకారంతో గ్రామీణ పేదరిక నిర్మూలన సంస్థ(సెర్ప్‌) ఆధ్వర్యంలో ఇప్పపువ్వు లడ్డూ తయారీపై శిక్షణ ఇచ్చి ఉపాధి అవకాశాలు కల్పిస్తున్నారు. కొండపర్తి, కన్నెపల్లిలో తయారీ.. ఎస్‌ఎస్‌తాడ్వాయి మండలంలోని కొండపర్తికి చెందిన సమ్మక్క, సారక్క మహిళా రైతు ఉత్పత్తిదారుల సంఘం, కన్నెపల్లికి చెందిన సారలమ్మ మహిళా రైతు ఉత్పిత్తిదారుల సంఘం ఆధ్వర్యంలో ఇప్పపువ్వు లడ్డూలు తయారు చేస్తున్నారు. స్థానికంగా లభించే ఇప్పపువ్వును సేకరించి శుభ్రపరిచి ఎండబెట్టి నిల్వ చేసుకుంటున్నారు. అనంతరం వాటిని లడ్డూల తయారీకి వినియోగిస్తున్నారు. సంప్రదాయ పద్ధతులకు ఆధునిక ఆలోచనలు జోడించి లడ్డూలను తయారు చేస్తున్నారు. బాదం, పిస్తా, జీడిపప్పు, నువ్వులు, పల్లీలు, వివిధ రకాల డ్రైఫ్రూట్స్‌తోపాటు నెయ్యి, తాటి బెల్లం, తేనె వంటి సహజ పదార్థాలను ఉపయోగిస్తున్నారు. దీంతో ఇప్పపువ్వు లడ్డూకు ప్రత్యేక రుచి రావడంతోపాటు సంప్రదాయ ఆహారానికి కొత్త రూపం లభిస్తోంది. భక్తులకు ఆదివాసీ సంప్రదాయ ఆహార ఉత్పత్తుల పరిచయం మహిళా సంఘాలు తయారు చేసిన లడ్డూలను మేడారం పరిసరాల్లో ఏర్పాటు చేసిన విక్రయ కేంద్రాల్లో అందుబాటులో ఉంచుతున్నారు. గద్దెల ప్రాంగణం నుంచి బయటకు వెళ్లే మార్గంలో ఏర్పాటు చేసిన మహిళా సంఘాల స్టాళ్ల వద్ద భక్తులు లడ్డూలను ఆసక్తిగా కొనుగోలు చేస్తున్నారు. మేడారంలోనే కాకుండా వరంగల్‌ హైవే, బొగత లాంటి పర్యటక ప్రాంతాల్లో విక్రయిస్తున్నారు. దీంతో జాతరకు వచ్చే భక్తులకు ఆదివాసీ సంప్రదాయ ఆహార ఉత్పత్తులను పరిచయం చేసే అవకాశం లభిస్తోంది. ఇప్పపువ్వుకు ఆదివాసీల ఆహార సంస్కృతిలో ప్రత్యేక స్థానం.. ఇప్పపువ్వుకు ఆదివాసీల ఆహార సంస్కృతిలో ప్రత్యేక స్థానం ఉంది. కొన్ని ప్రాంతాల్లో ఇప్పపువ్వును నానబెట్టి సంప్రదాయ పద్ధతుల్లో పులియబెట్టిన పానీయాలను తయారు చేసే ఆచారం కూడా ఉంది. పండుగలు, శుభకార్యాల సమయంలో వీటి వినియోగం తరాలుగా కొనసాగుతోంది. కాగా, త్వరలో ఇప్ప పువ్వు లడ్డూలను ఆన్‌లైన్‌లో కూడా విక్రయించేందుకు సన్నాహాలు చేస్తున్నట్లు సెర్ప్‌ అధికారులు తెలిపారు. ఇప్ప పువ్వు లడ్డూకు పెరుగుతున్న క్రేజ్‌ ఆదివాసీ మహిళలకు కొత్త ఉపాధి కొనుగోళ్లకు భక్తుల ఆసక్తి

శర్వానంద్‌ హీరోగా సంపత్‌ నంది దర్శకత్వంలో రూపొందుతున్న చిత్రం ‘భోగి’. తెలంగాణ–మహారాష్ట్ర సరిహద్దుల్లోని ఓ కల్పిత గ్రామంలో 1960 నేపథ్యంలో సాగే ఈ సినిమాలో అనుపమ పరమేశ్వరన్‌, డింపుల్‌ హయతి హీరోయిన్స్‌గా నటిస్తున్నారు. గంగ పాత్రలో శర్వానంద్‌, సులోచనగా అనుపమ, మందారంగా డింపుల్‌ హయాతి కనిపిస్తారు. శుక్రవారం రాఖీ పండగ సందర్భంగా ‘భోగి’ నుంచి స్పెషల్‌ పోస్టర్‌ను రిలీజ్‌ చేశారు. ‘‘మా గంగ ఆత్మ ఇది. ఐదుగురు సోదరీమణులు... ఒకే ప్రపంచం... ఒకే హృదయ స్పందన’’ అంటూ ఈ పోస్టర్‌ను ఉద్దేశించి ‘ఎక్స్‌’లో సంపత్‌ నంది పేర్కొన్నారు. లక్ష్మీ రాధామోహన్‌ సమర్పణలో కేకే రాధామోహన్‌ నిర్మిస్తున్న ఈ సినిమా తెలుగు, తమిళం, కన్నడ, మలయాళం, హిందీ భాషల్లో విడుదల కానుంది.

● శ్రీవాస్‌దర్శకుడు శ్రీవాస్‌ తన కొత్త చిత్రాన్ని ప్రకటించారు. మాధవి క్రియేషన్స్‌పై మహంకాళి నాగరాజు నిర్మించనున్న ఈ చిత్రానికి ‘ఫీనిక్స్‌ రాజా’ అనే టైటిల్‌ని ఫిక్స్‌ చేశారు. ముంబైలో నిర్వహించిన కార్యక్రమంలో ‘ఫీనిక్స్‌ రాజా’ ఫస్ట్‌ లుక్‌ పోస్టర్‌తో పాటు రెండు నిమిషాల 2డీ మోషన్‌ టీజర్‌ను విడుదల చేశారు. శ్రీవాస్‌ మాట్లాడుతూ– ‘‘వాస్తవ ఘటనలను, ప్రభావవంతమైన కథనంతో కొత్త బెంచ్‌మార్క్‌ సెట్‌ చేయడమే లక్ష్యంగా ఈ సినిమా రూపొందిస్తున్నాం. ఈ చిత్రకథ ఓ నిజాయితీగల వ్యాపారవేత్త చుట్టూ తిరుగుతుంది. రాజకీయ పలుకుబడి, అధికారాన్ని ఉపయోగించుకోకుండా కష్టపడి, విలువలు, నిజాయితీతో జీవితాన్ని నిర్మించుకోవాలని భావించే అతడి జీవితంలోకి పవర్‌ఫుల్‌ వ్యక్తులు ప్రవేశించినప్పుడు అతడి వ్యక్తిగత పోరాటం నిజం, గౌరవం, భవిష్యత్‌ తరాల కోసం జరిగే పెద్ద పోరాటంగా మారుతుంది. ఈ చిత్రంలో మరో కీలక అంశంగా జెన్‌ జీపై పెరుగుతున్న డ్రగ్‌ మాఫియా ప్రభావాన్ని చూపించనున్నాం. ఇంగ్లిష్‌తో పాటు పలు భాషల్లో రూపొందించనున్న ఈ చిత్రాన్ని భారత్‌లోని వివిధ ప్రాంతాలతో పాటు విదేశాల్లోనూ చిత్రీకరిస్తాం’’ అని చెప్పారు.

ఇప్పపువ్వు లడ్డూల తయారీ, విక్రయాలతో మహిళా సంఘాల సభ్యులకు ఉపాధి లభిస్తోంది. నెలకు సుమారు రూ.10 వేలకుపైగా ఆదాయం వస్తోంది. సంఘానికి వారానికి రూ.30 వేల నుంచి రూ.40 వేల వరకు ఆదాయం సమకూరుతోంది. లడ్డూల తయారీకి అయ్యే ఖర్చులు పోనూ.. ఒక్కో సభ్యురాలికి వారానికి రూ.2 వేల నుంచి రూ.3 వేల వరకు ఆదాయం లభిస్తోంది. దీంతో కుటుంబానికి ఆసరా ఉండడంతోపాటు సొంతంగా ఆదాయం సంపాదించుకునే అవకాశం కలుగుతోంది. – శాంతమ్మ, ఆదివాసీ మహిళా సంఘం సభ్యురాలు ●

భిన్నమైన ప్రేమకథ ఆ విజయం కొనసాగాలి ● శ్రీని, వివేక్‌ ఆత్రేయ, రవితేజ, లక్ష్మణ్‌● మంగా శ్రీనివాస్‌, పూరి జగన్నాథ్‌, హేమారావు‘ఇరుముడి’ సక్సెస్‌తో ఫుల్‌ జోష్‌లో ఉన్నారు రవితేజ. వరుసగా సినిమాలను ప్రకటిస్తున్నారు. రవితేజ హీరోగా హసిత్‌ గోలి డైరెక్షన్‌లోని సినిమా ప్రకటన ఈ వారంలో వచ్చిన సంగతి తెలిసిందే. తాజాగా రవితేజ హీరోగా వివేక్‌ ఆత్రేయ దర్శకత్వంలో రూపొందనున్న మూవీని ప్రకటించారు. బ్రిడ్జ్‌ ప్రొడక్షన్స్‌పై లక్ష్మణ్‌, శ్రీని ఈ చిత్రాన్ని నిర్మించనున్నారు. ‘ఇరుముడి’తో సూపర్‌ హిట్‌ అందుకున్న రవితేజను లక్ష్మణ్‌, శ్రీని కలిసి అభినందించి, ఈ చిత్రాన్ని ప్రకటించారు. ‘‘రవితేజ ఎనర్జీ, స్క్రీన్‌ ప్రెజెన్స్‌కు తగ్గట్లు ఈ సినిమా ఉంటుంది. వివేక్‌ ఆత్రేయ తనదైన శైలిలో రూపొందించే కొత్త ప్రపంచంలోకి రవితేజ అడుగు పెట్టనున్నారు’’ అని నిర్మాతలు పేర్కొన్నారు. శ్రవణ్‌, మలైకా టి. వాసుపల్‌ జంటగా నటిస్తున్న సినిమా ‘చకోర: లూనార్‌ లవ్‌ బర్డ్‌’. దర్శకుడు పూరి జగన్నాథ్‌ దగ్గర అసిస్టెంట్‌ డైరెక్టర్‌గా చేసిన మంగా శ్రీనివాస్‌ ఈ సినిమాతో దర్శకుడిగా పరిచయం అవుతున్నారు. వీఐపీ వింటేజ్‌ ఐకానిక్‌ పిక్చర్స్‌ సారథ్యంలో డా. చింతాడ హేమారావు నిర్మిస్తున్న ఈ సినిమా అక్టోబరు 8న విడుదల కానుంది. ఈ చిత్రం టైటిల్‌ మోషన్‌ పోస్టర్‌ని పూరి జగన్నాథ్‌ విడుదల చేశారు. ‘‘ఇప్పటివరకు తెలుగులో వచ్చిన ప్రేమకథలకు భిన్నమైన లవ్‌స్టోరీతో ఈ సినిమాను రూపొందిస్తున్నాం. ఈ సినిమా ప్రేక్షకులకు ఓ కొత్త లవ్‌ ఫీల్‌ను అందిస్తుంది’’ అని యూనిట్‌ పేర్కొంది. ఈ సినిమాకు సంగీతం: ప్రిన్స్‌ హెన్రీ.

లింగాలఘణపురం: జనగామ జిల్లా లింగాలఘణపురం మండలం నెల్లుట్లకు చెందిన గోపగోని శ్రీదేవి (14) ఉత్తరప్రదేశ్‌లో ఈ నెల 25వ తేదీన జరిగిన రోడ్డు ప్రమాదంలో గాయపడి చికిత్స పొందుతూ గురువారం రాత్రి మృతి చెందినట్లు గ్రామస్తులు తెలిపారు. గ్రామానికి చెందిన గోపగోని స్వర్ణలత, నాగరాజు కూతురు శ్రీదేవి అనా రోగ్యంతో ఉండడంతో సామాజిక మాధ్యమాల్లో వచ్చిన ఓ బాబా మహిమను చూసి కారులో యూపీలోని అతడి వద్దకు వెళ్తుండగా వాహనం డివైడర్‌ను ఢీకొని ప్రమాదానికి గురైంది. ఈ ఘటనలో జనగామ మండలం పెంబర్తికి చెందిన కారు డ్రైవర్‌ పల్లపు సంపత్‌ (26) అక్కడికక్కడే దుర్మరణం చెందగా శ్రీదేవి, స్వర్ణలత, నాగరాజు గాయపడ్డారు. శ్రీదేవికి తీవ్ర గాయాలై కోమాలోకి వెళ్లి అక్కడే చికిత్స పొందుతూ మృతి చెందింది. మృతదేహాన్ని స్వగ్రామానికి తీసుకొస్తున్నారు. కాగా, ఈ ప్రమాదంలో డ్రైవర్‌ సంపత్‌, శ్రీదేవి మృతితో మృతుల సంఖ్య రెండుకు చేరింది. కాగా, మూఢనమ్మకాలు ఆ కుటుంబాని చిందవందర చేశాయంటూ పలువురు గ్రామస్తులు కన్నీరుమున్నీరయ్యారు. శ్రీదేవి మృతితో కుటుంబంతోపాటు గ్రామంలో విషాదఛాయలు అలముకున్నాయి. యూపీ ప్రమాదంలో రెండుకు చేరిన మృతుల సంఖ్య

సీఎంఆర్‌ రికవరీపై దూకుడు పెంచిన అధికారులు ● నాయకుల వద్దకు మిల్లర్ల పరుగులు ● ఏమీ చేయలేని స్థితిలో నేతలు ● ఇప్పటికే పలువురు మిల్లర్లపై క్రిమినల్‌ కేసులు ● ఆర్‌ఆర్‌ యాక్ట్‌పై జిల్లా యంత్రాంగం నజర్‌శనివారం శ్రీ 29 శ్రీ ఆగస్టు శ్రీ 2026సాక్షి, మహబూబాబాద్‌: కస్టమ్‌ మిల్లింగ్‌ రైస్‌(సీఎంఆర్‌) పెట్టకుండా ఎగవేతకు సిద్ధమైన రైస్‌ మిల్లర్లపై ప్రభుత్వం కఠిన చర్యలు తీసుకుంటోంది. డబ్బుల రికవరీ తప్ప మరో మార్గంలేదని తేల్చి చెప్పిన అధికారులు క్రిమినల్‌ కేసులు పెడుతున్నారు. ఈక్రమంలో తమను కాపాడాలని పలువురు మిల్లర్లు అధికార పార్టీకి చెందిన నాయకుల వద్దకు పరుగులు పెడుతున్నారు. అయితే రాష్ట్ర వ్యాప్తంగా బియ్యం రికవరీపై సీఎంతో పాటు ప్రభుత్వ యంత్రాంగం సీరియస్‌గా ఉండడంతో ఏం చేయాలో నా యకులకు పాలుపోవడం లేదు. అటు కార్యకర్తలు, ఇటు పార్టీ పెద్దలను ఏమీ అనలేని పరిస్థితిలో ఉ న్నారు. ఈ విషయంలో నేనేమీ చేయలేనని, రికవరీ చేయాల్సిందే అని తేల్చిచెప్పినట్లు సమాచారం. దూకుడు పెంచిన అధికారులు జిల్లాలో 2017–22 మధ్యకాలంలో యాసంగి, వానాకాలం సీజన్‌లలో సీఎంఆర్‌ పెట్టని ఐదు మిల్లుల యజమానులు రూ.15కోట్లు బకాయిలు పడ్డారు. దీంతో ఇప్పటికే వారిపై ఆర్‌ఆర్‌ యాక్ట్‌కింద కేసులు నమోదు చేశారు. 2021–22 సీజన్‌లో ధాన్యం తీసుకొని 10 రైస్‌మిల్లుల యజమానులు సుమారు రూ.15కోట్ల విలువచేసే బియ్యం పెట్టకుండా అమ్ముకున్నట్లు అధికారులు చెబుతున్నారు. అదే విధంగా 2022–23 సీజన్‌లో ధాన్యం దిగుమతి చేసుకున్న 21మంది మిల్లర్లు సీఎంఆర్‌ పెట్టలేదు. అయితే ఆ ధాన్యం ప్రభుత్వం ఇతర వ్యాపారులకు వేలం ద్వారా కేటాయించింది. అయితే వేలందారులకు మిల్లర్లు ఆ ధాన్యం పెట్టలేదు. ఇలా వారి వద్ద నుంచి సుమారు రూ.80కోట్లు రావాల్సి ఉంది. ఇలా జిల్లాలో మొత్తం రూ.115 కోట్ల విలువచేసే బియ్యం మిల్లర్ల నుంచి రావాలి. ఈమేరకు రికవరీ చేసేందుకు రాష్ట్ర వ్యాప్తంగా ప్రత్యేక టాస్క్‌ ఫొర్స్‌ బృందాలను రంగంలోకి దించారు. విజిలెన్స్‌ దాడులు ముమ్మరం చేశారు. ఇందులో భాగంగా జిల్లాలో నాలుగు రైస్‌ మిల్లుల యజమానులపై క్రిమినల్‌ కేసులు నమోదు చేశారు. రికవరీ డబ్బులు చెల్లించకుంటే మీకు ఇదే గతి పడుతుందని మిగిలిన మిల్లర్లను హెచ్చరించారు. బిగుస్తున్న ఉచ్చు.. కొనుగోలు కేంద్రాల నుంచి ధాన్యం తీసుకొని సీఎంఆర్‌ పెట్టకుండా మొండికేసిన ఎనిమిది రైస్‌ మిల్లుల యజమానులపై రెండు సంవత్సరాల క్రితం కేసులు నమోదు చేశారు. అంతటితో ఆగకుండా రెవెన్యూ రికవరీ యాక్ట్‌ద్వారా డబ్బులు వసూలు చేయాలని అధికారులను ఆదేశించడంతో ఆర్‌ఆర్‌ యాక్ట్‌ పెట్టారు. అయితే ఏడాది కాలంగా ఈ విషయాన్ని అంత సీరియస్‌గా తీసుకోలేదు. కానీ ఇటీవల జరిగిన పరిణామాల నేపథ్యంలో గతంలో కేసులు పెట్టిన వారిపై చర్యలు తీసుకోకపోవడంపై చర్చ జరిగింది. ఆర్‌ఆర్‌ యాక్ట్‌ కింది డబ్బులు రికవరీ చేయాలని రాష్ట్ర ఉన్నతాధికారులు జిల్లాల కలెక్టర్లను ఆదేశించినట్లు తెలిసింది. మిషన్‌ 100–కే భాగంగా సదరు వ్యక్తుల వివరాలు సేకరణ, రికవరీ మొదలైన అంశాలపై వారం వారం రివ్యూలు తీసుకోవాలని చెప్పినట్లు సమాచారం. దీంతో ఆర్‌ఆర్‌ యాక్ట్‌ కింద కేసు నమోదు చేసిన ప్రాంతాల తహసీల్దార్లకు రికవరీపై కఠినమైన ఆదేశాలు జారీ చేసేందుకు కలెక్టర్‌ సిద్ధం అవుతున్నట్లు తెలిసింది. దీంతో సదరు మిల్లుల యజమానుల ఆస్తులు, భూములు, ఆర్థిక వనరులు మొదలైన వివరాలు సేకరించి రికవరీకి జిల్లా యంత్రాంగం సిద్ధమవుతోంది. నాయకుల వద్దకు పరుగులు.. ఒక వైపు క్రిమినల్‌ కేసులు, మరో వైపు ఆర్‌ఆర్‌ యాక్ట్‌ ద్వారా ఆస్తుల జప్తునకు అధికారులు సిద్ధం కావడంతో పలువురు రైస్‌ మిల్లు యజమానులు నాయకుల వద్దకు పరుగులు పెడుతున్నారు. జిల్లాలోని పలువురు ఎమ్మెల్యేలు, ఎంపీల వద్దకు వెళ్లి కాపాడమని వేడుకున్నవారు కొందరైతే.. అధికార పార్టీకి చెందిన ప్రముఖ నాయకుడిని హైదరాబాద్‌లో కలిసి ఈ గండం నుంచి బయట వేయాలని కోరినట్లు తెలిసింది. అయితే వచ్చిన వారందరు తమ అనుచరులు, తననే నమ్ముకొని పార్టీలో చేరిన వారు కావడంతో సదరు నాయకుడు అటు ప్రభుత్వ నిర్ణయాన్ని కాదనలేక.. ఇటు పార్టీ కార్యకర్తలకు ఏం చెప్పాలో అర్థం కాక సతమతం అవుతున్నట్లు తెలిసింది. కావాలంటే గడువు ఇప్పిస్తాం.. కానీ, డబ్బులు చెల్లించ వద్దని నేను చెప్పలేనని కొందరితో తేల్చి చెప్పినట్లు సమాచారం. అదే విధంగా ప్రతిపక్ష పార్టీకి చెందిన వారిలో కూడా సీఎంఆర్‌ చెల్లించని వారు ఉండడంతో తమకు పరిచయం ఉన్న అధికార పార్టీలోని కీలక మంత్రి ద్వారా చెప్పించుకునే ప్రయత్నాలు చేస్తున్నట్లు ప్రచారం. అయితే నా నియోజకవర్గంలోనే ఏం చేయలేక పోయానని ప్రస్తుత పరిస్థితిలో ఈ విషయంలో జోక్యం చేసుకునే అవకాశం లేదని చెప్పినట్లు తెలిసింది.

మాతృ మరణాల అదుపే లక్ష్యంహన్మకొండ అర్బన్‌ : నవజాత శిశువులు, చిన్నారుల ఆరోగ్య పరిరక్షణతోపాటు శిశు, మాతృ మరణాల రేటును తగ్గించడమే లక్ష్యంగా వరంగల్‌లో సెంట్రల్‌ జోన్‌ పిడియాట్రిక్స్‌ కాన్ఫరెన్స్‌ ప్రారంభమైనట్లు కాన్ఫరెన్స్‌ వర్క్‌షాప్‌ చైర్మన్‌ డాక్టర్‌ బలరామ్‌ తెలిపారు. శుక్రవారం ప్రారంభమైన ఈ కాన్ఫరెన్స్‌లో యువ వైద్యులకు ఆరు కీలక అంశాలపై ప్రత్యేక శిక్షణ ఇవ్వనున్నట్లు పేర్కొన్నారు. అత్యవసర వెంటిలేషన్‌, పాయింట్‌ ఆఫ్‌ కేర్‌ అల్ట్రాసౌండ్‌ (పీఓసీయూఎస్‌), పోషకాహార లోపాల నివారణ, అలర్జీ, చిన్నారులపై హింస నివారణ తదితర అంశాలపై వైద్యులకు అవగాహన కల్పించనున్నట్లు వివరించారు. 2026 ఐఏపీ ప్రెసిడెన్షియల్‌ యాక్షన్‌ ప్లాన్‌ లోని అంశాలపైనా శిక్షణ అందిస్తున్నారని, 2030 నాటికి ఐక్యరాజ్యసమితి నిర్దేశించిన సుస్థిర అభివృద్ధి లక్ష్యాలకు అనుగుణంగా శిశు, మాతృ మరణాలను గణనీయంగా తగ్గించడమే సదస్సు ప్రధాన ఉద్దేశమని వైద్య నిపుణులు తెలిపారు. సీఐఏపీ ఎగ్జిక్యూటివ్‌ బోర్డు సభ్యులు డాక్టర్‌ బి. సుగుణాకర్‌ రెడ్డి, డాక్టర్‌ కె. రాజశేఖర్‌ రావు, డాక్టర్‌ కె. వెంకటేశ్వర్‌ రావు, డాక్టర్‌ ఎం. శేషు మాధవ్‌, పీఏటీఎస్‌ ప్రతినిధులు డాక్టర్‌ గుడురు విజయ్‌ కుమార్‌, డాక్టర్‌ ఎస్‌. కష్ణమూర్తి, డాక్టర్‌ సుంకోజ్‌ భాస్కర్‌, డాక్టర్‌ ఎన్‌.ఎల్‌. శ్రీధర్‌, డాక్టర్‌ శ్రీకృష్ణ ఆర్‌ఎస్‌వీ, వరంగల్‌ పీడియాట్రిక్‌ సొసైటీ నాయకులు డాక్టర్‌ జి. రమేశ్‌, డాక్టర్‌ పి. అనిల్‌ కుమార్‌ తదితరులు పాల్గొన్నారు. సెంట్రల్‌ జోన్‌ పిడియాట్రిక్స్‌ కాన్ఫరెన్స్‌ వర్క్‌షాప్‌ చైర్మన్‌ బలరామ్‌

ఓటీటీలో ‘ఇది చూడొచ్చు’ అనే ప్రాజెక్ట్స్‌ చాలా ఉంటాయి. ప్రస్తుతం స్ట్రీమ్‌ అవుతున్న వాటిలో తమిళ చిత్రం ‘ప్యార్‌ ప్రేమ కళ్యాణం’ ఒకటి. నెట్‌ఫ్లిక్స్‌ వేదికగా స్ట్రీమ్‌ అవుతున్న ఈ చిత్రం గురించి తెలుసుకుందాం. మన సంస్కృతిలో పెళ్ళికి ఓ ప్రత్యేక స్థానం ఉంది. అలాగే పెళ్ళయ్యాక పెళ్ళి కూతురిని అత్తగారింటికి సాగనంపేంత వరకు ఎన్నో గొప్ప సాంప్రదాయాలున్నాయి. కన్న కూతురిని ఆర్భాటంగా, ఆనందంగా ఓ అయ్య చేతిలో పెట్టి అత్తగారింటికి సాగనంపడం తరతరాలుగా వస్తున్న మన ఆనవాయితీ. కానీ అలా జరగకపోతే ఎలా ఉంటుంది అన్న ఇతివృత్తంతో తెర మీదకు తీసుకువచ్చిన ప్రయత్నమే ‘ప్యార్‌ ప్రేమ కళ్యాణం’. అలాగని ఇది అత్తగారింటికి అల్లుడు ఇల్లరికం వచ్చే సినిమా మాత్రం కాదు. మరీ ముఖ్యంగా నేటి తరానికి పెళ్ళి, ఆ పై కాపురానికి సంబంధించిన సరైన పాఠమే ఈ సినిమా. తమిళ యువ దర్శకుడు ఏలన్‌ తాను రాసుకున్న కథకు దర్శకత్వం వహించి, నిర్మించి, నటించిన సినిమా ఇది. అలాగే తెలుగు నటి మేఘన, ప్రముఖ నటి రాధిక ప్రధాన పాత్రల్లో నటించారు. ఇదో రొమాంటిక్‌ కామెడీ మూవీ. యువతకు కావాల్సిన అంశాలు మెండుగా ఉన్న ఈ సినిమా కథ విషయానికొస్తే... ఏలన్‌ అనే కుర్రాడు దుబాయ్‌లో సివిల్‌ ఇంజినీర్‌ ఉద్యోగం చేస్తూ ఉంటాడు. అయితే తల్లిదండ్రులను వదిలి ఎక్కువ రోజులు ఉండలేక అక్కడి నుండి వచ్చేసి ఇక్కడ ఉద్యోగంతో పాటు పెళ్ళి ప్రయత్నాల్లో ఉంటాడు. అయితే అదే సమయంలో ఏలన్‌ అనుకోకుండా పవిత్ర అనే అమ్మాయితో ప్రేమలో పడి, పెళ్ళి దాకా తెచ్చుకుంటాడు. పైళ్ళెతే అద్భుతంగా జరుగుతుంది. పెళ్ళి కూతురుని అత్తగారింటికి సాగనంపే సమయంలోనే అసలు కథ ప్రారంభమవుతుంది. ఏలన్‌తో పైళ్ళెన తరువాత పవిత్ర తన తల్లితండ్రులను వదిలి ఉండడం ఇష్టంలేక మండపం నుండే తప్పించుకుని పరిగెడుతుంది. ఇక చేసేదేమిలేక ఏలన్‌ నిస్సహాయంగా పవిత్ర ఇంట్లోకి ఆర్భాటంగా అడుగుపెడతాడు. కొత్తల్లుడి సంబరం అలవాటైనంత వరకే అన్నట్టు ఏలన్‌ మెల్లమెల్లగా ఆ ఇంట్లో కొత్త పెళ్ళి కొడుకులా కాక కొత్త పనివాడిలా తయారవుతాడు. ఇక అక్కడి నుండి కథ అనేక మలుపులు తిరుగుతూ ప్రేక్షకులను గిలిగింతలు పెడుతుంది. మరి... పవిత్రను ఏలన్‌ తన ఇంటికి తీసుకువెళతాడా? లేదా అన్నది మాత్రం నెట్‌ఫ్లిక్స్‌ వేదికగా స్ట్రీమ్‌ అవుతున్న ‘ప్యార్‌ ప్రేమ కళ్యాణం’ సినిమా చూసి తెలుసుకోవాల్సిందే. – హరికృష్ణ ఇంటూరు

ఖమ్మంక్రైం: ఖమ్మం జిల్లాలో పలువురు ఎస్సైలను బదిలీ చేస్తూ పోలీసు కమిషనర్‌ సునీల్‌దత్‌ శుక్రవారం ఉత్తర్వులు జారీ చేశారు. వీఎం బంజర ఎస్సై కె.వెంకటేష్‌ను ఖమ్మం ఖానాపురం హవేలీ ఎస్సైగా, అక్కడి ఎస్సై మధుబాబును మహబూబాబాద్‌ జిల్లాకు బదిలీ చేశారు. అలాగే, వీఆర్‌లో ఉన్న పి.ప్రదీప్‌ను వేంసూరుకు కేటాయించగా, మహబూ బాబాద్‌ జిల్లా నుంచి వచ్చిన ఎస్సై షేక్‌ షకీర్‌ను వీఎం బంజర్‌ ఎస్సైగా నియమించారు. రాష్ట్రస్థాయి పోటీలకు ఎంపిక కురవి: మండలంలోని రాజోలు జెడ్పీ హైస్కూ ల్‌కు చెందిన ఆరుగురు విద్యార్థులు ఆట్యా–పాట్యా క్రీడల్లో రాష్ట్రస్థాయికి ఎంపికై నట్లు పాఠశాల పీడీ కాశీనాఽథ్‌, హెచ్‌ఎం దామోదర్‌ తెలిపారు. రాష్ట్ర స్థాయికి ఎంపికై న విద్యార్థులను శుక్రవారం పాఠశాలలో అభినందించారు. ఈనెల 29 నుంచి 31వ తేదీ వరకు నిర్మల్‌ జిల్లాలో జరిగే పోటీలకు పాఠశాలకు చెందిన బస్వ మణిచరణ్‌, బి.రాకేష్‌, శివ, మాలోత్‌ రాంచరణ్‌, మాలోత్‌ భానుప్రకాశ్‌, కుర్రి అనిల్‌ ఎంపికై నట్లు వివరించారు. కార్యక్రమంలో ఉపాధ్యాయులు మోహన్‌, బీకు, రాజేశ్వరి, కిషన్‌, వసంత, భవాని, కిరణ్‌, సతీష్‌, నరేష్‌, రజనీరాణి, శ్రీదేవి, రాము, పాఠశాల చైర్‌పర్సన్‌ ఈశ్వరీ పాల్గొన్నారు. క్రీడా దినోత్సవం నిర్వహించాలి మహబూబాబాద్‌ అర్బన్‌: జిల్లాలో నేటి నుంచి ఈ నెల 30వ తేదీ వరకు క్రీడా దినోత్సవం నిర్వహించాలని జిల్లా యువజన క్రీడల శాఖ అధికారి ఓలేటి జ్యోతి పిలుపునిచ్చారు. జిల్లా కేంద్రంలోని మైనార్టీ బాలుర గురుకుల పాఠశాలలో శుక్రవారం జాతీయ క్రీడా దినోత్సవం పురస్కరించుకొని జిల్లా క్రీడల శాఖ అధికారి జ్యోతి, పాఠశాల ఉపాధ్యాయులు భారత హాకీ దిగ్గజం మేజర్‌ ధ్యాన్‌చంద్‌ చిత్రపటానికి పూలమాల వేసి నివాళులర్పించారు. ఈ సందర్భంగా జ్యోతి మాట్లాడుతూ.. విద్యార్థులు చదువుతో పాటు క్రీడల్లో రాణించి దేశానికి కీర్తి ప్రతిష్టలు తీసుకురావాలన్నారు. కార్యక్రమంలో పాఠశాల ప్రిన్సిపాల్‌ శ్రీనివాస్‌రావు, పీడీ నసీరుద్దీన్‌, తైక్వాండో కోచ్‌ రాంబాబునాయక్‌, అథ్లెటిక్‌ కోచ్‌ దాక్షినాయక్‌, పాఠశాల సిబ్బంది యాదగిరి, రమేశ్‌, సాజిద్‌, రవి, వెంకన్న, విద్యార్థులు పాల్గొన్నారు. తాళం వేసి ఉన్న ఇంట్లో చోరీ ● 3 తులాల బంగారం, 30 తులాల వెండి, రూ.5వేల నగదు అపహరణగార్ల: తాళం వేసి ఉన్న ఇంట్లో దుండగులు చోరీకి పాల్పడ్డాడు. ఈ ఘటన మండలంలోని గుంపెళ్లగూడెంలో చోటుచేసుకుంది. స్థానికులు, పోలీసుల కథనం ప్రకారం.. గ్రామానికి చెందిన సిద్దబోయిన జోగయ్య గార్ల గిరిజన బాలికల ఆశ్రమ పాఠశాలలో ప్రధానోపాధ్యాయుడిగా విధులు నిర్వహిస్తూ పాఠశాల వసతిగృహంలో ఉంటున్నాడు. నాలుగు రోజులకు ఒకసారి తన స్వగ్రామం గుంపెళ్లగూడెం వెళ్లి అక్కడ ఒకరోజు ఉండి వస్తుంటాడు. ఈ క్రమంలో దీనిని గమనించిన దుండగులు శుక్రవారం తెల్లవారుజామున తాళం పగులగొట్టి ఇంట్లోకి ప్రవేశించి బీరువాలోని 3 తులాల బంగారం, 30 తులాల వెండి ఆభరణాలు, రూ.5,000 నగదు ఎత్తుకెళ్లారు. ఉదయం ఇరుగుపొరుగు వారు ఇంట్లోకి వెళ్లి చూడగా బీరువా పగులగొట్టి ఉంది. వెంటనే వారు సమాచారం ఇవ్వడంతో హెచ్‌ఎం జోగయ్య ఇంటికి వెళ్లి చూడగా బీరువాలోని బంగారం, నగదు చోరీకి గురై కనిపించింది. దీంతో వెంటనే పోలీసులకు ఫిర్యాదు చేయగా ఎస్సై సాయికుమార్‌ ఆధారాలు సేకరించారు. అనంతరం బాధితుడి ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఎస్సై తెలిపారు.

వర్ధన్నపేటకు చెందిన వడ్లకొండ సాయి చరణ్‌ రెండేళ్ల క్రితం అనారోగ్యంతో మృతి చెందాడు. అతడి జ్ఞాపకార్థం తల్లిదండ్రులు తమ వ్యవసాయ క్షేత్రంలో విగ్రహం ఏర్పాటు చేశారు. ఈ క్రమంలో అన్న లేకపోయినా అతడి జ్ఞాపకాలు శాశ్వతమని నిరూపిస్తూ చెల్లి శ్రీకృతి శుక్రవారం సాయిచరణ్‌ విగ్రహానికి రాఖీ కట్టి ప్రేమానురాగాలను చాటుకుంది. –వర్ధన్నపేట● సోదరుల విగ్రహాలకు రాఖీ కట్టి ఆప్యాయతను పంచిన చెల్లెళ్లు మహబూబాబాద్‌ జిల్లా ఇనుగుర్తి మండలం చిన్ననాగారం గ్రామానికి చెందిన గుగులోత్‌ లక్ష్మణ్‌ మూడేళ్ల క్రితం మృతి చెందాడు. అతడి జ్ఞాపకార్థం కుటుంబ సభ్యులు తమ వ్యవసాయ క్షేత్రంలో విగ్రహం ఏర్పాటు చేశారు. ఈ క్రమంలో ఏటా చెల్లెళ్లు బానోత్‌ లింగమ్మ, వాంకుడోత్‌ రాధ.. లక్ష్మణ్‌ విగ్రహానికి రాఖీ కడుతున్నారు. ఈ ఏడాది కూడా లక్ష్మణ్‌ విగ్రహంతోపాటు మరో సోదరుడు రవికి రాఖీ కట్టి తమ ఆప్యాయతను చాటుకున్నారు. –ఇనుగుర్తి డ్యూటీలో ఉన్న తమ్ముడికి రాఖీ ఆ అక్కా తమ్ముళ్ల ప్రేమాభిమానాలు చక్కటి అనుబంధానికి ప్రతీకగా నిలిచాయి. టీజీఎస్‌ ఆర్టీసీ వరంగల్‌–1 డిపోలో కండక్టర్‌గా ఉద్యోగం చేస్తున్న తమ్ముడు శ్రీనివాస్‌కు శుక్రవారం రాఖీ కట్టేందుకు అక్క కడారి రేణుక దామెర నుంచి హనుమకొండకు వచ్చింది. తమ్ముడు డ్యూటీలో ఉన్నాడని తెలుసుకుని హనుమకొండ బస్‌స్టేషన్‌కు చేరుకుంది. గంట సేపు తర్వాత పాలకుర్తి రూట్‌లో డ్యూటీచేస్తూ బస్‌స్టేషన్‌కు తమ్ముడు శ్రీనివాస్‌ చేరుకోగానే బస్సు ఎక్కి రాఖీ కట్టింది. ఈ దృశ్యాన్ని చూసిన ప్రయాణికులు అక్కాతమ్ముడి మధ్య ఉన్న ప్రేమను అభినందించారు. –హన్మకొండ

● ప్రిషా సింగ్‌, రాశీ సింగ్‌, విష్ణుప్రియ‘అల్లరి’ నరేష్‌ హీరోగా నటించిన ఫ్యాంటసీ కామెడీ సినిమా ‘రంభ ఊర్వశి మేనక’. సురభి హీరోయిన్‌గా నటించిన ఈ చిత్రంలో రాశీ సింగ్‌, విష్ణు ప్రియ, ప్రిషా సింగ్‌ కీలక పాత్రల్లో నటించారు. చంద్రమోహన్‌ చింతాడ దర్శకత్వంలో రాజేష్‌ దండా, నిమ్మకాయల ప్రసాద్‌ నిర్మించిన ఈ చిత్రం సెప్టెంబరు 4న విడుదల కానుంది. గురువారం ఈ సినిమాలోని ‘రంభ ఊర్వశి మేనక... స్టెప్‌ వేస్తే తెల్లార్లూ వేడుక..’ అంటూ సాగే టైటిల్‌ సాంగ్‌ను రిలీజ్‌ చేశారు మేకర్స్‌. ‘మా ఊరు స్వర్గమండి... అది ఆకాశం అంచున ఉంటదండి..., అరె... దిగి వచ్చాం... పండగే చేసుకోండి...’ అంటూ సాగే ఈ పాటకు సురేష్‌ బనిసెట్టి సాహిత్యం అందించగా, విజయ్‌ పోలాకి కొరియోగ్రఫీ వహించారు. ఈ చిత్రసంగీత దర్శకుడు చేతన్‌ భరద్వాజ్‌ స్వరకల్పనలో ధనుంజయ్‌ సీపాన, సాహితీ చాగంటి ఈ పాటను పాడారు. సాంగ్‌ లాంచ్‌ ఈవెంట్‌లో రాశీ సింగ్‌ మాట్లాడుతూ– ‘‘నా కెరీర్‌లో నేను చేసిన డిఫరెంట్‌ సినిమా ఇది. మంచి ఎంటర్‌టైన్‌మెంట్‌ ఉంటుంది’’ అన్నారు. ‘‘ఈ చిత్రం నుంచి చాలా విషయాలు నేర్చుకున్నాను’’ అని చెప్పారు ప్రిషా సింగ్‌. ‘‘రంభ ఊర్వశి మేనకల చుట్టూ తిరిగే కథ ఇది’’ అని తెలిపారు విష్ణుప్రియ.

● ఎమ్మెల్సీ పింగిలి శ్రీపాల్‌రెడ్డి మహబూబాబాద్‌ అర్బన్‌: ఉద్యోగ, ఉపాధ్యాయుల ప్రయోజనాలే పీఆర్టీయూ ప్రధాన లక్ష్యమని ఎమ్మెల్సీ పింగిలి శ్రీపాల్‌రెడ్డి అన్నారు. జిల్లా కేంద్రంలోని ఓ ప్రైవేట్‌ ఫంక్షన్‌ హాల్‌లో పీఆర్టీయూ సర్వసభ్య సమావేశం నిర్వహించారు. ఎమ్మెల్సీ శ్రీపాల్‌రెడ్డి హాజరై మాట్లాడుతూ.. ఉపాధ్యాయుల సమస్యల పరిష్కారం కోసం సెప్టెంబర్‌ 1న ఉద్యమ కార్యాచరణకు శ్రీకారం చూడుతామని, అవసరమైతే అసెంబ్లీ ముట్టడి, ఆమరణ నిరాహార దీక్ష వంటి ప్రజాస్వామ్య పోరాట కార్యాక్రమాలకు కూడా సిద్ధంగా ఉండాలన్నారు. సీపీఎస్‌ రద్దు, ఓపీఎస్‌ సాధనకు పోరాడాలని, 2003 డీఎస్సీ ఉపాధ్యాయులకు ఓపీఎస్‌ అమలు చేయాలన్నారు. హెల్త్‌స్కీమ్‌ పూర్తిస్థాయిలో అమలు చేయాలని, నూతన పీఆర్సీ ఏర్పాటు చేయాలన్నారు. పెండింగ్‌ డీఏల బకాయిలు విడుదల చేయాలని, పారదర్శక పదోన్నతులు, బదిలీలు, ఏకీకృత సర్వీస్‌ రూల్స్‌, కేజీబీవీ, మోడల్‌ స్కూల్‌ ఉపాధ్యాయుల సమస్యలను పరిష్కరించాలన్నారు. కార్యక్రమంలో పీఆర్టీయూ జిల్లా మాజీ అధ్యక్షుడు సంకా బద్రినారాయణ, ఏఎఫ్‌ఐటీఓ రాష్ట్ర ఉపాధ్యక్షురాలు గీత, నాయకులు తదితరులు పాల్గొన్నారు.

సాక్షి, మహబూబాబాద్‌: ప్రభుత్వ ప్రతిష్టాత్మకంగా చేపట్టిన ఎస్‌ఐఆర్‌(సర్‌) ముసాయిదా ఓటరు జాబితాలో పలు తప్పులు దొర్లాయి. జిల్లాలో 80వేలకు పైగా ఓటర్లకు సంబంధించి మ్యాపింగ్‌, పలు అంశాలు తప్పుగా నమోదు కావడంతో వాటిని సవరించేందుకు నోటీసులు జారీ చేస్తున్నారు. ఈమేరకు గురువారం జిల్లా వ్యాప్తంగా నిర్వహించిన గ్రామ సభల్లో బీఎల్‌ఓలు సవరణ జాబితాలో ఉన్న పేర్లు చదువగా.. చిన్న చిన్న తప్పులు, ఫారాలు నింపే సందర్భంలో తప్పులుగా నమోదు కావడం, ఒకే ఇంటిపేరుతో ఉన్న పలువురు ఓటర్ల పిల్లలకు కూడా నోటీసులు రావడం, తండ్రి పేరు సరైనదే అనే ధ్రువీకరణ పత్రాలు చూపించేందుకు ఓటర్లు ఇబ్బందులు పడ్డారు. అయితే 12 రకాల గుర్తింపు కార్డుల ఆధారంగా జాబితాలో సవరణ చేసే పనిలో అధికారులు నిమగ్నమయ్యారు. తప్పుల నమోదు ఇలా.. ● డోర్నకల్‌ పట్టణంలోని 14 వార్డులో ఓటరు పేరు షేక్‌ షబియానా బేగంగా నమోదు కాగా.. ఇప్పుడు ఎండీ షబియానా బేగంగా నమోదు అయ్యింది. అయితే గతంలో షేక్‌ అని నమోదు చేయడం తప్పుగా భావించి కొత్త జాబితాలో ఎండీగా మార్చారు. అయితే ఇప్పుడు పేరు తప్పుగా ఉందని సవరణ జాబితాలో చేర్చి గ్రామ సభలో చదివి వినిపించారు. అయితే ఇతర ఆధారాలు చూపించడంతో ఓటరు సవరణ ప్రక్రియ చేశారు. ● మహబూబాబాద్‌ రూరల్‌ మండలంలోని లక్ష్మీపురం తండా గ్రామంలో 741 మంది ఓటర్లు ఉన్నారు. ఇందులో 193 మంది ఓటర్లను సవరణ జాబితాలో చేర్చారు. ఇందులో తల్లిదండ్రుల పేర్లు, అత్తామామలు, ఇంటిపేర్లు, కుటుంబ సభ్యుల వివరాలు తప్పుగా వచ్చినట్లు పేర్కొంటూ సవరణ జాబితాలో చేర్చారు. అయితే ఎన్యూమరేషన్‌ ఫారం సమర్పణలో తొందర పాటు, భర్తీ చేయడంలో తప్పులు చేయడంతోనే ఈ పరిస్థితి నెలకొందని స్థానికులు చెబుతున్నారు. గ్రామ సభలో సవరణ జాబితాలో ఉన్న వారు స్టడీ సర్టిఫికెట్‌, ఇతర ఆధారాలు చూపించి సరిచేసుకోవాలని సూచించారు. ● నర్సింహులపేట మండలంలో ఆకుతోట ఇంటి పేరుతో ఉన్న ఓటర్లు, తండ్రి పేరు ఒకే విధంగా ఉండడంతో ఆ ఓట్లు సరైనవి కాదని సవరణ జాబితాలో చేర్చారు. నిజానికి ఒకే ఇంటిపేరు, ఒకే పేరుతో పలువురు ఓటర్లు ఉన్న విషయం వాస్తవమే. అయితే తండ్రి పేరు సరైనదే అని చూపించేందుకు అక్షరాస్యులు స్టడీ, ఇతర సర్టిఫికెట్లు చూపించగా.. నిరక్షరాస్యులు, వృద్ధులు తప్పులను సరిచేసుకునేందుకు సరైన ఆధారాలు లేక ఇబ్బందులు పడ్డారు. 1006 ఓటర్లలో 451 మందికి నోటీసులు కురవి: సీరోలు మండలం ఉప్పరిగూడెం గ్రామంలో సర్పంచ్‌ మల్లికంటి సురేష్‌ అధ్యక్షతన గురువారం సర్‌పై గ్రామ సభ నిర్వహించారు. గ్రామంలో 1081 ఓట్లు ఉండగా.. అందులో 75 ఓట్లు షిఫ్ట్‌, డెత్‌ ఉన్నాయి. మిగిలిన 1006 ఓట్లలో 451 మంది ఓటర్ల పేర్లు అన్‌మ్యాప్డ్‌, అనామలీస్‌ జాబితాలో ఉన్నాయి. 451మందికి నోటీసులు అందజేశారు. కాగా, 451 మంది ఓటర్లకు నోటీసులు రావడంతో ఓట్లు ఉంటాయా? పోతాయా? అనే అనుమానాలను సర్పంచ్‌ సురేష్‌ వ్యక్తం చేశారు. కార్యక్రమంలో పంచాయతీ కార్యదర్శి శ్రీలత, బీఎల్‌ఓలు వెంకటేశ్వర్లు, కాంగ్రెస్‌ పార్టీ బీఎల్‌ఓ తోట మధు, వార్డు సభ్యుడు కన్నం రాంబాబు, కాంగ్రెస్‌ పార్టీ మూడు మండలాల సర్‌ ఇన్‌చార్జ్‌ గొల్లపల్లి రజనీకాంత్‌, కాంగ్రెస్‌ పార్టీ గ్రామ అధ్యక్షుడు ఐలి శ్రీనివాస్‌గౌడ్‌ పాల్గొన్నారు. పేరు చివర కులం ఉండడంతో నోటీసు ఇచ్చారు గార్ల: ఓటరు జాబితాలో మొదటి నుంచి నా పేరు కోల కుమార్‌ అని ఉంది. అయితే 2002 ఓటరు జాబితాలో కులం పేరుతో కోల కుమార్‌గౌడ్‌ గా ఉన్నందున గ్రామసభలో బీఎల్‌ఓ నోటీసు ఇచ్చారు. జాబితాలో ఒకేపేరుతో ఓటరుగా నమోదు కావాలని నోటీస్‌ ఇచ్చారు. ఈమేరకు బీఎల్‌ఓకు కుల ధ్రువీకరణ, ఆధార్‌కార్డు, పాన్‌కార్డు జిరాక్స్‌ కాపీలను ఇచ్చాను. ఓటుపోకుండా సరిచేస్తామని బీఎల్‌ఓ తెలిపారు. – కోల కుమార్‌గౌడ్‌, గార్ల ఒకే ఇంటిపేరు ఉన్న ఓటర్లను వేధిస్తున్న సమస్యలు తల్లిదండ్రుల వయస్సు తేడాతో ఇబ్బంది పేర్లు తప్పుగా పడడంతో సవరణ జాబితాలోకి..

● ‘అంతులేని కథ’ సినిమాలో..ప్రముఖ నటుడు, నిర్మాత జీవీ నారాయణ రావు(73) ఇక లేరు. కొంతకాలంగా అనారోగ్య సమస్యలతో బాధపడుతున్న ఆయన బుధవారం తుది శ్వాస విడిచారు. కృష్ణా జిల్లా కురుమద్దాలి గ్రామంలో జన్మించిన నారాయణరావు బాల్యం, విద్యాభ్యాసం గుంతకల్లులో సాగింది. చిన్నతనం నుంచే నాటకాలు, నటనంటే ఆయనకు మక్కువ.. గిడుగు విశాలాక్షి వద్ద భరతనాట్యం, నటరాజ రామకృష్ణ వద్ద కూచిపూడి నృత్యం, ఏఆర్‌ కృష్ణ వద్ద నటన నేర్చుకున్నారు. విద్యార్థి దశలోనే ‘మహమ్మద్‌ బీన్‌ తుగ్లక్‌, ప్రతాప రుద్రీయం, మంచుతెర’ వంటి పలు నాటకాలు వేసి, తనదైన నటనతో మెప్పించారాయన. కోట శ్రీనివాసరావు, నూతన ప్రసాద్‌, దేవదాస్‌ కనకాల వంటి పలువురితో కలిసి రంగస్థల వేదికను పంచుకున్నారాయన. వారి మధ్య మంచి స్నేహం కూడా ఉంది. ‘అంతులేని కథ’తో పరిచయం నటనపై ఆసక్తితో మద్రాస్‌ ఫిల్మ్‌ ఇన్‌స్టిట్యూట్‌లో శిక్షణ పొందారు నారాయణరావు. ప్రముఖ దర్శకుడు కె. బాలచందర్‌ తెరకెక్కించిన ‘అంతులేని కథ’ సినిమా ద్వారా ఇండస్ట్రీకి పరిచయం అయ్యారు. రజనీకాంత్‌, జయప్రద, శ్రీప్రియ, ఫటాఫట్‌ జయలక్ష్మి ముఖ్య పాత్రల్లో నటించిన ఈ చిత్రం 1976 ఫిబ్రవరి 27న విడుదలై, మంచి విజయాన్ని సొంతం చేసుకుంది. ఈ సినిమాలో ‘వికటకవి గోపాల్‌’ పాత్రలో తనదైన నటనతో మంచి గుర్తింపు తెచ్చుకున్నారు నారాయణ రావు. తొలి సినిమాకే ఉత్తమ సహాయ నటుడిగా ఆంధ్రప్రదేశ్‌ ప్రభుత్వం నుంచి నంది అవార్డు అందుకున్నారు. ప్రత్యేకించి ఈ సినిమాలో ‘తాళికట్టు శుభవేళ... మెడలో కళ్యాణ మాల...’ పాటలో ఆయన నటనకు ప్రశంసలు దక్కాయి. ఆ తర్వాత ‘ముత్యాల పల్లకి, ఒక ఊరి కథ, చిలకమ్మ చెప్పింది, ఆలు మగలు, గుప్పెడు మనసు, కుక్క కాటుకు చెప్పు దెబ్బ, బడాయి బసవయ్య, ఊరుకిచ్చిన మాట, చట్టానికి కళ్ళు లేవు, మంచు పల్లకి, ప్రళయ రుద్రుడు, బహుదూరపు బాటసారి, దేవాంతకుడు, ప్రేమాయణం, యముడికి మొగుడు, ముత్యమంత ముద్దు, రాజా విక్రమార్క, సీతారామయ్యగారి మనవరాలు, గ్యాంగ్‌ లీడర్‌, ప్రేమ చిత్రం పెళ్లి విచిత్రం, హిట్లర్‌, సాహసం, మహా భక్త సిరియాళ, రాజుగారి గది 2, తోలు బొమ్మలాట’ వంటి సుమారు 100కు పైగా చిత్రాల్లో హీరోగా, క్యారెక్టర్‌ ఆర్టిస్టుగా నటించి, ప్రేక్షకులకు దగ్గరయ్యారు నారాయణ రావు. తెలుగులో ఆయన నటించిన చివరి చిత్రం ‘స్కైలాబ్‌’. 2021 డిసెంబరు 4న ఈ మూవీ విడుదలైంది. నిర్మాతగానూ... నటనతో పాటు నిర్మాణ రంగంలోనూ నారాయణరావుకి మంచి అనుభవం ఉంది. నిర్మాతగా ‘యముడికి మొగుడు, దేవాంతకుడు, ఇంటికో రుద్రమ్మ, పెళ్ళి నీకు శుభం నాకు’ వంటి సినిమాలను నిర్మించారు. మద్రాస్‌ ఫిల్మ్‌ ఇన్‌స్టిట్యూట్‌లో శిక్షణ పొందుతున్నప్పుడు ఆయనకు రజనీకాంత్‌తో మంచి స్నేహం కుదిరింది. రజనీకాంత్‌, చిరంజీవితో ఆయనకు సన్నిహిత స్నేహం ఉంది. చిరంజీవి హీరోగా ‘దేవాంతకుడు, యముడికి మొగుడు’ వంటి చిత్రాలు నిర్మించారు. ‘యముడికి మొగుడు’ సినిమాని తన మిత్రుడు రజనీకాంత్‌తో తమిళంలోనూ రీమేక్‌ చేశారు. బుల్లి తెరపైనా... ‘పసుపు కుంకుమ, సుందరకాండ, గిరిజా కళ్యాణం, గీతాంజలి’ వంటి సీరియల్స్‌ ద్వారా బుల్లితెర ప్రేక్షకులనూ అలరించారు నారాయణ రావు. ఐదు దశాబ్దాల సినీ ప్రయాణంలో నటుడిగా, నిర్మాతగా చిత్ర పరిశ్రమతో అనుబంధాన్ని కొనసాగించారాయన. నారాయణరావుకు ఒక కుమారుడు, కుమార్తె ఉన్నారు. ఆయన మృతి పట్ల మూవీ ఆర్టిస్ట్స్‌ అసోసియేషన్‌, సినీ ప్రముఖులు సంతాపం తెలిపారు. నేడు ఆయన అంత్యక్రియలు మహాప్రస్థానంలో జరగనున్నాయి. నా ఆత్మీయ మిత్రుడు జీవీ నారాయణరావుగారు ఇక లేరనే వార్త తీవ్ర దిగ్భ్రాంతికి గురి చేసింది. 1976లో ‘అంతులేని కథ’తో పరిచయమైన ఆయన ఎన్నో చిత్రాల్లోనూ, పలు టెలివిజన్‌ సీరియళ్లలోనూ తన విలక్షణమైన నటనతో ప్రేక్షకుల హృదయాల్లో ప్రత్యేక స్థానాన్ని సంపాదించుకున్నారు. నారాయణరావుగారితో నాకెంతో సన్నిహితమైన అనుబంధం ఉంది. ‘దేవాంతకుడు, యముడికి మొగుడు’ వంటి చిత్రాలను నాతో నిర్మించిన నిర్మాతగా మా ప్రయాణంలో ఎన్నో మధురమైన జ్ఞాపకాలు ఉన్నాయి. ఆయన ఆత్మకు శాంతి చేకూరాలని భగవంతుణ్ణి ప్రార్థిస్తూ, వారి కుటుంబ సభ్యులకు, సన్నిహితులకు, నా ప్రగాఢ సానుభూతిని తెలియజేస్తున్నాను. – చిరంజీవి

విజయ దశమి సందర్భంగా థియేటర్స్‌లోకి రానున్నాడు రణబాలి. విజయ్‌ దేవరకొండ హీరోగా నటిస్తున్న పీరియాడికల్‌ యాక్షన్‌ డ్రామా ‘రణబాలి’. ఈ చిత్రంలో రణ బాలిగా విజయ్‌ దేవరకొండ, జయమ్మగా రష్మికా మందన్నా, సర్‌ థియోడర్‌ హెక్టర్‌ పాత్రలో ఆర్నాల్డ్‌ వోస్లూ నటిస్తున్నారు. 19వ శతాబ్దం నేపథ్యంలో రాయలసీమ ప్రాంతంలో 1854 నుంచి 1878 మధ్య బ్రిటిష్‌ పాలనా కాలంలో జరిగిన కొన్ని చారిత్రక వాస్తవ సంఘటనలతో రూపొందుతున్న ఈ సినిమాకు రాహుల్‌ సంకృత్యాన్‌ దర్శకత్వం వహిస్తున్నారు. టీ సిరీస్‌ సమర్పణలో నవీన్‌ యెర్నేని, వై. రవిశంకర్‌ నిర్మిస్తున్నారు. తొలుత ఈ సినిమాను సెప్టెంబరు 11న రిలీజ్‌ చేయాలనుకున్నారు మేకర్స్‌. కానీ కొన్ని కారణాల వల్ల కుదరలేదు. తాజాగా ‘రణబాలి’ని విజయదశమి సందర్భంగా అక్టోబరు 16న రిలీజ్‌ చేయనున్నట్లు ప్రకటించి, కొత్త పోస్టర్‌ను రిలీజ్‌ చేశారు.

న్యూశాయంపేట: ఉద్యోగస్తులు ఎదుర్కొంటున్న సమస్యల సాధనకు టీజీఓ సంఘం అండగా ఉంటుందని సంఘం రాష్ట్ర అధ్యక్షుడు ఏలూరి శ్రీనివాస్‌రావు తెలిపారు. హనుమకొండలోని వరంగల్‌ క్లబ్‌లో గురువారం జరిగిన తెలంగాణ గెజిటెట్‌ ఆఫీసర్స్‌ అసోసియేషన్‌ వరంగల్‌ జిల్లా సర్వసభ్య సమావేశంలో ముఖ్యఅతిథిగా పాల్గొని మాట్లాడారు. ఈ సందర్భంగా ఆయన మాట్లాడుతూ.. రాష్ట్రంలోని ఉద్యోగులు ఎదుర్కొంటున్న వివిధ సమస్యలపై టీజీఈ జాక్‌ ప్రభుత్వానికి సమర్పించిన డిమాండ్లను వెంటనే పరిష్కరించాలన్నారు. సమావేశంలో పలు తీర్మానాలను ఏకగ్రీవంగా ఆమోదించారు. ఈ సందర్భంగా జిల్లా అధ్యక్షుడిగా తహసీల్దార్‌ పీఎస్‌.ఫణీకుమార్‌, కార్యదర్శిగా డాక్టర్‌ రాజేష్‌రెడ్డిని ఏకగ్రీవంగా ఎన్నుకున్నారు. కార్యక్రమంలో రాష్ట్ర కార్యదర్శి శ్యాం , సమావేశంలో సహాధ్యక్షులు ఉపేందర్‌రెడ్డి, శ్రీనివాస్‌, వెంకటేశ్వర్లు, శేషు, రవిప్రసాద్‌, ప్రేమలత, పవిత్ర, హేమలత, స్వాతి, హనుమకొండ జిల్లా కార్యదర్శి డాక్టర్‌ ప్రవీణ్‌కుమార్‌, కోశాధికారి రాజేష్‌కుమార్‌ సెంట్రల్‌ అసోషియేషన్‌ కార్యదర్శులు కిరణ్‌కుమార్‌, కే.రాజేష్‌కుమార్‌, ఏ.శ్రీనివాస్‌, మాధవరెడ్డి, రఘుపతిరెడ్డి, రవిప్రసాద్‌ తదితరులు పాల్గొన్నారు. టీజీఓ రాష్ట్ర అధ్యక్షుడు శ్రీనివాస్‌రావు

వరంగల్‌ చౌరస్తా : విద్యార్థులు, ఉపాధ్యాయులు, సిబ్బందితో కళకళలాడే వరంగల్‌ ప్రభుత్వ పాలిటెక్నిక్‌ కళాశాలలు గురువారం పోలీసుల నిర్భంధంలో చేరాయి. గత కొద్ది రోజులుగా పాలిటెక్నిక్‌ విద్య, ఉన్నత చదువులపై అనుమానాలు వ్యక్తం చేస్తూ విద్యార్థులు, పీపీపీ విధానంతో వేతనాల్లో కోత అనే ఆవేదనతో అధ్యాపకులు, సిబ్బంది ఆందోళన బాట పట్టారు. రాష్ట్ర మాజీ మంత్రి, బీఆర్‌ఎస్‌ డిప్యూటీ ఫ్లోర్‌ లీడర్‌ తన్నీరు హరీశ్‌రావు పాలిటెక్నిక్‌ను సందర్శించి, విద్యార్థులకు సంఘీభావం ప్రకటించే పర్యటన ఖరారైంది. ఈ నేపథ్యంలో శాంతి భద్రతల పరిరక్షణలో భాగంగా మట్టెవాడ పోలీసులు ఉదయమే కళాశాల ప్రాంగణానికి చేరుకున్నారు. ఎంజీ ఎం రోడ్డులో గేట్‌ మూసి వేయించారు. భద్రకాళీ అర్చీ వద్ద బారికేడ్లను ఏర్పాటు చేశారు. ప్రైవేట్‌ వాహనాల రాకపోలను నిలువరించారు. కళాశాల విద్యార్థులను ముగ్గురు, నలుగురు చొప్పున లోనికి అనుమతించారు. కళాశాలలో ఎలాంటి ఆందోళన చేపట్టకూడదని అధ్యాపకులు, విద్యార్థులకు హెచ్చరికలు చేశారు. విద్యార్థులను కలిసేందుకు కాలేజీకి వచ్చే కుటుంబ సభ్యులను నిరాకరించారు. హరీశ్‌రావు పర్యటనలో భాగంగా బీఆర్‌ఎస్‌ నాయకుడు ఏనుగుల రాకేష్‌ రెడ్డి అక్కడి చేరుకోగా వెనక్కి పంపించారు. బీఆర్‌ఎస్‌ నాయకురాలు డాక్టర్‌ హరీ రమాదేవి, నాయకులు రంజిత్‌, కొండకండ్ల సదాంత్‌, వడిచర్ల ప్రసాద్‌, ఇజ్జగిరి బీమ్‌ రాజ్‌, గొర్రె విజయ్‌, విద్యార్థి సంఘాల నాయకులను అరెస్టు చేసి స్టేషన్‌కు తరలించారు. హనుమకొండ కలెక్టరేట్‌ వద్ద హరీశ్‌ రావును పోలీసులు అరెస్టు చేశారు. దీంతో ఆయన పర్యాటన రద్దయింది. ఉదయం 9 గంటల నుంచి మధ్యాహ్నం 1:30 గంటల వరకు పాలిటెక్నికల్‌ కాలేజీ వద్ద ఉద్రిక్తత పరిస్థితులు నెలకొన్నాయి. బందోబస్తులో సీఐలు వెంకటేశ్వర్లు, సుజాత, ఎస్‌ఐ శివకృష్ణ సిబ్బంది పాల్గొన్నారు. పలువురు బీఆర్‌ఎస్‌ నేతల అరెస్టు

వరంగల్‌ స్పోర్ట్స్‌: ఉమ్మడి వరంగల్‌ జిల్లా మహిళా క్రికెట్‌ జట్ల ఎంపికలు గురువారం కరుణాపురం సమీపం వంగాలపల్లిలోని వరంగల్‌ జిల్లా క్రికెట్‌ అసోసియేషన్‌ మైదానంలో జరిగాయి. జిల్లా వ్యాప్తంగా సుమారు 40 మందికి పైగా మహిళా క్రికెటర్లు ఎంపికలో పాల్గొన్నట్లు డబ్ల్యూడీసీఏ కార్యదర్శి చాగంటి శ్రీనివాస్‌ తెలిపారు. హెచ్‌సీఏ సెలెక్టర్లు సునీత ఆనంద్‌, అన్నా మరియా, రేవతి హాజరై ప్రతిభ కనబరిచిన క్రీడాకారులను జిల్లా జట్లకు ఎంపిక చేశారు. ఎంపికై న క్రికెటర్లు హెచ్‌సీఏ ఆధ్వర్యంలో హైదరాబాద్‌ కేంద్రంగా త్వరలో జరగనున్న వివిధ ఫార్మాట్‌ లీగ్‌ పోటీల్లో పాల్గొంటారని పేర్కొన్నారు. కార్యక్రమంలో హెచ్‌సీఏ ప్రతినిధులు రవికుమార్‌ రెడ్డి, వెలిశాల నిశాంత్‌రావు, డబ్ల్యూడీసీఏ సభ్యులు భరణి తోట రాము, సంయుక్త కార్యదర్శి బస్వరాజు ఉపేందర్‌ పాల్గొన్నారు.

సాక్షి ప్రతినిధి, వరంగల్‌/భూపాలపల్లి: ఓ వైపు ప్రభుత్వ ప్రశంసలు.. మరోవైపు ఆదాయానికి మించిన ఆస్తుల ఆరోపణలు.. మైన్స్‌ అండ్‌ జియాలజీ శాఖ అసిస్టెంట్‌ డైరెక్టర్‌, వరంగల్‌ డిప్యూటీ డైరెక్టర్‌గా ఇన్‌చార్జ్‌ బాధ్యతలు నిర్వర్తిస్తున్న బొజ్జ జయరా జు వ్యవహారం ఇప్పుడు సంచలనంగా మారింది. 12 జిల్లాల పర్యవేక్షణ.. జయశంకర్‌ భూపాలపల్లి జిల్లాలో గనులు, భూగర్భశాఖ అసిస్టెంట్‌ డైరెక్టర్‌గా 2024 మార్చి 15న జయరాజు బాధ్యతలు చేపట్టారు. 2025 అక్టోబర్‌ 8 నుంచి వరంగల్‌ మైన్స్‌ అండ్‌ జియాలజీ డిప్యూటీ డైరెక్టర్‌గా ఫుల్‌ అడిషనల్‌ ఇన్‌చార్జ్‌ (ఎఫ్‌ఏసీ)లో కొనసాగుతున్నారు. ఉమ్మడి వరంగల్‌, కరీంనగర్‌, ఖమ్మంలో 12 జిల్లాల పర్యవేక్షణ బాధ్యత ఈ సారుపైనే ఉంది. ఈ క్రమంలో ఆదాయానికి మించిన అక్రమ ఆస్తులు కూడబెట్టారన్న ఆరోపణలపై ఏసీబీ కేసు నమోదు చేసి సోదాలకు దిగడం చర్చనీయాంశంగా మారింది. ఎనిమిది చోట్ల దాడులు.. జయరాజు కార్యాలయంతోపాటు ఆయన బంధువులు, సహచరులకు సంబంధించిన ప్రాంతాల్లో కలిపి మొత్తం ఎనిమిది చోట్ల ఏసీబీ అధికారులు సోదాలు నిర్వహించారు. ఈ సందర్భంగా పలు ఆస్తుల డాక్యుమెంట్లు, బ్యాంకు లావాదేవీలు, నగదు, బంగారు ఆభరణాలు, వాహనాలను గుర్తించారు. ఇప్పటివరకు గుర్తించిన ఆస్తుల విలువ అధికారిక లెక్కల ప్రకారం సుమారు రూ.3.06 కోట్లుగా ఏసీబీ వెల్లడించింది. రూ.40 లక్షల భవనం.. హైదరాబాద్‌ బోడుప్పల్‌లో సుమారు రూ.40 లక్షల విలువైన జీ+2 భవనం, కేపీహెచ్‌బీ కాలనీలో రూ.32.81 లక్షల విలువైన ఫ్లాట్‌, ఐదు ప్లాట్లు, 3.21 ఎకరాల వ్యవసాయ భూమి ఉన్నట్లు ఏసీబీ గుర్తించింది. మూడు కార్లు, రెండు బైక్‌ల విలువ సుమారు రూ.40 లక్షలుగా గుర్తించారు. అదనంగా 629 గ్రాముల బంగారు ఆభరణాలు, రూ.10 లక్షలకు పైగా నగదు, ఎల్‌ఐసీ–మ్యాక్స్‌ లైఫ్‌ సేవింగ్స్‌, పోస్టాఫీస్‌ పొదుపులు, బ్యాంకు ఖాతాల్లో నిల్వలను అధికారులు గుర్తించారు. ఏడీ అక్రమాస్తుల వ్యవహారంపై మరింత లోతుగా.. ఇప్పటివరకు గుర్తించిన ఆస్తులు రూ.3.06 కోట్లుగా ఉండగా.. మరిన్ని ఆస్తులు, బ్యాంకు లావాదేవీలపై ఏసీబీ అధికారులు ఆరా తీస్తున్నారు. ఆస్తుల కొనుగోలుకు నిధులు ఎక్కడి నుంచి వచ్చాయి? ఇసుక రవాణా వ్యవహారాల్లో ఎలాంటి వసూళ్లు జరిగాయి? డ్రైవర్‌ ఖాతా నుంచి కూతురు ఖాతాలకు బదిలీ అయిన సొమ్ముకు లెక్కలు తేల్చేపనిలో పడ్డారు ఏసీబీ అధికారులు. ఏసీబీ కోర్టుకు ఏడీ జయరాజు.. ఆదాయానికి మించిన ఆస్తుల ఆరోపణలపై ఏడీ జ యరాజును ఏసీబీ అధికారులు గురువారం రాత్రి అదుపులోకి తీసుకున్నారు. ప్రాథమికంగా రూ.3.06 కోట్లు అక్రమాస్తులను గురించి.. అన్ని కో ణాల్లో ఆరా తీస్తున్నామని, జయరాజును ఏసీబీ కోర్టులో హాజరుపర్చి రిమాండ్‌కు తరలించనున్నట్లు ఏసీబీ వరంగల్‌ రేంజ్‌ డీఎస్పీ సాంబయ్య తెలిపారు.పంద్రాగస్టుకు ప్రశంస.. 15 రోజులకే ఏసీబీ దాడులు గనులశాఖ ఏడీ జయరాజుపై కేసు భూపాలపల్లి ఏడీతోపాటు వరంగల్‌ ఇన్‌చార్జ్‌ డీడీగా విధులుసోదాల సందర్భంగా జయరాజు డ్రైవర్‌ సత్తునూరి యాదయ్యకు చెందిన మొబైల్‌ ఫోన్‌, బ్యాంకు లావాదేవీలను పరిశీలించిన ఏసీబీకి కీలక సమాచారం లభించినట్లు తెలిసింది. డ్రైవర్‌ ఖాతా నుంచి పలు లావాదేవీల ద్వారా జయరాజు కుమార్తె బ్యాంకు ఖాతాకు సుమారు రూ.24.80 లక్షలు బదిలీ అయినట్లు ఏసీబీ గుర్తించింది. ఏసీబీ విచారణలో డ్రైవర్‌ ఇచ్చిన సమాచారం ప్రకారం.. ఇసుక రవాణా, సంబంధిత కార్యకలాపాల్లో పాల్గొన్న వ్యక్తుల నుంచి సేకరించిన మొత్తాన్ని తన ఖాతాలో జమ చేసి, అనంతరం జయరాజ్‌ కుమార్తె ఖాతాకు బదిలీ చేసినట్లు వెల్లడించినట్లు ఏసీబీ తెలిపింది. ఈ మొత్తాలు లంచాలుగా వసూలు చేసినవేనా? వాటి వెనుక ఎవరున్నారు? ఎలాంటి వ్యవహారాలకు సంబంధించాయి? అన్న కోణాల్లో దర్యాప్తు కొనసాగుతోంది.

గోవిందరావుపేట: ములుగు జిల్లా గోవిందరావుపేట మండల పరిధి చల్వాయిలోని 5వ బెటాలియన్‌ (టీజీఎస్పీ) నూతన కమాండెంట్‌గా సీవీ.లక్ష్మీకాంతరావు గురువారం బాధ్యతలు స్వీకరించారు. గతంలో ఇంటెలిజెన్స్‌ సెక్యూరిటీ వింగ్‌లో విధులు నిర్వర్తించిన ఆయన అంకితభావం, క్రమశిక్షణతో విశిష్ట సేవలు అందించారు. బాధ్యతలు స్వీకరించిన అనంతరం అధికారులు, సిబ్బందితో సమావేశమైన మాట్లాడారు. బెటాలియన్‌లో క్రమశిక్షణ, సమన్వయం, విఽధి నిర్వహణతో పాటు సిబ్బంది సంక్షేమానికి ప్రాధాన్యం ఇవ్వాలని సూచించారు. బెటాలియన్‌ అభివృద్ధికి సమష్టిగా కృషి చేయాలని కోరారు. నూతన కమాండెంట్‌కు అధికారులు, సిబ్బంది శుభాకాంక్షలు తెలిపారు. కార్యక్రమంలో సహాయక కమాండెంట్లు పీకే ప్రసాద్‌, ధర్మారావు, ఆర్‌ఐలు కిరణ్‌ కుమార్‌, భాస్కర్‌, స్వామి, వెంకటేశ్వర్లు, సాయిబాబు, శ్రీధర్‌ తదితరులు పాల్గొన్నారు. క్షయ నివారణ కేంద్రం సందర్శన కాశిబుగ్గ: కేఎంసీలోని క్షయ నివారణ కేంద్రాన్ని హనుమకొండ ట్రెయినీ స్పెషల్‌ డిప్యూటీ కలెక్టర్‌ టి.రోహిత్‌ నేత గురువారం సందర్శించారు. ఈసందర్భంగా క్షయ నియంత్రణ కార్యక్రమంలో భాగంగా నిర్వహిస్తున్న స్క్రీనింగ్‌ పరీక్షలు, వ్యాధి నిర్ధారణ, చికిత్స విధానం గురించి ఇన్‌చార్జ్‌ టీబీ నివారణ అధికారి డాక్టర్‌ ప్రదీప్‌రెడ్డి వివరించారు. అదేవిధంగా ఓపీ పేషెంట్ల సేవలు, ట్రునాట్‌ ల్యాబ్‌ గురించి తెలిపారు. కార్యక్రమంలో టీబీ, కల్చర్‌ ల్యాబ్‌ సిబ్బంది పాల్గొన్నారు.

● విజయ్‌ దేవరకొండటాలీవుడ్‌ స్టార్‌, జాతీయ అవార్డు గ్రహీత అల్లు అర్జున్‌ అరుదైన ఘనత సాధించారు. ప్రముఖ అంతర్జాతీయ మ్యాగజీన్‌ ఫోర్బ్స్‌ ఇండియా తాజాగా విడుదల చేసిన ‘షోస్టాపర్స్‌ 2026’ స్పెషల్‌ మ్యాగజీన్‌ కవర్‌ పేజీపై అల్లు అర్జున్‌ కనిపించడం హాట్‌ టాపిక్‌ అయింది. కవర్‌ పేజీపై కనిపించడం మాత్రమే కాదు... ‘షోస్టాపర్స్‌ 2026’ టాప్‌ 100 జాబితాలోనూ అల్లు అర్జున్‌కి స్థానం లభించింది. ఈ జాబితాలో మరో తెలుగు హీరో రామ్‌చరణ్‌కు కూడా స్థానం లభించింది. ఈ లిస్ట్‌లో పేరు సంపాదించుకున్న తెలుగు హీరోలు ఈ ఇద్దరే కావడం విశేషం. 2025 జనవరి నుంచి 2026 మార్చి 31 వరకు వివిధ రంగాల్లో (సినిమా, ఓటీటీ, పుస్తకాలు, కళలు, ఫ్యాషన్‌ వంటివి) ప్రభావం చూపిన అత్యంత ప్రభావంతమైన టాప్‌ 100 సెలబ్రిటీల జాబితాను ‘షోస్టాపర్స్‌ 2026: ఇండియాస్‌ హండ్రెడ్‌ బిగ్గెస్ట్‌ సెలబ్రిటీస్‌’ పేరిట ఫోర్బ్స్‌ ఇండియా రిలీజ్‌ చేసింది. అమితాబ్‌ బచ్చన్‌, రజనీకాంత్‌, మోహన్‌ లాల్‌, ఆమిర్‌ ఖాన్‌, అక్షయ్‌ కుమార్‌, ఏఆర్‌ రెహమాన్‌, మాధవన్‌, రణ్‌వీర్‌ సింగ్‌, రిషబ్‌ శెట్టి, కంగనా రనౌత్‌, కల్యాణీ ప్రియదర్శన్‌ వంటి సినీ ప్రముఖులకు ఈ జాబితాలో స్థానం లభించింది. ఈ జాబితాకు ఎటువంటి ర్యాంకింగ్‌ ఆర్డర్‌ లేదు. ప్రముఖుల పేర్లలోని ఆల్ఫాబెటికల్‌ ఆర్డర్‌లో జాబితాను విడుదల చేశారు. ఇక ఫోర్బ్స్‌కి ఇచ్చిన ఇంటర్వ్యూలో ‘‘సినిమాలో మంచి కంటెంట్‌ ఉంటే భాషతో సంబంధం లేకుండా ఆ సినిమా విజయం సాధిస్తుంది. ప్రేక్షకులకు కొత్త కథ అందించడమే అన్నింటికంటే ముఖ్యం. అలాగే ఒక సినిమాలోని నటీనటీనటుల స్టార్‌డమ్‌ కంటే కూడా ఆ చిత్రంలోని సరైన కథే ఆ సినిమా విజయాన్ని నిర్ణయిస్తుంది’’ అని అల్లు అర్జున్‌ పేర్కొన్నారు. ప్రస్తుతం ‘రాకా’ సినిమాతో అల్లు అర్జున్‌ బిజీగా ఉన్నారు. అట్లీ దర్శకత్వంలో కళానిధి మారన్‌ నిర్మిస్తున్న ఈ చిత్రం 2027లో విడుదల కానుంది.

శుక్రవారం శ్రీ 28 శ్రీ ఆగస్టు శ్రీ 2026కష్టమే రానివ్వనని ఒకరు. ఆపదొస్తే అండగా నిలుస్తానని మరొకరు. నీకు నేనున్నానంటూ ఇంకొకరు.. తోబుట్టువుకు సగం ఆస్తి రాసిచ్చిన అన్న ఒకరు. అక్కతో రాఖీ కట్టించుకోవడానికి విదేశాల నుంచి సొంతూరికి వచ్చిన తమ్ముడొకరు. ఇలా ఉమ్మడి వరంగల్‌ జిల్లాలో అక్కాచెల్లెళ్లు, అన్నాదమ్ములు ప్రేమకు ప్రతిరూపంగా నిలుస్తున్నారు. అందరికీ ఆదర్శంగా నిలుస్తున్నారు. రాఖీ పండుగకు అసలైన అర్థం చెబుతున్న వీరందరి సమాహారమే రాఖీ సందర్భంగా ‘సాక్షి’ స్పెషల్‌ స్టోరీ. కాశిబుగ్గ: కొత్తవాడకు చెందిన దువ్వ సాంబమూర్తి–రమాదేవి దంపతులకు ఇద్దరు కుమారులు, ఒక కుమార్తె. ఒక కుమారుడు చనిపోగా, ఒక కుమారుడు రాజ్‌కుమార్‌, కుమార్తె శీరిష ఉన్నారు. వికలాంగుడైన తండ్రి సాంబమూర్తి కుమార్తె పెళ్లి చేసిన తర్వాత మరణించాడు. చెల్లిపై ప్రేమతో అన్న రాజ్‌కుమార్‌ (సాఫ్ట్‌వేర్‌ ఇంజనీర్‌) చెల్లి, బావకు కొత్తవాడలోని ఇంట్లోనే నివాసం కల్పించాడు. చెల్లిపై ప్రేమతో ఆరునెలల క్రితం పుర ప్రముఖుల సమక్షంలో 180 గజాల ఇల్లు స్థలంలో 90 గజాలు రిజిస్ట్రేషన్‌ చేసి, కాగితాలు అప్పగించాడు. చెల్లిని కంటికి రెప్పలా చూసుకుంటున్న రాజ్‌కుమార్‌ను అందరూ అభినందిస్తున్నారు. లింగాలఘణపురం: జనగామ జిల్లా లింగాలఘణపురం మండల కేంద్రానికి చెందిన నక్కపల్లి ప్రసాద్‌ తల్లిదండ్రులు చనిపోయినప్పటికీ చెల్లెళ్లను ఉన్నత చదువులు చదివించాడు. అతడి చెల్లెళ్లు రాజేశ్వరి, అరుణ పెళ్లిళ్లు చేశాడు. అమ్మానాన్నల లోటు లేకుండా పెంచి పెద్ద చేసిన అన్న ప్రసాద్‌ అంటే వారికి ఎనలేని ప్రేమ. ఎక్కడున్నా అన్నకు ప్రతీ ఏడాది రాఖీ కడతారు. చెల్లెళ్లకు సైతం ప్రసాద్‌ తోచిన సాయం చేస్తూ అండగా నిలుస్తున్నాడు. జవాన్‌కు కొరియర్‌లో పంపి మహబూబాబాద్‌ రూరల్‌: కంబాలపల్లి గ్రామానికి చెందిన పుణ్యపుర్తి కృష్ణ కార్గిల్‌ సెక్టార్‌ పరిధిలో పని చేస్తున్నారు. రాఖీ పండుగ సందర్భంగా సెలవులు ఇవ్వకపోవడంతో ఆయన సోదరీమణులు రమ, పద్మ, రేణుక ఏటా రాఖీ పండుగకు కొద్దిరోజుల ముందుగానే కొరియర్‌ ద్వారా రాఖీలు పంపిస్తుంటారు. ఆ రాఖీలను తన కుమార్తె అన్విక ద్వారా కృష్ణ కట్టించుకుంటున్నారు. ప్రేమను అక్షరాల్లో లిఖించిన అక్కలు ఇనుగుర్తి: మండల కేంద్రానికి చెందిన ఐలయ్య–యాదమ్మ దంపతులకు శ్రావణి, సంధ్య, సందీప్‌ యాదవ్‌ ముగ్గురు సంతానం. సందీప్‌ ఎస్‌ఎస్‌బీలో కానిస్టేబుల్‌గా కోల్‌కతాలో విధులు నిర్వహిస్తున్నాడు. రాఖీ పండుగకు ఇంటికి రాలేకపోతుండడంతో అక్కలు తమ్ముడిపై ప్రేమను వ్యక్తీకరిస్తూ లేఖ రాసి రాఖీ కొని ఉంచుతున్నారు. సందీప్‌ ఇంటికి తిరిగొచ్చిన తర్వాత ఆ లేఖను చదివి, అక్కలు రాఖీ కడుతున్నారు. డోర్నకల్‌: డోర్నకల్‌లోని బ్యాంక్‌ స్ట్రీట్‌కు చెందిన కాలా యశోధర్‌ జైన్‌కు తొమ్మిది మంది అక్కాచెల్లెళ్లు. వీరంతా తెలంగాణ, మహారాష్ట్ర, ఛత్తీస్‌గఢ్‌, మధ్యప్రదేశ్‌, తమిళనాడు తదితర రాష్ట్రాల్లో నివాసం ఉంటున్నారు. ఏటా రాఖీ పండుగను పురస్కరించుకుని అక్కాచెళ్లెళ్లలో ఒకరి ఇంటికి తమ సోదరుడిని పిలిపించుకుంటారు. అందరూ అతడికి రాఖీలు కట్టి ఆనందంగా గడుపుతారు. ఇటీవల మహారాష్ట్రలోని అమరావతి జిల్లా పరత్వాడాలోని సోదరి ఇంటికి అందరూ చేరుకుని సోదరుడు యశోధర్‌జైన్‌కు రాఖీలు కట్టి దీవెనలు అందుకున్నారు.పర్వతగిరి: పర్వతగిరి మండల కేంద్రానికి చెందిన శ్రీపాద వెంకటేశ్వర్లు, సరోజ దంపతులకు ఐదుగురు కుమారులు, ఒక కుమార్తె. చిన్న కుమారుడు శ్రీపాద సురేశ్‌ ఆస్ట్రేలియాలో నివసిస్తున్నప్పటికీ చెల్లితో రాఖీ కట్టించుకోవడానికి ప్రతీ సంవత్సరం పర్వతగిరికి వస్తుంటాడు. మిగిలిన నలుగురు అన్నదమ్ములు సతీశ్‌, రఘు, రవి, రాము పర్వతగిరికి వచ్చి రాఖీ కట్టించుకుంటారు. ఐదుగురు అన్నదమ్ములంటే తనకు ప్రాణమని ఏటా వారికి రాఖీ కడతానని ప్రియాంక చెబుతోంది. తండ్రి ప్రేమను పంచిన పలువురు అన్నలు ఆస్తి కాదు.. అనుబంధమే ముఖ్యమంటున్న ఓ సోదరుడు అక్కాచెల్లెళ్లకు అండగా నిలుస్తున్న సోదరులు రాఖీ కట్టి రక్షగా నిలుస్తామంటున్న సోదరీమణులు నేడు రాఖీ పౌర్ణమి

● కలెక్టర్‌ స్నేహ శబరీష్‌ డోర్నకల్‌: అక్టోబర్‌ 1వ తేదీ వరకు 18 సంవత్సరాలు నిండిన యువతీయువకులు ఓటు హక్కు కోసం దరఖాస్తు చేసుకోవాలని కలెక్టర్‌ స్నేహ శబరీష్‌ కోరారు. సీరోలు మండలం చిలుకొయ్యలపాడు గ్రామంలో గురువారం సర్‌ కార్యక్రమంపై జరిగిన గ్రామసభలో ఆమె పాల్గొని మాట్లాడారు. ప్రత్యేక ఓటరు సవరణ ముసాయిదా జాబితాలో పేరును పరిశీలించుకోవడం, తప్పులను సరి చేసుకుని ఓటును నిర్ధారించుకునేందుకు నెలరోజుల గడువు ఉన్నట్లు తెలిపారు. నోటీసులు అందుకున్న ఓటర్లు తమ నిర్ధారణ పత్రాలను బీఎల్వోలకు అందించి ఓటు హక్కును భద్రపర్చుకోవాలని కోరారు. 18 ఏళ్లు నిండినవారు ఫారం–6 ద్వారా ఓటు హక్కు కోసం దరఖాస్తు చేసుకోవాలని సూచించారు. పేరు, చిరునామా, పుట్టినతేదీ, ఫొటో తప్పుగా ఉంటే ఫారం–8 ద్వారా సరిచేసుకోవాలని సూచించారు. తప్పులు లేని పారదర్శకమైన ఓటరు జాబితాను రూపొందించేందుకు అధికారులు పారదర్శకంగా పని చేయాలని కోరారు. కార్యక్రమంలో ఆర్డీఓ గణేష్‌, సీరోలు తహసీల్దార్‌ పున్నంచందర్‌, సర్పంచ్‌ ఊడుగుల వెంకన్న, మహబూబాబాద్‌ వ్యవసాయ మార్కెట్‌ కమిటీ చైర్మన్‌ తేజావత్‌ సుధాకర్‌, ఎంపీడీఓ గౌస్‌పాషా, పంచాయతీ సెక్రటరీ నాగయ్య పాల్గొన్నారు. సంక్షేమ పథకాల అమలు వేగవంతం చేయాలి మహబూబాబాద్‌: అభివృద్ధి, సంక్షేమ పథకాల అమలు వేగవంతం చేయాలని కలెక్టర్‌ స్నేహశబ రీష్‌ ఆదేశించారు. కలెక్టరేట్‌లో గురువారం సంక్షేమ పథకాల అమలుపై అధికారులతో కలెక్టర్‌ సమీక్ష సమావేశం నిర్వహించారు. ఆమె మాట్లాడుతూ.. సంక్షేమ పథకాలు నిర్ణీత గడువులోపు పూర్తి చేయాలన్నారు. ఇందిరమ్మ ఇళ్ల నిర్మాణాల్లో వేగవంతం చేయాలన్నారు. లబ్ధిదారులకు సాంకేతిక, నిధుల సమస్యలు లేకుండా క్షేత్రస్థాయిలో పరిశీలన చేయాలని ఆదేశించారు. వీబీజీ రామ్‌ జీ పథకం అమలు తీరును నిరంతరం పర్యవేక్షించాలన్నారు. ఉద్యాన శాఖల ద్వారా పొలం కుంటల నిర్మాణానికి ప్రభుత్వం సబ్సిడీ అందిస్తుందన్నారు. ఏఓలు, ఏఈఓలు సబ్సిడీలపై విస్తృతంగా ప్రచారం చేయాలన్నారు. పంటమార్పిడిపై రైతులకు అవగాహన కల్పించాలన్నారు. ఇన్‌చార్జ్‌ అదనపు కలెక్టర్‌ పురుషోత్తం, సంబంధిత అధికారులు పాల్గొన్నారు.

జనగామ: జనగామ పట్టణంలోని కురుమవాడలో గురువారం తెల్లవారు జామున అగ్నిప్రమాదం చోటు చేసుకుంది. సదానందానికి చెందిన పండ్ల గోదాంలో ప్లాస్టిక్‌ ట్రేలతో నింపి ఉంచిన మూడు ట్రాలీ ఆటోల్లో ఒక్కసారిగా మంటలు చెలరేగాయి. మంటలు సుమారు 10 నుంచి 18 మీటర్ల ఎత్తు వరకు ఎగసిపడటంతో సమీప కాలనీ వాసులు భయాందోళనకు బయటకు పరుగులు తీశారు. గమనించిన స్థానికుడు సదాశివుడు పోలీసులకు సమాచారం అందించారు. పోలీసులు ఘటనా స్థలానికి చేరుకుని అగ్నిమాపక సిబ్బందికి సమాచారం అందించగా, ఫైర్‌ సిబ్బంది చేరుకుని మంటలను అదుపులోకి తీసుకొచ్చారు. అప్పటికే మూడు ట్రాలీ ఆటోలు పూర్తిగా దగ్ధమయ్యాయి. మంటలు సమీప ఇళ్లకు వ్యాపించే ప్రమాదం ఉండడంతో స్థానికులు బిందెలు, ఇతర సామగ్రితో నీళ్లు పోసి మంటలను ఆర్పే ప్రయత్నం చేశారు. ఫైర్‌ సిబ్బంది సకాలంలో చేరుకోవడంతో పెను ప్రమాదం తప్పినప్పటికీ.. మూడు ఆటో ట్రాలీలు దగ్ధమయ్యాయి. స్థానికులు బొలోరో వాహనాన్ని ఆహుతి కాకుండా కాపాడగా, పెద్ద ఎత్తున ఆస్తి నష్టం జరిగింది. ఓ ఆటోలోని బ్యాటరీ పేలడమే ఈ ప్రమాదానికి కారణమై ఉండవచ్చని భావిస్తున్నారు. మూడు ట్రాలీ ఆటోలు దగ్ధం త్రుటిలో తప్పిన పెను ప్రమాదం

● విశ్వక్‌ సేన్‌డిసెంబరులో విశ్వక్‌ సేన్‌ ‘లెగసీ’ థియేటర్స్‌కి రానుంది. విశ్వక్‌ సేన్‌ హీరోగా సాయి కిరణ్‌ దైదా దర్శకత్వంలో రూపొందుతున్న చిత్రం ‘లెగసీ’. ఏక్తా రాథోడ్‌ హీరోయిన్‌గా నటిస్త్తున్నారు. యశ్వంత్‌ దగ్గుమాటి, సాయికిరణ్‌ రెడ్డి దైదా ఈ సినిమాను నిర్మిస్తున్నారు. ఈ చిత్రం కొత్త షెడ్యూల్‌ మదనపల్లె పరిసర ప్రాంతాల్లో గురువారం ప్రారంభమైంది. విశ్వక్‌ సేన్‌ పాల్గొనగా కీలక సన్నివేశాలను చిత్రీకరిస్తున్నారు. ‘‘మదనపల్లె, పరిసర ప్రాంతాల్లో నెల రోజుల షెడ్యూల్‌ ప్లాన్‌ చేశాం. ఈ చిత్రంలో విశ్వక్‌ సేన్‌ పవర్‌ఫుల్‌ రోల్‌లో కనిపిస్తారు. అధికారం, కుటుంబం, ప్రేమ, ద్రోహం అంశాలతో సాగే ఈ కథలో ఒక వారసుడు ప్రమాదకరమైన ప్రపంచంలోకి అడుగుపెడతాడు. అతను తన తండ్రి గతానికి సంబంధించి దాగి ఉన్న నిజాలను ఎదుర్కొంటూ, శక్తివంతమైన ప్రత్యర్థులతో పోరాడుతూ తనపై పడిన వారసత్వపు భారాన్ని మోసే పరిస్థితిని ఎలా ఎదుర్కొన్నాడు? అన్నదే ఈ సినిమా కథనం’’ అని యూనిట్‌ పేర్కొంది. ఈ చిత్రానికి సంగీతం: గోవింద్‌ వసంత.

● తెలంగాణ రాష్ట్ర ఎంప్లాయీస్‌ జేఏసీ జిల్లా చైర్మన్‌ శ్రీనివాస్‌ మహబూబాబాద్‌: ఉద్యోగుల సమస్యలు పరిష్కరించాలని, కాంగ్రెస్‌ ప్రభుత్వం ఎన్నికల ముందు ఇచ్చిన హామీలను అమలు చేయాలని తెలంగాణ రాష్ట్ర ఎంప్లాయీస్‌ జేఏసీ జిల్లా చైర్మన్‌ వడ్డెబోయిన శ్రీనివాస్‌ డిమాండ్‌ చేశారు. జిల్లా కమిటీ ఆధ్వర్యంలో గురువారం కలెక్టరేట్‌ ఎదుట మహాధర్నా నిర్వహించారు. ఈసందర్భంగా శ్రీనివాస్‌ మాట్లాడుతూ.. పెండింగ్‌లో ఆరు డీఏలను వెంటనే విడుదల చేయాలని డిమాండ్‌ చేశారు. రెండో పీఆర్సీ అమలు చేయాలని, ఉద్యోగులు, పెన్షనర్ల బిల్లులు క్లియర్‌ చేయాలన్నారు. సీపీఎస్‌ రద్దు చేసి పాత పెన్షన్‌ విధానం అమలు చేయాలన్నారు. ఈహెచ్‌ఎస్‌ విధివిధానాలు అమలు చేసి సత్వరమే సేవలు అందించాలన్నారు. ఐక్యంగా ఉద్యమిస్తేనే సమస్యలు పరిష్కారం అవుతాయన్నారు. సమస్యలు పరిష్కరించకపోతే ఆందోళన కార్యక్రమాలు తీవ్రతరం చేస్తామని హెచ్చరించారు. సీపీఐ జిల్లా కార్యదర్శి బి.విజయసారథి, సీపీఎం జిల్లా కార్యదర్శి సాదుల శ్రీనివాస్‌ ధర్నాకు సంఘీభావం తెలిపారు. కార్యక్రమంలో నాయకులు రఫీ, సంకా బద్రినారా యణ, కిషన్‌ నాయక్‌, సతీష్‌రెడ్డి, రమేష్‌, మురళీకృష్ణ, మల్లారెడ్డి, ఫిరోజ్‌, ప్రసాద్‌, భాస్కర్‌, నాగిరెడ్డి తదితరులు పాల్గొన్నారు.

కాజీపేట రూరల్‌: ప్రయాణికుల సౌకర్యార్థం వరంగల్‌ మీదుగా రైల్వేశాఖ ధానాపూర్‌–ఎస్‌ఎంవీటీ బెంగళూరు–ధానాపూర్‌ మధ్య డైలీ ప్రత్యేక రైళ్ల సర్వీస్‌లను సెప్టెంబర్‌ 1వ తేదీ నుంచి ప్రవేశపెట్టి నడిపిస్తున్నట్లు దక్షిణ మధ్య రైల్వే సీపీఆర్వో శ్రీధర్‌ గురువారం తెలిపారు. సెప్టెంబర్‌ 1వ తేదీన ధానాపూర్‌లో బయల్దేరే ధానాపూర్‌–ఎస్‌ఎంవీటీ బెంగళూరు (22365) వెళ్లే డైలీ ఎక్స్‌ప్రెస్‌ మరుసటి రోజు 19ః00 గంటలకు వరంగల్‌ చేరుతుంది. సెప్టెంబర్‌ 3వ తేదీన ఎస్‌ఎంవీటీ బెంగళూరులో బయల్దేరే ఎస్‌ఎంవీటీ బెంగళూరు–ధానాపూర్‌ (22366) వెళ్లే డైలీ ఎక్స్‌ప్రెస్‌ మరుసటి రోజు 18ః18 గంటలకు వరంగల్‌ చేరుకుంటుంది. ఈ రైళ్లకు వరంగల్‌, విజయవాడ, ఒంగోలు, గూడూరులో హాల్టింగ్‌ కల్పించారు.

శివ కుమార్‌ కాసారం హీరోగా నిషాంత్‌ దోటి దర్శకత్వం వహించిన చిత్రం ‘సహ’ (లైఫ్‌ ఆఫ్‌ సంజు). శ్వేతా లక్ష్మణ్‌, వ్రజన పాండ్య హీరోయిన్లుగా నటించారు. తేజేశ్వర్‌ వేల్పుచర్ల నిర్మించిన ఈ సినిమా సెప్టెంబరు 4న విడుదల కానుంది. గురువారం జరిగిన ఈ మూవీ ట్రైలర్‌ లాంచ్‌ ఈవెంట్‌లో నిర్మాత ‘బన్నీ’ వాసు మాట్లాడుతూ–‘‘ఈ సినిమా చూశాను... చాలా బాగుంది. ఇలాంటి మంచి కంటెంట్‌ ఉన్న సినిమాని ప్రేక్షకులందరూ చూడాలని కోరుకుంటున్నాను’’ అని తెలిపారు. నిర్మాత వంశీ నందిపాటి మాట్లాడుతూ–‘‘సహా–ది బిగ్గెస్ట్‌ స్మాల్‌ ఫిల్మ్‌ ఆఫ్‌ ది డికేడ్‌’ అని పోస్టర్‌ పెట్టారు. ఇలా పెట్టాలంటే ధైర్యం కావాలి. సినిమా ఆ అంచనాలను అందుకుంటుంది’’ అని చెప్పారు. ‘‘చిన్న సినిమా బ్లాక్‌బస్టర్‌ కొడితే ఎలా ఉంటుందో మా చిత్రంతో చూపిస్తాం’’ అన్నారు శివకుమార్‌. ‘‘మా సినిమా చూసిన ప్రేక్షకులు నిరుత్సాహపడితే అమీర్‌పేట్‌ సెంటర్‌లో నిలబడి గుండు గీయించుకుంటాను’’ అని శ్వేతా లక్ష్మణ్‌ పేర్కొన్నారు. ‘‘ఈ సినిమాలో బలమైన భావోద్వేగాలున్నాయి’’ అన్నారు నిశాంత్‌. ‘‘సహ’ గురించి ప్రేక్షకులు గొప్పగా మాట్లాడుకుంటారు’’ అన్నారు వ్రజన పాండ్య.

హన్మకొండ అర్బన్‌/జనగామ : సుదీర్ఘకాలంగా పరిష్కారానికి నోచుకోని సమస్యల సాధనకు రాష్ట్ర ఉద్యోగ సంఘాల జేఏసీ దశలవారీ ఉద్యమానికి శ్రీకారం చుట్టింది. ఇందులో భాగంగా నేడు (గురువారం) రాష్ట్రవ్యాప్తంగా అన్ని జిల్లాల కలెక్టరేట్ల ఎదుట ఉద్యోగులు భారీ ఎత్తున మహా ధర్నాలు నిర్వహించనున్నారు. పీఆర్‌సీ అమలు, డీఏ విడుదల, సీపీఎస్‌ రద్దు, ఉచిత ఆరోగ్య పథకంతోపాటు ఏళ్లుగా పెండింగ్‌లో ఉన్న వివిధ బిల్లుల చెల్లింపుల కోసం ఉద్యోగ లోకం పోరాటానికి సిద్ధమయ్యారు. జేఏసీ పిలుపుతో అన్ని జిల్లాల్లో కలెక్టరేట్ల వద్ద ఉద్యోగులు నిరసనలకు సర్వం సిద్ధమవ్వగా, సమస్యలు పూర్తిస్థాయిలో పరిష్కారమయ్యే వరకు పోరాటాన్ని ఉధృతం చేస్తామని ఉద్యోగ సంఘాల నాయకులు స్పష్టం చేస్తున్నారు. రెండేళ్లకు పైగా ఎదురుచూపులు.. రాష్ట్రంలో కాంగ్రెస్‌ అధికారంలోకి వచ్చి దాదాపు రెండేళ్ల తొమ్మిది నెలలు గడుస్తున్నా ఉద్యోగులు, పెన్షనర్ల ప్రధాన సమస్యలకు శాశ్వత పరిష్కారం లభించలేదని ఉద్యోగ సంఘాల నేతలు ఆవేదన వ్యక్తం చేస్తున్నారు. నిధుల విడుదలపై ప్రభుత్వం సానుకూల ప్రకటనలు చేస్తున్నా ఆచరణలో ఏళ్ల తరబడి పెండింగ్‌లో ఉన్న జీపీఎఫ్‌, మెడికల్‌, సరెండర్‌ లీవ్‌ తదితర బిల్లులు మంజూరు కావడం లేదని పేర్కొంటున్నారు. రూ.వేల కోట్ల బకాయిలు నిలిచిపోవడంతో ఉద్యోగులతో పాటు రిటైర్డ్‌ సిబ్బంది తీవ్ర ఆర్థిక ఇబ్బందులు ఎదుర్కొంటున్నారు. హామీలకే పరిమితం.. ప్రభుత్వ పెద్దలతో పలుమార్లు చర్చలు జరిపిన సమయాల్లో హామీలు లభించినా, అవి క్షేత్రస్థాయిలో అమలుకు నోచుకోకపోవడంతో ఉద్యోగుల్లో అసంతృప్తి తీవ్రస్థాయికి చేరింది. రెండో వేతన సవరణ కమిటీ (పీఆర్‌సీ) నివేదిక రాకపోవడం, డీఏల బకాయిలు పేరుకుపోవడం, నూతన ఆరోగ్య పథకం (ఈహెచ్‌ఎస్‌) అమల్లో నెట్‌వర్క్‌ ఆస్పత్రుల వద్ద ఎదురవుతున్న అవస్థలు ఉద్యోగులను తీవ్ర మనస్తాపానికి గురిచేస్తున్నాయి. ఇకపై మాటలతో సరిపెట్టకుండా, నిరసనలు, కార్యాచరణ ద్వారానే తమ హక్కులు సాధించుకోవాలని జేఏసీ నేతలు తీర్మానించారు.హక్కుల కోసం నేడు ఉద్యోగ లోకం మహా ధర్నా సమస్యల సాధనకు దశలవారీ ఉద్యమం పీఆర్సీ, డీఏ, ఓపీఎస్‌ కోసం పోరాటం సీపీఎస్‌ రద్దు, ఓపీఎస్‌ పునరుద్ధరించాలని డిమాండ్‌ రెండో వేతన సవరణ సంఘం (పీఆర్‌సీ) నివేదికను సత్వరమే అమలు చేయాలి. నిలిచిపోయిన ఆరు విడతల కరువు భత్యం (డీఏ), కరువు ఉపశమన (డీఆర్‌) బకాయిలను వెంటనే విడుదల చేయాలి. సీపీఎస్‌ పూర్తిగా రద్దు చేసి, పాత పెన్షన్‌విధానాన్ని (ఓపీఎస్‌) పునరుద్ధరించాలి. ఉద్యోగులకు, పెన్షనర్లకు క్యాష్‌లెస్‌ వైద్యం అందించేలా నూతన ఆరోగ్య పథకాన్ని సక్రమంగా అమలు చేయాలి. ఆగస్టు 27న రాష్ట్రవ్యాప్తంగా అన్ని జిల్లాల కలెక్టరేట్ల ఎదుట ఉద్యోగులతో మహాధర్నాలు. 27 నుంచి ఉద్యోగులందరూ నల్ల బ్యాడ్జీలు ధరించి నిరసన వ్యక్తం చేయడం. సెప్టెంబర్‌ 1న సీపీఎస్‌కు నిరసనగా ‘పెన్షన్‌ విద్రోహ దినం’ నిర్వహణ. సెప్టెంబర్‌ 10న హైదరాబాద్‌లో మహాధర్నా

హసన్‌పర్తి : పీడీఎస్‌ (రేషన్‌) బియ్యం పక్కదారి పట్టకుండా ప్రభుత్వం పకడ్బందీ చర్యలు చేపడుతున్నప్పటికీ... దందా మాత్రం ఆగడం లేదు. యథేచ్ఛగా సాగుతోంది. గతంలో అక్రమార్కులు ఇతర రాష్ట్రాల్లో విక్రయించే వారు. అయితే ఇప్పడు కాస్తా రూట్‌ మార్చి చేశారు. పీడీఎస్‌ బియ్యాన్ని కోళ్ల పరిశ్రమలకు తరలిస్తున్నట్లు పోలీసుల విచారణలో వెల్లడైంది. నిందితులు కూడా ఈవిషయాన్ని అంగీకరించారు. హసన్‌పర్తి, చింతగట్టు, కోమటిపల్లి కేంద్రంగా దందా.. హసన్‌పర్తి, చింతగట్టు, కోమటిపల్లి కేంద్రంగా ఈ దందా సాగుతున్నట్లు ఉన్నతాధికారుల గుర్తించారు. హసన్‌పర్తి మండల కేంద్రంతోపాటు పలు ప్రాంతాల్లో అక్రమ రేషన్‌ బియ్యం వ్యాపారం మూడు పువ్వులు.. ఆరు కాయలుగా సాగుతోంది. ఈ క్రమంలో రెండు రోజులుగా టాస్క్‌ఫోర్స్‌, పోలీసులు సుమారు 206.70 క్వింటాళ్ల బియ్యం సీజ్‌ చేశారు. వీటి విలువ సుమారు రూ.7,21,450 ఉంటుందని అధికారులు తెలిపారు. నూకలుగా చేసి కోళ్లకు దాణాగా .. హసన్‌పర్తి మండల కేంద్రంలో టాస్క్‌ఫోర్స్‌, పోలీసులు దాడులు నిర్వహించారు. ఇందులో సుమారు 84 క్వింటాళ్ల రేషన్‌ బియ్యం లభ్యయయ్యాయి. గోదాం నుంచి బియ్యం తరలిస్తున్న క్రమంలో దాడులు నిర్వహించారు. అలాగే, అదేరోజు కోమటిపల్లి తండాలో కూడా దాడులు నిర్వహించి సుమారు 45 క్వింటాళ్లు స్వాధీనం చేసుకున్నారు. ఆదివారం(ఈ నెల 23న) మధు తండాలో దాడుల సందర్భంగా 77,70 క్వింటాళ్ల బియ్యం సీజ్‌ చేశారు. వివిధ ప్రాంతాల్లో రూ.15 నుంచి రూ.20కు బియ్యం సేకరించి.. ఆ బియాన్ని బ్లాక్‌ మార్కెట్‌లో రూ.30నుంచి రూ.35 విక్రయిస్తున్నారు. కొన్ని ప్రాంతాల్లో డీలర్లే బియ్యాన్ని బ్లాక్‌ చేస్తున్నట్లు పోలీసులు అనుమానిస్తున్నారు. హసన్‌పర్తి నుంచి సిద్దిపేటకు బియ్యం తరలివెళ్తోంది. ఇక్కడ ఉన్న ఆయా కోళ్ల పరిశ్రమల్లో బియ్యాన్ని విక్రయిస్తున్నారు. అక్కడ సదరు వ్యాపారి ఈ బియ్యాన్ని నూకలుగా చేసి కోళ్లకు దాణగా వినియోగిస్తున్నట్లు పోలీసుల విచారణలో వెల్లడైంది. దాణాగా తరలిస్తున్న అక్రమార్కులు

జనగామ : జనగామ పట్టణంలో తాళం వేసి ఉన్న ఇళ్లను లక్ష్యంగా చేసుకుని చోరీలకు పాల్పడుతున్న దొంగను అరెస్ట్‌ చేసి రిమాండ్‌కు తరలించినట్లు సీఐ సత్య నారాయణరెడ్డి తెలిపారు. ఈ మేరకు బుధవారం జనగామ పోలీస్‌ స్టేషన్‌లో ఎస్సైలు ఎం. భరత్‌, రతీష్‌తో కలిసి వివరాలు వెల్లడించారు. సిద్దిపేట జిల్లా కుకునూరుపల్లి మండలం రాయవరం గ్రామానికి చెందిన దబ్బేటి బాలాలింగం అలియాస్‌ బాలు అలియాస్‌ ప్రవీణ్‌రాజు 2026, మే మొదటి వారంలో సహచరుడు దుబ్బేట అశోక్‌తో కలిసి బైక్‌పై జనగామ వచ్చాడు. ఇక్కడ హైదరాబాద్‌ రోడ్డులోని ఓ కాలనీలో తాళం వేసి ఉన్న ఇంట్లోకి ప్రవేశించి బీరువాలోని బంగారు ఆభరణాలను ఎత్తుకెళ్లాడు. ఈ ఘటనపై బాధితుల ఫిర్యాదు మేరకు పోలీసులు కేసు నమోదు చేసి గాలింపు చేపట్టారు. కాగా, ఇతర చోరీ కేసుల్లో కీసర పోలీసులు ప్రవీణ్‌రాజును అరెస్ట్‌ చేసి 2026, జూలై 4న చర్లపల్లి జైలుకు తరలించారు. జైలు నుంచి ఆగస్టు 22న విడుదలైన అనంతరం జనగామలో చోరీ చేసిన బంగారాన్ని విక్రయించేందుకు వరంగల్‌ వెళ్తుండగా బుధవారం జిల్లా కేంద్రంలోని బస్టాండ్‌ వద్ద పోలీసులు అనుమానంతో అదుపులోకి తీసుకుని విచారించగా నేరం ఒప్పుకున్నాడు. దీంతో 44.990 గ్రాముల బంగారు ఆభరణాలను స్వాధీనం చేసుకుని నిందితుడిని అరెస్ట్‌ చేసి రిమాండ్‌కు తరలించినట్లు సీఐ తెలిపారు. కేసులో తదుపరి దర్యాప్తు కొనసాగుతున్నట్లు సీఐ వెల్లడించారు. కాగా, నిందితుడిపై గతంలో కూడా సుమారు 90 కేసులు ఉన్నట్లు విచారణలో వెల్లడైందని, గజ్వేల్‌ పోలీస్‌ స్టేషన్‌లో పీడీ యాక్ట్‌ కూడా నమోదైందని సీఐ పేర్కొన్నారు. డీసీపీ రాజామహేంద్రనాయక్‌ సూచనల మేరకు ఏసీపీ భీంశర్మ, సీఐ సత్యనారాయణరెడ్డి పర్యవేక్షణలో నిందితుడి అరెస్ట్‌లో సమర్థవంతంగా విధులు నిర్వర్తించిన ఎస్సై భరత్‌, సిబ్బంది బి.కరుణాకర్‌, ఎన్‌ సాగర్‌, బి.కృష్ణ, బి.భాస్కర్‌, సాల్మన్‌, సీసీఎస్‌ వరంగల్‌ టీం, సీఐ రాఘవేందర్‌, ఎస్సై రవీందర్‌, హెడ్‌కానిస్టేబుల్‌ మహేశ్‌, కానిస్టేబుల్‌ రమేశ్‌ను సీపీ అభినందించినట్లు సీఐ తెలిపారు. చోరీలకు పాల్పడుతున్న దొంగ అరెస్ట్‌, రిమాండ్‌ 44.990 గ్రాముల బంగారు ఆభరణాలు స్వాధీనం వివరాలు వెల్లడించిన జనగామ సీఐ సత్యనారాయణరెడ్డి

కాళేశ్వరం : జయశంకర్‌ భూపాలపల్లి జిల్లా మహదేవపూర్‌ మండలం కాళేశ్వరం దేవస్థానం జీర్ణోద్దరణ లో భాగంగా మట్టి తవ్వకాలు నైరుతి మూల నుంచి బుధవారం ప్రారంభించారు. ప్రస్తుత నిర్మాణ ప్రాకారానికి 12 ఫీట్లతో లోతు నుంచి ప్రొక్లైనర్‌తో తవ్వకాలు చేపట్టారు. అంతకు ముందు శ్రీశుభానందాదేవి అమ్మవారి ఆల యం ఉన్న చోట 12 ఫీట్ల మేర తవ్వకాలు చేపట్టారు. అక్కడ పునాదిలో రాళ్లు బయటపడ్డాయి. భూమిలోతు కోసం కొంత మేర మట్టి తీశారు. దీంతో రాతి నిర్మాణాలకు అడుగు పడింది. త్వరలో మార్కింగ్‌ ఇచ్చి నిర్మాణాలకు నాంది పలకనున్నారు. ఆర్‌అండ్‌బీ డీఈఈ దేవేందర్‌ పర్యవేక్షణలో ఈ పనులు సాగుతున్నాయి.

సాక్షి, మహబూబాబాద్‌: గ్రామీణ ప్రాంతాల్లో సెర్ప్‌, పట్టణ ప్రాంతాల్లో మెప్మాలో జరిగే అవకతవకలను అరికట్టేందుకు కేంద్ర ప్రభుత్వం ప్రత్యేకంగా లోకోస్‌ యాప్‌ను ప్రవేశపెట్టింది. ఈ యాప్‌ ద్వారా సభ్యులతో పాటు కేంద్ర ప్రభుత్వం రుణాల వివరాలు సులభంగా తెలుసుకునే వీలు ఉంటుంది. కాగా, జిల్లాలో యాప్‌ ఈ–కేవైసీ ప్రక్రియ మొదలైంది. ఈ ప్రక్రియ పూర్తయితే స్వయం సహాయక సంఘాల్లో జరిగే అవకతవకలకు, అక్రమాలు, నిధుల దుర్వినియోగానికి చెక్‌ పెట్టే అవకాశం ఉంటుందని అధికారులు చెబుతున్నారు. లోకోస్‌ యాప్‌ ఈ–కేవైసీ ప్రక్రియ జిల్లాలో 33శాతం పూర్తి చేశారు. 18 మండలాల పరిధిలో 668 గ్రామైక్య సంఘాల్లో 16,294 స్వయం సహా యక సంఘాలు ఉన్నాయి. ఇందులో 1,25,151 మంది సభ్యులు ఉన్నారు. వీరిలో 1,15,228 మందికి బ్యాంకు అకౌంట్లు, 1,14,826మందికి ఆధార్‌ లింక్‌ అయి ఉంది. వీటి ఆధారంగా జిల్లాలో యాప్‌లో ఈ–కేవైసీ ప్రక్రియ 41,473 మంది వివరాలు నమోదు చేశారు. అంటే 33.14శాతం పూర్తిచేశారు. ఇందులో అత్యధికంగా చిన్నగూడూరు మండలంలో 57శాతం, దంతాలపల్లి 52శాతం, అత్య ల్పంగా గంగారం మండలంలో 10శాతం ప్రక్రియ పూర్తి చేశారు. అదే విధంగా మహబూబాబాద్‌, డోర్నకల్‌, మరిపెడ, తొర్రూరు, కేసముద్రం మున్సి పాలిటీల పరిధిలో 111 పట్టణ సమైక్యలు ఉండగా 3,180 సంఘాల్లో 30,790 మంది సభ్యులు ఉన్నారు. అయితే మెప్మా పరిధిలో మాత్రం లోకోస్‌ ఈ–కేవైసీ ప్రక్రియ ఇప్పటికీ ప్రారంభించలేదు. ప్రభుత్వం తీసుకొచ్చిన లోకోస్‌ యాప్‌ ద్వారా ఎక్కడ అక్రమాలు జరిగినా తెలిసిపోయే అవకాశం ఉంది. దీంతో తమ ఆటలు సాగవని అక్రమార్కులు భయపడుతున్నారు. జిల్లాలోని పలు మండలాలు, మున్సిపాలిటీల్లో సభ్యులకు తెలియకుండా రుణాలు తీసుకోవడం, చెల్లించిన డబ్బులు జమ చేయకపోవడం, ప్రభుత్వం నుంచి వచ్చిన సబ్సిడీలు, ఇతర ప్రయోజనాలను సభ్యులకు తెలియకుండా కాజేసిన సంఘటనలు ఉన్నాయి. ఒకే సంఘం పేరున వేర్వేరు బ్యాంకుల్లో సభ్యులకు తెలియకుండా రుణాలు తీసుకోవడం, వారి సొంత అవసరాలకు వాడుకోవడం, డబ్బులు చెల్లించకుండా ఎన్‌పీఎల్‌లో పడే వరకు చూచి సెటిల్‌మెంట్‌ చేసుకున్న సంఘటనలు ఉన్నాయి. లోగోస్‌ యాప్‌తో ఇటువంటి అక్రమాలకు చెక్‌ పడనుంది. దీంతో ఇంతకాలం ఇష్టారాజ్యంగా సాగిన వ్యవహారం ఇక ముందు సాగదనే భయం పట్టుకుంది. జిల్లాలో ఈ–కేవైసీ ప్రక్రియ షురూ గ్రామీణ ప్రాంతాల్లో 33శాతం పూర్తి మెప్మాలో ప్రారంభంకాని ప్రక్రియ

డోర్నకల్‌: రైతులు మల్బరీ సాగుచేసి మెరుగైన ఆదాయం పొందవచ్చని సెరీకల్చర్‌ జాయింట్‌ డైరెక్టర్‌ జి.అనసూయ తెలిపారు. మండలంలోని బూరుగుపాడు గ్రామశివారులో నందిగామ రామిరెడ్డి సాగు చేస్తున్న మల్బరీ తోటను బుధవారం జేడీ అనసూయతో పాటు కేంద్ర సిల్క్‌ బోర్డు శాస్త్రవేత్త జె.శ్రీకాంత్‌నాయక్‌ పరిశీలించారు. నా పట్టు–నా అభిమానం–2.0 కార్యక్రమంలో భాగంగా బూరుగుపాడులో క్షేత్రస్థాయిలో మల్బరీ తోటను పరిశీలించి స్థానిక రైతులతో ముఖాముఖి నిర్వహించారు. ఈ సందర్భంగా అనసూయ మా ట్లాడుతూ.. సంప్రదాయ పంటలకు ప్రత్యామ్నాయంగా పంట మార్పిడి పద్ధతిలో మల్బరీ సాగుతో ఎకరాకు రూ.2 లక్షల వరకు ఆదాయం పొందవచ్చని తెలిపారు. తక్కువ పెట్టుబడి, ఎక్కువ రక్షణ పద్ధతిలో మల్బరీ సాగు ఉంటుందని, ఒకసారి నాటితే ఏడాదికి 5 నుంచి 6 పంటలు పొందవచ్చని తెలిపారు. ప్రతీ గ్రామంలో కనీసం 50 ఎకరాల్లో మల్బరీ సాగయ్యేలా ప్రణాళికలు రూపొందిస్తున్నట్లు తెలిపారు. మల్బరీ తోటల సాగులో యాజమాన్య పద్ధతులు, వేరుకుళ్లు తెగుళ్ల నివారణకు తీసుకోవాల్సిన జాగ్రత్తల గురించి మైసూరు శాస్త్రవేత్త శ్రీకాంత్‌నాయక్‌ రైతులకు పలు సూచనలు చేశారు. కార్యక్రమంలో సహాయ పట్టుపరిశ్రమ అధికారి సురేష్‌, స్థానిక రైతులు పాల్గొన్నారు.

మహబూబాబాద్‌ రూరల్‌ : మహ్మద్‌ ప్రవక్త (సల్ల ల్లాహు అలైహి వసల్లం) జీవితం మానవాళికి సత్యం, న్యాయం, శాంతి, సోదరభావం, కరుణ విలువలను బోధించిందని ముస్లిం మత గురువు మౌలానా సయీద్‌ అహ్మద్‌ రిజ్వి అన్నారు. మహ్మద్‌ ప్రవక్త జన్మదినోత్సవాన్ని పురస్కరించుకుని మహబూబాబాద్‌ పట్టణంలో అహ్లే సున్నత్‌ జమాత్‌ కమిటీ ఆధ్వర్యంలో బుధవారం భారీ ద్విచక్రవాహన ర్యాలీ నిర్వహించారు. ఈ సందర్భంగా రిజ్వీ మాట్లాడుతూ.. క్రీస్తు శకం 571లో మక్కా నగరంలో జన్మించిన మహ్మద్‌ ప్రవక్త చిన్ననాటి నుంచే నిజాయితీ, సత్యవంతతకు ప్రసిద్ధి చెంది అల్‌ అమీన్‌ అనే పేరును పొందారన్నారు. సత్యం, న్యాయం, మంచితనంతో జీవించాలని ప్రజలకు బోధించారని, భగవంతుడిని విశ్వసించడం, అందరినీ సమానంగా చూడడం, పేదలకు సహాయం చేయడం, అనాథలను ఆదుకోవడం, సత్యం, క్షమ, శాంతి, దయ వంటి విలువలను ప్రవక్త బోధించారని తెలిపారు. కార్యక్రమంలో ఇర్ఫాన్‌, అన్వర్‌, ఫరీద్‌, అసద్‌ అలీ ఖాన్‌, హారుణ్‌, అసిఫ్‌ అలీ, ఖలీద్‌, ఖలీల్‌, వహేద్‌, ఖాజాపాషా, ఇస్మాయిల్‌, మహేబూబ్‌ పాషా, అమీర్‌, జాకీర్‌, నయీమ్‌, జమీల్‌, యాకూబ్‌, అల్తాఫ్‌, మతీన్‌, ముస్లిం మతగురువులు, మతపెద్దలు, యువకులు తదితరులు పాల్గొన్నారు.

తొర్రూరు: మాలల రాజ్యాంగ హక్కుల్ని కాలరాస్తున్న రోస్టర్‌ విధానాన్ని సవరించాలని మాల మహానాడు జాతీయ అధ్యక్షుడు జి. చెన్నయ్య డిమాండ్‌ చేశారు. డివిజన్‌ కేంద్రంలోని విశ్రాంతి భవనంలో బుధవారం మాల మహానాడు జిల్లా ముఖ్య నాయకుల సమావేశం నిర్వహించారు. జిల్లా ఇన్‌చార్జ్‌ ప్రశాంత్‌ అధ్యక్షతన నిర్వహించిన సమావేశంలో చెన్నయ్య మాట్లాడారు. ప్రస్తుత రోస్టర్‌ విధానంతో గ్రూప్‌–3లోని మాలలతో పాటు ఇతర 25 కులాలకు అన్యాయం జరుగుతుందన్నారు. ఎస్సీ రిజర్వేషన్ల హేతుబద్ధీకరణ చట్టం–2025 రాజ్యాంగానికి వ్యతిరేకమన్నారు. రోస్టర్‌ విధానంతో విద్యాసంస్థల ప్రవేశాలు, ఉద్యోగాల్లో మాలలకు తీవ్ర అన్యాయం జరుగుతుందన్నారు. మాల ఎమ్మెల్యేలు ఈ అన్యాయంపై మౌనం వహించడం సరికాదన్నారు. జిల్లా అధ్యక్షుడిగా రాకేష్‌ ఎన్నిక.. మాల మహానాడు జిల్లా నూతన కమిటీని ప్రకటించారు. జిల్లా అధ్యక్షుడిగా యనమల రాకేష్‌, వర్కింగ్‌ ప్రైసిడెంట్‌గా గుండాల బిక్షం, డోర్నకల్‌ నియోజకవర్గ అధ్యక్షుడిగా కొప్పుల శ్రీనివాస్‌లను ఎన్నుకున్నారు. వారికి చెన్నయ్య నియామక పత్రాలు అందించారు. సమావేశంలో జిల్లా ఎస్సీ, ఎస్టీ విజిలెన్స్‌ కమిటీ సభ్యురాలు పంజా కల్పన, రాష్ట్ర కార్యదర్శులు దాసరి ప్రకాష్‌, గుర్రాల లింగన్న, నాయకులు పప్పుల వెంకన్న, ప్రేమ్‌, గుండాల బిక్షం, కొప్పుల శ్రీనివాస్‌, సంజీవరావు, రమేష్‌ పాల్గొన్నారు. మాల మహానాడు జాతీయ అధ్యక్షుడు చెన్నయ్య

సాక్షిప్రతినిధి, వరంగల్‌ : పోలీస్‌శాఖలో ఇన్‌స్పెక్టర్ల బదిలీలు మరోసారి రాజకీయ సిఫారసుల చర్చకు తెరలేపాయి. మల్టీజోన్‌–1 పరిధిలో తొమ్మిది మంది ఇన్‌స్పెక్టర్లను బదిలీ చేస్తూ పోలీస్‌ ఎస్టాబ్లిష్‌మెంట్‌ బోర్డు ఉత్తర్వులు జారీ చేసింది. అధికారికంగా పరిపాలనా కారణాలతోనే బదిలీలు చేపట్టినట్లు ఉత్తర్వుల్లో పేర్కొన్నప్పటికీ.. కొందరు ఇన్‌స్పెక్టర్లు ఎమ్మెల్యేల సిఫారసు లేఖలతో తమకు అనుకూలమైన పోస్టింగుల కోసం ప్రయత్నించారన్న ఆరోపణలు పోలీస్‌ వర్గాల్లో వినిపిస్తున్నాయి. భూపాలపల్లిలో కీలక మార్పులు భద్రాద్రి కొత్తగూడెం జిల్లాలో ఎస్‌బీ ఇన్‌స్పెక్టర్‌గా పనిచేస్తున్న చెన్నూరి శ్రీనివాస్‌ను జయశంకర్‌ భూపాలపల్లి ఎస్‌హెచ్‌ఓగా నియమించారు. అక్కడ చిట్యాల సర్కిల్‌లో పనిచేస్తున్న దగ్గు మల్లేశ్‌ను మల్టీజోన్‌–1, హైదరాబాద్‌కు రిపోర్ట్‌ చేయాలని ఆదేశించారు. ఆయన స్థానంలో యడ్లపల్లి సతీష్‌ చిట్యాల సర్కిల్‌ ఇన్‌స్పెక్టర్‌గా నియమించారు. ఇదే జోన్‌ పరిధిలోని నిజామాబాద్‌, కామారెడ్డి జిల్లాలకు చెందిన ముగ్గురు ఇన్‌స్పెక్టర్‌లకు స్థానచలనం కలిగింది. వరంగల్‌కు ముగ్గురు.. ఒకరు బయటకు.. వరంగల్‌ కమిషనరేట్‌కు తాజా బదిలీల్లో ముగ్గురు ఇన్‌స్పెక్టర్లు వచ్చారు. రామగుండం కమిషనరేట్‌ టాస్క్‌ఫోర్స్‌లో పనిచేస్తున్న తెల్ల బోయిన కిరణ్‌, రామగుండం కమిషనరేట్‌ లీగల్‌ సెల్‌లో పనిచేస్తూ మల్టీజోన్‌–1 కంట్రోల్‌ రూమ్‌కు అటాచ్‌ అయి ఉన్న అనుముల శ్రీనివాస్‌ను కూడా వరంగల్‌ కమిషనరేట్‌కు పంపారు. హైదరాబాద్‌ టీజీఐసీసీసీ ఇన్‌స్పెక్టర్‌ భరత్‌ సుమన్‌ను కూడా కమిషనరేట్‌లో రిపోర్టు చేయాలన్నారు. మరోవైపు వరంగల్‌ కమిషనరేట్‌ సీఎస్‌బీలో పనిచేస్తున్న యడ్లపల్లి సతీష్‌ను జయశంకర్‌ భూపాలపల్లి జిల్లా చిట్యాల సర్కిల్‌కు బదిలీ చేశారు. ‘లేఖ’ ఎవరిది.. పోస్టింగ్‌ ఎక్కడ? ఇన్‌స్పెక్టర్ల బదిలీలు జరిగిన ప్రతీసారి రాజకీయ సిఫారసుల అంశం తెరపైకి వస్తుండటం పోలీస్‌ శాఖలో చర్చనీయాంశంగా మారుతోంది. ము ఖ్యంగా తమకు అనుకూలమైన సర్కిల్‌, కమిషనరేట్‌ లేదా కీలక విభాగంలో పోస్టింగ్‌ కోసం ప్ర జాప్రతినిధుల సిఫారసులు తీసుకొస్తున్నారన్న ఆరోపణలు గతంలోనూ వినిపించాయి. తాజా గా మల్టీజోన్‌–1 పరిధిలోని 9 మందికి బదిలీ కాగా.. తమకు అనుకూలమైన పోస్టింగ్‌ల కోసం మరికొందరు ఇన్‌స్పెక్టర్‌లు తీవ్రంగా ప్రయత్నిస్తున్నట్లు ప్రచారం. త్వరలోనే వరంగల్‌ కమి షనరేట్‌, జేఎస్‌ భూపాలపల్లి, ములుగు, మహబూబాబాద్‌ జిల్లాలకు చెందిన కొందరికి బదిలీ లు ఉంటాయంటున్నారు. భద్రాద్రి కొత్తగూడెం, ఉమ్మడి కరీంనగర్‌ల నుంచి కొందరు వరంగల్‌కు ప్రయత్నాలు చేస్తున్నట్లు ప్రచారం ఉంది. అధికారికంగా మాత్రం ‘అడ్మినిస్ట్రేటివ్‌ గ్రౌండ్స్‌’... మల్టీజోన్‌–1 పోలీస్‌ ఎస్టాబ్లిష్‌మెంట్‌ బోర్డు జారీ చేసిన ఉత్తర్వుల్లో ఈ తొమ్మిది మంది బదిలీలను ‘ఆన్‌ అడ్మినిస్ట్రేటివ్‌ గ్రౌండ్స్‌’గా పేర్కొంది. దీంతో అధికారిక ఉత్తర్వుల్లో పరిపాలనా కారణాలే కనిపిస్తున్నప్పటికీ.. క్షేత్రస్థాయిలో మాత్రం రాజకీయ సిఫారసులపై చర్చ సాగుతుండటం ఆసక్తికరంగా మారింది. ఎవరి సిఫారసు పనిచేసింది? ఎవరి పోస్టింగ్‌ మారింది? అన్నదానిపై పోలీస్‌ శాఖలోనే కాకుండా రాజకీయ వర్గాల్లోనూ ఆసక్తి నెలకొంది. భవిష్యత్‌లో జరగనున్న బదిలీలు, పోస్టింగ్‌ల ఉత్తర్వులు వెలువడితే గాని మరింత స్పష్టత వచ్చే అవకాశం ఉందన్న చర్చ జరుగుతోంది. మల్టీజోన్‌–1లో 9 మంది ఇన్‌స్పెక్టర్ల బదిలీ వరంగల్‌ కమిషనరేట్‌కు ముగ్గురు.. ఇక్కడినుంచి ఒకరు బయటకు ఎమ్మెల్యేల సిఫారసు లేఖలతో పోస్టింగులంటూ ఆరోపణలు.. గతంలోనూ ఇదే తరహా వివాదాలు

బడి బస్సుల విషయంలో నిక్కచ్చిగా వ్యవహరిస్తున్నాం. నిబంధనల్లో ఏ ఒక్కటి పాటించకున్నా అనుమతి నిరాకరిస్తున్నాం. తొర్రూరులో రెండు బస్సులు ప్రమాదానికి గురైన నేపథ్యంలో ప్రైవేట్‌ పాఠశాలల యాజమాన్యాలతో అవగాహన సదస్సు నిర్వహించి సూచనలు చేశాం. బస్సుల మరమ్మతులు చేపట్టి వస్తేనే బాగున్నట్లు పత్రం ఇస్తున్నాం. నిబంధనలు పాటించకుంటే సీజ్‌ చేస్తాం. పిల్లల జీవితాలకు సంబంధించినవి కావడంతో బడి బస్సుల భద్రతలో రాజీపడే ప్రసక్తే లేదు. – బి. శంకర్‌నాయక్‌, డీటీఓ ●

మహబూబాబాద్‌ అర్బన్‌: రోడ్డు ప్రమాదం జరిగిన వెంటనే స్పందించి క్షతగాత్రులను సమీప ఆస్పత్రికి తరలించి ప్రాణాలు కాపాడే వ్యక్తులకు కేంద్ర ప్రభుత్వం రహ్‌–వీర్‌ పథకం కింద రూ.25వేల నగదు బహుమతి, ప్రశంసప్రతం అందజేస్తుందని జిల్లా రవాణాశాఖ అధికారి శంకర్‌నాయక్‌ బుధవారం తెలిపారు. ప్రమాదం జరిగిన తొలిగంట(గోల్డెన్‌ అవర్‌) ఎంతో కీలకమన్నారు. ప్రజలు, యువకులు భయపడకుండా బాధితులకు తక్షణమే సహాయం అందించాలని ఆయన కోరారు. పీఆర్టీయూ జిల్లా ప్రధాన కార్యదర్శిగా శ్రీధర్‌డోర్నకల్‌: పీఆర్టీయూ జిల్లా ప్రధాన కార్యదర్శిగా మండలంలోని ముల్కలపల్లికి చెందిన చాగర్లమూడి శ్రీధర్‌ ఎన్నికయ్యారు. మహబూబాబాద్‌లో బుధవారం నిర్వహించిన పీఆర్టీయూ జిల్లా సర్వసభ్య సమావేశంలో శ్రీధర్‌ జిల్లా ప్రధాన కార్యదర్శిగా ఏకగ్రీవంగా ఎన్నికయ్యారు. ప్రస్తుతం పెరుమాళ్లసంకీస ఎంపీపీఎస్‌లో ఉపాధ్యాయుడిగా విధులు నిర్వర్తిస్తున్న శ్రీధర్‌ గతంలో పీఆర్టీయూ మండల అధ్యక్షుడిగా, రాష్ట్ర అసోసియేట్‌ అధ్యక్షుడిగా పని చేశారు. ధర్నాను విజయవంతం చేయాలిమహబూబాబాద్‌ : పెన్షనర్ల సమస్యలు పరిష్కరించాలని గురువారం కలెక్టరేట్‌ ఎదుట నిర్వహించే ధర్నాను విజయవంతం చేయాలని రిటైర్డ్‌ ఎంప్లాయీస్‌ అసోసియేషన్‌(రేవా) జిల్లా అధ్యక్షుడు సంకా బద్రినారాయణ పిలుపునిచ్చారు. జిల్లా కేంద్రంలోని విశ్రాంత ఉద్యోగుల భవనంలో బుధవారం రేవా అసోసియేషన్‌ సమావేశం నిర్వహించారు. ఈసందర్భంగా ఆయన మాట్లాడుతూ.. పెన్షన్‌ బకాయిలు చెల్లించాలని, ఆరు డీఏలు విడుదల చేయాలని, పాత పెన్షన్‌ విధానాన్ని అమలు చేయాలని డిమాండ్‌ చేశారు. పెండింగ్‌ బకాయిల చెల్లింపుల విషయంలో ప్రభుత్వంపై ఒత్తిడి పెంచేందుకు ధర్నా చేపడుతున్నట్లు తెలిపారు. పెన్షనర్ల సమస్యలు పరిష్కరించకుంటే ఆందోళనలు తీవ్రతరం చేస్తామని హెచ్చరించారు. కార్యక్రమంలో సంఘం నాయకులు తదితరులు పాల్గొన్నారు. ప్రారంభానికి సబ్‌స్టేషన్‌ సిద్ధంకేసముద్రం: మున్సిపాలిటీ పరిధి కేసముద్రంవిలేజ్‌లో రూ.2.67 కోట్ల నిధులతో నూతనంగా నిర్మించిన 33/11 కేవీ సబ్‌స్టేషన్‌ నిర్మాణం పనులు పూర్తయ్యాయి. రాజ్యసభ సభ్యుడు వేం నరేందర్‌రెడ్డి సహకారంతో సబ్‌స్టేషన్‌ మంజూరు కాగా, డైరెక్టర్‌ ఆపరేషన్‌ టి.మధుసూదన్‌, ప్రాజెక్ట్‌ సీఈ సురేందర్‌, ఆపరేషన్‌ ఎస్‌ఈ దర్శన్‌కుమార్‌, విద్యుత్‌ అధికారుల ఆధ్వర్యంలో త్వరితగతిన పనులను పూర్తి చేశారు. ఈ మేరకు ఇటీవల సబ్‌స్టేషన్‌ను విజయవంతంగా టెక్నికల్‌ చార్జ్‌ చేశారు. కాగా, సబ్‌స్టేషన్‌ నిర్మాణంతో కేసముద్రం మున్సిపాలిటీ ప్రజలకు విద్యుత్‌ అంతరాయాలు తగ్గుతాయని, వ్యవసాయ, ఇండస్ట్రీ వినియోగదారులకు లో ఓల్టేజ్‌ సమస్య, అంతరాయాలు పూర్తిగా తగ్గిపోతాయని విద్యుత్‌ అధికారులు తెలిపారు. త్వరలోనే సబ్‌స్టేషన్‌ను రాజ్యసభ సభ్యుడు వేం నరేందర్‌రెడ్డి ప్రారంభించనున్నట్లు సమాచారం. అథ్లెటిక్స్‌ పోటీలు ప్రారంభం వరంగల్‌ స్పోర్ట్స్‌: తెలంగాణ అథ్లెటిక్స్‌ అసోసియేషన్‌ ఆధ్వర్యంలో హనుమకొండలోని జేఎన్‌ఎస్‌లో రెండు రోజుల పాటు జరగనున్న 12వ రాష్ట్ర స్థాయి జూనియర్స్‌ అథ్లెటిక్స్‌ పోటీలు బుధవారం ప్రారంభమయ్యాయి. ఈపోటీల్లో పాల్గొనేందుకు రాష్ట్రంలోని 33 జిల్లాలు, 4 అకాడమీలు, 3 క్రీడా పాఠశాలల నుంచి 1600 మంది అథ్లెట్లు పాల్గొన్నట్లు నిర్వహణ కార్యదర్శి పగడాల వెంకటేశ్వర్‌రెడ్డి తెలిపారు. అండర్‌–14, 16, 18, 20 బాలబాలికలకు రెండు రోజుల పాటు 120 ఈవెంట్లలో పోటీలు నిర్వహించనున్నట్లు తెలిపారు. ఇందులో ప్రతిభ కనబర్చిన అథ్లెట్లను సెప్టెంబర్‌ 16, 17, 18 తేదీల్లో పుదుచ్చేరిలో జరగనున్న సౌత్‌జోన్‌ జూనియర్స్‌ అథ్లెటిక్స్‌ చాంపియన్‌షిప్‌ పోటీలకు ఎంపిక చేయనున్నట్లు తెలిపారు.

● నలుగురికి తీవ్ర గాయాలు ● వరంగల్‌కు చెందిన విద్యార్థి పరిస్థితి విషమం ఇబ్రహీంపట్నం: రంగారెడ్డి జిల్లా ఇబ్రహీంపట్నం సమీపంలోని గురునానక్‌ ఇంజనీరింగ్‌ కళాశాల వద్ద బుధవారం రాత్రి జరిగిన రోడ్డు ప్రమాదంలో ఓ బీటెక్‌ విద్యార్థి మృతి చెందగా, మరో నలుగురికి తీవ్రగాయాలయ్యాయి. వివరాలు ఇలా ఉన్నాయి.. గురునానక్‌లో ఇంజనీరింగ్‌ చదువుతున్న ఐదుగురు విద్యార్థులు డిన్నర్‌ పూర్తి చేసుకొని జేబీవెంచర్‌ వైపు వాకింగ్‌ చేస్తుండగా, మాల్‌ నుంచి వేగంగా వచ్చిన టాటా మినీ వ్యాన్‌ వీరిని ఢీకొడుతూ వెళ్లి, బోల్తా పడింది. ఈ ప్రమాదంలో నిజామాబాద్‌ జిల్లా ఆర్మూరుకు చెందిన బీటెక్‌ ఫస్టియర్‌ విద్యార్థి హర్షవర్ధన్‌(19) అక్కడికక్కడే మృతిచెందగా వరంగల్‌కు చెందిన మరో విద్యార్థి శివరాజ్‌ పరిస్థితి విషమంగా ఉంది. వీరితోపాటు కౌమిద్‌రెడ్డి, అక్షమ్‌, కార్తీక్‌రెడ్డి తీవ్రంగా గాయపడ్డారు. వీరిని చికిత్స నిమిత్తం అస్పత్రికి తరలించారు. శుభకార్యానికి వెళ్లొస్తూ మృత్యుఒడికి.. ● గుర్తుతెలియని వాహనం ఢీకొని వ్యక్తి మృతి ● పున్నేలు క్రాస్‌ సమీపంలో ఘటనఐనవోలు: శుభకార్యానికి వెళ్లొస్తూ గుర్తుతెలియని వాహనం ఢీకొని వ్యక్తి మృతి చెందాడు. ఈ ఘటన హనుమకొండ జిల్లా ఐనవోలు మండలం పున్నేలు క్రాస్‌ సమీపంలోని సత్యం గార్డెన్‌ వద్ద చోటు చేసుకుంది. స్థానికుల కథనం ప్రకారం.. వరంగల్‌ రంగశాయిపేటకు చెందిన మచ్చ కుమారస్వామి(50) ట్రాలీ డైవర్‌గా పని చేస్తూ జీవనం కొనసాగిస్తున్నాడు. బుధవారం ఉప్పరపల్లి క్రాస్‌ వద్ద జరిగిన బంధువుల శుభకార్యానికి హాజరై తిరిగి రంగశాయిపేటకు బైక్‌పై వెళ్తున్నాడు. ఈ క్రమంలో వరంగల్‌–ఖమ్మం రహదారిపై పున్నేలు క్రాస్‌ సమీపంలోని సత్యం గార్డెన్‌ వద్ద గుర్తు తెలియని వాహనం ఢీకొంది. ఈ ప్రమాదంలో తీవ్రంగా గాయపడి అక్కడికక్కడే మృతిచెందాడు. విషయం తెలుసుకున్న పోలీసులు ఘటనా స్థలికి చేరుకుని మృతదేహాన్ని పోస్టుమార్టం నిమిత్తం ఆస్పత్రికి తరలించారు. కుటుంబ సభ్యులు ఘటనా స్థలికి చేరుకుని కన్నీరుమున్నీరుగా విలపించారు. బ్లాక్‌ కలర్‌ స్కార్పియో వాహనం ఢీకొన్నట్లు కుటుంబ సభ్యులు ఆరోపిస్తున్నారు. కాగా, పోలీసులు సీసీ ఫుటేజీని పరిశీలిస్తున్నారు. మృతుడికి ముగ్గురు కూతుళ్లు, భార్య పుష్ప ఉన్నారు. దివ్యాంగురాలిని కాపాడిన కానిస్టేబుల్‌గూడూరు: చేద బావిలో ఓ దివ్యాంగురాలు పడుతుండగా గుర్తించిన కానిస్టేబుల్‌ సమయ స్ఫూర్తితో వెంటనే ఆమెను రక్షించాడు. ఈ సంఘటన మహబూబాబాద్‌ జిల్లా గూగూరు మండలం ఏపూరులో బుధవారం జరిగింది. గ్రామానికి చెందిన ఓ దివ్యాంగ యువతి చేద బావి పక్కన కూర్చుంది. ప్రమాదవశాత్తు జారి అందులో పడింది. ఆ సమయంలోనే అటుగా వెళ్తున్న గ్రామ సర్పంచ్‌ మౌనిక భర్త, పోలీసు కానిస్టేబుల్‌గా పనిచేస్తున్న దిలీప్‌ గుర్తించాడు. వెంటనే ఇతరులకు సమాచారం అందించి, తాళ్ల సహాయంతో బావిలోకి దిగాడు. ప్రమాదంలో కొట్టుమిట్టాడుతున్న దివ్యాంగురాలని తాళ్ల సహాయంతో ఆమెను పైకి చేర్చి ప్రాణం కాపాడాడు. విషయం తెలుసుకున్న గ్రామస్తులు ఆపదలో ఉన్న దివ్యాంగురాలిని కాపాడి మానవత్వం చాటిన దిలీప్‌ను అభినందించారు.

కాళోజీ సెంటర్‌ : చదువుకోవాలనే ఆశ ఉన్న వారికి తెలంగాణ ఓపెన్‌ స్కూల్‌ సొసైటీ సువర్ణావకాశాన్ని కల్పిస్తోంది. నియత పాఠశాలలో పదో తరగతి వరకు కుటుంబ, ఆర్థిక లేదా వ్యక్తిగత కారణాలతో చదువు మధ్యలోనే ఆపేసిన (డ్రాపౌట్స్‌) వారికి మళ్లీ విద్యాబుద్ధులు నేర్పించి వారి ఉజ్వల భవిష్యత్‌కు బంగారు బాటలు వేస్తోంది. 2026–27 విద్యా సంవత్సరానికి పదో తరగతి, ఇంటర్మీడియట్‌లో చేరేందుకు అడ్మిషన్ల ప్రక్రియ ప్రారంభమైంది. ఈనెల 31 చివరి గడువు. ఇందుకు ఉమ్మడి వరంగల్‌ జిల్లా వ్యాప్తంగా ఓపెన్‌ స్కూల్‌ అధ్యయన కేంద్రాలు అందుబాటులో ఉన్నాయి. 14,660 మంది విద్యార్థుల అడ్మిషన్లే టార్గెట్‌.. డ్రాపౌట్స్‌ విద్యార్థులను, గ్రామీణ యువత, సీ్త్ర, పురుషులు మళ్లీ చదువు వైపు మళ్లించేందుకు ఉమ్మడి వరంగల్‌ పరిధిలోని ఆరు జిల్లాల్లో కలిపి మొత్తం 14,660 మంది విద్యార్థులను అడ్మిషన్‌ పరిధిలోకి తీసుకురావాలని విద్యాశాఖ లక్ష్యంగా పెట్టుకుంది. వయస్సుతో సంబంధం లేదు.. వయస్సుతో సంబంధం లేకుండా చదువు ఆపేసిన వారు, ఉద్యోగాలు లేదా పనులు చేసుకుంటున్నవారు తెలంగాణ ఓపెన్‌ స్కూల్‌ సొసైటీ ద్వారా తమ విద్యను కొనసాగించొచ్చు. వెంటనే సమీపంలోని ఓపెన్‌ స్కూల్‌ అధ్యయన కేంద్రాలను సంప్రదించి తమ పేర్లను నమోదు చేసుకోవాలని అధికారులు సూచిస్తున్నారు. బోధన మాధ్యమం ఎంపిక.. ● పది, ఇంటర్‌లో తెలుగు, ఉర్దూ, ఇంగ్లిష్‌, హిందీ మాధ్యమాల్లో ఏదేని ఒక మాధ్యమాన్ని ఎంపిక చేసుకోవచ్చు. ● అభ్యాసకులు గ్రూప్‌ లిస్టులో ఇచ్చిన ఏ సబ్జెక్టు కాంబినేషన్‌ను అయినా స్కీం ఆఫ్‌ స్టడీలో ఇచ్చిన విధంగా ఎంపిక చేసుకోవచ్చు. ఇంటర్‌లో గ్రూప్‌–ఏలో ఇంగ్లిష్‌ తప్పనిసరి. పదో తరగతికి అడ్మిషన్‌ ఫీజు ఇలా.. ● పదో తరగతికి రిజిస్ట్రేషన్‌ ఫీజు (అందరికీ) రూ.150 ● ఐదు సబ్జెక్టులకు రూ.1,400 (ప్రతీ అదనపు సబ్జెక్టుకు రూ.200 ● ఎస్సీ, ఎస్టీ, బీసీ, మైనార్టీ, మాజీ సైనిక ఉద్యోగ పిల్లలు, ట్రాన్స్‌జెండర్‌, అన్ని వర్గాల మహిళలు ప్రతీ ఐదు సబ్జెక్టులకు రూ.1,000మాత్రమే. ఇంటర్మీడియట్‌కి రిజిస్ట్రేషన్‌ ఫీజు రూ.300 ● ఐదు సబ్జెక్టులకు రూ.1,500 (ప్రతీ అదనపు సబ్జెక్టుకు రూ.300) ● ఎస్సీ, ఎస్టీ, బీసీ, మైనార్టీ, మాజీ సైనిక ఉద్యోగ పిల్లలు, ట్రాన్స్‌జెండర్‌, అన్ని వర్గాల మహిళలు ప్రతీ ఐదు సబ్జెక్టులకు రూ.1,200మాత్రమే. చదువు ఆపిన వారికి సువర్ణావకాశం ప్రారంభమైన అడ్మిషన్లు.. ఈనెల 31 చివరి గడువు ఉమ్మడి జిల్లా వ్యాప్తంగా 14,660 మంది ప్రవేశాలే లక్ష్యం పదో తరగతిలో ప్రవేశానికి మున్సిపల్‌, తహసీల్దార్‌, జిల్లా జనన, మరణ రిజిస్ట్రార్‌ జారీ చేసిన పుట్టిన తేదీ అటెస్టెడ్‌ కాపీ ఉండాలి. కనీస విద్యార్హతలు ఏమి లేకపోతే అభ్యాసకుడు తాను పదో తరగతి చదవగలిగే పరిజ్ఞానం కలిగి ఉన్నాననే సొంత ధ్రువీకరణ పత్రంపై సంతకం చేసి ఇవ్వాలి.జిల్లా వారీగా టార్గెట్‌ వివరాలు (2026–27).. జిల్లా పదో ఇంటర్మీ మొత్తం తరగతి –డియట్‌ లక్ష్యం వరంగల్‌ 840 1,304 2,144 హనుమకొండ 589 1,762 2,351 జనగామ 1231 2,906 4,137 మహబూబాబాద్‌ 710 1,206 1,916 జేఎస్‌ భూపాలపల్లి 522 865 1,387 ములుగు 1,254 1,471 2,725 మొత్తం 5,146 9,514 14,660 పదో తరగతిలో ప్రవేశానికి ఈ నెల చివరి నాటికి 14 సంవత్సరాలు నిండి ఉండాలి. గరిష్ఠ వయోపరిమితి ఏమి లేదు. ఇంటర్మీడియట్‌లో ప్రవేశానికి ఈ నెల చివరినాటికి 15 ఏళ్లు నిండి ఉండాలి. గరిష్ఠ వయోపరిమితి లేదు.సొసైటీ సువర్ణావకాశం కల్పిస్తుందిచదువుకోవాలనే కోరిక ఉన్న వారికి తెలంగాణ ఓపెన్‌ స్కూల్‌ విద్యావకాశాన్ని కల్పిస్తోంది. ఉమ్మడి జిల్లాలో అధ్యాయన కేంద్రాలు అందుబాటులో ఉన్నాయి. అభ్యాసకులకు అనుకూలమైన కేంద్రంలో అడ్మిషన్‌ పొందొచ్చు. ఈనెల 29 వరకు ఈ అవకాశాన్ని సద్వినియోగం చేసుకోవచ్చు. – అనగోని సదానందం, ఉమ్మడి వరంగల్‌ జిల్లా కోఆర్డినేటర్‌

ఈ యాప్‌లో ఈ–కేవైసీ పూర్తయిన తర్వాత సంఘం, సభ్యురాలు వివరాలన్నీ వివరంగా పొందుపర్చి ఉంటాయి. రుణాలు తీసుకునే సందర్భంలో బ్యాంకర్లకు సులభం అవుతుంది. అలాగే సభ్యులే రుణాలు తీసుకుంటున్నారా.. ఒకరి బదులు మరొకరు తీసుకుంటున్నారా అనేది తెలుస్తుంది. సంఘం పొదుపు, రుణాలు, వాయిదాలు, తిరిగి చెల్లింపుల వివరాలు నమోదు అవుతాయి. దీంతో సభ్యురాలు తీసుకున్న రుణం, చెల్లించిన డబ్బులు, ఎంత బాకీ ఉన్నది తెలిసిపోతుంది. దీంతో రుణాల చెల్లింపులో జాగ్రత్త వహించడం, నిరక్షరాస్యుల నుంచి ఎక్కువ మొత్తంలో తీసుకొని మోసం చేసే అవకాశం లేదు. మహిళల జీవనోపాధి వివరాల ఆధారంగా కేంద్ర, రాష్ట్ర ప్రభుత్వాలు అందించే పథకాలు పొందే అవకాశం సులభం అవుతుంది. అలాగే ఒకే సంఘం పేరున వేర్వేరు బ్యాంకుల్లో రుణాలు తీసుకునే అవకాశం ఉండదు. సంఘాల పురోగతి, మొండి బకాయిలు ఉన్నతాధికారులు తెలుసుకోవడం సులభం. దీంతో పర్యవేక్షణ పెంచడం, అవసరమైతే మార్పులు చేయడం, అక్రమాలకు పాల్పడిన వారు ఇట్టే దొరికిపోయే అవకాశం ఉన్నందున వారిపై చర్యలు తీసుకునే ఆస్కారం ఉంటుంది.

నయీంనగర్‌: రాజకీయ ఖైదీలను బేషరతుగా విడుదల చేయాలని రాజకీయ ఖైదీల విడుదల ఐక్య వేదిక డిమాండ్‌ చేసింది. బుధవారం హనుమకొండ ప్రెస్‌క్లబ్‌లో ఏర్పాటు చేసిన సమావేశంలో పౌర హక్కుల సంఘం రాష్ట్ర నాయకుడు రమేశ్‌చందర్‌ మాట్లాడుతూ.. రాజకీయ ఖైదీలను విడుదల చేయాలని, ప్రజా సంఘాలపై ఉన్న అక్రమ కేసులు రద్దు చేయాలని, ఉపా చట్టం రద్దు చేయాలని, తెలంగాణ ఉద్యమకారులపై కేసులు ఎత్తేయాలని డిమాండ్‌ చేస్తూ.. ఈనెల 29న హైదరాబాద్‌ ఇందిరాపార్క్‌ వద్ద ధర్నా నిర్వహిస్తున్నట్లు తెలిపారు. వివిధ పార్టీల రాజకీయ కార్యకర్తలు దేశంలో వేలాదిగా జైళ్లలో మగ్గుతున్నారని తెలిపారు. ఉద్యమ పార్టీలు లేనప్పుడు, ఉద్యమాల పేరుతో బందీలుగా ఉన్న రాజకీయ నాయకులను బేషరతుగా విడుదల చేయాల్సిన అవసరం ఉందన్నారు. సామాజిక ప్రయోజనం కోసం బాధ్యతగా వ్యవహరించిన వాళ్లందరినీ కూడా రాజకీయ ఖైదీలుగానే గుర్తించాలన్నారు. ఉద్యమపార్టీ లేని సందర్భంలో గతంలో నమోదు చేసిన ఉపా కేసులన్నీ కూడా అన్యాయమైనవి, అక్రమమైనవన్నారు. కార్యక్రమంలో సీఎల్‌సీ ఉమ్మడి వరంగల్‌ జిల్లా ప్రెసిడెంట్‌ జయంత్‌, ప్రధాన కార్యరద్శి పాణి, వివిధ ప్రజాసంఘాల నాయకులు రమాదేవి, బాలరాజు, అప్పారావు, రాజేందర్‌, కుమారస్వామి, సుధాకర్‌, దయాకర్‌, ప్రవీణ్‌కుమార్‌, రంజిత్‌ పాల్గొన్నారు.

తొర్రూరు: విద్యార్థులు ప్రయాణించే బడి బస్సుల సామర్థ్యం ప్రశ్నార్థకంగా మారుతోంది. ఫిట్‌నెస్‌ లేని ప్రైవేట్‌ బస్సులు తరచూ ప్రమాదాలకు గురవుతుండడంతో పసి ప్రాణాలు గాల్లో దీపంలా మారుతున్నాయి. తాజాగా తొర్రూరులో రెండు ప్రైవేట్‌ పాఠశాలల బస్సులు ప్రమాదానికి గురవడం వాహనాల ఫిట్‌నెస్‌ డొల్లతనాన్ని చూపాయి. ఇటీవల ప్రమాదాలు.. ఈ నెల 21న తొర్రూరులోని ఓ ప్రైవేట్‌ పాఠశాలకు చెందిన బస్సు టైరు ఊడిపోవడంతో విద్యార్థులు భయాందోళనకు గురయ్యారు. 22న మరో ప్రైవేట్‌ పాఠశాల బస్సు విద్యార్థులను ఇళ్లకు తరలిస్తున్న క్రమంలో లారీని ఢీ కొట్టిన ఘటన చోటు చేసుకుంది. ఈ ఏడాది జూలై 8న కురవి మండలంలోని ఓ ప్రైవేట్‌ పాఠశాల బస్సు నల్లెల క్రాస్‌ రోడ్డు వద్ద లారీని ఢీ కొట్టింది. ఈ నేపథ్యంలో ప్రైవేట్‌ విద్యా సంస్థలు ఉపయోగిస్తున్న బస్సులు, ఇతర వాహనాల సామర్థ్యంపై సందేహాలు వ్యక్తమవుతున్నాయి. దీన్ని బట్టి వాహనాలకు ఏటా క్రమం తప్పకుండా ఫిట్‌నెస్‌ పరీక్షలు నిర్వహించాల్సి ఉన్నా సక్రమంగా జరగడం లేదని తెలుస్తోంది. అలాగే అధికారులు తనిఖీలు నామమాత్రంగా చేపడుతున్నట్లు అనుమానాలు వ్యక్తమవుతున్నాయి. అంతంత మాత్రమే.. విద్యా సంవత్సరం ప్రారంభం నుంచే రవాణా, పోలీసు శాఖ అధికారులు తనిఖీలు చేపట్టాల్సి ఉంటుంది. కానీ, చాలా వరకు ఇది అమలు కావడం లేదు. ఫిట్‌నెస్‌ సర్టిఫికెట్‌ పొందకపోతే కాల పరిమితి ముగిసిన అనంతరం రోజుకు రూ.50 చొప్పున అదనంగా చెల్లించాల్సి ఉంటుంది. క్రమం తప్పకుండా పరీక్షలు చేయిస్తే ఆర్థికంగానూ, అటు వాహన నిర్వహణ పరంగానూ ప్రయోజనకరం ఉంటుంది. బాధ్యతగా భావిస్తేనే.. సరైన సామర్థ్యం లేకుండా వాహనం బయటికి వస్తే అనుకోని ప్రమాదం జరిగితే వాటిల్లే నష్టాన్ని పూడ్చలేం. పిల్లలను తీసుకెళ్లే వాహనాల విషయంలో సంబంధిత యజమానులు, నిర్వాహకులే పూర్తి బాధ్యత తీసుకోవాలి. ఆర్థిక అంశాలను, ఇతరత్రా విషయాలను సాకుగా చూపి నిర్లక్ష్యం చేయకుండా వాహనాలను సన్నద్ధం చేసుకోవాలి. బ్రేకులు, వైరింగ్‌ పనితీరును గమనించాలి. తగిన అనుభవం ఉన్న డ్రైవర్లను నియమించుకోవాలి. 60 ఏళ్లు పైబడిన వారిని డ్రైవర్లుగా నియమించవద్దు. అత్యవసర ద్వారం ఏర్పాటు చేయడం, అగ్నిమాపక యంత్రాలు అందుబాటులో ఉంచడం తప్పనిసరి. పరిమితికి మించి.. రవాణాశాఖ నిబంధనలను జిల్లాలోని పలు పాఠశాలలు మొత్తంగా అమలు చేయడం లేదు. చాలా వ రకు బస్సుల్లో సీట్ల పరిమితికి మించి విద్యార్థులను తరలిస్తున్నారు. బస్సుల్లో సహాయకులు ఉండడం లేదు. కిటికీలకు నిబంధనల మేరకు జాలీల ఏర్పా టు కనిపించడం లేదు. సీట్ల కింద పుస్తకాల బ్యాగులు పెట్టుకునే ఏర్పాటు లేదు. ప్రథమ చికిత్స బా క్సులు ఉన్నా వాటిల్లో మందులు ఉండడం లేదు. పాఠశాలల బస్సులకు ప్రమాదాలు వరుస ఘటనలతో చిన్నారులు, తల్లిదండ్రుల్లో భయాందోళనమండలాలు 18ప్రైవేట్‌ పాఠశాలలు 128ప్రైవేట్‌ బస్సులు 235మొత్తం విద్యార్థులు 38,548

కేయూ క్యాంపస్‌: కాకతీయ యూనివర్సిటీ పరిధి లోని ఉమ్మడి వరంగల్‌, ఖమ్మం, ఆదిలాబాద్‌ జిల్లాల్లో పీజీ కోర్సుల రెండో సెమిస్టర్‌ పరీక్షలు కొనసాగుతున్నాయి. ఈనెల 29న నిర్వహించాల్సిన పరీక్షలను వాయిదావేసినట్లు పరీక్షల నియంత్రణాధికారి కె. రాజేందర్‌ తెలిపారు. మిగతావి షెడ్యూల్‌ ప్రకారం యథావిధిగా జరుగుతాయని తెలిపారు. 29న వాయిదా వేసిన ఆ పరీక్షలు మళ్లీ సెప్టెంబర్‌2న నిర్వహించనున్నామని పేర్కొన్నారు. హైకోర్టు ప్రాసెస్‌ సర్వర్‌ పరీక్షల నేపథ్యంలో 29న జరగాల్సి న పరీక్షలను వాయిదావేశామని తెలిపారు. పూర్తి వివరాలకు కేయూ వెబ్‌సైట్‌ డబ్ల్యూడబ్ల్యూడబ్ల్యూ. కాకతీయ.ఏసి.ఇన్‌లోచూడాలన్నారు. పెరుగుతున్న గోదావరి ప్రవాహం వాజేడు: ఎగువ ప్రాంతాల నుంచి వస్తున్న వరదతో మండల పరిధిలోని పేరూరు వద్ద గోదావరి ప్ర వాహం క్రమేనా పెరుగుతోంది. మంగళవారం సా యంత్రం 14.20 మీటర్లకు చేరుకున్న వరద ప్రవా హం రహదారులకు సమానంగా ప్రవహిస్తోంది. మండల పరిధిలోని చీకుపల్లి, పెద్దగొళ్లగూడెం గ్రా మాల మధ్య ఉన్న ఇసుక వాగు బ్రిడ్జి వద్ద నిర్మించిన డైవర్షన్‌ రోడ్డుపైకి చేరింది. దీంతో భారీ వాహనాల రాకపోకలను తాత్కాలికంగా నిలిపి వేసి చిన్న వాహ నాలను పంపిస్తున్నారు. సంబంధిత అధికారులు జీపీతోపాటు ఇతర సిబ్బందిని అప్రమత్తం చేశారు. అర్హుడైన ప్రతీ ఓటరు పేరు జాబితాలో ఉండాలి ● పాలకుర్తి ఎమ్మెల్యే యశస్వినిరెడ్డి పాలకుర్తి టౌన్‌: ప్రతీ బూత్‌లో జాబితాను క్షణ్ణంగా పరిశీలించి అర్హుడైన ప్రతీ ఓటరుకు న్యాయం చేయాలని పాలకుర్తి ఎమ్మెల్యే మామిడాల యశస్వినిరెడ్డి అన్నారు. ఏఐసీసీ పిలుపు మేరకు సర్‌ ఫేజ్‌–2పై మంగళవారం మండల కేంద్రంలో ‘వి’ కన్వెన్షన్‌ హాల్‌లో నిర్వహించిన బీఎల్‌ఏలు, కాంగ్రెస్‌ నాయకుల ముఖ్య సమావేశంలో ఉమ్మడి వరంగల్‌ జిల్లా ‘సర్‌’ ఇన్‌చార్జ్‌, ఎమ్మెల్సీ శంకర్‌ నాయక్‌, జనగామ, మహబూబాబాద్‌, వరంగల్‌ జిల్లాల డీసీసీ అధ్యక్షులు లకావత్‌ ధన్వంతి, డాక్టర్‌ ఉమ, అయూబ్‌ ఖాన్‌ పాల్గొన్నారు. పాలకుర్తి నియోజకవర్గంలోని ఆరు మండలాల నుంచి బీఎల్‌ఏ, పార్టీ శ్రేణులు పాల్గొన్నారు. ఎమ్మెల్యే మాట్లాడుతూ ప్రతీ బూత్‌లో ఓటరు జాబితాను క్షుణ్ణంగా పరిశీలించి కొత్త ఓటరు నమోదు, తొలగించిన పేర్లు, పునరుద్ధరణ, చిరునామా మార్పులు, ఇతర సవరణలు గుర్తించి అధికారుల దృష్టికి తీసుకెళ్లాలని కోరారు. సర్‌ కోఆర్గినేటర్‌ నజీర్‌ , అసెంబ్లీ కోఆర్డినేటర్‌ ప్ర మోద్‌, తదితరులు పాల్గొన్నారు,

వరంగల్‌ క్రైం: అతను చేసేది హైదరాబాద్‌లో సె క్యూరిటీ గార్డు ఉద్యోగం. కానీ, చేసేది సైబర్‌ నేరాలు. ఫోన్‌లో ప్రముఖ ఐటీ కంపెనీ ప్రతినిధిగా తనను తాను పరిచయం చేసుకుని, ఉద్యోగులకు ఆ హారం సరఫరా చేసే క్యాటరింగ్‌ కాంట్రాక్టులు ఇప్పిస్తానని నమ్మించి హాస్టల్‌ యజమానులను మోసం చేస్తున్న అంతర్‌ జిల్లా సైబర్‌ మోసగాడిని హనుమకొండ పోలీసులు అరెస్ట్‌ చేసినట్లు వరంగల్‌ పోలీస్‌ కమిషనర్‌ శ్వేత తెలిపారు. మంగళవారం సాయంత్రం కమిషనరేట్‌లో ఏర్పాటుచేసిన విలేకరుల సమావేశంలో నిందితుడి వివరాలు వెల్లడించారు. హనుమకొండ జిల్లా ధర్మసాగర్‌ మండలం మలక్‌పల్లి గ్రామానికి చెందిన మహమ్మద్‌ షబ్బీర్‌ అలి యాస్‌ కిరణ్‌కుమార్‌, అలియాస్‌ శ్రీకాంత్‌రెడ్డి, అలి యాస్‌ నర్సింహారెడ్డి, అలియాస్‌ నరేందర్‌రెడ్డి పేర్లతో చలామణి అవుతున్నాడని తెలిపారు. అతను హైదరాబాద్‌లో సెక్యూరిటీ గార్డు ఉద్యోగం చేస్తూ.. సులభంగా డబ్బులు సంపాదించాలన్న ఆశతో సైబర్‌ నేరాలని ప్రవృత్తిగా ఎంచుకున్నట్లు చెప్పా రు. సెల్‌నంబర్లు మార్చుతూ హాస్టల్‌ యజమానులను లక్ష్యంగా చేసుకుని హాస్టల్‌ బోర్డులపై ఉన్న మొబైల్‌ నంబర్లను సేకరించి, వివిధ నంబర్ల ద్వారా వాటి యజమానులను సంప్రదించేవాడని చెప్పారు. తాను ప్రముఖ కంపెనీ ఉద్యోగి, ప్రతినిధినని పరిచయం చేసుకుని, ఆ కంపెనీ ఉద్యోగులకు ఆహారం క్యాటరింగ్‌ కాంట్రాక్టులు ఇప్పిస్తానని, ఇందుకు ప్రాసెస్‌ ఉంటుందని నమ్మించి డబ్బులు నేరుగా అకౌంట్‌లో వేయించుకునేడవా డని వివరించారు. హనుమకొండ పోలీస్‌ స్టేషన్‌లో నమోదైన కేసుతో సెంట్రల్‌ జోన్‌ డీసీపీ దార కవిత ఆధ్వర్యంలో విచారణ చేపట్టగా రాష్ట్రవ్యాప్తంగా 23 కేసుల్లో ఇతని ప్రమేయం ఉన్నట్లు తేలిందన్నారు. కేసులు ఇలా... వరంగల్‌ పోలీస్‌ కమిషనరేట్‌ పరిధిలోని హనుమకొండలో 3, కేయూసీ – 2, సుబేదారి–1, మిల్స్‌కాలనీ – 1, మట్టెవాడ –1, సీసీపీఎస్‌–1, జనగా మ– 1 మొత్తం 10 కేసులు నమోదైనట్లు ఆమె తెలి పారు. ఈ కేసుల్లో రూ.22.44లక్షలు కొల్ల గొట్టగా పోలీసులు రూ.11,33,511లను బ్యాంకుల్లో పుట్‌ ఆన్‌హోల్డ్‌ చేసినట్లు సీపీ తెలిపారు. దీంతోపాటు ఖమ్మం జిల్లాలో 3, నిర్మల్‌లో 1, నిజామాబాద్‌లో 1, కరీంనగర్‌లో 1, హైదరాబాద్‌లో 1 కేసులో రూ. 10,89,950 కొల్లగొట్టగా, బ్యాంకుల్లో రూ.1,07, 146లను పుట్‌ ఆన్‌హోల్డ్‌ చేసినట్లు ఆమె తెలిపారు. నిందితుడికి మరో 6 కేసుల్లో ప్రమేయం ఉందని, అందులో రూ.3,65,050 కొల్లగొట్టగా రూ.68,430 లను పుట్‌ఆన్‌హోల్డ్‌ చేసినట్లు సీపీ వివరించారు. నిందితుడినుంచి 3 మొబైల్‌ఫోన్లు, 3 సిమ్‌ కార్డులు, 2 బ్యాంకు పాస్‌బుక్‌లు, ఒక చెక్‌బుక్‌, 2 ఏటీఎం కార్డులు, డైరీని స్వాధీనం చేసుకున్నట్లు సీపీ వివరించారు. నిందితుడిని పట్టుకోవడంలో ప్రతిభ చూపిన హనుమకొండ ఏసీపీ నరసింహారావు, ఇన్‌స్పెక్టర్‌ శివకుమార్‌, సిబ్బందిని సీపీ అభినందించారు. సీపీ వెంట డీసీపీ దార కవిత ఉన్నారు. క్యాటరింగ్‌ కాంట్రాక్ట్‌ ఇప్పిస్తానని మోసం పలు పేర్లతో చలామణి.. రాష్ట్ర వ్యాప్తంగా 23 కేసులు నిందితుడి అరెస్ట్‌.. వివరాలు వెల్లడించిన వరంగల్‌ సీపీ

వరంగల్‌ క్రైం/ఖిలావరంగల్‌: వరంగల్‌ మిల్స్‌కాలనీ పోలీస్‌ స్టేషన్‌ పరిధిలోని ఉర్సుగుట్ట వద్ద ఓ బార్‌అండ్‌ రెస్టారెంట్‌ ఎదుట ఇద్దరు 4వ బెటాలియన్‌ కానిస్టేబుళ్లపై జరిగిన దాడిలో పోలీసుల తీరుపై తీవ్ర విమర్శలు వెల్లువెత్తుతున్నాయి. మంగళవారం మధ్యాహ్నం సోషల్‌ మీడియాలో మరో వీడియో వైరలైంది. ఇద్దరు బార్‌ ఉద్యోగులు బెటాలియన్‌ కానిస్టేబుళ్లపై కర్రలతో చేసిన దాడి ఒళ్లు జలదిరించేలా ఉంది. అప్పటికే తీవ్ర గాయాలతో ఉన్న కానిస్టేబుల్‌ను మరోసారి ఒకరు పట్టుకుంటే మరొకరు కర్రతో దాడి చేయడం వీడియోలో స్పష్టంగా ఉంది. ఈ ఘటన ఈనెల 19న రాత్రి 9.45 గంటలకు జరిగినా మంగళవారం వరకు బార్‌ ఉద్యోగులపై కేసు నమోదు చేయలేదు. కానీ, మిల్స్‌కాలనీ బీట్‌ కానిస్టేబుల్‌ సంతోష్‌రెడ్డి ఫిర్యాదు మేరకు బార్‌ అండ్‌ రెస్టారెంట్‌ ఉద్యోగుల చేతిలో, ఆ కానిస్టేబుల్‌ దాడిలో తీవ్రస్థాయిలో దెబ్బలు తిన్న బెటాలియన్‌ కానిస్టేబుళ్లపై మాత్రం రాత్రికి రాత్రే కేసు నమోదు చేయడం గమనార్హం. దాడిలో గాయపడిన వారిలో ఒకరు మద్యం మత్తులో ఉండగా మరో కానిస్టేబుల్‌ సాధారణంగా ఉన్నట్లు తెలిసింది. మిల్స్‌కాలనీ బీట్‌ కానిస్టేబుల్‌ సంతోష్‌రెడ్డిని చెంపపై ఒక దెబ్బ కొడితేనే పోలీస్‌ అధికారులు కేసు నమోదు చేసినప్పడు ఆ కానిస్టే బుల్‌తోపాటు మరో ఇద్దరు విచక్షణారహితంగా కర్రలతో దాడి చేసినా ఎందుకు కేసు నమోదు చేయలేదు..? అన్న ప్రశ్నకు సమాధానం కరువైంది. సదరు బార్‌అండ్‌రెస్టారెంట్‌ యజమానితోపాటు మద్యం మాఫియాలు రంగంలోకి దిగి పోలీసులపై ఒత్తిడి తెచ్చినట్లు ప్రచారం సాగుతోంది. కాగా, టీజీ కానిస్టేబుల్‌పై బీట్‌ కానిస్టేబుల్‌ జరిపిన దాడి మిషయంపై శాఖాపరమైన విచారణ కొనసాగుతున్నట్లు తెలుస్తోంది.ఈనెల 19న రాత్రి మిల్స్‌కాలనీ పోలీస్‌ స్టేషన్‌ పరిధిలో జరిగిన దాడిలో బెటాలియన్‌ కానిస్టేబుళ్లకు గాయాలయ్యాయని డీసీపీ దార కవిత మంగళవారం తెలిపారు. బాధితులను పిలిచి ఫిర్యాదు చేయాలని కోరగా స్పందించలేదని చెప్పారు. అందుకే కేసు నమోదు చేయలేదని, మంగళవారం సుమోటో కింద కేసు నమోదు చేసినట్లు తెలిపారు.కేసు నమోదులో జాప్యం సుమెటోగా కేసు పెట్టామన్న డీసీపీ తాజాగా మరో వీడియో వైరల్‌