Guntur District News

ప్రత్తిపాడు: అభ్యర్థులూ నామినేషన్‌ దాఖలు చేశారా.. ఇక ప్రచారానికి సన్నద్ధం అవుతున్నారా.. మైకులతో వీధి వీధినీ చుట్టేద్దామనుకుంటున్నారా.. అయితే ఒక్క నిమిషం. మీ ఎన్నికల ప్రచారానికి ఎన్నికల కమిషన్‌ అనుమతి తప్పనిసరి. లేదంటే అభ్యర్థులు ఇబ్బందులు పడక తప్పని పరిస్థితులు. నియోజకవర్గంలోని ఐదు మండలాల్లో మొత్తం 58 ఎంపీటీసీ సెగ్మెంట్లలో ఎన్నికలు జరగనున్నాయి. నియోజకవర్గ వర్గం మొ త్తం మీద ఆయా రాజకీయ పార్టీల నుంచి అభ్యర్థులు 330కు పైగా నామినేషన్లు దాఖ లు చేశారు. నామినేషన్ల పరిశీలన కూడా పూర్తి కావడంతో ఇప్పుడు బరిలో ఉన్న అభ్యర్థులంతా ప్రచారానికి సిద్ధమవుతున్నారు. అనుమతులు కావాల్సిందే.. ప్రచారం నిర్వహించే అభ్యర్థులు ఎన్నికల కమిషన్‌ నిబంధనల ప్రకారం అనేక రకాల అనుమతులు తప్పనిసరిగా తీసుకోవాల్సి ఉంది. ● అభ్యర్థులు సభలకు, ఇంటింటి ప్రచారాలకు, ఊరేగింపులకు పర్మిషన్‌ తీసుకోవాలి. ఎక్కడ ఏ ప్రాంతంలో ఎప్పటి నుంచి ఎప్పటి వరకు నిర్వహిస్తారు, ఎంత మంది హాజరవుతారు, స్థల యజమాని పేరు, ఆతని నుంచి ఎన్‌వోసీ తీసుకోవాల్సి ఉంది. ఓటర్‌కార్డు, స్థల యజమాని ఎన్‌ఓసీ, ఆధార్‌ కార్డుతో దరఖాస్తు చేసుకోవాలి. ● లౌడ్‌ స్పీకర్‌ అనుమతి కూడా కచ్చితంగా పొందాలి. ఎప్పుడు, ఎక్కడ(వాహనంపైనా, స్థిరంగానా) వాడతారన్న వివరాలు దరఖాస్తులో తెలియజేయాలి. ఉదయం 10 గంటల నుంచి సాయంత్రం 6 గంటల్లోపు మాత్రమే స్పీకర్లు వినియోగించాలి. సౌండ్‌ 75 డీబీ కన్నా మించదని, ఒక సభకు మూడు లౌడ్‌ స్పీకర్లకన్నా అదనంగా వాడనని, ఎన్నికల నియమావళి పాటిస్తానని డిక్లరేషన్‌ ఇవ్వాలి. అనంతరం అనుమతి మంజూరు చేస్తారు. ● అభ్యర్థి ఎన్నికల రోజు పర్యటించేందుకు వాహనానికి కూడా అనుమతి తప్పనిసరిగా పొందాలి. వినియోగించే వాహనం నంబరును నమోదు చేసి నిర్ణీత దరఖాస్తు పూర్తి చేసి పర్మిషన్‌ పొందాలి. అనుమతులకు సింగిల్‌ విండో సెల్‌.. అభ్యర్థుల ప్రచార అనుమతుల కోసం ప్రత్తిపాడు తహసీల్దార్‌ కార్యాలయంలో సింగిల్‌ విండో సెల్‌ను ఏర్పాటు చేశారు. అనుమతులు కావాల్సిన వారు ముందుగా పోలీస్‌ స్టేషన్‌ నుంచి ఎన్‌ఓసీ తెచ్చుకోవాలి. అనంతరం సింగిల్‌ విండో సెల్‌లో దరఖాస్తు చేసుకుంటే వారు వివరాలు పరిశీలించి అనుమతులిస్తారు. దరఖాస్తు చేసుకున్న 24 గంటల్లో అనుమతులు మంజూరవుతాయి. ఉల్లంఘనలపై డేగ కన్ను.. అనుమతులు లేకున్నా.. ఇష్టారీతిన ఎన్నికల ప్రచారం నిర్వహించినా అభ్యర్థులు అడ్డంగా బుక్కవుతారు. అభ్యర్థుల కదలికలు, మోడల్‌ కోడ్‌ ఆఫ్‌ కండక్ట్‌ అమలుకు, పరిశీలనకు ఎన్నికల కమిషన్‌ ప్రత్యేక బృందాలను నియమించింది. వారు గ్రామాల్లో పర్యటిస్తూ డేగ కన్నుతో ప్రచార, ఎన్నికల సంబంధిత కార్యకలాపాలను పరిశీలిస్తున్నారు. కండీషన్స్‌ అప్లై.. ప్రచారాలు నిర్వహించే సమయంలో అభ్యర్థులు పలు జాగ్రత్తలు తీసుకోవాల్సి ఉంది. అభ్యర్థులు విద్వేషాలు రెచ్చగొట్టేలా ప్రసంగాలు చేయకూడదు. ఆలయాలు, మసీదులు, చర్చిలను ప్రచార వేదికలుగా వినియోగించకూడదు. ఇళ్లు, ప్రహరీలపై సంబంధిత యజమానుల అనుమతి లేకుండా పోస్టర్లు అంటించడం, ఫ్లెక్సీలు, బ్యాన ర్లు ఏర్పాటు చేయడం, ప్రభుత్వ వాహనాలు, కార్యాలయాలు, ప్రజాధనంతో నిర్వహించే వనరులను ప్రచారానికి ఉపయోగించకూడదు. కరపత్రాలు, గోడపత్రికలు తదితర ముద్రిత ప్రచార సామగ్రిపై ముద్రించిన వారి పేరు, చిరునామాతో పాటు ప్రచురణకర్త పేరు, చిరునామా స్పష్టంగా ఉండాలి.అభ్యర్థులు ప్రచారాలకు కచ్చితంగా అనుమతులు పొందాలి. వాహనాలు, లౌడ్‌ స్పీకర్లు, సభలు, సమావేశాలు, ప్రచారాలకు అనుమతులు తప్పని సరి. లేదంటే కఠిన చర్యలు తప్పవు. – ఎన్‌.నరహరి, ఎస్‌ఐ, ప్రత్తిపాడు అభ్యర్థుల ప్రచారాలకు అనుమతులిచ్చేందుకు ఎన్నికల కమిషన్‌ ఆదేశాల మేరకు ప్రత్తిపాడు తహసీల్దార్‌ కార్యాలయంలో సింగిల్‌ విండో సెల్‌ ఏర్పాటు చేశాం. పోలీసు స్టేషను నుంచి ఎన్‌ఓసీ తెచ్చుకుని సింగిల్‌ విండో సెల్‌లో దరఖాస్తు చేసుకోవాలి. పరిశీలించి రిటర్నింగ్‌ అధికారి అనుమతులు మంజూరు చేస్తారు. – కె.వెంకటేశ్వరరావు, తహసీల్దార్‌, ప్రత్తిపాడు

కొరిటెపాడు(గుంటూరు): ఆంధ్రప్రదేశ్‌ గ్రామీణ బ్యాంక్‌(ఏపీజీబీ) ప్రధాన కార్యాలయం ఆధ్వర్యంలో ఆదివారం విజిలెన్స్‌ కార్నివల్‌–2026 కార్యక్రమాన్ని నిర్వహించారు. ఉద్యోగులు, సిబ్బందికి పాటల పోటీలు, వివిధ క్రీడా పోటీలు, సాంస్కృతిక కార్యక్రమాలు నిర్వహించారు. ఏపీజీబీ చైర్మన్‌ కె.ప్రమోద్‌కుమార్‌రెడ్డి మాట్లాడుతూ ఉద్యోగుల మానసిక, శారీరక, దృఢత్వం మెరుగుపడటంలో క్రీడలు, సాంస్కృతిక కార్యక్రమాలు కీలక పాత్ర పోషిస్తాయన్నారు. ఆరోగ్యవంతమైన సమాజ నిర్మాణంతోపాటు దేశాభివృద్ధికి నీతి, నిజాయతీ, నైతిక విలువలు ఎంతో అవసరమని స్పష్టం చేశారు. విజిలెన్స్‌ ఇన్‌చార్జి హరీష్‌ బేతా మాట్లాడుతూ ఉద్యోగులు విధులను నిబద్ధతతో నిర్వహిస్తూ పారదర్శకతకు ప్రాధాన్యమివ్వాలని కోరారు. కార్యక్రమంలో బ్యాంక్‌ జనరల్‌ మేనేజర్లు ఎ.రాజశేఖరం, పి.శ్రీదేవి, బ్యాంక్‌ ఉద్యోగులు, సిబ్బంది తమ కుటుంబ సభ్యులతో సహా పాల్గొన్నారు. ఏపీజీబీ విజిలెన్స్‌ కార్నివల్‌లో బ్యాంక్‌ చైర్మన్‌ ప్రమోద్‌కుమార్‌రెడ్డి

తాడేపల్లి రూరల్‌: తాడేపల్లి పట్టణ పరిధిలోని మణిపాల్‌ హాస్పిటల్‌లో ఆదివారం టెప్‌(టోటల్లీ ఎక్స్‌ట్రాపెరిటోనియల్‌) లైవ్‌ ఆపరేటివ్‌ వర్క్‌షాప్‌ నిర్వహించారు. హాస్పిటల్‌ సర్జికల్‌ గ్యాస్ట్రో ఎంటరాలజీ, మినిమల్‌ యాక్సెస్‌ సర్జరీ, బేరియాట్రిక్‌ సర్జరీ, రోబోటిక్‌ సర్జరీ విభాగాల డైరెక్టర్‌ డాక్టర్‌ గణేష్‌ షెనాయ్‌ మార్గదర్శకత్వంలో వర్క్‌షాప్‌ చేపట్టారు. డాక్టర్‌ గణేష్‌ షెనాయ్‌ మాట్లాడుతూ హెర్నియా చికిత్సలో మినిమల్లీ ఇన్వేసిస్‌ సర్జరీ విధానాలు అభివృద్ధి చెందుతున్నాయని పేర్కొన్నారు. టీఈపీ, ఈటీఈపీ వంటి పద్ధతులు హెర్నియా చిక్సిత అందించడంలో సర్జన్లకు వివిధ మార్గాలను అందిస్తున్నారని వివరించారు. హాస్పిటల్‌ డైరెక్టర్‌ జె.రామాంజనేయరెడ్డి మాట్లాడుతూ హెర్నియా చికిత్సలో ఉపయోగించే ఆధునిక శస్త్రచికిత్స పద్ధతులను ప్రత్యక్షంగా పరిశీలించి, వాటిని రోగుల చికిత్సలో ఎలా ఉపయోగించవచ్చో తెలుసుకునే అవకాశాన్ని సర్జర్లను కల్పించామని తెలిపారు. ప్రత్యక్ష శస్త్రచికిత్స ప్రదర్శనలు, ఆచరణాత్మక శిక్షణ వలన మినిమల్లీ ఇన్వేసివ్‌ విధానాల్లో వివిధ దశలను సర్జన్లు మరింత స్పష్టంగా అర్థం చేసుకోగలరని పేర్కొన్నారు. కార్యక్రమంలో వైద్యులు డాక్టర్‌ డి.రవి(జనరల్‌ సర్జరీ), డాక్టర్‌ డి.వరుణ్‌(సర్జికల్‌ గ్యాస్ట్రో ఎంటరాలజీ) పాల్గొన్నారు.

చేబ్రోలు: మండల పరిధిలోని వివిధ గ్రామాలకు చెందిన ఎంపీటీసీ స్థానాలకు వైఎస్సార్‌ సీపీ తరఫున దాఖలు చేసిన నామినేషన్లను స్థానిక టీడీపీ నాయకుల ఒత్తిడి మేరకు అధికారులు అకారణంగా, చిన్నచిన్న కారణాలతో తిరస్కరించడాన్ని సవాల్‌ చేస్తూ వైఎస్సార్‌ సీపీ నాయకులు ఆదివారం తెనాలి ఇన్‌చార్జి ఆర్డీఓ లక్ష్మీకుమారిని కలిసి అప్పీలు చేసుకున్నారు. ఆదివారం ఉదయం తెనాలిలోని ఆర్డీఓ కార్యాలయంలో వైఎస్సార్‌ సీపీ లీగల్‌ సెల్‌ న్యాయవాదులు వకాల్తా వేశారు. చిన్నచిన్న తప్పులతో ఎన్నికల అధికారులు 11 ఎంపీటీసీ స్థానాల పరిధిలో 19 మంది నామినేషన్లు తిరస్కరించారని వివరించారు. వీరిలో 15 మంది నామినేషన్లు సక్రమంగానే ఉన్నప్పటికీ డ్వాక్రాలో రుణం ఉందని, రెండుచోట్ల ఓటు హక్కు ఉందని, ద్విచక్ర వాహనం వివరాలు తెలియజేయలేదని, చిన్న చిన్న కారణలతో తిరస్కరించినట్లు పేర్కొన్నారు. దీనిపై విచారణ జరిపి పోటీ చేసేందుకు అవకాశం కల్పించాలని న్యాయవాదులు కోరారు. దీనిపై స్పందించిన ఆర్డీఓ విచారణ జరిపి న్యాయం చేస్తామని హామీ ఇచ్చారు. కార్యక్రమంలో వైఎస్సార్‌ సీపీ లీగల్‌ సెల్‌ తరఫున న్యాయవాదులు చింకా సురేష్‌ చంద్ర యాదవ్‌, కె.ఎం.విల్సన్‌, డి.మల్లికార్జునరెడ్డి, మందపాటి కోటేశ్వరరావు, పాపిరెడ్డి, రామకృష్ణారెడ్డి, వి.మల్లేశ్వరరావు ఉన్నారు. నామినేషన్లు తిరస్కరణకు గురై తెనాలి ఆర్డీఓ కార్యాలయం వద్ద అప్పీల్‌ చేయటానికి చేబ్రోలు మండలంలోని వివిధ గ్రామాలకు చెందిన వైఎస్సార్‌ సీపీ ఎంపీటీసీ అభ్యర్థులు పెండ్ర వెంకటేశ్వర్లు, షేక్‌ నజీర, షేక్‌ ఖాసింబీ, దానబోయిన గోవిందరాజులు, మైనం రవికుమార్‌, జువ్వా నాంచారమ్మ, పసుపులేటి బాజిబాబు, మన్నెం ఉషారాణి, మరో 6 గురు అభ్యర్థులు హాజరయ్యారు. కొరిటెపాడు(గుంటూరు): ఆంధ్రప్రదేశ్‌ పవర్‌ డిప్లొమా ఇంజినీర్స్‌ అసోసియేషన్‌ నూతన అధ్యక్షుడుగా ఆర్‌.మోహన్‌రావు ఏకగ్రీవంగా ఎన్నికయ్యారు. అసోసియేషన్‌ కార్యవర్గ సమావేశం ఆదివారం పొన్నూరు రోడ్‌లోని ఓ ఫంక్షన్‌ హాలులో జరిగింది. సమావేశంలో అసోసియేషన్‌ అధ్యక్షుడుగా ఆర్‌.మోహన్‌రావుతోపాటు సలహాదారుగా ఏ.గురునాథరావు, ఉపాధ్యక్షుడుగా టీవీ నరసింహారావు, ప్రధాన కార్యదర్శిగా జి.బ్రహ్మయ్య, సహాయ ప్రధాన కార్యదర్శిగా వి.ఉమామహేశ్వరరావు, సంయుక్త కార్యదర్శులుగా ఎల్‌.బ్రహ్మం, ఎన్‌.వెంకటేశ్వర్లు, ఎస్‌కే గౌస్‌, కార్యనిర్వాహక కార్యదర్శులుగా డీఎల్‌ శ్రీనివాస్‌, ఎస్‌.వీర బ్రహ్మం, పి.వసంతలక్ష్మి, కార్యాలయ కార్యదర్శిగా పి.సురేంద్ర, ఆర్ధిక కార్యదర్శిగా డి.అనూప్‌ సచిన్‌ కుమార్‌లు ఎన్నికయ్యారు. నూతన కమిటీ రెండు సంవత్సరాలు కొనసాగనుంది. ఈ సందర్భంగా నూతన కార్యవర్గ సభ్యులకు సహచరులందరూ అభినందనలు తెలిపారు. సమావేశంలో అసోసియేషన్‌ రాష్ట్ర అధ్యక్షుడు కేవీ శేషారెడ్డి, రాష్ట్ర కార్యదర్శి పి.సన్యాసిరావు, సదరన్‌ డిస్కామ్‌ ప్రెసిడెంట్‌ ఏవీ సుబ్బారెడ్డి తదితరులు పాల్గొన్నారు.

ఫిరంగిపురం: మండలంలోని రేపూడి వ్యవసాయ మార్కెట్‌ యార్డులోని గోదాముల్లో భద్రపర్చిన ఈవీఎంలను జిల్లా కలెక్టర్‌ సాయికాంత్‌ వర్మ ఆదివారం తనిఖీ చేశారు. గోడౌన్‌లో భద్రపర్చిన ఈవీఎంలు, భద్రతా ఏర్పాట్లు, సీసీ కెమెరాల పనితీరు, గోడౌన్‌ తాళాలు, రిజిస్టర్లు పరిశీలించారు. కలెక్టర్‌ మాట్లాడుతూ ఎన్నికల సంఘం మార్గదర్శకాలను తప్పకుండా పాటించాలని ఆదేశించారు. ఈవీఎంల భద్రత విషయంలో ఎన్నికల సంఘం కచ్చితమైన మార్గదర్శకాలు ఇచ్చిందని చెప్పారు. పరిసరాల్లో నిరంతర పర్యవేక్షణ ఉండేలా చర్యలు తీసుకోవాలన్నారు. భద్రత విషయంలో ఎలాంటి లోపాలు లేకుండా చూడాలని అధికారులకు సూచించారు. ఆయన వెంట తహసీల్దార్‌ జె.ప్రసాదరావు, వివిధ పార్టీల నాయకులు, రెవెన్యూ సిబ్బంది, వివిధ శాఖల అధికారులు పాల్గొన్నారు. నగరంపాలెం: జిల్లాలోని అన్ని పోలీస్‌స్టేషన్లల్లో ఆదివారం రౌడీషీటర్లకు కౌన్సెలింగ్‌ నిర్వహించారు. జిల్లా ఎస్పీ వకుల్‌ జిందాల్‌ ఆదేశాల మేరకు ఈ ప్రక్రియ కొనసాగించారు. మున్సిపల్‌, ఎంపీటీసీ, జెడ్పీటీసీ, స్థానిక సంస్థల ఎన్నికల దృష్ట్యా రౌడీషీటర్లపై ముందస్తు బైండోవర్‌లు చేశామని తెలిపారు. ఇప్పటి వరకు 1,027 మందిని తహసీల్దార్ల ఎదుట బైండోవర్‌ చేసినట్లు పేర్కొన్నారు. గత తప్పుల నుంచి గుణపాఠం నేర్చుకోవాలని రౌడీషీటర్లకు పోలీస్‌ అఽధికారులు సూచించారు. ఎలాంటి నేరాలకు పాల్పడవద్దని స్పష్టం చేశారు. బాధ్యతాయుతమైన పౌరులుగా జీవించాలని చెప్పారు. చెడు స్నేహాలు, అసాంఘిక కార్యకలాపాలు, నేరప్రవృత్తికి దూరంగా ఉండాలని హితవు పలికారు. గుంటూరు వెస్ట్‌(క్రీడలు): మాస్టర్స్‌ అథ్లెటిక్‌ అసోసియేషన్‌ ఆధ్వర్యంలో ఆదివారం స్థానిక ఎన్టీఆర్‌ స్టేడియంలో పోటీలు నిర్వహించారు. మొత్తం 105 మంది పాల్గొన్న ఈ పోటీల్లో త్రోస్‌, జంప్స్‌, రన్నింగ్‌ విభాగాల్లో పోటీలు నిర్వహించారు. ఈ సందర్భంగా అసోసియేషన్‌ అధ్యక్షులు షేక్‌ లాల్‌ వజీర్‌ మాట్లాడుతూ పోటీల్లో ప్రతిభకనబరచిన వారిని డిసెంబర్‌ 12, 13 తేదీల్లో ఒంగోలులో జరగనున్న రాష్ట్ర పోటీలకు పంపిస్తామన్నారు. మాస్టర్స్‌ అథ్లెటిక్స్‌ పోటీల్లో పాల్గొనే వారి సంఖ్య రోజురోజుకూ పెరుగుతుందన్నారు. టాస్క్‌పోర్స్‌: ఉద్యోగానికి రాజీనామా చేయకుండానే స్థానిక సంస్థల ఎన్నికల్లో నగరపాలక సంస్థ ప్రజారోగ్య విభాగంలో ఆప్కాస్‌ పద్ధతిపై పనిచేస్తున్న బందెల దేవకుమారి నామినేషన్‌ వేశారు. ఎనిమిదవ డివిజన్‌ స్వతంత్ర అభ్యర్థిగా నామినేషన్‌ వేయడంతో పాటు ఫారం–7 కింద గ్యాస్‌ సిలిండర్‌ గుర్తు కూడా కేటాయించారు. దీనిపై నగర పాలక సంస్థ అధికారులు ఏవిధంగా స్పందిస్తారో వేచి చూడాల్సి ఉంది. నగరంపాలెం: వైఎస్సార్‌ కడప జిల్లా సి.పి.బ్రౌన్‌ భాష పరిశోధన కేంద్రంలోని బ్రౌన్‌శాస్త్రి సమావేశ మందిరంలో ఆదివారం డాక్టర్‌ హనుమచ్ఛాస్త్రి జయంతి నిర్వహించారు. జానుమద్ది సాహితీ పీఠం ఆధ్వర్యంలో 15వ గ్రంథాలయ, సాహిత్య సేవా పురస్కార ప్రదానోత్సవ జరగ్గా, బృందావన్‌గార్డెన్స్‌ అన్నమయ్య అధ్యాత్మిక గ్రంథాలయ వ్యవస్థాపకులు లంకా సూర్యనారాయణకు గ్రంథాలయ, సాహిత్య సేవా పురస్కారం ప్రదానం చేశారు. ఏపీ హైకోర్టు న్యాయమూర్తి డాక్టర్‌ జస్టిస్‌ యడవల్లి లక్ష్మణరావు, ఆచార్య రాచపాళెం చంద్రశేఖర్‌రెడ్డి, ఆచార్య జీఎన్‌ రెడ్డి, యోగి వేమన విశ్వవిద్యాలయం ఉపకులపతి రాజశేఖర్‌, జిల్లా న్యాయమూర్తి రామ్‌గోపాల్‌ పాల్గొన్నారు.

తెనాలిరూరల్‌: రైలు నుంచి జారి పడి గుర్తు తెలియని ప్రయాణికుడు మృతి చెందిన ఘటన విజయవాడ–చైన్నె రైలు మార్గంలో శనివారం రాత్రి జరిగింది. సుమారు 30 నుండి 35 ఏళ్ల వయసున్న పొన్నూరు సమీపంలో రైలు నుంచి జారి పడి అక్కికక్కడే మృతి చెందాడు. సమాచారం అందుకున్న జీఆర్పీ పోలీసులు ఘటనాస్థలాన్ని పరిశీలించి మృతదేహాన్ని వైద్యశాలకు తరలించారు. కేసు నమోదు చేసి దర్యాప్తు చేస్తున్నట్టు ఎస్‌ఐ ఎల్‌.సరస్వతి ఆదివారం తెలిపారు. తాడికొండ: తుళ్లూరు మండలం రాజధాని ప్రాంతమైన మందడం గ్రామంలో నైట్‌ డ్యూటీ సూపర్‌వైజర్‌ అనుమానాస్పద స్థితిలో మృతి చెందాడు. స్థానికుల సమాచారం మేరకు.. మదండం గ్రామ పరిధిలోని ఈ 8 రోడ్డు నిర్మాణ పనుల్లో నైట్‌ డ్యూటీ సూపర్‌వైజర్‌గా పనిచేస్తున్న దుర్గా ప్రసాద్‌(42) శనివారం అర్ధరాత్రి ముక్కు వెంబడి రక్తం కారుతూ అనుమానాస్పదంగా అపస్మారక స్థితిలో కనిపించాడు. గమనించిన టిప్పర్‌ డ్రైవర్‌ వెంటనే ఆసుపత్రికి తరలించాడు. అప్పటికే ఆయన మృతి చెందినట్లు వైద్యులు నిర్ధారించారు.

డీఎంహెచ్‌ఓ డాక్టర్‌ పద్మావతి గుంటూరు మెడికల్‌: జిల్లాలో తుపాను హెచ్చరికల నేపథ్యంలో వైద్య ఆరోగ్యశాఖ సిబ్బంది అప్రమత్తంగా ఉండాలని జిల్లా వైద్య ఆరోగ్యశాఖాధికారి డాక్టర్‌ మక్కెన పద్మావతి ఆదివారం ప్రకటనలో పేర్కొన్నారు. తుపాను ప్రభావిత ప్రాంతాలు, లోతట్టు ప్రాంతాలలోని, ప్రసవానికి సిద్ధంగా ఉన్న గర్భిణులను తమ దగ్గర ఉన్న లిస్టు ఆధారంగా దగ్గరలోని ప్రాథమిక ఆరోగ్య కేంద్రాలకుగాని లేదా సామాజిక ఆరోగ్యలకు గాని తరలించాలన్నారు. తుపాను పరిస్థితుల రీత్యా విద్యుత్‌ అంతరాయాన్ని దృష్టిలో ఉంచుకొని వైద్యాధికారులు వ్యాక్సిన్‌లను సురక్షితంగా ఉంచడంలో భాగంగా జనరేటర్‌లను సిద్ధంగా ఉంచుకోవాలని ఆదేశించారు. తల్లీబిడ్డ వెండర్లు అవసరాన్ని బట్టి గర్భిణులను ఆరోగ్య కేంద్రాలకు తరలించడంలో భాగంగా ఆరోగ్య సిబ్బందికి సహకరించాలన్నారు. అత్యవసర పరిస్థితుల్లో సహాయం కోసం గుంటూరు డీఎంహెచ్‌ఓ కార్యాలయంలో ఏర్పాటు చేసిన హెల్ప్‌లైన్‌ నంబర్‌ను 72075 95104కు సంప్రదించాలన్నారు. నెహ్రూనగర్‌: రామిరెడ్డితోట 5వ లైను (8వ డివిజన్‌)లో కుక్కల దాడిలో ఇద్దరు చిన్నారులు గాయాలపాలయ్యారు. పొట్ట, చేయి మీద దాడి చేయడంతో చిన్నారులు భయాందోళనలో అరవడంతో వెంటనే స్పందించిన స్థానికులు కుక్కలను తరిమేశారు. గాయాలపాలైన చిన్నారులను జీజీహెచ్‌కు తరలించి చికిత్స అందించడంతో ప్రాణపాయం తప్పింది. నగరంలో విచ్చలవిడిగా కుక్కలు స్వైర విహారం చేస్తున్నాయని వీటికి నగరపాలక సంస్థ అడ్డుకట్ట వేయడంలో విఫలం చెందారని దీని వలన అభం శుభం చిన్నారులు కుక్కల బారిన పడుతున్నారని స్థానికులు ఆవేదన వ్యక్తం చేస్తున్నారు.

● గుంటూరు జీజీహెచ్‌, వైద్య కళాశాలల్లో అటకెక్కిన పోస్టుల భర్తీ ● నిరుద్యోగుల జీవితాలతో వైద్యాధికారుల ఆటలు ● గత ఏడాది సెప్టెంబర్‌లో ఉద్యోగాలకు నోటిఫికేషన్‌ ● రద్దవుతుందనే ఆందోళనలో అర్హులైన అభ్యర్థులు గత ఏడాది నోటిఫికేషన్‌ సమన్వయ లోపమే శాపమా?

ఏపీ రాజధాని అమరావతికి వెళ్లే ప్రధాన రహదారిపై ప్రయాణం నరకప్రాయంగా మారింది. ఏడాదిగా మరమ్మతుల పేరుతో చారెడు మట్టి కూడా వేయకుండా వదిలేసిన పాపం నేడు ప్రయాణికులను అష్టకష్టాలకు గురిచేస్తోంది. మూడు రోజుల క్రితం తాడికొండలో భారీ వర్షం కురిసింది. దీంతో తాడికొండ– పెదపరిమి మధ్య రహదారి నిర్మాణంలో భాగంగా తవ్వి వదిలేయడంతో ఆ గుంతల్లో నీరు భారీగా చేరింది. టీడీపీ సర్కారు తీరుతో అటు గుత్తేదారు, ఇటు అధికారులు చర్యలు తీసుకున్న దాఖలాలు లేవు. ఆదివారం నడిరోడ్డుపై ఓ ద్విచక్ర వాహనం కూరుకుపోవడంతో కనీసం బయటకు తీసేందుకు కూడా వీలు కాలేదు. ఓ తాడు కట్టి మరీ లారీతో బయటకు లాగాల్సి వచ్చింది. దీంతో సుమారు 3 గంటల పాటు ట్రాఫిక్‌ జాం అయింది. దేవతల రాజధాని అమరావతి అంటూ చెప్పే చంద్రబాబు రాజధానికి వెళ్లే రోడ్డు కూడా నిర్మించలేకపోయారని పలువురు తీవ్ర ఆగ్రహం వ్యక్తం చేశారు. దేవతలు ఆకాశం నుంచి వస్తారు కదా.. ఇక నేలపై రోడ్లెందుకు అనుకున్నారేమో అంటూ సైటెర్లు వేయడం కనిపించింది. – తాడికొండ

గుంటూరు వెస్ట్‌: అర్ణబ్‌ తుపాను పట్ల అప్రమత్తంగా ఉండాలని జిల్లా కలెక్టర్‌ సీఎం సాయికాంత్‌ వర్మ అధికారులను ఆదేశించారు. ఆదివారం స్థానిక కలెక్టరేట్‌ నుంచి వీడియో కాన్ఫరెన్స్‌ నిర్వహించారు. జిల్లా కలెక్టర్‌ మాట్లాడుతూ తుపాను వలన ఎటువంటి ప్రాణ, ఆస్తి నష్టం జరగకుండా పూర్తి చర్యలు చేపట్టాలని స్పష్టం చేశారు. అధికారులు, సిబ్బంది క్షేత్ర స్థాయిలో అందుబాటులో ఉండాలన్నారు. తుపాను ప్రభావం తీవ్రంగా ఉంటుందని, అతి బలమైన గాలులు వీచే అవకాశం ఉన్నట్లు ఇప్పటికే వాతావరణ శాఖ హెచ్చరికలు జారీ చేసిన నేపథ్యంలో ప్రతి ఒక్కరూ అప్రమత్తంగా ఉండాలన్నారు. ప్రకాశం బ్యారేజీ నీటి నిల్వలు ఎప్పటికప్పుడు పర్యవేక్షణ చేయాలని, వాటితోపాటు కొండవీటి వాగు, గుంటూరు నాలా, పీకల వాగు తదితర వాగులు, చానల్‌లను ఎప్పటికప్పుడు పరిశీలన చేసి వాటి ప్రవాహాన్ని గమనించాలని జలవనరుల శాఖ అధికారులను ఆదేశించారు. ఇసుక బస్తాలు సిద్ధం చేయాలని తెలిపారు. గుంటూరు నగరపాలక సంస్థ, ఇతర మున్సిపాలిటీలలో కాలువల పరిస్థితిని గమనించాలన్నారు. అన్ని తాగునీటి రిజర్వాయర్లు నింపి ఉంచాలన్నారు. చెట్లు, విద్యుత్‌ స్తంభాలు కూలిపోవడం వలన రవాణాకు ఆటంకం ఏర్పడకుండా ట్రీ కట్టర్స్‌, పవర్‌ సాస్‌లను సిద్ధంగా పెట్టాలని ఆదేశించారు. జిల్లాలో అన్ని బంకుల్లో ఇంధనం పూర్తిస్థాయిలో ఉండే విధంగా పర్యవేక్షణ చేయాలన్నారు. టెలికాం, మొబైల్‌ సేవలకు ఎటువంటి అంతరాయం కలుగకుండా కంపెనీలు ముందస్తుగానే చర్యలు చేపట్టాలని ఆదేశించారు. ముంపునకు గురయ్యే ప్రాంతాల ప్రజలను పునరావాస కేంద్రాలకు తరలించాలన్నారు. చౌక ధరల దుకాణాల్లో నిత్యావసర సరుకులు పూర్తిస్థాయిలో అందుబాటులో పెట్టాలన్నారు. వృద్ధులు, చిన్నారులు, గర్భిణులు, బాలింతల పట్ల ప్రత్యేక శ్రద్ధ వహించాలని సూచించారు. జిల్లా కలెక్టర్‌ కార్యాలయంతో పాటు మండల స్థాయిలో కంట్రోల్‌ రూమ్‌లను ఏర్పాటు చేసినట్లు తెలిపారు. రైతులకు సూచనలు చేయాలి రైతులను అప్రమత్తం చేయాలని, అవసరమైన సూచనలు సలహాలను అందించాలని ఆదేశించారు. పశువులకు సురక్షిత ప్రాంతాలకు తరలించడంతోపాటు వాటికి తగిన ఆహారం అందే ఏర్పాట్లు చేయాలన్నారు. వాగులు, వంకలు, నదులు ఎవరు దాటొద్దని ప్రజలకు విజ్ఞప్తి చేశారు. ఎస్పీ వకుల్‌ జిందాల్‌, జాయింట్‌ కలెక్టర్‌ అశుతోష్‌ శ్రీవాస్తవ, జిల్లా రెవెన్యూ అధికారి ఎన్‌.ఎస్‌.కె. ఖాజావలి, జిల్లా అధికారులు పాల్గొన్నారు. జిల్లా కలెక్టర్‌ సీఎం సాయికాంత్‌ వర్మ

● స్థానిక సంస్థల ఎన్నికల ముందు హడావుడిగా దరఖాస్తుల స్వీకరణ ● జిల్లా వ్యాప్తంగా కొత్త పెన్షన్ల కోసం 57,400 అర్జీలు ● ఇస్తామని ఆశ పెట్టి మంజూరు నిలిపివేసిన చంద్రబాబు సర్కార్‌ ● ప్రచార సమయంలో కూటమి అభ్యర్థులకు ప్రజల నుంచి తీవ్ర వ్యతిరేకత గుంటూరు వెస్ట్‌: గత వైఎస్సార్‌సీపీ ప్రభుత్వ హయాంలో ప్రతి ఏడాది జూన్‌, డిసెంబర్‌ నెలల్లో కొత్త పెన్షన్లకు దరఖాస్తులు స్వీకరించేవారు. వెంటనే అర్హులకు పింఛను మంజూరు చేసి పారదర్శకమైన పాలన అందించారు. అది చూసిన రాష్ట్ర ప్రజలు నేడు అందుకు వ్యతిరేక పరిస్థితిని ఎదుర్కొంటున్నారు. కూటమి ప్రభుత్వం ఏర్పాటై రెండేళ్లు దాటినా ఒక్క కొత్త పెన్షన్‌ కూడా ఇవ్వలేదంటే అతిశయోక్తి కాదు. పైగా స్థానిక ఎన్నికల ముందు కొత్త పింఛన్లు అంటూ హడావుడి చేసి నేడు ఒక్కరికీ ఇవ్వకపోవడంతో ప్రచారానికి వెళ్లిన కూటమి నాయకులను ప్రజలు నిలదీసే పరిస్థితి నెలకొంది. సమాచారం కూడా ఇవ్వని అధికారులు కరోనా మహమ్మారితో అత్యంత క్లిష్ట పరిస్థితులు ఎదురైనా రాష్ట్రంలో పలు సంక్షేమ పథకాల కింద నేరుగా లబ్ధిదారుల ఖాతాల్లోకి నగదు జమ చేసి, తానున్నానంటూ పేదలను ఆదుకున్న ఏకై క నాయకుడు అప్పటి ముఖ్యమంత్రి వైఎస్‌ జగన్‌మోహన్‌ రెడ్డి. పేదల పట్ల ఆయనకున్న నిబద్ధత అది. నేరుగా వలంటీర్ల ద్వారా ఇంటికే పింఛను మొత్తం పంపిణీ చేయించారు. కానీ చంద్రబాబు సీఎం అయ్యాక పరిస్థితి మారిపోయింది. రెండేళ్లుగా కళ్లు కాయలు కాసేలా ఎదురుచూసిన అర్హులు... స్థానిక ఎన్నికల ముందుకు ప్రభుత్వం చెప్పిన మాటలను నమ్మి దరఖాస్తు చేశారు. కానీ వారికి మళ్లీ మోసమే ఎదురైంది. స్థానిక సంస్థల ఎన్నికల నేపథ్యంలో ఇటీవల కొత్త పెన్షన్లు ఇస్తామని ప్రకటించడంతో జిల్లాలో వృద్ధులు, వికలాంగులు, ఒంటరి మహిళలు, మత్స్యకారులు, కళాకారులు ఇలా దాదాపు 57,400 మంది దరఖాస్తు చేసుకున్నారు. ఇందులో చాలా దరఖాస్తులు తిరస్కరణకు గురయ్యాయి. ఎందుకు తిరస్కరించారో అధికారులు చెప్పడం లేదు. పోనీ, మంజూరు చేసిన వారికై నా పెన్షన్లు రాలేదు. ప్రస్తుతం జిల్లాలో 2,50,576 మందికి 566 స్వర్ణ గ్రామ సచివాలయాల ద్వారా 4,317 మంది సిబ్బంది రూ.109.32 కోట్లు పంపిణీ చేస్తున్నారు. కొత్తగా మంజూరైన పెన్షన్లను ఎప్పటి నుంచి పంపిణీ చేస్తారో తెలియడం లేదని బాధితులు ఆవేదన వ్యక్తం చేస్తున్నారు. సూపర్‌ సిక్స్‌ పథకాల పేరుతో, కొత్త పెన్షన్ల పేరుతో ప్రజలను ఏమార్చాలని చూస్తున్న చంద్రబాబు సర్కార్‌కు స్థానిక సంస్థల ఎన్నికల రూపంలో ఎదురుదెబ్బ తగులుతోంది. అభ్యర్థులు ప్రచారానికి వెళ్లినప్పుడు స్థానికులు పెన్షన్లకు సంబంధించి ప్రశ్నల వర్షం కురిపిస్తున్నారు. ఇటీవల స్థానిక శారదా కాలనీలో ఓ అభ్యర్థి ప్రచారం మధ్యలోనే స్థానికులు అడిగిన ప్రశ్నలకు సమాధానం చెప్పలేక వెనుదిరిగాడు. ఇదే పరిస్థితిని పాత గుంటూరు, సంగడిగుంట, తుఫాన్‌ నగర్‌, గుజ్జనగుండ్ల ప్రాంతాల్లో కూటమి అభ్యర్థులు ఎదుర్కొంటున్నారు. అంతేకాకుండా, కూటమి నాయకులకు ఓట్లు ఎందుకు వేయాలో చెప్పాలని నిలదీస్తున్న ఘటనలు కూడా చోటుచేసుకుంటున్నాయి. నాకు ఐదేళ్ల క్రితం క్యాన్సర్‌ సోకింది. అప్పటి ప్రభుత్వం ఆరోగ్యశ్రీ పథకంలో భాగంగా ఉచితంగా శస్త్రచికిత్స చేయించింది. కాలులో చాలా భాగాన్ని వైద్యులు తొలగించారు. నాకు పిల్లలు లేరు. ప్రభుత్వం ఇటీవల ప్రకటించిన పెన్షన్లలో భాగంగా వికలాంగుల విభాగంలో దరఖాస్తు చేసుకున్నాను. అది వస్తే నా కుటుంబానికి ఎంతో అండగా ఉంటుంది. ఇకనైనా ప్రభుత్వం స్పందించాలి. – ఎం.వి. రమణ, ఏటీ అగ్రహారం

నెహ్రూనగర్‌: గుంటూరు నగరంలో వైఎస్సార్‌ సీసీ స్థానిక సంస్థల ఎన్నికల ప్రచారం ఆదివారం జోరుగా సాగింది. నగరంలోని పలు డివిజన్లలో నాయకులు ప్రచారం నిర్వహించారు. పలుచోట్ల ఎన్నికల కార్యాలయాలను ప్రారంభించి, ప్రజలతో మమేకమయ్యారు. ఈ కార్యక్రమాలకు ప్రజల నుంచి విశేష స్పందన లభించింది. పాత గుంటూరు యాదవుల బజార్‌ పరిధిలోని 14వ డివిజన్‌ కార్పొరేటర్‌ అభ్యర్థి ఏలికా సుభాషిణి ఆధ్వర్యంలో ఎన్నికల ప్రచారం ఉత్సాహంగా సాగింది. ఈ కార్యక్రమానికి పార్టీ గుంటూరు జిల్లా అధ్యక్షుడు, పశ్చిమ నియోజకవర్గ సమన్వయకర్త అంబటి రాంబాబు, గుంటూరు మేయర్‌ అభ్యర్థి తాడికొండ శ్రీదేవి, నగర అధ్యక్షురాలు, తూర్పు నియోజకవర్గ సమన్వయకర్త షేక్‌ నూరి ఫాతిమా హాజరయ్యారు. స్థానికులను వారు నేరుగా కలిసి, సుభాషిణిని అత్యధిక మెజారిటీతో గెలిపించాలన్నారు. 20వ డివిజన్‌ (రెడ్ల బజార్‌) కార్పొరేటర్‌ అభ్యర్థి మురళి ఆధ్వర్యంలో ఎన్నికల ప్రచారం ముమ్మరంగా సాగింది. నగర అధ్యక్షురాలు షేక్‌ నూరి ఫాతిమా పాల్గొన్నారు. ఇంటింటికీ తిరిగి ప్రజలను పలకరిస్తూ ప్రచారం నిర్వహించారు. మురళిని భారీ మెజారిటీతో గెలిపించాలని ఆమె కోరారు. అరుంధతి నగర్‌లో కార్యాలయం ప్రారంభం 75వ డివిజన్‌ (అరుంధతి నగర్‌) కార్పొరేటర్‌ అభ్యర్థి దమ్మాలపాటి దీప్తి ప్రియాంక ఆధ్వర్యంలో ఏర్పాటు చేసిన వైఎస్సార్‌ సీపీ నూతన కార్యాలయాన్ని నాయకులు ప్రారంభించారు. అంబటి రాంబాబు, తాడికొండ శ్రీదేవి, షేక్‌ నూరి ఫాతిమా సంయుక్తంగా రిబ్బన్‌ కట్‌ చేసి కార్యాలయాన్ని ప్రారంభించి, అభ్యర్థికి శుభాకాంక్షలు తెలిపారు. 7వ డివిజన్‌ (పోత్తూరుపేట్‌) కార్పొరేటర్‌ అభ్యర్థి ఫారూఖ్‌ ఆధ్వర్యంలో ప్రచార కార్యక్రమం నిర్వహించారు. నగర అధ్యక్షురాలు షేక్‌ నూరి ఫాతిమా స్థానికంగా ఇంటింటి ప్రచారం చేపట్టి, ఫారూఖ్‌ను భారీ మెజారిటీతో గెలిపించాలని కోరారు. నాయకులు, కార్యకర్తలు, అభిమానులు పెద్ద సంఖ్యలో పాల్గొన్నారు. డివిజన్లలో ఇంటింటికి తిరిగిన ముఖ్య నాయకులు ప్రజా మద్దతు తమ పార్టీకేనని అంబటి, నూరి ఫాతిమా, మేయర్‌ అభ్యర్థి తాడికొండ శ్రీదేవి ధీమా

ప్రత్తిపాడు: వైఎస్సార్‌ సీపీ శ్రేణులు పోరాట స్ఫూర్తితో ఎన్నికల బరిలో నిలిచాయి. రాష్ట్రంలోని అనేక ప్రాంతాల్లో అధికార పార్టీ ప్రజాస్వామ్యాన్ని పరిహాసం చేస్తూ స్థానిక ఎన్నికల ప్రక్రియలో అడ్డగోలుగా వ్యవహరించింది. నామినేషన్ల దాఖలుకు ఆటంకాలు కల్పించింది. దాడులకు పాల్పడింది. వైఎస్సార్‌ సీపీ శ్రేణులను, ఆ పార్టీ నాయకులను భయభ్రాంతులకు గురిచేసి తమకు వ్యతిరేకంగా ఒక్క నామినేషన్‌ కూడా పడకుండా వీలైనన్ని కుట్రలు పన్నింది. దీంతో కొన్ని చోట్ల ఎన్నికల్లో పోటీ చేసేందుకు కనీసం నామినేషన్ల దాఖలు చేయలేని దుస్థితి నెలకొంది. ఈ నేపథ్యంలో ప్రతిపాడు నియోజకవర్గంలో వైఎస్సార్‌ సీపీ మాత్రం మంచి జోష్‌ మీద కనిపిస్తోంది. ఏ ఒక్క స్థానం ఏకగ్రీవం కాకూడదంటూ పార్టీ అధినేత వైఎస్‌ జగన్‌మోహన్‌రెడ్డి ఇచ్చిన పిలుపు మేరకు స్థానికంగా ఏమాత్రం ‘తగ్గేదేలే’ అంటోంది. గెలుపోటముల సంగతి అటు ఉంచితే ఎన్నికల బరిలో నిలిచి, ప్రజాక్షేత్రంలోకి వెళ్లాలని ప్రతిపక్ష వైఎస్సార్‌ సీపీ గట్టిగా నిర్ణయించింది. దీంతో ఐదు మండలాల్లోనూ అధికార టీడీపీకి ధీటుగా వైఎస్సార్‌ సీపీ అభ్యర్థులు ఉత్సాహంగా నామినేషన్లను దాఖలు చేశారు. 58 సెగ్మెంట్లలోనూ పోటీ.. ప్రత్తిపాడు నియోజకవర్గంలోని ప్రత్తిపాడు, పెదనందిపాడు, కాకుమాను, వట్టిచెరుకూరు. గుంటూరురూరల్‌ మండలాల్లో మొత్తం 58 సెగ్మెంట్లలో ఎంపీటీసీ ఎన్నికలు జరుగనున్నాయి. పోటీ చేసేందుకు వైఎస్సార్‌ సీపీ నాయకులు ఏ మాత్రం వెరవడం లేదు. అందులో భాగంగానే అనేక ఒత్తిళ్లు, రాయబారాలు, బెదిరింపులను తట్టుకుని నిలబడి టీడీపీతో సమానంగా 137 నామినేషన్లను దాఖలు చేశారు. వాటిలో అక్కడక్కడ ఒకటి రెండు మినహా మిగిలిన అన్ని నామినేషన్లకు శనివారం జరిగిన పరిశీలనలో అధికారులు ఆమోదముద్ర వేశారు. దీంతో దాదాపుగా అన్ని సెగ్మెంట్లలో అభ్యర్థులు వైఎస్సార్‌సీపీ తరఫున పోటీలో ఉండటం ఖాయంగా కనిపిస్తోంది. డమ్మీ నామినేషన్లు వేసిన వారు మినహా మిగిలిన అభ్యర్థులెవ్వరూ నామినేషన్‌ ఉపసంహరించుకునే అవకాశం లేదు. మండలాలవారీగా నామినేషన్ల వివరాలు మండలం వైఎస్సార్‌సీపీ టీడీపీ ప్రత్తిపాడు 26 25 పెదనందిపాడు 39 40 కాకుమాను 27 26 వట్టిచెరుకూరు 26 40 గుంటూరు రూరల్‌ 19 17 మొత్తం 137 148 టీడీపీ దౌర్జన్యాలను తట్టుకుని బరిలో నిలిచిన వైఎస్సార్‌ సీపీ అభ్యర్థులు ఐదు మండలాల్లోనూ అదే ఉత్సాహం అధినేత వైఎస్‌ జగన్‌ పిలుపు మేరకు ఏకగ్రీవాలకు చెక్‌

నగరంపాలెం: దీపావళి పండుగ దృష్ట్యా అగ్ని ప్రమాదాలు జరగకుండా ఉండేందుకు ఆదివారం జిల్లా వ్యాప్తంగా బాణసంచా దుకాణాల్లో పోలీస్‌ అధికారులు ముందస్తు తనిఖీలు చేపట్టారు. గుంటూరు జిల్లా ఎస్పీ వకుల్‌ జిందాల్‌ ఆదేశాల మేరకు తాడేపల్లి, మంగళ గిరి, నగరంపాలెం పరిధిలోని టపాసుల హోల్‌సేల్‌, రిటైల్‌ విక్రయ కేంద్రాలు, టపాసులు నిల్వ ఉంచే ప్రదేశాల్లో ఆకస్మిక తనిఖీలు చేశారు. అగ్నిమాపక భద్రతా నిబంధనలు, అనుమతులు, ఇతర భద్రతా ప్రమాణాలను దుకాణాల యజమానులు పాటిస్తున్నారా లేదా అనేది పరిశీలించారు. టపాసుల నిల్వ, విక్రయాల వేళల్లో భద్రతా ప్రమాణాలను విధిగా పాటించాలని దుకాణదారులు, నిర్వాహకులకు సూచించారు. తనిఖీల్లో గుంటూరు పశ్చిమ డీఎస్పీ బెల్లం శ్రీనివాసరావు, సీఐలు రాజేష్‌(నగరంపాలెం పీఎస్‌), సీహెచ్‌ వెంకట్‌ (మంగళగిరి గ్రామీణ), వీరేంద్ర బాబు (తాడేపల్లి పీఎస్‌), పోలీస్‌ సిబ్బంది పాల్గొన్నారు. తాడేపల్లి రూరల్‌: తాడేపల్లి పోలీస్‌స్టేషన్‌ పరిధిలోని మహానాడు ప్రాంతం సమీపంలో ర్యాపిడో డ్రైవర్‌పై జరిగిన దాడి స్థానికంగా చర్చనీయాంశంగా మారింది. అందిన వివరాల ప్రకారం.. విజయవాడకు చెందిన రామకృష్ణ ర్యాపిడో నడుపుతూ జీవనం సాగిస్తున్నారు. ఆదివారం తెల్లవారుజామున విజయవాడ బస్టాండ్‌ నుంచి తాడేపల్లిలోని మహానాడు ప్రాంతానికి వచ్చి తిరిగి వెళ్తుండగా సీతానగరం సబ్‌స్టేషన్‌ వద్ద నలుగురు యువకులు అతడిని అడ్డగించినట్లు సమాచారం. అతడిపై దాడి చేసి, అతని వద్ద ఉన్న రూ.35 వేల నగదు లాక్కున్నట్లు తెలుస్తోంది. బాధితుడి సెల్‌ఫోన్‌ ద్వారా ఫోన్‌పే చేయడానికి దుండగులు ప్రయత్నించినప్పటికీ సాంకేతిక సమస్య కారణంగా నగదు బదిలీ కాలేదని సమాచారం. అనంతరం ఫోన్‌ను తిరిగి ఇచ్చి అక్కడి నుంచి పరారైనట్లు తెలుస్తోంది. బాధితుడు వెంటనే 112కు ఫోన్‌ చేసి ఫిర్యాదు చేయడంతో పోలీసులు సంఘటనా స్థలానికి చేరుకుని వివరాలు సేకరించారు. సీసీ కెమెరాల దృశ్యాలను పరిశీలించి సీతానగరానికి చెందిన పాత నేరచరిత్ర ఉన్న వ్యక్తిని అదుపులోకి తీసుకున్నట్లు విశ్వసనీయ వర్గాల సమాచారం. విమానాశ్రయం(గన్నవరం): ఎన్టీఆర్‌ జిల్లా పర్యటనకు ఉప రాష్ట్రపతి సీపీ రాధాకృష్ణన్‌ సోమవారం గన్నవరం విమానాశ్రయానికి విచ్చేస్తున్న సందర్భంగా అధికారులు కట్టుదిట్టమైన భద్రత ఏర్పాట్లు చేపట్టారు. విమానాశ్రయాన్ని తమ ఆధీనంలోకి తీసుకున్న ఎస్పీజీ దళాలు, పోలీసులు క్షుణ్ణంగా తనిఖీలు చేస్తున్నారు. విమానాశ్రయం నుంచి విజయవాడ వరకు ఆదివారం ఉపరాష్ట్రపతి కాన్వాయ్‌ ట్రయల్‌ రన్‌ కూడా నిర్వహించారు. న్యూఢిల్లీ నుంచి ఉదయం 10.05 గంటలకు ఉప రాష్ట్రపతి ఇక్కడికి చేరుకుని రోడ్డు మార్గం ద్వారా విజయవాడ వెళ్లనున్నారు. పర్యటన అనంతరం తిరిగిన మధ్యాహ్నం 12.50 గంటలకు ఇక్కడికి చేరుకుని న్యూఢిల్లీ వెళ్తారని అధికారులు తెలిపారు. ఉపరాష్ట్రపతి పర్యటనకు సంబంధించి భద్రత, ప్రొటోకాల్‌ ఏర్పాట్లను ఇప్పటికే పూర్తి చేసినట్లుగా పేర్కొన్నారు. వన్‌టౌన్‌(విజయవాడపశ్చిమ): విజయవాడ పుస్తక మహోత్సవం నూతన అధ్యక్షుడిగా తలముడిపి మనోహర్‌ నాయుడు ఏకగ్రీవంగా ఎన్నికయ్యారు. దేశంలోనే అత్యంత ప్రతిష్ఠాత్మకంగా నిర్వహించే పుస్తక మహోత్సవాల్లో ప్రత్యేక గుర్తింపు పొందిన విజయవాడ పుస్తక మహోత్సవం నూతన కమిటీ ఎన్నికలు ఆదివారం జరిగాయి. ఈ ఎన్నికల్లో మనోహర్‌ నాయుడుతో పాటు ఉపాధ్యక్షుడిగా జక్కంపూడి ప్రసాద్‌, కార్యదర్శిగా కె. లక్ష్మయ్య, సహాయ కార్యదర్శిగా ఏబీఎస్‌ సాయిరామ్‌, కోశాధికారిగా కొండపల్లి రవి, పలువురు కమిటీ సభ్యులుగా ఎన్నికయ్యారు.

పట్నంబజారు: అనుమానాస్పద స్థితిలో ఇద్దరు చిన్నారులు మృతి చెందిన ఘటనపై కేసు నమోదైంది. కొత్తపేట పోలీసులు తెలిపిన వివరాలు.. నెహ్రూనగర్‌లో నివాసం ఉండే సౌపాటి రాంబాబు ఆటోనగర్‌లోని మహేంద్ర షోరూమ్‌లో వెహికల్‌ డెలివరీ బాయ్‌గా పనిచేస్తున్నాడు. పొన్నూరు మండలం బ్రాహ్మణకోడూరుకు చెందిన రాంబాబు 12 ఏళ్ల క్రితం పద్మజను ప్రేమ వివాహం చేసుకున్నాడు. భార్య మృతి చెందడంతో బ్రాహ్మణకోడూరుకు చెందిన మరో మహిళ మేరిని వివాహం చేసుకున్నాడు. మొదటి భార్య పద్మజకు సాత్విక్‌(10), నిత్య(8) పిల్లలు ఉన్నారు. దసరాకు బంధువుల ఇంటికి వెళ్లిన ఇద్దరు చిన్నారులు తిరిగి ఆ మరుసటి రోజు ఇంటికి వచ్చారు. ఈక్రమంలో సవతి తల్లి మేరి ఇద్దరు చిన్నారులకు బిర్యానీ వండి పెట్టడం, మరుసటి రోజే దసరా ఉత్సవాల నేపథ్యంలో ఆ ప్రాంతంలో జరిగిన భోజనాలను చిన్నారులు తిన్నారు. ఆహారం తిన్న చిన్నారులు అస్వస్థతకు గురికావడంతో స్థానికంగా ఆర్‌ఎంపీకి చూపించారు. పరిస్థితి విషమించడంతో ప్రైవేటు వైద్యశాలకు తీసుకెళ్లాలని సూచించడంతో ఒక ప్రైవేటు ఆసుపత్రిలో చేర్పించి వైద్యం చేయిస్తుండగా, శనివారం చిన్నారి సాత్విక్‌, నిత్య మృతి చెందారు. చిన్నారుల మృతిపై తనకు అనుమానం ఉందని, పద్మజ సోదరుడు పాపన సాయిరామ్‌ పోలీసులకు ఫిర్యాదు చేశాడు. సవతి తల్లి ఏదైనా చేసి ఉంటుందా అనే అనుమానం వ్యక్తం చేస్తున్నారు. ఈక్రమంలో ఇద్దరు చిన్నారులు ఐదురోజులుగా ఆసుపత్రిలో చికిత్స పొందుతూ శనివారం మృతిచెందినట్లు పోలీసులు తెలిపారు. అనుమానాస్పద స్థితి కింద కేసు నమోదు చేసిన పోలీసులు దర్యాప్తు చేస్తున్నట్లు వివరించారు.

మంగళగిరి రూరల్‌: ఎన్నికల నేపథ్యంలో అక్రమ మద్యం, నగదు రవాణాను అరికట్టడంతోపాటు ఎన్నికల నియమావళి అమలును పర్యవేక్షించేందుకు అధికారులు చర్యలు చేపట్టారు. ఇందులో భాగంగా మంగళగిరి పరిధిలోని కాజ టోల్‌గేట్‌ వద్ద చెక్‌పోస్టు ఏర్పాటు చేశారు. స్టాటిక్‌ సర్వైలెన్స్‌ టీమ్‌ (ఎస్‌ఎస్‌టీ) అధికారులు ఈ చెక్‌పోస్టు వద్ద నిరంతరం నిఘా ఉంచుతూ, రాకపోకలు సాగించే వాహనాలను తనిఖీ చేస్తున్నారు. శనివారం కాజ టోల్‌గేట్‌ మీదుగా వివిధ ప్రాంతాల నుంచి రాకపోకలు సాగిస్తున్న వాహనాలను అధికారులు క్షుణ్ణంగా తనిఖీ చేశారు. వాహనాల్లో అక్రమంగా మద్యం, నగదు లేదా ఎన్నికల నియమావళికి విరుద్ధమైన ఇతర వస్తువులను తరలిస్తున్నారా అనే అంశాలను పరిశీలించారు. ఎస్‌ఎస్‌టీ బృందంలో గుంటూరు హౌసింగ్‌ కార్పొరేషన్‌ అడ్మినిస్ట్రేటివ్‌ ఆఫీసర్‌ సురేష్‌బాబు, మంగళగిరి రూరల్‌ పోలీస్‌స్టేషన్‌ కానిస్టేబుల్‌ శామ్యూల్‌ రాజ్‌, వీఆర్వో కొండలరావు తదితరులు ఉన్నారు. అమరావతి: ప్రపంచ ప్రఖ్యాతిగాంచిన అమరావతిలోని అపురూపమైన బౌద్ధ వారసత్వ సంపదను సింగపూర్‌ పాత్రికేయ బృందం శనివారం సందర్శించింది. స్థానిక పురావస్తు మ్యూజియం, అమరావతి మహాస్తూపం, ధ్యానబుద్ధ విగ్రహాన్ని బృందం తిలకించింది. సింగపూర్‌ పాత్రికేయ బృంద సభ్యులు భవన్‌ జైప్రగాస్‌, డారిల్‌ లిమ్‌, కీర్తిగా రవీందరన్‌, మహమ్మద్‌ ఇజ్వాండి బిన్‌ అజ్మాన్‌, శివరంజని గుణశేఖరన్‌లకు పురావస్తు, పర్యాటక శాఖల అధికారులు స్వాగతం పలికారు. స్థానిక అధికారులు అమరావతి బౌద్ధ వారసత్వ ప్రాముఖ్యతను, బౌద్ధధర్మం మానవ జీవనవిధానంపై చూపిన ప్రభావాన్ని, అమరావతికి ఉన్న చారిత్రక, సాంస్కృతిక, ఆధ్యాత్మిక విశిష్టతను బృంద సభ్యులకు వివరించారు. కార్యక్రమంలో ఆంధ్రప్రదేశ్‌ పర్యాటక ప్రాధికార సంస్థ ఆర్‌డీ ఈడి ప్రసన్నలక్ష్మి, జిల్లా పర్యాటక శాఖాధికారి నాయుడమ్మ, పురావస్తు శాఖాధికారి నాగేంద్రకుమార్‌ పర్యాటక శాఖ యూనిట్‌ మేనేజర్‌ అశోక్‌ తదితరులు పాల్గొన్నారు. నగరంపాలెం: గుంటూరు నగరంలోని సీఐడీ గుంటూరు ప్రాంతీయ కార్యాలయంలో శనివారం అగ్రిగోల్డ్‌ బాండ్ల పరిశీలన ప్రక్రియ కొనసాగింది. తుళ్లూరు, తాడికొండ, మేడికొండూరు, ఫిరంగిపురం మండలాలకు సంబంధించి అగ్రిగోల్డ్‌ బాండ్లను పరిశీలించారు. సుమారు వెయ్యి దరఖాస్తులు, 1,700 బాండ్లను పరిశీలన చేశారు. ఈనెల 26, 27 తేదీల్లోనూ పైన తెలిపిన మండలాలకు సంబంధించిన బాండ్లను పరిశీలించనున్నట్లు సీఐడీ గుంటూరు ప్రాంతీయ కార్యాలయం ఏఎస్పీ బి.సీతారామయ్య తెలిపారు. ఈనెల 28 నుంచి 31 వరకు తాడేపల్లి, దుగ్గిరాలకు సంబంధించి అగ్రిగోల్డ్‌ బాండ్లను పరిశీలిస్తామని చెప్పారు. తాడేపల్లి, దుగ్గిరాల మండలాల్లోని అగ్రిగోల్డ్‌ బాండ్ల డిపాజిట్‌దారులు గుంటూరు మెడికల్‌ కళాశాల సమీపంలోని సీఐడీ గుంటూరు ప్రాంతీయ కార్యాలయంలో హాజరవ్వాలని తెలిపారు. చిలకలూరిపేట: మాజీ మంత్రి విడదల రజినిపై దౌర్జన్యానికి పాల్పడిన చిలకలూరిపేట రూరల్‌ ఎస్‌ఐ కె . లేఖా ప్రియాంకపై ఎస్‌ఈసీ శాఖాపరమైన చర్యలకు ఆదేశించింది. శుక్రవారం జరిగిన సంఘటన గురించి మీడియా ద్వారా తెలుసుకున్న ఎన్నికల సంఘం సంబంధిత ఎస్‌ఐపై శాఖాపరమైన చర్యలు తీసుకోవాలని పల్నాడు జిల్లా ఎస్పీని ఆదేశించింది. ఈ నేపథ్యంలో ఎస్‌ఐను ఎన్నికల విధులతోపాటు అన్ని విధుల నుంచి కూడా ఎస్పీ తప్పించారు. ఆమెను వీఆర్‌కు పంపినట్లు సమాచారం.

తాడేపల్లి రూరల్‌: మంగళగిరి నియోజకవర్గం తాడేపల్లి రూరల్‌ ప్రాతూరు గ్రామంలో విషాదం చోటుచేసుకుంది. ఐదుగురు ఈత కోసం గ్రామంలోని కృష్ణానదికి వెళ్లారు. అక్కడ ఐదు పడవలకు ఆయిల్‌ ఇంజిన్లు బిగించి ఉండడంతో ఒక పడవ ఇంజిన్‌ స్టార్ట్‌ చేసి కృష్ణానదిలోకి వెళ్లారు. ప్రమాదవశాత్తు పడవ మునిగిపోయి ఇద్దరు మృతి చెందారు. ఈ దుర్ఘటన శనివారం చోటుచేసుకుంది. గత రెండు రోజులుగా ఈతకు వెళుతూ పడవలో ఇలా చక్కర్లు కొడుతున్నారు. శనివారం ఇంజిన్‌ ఆగిపోవడంతో ముందుగా డోలా అర్జున్‌ (17) ఈత రాకపోయినా పడవను పట్టుకుని నీటిలోకి దిగాడు. అతడు మునిగిపోతుండడంతో సీహెచ్‌ హరీష్‌ (18) కూడా నీటిలోకి దిగాడు. ఇద్దరూ మునిగిపోతుండగా పడవపై ఉన్న మరో ముగ్గురు పెద్దగా కేకలు వేయడంతో పశువులు మేపుతున్న మరో వ్యక్తి పడవ వేసుకుని వెళ్లి పైన ముగ్గురిని ఒడ్డుకు చేర్చాడు. తాడేపల్లి పోలీసులు సంఘటన స్థలానికి చేరుకుని సుమారు 3 గంటల పాటు కృష్ణానదిలో గజ ఈతగాళ్లతో గాలించి ఇద్దరి మృతదేహాలను వెలికి తీయించారు. కన్నీరుమున్నీరు... ప్రాతూరుకు చెందిన సీహెచ్‌ హరీష్‌ ఇంటర్‌ చదువుతున్నాడు. తల్లిదండ్రులు చిన్న వయసులోనే మృతి చెందడంతో హరీష్‌, అతని తమ్ముడు అనారోగ్యంతో ఉన్న నాయనమ్మ వద్ద ఉంటున్నారు. మేనత్త ఏసమ్మ వారి బాగోగులు చూస్తున్నారు. హరీష్‌ మృతదేహాన్ని చూసిన ఏసమ్మ బోరున విలపించారు. డోలా అర్జున్‌ పదవ తరగతి చదివి తల్లి కల్పనకు చేదోడువాదోడుగా ఉంటున్నాడు. తరచూ ‘తమ్ముళ్లిద్దరినీ బాగా చదివిద్దాం, నేను కూడా పనికి వెళతాను’ అంటూ ఆమెకు ధైర్యం చెప్పేవాడు. చేతికి అందిన కొడుకు మృతి చెందడంతో ఆ తల్లిని ఎవ్వరూ ఓదార్చలేకపోతున్నారు. విషయం తెలిసి గ్రామస్తులు కూడా పెద్ద ఎత్తున సంఘటన స్థలానికి చేరుకున్నారు. సుమారు 10 పడవల వరకు కృష్ణానది ఒడ్డున ఉంచుతున్నారని, వాటిని ఇతరులు నడపడానికి వీలులేకుండా చూడాలని స్థానికులు కోరారు.

బహుముఖ ప్రజ ్ఞ... తెనాలి: కథలు, నవలలు, నాటికలు, రేడియో నాటకాలు, టీవీ సీరియల్స్‌, టెలీ ఫిలిమ్స్‌, జీవిత చరిత్రలు... ఒకటేమిటి... వివిధ రచనా ప్రక్రియల్లో ఆ కలం ఆరితేరింది. రంగస్థల నాటికలే కాదు... మీడియా విద్యార్థుల కోసం లఘునాటికలు రాశారు. కవితలు, పత్రికల్లో కాలమ్స్‌ రాశారు. డాక్యుమెంటరీలకు వాయిస్‌ ఇచ్చారు. ఆకాశవాణిలో ‘ఏ’ గ్రేడ్‌ ఆర్టిస్టుగా రాణించారు. ప్రముఖులను ఇంటర్వ్యూ చేశారు. వీరి రచనలు పలు భాషల్లోకి అనువాదమయ్యాయి. ‘సరసిజ’ సాహిత్య సంస్థను కూడా నడిపారు. ఆమె రాసిన ‘మ్యాచ్‌ ఫిక్సింగ్‌’ నాటిక ఆధారంగా ఈవీవీ సత్యనారాయణ తెరకెక్కించిన ‘కితకితలు’ సినిమా కూడా సూపర్‌హిట్టే. ఆమే అత్తలూరి విజయలక్ష్మి. ప్రముఖ తెలుగు రచయిత్రి. అనేక కథలు, నవలలు, నాటకాలు రాశారు. తెనాలిలో 1956 జూన్‌లో జన్మించారు. ప్రముఖ రచయిత, జర్నలిస్టు ఏఎల్‌ నరసింహారావు, అనసూయ ఆమె తల్లిదండ్రులు. వృత్తిరీత్యా కుటుంబం హైదరాబాద్‌కు వెళ్లడంతో అక్కడే విద్యాభ్యాసం సాగింది. పబ్లిక్‌ రిలేషన్స్‌లో డిగ్రీ పూర్తి చేసి, అక్కడి మెట్రోపాలిటన్‌ వాటర్‌ సప్లై అండ్‌ సీవరేజ్‌ బోర్డులో చేరారు. డిప్యూటీ జనరల్‌ మేనేజర్‌గా పదవీ విరమణ పొందారు. ఇంట్లోని రకరకాల పుస్తకాలతో తొలి నుంచీ అనుబంధం ఉండేది. పద్దెనిమిదేళ్లకే తన మనసులోని భావాలను కాగితంపై పెట్టసాగారు. 1975 నుంచి రచనా వ్యాసంగాన్ని ప్రారంభించారు. అదే ఏడాది ఆమె రాసిన మొదటి కథ ‘వర్ధమాన రచయిత్రి’ ఆకాశవాణి హైదరాబాద్‌ కేంద్రం నుంచి ప్రసారమైంది. తొలి నాటిక ‘అభ్యుదయం ఎక్కడ’ కూడా రేడియోలోనే ప్రసారమైంది. అచ్చులో చూసుకున్న తొలి కథ ‘కలలు కన్న రాధ’.. మయూరి వారపత్రికలో ప్రచురితమైంది. కొన్ని కథలు, స్కెచ్‌లు, నాటికలు రాశారు. పెళ్లితో కొంత విరామం వచ్చింది. రచనల పరంపర 1986 నుంచి రచనా వ్యాసంగంలో వీరి కలం కదం తొక్కింది. రంగస్థల నాటికలు, నాటకాలు, రేడియో నాటకాలు, కవితలు, కథలు, నవలలు, వ్యాసాలు, కాలమ్స్‌, టీవీ సీరియల్స్‌, టీవీ ఫిలిమ్స్‌ రాస్తూ వచ్చారు. వీరి కథలు ఐదు సంపుటాలుగా వెలువడ్డాయి. నాటకాలు మరో నాలుగు సంపుటాలుగా వచ్చాయి. మరో 17 నవలలు రాశారు. రేడియో కోసం ‘కళ్యాణి పెళ్లి’, ‘ఏటీఎం అల్లుడు’, ‘కొక్కొరోకో’, ‘ఊరు రమ్మంది’ వంటి 20 నాటికలను రచించారు. మీడియా విద్యార్థుల కోసం మరెన్నో నాటికలు, లఘునాటికలు రాయడంతోపాటు వాటిని ప్రదర్శించారు. పలు టీవీ నాటకాలు, టెలీ ఫిలిమ్స్‌, టీవీ సీరియల్స్‌ రచించారు. 2013లో ‘సరసిజ... ఏ థియేటర్‌ ఫర్‌ ఉమెన్‌’ అనే సంస్థను ప్రారంభించి, మహిళలతో నాటకాలు వేయించడం గొప్ప అనుభూతినిచ్చిందని విజయలక్ష్మి చెబుతారు. సినిమాగా ‘మ్యాచ్‌ ఫిక్సింగ్‌’ నాటిక... ‘మ్యాచ్‌ ఫిక్సింగ్‌’ నాటిక అనేక పరిషత్తుల్లో ఉత్తమ ప్రదర్శనతోపాటు ఎన్నో బహుమతులను అందుకుంది. ఉమ్మడి ఆంధ్రప్రదేశ్‌లోనే కాకుండా ముంబయి, చైన్నె వంటి నగరాల్లోనూ ప్రదర్శితమైంది. 2003లో ‘తానా’ సభల్లో సినీ కళాకారులచే ప్రదర్శించారు. ఇదే నాటిక ఆధారంగా సినీ దర్శకుడు ఈవీవీ సత్యనారాయణ ‘కితకితలు’ సినిమాను తెరకెక్కించారు. దూరదర్శన్‌లో డాక్టర్లు, రంగస్థల కళాకారులతో ఇంటర్వ్యూలు చేశారు. 1985 నుంచి 1990 వరకు ఎన్నో డాక్యుమెంటరీలకు వాయిస్‌ ఓవర్‌ ఇచ్చారు. ప్రభుత్వ ఉద్యోగం చేస్తూనే ఎన్నో రచనలు చేసిన విజయలక్ష్మికి పలు గౌరవాలు దక్కాయి. వీటిలో ఆకాశవాణి జాతీయ అవార్డు, ఆంధ్రప్రదేశ్‌ ఉగాది పురస్కారం, తెలుగు విశ్వవిద్యాలయం కీర్తి పురస్కారం ఉన్నాయి. తల్లి బాటలో తనయ... విజయలక్ష్మి కుమార్తె రాజేశ్వరి ఉదయగిరి. ఆమె సాఫ్ట్‌వేర్‌ ఇంజనీర్‌. నాట్యం, సంగీతం, నటనలో కూడా శిక్షణ పొందారు. తల్లి విజయలక్ష్మి రాసిన నాటకంతోనే రేడియోలోకి ప్రవేశించారు. ఆమె కూడా ‘ఏ’ గ్రేడ్‌ ఆర్టిస్టు. టీవీలో ‘బిజినెస్‌ ట్రాక్స్‌’, ‘యువర్స్‌ లవింగ్‌లీ’ కార్యక్రమాలకు యాంకరింగ్‌ చేశారు. ప్రముఖులతో పరిచయ కార్యక్రమాలకు వ్యాఖ్యాతగా రాణించారు. ‘ప్రియురాలు పిలిచె’, ‘శాంతి నివాసం’, ‘ఎడారి కోయిల’ టీవీ సీరియల్స్‌లోనూ నటించారు. ‘ఇడియట్‌’, ‘శివమణి’, ‘ఏ ఫిల్మ్‌ బై అరవింద్‌’ సినిమాల్లో హీరోయిన్‌కు డబ్బింగ్‌ చెప్పారు. అమెరికాలో తెలుగు రేడియోతో ఎంట్రీ... ఎంసీఏ పూర్తి చేశాక వెబ్‌స్మార్ట్‌లో ఉద్యోగంలో చేరారు. ఆ తర్వాత పెళ్లి చేసుకుని, పాపకు తల్లి అయ్యారు. సింగపూర్‌లో ఉద్యోగం చేసిన అనంతరం అమెరికాకు వెళ్లారు. డల్లాస్‌లో నివసిస్తూ రేడియో, టీవీ షోలు, సినిమా డబ్బింగ్‌లతో గడిపారు. తల్లి విజయలక్ష్మి సూచనతో 2006లో డల్లాస్‌లో తెలుగు రేడియో కార్యక్రమాలతో మళ్లీ తనలోని కళాకారిణికి ఊపిరి పోశారు. వారాంతాల్లో కార్యక్రమాలు నిర్వహిస్తూ, ‘ఆటా’, ‘తానా’ కార్యక్రమాల్లో వ్యాఖ్యాతగా వ్యవహరించారు. సొంతంగా ‘రేడియో సురభి’ అనే ఎఫ్‌ఎం రేడియోను ప్రారంభించి, రోజుకు 24 గంటల పాటు కార్యక్రమాలను ప్రసారం చేశారు. వారానికి 50 వేల మంది శ్రోతలతో ఈ రేడియో నడిచింది.

పెదకాకాని: చిన్న చిన్న కారణాలతో పెదకాకానిలో ఎంపీటీసీ అభ్యర్థుల నామినేషన్‌లు తిరస్కరించడంతో వైఎస్సార్‌ సీపీ శ్రేణులు ఆగ్రహం వ్యక్తం చేశాయి. పెదకాకాని మండలంలో 21 ఎంపీటీసీ స్థానాలకు 138 మంది నామినేషన్‌లు వేశారు. శనివారం నామినేషన్‌లు పరిశీలించారు. చిన్న కారణాలతో కేవలం వైఎస్సార్‌ సీపీకి చెందిన వారి 22 నామినేషన్‌లు తిరస్కరించారు. ప్రక్రియ ప్రారంభం నుంచి టీడీపీ నాయకులు కొందరు ఎంపీడీఓ కార్యాలయంలోని ఏసీ రూం అడ్డాగా చేసుకుని పథక రచన చేశారు. వైఎస్సార్‌ సీపీ ఎంపీటీసీ అభ్యర్థితో ఇద్దరిని మాత్రమే పరిశీలనకు అనుమతించారు. స్వల్ప కారణాలు చూపిస్తూ 9 సెగ్మెంట్‌లలో వైఎస్సార్‌ సీపీకి చెందిన 22 మంది నామినేషన్‌లు తిరస్కరించడంతో వారు ఆందోళనకు దిగారు. పలు చోట్ల డమ్మీ అభ్యర్థుల నామినేషన్‌లు అంగీకరించడంతో అగతవరప్పాడు, తక్కెళ్ళపాడు, పెదకాకానిలో 3 స్థానాలు కలిపి మొత్తం ఐదు ఎంపీటీసీ సెగ్మెంట్‌లలో వైఎస్సార్‌ సీపీ అభ్యర్థులు పోటీలో లేకుండా పోయారు. దీనిపై ఎన్నికల రిటర్నింగ్‌ అధికారి ఎం. హిమశైలజ మాట్లాడుతూ నిబంధలన ప్రకారం ఇరు పార్టీల అభ్యర్థుల సమక్షంలో నామినేషన్‌లు పరిశీలించామన్నారు. తప్పులు ఉన్న నామినేషన్‌ పత్రాలను తిరస్కరించామని, ప్రొసీడింగ్స్‌ ఆయా అభ్యర్థులకు అందజేయడం జరుగుతుందన్నారు. ఆ అభ్యర్ధులు వారి అభ్యంతరాలను ఆర్డీఓ కార్యాలయంలో ఆదివారం అప్పీలు చేసుకోవచ్చని పేర్కొన్నారు. మోపిదేవి: స్థానిక శ్రీవల్లీదేవసేన సమేత సుబ్రహ్మణ్యేశ్వర స్వామిని ఎన్‌హెచ్‌ఆర్‌సీ డైరెక్టర్‌, మాజీ డీజీ, ఐపీఎస్‌ పి.వి కృష్ణారెడ్డి శనివారం సాయంత్రం దర్శించుకున్నారు.

మంగళగిరి టౌన్‌: మంగళగిరి పట్టణంలోని న్యూ ఆర్టీసీ బస్టాండ్‌ పార్కింగ్‌ ప్రదేశంలో గంజాయి విక్రయించేందుకు వేచి ఉన్న ముగ్గురు యువకులను శుక్రవారం పోలీసులు అదుపులోకి తీసుకున్నారు. వారి వద్ద నుంచి మొత్తం 1,100 గ్రాముల గంజాయిని స్వాధీనం చేసుకుని ఎన్‌డీపీఎస్‌ చట్టం కింద కేసు నమోదు చేశారు. పోలీసుల అందించిన వివరాలు.. గంజాయి అక్రమ నిల్వలు, విక్రయాలపై అందిన సమాచారం మేరకు సీఐ కె. వీరాస్వామి సిబ్బందితో కలిసి న్యూ ఆర్టీసీ బస్టాండ్‌ వద్ద తనిఖీలు చేపట్టారు. పోలీసులను గమనించి పారిపోయేందుకు ప్రయత్నించిన ముగ్గురు యువకులను పట్టుకుని తనిఖీ చేశారు. పోలీసులు అదుపులోకి తీసుకున్న వారిని మొగిలి గోపి, తాడిశెట్టి మాధవన్‌, ఇటుకల రాహుల్‌గా గుర్తించారు. వీరిలో గోపి మంగళగిరిలోని రత్నాలచెరువు ఎస్టీ కాలనీకి చెందినవాడు కాగా, అతని అసలు నివాసం గుంటూరులోని శ్రీనివాసరావునగర్‌, మాధవన్‌ మంగళగిరిలోని మహాలక్ష్మి చెట్టు సెంటర్‌ ప్రాంతంలో ఉంటుండగా, అతని స్వస్థలం మంగళగిరి మండలం చిన్నకాకాని గ్రామం, రాహుల్‌ మంగళగిరిలోని రత్నాలచెరువు ప్రాంతానికి చెందినవాడిగా గుర్తించారు. విచారణలో వెల్లడైన వివరాల ప్రకారం.. గోపి, మాధవన్‌, రాహుల్‌తో పాటు శాంతి రాజు, హనుమంతు అనే మరో ఇద్దరితోనూ స్నేహం ఉండేది. మంగళగిరి రైల్వేస్టేషన్‌ ప్రాంతంలో తిరుగుతున్న సమయంలో సుమారు రెండేళ్ల క్రితం ఒక సాధువు ద్వారా రాయగఢ్‌ రైల్వే స్టేషన్‌ పరిసరాల్లో గంజాయి విక్రయించే వ్యక్తుల గురించి తెలుసుకున్నట్లు గోపి తెలిపినట్టు పోలీసుల విచారణలో వెల్లడైంది. అప్పటి నుంచి స్నేహితులంతా అప్పుడప్పుడు రైలులో రాయగఢ్‌కు వెళ్లి గుర్తుతెలియని వ్యక్తుల వద్ద గంజాయి కొనుగోలు చేసి, మంగళగిరి పరిసర ప్రాంతాల్లో విక్రయించేవారని విచారణలో వెల్లడైనట్లు పోలీసులు తెలిపారు. సుమారు రెండు నెలల క్రితం ఐదుగురు కలిసి రాయగఢ్‌ ప్రాంతంలో 2,500 గ్రాముల గంజాయి కొనుగోలు చేసినట్లు, అందులో శాంతి రాజు, చైతన్య చెరో 500 గ్రాములు తీసుకెళ్లగా, మిగిలిన 1,500 గ్రాములను రాహుల్‌ ఇంటి వద్ద దాచినట్లు గోపి పోలీసులకు తెలిపాడు. కొంత గంజాయిని వినియోగించగా, మరికొంత విక్రయించినట్లు, మిగిలిన గంజాయిలో నుంచి 500 గ్రాముల చొప్పున గోపి, మాధవన్‌ వద్ద, 100 గ్రాములు రాహుల్‌ వద్ద ఉంచుకుని విక్రయించేందుకు బస్టాండ్‌ వద్దకు వచ్చిన సమయంలో పోలీసులు అదుపులోకి తీసుకున్నారు. వారి వద్ద నుంచి 1100 గ్రాముల గంజాయిని పోలీసులు స్వాధీనం చేసుకుని వారిని అదుపులోకి తీసుకున్నారు. న్యాయస్థానంలో నమూనాల సేకరణ అనంతరం గంజాయిని రసాయన పరీక్షల కోసం ఫోరెన్సిక్‌ సైన్స్‌ ల్యాబొరేటరీకి పంపనున్నట్లు పోలీసులు తెలిపారు.

స్థానిక సంస్థల ఎన్నికల నామినేషన్ల పరిశీలన ప్రక్రియలో టీడీపీ నాయకులు, అధికారుల కుమ్మక్కుతో ప్రజాస్వామ్యం అపహాస్యం పాలైంది. చేబ్రోలు మండలంలోని వైఎస్సార్‌ సీపీ అభ్యర్థులకు వస్తున్న ప్రజాదరణను చూసి ఓర్వలేక, ప్రత్యక్షంగా ఎన్నికలలో గెలువలేమని భావించిన పచ్చ నేతలు అక్రమాలకు తెరలేపారు. అధికార పార్టీ నేతల ఒత్తిళ్లతో అధికారులు ఏకపక్షంగా ప్రతిపక్ష అభ్యర్థుల నామినేషన్లను తిరస్కరించారు. చేబ్రోలు: మండలంలోని 13 గ్రామాల పరిధిలో 21 ఎంపీటీసీ స్థానాలకు సంబంధించి మూడు రోజుల పాటు అన్ని పార్టీల తరఫున మొత్తం 102 నామినేషన్లు దాఖలయ్యాయి. అయితే, శనివారం జరిగిన పరిశీలనలో ఏకంగా 19 నామినేషన్లను తిరస్కరించినట్లు రిటర్నింగ్‌ అధికారి కోమలి పద్మ ప్రకటించారు. ఇలా తిరస్కరణకు గురైన మొత్తం నామినేషన్లు వైఎస్సార్‌ సీపీ అభ్యర్థులవే కావడం గమనార్హం. దీనిపై మండల వ్యాప్తంగా తీవ్ర విమర్శలు, ఆందోళనలు, ఆగ్రహం వ్యక్తమవుతున్నాయి. పక్కా ప్రణాళికతో తొలగింపు శుక్రవారం సాయంత్రం ముగిసిన నామినేషన్ల వివరాలు, శనివారం ఉదయం పరిశీలన ప్రారంభమయ్యే లోపు రహస్యంగా టీడీపీ నాయకుల చేతికి నామినేషన్లలోని సమాచారం వెళ్లిందని తెలిసింది. మండల పరిషత్‌ కార్యాలయంలోని కీలక అధికారి ఒకరు.. తెలుగుదేశం పార్టీ నాయకులకు ఈ విషయాలు చేరవేశారని వైఎస్సార్‌ సీపీ నాయకులు ఆరోపిస్తున్నారు. ఆ సమాచారంతో టీడీపీ ముఖ్య నేతలు పరిశీలన కేంద్రానికి భారీగా చేరుకున్నారు. టీడీపీ నేతల ఫిర్యాదుల ఆధారంగానే అధికారులు నామినేషన్లను తిరస్కరించడం గమనార్హం. నామినేషన్ల పరిశీలనలో టీడీపీ నేతలు అప్లికేషన్‌లో పూర్తి చేసిన సమాచారంలోని లోపాలను కాగితాల రాసుకొని వచ్చి ఆర్‌వో దృష్టికి తీసుకువచ్చారు. న్యాయవాది ద్వారా తిరస్కరణకు ఒత్తిడి తెచ్చారు. పోటీలో ఉన్న అభ్యర్థులకు చెందిన కుటుంబసభ్యులకు చెందిన డ్వాక్రా రుణాల వివరాలు నమోదు చేయలేదని, బైక్‌పై రుణం ఉందని, పాన్‌ కార్డు నంబరు నమోదు చేయలేదని, రెండు ప్రాంతాల్లో ఓటు హక్కు కలిగి ఉన్నారని, సంతకాలు సక్రమంగా చేయలేదనే సాకులతో వైఎస్సార్‌ సీపీ అభ్యర్థులు, డమ్మీ అభ్యర్థుల నామినేషన్లను తిరస్కరించారు. ఇలా ప్రణాళిక ప్రకారమే వారిని పోటీ నుంచి తప్పించారు. ఆర్వోపై తీవ్ర ఒత్తిడి తెచ్చి మరీ ఈ రద్దు ప్రక్రియను అక్కడే ఉండి పూర్తి చేయించారు. టీడీపీ అభ్యర్థుల ఏకగ్రీవాల కోసమే వైఎస్సార్‌ సీపీకి తిరుగులేని పట్టు ఉన్న వేజండ్ల, శేకూరు, చేబ్రోలు తదితర సెగ్మెంట్లలోనే ఈ అక్రమాలకు పాల్పడటం గమనార్హం. భగ్గుమన్న వైఎస్సార్‌ సీపీ శ్రేణులు ఎన్నికల నిబంధనలను గాలికొదిలి, అధికార పార్టీకి తొత్తులుగా మారిన యంత్రాంగం పనితీరుపై వైఎస్సార్‌ సీపీ నాయకులు, కార్యకర్తలు తీవ్ర ఆగ్రహం వ్యక్తం చేస్తున్నారు. ప్రజాస్వామ్యాన్ని ఖూనీ చేస్తూ సాగిస్తున్న ఈ అక్రమాలను ప్రజల ముందు ఎండగడతామని, న్యాయపోరాటం చేస్తామని వైఎస్సార్‌ సీపీ శ్రేణులు స్పష్టం చేస్తున్నాయి. నామినేషన్లు తిరస్కరణకు గురైన ఎంపీటీసీ అభ్యర్థులు ఆదివారం తెనాలి సబ్‌ కలెక్టర్‌ వద్దకు అప్పీల్‌కు వెళ్లనున్నట్లు తెలిపారు. ప్రజాస్వామ్యాన్ని అపహాస్యం చేసేలా టీడీపీ నేతలు వ్యహరించిన తీరు, వారికి అడ్డదారిలో సహకరించిన అధికారులపై ఉన్నతాధికారికి వివరిస్తామని చెప్పారు. మండల వ్యాప్తంగా వివిధ సెగ్మెంట్లలో వైఎస్సార్‌ సీపీ అభ్యర్థుల నామినేషన్ల తిరస్కరణ వివరాలు... వేజెండ్ల 1వ సెగ్మెంట్‌లో 2 నామినేషన్లు, వేజెండ్ల 2వ సెగ్మెంట్‌లో ఒకటి, నారాకోడూరు 1, 2 సెగ్మెంట్లలో మొత్తం నామినేషన్లు, శేకూరు 1వ సెగ్మెంట్‌లో 2, గొడవర్రులో ఒకటి, చేబ్రోలు 1, 3, 4, 6 సెగ్మెంట్లలో ఒక్కో సెగ్మెంట్‌లో ఒక్కొక్క నామినేషన్‌, మంచాలలో ఒకటి, వడ్లమూడి 1, 2, 3 సెగ్మెంట్లలో ఒక్కో సెగ్మెంట్‌లో ఒక్కొక్కటి చొప్పున, సుద్దపల్లి 1లో ఒక నామినేషన్‌ తిరస్కరణకు గురైనట్లు ఎన్నికల రిటర్నింగ్‌ అధికారి ప్రకటించారు.

‘సరసిజ’ నాటక సంస్థను అమెరికాలోనూ ప్రారంభించారు. విజయా వారి ‘మిస్సమ్మ’ సినిమాను తల్లి విజయలక్ష్మితో నాటకంగా రాయించి అమెరికాలో ప్రదర్శించారు. అందులో సావిత్రి పాత్రలో నటించారు. సినిమాను నాటకంగా రంగస్థలంపై ప్రదర్శించడం ప్రపంచంలోనే తొలిసారి అని పేర్కొన్నారు. ఈ నాటకాన్ని టీవీలోనూ ప్రసారం చేశారు. అలాగే, తల్లి రాసిన ‘ద్రౌపది అంతఃసంఘర్షణ’ నాటకంలో ద్రౌపదిగా నటించారు. ‘అనగనగా ఒక రాజకుమారి’, ‘పురూరవ’ నాటకాలను కూడా ప్రదర్శించారు. న్యూయార్క్‌లో జరిగిన ‘ఇంటర్నేషనల్‌ థియేటర్‌ ఫెస్టివల్‌’లో తెలుగు నాటకాన్ని ప్రదర్శించారు. 2022లో హైదరాబాద్‌లోని సారస్వత పరిషత్‌లో ‘లేఖిని–వంశీ’ ఆధ్వర్యంలో ‘సురభి జమునారాయలు–వంశీ రంగస్థల పురస్కారం’, ‘లేఖిని ఆత్మీయ పురస్కారం’ అందుకున్నారు. ఇలా విజయవంతంగా ముందుకు సాగుతూ తల్లికి తగిన తనయ అనిపించుకున్నారు.

నెహ్రూనగర్‌: గుంటూరు నగరంలో వైఎస్సార్‌ సీపీ ఎన్నికల ప్రచారం జోరుగా కొనసాగుతోంది. నగరంలోని పలు వార్డుల్లో పార్టీ నేతలు, అభ్యర్థులు విస్తృతంగా పర్యటిస్తూ ఓటర్లను ఆకట్టుకుంటున్నారు. 4వ వార్డులో నిర్వహించిన ప్రచారంలో మాజీ ఎంపీలు ఆళ్ల అయోధ్యరామిరెడ్డి, మోదుగుల వేణుగోపాలరెడ్డి, వైఎస్సార్‌ సీపీ నగర అధ్యక్షురాలు, తూర్పు నియోజకవర్గ సమన్వయకర్త షేక్‌ నూరి ఫాతిమా పాల్గొన్నారు. ఈ సందర్భంగా వారికి స్థానిక మహిళలు హారతి పట్టి ఘన స్వాగతం పలికారు. ఈ సందర్భంగా నేతలు మాట్లాడుతూ, వైఎస్‌ జగన్‌మోహన్‌రెడ్డి ప్రభుత్వ హయాంలో అమలైన ఎన్నో సంక్షేమ పథకాలు ఇప్పుడు లేకపోవడంతో ప్రజలు తీవ్ర నిరాశలో ఉన్నారని పేర్కొన్నారు. చంద్రబాబు ప్రభుత్వం అమలు కాని హామీలు ఇచ్చి అధికారంలోకి వచ్చిందని మండిపడ్డారు. ఈ ప్రభుత్వానికి ప్రజలు ఓటు ద్వారా తగిన బుద్ధి చెప్పనున్నారని పేర్కొన్నారు. అదేవిధంగా 1, 11వ డివిజన్లలో వైఎస్సార్‌సీపీ మేయర్‌ అభ్యర్థి శ్రీదేవి, నూరి ఫాతిమా ఎన్నికల ప్రచారాన్ని కొనసాగించారు. లాలాపేట ప్రాంతానికి చేరుకుని ఇంటింటికీ తిరిగారు. పార్టీ అభ్యర్థులకు మద్దతు ఇవ్వాలని కోరారు. శ్రీదేవి మాట్లాడుతూ.. తాము ఎక్కడికి వెళ్లినా ప్రజల నుంచి అపూర్వమైన స్పందన లభిస్తోందని తెలిపారు. ఇది తమకు మరింత ఉత్సాహాన్ని ఇస్తోందని, ఈ ఎన్నికల్లో వందకు వంద శాతం విజయం సాధిస్తామని ధీమా వ్యక్తం చేశారు. ప్రజలంతా వైఎస్‌ జగన్‌మోహన్‌రెడ్డి వెంటే ఉన్నట్లు స్పష్టం చేస్తున్నారని పేర్కొన్నారు. 16వ డివిజన్‌లో నూరి ఫాతిమా మాట్లాడుతూ వైఎస్సార్‌ సీపీని గెలిపిస్తేనే నగరం మరింత అభివృద్ధి చెందుతుందని పేర్కొన్నారు. నగరవ్యాప్తంగా సాగుతున్న ఈ ప్రచార కార్యక్రమాలతో పార్టీ శ్రేణుల్లో జోష్‌ నిండింది.

కొరిటెపాడు(గుంటూరు): జిల్లాలో శుక్రవారం ఉదయం నుంచి శనివారం ఉదయం వరకు 15 మండలాల్లో తేలికపాటి నుంచి ఓ మోస్తరు వర్షం పడింది. అత్యధికంగా వట్టిచెరుకూరు మండలంలో 24.6 మిల్లీ మీటర్లు వర్షం పడగా, అత్యల్పంగా మంగళగిరి మండలంలో ఒక మి.మీ. వర్షం పడింది. సగటున 7.3 మి.మీ. వర్షపాతం నమోదైంది. ప్రత్తిపాడు మండలంలో 20.4 మి.మీ., దుగ్గిరాల 16.6, గుంటూరు తూర్పు 16.2, చేబ్రోలు 13, పెదనందిపాడు 9.2, తెనాలి 7.8, కాకుమాను 6.8, తాడికొండ 4.8, పెదకాకాని 4, కొల్లిపర 3.6, తాడేపల్లి 1.6, గుంటూరు పశ్చిమ 1.3, తుళ్ళూరు మండలంలో 1.2 మి.మీ. చొప్పున వర్షం పడింది. అక్టోబర్‌ 24వ తేదీ వరకు జిల్లాలో సాధారణ వర్షపాతం 100.2 మి.మీ. పడాల్సి ఉండగా, ఇప్పటి వరకు కేవలం 31.2 మి.మీ. వర్షపాతం మాత్రమే నమోదైంది. చేబ్రోలు: సైబర్‌ నేరస్తులు రోజురోజుకు కొత్త రకం మోసాలకు పాల్పడుతున్నారు. తాజాగా చేబ్రోలు మండలం నారాకోడూరుకు చెందిన ఓ రిటైర్డ్‌ ప్రభుత్వ ఉద్యోగిని నమ్మించి రూ.10 లక్షలు దోచుకున్న ఘటన శనివారం వెలుగులోకి వచ్చింది. పోలీసులు తెలిపిన వివరాలు.. మండల పరిధిలోని నారాకోడూరు గ్రామానికి చెందిన వెలక శంకరరావు ప్రభుత్వ ఉద్యోగిగా పనిచేసి పదవీ విరమణ పొందారు. రెండు రోజుల క్రితం ఆయనకు గుర్తుతెలియని వ్యక్తులు ఫోన్‌ చేశారు. తాము బెంగళూరు పోలీసులుగా పరిచయం చేసుకుని ‘మీ అకౌంట్‌’లో పొరపాటున రూ.70 లక్షల నగదు జమ అయ్యాయని, ఇవి నేరస్తులకు చెందిన డబ్బులు అని దీనిని వెంటనే సరిచేయకపోతే ఇబ్బందులు పడాల్సి వస్తుందని బెదిరించారు. దీన్ని సరిచేయడానికి మేము చెప్పే అకౌంట్‌ నంబర్‌కు రూ.10 లక్షలు జమ చేయాలి’ అని బెదిరింపులకు దిగారు. పోలీసులమనే భయంతో పాటు, ఆ డబ్బును సురక్షితంగా కాపాడుకోవచ్చనే ఉద్దేశంతో శంకరరావు ఆ కేటుగాళ్లు మాటలు నమ్మి వారు సూచించిన బ్యాంకు ఖాతాకు రూ.10 లక్షలు బదిలీ చేశారు. ఆ తర్వాత వారి నంబర్లకు ఫోన్‌ చేయగా స్విచ్‌ఆఫ్‌ రావడంతో తాను మోసపోయినట్లు నిర్ధారించుకున్నాడు. చేబ్రోలు పోలీస్‌ స్టేషన్‌లో ఫిర్యాదు చేశారు. ఈ ఘటనపై చేబ్రోలు ఎస్‌ఐ పి.వీరనారాయణ కేసు నమోదు చేసి దర్యాప్తు చేస్తున్నారు. ప్రజలు అప్రమత్తంగా ఉండాలి: గుర్తుతెలియని వ్యక్తుల నుంచి ఫోన్‌ కాల్స్‌ వస్తే ఎవరూ భయపడకూడదని, బ్యాంకు ఖాతా వివరాలు, ఓటీపీలు ఎవరికీ చెప్పకూడదని ఎస్‌ఐ వీరనారాయణ సూచించారు. సైబర్‌ నేరాలపై ప్రజలు అత్యంత అప్రమత్తంగా ఉండాలని, ఇలాంటి మోసపూరిత కాల్స్‌ను నమ్మి కష్టపడి సంపాదించుకున్న డబ్బును పోగొట్టుకోవద్దని ఆయన సూచించారు. కుక్క అడ్డురావడంతో స్కూటీపై నుంచి కిందపడిన వైనం చిలకలూరిపేటటౌన్‌:మండలంలోని పసుమర్రు సమీపంలో పాత జాతీయ రహదారి–16పై జరిగిన రోడ్డు ప్రమాదంలో వ్యక్తి మృతి చెందాడు. సేకరించిన వివరాల ప్రకారం షేక్‌ హుస్సేన్‌(30) అనే వ్యక్తి జాతీయ రహదారిపై స్కూటీపై వస్తుండగా స్కూటీని కుక్క ఢీకొని అదుపుతప్పి రోడ్డుపై పడిపోయాడు. ఈ ఘటనలో హుస్సేన్‌ తలకు తీవ్ర గాయాలు కావడంతో అక్కడికక్కడే ప్రాణాలు కోల్పోయాడు. సమాచారం అందుకున్న చిలకలూరిపేట రూరల్‌ పోలీసులు ఘటనాస్థలికి చేరుకుని వివరాలు సేకరించారు. మృతదేహాన్ని చిలకలూరిపేట ప్రభుత్వ ఆసుపత్రికి తరలించి, ప్రమాదంపై దర్యాప్తు చేపట్టారు. పూర్తి వివరాలు తెలియాల్సి ఉంది.

గుంటూరు వెస్ట్‌: గుంటూరు నగర పాలక సంస్థ, తెనాలి పురపాలక సంఘం పరిధిలో ఈనెల 27, 28 తేదీల్లో పోస్టల్‌ బ్యాలెట్‌ ఫెసిలిటేషన్‌ కేంద్రాలు ఏర్పాటు చేయాలని జిల్లా కలెక్టర్‌ సీఎం సాయికాంత్‌ వర్మ అధికారులను ఆదేశించారు. స్థానిక కలెక్టరేట్‌ నుంచి శనివారం నిర్వహించిన వీడియో కాన్ఫరెన్‌న్స్‌లో కలెక్టర్‌ మాట్లాడుతూ ఎన్నికల విధుల్లో ఉన్న సిబ్బందికీ పోస్టల్‌ బ్యాలెట్‌ ఫెసిలిటేషన్‌ కల్పించాలని స్పష్టం చేశారు. పోలింగ్‌ సామగ్రి పంపిణీ, స్వీకరణ పట్ల ముందస్తు ఏర్పాటు చేయాలన్నారు. సిబ్బందికి శిక్షణ ఇవ్వాలని సూచించారు. పోలింగ్‌ సామగ్రి పంపిణీ ఎట్టి పరిస్థితుల్లో ఆలస్యం జరగరాదని, సామగ్రిలో ఏ ఒక్కటి లేదనే మాట రాకూడదన్నారు. పోలింగ్‌ సామగ్రి స్వీకరణ ఒక క్రమ పద్ధతిలో నిర్వహించి త్వరగా స్ట్రాంగ్‌ రూమ్‌లకు చేరాలని తెలిపారు. ఫొటో ఓటరు స్లిప్‌లు పంపిణీ చేయాలి ఓటర్లకు ఫొటో ఓటరు స్లిప్‌లు పంపిణీ చేయాలని జిల్లా కలెక్టర్‌ ఆదేశించారు. రిటర్నింగ్‌ అధికారులు, జోనల్‌ అధికారులు, రూట్‌ అధికారులు పోలింగ్‌ కేంద్రాల వద్ద అన్ని మౌలిక సదుపాయాలు ఏర్పాటు చేయాలని చెప్పారు. పోలింగ్‌ సిబ్బందికి ఏ మాత్రం అసౌకర్యం కలుగకుండా చూడాలని తెలిపారు. పోలింగ్‌ కేంద్రం చుట్టూ పక్కల పరిశుభ్రత పాటించాలని, మరుగుదొడ్లు ఉండాలని, తాగునీరు, విద్యుత్‌, ఆహార పంపిణీ అంశాలపై ఎటువంటి లోటుపాట్లు ఉండరాదన్నారు. మైక్రో పరిశీలకుల శిక్షణ కార్యక్రమం ఈ నెల 26న స్థానిక కలెక్టరేట్‌లోని ఎస్‌.ఆర్‌ శంకరన్‌ సమావేశ మందిరంలో జరుగుతుందన్నారు. జీఎంసీ కమిషనర్‌ కె మయూర్‌ అశోక్‌ మాట్లాడారు.నవంబరు 1న సెలవు గుంటూరు నగర పాలక సంస్థ, తెనాలి పురపాలక సంఘానికి నవంబరు 1వ తేదీన పోలింగ్‌ జరగనున్న నేపథ్యంలో సెలవు ప్రకటించినట్లు జిల్లా కలెక్టర్‌ సీఎం సాయికాంత్‌ వర్మ తెలిపారు. శనివారం స్థానిక కలెక్టరేట్‌ నుంచి నిర్వహించిన వీడియో కాన్ఫరెన్స్‌లో కలెక్టర్‌ మాట్లాడుతూ పోలింగ్‌ నిర్వహించే ప్రాంతాల్లో ఉన్న అన్ని ప్రభుత్వ కార్యాలయాలు, స్థానిక సంస్థలు, ఇతర ప్రభుత్వ సంస్థలకు స్థానిక సెలవు ప్రకటించామన్నారు. పోలింగ్‌కు ముందు రోజు, పోలింగ్‌ రోజు, ఓట్ల లెక్కింపు రోజున అక్టోబర్‌ 31, నవంబరు 1 తేదీల్లోనూ, నవంబరు 3వ తేదీన, పోలింగ్‌ కేంద్రాలు, ఓట్ల లెక్కింపు కేంద్రాలుగా వినియోగిస్తున్న అన్ని ప్రభుత్వ భవనాలు, విద్యాసంస్థల భవనాలు, ఇతర భవనాలలో కార్యకలాపాలకు స్థానిక సెలవులు ప్రకటించామని కలెక్టర్‌ తెలిపారు. జిల్లా కలెక్టర్‌ సీఎం సాయికాంత్‌ వర్మ

పెదకాకాని: వాసిరెడ్డి వెంకటాద్రి ఇంటర్నేషనల్‌ టెక్నలాజికల్‌ యూనివర్సిటీ ప్రాంగణంలో ఇన్‌న్‌స్టిట్యూషన్స్‌ ఇన్నోవేషన్‌ కౌన్సిల్‌ ఆధ్వర్యంలో ఏర్పాటు చేసిన ఆస్ట్రియాన్‌ ఇన్నోవేట్‌ బియాండ్‌ బౌండరీస్‌ రెండు రోజుల జాతీయ స్థాయి సదస్సు శుక్రవారం ఘనంగా ప్రారంభమైంది. ఆంధ్రప్రదేశ్‌ సైన్స్‌ సిటీ చీఫ్‌ ఎగ్జిక్యూటివ్‌ ఆఫీసర్‌ కేశినేని వెంకటేశ్వర్లు ముఖ్య అతిథిగా విచ్చేసి సదస్సును ప్రారంభించారు. మండల పరిధిలోని నంబూరు వీవీఐటీయూలో నిర్వహించిన సదస్సులో కేశినేని వెంకటేశ్వర్లు మాట్లాడుతూ విద్యార్థులు పుస్తక పరిజ్ఞానంతో పాటు నూతన ఆవిష్కరణలపై ప్రత్యేక దృష్టి సారించాలని పిలుపునిచ్చారు. ప్రారంభోత్సవంలో ప్రో–చాన్సలర్‌ వాసిరెడ్డి మహదేవ్‌, రిజిస్ట్రార్‌ డాక్టర్‌ వై.మల్లికార్జునరెడ్డి, జాయింట్‌ రిజిస్ట్రార్‌ డాక్టర్‌ ఆళ్ల కళావతి, డైరెక్టర్‌, ప్రొఫెసర్‌ ఎంవై భానుమూర్తి, టీఎల్‌సీ హెడ్‌ డాక్టర్‌ రావెల నవీన్‌, ప్రోగ్రామ్‌ కోఆర్డినేటర్లు డాక్టర్‌ పీఎస్‌ఎన్‌ కృష్ణప్రసాద్‌, డాక్టర్‌ సిహెచ్‌.నాగసాయి కళ్యాణ్‌ పాల్గొన్నారు.

తాడేపల్లి రూరల్‌: ప్రజాస్వామ్య వ్యవస్థను ఖూనీ చేసే ఎస్‌ఐఆర్‌ను రద్దు చేయాలని ఆంధ్రప్రదేశ్‌ వ్యవసాయ కార్మిక సంఘం రాష్ట్ర అధ్యక్షురాలు డి రమాదేవి డిమాండ్‌ చేశారు. తాడేపల్లి రూరల్‌ మండలం వడ్డేశ్వరంలో ఏపీ వ్యవసాయ కార్మిక సంఘం, రైతు, కార్మిక, మహిళ సంఘాల ఆధ్వర్యంలో శుక్రవారం నిరసన కార్యక్రమం నిర్వహించారు. రమాదేవి మాట్లాడుతూ సర్‌ ప్రక్రియను రద్దు చేయాలని, దేశవ్యాప్తంగా పెద్ద ఎత్తున యువత, ప్రజా సంఘాలు ఆందోళనలు, నిరసనలు చేస్తున్నాయని అన్నారు. సర్‌ ప్రక్రియతో నిర్దాక్షిణ్యంగా 13 కోట్ల ఓట్లను తొలగించడం దుర్మార్గమని పేర్కొన్నారు. ఎన్నికల కమిషన్‌ జ్ఞానేష్‌ కుమార్‌ రాజీనామా చేయాలని డిమాండ్‌ చేశారు. కార్యక్రమంలో ఏపీ రైతు సంఘం రాష్ట్ర సహాయ కార్యదర్శి జొన్నా శివశంకరరావు, ఆంధ్రప్రదేశ్‌ వ్యవసాయ కార్మిక సంఘం రాష్ట్ర ఉపాధ్యక్షురాలు వంకాయలపాటి శివ నాగరాణి, కౌలు రైతు సంఘం రాష్ట్ర నాయకుడు ఆంజనేయులు, వ్యవసాయ కార్మిక సంఘం నాయకుడు అప్పలస్వామి, సీఐటీయూ నాయకులు నాగేశ్వరరావు, బూరుగ వెంకటేశ్వరరావు, పల్లె కృష్ణ, కేవీపీఎస్‌ రాష్ట్ర ప్రధాన కార్యదర్శి ఆండ్ర మాల్యాద్రి, రైతు సంఘం నాయకులు దొంతిరెడ్డి వెంకటరెడ్డి, వై కేశవరావు, కాజా వెంకటేశ్వరరావు, రైతు సంఘం రాజధాని నాయకులు ఎస్‌కే ఎర్ర ఫీర్‌, కొర్రపోలు ఈశ్వర్‌రెడ్డి, భక్తి రెడ్డి, వీరాస్వామి, గైరబోయిన నాగేశ్వరరావు, ఐద్వా నాయకురాలు జి అమలశ్రీ, శ్రీదేవి, తదితరులు పాల్గొన్నారు. వడ్డేశ్వరంలో ప్రజా సంఘాల నిరసన

శనివారం శ్రీ 24 శ్రీ అక్టోబర్‌ శ్రీ 2026వెన్నుపోటు పార్టీగా పేరున్న టీడీపీ దెబ్బకు మిత్రపక్షాలైన జనసేన, బీజేపీలకూ తిప్పలు తప్పడం లేదు. స్థానిక ఎన్నికల్లో ఆయా పార్టీల అభ్యర్థులను తెలుగు తమ్ముళ్లు ముప్పుతిప్పలు పెడుతున్నారు. బెదిరించి మరీ తమ పెత్తనం చలాయిస్తున్నారు. దీంతో రెండు పార్టీల వారు టీడీపీపై ఆగ్రహం వ్యక్తం చేస్తున్నారు. ‘ఫ్రెండ్లీ కాంపిటీషన్‌’ అంటూనే టీడీపీ క్యాడర్‌ ఒత్తిళ్లు? భయపెట్టి మరీ నామినేషన్ల ఉపసంహరణకు చర్యలు టీడీపీకి పనిచేయకుంటే కేసులే అంటూ ప్రజాప్రతినిధుల హెచ్చరిక

సాక్షి ప్రతినిధి, గుంటూరు: చిలకలూరిపేటలో మాజీ మంత్రి విడదల రజినిని మూడు రోజులుగా హౌస్‌ అరెస్టు చేసిన పోలీసులు, ఆమెను బయటకు రానీయకుండా చేశారు. వైఎస్సార్‌ సీపీ ముఖ్య నేతలందరినీ అదుపులోకి తీసుకున్నారు. అభ్యర్థులను నామినేషన్లు వేయనీయలేదు. శుక్రవారం ఓ జెడ్పీటీసీ అభ్యర్థి బీఫాం తీసుకునేందుకు విడదల రజిని నివాసానికి రాగా, పోలీసులు అడ్డుకున్నారు. విషయం తెలుసుకున్న విడదల రజిని, బీఫాం ఇచ్చేందుకు అతడిని అనుమతించాలని కోరుతూ బయటకు వచ్చే ప్రయత్నం చేశారు. కాపలాగా ఉన్న మహిళా ఎస్‌ఐ లేఖప్రియాంక ఒక్కసారిగా మాజీ మంత్రి అని కూడా చూడకుండా ఆమైపె దురుసుగా ప్రవర్తిస్తూ లోపలికి నెట్టడంతో విడదల రజిని వెన్నెముకకు గాయమైంది. మాజీ మంత్రి పరిస్థితే ఇలా ఉంటే, మిగతా నేతల పరిస్థితి ఏమిటనే ప్రశ్నలు తలెత్తుతున్నాయి. చిలకలూరిపేట రూరల్‌ మండలానికి చెందిన కొంతమంది వైఎస్సార్‌ సీపీ అభ్యర్థులు రూరల్‌ పోలీస్‌ స్టేషన్‌కు వెళ్లి, తాము నామినేషన్‌ వేసేందుకు భద్రత కల్పించాలని కోరుతూ గంటలకొద్దీ పడిగాపులు కాసినప్పటికీ ప్రయోజనం లేకుండా పోయింది. యడ్లపాడు, నాదెండ్ల మండలాల్లో సైతం పోలీసులు అక్కడికక్కడే వైఎస్సార్‌ సీపీ అభ్యర్థులను అడ్డుకున్నారు. టీడీపీ నాయకులు నామినేషన్‌ కేంద్రాల వద్ద కర్రలు, రాళ్లతో తిరుగుతున్నా పోలీసులు పట్టించుకోకపోవడం దారుణం.

గుంటూరు మెడికల్‌: ప్రపంచ పక్షవాత దినోత్సవాన్ని పురస్కరించుకుని గుంటూరు తక్కెళ్లపాడులోని లలితా పీవీఎస్‌ ఇనిస్టిట్యూట్‌ ఆఫ్‌ మెడికల్‌ సైన్స్‌స్‌లో శుక్రవారం నుంచి 29వ తేదీ వరకు పక్షవాతం(బ్రెయిన్‌ స్ట్రోక్‌)పై పలు అవగాహన కార్యక్రమాలు, ఉచిత వైద్యశిబిం నిర్వహిస్తున్నట్లు లలితా గ్రూప్‌ ఆఫ్‌ హాస్పిటల్స్‌ అధినేత, సీనియర్‌ కార్డియాలజిస్ట్‌ డాక్టర్‌ పి.వి.రాఘవ శర్మ తెలిపారు. శుక్రవారం లలితా హాస్పిటల్‌లో ఉచిత స్ట్రోక్‌ రిస్క్‌ స్క్రీనింగ్‌ డెస్క్‌ను ఆసుపత్రి సీఈఓ, ఇంట్రవెన్షనల్‌ కార్డియాలజిస్ట్‌ డాక్టర్‌ పోలవరపు అనురాగ్‌ ప్రారంభించారు. ఈ సందర్భంగా డాక్టర్‌ రాఘవశర్మ మాట్లాడుతూ ఈ ఏడాది ప్రపంచ పక్షవాత దినోత్సవం సందర్భంగా వరల్డ్‌ స్ట్రోక్‌ ఆర్గనైజేషన్‌ ఇచ్చిన ‘ప్రతి నిమిషం విలువైనది– పక్షవాత లక్షణాలను గుర్తించండి, సకాలంలో స్పందించండి, మెదడును కాపాడండి’ అనే నినాదంతో ప్రజల్లో అవగాహన కల్పిస్తున్నట్లు తెలిపారు. ఆస్పత్రి ప్రాంగణంలో ఏర్పాటు చేసిన స్ట్రోక్‌ స్క్రీనింగ్‌ డెస్క్‌ అక్టోబర్‌ 29 వరకు అందుబాటులో ఉంటుందని చెప్పారు. ఆరోగ్యకరమైన ఆహారపు అలవాట్లపై అవగాహన కల్పించేందుకు డైట్‌ సలహాలు, శారీరక కదలికలు, వ్యాయామాల ప్రాధాన్యతను తెలియజేసేందుకు ఫిజియోథెరపీ అవగాహనా సేవలను కూడా అందిస్తున్నట్లు డాక్టర్‌ అనురాగ్‌ చెప్పారు. ప్రజల్లో పక్షవాతంపై అవగాహన పెంపొందించడం, వ్యాధి ముప్పును తగ్గించేందుకు అవసరమైన జీవనశైలి మార్పులపై చైతన్యం కల్పించడమే ఈ కార్యక్రమాల ప్రధాన ఉద్దేశమని న్యూరాలజిస్ట్‌ ప్రొఫెసర్‌ డాక్టర్‌ ఉప్పాల వీరమ్మ తెలిపారు. కార్యక్రమంలో సీనియర్‌ న్యూరో సర్జన్‌ డాక్టర్‌ ఎన్‌.శ్రీనివాసరావు, న్యూరో కన్సల్టెంట్‌ డాక్టర్‌ ఉషాకిరణ్‌, డాక్టర్‌ అనూష పాల్గొన్నారు.

నగరంపాలెం: నగరంపాలెంలోని జిల్లా పోలీస్‌ కార్యాలయంలో శుక్రవారం పోలీస్‌ సిబ్బంది గ్రీవెన్స్‌ నిర్వహించారు. జిల్లాలోని పోలీస్‌స్టేషన్లు, వివిధ విభాగాల్లో విధులు నిర్వహించే పోలీస్‌ సిబ్బంది నుంచి వ్యక్తిగత, బదిలీలు, ఉద్యోగోన్నతులు, సెలవులు, వైద్య అవసరాలు, ఇతర పరిపాలనా అంశాలకు సంబంధించి వినతులను జిల్లా ఎస్పీ స్వీకరించారు. ప్రతి వినతిని జిల్లా ఎస్పీ పరిశీలించారు. పోలీస్‌ శాఖ నిబంధనలకు అనుగుణంగా త్వరగా ఆయా అర్జీలు పరిష్కరించాలని సంబంధిత పోలీస్‌ అధికారులను ఆదేశించారు. పోలీస్‌ సిబ్బంది సంక్షేమానికి అధిక ప్రాధాన్యం ఇస్తామని జిల్లా ఎస్పీ అన్నారు. ఎస్పీ వకుల్‌ జిందల్‌

6వ బెటాలియన్‌ కమాండెంట్‌ మురళి మంగళగిరి టౌన్‌: విధి నిర్వహణలో ప్రాణాలు అర్పించిన పోలీస్‌ అమరవీరుల త్యాగాలు చిరస్మరణీయమని ఏపీఎస్పీ 6వ బెటాలియన్‌ కమాండెంట్‌ మురళి పేర్కొన్నారు. మంగళగిరి పట్టణంలోని 6వ బెటాలియన్‌లో పోలీస్‌ అమరవీరుల దినోత్సవాన్ని పురస్కరించుకుని వారోత్సవాలు నిర్వహించారు. శుక్రవారం నిర్వహించిన సెమినార్‌లో మురళి మాట్లాడుతూ ప్రజల రక్షణ, శాంతి భద్రతల పరిరక్షణ కోసం పోలీసులు అందిస్తున్న సేవలను, విధి నిర్వహణలో ఎదుర్కొంటున్న సవాళ్లను కొనియాడారు. సమాజంలో శాంతి భద్రతలను కాపాడంలో పోలీసుల పాత్ర ఎంతో కీలకమని, ప్రజల భద్రతకు ప్రాధాన్యత ఇచ్చే పోలీసుల సేవలు అధినందనీయమన్నారు. అనంతరం అమరుడైన 6వ బెటాలియన్‌ కానిస్టేబుల్‌ నరసయ్య నివాసానికి వెళ్లి వారి కుటుంబ సభ్యులను పరామర్శించారు. వారికి అండగా ఉంటామని ధైర్యం చెప్పారు. కార్యక్రమంలో బెటాలియన్‌ అదనపు కమాండెంట్‌ ఆశీర్వాదం, అసిస్టెంట్‌ కమాండెంట్‌ రవి, విట్‌ కళాశాల ప్రొఫెసర్‌ శ్రీనివాసరెడ్డి తదితరులు పాల్గొన్నారు. చీరాల టౌన్‌: రాష్ట్ర ప్రభుత్వం రెవెన్యూ శాఖ స్పెషల్‌ చీఫ్‌ సెక్రటరీ, చీఫ్‌ కమిషనర్‌ ఆఫ్‌ ల్యాండ్స్‌ అండ్‌ అడ్మినిస్ట్రేషన్‌ జి.జయలక్ష్మి శుక్రవారం చీరాల వచ్చారు. జిల్లాలో జరుగుతున్న భూముల రీసర్వే పరిశీలనకు వచ్చిన ఆమెకు.. చీరాల ఆర్డీవో ఎస్‌.నరసింహారావు, తహసీల్దార్‌ కె.గోపీకృష్ణలు పుష్పగుచ్ఛాలు అందించారు. చీరాల మండలంలోని వాడరేవులోని ఐఎల్‌టీడీ అతిథి గృహంలో జయలక్ష్మికి విడిది ఏర్పాటు చేశారు. పలువురు రెవెన్యూ అధికారులు, ఉద్యోగులు మర్యాదపూర్వకంగా కలిశారు. నగరంపాలెం: స్థానిక బృందావన్‌గార్డెన్స్‌ శ్రీవేంకటేశ్వరస్వామి దేవాలయం అన్నమయ్య కళావేదికపై రెండు రోజుల పాటు జరగనున్న అమరావతి నృత్యోత్సవాలు శుక్రవారం ప్రారంభమయ్యాయి. కేఆర్‌కేఎం మెమోరియల్‌ అకాడమీ, క్రియేటివిటీ అండ్‌ కల్చర్‌ కమిషన్‌ (ఏపీ ప్రభుత్వం) సంయుక్తంగా చేపట్టగా, అతిథులు జ్యోతి ప్రజ్వలనతో ప్రారంభించారు. సభాధ్యక్షురాలుగా కోకా విజయలక్ష్మి వ్యవహారించారు. తొలుత కేఆర్‌కేఎం శిష్య బృందం స్వాగత నృత్యం చేశారు. అనంతరం ప్రీతి మొహాపాత్ర (హైదరాబాద్‌) ఒడిస్సి నృత్యాన్ని, చల్లా వేదవల్లి(హైదరాబాద్‌) కూచిపూడి నృత్యాన్ని, చెరుకు అనుష్క (హైదరాబాద్‌) భరత నాట్యాన్ని ప్రదర్శించారు. తమ బాణీలతో చక్కటి హావభావాలు పలకించారు. నృత్యభంగిమలతో నృత్య ప్రదర్శన చేయగా అలరించాయి. కార్యక్రమంలో ఏపీ టాక్స్‌ బార్‌ అసోసియేషన్‌ అధ్యక్షుడు రామరాజు శ్రీనివాస్‌, కళారత్న అవార్డు గ్రహీత రాయన గిరిధర్‌గౌడ్‌, ప్రముఖ కవి భూసురపల్లి వెంకటేశ్వర్లు, ఆలయ పాలక మండలి అధ్యక్షుడు సీహెచ్‌.మస్తానయ్య ప్రసంగించారు. అతిథులు, కళాకారులను సంస్థ అధ్యక్షుడు, నాట్యాచార్య కాజ వేంకటసుబ్రహ్మణ్యం సత్కరించారు. తాడికొండ: తుళ్లూరు ప్రాథమిక ఆరోగ్య కేంద్రం వైద్యాధికారి డాక్టర్‌ శ్రీనివాస్‌ రూ.25 లంచం తీసుకుంటూ ఏసీబీ అధికారులకు శుక్రవారం పట్టుబడ్డాడు. అదే అసుపత్రిలో ఆఫీస్‌ సబార్డినేట్‌గా పనిచేస్తున్న శ్రీనివాసరావు నుంచి లంచం డిమాండ్‌ చేయడంతో ఆయన ఏసీబీ అధికారులను ఆశ్రయించాడు. శ్రీనివాసరావు నెల రోజులపాటు విధులకు సెలవు పెట్టిన నేపథ్యంలో డాక్టర్‌ శ్రీనివాస్‌ షోకాజ్‌ నోటీసులు జారీ చేశారు. క్లియర్‌ చేసేందుకు నెల జీతం ఇవ్వాలని డిమాండ్‌ చేయగా చివరకు రూ.25 వేలు తీసుకుంటుండగా ఏసీబీ అధికారులు రెడ్‌ హ్యాండెడ్‌గా పట్టుకున్నారు. దాడిలో ఏసీబీ డీఎస్పీ టీవీవీ ప్రతాప్‌ కుమార్‌, సీఐలు సురేష్‌, నాగరాజు, కుమ్మరి శ్రీనివాసరావు, జీఎల్‌ శ్రీనివాసరావులు పాల్గొన్నారు.

కొరిటెపాడు(గుంటూరు): కూటమి ప్రభుత్వం వచ్చాక రాష్ట్రాన్ని పూర్తిగా నిర్వీర్యం చేసిందని వైఎస్సార్‌ సీపీ గుంటూరు జిల్లా అధ్యక్షుడు, గుంటూరు పశ్చిమ నియోజకవర్గం సమన్వయకర్త అంబటి రాబాబు పేర్కొన్నారు. గుంటూరు పశ్చిమ నియోజకవర్గం పరిధిలోని 57, 58, 59, 60 డివిజన్లలో శుక్రవారం గుంటూరు మేయర్‌ అభ్యర్థి తాడికొండ శ్రీదేవి, ఆయా డివిజన్ల కార్పొరేటర్‌ అభ్యర్థులతో కలిసి ఆయన ప్రచారంలో పాల్గొన్నారు. విద్యానగర్‌ ఆర్చి సెంటర్‌ నుంచి నార్నె టవర్స్‌, హనుమయ్య నగర్‌, కొరిటెపాడు వినాయ స్వామి గుడి, కొరిటెపాడు లైబ్రరీ సెంటర్‌, గాంధీబొమ్మ సెంటర్‌, సాకేతపురం మెయిన్‌ రోడ్‌, ముత్యాలరెడ్డి నగర్‌ మెయిన్‌ రోడ్‌ మీదుగా సుగాలి కాలనీ వరకు ప్రచారం కొనసాగింది. పార్టీ ముఖ్య నాయకులు నేరుగా ప్రజలను కలిసి మాట్లాడారు. ఫ్యాన్‌ గుర్తుపై ఓటు వేసి వైఎస్సార్‌ సీపీ అభ్యర్థులను గెలిపించాలని కోరారు. అడుగడుగునా ప్రజలు ఘన స్వాగతం పలికారు. ఈ సందర్భంగా అంబటి రాంబాబు మాట్లాడుతూ గతంలో వైఎస్సార్‌ సీపీ హయాంలో చేపట్టిన అభివృద్ధి కార్యక్రమాలను వివరించారు. నిత్యావసర ధరలు పెరగడంతో పేద, మధ్యతరగతి ప్రజలు ఇబ్బందులు పడుతున్నట్లు చెప్పారు. కూటమి ప్రభుత్వంలో అరాచకాలు, దౌర్జన్యాలు ఎక్కువయ్యాయని, అధికారాన్ని అడ్డుపెట్టుకుని వైఎస్సార్‌ సీపీ శ్రేణులను భయపెడుతున్నారన్నారు. పార్టీ శ్రేణులు మాత్రం కూటమి నేతలకు ఏమాత్రం తలొగ్గకుండా ఎదురు నిలుస్తున్నారని గుర్తు చేశారు. వైఎస్‌ జగన్‌మోహన్‌రెడ్డి పాలనలో ప్రజల కోసం ఎన్నో సంక్షేమ పథకాలు ప్రవేశపెట్టారన్నారు. ఈ ఎన్నికల్లో ప్రజల తీర్పుతో కూటమి నేతలకు బుద్ధి వస్తుందన్నారు. మేయర్‌ అభ్యర్ధి తాడికొండ శ్రీదేవి మాట్లాడుతూ తొలిసారిగా మేయర్‌ అభ్యర్థిగా పోటీ చేస్తున్నానని, అందరూ ఆదరించాలని అభ్య ర్థించారు. తాను గెలిస్తే అందరి సమస్యలను తీర్చేందుకు కృషి చేస్తానని, నగరాభివృద్ధికి చర్యలు తీసుకుంటానని పేర్కొన్నారు. రెండు అమూల్యమైన ఓట్లను ఫ్యాన్‌ గుర్తుకు వేసి, తనకు మేయర్‌గా అవకాశం కల్పించాలని విజ్ఞప్తి చేశారు. కార్యక్రమంలో కార్పొరేటర్‌ అభ్యర్థులు వడ్డే కరుణాకరరెడ్డి, మారంరెడ్డి కోటేశ్వరి, ధనావత్‌ వెంకటేశ్వర్లు నాయక్‌, మల్లిశెట్టి దీనమ్మ తదితరులు పాల్గొన్నారు.

నాదెండ్ల: ఇరువురు మిత్రుల మధ్య తలెత్తిన వివాదంలో జోక్యం చేసుకున్న మూడో వ్యక్తిపై కత్తితో దాడికి పాల్పడిన ఘటన గణపవరం సినిమాహాల్‌ సెంటర్‌లో గురువారం రాత్రి 10.30 గంటల సమయంలో చోటుచేసుకుంది. పోలీసులు తెలిపిన వివరాల మేరకు నాదెండ్ల గ్రామానికి చెందిన గోపీకృష్ణ, ధనుష్‌ మిత్రులు. గోపీకృష్ణ సుబాబుల్‌ తోట నరికే పనులకు వెళ్తుంటా డు. బుధవారం ఇరువురి మధ్య వివాదం తలెత్తింది. ధనుష్‌ తరపున చిరుమామిళ్ల గ్రామానికి చెందిన జడ జాన్‌పీటర్‌ మాట్లాడేందుకు వచ్చాడు. ఈ క్రమంలో గోపీకృష్ణపై పీటర్‌పాల్‌ చేయిచేసుకున్నాడు. దీంతో గోపీకృష్ణ తన చేతిలోని సుబాబుల్‌ నరికే కత్తితో పీటర్‌పాల్‌పై దాడి చేశా డు. గాయాలపాలైన బాధితుడిని ఆసుపత్రికి తరలించారు. బాధితుడి ఫిర్యాదు మేరకు పోలీసులు కేసు నమోదు చేశారు. బాపట్ల: జిల్లాలోని చీరాల, రేపల్లె మున్సిపాలిటీలకు నవంబర్‌ ఒకటో తేదీన జరగనున్న పోలింగ్‌ విధులు నిర్వర్తించే పీఓలకు 2వ విడత శిక్షణ శుక్రవారం నిర్వహించారు. జిల్లా కలెక్టరేట్‌లో శుక్రవారం బోర్డు రూమ్‌లో జిల్లాకు కేటాయించిన సాధారణ ఎన్నికల పరిశీలకురాలు ఏఏఎల్‌.పద్మావతి, జిల్లా కలెక్టర్‌, జిల్లా ఎన్నికల అధికారి డాక్టర్‌ వినోద్‌ కుమార్‌ ఆధ్వర్యంలో ర్యాండమైజేషన్‌ ప్రక్రియ నిర్వహించారు. ఎన్నికల విధుల నిర్వహణలో పారదర్శకత, నిష్పాక్షికతకు ప్రాధాన్యతనిస్తూ ఎన్నికల కమిషన్‌ నిబంధనలకు అనుగుణంగా సిబ్బంది కేటాయింపు ప్రక్రియ చేపట్టాలని జిల్లా కలెక్టర్‌ సూచించారు. ఎన్నికల నిర్వహణకు అవసరమైన సిబ్బంది సమన్వయంతో పనిచేస్తూ, అప్పగించిన బాధ్యతలను సమర్థంగా నిర్వర్తించాలని తెలిపారు. కార్యక్రమంలో డీఈఓ శ్రీనివాస్‌ సింగ్‌, జిల్లా కలెక్టరేట్‌ ఏఓ మల్లికార్జున, గ్రామ, వార్డు సచివాలయాల కోఆర్డినేటర్‌ యశ్వంత్‌, జిల్లా కలెక్టరేట్‌ సిబ్బంది తదితరులు పాల్గొన్నారు.

● బడా బాబుల కోసమే జీఎంసీ నిబంధనలు ● తారు ధరల సాకుతో బీటీని సీసీగా మార్చే లాబీయింగ్‌ ● ఎస్‌వీఎన్‌ కాలనీలో సగం బీటీ.. సగం సీసీ రోడ్డు ● చిన్న కాంట్రాక్టర్లపై ‘వర్కు చేయకపోతే ఈఎండీల జప్తు’ వేధింపులు ● ప్రజాధనంతో పెద్ద కాంట్రాక్టర్ల జేబులు నింపే కుతంత్రం పెద్దోళ్ల కోసమే నిబంధనలు చిన్న కాంట్రాక్టర్లపై వేధింపులు 5 శాతం నిధులు బ్లాక్‌..

ఏఎన్‌యూ(పెదకాకాని): ఏపీఎస్‌పీఎఫ్‌ స్టేట్‌మీట్‌– 2026 నిర్వహించడం అభినందనీయమని హోంశాఖ ముఖ్య కార్యదర్శి కుమార్‌ విశ్వజీత్‌ అన్నారు. ఆచార్య నాగార్జున విశ్వవిద్యాలయంలో 4 రోజుల పాటు నిర్వహించిన ఏపీఎస్‌పీఎఫ్‌ స్టేట్‌ లెవల్‌ స్పోర్ట్స్‌ మీట్‌ ముగింపు కార్యక్రమానికి శుక్రవారం ముఖ్యఅతిథిగా హాజరయ్యారు. ఆయన మాట్లాడుతూ గన్నవరం సమీపంలో శిక్షణ కార్యక్రమాల నిర్వహణ కోసం ప్రభుత్వం కేటాయించిన ఐదు ఎకరాల స్థలంలో నిర్మాణ పనులు ప్రారంభించినట్లు చెప్పారు. త్వరితగతిన శిక్షణ కేంద్రాన్ని ఏర్పాటు చేసేందుకు ప్రభుత్వానికి పంపిన బడ్జెట్‌ ప్రతిపాదనలు పరిశీలనలో ఉన్నాయని చెప్పారు. ఏపీఎస్‌పీఎఫ్‌ పోలీస్‌ అధికారుల డెప్యుటేషన్‌ కోటాను రద్దు చేయడం ద్వారా సంస్థలోని అధికారులకు త్వరితగతిన పదోన్నతులు లభించేందుకు మార్గం సుగమమైందని వివరించారు. ఏపీఎస్‌పీఎఫ్‌ ఇన్‌న్‌స్పెక్టర్‌ జనరల్‌ బీవీ రామిరెడ్డి మాట్లాడుతూ ఏపీఎస్‌పీఎఫ్‌ 35వ ఆవిర్భావ దినోత్సవం సందర్భంగా సంస్థ సిబ్బందికి, వారి కుటుంబ సభ్యులకు అభినందనలు తెలిపారు. హోంశాఖ ముఖ్య కార్యదర్శి చొరవతో ఎఫ్‌పీఎఫ్‌ ప్రతిపాదనలు త్వరితగతిన పరిష్కారమయ్యాయన్నారు. అందులో భాగంగా 1998 బ్యాచ్‌కు చెందిన 248 మంది కానిస్టేబుళ్లను, 2000 బ్యాచ్‌కు చెందిన 373 మంది కానిస్టేబుళ్లను హెడ్‌ కానిస్టేబుళ్లుగా అప్‌గ్రేడ్‌ చేస్తూ ప్రభుత్వం ఉత్తర్వులు జారీ చేసిందని వివరించారు. విశాఖపట్నం స్టీల్‌ ప్లాంట్‌లో సీఐఎస్‌ఎఫ్‌ స్థానంలో ఏపీఎస్‌పీఎఫ్‌ సిబ్బందిని దశలవారీగా నియమించేందుకు ప్రభుత్వం ఉత్తర్వులు జారీ చేసిందని వెల్లడించారు. మొదటి దశలో ఇప్పటికే 75 మందిని నియమించినట్లు తెలిపారు. ఈ క్రీడా పోటీల్లో తిరుపతి, విజయవాడ, రాజమండ్రి జోన్లకు చెందిన సుమారు 172 మంది క్రీడాకారులు పాల్గొన్నారు. వాలీబాల్‌, క్రికెట్‌, బ్యాడ్మింటన్‌, 100 మీటర్ల పరుగు, 400 మీటర్ల పరుగు, 5 కిలోమీటర్ల పరుగు, లాంగ్‌ జంప్‌, హై జంప్‌, షాట్‌ఫ/ట్‌ తదితర క్రీడల్లో తమ ప్రతిభను చాటారు. విజేతలకు హోంశాఖ ముఖ్య కార్యదర్శి కుమార్‌ విశ్వజీత్‌, హోంశాఖ స్పెషల్‌ సెక్రటరీ విజయ్‌ కుమార్‌, ఇన్‌న్‌స్పెక్టర్‌ జనరల్‌ బీవీ రామిరెడ్డి, విజయవాడ జోన్‌ కమాండెంట్‌ ముద్దాడ శంకరరావు చేతుల మీదుగా విజేతలకు బహుమతులు అందజేశారు. ముందుగా క్రీడాకారులచే క్రీడా గౌరవ వందనం స్వీకరించారు.

పెడన: కృష్ణా జిల్లా పెడన మండలం లంకలకలవగుంట గ్రామంలో దసరా మహోత్సవాలను పురస్కరించుకుని ఈ నెల 12 నుంచి నిర్వహించిన రాష్ట్రస్థాయి చెడుగుడు పోటీలు శుక్రవారంతో ముగిశాయి. రాష్ట్రంలోని వివిధ ప్రాంతాల నుంచి 25 జట్లు ఈ పోటీల్లో పాల్గొన్నాయి. కృష్ణా, గుంటూరు, నెల్లూరు, ఒంగోలు, చీరాల, బాపట్ల, పశ్చిమగోదావరి, ఏలూరు తదితర ప్రాంతాల నుంచి క్రీడాకారులు పోటీలకు హాజరయ్యారు. శుక్రవారం తెల్లవారుజామున జరిగిన ఫైనల్‌ పోటీలో చినగంజాం, నెల్లూరు జట్లు తలపడగా చినగంజాం జట్టు విజయం సాధించి ప్రథమ స్థానాన్ని దక్కించుకుంది. విజేతగా నిలిచిన చినగంజాం జట్టుకు రూ.30వేలు, ద్వితీయ బహుమతి నెల్లూరు జట్టుకు రూ.25 వేలు, తృతీయ బహుమతి స్టువర్టుపురం జట్టుకు రూ.20 వేలు, నాలుగో బహుమతి ఏలూరు జిల్లా వేమవరప్పాడు జట్టుకు రూ.15 వేల నగదు బహుమతులు అందజేశారు. ప్రతి సంవత్సరం దసరా మహోత్సవాల సందర్భంగా నెహ్రూ యువ కేంద్రం ఆధ్వర్యంలో ఈ రాష్ట్రస్థాయి చెడుగుడు పోటీలను నిర్వహిస్తున్నట్లు నిర్వాహకుడు ముత్యాల వెంకటస్వామి తెలిపారు. పోటీల నిర్వహణలో లంకల కలవగుంట చెడుగుడు కమిటీ సభ్యులు కాగిత సత్యనారాయణ, కట్టా సూర్యచంద్రరావు, కట్టా రామ్మోహనరావు కీలకంగా వ్యవహరించారు. పిడుగుపాటుకు వ్యక్తి మృతి రొంపిచర్ల: పిడుగు పడి వ్యక్తి మృతి చెందిన ఘటన రొంపిచర్లలో శుక్రవారం జరిగింది. గ్రామానికి చెందిన పమ్మి గోవిందరెడ్డి(46) సుబ్బారెడ్డి కాలనీకి దగ్గర ఉన్న తన పొలం వెళుతున్నాడు. ఆ సమయంలో ఉరుములు, మెరుపులతో కూడిన వర్షం కురుస్తుండగా, అక్కడ సమీపంలో ఉన్న చెట్టు కిందకి వెళ్లాడు. ఆ సమయంలో పెద్ద శబ్దంతో పిడుగు చెట్టు కింద కూర్చుని ఉన్న గోవిందరెడ్డి మీద పడటంతో సృహ కోల్పోయి పడిపోయాడు. సమీప పొలాల్లో పనులు చేస్తున్న రైతులు, కూలీలు అక్కడికి వచ్చి పిడుగు పడిన ఆ వ్యక్తిని చికిత్స నిమిత్తం హాస్పిటల్‌కు తీసుకెళ్లారు. మార్గంమధ్యలో మృతి చెందాడు. మృతుడికి భార్య, ఒక కుమార్తె ఉన్నారు. ద్వితీయ, తృతీయ స్థానాల్లో నెల్లూరు, స్టువర్టుపురం జట్లు

చిలకలూరిపేట: చిలకలూరిపేటలో మాజీ మంత్రి విడదల రజినిని గురువారం పోలీసులు పోలీసులు హౌస్‌ అరెస్టు చేశారు. చిలకలూరిపేట, నాదెండ్ల, యడ్లపాడు మండలాల్లో ఎక్కడా వైఎస్సార్‌సీపీ అభ్యర్థులు నామినేషన్లు వేయకుండా అడుగడుగునా అడ్డుకున్నారు. నామినేషన్‌ కేంద్రాల వద్ద వందల మంది టీడీపీ గూండాలు కర్రలు, రాడ్లతో వైఎస్సార్‌సీపీ అభ్యర్థులపై దాడులకు తెగబడ్డారు. యడ్లపాడులో నామినేషన్‌ వేసేందుకు వెళుతున్న వైఎస్సార్‌సీపీ అభ్యర్థులను పోలీసులు అడ్డుకుని లాఠీచార్జి చేయడంతో, ఆగ్రహించిన అభ్యర్థులు జాతీయ రహదారిపై ధర్నా చేశారు. ఉప్పరపాలెంలో నామినేషన్‌ వేసేందుకు వెళ్లిన పల్లపు మంగయ్య భార్యపై దాడి చేసి నామినేషన్‌ పత్రాలు చించివేశారు. పోతవరం గ్రామానికి చెందిన రావెళ్ల పద్మ నామినేషన్‌ వేసేందుకు వెళ్లగా, టీడీపీ గూండాలు మహిళ అని కూడా చూడకుండా ఆమైపె దాడి చేసి నామినేషన్‌ పత్రాలు చించివేశారు.

నగరంపాలెం: గంజాయి విక్రయాలకు పాల్పడే మంగళగిరి ద్వారకానగర్‌ గవర్నమెంట్‌ ఆసుపత్రి సమీపాన ఉంటున్న పెలుగు అనిల్‌ అలియాస్‌ అనిల్‌కుమార్‌పై పీఐటీ ఎన్‌డీపీఎస్‌ చట్టం ప్రయోగించి, రాజమండ్రి జైలుకి తరలించారు. ఈ మేరకు జిల్లా పోలీస్‌ కార్యాలయం నుంచి గురువారం ఒక ప్రకటన విడుదల చేశారు. గంజాయి విక్రయించే అతనిపై మంగళగిరి, పెదకాకాని, తెనాలి పోలీస్‌స్టేషన్లలో నాలుగు కేసులు నమోదైనట్లు తెలిపారు. ప్రజారోగ్యం/ శాంతి భద్రతలను పరిరక్షించడంలో భాగంగా అతనిపై ఈ నిరోధక చర్యలు చేపట్టామని పేర్కొన్నారు. గంజాయి అక్రమ రవాణా, విక్రయాలకు పాల్పడితే చట్ట ప్రకారం కఠిన చర్యలు ఉంటాయని తెలిపారు. ట్రాక్టర్‌ ఢీకొని మహిళ మృతి మేడికొండూరు: మేడికొండూరు మండలం సిరిపురం గ్రామంలోని పాలడుగు అడ్డ రోడ్డు బస్‌షెల్టర్‌ సమీపంలో గురువారం ఉదయం జరిగిన రోడ్డు ప్రమాదంలో మాదాల గ్రామానికి చెందిన చిట్టి మల్లేశ్వరి(28) మృతి చెందింది. పోలీసుల వివరాల ప్రకారం.. గ్రామాల్లో వెంట్రుకలు విక్రయ వ్యాపారం నిర్వహించే మల్లేశ్వరి, స్వగ్రామానికి వెళ్లేందుకు బస్‌షెల్టర్‌ వద్ద వేచి ఉంది. ఈ సమయంలో భీమినేని వారిపాలెం వైపు నుంచి సిరిపురం వైపు వస్తున్న ట్రాక్టర్‌ అదుపుతప్పి బస్‌షెల్టర్‌ వైపు దూసుకొచ్చి ఆమెను ఢీకొట్టింది. ఈ ప్రమాదంలో తీవ్రంగా గాయపడిన మల్లేశ్వరి అక్కడికక్కడే మృతి చెందింది. సిరిపురం గ్రామానికి చెందిన దొప్పలపూడి సచిన్‌ ట్రాక్టర్‌ నడుపుతున్నట్లు గుర్తించారు . ట్రాక్టర్‌ నడుపుతూ మొబైల్‌ ఫోన్‌లో మాట్లాడటంతోనే ప్రమాదం జరిగినట్లు పోలీసులు తెలిపారు. ఘటన పై కేసు నమోదుచేసి దర్యాప్తు చేస్తున్నట్లు పోలీసులు తెలిపారు. ఎలుకల మందు తాగి వ్యక్తి ఆత్మహత్య నాదెండ్ల: తన ఆరోగ్యం ఎప్పటికీ కోలుకోదన్న వేదనతో ఎలుకల మందు నీటిలో కలిపి తాగి వ్యక్తి ఆత్మహత్యకు పాల్పడిన సంఘటన ఇర్లపాడు గ్రామంలో గురువారం చోటుచేసుకుంది. పోలీసులు తెలిపిన వివరాల మేరకు.. గ్రామానికి చెందిన ఈర్నపు బుల్లి ముసలయ్య (51) కొంతకాలంగా అనారోగ్యంతో బాధపడుతున్నాడు. ఆసుపత్రుల చుట్టూ తిరిగినా ఆరోగ్యం మెరగవకపోవటంతో తీవ్ర నిరాశకు లోనైన బుల్లిముసలయ్య బుధవారం ఉదయం 11 గంటల సమయంలో నీటిలో ఎలుకల మందు కలిపి తాగాడు. బంధువులు గమనించి ఆయన్ను నరసరావుపేట ఏరియా ఆసుపత్రికి తరలించారు. చికిత్స పొందుతూ గురువారం మృతి చెందాడు. భార్య ఈర్నపు లూర్దుమేరి ఫిర్యాదు మేరకు పోలీసులు కేసు నమోదు చేశారు. అచ్చంపేటలో తెల్లవారుజామున అరెస్టులు అచ్చంపేట: వైఎస్సార్‌ సీపీ నేతలను పోలీసులు గురువారం తెల్లవారుజామున 2 గంటల సమయంలో ఇళ్లకు వెళ్లి అదుపులోకి తీసుకున్నారు. వైఎస్సార్‌ సీపీ మండల కన్వీనర్‌ చిల్కా చంద్రయ్య, సీనియర్‌ నాయకులు, పెదపాలెం మాజీ సర్పంచ్‌ నెల్లూరి చంద్రబాబు, మండల మైనార్టీ సెల్‌ కన్వీనర్‌ షేక్‌ బీరువాల జానీలను అదుపులోకి తీసుకుని బెల్లంకొండ పోలీస్‌ స్టేషన్‌కు తరలించారు. ఎందుకు తీసుకెళుతున్నారని అడిగినా శాంతిభద్రతల పరిరక్షణ అంటూ పోలీసులు బలవంతంగా పోలీస్‌ వాహనంలో ఎక్కించుకుని తీసుకెళ్లారు. కుటుంబ సభ్యులు ఎంత ప్రాథేయపడ్డా వినిపించుకోలేదు. వైఎస్సార్‌ సీపీ నాయకుడి టీ స్టాల్‌ ధ్వంసం మాచర్ల కారంపూడిలో ఉన్న వైఎస్సార్‌ సీపీ నాయకుడు గొట్టిముక్కల వెంకటరెడ్డికి చెందిన టీ స్టాల్‌లోకి గురువారం టీడీపీ గూండాలు చొరబడి కర్రలతో దాడి చేశారు. టేబుళ్లను, టీ స్టాల్‌ను ధ్వంసం చేశారు. చినగార్లపాడు గ్రామానికి చెందిన వెంకటరెడ్డి అనేక సంవత్సరాలుగా కారంపూడిలో టీ స్టాల్‌ నడుపుతున్నాడు. రాజకీయ కక్ష పెట్టుకొని టీడీపీ దుండగులు కర్రలతో దాడి చేసి సామాగ్రిని ధ్వంసం చేశారు. అతనిని అవమానకరంగా దూషించి దాడి చేసి గాయపరిచారు. వైస్సార్‌సీపీ అంటే చంపుతామని బెదిరించి ధ్వంసం చేసి వెళ్లిపోయారు. రైలు నుంచి జారి పడి గుర్తు తెలియని వ్యక్తి మృతి నరసరావుపేట టౌన్‌: రైలు నుంచి జారి పడి గుర్తు తెలియని వ్యక్తి మృతి చెందిన సంఘటనపై కేసు నమోదు చేసి దర్యాప్తు చేస్తున్నట్లు రైల్వే ఎస్‌ఐ రాజమోహన్‌రావు గురువారం తెలిపారు. నరసరావుపేట రైల్వేపోలీస్‌ స్టేషన్‌ పరిధిలోని నుదురుపాడు రైల్వే స్టేషన్‌ సమీపంలో సుమారు 40 సంవత్సరాల వయస్సు గల వ్యక్తి రైలు పట్టాల పక్కన మృతి చెంది ఉన్నాడు. స్టేషన్‌ సిబ్బంది ఇచ్చిన సమాచారం మేరకు సంఘటనా స్థలానికి చేరుకొని మృతదేహాన్ని పరిశీలించామన్నారు.

నరసరావుపేట: స్థానిక సంస్థల ఎన్నికల నామినేషన్ల ప్రక్రియలో అభ్యర్థులను అడ్డుకుంటూ నామినేషన్‌న్‌ పత్రాలను లాక్కోవడం, చింపివేయడం వంటి దౌర్జన్యాలకు పాల్పడుతున్న వారిపై కఠిన చర్యలు తీసుకోవాలని సీపీఎం రాష్ట్ర కమిటీ సభ్యుడు వి.కృష్ణయ్య, పల్నాడు జిల్లా కార్యదర్శి గుంటూరు విజయ్‌కుమార్‌ డిమాండ్‌ చేశారు. స్థానిక పార్టీ కార్యాలయంలో గురువారం నిర్వహించిన విలేకరుల సమావేశంలో ఆయన మాట్లాడారు. నామినేషన్‌ కేంద్రాల వద్ద అభ్యర్థులందరికీ రక్షణ కల్పించి, స్వేచ్ఛగా నామినేషన్లు దాఖలు చేసుకునేలా ఎన్నికల అధికారులు, పోలీసులు చర్యలు తీసుకోవాలని కోరారు. ఆర్డీఓ కార్యాలయంలో క్రోసూరు, సత్తెనపల్లి, ముప్పాళ్ల, నకరికల్లు జెడ్పీటీసీ స్థానాలకు పార్టీ అభ్యర్థులు నామినేషనన్‌ దాఖలు చేసేందుకు వెళ్లిన సమయంలో టీడీపీకి చెందిన కొందరు వ్యక్తులు అడ్డుకుని దౌర్జన్యానికి పాల్పడ్డారన్నారు. నామినేషన్‌ కేంద్రాల వద్ద అధికార పార్టీకి చెందిన వ్యక్తులు గుంపులుగా చేరి ఇతర అభ్యర్థులను అడ్డుకుంటున్నప్పటికీ పోలీసులు తగిన చర్యలు తీసుకోవడం లేదని జిల్లా కార్యదర్శివర్గ సభ్యుడు జి.రవిబాబు విమర్శించారు.

యడ్లపాడు: వైఎస్సార్‌ సీపీకి చెందిన 42 మందిపై కేసులు నమోదయ్యాయి. స్థానిక సంస్థల ఎన్నికల నామినేషన్ల సందర్భంగా యడ్లపాడులో చోటుచేసుకున్న ఉద్రిక్తతల నేపథ్యంలో గురువారం హైవేపై ధర్నాకు దిగిన వారిపై ఈ కేసులు నమోదు చేసినట్లు ఎస్‌ఐ టి.శివరామకృష్ణ తెలిపారు. ఈ ఘటనకు సంబంధించిన వీడియో ఫుటేజీని పరిశీలిస్తూ మరికొందరిని గుర్తించే ప్రక్రియ కొనసాగుతోందని తెలిపారు. ధర్నాలో పాల్గొన్న మహిళల వివరాలను పరిశీలిస్తున్నట్లు వెల్లడించారు. ఇప్పటివరకు గుర్తించిన 42 మందిలో ఆరుగురిని గతంలోనే ఒక్కొక్కరికి రూ.5 లక్షల చొప్పున బైండోవర్‌ చేసినట్లు పోలీసులు తెలిపారు. బైండోవర్‌ ఉత్తర్వుల్లోని షరతులు, చట్టపరమైన నిబంధనల మేరకు తదుపరి చర్యలు తీసుకుంటామని స్పష్టం చేశారు. జాతీయ రహదారులపై ధర్నాలు, రాస్తారోకోలతో వాహనాల రాకపోకలకు అంతరాయం ఏర్పడటంతోపాటు ప్రజలకు ఇబ్బందులు కలుగుతాయని పోలీసులు పేర్కొన్నారు. ఎన్నికల సమయంలో శాంతిభద్రతలకు విఘాతం కలిగించకుండా, నిరసనలను చట్టబద్ధమైన మార్గాల్లో తెలియజేయాలని సూచించారు. ప్రజా రవాణాకు, అత్యవసర సేవలకు ఆటంకం కలిగించే చర్యలకు పాల్పడితే చట్టప్రకారం చర్యలు తీసుకుంటామని హెచ్చరించారు. వైఎస్సార్‌ సీపీకి మద్దతు తెలిపినందుకు దాడి అచ్చంపేట: వైఎస్సార్‌ సీపీ ఎంపీటీసీ అభ్యర్థికి మద్దతు తెలిపాడన్న కారణంతో టీడీపీ కార్యకర్తపై అదే పార్టీ వర్గీయులు దాడికి పాల్పడిన ఘటన మండలంలోని చింతపల్లిలో గురువారం రాత్రి చోటుచేసుకుంది. గ్రామస్తులు తెలిపిన వివరాలు ఇలా ఉన్నాయి. మండలంలోని చింతపల్లి ఎంపీటీసీ స్థానం జనరల్‌ కేటగిరి కేటాయించడంతో అభ్యర్థిగా షేక్‌ నాగుల్‌వలిని ఎంపిక చేశారు. అతను గురువారం అచ్చంపేటలో నామినేషన్‌ వేసేందుకు వెళ్లాడు. టీడీపీలో ఉన్న నాగుల్‌వలి తమ్ముడు మస్తాన్‌వలి తన అన్న వైఎస్సార్‌ సీపీ అభ్యర్థిగా ఎంపిక కావడంతో మద్దతు తెలిపినందుకు గ్రామంలోని టీడీపీ మూకలు మస్తాన్‌వలిపై దాడిచేయగా తలకు తీవ్ర గాయాలైనాయి. వెంటనే గాయాలపాలైన మస్తాన్‌వలిని సత్తెనపల్లి ప్రభుత్వ వైద్యశాలకు తరలించారు. ప్రస్తుతం మస్తాన్‌వలి పరిస్థితి బాగానే ఉంది. అయితే అచ్చంపేట సీఐ తెలిపిన సమాచారం మేరకు పార్టీల గొడవకాదని, మధ్యం ఎక్కువగా సేవించి గొడవలకు దిగడంవల్లనే దెబ్బలు తగిలాయని, మెరుగైన చికిత్స నిమిత్తం సత్తెనపల్లి పంపినట్లు తెలిపారు. జిల్లా స్థాయి బాలల ఫెడరేషన్‌ ఏర్పాటు అమరావతి: బాలల హక్కుల పరిరక్షణకు, బాలల సమస్యల పరిష్కారానికి బాలల ఫెడరేషన్‌ కృషి చేయాలని చైల్డ్‌ రైట్స్‌ పౌండేషన్‌ డైరెక్టర్‌ డాక్టర్‌ ఫ్రాన్సిస్‌ తంబి అన్నారు. గురువారం స్థానిక గుడ్‌ షెఫర్డ్‌ స్వచ్ఛంద సంస్థ ఆధ్వర్యంలో పల్నాడు జిల్లా స్థాయి బాలల ఫెడరేషన్‌ ఏర్పాటు కార్యక్రమానికి ఆయన రిసోర్స్‌పర్సన్‌గా వ్యవహరించారు. సిస్టర్‌ యాంటో మాట్లాడుతూ జిల్లా స్థాయి బాలల ఫెడరేషన్‌ ద్వారా వివిధ గ్రామాల్లోని బాలల పార్లమెంటులను సమన్వయం చేసుకుంటూ, బాలల సమస్యల పరిష్కారానికి సమష్టిగా కృషి చేయాలన్నారు.

పెదకాకాని: కూటమి ప్రభుత్వం అధికారంలోకి వచ్చినప్పటి నుంచి అన్ని వర్గాల ప్రజలను మోసం చేసిందని వైఎస్సార్‌ సీపీ పొన్నూరు నియోజకవర్గ సమన్వయకర్త అంబటి మురళీకృష్ణ అన్నారు. మండల పరిధిలోని తక్కెళ్ళపాడు గ్రామానికి చెందిన టీడీపీ నాయకులు, కార్యకర్తలు 20 కుటుంబాలు గురువారం వైఎస్సార్‌ సీపీ గ్రామ కన్వీనర్‌ తమనం భూషణం ఆధ్వర్యంలో పార్టీలో చేరారు. వారిని పార్టీ కండువాలతో స్వాగతించారు. ఈ సందర్భంగా అంబటి మురళీకృష్ణ మాట్లాడుతూ కూటమి ప్రభుత్వ పాలనలో ఎదురవుతున్న అరాచకాలు, ప్రజా సమస్యల పరిష్కారంలో నిర్లక్ష్య వైఖరితో విసిగిపోయిన వారు, వైఎస్సార్‌ సీపీ అధినేత వైఎస్‌ జగన్‌మోహన్‌రెడ్డి గతంలో అమలు చేసిన సంక్షేమ పథకాలు, అభివృద్ధి, ప్రజలకు చేసిన మేలు, తక్కెళ్ళపాడు గ్రామ అభివృద్ధి తదితరాలకు ఆకర్షితులై వైఎస్సార్‌ సీపీలో చేరారన్నారు. ఈ చేరికలు వైఎస్సార్‌ సీపీపై ప్రజల్లో పెరుగుతున్న ఆదరణకు నిదర్శనంగా నిలుస్తున్నాయన్నారు. రాబోయే రోజుల్లో మరింత మంది ప్రజలు వైఎస్సార్‌ సీపీ వైపు అడుగులు వేస్తారన్నారు. టీడీపీ నుంచి వైఎస్సార్‌ సీపీలో చేరిన వారిలో దాసరి వేణు గోపాల్‌, బెజ్జం నికిత్‌, మిరియాల సుమంత్‌, మిరియాల మహేష్‌, తమనం వినోద్‌ కుమార్‌, దార్ల వేణుగోపాల్‌ తదితరులు ఉన్నారు.

సాక్షి టాస్క్‌ఫోర్స్‌: బాపట్ల నియోజకవర్గం వేమూరు మండలం చావలి గ్రామ పంచాయతీలో కాపు సామాజికవర్గానికి ఆధిపత్యం ఉంది. వేమూరు జనసేన పార్టీ సమన్వయకర్త, సొసైటీ అధ్యక్షుడు ఊసా రాజేష్‌ సొంతూరు కూడా అదే. వేమూరు ఎంపీపీ పదవి జనరల్‌ మహిళకు రిజర్వు అయ్యింది. దీంతో సమన్వయకర్త కన్ను ఎంపీపీ పదవిపై పడింది. గ్రామంలో రెండు ఎంపీటీసీ స్థానాల్లో ఒకటి జనరల్‌ మహిళకు, రెండోది ఎస్సీలకు రిజర్వు అయింది. జనసేనకు మద్దతు ఉన్న అక్కడ ఈయన వైఖరితో గెలిచే పరిస్థితి లేకుండాపోయింది. మరోవైపు టీడీపీ సామాజికవర్గం ఆధిపత్యం గల పోతుమర్రు ఎంపీటీసీ స్థానం నుంచి తన భార్యతో నామినేషను వేయించారు. జనసేనకు ఆధిపత్యం కలిగిన చావలి గ్రామంలో కూటమిలోని టీడీపీ మద్దతు కూడా తీసుకోకుండా పార్టీని భూస్థాపితం చేసి, పొరుగు గ్రామం వైపు చూస్తున్న ఆ సమన్వయకర్త తీరుపై స్థానికంగా అనేక ఆరోపణలు ఉన్నాయి. కూటమి ప్రభుత్వం అధికారంలోకి వచ్చాక ఆయన ఆగడాలు అన్నీ ఇన్నీ కావంటారు గ్రామస్తులు. గ్రామంలోని ఎస్సీల చేత దరఖాస్తులు చేయించి, రుణాలు తీసుకుని దర్జాగా వాడుకున్నారనే ఆరోపణలు ఉన్నాయి. అదేమని అడిగిన ఓ ఎస్సీ వ్యక్తితో వాగ్వాదానికి దిగి, అతడిపై చెప్పుతో దాడి చేయడంతో బాధితుడు ఎస్సీ, ఎస్టీ అట్రాసిటీ కేసు కూడా పెట్టారు. ఆ కేసు విచారణ ప్రస్తుతం జిల్లా కోర్టులో పెండింగులో ఉందని సమాచారం. గ్రామంలోని ప్రాథమిక వ్యవసాయ సహకార పరపతి సంఘం (పీఏసీఎస్‌) అధ్యక్ష పదవిని రాజేష్‌ సొంత ప్రయోజనాల కోసం ఉపయోగించుకున్నారనే ఆరోపణలున్నాయి. రూ.300కు విక్రయించాల్సిన ఎరువుల బస్తాను రూ. వెయ్యి చొప్పున బ్లాక్‌మార్కెట్లో అమ్మినట్లు రైతులు చెబుతున్నారు. సొసైటీలో రుణాల కేటాయింపునకు వసూళ్లకు పాల్పడినట్లు పేర్కొన్నారు. కనీసం రూ.30 వేలు లంచమిస్తేనే రుణాలు మంజూరు చేయించినట్లు ఆరోపణలు ఉన్నాయి. డబ్బులు ఇవ్వని రైతులకు రుణాలు రాలేదు. పెరవలి సొసైటీ నుంచి మత్స్యకార సొసైటీలోకి వెళ్లిన చావలి గ్రామంలోని చెరువులో చేపలు పెంపకానికి లీజుకిచ్చారు. ప్రైవేటు వ్యక్తి లీజు హక్కు దక్కించుకున్నాడు. తనకు రూ.5 లక్షలు ఇస్తేనే చేపలు పట్టుకునేందుకు అనుమతిస్తానని రాజేష్‌ బెదిరించారు. చెరువులో రూ.15 లక్షల విలువైన చేపలున్నాయి. విధిలేని పరిస్థితిలో ఆ లీజుదారుడు ఆ మొత్తం ఇచ్చినట్లు తెలిసింది. స్వార్థ రాజకీయం ఈ నేపథ్యంలో స్థానిక సంస్థల ఎన్నికలొచ్చాయి. వేమూరు ఎంపీపీ పదవి జనరల్‌ మహిళకు రిజర్వు అయింది. ఆ పదవిని దక్కించుకోవటానికి తన భార్యను పోటీ చేయించాలని ఉవ్విళ్లూరిన రాజేష్‌ గ్రామస్తులను ప్రసన్నం చేసుకునే పనిలో పడ్డారు. ఇందుకోసం గ్రామస్తులకు విందు భోజనాలు ఏర్పాటు చేశారు. ఇన్నాళ్లకు దొరికాడని అనుకున్న గ్రామస్తులు ఎలాగైనా అతడిని ఓడించాలని కంకణం కట్టుకున్నారు. విందు భోజనాల మంత్రాంగం పనిచేయదని తెలుసుకున్న సదరు నాయకుడు మూడు రోజుల తర్వాత సామూహిక భోజనాలను నిలిపివేశారు. చావలికి ప్రత్యామ్నాయంగా సురక్షిత స్థానం కోసం అన్వేషించారు. జనరల్‌ మహిళకు రిజర్వయిన, టీడీపీ నాయకుల ఆధిపత్యం కలిగిన పోతుమర్రు ఎంపీటీసీ స్థానానికి తన భార్యతో నామినేషను దాఖలు చేయించారు. వేమూరు ఎమ్మెల్యే నక్కా ఆనందబాబు ఆశీర్వాదంతో ఈ పని చేశారు. సొంత ఊరు చావలిలో ఆధిపత్యం గల జనసేనను భూస్థాపితం చేసి, పోతుమర్రు ఎంపీటీసీగా భార్యను పోటీ చేయిస్తున్న రాజేష్‌ వ్యవహారశైలి, లంచగొండితనం తెలిసిన ఆ మూడు గ్రామాల ఓటర్లు కూడా మద్దతు ఇవ్వబోమని ఇప్పటికే తేల్చిచెప్పారని సమాచారం. ఈ పరిణామంతో చావలిలోని టీడీపీ వర్గీయులు సైతం తీవ్ర మనస్తాపంతో ఉన్నారు. అవకాశం ఉంటే మచిలీపట్నం ఎంపీ వల్లభనేని బాలశౌరి సమక్షంలో జనసేన పార్టీలో చేరదామనే భావనలో ఉన్నారని తెలిసింది.

పట్నంబజార్‌: గుంటూరు నగరంలో కార్పొరేషన్‌ ఎన్నికల నేపథ్యంలో పోలీసుల వ్యవహారశైలి వివాదాస్పదంగా మారుతోంది. అసలు ఎన్నికల్లో జెండా పట్టుకుని ప్రచారం చేయకూడదనే స్థాయికి పోలీసు వ్యవస్థ దిగజారిందంటే... అధికార పార్టీ నేతలకు వారు పలుకుతున్న వత్తాసు అర్థమవుతోంది. ఎలాంటి కేసులు, క్రిమినల్‌ బ్యాక్‌గ్రౌండ్‌ లేని వ్యక్తులను సైతం స్టేషన్‌కు రావాలంటూ ఫోన్లు చేస్తున్న పరిస్థితి గుంటూరు నగరంలో ఏర్పడింది. ఉద్దేశపూర్వకంగా అధికార పార్టీ నేతలు చెప్పిన విధంగా వైఎస్సార్‌ సీపీలో చురుగ్గా ఉండే వారిని స్టేషన్లకు పిలిపిస్తూ బైండోవర్లు చేయడం పరిపాటిగా మారింది. బైండోవర్ల పేరుతో ఇబ్బందులకు గురిచేయడం, అభ్యర్థుల వెంట ప్రచారంలో పాల్గొంటున్న నాయకులకు ఫోన్లు చేసి స్టేషన్‌కు పిలిపిస్తున్న తీరు సర్వత్రా విమర్శలకు తావిస్తోంది. వైఎస్సార్‌ సీపీ జెండాలు పట్టుకోవద్దంటూ ఆంక్షలు విధిస్తున్నారనే ఆరోపణలు రాజకీయ వర్గాల్లో చర్చనీయాంశంగా మారాయి. ప్రచారానికి వెళ్లాలా... స్టేషన్‌కు రావాలా? ఎన్నికల సమయంలో శాంతిభద్రతల పరిరక్షణ కోసం ముందస్తు చర్యలు తీసుకోవడం పోలీసుల బాధ్యతే. అయితే, ఆ చర్యలు చట్టబద్ధంగా, అన్ని పార్టీలకు సమానంగా ఉండాలి. వైఎస్సార్‌ సీపీ నేతలనే పదేపదే స్టేషన్‌కు పిలుస్తూ, బైండోవర్ల పేరుతో ఒత్తిడి చేస్తున్నారనేది బహిరంగ రహస్యం. కనీసం ఏ రోజూ పోలీస్‌ స్టేషన్‌ మెట్టు కూడా ఎక్కని వ్యక్తులను సైతం అభ్యర్థుల వెంట ప్రచారంలో పాల్గొన్నారనే నెపంతో స్టేషన్‌కు రావాలంటూ ఫోన్లు చేయడం ఏమిటని ప్రశ్నలు ఉత్పన్నం అవుతున్నాయి. కేవలం వైఎస్సార్‌సీపీ నేతలను మాత్రమే లక్ష్యంగా చేసుకుని వ్యవహరిస్తున్నారని తెలుస్తోంది. ఇటీవల లాలాపేట పోలీస్‌ స్టేషన్‌లో సైతం గత సార్వత్రిక ఎన్నికల సమయంలో స్వల్ప వివాదాలు జరిగిన ఘటనలో సంబంధిత వ్యక్తులను పిలిపించి బైండోవర్లు చేసిన పోలీసులు, అదే ఘటనలో ఉన్న టీడీపీ వారిని రెండు రోజుల తర్వాత ‘సాక్షి’లో కథనం వచ్చిన అనంతరం పిలిపించి బైండోవర్లు చేశారు. ఇప్పటివరకు గుంటూరు ఈస్ట్‌ పరిధిలో సుమారు 159 మందిని బైండోవర్‌ చేయగా, వారిలో అధిక శాతం వైఎస్సార్‌ సీపీ నేతలే ఉన్నారనేది స్పష్టమవుతోంది. వైఎస్సార్‌సీపీ జెండాలపైనే అభ్యంతరాలా? రాజకీయ పార్టీలు తమ జెండాలు, గుర్తులతో ప్రచారం నిర్వహించడం ప్రజాస్వామ్యంలో సహజం. ఎన్నికల నియమావళికి విరుద్ధంగా వ్యవహరిస్తే చర్యలు తీసుకోవచ్చు. కానీ, వైఎస్సార్‌ సీపీ జెండాలు పట్టుకోవద్దంటూ పోలీసులు ఆదేశిస్తున్నారని ఆ పార్టీ నేతలు చెబుతున్నారు. ఒక పార్టీ ప్రచారంపై ఆంక్షలు విధించి, మిగిలిన పార్టీలకు స్వేచ్ఛనిస్తే పోలీసుల నిష్పక్షపాత ధోరణిపై ప్రశ్నలు తలెత్తుతాయి. అధికార తెలుగుదేశం పార్టీ నేతలు ఎన్నికల నిబంధనలు ఉల్లంఘిస్తున్నా పోలీసులు పట్టించుకోవడం లేదని, వైఎస్సార్‌ సీపీ నేతల విషయంలో మాత్రం కఠినంగా వ్యవహరిస్తున్నారనే అంశం హాట్‌ టాపిక్‌గా మారింది. ఎన్నికల నియమావళిని ఉల్లంఘిస్తే ఎలాంటి చర్యలు తీసుకున్నా అభ్యంతరం లేదని, అయితే ఉద్దేశపూర్వకంగా ఇబ్బందులకు గురిచేయడం సరికాదని వైఎస్సార్‌ సీపీ శ్రేణులు ఇప్పటికే పలుమార్లు సూచించాయి. ఎన్నికల వేళ పోలీసుల ప్రతి చర్య పారదర్శకంగా ఉండాలి. బైండోవర్లకు కారణాలు, స్టేషన్‌కు పిలవడానికి అవసరమైన ప్రాతిపదిక, ప్రచార ఆంక్షలకు సంబంధించిన నిబంధనలను స్పష్టంగా వెల్లడించాలి. ఇవేమీ పట్టించుకోకుండా పోలీసులు ఏకపక్షంగా వ్యవహరిస్తున్నారనే ఆరోపణలు వెల్లువెత్తుతున్నాయి. ఎన్నికలు ప్రశాంతంగా జరగడం ఎంత ముఖ్యమో, అన్ని పార్టీలు సమాన అవకాశాలతో ప్రచారం చేసుకునే వాతావరణం కల్పించడం కూడా అంతే ముఖ్యం. పోలీసులపై రాజకీయ పక్షపాత ఆరోపణలు బలపడకుండా, చట్టం ముందు అందరూ సమానమేనని తమ చర్యల ద్వారా నిరూపించాల్సిన బాధ్యత పోలీసు యంత్రాంగంపై ఉంది.

నెహ్రూనగర్‌: నగర ప్రజలు ఆశీర్వదించి మేయర్‌గా గెలిపిస్తే గుంటూరును అన్ని రంగాల్లో ప్రగతి పథంలో ముందుకు నడిపిస్తానని వైఎస్సార్‌ సీపీ మేయర్‌ అభ్యర్థి తాడికొండ శ్రీదేవి స్పష్టం చేశారు. స్థానిక సంస్థల ఎన్నికల ప్రచారంలో భాగంగా గురువారం నగరంలోని పలు డివిజన్లలో వైఎస్సార్‌ సీపీ ముఖ్య నేతలు, కార్పొరేటర్‌ అభ్యర్థులతో కలిసి ఆమె విస్తృతంగా ఇంటింటి ప్రచారం నిర్వహించారు. స్థానిక ప్రజలను నేరుగా కలిసి వారి సమస్యలను అడిగి తెలుసుకున్నారు. తాడికొండ శ్రీదేవి మాట్లాడుతూ గుంటూరు నగర సమగ్ర అభివృద్ధికి తాను నిరంతరం కట్టుబడి ఉంటానని తెలిపారు. ప్రజల ప్రాథమిక అవసరాలకు పెద్దపీట వేస్తూ నగరంలో మౌలిక సదుపాయాల కల్పనకు ప్రత్యేక ప్రణాళికతో ముందుకెళ్తానని పేర్కొన్నారు. వైఎస్సార్‌ సీపీ బలపరిచిన అభ్యర్థులను ఆదరించి ఫ్యాన్‌ గుర్తుపై ఓట్లేసి భారీ మెజారిటీతో గెలిపించాలని ఆమె విజ్ఞప్తి చేశారు. డివిజన్లలో హోరెత్తిన ప్రచారం.. వైఎస్సార్‌ సీపీ జిల్లా అధ్యక్షుడు అంబటి రాంబాబు, ఎమ్మెల్సీ చంద్రగిరి ఏసురత్నం, పార్టీ నగర అధ్యక్షురాలు, తూర్పు నియోజకవర్గ సమన్వయకర్త షేక్‌ నూరి ఫాతిమా, తూర్పు నియోజకవర్గ అబ్జర్వర్‌ నిమ్మకాయల రాజనారాయణ తదితరుల నేతృత్వంలో డివిజన్లలో ఎన్నికల ప్రచారం ముమ్మరంగా సాగింది. పార్టీ శ్రేణులు, స్థానిక ప్రజల భాగస్వామ్యంతో ప్రచార ర్యాలీలు ఉత్సాహభరిత వాతావరణంలో జరిగాయి.

గుంటూరు రూరల్‌: అనుమానాస్పద స్థితిలో వ్యక్తి మృతదేహం గురువారం లభ్యమైంది. నల్లపాడు పోలీస్‌ స్టేషన్‌ సీఐ భాస్కర్‌ తెలిపిన వివరాల ప్రకారం ఇన్నర్‌ రింగ్‌ రోడ్‌ ఫేజ్‌–3, పెదపలకలూరు సమీపంలోని వ్యవసాయ పొలాలకు వెళ్లే డొంక రహదారిపై ఒక మృతదేహాన్ని గేదెల కాపరి గుర్తించాడు. ఈ విషయాన్ని అతను సంకల్ప కాలేజీ యాజమాన్యానికి తెలియజేయగా, కాలేజీ యాజమాన్యం నల్లపాడు పోలీసులకు సమాచారం అందించారు. సమాచారం అందుకున్న నల్లపాడు ఎస్‌ఐ నాగేంద్ర, సిబ్బంది సంఘటనా స్థలానికి చేరుకుని మృతదేహాన్ని పరిశీలించారు. మృతదేహంపై బయటకు కనిపించే రక్తగాయాలు ఏవీ లేనప్పటికీ మృతదేహం ముక్కు నోటి నుంచి రక్తం వస్తున్నట్లు గమనించారు. మృతదేహం వద్ద లభ్యమైన ఆధారాల ప్రకారం మృతుడు పెదపలకలూరు రోడ్డు ఉద్యోగనగర్‌ ఎదురుగా ఉండే స్వగృహ అపార్ట్‌మెంట్‌లో నివశించే దొడ్డా నతానియేలు కుమారుడు దొడ్డా నాగరాజు (32)గా గుర్తించారు. పోలీసులు వెంటనే మృతుడి కుటుంబ సభ్యులకు సమాచారం అందించగా మృతుని తండ్రి సంఘటనా స్థలికి చేరుకుని మృతదేహం తమ కుమారుడిదేనని గుర్తించాడు. మృతుడు ఓ సంస్థలో ప్రైవేట్‌ ఉద్యోగం చేస్తున్నట్లు ఈనెల 20వ తేదీన అతను ఇంటి నుంచి వెంటనే వస్తానని చెప్పి వెళ్ళి తిరిగి రాలేదని దీంతో తాము పట్టాభిపురం పోలీస్‌ స్టేషన్‌లో మిస్పింగ్‌ కేసు ఫిర్యాదు చేయగా ఈనెల 21వ తేదీన మిస్పింగ్‌ కేసు నమోదైనట్లు తెలిపారన్నారు. అనంతరం క్లూస్‌ టీమ్‌ సంఘటనా స్థలాన్ని పరిశీలించి, ఆధారాలు సేకరించారు. అయితే మృతుని తండ్రి తమ కుమారుడు ఇంటినుంచి వెళ్ళే సమయంలో తీసుకు వెళ్ళిన ద్విచక్రవాహనాన్ని మరో వ్యక్తి నడుపుతూ ఉండటాన్ని గమనించానని పోలీసులకు సమాచారం అందించాడు. సంఘటనా స్థలంలో మృతదేహం సమీపంలో మృతుని ఫోన్‌, ద్విచక్రవాహనం లభించకపోవటంతో ఎవరో హత్య చేసి, మృతదేహాన్ని ఇక్కడ పడేసి ఉంటారని పోలీసులు అనుమానిస్తున్నారు. సంఘటనా స్థలిలో దొరికిన ఆధారాల ప్రకారం పోలీసులు కేసు నమోదు చేసి దర్యాప్తు చేస్తున్నారు.

జిల్లా విద్యాశాఖాధికారి సలీంబాషా మంగళగిరి టౌన్‌: దసరా సెలవుల అనంతరం పాఠశాలలు పునఃప్రారంభమైన తొలిరోజే జిల్లా విద్యాశాఖాధికారి సలీంబాషా మంగళగిరి పట్టణంలోని చింతక్రింది కనకయ్య ఉన్నత పాఠశాలను గురువారం ఆకస్మికంగా తనిఖీ చేశారు. సెలవుల అనంతరం విద్యార్థుల విద్యా ప్రగతిని పరిశీలించేందుకు ఆయన పాఠశాలను సందర్శించడం ప్రత్యేకతను సంతరించుకుంది. విద్యార్థులతో, ముఖ్యంగా పదో తరగతి చదువుతున్న బాలబాలికలతో డీఈఓ మాట్లాడారు. అన్ని సబ్జెక్టుల్లో వారి విషయ పరిజ్ఞానాన్ని ప్రశ్నల ద్వారా తెలుసుకున్నారు. పదో తరగతి పబ్లిక్‌ పరీక్షల్లో నూరుశాతం ఉత్తీర్ణత సాధించేలా విద్యార్థులు అనుసరించాల్సిన పద్ధతులు, చదువులో పాటించాల్సిన మెలకువలు, పరీక్షల సన్నద్ధతపై పలు సూచనలు చేశారు. దసరా సెలవుల్లో పదో తరగతి విద్యార్థుల సాధన కోసం రూపొందించిన ‘సూపర్‌–12’ ప్రణాళికను డీఈఓ పరిశీలించారు. విద్యార్థులకు ప్రాక్టీసు కోసం సిద్ధం చేసిన ఈ ప్రణాళికను పరిశీలించిన ఆయన సంతృప్తి వ్యక్తం చేశారు. విద్యార్థులు ప్రణాళికాబద్ధంగా చదువుతూ, ప్రతి సబ్జెక్టుపై పట్టు సాధించి పరీక్షలకు సిద్ధం కావాలని సూచించారు. అనంతరం ఉపాధ్యాయులతో డీఈఓ సమావేశమై బోధనలో అనుసరించాల్సిన మెలకువలను వివరించారు. మంగళగిరి ఎంఈఓ రమాదేవి పాల్గొన్నారు.

జిల్లా కలెక్టర్‌ సీఎం సాయికాంత్‌ వర్మగుంటూరు వెస్ట్‌: జిల్లాలో ఎన్నికల ప్రక్రియ ప్రశాంతంగా జరుగుతుందని జిల్లా కలెక్టర్‌ సీఎం సాయికాంత్‌ వర్మ తెలిపారు. గురువారం స్థానిక కలెక్టరేట్‌లో వివిధ రాజకీయ పార్టీల ప్రతినిధులతో ఎన్నికల నిర్వహణపై సమావేశం నిర్వహించారు. సమావేశంలో కలెక్టర్‌తోపాటు ఎన్నికల సాధారణ పరిశీలకులు వీరబ్రహ్మయ్య, వ్యయ పరిశీలకులు నందిని సలారియా పాల్గొన్నారు. కలెక్టర్‌ మాట్లాడుతూ రాజకీయ పార్టీల ప్రతినిధులు ఎన్నికల నిర్వహణపై సమాచారం, స్పందన తెలియజేస్తే అందుకు అనుగుణంగా చర్యలు చేపడతామని తెలిపారు. ఓటరు చీటీలు పంపిణీ చేయడం జరుగుతుందన్నారు. డివిజన్ల విభజన కారణంగా ఓటు ఎక్కడ ఉందో కొంత మందికి తెలియడం లేదని, దానిపై దృష్టి పెడితే బాగుంటుందని సూచించారు. ఇదే ఒరవడి కొనసాగితే ఎన్నికలు సాఫీగా సాగిపోతాయని ధీమా వ్యక్తం చేశారు. సమావేశంలో డీఆర్వో షేక్‌ ఖాజావలి, జీఎంసీ అదనపు కమిషనర్‌ ఐ.కిషోర్‌, వైఎస్సార్‌ సీపీ ప్రతినిధి వై పిచ్చిరెడ్డి, బహుజన సమాజ్‌ పార్టీ ప్రతినిధి వాసు తదితరులు పాల్గొన్నారు. వెబ్‌సైట్‌ లింక్‌లో ఓటు ఎక్కడ ఉందో తెలుసుకోవచ్చు స్థానిక సంస్థల ఎన్నికలలో ఓటర్లు తమ ఓటు ఏ పోలింగ్‌ కేంద్రంలో ఉందో తెలుసుకోవడానికి రాష్ట్ర ఎన్నికల సంఘం వెబ్‌సైట్‌ లింక్‌లో పరిశీలించుకోవచ్చని జిల్లా కలెక్టర్‌ తెలిపారు. లింక్‌ను ఓపెన్‌ చేసి ఎలా చూడాలో రాజకీయపార్టీల ప్రతినిధులకు వివరించారు. ఈ అవకాశాన్ని ఓటర్లు అందరూ వినియోగించుకొని, ముందుగానే తమ ఓటు ఎక్కడ ఉందో తెలుసుకోవాలని విజ్ఞప్తి చేశారు. మున్సిపాలిటీ ఎన్నికల ప్రక్రియలో భాగంగా పంపిణీ చేసేందుకు ఫొటో ఓటరు స్లిప్‌లు సిద్ధంగా ఉంచాలని జిల్లా కలెక్టర్‌ సీఎం సాయికాంత్‌ వర్మ ఆదేశించారు. గురువారం స్థానిక కలెక్టరేట్‌లో సాధారణ పరిశీలకులు వీరబ్రహ్మయ్య, వ్యయ పరిశీలకులు నందిని సలారియా, జీఎంసీ కమిషనర్‌ కె.మయూర్‌ అశోక్‌, ఎస్పీ వకుల్‌ జిందాల్‌, జాయింట్‌ కలెక్టర్‌ అశుతోష్‌ శ్రీవాస్తవలతో కలిసి సమావేశం నిర్వహించారు. కలెక్టర్‌ మాట్లాడుతూ మున్సిపాలిటీలలో డీ లిమిటేషన్‌ వలన కొంత మంది ఓటర్లు ఓటు హక్కు ఎక్కడ ఉందో సందిగ్ధావస్థలో ఉన్నట్లు పార్టీల ప్రతినిధులు తెలియజేశారన్నారు. ఇందుకుగాను క్యూ ఆర్‌ కోడ్‌ బ్యానర్లు, పోస్టర్లు ఏర్పాటు చేయాలని సూచించారు. జెడ్పీటీసీ, ఎంపీటీసీలకు శుక్రవారం ఎక్కువ నామినేషన్లు వచ్చే అవకాశం ఉందన్నారు. వంద మీటర్ల దూరం విధిగా పాటించాలని పేర్కొన్నారు. నిర్ణీత సమయంలో వచ్చే వారికి టోకెన్‌లు జారీ చేయాలన్నారు. నామినేషన్లు పూర్తి అయ్యాక స్క్రూటినీకి సిద్ధం కావాలన్నారు. రెండు దశల్లో పంచాయతీ ఎన్నికలకు ప్రణాళికలు సిద్ధం చేస్తున్నామని చెప్పారు. జెడ్‌పీటీసీ, ఎంపీటీసీ ఎన్నికలకు సంబంధించి పీఓలు, ఏపీఓలకు మొదటి శిక్షణ కార్యక్రమం శుక్రవారం ప్రారంభం అవుతుందన్నారు. ప్రతి ఒక్కరూ శిక్షణకు హాజరు కావాలని స్పష్టం చేశారు. శిక్షణకు హాజరుకాని సిబ్బందికి షోకాజ్‌ నోటీస్‌ జారీ చేస్తామని తెలిపారు. ఎన్నికల నిర్వహణపై రాష్ట్ర ఎన్నికల సంఘం మార్గదర్శకాలు, సూచనల మేరకు, పోస్టల్‌ బ్యాలెట్‌ జారీ చేయుటకు 24, 25వ తేదీలలో పోస్టల్‌ బ్యాలెట్‌ ఫెసిలిటెషన్‌ కేంద్రం ఏర్పాటుకు సిద్ధంగా ఉండాలని తెనాలి మున్సిపల్‌ కమిషనర్‌ను ఆదేశించారు. ఎస్పీ వకుల్‌ జిందాల్‌ మాట్లాడుతూ అనుమతులు లేకుండా ర్యాలీలు, సమావేశాలు నిర్వహించకూడదన్నారు. సమావేశంలో డీఆర్వో షేక్‌ ఖాజావలి, అదనపు ఎస్పీ జి.వి.రమణమూర్తి, జెడ్పీ సీఈఓ వి.జ్యోతిబసు, డీపీఓ బి.వి.నాగ సాయికుమార్‌, ఆర్డీఓ కె.శ్రీనివాసరావు, నోడల్‌ అధికారులు పాల్గొన్నారు.

లక్ష్మీపురం: గుంటూరు పశ్చిమ నియోజక వర్గ పరిధిలోని 44వ డివిజన్‌ టీడీపీ కార్పొరేటర్‌ అభ్యర్ధిగా కేంద్ర సహాయ మంత్రి పెమ్మసాని, ఆయన సోదరుడు రవి, పశ్చిమ నియోజకవర్గ శాసన సభ్యురాలు భర్త గళ్ళా రామచంద్రరావులు నామినేషన్‌ వేయమని చెప్పి తీరా బీ–ఫామ్‌ వేరే వ్యక్తికి ఇచ్చి మోసం చేశారంటూ 44వ డివిజన్‌ నాయకుడు పోపూరి నరేంద్ర ఆవేదన వ్యక్తం చేశారు. ఈ విషయమై ఆవేదన వ్యక్తం చేస్తూ గురువారం ఆయన మీడియాతో మాట్లాడారు. అదేవిధంగా నరేంద్ర విడుదల చేసిన వీడియో సామాజిక మాధ్యమాల్లో సైతం వైరల్‌ అవుతోంది. ‘‘అయ్యా చంద్రబాబు నాయుడు, నారా లోకేష్‌, పల్లా శ్రీనివాస్‌, కేంద్ర సహాయ మంత్రి పెమ్మసాని చంద్రశేఖర్‌ గార్లు’’ అంటూ.. 2019 ఎన్నికల సమయంలో తాను టీడీపీకి ఎంత కష్టపడి పనిచేశాడో.. ఆ ఐదేళ్లు అధికారంలో లేకపోయినా డివిజన్‌లో అందుబాటులో ఉంటూ.. కార్యకర్తల కష్ట సుఖాలు చూసుకుంటూ, కేడర్‌ పోగోట్టుకోకుండా వచ్చిన తాను 2024 ఎన్నికల్లో గుంటూరు పశ్చిమ ఎమ్మెల్యే గల్లా మాధవి విజయానికి ఎంతో కృషి చేశానని చెప్పారు. 40వ డివిజన్‌లో రూ.10లక్షలు ఖర్చు పెట్టి పార్టీ కార్యాక్రమాలు ఏర్పాటు చేశానని వీడియోలో తెలిపారు. అటువంటి తనను పార్టీ పెద్దలు, ముఖ్యంగా పశ్చిమ ఎమ్మెల్యే గల్లా మాధవి మోసం చేయడం అన్యాయమని ఆవేదన వ్యక్తం చేశాడు. మాజీ మంత్రి అంబటి రాంబాబు ఇల్లు ధ్వంసం చేసిన ఘటనలో, ఎమ్మెల్యే లేళ్ల అప్పిరెడ్డి కార్యాలయం ధ్వంసం చేసిన ఘటనలో తనపై కేసులున్నాయని, వీటన్నిటిని తట్టుకొని 44వ డివిజన్‌ అభివృద్ధి కోసం సుమారు రూ.8 కోట్ల అభివృద్ధి పనులు చేశానని తెలిపాడు. 44వ డివిజన్‌పై ఏమాత్రం సంబంధంలేని, పట్టులేని వ్యక్తికి టికెట్‌ ఇచ్చారని, ఇప్పటికై నా తనకు న్యాయం చేయాలని కోరుతున్నానని వీడియోలో తెలిపాడు.

గుంటూరు రూరల్‌: ఎంపీటీసీ, జెడ్పీటీసీ ఎన్నికల నామినేషన్‌ కేంద్రాన్ని జిల్లా ఎంపీటీసీ, జెడ్పీటీసీ ఎన్నికల వ్యయ పరిశీలకురాలు నందిని సలారియా గురువారం పరిశీలించారు. నగరంలోని మండల పరిషత్‌ కార్యాలయాన్ని పరిశీలించి కార్యాలయంలో ఏర్పాటు చేసిన ఎంసీసీ సెల్‌, ఫ్లయింగ్‌ స్క్వాడ్‌ టీమ్స్‌, స్టాటిక్‌ సర్వైలెన్స్‌ టీమ్స్‌ పనితీరును పరిశీలించారు. ఎంపీటీసీ, జెడ్పీటీసీ స్థానాలకు పోటీ చేస్తున్న అభ్యర్థుల ఎన్నికల వ్యయ రిజిస్టర్ల నిర్వహణ, షాడో అబ్జర్వేషన్‌ రిజిస్టర్లు, రికార్డులను సమీక్షించారు. ఈ సందర్భంగా ఆమె మాట్లాడుతూ అభ్యర్థులు చేసే ప్రతి ఖర్చును నిర్ణీత నమూనాల్లో ఖచ్చితంగా నమోదు చేయాలని, రాష్ట్ర ఎన్నికల సంఘం నిర్దేశించిన వ్యయ పరిమితిని మించకుండా పర్యవేక్షించాలని అధికారులకు సూచించారు. మండల సరిహద్దుల్లోని చెక్‌పోస్టుల వద్ద వాహన తనిఖీలను ముమ్మరం చేయాలని, ఓటర్లను ప్రలోభపెట్టే నగదు, మద్యం, బహుమతుల పంపిణీపై నిరంతర నిఘా ఉంచాలని ఆదేశించారు. ఎన్నికల ప్రవర్తనా నియమావళి ఉల్లంఘనలపై అందిన ఫిర్యాదులపై తక్షణమే స్పందించి చర్యలు తీసుకోవాలని, ఎం.సి.సి. ఎఫ్‌.ఎస్‌.టి., ఎస్‌.ఎస్‌.టి. బృందాలు 24 గంటలూ అప్రమత్తంగా విధులు నిర్వహించాలని తెలిపారు. స్వేచ్ఛాయుత, నిష్పక్షపాత, పారదర్శక ఎన్నికల నిర్వహణకు ప్రజలు, రాజకీయ పార్టీలు, అభ్యర్థులు సహకరించాలని కోరారు. ఆమెవెంట రిటర్నింగ్‌ ఆఫీసర్‌ రత్నావతి, అసిస్టెంట్‌ రిటర్నింగ్‌ ఆఫీసర్‌ సావిత్రి, సిబ్బంది ఉన్నారు.

గుంటూరు మెడికల్‌: రోడ్డు ప్రమాదంలో గాయపడి కాలు విరిగిన వృద్ధుడికి ఆపరేషన్‌ అనంతరం ఇన్‌ఫెక్షన్‌ సోకి ఐదేళ్లుగా గాయం మానలేదు. నాలుగుసార్లు ఆపరేషన్లు చేయించినా , ఐదేళ్లుగా యాంటిబయాటిక్స్‌ వాడినా తగ్గని ఇన్‌ఫెక్షన్‌కు గుంటూరు శ్రీ హాస్పటల్‌ వైద్యులు నూతనంగా పరిశోధన చేసి ఫేజ్‌థెరపీ చికిత్సతో కేవలం ఐదు రోజుల్లోనే ఇన్‌ఫెక్షన్‌ను తగ్గించారు. గురువారం గుంటూరు అరండల్‌పేటలో జరిగిన సమిష్ట హాస్పటల్‌ అండ్‌ రీసెర్చి ఇనిస్టిట్యూట్‌(శ్రీ)లో జరిగిన విలేకరుల సమావేశంలో హాస్పటల్‌ మేనేజింగ్‌ డైరక్టర్‌, ఇన్‌ఫెక్షన్స్‌ స్పెషలిస్ట్‌ డాక్టర్‌ కోగంటి కళ్యాణ్‌చక్రవర్తి వివరాలు వెల్లడించారు. జిల్లాలోని లేమల్లెపాడుకు చెందిన 75 ఏళ్ల సాంబశివరావుకు ఐదేళ్ల క్రితం రోడ్డు ప్రమాదంలో కాలు విరిగిందని, కుటుంబ సభ్యులు బాధితుడికి గుంటూరులో ఆపరేషన్‌ చేయించారన్నారు. కాలి గాయం మానకపోవటం, గాయం నుంచి చీము, రక్తం కారుతూ ఉండటం, నొప్పి వంటి సమస్యలు తరచుగా వస్తూ ఉండటంతో ఐదేళ్లగా నాలుగుసార్లు ఆపరేషన్లు చేయించారన్నారు. రూ.5 లక్షలకు పైగా ఖర్చుచేసినా కాలికి ఇన్‌ఫెక్షన్‌ ఎక్కువగా ఉండి గాయం తగ్గటం లేదని హైదరాబాద్‌కు కూడా తీసుకెళ్లినా సమస్య తగ్గలేదన్నారు. అయినా సమస్య పరిష్కారం కాకపోవటంతో తమ వద్దకు రాగా పరీక్షలు చేసి బ్యాక్టీరియా ఫేజ్‌ థెరపీ చికిత్సతో కేవలం ఐదు రోజుల్లో ఇన్‌ఫెక్షన్‌ నుంచి విముక్తి కల్పించామని డాక్టర్‌ కళ్యాణ్‌ చక్రవర్తి చెప్పారు. ప్రపంచ బ్యాక్టీరియోఫేజ్‌ దినోత్సవం అక్టోబర్‌ 22న నిర్వహిస్తున్నారని, ఈనెల 28 వరకు బ్యాక్టీరియోఫేజ్‌ వారాన్ని నిర్వహిస్తున్నట్లు వెల్లడించారు. సాంబశివరావుకు చేసిన బ్యాక్టీరియా ఫేజ్‌థెరపీ చికిత్స వివరాలను ఇంటర్నేషనల్‌ జర్నల్‌ ఆఫ్‌ ఇన్ఫెక్షియస్‌ డిసీజెస్‌ – ఐజేఐడీ రీజియన్స్‌లో ప్రచురితమైనట్లు తెలిపారు. తమ పరిశోధన విజయవంతం కావడంలో పలువురు వైద్యులు, శాస్త్రవేత్తలు కీలక పాత్ర పోషించారన్నారు. ఏపీలోని ఎస్‌ఆర్‌ఎం యూనివర్సిటీ అసోసియేట్‌ ప్రొఫెసర్‌, బ్యాక్టీరియోఫేజ్‌ జీవశాస్త్ర నిపుణుడు, డాక్టర్‌ సుదర్శన్‌ గోవిందరాజన్‌ రోగులకు అవసరమైన బ్యాక్టీరియోఫేజ్‌లను అభివృద్ధి చేయడంలో కీలక పాత్ర పోషించారన్నారు. అమెరికాకు చెందిన మాలిక్యులర్‌ బయాలజిస్ట్‌, ఇప్సైటీ డయాగ్నోస్టిక్స్‌ అండ్‌ రీసెర్చ్‌ సంస్థ సీఈఓ డాక్టర్‌ సందీప్‌ నాదెండ్ల పరిశోధనకు అవసరమైన సాంకేతిక సహకారం అందించారన్నారు. ఆర్ధోపెడిక్‌ సర్జన్‌ డాక్టర్‌ రవితేజ యార్లగడ్డ, ఎమర్జన్సీ మెడిసిన్‌ స్పెషలిస్ట్‌ డాక్టర్‌ రామకష్ణ ప్రసాద్‌ కె లు తమ వంతు సహాయ సహకారాలు అందించారన్నారు.

తెనాలి: గుంటూరుకు చెందిన శ్రీకేఆర్‌కేఎం మెమోరియల్‌ అకాడెమీ ఆఫ్‌ ఫైన్‌ ఆర్ట్స్‌ సంస్థ, రాష్ట్ర ప్రభుత్వ సృజనాత్మక, సాంస్కృతిక కమిషన్‌ సౌజన్యంతో ఈనెల 23, 24 తేదీల్లో ‘అమరావతి నృత్యోత్సవం– 2026’ నిర్వహిస్తున్నారు. బృందావన్‌ గార్డెన్స్‌లోని అన్నమయ్య కళావేదికపై సాయంత్రం ఆరు గంటలకు జరిగే ఈ నృత్యోత్సవంలో నృత్యగురు ప్రీతి మహాపాత్రో(ఒడిస్సీ నృత్యం), లోకా చంద్రశేఖర్‌రెడ్డి(ఆంధ్ర నాట్యం), చెరుకు అనుష్క(భరతనాట్యం)తోపాటు తెనాలికి చెందిన నృత్యగురువు చల్లా వేదవల్లి, మహతి భిక్షు(కూచిపూడి) నృత్య ప్రదర్శనలున్నాయి. ప్రముఖ నర్తకి, అకాడెమీ కార్యదర్శి కోకా విజయలక్ష్మి ఈ కార్యక్రమ రూపకల్పన చేశారు. ఈ సందర్భంగా తెనాలి కళాకారిణుల పరిచయం. కూచిపూడి నృత్యంలో 39 ఏళ్ల అనుభవం కలిగిన నర్తకి, కొరియోగ్రాఫర్‌, నృత్యగురు చల్లా(జంధ్యాల) వేదవల్లి స్వస్థలం కళల కాణాచి తెనాలి. చిన్నతనంలో కాళ్లకు గజ్జెలు కట్టిన వేదవల్లి, తొలుత చదలవాడ నారాయణరావు, తర్వాత నాట్యాచార్య ఎండీ గిరి దగ్గర శిక్షణ తీసుకున్నారు. కళనే ప్రియంగా పదనర్తనాన్నే శ్వాసగా మలుచుకుని ‘కూచిపూడి’ని వంటపట్టించుకొన్నారు. అభినయ సౌదామినిగా కీర్తిని పొందారు. దేశంలోని ప్రతిష్టాత్మక వేదికలపై ప్రదర్శనలిచ్చారు. 1996లో ముంబయిలో హేమమాలిని, శోభానాయుడు, రాధా రాజారెడ్డి, వెంపటి రవిశంకర్‌ వంటి నాట్యదిగ్గజాలు నర్తించిన వేదికపై గజ్జె కట్టారు. విశ్వామిత్ర– మేనక, రతీమన్మధ, చెంచులక్ష్మి, మోహినీభస్మాసుర, అభిజ్ఞాన శకుంతలము వంటి నృత్యరూపకాలతో గుర్తింపు తెచ్చుకున్నారు. 1993లో అకాడమీ ఆఫ్‌ ఇండియన్‌ డ్యాన్సెస్‌(తిరుపతి) అఖిల భారత నృత్యపోటీల్లో కూచిపూడి, భరతనాగ్యం రెండు విభాగాల్లోనూ ప్రథమ బహుమతి, మూడేళ్లకోసారి ఇచ్చే ‘సూపర్‌ డ్యాన్స్‌ ఆర్టిస్ట్‌ ఆఫ్‌ ది ఇయర్‌’ అవార్డును అందుకున్నారు. నృత్యసామ్రాజ్ఞి, నాట్యమయూరి, ముంబయిలో సింగారమణి.. వంటి అవార్డులెన్నో స్వీకరించారు. వివాహం తర్వాత భర్త ఉద్యోగరీత్యా కువైట్‌లో ఉన్నారు. ‘నాట్యవేద’ నృత్యపాఠశాలను ఆరంభించి, ప్రవాస భారతీయుల పిల్లలకు నాట్యశిక్షణ ఇచ్చారు. హైదరాబాద్‌లో జరిగిన అంతర్జాతీయ కూచిపూడి నృత్యోత్సవాలు, ప్రపంచ తెలుగు మహాసభలు, నాట్యాంజలి ఉత్సవాలు, మామళ్లపురం నృత్యోత్సవం, కృష్ణా పుష్కరాలు, తిరుమలలో జరిగిన వేడుకల్లో శిష్యులతో సహా పాల్గొన్నారు. కువైట్‌లోని ఇండియన్‌ ఎంబసీ ద్వారా అక్కడ జరిగిన ‘భారత్‌ మేళా’, భారత ప్రధాని పర్యటనలో ‘హలా మోదీ’ (2024)లో ఈవెంట్‌లోనూ నృత్యప్రదర్శనలిచ్చారు. మళ్లీ ఇప్పుడు కొంతకాలంగా హైదరాబాద్‌లో ఉంటూ, ఆన్‌లైన్‌లో నృత్య శిక్షణను కొనసాగిస్తున్నారు. నాట్యం, నటశిక్షణ...మహతి భిక్షు... తెనాలికి చెందిన నందిరాజు జ్ఞానేశ్వర్‌ భిక్షు కుమార్తె మహతి భిక్షు. నటుడిగా, నాటకకర్తగా, సంగీత దర్శకుడిగా, అధ్యాపకుడిగా, నటశిక్షకుడిగా విలువైన సేవలందించిన భిక్షు హైదరాబాద్‌ సెంట్రల్‌ యూనివర్సిటీ ప్రొఫెసర్‌గా రిటైరయ్యారు. ఆయన సతీమణి అరుణ సెంట్రల్‌ యూనివర్సిటీ ప్రొఫెసర్‌గా ఆ యూనివర్సిటీ నృత్యవిభాగానికి అధిపతిగా ఉన్నారు. ప్రముఖ నర్తకి అయిన అరుణ, ఎన్నో నృత్యరూపకాలను ప్రదర్శించారు. భిక్షు దంపతుల కుమార్తె మహతి. తల్లిదండ్రులకు తగ్గ తనయగా గుర్తింపు సాధించారు. తల్లిలాగే కూచిపూడి, సంప్రదాయ నృత్యాలను నేర్చుకున్నారు. నటనపై ఆసక్తితో 2019లో కన్నడ సినిమా ‘హాంగోవర్‌’లో నటించారు. తర్వాత జార్జిరెడ్డి, రాధేశ్యామ్‌, కిన్నెరసాని చిత్రాల్లో నటించారు. తర్వాత అవకాశాలు వస్తున్నా, నటశిక్షణపై దృష్టిని కేంద్రీకరించారు. ‘భిక్షూస్‌ హౌస్‌ ఆఫ్‌ ఆర్ట్‌’ పేరుతో ఇన్‌స్టిట్యూట్‌ను నడుపుతూ కొత్త నటీనటులకు శిక్షణనిస్తున్నారు. ‘సింగ్‌ గీతం’ సినిమా హీరో అయాన్‌కు, ‘ఇట్లు అర్జున’తో పరిచయమైన అరీష్‌రెడ్డి, ‘డాన్‌బాస్కో’ హీరోయిన్‌కు శిక్షణనిచ్చారు. సూపర్‌స్టార్‌ మహేశ్‌బాబు కుమార్తె సితార నటించిన వాణిజ్య ప్రకటనలు అన్నింటికీ మహతి శిక్షణనిచ్చారు. అలాగని నృత్యాన్ని మర్చిపోలేదు. ఇక్కడే కాకుండా లండన్‌, కెనడా, దుబాయ్‌లో నృత్యప్రదర్శనలిచ్చారు. గుంటూరు వేదికగా చల్లా వేదవల్లి, మహతి భిక్షు కూచిపూడి ‘పదనర్తనం’

● ఇంటింటికీ సంక్షేమ పథకాలు ఇచ్చిన వైఎస్‌ జగన్‌ పాలనను ప్రజలకు గుర్తు చేద్దాం ● నామినేషన్లు వేయనివ్వని దౌర్జన్యాల కూటమికి చెంపపెట్టులా సుప్రీం తీర్పు ● కూటమి అవినీతి, అక్రమాలను ప్రజలకు చెప్పే బాధ్యత మనదే ● సూపర్‌సిక్స్‌, నిరుద్యోగ భృతి, ఆడబిడ్డ నిధి ఎగ్గొట్టిన కూటమిని నిలదీయాలి ● కార్పొరేటర్‌ సీట్ల కేటాయింపులో వెనుకబడిన వర్గాలకు ప్రాధాన్యం ఇచ్చాం ● వైఎస్సార్‌ సీపీ రీజినల్‌ కో–ఆర్డినేటర్‌ వైవీ సుబ్బారెడ్డి ● వైఎస్సార్‌ సీపీ కార్పొరేటర్‌ అభ్యర్థులతో సమావేశం గుంటూరు ఎడ్యుకేషన్‌: గుంటూరు నగరపాలకసంస్థలో వైఎస్సార్‌ సీపీ జెండా ఎగురవేద్దామని వైఎస్సార్‌ సీపీ రీజినల్‌ కో–ఆర్డినేటర్‌ వైవీ సుబ్బారెడ్డి అన్నారు. గత వైఎస్సార్‌ సీపీ పాలనలో సీఎం వైఎస్‌ జగన్‌మోహన్‌రెడ్డి ఇంటింటికీ చేసిన మేలు, కూటమి రెండున్నరేళ్ల పాలనా వైఫల్యాలను ప్రజలకు వివరించాల్సిన బాధ్యత కార్పొరేటర్లుగా పోటీ చేస్తున్న అభ్యర్థుల భుజస్కంధాలపై ఉందని స్పష్టం చేశారు. బుధవారం శ్రీనివాసరావుపేటలోని ఏ1 కన్వెన్షన్‌ హాల్‌లో గుంటూరు తూర్పు, పశ్చిమ, ప్రత్తిపాడు నియోజకవర్గాల పరిధిలోని 76 వార్డుల నుంచి పోటీ చేస్తున్న వైఎస్సార్‌ సీపీ కార్పొరేటర్‌ అభ్యర్థులతో సమావేశం నిర్వహించారు. ముఖ్య అతిథిగా పాల్గొన్న వైవీ సుబ్బారెడ్డి మాట్లాడుతూ సంక్షేమం, అభివృద్ధి కార్యక్రమాలతో పండుగలా కొనసాగిన గత వైఎస్సార్‌ సీపీ పాలనతో పోల్చితే రెండున్నరేళ్లుగా కూటమి పాలనలో దౌర్జన్యాలు, దాడులు, అవినీతి రాజ్యమేలుతున్నాయని అన్నారు. వైఎస్‌ జగన్‌ సువర్ణ పాలనలో గ్రామ, వార్డు స్థాయిలో వలంటీర్లు ద్వారా ఇంటింటికీ రేషన్‌ పంపిణీ చేసిన పరిస్థితులు ప్రస్తుతం కనుమరుగయ్యాయని, ఏఎన్‌ఎంలను ఇంటికే పంపి ప్రజల ఆరోగ్యాన్ని పరిరక్షిస్తూ వైద్యారోగ్య సేవలు, ప్రభుత్వ పాఠశాలలను ఆధునికీకరించి నాణ్యమైన విద్యను అందించిన తీరుపై ప్రతి ఇంటికీ, ప్రతి గడపకు వెళ్లి ప్రజలకు వివరించాలని పిలుపునిచ్చారు. ప్రచారం ఎంత ముఖ్యమో, పోలింగ్‌, కౌంటింగ్‌ రోజున అంతే అప్రమత్తంగా ఉండాలన్నారు. 76 వార్డుల్లో 37 బీసీలకు, 11 మైనార్టీలకు ఇవ్వడంతోపాటు మహిళలకు 50 శాతం సీట్లు కేటాయించామని చెప్పారు. రాష్ట్ర వ్యాప్తంగా 19 నియోజకవర్గాల్లో వైఎస్సార్‌ సీపీ అభ్యర్థులను నామినేషన్లు వేయనివ్వకుండా దాడులు, దౌర్జన్యాలు సాగించిన కూటమి ప్రభుత్వానికి సుప్రీం కోర్టు చెంప పెట్టు వంటి తీర్పు ఇచ్చిందన్నారు. అందరినీ కలుపుకొని ముందుకు.. మేయర్‌ అభ్యర్థి తాడికొండ అలివేలు వెంకట నాగపద్మ శ్రీదేవి మాట్లాడుతూ కార్పొరేషన్‌ ఎన్నికల్లో అన్ని వర్గాల ప్రజలను కలుపుకొని ముందుకు వెళ్తానని అన్నారు. మేయర్‌గా పోటీ చేసేందుకు అవకాశం ఇచ్చిన వైఎస్‌ జగన్‌కు కార్పొరేషన్‌ గెలుపును బహుమతిగా ఇద్దామని పిలుపునిచ్చారు. అక్రమ కేసులకు భయపడొద్దు వైఎస్సార్‌ సీపీ నగర అధ్యక్షురాలు, తూర్పు నియోజకవర్గ సమన్వయకర్త షేక్‌ నూరి ఫాతిమా మాట్లాడుతూ తన తండ్రి మాజీ ఎమ్మెల్యే ముస్తఫాపై టీడీపీ పెట్టిన అక్రమ కేసులకు భయపడకుండా పోరాటం చేశామన్నారు. స్థానిక ఎన్నికల్లో టీడీపీ అక్రమాలకు భయపడకుండా రాష్ట్రవ్యాప్తంగా మహిళలు కదం తొక్కారని, అడ్డంకులు, నిర్బంధాన్ని దాటుకుని తెగువ చూపుతున్నారన్నారు. గుంటూరు మేయర్‌ స్థానాన్ని కై వసం చేసుకుని వైఎస్‌ జగన్‌ను కలుద్దామని పిలుపునిచ్చారు. ● వైఎస్సార్‌ సీపీ ఆర్యవైశ్య నేత ఆతుకూరి ఆంజనేయులు మాట్లాడుతూ దమ్ము, ధైర్యమున్న నాయ కుడు వైఎస్‌ జగన్‌ నాయకత్వంలో పని చేయడం గర్వంగా ఫీలవ్వాలన్నారు. ఆర్యవైశ్యులను గుర్తించి, మేయర్‌ సీటు ఇచ్చిన వైఎస్సార్‌ సీపీని ప్రజల్లోకి తీసుకెళ్లి గెలిపించాలని కోరారు. ఆర్యవైశ్య ప్రతినిధి ఆత్మకూరి నాగేశ్వరరావు మాట్లాడుతూ ఆర్యవైశ్యులకు గుర్తింపు ఇచ్చిన వైఎస్సార్‌ సీపీ గెలుపు కోసం పోరాటం చేయాలన్నారు. పార్టీ రాష్ట్ర కార్యదర్శి నిమ్మకాయల రాజనారాయణ, అసెంబ్లీ పరిశీలకు రాలు నల్లమోతు రూత్‌ రాణి, ఆర్యవైశ్య నాయకు డు దేవరశెట్టి సత్యనారాయణ, పార్టీ అనుబంధ విభాగాల నాయకులు, కార్యకర్తలు పాల్గొన్నారు.సమావేశంలో మాట్లాడుతున్న వైఎస్సార్‌ సీపీ రీజినల్‌ కో–ఆర్డినేటర్‌ వైవీ సుబ్బారెడ్డి వైఎస్సార్‌ సీపీ సీనియర్‌ నాయకుడు, మాజీ ఎంపీ మోదుగుల వేణుగోపాల్‌ రెడ్డి మాట్లాడుతూ కూటమి పాలనలో నిరుద్యోగులకు నెలకు రూ.3వేలు భృతి, మహిళలకు అడబిడ్డ నిధి కింద నెలకు రూ.1500 ఇస్తామని ఇచ్చిన హామీ గాలికి వదిలేశారని ఆరోపించారు. ఓట్లు అడిగేందుకు ఇంటింటికీ వచ్చే కూటమి అభ్యర్థులను రెండున్నరేళ్లుగా నిరుద్యోగులకు రావాల్సిన రూ.84వేలు, మహిళలకు ఇవ్వాల్సిన రూ.42వేలను ఇవ్వాలని ప్రజలు పట్టు బట్టాలన్నారు. నిరుద్యోగ భృతి, ఆడబిడ్డ నిధి తేలిన తరువాతే ఓటు అడగాలని ప్రజలకు పిలుపునిచ్చారు. ఎవ్వరితో పొత్తులు లేకుండా ముందుకెళ్తున్న వైఎస్సార్‌ సీపీ అభ్యర్థులు తలెత్తుకుని తిరగాలన్నారు. వైఎస్సార్‌ సీపీ మేయర్‌ అభ్యర్థి తాడికొండ శ్రీదేవి విజయం సాధిస్తారని ధీమా వ్యక్తం చేశారు. వైఎస్సార్‌ సీపీ జిల్లా అధ్యక్షుడు అంబటి రాంబాబు మాట్లాడుతూ కార్పొరేషన్‌ ఎన్నికల బరిలో నిలిచిన వైఎస్సార్‌ సీపీ అభ్యర్థులు కూటమిని చూసి వెనుకడుగు వేయవద్దని, ప్రచారంలో భాగంగా ప్రజల దగ్గరకు ఉత్సాహంగా వెళ్లాలని పిలుపునిచ్చారు. కూటమి నుంచి అనేక విధాలుగా ఒత్తిడులను ఎదుర్కొని పోటీలో నిలబడిన అభ్యర్థులకు పార్టీ అండగా ఉందనే విషయాన్ని మరువరాదన్నారు. కార్పొరేటర్‌ అభ్యర్ధితో పాటు మేయర్‌ అభ్యర్థికి చెరొక ఓటు చొప్పున రెండు ఓట్లు వైఎస్సార్‌ సీపీకే వేయాలని ప్రజలకు వివరించాలని సూచించారు. మీ వెనుక మేమున్నామని, మనందరి వెనుక మహాశక్తిగా వైఎస్‌ జగన్‌ ఉన్నారని స్పష్టం చేశారు.

ఎమ్మెల్యే కార్యాలయంలో నిత్యం ఘర్షణలు 74వ డివిజన్‌లో చివరివరకు ఉత్కంఠ పార్టీ పదవులు తీసేస్తానంటూ బెదిరింపులు.. కూటమి నుంచి తీవ్ర వ్యతిరేకత ఎదుర్కొంటున్న ఎమ్మెల్యే పార్టీకి సహకరించేదే లేదని తేల్చిచెప్పిన ఆయా డివిజన్ల టీడీపీ నేతలు జనసేన, బీజేపీల నుంచి పలువురు అభ్యర్థులకు బీ ఫారాలు అందజేత కూటమిలో వర్గ విభేదాలు.. పిడిగుద్దులు కురిపించుకున్న వైనం

యువకుడి మృతి ఉప్పల్‌: ఉప్పల్‌ నుంచి నాగోల్‌ వెళ్లే మార్గంలో మంగళవారం తెల్లవారుజామున ఘోర రోడ్డు ప్రమాదం జరిగింది. ఈ ప్రమాదంలో కారు నడుపుతున్న జంపాని వినీత్‌ చౌదరి (24) అక్కడికక్కడే మృతి చెందాడు. పోలీసులు తెలిపిన ప్రకారం హయత్‌నగర్‌ పవనగిరి కాలనీకి చెందిన జంపాని నాగేశ్వరరావు వ్యాపారి. స్వస్థలం గుంటూరు. ఆయన చిన్న కుమారుడు వినీత్‌ చౌదరి(24) ఎంబీఏ ద్వితీయ సంవత్సరం చదువుతున్నాడు. సోమవారం అర్ధరాత్రి తార్నాకలో ఉండే స్నేహితుడు సయ్యద్‌ సాజీద్‌ అలి వద్దకు వచ్చారు. కాఫీ తాగడానికి బంజారాహిల్స్‌ వెళ్లారు. దాదాపు 3 గంటల సమయంలో స్నేహితుడిని తార్నాకలో దింపి ఎల్‌బీనగర్‌ వైపు వెళ్తున్నారు. నాగోల్‌ రోడ్డు హెచ్‌పీ పెట్రోల్‌ బంకు వద్ద కారు అదుపు తప్పి కృష్ణా జలాల పైప్‌లైన్‌ వాల్వ్‌ను బలంగా ఢీకొట్టింది. పైపులైన్‌ పగలడంతో నీటి వేగానికి కారు పైకి ఎగిరి పక్కన ఉన్న షాప్‌పై పడింది. ఈ ఘటనలో వినీత్‌ చౌదరి తలకు తీవ్రగాయాలై అక్కడికక్కడే మృతి చెందాడు. కారు నుజ్జునుజ్జు అయ్యింది. తండ్రి ఫిర్యాదు మేరకు పోలీసులు కేసు నమోదు చేసుకుని దర్యాప్తు ప్రారంభించారు. ఉదయం వరకు రోడ్డుపై భారీగా నీరు పారడంతో వాహన దారులు ఇబ్బంది పడ్డారు. ఉదయమే సంఘటన స్థలానికి చేరుకున్న ట్రాన్స్‌మిషన్‌ లైన్‌ అధికారులు యుద్ధ ప్రాతిపదికన వాల్వును తిరిగి అమర్చారు.

పొన్నూరు: ద్విచక్ర వాహనంపై దైవ దర్శనానికి వెళుతుండగా టాటా ఎస్‌ వాహనం ఢీకొని యువకుడు దుర్మరణం చెందిన ఘటన మండలంలోని పచ్చల తాడిపర్రు గ్రామ సమీపంలో మంగళవారం చోటుచేసుకుంది. వివరాలు.. మామిళ్లపల్లి గ్రామానికి చెందిన వైఎస్సార్‌ సీపీ వాణిజ్య విభాగం మండల అధ్యక్షులు చెట్టుపల్లి వెంకట కృష్ణమూర్తి రెండో కుమారుడు శ్రీనివాస్‌(23) దసరా పండుగ పురస్కరించుకుని గ్రామం నుంచి పొన్నూరు పట్టణంలోని శ్రీ వీరాంజనేయస్వామిని దర్శించుకునేందుకు పల్సర్‌ బైక్‌పై బయలు దేరారు. పచ్చలతాడిపర్రు సమీపంలో గుంటూరు వెళుతున్న అతివేగంగా వస్తున్న టాటా ఎస్‌ వాహనం ఢీకొంది. వెనుక వస్తున్న మరో బైక్‌ కూడా ఢీకొంది. దీంతో అదుపుతప్పి బైక్‌ కిందపడి అలాగే ముందుకు దూసుకుపోవడంతో పెట్రోల్‌ ట్యాంక్‌ నుంచి మంటలు రేగి ద్విచక్ర వాహనం దగ్ధమైంది. యువకుడికి మంటలు వ్యాపించడంతో పాటు ప్రమాదంలో తీవ్రగాయాలపాలైన యువకుడు అక్కడికక్కడే మృతి చెందాడు. రూరల్‌ పోలీసులు కేసు నమోదు చేసి దర్యాప్తు చేస్తున్నారు. ఉన్నత చదువుల కోసం మరో వారం రోజుల్లో లండన్‌ వెళ్లాల్సిన కుమారుడు మృతిచెందడంతో తల్లిదండ్రులు, కుటుంబ సభ్యులు రోదించిన తీరు చూపరులను కంటతడి పెట్టించింది. ఈ ఘటనతో గ్రామంలో విషాదఛాయలు అలుముకున్నాయి. స్నేహితుడి మరణంతో తోటి స్నేహితులు తీవ్ర ఆవేదనకు గురయ్యారు. బుధవారం గ్రామంలోని వారి నివాసంలో శ్రీనివాస్‌ భౌతికకాయాన్ని అంబటి మురళీకృష్ణ సందర్శించి నివాళులర్పించారు. కుటుంబ సభ్యులను పరామర్శించి ప్రగాఢ సానుభూతి తెలిపారు.

తాడేపల్లి రూరల్‌: వైఎస్సార్‌ సీపీ నాయకుడు దాసరి వీరయ్యను పీడీ యాక్టు కింద మంగళవారం పోలీసులు అరెస్ట్‌ చేశారు. ఉదయం 6 గంటలకు కుంచనపల్లిలోని నివాసం నుంచి బలవంతంగా తాడేపల్లి పోలీసులు తరలించారు. సమాచారం అందుకున్న వైఎస్సార్‌ సీపీ మంగళగిరి సమన్వయకర్త బుర్రముక్కు వేణుగోపాల సోమిరెడ్డి, వీరయ్య భార్య అరుణ, అడ్వకేట్లు దేవరకొండ రామకృష్ణ, బాజీగంగాధర్‌ పోలీస్‌స్టేషన్‌కు వెళ్లారు. పోలీసులను నాయకులు నిలదీయగా రాజమండ్రి తరలిస్తున్నట్లు చెప్పారు. స్థానిక సంస్థల ఎన్నికల్లో దుగ్గిరాల మండలం ఎస్సీ రిజర్వేషన్‌ నేపథ్యంలో వైఎస్సార్‌ సీపీని అడ్డుకునే ప్రయత్నంలో భాగంగా అక్రమ కేసులో అదుపులోకి తీసుకున్నట్లు పార్టీ నాయకులు ఆరోపిస్తున్నారు. పీడీ యాక్ట్‌ దుర్మార్గం.. మంగళగిరి నియోజకవర్గంలో చంద్రబాబు ప్రభుత్వం పోలీసులను అడ్డంపెట్టుకుని పెడుతున్న అక్రమ కేసులు, అరెస్టులపై వైఎస్సార్‌ సీపీ నేతలు మండిపడ్డారు. దుగ్గిరాల తాజా మాజీ జెడ్పీటీసీ సభ్యురాలు మేకతోటి అరుణ భర్త దాసరి వీరయ్యను పోలీసులు అక్రమంగా అరెస్ట్‌ చేసి పీడీ యాక్ట్‌ నమోదు చేయడంపై ఆగ్రహం వ్యక్తం చేశారు. వైఎస్సార్‌ సీపీ సమన్వయకర్త వేణుగోపాల సోమిరెడ్డి విలేకరులతో మాట్లాడుతూ 2024 ఎన్నికల ఫలితాల రోజే దాసరి వీరయ్యపై తెలుగుదేశం ప్రభుత్వం తప్పుడు కేసులు పెట్టడం ప్రారంభించిందని ఆరోపించారు. ఎటువంటి సంబంధం లేని కేసుల్లో వీరయ్యను ఇరికించి జైలుకు పంపించారని పేర్కొన్నారు. వాటిపై న్యాయపోరాటం చేస్తున్నామని, స్థానిక సంస్థల ఎన్నికలను దృష్టిలో పెట్టుకుని చంద్రబాబు ప్రభుత్వం వీరయ్యపై పీడీ యాక్ట్‌ దుర్మార్గం అన్నారు. న్యాయపోరాటం చేస్తామని వెల్లడించారు. కేసులన్నీ అక్రమమే.. దాసరి వీరయ్య భార్య అరుణ మాట్లాడుతూ బుడంపాడు హత్య కేసుతో పాటు ఇతర కేసులన్నీ అక్రమంగా పెట్టినవేనని ఆరోపించారు. స్థానిక సంస్థల ఎన్నికలలో అత్తగారు పోటీ చేయాలనే ఉద్దేశంతో ఉన్నారని, ఎన్నికల్లో తమ కుటుంబాన్ని అడ్డుకోవడానికే తన భర్తను అరెస్ట్‌ చేశారని ఆరోపించారు. మంత్రి నారా లోకేష్‌ తన భర్తను విడుదల చేసి ఎన్నికలు నిర్వహించాలని డిమాండ్‌ చేశారు. తమ కుటుంబం మొదటి నుంచి వైఎస్సార్‌ సీపీకి, వైఎస్‌ జగన్‌మోహన్‌రెడ్డికి మద్దతుగా ఉందని తెలిపారు. ప్రజల్లో వ్యతిరేకత ఉందని, అరెస్టులు, బెదిరింపులతో ఎన్నికల్లో గెలవాలని చూడడం సరికాదని విమర్శించారు. అడ్వకేట్‌ దేవరకొండ రామకృష్ణ మాట్లాడుతూ దాసరి వీరయ్యపై గతంలో నమోదైన కేసులను ఆధారంగా చేసుకుని పీడీ యాక్ట్‌ అమలు చేశారని అన్నారు. వైఎస్సార్‌ సీపీ లీగల్‌సెల్‌ ఆధ్వర్యంలో పోరాటం చేస్తామని తెలిపారు. ఈ విషయాన్ని వైఎస్సార్‌సీపీ అధినేత వైఎస్‌ జగన్‌మోహన్‌రెడ్డి దృష్టికి తీసుకువెళ్తామని అన్నారు. కార్యక్రమంలో వైఎస్సార్‌ సీపీ మైనార్టీ సెల్‌ రాష్ట్ర ప్రధాన కార్యదర్శి ఎండి గోరేబాబు, పెరికలపూడి మాజీ సర్పంచి గంపల గంగాధర్‌, నాయకులు రమేష్‌ పాల్గొన్నారు.

అమరావతి: అమరారామంలో వేంచేసియున్న శ్రీ బాలచాముండికా సమేత అమరేశ్వర స్వామిదేవస్థానంలో దసరా శరన్నవారాత్రోత్సవాలలో భాగంగా మంగళవారం విజయదశమినాడు రాత్రి 7గంటలకు చండీసమేత అమరేశ్వర స్వామికి పారువేట ఉత్సవం నిర్వహించారు. ఆలయంలోని రెండో ప్రాకారంలోని జమ్మిచెట్టు వద్ద శమీపూజను ఆలయస్థానాచార్యుడు కౌశిక చంద్రశేఖర శర్మ సాంప్రదాయబద్ధంగా నిర్వహించారు. పెద్ద సంఖ్యలో భక్తులు పాల్గొన్నారు. అదేవిధంగా అమరావతి క్షేత్రంలో శ్రీదేవీ శరన్నవరాత్ర మహోత్సవాల్లో భాగంగా విజయదశమి రోజు మంగళవారం బాలచాముండేశ్వరి అమ్మవారిని రాజరాజేశ్వరీదేవిగా అలంకరించారు. గుంటూరు వెస్ట్‌ (క్రీడలు): గుంటూరు జిల్లా బాల్‌ బ్యాడ్మింటన్‌ అసోసియేషన్‌ ఆధ్వర్యంలో ఈ నెల 25వ తేదీ ఆదివారం ఉదయం 8 గంటలకు స్థానిక ఎన్జీఓ క్లబ్‌లో జిల్లా జూనియర్‌ బాల బాలికల జట్ల ఎంపికలు నిర్వహిస్తామని అసోసియేషన్‌ జిల్లా కార్యదర్శి శ్రీనివాస రావు బుధవారం ఒక ప్రకటనలో తెలిపారు. ఎంపిక చేసిన జట్లు నవంబర్‌లో జరగనున్న అంతర్‌ జిల్లాల బాల్‌ బ్యాడ్మింటన్‌ పోటీల్లో పాల్గొంటాయన్నారు. ఎంపికలో పాల్గొనే క్రీడాకారులు ఆధార్‌ కార్డుతోపాటు జనన ధ్రువీకరణ పత్రాన్ని తీసుకొని పోటీలు జరిగే ప్రాంతానికి రావాలన్నారు. క్రీడాకారులు జనవరి 2, 2007 లోపు జన్మించినవారై ఉండాలన్నారు. 9347785888 నెంబరులో సంప్రదించాలన్నారు. నగరంపాలెం: బాపట్ల జిల్లా వేమూరులో సాయి ఎంటర్‌ప్రైజెస్‌ ఎరువులు, పురుగుమందుల దుకాణంలో బుధవారం ఉమ్మడి జిల్లా విజిలెనన్స్‌/ఎన్‌ఫోర్స్‌మెంట్‌ విభాగపు అధికారులు, మండల వ్యవసాయ అధికారుల బృందం ఆకస్మిక తనిఖీలు నిర్వహించింది. సరైన అనుమతి పత్రాలు లైసెన్‌న్స్‌లో నమోదు లేకపోవడాన్ని తనిఖీల్లో గుర్తించారు. దీంతో నిల్వ చేసిన రూ.5.63 లక్షలు విలువ చేసే 90 యూరియా బస్తాలు, 400 డీఏపీ బస్తాలు అమ్మకాలు నిలిపివేశారు. దుకాణపు యాజమానిపై చర్యలు చేపట్టాలని వ్యవసాయ శాఖ అధికారులను ఆదేశించారు. పెదకాకాని: మల్లేశ్వరస్వామి దేవస్థానంలో పూజలు చేసేందుకు ఆంధ్రప్రదేశ్‌ ఎండోమెంట్స్‌ ట్రిబ్యునల్‌ చైర్‌పర్సన్‌ ఎ భారతి విచ్చేశారు. శివాలయానికి మంగళవారం సాయంత్రం విచ్చేసిన ట్రిబ్యునల్‌ చైర్‌పర్సన్‌ ఎ భారతి ఆలయంలో ప్రదక్షిణలు చేశారు. భ్రమరాంబ మల్లేశ్వరస్వామిని దర్శించుకున్నారు. అనంతరం శమీ పూజలో పాల్గొన్నారు. దేవాలయ అర్చకులు, వేద పండితులు వేద ఆశీర్వచనం, స్వామివారి శేష వస్త్రంతో సత్కరించి ప్రసాదం, స్వామివారి చిత్రపటం అందజేశారు. కార్యక్రమంలో ఎక్స్‌అఫిషియో సభ్యుడు పేటేటి ధనమహేశ్వరప్రసాద్‌, ఆలయ వేదపండితులు, అర్చకులు, సిబ్బంది పాల్గొన్నారు. రైల్వేస్టేషన్‌(విజయవాడపశ్చిమ): ప్రయాణికుల రద్దీ దృష్ట్యా వేర్వేరు ప్రాంతాలకు ప్రత్యేక రైళ్లు నడపనున్నట్లు విజయవాడ డివిజన్‌ పీఆర్‌ఓ నుస్రత్‌ మండ్రుప్కర్‌ బుధవారం ఒక ప్రకటలో తెలిపారు. గుంటూరు – కోల్‌కతా (07437) రైలు ఈ నెల 25, నవంబర్‌ ఒకటో తేదీన, కోల్‌కతా – గుంటూరు (07438) ఈ నెల 26, నవంబర్‌ రెండో తేదీ, విశాఖపట్నం – సికింద్రాబాద్‌ (08517) ఈ నెల 22, 25 తేదీల్లో, సికింద్రాబాద్‌ – విశాఖపట్నం (08518) ఈ నెల 23, 26 తేదీల్లో నడుస్తాయి.

నగరంపాలెం: విజయదశమి (దసరా) పండుగ సందర్భంగా మంగళవారం జిల్లా పోలీస్‌ కార్యాలయ ఆవరణలో జిల్లా ఎస్పీ వకుల్‌ జిందల్‌ కుటుంబ సమేతంగా ఆయుధ పూజ నిర్వహించారు. వివిధ రకాల ఆయుధాలకు ప్రత్యేక పూజలు చేపట్టారు. అనంతరం కర్పూర హారతి సమర్పించారు. ప్రజలు అందరూ సుఖశాంతులతో జీవించాలని, జిల్లా ప్రశాంతంగా ఉండాలని అమ్మవారిని ప్రార్థించారు. మోటార్‌ ట్రాన్స్‌పోర్ట్‌ విభాగంలో, బీడీ టీం కార్యాలయంలో ఆయుధాలకు, ద్విచక్ర వాహనాలు, కార్లకు పూజలు చేశారు. అనంతరం పోలీస్‌ కార్యాలయ ప్రాంగణంలోని అమ్మవారి ఆలయం, వీరభద్రస్వామి ఆలయంలో ప్రత్యేక పూజలు చేశారు. పోలీస్‌ కవాతు మైదానంలో క్రీడాకారుల సౌకర్యార్థం ఏర్పాటు చేసిన విశ్రాంతి గదిని, అధునాతనమైన జిమ్‌ను వేర్వేరుగా ప్రారంభించారు. డీఎస్పీలు అళహరి శ్రీనివాస్‌ (ఎస్‌బీ), జి.పూర్ణచంద్రరావు(గుంటూరు దక్షిణ), బెల్లం శ్రీనివాసరావు(గుంటూరు పశ్చిమ), సంకురయ్య(ఏఆర్‌), ఆర్‌ఐ (పరిపాలన) కృష్ణయ్య, ఆర్‌ఐ ఎంటీ.శ్రీహరిరెడ్డి, ఆర్‌ఐ సురేష్‌బాబు పాల్గొన్నారు. కూటమి నేతలకు సుప్రీం ఆదేశాలు చెంపపెట్టు.. కొరిటెపాడు(గుంటూరు): ఆంధ్రప్రదేశ్‌ మున్సిపల్‌ ఎన్నికల నిర్వహణలో నెలకొన్న అక్రమాలపై సుప్రీంకోర్టు జారీ చేసిన ఆదేశాలు చంద్రబాబు నాయుడుకు, కూటమి నేతలకు చెంపపెట్టులాంటిదని గిరిజన ప్రజా సమాఖ్య(జీపీఎస్‌) జాతీయ వ్యవస్థాపక అధ్యక్షుడు, రాష్ట్ర ఎస్టీ కమిషన్‌ మాజీ సభ్యుడు వడిత్యా శంకర్‌ నాయక్‌ బుధవారం ఒక ప్రకటనలో తెలిపారు. సుప్రీంకోర్టు ఆదేశాలను స్వాగతిస్తున్నామని పేర్కొన్నారు. రాష్ట్రంలో అనేక మున్సిపాలిటీల్లో నామినేషన్లు దాఖలు చేసేందుకు వెళ్తున్న అభ్యర్థులను అడ్డుకున్నారంటూ వచ్చిన ఫిర్యాదులపై సుప్రీంకోర్టు బుధవారం కీలక ఆదేశాలు జారీ చేసిందన్నారు. ప్రజాస్వామ్యంలో ఎన్నికలు స్వేచ్ఛాయుతంగా, పారదర్శకంగా జరగడం అత్యంత ముఖ్యమని స్పష్టం చేశారు.

● 72వ డివిజన్‌లో ‘బీ–ఫామ్‌’ రగడ ● గోడ దూకి మరీ బీఫామ్‌ ఇచ్చిన టీడీపీ మరో అభ్యర్థి ● సమయం ముగిసినా కిటికీలోంచి విసిరిన టీడీపీ నేత విజయ్‌కిరణ్‌ ● రోడ్డెక్కిన మొదట బీఫామ్‌ అందుకున్న ఆనంద్‌ వర్గం అసలేం జరిగింది? పోలీసుల సహకారంతోనే అక్రమాలు? ఎమ్మెల్యే తీరుపై భగ్గు

గుంటూరు ఎడ్యుకేషన్‌: ట్రాఫిక్‌, పారిశుద్ధ్య సమస్యలతో అస్తవ్యస్తంగా ఉన్న గుంటూరు నగరాన్ని గాడిలో పెట్టి సుందరమైన నగరంగా తీర్చిదిద్దుతామని వైఎస్సార్‌ సీపీ మేయర్‌ అభ్యర్థి తాడికొండ అలివేలు నాగ వెంకట పద్మ శ్రీదేవి అన్నారు. సోమవారం బందావన్‌ గార్డెన్స్‌ లోని వైఎస్సార్‌ సీపీ జిల్లా కార్యాలయంలో మేయర్‌ అభ్యర్థి శ్రీదేవికి పార్టీ జిల్లా అధ్యక్షుడు అంబటి రాంబాబు బీ ఫారం ఇచ్చారు. ఈ సందర్భంగా తాడికొండ శ్రీదేవి మాట్లాడుతూ తమ కుటుంబం రాజకీయాలకు కొత్త కాదని, సామాజిక సేవతో కూడిన రాజకీయాల్లో తమకు అపారమైన అనుభవం ఉందన్నారు. గుంటూరు నగరపాలక సంస్థగా ఏర్పడిన తర్వాత ఏ ఒక్క రాజకీయ పార్టీ ఆర్యవైశ్యులకు మేయర్‌ అభ్యర్థిగా అవకాశం ఇవ్వలేదన్నారు. వైఎస్సార్‌ కాంగ్రెస్‌ పార్టీ అధినేత, మాజీ ముఖ్యమంత్రి వైఎస్‌ జగన్‌మోహన్‌రెడ్డి ఆర్యవైశ్యులకు రాజకీయంగా గౌరవాన్ని కల్పించడంతోపాటు సముచితమైన గుర్తింపు ఇచ్చారన్నారు. ప్రజాభిమానంతో విజయం సాధిస్తానని ధీమా వ్యక్తం చేశారు. అభివృద్ధిపై దృష్టి.. గుంటూరు నగర శివారుల కాలనీల్లో మౌలిక వస్తువుల కొరత తీవ్రంగా ఉందని, ప్రణాళిక బద్ధంగా ఆయా ప్రాంతాల్లో మౌలిక వసతులను మెరుగుపరచాల్సిన అవసరం ఉందన్నారు. నగరాన్ని పట్టిపీడిస్తున్న పీకల వాగు సమస్యకు శాశ్వత పరిష్కారం చూపిస్తానన్నారు. కూటమి ప్రభుత్వ రెండున్నరేళ్ల పాలనలో నగరంలో అభివృద్ధి జాడలు మచ్చుకై నా లేవని, నగరాన్ని ట్రాఫిక్‌ చక్రబంధంలోకి తీసుకెళ్లారన్నారు. ఏ ప్రాంతంలో చూసినా పారిశుద్ధ్య సమస్య తాండవం చేస్తోందని, ఇప్పటికీ కొన్ని ప్రాంతాల్లో తాగునీటి సమస్య వేధిస్తోందన్నారు. రూ.450 కోట్లతో చేపట్టిన భూగర్భ డ్రైనేజీ వ్యవస్థకు సంబంధించిన పనులు అసంపూర్తిగా ఉన్నాయని, తాను మేయర్‌గా పదవీ బాధ్యతలు చేపట్టిన అనంతరం భూగర్భ డ్రైనేజీ వ్యవస్థను పూర్తి చేస్తానని అన్నారు. ఆర్యవైశ్యులకు అండగా నిలిచిన వైఎస్‌ జగన్‌మోహన్‌రెడ్డికి గుంటూరు కార్పొరేషన్‌ను బహుమతిగా ఇస్తామని తెలిపారు. పార్టీ రాష్ట్ర కార్యదర్శి నిమ్మకాయల రాజనారాయణ, జీడీసీసీ బ్యాంకు మాజీ చైర్మన్‌ రాతంశెట్టి రామాంజనేయులు, చాంబర్‌ ఆఫ్‌ కామర్స్‌ అధ్యక్షుడు టీఎల్వీ వీరాంజనేయులు, పార్టీ నాయకులు, వైఎస్సార్‌ సీపీ కార్పొరేటర్‌ అభ్యర్థులు పాల్గొన్నారు.

తెనాలి: ఈ ఫోటోలో కనిపిస్తున్న వ్యక్తి పాత బజాజ్‌ షోరూం పక్కన ఉన్న ధూపం రాజేష్‌ అనే వ్యక్తి డ్రై ఫ్రూట్‌ షాప్‌లో లైన్‌ మోసానికి పాల్పడ్డాడు. మూడు రోజుల క్రితం ఆన్‌లైన్‌ నెట్‌వర్క్‌ రిపేర్‌ చేయడానికి వచ్చానని చెప్పి పక్కన స్థంభానికి ఉన్న నెట్‌ వర్క్‌ ను రిపేర్‌ చేసినట్టు నటించాడు. తిరిగి షాప్‌లోకి వచ్చి, ‘మీకు నెట్‌ వస్తుందా’ అని అడిగాడు. షాప్‌ యజమాని రావడం లేదు అని చెప్పగా, మీ ఫోన్‌లో సరిచేయాలని చెప్పి, రాజేష్‌ ఫోన్‌ తీసుకుని తన అకౌంట్‌ లో ఉన్న రూ.24 వేలు ట్రాన్స్‌ఫర్‌ చేసుకున్నాడు. తర్వాత తను మోసపోయానని తెలుసుకున్న రాజేష్‌, తన అకౌంట్‌ను నిలిపివేసి బ్యాంక్‌కు వవెళ్లి తెలుసుకోగా, హైదరాబాద్‌లోని చైతన్య గ్రామీణ బ్యాంక్‌లో ఒక మహిళ అకౌంట్‌లోకి వెళ్లినట్టు బ్యాంక్‌ అధికారులు నిర్ధారించారు. ఆ వివరాలు తీసుకుని టూ టౌన్‌ స్టేషన్‌లో కంప్లైంట్‌ ఇవ్వడానికి వెళితే, స్టేషన్‌లో కేసు నమోదు చేసుకోవడం లేదని బాధితుడు వాపోతున్నాడు. ‘నాది చిన్న అమౌంట్‌ కావచ్చు కానీ దొంగిలించిన వ్యక్తి ఇంకా ఎన్ని చేసి ఉంటాడో? నా అకౌంట్‌ లో పెద్ద మొత్తంలో అమౌంట్‌ ఉన్నట్టయితే, ఆ మొత్తం పోయి ఉండేది కదా’ అని బాధితుడు వాపోతున్నాడు. రోడ్డు ప్రమాదంలో ఇరువురికి గాయాలు శావల్యాపురం: మండలంలోని కృష్ణాపురం గ్రామ సమీపాన గుంటూరు–కర్నూలు జాతీయ రహదారిపై సోమవారం జరిగిన రోడ్డు ప్రమాదంలో ఇరువురికి తీవ్ర గాయాలయ్యాయి. వివరాలు మేరకు.. రాజస్థాన్‌ రాష్ట్రానికి చెందిన ఐదుగురు యువకులు కారులో అనంతరపురం నుంచి విజయవాడ బయలుదేరారు. నరసరావుపేట నుంచి వినుకొండ వైపు ట్రాలీ వాహనంలో ఇంటిసామానుతో బయలుదేరి వస్తున్నారు. ఎదురుగా వస్తున్న వాహనాన్ని తప్పించబోయి యువకులు ప్రయాణిస్తున్న వాహనం ఇంటి సామగ్రి ఉన్న వాహనాన్ని అతి వేగంతో ఢీకొట్టింది. ఘటనలో వాహన డ్రైవర్‌ సురేష్‌ కుడి చేతికి, ట్రాలీ వాహనంలో ఉన్న గుండాల వెంకయ్యలకు తీవ్ర రక్తగాయాలయ్యాయి. ఇరువురిని 108 అత్యవసర వాహనంలో వినుకొండ ప్రభుత్వ వైద్యశాలకు తరలించారు. ఘటన స్థలానికి ఎస్‌ఐ మోర్ల వెంకటేష్‌బాబు తన సిబ్బంది చేరుకొని రోడ్డుకు అడ్డుగా ఉన్న రెండు వాహనాలను గ్రామస్తులు సహకారంతో ట్రాక్టర్‌తో తప్పించి ట్రాఫిక్‌ అంతరాయం లేకుండా చర్యలు చేపట్టారు. ప్రమాదంలో రెండు వాహనాలు పూర్తిస్థాయిలో దెబ్బతిన్నాయి. ఆర్టీసీ బస్సు తగిలి వృద్ధుడు మృతి సత్తెనపల్లి: సత్తెనపల్లి మండలం కంకణాలపల్లి గ్రామానికి చెందిన తాటికొండ బిక్షం (70) సోమవారం ఆర్టీసీ బస్సు తగిలి అక్కడికక్కడే ప్రాణాలు కోల్పోయాడు. పట్టణ ఎస్‌ఐ పవన్‌కుమార్‌, పోలీస్‌ సిబ్బంది సంఘటనా స్థలానికి చేరుకొని వృద్ధుడి మృతదేహన్ని పోస్ట్‌మార్టం నిమిత్తం సత్తెనపల్లి ప్రభుత్వ ప్రాంతీయ వైద్యశాలకు తరలించారు. బస్సు డ్రైవర్‌ నిర్లక్ష్యమా లేక వృద్ధుడి బిక్షం తప్పా అనేది పక్కన పెడితే .. నిత్యం రద్దీగా ఉండే సెంటర్‌లో రహదారిపైకి బస్సుషెల్టర్‌ ఏర్పాటు చేయడం, బస్సులు రోడ్డుపైనే నిలపడంతో ప్రమాదాలు పొంచి ఉన్నాయి. అటు పాలకులు కానీ, ఇటు అధికారులు కానీ ఎలాంటి ముందుచూపు లేకుండా బస్సు షెల్టర్‌ నిర్మాణం చేపట్టి ప్రజల ప్రాణాలతో చెలగాటమాడుతున్నారనే విమర్శలు వ్యక్తమవుతున్నాయి. వృద్ధుడు బిక్షం మృతితో కుటుంబ సభ్యులు ఆందోళన చెందుతున్నారు. వృద్ధుడు మృతి కారణంగా ప్రమాద ఘటనపై సమగ్ర విచారణ చేపట్టి బాధ్యులపై చర్యలు తీసుకోవాలని, వృద్ధుడి కుటుంబానికి న్యాయం చేయాలని పలు వురు కోరుతున్నారు. ఇప్పటికై నా పాలకులు, అధికారులు స్పందించి ప్రమాదాలు పునరావృతం కాకుండా బస్సు షెల్టర్‌ను పూర్తిగా వెనకవైపుకు తొలగింప చేయాలని ప్రజలు కోరుతున్నారు.

భద్రాచలంఅర్బన్‌: ఏదైనా మంచి పని మొదలుపెట్టే ముందు శ్రీరాముడిని తలుచుకోవడాన్ని హిందువులు ఆనవాయితీగా పాటిస్తారు. అదే భావనతో తన సోషల్‌ మీడియా ఖాతాలకు ‘రామ్‌ ది ట్రావెలర్‌’ అని పేరు పెట్టుకున్న ఏపీలోని గుంటూరు ఆర్‌టీసీ కాలనీకి చెందిన దుర్గారావు కొత్త ప్రాంతాలను చూడాలనే ఆసక్తితో విదేశాల్లో పర్యటిస్తున్నారు. ఎనిమిదో తరగతితో చదువు ఆగిపోయిన దుర్గారావు 2023లో ప్రయాణాలు మొదలుపెట్టాడు. ఇప్పటివరకు 30 దేశాల్లో పర్యటించిన ఆయన, అందులో 11 దేశాలను సైకిల్‌పై చుట్టిరావడం విశేషం. ప్రపంచంలోని 195 దేశాలను చూడాలని లక్ష్యంగా పెట్టుకోగా విజయవాడ నుంచి సైకిల్‌పై సోమవారం భద్రాచలం చేరుకున్నాడు. గతంలోనూ బంగ్లాదేశ్‌, థాయిలాండ్‌, కంబోడియా, మలేషియా, సింగపూర్‌, నేపాల్‌, కెన్యా, ఉగాండా, రువాండా, బురుండి, టాంజానియా దేశాల్లో సైకిల్‌పై పర్యటించినట్లు దుర్గారావు వివరించాడు. వివిధ దేశాల జీవన విధానం, ప్రజల ఆహారపు అలవాట్లు, సంస్కృతి, సంప్రదాయాలు తెలుసుకునేందుకే పర్యటనలు చేస్తున్నానని తెలిపారు. గతేడాది నేపాల్‌లోని పర్వత ప్రాంతాల్లో ప్రయాణిస్తున్న సమయంలో తన మోకాలికి గాయం కాగా, ఆతర్వాత కూడా పలు దేశాల్లో పర్యటించానని వెల్లడించాడు. సోషల్‌ మీడియాలో లక్షలాది మంది ఆదరణ దుర్గారావు తన ప్రయాణ విశేషాలను ‘రామ్‌ ది ట్రావెలర్‌’ పేరుతో సోషల్‌ మీడియాలో పంచుకుంటున్నాడు. ఇన్‌స్ట్రాగామ్‌లో 2.98 లక్షలు, ఫేస్‌బుక్‌లో 2.76 లక్షల మంది ఫాలోవర్లు ఉండగా, యూట్యూబ్‌లో 12.5 లక్షల మంది సబ్‌స్క్రైబర్లు ఉన్నారని తెలిపారు.

తెనాలి: పట్టణ ఓటర్లలో చెప్పుకోదగిన సంఖ్యలో ఉన్న బ్రాహ్మణ వర్గానికి కనీసం ఒక్కటంటే ఒక్క వార్డు కేటాయించలేదు. ఇస్తానని చెప్పిన వార్డులోనూ బ్రాహ్మణులకు ఇవ్వకుండా చివరి నిమిషంలో జనసేన పార్టీకి చెందిన బ్రాహ్మణేతర సామాజికవర్గానికి ఇచ్చారు. హామీనిచ్చిన అభ్యర్థికి నామినేషన్లకు చివరిరోజున ఉదయం ‘సారీ’ చెప్పారు. నమ్మించి వంచించటంపై బ్రాహ్మణ సంఘీయులు, తమ ఆత్మగౌరవం దెబ్బతిందని విలేకరుల సమావేశంలో ఆవేదనపడ్డారు. మరోవైపు బీజేపీకి కేటాయించిన వార్డుపైనా ఆ పార్టీ స్థానిక నాయకులు కినుక వహించారు. ఏకంగా ఆరేడు రెబెల్‌ అభ్యర్థులు నామినేషన్‌ వేసినట్టు సమాచారం. వెన్నుపోటుపై ఆగ్రహం పట్టణంలో బ్రాహ్మణ సామాజకవర్గ ఓటర్లు 8 వేలమంది ఉన్నారు. గతంలో 12వ వార్డులో వీరి సంఖ్య కొంచెం హెచ్చుగా ఉండేది. పునర్విభజనలో 20వ వార్డుగా మారింది. దాదాపు మూడు వేల ఓటర్లలో బ్రాహ్మణ సామాజికవర్గ ఓటర్లు 1400 పైగా ఉన్నారు. అందుచేత ఆ వార్డు నుంచి టీడీపీ తరఫున బ్రాహ్మణులకు కేటాయించమని అభ్యర్థించారు. దీనితో టీడీపీ ఇన్‌ఛార్జి, ఎమ్మెల్సీ ఆలపాటి రాజేంద్రప్రసాద్‌ భరోసాతో తాడేపల్లి సూర్యనారాయణమూర్తి తానే అభ్యర్థినంటూ ప్రచారం చేసుకున్నారు. నామినేషను పత్రాలను కూడా సిద్ధం చేసుకున్నారు. తీరా చూస్తే, ఆ వార్డును జనసేన పార్టీకి చెందిన కాపు సామాజికవర్గానికి చెందిన నాయకుడికి కేటాయించారు. నామినేషన్లకు చివరి రోజైన 18వ తేదీ ఉదయం 10.30 గంటలకు సూర్యనారాయణమూర్తికి కూటమి నాయకులు ‘సారీ’ చెప్పారట! దీనితో మనస్తాపం చెందిన సూర్యనారాయణమూర్తి ఇండిపెండెంట్‌ అభ్యర్థిగా నామినేషను దాఖలు చేశారు. ఎమ్మెల్సీ ఆలపాటి రాజేంద్రప్రసాద్‌ ఫోన్‌ చేసి, నామినేషనును ఉపసంహరించుకోవాలని సూచించారు. ఇందుకు నిరసనగా సోమవారం ఉదయం టీడీపీకి చెందిన బ్రాహ్మణ సామాజికవర్గ ప్రముఖులు మీడియా సమావేశం ఏర్పాటుచేసిన తమ ఆవేదనను వ్యక్తంచేశారు. బ్రాహ్మణ సామాజికవర్గానికి ఒక్క సీటు ఇవ్వకపోవటాన్ని ప్రశ్నించారు. పైగా పోటీకి సిద్ధంకమ్మని చెప్పిన మంచి వ్యక్తిని కూడా వద్దని తిరస్కరించటం తమ ఆత్మగౌరవాన్ని దెబ్బతీసిందని చెప్పారు. ఆత్మగౌరవం పేరుతో ప్రెస్‌మీట్‌ ఇదిలావుంటే, బీజేపీ తరఫున గంగానమ్మపేటలోని వార్డులో పోటీకి ఆ పార్టీలో చురుగ్గా ఉండే తమిరిశ రఘుకు హామీ లభించింది. కూటమి పార్టీల నుంచి ఇచ్చిన హామీతో మూడు నెలలుగా ఆయన అక్కడ ప్రచారం చేస్తున్నారు. మున్సిపల్‌ ఎన్నికల్లో కూటమి పార్టీల సీట్ల పంపకంలో బీజేపీకి ఆరు సీట్లు ఇస్తామని చెప్పారనీ, తర్వాత మూడు, మళ్లీ రెండు...అంటూ చివరకు ఒకే ఒక సీటు కేటాయించారని చెబుతున్నారు. అదికూడా బీజేపీకి బలం లేని పినపాడులో కేటాయించారట! గంగానమ్మపేటలో సీటు ఇస్తామని చెప్పి, అక్కడ ప్రచారం చేసుకుంటున్న సమీపంలో చివరి నిమిషంలో పినపాడులో కేటాయించటంపైనా బీజేపీలో ఆగ్రహం వ్యక్తమైంది. ఆ పార్టీ నుంచి పలువురు రెబెల్స్‌ నామినేషన్లు దాఖలు చేశారు. దీనిని ఏవిధంగా సర్దుబాటు చేసుకుంటారోగాని, ఈ రెండు అంశాలు పట్టణంలో హాట్‌టాపిక్‌గా మారాయి.

పట్నంబజారు: తూర్పు నియోజకవర్గ ఎమ్మెల్యే మొహమ్మద్‌ నసీర్‌ అహ్మద్‌పై టీడీపీ శ్రేణులు ఆగ్రహం వ్యక్తం చేస్తున్నాయి. తూర్పు నియోజకవర్గంలోని 2వ డివిజన్‌కు చెందిన బేళ్ల వెంకటేశ్వర్లు యాదవ్‌ గత 40 సంవత్సరాలుగా టీడీపీని నమ్ముకుని ముందుకు సాగుతున్నారు. 2వ డివిజన్‌ బీసీలకు రిజర్వేషన్‌ ప్రకటించిన నేపథ్యంలో టికెట్‌ ఆశించారు. యాదవ సామాజికవర్గానికి చెందిన వెంకటేశ్వర్లు భార్య వెంకటరమణకు టికెట్‌ ఇవ్వకుండా తన సామాజికవర్గానికి చెందిన వేరే మహిళకు సీటు కేటాయించారంటూ వెంకటేశ్వర్లు, వెంకటరమణ దంపతులు సోమవారం పొన్నూరు రోడ్డులోని ఎమ్మెల్యే కార్యాలయం వద్ద నిరసనకు దిగారు. 2021లో తాను అభ్యర్థిగా పోటీ చేసి ఓడిపోయానని, అయినప్పటికీ పార్టీలో కొనసాగుతూ కష్టపడ్డానని తెలిపారు. ఈక్రమంలోనే తాను పార్టీకోసం ఎంతో ఖర్చు చేశానని, అయినప్పటికీ డబ్బులు ఉంటేనే సీటు ఇస్తానని ఎమ్మెల్యే నసీర్‌ చెప్పారన్నారు. ఈక్రమంలో తాను అడిగిన డబ్బు మొత్తం చూపించానని, అయినప్పటికీ సీటు ఇవ్వలేదని ఆగ్రహం వ్యక్తం చేశారు. పార్టీని నమ్ముకుని ఎంతో మంది సీట్లు ఆశించి పనిచేసిన వారికి గుర్తింపు ఇవ్వడం లేదని మండి పడ్డారు. తాను ఎన్నో ఏళ్లుగా కష్టం చేసిన కనీస గుర్తింపు ఇవ్వలేదని, కన్నీరు మున్నీరుగా విలపించారు. ఈనేపథ్యంలో పార్టీ అగ్రశ్రేణినాయకులు వెంకటేశ్వర్లు యాదవ్‌తో మంతనాలు జరుపుతున్నారు. ఎమ్మెల్యే వచ్చి సమాధానం చెప్పేవరకు లేవబోమని భీష్మించుకు కూర్చున్నారు. ఇంకా వారి నిరసన కొనసాగుతుంది. ఎమ్మెల్యే వచ్చే వరకు లేవమని తేల్చి చెప్పారు.

గుంటూరు ఎడ్యుకేషన్‌: గుంటూరు నగరపాలక సంస్థ ఎన్నికల విధులకు హాజరుకాని ఉపాధ్యాయులపై విధించిన సస్పెన్షన్‌ ఎత్తివేయాలని జిల్లా కలెక్టర్‌ సాయికాంత్‌ వర్మకు ఫ్యాప్టో జిల్లా ప్రతినిధులు విజ్ఞప్తి చేశారు. సోమవారం కలెక్టర్‌ను కలిసిన ఫ్యాప్టో ప్రతినిధులు వినతిపత్రం సమర్పించారు. స్పందించిన కలెక్టర్‌ మాట్లాడుతూ సహేతుకమైన కారణాలతో గైర్హాజరైన ఉపాధ్యాయులపై సస్పెన్షన్‌ ఎత్తివేస్తామని తెలిపారు. మంగళవారం మధ్యాహ్నంలోపు డీఆర్వోను కలిసి వివరణ ఇవ్వాలని సూచించారు. కలెక్టర్‌ను కలసిన వారిలో గుంటూరు జిల్లా ఫ్యాప్టో చైర్మన్‌ కె.నరసింహారావు, జిల్లా ఫ్యాప్టో డిప్యూటీ సెక్రటరీ జనరల్‌ గుడిపాటి దాస్‌, జిల్లా ఫ్యాక్టో కార్యవర్గ సభ్యులు షేక్‌ బాజీ, మహమ్మద్‌ ఖలీద్‌ ఫ్యాప్టో జిల్లా నాయకులు సిహెచ్‌ ఆదినారాయణ, జోజప్ప, ఎస్‌ కె గఫార్‌, పచ్చాల శివరామకృష్ణ, గురుమూర్తి ఉన్నారు. జిల్లా ఎస్పీ వకుల్‌ జిందాల్‌ సమీక్ష మంగళగిరి టౌన్‌: పోలీసు అమరవీరుల త్యాగాలను స్మరించుకుంటూ ఈ నెల 21న మంగళగిరిలో నిర్వహించనున్న పోలీసు అమరవీరుల సంస్మరణ దినోత్సవానికి పటిష్ట భద్రతా ఏర్పాట్లు చేయాలని గుంటూరు జిల్లా ఎస్పీ వకుల్‌ జిందాల్‌ అధికారులను ఆదేశించారు. ఆరో ఏపీఎస్పీ బెటాలియన్‌ పరేడ్‌ గ్రౌండ్‌లో జరగనున్న ఈ కార్యక్రమానికి ముఖ్యమంత్రి హాజరయ్యే అవకాశమున్న నేపథ్యంలో భద్రత, ట్రాఫిక్‌ నియంత్రణ, ఇతర ఏర్పాట్లపై సోమవారం ఏఎస్‌ఎల్‌ (అడ్వాన్స్‌డ్‌ సెక్యూరిటీ లైజన్‌) సమావేశం నిర్వహించారు. సమావేశం అనంతరం ఎస్పీ వకుల్‌ జిందాల్‌ పోలీసు, ఇతర శాఖల అధికారులతో కలిసి కార్యక్రమ వేదిక, పరేడ్‌ గ్రౌండ్‌, పార్కింగ్‌ స్థలాలు, ప్రముఖుల రాకపోకల మార్గాలను పరిశీలించారు. ట్రాఫిక్‌ అంతరాయం కలగకుండా తీసుకోవాల్సిన చర్యలపై అధికారులకు సూచనలు చేశారు. కార్యక్రమానికి వచ్చే అతిథులు, ప్రజలకు ఎలాంటి ఇబ్బందులు తలెత్తకుండా రాకపోకలను క్రమబద్ధీకరించాలని స్పష్టం చేశారు. కార్యక్రమంలో ఆరో ఏపీఎస్పీ బెటాలియన్‌ కమాండెంట్‌ మురళి, ముఖ్యమంత్రి భద్రతా విభాగం ఎస్పీ భద్రయ్య, అదనపు ఎస్పీ ఏ.టి.వి.రవికుమార్‌, స్పెషల్‌ బ్రాంచ్‌ డీఎస్పీ అలహరి శ్రీనివాస్‌, నార్త్‌ డీఎస్పీ వెంకటేశ్వర్లు, స్పెషల్‌ బ్రాంచ్‌ సీఐ మల్లికార్జునరావు, మంగళగిరి రూరల్‌ సీఐ బ్రహ్మం, సీఐ సీహెచ్‌. వెంకట్‌తో పాటు పోలీసు, ఇతర శాఖలకు చెందిన అధికారులు పాల్గొన్నారు. తాడేపల్లి రూరల్‌: తాడేపల్లి పట్టణ పరిధిలోని సీతానగరం విజయకీలాద్రి దివ్య క్షేత్రంపై సోమవారం లక్ష్మీ నారాయణులకు ప్రత్యేక పూజలు నిర్వహించారు. జీయర్‌ ఎడ్యుకేషనల్‌ ట్రస్ట్‌ మేనేజర్‌ పురాణం వెంకటాచార్యులు మాట్లాడుతూ త్రిదండి చిన్న శ్రీమన్నారాయణ రామానుజ జీయర్‌స్వామి వారి మంగళాశాసనములతో శరన్నవరాత్రి మహోత్సవాల్లో భాగంగా సోమవారం లక్ష్మీ నారాయణులకు విశేష అభిషేక మహోత్సవం, కుంకుమార్చన శాస్త్రోక్తంగా నిర్వహించామని తెలిపారు. సాయంత్రం శ్రీ విష్ణు సహస్రనామ స్తోత్ర పారాయణం, ఽధైర్యలక్ష్మి అమ్మవారికి పల్లకీ సేవ, అర్చన, నివేదన, మంగళాశాసనం కార్యక్రమాలు వైభవంగా జరిగాయని తెలిపారు. భక్తులు అధిక సంఖ్యలో పాల్గొని లక్ష్మీనారాయణులను దర్శించుకుని తీర్థ ప్రసాదాలను స్వీకరించారని వెంకటాచార్యులు తెలిపారు. తెనాలిరూరల్‌: అక్రమంగా తరలిస్తున్న రేషన్‌ బియ్యాన్ని టూ టౌన్‌ పోలీసులు స్వాధీనం చేసుకున్నారు. గంగానమ్మపేటలో రేషన్‌ బియ్యం తరలిస్తున్నారన్న సమాచారంతో పోలీసులు సోమవారం ఆకస్మిక తనిఖీలు చేశారు. ఓ ఆటోలో 50 కిలోల చొప్పున ఉన్న ఆరు బస్తాల రేషన్‌ బియ్యాన్ని స్వాధీనం చేసుకుని ఆటోను సీజ్‌ చేశారు.

పెదకాకాని: ప్రసిద్ధ పుణ్యక్షేత్రమైన పెదకాకాని శ్రీ భ్రమరాంబ మల్లేశ్వరస్వామి వారి దేవస్థానంలో భ్రమరాంబ అమ్మవారు సోమవారం మహిషాసురమర్ధిని దేవిగా భక్తులను అనుగ్రహించారు. శివాలయంలో దేవీనవరాత్రోత్సవాల్లో భాగంగా తొమ్మిదో రోజు పెదకాకాని శివాలయానికి అధికసంఖ్యలో భక్తులు విచ్చేసి పూజా కార్యక్రమాల్లో పాల్గొన్నారు. తెల్లవారు జామున సుప్రభాతసేవతో పూజా కార్యక్రమాలు ప్రారంభమయ్యాయి. ఆలయ స్థానాచార్యులు పొత్తూరి సాంబశివరావు పర్యవేక్షణలో విఘ్నేశ్వరపూజ, పుణ్యాహవచనములు, పంచగవ్య ప్రాశన, మహన్యాస పూర్వక ఏకాదశ రుద్రాభిషేకాలు, నవావరణార్చనలు శాస్త్రోక్తంగా జరిపించారు. విజయదశమి పర్వదినం రోజున మంగళవారం భ్రమరాంబ అమ్మవారు రాజరాజేశ్వరిదేవిగా భక్తులను అనుగ్రహిస్తారని ఆలయ డీసీ గోగినేని లీలాకుమార్‌ తెలిపారు.

సాక్షి ప్రతినిధి,గుంటూరు: గుంటూరు నగర పాలక సంస్థ ఎన్నికల వేళ కూటమిలో వర్గ విభేదాలు భగ్గుమంటున్నాయి. మేయర్‌ అభ్యర్థి ఎంపిక తెలుగుదేశం పార్టీలో తీవ్ర ముసలానికి దారితీసింది. పార్టీ అధిష్టానం మేయర్‌ అభ్యర్థిగా లక్ష్మీ అపర్ణ పేరును తెరపైకి తీసుకురావడంతో స్థానిక నాయకత్వం ఒక్కసారిగా తిరుగుబాటు బావుటా ఎగురవేసింది. కూటమి భాగస్వామ్య పక్షాలైన జనసేన, బీజేపీలు సైతం టీడీపీ ఏకపక్ష నిర్ణయాలపై రగిలిపోతున్నాయి. మరోవైపు వైఎస్సార్‌ సీపీ వ్యూహాత్మకంగా ఆర్యవైశ్య సామాజిక వర్గానికి చెందిన శ్రీదేవిని రంగంలోకి దింపడంతో నగరంలో రాజకీయ సమీకరణాలు పూర్తిగా మారిపోయాయి. సొంత గూట్లోనే అసమ్మతి.. లక్ష్మీ అపర్ణ అభ్యర్థిత్వాన్ని టీడీపీ ఎమ్మెల్యేలే తీవ్రంగా వ్యతిరేకిస్తుండటం ఇప్పుడు నగరంలో హాట్‌టాపిక్‌గా మారింది. ఎమ్మెల్యేలు గల్లా మాధవి, నసీర్‌ అహ్మద్‌, బూర్ల రామాంజనేయులు వర్గాలు ఈ నిర్ణయాన్ని ఏమాత్రం జీర్ణించుకోలేకపోతున్నాయి. క్షేత్రస్థాయిలో పార్టీ కోసం పనిచేసిన వారిని పక్కనపెట్టి, ప్రజాబలం లేనివారికి ఎలా టికెట్‌ కేటాయిస్తారంటూ ఆయా వర్గాల నేతలు అంతర్గత సమావేశాల్లో బహిరంగంగానే అసహనం వ్యక్తం చేస్తున్నారు. 2024 నుంచి ఎమ్మెల్యే గల్లా మాధవికి లక్ష్మీ అపర్ణ భర్త అయిన కోవెలమూడి నానికి కోల్డ్‌ వార్‌ నడుస్తూనే ఉంది. ఇప్పుడు మేయర్‌ అభ్యర్థి స్థానాన్ని నాని సతీమణికి కేటాయించడంతో గల్లా మాధవి తీవ్ర స్థాయిలో రగిలిపోతున్నట్లు సమాచారం. భగ్గుమంటున్న కాపు నేతలు మేయర్‌ పీఠాన్ని మరోసారి కమ్మ సామాజిక వర్గానికే కేటాయించడంపై నగరంలోని కాపు సామాజిక వర్గ నేతలు, శ్రేణులు తీవ్ర ఆగ్రహం వ్యక్తం చేస్తున్నారు. కూటమి అధికారంలోకి రావడానికి అహర్నిశలు శ్రమించిన కాపులను పదవుల పంపకంలో పూర్తిగా విస్మరించారని జనసేన కేడర్‌తో పాటు టీడీపీలోని కాపు నాయకులు మండిపడుతున్నారు. మరోవైపు కూటమిలో భాగస్వామిగా ఉన్న బీజేపీని పూర్తిగా డమ్మీ చేయాలని చూస్తున్నారంటూ కమలనాథులు ఆగ్రహం వ్యక్తం చేస్తున్నారు. మిత్రధర్మం పాటించకుండా తమను విస్మరిస్తే నగరంలోని అన్ని స్థానాల్లో స్వతంత్రంగా అభ్యర్థులను నిలబెడుతూ బీజేపీ నేతలు హెచ్చరిస్తుండటంతో కూటమిలో గందరగోళం మరింత పెరిగింది. కూటమిలో విభేదాలు రోజురోజుకూ ముదురుతున్న వేళ, వైఎస్సార్‌ సీపీ వేసిన అడుగు రాజకీయ వర్గాల్లో ప్రశంసలు అందుకుంటోంది. గుంటూరు నగరంలో అత్యంత కీలకమైన, బలమైన ఆర్యవైశ్య సామాజిక వర్గానికి చెందిన శ్రీదేవిని మేయర్‌ అభ్యర్థిగా ప్రకటించడంతో సమీకరణాలన్నీ వైఎస్సార్‌ సీపీకి అనుకూలంగా మారాయి. అటు వ్యాపార వర్గాలతో పాటు ఇటు అన్ని సామాజిక వర్గాల్లోనూ శ్రీదేవికి అనూహ్య ఆదరణ లభిస్తోంది. స్థానికంగా వివాదరహితురాలిగా పేరుండటం, సామాజిక సమతుల్యత పాటించడంతో వైఎస్సార్‌ సీపీ అభ్యర్థి వైపే గుంటూరు ఓటర్లు మొగ్గు చూపుతున్నారనే చెప్పుకోవచ్చు. కూటమిలోని వర్గపోరు, అంతర్గత కుమ్ములాటలతో విసిగిపోయిన ప్రజలు వైఎస్సార్‌ సీపీ నాయకత్వానికే జైకొట్టేందుకు సిద్ధమవుతున్నారు.

గుంటూరు వెస్ట్‌: మున్సిపాలిటీలు, ఎంపీటీసీ, జెడ్పీటీసీ, గ్రామ పంచాయతీ ఎన్నికలకు ఒకే సిబ్బందిని వినియోగించడం జరుగుతుందని జిల్లా కలెక్టర్‌ సి.యం.సాయికాంత్‌ వర్మ స్పష్టం చేశారు. జిల్లాలో అందుబాటులో ఉన్న సిబ్బంది సేవలు మూడు ఎన్నికలకు వినియోగిస్తామన్నారు. సోమవారం స్థానిక కలెక్టరేట్‌ నుంచి అధికారులతో వీడియో కాన్ఫరెన్‌న్స్‌ నిర్వహించారు. కలెక్టర్‌ మాట్లాడుతూ ఎన్నికల విధులకు గైర్హాజరు అయ్యే ఉద్యోగుల పట్ల ఎన్నికల సంఘం నిబంధనల ప్రకారం క్రమ శిక్షణ చర్యలు తీసుకుంటామని స్పష్టం చేశారు. ఇప్పటికే ఎన్నికల విధులకు గైర్హాజరైన ఉద్యోగులను సస్పెన్షన్‌ చేస్తామని హెచ్చరించారు. సున్నిత, అతి సున్నిత పోలింగ్‌ కేంద్రాలపై పూర్తి స్పష్టత ఉండాలన్నారు. పోలింగ్‌ సిబ్బందికి శిక్షణ ఏర్పాటు చేయాలని సూచించారు. ఎన్నికల రూట్‌లపై పక్కాగా ప్రణాళికలు సిద్ధం చేసుకోవాలని చెప్పారు. రిసెప్షన్‌ కేంద్రాలు, కౌంటింగ్‌ కేంద్రాలు రెవెన్యూ డివిజనల్‌ కేంద్రాల్లో ఏర్పాటు చేయాలని సూచించారు. బ్యాలెట్‌ పెట్టెలను పోలింగ్‌ కేంద్రాల వారీగా స్టిక్కర్లు అతికించాలన్నారు. ప్రవర్తనా నియమావళి పాటించాలని, సింగిల్‌ డెస్క్‌ను అనుమతులకు ప్రారంభించాలని ఆదేశించారు. ఎస్పీ వకుల్‌ జిందాల్‌ మాట్లాడుతూ ఎన్నికల ప్రవర్తనా నియమావళి పక్కాగా అమలు చేయాలని సూచించారు. ఎక్కడైనా సమస్యలు ఉంటే తెలియజేయాలన్నారు. వీడియో కాన్ఫరెనన్స్‌లో జాయింట్‌ కలెక్టర్‌ అశుతోష్‌ శ్రీవాస్తవ, జీఎంసీ కమిషనర్‌ కె.మయూర్‌ అశోక్‌, జిల్లా రెవెన్యూ అధికారి ఎన్‌.ఎస్‌.కె. ఖాజావలి, అదనపు ఎస్పీ జి.వి.రమణ మూర్తి, ఆర్డీఓ కె.శ్రీనివాసరావు, జెడ్పీ సీఈఓ వి.జ్యోతిబసు, డీపీఓ బి.వి.నాగసాయికుమార్‌, అధికారులు పాల్గొన్నారు. జిల్లా కలెక్టర్‌ సీఎం సాయికాంత్‌ వర్మ

జిల్లా కలెక్టర్‌ సీఎం సాయికాంత్‌ వర్మ తెనాలిరూరల్‌: తెనాలి పురపాలక ఎన్నికల కౌంటింగ్‌, సామాగ్రి పంపిణీ, స్వీకరణ కేంద్రాలను జిల్లా కలెక్టర్‌ సీఎం సాయికాంత్‌ వర్మ సోమవారం పరిశీలించారు. మున్సిపల్‌ ఎన్నికలకు సంబంధించి నామినేషన్‌ల ఘట్టం ముగిసి, పరిశీలన దశలో ఉండగా ఆయన స్ట్రాంగ్‌ రూమ్‌, లెక్కింపు కేంద్రంగా ఉన్న జేఎంజే మహిళా కళాశాలను పరిశీలించారు. స్ట్రాంగ్‌ రూంలో ఉంచిన ఎన్నికల సామగ్రిని, కౌంటింగ్‌ కేంద్రాలను పరిశీలించారు. మున్సిపల్‌ కమిషనర్‌, అసిస్టెంట్‌ రిటర్నింగ్‌ ఆఫీసర్‌ జె. రామ అప్పలనాయుడు నుంచి ఎన్నికల సామగ్రి వివరాలు తెలుసుకున్నారు. అదేవిధంగా లెక్కింపు ప్రక్రియకు కేటాయించిన హాలు, సిబ్బంది వివరాలు తెలుసుకున్నారు. బందోబస్తు, స్ట్రాంగ్‌ రూమ్‌ భద్రత ఏర్పాట్లపై డీఎస్పీ బి.జనార్ధన రావు నుంచి వివరాలు తెలుసుకున్నారు. ఎన్నికల ప్రక్రియ ప్రశాంతంగా ముగిసేందుకు సమష్టిగా పని చేయాలని ఆదేశించారు. అలాగే ఈనెల 21 నుంచి జిల్లా పరిషత్‌ మండల పరిషత్‌ ఎన్నికలకు నామినేషన్ల స్వీకరణ ప్రారంభంకానున్న నేపథ్యంలో దానికి సంబంధించి నన్నపనేని వెంకటరావు ఇంజినీరింగ్‌ కళాశాలలో ఎన్నికల కౌంటింగ్‌, సామాగ్రి పంపిణీ, స్వీకరణ కేంద్రాలను ఏర్పాటు చేసేందుకు గుర్తించి, అధికారులకు పలు సూచనలు చేశారు. అదేవిధంగా పోలింగ్‌ ముగిసేందుకు నిర్ణయించిన గడువుకు ముందు ఉండే 48 గంటల కాలంలోను, ఓట్ల లెక్కింపు రోజున సంబంధిత పోలింగ్‌ పరిధిలోని ప్రాంతాల్లో అన్ని మద్యం దుకాణాలు, బార్లు, కల్లు దుకాణాలు పూర్తిగా మూసివేయాలని ఆదేశించారు. తెనాలి ఆర్డీఓ కె. శ్రీరమణి, జెడ్పీ సీఈఓ వి.జ్యోతిబసు, తెనాలి ఆర్‌ఓ కె.దుర్గాబాయి, తెనాలి డీఎస్పీ బి.జనార్ధన రావు, తహసీల్దార్‌ గోపాలకృష్ణ, తదితరులు పాల్గొన్నారు. పరిషత్‌ ఎన్నికలకు నోటిఫికేషన్‌ జారీ.. గుంటూరు వెస్ట్‌: ఎంపీటీసీ, జెడ్పీటీసీ నామినేషన్లకు సంబంధించి రాష్ట్ర ఎన్నికల సంఘం నోటిఫికేషన్‌ జారీ చేసిందని జిల్లా కలెక్టర్‌ సీఎం సాయికాంత్‌ వర్మ తెలిపారు. వివిధ రాజకీయ పార్టీల ప్రతినిధులతో సోమవారం స్థానిక కలెక్టరేట్‌లో సమావేశం నిర్వహించారు. ఈ సందర్భంగా జిల్లా కలెక్టర్‌ మాట్లాడుతూ ఎంపీటీసీ, జడ్పిటిసిలకు 21 నుంచి 23 వరకు నామినేషన్లు స్వీకరిస్తారన్నారు. 24న స్క్రూటినీ, 25న తిరస్కరించిన నామినేషన్లపై అప్పీలు, 26న అప్పీల్లెట్‌ అధికారి అప్పీల్‌ పరిష్కారం, 27న ఉపసంహరణలు ఉంటాయన్నారు. నవంబరు 3న పోలింగ్‌, నవంబరు 5న ఓట్ల లెక్కింపు జరుగుతుందని పేర్కొన్నారు. జేసీ అశుతోష్‌ శ్రీవాస్తవ, డీఆర్‌ఓ షేక్‌ ఖాజావలి, వివిధ పార్టీల ప్రతినిధులు, అధికారులు పాల్గొన్నారు.

గుంటూరు వెస్ట్‌: స్థానిక సంస్థల ఎన్నికలకు సంబంధించి అభ్యర్థులకు అవసరమయ్యే అనుమతుల కోసం ప్రతి మండలంలో సింగిల్‌ డెస్క్‌ పనిచేయాలని జిల్లా కలెక్టర్‌ సీఎం సాయికాంత్‌ వర్మ అధికారులను ఆదేశించారు. ఆదివారం సంబంధిత అధికారులతో కలెక్టర్‌ వీడియో కాన్ఫరెన్స్‌ నిర్వహించారు. ఇంకా ఎక్కడైనా ఏర్పాటు చేయకపోతే తక్షణం ఏర్పాటు చేయాలన్నారు. గుంటూరు నగర పాలక సంస్థ, తెనాలి పురపాలక సంఘంలోనూ ఏర్పాటు చేయాలని స్పష్టం చేశారు. ఎన్నికల ప్రవర్తన నియమావళి పక్కాగా అమలు చేయాలన్నారు. ఎస్‌.ఎస్‌.టి. బృందాలు, ఫ్లయింగ్‌ స్క్వాడ్‌లు చురుగ్గా పనిచేయాలని చెప్పారు. రిటర్నింగ్‌ అధికారులు, నోడల్‌ అధికారులు ఎన్నికల సంఘం మార్గదర్శకాలు, నిబంధనలు పట్ల స్పష్టత కలిగి ఉండాలని తెలిపారు. ఎన్నికల సిబ్బంది, లెక్కింపు సిబ్బంది నియామకాలు వెంటనే పూర్తి చేసి శిక్షణ ఇవ్వాలన్నారు. ఎన్నికల సాధారణ, వ్యయ, పోలీస్‌ పరిశీలకులు వస్తున్నారని తెలిపారు. ఎన్నికల ప్రవర్తనా నియమావళి ఉల్లంఘనలను గుర్తించినా, ఏవైనా సందేహాలు, ప్రశ్నలు ఉన్నా 08632 234014 హెల్ప్‌డెస్క్‌/కాల్‌ సెంటర్‌ ఫోన్‌ నంబర్‌ను ప్రజలు సంప్రదించవచ్చని చెప్పారు. వీడియో కాన్ఫరెన్స్‌లో జీఎంసీ కమిషనర్‌ కె.మయూర్‌ అశోక్‌, జాయింట్‌ కలెక్టర్‌ అశుతోష్‌ శ్రీవాస్తవ, జిల్లా రెవెన్యూ అధికారి ఎన్‌.ఎస్‌.కె. ఖాజావలి, జిల్లా అధికారులు పాల్గొన్నారు. జెడ్పీటీసీ, ఎంపీటీసీ అభ్యర్థుల నామినేషన్ల స్వీకరణకు సిద్ధం కావాలి జెడ్పీటీసీ, ఎంపీటీసీ నామినేషన్ల స్వీకరణకు సిద్ధం కావాలని కలెక్టర్‌ తెలిపారు. స్థానిక సంస్థల ఎన్నికల నిర్వహణ పట్ల జిల్లా కలెక్టర్‌ సంబంధిత అధికారులు, రిటర్నింగ్‌ అధికారులుగా నియమితులైన అధికారులతో ఆదివారం సాయంత్రం వీడియో కాన్ఫరెన్స్‌ నిర్వహించారు. ప్రతి రిటర్నింగ్‌ అధికారి కార్యాలయంలో సీసీ కెమెరాలను సోమవారం సాయంత్రం నాటికి ఏర్పాటు చేయాలని ఆదేశించారు. వచ్చే అభ్యర్థులకు హెల్ప్‌ డెస్క్‌ ఏర్పాటు చేలన్నారు. రాష్ట్ర ఎన్నికల సంఘం 19వ తేదీన షెడ్యూలు ప్రకటించనుందని చెప్పారు. రిటర్నింగ్‌ అధికారులు 21వ తేదీన తమ పరిధిలో ఎన్నికల నోటిఫికేషన్‌ విడుదల చేయాలన్నారు. అదే రోజు నుంచి నామినేషన్ల స్వీకరణ చేపట్టాలన్నారు. పీజీఆర్‌ఎస్‌ తాత్కాలికంగా రద్దు ప్రతి సోమవారం స్థానిక కలెక్టరేట్‌లోని ఎస్‌ఆర్‌ శంకరన్‌ సమావేశ మందిరంలో నిర్వహించే పీజీఆర్‌ఎస్‌ను ఎన్నికల కోడ్‌ దృష్ట్యా నిలిపివేశామని జిల్లా కలెక్టర్‌ తెలిపారు. మళ్లీ ఎప్పుడు నిర్వహిస్తామనే విషయం తెలియజేస్తామన్నారు. జిల్లా కలెక్టర్‌ ిసీఎం సాయికాంత్‌ వర్మ

పెదకాకాని: శ్రీ భ్రమరాంబ మల్లేశ్వరస్వామి వారి దేవస్థానంలో భ్రమరాంబ అమ్మవారు ఆదివారం దుర్గాదేవిగా భక్తులకు దర్శనమిచ్చారు. పెదకాకాని శివాలయంలో శ్రీదేవి నవరాత్రోత్సవాల్లో భాగంగా ఎనిమిదో రోజు అమ్మవారిని దుర్గాదేవిగా అలంకరించి ప్రత్యేక పూజలు నిర్వహించారు. అధిక సంఖ్యలో భక్తులు విచ్చేసి పూజా కార్యక్రమాల్లో పాల్గొన్నారు. తెల్లవారుజామున సుప్రభాత సేవతో పూజా కార్యక్రమాలు ప్రారంభమయ్యాయి. అర్చకులు, వేదపండితులు ప్రాతఃకాల అర్చన, అభిషేకం, పంచహారతుల క్రతువును నిర్వహించారు. విఘ్నేశ్వర పూజ, పుణ్యాహవచనాలు, పంచగవ్య ప్రాశనం, మహాన్యాస పూర్వక ఏకాదశ రుద్రాభిషేకాలు, నవావరణార్చనలు శాస్త్రోక్తంగా నిర్వహించారు. అమ్మవారికి కుంకుమ పూజలు జరిపించారు. పూజా కార్యక్రమాల అనంతరం తీర్థప్రసాదాలు పంపిణీ చేశారు. పలువురు భక్తులు ఆలయ యాగశాలలో చండీ, రుద్ర హోమ పూజల్లో పాల్గొన్నారు. ఆలయ డిప్యూటీ కమిషనర్‌ భక్తులకు ఎలాంటి అసౌకర్యం కలగకుండా ప్రత్యేక ఏర్పాట్లు చేపట్టారు. భక్తుల కాలక్షేపం కోసం రాత్రి వేళల్లో వెనిగండ్ల ఉల్లంగుల వెంకటసుబ్రహ్మణ్యం ఆధ్వర్యంలో భజన, గుంటూరు అను డాన్స్‌ అకాడమీకి చెందిన చిన్నారుల కూచిపూడి నృత్య ప్రదర్శన నిర్వహించారు. తెనాలి ఆదినారాయణ ఆధ్వర్యంలో ప్రదర్శించిన శ్రీకృష్ణ తులాభారం పౌరాణిక నాటకం ప్రేక్షకులను ఆకట్టుకుంది. శివాలయంలో సోమవారం భ్రమరాంబ అమ్మవారు మహిషాసురమర్దిని దేవిగా భక్తులకు దర్శనమిస్తారని ఉపకమిషనర్‌ గోగినేని లీలాకుమార్‌, చైర్మన్‌ కోసూరి పూర్ణచంద్రరావు తెలిపారు. విజయదశమి రోజైన మంగళవారం అమ్మవారు రాజరాజేశ్వరి దేవిగా పూజలందుకుంటారని పేర్కొన్నారు. ఆ రోజు ఉదయం పూర్ణాహుతి, సాయంత్రం శమీపూజలను భక్తిశ్రద్ధలతో నిర్వహించనున్నారు. అనంతరం గ్రామోత్సవం జరుగుతుందని, భక్తులందరూ స్వామివారిని దర్శించుకుని ఆయన కృపకు పాత్రులు కావాలని విజ్ఞప్తి చేశారు.

తెనాలి: ఆర్య సమాజాభివృద్ధికి తోడ్పడుతున్న వ్యక్తులను గౌరవించేలా ఆర్య పురుష, ఆర్య మాత బిరుదులతో కూచిపూడి ఆర్య సమాజ మందిరం సత్కరించడం ముదాహమని వక్తలు ప్రశంసించారు. అమృతలూరు మండలం కూచిపూడి గ్రామంలోని ఆర్య సమాజ మందిరంలో ఆదివారం పండిత గోపదేవ్‌ వైదిక ధర్మ ప్రచార సమితి ఆర్య ప్రతినిధి సభా కార్యక్రమం ఘనంగా నిర్వహించారు. వైదిక ధర్మ ప్రచారకులు డాక్టర్‌ కొసరాజు రవీంద్రనాథ్‌ అధ్యక్షత వహించారు. పలువురు వక్తలు మహర్షి దయానంద సరస్వతి స్థాపించిన ఆర్య సమాజ సిద్ధాంతాల గురించి ప్రసంగించారు. ఉభయ తెలుగు రాష్ట్రాలలో సిద్ధాంతాలను ప్రచారం గావించిన మహనీయులు గోపదేవ్‌ శాస్త్రి అని గుర్తుచేశారు. అనంతరం ‘ఆర్య పురుష’ బిరుదును తెనాలి చెందిన వైదిక ధర్మ ప్రచారకులు గుగ్గిలం రామ్మోహన్‌రావుకు, ‘ఆర్య మాత’ బిరుదును కూచిపూడి కి చెందిన వైదిక ధర్మ ప్రచారకులు కావూరి లక్ష్మీరాజ్యంకు నిర్వాహకులు అందజేసి సత్కరించారు. కార్యక్రమంలో మాఘం కృష్ణమూర్తి ,గల్లా కోటయ్య, గుర్రం నిర్మలాదేవి, కూరపాటి కళ్యాణి, కనగాల రవికుమార్‌, డాక్టర్‌ నల్లూరి సురేష్‌, పద్మావతిదేవి, నాగభైరవ గంగాపార్వతి, ఏలూరు సూర్యనారాయణ, ఆర్య సమాజం ప్రతినిధులు పాల్గొన్నారు.

నెహ్రూనగర్‌: గుంటూరు నగరపాలక సంస్థ (జీఎంసీ) ఎన్నికల్లో పోటీ చేసే అభ్యర్థుల ఖర్చులపై పక్కా నిఘా ఉంచి, నిబంధనల మేరకు రికార్డు చేయాలని ఎన్నికల వ్యయ పరిశీలకురాలు నందిని సలారియా అధికారులను ఆదేశించారు. ఆదివారం జీఎంసీ కౌన్సిల్‌ హాలులో నగర కమిషనర్‌, అడిషనల్‌ ఎలక్షన్‌ అధారిటీ కె.మయూర్‌ అశోక్‌తో కలిసి అసిస్టెంట్‌ ఎక్స్‌పెండిచర్‌ అబ్జర్వర్లు, అకౌంటింగ్‌ టీమ్‌తో ఎన్నికల వ్యయ నమోదుపై సమీక్ష నిర్వహించారు. కమిషనర్‌ కె. మయూర్‌ అశోక్‌ మాట్లాడుతూ 18వ తేదీతో నామినేషన్ల ప్రక్రియ ముగిసిందని, ఈ నెల 28న పోలింగ్‌ జరుగుతుందని తెలిపారు. ఈసీ నిబంధనల ప్రకారం మేయర్‌ అభ్యర్థికి రూ.25 లక్షలు, కార్పొరేటర్‌ అభ్యర్థికి రూ.10 లక్షల వరకు ఎన్నికల ఖర్చు పరిమితి ఉందన్నారు. అభ్యర్థులు చూపించే వ్యయంతోపాటు అకౌంటింగ్‌ బృందాలు క్షేత్రస్థాయిలో ’షాడో రిజిస్టర్‌’ తప్పనిసరిగా నిర్వహించాలని స్పష్టం చేశారు. సరైన బిల్లులు లేకుండా నగదు తరలించినా, బహుమతులు పంపిణీ చేసినా తక్షణమే సీజ్‌ చేయాలని ఆదేశించారు. రూ.10 లక్షలకు మించి లెక్కచూపని నగదు లభిస్తే జీఎస్టీ అధికారులకు అప్పగించాలన్నారు. ఎన్నికల నిబంధనలు ఉల్లంఘించిన నలుగురిపై ఇప్పటికే ఎఫ్‌ఐఆర్‌లు నమోదు చేసినట్లు కమిషనర్‌ వెల్లడించారు. అనంతరం వ్యయ పరిశీలకులు నందిని సలారియా మాట్లాడుతూ సిబ్బంది ఈసీ మార్గదర్శకాలను తప్పకుండా పాటిస్తూ ఎన్నికలు ప్రశాంత వాతావరణంలో జరిగేలా చూడాలని సూచించారు. ప్రచార వాహనాలు, కరపత్రాలు, జెండాలు తదితర ఖర్చులన్నీ అభ్యర్థి ఎన్నికల వ్యయం కిందకే వస్తాయని స్పష్టం చేశారు. సమావేశంలో జిల్లా ఆడిట్‌ అధికారి శ్రీకాంత్‌, జీఎంసీ ఎగ్జామినర్‌ ఆఫ్‌ అకౌంట్స్‌ ఎలీషా, అకౌంట్స్‌ అధికారి తిరుపతి నాయుడు తదితరులు పాల్గొన్నారు.

గుంటూరు ఎడ్యుకేషన్‌: గుంటూరు నగర మేయర్‌ స్థానానికి వైఎస్సార్‌ సీపీ తరఫున తాడికొండ అలివేలు వెంకట నాగ పద్మ శ్రీదేవి ఆదివారం రెండో సెట్టు నామినేషన్‌ వేశారు. బృందావన్‌ గార్డెన్స్‌లోని వైఎస్సార్‌ సీపీ జిల్లా కార్యాలయం నుంచి పార్టీ జిల్లా అధ్యక్షుడు అంబటి రాంబాబు, తాడికొండ నియోజకవర్గ సమన్వయకర్త వనమా బాల వజ్రబాబు, పార్టీ నగర అధ్యక్షురాలు నూరి ఫాతిమాతోపాటు పార్టీ ముఖ్య నేతలు, కార్యకర్తలు, అభిమానులు పెద్ద సంఖ్యలో భారీ ర్యాలీ నిర్వహించారు. పార్టీ కార్యాలయం ఎదుట బాణసంచా కాల్చి సందడి చేశారు. బృందావన్‌ గార్డెన్స్‌ రోడ్డులోని నగర పాలకసంస్థ సర్కిల్‌ కార్యాలయంలో నామినేషన్‌ దాఖలు చేసేందుకు భారీ ర్యాలీగా తరలివస్తున్న నేతలను పోలీసులు బారికేడ్లు పెట్టి అడ్డుకున్నారు. అభ్యర్థితోపాటు ఇద్దరే వెంట వెళ్లాలని చెప్పడంతో అంగీకరించిన అంబటి రాంబాబు సహా ఇతర నేతలు అక్కడే ఆగిపోయారు. అనంతరం తాడికొండ శ్రీదేవి, ఆమె భర్త టీఎల్‌వీ వీరాంజనేయులుతో వెళ్లి రిటర్నింగ్‌ అధికారికి నామినేషన్‌ పత్రాలను అందజేశారు. అనంతరం శ్రీదేవి మీడియాతో మాట్లాడుతూ గుంటూరు నగరాభివృద్ధికి కృషి చేస్తానని చెప్పారు. పార్టీలో ఆర్యవైశ్యులకు సముచిత స్థానం కల్పించిన వైఎస్సార్‌ సీపీ అధినేత వైఎస్‌ జగన్‌మోహన్‌ రెడ్డికి కృతజ్ఞతలు తెలియజేశారు.

గుంటూరు ఎడ్యుకేషన్‌: కూటమి పాలనలో గుంటూరు నగరాన్ని సర్వనాశనం చేశారని, ట్రాఫిక్‌ ఇబ్బందులతో జన జీవనం అస్తవ్యస్తంగా మారిపోయిందని వైఎస్సార్‌ సీపీ జిల్లా అధ్యక్షుడు అంబటి రాంబాబు అన్నారు. ఆదివారం బృందావన్‌ గార్డెన్స్‌లోని వైఎస్సార్‌ సీపీ జిల్లా కార్యాలయంలో జరిగిన మీడియా సమావేశంలో అంబటి మాట్లాడుతూ... కేంద్ర మంత్రి పెమ్మసాని చంద్రశేఖర్‌ అహంభావంతో, ముందు చూపు లేకుండా శంకర్‌విలాస్‌ బ్రిడ్జిని కూలగొట్టించారని ఆరోపించారు. భవిష్యత్తు ప్రజా అవసరాలను దృష్టిలో ఉంచుకుని మెగా ఫ్లయ్‌ ఓవర్‌ నిర్మించాల్సిన చోట కేంద్రం నుంచి తెచ్చిన రూ.98 కోట్లతో సాధారణ బ్రిడ్జి నిర్మిస్తున్నారని అన్నారు. వ్యాపారస్తులను బెదిరించి ఏకపక్షంగా బ్రిడ్జిని కూల్చివేశారన్నారు. గతంలో టీడీపీ పాలనలోనే రూ.174 కోట్లతో లాడ్జి సెంటర్‌ నుంచి హిందూ కళాశాల కూడలి వరకు మెగా ఫ్లయ్‌ ఓవర్‌ నిర్మాణానికి తయారు చేసిన నివేదికను బుట్టదాఖలు చేశారని అన్నారు. రాజధానిలో నిర్మాణాలకు రూ. వేల కోట్లు తగలేస్తున్న సీఎం చంద్రబాబు దీనికి మాత్రం రూ.వంద కోట్లు కేటాయించలేరా అని ప్రశ్నించారు. మాజీ ఎంపీ మోదుగుల వేణుగోపాలరెడ్డి మాట్లాడుతూ కార్పొరేషన్‌ ఎన్నికల్లో ఆర్యవైశ్య సామాజిక వర్గానికి ప్రాధాన్యం దక్కిందన్నారు. చాంబర్‌ ఆఫ్‌ కామర్స్‌ అధ్యక్షుడు టీఎల్‌వీ వీరాంజనేయులు, శ్రీదేవి దంపతులు వ్యాపారంతోపాటు సేవా కార్యక్రమాల్లో చురుగ్గా పాల్గొంటున్నారని చెప్పారు. హామీల అమల్లో కూటమి విఫలం అయ్యిందని ధ్వజమెత్తారు. నిరుద్యోగ భృతి, ఆడబిడ్డ నిధి కింద మహిళలకు నెలకు రూ.1,500 ఇస్తామని చెప్పి మోసం చేయడంతో పాటు ట్రాఫిక్‌ ఇబ్బందులపై ప్రచారం చేస్తామని చెప్పారు. మేయర్‌ అభ్యర్థి తాడికొండ శ్రీదేవి, టీఎల్‌వీ వీరాంజనేయులు, పార్టీ రాష్ట్ర కార్యదర్శి నిమ్మకాయల రాజనారాయణ, దేవరశెట్టి సత్యనారాయణ తదితరులు పాల్గొన్నారు. కూటమి పాలనలో గుంటూరులో రౌడీయిజం పెరిగిపోయిందని, పోలీసుల అండతో టీడీపీ అల్లరి మూకలు పేట్రేగిపోతున్నాయని అంబటి ఆరోపించారు. వైఎస్‌ జగన్‌ ప్రభుత్వం ఏర్పడ్డాక గుంటూరులో రౌడీయిజం లేకుండా చేస్తామని స్పష్టం చేశారు. స్థానిక సంస్థల ఎన్నికల సందర్భంగా పల్నాడు, రాయలసీమలో టీడీపీ అరాచకాలు చేస్తూ, వైఎస్సార్‌ సీపీ అభ్యర్థులను నామినేషన్‌ వేయకుండా అడ్డుకుంటోందని ఆరోపించారు. గత వైఎస్సార్‌ సీపీ పాలనలో గుంటూరును అన్ని రంగాల్లో అభివృద్థిఽ చేశామని, ప్రస్తుత కార్పొరేషన్‌ ఎన్నికల్లో మేయర్‌ అభ్యర్థి తాడికొండ అలివేలు వెంకట నాగ పద్మ శ్రీదేవిని అత్యధిక మెజార్టీతో గెలిపించాలని కోరారు. కార్పొరేషన్‌ ఎన్నికలపై వైఎస్సార్‌ సీపీ మేనిఫెస్టో విడుదల చేస్తామని చెప్పారు.

గుంటూరు ఎడ్యుకేషన్‌: ప్రజాతంత్ర హక్కుల రక్షణ కోసం పీడీఎఫ్‌ అభ్యర్థి హనుమంతరావును ఉపాధ్యాయ ఎమ్మెల్సీగా గెలిపించుకోవాలని మాజీ ఎమ్మెల్సీ కేఎస్‌ లక్ష్మణరావు పేర్కొన్నారు. ఆదివారం అరండల్‌పేటలోని హోటల్లో పీడీఎఫ్‌ ఎమ్మెల్సీ అభ్యర్థి హనుమంతరావు మద్దతుదారులతో మీడియా సమావేశం నిర్వహించారు. కె.ఎస్‌ లక్ష్మణరావు మాట్లాడుతూ ఉద్యోగ, ఉపాధ్యాయ, కార్మిక పెన్షనర్స్‌, ప్రజల హక్కుల కోసం పీడీఎఫ్‌ ఎమ్మెల్సీల ఫోరం నిరంతరం పనిచేస్తుందని అన్నారు. భవిష్యత్తులో జరగబోయే ఎన్నికల్లో హనుమంతరావు గెలుపునకు అందరూ కృషి చేయాలని పిలుపునిచ్చారు. యూటీఎఫ్‌ రాష్ట్ర అధ్యక్షుడు ఎన్‌.వెంకటేశ్వర్లు మాట్లాడుతూ ఎం.హనుమంతరావు అభ్యర్థిత్వానికి యూటీఫ్‌ రాష్ట్ర కమిటీ సంపూర్ణమైన మద్దతుని ప్రకటిస్తోందని తెలిపారు. అభ్యర్థి ఎం.హనుమంతరావు మాట్లాడుతూ ఉపాధ్యాయులు తీవ్ర మానసిక వేదనలో ఉన్నారని, బోధనకు అవకాశం లేని, భద్రత లేని పరిస్థితుల్లో ఉన్నారని అన్నారు. మోడల్‌ స్కూల్‌ నాయకురాలు హేమలత మాట్లాడుతూ ఉపాధ్యాయులకు సమస్యలు వచ్చిన ప్రతి సందర్భంలోనూ పీడీఎఫ్‌ ఎమ్మెల్సీలు ప్రత్యక్షంగా, పరోక్షంగా నిలబడిన సంఘటనలను గుర్తు చేశారు. ఎం. హనుమంతరావుకి మొదటి ప్రాధాన్యత ఓటు వేసి గెలిపించుకోవాల్సిన బాధ్యత ఉపాధ్యాయులు, అధ్యాపకులపై అందరిపై ఉందన్నారు. జనచైతన్య వేదిక అధ్యక్షుడు వి.లక్ష్మణరెడ్డి మాట్లాడుతూ పీడీఎఫ్‌ ఎమ్మెల్సీలను బలపరచాల్సిన బాధ్యత ఉద్యోగ, ఉపాధ్యాయులపై ఉందన్నారు. యూటీఎఫ్‌ జిల్లా అధ్యక్ష, ప్రధాన కార్యదర్శులు యు.రాజశేఖరరావు, ఎం.కళాధర్‌ మాట్లాడుతూ గుంటూరు, పొన్నూరు, తెనాలి, మంగళగిరి పట్టణ ప్రాంతాల్లోని యూటీఫ్‌ ఆన్‌లైన్‌ కేంద్రాల్లో ఉపాధ్యాయులు, అధ్యాపకులు ఓటర్లుగా నమోదు కావాలని కోరారు. సమావేశంలో ప్రైవేటు టీచర్స్‌, మోడల్‌ స్కూల్స్‌, యూనివర్సిటీల రాష్ట్ర నాయకులు సూర్యారావు, బాలాజీ, భాను, మధ్యతరగతి ఉద్యోగుల సంఘ నాయకులు వీవీకే సురేష్‌, ప్రభుత్వ అధ్యాపకుల సంఘ నాయకులు హనుమంతరావు, సీఐటీయూ నాయకులు డి లక్ష్మీనారాయణ, జన విజ్ఞాన వేదిక నాయకులు టి జాన్‌బాబు, యూటీఎఫ్‌ రాష్ట్ర సహాధ్యక్షులు ఏఎన్‌ కుసుమకుమారి, రాష్ట్ర ఆడిట్‌ కమిటీ కన్వీనర్‌ టి.ఎస్‌.ఎన్‌ మల్లేశ్వరరావు, యూటీఎఫ్‌ జిల్లా సహాధ్యక్షుడు జి.వెంకటేశ్వర్లు, షకీలా బేగం, కోశాధికారి ఎండీ గయసుద్దౌలా, పెన్షనర్ల సంఘ నాయకులు జి.పూర్ణయ్య, ప్రముఖ ఉద్యోగ, ఉపాధ్యాయ పెన్షనర్‌ సంఘ నాయకులు హాజరయ్యారు.

తాడేపల్లి రూరల్‌: తాడేపల్లి పట్టణం సీతానగరంలోని విజయకీలాద్రి దివ్యక్షేత్రంపై శ్రీ దేవీ శరన్నవరాత్రి మహోత్సవాలు త్రిదండి చిన్న శ్రీమన్నారాయణ రామానుజ జీయర్‌స్వామి మంగళాశాసనాలతో వైభవంగా కొనసాగుతున్నాయి. ఆదివారం రాజ్యలక్ష్మి అమ్మవారికి అభిషేకం, కుంకుమార్చన నిర్వహించారు. సాయంత్రం శ్రీ విష్ణు సహస్రనామ స్తోత్ర పారాయణం, అనంతరం రాజ్యలక్ష్మి అమ్మవారికి పల్లకీసేవ, అర్చన, నివేదన, మంగళాశాసనం, తీర్థప్రసాద వినియోగం నిర్వహించారు. నరసరావుపేటరూరల్‌: కోటప్పకొండ త్రికోటేశ్వర స్వామి వారికి నెల్లూరుకు చెందిన భవ్య హాసిని నాట్య నీరాజనం సమర్పించారు. సనాతన ధర్మాన్ని రక్షించడమే లక్ష్యంగా ప్రముఖ పుణ్యక్షేత్రాల్లో ఆమె నాట్య నీరాజనం చేపడుతున్నారు. ఇందులో భాగంగా ఆదివారం ఉదయం కోటప్పకొండ కింద నుంచి ఘాట్‌రోడ్డు ద్వారా భరతనాట్యం చేస్తూ ఆలయానికి చేరుకున్నారు. ప్రకృతి అందాలు, పురాణగాఽథలు, ప్రాచీన చరిత్ర, మహాశివరాత్రి ప్రభల తిరునాళ్లతో పుణ్యక్షేత్రం ప్రసిద్ధి చెందిందని గుర్తుచేశారు. అంతటి పుణ్యక్షేత్రంలో హిందూ ధర్మాన్ని పరిరక్షించేందుకు నృత్యం చేయడం ఆనందంగా ఉందని భవ్య హాసిని తెలిపారు. అరుణాచలం, ఇంద్రకీలాద్రి గిరి ప్రదక్షిణ, దిగువ అహోబిలం నుంచి ఎగువ అహోబిలం వరకు నృత్య నీరాజనం చేసినట్టు పేర్కొన్నారు. చిన్న వయస్సులోనే భరత నాట్యం ద్వారా సనాతన ధర్మంపై అవగాహన కల్పిస్తున్న భవ్య హాసినిని పలువురు భక్తులు అభినందించారు. అమరావతి: శ్రీ దేవీ శరన్నవరాత్రోత్సవాలలో భాగంగా పవిత్ర పుణ్యక్షేత్రమైన అమరావతిలోని బాల చాముండిక సమేత అమరేశ్వర ఆలయంలో ఆదివారం బాలచాముండేశ్వరి అమ్మవారిని దుర్గాదేవిగా అలంకరించారు. అనంతరం అమ్మవారు భక్తుల పూజలు అందుకున్నారు. అమ్మవారికి సహస్ర కుంకుమార్చన, దేవీఖడ్గమాల, త్రిశల, లలితా సహస్రనామార్చన, శ్రీచక్రార్చన పూజ కార్యక్రమాలు నిర్వహించారు. ఆలయంలోని జ్వాలాముఖి, మహిషాసురమర్ధని అమ్మవార్లకు కూడా ప్రత్యేక పూజలు నిర్వహించారు. వినాయకుని ఉపాలయం వద్ద దుర్గా, చండీ, రుద్రహోమాలు నిర్వహించారు. 24న ఫొటోతో కూడిన ఓటరు జాబితా నరసరావుపేట: కోర్టు కేసుల కారణంగా వాయిదా పడిన నరసరావుపేట మున్సిపాలిటీతో పాటు రాష్ట్రంలోని నాలుగు కార్పొరేషన్లు, 19 మున్సిపాలిటీలకు చెందిన ఓటర్ల జాబితాను వార్డుల వారీగా ఫొటోలతో ప్రచురించాలని రాష్ట్ర ఎన్నికల ప్రధాన అధికారి అనీల్‌ చంద్ర పునేఠ ఆదివారం నోటిఫికేషన్‌ జారీ చేశారు. ఈ నగరపాలక, మున్సిపాలిటీలకు రెండో దశలో ఎన్నికలు జరగనున్నాయి. మొదటి దశ ఎన్నికల పోలింగ్‌ ఈనెల 28న జరుగనుండగా, 30న కౌంటింగ్‌ నిర్వహించనున్నారు. అయితే రెండో దశ ఎన్నికలు జరిగేవరకు ఫలితాల ప్రకటన వాయిదా పడతుందా? లేదా? అనే అంశంపై క్లారిటీ రాలేదు. నరసరావుపేట పురపాలక సంఘంలో జనవరి నెల వరకు ఉన్న ఓటర్ల జాబితాను ఎన్నికల ప్రక్రియకు ప్రామాణికంగా తీసుకోనున్నారు. ఈ మేరకు సుమారు 1,07, 274 మంది ఓటర్లు ఉన్నారు. వార్డులను 48కు పెంచుతూ విభజన ప్రక్రియ ఆమోదం కోరుతూ ఇప్పటికే సీడీఎంఏ అధికారులకు పంపారు.

పట్నంబజారు: గుంటూరు కార్పొరేషన్‌ ఎన్నికల నేపథ్యంలో పోలీసుల వైఖరి తీవ్ర విమర్శలకు తావిస్తోంది. ఎన్నికల నిబంధనలను అమలు చేసే విషయంలో అధికార పార్టీకి చెందిన తెలుగుదేశం పార్టీ అభ్యర్థులకు ఒక రకంగా, ప్రతిపక్ష వైఎస్సార్‌ సీపీ అభ్యర్థుల పట్ల మరో రకంగా పోలీసులు వ్యవహరిస్తున్నారు. నామినేషన్ల ప్రక్రియ సందర్భంగా వైఎస్సార్‌ సీపీ అభ్యర్థులకు పలు ఆంక్షలు విధించారు. టీడీపీ అభ్యర్థుల విషయంలో మాత్రం అదే స్థాయిలో చర్యలు తీసుకోవడం లేదు. ఈ వ్యవహారం ఎన్నికల నిర్వహణలో పోలీసుల నిష్పాక్షికతపై ప్రశ్నలు లేవనెత్తుతోంది. ఏదైనా మాట్లాడితే చాలు, బైండోవర్‌ కేసుల పేరుతో భయభ్రాంతులకు గురి చేస్తున్నారు. ఎన్నికల నియమావళిని ఉల్లంఘిస్తే చర్యలు తప్పవంటూ కేవలం వైఎస్సార్‌ సీపీ నేతలను లక్ష్యంగా చేసుకుని ఒత్తిడి చేస్తున్నారనే వాదనలు వినిపిస్తున్నాయి. ప్రచార సమయంలోనూ.. నామినేషన్ల ప్రక్రియ ముగియడంతో ఎన్నికల ప్రచారం ఊపందుకోనుంది. సుమారు ఆరు రోజులపాటు కొనసాగే ప్రచార సమయంలోనూ పోలీసులు తమ పార్టీ నాయకులను లక్ష్యంగా చేసుకునే అవకాశం ఉందని వైఎస్సార్‌ సీపీ నేతలు ఆందోళన వ్యక్తం చేస్తున్నారు. ఇప్పటికే బైండోవర్ల పేరుతో పార్టీ నాయకులను ఇబ్బందులకు గురి చేస్తున్నారు. లాలాపేట పోలీస్‌ స్టేషన్‌ పరిధిలో ఏడుగురిని అక్రమంగా బైండోవర్‌ చేశారు. గత ఎన్నికల సమయంలో అక్కడే ఉన్న టీడీపీ నేతలపై ఎందుకు బైండోవర్‌ చర్యలు తీసుకోలేదని వైఎస్సార్‌ సీపీ కార్యకర్తలు ప్రశ్నిస్తున్నారు. దీనితోపాటు, పాతగుంటూరు పోలీస్‌ స్టేషన్‌ పరిధిలో సైతం మరో ఆరుగురిని ఆదివారం బైండోవర్‌ చేశారని తెలుస్తోంది. ఎన్నికల సమయంలో శాంతిభద్రతలను కాపాడేందుకు ముందస్తు చర్యలు తీసుకోవడంలో తప్పులేదని, అయితే రాజకీయ ఒత్తిళ్లకు తలొగ్గి వాటిని కేవలం ఒకరిపైనే ప్రయోగించడం సరికాదనే వాదనలు వినిపిస్తున్నాయి. ఆ బాధ్యత పోలీసులదే... ఎన్నికల సమయంలో పోలీసుల పాత్ర అత్యంత కీలకం. ఓటర్లు భయభ్రాంతులకు గురికాకుండా స్వేచ్ఛగా తమ ఓటు హక్కును వినియోగించుకునే వాతావరణాన్ని కల్పించాల్సిన బాధ్యత పోలీసు యంత్రాంగంపై ఉంది. ప్రచార అనుమతులు, జనసమీకరణ, ధ్వని కాలుష్యం, బాణసంచా వినియోగం వంటి అంశాల్లో నిబంధనలను అన్ని పార్టీలకూ ఒకే విధంగా అమలు చేయాల్సి ఉంటుంది. ఉల్లంఘనలకు సంబంధించిన ఫిర్యాదులపై పారదర్శకంగా వ్యవహరించాల్సిన పోలీసులు, ఏకపక్షంగా వ్యవహరించడం సబబు కాదనే అభిప్రాయాలు వ్యక్తమవుతున్నాయి. గుంటూరులో మూడు రోజులపాటు జరిగిన నామినేషన్ల ప్రక్రియ సందర్భంగా వైఎస్సార్‌ సీపీ అభ్యర్థులకు పోలీసులు పలు సూచనలు, ఆంక్షలు విధించినట్లు పార్టీ వర్గాలు చెబుతున్నాయి. నామినేషన్లకు వచ్చేటప్పుడు డీజేలు, దాండియా కార్యక్రమాలు నిర్వహించకూడదని, బాణసంచా కాల్చకూడదని, ర్యాలీలో 30 మందికి మించి ఉండకూడదని చెబుతున్నారు. ఎన్నికల నిబంధనలకు విరుద్ధంగా వ్యవహరిస్తే ఉపేక్షించబోమని పోలీసులు హెచ్చరికలు జారీ చేశారు. ఎన్నికలను ప్రశాంతంగా నిర్వహించేందుకు నిబంధనలు అమలు చేయడం అవసరమే అయినప్పటికీ, ఆ నిబంధనలను అన్ని పార్టీల అభ్యర్థులకు సమానంగా వర్తింపజేయాలి. పోలీసులు మాత్రం టీడీపీ నేతలను వదిలేసి కేవలం వైఎస్సార్‌సీపీ నేతలను ఇబ్బందులకు గురి చేశారు.

పట్నంబజార్‌: వైఎస్సార్‌ కాంగ్రెస్‌పార్టీ నేతలపై బైండోవర్‌ కేసుల పరంపర కొనసాగుతుంది. ఈ నేపథ్యంలో ఆదివారం ఈస్ట్‌ సబ్‌ డివిజన్‌ పరిధిలోని పాత గుంటూరు పోలీసుస్టేషన్‌లో వైఎస్సార్‌ సీపీ ట్రేడ్‌ యూనియన్‌ జిల్లా అధ్యక్షుడు శేషగిరి పవన్‌ను స్టేషన్‌కు పిలిపించి బైండోవర్‌ చేశారు. ట్రబుల్‌ మంగర్స్‌ లిస్ట్‌లో అతని పేరు చేర్చి బైండోవర్‌ చేసినట్లు తెలిసింది. దీంతోపాటుగా మరో 10 మందికి ఫోన్‌ కాల్స్‌ చేసి స్టేషన్‌కు రావాలంటూ పోలీసులు వేధింపులకు గురి చేస్తున్నారు. పోలీసులు ఫోన్‌ కాల్స్‌ చేస్తున్న వారిలో కొంత మంది కార్పొరేటర్‌ అభ్యర్థులు కూడా ఉన్నారని సమాచారం. నేడో రేపు వీరిని స్టేషన్‌కు పిలిపించి బైండోవర్‌ చేసే యోచనలో పోలీసులు ఉన్నట్లు తెలుస్తుంది. నేడు పోలీసు పీజీఆర్‌ఎస్‌ తాత్కాలిక రద్దు నగరంపాలెం: జిల్లాలో ఎన్నికల ప్రవర్తన నియమావళి అమలు దృష్ట్యా జిల్లా పోలీస్‌ కార్యాలయ ఆవర ణలో సోమవారం జరగాల్సిన ప్రజా సమస్యల పరిష్కార వేదిక (పి.జి.ఆర్‌.ఎస్‌)ను తాత్కాలికంగా రద్దు చేసినట్లు జిల్లా ఎస్పీ వకుల్‌ జిందల్‌ ఆదివారం ఒక ప్రకటనలో పేర్కొన్నారు. జిల్లాలో జరగనున్న ఎన్నికల దృష్ట్యా పోలీస్‌ అధికార, సిబ్బంది విధుల్లో నిమగ్నమవుతారని పేర్కొన్నారు. పీజీఆర్‌ఎస్‌ తాత్కాలిక రద్దుని జిల్లాలోని ప్రజలు గుర్తించాలని విజ్ఞప్తి చేశారు. జిల్లాలో సగటు వర్షపాతం 13 మిల్లీమీటర్లు కొరిటెపాడు(గుంటూరు): బంగాళాఖాతంలో ఏర్పడిన అల్పపీడన ప్రభావం వల్ల గుంటూరు జిల్లా వ్యాప్తంగా తేలికపాటి నుంచి ఓ మోస్తరు వర్షం కురిసింది. శనివారం ఉదయం నుంచి ఆదివారం ఉదయం వరకు అత్యధికంగా తెనాలి మండలంలో 57.2 మిల్లీ మీటర్లు వర్షం కురవగా, అత్యల్పంగా వట్టిచెరుకూరు మండలంలో ఒక మి.మీ వర్షం కురిసింది. సగటున 13 మి.మీ వర్షపాతం నమోదైంది. వివిధ మండలాల్లో నమోదైన వర్షపాతం వివరాలు ఇలా ఉన్నాయి.. పెదనందిపాడు మండలంలో 34.2 మి.మీ., దుగ్గిరాల 23, పొన్నూరు 21.4, కాకుమాను 19.2, కొల్లిపర 18.4, మంగళగిరి 12.6, చేబ్రోలు 11, ఫిరంగిపురం 8.6, ప్రత్తిపాడు 8.2, గుంటూరు పశ్చిమ 4.1, తుళ్ళూరు 4, పెదకాకాని 3, తాడేపల్లి 2.6, తాడికొండ 2.2, మేడికొండూరు 1.6, గుంటూరు తూర్పులో 1.2 మి.మీ చొప్పున వర్షం కురిసింది. అక్టోబర్‌ మాసం 18వ తేదీ వరకు జిల్లాలో సాధారణ వర్షపాతం 75.1 మి.మీ పడాల్సి ఉండగా, ఇప్పటి వరకు 22.2 మి.మీ వర్షపాతం నమోదైంది. రెండు వాహనాలు ఢీ ఒకరు మృతి మేడికొండూరు: గుంటూరు–నరసరావుపేట ప్రధాన రహదారిపై పేరేచర్ల యూనివర్సల్‌ కాలేజీ సమీపంలో ఆదివారం ఉదయం రెండు టాటా మ్యాజిక్‌ వాహనాలు ఢీకొన్న ప్రమాదంలో ఓ డ్రైవర్‌ మృతి చెందగా, మరో డ్రైవర్‌ గాయపడ్డాడు.పోలీసులు తెలిపిన వివరాలు ప్రకారం.. గుంటూరు నుంచి నరసరావుపేట వైపు వెళ్తున్న ఖాళీ టాటా మ్యాజిక్‌ వాహనం, నరసరావుపేట నుంచి గుంటూరు వైపు పత్తి లోడుతో వస్తున్న మరో టాటా మ్యాజిక్‌ వాహనం పేరేచర్ల సమీపంలో ఢీకొన్నాయి. ఈ ప్రమాదంలో పత్తి లోడ్‌ వాహనం డ్రైవర్‌ వర్ల కిరణ్‌బాబు (24) తీవ్రంగా గాయపడ్డాడు. అతడిని చికిత్స నిమిత్తం గుంటూరు ప్రభుత్వ ఆసుపత్రికి తరలిస్తుండగా మార్గంమధ్యలో మృతి చెందాడు. గుంటూరు నుంచి వస్తున్న ఖాళీ వాహనం డ్రైవర్‌ కూడా గాయాలపాలయ్యాడు. సమాచారం అందుకున్న మేడికొండూరు పోలీసులు ఘటనపై కేసు నమోదు చేసి దర్యాప్తు చేపట్టారు. ఆలయ హుండీ చోరీ యడ్లపాడు: యడ్లపాడు గ్రామంలోని బ్రహ్మంగారి ఆలయంలో చోరీ జరిగింది. స్థానిక ఎర్రచెరువు వద్ద కొలువైన శ్రీ మద్విరాట్‌ పోతులూరి వీరబ్రహ్మేంద్రస్వామి ఆలయంలోని హుండీలోని నగదు గుర్తుతెలియని వ్యక్తులు అపహరించారు. పోలీసులు తెలిపిన వివరాల ప్రకారం..శనివారం అర్ధరాత్రి ఈ ఘటన చోటుచేసుకున్నట్లు స్థానికులు తెలిపారు. ఇటీవల కాలంలో హుండీ లెక్కింపు ప్రక్రియ జరిగిందని, ఆ తర్వాత ఈ చోరీ చేసినట్లు ఆలయ ధర్మకర్తలు పోలీసులకు ఫిర్యాదు చేసినట్లు ఎస్‌ఐ టి శివరామకృష్ణ తెలిపారు. కేసు నమోదు చేసి జిల్లా నుంచి క్లూస్‌టీంను పిలిపించి కీలక ఆధారాలను సేకరించినట్లు తెలిపారు. ఘటనకు సంబంధించిన పూర్తి వివరాలు పోలీసులు విచారణలో తెలియాల్సి ఉంది. చోరీకి పాల్పడిన వారిని గుర్తించి, ఇలాంటి ఘటనలు పునరావృతం కాకుండా చర్యలు తీసుకోవాలని భక్తులు కోరుతున్నారు.

మార్కాపురం టౌన్‌: జిల్లా కబడ్డీ అసోసియేషన్‌ 52వ రాష్ట్రస్థాయి జూనియర్‌ బాల బాలికల కబడ్డీ చాంపియన్‌షిప్‌ పోటీలు ఆదివారం పట్టణంలోని జిల్లా పరిషత్‌ ఉన్నత పాఠశాలలో హోరాహోరీగా ముగిశాయి. మూడు రోజులపాటు జరిగిన పోటీల్లో బాలుర విభాగంలో ఫైనల్‌లో పల్నాడు–విజయనగరం జట్లు తలపడగా పల్నాడు జట్టు విజేతగా నిలిచింది. మూడో స్థానంలో కర్నూలు, శ్రీకాకుళం జిల్లా జట్లు ఉమ్మడిగా నిలిచాయి. బాలికల విభాగంలో ఫైనల్‌లో ప్రకాశం–విశాఖపట్నం జిల్లాల జట్లు నువ్వా నేనా అన్నట్లు పోటీపడగా ప్రకాశం జిల్లా జట్టు విజేతగా నిలవగా, విశాఖపట్నం జిల్లా జట్టు రన్నరప్‌గా నిలిచాయి. శ్రీకాకుళం సత్యసాయి జిల్లా జట్లు ఉమ్మడిగా మూడవ స్థానంతో సరిపెట్టుకున్నాయి. చాంపియన్‌షిప్‌ పోటీలను రాష్ట్ర కబడ్డీ అసోసియేషన్‌ అధ్యక్ష, కార్యదర్శులు కేవీ ప్రభావతి, యలమంచిలి శ్రీకాంత్‌, రాష్ట్ర కబడ్డీ జట్టు సెలక్షన్‌ కమిటీ సభ్యుల పర్యవేక్షణలో ఎలాంటి అవాంతరాలు లేకుండా ఆహ్లాదకర వాతావరణంలో సజావుగా ముగిశాయి. ఈ క్రీడా పోటీల్లో ఆంధ్రప్రదేశ్‌ రాష్ట్రంలోని ఉమ్మడి 28 జిల్లాల బాల, బాలికల జట్లు పాల్గొన్నాయి. విజేతలకు అతిథుల చేతుల మీదుగా బహుమతులు ప్రదానం చేశారు. ప్రధానోపాధ్యాయుడు మునగాల చంద్రశేఖర్‌రెడ్డి ఆధ్వర్యంలో జరిగిన కార్యక్రమానికి బహుమతి ప్రదానోత్సవానికి మార్కాపురం జిల్లా విద్యాశాఖాధికారి సామా సుబ్బారావు, డివిజనల్‌ ఉప విద్యాశాఖ అధికారి పి.శ్రీనివాసులు, జాతీయ అవార్డు గ్రహీత టి.జగన్నాథ్‌, గ్రూప్‌ 1 అధికారి ఓ సుజిత్‌కుమార్‌రెడ్డి తదితరులు హాజరయ్యారు. పీఈటీలు కె.ఓబులేసు, తాళ్లపల్లి సత్యనారాయణ, ఓ.వీరారెడ్డి, చెంచయ్య నాయుడు, వి.వెంకటేశ్వర్లు, వ్యాయామ ఉపాధ్యాయులు, 28 జిల్లాల క్రీడాకారులు, విద్యార్థులు, పెద్ద సంఖ్యలో క్రీడాభిమానులు పాల్గొన్నారు. పల్నాడు, ప్రకాశం జిల్లా జట్లకు ప్రథమ స్థానం

నెహ్రూనగర్‌: నగరపాలక సంస్థ పరిధిలో వార్డుల రిజర్వేషన్ల జాబితా(ప్రియాంబుల్‌ కాపీ) లీకేజీ వ్యవహారం అధికార యంత్రాంగంలో తీవ్ర కలకలం రేపుతోంది. గురువారం ‘సాక్షి’ దినపత్రికలో ప్రచురితమైన ‘అధికారుల పచ్చపాతం’ ప్రత్యేక కథనం నగరపాలక సంస్థ వర్గాల్లో భారీ ప్రకంపనలు సృష్టించింది. అధికారికంగా బహిర్గతం కావాల్సిన జాబితాను టీడీపీ నేతలకు, అనుకూల మీడియా వర్గాలకు వాట్సాప్‌ ద్వారా చేరవేయడంపై జిల్లా కలెక్టర్‌ సి.ఎం.సాయికాంత్‌ వర్మ, నగర కమిషనర్‌ మయూర్‌ అశోక్‌ తీవ్ర ఆగ్రహం వ్యక్తం చేసిన విషయం తెలిసిందే. ఈ క్రమంలో దిద్దుబాటు చర్యలకు దిగిన ఉన్నతాధికారులు.. ప్రాథమిక విచారణ పేరుతో కౌన్సిల్‌ గుమస్తా అడపా నాగరాజును సస్పెండ్‌ చేస్తూ ఉత్తర్వులు జారీ చేశారు. అలాగే సిటీ ప్లానర్‌ రాంబాబుకు 24 గంటల్లోగా వివరణ ఇవ్వాలని షోకాజ్‌ నోటీసులిస్తూ సమగ్ర విచారణకు ఆదేశించారు. అయితే, ఈ తతంగమంతా కేవలం అసలు సూత్రధారులను కాపాడేందుకేనన్న విమర్శలు బలంగా వినిపిస్తున్నాయి. పోలీస్‌ విచారణ జరపాల్సిందే– జనసేన ఆగ్రహం ఈ ఉదంతంపై మిత్రపక్షమైన జనసేన నేతలు తీవ్రస్థాయిలో ధ్వజమెత్తుతున్నారు. ఎన్నికల ప్రక్రియలో అత్యంత గోప్యంగా ఉంచాల్సిన అధికారిక పత్రాలను, కలెక్టర్‌ సంతకంతో కూడిన కాపీలను స్వార్థ ప్రయోజనాల కోసం ముందే బయటకు పంపడం నిబంధనల ఉల్లంఘన కిందకే వస్తుందని నేతలు స్పష్టం చేస్తున్నారు. ఈ లీకేజీ వ్యవహారంపై కేవలం శాఖాపరమైన నామమాత్రపు విచారణతో సరిపెట్టకుండా, సైబర్‌ క్రైమ్‌ లేదా పోలీస్‌ కేసు నమోదు చేసి సమగ్ర దర్యాప్తు జరపాలని డిమాండ్‌ చేస్తున్నారు. ఏ నంబర్ల నుంచి డాక్యుమెంట్లు చేతులు మారాయో డిజిటల్‌ ఆధారాలు సేకరిస్తే అసలు నిందితుడైన డీసీ గుట్టు రట్టవుతుందని, ఎన్నికల నియమావళి ప్రకారం బాధ్యులైన అధికారులందరిపై కఠిన చర్యలు తీసుకోవాలని వారు పట్టుబడుతున్నారు.

గుంటూరు మెడికల్‌: నగరంలో ఎనిమిదేళ్లుగా పది వేల మొక్కలు నాటి సంరక్షిస్తున్న డాక్టర్‌ బూసిరెడ్డి నరేంద్రరెడ్డిని ప్రతి ఒక్కరూ ఆదర్శంగా తీసుకోవాలని పలువురు వక్తలు కోరారు. ఆదివారం స్థానిక రామన్నపేటలోని జన చైతన్య వేదిక కార్యాలయ హాలులో చేయూత ఫౌండేషన్‌ ఆధ్వర్యంలో పౌర సంస్థలు డాక్టర్‌ నరేంద్ర రెడ్డిని పర్యావరణ మిత్ర పురస్కారంతో సత్కరించాయి. మాజీ మంత్రి డొక్కా మాణిక్య వరప్రసాద్‌ మాట్లాడుతూ గుంటూరు నగరాన్ని హరిత వనంగా మార్చడానికి దృఢమైన సంకల్పంతో కృషి చేస్తున్న డాక్టర్‌ బూసిరెడ్డి నరేంద్ర రెడ్డికి కేంద్ర ప్రభుత్వం పద్మశ్రీ అవార్డును ప్రదానం చేయాలని ఆకాంక్షించారు. యూరప్‌ లో అనేక దేశాల్లో పర్యావరణానికి అత్యధిక ప్రాధాన్యత నిస్తూ గ్రీన్‌ పార్టీలు ఏర్పడుతున్నాయని, భారత దేశంలో పచ్చదనం పెంపుదలకు ఎంతో కృషి జరగాలని చెప్పారు. మాజీ ఎమ్మెల్సీ కె.ఎస్‌.లక్ష్మణరావు మాట్లాడుతూ డాక్టర్‌ బూసిరెడ్డి నరేంద్ర రెడ్డి శ్యామల నగర్‌లో ఇన్నర్‌ రింగ్‌ రోడ్‌ లో దాదాపు 15 కిలోమీటర్ల మేర మొక్కలు నాటి సంరక్షించడం గొప్ప విషయమన్నారు. ఎల్‌ నినో నేపథ్యంలో అడవులను రక్షించుకోవడం, పర్యావరణాన్ని కాపాడుకోవడం అత్యంత ప్రాధాన్యత అంశంగా మారిందన్నారు. చేయూత ఫౌండేషన్‌ కార్యదర్శి వల్లంరెడ్డి లక్ష్మణరెడ్డి మాట్లాడుతూ డాక్టర్‌ బూసిరెడ్డి నరేంద్రరెడ్డి వైద్య వృత్తిలో ఎవర్‌ గ్రీన్‌ ఎర్త్‌ ఫౌండేషన్‌ స్థాపించి దాదాపు 50 లక్షల రూపాయల ఖర్చు చేసి మొక్కల సంరక్షణకు కృషి చేయడం హర్షణీయమని చెప్పారు. డాక్టర్‌ బూసిరెడ్డి నరేంద్రరెడ్డి మాట్లాడుతూ సామాజిక బాధ్యతగా అనేక అంశలపై పనిచేస్తున్నట్లు చెప్పారు. చేయూత ఫౌండేషన్‌ ద్వారా పర్యావరణ మిత్ర పురస్కారాన్ని అందుకోవడం తన బాధ్యతను నాలుగు రెట్లు పెంచిందని పేర్కొన్నారు. సౌత్‌ కొస్టల్‌ రైల్వేస్‌ మజ్దూర్‌ యూనియన్‌ డివిజనల్‌ సెక్రటరీ ఎస్‌.మంజునాథ్‌, నేస్తం వ్యవస్థాపకుడు జలీల్‌ అహ్మద్‌, మానవత నేతలు వజ్రాల వెంకట నాగిరెడ్డి, పోలూరి వీరారెడ్డి, కె.సతీష్‌, జన చైతన్య వేదిక ప్రధాన కార్యదర్శి తమ్మా ధనుంజయ రెడ్డి, కోవిడ్‌ ఫైటర్స్‌ నేత బషీర్‌ అహ్మద్‌, తెలుగు భాషోద్యమ నేత పి.సింగారావు, రేట్‌ పేయర్స్‌ అసోసియేషన్‌ అధ్యక్షుడు ఓరుగంటి నారాయణరెడ్డి, శ్యామల నగర్‌ వాకర్స్‌ అసోసియేషన్‌ అధ్యక్షుడు పి.రాఘవరావు, సీనియర్‌ సిటిజన్‌న్స్‌ అసోసియేషన్‌ నేత వల్లూరి సదాశివరావు, గుంటూరు గ్రీన్‌ కోర్‌ బాధ్యులు డి. తిరుపతి రెడ్డి, కొండవీడు కోట అభివద్ధి కమిటీ కన్వీనర్‌ కల్లి శివారెడ్డి, సేవా తత్పరులు బండి అశోక్‌ రెడ్డి, బి.ఎం.ఆర్‌. ఫౌండేషన్‌ చైర్మన్‌ బూసిరెడ్డి మల్లేశ్వరరెడ్డి పాల్గొన్నారు. డాక్టర్‌ బూసిరెడ్డికి పర్యావరణ మిత్ర పురస్కారం

పట్నంబజారు: ‘‘ఎన్నికల్లో మమ్మల్ని వాడుకుని, నమ్మించి మోసం చేశారు. మాకు సీట్లు కేటాయిస్తామని చెప్పారు. రిజర్వేషన్లు మారిన నేపథ్యంలో కనీసం పార్టీ కోసం కష్టపడిన వారికి కూడా సీట్లు కేటాయించకుండా ఇష్టానుసారంగా వ్యవహరిస్తున్నారు. ఇలాగైతే మేం కూడా పార్టీ అభ్యర్థులకు ఏమాత్రం సహకరించలేమని’’ తెలుగుదేశం పార్టీ నేతలు... తూర్పు నియోజకవర్గ ఎమ్మెల్యే నసీర్‌ అహ్మద్‌కు స్పష్టం చేశారని తెలుస్తోంది. ఇప్పటికే సీట్ల కేటాయింపులో విసిగిపోయిన టీడీపీ క్యాడర్‌.. ఎమ్మెల్యే సీట్లు కేటాయిస్తున్న అభ్యర్థులకు ఏమాత్రం సహకారం అందించలేమని తేల్చిచెప్పినట్లు సమాచారం. అవసరమైతే కచ్చితంగా వారిని ఓడించేందుకు కృషి చేయాల్సి వస్తుందని హెచ్చరికలు జారీ చేస్తున్నారని టీడీపీ వర్గాల్లో విస్తృత చర్చ నడుస్తోంది. కార్పొరేషన్‌ ఎన్నికల నేపథ్యంలో గుంటూరు తూర్పు నియోజకవర్గంలో ఎమ్మెల్యే వ్యవహారశైలి టీడీపీ నేతలకు మింగుడు పడటం లేదు. ఇప్పటికే ఎంతో మంది నుంచి బయోడేటాలు తీసుకున్న ఆయన, అభ్యర్థుల కేటాయింపులో తాత్సారం చేస్తున్నారని, కేవలం తనకు వ్యక్తిగతంగా సహకరించిన వారి పేర్లను మాత్రమే ప్రతిపాదిస్తున్నారని టీడీపీ నేతలు బహిరంగంగానే విమర్శిస్తున్నారు. దీనికి తోడు ఇప్పటివరకు కూటమిలో భాగస్వామిగా ఉన్న జనసేనకు సంబంధించి సీట్ల కేటాయింపులో సరైన స్పష్టత ఇవ్వకపోవడంతో ఆ పార్టీ నేతలు కూడా ఎమ్మెల్యే తీరుపై ఆగ్రహం వ్యక్తం చేస్తున్నారు. 2024 ఎన్నికల్లో కష్టపడి పనిచేసిన ఎంతో మందికి తీవ్ర అన్యాయం జరుగుతోందని ఆవేదన వ్యక్తం చేస్తున్నారు. కార్పొరేటర్‌ సీట్ల కేటాయింపులో ఇష్టానుసారంగా వ్యవహరిస్తున్న ఎమ్మెల్యే నసీర్‌ అహ్మద్‌ వద్దకు వెళ్లిన కొంతమంది టీడీపీ నేతలు, 2029 ఎన్నికల కోసం తాము కూడా వేచి చూస్తున్నామని, తామేంటో చూపిస్తామని ఎమ్మెల్యే కార్యాలయంలోనే ప్రత్యక్షంగా హెచ్చరించినట్లు సమాచారం మరో వర్గం భేటీ...? ఎమ్మెల్యే నసీర్‌ అహ్మద్‌కు వ్యతిరేకంగా ఉన్న మరికొంతమంది నేతలతో కలిసి, టీడీపీలో కార్పొరేటర్‌ సీట్లు ఆశించి భంగపడ్డ ఆ పార్టీ సీనియర్‌ నేతలు భేటీ అయినట్లు సమాచారం. 2024 ఎన్నికల్లో తూర్పు నియోజకవర్గ ఎమ్మెల్యే సీటును ఆశించిన ఒక టీడీపీ కుటుంబం.. తమ సోదరుడికి ఒకటో డివిజన్‌ సీటు అడిగినట్లు తెలుస్తోంది. అయితే, ఎమ్మెల్యే నసీర్‌ అహ్మద్‌ వారిని ఏమాత్రం పట్టించుకోకుండా కేవలం బయోడేటా తీసుకుని వదిలేశారనే విమర్శలు వెల్లువెత్తుతున్నాయి. దీనితో పాటు, ఎప్పటి నుంచో టీడీపీలో కొనసాగుతున్న కాపు సామాజిక వర్గానికి చెందిన నేత చేసిన సిఫార్సులను కూడా ఏమాత్రం లెక్కచేయడం లేదని, ఆయన మనుషులని తెలిస్తే సీటు లేదని చెబుతున్న పరిస్థితులు టీడీపీ నేతలకు ఎదురవుతున్నాయి. ఇప్పటికే ఎమ్మెల్యేకు, ఈ నేతలకు ఏమాత్రం పొసగదన్న విషయం బహిరంగ రహస్యమే. ఈ క్రమంలో ఆ ఇద్దరు ముఖ్య నేతల్లో ఒకరు, మరో ముఖ్య నేత కుటుంబ సభ్యులు, కనీస గౌరవం కూడా దక్కని సీనియర్‌ టీడీపీ నేతలు అంతా భేటీ అయినట్లు సమాచారం. ఎమ్మెల్యే తీరును స్థానికంగా ఉన్న కేంద్ర సహాయ మంత్రి, పార్టీ అధిష్ఠానం దృష్టికి తీసుకెళ్లాలని వారు యోచిస్తున్నారు. నామినేషన్లకు కేవలం ఒక్క రోజు మాత్రమే మిగిలి ఉండటంతో ఇప్పటికే సీనియర్లు టీడీపీ పెద్దలతో మంతనాలు జరుపుతున్నట్లు తెలుస్తోంది.

గుంటూరుఆదివారం శ్రీ 18 శ్రీ అక్టోబర్‌ శ్రీ 2026చెరకు మద్దతు ధర ప్రకటనఉయ్యూరు(కంకిపాడు): 2026–27 సీజన్‌కు చెరకు టన్ను మద్దతు ధర రూ.3,783గా శనివారం రైతు సంఘాల ప్రతినిధుల సమావేశంలో కేసీపీ యాజమాన్యం ప్రకటించింది. గుంటూరు వెస్ట్‌: రోజువారీ పని చేసుకునే పేదలు మొదలు మధ్యతరగతి కుటుంబాల వరకు నిత్యావసర వస్తువుల ధరల ప్రభావం ప్రజలపై పడుతోంది. ఈ రోజు ఉన్న సరుకుల ధర తెల్లారేటప్పటికీ మారిపోతోందంటే అతిశయోక్తి కాదు. చిన్న కుటుంబానికి నెలవారీ నిత్యావసర సరుకుల ఖర్చులో 25 నుంచి 35 శాతం వరకు వ్యత్యాసం వస్తోంది. ఇక బియ్యం విషయానికి వస్తే ధరలు ఊహకందని విధంగా పెరిగిపోతున్నాయి. ప్రస్తుతం కిలో బియ్యం ధర కనీసం రూ.80కి తక్కువ లేదంటే నమ్మాల్సిందే. ఇంత జరుగుతున్నా చంద్రబాబు సర్కారు నిత్యావసర వస్తువుల ధరల నియంత్రణను చాలా తేలికగా చూస్తోంది. ఏదో మొక్కుబడిగా సమీక్షలు నిర్వహించి, ఆదేశాలు జారీ చేసి చేతులు దులుపుకొంటోంది. క్షేత్రస్థాయిలో ప్రజలు పడుతున్న అవస్థలను పట్టించుకోవడం లేదు. అయితే, ఎల్‌నినో ప్రభావంతో ధరలు పెరుగుతున్నాయని ప్రభుత్వం బాధ్యత నుంచి తప్పించుకునే ప్రయత్నం చేస్తోంది. అన్ని వర్గాల ప్రజలు ఈ విషయంలో చంద్రబాబు సర్కారుపై తీవ్ర ఆగ్రహంతో ఉన్నారు. స్థానిక ఎన్నికల వేళ ఈ ప్రభావం తమ కొంప ముంచుతుందని కూటమి నాయకులు భయపడుతున్నారు. కొన్ని వస్తువుల ధరలు ఆకాశంలోనే బియ్యంతోపాటు కందిపప్పు ధర కూడా భారీగా పెరిగింది. ఆరు నెలల క్రితం కిలో కందిపప్పు ధర రూ.110 ఉండగా, ప్రస్తుతం రూ.140కి చేరింది. మినపగుళ్ల ధర రూ.110 నుంచి రూ.140కి, పంచదార రూ.40 నుంచి రూ.70కి, బెల్లం రూ.40 నుంచి రూ.60కి, నూనె ప్యాకెట్‌ రూ.120 నుంచి రూ.170కి పెరిగాయి. ఇలా నిత్యావసర సరుకులతోపాటు పాలు, కూరగాయల ధరలు కూడా ఆకాశాన్ని అంటుతున్నాయి. ఆకుకూరలు సైతం ప్రియంగా మారిపోయాయి. ఇటీవల రైతు బజార్లలో బియ్యం, ఉల్లిపాయలను తక్కువ ధరలకు విక్రయిస్తామని అధికారులు ఆర్భాటంగా ప్రకటించినా, ఆ కార్యక్రమం మూడు నాళ్ల ముచ్చటగానే ముగిసింది. బ్లాక్‌ మార్కెట్‌ను అరికట్టడంతోపాటు విజిలెన్స్‌ దాడులను పెంచాల్సింది పోయి టీడీపీ సర్కార్‌ చోద్యం చూస్తోంది. సామాన్యుడి బతుకు భారం ఆటో నడిపే వ్యక్తి నెలవారీ ఆదాయం సగటున రూ.15 వేల నుంచి రూ.20 వేల వరకే ఉంటుంది. భార్య, ఇద్దరు పిల్లలను పోషిస్తూ, పిల్లలను చిన్నపాటి పాఠశాలలో చదివించినా పెరిగిపోతున్న సరుకుల ధరలు అతనికి అదనపు భారంగా మారుతున్నాయి. ఇక ప్రభుత్వ శాఖల్లో ఔట్‌సోర్సింగ్‌ పద్ధతిలో పనిచేస్తున్న వారి సంఖ్య సుమారు 8 వేల వరకు ఉంది. వీరికి నెలకు రూ.13 వేల నుంచి రూ.18 వేల వరకే జీతం వస్తోంది. కుటుంబాన్ని ఎలా పోషించుకోవాలో తెలియని దిక్కుతోచని పరిస్థితుల్లో వారు ఉన్నారు. కొద్దిపాటి సంపాదన ఉన్నవారికే పరిస్థితి ఇలా ఉంటే, ఉద్యోగం లేనివారి పరిస్థితి మరింత దారుణంగా ఉంది. కూలీనాలీ చేసుకుని జీవించే వారి జీవన స్థితిగతులు అధ్వానంగా మారాయి. స్థానిక సంస్థల ఎన్నికలపై ప్రభావం ధరల ప్రభావం ప్రస్తుతం జరుగుతున్న స్థానిక సంస్థల ఎన్నికలపై పడే అవకాశముందని టీడీపీ, జనసేన, బీజేపీ నాయకులే భయపడుతున్నారు. ఇప్పటికే గ్రామస్థాయిలో ప్రజలు ధరల పెరుగుదలపై నాయకులను నిలదీస్తున్నారు. సోమవారం నుంచి నగరపాలక సంస్థల ఎన్నికల ప్రచారానికి ఎలా వెళ్లాలా అని కూటమి అభ్యర్థులు తర్జనభర్జన పడుతున్నారు. ఎన్నికల్లో అనూహ్య ఫలితాలు వెలువడతాయేమోనని భయపడుతున్నారు. దీనికితోడు గత సార్వత్రిక ఎన్నికల సమయంలో ఇచ్చిన హామీలు ఇంతవరకు సరిగా అమలు కాకపోవడంతో టీడీపీకి సైతం నగరంలో కొన్ని చోట్ల అభ్యర్థులు కరువవుతున్నారంటే నమ్మాల్సిందే. ‘‘ఏంటండీ, కిలో బియ్యం రూ.80నా? ఇక నూనె, ఇతర వస్తువుల ధరలైతే మరీ ఎక్కువగా ఉన్నాయి. మాది చిన్నపాటి సొంతిల్లు. అయినప్పటికీ నెలకు తక్కువలో తక్కువగా రూ.25 వేల నుంచి రూ.28 వేల వరకు ఖర్చవుతుంది. ప్రభుత్వం తక్షణ చర్యలు చేపట్టాలి. కరోనా లాంటి క్లిష్ట సమయంలో అప్పటి ప్రభుత్వం నేరుగా ఖాతాల్లో డబ్బులు వేసి ఆదుకుంది. ప్రభుత్వం తక్కువ ధరలకు నిత్యావసర సరుకులు అందించే విధంగా ప్రత్యేక స్టోర్లు ఏర్పాటు చేయాలి – మామిడి ప్రియాంక, గృహిణి, గోరంట్ల

గుంటూరు ఎడ్యుకేషన్‌: గుంటూరు నగర మేయర్‌ స్థానానికి వైఎస్సార్‌ సీపీ తరఫున తాడికొండ అలివేలు వెంకట నాగ పద్మ శ్రీదేవి శనివారం నామినేషన్‌ వేశారు. బృందావన్‌ గార్డెన్స్‌లోని నగరపాలక సంస్థ సర్కిల్‌ కార్యాలయంలో ఆమె రిటర్నింగ్‌ అధికారికి నామినేషన్‌ పత్రాలను అందజేశారు. అనంతరం శ్రీదేవి మీడియాతో మాట్లాడుతూ, వైఎస్సార్‌ సీపీలో ఆర్యవైశ్యులకు సముచిత గౌరవం కల్పించారని తెలిపారు. మేయర్‌ అభ్యర్థిగా పోటీ చేసేందుకు అవకాశం కల్పించిన వైఎస్సార్‌ సీపీ అధినేత వైఎస్‌ జగన్‌మోహన్‌రెడ్డికి కృతజ్ఞతలు తెలిపారు. గతంలో ముఖ్యమంత్రిగా వైఎస్‌ జగన్‌ అందించిన సంక్షేమ పాలన, గుంటూరు నగర అభివృద్ధికి చేసిన కృషి తనను మేయర్‌గా గెలిపిస్తాయని ధీమా వ్యక్తం చేశారు. ప్రజాభిమానంతో మేయర్‌గా విజయం సాధిస్తానని అన్నారు. కూటమి అధికారంలో ఉన్నప్పటికీ, ప్రజాభిమానం మెండుగా ఉన్నందున ధైర్యంగా పోటీలో నిలిచినట్లు చెప్పారు. ఆమె వెంట వైఎస్సార్‌ సీపీ నేత, చాంబర్‌ ఆఫ్‌ కామర్స్‌ అధ్యక్షుడు టీఎల్‌వీ వీరాంజనేయులు, కుటుంబ సభ్యులు ఉన్నారు. పార్టీలో ఆర్యవైశ్యులకు ప్రాధాన్యం పార్టీలో ఆర్యవైశ్యులకు అత్యధిక ప్రాధాన్యం ఇస్తున్నామని వైఎస్సార్‌ సీపీ జిల్లా అధ్యక్షుడు అంబటి రాంబాబు అన్నారు. శనివారం మీడియాతో మాట్లాడుతూ, వ్యాపారవేత్తలుగా సమాజ ఆర్థికాభివృద్ధిలో తమ వంతు భాగస్వామ్యాన్ని అందిస్తూ, భక్తిభావం మెండుగా ఉన్న ఆర్యవైశ్య సామాజిక వర్గానికి పార్టీలో తగిన గౌరవం కల్పించాలనే ఉద్దేశంతో తాడికొండ శ్రీదేవిని వైఎస్సార్‌ సీపీ అధినేత వైఎస్‌ జగన్‌మోహన్‌రెడ్డి గుంటూరు నగర మేయర్‌ అభ్యర్థిగా ఎంపిక చేశారని చెప్పారు. చాంబర్‌ ఆఫ్‌ కామర్స్‌ అధ్యక్షుడిగా నియమితులైన టీఎల్‌వీ వీరాంజనేయులు సతీమణి అయిన శ్రీదేవికి సమాజంపై చక్కటి అవగాహన ఉందని అన్నారు. ఆర్యవైశ్యులను గౌరవించాలనే ఉద్దేశంతో తాడికొండ శ్రీదేవిని గుంటూరు మేయర్‌ అభ్యర్థిగా ప్రకటించారని, ఆర్యవైశ్య మహిళను మేయర్‌గా గెలిపించుకుంటామని చెప్పారు. టీడీపీ, జనసేన, బీజేపీతో కూడిన కూటమి నేతలు అభ్యర్థుల ఎంపికలో తలలు పట్టుకుంటున్నారని, వైఎస్సార్‌ సీపీ తరఫున పోటీ చేసే అభ్యర్థులను అధినేత వైఎస్‌ జగన్‌ ధైర్యంగా ప్రకటించారని అంబటి రాంబాబు అన్నారు.

లలితా త్రిపురసుందరీదేవిగా భ్రమరాంబ దర్శనంపెదకాకాని: శ్రీ భ్రమరాంబ మల్లేశ్వరస్వామి వారి దేవస్థానంలో అమ్మవారు లలితా త్రిపురసుందరీదేవిగా భక్తులను శనివారం అనుగ్రహించారు. శ్రీదేవి నవరాత్రోత్సవాల్లో భాగంగా ఏడవ రోజు శనివారం ప్రత్యేక పూజలు నిర్వహించారు. తెల్లవారుజామున సుప్రభాతసేవ, హారతులతో పూజా కార్యక్రమాలు ప్రారంభమయ్యాయి. అర్చకులు, వేదపండితులు, స్థానాచార్యులు పొత్తూరి సాంబశివరావు పర్యవేక్షణలో విఘ్నేశ్వర పూజ, పుణ్యాహవచనం, పంచగవ్య ప్రాశనం, మహాన్యాస పూర్వక ఏకాదశ రుద్రాభిషేకాలు, నవావరణార్చనలు నిర్వహించారు. అనంతరం అమ్మవారికి కుంకుమార్చనలు జరిపించారు. ఆలయ యాగశాలలో నిర్వహించిన చండీ, రుద్ర హోమ పూజల్లో పలువురు భక్తులు పాల్గొన్నారు. అధిక సంఖ్యలో భక్తులు తరలివచ్చి పూజా కార్యక్రమాల్లో పాల్గొని, మొక్కులు చెల్లించుకున్నారు. ఆలయ డిప్యూటీ కమిషనర్‌ గోగినేని లీలాప్రసాద్‌ భక్తులకు ఎటువంటి అసౌకర్యం కలగకుండా ప్రత్యేక ఏర్పాట్లు చేపట్టారు. సాంస్కృతిక కార్యక్రమాల్లో భాగంగా సాయంత్రం 5 గంటలకు ప్రవచనకర్త నోరి నారాయణమూర్తి దేవీభాగవతంపై ప్రవచనం చేశారు. విజయవాడ శ్రీ నృత్య కళానిలయం వారిచే కూచిపూడి నృత్య ప్రదర్శన, గుంటూరు శ్రీ శ్రీనివాస చైతన్య నాట్య కళామండలి వారిచే సత్యహరిశ్చంద్ర నాటకంలోని అడవి సీను, వారణాసి, కాటి సీన్లను అద్భుతంగా ప్రదర్శించారు. ఆదివారం భ్రమరాంబ అమ్మవారు దుర్గాదేవిగా భక్తులను అనుగ్రహించనున్నట్లు ఉపకమిషనర్‌ తెలిపారు. రాత్రి వేళల్లో సాంస్కృతిక కార్యక్రమాలు కొనసాగుతున్నాయి.

గుంటూరు లీగల్‌: ఆంధ్రప్రదేశ్‌ హైకోర్టు ఆదేశాల మేరకు గుంటూరులోని శిశు గృహానికి రిఫ్రిజిరేటర్‌, స్టోరేజ్‌ బాటిల్‌, వాటర్‌ బాటిల్స్‌ను జిల్లా ప్రధాన న్యాయమూర్తి బి.సాయి కల్యాణ చక్రవర్తి, శాశ్వత లోక్‌ అదాలత్‌ చైర్మన్‌ పి.వి.రాజీవ్‌లు శనివారం మేనేజర్‌ ఒలీవ చంద్రికకు అందజేశారు. ఓ కేసులో రూ.30 వేలను గుంటూరు న్యాయ సేవాధికార సంస్థకు చెల్లించాలని హైకోర్టు ఆదేశించింది. ఆ మొత్తాన్ని పిల్లల సంక్షేమం కోసం వినియోగించాలని ఆదేశించింది. జిల్లా న్యాయ సేవాధికార సంస్థ కార్యదర్శి సయ్యద్‌ జియాఉద్దీన్‌, సిబ్బంది, శిశు గృహ సిబ్బంది పాల్గొన్నారు. గుంటూరు వెస్ట్‌: స్థానిక సంస్థల ఎన్నికల సందర్భంగా ఫిర్యాదులు స్వీకరించడంతోపాటు, ఎన్నికలకు సంబంధించి సందేహాలను నివృత్తి చేసేందుకు స్థానిక కలెక్టరేట్‌లో కంట్రోల్‌ రూమ్‌ ఏర్పాటు చేసినట్లు జిల్లా కలెక్టర్‌ సీఎం సాయికాంత్‌ వర్మ శనివారం ఒక ప్రకటనలో పేర్కొన్నారు. 08632 234014 నంబర్‌ను సంప్రదించాలన్నారు. పోటీలో ఉన్న అభ్యర్థులు ఎలక్ట్రానిక్‌ మీడియాలో ప్రకటనలకు ముందస్తు అనుమతి పొందాలని జిల్లా కలెక్టర్‌ తెలిపారు. వివిధ చానల్స్‌, కేబుల్‌ చానెల్‌, సినిమా హాల్‌ తదితర ఎలక్ట్రానిక్‌ మీడియాలో ప్రకటనలకు సంబంధించి అభ్యర్థులు మీడియా సర్టిఫికేషన్‌, మీడియా మానిటరింగ్‌ టీమ్‌కు కనీసం మూడు రోజులు ముందుగా దరఖాస్తు చేసుకోవాలన్నారు. ప్రింట్‌ మీడియా, సోషల్‌ మీడియాలో ప్రకటనలకు ఎన్నికల సంఘం మార్గదర్శకాలకు అనుగుణంగా ఖర్చులు అభ్యర్థుల ఖాతాలో జమ చేయడం జరుగుతుందని స్పష్టం చేశారు. జిల్లా కలెక్టర్‌ సీఎం సాయికాంత్‌ వర్మ గుంటూరు వెస్ట్‌: స్థానిక సంస్థల ఎన్నికల నిర్వహణలో ఎలాంటి పొరపాట్లకు తావులేకుండా సిబ్బంది పోలింగ్‌ విధులు నిర్వర్తించాలని జిల్లా కలెక్టర్‌ సీఎం సాయికాంత్‌ వర్మ తెలిపారు. శనివారం స్థానిక ఏసీ కాలేజీలో ఏర్పాటు చేసిన డిస్ట్రిబ్యూషన్‌ సెంటర్‌ను జీఎంసీ కమిషనర్‌ మయూర్‌ అశోక్‌తో కలసి కలెక్టర్‌ పరిశీలించారు. కలెక్టర్‌ మాట్లాడుతూ పోలింగ్‌ విధులకు సంబంధించి సిబ్బంది తమ సందేహాలను శిక్షణ సమయంలోనే నివృత్తి చేసుకోవాలని సూచించారు. సంబంధిత ఎన్నికల మెటీరియల్‌ను క్షుణ్ణంగా చదివి, పూర్తిగా అర్థం చేసుకున్న తర్వాతే విధులు నిర్వహించాలని తెలిపారు. ఎన్నికల ప్రక్రియలో ఎలాంటి అశ్రద్ధకు తావులేకుండా, నిబంధనలను పాటిస్తూ బాధ్యతాయుతంగా విధులు నిర్వర్తించాలని కలెక్టర్‌ ఆదేశించారు. సిబ్బందికి పలు సూచనలు, ఆదేశాలు జారీ చేశారు. అనంతరం ప్రభుత్వ మహిళా కళాశాలలో జరుగుతున్న పోలింగ్‌ సిబ్బంది శిక్షణా తరగతులను పరిశీలించారు. కార్యక్రమంలో అధికారులు పాల్గొన్నారు. తాడేపల్లి రూరల్‌: తాడేపల్లి పట్టణ పరిధిలోని సీతానగరం విజయకీలాద్రి దివ్య క్షేత్రంపై ధైర్యలక్ష్మి అమ్మవారికి శనివారం విశేష పూజలు నిర్వహించారు. ధైర్యలక్ష్మి అమ్మవారికి ఉదయం అభిషేక మహోత్సవం, కుంకుమార్చన శాస్త్రోక్తంగా నిర్వహించారు. అనంతరం ధైర్యలక్ష్మి అమ్మవారికి శ్రీయాగం వైభవంగా జరిగింది. సాయంత్రం శ్రీవిష్ణు సహస్రనామ స్తోత్ర పారాయణం, ఽధైర్యలక్ష్మి అమ్మవారికి పల్లకీ సేవ, అర్చన, నివేదన, మంగళాశాసనం కార్యక్రమాలు వైభవంగా జరిగాయి. భక్తులు అధిక సంఖ్యలో పాల్గొని ధైర్యలక్ష్మి అమ్మవారిని దర్శించుకుని తీర్థ ప్రసాదాలు స్వీకరించారు. కష్టాలను ఎదుర్కొనే శక్తి, కుటుంబంలో సుఖసంతోషాలు, సిరిసంపదలు కలగాలని ధైర్యలక్ష్మి అమ్మవారిని పూజిస్తారని జీయర్‌ ఎడ్యుకేషనల్‌ ట్రస్ట్‌ మేనేజర్‌ పురాణం వెంకటాచార్యులు అన్నారు.

ప్రత్తిపాడు: ‘‘దాదాపు 20 రోజుల కిందట పడిన వర్షాలకు కొత్త రోడ్లన్నీ దెబ్బతిన్నాయి. పెద్ద వర్షాల వల్ల రోడ్డు ఇంకా సెట్‌ అవ్వలేదు. కింద నేల మెతకగా ఉంటే రోడ్డు ఇలాగే కుంగిపోతుంది. అందుకే నెల కూడా అవ్వకుండానే రోడ్డు కుంగిపోయింది. అయినా ఇప్పుడు బయటపడటమే మంచిదైంది. కాంట్రాక్టర్‌ మెయింటెనెన్స్‌ చేసే గడువు ఉంటుంది. ఆ సమయంలో వాళ్లే మరమ్మతులు చేయాల్సి ఉంటుంది. చేయిస్తాం.’’... ఇదీ వట్టిచెరుకూరు మండల ఆర్‌ అండ్‌ బీ ఏఈ వాదన. ఈ ‘మెతక’ మాటలు ఇంజినీరింగ్‌ అధికారుల డొల్లతనాన్ని తేటతెల్లం చేస్తున్నాయి. పనితీరుపై సందేహాలను పెంచుతున్నాయి. కోట్ల రూపాయలు కరిగిపోయాయి. నెల రోజులు కూడా తిరక్కుండానే కొత్త రోడ్డు కుంగిపోయింది. వట్టిచెరుకూరు–ముట్లూరు రహదారి నాణ్యత ప్రశ్నార్థకంగా మారింది. వట్టిచెరుకూరు మండలంలో ఎండీఆర్‌ ప్లాన్‌ కింద వట్టిచెరుకూరు–ముట్లూరు రోడ్డును సుమారు పది కిలోమీటర్ల మేర రూ.3.50 కోట్లతో నిర్మించారు. నిర్మాణం పూర్తయి ఇంకా పట్టుమని రెండు నెలలు కూడా కాలేదు. ఇంతలోనే నిర్మాణంలోని లోపాలు బయటపడ్డాయి. ఇటీవల కురిసిన అతి కొద్దిపాటి వర్షాలకే రోడ్డు కుంగిపోయి అటు కాంట్రాక్టర్‌, ఇటు ఇంజినీరింగ్‌ అధికారుల బాగోతాన్ని వెక్కిరిస్తోంది. నాణ్యతపై అనుమానాలు.. రహదారి నాణ్యతపై ప్రజల్లో అనేక అనుమానాలు వ్యక్తమవుతున్నాయి. ఉపయోగించిన మెటీరియల్‌ నాణ్యత, పనులు చేసిన విధానం, రోడ్డు కాంపాక్షన్‌ తదితర అంశాలపై సందేహాలు తలెత్తుతున్నాయి. రూ.3.50 కోట్ల ప్రజాధనంతో చేపట్టిన ఈ పనులు ఎక్కువకాలం మన్నికగా ఉండేలా గుత్తేదారు నాణ్యతా ప్రమాణాలను పాటించాల్సి ఉంది. రోడ్డు నిర్మాణానికి ముందు బేస్‌ సిద్ధం చేయడం నుంచి మెటీరియల్‌ మిశ్రమం, కాంపాక్షన్‌, తారు పొరల వరకు ప్రతి దశలో నిర్ణీత నిబంధనలను పాటించాల్సి ఉంటుంది. ఇవన్నీ సక్రమంగా పాటిస్తున్నారా లేదా అన్నది ఆర్‌ అండ్‌ బీ అధికారులు దగ్గరుండి పర్యవేక్షించాలి. కానీ, పర్యవేక్షణ కరువవడంతో రోడ్డు ఇలా కుంగిపోయి ఇంజినీరింగ్‌ శాఖ ఉదాసీనతను వెక్కిరిస్తోంది. కుంగుబాటుకు గల కారణాలను అక్కడక్కడా గుంతలు తవ్వి ౖపైపెన పరిశీలించి చేతులు దులిపేసుకోకుండా, సాంకేతిక నిపుణులు, జిల్లా ఉన్నతాధికారులు క్షేత్రస్థాయిలో పరిశీలించి, పరీక్షించాలని ఆయా గ్రామాల ప్రజలు కోరుతున్నారు. దీనిపై వట్టిచెరుకూరు ఆర్‌ అండ్‌ బీ ఏఈ ఎస్‌.కె.ఏ. కెనడీని ‘సాక్షి’ వివరణ కోరగా, గుత్తేదారుతో మెయింటెనెన్స్‌ కింద మరమ్మతులు చేయిస్తామని చెప్పారు. నేల మెతకగా ఉండటం వల్ల రోడ్డు నెల తిరగకుండానే కుంగిపోయిందని తెలిపారు.

నగరంపాలెం: జిల్లాలో ఎన్నికల నామినేషన్ల పక్రియలో భాగంగా ఎన్నికల సంఘం నిబంధనలు, అమల్లో ఉన్న ఆంక్షలను విధిగా పాటించాలని జిల్లా ఎస్పీ వకుల్‌ జిందాల్‌ శనివారం ఒక ప్రకటనలో కోరారు. అభ్యర్థులు, రాజకీయ పార్టీల సభలు, ర్యాలీలు నిర్వహణకు ముందస్తు పోలీసుల అనుమతులు తీసుకోవాలని సూచించారు. ఎన్నికల వేళల్లో మైకులు, డీజేలు వినియోగించేందుకు కూడా అనుమతులు ఉండాలని చెప్పారు. నామినేషన్ల ప్రక్రియ సందర్భంగా అమలవుతున్న సెక్షన్‌ 163(పాత సెక్షన్‌ 144) కింద విధించిన ఆంక్షలు ప్రతి ఒక్కరూ పాటించాలని అన్నారు. ఎన్నికల నియమావళి ఉల్లంఘనలకు సంబంధించి తెనాలిలో ఒకటి, గుంటూరులో మూడు కేసులు నమోదైనట్లు తెలిపారు. యువత మాదకద్రవ్యాలకు దూరంగా ఉండాలిఏపీ ఈగల్‌ చీఫ్‌ ఐజీపీ ఆకే రవికృష్ణ చేబ్రోలు: మండలం వడ్లమూడిలోని విజ్ఞాన్‌ యూనివర్సిటీలో అంతర్జాతీయ విద్యార్థులకు మాదకద్రవ్యాల వల కలిగే అనర్థాలు, వాటి నివారణపై ఏపీ ఈగల్‌ చీఫ్‌ ఐజీపీ ఆకే రవికృష్ణ అవగాహన కల్పించారు. యువత చెడు స్నేహాలకు, సోషల్‌ మీడియా ప్రభావానికి లోనుకాకుండా మాదకద్రవ్యాలకు దూరంగా ఉండాలని పిలుపునిచ్చారు. భారతదేశంలో విద్యనభ్యసిస్తున్న విదేశీ విద్యార్థులు దేశ చట్టాలను గౌరవిస్తూ, నిబంధనలను తప్పనిసరిగా పాటించాలని సూచించారు. విజ్ఞాన్‌ యూనివర్సిటీలో శుక్రవారం నిర్వహించిన ఈ కార్యక్రమంలో 12 దేశాలకు చెందిన విద్యార్థులు పాల్గొన్నారు. రవికృష్ణ మాట్లాడుతూ మాదకద్రవ్యాల సమస్య కేవలం ఆరోగ్యానికి సంబంధించిన అంశం మాత్రమే కాదని, అక్రమ డ్రగ్స్‌ వ్యాపారం ద్వారా సమకూరే నిధులు ఉగ్రవాదం, అక్రమ ఆయుధాల రవాణా వంటి కార్యకలాపాలకు ఉపయోగపడుతున్నాయని వివరించారు. విద్యార్థులు స్నేహితుల ఒత్తిడికి తలొగ్గకుండా డ్రగ్స్‌కు ధైర్యంగా ‘నో’ చెప్పాలని, వ్యసనానికి గురైన వారిని దూరం పెట్టకుండా వైద్య చికిత్స, కౌన్సెలింగ్‌, పునరావాసం పొందేలా సహకరించాలని కోరారు. క్రీడలు, యోగా, వ్యాయామం, సామాజిక సేవ, రక్తదానం వంటి కార్యక్రమాల్లో పాల్గొంటూ చదువుపై దృష్టి సారించాలని సూచించారు. ఆపరేషన్‌ చైతన్య, ఆపరేషన్‌ వజ్రప్రహార్‌, ఆపరేషన్‌ సేఫ్‌ క్యాంపస్‌, ఆపరేషన్‌ గరుడ, ఈగల్‌ పల్లెబాట వంటి కార్యక్రమాల ద్వారా గంజాయి సాగు, అక్రమ రవాణా, డ్రగ్స్‌ విక్రయాలు, నియంత్రిత ఔషధాల దుర్వినియోగంపై చర్యలు తీసుకుంటున్నట్లు వివరించారు. మాదకద్రవ్యాల అక్రమ రవాణాను అరికట్టేందుకు ఆర్టిఫిషియల్‌ ఇంటెలిజెన్స్‌, డేటా అనలిటిక్స్‌, డిజిటల్‌ ఫోరెన్సిక్స్‌, జీఐఎస్‌ మ్యాపింగ్‌, ఉపగ్రహ, డ్రోన్‌ చిత్రాల విశ్లేషణ వంటి సాంకేతిక రంగాల్లో విద్యార్థులు పరిశోధనలు చేపట్టాలని సూచించారు. కార్యక్రమంలో పొన్నూరు టౌన్‌ సీఐ కిషోర్‌, గుంటూరు ఈగల్‌ ఎస్‌ఐ ఎం.సునీల్‌బాబు పాల్గొన్నారు. ఆరు మండలాల్లో తేలికపాటి వర్షం కొరిటెపాడు(గుంటూరు): గుంటూరు జిల్లాలో శుక్రవారం ఉదయం నుంచి శనివారం ఉదయం వరకు ఆరు మండలాల్లో తేలికపాటి వర్షం కురిసింది. అత్యధికంగా ప్రత్తిపాడు మండలంలో 16.4 మిల్లీ మీటర్లు వర్షం కురవగా, అత్యల్పంగా తుళ్లూరు మండలంలో 0.8 మి.మీ వర్షం కురిసింది. సగటున 1.8 మి.మీ వర్షపాతం నమోదైంది. అక్టోబర్‌ నెలలో 17వ తేదీ నాటికి జిల్లాలో సాధారణ వర్షపాతం 71 మి.మీ పడాల్సి ఉండగా, ఇప్పటి వరకు కేవలం 9.2 మి.మీ వర్షపాతం మాత్రమే నమోదైంది.

జిల్లా వ్యవసాయ అధికారి పద్మావతి కొరిటెపాడు(గుంటూరు): పంటల సగటు దిగుబడిని శాసీ్త్రయంగా అంచనా వేయడంలో పంట కోత ప్రయోగాలు (సీసీఈ) కీలక పాత్ర పోషిస్తాయని గుంటూరు జిల్లా వ్యవసాయ అధికారి ఎం.పద్మావతి పేర్కొన్నారు. వ్యవసాయ గణాంకాల సేకరణతో పాటు పంటల దిగుబడి ఆధారంగా రైతులకు పంటల బీమా పరిహారం అందించడంలో ఈ ప్రయోగాలు ఎంతో ఉపయోగపడతాయని వివరించారు. స్థానిక కృషీ భవన్‌లో పంట కోత ప్రయోగాలపై శనివారం మండల వ్యవసాయ అధికారులు, వీఏఏ, వీహెచ్‌ఏలు, వ్యవసాయ, ప్లానింగ్‌ సిబ్బందికి శిక్షణ కార్యక్రమం నిర్వహించారు. ఈ సందర్భంగా డీఏఓ పద్మావతి మాట్లాడుతూ ఎంపిక చేసిన పొలాల్లో నిర్ణీత విస్తీర్ణంలో పంటను కోసి, నూర్పిడి చేసి, దిగుబడిని తూకం వేయడం ద్వారా వాస్తవ ఉత్పత్తిని పక్కాగా లెక్కించాలని సూచించారు. ఈ వివరాల ఆధారంగా పంట సగటు దిగుబడిని అంచనా వేయడం జరుగుతోందని, దీనివల్ల పంట ఉత్పత్తికి సంబంధించి విశ్వసనీయమైన గణాంకాలు సేకరించేందుకు అవకాశం ఉంటుందని వివరించారు. ప్రధానమంత్రి ఫసల్‌ బీమా యోజన అమలులో పంట కోత ప్రయోగాల ఫలితాలు ముఖ్యమైనవన్నారు. నేషనల్‌ శాంపిల్‌ సర్వే కార్యాలయం అధికారి శ్రీనివాసరావు మాట్లాడుతూ పంటల దిగుబడి అంచనాల ద్వారా ఆహార ధాన్యాల ఉత్పత్తి వివరాలు తెలుస్తాయన్నారు. కార్యక్రమంలో వ్యవసాయ శాఖ ఉపసంచాలకులు సునీత, చీఫ్‌ ప్లానింగ్‌ అధికారి మాలతి, డి.సునీల్‌, శర్మ పాల్గొన్నారు.

తెనాలి రూరల్‌: ఎదురెదురుగా వస్తున్న రెండు ద్విచక్ర వాహనాలు ఢీకొన్న ఘటనలో ఆర్టీసీ డ్రైవరు మృతిచెందగా మరొకరికి తీవ్ర గాయాలయ్యాయి. కొల్లిపర మండలం శివలూరు గ్రామానికి చెందిన ఆర్టీసీ డ్రైవర్‌ కట్టెబోయిన శ్రీనివాసరావు(47) శనివారం విధి నిర్వహణ నిమిత్తం బైక్‌పై తెనాలి బయలుదేరాడు. అతడి బైక్‌ వెనుక అదే గ్రామానికి చెందిన మండగిరి నాగమల్లేశ్వరరావు ఉన్నారు. బైక్‌ పట్టణ టు టౌన్‌ పోలీస్‌స్టేషన్‌ పరిధిలోని వైవీఆర్‌ కాలనీకి చేరుకోగానే వేగంగా ఎదురుగా వస్తున్న మరో బైక్‌ ఢీకొంది. ప్రమాదంలో శ్రీనివాసరావు, నాగమల్లేశ్వరరావులకు తీవ్ర గాయాలయ్యాయి. క్షతగాత్రులను స్థానికులు తెనాలి ప్రభుత్వ వైద్యశాలకు తరలించగా అప్పటికే శ్రీనివాసరావు మృతి చెందినట్లు వైద్యులు నిర్ధారించారు. తీవ్ర గాయాలపాలైన నాగమల్లేశ్వరరావును మెరుగైన వైద్యం నిమిత్తం గుంటూరు తరలించారు. పట్టణ టు టౌన్‌ పోలీసులు విచారణ చేపట్టారు. కాగా ప్రమాదానికి కారణమైన మరో బైక్‌పై ఉన్న యువకులు గాయాలతో వైద్యశాలలో చేరినట్టు సమాచారం.

గుంటూరు వెస్ట్‌: స్థానిక సంస్థల ఎన్నికల నిర్వహణలో అధికారులు పూర్తి బాధ్యతతో, అప్రమత్తంగా విధులు నిర్వర్తించాలని జాయింట్‌ కలెక్టర్‌ అశుతోష్‌ శ్రీవాస్తవ స్ఫష్టం చేశారు. ఎన్నికల విధుల్లో ఎలాంటి నిర్లక్ష్యం, అలసత్వం వహించినా ఉపేక్షించేది లేదని, నిబంధనల ప్రకారం క్రమశిక్షణా చర్యలు తీసుకుంటామని హెచ్చరించారు. శనివారం స్థానిక కలెక్టరేట్‌లోని వీసీ హాల్లో స్థానిక సంస్థల ఎన్నికల రిటర్నింగ్‌ అధికారులతో నిర్వహించిన సమీక్షలో జేసీ మాట్లాడుతూ ఎన్నికల నిర్వహణకు సంబంధించి అధికారులకు అప్పగించిన బాధ్యతలను సమర్థవంతంగా పూర్తి చేయాలని సూచించారు. శిక్షణకు గైర్హాజరైతే చర్యలు తప్పవు ఎన్నికల విధుల నిర్వహణకు సంబంధించి ప్రిసైడింగ్‌ అధికారులు, అసిస్టెంట్‌ ప్రిసైడింగ్‌ అధికారులు తప్పనిసరిగా శిక్షణ తరగతులకు హాజరుకావాలని జేసి స్పష్టం చేశారు. ఎన్నికల విధులపై పూర్తి అవగాహన కలిగి ఉండటం ద్వారా పోలింగ్‌ ప్రక్రియను సజావుగా నిర్వహించవచ్చని తెలిపారు. సరైన కారణం లేకుండా శిక్షణ తరగతులకు గైర్హాజరయ్యే పీఓలు, ఏపీఓలపై నిబంధనల మేరకు క్రమశిక్షణా చర్యలు తీసుకుంటామని హెచ్చరించారు. ఎన్నికల నిర్వహణకు సంబంధించి ఆయా అధికారులు ప్రతిరోజూ నివేదికలను క్రమం తప్పకుండా పంపించాలని తెలిపారు. నివేదికల సమర్పణలో జాప్యం జరగకుండా చూసుకోవాలన్నారు. ఎన్నికల ప్రక్రియలోని ప్రతి అంశంపై అధికారులు పరస్పర సమన్వయంతో పనిచేయాలని తెలిపారు. సమావేశంలో జిల్లా రెవెన్యూ అధికారి ఎన్‌.ఎస్‌.కె.ఖాజావలి, ఎన్నికల రిటర్నింగ్‌ అధికారులు పాల్గొన్నారు.

కొరిటెపాడు(గుంటూరు): నూతన పరిశ్రమల స్థాపన, స్వయం ఉపాధి అవకాశాల కల్పనకు యూనియన్‌ బ్యాంక్‌ ఆఫ్‌ ఇండియా(యూబీఐ) అండగా నిలుస్తోందని ఆ బ్యాంక్‌ విజయవాడ జోన్‌ జనరల్‌ మేనేజర్‌, రాష్ట్ర స్థాయి బ్యాంకర్ల కమిటీ కన్వీనర్‌ కట్టా శ్రీధర్‌బాబు తెలిపారు. గుంటూరు జీటీ రోడ్‌లోని యూబీఐ జోనల్‌ కార్యాలయంలో శనివారం నిర్వహించిన ఎంఎస్‌ఎంఈ హ్యాండ్‌హోల్డింగ్‌ కార్యక్రమంలో ఆయన మాట్లాడారు. ఔత్సాహిక పారిశ్రామికవేత్తలకు రుణ దరఖాస్తుల ప్రక్రియలో, వ్యాపారాభివృద్ధిలో అవసరమైన సహకారం అందిస్తామని తెలిపారు. అర్హతలు, బ్యాంకింగ్‌ నిబంధనలకు అనుగుణంగా రుణ సదుపాయాలను పొందేందుకు ఎంఎస్‌ఎంఈ హ్యాండ్‌హోల్డింగ్‌ సెంటర్‌ సహకరిస్తుందని పేర్కొన్నారు. ఔత్సాహిక వ్యాపారవేత్తలు తమ సమస్యలు, రుణ ప్రతిపాదనలను అధికారుల దృష్టికి తీసుకురాగా, సంబంధిత అధికారులు తగిన సూచనలు అందించారు. అనంతరం ఎనిమిది మంది ఔత్సాహిక పారిశ్రామికవేత్తలకు రుణ మంజూరు పత్రాలను అందజేశారు. కార్యక్రమంలో యూబీఐ రీజినల్‌ హెడ్‌ హనుమంత్‌రెడ్డి, ఏజీఎం హనుమంతరావు, ఎల్‌డీఎం మహిపాల్‌రెడ్డి, అశోక్‌, వివిధ శాఖల అధికారులు, పారిశ్రామికవేత్తలు, ఔత్సాహిక యువత, బ్యాంకు ఖాతాదారులు తదితరులు పాల్గొన్నారు. గుంటూరులో ఎంఎస్‌ఎంఈ హ్యాండ్‌ హోల్డింగ్‌ కార్యక్రమం

తాడికొండ: రాజధానిలో మధ్యప్రదేశ్‌ ముఖ్యమంత్రి డాక్టర్‌ మోహన్‌ యాదవ్‌ శనివారం పర్యటించారు. రాయపూడిలోని ఏపీ సీఆర్డీఏ ప్రధాన కార్యాలయాన్ని సందర్శించిన సీఎం బృందానికి సీఆర్డీఏ కమిషనర్‌ వి.విజయ రామరాజు, అడిషనల్‌ కమిషనర్లు ఏ భార్గవతేజ, టి.రాహుల్‌కుమార్‌రెడ్డి, అభిషేక్‌కుమార్‌ స్వాగతం పలికారు. ప్రధాన కార్యాలయంలోని అమరావతి ఇంటిగ్రేటెడ్‌ కమాండ్‌ కంట్రోల్‌ సెంటర్‌లో అమరావతి విజన్‌, విస్తృత నగర ప్రణాళిక, ప్రస్తుతం జరుగుతున్న అభివృద్ధి పనులను వివరించారు. ఏపీ సీఆర్డీయే ఆధ్వర్యంలో నిర్వహింపబడుతున్న అత్యాధునిక డిజిటల్‌ ట్విన్‌ ప్లాట్‌ఫామ్‌ ద్వారా అమరావతి మాస్టర్‌ ప్లాన్‌, మౌలిక సదుపాయాల ప్రాజెక్టులు, నగర అభివృద్ధిలో అనుసరిస్తున్న నూతన సాంకేతిక విధానాలు, భవిష్యత్‌ ప్రణాళికలను ఆయనకు వివరించారు. గుంటూరు వెస్ట్‌(క్రీడలు): జూనియర్‌ జాతీయ అథ్లెటిక్స్‌ పోటీలకు బి.వంశీ ఎంపికై నట్లు జేకేసీ కళాశాల పీడీ బి.కృష్ణారావు శనివారం తెలిపారు. ఈనెల 23 నుంచి చైన్నెలో నిర్వహించనున్న పోటీల్లో పాల్గొంటాడని వివరించారు. కళాశాలలో బీబీఏ మొదటి సంవత్సరం చదువుతున్న వంశీ ఇటీవల కర్నూలు జిల్లా ఆదోనిలో జరిగిన ఏపీ స్టేట్‌ జూనియర్‌ అథ్లెటిక్‌ చాంపియన్షిప్‌ పోటీల్లో అండర్‌– 18 బాలుర విభాగంలో 100 మీటర్ల పరుగు పందెంలో సిల్వర్‌ మెడల్‌ సాధించినట్లు వివరించారు. వంశీ జాతీయ పోటీలకు ఎంపిక కావడం అభినందనీయమన్నారు. వంశీని కరస్పాండెంట్‌ మురళీమోహన్‌, ప్రిన్సిపాల్‌ పి.గోపీచంద్‌, వైస్‌ ప్రిన్సిపాల్‌ కే సాంబశివురావు అభినందించారు. నెహ్రూనగర్‌: స్థానిక సంస్థల ఎన్నికల్లో పోటీ చేసే అభ్యర్థులు తమ ఖర్చుల వివరాలను రాష్ట్ర ఎన్నికల సంఘం(ఎస్‌ఈసీ) నిర్దేశించిన నమూనాలోనే తప్పనిసరిగా సమర్పించాలని ఎగ్జామినర్‌ ఆఫ్‌ అకౌంట్స్‌ ఎలీషా స్పష్టం చేశారు. అడిషనల్‌ ఎలక్షన్‌ అథారిటీ, నగర కమిషనర్‌ కె.మయూర్‌ అశోక్‌ ఆదేశాల మేరకు శనివారం జీఎంసీ కౌన్సిల్‌ సమావేశ మందిరంలో అసిస్టెంట్‌ ఎక్స్‌పెండిచర్‌ అబ్జర్వర్లు, అకౌంటింగ్‌ బృందాలకు శిక్షణ కార్యక్రమం నిర్వహించారు. ఈ సందర్భంగా ఎలీషా మాట్లాడుతూ ఎన్నికలు పారదర్శకంగా, నిష్పాక్షపాతంగా జరిగేలా అకౌంటింగ్‌ బందాలు పనిచేయాలన్నారు. ప్రచార సామాగ్రి, వాహనాలు, కార్యకర్తల కోసం చేసే ఖర్చులను ఎస్‌ఈసీ ప్రొఫార్మాలోనే నమోదు చేసి, ఫలితాలు వెల్లడైన 45 రోజుల్లోగా ఎన్నికల అధికారులకు దాఖలు చేయాల్సి ఉంటుందని తెలిపారు. అభ్యర్థులు చూపించే ఖర్చులను పరోక్ష పర్యవేక్షణ ద్వారా ‘షాడో అబ్జర్వేషన్‌ రిజిస్టర్‌’ (ఎస్‌వోఆర్‌)లో నమోదు చేసిన వివరాలతో సరిపోల్చి చూస్తామని పేర్కొన్నారు. ఎఫ్‌ఎస్‌టీ, ఎస్‌ఎస్‌టీ, ఎంసీసీ తదితర వ్యయ పర్యవేక్షణ బందాలు మార్గదర్శకాలకు లోబడి విధులు నిర్వహించాలని సూచించారు. కార్యక్రమంలో అకౌంట్స్‌ ఆఫీసర్‌ తిరుపతి నాయుడు, అసిస్టెంట్‌ ఎగ్జామినర్‌ ఆఫ్‌ అకౌంట్స్‌ తిరుపతయ్య, డిస్ట్రిక్ట్‌ ఆడిట్‌ ఆఫీసర్‌ శ్రీకాంత్‌ పాల్గొన్నారు.

గుంటూరు వెస్ట్‌(క్రీడలు): విషీస్‌ చెస్‌ కప్‌ జిల్లా స్థాయి ఓపెన్‌ చెస్‌ టోర్నమెంట్‌ విజేతగా చిన్నం వైష్ణవి నిలిచింది. హిందూ కాలేజ్‌ ఆఫ్‌ ఇంజినీరింగ్‌ అండ్‌ టెక్నాలజీ ప్రాంగణంలో శుక్రవారం నిర్వహించిన టోర్నమెంట్‌లో వైష్ణవి 7కు 7 పాయింట్లు సాధించగా రెండో స్థానంలో రెల్లా లోకేష్‌ 6 పాయింట్లతో, మూడో స్థానంలో ఎం.సాంబశివరావు 6 పాయింట్లతో నిలిచారు. టోర్నమెంట్‌ నిర్వహకులు ఎం.గోపీనాధ్‌ మాట్లాడుతూ జిల్లా వ్యాప్తంగా అనేక మంది పోటీల్లో ఉత్సాహంగా పాల్గొని విజయవంతం చేశారన్నారు. అనంతరం నిర్వహించిన బహుమతి ప్రదానోత్సవ కార్యక్రమానికి ఆనంద్‌ చెస్‌ వింగ్స్‌ వ్యవస్థాపకులు ఎం. సాంబశివరావు, రాష్ట్ర స్థాయి సీనియర్‌ చెస్‌ క్రీడాకారులు సి.ఎస్‌.అమర్‌ ముఖ్య అతిథులుగా హాజరై విజేతలకు బహుమతులు అందజేశారు. టోర్నమెంట్‌కు చీఫ్‌ ఆర్బిటర్‌గా ఫిడే ఆర్బిటర్‌ ఎం.గోపీనాథ్‌ వ్యవహరించారు. గుంటూరు రూరల్‌: జనసేన కార్యకర్తలపై టీడీపీ నాయకులు దాడిచేసి గాయపరిచిన ఘటన శుక్రవారం వట్టిచెరుకూరు మండలం కారంపూడిపాడులో వెలుగు చూసింది. బాధితులు జిల్లా ఎస్పీకి ఫిర్యాదు చేసిన వివరాలు.. గ్రామానికి చెందిన నీలం దినేష్‌, తోటకూర శివయ్య తమకు సీఎంఆర్‌ఎఫ్‌ చెక్కు రావటంతో దానిని తీసుకునేందుకు ఈనెల 14వ తేదీన నగరంలోని స్థానిక ఎమ్మెల్యే రామాంజనేయులు కార్యాలయానికి ద్విచక్ర వాహనంపై వెళ్లారు. ఇంటికి వస్తుండగా రాత్రి సమయంలో కారంపూడిపాడు వచ్చే దారిలో నాగిశెట్టి నాగరాజు అనే వ్యక్తి, వారిని ఫార్చునర్‌ కారుతో అడ్డగించి మూడుసార్లు ఢీకొట్టే ప్రయత్నం చేశాడని వాపోయారు. అనంతరం ఊరిబయట కాపు కాసి తమ ద్విచక్ర వాహనానికి కారును అడ్డుపెట్టి అమ్మనాబూతులు తిడుతూ ఎమ్మెల్యే ఆఫీసుకు ఎందుకు వెళ్లారని కారులోని కర్రలు, రాడ్లు తీసి కొట్టాడని ఫిర్యాదు చేశారు. దాడిని తట్టుకోలేక అక్కడి నుంచి పారిపోయి ఇంటికి వచ్చామని వివరించారు. ప్రాణభయం ఉందని, అతడిపై చర్యలు తీసుకుని ఇరువురికి రక్షణ కల్పించాలని కోరారు. తరువాత రోజున జీజీహెచ్‌కు వెళ్లి చికిత్స చేయించుకుని ఎమ్మెల్సీ కేసు నమోదు చేయించామని తెలిపారు. నెల్లూరు(పొగతోట): మంగళగిరిలో ఇంటి నుంచి వెళ్లిపోయి గూడూరు రైల్వేస్టేషన్‌కు చేరుకున్న బాలికను డిస్ట్రిక్ట్‌ చైల్డ్‌ ప్రొటెక్షన్‌ యూనిట్‌ (డీసీపీయూ), చైల్డ్‌లైన్‌ సిబ్బంది సమన్వయంతో సంరక్షించారు. కౌన్సెలింగ్‌ అనంతరం శుక్రవారం నెల్లూరులోని ఐసీపీఎస్‌ కార్యాలయంలో తల్లికి అప్పగించారు. వివరాలిలా ఉన్నాయి. తల్లి మందలించడంతో మనస్తాపానికి గురైన బాలిక ఇంటి నుంచి వెళ్లిపోయి రైలులో గూడూరు చేరుకుంది. అక్కడ విధుల్లో ఉన్న జీఆర్పీ, ఆర్పీఎఫ్‌ పోలీసులు ఈ విషయాన్ని హెల్ప్‌లైన్‌కు తెలియజేశారు. దీంతో చైల్డ్‌లైన్‌ సిబ్బంది బాలికను సంరక్షణలోకి తీసుకున్నారు. అనంతరం బాలికకు, ఆమె తల్లికి కౌన్సెలింగ్‌ ఇచ్చి బాలికను తల్లికి అప్పగించారు. కార్యక్రమంలో జిల్లా బాలల సంరక్షణాధికారి బి.సురేష్‌, ఇతర సిబ్బంది పాల్గొన్నారు. తాడికొండ: లేడిస్‌ హాస్టల్‌లో పనిచేస్తున్న వ్యక్తి భవనంపై నుంచి దూకి ఆత్మహత్య చేసుకున్న ఘటన శుక్రవారం చోటుచేసుకుంది. పోలీసులు తెలిపిన వివరాలు.. తుళ్లూరు మండలం, మల్కాపురంలోని జై సూర్య లేడీస్‌ హాస్టల్‌ను ఐనవోలు గ్రామానికి చెందిన పాలకాయల సైదులు నిర్వహిస్తున్నాడు. సుమారు ఆరు నెలల క్రితం అమరావతి మండలం మల్లాదికి చెందిన చెన్నంశెట్టి వీరాంజనేయులు(38) భార్య భార్గవి, కుమార్తెతో కలిసి హాస్టల్‌లో చేరి పనిచేస్తున్నాడు. ఉదయం రోజువారీ విధుల్లో భాగంగా హాస్టల్‌లో పనిచేస్తున్న సమయంలో, వీరాంజనేయులు తాను నివాసం ఉంటున్న ఎ+2 భవనంపైకి వెళ్లి, అక్కడి నుంచి కిందకు దూకి మృతి చెందాడు. సమాచారం అందుకున్న తుళ్లూరు ఎస్‌హెచ్‌వో శ్రీనివాసరావు, ఎస్‌ఐ మురళీధర్‌ ఘటనా స్థలాన్ని పరిశీలించారు. కేసు నమోదు చేశారు.

లక్ష్మీపురం: ప్రతి ఓటరు హక్కును కాపాడాలని, ప్రత్యేక సమగ్ర సమీక్ష (’సర్‌’) ప్రక్రియను తక్షణమే నిలిపివేయాలని శాసనమండలి మాజీ సభ్యులు కె.ఎస్‌.లక్ష్మణరావు కోరారు. గుర్రం జాషువా విజ్ఞాన కేంద్రం, జన విజ్ఞాన వేదిక, అవగాహన, మధ్యతరగతి ఫోరం, ఆల్‌ ఇండియా అభ్యుదయ ఫోరం ఆధ్వర్యంలో స్థానిక లాడ్జి సెంటర్‌లోని అంబేడ్కర్‌ విగ్రహం వద్ద జాషువా విజ్ఞాన కేంద్రం ఆర్గనైజింగ్‌ కార్యదర్శి వి.వి.కే.సురేష్‌ అధ్యక్షతన శుక్రవారం సాయంత్రం క్యాండిల్‌ ప్రదర్శన నిర్వహించారు. ఈసందర్భంగా ఆయన మాట్లాడుతూ దేశ చరిత్రలోనే పెద్ద ఎత్తున కోట్లాది మంది ఓట్లను తొలగించడం దుర్మార్గమని, బెంగాల్‌ మరియు బిహార్‌ వంటి రాష్ట్రాల్లో ’సర్‌’ అత్యంత హడావిడిగా అమలు చేశారని దాని ప్రభావం ఎన్నికల ఫలితాలపై పడిందని పేర్కొన్నారు. ఫారం– 6లో ఎన్నికల కమిషన్‌ ఏకపక్షంగా మార్పులు చేయడాన్ని సుప్రీంకోర్టు కూడా తప్పు పట్టిందని అన్నారు. ఓటర్ల జాబితాలో జరిగిన అవకతవకలకు పూర్తి బాధ్యత వహించి ప్రధాన ఎన్నికల కమిషనర్‌ జ్ఞానేష్‌ కుమార్‌ రాజీనామా చేయాలని డిమాండ్‌ చేశారు. అవగాహన కార్యదర్శి కొండా శివరామిరెడ్డి మాట్లాడుతూ ఎన్నికల కమిషనర్ల ఎంపిక కమిటీ నుంచి సుప్రీంకోర్టు ప్రధాన న్యాయమూర్తి పేరును తొలగిస్తూ చట్ట సవరణ చేయడం ప్రజాస్వామ్య వ్యవస్థకు విఘాతమని, ఎన్నికల సంఘం స్వతంత్రత, నిష్పాక్షికతతలను దెబ్బ తీశారని అన్నారు. ప్రజా ఉద్యమాల అణచివేత, ప్రజా ప్రతినిధులపై అమానుషమైన దాడి, అక్రమ కేసులు, యువత మరియు విద్యార్థుల పోరాటంపై దాడి ప్రభుత్వ అసహనాన్ని స్పష్టం చేస్తున్నాయని తెలిపారు. కార్యక్రమంలో జన చైతన్య వేదిక రాష్ట్ర కన్వీనర్‌ వి.లక్ష్మణరెడ్డి, యూటీఎఫ్‌ సీనియర్‌ నేత ఎం.హనుమంతరావు, వివిధ సంస్థల తరపున వి.రాధాకృష్ణమూర్తి, వి.సదాశివరావు, ఎన్‌.భావన్నారాయణ, జాన్‌ బాబు, విశ్రాంత ఇంజినీర్‌ జి.వెంకట్రావు, అబ్దుల్‌ సలీమ్‌, ఎం.ఎ.చిష్టి పాల్గొన్నారు.

అధికార పార్టీ నిబంధనలు లెక్కచేయడం లేదు.. అధికారులు చూసీచూడనట్లు వ్యవహరిస్తున్నారు. నగరంలో గుంటూరు నగరంలో ఎమ్మెల్యేల ఫ్లెక్సీలు ఇప్పటికీ ప్రధాన కూడళ్లలో దర్శనమిస్తున్నాయి. ఎన్నికల కోడ్‌ అమల్లోకి వచ్చినా పట్టించుకోవడం లేదు. ఆరోగ్యశ్రీ లోగో, తల్లిబిడ్డ ఎక్స్‌ప్రెస్‌ వాహనాలపై చంద్రబాబు, పవన్‌ కళ్యాణ్‌, నారా లోకేష్‌ ఫొటోలు యథాతథంగా కొనసాగుతున్నాయి. నగరంలోని మందుల షాపులపై సైతం చంద్రబాబు ఫొటోలతో కూడిన స్టిక్కర్లు, ప్రభుత్వ పథకాల ప్రచార ఫ్లెక్సీలు అలాగే ఉన్నాయి. ఉలంఘనలపై ప్రజా సంఘాలు ప్రశ్నిస్తున్నాయి. –సాక్షి ఫొటోగ్రాఫర్‌, గుంటూరు

నెహ్రూనగర్‌: గుంటూరు నగర పాలక సంస్థ మేయర్‌ స్థానానికి వైఎస్సార్‌ సీపీ అభ్యర్థిగా తాడికొండ అలివేలు వెంకట నాగ పద్మ శ్రీదేవిని ఆ పార్టీ ఖరారు చేసింది. వైఎస్సార్‌ సీపీ అధ్యక్షుడు, మాజీ ముఖ్యమంత్రి వైఎస్‌ జగన్‌మోహన్‌రెడ్డి ఆదేశాల మేరకు ఆమె అభ్యర్థిత్వాన్ని ఖరారు చేస్తూ శుక్రవారం పార్టీ కేంద్ర కార్యాలయం అధికారిక ఉత్తర్వులు జారీ చేసింది. గుంటూరు పశ్చిమ నియోజకవర్గంలోని 47వ వార్డుకు చెందిన శ్రీదేవి వ్యాపారవేత్త తాడికొండ లీలా వెంకట వీరాంజనేయులు (టీఎల్‌వీ) సతీమణి. వీరాంజనేయులు నగర వ్యాపార, వాణిజ్య రంగాల్లో ప్రముఖునిగా ఉంటూ ఇటీవల ’ది ఇండియన్‌ చాంబర్‌ ఆఫ్‌ కామర్స్‌’ (గుంటూరు) అధ్యక్షుడిగా ఎన్నికయ్యారు. ఉన్నత విలువల కుటుంబ నేపథ్యం కలిగిన శ్రీదేవి ఇంటర్‌ వరకు విద్యాభ్యాసం పూర్తి చేశారు. ఆర్యవైశ్య సామాజిక వర్గానికి చెందిన ఆమె సేవాకార్యక్రమాలతో మన్ననలు పొందారు. ఆమెకు అవకాశం కల్పించడంపై ఆర్యవైశ్య ప్రముఖులు, వాణిజ్య వర్గాలు, ప్రజలు హర్షం వ్యక్తం చేస్తున్నాయి.

తెనాలి: పరుగు పందెంలో గెలుపు అంటే మంచి ఆరంభంపైనే ఆధారపడి ఉంటుంది. రాజకీయాలకూ ఈ సూత్రం వర్తిస్తుందని సీనియర్‌ నాయకులు చెబుతుంటారు. ప్రస్తుత మున్సిపల్‌ ఎన్నికల రేసులో ఆంధ్రప్యారిస్‌ తెనాలిలో వైఎస్సార్‌ కాంగ్రెస్‌ పార్టీ దూకుడు ప్రదర్శించింది. 52 వార్డుల బీఫారాలు తీసేసుకోవటమే కాకుండా, ఎంపిక చేసిన నలుగురు అభ్యర్థులు తొలిరోజునే నామినేషన్లను దాఖలు చేశారు. కూటమి పార్టీలో స్థానిక సారథులైన రాష్ట్ర మంత్రి నాదెండ్ల మనోహర్‌, ఎమ్మెల్సీ ఆలపాటి రాజేంద్రప్రసాద్‌ల మధ్య సీట్ల పంచాయితీ ఇంకా తేలనేలేదు. ఆశావహులకు ఇదే పెద్ద తలనొప్పిగా మారింది. గెలుపు లక్ష్యంగా..ఎన్నికలు ఎప్పుడొచ్చినా గెలుపు లక్ష్యంగా పోటీ పడాలన్న భావనతో వైఎస్సార్‌ కాంగ్రెస్‌ పార్టీ అధినేత, మాజీ ముఖ్యమంత్రి వైఎస్‌ జగన్‌మోహన్‌రెడ్డి పార్టీ సంస్థాగత నిర్మాణాన్ని చేపట్టిన విషయం తెలిసిందే. ఆ ప్రకారం నియోజకవర్గంలోని పట్టణ వార్డు కమిటీలు, గ్రామ కమిటీలను నియమించారు. వివిధ విభాగాలకు సంబంధించిన అనుబంధ కమిటీల నియామకాన్ని కూడా పూర్తి చేశారు. ఇందుకోసం నెలల తరబడి గ్రామ, వార్డు సభలను నిర్వహిస్తూ నియామకాలను జరిపారు. నియోజకవర్గానికో నాలుగు వేల పార్టీ సైన్యాన్ని సిద్ధం చేశారు. ఆ క్రమంలో తెనాలి నియోజకవర్గంలోనూ అన్ని కమిటీలతో పార్టీ వర్గాల్లో కొత్త ఉత్సాహం నెలకొంది. ముందుగా చెప్పినట్టుగా గుర్తింపు కార్డులనూ అందజేశారు. స్థానిక సంస్థల ఎన్నికల్లో భాగంగా ముందుగా జరగనున్న మున్సిపల్‌ ఎన్నికల్లో కూటమి పార్టీల మధ్య సీట్ల పంచాయితీ నడుస్తోంది. వైఎస్సార్‌ సీపీ మాత్రం తెనాలి చైర్మన్‌ అభ్యర్థిగా వ్యాపార ప్రముఖుడు మద్దాళి శేషాచలం పేరును ప్రకటించటంతో ముందడుగు వేసింది. పేరు ఇప్పటికే ఖరారు పార్టీ సమన్వయకర్త, మాజీ ఎమ్మెల్యే అన్నాబత్తుని శివకుమార్‌ ఇచ్చిన హామీ ప్రకారం గత ఎన్నికల్లో జనరల్‌ మహిళకు రిజర్వు చేసిన చైర్‌పర్సన్‌ సీట్లో తొలుత ముస్లిం మైనారిటీకి, చివరి రెండున్నరేళ్లకు బీసీలకు అవకాశం ఇచ్చిన విషయం తెలిసిందే. ఇచ్చిన మాట నిలబెట్టుకున్న శివకుమార్‌... ఈసారి ఎన్నికల్లో ఇతర ఓసీ సామాజికవర్గాల నుంచి ఒత్తిడి ఉన్నప్పటికీ, తనను ఎంతో ఆదరించిన ఆర్యవైశ్యులకు చైర్మన్‌ అవకాశం కల్పించారు. ఆ ప్రకారంగానే పార్టీ అధిష్ఠానానికి తెనాలి నుంచి మద్దాళి శేషాచలం పేరును మాత్రమే ప్రతిపాదించారు. అధిష్ఠానం దీనికి ఆమోదముద్ర వేసి గురువారం సాయంత్రమే అభ్యర్థిని ప్రకటించింది. కౌన్సిలర్‌ అభ్యర్థుల ఎంపికలోనూ అదే దూకుడును పార్టీ ప్రదర్శించింది. దాదాపు అందరు అభ్యర్థులకూ ఎన్‌ఓసీలు, బీఫారాలు తీసుకున్నారు. తొలిరోజున నలుగురు కౌన్సిలర్‌ అభ్యర్థులు నామినేషన్లను ఆయా కేంద్రాలలో దాఖలు చేశారు. తెనాలి మున్సిపల్‌ కార్యాలయ ప్రాంతం (ఫైల్‌)కూటమి తరఫున చైర్మన్‌ పదవిని జనసేనకు కేటాయిస్తూ గురువారం రాత్రి పొద్దుపోయాక నిర్ణయించారు. 24 గంటల తర్వాత శుక్రవారం రాత్రికి కూడా పోటీచేసే అభ్యర్థిని ఆ పార్టీ ప్రకటించనేలేదు. కాపు సామాజికవర్గానికి చెందిన సీనియర్‌ నాయకుడు తోటకూర వెంకట రమణారావు అన్నిరకాలుగా సిద్ధమయ్యారు. అయితే వైఎస్సార్‌సీపీ ఆర్యవైశ్యులకు టికెట్‌ కేటాయించటంతో జనసేనలో అంతర్మథనం మొదలైందని చెబుతున్నారు. జనసేన తరఫున పోటీ చేయాలని ఆర్యవైశ్య ప్రముఖుడు ఒకరితో శుక్రవారం మంతనాలు జరిపారని, రాత్రి వరకూ ఇంకా ఏమీ తేలలేదంటున్నారు. ఇకపోతే కౌన్సిలర్ల స్థానాల కోసం మంత్రి మనోహర్‌, ఎమ్మెల్సీ ఆలపాటి మధ్య చర్చ జరగలేదని తెలిసింది. మంత్రి మనోహర్‌ పిలిస్తే, 37 కౌన్సిలర్‌ స్థానాలు అడగాలని ఆలపాటి తమ టీడీపీ నాయకులకు ఆదేశాలిచ్చినట్టు చెబుతున్నారు. మంత్రి మనోహర్‌ మాత్రం టీడీపీ, జనసేన చెరో 25 సీట్లు, బీజేపీకి రెండు స్థానాలు ఇవ్వాలనే ఉద్దేశంతో ఉన్నట్టు పార్టీ వర్గాల ద్వారా తెలుస్తోంది. చైర్మన్‌ అభ్యర్థితోపాటు కౌన్సిలర్ల సంఖ్యను తేల్చని ‘కూటమి’కన్నా వైఎస్సార్‌సీపీ రేసులో మంచి ఆరంభాన్ని ఇవ్వడం పట్టణంలో హాట్‌టాపిక్‌ అయింది. పుర ఎన్నికల్లో ఫ్యాన్‌ తొలి నుంచి దూకుడు పెంచింది. మరోవైపు కూటమి పార్టీలు ఆ స్పీడు అందుకోలేక చతికిలబడ్డాయి. తెనాలి మున్సిపాలిటీకి చైర్మన్‌ అభ్యర్థి ఖరారులో వైఎస్సార్‌సీపీ వేగం చూపింది. కూటమి మాత్రం కుదేలైపోయింది.

జిల్లా ఎస్పీ వకుల్‌ జిందాల్‌ నగరంపాలెం: జిల్లాలోని పోలీస్‌ అధికార, సిబ్బంది క్రమశిక్షణ, సమయపాలనతో విధులు నిర్వర్తించాలని జిల్లా ఎస్పీ వకుల్‌ జిందాల్‌ అన్నారు. శుక్రవారం జిల్లా పోలీస్‌ కార్యాలయంలో శుక్రవారం పోలీస్‌ సిబ్బంది గ్రీవెన్స్‌ డే నిర్వహించారు. జిల్లాలోని పోలీస్‌ సిబ్బంది నుంచి వ్యక్తిగత, బదిలీలు, ఉద్యోగోన్నతులు, సెలవులు, వైద్య అవసరాలు, ఇతర పరిపాలనా అంశాలపై జిల్లా ఎస్పీ వినతులు స్వీకరించారు. ప్రతి వినతిని స్వయంగా పరిశీలించారు. అర్జీలను త్వరగా పరిష్కరించాలని సంబంధిత అధికారులను జిల్లా ఎస్పీ ఆదేశించారు. జిల్లా ఎస్పీ మాట్లాడుతూ సమస్యలు సకాలంలో పరిష్కారమైతే విధి నిర్వహణలో సామర్థ్యం, నిబద్ధత, ఉత్సాహం పెరుగుతుందని చెప్పారు.

గుంటూరు ఎడ్యుకేషన్‌: స్థానిక సంస్థల ఎన్నికల్లో ఓటమి భయంతో చంద్రబాబు సర్కారు పోలీసులను అడ్డు పెట్టుకుని అక్రమాలకు పాల్పడుతోందని మాజీ మంత్రి, వైఎస్సార్‌ సీపీ గుంటూరు జిల్లా అధ్యక్షుడు అంబటి రాంబాబు మండిపడ్డారు. వైఎస్సార్‌ సీపీ అభ్యర్థులు పోటీ చేయకుండా అక్రమ కేసులు మోపుతోందని ఆరోపించారు. శుక్రవారం సిద్ధార్థనగర్‌లోని క్యాంపు కార్యాలయంలో అంబటి రాంబాబు మీడియాతో మాట్లాడుతూ.... దాచేపల్లి నగర పంచాయతీ చైర్మన్‌ పదవికి వైఎస్సార్‌ సీపీ నుంచి నామినేషన్‌ వేసేందుకు సిద్దమైన కొప్పుల రవికుమార్‌ తెలంగాణ మద్యం కలిగి ఉన్నారనే ఆరోపణలతో పోలీసులు అక్రమంగా అరెస్టు చేయడాన్ని తీవ్రంగా ఖండించారు. దాచేపల్లిలో వైఎస్సార్‌ సీపీనే గెలుస్తుందనే భయంతో ఎలాగైనా అడ్డుకోవాలనే రవిని అక్రమంగా పోలీసులు అదుపులోకి తీసుకున్నారన్నారు. చేయని నేరాన్ని ఒప్పుకోవాలని బలవంతం చేస్తున్నారని ధ్వజమెత్తారు. ఆర్థికంగా స్థితిమంతులైన కాపు సామాజిక వర్గానికి చెందిన కొప్పుల సాంబయ్య కుటుంబానికి తెలంగాణ మద్యం అమ్ముకోవాల్సిన దుస్థితి పట్టలేదన్నారు. గతంలో మున్సిపల్‌ చైర్మన్‌గా చేసిన కొప్పుల సాంబయ్య కుటుంబాన్ని భయపెట్టేందుకే టీడీపీ నీచ రాజకీయాలకు పాల్పడుతోందని ఆరోపించారు. కొప్పుల రవి నివాసముంటున్న అపార్ట్‌మెంట్‌లో పోలీసులే మద్యం బాటిళ్లను తెచ్చి పెట్టి, అక్రమ కేసు మోపారని ఆరోపించారు. పోలీసులే ఇంత దారుణంగా వ్యవహరిస్తే ఇక ఇక్కడ ప్రజాస్వామ్యం, ఎన్నికలు ఎందుకని ప్రశ్నించారు. ఎన్నికల్లో ధైర్యంగా పోటీ చేసి గెలుపు, ఓటములను ప్రజా తీర్పునకు వదిలేయాలని సూచించారు. సీఎం చంద్రబాబు ఇటువంటి పిరికిపంద చర్యలకు పాల్పడటం సిగ్గుచేటని మండిపడ్డారు. పోలీసులు తీరు మార్చుకోవాలి అధికారం ఉంది కదా అని కూటమి ప్రభుత్వానికి వత్తాసు పలుకుతూ ప్రతిపక్ష నేతలను భయపెట్టి, ఎన్నికల్లో పోటీ చేయనీయకుండా అడ్డుకుంటున్న పోలీసులు ప్రభుత్వం మారిన తరువాత పరిస్థితులు ఎంత దారుణంగా ఉంటాయో ఒక్కసారి ఊహించుకోవాలని అంబటి హెచ్చరించారు. ఎన్నికల సమయంలో తప్పుడు కేసులతో అభ్యర్థులను అరెస్టు చేయడం దుర్మార్గమన్నారు. ఇలాగైతే నామినేషన్లు ఎలా వేస్తారన్నారు. వైఎస్సార్‌ సీపీ అభ్యర్థులను అక్రమ కేసుల్లో ఇరికించి, ఎన్నికలను ఏకగీవ్రం చేసుకుంటారా అని ప్రభుత్వాన్ని ప్రశ్నించారు. నామినేషన్లు వేసేందుకు ఇక రెండు రోజులే గడువు ఉన్న నేపథ్యంలో టీడీపీ అక్రమాలకు వ్యతిరేకంగా న్యాయస్థానాలను ఆశ్రయిస్తామని స్పష్టం చేశారు. అక్రమంగా అరెస్టు చేసిన కొప్పుల రవిని తక్షణమే విడుదల చేసి, నామినేషన్‌ వేసే అవకాశాన్ని కల్పించాలని డిమాండ్‌ చేశారు. రాష్ట్రవ్యాప్తంగా పరిస్థితులు ఇదే విధంగా ఉన్నాయని తెలిపారు. వైఎస్సార్‌ సీపీ అభ్యర్థులను నామినేషన్లు వేయకుండా, పోటీలో లేకుండా అడ్డుకుంటున్నారని మండిపడ్డారు.

కొరిటెపాడు(గుంటూరు): రాష్ట్ర స్థాయి స్కూల్‌ గేమ్స్‌ బాక్సింగ్‌ పోటీల్లో గుంటూరు జిల్లా క్రీడాకారులు సత్తాచాటారు. అండర్‌–14, 1ండర్‌–17 విభాగాల్లో స్వర్ణ, కాంస్య పతకాలు సాధించి జిల్లా కీర్తిని చాటారు. పతక విజేతలను శుక్రవారం వేద సీడ్స్‌ కార్యాలయంలో ఎగ్జిక్యూటివ్‌ డైరెక్టర్‌ తులసి ధర్మచరణ్‌ అభినందించి, ఆర్థిక సహాయం అందజేశారు. అండర్‌–14 బాలుర విభాగంలో సాయి శశాంక్‌ రావణ్‌ 48–50 కిలోల బరువు విభాగంలో స్వర్ణ పతకం సాధించారు. అండర్‌–17 బాలికల విభాగంలో కె.లాస్య 66–70 కిలోలు, ఎస్‌.వర్షిణి 75–80 కిలోల బరువు విభాగాల్లో స్వర్ణ పతకాలు కై వసం చేసుకున్నారు. డి.శ్రావణి 70–75 కిలోల బరువు విభాగంలో కాంస్య పతకం సాధించారు. తులసి ధర్మచరణ్‌ మాట్లాడుతూ గ్రామీణ ప్రాంతాలకు చెందిన బాలికలు ప్రతిభ కనబరిచి, అండర్‌–17 బాలికల విభాగంలో గుంటూరు జిల్లాను రన్నరప్‌గా నిలపడం గర్వకారణమన్నారు. క్రీడాకారులు పట్టుదలతో సాధన కొనసాగిస్తూ మరిన్ని ఉన్నత విజయాలు సాధించాలని ఆకాంక్షించారు. ఆర్థికంగా వెనుకబడిన ప్రతిభావంతులైన క్రీడాకారులకు ఎల్లప్పుడూ అండగా ఉంటామని తెలిపారు. కార్యక్రమంలో జిల్లా శాప్‌ బాక్సింగ్‌ కోచ్‌ రామిశెట్టి విశ్వనాథ్‌, సీనియర్‌ బాక్సింగ్‌ క్రీడాకారుడు, న్యాయవాది జి.సతీష్‌ పాల్గొని పతక విజేతలను అభినందించారు.

తెనాలిరూరల్‌: సోషల్‌ మీడియా ద్వారా పరిచయమైన మహిళతో సాన్నిహిత్యం పెంచుకుని లోబరచుకుని ఆమె నుంచి నగదు, ఆభరణాలు తీసుకుని మరింత నగదు డిమాండ్‌ చేసి, ఆమె బలవన్మరణానికి కారణమైన కేసులో పోలీసులు రెండో నిందితుడిని అరెస్ట్‌ చేశారు. రూరల్‌ ఎస్‌ఐ కె.ఆనంద్‌ శుక్రవారం తెలిపిన వివరాలిలా ఉన్నాయి. మండలంలోని జగ్గడిగుంటపాలేనికి చెందిన లక్ష్మీతిరుపతమ్మకు సోషల్‌ మీడియాలో బాపట్ల జిల్లా చందోలుకు చెందిన షేక్‌ బాజి, అన్నమయ్య జిల్లా లక్కిరెడ్డిపాలెం మండలం గొల్లపల్లి గ్రామానికి చెందిన పాపినేని నాగార్జున అలియాస్‌ నాగార్జున యాదవ్‌ పరిచయమయ్యారు. పరిచయం సానిహిత్యానికి దారి తీసింది. మాయమాటలతో లోబరచుకుని ఆమె నుంచి ఇద్దరూ నగదు, ఆభరణాలు తీసుకున్నారు. సాన్నిహిత్యంగా ఉన్నప్పుడు తీసిన ఫొటోలతో బెదిరిస్తూ ఇంకా డబ్బులు ఇవ్వాలని డిమాండ్‌ చేశారు. ఈ క్రమంలో ఆగస్ట్‌ 11వ తేదీన లక్ష్మీతిరుపతమ్మ తన ఇంట్లో ఉరి వేసుకుని ఆత్మహత్యకు పాల్పడింది. మృతురాలి భర్త నాగబాబు ఫిర్యాదు మేరకు కేసు నమోదు చేసి ఆగస్ట 19న నిందితుల్లో ఒకడైన బాజిని అరెస్ట్‌ చేయగా ప్రస్తుతం జైలులో ఉన్నాడు. మరో నిందితుడైన నాగార్జున యాదవ్‌ను పెదరావూరు జంక్షన్‌లో అరెస్ట్‌ చేసి శుక్రవారం కోర్టులో హాజరుపరచగా న్యయమూర్తి రిమాండ్‌ విధించడంతో గుంటూరు జిల్లా జైలుకు తరలించారు.

శివాలయంలో సరస్వతీదేవిగా భ్రమరాంబ అమ్మవారు పెదకాకాని: ప్రసిద్ధ పుణ్యక్షేత్రమైన భ్రమరాంబ మల్లేశ్వరస్వామి వారి దేవస్థానంలో భ్రమరాంబ అమ్మవారు శుక్రవారం సరస్వతీదేవిగా భక్తులను అనుగ్రహించారు. పెదకాకాని శివాలయంలో శ్రీదేవీ నవరాత్రోత్సవాల్లో భాగంగా శుక్రవారం అమ్మవారిని సరస్వతీదేవిగా అలంకరించి పూజలు చేశారు. పెదకాకాని శివాలయానికి అధికసంఖ్యలో భక్తులు విచ్చేసి పూజా కార్యక్రమాల్లో పాల్గొన్నారు. తెల్లవారుజామున సుప్రభాతసేవతో పూజా కార్యక్రమాలు ప్రారంభమయ్యాయి. అర్చకులు విఘ్నేశ్వరపూజ, పుణ్యాహవచనం, పంచగవ్య ప్రాశన, మహాన్యాస పూర్వక ఏకాదశ రుద్రాభిషేకాలు, నవావరణార్చనలు జరిపించారు. అమ్మవారికి కుంకుమార్చనలు జరిగాయి. పులువురు భక్తులు ఆలయ యాగశాలలో జరిగిన చండీ, రుద్ర హోమాల్లో పాల్గొన్నారు. ఆలయ డీసీ భక్తులకు ఎటువంటి అసౌకర్యం కలుగకుండా ప్రత్యేక ఏర్పాట్లు చేపట్టారు. ఉదయం, సాయంత్రం ఉచిత అన్నప్రసాద వితరణ చేస్తున్నారు. సప్తమి శనివారం అమ్మవారు లలితా త్రిపురసుందరీదేవిగా భక్తులను అనుగ్రహిస్తారని ఉప కమిషనరు గోగినేని లీలాకుమార్‌, చైర్మన్‌ కోసూరి పూర్ణచంద్రరావు, తెలిపారు.

నెహ్రూనగర్‌: గుంటూరు పశ్చిమ నియోజకవర్గంలో మున్సిపల్‌ పాలన, ఎన్నికల్లో ఎస్సీ వర్గాలకు సముచిత ప్రాతినిధ్యం కల్పించాలని దళిత సంఘాల నేతలు డిమాండ్‌ చేశారు. పశ్చిమ నియోజకవర్గ పరిధిలో సుమారు 50 వేల నుంచి 60 వేల మంది ఎస్సీ జనాభా ఉన్నప్పటికీ పాలనలో, ప్రజాప్రతినిధుల ఎంపికలో వారికి తగిన ప్రాధాన్యం దక్కడం లేదని ఆవేదన వ్యక్తం చేశారు. మేరకు అరండల్‌ పేటలో నిరసన వ్యక్తం చేశారు. కార్యక్రమంలో చార్వాక యువజన సంఘం రాష్ట్ర అధ్యక్షుడు చిన్నిం డేవిడ్‌ విలియమ్స్‌, భీమ్‌ సేన సేవాదల్‌ వ్యవస్థాపక అధ్యక్షుడు నల్లపు నీలాంబరం, అంబేడ్కర్‌ స్టూడెంట్స్‌ అసోసియేషన్‌ రాష్ట్ర అధ్యక్షుడు వద్దిముక్కల సురేష్‌, దళిత నాయకుడు డాక్టర్‌ యంద్రపాటి సాంబశివరావు, లోక్‌ జనశక్తి పార్టీ జిల్లా అధ్యక్షుడు మేడిద ప్రకాష్‌, మాల మహానాడు రాష్ట్ర ప్రధాన కార్యదర్శి బత్తుల అనీల్‌, భారత సమాజ పార్టీ అధ్యక్షుడు మంచాల జోషప్‌, మహిళా నేత రావినూతల కమల కుమారి, తాటిగిరి జయరత్నం పాల్గొన్నారు.

తాడేపల్లి రూరల్‌: తాడేపల్లి పట్టణ పరిధిలోని సీతానగరం విజయకీలాద్రి దివ్య క్షేత్రంపై ధాన్యలక్ష్మి అమ్మవారికి శుక్రవారం విశేష పూజలు నిర్వహించారు. ధాన్యలక్ష్మి అమ్మవారికి ఉదయం అభిషేక మహోత్సవం, కుంకుమార్చన శాస్త్రోక్తంగా నిర్వహించారు. అనంతరం అమ్మవారి శ్రీయాగం వైభవంగా జరిగింది. సాయంత్రం 5.30 గంటలకు శ్రీవిష్ణు సహస్రనామ స్తోత్ర పారాయణం, ధాన్యలక్ష్మి అమ్మవారికి పల్లకీ సేవ, అర్చన, నివేదన, మంగళాశాసనం కార్యక్రమాలు వైభవంగా నిర్వహించారు. భక్తులు అధిక సంఖ్యలో పాల్గొని ధాన్యలక్ష్మి అమ్మవారిని దర్శించుకుని తీర్థ ప్రసాదాలను స్వీకరించారు. జీయర్‌ ఎడ్యుకేషనల్‌ ట్రస్ట్‌ మేనేజర్‌ పురాణం వెంకటాచార్యులు మాట్లాడుతూ త్రిదండి చిన్న శ్రీమన్నారాయణ రామానుజ జీయర్‌స్వామి వారి మంగళాశాసనాలతో శరన్నవరాత్రి మహోత్సవాలు ఘనంగా నిర్వహిస్తున్నట్లు తెలిపారు. కొరిటెపాడు (గుంటూరు): గుంటూరు మిర్చి యార్డుకు శనివారం నుంచి ఈ నెల 20వ తేదీ వరకు వరుసగా నాలుగు రోజులు సెలవులు ప్రకటించినట్లు ఉన్నత శ్రేణి కార్యదర్శి ఎ.చంద్రిక శుక్రవారం ఒక ప్రకటనలో పేర్కొన్నారు. శని, ఆదివారాలు సాధారణ సెలవులు కాగా.. వ్యాపారులు, కార్మికుల అభ్యర్థన మేరకు సోమవారం కూడా సెలవు ప్రకటించినట్లు పేర్కొన్నారు. మంగళవారం దసరా పండుగ సందర్భంగా యార్డుకు సెలవు ఉంటుందని తెలిపారు. బుధవారం నుంచి మిర్చియార్డులో వ్యాపార లావాదేవీలు యథావిధిగా కొనసాగుతాయన్నారు.గుడివాడ టౌన్‌: స్థానిక ఎన్టీఆర్‌ స్టేడియంలో నిర్వహిస్తున్న బాస్కెట్‌బాల్‌ పోటీలు గురువారం రాత్రి ముగిశాయి. మహిళా విభాగంలో తూర్పు గోదావరికి చెందిన రామచంద్రాపురం టీమ్‌ ప్రథమ స్థానం, ఏలూరు జిల్లాకు చెందిన ఏలూరు టీమ్‌ ద్వితీయ స్థానం, పల్నాడు జిల్లాకు చెందిన పల్నాడు టీమ్‌ తృతీయ స్థానం సాధించాయి. పురుషుల విభాగంలో గుంటూరు జిల్లాకు చెందిన కేఎల్‌ యూని వర్సిటీ టీమ్‌ ప్రథమ స్థానం, రాజమండ్రి జిల్లాకు చెందిన సీబీసీ రాజమండ్రి టీమ్‌ ద్వితీయ స్థానం, హెచ్‌ ఫౌండేషన్‌ టీమ్‌ తృతీయ స్థానం సాధించినట్లు నిర్వాహకులు తెలిపారు. బాపట్ల: బాపట్ల పట్టణంలోని కన్యకా పరమేశ్వరి అమ్మవారి దేవస్థానంలో అమ్మవారికి రూ.50 లక్షల కరెన్సీతో ప్రత్యేక అలంకరణ చేపట్టారు. ఆలయ కమిటీ అధ్యక్షుడు కొత్తమాసు సత్యనారాయణ ఆధ్వర్యంలో నూతన నోట్లతో ఈ విశేష అలంకరణ చేపట్టారు. శరన్నవరాత్రి మహోత్సవాల్లో భాగంగా అమ్మవారు సరస్వతీ దేవి అలంకరణలో భక్తులకు ప్రత్యేక దర్శనమిచ్చారు. ఆలయంలో ప్రత్యేక పూజలు నిర్వహించారు. వైష్ణవి బృందం వారు ప్రదర్శించిన భరతనాట్యం, కూచిపూడి నృత్య ప్రదర్శనలు భక్తులను విశేషంగా ఆకట్టుకున్నాయి.

గుంటూరు మెడికల్‌: గుంటూరు నగరంలో కల్తీ ఆహార పదార్థాల తయారీని అరికట్టేందుకు జాయింట్‌ కలెక్టర్‌ ఆదేశాల మేరకు సివిల్‌ సప్లయిస్‌, ఫుడ్‌ సేఫ్టీ, లీగల్‌ మెట్రాలజీ, వినియోగదారుల సంఘం ప్రతినిధులతో కూడిన టాస్క్‌ఫోర్స్‌ అధికారులు గుంటూరు నగరంలో తనిఖీలు నిర్వహించారు. పాత గుంటూరు మెయినన్‌ రోడ్డులో ఆంజనేయస్వామి ఆలయం సమీపంలోని నివాస గృహాల మధ్య కల్తీ నెయ్యి తయారు చేస్తున్న కేంద్రంపై శుక్రవారం దాడులు చేశారు. డాల్డా, వనస్పతి, క్రీమ్‌ కలిపి నెయ్యి తయారు చేస్తున్నట్లు గుర్తించిన అధికారులు సుమారు 70 కిలోల కల్తీ నెయ్యితోపాటు 100 కిలోల వనస్పతి, క్రీమ్‌ నిల్వలను గుర్తించారు. సుమారు 18 లీటర్ల సామర్థ్యం గల ఐదు డబ్బాలు గుర్తించారు. రాష్ట్ర విజిలెన్స్‌ కమిటీ సభ్యుడు డాక్టర్‌ చదలవాడ హరిబాబు అక్రమ తయారీ విషయాన్ని ఫుడ్‌ సేఫ్టీ అసిస్టెంట్‌ కంట్రోలర్‌ పూర్ణచంద్రరావు దృష్టికి తీసుకెళ్లడంతో అధికారులు రంగంలోకి దిగారు. తయారీ కేంద్రంలో ఫుడ్‌ సేఫ్టీ లైసెన్‌స లేకపోవడంతో పాటు, తూకం యంత్రానికి కూడా లైసెన్స్‌ లేదని, ఉత్పత్తులపై సరైన లేబుళ్లు లేవని గుర్తించారు. తక్కువ ధరకు నగరంలోని బిర్యానీ పాయింట్లకు కల్తీ నెయ్యిని సరఫరా చేస్తున్నట్లు నిర్వాహకుడు తెలిపినట్లు అధికారులు వెల్లడించారు. సుమారు ఏడాది నుంచి ఈ వ్యాపారం చేస్తున్నట్లు నిర్వాహకుడు చెప్పినట్లు పేర్కొన్నారు. నెయ్యి నమూనాలను సేకరించి పరీక్షల నిమిత్తం ప్రయోగశాలకు పంపించినట్లు ఫుడ్‌ సేఫ్టీ అసిస్టెంట్‌ కంట్రోలర్‌ పూర్ణచంద్రరావు తెలిపారు. పరీక్షల నివేదిక వచ్చిన అనంతరం నిబంధనల ప్రకారం కఠిన చర్యలు తీసుకుంటామని చెప్పారు. నిబంధనలకు విరుద్ధంగా తయారీ జరుగుతున్నందున నిల్వలను సీజ్‌ చేయడంతో పాటు తయారీ కేంద్రాన్ని మూసివేసి నోటీసులు జారీ చేస్తామని స్పష్టం చేశారు. లైసెన్సులు లేకుండా కల్తీ ఆహార పదార్థాలను తయారు చేసి విక్రయించే వారిపై ఉపేక్షించేది లేదని హెచ్చరించారు. తనిఖీల్లో ఆహార కల్తీ నిరోధక శాఖ ఇన్‌న్‌స్పెక్టర్‌ నరసింహుడు, లీగల్‌ మెట్రాలజీ అసిస్టెంట్‌ కంట్రోలర్‌ అల్లూరయ్య, ఇనన్‌స్పెక్టర్‌ సైదాతోపాటు జిల్లా విజిలెనన్స్‌ కమిటీ సభ్యులు బీరాల నాగేశ్వరరావు, గాయకోటి బేబీ సరోజిని, మునిపల్లె కవిత పాల్గొన్నారు.

పెండ్లికుమార్తె తండ్రి అనారోగ్యంతో మృతి దుగ్గిరాల: శుభకార్యాక్రమం జరగాల్సిన ఇంట విషాదం చోటుచేసుకుంది. ఇంటి యజమాని మృతి చెందడంతో ఆ కుటుంబం తీవ్ర విషాదంలో మునిగిపోయింది. వివరాలు.. మండలం చిలువూరుకు చెందిన నెమలికంటి మరియదాసు(55), ఎండీ అఖిల బేగం భార్యాభర్తలు. వీరికి కుమారుడు కృపానిధి, కుమార్తె మహిమ ఉన్నారు. కుమార్తెకు 17వ తేదీ వివాహానికి నిశ్చతార్థం చేసుకున్నారు. గత ఆదివారం సాయంత్రం అధిక రక్తపోటు గురికావడంతో మంగళగిరిలోని ఎయిమ్స్‌కు ఆస్పత్రికి తరలించారు. చికిత్స పొందుతూ శుక్రవారం తెల్లవారుజామున మృతి చెందాడు. శనివారం కుమార్తె వివాహం జరగాల్సి ఉండగా మృతి చెందడంతో గ్రామం విషాదఛాయలు అలుముకున్నాయి. మరియదాసు వైఎస్సార్‌ సీపీలో పార్టీ ఆవిర్భావం నుంచి క్రియాశీలంగా ఉండేవారు. ఆయన మృతికి పార్టీ నేతలు నివాళులర్పించారు. పెదనందిపాడు: తాళం వేసిన ఇంట్లోకి ప్రవేశించి బంగారం చోరీ చేసిన కేసులో నిందితుడిని అరెస్ట్‌ చేసినట్లు ప్రత్తిపాడు సీఐ పి సుబ్బారావు తెలిపారు. శుక్రవారం మధ్యాహ్నం పెదనందిపాడు పోలీస్‌స్టేషన్‌ లో ఏర్పాటు చేసిన విలేకరుల సమావేశంలో సీఐ మాట్లాడుతూ పెదనందిపాడుకు చెందిన బెల్లం శ్రీనివాసరావు ఇంట్లో ఎవరు లేని సమయంలో అదే గ్రామానికి చెందిన జరుగుల లోకేష్‌ బంగారం అపహరించినట్లు ఫిర్యాదు చేశారని, లోకేష్‌పై కేసు నమోదు చేసి దర్యాప్తు చేస్తున్నామని, శుక్రవారం ఉదయం నల్లమడ వాగు వద్ద అనుమానస్పదంగా తిరుగుతున్న లోకేష్‌ అదుపులోకి తీసుకొని విచారించగా బెల్లం శ్రీనివాసరావు ఇంట్లో దొంగతనం చేసిన విషయం అంగీకరించాడని చెప్పారు. నిందితుని వద్ద నుంచి సుమారు రూ.6,50,000 విలువైన 68 గ్రాముల బంగారాన్ని రికవరీ చేశామని, నిందితుడిని రిమాండ్‌ నిమిత్తం కోర్టులో హాజరు పరచనున్నట్లు తెలిపారు. నిందితుడిని అరెస్ట్‌ చేసిన ఎస్‌ఐ ఏక్‌నాధ్‌ను అభినందించారు. దుగ్గిరాల: దుగ్గిరాల పసుపు మార్కెట్‌ యార్డులో ధరలు బారీగా పెరిగాయి. నాలుగు రోజులుగా ధరలు పెరుగుతూ వస్తున్నాయి. శుక్రవారం గరిష్టంగా రూ.18,700లకు కొనుగోలు చేశారు. ప్రస్తుతం వ్వాపారానికి అన్‌సీజన్‌ కావడంతో ఎగుమతుల్లో కదలిక వచ్చి నెలకొన్న డిమాండ్‌తో ధరలు పెరిగాయని చెబుతున్నారు. ప్రస్తుతం పెరిగన ధరలు వ్యాపారులకు మరింత లబ్ధి చేకూరనుంది. రైతులు దగ్గర ప్రస్తుతం పసుపు నిల్వలు లేవు, ఇదే విధంగా ధరలు నిలకడగా పంట చేతికి వచ్చే వరకు ధరలు ఉండాలని రైతులు కోరుకుంటుంన్నారు.

పట్నంబజారు: టీడీపీలో డబ్బు తప్ప ఇంకేమీ పదవులు ఇచ్చేందుకు కొలమానం కాదనే విషయం మరోమారు రుజువు అవుతోంది. కార్పొరేషన్‌ ఎన్నికల నేపథ్యంలో గుంటూరు తూర్పు నియోజకవర్గ తెలుగుదేశం పార్టీ నేతల్లో అగ్గి రాజుకుంది. ఎన్నికల వేడి మొదలైన నేపథ్యంలో స్థానిక ప్రజాప్రతినిధి వ్యవహరిస్తున్న తీరు తీవ్ర చర్చనీయాంశంగా మారింది. ఆ పార్టీలో నెలకొన్న పరిణామాలు, తూర్పు నియోజకవర్గ ప్రజాప్రతినిధి వ్యవహరిస్తున్న తీరుతో టీడీపీ నేతలే విసిగిపోతున్నారు. పార్టీని నమ్ముకుని దశాబ్దాలుగా సేవలందించిన సీనియర్‌ నాయకులను కాదని, కేవలం ఆర్థిక బలమే ప్రాతిపదికగా సాగుతున్న వసూళ్ల పర్వం ఇప్పుడు కార్యకర్తల్లో తీవ్ర ఆవేదనకు, ఆగ్రహానికి కారణమవుతోంది. ఆర్థికంగా పెను భారం గుంటూరు తూర్పు నియోజకవర్గంలోని మొత్తం 30 డివిజన్లు ఉన్నాయి. ఎన్నికల్లో పోటీ చేయాలని ఆశపడే ప్రతి అభ్యర్థి కచ్చితంగా డబ్బులు ఉంటేనే సీటు అని స్థానిక ప్రజాప్రతినిధి తేల్చిచెబుతున్నట్లు సమాచారం. ఆయా డివిజన్ల నుంచి పోటీ చేయదలచిన ఆశావహులు ముందస్తుగా రూ. 40 లక్షలు డిపాజిట్‌ చేయాలంటూ ప్రజాప్రతినిధి స్పష్టం చేస్తున్నట్లు తెలుస్తోంది. ఇప్పటికే ఒక రోజు నామినేషన్‌ల పక్రియ ముగియటం, మరో రెండు రోజులు మాత్రమే మిగిలి ఉన్న నేపథ్యంలో ఆశావహులకు స్థానిక ప్రజాప్రతినిధి తీరు మింగుడు పడటం లేదు. ఎన్నో ఏళ్ల నుంచి కష్టపడి పనిచేస్తున్న తమకు టికెట్‌ ఎందుకు ఇవ్వరంటూ పొన్నూరు రోడ్డులోని ప్రజాప్రతినిధి కార్యాలయంలో వాదనలు, ఘర్షణలు జరగటం పరిపాటిగా మారింది. రూ.40 లక్షలు ఉంటేనే టికెట్‌ అంటూ ఒక పక్క చెబుతూనే.. మరోపక్క రూ.10 లక్షలు పార్టీ ఫండ్‌ కింద చెల్లించాలని కూడా హుకుం జారీ చేయడంపై స్థానిక టీడీపీ నేతలు తీవ్ర అసంతృప్తి వ్యక్తం చేస్తున్నారు. నియోజకవర్గ చరిత్రలో ఎన్నడూ లేనివిధంగా ప్రస్తుత ప్రజాప్రతినిధి వ్యవహరిస్తున్న తీరుతో ఆ పార్టీ నేతలకే విసుగొస్తోంది. జెండా మోసిన వారికి మొండిచేయి టీడీపీ అధికారంలోకి రావడానికి శ్రమించి, కష్టకాలంలో జెండా మోసిన క్షేత్రస్థాయి నాయకులు, కార్యకర్తలకు ఈ పరిణామాలు తీవ్ర నిరాశను మిగుల్చుతున్నాయి. సంవత్సరాల తరబడి పార్టీ కోసం చెమటోడ్చిన వారికి మొండిచేయి చూపుతున్నారు. కేవలం ఎన్నికల వేళ ప్రత్యక్షమయ్యే ఆర్థిక బలమున్న బడాబాబులకు మాత్రమే ప్రాధాన్యం ఇస్తున్నారనే వాదనలు గట్టిగా వినిపిస్తున్నాయి. ఈ ధోరణి ఏ మాత్రం సబబు కాదనే వాదనలు వినిపిస్తున్నాయి. స్థానిక ప్రజాప్రతినిధి వ్యవహార శైలితో ద్వితీయ శ్రేణి నాయకులు బహిరంగంగానే మండిపడుతున్నారు. కేవలం టీడీపీలోనే కాకుండా అధికార కూటమిలో భాగస్వామిగా ఉన్న జనసేన పార్టీ వర్గాల్లోనూ తీవ్ర అసంతృప్తి పేరుకుపోతోంది. క్షేత్రస్థాయిలో జనసేన నేతలకు ప్రాధాన్యం ఇవ్వకుండా ఏకపక్షంగా వ్యవహరిస్తుండటంతో టీడీపీ ప్రజాప్రతినిధి తీరుపై వారు కూడా గుర్రుగా ఉన్నారు. ఎన్నికల సమయంలో లేనిపోని హమీలనిచ్చి ఇప్పుడు మాత్రం తనకేమీ పట్టనట్లు వ్యవహరిస్తున్నారనే వాదనలు వినవస్తున్నాయి. ఈ నేపథ్యంలో కార్పొరేటర్‌ సీటు ఆశిస్తున్న జనసేన వారు తమకు సంపూర్ణ న్యాయం జరగకుంటే తీవ్ర పరిణామాలు తప్పవని బహిరంగంగానే హెచ్చరికలు జారీ చేస్తున్నారు.

జిల్లా కలెక్టర్‌ సీఎం సాయికాంత్‌ వర్మ గుంటూరు వెస్ట్‌: స్థానిక సంస్థల ఎన్నికల్లో అభ్యర్థులు చేయాల్సిన వ్యయ వివరాలు రాష్ట్ర ఎన్నికల సంఘం నిర్దేశించిన విధంగా ఉండాలని జిల్లా కలెక్టర్‌ సీఎం సాయికాంత్‌ వర్మ తెలిపారు. శుక్రవారం స్థానిక కలెక్టరేట్‌లో నోడల్‌ అధికారులతో నిర్వహించిన సమావేశంలో కలెక్టర్‌ మాట్లాడుతూ మేయర్‌ అభ్యర్థికి రూ.25 లక్షలు, నగర పాలక సంస్థ వార్డు సభ్యులకు రూ.10 లక్షలు, పురపాలక సంఘం అధ్యక్షులకు రూ.20 లక్షలు, పురపాలక సంఘంలో వార్డు సభ్యులకు రూ.7.50 లక్షలు వ్యయ పరిమితులు ఉన్నాయన్నారు. ఎన్నికల నియమావళి పక్కాగా అమలు చేయాలని అధికారులను ఆదేశించారు. ఎన్నికల ప్రవర్తనా నియమావళికి విరుద్ధంగా ఉన్న ఏ అంశాన్నీ ఉపేక్షించవద్దన్నారు. వ్యయ కమిటీలు, స్టాటిక్‌ సర్వేలియన్స్‌ బృందాలు, వీడియో వ్యూయింగ్‌ బృందాలు, ఎం.సి.సి. బృందాలు రేయింబవళ్లు తనిఖీ నిర్వహించాలని తెలిపారు. సంబంధిత నోడల్‌ అధికారులు ఎప్పటికప్పుడు నివేదికలు సమర్పించాలన్నారు. పారదర్శకమైన ఎన్నికల నిర్వహణే ప్రధాన లక్ష్యంగా ఉండాలని స్పష్టం చేశారు. సమావేశంలో జాయింట్‌ కలెక్టర్‌ అశుతోష్‌ శ్రీవాస్తవ, జీఎంసీ కమిషనర్‌ కె.మయూర్‌అశోక్‌, డీఆర్‌వో షేక్‌ ఖాజావలి, ఆర్డీవో కె.శ్రీనివాసరావు, జెడ్పీ సీఈవో వి.జ్యోతిబసు, డీపీవో బి.వి.నాగసాయికుమార్‌, డిప్యూటీ కలెక్టర్‌లు గంగరాజు, ఎస్‌జీఎస్‌డబ్ల్యూ సమన్వయ అధికారి మోహన్‌రెడ్డి తదితరులు పాల్గొన్నారు.

–నేడు గుంటూరులో ప్రత్యేక అవగాహన కార్యక్రమం కొరిటెపాడు(గుంటూరు): పత్తి జిన్నింగ్‌ పరిశ్రమల్లో కాలుష్య నియంత్రణ, టీఎంసీ యూనిట్ల పరిరక్షణ లక్ష్యంగా ఆంధ్రప్రదేశ్‌ కాటన్‌ టీఎంసీ కన్సార్టియం ఆధ్వర్యంలో శుక్రవారం గుంటూరులో ప్రత్యేక అవగాహన కార్యక్రమం నిర్వహించనున్నట్లు ఏపీ కాటన్‌ టీఎంసీ జిన్నింగ్‌ మిల్స్‌ అసోసియేషన్‌ అధ్యక్షుడు ఉప్పుటూరి సాంబశివరావు గురువారం ఒక ప్రకటనలో పేర్కొన్నారు. ఏపీ కాటన్‌ టీఎంసీ కన్సార్టియం కార్యవర్గం, సభ్యుల ఆధ్వర్యంలో ఈ కార్యక్రమం జరుగుతుందని వెల్లడించారు. అనంతరం కాలుష్య రహిత జిన్నింగ్‌ విధానాలు, పత్తి రైతులకు తక్కువ ఖర్చుతో నాణ్యమైన అధిక దిగుబతులు సాధించే మార్గాలు, ఆధునిక సాంకేతికతపై చర్చించనున్నట్లు తెలిపారు. కాటన్‌ కార్పొరేషన్‌ ఆఫ్‌ ఇండియా(సీసీఐ)తో పాటు టీఎంసీ యూనిట్లు ఎదుర్కొంటున్న సమస్యలపై సమీక్షించనున్నట్లు పేర్కొన్నారు. ఏటుకూరు బైపాస్‌ రోడ్డులోని వివాహ కన్వెన్షన్‌ సెంటర్‌లో ఈ కార్యక్రమం జరుగుతుందన్నారు. జిన్నింగ్‌, స్పిన్నింగ్‌, వీవింగ్‌, పత్తి గింజల క్రషింగ్‌ రంగాల ప్రతినిధులు, వ్యాపారులు, రైతులు పాల్గొని ఈ కార్యక్రమాన్ని విజయవంతం చేయాలని ఆయన కోరారు. కొరిటెపాడు(గుంటూరు): పట్నంబజారులోని విజయ శానిటరీ సీడ్స్‌ అండ్‌ ఫెస్టిసైడ్స్‌ దుకాణదారునికి చెందిన ఏటుకూరు రోడ్డులోని అనధికార గోదాములో సరైన పత్రాలు లేకుండా నిల్వ ఉంచిన, ఆంధ్రప్రదేశ్‌లో వినియోగ నియంత్రణకులోబడి ఉన్న గ్‌లైఫోసేట్‌ గడ్డి మందులను గుంటూరు జిల్లా వ్యవసాయ అధికారులు గురువారం గుర్తించి స్వాధీనం చేసుకున్నారు. ఈ తనిఖీల్లో గ్‌లైఫోసేట్‌ 41 శాతం ఈసీ 160 లీటర్లు దీని విలువ రూ.1,63,522, అమ్మనియం సాల్ట్‌ ఆఫ్‌ గైఫోసేట్‌ 71 శాతం ఎస్‌జీ 17.3 కిలోలు దీని విలువ రూ.26,520 గుర్తించారు. మొత్తం రూ.1,90,042 విలువైన గడ్డి మందులను స్వాధీనం చేసుకున్నట్లు పురుగుమందుల తనిఖీ అధికారి సుజాత వెల్లడించారు. ఈ సందర్భంగా సుజాత మాట్లాడుతూ జిల్లాలోని పురుగుమందుల తయారీదారులు, డిస్ట్రిబ్యూటర్లు, రిటైల్‌ డీలర్లు నిబంధనలను తప్పనిసరిగా పాటించాలని సూచించారు. సరైన పత్రాలు లేకుండా, అనుమతి లేని గోదాముల్లో పురుగుమందులను నిల్వ ఉంచినా, విక్రయాలు జరిపినా పురుగుమందుల చట్టం–1968 ప్రకారం చట్టపరమైన చర్యలు తీసుకుంటామని ఆమె హెచ్చరించారు. ఒక్కొక్కరికి రూ.4 లక్షల చొప్పున జరిమానా విశాఖ లీగల్‌: అనుమతులు లేకుండా మాదకద్రవ్యాల తయారీలో ఉపయోగించే రసాయనాన్ని తయారు చేసిన ముగ్గురికి 15 ఏళ్ల చొప్పున జైలు శిక్ష విధిస్తూ విశాఖపట్నంలోని ఒకటో అదనపు జిల్లా కోర్టు కం ఎన్‌డీపీఎస్‌ ప్రత్యేక న్యాయస్థానం న్యాయమూర్తి ఎం.వెంకట రమణ గురువారం తీర్పు చెప్పారు. ఒక్కొక్కరికి రూ.4 లక్షల చొప్పున మొత్తం రూ.12 లక్షల జరిమానా విధించారు. జరిమానా చెల్లించని పక్షంలో అదనంగా ఆరు నెలల చొప్పున సాధారణ జైలు శిక్ష అనుభవించాలని తీర్పులో పేర్కొన్నారు. ప్రత్యేక పబ్లిక్‌ ప్రాసిక్యూటర్‌ వై.ఎన్‌. శ్రీనివాస్‌ వెల్లడించిన వివరాల ప్రకారం.. 2023 జూన్‌ 23న కేంద్ర ప్రభుత్వానికి చెందిన నార్కోటిక్స్‌ కంట్రోల్‌ బ్యూరో (ఎన్‌సీబీ) హైదరాబాద్‌ జోన్‌ అధికారులు అందిన సమాచారంతో అచ్యుతాపురం పారిశ్రామికవాడలోని ఓ మందుల తయారీ సంస్థలో తనిఖీలు నిర్వహించారు. ప్రభుత్వ అనుమతులు లేకుండా నిబంధనలకు విరుద్ధంగా మాదకద్రవ్యాల తయారీలో ఉపయోగించే రసాయనాన్ని తయారు చేస్తున్న ముగ్గురిని గుర్తించారు. గుంటూరు జిల్లా తెనాలి మండలం కఠెవరం గ్రామానికి చెందిన బి.నాగేశ్వరరావు (47), నల్లగొండకు చెందిన ఎరుకుల యాదయ్య (30), కరీంనగర్‌ ప్రాంతానికి చెందిన గోనెపల్లి నాగరాజు (27)ను అదుపులోకి తీసుకున్నారు. వారి నుంచి 119.50 కిలోల రసాయన ద్రావణంతో పాటు మరో రసాయన పదార్థం ఉన్న ఎనిమిది డబ్బాలను స్వాధీనం చేసుకున్నారు. ఈ వ్యవహారంలో హైదరాబాద్‌కు చెందిన కాల్వాయి మనోహర్‌రెడ్డి (43) ప్రధాన సూత్రధారిగా ఉన్నట్లు దర్యాప్తులో గుర్తించారు. ఈ కేసులో నలుగురిపై ఎన్‌డీపీఎస్‌ చట్టంలోని సెక్షన్‌ 29 కింద కేసు నమోదు చేశారు. మనోహర్‌రెడ్డి పరారీలో ఉండటంతో అతనిపై కేసు పెండింగ్‌లో ఉంది. మిగిలిన ముగ్గురిపై నేరం రుజువు కావడంతో న్యాయమూర్తి శిక్ష విధించారు. విశాఖ పరిధిలో మాదకద్రవ్యాల తయారీకి ఉపయోగించే రసాయనాల వ్యవహారంలో ఈ ఘటన తీవ్ర చర్చనీయాంశమైంది. ఎన్‌సీబీ అధికారులు నేరుగా దర్యాప్తు చేపట్టడంతో స్థానిక యంత్రాంగం కూడా అప్రమత్తమైంది.

గుంటూరు ఎడ్యుకేషన్‌: స్థానిక సంస్థల ఎన్నికలను పారదర్శకంగా, ప్రశాంతంగా నిర్వహించేందుకు పటిష్టమైన ఏర్పాట్లు చేయాలని జాయింట్‌ కలెక్టర్‌ అశుతోష్‌ శ్రీవాస్తవ అన్నారు. గురువారం జెడ్పీ సమావేశ మందిరంలో రిటర్నింగ్‌ అధికారులకు శిక్షణా కార్యక్రమాన్ని నిర్వహించారు. జేసీ అశుతోష్‌ మాట్లాడుతూ ఎన్నికల నిర్వహణ బాధ్యత రిటర్నింగ్‌ అధికారులదేని స్పష్టం చేశారు. ఎన్నికల కమిషన్‌ మార్గదర్శకాలపై స్పష్టంగా అవగాహన పొంది, ఎటువంటి పొరపాట్లకు తావులేకుండా నిబంధనలు అమలు చేయాలని ఆదేశించారు. రిటర్నింగ్‌ అధికారుల స్థాయిలో స్టాటిక్‌, సర్వేలైన్స్‌ టీమ్స్‌, ఫ్లయింగ్‌ స్క్వాడ్లు, ఖర్చుల పరిశీలన బృందాల నియామకం పూర్తి చేసి, పర్యవేక్షణ చేయాలని అన్నారు. పోటీలో ఉన్న అభ్యర్థులు చేసిన ప్రతి పైసా నమోదు కావాలని చెప్పారు. అభ్యర్థులు సమావేశాలు, ర్యాలీలు నిర్వహణకు ముందస్తు అనుమతి పొందాలని, మీడియాలో ప్రచురితమయ్యే ప్రకటనలను ఖర్చుల కింద లెక్కిస్తామని తెలిపారు. చట్టబద్దమైన అంశాలతో పాటు, చట్టం బద్దం కాని అంశాలపై స్పష్టమైన అవగాహన ఉండాలని చెప్పారు. పోలింగ్‌ కేంద్రాల పరిశీలన, పోలింగ్‌ నిర్వహణ, లెక్కింపు విధానాల్లో జాగ్రత్తగా వ్యవహరించాలని చెప్పారు. ఎన్నికల నియమావళి అమలు పక్కాగా చేయాలి ఎన్నికల నియమావళి అమలు పక్కాగా చేయాలని జేసీ ఆదేశించారు. స్టాటిక్‌, సర్వైలైన్స్‌ టీమ్స్‌, ఫ్లయింగ్‌ స్క్వాడ్లు, ఖర్చుల పరిశీలన బృందాలతో కలెక్టరేట్‌లో సమీక్షించిన జేసీ మాట్లాడుతూ ఎన్నికల నియమావళి అమలుతోపాటు ప్రతీ రోజూ ఖర్చుల వివరాలు కంట్రోల్‌ రూమ్‌కు అందజేయాలని ఆదేశించారు. సమావేశంలో డీఆర్వో ఎన్‌ఎస్‌కె ఖాజావలి, డిప్యూటీ కలెక్టర్లు గంగరాజు, లక్ష్మీకుమారి, శ్రీనివాస్‌, జెడ్పీ సీఈవో వి.జ్యోతిబసు, డీఈవో షేక్‌ సలీమ్‌ బాషా, వ్యవసాయ మార్కెటింగ్‌ శాఖ ఏడీ సత్యనారాయణ చౌదరి, మార్క్‌ ఫెడ్‌ జిల్లా మేనేజర్‌ టి.నరసింహారెడ్డి, సమాచార పౌర సంబంధాల శాఖ డీడీ లోచర్ల రమేష్‌, రిటర్నింగ్‌ అధికారులు, సహాయ రిటర్నింగ్‌ అధికారులు పాల్గొన్నారు.

గుంటూరు ఎడ్యుకేషన్‌: దేశం గర్వించదగిన గొప్ప శాస్త్రవేత్త అబ్దుల్‌ కలాం అందరికీ ఆదర్శ ప్రాయుడని వైఎస్సార్‌ సీపీ జిల్లా అధ్యక్షుడు అంబటి రాంబాబు అన్నారు. గురువారం మాజీ రాష్ట్రపతి డాక్టర్‌ ఏపీజే అబ్దుల్‌ కలాం జయంతి సందర్భంగా బృందావన్‌ గార్డెన్స్‌లోని వైఎస్సార్‌ సీపీ జిల్లా కార్యాలయంలో ఎమ్మెల్సీ చంద్రగిరి ఏసురత్నం, పార్టీ నగర అధ్యక్షురాలు షేక్‌ నూరి ఫాతిమాలతో కలసి అబ్దుల్‌ కలాం చిత్రపటానికి పూలమాల వేసి నివాళులర్పించారు. అంబటి మాట్లాడుతూ రామేశ్వరంలో అత్యంత సామాన్య కుటుంబంలో జన్మించిన అబ్దుల్‌ కలాం విద్యను అయుధంగా మలచుకుని అంచెలంచెలుగా ఎదిగి, గొప్ప శాస్త్రవేత్తగా ఎదిగారని అన్నారు. దేశ అత్యున్నత పదవి అయిన రాష్ట్రపతి పీఠాన్ని అధిష్టించి ఆ పదవికే వన్నె తెర్చారని కొనియాడారు. ఆయన దేశానికి చేసిన సేవలతోపాటు శాస్త్ర, సాంకేతిక రంగంలో అందించిన విశేష కృషిని మరువరాదన్నారు. విద్యార్థులు, యువత ఆయన ఆశయాలను స్ఫూర్తిగా తీసుకుని దేశాభివృద్ధికి పాటు పడాలని పిలుపునిచ్చారు. కార్యక్రమంలో పార్టీ రాష్ట్ర కార్యదర్శి నిమ్మకాయల రాజనారాయణ, ఎస్‌ఈసీ సభ్యుడు కొలకలూరి కోటేశ్వరరావు, జిల్లా మైనార్టీ విభాగ అధ్యక్ష, ప్రధాన కార్యదర్శులు పఠాన్‌ సైదా ఖాన్‌, షేక్‌ షర్ఫుద్దీన్‌, జిల్లా ప్రచార విభాగాధ్యక్షుడు దానం వినోద్‌, జిల్లా సోషల్‌ మీడియా అధ్యక్షుడు కొరిటిపాటి ప్రేమ్‌ కుమార్‌, నగర బీసీ సెల్‌ అధ్యక్షుడు పల్లపు మహేష్‌బాబు, జిల్లా మైనార్టీ విభాగ నాయకులు బషీర్‌, ఉమర్‌, పశ్చిమ నియోజకవర్గ ఎస్సీ సెల్‌ అధ్యక్షుడు గుంజర ప్రభు, మైనార్టీ విభాగాధ్యక్షుడు ఖాసిం బేగ్‌, అనుబంధ విభాగాల నాయకులు చింతపల్లి వెంకటరమణ, పల్లపు వెంకటేష్‌, స్వర్ణలత, విజయారెడ్డి, రజియా బేగం, తదితర నాయకులు పాల్గొన్నారు. వైఎస్సార్‌ సీపీ జిల్లా అధ్యక్షుడు అంబటి రాంబాబు

జిల్లా కలెక్టర్‌ సాయికాంత్‌ వర్మ గుంటూరు వెస్ట్‌: జిల్లాలో స్థానిక సంస్థల ఎన్నికలను ప్రశాంతంగా, పారదర్శకంగా, నిష్పక్షపాతంగా నిర్వహించేందుకు అన్ని ఏర్పాట్లు పూర్తి చేశామని జిల్లా కలెక్టర్‌ సీఎం సాయికాంత్‌ వర్మ తెలిపారు. గురువారం స్థానిక కలెక్టరేట్‌లోని వీసీ హాలులో నిర్వహించిన విలేకరుల సమావేశంలో కలెక్టర్‌ మాట్లాడుతూ జిల్లాలో గుంటూరు, తెనాలి పట్టణ స్థానిక సంస్థలకు సంబంధించి ఎన్నికల ప్రక్రియ నిర్వహిస్తామన్నారు. అక్టోబర్‌ 16 నుంచి నామినేషన్ల స్వీకరణ ప్రారంభమవుతుందని, అక్టోబర్‌ 28న పోలింగ్‌, అక్టోబర్‌ 30న ఓట్ల లెక్కింపు నిర్వహించనున్నట్లు వివరించారు. ఎంపీటీసీ, జెడ్పీటీసీ ఎన్నికలకు అక్టోబర్‌ 21 నుంచి నామినేషన్ల ప్రక్రియ ప్రారంభమవుతుందని, నవంబర్‌ 3న పోలింగ్‌, నవంబర్‌ 5న ఓట్ల లెక్కింపు ఉంటుందని తెలిపారు. గ్రామ పంచాయతీ ఎన్నికలను మూడు దశల్లో నిర్వహిస్తామన్నారు. మొదటి దశ నామినేషన్లు నవంబర్‌ 15న ప్రారంభమై నవంబర్‌ 26న పోలింగ్‌, రెండో దశ నామినేషన్లు నవంబర్‌ 18న ప్రారంభమై నవంబర్‌ 29న పోలింగ్‌, మూడో దశ నామినేషన్లు నవంబర్‌ 21న ప్రారంభమై డిసెంబర్‌ 2న పోలింగ్‌ నిర్వహించనున్నట్లు వివరించారు. గ్రామ పంచాయతీ ఎన్నికల్లో పోలింగ్‌ పూర్తయిన రోజే ఓట్ల లెక్కింపు చేపట్టనున్నట్లు తెలిపారు. గుంటూరు మున్సిపల్‌ కార్పొరేషన్‌ పరిధిలో 76 వార్డులు, తెనాలి పట్టణంలో 52 వార్డులు ఉన్నాయని కలెక్టర్‌ తెలిపారు. గుంటూరు పరిధిలో 6,09,667 మంది, తెనాలి పరిధిలో 1,57,089 మంది ఓటర్లు ఉన్నట్లు వివరించారు. ఎన్నికల నిర్వహణలో భాగంగా రిటర్నింగ్‌ అధికారులు, అసిస్టెంట్‌ రిటర్నింగ్‌ అధికారులు, జోనల్‌ అధికారులను నియమించినట్లు తెలిపారు. ఎన్నికల్లో అక్రమాలకు తావులేకుండా పర్యవేక్షణ కోసం 50 స్టాటిక్‌ సర్వైలెన్స్‌ బృందాలు, 50 ఫ్లయింగ్‌ స్క్వాడ్‌ బృందాలను ఏర్పాటు చేసినట్లు పేర్కొన్నారు. ఎన్నికల ప్రవర్తనా నియమావళి అమల్లోకి వచ్చిన నేపథ్యంలో అన్ని రాజకీయ పార్టీలు నిబంధనలను తప్పనిసరిగా పాటించాలని స్పష్టం చేశారు. ఎన్నికల సంఘం మార్గదర్శకాల మేరకు అధికారులు సమన్వయంతో పనిచేస్తూ, ఎలాంటి అవాంఛనీయ సంఘటనలకు అవకాశం లేకుండా చర్యలు తీసుకోవాలని ఆదేశించారు. కుల ధ్రువీకరణ పత్రాల జారీలో జాప్యం ఉండదు ఎన్నికల్లో పోటీ చేసే అభ్యర్థులకు అవసరమైన కుల ధ్రువీకరణ పత్రాల జారీలో ఎటువంటి జాప్యం ఉండదన్నారు. ఇప్పటికే ఇంటిగ్రేటెడ్‌ కుల ధ్రువీకరణ పత్రం కలిగిన వారు మళ్లీ కొత్తగా దరఖాస్తు చేసుకోవాల్సిన అవసరం లేదని తెలిపారు. కుల ధ్రువీకరణ పత్రాల కోసం దరఖాస్తు చేసిన వారికి 24 గంటల్లోగా పత్రాలు అందించేలా ఏర్పాటు చేశామన్నారు. సున్నిత, అతి సున్నితమైన పోలింగ్‌ కేంద్రాలను గుర్తించామని, వాటిలో అదనపు సిబ్బందిని నియమిస్తామన్నారు. జిల్లాలో 6000 మంది ఉద్యోగులను ఎన్నికల ప్రక్రియకు నియమించామని కలెక్టర్‌ వివరించారు. సమావేశంలో జిల్లా రెవెన్యూ అధికారి ఎన్‌ ఎస్‌ కె ఖాజావలి పాల్గొన్నారు. పార్టీల సహకారం అవసరం జిల్లాలో పట్టణ స్థానిక సంస్థలు, ఎంపీటీసీ, జెడ్పీటీసీ, గ్రామ పంచాయతీ ఎన్నికలను ప్రశాంతంగా, పారదర్శకంగా నిర్వహించేందుకు రాజకీయ పార్టీల సహకారంతోపాటు ప్రజల మద్దతు అవసరమని జిల్లా కలెక్టర్‌ సాయికాంత్‌ వర్మ తెలిపారు. స్థానిక సంస్థల ఎన్నికల షెడ్యూల్‌ విడుదలైన నేపథ్యంలో గురువారం స్థానిక కలెక్టరేట్‌లోని వీసీ హాల్లో వివిధ రాజకీయ పార్టీల ప్రతినిధులతో సమావేశం నిర్వహించారు. జిల్లా వ్యాప్తంగా ఎన్నికల ప్రవర్తనా నియమావళి అమల్లోకి వచ్చిందని తెలిపారు. ఎన్నికల నియమావళిని తప్పనిసరిగా పాటించాలని సూచించారు. పార్టీల ప్రతినిధులు క్షేత్ర స్థాయిలో ఉండే సమస్యలను తమ దృష్టికి తీసుకొస్తే వీలైనంత వరకు పరిష్కరిస్తామని వివరించారు. జిల్లా రెవెన్యూ అధికారి ఎన్‌ఎస్‌కె ఖాజావలి, జెడ్పీ సీఈఓ జ్యోతిబసు, వైఎస్సార్‌ కాంగ్రెస్‌ పార్టీ నాయకుడు వి.పిచ్చిరెడ్డి, బహుజన సమాజ్‌ పార్టీ నాయకుడు సీహెచ్‌.వాసు తదితరులు పాల్గొన్నారు.

● ప్రియాంబుల్‌ కాపీ లీకేజీపై కలెక్టర్‌ ఆగ్రహం ● కౌన్సిల్‌ క్లర్క్‌ నాగరాజు సస్పెన్షన్‌.. సిటీ ప్లానర్‌కు షోకాజ్‌ నోటీసు ● టౌన్‌ ప్లానింగ్‌ వారి పాత్రపైనా సమగ్ర విచారణ నెహ్రూనగర్‌: వార్డుల రిజర్వేషన్ల జాబితా (ప్రియాంబుల్‌ కాపీ) లీకేజీ వ్యవహారంలో ‘సాక్షి’ దినపత్రిక ప్రచురించిన కథనం నగరపాలక సంస్థ వర్గాల్లో తీవ్ర ప్రకంపనలు సృష్టించింది. అధికారికంగా విడుదల కావాల్సిన జాబితాను కొందరు కింది స్థాయి సిబ్బంది అత్యుత్సాహంతో టీడీపీ నేతలకు, అనుకూల మీడియాకు వాట్సాప్‌ ద్వారా లీక్‌ చేయడంపై గురువారం ‘సాక్షి’లో ‘అధికారుల పచ్చపాతం’ అనే శీర్షికన కథనం ప్రచురితమైన విషయం తెలిసిందే. దీనిపై జిల్లా కలెక్టర్‌ సి.ఎం. సాయికాంత్‌ వర్మ, నగర కమిషనర్‌ మయూర్‌ అశోక్‌ తీవ్రస్థాయిలో ఆగ్రహం వ్యక్తం చేసినట్లు సమాచారం. లీకేజీకి బాధ్యులెవరనే దానిపై ప్రాథమిక విచారణ జరిపి, కౌన్సిల్‌ గుమస్తా అడపా నాగరాజును సస్పెండ్‌ చేస్తూ కమిషనర్‌ గురువారం సాయంత్రం ఉత్తర్వులు జారీ చేశారు. అంతేకాకుండా, నగరపాలక సంస్థ సిటీ ప్లానర్‌ రాంబాబుకు 24 గంటల్లో వివరణ ఇవ్వాలని షోకాజ్‌ నోటీసు జారీ చేసి సమగ్ర విచారణకు ఆదేశించారు. ఈ వ్యవహారంలో కౌన్సిల్‌ గుమస్తాపై మాత్రమే చర్యలు తీసుకుని, టౌన్‌న్‌ ప్లానింగ్‌ సిబ్బందిని తప్పించే ప్రయత్నాలు జరుగుతున్నాయన్న విమర్శలు బలంగా వినిపిస్తున్నాయి. వార్డుల పునర్విభజన నుంచి రిజర్వేషన్ల రూపకల్పన వరకు టౌనన్‌ ప్లానింగ్‌ విభాగమే కీలకంగా వ్యవహరించింది. ఈ విభాగంలోని కొంత మంది అధికారులు, కింది స్థాయి సిబ్బంది టీడీపీ నేతలతో కుమ్మకై సమాచారాన్ని చేరవేస్తున్నారనే ఆరోపణలు ఉన్నాయి. ఎన్నికల ప్రక్రియలో అత్యంత గోప్యత పాటించాల్సిన అవసరం ఉందని, ఈ వ్యవహారంలో టౌన్‌ ప్లానింగ్‌ సిబ్బందిపైనా చర్యలు తీసుకోవాలని ప్రజలు కోరుతున్నారు.

తాడికొండ: రాజధాని పేరుతో ఏళ్లుగా ఆయా గ్రామాల్లో స్థానిక సంస్థల ఎన్నికలు జరగక ప్రజాస్వామ్యం అపహాస్యం పాలవుతోంది. రాజధాని పూలింగ్‌కు ప్రభుత్వం 29 గ్రామాలను తీసుకుంది. వీటిలో 12 గ్రామాలు తుళ్ళూరు మండలంలో ఉన్నాయి. మంగళగిరిలో 5, తాడేపల్లిలో 2 గ్రామాలు ఉన్నాయి. అయితే మంగళగిరిలో 5 గ్రామాలు, తాడేపల్లిలో 2 గ్రామాలకు గతంలో మున్సిపాలిటీ ఎన్నికలు జరిగాయి. తుళ్ళూరు మండలంలో 12 గ్రామాలతోపాటు మిగిలిన 3 గ్రామాలకు ఎన్నికలు నిలిచిపోయాయి. అయితే తాజాగా రెండో విడత పూలింగ్‌లో తుళ్ళూరు మండలంలో 3 గ్రామాలు, అమరావతి మండలంలో 7 గ్రామాలు కలిపి మొత్తం 10 గ్రామాలకు సీఆర్‌డీఏ భూ సమీకరణ నోటిఫికేషన్‌ విడుదల చేయడంతో ఆ గ్రామాలను కూడా ప్రస్తుతం ఎన్నికలు నిలిపివేసినట్లు ప్రభుత్వం ప్రకటన విడుదల చేసింది. అసలు నోటిఫికేషన్‌ ఇవ్వని తాడికొండ మండలంలోని 16 గ్రామాలతో పాటు మేడికొండూరు మండలంలో 4 గ్రామాలకు కూడా ఎన్నికలు నిలిపివేసినట్లు ప్రకటనలు వెలువడటం గందరగోళంగా మారింది. ఇదిలా ఉండగా తాడేపల్లి, మంగళగిరిని మహా నగరపాలక సంస్థగా ఏర్పాటు చేసిన సమయంలో తాడేపల్లి పరిసర ప్రాంతాల్లోని 10 గ్రామాలు, మంగళగిరి పరిసర ప్రాంతాల్లో 12 గ్రామాలు కలిపారు. ప్రస్తుతం ఆ గ్రామాలకు ఎన్నికలు నిర్వహించనున్నట్లు సంకేతాలు వెలువడటంపై ఆందోళన చెందుతున్నారు. పరమార్థం ఏంటో? మంగళగిరి మున్సిపాలిటీ ఏర్పడి 1965లో ఎన్నికలు జరిగాయి. తాడేపల్లి మున్సిపాలిటీగా 2012లో ఏర్పడగా, 2014లో ఎన్నికలు జరిగాయి. అనంతరం 2021లో మంగళగిరి, తాడేపల్లి కలిపి కార్పొరేషన్‌గా ఏర్పాటు చేశారు. ఆ తరువాత మొట్టమొదటి ఎన్నికలు ఇవి. అయితే మొదటి దశ పూలింగ్‌కు ఇచ్చిన 29 గ్రామాలైన తాడేపల్లి రూరల్‌లో ఉండవల్లి, పెనుమాక, మంగళగిరి రూరల్‌లో యర్రబాలెం, నవులూరు, నిడమర్రు, బేతపూడి, కురగల్లు గ్రామాలను మంగళగిరి– తాడేపల్లి కార్పోరేషన్‌లో కలిపారు. ఆ గ్రామాలకు ఎన్నికలు జరుగుతుండగా మిగిలిన మొదటి దశ పూలింగ్‌ జరిగిన 22 గ్రామాలు, రెండో దశలో ప్రకటించిన 10 గ్రామాలు, అసలు పూలింగ్‌ ప్రకటించని తాడికొండ మండలంలో 16 గ్రామాలు, మేడికొండూరు మండలంలో 5 గ్రామాలకు ఎన్నికలు ఎందుకు నిలిపివేశారో అర్థం కాని పరిస్థితి నెలకొంది. ఇంటర్నేషనల్‌ ఎయిర్‌పోర్టు పేరుతో భవిష్యత్తులో కూడా పూలింగ్‌ ఉంటుందంటూ మంత్రి నారాయణ చేస్తున్న వ్యాఖ్యలపై ఈ ప్రాంత వాసులు ఆగ్రహం వ్యక్తం చేస్తున్నారు. ఈ దశలో ఎన్నికలు నిర్వహిస్తే రైతులు తమ వ్యతిరేకతను ఓటు రూపంలో చూపించి, అధికార పార్టీని తరిమికొట్టడం ఖాయమని గ్రహించిన ప్రభుత్వం ఇలా ఎన్నికల ప్రక్రియ నిలిపివేసేందుకు మొగ్గు చూపడం అవివేకమని రైతులు ఆగ్రహం వ్యక్తం చేస్తున్నారు. ప్రభుత్వ నిర్ణయాలు, సీఆర్డీఏ, మంత్రి నారాయణ ఏకపక్ష వైఖరిపై ఇటీవల ఆగ్రహం వ్యక్తం చేసిన రాజధాని రైతు జేఏసీ నాయకులు.. ఏకంగా పూలింగ్‌కు ఇచ్చి తాము తప్పుచేశామని బహిరంగ అసంతృప్తి వ్యక్తం చేశారు. దీనంతటికి కారణం ప్రజాస్వామ్యబద్ధంగా ప్రజలచే ఎన్నుకోబడిన వ్యవస్థ రాజధాని ప్రాంతంలో గత 12 సంవత్సరాలుగా లేకపోవడమే అనేది బహిరంగ రహస్యమే అని పలువురు వ్యాఖ్యానించారు. ప్రజాస్వామ్యంలో ప్రజలు తమ హక్కులను పరిపూర్ణంగా ఉపయోగించుకోవాలంటే స్థానిక సంస్థల ఎన్నికల్లో ఓటు హక్కు తప్పనిసరి అని, ప్రభుత్వం దానిని తమకు దూరం చేసి సొంత నిర్ణయాలతో వ్యవహరిస్తున్న తీరు మంచిది కాదని పలువురు హితవు పలుకుతున్నారు. మరికొందరు దీనిపై న్యాయస్థానాలను ఆశ్రయించేందుకు సిద్ధంగా ఉన్నట్లు సమాచారం. ఆయా గ్రామాల్లో గత 12 సంవత్సరాలుగా ప్రభుత్వ అసంబద్ధ, అనైతిక నిర్ణయాలతో రైతులు, సామాన్య ప్రజలకు తీవ్ర ఇబ్బందులకు గురవుతున్నారు. సీఆర్‌డీఏ పేరుతో సీఎం చైర్మన్‌గా ఉండి మంత్రి నారాయణ కనుసన్నల్లో రాజధానిలో మంత్రి వర్గ నిర్ణయాలకు పెద్దపీట వేస్తూ ఇష్టారీతిగా పనులు నిర్వహిస్తున్నారు. రాజధాని అభివృద్ధి పేరుతో బడా సంస్థలు, బడా బాబులకు చౌక ధరలకు భూములు కట్టబెట్టడం, గ్రామాల అభివృద్దిని గాలికొదిలేసి అధిక ధరలకు కాంట్రాక్టర్లకు పనులు కట్టబెట్టి పప్పు బెల్లాల్లా నిధులు పంచుకోవడం పరిపాటిగా మారింది. అదే ఆయా గ్రామాల్లో కార్పొరేషన్‌గానో లేక, మహా నగరపాలక సంస్థగానో ఏర్పాటు చేసి ఎన్నికలు నిర్వహిస్తూ ప్రజల చేత ఎన్నుకోబడిన ప్రజా ప్రతినిధులు నిర్ణయాలు తీసుకుంటే స్థానిక ప్రయోజనాలకు పెద్దపీట వేసేవారు. అదేమీ లేకుండా ప్రభుత్వమే ఓ సంస్థను ఏర్పాటు చేసి అడ్డగోలుగా తీసుకుంటున్న నిర్ణయాలపై రాజధాని ప్రాంత వాసులు, భూములిచ్చిన రైతులు ఆవేదన వ్యక్తం చేస్తున్నారు. ఎలాంటి అధికారిక పూలింగ్‌ ప్రకటన లేకుండానే తాడికొండ మండలంలో నిలిపివేత ‘స్థానిక’ ప్రజాప్రతినిధులు లేకుండా ప్రభుత్వమే నిర్ణయాలు తీసుకోవడంతో రైతులకు కష్టాలు అధికారులకు సైతం అంతుపట్టని టీడీపీ సర్కారు వైఖరితో రాజధాని వాసుల ఆవేదన

గుంటూరుశుక్రవారం శ్రీ 16 శ్రీ అక్టోబర్‌ శ్రీ 2026● స్థానిక సంస్థలు ఎన్నికలను నిష్పక్షపాతంగా నిర్వహిస్తాం ● అభ్యర్థులకు ధ్రువీకరణ పత్రాలు 24 గంటల్లో మంజూరు ● బలవంతంగా నామినేషన్లను ఉపసంహరిస్తే చర్యలు తప్పవు ● సమస్యాత్మక, అత్యంత సమస్యాత్మక పోలింగ్‌ కేంద్రాల్లో వెబ్‌ కాస్టింగ్‌ ● జిల్లా ఎస్పీ సమన్వయంతో ఎన్నికలు ప్రశాంతంగా జరిగేలా చర్యలు ● కలెక్టర్‌ ఆఫీసులో ఫిర్యాదుల విభాగం ఏర్పాటు చేసి ఎప్పటికప్పుడు పరిష్కారం ● ‘సాక్షి’ స్పెషల్‌ ఇంటర్వ్యూలో జిల్లా కలెక్టర్‌ సీఎం సాయికాంత్‌ వర్మ అచ్చంపేట: పులిచింతల ప్రాజెక్టులో ప్రస్తుత నిల్వ 28.8780 టీఎంసీలు. ప్రాజెక్టు దిగువకు 400 క్యూసెక్కులు లీకేజీల ద్వారా వెళుతోంది. కలెక్టర్‌ : ఎన్నికలను ప్రశాంతంగా నిర్వహించేందుకు అన్ని రాజకీయ పార్టీల వారు అధికారులకు సహకరించాలి. పార్టీల పరంగా ఎలా ఉన్నా ప్రజాస్వామ్యబద్ధంగా ఎన్నికలు జరిగేలా అన్ని పార్టీల నేతలు ముందుకు వెళ్లాలి. శాంతిభద్రతలకు విఘాతం కలుగకుండా చూడాలి. కలెక్టర్‌ : పోలింగ్‌ బూత్‌ల వద్ద అవాంఛనీయ ఘటనలు జరుగకుండా ఇప్పటికే జిల్లా ఎస్పీ వకుల్‌ జిందాల్‌తో కలిసి అన్ని భద్రతా చర్యలు చేపట్టాం. సున్నిత, అతి సున్నితమైన పోలింగ్‌ కేంద్రాలను గుర్తించాం. వాటిలో అదనపు సిబ్బందిని నియమించాం. కేంద్ర ప్రభుత్వ సహకారంతో వెబ్‌ కెమెరాలు ఏర్పాటు చేసేందుకు ప్రయత్నాలు చేస్తున్నాం. సాక్షిప్రతినిధి, గుంటూరు: ‘‘ స్థానిక సంస్థల ఎన్నికల నోటిఫికేషన్‌ వెలువడిన నేపథ్యంలో గుంటూరు జిల్లాలో ఎంసీసీ టీమ్‌లతోపాటు, ఫ్లయింగ్‌ స్క్వాడ్‌లు కలెక్టరేట్‌లో కంట్రోల్‌ రూము, కంప్లయింట్‌ సెల్‌లు ఏర్పాటు చేశాం. గుంటూరు జిల్లాలో ప్రస్తుతం గుంటూరు కార్పొరేషన్‌ మేయర్‌ ఎన్నికతోపాటు 76 డివిజన్లకు, తెనాలి మున్సిపల్‌ చైర్మన్‌ ఎన్నికతోపాటు 52 వార్డులకు ఎన్నికలు నిర్వహించేందుకు అన్ని ఏర్పాట్లు పూర్తి చేశాం. నేటి నుంచి నామినేషన్‌ల ప్రక్రియ మొదలవుతోంది. ఉదయం 11 నుంచి సాయంత్రం 3 గంటల వరకు నామినేషన్లు స్వీకరిస్తాం. జిల్లాలో 13 జెడ్పీటీసీలు, 13 ఎంపీపీ స్థానాలతోపాటు 199 ఎంపీటీసీ స్థానాలు, 208 సర్పంచ్‌లకు వాటి పరిధిలోని వార్డులకు ఎన్నికలు నిర్వహించేందుకు అన్ని ఏర్పాట్లు పూర్తి చేశాం. సుమారు 9 వేల మంది సిబ్బంది ఎన్నికల విధులకు హాజరవుతారని’’ జిల్లా కలెక్టర్‌ సీఎం సాయికాంత్‌వర్మ ‘సాక్షి’ స్పెషల్‌ ఇంటర్వ్యూలో వెల్లడించారు. మరికొన్ని విషయాలు ఆయన మాటల్లోనే... సాక్షి : ఎన్నికల్లో నామినేషన్లు వేసేందుకు ధ్రువీకరణ పత్రాల జారీలో జాప్యం జరుగుతోందనే ఆరోపణలపై మీ స్పందనేంటి? కలెక్టర్‌ : గతంలో ధ్రువీకరణ పత్రాల కోసం దరఖాస్తు చేసుకుంటే వారం రోజుల వరకు పట్టేది. అయితే ఎన్నికల కమిషన్‌ ఆదేశాల మేరకు ప్రస్తుతం 24 గంటల్లో ఇచ్చేస్తున్నాం. దీనిపై జేసీ, డీఆర్‌వోలు ఎప్పటికప్పుడు పర్యవేక్షిస్తున్నారు. సాక్షి :కుల ధ్రువీకరణ పత్రాల మంజూరుపై గందరగోళాన్ని ఎలా పరిష్కరిస్తారు? కలెక్టర్‌ : ఎన్నికల్లో పోటీ చేసే అభ్యర్థులకు అవసరమైన కుల ధ్రువీకరణ పత్రాల జారీలో ఎటువంటి జాప్యం ఉండదు. ఇప్పటికే ఇంటిగ్రేటెడ్‌ కుల ధ్రువీకరణ పత్రం కలిగిన వారు మళ్లీ కొత్తగా దరఖాస్తు చేసుకోవాల్సిన అవసరం లేదు. నో డ్యూస్‌ సర్టిఫికెట్లు మాత్రం ఇప్పుడు తీసుకోవాల్సి ఉంటుంది. సాక్షి : నామినేషన్లు వేయకుండా దౌర్జన్యం ప్రయత్నాలు జరుగుతున్నాయి. దీని కట్టడికి ఎలాంటి చర్యలు తీసుకుంటున్నారు? కలెక్టర్‌ : ఎన్నికల్లో అన్ని పార్టీల అభ్యర్థులు నామినేషన్‌లు వేసుకుని, ప్రశాంతంగా ఎన్నికలు జరిగేలా సహకరించాలని అన్ని పార్టీల నేతలతో సమావేశం నిర్వహించినప్పుడు సూచించాం. ఎక్కడైనా బలవంతంగా నామినేషన్‌ పత్రాలు లాక్కొని చించివేయడం, నామినేషన్‌ వేసేవారిని అడ్డుకోవడం వంటి చర్యలకు పాల్పడితే కఠిన చర్యలు తప్పవు. సాక్షి : ఎన్నికల సమయంలో జరిగే అవకతవకలపై ఎలాంటి చర్యలు చేపట్టారు? కలెక్టర్‌ : ఎన్నికల ప్రక్రియలో పారదర్శకంగా వ్యవహరించాలని జిల్లాలోని అందరు అధికారులకు ఆదేశాలు ఇచ్చాం. అందుకు విరుద్ధంగా ఎవరు వ్యవహరించినా ఉపేక్షించేది లేదు. కలెక్టర్‌ కార్యాలయంలో కంప్లయింట్‌ సెల్‌ ఏర్పాటు చేస్తాం. ఫిర్యాదులు స్వీకరించడంతోపాటు వాటిని వెంటనే పరిష్కరించేలా చర్యలు తీసుకుంటాం. కంట్రోల్‌ రూమును ఏర్పాటు చేసి నిరంతరం పర్యవేక్షిస్తాం. సాక్షి : ఎస్‌ఐఆర్‌ ప్రకారం జిల్లాలో 2 లక్షలకుపైగా ఓట్లు తొలగించారు. మరి వారంతా ఎన్నికల్లో ఓటు వినియోగించుకుండా ఎలా చూస్తారు? కలెక్టర్‌ : ఎన్నికల కమిషన్‌ ఆదేశాల మేరకు ఎస్‌ఐఆర్‌తో సంబంధం లేదు. 2026 జనవరి 1న ప్రచురించిన ఓటర్ల జాబితా ప్రకారం మాత్రమే ఎన్నికలు జరుగుతాయి.

తెనాలి: మున్సిపల్‌ చైర్మన్‌ ఎన్నికల్లో పోటీకి వైఎస్సార్‌ కాంగ్రెస్‌ పార్టీ తరపున ఆర్యవైశ్య సామాజికవర్గానికి చెందిన మద్దాళి శేషాచలం ఎంపికయ్యారు. పార్టీ అధినేత, మాజీ ముఖ్యమంత్రి వైఎస్‌ జగన్‌మోహన్‌రెడ్డి ఆదేశాల ప్రకారం ఎంపికై న అభ్యర్థుల జాబితాను గురువారం రాత్రి విడుదల చేశారు. ఓసీ జనరల్‌కు కేటాయించిన తెనాలి మున్సిపాలిటీ చైర్‌పర్సన్‌ పదవికి వైఎస్సార్‌ కాంగ్రెస్‌ పార్టీ అభ్యర్థిగా మద్దాళి శేషాచలంను నియమించారు. కూటమి పార్టీల్లో చైర్‌పర్సన్‌ పదవిని ఏ పార్టీకి కేటాయించాలనే అంశంపై ఆయా పార్టీలు మల్లగుల్లాలు పడుతున్న నేపథ్యంలో వైఎస్సార్‌సీపీ తన అభ్యర్థిని ప్రకటించి దూకుడును ప్రదర్శించింది. ఆర్యవైశ్య వర్గానికి చెందిన శేషాచలం సౌమ్యులు, వివాదరహితుడిగా గుర్తింపు ఉంది. గత పదేళ్లుగా పార్టీలో క్రియాశీలంగా పనిచేస్తున్నారు. ఇంతకుముందు పట్టణ క్లస్టర్‌ పార్టీ అధ్యక్షుడిగా పనిచేసిన ఆయనకు పార్టీలోని సొంత సామాజికవర్గంతోపాటు, అన్ని వర్గాలతోనూ స్నేహపూర్వక సంబంధాలున్నాయి. గత పాతికేళ్లుగా ఆయన ఆయిల్‌ వ్యాపారంలో కొనసాగుతున్నారు. కష్టపడి పార్టీలో పనిచేస్తున్న తనను గుర్తించి, చైర్‌పర్సన్‌ అభ్యర్థిత్వాన్ని ఖరారు చేసిన పార్టీ అధినేత వైఎస్‌ జగన్‌మోహన్‌రెడ్డికి, తన పేరును ప్రతిపాదించిన తెనాలి సమన్వయకర్త, మాజీ ఎమ్మెల్యే అన్నాబత్తుని శివకుమార్‌కు శేషాచలం ధన్యవాదాలు తెలియజేశారు. తనపై ఉంచిన నమ్మకానికి అనుగుణంగా కష్టపడి పనిచేసి, ఎన్నికల్లో తనతోపాటు, పార్టీ కౌన్సిలర్‌ అభ్యర్థుల విజయానికి త్రికరణశుద్ధితో పనిచేస్తానని చెప్పారు. గుంటూరు మెడికల్‌: ఆరోగ్య కేంద్రాలకు వచ్చే రోగులకు అందించే వైద్య సేవల్లో గుంటూరు జిల్లా వైద్య ఆరోగ్య శాఖ ద్వితీయ స్థానంలో నిలిచింది. నేషనల్‌ క్వాలిటీ ఎస్సూరెన్స్‌ స్కీమ్‌ (ఎన్‌ క్వాస్‌) గురువారం విడుదల చేసిన రాష్ట్ర స్థాయి నివేదికలో తొలిస్థానం ఈస్ట్‌ గోదావరి జిల్లా దక్కించుకోగా, గుంటూరు ద్వితీయ స్థానం, వైఎస్సార్‌ కపడ జిల్లా తృతీయ స్థానాలు దక్కించుకున్నాయి. ఆరోగ్య కేంద్రాలకు చికిత్స కోసం వచ్చే రోగులు ఓపీ చీటి తీసుకున్న దగ్గర్నుంచి, మందులు, ల్యాబ్‌ పరీక్షలు, లోపల ఆరోగ్య కేంద్రాల్లో ఉండే వసతులు, రోగికి అందించే వైద్య సేవలు, ఆసుపత్రిలో వాతావరణం తదితర అంశాలపై ఎన్‌క్వాస్‌ సర్వేను అన్ని జిల్లాల్లో నిర్వహించారు. ఎన్‌క్వాస్‌ వసతుల సౌకర్యాల్లో ఈస్ట్‌ గోదావరి జిల్లా 38.70 శాతం వసతులు కల్పించి ప్రథమ స్థానం దక్కించుకుంది. గుంటూరు జిల్లా వైద్య ఆరోగ్య శాఖ 37.10 శాతం వసతులు కల్పించి ద్వితీయ స్థానంలో నిలిచింది. గుంటూరు రూరల్‌: గుర్తు తెలియని మహిళను హత్య చేసి గుర్తు పట్టకుండా తగల బెట్టిన సంఘటన నల్లపాడు పోలీస్‌స్టేషన్‌ పరిధిలో గురువారం వెలుగు చూసింది. సీఐ భాస్కర్‌ తెలిపిన వివరాల ప్రకారం.. ఎన్‌హెచ్‌–16లో బుడంపాడు పరిధిలోని హిందుస్థాన్‌ పెట్రోల్‌ బంక్‌ సమీపంలో అన్నపూర్ణ సొసైటీ కాంప్లెక్స్‌ పక్కన ఉన్న గ్రావెల్‌ రోడ్డు (మట్టి రోడ్డు) పక్కన ఒక మహిళ మృతదేహం పూర్తిగా కాలిపోయిన స్థితిలో పడి ఉండటాన్ని స్థానికులు గమనించారు. బుడంపాడు వీఆర్‌వో మెరుగుమాల కోటేశ్వరరావు పోలీసులకు సమాచారం అందించాడు. ఘటనా స్థలికి చేరుకున్న ఎస్‌ఐ సురేష్‌ పూర్తిగా కాలిపోయిన దశలో ఉన్న మహిళ మృతదేహన్ని పోస్టుమార్టం నిమిత్తం జీజీహెచ్‌ మార్చురీకి తరలించారు. ఘటనా స్థలిని పరిశీలించి ఆధారాలు సేకరించారు. మహిళను ఎక్కడో హత్య చేసి, గుర్తింపు దొరకకుండా ఉండేందుకు, సాక్ష్యాధారాలను నాశనం చేసేందుకు దుండగులు ఈ ప్రాంతంలో నిప్పు పెట్టినట్లు పోలీసులు ప్రాథమికంగా భావిస్తున్నారు. ఈ ఘటనపై నల్లపాడు పోలీసులు నిందితుల కోసం ప్రత్యేక బృందాలతో ముమ్మరంగా దర్యాప్తు నిర్వహిస్తున్నారు.

నగరంపాలెం: నగరంలోని గుంటూరు సీఐడీ ప్రాంతీయ కార్యాలయంలో అగ్రిగోల్డ్‌ బాండ్ల పరిశీలన పక్రియ కొనసాగుతోంది. ఈ క్రమంలో గురువారం చేబ్రోలు మండల పరిధిలోని బాండ్లను పరిశీలించారు. మండల పరిధిలోని 156 మంది డిపాజిట్‌దారులు హాజరయ్యారు. ఈ మేరకు వారి నుంచి 226 అగ్రిగోల్డ్‌ బాండ్లను పరిశీలించినట్లు ప్రాంతీయ కార్యాలయపు ఏఎస్పీ బి.సీతారామయ్య తెలిపారు. ఈనెల 16, 17 తేదీల్లో చేబ్రోలు, కాకుమాను, పెదనందిపాడు మండలాల పరిధిలోని అగ్రిగోల్డ్‌ బాండ్ల పరిశీలన (అగ్రిగోల్డ్‌ బాండ్లల్లోని చిరునామాల ఆధారంగా) ఉంటుందని అన్నారు. ఆయా మండలాల్లోని అగ్రిగోల్డ్‌ బాండ్‌ దారులు ఈ విషయాన్ని గమనించాలని చెప్పారు. ఒరిజినల్‌ బాండ్‌, ఆధార్‌ కార్డ్‌, బ్యాంక్‌ పాస్‌ పుస్తకం, పాస్‌పోర్ట్‌ సైజ్‌ ఫొటో, సంబంధిత పత్రాల నకళ్లు వెంట తీసుకుని రావాలని తెలిపారు. నగరంపాలెం: ఏపీ హ్యూమన్‌ రైట్స్‌ అధ్యక్షునిగా కె.భాస్కర్‌ ఎన్నికయ్యారు. ఈ మేరకు గురువారం తాలుకా ఆవరణలోని పెన్షనర్స్‌ భవన్‌లో ఆయన ప్రమాణస్వీకారం చేశారు. హ్యూమన్‌ రైట్స్‌ జాతీయ కార్యదర్శి జె.శ్రీనిలత, జాతీయ వ్యవస్థాపకులు దాస్‌ హాజరయ్యారు. అనంతరం భాస్కర్‌ను పలువురు సత్కరించారు. కార్యక్రమంలో హైకోర్టు న్యాయవాది లక్ష్మీశైలజాగౌడ్‌, వాకర్స్‌ చెలికాని సీతారామయ్య, విశ్రాంత ఎస్పీ అశోక్‌బాబు, అర్బన్‌ బ్యాంక్‌ డైరక్టర్‌ భాస్కరరావు, మానవ హక్కుల పరిరక్షణ సమితి అధ్యక్షుడు జోన్నలగడ్డ వెంకటరత్నం, తెలంగాణ హ్యూమన్‌రైట్స్‌ అధ్యక్షుడు సుధాకర్‌ తదితరులు పాల్గొన్నారు.

మంగళగిరి రూరల్‌: మంగళగిరిలోని ఎయిమ్స్‌లో ప్రపంచ శరీర నిర్మాణ శాస్త్ర దినోత్సవాన్ని గురువారం ఘనంగా నిర్వహించారు. వైద్య విద్య, పరిశోధనలకు అమూల్యమైన సేవలందిస్తున్న స్వచ్ఛంద దేహదాతలకు నివాళులర్పించారు. దేహదాన ప్రాముఖ్యతను చాటిచెప్పడంతో పాటు దాత కుటుంబాలను సత్కరించారు. ఎన్టీఆర్‌ ఆరోగ్య విజ్ఞాన విశ్వవిద్యాలయం ప్రొఫెసర్‌ డాక్టర్‌ వి.సుభద్రదేవి వైద్య విద్యలో శరీర నిర్మాణ శాస్త్రం ప్రాముఖ్యతపై విద్యార్థులకు వివరించారు. ఎంబీబీఎస్‌, అనుబంధ ఆరోగ్య శాస్త్రాలు, నర్సింగ్‌ విద్యార్థులు స్వచ్ఛంద దేహదాతల సేవలను స్మరించుకుంటూ కృతజ్ఞతలు తెలిపారు. అనంతరం దేహదాన స్మారక గోడను ప్రారంభించారు. ఎనిమిది మంది దేహదాతల కుటుంబాలను సత్కరించగా, దేహదానానికి ముందుకొచ్చిన 30 మంది భావి దాతలను గౌరవించారు. కార్యక్రమంలో ఎయిమ్స్‌ ఎగ్జిక్యూటివ్‌ డైరెక్టర్‌ క్యూట్‌ డైరెక్టర్‌, సీఈఓ ప్రొఫెసర్‌ డాక్టర్‌ అహంతేం శాంతాసింగ్‌, మెడికల్‌ సూపరింటెండెంట్‌ డాక్టర్‌ రాజశేఖర్‌ మోహన్‌, డీన్‌ అకాడమిక్స్‌ ప్రొఫెసర్‌ డాక్టర్‌ దేశురామ్‌ మోహన్‌, డీన్‌ రీసెర్చ్‌, ప్రొఫెసర్‌ డాక్టర్‌ జాయ్‌ ఎ.ఘోషల్‌, అధ్యాపకులు, సిబ్బంది పాల్గొన్నారు.

తాడేపల్లి రూరల్‌: తీవ్రమైన గుండె సమస్యలతో శ్వాస తీసుకోవడానికి ఇబ్బంది పడుతున్న 27 ఏళ్ల యువకుడికి తాడేపల్లిలోని మణిపాల్‌ హాస్పిటల్‌లో క్లిష్టమైన రీడూ గుండె శస్త్ర చికిత్సను విజయవంతంగా నిర్వహించారు. గురువారం వైద్యులు శస్త్ర చికిత్స వివరాలను వెల్లడించారు. గతంలో అమర్చిన 17 ఎంఎం పల్మనరీ వాల్వును తొలగించి, దాని స్థానంలో 25 ఎంఎం వాల్వును అమర్చడంతోపాటు గుండెలో రక్తప్రసరణకు అడ్డంకులుగా ఉన్న సమస్యలను సరిచేశామని తెలిపారు. పుట్టుకతోనే సంక్లిష్ట గుండె లోపాలతో బాధపడుతున్న యువకుడికి 10 సంవత్సరాల వయసులో గుండె శస్త్ర చికిత్స చేశారు. వయసు, బరువు పెరగడంతో పాత వాల్వు సరిపోకపోవడంతోపాటు గుండె వాల్వులో లీకేజ్‌ ఏర్పడింది. దీంతో రెండవ సారి కిష్టమైన శస్త్రచికిత్స నిర్వహించాల్సి వచ్చింది. అయోర్టిక్‌ వాల్వు సమస్యలను పరిష్కరించామని పేర్కొన్నారు. యువకుడి కుటుంబ ఆర్థిక పరిస్థితి అనుకూలంగా లేకపోవడంతో ముఖ్యమంత్రి సహాయ నిధి ద్వారా ఆర్థిక సహాయం అందిందని తెలిపారు. ప్రస్తుతం యువకుడు ఇంటెన్సివ్‌ కేర్‌ నుంచి జనరల్‌ వార్డుకు మారి కోలుకుంటున్నాడని వైద్యులు తెలిపారు. కన్సల్టెంట్‌ సిటివిఎస్‌ డాక్టర్‌ దిలీప్‌ రట్టి మాట్లాడుతూ వైద్య బృందాల సమన్వయం, ముందస్తు ప్రణాళికతో క్లిష్టమైన శస్త్రచికిత్స విజయవంతమైందని పేర్కొన్నారు. ఈ శస్త్ర చికిత్స బృందంలో ఫిజీషియన్‌ అసిస్టెంట్‌ డాక్టర్‌ రాజశేఖర్‌, అనస్తీషియా వైద్యులు డాక్టర్‌ శంకరరావు, డాక్టర్‌ అనీల్‌, పిడియాట్రిక్‌ కార్డియాలజిస్ట్‌ డాక్టర్‌ చిష్టి, పెర్ఫ్యూసినిస్ట్‌ రమేష్‌ ఉన్నారు.

నగరంపాలెం: స్థానిక రింగ్‌రోడ్డు సిద్ధార్థ కన్వెన్షన్‌ సెంటర్‌లో నేషనల్‌ సిల్క్‌ ఎక్స్‌పో ప్రారంభమైంది. ఎక్స్‌పో ఈనెల 19 వరకు కొనసాగనుంది. దేశంలోని పలు రాష్ట్రాల చేనేత కళాకారులు, నేత కార్మికుల ప్రత్యేక వస్త్ర సంపద ఒకే వేదికపై విభిన్న ప్రాంతాల సంస్కృతులు, సంప్రదాయాల అనుబంధాన్ని ప్రదర్శించారు. నేత కార్మికులు రూపొందించిన పట్టు, కాటన్‌ వస్త్రాలు, సరికొత్త డిజైన్ల చీరలు, డిజైనర్‌ చీరలు, బ్లౌజులు, కుర్తీలు, వేలాది రకాల వస్త్రాలు అందుబాటులో ఉన్నాయి. వస్త్రాలపై యాభై శాతం తగ్గింపు ఽకొనుగోళ్లను ప్రవేశపెట్టారు. పైఠానీ పట్టు చీరలు (కర్ణాటక), సాఫ్ట్‌సిల్క్‌ వస్త్రాలు, చందేరి, మహేశ్వరి పట్టు చీరలు (మధ్యప్రదేశ్‌), డిజైన్‌ చీరలు, బాలుచరి, జమ్దానీ, టాంగైల్‌, ఢాకాయ్‌ మస్లిన్‌ సిల్క్‌, లినెన్‌ చీరలు, కాంతావర్క్‌ ఎంబ్రాయిడరీ వస్త్రాలు (పశ్చిమ బెంగాల్‌), టస్సర్‌ సిల్క్‌, మట్కా సిల్క్‌, భాగల్‌పూర్‌ పట్టు వస్త్రాలు (బీహార్‌), బాంధినీ, కచ్‌ ఎంబ్రాయిడరీ, పటోలా చీరలు (గుజరాత్‌), కాంచీపురం పట్టు చీరలు (తమిళనాడు), ఎంబ్రాయిడరీ పట్టు వస్త్రాలు, టాబీ సిల్క్‌ చీరల (జమ్ము కశ్మీర్‌)లు ఉన్నాయని నిర్వాహాకులు తెలిపారు. విభిన్న డిజైన్లు, ఆకర్షణీయమైన డిజైన్‌ చీరలు, దుప్పట్లు, సల్వార్‌ మెటీరియల్స్‌, బనారసీ పట్టు చీరలు, జమ్దానీ, షిఫాన్‌ చీరలు ఉన్నట్లు చెప్పారు. దసరా పండుగ, వివాహ వేడుకలకై ప్రత్యేకమైన దుస్తులను కొనుగోలుకు ఈ ప్రదర్శనను ఉపయోగపడుతుందని నిర్వాహకులు తెలిపారు. ఉదయం 11 నుంచి రాత్రి తొమ్మిది వరకు ఉంటుందని, ప్రవేశం ఉచితమని అన్నారు.

గుంటూరు లీగల్‌: గుంటూరు బార్‌ అసోసియేషన్‌న్‌కు చెందిన న్యాయవాదులు మహమ్మద్‌ మాజ్‌ షేక్‌, ఆలపాటి ఆకాష్‌, యడ్లపల్లి సాయిరామ్‌, చెవుల సచిన్‌లు రాష్ట్ర క్రికెట్‌ జట్టుకు ఎంపికై నట్లు ఇండియన్‌ అడ్వకేట్స్‌ స్పోర్ట్స్‌ అసోసియేషన్‌ కార్యవర్గ సభ్యుడు నరాల రమణమూర్తి బుధవారం ఒక ప్రకటనలో పేర్కొన్నారు. ఈ నెల 16 నుంచి 21వ తేదీ వరకు ఉత్తరప్రదేశ్‌ రాష్ట్రంలోని కాన్పూర్‌ నగరంలో జరిగే ఈ జాతీయ స్థాయి క్రికెట్‌ పోటీల్లో దేశవ్యాప్తంగా 14 రాష్ట్రాలకు చెందిన న్యాయవాదుల జట్లు పాల్గొననున్నాయి. ఆంధ్రప్రదేశ్‌ న్యాయవాదుల క్రికెట్‌ జట్టుకు మహమ్మద్‌ మాజ్‌ షేక్‌ను కెప్టెన్‌న్‌గా నియమించినట్లు తెలిపారు. ఆయన నాయకత్వంలో ఆంధ్రప్రదేశ్‌ జట్టు పోటీల్లో పాల్గొననుంది. జాతీయ స్థాయి క్రికెట్‌ పోటీలకు గుంటూరు బార్‌ అసోసియేషన్‌ నుంచి నలుగురు న్యాయవాదులు ఎంపిక కావడం గర్వకారణమని గుంటూరు బార్‌ అసోసియేషన్‌ అధ్యక్షుడు మధిర నాగేశ్వరరావు పేర్కొన్నారు. ఎంపికై న క్రీడాకారులకు గుంటూరు బార్‌ అసోసియేషన్‌ కార్యవర్గం అభినందనలు తెలియజేస్తూ, ఆంధ్రప్రదేశ్‌ జట్టు అత్యుత్తమ ప్రతిభ కనబరిచి విజేతగా నిలవాలని వారిని సన్మానించి అభినందనలు తెలిపారు. కార్యక్రమంలో సీనియర్‌ న్యాయవాది శాతరాసి ఏడుకొండలు వారికి ఆర్థిక సహాయంతో పాటు క్రికెట్‌ కిట్టును అందజేశారు. చేబ్రోలు: చేబ్రోలు మండలం వేజండ్లలో ప్రకృతి వ్యవసాయంలో సాగు చేస్తున్న పంటలను ఢిల్లీకి చెందిన సీఈఈడబ్ల్యూ(కౌన్సిల్‌ ఆఫ్‌ ఎన్విరాన్‌మెంట్‌ అండ్‌ ఎనర్జీ వాటర్‌) బృందం బుధవారం పరిశీలించింది. మండల పరిధిలోని వేజండ్ల గ్రామానికి చెందిన మహిళా రైతు వేజండ్ల రాణి ఆరేళ్ల నుంచి నిర్వహిస్తున్న పీఎండీఎస్‌ క్షేత్రంతో పాటు, ఈ ఏడాది చేపట్టిన పీఎండీఎస్‌ క్షేత్రం, రసాయన వ్యవసాయ క్షేత్రాన్ని బృందం సందర్శించింది. పంటల పెరుగుదల, మొక్కల దుబ్బులు, పంట ఆరోగ్యం తదితర అంశాలను పరిశీలించింది. పశుగ్రాసం కోసం పీఎండీఎస్‌ను వినియోగిస్తున్న రైతులతో బృందం సభ్యులు మాట్లాడారు. వరి, మిరప, కూరగాయలు సాగు చేస్తున్న రైతుల నుంచి సాగుకు ముందు, తర్వాత వచ్చిన మార్పులు, అనుభవాలు, భవిష్యత్‌లో ఈ విధానాన్ని కొనసాగించే ఆలోచనలపై వివరాలు సేకరించింది. మహిళా సంఘాల సభ్యులతోనూ చర్చించి, పోషకాహార కిట్ల తయారీ, ఉత్పత్తుల నిర్వహణ, ఆదాయం, ఆర్థిక లావాదేవీల గురించి తెలుసుకున్నారు. రైతులు తమ అనుభవాలను వాటిని నమోదు చేసుకున్నారు. క్షేత్రస్థాయి పరిశీలన, రైతుల అనుభవాల ద్వారా పీఎండీఎస్‌ సాగు విధానంపై అధ్యయనం చేసింది. ఎం.ఖన్నా, పి.బంజా, అడిషనల్‌ డీపీఎం సత్యనారాయణ, వైపీ రవితేజ, వీరలక్ష్మి, ప్రకృతి వ్యవసాయ సిబ్బంది, రైతులు పాల్గొన్నారు. మంగళగిరి రూరల్‌: విజయవాడకు చెందిన మటన్‌ వ్యాపారి షేక్‌ మస్తాన్‌ వలి రోడ్డు ప్రమాదంలో మృతి చెందాడు. మంగళగిరి మండల పరిధిలోని కాజా టోల్‌గేట్‌ సమీపంలో బుధవారం ఉదయం 6.30 గంటల సమయంలో ఈ ప్రమాదం జరిగింది. వివరాల్లోకి వెళితే... విజయవాడలో మటన్‌ షాపు నిర్వహిస్తూ జీవనం సాగిస్తున్న షేక్‌ మస్తాన్‌వలికి ప్రకాశం జిల్లా మేదరమెట్ల వద్ద ఫంక్షన్‌న్‌కు పెద్ద మొత్తంలో మటన్‌ ఆర్డర్‌ రావడంతో తన మారుతి సుజుకి సూపర్‌ క్యారీ కారులో మటన్‌ డెలివరీ చేసి తిరిగి వస్తున్నారు. ఈ క్రమంలో హైవే పై హ్యాపీ నేస్ట్‌ వద్ద ఎటువంటి హెచ్చరికలు, భద్రతా చర్యలు లేకుండా రోడ్డుపై నిలిపి ఉంచిన కంటైనర్‌ లారీని కారు ఢీకొట్టింది. ఈ ప్రమాదంలో షేక్‌ మస్తాన్‌ వలి అక్కడికక్కడే మృతి చెందగా, డ్రైవర్‌ షేక్‌ నూరుద్దీన్‌ తీవ్రంగా గాయపడ్డారు. క్షతగాత్రుడిని చికిత్స నిమిత్తం ఎన్నారై ఆసుపత్రికి తరలించారు. మృతుడి సోదరుడు అబ్దుల్‌ బాజి ఇచ్చిన ఫిర్యాదు మేరకు మంగళగిరి రూరల్‌ పోలీసులు కేసు నమోదు చేసి దర్యాప్తు చేస్తున్నారు.

నగరంపాలెం: ఎన్నికలు సమీపిస్తున్న తరుణంలో వైఎస్సార్‌సీపీ నాయకులు, కార్యకర్తలపై తప్పుడు కేసులు బనాయించి ఇబ్బందులకు గురిచేయాలనే కుట్రలు, కుతంత్రాలకు కూటమి ప్రభుత్వం పాల్పడుతోందని మాజీ మంత్రి, వైఎస్సార్‌ సీపీ జిల్లా అధ్యక్షుడు అంబటి రాంబాబు మండిపడ్డారు. జిల్లాలోని పార్టీ నాయకులు, కార్యకర్తలపై అక్రమంగా రౌడీషీట్లు తెరవడం, బైండోవర్లు చేయడాన్ని నిరసిస్తూ బుధవారం జిల్లా పోలీస్‌ కార్యాలయంలో జిల్లా ఎస్పీ వకుల్‌ జిందాల్‌ను కలిసి వినతిపత్రం అందించారు. జిల్లాలో జరుగుతున్న రాజకీయ పరిణామాలను ఆయన దృష్టికి తీసుకెళ్లారు. జిల్లాలో వైఎస్సార్‌ సీపీ నాయకులు, కార్యకర్తలపై గతంలో ఎటువంటి కేసులు లేకపోయినా, కూటమి నాయకులు పోలీసులతో ఫోన్‌కాల్స్‌ చేయిస్తున్నారని అంబటి రాంబాబు అన్నారు. సంతకాలు చేయాలంటూ పోలీస్‌స్టేషన్లకు రావాలని బెదిరింపులకు పాల్పడుతున్నారని తెలిపారు. నోటీసులు ఇస్తేనే... అనంతరం మాజీ మంత్రి అంబటి రాంబాబు మీడియాతో మాట్లాడుతూ, రానున్న ఎన్నికల సందర్భంగా వైఎస్సార్‌ సీపీ నాయకులు, కార్యకర్తలు, మాజీ కార్పొరేటర్లు, మాజీ కౌన్సిలర్లకు కూటమి నాయకులు పోలీసులతో ఫోన్‌ చేయిస్తున్నారని పేర్కొన్నారు. రౌడీషీట్లు తెరుస్తామని, బైండోవర్లు చేయిస్తామని బెదిరింపులకు పాల్పడుతున్నారని ఆందోళన వ్యక్తం చేశారు. ఎవరినైనా బైండోవర్‌ చేయాలన్నా, రౌడీషీట్‌ తెరవాలన్నా ముందుగా నోటీసులు జారీ చేయాల్సిన అవసరం ఉందని చెప్పారు. ఎటువంటి నోటీసులు జారీ చేయకుండానే కేవలం కూటమి పెద్దలు పోలీసులతో ఫోన్‌ చేయించి వేధించడం సరికాదని హితవు పలికారు. ఎన్నికల ముందు తమ పార్టీ క్యాడర్‌ను పోలీసుల ద్వారా భయపెట్టించే ప్రయత్నం తెలుగుదేశం పార్టీ చేయవద్దని సూచించారు. ఎన్నికలను ధైర్యంగా ఎదుర్కొనేందుకు శ్రేణులు సిద్ధంగా ఉన్నాయని చెప్పారు. ఎవరినైనా బైండోవర్‌ చేసేటప్పుడు నోటీసులు ఇవ్వాలని, లేనిపక్షంలో న్యాయపరంగా ముందుకెళ్తామని హెచ్చరించారు. గుంటూరు నగరపాలక సంస్థ మేయర్‌, జెడ్పీ చైర్‌పర్సన్‌ పదవులకు అభ్యర్థులను త్వరలో నిర్ణయిస్తామన్నారు. పోలీసుల నుంచి ఫోన్‌ కాల్స్‌ వచ్చిన నాయకులు, కార్యకర్తలు ఇటీవల ఎక్కువ సంఖ్యలో పార్టీ కార్యాలయానికి వస్తున్నారని అన్నారు. మంగళగిరి, గుంటూరు తూర్పు, గుంటూరు పశ్చిమ సబ్‌ డివిజన్ల పరిధిలోని ఇలా పిలిపించే ప్రయత్నాలు చేస్తున్నారని మండిపడ్డారు. ప్రధానంగా మాజీ కార్పొరేటర్లు, మాజీ కౌన్సిలర్లు అధిక సంఖ్యలో తరలివస్తున్నారని తెలిపారు. ధ్రువపత్రాలేవీ? జిల్లాలో పోలీసులు, అధికారులు ఎన్‌ఓసీలు, ఇతర ధ్రువీకరణ పత్రాలు జారీ చేయకుండా, పోలీసుల ద్వారా బెదిరింపులకు పాల్పడుతున్నారని అన్నారు. తద్వారా ఎన్నికలు లేకుండా ఏకగ్రీవంగా గెలవాలని కూటమి ప్రభుత్వం చూస్తోందని మండిపడ్డారు. అయితే, దీనిని ఎదుర్కొనేందుకు న్యాయపరంగా సిద్ధంగా ఉన్నామని చెప్పారు. నామినేషన్ల ప్రక్రియ పూర్తయ్యే వరకు ఎన్నికల పరంగా కూటమి ప్రభుత్వం పోలీసుల ద్వారా ఇబ్బందులకు గురిచేస్తే, గుంటూరు లీగల్‌ సెల్‌ సిటీ అధ్యక్షుడు కె. రామకృష్ణారెడ్డి(98483 61788), గుంటూరు పశ్చిమ నియోజకవర్గ లీగల్‌ సెల్‌ అధ్యక్షుడు వెంకట్‌ వేణు (99491 40978), గుంటూరు తూర్పు నియోజకవర్గ లీగల్‌ సెల్‌ అధ్యక్షుడు షేక్‌ షమ్మీ (63004 14434), ప్రత్తిపాడు లీగల్‌ సెల్‌ అధ్యక్షుడు జి.వి.సుబ్బారావు (97054 51397) లను సంప్రదించాలని సూచించారు. నోటీసులు ఇవ్వకుంటే ఎవరూ పోలీస్‌స్టేషన్లకు వెళ్లవద్దని స్పష్టం చేశారు. క్యాడర్‌ ధైర్యంగా ముందుకు వెళ్లాలని పిలుపునిచ్చారు. ఎమ్మెల్సీ చంద్రగిరి ఏసురత్నం మాట్లాడుతూ, రౌడీషీట్లు తెరుస్తామని, బైండోవర్‌ కేసులు నమోదు చేస్తామని పార్టీ నాయకులు, కార్యకర్తలను భయభ్రాంతులకు గురిచేస్తున్నారని మండిపడ్డారు. పోలీసుల మాన్యువల్‌ చదివి చర్యలు తీసుకోవాలని, మాట్లాడితే రౌడీషీట్లు తెరుస్తామని బెదిరించడం సరికాదని హితవు పలికారు. అక్రమ కేసులకు భయపడే ప్రసక్తే లేదని, ప్రజలు వైఎస్సార్‌ సీపీ పక్షాన ఉన్నారని చెప్పారు. పార్టీ గుంటూరు నగర అధ్యక్షురాలు నూరి ఫాతిమా మాట్లాడుతూ, కూటమి ప్రభుత్వం అధికారంలోకి వచ్చినప్పటి నుంచి తమ పార్టీ నాయకులు, కార్యకర్తలపై కేసులు నమోదు చేస్తోందని మండిపడ్డారు. కేవలం భయపెట్టాలనే లక్ష్యంతో ప్రభుత్వం ముందుకెళ్తోందని ఆరోపించారు. ఎటువంటి కేసులు లేకపోయినా పోలీస్‌స్టేషన్లకు తీసుకెళ్లి రౌడీషీట్లు తెరుస్తామని బెదిరిస్తున్నారని మండిపడ్డారు. కూటమి ప్రభుత్వం రాష్ట్రంలో దుర్మార్గమైన పాలన సాగిస్తోందని ధ్వజమెత్తారు. టీడీపీ, జనసేన పార్టీల నాయకులు, కార్యకర్తలకు ఇచ్చిన స్వేచ్ఛను వైఎస్సార్‌సీపీలోని అందరికీ ఇవ్వాలని డిమాండ్‌ చేశారు. ఎన్ని కేసులు నమోదు చేసినా, బెదిరించినా తాము భయపడే ప్రసక్తే లేదని స్పష్టం చేశారు. వైఎస్సార్‌సీపీ ప్రత్తిపాడు నియోజకవర్గ సమన్వయకర్త బలసాని కిరణ్‌కుమార్‌ మాట్లాడుతూ పార్టీలో చురుకుగా పనిచేస్తున్న ఎస్సీ, బీసీ వర్గాలకు చెందిన నాయకులు, కార్యకర్తలపై ఎక్కువగా రౌడీషీట్లు నమోదు చేస్తున్నారని అన్నారు. గుంటూరు నగరపాలక సంస్థ పరిధిలోని 76 డివిజన్లలో కూటమి ప్రభుత్వం దుర్మార్గంగా వ్యవహరిస్తోందని మండిపడ్డారు. రెడ్‌బుక్‌ రాజ్యాంగం అమల్లోకి వచ్చిన తర్వాత కేసుల నమోదు పెరిగిపోయిందని ఆరోపించారు. తాడికొండ సమన్వయకర్త వనమా బాల వజ్రబాబు, రాష్ట్ర కార్యదర్శులు నిమ్మల రాజనారాయణ, రసూల్‌, వైఎస్సార్‌సీపీ లీగల్‌ సెల్‌ నాయకులు పాల్గొన్నారు.

తాకట్టులో ఉన్న బంగారం విడిపించాలని కోరి.. రూ.5.50లక్షలతో పరారీ నర్సంపేట రూరల్‌: తాకట్టులో ఉన్న బంగారం విడిపిస్తే మళ్లీ మీకే ఆ బంగారాన్ని విక్రయిస్తామని చెప్పి రూ.5.50 లక్షలు మాయం చేశాడు. ఈ ఘటన వరంగల్‌ జిల్లా నర్సంపేట పట్టణంలో ఆలస్యంగా వెలుగులోకి వచ్చింది. బాధితుడి కథనం ప్రకారం.. తన బంగారం ఫెడ్‌ బ్యాంకులో తాకట్టులో ఉందని, ఆ బంగారాన్ని విడిపిస్తే తిరిగి మీకే విక్రయిస్తానని గుంటూరుకు చెందిన శ్రీఆంజనేయ గోల్డ్‌ ఫైనాన్స్‌ కంపెనీని ఫోన్‌లో వరంగల్‌ జిల్లా చెన్నారావుపేట మండలానికి చెందిన బోడ శ్రీకాంత్‌ సంప్రదించాడు. దీంతో ఆ కంపెనీ.. తన సేల్స్‌మన్‌ని ఈనెల 13న నర్సంపేటకు పంపించింది. సదరు సేల్స్‌మన్‌ని శ్రీకాంత్‌ రిసీవ్‌ చేసుకుని అంగడి రోడ్డులో ఉన్న సెంట్రల్‌ బ్యాంకుకు తీసుకెళ్లాడు. ఈ బ్యాంకులోనే తనకు ఖాతా ఉందని, నగదును బదిలీ చేస్తే తాను ఫెడ్‌బ్యాంక్‌కు బదిలీ చేసి బంగారం తీసుకొస్తానని నమ్మబలికాడు. దీంతో ఆ గోల్డ్‌ఫైనాన్‌ సేల్స్‌మెన్‌ నమ్మి కంపెనీ ప్రతినిధులో మాట్లాడి రూ.5 లక్షలు శ్రీకాంత్‌ ఖాతాలో జమ చేయించాడు. మరో రూ.50వేలు ఫోన్‌పే ద్వారా పంపించాడు. అనంతరం, సెల్స్‌మెన్‌ను అక్కడే కూర్చోబెట్టి ఇప్పుడే వెళ్లి వస్తానని చెప్పి అక్కడినుంచి శ్రీకాంత్‌ వెళ్లిపోయి తిరిగిరాలేదు. అనంతరం మొబైల్‌ ఫోన్‌ స్విచ్‌ఆఫ్‌ చేశాడు. దీంతో మోసపోయినట్లు సెల్స్‌మెన్‌ గ్రహించి నర్సంపేట పోలీస్‌ స్టేషన్‌ను ఆశ్రయించాడు. గతంలో కూడా శ్రీకాంత్‌పై పలు సైబర్‌ నేరాలకు సంబంధించిన కేసులు నమోదయ్యాయి. బాధితుడి ఫిర్యాదు మేరకు శ్రీకాంత్‌పై చీటింగ్‌ కేసు నమోదు చేసి దర్యాప్తు చేస్తున్నట్లు సీఐ శ్రీనివాస్‌ వివరించారు. లక్ష్మీపురం: ఆశా వర్కర్స్‌కు కేంద్ర, రాష్ట్ర ప్రభుత్వం నుంచి వచ్చే జీతం ఒకేసారి రావడం లేదని, రాష్ట్ర ప్రభుత్వం కేంద్ర ప్రభుత్వం ఒకేసారి ఒకే ఖాతాలో జమ చేయాలని ఏపీ ఆశా వర్కర్స్‌ యూనియన్‌ జిల్లా గౌరవ అధ్యక్షులు జి.రమణ కోరారు. గుంటూరు జిల్లా వైద్యశాఖ అధికారి కార్యాలయంలో బుధవారం యూనియన్‌ నాయకులు జిల్లా వైద్యశాఖ అధికారి పద్మావతికి వినతి పత్రం అందజేశారు. ఈ సందర్భంగా మాట్లాడుతూ జీతం కేవలం పదివేల రూపాయలు మాత్రమేనని, ఆ పదివేలు కూడా ఒకేసారి పడకపోవడం వలన అనేక ఆర్థిక ఇబ్బందులు పడుతున్నారని ఆమె దృష్టికి తీసుకొచ్చారు. కేంద్ర ప్రభుత్వం ఇచ్చే పారితోషికం ఏ అకౌంట్లో పడుతున్నాయో కూడా అర్థం కావడం లేదని ఆమె అన్నారు. 2019 లో అప్పటి వైఎస్సార్‌ సీపీ ప్రభుత్వం రూ.7 వేల నుంచి రూ.10 వేలు పెంచిందని గుర్తు చేశారు. కానీ చంద్రబాబు ప్రభుత్వం వచ్చిన తర్వాత జీతాలు ఒక్క రూపాయి కూడా పెంచలేదని ఆవేదన వ్యక్తం చేశారు. ప్రభుత్వం వెంటనే స్పందించి పెండింగ్‌లో ఉన్న జీతాలు వెంటనే ఇవ్వాలని డిమాండ్‌ చేశారు. కార్యక్రమంలో సీఐటీయూ జిల్లా ఉపాధ్యక్షులు కే శ్రీనివాసరావు, ఆశా వర్కర్స్‌ సరోజినీ, సిరాజ్‌ బీ, నాగజ్యోతి పాల్గొన్నారు. అమృతలూరు(వేమూరు) తాడి చెట్టు పడి వ్యక్తి మృతి చెందిన ఘటన చోటు చేసుకుంది. పోలీసుల వివరాలు మేరకు అమృతలూరు మండలం యడవూరు గ్రామానికి చెందిన కుర్రా వెంకటేశ్వరరావు(62)పై తాడి చెట్టు పడి మంగళవారం మృతి చెందినట్లు అమృతలూరు ఎస్‌ఐ సుమన్‌ బుధవారం తెలిపారు. మంగళ వారం సాయంత్రం తన పొలంలో పొక్లయినర్‌తో తాడి చెట్లు పీకించడం జరిగింది. ఈ క్రమంలో తాడి చెట్టు తలపై పడడంతో తీవ్ర గాయాలు కావడంతో కుటుంబ సభ్యులు తెనాలి ప్రభుత్వం వైద్యశాలకు తీసుకెళ్లారు. వైద్యులు పరీక్షించి మృతి చెందినట్లు తెలిపారు. బుధవారం శవ పంచనామా చేసి కుటుంబ సభ్యులకు అప్పగించినట్లు ఎస్‌ఐ తెలిపారు.

తెనాలి: దుగ్గిరాల పసుపు మార్కెట్‌లో ధరలు భారీగా పెరిగాయి. మూడురోజుల కిందట ఒక్కసారిగా పెరిగిన ధర బుధవారం గరిష్టంగా క్వింటాలు ధర రూ.18,550 కాగా, సగటున రూ.18,051లకు కొనుగోలు చేశారు. మార్కెట్‌యార్డులో పసుపు కొమ్ములు 57.43 క్వింటాళ్లు, కాయ 90.19 క్వింటాళ్ల క్రయవిక్రయాలు జరిగాయి. ప్రస్తుతం పసుపు వ్యాపారానికి అన్‌సీజను కావటం, ఎగుమతుల్లో కదలిక వచ్చి నెలకొన్న డిమాండ్‌తో ధర హఠాత్తుగా పెరిగిందని చెబుతున్నారు. తెలంగాణ రాష్ట్రంలోని నిజామాబాద్‌ మార్కెట్‌లోనూ క్వింటాలు రూ.19 వేలకు పైగా అమ్మకాలు జరుగుతున్నట్టు సమాచారం. గత రెండు నెలలుగా పసుపు ధర క్వింటాలు రూ.13 వేల నుండి రూ.15 వేల వరకు మార్కెట్‌ నడిచింది. అక్టోబరు నెల ప్రవేశంతోటి రూ.15వేల వరకు పెరిగింది. ఈనెల 13న రూ.18,400లకు చేరుకుంది. బుధవారం మరో రూ.100 పెరుగుదల కనిపించింది. గతంలో వైఎస్‌ రాజశేఖరరెడ్డి హయాంలో క్వింటాలు పసుపు రూ.16 వేల వరకు అమ్మకాలు జరిగి, రైతులను ఆశల పల్లకీ ఎక్కించాయి. తర్వాతికాలంలో క్రమేపీ తగ్గుతూ వచ్చాయి. వైఎస్‌ జగన్‌మోహన్‌రెడ్డి ముఖ్యమంత్రిగా ఉండగా మద్దతు ధరను నిర్ణయించి కొనుగోలు చేయాల్సి వచ్చింది. ఆ తర్వాత మళ్లీ ఇప్పుడే పసుపు ధరల్లో భారీ పెరుగుదల కనిపిస్తోంది. 2026 ఖరీఫ్‌ సీజనుకు పసుపు చేలు 125 రోజుల దశలో ఉన్నాయి. గత సీజనులో పండించిన పసుపును రైతులు దాదాపు విక్రయించేశారు. ప్రస్తుతం రైతుల వద్ద పసుపు నిల్వలు లేవు. కోల్డ్‌ స్టోరేజిల్లో, ఇతర గిడ్డంగుట్లో ప్రైవేటు వ్యాపారులు చేసిన నిల్వలు మాత్రమే ఉన్నాయి. ధర మరింత పెరుగుతందనే భావనతో సరుకును ఉంచేశారు. అక్కడక్కడా చిన్న వ్యాపారులు మాత్రమే సరుకును మార్కెట్‌యార్డుకు తీసుకొస్తున్నారు. పసుపు రాకపోవటంతో మార్కెట్‌యార్డులో కొనుగోళ్లు కూడా జరగటం లేదు. ప్రస్తుతం పెరిగిన ధర వారికి మాత్రమే లాభిస్తుందని చెబుతున్నారు. ఈ పెరుగుదల నిలకడగా, పసుపు పంట చేతికొచ్చే వరకు ఉండాలని రైతులు కోరుకుంటున్నారు.

గుంటూరు వెస్ట్‌: స్థానిక సంస్థల ఎన్నికల ప్రకటనను రాష్ట్ర ఎన్నికల కమిషన్‌ విడుదల చేసిన నేపథ్యంలో ఎన్నికల ప్రవర్తన నియమావళి తక్షణం అమలులోకి వచ్చిందని జిల్లా కలెక్టర్‌ సీఎం సాయికాంత్‌ వర్మ తెలిపారు. బుధవారం సాయంత్రం స్థానిక కలెక్టరేట్‌ నుంచి జిల్లా అధికారులు, స్థానిక సంస్థల అధికారులు నిర్వహించిన వీడియో కాన్ఫరెన్స్‌లో కలెక్టర్‌ తగిన ఆదేశాలు జారీ చేశారు. రాష్ట్ర ఎన్నికల సంఘం ప్రకటించిన మేరకు నగర పాలక సంస్థలు, పురపాలక సంస్థలు, ఎంపీటీసీ, జెడ్పీటీసీ, గ్రామ పంచాయతీలకు ఎన్నికలు జరగనున్నాయని చెప్పారు. గుంటూరు నగరపాలక సంస్థకు, తెనాలి పురపాలక సంస్థకు జిల్లాలో ఎన్నికలు జరగనున్నాయన్నారు. అక్టోబర్‌ 16వ తేదీన నోటిఫికేషన్‌ జారీ చేసి, అదే రోజు నుండి నామినేషన్లు స్వీకరణ జరుగుతుందని చెప్పారు. నామినేషన్లను ఉదయం 11 నుంచి మధ్యాహ్నం మూడు గంటల వరకు స్వీకరిస్తారన్నారు. అక్టోబర్‌ 18 వ తేదీన నామినేషన్ల దాఖలు చేసేందుకు చివరి తేదీ అని తెలిపారు. 19న నామినేషన్ల పరిశీలన జరుగుతుందని, 21న అభ్యర్థిత్వం ఉపసంహరణకు ఆఖరు తేదీ అని వివరించారు. 21వ తేదీన పోటీచేసే అభ్యర్థుల తుది జాబితా ప్రకటన చేస్తారని చెప్పారు. 28వ తేదీన ఉదయం 7 గంటల నుంచి సాయంత్రం ఐదు గంటల వరకు పోలింగ్‌ నిర్వహించడం జరుగుతుందని, 30వ తేదీన ఓట్ల లెక్కింపు ఉదయం 8 గంటల నుంచి ప్రారంభమవుతుందని కలెక్టర్‌ వివరించారు. ఎంపీటీసీ, జెడ్పీటీసీలకు 3న పోలింగ్‌ కలెక్టర్‌ మాట్లాడుతూ ఎంపీటీసీ, జెడ్పీటీసీలకు నోటిఫికేషన్‌ విడుదల అనంతరం నవంబర్‌ మూడవ తేదీన పోలింగ్‌ జరుగుతుందని, ఐదో తేదీన ఓట్ల లెక్కింపు ఉంటుందని చెప్పారు. గ్రామపంచాయతీ ఎన్నికలు మూడు దశలలో జరుగుతుందని, డిసెంబర్‌ రెండవ తేదీ నాటికి చివరి దశ పూర్తి అవుతుందని వివరించారు. జిల్లాలో మొత్తం 207 గ్రామ పంచాయతీలకు ఎన్నికలు జరుగుతాయన్నారు. గురువారం రాజకీయ పార్టీలతో సమావేశం నిర్వహిస్తామని కలెక్టర్‌ తెలిపారు. వీడియో కాన్ఫరెన్స్‌లో జాయింట్‌ కలెక్టర్‌ అశుతోష్‌ శ్రీవాస్తవ, జిల్లా రెవెన్యూ అధికారి ఎన్‌.ఎస్‌.కె. ఖాజావలి, జిల్లా అధికారులు పాల్గొన్నారు.

నెహ్రూనగర్‌: ఎన్నికల ప్రక్రియలో అత్యంత గోప్యంగా ఉంచాల్సిన సమాచారం అధికార పార్టీ నేతలకు క్షణాల్లో చేరిపోతోంది. రాజ్యాంగబద్ధంగా, నిష్పాక్షికంగా వ్యవహరించాల్సిన కొందరు అధికారులు అధికార టీడీపీ నేతలకు తొత్తులుగా మారి స్వామిభక్తి చాటుకుంటున్నారు. గుంటూరు నగరపాలక సంస్థ పరిధిలో వార్డుల రిజర్వేషన్ల ఖరారు మొదలుకొని ఎన్నికల విధుల్లో అధికారుల నియామకం వరకు అంతా ‘పచ్చ’మయంగా మార్చేశారనే విమర్శలు వెల్లువెత్తుతున్నాయి. అధికారిక ఉత్తర్వులు వెలువడక ముందే కలెక్టర్‌ సంతకంతో కూడిన కాపీలు పచ్చనేతల వాట్సాప్‌లలో ప్రత్యక్షమవడం నగరంలో తీవ్ర దుమారం రేపుతోంది. అర్ధరాత్రి వరకు డ్రామా.. ముందే లీకు జిల్లాలోని అన్ని మున్సిపాలిటీలకు సంబంధించిన వార్డుల రిజర్వేషన్ల ప్రక్రియ మంగళవారం సాయంత్రానికే పూర్తయి వెల్లడైంది. అయితే, గుంటూరు కార్పొరేషన్‌కు సంబంధించి మాత్రం అర్ధరాత్రి 11 గంటల వరకు అధికారికంగా ఎలాంటి ప్రకటన చేయకుండా తొక్కిపెట్టారు. తీరా చూస్తే.. కలెక్టర్‌ సంతకం చేసిన అసలైన రిజర్వేషన్‌ ప్రియాంబుల్‌ కాపీ గంటల ముందే టీడీపీ ముఖ్య నేతలు, వారికి అనుకూలమైన మీడియా ప్రతినిధుల వాట్సాప్‌ గ్రూపుల్లో చక్కర్లు కొట్టింది. ఈ వ్యవహారమంతా చూసి ప్రతిపక్ష పార్టీలు ముక్కున వేలేసుకుంటున్నాయి. తప్పు కప్పిపుచ్చుకునేందుకు కలెక్టర్‌ సంతకంతో కూడిన రహస్య పత్రం ముందే బయటకు వచ్చిందన్న విషయం రచ్చకెక్కడంతో జీఎంసీ అధికారులు కొత్త డ్రామాకు తెరతీశారు. తమ లీకేజీ బాగోతాన్ని కప్పిపుచ్చుకునేందుకు.. కలెక్టర్‌ సంతకం లేని కేవలం వార్డుల జాబితాను మాత్రమే జీఎంసీ అధికారిక మీడియా గ్రూపుల్లో షేర్‌ చేసి చేతులు దులుపుకొనే ప్రయత్నం చేశారు. అయితే అప్పటికే లీకై న కాపీలోని అంశాలు, జీఎంసీ విడుదల చేసిన వివరాలు అక్షరం పొల్లుపోకుండా ఒక్కటే కావడంతో అధికారులు అధికార పార్టీకి ఏ స్థాయిలో లొంగిపోయారో బట్టబయలైంది. అనుకూల అధికారుల ఎంపిక ప్రజల నుంచి వ్యతిరేకత తీవ్రంగా ఉండటంతో అడ్డదారిలోనైనా కార్పొరేషన్‌ ఎన్నికల్లో నెగ్గాలని టీడీపీ కుతంత్రాలకు తెరలేపింది. ఇందుకు జీఎంసీలోని కొందరు కీలక అధికారులు పూర్తిస్థాయిలో సహకరిస్తున్నారనే విమర్శలు లేకపోలేదు. వైఎస్సార్‌ సీపీ బలంగా ఉన్న వార్డుల్లో ఓట్లను తొలగించడం, పక్క వార్డుల్లోకి మార్చడం ద్వారా వైఎస్సార్‌ సీపీ అభ్యర్థుల గెలుపు అవకాశాలను దెబ్బతీసేందుకు పక్కా ప్లాన్‌ సిద్ధం చేశారు. ఎన్నికల విధుల్లో కీలకపాత్ర పోషించే రిటర్నింగ్‌ ఆఫీసర్లు, రూట్‌ ఆఫీసర్ల నియామకంలోనూ... టీడీపీ పెద్దల ఆదేశాల మేరకు అనుకూలంగా వ్యవహరించే వారినే ఏరి కోరి మరీ జీఎంసీకి చెందిన ఓ ఉన్నతాధికారి విధుల్లో కూర్చోబెట్టారనే ఆరోపణలు నగరపాలక సంస్థ సిబ్బంది నుంచే వినిపిస్తున్నాయి. ప్రజాస్వామ్యాన్ని అపహాస్యం చేస్తూ, అధికార పార్టీకి తొత్తులుగా మారిన అధికారుల తీరుపై నగర ప్రజలతోపాటు ప్రతిపక్షాలు తీవ్ర ఆగ్రహం వ్యక్తం చేస్తున్నాయి. ఎన్నికలు సజావుగా, నిష్పాక్షికంగా జరగాలంటే ఈ లీకేజీల వ్యవహారంపై సమగ్ర విచారణ జరిపి బాధ్యులైన అధికారులపై చర్యలు తీసుకోవాలని డిమాండ్‌లు వినిపిస్తున్నాయి.

తాడేపల్లి రూరల్‌: తాడేపల్లి పట్టణ పరిధిలోని సీతానగరంలో ఉన్న విజయకీలాద్రి దివ్య క్షేత్రంపై సంతానలక్ష్మి అమ్మవారికి బుధవారం ప్రత్యేక పూజలు నిర్వహించారు. శరన్నవరాత్రోత్సవాలలో భాగంగా నాలుగో రోజు సంతానలక్ష్మి అమ్మవారికి అభిషేక మహోత్సవం, కుంకుమార్చన శాస్త్రోక్తంగా నిర్వహించారు. అనంతరం అమ్మవారికి శ్రీయాగం వైభవంగా జరిగింది. సాయంత్రం 5.30 గంటలకు విష్ణు సహస్రనామ స్తోత్ర పారాయణం, సంతానలక్ష్మి అమ్మవారికి పల్లకీసేవ, అర్చన, నివేదన, మంగళాశాసనం కార్యక్రమాలు వైభవంగా జరిగాయి. భక్తులు అధిక సంఖ్యలో పాల్గొని ధనలక్ష్మి అమ్మవారిని దర్శించుకుని తీర్థ ప్రసాదాలు స్వీకరించారు. జీయర్‌ ఎడ్యుకేషనల్‌ ట్రస్ట్‌ మేనేజర్‌ పురాణం వెంకటాచార్యులు మాట్లాడుతూ త్రిదండి చిన్న శ్రీమన్నారాయణ రామానుజ జీయర్‌స్వామి వారి మంగళాశాసనాలతో ఉత్సవాలు వైభవంగా నిర్వహిస్తున్నట్లు తెలిపారు. గుంటూరు లీగల్‌: బాలిక సాధికారత సాధిస్తే సమాజం అభివృద్ధి చెందుతుందనే మాటను కేవలం నినాదంగా కాకుండా ఆచరణలో పెట్టాలని జిల్లా న్యాయ సేవాధికార సంస్థ కార్యదర్శి సయ్యద్‌ జియాఉద్దీన్‌ అన్నారు. జాతీయ, రాష్ట్ర న్యాయ సేవాధికార సంస్థ ఆదేశాల మేరకు జిల్లా ప్రధాన న్యాయమూర్తి, జిల్లా న్యాయ సేవాధికార సంస్థ చైర్మన్‌ బి.సాయి కల్యాణ చక్రవర్తి ఆదేశాల మేరకు బుధవారం అంతర్జాతీయ బాలికా దినోత్సవాన్ని నిర్వహించారు. ఇందులో సయ్యద్‌ జియాఉద్దీన్‌ మాట్లాడుతూ బాలికలకు విద్య, ఆరోగ్యం, గౌరవం, భద్రత, సమానత్వం అనేవి ఎవరో ఇచ్చే బహుమతులు కావన్నారు. అవి వారి హక్కులని అన్నారు. బాలికలపై లైంగిక వేధింపులు, బాల్యవివాహాలు, అక్రమ రవాణా, బాల కార్మిక వ్యవస్థ, లింగ వివక్ష, సైబర్‌ వేధింపులు వంటి సమస్యలను తీవ్రంగా పరిగణించాలన్నారు. చట్టాలు ఉంటే సరిపోదని, వాటి గురించి ప్రజలకు అవగాహన ఉండాలని పేర్కొన్నారు. జిల్లా న్యాయ సేవాధికార సంస్థ ద్వారా ఉచిత న్యాయ సహాయం పొందవచ్చని తెలిపారు. జిల్లా బాలల పరిరక్షణ అధికారి విజయ్‌కుమార్‌, ప్యానెల్‌ అడ్వకేట్‌ కట్టా కాళిదాసు మాట్లాడుతూ బాలికా దినోత్సవం ప్రాముఖ్యతను వివరించారు. వారికి ఉన్న హక్కులు, చట్టాలపై మరింత అవగాహన కల్పించారు. కార్యక్రమంలో సాంఘిక సంక్షేమ శాఖ సూపరింటెండెంట్‌, చైల్డ్‌ వెల్ఫేర్‌ కమిటీ మెంబర్‌, స్టేక్‌ హోల్డర్స్‌, పోలీస్‌ శాఖ, వివిధ సంస్థల సిబ్బంది, సచివాలయం స్టాఫ్‌, ప్యానెల్‌ అడ్వకేట్స్‌, పారా లీగల్‌ వలంటీర్స్‌, జిల్లా న్యాయ సేవాధికార సంస్థ సిబ్బంది పాల్గొన్నారు. చీరాల ఎంపీడీవో కార్యాలయం ముందు నోటీస్‌ చీరాల టౌన్‌: దసరా వచ్చిందంటే వివిధ శాఖల్లో పనిచేసే అవుట్‌ సోర్సింగ్‌ ఉద్యోగులు, ప్రభుత్వ, ప్రైవేటు కార్మికులు, రోజువారీ కూలీలు దసరా మామూళ్లను అడుగుతుంటారు. ఇది చాలా కాలం నుంచి ఆచారంగా వస్తోంది. అయితే చీరాల ఎంపీడీవో కార్యాలయం ముందు మాత్రం దసరా చందాలు ఇవ్వబడవు.... ఎవ్వరూ కార్యాలయంలోకి రావద్దని ప్రత్యేకంగా నోటీస్‌ ఏర్పాటు చేశారు. ఓ వైపు స్థానిక ఎన్నికలకు కోడ్‌ కూసింది. మరో వైపు మండల పరిషత్‌, జిల్లా పరిషత్‌ ప్రాదేశికాల ఎన్నికలు, గ్రామ పంచాయతీల ఎన్నికలు, వార్డు మెంబర్లు ఎన్నికలకు నోటిఫికేషన్‌ విడుదల అయ్యింది. వివిధ గ్రామాల ప్రజలు నిత్యం వచ్చే మండల పరిషత్‌ అభివృద్ధి కార్యాలయం ముందు ఏర్పాటు చేసిన ‘నోటీస్‌’ను అందరూ ఆసక్తిగా తిలకిస్తున్నారు.

నెహ్రూనగర్‌: ఉమ్మడి గుంటూరు జిల్లా పరిధిలోని పురపాలక ఎన్నికల సమరానికి తెరలేచింది. గుంటూరు, బాపట్ల జిల్లాల్లోని నగర పాలక సంస్థ, మున్సిపాలిటీల ఎన్నికల నగారా మోగడంతో అధికార యంత్రాంగం సమాయత్తమైంది. రాష్ట్ర ఎన్నికల కమిషనర్‌ అనిల్‌ చంద్ర పూనేఠ ఎన్నికల షెడ్యూల్‌ను మంగళవారం అధికారికంగా ప్రకటించారు. షెడ్యూల్‌ వెలువడిన వెంటనే ఎన్నికల ప్రవర్తనా నియమావళి (కోడ్‌) అమల్లోకి వచ్చింది. శుక్రవారం జిల్లా ఎన్నికల అధికారులు/కలెక్టర్లు అధికారిక నోటిఫికేషన్‌ విడుదల చేయనున్నారు. తొలి విడత ఇక్కడ... మొదటి విడత పురపోరులో గుంటూరు జిల్లా పరిధిలోని గుంటూరు నగరపాలక సంస్థ (జీఎంసీ)లోని మొత్తం 76 డివిజన్లకు, అలాగే తెనాలి మున్సిపాలిటీలోని 52 వార్డులకు ఎన్నికలు జరగనున్నాయి. అయితే మంగళగిరి, తాడేపల్లి మున్సిపల్‌ కార్పొరేషన్‌, పొన్నూరు మున్సిపాలిటీలకు ప్రస్తుతానికి ఎన్నికలు నిర్వహించడం లేదు. ఇక బాపట్ల జిల్లా కేంద్రమైన బాపట్ల మున్సిపాలిటీని మినహాయించగా.. చీరాల మున్సిపాలిటీ పరిధిలోని 44 వార్డులకు, రేపల్లె మున్సిపాలిటీలోని 36 వార్డులకు తొలి విడతలోనే ఎన్నికల సమరం జరగనుంది. నామినేషన్లకు మూడు రోజులే గడువు ఈ నెల 16 నుంచి నామినేషన్ల స్వీకరణ ప్రక్రియ ప్రారంభం కానుంది. అయితే నామినేషన్ల దాఖలుకు కేవలం మూడు రోజులే (ఈ నెల 16, 17, 18వ తేదీలు) సమయం కేటాయించడంతో అన్ని ప్రధాన రాజకీయ పార్టీల్లోనూ తీవ్ర చర్చోపచర్చలు మొదలయ్యాయి. అభ్యర్థుల ఎంపిక, బీ–ఫారాల కేటాయింపుపై పార్టీల ముఖ్య నేతలు తలలు పట్టుకుంటున్నారు. టికెట్లు ఆశిస్తున్న వారు సైతం సమయం చాలా తక్కువగా ఉండటంతో సర్టిఫికెట్ల సేకరణ, ఏర్పాట్లపై తీవ్ర ఉత్కంఠ, హైరానాకు గురవుతున్నారు. ఇప్పటికే ముసాయిదా ఓటర్లు, పోలింగ్‌ కేంద్రాల జాబితాలపై అభ్యంతరాల ప్రక్రియ ముగిసి తుది జాబితాలు సిద్ధమయ్యాయి. రిజర్వేషన్లు సైతం ఇప్పటికే ఖరారు కావడంతో రెండు జిల్లాల పరిధిలోని పురపాలక క్షేత్రాల్లో రాజకీయ వేడి రాజుకుంది. అతి సమస్యాత్మక 19 ప్రాంతాల్లోని 80 కేంద్రాలు సమస్యాత్మక 41 ప్రాంతాల్లోని 158 కేంద్రాలు సాధారణం 137 ప్రాంతాల్లోని 358 కేంద్రాలు

గుంటూరుబుధవారం శ్రీ 14 శ్రీ అక్టోబర్‌ శ్రీ 2026జనసేన, బీజేపీ వారికి నిరాశే... గుంటూరు నగర మేయర్‌ స్థానం జనరల్‌ మహిళకు రిజర్వు కావడంతో అన్ని పార్టీల్లో పోటీ ఎక్కువగా ఉంది. గుంటూరు నగరంలో అధికార టీడీపీ సామాజిక వర్గం మేయర్‌ సీటుపై కన్నేసింది. ఎలాగైనా తమలో ఒకరికి దక్కాలని భావిస్తూ ఆశావాహులంతా పైరవీలు చేస్తున్నారు. ముఖ్యంగా చినబాబును ప్రసన్నం చేసుకునే పనిలో బిజీగా మారిపోయారు. సాక్షిప్రతినిధి, గుంటూరు: నిన్న మొన్నటి వరకు సోషల్‌ మీడియాలో తమ పేర్లతో విపరీతంగా ప్రచారం చేసుకున్న ద్వితీయ శ్రేణి నేతలంతా ఇప్పుడు తమ సతీమణులను ముందు పెట్టి రాజకీయంగా చక్రం తిప్పేందుకు వ్యూహాలు రచిస్తున్నారు. అధికారంలోకి వచ్చిన తరువాత జరిగే ఎన్నికలు కావడంతో నగరంలో పెత్తనం చెలాయించవచ్చనే కోణంలో టీడీపీ సామాజిక వర్గానికి చెందిన వారు పదుల సంఖ్యలో బయటకు వచ్చి తమ వర్గం ద్వారా ప్రయత్నాలు ముమ్మరం చేస్తున్నారు. పార్టీలో కేంద్ర మంత్రికి అనుకూలంగా ఉండేవారు ఒకవర్గంగా, చినబాబు ద్వారా మరో వర్గం, సీనియర్‌ నేతల ద్వారా మరికొందరు తమ వ్యూహాలతో ముందుకు వెళుతున్నారు. కాపు నేతల ఆశలు మేయర్‌ సీటు జనరల్‌ మహిళకు కేటాయించడంతో ఇప్పటి వరకు జిల్లాలో ఇచ్చిన పదవుల్లో కాపులకు అన్యాయం జరిగిందనే కోణంలో ఆ సామాజిక వర్గం నేతలు తమ ప్రయత్నాలు ముమ్మరం చేశారు. ముఖ్యంగా టీడీపీ నేత డేగల ప్రభాకర్‌ తన సతీమణికి అవకాశం ఇవ్వాలంటూ ముమ్మర ప్రయత్నాలు చేస్తుండగా, మాజీ మంత్రి శనక్కాయల అరుణ కోడలు సైతం తనకు అవకాశం ఇవ్వాలంటూ అధిష్ఠానాన్ని కోరారు. ఇదిలా ఉంటే కూటమి ప్రభుత్వం అధికారంలోకి వచ్చిన తరువాత జిల్లాలో ఇచ్చిన 50కుపైగా జిల్లా, రాష్ట్రస్థాయి పదవుల్లో రెండు మినహా మిగతావి టీడీపీ సామాజిక వర్గానికే దక్కిన విషయాన్ని గుర్తు చేస్తూ కాపులు అధికంగా ఉన్న గుంటూరు మేయర్‌ స్థానాన్ని తమకు కేటాయించాలని ముఖ్య నేతల వద్ద కాపు నేతలు తమ వాదనలు వినిపిస్తున్నారు. తొలుత ఉగ్గిరాల సీతారామయ్య పేరు పరిశీలనలో ఉన్నప్పటికీ ఆయన గత కొంతకాలంగా యాక్టివ్‌గా లేకపోవడాన్ని మిగతా నేతలు గుర్తు చేశారు. తమకు అవకాశం ఇవ్వాలంటూ టీడీపీ కేంద్ర కార్యాలయం చుట్టూ ప్రదక్షిణలు చేస్తున్నారు. శిరీష వర్గం ప్రచారంపై మండిపాటు ఎన్నికల ముందు వైఎస్సార్‌సీపీ నుంచి టీడీపీలో చేరిన భీమనాథం భరత్‌రెడ్డి రెండు రోజులక్రితం నారా లోకేష్‌ను కలిశారు. మేయర్‌ స్థానంపై తమకు హామీ లభించిందని శిరీష వర్గం సోషల్‌ మీడియాలో ప్రచారం చేయడంతో టీడీపీ శ్రేణులంతా భగ్గుమన్నాయి. 2019 ఎన్నికల్లో టీడీపీ పరాజయం పాలైన సమయంలో సైకిల్‌ను రోడ్డుపై లాక్కెళుతూ అవమానించిన భరత్‌రెడ్డి సతీమణికి సీటిస్తే అంగీకరించేదే లేదంటూ హెచ్చరికలు చేశారు. రెడ్డి సామాజిక వర్గానికి చెందిన భరత్‌రెడ్డికి తన సతీమణి శిరీష బ్రాహ్మణ సామాజిక వర్గానికి చెందిన వారనే పేరుతో సీటిస్తే ఒప్పుకొనేది లేదంటూ టీడీపీ శ్రేణులు పేర్కొంటున్నాయి. మేయర్‌ స్థానం కోసం టీడీపీలో కమ్మ, కాపులతోపాటు, ఇతర సామాజిక వర్గాల నేతలు పోటీ పడుతున్న విషయం తెలిసిందే. కూటమి ప్రభుత్వం అధికారంలోకి వచ్చిన తరువాత ఉమ్మడి గుంటూరు జిల్లాలో జనసేన నుంచి నాదెండ్ల మనోహర్‌కు మినహా ఎవరికీ ఉన్నత స్థాయి పదవి దక్కలేదు. కాపు సామాజిక వర్గం అధికంగా ఉన్న గుంటూరు మేయర్‌ స్థానాన్ని తమకు కేటాయించాలని అధిష్ఠానం వద్ద వాదనలు వినిపిస్తున్నట్లు సమాచారం. బీజేపీ సైతం క తమకు అన్యాయం జరిగిందని.. కార్పొరేషన్‌ ఎన్నికల్లో మేయర్‌ స్థానం కాకపోయినా, కనీసం సముచిత స్థాయిలో డివిజన్‌లలో తగినన్ని సీట్లు కేటాయించాలనే వాదనలు తెరపైకి తెచ్చింది.

మంగళగిరి టౌన్‌: రాష్ట్రంలో మాదకద్రవ్యాల అక్రమ రవాణా, విక్రయాలను అరికట్టడంతోపాటు యువతను డ్రగ్స్‌ బారి నుంచి రక్షించేందుకు డ్రగ్స్‌ కంట్రోల్‌ అడ్మినిస్ట్రేషన్‌, ఈగల్‌ విభాగాల మధ్య సమన్వయాన్ని మరింత బలోపేతం చేయాలని నిర్ణయించినట్లు ఈగల్‌ చీఫ్‌ ఐజీ ఆకే రవికృష్ణ, డీసీఏ డైరెక్టర్‌ జనరల్‌ పి.అరుణ్‌బాబు పేర్కొన్నారు. మంగళగిరి పట్టణంలోని ఈగల్‌ ప్రధాన కార్యాలయంలో మంగళవారం ఉన్నతాధికారులతో సమావేశం నిర్వహించారు. ఈ సందర్భంగా వారు మాట్లాడుతూ ఎన్‌ఆర్‌ఎక్స్‌ మందులు, ఓపియాయిడ్స్‌ దుర్వినియోగాన్ని అరికట్టడం, ఔషధాల అక్రమ సరఫరాపై నిఘా పెంచడం, సమాచార మార్పిడి, సంయుక్త తనిఖీలను విస్తృతం చేయడంపై దృష్టి సారించామని తెలిపారు. గంజాయి సహా ఇతర మాదకద్రవ్యాల అక్రమ రవాణా, విక్రయాలను నిరోధించేందుకు ఆపరేషన్‌ గరుడ వంటి కార్యక్రమాలను సమర్థంగా అమలు చేయాలని నిర్ణయించినట్లు పేర్కొన్నారు.

పెదకాకాని: శ్రీకనకదుర్గ అమ్మవారి ఆశీస్సులు ప్రజలందరిపై ఉండాలని, పాడి పంటలతో వర్థిల్లాలని వైఎస్సార్‌ సీపీ రాష్ట్ర అధికార ప్రతినిధి ఆరె శ్యామల ఆకాంక్షించారు. పెదకాకాని మండలంలోని వెనిగండ్ల వేమారెడ్డి గుడి వద్ద ఏర్పాటు చేసిన ప్రత్యేక పందిరిలో కనకదుర్గ అమ్మవారికి ప్రత్యేక పూజలు చేస్తున్నారు. మంగళవారం రాత్రి జరిగిన పూజా కార్యక్రమాల్లో ఆరె శ్యామల పాల్గొన్నారు. స్థానిక నాయకులు అతిథులకు సాదర స్వాగతం పలికారు. అర్చకులు అమ్మవారికి ఆరె శ్యామల చేతుల మీదుగా పూజలు జరిపించారు. అనంతరం గోత్రనామ పూజలు చేసి తీర్థ ప్రసాదాలు అందజేశారు. పూజా కార్యక్రమాల్లో మాజీ సర్పంచి కొండమడుగుల శ్రీనివాసరెడ్డి, మాజీ ఉప సర్పంచి కె.వెంకటరెడ్డి, చాగంటి మురళీమోహన్‌రెడ్డి, వేల్పుల నాగరాజు, మున్నంగి రవి, మాకిరెడ్డి గోపీరామ్‌రెడ్డి(ఎంజీఆర్‌), ఆత్మకూరి తిరుమలరెడ్డి, కొండా వేమారెడ్డి తదితరులు పాల్గొన్నారు.

గుంటూరు ఎడ్యుకేషన్‌: ప్రజా సమస్యలపై ప్రభుత్వాన్ని ప్రశ్నించి, నిలదీస్తున్నందుకే వైఎస్సార్‌ సీపీ నాయకులు, కార్యకర్తలపై కూటమి ప్రభుత్వం అక్రమ కేసులు, రౌడీషీట్‌లు తెరిచి భయపెట్టాలని చూస్తోందని మాజీ మంత్రి, వైఎస్సార్‌ సీపీ జిల్లా అధ్యక్షుడు అంబటి రాంబాబు అన్నారు. అక్రమ కేసులకు తాము భయపడేది ప్రసక్తే లేదని, మున్సిపల్‌ ఎన్నికలపై ప్రభుత్వంతో తాడోపేడో తేల్చుకుంటామని స్పష్టం చేశారు. గుంటూరు బృందావన్‌ గార్డెన్స్‌రోడ్డులోని వైఎస్సార్‌ సీపీ జిల్లా కార్యాలయంలో మంగళవారం కార్పొరేషన్‌ ఎన్నికలపై పార్టీ ముఖ్య నాయకులు, డివిజన్‌ అధ్యక్షులు, అనుబంధ విభాగాల నాయకులతో సమావేశాన్ని నిర్వహించారు. అనంతరం జరిగిన మీడియా సమావేశంలో అంబటి మాట్లాడుతూ నగరపాలకసంస్థ ఎన్నికల వేళ వైఎస్సార్‌ సీపీ నాయకులు, కార్యకర్తలపై టీడీపీ ప్రోద్బలంతో పోలీసులు రౌడీషీట్‌లు తెరిచేందుకు ప్రయత్నిస్తున్నారని విమర్శించారు. గతంలో టీడీపీ రాష్ట్ర కార్యాలయంపై దాడికి పాల్పడ్డారని, డీఎస్సీ అక్రమాలపై ప్రభుత్వాన్ని ప్రశ్నిస్తున్నారని వైఎస్సార్‌ సీపీలో యాక్టివ్‌గా ఉన్న వారిపై రౌడీషీట్‌లు తెరవడం సిగ్గుచేటన్నారు. వైఎస్సార్‌ సీపీలో రౌడీలెవ్వరూ లేరని, తమ పార్టీలో నిజంగా రౌడీలుంటే టీడీపీ నేతలు స్వేచ్ఛగా తిరగగలరా అని ప్రశ్నించారు. పోలీసులకు నిజంగా చట్టం అంటే గౌరవముంటే గత జనవరి 31న వందలాది మంది గూండాలు, రౌడీలతో గుంటూరులోని తన ఇంటిపై ఏడున్నర గంటలపాటు దాడి చేయించిన టీడీపీ ఎమ్మెల్యే గళ్లా మాధవి, ఆమె భర్త రామచంద్రరావులపై రౌడీషీట్‌లు తెరవాలని సవాల్‌ విసిరారు. ఎంపీ పెమ్మసాని చంద్రశేఖర్‌ రౌడీలకే రౌడీ అని, ఆయన కనుసన్నల్లోనే తన ఇంటిపై దాడి జరగడంతోపాటు ప్రశ్నించే గొంతుకలపై అక్రమ కేసులు మోపుతున్నారని మండిపడ్డారు. తన ఇంటిపై దాడికి పాల్పడిన టీడీపీ నేతలు అబ్బూరి మల్లి, ఇసుక బుజ్జి, రాయపాటి అమృతరావుపై రౌడీషీట్లు తెరవాలని, వారు పోలీసు కేసులు సైతం లేకుండా స్వేచ్ఛగా బయట తిరుగుతున్నారని అన్నారు. వైఎస్సార్‌ సీపీ నేతలపై రౌడీషీట్‌లు తెరిచి, అక్రమ కేసులతో జైళ్లకు పంపి మున్సిపల్‌ ఎన్నికల్లో దొంగఓట్లు వేయించుకునేందుకు టీడీపీ పన్నాగం పన్నిందన్నారు. తమపై అక్రమ కేసులు మోపి, భయపెట్టాలని చూసినా ఎన్నికల్లో పోరాటం చేస్తామని స్పష్టం చేశారు. రెండున్నరేళ్ల కూటమి పాలనతో విసుగెత్తిపోయిన ప్రజలే పోలింగ్‌ బూత్‌లలో కూటమికి తగిన గుణపాఠం చెబుతారని ఆయన పేర్కొన్నారు. మహిళలపై రౌడీషీట్లు తెరిచిన ఘనత కూటమికే చెల్లుతుందని దుయ్యబట్టారు. అక్రమ కేసులు, రౌడీషీట్లపై తాము న్యాయ పోరాటం చేస్తామని తెలిపారు. బుధవారం జిల్లా ఎస్పీని కలిసి వినతిపత్రం సమర్పిస్తామని అంబటి తెలిపారు. వ్యతిరేకతను కప్పిపుచ్చుకునేందుకు అక్రమ కేసులు వైఎస్సార్‌ సీపీ నగర అధ్యక్షురాలు, తూర్పు నియోజకవర్గ సమన్వయకర్త షేక్‌ నూరి ఫాతిమా మాట్లాడుతూ వైఎస్సార్‌ సీపీ నేతలు, కార్యకర్తలపై అక్రమ కేసులు పెట్టి కార్పొరేషన్‌ ఎన్నికల్లో అక్రమంగా గెలవాలని కూటమి కుట్రలకు పాల్పడుతోందని విమర్శించారు. అక్రమ కేసులను ధైర్యంగా ఎదుర్కొంటామని స్పష్టం చేశారు. ప్రశ్నించే గొంతుకలపై రౌడీషీట్లు వైఎస్సార్‌ సీపీ గుంటూరు పార్లమెంటు పరిశీలకుడు పోతిన మహేష్‌ మాట్లాడుతూ గుంటూరు నగర పాలక సంస్థలోని 76 వార్డుల్లో వైఎస్సార్‌ సీపీ తరపున కార్పొరేటర్లుగా పోటీ చేసేందుకు ఆసక్తి కనబరుస్తూ 400 మంది దరఖాస్తులు అందించారని చెప్పారు. ఈ విధంగా ఒక్కో వార్డు నుంచి ఐదారుగురు చొప్పున పోటీకి సిద్ధంగా ఉన్నారని వివరించారు. అధికారంలో లేకున్నా ప్రజల మద్దతు తమ పార్టీకి మెండుగా ఉందని అన్నారు. బీసీలకు 34 శాతం రిజర్వేషన్లు అంటూ మోసపూరిత హామీలు గుప్పించిన చంద్రబాబు వారిని నిలువునా మోసం చేశారని ఆగ్రహం వ్యక్తం చేశారు. సమావేశంలో ఎమ్మెల్సీ చంద్రగిరి ఏసురత్నం, ప్రత్తిపాడు, తాడికొండ నియోజకవర్గ సమన్వయకర్తలు బలసాని కిరణ్‌కుమార్‌, వనమా బాల వజ్రబాబు, పార్టీ రాష్ట్ర కార్యదర్శి నిమ్మకాయల రాజనారాయణ పాల్గొన్నారు.

పెదకాకాని: పెదకాకానిలోని మల్లేశ్వరస్వామి దేవస్థానంలో శ్రీదేవీ శరన్నవరాత్రోత్సవాలు వైభవంగా కొనసాగుతున్నాయి. ఉత్సవాల్లో భాగంగా మంగళవారం భ్రమరాంబదేవి అమ్మవారు గాయత్రీదేవి అలంకారంలో భక్తులకు దర్శనమిచ్చారు. ఉదయం అర్చకులు పాత్రఃకాల అర్చన, అభిషేకం, పంచహారతులు, విఘ్నేశ్వరపూజ, పుణ్యాహవచనం, పంచగవ్యప్రాశన, మహాన్యాస పూర్వక ఏకాదశ రుద్రాభిషేకం, నవావరణార్చనలు నిర్వహించారు. సాయంత్రం భ్రమరాంబదేవి అమ్మవారికి ప్రత్యేక కుంకుమార్చనలు, పంచహారతులు, ఆలయ ప్రదక్షిణ జరిపించారు. అధిక సంఖ్యలో భక్తులు తరలివచ్చి భ్రమరాంబ మల్లేశ్వరస్వామి వార్లను దర్శించుకుని పూజలు చేశారు. యాగశాలలో జరిగిన రుద్ర, చండీ హోమాలలో భక్తులు పెద్ద సంఖ్యలో పాల్గొన్నారు. భక్తులందరికీ తీర్థ్ధప్రసాదాలు, అన్నప్రసాదాలు ఏర్పాటు చేసినట్లు ఆలయ ఉప కమిషనరు గోగినేని లీలాకుమార్‌, పాలక మండలి చైర్మన్‌ కోసూరి పూర్ణ చంద్రరావు తెలిపారు. సాంస్కృతిక కార్యక్రమాలు సాయంత్రం 5.30 గంటల నుంచి పెదకాకాని ఆలూరి సుజాత బృందం భజన కార్యక్రమం, విజయవాడ నటరాజ నృత్య కళా నిలయం వారిచే కూచిపూడి నృత్యం, మంగళగిరి శ్రీవెంకటరామ సంగీత నృత్యశాల వారిచే కూచిపూడి నృత్యం ప్రదర్శించారు. గుంటూరుకు చెందిన నలకా శ్రీనివాసరావు పర్యవేక్షణలో శ్రీ కృష్ణరాయభారం నాటకం నుంచి పడక సీను, ఆర్గనైజర్‌ వై.వెంకటేశ్వరరావు ఆధ్వర్యంలో సత్యహరిశ్చంద్ర నాటకం నుంచి కాటి సీను ప్రదర్శించారు. బుధవారం అమ్మవారు అన్నపూర్ణ్ణాదేవిగా భక్తులను అనుగ్రహిస్తారని డీసీ తెలిపారు.

గుంటూరు మెడికల్‌: ఆధునిక జీవన శైలి పెరిగింది. ఉరుకులు పరుగుల జీవితం. 25 ఏళ్లకే రొమ్ము క్యాన్సర్‌ బాధితులుగా మారుతున్నారు. విద్యావంతులు, చదువులేనివారు అనే తేడా లేదు. నిర్లక్ష్యంగా ఉండటం వలన ప్రతి ఏడాది కేసులు పెరుగుతున్నాయి. ప్రతి ఏడాది అక్టోబర్‌ నెలను బ్రెస్‌ క్యాన్సర్‌ అవగాహన మాసంగా నిర్వహిస్తున్నారు. వ్యాధి కారణాలు జన్యుపరమైన కారణాలు. వాతావరణంలో వస్తున్న మార్పులు. అధిక బరువు. ఆల్కహాల్‌, పొగాకు వినియోగం. 30 ఏళ్ల వరకు గర్భం దాల్చకపోవడం. అసలు గర్భం దాల్చని వారికి ముప్పుపొంచిఉంది. చిన్న వయసులోనే రజస్వల అవ్వటం, ఆలస్యంగా నెలసరి ఆగిన వారికి వచ్చే అవకాశం ఉంది. కుటుంబంలో ఎవరికై నా క్యాన్సర్‌ ఉంటే ఇతర కుటుంబ సభ్యులకు వచ్చే అవకాశం. సంతానం అప్పుడే వద్దు అనుకొని దంపతులు మందులు వాడకం వలన రొమ్ము క్యాన్సర్‌ వచ్చే అవకాశం ఉంది. రొమ్ములో ఉండే ప్రతి గడ్డ క్యాన్సర్‌ గడ్డ కాదు. అయితే ప్రతి గడ్డను కూడా అశ్రద్ధ చేయకుండా వైద్యుడిని సంప్రదించి పరీక్ష చేయించుకోవటం ద్వారా నిర్ధారించుకోవచ్చు. లక్షణాలు ఏమంటే.. రొమ్ము, చంకలో గడ్డలు ఉంటే అనుమానించాలి. రొమ్ములపై చర్మం ముడతలు పడటం. గట్టిగా మారడం, గుంతలు పడటం. నారింజ రంగులోకి మారితే అనుమానించాలి. చనుమొనలు నొక్కితే సరిగా లోపలికి వెళ్లకపోయినా, సైజుల్లో తేడాలు ఉన్నా వైద్యులను సంప్రదించాలి. చనుమొనల నుంచి తెలుపు, పసుపు, ఎరుపు రంగుల్లో ఏదైనా ద్రవం బయటకు వస్తే రొమ్ము ఛాతిపై ఉన్న చర్మం లోపలికి వెళ్లి చర్మం చొట్టలు పడుతుంది. బ్రెస్ట్‌ నిపుల్స్‌ చుట్టూ ఉండే చర్మం పొలుసులుగా మారి రాలి పోతుంది. మెమోగ్రామ్‌ పరీక్షలు చేయించుకున్నవారి వివరాలు ... జీజీహెచ్‌లో రొమ్ము క్యాన్సర్‌ నిర్ధారణ పరీక్ష మెమోగ్రామ్‌ 2023లో 368 మంది, 2024లో 381 మంది, 2025లో 425 మంది ఉన్నారు. రొమ్ము క్యాన్సర్‌తో బాధపడుతూ 2022లో 34 మంది, 2023లో 73 మంది, 2024లో 69 మంది, 2025లో 87 మంది రొమ్ము క్యాన్సర్‌ ఆపరేషన్‌ చేయించుకున్నారు. నాట్కో క్యాన్సర్‌ సెంటర్‌లో ఉచితంగా క్యాన్సర్‌ ఆపరేషన్లు చేస్తున్నాం. కొంత మందికి ప్రాథమిక దశలోనే రొమ్ము క్యాన్సర్‌ను గుర్తించి ప్రాణాంతకం కాకుండానే వ్యాధి నుంచి విముక్తి కల్పించాం. 24 గంటలు కార్పొరేట్‌ ఆస్పత్రుల కంటే ధీటుగా వైద్యసేవలు ఉన్నాయి. చివరి దశలో ఉన్నవారు ప్రత్యేక వైద్య సేవలు అందించేందుకు వంద పడకలతో మరో క్యాన్సర్‌ సెంటర్‌ నిర్మాణం జీజీహెచ్‌లో చేస్తున్నాం. – నన్నపనేని సదాశివరావు, నాట్కో ట్రస్ట్‌ ఎగ్జిక్యూటివ్‌ వైస్‌ ప్రెసిడెంట్‌ క్యాన్సర్‌ను ప్రాథమిక దశలోనే గుర్తించేందుకు తప్పనిసరిగా మహిళలంతా మెమోగ్రామ్‌, బయాప్సి స్క్రీనింగ్‌ పరీక్షలు చేయించుకోవాలి. కుటుంబంలో ఎవరికై నా క్యాన్సర్‌ ఉంటే ఇతర కుటుంబ సభ్యులకు వచ్చే అవకాశాలు ఉన్న దృష్ట్యా ముందస్తుగా జనటిక్‌ పరీక్ష చేయించాలి. మగవారికి కూడా రొమ్ము క్యాన్సర్లు వచ్చే అవకాశం ఉన్న దృష్ట్యా వీరు కూడా స్క్రీనింగ్‌ పరీక్ష చేయించుకోవాలి. రొమ్ము క్యాన్సర్‌లకు రేడియేషన్‌ థెరఫీ, కిమో థెరఫీ, ఆపరేషన్‌లు అందుబాటులో ఉన్నాయి. –డాక్టర్‌ బైరపనేని స్రవంతి, క్యాన్సర్‌ వైద్య నిపుణులు, గుంటూరు

పొన్నూరు: వైఎస్సార్‌ సీపీ అధినేత, మాజీ సీఎం వైఎస్‌ జగన్‌ మోహన్‌రెడ్డి ఆదేశాల మేరకు పార్టీ పొన్నూరు నియోజకవర్గ పరిశీలకుడిగా ఎమ్మెల్సీ మురుగుడు హనుమంతరావు నియమితులయ్యారు. ఈ మేరకు పార్టీ కేంద్ర కార్యాలయం నుంచి మంగళవారం ప్రకటన వెలువడింది. నేడు కొల్లిపరలో స్వామినాథన్‌ ఫౌండేషన్‌ బృందం పర్యటన కొరిటెపాడు (గుంటూరు): కొల్లిపర మండలంలో ప్రకృతి వ్యవసాయ విధానాలను స్వామినాథన్‌ ఫౌండేషన్‌ సభ్యులు బుధవారం పరిశీలించనున్నారు. ఈ మేరకు ప్రకృతి వ్యవసాయం డీపీఎం రాజకుమారి మంగళవారం ఒక ప్రకటన విడుదల చేశారు. మండలంలోని తూములూరు, దవులూరుపాలెం గ్రామాల్లో పర్యటించి, ప్రకృతి వ్యవసాయ పద్ధతుల్లో సాగు చేస్తున్న పసుపు, అరటి, బొప్పాయి పంటలను పరిశీలించనున్నట్లు తెలిపారు. అదేవిధంగా పౌష్టికాహార వనాలను సందర్శించి, ప్రకృతి వ్యవసాయ విధానాల అమలును అధ్యయనం చేయనున్నట్లు పేర్కొన్నారు. మరోవైపు, న్యూఢిల్లీకి చెందిన సెంటర్‌ ఫర్‌ ఎనర్జీ, ఎన్విరాన్‌మెంట్‌ అండ్‌ వాటర్‌ (సీఈఈడబ్ల్యూ) బృందం కూడా జిల్లాలో పర్యటించనున్నట్లు రాజకుమారి వెల్లడించారు. హత్యాయత్నం కేసులో నిందితుల అరెస్టు తాడేపల్లి రూరల్‌: తాడేపల్లి రూరల్‌ పరిధిలోని పెనుమాక గ్రామంలో ఇరువురు వ్యక్తుల మధ్య పాత కక్షల నేపథ్యంలో గ్రామానికి చెందిన ఓ వ్యక్తిని హత్య చేసేందుకు రెక్కి నిర్వహించిన కేసులో ముగ్గురు వ్యక్తులను తాడేపల్లి పోలీసులు మంగళవారం అరెస్టు చేసి కోర్టులో హాజరు పరిచారు. సేకరించిన సమాచారం మేరకు పెనుమాకు చెందిన కొల్లు శేషు, తమ్మా రామిరెడ్డి ఇరువురు స్నేహితులు, వీరివురి మధ్య గత వారం రోజుల క్రితం స్థలం విషయంలో గొడవ జరగడంతో తమ్మా రామిరెడ్డి అతని మిత్రుడు శేషును హత్య చేయాలనే ఉద్దేశంతో తన అనుచరులతో హత్యాయత్నంకు ప్రయత్నించారు. పోలీసులకు సమాచారం అందడంతో ఎలాంటి అవాంచనీయ సంఘటన జరుగకుండా తమ్మా రామిరెడ్డి, పాతూరు ప్రతాప్‌, తిరుమలరావులను అరెస్టు చేసి మంగళగిరి కోర్టులో హాజరు పరచగా, ఈనెల 25వ తేదీ వరకు రిమాండ్‌ విధించారు. పెట్రోలుతో బైక్‌ దొంగ హల్‌చల్‌ తెనాలిరూరల్‌: పోలీస్‌స్టేషన్‌ ఎదుట ఒంటిపై పెట్రోలు పోసుకుని బైక్‌ దొంగ హల్‌చల్‌ చేశాడు. పట్టణ చినరావూరుతోటకు చెందిన బైక్‌ మెకానిక్‌ పలు బైక్‌ చోరీ కేసుల్లో నిందితుడిగా ఉన్నాడు. రెండు నెలల కిందట ఒక కస్టమరు తన బైక్‌ను రిపేరు చేసివ్వమని ఇచ్చాడు. అటు బైక్‌ రిపేరు చేయనూలేదు, వాహనాన్ని ఇప్మంటే అ్పగించకపోతుండడంతో వాహన యజమాని పోలీసులను ఆశ్రయించాడు. బై చోరీలకు ప్పాడే యువకుడి తండ్రిని పిలిపించిన వన్‌ టౌన్‌ పోలీసులు కస్టమర్‌ వాహనాన్ని అప్పగించాలని సూచించారు. ఇదే విషయాన్ని తన కుమారుడికి చెప్పగా, సదరు బైక్‌ దొంగ పెట్రోలుతో పోలీసుస్టేషన్‌ వద్దకు చేరుకుని ఒంటి మీద పెట్రోలు పోసుకుని హల్‌చల్‌ చేశాడు. పోలీసులు నీళ్లు పోసి సర్ధిచెప్పి పంపారు. భార్యను వేధిస్తున్న భర్తపై కేసు తెనాలిరూరల్‌: మరో మహిళతో వివాహేతర సంబంధం ఏర్పరచుకుని భార్యను వేధిస్తున్న భర్తపై కేసు నమోదైంది. పోలీసుల కథనం మేరకు వివరాలిలా ఉన్నాయి. పట్టణ నాజరుపేటకు చెందిన పవన్‌, సంధ్యలకు 15 ఏళ్ల కిందట వివాహమైంది. భర్త ఐదేళ్లుగా ఏ పని చేయడం లేదు. సంధ్య పుట్టింటి వారు కుటుంబ పోషణ, పిల్లల చదువు ఖర్చులు చూసుకుంటున్నారు. మరో మహిళతో వివాహేతర సంబంధం పెట్టుకుని భారయను తరచూ వేధిస్తూ పుట్టింటి నుంచి డబ్బులు తీసుకురమ్మంటూ దాడి చేస్తున్నాడు. ఇదేమని ప్రశ్నించేందుకు వచ్చిన అత్తపైనా దాడి చేసి గాయపర్చాడు. భార్య ఫిర్యాదు మేరకు భర్తపై వన్‌ టౌన్‌ ఎస్‌ఐ రాజ్యం కేసు మంగళవారం రాత్రి నమోదు చేశారు. లారీని బైక్‌ ఢీకొని వ్యక్తి మృతిమేడికొండూరు: మండల పరిధిలోని పేరేచర్ల గ్రామ శివారులో మంగళవారం తెల్లవారుజామున జరిగిన రోడ్డు ప్రమాదంలో ఓ యువకుడు మృతి చెందాడు. వివరాల ప్రకారం.. విశదల గ్రామానికి చెందిన దొడ్డ సుధీర్‌ (24) గుంటూరులోని ఓ మెడికల్‌ షాపులో రాత్రి విధులు ముగించుకుని పల్సర్‌ బైక్‌పై స్వగ్రామానికి బయలుదేరాడు. ఈ క్రమంలో పేరేచర్ల గ్రామ శివారులో ముందు వెళ్తున్న లారీని వెనుక నుంచి బైక్‌ ఢీకొట్టింది. ప్రమాదంలో తీవ్రంగా గాయపడిన సుధీర్‌ అక్కడికక్కడే మృతి చెందాడు. సమాచారం అందుకున్న పోలీసులు ఘటనా స్థలానికి చేరుకుని ప్రమాదానికి సంబంధించిన వివరాలను సేకరించారు. ఘటనపై కేసు నమోదు చేసి దర్యాప్తు చేపట్టేందుకు పోలీసులు చర్యలు తీసుకుంటున్నారు.

సీఐటీయూ రాష్ట్ర కార్యదర్శి కె.ఉమామహేశ్వరరావు లక్ష్మీపురం: కార్మికులను కట్టు బానిసలుగా మార్చే లేబర్‌ కోడ్స్‌ రద్దు చేయాలని, కార్మికవర్గం పోరాడి సాధించుకున్న కార్మిక చట్టాలను పటిష్టంగా అమలు చేయాలని డిమాండ్‌ చేస్తూ సీఐటీయూ ఆధ్వర్యాన డిసెంబరు 1,2,3 తేదీలలో జరిగే ‘ఛలో ఢిల్లీ‘ కార్యక్రమంలో కార్మికులు పాల్గొని జయప్రదం చేయాలని యూనియన్‌ రాష్ట్ర కార్యదర్శి కె.ఉమామహేశ్వరరావు పిలుపునిచ్చారు. మంగళవారం పాత గుంటూరు సీఐటీయూ కార్యాలయంలో నగర విస్తృత సమావేశం కట్లగుంట శ్రీనివాసరావు అధ్యక్షతన నిర్వహించారు. ఆయన మాట్లాడుతూ లేబర్‌ కోడ్స్‌ అమలులోకి వస్తే కార్మికవర్గం రోడ్డున పడే ప్రమాదం ఉందని, పేదలు నిరుపేదలుగా, ధనవంతులు మరింత ధనవంతులుగా మారతారని అన్నారు. రాష్ట్రంలో కార్మికుల కనీస వేతనాలు 15 ఏళ్లుగా పెంచలేదని, రెండవ వైపు ధరలు విపరీతంగా పెరిగాయని ఆవేదన వ్యక్తం చేశారు. సమావేశంలో సీఐటీయూ నగర కన్వీనర్‌ బి.ముత్యాలరావు, నాయకులు కె. నళినీకాంత్‌, బి.సత్యనారాయణ, షేక్‌ మస్తాన్‌ వలీ, ప్రమీల, షేక్‌ ఖాసిం వలి, షేక్‌ బాషా, పూనేపల్లి శ్రీనివాసరావు, వై.ప్రభుదాసు, జె.జశ్వంత్‌, జి.మరియదాసు, రమేష్‌బాబు, విజయ్‌ కుమార్‌ తదితరులు పాల్గొన్నారు.

నగరంపాలెం: స్కూటీలు దొంగలించే ముఠాను లాలాపేట పోలీసులు అరెస్ట్‌ చేశారు. రూ.20 లక్షలు విలువ చేసే 21 స్కూటీలను స్వాధీనం చేసుకున్నారు. నగరంపాలెంలోని జిల్లా పోలీస్‌ కార్యాలయ ఆవరణలో మంగళవారం ఏర్పాటుచేసిన విలేకర్ల సమావేశంలో జిల్లా ఎస్పీ వకుల్‌ జిందాల్‌ కేసు వివరాలు వెల్లడించారు. ఇటీవల గుంటూరు నగరంలోని రద్దీ ప్రాంతాలు, మార్కెట్‌లు, ఇళ్ల ఎదురు నిలిపిన స్కూటీల చోరీలపై వరుస ఫిర్యాదులు వచ్చాయి. ఈ క్రమంలో చోరులను గుర్తించేందుకు ప్రత్యేక పోలీస్‌ బృందాలతో నిఘా వేశారు. సోమవారం సాయంత్రం మార్కెట్‌ సెంటర్‌లో అనుమానాస్పదంగా సంచరిస్తున్న ఓ ముఠాను పట్టుకున్నారు. నల్లచెరువు 20/2వ అడ్డరోడ్డులో ఉంటున్న కార్పెంటర్‌ షేక్‌ కరిముల్లా అలియాస్‌ డిప్పల్‌, నల్లచెరువుకి చెందిన ఏసీ మెకానిక్‌ షేక్‌ మదార్‌వలి అలియాస్‌ సోహెల్‌, నల్లచెరువు 23/2వ అడ్డరోడ్డులో ఉంటున్న వాటర్‌ ప్లాంట్‌ వర్కర్‌ షేక్‌ జాఫర్‌సాదిక్‌, సంపత్‌నగర్‌ రెండో వీధికి చెందిన మటన్‌ వర్కర్‌ షేక్‌ మస్తాన్‌వలి, ప్లంబర్‌ పనిచేసే నల్లచెరువుకి చెందిన ఓ మైనర్‌, ఇద్దరు రిసీవర్లను పోలీసులు అరెస్ట్‌ చేశారు. సుమారు రూ.20 లక్షల విలువ చేసే 21 స్కూటీలు స్వాధీనం చేసుకున్నారు. చెడు అలవాట్లకు బానిసైన ఐదుగురు ముఠాగా ఏర్పడి, ఎక్కువగా సుజుకి యాక్సెస్‌ స్కూటీల హ్యాండిళ్లను పగులకొట్టి, బ్యాటరీ వైర్లకు పిన్నీసుతో నేరుగా కనెక్షన్‌ ఇచ్చేసి వాహనాలతో ఉడాయించేవారు. దొంగలించిన వాహనాలను మేడికొండూరు, తురకపాలెంలోని ఇద్దరు రిసీవర్లకు విక్రయించేవారు. ఒక్కొక్కటి రూ.20 వేలకు విక్రయించినట్లు పోలీస్‌ దర్యాప్తులో వెల్లడైంది. ఇద్దరు రిసీవర్లు కొనుగోలు చేసిన స్కూటీల నంబర్‌ ప్లేట్లను తొలగించి, అధిక మొత్తానికి చత్తీస్‌ఘడ్‌, ఒడిశా రాష్ట్రాలకు కంటైనర్ల ద్వారా తరలించేవారు. పొరుగు రాష్ట్రాల్లో విక్రయించిన ఎనిమిది సుజుకి స్కూటీలను సైతం గుంటూరు తీసుకొచ్చామని ఎస్పీ అన్నారు. స్కూటీలను యాజమానులకు అప్పగిస్తామని తెలిపారు. లాలాపేట పీఎస్‌, పాతగుంటూరు పీఎస్‌, నల్లపాడు పీఎస్‌, పట్టాభిపురం పీఎస్‌తోపాటు పల్నాడు జిల్లాలోని సత్తెనపల్లి పట్టణ పీఎస్‌ పరిధిలో చోరీలకు పాల్పడినట్లు గుర్తించామని తెలిపారు. ఆయా కేసుల్లో ప్రతిభ చూపిన గుంటూరు తూర్పు డీఎస్పీ సీతారాం, లాలాపేట పీఎస్‌ సీఐ శివప్రసాద్‌, మహిళా ఎస్‌ఐ సిహెచ్‌.ప్రవీణ, హెచ్‌సీ ఎం.కల్యాణ్‌, కానిస్టేబుళ్లు పి.కిరణ్‌కుమార్‌, పి.శంకర్‌, ఆర్‌.ఆంజనేయులు, ఎం.మల్లికార్జునరావులను జిల్లా ఎస్పీ అభినందించి, ప్రశంసాపత్రాలు అందించారు.

అమరావతి: ప్రసిద్ధ పుణ్యక్షేత్రమైన అమరావతిలో వేంచేసియున్న బాల చాముండికా సమేత అమరేశ్వర ఆలయంలో శ్రీదేవీ శరన్నవరాత్రి మహోత్సవాలలో భాగంగా మంగళవారం బాల చాముండేశ్వరి అమ్మవారిని అన్నపూర్ణాదేవిగా అలంకరించారు. భక్తులు పెద్ద సంఖ్యలో అమ్మవారిని దర్శించుకుని పూజలు నిర్వహించారు. అమ్మవారికి సహస్ర కుంకుమార్చన, దేవీఖడ్గమాల, లలిత సహస్ర నామార్చన, శ్రీచక్రార్చన తదితర కార్యక్రమాలు నిర్వహించారు. ఆలయ స్థానాచార్యుడు కౌశిక చంద్రశేఖరశర్మ మాట్లాడుతూ అన్నపూర్ణాదేవి అలంకార విశిష్టతను వివరించారు. జ్వాలాముఖి, మహిషాసురమర్ధని అమ్మవార్లకు కూడా ప్రత్యేక పూజలు నిర్వహించారు.

గుంటూరు వెస్ట్‌: ఎరువుల సరఫరాలో సమస్యలు తలెత్తకుండా జాగ్రత్తగా వ్యవహరించాలని జాయింట్‌ కలెక్టర్‌ అశుతోష్‌ శ్రీవాస్తవ అధికారులను ఆదేశించారు. ప్రాథమిక రంగాలపై మంగళవారం స్థానిక కలెక్టరేట్‌లోని జేసీ చాంబర్‌ సమీక్ష నిర్వహించారు. జేసీ మాట్లాడుతూ యూరియా, ఎరువుల సరఫరా, డిమాండ్‌ అంచనాలు వేయాలన్నారు. అందుకు తగిన విధంగా చర్యలు తీసుకోవాలన్నారు. ఎక్కడా లోపం రాకుండా ఎయిమ్స్‌ యాప్‌ ద్వారా పంపిణీ జరగాలన్నారు. రైతుల ఈకేవైిసీ త్వరగా చేయించాలన్నారు. వ్యవసాయ అధికారులు, సిబ్బంది పనితీరు మెరుగు పరచుకోవాల్సి ఉందని చెప్పారు. ప్రభుత్వ లక్ష్యాలను పూర్తి చేయడంలో అశ్రద్ధ ఉండకూడదని తెలిపారు. ప్రకృతి వ్యవసాయం దిశగా ఎక్కువ మంది రైతులు పయనించేందుకు చర్యలు తీసుకోవాలని తెలిపారు. జిల్లా వ్యవసాయ అధికారి ఎం.పద్మావతి మాట్లాడుతూ ఈ – పంట 97 శాతం పూర్తి అయిందన్నారు. లక్ష్యం మేరకు పూర్తి చేస్తామని చెప్పారు. సిబ్బంది కరువు లెక్కల సేకరణలో కొంత మేర నిమగ్నం కావడం వలన స్వల్ప జాప్యం జరిగిందన్నారు. సీసీఆర్‌సీ బీమా వందశాతం చేశామన్నారు. మూడు డ్రోన్‌లు ఎస్సీ లబ్ధిదారులకు రావలసి ఉందన్నారు. సమావేశంలో మార్క్‌ఫెడ్‌ జిల్లా మేనేజర్‌ టి.నరసింహారెడ్డి, ప్రకృతి వ్యవసాయం డీపీఎం రాజకుమారి, ఎ.ిపి.ఎం.ఐ.పి. పీడీ ఎల్‌. వజ్రశ్రీ, పశు సంవర్ధక శాఖ సంయుక్త సంచాలకుడు కె.వి.వి.సత్య నారాయణ తదితరులు పాల్గొన్నారు. జాయింట్‌ కలెక్టర్‌ అశుతోష్‌ శ్రీవాస్తవ

● గుంటూరు జెడ్పీ చైర్‌పర్సన్‌గా ఎస్సీ మహిళకు చాన్స్‌ ● బాపట్ల, పల్నాడు జెడ్పీ చైర్‌పర్సన్లుగా జనరల్‌ మహిళలకు అవకాశం సాక్షిప్రతినిధి, గుంటూరు: మూడు జిల్లాలుగా ఉమ్మడి గుంటూరు జిల్లా విడిపోయిన తరువాత మొట్టమొదటిసారిగా వచ్చే జెడ్పీ ఎన్నికలకు రిజర్వేషన్‌ ఖరారైంది. మూడు జెడ్పీ చైర్‌పర్సన్‌ పదవులు మహిళలకే దక్కడం విశేషం. గుంటూరు జెడ్పీ చైర్‌పర్సన్‌గా ఎస్సీ మహిళకు, పల్నాడు, బాపట్ల జెడ్పీ చైర్‌పర్సన్‌ సీట్లు జనరల్‌ మహిళలకు రిజర్వు అయ్యాయి. ఉమ్మడి గుంటూరు జిల్లాలోని మూడు జిల్లాలకు ప్రథమ పౌరులుగా మహిళలకే అవకాశం దక్కనుంది. కొత్త జిల్లాలకు మొట్టమొదటిసారిగా ఎన్నికలు జరుగుతుండడంతో మొదటి సారి జెడ్పీ చైర్‌పర్సన్‌లు అయ్యే భాగ్యం మహిళలకే దక్కింది. తాడేపల్లి రూరల్‌: తాడేపల్లి పట్టణ పరిధిలోని సీతానగరం విజయకీలాద్రి దివ్య క్షేత్రంపై ధనలక్ష్మి అమ్మవారికి మంగళవారం ప్రత్యేక పూజలు నిర్వహించారు. అమ్మవారికి ఉదయం తొమ్మిది గంటలకు విశేష అభిషేక మహోత్సవం, కుంకుమార్చన శాస్త్రోక్తంగా నిర్వహించారు. సాయంత్రం 5.30 గంటలకు శ్రీవిష్ణు సహస్రనామ స్తోత్ర పారాయణం, ధనలక్ష్మి అమ్మవారి పల్లకీ సేవ, అర్చన, నివేదన, మంగళాశాసనం కార్యక్రమాలు వైభవంగా జరిగాయి. భక్తులు అధిక సంఖ్యలో అమ్మవారిని దర్శించుకుని, తీర్థ ప్రసాదాలు స్వీకరించారు. జీయర్‌ ఎడ్యుకేషనల్‌ ట్రస్ట్‌ మేనేజర్‌ పురాణం వెంకటాచార్యులు మాట్లాడుతూ త్రిదండి చిన్న శ్రీమన్నారాయణ రామానుజ జీయర్‌స్వామి వారి మంగళాశాసనములతో శరన్నవరాత్రి మహోత్సవాలు ఘనంగా నిర్వహిస్తున్నట్లు తెలిపారు. తాడేపల్లి రూరల్‌: విపత్తులను సమర్థంగా ఎదుర్కొనేందుకు ప్రభుత్వ వ్యవస్థలతోపాటు యువత భాగస్వామ్యం ఎంతో అవసరమని ఏపీ ఎస్‌డీఎంఏ ఎగ్జిక్యూటివ్‌ డైరెక్టర్‌ కౌసర్‌ బానో అన్నారు. మంగళవారం తాడేపల్లిలోని ఏపీ రాష్ట్ర విపత్తుల నిర్వహణ సంస్థ కార్యాలయంలో ఇంటి నుంచే స్థితి స్థాపకత ప్రారంభం అనే అంశంపై రాష్ట్ర విపత్తుల నిర్వహణ సంస్థ, యునిసెఫ్‌ సంయుక్త ఆధ్వర్యంలో రౌండ్‌ టేబుల్‌ సమావేశం నిర్వహించారు. కౌసర్‌ బానో మాట్లాడుతూ విపత్తుల సమయంలో అన్ని విభాగాలు సమన్వయంతో పనిచేస్తూ, శిక్షణ, అవగాహన కార్యక్రమాల ద్వారా రాష్ట్రంలోని ప్రతి ఒక్కరినీ సంసిద్ధులుగా తీర్చిదిద్దాలని పేర్కొన్నారు. విపత్తు సంసిద్ధత, ప్రమాదాల నివారణ, అవగాహన పెంపు, సామర్థ్యాల బలోపేతంపై విస్తృతంగా అధికారులతో చర్చించారు. కార్యక్రమంలో విపత్తుల నివారణ సంస్థ ఏవో రవిబాబు, ఎస్‌ఈవోసీ ఇన్‌చార్జి పీటర్‌, ప్రాజెక్టు కో ఆర్డినేటర్‌ డాక్టర్‌ బి.ప్రసాద్‌, సీబీవో తనూజ, ప్రాజెక్టు మేనేజర్లు, ఫైర్‌ డిపార్ట్‌మెంట్‌, ఎస్‌డీఆర్‌ఎఫ్‌, ఎన్‌డీఆర్‌ఎఫ్‌, ఎన్‌సీసీ, ఎన్‌ఎస్‌ఎస్‌, మై భారత్‌, భారత్‌ స్కౌట్స్‌ అండ్‌ గైడ్స్‌, యువజన విభాగాల కీలక అధికారులు, స్వచ్ఛంద సంస్థల ప్రతినిధులు పాల్గొన్నారు. నరసరావుపేట ఈస్ట్‌: స్కూల్‌ గేమ్స్‌ ఫెడరేషన్‌ ఆధ్వర్యాన జాతీయస్థాయిలో నిర్వహించనున్న అండర్‌–14 బాలికల టెన్నిస్‌ రాష్ట్ర జట్టు కెప్టెన్‌గా సీబీఐటీ స్కూల్‌ విద్యార్థిని పి.సూక్తిశ్రీ ఎంపికైనట్టు పాఠశాల ప్రిన్సిపల్‌ డి.భారతి మంగళవారం ఒక ప్రకటనలో పేర్కొన్నారు. శ్రీకాళహస్తిలో ఈ నెల 10 నుంచి 12వ తేదీ వరకు నిర్వహించిన రాష్ట్రస్థాయి పోటీల్లో సూక్తిశ్రీ ప్రతిభ కనపరిచి రాష్ట్ర జట్టుకు కెప్టెన్‌గా ఎంపికై నట్టు వివరించారు. ఈనెల 22వ తేదీన ఢిల్లీలో జరగనున్న జాతీయస్థాయి స్కూల్‌గేమ్స్‌లో అండర్‌–14 బాలికల జట్టుకు కెప్టెన్‌గా ఆంధ్రప్రదేశ్‌ జట్టుకు ప్రాతినిధ్యం వహిస్తుందని తెలిపారు. పాఠశాల డైరెక్టర్‌ పి.యోగిరెడ్డి మాట్లాడుతూ జాతీయ స్థాయిలో విజయం సాధించి పల్నాడు జిల్లాకు, పాఠశాలకు పేరు తీసుకు రావాలని ఆకాంక్షించారు.

గుంటూరు వెస్ట్‌: ‘మార్పు’ కార్యక్రమం కింద చేపట్టిన వసతి గృహాల అభివృద్ధి పనులను వేగంగా పూర్తి చేయాలని జిల్లా కలెక్టర్‌ ిసీఎం సాయికాంత్‌ వర్మ అధికారులను ఆదేశించారు. మంగళవారం స్థానిక కలెక్టరేట్‌లోని వీసీ హాలులో సమీక్ష నిర్వహించారు. కలెక్టర్‌ మాట్లాడుతూ మార్పు కార్యక్రమం కింద జిల్లాలో 36 వసతి గృహాలలో మౌలిక వసతులు కల్పించే లక్ష్యంతో పనులు చేపట్టామన్నారు. వసతి గృహాలు ప్రవేశాలు, వంట గదిలో విధిగా సీసీ కెమెరాలు ఏర్పాటు చేయాలన్నారు. తాడికొండ, రాజా గార్డెన్‌లో వెంటనే బీసీ వసతి గృహం, గురుకులాల్లో పనులు తక్షణం ప్రారంభించాలని తెలిపారు. రూఫ్‌ టాప్‌ సోలార్‌ ఏర్పాటు చేయాలని, వాటి రూపురేఖలు మారాలని చెప్పారు. విద్యార్థులకు ఆహ్లాదకర వాతావరణం కల్పించడమే లక్ష్యమన్నారు. మంచి వాతావరణం ద్వారా వ్యక్తిత్వ వికాసం కలుగుతుందని చెప్పారు. సమావేశంలో డ్వామా పీడీ వి.శంకర్‌, సోషల్‌ వెల్ఫేర్‌ డీడీ డి.దుర్గాబాయి, జిల్లా బీసీ సంక్షేమ శాఖ అధికారి కె.మయూరి, జిల్లా విభిన్న ప్రతిభావంతుల శాఖ సహాయ సంచాలకుడు ఎన్‌.వెంకటరవణప్ప తదితరులు పాల్గొన్నారు. గర్భస్థ లింగ నిర్ధారణ పరీక్షలు అరికట్టాలి జిల్లాలో గర్భస్త లింగ నిర్ధారణ పరీక్షలు అరికట్టేందుకు ఆకస్మిక తనిఖీలు నిర్వహించాలని జిల్లా కలెక్టర్‌ సీఎం సాయికాంత్‌ వర్మ అధికారులను ఆదేశించారు. మంగళవారం స్థానిక కలెక్టరేట్‌లోని వీసీ హాలులో గర్భస్థ పిండ లింగ నిర్ధారణ నిషేధ చట్టం, సహాయక పునరుత్పత్తి సాంకేతికత చట్టం అమలు తీరుపై జిల్లాస్థాయి మల్టీ మెంబర్‌ అప్రాప్రియేట్‌ అథారిటీ కమిటీ సమావేశం నిర్వహించారు. కలెక్టర్‌ మాట్లాడుతూ గర్భస్థ శిశువులను కాపాడుకోవాల్సిన బాధ్యత ప్రతిఒక్కరిపై ఉందన్నారు. లింగనిర్దారణ పరీక్షలు అరికట్టేందుకు జిల్లాలో వైద్యశాలలు, స్కానింగ్‌ సెంటర్లపై డెకాయ్‌ ఆపరేషన్స్‌, ఆకస్మిక తనిఖీలు మరింత ముమ్మరంగా నిర్వహించాలన్నారు. స్కానింగ్‌ కేంద్రాల నిర్వాహకులు ప్రభుత్వ నిబంధనలను తప్పక పాటించాలన్నారు. లింగ నిర్ధారణ పరీక్షలు చేయడమంటే భ్రూణ హత్యలను ప్రోత్సహించడమేనని పేర్కొన్నారు. చట్టాన్ని ఉల్లంఘించి లింగ నిర్ధారణ పరీక్షలు చేస్తే వైద్యులు, స్కానింగ్‌ కేంద్రాల నిర్వాహకులపై కఠిన చర్యలు తీసుకుంటామని తెలిపారు. కమిటీ సభ్యులు, ఎన్‌జీవోలు ఈ పరీక్షలను పూర్తిగా అరికట్టడమే లక్ష్యంగా సమన్వయంతో పనిచేయాలని కలెక్టర్‌ సూచించారు. సమావేశంలో అడిషనల్‌ సెషన్స్‌ డిస్ట్రిక్‌ జడ్జీలు వై.నాగరాజా, వెంకట నాగ శ్రీనివాసరావు, జిల్లా వైద్య ఆరోగ్య శాఖాధికారి డాక్టర్‌ ఎం. పద్మావతి, డీఎస్పీ సీతారామయ్య, ఐసీడీఎస్‌ పీడీ ప్రసూన, సభ్యులు పాల్గొన్నారు. సాగు పద్ధతులపై పుస్తకం ఆవిష్కరణ ఎల్‌నినో ప్రభావంతో రైతులు ప్రకృతి వ్యవసాయ పద్ధతుల ద్వారా పంటలను రక్షించుకునే విధానంపై రూపొందించిన పుస్తకాన్ని జిల్లా కలెక్టర్‌ మంగళవారం స్థానిక కలెక్టరేట్‌లో ఆవిష్కరించారు. అనంతరం ఆయన మాట్లాడుతూ ఎల్‌నినో ప్రభావం ఎక్కువగా ఉందని ప్రజలకు స్పష్టమైన అవగాహన కల్పించాల్సిన అవసరం ఉందని చెప్పారు. దీనిపై రూపొందిన పుస్తకాన్ని రైతులకు చేరవేయాలని అన్నారు. రైతులు పంటల సంరక్షణ చేసుకునే విధానం, తద్వారా ఆర్థికంగా నష్టపోకుండా చూడాలన్నారు. ప్రకృతి సేద్యం విధానంలో పంటల పరిరక్షణ చేసే అవకాశాలను విపులంగా వివరించాలని చెప్పారు. కార్యక్రమంలో జిల్లా రెవెన్యూ అధికారి ఎన్‌.ఎస్‌.కె. ఖాజావలి, జిల్లా వ్యవసాయ అధికారి ఎం.పద్మావతి, ప్రకృతి వ్యవసాయం డి.పి.ఎం. రాజకుమారి తదితరులు పాల్గొన్నారు. జిల్లా కలెక్టర్‌ సీఎం సాయికాంత్‌ వర్మ

డీఎంహెచ్‌ఓ పద్మావతి గుంటూరు మెడికల్‌: బాల్య వివాహాలను అరికట్టాలని డీఎంహెచ్‌ఓ ఎం.పద్మావతి కోరారు. హై రిస్క్‌ ప్రెగ్నెన్సీ ప్రోటోకాల్స్‌పై రెండు రోజుల శిక్షణ కార్యక్రమం డీఎంహెచ్‌ఓ కార్యాలయ సమావేశ మందిరంలో మంగళవారం నిర్వహించారు. ఆమె మాట్లాడుతూ ఏఎన్‌ఎంలకు హై రిస్క్‌ గర్భిణుల గుర్తింపు, తగిన జాగ్రత్తలు, వైద్య సేవలు, రిఫరల్‌ విధానాలపై పలు సూచనలు అందించారు. ప్రతి సంవత్సరం అక్టోబరు 11న నిర్వహించే అంతర్జాతీయ బాలికా దినోత్సవాన్ని పురస్కరించుకొని బాలికల హక్కుల పరిరక్షణ, లింగ వివక్ష నిర్మూలన, బాలికలకు సమాన విద్య, ఆరోగ్యం, పోషకాహారం, రక్షణ కల్పించడం తదితర అంశాలపై అవగాహన కల్పించారు. బాలికలు ఆరోగ్యంగా, ఆనందంగా, ఆత్మవిశ్వాసంతో ఎదిగినప్పుడే దేశం అభివృద్ధి పథంలో ముందుకు సాగుతుందని తెలియజేస్తూ ప్రజలలో అవగాహన కల్పించడానికి ప్రతి ఒక్కరూ కృషి చేయాలని సూచించారు. బాలికల ఆరోగ్యం, విద్య, భద్రతకు ప్రాధాన్యం ఇవ్వడం అంటే దేశ భవిష్యత్‌కు పునాది వేయడమేనన్నారు. ప్రతి బాలికకు సమాన హక్కులు, నాణ్యమైన విద్య, పౌష్టికాహారం, మెరుగైన వైద్య సేవలు, సురక్షితమైన వాతావరణం అందించాలని కోరారు. బాలికలను గౌరవించడం, ప్రోత్సహించడం, వారి కలలను సాకారం చేసేందుకు తోడ్పడటం మనందరి కర్తవ్యమని పేర్కొన్నారు. కార్యక్రమంలో డాక్టర్‌ ఎ.శ్రీవల్లి, డాక్టర్‌ శ్రీధర్‌, డాక్టర్‌ కె.ప్రియాంక, డాక్టర్‌ భార్గవ్‌, అర్మన్‌ సంస్థ ప్రతినిధులు, డాక్టర్‌ చరణ్‌ పాల్గొన్నారు. నేలబావిలో గుర్తుతెలియని మృతదేహం తాడేపల్లి రూరల్‌: కృష్ణా కెనాల్‌– తాడేపల్లి ప్రధాన రహదారి మధ్యలో ఉన్న ఓ నేలబావిలో మృతదేహం కలకలం రేపింది. మంగళవారం బావిలో మృతదేహం ఉన్నట్లు తాడేపల్లి పోలీసులకు సమాచారం అందింది. తొలుత ఘటన తమ పరిధిలోకి రాదని, రైల్వే పోలీసుల పరిధికి వస్తుందని చెప్పడంతో మృతదేహాన్ని బయటకు తీసే ప్రక్రియలో జాప్యం జరిగినట్లు తెలిసింది. చివరకు సాయంత్రం తాడేపల్లి పోలీసులే బావిలో నుంచి మృతదేహాన్ని బయటకు తీసి పరిశీలించారు. మృతుడు బిహార్‌కు చెందిన వ్యక్తిగా గుర్తించారు. మృతదేహం లభించిన నేలబావి రైల్వేస్టేషన్‌కు సుమారు 150 అడుగుల దూరంలో ఉన్నట్లు తెలిసింది. మృతికి గల కారణాలపై పలు అనుమానాలు వ్యక్తమవుతున్నాయి. ఇప్పటివరకు ఎలాంటి నిర్ధారణకు రాలేదు. పోస్టుమార్టం నివేదిక వచ్చిన తర్వాతే మరణానికి గల కారణాలపై స్పష్టత వచ్చే అవకాశం ఉందని పోలీసులు తెలిపారు. విద్యుదాఘాతంతో కార్మికుడు మృతి తెనాలిటౌన్‌: విద్యుదాఘాతంతో ఎలక్ట్రికల్‌ వర్కర్‌ మృతి చెందిన ఘటన మంగళవారం పట్టణంలో చోటుచేసుకుంది. బాపట్ల జిల్లా నగరం మండలం సజ్జవారిపాలెం అగ్రహారానికి చెందిన అమర్తలూరి అక్షయ్‌ బాబు(30) తెనాలి పట్టణంలో ఓ కాంట్రాక్టర్‌ వద్ద విద్యుత్‌ కార్మికునిగా పనిచేస్తున్నాడు. స్థానిక నందులపేట వినాయకుని గుడి రోడ్డులో నూతన ట్రాన్స్‌ఫార్మర్‌ ఏర్పాటు చేసేందుకు విద్యుత్‌ శాఖ అధికారులు సదరు రవీంద్ర అనే కాంట్రాక్టర్‌కు పనులు అప్పగించారు. మధ్యాహ్నం ఒంటిగంట సమయంలో పనిచేస్తుండగా స్తంభంపై ఉన్న అక్షయ బాబు విద్యుదాఘాతానికి గురయ్యాడు. దీంతో అక్కడికక్కడే మృతి చెందాడు. ఇన్వర్టర్‌ రిటర్న్‌ సప్లయి కారణంతో అక్షయ మృతి చెందినట్లు అధికారులు ప్రాథమికంగా నిర్ధారించారు. ఘటనా స్థలాన్ని ఏపీ సీపీడీసీఎల్‌ తెనాలి డివిజన్‌ ఎగ్జిక్యూటివ్‌ ఇంజినీర్‌ అక్కల సత్యనారాయణ, టౌన్‌ డెప్యూటీ ఎగ్జిక్యూటివ్‌ ఇంజినీర్‌ బోరుగడ్డ అశోక్‌ కుమార్‌ పరిశీలించారు. మృతదేహాన్ని స్థానిక తెనాలి ప్రభుత్వ జిల్లా వైద్యశాలకు తరలించారు. మృతుడికి భార్య ఐదు సంవత్సరాల కుమార్తె ఉన్నట్టు బంధువులు తెలిపారు. బాధిత కుటుంబానికి అండగా ఉంటామని విద్యుత్‌ అధికారులు వెల్లడించారు. ఈ ఘటన చోటు చేసుకోవడం వల్ల మధ్యాహ్నం నుండి సాయంత్రం ఐదు గంటల వరకు నందులపేట ప్రాంతంలో విద్యుత్‌ అంతరాయం ఏర్పడింది. సాయంత్రం ఐదు గంటల తరువాత సరఫరా పునరుద్ధరించారు. బొల్లాపల్లి టోల్‌గేట్‌ వద్ద తప్పిన పెను ప్రమాదం మార్టూరు(యద్దనపూడి): బొల్లాపల్లి టోల్‌గేట్‌ సమీపంలో ఆర్టీసీ బస్సుకు పెనుప్రమాదం తప్పింది. నెల్లూరు డిపోకు చెందిన సూపర్‌ లగ్జరీ బస్సు మంగళవారం తెల్లవారుజామున ప్రయాణికులతో వెళ్తుండగా ఒక్కసారిగా వెనుక టైరు పేలిపోయింది. వెంటనే టైర్లలో మంటలు చెలరేగటంతో ప్రమాణికులు తీవ్ర భయాందోళనకు గురయ్యారు. అదే సమయంలో సమీపంలో ఉన్న హైవే మొబైల్‌ పోలీసులు వెంటనే స్పందించి బస్సులో ప్రయాణికులను సురక్షితంగా కిందకు దించారు. ఆర్పీవీ సిబ్బందికి , హైవే అంబులెన్స్‌ సమాచారం అందించటంతో వారు హుటాహుటిన సంఘటనాస్థలికి చేరుకొని హైవే మొబైల్‌ సిబ్బంది రవి, ఆర్పీవీ సిబ్బంది జ్ఞానేంద్ర ఇరువురూ ఫైర్‌ సిలిండర్‌ సాయంతో మంటలను పూర్తిగా అదుపులోకి తెచ్చారు. ఈ ప్రమాద సమయంలో బస్సులో మెత్తం 22 మంది ప్రయాణికులు ఉన్నారు. అధికారుల చొరవతో ఎవరికీ ఎటువంటి గాయాలు కాకుండా సురక్షితంగా బయటపడటంతో అందరూ ఊపిరి పీల్చుకున్నారు. వెంటనే సిబ్బంది మరో రెండు ఆర్టీసీ బస్సులను ఏర్పాటు చేసి ప్రయాణికులను గమ్యస్థానాలకు చేర్చారు. సమయానికి స్పందించి ప్రాణ, ఆస్తినష్టం జరగకుండా అప్రమత్తంగా వ్యవహరించిన పోలీసులను, సహాయక సిబ్బందిని ప్రయాణికులు అభినందించారు.

‘సాక్షి’ కథనాలకు స్పందించిన కమిషనర్‌నెహ్రూనగర్‌: మెప్మా పరిధిలో పేద మహిళల పొదుపు నిధులు పక్కదారి పట్టిన వ్యవహారంపై నగరపాలక సంస్థ కమిషనర్‌ మయూర్‌ అశోక్‌ స్పందించారు. పేద మహిళల కష్టార్జితాన్ని సొంతానికి వాడుకున్న వైనంపై ‘సాక్షి’ దినపత్రికలో వరుస కథనాలు ప్రచురితమైన నేపథ్యంలో యంత్రాంగం కదిలింది. దీనిపై సమగ్ర విచారణ బాధ్యతలు స్వర్ణగ్రామ, వార్డు సచివాలయాల విభాగం అదనపు కమిషనర్‌ రవీంద్రకు అప్పగించారు. కమిషనర్‌ ఆదేశాల మేరకు రంగంలోకి దిగిన రవీంద్ర.. మంగళవారం బాధితులైన డ్వాక్రా గ్రూపు సభ్యులను క్షేత్రస్థాయిలో విచారించి వివరాలు సేకరించారు. ఆత్మహత్యాయత్నం వరకు వెళ్లిన శ్రీనివాసరావుపేటకు చెందిన ఓ డ్వాక్రా గ్రూపు వ్యవహారంలో వెలుగుచూసిన ఈ కుంభకోణం నగరంలో తీవ్ర కలకలం రేపింది. గ్రూపు సభ్యులు బ్యాంకు రుణం వాయిదాల మొత్తాన్ని సక్రమంగానే రిసోర్స్‌ పర్సన్‌ (ఆర్పీ)కి చెల్లించారు. అయితే, ఆర్పీతో పాటు కమ్యూనిటీ ఆర్గనైజర్‌ (సీఓ) కుమ్మకై ్క ఆ నిధులను బ్యాంకు ఖాతాలో జమ చేయకుండా స్వాహా చేసినట్లు గ్రూపు సభ్యులు ఆరోపిస్తున్నారు. అధికారుల చుట్టూ తిరిగినా న్యాయం జరగకపోగా, తీవ్ర ఒత్తిళ్లకు లోనైన గ్రూప్‌ లీడర్‌ మనస్తాపంతో ఆత్మహత్యాయత్నానికి ఒడిగట్టింది. దీనిపై నగరంపాలెం పోలిస్‌ స్టేషన్‌లో కేసు కూడా నమోదైన విషయం తెలిసిందే. ఈ దారుణంపై మొదట్లో మెప్మా ఉన్నతాధికారులే సొంత సిబ్బందితో నామమాత్రపు విచారణ జరిపించి కేసును నీరుగార్చేందుకు యత్నించారు. అధికారుల తీరుపై ఈనెల 12న ‘సాక్షి’లో సొంత సిబ్బందితోనే విచారణ..! ప్రచురితమైన కథనం ఉన్నతాధికారుల్లో కదలిక తెచ్చింది. ఆరోపణలు ఎదుర్కొంటున్న సదరు సీఓ ఆదినారాయణ వ్యవహారంపై విచారణ సాగుతున్న క్రమంలో మరిన్ని దిగ్భ్రాంతికర విషయాలు వెలుగుచూస్తున్నాయి. ఆర్పీలను పూర్తిగా తన గుప్పెట్లో పెట్టుకుని, గ్రూపుల్లో ఎవరికై తే రుణాలు అవసరం లేదో వారి వివరాలను సేకరించి వారి పేర్లతో సీఓనే లోన్లు తీసుకుంటున్నట్లు విశ్వసనీయ సమాచారం. ఆయన పర్యవేక్షణలోని గ్రూపులను లోతుగా పరిశీలిస్తే లక్షలాది రూపాయల స్వాహా వ్యవహారం తేలుతుందని మెప్మా సిబ్బందే చెప్పుకోవడం గమనార్హం.

నగరంపాలెం: గుంటూరు జిల్లా పోలీస్‌శాఖలో 14 ఏళ్లు సేవలందించిన పోలీస్‌ డాగ్‌ ‘రాజా’ సోమవారం మృతి చెందింది. నగరంపాలెంలోని జిల్లా పోలీస్‌ కార్యాలయంలోని డాగ్‌ స్క్వాడ్‌ యూనిట్‌లో పోలీస్‌ లాంఛనాలతో వీడ్కోలు పలికారు. ప్రత్యేక విభాగంలో పనిచేస్తూ, పలు కేసుల ఛేదనలో కీలకపాత్ర పోషించి పోలీస్‌ శాఖ కు విశేష సేవలందించినట్లు గుర్తుచేసుకున్నారు. ఆర్‌ఐ అడ్మిన్‌ కృష్ణయ్య, డాగ్‌ ఇన్‌చార్జి రవీంద్రబా బు, డాగ్‌ స్క్వాడ్‌ సిబ్బంది నివాళులర్పించారు. నేటి నుంచి న్యాయవాదులు విధులకు దూరం గుంటూరు లీగల్‌: న్యాయవాదుల రక్షణ చట్టాన్ని తక్షణమే అమలు చేయాలని డిమాండ్‌ చేస్తూ మంగళవారం నుంచి విధులకు దూరంగా ఉండాలని గుంటూరు జిల్లా న్యాయవాదుల ఫెడరేషన్‌, గుంటూరు బార్‌ అసోసియేషన్‌ పిలుపునిచ్చాయి. సోమవారం నిర్వహించిన సమావేశం వివరాలను గుంటూరు జిల్లా న్యాయవాదుల ఫెడరేషన్‌ అధ్యక్షుడు మధిర నాగేశ్వరరావు, గుంటూరు బార్‌ అసోసియేషన్‌ జనరల్‌ సెక్రటరీ వెల్లడించారు. న్యాయవాదులపై దాడులను అరికట్టడంతో పాటు, న్యాయవాదుల ప్రాణాలకు, వృత్తిపరమైన విధులకు తగిన రక్షణ కల్పించేందుకు న్యాయవాదుల రక్షణ చట్టాన్ని వెంటనే అమలు చేయాలని సమావేశం డిమాండ్‌ చేసినట్లు చెప్పారు. మంగళవారం నుంచి 21వ తేదీ వరకు వృత్తిపరమైన విధులకు హాజరుకాకూడదని సర్వసభ్య సమావేశం ఏకగ్రీవంగా తీర్మానించినట్లు పేర్కొన్నారు. ఇదే విషయాన్ని గుంటూరు జిల్లా ప్రధాన న్యాయమూర్తికి కూడా లిఖితపూర్వకంగా వినతిపత్రం సమర్పించినట్లు చెప్పారు. పీజీఆర్‌ఎస్‌ వద్ద పెట్రోల్‌ డబ్బాతో హల్‌చల్‌ నగరంపాలెం: జిల్లా పోలీస్‌ కార్యాలయ ఆవరణలో పీజీఆర్‌ఎస్‌ వద్ద అడవితక్కెళ్లపాడు రాజీవ్‌గృహాకల్పలో ఉంటున్న ఆటోడ్రైవర్‌ రాజు పెట్రోల్‌ డబ్బాతో రావడం కలకలం రేపింది. వివరాలు.. మారుతీనగర్‌కు చెందిన ఓ వ్యక్తి వద్ద గతేడాది రూ.40 వేలు అప్పు తీసుకుని, నెల నెలా అతనికి అసలు, వడ్డీ చెల్లిస్తున్నట్లు చెప్పారు. బాకీ తీరకపోవడంతో మానసిక ఒత్తిడికి గురవుతున్నానని పేర్కొన్నారు. అతడి నుంచి రక్షణ కల్పించి, రుణ బాకీ సమస్యను తీర్చాలని కోరుతున్నట్లు వాపోయాడు. ఈ క్రమంలో పెట్రోల్‌ డబ్బాతో జిల్లా పోలీస్‌ కార్యాలయంలో జరిగే పీజీఆర్‌ఎస్‌కు వచ్చినట్లు చెప్పారు. జిల్లా పోలీస్‌ కార్యాలయం వద్ద తనిఖీలు నిర్వర్తించే క్రమంలో రాజు వద్ద పెట్రోల్‌ డబ్బాను గుర్తించారు. అనంతరం అతని నుంచి పెట్రోలు డబ్బాను స్వాధీనం చేసుకుని, తరువాత లోపలికి అనుమతించారు. రాష్ట్ర యోగా ఓవరాల్‌ చాంపియన్‌గా గుంటూరు జిల్లా గుంటూరు వెస్ట్‌(క్రీడలు): ఈ నెల 10, 11 తేదీల్లో నెల్లూరు జిల్లా కావలిలో ఆంధ్రప్రదేశ్‌ స్టేట్‌ యోగా అసోసియేషన్‌ ఆధ్వర్యంలో నిర్వహించిన 39వ రాష్ట్రస్థాయి యోగాసనా చాంపియన్‌షిప్‌ను గుంటూరు జిల్లా కై వసం చేసుకుందని జిల్లా కన్వీనర్‌ కొండా శ్రీలత సోమవారం తెలిపారు. పోటీల్లో 4 బంగారు, 5 రజిత, 3 కాంస్యలతో సహా మొత్తం 12 పతకాలు సాధించి క్రీడాకారులు మంచి పేరుతెచ్చాన్నారు. పతకాలు సాధించిన క్రీడాకారులు జార్ఖండ్‌ రాష్ట్రంలోని ధన్బాద్‌లో డిసెంబర్‌ 27 నుంచి నిర్వహించనున్న జాతీయ పోటీల్లో పాల్గొంటారన్నారు. పతకాలు సాధించిన క్రీడాకారుల్ని రాష్ట్ర జనరల్‌ సెక్రటరీ అల్లాడి రవికుమార్‌ అభినందించారు.

పాహిమాం..బాలా త్రిపురసుందరిదేవి అలంకారంలో భ్రమరాంబదేవి దర్శనం పెదకాకాని: పెదకాకానిలోని మల్లేశ్వరస్వామి దేవస్థానంలో శ్రీదేవీ శరన్నవరాత్రోత్సవాలు వైభవంగా కొనసాగుతున్నాయి. భ్రమరాంబదేవి అమ్మవారు సోమవారం బాలాత్రిపురసుందరిదేవి అలంకారంలో భక్తులు దర్శనమిచ్చారు. భ్రమరాంబదేవి అమ్మవారికి ప్రత్యేక కుంకుమార్చనలు, పంచహారతులు ఇచ్చారు. యాగశాలలో భక్తులు రుద్ర, చండీ హోమాలు జరిపించుకున్నారు. అధికసంఖ్యలో భక్తులు భ్రమరాంబ మల్లేశ్వరస్వామి వారిని దర్శించుకుని పూజలు చేశారు. పూజా కార్యక్రమాల్లో ఉభయదాతలు పాల్గొన్నారు. భక్తులందరికీ తీర్ధ ప్రసాదాలు, అన్నప్రసాదాలు ఏర్పాటు చేసినట్లు ఆలయ ఉప కమిషనర్‌ గోగినేని లీలాకుమార్‌, చైర్మన్‌ కోసూరి పూర్ణచంద్రరావు తెలిపారు. సాంస్కృతిక కార్యక్రమాల్లో బాగంగా 5.30 గంటల నుంచి కృష్ణా జిల్లా గోశాలకు చెందిన బిళ్లా భాస్కరరావుచే భజనా కాలక్షేపం, విజయవాడ నటరాజ నృత్యాలయం వారిచే కూచిపూడి నృత్యం, మద్దిరాలకు చెందిన గోరంట్ల సింగర కొండయ్య చౌదరి ఆధ్వర్యంలో శ్రీకృష్ణ విజయాలు పౌరాణిక నాటకం ప్రదర్శించారు. ఉత్సవాలలో భాగంగా మంగళవారం భ్రమరాంబదేవి అమ్మవారు గాయత్రీదేవిగా భక్తులను అనుగ్రహిస్తారని డీసీ తెలిపారు.

మంగళగిరి రూరల్‌: కేసుల సత్వర పరిష్కారంలో రాష్ట్ర సమాచార హక్కు కమిషన్‌ జాతీయ స్థాయిలో గుర్తింపు పొందిందని రాష్ట్ర సమాచార హక్కు చట్టం ప్రధాన కమిషనర్‌ వజ్జా శ్రీనివాసరావు తెలిపారు. సమాచార హక్కు చట్టం వ్యవస్థాపక వేడుకలను మండలంలోని చినకాకాని గ్రామ పరిధిలోని సమాచార కమిషన్‌ కార్యాలయంలో సోమవారం ఘనంగా నిర్వహించారు. శ్రీనివాసరావు మాట్లాడుతూ సమాచార హక్కు చట్టాన్ని ప్రజలకు మరింత చేరువ చేయడంతోపాటు, పెండింగ్‌ కేసులను వేగంగా పరిష్కరించేందుకు చర్యలు తీసుకుంటున్నట్లు చెప్పారు. ఈ ఏడాది 2026 జనవరి నుంచి సెప్టెంబర్‌ నెలాఖరు వరకు 7,034 కేసులను పరిష్కరించి రికార్డు సృష్టించిందని తెలిపారు. ప్రస్తుత కమిషనర్లు ఇప్పటివరకు 10 వేల కేసులను పరిష్కరించారని ప్రశంసించారు. ప్రజలు తమ మొబైల్‌ ఫోన్ల ద్వారానే ఆన్‌లైన్‌లో దరఖాస్తు చేసుకునే అవకాశం కల్పించామని కమిషనర్‌ తెలిపారు. కార్యక్రమంలో సమాచార హక్కు కమిషనర్లు చావలి సునీల్‌, డాక్టర్‌ రెహానా బేగం, గాజుల అదెన్న, డాక్టర్‌ అల్లారెడ్డి ఉదయభాస్కరరెడ్డి, శరత్‌చంద్ర కల్యాణ్‌ చక్రవర్తి వట్టికూటి, వంటేరు రవిబాబు, పి.ఎన.నాయుడు, కమిషన్‌న్‌ కార్యదర్శి సీహెచ్‌.పద్మావతి దేవి, ఉప కార్యదర్శి కె.నరసింహారావు, లా సెక్రటరీ వి.రఘురామ్‌, ఇతర అధికారులు పాల్గొన్నారు. యువకుడిని స్నేహితులే హతమార్చారు.. చేబ్రోలు: యువకుడిని పథకం ప్రకారం స్నేహితులే హత్య చేసినట్లు పోలీసులు అంచనాకు వచ్చారు. చేబ్రోలు మండలం సుద్దపల్లి గ్రామానికి చెందిన రాజవరపు నాగేశ్వరరావు(21) ఆదివారం హత్యకు గురైన విషయం విధితమే. తాపీ పని చేసుకుంటూ జీవనం సాగిస్తున్న నాగేశ్వరరావు స్నేహితులు అదే గ్రామానికి చెందిన గంజి సుబ్బారావు, ఆలకుంట దుర్గాప్రసాద్‌ స్నేహితులు. వీరి ముగ్గురూ కలిసి తాపీ పనికి వెళ్తూ చెడు అలవాట్లకు బానిసయ్యారు. పథకం ప్రకారమే హత్య... ఆదివారం ద్విచక్ర వాహనంపై నాగేశ్వరరావును అనుమానితులు సుబ్బారావు, దుర్గాప్రసాద్‌ తీసుకువెళ్లినట్లు సీసీ కెమెరాల్లో రికార్డు అయింది. గ్రామ శివారు ప్రాంతంలో నాగేశ్వరరావుపై దాడి చేశారు. అనంతరం నాగేశ్వరరావును గ్రామ శివారులోని క్వారీ గోతి వద్దకు తీసుకెళ్లి దస్తులు అన్నీ తీసివేసి నగ్నంగా మృతదేహాన్ని అందులో పడేసి ఏమీ తెలియనట్లు నమ్మించే ప్రయత్నం చేశారు. హత్య చేసిన అనంతరం నాగేశ్వరరావు ఈత వేయటానికి వెళ్లి, చేపలు పట్టడానికి వెళ్లి పొరపాటున పడి మునిగి చనిపోయాడని ప్రచారం చేయడం ప్రారంభించారు. అనుమానాస్పద మృతిపై ప్రచారంతో.. నాగేశ్వరరావు అనుమానాస్పద మృతి చెందినట్లు ప్రచారంతో పోలీసులు స్పందించారు. విచారణ కోసం నిందితులైన సుబ్బారావు, దుర్గాప్రసాద్‌లను అదుపులోకి తీసుకున్నారు. అదుపులోకి తీసుకునే సమయంలో బంధువులు, మహిళలు అడ్డుకుని పోలీసులతో తీవ్ర వాగ్వాదానికి దిగారు. మృతుడి తల్లి రాజవరపు అక్కమ్మ ఇచ్చిన ఫిర్యాదు మేరకు పొన్నూరు రూరల్‌ సి.ఐ పి.కృష్ణయ్య కేసు నమోదు చేసి దర్యాప్తు చేస్తున్నారు. దీనితో పాటు పోలీసుల విధులకు ఆటంకం కలిగించి, వాగ్వాదానికి దిగిన మరో ఐదుగురిపై పోలీసులు కేసు నమోదు చేసి దర్యాప్తు చేస్తున్నారు. ఇద్దరు వార్డు కార్యదర్శుల సస్పెన్షన్‌ నెహ్రూనగర్‌: ప్రజల నుంచి వచ్చిన అర్జీలను నిర్ణీత గడువులోగా పరిష్కరించకుండా నిర్లక్ష్యం వహించిన ఇద్దరు వార్డు అడ్మిన్‌ కార్యదర్శులను విధుల నుంచి సస్పెండ్‌ చేసినట్లు నగర కమిషనర్‌ కె.మయూర్‌ అశోక్‌ సోమవారం ఒక ప్రకటనలో పేర్కొన్నారు. ఈఆర్‌పీ విధానంలో ఆస్తిపన్ను సేవలను గడువు దాటినా పెండింగ్‌లో ఉంచిన ఆటోనగర్‌–02 సచివాలయ కార్యదర్శి డి.పద్మావతి 103 దరఖాస్తులను, కొండవారివీధి–03 సచివాలయ కార్యదర్శి కె. సుందర్‌ సింగ్‌ 58 దరఖాస్తులను పెండింగ్‌లో ఉంచడంతో ఈ చర్యలు తీసుకున్నట్లు పేర్కొన్నారు. గతంలో వీరికి జారీ చేసిన షోకాజ్‌ నోటీసులకు ఇచ్చిన వివరణలు సంతృప్తికరంగా లేకపోవడంతో, ఏపీ సివిల్‌ సర్వీసెస్‌ రూల్స్‌ ప్రకారం సస్పెండ్‌ చేస్తూ ఉత్తర్వులు జారీ చేశారు. సస్పెన్షన్‌ కాలంలో వీరు గుంటూరు హెడ్‌క్వార్టర్స్‌ను విడిచి వెళ్లరాదని స్పష్టం చేశారు. ప్రజా సేవల విషయంలో నిర్లక్ష్యం వహిస్తే ఎవరినీ ఉపేక్షించేది లేదని కమిషనర్‌ హెచ్చరించారు.

గుంటూరు వెస్ట్‌: చిన్న చిన్న సమస్యలకు సైతం కలెక్టరేట్‌కు వస్తున్నారని క్షేత్రస్థాయిలోనే వాటిని పరిష్కరించే విధంగా సిబ్బంది కృషి చేయాలని జిల్లా కలెక్టర్‌ సీఎం సాయికాంత్‌ వర్మ తెలిపారు. సోమవారం స్థానిక కలెక్టరేట్‌లోని ఎస్‌ఆర్‌ శంకరన్‌ హాలులో నిర్వహించిన ప్రజా సమస్యల పరిష్కార వేదిక (పీజీఆర్‌ఎస్‌) కార్యక్రమంలో కలెక్టర్‌ మాట్లాడుతూ జిల్లాలోని వివిధ ప్రాంతాల నుంచి తమ సమస్యలు పరిష్కారమవుతాయనే ఆశతో వచ్చే అర్జీదారుల పట్ల అధికారులు బాధ్యతాయుతంగా వ్యవహరించాలన్నారు. ప్రతి అర్జీని క్షేత్రస్థాయిలో సమగ్రంగా పరిశీలించి అర్జీదారుడు సంతృప్తి చెందే విధంగా నిర్ణీత గడువులోపు పరిష్కరించాలన్నారు. అర్జీదారుల విజ్ఞప్తులను సంబంధిత అధికారులు క్షేత్రస్థాయిలో క్షుణ్ణంగా పరిశీలించాలన్నారు. పారదర్శకంగా విచారణ నిర్వహించి అర్జీదారుడు సంతృప్తి చెందేలా నిర్ణీత గడువులోపు తప్పనిసరిగా పరిష్కరించాలని ఆదేశించారు. అనంతరం వచ్చిన 254 అర్జీలను కలెక్టర్‌తోపాటు జాయింట్‌ కలెక్టర్‌ అశుతోష్‌ శ్రీవాస్తవ, డెప్యూటీ కలెక్టర్‌ గంగరాజు, డ్వామా పీడీ శంకర్‌, జిల్లా అధికారులు పరిశీలించారు. జిల్లా కలెక్టర్‌ సీఎం సాయికాంత్‌ వర్మ