Guntur District Latest News

లక్ష్మీపురం: కార్మికుల వేతనాలు పెంచాలని, కార్మిక హక్కులను హరించే లేబర్‌ కోడ్స్‌ను రద్దు చేయాలని, కేంద్ర ఎన్నికల సంఘం ప్రధాన ఎన్నికల కమిషనర్‌ జ్ఞానేశ్‌ కుమార్‌ రాజీనామా చేయాలని డిమాండ్‌ చేస్తూ డిసెంబర్‌ 1, 2, 3 తేదీల్లో సీఐటీయూ ఆధ్వర్యంలో నిర్వహించనున్న ఢిల్లీ ముట్టడిని జయప్రదం చేయాలని సంఘం రాష్ట్ర కార్యదర్శి కె.ఉమామహేశ్వరరావు పిలుపునిచ్చారు. శనివారం పాత గుంటూరులోని జిల్లా కార్యాలయంలో నిర్వహించిన సమావేశంలో మాట్లాడారు. పెరుగుతున్న నిత్యావసరాలకు అనుగుణంగా కార్మికుల వేతనాలను పెంచాలని, కార్మికులు పోరాడి సాధించుకున్న హక్కులను కాలరాసే నాలుగు లేబర్‌ కోడ్స్‌ను కేంద్ర ప్రభుత్వం తక్షణమే రద్దు చేయాలని డిమాండ్‌ చేశారు. కార్మికులకు కనీస వేతనాలు, ఉద్యోగ భద్రత, సామాజిక భద్రత కల్పించాల్సిన బాధ్యత ప్రభుత్వాలపై ఉందని చెప్పారు. కార్మికుల సమస్యల పరిష్కారం కోసం దేశవ్యాప్తంగా కార్మికులను ఐక్యం చేస్తూ నిర్వహిస్తున్న ఢిల్లీ ముట్టడి కార్యక్రమంలో కార్మికులు, ఉద్యోగులు పెద్ద సంఖ్యలో పాల్గొని తమ డిమాండ్ల సాధన కోసం ఐక్యంగా ఉద్యమించాలని ఆయన కోరారు. సమావేశంలో సంఘం జిల్లా అధ్యక్ష, ప్రధాన కార్యదర్శులు బి.లక్ష్మణరావు, దండా లక్ష్మీనారాయణ, జిల్లా ఉపాధ్యక్షులు కె. శ్రీనివాసరావు, షేక్‌ హుస్సేన్‌ వలి, జిల్లా కార్యదర్శులు జి.రమణ, బి.ముత్యాలరావు పాల్గొన్నారు.

గుంటూరు రూరల్‌: నగర శివారుల్లోని లాంలోని చలపతి ఫార్మసీ కళాశాలలో నిర్వహిస్తున్న ఆచార్య నాగార్జున విశ్వవిద్యాలయం అంతర్‌ కళాశాల పురుషుల చెస్‌ టోర్నమెంట్లో ప్రతిభ కనబరిచి ఆరుగురు క్రీడాకారులు దక్షిణ భారత స్థాయి చెస్‌ టోర్నమెంట్‌లో ఏఎన్‌యూ తరుఫున పాల్గొని ప్రతిభ చూపారని కళాశాల ప్రిన్సిపాల్‌ ప్రొఫెసర్‌ వడ్లమూడి పల్లవి తెలిపారు. శనివారం కళాశాలలో ఏర్పాటు చేసిన కార్యక్రమంలో అభినందించారు. ప్రిన్సిపాల్‌ మాట్లాడుతూ ఏఎన్‌యూ పరిధిలోని వివిధ కళాశాలల నుంచి ఎంపికై న ప్రతిభావంతులైన క్రీడాకారులతో కూడిన జట్టు ఈ పోటీల్లో పాల్గొని ఏఎన్‌యూకి ప్రాతినిధ్యం వహించడం విశేషమన్నారు. జట్టుకు హర్షిత్‌ వర్ధన్‌ గెదెల(జేసీ కళాశాల), ఆర్‌.వి.ఆర్‌.అండ్‌ జె.సి.కళాశాలకు చెందిన ఇస్మాయిల్‌ ఎం.డి పవనకృష్ణ, ప్రసాద్‌, జి.అంజనికుమార్‌రెడ్డి, అభినయ్‌ ఎంపికయ్యారని తెలిపారు. జట్టుకు టీమ్‌ మేనేజర్‌గా చలపతి ఫార్మసీ కళాశాలకు చెందిన ఫీజికల్‌ డైరెక్టర్‌ పి.భానుప్రకాష్‌ వ్యవహరించనున్నారని తెలిపారు. చలపతి ఎడ్యుకేషనల్‌ సొసైటీ చైర్మన్‌ డాక్టర్‌ వై.వి.ఆంజనేయులు, కళాశాల ప్రిన్సిపాల్‌ క్రీడాకారులను అభినందించారు. ఏపీ మెగా హ్యాకథాన్‌లో విజ్ఞాన్‌ నిరుల విద్యార్థినులకు ప్రథమ బహుమతి రూ.2 లక్షల నగదు పురస్కారం గుంటూరు రూరల్‌: టాలెంట్‌ ఏపీ ఆధ్వర్యంలో విశాఖపట్నంలోని సంగివలస అనిల్‌ నీరుకొండ ఇన్‌స్టిట్యూట్‌ ఆఫ్‌ టెక్నాలజీ అండ్‌ సైన్సెస్‌ కళాశాలలో ఇటీవల నిర్వహించిన టాలెంట్‌ ఏపీ మెగా హ్యాకథాన్‌ 2026లో తమ కళాశాల విద్యార్థులు ఉత్తమ ప్రతిభ కనబరిచి ప్రథమ బహుమతి సాధించారని విజ్ఞాన్‌ నిరుల మహిళా ఇంజినీరింగ్‌ కళాశాల ప్రిన్సిపల్‌ డాక్టర్‌ పీ రాధిక తెలిపారు. శనివారం పెద్దపలకలూరు రోడ్డులోని కళాశాలలో ఏర్పాటు చేసిన అభినందన కార్యక్రమంలో ప్రిన్సిపల్‌ మాట్లాడుతూ కళాశాలకు చెందిన విద్యార్థులు ప్రథమ బహుమతితోపాటు రూ.2 లక్షల నగదు పురస్కారాన్ని గెలుచుకున్నారన్నారు. దేశవ్యాప్తంగా ఏడు వేలకి పైగా రిజిస్ట్రేషన్లు నమోదైన ఈ హ్యాకథాన్‌లో, ఏఐ ఆధారిత షార్ట్‌లిస్టింగ్‌ ద్వారా 140కి పైగా బృందాలు ఆఫ్‌లైన్‌ పోటీలకు ఎంపికయ్యాయని తెలిపారు. బృందంలో మందపాటి లాస్య, పరాంకుశం మైత్రేయి, పురమా నందినిలక్ష్మి, అవుల హేమ సభ్యులుగా ఉన్నారని చెప్పారు. విజ్ఞాన్‌ నిరులా సంస్థల చైర్మన్‌ డాక్టర్‌ లావు రత్తయ్య విజేతలను అభినందించారు. విజయంపై వైస్‌ చైర్మన్‌ లావు శ్రీకృష్ణదేవరాయలు, డాక్టర్‌ వి.లక్ష్మణ్‌నారాయణ, డాక్టర్‌ ఎ.పెదగోపి, డాక్టర్‌ కె.సత్యసందీప్‌ తదితరులు అభినందించారు.

లక్ష్మీపురం: ఆర్థిక ఇబ్బందులతో మద్యానికి బానిసగా మారి ఓ వ్యక్తి ఇంట్లో ఫ్యాన్‌కు ఉరి వేసుకుని ఆత్మహత్య చేసుకున్న ఘటనపై అరండల్‌పేట పోలీసులు శనివారం రాత్రి కేసు నమోదు చేశారు. పోలీసులు తెలిపిన వివరాలు.. అభ్యుదయనగర్‌కు చెందిన జనమాల మహేష్‌(36) ఆటో డ్రైవర్‌గా పనిచేసుకుంటూ జీవనం సాగిస్తుంటాడు. ఆర్థిక ఇబ్బందుల కారణంగా కొంత కాలంగా మద్యానికి బానిసయ్యాడు. అప్పులు చేస్తూ మానసికంగా బాధపడుతూ ఉన్నాడు. శనివారం మధ్యాహ్నం ఇంట్లో ఎవ్వరూ లేని సమయంలో ఫ్యాన్‌కు ఉరి వేసుకుని ఆత్మహత్య చేసుకున్నాడు. గమనించిన కుటుంబ సభ్యులు కిందకు దింపి చూసే సరికి అప్పటికే మృతి చెందాడు. సమాచారం తెలుసుకున్న అరండల్‌పేట పోలీసులు ఘటనా ప్రదేశానికి చేరుకుని మృతి చెందిన వైనాన్ని పరిశీలించి మృతదేహాన్ని ప్రభుత్వ సమగ్రాసుపత్రికి పోస్ట్‌మార్టంకు తరలించారు. మృతుడి కుటుంబ సభ్యులు ఇచ్చిన ఫిర్యాదు మేరకు పోలీసులు కేసు నమోదు చేసి దర్యాప్తు చేస్తున్నారు. మృతుడికి భార్య కస్తూరి ఒక పాప, బాబు ఉన్నారు.

పెదకాకాని: ఎన్నికల కౌంటింగ్‌ ప్రశాంత వాతావరణంలో ఎటువంటి వివాదాలు లేకుండా నిర్వహించినట్లు రాష్ట్ర ఎన్నికల కమిషనర్‌ అనిల్‌ చంద్ర పునేఠా తెలిపారు. ఆచార్య నాగార్జున విశ్వవిద్యాలయంలో శనివారం ఉదయం 8 గంటల నుంచి రాత్రి 7 గంటల వరకూ ఏడు మండలాలకు సంబంధించిన ఎంపీటీసీ, జెడ్పీటీసీ అభ్యర్థుల ఓట్ల లెక్కింపు చేపట్టారు. ఈ లెక్కింపు కార్యక్రమాన్ని రాష్ట్ర ఎన్నికల కమిషనర్‌ అనిల్‌ చంద్ర పునేఠా, గుంటూరు జిల్లా జాయింట్‌ కలెక్టర్‌ అశుతోష్‌ శ్రీవాస్తవ సందర్శించి.. అధికారులకు పలు సూచనలు చేశారు. రాష్ట్ర ఎన్నికల కమిషనర్‌ మాట్లాడుతూ కౌంటింగ్‌ జరిగే సమయంలోనూ, పూర్తి అయిన తరువాత గానీ గొడవలు జరగకుండా ప్రత్యేక చర్యలు తీసుకోవాలన్నారు. ఎన్నికల కౌంటింగ్‌ పూర్తి అయ్యే వరకూ తాగునీరు సరఫరా, మెడికల్‌ క్యాంపు కొనసాగాలన్నారు. మెడికల్‌ క్యాంపును సందర్శించి వారితో మాట్లాడారు. అలానే ఎన్నికల కౌంటింగ్‌ కేంద్రాలను పరిశీలించి కౌంటింగ్‌ సిబ్బంది, స్థానిక అధికారులు, అభ్యర్థులు, ఏజెంట్‌లతో మాట్లాడి పలు సూచనలు చేశారు.నరసరావుపేటరూరల్‌: కోటప్పకొండ త్రికోటేశ్వర స్వామి ఆలయానికి హుండీల ద్వారా రూ.58,47,871 ఆదాయం లభించినట్టు ఈవో డి.చంద్రశేఖర్‌ తెలిపారు. ఆలయంలో హుండీల లెక్కింపు శనివారం నిర్వహించారు. ప్రధాన హుండీల ద్వారా రూ.52,33,337, అన్నదాన హుండీల ద్వారా రూ.6,14,534 ఆదాయం లభించింది. దీంతోపాటు స్వల్ప మొత్తంలో బంగారం, వెండి, యూఎస్‌ డాలర్లు హుండీల ద్వారా లభించినట్టు వివరించారు. 102 రోజులకు ఈ ఆదాయం ఆలయానికి వచ్చినట్టు ఈవో వివరించారు. పర్యావరణ ఇంజినీర్‌ నజీనా బేగం గుంటూరుమెడికల్‌: పర్యావరణహిత బాణసంచాను సురక్షితంగా కాల్చాలని ఆంధ్రప్రదేశ్‌ కాలుష్య నియంత్రణ మండలి, ప్రాంతీయ కార్యాలయం పర్యావరణ ఇంజినీర్‌ ఎండీ నజీనాబేగం పేర్కొన్నారు. దీపావళిని పురస్కరించుకుని ఆంధ్రప్రదేశ్‌ కాలుష్య నియంత్రణ మండలి ప్రాంతీయ కార్యాలయం ఆధ్వర్యంలో పర్యావరణ పరిరక్షణ, వాయు కాలుష్య నియంత్రణ, బాణసంచా వినియోగంలో తీసుకోవాల్సిన జాగ్రత్తలపై శనివారం ప్రజలకు అవగాహన కార్యక్రమం నిర్వహించారు. నజీనా బేగం మాట్లాడుతూ దీపావళిని పర్యావరణహితంగా, కాలుష్య రహితంగా జరుపుకోవాలని ఆకాంక్షించారు. సాధారణ బాణసంచా వలన వెలువడే పొగ, ధూళి, శబ్దం వాయు, శబ్ద కాలుష్యానికి కారణమవుతాయని హెచ్చరించారు. ప్రజలు పర్యావరణానికి తక్కువ హాని కలిగించే గ్రీన్‌ క్రాకర్స్‌ను మాత్రమే వినియోగించాలని, బాణసంచా వినియోగాన్ని పరిమితంగా ఉంచుకోవాలని సూచించారు. తగిన భద్రతా జాగ్రత్తలు పాటించాలని సూచించారు. పెద్దల పర్యవేక్షణలో మాత్రమే చిన్నపిల్లలు బాణసంచా కాల్చాలని తెలిపారు. అనంతరం నజీనా బేగం బాణసంచా విక్రయ దుకాణాలను తనిఖీ చేసి, గ్రీన్‌ క్రాకర్స్‌ వినియోగంపై దుకాణదారులకు అవగాహన కల్పించారు. మాచర్ల: నాగార్జునసాగర్‌ ప్రాజెక్టు నీటిమట్టం శనివారం 536.30 అడుగులుగా ఉంది. ఇది 180.7024 టీఎంసీలకు సమానం. ప్రధాన జలవిద్యుత్‌ కేంద్రం నుంచి 28,988 క్యూసెక్కులు విడుదలవుతోంది. ఎస్‌ఎల్‌బీసీకి 2 వేలు, ఎల్‌ఎల్‌సీకి 600 క్యూసెక్కులు విడుదల చేస్తున్నారు. ప్రాజెక్టు నుంచి 31,588 క్యూసెక్కులు అవుట్‌ఫ్లోగా ఉంది. ఇన్‌ఫ్లో అదే స్థాయిలో ఉంది.

కొల్లిపర: స్థానిక సంస్థల ఎన్నికల్లో కూటమి పార్టీలు తొక్కని అడ్డదారుల్లేవు. మున్సిపల్‌ ఎన్నికలతో పాటు జెడ్పీటీసీ, ఎంపీటీసీ ఎన్నికల్లోనూ ఇదే తంతు కొనసాగింది. చివరకు ఓట్ల లెక్కింపు రోజున కూడా కుతంత్రాలను వదల్లేదు. అన్ని కుట్రలను ఛేదించుకుని కొల్లిపర జెడ్పీటీసీగా గుదిబండి సూర్యకుమారి విజయం సాధించారు. తెనాలిలోని ఎన్‌వీఆర్‌ ఇంజినీరింగ్‌ కళాశాలలో శనివారం జెడ్పీటీసీ, ఎంపీటీసీ ఎన్నికల కౌంటింగ్‌ నిర్వహించారు. కొల్లిపర మండలంలో 16 ఎంపీటీసీ స్థానాలకుగాను 11 స్థానాలను కూటమి కై వసం చేసుకుంది. మిగిలిన ఐదు స్థానాల్లో వైఎస్సార్‌ సీపీ అభ్యర్థులు గెలుపొందారు. జెడ్పీటీసీ స్థానాన్ని కూడా వైఎస్సార్‌ సీపీ కై వసం చేసుకుంది. తొలుత జెడ్పీటీసీ ఎన్నికల ఓట్ల లెక్కింపులో జనసేన పార్టీ అభ్యర్థి అమ్మశెట్టి లక్ష్మీరేఖపై వైఎస్సార్‌ సీపీ అభ్యర్థి గుదిబండి సూర్యకుమారి 160 ఓట్ల ఆధిక్యతతో విజయం సాధించారు. అధికారులు ఆ ఫలితాన్ని పెండింగ్‌లో ఉంచారు. సమాచారాన్ని స్థానిక ఎమ్మెల్యే, రాష్ట్ర పౌరసరఫరాల శాఖ మంత్రి నాదెండ్ల మనోహర్‌కు చేరవేశారు. కొద్దిసేపటికే మంత్రి మనోహర్‌ పీఏ కౌంటింగ్‌ కేంద్రానికి చేరుకున్నారు. కూటమి నాయకులు వెంటనే రీకౌంటింగ్‌కు డిమాండ్‌ చేశారు. జెడ్పీటీసీ ఎన్నికల్లో 800 వరకు చెల్లని ఓట్లు ఉన్నాయని, వాటిని తిరిగి లెక్కించాలని పట్టుబట్టారు. ఇందుకు వైఎస్సార్‌ సీపీ కౌంటింగ్‌ ఏజెంట్లు అభ్యంతరం తెలిపారు. అయినప్పటికీ ఉన్నతాధికారుల అనుమతి తీసుకుని రీకౌంటింగ్‌ నిర్వహించారు. రీకౌంటింగ్‌లో మరో ఆరు ఓట్లు పెరగడంతో సూర్యకుమారి 166 ఓట్ల మెజారిటీతో గెలుపొందారు.

గుంటూరు రూరల్‌: ఎన్నికల్లో ప్రజల తీర్పును గౌరవించాల్సిన రాజకీయ పార్టీలు.. ప్రత్యర్థులను పోటీ నుంచి తప్పించేందుకు ప్రయత్నిస్తే ప్రజాస్వామ్యానికి అంతకంటే ప్రమాదం మరొకటి ఉండదు. నామినేషన్ల దాఖలు నుంచి ప్రచారం, పోలింగ్‌ వరకు అడుగడుగునా అడ్డంకులు సృష్టిస్తూ కూటమి ప్రభుత్వం చేసిన కుట్రలు రాజకీయంగా తీవ్ర చర్చకు దారితీస్తున్నాయి. బైండోవర్‌తో భయపెట్టడం, పోలీస్‌ స్టేషన్ల చుట్టూ తిప్పడం, అక్రమ కేసులు బనాయించి జైలుకు పంపడం వంటి పరిణామాలతో వైఎస్సార్‌ సీపీ అభ్యర్థులను, నాయకులను అణగదొక్కేందుకు ప్రయత్నించారు. అయినా సరే.. వెనక్కి తగ్గకుండా వైఎస్సార్‌ సీపీ అభ్యర్థులు ధైర్యంగా నిలిచారు. నామినేషన్‌ దశ నుంచే.. ఎన్నికల ప్రక్రియలో అభ్యర్థులు నామినేషన్లు దాఖలు చేయడం అత్యంత కీలకమైన తొలి అడుగు. ఈ దశలోనే వెంగళాయపాలెం వైఎస్సార్‌ సీపీ అభ్యర్థి నల్లపాటి ఇందిరా కళ్యాణిని భయాందోళనలకు గురిచేశారు. నామినేషన్‌ వేయడానికి సిద్ధమైన అభ్యర్థులకు అడ్డంకులు కల్పించడం, వారి వెంట వచ్చే నాయకులు, కార్యకర్తలను భయభ్రాంతులకు గురిచేయడం ద్వారా పోటీ నుంచి తప్పుకునేలా చేయాలని ప్రయత్నించారు. ఎన్నికల బరిలో ప్రత్యర్థులను ఎదుర్కోవాల్సిన చోట, వారిని పోటీకి దూరం చేయాలనే ధోరణి కనిపించింది. ప్రచారానికీ అడ్డంకులే... అభ్యర్థి నల్లపాటి ఇందిరా కళ్యాణి నామినేషన్‌ ఘట్టం ముగిసిన తర్వాత ప్రజల్లోకి వెళ్లి తమ విధానాలను వివరించాల్సి ఉంటుంది. కానీ వైఎస్సార్‌ సీపీ అభ్యర్థులు, కార్యకర్తలకు ప్రచార సమయంలోనూ ఆటంకాలు కల్పించారు. అభ్యర్థి గెలుపు అడ్డుకునేందుకు కూటమి నాయకులు ఆ గ్రామంలో ఎన్నో కుట్రలు పన్నారు. ప్రజలను కలుసుకోవడం, తమకు మద్దతు కోరడం, ఎన్నికల ప్రచార కార్యక్రమాలను నిర్వహించడం వంటి అంశాల్లో ఇబ్బందులు కల్పించారు. బైండోవర్‌తో భయపెట్టి... ఎన్నికల సమయంలో శాంతిభద్రతలను కాపాడేందుకు పోలీసులు ముందస్తు చర్యలు తీసుకోవడం సాధారణమే. అయితే ఆ చర్యల పేరుతో ప్రతిపక్ష వైఎస్సార్‌ సీపీ అభ్యర్థులు, కార్యకర్తలను లక్ష్యంగా చేసుకున్నారు. అందులోనూ నల్లపాడు పోలీస్‌ స్టేషన్‌ సీఐ భాస్కర్‌, టీడీపీ నాయకుడిలా వ్యవహరించారనే ఆరోపణలు వచ్చాయి. వైఎస్సార్‌ సీపీ అభ్యర్థులు, కార్యకర్తలను భయాందోళనలకు గురిచేశారు. బైండోవర్‌ కేసులు నమోదు చేసి భయపెట్టే ప్రయత్నం చేశారు. ఎప్పుడు పోలీసుల నుంచి పిలుపు వస్తుందో, ఎప్పుడు కేసు నమోదవుతుందో తెలియని పరిస్థితి కల్పించారని బాధితులు ఆవేదన వ్యక్తం చేశారు. ప్రజల మధ్య ఉండాల్సిన నాయకులు, కార్యకర్తలు ఎన్నికల పనులను పక్కనపెట్టి పోలీస్‌ స్టేషన్ల చుట్టూ తిరగాల్సి వచ్చిందని వాపోయారు. అక్రమ కేసులు.. పోలింగ్‌ సమయంలో రిగ్గింగ్‌ సాధ్యం కాకపోవడంతో వెంగళాయపాలెం– 1 సెగ్మెంట్‌లో సీఐ భాస్కర్‌ అరాచకం సృష్టించారు. ఏకంగా బ్యాలెట్‌ బాక్స్‌ను మార్చేందుకు కూటమి నాయకులు కుట్రలు పన్నారు. నల్లపాడు వద్ద బ్యాలెట్‌ బాక్స్‌లతో వెళ్తున్న బస్సును రోడ్డుపై నిలిపి, ఒక పీవో బ్యాలెట్‌ బాక్స్‌తో రోడ్డుపైకి వచ్చారు. ఉదయం నుంచి పోలీసుల అరాచకాలు, రిగ్గింగ్‌ ప్రయత్నాలను గమనించిన వైఎస్సార్‌ సీపీ అభ్యర్థి ఇందిరా కళ్యాణి అనుమానంతో పోలింగ్‌ బాక్స్‌లను ఏఎన్‌యూ వరకు తీసుకెళ్లేంతవరకు జాగ్రత్తగా ఉండాలని నిర్ణయించుకున్నారు. పోలింగ్‌ బాక్స్‌లతో వెళ్తున్న బస్సును అనుసరించారు. నల్లపాడు వద్ద బస్సు నుంచి బ్యాలెట్‌ బాక్స్‌ను తీసుకుని వెళ్తున్న పీవోను అడ్డుకుని, ఎందుకు తీసుకెళ్తున్నారని ప్రశ్నించారు. పొంతనలేని సమాధానాలు చెబుతుండటంతో వైఎస్సార్‌ సీపీ నాయకులు అక్కడికి చేరుకుని శాంతియుతంగా ధర్నా చేశారు. బ్యాలెట్‌ బాక్స్‌ను మాయం చేసే ఘటనపై అధికారులు వివరణ ఇవ్వాలని డిమాండ్‌ చేశారు. తమ కుట్రలను వైఎస్సార్‌ సీపీ నాయకులు అడ్డుకుంటూనే ఉన్నారనే కారణంతో పోలీసులు రంగంలోకి దిగారు. నిరసన తెలుపుతున్న వారిలో మహిళలు ఉన్నారని కూడా చూడకుండా విచక్షణరహితంగా లాఠీలతో కొట్టి అరాచకం సృష్టించారు. నల్లపాడు సీఐ కుట్రలు పన్ని, ఎస్‌ఐతో తప్పుడు ఫిర్యాదు చేయించారు. ఎమ్మెల్సీ అప్పిరెడ్డితో పాటు మరో 18 మందిపై కేసు నమోదు చేయించి ఎమ్మెల్సీని జైలుకు పంపారు. బెదిరింపులకు లొంగని శ్రేణులు వైఎస్సార్‌ సీపీ అభ్యర్థి ఎంపీటీసీ నల్లపాటి ఇందిరా కళ్యాణి, జెడ్పీటీసీ అభ్యర్థి ఇంటూరి అంజిరెడ్డిని అడ్డుకోవాలని ప్రయత్నించినప్పటికీ, చివరికి న్యాయమే గెలిచింది. నల్లపాటి ఇందిరా కళ్యాణి 40 ఓట్ల మెజారిటీతో గెలిచారు. కూటమి ప్రభుత్వం ఎన్ని కుట్రలు పన్నినా, ప్రజాస్వామ్యంలో ప్రజల తీర్పు న్యాయం వైపే ఉంటుందని ఆమె విజయం రుజువు చేసింది.

కిడ్నాప్‌ చేసిన ఐదుగురి అరెస్ట్‌ నగరంపాలెం: అపహరణకు గురైన రెండు నెలల మగశిశువును ఎట్టకేలకు తల్లి ఒడికి చేర్చినట్లు జిల్లా ఎస్పీ వకుల్‌ జిందాల్‌ తెలిపారు. నగరంపాలెంలోని జిల్లా పోలీసు కార్యాలయ ఆవరణలోని హాల్‌లో శనివారం మీడియా సమావేశంలో జిల్లా ఎస్పీ ఈ కేసు వివరాలను వెల్లడించారు. ఆయన కథనం ప్రకారం... ఏటుకూరు రోడ్డులో గంధాల భవాని, లక్ష్మయ్య నివసించేవారని తెలిపారు. వీరికి ఆరుగురు సంతానమని, చిత్తు కాగితాలు ఏరుకుని జీవనం సాగించేవారని చెప్పారు. గత నెల 30వ తేదీన వారంతా రహదారి పక్కన నిద్రిస్తుండగా, రెండు నెలల మగ శిశువు అపహరణకు గురైనట్లు తెలిపారు. గుంటూరు తూర్పు డీఎస్పీ సీతారాం పర్యవేక్షణలో లాలాపేట సీఐ శివప్రసాద్‌ కేసు దర్యాప్తు చేశారన్నారు. నాలుగు బృందాలతో గాలింపు చేపట్టారని, సీసీ కెమెరాల ఫుటేజీని పరిశీలించారని చెప్పారు. ఐపీడీ కాలనీలో నివసిస్తున్న గంగనపల్లి శ్రీనివాసరావు అలియాస్‌ శీను, అతని భార్య శివపార్వతి, పల్నాడు జిల్లా సింగరాయపాలెం తండాకు చెందిన ఆటోడ్రైవర్‌ జాతావత్‌ పాండునాయక్‌, అరండల్‌పేట 16వ వీధికి చెందిన రాతుల శివప్రసాద్‌, శ్యామలానగర్‌ 12వ వీధికి చెందిన చిలకాబత్తిని చంద్‌లను అరెస్ట్‌ చేసినట్లు తెలిపారు. అనంతరం శిశువును తల్లిదండ్రులకు అప్పగించామన్నారు. కొడుకు ఒక్కసారిగా కళ్ల ముందు ప్రత్యక్షం కావడంతో ఆ తల్లి ఆనందానికి అవధులే లేకుండా పోయాయి. రూ.లక్షకు ఒప్పందం.. గంగనపల్లి శ్రీనివాసరావు దంపతులకు సంతానం లేదని, శిశువును పెంచుకోవాలని భావించారని ఎస్పీ తెలిపారు. ఈ క్రమంలో ఏటుకూరు రోడ్డులో నివసిస్తున్న పిల్లలను గుర్తించారన్నారు. శ్రీనివాస్‌ తనకు పరిచయమున్న పాండునాయక్‌, శివప్రసాద్‌లతో శిశువు అపహరణ గురించి చర్చించాడన్నారు. పసికందును అపహరించి తీసుకొస్తే రూ.లక్ష ఇస్తానని ఒప్పందం చేసుకున్నట్లు తెలిపారు. దీనికి వారు అంగీకరించడంతో రూ.10 వేలు అడ్వాన్స్‌గా చెల్లించినట్లు చెప్పారు. పథకం ప్రకారం మంకీ టోపీలు ధరించి వెళ్లి, అర్ధరాత్రి 2 గంటల సమయంలో తల్లి భవాని వద్ద నిద్రిస్తున్న మగ శిశువును అపహరించారన్నారు. శిశువును తీసుకుని దంపతులు పల్నాడు జిల్లా ముప్పాళ్ల గ్రామానికి వెళ్లారని పేర్కొన్నారు. శిశువుకు జ్వరం రావడంతో ఓ ప్రైవేటు ఆసుపత్రిలో చికిత్స చేయించినట్లు ఎస్పీ తెలిపారు. కేసును ఛేదించిన సీఐ శివప్రసాద్‌, ఎస్‌ఐ ఎస్‌కే హసీం, మహిళా ఎస్‌ఐలు సీహెచ్‌ ప్రవీణ, రోజలత, కానిస్టేబుళ్లు కల్యాణ్‌, వి. కోటేశ్వరరావు, నజీర్‌, డేవిడ్‌, ఆంజనేయులు, అప్పలనాయుడు, నాగుల్‌మీరా, శంకర్‌, కిరణ్‌కుమార్‌లను ఎస్పీ అభినందించి, ప్రశంసాపత్రాలు అందజేశారు.

గుంటూరు వెస్ట్‌: దీపావళి పర్వదినాన్ని పురస్కరించుకుని జిల్లా ప్రజలందరికీ జిల్లా కలెక్టర్‌ సీఎం సాయికాంత్‌ వర్మ శుభాకాంక్షలు తెలిపారు. చీకటిపై వెలుగు, చెడుపై మంచి, అజ్ఞానంపై జ్ఞానం సాధించిన విజయానికి ప్రతీకగా దీపావళి పండుగ జరుపుకొంటామన్నారు. ప్రతి ఒక్కరి జీవితాల్లో దీపావళి కొత్త ఆశలు, ఆనందాలు, అభివృద్ధి, శాంతి సౌభాగ్యాలను తీసుకురావాలని ఆకాంక్షించారు. ప్రజలందరూ కుటుంబ సభ్యులతో ఆనందోత్సాహాల మధ్య పండుగను సంతోషంగా జరుపుకోవాలని కోరారు. పండుగ సంబరాల సందర్భంగా పర్యావరణ పరిరక్షణకు ప్రాధాన్యతనిస్తూ, కాలుష్య రహిత దీపావళిని జరుపుకోవాలని సూచించారు. బాణసంచా కాల్చే సమయంలో చిన్నారులు, వృద్ధులు, అనారోగ్యంతో ఉన్నవారి పట్ల ప్రత్యేక శ్రద్ధ వహించాలని, తగిన జాగ్రత్తలు పాటించాలని కోరారు.

గుంటూరు ఎడ్యుకేషన్‌: కూటమి పాలనలో రాష్ట్రంలో ప్రజాస్వామ్యం ప్రమాదకర పరిస్థితుల్లోకి నెట్టివేయబడిందని వైఎస్సార్‌ సీపీ జిల్లా అధ్యక్షుడు అంబటి రాంబాబు ఆరోపించారు. స్థానిక సంస్థల ఎన్నికల్లో పోటీ లేకుండా కూటమికే అధికారాన్ని కట్టబెట్టేందుకు రాష్ట్ర ఎన్నికల సంఘం, పోలీసులు శాయశక్తులా కృషి చేస్తున్నారని ధ్వజమెత్తారు. శనివారం బృందావన్‌ గార్డెన్స్‌లోని వైఎస్సార్‌ సీపీ జిల్లా కార్యాలయంలో జరిగిన మీడియా సమావేశంలో అంబటి రాంబాబు మాట్లాడుతూ.. కార్పొరేషన్‌ ఎన్నికల్లో కూటమి నేతలు చేసిన అక్రమాలను జెడ్పీటీసీ, ఎంపీటీసీ ఎన్నికల్లోనూ కొనసాగించారని అన్నారు. జెడ్పీటీసీ ఎన్నికల రోజున గుంటూరు రూరల్‌ మండలం వెంగళాయపాలెం పోలింగ్‌ బూత్‌ నుంచి స్ట్రాంగ్‌ రూమ్‌కు తరలించాల్సిన బ్యాలెట్‌ బాక్సులను పోలింగ్‌ అధికారి తారుమారు చేసేందుకు ప్రయత్నించారని గుర్తుచేశారు. దానిని అడ్డుకున్న వైఎస్సార్‌ సీపీ ఎమ్మెల్సీ లేళ్ల అప్పిరెడ్డిపై కక్ష కట్టిన టీడీపీ నేతలు ఆయన్ను అక్రమంగా అరెస్టు చేయించారని అన్నారు. టీడీపీ ఎంపీ పెమ్మసాని చంద్రశేఖర్‌ డైరెక్షన్‌లో అప్పిరెడ్డిపై 10 సెక్షన్ల కింద కేసులు నమోదు చేశారని పేర్కొన్నారు. అత్యాచారం, హత్య మినహా మిగిలిన అన్ని సెక్షన్లనూ ఆయనపై ప్రయోగించారని ఆగ్రహం వ్యక్తం చేశారు. తప్పులన్నీ ప్రభుత్వ, యంత్రాంగం వైపు ఉంచుకుని... ప్రజాస్వామ్యాన్ని కాపాడేందుకు ప్రయత్నించిన వైఎస్సార్‌ సీపీ నేతలు, కార్యకర్తలపై నల్లపాడులో పోలీసులు విచక్షణరహితంగా లాఠీచార్జి చేశారని మండిపడ్డారు. అప్పిరెడ్డిపై కక్ష కట్టిన టీడీపీ నేతలు బెయిల్‌ రాకుండా ఉండేందుకు మరో కేసులో ఇరికించారని ఆరోపించారు. పీవో ఫిర్యాదు చేయకుండా ఓ ఎస్‌ఐ ఫిర్యాదు ఆధారంగా ఏ విధంగా కేసు నమోదు చేస్తారని నిలదీశారు. అన్యాయం, అక్రమాలకు పాల్పడుతున్న వారికి పోలీసులు వత్తాసు పలుకుతున్నారని, ఇలాగే కొనసాగితే ప్రజలే ఆయుధాలు పట్టుకునే పరిస్థితులు ఉత్పన్నమవుతాయని అన్నారు. అక్రమంగా జైలుకు పంపితే వెళ్తామని, ఇంకా రాటుదేలుతామని స్పష్టం చేశారు. టీడీపీ తెచ్చిన దాడుల సంస్కృతిని తాము అధికారంలోకి వచ్చాక కొనసాగిస్తే కూటమి నేతలు తట్టుకోలేరని హెచ్చరించారు. లేళ్ల అప్పిరెడ్డిపై పెట్టిన అక్రమ కేసులపై పార్టీ న్యాయపోరాటం చేస్తుందని చెప్పారు. అరాచక పాలనలో మరో అక్రమ అరెస్టు వైఎస్సార్‌ సీపీ నగర అధ్యక్షురాలు షేక్‌ నూరి ఫాతిమా మాట్లాడుతూ.. టీడీపీ అరాచక పాలనలో లేళ్ల అప్పిరెడ్డిపై మరోసారి అక్రమ అరెస్టుకు తెగబడ్డారని మండిపడ్డారు. పోలీసుల అండతో ఇష్టారాజ్యంగా దొంగ ఓట్లు వేయడం, కౌంటింగ్‌లో అక్రమాలకు పాల్పడుతున్న పరిస్థితుల్లో ఇక ఎన్నికలు ఎందుకని ప్రశ్నించారు. వైఎస్సార్‌ సీపీ నుంచి గెలిచిన 12వ డివిజన్‌ కార్పొరేటర్‌ అభ్యర్థిపై టీడీపీ నేతలు దాడి చేస్తే నామమాత్రపు కేసు పెట్టారన్నారు. 26వ డివిజన్‌లో పల్లపు మహేష్‌పై దాడి చేశారని తెలిపారు. న్యాయస్థానంపై తమకు నమ్మకం ఉందని, తప్పుడు కేసులకు వ్యతిరేకంగా పోరాటం చేస్తామని స్పష్టం చేశారు. టీడీపీ మూకలపై కేసులేవీ? వైఎస్సార్‌ సీపీ తరఫున మేయర్‌గా పోటీ చేసిన తాడికొండ అలివేలు నాగ వెంకట పద్మ శ్రీదేవి మాట్లాడుతూ.. కార్పొరేషన్‌ ఎన్నికల రోజున 57వ డివిజన్‌లో దొంగ ఓట్లు వేయడంతో పాటు తనపైనా, తమ పార్టీ పోలింగ్‌ ఏజెంట్‌పైనా దాడికి పాల్పడిన టీడీపీ మూకలపై లిఖితపూర్వకంగా ఫిర్యాదు చేసినప్పటికీ అధికారులు, పోలీసులు ఎటువంటి చర్యలు తీసుకోలేదన్నారు. 57వ డివిజన్‌లో దొంగ ఓట్లు వేసిన వారంతా కౌంటింగ్‌ కేంద్రంలో ప్రత్యక్షమయ్యారని ఆరోపించారు. సమావేశంలో పార్టీ రాష్ట్ర కార్యదర్శి నిమ్మకాయల రాజనారాయణ, కార్పొరేటర్లు షేక్‌ రోషన్‌, గడ్డం రవికుమార్‌, ఫిరోజ్‌, పార్టీ నాయకులు పాల్గొన్నారు. మాజీ ఎంపీ మోదుగుల వేణుగోపాల రెడ్డి మాట్లాడుతూ.. టీఎన్‌ శేషన్‌ వంటి గొప్ప వ్యక్తి ఎన్నికల అధికారిగా ఉండి ప్రజాస్వామ్యం గర్వపడేలా చేశారని తెలిపారు. చంద్రబాబు చేతుల్లో కీలుబొమ్మగా మారిన రాష్ట్ర ఎన్నికల కమిషనర్‌ ఎన్నికలను అపహాస్యం చేశారని ఆరోపించారు. జెడ్పీటీసీ ఎన్నికల రోజున వెంగళాయపాలెం బూత్‌లో టీడీపీ దొంగ ఓట్లు వేయించిందన్నారు. గుంటూరు ఐజీ సర్వశ్రేష్ఠ త్రిపాఠి.. సర్వభ్రష్ట త్రిపాఠీలా మారారని విమర్శించారు. 2029లో అధికారంలోకి వచ్చాక తామేమిటో చూపిస్తామని హెచ్చరించారు. టీడీపీ అండతో వైఎస్సార్‌ సీపీ నేతలపై చేయని నేరాలకు సైతం హత్యాయత్నం కేసులు పెడుతున్నారని అన్నారు. రాష్ట్రంలో జరుగుతున్న ఆటవిక పాలనను ప్రజాస్వామ్యవాదులందరూ ఖండించాలని పిలుపునిచ్చారు. పోలింగ్‌ చేయడం చేతకాని వాళ్లు కౌంటింగ్‌ ఏం చేస్తారని నిలదీశారు. ఎమ్మెల్యే గళ్ళా మాధవి భర్తకు ఏం అర్హత ఉందని పోలింగ్‌ బూత్‌ల్లోకి, కౌంటింగ్‌ కేంద్రాల్లోకి అనుమతిస్తున్నారని ప్రశ్నించారు. ఎన్నికల కోడ్‌లో ప్రోటోకాల్‌ ఉండదన్నారు.

తాడికొండ: మురసు తుపాను కారణంగా వచ్చిన వరదలో తుళ్లూరు పోలీస్‌స్టేషన్‌లో పనిచేస్తున్న హోంగార్డు ఘట్టమనేని సుబ్బారావు (45) కొట్టుకుపోయాడు. అతని మృతదేహం శుక్రవారం ప్రత్యక్షమైంది. పెదపరిమి గ్రామానికి చెందిన సుబ్బారావు ఈ నెల 03వ తేదీన తుళ్లూరు ట్రాఫిక్‌ పోలీస్‌స్టేషన్‌లో విధులు ముగించుకొని రాత్రి సమయంలో తిరిగి వస్తుండగా వరద నీటిలో కొట్టుకొని పోయాడు. ఆయనకు భార్య, ఇద్దరు కుమార్తెలు ఉన్నారు. కోటేళ్ల వాగు ఉధృతంగా ప్రవహిస్తుండటంతో రాత్రివేళ ఉప్పొంగిన వరద నీరు పెదపరిమి శివారులో ఆయనను నెట్టివేసి ఉంటుందని భావిస్తున్నారు. శుక్రవారం ఉదయం సమీప పత్తి పొలంలో గుర్తు తెలియని మృతదేహం ఉందంటూ వచ్చిన సమాచారం మేరకు పోలీసులు వెళ్లి చూడగా సుబ్బారావుగా గుర్తించారు. మృతదేహాన్ని పోస్టుమార్టం నిమిత్తం ఆసుపత్రికి తరలించి తుళ్లూరు పోలీసులు కేసు నమోదు చేసి దర్యాప్తు చేస్తున్నారు. ద్విచక్ర వాహనం ఆచూకీ ఇంకా లభించలేదు.

నరసరావుపేట రూరల్‌: కోటప్పకొండ ఘాట్‌ రోడ్డులో రాకపోకలను శుక్రవారం పునరుద్ధరించారు. మురసు తుపాను కోటప్పకొండలో బీభత్సం సృష్టించింది. ఘాట్‌రోడ్డులో పలుచోట్ల చెట్లు, కొండచరియలు విరిగిపడ్డాయి. రెండు రోజులుగా చెట్లు, బండరాళ్లను తొలగించే ప్రక్రియ చేపట్టిన అధికారులు గురువారం పనులు పూర్తిచేశారు. వాహనాల రాకపోకలను శుక్రవారం అనుమతించారు. పర్యాటక కేంద్రం సమీపంలో ఘాట్‌రోడ్డు భారీ కోతకు గురై ప్రమాదకరంగా మారింది. రోడ్డు మార్జిన్‌లోని మట్టి కొతకు గురైంది. భారీ వర్షం, ఈదురు గాలుల కారణంగా ఆలయ ప్రాంగణంలోని చెట్లు నేలకొరిగాయి. ప్రధాన ఆలయం వెనుక ఉన్న భారీ రావి చెట్టు నేలకొరిగింది. ధ్యానశివుడి వద్దకు వెళ్లే దారిలోని రేకులు భారీ గాలులకు ఎగిరిపడ్డాయి. అన్నదాన మండపం వద్ద ఉన్న వాటర్‌ప్లాంట్‌ పూర్తిగా ధ్వంసమైంది. ఘాట్‌రోడ్డులోని ప్రకృతి పర్యావరణ కేంద్రంలో గాలుల బీభత్సానికి చెట్లు నేలకొరిగాయి. పర్యాటకుల అనుమతిని నిలిపివేశారు. కొండ దిగువున ఉన్న సామాజిక అటవీ శాఖ నర్సరీలో భారీ వృక్షాలు నేలకొరిగాయి. నరసరావుపేట రూరల్‌: కార్తిక మాసంలో భక్తుల రద్దీ దృష్ట్యా ప్రత్యేక రోజుల్లో కోటప్పకొండ త్రికోటేశ్వరస్వామి మూలవిరాట్‌ అభిషేకాలను నిలిపివేస్తున్నట్టు ఈవో డి.చంద్రశేఖర్‌ శుక్రవారం ఒక ప్రకటనలో పేర్కొన్నారు. శని, ఆది, సోమవారాలతోపాటు ఏకాదశి, పౌర్ణమి, మాస శివరాత్రి రోజుల్లో మూలవిరాట్‌ అభిషేకాలు నిలిపివేసి.. అభిషేక మండపంలో నిర్వహిస్తారని తెలిపారు. మిగిలిన రోజుల్లో యథావిధిగా మూలవిరాట్‌ అభిషేకాలు జరుగుతాయని వివరించారు. కార్తిక మాస పరోక్ష అభిషేక టికెట్లు పట్టణంలో పలు ప్రాంతాల్లో విక్రయిస్తున్నట్టు తెలిపారు. గుంటూరు లీగల్‌: వరకట్నం చట్ట పరమైన నేరం అని, తీవ్రమైన సామాజిక దురాచారం కూడా అని జిల్లా న్యాయ సేవాధికార సంస్థ కార్యదర్శి సయ్యద్‌ జియాఉద్దీన్‌ పేర్కొన్నారు. జాతీయ, రాష్ట్ర న్యాయ సేవాధికార సంస్థల ఆదేశాల మేరకు జిల్లా సేవాధికార సంస్థ చైర్మన్‌, జిల్లా ప్రధాన న్యాయమూర్తి బి.సాయి కల్యాణ్‌ చక్రవర్తి ఉత్తర్వుల మేరకు శుక్రవారం జిల్లా న్యాయ సేవాధికార సంస్థలో అవగాహన సదస్సు నిర్వహించారు. జియాఉద్దీన్‌ మాట్లాడుతూ వివాహం అనేది వ్యాపార లావాదేవీ కాదని చెప్పారు. మహిళ ఒక వస్తువు కాదని తెలిపారు. గౌరవం, స్వేచ్ఛ, సమాన హక్కులు కలిగిన వ్యక్తిగా జీవించే హక్కు ఆమెకు ఉందని అన్నారు. శాశ్వత న్యాయ సేవాధికార సంస్థ చైర్మన్‌ పి.వి.రాజీవ్‌ మాట్లాడుతూ మహిళలకు చట్టం కల్పించిన రక్షణ గురించి వివరించారు. ప్రజలకు న్యాయ సహాయం అందించడం, న్యాయ సేవలపై అవగాహన పెంచడం, కట్న నిషేధం, లింగ సమానత్వంపై ప్రజలకు వివరించారు. ఈ కార్యక్రమంలో వివిధ ప్రభుత్వ శాఖల ఉన్నతాధికారులు, మహిళా, శిశు సంక్షేమ శాఖ అధికారులు, పోలీస్‌ శాఖ ప్రతినిధులు, న్యాయవాదులు, పారా లీగల్‌ వలంటీర్లు తదితరులు పాల్గొన్నారు. కూచిపూడి(మొవ్వ): పొట్టి శ్రీరాములు తెలుగు విశ్వవిద్యాలయం పరిధిలో గల కూచిపూడి శ్రీ సిద్ధేంద్ర యోగి నాట్య కళాపీఠం ప్రాంగణంలో శుక్రవారం పలు కోర్సుల ప్రవేశాలకు ఇంటర్వ్యూలు నిర్వహించారు. నాట్య కోర్సుల్లో ప్రవేశానికి దరఖాస్తులు దాఖలు చేసుకున్న విద్యార్థులకు వైస్‌ ప్రిన్సిపాల్‌ డాక్టర్‌ చింతా రవి బాలకృష్ణ ఆధ్వర్యంలో డాక్టర్‌ వేదాంతం రాధేశ్యామ్‌, డాక్టర్‌ ఏలేశ్వరపు శ్రీనివాసులు(అసిస్టెంట్‌ ప్రొఫెసర్‌), పసుమర్తి హరినాథశాస్త్రి (టీచింగ్‌ అసిస్టెంట్‌) ఇంటర్వ్యూలు నిర్వహించారు. సర్టిఫికెట్‌ కోర్సుకు 44, డిప్లొమాకు 22, యక్షగానానికి 6, సాత్విక అభినయానికి 8, ఎంపీఏకు 17 మంది నుంచి దరఖాస్తులు వచ్చాయని వైస్‌ ప్రిన్సిపాల్‌ వెల్లడించారు.

నరసరావుపేట: డ్రైవింగ్‌ చేసేటప్పుడు సెల్‌ఫోన్‌ మాట్లాడవద్దని, చెడు అలవాట్లకు దూరంగా ఉంటూ ఏకాగ్రతతో వాహనాలు నడపుతూ ట్రాఫిక్‌ రూల్స్‌ పాటించాలని ఆర్‌టీసీ జిల్లా ప్రజా రవాణా అధికారి టి.అజితకుమారి పేర్కొన్నారు. స్థానిక ఏపీఎస్‌ ఆర్‌టీసీ డిపోలో నిర్వహిస్తున్న హెవీ మోటార్‌ వెహికల్‌ డ్రైవింగ్‌ స్కూల్‌లో 26వ బ్యాచ్‌ అభ్యర్ధులకు శిక్షణా కార్యక్రమం శుక్రవారంతో ముగిసింది. శిక్షణ తీసుకున్న డ్రైవర్లకు సర్టిఫికేట్లు అందజేసే కార్యక్రమానికి ఆమె హాజరై సర్టిఫికేట్లు పంపిణీ చేశారు. డ్రైవింగ్‌ స్కూల్‌ ప్రిన్సిపాల్‌, డిపో మేనేజర్‌ బి.శ్రీనివాసరావు మాట్లాడుతూ మరికొద్ది రోజుల్లో 27వ బ్యాచ్‌ శిక్షణా కార్యక్రమం ప్రారంభిస్తున్నామని తెలియజేశారు. శిక్షణ తీసుకొనదలచిన డ్రైవర్లు 959225428, 7382896150 నంబర్లను సంప్రదించాలని కోరారు. డ్రైవింగ్‌ ఇనస్పెక్టర్‌ షేక్‌ సుభాని, రిటైర్డు ఇనస్పెక్టర్‌ సీహెచ్‌.మోహనరెడ్డి పాల్గొన్నారు.

మేడికొండూరు: రోడ్డు ప్రమాదంలో ఇద్దరు మృతి చెందిన ఘటన గురువారం రాత్రి చోటుచేసుకుంది. పోలీసులు తెలిపిన వివరాలు.. గుంటూరు– సత్తెనపల్లి జాతీయ రహదారిపై హైదరాబాద్‌ నుంచి గుంటూరు వస్తున్న కారు, ఎదురుగా వస్తున్న టాటా బొలెరో వాహనం ఢీకొన్న ఘటన పాలడుగు క్రాస్‌రోడ్డు సమీపంలో జరిగింది. ఈ ఘటనలో కారులో ప్రయాణిస్తున్న గుంటూరుకు చెందిన మాడగోని శివకృష్ణ(40), బొలెరో డ్రైవర్‌(అస్సాం)కు చెందిన జక్రిల్‌ ఇస్లాం(27) అక్కడికక్కడే మృతి చెందారు. బొలెరో డ్రైవర్‌ అతివేగం, నిర్లక్ష్యమే ప్రమాదానికి కారణమని సమాచారం. ఘటనపై మేడికొండూరు పోలీసులు కేసు నమోదు చేసి దర్యాప్తు చేస్తున్నారు. ఉద్యాన, మిరప పంటల్లో నష్టంపై అధ్యయనం నాదెండ్ల: మురసు తుపాను ప్రభావంతో పల్నాడు జిల్లాలో వివిధ రకాలైన ఉద్యాన, మిరప పంటలకు జరిగిన నష్టం వివరాలను శాస్త్రవేత్తల బృందం శుక్రవారం పరిశీలించింది. నాదెండ్ల మండలం తూబాడు, నాదెండ్ల గ్రామాల్లో లాంఫాం ప్రాంతీయ ఉద్యాన పరిశోధన కేంద్రం శాస్త్రవేత్తలు డాక్టర్‌ బి నాగేంద్రరెడ్డి, డాక్టర్‌ గంగాధరరావు, ఉద్యాన శాఖాధికారి శ్రీలక్ష్మితో కలిసి పరిశీలించారు. వెదురు కర్రలతో నిర్మించిన కూరగాయల పందిళ్లు, అరటి, నిమ్మ తోటలు దెబ్బతిన్న రైతులతో మాట్లాడారు. రైతులకు పలు రకాల సూచనలు చేశారు. జిల్లా ఉద్యాన శాఖాధికారి ఐ వెంకట్రావు మాట్లాడుతూ తుపాను వలన పంటలు నష్టపోయిన రైతులకు, ఉద్యాన పంటలు సాగు చేసుకునేందుకు పలు రాయితీలు అమల్లో ఉన్నట్లు తెలిపారు.

మహిళ మృతి, మరో ఇద్దరికి గాయాలు మంగళగిరి రూరల్‌: మండల పరిధిలోని చినకాకాని వద్ద జాతీయ రహదారిపై శుక్రవారం ఘోర రోడ్డు ప్రమాదం చోటుచేసుకుంది. మంగళగిరి నుంచి నంబూరు వైపు వెళ్తున్న స్కూటీని విజయవాడ నుంచి గుంటూరు వైపు వెళ్తున్న కారు ఢీకొంది. స్కూటీ మీద ఉన్న వారు క్రిందపడి పోయారు. ఓ మహిళ అక్కడికక్కడే మృతి చెందింది. సమాచారం ప్రకారం.. నంబూరు గ్రామానికి చెందిన శ్రీనివాసరెడ్డి అతని భార్య స్వాతిలు కుమారుడు వైద్యం నిమిత్తం మంగళగిరిలోని ఎయిమ్స్‌కు వచ్చారు. తిరిగి వీరు సాయంత్రం నాలుగు గంటల సమయంలో నంబూరు వెళ్తుండగా చినకాకాని గ్రామం సమాధులతోట వద్ద విజయవాడ నుంచి అతివేగంగా వస్తున్న కారు ద్విచక్ర వాహనాన్ని ఢీకొంది. ద్విచక్రవాహనంపై ప్రయాణిస్తున్న కొండమడుగుల స్వాతి (42)అక్కడికక్కడే మృతి చెందింది. స్కూటీపై ప్రయాణిస్తున్న శ్రీనివాసరెడ్డి, ఆయన కుమారుడు సమిత్‌రెడ్డిలకు తీవ్ర గాయాలయ్యాయి. వీరిని సమీపంలో ఉన్న ఎన్నారై హాస్పటల్‌కి చికిత్స నిమిత్తం తరలించారు. కారులో ఉన్న నలుగురు యువకులు గుంటూరు నగరంలోని గుజ్జనగుండ్ల ప్రాంతానికి చెందినవారని, మంగళగిరి సమీపంలోని ఓ ప్రైవేటు యూనివర్సిటీలో బీబీఏ రెండవ సంవత్సరం చదువుతున్నట్లు సమచారం. కొండమడుగుల స్వాతి మృతదేహాన్ని పోస్టుమార్టం కోసం ఎయిమ్స్‌ ఆసుపత్రికి తరలించారు. పోలీస్‌ సంఘటన స్థలానికి చేరుకుని కేసు నమోదు చేసి ప్రమాదానికి కారణాలను దర్యాప్తు చేస్తున్నారు. అతివేగమే ప్రమాదానికి కారణమని స్థానికులు తెలియజేస్తున్నారు. కుటుంబ కలహాల నేపథ్యంలో వ్యక్తి ఆత్మహత్య తెనాలి రూరల్‌: కుటుంబ కలహాల నేపథ్యంలో వ్యక్తి ఆత్మహత్యకు పాల్పడిన ఘటన తెనాలి సుందరయ్య నగర్‌లో శుక్రవారం చోటు చేసుకుంది. మన్యం జిల్లాకు చెందిన హరికృష్ణ(34) కుటుంబ కలహాల నేపథ్యంలో తెనాలి సుందరయ్య నగర్‌లో ఒంటరిగా నివసిస్తున్నాడు. ఈ క్రమంలో శుక్రవారం ఇంట్లో ఉరివేసుకొని ఆత్మహత్యకు పాల్పడ్డాడు. త్రీ టౌన్‌ పోలీసులు కేసు నమోదు చేసి దర్యాప్తు చేస్తున్నారు.

గుంటూరుశనివారం శ్రీ 7 శ్రీ నవంబర్‌ శ్రీ 2026● ఉదయం 8 గంటలకు కౌంటింగ్‌ ప్రారంభం ● ఏర్పాట్లు పకడ్బందీగా చేశామని జిల్లా కలెక్టర్‌ వెల్లడి ● పోలింగ్‌లో చిన్న ఘటనలు మినహా ఇబ్బందులు లేవని ప్రకటన పెదకాకాని: స్థానిక సంస్థల ఎన్నికలకు సంబంధించిన ఓట్ల లెక్కింపు కార్యక్రమం ఆచార్య నాగార్జున విశ్వవిద్యాలయంలో శనివారం 8 గంటలకు ప్రారంభం అవుతుందని జిల్లా పరిషత్‌ సీఈఓ జ్యోతిబసు తెలిపారు. గుంటూరు రెవెన్యూ డివిజన్‌లోని పెదకాకాని, ప్రత్తిపాడు, వట్టిచెరుకూరు, గుంటూరు రూరల్‌ మండలం, మేడికొండూరు, ఫిరంగిపురం, పెదనందిపాడు మండలాలకు సంబంధించిన ఓట్ల లెక్కింపుకు పోటీలో ఉన్న అభ్యర్ధులతో పాటు ఏజెంట్‌లను కూడా కౌంటింగ్‌ హాల్‌లోకి అనుమతిస్తామన్నారు. పెదకాకాని మండలంలోని ఆయా గ్రామాలకు సంబంధించిన 19 ఎంపీటీసీ స్థానాలు, జెడ్పీటీసీ అభ్యర్థికి సంబంధించిన ఎన్నికల ఫలితాలు శనివారం ప్రకటిస్తామని పేర్కొన్నారు. ఏఎన్‌యూలోని ఇంజినీరింగ్‌ కళాశాలలో ఓట్ల లెక్కింపునకు అవసరమైన టేబుళ్లు, ప్లాస్టిక్‌ టబ్‌లు, కంప్యూటర్‌లు సిద్ధం చేశారు. బ్యాలెట్‌ బాక్స్‌లు భద్రపరచిన స్ట్రాంగ్‌ రూమ్‌ల వద్ద పోలీసు బందోబస్తు కొనసాగుతోంది. ఓట్ల లెక్కింపునకు సంబంధించిన ఏర్పాట్లను శుక్రవారం ఎంపీడీఓ ఆర్‌ శ్రీనివాసరావు, తహసీల్దార్‌ పి.కృష్ణకాంత్‌, ఈఓపీఆర్‌డీ కెల్లంపల్లి శ్రీనివాస్‌, పెదకాకాని సీఐ టి.పి. నారాయణస్వామి తదితరులు పరిశీలించారు. పోలింగ్‌ సజావుగా పూర్తి గుంటూరు వెస్ట్‌: తుఫాన్‌ ప్రభావం ఉన్నప్పటికీ గురువారం జిల్లాలో జరిగిన 13 జెడ్పీటీసీ, 193 ఎంపీటీసీ ఎన్నికల్లో ఎక్కువమంది ప్రజలు ఓటు హక్కు వినియోగించుకున్నారని జిల్లా కలెక్టర్‌ సీఎం సాయికాంత్‌ వర్మ తెలిపారు. శుక్రవారం స్థానిక కల్టెరేట్‌లోని వీసీ హాల్లో ఎస్పీ వకుల్‌ జిందాల్‌తో కలిసి నిర్వహించిన విలేకరుల సమావేశంలో ఆయన మాట్లాడుతూ.. మొత్తం 724 కేంద్రాల్లో 5,88,458 ఓటర్లకుగాను 4,30,286 మంది ఓటు వేశారన్నారు. 73.12 శాతం ఓటింగ్‌ శాతం నమోదైనట్లు తెలిపారు. గుంటూరు రూరల్‌ మండలం వెంటళాయపాలెం ఎంపీటీసీ పోలింగ్‌ కేంద్రానికి సంబంధించి చల్లావారిపాలెంలో చిన్న శాంతిభద్రతల సమస్య తలెత్తిందని చెప్పారు. దానిని మాట్లాడి పరిష్కరించామని తెలిపారు. ఫిర్యాదులు వస్తే విచారణ చేపడతామని పేర్కొన్నారు. తప్పనిసరి పరిస్థితుల్లో లాఠీచార్జ్‌ ఎస్పీ వకుల్‌ జిందాల్‌ మాట్లాడుతూ... పటిష్టంగా పోలింగ్‌ నిర్వహించామన్నారు. ఎంపీటీసీ ఎన్నికలకు సంబంధించి సిబ్బంది వెంగళాయపాలెం నుంచి బ్యాలెట్‌ బాక్స్‌లను రిసెప్షన్‌ కేంద్రానికి తీసుకెళుతున్న సమయంలో చల్లావారిపాలెం సమీపంలోని పోలింగ్‌ అధికారి బస్సులో రద్దీగా ఉందని దిగిపోయారన్నారు. మరో బస్సు ఎక్కిన క్రమంలో అప్పటికే ఫాలో అవుతున్న కొంతమంది.. బ్యాలెట్‌ బాక్స్‌లు మార్చేస్తారని అపార్థానికి లోనై నిరసన తెలిపారన్నారు. ఒక్కసారిగా 200 మంది బస్సుకు అడ్డంగా కూర్చున్నారన్నారు. గంటన్నర వరకు నిరసనకారులతో మాట్లాడి బ్యాలెట్‌ బాక్స్‌లకు ఎటువంటి ఇబ్బంది లేదని ఎంత చెప్పినా ధర్నా చేశారన్నారు. దీంతో తప్పనిసరి పరిస్థితుల్లో వారిపై లాఠీచార్జ్‌ చేశామని తెలిపారు. తర్వాత ఇబ్బందులు లేకుండా బ్యాలెట్‌ బాక్స్‌లను రిసెప్షన్‌ సెంటర్‌కు చేర్చామన్నారు. నిరసనల్లో పాల్గొన్న వారిపై కేసులు నమోదు చేసి విచారిస్తామని ఎస్పీ వెల్లడించారు. గుంటూరు వెస్ట్‌: జెడ్పీటీసీ, ఎంపీటీసీ ఓట్ల లెక్కింపు పకడ్బందీగా చేపట్టాలని జిల్లా కలెక్టర్‌ సీఎం సాయికాంత్‌ వర్మ అధికారులను ఆదేశించారు. ఓట్ల లెక్కింపుపై శుక్రవారం రాత్రి స్థానిక కలెక్టరేట్‌ నుంచి సంబంధిత అధికారులతో ఆయన టెలీ కాన్ఫరెన్స్‌ నిర్వహించారు. ఈ సందర్భంగా ఆయన మాట్లాడుతూ ప్రతి మండలానికి సంబంధించి రెండు ఓట్ల లెక్కింపు గదులను ఏర్పాటు చేశామని చెప్పారు. సిబ్బంది సకాలంలో చేరుకోవాలన్నారు. గుంటూరు రెవెన్యూ డివిజన్‌కు సంబంధించి ఆచార్య నాగార్జున విశ్వవిద్యాలయంలోనూ, తెనాలి రెవెన్యూ డివిజన్‌కు సంబంధించి వీఎస్‌ఆర్‌ కళాశాలలోనూ ఏర్పాటు చేసినట్లు ఆయన తెలిపారు. జాయింట్‌ కలెక్టర్‌ అశుతోష్‌ శ్రీవాస్తవ, డీఆర్‌వో ఎన్‌.ఎస్‌.కె. ఖాజావలి, గుంటూరు, తెనాలి ఆర్డీఓలు కె.శ్రీనివాస రావు, కె.శ్రీరమణి, జెడ్పీ సీఈఓ వి.జ్యోతిబసు, రిటర్నింగ్‌ అధికారులు పాల్గొన్నారు. అచ్చంపేట: పులిచింతల ప్రాజెక్టులో ప్రస్తుత నిల్వ 28.3537 టీఎంసీలు. ప్రాజెక్టు దిగువకు 400 క్యూసెక్కులు లీకేజీల ద్వారా వెళుతోంది.

ఉపాధ్యాయ ఓటరు నమోదులో గుంటూరు ఎడ్యుకేషన్‌: శాసన మండలి కృష్ణా– గుంటూరు ఉపాధ్యాయ నియోజకవర్గ ఎమ్మెల్సీ ఎన్నికల ఓటర్ల నమోదులో ఎన్నికల కమిషన్‌ నిర్దేశించిన మార్గదర్శకాలను కచ్చితంగా పాటించాలని యూటీఎఫ్‌ రాష్ట్ర అధ్యక్షుడు నక్కా వెంకటేశ్వర్లు డిమాండ్‌ చేశారు. శుక్రవారం జిల్లా విద్యాశాఖాధికారి కార్యాలయంలో డీఈఓ షేక్‌ సలీమ్‌ బాషాకు యూటీఎఫ్‌ ప్రతినిధులు వినతిపత్రం అందజేశారు. ఈసందర్భంగా వెంకటేశ్వర్లు మాట్లాడుతూ ప్రైవేటు పాఠశాలల్లో పని చేస్తున్న ఉపాధ్యాయులకు ఓటు హక్కు కల్పించే విషయంలో నిబంధనలు కచ్చితంగా అమలు చేయాలని కోరారు. సర్వీసు సర్టిఫికెట్‌, వేతన ధ్రువపత్రం, పీఎఫ్‌తో పాటు బీఈడీ విద్యార్హతలు గల వారికే ఓటు హక్కు కల్పించాలని కోరారు. బీఈడీ విద్యార్హత లేకుండా, బోధన చేయని టెన్త్‌, ఇంటర్‌ అర్హతలు గల వారికి ఓటర్లుగా నమోదు చేసేందుకు ప్రయత్నాలు జరుగుతున్నాయని అన్నారు. అటువంటి వాటికి ఆస్కారం లేకుండా తగు చర్యలు తీసుకోవాలని కోరారు. నిబంధనల ప్రకారం అర్హత కలిగిన అందరికీ ఓటు హక్కు కల్పించాలని, అర్హతలు లేని దరఖాస్తులను తిరస్కరించాలని కోరారు. డీఈఓను కలసిన వారిలో యూటీఎఫ్‌ జిల్లా జిల్లా ప్రధాన కార్యదర్శి ఎం.కళాధర్‌, జిల్లా సహాధ్యక్షురాలు ఎండీ షకీలా బేగం, జిల్లా కార్యదర్శి పీహెచ్‌ ఆదినారాయణ ఉన్నారు. డీఈఓకు యూటీఎఫ్‌ వినతి

పట్నంబజారు: దీపావళి పండుగ వచ్చిందంటే గుంటూరు నగరంలో బాణసంచా దుకాణాలు పుట్టగొడుగుల్లా వెలుస్తాయి. వ్యాపారులకు పండుగ ఆదాయంపై ఆశ.. వినియోగదారులకు టపాసుల కొనుగోళ్లపై ఆసక్తి. కానీ ఈ సందడి వెనుక పొంచి ఉన్న ప్రమాదాలను మాత్రం విస్మరిస్తున్నారు. నిబంధనలకు విరుద్ధంగా దుకాణాలు ఏర్పాటు చేస్తే చిన్న నిర్లక్ష్యమే పెను ప్రమాదానికి దారితీసే అవకాశం ఉంది. ఈ నేపథ్యంలో రాష్ట్ర ప్రభుత్వం అనుమతుల ప్రక్రియను ఆన్‌లైన్‌ విధానంలోకి తీసుకొచ్చింది. అనుమతులన్నీ ఆన్‌లైన్‌లోనే.. గతంలో అగ్నిమాపక శాఖ అధికారుల నుంచి అనుమతి తీసుకోవాల్సి ఉండేది. ఇప్పుడు అమల్లోకి తెచ్చిన పలు ఆంక్షల నేపథ్యంలో, పండుగ సమీపిస్తున్న తరుణంలో అనుమతుల ప్రక్రియ హడావుడిగా సాగుతోందనే ఆరోపణలు ఉన్నాయి. బాణసంచా దుకాణాల ఏర్పాటుకు అనుమతుల ప్రక్రియలో డిజిటల్‌ విధానాన్ని అమలు చేస్తున్నారు. దరఖాస్తుదారులు సంబంధిత శాఖలు కోరిన వివరాలు, ధ్రువీకరణ పత్రాలను సమర్పించాల్సి ఉంటుంది. అగ్నిమాపక శాఖ నిరభ్యంతర పత్రం (ఎన్‌ఓసీ), పోలీస్‌ శాఖ అనుమతి, వస్తు సేవల పన్ను (జీఎస్టీ) చెల్లింపు రసీదు, దుకాణం ఏర్పాటు చేసే స్థలానికి సంబంధించిన యాజమాన్య పత్రాలు, రెవెన్యూ శాఖ అనుమతి వంటి అంశాలు ఇందులో కీలకం. వీటిని సంబంధిత అధికారులు పరిశీలించిన తర్వాతే అనుమతుల ప్రక్రియ పూర్తవుతుంది. దరఖాస్తు సమర్పించడం అనేది అనుమతి పొందినట్లుగా భావించకూడదు. అన్ని శాఖల నిబంధనలు పూర్తిచేసిన తర్వాతే విక్రయాలకు అనుమతి లభిస్తుందనే విషయాన్ని ప్రతి ఒక్కరూ గుర్తించాలి. ఈ ప్రక్రియ కోసమే గుంటూరు కార్పొరేషన్‌లో సింగిల్‌ విండో పర్మిషన్‌ను ఏర్పాటు చేశారు. ఆన్‌లైన్‌ విధానం నేపథ్యంలో ఎన్ని దుకాణాలకై నా దరఖాస్తులు చేసుకునే అవకాశం ఉంది. ఈ క్రమంలో అధికారులు చూసీచూడనట్లు వ్యవహరించే అవకాశాలు లేకపోలేదనే విమర్శలు ఉన్నాయి. అసలే ఎన్నికలు, కౌంటింగ్‌ పనుల్లో నిమగ్నమైన అధికారులు వీటన్నింటినీ ఎలా పర్యవేక్షిస్తారనే సందేహాలు వ్యక్తమవుతున్నాయి. వాట్సాప్‌ ద్వారా అగ్నిమాపక శాఖ సేవలు బాణసంచా దుకాణాలకు సంబంధించి అగ్నిమాపక శాఖ సేవలను కూడా డిజిటల్‌ విధానంలో అందుబాటులోకి తీసుకొచ్చింది. ఇందుకోసం 94412 36448 వాట్సాప్‌ నంబర్‌ను అందుబాటులో ఉంచినట్లు సమాచారం వెల్లడిస్తోంది. ఈ సేవ ద్వారా అగ్నిమాపక శాఖకు సంబంధించిన సిఫారసుల ప్రక్రియను సులభతరం చేశామని చంద్రబాబు ప్రభుత్వం చెబుతోంది. అయితే ఆన్‌లైన్‌ ఇబ్బందులు తలెత్తడంతోపాటు, కుప్పలుతెప్పలుగా దరఖాస్తులు వస్తున్నాయని తెలుస్తోంది. దీంతో గతంలో మాదిరిగా అధికారులు పూర్తిస్థాయిలో పర్యవేక్షించలేని పరిస్థితి ఏర్పడుతుందని సమాచారం. ఎక్కడపడితే అక్కడ దుకాణాలా? నగరంలో వ్యాపారానికి అనువుగా ఉందని ఎక్కడపడితే అక్కడ బాణసంచా దుకాణాలు ఏర్పాటు చేసేందుకు వీల్లేదు. ప్రజలు అధికంగా ఉండే ప్రాంతాలు, నివాస సముదాయాలు, రద్దీ కూడళ్లు, ఇతర ప్రమాదకర ప్రాంతాల్లో దుకాణాల ఏర్పాటుపై నిబంధనల ప్రకారం నియంత్రణ ఉండాలి. స్థలానికి సంబంధించిన పత్రాలను పరిశీలించడంతోపాటు, వాస్తవ పరిస్థితులను అధికారులు క్షేత్రస్థాయిలో తనిఖీ చేయాలి. అనుమతి పొందిన స్థలాన్ని మార్చి మరోచోట విక్రయాలు సాగిస్తే చర్యలు తీసుకోవాలి. స్థల ఎంపికలో నిర్లక్ష్యం జరిగితే దాని ప్రభావం వ్యాపారులపైనే కాకుండా చుట్టుపక్కల ప్రజలపైనా పడుతుంది. భద్రతా ప్రమాణాలు గాలికి.. బాణసంచా దుకాణాల నిర్వహణలో అగ్నిమాపక భద్రత కీలకం. ప్రతి దుకాణం వద్ద తాగునీరు, ఇసుక, పనిచేసే స్థితిలో ఉన్న అగ్నిమాపక పరికరాలు ఉండాలి. విద్యుత్‌ వైర్లలో లోపాలు లేకుండా చూడాలి. ప్రమాదం సంభవించినప్పుడు ప్రజలు సురక్షితంగా బయటకు వెళ్లేందుకు తగిన మార్గాలు ఉండాలి. దుకాణాల వద్ద అనవసరంగా రద్దీ పెరగకుండా చర్యలు తీసుకోవాలి. నిల్వ, విక్రయాల విషయంలో అనుమతించిన పరిమితులను ఉల్లంఘించకూడదు. ఇవన్నీ కేవలం కాగితాలపైనే చూపించే ఏర్పాట్లుగా మిగిలిపోకుండా అధికారులు ప్రత్యక్షంగా పరిశీలించాలి. అనుమతుల జారీలో హడావుడి.. భద్రతా తనిఖీల్లో అలసత్వం నిబంధనలు ఉల్లంఘిస్తే ప్రజల ప్రాణాలకే ముప్పు ఫైర్‌ ఎన్‌ఓసీ, పోలీస్‌ క్లియరెన్స్‌, రెవెన్యూ ధ్రువీకరణ తప్పనిసరి దుకాణాల ఏర్పాటుపై నిరంతర నిఘా శూన్యంఆన్‌లైన్‌ దరఖాస్తులు స్వీకరించడం, ధ్రువపత్రాలు పరిశీలించడం, అనుమతులు జారీ చేయడంతోనే అధికారుల బాధ్యత ముగిసిపోతోందనే విమర్శలు వినిపిస్తున్నాయి. దుకాణాలు ప్రారంభమైనప్పటి నుంచి విక్రయాలు ముగిసే వరకు పర్యవేక్షణ ఉండాలి. అగ్నిమాపక శాఖ భద్రతా ఏర్పాట్లను పరిశీలించాలి. పోలీస్‌ శాఖ ట్రాఫిక్‌, శాంతిభద్రతల సమస్యలు తలెత్తకుండా చూడాలి. రెవెన్యూ అధికారులు స్థలానికి సంబంధించిన అనుమతులను పరిశీలించాలి. నగరపాలక సంస్థ అధికారులు పారిశుద్ధ్యం, ప్రజల రాకపోకలు, పరిసరాల భద్రతపై దృష్టి పెట్టాలి. శాఖల మధ్య సమన్వయం లేకపోతే ఆన్‌లైన్‌ విధానం కూడా ఆశించిన ఫలితాలను సాధించలేదనే అభిప్రాయాలు వ్యక్తమవుతున్నాయి.

గుంటూరు రూరల్‌: మండల పరిధిలోని వెంగళాయపాలెం–1 పోలింగ్‌ బూత్‌కు సంబంధించిన బ్యాలెట్‌ బాక్స్‌ను మార్చేందుకు అధికారులు ప్రయత్నించడాన్ని అడ్డుకున్న ఎమ్మెల్సీ అప్పిరెడ్డి, ప్రత్తిపాడు పరిశీలకుడు గులాం రసూల్‌తోపాటు మరో 17 మందిపై నాన్‌ బెయిలబుల్‌ సెక్షన్ల కింద అక్రమ కేసు నమోదు చేసి అరెస్టు చేశారు. గురువారం అర్ధరాత్రి నల్లపాడు పోలీస్‌ స్టేషన్‌కు తరలించారు. తప్పుడు ఫిర్యాదుతో అక్రమ కేసు పెట్టారు. శుక్రవారం ఎమ్మెల్సీకి గుంటూరు జీజీహెచ్‌లో ఆరోగ్య పరీక్షలు నిర్వహించాక, జిల్లా కోర్టులో హాజరుపరిచారు. ఆయనకు న్యాయమూర్తి రిమాండ్‌ విధించారు.

రైల్వేస్టేషన్‌(విజయవాడపశ్చిమ): కదులుతున్న రైలులోని ప్రయాణికులనే టార్గెట్‌గా చేసుకుని డోర్‌ల వద్ద కూర్చుని సెల్‌ఫోన్‌లను చూసుకుంటున్న ప్రయాణికులను కర్రలతో చేతులపై కొట్టి ఫోన్‌లు కిందపడగానే తీసుకుని పరారవుతున్న కేసులు విజయవాడ రైల్వేస్టేషన్‌ పరిసర ప్రాంతాలలో ఎక్కువగా జరుగుతున్నాయి. దీన్ని అడ్డుకోవాల్సిన ఆర్‌పీఎఫ్‌, జీఆర్‌పీ పోలీసులు నిర్లక్ష్యంగా వ్యవహరించడంతో ఈ రకం దాడులు ఎక్కువగా పెరుగుతున్నాయి. ఇటీవల జరిగిన ఇటువంటి దాడిలో ఓ యువకుడు సెల్‌ఫోన్‌తో పాటు కిందపడగా అతని రెండు కాళ్లు రైలు చక్రాల కింద తెగి పడిపోయిన ఘటన జరిగింది. ఈ కేసులో యువకుడిపై సెల్‌ఫోన్‌ కోసం దాడి చేసిన నిందితులు ఇద్దరు మైనర్‌లు కావటం గమనార్హం. ఇదే మైనర్‌లు గంజాయి తరలిస్తూ జీఆర్‌పీ పోలీసులకు పట్టుబడటంతో వారి నేరప్రవృత్తి వెలుగులోకి వచ్చింది. మైనర్‌ల దాడిలో రెండు కాళ్లు కోల్పోయిన యువకుడు... గుంటూరు జిల్లా తాడేపల్లి మండలం పెనుమాక గ్రామానికి చెందిన షేక్‌ మహ్మద్‌ అనే యువకుడు గత నెల 25న స్నేహితునితో కలసి బంధువుల పెళ్ళికి విశాఖపట్నం బయలుదేరారు. రాత్రి 7.50 గంటల సమయంలో 17482 బిలాస్‌పూర్‌ ఎక్స్‌ప్రెస్‌ రైలులోని జనరల్‌ కోచ్‌ ఎక్కాడు. రద్దీగా ఉండటంతో డోర్‌ వద్ద కూర్చుని సెల్‌ఫోన్‌ చూసుకుంటున్నాడు. రైలు పది నిమిషాల తరువాత బుడమేరు వద్దకు చేరుకున్న సమయంలో కింద నుంచి గుర్తు తెలియని వ్యక్తి కర్రతో అతని చేతుల మీద కొట్టగా సెల్‌ఫోన్‌తో పాటు అతను కూడా కింద పట్టాల మీద పడిపోగా అతని రెండు కాళ్లు రైలు చక్రాల కిందకు వెళ్లి తెగి పడిపోయాయి. ఇద్దరు నిందితులు పడిపోయిన సెల్‌ఫోన్‌ను తీసుకుని పరారయ్యారు. బాధితుడిని గుర్తించిన స్థానికులు 108కి సమాచారం ఇవ్వడంతో ప్రభుత్వ ఆసుపత్రికి తరలించి చికిత్స అందజేశారు. దీనిపై ఆసుపత్రి నుంచి వచ్చిన సమాచారం మేరకు జీఆర్‌పీ పోలీసులు వెళ్లి బాధితుని వివరాలు నమోదు చేసుకుని కేసు నమోదు చేశారు. గత నెల 29న విజయవాడ రైల్వేస్టేషన్‌లో రైలులో గంజాయి తరలించేందుకు ప్రయత్నిస్తుండగా జీఆర్‌పీ పోలీసులు న్యూఆర్‌ఆర్‌ పేట, నూజివీడుకు చెందిన ఇద్దరు మైనర్‌లను అదుపులోకి తీసుకున్నారు. వారి నుంచి రూ.1,10,000 విలువ చేసే 22 కేజీల గంజాయి స్వాధీనం చేసుకున్నారు. విచారణలో గంజాయితో పాటు గతంలో వారు చేసిన పలు నేరాల చరిత్రను కూడా పోలీసులు గుర్తించారు. సెల్‌ఫోన్‌ కోసం యువకుడిపై కర్రతో దాడి చేసింది కూడా తామేనని ఒప్పుకోవడంతో పోలీసులు వారి నుంచి దోచుకున్న సెల్‌ఫోన్‌ను కూడా రికవరీ చేసి న్యాయస్థానంలో హాజరుపరిచారు.

మంగళగిరి టౌన్‌: తుఫాన్‌ ప్రభావంతో రాష్ట్రవ్యాప్తంగా కురిసిన భారీవర్షాల కారణంగా ఉపాధి కోల్పోయి ఇబ్బందులు పడుతున్న చేనేత కార్మికులను రాష్ట్ర ప్రభుత్వం తక్షణమే ఆదుకోవాలని ఆంధ్రప్రదేశ్‌ చేనేత కార్మిక సంఘం రాష్ట్ర ప్రధాన కార్యదర్శి పిల్లలమర్రి బాలకృష్ణ డిమాండ్‌ చేశారు. ఈ మేరకు గురువారం విడుదల చేసిన ప్రకటనలో ఆయన మాట్లాడుతూ.. భారీ వర్షాల కారణంగా మగ్గాల గుంటల్లోకి నీరు చేరడంతో చేనేత కార్మికులు పనులు చేసుకోలేని పరిస్థితి ఏర్పడిందన్నారు. దీంతో అనేక చేనేత కుటుంబాలు ఉపాధి లేక ఆర్థిక ఇబ్బందులు ఎదుర్కొంటున్నాయని ఆవేదన వ్యక్తం చేశారు. కృష్ణా జిల్లాలో చేనేత కార్మిక కుటుంబాలకు ఒక్కొక్కరికి 50 కేజీల బియ్యంతో పాటు నిత్యావసర సరుకులు పంపిణీ చేస్తున్నారని తెలిపారు. ఇదే తరహాలో తుఫాన్‌ ప్రభావంతో నష్టపోయిన రాష్ట్రవ్యాప్తంగా ఉన్న చేనేత కార్మికులందరికీ 50 కిలోల బియ్యం, నిత్యావసర సరుకులు అందించి ఆదుకోవాలని ప్రభుత్వాన్ని కోరారు. అలాగే నేతన్న సేవా పథకం రెండో విడత కింద 31 వేల మంది లబ్ధిదారులకు ఒక్కొక్కరికి రూ.25 వేల చొప్పున ఆగస్టు 30 నాటికి బ్యాంకు ఖాతాల్లో జమ చేస్తామని ప్రభుత్వం ప్రకటించిందని గుర్తుచేశారు. గడువు దాటి రెండు నెలలు గడుస్తున్నా ఇంతవరకు నగదు జమ కాలేదని విమర్శించారు. ప్రభుత్వం వెంటనే స్పందించి అర్హులైన లబ్ధిదారులందరి ఖాతాల్లో రూ.25 వేలు జమ చేయాలని బాలకృష్ణ డిమాండ్‌ చేశారు.

గుంటూరు రూరల్‌: స్థానిక సంస్థల ఎన్నికల సందర్భంగా మండలంలోని పలు గ్రామాల్లో పోలింగ్‌ కేంద్రాలను వైఎస్సార్‌ సీపీ ప్రత్తిపాడు నియోజకవర్గ సమన్వయకర్త బలసాని కిరణ్‌కుమార్‌ పరిశీలించారు. పార్టీ నియోజకవర్గ పరిశీలకుడు షేక్‌ గులాం రసూల్‌తో కలిసి తురకపాలెం, వెంగళయాపాలెం గ్రామాల్లో ఆయన పర్యటించారు. నాయకులను అడిగి పోలింగ్‌ సరళిని తెలుసుకున్నారు. ఈ సందర్బంగా బలసాని మాట్లాడుతూ కూటమి నేతల అండతో, ఓటు వేయడానికి వచ్చిన వైఎస్సార్‌ సీపీ సానుభూతిపరులపై వెంగళాయపాలెంలో సీఐ భాస్కర్‌ లాఠీ చార్జ్‌ చేయటంతో విషయం తెలుసుకొని రావటం జరిగిందన్నారు. టీడీపీ నేతలతో చేతులు కలిపి పోలీసులు పోలింగ్‌ నిర్వహిస్తున్నారన్నారు. పోలీసులతో కలిసి అరాచకం సృష్టించి, అక్రమాలకు పాల్పడుతున్నారని తెలిపారు. టీడీపీ కార్యకర్తల్లా పోలింగ్‌ బూత్‌ల వద్ద పోలీసులు వ్యవహరిస్తున్న తీరు దారుణమన్నారు. ప్రజాస్వామ్యానికి తూట్లు పొడుస్తూ పోలీసులు, టీడీపీ నాయకులు అక్రమాలకు పాల్పడుతున్నారని తెలిపారు. మద్యం మత్తులో సీఐ వీరంగం సృష్టించటం దారుణమని తెలిపారు. ఆయనవెంట వైఎస్సార్‌ సీపీ నాయకులు, కార్యకర్తలు పాల్గొన్నారు.

తాడికొండ: కొండవీటి వాగు వరద ఉధృతి కట్టలు తెంచుకొని పంట పొలాలపై పడటంతో తాడికొండ మండలం కంతేరు గ్రామంలోని ఎర్రవాగు పొంగి పొర్లుతుండటంతో రోడ్డు పొడవునా నీరు ఏరులై పారుతుంది. దీంతో గత నాలుగు రోజులుగా తాడికొండ నుంచి కంతేరు మీదుగా మంగళగిరి, విజయవాడ వెళ్ళాల్సిన ప్రయాణికులు నానా అవస్థలు పడుతున్నారు. కొండవీటి వాగు ప్రక్షాళన పేరుతో ప్రభుత్వం వెచ్చిస్తున్న రూ.వేల కోట్లు రాజధానికే పరిమితం కావడంతో ఎగువన ఉన్న కొండవీటి వాగుపై కనీస మరమ్మతులు లేక కట్టలు బలహీనమై పంట పొలాలపై భారీగా వరద నీరు వచ్చి చేరుతుంది. ఫలితంగా వేలాది ఎకరాల్లో పంట పొలాలు నీట మునిగి రైతులు తీవ్రంగా నష్టపోతున్నారు. నాలుగు రోజులైన వరద ఉధృతి తగ్గకపోవడంతోపాటు రోడ్డు పూర్తిగా కోతకు గురైంది. ప్రతి ఏటా ఇదే పరిస్థితి నెలకొనడంపై అన్నదాతలు ఆవేదన వ్యక్తం చేస్తున్నారు. మరో రెండు రోజుల పాటు వరద ఉధృతి కొనసాగే అవకాశం ఉండటంతో ప్రయాణికులకు అవస్థలు తప్పేలా లేవు.

చేబ్రోలు: ప్రమాదవశాత్తూ ద్విచక్ర వాహనం అదుపు తప్పి ప్రమాదానికి గురవటంతో ఇరువురికి గాయాలైన సంఘటన చేబ్రోలు మండలం వడ్లమూడి గ్రామ పరిధిలో గురువారం జరిగింది. మండల పరిధిలోని వడ్లమూడి గ్రామానికి చెందిన భూపతి, మురళిలు ద్విచక్ర వాహనంపై చేబ్రోలు వైపు వస్తున్నారు. వడ్లమూడి గ్రామ శివారులో ఎదురుగా వస్తున్న వాహనాన్ని తప్పించే ప్రయత్నంలో బైక్‌ అదుపుతప్పి ప్రమాదానికి గురైంది. ఈ సంఘటనలో తీవ్ర గాయాలైన ఇరువురిని 108 వాహనం ద్వారా గుంటూరు ప్రభుత్వ వైద్యశాలకు తరలించారు.పోలీసులు కేసు దర్యాప్తు చేస్తున్నారు.

లక్ష్మీపురం: గుంటూరు రూరల్‌ మండలం వెంగళయపాలెం గ్రామం సెగ్మెంటు వన్‌లోని బ్యాలెట్‌ బాక్సును నల్లపాడు సమీపంలోకి మారుస్తుండగా విషయం తెలుసుకున్న ఎమ్మెల్సీ లేళ్ల అప్పిరెడ్డి గ్రామానికి చెందిన వైఎస్సార్‌ సీపీ నాయకులతో కలిసి గురువారం నిరసనకు దిగారు. శాంతియుతంగా జరుగుతున్న ఈ నిరసన కార్యక్రమం లో పోలీసులు ఒక్కసారిగా లాఠీచార్జీ చేసి వైఎస్సార్‌ సీపీ శ్రేణులను చెల్లాచెదురు చేశారు. ఈ నేపథ్యంలో ఎమ్మెల్సీ లేళ్ల అప్పిరెడ్డిని గుంటూరు నగరంపాలెం పోలీస్‌ స్టేషన్‌కు తరలించారు. సమాచారం తెలుసుకున్న మాజీ మంత్రి మేరుగ నాగార్జున, మాజీ ఎంపీ మోదుగుల వేణుగోపాల్‌ రెడ్డి, వైఎస్సార్‌ సీపీ తూర్పు నియోజకవర్గ ఇన్‌చార్జినూరి ఫాతిమా ,ప్రత్తిపాడు నియోజకవర్గ ఇన్‌చార్జి బలసాని కిరణ్‌, తాడికొండ నియోజకవర్గ ఇన్‌చార్జి డైమండ్‌ బాబు, పార్టీ నాయకులు, కార్యకర్తలు భారీ సంఖ్యలో నగరంపాలెం పోలీస్‌ స్టేషన్కు గురువారం రాత్రి చేరుకున్నారు. స్టేషన్‌కు తరలించిన ఎమ్మెల్సీ అప్పిరెడ్డికి నోటీస్‌ ఇచ్చి పంపిస్తామంటూ సుమారు గంటకు పైగా స్టేషన్లోనే ఉంచడంపై పార్టీ కార్యకర్తలు ఆగ్రహం వ్యక్తం చేశారు. ఈ వ్యవహారంలో పోలీసు ఉన్నతాధికారులు నుంచి ఎలాంటి ఆదేశాలు రాలేదని పోలీసు ఉన్నతాధికారుల నుంచి ఆదేశాలు వచ్చిన మరుక్షణమే నోటీసు ఇచ్చి అప్పిరెడ్డిని విడుదల చేస్తామంటూ పోలీసులు చెబుతున్నారు. అప్పిరెడ్డిపై అక్రమ కేసు నమోదుకు యత్నం ఎమ్మెల్సీ లేళ్ల అప్పిరెడ్డిపై అక్రమ కేసు నమోదుతోపాటు పాత కేసులు తిరగ తోడేందుకు ప్రయత్నాలు చేస్తున్నట్లు సమాచారం. టీడీపీ చేసిన అక్రమాలను కనీసం ఏ అఽధికారి పట్టించుకోకపోవటంపై వైఎస్సార్‌ సీపీ నేతలు ఆగ్రహం వ్యక్తం చేస్తున్నారు. పోలీసులు తప్పు చేసిన వారిని వదిలి ప్రతిపక్ష నేతలపై విచ్చలవిడిగా కేసులు పెట్టడంపై మండిపడుతున్నారు. టీడీపీ నాయకులతో కలసి సీఐ కావాలనే ఎమ్మెల్సీ అప్పిరెడ్డిని అక్రమ కేసుల్లో ఇరికిస్తున్నారని ప్రజలు చర్చించుకుంటున్నారు.

గుంటూరు రూరల్‌: రాష్ట్రంలో అరాచక పాలన కొనసాగుతోందని వైఎస్సార్‌ సీపీ ఎమ్మెల్సీ లేళ్ల అప్పిరెడ్డి ధ్వజమెత్తారు. గురువారం జెడ్పీటీసీ, ఎంపీటీసీ ఎన్నికల నేపథ్యంలో వెంగళాయపాలెం 1 ఎంపీటీసీకి చెందిన బ్యాలెట్‌ బాక్స్‌ను అక్రమంగా మార్చేందుకు కుట్ర జరుగుతుండగా, దాన్ని గుర్తించి నిరసనకు దిగిన సమయంలో పోలీసులు లాఠీచార్జ్‌ చేశారని మండిపడ్డారు. ఎలాంటి సమాధానం చెప్పకుండా బ్యాలెట్‌ బాక్స్‌ను తీసుకెళ్లారని ఎమ్మెల్సీ పేర్కొన్నారు. కౌంటింగ్‌ కేంద్రాల్లో బ్యాలెట్‌ బాక్స్‌లు మార్చారనేందుకు ఈ సంఘటనే సాక్ష్యమని తెలిపారు. బస్సులో తరలిస్తున్న బ్యాలెట్‌ బాక్స్‌లను అక్రమంగా మార్చేందుకు ప్రయత్నించడం దుర్మార్గమైన చర్య అన్నారు. పోలీసులు తమకు సంబంధం లేదని సమాధానం చెబుతున్నారని, సీఐ అత్యంత క్రూరంగా ప్రవర్తించారని విమర్శించారు. బ్యాలెట్‌ బాక్స్‌లు తరలించే బస్సుకు కనీసం ఎస్కార్ట్‌ ఎందుకు ఏర్పాటు చేయలేదని ఎమ్మెల్సీ ప్రశ్నించారు. కావాలనే సీఐ కుట్రపన్ని బాక్స్‌ను మార్చేందుకు ప్రయత్నించారని ఆరోపించారు. పోలింగ్‌ కేంద్రంలో రిగ్గింగ్‌కు అవకాశం లేకపోవడంతో ఇలాంటి అక్రమాలకు పాల్పడ్డారని పేర్కొన్నారు. ఒక్క అధికారి కూడా సమాధానం చెప్పకపోగా, వైఎస్సార్‌ సీపీ నాయకులపై లాఠీచార్జ్‌ చేయడం దుర్మార్గమైన చర్య అని అన్నారు. ఈ ఘటనను వదిలిపెట్టే ప్రసక్తే లేదని స్పష్టం చేశారు. మహిళలపై కూడా అక్రమంగా లాఠీచార్జ్‌ చేయడం హేయమైన చర్య అని దుయ్యబట్టారు. పోలీసులే టీడీపీ నాయకుల్లా వ్యవహరిస్తున్నారని విమర్శించారు. ఉదయం నుంచే రిగ్గింగ్‌ ప్రయత్నం వైఎస్సార్‌ సీపీ ప్రత్తిపాడు నియోజకవర్గ సమన్వయకర్త బలసాని కిరణ్‌కుమార్‌ మాట్లాడుతూ, నల్లపాడు పోలీస్‌ స్టేషన్‌ సీఐ భాస్కర్‌ మద్యం మత్తులో ఉదయం నుంచే పోలింగ్‌ బూత్‌ల వద్దకు వైఎస్సార్‌ సీపీ నాయకులను రానివ్వకుండా రిగ్గింగ్‌కు ప్రయత్నించారని ఆరోపించారు. సీఐ బ్యాలెట్‌ బాక్స్‌లను మార్చేందుకు కుట్ర పన్నారని తెలిపారు. మద్యం మత్తులో మహిళలతో అసభ్యకరంగా మాట్లాడుతూ దాడికి పాల్పడ్డారని ఆరోపించారు. రిగ్గింగ్‌ కుదరకపోవడంతో బ్యాలెట్‌ బాక్స్‌ను మార్చేందుకు కుట్ర పన్నారని, ఇది సభ్య సమాజం తలదించుకునే సంఘటన అని పేర్కొన్నారు. విచక్షణారహితంగా లాఠీచార్జ్‌ చేయడం హేయమైన చర్య అని అన్నారు. టీడీపీ కావాలనే కుట్రలు పన్ని, సీఐ భాస్కర్‌ ఒక నాయకుడిగా వ్యవహరిస్తూ నిబంధనలను తుంగలో తొక్కారన్నారు. కార్యక్రమంలో వైఎస్సార్‌ సీపీ నియోజకవర్గ పరిశీలకుడు గులాం రసూల్‌ తదితరులు పాల్గొన్నారు.

శుక్రవారం శ్రీ 6 శ్రీ నవంబర్‌ శ్రీ 2026అచ్చంపేట: పులిచింతల ప్రాజెక్టులో ప్రస్తుత నిల్వ 28.1520 టీఎంసీలు. ప్రాజెక్టు దిగువకు 400 క్యూసెక్కులు లీకేజీల ద్వారా వెళుతోంది. పల్నాడు, గుంటూరు జిల్లాల్లో స్థానిక సంస్థల ఎన్నికల పోలింగ్‌ సందర్భంగా పలు ప్రాంతాల్లో టీడీపీ మూకల తీరుతో తీవ్ర ఉద్రిక్తతలు చోటుచేసుకున్నాయి. రిగ్గింగ్‌కు కూటమి నేతలు యథేచ్ఛగా పాల్పడ్డారు. పోలీసులు, అధికారులు వారికి సహరించారని ప్రతిపక్ష వైఎస్సార్‌ సీపీ నేతలు మండిపడ్డారు. వైఎస్సార్‌ సీపీ పోలింగ్‌ ఏజెంట్లను కేంద్రాల నుంచి టీడీపీ నాయకులు బయటకు పంపించి, ఓటర్లను భయభ్రాంతులకు గురిచేశారు. అడ్డుకునేందుకు ప్రయత్నించిన నాయకులు, కార్యకర్తలపై దాడులకు దిగడంతో పలుచోట్ల ఘర్షణలు జరిగాయి. మరికొన్ని చోట్ల అధికారులు, పోలీసులు పక్షపాతంగా వ్యవహరించారు. మొత్తంగా దాడులు, రిగ్గింగ్‌లతో పచ్చమూకలు బరితెగించాయి.

దళిత సంఘం నేతలు, మహిళల ధర్నా చేబ్రోలు: గత ఏడాది చేబ్రోలు మండలం నారాకోడూరు దళితవాడ ప్రాంతానికి చెందిన యువకుడు హత్య కేసు సంఘటనకు సంబంధించి తమకు న్యాయం చేయాలని కోరుతూ గురువారం స్థానిక మహిళలు, యువకులు రాస్తారోకో నిర్వహించారు. గత ఏడాది డిసెంబర్‌ నెలలో నత్తల మృత్యుంజయరావు డ్యూటీకి వెళ్లి ఇంటికి వచ్చే సమయంలో ప్రత్యర్థులు దారుణంగా హత్య చేశారు. ఈ సంఘటనకు బాద్యులైన ఆరుగురు నిందితులను పోలీసులు అరెస్ట్‌ చేశారు. మార్కాపురం, ఇతర ప్రాంతాల్లో నిందితులు ఉంటున్నారు. హత్య కేసులోని నిందితులు దళితవాడలోని ప్రాథమిక పాఠశాలలో పరిషత్‌ ఎన్నికల కేంద్రానికి వచ్చి ఓటు వేయటం, వెళ్లే సమయంలో రెచ్చగొట్టే విథంగా ప్రవర్తించటంపై స్థానిక మహిళలు, యువకులు ఆగ్రహం వ్యక్తం చేశారు. తమకు న్యాయం చేయాలని కోరుతూ నారాకోడూరులోని తెనాలి రోడ్డులో మృతుడి భార్య నత్తల లత భర్త ఫొటో పెట్టుకొని బంధువులు, స్థానికులతో కలిసి రాస్తారోకో చేశారు. ఎన్నికల విధుల్లో ఉన్న పోలీసులు విషయం తెలుసుకొని సంఘటనా ప్రాంతానికి చేరుకొని నిరసన వ్యక్తం చేస్తున్న మహిళలు, యువకులతో మాట్లాడి వారిని శాంతింప చేసి రాస్తారోకోను విరమింపచేశారు. దీంతో తెనాలి, నారాకోడూరు వైపు బారీ స్థాయిలో వాహనాలు నిలిచిపోయాయి. నిరసన వ్యక్తం చేస్తున్న వారితో ఎస్‌ఐ పి.వీరనారాయణ, ఇరువురు ిసీఐలు మాట్లాడి న్యాయం చేస్తామని హామీ ఇవ్వటంతో రాస్తారోకోను విరమించారు.

గుంటూరు ఎడ్యుకేషన్‌: శాసన మండలి కృష్ణా–గుంటూరు ఉపాధ్యాయ నియోజకవర్గ ఓటరుగా నమోదు చేసుకునేందుకు తుది గడువు శుక్రవారం ముగియనుంది. ప్రభుత్వ ఉన్నత పాఠశాలలతో పాటు కళాశాలలు, యూనివర్శిటీల్లో పని చేస్తున్న ఉపాధ్యాయులు, అధ్యాపకులతో పాటు ప్రైవేటు ఉన్నత పాఠశాలల్లో పని చేస్తున్న ఉపాధ్యాయులు ఫారం–19 ద్వారా దరఖాస్తు చేసుకోవాల్సి ఉంది. గత ఆరేళ్ల కాలంలో మూడేళ్ల సర్వీసుకు తగ్గకుండా ఉన్న వారందరూ దరఖాస్తుకు అర్హులే. ప్రస్తుతం పని చేస్తున్న వారితో పాటు గత ఆరేళ్ల కాలంలో మూడేళ్లపాటు సర్వీసులో ఉండి, ప్రస్తుతం ఉద్యోగ విరమణ పొందిన వారూ అర్హులే. ప్రభుత్వ ఉన్నత పాఠశాలల్లో పని చేస్తున్న ఉపాధ్యాయులు సంబంధిత పాఠశాల హెచ్‌ఎం కౌంటర్‌ సంతకంతో దరఖాస్తు చేయాల్సి ఉండగా, ప్రైవేటు పాఠశాలల్లో పని చేస్తున్న ఉపాధ్యాయుల దరఖాస్తులపై ప్రిన్సిపాల్‌ ఆమోదంతో పాటు డీఈఓ కౌంటర్‌ సంతకం ద్వారా దరఖాస్తు చేయాల్సి ఉంది. ఇందు కోసం ప్రైవేటు ఉపాధ్యాయులు తమ సర్వీసు సర్టిఫికెట్‌తో పాటు వేతన ధ్రువీకరణ పత్రం, పీఎఫ్‌ ధ్రువీకరణ, అడ్మిషన్‌ రిజిస్టర్‌, డైస్‌ కోడ్‌ ఆధారంగా ఆయా సంస్థల్లో పని చేస్తున్నట్లుగా ధ్రువపత్రాలు సమర్పించాలి. ఉన్నత పాఠశాలల్లో పని చేస్తూ బీఈడీ విద్యార్హతలు గల ఉపాధ్యాయులే ఉపాధ్యాయ ఓటరుగా దరఖాస్తుకు అర్హులు. ఆన్‌లైన్‌లో సీఈఓ ఆంధ్ర సైట్‌లో కృష్ణా–గుంటూరు ఉపాధ్యాయ నియోజకవర్గాన్ని ఎంపిక చేసుకుని దరఖాస్తు చేసుకోవచ్చు. అదేవిధంగా పూర్తి చేసిన ఫారం–19 దరఖాస్తులను తహసీల్దార్‌కు సమర్పించాలి. ఉమ్మడి కృష్ణా, గుంటూరు జిల్లాల్లో ఎక్కడ పనిచేస్తున్న ఉపాధ్యాయులైనా తాము పని చేస్తున్న మండలంలోనే కాకుండా ఏ మండలంలోని తహసీల్దార్లకై నా దరఖాస్తులను సమర్పించేందుకు అవకాశం ఉంది. ప్రైవేటు ఉపాధ్యాయులు విధిగా డీఈఓ సంతకంతో దరఖాస్తు చేయాల్సి ఉంది. దరఖాస్తు అనంతరం క్షేత్రస్థాయిలో విచారణ జరిపే సమయంలో బీఎల్‌ఓలు కౌంటర్‌ సంతకంతో పాటు తగిన నిర్ధేశిత వివరాలు పొందుపర్చినదీ, లేనిదీ పరిశీలిస్తారు. ఏమేం కావాలంటే.. ఉపాధ్యాయ ఎమ్మెల్సీ ఓటు నమోదుకు పాస్‌పోర్ట్‌ ఫొటో, ఆధార్‌ నంబరు, ఓటరు ఐడీ కార్డు నంబరు, సర్వీసు సర్టిఫికెట్‌ ఉండాలి. ఆన్‌లైన్‌లో దరఖాస్తు సమర్పించే సమయంలో ఫొటోతో పాటు సర్వీసు సర్టిఫికెట్‌ను స్కాన్‌ చేయడంతో పాటు ఎన్నికల కమిషన్‌ అడిగిన వివరాలు పూరించాలి. అదే విధంగా భౌతికంగా ఫారం–19 దరఖాస్తుతో పాటు పాస్‌పోర్ట్‌ ఫొటో, ఆధార్‌, ఓటరు ఐడీ కార్డు నంబర్లను నమోదు చేసి, సర్వీసు సర్టిఫికెట్‌ ఒక్కటే జిరాక్స్‌ సమర్పించాలి. గత ఎన్నికల సమయంలో 13,505 మంది ఉపాధ్యాయులు ఓటర్లుగా నమోదు కాగా, ప్రస్తుత ప్రక్రియలో ఇప్పటివరకు 10,909 దరఖాస్తు చేసుకున్నారు. గుంటూరు వెస్ట్‌: కృష్ణా–గుంటూరు ఉపాధ్యాయ ఎమ్మెల్సీ ఎన్నికలకు ఓటరుగా నమోదు కావడానికి శుక్రవారం వరకు మాత్రమే గడువు ఉందని కృష్ణా–గుంటూరు ఉపాధ్యాయ నియోజకవర్గం ఎలక్ట్రోరల్‌ రిజిస్ట్రేషన్‌ అధికారి, డీఆర్వో షేక్‌ ఖాజావలి గురువారం ఒక ప్రకటనలో తెలిపారు. ఒక్కరోజు మాత్రమే గడువు ఉందని, అర్హులైన ఉపాధ్యాయులు వెంటనే ఫారం–19 ద్వారా దరఖాస్తు చేసుకోవాలని కోరారు. ప్రతి ఎమ్మెల్సీ ఎన్నికకు సంబంధించి ఓటర్ల జాబితాను కొత్తగా రూపొందించడం జరుగుతుందని, గతంలో ఓటర్లుగా నమోదైన ఉపాధ్యాయులు సైతం ప్రస్తుత ఎన్నికల కోసం కొత్తగా ఫారం–19 ద్వారా దరఖాస్తు చేసుకోవాలని తెలిపారు. గత ఎన్నికల సమయంలో 13,505 మంది ఉపాధ్యాయులు ఓటర్లుగా నమోదు కాగా, ప్రస్తుత నమోదు ప్రక్రియలో ఇప్పటి వరకు 10,909 దరఖాస్తులు మాత్రమే అందాయని తెలిపారు. గత ఎన్నికల గణాంకాలతో పోలిస్తే ఇంకా సుమారు 2,600 మందికి పైగా అర్హులైన ఉపాధ్యాయులు ఓటర్లుగా నమోదు కావాల్సి ఉందని పేర్కొన్నారు. అర్హులైన ప్రభుత్వ, ప్రైవేట్‌ విద్యా సంస్థల్లో పనిచేస్తున్న ఉపాధ్యాయులు అందరూ గడువు తేదీ, నవంబరు 6వ తేదీ లోగా ఫారం–19 ద్వారా ఓటర్లుగా నమోదు చేసుకోవాలని విజ్ఞప్తి చేశారు. ఇప్పటి వరకు ప్రభుత్వ ఉపాధ్యాయులు ఓటు హక్కు కోసం దరఖాస్తులు సమర్పించగా, ప్రైవేటు పాఠశాలల ఉపాధ్యాయులు పెద్దగా ఆసక్తి కనబర్చలేదు. అయితే ఉపాధ్యాయ ఎమ్మెల్సీ ఓటు దరఖాస్తుకు సంబంధించిన తుది గడువు ముగియనుండటంతో గత నాలుగు రోజులు వ్యవధిలో వివిధ మండలాల తహసీల్దార్లకు పెద్ద ఎత్తున దరఖాస్తులు అందుతున్నాయి. బీఈడీ అర్హతలు లేకున్నా దరఖాస్తులను ఆమోదించాలని తహసీల్దార్లపై కూటమి నేతలు ఒత్తిడి తెస్తున్నట్లు సమాచారం. అర్హత గల ఉపాధ్యాయులు ఓటర్లుగా నమోదు చేసుకోవాల్సిన ఎమ్మెల్సీ ఓటరు జాబితాలోనూ బోగస్‌ ఓటర్లను నమోదు చేయించేందుకు కూటమి ప్రజా ప్రతినిధులు, నేతలు ప్రయత్నిస్తున్నారు. బోధనతో సంబంధం లేని నాన్‌ టీచింగ్‌ స్టాఫ్‌ను సైతం ఓటర్లుగా నమోదు చేయించేందుకు ప్రయత్నిస్తున్నారని, బీఈడీ అర్హతలతో పాటు మూడేళ్ల సర్వీసు నిబంధన పరిగణలోకి తీసుకోవాలని ఉపాధ్యాయ సంఘాల నాయకులు డిమాండ్‌ చేస్తున్నారు.

కొరిటెపాడు(గుంటూరు): గుంటూరు జిల్లాలో బుధవారం ఉదయం నుంచి గురువారం ఉదయం వరకు మూడు మండలాల్లో తేలికపాటి వర్షం కురిసింది. వివిధ మండలాల్లో నమోదైన వర్షపాతం వివరాలు ఇలా ఉన్నాయి. తాడేపల్లి మండలంలో 15.2 మిల్లీ మీటర్లు, తుళ్లూరు 2 మి.మీ. పొన్నూరు మండలంలో 1.8 మి.మీ వర్షం కురిసింది. గుంటూరు వెస్ట్‌(క్రీడలు): గుంటూరు జిల్లా జూడో సంఘం ఆధ్వర్యంలో శనివారం మంగళగిరిలోని డాన్‌బాస్కో హైస్కూలులో జిల్లా స్థాయి జూడో సబ్‌ జూనియర్‌ ఎంపికలు జరుగుతాయని సంఘం అధ్యక్ష, కార్యదర్శులు అప్పికట్ల శ్రీహరి నాయుడు, బి.కిరణ్‌కుమార్‌రెడ్డి గురువారం ఒక ప్రకటనలో పేర్కొన్నారు. ఎంపికల్లో పాల్గొనే క్రీడాకారులు 2012 నుంచి 2014 లోపు జన్మించిన వారై ఉండాలన్నారు. క్రీడాకారులు తమ వయసు ధ్రువీకరణ పత్రంతోపాటు ఆధార్‌ కార్డు తీసుకొని మధ్యాహ్నం 2 గంటలకు డాన్‌బాస్కో హైస్కూల్లో హాజరు కావాలని తెలిపారు. పెదకాకాని: మండల పరిధిలోని వెనిగండ్ల–2 సెగ్మెంట్‌లో పోలింగ్‌ గురువారం రాత్రి 7 గంటల వరకు కొనసాగింది. పెదకాకానిలో స్థానిక సంస్థల ఎన్నికల ప్రక్రియ గురువారం ఉదయం 7 గంటలకే ప్రారంభమైంది. మండల పరిధిలోని ఆయా గ్రామాల్లో ఉన్న 71 పోలింగ్‌ బూత్‌లలో సకాలంలో ఎన్నికల నిర్వహణ ముగియగా వెనిగండ్ల ఎస్సీ కాలనీలో మాత్రం సాయంత్రం 5 గంటల సమయానికి 100 మందికి పైగా ఓటర్లు క్యూలైన్‌లో ఉన్నారు. దీంతో పోలింగ్‌ బూత్‌ ప్రహరీ గేటుకు తాళం వేసిన సిబ్బంది క్యూలైన్‌లో ఉన్న 100 మందికి టోకెన్‌లు ఇచ్చారు. ఈ పోలింగ్‌ బూత్‌లో ఓటింగ్‌ నిర్వహణ రాత్రి 7 గంటల వరకూ కొనసాగింది. దుగ్గిరాల: దుగ్గిరాల మండలంలో జరిగిన స్థానిక ఎన్నికల్లో గంజాయి బ్యాచ్‌ హల్‌చల్‌ చేస్తూ.. ఓటర్లను భయభ్రాంతులకు గురిచేసిన ఘటన జరిగింది. మండలంలోని మోరంపూడి, గొడవర్రు, మంచికలపూడి, తుమ్మపూడి గ్రామాల్లో పలువురు గంజాయి సేవించిన యువకులు ఓటర్లను భయభ్రాంతులకు గురిచేస్తూ చేతల్లో కర్రలతో హల్‌చల్‌ చేశారు. అడిగినవారిపై, అడ్డుకున్న వారిపై దాడులకు దిగడమే కాకుండా, అధికార పార్టీ తరఫున రిగ్గింగ్‌కు పాల్పడ్డారు. వీరిని వైఎస్సార్‌ సీపీ శ్రేణులు అడ్డుకున్నారు. అనంతరం పోలీసులు రంగప్రవేశం చేసి, వారిని చెదరగొట్టారు. క్రోసూరు: మండలంలోని దొడ్లేరు గ్రామంలో 18 వార్డు పోలింగ్‌ కేంద్రంలో విధుల్లో ఉన్న పీహెచ్‌సీ ఉద్యోగి, పోలింగ్‌ అధికారి నూతక్కి దిలీప్‌ చక్రవర్తి అకస్మాత్తుగా అస్వస్ధతకు గురయ్యారు. వెంటనే పీహెచ్‌సీ వైద్యులు డాక్టర్‌ అనిల్‌కుమార్‌, డాక్టర్‌ మేరీశ్రీకళ, శిఖాశ్యాంసన్‌ ప్రాథమిక చికిత్స అందించి సత్తెనపల్లి ఏరియా ఆసుపత్రికి తరలించారు. ప్రస్తుతం ఆయన ఆరోగ్య పరిస్థితి బాగానే ఉన్నట్లు తెలిపారు. పోలింగ్‌ కేంద్రాన్ని సందర్శించిన ఏఎస్పీ... మండలంలోని పలు పోలింగ్‌ కేంద్రాలను జిల్లా అదనపు ఎస్పీ రోహిత్‌కుమార్‌ చౌదరి పరిశీలించారు. పోలీసు సిబ్బందికి తగు సూచనలు చేశారు. సమస్యాత్మక పోలింగ్‌ కేంద్రాల వద్ద సాయుధ బలగాలను పెట్టినట్లు తెలిపారు. ముప్పాళ్ళ: జెడ్పీటీసీ, ఎంపీటీసీ ఎన్నికల నేపథ్యంలో పోలింగ్‌ కేంద్రాల వద్ద పటిష్ట భద్రతా ఏర్పాట్లు చేసినట్లు జిల్లా ఎస్పీ జగదీష్‌ అదహళ్లి చెప్పారు. మండలంలోని ముప్పాళ్ళ జిల్లా పరిషత్‌ ఉన్నత పాఠశాలలోని పోలింగ్‌ కేంద్రాలను గురువారం పరిశీలించారు. మండలంలోని నార్నెపాడు, లంకెలకూరపాడు గ్రామాల్లోని పోలింగ్‌ కేంద్రాలలోని భద్రతా ఏర్పాట్లను పరిశీలించారు. సమస్యాత్మక, అత్యంత సమస్మాత్మక పోలింగ్‌ కేంద్రాలపై ప్రత్యేక నిఘా ఏర్పాటు చేశామన్నారు.

తెనాలిఅర్బన్‌: నేషనల్‌ హెల్త్‌ మిషన్‌ రాష్ట్ర బృందం గురువారం తెనాలి జిల్లా వైద్యశాలను సందర్శించింది. ఎన్‌హెచ్‌ఎం రాష్ట్ర ప్రోగ్రాంమేనేజర్‌, వైద్య ఆరోగ్యశాఖ జాయింట్‌ డైరెక్టర్‌ డాక్టర్‌ జె.విజయలక్ష్మి ఆధ్వర్యంలో ప్రోగ్రాం ఆఫీసర్‌ డాక్టర్‌ పి.గీతా పద్మజ, స్టేట్‌ రాష్ట్ర క్వాలిటీ కన్సల్‌టెంట్‌ జ్యోతి, డాక్టర్‌ స్టేఫీ గ్రేస్‌లు జిల్లా వైద్యశాలలోని ఎస్‌ఎంసీయూ, డైక్‌, ఎన్‌సీడీ, నేషనల్‌ మెంటల్‌హెల్త్‌ ప్రోగ్రాం, డయాలసిస్‌ విభాగాలను పరిశీలించారు. అక్కడ అందుతున్న వైద్యసేవలపై ఆరా తీసి సంతృప్తి వ్యక్తం చేశారు. రోగులతో మాట్లాడి అభిప్రాయాలు సేకరించారు. అనంతరం నిర్మాణంలో ఉన్న క్రిటికల్‌ కేర్‌ యూనిట్‌ను పరిశీలించి, త్వరగా పూర్తి చేయాలని ఆదేశించారు. కార్యక్రమంలో వైద్యశాల సూపరింటెండెంట్‌ డాక్టర్‌ సౌభాగ్యవాణి, డిప్యూటీ డీఎంహెచ్‌వో డాక్టర్‌ అన్నపూర్ణ, డీపీఎంవో డాక్టర్‌ సుజాత, డీపీవో డాక్టర్‌ సైమన్‌, ఆర్‌ఎంవోలు డాక్టర్‌ మల్లికార్జునరావు, డాక్టర్‌ మంజూష, నర్సింగ్‌ సూపరింటెండెంట్‌ రాజేశ్వరి, పలువురు వైద్యులు, సిబ్బంది పాల్గొన్నారు. చిలకలూరిపేట: ప్రత్యేక బృందాలను రప్పించి విద్యుత్‌ పునరుద్ధరణకు మరమ్మతు పనులు నిర్వహిస్తున్నట్లు ఏపీసీపీడీసీఎల్‌ సీఎండీ పి.పుల్లారెడ్డి చెప్పారు. తుపాను నేపథ్యంలో చిలకలూరిపేట పట్టణంతోపాటు నియోజకవర్గంలోని పలు గ్రామాలలో భారీగా విద్యుత్‌ స్తంభాలు నేలకొరగడం, తీగలు తెగిపోవడం జరిగింది. ఈ నేపథ్యంలో గురువారం స్థానిక విద్యుత్‌ అధికారులతో కలసి పట్టణంలోని సబ్‌ రిజిస్ట్రార్‌ కార్యాలయం వద్ద ట్రాన్స్‌ఫార్మర్‌ ఏర్పాటు పనులను సీఎండీ పరిశీలించారు. ఆయన మీడియాతో మాట్లాడుతూ.. ప్రకాశం, బాపట్ల జిల్లాలతో పాటు పల్నాడు జిల్లాలోని చిలకలూరిపేటలో ఎక్కువగా విద్యుత్‌ స్తంభాలు కూలిపోవడం, చెట్లు పడి విద్యుత్‌ తీగలు తెగిపోవడం జరిగిందన్నారు. ఈ నేపథ్యంలో సమస్య ఉన్న అన్ని ప్రాంతాలలో ప్రత్యేక బృందాలను పిలిపించి మరమ్మతు పనులు నిర్వహిస్తున్నట్లు తెలిపారు. ఇందులో భాగంగానే చిలకలూరిపేటలో 200 మంది సిబ్బందితో మరమ్మతు పనులు నిర్వహిస్తున్నట్లు తెలిపారు. గురువారం రాత్రికి వీలైనంత మేరకు పనులు పూర్తి చేస్తామని చెప్పారు. సరఫర పునరుద్ధరణకు చర్యలు తీసుకుంటామని తెలిపారు. కార్యక్రమంలో విద్యుత్‌ ఎస్‌ఈ డి.సుధాకర్‌, ఈఈ వై.ఏడుకొండలు, ఏడీఈ టి.భార్గవి, ఏఈ పి.కరుణాకర్‌ తదితరులు పాల్గొన్నారు. గుంటూరు రూరల్‌: జెడ్పీటీసీ, ఎంపీటీసీ ఎన్నికల పోలింగ్‌ జిల్లాలో ప్రశాంతంగా సాగిందని జిల్లా కలెక్టర్‌, జిల్లా ఎన్నికల అధికారి సీఎం సాయికాంత్‌వర్మ తెలిపారు. గురువారం గుంటూరు రూరల్‌ మండలం లాలుపురం గ్రామంలో పోలింగ్‌ సరళిని ఆయన పరిశీలించారు. ఓటర్లతో, పోలింగ్‌ సిబ్బందితో స్వయంగా మాట్లాడి వివరాలు తెలుసుకున్నారు. అనంతరం మీడియాతో మాట్లాడుతూ జిల్లాలోని 724 కేంద్రాల్లో పోలింగ్‌ నిర్వహించామని చెప్పారు. 13 జెడ్పీటీసీ స్థానాలకు, 193 ఎంపీటీసీ స్థానాలకు పోలింగ్‌ జరుగుతోందని వివరించారు. ఓటర్లందరూ తమ అమూల్యమైన ఓటు హక్కును వినియోగించుకోవాలని విజ్ఞప్తి చేశారు. అన్ని పోలింగ్‌ కేంద్రాల్లో పూర్తిస్థాయి బందోబస్తు, వసతులు కల్పించామన్నారు. కార్యక్రమంలో గుంటూరు పశ్చిమ తహసీల్దార్‌ కిరణ్‌కుమార్‌, తదితరులు పాల్గొన్నారు.

నెహ్రూనగర్‌: ప్రజాస్వామ్య వ్యవస్థలో ప్రజలు తీర్పు ఇచ్చి గెలిపించిన ప్రజాప్రతినిధులను పక్కనబెట్టి, ఓడిపోయిన అభ్యర్థులను తెరపైకి తెచ్చే వికృత రాజకీయాలకు కూటమి నేతలు తెరలేపారు. గుంటూరు నగరపాలక సంస్థ పరిధిలోని రెండో డివిజన్‌లో వైఎస్సార్‌ కాంగ్రెస్‌ పార్టీ తరఫున బరిలో నిలిచిన మాదాను ఉషారాణి ప్రత్యర్థిపై విజయం సాధించి అధికారికంగా కార్పొరేటర్‌గా గెలుపొందారు. ప్రజల తీర్పును గౌరవించాల్సింది పోయి.. రాష్ట్రంలో తమ ప్రభుత్వమే అధికారంలో ఉందన్న అహంకారంతో తెలుగుదేశం పార్టీ (టీడీపీ) నాయకులు బరితెగింపు చర్యలకు పాల్పడుతున్నారు. ఎన్నికల్లో ఓడిపోయిన టీడీపీ అభ్యర్థి షేక్‌ షాహినా గెలిచినా, ఓడినా ఆమే కార్పొరేటర్‌ అంటూ సోషల్‌ మీడియాలో ఫొటోలు, తప్పుడు ప్రచారాలతో కూడిన పోస్టర్లను వైరల్‌ చేస్తున్నారు. ‘ప్రభుత్వం ఉన్నంతవరకు ఏ పని కావాలన్నా రెండో వార్డులో ఆమె ద్వారానే జరుగుతాయి‘ అంటూ టీడీపీ నేతలు సామాజిక మాధ్యమాల్లో పోస్టులు పెడుతూ ప్రజలను తప్పుదోవ పట్టిస్తున్నారు. ప్రజలు ఓటు వేసి గెలిపించిన నాయకురాలిని కాదని, ఓడిపోయిన వ్యక్తిని నెత్తికెత్తుకోవడంపై స్థానికంగా తీవ్ర దుమారం రేగుతోంది. ఓటమిని జీర్ణించుకోలేక అధికార బలంతో ఇలాంటి దిగజారుడు రాజకీయాలకు పాల్పడటం సిగ్గుచేటని వైఎస్సార్‌ సీపీ నాయకులు, ప్రజలు మండిపడుతున్నారు. ప్రజాతీర్పును అవహేళన చేస్తూ సోషల్‌ మీడియాలో జరుగుతున్న ఈ దుష్ప్రచారంపై ఎన్నికల అధికారులు, పోలీసులు స్పందించి తక్షణమే తప్పుడు పోస్టులు పెడుతున్న వారిపై కఠిన చర్యలు తీసుకోవాలని డిమాండ్‌ చేస్తున్నారు.

● రేషన్‌ దుకాణాల్లో కొరవడిన సరుకులు ● సీఎం ప్రకటనకు విరుద్ధంగా పరిస్థితి ● దీపావళి వేళ దుస్థితిపై లబ్ధిదారుల ఆవేదన గుంటూరు వెస్ట్‌: దీపావళికి రేషన్‌ దుకాణాల్లో కిలో కందిపప్పు రూ.100, గోధుమ పిండి రూ.25, లీటర్‌ పామాయిల్‌ రూ.125 చొప్పున ఇవ్వాలని గత నెల 27న ముఖ్యమంత్రి చంద్రబాబు ఆదేశాలిచ్చారు. అయితే ప్రస్తుత పరిస్థితి అందుకు భిన్నంగా ఉంది. తక్కువ ధరలకు సరుకులు ఇవ్వడం దేవుడెరుగు.. కనీసం ఉన్న సరుకులు కూడా లేకుండా చేశారు. గత వారం రోజులుగా జిల్లాలో రేషన్‌ పంపిణీ జరుగుతోంది. అయితే బియ్యం మాత్రమే ఇస్తున్నారు. పంచదార, కందిపప్పు, గోధుమ పిండి, పామాయిల్‌ లేవని రేషన్‌ దుకాణాల యజమానులు చెప్పడంతో ప్రజలు వారితో వాగ్వాదానికి దిగుతున్నారు. పండుగ వేళ కూడా పంచదార ఇవ్వకపోతే ఎలా అని ప్రజలు వాపోతున్నారు. అధికారుల వాదన ఇదీ.. అయితే పౌరసరఫరాల శాఖ, పౌరసరఫరాల శాఖ జిల్లా మేనేజర్‌ కార్యాలయాల్లో మరో వాదన వినిపిస్తోంది. నిత్యావసర సరుకుల పంపిణీ కాంట్రాక్టు స్థానంలో కొత్తవారిని నియమించామని, అందుకే కొంత ఆలస్యమవుతోందని అధికారులు చెబుతున్నారు. త్వరలోనే కొన్ని సరుకులైనా ఇస్తామని అంటున్నారు. జిల్లాలో మొత్తం 5,97,931 రేషన్‌ కార్డులున్నాయి. ఇప్పటికే జిల్లాకు 304 మెట్రిక్‌ టన్నుల పంచదార మంజూరైందని, అది మార్గమధ్యంలో ఉందని చెబుతున్నారు. అధికారుల అంతర్గత సమస్యలకు ప్రజలకు ఏం సంబంధం? ఇవన్నీ ముందే చూసుకోవాలి కదా అని కొందరు ప్రశ్నిస్తున్నారు. ప్రభుత్వం తీరుపై ఆవేదన చెందుతున్నారు. మాలాంటి పేదలకు రేషన్‌ దుకాణాలే కదా దిక్కు. పండుగ వేళ కూడా బియ్యం మాత్రమే ఇవ్వడమేంటి? రేషన్‌ డీలర్లు మాకు తెలియదని చెబుతున్నారు. మేము ఎవరిని అడగాలి? ప్రస్తుతం ఎన్నికల వేడి నడుస్తున్న తరుణంలో అధికారులు కూడా అందుబాటులో ఉండడం లేదు. పేదవారి కష్టాన్ని పట్టించుకోకపోతే ఎలా? – ఎం. లక్ష్మి, లబ్ధిదారు

అన్నదాత గుండెల్లో వరుస తుఫాన్‌ల గుబులు ● ‘అర్నబ్‌’తో ఇప్పటికే 23 వేల ఎకరాల్లో పంట నష్టం ● మురసు దెబ్బకు 95,830 ఎకరాల్లో పంట నాశనం ● మొంథా పరిహారం కోసం ఏడాదికి పైగా ఎదురుచూపులు నీటిని మళ్లించేందుకు జేసీబీతో కాలువను సరిచేయిస్తున్న రైతు కుంచనపల్లిలో నీట మునిగిన ఆకుకూర మడులు ఉల్లి చేనులో నుంచి నీటిని బయటకు పంపిస్తున్న రైతు తాడేపల్లిలో విరిగిపడిన అరటి చెట్లు కొరిటెపాడు (గుంటూరు): వరుస తుఫాన్లు అన్నదాతల జీవితాలను అతలాకుతలం చేస్తున్నాయి. ఆరుగాలం శ్రమించి పండించిన పంటలు చేతికొచ్చే సమయంలో ప్రకృతి ప్రకోపానికి బలవుతుండటంతో రైతన్నకు కన్నీరే మిగులుతోంది. ఇటీవల సంభవించిన అర్నబ్‌ తుఫాన్‌ గుంటూరు జిల్లా రైతాంగాన్ని తీవ్రంగా దెబ్బతీసింది. ఈ తుఫాను ప్రభావంతో జిల్లాలో సుమారు 23 వేల ఎకరాల్లో పంట నష్టం జరిగినట్లు అధికారులు ప్రాథమికంగా అంచనా వేశారు. తాజాగా మురసు తుఫాన్‌ ప్రభావంతో కురిసిన భారీ వర్షాలు గుంటూరు జిల్లా వ్యవసాయ రంగాన్ని మరోసారి కోలుకోలేని దెబ్బతీశాయి. జిల్లావ్యాప్తంగా 15 మండలాల్లోని 133 గ్రామాల్లో 47,001 మంది రైతులకు చెందిన 92,655 ఎకరాల్లో వ్యవసాయ పంటలు, 3,175 ఎకరాల్లో ఉద్యాన పంటలు దెబ్బతిన్నట్లు వ్యవసాయ, ఉద్యాన శాఖల అధికారులు ప్రాథమిక అంచనాలు వెల్లడించారు. మొత్తం 95,830 ఎకరాల్లో పంట నష్టం జరిగినట్లు అధికారులు ప్రాథమికంగా అంచనా వేశారు. గత ఏడాది అక్టోబరులో సంభవించిన మొంథా తుఫాను నష్టం నుంచి కూడా రైతులు ఇంకా కోలుకోలేదు. మొంథా తుఫాను కారణంగా జిల్లాలో 6,062 ఎకరాల్లో పంటలు నష్టపోయిన సుమారు 3,800 మంది రైతులకు ఇప్పటికీ రూ.5.75 కోట్ల పరిహారం అందాల్సి ఉంది. ఏడాది గడిచినా పరిహారం అందకపోవడంతో బాధిత రైతులు తీవ్ర నిరాశలో ఉన్నారు. తాడేపల్లిరూరల్‌: మంగళగిరి నియోజకవర్గ పరిధిలో మురసు తుఫాన్‌ ప్రభావం రైతులకు తీవ్ర నష్టాన్ని మిగిల్చింది. చేతికొచ్చే దశలో ఉన్న పంటను కాపాడుకునేందుకు రైతులు తమ సొంత ఖర్చులతో పంట పొలాల్లోని నీటిని బయటకు పంపించే ప్రయత్నాలు చేస్తున్నారు. ఇందులో భాగంగా బోదుల్లో పేరుకుపోయిన చెత్తాచెదారాన్ని తొలగించడంతో పాటు పూడ్చుకుపోయిన కాలువలను జేసీబీలతో తవ్వించి నీటిని మళ్లించే పనులు చేపట్టారు. మంగళగిరి నియోజకవర్గంలోని ఉండవల్లి, పెనుమాక, తాడేపల్లి, కుంచనపల్లి, చిర్రావూరు, మెల్లెంపూడి, నూతక్కి తదితర గ్రామాల్లో అరటి పంట సాగు చేస్తున్న రైతులకు తీవ్ర నష్టం వాటిల్లింది. మరో రెండు మూడు నెలల్లో పంట చేతికి వచ్చే సమయంలో ఈదురుగాలులు, వర్షం కారణంగా అరటి చెట్లు నేలకొరిగాయి. ఉండవల్లి, పెనుమాక ప్రాంతాల్లో ఉల్లి సాగు చేసిన రైతులకు ఎకరానికి రూ.లక్ష వరకు ఖర్చయింది. అయితే, ఉల్లి చేలు దాదాపు సగానికి పైగా నీట మునగడంతో రైతులు తీవ్రంగా నష్టపోవాల్సి వచ్చింది. ఉండవల్లి, పెనుమాక గ్రామాల నుంచి సీడ్‌ యాక్సెస్‌ రోడ్డు వెళ్లడంతో అమరావతి కరకట్టకు, రోడ్డుకు మధ్య భారీగా వర్షపు నీరు నిలిచిపోయింది. నీరు బయటకు వెళ్లేందుకు మార్గం లేకపోవడంతో ఉల్లి చేలు నీటిలోనే నానుతున్నాయి. వరి రైతుల కష్టాలు వర్ణనాతీతంగా మారాయి. పంటకు కంకులు వచ్చిన సమయంలో కురిసిన వర్షానికి వరి కంకులు నీటిలోకి వాలిపోయాయి. పంట పొలాల్లో నిలిచిన నీటిని బయటకు పంపించేందుకు రైతులు తీవ్రంగా శ్రమిస్తున్నారు. తుఫాన్‌ కారణంగా తీవ్ర నష్టం వాటిల్లినా అధికారులు పట్టించుకోవడం లేదని రైతులు ఆవేదన వ్యక్తం చేస్తున్నారు. పెదనందిపాడు: పెదనందిపాడు వద్ద నల్లమడ వాగుకు గండ్లు పడటంతో పలు గ్రామాలు జలదిగ్బంధంలో చిక్కుకున్నాయి. రవాణా, విద్యుత్‌ సౌకర్యం లేక ఆహారం, తాగునీటి కోసం తీవ్ర ఇబ్బందులు పడ్డారు. మండల పరిధిలోని రాజుపాలెం, పాలపర్రు, పెదనందిపాడు, అన్నవరం, నాగులపాడు, వరగాని, అబ్బినేనిగుంటపాలెం గ్రామాల్లోకి వరద నీరు వచ్చి చేరడంతో ప్రజలు నానా కష్టాలు పడాల్సి వచ్చింది. ముఖ్యంగా విద్యుత్‌ సౌకర్యం లేకపోవడంతో ప్రజలు తీవ్ర ఇబ్బందులు ఎదుర్కొన్నారు. కూటమి ప్రభుత్వం అధికారంలోకి వచ్చిన నాటి నుంచి నల్లమడ వాగును అభివృద్ధి చేస్తామని ప్రకటించినప్పటికీ, ఎక్కడా పనులు ప్రారంభించలేదని స్థానికులు ఆరోపిస్తున్నారు. కూటమి నాయకులు మాత్రం మట్టిని అమ్ముకుని సొమ్ము చేసుకున్నారే తప్ప, ఎక్కడా గండ్లను పూడ్చేందుకు ముందుకు రాలేదని రైతులు ఆగ్రహం వ్యక్తం చేస్తున్నారు. వాగుకు గండ్లు పడటంతో పంటలు నీటమునిగాయని ఆవేదన వ్యక్తం చేస్తున్నారు. పెదనందిపాడు, నాగులపాడు వద్ద నల్లమడ వాగుకు భారీ గండ్లు పడటంతో వరద నీరు పొలాల్లోకి చేరి పంటలు నాశనమయ్యాయి. మండలంలో సుమారు 1,500 ఎకరాల పంట నీటమునిగింది. బాధిత గ్రామాలను ప్రజాప్రతినిధులు పట్టించుకోవడం లేదని స్థానికులు ఆరోపిస్తున్నారు. స్థానిక శాసనసభ్యుడు బూర్ల రామాంజనేయులు, ఎంపీ పెమ్మసాని చంద్రశేఖర్‌ ఈ ప్రాంతానికి రాలేదని వారిపై ప్రజలు ఆగ్రహం వ్యక్తం చేస్తున్నారు. తాడేపల్లి రూరల్‌ : నీటిలో మునిగిన వరి పంటను చూపిస్తున్న రైతు కలెక్టర్‌, ఎస్పీల పరిశీలన నల్లమడ వాగుకు పడిన గండ్లను, వరద ప్రభావిత ప్రాంతాలను జిల్లా కలెక్టర్‌ సాయికాంత్‌ వర్మ, జిల్లా ఎస్పీ వకుల్‌ జిందాల్‌ పరిశీలించారు. అధికారులు అందరూ అప్రమత్తంగా వ్యవహరించి బాధితులను పునరావాస కేంద్రాలకు తరలించి, వారికి భోజన వసతి కల్పిస్తున్నారని చెప్పారు. ఎన్‌డీఆర్‌ఎఫ్‌ సిబ్బంది కూడా పెదనందిపాడు మండలంలోని అన్ని గ్రామాల్లో పర్యటిస్తూ ఎప్పటికప్పుడు పరిస్థితులను పర్యవేక్షిస్తున్నారని తెలిపారు. వరుస ప్రకృతి విపత్తులతో నష్టపోతున్న అన్నదాతలను ఆదుకోవాల్సిన బాధ్యత ప్రభుత్వంపై ఉంది. అధికారులు క్షేత్రస్థాయిలో పంట నష్టం అంచనాలను పారదర్శకంగా చేపట్టి, అర్హులైన రైతులందరికీ నష్టపరిహారం అందించాలని రైతులు, రైతు సంఘాల నేతలు కోరుతున్నారు. గత ఏడాది మొంథా తుఫాను పరిహారాన్ని వెంటనే విడుదల చేయడంతో పాటు, అర్నబ్‌, మురసు తుఫాన్ల వల్ల జరిగిన నష్టానికి కూడా తగిన పరిహారం అందించి ఆదుకోవాలని విజ్ఞప్తి చేస్తున్నారు. ఒకవైపు ప్రకృతి ప్రకోపం.. మరోవైపు పెరుగుతున్న పెట్టుబడుల భారం.. ఇంకోవైపు అందని పరిహారం.. వెరసి గుంటూరు జిల్లా రైతన్న పరిస్థితి దయనీయంగా మారింది. పాత నష్టానికి పరిహారం లేదు.. కొత్త నష్టానికి భరోసా లేదు.. చివరకు అన్నదాతకు కన్నీరే మిగిలింది.

● నేడు యథావిధిగా జెడ్పీటీసీ, ఎంపీటీసీ పోలింగ్‌ ● జిల్లా కలెక్టర్‌ సీఎం సాయికాంత్‌ వర్మ గుంటూరు వెస్ట్‌: మురసు తుఫాన్‌ కారణంగా ప్రజలు ఇబ్బందులు ఎదుర్కొన్నారని... ఎంతో కష్టపడి యంత్రాంగం ప్రాణనష్టం జరగకుండా చూడగలిగిందని జిల్లా కలెక్టర్‌ సీఎం సాయికాంత్‌ వర్మ తెలిపారు. బుధవారం స్థానిక కలెక్టరేట్‌లోని వీసీ హాల్లో ఏర్పాటు చేసిన విలేకరుల సమావేశంలో ఆయన మాట్లాడుతూ.. ప్రజల సహకారంతో తుఫాన్‌ను సమర్థంగా ఎదుర్కోగలిగామన్నారు. కాకుమాను, పెదనందిపాడు, పొన్నూరు, ఫిరంగిపురం, ప్రత్తిపాడు, చేబ్రోలు మండలాల్లో ప్రభావం ఎక్కువగా కనిపించిందన్నారు. సుమారు 100 చెట్లు కూలిపోగా, వాటిలో 76 చెట్లు రహదారులపై పడ్డాయని తెలిపారు. వాటిని తక్షణమే తొలగించి రాకపోకలను పునరుద్ధరించామన్నారు. 17 రహదారులు దెబ్బతినగా, ఇప్పటికే ఐదు రహదారులను పునరుద్ధరించామని చెప్పారు. ప్రకాశం బ్యారేజీకి వరద నీరు వస్తుండటంతో ఇప్పటికే గేట్లు తెరిచామని కలెక్టర్‌ తెలిపారు. ప్రకాశం బ్యారేజీ దిగువన ఉన్న తాడేపల్లి, మంగళగిరి, దుగ్గిరాల, కొల్లిపర మండలాల ప్రజలను అప్రమత్తం చేశామని చెప్పారు. గుంటూరు–అమరావతి రహదారిలో లాం వద్ద నీటి ప్రవాహం ఎక్కువగా ఉండటంతో రాకపోకలను నియంత్రించామని చెప్పారు. నల్లమడవాగు సామర్థ్యం 18 వేల క్యూసెక్కులు కాగా, మంగళవారం 40 వేల క్యూసెక్కుల వరకు నీటి ప్రవాహం వచ్చిందని, బుధవారం నాటికి 45 వేల క్యూసెక్కుల వరకు ఉండవచ్చని జలవనరుల శాఖ అధికారులు అంచనా వేసినట్లు తెలిపారు. గురువారం మధ్యాహ్నం లేదా సాయంత్రం నాటికి నీటి ప్రవాహం తగ్గుముఖం పట్టవచ్చని ఆశిస్తున్నట్లు చెప్పారు. 55 గ్రామాల్లో విద్యుత్‌ అంతరాయం కలగగా, ఇప్పటివరకు 20 విద్యుత్‌ స్తంభాలు కూలినట్లు గుర్తించామని చెప్పారు. కలెక్టర్‌ మాట్లాడుతూ.. అర్నబ్‌, మురసు తుఫాన్‌లు వరుసగా రావడంతో రైతులు తీవ్రంగా నష్టపోయారన్నారు. పూర్తిస్థాయిలో నష్టపరిహారం అందించేందుకు అవసరమైన పంట నష్ట అంచనాల తయారీకి చర్యలు చేపట్టామని తెలిపారు. పోలింగ్‌కు ఏర్పాట్లు పూర్తి గురువారం 13 మండలాల్లో ఎంపీటీసీ, జెడ్పీటీసీ ఎన్నికలు నిర్వహించనున్నట్లు కలెక్టర్‌ తెలిపారు. ఎంపీటీసీ స్థానాలకు మొత్తం 200 మంది అభ్యర్థులు ఉండగా, వారిలో ఏడుగురు ఏకగ్రీవమయ్యారని చెప్పారు. మిగిలిన 193 ఎంపీటీసీ స్థానాలతో పాటు 13 జెడ్పీటీసీ స్థానాలకు ఎన్నికలు అనుకున్నట్లుగానే నిర్వహిస్తామని స్పష్టం చేశారు. పెదనందిపాడు, కాకుమాను, ఫిరంగిపురం మండలాల్లో వరద నీరు ఉండటంతో ఆ మూడు మండలాల్లో ఎన్నికలను శుక్రవారానికి వాయిదా వేయాలని భావించామని తెలిపారు. కానీ, వరద తగ్గుముఖం పట్టడంతో గురువారమే ఇక్కడ కూడా ఎన్నికలు నిర్వహిస్తామని స్పష్టం చేశారు. ఈ సమావేశంలో జిల్లా రెవెన్యూ అధికారి ఎన్‌.ఎస్‌.కె. ఖాజావలి పాల్గొన్నారు.

గుంటూరు ఎడ్యుకేషన్‌: గురువారం జరగనున్న జెడ్పీటీసీ, ఎంపీటీసీ ఎన్నికలకు ఏర్పాట్లు పూర్తయ్యాయి. గుంటూరు జిల్లాలోని 13 మండలాల్లో 13 జెడ్పీటీసీ, 200 ఎంపీటీసీ స్థానాలు ఉన్నాయి. ఏడు ఎంపీటీసీ స్థానాలు ఏకగ్రీవం అయ్యాయి. మిగిలిన 193 స్థానాలకు ఎన్నికలు జరగనున్నాయి. మండల కేంద్రాల్లో ఏర్పాటు చేసిన పంపిణీ కేంద్రాల ద్వారా సిబ్బందికి సామగ్రిని పంపిణీ చేశారు. ఈనెల 5వ తేదీన పోలింగ్‌ జరగనుండగా, ఓట్ల లెక్కింపు ఈనెల 7వ తేదీన జరగనుంది. గుంటూరు రెవెన్యూ డివిజన్‌ పరిధిలోని మండలాలకు సంబంధించిన ఓట్ల లెక్కింపు ప్రక్రియ ఆచార్య నాగార్జున విశ్వవిద్యాలయ ప్రాంగణంలో, తెనాలి రెవెన్యూ డివిజన్‌ పరిధిలోని మండలాల ఓట్ల లెక్కింపు తెనాలి వీఎస్సార్‌ కళాశాలలో జరగనుంది. గుంటూరు జెడ్పీ రోడ్డులోని మండల పరిషత్‌ కార్యాలయ ఆవరణలో నిర్వహించిన ఎన్నికల సామగ్రి పంపిణీ కార్యక్రమాన్ని జెడ్పీ సీఈవో వి.జ్యోతిబసు, రిటర్నింగ్‌ అధికారులు, మండల పరిషత్‌ అభివృద్ధి అధికారులు పర్యవేక్షించారు.

సగటున 119.2 మి.మీ వర్షపాతం కొరిటెపాడు(గుంటూరు): గుంటూరు జిల్లాలో మంగళవారం ఉదయం నుంచి బుధవారం ఉదయం వరకు అత్యధికంగా ఫిరంగిపురంలో 206.6 మిల్లీ మీటర్లు వర్షం పడగా, అత్యల్పంగా పొన్నూరు మండలంలో 51.2 మి.మీ వర్షం పడింది. సగటున 119.2 మి.మీ వర్షపాతం నమోదైంది. వివిధ మండలాల్లో నమోదైన వర్షపాతం వివరాలు ఇలా ఉన్నాయి.. గుంటూరు పశ్చిమ 175.6 మి.మీ., పెదకాకాని 170.6, మేడికొండూరు 160.4, గుంటూరు తూర్పు 144.4, కాకుమాను 134.2, తాడికొండ 132.4, తుళ్ళూరు 126.6, మంగళగిరి 122.2, తాడేపల్లి 121.2, ప్రత్తిపాడు 117.8, చేబ్రోలు 104, కొల్లిపర 87.9, పెదనందిపాడు 84, దుగ్గిరాల 77.4, తెనాలి 69, వట్టిచెరుకూరు మండలంలో 60.3 మి.మీ చొప్పున వర్షం పడింది. విద్యుత్‌ షాక్‌తో బాలుడు మృతి తాడేపల్లి రూరల్‌: తాడేపల్లి రూరల్‌ పరిధిలోని పెనుమాక గ్రామంలో నివాసముండే ఓ బాలుడు విద్యుత్‌ షాక్‌తో బుధవారం సాయంత్రం మృతిచెందాడు. సేకరించిన వివరాల ప్రకారం.. పెనుమాక గ్రామానికి చెందిన కాజా కుమారుడు అమీర్‌(9) స్కూల్‌కు సెలవు కావడంతో ఇంటిపైన డాబాపై దీపావళి టపాసులతో ఆడుకుంటున్నాడు. పక్క బిల్డింగ్‌పై మరికొంతమంది పిల్లలు ఆడుకుంటుండగా అమీర్‌ చేతిలో ఉన్న అగ్గిపుల్లలను వెలిగించి వారిపైకి సరదాగా విసిరివేస్తున్నాడు. ఆ క్రమంలో డాబాకు పిట్టగోడ మధ్యలో ఉన్న ఐరన్‌ గ్రిల్‌ పట్టుకుని పైకి ఎక్కి అగ్గిపుల్ల వేసే క్రమంలో బిల్డింగ్‌కు ఆనుకుని వున్న విద్యుత్‌ స్తంభాల వైర్లు తగిలి బాలుడు అక్కడికక్కడే మృతి చెందాడు. అయినప్పటికీ తల్లి, బంధువులు వైద్య నిమిత్తం మణిపాల్‌ ఆసుపత్రికి తీసుకువెళ్లగా అప్పటికే బాలుడు మృతిచెందినట్లు వైద్యులు నిర్ధారించారు. జరిగిన సంఘటనపై తాడేపల్లి పోలీసులు కేసు నమోదు చేసి దర్యాప్తు చేస్తున్నారు. కృష్ణానదిలో విద్యార్థి గల్లంతు తాడేపల్లి రూరల్‌: తాడేపల్లి పట్టణ పరిధిలోని సీతానగరం పుష్కర ఘాట్ల వద్ద ఈతకు దిగి ఓ విద్యార్థి గల్లంతైన సంఘటనపై తాడేపల్లి పోలీసులు బుధవారం కేసు నమోదు చేశారు. తాడేపల్లి ఎస్‌ఐ ఖాజావలి తెలిపిన వివరాల ప్రకారం.. విజయవాడ అజిత్‌సింగ్‌ నగర్‌కు చెందిన డిగ్రీ విద్యార్థి కె.సాయి హర్షిత్‌ అతని స్నేహితులు ఎన్‌.నేతాజీ, పి.జగదీష్‌, సాయిలు ఈత కొట్టేందుకు కృష్ణానది సీతానగరం పుష్కర ఘాట్ల వద్దకు వచ్చి రైల్వే బ్రిడ్జి కింద కృష్ణానది వరద నీటిలోకి దిగారు. అర్ధగంట తరువాత సాయి హర్షిత్‌ నీటిలో మునిగిపోసాగాడు. మిగిలిన స్నేహితులు ముగ్గురు పెద్దగా కేకలు వేయడంతో స్థానికంగా ఉన్న మత్స్యకారులు కొంతమంది సాయి హర్షిత్‌ను కాపాడేందుకు ప్రయత్నించారు. అప్పటికే వరద నీటిలో సాయి హర్షిత్‌ గల్లంతవడంతో తాడేపల్లి పోలీస్‌స్టేషన్‌కు సమాచారం ఇచ్చారు. ఘటనా స్థలానికి వెళ్లి గజ ఈతగాళ్లతో వెతికించినా ఎటువంటి ప్రయోజనం లభించలేదని, సాయిహర్షిత్‌ తాత సూర్యనారాయణ ఇచ్చిన ఫిర్యాదు మేరకు కేసు నమోదు చేసినట్లు ఖాజావలి తెలిపారు. పెదకాకాని: తుపాను పరిస్థితుల దృష్ట్యా ప్రభుత్వ ఆదేశాల మేరకు నవంబర్‌ 5, 6, 7 తేదీల్లో జరగాల్సిన ‘వివిఐటియు బాలోత్సవ్‌ 2026’ వేడుకలను వాయిదా వేస్తున్నట్లు నిర్వాహకులు ఒక ప్రకటనలో తెలిపారు. తుపాను ప్రభావం వల్ల పలు ప్రాంతాల్లో నీరు నిలవడం, రవాణా సౌకర్యాలకు తీవ్ర అంతరాయం కలగడంతో పాటు విద్యుత్‌ సరఫరాలో ఏర్పడిన సమస్యలను పరిగణనలోకి తీసుకుని ఈ నిర్ణయం తీసుకున్నట్లు పేర్కొన్నారు. బాలోత్సవ్‌ నిర్వహించే తదుపరి (నూతన) తేదీలను త్వరలోనే అధికారికంగా వెల్లడిస్తామని కమిటీ స్పష్టం చేసింది. రైతులను ఆదుకుంటాం కేంద్ర సహాయ మంత్రి పెమ్మసాని కొల్లిపర: తుఫాన్‌ ప్రభావంతో పంట నష్టం జరిగిన ప్రతి రైతుకు త్వరలోనే గరిష్ట స్ధాయిలో సహాయం అందించేందుకు ప్రభుత్వం కృషి చేస్తుందని కేంద్రసహాయ మంత్రి పెమ్మసాని చంద్రశేఖర్‌ తెలిపారు. బుధవారం మండల పరిధిలోని అర్నబ్‌, మురసు తుపాన్‌ కారణంగా దెబ్బతిన్న వరి, అరటి పంటలను ఎమ్మెల్సీ ఆలపాటి రాజేంద్రప్రసాద్‌ తో కలసి పరిశీలించారు. ఈసందర్భంగా ఆయన మాట్లాడుతూ రానున్న 72 గంటల్లో వ్యవసాయాధికారులు పంట నష్టం ఎన్యూమరేషన్‌ పూర్తి చేసి తగు నివేదికను అందించాలని ఆదేశించారు. రైతులు పంటల బీమా పై అవగాహన పెంచుకొని బీమా చేయటం వలన ఇటువంటి సంఘటనలు జరిగినప్పుడు పంట నష్టం అందించటం జరుగుతుందన్నారు. ప్రతి రైతు తప్పనిసరిగా ఎకరానికి రూ,800 ఖర్చు చేసి బీమా తీసుకోవాలని సూచించారు.

మంగళగిరి టౌన్‌: మత్తు రహిత భారతదేశ నిర్మాణమే లక్ష్యంగా ప్రతి ఒక్కరూ డ్రగ్స్‌పై పోరాటంలో భాగస్వాములు కావాలని ఏపీ ఈగల్‌ చీఫ్‌ ఐజీపీ ఆకే రవికృష్ణ పిలుపునిచ్చారు. మాదకద్రవ్యాల సమస్య యువత భవిష్యత్తుతో పాటు సమాజానికి, దేశ భద్రతకు కూడా తీవ్రమైన ముప్పుగా మారుతోందని పేర్కొన్నారు. ఆంధ్రప్రదేశ్‌ నుంచి గుజరాత్‌లోని ఏక్తానగర్‌ వరకు ‘ఫైట్‌ ఎగైనెస్ట్‌ డ్రగ్స్‌ – యునైటెడ్‌ ఫర్‌ ఎ డ్రగ్‌ ఫ్రీ ఇండియా’ నినాదంతో నిర్వహించిన జాతీయ మోటార్‌ సైకిల్‌ ర్యాలీలో పాల్గొన్న పోలీస్‌ సిబ్బందిని బుధవారం మంగళగిరిలోని ఈగల్‌ ప్రధాన కార్యాలయంలో ఆయన ఘనంగా సత్కరించారు. ఈ సందర్భంగా ఐజీపీ మాట్లాడుతూ.. డ్రగ్స్‌ వ్యతిరేక సందేశాన్ని రాష్ట్రం నుంచి గుజరాత్‌ వరకు తీసుకెళ్లిన పోలీస్‌ సిబ్బంది కృషి అభినందనీయమన్నారు. పోలీస్‌ ఉద్యోగ జీవితంలో ఇలాంటి జాతీయ కార్యక్రమాల్లో పాల్గొనే అవకాశం అరుదుగా లభిస్తుందన్నారు. సర్దార్‌ వల్లభాయ్‌ పటేల్‌ జయంతి సందర్భంగా అక్టోబర్‌ 31న ఏక్తానగర్‌లో నిర్వహించిన రాష్ట్రీయ ఏక్తా దివస్‌ వేడుకల్లో ప్రధాని నరేంద్ర మోదీ సమక్షంలో జరిగిన పరేడ్‌లో ఆంధ్రప్రదేశ్‌ పోలీస్‌ బృందం పాల్గొనడం రాష్ట్రానికి గర్వకారణమని పేర్కొన్నారు. ర్యాలీలో పాల్గొన్న కమాండెంట్‌ పీఎండీ ప్రసాద్‌, ఆర్‌ఐ వి.ఎల్‌. చంద్రశేఖర్‌, ఈగల్‌ హెడ్‌ కానిస్టేబుల్‌ జవహర్‌, 14వ బెటాలియన్‌కు చెందిన పోలీస్‌ కానిస్టేబుళ్లు నవీన్‌, షేక్షవలి, నరసింహులు, నాగచెన్నారెడ్డి, విజయ్‌ భాస్కర్‌లను ఐజీపీ ప్రత్యేకంగా అభినందించారు. ఈ కార్యక్రమానికి సహకరించిన డీజీపీ హరీష్‌ కుమార్‌ గుప్తా, ఐజీ బెటాలియన్స్‌ శ్రీకాంత్‌లకు కృతజ్ఞతలు తెలిపారు. ఈగల్‌ ఆపరేషన్స్‌ ఎస్పీ మహేశ్వర రాజు, అడ్మిన్‌ ఎస్పీ స్వరూప రాణి, స్పెషల్‌ పీపీ శైలజ, డీఎస్పీలు జయలక్ష్మి, వి.వేణుగోపాల్‌ రెడ్డి, టి.దుర్గాప్రసాద్‌, సీఐ రవి, సీఏఓ వాణి, అడ్మినిస్ట్రేటివ్‌ ఆఫీసర్‌ ఉస్మాన్‌ బాష తదితర అధికారులు, సిబ్బంది పాల్గొన్నారు. ఈగల్‌ ఐజీపీ ఆకే రవికృష్ణ సత్కారం

తాడికొండ: రైల్వేలైన్‌, ఇన్నర్‌ రింగ్‌ రోడ్డు, ట్రంక్‌ రోడ్లకు మాత్రమే తాము భూములిస్తామని, వీటికంటే అదనంగా ప్రభుత్వం సమీకరణకు అడిగితే ఒక్క ఎకరం కూడా భూమి ఇవ్వమని కంతేరు గ్రామ రైతులు సీఆర్డీఏ అధికారులకు బుధవారం వినతిపత్రం అందజేశారు. ఈ సందర్భంగా వారు మాట్లాడుతూ కంతేరు గ్రామంలో నుంచి రైల్వేలైన్‌కు 31 ఎకరాలు, రింగ్‌ రోడ్డు, ట్రంక్‌ రోడ్లకు 94 ఎకరాలు భూమి మాత్రమే వెళుతుందని, దీనికి మాత్రమే తాము భూములిస్తామని తెలిపారు. ప్రభుత్వం నోటిఫికేషన్‌ నెంబర్‌ 166/2026, ఎల్‌పీఎస్‌ 07–10–2026 ప్రకారం మొత్తం తమ గ్రామంలో 974 ఎకరాలు సమీకరించేందుకు నోటిఫికేషన్‌ ఇచ్చిందని కానీ తాము దీనికి ఏపీ రాజధాని ప్రాంత అభివృద్ధి ప్రాధికార సంస్థ చట్టం –2014, సెక్షన్‌ 55(4) ద్వారా రైతులందరూ అభ్యంతరాలు తెలియజేస్తున్నామని చెప్పారు. ఈ విషయమై గతంలో నిర్వహించిన గ్రామ సభల్లో సీఆర్డీఏ అధికారుల సమక్షంలో తెలియజేశామన్నారు. జిల్లా కలెక్టర్‌కు గ్రీవెన్స్‌లో కూడా అర్జీ ఇచ్చిన అనంతరం ఆ ప్రతిని ప్రిన్సిపల్‌ సెక్రటరీ, రెవెన్యూ విభాగం, సీఆర్డీఏ కమిషనర్‌, తహసీల్దార్‌, కంతేరు గ్రామ కార్యదర్శి, ఎమ్మెల్యే తెనాలి శ్రావణ్‌ కుమార్‌కు అందజేయడం జరిగిందన్నారు. కాబట్టి అదనపు భూ సమీకరణ చేయవద్దని కోరారు. అవసరాల మేరకు భూములిచ్చిన రైతులకు తమ పక్కన గతంలో సమీకరణ చేసిన నిడమర్రు గ్రామంలో ప్లాట్లు కేటాయించమని కోరారు. సీఎం రిలీఫ్‌ ఫండ్‌కు ‘విట్‌’ రూ.కోటి విరాళం తాడికొండ: ముఖ్యమంత్రి సహాయ నిధికి వీఐటీ (విట్‌) చాన్స్‌లర్‌ విశ్వనాథన్‌ రూ.కోటి ఆర్థిక సాయం అందజేశారు. ఈ మేరకు ముఖ్యమంత్రి చంద్రబాబుకు బుధవారం నగదు డీడీని అందజేసి, తుఫాన్‌ బాధితులకు తనవంతు సాయంగా తెలిపారు. ఆయన వెంట వీఐటీ ఏపీ వైస్‌–ప్రెసిడెంట్‌ డాక్టర్‌ శంకర్‌ విశ్వనాథన్‌, డాక్టర్‌ శేఖర్‌ విశ్వనాథన్‌, రిజిస్ట్రార్‌ జగదీష్‌ చంద్ర ముదిగంటి తదితరులు ఉన్నారు.

ప్రత్తిపాడు: ప్రత్తిపాడు మండలంలో ఎన్నికల విధులకు హాజరైన సిబ్బందికి ఆకలి కేకలు తప్పలేదు. చాలీ చాలని భోజనాలు సమకూర్చడంతో సగం మంది ఉద్యోగులు ఆకలితో అలమటించాల్సి వచ్చింది. ముందుగా నిర్దేశిత మెనూ ప్రకారం భోజనాలను సమకూర్చారు. అయితే అవన్నీ అరకొరగా ఉండటంతో కొద్దిమందికే సరిపోయాయి. మిగిలిన వారికి కూరలేమీ లేకుండా ఉత్త బిర్యానీ రైస్‌ మాత్రమే వడ్డించడంతో ఉద్యోగులు తీవ్ర ఆగ్రహం వ్యక్తం చేశారు. ఉత్త బిర్యానీ రైస్‌తో ఎలా తినాలంటూ.. మండిపడటంతో కర్డ్‌రైస్‌లోకి తెచ్చిన నిమ్మకాయ చట్నీని బిర్యాలోనికి వడ్డించారు. దీంతో మరింత ఆగ్రహానికి గురైన పీవో, ఓపీవోలు ఇదెక్కడి దారుణం..భోజనాలు పెట్టే విధానం ఇదేనా అని అసహనం వ్యక్తం చేశారు. విషయం రిటర్నింగ్‌ అధికారి ప్రసాద్‌ దృష్టికి వెళ్లడంతో స్పందించిన ఆయన సంబంధిత అధికారుల తీరుపై తీవ్ర ఆగ్రహం వ్యక్తం చేశారు. ముందు నుంచీ చెబుతున్నా ఇంత నిర్లక్ష్యం ఏమిటంటూ మండిపడ్డారు. వెంటనే స్థానికంగా భోజనం తయారు చేయించి సిబ్బందికి అందించారు. అయితే అప్పటికే చాలా మంది బయటకు వెళ్లి తినేసి రావడంతో పాటు మరికొందరు పోలీసులు తెచ్చుకున్న భోజనాలు తిని సరిపెట్టుకున్నారు. ఎన్నికల విధులకు హాజరైన ఉద్యోగులకు తప్పని మెతుకులాట

వైఎస్సార్‌ సీపీ హయాంలో జిల్లాలో 9వేలమంది పసుపు రైతులకు అందిన పరిహారం తెనాలి: భారతీయులు శుభప్రదంగా భావించే పసుపు పంట సాగులో ఒడిదుడుకులు ఎదుర్కొంటున్న రైతాంగానికి మాజీ సీఎం వైఎస్‌ జగన్‌మోహన్‌రెడ్డి నేతృత్వంలోని వైఎస్సార్‌ కాంగ్రెస్‌ పార్టీ ప్రభుత్వం వెన్నుదన్నుగా నిలిచింది. గుంటూరు జిల్లాలో గతంలో ఎన్నడూ లేనివిధంగా బీమా పరిహారాన్ని నష్టపోయిన పంట నష్టపోయిన పసుపు రైతులకు అందజేసింది. మద్దతు ధరకు పంటను కొనుగోలు చేసి, నష్టాలపాలు కాకుండా ఆదుకుంది. జడ్పీటీసీ, ఎంపీపీ ఎన్నికల వేళ, రైతాంగం ఈ అంశాన్ని గుర్తుచేసుకుంటోంది. ఉమ్మడి గుంటూరు జిల్లాలో పసుపు పంటను 13 వేల ఎకరాల విస్తీర్ణంలో సాగుచేసేవారు. ఏటా 35 వేల టన్నుల వరకు దిగుబడి వస్తోంది. ఏటికేడాది ఖర్చులు పెరుగుతూ వస్తున్నాయి. ఎకరాకు కనీసం రూ.1.50 లక్షల వరకు పెట్టుబడి పెడుతున్నారు రైతులు, పంట చేతికొచ్చేసరికి మార్కెట్‌ మాయాజాలం పసుపు నిరాశపరుస్తోంది. ఫ్యూచర్స్‌ ట్రేడింగ్‌లో ఉన్న పసుపు పంటకు ధరలు ఎప్పుడెలా ఉంటాయో? తెలీని పరిస్థితి. మరోవైపు ఎగుమతులు తగ్గిపోతున్నాయి. అధికవర్షాలు, వరదలు వంటి ప్రకృతి విపత్తులకు దెబ్బతిన్న పసుపు పంటకు నష్టపరిహారం సంగతి దేవుడెరుగు! అన్నట్టుగా ఉండేది. ఇన్ని సమస్యల మధ్య పసుపు సాగు రైతులకు కత్తిమీద సాములా తయారైంది. ఎకరాకు రూ.52,800 చొప్పున బీమా 2020–21 ఖరీఫ్‌ సీజనులో అధిక వర్షాలకు జిల్లాలో పసుపు పైరు దెబ్బతింది. ఫలితంగా దిగుబడులు తగ్గాయి. ఎప్పటిలాగే పరిహారం రాదనుకుని తీవ్ర నిరాశలో ఉన్న పసుపు రైతులకు నాటి వైఎస్‌ జగన్‌మోహన్‌రెడ్డి ప్రభుత్వం తీపి కబురు అందించింది. జిల్లాలోని దాదాపు 9వేల మంది పసుపు రైతులకు ఎకరాకు రూ.52,800 చొప్పున బీమా పరిహారం అందజేసింది. దీనితో పసుపు రైతులు సంభ్రమాశ్చర్యాలకు గురయ్యారు. రెండుమూడేళ్లకోసారి ప్రకృతి విపత్తులకు పసుపు దెబ్బతినటం సాధారణమే అయినా, బీమా పరిహారం అందటం, అదికూడా ఎకరాకు రూ.52,800 వంతున రావటమనేది అదే తొలిసారి. పసుపు రైతులకు అండ వైఎస్సార్‌ కాంగ్రెస్‌ పార్టీ రైతుభరోసా కేంద్రాలతో సహా వ్యవసాయ రంగంలోనూ చేపట్టిన సంస్కరణలతో పసుపు రైతులకు ఆవిధంగా ఊహించని ప్రయోజనం దక్కింది. వ్యవసాయ రంగంలో బీమా అవసరాలను రాష్ట్ర ప్రభుత్వమే చూడాలనే ఉద్దేశంతో ఆంధ్రప్రదేశ్‌ జనరల్‌ ఇన్స్యూరెన్స్‌ కార్పొరేషన్‌ లిమిటెడ్‌ను నాటి ప్రభుత్వం తీసుకొచ్చింది. కార్యకలాపాలు ప్రారంభించేలోగా బీమా నోడల్‌ ఏజెన్సీగా రాష్ట్ర వ్యవసాయ కమిషనర్‌ను వ్యవహరించాలని ఆదేశించింది. ఈ క్రమంలో 2021 ఖరీఫ్‌ సీజను ఆఖరులో వ్యవసాయ కమిషనరు, అన్ని జిల్లాల వ్యవసాయశాఖ జాయింట్‌ డైరెక్టర్లకు లేఖ రాస్తూ, ప్రస్తుత బీమా విధానం? చేయాల్సిన మార్పులుపై సూచనలు, సలహాలు అడిగారు. అప్పటి జిల్లా జాయింట్‌ కలెక్టర్‌ దినేష్‌కుమార్‌ అధ్యక్షతన జరిగిన జిల్లా బీమా కమిటీ సమావేశంలో ఉద్యానశాఖ డీడీ సుజాత, ఏడీ రాజకృష్ణారెడ్డి, వ్యవసాయశాఖ జేడీ విజయభారతి పాల్గొన్నారు. ఈ కమిటీ సూచన ప్రకారం పసుపు పంటను దిగుబడి ఆధారిత బీమా నుంచి వాతావరణ ఆధారిత బీమాకు మార్పు చేశారు. ఫలితంగా ఆ సీజనులో జరిగిన పంట నష్టానికి పసుపు రైతులకు బీమా అందింది. ప్రస్తుతం పరిహాసమే..! ప్రస్తుతం కూటమి ప్రభుత్వ పాలనలో మోంథా తుఫాన్‌కు నష్టపోయిన పంటలకు ఇప్పటివరకు పరిహారం అందని విషయం తెలిసిందే. మళ్లీ అర్నబ్‌, మురసు తుఫాన్ల బారిన పంటలను ప్రభుత్వం ఏమేరకు పరిగణనలోకి తీసుకుంటుందో? పరిహారం అందిస్తారో? లేదోనన్నది సందేహాస్పదమే! పసుపు రైతులు ఎన్నాళ్లగానో కోరుకుంటున్న ఈ మార్పు ఊహించని విధంగా రాష్ట్ర ప్రభుత్వ చొరవతో జరగటం ఎంతో ప్రయోజనాన్ని చేకూర్చింది. ఖరీఫ్‌ సీజనుకు ముందుగా అందిన బీమా పరిహారంతో రైతులు ధీమాగా పసుపు సాగును చేపట్టారు. అప్పులతో పనిలేకుండా నేరుగా పెట్టుబడి ఖర్చులు సమకూరాయన్న సంబరమది. మార్కెట్‌ ధరల మాంద్యం ఫలితంగా రైతుల దగ్గరే నిల్వ ఉండిపోయిన పసుపు పంటను క్వింటాలుకు రూ.6,850 చొప్పున ప్రభుత్వమే కొనుగోలు చేసిన విషయం తెలిసిందే. అప్పట్లో క్వింటాలు పసుపు రూ.5 వేలకు మించి ధర పలకలేదు. ప్రభుత్వం కొనుగోలు కేంద్రాలను తెరిచిన తర్వాత మార్కెట్‌ ధరల్లో మరో రూ.200, 300 పెరుగుదల కూడా వచ్చింది. నష్టపోయిన పసుపుకు బీమా రావటం, మద్దతుకు పంటను కొనుగోలు చేయటం పసుపు రైతులకు దక్కిన ప్రయోజనం. అంతేకాదు...అప్పట్లో ఉచిత బీమా విధానం ప్రవేశపెట్టిన విషయం తెలిసిందే. ప్రకృతి విపత్తులకు ఏ సీజనులో పంట నష్టపోతే ఆ తర్వాత సీజనుకు ఇన్‌పుట్‌ సబ్సిడీని ఇస్తూ నాటి ప్రభుత్వం ఆదుకుంది.

తెనాలి: మున్సిపల్‌ ఎన్నికల పోలింగ్‌ జరిగి గంటలైనా కాలేదు. తెనాలి కౌన్సిల్‌ అత్యధిక స్థానాల్లో కూటమి పార్టీల అభ్యర్థులు విజయం సాధించారు. కౌన్సిల్‌ సభ్యులు ఇంకా ప్రమాణస్వీకారం చేయనేలేదు. 45వ వార్డులో గెలిచిన మహిళా కౌన్సిలరు భర్త, బంగారు నగల వ్యాపారి పెనుగొండ వెంకటేశ్వరరావు, దుందుడుకు చర్యకు పూనుకున్నారు. బోసురోడ్డులోని శ్రీవాసవీ కన్యకాపరమేశ్వరి దేవస్థానం వెనుకభాగంలో గల గీతామందిరానికి మధ్య గల గోడను పగులగొట్టించారు. దీనిపై దేవస్థానం కమిటీ సభ్యులు గ్రంధి విశ్వేశ్వరరావు, ఇతరులు పోలీసులకు ఫిర్యాదుచేశారు. వన్‌టౌన్‌ సీఐ సీహెచ్‌ రాంబాబు అక్కడకు చేరుకున్నారు. ఇరుపక్షాల వాదనలు విన్న తర్వాత ప్రస్తుతం ఎన్నికల విధుల్లో ఉన్నందున, తర్వాత వచ్చి విచారిస్తానని, అప్పటివరకు ఎవరూ తదుపరి చర్యలకు పూనుకోవద్దని చెప్పి వెళ్లారు. శ్రీవాసవి దేవస్థానం వెనుకవైపుగల గీతామందిరానికి పడమర వైపున మార్గం ఉంటుంది. శ్రీవాసవి దేవస్థానం, గీతామందిరం మధ్యలో గోడను నిర్మించి, ఏదైనా అత్యవసరమైనపుడు ఒకరిద్దరు వెళ్లేందుకు వీలుగా చిన్న గేటును ఏర్పాటుచేశారు. దేవస్థానం అనుబంధ సంస్థలన్నింటికీ ఇదే ఏర్పాటుచేశారు. రెండువైపులా ప్రవేశమార్గాలకు వదిలేస్తే, శ్రీవాసవీ దేవస్థానం ఆస్తులకు, అక్కడి ప్రాంగణంలోని కల్యాణమండపాల్లో వివాహాలు జరిగే సందర్భాల్లో భద్రతా కారణాలరీత్యా దేవస్థానం కమిటీ ఈ ఏర్పాటుచేసింది. గీతామందిరానికి సుదీర్ఘకాలంగా అధ్యక్షుడిగా వ్యవహరిస్తున్న పెనుగొండ వెంకటేశ్వరరావు, గతంలోనూ ఇదే తరహాలో మధ్యగోడను పగులగొట్టించారు. అప్పుడు కమిటీ సభ్యులు అభ్యంతరం చెప్పి, ఆలయ ఖర్చులతో పునర్నిర్మించారు. మళ్లీ ఇప్పుడు భార్య కౌన్సిలర్‌గా ఎన్నిక కాగానే మళ్లీ గోడను కూల్చే పని చేశారు. కనీసం ప్రమాణస్వీకారం చేయకుండానే అధికారం అండగా దాష్టీకానికి పూనుకోవటం విమర్శలకు గురవుతోంది. తెనాలి శ్రీవాసవీ దేవస్థానంలో గోడను కూల్చివేయించిన టీడీపీ కౌన్సిలర్‌ భర్త

తాడేపల్లి రూరల్‌: మురసు తుఫాన్‌ ప్రభావంతో నష్టపోయినరైతులకు వెంటనే ప్రభుత్వం నష్టపరిహారం చెల్లించాలని రైతుసంఘం జిల్లా అధ్యక్షుడు జొన్న శివశంకర్‌ విజ్ఞప్తి చేశారు. బుధవారం తాడేపల్లి రూరల్‌ ఉండవల్లి గ్రామంలో నాయకులతో కలసి ఆయనపర్యటించారు. ఈ సందర్భంగా ఆయన మాట్లాడుతూ అరటితోట పూర్తిగా నేలకు ఒరిగిందని అన్నారు. మురసు తుఫాన్‌ తీవ్రంగా రైతులకు నష్టం కలిగించిందన్నారు. ఎకరా అరటితోటకు కౌలుతో కలిపి రూ.లక్ష పెట్టుబడి అవుతోందని, తుఫాన్‌ కారణంగా నేలకొరిగిందని, మార్కెట్‌ సరిగ్గా లేదని, రైతులు తీవ్రంగా నష్టపోయారని తెలిపారు. ముఖ్యమంత్రి చంద్రబాబు నాయుడు వెంటనే స్పందించి ప్రతి రైతుకు రూ.50వేల నష్టపరిహారం చెల్లించాలని డిమాండ్‌ చేశారు. రైతు సంఘం నాయకులు ఈశ్వర్‌ రెడ్డి, రైతులు దాసరి నాగరాజు, అంజయ్య, శంకర్‌,కళ్ళం వెంకట రెడ్డి, మున్నంగి స్వామిరెడ్డి తదితరులు పాల్గొన్నారు. రైతు సంఘం జిల్లా అధ్యక్షుడు జొన్న శివశంకర్‌

గుంటూరు మెడికల్‌: బీఆర్‌ఐసీఎస్‌ సుస్థిర జీవనశైలి వారోత్సవాల సందర్భంగా ఆంధ్రప్రదేశ్‌ కాలుష్య నియంత్రణ మండలి ప్రాంతీయ కార్యాలయం, గుంటూరు ఆధ్వర్యంలో ‘సుస్థిర ఆహార వ్యవస్థలను అవలంభించండి’ అనే అంశంపై గుంటూరు ఇండియన్‌ టుబాకో గుంటూరులో బుధవారం అవగాహన కార్యక్రమం నిర్వహించారు. కార్యక్రమంలో కాలుష్య నియంత్రణ మండలి గుంటూరు ప్రాంతీయ కార్యాలయ పర్యావరణ ఇంజినీర్‌ ఎం.డి. నజీనా బేగం మాట్లాడుతూ సుస్థిర ఆహార వ్యవస్థలు పర్యావరణ పరిరక్షణలో కీలక పాత్ర పోషిస్తాయని చెప్పారు. ఆహారాన్ని అవసరమైన మేరకే తీసుకోవాలన్నారు. ఆహారాన్ని వృథా చేయకుండా ప్రతి ఒక్కరూ బాధ్యతాయుతంగా వ్యవహరించాలని సూచించారు. మిగిలిపోయిన ఆహార పదార్థాలను చెత్తలో పడేయకుండా వాటిని శాసీ్త్రయ పద్ధతుల్లో కంపోస్టింగ్‌ ద్వారా సేంద్రియ ఎరువుగా మార్చుకోవచ్చని వివరించారు. నీటి వృథాను తగ్గించడం, స్థానికంగా, సీజనల్‌గా లభించే ఆహార పదార్థాలకు ప్రాధాన్యత ఇవ్వడం ఎంతో అవసరమని చెప్పారు. మానవతా ఫౌండేషన్‌ చైర్మన్‌ వీరారెడ్డి, ఐటీసీ టుబాకో బోర్డు మేనేజర్‌ సురేఖ, మానవతా ఫౌండేషన్‌ ఆర్గాన్‌ డొనేషన్‌ విభాగానికి చెందిన డాక్టర్‌ కల్పన, టుబాకోబోర్డు పర్యావరణ సమన్వయకర్త డి.తిరుపతిరెడ్డి, ఇతర అధికారులు, సిబ్బంది, సుమారు 700 మంది ఉద్యోగులు పాల్గొన్నారు.

ఫిరంగిపురం: మండలంలోని పలు గ్రామాల్లో శుక్రవారం నిర్వహించే జెడ్పీటీసీ, ఎంపీటీసీ అభ్యర్థుల ఎన్నికలు సజావుగా సాగేలా సిబ్బంది విధులు నిర్వహించాలని జేసీ అశుతోష్‌ శ్రీవాత్సవ అన్నారు. స్థానిక మండల కేంద్రంలోని కొండవీటి ఫంక్షన్‌ హాలులో స్థానిక సంస్థల ఎన్నికల సామగ్రి పంపిణీ కార్యక్రమాన్ని గురువారం ఆయన పరిశీలించారు. ఆయన మాట్లాడుతూ సిబ్బంది ఎన్నికల విధులు సక్రమంగా వ్యవహరించాలని చెప్పారు. పలు అంశాలపై వారికి తగిన సూచనలు చేశారు. అనంతరం ఎన్నికల సామగ్రి అందజేశారు. ఎంపీడీవో శివసుబ్రహ్మణ్యం మాట్లాడుతూ.. మండలంలోని 18 ఎంపీటీసీ, జెడ్పీటీసీ ఎన్నికలకు సంబంధించి ఆయా గ్రామాల్లో 60 బూతులు ఏర్పాటు చేసినట్లు తెలిపారు. వివిధప్రాంతాల నుంచి 432 మంది సిబ్బందిని ఏర్పాటు చేసినట్లు తెలిపారు. కార్యక్రమంలో ప్రత్యేకాధికారి కె.మయూరి, పంచాయతీ అధికారి సాయికుమార్‌, తహసీల్దార్‌ జె.ప్రసాదరావు సిబ్బంది పాల్గొన్నారు. జాయింట్‌ కలెక్టర్‌ అశుతోష్‌ శ్రీవాత్సవ

గుంటూరు వెస్ట్‌: మురసు తుపాను ప్రభావం బుధవారం కూడా కొనసాగుతుందని ప్రజలు అప్రమత్తంగా ఉండాలని జిల్లా కలెక్టర్‌ సీఎం సాయికాంత్‌ వర్మ తెలిపారు. స్థానిక కలెక్టరేట్‌ నుంచి అధికారులతో మంగళవారం టెలికాన్ఫరెన్స్‌ నిర్వహించారు. కలెక్టర్‌ మాట్లాడుతూ జిల్లాలో అన్నిచోట్ల భారీ వర్షాలు కురుస్తున్నాయన్నారు. వరదలు వచ్చే అవకాశాలు ఉన్నాయని క్షేత్రస్థాయిలో ప్రజలు అప్రమత్తంగా ఉండాలన్నారు. పెదనందిపాడు, కాకుమాను, వట్టిచెరుకూరు మండలాల్లో ఆహార సరఫరాకు చర్యలు తీసుకోవాలన్నారు. అధిక నీటి ప్రవాహం ఉండే వాగులు రాకపోకలు నియంత్రించాలని దీనిని సిబ్బంది పర్యవేక్షణ చేయాలన్నారు. రోడ్లపై కూలిపోయిన వృక్షాలను యుద్ధప్రాతిపదికపై తొలగించారని ఆదేశించారు. ఏపీసీపీడీసీఎల్‌ ఎస్‌ఈ రమేష్‌ మాట్లాడుతూ పెదనందిపాడు, కాకుమాను ప్రాంతాల్లో 14 ఫీడర్లు దెబ్బతిన్నాయన్నారు. పొన్నూరు మండలం బ్రాహ్మణ కోడూరులో రెండు స్తంభాలు పడిపోగా వెంటనే పునరుద్ధరణ చేశామని తెలిపారు. గుంటూరులో 14 కేవీలు బ్రేక్‌ డౌన్‌ అయ్యాయని తెలిపారు. పెదనందిపాడు తహసీల్దార్‌ మాట్లాడుతూ నక్కల వాగు ప్రవాహానికి ఆర్‌ అండ్‌ బీ రహదారి కోతకు గురయ్యిందన్నారు. డీపీఓ సాయికుమార్‌ మాట్లాడుతూ ఎన్‌డీఆర్‌ఎఫ్‌ బృందాలు పెదనందిపాడు వస్తున్నాయన్నారు. పెదనందిపాడు–కాకుమాను ఆర్‌ అండ్‌ బీ రహదారి కోతకు గురైందని తెలిపారు. పునరావాస కేంద్రంలో వసతులు కల్పించండిపొన్నూరు: మురసు తుఫాన్‌ ప్రభావంతో కురుస్తున్న భారీ వర్షాలు పట్ల ప్రజలు అప్రమత్తంగా ఉండాలని జిల్లా సంయుక్త కలెక్టర్‌ అశుతోష్‌ శ్రీవాస్తవ అన్నారు. మంగళవారం ఆయన పొన్నూరులో పర్యటించి క్షేత్ర స్థాయిలో పరిస్థితులు పరిశీలించారు. ప్రజలు రాబోయే 24 గంటలు అప్రమత్తంగా ఉండాలన్నారు. అత్యవసర పనులు ఉంటే మినహా ఎవరు బయటకు రావద్దన్నారు. పట్టణ పరిధిలోని పాఠశాలలో ఏర్పాటు చేసిన పునరావాస కేంద్రాన్ని సందర్శించారు. తాగునీరు, ఆహారం, వసతులలో ఎలాంటి కొరత లేకుండా చేయాలని అధికారులను ఆదేశించారు. వెంట మున్సిపల్‌ కమిషనర్‌ ఎం. రమేష్‌బాబు, తహసీల్దార్‌ జియావుల్‌హక్‌, అధికారులు ఉన్నారు.

చేబ్రోలు: చేబ్రోలు మండలం వడ్లమూడిలోని విజ్ఞాన్‌ యూనివర్సిటీలో ‘లీగల్‌ ఎడ్యుకేషన్‌ అండ్‌ ప్రొఫెషన్‌: ఛాలెంజెస్‌ అండ్‌ ఆపర్చునిటీస్‌’ అనే అంశంపై మంగళవారం ప్రత్యేక ఉపన్యాస కార్యక్రమాన్ని నిర్వహించారు. చట్ట విద్య, న్యాయవృత్తిలో వస్తున్న మార్పులు, ఆధునిక న్యాయ రంగంలో అందుబాటులో ఉన్న అవకాశాలపై విద్యార్థులకు అవగాహన కల్పించారు. తెలంగాణ ఉన్నత విద్యామండలి చైర్మన్‌ ప్రొఫెసర్‌ వి.బాలకృష్టారెడ్డి మాట్లాడుతూ 21వ శతాబ్దం ఆసియా శతాబ్దంగా నిలవనుందని, ప్రపంచ న్యాయ, ఆర్థిక, సాంకేతిక రంగాల్లో భారత్‌ కీలక పాత్ర పోషించనుందన్నారు. అంతర్జాతీయ వాణిజ్య చట్టాలు, ఐక్యరాజ్యసమితి, ప్రపంచ వాణిజ్య సంస్థ, బ్రెట్టన్‌ వుడ్స్‌ సంస్థలపై న్యాయ విద్యార్థులు అవగాహన పెంపొందించుకోవాలని సూచించారు. సరళీకరణ, ప్రపంచీకరణ, ప్రైవేటీకరణ, డిజిటలైజేషన్‌ వంటి పరిణామాలు న్యాయ వ్యవస్థపై చూపుతున్న ప్రభావాన్ని వివరించారు. సాంకేతిక పరిజ్ఞానం వేగంగా అభివృద్ధి చెందుతున్న ప్రస్తుత తరుణంలో న్యాయవాదులు మారుతున్న పరిస్థితులకు అనుగుణంగా తమ నైపుణ్యాలను మెరుగుపరుచుకోవాలన్నారు. తెలంగాణ హైకోర్టు న్యాయవాది అడ్వకేట్‌ భూమి సునీల్‌ కుమార్‌ మాట్లాడుతూ భూ చట్టాలు న్యాయవృత్తిలో ఎప్పటికీ ప్రాధాన్యత కలిగిన రంగమని, ఈ విభాగంలో న్యాయవాదులకు విస్తృత అవకాశాలు ఉన్నాయన్నారు. విద్యార్థులు తమ విద్యాభ్యాస దశ నుంచే సామాజిక బాధ్యతను అలవర్చుకోవాలని, గ్రామీణ ప్రజల్లో చట్టాలపై అవగాహన కల్పించేందుకు కృషి చేయాలని సూచించారు. కార్యక్రమంలో చైర్మన్‌ లావు రత్తయ్య, తెలంగాణ హైకోర్టు న్యాయవాదులు అడ్వకేట్‌ జి.మధుసూదన్‌రెడ్డి, డీన్లు, అధ్యాపకులు, విద్యార్థులు పాల్గొన్నారు. తెలంగాణ ఉన్నత విద్యామండలి చైర్మన్‌ ప్రొఫెసర్‌ వి.బాలకృష్టారెడ్డి

పట్నంబజారు: తెలుగుదేశం పార్టీ గూండాలు మరోసారి చెలరేగిపోయారు. గుంటూరు నగరంలో ఓ డివిజన్‌లో వైఎస్సార్‌ సీపీ విజయాన్ని తట్టుకోలేక వైఎస్సార్‌ సీపీ అభ్యర్థి, పార్టీ శ్రేణులపై దాడికి తెగబడ్డారు. గుంటూరు నగరం లాలాపేట పరిధిలో 12వ డివిజన్‌కు సంబంధిచి వైఎస్సార్‌ సీపీ అభ్యర్థి ఫైరోజ్‌ కార్పొరేషన్‌ ఎన్నికల్లో గెలుపొందారు. ఈ క్రమంలో మంగళవారం రాత్రి పార్టీ శ్రేణులు సంబరాలు చేసుకుంటున్న సమయంలో ఓర్చుకోలేని టీడీపీ అభ్యర్థి మావైజ్‌ భర్త వసీం, ఆలీ, రహీం, జాఫర్‌, ఖలీల్‌, రఫీ కుమారుడితో పాటు సుమారు 30 మంది టీడీపీ మూకలు దాడి చేసి వైఎస్సార్‌ సీపీ శ్రేణులను గాయపరిచారు. జెండా చెట్టు సమీపంలో ఇంటికి వెళ్తున్న కార్పొరేటర్‌ అభ్యర్థిగా గెలుపొందిన ఫైరోజ్‌పై దాడికి యత్నించగా, స్థానిక వైఎస్సార్‌ సీపీ కార్యకర్తలు, నేతలు అడ్డుకున్నారు. దీనిపై వారిపై ఎగబడి ఇష్టానూసారంగా దాడి చేసి కొట్టారు. దీంతో గాయపడిన రహీమ్‌ అనే వ్యక్తితో పాటు మరి కొంత మంది లాలాపేట పోలీసుస్టేషన్‌లో ఫిర్యాదు చేశారు. టీడీపీ అభ్యర్థి భర్త వసీమ్‌ గుంటూరు కార్పొరేషన్‌లో ప్రభుత్వ ఉద్యోగిగా పనిచేస్తున్నాడు. ఈ మేరకు బాధితులు ఆసుపత్రిలో చికిత్స పొందుతున్నారు. గుంటూరు లాలాపేటలో ఘటన

సత్తెనపల్లి: పల్నాడు జిల్లా సత్తెనపల్లి మున్సిపాలిటీగా ఏర్పడిన తర్వాత 7వ విడత జరిగిన మున్సిపల్‌ ఎన్నికల్లో పట్టణంలోని 10వ వార్డు నుంచి వైఎస్సార్‌ సీపీ మున్సిపల్‌ కౌన్సిలర్‌ అభ్యర్థిగా బరిలోకి దిగిన రేపూడి విజయకుమారి తన ప్రత్యర్థిపై 427 ఓట్ల భారీ మెజార్టీతో విజయం సాధించింది. 2021లో జరిగిన మున్సిపల్‌ ఎన్నికల్లో 8వ వార్డు వైఎస్సార్‌ సీపీ కౌన్సిలర్‌ అభ్యర్థిగా రేపూడి విజయకుమారి పోటీ చేసి ఒక్క ఓటుతో ఓటమి పాలైంది. వార్డుల పునర్విభజన అనంతరం ఆమె ప్రస్తుత ఎన్నికల్లో 10వ వార్డు నుంచి పోటీ చేసి అత్యధిక మెజార్టీతో గెలుపొందడం గమనార్హం. గుంటూరుఎడ్యుకేషన్‌/నెహ్రూనగర్‌:నగర పాలక సంస్థ ఓట్ల లెక్కింపు సందర్భంగా ప్రతిపక్ష పార్టీల అభ్యర్థులతో పాటు నేతలపై ఇష్టారాజ్యాంగా ఆంక్షలు విధించిన పోలీసులు, అధికారులు ఫలితాలకు సంబంధించిన సమాచారాన్ని సకాలంలో మీడియాకు అందించడంలో విఫలం చెందారు. ఏఎన్‌యూలోని కౌంటింగ్‌ కేంద్రం సమీపంలో మీడియా కోసం ఏర్పాటు చేసిన భవనంలో కనీస వసతులు కరువయ్యాయి. మీడియాకు సమాచారాన్ని పంపేందుకు అవసరమైన ఇంటర్నెట్‌, ఫలితాలను రౌండ్ల వారీగా తెలుసుకునేందుకు సరైన వ్యవస్థను అందుబాటులో ఉంచకపోవడంతో మీడియా ప్రతినిధులు తీవ్ర ఇబ్బందులు ఎదుర్కొన్నారు. మధ్యాహ్నం వరకు ఎల్‌ఈడీ టీవీలు సక్రమంగా పనిచేయకపోవడం.. ఇంటర్నెట్‌ రాకపోవడంతో ఫలితాలు తెలుసుకునేందుకు అవకాశం లేకుండా పోయింది. ఇదే సమయంలో కౌంటింగ్‌ కేంద్రాల్లో జరుగుతున్న ఓట్ల లెక్కింపు ప్రక్రియను కవరేజ్‌ చేసేందుకు వెళ్లి మీడియాను సైతం అనుమతించలేదు. ముఖ్యంగా అధికారికంగా జారీ చేసిన మీడియా పాసులను ధరించి వెళ్లినప్పటికి సాక్షి ప్రతినిధులను కౌంటింగ్‌ కేంద్రంలోకి అనుమతించలేదు. టీడీపీ నేతలు, ఎల్లో మీడియాకు కౌంటింగ్‌ కేంద్రం వద్దే బల్లలు వేసి మరి కూర్చోబెట్టారు. అభ్యర్థులకు వచ్చిన ఓట్ల శాతాన్ని మీడియా పాయింట్‌లో ఉన్న ప్రతినిధులకు తెలియకపోగా..బయట ఉన్న టీడీపీ నేతలకు మాత్రం ఎప్పటికప్పుడు తాజా సమాచారాన్ని అందించారు. సత్తెనపల్లి: మున్సిపల్‌ ఎన్నికల్లో 1వ వార్డు నుంచి వైఎస్సార్‌ సీపీ అభ్యర్థిగా బరిలో దిగిన వరికల్లు రమాదేవి తన ప్రత్యర్థి పై 100 ఓట్ల మెజార్టీతో మంగళవారం గెలుపొందింది. గత మున్సిపల్‌ ఎన్నికల్లో 1వ వార్డు నుంచి వైఎస్సార్‌ సీపీ అభ్యర్థిగా బరిలోకి దిగిన ఆమె భర్త వరికల్లు కోటేశ్వరరావు 449 ఓట్ల మెజార్టీతో విజయం సాధించాడు. అప్పట్లో 1,600 ఓట్లు ఉండగా ఇటీవల వార్డుల పునర్విభజనతో 1,300 ఓట్లకు కుదించారు. ప్రస్తుత మున్సిపల్‌ ఎన్నికల్లో 1వ వార్డు కౌన్సిలర్‌ స్థానం బీసీ మహిళకు రిజర్వు కావడంతో కోటేశ్వరరావు భార్య రమాదేవి బరిలో నిలవగా అధికార పార్టీ నుంచి అనేక ఓత్తిళ్లు వచ్చినప్పటికి వాటికి ఏ మాత్రం బెదరకుండా బరిలో నిలిచి 100 ఓట్ల మెజార్టీతో గెలుపొందింది. వరుసగా రెండో సారి ప్రజలకు సేవ చేసే అవకాశం రావ డంతో పలువురు ఆ భార్యభర్తలను ప్రత్యేకంగా అభినందించారు. ద్వారకాతిరుమల: ప్రముఖ పుణ్యక్షేత్రం ద్వారకా తిరుమల చినవెంకన్నకు గుంటూరుకు చెందిన భక్తురాలు వెలగలేటి సత్యవతి మంగళవారం సుమారు రూ.11.63 లక్షల విలువైన బంగారు, వెండి వస్తువులను సమర్పించారు. వీటిని వెలగలేటి దుర్గాదేవి జ్ఞాపకార్థం దాత కుటుంబ సభ్యులు ఆలయ ఈఓ వేండ్ర త్రినాథరావుకు అందజేశారు. లక్ష్మీదేవి రూపులు, ముత్యాలు, ఎరుపు, తెలుపు, పచ్చ రాళ్లతో డిజైన్‌ చేసిన సుమారు రూ.10.85 లక్షల విలువైన 72 గ్రాముల బరువు గల రెండు పేటల బంగారు లక్ష్మీదేవి మెట్ల హారంతోపాటు, అష్టలక్ష్ముల రూపాలతో సుమారు రూ.78 వేలు వెచ్చించి తయారు చేయించిన 340 గ్రాముల నగిషీ వెండి చెంబును అందించారు.

లబ్బీపేట(విజయవాడతూర్పు): మునిసిపల్‌ ఎన్నికల కౌంటింగ్‌పై మురుసు తుపాను ప్రభావం తీవ్రంగా చూపింది. విజయవాడ నగరంలో సోమవారం రాత్రి నుంచి ఎడతెరిపి లేకుండా వర్షం కురవడంతో కౌంటింగ్‌ నిర్వహించే ఆంధ్ర లయోల కళాశాల ప్రాంగణం జలమయంగా మారింది. కౌంటింగ్‌ కేంద్రం వద్ద ఏర్పాటు చేసిన పలు టెంట్లు కూలిపోయాయి. మంగళవారం ఉదయం నుంచి రాత్రి వరకూ ఎడతెరిపి లేకుండా జోరు వర్షం కురవడంతో కౌంటింగ్‌ విధులు నిర్వహించే ఉద్యోగులు, పోలీసులతో పాటు, రాజకీయ పార్టీలకు చెందిన ఏజెంట్లు, అభ్య ర్థులు తీవ్ర ఇబ్బందులు ఎదుర్కొన్నారు. ఉదయం జోరు వర్షంలో తడిసి వచ్చిన వారు, కౌంటింగ్‌ జాప్యం కావడంతో సాయంత్రం వరకూ వర్షంలో తడుస్తూ, ఈదురు గాలులతో చలికి వణుకుతూ అలాగే గడిపారు. అడుగులోతు నీళ్లు లయోల కళాశాల ప్రాంగణంలో ఎడతెరిపి లేకుండా కురిసిన వర్షానికి రోడ్లుపై అడుగులోతు నీరు నిలిచింది. ముఖ్యంగా తూర్పు నియోజకవర్గ కౌంటింగ్‌ నిర్వహించిన ఇండోర్‌ స్టేడియానికి వెళ్లేందుకు ఏజెంట్లు, అభ్యర్థులు తీవ్ర ఇబ్బందులు పడ్డారు. దాదాపు 200 మీటర్లు అడుగులోతు నీళ్లలో వెళ్లాల్సి వచ్చింది. ఒకవైపు జోరు వర్షం , మరో వైపు రోడ్లుపై నీరు నిలవడంతో రాకపోకలు సాగించేందుకు ఇబ్బందులు పడ్డారు. కౌంటింగ్‌ కేంద్రాలకు సమీపంలో టాయిలెట్లు లేక మహిళా సిబ్బంది వర్షంలో దూరంగా ఉన్న ప్రాంతాలకు వర్షంలో తడుస్తూ వెళ్లాల్సి వచ్చింది.

● జిల్లాను ముంచెత్తిన భారీ వర్షం ● మురసు దెబ్బకు జనజీవనం అస్తవ్యస్తం ● ప్రధాన రహదారులు జలమయం కొరిటెపాడు (గుంటూరు): మురసు తుఫాన్‌ ప్రభావంతో గుంటూరు జిల్లా భారీ వర్షాలకు అతలాకుతలమైంది. సోమవారం అర్ధరాత్రి నుంచి ప్రారంభమైన వర్షం జిల్లా వ్యాప్తంగా విస్తారంగా కురవడంతో జనజీవనం అస్తవ్యస్తంగా మారింది. ప్రధాన రహదారులు, అంతర్గత వీధులు జలమయమయ్యాయి. డ్రెయిన్లు పొంగిపొర్లి వర్షపు నీరు రోడ్లపైకి చేరడంతో పలు ప్రాంతాల్లో రాకపోకలు స్తంభించాయి. మరోవైపు ఈదురుగాలుల ప్రభావంతో చెట్లు, విద్యుత్‌ స్తంభాలు నేలకొరిగాయి. విద్యుత్‌ సరఫరాకు అంతరాయం ఏర్పడింది. ప్రజలు తీవ్ర ఇబ్బందులు ఎదుర్కొన్నారు. భారీ వర్షాలకు వరి, పత్తి, మినుము, అరటి, కూరగాయలు, పూల పంటలకు తీవ్ర నష్టం వాటిల్లింది. ఇటీవల అర్నబ్‌ తుఫాన్‌కు జిల్లాలో సుమారు 23 వేల ఎకరాల్లో పంట నష్టం వాటిల్లినట్లు వ్యవసాయ, ఉద్యాన శాఖల అధికారులు ప్రాథమికంగా అంచనా వేశారు. మళ్లీ ఇప్పుడు ఇంకా భారీ స్థాయిలో నష్టం వాటిల్లింది. మంగళవారం పాఠశాలలకు సెలవు ప్రకటించారు. లోతట్టు ప్రాంతాల ప్రజలను పునరావాస కేంద్రాలకు తరలించారు. వర్షపాతం వివరాలివీ... జిల్లాలో సోమవారం రాత్రి నుంచి మంగళవారం రాత్రి వరకు అత్యధికంగా ఫిరంగిపురం మండలంలో 178.2, అత్యల్పంగా పొన్నూరు మండలంలో 51 మి.మీ. మి.మీ. వర్షపాతం నమోదైంది. జిల్లా సగటు వర్షపాతం 107.2 మి.మీ.గా నమోదైంది. మండలాలవారీగా... గుంటూరు పశ్చిమలో 173.4, పెదకాకానిలో 168.2, గుంటూరు తూర్పులో 143.8, మేడికొండూరులో 140.4, కాకుమానులో 133.2, ప్రత్తిపాడులో 117.8, తాడికొండలో 106.4, చేబ్రోలులో 104, తుళ్లూరులో 96.4, తాడేపల్లిలో 83.4, పెదనందిపాడులో 82.8, మంగళగిరిలో 80, కొల్లిపరలో 79.5, దుగ్గిరాలలో 65.4, తెనాలిలో 64.8, వట్టిచెరుకూరు మండలంలో 60.3 మి.మీ. నమోదైంది. జిల్లాలో మొత్తం 1,928.8 మి.మీ. కురిసింది. కొండరాయి పడి వ్యక్తి మృతి ఫిరంగిపురం: మండల కేంద్రంలోని రాజాపేట సమీపం కార్మెల్‌ కొండ దిగువ భాగంలోని పాకలో రైతు కె.కృష్ణారెడ్డి పశువులను కట్టి వేశారు. మేత వేశాక వర్షం పెద్దది కావడంతో అక్కడే ఉండిపోయాడు. ఇంతలో కొండపై నుంచి దొర్లుకుంటూ వచ్చిన పెద్దరాయి రెండు గేదెలకు తగులుతూ కృష్ణారెడ్డి పకగా వెళ్లి గోడను ఢీకొంది. ఈ ఘటనలో కృష్ణారెడ్డి (65)తోపాటు గేదెలు కూడా మృతి చెందాయి. తండ్రి రాలేదని కుమారుడు రాజారెడ్డి వెళ్లి చూడగా విషయం వెలుగుచూసింది. కృష్ణారెడ్డికి భార్య, ఇద్దరు కుమారులు ఉన్నారు. నీటిలో చిక్కుకున్న 12 మంది ఫిరంగిపురం: భారీ వర్షాలతో మండలంలోని పలు గ్రామాల్లో వర్షపు నీరు చేరింది. ఫిరంగిపురం– 113 తాళ్లూరు దారిలో రెండు ఆటోలు, ఒక కారులో వెళుతున్న 12 మంది నేరెళ్లవాగు చప్టా ప్రాంతంలో నీరు రోడ్డుపైకి చేరడంతో చిక్కుకుపోయారు. అటువైపుగా వెళ్లిన వారు గమనించి పోలీసులకు సమాచారం ఇవ్వడంతో వారిని కాపాడారు. నిలిచిన రైళ్లు తాడేపల్లి రూరల్‌: విజయవాడ జంక్షన్‌ నుంచి తాడేపల్లి కృష్ణా కెనాల్‌ జంక్షన్‌ మీదుగా చైన్నె, బెంగళూరు ప్రాంతాలకు వెళ్లే రైల్వే మార్గాల్లో రైళ్ల రాకపోకలకు అంతరాయం ఏర్పడింది. తాడేపల్లి కృష్ణా కెనాల్‌ జంక్షన్‌లో ప్రధాన రైళ్లైన 22602 మధురై ఎక్స్‌ప్రెస్‌, 22185 ఎర్నాకులం ఎక్స్‌ప్రెస్‌, 12510 చైన్నె వైపు వెళ్లే ఎక్స్‌ప్రెస్‌తో పాటు పలు ప్యాసింజర్‌, గూడ్స్‌ రైళ్లను నిలిపివేశారు. చైన్నె రైల్వే ట్రాక్‌పై రాకపోకలు పునరుద్ధరించడంతో తాడేపల్లిలో నిలిచిన రైళ్లకు గ్రీన్‌ సిగ్నల్‌ ఇచ్చారు. గంటల కొద్దీ కృష్ణా కెనాల్‌ జంక్షన్‌లో రైళ్లు నిలిచిపోవడంతో ప్రయాణికులు ఇబ్బందులు ఎదుర్కొన్నారు. దాతల సహకారంతో భోజనం తెనాలి: బాపట్ల, చినగంజాం వద్ద బలమైన గాలులు వీయడంతో విజయవాడ వైపు నుంచి వెళ్లే పలు రైళ్లను తెనాలి రైల్వేస్టేషన్‌లో నిలిపివేశారు. మంగళవారం తెల్లవారుజామున 3 గంటల తర్వాత తెనాలి చేరుకున్న న్యూఢిల్లీ–పాండిచ్చేరి (నెం. 22404), విశాఖపట్నం–తిరుపతి (నెం. 18507) రైళ్లను ఇక్కడే నిలిపివేశారు. సంఘమిత్ర సూపర్‌ఫాస్ట్‌ ఎక్స్‌ప్రెస్‌ (నెం. 12296) ఉదయం 6.30 గంటలకు తెనాలి చేరుకోగా, ఇక్కడే నిలిపివేశారు. స్టేషన్‌ మేనేజర్‌ వెంకటరమణ సూచన మేరకు ఆయా రైళ్లలోని ప్రయాణికులకు ఆహారం అందించారు. పట్టణానికి చెందిన శ్రీచంద్రశేఖర గురుపాదుకా పీఠం నిర్వాహకులు రామకృష్ణశర్మ సహకారంతో 1,500 మందికి, తహసీల్దార్‌ గోపాలకృష్ణ వితరణతో మరో 500 మందికి పైగా ప్రయాణికులకు భోజనం అందించారు. కొన్ని గంటల తర్వాత రైళ్లను పంపించారు. తాడికొండ: మురుసు తుఫాన్‌ ప్రభావంతో భారీ వర్షం కురవడంతో వాగులు, వంకలు పొంగి పొర్లాయి. అమరావతి– గుంటూరు ప్రధాన రహదారిపై చెట్లు కూలడంతో వాహనాల రాకపోకలకు అంతరాయం ఏర్పడింది. జేసీబీల సాయంతో చెట్లను తొలగించారు. భారీగా వరద ముంచెత్తడంతో లాం వద్ద కొండవీటి వాగు పొంగి రోడ్డుపైకి నీరు చేరింది. పెదపరిమి వద్ద కోటేళ్ల వాగు, అనంతవరం రోడ్డులో వాగు పొంగి పొర్లాయి. దీంతో రాజధానికి మళ్లీ వాహన రాకపోకలు నిలిచిపోయాయి. కొండవీటి వాగుకు వరద ఉప్పొంగడంతో పంట పొలాల్లో భారీగా వరద నీరు చేరింది. పత్తి, మిర్చి, వరి, అపరాల పంటలు నీట మునిగి దెబ్బతినడంతో అన్నదాతలు ఆవేదన వ్యక్తం చేస్తున్నారు. తుళ్ళూరు మండలం లంక గ్రామాలు, లోతట్టు ప్రాంతాలకు చెందిన ప్రజలను పునరావాస కేంద్రాలకు తరలించారు. వరద తగ్గే వరకు పునరావాస కేంద్రంలో వసతి కల్పించనున్నట్లు తహసీల్దార్‌ హరిబాబు తెలిపారు.

నగరంపాలెం: మురసు తుఫాన్‌ దృష్ట్యా జిల్లాలో పోలీసులు సహాయక చర్యలు చేపట్టారు. ప్రజల రాకపోకలకు ఇబ్బందులు తలెత్తకుండా ఉండేందుకు యుద్ధప్రాతిపదికన చర్యలకు ఉపక్రమించారు. జిల్లాలో పలు ప్రాంతాల్లో రహదారులపై కూలిన చెట్లను తొలగించారు. గుంటూరు–పర్చూరు రోడ్డులోని పెదనందిపాడు వద్ద రహదారిపై, తాడికొండ అడ్డరోడ్డు వద్ద కూలిన చెట్లను తొలగించి రాకపోకలు క్రమబద్దీకరించారు. గుంటూరు మూడు వంతెనల వద్ద భారీగా వర్షపు నీరు చేరగా, ట్రాఫిక్‌ డీఎస్పీ, సిబ్బంది అక్కడి పరిస్థితులను చక్కదిద్దారు. ప్రత్తిపాడు మండలం చిన్నకోండ్రుపాడురోడ్డులో నీటి ప్రవాహం అధికంగా ఉన్న వాగు వద్ద భద్రతా చర్యలు చేపట్టారు. విద్యుత్‌ స్తంభాలు, చెట్లు, పాత భవనాలు, శిథిలావస్థలో ఉన్న ఇళ్లకు దూరంగా ఉండాలని సూచించారు. రానున్న 24 గంటల్లో భారీ నుంచి అతి భారీ వర్షాలు కురిసే అవకాశం ఉందని, ప్రజలు అప్రమత్తంగా ఉండాలని జిల్లా ఎస్పీ వకుల్‌ జిందల్‌ సూచించారు. అత్యవసరమైతే తప్ప బయటకు రావద్దని అన్నారు. లోతట్టు ప్రాంతాలల్లో ప్రజలు అప్రమత్తంగా ఉండాలని చెప్పారు. కృష్ణానది పరివాహక ప్రాంతాలు, కాలువలు, వాగులు, లోతట్టు ప్రాంతాల్లో నివసించే ప్రజలు జాగ్రత్తగా ఉండాలన్నారు. ప్రమాదకరంగా ప్రవహించే నీటిని దాటేందుకు ప్రయత్నించవద్దని చెప్పారు. పోలీస్‌ శాఖ, జిల్లా యంత్రాంగం జారీ చేసే సూచనలు, హెచ్చరికలను విధిగా పాటించాలని కోరారు.

ఈయూ రాష్ట్ర అధ్యక్షుడు పలిశెట్టి దామోదరరావు మంగళగిరి టౌన్‌: ఆర్టీసీ ఉద్యోగుల హక్కులు, సంక్షేమం, ఉద్యోగ భద్రతతోపాటు సంస్థ పరిరక్షణ కోసం నిరంతరం పోరాడుతున్న ఎంప్లాయీస్‌ యూనియన్‌ (ఈయూ)ను మరింత బలోపేతం చేయాలని యూనియన్‌ రాష్ట్ర అధ్యక్షుడు పలిశెట్టి దామోదరరావు పిలుపునిచ్చారు. డిసెంబర్‌లో జరగనున్న ఏపీఎస్‌ఆర్టీసీ క్రెడిట్‌ కో–ఆపరేటివ్‌ సొసైటీ ఎన్నికల్లో ఈయూ బలపరిచిన అభ్యర్థులకు మద్దతుగా నిలిచి గెలిపించాలని ఉద్యోగులను కోరారు. మంగళగిరి పట్టణంలోని సీపీఐ కార్యాలయంలో డిపో అధ్యక్షుడు బి.సాంబశివరావు అధ్యక్షతన, డిపో కార్యదర్శి వి.నాగేశ్వరరావు ఆధ్వర్యంలో మంగళవారం నిర్వహించిన ఈయూ జనరల్‌ బాడీ సమావేశానికి ఆయన ముఖ్య అతిథిగా హాజరయ్యారు. ఆయన మాట్లాడుతూ విద్యుత్‌ బస్సుల పేరుతో మూసివేసిన గుంటూరు–2, విజయవాడ విద్యాధరపురం, నెల్లూరు–2, మంగళం డిపోల పునర్నిర్మాణ పనులు డిసెంబర్‌ 2 నుంచి ప్రారంభం కానున్నాయని వెల్లడించారు. ఆరు నెలల్లోగా ఈ నాలుగు డిపోలను తిరిగి అందుబాటులోకి తీసుకువచ్చేలా చర్యలు చేపడతామని తెలిపారు. ఆర్టీసీ జేఏసీ ఆధ్వర్యంలో చేపట్టిన ఉద్యమం ఫలితంగానే ఈ మేరకు హామీ లభించిందని పేర్కొన్నారు. రాష్ట్ర సహాయ కార్యదర్శి డి.వి.స్వామి మాట్లాడుతూ ఉద్యోగులు వ్యక్తిగత ప్రయోజనాల కంటే సమిష్టి ప్రయోజనాలకు ప్రాధాన్యతనిస్తూ యూనియన్‌ను సంఘటిత శక్తిగా తీర్చిదిద్దాలని కోరారు. జిల్లా కార్యదర్శి ఇ.విజయకుమార్‌ మాట్లాడుతూ మంగళగిరి డిపో అసిస్టెంట్‌ మేనేజర్‌ (ట్రాఫిక్‌) ఏకపక్ష నిర్ణయాలు తీసుకోవడం, ఉద్యోగుల పట్ల నిర్లక్ష్యంగా వ్యవహరించడం మానుకోవాలని డిమాండ్‌ చేశారు. నాలుగేళ్లుగా పెండింగ్‌లో ఉన్న డ్యూటీ చార్టులను ఉద్యోగుల సీనియారిటీ ఆధారంగా తక్షణమే అమలు చేయాలని కోరారు. సమస్య పరిష్కారం కాకపోతే జిల్లా వ్యాప్తంగా ఆందోళన చేపడతామని హెచ్చరించారు. సమావేశంలో ఈయూ జోనల్‌ నాయకులు రాజేష్‌ ఖన్నా, ప్రకాష్‌, జిల్లా అధ్యక్షుడు ఎస్‌.కె.కరీముల్లా, జిల్లా నాయకుడు సత్యనారాయణ, డిపో ముఖ్య సలహాదారు మనోరంజన్‌ కుమార్‌, డిపో కార్యవర్గ సభ్యులు, ఆర్టీసీ ఉద్యోగులు పెద్ద సంఖ్యలో పాల్గొన్నారు.

గుంటూరు ఎడ్యుకేషన్‌: గుంటూరు నగర మేయర్‌గా టీడీపీ అభ్యర్థి కోవెలమూడి లక్ష్మీ అపర్ణ విజయం సాధించారు. మంగళవారం ఏఎన్‌యూలో జరిగిన ఓట్ల లెక్కింపులో ఆమె 1,67,284 ఓట్లు సాధించారు. వైఎస్సార్‌ సీపీ నుంచి మేయర్‌ పదవికి పోటీ పడిన తాడికొండ అలివేలు నాగ వెంకట పద్మ శ్రీదేవి 90,217 ఓట్లతో లక్ష్మీ అపర్ణకు గట్టి పోటీ ఇచ్చారు. తెనాలి మున్సిపల్‌ చైర్మన్‌గా తోటకూర విజయం తెనాలి: తెనాలి మున్సిపాలిటీని కూటమి కై వసం చేసుకుంది. ఒకటో తేదీన పోలింగ్‌ నిర్వహించగా మంగళవారం స్థానిక వీఎస్‌ఆర్‌ అండ్‌ ఎన్‌వీఆర్‌ ఇంజినీరింగ్‌ కళాశాలలో ఓట్లు లెక్కించారు. జనసేన తరఫున మున్సిపల్‌ చైర్మన్‌ అభ్యర్థిగా పోటీ చేసిన తోటకూర వెంకట రమణరావు తన సమీప ప్రత్యర్థి వైఎస్సార్‌ సీపీకి చెందిన మద్దాళి శేషాచలంపై 17,093 ఓట్ల మెజారిటీతో విజయం సాధించారు. టీడీపీ 31 స్థానాల్లో పోటీ చేయగా ఆ పార్టీ అభ్యర్థులు 29 వార్డుల్లో గెలుపొందారు. జనసేన 20 స్థానాల్లో పోటీ చేయగా 16 మంది గెలిచారు. బీజేపీ పోటీ చేసిన ఏకై క వార్డులో ఆ పార్టీ అభ్యర్థి గెలుపొందాడు. నేడు పాఠశాలలు, కళాశాలలకు సెలవు గుంటూరు వెస్ట్‌: మురసు తుపాను కారణంగా జిల్లాలోని పాఠశాలకు, జూనియర్‌ కళాశాలకు, అంగన్‌వాడీ కేంద్రాలకు బుధవారం సెలవు ప్రకటిస్తూ జిల్లా కలెక్టర్‌ సీఎం సాయికాంత్‌ వర్మ మంగళవారం ఉత్తర్వులు జారీ చేశారు. తుఫాను కారణంగా భారీ వర్షాలు కురిసే అవకాశం ఉందని వాతావరణ శాఖ హెచ్చరికల నేపథ్యంలో ఈ ప్రకటన చేశారు. పిల్లల్ని బయటకు పంపకుండా తల్లిదండ్రులు కనీస జాగ్రత్తలు తీసుకోవాలని తెలిపారు. రేపు బ్యాంకులకు కూడా సెలవు జెడ్పీటీసీ, ఎంపీటీసీ ఎన్నికల పోలింగ్‌ను పురస్కరించుకుని కలెక్టర్‌ గురువారం సెలవు ప్రకటించారు. గుంటూరు, తెనాలి సహా జిల్లాలోని వివిధ ప్రాంతాల్లో పనిచేస్తున్న బ్యాంకు ఉద్యోగులకు జిల్లాలోని ఇతర ప్రాంతాలతోపాటు పొరుగు జిల్లాల్లోనూ ఓటు హక్కు వినియోగించుకునే అవకాశం లభించింది. కొండ చరియలు విరిగి పడి మహిళ మృతి తాడేపల్లి రూరల్‌: తాడేపల్లి రూరల్‌ పరిధి పెనుమాక గ్రామం బోసుబొమ్మ సెంటర్‌లోని వడ్డెరపాలెంలో మంగళవారం రాత్రి కొండ చరియలు విరిగి పడ్డాయి. ఆ కొండ చరియలు ఓ ఇంటి మీద పడడంతో ఇంట్లోని మహిళ అక్కడికక్కడే మృతిచెందింది. సేకరించిన వివరాల ప్రకారం.. వడ్డెరపాలెంలోని షేక్‌ జానీవలి ఇంటిమీద ఉదయం నుంచి ఎడతెరిపి లేకుండా కురుస్తున్న భారీ వర్షం కారణంగా కొండ చరియలు జారి పడ్డాయి. ఈ క్రమంలో కొండ బండరాళ్లు, ఇంటి గోడలు పగిలి వంట గదిలో ఉన్న జానీవలి భార్య షేక్‌ మీరాబీ(50) మీద పడ్డాయి. దీంతో ఆమె అక్కడికక్కడే మృతి చెందింది. విషయం తెలుసుకున్న తాడేపల్లి తహసీల్దార్‌ శ్రావణ్‌ కుమార్‌ బాధితుల ఇంటికి వెళ్లి పరిశీలించారు. అనంతరం చుట్టుపక్కల వారిని ఖాళీ చేయించేందుకు ప్రయత్నం చేశారు. పునరావాస కేంద్రాల ఏర్పాటు మంగళగిరి రూరల్‌: మురసు తుఫాన్‌ నేపథ్యంలో లోతట్టు ప్రాంతాల్లో నివసిస్తున్న ప్రజల రక్షణ కోసం రెవెన్యూ అధికారులు పునరావాస కేంద్రాలను ఏర్పాటు చేసి బాధితులను సురక్షిత ప్రాంతాలకు తరలించారు. మంగళగిరి మండల పరిధి ఆత్మకూరు, పెదవడ్లపూడి, యర్రబాలెం గ్రామాల్లో పునరావాస కేంద్రాలను ఏర్పాటు చేశారు. మంగళవారం ఎంటీఎంసీ అసిస్టెంట్‌ కమిషనర్‌ శ్రీనివాసరావు పునరావాస కేంద్రాలను సందర్శించి బాధితులకు అందుతున్న సదుపాయాలను పరిశీలించారు. తుపాను ప్రభావం తగ్గే వరకు బాధితుల భద్రతపై ప్రత్యేక దృష్టి సారించాలని ఆయన అధికారులకు సూచించారు. ప్రజలు అప్రమత్తంగా ఉండాలి నరసరావుపేట రూరల్‌: మురసు తుఫాన్‌ నేపథ్యంలో ప్రజలు అప్రమత్తంగా ఉండాలని జిల్లా ఎస్పీ జగదీష్‌ అదహళ్లి సూచించారు. అత్యవసరం అయితే తప్ప బయటకు రావొద్దని, భారీ వర్షాలు, ఈదురుగాలుల సమయంలో చెట్లు, విద్యుత్‌ స్తంబాలు, విద్యుత్‌ తీగలకు దూరంగా ఉండాలని సూచించారు. లోతట్టు ప్రాంతాలు, నీరు నిలిచిన రహదారులపై ప్రయాణించవద్దని చెప్పారు. వాతావరణ శాఖ, ప్రభుత్వ అధికారులు జారీ చేసే హెచ్చరికలు, సూచనలను తప్పనిసరిగా పాటించాలని తెలిపారు. తుఫాన్‌ కారణంగా ఏమైన ఇబ్బందులు ఎదురైన అత్యవసర పోలీసు సహాయం కోసం జిల్లా పోలీసు కార్యాలయంలో కంట్రోల్‌ రూమ్‌ 94407 96184, ఎమర్జెన్సీ హెల్ప్‌లైన్‌ 112కు సంప్రదించాలని సూచించారు.

నెహ్రూనగర్‌/గుంటూరు ఎడ్యుకేషన్‌: గుంటూరు నగరపాలక సంస్థ ఎన్నికలకు సంబంధించి ఫలితాల ప్రకటనలో రిటర్నింగ్‌ అధికారులు(ఆర్వో) తీవ్ర జాప్యం ప్రదర్శించారు. కౌంటింగ్‌ పూర్తయి అభ్యర్థులు గెలుపొందినప్పటికీ, వారి వివరాలను సకాలంలో ఆనన్‌లైన్‌లో నమోదు చేయడంలో విఫలమయ్యారు. దీంతో ఏ అభ్యర్థి అధికారికంగా గెలిచారనే స్పష్టత రాక అర్ధరాత్రి వరకు అభ్యర్థులు, వారి అనుచరులు నానా తంటాలు పడాల్సి వచ్చింది. కొన్ని వార్డుల్లో సాయంత్రం వరకూ అదే పరిస్థితి.. ఎన్నికల ఫలితాలు వెలువడి గంటలు గడుస్తున్నా.. మధ్యాహ్నం, సాయంత్రం 5 గంటల వరకు కూడా కొన్ని కీలక వార్డులకు సంబంధించిన వివరాలను అధికారులు అధికారికంగా అప్‌లోడ్‌ చేయలేదు. ముఖ్యంగా 1, 26, 27, 28, 29, 33, 39, 40, 75, 76 వార్డులకు సంబంధించిన గెలుపు వివరాలను సకాలంలో ఆన్‌న్‌లైన్‌లో పొందుపరచలేదు. అధికారిక ప్రకటన రాకపోవడంతో ఆయా వార్డుల ప్రజలు, అభ్యర్థులు ఫలితాల కోసం కోసం ఎదురుచూడాల్సి వచ్చింది.

నెహ్రూనగర్‌: అనుకున్నదే జరిగింది. గుంటూరు కార్పొరేషన్‌ ఎన్నికల్లో కూటమి ప్రభుత్వం ముందుగానే వేసిన ప్లాన్‌ ప్రకారమే అంతా నడిచింది. ప్రజాస్వామ్య బద్ధంగా జరగాల్సిన ఎన్నికలను అధికార పార్టీ నేతలు, కొందరు అధికారులు కలిసి తమకు అనుకూలంగా మార్చుకున్నారు. ‘సాక్షి’ మొదటి నుంచి చెబుతున్న విధంగానే... అధికార పార్టీ నాయకుల కోసం అధికారులు నిబంధనలకు నీళ్లు వదిలేశారు. ఫలితంగా కార్పొరేషన్‌ ఎన్నికల్లో కూటమి తరుఫున పోటీ చేసిన అభ్యర్థులు ఎక్కువ వార్డుల్లో గెలుపొందారు. అడ్డగోలుగా వార్డుల పెంపు.. గతంలో గుంటూరు నగరపాలక సంస్థ పరిధిలో కేవలం 57 వార్డులు మాత్రమే ఉండేవి. కానీ, కూటమి ప్రభుత్వం అధికారంలోకి వచ్చిన తర్వాత ఏకంగా 76 వార్డులకు పెంచింది. ఈ వార్డుల ప్రక్రియ అంతా శాసీ్త్రయంగా జరగాల్సి ఉండగా, స్థానిక ఎమ్మెల్యేలు, మంత్రుల ఒత్తిళ్లతో అధికారులు ఇష్టానుసారంగా, అడ్డగోలుగా మార్చేశారు. కేవలం అధికార పార్టీకి ఎక్కడెక్కడ బలముంది, ఎక్కడెక్కడ వైఎస్సార్‌ సీపీని దెబ్బతీయవచ్చనే లెక్కలతోనే ఈ సరిహద్దుల విభజన సాగింది. ఓటర్ల జాబితాలో పెద్ద ఎత్తున అక్రమాలు.. వార్డుల పెంపుతో ఆగకుండా.. ఓటర్ల జాబితా ప్రచురణలోనూ యంత్రాంగం తీవ్ర పక్షపాతం ప్రదర్శించింది. వైఎస్సార్‌ సీపీ గెలిచే అవకాశం ఉన్న పటిష్టమైన వార్డుల్లోని ఓటర్లను వేరే వార్డులకు మార్చేశారు. దీంతో వైఎస్సార్‌ సీపీ స్పష్టమైన ఆధిక్యత సాధించాల్సిన స్థానాల్లో కూడా, కూటమి అభ్యర్థులే గెలిచేలా మార్పులు చేశారు. గోప్యంగా ఉండాల్సిన సమాచారం టీడీపీ నేతల చేతికి.. ఇక రిజర్వేషన్ల ప్రక్రియలోనూ అధికారికంగా అత్యంత గోప్యంగా ఉంచాల్సిన సమాచారాన్ని, అధికార పార్టీ వర్గానికి చెందిన కొందరు అధికారులు టీడీపీ నేతలకు ముందుగానే చేరవేసి తమ స్వామి భక్తిని చాటుకున్నారు. వార్డుల పెంపు నుంచి, ఓటర్ల జాబితా ప్రచురణ వరకు, వార్డు రిజర్వేషన్ల ప్రక్రియకు సంబంధించిన ప్రతి సున్నితమైన సమాచారాన్ని ముందుగానే అధికార పార్టీ నేతలకు, వారికి అనుకూలమైన పచ్చ మీడియాకు వాట్సాప్‌ ద్వారా చేరవేశారు. ఈ వ్యవహారంలో గోప్యత ఉల్లంఘన బయటపడినప్పుడు, జీఎంసీ కార్యాలయంలో పనిచేసే ఓ సాధారణ చిరుద్యోగిని బలి చేసి, అసలు సూత్రధారులను మాత్రం పెద్ద మనసుతో వదిలేశారనే విమర్శలున్నాయి. కౌంటింగ్‌ కేంద్రంలో టీడీపీ ఎమ్మెల్యే నసీర్‌ అహ్మద్‌ దౌర్జనం నెహ్రూనగర్‌: గుంటూరు నగరపాలక సంస్థ ఎన్నికల కౌంటింగ్‌లోనూ అధికార పార్టీ జులుం ప్రదర్శించింది. ఓట్ల లెక్కింపులో స్పష్టమైన ఆధిక్యత కనబరుస్తున్న వైఎస్సార్‌ సీపీ అభ్యర్థి గెలుపును అడ్డుకునేందుకు టీడీపీ ఎమ్మెల్యే ఏకంగా కౌంటింగ్‌ కేంద్రంలోకి దూసుకొచ్చి అధికారులపై దౌర్జన్యానికి పాల్పడ్డారు. వివరాలు.. గుంటూరు తూర్పు నియోజకవర్గ పరిధిలోని 13వ వార్డులో వైఎస్సార్‌ సీపీ అభ్యర్థి చింక శ్రీనివాసరావు 87 ఓట్ల తేడాతో ఓడిపోయారు. అయితే ఓట్ల లెక్కింపులో కొన్ని సాంకేతిక తేడాలు ఉన్నాయని, వెంటనే తిరిగి రీకౌంటింగ్‌ నిర్వహించాలని వైఎస్సార్‌ సీపీ అభ్యర్థి కౌంటింగ్‌ అధికారులను విజ్ఞప్తి చేశారు. ఈ విషయమై అధికారులతో చర్చిస్తుండగా.. విషయం తెలుసుకున్న స్థానిక తూర్పు ఎమ్మెల్యే నసీర్‌ అహ్మద్‌ హుటాహుటిన కౌంటింగ్‌ కేంద్రంలోకి ప్రవేశించారు. కౌంటింగ్‌ హాల్‌లోకి వచ్చిన ఎమ్మెల్యే నసీర్‌ అహ్మద్‌.. రిటర్నింగ్‌ అధికారి(ఆర్వో), ఏఆర్‌వోలతో పాటు ఇతర కౌంటింగ్‌ సిబ్బందిపై ఆగ్రహం వ్యక్తం చేశారు. రీకౌంటింగ్‌ చేసే ప్రసక్తే లేదని, వెంటనే తమ టీడీపీ అభ్యర్థికే డిక్లరేషన్‌ ఫాం ఇవ్వాలని అధికారులపై తీవ్రంగా ఒత్తిడి తెచ్చారు. అధికార పార్టీ ఎమ్మెల్యే నుంచి వస్తున్న తీవ్రమైన ఒత్తిడికి తలవంచిన అధికారులు, నిబంధనలను పక్కనబెట్టి చేసేదేమీ లేక భయపడిపోయి చివరికి టీడీపీ అభ్యర్థికే డిక్లరేషన్‌ ఫాం అందజేశారు. ఎన్నికల అధికారులపై ఎమ్మెల్యే నేరుగా దౌర్జన్యానికి పాల్పడినా నిలువరించలేని పరిస్థితి నెలకొనడంపై యంత్రాంగం తీరుపై విమర్శలు వెల్లువెత్తుతున్నాయి.

నెహ్రూనగర్‌/గుంటూరు ఎడ్యుకేషన్‌: గుంటూరు నగరపాలక సంస్థ ఎన్నికల్లో కూటమి నేతలు చేసిన అక్రమాలు ఓట్ల లెక్కింపులోనూ కొనసాగాయి. ఓట్ల లెక్కింపును సైతం తమకు అనుకూలంగా మలచుకునేందుకు అడ్డదారులు తొక్కారు. పోలీసులను, అధికారులను తమ వైపునకు తిప్పుకుని, అధికార దుర్వినియోగానికి పాల్పడ్డారు. ఈ నెల 1వ తేదీన గుంటూరు నగరపాలక సంస్థ పరిధిలోని 76 వార్డులకు జరిగిన ఎన్నికల ప్రక్రియకు సంబంధించి మంగళవారం ఆచార్య నాగార్జున విశ్వవిద్యాలయంలో ఏర్పాటు చేసిన కౌంటింగ్‌ కేంద్రంలో ఓట్ల లెక్కింపు చేపట్టారు. కౌంటింగ్‌ ప్రక్రియ మొత్తం కూటమి నేతల కనుసన్నల్లోనే కొనసాగింది. టీడీపీ మేయర్‌ అభ్యర్థి భర్త, మాజీ మేయర్‌ కోవెలమూడి రవీంద్ర, టీడీపీ ఎమ్మెల్సీ ఆలపాటి రాజేంద్ర ప్రసాద్‌, తూర్పు ఎమ్మెల్యే నసీర్‌ అహ్మద్‌, పశ్చిమ ఎమ్మెల్యే గల్లా మాధవి భర్త గల్లా రామచంద్రరావు కౌంటింగ్‌ కేంద్రంలోనే తిష్టవేశారు. కౌంటింగ్‌ను తమకు అనుకూలంగా మలుచుకునేందుకు, కౌంటింగ్‌ సిబ్బందిని ప్రభావితం చేసే విధంగా అధికార దర్పాన్ని ప్రదర్శించారు. లెక్కింపు ప్రక్రియను మంగళవారం ఉదయం 8 గంటలకు ప్రారంభించాల్సి ఉన్నా 10 గంటలకు సైతం ప్రారంభం కాలేదు. భారీ వర్షం కురుస్తుండటంతో సిబ్బంది సకాలంలో రాలేదు. ఏఎన్‌యూలోని నాలుగు బ్లాకుల్లో ఏర్పాటు చేసిన 51 కౌంటింగ్‌ కేంద్రాల్లోని హాళ్లకు బ్యాలెట్‌ బాక్సులను చేర్చి కౌంటింగ్‌ ప్రారంభించడంతో తీవ్ర జాప్యం జరిగింది. పోస్టల్‌ బ్యాలెట్‌ ఓట్ల లెక్కింపు పూర్తయ్యేసరికి మధ్యాహ్నం ఒంటి గంట దాటింది. ఆ తర్వాత బ్యాలెట్‌ బాక్సులను తెరిచి, 25 కట్టలుగా కట్టి ఓట్ల లెక్కింపును ప్రారంభించారు. 14 మంది మేయర్‌ అభ్యర్థులతో పాటు 333 మంది కార్పొరేటర్‌ అభ్యర్థులకు వచ్చిన ఓట్లను వేర్వేరుగా ఏర్పాటు చేసిన టేబుళ్లపై లెక్కించారు. పోస్టల్‌ బ్యాలెట్‌ ఓట్ల ఫలితాలను రాత్రి వరకు సైతం కచ్చితంగా ప్రకటించలేదు. కార్పొరేటర్‌ అభ్యర్థుల ఫలితాలను ప్రకటించేందుకు అర్ధరాత్రి వరకు సమయం తీసుకున్నారు. టీడీపీ, జనసేన, బీజేపీ అభ్యర్థులు నామమాత్రపు మెజార్టీతో గెలిచినా వెంటనే ప్రకటిస్తూ వచ్చారు. వైఎస్సార్‌సీపీ కార్పొరేటర్‌ అభ్యర్థులు భారీ మెజార్టీతో గెలిచినప్పటికీ వారి వివరాలను ప్రకటించడంలో పక్షపాతంగా వ్యవహరించారు. గెలిచిన కూటమి అభ్యర్థులకు అప్పటికప్పుడే రిటర్నింగ్‌ అధికారులు ధ్రువపత్రాలను అందజేశారు. వైఎస్సార్‌సీపీ అభ్యర్థులకు ధ్రువపత్రాలను ఇవ్వడంలో తాత్సారం చేశారు. ఈ విధంగా 7వ వార్డు నుంచి ఫారూక్‌ మహమ్మద్‌, 22వ వార్డు నుంచి షేక్‌ అమీనా బేగం గెలుపొందినట్లు అధికారికంగా ప్రకటించారు. 2, 8, 12, 16, 36, 38, 58 వార్డుల్లో అభ్యర్థులు మెజార్టీతో గెలిచినప్పటికీ అధికారికంగా ప్రకటించలేదు. 60వ డివిజన్‌లో వైఎస్సార్‌ సీపీ అభ్యర్థి మలిశెట్టి దీనమ్మ 16 ఓట్ల తేడాతో గెలుపొందగా, టీడీపీ శ్రేణులు అభ్యంతరంతో రీకౌంటింగ్‌ జరిపినట్లు సమాచారం. అభ్యర్థులకు కౌంటింగ్‌ కేంద్రాలకు వచ్చేందుకు గుర్తింపు కార్డులు జారీ చేశారు. కూటమి అభ్యర్థుల వెంట వచ్చిన నేతలకు అధికారులు ఎర్రతివాచీ పరిచారు. వైఎస్సార్‌ సీపీ అభ్యర్థులను మాత్రం ప్రధాన గేటు వద్దే నిలువరించారు. కాలినడకనే వారు కిలోమీటర్ల మేర నడిచి, వర్షంలో తడుస్తూ కేంద్రానికి వచ్చారు.

ఇటీవల నిర్వహించిన సర్‌(స్పెషల్‌ ఇంటెన్సివ్‌ రివిజన్‌)లో కూడా మేమంతా పాల్గొన్నా. కావాల్సిన పత్రాలన్నీ సమర్పించా. ఎప్పుడు పిలిచినా వస్తామని చెబుతున్నా. గ్రామంలోనే అందుబాటులో ఉన్నా. ఒక్క నోటీసు కూడా ఇవ్వకుండా ఓటు తొలగించారు. నేను దాదాపు ప్రతి ఎన్నికలోనూ ఓటు వేశాను. న్యాయ స్థానాలను కూడా ఆశ్రయించ బట్టి కలెక్టర్‌ వరకు వెళ్లాం. న్యాయం చేయండి. – అన్నవరపు కృష్ణ చైతన్య, మన్నవ గ్రామస్తుడు అయ్యా ఇంతటి దారుణాన్ని నేను ఎప్పుడూ చూడలేదు. మన్నవలో నేను నాలుగుసార్లు సర్పంచిగా పనిచేశాను. ఎన్నికల నోటిఫికేషన్‌ వరకు కూడా నేనే సర్పంచిని. నా కుటుంబం 40 ఏళ్ల నుంచి రాజకీయాల్లో ఉంది. మా కుటుంబం మొత్తం ఓట్లు తొలగించారు. రాజకీయాల్లో ఉండకుండా చేయాలని టీడీపీ నాయకుల కుట్రలో భాగమే. పొన్నూరు తహసీల్దార్‌, బీల్వోలు ఈ కుట్రలో భాగస్వాములు. ఒక్క గ్రామంలో దాదాపు 379 ఓట్లు తొలగించడం ఇదే ప్రథమమేమో. స్థానిక టీడీపీ నాయకుడు బండ్లమూడి చింపిరయ్య మా ఓట్లు తొలగించమని ఒకే వ్యక్తి 175 ఫాం–7లు దాఖలు చేస్తే దానిని అధికారులు అంగీకరించారు. –బొనిగల నాగమల్లేశ్వరరావు, మన్నవ తాజా మాజీ సర్పంచి

జిల్లా ఎస్పీ వకుల్‌ జిందాల్‌ నగరంపాలెం: మురసు తుపాను దృష్ట్యా సహాయక చర్యల కోసం ప్రతి పోలీస్‌స్టేషన్‌ పరిధిలో ప్రత్యేక బృందాన్ని ఏర్పాటు చేయాలని జిల్లా ఎస్పీ వకుల్‌ జిందల్‌ చెప్పారు. జిల్లాలోని పోలీస్‌స్టేషన్ల స్టేషన్‌ హౌస్‌ ఆఫీసర్లు (సీఐలు), డీఎస్పీలతో సోమవారం సెల్‌ కాన్ఫరెన్స్‌ నిర్వహించారు. జిల్లా ఎస్పీ మాట్లాడుతూ తుపాను ప్రభావం మంగళవారం సాయంత్రం వరకు కొనసాగే అవకాశం ఉందన్నారు. గంటకు యాభై నుంచి అరవై కిలోమీటర్ల వేగంతో గాలులు వీచే అవకాశం ఉందని చెప్పారు. పోలీస్‌ అధికారులు, సిబ్బంది అప్రమత్తంగా ఉండాలని సూచించారు. జేసీబీలు, ఇతర సహాయక సామగ్రిని ఏర్పాటు చేసుకోవాలని ఆదేశించారు. పోలీస్‌ కంట్రోల్‌ రూమ్‌ నుంచి వచ్చే ఆదేశాలను పాటించాలని అన్నారు. వాగులు, వంకలు, బ్రిడ్జిల వద్ద నీటి ప్రవాహం పెరిగే అవకాశం ఉందని, ప్రమాదకర ప్రాంతాలను ముందుగా గుర్తించాలని చెప్పారు. ప్రజలు ప్రమాదకర ప్రాంతాల్లోకి వెళ్లనీవ్వద్దని, నీటి ప్రవాహంలో చిక్కుకోకుండా చర్యలు చేపట్టాలని సూచించారు. భారీ వాహనాలు, లారీలను సురక్షిత ప్రాంతాల్లో తాత్కాలికంగా నిలుపుదల చేయాలని అన్నారు. ప్రతి పదిహేను కిలోమీటర్లకు వాహనాల నిలుపుదల ప్రాంతాలు అనువుగా ఉండేలా చర్యలు చేపట్టాల న్నారు. ప్రజలు తీసుకోవాల్సిన జాగ్రత్తలు, సురక్షితంగా ఉండాల్సిన విధానాలపై అవగాహన కల్పించాలని ఆదేశించారు. తుపాను సహాయక కేంద్రాల్లోని ప్రజలకు సహాయ సహకారాలు అందించాలని సూచించారు. తుపాను ప్రభావం ఎక్కువగా ఉండే గ్రామాలపై ప్రత్యేక దృష్టిసారించాలని అన్నారు. ప్రతి మూడు లేదా నాలుగు గ్రామాలకు ఒక కానిస్టేబుల్‌ను నియమించాలని పేర్కొన్నారు. ప్రజా, ప్రాణ, ఆస్తి నష్టాలను నివారించడమే లక్ష్యంగా ప్రతి పోలీస్‌ అధికారి, సిబ్బంది విధులు నిర్వర్తించాలని అన్నారు.

రోడ్డుపై ఆందోళన చేసిన గ్రామస్తులు తాడికొండ: రాయపూడి సీడ్‌ యాక్సిస్‌ రోడ్డుపై ఆదివారం రాత్రి హైడ్రాలిక్‌ క్రేన్‌ కింద పడి దొండపాడు గ్రామానికి చెందిన కొండముది ఆనందరావు(35) మృతి చెందాడు. రాయపూడి నుంచి మందడం వైపు ద్విచక్ర వాహనంపై వెళుతుండగా ఎదురుగా వస్తున్న హైడ్రాలిక్‌ క్రేన్‌ వేగంగా వచ్చి ఢీ కొట్టింది. ఈ ప్రమాదంలో ద్విచక్ర వాహనంపై ప్రయాణిస్తున్న వ్యక్తి ఘటనా స్థలంలోనే దుర్మరణం పాలయ్యాడు. సమాచారం తెలుసుకున్న కుటుంబ సభ్యులు, గ్రామస్తులు ఘటనా స్థలానికి చేరుకొని బాధిత కుటుంబానికి న్యాయం చేయాలని ఆందోళన చేపట్టారు. పోలీసులు వచ్చి కుటుంబ సభ్యులకు నచ్చజెప్పి న్యాయం జరిగేలా చూస్తామని హామీ ఇవ్వడంతో ఆందోళన విరమించారు.

మంగళగిరి టౌన్‌: ఎస్సీ, ఎస్టీ పారిశ్రామికవేత్తలకు రాష్ట్ర ప్రభుత్వం జారీ చేసిన జీవో నం.7 అమలులో భాగంగా ప్లాట్లకు నగదు చెల్లింపులు చేసేందుకు మరో మూడు నెలల గడువు కల్పించనున్నారు. ఈ మేరకు ఏపీఐఐసీ మేనేజింగ్‌ డైరెక్టర్‌ ఏఎస్‌ దినేష్‌ కుమార్‌ సానుకూలంగా స్పందించారు. ఇప్పటికే ఆన్‌లైన్‌లో తొలగించిన ప్లాట్లను తిరిగి పునరుద్ధరించేందుకు కూడా అంగీకరించారు. ఈ అంశంపై సోమవారం ఏపీ ఎస్సీ, ఎస్టీ పారిశ్రామికవేత్తల జాయింట్‌ యాక్షన్‌ కమిటీ అధ్యక్షుడు అనార్‌ బాబు ఆధ్వర్యంలో ప్రతినిధి బృందం ఏపీఐఐసీ ఎండీని కలిసి వినతిపత్రం సమర్పించి చర్చించింది. ఎస్సీ, ఎస్టీ పారిశ్రామికవేత్తలకు కేటాయించిన ప్లాట్లకు నగదు చెల్లించేందుకు తగిన సమయం లేకపోవడంతో ఇబ్బందులు ఎదురవుతున్నాయని ప్రతినిధులు ఆయన దృష్టికి తీసుకెళ్లారు. దీనిపై స్పందించిన ఎండీ మరో మూడు నెలల గడువు కల్పించేందుకు అంగీకరించడంతోపాటు, ఇందుకు సంబంధించిన ప్రక్రియను వేగవంతం చేయాలని కింది స్థాయి అధికారులను ఆదేశించారు. అనంతరం ఏపీఐఐసీ ఎగ్జిక్యూటివ్‌ డైరెక్టర్‌ ఈ.ప్రతాప్‌, సీజీఎం చంద్రశేఖర్‌, జీఎం వెంకటేశ్వరరావులను కూడా ప్రతినిధి బృందం కలిసింది. అర్హులైన పారిశ్రామికవేత్తలు తమ ప్లాట్లకు సంబంధించి గడువు పొడిగింపు కోరుతూ జోనల్‌ మేనేజర్లకు వ్యక్తిగతంగా లేఖలు సమర్పించాలని అధికారులు సూచించారు. సానుకూలంగా స్పందించిన ఏపీఐఐసీ ఎండీతో పాటు ఇతర అధికారులకు జాయింట్‌ యాక్షన్‌ కమిటీ ప్రతినిధులు కృతజ్ఞతలు తెలిపారు. కార్యక్రమంలో వి. భక్తవత్సలం, డాక్టర్‌ ఎం.నవీన్‌, కై లా శేషయ్య, వినోద్‌ పాల్గొన్నారు.

తాడేపల్లి రూరల్‌: తాడేపల్లి రూరల్‌ వడ్డేశ్వరం కేఎల్‌ యూనివర్సిటీ, రతన్‌ టాటా ఇన్నోవేషన్‌ హబ్‌ (ఆర్టీఐహెచ్‌) సంయుక్తంగా కార్పొరేట్‌ – ఇనిస్టిట్యూషన్‌ అనుసంధాన కార్యక్రమాన్ని సోమవారం నిర్వహించాయి. పరిశ్రమలు, విద్యాసంస్థల మధ్య భాగస్వామ్యాలు, సంయుక్త పరిశోధనలు, సాంకేతిక పరిజ్ఞాన మార్పిడి, నూతన ఉత్పత్తుల అభివృద్ధి, విద్యార్థులకు పరిశ్రమల ఆధారిత ప్రాజెక్టులు అందించడం వంటి అంశాలపై చర్చించారు. ఈ బృందంలో డీప్‌ల్యూర్‌ వ్యవస్థాపకులు, సీఈఓ హర్షవర్ధన్‌, స్పేస్‌ఇన్ఫ్‌ టెక్నాలజీస్‌ వ్యవస్థాపకురాలు డాక్టర్‌ శ్రీదేవి తాళ్లూరి, ఎక్స్‌పాట్రానిక్స్‌ సిస్టమ్స్‌ సహ వ్యవస్థాపకులు వంశీ చరణ్‌ రాపోలు, గ్రోవ్యూ సహ వ్యవస్థాపకులు రఘు వేగిరాజు, ఐఓటీ ఆధారిత రైడర్‌ సేఫ్టీ మానిటరింగ్‌ సిస్టమ్‌ వ్యవస్థాపకులు గౌతమ్‌, రెట్రోనర్జీస్‌ వ్యవస్థాపకులు దీపేష్‌ కుమార్‌ పాల్గొన్నారు. వర్సిటీ వీసీ డాక్టర్‌ పార్థసారథివర్మ మాట్లాడుతూ పరిశ్రమలు, విద్యాసంస్థల మధ్య పరస్పర సహకారాన్ని బలోపేతం చేసి, నూతన ఆవిష్కరణలు, సాంకేతిక అభివృద్ధి, స్టార్టప్‌లను ప్రోత్సహించే లక్ష్యంతో కేఎల్‌ యూనివర్సిటీ ప్రత్యేక కార్యక్రమాన్ని నిర్వహించిందని తెలిపారు. కార్యక్రమంలో కేఎల్‌ యూనివర్సిటీ అదనపు డీన్‌ హరికిరణ్‌, ప్రో వైస్‌ చాన్సులర్లు డాక్టర్‌ ఎన్‌.వెంకట్‌రామ్‌, డాక్టర్‌ కె.రాజశేఖరరావు, రిజిస్ట్రార్‌ డాక్టర్‌ కె.పవన్‌ కుమార్‌, ఆవిష్కరణలు, ఇంక్యుబేషన్‌, పారిశ్రామికవేత్తల అభివృద్ధి కేంద్రం సీనియర్‌ డైరెక్టర్‌ డాక్టర్‌ వి.రాజేష్‌, అసిస్టెంట్‌ డైరెక్టర్‌ డాక్టర్‌ పి.సలీమ్‌ అక్రమ్‌, ఆర్టీఐహెచ్‌ ప్రతినిధి డాక్టర్‌ కె.వి.జి.నాయుడు, ఫ్యాబ్‌ ల్యాబ్‌ డైరెక్టర్‌ డాక్టర్‌ గౌరవ్‌ కపూర్‌, అటల్‌ కమ్యూనిటీ ఇన్నోవేషన్‌ సెంటర్‌ సీఈఓ వి.రమాకాంత్‌, గణేష్‌ రాయల పాల్గొన్నారు.

గుంటూరు వెస్ట్‌: చంద్రబాబు ప్రభుత్వం రాజకీయ కక్షల కోసం పచ్చని పల్లెలను వదలడంలేదు. భారత రాజ్యాంగం కల్పించిన ఓటు హక్కును నిస్సిగ్గుగా తొలగించి అధికారులు వేడుక చూస్తున్నారు. స్థానిక ప్రజాప్రతినిధి ప్రోద్భలంతో ఓట్ల నాటకం ఆడుతున్నారు. మన్నవలో ఇటీవల వరకు 1780 ఓట్లు ఉన్నాయి. ప్రస్తుతం ఆ సంఖ్య ఒక్కసారిగా 1361 పడిపోయింది. అంటే ఒక్కసారిగా 379 ఓట్లు గల్లంతు అయ్యాయి. గత ఎన్నికల్లో మన్నవ గ్రామ పంచాయతీ ఎన్నికలలో వైఎస్సార్‌ సీపీ అభ్యర్థి, టీడీపీ అభ్యర్థిపై 400 ఓట్లతో తేడాతో విజయం సాధించారు. ఈసారి మన్నవ గ్రామ సర్పంచి పదవిని ఎలాగైనా కై వసం చేసుకునేందుకు టీడీపీ పన్నాగం వేసింది. 379 ఓట్లు తొలగించారు. గ్రామ ప్రజలు కొన్ని నెలలుగా కోల్పోయిన ఓటు హక్కు కోసం చేయని ప్రయత్నాలు లేవు. చివరకు న్యాయస్థానాల ఆదేశాలతో సోమవారం గుంటూరు కలెక్టరేట్‌లో బాధితులు జిల్లా కలెక్టర్‌ సీఎం సాయికాంత్‌ వర్మను కలిసి వివరాలు అందించారు.

ప్రకృతి ప్రకోపం.. సర్కారు నిర్లక్ష్యంసాక్షి ప్రతినిధి, గుంటూరు: ఆరుగాలం శ్రమించి పంటలు పండించే అన్నదాతకు ప్రకృతి పరీక్ష పెడుతోంది. ఒకవైపు వాతావరణ పరిస్థితుల్లో మార్పులు.. మరోవైపు వరుస తుఫాన్లు, అకాల వర్షాలతో రైతాంగం ఉక్కిరిబిక్కిరవుతోంది. సాగు ప్రారంభం నుంచి పంట చేతికొచ్చే వరకు ఎన్నో వ్యయప్రయాసలకోర్చి వ్యవసాయం చేస్తున్న రైతులకు ప్రకృతి వైపరీత్యాలు కంటిమీద కునుకు లేకుండా చేస్తున్నాయి. ఇప్పటికే సాగు విస్తీర్ణం తగ్గగా, సాగు చేసిన పంటలు సైతం తుఫాన్ల ప్రభావంతో దెబ్బతింటున్నాయి. గుంటూరు జిల్లాలో ఇటీవల సంభవించిన అర్నబ్‌ తుఫాన్‌ ప్రభావంతో సుమారు 23 వేల ఎకరాల్లో వివిధ పంటలకు నష్టం వాటిల్లినట్లు వ్యవసాయ, ఉద్యాన శాఖల అధికారులు ప్రాథమికంగా అంచనా వేశారు. దీంతో రైతులు తీవ్ర ఆందోళనకు గురవుతున్నారు. రైతులకు మరింత భారం వాతావరణ ప్రభావం వ్యవసాయ రంగంపై తీవ్ర ప్రభావం చూపుతోంది. వాతావరణంలో చోటుచేసుకునే మార్పులు వర్షపాతం ఉష్ణోగ్రతలపై ప్రభావం చూపే అవకాశం ఉండటంతో రైతులు సాగు విషయంలో అనేక ఇబ్బందులు ఎదుర్కొంటున్నారు. ఎప్పుడు వర్షాలు కురుస్తాయో.. ఎప్పుడు ఎండలు తీవ్రతరం అవుతాయో తెలియని పరిస్థితి నెలకొంది. పంటల సాగు ప్రణాళికలు తారుమారవుతున్నాయి. పైపెచ్చు టీడీపీ ప్రభుత్వం పెట్టుబడి సాయం కూడా సరిగా ఇవ్వకపోవడంతో విత్తనాలు, ఎరువులు, పురుగు మందులు వంటి సాగు ఖర్చులకు రైతులు అప్పులపాలవ్వాల్సిన దుస్థితి నెలకొంది. ఈ నేపథ్యంలో వాతావరణ అనిశ్చితి రైతులకు మరింత భారంగా మారుతోంది. ఒకవైపు అప్పులపై వడ్డీలు పెరుగుతుండగా, మరోవైపు కుటుంబ పోషణ, పిల్లల చదువులు, తదుపరి సాగు ఖర్చులు భారంగా మారుతున్నాయి. దీంతో పలువురు రైతులు తీవ్ర మానసిక, ఆర్థిక ఒత్తిడికి గురవుతున్నారు. వరుస తుఫాన్లతో పంటలకు దెబ్బ గత ఏడాది అక్టోబర్‌లో సంభవించిన మొంథా తుఫాను రైతాంగాన్ని తీవ్రంగా దెబ్బతీసింది. పలు ప్రాంతాల్లో 6,062.21 ఎకరాల్లో పంటలు దెబ్బతిన్నాయి. ఏడాది గడిచినా ఇప్పటికీ రైతులకు పరిహారం అందలేదు. ఆ నష్టాల నుంచి రైతులు ఇంకా పూర్తిస్థాయిలో కోలుకోకముందే ఇటీవల అర్నబ్‌ తుఫాన్‌ మరోసారి విరుచుకుపడింది. జిల్లాలో సుమారు 23 వేల ఎకరాల్లో వరి, పత్తి, మినుము తదితర వ్యవసాయ పంటలతో పాటు అరటి, కూరగాయలు, పూల తోటలకు నష్టం వాటిల్లినట్లు అధికారులు ప్రాథమికంగా గుర్తించారు. పొలాల్లో నీరు నిలిచిపోవడం, పంటలు నేలకొరగడం, ఉద్యాన పంటలు దెబ్బతినడంతో రైతులు తీవ్రంగా నష్టపోతున్నారు. కలవరపెడుతున్న రైతు ఆత్మహత్యలు వ్యవసాయంలో వరుస నష్టాలు, అప్పుల భారం, పెట్టుబడులు తిరిగి రాకపోవడం వంటి సమస్యలు రైతులను తీవ్ర సంక్షోభంలోకి నెడుతున్నాయి. అప్పులు తీర్చే మార్గం కనిపించక కొందరు రైతులు ఆత్మహత్యలకు పాల్పడుతున్న ఘటనలు ఆందోళన కలిగిస్తున్నాయి. ప్రకతి వైపరీత్యాలతో పంటలు నష్టపోయిన రైతులకు సకాలంలో ఆర్థిక సాయం అందకపోతే పరిస్థితులు మరింత విషమించే ప్రమాదం ఉంది. రైతులకు భరోసా కల్పించడంతో పాటు ఆర్థికంగా ఆదుకునే చర్యలు తీసుకోవాల్సిన అవసరం ఎంతైనా ఉంది. ఆదుకోవాలని వేడుకోలు.. తాజా మురసు తుఫాన్‌ అన్నదాతలకు కంటి మీద కునుకులేకుండా చేస్తోంది. ఇటీవల సంభవించిన అర్నబ్‌ తుఫాన్‌కు నష్టపోయిన పంటలను వ్యవసాయ, ఉద్యాన శాఖల అధికారులు క్షేత్రస్థాయిలో సమగ్రంగా పంట నష్టాన్ని అంచనా వేయాలని రైతులు కోరుతున్నారు. నష్టపోయిన ప్రతి రైతును గుర్తించి పరిహారం జాబితాల్లో చేర్చాలని విజ్ఞప్తి చేస్తున్నారు. గత ఏడాది మొంథా తుఫాన్‌కు సంబంధించి పెండింగ్‌లో ఉన్న రూ.5.75 కోట్ల పరిహారాన్ని వెంటనే విడుదల చేయడంతో పాటు, అర్నబ్‌ తుఫాన్‌ కారణంగా జరిగిన నష్టానికి కూడా తగిన పరిహారం అందించాలని డిమాండ్‌ చేస్తున్నారు ఒకవైపు ప్రకృతి ప్రకోపం.. మరోవైపు అప్పుల భారం.. మరోవైపు ఆదుకోని ప్రభుత్వం.. ఇలా జిల్లా రైతాంగం మూడు వైపులా సమస్యలతో సతమతమవుతోంది. ఆరుగాలం కష్టపడి పంటలు పండించే అన్నదాతకు ప్రభుత్వం అండగా నిలిచి తక్షణ ఉపశమనం కల్పించాల్సిన అవసరం ఉందని రైతులు, రైతు సంఘాలు కోరుతున్నారు. మోంథా తుఫాన్‌ నష్టపరిహారం విషయంలో రైతులకు నిరాశే ఎదురవుతోంది. తుఫాన్‌ సంభవించి ఏడాది గడిచినా జిల్లాలో సుమారు 3,800 మంది రైతులకు రూ.5.75 కోట్ల మేర పరిహారం ఇంతవరకు కూటమి ప్రభుత్వం అందించనే లేదు. పంటలు నష్టపోయిన సమయంలో ప్రభుత్వం నుంచి సాయం అందుతుందని ఆశించిన రైతులకు ఇంతవరకు ఎదురుచూపులే మిగిలాయి. పరిహారం అందకపోవడంతో అప్పులు తీర్చలేక, తదుపరి పంట సాగుకు పెట్టుబడులు సమకూర్చుకోలేక రైతులు ఇబ్బందులు పడుతున్నారు. పాత నష్టపరిహారమే అందని పరిస్థితుల్లో తాజాగా తుఫాన్‌ కారణంగా జరిగిన నష్టంతో వారి కష్టాలు మరింత పెరిగాయి. మళ్ళీ ఇప్పుడు పశ్చిమ బంగాళాఖాతంలో తీవ్ర తుఫాన్‌గా బలపడిన మురసు తుఫాన్‌తో అన్నదాతులు తీవ్ర ఆందోళన చెందుతున్నారు.

డీసీఎం సారూ..తెనాలి: ఎన్నికల్లో గెలుపుకోసం సూపర్‌ సిక్స్‌ హామీల తరహాలోనే కూటమి నేతలు నియోజకవర్గాల్లోనూ స్థానిక అవసరాలను దృష్టిలో ఉంచుకుని పలు వాగ్దానాలు గుప్పిచ్చారు. అందులో కొల్లిపర వద్ద కృష్ణానదిపై చెక్‌డ్యామ్‌ నిర్మాణం ఒకటి. అధికారంలోకి వచ్చి రెండున్నరేళ్లు పూర్తయింది. నేతల మాటలు నమ్మిన మండల ప్రజలు భారీ మెజారిటీ కట్టబెట్టినప్పటికీ కూటమి నాయకులు కీలకమైన ఆ హామీ ఊసే ఎత్తటం లేదు. నియోజకవర్గం నుంచి కేంద్రం, రాష్ట్రానికి ప్రాతినిధ్యం వహిస్తూ ఇద్దరు మంత్రులున్నా చెక్‌డ్యామ్‌ గురించి మాట్లాడితే ఒట్టు...అన్నటు ఉన్నారు. హామీ హుళక్కే..! మండల కేంద్రం కొల్లిపర వద్ద కృష్ణానదిపై చెక్‌ డ్యామ్‌ను నిర్మించి ఆ ప్రాంత వాసుల తాగు, సాగునీటి ఇక్కట్లను తీరుస్తామని జనసేన పార్టీ అధినేత వన్‌కళ్యాణ్‌ హామీనిచ్చారు. 2024 ఏప్రిల్‌ 14న తెనాలి మార్కెట్‌ సెంటర్లో జరిగిన ఎన్నికల బహిరంగ సభలో అప్పుడు గుంటూరు ఎంపీగా పోటీచేస్తున్న పెమ్మసాని చంద్రశేఖర్‌, తెనాలి ఎమ్మెల్యే బరిలో నిలిచిన నాదెండ్ల మనోహర్‌ సమక్షంలో పవన్‌కళ్యాణ్‌ నియోజకవర్గ ప్రజలకు ఈ హామీనిచ్చారు. ఎన్నికల్లో గెలిపించిన వెంటనే చెక్‌డ్యామ్‌ నిర్మిస్తామని స్పష్టంగా చెప్పారు. పవన్‌కళ్యాణ్‌ ఇచ్చిన ఈ హామీని ఎంపీ, ఎమ్మెల్యే అభ్యర్థులు ఇద్దరూ ఎన్నికల ప్రచారంలో కొల్లిపర మండలంలోని గ్రామగ్రామానికీ తీసుకెళ్లారు. ఈ హామీని నమ్మిన కొల్లిపర మండల వాసులు కూటమి ఎంపీ, ఎమ్మెల్యే అభ్యర్థులకు ఓట్లు వేశారు. అధికారంలోకి వచ్చాక పవన్‌కళ్యాణ్‌ డెప్యూటీ ముఖ్యమంత్రి అయ్యారు. గుంటూరు ఎంపీగా గెలిచిన పెమ్మసాని చంద్రశేఖర్‌ కేంద్ర సహాయమంత్రిగా, తెనాలి ఎమ్మెల్యే నాదెండ్ల మనోహర్‌ రాష్ట్ర పౌరసరఫరాలశాఖ మంత్రిగా బాధ్యతలు చేపట్టారు. రాష్ట్రంలో కొత్త ప్రభుత్వం కొలువుదీరి మొత్తంమీద రెండున్నర సంవత్సరాలైనా, ఉప ముఖ్యమంత్రి హోదాలో ఉన్న పవన్‌కళ్యాణ్‌ ఎన్నికల సమయంలో ఇచ్చిన హామీ కృష్ణానది వరదల్లో కలిసిపోయింది. నది దాటేందుకు వ్యయప్రయాసలు కృష్ణానదిని ఆనుకుని ఉన్న మండల కేంద్రం కొల్లిపరకు నీటి కష్టాలు వెన్నాడుతున్నాయి. భూగర్భజలాలు తగ్గిపోయి, నదికి వంద మీటర్ల దూరంలోని పంటపొలాలకూ నీరందటం లేదు. కొల్లిపర మండలంలో గత ఏప్రిల్‌/మే నెలల్లో 250 పైగా బోర్లు వేయించారంటే సమస్య తీవ్రతను అర్థం చేసుకోవచ్చు. నీటి సంగతిలా ఉంటే నదీగర్భలోని లంక గ్రామాలకు వెళ్లటానికి రైతులు, రైతుకూలీలు నానా అవస్థలు పడుతుంటారు. ఎరువులను తీసుకెళ్లేందుకు, పంట ఉత్పత్తులను తరలించటానికి నదిలో నీరున్నప్పుడు పడవలపైనే ఆధారపడుతుంటారు. ఇతర సమయాల్లో నదీ మార్గంలో తాత్కాలిక రహదారిని రైతులు నిర్మించుకుని రాకపోకలు సాగిస్తుంటారు. ఇక్కడివారు కృష్ణాజిల్లాకు వెళ్లాలంటే మూడు నీటి పాయలు దాటి వెళ్లాల్సి వస్తోంది. కృష్ణానదిలో నీరు నిండుగా ఉండి, పడవ ప్రయాణం సాధ్యం కానపుడు విజయవాడ మీదుగా 70 కిలోమీటర్లు ప్రయాణించాల్సి వస్తుంది. కొల్లిపర వద్ద కృష్ణాన దిపై చెక్‌డ్యామ్‌ను నిర్మిస్తే ఈ సమస్యలన్నింటికీ పరిష్కారం లభిస్తుంది. భూగర్భజలాలు పెరిగి సాగునీటికి, తాగునీటికి ఇబ్బందులు తొలగిపోతాయి. పంట ఉత్పత్తుల రవాణాకు రైతులు, రైతుకూలీలకు సులువైన మార్గం ఏర్పడుతుంది. 5.5 కిలోమీటర్ల ప్రయాణంతోనే కృష్ణాజిల్లాకు చేరుకునే వెసులుబాటు కలుగుతుంది. దాదాపు 65 కిలోమీటర్ల ప్రయాణ భారం తగ్గిపోతుంది. ఇంతటి కీలకమైన అంశంపై తాను ఇచ్చిన హామీపై రాష్ట్ర ఉప ముఖ్యమంత్రిగా హోదాలో ఉన్న పవన్‌కళ్యాణ్‌ పట్టించుకోవటం లేదు. ఆ హామీపై మెజారిటీని దక్కించుకున్న స్థానిక ఎమ్మెల్యే, రాష్ట్ర మంత్రి నాదెండ్ల మనోహర్‌, కేంద్ర సహాయమంత్రి పెమ్మసాని చంద్రశేఖర్‌లు మాట్లాడటం లేదు. కొన్ని సూపర్‌సిక్స్‌ హామీల్లానే కొల్లిపర వద్ద చెక్‌డ్యామ్‌ నీటిపై రాసిన రాతలా కనిపంచటం లేదని ప్రజలు నిరసన వ్యక్తంచేస్తున్నారు. ప్రస్తుత స్థానిక సంస్థల ఎన్నికల్లో తగిన గుణపాఠం చెబుతామని హెచ్చరిస్తున్నారు.

కలెక్టరేట్‌ కంట్రోల్‌ రూమ్‌ నెంబర్‌ 0863–2234014 గుంటూరు వెస్ట్‌: మురసు తుఫాన్‌ ప్రభావంతో జిల్లాలో భారీ వర్షాలు, ఈదురుగాలులు వీచే అవకాశం ఉందని, ప్రజలు అప్రమత్తంగా ఉండాలని జిల్లా కలెక్టర్‌ సీఎం సాయికాంత్‌ వర్మ తెలిపారు. సోమవారం స్థానిక కలెక్టరేట్‌లో నిర్వహించిన విలేకరుల సమావేశంలో కలెక్టర్‌ మాట్లాడుతూ ప్రాణ, ఆస్తి నష్టం జరగకుండా అన్ని ముందస్తు చర్యలు చేపట్టామన్నారు. తుఫాన్‌ ప్రభావంతో సోమవారం జిల్లాలో సుమారు 2.5 సెం.మీ, మంగళవారం 3.5 సెం.మీ. వర్షపాతం నమోదయ్యే అవకాశం ఉందన్నారు, ఈరోజు మధ్యాహ్నం నుంచి గంటకు 55 కిలోమీటర్ల వేగంతో, రేపు 40 కిలోమీటర్ల వేగంతో ఈదురుగాలులు వీచే అవకాశం ఉందని తెలిపారు. తుఫాన్‌ కావలి, ఒంగోలు మధ్య తీరాన్ని దాటే అవకాశం ఉన్న నేపథ్యంలో అధికారులు అప్రమత్తంగా ఉండాలని ఆదేశించారు. వర్షపు నీటి నిల్వకు వీలుగా కాలువల డిశ్చార్జిని తగ్గించడంతో పాటు పూడికతీత పనులు పూర్తి చేశామన్నారు. కృష్ణా నది పరివాహక ప్రాంతాలు, ప్రకాశం బ్యారేజ్‌ దిగువన ఉన్న తాడేపల్లి, మంగళగిరి, దుగ్గిరాల, కొల్లిపర మండలాల ప్రజలు అప్రమత్తంగా ఉండాలని, నదిలోకి ఎట్టి పరిస్థితుల్లోనూ వెళ్లవద్దన్నారు. పునరావాస కేంద్రాలు గుర్తించాం.. కలెక్టర్‌ మాట్లాడుతూ లోతట్టు ప్రాంతాల్లోని 17 గ్రామాలను గుర్తించి 64 గ్రామీణ సహాయ పునరావాస కేంద్రాలను, పట్టణ ప్రాంతాల్లో 21 కాలనీలకు సంబంధించి 19 సహాయ కేంద్రాలను సిద్ధం చేశామని తెలిపారు. తాగునీటి ట్యాంకులను శుభ్రపరిచి, క్లోరినేషన్‌ చేయడంతో పాటు విద్యుత్‌ అంతరాయాలు ఏర్పడితే వినియోగించేందుకు జనరేటర్లు, డీజిల్‌, సిబ్బందిని సిద్ధంగా ఉంచామని వివరించారు. అత్యవసర పరిస్థితుల్లో ప్రజలు మండల, ఆర్డీఓ స్థాయి కంట్రోల్‌ రూమ్‌లు, పోలీస్‌ కంట్రోల్‌ రూమ్‌ లేదా కలెక్టరేట్‌ కంట్రోల్‌ రూమ్‌ను సంప్రదించి సహాయం పొందవచ్చని తెలిపారు. జిల్లా రెవెన్యూ అధికారి ఎన్‌ఎస్‌కె ఖాజావలి పాల్గొన్నారు. గుంటూరు వెస్ట్‌: ‘మురసు‘ తుఫాన్‌ ప్రభావంతో పులిచింతల నుంచి ప్రకాశం బ్యారేజీకి ఎక్కువ వరద వచ్చే అవకాశం ఉందని, ఆ నీటిని కిందకు వదులుతారని జిల్లా కలెక్టర్‌ సీఎం సాయికాంత్‌ వర్మ తెలిపారు. సోమవారం స్థానిక కలెక్టరేట్‌ నుంచి కలెక్టర్‌ వీడియో కాన్ఫరెన్స్‌ నిర్వహించారు. ఆయన మాట్లాడుతూ ప్రకాశం బ్యారేజీ నుంచి వరద వచ్చే అవకాశం ఉన్నందున మంగళగిరి, దుగ్గిరాల, కొల్లిపర మండలాల్లో గల కృష్ణా తీర ప్రాంత గ్రామాలు అప్రమత్తంగా ఉండాలని కోరారు. లంక గ్రామల ప్రజలను కూడా అప్రమత్తం చేయాలని అధికారులను ఆదేశించారు. జిల్లా కలెక్టర్‌ కార్యాలయంలో 0863–2234014 ఫోన్‌ నంబర్‌తో కంట్రోల్‌ రూమ్‌ పనిచేస్తుందన్నారు. చిన్నారులు, వృద్ధులు, గర్భిణులు, బాలింతలపై ప్రత్యేక శ్రద్ధ వహించాలని స్పష్టం చేశారు. తాగునీటి సమస్య తలెత్తరాదన్నారు. తాగునీటి పథకాలు వద్ద జనరేటర్లు సిద్ధంగా పెట్టుకోవాలని ఆదేశించారు. చౌక ధరల దుకాణాల్లో నిత్యావసర సరుకులు పూర్తిస్థాయిలో అందుబాటులో పెట్టాలని జిల్లా పౌర సరఫరాల అధికారిని ఆదేశించారు. పునరావాస కేంద్రాల వద్ద ఆహార తయారీ కోసం ఏజెన్సీలను సిద్ధం చేసి తక్షణ ఆహార పంపిణీకి చర్యలు చేపట్టాలని ఆదేశించారు. హైరిస్క్‌లో ఉన్న గర్భిణులను ముందుగానే ఆసుపత్రులకు తరలించాలన్నారు. జేసీ అశుతోష్‌ శ్రీవాస్తవ, డీఆర్‌ఓ ఎన్‌.ఎస్‌.కె.ఖాజావలి, అధికారులు పాల్గొన్నారు. గుంటూరు ఎడ్యుకేషన్‌: మురసు తుపాను ప్రభావంతో జిల్లా కలెక్టర్‌ ఆదేశాల మేరకు మంగళవారం గుంటూరు జిల్లాలోని ప్రభుత్వ, ప్రైవేటు యాజమాన్యాల్లోని పాఠశాలలకు సెలవు ప్రకటించినట్లు జిల్లా విద్యాశాఖాధికారి షేక్‌ సలీమ్‌ బాషా సోమవారం ఓ ప్రకటనలో పేర్కొన్నారు. జిల్లాలోని ఉప విద్యాశాఖాధికారులు, మండల విద్యాశాఖాధికారులు, ప్రధానోపాధ్యాయులు, ఉపాధ్యాయులు విద్యార్థుల తల్లిదండ్రులకు సమాచారాన్ని చేరవేసి, ఆదేశాలను పాటించాలని సూచించారు. నిబంధనలు ఉల్లంఘిస్తే అందుకు పాఠశాలల యాజమాన్యాలే కారకులవుతారని స్పష్టం చేశారు.

ఏఎన్‌యూలో 50 కౌటింగ్‌ హాళ్లలో 468 టేబుళ్లు ఏర్పాటు నెహ్రూనగర్‌/ఏఎన్‌యూ(పెదకాకాని): గుంటూరు మున్సిపల్‌ కార్పొరేషన్‌ ఎన్నికల ఓట్ల లెక్కింపు ప్రక్రియ మంగళవారం ఆచార్య నాగార్జున యూనివర్సిటీలో జరగనుంది. కౌంటింగ్‌ ప్రక్రియ పారదర్శకంగా, వేగవంతంగా, అత్యంత సజావుగా పూర్తి చేయడానికి నగర పాలక సంస్థ తరఫున అన్ని ఏర్పాట్లు పూర్తి చేసినట్లు నగర కమిషనర్‌, అడిషనల్‌ ఎలక్షన్‌ అథారిటీ కె.మయూర్‌ అశోక్‌ తెలిపారు. సోమవారం ఆచార్య నాగార్జున విశ్వవిద్యాలయం ప్రాంగణంలోని ఇంజినీరింగ్‌ కాలేజీ నిర్దేశిత బ్లాకుల్లో ప్రత్యేకంగా ఏర్పాటు చేసిన కౌంటింగ్‌ కేంద్రాలను, స్ట్రాంగ్‌ రూమ్‌లను పరిశీలించారు. అదేవిధంగా కౌంటింగ్‌ సిబ్బంది జరుగుతున్న శిక్షణలో జిల్లా ఎన్నికల పరిశీలకులు వి.వీర బ్రహ్మయ్యతో కలిసి పాల్గొన్నారు. కమిషనర్‌ మాట్లాడుతూ నగరంలోని మొత్తం 76 వార్డుల పరిధిలో ఉన్న 596 పోలింగ్‌ స్టేషన్లలో నమోదైన ఓట్లను సకాలంలో లెక్కించేందుకు విస్తృతమైన ఏర్పాట్లు చేపట్టామన్నారు. ఇందుకోసం 468 కౌంటింగ్‌ టేబుళ్లను సిద్ధం చేయగా, ఈ బాధ్యతలను నిర్వహించడానికి 1,404 మంది శిక్షణ పొందిన సిబ్బందిని మరియు అధికారులను విధుల్లో నియమించామన్నారు. పోటీ చేస్తున్న అభ్యర్థులు లేదా వారి తరఫున ప్రతినిధులు 3వ తేదీ ఉదయం 6 గంటల సమయానికి స్ట్రాంగ్‌ రూమ్‌ల వద్దకు చేరుకోవాలని సూచించారు. అభ్యర్థులు, వారి ఏజెంట్ల సమక్షంలో స్ట్రాంగ్‌ రూమ్‌ల సీల్స్‌ తెరిచి లెక్కింపు ప్రక్రియను ప్రారంభిస్తామన్నారు. కౌంటింగ్‌ కేంద్రాల లోపలికి ఎలాంటి మొబైల్‌ ఫోన్లను అనుమతించబోమని స్పష్టం చేశారు. లెక్కింపు ప్రక్రియ ప్రశాంత వాతావరణంలో పూర్తయ్యేలా అందరూ సహకరించాలని కోరారు.

వేమూరు: బాపట్ల జిల్లా వేమూరు పోలీసుస్టేషన్‌ సీఐ షేక్‌ నఫీజ్‌ బాషా అరుదైన జాతీయ స్థాయి గుర్తింపు పొందారు. కేంద్ర ప్రభుత్వం ప్రకటించిన ప్రతిష్టాత్మక కేంద్ర హోంమంత్రి రక్షణ పతకం–2026కు దేశ వ్యాప్తంగా ఎంపికై న 123 మంది దర్యాప్తు అధికారుల జాబితాలో ఆయన చోటు దక్కించుకున్నారు. ఈ అవార్డుకు ఆంధ్రప్రదేశ్‌ రాష్ట్రం నుంచి కేవలం నలుగురు పోలీస్‌ అధికారులు ఎంపిక కాగా వారిలో నఫీజ్‌ బాషా ఒకరు కావడం విశేషం. గుంటూరు పోలీస్‌ రేంజ్‌ నుంచి ఈ ప్రతిష్టాత్మక పురస్కారానికి ఎంపికై న ఏకై క పోలీసు అధికారిగా నిలిచారు. విధి నిర్వహణలో నీతి, నిజాయతీ, అంకితభావంతో పనిచేస్తూ ఉత్తమ ప్రతిభ కనబరిచన నఫీజ్‌ బాషా గతంలోనూ పలు జిల్లా, రాష్ట్ర స్థాయి అవార్డులు అందుకున్నారు. తాజాగా జాతీయ స్థాయి పురస్కారానికి ఎంపిక కావం పోలీస్‌ శాఖకు గర్వకారణంగా నిలిచింది. ఉన్నత పోలీస్‌ అధికారులు ఆయనను అభినందిస్తూ భవిష్యత్తులో మరిన్ని ఉన్నత శిఖరాలను అధిరోహించి పోలీస్‌ శాఖకు మరింత గుర్తింపు తీసుకురావాలని ఆకాంక్షించారు. యడ్లపాడు: మురసు తుపాను కారణంగా చారిత్రక కొండవీడు కోట సందర్శనకు తాత్కాలికంగా బ్రేక్‌ పడింది. కొండపై మట్టి కరిగిపోవడం, బండరాళ్లు జారిపడే అవకాశం ఉండటంతో పర్యాటకుల భద్రత దృష్ట్యా సందర్శనలను రద్దు చేసినట్లు నరసరావుపేట ఫారెస్టు రేంజ్‌ అధికారి డీవీ రమణ తెలిపారు. ముందస్తు జాగ్రత్త చర్యల్లో భాగంగా సోమ, మంగళవారం రెండు రోజులపాటు కొండవీడు కోట సందర్శనను నిలిపివేసినట్లు ఆమె వెల్లడించారు. కొండ దిగువన ఉన్న చెక్‌పోస్టును తాత్కాలికంగా మూసినవేసినట్లు తెలిపారు. తుఫాన్‌ అనంతరం తిరిగి ప్రకటించే వరకు పర్యాటకులు కొండవీడు వైపు రావద్దని, అధికారుల సూచనలను పాటించి సహకరించాలని కోరారు. పెదకాకాని: మల్లేశ్వరస్వామి దేవస్థాన నూతన కార్యనిర్వహణాధికారిగా పి శ్రీనివాసులురెడ్డి సోమవారం బాధ్యతలు స్వీకరించారు. ప్రస్తుతం శివాలయం ఈఓగా పనిచేస్తున్న గోగినేని లీలాకుమార్‌ వ్యక్తిగత కారణాలతో రెండు నెలలు సెలవుపై వెళ్లారు. దేవదాయ శాఖ కమిషనర్‌ ఆదేశాల మేరకు దేవదాయశాఖ ఉప కమిషనర్‌ పి శ్రీనివాసులురెడ్డి సోమవారం బాధ్యతలు చేపట్టారు. ముందుగా ఆయన భ్రమరాంబ సమేత మల్లేశ్వరస్వామిని దర్శించుకుని ప్రత్యేక పూజలు నిర్వహించారు. అనంతరం ఆలయ అర్చకులు వేద పండితులు ఆశీర్వచనం చేశారు. ఈఓగా బాధ్యతలు చేపట్టిన శ్రీనివాసులురెడ్డి ప్రస్తుతం ప్రకాశం జిల్లా మాలకొండ శ్రీలక్ష్మీనరసింహస్వామి ఆలయ ఉప కమిషనర్‌గా బాధ్యతలు నిర్వహిస్తున్నారు. నగరంపాలెం: నిత్యావసర వస్తువుల ధరల నియంత్రణలో భాగంగా సోమవారం బాపట్ల పట్టణం కొండలరావువీధిలోని ఝాన్సీలక్ష్మీ రైస్‌ ట్రేడర్స్‌ దుకాణంలో విజిలెన్‌న్స్‌, ఎన్‌ఫోర్స్‌మెంట్‌ అధికారులు, స్థానిక తూనికలు/కొలతల శాఖ అధికారులు ఆకస్మిక తనిఖీలు నిర్వహించారు. పలు రకాలైన బియ్యం, ఇతర సరుకుల ధరలను దుకాణ యాజమాని అల్లం సాంబశివరావుని అడిగి తెలుసుకున్నారు. ఏ రకం బియ్యం ఏ ధరకు విక్రయిస్తున్నారనేది రికార్డులు తనిఖీ చేశారు. బియ్యం బస్తాలపై తయారీదారుని పేరు, ధరల ముద్రణ లేకపోవడంపై లీగల్‌ మెట్రాలజీ కేసులు నమోదు చేశారు.

చిలకలూరిపేట మున్సిపాలిటీ పరిధిలో ఎన్నికలు హింసాత్మకంగా మారాయి. టీడీపీ నేతలు తెల్లవారుజాము నుంచే అన్ని బూత్‌లను తమ ఆధీనంలోకి తీసుకుని, చుట్టుపక్కల గ్రామాల నుంచి టీడీపీ గూండాలను కర్రలు, రాడ్లతో కాపలాగా పెట్టి రిగ్గింగ్‌కు పాల్పడ్డారు. బూత్‌లలో ఉన్న వైఎస్సార్‌ సీపీ ఏజెంట్లను బయటకు లాగి చితకబాదారు. ఓటర్లను భయభ్రాంతులకు గురిచేసి తరిమికొట్టారు. పోలింగ్‌ బూత్‌లను ఆక్రమించుకుని రిగ్గింగ్‌కు పాల్పడ్డారు. పండరీపురం, సంజీవనగర్‌ ప్రాంతాలో పోలింగ్‌ కేంద్రాల వద్ద వైఎస్సార్‌ సీపీ నాయకులు, కార్యకర్తలపై టీడీపీ గూండాలు దాడులకు తెగబడ్డారు. మాజీ మంత్రి విడదల రజినిని హౌస్‌ అరెస్టు చేసి, వైఎస్సార్‌ సీపీ బలపరిచిన కౌన్సిలర్‌ అభ్యర్థులతోపాటు వారి బంధువులను సైతం బూత్‌ల వద్దకు రాకుండా పచ్చమూకలు అడ్డుకున్నాయి. మధ్యాహ్నం 3 గంటల నుంచి ఇతర గ్రామాల నుంచి వచ్చిన 200 మంది టీడీపీ గూండాలు అన్ని పోలింగ్‌ కేంద్రాలను ఆక్రమించుకుని, ఓటు వేయడానికి వచ్చిన ఓటర్లపై సైతం దాడులు చేసి భయానక వాతావరణం సృష్టించారు. అనంతరం యథేచ్ఛగా రిగ్గింగ్‌కు పాల్పడ్డారు. దీనిపై ఆగ్రహం వ్యక్తం చేసిన మాజీ మంత్రి విడదల రజిని చిలకలూరిపేటలో అన్ని వార్డులు, చైర్‌పర్సన్‌ అభ్యర్థికి రీపోలింగ్‌ నిర్వహించాలని కోరుతూ ఎన్నికల కమిషన్‌కు ఫిర్యాదు చేశారు.

జిల్లా కలెక్టర్‌ సీఎం సాయికాంత్‌ వర్మ గుంటూరు వెస్ట్‌: ‘మురసు‘ తుపాను నేపథ్యంలో అప్రమత్తంగా ఉండాలని జిల్లా కలెక్టర్‌ సీఎం సాయికాంత్‌ వర్మ ప్రజలకు సూచించారు. స్థానిక కలెక్టరేట్‌ నుంచి ఆదివారం నిర్వహించిన అధికారుల వీడియో సమావేశంలో కలెక్టర్‌ మాట్లాడుతూ ఎటువంటి పరిస్థితులనైనా ఎదుర్కొనేందుకు జిల్లా యంత్రాంగం సిద్ధంగా ఉందన్నారు. తుపాను తీరం దాటే సమయంలో గంటకు 100–110 కిలోమీటర్ల వేగంతో గాలులు వీచే అవకాశాలు ఉన్నాయని చెప్పారు. మంగళవారం భారీ వర్షాలు కురిసే అవకాశం ఉందని పేర్కొన్నారు. కలెక్టర్‌ కార్యాలయంతో సహా మండల స్థాయి కార్యాలయం వరకు కంట్రోల్‌ రూమ్‌లను ఏర్పాటు చేశామని తెలిపారు. జిల్లా కలెక్టర్‌ కార్యాలయంలో 08632234014 ఫోన్‌ నంబర్‌తో కంట్రోల్‌ రూమ్‌ పనిచేస్తుందన్నారు. ఇబ్బందులుంటే ప్రజలు సంప్రదించాలని కోరారు. లోతట్టు ప్రాంతాలు, అండర్‌ పాస్‌ల వద్ద నీరు నిలువ ఉండే అవకాశం ఉందని, ఆ ప్రాంతాల్లో ముందుగానే ఆయిల్‌ ఇంజిన్‌లు ఏర్పాటు చేసుకోవాలని ఆదేశించారు. వీడియో కాన్ఫరెన్‌న్స్‌లో జీఎంసీ కమిషనర్‌ కె మయూర్‌ అశోక్‌, జాయింట్‌ కలెక్టర్‌ అశుతోష్‌ శ్రీవాస్తవ, జిల్లా రెవెన్యూ అధికారి ఎన్‌.ఎస్‌.కె.ఖాజావలి, మున్సిపల్‌ కమిషనర్లు తదితరులు పాల్గొన్నారు. నెహ్రూనగర్‌: జీఎంసీ వార్డుల వారీగా వచ్చిన బ్యాలెట్‌ బాక్సులు, ఇతర ఎన్నికల మెటీరియల్‌ను ఆచార్య నాగార్జున యూనివర్సిటీలోని స్ట్రాంగ్‌ రూంలకు తరలించి భద్రపరిచారు. పీఓల నుంచి నిర్దేశిత చెక్‌ లిస్ట్‌ ద్వారానే మెటీరియల్‌ తీసుకోవాలని కమిషనర్‌ సూచించా రు. మెటీరియల్‌ అందించేందుకు వచ్చిన సుమారు 6 వేల మందికి అందించిన ఆహారాన్ని కమిషనర్‌ వారితో కలిసి భుజించి, ఏర్పాట్లు జాగ్రత్తగా చేయాలని సూచించారు. లెక్కింపు కేంద్రాలను తనిఖీ చేసిన ఆయన ఓట్ల లెక్కింపుపై దృష్టి పెట్టాలన్నారు.

సోమవారం శ్రీ 2 శ్రీ నవంబర్‌ శ్రీ 2026ఉమ్మడి గుంటూరు జిల్లాలో ఆదివారం జరిగిన మున్సిపల్‌ ఎన్నికలు హింసకు దారితీశాయి. గుంటూరు కార్పొరేషన్‌తోపాటు పల్నాడు జిల్లాలోని మాచర్ల, చిలకలూరిపేట, వినుకొండ, సత్తెనపల్లి మున్సిపాలిటీల పరిధిలో టీడీపీ గూండాలు రెచ్చిపోయి హింసాకాండకు దిగారు. పోలీసులను అడ్డుపెట్టుకుని పోలింగ్‌ బూత్‌ల్లో నుంచి వైఎస్సార్‌ సీపీ ఏజెంట్లను బయటకు లాగి పడేశారు. బూత్‌లను ఆక్రమించి రిగ్గింగ్‌లకు పాల్పడ్డారు. అభ్యర్థులను సైతం పోలింగ్‌ కేంద్రాల వద్దకు రానీయకుండా రాడ్లు, కర్రలతో దాడులకు తెగబడ్డారు. ఇంత జరుగుతున్నా చోద్యం చూసిన పోలీసులు.. వారిని అడ్డుకోలేదు. పైగా వైఎస్సార్‌ సీపీ వారినే నిలువరించారు.

ఖాకీ అండ... గుంటూరు కార్పొరేషన్‌తోపాటు పల్నాడులోని మున్సిపాలిటీల్లోనూ అరాచకం ● ఏజెంట్లను బయటకు లాగేసి రిగ్గింగ్‌కు పాల్పడిన టీడీపీ గూండాలు ● వైఎస్సార్‌ సీపీ నేతలు, ఓటర్లను అడ్డుకున్న పోలీసులు ● మహిళలని కూడా చూడకుండా దాడులకు తెగబడ్డ పచ్చ రౌడీలు ● వైఎస్సార్‌ సీపీ గుంటూరు మేయర్‌ అభ్యర్థి శ్రీదేవి, ఏజెంట్‌పై దాడి ● చిలకలూరిపేట, వినుకొండ, మాచర్లలోనూ మహిళలను ఈడ్చిపడేసిన పచ్చ మూకలు ● యథేచ్ఛగా రిగ్గింగ్‌.. వైఎస్సార్‌ సీపీ అభ్యర్థులను సైతం బూత్‌ వైపు రానివ్వని పోలీసులు సాక్షి ప్రతినిధి, గుంటూరు: పోలీసులు పోలింగ్‌కు ముందు రోజు శనివారం అర్ధరాత్రి నుంచే అన్ని మున్సిపాలిటీల పరిధిలో వైఎస్సార్‌ సీపీ ముఖ్య నేతలు, అభ్యర్థుల కుటుంబ సభ్యులను అక్రమంగా నిర్బంధించారు. కనీసం ఓట్లు వేయనీయని దుర్మార్గ పరిస్థితిని సృష్టించారు. వైఎస్సార్‌ సీపీ సమన్వయకర్తలందరినీ హౌస్‌ అరెస్టులు చేసి, టీడీపీ గూండాలతో పోలీసులే దగ్గరుండి అరాచక పర్వానికి తెరతీశారు. మహిళలని కూడా చూడకుండా చీరలు లాగి, వారిపై సైతం దాడులకు పచ్చమూకలు తెగబడ్డాయి. గుంటూరు నగరంలో టీడీపీ గూండాలు పలు పోలింగ్‌ కేంద్రాల వద్ద దౌర్జన్యాలకు తెగబడ్డారు. 57వ డివిజన్‌ పోలింగ్‌ కేంద్రం వద్ద దొంగ ఓట్లు వేసేందుకు వెళుతున్న టీడీపీ కార్యకర్తలను అడ్డుకున్న వైఎస్సార్‌ సీపీ నేత భాస్కర్‌రెడ్డిపై విచక్షణరహితంగా దాడి చేసి తీవ్రంగా గాయపరిచారు. 42వ వార్డులో పోలింగ్‌ కేంద్రంలోకి వెళ్లి తాడిశెట్టి మురళి.. ఏజెంట్‌ను బెదిరించి బయటకు పంపాక రిగ్గింగ్‌కు పాల్పడ్డారు. 59వ వార్డులో వైఎస్సార్‌ సీపీ అభ్యర్థి వెంకటేశ్వర్లు నాయక్‌పై టీడీపీ గూండాలు దాడి చేశారు. పొన్నూరు రోడ్డులోని అంజుమన్‌ పాఠశాల వద్ద దొంగ ఓట్లు వేసేందుకు వచ్చిన 40 మందిని వైఎస్సార్‌ సీపీ నేతలు వెనక్కి పంపించారు. టీడీపీ నేత భీమనాథం భరత్‌రెడ్డి పోలింగ్‌ కేంద్రాల వద్ద కారులో హల్‌చల్‌ చేస్తుండగా ఫొటో తీశారనే నెపంతో ‘సాక్షి’ రిపోర్టర్‌పై దాడికి యత్నించి సెల్‌ఫోన్‌ లాక్కున్నారు. సత్తెనపల్లి టౌన్‌ సీఐ ప్రభాకర్‌, రాజుపాలెం ఎస్‌ఐ మణికృష్ణలు టీడీపీ నేతలకు ఊడిగం చేశారు. టీడీపీ నేతలను మెప్పించేందుకు అర్ధరాత్రి 12వ వార్డు వైఎస్సార్‌ సీపీ కౌన్సిలర్‌ అభ్యర్థి పెద్దింటి గోవిందమ్మ భర్త వెంకటేశ్వర్లును ప్రివెంటివ్‌ అరెస్టు పేరుతో అక్రమంగా పోలీస్‌ స్టేషన్‌కు తరలించారు. కనీసం ఓటు వేసేందుకు కూడా అనుమతించలేదు. మరోవైపు టీడీపీ గూండాలు గోవిందమ్మ కుమారుడు బీప్‌ చంద్‌ను ముసుగులో వచ్చి కిడ్నాప్‌ చేసినా పోలీసులు చోద్యం చూశారు. వైఎస్సార్‌ సీపీ నేత గార్లపాటి ప్రభాకర్‌పై టీడీపీ గూండాలు దాడి చేసి గాయపరచడంతో ఆయన్ను మెరుగైన వైద్యం కోసం గుంటూరు ఆసుపత్రికి తరలించారు. 15వ వార్డులో దొంగ ఓట్లు వేసేందుకు వచ్చిన వారిని అడ్డుకోవాల్సిన టౌన్‌ సీఐ వారిని పోలింగ్‌ బూత్‌లోకి తానే పంపారు. అక్కడ ఉన్న వైఎస్సార్‌ సీపీ సమన్వయకర్త డాక్టర్‌ సుధీర్‌ భార్గవ్‌రెడ్డిని మాత్రం హౌస్‌ అరెస్టు చేసి నిర్బంధించారు. ముప్పాళ్ల, సత్తెనపల్లి రూరల్‌ మండలాల్లో టీడీపీ గూండాలు సాయంత్రం 4 నుంచి 5 గంటల వరకు పలు వార్డుల్లో యథేచ్ఛగా రిగ్గింగ్‌కు పాల్పడ్డారు. దీన్ని అరికట్టాల్సిన పోలీసులు దగ్గరుండి వారికి సహకరించారు. శనివారం అర్ధరాత్రి నుంచే వైఎస్సార్‌ సీపీ నేతలు, అభ్యర్థుల కుటుంబ సభ్యులను పోలీసులు అక్రమంగా నిర్బంధించారు. కనీసం ఓటు వేసేందుకు కూడా అనుమతించలేదు. పట్టణంలో 300 మంది పోలీసులు మోహరించి ఉన్నప్పటికీ, టీడీపీ నేతలు పోలింగ్‌ కేంద్రాల వద్ద హల్‌చల్‌ చేశారు. బూత్‌లను ఆక్రమించి రిగ్గింగ్‌లకు పాల్పడుతున్నా పట్టించుకున్న పాపాన పోలేదు. అడ్డుకోబోయిన వైఎస్సార్‌ సీపీ నేతలను, ఓట్లు వేసేందుకు వెళుతున్న ఓటర్లను పోలీసులు వెనక్కి పంపించారు. ఓటర్ల నుంచి స్లిప్పులను లాక్కుని టీడీపీ ఏజెంట్లే ఓట్లు వేయడంతో మహిళలు ఆగ్రహం వ్యక్తం చేస్తూ బయటకు వచ్చారు. 36వ వార్డు వైఎస్సార్‌ సీపీ కౌన్సిలర్‌ అభ్యర్థిగా పోటీలో ఉన్న రామ తులశమ్మ, 6వ వార్డు వైఎస్సార్‌ సీపీ కౌన్సిలర్‌ అభ్యర్థి అంజలిలను సైతం వారి ఓటు వారు వేసుకునేందుకు టీడీపీ నేతలు అనుమతించని పరిస్థితి నెలకొంది.ఓటమి భయంతో టీడీపీ నేతలు తమ గూండాలను రెచ్చగొట్టారు. మహిళలపై సైతం దాడులకు తెగబడిన దుర్మార్గపు ఘటనలు ఆదివారం జరిగిన మున్సిపల్‌ ఎన్నికల్లో చోటుచేసుకున్నాయి. గుంటూరు నగరంలోని 57వ వార్డులో దొంగ ఓట్లు వేస్తున్నవారిని అడ్డుకున్నారనే కారణంతో ఏజెంట్‌ విజయ మేరీ చీర లాగి దాడి చేశారు. బ్యాలెట్‌ బాక్సును దూరంగా విసిరివేసి బీభత్సం సృష్టించారు. ఈ సందర్భంగా అక్కడికి వచ్చిన వైఎస్సార్‌ సీపీ మేయర్‌ అభ్యర్థి శ్రీదేవిపై సైతం దాడికి తెగబడ్డారు. సభ్య సమాజం సిగ్గుతో తలదించుకునేలా టీడీపీ నేతలు ప్రవర్తించారని మహిళలు మండిపడుతున్నారు. వినుకొండ మున్సిపాలిటీ పరిధిలోని 8వ వార్డు అభ్యర్థిని పోలూరి అర్చనామూర్తిపై ఎమ్మెల్యే జీవీ ఆంజనేయులు ప్రధాన అనుచరుడు పి.వి.సురేష్‌బాబు పోలింగ్‌ స్టేషన్‌ ఆవరణలో పోలీసుల ఎదుటే దాడి చేసి బెదిరింపులకు పాల్పడ్డారు. అయినప్పటికీ పోలీసులు చోద్యం చూశారు. ఆమె భర్త నరసింహమూర్తిపై సైతం దాడికి పచ్చ గూండాలు తెగబడ్డారు. చిలకలూరిపేట మున్సిపల్‌ పరిధిలోని 20వ వార్డు వైఎస్సార్‌ సీపీ కౌన్సిలర్‌ అభ్యర్థి అన్నపురెడ్డి శ్రీలక్ష్మిపై టీడీపీ గూండాలు దుర్మార్గంగా వ్యవహరిస్తూ, ఆమెను బూత్‌ల వద్దకు రానీయకుండా దాడి చేయడంతో ఆమె కన్నీరుమున్నీరయ్యారు. అంతేకాకుండా 13వ వార్డులో ఓట్లు వేసేందుకు వచ్చిన మహిళలపై టీడీపీ గూండాలు దాడి చేశారు. పోలింగ్‌ కేంద్రాల ఎదుట వారు ధర్నాకు దిగారు. ఎన్నికల్లో ఓటమి తప్పదని భావించిన ఎమ్మెల్యే జి.వి.ఆంజనేయులు మండలాల్లోని అన్ని గ్రామాల నుంచి టీడీపీ గూండాలను మోహరింపజేశారు. పథకం ప్రకారం శనివారం అర్ధరాత్రి మాజీ ఎమ్మెల్యే బొల్లా బ్రహ్మనాయుడును వినుకొండ నుంచి నరసరావుపేటలోని తన నివాసానికి తరలించి హౌస్‌ అరెస్టు చేశారు. మధ్యాహ్నం వరకు పోలింగ్‌ సరళిని గమనించిన టీడీపీ నేతలు, ఇక ఓటమి తప్పదని భయాందోళనకు గురయ్యారు. మధ్యాహ్నం 3 గంటల నుంచి బూత్‌లను ఆక్రమించి రిగ్గింగ్‌కు పాల్పడ్డారు. పట్టణంలోని 5, 7, 8, 12, 19, 32 వార్డులతోపాటు మరికొన్ని పోలింగ్‌ బూత్‌లలో సైతం ఏజెంట్లను బయటకు లాగేసి, తలుపులు మూసి రిగ్గింగ్‌ చేశారు. పక్క గ్రామాల నుంచి పథకం ప్రకారం టీడీపీ గుండాలను పిలిపించి, వినుకొండ టౌన్‌ సీఐ ప్రభాకర్‌ దగ్గరుండి వైఎస్సార్‌ సీపీ శ్రేణులను పోలింగ్‌ కేంద్రాల నుంచి తరలించారు. టీడీపీ గూండాలను పోలింగ్‌ కేంద్రాల్లోకి పంపించి రిగ్గింగ్‌ను ప్రోత్సహించారు. పచ్చచొక్కాలు వేసుకుని ఉద్యోగాలు చేస్తున్నట్లుగా సీఐ వ్యవహరించారు. వైఎస్సార్‌ సీపీ నేతలపై లాఠీచార్జి చేసి అధికార పార్టీపై తనకున్న ప్రేమను చాటుకున్నారు. వినుకొండ పట్టణంలోని ఆరు వార్డుల్లో రీపోలింగ్‌ నిర్వహించాలంటూ వైఎస్సార్‌ సీపీ మాజీ ఎమ్మెల్యే బొల్లా బ్రహ్మనాయుడు ఎన్నికల సంఘానికి ఫిర్యాదు చేశారు.

● మధ్యాహ్నం 3 గంటల వరకు మందకొడిగా ఓటింగ్‌ ● వసతులు లేక పోలింగ్‌ కేంద్రాల్లో ఓటర్లకు అవస్థలు నెహ్రూనగర్‌: గుంటూరు నగరపాలక సంస్థ (జీఎంసీ) సాధారణ ఎన్నికల పోలింగ్‌ ప్రక్రియ కొన్ని చోట్ల ఉద్రిక్తతలు, విపక్షాల ఆరోపణలు, చెదురుమదురు సంఘటనల మధ్య మొత్తంగా ముగిసింది. ఉదయం నుంచి మందకొడిగా సాగిన ఓటింగ్‌ సరళి మధ్యాహ్నం 3 గంటల తర్వాత పుంజుకుంది. గుంటూరు నగరపాలక సంస్థ పరిధిలో మొత్తం 6,18,714 మంది ఓటర్లు ఉండగా, ఇందులో పురుషులు 3,00,471 మంది, మహిళలు 3,18,164 మంది, ఇతరులు 79 మంది ఉన్నారు. మొత్తం ఓటర్లలో 3,47,438 మంది మాత్రమే తమ ఓటు హక్కును వినియోగించుకున్నారు. 56.15 శాతంగా పోలింగ్‌ నమోదైంది. జీఎంసీ పరిధిలో మొత్తం 76 వార్డులకు గాను ఉదయం 7 గంటలకు ప్రారంభమైన పోలింగ్‌ ఆరంభంలో చాలా మందకొడిగా సాగింది. ఉదయం 9 గంటలకు 5.21, 11 గంటలకు 17.82, మధ్యాహ్నం ఒంటి గంటకు 30.94, 3 గంటలకు 40.99, సాయంత్రం 5కు 51.40గా పోలింగ్‌ శాతం నమోదైంది. మధ్యాహ్నం 3 గంటల తర్వాత ఓటర్లు పోలింగ్‌ కేంద్రాలకు భారీగా తరలివచ్చారు. క్యూలైన్లలో ఉన్న ఓటర్లకు అధికారులు ఓటు హక్కు కల్పించడంతో దాదాపు 50 వార్డుల్లో రాత్రి వరకు పోలింగ్‌ కొనసాగింది. రాత్రి 9 గంటలకు జీఎంసీ అధికారికంగా విడుదల చేసిన తుది నివేదిక ప్రకారం పోలింగ్‌ శాతం 56.15గా నమోదైంది. నగరంలో అత్యధికంగా 18వ డివిజన్‌లో 77.60, 51లో 77.10, 19లో 75.20 శాతం ఓటింగ్‌ జరిగింది. 44వ డివిజన్‌లో అత్యల్పంగా 43.11 శాతం నమోదైంది. 2019లో జరిగిన నగరపాలక సంస్థ ఎన్నికల్లో మొత్తం 57 వార్డులలో 60.80 శాతం పోలింగ్‌ జరిగింది. అప్పట్లో 16వ డివిజన్‌లో అత్యధికంగా 83.19 శాతం, అత్యల్పంగా 42వ డివిజన్‌లో 47.19 శాతం పోలింగ్‌ నమోదైంది. వైఎస్సార్‌ సీపీ బీఎల్‌ఏలకు ఇబ్బందులు పోలింగ్‌ కేంద్రాల వద్ద అధికారుల తీరు తీవ్ర వివాదాస్పదమైంది. వైఎస్సార్‌ సీపీకి చెందిన బీఎల్‌ఏలను బూత్‌లోకి అనుమతించకుండా ప్రిసైడింగ్‌ అధికారులు ఇబ్బందులకు గురిచేశారు. చీఫ్‌ ఏజెంట్లను సైతం వేధించిన సందర్భాలు ఉన్నాయి. కూటమి పార్టీలకు చెందిన వారిని మాత్రం చూసీచూడనట్లు వ్యవహరించారు. రాత్రి సమయంలో అధికారులను అడ్డుపెట్టుకుని రిగ్గింగ్‌కు పాల్పడేందుకు ప్రయత్నాలు జరిగాయని ఆరోపణలు వ్యక్తమయ్యాయి. బూత్‌లు చాలా వరకు ఇరుకుగా ఉండటంతో ఓటర్లు ఇబ్బందులు పడ్డారు.హిందూ కళాశాలలో ఓటు వేస్తున్న మాజీ ఎంపీ మోదుగుల వేణుగోపాలరెడ్డి, మేయర్‌ అభ్యర్థి తాడికొండ శ్రీదేవి, 75వ వార్డులో నూరి ఫాతిమా, సత్తెనపల్లిలో మాజీ మంత్రి అంబటి రాంబాబు

లక్ష్మీపురం: గుంటూరు నగర పాలక సంస్థ ఎన్నికలలో గుంటూరు పశ్చిమ నియోజకవర్గ పరిధిలోని 57వ డివిజన్‌ పరిధిలోని పోలింగ్‌ కేంద్రం (లిటిల్‌ ఫ్లవర్‌ హై స్కూల్‌)లో ఉదయం నుంచి టీడీపీ వర్గీయులు దొంగ ఓట్లు యథేచ్ఛగా పోల్‌ చేశారు. మధ్యాహ్నం సుమారు 3 గంటల సమయంలో దొంగ ఓట్ల నమోదును అడ్డుకునేందుకు ప్రయత్నించిన వైఎస్సార్‌ సీపీ నాయకుడు భాస్కర్‌రెడ్డిపై టీడీపీ నాయకులు పోలీసుల సమక్షంలో దాడి చేశారు. వైఎస్సార్‌ సీపీ మేయర్‌ అభ్యర్థి భర్త ఆంజనేయులు, పార్టీ శ్రేణులు అక్కడకు రావడంతో పోలీసులు దాడి చేసిన టీడీపీ నాయకులను వదిలేసి వైఎస్సార్‌ సీపీ శ్రేణులు, ఏజెంట్లపై లాఠీచార్జి చేశారు. వైఎస్సార్‌ సీపీ మేయర్‌ అభ్యర్థిపై దాడి... మధ్యాహ్నం తరువాత తిరిగి టీడీపీ వర్గీయులు దొంగ ఓట్లు వేయడం ప్రారంభించారు. సీఐ వంశీధర్‌ టీడీపీ నాయకులకు అండగా నిలిచారు. 57వ డివిజన్‌లోని బూత్‌ నంబర్‌ 5లో టీడీపీ శ్రేణులు రిగ్గింగ్‌కు పాల్పడుతున్నారని సమాచారం అందుకున్న వైఎస్సార్‌ సీపీ మేయర్‌ అభ్యర్థి తాడికొండ శ్రీదేవి బూత్‌ వద్దకు చేరుకున్నారు. మహిళ అని కూడా చూడకుండా ఆమైపెన, వైఎస్సార్‌ సీపీ మహిళా ఏజెంట్‌పై దాడికి పాల్పడ్డారు. అసభ్య పదజాలంతో బూతులు తిట్టి బ్యాలెట్‌ బాక్స్‌ను కింద పడేశారు. దీంతో మేయర్‌ అభ్యర్థి శ్రీదేవి, మహిళా ఏజెంట్‌ నిరసనకు దిగారు. సమాచారం తెలుసుకున్న మేయర్‌ ఎన్నికల అధికారి, నగరపాలక సంస్థ డిప్యూటీ కమిషనర్‌, అదనపు ఎస్పీ శ్రీనివాసరావు, వెస్ట్‌ డీఎస్పీ బెల్లం శ్రీనివాసరావు అక్కడకు చేరుకుని జరిగిన ఘటనపై పూర్తి విచారణ నిర్వహిస్తామని చెప్పారు. తమకు ఇక్కడే ఇప్పటికిప్పుడే న్యాయం చేయాలని, రిగ్గింగ్‌కు పాల్పడిన వారిపై చట్టపరమైన చర్యలు తీసుకోకుండా చోద్యం చూస్తున్న పోలీసులపై చర్యలు తీసుకోవాలంటూ అభ్యర్థి శ్రీదేవి ఎన్నికల రిటర్నింగ్‌ అధికారికి ఫిర్యాదు చేశారు. దీంతో ఆ బూత్‌లో కొద్దిసేపు పోలింగ్‌ సరళి నిలిచిపోయింది. అధికారులు సీసీ కెమెరాల ద్వారా జరిగిన ఘటనను పూర్తిగా పరిశీలించి ఈ బూత్‌లో మరలా పోలింగ్‌ జరిగే చర్యలు తీసుకుంటామని హామీ ఇచ్చారు. అనంతరం మేయర్‌ అభ్యర్థి శ్రీదేవి మీడియాతో మాట్లాడుతూ ఉదయం నుంచి దొంగ ఓట్లు వేసేందుకు యత్నిస్తూనే ఉన్నారని, వారికి పోలీసులు పూర్తిగా సహకరించారని, బూత్‌లో వచ్చిన పది మందిపై చట్ట పరమైన చర్యలు తీసుకోవాలని, తనతోపాటు ఉన్న మహిళా ఏజెంట్‌ చీరను కూడా లాగారని కన్నీటి పర్యంతమయ్యారు.

స్పాస్మోడిక్‌ డిస్ఫోనియాపై జాతీయ స్థాయి ఫోనోసర్జరీ కోర్సు, వర్క్‌షాప్‌ గుంటూరు మెడికల్‌: లలితా సీఎంఈ సిరీస్‌లో భాగంగా ‘స్పాస్మోడిక్‌ డిస్ఫోనియా– ప్రాథమిక అంశాల నుంచి అత్యాధునిక చికిత్సా విధానాల వరకు’ అనే అంశంపై 20వ జాతీయ స్థాయి ఫోనోసర్జరీ కోర్సు, వర్క్‌షాప్‌ ఆదివారం గుంటూరులోని లలితా పీవీఎస్‌ ఇన్‌న్‌స్టిట్యూట్‌ ఆఫ్‌ మెడికల్‌ సైన్సెస్‌ ఆడిటోరియంలో ఘనంగా నిర్వహించారు. గుంటూరులోని శ్రీ సత్యసాయి ఇన్‌న్‌ స్టిట్యూట్‌ ఆఫ్‌ ఈఎన్‌టీ అండ్‌ మెలోడీ వాయిస్‌ క్లినిక్‌ ఆధ్వర్యంలో, ఆంధ్రప్రదేశ్‌ అసోసియేషన్‌ ఆఫ్‌ ఫోనోసర్జన్‌న్‌, లలితా పీవీఎస్‌ ఇన్‌ స్టిట్యూట్‌ ఆఫ్‌ మెడికల్‌ సైన్సెస్‌, న్యూరోసైంటిస్ట్స్‌ అసోసియేషన్‌, గుంటూరు, ఏపీఏఎస్‌ఎల్‌పీఏ అకాడమీ ఆఫ్‌ ఒటోలారింజాలజీ– హెడ్‌ అండ్‌ నెక్‌ సర్జరీ, గుంటూరు శాఖ, అమెరికాకు చెందిన వాయిస్‌ ఫౌండేషన్‌ సంయుక్త సహకారంతో ఈ కార్యక్రమాన్ని నిర్వహించారు. వాసిరెడ్డి వెంకటాద్రి ఇన్‌న్‌స్టిట్యూట్‌ ఆఫ్‌ టెక్నాలజీ చైర్మన్‌ వాసిరెడ్డి విద్యాసాగర్‌, లలితా పీవీఎస్‌ ఇన్‌ స్టిట్యూట్‌ ఆఫ్‌ మెడికల్‌ సైన్సెస్‌ సీఈఓ డాక్టర్‌ పి.అనురాగ్‌ ముఖ్య అతిథులుగా పాల్గొని కార్యక్రమాన్ని ప్రారంభించారు. పలువురు ప్రముఖ వైద్యులు, వైద్య నిపుణులు, అధ్యాపకులు, వివిధ ప్రాంతాల నుంచి వచ్చిన ప్రతినిధులు పాల్గొన్నారు. ఈ సందర్భంగా వైద్య నిపుణులు మాట్లాడుతూ స్పాస్మోడిక్‌ డిస్ఫోనియా అనేది నాడీ వ్యవస్థకు సంబంధించిన ఒక వాయిస్‌ డిజార్డర్‌ అని, ఇందులో స్వరపేటికలోని స్వరతంత్రుల కండరాలు అనియంత్రితంగా సంకోచించడం వలన మాటలో అంతరాయాలు ఏర్పడి, స్పష్టంగా మాట్లాడటం కష్టమవుతుందని వివరించారు. ఈ వ్యాధి నిర్ధారణ, చికిత్సలో వస్తున్న ఆధునిక వైద్య విధానాలపై సదస్సులో చర్చించారు. స్పాస్మోడిక్‌ డిస్ఫోనియా ప్రాథమిక అంశాలు, వ్యాధి లక్షణాలను గుర్తించడం, ఇతర వాయిస్‌ సమస్యల నుంచి ఈ వ్యాధిని వేరు చేసి నిర్ధారించడం, లారింగోస్ట్రోబోస్కోపీ, డైనమిక్‌ ఫ్లెక్సిబుల్‌ ఎండోస్కోపీ, వాయిస్‌ అనాలిసిస్‌ వంటి అంశాలపై నిపుణులు వివరించారు. చికిత్సా విధానాల్లో భాగంగా బొటాక్స్‌ చికిత్స, ఈఎంజీ మార్గదర్శకత్వంలో, ఎండోస్కోపీ సహాయంతో బొటాక్స్‌ ఇంజెక్షన్లు ఇవ్వడం, లేజర్‌ థైరొ అరైటినాయిడ్‌ మయోన్యూరెక్టమీ, టైప్‌–2 థైరొప్లాస్టీ, ఎస్‌ఎల్‌ఏ అండ్‌ ఆర్‌ వంటి అత్యాధునిక శస్త్రచికిత్సా పద్ధతులపై ప్రత్యేకంగా చర్చించారు. అలాగే డిస్ఫోనియా సమస్యపై న్యూరాలజిస్టుల దృక్కోణం, నూతన ఔషధ చికిత్సలు, భవిష్యత్‌లో అందుబాటులోకి రానున్న వైద్య విధానాలు, సైకోథెరపీ, వాయిస్‌ థెరపీ ప్రాధాన్యాన్ని కూడా వివరించారు. ఇలాంటి సమస్యల చికిత్సలో న్యూరాలజీ, ఈఎన్‌టీడీ, సైకియాట్రీ, స్పీచ్‌ థెరపీ విభాగాల సమన్వయం ఎంతో అవసరమని నిపుణులు పేర్కొన్నారు. లలితా పీవీఎస్‌ ఇన్‌న్‌స్టిట్యూట్‌ ఆఫ్‌ మెడికల్‌ సైన్సెస్‌ మేనేజింగ్‌ డైరెక్టర్‌ డాక్టర్‌ పి.వి.రాఘవ శర్మ కార్యక్రమానికి ప్యాట్రన్‌న్‌గా వ్యవహరించారు. గుంటూరుకు చెందిన సత్యసాయి ఈఎన్‌టీ– మెలోడీ వాయిస్‌ క్లినిక్‌ లారింగాలజిస్ట్‌ డాక్టర్‌ వి.ఫణీంద్రకుమార్‌, లలితా పీవీఎస్‌ ఇన్‌న్‌స్టిట్యూట్‌ ఆఫ్‌ మెడికల్‌ సైన్సెస్‌, అంకినీడు అడ్వాన్స్‌డ్‌ స్ట్రోక్‌ సెంటర్‌ చీఫ్‌ న్యూరాలజిస్ట్‌, డైరెక్టర్‌ డాక్టర్‌ పమిడిముక్కల విజయ ఆర్గనైజింగ్‌ చైర్‌పర్సన్స్‌, కోర్సు డైరెక్టర్లుగా వ్యవహరించారు. సదస్సులో డాక్టర్‌ ఆర్‌.జయకుమార్‌, డాక్టర్‌ ఎన్‌.వి.సుందరచారి, డాక్టర్‌ వి. రామతారక్‌నాథ్‌, డాక్టర్‌ సి.శివ రామకృష్ణ, డాక్టర్‌ షర్మిల, డాక్టర్‌ జి.చందన, డాక్టర్‌ నీరజ, డాక్టర్‌ పి.ఎస్‌.ఎన్‌.మూర్తి, డాక్టర్‌ మీనా కుమారి, డాక్టర్‌ కె.సురేష్‌ కుమార్‌, డాక్టర్‌ ఆర్‌.శిరీష తదితర ప్రముఖ వైద్యులు ఫ్యాకల్టీ సభ్యులుగా పాల్గొని వివిధ అంశాలపై ప్రసంగించారు. గుంటూరు, విజయవాడ, ఏఐఐఎంఎస్‌ మంగళగిరి, తిరువనంతపురం తదితర ప్రాంతాల నుంచి వైద్య నిపుణులు హాజరయ్యారు. కార్యక్రమానికి ఆంధ్రప్రదేశ్‌ మెడికల్‌ కౌన్సిల్‌ రెండు క్రెడిట్‌ అవర్స్‌ మంజూరు చేసింది. వివిధ ఆసుపత్రులు, వైద్య సంస్థలకు చెందిన సుమారు 150 మంది ప్రతినిధులు, ఇందులో న్యూరాలజిస్టులు, ఈఎన్‌టీ సర్జన్లు, ఫిజీషియన్లు, స్పీచ్‌ అండ్‌ లాంగ్వేజ్‌ థెరపిస్టులు పాల్గొన్నారు.

గుంటూరు మెడికల్‌: శారీరక, మానసిక ఆరోగ్యాన్ని కాపాడుకోవడం కోసం సమతుల్య ఆహారం తీసుకోవడం, క్రమం తప్పకుండా నడక, వ్యాయామం, యోగా చేయాలని ఏపీ కాలుష్య నియంత్రణ మండలి ప్రాంతీయ కార్యాలయం(గుంటూరు) పర్యావరణ ఇంజినీర్‌ ఎం.డి.నజీనా బేగం కోరారు. బీఆర్‌ఐసీఎస్‌ సుస్థిర జీవనశైలి వారోత్సవాలు (బ్రిక్స్‌ సస్టెయినబుల్‌ లైఫ్‌స్టయిల్‌ వీక్‌)లో భాగంగా ఆంధ్రప్రదేశ్‌ కాలుష్య నియంత్రణ మండలి ప్రాంతీయ కార్యాలయం, గుంటూరు ఆధ్వర్యంలో యడ్లపాడులోని ఎన్‌ఎస్‌ఎల్‌ టెక్స్‌టైల్స్‌ లిమిటెడ్‌ పరిశ్రమ ప్రాంగణంలో ఆదివారం ఆరోగ్యకరమైన జీవనశైలిపై కార్యక్రమం నిర్వహించారు. ఆయన మాట్లాడుతూ వ్యక్తిగత పరిశుభ్రత పాటించడం ఆరోగ్యకరమైన జీవనశైలికి ఎంతో అవసరమని తెలిపారు. నీరు, విద్యుత్‌ను పొదుపుగా వినియోగించడం, పునర్వినియోగ వస్తువులను ప్రోత్సహించడం, వ్యర్థాల ఉత్పత్తిని తగ్గించడం వంటి చిన్న చిన్న చర్యలు పర్యావరణ పరిరక్షణలో కీలక పాత్ర పోషిస్తాయని చెప్పారు. ఎన్‌ఎస్‌ఎల్‌ టెక్స్‌టైల్స్‌ జనరల్‌ మేనేజర్‌ వి.మురళి, సేఫ్టీ ఆఫీసర్‌ శ్రీనివాసరెడ్డి, పర్యావరణ సమన్వయకర్త తిరుపతిరెడ్డి, నారాయణ ఉద్యోగులకు ఆరోగ్యకరమైన జీవనశైలి, వ్యక్తిగత ఆరోగ్యం, పరిశుభ్రత, ఆరోగ్య పరిరక్షణకు సంబంధించిన అంశాలపై అవగాహన కల్పించారు. పరిశ్రమకు చెందిన సుమారు 300 మంది ఉద్యోగులు మిషన్‌ లైఫ్‌ ప్రతిజ్ఞ చేశారు. అనంతరం ‘ఏక్‌ పేడ్‌ మా కే నామ్‌’ కార్యక్రమంలో భాగంగా అధికారులు, పరిశ్రమ ప్రతినిధులు ఉద్యోగులు కలిసి మొక్కలు నాటారు. పచ్చదనాన్ని పెంపొందించడం, ప్రకృతి వనరులను సంరక్షించడం, భవిష్యత్‌ తరాలకు ఆరోగ్యకరమైన పర్యావరణాన్ని అందించడం ప్రాముఖ్యతను ఈ కార్యక్రమం ద్వారా తెలిపారు.

గుంటూరు ఎడ్యుకేషన్‌: గుంటూరు నగర పాలక సంస్థకు జరిగిన ఎన్నికల్లో ఓటమి భయంతో టీడీపీ అక్రమాలకు తెరతీసి, రిగ్గింగ్‌కు పాల్పడిందని వైఎస్సార్‌ సీపీ జిల్లా అధ్యక్షుడు అంబటి రాంబాబు ఆరోపించారు. ఆదివారం పోలింగ్‌ ముగిసిన తరువాత బృందావన్‌గార్డెన్స్‌రోడ్డులోని వైఎస్సార్‌ సీపీ జిల్లా కార్యాలయంలో జరిగిన మీడియా సమావేశంలో అంబటి రాంబాబు మాట్లాడుతూ రెండున్నరేళ్ల పాలనపై ప్రజల్లో నెలకొన్న వ్యతిరేకత నుంచి తప్పించుకునేందుకు టీడీపీ నేతలు పోలీసుల సహకారంతో యథేచ్ఛగా రిగ్గింగ్‌కు పాల్పడ్డారని అన్నారు. టీడీపీ గూండాలు చేసిన అరాచకాలను పోలింగ్‌ కేంద్రాల్లోని సీసీ కెమెరాలు చూస్తే అర్ధమవుతాయన్నారు. పశ్చిమ నియోజకవర్గంలోని 57వ డివిజన్‌ లిటిల్‌ ఫ్లవర్‌ స్కూల్లో టీడీపీ దొంగ ఓట్లు వేయడాన్ని అడ్డుకున్నందుకు వైఎస్సార్‌ సీపీ మేయర్‌ అభ్యర్థి తాడికొండ శ్రేదేవితోపాటు పోలింగ్‌ ఏజెంట్‌ విజయమేరీపై టీడీపీ గూండాలు భౌతిక దాడికి పాల్పడటాన్ని తీవ్రంగా ఖండిస్తున్నామని అన్నారు. మహిళలపై భౌతికదాడి చేసిన సిగ్గులేని మృగాలని ఎన్ని తిట్టినా తప్పులేదన్నారు. సీఐలు గంగా వెంకటేశ్వర్లు, వంశీధర్‌ సహకారంతో టీడీపీ అభ్యర్థి కొమ్మినేని కోటేశ్వరరావు దొంగ ఓట్లు వేయించారని ఆరోపించారు. ఎన్నికల్లో జరుగుతున్న పరిణామాలపై తాము జిల్లా కలెక్టర్‌, ఎస్పీలకు ఎప్పటికప్పుడు ఫిర్యాదులు చేశామని చెప్పారు. ఇద్దరు మహిళలపై దౌర్జన్యం చేయడం సిగ్గుచేటని, చంద్రబాబు, లోకేష్‌ శాశ్వతంగా అధికారంలో ఉండరని, టీడీపీకి ఏజెంట్లుగా వ్యవహరిస్తున్న పోలీసులు భవిష్యత్తులో తీవ్ర పరిణామాలు ఎదుర్కోవాల్సి ఉంటుందని హెచ్చరించారు. పోలింగ్‌ బూత్‌లతో పాటు అన్ని రూమ్‌లలో సీసీ కెమెరాలతో నిఘా ఏర్పాటు చేయాలని సుప్రీంకోర్టే చెప్పినా ఎన్నికల కమిషన్‌, జిల్లాల్లో అధికార యంత్రాంగం పట్టించుకోలేదన్నారు. 42వ వార్డు అభ్యర్థి తండ్రి ఆలా సాంబశివరావును అక్రమంగా అదుపులోకి తీసుకెళ్లిన పోలీసులు 12 గంటల అనంతరం విడిచిపెట్టారని, ఈ సంఘటనలో సీఐ ఆరోగ్యరాజు వైఖరి సరికాదన్నారు. బెయిల్‌ ఇచ్చే కేసులో అక్రమంగా తీసుకెళ్లి వైఎస్సార్‌ సీపీ అభ్యర్థులను భయపెట్టాలని చూస్తున్నారని ఆగ్రహం వ్యక్తం చేశారు. కాలం గిర్రున తిరుగుతుందని, అధికారంలో ఉన్నవారి అండ చూసుకుని చెలరేగిపోతున్న అందరిపై వైఎస్‌ జగన్‌ సీఎం కాగానే చట్ట ప్రకారం చర్యలు తీసుకుంటామని స్పష్టం చేశారు. ఎన్నికల్లో కూటమి ఫెయిల్‌ వైఎస్సార్‌ సీపీ ఎన్టీఆర్‌ పార్లమెంటు పరిశీలకుడు, మాజీ ఎంపీ మోదుగుల వేణుగోపాల్‌రెడ్డి మాట్లాడుతూ కార్పొరేషన్‌ ఎన్నికల నిర్వహణలో కూటమి ఫెయిలైందని విమర్శించారు. టీడీపీ అభ్యర్థులు గెలవాలని పచ్చచొక్కాలు తొడుక్కున్న పోలీసులు ఏకపక్షంగా సహకరించారని అన్నారు. వైఎస్సార్‌ సీపీ తరపున తాము ఎన్నికల్లో శాంతియుతంగా వ్యవహరిస్తే, అధికారంలో ఉన్న టీడీపీ దొంగ ఓట్ల సంప్రదాయాన్ని కొనసాగించిందని ఆరోపించారు. ఎన్నికల నిర్వహణ అంతా అక్రమాల నిలయంగా మారిన నేపథ్యంలో స్ట్రాంగ్‌ రూమ్‌, కౌంటింగ్‌ ప్రక్రియను పూర్తిగా సీసీ కెమెరాల నిఘాలో జరపాలని డిమాండ్‌ చేశారు. 57వ డివిజన్‌లో మేయర్‌ అభ్యర్థి శ్రీదేవితోపాటు వైఎస్సార్‌ సీపీ అభ్యర్థి కరుణాకర్‌ రెడ్డి టీడీపీ నీచ రాజకీయాలకు వ్యతిరేకంగా సమర్ధవంతంగా పోరాటం చేశారని అన్నారు. టీడీపీ అక్రమాలపై వైఎస్సార్‌ సీపీ అభ్యర్థుల పోరాట పటిమ ఎంతో గొప్పదని, మేం అధికారంలోకి ప్రతీకారం గట్టిగా ఉంటుందని హెచ్చరించారు. మృగాల కంటే హీనమైన మనుషులు మేయర్‌ అభ్యర్థి తాడికొండ అలివేలు నాగ వెంకట పద్మ శ్రీదేవి మాట్లాడుతూ 57వ డివిజన్‌లో జరిగిన అరాచకం సభ్య సమాజం తల దించుకునే విధంగా ఉందని, తనపై దాడి చేసిప టీడీపీ గూండాలు మృగాళ్ల కంటే హీనమైన మనుషులని ఆవేదన వ్యక్తం చేశారు. మహిళలపై దాడి చేసి, బ్యాలెట్‌ బాక్సులు తీసుకుని, దొంగ ఓట్లు వేశారని, పోలీసులకు ఫిర్యాదు చేసినా ప్రేక్షకపాత్ర పోషించారని ఆరోపించారు. ఎన్నికల్లో అక్రమాలకు పాల్పడిన టీడీపీ రౌడీ మూకలతో పాటు ప్రజాస్వామ్యాన్ని కాపాడలేని పోలీసులపై చర్యలు తీసుకోవాలని డిమాండ్‌ చేశారు. అసభ్యకరంగా ప్రవర్తించారు వైఎస్సార్‌ సీపీ పోలింగ్‌ ఏజెంట్‌ వజ్రాల విజయమేరీ మాట్లాడుతూ పోలింగ్‌ కేంద్రంలోకి గుంపుగా వచ్చిన టీడీపీ మూకలు దొంగ ఓట్లు వేసేందుకు ప్రయత్నించారని, వారిని అడ్డుకున్నందుకు తనతో అసభ్యకరంగా ప్రవర్తించారని అన్నారు. టీడీపీ బ్యాచ్‌ మేయర్‌ తరపున దొంగ ఓట్లు వేసేందుకు వచ్చారని, జరిగిన సంఘటనపై ఆర్వోకు, పోలీసులకు ఫిర్యాదు చేశామని చెప్పారు. సమావేశంలో ఎమ్మెల్సీ చంద్రగిరి యేసురత్నం, నల్లమోతు రూత్‌రాణి, పార్టీ సీనియర్‌ నాయకులు, కార్పొరేటర్‌ అభ్యర్థులు పాల్గొన్నారు.

గుంటూరు వెస్ట్‌: ఎన్నికల్లో గెలవడానికి మరీ ఇంతలా దిగజారిపోవడమెందుకని మాజీ మంత్రి, వైఎస్సార్‌ కాంగ్రెస్‌ పార్టీ జిల్లా అధ్యక్షుడు అంబటి రాంబాబు ప్రశ్నించారు. ఆదివారం రాత్రి స్థానిక కలెక్టరేట్‌లో జిల్లా కలెక్టర్‌ సీఎం సాయికాంత్‌ వర్మను కలిసి వినతిపత్రం అందజేశారు. అనంతరం అంబటి మాట్లాడుతూ కార్పొరేషన్‌ ఎన్నికల్లో తీవ్రమైన ఉల్లంఘనలతోపాటు అప్రజాస్వామిక చర్యలు జరిగాయన్నారు. ముఖ్యంగా గుంటూరు మున్సిపల్‌ కార్పొరేషన్‌న్‌లోని 45, 48, 54, 55, 56, 57 డివిజన్లలో తీవ్రమైన ఎన్నికల అక్రమాల కారణంగా సీసీ టీవీ ఫుటేజీని తక్షణమే పరిశీలించి రీ–పోలింగ్‌ నిర్వహించాలని విజ్ఞప్తి చేశారు. పైన తెలిపిన డివిజన్‌లలో పోలింగ్‌ కేంద్రాల ఆక్రమణ, దొంగ ఓట్లు, ఓట్ల రీసైక్లింగ్‌, రిగ్గింగ్‌, ఓటర్లను బెదిరించడం, స్వేచ్ఛాయుతమైన పోలింగ్‌ ప్రక్రియలో జోక్యం చేసుకోవడం వంటి అనేక అక్రమ కార్యకలాపాలపై తీవ్రమైన ఫిర్యాదులు అందాయన్నారు. కొంతమంది పోలీసు సిబ్బంది సహకారంతో ఇటువంటి సంఘటనలు జరిగాయని ఆరోపణలు రావడం మరింత ఆందోళనకలిగించిందన్నారు. ఆరు డివిజన్లలోని అన్ని పోలింగ్‌ కేంద్రాల సీసీటీవీ ఫుటేజీని వెంటనే భద్రపరిచి క్షుణ్ణంగా పరిశీలించాలన్నారు. సంబంధిత రిటర్నింగ్‌ అధికారులు, ప్రిసైడింగ్‌ అధికారులు, ఇతర ఎన్నికల అధికారుల నుంచి నివేదికలు తెప్పించాలన్నారు. ఎన్నికల అక్రమాలకు బాధ్యులైన అధికారులు, వ్యక్తులందరిపై తగిన చర్యలు తీసుకోవాలని కోరారు. తీవ్రమైన అక్రమాలు రుజువైన అన్ని పోలింగ్‌ కేంద్రాలలో ఎన్నికల నిబంధనల ప్రకారం రీ–పోలింగ్‌కు ఆదేశించాల్సిన అవసరాన్ని గుర్తించాలన్నారు. పారదర్శకమైన ఎన్నికల వాతావారణాన్ని తాము కోరుకుంటున్నామని అంబటి వివరించారు. కార్యక్రమంలో మాజీ ఎంపీ మోదుగుల వేణుగోపాల్‌ రెడ్డి, ఎమ్మెల్సీ చంద్రగిరి ఏసురత్నం, వైఎస్సార్‌ కాంగ్రెస్‌ పార్టీ మేయర్‌ అభ్యర్థి తాడికొండ శ్రీదేవి, కార్పొరేటర్లు పాల్గొన్నారు.

గుంటూరు ఎడ్యుకేషన్‌: నగరంపాలెంలోని స్టాల్‌ బాలికోన్నత పాఠశాల పోలింగ్‌ కేంద్రాన్ని ఆదివారం జిల్లా కలెక్టర్‌ సీఎం సాయికాంత్‌ వర్మ, నగరపాలకసంస్థ కమిషనర్‌ కె.మయూర్‌ అశోక్‌ సందర్శించారు. ఎన్నికల తీరును పరిశీలించిన కలెక్టర్‌ అక్కడి అధికారులకు, సిబ్బందికి పలు సూచనలు చేశారు. అనంతరం ఓటు వేసేందుకు వచ్చిన ఓటర్లతో మాట్లాడారు. ఓటర్లకు ఇబ్బంది లేకుండా హెల్ప్‌డెస్క్‌లు సహకారం అందించాలని ఆదేశించారు. వృద్ధులు, గర్భిణులు, బాలింతలు, అనారోగ్యంతో ఉన్నవారికి తగు ప్రాధాన్యత ఇచ్చి ముందుగా ఓటు వేసే విధంగా సహకరించాలని కోరారు. దివ్యాంగులకు అవసరమైతే త్రిచక్ర వాహనాలుతో సహకారం అందించాలని సూచించారు. పారిశుద్ధ్య కార్మికుడు దుర్మరణం తాడేపల్లి రూరల్‌: ప్రకాశం బ్యారేజీపై ఆదివారం జరిగిన రోడ్డు ప్రమాదం ఓ కుటుంబంలో విషాదాన్ని నింపింది. విజయవాడ నుంచి తాడేపల్లి వైపు ద్విచక్రవాహనంపై వస్తున్న వ్యక్తిని గుర్తుతెలియని వాహనం వేగంగా వచ్చి ఢీకొట్టడంతో ఆయన అక్కడికక్కడే మృతి చెందాడు. పోలీసుల వివరాల ప్రకారం.. మందడం టిడ్కో ఇళ్లలో నివాసం ఉంటున్న పొట్లూరి సాంబశివరావు (40) వెంకటపాలెం గ్రామ పంచాయతీలో పారిశుద్ధ్య కార్మికుడిగా విధులు నిర్వహిస్తున్నాడు. ఆదివారం విజయవాడ నుంచి తాడేపల్లి వైపు ద్విచక్రవాహనంపై వస్తుండగా, బ్యారేజీపైకి చేరుకున్న సమయంలో వెనుక నుంచి వచ్చిన గుర్తుతెలియని వాహనం ఆయన వాహనాన్ని బలంగా ఢీకొట్టినట్లు సమాచారం. ఈ ప్రమాదంలో సాంబశివరావుకు తీవ్ర గాయాలై సంఘటనా స్థలంలోనే ప్రాణాలు కోల్పోయాడు. ప్రమాద సమాచారం అందుకున్న తాడేపల్లి పోలీసులు వెంటనే ఘటనా స్థలానికి చేరుకుని పరిస్థితిని పరిశీలించారు. మృతదేహాన్ని పోస్టుమార్టం నిమిత్తం మార్చురీకి తరలించారు. ప్రమాదానికి కారణమైన వాహనం వివరాలు తెలియాల్సి ఉండగా, ఆ వాహనాన్ని గుర్తించేందుకు పోలీసులు దర్యాప్తు చేపట్టారు. ఘటనపై కేసు నమోదు చేసి ప్రమాదానికి సంబంధించిన పూర్తి వివరాలను సేకరిస్తున్నారు. రోజువారీ విధులు నిర్వహిస్తూ జీవనం సాగిస్తున్న సాంబశివరావు ఆకస్మిక మృతితో కుటుంబ సభ్యులు, పరిచయస్తుల్లో విషాదం నెలకొంది. బ్యారేజీపై వాహనాల రాకపోకలు అధికంగా ఉండే నేపథ్యంలో వాహనదారులు వేగ నియంత్రణ పాటించాలని, అప్రమత్తంగా ప్రయాణించాలని స్థానికులు సూచిస్తున్నారు. కొరిటెపాడు(గుంటూరు): గుంటూరు నగర పాలక సంస్థ ఎన్నికల్లో ఓటర్లకు పోల్‌ స్లిప్పుల పంపిణీలో అధికారులు నిర్లక్ష్యంగా వ్యవహరించారు. బూత్‌ లెవల్‌ అధికారులు(బీఎల్‌వోలు) ఏ ఎన్నికల్లో అయినా ఇంటింటికి వెళ్లి అందజేస్తుంటారు. ఈ ఎన్నికల్లో చాలాచోట్ల పంపిణీ చేయలేదు. దీంతో పలు డివిజన్లలో పోలింగ్‌ కేంద్రాల వద్ద ఓటర్లు ఇబ్బందులు పడ్డారు. పోలింగ్‌ కేంద్రం ఎక్కడ ఉందో తెలుసుకునేందుకు మున్సిపల్‌ సిబ్బందికి ఓటరు కార్డు చూపించి స్లిప్పులు పొందారు. ఓటేసేందుకు ఇబ్బంది లేకున్నా పోలింగ్‌ స్లిప్పులు పొందడానికి ఓటర్లు వేచి చూడాల్సి వచ్చింది. టీడీపీ, జనసేన పార్టీల అభ్యర్థులు పలువురు తమ ఫొటో, గర్తు, పేరుతో కూడిన పోలింగ్‌ స్లిప్పులను ఓటర్లకు అందజేశారు. తమకే ఓటు వేయాలని కోరారు. పోలింగ్‌ కేంద్రాల్లో సైతం అభ్యర్థుల ఫొటోలతో కూడిన పోల్‌ స్లిప్పులను తీసుకుని వెళ్లగా అధికారులు వాటిని తీసుకుని ఓటు వేయించారు. అంతేకాకుండా పలుచోట్ల పోలింగ్‌ స్లిప్పులు కవర్లలో వేసి రోడ్డుపై గుట్టలుగా పడేశారు. కొరిటెపాడు(గుంటూరు): నగరంలో మున్సిపల్‌ కార్పొరేషన్‌ ఎన్నికల్లో కవరేజికి వెళ్లిన మీడియాకు పోలీసులు అడుగడుగునా అడ్డంకులు కల్పించారు. పోలింగ్‌ కేంద్రాల్లో బారులు తీరిన ఓటర్ల ఫొటోలు తీయడానికి అనుమతి ఇవ్వలేదు. టీడీపీ, జనసేన, బీజేపీ నాయకుల వెంట అనుచరులు, పీఏలు వెళ్లినా అడ్డుకోని పోలీసులు.. మీడియాను మాత్రం నిలిపివేయడం విస్మయానికి గురిచేసింది. పలు డివిజన్లలోని పోలింగ్‌ బూతుల్లో అనుమతించిన పోలీసులు ఇక్కడ ఆంక్షలు విధించడంపై విమర్శలు వ్యక్తమవుతున్నాయి. చాలా కేంద్రాల వద్ద వంద మీటర్ల అవతలే మీడియా ప్రతినిధులను నిలిపివేశారు. దీంతో పోలింగ్‌కు సంబంధించిన ఫొటోల కోసం మీడియా ప్రతినిధులు నానా ఇబ్బందులు పడ్డారు.

లక్ష్మీపురం: గుంటూరు స్థానిక సంస్థల ఎన్నికల నేపథ్యంలో పశ్చిమ నియోజకవర్గ పరిధిలోని 57వ డివిజన్‌లోని లిటిల్‌ ఫ్లవర్‌ స్కూల్‌ వద్ద ఎన్నికల కవరేజీకి వెళ్లిన సాక్షి ఫొటోగ్రాఫర్‌ రామ్‌గోపాల్‌ ఫొటోలు తీస్తుండగా టీడీపీ మూకలు ఫొటోలు తీయకుండా అడ్డుగించి దౌర్జన్యానికి దిగారు. బూత్‌ వద్ద ఫొటోలు తీస్తే ఊరుకునేది లేదంటూ బెదిరింపులకు దిగారు. ఉదయగిరి రూరల్‌: ఉదయగిరి దుర్గం కొండపై అనుమానాస్పదంగా సంచరిస్తున్న ఓ వ్యక్తిని పర్యాటకులు గమనించి పోలీసులకు అప్పగించిన ఘటన ఆదివారం జరిగింది. స్థానికుల కథనం మేరకు.. మండలంలోని జి.అయ్యవారిపల్లెకు చెందిన ఆరుగురు యువకులు దుర్గం కొండ చూసేందుకు వెళ్లారు. ఈ తరుణంలో కొండపై ఇద్దరు వ్యక్తులు అనుమానస్పదంగా తిరుగుతుండగా గుప్తనిధుల కోసం వచ్చారేమోనని వారిని ప్రశ్నించారు. ఈ క్రమంలో రామస్వామి అనే వ్యక్తి పరారుకాగా గుంటూరు జిల్లా నల్లపాడుకు చెందిన శామ్యూల్‌ అనే వ్యక్తిని యువకులు పట్టుకొని దుర్గం కొండపై నుంచి కిందకు తీసుకొచ్చారు. అనంతరం పోలీసులకు సమాచారం అందించడంతో వారొచ్చి అతడిని అదుపులోకి తీసుకుని స్టేషన్‌కు తరలించారు.

జిల్లా కలెక్టర్‌ సీఎం సాయికాంత్‌ వర్మ గుంటూరు వెస్ట్‌: జెడ్పీటీసీ, ఎంపీటీసీ ఎన్నికల విధుల్లో ఉన్న ఉద్యోగులకు పోస్టల్‌ బ్యాలెట్‌ సౌకర్యాన్ని మరో రెండు రోజులపాటు పొడిగించినట్లు జిల్లా కలెక్టర్‌ సీఎం సాయికాంత్‌ వర్మ తెలిపారు. ఉద్యోగులు అందరూ తమ ఓటు హక్కును వినియోగించుకోవాలని విజ్ఞప్తి చేశారు. జెడ్పీటిసి ఎంపీటీసీ ఎన్నికల అధికారులతో శనివారం స్థానిక కలెక్టరేట్‌ నుంచి టెలి కాన్ఫరెన్‌న్స్‌ నిర్వహించారు. కలెక్టర్‌ మాట్లాడుతూ ఆది, సోమవారాల్లో పోస్టల్‌ బ్యాలెట్‌ గడువును పొడిగించినట్లు తెలిపారు. ఇందుకు సంబంధించిన అన్ని ఏర్పాట్లు కొనసాగించాలని పేర్కొన్నారు. పోస్టల్‌ బ్యాలెట్‌ ద్వారా ఓటు వేయడానికి వచ్చే సిబ్బంది తమ ఓటర్‌ గుర్తింపు కార్డు, ఎన్నికల విధుల కేటాయింపు ఉత్తర్వులను తప్పనిసరిగా తీసుకురావాలని సూచించారు. హెల్ప్‌ డెస్క్‌ సదుపాయాలు అందుబాటులో ఉంటాయన్నారు. పత్రాల ధ్రువీకరణ (అటెస్టేషన్‌) కోసం గెజిటెడ్‌ అధికారులు కేంద్రంలో అందుబాటులో ఉన్నారని చెప్పారు. ప్రతీ మండలంలో మండల పరిషత్‌ కార్యాలయంలో పోస్టల్‌ బ్యాలెట్‌ ఫెసిలిటేషన్‌ కేంద్రాలు ఏర్పాటు చేశామని కలెక్టర్‌ తెలిపారు.

ఆదివారం శ్రీ 1 శ్రీ నవంబర్‌ శ్రీ 2026నేడు మున్సిపల్‌ ఎన్నికలు7దుగ్గిరాల: దుగ్గిరాల మండలం కంఠంరాజుకొండూరు గ్రామంలోని మహంకాళి అమ్మవారి దేవస్థానం హుండీల కానుకలు శనివారం లెక్కించారు. రూ.32,40,863 ఆదాయం వచ్చింది.అచ్చంపేట: పులిచింతల ప్రాజెక్టులో ప్రస్తుత నిల్వ 27.5261 టీఎంసీలు. ప్రాజెక్టు దిగువకు 400 క్యూసెక్కులు లీకేజిల ద్వారా వెళుతుంది. తెనాలి: తెనాలి మార్కెట్‌యార్డులో శనివారం క్వింటా నిమ్మకాయలు కనిష్ట ధర రూ.3000, గరిష్ట ధర రూ.4000, మోడల్‌ ధర రూ.5000 వరకు పలికింది.

నగరంపాలెం: మున్సిపల్‌ ఎన్నికల్లో ప్రతి ఓటరు పోలింగ్‌ కేంద్రాల్లో స్వేచ్ఛగా ఓటు హక్కు వినియోగించుకునేలా ఏర్పాట్లు చేశామని జిల్లా ఎస్పీ వకుల్‌ జిందాల్‌ తెలిపారు. గుంటూరు, తెనాలి మున్సిపల్‌ ఎన్నికల దృష్ట్యా బందోబస్త్‌కు హాజరైన పోలీస్‌ అధికార, సిబ్బంది విధులపై శనివారం గుంటూరు నగరంపాలెంలోని పోలీస్‌ కవాతు మైదానంలో బ్రీఫింగ్‌ నిర్వహించారు. జిల్లా ఎస్పీ మాట్లాడుతూ గుంటూరు నగర పరిధిలో మున్సిపల్‌ ఎన్నికల నిర్వహణకు 61 రూట్‌ మొబైల్స్‌, 28 స్ట్రైకింగ్‌ ఫోర్స్‌లు, 11 స్పెషల్‌ స్ట్రైకింగ్‌ ఫోర్స్‌లు నియమించామన్నారు. 22 హైపర్‌ సెన్సిటివ్‌ లొకేషన్లలో 108 పోలింగ్‌ కేంద్రాలు, 8 సెన్సిటివ్‌ లొకేషన్లలో 29 పోలింగ్‌ కేంద్రాలు, 147 నార్మల్‌ లొకేషన్‌న్లలో 377 పోలింగ్‌ కేంద్రాలు ఉన్నాయని తెలిపారు. 199 లొకేషన్లు, 596 పోలింగ్‌ కేంద్రాల్లో పోలీస్‌ బందోబస్త్‌ను ఏర్పాటు చేశామన్నారు. తెనాలిలో 18 రూట్‌ మొబైల్స్‌, 6 స్ట్రైకింగ్‌ ఫోర్స్‌లు, రెండు స్పెషల్‌ స్ట్రైకింగ్‌ ఫోర్స్‌లను కేటాయించామని అన్నారు. 30 హైపర్‌ సెన్సిటివ్‌ లొకేషన్లలో 111 పోలింగ్‌ కేంద్రాలు, 11 సెన్సిటివ్‌ లొకేషన్లల్లో 27 పోలింగ్‌ కేంద్రాలు ఉన్నాయని చెప్పారు. 38 నార్మల్‌ లొకేషన్లలో 129 పోలింగ్‌ కేంద్రాలు ఉన్నాయన్నారు. ● ఎన్నికల బందోబస్త్‌కు ఇద్దరు జిల్లా ఏఎస్పీలు, 11 మంది డీఎస్పీలు, 34 మంది సీఐలు, 75 మంది ఎస్‌ఐలు, 217 మంది ఏఎస్‌ఐలు/హెడ్‌ కానిస్టేబుళ్లు, 370 మంది పోలీస్‌ కానిస్టేబుళ్లు, 84 మంది మహిళా పోలీస్‌ కానిస్టేబుళ్లు, 185 మంది హోంగార్డులు, 475 మంది డబ్ల్యూఎంఎస్‌కే సిబ్బంది, 190 మంది ఎన్‌ఎస్‌ఎస్‌ వలంటీర్లు, 184 మంది ఎన్‌సీసీ వలంటీర్లతోపాటు మొత్తమ్మీద 1,827 మందితో పోలీస్‌ బందోబస్త్‌ నియమించామని అన్నారు. ● జిల్లా ఎస్పీ వకుల్‌ జిందాల్‌ మాట్లాడుతూ హైపర్‌ సెన్సిటివ్‌, సెన్సిటివ్‌ పోలింగ్‌ కేంద్రాల్లో అదనపు పోలీస్‌ బలగాలు, ఎన్నికల ప్రక్రియ పర్యవేక్షణకు వెబ్‌ కాస్టింగ్‌, వీడియోగ్రఫీ నిర్వహించేలా చర్యలు చేపట్టామన్నారు. గుంటూరు, తెనాలిలో 2,500 మందిని బైండోవర్‌ చేశామన్నారు. పోలింగ్‌ కేంద్రాల పరిసరాల్లో 144 సెక్షన్‌, పోలింగ్‌ కేంద్రాలకు వందమీటర్ల పరిధిలో ఎన్నికల ప్రచారం నిర్వహించినా, నిబంధనలు ఉల్లంఘించినా చట్టప్రకారం చర్యలు తప్పవని హెచ్చరించారు. ఎన్నికల విధుల్లో ఉన్న పోలీస్‌ సిబ్బంది ఎలాంటి పక్షపాతం చూపవద్దని, ఏ రాజకీయ పార్టీల నుంచి తినుబండారాలు, వస్తువులు స్వీకరించవద్దని జిల్లా ఎస్పీ స్పష్టంచేశారు.

3.1 కిలోల గంజాయి, కారు స్వాధీనం మంగళగిరి రూరల్‌/నగరంపాలెం: పెయింటింగ్‌ పనులు చేస్తూ జీవనం సాగిస్తున్న వ్యక్తి సులభంగా డబ్బు సంపాదించాలనే ఆశతో గంజాయి వ్యాపారంలోకి దిగి చివరకు పోలీసులకు పట్టుబడ్డాడు. ఈ ఘటన మంగళగిరి మండల పరిధిలోని కాజలో చోటుచేసుకుంది. గుంటూరు జిల్లా ఎస్పీ కార్యాలయంలో శనివారం నిర్వహించిన విలేకరుల సమావేశంలో ఎస్పీ వకుల్‌ జిందాల్‌ వివరాలు వెల్లడించారు. మండల పరిధి కాజ గ్రామానికి చెందిన చదల నందమయ్య విజయవాడకు చెందిన వెనిగళ్ల పద్మ వద్ద నాలుగు కిలోల గంజాయిని రూ.68 వేలకు కొనుగోలు చేశాడు. మంగళగిరి, విజయవాడ, కాజ ప్రాంతాల్లోని యువకులను లక్ష్యంగా చేసుకుని విక్రయాలు సాగిస్తున్నాడు. ఈ క్రమంలో విజయవాడకు చెందిన పప్పు ఉమానాగు, కావర్ల షణ్ముఖ్‌, కట్టా మహేష్‌, మొగిలిశెట్టి లక్ష్మణ్‌ కళ్యాణ్‌, వల్లెపు వెంకటేష్‌ అలియాస్‌ వెంకటేశ్వరరావు, కుప్పాల శ్రీనివాస్‌, కృష్ణా జిల్లా మంటాడకు చెందిన కోడెబోయిన రంజిత్‌, తాడికొండకు చెందిన తాడిబోయిన కోటేశ్వరరావుతో కలిసి ముఠాగా ఏర్పడి అక్రమ వ్యాపారం చేస్తున్నట్లు పోలీసులు గుర్తించారు. శుక్రవారం రాత్రి కాజా సమీపంలోని వెంకటరెడ్డిపాలెం జాతీయ రహదారి అండర్‌పాస్‌ వద్ద గంజాయి విక్రయాలు జరుగుతున్నట్లు అందిన సమాచారంతో మంగళగిరి రూరల్‌ పోలీసులు దాడులు చేశారు. తొమ్మిది మందిని అదుపులోకి తీసుకుని వీరి నుంచి 3.1 కిలోల గంజాయి, కారు, తూకం వేసే కాటా మెషిన్‌, ప్యాకింగ్‌ సామగ్రిని స్వాధీనం చేసుకున్నారు. స్వాధీనం చేసుకున్న గంజాయి విలువ సుమారు రూ.62 వేలు ఉంటుందని పోలీసులు తెలిపారు. ముఠాలో ఆరుగురికి గతంలో నేర చరిత్ర ఉండగా, ముగ్గురు రౌడీషీటర్లుగా ఉన్నట్లు వెల్లడించారు. గంజాయి సరఫరాకు సంబంధించి కీలకంగా వ్యవహరించినట్లు ఆరోపణలు ఎదుర్కొంటున్న విజయవాడకు చెందిన వెనిగళ్ల పద్మ, పిడుగురాళ్లకు చెందిన ఆకాష్‌ పరారీలో ఉన్నారని, వారి కోసం గాలిస్తున్నట్లు పోలీసులు తెలిపారు. కేసును ఛేదించిన నార్త్‌ డీఎస్పీ కె.వెంకటేశ్వర్లు, మంగళగిరి రూరల్‌ సీఐ చిరుమామిళ్ల వెంకట్‌, పోలీసు సిబ్బందిని గుంటూరు జిల్లా ఎస్పీ వకుల్‌ జిందాల్‌ అభినందించారు. నేడు వేతనంతో కూడిన సెలవునెహ్రూనగర్‌: గుంటూరు జిల్లాలో ఆదివారం మున్సిపల్‌ ఎన్నికలు జరిగే ప్రాంతాల్లోని షాపులు, వాణిజ్య సంస్థలు, పారిశ్రామిక రంగాల్లోని ఉద్యోగులు, కార్మికులకు ప్రభుత్వం వేతనంతో కూడిన సెలవు మంజూరు చేసిందని జాయింట్‌ కమిషనర్‌ ఆఫ్‌ లేబర్‌ ఆశారాణి శనివారం ఓ ప్రకటనలో పేర్కొన్నారు. నిబంధనల ఉల్లంఘనపై 9492555140 నంబర్‌ను సంప్రదించి ఫిర్యాదు చేస్తే వెంటనే తక్షణ చర్యలు తీసుకుంటామని ఆమె తెలిపారు.

స్నేహితుల మధ్య వివాదమే మృతికి కారణమా? మృతిపై పలు సందేహాలు మంగళగిరి రూరల్‌: మంగళగిరి మండలం నవులూరు ఎన్టీఆర్‌ కాలనీలో గుర్రం నరసింహస్వామి (27) అనుమానాస్పద స్థితిలో మృతి చెందాడు. స్నేహితులతో కలిసి శుక్రవారం రాత్రి బయటకు వెళ్లిన యువకుడు తీవ్ర గాయాలతో ఇంటికి చేరి, శనివారం ఆసుపత్రిలో మృతి చెందడం స్థానికంగా కలకలం రేపింది. మృతుడి తల్లి తెలిపిన వివరాల ప్రకారం.. నరసింహస్వామికి స్నేహితులతో కలిసి మద్యం సేవించే అలవాటు ఉంది. గతరాత్రి స్నేహితులు అతడిని తమ వెంట తీసుకెళ్లి, కొంత సమయం తరువాత తీవ్ర గాయాలైన స్థితిలో ఇంటి వద్ద వదిలి వెళ్లారు. ఇంటి నుంచి వెళ్లేటప్పుడు వేసుకున్న దుస్తులు కాకుండా వేరే దుస్తుల్లో ఉండటంతో ఏమైందని ప్రశ్నించగా బురదలో కింద పడిపోయాయని దుస్తులు మార్చామని తెలిపారు. రాత్రి సమయంలో శరీరం వేడిగా ఉండటాన్ని గమనించి వెళ్లి చూడగా, అతడు సృహలో లేకుండా ఉన్నాడు. ఒంటినిండా తీవ్రమైన గాయాలు ఉన్నాయి. ఉదయం మంగళగిరి ఎన్నారై ఆసుపత్రికి తరలించగా, అప్పటికే మృతి చెందినట్లు వైద్యులు వెల్లడించారు. తన కుమారుడి మృతికి అతడి స్నేహితులే కారణమని ఆరోపిస్తూ, నమ్మకంగా తీసుకెళ్లి గాయాలపాలు చేసి ఇంటి వద్ద వదిలివెళ్లిన వారిని కఠినంగా శిక్షించాలని కోరారు. నరసింహస్వామి సీసీ కెమెరాల ఏర్పాటు, మరమ్మతుల పనులు చేస్తూ జీవనం సాగించేవాడని తెలిపారు. సమాచారం అందుకున్న మంగళగిరి రూరల్‌ పోలీసులు సంఘటనా స్థలానికి చేరుకుని వివరాలు సేకరించారు. యువకుడి మృతిపై కేసు నమోదు చేసి దర్యాప్తు చేపట్టారు. యువకుల మధ్య వివాదానికి మద్యం, గంజాయి వినియోగం కారణమై ఉండవచ్చని స్థానికంగా పలువురు అనుమానాలు వ్యక్తం చేస్తున్నారు.

లక్ష్మీపురం: రాప్తాడు పాఠశాలలో పదోవ తరగతి విద్యార్థినిపై దాడి అత్యంత దారుణమని ఏఐఎస్‌ఎఫ్‌ రాష్ట్ర ప్రధాన కార్యదర్శి బందెల నాసర్‌జీ అన్నారు. గుంటూరులోని మల్లయ్య లింగం భవన్‌లో శనివారం జరిగిన విలేకరుల సమావేశంలో మాట్లాడారు. అనంతపురం జిల్లా, రాప్తాడు పరిషత్‌ ఉన్నత పాఠశాలలో పదో తరగతి చదువుతున్న విద్యార్థినిపై దాడిని ఖండించారు. దాడి అత్యంత బాధాకరమన్నారు. గాయపడిన విద్యార్థినికి మెరుగైన వైద్యం అందించి, ఆమె ప్రాణాలను కాపాడేందుకు ప్రభుత్వం, వైద్యశాఖ తక్షణ చర్యలు చేపట్టాలని డిమాండ్‌ చేశారు. బాధిత విద్యార్థిని కుటుంబానికి ప్రభుత్వం అన్ని విధాలా అండగా నిలవాలని విన్నవించారు. విద్యాసంస్థల్లో రక్షణ చర్యలు చేపట్టాలని ప్రభుత్వాన్ని డిమాండ్‌ చేశారు. సమావేశంలో ఏఐఎస్‌ఎఫ్‌ జిల్లా సహాయ కార్యదర్శి అమర్‌నాథ్‌, నగర కార్యదర్శి ప్రణీత్‌ పాల్గొన్నారు. జిల్లా రెవెన్యూ అధికారి షేక్‌ ఖాజావలి గుంటూరు వెస్ట్‌: కృష్ణా–గుంటూరు ఉపాధ్యాయ నియోజకవర్గ ఎమ్మెల్సీ ఎన్నికలకు సంబంధించి అర్హులైన ఉపాధ్యాయులందరూ ఓటర్లుగా నమోదు చేసుకునేలా విస్తృత అవగాహన కల్పించి, నమోదు ప్రక్రియను వేగవంతం చేయాలని జిల్లా రెవెన్యూ అధికారి ఎన్‌.ఎస్‌.కె. ఖాజావలి సంబంధిత అధికారులను ఆదేశించారు. గుంటూరు జిల్లా కలెక్టరేట్‌ నుంచి సంబంధిత అధికారులతో శనివారం టెలి కాన్ఫరెన్స్‌ నిర్వహించారు. ఆయన మాట్లాడుతూ ఓటర్ల నమోదుకు నవంబర్‌ 6 చివరి తేదీగా నిర్ణయించబడినందున, గడువులోగా అర్హులైన ఉపాధ్యాయులందరూ దరఖాస్తు చేసుకునేలా చర్యలు తీసుకోవాలని సూచించారు. ఉపాధ్యాయ ఎమ్మెల్సీ ఓటరు నమోదుకు సంబంధించిన అర్హతలపై ఉపాధ్యాయుల్లో అవగాహన కల్పించాలని, మండలాల వారీగా అర్హులైన ఉపాధ్యాయులను గుర్తించి, వారందరికీ సమాచారం చేరవేసి దరఖాస్తు చేసుకునేలా ప్రోత్సహించాలని ఎంఈఓలు, ఉపాధ్యాయ సంఘాల ప్రతినిధులకు సూచించారు. పెదకాకాని: రోడ్డు ప్రమాదంలో యువకుడు మృతి చెందిన ఘటన శనివారం చోటుచేసుకుంది. పెదకాకాని మండలం వెనిగండ్లకు చెందిన నల్లగొర్ల సురేష్‌(42) వ్యవసాయ పనులు చేసుకుంటూ జీవనం సాగిస్తున్నాడు. ఎప్పటి మాదిరిగానే శనివారం పెదకాకాని సెంట్రల్‌ వేర్‌హౌస్‌ గోడౌన్స్‌లో ముఠా పనికి వెళ్లాడు. మధ్యాహ్నం భోజన సమయంలో తన ఇద్దరు కుమార్తెలకు స్కూల్‌ ఫీజు చెల్లించేందుకు ఇన్నర్‌రింగ్‌ రోడ్డులో ఉన్న చైతన్య స్కూల్‌ వద్దకు వెళ్లేందుకు బయలు దేరాడు. స్కూల్‌ సమీపంలోకి చేరుకునే సరికి ఆయన నడుపుతున్న స్కూటీ అదుపుతప్పి పల్టీ కొట్టింది. ఈ ఘటనలో సురేష్‌ అక్కడికక్కడే మృతి చెందాడు. మృతుడికి భార్య లక్ష్మి, ఇద్దరు పిల్లలు ఉన్నారు. వెనిగండ్ల యాదవపాలెంలో విషాదచాయలు అలముకున్నాయి.

గుంటూరు ఎడ్యుకేషన్‌: పోలీసులు రాజకీయనేతలకు సలామ్‌ కొడుతూ... ఎన్నికల్లో నిబంధనలకు విరుద్దంగా వ్యవహరిస్తే భవిష్యత్‌ అంధకారంగా మారుతుందని వైఎస్సార్‌ సీపీ ఎమ్మెల్సీ, మాజీ డీఐజీ చంద్రగిరి యేసురత్నం అన్నారు. నవంబర్‌ ఒకటో తేదీన గుంటూరు కార్పొరేషన్‌కు ఎన్నికలు జరగనున్న నేపథ్యంలో ఆయన ఓ ప్రకటన విడుదల చేశారు. రాష్ట్రంలో చోటుచేసుకుంటున్న రాజకీయ ప్రత్యర్థులపై జరుగుతున్న దాడులు, శాంతి భద్రతలకు తీవ్ర విఘాతం కలిగిస్తున్న పరిస్థితులు ఆందోళనకు గురిచేస్తున్నాయని అన్నారు. ప్రభుత్వాలు శాశ్వతం కాదని, పోలీసు శాఖలో దాదాపు 30 ఏళ్ల సర్వీసు శాశ్వతమని అన్నారు. తాను 30 ఏళ్ల పాటు పోలీసు శాఖలో పనిచేసిన అనుభవంతో చెబుతున్నానని, పోలీసులు రాజకీయ నాయకులను, అధికారులను సంతృప్తిపరిచేందుకు చట్టానికి విరుద్ధంగా వ్యవహరించవద్దని సూచించారు. పోలీసులు ఎప్పుడూ చట్ట ప్రకారమే విధులు నిర్వహించాలని, రాజకీయ ఒత్తిళ్లకు తలొగ్గి తప్పులు చేయవద్దని అన్నారు. తప్పులు చేయిస్తున్న అధికారులు, భవిష్యత్తులో పోలీసులు ఇబ్బందుల్లో పడినప్పుడు అండగా నిలవరని వ్యాఖ్యానించారు. ముఖ్యంగా క్షేత్రస్థాయిలో పనిచేసే పోలీసు అధికారులు అప్రమత్తంగా ఉండాలని హెచ్చరించారు. ప్రభుత్వం ఇచ్చే జీతం ప్రజలకు సేవ చేయడానికేనని గుర్తుంచుకోవాలన్నారు. నామినేషన్లు దాఖలు చేసేందుకు వచ్చిన అభ్యర్థులపై పోలీసుల ఎదుటే దాడులకు దిగుతున్నా స్పందించడం లేదని విమర్శించారు. ఇలాంటి ఘటనలకు భవిష్యత్‌లో పోలీసులు మూల్యం చెల్లించుకోవాల్సి వస్తుందని హెచ్చరించారు. చట్టాన్ని ఎవరూ చేతుల్లోకి తీసుకోరాదని, చట్టాన్ని అతిక్రమించిన వారు భవిష్యత్తులో ఇబ్బందులు ఎదుర్కోవాల్సి వస్తుందని పేర్కొన్నారు. పోలీసులు తమ విధుల నిర్వహణలో రాజ్యాంగం మేరకు నడుచుకోవాలని, ప్రస్తుతం సోషల్‌ మీడియాలో ప్రతి ఘటన నమోదవుతోందని స్పష్టం చేశారు. న్యాయ స్థానాలు సైతం సుమోటాగా కేసులు నమోదు చేయడంతో పాటు దశాబ్దాల కిందట జరిగిన నేరాల్లో సైతం పోలీసుల పాత్రపై విచారణ జరిపిస్తున్నాయని అన్నారు.

గుంటూరు ఎడ్యుకేషన్‌: స్థానిక ఎన్నికల ప్రక్రియకు సంబంధించిన సీసీ ఫుటేజీని భద్రపరచాలని సుప్రీంకోర్టు జారీ చేసిన కీలక ఆదేశాలను జిల్లా కలెక్టర్లు, పోలీసు యంత్రాంగం సక్రమంగా అమలు చేయాలని వైఎస్సార్‌ సీపీ రాష్ట్ర లీగల్‌ సెల్‌ కార్యనిర్వాహక అధ్యక్షుడు(జోన్‌–3) పోలూరి వెంకటరెడ్డి పేర్కొన్నారు. శనివారం అరండల్‌పేటలోని వైఎస్సార్‌ సీపీ లీగల్‌ సెల్‌ కార్యాలయంలో పోలూరి వెంకటరెడ్డి మీడియాతో మాట్లాడుతూ కింది స్థాయి అధికారులు, పోలీసులు సుప్రీంకోర్టు ఆదేశాలను తూ.చా. తప్పకుండా పాటించేలా చూడాల్సిన బాధ్యత కలెక్టర్లదేనని, ఆదేశాలను ఉల్లంఘించే అధికారులపై కోర్టు ధిక్కా రం కింద కేసులు నమోదు చేస్తామని స్పష్టం చేశా రు. మున్సిపల్‌, జెడ్పీటీసీ, ఎంపీటీసీ ఎన్నికలు ముగిసే వరకు ప్రతి పోలింగ్‌ బూత్‌లో సీసీటీవీ, వీడియోగ్రఫీ తప్పనిసరిగా ఏర్పాటు చేయాలని విజ్ఞప్తి చేశారు. ఇంకా నామినేషన్ల ప్రక్రియ జరగాల్సి ఉన్న ప్రాంతాల్లో రిటర్నింగ్‌ అధికారులు సీసీ ఫుటేజ్‌, వీడియోగ్రఫీని ఏర్పాటు చేసి ఎన్నికల ప్రక్రియ ముగిసే వరకు వాటిని భద్రపరచాలని సూచించారు. ప్రతి ఎన్నికల అధికారి సుప్రీంకోర్టు మార్గదర్శకాలను పాటించి, ప్రతి ఓటరుకు, పోటీ చేసిన ప్రతి అభ్యర్థికి ఆయా ఫుటేజ్‌ అందుబాటులో ఉండే విధంగా చూడాలన్నారు. పోలింగ్‌ కేంద్రాలతో పాటు ఎన్నికల అనంతరం స్ట్రాంగ్‌ రూముల వద్ద సీసీ ఫుటేజ్‌ ఏర్పాటు చేయాలన్నారు. ఓట్ల లెక్కింపుతో పాటు స్ట్రాంగ్‌ రూమ్‌ ఓపెన్‌ చేసే సమయంలో సీసీ ఫుటేజ్‌, వీడియోగ్రఫీ ఏర్పాటు చేయాలని కోరారు. ఓట్ల లెక్కింపు అనంతరం ఎన్నికల పిటిషన్లు ఫైల్‌ చేయటం కోసం ఇచ్చిన గడువు ముగిసే వరకు ప్రతి అంశాన్ని వీడియోగ్రఫీ ద్వారా భద్రపరిచి ఉంచాలన్నారు. ఎక్కడైనా కేసు దాఖలైతే కోర్టులో కేసు తేలే వరకు సీసీ ఫుటేజీ భద్రపరచాలన్నారు. ఎన్నికల ట్రిబ్యునల్‌ కోరినప్పుడు సంబంధిత వీడియో ఫుటేజీని అందించాల్సి ఉన్న వాస్తవాన్ని గుర్తెరగాలని ఆయన సూచించారు. సుప్రీంకోర్టు ఆదేశాలను అనుసరించి అధికారులంతా ప్రజాసామాన్ని కాపాడాలని కోరా రు. స్థానిక సంస్థల ఎన్నికలు స్వేచ్ఛగా, నిష్పక్షపాతంగా జరిగేలా చర్యలు తీసుకుని, అభ్యర్థులు నిరాటంకంగా నామినేషన్లు వేసేందుకు వీలుగా తగిన పోలీసు బందోబస్తు కల్పించాలని విజ్ఞప్తి చేశారు. వైఎస్సార్‌ సీపీ రాష్ట్ర లీగల్‌ సెల్‌ కార్యనిర్వాహక అధ్యక్షుడు పోలూరి వెంకటరెడ్డి

చేబ్రోలు: చేబ్రోలు మండల పరిషత్‌ కార్యాలయంలో శనివారం నిర్వహించిన పోస్టల్‌ బ్యాలెట్‌ ఓటింగ్‌ అధికార పార్టీ నాయకులు అక్రమాలకు పాల్పడ్డారు. నిబంధనలకు తిలోదకాలు ఇస్తూ అధికారులు, పోలీసులు ఏకపక్షంగా వ్యవహరించడం తీవ్ర కలకలం రేపింది. ఒకవైపు అధికార టీడీపీ నాయకులకు రాచమర్యాదలతో లోపలికి అనుమతినిస్తూ, మరోవైపు ప్రజాస్వామ్యానికి మూలస్తంభమైన మీడియా ప్రతినిధులను అడ్డుకోవడంపై పలు అనుమానాలు, విమర్శలు వ్యక్తం అవుతున్నాయి. టీడీపీ కార్యకర్తలా చేబ్రోలు ఎస్‌ఐ పోస్టల్‌ బ్యాలెట్‌ ఓటింగ్‌ సందర్భంగా అంగన్‌వాడీ, సచివాలయ ఉద్యోగులను భయభ్రాంతులకు గురిచేసి, తమకు అనుకూలంగా ఓట్లు వేయించుకునేందుకు టీడీపీ నాయకులు యత్నించారు. మండల పరిషత్‌ అధికారులు, సిబ్బంది కూడా వీరికి పూర్తిస్థాయిలో సహకరించడంతో బ్యాలెట్‌ కేంద్రం కాస్తా టీడీపీ కార్యాలయంగా మారిపోయిందనే విమర్శలు వ్యక్తమయ్యాయి. విషయం తెలిసి అక్కడకు చేరుకున్న వైఎస్సార్‌ సీపీ మండల అధ్యక్షుడు ఆళ్ల శ్రీరామిరెడ్డి తదితర నాయకులు ఈ అక్రమాలపై ప్రశ్నించగా, టీడీపీ నాయకులు జ్యోకం చేసుకోవటంతో వివాదం జరిగింది. రిటర్నింగ్‌ అధికారి కోమలి పద్మ కార్యాలయం బయటకు వచ్చి అందరిని కార్యాలయం బయట వరకు పంపాలని పోలీసులను ఆదేశించారు. దీంతో పోలీసులు అందరిని బయటకు పంపివేశారు. అయితే తెనాలిలో ఉన్న చేబ్రోలు ఎస్‌ఐ పి.వీరనారాయణ వచ్చి రావటంతోనే అత్యుత్సాహం ప్రదర్శించారు. తహసీల్దార్‌ కార్యాలయం వద్ద గుంపులుగా ఉన్న టీడీపీ నాయకులను పట్టించుకోకుండా కేవలం వైఎస్సార్‌ సీపీ నాయకులను మాత్రమే భయబ్రాంతులకు గురిచేస్తూ జీబీసీ రోడ్డు వరకు పంపివేశారు. ఇదే సమయంలో కొంతమంది టీడీపీ నాయకులు పోస్టల్‌ బ్యాలెట్‌ జరిగే కేంద్రంలోకి వెళ్లారు. టీడీపీ నాయకులు లోపలే ఉండగా, వైఎస్సార్‌ సీపీ నాయకులను మాత్రమే బయటకు వెళ్లాలంటూ లాఠీలు చూపిస్తూ ఎస్‌ఐ బెదిరింపులకు దిగారు. వైఎస్సార్‌ సీపీ మండల అధ్యక్షుడు ఆళ్ల శ్రీరామిరెడ్డిని ఏకవచనంతో ఎస్‌ఐ దురుసుగా ప్రవర్తించడాన్ని వైఎస్సార్‌ సీపీ నేతలు తీవ్రంగా నిరసించారు. నిజాలు దాచేందుకు మీడియాపై ఆంక్షలు పోస్టల్‌ బ్యాలెట్‌ ఓటింగ్‌ జరిగే కార్యాలయం లోపల జరుగుతున్న దందాను, అక్రమాలను కవరేజ్‌ చేసేందుకు వెళ్లిన ప్రింట్‌, ఎలక్ట్రానిక్‌ మీడియా ప్రతినిధులను ఎస్‌ఐ వీరనారాయణ అడ్డుకున్నారు. ‘లోపలికి రావడానికి వీల్లేదు’ అంటూ విలేకరులతో దౌర్జన్యంగా ప్రవర్తించారు. అధికార పార్టీ నాయకులు కార్యాలయంలో తిష్టవేసి అక్రమాలకు పాల్పడుతున్నా చోద్యం చూసిన పోలీసులు మీడియాకు మాత్రం ఆంక్షలు విధించటం వెనుక పెద్ద ఎత్తున కుట్ర దాగి ఉందని స్పష్టమవుతోంది. సమాచారం అందుకున్న వైఎస్సార్‌ సీపీ పొన్నూరు నియోజకవర్గ సమన్వయకర్త అంబటి మురళీకృష్ణ చేబ్రోలు తహసీల్దార్‌ కార్యాలయానికి చేరుకున్నారు. ఆ సమయంలో తహసీల్దార్‌ శ్రీనివాస్‌ శర్మ అందుబాటులో లేకపోగా, ఎస్‌ఐ పి.వీరనారాయణ టీడీపీ నాయకులతో కలిసి కార్యాలయంలో కూర్చుని ఉండటం చూసి ఆయన అభ్యంతరం వ్యక్తం చేశారు. నిష్పక్షపాతంగా వ్యవహరించాల్సిన పోలీసు అధికారి ఒక పార్టీకి ఏజెంట్‌లా మారడంపై మురళీకృష్ణ తీవ్రంగా మండిపడ్డారు. అనంతరం ఆయన రిటర్నింగ్‌ అధికారి కోమలి పద్మను కలసి, పోస్టల్‌ బ్యాలెట్‌ ఓటింగ్‌ కేంద్రంలో జరుగుతున్న అక్రమాలు, ఎస్‌ఐ ఏకపక్ష వైఖరిపై ఫిర్యాదు చేశారు. అధికార పార్టీకి అనుకూలంగా వ్యవహరిస్తూ, వైఎస్సార్‌ సీపీ నాయకులను బెదిరింపులకు పాల్పడుతున్న ఎస్‌ఐ వీరనారాయణపై జిల్లా ఉన్నతాధికారులకు, ఎన్నికల సంఘానికి ఫిర్యాదు చేసినట్లు తెలిపారు.

పెదకాకాని: టీడీపీ నుంచి మాజీ వార్డు సభ్యుడు మంజుల రామకృష్ణతో సహా 30 కుటుంబాలు వైఎస్సార్‌ సీపీలో చేరారు. జెడ్పీటీసీ మాజీ సభ్యురాలు గోళ్ల జ్యోతి వారికి పార్టీ కండువా కప్పి స్వాగతం పలికారు. కార్యక్రమంలో వైఎస్సార్‌ సీపీ నాయకులు సుంకర కృష్ణారెడ్డి, గోళ్ల శ్యాంముఖర్జీబాబు, ఆలపాటి రాఘవ, తాడిబోయిన వేణు, యడ్లపల్లి రమేష్‌, గోళ్ళ జోసెఫ్‌, దానబోయిన సాంబయ్య, ఆరుదల గడ్డేశ్వరరావు పాల్గొన్నారు. గుంటూరు ఎడ్యుకేషన్‌: ఏపీ ఓపెన్‌ స్కూల్‌ సొసైటీ (ఏపీఓఎస్‌ఎస్‌) ఆధ్వర్యంలో దూరవిద్య టెన్త్‌, ఇంటర్‌లో ప్రవేశానికి ఎటువంటి అపరాధ రుసుం లేకుండా ఫీజు చెల్లించేందుకు గడువును ఈనెల 15వ తేదీ వరకు పొడిగించినట్లు జిల్లా విద్యాశాఖాధికారి షేక్‌ సలీమ్‌ బాషా శనివారం ఓ ప్రకటనలో పేర్కొన్నారు. చదువు మధ్యలో నిలిపివేసిన, వివిధ కారణాలతో పాఠశాల విద్యను కొనసాగించలేకపోయిన అభ్యర్థులతో పాటు గతంలో టెన్త్‌, ఇంటర్‌లో ఉత్తీర్ణులు కాలేకపోయిన అభ్యర్థులు ఈ అవకాశాన్ని సద్వినియోగం చేసుకోవాలని సూచించారు. జిల్లాలో అర్హులైన అభ్యర్థులు సమీపంలోని ఏపీఓఎస్‌ఎస్‌ గుర్తింపు పొందిన స్టడీ సెంటర్‌ ద్వారా నిర్ణీత గడువులోపు దరఖాస్తు చేయాలని తెలిపారు. గుంటూరు ఎడ్యుకేషన్‌: ఉమ్మడి గుంటూరు జిల్లా స్కూల్‌ గేమ్స్‌ ఆధ్వర్యంలో సోమవారం కుంచనపల్లిలోని గీతాంజలి సీబీఎస్‌ఈ పాఠశాలలో అండర్‌ 14, అండర్‌ 17 బాల, బాలికల ఆర్చరీ జిల్లా ఎంపికలు నిర్వహిస్తున్నట్లు స్కూల్‌ గేమ్స్‌ కార్యదర్శి పీహెచ్‌ వినయ్‌కుమార్‌ శనివారం ఓప్రకటనలో పేర్కొన్నారు. గుంటూరు బీఆర్‌ స్టేడియంలో జరగనున్న స్కేటింగ్‌ అండర్‌ 14, 17, 19 జిల్లా ఎంపికలకు వచ్చే క్రీడాకారులు తమ వెంట ఆధార్‌ కార్డు, జనన ధ్రువీకరణ పత్రంతో ఉదయం 9.00 గంటలకు చేరుకోవాలని సూచించారు.

చేబ్రోలు: శాస్త్ర, సాంకేతిక రంగాల అభివృద్ధికి, దేశ ప్రగతికి విశేష సేవలందిస్తున్న విజ్ఞాన్‌ యూనివర్సిటీ చాన్స్‌లర్‌ పావులూరి సుబ్బారావుకు ప్రతిష్టాత్మకమైన లైఫ్‌టైమ్‌ అచీవ్‌మెంట్‌ అవార్డు, విద్యా, పరిశోధన రంగాల్లో విశిష్ట సేవలందిస్తూ, అకడమిక్‌ నాయకత్వంలో ప్రతిభ కనబరుస్తున్న సీఈఓ డాక్టర్‌ కూరపాటి మేఘనకు ఎక్సలెంట్‌ అకడమిషియన్‌ అవార్డు లభించింది. హైదరాబాద్‌లోని నేషనల్‌ జియోఫిజికల్‌ రీసెర్చ్‌ ఇన్‌స్టిట్యూట్‌(ఎన్‌జీఆర్‌ఐ)లో నిర్వహించిన సైన్స్‌, టెక్నాలజీ అండ్‌ కమ్యూనికేషన్‌ అకాడమీ(ఏఎస్‌టీసీ) వార్షిక సదస్సు– 2026 సందర్భంగా ఈ పురస్కారాలను అందజేశారు. ఎర్త్‌ సైన్సెస్‌, వ్యూహాత్మక వనరులు, భారతదేశ భవిష్యత్‌ అవసరాలకు అనుగుణమైన అధునాతన సాంకేతిక పరిజ్ఞానాలపై నిర్వహించిన ప్రత్యేక శాసీ్త్రయ సదస్సులో భాగంగా అవార్డుల ప్రదాన కార్యక్రమం నిర్వహించారు. అంతరిక్ష, రక్షణ, శాస్త్ర సాంకేతిక రంగాల్లో దేశానికి అవసరమైన సాంకేతిక పరిజ్ఞాన అభివృద్ధికి డాక్టర్‌ పావులూరి సుబ్బారావు అందిస్తున్న విశేష సేవలు, సాంకేతిక ఆవిష్కరణలకు గుర్తిస్తూ కేంద్ర భూవిజ్ఞాన మంత్రిత్వ శాఖ కార్యదర్శి డాక్టర్‌ తుమ్మల శ్రీనివాస కుమార్‌ ఈ ప్రతిష్టాత్మక జీవిత సాఫల్య పురస్కారాన్ని ప్రదానం చేశారు. విద్యారంగంలో నాణ్యమైన విద్యను అందించడం, పరిశోధనలను ప్రోత్సహించడం, ఉన్నత విద్యారంగంలో నూతన ప్రమాణాలను నెలకొల్పడంలో విజ్ఞాన్‌ సీఈవో డాక్టర్‌ కూరపాటి మేఘన చేస్తున్న కృషికి గుర్తింపుగా ఆమెకు ఎక్సలెంట్‌ అకడమిషియన్‌ అవార్డుతో సత్కరించారు. వీరిని వైస్‌ చాన్స్‌లర్‌ కేవీ క్రిష్ణకిషోర్‌ శనివారం అభినందనలు తెలిపారు.

తెనాలి: న్యాయవాదులు చట్టపరిధిలో తగిన వాదనలు చేయగలిగితే మంచి తీర్పులు వస్తాయని మచిలీపట్నం అదనపు జిల్లా జడ్జి తోక రాజా వెంకటాద్రి చెప్పారు. ఇందుకు న్యాయవాదులు కూడా ఏరోజు కారోజు ఉన్నత న్యాయస్థానాల తీర్పులతో అప్‌డేట్‌ అవుతుంటే వృత్తిలో రాణించటానికి అవకాశం ఉంటుందన్నారు. సీనియర్‌ సివిల్‌ జడ్జి హోదాలో ఇటీవలే ఉద్యోగ విరమణ చేసిన తెనాలికి చెందిన వేల్పుల కృష్ణమూర్తి కవిరాజ పార్కు రోడ్డులో నూతనంగా ఏర్పాటుచేసిన న్యాయసలహా కేంద్రాన్ని శనివారం రాజా వెంకటాద్రి ప్రారంభించారు. తెనాలిలో 15 ఏళ్లు న్యాయవాదిగా, 30 ఏళ్లపాటు న్యాయమూర్తిగా వివిధ ప్రదేశాల్లో సేవల నందించిన కృష్ణమూర్తి న్యాయసలహా కేంద్రం ప్రారంభించటం సంతోషంగా ఉందన్నారు. కొత్తగా వృత్తిలోకి వచ్చినవారు, జూనియర్‌ న్యాయవాదులు కృష్ణమూర్తి సలహాలను తీసుకుని వృద్ధిలోకి రావాలని సూచించారు. విశ్రాంత న్యాయమూర్తి వేల్పుల కృష్ణమూర్తి తన ప్రసంగంలో కాలానుగుణంగా మారుతుండే న్యాయచట్టాలు, తీర్పులకు తగినట్టుగా న్యాయవాదులు అప్‌డేట్‌ అవుతుండాలని అభిప్రాయపడ్డారు. దీనిని దృష్టిలో ఉంచుకొని న్యాయవాద వృత్తిలో నైపుణ్యానికి, కక్షిదారులకు తగిన సలహాలు ఇవ్వాలన్న భావనతో సేవాదృక్పథంతో న్యాయసలహా కేంద్రాన్ని ఆరంభించినట్టు తెలిపారు. కక్షిదారులు, న్యాయవాదులు సద్వినియోగం చేసుకోవాలని కోరారు. అదనపు జిల్లా జడ్జి రాజా వెంకటాద్రి, ఆయన కుమారుడు, హైకోర్టు న్యాయవాది కులదీప్‌ రచించిన ‘ఏ గ్లింప్స్‌ ఇన్‌టు ద క్రిమినల్‌ మేజర్‌ యాక్ట్స్‌’ పుస్తకాన్ని సీనియర్‌ న్యాయవాదులు ఎస్‌.రామారావు, జగదీశ్వరాంబకు బహూకరించారు. కార్యక్రమంలో విశ్రాంత అదనపు ఎస్పీ తాడిబోయిన రామకృష్ణ, న్యాయవాదులు దరిశి శివకోటేశ్వరరావు, మేకా మురళీకృష్ణ, జెస్సీపాల్‌, చందోలు డేవిడ్‌ విజయకుమార్‌, గుమ్మడి రవిరాజ్‌, రాజ్యలక్ష్మి, శ్యామల, పద్మ, శారద, శ్రుతి, పబ్లిక్‌ ప్రాసిక్యూటర్‌ (సీబీఐ) బట్టా శ్రీనివాసరావు, ఏపీ బీసీ సంక్షేమ సంఘం రాష్ట్ర అధ్యక్షుడు కేసన శంకరరావు, తాడిబోయిన బుజ్జిబాబు తదితరులు పాల్గొన్నారు. న్యాయసలహా కేంద్రం ప్రారంభ సభలో అదనపు జిల్లా జడ్జి రాజా వెంకటాద్రి

గుంటూరు వెస్ట్‌: కర్నూలు జిల్లా ఆత్మకూరు రూరల్‌ సాక్షి దినపత్రిక విలేకరి సుబ్బారెడ్డిపై గుర్తు తెలియని వ్యక్తుల దాడిని ఆంధ్రప్రదేశ్‌ యూనియన్‌ ఆఫ్‌ వర్కింగ్‌ జర్నలిస్ట్‌ అసోసియేషన్‌ (ఏపీయూడబ్ల్యూజే) తీవ్రంగా ఖండించింది. శుక్రవారం అసోసియేషన్‌ ఆధ్వర్యంలో స్థానిక కలెక్టరేట్‌ నుంచి మీడియా ప్రతినిధులు ర్యాలీ నిర్వహించారు. అసోసియేషన్‌ జిల్లా అధ్యక్షుడు ఎస్‌ఎన్‌ మీరా మాట్లాడుతూ సుబ్బారెడ్డిపై దాడి చేసిన దుండగులను వెంటనే గుర్తించి అరెస్ట్‌ చేయాలని కోరారు. సమాజంలో జర్నలిజం చేసే క్రమంలో కొన్ని పార్టీలు విలేకరులను టార్గెట్‌ చేయడం సరికాదన్నారు. కేవలం ఉపాధి కోసం మాత్రమే చాలా మంది రిపోర్టింగ్‌ చేస్తున్నారని చెప్పారు. సదరు రిపోర్టర్‌కు కూడా కుటుంబం ఉంటుందని గుర్తించాలని కోరారు. బాధితుడు సుబ్బారెడ్డికి తక్షణం వైద్య సాయంతోపాటు రక్షణ కల్పించాలని డిమాండ్‌ చేశారు. జిల్లా కార్యదర్శి కె.రాంబాబు మాట్లాడుతూ ఎన్నికలు జరిగే ప్రతి సారి రాష్ట్రంలో ఎక్కడో ఒక చోట రిపోర్టర్లపై దాడులకు పాల్పడుతున్నారని ఆందోళన వ్యక్తం చేశారు. దీనిపై అధికార పార్టీల కఠిన చర్యలు తీసుకోవాలని కోరారు. ఇటువంటి సంస్కృతి సమాజానికి మంచిది కాదని హితవు పలికారు. అనంతరం జిల్లా కలెక్టర్‌ సీఎం సాయికాంత్‌ వర్మ, ఎస్పీ వకుల్‌ జిందాల్‌కు మీడియా ప్రతినిధులు వినతిపత్రాలు అందజేశారు. కార్యక్రమంలో సాక్షి ఉమ్మడి గుంటూరు జిల్లా బ్యూరో ఇన్‌చార్జి ఎన్‌.మాధవరెడ్డి, సిటీ కేబుల్‌ రిపోర్టర్‌ గిరి, ఏపీయూడబ్ల్యూజే నాయకులు కె.ఫణీంద్ర, వెంకయ్య, రామ్‌ ప్రసాద్‌, కె.శ్రీనివాసరావు, ప్రశాంత్‌, మల్లేశ్వరరావు, కృష్ణా రెడ్డి పాల్గొన్నారు.

గుంటూరు మెడికల్‌: ఆంధ్రప్రదేశ్‌ గవర్నమెంట్‌ నర్సెస్‌ అసోసియేషన్‌ (ఏపీజీఎంఏ) గుంటూరు జిల్లా కార్యవర్గ సమావేశం శుక్రవారం గుంటూరు జీజీహెచ్‌లోని నర్సింగ్‌ యూనియన్‌ కార్యాలయంలో నిర్వహించారు. సమావేశానికి యూనియన్‌ రాష్ట్ర అధ్యక్షురాలు రాధమ్మ, రాష్ట్ర ప్రధాన కార్యదర్శి, గుంటూరు జిల్లా అధ్యక్షురాలు కోటమ్మ ఆధ్వర్యంలో కో ఆప్షన్‌ పద్ధతిలో ఖాళీగా ఉన్న పోస్టులను భర్తీ చేశారు. నాలుగు ఉపాధ్యక్ష పదవులకు ఎ.హేమలత, కళ్యాణి, సుధారాణి, ఫాతిమున్నిసాను, ఈసీ సభ్యురాలిగా శారదను కో ఆప్షన్‌ పద్ధతిలో నియమించారు. నూతనంగా ఎంపికై న వారు నేటి నుంచి జిల్లా కార్యవర్గ సభ్యులుగా కొనసాగుతారని నర్సుల సంఘం జిల్లా కార్యదర్శి పద్మజ తెలిపారు. బాపట్ల అడహక్‌ కమిటీ ఏర్పాటు బాపట్ల జిల్లా నర్సుల సంఘం నూతన కమిటి ఏర్పాటు చేసేందుకు అడహక్‌ కమిటి సభ్యులుగా ఐదుగురు సభ్యులను శుక్రవారం ఎంపిక చేశారు. గుంటూరు జీజీహెచ్‌లోని యూనియన్‌ కార్యాలయంలో జరిగిన సమావేశంలో నూతనంగా ఎన్నికై న అడహక్‌ కమిటి సభ్యులు సభ్యత్వాలు చేర్పించి, ఎన్నికలు నిర్వహించేందుకు ఏర్పాట్లు చేసుకోవాలని రాష్ట్ర అధ్యక్ష, కార్యదర్శులు రాధమ్మ, కోటమ్మ సూచించారు.

తెనాలిరూరల్‌: బాలికపై లైంగికదాడికి పాల్పడిన కేసులో నిందితుడికి 20 ఏళ్ల జైలు శిక్ష, రూ.55 వేల జరిమానా, సహకరించిన అతడి తల్లికి మూడేళ్ల జైలు శిక్ష, రూ.రెండు వేల జరిమానా విధిస్తూ న్యాయమూర్తి తీర్పు చెప్పారు. ప్రాసిక్యూషన్‌ కథనం మేరకు వివరాలు.. పట్టణానికి చెందిన బాలిక పదో తరగతి చదువుతుండగా ముత్తెంశెట్టిపాలేనికి చెందిన 25 ఏళ్ల గుమ్మడి శ్రీనుబాబు ప్రేమ పేరుతో పరిచయం అయ్యాడు. బాలికను రెండుసార్లు అతడి ఇంటికి తీసుకెళ్లి అతని తల్లి దుర్గకు పరిచయం చేయగా, తన కుమారుడిని పెళ్లి చేసుకోమని కోరింది. విషయం తెలుసుకున్న బాలిక తల్లిదండ్రులు ఆమెను గుంటూరులోని పిన్ని ఇంటికి పంపారు. పరీక్షలు ఉండడంతో తెనాలి తీసుకురాగా 2022 జనవరి 6వ తేదీ తెల్లవారుజామున బాలికను శ్రీనుబాబు తన వెంట ఇంటికి తీసుకెళ్లాడు. అతడి తల్లి దుర్గ ఖర్చులకు డబ్బు ఇచ్చి ఎక్కడికై నా వెళ్లి పెళ్లి చేసుకోమని చెప్పి పంపించింది. బాలికను రైలులో హైదరాబాద్‌ తీసుకెళ్లిన శ్రీనుబాబు అక్కడి ఓ గుడిలో బాలిక మెడలో పసుపుతాడు కట్టి ఇల్లు అద్దెకు తీసుకున్నాడు. బాలిక వద్దని వారించిన ఆమైపె లైంగిక దాడికి పాల్పడ్డాడు. బాలిక తల్లిదండ్రులు కేసు పెట్టారని తల్లి ద్వారా తెలుసుకున్న శ్రీనుబాబు అదే నెల 20వ తేదీన బాలికను తీసుకువచ్చి ఆమె ఇంటి సమీపంలో వదిలి వెళ్లాడు. కేసును అప్పటి వన్‌ టౌన్‌ ఎస్‌ఐ కె.చాణక్య నమోదు చేయగా, అప్పటి డీఎస్పీ కె.స్రవంతిరాయ్‌ దర్యాప్తు చేసి చార్జిషీటు దాఖలు చేశారు. కేసు శుక్రవారం విచారణకు రాగా, సాక్ష్యాధారాలను పరిశీలించి తెనాలి పోక్సో కోర్టు న్యాయమూర్తి నిందితుడు శ్రీనుబాబుకు 20 ఏళ్ల కారాగార శిక్ష, రూ.55 వేల జరిమానా, అతని తల్లికి మూడేళ్ల జైలు శిక్ష, రూ.రెండు వేల జరిమానా విధిస్తూ తీర్పు చెప్పారు. జరిమానా మొత్తం రూ. 57 వేలు బాలికకు ఇవ్వాలని, అలానే ప్రభుత్వం నెల రోజుల్లోగా బాలికకు రూ.ఐదు లక్షలు చెల్లించాలని ఆదేశించారు. ప్రాసిక్యూషన్‌ తరఫున స్పెషల్‌ పబ్లిక్‌ ప్రాసిక్యూటర్‌ వెలినేని రాఘవయ్య వాదించారు. హెబ్‌కానిస్టేబుళ్లు కె.సాంబశివరావు, కె.నరసింహారావు సహకరించారు. సహకరించిన తల్లికి మూడేళ్ల శిక్ష విధించిన తెనాలి పోక్సో కోర్టు న్యాయమూర్తి

ఎన్నికల నిబంధనలు అతిక్రమిస్తే నగరంపాలెం: జిల్లాలో ఎన్నికల ప్రచార గడువు ముగిసిందని, గడువు ముగిశాక ఎవరైనా ఎన్నికల నియమావళి ఉల్లంఘిస్తే చట్ట ప్రకారం చర్యలు తప్పవని జిల్లా ఎస్పీ వకుల్‌ జిందాల్‌ శుక్రవారం ఒక ప్రకటనలో హెచ్చరించారు. ఓటర్లకు నగదు, మద్యం, ఇతర వస్తువుల పంపిణీతో ప్రలోభాలకు గురిచేయడం నేరమని అన్నారు. ఇటువంటి దృశ్యాలు స్థానికంగా ఎదురైతే వెంటనే పోలీసులకు సమాచారం అందించాలని ఓటర్లను జిల్లా ఎస్పీ కోరారు. గుంటూరు నగరపాలక సంస్థ, తెనాలి మున్సిపాలిటీ పరిధిలో ఎన్నికలతో సంబంధం లేని బయటి వ్యక్తులకు అనుమతుల్లేవని స్పష్టంచేశారు. ఎన్నికలకు సంబంధించి రాజకీయ పార్టీలు, అభ్యర్థులకు ఏవైనా సమస్యలు, అభ్యంతరాలు/ అపోహలుంటే పోలీస్‌ అధికారులను సంప్రదించాలని చెప్పారు. తద్వారా సమస్యలు పరిష్కరించుకోవాలని, ఎవరూ కూడా చట్టాన్ని చేతుల్లోకి తీసుకోవద్దని అన్నారు. రాజకీయ పార్టీలు, అభ్యర్థులు/ మద్దతుదారులు పరస్పరం సంయమనం పాటించాలని చెప్పారు. ఎన్నికల్లో ఘర్షణలకు, అవాంఛనీయ ఘటనలకు అవకాశం కల్పించవద్దని అన్నారు. గుంటూరు, తెనాలిలో ఎన్నికలు ప్రశాంతంగా నిర్వహించేందుకు ముందస్తు చర్యలు పూర్తి చేశామని పేర్కొన్నారు. ఎన్నికల కమిషన్‌ మార్గదర్శకాలను ప్రతిఒక్కరూ పాటిస్తూ, పోలీస్‌ శాఖకు సహకరించాలని జిల్లా ఎస్పీ కోరారు. దూరవిద్యా కోర్సులకు దరఖాస్తులు ఆహ్వానం గుంటూరు రూరల్‌: ఆచార్య ఎన్జీరంగా వ్యవసాయ విశ్వవిద్యాలయం ద్వారా దూరవిద్యా విధానంలో విద్యను పొందేలా వ్యవసాయ సర్టిఫికెట్‌ కోర్సులను ప్రారంభించినట్లు విశ్వవిద్యాలయం రిజిస్ట్రార్‌ డాక్టర్‌ ఎ మణి శుక్రవారం ఒక ప్రకటనలో పేర్కొన్నారు. దూర విద్య ద్వారా ఆన్‌లైన్‌ విధానంలో సేంద్రియ వ్యవసాయం, తేనెటీగల పెంపకం, చిరుదాన్యాల ఉత్పత్తి ఆధారిత విలువల జోడింపు వంటి 8 వారాల (2నెలల) కోర్సులకు ఆసక్తిగల అభ్యర్థుల నుంచి దరఖాస్తులు ఆహ్వానిస్తున్నామన్నారు. ఆసక్తిగల అభ్యర్థులు రూ 1500 చొప్పున ఫీజు చెల్లించి కోర్సుకు పేరు నమోదు చేసుకోవాలన్నారు. అభ్యర్థులు తప్పనిసరిగా ఆన్‌లైన్‌ సదుపాయం కంప్యూటర్‌, ఆండ్రాయిడ్‌ ఫోన్‌, ఐపాడ్‌ కలిగి ఉండాలన్నారు. దరఖాస్తు చేసుకునేందుకు నవంబర్‌ 16వ తేదీ ఆఖరు తేదీగా నిర్ణయించారన్నారు. మరిన్ని వివరాలకు విశ్వవిద్యాలయం వెబ్‌సైట్‌ను కానీ, 7036689346, 8096085560 సెల్‌ నంబర్లకు ఉదయం 9 గంటలనుంచి సాయంత్రం 7 గంటల వరకూ మాత్రమే కాల్‌చేసి నమోదు చేసుకోవాలన్నారు. నల్లబెల్లం తరలిస్తున్న వాహనం సీజ్‌ ఇద్దరిపై కేసు నమోదు నెల్లికుదురు: అక్రమంగా నల్లబెల్లం తరలిస్తున్న వాహనం సీజ్‌ చేసి, ఇద్దరిపై కేసు నమోదు చేసిన సంఘటన మహబూబాబాద్‌ జిల్లా, నెల్లికుదురు మండలంలోని శ్రీరామగిరి వెళ్లే క్రాస్‌ రోడ్డు వద్ద శుక్రవారం చోటుచేసుకుంది. ఎస్సై జి.కరుణాకర్‌ తెలిపిన వివరాల ప్రకారం.. మండలంలోని శ్రీరామగిరి గ్రామం వెళ్లే క్రాస్‌ రోడ్డు వద్ద తనిఖీ చేస్తుండగా కారులో తొమ్మిది క్వింటాళ్ల నల్లబెల్లం, 20కిలోల పటిక, 5లీటర్ల గుడుంబా ఉన్నట్లు గుర్తించారు. కారులో ఉన్న వ్యక్తిని విచారించగా.. మంగళగిరికి చెందిన పరుచూరి రాకేష్‌మనోహర్‌, నెల్లికుదురు మండలం జామతండాకు చెందిన గుగులోతు నాగేష్‌తో కలిసి అక్రమ వ్యాపారం చేస్తున్నారు. కారును సీజ్‌ చేసి, ఇద్దరిపై కేసు నమోదు చేసినట్లు ఎస్సై తెలిపారు. పరారీలో ఉన్న నాగేష్‌ కోసం గాలిస్తున్న ఎస్సై వివరించారు. బీఎస్సీ, బీటెక్‌ అభ్యర్థులకు మాన్యువల్‌ కౌన్సెలింగ్‌ గుంటూరు రూరల్‌: ఆచార్య ఎన్జీరంగా వ్యవసాయ విశ్వవిద్యాలయం పరిధిలోని కళాశాలల్లో 2026–27 విద్యాసంవత్సరానికిగానూ బైపీసీ విభాగంలో ఏపీ ఎంసెట్‌ 2026 ర్యాంకుల ద్వారా బీఎస్సీ హానర్స్‌ అగ్రికల్చర్‌, బీటెక్‌ ఫుడ్‌ టెక్నాలజీలో ప్రవేఽశాలకు ఆన్‌లైన్‌లో రిజిస్టర్‌ చేసుకున్న అభ్యర్థులకు మాన్యువల్‌ కౌన్సెలింగ్‌ నవంబర్‌ 2వ తేదీన ఉదయం జరుగుతుందని విశ్వవిద్యాలయం రిజిస్ట్రార్‌ డాక్టర్‌ ఎ మణి శుక్రవారం ఒక ప్రకటనలో పేర్కొన్నారు. స్పెషల్‌ కేటగిరి పీడబ్ల్యూబీడీ, ఎన్‌సీసీ, స్కౌట్‌ అండ్‌ గైడ్స్‌, గేమ్స్‌, కాప్‌ అభ్యర్థులకు మధ్యాహ్నం నుంచి ఏపీ ఎంసెట్‌ ద్వారా మిగిలిన సీట్ల భర్తీకి మాన్యువల్‌ కౌన్సెలింగ్‌ జరుగుతుందన్నారు. 3వ తేదీనుంచి 11వ తేదీ వరకూ ఎన్నికలు, పండుగల సెలవుల కారణంగా కౌన్సెలింగ్‌ జరగదని తెలిపారు. మరిన్ని వివరాలకు విశ్వవిద్యాలయం వెబ్‌సైట్‌ను సందర్శించాలన్నారు.

మంగళగిరి టౌన్‌: చిన్న వయసులోనే అసాధారణ ప్రతిభను ప్రదర్శిస్తూ మంగళగిరికి చెందిన ఎల్‌కేజీ విద్యార్థి బిశ్వజిత్‌ జయ స్కంద జాతీయ స్థాయిలో గుర్తింపు పొందాడు. మంగళగిరిలోని బచ్‌పన్‌ – ఏహెచ్‌పీఎస్‌ పాఠశాలలో చదువుతున్న ఈ చిన్నారి తన అద్భుత నైపుణ్యంతో ‘ఇండియా బుక్‌ ఆఫ్‌ రికార్డ్స్‌–2026’లో చోటు సంపాదించుకున్నాడు. చిన్నారులకు ఆటపాటలే ప్రపంచంగా ఉండే వయసులోనే బిశ్వజిత్‌ తన జ్ఞాపకశక్తి, పరిశీలనా సామర్థ్యం, భౌగోళిక అంశాలపై ఆసక్తిని చాటుకున్నాడు. ప్రపంచ పటం, ఐరోపా ఖండానికి సంబంధించిన మ్యాప్‌లలో మొత్తం 75 దేశాలను, అలాగే 50 దేశాల జెండాలను ఎవరి సహాయం లేకుండా స్వయంగా గుర్తించి అమర్చడం ద్వారా తన ప్రతిభను నిరూపించుకున్నాడు. వీడియో ద్వారా రికార్డులకు దరఖాస్తు.. బాలుడిలోని అసాధారణ ప్రతిభను గుర్తించిన తల్లిదండ్రులు లక్ష్మీ భార్గవి, రామకృష్ణ అతడి నైపుణ్యాన్ని వీడియో రూపంలో చిత్రీకరించారు. అనంతరం ఆ వీడియోను ఇండియా బుక్‌ ఆఫ్‌ రికార్డ్స్‌–2026కు పంపించి రికార్డు కోసం దరఖాస్తు చేశారు. దీనిని పరిశీలించిన ఇండియా బుక్‌ ఆఫ్‌ రికార్డ్స్‌ తరుపున ప్రతినిధులు సుమారు పది రోజుల క్రితం పాఠశాలకు చేరుకున్నారు. అక్కడ చిన్నారి ప్రతిభను ప్రత్యక్షంగా పరీక్షించి, సంబంధిత నివేదికను తదుపరి పరిశీలన కోసం ఇండియా బుక్‌ ఆఫ్‌ రికార్డ్స్‌కు పంపించారు. శుక్రవారం రికార్డు ప్రకటన.. పాఠశాలలో నిర్వహించిన ప్రతిభా పరీక్షకు సంబంధించిన నివేదికను పరిశీలించిన ఇండియా బుక్‌ ఆఫ్‌ రికార్డ్స్‌ నిర్వాహకులు శుక్రవారం బిశ్వజిత్‌ జయ స్కందకు రికార్డుల్లో స్థానం కల్పిస్తూ అవార్డును ప్రకటించినట్లు బాలుడి తల్లిదండ్రులు, పాఠశాల యాజమాన్యం మీడియాకు తెలిపారు. ఇండియా బుక్‌ ఆఫ్‌ రికార్డ్స్‌లో బాలుడి స్ధానం కల్పించడంతో తల్లిదండ్రులు, పాఠశాల యాజమాన్యం, ఉపాధ్యాయులు ఆనందం వ్యక్తం చేశారు. ఎల్‌కేజీ చదువుతున్న దశలోనే ప్రపంచ దేశాల పటాలు, జాతీయ జెండాలపై అవగాహన కలిగి ఉండటం విశేషమని పలువురు అభినందిస్తున్నారు.

గుంటూరు ఎడ్యుకేషన్‌: గుంటూరు నగర సమగ్రాభివృద్ధి కోసం రాజకీయ అలజడులు, వర్గ విభేదాలు లేని స్వచ్ఛమైన పాలన అందించేందుకు నవంబర్‌ ఒకటో తేదీన జరగనున్న కార్పొరేషన్‌ ఎన్నికల్లో వైఎస్సార్‌ సీపీకి విజయం చేకూర్చాలని ఆ పార్టీ నేతలు ప్రజలకు పిలుపునిచ్చారు. శుక్రవారం బృందావన్‌ గార్డెన్స్‌ మెయిన్‌ రోడ్డులోని వైఎస్సార్‌ సీపీ జిల్లా కార్యాలయంలో మీడియా సమావేశంలో పార్టీ జిల్లా అధ్యక్షుడు అంబటి రాంబాబు, ఎమ్మెల్సీలు లేళ్ల అప్పిరెడ్డి, చంద్రగిరి ఏసురత్నం, మాజీ ఎంపీ మోదుగుల వేణుగోపాల్‌రెడ్డి, పార్టీ నగర అధ్యక్షురాలు షేక్‌ నూరి ఫాతిమా మాట్లాడారు. విజయంతో సరికొత్త పాలనకు నాంది ఎమ్మెల్సీ లేళ్ల అప్పిరెడ్డి మాట్లాడుతూ.. వైఎస్సార్‌ సీపీ విజయంతో నగరంలో సరికొత్త పాలనకు నాంది పలకాలని పిలుపునిచ్చారు. దీర్ఘకాలంగా పేరుకుపోయిన సమస్యలను పరిష్కరించడంలో కూటమి ప్రభుత్వం విఫలమైందని ఆరోపించారు. ప్రతి డివిజన్‌లో ప్రజలు వైఎస్సార్‌ సీపీకి బ్రహ్మరథం పడుతున్నారని, ఇదే ఉత్సాహాన్ని నవంబర్‌ ఒకటో తేదీన జరిగే కార్పొరేషన్‌ ఎన్నికల్లో పోలింగ్‌ బూత్‌లలో చూపించాలని కోరారు. గుంటూరు రూపురేఖలు మార్చేందుకు వైఎస్సార్‌ సీపీని గెలిపించాలని అన్నారు. కూటమికి ఓటు అడిగే హక్కు లేదు మాజీ ఎంపీ మోదుగుల వేణుగోపాలరెడ్డి మాట్లాడుతూ.. గుంటూరులో భూగర్భ డ్రైనేజీ వ్యవస్థ కోసం గతంలో కేంద్రం ఇచ్చిన రూ. వెయ్యి కోట్లు ఏమయ్యాయని ప్రశ్నించారు. కూటమికి ఓటు అడిగే హక్కు లేదని, నిరుద్యోగ భృతి, ఆడబిడ్డ నిధి ఏమయ్యాయని ప్రశ్నించారు. ప్రస్తుత ఎన్నికల్లో ఈవీఎంలు ఉంటే కూటమి నేతలు రిగ్గింగ్‌ చేసి, మాయ చేసి గెలిచేవారని ఆరోపించారు. తాను ఎంపీగా ఉండి ఉంటే శంకర్‌ విలాస్‌ను మెగా ఫ్లయ్‌ఓవర్‌గా నిర్మించేవాడినని, ఎంపీ పెమ్మసాని చంద్రశేఖర్‌కు ముందు చూపు లేకపోవడంతో అది సాధారణ బ్రిడ్జిగా మిగిలిపోతోందని అన్నారు. ఆయనకు ఆరాటం, ఆర్భాటం ఎక్కువని, ఆలోచన తక్కువని విమర్శించారు. ప్రజలకు సుపరిపాలన అందించిన తెల్లాకుల జాలయ్య వంటి పాలకుడిని, అమరజీవి శ్రీపొట్టి శ్రీరాములు వారసురాలిగా బరిలో నిలిచిన తాడికొండ శ్రీదేవిని గెలిపించాలని కోరారు. కూటమి పాలనలో వైఫల్యాలు షేక్‌ నూరి ఫాతిమా మాట్లాడుతూ.. తాడికొండ శ్రీదేవికి మేయర్‌ సీటు ఇవ్వడం ఆర్యవైశ్య సమాజానికి ఇచ్చిన గౌరవంగా భావించాలన్నారు. కూటమి పాలనా వైఫల్యాలపై ప్రజలు తీవ్ర అసంతృప్తితో ఉన్నారని, ఎన్నికల ప్రచారంలో ఎక్కడికి వెళ్లినా ప్రజలు ఇదే విషయాన్ని స్పష్టంగా చెబుతున్నారని అన్నారు. కూటమి పాలనను చూసిన ప్రజలు మరోసారి అదే తప్పు చేయరాదని, కార్పొరేషన్‌ ఎన్నికల్లో వైఎస్సార్‌ సీపీకి ఓటు వేసి కూటమికి గుణపాఠం చెప్పాలని పిలుపునిచ్చారు. గుంటూరు సమగ్రాభివృద్ధికి కృషి చేస్తా మేయర్‌ అభ్యర్థి తాడికొండ శ్రీదేవి మాట్లాడుతూ.. ఆర్యవైశ్యులను గుర్తించిన వైఎస్సార్‌ సీపీ నేతలు గృహిణిగా ఉన్న తనను మేయర్‌ అభ్యర్థిగా పోటీలో నిలిపి, వెన్నంటి ఉండి ముందుకు నడిపిస్తున్నారని అన్నారు. తనకు సీటు ఇచ్చిన వైఎస్‌ జగన్‌ రుణం తీర్చుకోలేనిదని చెప్పారు. ప్రచారంలో వెళ్లిన ప్రతి గడపలోనూ ప్రజలు ఫ్యాన్‌ గుర్తుకే ఓటు వేస్తామని చెబుతున్నారని అన్నారు. అందరూ ఫ్యాన్‌ గుర్తుకు ఓటు వేసి తనతోపాటు కార్పొరేటర్‌ అభ్యర్థులను గెలిపించాలన్నారు. సమావేశంలో పార్టీ సీనియర్‌ నాయకులు, అనుబంధ విభాగాల నాయకులు, పలువురు కార్పొరేటర్‌ అభ్యర్థులు పాల్గొన్నారు. ఈ సందర్భంగా అంబటి రాంబాబు మాట్లాడుతూ.. 76 డివిజన్లలో వైఎస్సార్‌ సీపీ కార్పొరేటర్‌ అభ్యర్థులతో పాటు మేయర్‌ అభ్యర్థి తాడికొండ అలివేలు వెంకట నాగ పద్మ శ్రీదేవికి అఖండ విజయం అందించాలని కోరారు. గుంటూరు మేయర్‌ పీఠం మహిళలకు రిజర్వ్‌ కావడంతో, వైఎస్సార్‌ సీపీ తరఫున ఆర్యవైశ్య కుటుంబానికి అవకాశం ఇవ్వాలని పార్టీ అధినేత వైఎస్‌ జగన్‌ నిర్ణయించారని చెప్పారు. గతంలో పాదర్తి రమేష్‌ గాంధీకి మేయర్‌గా అవకాశం ఇవ్వాలని భావించామని, ఆయన మరణంతో ఆర్యవైశ్యులకు ఇచ్చిన హామీని తాజాగా శ్రీదేవి ద్వారా ఆచరణలోకి తెచ్చామని అన్నారు. ఆస్తిపాస్తులు లేని సామాన్య కుటుంబానికి చెందిన గృహిణి, దైవభక్తి మెండుగా ఉండి, సామాజిక సేవా కార్యక్రమాల్లో చురుగ్గా పాల్గొంటున్న ఆర్యవైశ్య మహిళ తాడికొండ శ్రీదేవిని మేయర్‌ అభ్యర్థిగా పార్టీ తరఫున ఎంపిక చేశామని చెప్పారు. కూటమి ధనవంతులతో పోటీ పడుతున్న అతి సామాన్యురాలు శ్రీదేవిని మేయర్‌గా గెలిపించుకుందామని పిలుపునిచ్చారు. కార్పొరేషన్‌లో విజయం సాధించడం ద్వారా నగరంలో రాజకీయాలకు తావులేని పాలన అందిస్తామని హామీ ఇచ్చారు. కూటమి అభ్యర్థులు ఎన్నికల్లో గెలిచేందుకు డబ్బులు ఇస్తే తీసుకుని, ఓటు మాత్రం వైఎస్సార్‌ సీపీకే వేయాలని విజ్ఞప్తి చేశారు. శాంతికాముకులైన ఆర్యవైశ్యులతో గుంటూరులో అలజడికి తావుండదని, నగరాన్ని అన్ని రంగాల్లో సమగ్రంగా అభివృద్ధి చేస్తామని అన్నారు. ఆర్యవైశ్యులు బాధ్యత తీసుకుని శ్రీదేవిని గెలిపించాలని కోరారు. శ్రీదేవికి ఎన్నికల్లో డబ్బులు ఖర్చు చేసి తిరిగి సంపాదించాలనే ఆలోచన లేదని, బీసీ మహిళను కోడలిగా చేసుకున్న కుటుంబం వారిదని అన్నారు.

తాడేపల్లి రూరల్‌: త్రిదండి చిన్న జీయర్‌ స్వామి వారు శుక్రవారం తాడేపల్లి పట్టణం, సీతానగరంలోని విజయకీలాద్రి దివ్యక్షేత్రంలో భక్తులకు దివ్యమైన తీర్థగోష్టిని అనుగ్రహించారు. జీయర్‌ ఎడ్యుకేషనల్‌ ట్రస్ట్‌ మేనేజర్‌ పురాణం వెంకటచార్యులు మాట్లాడుతూ త్రిదండి చిన్న జీయర్‌ స్వామి వారు విజయకీలాద్రి దివ్యక్షేత్రానికి విచ్చేసి భక్తులకు తీర్థ గోష్టిని అన్రుగహించారని తెలిపారు. ఎన్నో సంవత్సరాలుగా స్వామివారి ఆధ్వర్యంలో నిర్వహిస్తున్న ఆధ్యాత్మిక, ధార్మిక, సేవా కార్యక్రమాల్లో తమవంతు సేవలను అందిస్తూ విశేష కైంకర్యం చేసిన రావ్‌ఫిన్‌ సత్యవతి పరమపదోత్సవ కార్యక్రమం నిర్వహించామన్నారు. చిన్న జీయర్‌స్వామి వారు భక్తులందరికీ మంగళాశాసనాలు అందించారని తెలిపారు. మంగళగిరి టౌన్‌: దేశ రక్షణ, ప్రజల భద్రత కోసం విధి నిర్వహణలో ప్రాణాలనే త్యాగం చేసిన పోలీసు అమరవీరుల సేవలను స్మరించుకుంటూ మంగళగిరిలోని ఆరో బెటాలియన్‌లో శుక్రవారం కొవ్వొత్తుల ర్యాలీ నిర్వహించారు. ఈ నెల 21న నిర్వహించిన పోలీసు అమరవీరుల దినోత్సవాన్ని పురస్కరించుకుని కొనసాగుతున్న అమరవీరుల వారోత్సవాల్లో భాగంగా ఆరో బెటాలియన్‌ కమాండెంట్‌ ఎ.మురళి ఆధ్వర్యంలో ఈ కార్యక్రమం జరిగింది. బెటాలియన్‌ అధికారులు, సిబ్బంది కొవ్వొత్తులు చేతబట్టి ర్యాలీలో పాల్గొని అమరుల త్యాగాలను స్మరించుకున్నారు. ప్రజల ప్రాణాలు, ఆస్తుల రక్షణ కోసం తమ జీవితాలను అంకితం చేసిన పోలీసు అమరవీరుల సేవలు చిరస్మరణీయమని పేర్కొన్నారు. విధి నిర్వహణలో వారు ప్రదర్శించిన ధైర్యసాహసాలు, అంకితభావం, నిబద్ధత ప్రతి పోలీసు సిబ్బందికి ఎల్లప్పుడూ స్ఫూర్తిదాయకమని గుర్తుచేశారు. కార్యక్రమంలో అడిషనల్‌ కమాండెంట్‌ డి.ఆశీర్వాదం, అసిస్టెంట్‌ కమాండెంట్లు, బెటాలియన్‌ అధికారులు, సిబ్బంది పెద్ద సంఖ్యలో పాల్గొన్నారు. ఏఎన్‌యూ(పెదకాకాని): ఏఎన్‌యూ పరిధిలో మార్చి 2026లో నిర్వహించిన ఎల్‌ఎల్‌బీ ఆనర్స్‌ మొదటి సెమిస్టర్‌ రెగ్యులర్‌ పరీక్షల ఫలితాలను వర్సిటీ పరీక్షల నియంత్రణ అధికారి ఎ వెంకటేశ్వర్లు శుక్రవారం విడుదల చేశారు. బీఏ ఎల్‌ఎల్‌బీ ఆనర్స్‌ మొదటి సెమిస్టర్‌కు 61 మంది హాజరు కాగా 55 మంది, బీబీఏ ఎల్‌ఎల్‌బీ ఆనర్స్‌ పరీక్షకు 31 మంది హాజరు కాగా 22 మంది ఉత్తీర్ణులయ్యారన్నారు. అభ్యర్థులు రీవాల్యుయేషన్‌కు నవంబరు 12వ తేదీలోగా దరఖాస్తు చేసుకోవాలన్నారు. ఒక్కొక్క సబ్జెక్ట్‌కు ఫీజు రూ.1060గా నిర్ణయించినట్లు తెలిపారు. వ్యక్తిగత వెరిఫికేషన్‌కు రూ.2190 చెల్లించాలని తెలిపారు. ఇంద్రకీలాద్రి(విజయవాడపశ్చిమ): ఇంద్రకీలాద్రిపై కొలువై ఉన్న దుర్గమ్మకు పల్నాడు జిల్లా నరసరావుపేటకు చెందిన కె.జగన్మోహనరెడ్డి కుమార్తె కె.శ్రీవర్షిణి కుటుంబ సభ్యులు శుక్రవారం రూ.14 లక్షల విలువైన బంగారు హారాన్ని కానుకగా సమర్పించారు. ఆలయ అధికారులను కలిసి సుమారు వందగ్రాముల బంగారంతో తయారు చేయించిన హారాన్ని అందజేశారు. అనంతరం దాతలకు ఆలయ మర్యాదలతో అమ్మవారి దర్శనం కల్పించారు. వేద పండితుల ఆశీర్వచనం అనంతరం దాతలకు ఆలయ ఉపప్రధానార్చకులు బి. శంకరశాండిల్య అమ్మవారి చిత్రపటం, ప్రసాదాలు బహూకరించారు.

గుంటూరు ఎడ్యుకేషన్‌: గుంటూరు నగరానికి ప్రత్యేక గుర్తింపు తెచ్చిన శంకర్‌ విలాస్‌ బ్రిడ్జి కనుమరుగై ఏడాదిన్నర గడుస్తోంది. ఏడు దశాబ్దాలపాటు ప్రజా రవాణాలో కీలకపాత్ర పోషించిన చారిత్రక శంకర్‌ విలాస్‌ రైల్వే ఓవర్‌ బ్రిడ్జి విషయంలో విజన్‌ లేని కూటమి సర్కారు చర్యలతో ప్రజలకు సమస్యలు తప్పడం లేదు. పెరుగుతున్న నగర వాసుల రవాణా అవసరాలకు అనుగుణంగా శంకర్‌విలాస్‌ ఆర్వోబీ స్థానంలో నాలుగు లైన్లతో నూతన ఆర్వోబీని నిర్మించాలని ప్రతిపాదించిన కూటమి ప్రభుత్వం.. గతేడాది ఆగస్టులో బ్రిడ్జ్‌ను కూల్చివేసింది. అనంతరం నూతన బ్రిడ్జ్‌ నిర్మాణ పనుల్లో భాగంగా అరండల్‌పేట, బ్రాడీపేటను అనుసంధానం చేస్తూ ఉన్న రోడ్లను క్రమంగా మూసివేసి, పిల్లర్ల నిర్మాణాలను చేపట్టారు. రెండు వైపులా పిల్లర్ల నిర్మాణాలు చేపట్టడంతో ద్విచక్ర వాహనాలు, కార్లు, ఆటోలకు సైతం ఇబ్బందులు ఎదురయ్యాయి. ముందు చూపు లేని పాలకుల చర్యలతో 70 ఏళ్ల పాటు సేవలందించిన మహా నిర్మాణం చరిత్రగా మిగిలిపోయింది. నాలుగు లేన్లతో కూడిన బ్రిడ్జి నిర్మిస్తామని పనులు చేపట్టిన ప్రభుత్వం దానిని వచ్చే ఏడాది జూలై నాటికి అందుబాటులోకి తెస్తామని ప్రకటించింది. కాగా నష్ట పరిహారం ఇవ్వకుండా, వ్యాపారులను భయపెట్టి నిర్బంధంగా కొనసాగుతున్న బ్రిడ్జి నిర్మాణ పనులపై రేట్‌ పేయర్స్‌ అసోసియేషన్లు, వ్యాపార వర్గాలు, నిర్వాసితులు, ఆటో కార్మికులు, దుకాణాల్లో ఉపాధి కోల్పోయిన కార్మికులు కుటుంబాలు కూటమి ప్రభుత్వం వ్యవహరించిన తీరుపై వ్యతిరేకంగా ఉన్నాయి. కళ కోల్పోయిన కూడలి గుంటూరు తూర్పు, పశ్చిమ నియోజకవర్గాలకు అనుసంధానంగా ఉన్న శంకర్‌విలాస్‌ బ్రిడ్జి ముఖ్యమైన కూడలితో పాటు 10 లక్షలకుపైగా జనాభా ఉన్న గుంటూరు నగరంలో అత్యంత కీలకమైన ప్రాంతం. విద్యార్థులు, కార్మికులు, ఉద్యోగస్తులు, వ్యాపారుల నిత్య జీవితంలో అంతర్భాగం. నిత్యం వేల మంది ప్రజల రాకపోకలతో సందడిగా ఉండే ఆ ప్రాంతం ఏడాదిన్నరగా కళను కోల్పోయింది. బ్రిడ్జ్‌ నిర్మాణ పనుల కారణంగా చేపట్టిన విస్తరణలో రెండు వైపులా దుకాణాలను కూల్చి వేయడంతో వ్యాపారులు ఆర్థికంగా దెబ్బతిన్నారు. సొంత దుకాణాలు ఉన్న వ్యాపారులు మిగిలిన స్థలంలో దుకాణాలను నిర్మించుకోగా, అద్దెకు ఉంటున్న వ్యాపారులు అక్కడి నుంచి తరలారు. కార్మికులు పొట్ట చేత్తో పట్టుకుని వెళ్లిపోయారు. భవిష్యత్తు అవసరాలను దృష్టిలో ఉంచుకుని మెగా ఫ్లయ్‌ ఓవర్‌ నిర్మించాలని వ్యాపార, వాణిజ్య, ఉద్యోగ, కార్మిక, ప్రజా సంఘాలు చేసిన విజ్ఞప్తులను కూటమి సర్కారు బుట్టదాఖలు చేసింది. వందేళ్ల ట్రాఫిక్‌, ప్రజా అవసరాలకు అనుగుణంగా మెగా ఫ్లయ్‌ ఓవర్‌ నిర్మించాలని చేసిన విజ్ఞప్తులు, డిమాండ్లను ఏ మాత్రం ఖాతరు చేయకుండా ఏకపక్షంగా ముందుకు వెళ్లింది. గుంటూరు ఎంపీ, కేంద్ర సహాయ మంత్రి పెమ్మసాని చంద్రశేఖర్‌ ఏకపక్ష చర్యలతో నగర ప్రజలు మెగా ఫ్లయ్‌ ఓవర్‌ ప్రాజెక్టును కోల్పోయారు. గతంలో రూ.167 కోట్లతో 1.4 కిలోమీటర్ల పొడువుతో ప్రతిపాదించిన మెగా ఫ్లయ్‌ ఓవర్‌ స్థానంలో రూ.98 కోట్ల సేతు బంధన్‌ ప్రాజెక్టు ద్వారా 930 మీటర్లకు కుదించిన నాలుగు లేన్ల సాధారణ బ్రిడ్జ్‌గా మారిపోయింది. మెగా ఫ్లయ్‌ ఓవర్‌ ప్రాజెక్టులో రెండు వైపులా ఆర్‌యూబీలు ఉన్నాయి. సింగల్‌ పిల్లర్‌తో ఫ్లయ్‌ ఓవర్‌ నిర్మించడం ద్వారా ట్రాఫిక్‌కు ఎటువంటి ఇబ్బందులు, వాహనాల పార్కింగ్‌ సమస్య, సర్వీసు రోడ్డు సమస్యలు తలెత్తేవి కావు. గుంటూరుకు రాష్ట్ర ప్రభుత్వం నుంచి పైసా నిధులు ఇవ్వకుండా కేంద్రం ఇచ్చిన రూ.98 కోట్లతో రాజీపడి నిర్మిస్తున్న ఆర్వోబీ కారణంగా భవనాలు కోల్పోతున్న వ్యాపారస్తులు, యజమానులకు రూ.40 కోట్ల మేరకు నష్టపరిహారం చెల్లించాల్సి వచ్చిందని, ఆ మొత్తాన్ని కలుపుకొంటే మెగా ఫ్లయ్‌ ఓవర్‌ నిర్మించవచ్చునని బెటర్‌ శంకర్‌ విలాస్‌ ఫ్లయ్‌ ఓవర్‌ జేఏసీ ప్రతినిధులు, వ్యాపార వర్గాలు మొత్తుకున్నారు. అయినప్పటికీ పాలకులు, అధికారులు ఖాతరు చేయలేదు. బ్రిడ్జ్‌ నిర్మాణం కారణంగా భవనాలు కోల్పోయిన యజమానులకు నష్టపరిహారం చెల్లించకపోవడంతో పాటు ఆర్‌యూబీ నిర్మిస్తామని మాట తప్పిన అధికార యంత్రాంగానికి వ్యతిరేకంగా దాఖలు చేసిన కేసులు హైకోర్టులో విచారణలో ఉన్నాయి. ఏకపక్ష చర్యలపై హైకోర్టు పలుమార్లు ప్రభుత్వానికి మొట్టికాయలు వేసింది. అయినా తమకు పట్టదన్నట్లుగా ఏకపక్షంగా పనులు చేసుకుంటూ పోతున్నారు. సరైన ప్రణాళిక, భూ సేకరణకు నోటిఫికేషన్‌ లేకుండా ఏకపక్షంగా కూల్చివేత, నిర్మాణ పనులు చేపట్టారు. నగర ప్రజలు ఏడాదిన్నగా ట్రాఫిక్‌ సమస్యలతో నరకాన్ని చవిచూస్తున్నారు. రాజధాని చెంతనే ఉన్నా గుంటూరు నగరంలో మెగా ఫ్లయ్‌ ఓవర్‌ నిర్మాణానికి చంద్రబాబు సర్కారు పైసా నిధులు కేటాయించకపోవడం దారుణమని ప్రజలు తీవ్ర అసంతృప్తి వ్యక్తం చేస్తున్నారు.

గుంటూరు వెస్ట్‌: గుంటూరు నగరపాలక సంస్థ, తెనాలి మున్సిపాలిటీలకు నవంబర్‌ 1వ తేదీన నిర్వహించనున్న మున్సిపల్‌ ఎన్నికలకు అన్ని ఏర్పాట్లు పూర్తి చేశామని జిల్లా కలెక్టర్‌ సీఎం సాయికాంత్‌ వర్మ తెలిపారు. శుక్రవారం స్థానిక కలెక్టరేట్‌లోని వీసీ హాల్లో నిర్వహించిన విలేకరుల సమావేశంలో జిల్లా కలెక్టర్‌ మాట్లాడుతూ ప్రశాంతమైన ఓటింగ్‌కు సిద్ధంగా ఉన్నామని చెప్పారు. ఏమైనా ఇబ్బందులను సృష్టించేందుకు ఎవ్వరు ప్రయత్నించినా తీవ్ర పరిణామాలు తప్పవని హెచ్చరించారు. జీఎంసీ పరిధిలో 596 పోలింగ్‌ స్టేషన్లు ఏర్పాటు చేయగా, 4,514 మంది పోలింగ్‌ సిబ్బందిని నియమించినట్లు తెలిపారు. తెనాలి మున్సిపాలిటీ పరిధిలో 185 పోలింగ్‌ కేంద్రాలను ఏర్పాటు చేసి, 1,185 మంది సిబ్బందిని కేటాయించామన్నారు. రెండు ప్రాంతాల్లో పోలింగ్‌ నిర్వహణకు అవసరమైన ఏర్పాట్లు పూర్తి చేశామన్నారు. అక్టోబర్‌ 31న ఎన్నికల సామగ్రిని పంపిణీ చేయనున్నట్లు తెలిపారు. గుంటూరులో 76 వార్డులు, తెనాలిలో 52 వార్డులు కలిపి మొత్తం 128 వార్డులు ఉండగా, తెనాలిలో ఒక వార్డు ఏకగ్రీవమైనందున మిగిలిన వాటికి ఎన్నికలు నిర్వహించనున్నట్లు వివరించారు. 7.75 లక్షల మందికి పైగా ఓటర్లు కలెక్టర్‌ మాట్లాడుతూ జీఎంసీ పరిధిలో 6,18,714 మంది, తెనాలి మున్సిపాలిటీలో 1,57,089 మంది తమ ఓటు హక్కును వినియోగించుకోనున్నట్లు తెలిపారు. ఓటర్‌ స్లిప్పుల పంపిణీ గుంటూరులో 70 శాతం, తెనాలిలో 87 శాతం పూర్తయిందని చెప్పారు. మున్సిపల్‌ ఎన్నికల ఓట్ల లెక్కింపు నవంబర్‌ 3వ తేదీన నిర్వహించనున్నట్లు పేర్కొన్నారు. గుంటూరు ఎన్నికల కోసం ఆచార్య నాగార్జున విశ్వవిద్యాలయంలో రిసెప్షన్‌ కేంద్రం, స్ట్రాంగ్‌ రూమ్‌, కౌంటింగ్‌ కేంద్రాలను ఏర్పాటు చేసినట్లు తెలిపారు. తెనాలి మున్సిపాలిటీ ఓట్ల లెక్కింపు కోసం వీఎస్‌ఆర్‌ కళాశాలలో ఏర్పాట్లు చేసినట్లు పేర్కొన్నారు. ఎన్నికల విధుల్లో పాల్గొనే సిబ్బంది తమ ఓటు హక్కును వినియోగించుకునేందుకు శుక్ర, శనివారాల్లో అన్ని మండలాల్లో పోస్టల్‌ బ్యాలెట్‌ ఓటర్‌ ఫెసిలిటేషన్‌ కేంద్రాలను ఏర్పాటు చేశామన్నారు. పటిష్ట భద్రతా చర్యలు ఎన్నికల నిర్వహణలో ఎలాంటి అవాంఛనీయ సంఘటనలు జరగకుండా సమస్యాత్మక, అతి సమస్యాత్మక పోలింగ్‌ కేంద్రాలను గుర్తించి వెబ్‌ కెమెరాలను ఏర్పాటు చేసినట్లు జిల్లా కలెక్టర్‌ పేర్కొన్నారు. మున్సిపల్‌ ఎన్నికల భద్రత కోసం సుమారు 1,200 మంది పోలీసు సిబ్బందిని విధుల్లో నియమిస్తున్నట్లు తెలిపారు. ఫ్లయింగ్‌ స్క్వాడ్లు, నిఘా బృందాలు ఏర్పాటు చేసినట్లు వెల్లడించారు. గుంటూరు, తెనాలి ప్రజలందరూ ఎన్నికల్లో చురుకుగా పాల్గొని తమ ఓటు హక్కును నిర్భయంగా, స్వేచ్ఛగా వినియోగించుకోవాలని విజ్ఞప్తి చేశారు. ఎన్నికల నియమావళిని ప్రతి ఒక్కరూ పాటిస్తూ, ప్రశాంత వాతావరణంలో ఎన్నికలు జరిగేందుకు సహకరించాలని కోరారు. సమావేశంలో జిల్లా రెవెన్యూ అధికారి ఎన్‌ఎస్‌కే ఖాజావలి పాల్గొన్నారు.

మంగళగిరి టౌన్‌ : మంగళగిరి మండలం కాజా టోల్‌గేట్‌ సమీపంలో రూ.15 లక్షల నగదు దోపిడీకి పాల్పడిన ముగ్గురు నిందితులను మంగళగిరి రూరల్‌ పోలీసులు గురువారం అరెస్ట్‌ చేశారు. నగదు తరలింపు విషయాన్ని ముందుగానే తెలుసుకున్న బాధితుడి డ్రైవర్‌ తన ఇద్దరు స్నేహితులతో కలిసి పథకం రచించాడు. మఫ్టీలో ఉన్న పోలీసులమంటూ అకౌంటెంట్‌ను బెదిరించి నగదు అపహరించినట్లు దర్యాప్తులో వెల్లడైంది. నిందితుల నుంచి రూ.15 లక్షల నగదు, మూడు సెల్‌ఫోన్లు, నేరానికి ఉపయోగించిన నలుపు రంగు ద్విచక్రవాహనాన్ని స్వాధీనం చేసుకున్నారు. ఈ మేరకు మంగళగిరి రూరల్‌ పోలీస్‌స్టేషన్‌లో గురువారం విలేకరుల సమావేశం ఏర్పాటు చేశారు. ఈ సందర్భంగా నార్త్‌ సబ్‌ డివిజన్‌ డీఎస్పీ కె. వెంకటేశ్వర్లు, రూరల్‌ సీఐ చిరుమామిళ్ల వెంకటేశ్వర్లుతో కలిసి వివరాలు వెల్లడించారు. డ్రైవర్‌ నుంచే నగదు సమాచారం... గుంటూరు నగరంలోని ఆర్టీసీ కాలనీకి చెందిన షేక్‌ అన్వర్‌ ఆరెంజ్‌ స్టీల్‌ ఇండియా ప్రైవేట్‌ లిమిటెడ్‌ సంస్థను నిర్వహిస్తున్నారు. అదే సంస్థలో అకౌంటెంట్‌గా పనిచేస్తున్న రఫీఉల్లా యజమాని సూచన మేరకు ఈ నెల 26న రూ.15 లక్షలను నల్ల బ్యాగులో పెట్టి తన స్కూటీ డిక్కీలో ఉంచుకుని కాజా టోల్‌గేట్‌ వద్దకు వచ్చాడు. ఈ విషయం ముందుగానే తెలుసుకున్న అన్వర్‌ వద్ద డ్రైవర్‌గా పనిచేస్తున్న షేక్‌ జానీ తన స్నేహితులైన షేక్‌ సూరజ్‌, షేక్‌ నాగూర్‌బాషాలతో కలిసి నగదు కాజేయాలని నిర్ణయించుకున్నాడు. ఎన్నికల కోడ్‌ పేరుతో బెదిరింపులు.... పథకంలో భాగంగా సూరజ్‌, నాగూర్‌బాషాలు మఫ్టీలో వచ్చి తాము పోలీసులమని రఫీఉల్లాను నమ్మించే ప్రయత్నం చేశారు. ఎన్నికల కోడ్‌ అమల్లో ఉండగా పెద్ద మొత్తంలో నగదు తరలిస్తున్నావంటూ బెదిరించి ఘర్షణకు దిగారు. అతని వద్ద ఉన్న రెండు సెల్‌ఫోన్లను లాక్కొని నగదును స్వాధీనం చేసుకునేందుకు ప్రయత్నించారు. అనంతరం నాగార్జున యూనివర్సిటీ సమీపంలో రఫీఉల్లా స్కూటీని అడ్డగించి మరోసారి భయభ్రాంతులకు గురిచేశారు. డిక్కీ పగులగొట్టి నగదుతో పరార్‌... డ్రైవర్‌ జానీ సూచనల మేరకు మిగిలిన ఇద్దరూ మరోసారి రఫీఉల్లాను అడ్డుకుని దాడికి దిగారు. అతని చొక్కా చించి, చంపేస్తామంటూ హెచ్చరించారు. ఈ క్రమంలో జానీ బాధితుడి దృష్టిని మరల్చగా, సూరజ్‌, నాగూర్‌ భాషలు స్కూటీ డిక్కీని బలవంతంగా పగులగొట్టి అందులోని రూ.15 లక్షల నగదుతో కూడిన నల్ల బ్యాగును తీసుకుని విజయవాడ వైపు పారిపోయారు. చినకాకాని వద్ద పట్టివేత.... బాధితుడి ఫిర్యాదుతో కేసు నమోదు చేసిన మంగళగిరి రూరల్‌ పోలీసులు దర్యాప్తు చేపట్టారు. ఇందులో భాగంగా గురువారం చినకాకాని గ్రామంలోని రాజ్‌కమల్‌ రోడ్డు సమీపంలో ముగ్గురిని అదుపులోకి తీసుకున్నారు. అరెస్టయిన వారిలో షేక్‌ జానీ, షేక్‌ సూరజ్‌, షేక్‌ నాగూర్‌ భాషలు ఉన్నారు. వారి నుంచి రూ.15 లక్షల నగదు, మూడు సెల్‌ఫోన్లు, నేరానికి వినియోగించిన స్కూటీని స్వాధీనం చేసుకున్నట్లు డీఎస్పీ తెలిపారు. ఈ కేసు దర్యాప్తులో రూరల్‌ సీఐ చిరుమామిళ్ల వెంకట్‌, ఎస్‌ఐలు రవితేజ, నవీన్‌ నాయక్‌, ఏఎస్‌ఐ రత్నరాజు, హెడ్‌ కానిస్టేబుళ్లు రాము, చలమారావు, శ్యామ్‌, హోంగార్డు వీరయ్య పాల్గొన్నారు. కేసును ఛేదించిన సిబ్బందిని డీఎస్పీ వెంకటేశ్వర్లు అభినందించారు.

నగరంపాలెం: జిల్లాలో వచ్చేనెల ఒకటిన జరగనున్న ఎన్నికలు దృష్ట్యా ముందస్తుగా పోలీస్‌ భద్రతా చర్యలు చేపట్టాలని జిల్లా ఎస్పీ వకుల్‌ జిందాల్‌ స్పష్టం చేశారు. గురువారం నగరంపాలెం జిల్లా పోలీస్‌ కార్యాలయం నుంచి సెల్‌ కాన్ఫరెన్‌న్స్‌ ద్వారా పోలీస్‌ అధికారులతో మాట్లాడారు. జిల్లా ఎస్పీ మాట్లాడుతూ ప్రతి పోలీస్‌స్టేషన్‌ పరిధిలో శాంతి భద్రతలకు విఘాతం కలిగించే వ్యక్తులను గుర్తించాలని అన్నారు. చట్ట ప్రకారం వారిపై బైండోవర్‌ చర్యలు చేపట్టాలని ఆదేశించారు. ఎన్నికల పోలింగ్‌కు ఆటంకం కలిగించే వ్యక్తులపై ప్రత్యేక నిఘా ఉండాలన్నారు. పోలింగ్‌ కేంద్రాలకు వంద మీటర్ల పరిధిలో, ఓటర్ల క్యూలైన్లల్లో ఎన్నికల ప్రచారం చేయకుండా పర్యవేక్షించాలని చెప్పారు. ప్రతి పోలింగ్‌ కేంద్రం వద్ద పబ్లిక్‌ అడ్రస్‌ సిస్టమ్‌ ఏర్పాటు చేయాలన్నారు. పార్టీ గుర్తుల్లేని ఓటర్‌ స్లిప్‌లు పోలింగ్‌ కేంద్రాలకు 200 మీటర్ల దూరంలో పంపిణీ చేయాలని అన్నారు. ఎన్నికలకు 48 గంటల ముందే మద్యం దుకాణాలు మూసివేయాలని చెప్పారు. మద్యం అక్రమ నిల్వలు, విక్రయాలు, పంపిణీపై ప్రత్యేక నిఘా వేయాలని అన్నారు. ఈనెల 31 నుంచి మొబైల్‌ పార్టీలు, స్ట్రైకింగ్‌ ఫోర్స్‌ నిరంతరం పర్యటించాలని అన్నారు. నేర చరిత్ర ఉన్న వ్యక్తులు, రౌడీషీటర్లను ఎన్నికల ఏజెంట్లుగా నియమించవద్దని సూచించారు. సున్నిత, అత్యంత సున్నితమైన పోలింగ్‌ కేంద్రాలలో అదనపు భద్రతా చర్యలు చేపట్టాలని అన్నారు. ఎన్నికల విధులకు హాజరయ్యే ప్రతి పోలీస్‌ సిబ్బంది వద్ద లాఠీ, విజిల్‌ ఉండాలని చెప్పారు. ప్రతి పోలీస్‌ అధికారి, సిబ్బంది సమర్థ్‌ యాప్‌ను డౌన్‌న్‌ లోడ్‌ చేసుకోవాలని అన్నారు. ప్రజలు ఎటువంటి భయాలు, ఒత్తిళ్లు, ప్రలోభాలకు గురికావద్దని అన్నారు. స్వేచ్ఛగా ఓటు హక్కును వినియోగించుకోవాలని ఓటర్లను కోరారు. ఆర్థికబలమే ప్రామాణికం జాబితా పెద్దదే... సస్పెన్షన్‌ బాట గుంటూరు నగరంలో 133 మంది స్వతంత్ర అభ్యర్థులు

● నా ఇంటిపై దాడి చేసిన వారి అరెస్టు కోరుతూ నాడు ధర్నా ● అనుమతి లేకుండా ధర్నా చేశానంటూ నాపైనే కేసు ● వినతి పాదయాత్ర చేస్తానని చెప్పాను.. కచ్చితంగా చేస్తా ● స్థానిక ఎన్నికల్లో జనసేన, బీజేపీ వారిపైనా టీడీపీ నేతల దాడులు ● నగరంపాలెం పోలీస్‌ స్టేషన్‌ వద్ద విలేకరులతో అంబటి రాంబాబు లక్ష్మీపురం: తన ఇంటిపై దాడి చేసిన వారిని అరెస్ట్‌ చేయాలని కోరుతూ జిల్లా కలెక్టరేట్‌ వద్ద చేసిన ధర్నాకు సంబంధించి, అనుమతి లేకుండా ధర్నా చేశానంటూ నగరంపాలెం పోలీసులు కేసు నమోదు చేశారని మాజీ మంత్రి, వైఎస్సార్‌ సీపీ జిల్లా అధ్యక్షుడు అంబటి రాంబాబు తెలిపారు. కక్షపూరితంగానే తనపై అడ్డగోలు కేసులు పెడుతున్నారని పేర్కొన్నారు. ధర్నా కేసుకు సంబంధించి ఆధార్‌ కార్డును స్వయంగా అందజేసేందుకు వచ్చినట్లు వివరించారు. ఈ మేరకు నగరంపాలెం పోలీస్‌ స్టేషన్‌లో గురువారం సీఐ రాజేష్‌కు ఆధార్‌ కార్డు అందజేశారు. అనంతరం స్టేషన్‌ బయట విలేకరుల సమావేశంలో ఆయన మాట్లాడుతూ.. తనపై క్రైమ్‌ నంబర్‌ 137/2026తో కేసు నమోదు చేసి 14 రోజుల క్రితం నోటీసు అందజేశారని తెలిపారు. ఆ నోటీసులో 14 రోజులలోపు నగరంపాలెం పోలీస్‌ స్టేషన్‌కు హాజరై గుర్తింపు కార్డు అందజేయాలని కోరారని, లేని పక్షంలో చట్ట ప్రకారం చర్యలు తీసుకుంటామని పేర్కొన్నారని చెప్పారు. అందుకే ఆధార్‌ అందజేసినట్లు తెలిపారు. తన ఇంటిపై దాడి చేసి, ఆస్తులను ధ్వంసం చేసి, కుటుంబంపై దాడికి పాల్పడిన వారిపై చర్యలు తీసుకోవాలని జిల్లా కలెక్టరేట్‌ వద్ద ధర్నా చౌక్‌లో నిరాహార దీక్ష చేసినట్లు గుర్తుచేశారు. ముందుగా అనుమతి కోరగా, అధికారులు నిరాకరించారని తెలిపారు. తన ఇంటి నుంచి డీజీపీ కార్యాలయం వరకు పాదయాత్రగా వెళ్లి వినతిపత్రం ఇవ్వాలని అనుకున్నప్పటికీ, మధ్యలో గుండె సంబంధిత సమస్య రావడంతో పాదయాత్రను వాయిదా వేసినట్లు తెలిపారు. కచ్చితంగా పాదయాత్ర చేస్తానని స్పష్టం చేశారు. తనపై తప్పుడు కేసులు బనాయిస్తున్నారని, ఎక్కడెక్కడ ఎన్ని కేసులు నమోదు చేశారో కూడా తెలియడం లేదని అన్నారు. కూటమి ప్రభుత్వం చేస్తున్న దమనకాండపై పోరాడుతానని చెప్పారు. జనసేన, బీజేపీ నేతలపై టీడీపీ వారి దాడులు స్థానిక సంస్థల ఎన్నికల్లో నామినేషన్లు వేయడానికి వెళ్లిన వైఎస్సార్‌ సీపీ నాయకులపై దాడులు చేస్తున్నారని అంబటి ఆరోపించారు. అధికారులు, పోలీసుల సమక్షంలోనే నామినేషన్‌ పత్రాలను చింపివేయడం, కార్లను తగులబెట్టడం వంటి దుర్మార్గపు చర్యలకు పాల్పడుతున్నారని తెలిపారు. కూటమిలోని బీజేపీ, జనసేన నాయకులపై కూడా టీడీపీ నేతలు దాడులు చేసి భయభ్రాంతులకు గురిచేస్తున్నారని అన్నారు. టీడీపీ నాయకులు అధికారం కోసం మట్టి, ఇసుక అమ్ముకోవడానికి, డబ్బులు వసూలు చేసుకోవడానికి ఈ స్థాయికి దిగజారిపోయారని విమర్శించారు. ప్రజలు ఈ విషయాలను అర్థం చేసుకుని స్థానిక సంస్థల ఎన్నికల్లో టీడీపీకి తగిన గుణపాఠం చెప్పడం తథ్యమని అన్నారు. చంద్రబాబుకు అదే పని... చంద్రబాబు మైక్‌ ముందుకు వచ్చి షర్మిలకు అన్యాయం చేశారని చెబుతున్నారని అంబటి గుర్తుచేశారు. రాష్ట్ర అభివృద్ధిని పక్కనపెట్టి కుటుంబ సమస్యల గురించి మాట్లాడటం విడ్డూరంగా ఉందని విమర్శించారు. చంద్రబాబు కుటుంబంలో సమస్యలు లేవా, విభేదాలు లేవా అని ప్రశ్నించారు. ఎన్టీఆర్‌కు వెన్నుపోటు పొడిచిన చంద్రబాబుకు కుటుంబ విభేదాల గురించి మాట్లాడే నైతికత లేదని స్పష్టం చేశారు. రాష్ట్రంలో సూపర్‌ సిక్స్‌ హామీలపై దృష్టి పెట్టకుండా, హింసాత్మక ఘటనలు సృష్టిస్తూ ప్రజలను మభ్యపెట్టేందుకు ఇలా మాట్లాడటం దురదృష్టకరమని అన్నారు. 2024 ఎన్నికల్లో రాష్ట్రవ్యాప్తంగా వైఎస్సార్‌ సీపీకి 40 శాతం ఓట్లు వచ్చాయని, స్థానిక సంస్థల ఎన్నికల్లో కూడా పార్టీ తన సత్తా చూపిస్తుందని అంబటి అన్నారు. టీడీపీ నాయకులు అక్రమాలు, అన్యాయాలు, బెదిరింపులకు పాల్పడుతూ, హౌస్‌ అరెస్టులు చేయిస్తూ, నామినేషన్‌ పత్రాలను సైతం చింపివేస్తూ ప్రజలను భయభ్రాంతులకు గురిచేస్తున్నారని తెలిపారు. ఈ వ్యవహారాలన్నింటినీ ప్రజలు గమనిస్తున్నారని అన్నారు. గతంలో ఎన్నడూ లేని విధంగా రాష్ట్రంలో జరుగుతున్న స్థానిక సంస్థల ఎన్నికలకు సంబంధించి సుప్రీంకోర్టు జోక్యం చేసుకోవాల్సి వచ్చిందని గుర్తుచేశారు. ఎన్ని అవాంతరాలు ఎదురైనా వైఎస్సార్‌ సీపీని గెలిపించేందుకు కార్యకర్తలు సిద్ధంగా ఉన్నారని చంద్రబాబు గుర్తించాలన్నారు. ఈ కార్యక్రమంలో వైఎస్సార్‌ సీపీ లీగల్‌ సెల్‌ ప్రతినిధులు, పార్టీ నాయకులు తదితరులు పాల్గొన్నారు.

● పారదర్శక పాలన అందిస్తా ● పారిశుద్ధ్యం మెరుగు, దోమల నివారణకు ప్రాధాన్యం ● అభివృద్ధి పనుల్లో అవినీతికి తావు లేకుండా చూస్తా ● వ్యాపార వర్గాల సమస్యల పరిష్కారానికి చర్యలు ● తెనాలి మున్సిపల్‌ వైఎస్సార్‌ సీసీ చైర్మన్‌ అభ్యర్థి మద్దాళి శేషాచలం ప్రచారంలో విశేష స్పందన

తెనాలి: అర్నబ్‌ తుపాను ప్రభావంతో కురిసిన భారీ వర్షాలు, బలమైన ఈదురు గాలులతో వరి పంట నేలవాలిన తెనాలి మండలంలోని పలు ప్రాంతాల్లో జిల్లా కలెక్టర్‌ సీఎం సాయికాంత్‌ వర్మ గురువారం పర్యటించారు. తెనాలి–విజయవాడ రోడ్డులోని సోమసుందరపాలెం, కంచరపాలెం గ్రామాల్లో రైతులతో మాట్లాడి వారి సమస్యలను తెలుసుకున్నారు. అనంతరం నేరుగా పొలాల్లోకి దిగి పంటల పరిస్థితిని పరిశీలించారు. వరిపైరు నేల వాలిందని, కొద్ది రోజులు ఇదే పరిస్థితి కొనసాగి పంట దెబ్బతింటుందని రైతులు ఆందోళన వ్యక్తం చేశారు. జిల్లా కలెక్టర్‌ వెంటనే వ్యవసాయ అధికారులతో మాట్లాడారు. అవసరమైన సూచనలు, సలహాలు అందించాలని ఆదేశించారు. నిల్వ ఉన్న నీటిని తక్షణమే బయటకు పంపించేలా చర్యలు చేపట్టాలన్నారు. జిల్లా వ్యాప్తంగా మండల వ్యవసాయ అధికారులు క్షేత్రస్థాయిలో పర్యటించాలన్నారు. వ్యవసాయ ముఖ్య శాస్త్రవేత్తలు డాక్టర్‌ సీహెచ్‌ సుజాని రావు, డాక్టర్‌ ఎం. రత్నం, డాక్టర్‌ ఎన్‌. సాంబశివరావు రైతులకు సూచనలు అందజేశారు. జిల్లా జాయింట్‌ కలెక్టర్‌ అశుతోష్‌ శ్రీవాస్తవ, తెనాలి రెవెన్యూ డివిజనల్‌ అధికారి కె. శ్రీరమణి, జిల్లా వ్యవసాయ అధికారి ఎం. పద్మావతి, తహసీల్దార్‌ కేవీ గోపాలకృష్ణ పాల్గొన్నారు. స్ట్రాంగ్‌ రూముల తనిఖీ తెనాలిలో స్ట్రాంగ్‌ రూములు, పంపిణీ కేంద్రాన్ని జిల్లా కలెక్టర్‌, జిల్లా ఎన్నికల అధికారి సీఎం సాయికాంత్‌ వర్మ గురువారం తనిఖీ చేశారు. తెనాలి మున్సిపాలిటీలో ఎన్నికల సామగ్రి స్వీకరణ, స్ట్రాంగ్‌ రూములు, ఓట్ల లెక్కింపు ఏర్పాట్లను స్థానిక వీఎస్సార్‌ కాలేజీలో చేపడుతున్న విషయం తెలిసిందే. జెడ్పీటీసీ, ఎంపీటీసీ ఎన్నికలకు సంబంధించి స్ట్రాంగ్‌ రూములు, ఓట్ల లెక్కింపు ఏర్పాట్లను సైతం ఇదే కాలేజీలో చేస్తున్నారు. ఏర్పాట్లు పక్కాగా ఉండాలని జిల్లా కలెక్టర్‌ స్పష్టం చేశారు. ఓట్ల లెక్కింపు హాళ్ల వద్ద సీసీ కెమెరాలు ఏర్పాటు చేయాలని ఆదేశించారు. మీడియా కేంద్రాన్ని కూడా ఏర్పాటు చేయాలని సూచించారు. నీట మునిగిన వరి పొలంలోకి దిగిన జిల్లా కలెక్టర్‌

నగరంపాలెం: రక్తదానం ప్రాణదానంతో సమానమని జిల్లా ఎస్పీ వకుల్‌ జిందల్‌ అన్నారు. పోలీస్‌ అమరవీరుల సంస్మరణ దినోత్సవంలో భాగంగా బుధవారం నగరంపాలెం పోలీస్‌ కళ్యాణ మండపంలో రక్తదాన శిబిరాన్ని జిల్లా ఎస్పీ వకుల్‌ జిందల్‌ ప్రారంభించారు. జిల్లా ఎస్పీ మాట్లాడుతూ జిల్లాలోని ప్రతి పోలీస్‌ అధికారి, సిబ్బంది స్వచ్ఛందంగా రక్తదానం చేయడం అభినందనీయమన్నారు. రక్తదానం చేయడం వల్ల అత్యవసర పరిస్థితుల్లో చికిత్స పొందే రోగుల ప్రాణాలను కాపాడుతుందని చెప్పారు. పోలీస్‌ అమరవీరుల త్యాగాలను స్మరిస్తూ నిర్వహించిన రక్తదాన శిబిరం సేవాభావానికి, సామాజిక బాధ్యతకు ప్రతీకగా నిలుస్తుందన్నారు. రక్తదానం చేసిన ఏఆర్‌ ఆర్‌ఐ సురేష్‌, ఎస్‌ఐలు బాలశంకర్‌, సుబ్బారావు మాట్లాడుతూ రక్తదానంతో ప్రాణదానం చేసే అవకాశం లభించడం ఆనందంగా ఉందన్నారు. సుమారు నలభై మంది పోలీస్‌ అధికారి, సిబ్బంది రక్తదానం చేయగా, గుంటూరు జీజీహెచ్‌ వైద్యులు రామ్‌నాయక్‌, వైద్య సిబ్బంది, తలసేమియా బ్లడ్‌ బ్యాంక్‌ సిబ్బంది రక్తం సేకరించారు. శిబిరంలో జిల్లా ఏఎస్పీ (పరిపాలన) జీవీ. రమణమూర్తి, డీఎస్పీలు అలహరి శ్రీనివాస్‌ (ఎస్‌బీ) పూర్ణచంద్రరావు (గుంటూరు దక్షిణ), బెల్లం శ్రీనివాసరావు (గుంటూరు పశ్చిమ), ఆర్‌ఐలు శ్రీహరి రెడ్డి, కృష్ణయ్య, పోలీస్‌ ఆసుపత్రి ఏఆర్‌ ఎస్‌ఐ రవి, పోలీస్‌ అధికారులు, సిబ్బంది పాల్గొన్నారు.

ఏఐకేఎంఎస్‌ రాష్ట్ర ప్రధాన కార్యదర్శి యు.గనిరాజు లక్ష్మీపురం: అర్నబ్‌ తుఫాన్‌ కారణంగా పంటలు నష్టపోయిన రైతాంగాన్ని, కౌలు రైతులను యుద్ధ ప్రాతిపదికన కేంద్ర, రాష్ట్ర ప్రభుత్వాలు ఆదుకోవాలని అఖిల భారత రైతు – కూలీ సంఘం (ఏఐకేఎంఎస్‌) రాష్ట్ర ప్రధాన కార్యదర్శి యు.గనిరాజు డిమాండ్‌ చేశారు. గుంటూరు అరండల్‌పేటలోని కామ్రేడ్‌ మాదాల నారాయణ స్వామి భవనంలో బుధవారం రైతు కూలీ సంఘం ముఖ్యుల సమావేశంలో ఆయన మాట్లాడుతూ.. వర్షాభావంతో లక్షల ఎకరాల్లో పంటలు వేయలేదని, వేసిన పంటలు ఎండిపోయాయని, ప్రభుత్వమే 388 మండలాలను కరువు మండలాలుగా ప్రకటించిందన్నారు. అయితే కరువు ప్రాంత రైతులను, కౌలు రైతులను ఆదుకోవడానికి ప్రభుత్వం మాత్రం ఏ చర్యలు తీసుకోలేదని విమర్శించారు. మూలిగే నక్కపై తాటికాయ పడినట్టు అర్నబ్‌ తుఫాన్‌ రైతులను మరింత కుదేలు చేస్తుందని అన్నారు. తుఫాన్‌ కారణంగా శ్రీకాకుళం నుంచి బాపట్ల వరకు కురిసిన భారీ వర్షాలు కారణంగా పంటలపై తీవ్ర ప్రభావం చూపాయన్నారు. ముఖ్యంగా విశాఖ, ఉభయ గోదావరి జిల్లాలు, గుంటూరు, బాపట్ల జిల్లాలు అతలాకుతలం అయ్యాయన్నారు. వరి, పత్తి, చెరుకు, అరటి, బొప్పాయి, మునగ వంటి పంటలు, ఉద్యానవన పంటలు తీవ్రంగా దెబ్బతిన్నాయన్నారు. ఈదురు గాలులకు కోత దశకు వచ్చిన వరి చేలు నేలనంటాయన్నారు. ప్రభుత్వమే తడిసిన, రంగు మారిన ధాన్యాన్ని కొనుగోలు చేయాలని డిమాండ్‌ చేశారు. ఆహార, ఉద్యాన, వాణిజ్య పంటలు నష్టపోయిన రైతాంగాన్ని, కౌలు రైతులను ఆదుకోవాలని, రైతులకు వడ్డీ లేని రుణాలు ఇవ్వాలని, పంట నష్ట పరిహారం అందించాలని డిమాండ్‌ చేశారు. ఏఐకేఎంఎస్‌ నాయకులు రెడ్డి శ్రీను, ఎన్‌.పోతురాజు, జూపూడి కృష్ణ, ప్రభుదాస్‌, జ్ఞానమ్మ, నరసింహారావు, శ్రీనివాసరెడ్డి తదితరులు పాల్గొన్నారు.

నవ్యాంధ్రప్రదేశ్‌ రైతుకూలీ సంఘం కన్వీనర్‌ మన్నవ హరిప్రసాద్‌ లక్ష్మీపురం: రాష్ట్రంలో ఉత్తర కోస్తా అనాదిగా వెనుకబడి ఉందని నవ్యాంధ్రప్రదేశ్‌ రైతు కూలీ సంఘం కన్వీనర్‌ మన్నవ హరిప్రసాద్‌ పేర్కొన్నారు. గుంటూరులోని సంఘ కార్యాలంయలో బుధవారం ఆయన మాట్లాడుతూ దక్షిణ కోస్తాలో ప్రకాశం, పల్నాడు, మార్కాపురం జిల్లాలు ఎప్పుడు అనావృష్టి, అతివృష్టికి గురవుతున్నాయన్నారు. అకాలంగా అర్నబ్‌ తుఫాన్‌ వల్ల రాష్ట్రంలో రైతాంగం తీవ్ర నష్టానికి గురయ్యారన్నారు. గత రెండు సంవత్సరాల నుంచి మంచి శనగలు, మొక్కజొన్న, పొగాకు పంటలకు అస్థిరమైన ధర ఉందని, పాలకులు పట్టించుకోవడం మానేశారన్నారు. తుఫాన్‌ వల్ల ప్రాణ నష్టం లేకపోయినప్పటికీ పంట నష్టం తీవ్రంగా ఉందని రాష్ట్ర ప్రభుత్వం తక్షణం గ్రామాల వారీగా పంట నష్టాన్ని సర్వే చేసి ఎకరాకి రూ.50 వేల చొప్పున నష్టపరిహారం అందజేయాలని డిమాండ్‌ చేశారు. ఇల్లు కోల్పోయిన వారికి తక్షణం ఇల్లు నిర్మించి ఇవ్వాలని, ఉపాధి కోల్పోయిన వ్యవసాయ కార్మికులకు ఉచిత రేషన్‌ అందజేయాలని డిమాండ్‌ చేశారు.

రాష్ట్ర ఈగల్‌ విభాగం డీజీపీ ఆకే రవికృష్ణ ఏఎన్‌యూ(పెదకాకాని): మాదక ద్రవ్యాల నిర్మూలనలో యువత, విద్యార్థులు భాగస్వాములు కావాలని రాష్ట్ర ఈగల్‌ విభాగం డీజీపీ ఆకె రవికృష్ణ అన్నారు. ఆచార్య నాగార్జున విశ్వవిద్యాలయంలోని యూనివర్సిటీ కాలేజ్‌ ఆఫ్‌ ఆర్ట్స్‌, కామర్స్‌ అండ్‌ లా ఆధ్వర్యంలో నూతన విద్యార్థుల కోసం ఓరియంటేషన్‌, ఇండక్షన్‌ కార్యక్రమం జరిగింది. ఈ కార్యక్రమానికి ముఖ్య అతిథిగా ఈగల్‌ టీం ఐజీపీ ఆకె రవికృష్ణ విచ్చేశారు. ఈ సందర్భంగా ఆయన మాట్లాడుతూ యువత మాదకద్రవ్యాల వినియోగం వలన వ్యక్తిగత ఆరోగ్యానికే కాకుండా కుటుంబం, సమాజం, దేశ భవిష్యత్తుకు కూడా ప్రమాదకరమన్నారు. డ్రగ్స్‌కు సంబంధించిన సమాచారం తెలిస్తే ఈగల్‌ హెల్ప్‌లైన్‌ 1972 ద్వారా తెలియజేయాలన్నారు. విద్యార్థులు సోషల్‌ మీడియాను జాగ్రత్తగా వినియోగిస్తూ చెడు అలవాట్లకు దూరంగా ఉండాలని, తమ జీవిత లక్ష్యాలను స్పష్టంగా నిర్దేశించుకుని వాటి సాధనకు కృషి చేయాలని సూచించారు. వీసీ ఆచార్య కె.గంగాధరరావు మాట్లాడుతూ విద్యార్థులు కృత్రిమ మేధస్సు వంటి ఆధునిక సాంకేతిక పరిజ్ఞానాన్ని బాధ్యతాయుతంగా వినియోగించుకోవాలని సూచించారు. విద్యార్థులు క్రమశిక్షణతో ఉంటూ విశ్వవిద్యాలయంలోని విద్యా వనరులను సద్వినియోగం చేసుకోవాలని సూచించారు. విశిష్ట అతిథి ఎస్‌.భరత్‌ కుమార్‌ మాట్లాడుతూ విద్య అనేది కేవలం డిగ్రీలు, మార్కులు సంపాదించడానికి మాత్రమే కాకుండా మానవత్వం, మంచి వ్యక్తిత్వం, నైతిక విలువలను పెంపొందించడానికి ఉపయోగపడాలన్నారు. వర్సిటీ రెక్టార్‌ ఆర్‌ శివరాం ప్రసాద్‌ మాట్లాడుతూ, విద్యార్థులు విశ్వవిద్యాలయంలోని విద్యా వసతులు, గ్రంథాలయం, ప్రయోగశాలలు, అధ్యాపకుల మార్గదర్శకత్వాన్ని సద్వినియోగం చేసుకోవాలని తెలిపారు. విద్యార్థులతో మాదకద్రవ్యాలపై అవగాహన కల్పించేందుకు ప్రతిజ్ఞ చేయించారు. అనంతరం ముఖ్య అతిథి ఆకే రవికృష్ణ్ణ, విశిష్ట అతిథి ఎస్‌.భరత్‌ కుమార్‌లను ఘనంగా సత్కరించారు. ఈ కార్యక్రమంలో వర్సిటీ ప్రొఫెసర్‌ త్రిమూర్తి రావు, డాక్టర్‌ జ్యోతిర్మయి, పలువురు అధ్యాపకులు, సిబ్బంది, విద్యార్థులు పాల్గొన్నారు.

గుంటూరు మెడికల్‌: ప్రజల్లో చాలా మందికి హార్ట్‌స్ట్రోక్‌పై ఉన్నంత అవగాహన బ్రెయిన్‌ స్ట్రోక్‌ (పక్షవాతం) పై లేకపోవటం వల్లే చాలా మంది స్ట్రోక్‌ బారిన పడి ప్రాణాలు కోల్పోతున్నారు. గతంలో పెద్దవయస్సువారిలో మాత్రమే వచ్చే పక్షవాతం నేడు మూడు పదుల వయస్సు దాటకుండానే వస్తోందని వైద్య నిపుణులు ఆందోళన వ్యక్తం చేస్తున్నారు. పక్షవాతం(స్ట్రోక్‌)పై అవగాహన కల్గి ఉండే నూటికి 80శాతం పక్షవాతం ద్వారా సంభవించే మరణాలు నివారించవచ్చు. పక్షవాతంపై ప్రజల్లో అవగాహక కల్పించేందుకు ప్రతి ఏడాది అక్టోబర్‌ 29న వరల్డ్‌ స్ట్రోక్‌ డే నిర్వహిస్తున్నారు. ఈ సందర్భంగా సాక్షి అందిస్తున్న ప్రత్యేక కథనం. బ్రెయిన్‌ స్ట్రోక్‌ అంటే ఏమిటి? మెదడులోని ప్రతి కణానికి నిరంతరం రక్తం, ఆక్సిజన్‌ అందాలి. మెదడుకు రక్తాన్ని సరఫరా చేసే రక్తనాళంలో అడ్డంకి ఏర్పడినా, రక్తనాళం చిట్లి మెదడులో రక్తస్రావం జరిగినా బ్రెయిన్‌ స్ట్రోక్‌ సంభవిస్తుంది. స్ట్రోక్‌లో రకాలు... 1. ఇస్కీమిక్‌ స్ట్రోక్‌: రక్తనాళంలో రక్తపు గడ్డ ఏర్పడటం లేదా ఇతర కారణాల వల్ల మెదడుకు రక్త సరఫరా తగ్గిపోవడం లేదా నిలిచిపోవడం. 2. హెమరాజిక్‌ స్ట్రోక్‌: మెదడులోని రక్తనాళం చిట్లి రక్తస్రావం జరగడం. ఈ రెండు పరిస్థితులూ అత్యవసర వైద్య సహాయం అవసరమయ్యే సమస్యలే. అయితే వాటికి అందించే చికిత్సలు వేర్వేరుగా ఉంటాయి. అందువల్ల స్ట్రోక్‌ లక్షణాలు కనిపించినప్పుడు వైద్య పరీక్షలు, మెదడు స్కానింగ్‌ లేకుండా స్వయంగా మందులు వాడటం ప్రమాదకరం. అధిక రక్తపోటు, మధుమేహం, ధూమపానం, అనారోగ్యకరమైన జీవనశైలి, శారీరక శ్రమ లేకపోవడం, అధిక బరువు, అధిక ఉప్పు కలిగిన ఆహారం తీసుకోవటం, పోషకాహార లోపం, మద్యపానం స్ట్రోక్‌కు దారితీస్తాయి. గుండె సంబంధిత సమస్యలు, రక్తం గడ్డకట్టే సమస్యలు, కొన్ని రక్తం గడ్డకట్టే వ్యాధులు, నిర్దిష్ట రక్తనాళాల లోపాలు కూడా యువతలో స్ట్రోక్‌కు కారణం కావచ్చు. స్ట్రోక్‌ అనుమానం వచ్చిన వెంటనే అత్యవసర వైద్య సేవలకు ఫోన్‌ చేసి, స్ట్రోక్‌కు తగిన చికిత్స అందించగల ఆసుపత్రికి చేరుకోవాలి. లక్షణాలు మొదలైన సమయాన్ని లేదా రోగి చివరిసారిగా ఎలాంటి లక్షణాలు లేకుండా సాధారణ స్థితిలో ఉన్న సమయాన్ని గుర్తుంచుకోవాలి. ఇది చికిత్స నిర్ణయించడంలో వైద్యులకు సహాయపడుతుంది. రోగికి ఆహారం, నీరు లేదా నోటిమార్గంలో మందులు ఇవ్వకూడదు. వైద్యుల సూచన లేకుండా ఆస్పిరిన్‌,ఇతర రక్తం పలుచబరిచే మందులు ఇవ్వకూడదు. కొన్ని చికిత్సలు పరిమిత సమయ వ్యవధిలోనే అందించాల్సి ఉంటుంది. లక్షణాలు కనిపించిన వెంటనే ఆసుపత్రికి చేరుకోవడం అత్యంత ముఖ్యం. స్ట్రోక్‌లో ప్రతి నిమిషం విలువైనదే. – డాక్టర్‌ పమిడిముక్కల విజయ, వరల్డ్‌ స్ట్రోక్‌ ఆర్గనైజేషన్‌ బోర్డ్‌ ఆఫ్‌ డైరక్టర్‌ స్ట్రోక్‌ లక్షణాలు సాధారణంగా అకస్మాత్తుగా ప్రారంభమవుతాయి. నవ్వినప్పుడు ముఖం ఒకవైపు వాలిపోవడం, ఒక చేయి లేదా కాలు అకస్మాత్తుగా బలహీనపడటం లేదా మొద్దుబారడం, మాట తడబడటం, స్పష్టంగా మాట్లాడలేకపోవడం లేదా ఇతరులు చెప్పేది అర్థం చేసుకోలేకపోవడం, అకస్మాత్తుగా చూపు తగ్గడం, రెండు వస్తువులుగా కనిపించడం, తీవ్రమైన తలతిరుగుడు, నడవలేకపోవడం, సమతుల్యత కోల్పోవడం లేదా కారణం తెలియకుండా అకస్మాత్తుగా తీవ్రమైన తలనొప్పి రావడం కూడా ప్రమాద సంకేతాలు కావచ్చు. లక్షణాలు కొద్దిసేపట్లో తగ్గిపోయినా నిర్లక్ష్యం చేయకూడదు. అవి తాత్కాలిక ఇస్కీమిక్‌ అటాక్‌ లక్షణాలు కావచ్చు. ఇది భవిష్యత్తులో స్ట్రోక్‌ వచ్చే ప్రమాదానికి హెచ్చరిక కావచ్చు. లక్షణాలు తగ్గిపోయాయని ఇంట్లోనే ఉండిపోకుండా తక్షణ వైద్య పరీక్షలు చేయించుకోవాలి.

గుంటూరు జీజీహెచ్‌ న్యూరాలజీ వైద్య విభాగంలో రెండు తెలుగు రాష్ట్రాల్లో ఏ ప్రభుత్వ ఆస్పత్రిలో లేని విధంగా దాతల సాయంతో 2015లో స్ట్రోక్‌ యూనిట్‌, స్ట్రోక్‌ ఐసీయూ ఏర్పాటు చేశాం. పక్షవాత బాధితులకు కార్పోరేట్‌ ఆస్ప్రతుల కంటే ధీటుగా మెరుగైన వైద్యసేవలు పూర్తి ఉచితంగా అందిస్తున్నాం. జీజీహెచ్‌ స్ట్రోక్‌ సెంటర్‌లో అందిస్తున్న వైద్యసేవలకు దేశ వ్యాప్తంగా గుర్తింపు ఉంది. స్ట్రోక్‌ యూనిట్‌లో 24 గంటలు వైద్యులు, వైద్య సిబ్బంది ఉండి అత్యంత ఖరీదైన ఇంజెక్షన్లు సైతం అందజేసి ప్రాణాలు కాపాడుతున్నారు. – డాక్టర్‌ నాగార్జునకొండ వెంకటసుందరాచారి, ప్రిన్సిపాల్‌, గుంటూరు వైద్య కళాశాల

నెహ్రూనగర్‌: మద్యం అక్రమ రవాణా, నిషేధిత వస్తువుల తరలింపును అరికట్టే లక్ష్యంతో వాస్కోడిగామా రైలులో ఎకై ్సజ్‌ అధికారులు బుధవారం ఆకస్మిక తనిఖీలు నిర్వహించారు. ప్రొహిబిషన్‌ అండ్‌ ఎకై ్సజ్‌ ఇన్‌స్పెక్టర్‌ కె.రవికుమార్‌ ఆధ్వర్యంలో ఎస్‌ఐలు పి.తిరుమలేశ్వరరావు, కె.షరీఫ్‌, టైనీ ఎస్‌ఐ వి.పుష్ప, సిబ్బంది ఈ తనిఖీల్లో పాల్గొన్నారు. రైలులోని వివిధ కోచ్‌లలో ప్రయాణికుల సామగ్రి, అనుమానాస్పద వస్తువులను క్షుణ్ణంగా తనిఖీ చేశారు. అక్రమ మద్యం రవాణాపై ప్రత్యేక నిఘా ఉంచిన అధికారులు, చట్టవిరుద్ధ కార్యకలాపాలకు పాల్పడే వారిపై కఠిన చర్యలు తీసుకుంటామని హెచ్చరించారు. ఎకై ్సజ్‌శాఖ ఆధ్వర్యంలో ఇటువంటి తనిఖీలు నిరంతరం కొనసాగుతాయన్నారు. పెదకాకానిలో జనసేన సెగ్మెంట్‌లో టీడీపీ పోటీ పెదకాకాని: పెదకాకాని మండలంలో జనసేన, టీడీపీ నాయకుల మధ్య స్థానిక ఎన్నికల వార్‌ మొదలైంది. పెదకాకాని మండలంలోని 21 ఎంపీటీసీ సెగ్మెంట్‌లలో ఐదు సెగ్మెంట్‌లు జనసేన పార్టీ బీ ఫారంతో నామినేషన్‌లు వేయగా.. గాజు గ్లాసు గుర్తు కూడా కేటాయించారు. ఒక పక్కన కూటమితో కలసి ఎన్నికల్లో పోటీ చేద్దాం అని చెబుతూనే పెదకాకాని 4 సెగ్మెంట్లలోనూ, కొప్పురావూరులోనూ జనసేన అభ్యర్థులు పోటీ చేస్తున్న సెగ్మెంట్‌లో టీడీపీ అభ్యర్థులు పోటీ చేయడం దురదృష్టకరమని పలువురు జనసేన నాయకులు పేర్కొంటున్నారు. జనసేన అభ్యర్థులను ఆదరించాలని కోరుతున్నారు. ఎన్నికలు వచ్చినపుడు జనసేన నాయకులు గుర్తుకు వస్తే తగిన సమాధానం చెప్పడానికి సిద్ధంగానే ఉన్నామని జనసైనికులు పేర్కొంటున్నారు. 48 గంటల ముందు నుంచే మద్యం దుకాణాలు బంద్‌ చేయాలి పల్నాడు జిల్లా కలెక్టర్‌ కృతికా శుక్ల నరసరావుపేట: పోలింగ్‌కు 48 గంటల ముందు నుంచి మద్యం దుకాణాలను బంద్‌ చేయాలని పల్నాడు జిల్లా కలెక్టర్‌, ఎన్నికల అధికారి డాక్టర్‌ కృతికా శుక్ల ఆదేశాలు జారీ చేశారు. నవంబర్‌ ఒకటవ తేదీన మున్సిపల్‌ ఎన్నికల దృష్ట్యా అక్టోబర్‌ 30న సాయంత్రం ఐదు గంటల నుంచి నవంబర్‌ ఒకటి సాయంత్రం ఐదు గంటల వరకు మద్యం విక్రయాలపై నిషేధం విధించినట్లు తెలిపారు. నవంబర్‌ 3న కౌంటింగ్‌ దృష్ట్యా ఉదయం ఎనిమిది గంటల నుంచి కౌంటింగ్‌ పూర్తయ్యేవరకు మద్యం విక్రయాలు జరపకూడదని పేర్కొన్నారు. బకింగ్‌హామ్‌ కెనాల్‌లో గుర్తుతెలియని మృతదేహం తాడేపల్లి రూరల్‌: తాడేపల్లి పట్టణ పరిధిలోని ఎన్టీఆర్‌ కరకట్ట బకింగ్‌హామ్‌ కెనాల్‌ బ్రిడ్జి సమీపంలో బుధవారం రాత్రి తాడేపల్లి పోలీసులు నీటిలో తేలియాడుతున్న మృతదేహాన్ని గుర్తించారు. ఎస్సై ప్రదీప్‌ తెలిపిన వివరాల ప్రకారం.. బకింగ్‌హమ్‌ కెనాల్‌లో ముళ్లచెట్లకు అడ్డుకుని మృతదేహం ఉందన్న స్థానికుల సమాచారంతో ఘటనా స్థలానికి చేరుకుని కాలువలో తేలియాడుతున్న మృతదేహాన్ని బయటకు తీశామన్నారు. మృతదేహం వద్ద ఎలాంటి ఆధారాలు లభించలేదని, మృతుడు నల్లని దుస్తులు ధరించి ఉన్నాడని, తలకు నల్ల క్యాప్‌ పెట్టుకున్నాడని, ఫేస్‌కు పెట్టుకున్న మాస్క్‌ జారి మెడభాగంలోకి వచ్చిందన్నారు. మృతుడి వయస్సు సుమారు 35 సంవత్సరాలు ఉంటాయని, మృతదేహం వివరాలు తెలిస్తే తాడేపల్లి పోలీసులకు సమాచారం ఇవ్వాలని ఎస్‌ఐ కోరారు. మద్యం దుకాణాల్లో ఎకై ్సజ్‌ డైరెక్టర్‌ తనిఖీలు నెహ్రూనగర్‌: రాష్ట్రంలో జరుగుతున్న కార్పొరేషన్‌, మున్సిపాలిటీల ఎన్నికల నేపథ్యంలో మద్యాన్ని నిరోధించే చర్యల్లో భాగంగా, ఎకై ్సజ్‌ శాఖ డైరెక్టర్‌ చామకూరి శ్రీధర్‌ బుధవారం గుంటూరు పట్టణంలోని పలు మద్యం దుకాణాలను ఆకస్మికంగా తనిఖీ చేశారు. ఈ తనిఖీల్లో భాగంగా ఆయన మద్యం షాపుల్లోని మద్యం సీసాలను ‘ఏపీ సురక్ష’ యాప్‌ ద్వారా క్షుణ్ణంగా పరిశీలించారు. అనంతరం దుకాణ సిబ్బందితో మాట్లాడి, రాష్ట్రంలో ప్రస్తుతం ఎన్నికల కోడ్‌ (మోడల్‌ కోడ్‌ ఆఫ్‌ కండక్ట్‌) అమల్లో ఉన్నందున రాష్ట్ర ఎన్నికల కమిషనర్‌ ఆదేశాల మేరకు ప్రతి ఒక్కరూ నిబంధనలకు లోబడి నడుచుకోవాలని స్పష్టం చేశారు. కార్యక్రమంలో జిల్లా ఎకై ్సజ్‌ శాఖ ఆఫీసర్‌ వి.అరుణ్‌కుమారి, అసిస్టెంట్‌ ఎకై ్సజ్‌ సూపరింటెండెంట్‌ ఇ.మారయ్య బాబు, గుంటూరు–2 స్టేషన్‌ సీఐ వి.నరసింహారావు, ఎకై ్సజ్‌ సిబ్బంది పాల్గొన్నారు. హత్య కేసులో నిందితుడిని కస్టడీకి కోరుతూ పిటిషన్‌ రెంటచింతల: మండలంలోని రెంటాల గ్రామానికి చెందిన వైఎస్సార్‌ సీపీ రాష్ట్ర యువజన విభాగం సంయుక్త కార్యదర్శి నవులూరి చెన్నారెడ్డి దారుణహత్య కేసులో నిందితుడైన మోర్తల ఉమామహేశ్వరరెడ్డిని ఐదు రోజుల కస్టడీకి కోరుతూ కారంపూడి సీఐ ఆవుల భాస్కర్‌ బుధవారం గురజాల కోర్టులో పిటిషన్‌ దాఖలు చేశారు. ఇటీవల ఉమామహేశ్వరరెడ్డిని పోలీసులు ఐదు రోజుల కస్టడీకి కోరగా గురజాల కోర్టు జడ్జి అలేఖ్య ఒక రోజు 28వ తేదీ మధ్యాహ్నం నుంచి 29 మధ్యాహ్నం వరకు మాత్రమే అనుమతిస్తూ ఉత్తర్వులు జారీ చేశారు. దీంతో పూర్తిస్థాయిలో నిందితుడిని విచారించడానికి సమయం సరిపోదని భావించిన సీఐ కోర్టు ఇచ్చిన కస్టడీని అమలు పరచలేదు. తిరిగి ఐదు రోజుల కస్టడీకి కోరుతూ మరో పిటీషన్‌ అందజేశారు.

ఏఎన్‌యూ(పెదకాకాని): ఏఎన్‌యూలోని నృత్య విభాగం ఆధ్వర్యంలో నిర్వహించిన శ్రుతి మాతా, లయ, పిత – సంగీతం, లయ, నృత్యాల సమగ్ర అధ్యయనంపై ఒకరోజు అకడమిక్‌ వర్క్‌షాప్‌ ముగిసింది. ఆచార్య నాగార్జున విశ్వవిద్యాలయంలో బుధవారం నిర్వహించిన ఈ కార్యక్రమం ద్వారా సంగీతం, లయ, నృత్యాల మధ్య ఉన్న అంతర్లీన సంబంధాలను వివరించారు. ఈ కార్యక్రమానికి వర్సిటీ ఇన్‌చార్జి వీపీ ఆచార్య కె.గంగాధరరావు ముఖ్య అతిథిగా హాజరయ్యారు. రెక్టార్‌ ఆర్‌.శివరామ్‌ ప్రసాద్‌ ప్రోత్సాహాన్ని అందించారు. వర్క్‌షాప్‌నకు వనరుల వ్యక్తులుగా మధురైలోని శ్రీసద్గురు సంగీత విద్యాలయం వీణ విభాగం అసిస్టెంట్‌ ప్రొఫెసర్‌ డాక్టర్‌ టి.శంకరనారాయణన్‌, అదే సంస్థ గాత్ర విభాగం అసిస్టెంట్‌ ప్రొఫెసర్‌ డాక్టర్‌ పి.కమల కన్నన్‌ హాజరయ్యారు. వీరు శ్రుతి, స్వర, తాళ, లయ అంశాల ప్రాధాన్యతను వివరిస్తూ, శాసీ్త్రయ సంగీతం, భరతనాట్యం వంటి ప్రదర్శన కళల్లో సంగీత పరిజ్ఞానం, లయబద్ధత, భావవ్యక్తీకరణల ప్రాముఖ్యతను తమ అనుభవాల ద్వారా వివరించారు. వర్క్‌షాప్‌ డైరెక్టర్‌, నృత్య విభాగాధిపతి, బోర్డ్‌ ఆఫ్‌ స్టడీస్‌ చైర్‌పర్సన్‌ ప్రొఫెసర్‌ పి.వరప్రసాదమూర్తి కార్యక్రమానికి అధ్యక్షత వహించారు. ప్రోగ్రాం కన్వీనర్‌ ఎంవీ విశ్వనాధ్‌, కో–కన్వీనర్‌ ఎం.కాశయ్య కార్యక్రమ నిర్వహణలో కీలక పాత్ర పోషించారు. విద్యార్థులు, అధ్యాపకులు పాల్గొన్నారు.

తెనాలి టౌన్‌: తుఫాన్‌ కారణంగా ఎడతెరిపి లేకుండా వర్షాలు కురుస్తుండటంతో ప్రహరీ కూలి బాలుడు మృతి చెందిన సంఘటన రూరల్‌ మండలం గుడివాడ గ్రామంలో చోటు చేసుకుంది. గ్రామంలోని కృష్ణుడి గుడి పక్క బజార్‌లో చింతలపూడి నాగభూషణం, రేవతి దంపతులు ఇసీ్త్ర పనిచేసుకుంటూ జీవనం సాగిస్తున్నారు. వీరికి కుమారుడు, కుమార్తె ఉన్నారు. కుమారుడు చింతలపూడి దేవాన్ష్‌ (11) గ్రామంలోని ప్రభుత్వ పాఠశాలలో ఆరో తరగతి చదువుతున్నాడు. అదే గ్రామంలో ఉంటున్న తాత ఇంటికి వెళ్తున్నానని చెప్పి బయటకు వెళ్లాడు. ఇంటికి రాకపోవడంతో బాలుడి కోసం తల్లిదండ్రులు వెతుకుతుండగా ఎదురింటి ప్రహరీ కూలి ఉండటాన్ని గుర్తించారు. ఆ శిథిలాల కింద చూస్తే సాయంత్రం బాలుడి మృతదేహం లభ్యమయింది. దీంతో కుటుంబ సభ్యుల వేదనకు అంతులేకుండా పోయింది. ఘటన స్థలాన్ని తహసీల్దార్‌ కె.వి.గోపాలకృష్ణ, రూరల్‌ ఎస్‌ఐ కె.ఆనంద్‌, గ్రామ ప్రత్యేకాధికారి వెంకటేశ్వరరావు పరిశీలించారు. కుటుంబ సభ్యులకు సానుభూతి తెలిపారు. రాత్రి నుంచి కురుస్తున్న ఎడతెరిపి లేని వర్షానికి గోడ కూలి ఉండవచ్చని అధికారులు భావిస్తున్నారు. ఈ ఘటనతో గ్రామంలో విషాద ఛాయలు అలముకున్నాయి.

పట్నంబజారు: కార్పొరేషన్‌ ఎన్నికల వేళ అధికార కూటమి పార్టీ నేతలు గెలుపు కోసం అడ్డదారులు తొక్కుతున్నారు. ఎన్నికల ప్రక్రియ పారదర్శకంగా సాగాల్సిన వేళ బూత్‌ స్థాయిలోనే ఒత్తిళ్లు, బెదిరింపులు చోటుచేసుకుంటున్నాయి. ముఖ్యంగా వైఎస్సార్‌ సీపీకి సంబంధించిన బూత్‌ స్థాయి ఏజెంట్లను లక్ష్యంగా చేసుకుని అధికార పార్టీకి చెందిన కొందరు నేతలు బెదిరింపులకు పాల్పడుతున్నారు. పోలింగ్‌ రోజున బూత్‌కు రావద్దని, వచ్చినా చూసీచూడనట్లు వ్యవహరించాలని ఒత్తిడి చేస్తున్నారనే ఆరోపణలు రాజకీయ వర్గాల్లో చర్చనీయాంశంగా మారాయి. మాట వినకపోతే అక్రమ కేసులు నమోదు చేయిస్తామంటూ హెచ్చరిస్తున్న పరిస్థితులు కలకలం రేపుతున్నాయి. బూత్‌ స్థాయిలోనే కుట్ర కార్పొరేషన్‌ ఎన్నికల్లో ప్రతి ఓటు కీలకంగా మారే పరిస్థితుల్లో బూత్‌ స్థాయి ఏజెంట్ల పాత్ర అత్యంత ప్రాధాన్యం కలిగి ఉంటుంది. గుర్తింపు పొందిన రాజకీయ పార్టీలు ప్రతి పోలింగ్‌ కేంద్రానికి బూత్‌ స్థాయి ఏజెంట్‌ను నియమించుకోవచ్చు. ఓటర్ల జాబితా పరిశీలన, లోపాలు గుర్తించడం, చనిపోయిన, ఇతర ప్రాంతాలకు తరలిపోయిన ఓటర్ల వివరాలను గుర్తించడంలో బీఎల్‌ఏలు బూత్‌ స్థాయి అధికారులకు సహకరించాల్సి ఉంటుంది. ఎన్నికల సంఘం శిక్షణ మార్గదర్శకాల్లోనూ బీఎల్‌ఏలు బూత్‌ స్థాయి అధికారులతో సమన్వయంతో పనిచేయాలని స్పష్టం చేసింది. చూసీచూడనట్లు ఉంటేనే... గుంటూరు తూర్పు నియోజకవర్గంలో టీడీపీ నేతలు బెదిరింపులకు పాల్పడుతున్నారనే విమర్శలు వెల్లువెత్తుతున్నాయి. అధికార పార్టీ నేతలు, వారి అనుచరులు... బీఎల్‌ఏలను సంప్రదించి పోలింగ్‌ కేంద్రాలకు హాజరు కావొద్దని బెదిరిస్తున్నట్లు ఆరోపణలు ఉన్నాయి. ఈ క్రమంలో పాతగుంటూరులో సోమవారం రాత్రి ఒక బీఎల్‌ఏ ఇంటికి వెళ్లి మరీ వారు బెదిరించినట్లు సమాచారం. ఎట్టి పరిస్థితుల్లో బూత్‌లకు రాకూడదని, వచ్చినా.. అక్కడ జరిగే వ్యవహారాలను ప్రశ్నించకుండా మౌనంగా ఉండాలని ఒత్తిడి చేస్తున్నారనే ఆరోపణలు ఉన్నాయి. తమ మాట వినకపోతే పోలీసు కేసులు, ఇతర ఇబ్బందులు తప్పవని హెచ్చరిస్తున్నారని సమాచారం. స్లిప్పుల పంపిణీపై కూడా స్పష్టత ఏది? ఆయా డివిజన్‌లో టీడీపీ బీఎల్‌ఏలతో కలిసి బీఎల్‌ఓలు కేవలం అధికార పార్టీ నేతలకు మాత్రమే స్లిప్పులు ఇస్తున్నారనే వాదనలు వినిపిస్తున్నారు. పలు ప్రాంతాల్లో అయితే అసలు ఓట్లు లేవని చెబుతున్నారని ప్రజలు ఆరోపిస్తున్నారు. బీఎల్‌ఓలు కూడా ఏకపక్షంగా వ్యవహరిస్తున్నారనే వాదనలు లేకపోలేదు. ఒకవైపు వైఎస్సార్‌ సీపీ బీఎల్‌ఏలను బెదిరిస్తున్నారనే ఆరోపణలు.. మరోవైపు అధికార పార్టీకి అనుకూలంగా బూత్‌ స్థాయి అధికారులు వ్యవహరిస్తున్నారనే ఫిర్యాదులు వస్తే ఎన్నికల యంత్రాంగం తక్షణమే విచారణ చేపట్టాల్సిందేనన్న డిమాండ్‌ వినిపిస్తోంది. కీలక నేతల ‘హుకుం’ ఈ మొత్తం వ్యవహారం వెనుక అధికార కూటమిలోని కొందరు కీలక నేతల ప్రమేయం ఉందని తెలుస్తోంది. ముఖ్యంగా టీడీపీ ఎమ్మెల్యే ఆయా డివిజన్‌లలోని ఆ పార్టీ నేతలు, వారి అనుచరులు ద్వారా బీఎల్‌ఏలకు ఫోన్లు చేయించడం, వ్యక్తిగతంగా హెచ్చరికలు జారీ చేయడం జరుగుతోందని అంటున్నారు. కనీసం ఇళ్ల దగ్గరికి వెళ్లి బెదిరిస్తున్నారని తెలిసినప్పటీకీ.. పోలీసులకు సమాచారం ఇచ్చినా పట్టించుకోవటం లేదని ఆరోపణలు వెల్లువెత్తుతున్నాయి. అధికారులు మౌనం ఎందుకు? ఎన్నికల సమయంలో ప్రతి ఫిర్యాదును నిర్లక్ష్యం చేయకుండా పరిశీలించాల్సిన బాధ్యత ఎన్నికల యంత్రాంగంపై ఉంటుంది. ముఖ్యంగా బూత్‌ స్థాయిలో రాజకీయ పార్టీల ప్రతినిధులకు సమాన అవకాశాలు కల్పించడమే ప్రజాస్వామ్య ఎన్నికల ప్రాథమిక సూత్రం. బీఎల్‌ఏలను బెదిరిస్తున్నారనే ఫిర్యాదులు వస్తే విచారణ జరగాలి. అలాగే బీఎల్‌ఓలు రాజకీయ కార్యకలాపాల్లో పాల్గొంటున్నారనే ఆరోపణలు వస్తే వాస్తవాలను నిర్ధారించాలి. బీఎల్‌ఓలు నిష్పక్షపాతంగా వ్యవహరించాలని కోరుతున్నారు. గుంటూరు నగరంలో టీడీపీ నేతలకు బీఎల్‌ఓలు ఊడిగం చేస్తున్నారు. కొన్ని ప్రాంతాల్లో బూత్‌ స్థాయి అధికారులు, అధికార కూటమికి చెందిన బూత్‌ స్థాయి ఏజెంట్లు కలిసి తిరుగుతూ ఓటర్లను కలుస్తున్నారనే ఆరోపణలు వినిపిస్తున్నాయి. ఓటర్లకు స్లిప్పులు పంపిణీ చేసే సమయంలో ప్రభుత్వ ఎన్నికల యంత్రాంగానికి చెందిన అధికారి, టీడీపీకి చెందిన స్థానిక డివిజన్‌ నేతలు, టీడీపీ బీఎస్‌ఏలు కలిసి ఉండటంపై సర్వత్రా విమర్శలు వ్యక్తమవుతున్నాయి. వైఎస్సార్‌ సీపీ అభ్యర్థులే కాకుండా, స్వతంత్య్ర, జనసేన అభ్యర్థులు కూడా అభ్యంతరం వ్యక్తం చేస్తున్నారు. బూత్‌ స్థాయి అధికారి ప్రభుత్వ ఎన్నికల వ్యవస్థలో అధికారిక బాధ్యతలు నిర్వర్తించే వ్యక్తి. ఓటర్ల జాబితా పరిశీలన, ఇంటింటి పరిశీలన, మారిన / మరణించిన ఓటర్ల వివరాల గుర్తింపు వంటి బాధ్యతలు వారికి ఉంటాయి. ఇటువంటి పరిస్థితుల్లో కేవలం స్థానికంగా ఉన్న టీడీపీ నేతలకు పనిచేస్తూ.. ఆయా డివిజన్‌లలో చెట్టాపట్టాల్‌ వేసుకుని తిరుగుతున్నారు.

నెహ్రూనగర్‌: ఎన్నికల విధులు కేటాయించిన 807 మంది ఉద్యోగులు పోస్టల్‌ బ్యాలెట్‌ కేంద్రంలో 27, 28 తేదీల్లో తమ ఓటు హక్కును వినియోగించుకున్నట్లు నగర కమిషనర్‌, అడిషనల్‌ ఎలక్షన్‌ అథారిటీ కె. మయూర్‌ అశోక్‌ తెలిపారు. బుధవారం ఆయన స్థానిక ఏసీ కాలేజీలో ఏర్పాటు చేసిన పోస్టల్‌ బ్యాలెట్‌ కేంద్రాన్ని ఆకస్మికంగా పరిశీలించారు. ఈ సందర్భంగా ఉద్యోగులకు ఇబ్బందులు తలెత్తకుండాపోలీసు బందోబస్తు ఏర్పాటు చేయాలని ఆదేశించారు. ఓటింగ్‌ ప్రక్రియ పారదర్శకంగా సాగేలా చూడాలని అదనపు కమిషనర్‌, డిప్యూటీ కమిషనర్లను ఆదేశించారు. పోలింగ్‌ ప్రక్రియ ముగిసిన తరువాత బ్యాలెట్‌ బాక్స్‌లను నిబంధనల ప్రకారం పక్కాగా సీలింగ్‌ చేసి, స్ట్రాంగ్‌ రూమ్‌లో భద్రపరచడంలో నిబంధనలను కచ్చితంగా పాటించాలని తేల్చి చెప్పారు. 27న 367 మంది, 28న 440 మంది ఓటు హక్కును వినియోగించుకున్నారని కమిషనర్‌ వెల్లడించారు. కార్యక్రమంలో అదనపు కమిషనర్‌ ఐ. కిషోర్‌, డిప్యూటీ కమిషనర్లు జి. సాంబశివరావు, బి. శ్రీనివాసరావు తదితరులు పాల్గొన్నారు.

జిల్లా కలెక్టర్‌ సీఎం సాయికాంత్‌ వర్మ గుంటూరు వెస్ట్‌: అర్నాబ్‌ తుఫాన్‌ పట్ల క్షేత్ర స్థాయిలో అప్రమత్తంగా ఉండాలని జిల్లా కలెక్టర్‌ సీఎం సాయికాంత్‌ వర్మ తెలిపారు. బుధవారం స్థానిక కలెక్టరేట్‌ నుంచి అధికారులతో టెలీ కాన్ఫరెన్స్‌లో మాట్లాడుతూ అధికారులు, సిబ్బంది తమ పరిధిలోని ప్రాంతాలపై నిత్యం అప్రమత్తంగా ఉండాలన్నారు. రాత్రి నుంచి వర్షాలు కురుస్తున్న కారణంగా లోతట్టు ప్రాంతాల్లో పర్యటించి స్థానికులకు భరోసా కల్పించాలన్నారు. దుగ్గిరాల, మంగళగిరి, చేబ్రోలు మండలాల్లో ఎక్కువ వర్షపాతం నమోదయ్యిందన్నారు. ఆయా ప్రాంతాలపై దృష్టి సారించాలన్నారు. గాలుల వేగం ఎక్కువగా ఉందని, దీనివల్ల స్థానికులకు ఇబ్బందులు తలెత్తకుండా చూడాలన్నారు. ఎక్కడ రాకపోకలకు ఇబ్బంది లేకుండా చర్యలు చేపట్టాలని తెలిపారు. దుగ్గిరాల మండలం ఈమని వద్ద కూలిన చెట్టును ఇప్పటికే తొలగించారని పేర్కొన్నారు. ప్రకాశం బ్యారేజీ ఇతర చానళ్లలో ప్రవాహాన్ని అధికారులు గమనించాలన్నారు. యానాది కుటుంబాలను పునరావాస కేంద్రాలకు ఇప్పటికే తరలించామన్నారు. వాగులు, వంకలు, చెరువులు, నదుల వద్దకు ఎవరూ వెళ్లకూడదని చెప్పారు. నేడు భీకర గాలులు వీచే అవకాశం అర్నాబ్‌ తుఫాన్‌ ప్రభావంతో భీకర గాలులు వీచే అవకాశం ఉన్నందున అధికారులు, ప్రజలు అప్రమత్తంగా ఉండాలని జిల్లా కలెక్టర్‌ సీఎం సాయికాంత్‌ వర్మ తెలిపారు. బుధవారం రాత్రి స్థానిక కలెక్టరేట్‌ నుంచి అధికారులతో టెలికాన్ఫరెన్స్‌ నిర్వహించారు. ఈ సందర్భంగా ఆయన మాట్లాడుతూ, ఆర్టీజీఎస్‌ సూచనల మేరకు గురువారం ఉదయం వరకు భీకర గాలులు వీచే అవకాశం ఉందన్నారు. మోస్తరు వర్షాలు పడవచ్చని తెలిపారు. పాఠశాలలు యథావిధిగా కొనసాగుతాయని, అయితే పాఠశాల భవనాల పరిస్థితిని గమనించాలని జిల్లా విద్యాశాఖ అధికారిని ఆదేశించారు. ఇప్పటి వరకు పెద్దగా ఆస్తి నష్టం జరగలేదన్నారు. తెనాలిలో గోడ కూలి బాలుడు మృతి చెందడం మినహా ఎక్కడా ప్రాణహాని జరగలేదన్నారు. అధికారులందరూ క్షేత్రస్థాయిలో పూర్తి అప్రమత్తంగా ఉండాలని సూచించారు. తుళ్లూరు మండలం కోటెల్ల వాగు వద్ద రాకపోకలను నియంత్రించేందుకు సిబ్బంది ఉండాలని ఆదేశించారు. పునరావాస కేంద్రాల్లో ఉన్నవారిని గురువారం ఉదయం వరకు కొనసాగించాలని, అవసరమైతే మధ్యాహ్నం వరకు కేంద్రాల్లోనే ఉంచాలని తెలిపారు. గ్రామాల్లో ప్రమాదకరంగా ఉన్న ఇళ్లు, పాఠశాల భవనాలను గుర్తించాలని, వాటిలో ఎవరూ నివసించకుండా చూడాలని సూచించారు. జిల్లా కేంద్రంతో పాటు అన్ని మండలాల్లో కంట్రోల్‌ రూమ్‌లు యథావిధిగా కొనసాగాలని ఆదేశించారు. జిల్లా కలెక్టర్‌ కార్యాలయంలో 08632234014 నంబర్‌తో కంట్రోల్‌ రూమ్‌ ఏర్పాటు చేశామని తెలిపారు. హోర్డింగులు, ఫ్లెక్సీలను పూర్తిగా తొలగించాలని ఆదేశించారు. టెలికాన్ఫరెన్స్‌లో జీఎంసీ కమిషనర్‌ కె. మయూర్‌ అశోక్‌, జాయింట్‌ కలెక్టర్‌ అశుతోష్‌ శ్రీవాస్తవ, జిల్లా రెవెన్యూ అధికారి ఎన్‌.ఎస్‌.కె. ఖాజావలి, ఇతర అధికారులు పాల్గొన్నారు. 5న జెడ్పీటీసీ, ఎంపీటీసీ పోలింగ్‌ జెడ్పీటీసీ, ఎంపీటీసీ స్థానాలకు నవంబర్‌ 5వ తేదీన పోలింగ్‌, 7న లెక్కింపు జరుగుతుందని కలెక్టర్‌ తెలిపారు. రాష్ట్ర ఎన్నికల సంఘం ఈ మేరకు నోటిఫికేషన్‌ జారీ చేసిందన్నారు. పోలింగ్‌ ఉదయం 7 నుంచి సాయంత్రం 5 గంటల వరకు జరుగుతుందని తెలిపారు. ఓట్ల లెక్కింపు 7వ తేదీ ఉదయం 8 గంటల నుంచి ప్రారంభవుతుందన్నారు. ఎన్నికలు ప్రశాంతంగా, పారదర్శకంగా నిర్వహించేందుకు అన్ని చర్యలు చేపట్టాలని అధికారులను ఆదేశించారు.

గురువారం శ్రీ 29 శ్రీ అక్టోబర్‌ శ్రీ 2026అర్నబ్‌ దెబ్బకు Iతెనాలి: స్థానిక మార్కెట్‌యార్డులో బుధవారం క్వింటా నిమ్మకాయలు కనిష్ఠ ధర రూ.4 వేలు, గరిష్ఠ ధర రూ.6 వేలు, మోడల్‌ ధర రూ.5 వేల వరకు పలికింది.అచ్చంపేట: పులిచింతల ప్రాజెక్టులో ప్రస్తుత నీటి నిల్వ 27.4110 టీఎంసీలు. ప్రాజెక్టు దిగువకు 400 క్యూసెక్కులు లీకేజీల ద్వారా వెళుతోంది.పట్నంబజారు (గుంటూరు ఈస్ట్‌) : తుఫాన్‌ నేపథ్యంలో ఆర్టీసీ గుంటూరు రీజియన్‌లో బుధవారం పలు సర్వీసులు రద్దు చేశారు. దీంతో సంస్థ ఆదాయానికి నష్టం వాటిల్లింది.సాక్షి ప్రతినిధి, గుంటూరు: అర్నబ్‌ తుఫాన్‌ ప్రభావంతో గుంటూరు జిల్లా వ్యాప్తంగా వర్షాలు కురుస్తుండటంతో అన్నదాతలు ఆందోళన చెందుతున్నారు. మంగళవారం అర్ధరాత్రి నుంచి ఈదురుగాలులతో కూడిన ఎడతెరిపిలేని వర్షాలు కురుస్తుండటంతో జనజీవనం అస్తవ్యస్తంగా మారింది. 23,860 ఎకరాల్లో పంటలకు నష్టం.. జిల్లాలో తుఫాన్‌ ప్రభావంతో కురుస్తున్న వర్షాలకు పెదకాకాని, గుంటూరు తూర్పు, తెనాలి, వట్టిచెరుకూరు, మంగళగిరి, తుళ్లూరు, పొన్నూరు, చేబ్రోలు, దుగ్గిరాల, గుంటూరు పశ్చిమ, తాడేపల్లి.. మొత్తం 11 మండలాల్లోని 69 గ్రామాల్లో 9,889 మంది రైతులకు చెందిన 22,997.5 ఎకరాల్లో వరి, మినుము, పత్తి పంటలకు నష్టం వాటిల్లినట్లు వ్యవసాయ అధికారులు ప్రాథమికంగా అంచనా వేశారు. అలాగే అరటి, కూరగాయలు, పూలు తదితర ఉద్యాన పంటలు 862.5 ఎకరాల్లో దెబ్బతిన్నట్లు అంచనా వేశారు. మొత్తం కలిపి 23,860 ఎకరాల్లో పంటలకు నష్టం వాటిల్లినట్లు తెలిపారు. దిగుబడులపై దిగులు ఎడతెరిపి లేకుండా కురుస్తున్న వర్షాలతో పంటల దిగుబడులు తగ్గుతాయేమోనని రైతులు ఆవేదన వ్యక్తం చేస్తున్నారు. వరి పొలాల్లో నీరు నిలిచిపోవడంతో పాటు ఈదురుగాలులకు పంటలు నేలవాలింది. మినుము పంట నీట మునిగింది. పత్తి పంట పలు చోట్ల పూత, పిందె, కాయ, ఏరే దశలో ఉంది. ఏరే దశలో ఉన్న పత్తి పంటకు నష్టం వాటిల్లింది. కాయ దశలో ఉన్న పత్తి పంటలో నీరు చేరడంతో రంగు మారే ప్రమాదం ఉందని రైతులు ఆందోళన చెందుతున్నారు. వర్షాలు కొనసాగితే పంట నష్టాలు పెరుగుతాయని భయపడుతున్నారు. పొంగిపొర్లుతున్న వాగులు వర్షాలకు పలు ప్రాంతాల్లో వాగులు, వంకలు పొంగిపొర్లుతున్నాయి. ఈదురుగాలుల ధాటికి అక్కడక్కడా భారీ చెట్లు నేలకొరిగాయి. మరికొన్ని ప్రాంతాల్లో విద్యుత్‌ సరఫరాకు అంతరాయం ఏర్పడింది. దీంతో ప్రజలు ఇబ్బందులు ఎదుర్కొంటున్నారు. జిల్లా అధికార యంత్రాంగం అప్రమత్తమైంది. 41 మి.మీ. సగటు వర్షపాతం జిల్లా వ్యాప్తంగా ఓ మోస్తరు నుంచి భారీ వర్షాలు కురుస్తున్నాయి. మంగళవారం ఉదయం నుంచి బుధవారం ఉదయం వరకు అత్యధికంగా దుగ్గిరాల మండలంలో 77.8 మిల్లీమీటర్ల వర్షపాతం నమోదుకాగా, అత్యల్పంగా ఫిరంగిపురం మండలంలో 12.4 మి.మీ. నమోదైంది. జిల్లాలో సగటున 41 మి.మీ.గా కురిసింది. వివిధ మండలాల్లో నమోదైన వర్షపాతం వివరాలు ఇలా ఉన్నాయి.. తాడేపల్లి మండలంలో 71.2, చేబ్రోలులో 70, మంగళగిరిలో 66.6, కొల్లిపరలో 66.6, తెనాలిలో 63.8 , పెదకాకానిలో 50.8 , గుంటూరు తూర్పులో 38.4, గుంటూరు పశ్చిమలో 38.2, తాడికొండలో 36 , తుళ్లూరులో 31.8, పొన్నూరులో 24.5, కాకుమానులో 21.6, మేడికొండూరులో 18.6, వట్టిచెరుకూరులో 17.4, పెదనందిపాడులో 16.2, ప్రత్తిపాడు మండలంలో 15.6 మి.మీ. వర్షపాతం నమోదైంది. రాజధాని ప్రాంతంలో దెబ్బతిన్న పంటలు అర్నబ్‌ దెబ్బకు పత్తి, జూట్‌, వరి తదితర పంటలు నేలవాలాయి. లోతట్టు ప్రాంతాలు జలమయం కావడంతో పాటు రోడ్లపైకి నీరు చేరడంతో వాహనాల రాకపోకలకు తీవ్ర అంతరాయం ఏర్పడింది. పెదపరిమి–తాడికొండ మధ్య రోడ్డు నిర్మాణంలో భాగంగా తవ్వి వదిలేయడంతో భారీ గుంతల్లో నీరు నిలిచిపోయింది. పెదపరిమి వద్ద కోటేళ్ల వాగు పొంగి ప్రవహిస్తుండటంతో రాజధానికి రాకపోకలు పూర్తిగా నిలిచిపోయాయి. వాహనదారులు సైతం రోడ్డుపై వెళ్లలేని పరిస్థితి ఏర్పడటంతో నానా అవస్థలు పడ్డారు. పెదపరిమి–నెక్కల్లు గ్రామాల మధ్య ఉన్న లోలెవల్‌ చప్టా పొంగిపొర్లడంతో రాకపోకలు నిలిచిపోయాయి. తాడికొండ మండలం లాం గ్రామం వద్ద లోలెవల్‌ చప్టాపై కొండవీటి వాగు వరద ఉధృతిని పరిశీలించేందుకు జేసీ అశుతోష్‌ శ్రీవాస్తవ వచ్చి అధికారులకు పలు సూచనలు చేశారు. పూడికతీత పనులు చేయించారు. జిల్లాలో వర్షం కురుస్తూనే ఉంది. తుళ్లూరు మండలంలోని లోతట్టు ప్రాంతాలు, లంక గ్రామాల ప్రజలకు పునరావాసం కల్పించేందుకు పాఠశాలలను పరిశీలించి సిద్ధం చేశారు. పరిహారం ఎప్పుడో? గతేడాది అక్టోబర్‌లో సంభవించిన మొంథా తుఫాన్‌ కారణంగా 6,062.21 ఎకరాల్లో పంటలు నష్టపోయిన 3,800 మంది రైతులకు రూ.5.75 కోట్ల నష్టపరిహారం నేటికీ అందలేదనే ఆవేదన వ్యక్తమవుతోంది. గత నష్టాలకే పరిహారం అందని పరిస్థితుల్లో మరోసారి తుఫాన్‌ ప్రభావం తమను ఆర్థికంగా దెబ్బతీస్తోందని రైతులు వాపోతున్నారు. దుగ్గిరాల పరిధి సీతానగరం దగ్గర సాగుకు నీటి విడుదల నిలిపివేసినట్లు నీటి పారుదల శాఖ అధికారులు తెలిపారు. తుఫాన్‌ ప్రభావంతో గుంటూరు నగరంలో కురుస్తున్న భారీ వర్షాలకు జనజీవనం పూర్తిగా స్తంభించిపోయింది. అత్యవసర పనుల మీద బయటకు వచ్చిన వారు మోకాలి లోతు నీటిలోనే రాకపోకలు సాగించాల్సిన దుస్థితి నెలకొంది. మూడు వంతెనలు, చుట్టుగుంట మురికిపేట, పీకల వాగు, కంకరగుంట ఆర్‌యూబీ, టీజేపీఎస్‌ కాలేజీ ఎదురుగా, ఐటీసీ రోడ్డు, జేకేసీ కాలేజీ రోడ్డు, పట్టాభిపురం మెయిన్‌ రోడ్డు, అమరావతి రోడ్డు, రామిరెడ్డితోట, గుంటూరువారితోట, పాత గుంటూరు, నందివెలుగు రోడ్డుతో పాటు కొత్తపేట, నెహ్రూనగర్‌, బొంగరాలబీడు, విద్యానగర్‌, బ్రాడీపేట, అరండల్‌పేట తదితర ప్రాంతాల్లోని లోతట్టు వీధులు పూర్తిగా నీట మునిగాయి. ఇళ్లలోకి, దుకాణాల్లోకి వర్షపు నీరు చేరింది.

నెహ్రూనగర్‌: స్థానిక సంస్థల ఎన్నికల ఏర్పాట్లను జిల్లా కలెక్టర్‌, జిల్లా ఎన్నికల అధికారి సీఎం సాయికాంత్‌ వర్మ మంగళవారం పరిశీలించారు. గుంటూరు నగరపాలక సంస్థ ఎన్నికల సామగ్రి పంపిణీ కేంద్రంగా ఉన్న ఆంధ్రా ముస్లిం కళాశాలతోపాటు, ఆచార్య నాగార్జున విశ్వవిద్యాలయ ఇంజినీరింగ్‌ కళాశాలలో ఏర్పాటు చేస్తున్న స్ట్రాంగ్‌ రూమ్‌లు, కౌంటింగ్‌ కేంద్రాలను ఆయన సందర్శించారు. నగరపాలక సంస్థ కమిషనర్‌ కె.మయూర్‌ అశోక్‌, జెడ్పీ సీఈవో వి.జ్యోతి బసులతో కలిసి ఏర్పాట్లను పరిశీలించారు. అధికారులకు పలు సూచనలు చేశారు. పంపిణీ కేంద్రాల వద్ద ఎన్నికల సామగ్రి కొరత లేకుండా చూసుకోవాలన్నారు. రూట్‌ల వారీగా వాహనాలను సిద్ధం చేయాలని ఆయన ఆదేశించారు. ట్రాఫిక్‌ సమస్య తలెత్తకుండా సిబ్బంది వేగంగా సామగ్రి అప్పగించేలా చర్యలు తీసుకోవాలన్నారు. సీసీ కెమెరాలను ఏర్పాటు చేయాలని ఆదేశించారు. మీడియా కేంద్రం ఏర్పాటుతో పాటు, ఓట్ల లెక్కింపులో జాగ్రత్తలు తీసుకోవాలని అధికారులను ఆదేశించారు. ఆయన వెంట ఆర్డీఓ కె.శ్రీనివాసరావు, వివిధ శాఖల జిల్లా అధికారులు ఉన్నారు.

● తెరవెనుక చక్రం తిప్పుతున్న టీడీపీ సామాజిక వర్గం యంత్రాంగం ● వార్డుల పునర్విభజన నుంచి రిజర్వేషన్ల వరకు ముందస్తు లీకులు ● జీఎంసీ మేయర్‌ ఎన్నిక ఏకపక్షం చేసే అవకాశం ఉందని ఆందోళన ● జిల్లా కలెక్టర్‌ కఠిన చర్యలు తీసుకోవాలని ప్రతిపక్షాల డిమాండ్‌ సాక్షి ప్రతినిధి, గుంటూరు: గతంలో జీఎంసీ మేయర్‌గా పనిచేసిన కోవెలమూడి రవీంద్ర వద్ద పనిచేసిన అనుభవం ఉన్న కౌన్సిల్‌ సెక్రటరీ బి. శ్రీనివాసరావుకు ఈ ఎన్నికల్లో అత్యంత కీలకమైన పశ్చిమ నియోజకవర్గ బాధ్యతలను నగరపాలక సంస్థ తరఫున అప్పగించారు. మరోవైపు, కూటమి మేయర్‌ అభ్యర్థికి అనుకూలంగా వ్యవహరించేందుకు అదే సామాజిక వర్గానికి చెందిన ఓ అధికారిని ఏఈఆర్వోగా నియమించారు. వీరితో పాటు కార్యాలయంలోని మరికొందరు అధికార పార్టీకి చెందిన అదే సామాజిక వర్గ అధికారులు కూడా వీరికి తోడయ్యారు. ఇలా అధికార పార్టీకి చెందిన ఒకే సామాజిక వర్గానికి చెందిన కీలక అధికారులందరినీ ఒకే తాటిపైకి తెచ్చి, ఎన్నికల ప్రక్రియను తమకు అనుకూలంగా మార్చుకునే కుట్ర జరుగుతోందన్న ఆరోపణలు తీవ్రం అవుతున్నాయి. టీడీపీ నేతల కనుసన్నల్లో పనిచేస్తున్న ఈ అధికారులు ఎన్నికల నిబంధనలను పూర్తిగా ఉల్లంఘిస్తున్నారనే విమర్శలు వెల్లువెత్తుతున్నాయి. ఇందులో భాగంగానే వార్డుల రిజర్వేషన్లకు సంబంధించిన అత్యంత గోప్యమైన ‘ప్రియాంబుల్‌ కాపీ’ని అనధికారికంగా వాట్సాప్‌ గ్రూపుల్లోకి విడుదల చేసి హల్‌చల్‌ సృష్టించారు. వార్డుల పునర్విభజనకు సంబంధించిన ప్రతి చిన్న అంశాన్ని క్షణాల వ్యవధిలో అధికార పార్టీ నేతలకు చేరవేశారు. వారికి ముందస్తు వ్యూహాలు సిద్ధం చేసుకునేలా వెసులుబాటు కల్పించారనే విమర్శలు వ్యక్తమవుతున్నాయి. నిష్పక్షపాతంగా వ్యవహరించాల్సిన అధికారులే కూటమి అభ్యర్థుల విజయానికి ప్రయత్నించడం పారదర్శకతను ప్రశ్నార్థకం చేసిందని ప్రతిపక్షాలు మండిపడుతున్నాయి. జిల్లా ఎన్నికల అధికారి, జిల్లా కలెక్టర్‌ బాధ్యులపై కఠిన చర్యలు తీసుకోవాలన్నాయి. లేదంటే ఆ సామాజిక వర్గానికి చెందిన అధికారులు ఎన్నికలను ఏకపక్షంగా మార్చేందుకు ఎత్తుగడలు సిద్ధం చేసుకుంటారని ప్రతిపక్ష నేతలు చెబుతున్నారు. ఇకనైనా కలెక్టర్‌ స్పందించి ఎన్నికల నిర్వహణ ప్రక్రియను పారదర్శకంగా చేపట్టి, ప్రజాస్వామ్యాన్ని కాపాడాలన్నారు.మున్సిపల్‌ ఎన్నికల్లో కూటమి మేయర్‌ అభ్యర్థిని ఏకపక్షంగా గెలిపించడమే లక్ష్యంగా కొందరు అధికారులు బరితెగించారు. నిబంధనలను, ప్రజాస్వామ్య విలువలను గాలికొదిలారు. అధికార పార్టీకి చెందిన ఒకే సామాజిక వర్గానికి చెందిన అధికారులు అంతా ఒక్కటయ్యారు. తెరవెనుక ఉండి జీఎంసీ కూటమి మేయర్‌ అభ్యర్థి విజయానికి అహర్నిశలు కృషి చేస్తున్నారు. ఎన్నికల ప్రక్రియలో నిష్పక్షపాతాన్ని ప్రశ్నార్థకం చేస్తున్నారు. అధికార వర్గాల ఈ పక్షపాత వైఖరిపై ‘సాక్షి’లో ఈ నెల 15వ తేదీన వచ్చిన ‘అధికార పచ్చపాతం’ అనే కథనం స్థానిక రాజకీయాల్లో పెను ప్రకంపనలు సృష్టించింది. దీనిపై స్పందించిన జిల్లా కలెక్టర్‌ సి.ఎం. సాయికాంత్‌ వర్మ, నగర కమిషనర్‌ మయూర్‌ అశోక్‌లు.. జీఎంసీ కౌన్సిల్‌ గుమాస్తా నాగరాజును సస్పెండ్‌ చేసిన విషయం తెలిసిందే. అయితే, దీనిపై మరింత లోతైన విచారణ చేపడితే తమ బండారం ఎక్కడ బయటపడుతుందోనని బెంబేలెత్తిపోయిన ఆ అధికారి, హడావుడిగా తన మొబైల్‌ సిమ్‌ కార్డును ఇటీవల కొత్తగా విధుల్లో చేరిన స్వర్ణ వార్డు సచివాలయ విభాగం అదనపు కమిషనర్‌ రవీంద్రకు ఇచ్చేశారు. తప్పు చేయనప్పుడు సిమ్‌ మార్చాల్సిన అవసరం ఏముందనే ప్రశ్న ఇప్పుడు సర్వత్రా చర్చనీయాంశమైంది. ఈ వ్యవహారంపై లోతైన విచారణ చేపట్టి, ఆ అధికారి వాట్సాప్‌ చాట్‌లపై పోలీసు విచారణ జరిపితే మరిన్ని విషయాలు బయటకు వచ్చే అవకాశాలున్నాయని ప్రతిపక్ష పార్టీల నేతలు చెబుతున్నారు.

సాక్షి టాస్క్‌ఫోర్స్‌: కూటమిలో ‘అవకాశవాద’ నేతలు శీర్షికన బాపట్ల, గుంటూరు జిల్లాల్లో ఈనెల 23న ప్రచురితమైన వార్తా కథనానికి స్పందన లభించింది. బాపట్ల జిల్లా వేమూరు మండలం చావలి గ్రామానికి చెందిన సొసైటీ అధ్యక్షుడు ఊసా రాజేష్‌కు టీడీపీ నుండి చుక్కెదురైంది. జనసేన పార్టీకి చెందిన రాజేష్‌, ఓసీ (మహిళ)కు రిజర్వు చేసిన ఎంపీపీ పదవిపై కన్నేశారు. సొంతూరు చావలిలో ఓసీ మహిళకు కేటాయించిన ఎంపీటీసీ స్థానంలో తన భార్య నాగజ్యోతిని పోటీ చేయించాలని భావించారు. గ్రామస్తులకు మూడురోజులపాటు విందుభోజనాలు పెట్టారు. గ్రామంలోని సొసైటీ అధ్యక్షుడిగా ఉంటూ పలు అవినీతి, అక్రమాలకు పాల్పడిన రాజేష్‌కు, ఈ ఎన్నికల్లో గుణపాఠం చెప్పాలని గ్రామస్తులు నిర్ణయించుకున్నారు. విషయం తెలిసిన రాజేష్‌, వేమూరు ఎమ్మెల్యే నక్కా ఆనందబాబు సహకారంతో అదే మండలంలోని పోతుమర్రు ఎంపీటీసీ స్థానం నుంచి పోటీకి రంగం సిద్ధంచేసుకున్నారు. ఈనెల 22వ తేదీన తన భార్యకు టీడీపీ కండువా కప్పించి, నామినేషను వేయించారు. పొతుమర్రు, బూతుమల్లి, చంపాడు పరిధిగా గల ఆ ఎంపీటీసీ పరిధిలోని తెలుగుదేశం నాయకులు కూడా రాజేష్‌ గురించి తెలిసి, తీవ్ర అసంతృప్తితో ఉన్నారు. మరుసటిరోజు ‘సాక్షి’లో ఈ అవకాశవాద రాజకీయాలపై ప్రచురించిన వార్తాకథనం అటు టీడీపీ, జనసేన వర్గాల్లో కలకలం సృష్టించింది. దీనితో టీడీపీ రాజేష్‌ భార్య నాగజ్యోతికి పార్టీ బీఫారం ఇచ్చేందుకు నిరాకరించింది. చేసేదిలేక మంగళవారం ఆమె తన నామినేషనును ఉపసంహరించుకున్నారు. ఇదిలావుంటే, సొంతూరు చావలిలో సొంత పార్టీ జనసేన తరపున పోటీచేస్తున్నవారు కూడా ‘మా ప్రచారానికి మీరు రావొద్దు’ అంటూ ఈ దంపతులకు కబురుపెట్టారట!

తెనాలి: రాయపూర్‌లోని పండిట్‌ రవిశంకర్‌ శుక్లా విశ్వవిద్యాలయంలో ‘అసోసియేషన్‌ ఆఫ్‌ ఫార్మాస్యూటికల్‌ టీచర్స్‌ ఆఫ్‌ ఇండియా’ (ఏపీటీఐ) ఆధ్వర్యంలో జరిగిన 28వ జాతీయ ఏపీటీఐసీఓఎన్‌ సదస్సులో ఏపీటీఐ ఆంధ్రప్రదేశ్‌ రాష్ట్ర శాఖకు 2026 సంవత్సరానికి బెస్ట్‌ కంట్రిబ్యూషన్‌ స్టేట్‌ బ్రాంచ్‌ అవార్డును ప్రదానం చేశారు. ఈ ప్రతిష్ఠాత్మక అవార్డును ఏపీటీఐ ఆంధ్రప్రదేశ్‌ రాష్ట్ర శాఖ అధ్యక్షులు, స్థానిక ఏఎస్‌ఎన్‌. ఫార్మసీ కాలేజి ప్రిన్సిపాల్‌ డాక్టర్‌ కె.వెంకట రమణ స్వీకరించారు. ఈనెల 24, 25 తేదీల్లో జరిగిన సదస్సులో అందుకున్న గౌరవం వివరాలను మంగళవారం ఒక ప్రకటనలో తెలిపారు. రాష్ట్రంలో ఫార్మసీ విద్య అభివృద్ధి, అధ్యాపకుల నైపుణ్యాభివృద్ధి, విద్యార్థుల్లో పరిశోధనా దృక్పథాన్ని పెంపొందించడం, ఫార్మసీ రంగంలో నాణ్యమైన విద్యను ప్రోత్సహించడం వంటి కార్యక్రమాలకు ఈ గుర్తింపు లభించటం, రాష్ట్రంలోని ఫార్మసీ విద్యాసంస్థల యాజమాన్యాలు, అధ్యాపకులు, విద్యార్థులు అందించిన సహకారం, ప్రోత్సాహంతోనే ఈ జాతీయ స్థాయి గుర్తింపు సాధించగలిగామన్నారు. ఏపీటీఐ ఆంధ్రప్రదేశ్‌ రాష్ట్ర శాఖ ఉపాధ్యక్షులు డాక్టర్‌ వై.అంకమ్మ చౌదరి, డాక్టర్‌ ఎ.లక్ష్మణరావు, కార్యదర్శి, పీసీఐ సెంట్రల్‌ కౌన్సిల్‌ సభ్యులు, ఆంధ్రప్రదేశ్‌ స్టేట్‌ ఫార్మసీ కౌన్సిల్‌ సభ్యులు డాక్టర్‌ డి.నరేంద్ర, ఏపీటీఐ ఉమెన్స్‌ ఫోరం కన్వీనర్‌ డాక్టర్‌ కె.పద్మలత పాల్గొన్నారు.

గుంటూరు వెస్ట్‌: అర్నబ్‌ తుపాను కారణంగా బుధవారం భారీ వర్షాలు కురుస్తాయని, తీవ్ర గాలులు వీచే అవకాశం ఉందని జిల్లా కలెక్టర్‌ సీఎం సాయికాంత్‌ వర్మ పేర్కొన్నారు. అప్రమత్తంగా ఉండాలని ప్రజలకు సూచించారు. ఎవరైనా అత్యవసర పనులు ఉంటే మినహా బయటకు రావద్దని అన్నారు. మంగళవారం స్థానిక కలెక్టరేట్‌లోని వీసీ హాలులో నిర్వహించిన విలేకరుల సమావేశంలో కలెక్టర్‌ మాట్లాడుతూ విద్యాసంస్థలకు బుధవారం పరిస్థితిని సమీక్షించి సెలవు విషయమై నిర్ణయం తీసుకుంటామని తెలిపారు. అంగన్‌వాడీ కేంద్రాలకు ఇప్పటికే మూడు రోజులపాటు సెలవు ప్రకటించామన్నారు. తుపాను తీవ్రత ఎక్కువగా ఉంటుందని వాతావరణ శాఖ హెచ్చరికలు జారీ చేసిందని, దీనిపై జిల్లా యంత్రాంగం పూర్తి అప్రమత్తంగా ఉందని తెలిపారు. లోతట్టు ప్రాంతాలను గుర్తించామని చెప్పారు. అవసరమైతే ఇప్పటికే సిద్ధం చేసిన 34 పునరావాస కేంద్రాలకు ప్రజలను వెంటనే తరలిస్తామని తెలిపారు. వృద్ధులు, చిన్నారులు, గర్భిణులు, బాలింతల పట్ల ప్రత్యేక శ్రద్ధ వహించాలని చెప్పారు. ఎటువంటి ప్రాణ, ఆస్తి నష్టం జరగకుండా పూర్తి ముందస్తు చర్యలు తీసుకుంటున్నామని ఆయన పేర్కొన్నారు. జిల్లాలో రైతులు అప్రమత్తంగా ఉండాలని కలెక్టర్‌ కోరారు. వాగులు, నదులు దాటవద్దన్నారు. సమస్యలు ఎదురైతే సంప్రదించడానికి జిల్లా కలెక్టర్‌ కార్యాలయంలో (08632234014) కంట్రోల్‌ రూమ్‌ ఏర్పాటు చేశామని అన్నారు. పరిస్థితిని బట్టి పాఠశాలలు, కళాశాలలకు సెలవు అంగన్‌వాడీ కేంద్రాలకు మూడు రోజులపాటు సెలవు విలేకరుల సమావేశంలో జిల్లా కలెక్టర్‌ సీఎం సాయికాంత్‌ వర్మ ఆసుపత్రుల వద్ద ముఖ్యంగా అత్యవసర వైద్య సేవలు, ఆపరేషన్‌ థియేటర్ల వద్ద ఎటువంటి విద్యుత్‌ అంతరాయం లేకుండా చర్యలు చేపట్టాలని జిల్లా వైద్య ఆరోగ్యశాఖను ఆదేశించినట్లు తెలిపారు. హై రిస్క్‌ లో ఉన్న గర్భిణులను ముందుగానే ఆసుపత్రులకు తరలించాలని ఆదేశించారు. వైద్య సేవలకు ఎటువంటి అంతరాయము ఉండరాదని స్పష్టం చేశారు. సమావేశంలో జిల్లా రెవెన్యూ అధికారి ఎన్‌.ఎస్‌.కె. ఖాజావలి పాల్గొన్నారు.

గుంటూరు లీగల్‌: గుంటూరు బార్‌ అసోసియేషన్‌ జనరల్‌ బాడీ సమావేశంలో తీసుకున్న తీర్మానం మేరకు, హైకోర్టు న్యాయమూర్తి, గుంటూరు జిల్లా పోర్ట్‌ఫోలియో జడ్జి జస్టిస్‌ డి.రమేష్‌ను బార్‌ అసోసియేషన్‌ ప్రతినిధులు సోమవారం హైకోర్టులోని ఆయన చాంబర్‌లో మర్యాదపూర్వకంగా కలిసి వినతిపత్రం సమర్పించారు. అమరావతి, చేబ్రోలు, తాడికొండ ప్రాంతాలు గుంటూరు న్యాయస్థానాల పరిధిలోనే కొనసాగించాలని, సిటీ సివిల్‌ కోర్టులు, కమర్షియల్‌ కోర్టులను గుంటూరులో ఏర్పాటు చేయాలని, విశాఖపట్నంలో ఉన్న డీఆర్‌టీ (డెట్‌ రికవరీ ట్రిబ్యునల్‌)కు గుంటూరులో బెంచ్‌ ఏర్పాటు చేయాలని వినతిపత్రంలో కోరారు. ఈ అంశాలపై జస్టిస్‌ డి.రమేష్‌ సానుకూలంగా స్పందించినట్లు బార్‌ అసోసియేషన్‌ ప్రతినిధులు తెలిపారు. కార్యక్రమంలో గుంటూరు బార్‌ అసోసియేషన్‌ అధ్యక్షుడు మధిర నాగేశ్వరరావు, వైస్‌ ప్రెసిడెంట్‌ రేవతి, జనరల్‌ సెక్రటరీ నారదాసు వీరమనేంద్ర, ట్రెజరర్‌ ఆకుల సుజాత, లేడీ రిప్రజెంటేటివ్‌ ఇందిరా, ఈసీ సభ్యుడు బాషా పాల్గొన్నారు.

నెహ్రూనగర్‌: స్థానిక సంస్థల ఎన్నికల విధుల్లో ఉండే ఉద్యోగులు పోస్టల్‌ బ్యాలెట్‌ ద్వారా తమ ఓటు హక్కును వినియోగించుకునే కేంద్రాల వద్ద కూటమి నేతలు నిబంధనలకు విరుద్ధంగా వ్యవహరించడం తీవ్ర విమర్శలకు దారితీసింది. గుంటూరులోని ఏసీ కాలేజీలో మంగళ, బుధవారాల్లో ఎన్నికల విధుల్లో ఉండే ఉద్యోగుల కోసం పోస్టల్‌ బ్యాలెట్‌ ఓటింగ్‌ ఏర్పాట్లు చేశారు. ఈ కేంద్రాల వద్ద టీడీపీ, ఇతర కూటమి పార్టీల నేతలు ఓటర్లను ప్రలోభపెట్టేందుకు బహిరంగంగానే ప్రయత్నాలు చేయడం గమనార్హం. ఓటు వేసేందుకు వచ్చే ఉద్యోగులకు రూ. 2 వేల నుంచి రూ. 5 వేల వరకు నగదు ఇస్తామంటూ బేరసారాలు సాగించారు. ఈ క్రమంలో కొంతమంది ప్రలోభాలకు తలొగ్గగా, మరికొంతమంది వాటిని తిరస్కరించి తమ ఓటు హక్కును వినియోగించుకున్నారు. ఓటర్లను బహిరంగంగా ఇలా ప్రభావితం చేయడంపై ప్రతిపక్ష పార్టీల అభ్యర్థులు తీవ్ర ఆగ్రహం వ్యక్తం చేస్తున్నారు. చోద్యం చూసిన పోలీసులు పోలింగ్‌ కేంద్రాల వద్ద రాజకీయ పార్టీల గుర్తులు, కండువాలు ధరించి రావడానికి వీల్లేదన్న స్పష్టమైన ఎన్నికల నిబంధనలు ఉన్నాయి. కూటమి నేతలు మాత్రం పసుపు కండువాలు, పార్టీ స్టిక్కర్లు, పసుపు చొక్కాలు ధరించి కేంద్రాల వద్ద దర్జాగా హల్‌చల్‌ చేశారు. ఇంత జరుగుతున్నా పోలీసులు కనీసం వారిని నిలువరించే ప్రయత్నం చేయలేదు. పైగా కూటమి నేతలకు మద్దతుగా వ్యవహరించారనే ఆరోపణలు వ్యక్తమవుతున్నాయి. ఎన్నికల నిబంధనలను తుంగలో తొక్కుతున్న అధికార పార్టీ నేతల తీరుపై సర్వత్రా విమర్శలు వెల్లువెత్తుతున్నాయి. పోస్టల్‌ బ్యాలెట్‌ ఓటింగ్‌కు నేడు ఆఖరి రోజు కావడంతో మరింత మంది ఉద్యోగులు తమ ఓటు హక్కును వినియోగించుకునే అవకాశం ఉంది. ఈ నేపథ్యంలోనైనా అధికారులు, పోలీసులు స్పందించి తగిన చర్యలు చేపట్టాలని డిమాండ్‌లు వినిపిస్తున్నాయి. పోస్టల్‌ బ్యాలెట్‌ కేంద్రాల వద్ద హల్‌చల్‌ నగదు పంపిణీకి బహిరంగంగానే ప్రయత్నం దర్జాగా పార్టీ కండువాలు, స్టిక్కర్లు ధరించి సంచారం కనీసం పట్టించుకోని పోలీసులు, ఎన్నికల అధికారులు

ఎస్సీ, ఎస్టీ పారిశ్రామికవేత్తల మంగళగిరి టౌన్‌: ఎస్సీ, ఎస్టీ పారిశ్రామికవేత్తలకు ప్రభుత్వం చెల్లించాల్సిన పెండింగ్‌ సబ్సిడీలు, ప్రోత్సాహకాలను వెంటనే విడుదల చేయాలని ఆంధ్రప్రదేశ్‌ ఎస్సీ, ఎస్టీ పారిశ్రామికవేత్తల జేఏసీ రాష్ట్ర అధ్యక్షుడు అనార్‌ బాబు డిమాండ్‌ చేశారు. ఈ మేరకు మంగళగిరి పట్టణంలోని ప్రెస్‌క్లబ్‌లో మంగళవారం విలేకరుల సమావేశం నిర్వహించారు. ఈ సందర్భంగా ఆయన మాట్లాడుతూ గత నాలుగేళ్లుగా సబ్సిడీల కోసం అధికారుల చుట్టూ తిరుగుతున్నా సమస్య పరిష్కారం కావడం లేదని ఆయన ఆవేదన వ్యక్తం చేశారు. గతంలో కొంత మొత్తాన్ని విడుదల చేసిన ప్రభుత్వం, మిగిలిన బకాయిల చెల్లింపుల్లో జాప్యం చేస్తోందని ఆరోపించారు. ప్రతి నెలా చెల్లింపులు చేస్తామని హామీలు ఇస్తూ వాయిదా వేస్తున్నారని విమర్శించారు. రూ.352 కోట్ల విడుదలకు సంబంధించి ఉత్తర్వులు జారీ చేసినట్లు చెబుతున్నప్పటికీ, తమకు రావాల్సిన సబ్సిడీలు ఇప్పటికీ అందలేదని పేర్కొన్నారు. సబ్సిడీలు అందక బ్యాంకు రుణాల వాయిదాలు చెల్లించలేకపోతున్నామని, దీంతో ఖాతాలు నిరర్థక ఆస్తులుగా మారే ప్రమాదం ఉందని ఆయన తెలిపారు. పారిశ్రామికవేత్త కుటుంబాన్ని ఆదుకోవాలి.. పల్నాడు జిల్లాకు చెందిన శ్రీనివాస్‌ అప్పుల ఒత్తిడితో ఆత్మహత్యకు పాల్పడినట్లు అనార్‌ బాబు తెలిపారు. ఆయన కుటుంబానికి రూ.కోటి పరిహారం చెల్లించాలని, భార్యకు ఉద్యోగం కల్పించాలని, పిల్లల విద్యకు ఆర్థికసాయం అందించాలని ప్రభుత్వాన్ని కోరారు. కుటుంబం రుణభారాన్ని తొలగించేందుకు చర్యలు తీసుకోవాలని డిమాండ్‌ చేశారు. ఇప్పటికే అధికారులకు వినతిపత్రం సమర్పించినట్లు వెల్లడించారు. వాహనాలు కొనుగోలు చేసి అప్పులపాలయ్యాం.. మహిళా విభాగం ప్రతినిధి మాధవి మాట్లాడుతూ, ఎంఎస్‌ఎంఈ రంగంలో వ్యాపారాలు ప్రారంభించి స్వయం ఉపాధి పొందడంతో పాటు మరికొందరికి ఉపాధి కల్పించాలనే ఉద్దేశంతో బ్యాంకు రుణాలు తీసుకుని వాహనాలు కొనుగోలు చేశామని తెలిపారు. బస్సులు, లారీలు, టిప్పర్లను నడుపుతూ ఉపాధి కల్పించిన తామే ఇప్పుడు ఆర్థిక ఇబ్బందులతో ఉపాధి కోల్పోయే పరిస్థితికి చేరుకున్నామని ఆవేదన వ్యక్తం చేశారు. కాకినాడ జిల్లా సామర్లకోటకు చెందిన వి.నాగలక్ష్మి మాట్లాడుతూ, సబ్సిడీ పథకాన్ని నమ్ముకుని రెండు వాహనాలు కొనుగోలు చేశానని, ఐదేళ్లు గడిచినా తనకు రావాల్సిన సబ్సిడీ అందలేదని తెలిపారు. వాహనాల కోసం చేసిన అప్పులు తీర్చేందుకు బంగారం, ఇళ్లను సైతం తాకట్టు పెట్టాల్సి వచ్చిందని ఆవేదన వ్యక్తం చేశారు. అనేకసార్లు ధర్నాలు నిర్వహించినా సమస్య పరిష్కారం కాలేదని చెప్పారు. పెండింగ్‌ సబ్సిడీలను వెంటనే విడుదల చేసి, అప్పుల భారంతో ఇబ్బందులు పడుతున్న ఎస్సీ, ఎస్టీ పారిశ్రామికవేత్తల కుటుంబాలను ఆదుకోవాలని సంఘ ప్రతినిధులు ప్రభుత్వాన్ని కోరారు. నెలాఖరులోగా చెల్లింపులు జరగకపోతే నవంబర్‌ 1 నుంచి ఆమరణ నిరాహార దీక్ష ప్రారంభిస్తామని స్పష్టం చేశారు. ఈ సమావేశంలో సత్తిబాబు, బుల్లబ్బాయి, లాజరు, హనుమంతరావు, విజయకుమార్‌, రాంబాబు నాయక్‌, పున్నారావు తదితరులు పాల్గొన్నారు.

తెనాలి: పట్టణానికి చెందిన ప్రముఖ వైద్యుడు డాక్టర్‌ పాటిబండ్ల దక్షిణామూర్తి (87) మృతిచెందారు. వైద్యం, వైద్యవిజ్ఞానం, సాహిత్యం, సినిమా రచనలు, సాహితీ వ్యాసంగాలతో బిజీగా గడుపుతుండే ఆయన అనారోగ్యానికి గురయ్యారు. విజయవాడలోని ఓ కార్పొరేట్‌ ఆసుపత్రిలో చికిత్స పొందుతూ మంగళవారం ఉదయం మృతిచెందారు. బుధవారం అంత్యక్రియలు నిర్వహిస్తారు. లాభార్జనే ధ్యేయంగా నడుస్తున్న వైద్యవృత్తిలో సొంత లాభం మానుకుని రోగుల స్వస్థత లక్ష్యంగా పనిచేశారు డాక్టర్‌ దక్షిణామూర్తి. తెలిసినవారంతా ’దాక్షిణ్య’మూర్తి అంటారు. ఇంటికి పెట్టిన పేరు ’సహృదయ’. ఆయనకు సార్ధక నామధేయం. పేదల డాక్టరుగా సుపరిచితులు. 1939 సెప్టెంబర్‌ 2న ఉమ్మడి కృష్ణాజిల్లా గుంటుపల్లిలో జన్మించారు. గుంటూరు మెడికల్‌ కాలేజీలో ఎంబీబీఎస్‌ చేశారు. 1965లో ఎండీ పూర్తిచేశారు. అదే కాలేజిలో అసిస్టెంట్‌ ప్రొఫెసర్‌గా, అసిస్టెంట్‌ ఫిజిషియన్‌గా బాధ్యతలు నిర్వర్తించారు. 1970–73లో విజయవాడలోని ప్రభుత్వ ఆసుపత్రిలో అసిస్టెంట్‌ సర్జన్‌గా చేశారు. 1973లో తెనాలిలో గీతా నర్సింగ్‌ హోమ్‌ను స్థాపించారు. తెనాలిలో ఆయనే తొలి ఎండీ (ఫిజిషియన్‌). 1979లో గుండె జబ్బులకు ఇంటెన్సివ్‌ కేర్‌ యూనిట్‌ (కార్డియాక్‌ మానిటర్‌, డీఫిబ్రిలేటర్‌) ప్రారంభించారు. అత్యవసర వైద్యంకోసం తీసుకొచ్చిన రోగికి, కౌంటర్లో డబ్బు చెల్లిస్తేనే నాడి చూసే డాక్టర్లకు భిన్నంగా క్షణం వృథా చేయకుండా వైద్యం అందించారు. అతి చౌకై న మందులతోనే చికిత్స చేస్తూ వచ్చారు. తనకు తెలిసిన వైద్యవిజ్ఞానంతో పత్రికలకు వైద్యవిజ్ఞాన వ్యాసాలనూ, పుస్తకాలనూ రాశారు. ‘డాక్టరుగారి డైరీ’, ‘వైద్యవిజ్ఞానం’, ‘డయాబెటీస్‌ గైడ్‌’, ‘గుండెజబ్బులు–నివారణ’, ‘అధిక రక్తపోటు’ పుస్తకాలు అందులో కొన్ని. 1981లో తెనాలిలో డయాబెటీస్‌పై సమగ్ర సర్వే చేసి ముంబయిలో జరిగిన అంతర్జాతీయ డయాబెటిస్‌ సదస్సులో పత్రసమర్పణ చేశారు. అసోసియేషన్‌ ఆఫ్‌ ఫిజిషియన్స్‌, ఏపీ చాప్టర్‌కు అధ్యక్షుడిగా చేశారు. 2009లో గుండెజబ్బులపై చేసిన సర్వే, ఫిజిషియన్స్‌ జర్నల్‌లో ప్రచురితమైంది బహుముఖ ప్రజ్ఞాశాలి.. సినిమాపై ఆసక్తితో వాటి మంచీ చెడులను విశ్లేషిస్తూ వ్యాసాలు రాశారు. క్లాసికల్‌ ఫిలింసొసైటీ, చైతన్యవేదిక సంస్థలను స్థాపించి ఉత్తమ చిత్రాలను ప్రోత్సహించారు. ఉత్తమ దర్శకులు, రచయితలు బీఎన్‌ రెడ్డి, శ్రీశ్రీ, కొడవటిగంటి కుటుంబరావు, ఆరుద్ర, దాశరధి, కె.విశ్వనాథ్‌, సి.నారాయణరెడ్డి, భానుమతి వంటి ప్రముఖులను సత్కరించారు. ’తెలుగులో ఉత్తమ చిత్రాలు’, ’కళాత్మక దర్శకుడు బి.ఎన్‌.రెడ్డి’, ‘గూడవల్లి రామబ్రహ్మం’ పుస్తకాలను రచించారు. ఉమ్మడి తెలుగు రాష్ట్రాలకు చెందిన పలువురు ప్రముఖులపై రాసిన వ్యాసాలతో రెండు సంపుటాలను తీసుకొచ్చారు. 1975 ప్రాంతాల్లో ‘కొరోనరీ క్లబ్‌’ను స్థాపించారు. 2000లో వాకర్స్‌ క్లబ్‌ను స్థాపించారు. నెలవారీ సమావేశాల్లో వైద్యవిజ్ఞాన ప్రసంగాలు, ఏటా వార్షికోత్సవంలో ఉత్తమ వాకర్స్‌ను సత్కరించారు. 2025లోఆ సంస్థ రజతోత్సవాలను ఘనంగా నిర్వహించారు. ప్రస్తుతం పెద్దకుమారుడు డాక్టర్‌ వేణుగోపాల్‌ ఫిజిషియన్‌గా గీతా నర్సింగ్‌హోమ్‌ నిర్వహిస్తున్నారు. కుమార్తె డాక్టర్‌ గీతాదేవి విజయవాడలో ప్రసిద్ధ గైనకాలజిస్ట్‌. రెండో కుమారుడు జితేంద్ర కొలంబస్‌ అమెరికాలో సాఫ్ట్‌వేర్‌ ఇంజినీరు. వివిధ రంగాల్లో చేసిన కృషికిగాను డాక్టర్‌ దక్షిణామూర్తి పలు అవార్డులనూ అందుకున్నారు. 1999లో ఢిల్లీలోని తెలుగు అకాడమీచే సత్కారం అందుకున్నారు. 2002లో పొట్టి శ్రీరాములు తెలుగు యూనివర్శిటీ పురస్కారం, 2015లో ఆంధ్రప్రదేశ్‌ ప్రభుత్వంచే ఉగాది పురస్కారం, 2017లో విజయవాడ రూట్స్‌ ఫౌండేషన్‌చే జీవితకాల సాధన పురస్కారం, 2021లో తెనాలి ఐఎంఏచే డాక్టర్‌ ఉళ్లక్కి స్మారక బంగారు పతకం, గుంటూరులో డాక్టర్‌ పరుచూరి రాజారామ్‌ సాహితీ పురస్కారాన్ని అందుకున్నారు. ఐఎంఏ, తెనాలి శాఖలోలో ఏటా తన పేరిట ధర్మనిధి పురస్కారం కింద బంగారు పతకం ఉత్తమ వైద్యులకు ప్రదానం చేసేలా డాక్టర్‌ దక్షిణామూర్తి ఏర్పాటుచేశారు. వయోభారం కారణంగా 2026 నుంచి వైద్యవృత్తిని విరమించుకున్నారు. విశ్రాంత జీవితం గడుపుతున్నారు. ఆయన మృతితో తొలి తరం ప్రముఖులతో పరిచయాలున్న ఒక తరం మనిషి వెళ్లిపోయారు.

● మెట్రో నగరాలకు దీటుగా గుంటూరు అభివృద్ధి ● విలీన గ్రామాల్లో మౌలిక వసతుల కల్పనకు కృషి ● నిరంతరాయంగా తాగునీటి సరఫరాకు చర్యలు ● ‘సాక్షి’తో వైఎస్సార్‌ సీపీ మేయర్‌ అభ్యర్థి తాడికొండ శ్రీదేవి నెహ్రూనగర్‌: తాను గెలిస్తే గుంటూరును దేశంలోనే ఆదర్శంగా నిలుపుతానని గుంటూరు మేయర్‌ పీఠానికి పోటీ చేస్తున్న వైఎస్సార్‌ సీపీ అభ్యర్థి తాడికొండ అలివేలు వెంకట నాగ పద్మ శ్రీదేవి పేర్కొన్నారు. ప్రజా సమస్యల పరిష్కారమే ఏకై క అజెండాగా ముందుకు సాగుతానని హామీ ఇచ్చారు. మంగళవారం ‘సాక్షి’తో ప్రత్యేకంగా ఆమె మాట్లాడారు. వివరాలు ఆమె మాటల్లోనే... ‘‘ గుంటూరు మున్సిపాలిటీ, నగరపాలక సంస్థ చరిత్రలో ఇప్పటివరకు ఏ పార్టీ కూడా ఆర్యవైశ్య మహిళకు మేయర్‌ అభ్యర్థిగా అవకాశం ఇవ్వలేదు. వైఎస్సార్‌సీపీ అధినేత వైఎస్‌ జగన్‌మోహన్‌రెడ్డి నాకు అవకాశం కల్పించినందుకు జీవితాంతం రుణపడి ఉంటాను. తాగునీటి సమస్యపై దృష్టి నగరంలోని పలు ప్రాంతాల్లో, ముఖ్యంగా శివారు ప్రాంతాల్లో తాగునీటి సమస్య ఎక్కువగా ఉందని ప్రచారంలో ప్రజలు చెబుతున్నారు. అధికారులతో సమీక్షించి నిరంతరం తాగునీరు అందించేందుకు శాయశక్తులా ప్రయత్నిస్తాను. నగరపాలక సంస్థలో విలీనమైన పది గ్రామాల్లో రోడ్లు, డ్రైన్లు, తాగునీరు సమస్యల పరిష్కారంతోపాటు ప్రజారోగ్య పరిరక్షణకు పటిష్ట చర్యలు తీసుకుంటాను. అవసరమైన చోట తాగునీటి పైపులైన్లు, వాటర్‌ ట్యాంకులు నిర్మిస్తాం. నగర సమగ్ర అభివృద్ధికి ఒక ప్రణాళికతో ముందుకు వెళతా. అవినీతి నిర్మూలనకు చర్యలు జీఎంసీలో అవినీతి నిర్మూలనకు చర్యలు తీసుకుంటా. సచివాలయాలను బలోపేతం చేసి, సిబ్బంది అక్కడే అందుబాటులో ఉండేలా చూస్తాను. సచివాలయ ఉద్యోగులకు అదనపు విధుల నుంచి విముక్తి కల్పించేలా చూస్తా. చ జీఎంసీ అప్కాస్‌ ఉద్యోగులకు ప్రభుత్వ పథకాలు అందించేందుకు తగిన చర్యలు తీసుకుంటాను. ముంపు నుంచి రక్షణ ఏర్పాట్లు అండర్‌గ్రౌండ్‌ డ్రైనేజీ వ్యవస్థ పేరుతో టీడీపీ ప్రభుత్వం రూ. వందల కోట్లను దుర్వినియోగం చేసింది. ఈ పనులను ప్రణాళికాబద్ధంగా పూర్తి చేస్తాను. వర్షం పడితే మూడు వంతెనలు, కంకరగుంట ఆర్‌యూబీ, శివారు కాలనీలు నీట మునుగుతూ రాకపోకలకు తీవ్ర అంతరాయం కలుగుతోంది. ఇటీవల మూడు వంతెనల వద్ద ట్రాక్‌ ఎక్స్‌టెన్షన్‌ చేశారు. అయినప్పటికీ మురుగు సమస్య అలాగే ఉంది. దీనికి శాశ్వత పరిష్కారం చూపేందుకు రైల్వే అధికారులతో మాట్లాడతా. కంకరగుంట ఆర్‌యూబీ, ఇతర నీట మునిగే శివారు ప్రాంతాల్లోని సమస్యలకు పరిష్కారం చూపుతాను. నగరంలో కీలక ప్రాజెక్టుల్లో ఒకటైన పీవీకే నాయుడు మార్కెట్‌ పునర్నిర్మాణం చేపట్టి వ్యాపారులకు మేలు చేస్తాను. వెన్‌లాక్‌ మార్కెట్‌లో డ్రైనేజీ వ్యవస్థ లేకపోవడంతో వ్యాపారులు తీవ్ర ఇబ్బందులు ఎదుర్కొంటున్నారు. ఈ సమస్య పరిష్కరిస్తా. పార్కులను సుందరీకరిస్తా. గడ్డిపాడు ఆర్‌ఓబీ, శ్యామలనగర్‌, నెహ్రూనగర్‌, సంజీవయ్యనగర్‌ రైల్వే గేట్ల వద్ద ఆర్‌ఓబీల నిర్మాణానికి చర్యలు తీసుకుంటాను. ట్రాఫిక్‌కు అంతరాయం కలగకుండా సెల్లార్లను పార్కింగ్‌ కోసమే వినియోగించేలా చూస్తాను. రోడ్లపై తోపుడు బండ్లపై వ్యాపారాలు చేసేవారి కోసం ప్రత్యేక వెండింగ్‌ జోన్లు ఏర్పాటు చేయిస్తా. ప్రధాన కూడళ్ల వద్ద టాయిలెట్ల నిర్వహణకు కృషి చేస్తాను. వలస కూలీలకు సదుపాయాలు కల్పిస్తా. వీధి కుక్కల సమస్య పరిష్కారానికి కృషి చేస్తాను. ఆర్యవైశ్య సామాజిక వర్గానికి చెందిన తెల్లాకుల జాలయ్య మున్సిపల్‌ చైర్మన్‌గా పనిచేశారు. ఆయన గుర్తుగా నగరంలో నిర్మించే బ్రిడ్జిల్లో ఒకదానికి ఆయన పేరు పెట్టేందుకు కృషి చేస్తా.

తెనాలిరూరల్‌: స్థానిక సంస్థల ఎన్నికల నేపథ్యంలో ప్రొహిబిషన్‌ అండ్‌ ఎకై ్సజ్‌ అధికారులు మంగళవారం తనిఖీలు నిర్వహించారు. ఎకై ్సజ్‌ ఇన్‌స్పెక్టర్‌ బి.నయనతార ఆధ్వర్యంలో కాంటినెంటల్‌ కాఫీ లిమిటెడ్‌లో మిథనాల్‌ ఉపయోగించే విధానాన్ని పరిశీలించారు. దుగ్గిరాల మండలంలోని చిలువూరు, దుగ్గిరాల వైన్‌ షాపులలో మద్యం విక్రయాలను ఏపీ సురక్ష యాప్‌ ద్వారా తనిఖీ చేశారు. తనిఖీలలో భాగంగా తెనాలి మండల పరిధిలోని సోమసుందరపాలెంలో మద్యం అక్రమ నిల్వలు కలిగి ఉన్న వ్యక్తిని గుర్తించి అరెస్ట్‌ చేసినట్లు ఇన్‌స్పెక్టర్‌ తెలిపారు. తనిఖీలలో ప్రొహిబిషన్‌ అండ్‌ ఎకై ్సజ్‌ సిబ్బంది పాల్గొన్నారు. విజ్ఞాన్‌లో ‘బయోమెడ్‌–26 వర్క్‌షాప్‌, హ్యాకథాన్‌’ ప్రారంభం చేబ్రోలు: బయోమెడికల్‌ డేటా విశ్లేషణలో కృత్రిమ మేధస్సు (ఏఐ) వినియోగం వైద్య పరిశోధనల్లో నూతన అవకాశాలను సృష్టిస్తోందని ఐఐటీ గువాహటి బయోటెక్నాలజీ విభాగం ప్రొఫెసర్‌ డాక్టర్‌ వెంకట దాసు వీరంకి ేతెలిపారు. చేబ్రోలు మండలం వడ్లమూడిలోని విజ్ఞాన్‌ యూనివర్సిటీలో ఐదు రోజులపాటు నిర్వహించనున్న జాతీయ స్థాయి వర్క్‌షాప్‌, హ్యాకథాన్‌ ‘ఏఐ4 బయోమెడ్‌–26’ మంగళవారం ఘనంగా ప్రారంభమైంది. ‘బయోమెడికల్‌ డేటా కోసం కృత్రిమ మేధస్సు’ అనే ఇతివృత్తంతో ఈ కార్యక్రమాన్ని నిర్వహిస్తున్నారు. మూడు రోజుల ప్రాయోగిక శిక్షణతోపాటు రెండు రోజుల బయో–ఏఐ హ్యాకథాన్‌ను ఇందులో భాగంగా ఏర్పాటు చేశారు. ప్రారంభ కార్యక్రమానికి హాజరైన డాక్టర్‌ వెంకట దాసు వీరంకి మాట్లాడుతూ.. ప్రస్తుత కాలంలో బయోటెక్నాలజీ, బయో ఇన్ఫర్మాటిక్స్‌, డేటా సైన్స్‌, కృత్రిమ మేధస్సు పరస్పరం అనుసంధానమై వేగంగా అభివృద్ధి చెందుతున్నాయన్నారు. విద్యార్థులు కేవలం సైద్ధాంతిక పరిజ్ఞానానికే పరిమితం కాకుండా, వాస్తవ సమస్యలను గుర్తించి సాంకేతిక పరిష్కారాలను అభివృద్ధి చేసే నైపుణ్యాలను పెంపొందించుకోవాలని సూచించారు. డీన్లు, అధిపతులు, అధ్యాపక సిబ్బంది, విద్యార్థులు పాల్గొన్నారు.

మంగళగిరి రూరల్‌: మంగళగిరి పరిసర ప్రాంతాల్లో ఒంటరిగా వెళ్లే వ్యక్తులను కత్తులతో బెదిరించి నగదు, సెల్‌ఫోన్లు దోచుకోవడంతోపాటు, తాళం వేసిన ఇళ్లలో చోరీలకు పాల్పడుతున్న ముఠాను మంగళగిరి రూరల్‌ పోలీసులు మంగళవారం అరెస్ట్‌ చేశారు. పట్టుబడిన ఎనిమిది మందిలో ఆరుగురు మైనర్లు ఉన్నారు. నిందితుల నుంచి ఒక ఆటో, మూడు సెల్‌ఫోన్లు, రూ.30 వేల నగదును స్వాధీనం చేసుకున్నారు. మరో నిందితుడు పరారీలో ఉన్నట్లు పోలీసులు తెలిపారు. రూరల్‌ సీఐ చిరుమామిళ్ల వెంకట్‌ వివరాలు వెల్లడించారు. నిందితులు రాత్రి వేళల్లో ఆటోలో తిరుగుతూ ఒంటరిగా వెళ్లే వ్యక్తులను లక్ష్యంగా చేసుకుని కత్తులతో వారిని బెదిరించి నగదు, సెల్‌ఫోన్లు లాక్కోవడంతో పాటు, తాళం వేసిన ఇళ్లను గుర్తించి రాళ్లతో తాళాలు పగలగొట్టి లోపలికి చొరబడి నగదు దొంగిలించేవారు.ఈ నెల 22న ఎరబ్రాలెం సమీపంలోని పొగాకు కంపెనీ వద్ద నడుచుకుంటూ వెళ్తున్న నవులూరుకు చెందిన మద్దెబోయిన శివశంకర్‌రావును అడ్డగించి రూ.3 వేల నగదు, సెల్‌ఫోన్‌ దోచుకున్నారు. అదే రోజు అర్ధరాత్రి ఆత్మకూరు జంక్షన్‌ వద్ద ఆటో ఎక్కిన ఉలవపాడుకు చెందిన వేమిరెడ్డి శ్రీకాంత్‌రెడ్డిని అక్షయపాత్ర సమీపంలో బెదిరించి పొలాల్లోకి తీసుకెళ్లి రూ.12 వేల నగదును లాక్కున్నట్లు పోలీసులు తెలిపారు. అలాగే ఈ నెల 21న నవులూరులో తాళం వేసి ఉన్న రెండు ఇళ్లలో చోరీలకు పాల్పడి ఒక ఇంటి నుంచి రూ.20 వేలు, మరో ఇంటి నుంచి రూ.18 వేల నగదును అపహరించారు. సుమారు పది రోజుల క్రితం చినకాకాని ఎన్‌ఆర్‌ఐ జంక్షన్‌ వద్ద మరో వ్యక్తిని బెదిరించి సెల్‌ఫోన్‌ దోచుకున్నట్లు వెల్లడించారు.ఈ కేసుల్లో నిందితులుగా ముగిలి గోపి, కలుముల కృష్ణతో పాటు 13 నుంచి 17 సంవత్సరాల మధ్య వయసున్న ఆరుగురు బాలురను అదుపులోకి తీసుకున్నట్లు పోలీసులు తెలిపారు. మరో నిందితుడు మాధవ్‌ అలియాస్‌ సిద్ధు పరారీలో ఉన్నట్లు పేర్కొన్నారు. కేసును ఛేదించడంలో కృషి చేసిన మంగళగిరి రూరల్‌ సీఐ సీహెచ్‌. వెంకటేశ్వర్లు, ఎస్సై ఆర్‌.నవీన్‌ నాయక్‌, ఏఎస్సై రత్నరాజు, హెచ్‌సీ రాము, పీసీ సాగర్‌, హెచ్‌జీ వీరయ్యలను పోలీస్‌ ఉన్నతాధికారులు అభినందించారు.

నెహ్రూనగర్‌(గుంటూరుఈస్ట్‌): గుంటూరు నగరపాలక సంస్థ ప్రజారోగ్య విభాగంలో ఆప్కాస్‌ విధానంలో పబ్లిక్‌ హెల్త్‌ వర్కర్‌గా విధులు నిర్వహిస్తున్న బందెల దేవకుమారిపై చర్యలకు నగర కమిషనర్‌ మయూర్‌ అశోక్‌ ఆప్కాస్‌ ఎండీకి సిఫార్సు చేశారు. ఆమె ఉద్యోగానికి రాజీనామా చేయకుండానే నగరపాలక సంస్థ ఎన్నికలలో 8వ డివిజన్‌ నుంచి స్వతంత్ర అభ్యర్థిగా నామినేషన్‌ దాఖలు చేసింది. దీనిపై సాక్షి దినపత్రికలో ఈ నెల 26వ తేదీన ‘ఉద్యోగానికి రాజీనామా చేయకుండానే నామినేషన్‌’ అనే శీర్షిక కథనం ప్రచురితమైంది. ఆమె స్వతంత్ర అభ్యర్థిగా నామినేషన్‌ దాఖలు చేయడమే కాకుండా, అక్టోబర్‌ 19 నుంచి విధులకు గైర్హాజరైనట్లు అధికారులు గుర్తించారు. ప్రభుత్వ ఉద్యోగులు, ఆప్కాస్‌ సిబ్బంది ఎన్నికల ప్రవర్తన నియమావళిని ఉల్లంఘించి రాజకీయ కార్యకలాపాలలో పాల్గొనకూడదన్న నిబంధనలకు విరుద్ధంగా వ్యవహరించడంతో ఆమెను ఆప్కాస్‌ జాబితా నుంచి తొలగించేందుకు అనుమతి కోరుతూ నగర కమిషనర్‌ నివేదికను ఎండీకి సమర్పించారు. నెహ్రూనగర్‌: గుంటూరు–2 ప్రొహిబిషన్‌ అండ్‌ ఎకై ్సజ్‌ స్టేషన్‌ పరిధిలోని మద్యం దుకాణాలలో గుంటూరు జిల్లా ప్రొహిబిషన్‌ అండ్‌ ఎకై ్సజ్‌ ఆఫీసర్‌ (డీఈఓ) వి.అరుణకుమారి మంగళవారం ఆకస్మిక తనిఖీలు నిర్వహించారు. దుకాణాల్లో రికార్డుల నిర్వహణ, నిల్వలు, ఎమ్మార్పీ నిబంధనల అమలు, అలాగే ఏమైనా అక్రమ విక్రయాలు జరుగుతున్నాయా అనే కోణంలో క్షుణ్ణంగా పరిశీలించారు. నిబంధనలను కచ్చితంగా పాటించాలని, విరుద్ధంగా వ్యవహరిస్తే కఠిన చర్యలు ఉంటాయని హెచ్చరించారు. కార్యక్రమంలో గుంటూరు–2 స్టేషన్‌ సీఐ నరసింహారావు, ఎస్‌ఐ మూర్తి ఇతర సిబ్బంది పాల్గొన్నారు. సాక్షి టాస్క్‌ఫోర్స్‌: ఎన్నికల ప్రచారంలో ప్రభుత్వ ఉద్యోగులు పాల్గొనకూడదనే ఎన్నికల కమిషన్‌ నిబంధనలను కొందరు ఖాతరు చేయడం లేదు. మెప్మాలో పనిచేస్తున్న రిసోర్స్‌ పర్సన్‌(ఆర్‌పీ) ఎస్‌కె చాన్‌ సుల్తానా ఇటీవల 2వ డివిజన్‌లో టీడీపీ, జనసేన నేతలతో కలిసి ఎన్నికల ప్రచారంలో ప్రత్యక్షంగా పాల్గొన్నారు. దీనిపై అధికారులు ఏ విధంగా స్పందిస్తారో వేచి చూడాల్సి ఉంది.

నగరంపాలెం: మహర్షి వాల్మీకి రచించిన రామాయణం సమాజానికి మార్గదర్శకమని జిల్లా ఎస్పీ వకుల్‌ జిందల్‌ అన్నారు. సోమవారం ఆదికవి వాల్మీకి జయంతి సందర్భంగా జిల్లా పోలీస్‌ కార్యాలయ ఆవరణలో ఆయన చిత్రపటానికి పూలమాలలు వేసి నివాళులర్పించారు. జిల్లా ఎస్పీ మాట్లాడుతూ మహర్షి వాల్మీకి జీవితంలో ఎన్నో మార్పులను అధిగమించారని అన్నారు. అత్యున్నతమైన రామాయణ మహాకావ్యాన్ని రచించి ఆదికవిగా కీర్తి గడించారని పేర్కొన్నారు. రామాయణం తరతరాలకు ధర్మం, నీతి, మానవీయ విలువలను బోధిస్తూ సమాజానికి మార్గదర్శకంగా నిలుస్తోందని పేర్కొన్నారు. జిల్లా ఏఎస్పీ (పరిపాల న) జీవీ.రమణమూర్తి, ఆర్‌ఐలు శ్రీహరిరెడ్డి, కృష్ణయ్య, సురేష్‌, డీపీఓ ఏఓ సులోచన తదితరులు నివాళులర్పించారు. ఆర్వో తొలగింపు? నెహ్రూనగర్‌: గుంటూరు నగరపాలక సంస్థ పరిధిలో స్థానిక సంస్థల ఎన్నికల సందర్భంగా 2, 3, 4 వార్డులకు కేటాయించి ఆర్వో(రిటర్నింగ్‌ ఆఫీసర్‌) ప్రభాకరరావు గంగాధరి(అసిస్టెంట్‌ లేబర్‌ ఆఫీసర్‌)ను తప్పిస్తూ నగర కమిషనర్‌, అడిషనల్‌ ఎలక్షన్‌ అథారిటీ మయూర్‌ అశోక్‌ ఉత్తర్వులు జారీ చేసినట్లు సమాచారం. పై వార్డులకు సంబంధించి నామినేషన్ల స్వీకరణలో తప్పులు దొర్లడంతో పాటు, కేటాయించిన విధుల్లో నిర్లక్ష్యంగా వ్యవహారించినందుకుగాను ప్రభాకరరావుకు షోకాజ్‌ నోటీసు జారీ చేయడంతోపాటు ఆయనపై చర్యలు తీసుకునేందుకు లేబర్‌ డిపార్ట్‌మెంట్‌కు కమిషనర్‌ సిఫార్సు చేసినట్లు సమాచారం.

వైఎస్సార్‌ సీపీ జెండా పట్టుకుంటే రౌడీషీట్‌ !పట్నంబజారు: కార్పొరేషన్‌ ఎన్నికల వేడి మొదలైన వేళ గుంటూరు నగరంలో రాజకీయ వాతావరణం మరింత ఉద్రిక్తంగా మారుతోంది. అధికార పార్టీ నేతల ఒత్తిళ్లకు అధికారులు తలొగ్గి.. వైఎస్సార్‌ కాంగ్రెస్‌ పార్టీ శ్రేణులే లక్ష్యంగా చేసుకుంటున్నారు. ముఖ్యంగా పార్టీకి చెందిన క్రియాశీల నాయకులు, కార్యకర్తలను లక్ష్యంగా చేసుకుని బెదిరింపులకు పాల్పడుతున్నారు. మరో నాలుగు రోజుల్లో ఎన్నికలు జరగనున్న నేపధ్యంలో అధికార పార్టీ ప్రజాప్రతినిధులు చెప్పిన విధంగా పోలీసులు తానా అంటే తందానా అంటూ.. పార్టీ శ్రేణులను భయాందోళనలకు గురి చేస్తున్నారు. ‘జెండా పట్టుకుంటే అంతుచూస్తా’ గత రెండు రోజుల క్రితం గుంటూరు ఈస్ట్‌ సబ్‌ డివిజన్‌ పరిధిలో ఒక పోలీసుస్టేషన్‌ అధికారి ఒక మాజీ రౌడీషీటర్‌ను స్టేషన్‌కు పిలిపించారు. గతంలో ఒక కేసు ఉన్న నేపధ్యంలో కేసు కొట్టి వేయటంతో పాటు, అతనిపై ఉన్న రౌడీషీట్‌ను కూడా తొలగించారు. అయినప్పటీకీ వైఎస్సార్‌ సీపీలో క్రియాశీలకంగా తిరుగుతున్నాడనే ఉద్దేశ్యంతో అతన్ని స్టేషన్‌కు పిలిపించి.. వైఎస్సార్‌ సీపీ జెండా పట్టుకుని ప్రచారం చేస్తున్నావేంటంటూ.. అంతుచూస్తానంటూ బెదిరింపులకు దిగారు. వైఎస్సార్‌ సీపీకి ప్రచారం చేస్తే రౌడీషీట్‌ ఓపెన్‌ చేస్తాం.. ‘నా కొ...ల్లారా’ అని అంటూ సదరు స్టేషన్‌ అధికారి దుర్భాషలకు దిగాడు. దీనితో పాటు వైఎస్సార్‌ సీపీ కార్పొరేటర్‌ అభ్యర్థుల పక్కన తిరిగే వారికి ఫోన్‌లు చేసి ఆధార్‌ కార్డులు తీసుకుని స్టేషన్‌లకు రావాలంటూ.. ఆయా స్టేషన్‌ల సీఐల కనుసన్నల్లో ఎస్‌ఐలు బెదిరింపులకు పాల్పడుతున్నారని తెలుస్తోంది. ఎందుకని ప్రశ్నిస్తే.. స్టేషన్‌కు రాకపోతే కేసులు నమోదు చేస్తామని ఫోన్‌ల్లో వార్నింగ్‌లు ఇస్తున్నట్లు తెలుస్తోంది. తామేమైనా తప్పు చేస్తే చెప్పాలని, తమకు నచ్చిన పార్టీ వైపు తిరిగినా.. వైఎస్సార్‌ సీపీ జెండా పట్టుకుని తిరిగినా, కార్యక్రమాల్లో పాల్గొన్నా పరిణామాలు తీవ్రంగా ఉంటాయని పోలీసులే హెచ్చరిస్తున్నారని కార్యకర్తలు చెబుతున్నారు. ఆధార్‌తో స్టేషన్‌కు రండి! కనీసం ‘పెట్టి’ కేసు కూడా లేని ఎంతో మందిని ఆధార్‌ కార్డులు తీసుకుని స్టేషన్‌లకు రావాలని పోలీసులు ఇబ్బందులకు గురి చేస్తున్న దుస్థితి ప్రస్తుతం నగరంలో దాపురించింది. పార్టీ కార్యక్రమాల్లో పాల్గొంటున్నారా? ఎవరి ఆధ్వర్యంలో పనిచేస్తున్నారు? సమావేశాలకు ఎవరు వస్తున్నారు? కార్యక్రమాలకు అనుమతులు ఉన్నాయా? అంటూ ప్రశ్నిస్తున్నారని వైఎస్సార్‌ సీపీ కార్యకర్తలు వాపోతున్నారు. పార్టీలో తిరిగే వారిని ట్రబల్‌ మంగర్స్‌ పేరుతో బైండోవర్‌లు చేస్తున్నారని తెలుస్తోంది. రాజకీయ కార్యకలాపాల కారణంగా మాత్రమే వ్యక్తులను స్టేషన్లకు పిలిచి భయపెట్టడం సరికాదని వైఎస్సార్‌ సీపీ వర్గాలు అంటున్నాయి. గుంటూరు నగరంలోని పోలీస్‌ స్టేషన్ల పరిధిలోని సీఐలు వారి కింద ఉన్న ఎస్‌ఐలు, సిబ్బంది ద్వారా క్రియాశీల వైఎస్సార్‌ సీపీ కార్యకర్తలను గుర్తించి స్టేషన్లకు పిలిపిస్తున్నారనే ఆరోపణలు ఉన్నాయి. కొందరికి నేరుగా ఫోన్లు చేసి హెచ్చరికలు జారీ చేస్తున్నారని, మరికొందరికి స్టేషన్‌కు రావాలని ఆదేశిస్తున్నారని తెలుస్తోంది. ఎన్నికల ముందు భయపెట్టే వ్యూహం కార్పొరేషన్‌ ఎన్నికలకు సంబంధించిన రాజకీయ కదలికలు వేగం పుంజుకుంటున్న సమయంలో అధికారులు, పోలీసులు వ్యవహరిస్తున్న తీరు అనేక విమర్శలకు తావిస్తోంది. ఎన్నికల వేళ వైఎస్సార్‌ సీపీ శ్రేణులను భయపెట్టే ధోరణులు ఏ మాత్రం సబబు కాదని పలువురు పేర్కొంటున్నారు. అధికార యంత్రాంగం ఏ పార్టీకి అనుకూలంగా వ్యవహరించకుండా నిష్పక్షపాతంగా పనిచేయాలని కోరుతున్నారు. ఎన్నికలకు ముందే ఆయా డివిజన్లలో వైఎస్సార్‌ సీపీలో క్రియాశీలంగా ఉన్న నాయకులు, కార్యకర్తల వివరాలను సేకరిస్తున్నారనే ఆరోపణలు వినిపిస్తున్నాయి. ఎవరు పార్టీ కార్యక్రమాల్లో చురుగ్గా పాల్గొంటున్నారు? ఎవరు స్థానికంగా పార్టీని నడిపిస్తున్నారు? ఎవరు సమావేశాలు నిర్వహిస్తున్నారు? వంటి వివరాలను నిఘా వర్గాల ద్వారా సేకరించి పోలీస్‌ స్టేషన్లకు చేరవేస్తున్నారని పార్టీ వర్గాలు చెబుతున్నాయి. ఆ జాబితా ఆధారంగా కొందరిని స్టేషన్లకు పిలిపించి ఒత్తిడి చేయటం, మాట వినని వారిపై బైండోవర్‌లు నమోదు చేయటం పరిపాటిగా మారింది. ఆఖరికి కార్పొరేటర్లుగా పోటీ చేస్తున్న అభ్యర్థులకు కూడా ఫోన్‌లు చేసి స్టేషన్లకు రావాలని చెబుతున్నారని తెలుస్తోంది. నగరంలోని పలు డివిజన్లలో వైఎస్సార్‌ సీపీ కార్యాలయాలు, వాటి వద్ద అనుమతులతో ఏర్పాటు చేసుకున్న పార్టీ జెండాలను కార్పొరేషన్‌ సిబ్బంది ద్వారా అధికార పార్టీ ప్రజాప్రతినిధులు తొలగించాలని ఆదేశాలు జారీ చేశారని చెప్పుకొంటున్నారు. అయితే అధికారులు కూటమి పా ర్టీల జెండాల వంక కన్నెత్తి చూడకపోవడం కొసమెరుపు. అదే వైఎస్సార్‌ సీపీ జెండాలైతే అన్ని అనుమతులు ఉన్నా.. ఏదో ఒక వంక చూపి తొలగింపు చర్యలు చేపడుతున్నారు. పార్టీ జెండాల విషయంలో నిబంధనలు ఉంటే వాటిని ముందుగానే స్పష్టంగా తెలియజేసి, నిబంధనల ప్రకారం నోటీసులు ఇవ్వాలని, ఏకపక్షంగా జెండాలు తొలగించడం ఏంటని పలువురు ప్రశ్నిస్తున్నారు.

గుంటూరు మెడికల్‌: అపరిశుభ్రమైన వాతావరణంలో పురుగు పట్టిన బియ్యంతో వంట చేస్తున్న హాస్టల్‌ను సోమవారం అధికారులు సీజ్‌ చేశారు. గుంటూరు బ్రాడీపేట 4/12లోని మమతా లగ్జరీయస్‌ బోయ్స్‌ హాస్టల్‌పై అధికారులకు ఫిర్యాదులు అందాయి. ఈనేపథ్యంలో సివిల్‌ సప్లయి అధికారులు, ఫుడ్‌ ఇన్‌స్పెక్టర్లు, ఫుడ్‌ విజిలెన్స్‌ కమిటీ మూకుమ్మడిగా తనిఖీ చేశారు. హాస్టల్‌లో కిచెన్‌ అపరిశుభ్రమైన వాతావరణంలో ఉండటాన్ని గమనించారు. రోడ్డుపైనే వంట చేయడం, వాష్‌ ప్రాంతం, వంట గది, సరుకులు నిల్వ చేసే స్టోర్‌ అన్ని ఒకే ప్రాంతంలో ఉండటం గుర్తించారు. పేదలకు ఉచితంగా పంపిణీ చేసే చౌక ధర దుకాణంలో లభించే స్టోర్‌ బియ్యం రెండు క్వింటాళ్లు హాస్టల్‌లో ఉండటం గుర్తించారు. సదరు బియ్యం పురుగు పట్టి ఉండటం గమనించారు. ఆహార పదార్థాలన్నీ నిషేధిత రంగులతో వండి, విద్యార్థులకు వడ్డించడాన్ని గుర్తించి తక్షణమే హాస్టల్‌ను సీజ్‌ చేశారు. శానిటేషన్‌ శుభ్రంగా లేకపోవడంపై నోటీసులు జారీచేసినట్లు అసిస్టెంట్‌ ఫుడ్‌ కంట్రోలర్‌ నూతలపాటి పూర్ణచంద్రరావు తెలిపారు. సివిల్‌ సప్లయి అధికారులు రెండు క్వింటాళ్ల స్టోర్‌ బియ్యాన్ని, రెండు సిలిండర్లు సీజ్‌ చేసి కేసు నమోదు చేశారన్నారు. మమత లగ్జీరీస్‌ బోయ్స్‌ హాస్టల్‌ నిర్వాహకుడు రాయప్ప, ఫుడ్‌ కంట్రోలర్‌ అనుమతి లేకుండా హాస్టల్‌ నిర్వహిస్తుండటంతో కేసు నమోదు చేశామన్నారు. లైసెన్సు లేకుండా మెస్‌ నిర్వహిస్తే రూ.10 లక్షల వరకు జరిమానా విధించే అవకాశం ఉందని అధికారులు చెప్పారు.

ప్రత్తిపాడు: ఎన్నికల నేపథ్యంలో జిల్లా వ్యాప్తంగా రెండు వేల మందిని ఇప్పటివరకు బైండోవర్‌ చేశామని జిల్లా ఎస్పీ వకుల్‌ జిందాల్‌ తెలిపారు. వట్టిచెరుకూరు, కాకుమాను, ప్రత్తిపాడు మండలాల్లోని సమస్మాతక, అత్యంత సమస్మాతక గ్రామాల్లో సోమవారం జిల్లా ఎస్పీ వకుల్‌ జిందాల్‌ పర్యటించారు. ఆయా గ్రామాల్లోని పోలింగ్‌ బూత్‌లను పరిశీలించారు. అక్కడ ఉన్న ఏర్పాట్లు, బూత్‌ల సంఖ్య, ఓటర్ల వివరాలను స్థానిక అధికారులను అడిగి తెలుసుకున్నారు. పోలింగ్‌ రోజున ఎలాంటి చర్యలు తీసుకోవాలి, ఏవిధమైన పోలింగ్‌ ఏర్పాట్లు చేయాలి.. వంటి అంశాలను డీఎస్పీ, సీఐలు, ఎస్‌ఐలకు వివరించారు. ప్రత్తిపాడులోని భవనం వెంకటరెడ్డి జిల్లా పరిషత్‌ ఉన్నత పాఠశాల ఆవరణలో రాజకీయ పార్టీల నాయకులు, నామినేషన్లు దాఖలు చేసిన అభ్యర్థులు, ప్రజలతో సమావేశాన్ని నిర్వహించారు. ఎస్పీ మాట్లాడుతూ రానున్న ఎన్నికలు మంచి వాతావరణంలో ప్రశాంతంగా జరిగేందుకు కావలసిన అన్ని ఏర్పాట్లు చేస్తున్నామన్నారు. అందులో భాగంగా ట్రబుల్‌ మంగర్స్‌, అగ్రెసివ్‌గా తిరిగే వాని బైండోవర్‌ చేస్తున్నామని, ఇప్పటి వరకు జిల్లాలో రెండు వేల మందిని బైండోవర్‌ చేశామని చెప్పారు. అదేవిధంగా ఆయుధ లైసెన్సు కలిగిన వారి నుండి ఆయుధాలను డిపాజిట్‌ చేసుకున్నామని తెలిపారు. గొడవలు, ఘర్షణలు జరిగే అవకాశాలున్న గ్రామాలను గుర్తించి సెన్సిటివ్‌, హైపర్‌ సెన్సిటివ్‌ గ్రామాలుగా నిర్ధారించామన్నారు. నిర్ణీత గ్రామాల్లో ఎక్కువ పోలిస్‌ను ఉంచి ప్రశాంత వాతావరణంలో ఎన్నికలు నిర్వహించేలా చర్యలు తీసుకుంటున్నామన్నారు. అందుకోసమే ముందస్తు చర్యల్లో భాగంగా పోలింగ్‌బూత్‌లు పరిశీలించామని చెప్పారు. నిబంధనలు అతిక్రమిస్తే చర్యలు ప్రజలు ప్రశాంత ఎన్నికలకు సహకరించాలి.. గ్రామాల్లో ఎక్కడైనా ఏమైనా సమస్యలున్నా, గొడవలు జరిగే అవకాశాలున్నా, బెదిరింపులకు పాల్పడుతున్నా స్థానిక పోలీసులకు తెలియజేస్తే చర్యలు తీసుకోవడం జరుగుతుందన్నారు. ఎన్నికలు జరిగే ప్రాంగణంలో కేవలం ఓటు వేసే ఓటర్లు మాత్రమే రావాలని, పోలింగ్‌ స్టేషన్లకు వంద మీటర్ల పరిధిలో జనం గుమిగూడకూడదని తెలిపారు. 200 మీటర్ల అవతల ప్రతి రాజకీయ పార్టీకి ఒక టెంటు వేసుకునేందుకు అనుమతిస్తామని ఎస్పీ స్పష్టం చేశారు. ఆఖరి 48 గంటలు ప్రచారం జరగకూడదని, లౌడ్‌ స్పీకర్లు వాడకూడదని చెప్పారు. ఎన్నికల నిబంధనలు ప్రతి ఒక్కరూ పాటించాలని, అతిక్రమిస్తే చర్యలు తీసుకోవడం జరుగుతుందని చెప్పారు. అన్ని పార్టీలు బాధ్యత తీసుకుని సాఫీగా ఎన్నికలు జరిగేందుకు సహకరించాలని కోరారు. సమావేశంలో గుంటూరు సౌత్‌జోన్‌ డీఎస్పీ జి.పూర్ణచంద్రరావు, రిటర్నింగ్‌ ఆఫీసర్‌ ప్రసాద్‌, సీఐ సుబ్బారావు, ఏఆర్వో కె.శివపార్వతి, ఎస్‌ఐ ఎన్‌.నరహరి తదితరులు పాల్గొన్నారు.

నెహ్రూనగర్‌: గుంటూరు నగరంలో వైఎస్సార్‌ సీపీ బలోపేతానికి మరో భారీ ఊపు లభించింది. గుంటూరు నగర వైఎస్సార్‌సీపీ అధ్యక్షురాలు, తూర్పు నియోజకవర్గ సమన్వయకర్త షేక్‌ నూరి ఫాతిమా సమక్షంలో 17వ కార్పొరేటర్‌ అభ్యర్థి రమణబోయిన అజయ్‌ ఆధ్వర్యంలో హుస్సేన్‌ నగర్‌కు చెందిన ‘జాహిద్‌ అలీ లీగల్‌ ప్రైవేట్‌ యూనిట్‌’ ఫౌండర్‌ పీఎండీ అలీ ఖాన్‌ టీడీపీకి గుడ్‌బై చెప్పి వైఎస్సార్‌ సీపీలో చేరారు. ఆయనతో పాటు సుమారు 200 మంది మహిళలు పార్టీలో చేరగా, నూరి ఫాతిమా వారికి పార్టీ కండువాలు కప్పి సాదరంగా ఆహ్వానించారు. ఈ సందర్భంగా ఫాతిమా మాట్లాడుతూ గతంలో వైఎస్సార్‌ సీపీ చేసిన అభివృద్ధి పనులు, పార్టీ సిద్ధాంతాలకు ఆకర్షితులై, నగర అభివృద్ధికి కృషి చేసేందుకు ముందుకొచ్చిన ప్రతీ ఒక్కరికీ అభినందనలు తెలిపారు. నూతనంగా చేరిన నాయకులు, కార్యకర్తలు పార్టీ బలోపేతానికి, ప్రజా సంక్షేమానికి తమ వంతు కృషి చేయాలని పిలుపునిచ్చారు. 67వ డివిజన్‌, శారదా కాలనీలో.. నగరంలోని 67వ డివిజన్‌, శారదా కాలనీలో వైఎస్సార్‌ సీపీలో భారీ చేరికలు జరిగాయి. కార్పొరేటర్‌ అభ్యర్థి చీదర్ల జ్యోతి ఆధ్వర్యంలో ఏర్పాటు చేసిన కార్యక్రమంలో 40 కుటుంబాలు వైఎస్సార్‌ సీపీలో చేరాయి. గుంటూరు నగర అధ్యక్షురాలు, తూర్పు నియోజకవర్గ సమన్వయకర్త షేక్‌ నూరీ ఫాతిమా అధ్యక్షతన నిర్వహించిన ఈ కార్యక్రమంలో పార్టీ కండువాలు కప్పి వారిని సాదరంగా ఆహ్వానించారు. నూరీ ఫాతిమా మాట్లాడుతూ వైఎస్‌ జగన్‌ నాయకత్వంపై నమ్మకంతో పార్టీలో చేరిన వారందరికీ స్వాగతం పలుకుతున్నామన్నారు. పార్టీ బలోపేతానికి, రాబోయే కార్పొరేషన్‌ ఎన్నికల్లో వైఎస్సార్‌సీపీ విజయం కోసం ప్రతి ఒక్కరూ కష్టపడి కృషి చేయాలని పిలుపునిచ్చారు.

జిల్లా కలెక్టర్‌ సీఎం సాయికాంత్‌ వర్మ గుంటూరు వెస్ట్‌: గుంటూరు నగర పాలక సంస్థ, తెనాలి పురపాలక సంఘం పరిధిలో మద్యం దుకాణాలలో ఈనెల 30 సాయంత్రం 5 గంటల నుంచి విక్రయాలు నిలుపుదల చేస్తామని జిల్లా కలెక్టర్‌ సీఎం సాయికాంత్‌ వర్మ సోమవారం తెలిపారు. ఈ రెండు ప్రాంతాల పరిధిలో స్థానిక సంస్థల పోలింగ్‌ నవంబరు 1న జరుగుతున్నందున నిబంధనల మేరకు విక్రయాలు నిలుపుదల చేస్తున్నామన్నారు. నవంబరు 3వ తేదీన కౌంటింగ్‌ ఉన్నందున, 48 గంటల ముందు నుంచి మద్యం విక్రయాలు చేయరాదని స్పష్టం చేశారు. నిబంధనలు ఉల్లంఘించిన వారిపై ఎన్నికల నిబంధనలు, సంబంధిత చట్టాలకు అనుగుణంగా చర్యలు తీసుకుంటామని హెచ్చరించారు. ఐదు మండలాల్లో వర్షం పెదకాకానిలో 24.6 మి.మీ. వర్షం కొరిటెపాడు(గుంటూరు): గుంటూరు జిల్లాలో ఆదివారం ఉదయం నుంచి సోమవారం ఉదయం వరకు ఐదు మండలాల్లో తేలికపాటి నుంచి ఓ మోస్తరు వర్షం కురిసింది. వివిధ మండలాల్లో నమోదైన వర్షపాతం వివరాలు ఇలా ఉన్నాయి. పెదకాకాని మండలంలో 24.6 మిల్లీ మీటర్లు, గుంటూరు పశ్చిమ 13.1, మంగళగిరి 12, తాడేపల్లి 2.6, గుంటూరు తూర్పులో 2.4 మి.మీ చొప్పున వర్షం కురిసింది. నవంబర్‌ 26వ తేదీ వరకు జిల్లాలో సాధారణ వర్షపాతం 102.3 మి.మీ పడాల్సి ఉండగా, ఇప్పటి వరకు కేవలం 34.3 మి.మి వర్షపాతం మాత్రమే నమోదైంది. రోడ్డు ప్రమాదంలో మహిళ మృతి చేబ్రోలు: రోడ్డు ప్రమాదంలో గుర్తుతెలియని మహిళ మృతి చెందింది. చేబ్రోలు ఎస్‌ఐ పి.వీరనారాయణ తెలిపిన వివరాలు.. మండల పరిధిలోని నారా కోడూరు నవీన హోటల్‌ జీబీసీ రహదారిపై ఆదివారం రాత్రి సుమారు 10.30 గంటల సమయంలో రోడ్డు పక్కన వాటర్‌ బాటిల్‌ పట్టుకొని నడుచుకొంటూ గుంటూరు వైపు వెళ్తున్న మహిళను ఆటో ఢీ కొట్టింది. ఈ ప్రమాదంలో సుమారు 55 నుంచి 60 సంవత్సరాల వయస్సు గల మహిళ తలకు బలమైన గాయం కావడంతో మృతి చెందింది. రోడ్డు పక్కన వెళ్తున్న మహిళను రాత్రి సమయంలో గుర్తించిన కారు డ్రైవర్‌ ఆకస్మికంగా పక్కకు వెళ్లాడు. కారు వెనుక వస్తున్న ఆటో మహిళను గుర్తించిక పోవటంతో ఢీ కొట్టాడు. వైద్యశాలకు తరలించగా అక్కడ మరణించింది. మృతురాలి ఆచూకీ కోసం గాలించినప్పటికి లభ్యం కాలేదు. మృతురాలి గురించి వివరాలు తెలిసిన వారు వెంటనే చేబ్రోలు పోలీస్‌ స్టేషన్‌ను సంప్రదించాలని ఎస్‌ఐ తెలిపారు. పెదకాకాని: వీవీఐటీయూ సివిల్‌ ఇంజినీరింగ్‌ విభాగం, నిర్మాణ ద్రష్ట స్టూడెంట్‌ ఫోరం సంయుక్త ఆధ్వర్యంలో జాతీయ స్థాయి సాంకేతిక ఉత్సవం ప్రయుక్తి 2ఓ26 క్యాంపస్‌లో ఘనంగా ప్రారంభమైంది. మండల పరిధిలోని నంబూరు వాసిరెడ్డి వెంకటాద్రి ఇంటర్నేషనల్‌ టెక్నలాజికల్‌ యూనివర్సిటీ రెండు రోజుల పాటు జరిగే ఈ కార్యక్రమానికి తొలిరోజు సోమవారం ముఖ్య అతిథిగా విచ్చేసిన ప్రముఖ నిర్మాణ సంస్థ వీవీఎస్‌ స్ట్రక్టెక్‌ మేనేజింగ్‌ డైరెక్టర్‌ ఇంజినీర్‌ పి.విష్ణు సాయి జ్యోతి ప్రజ్వలన చేసి వేడుకలను ప్రారంభించారు. కార్యక్రమంలో వీవీఐటీయూ ప్రో–చాన్సలర్‌ వాసిరెడ్డి మహదేవ్‌, రిజిస్ట్రార్‌ డాక్టర్‌ వై.మల్లికార్జున రెడ్డి, సివిల్‌ ఇంజినీరింగ్‌ విభాగాధిపతి డాక్టర్‌ సయ్యద్‌ ఫరూక్‌ అహ్మద్‌, కార్యక్రమ సమన్వయకర్త(కన్వీనర్‌) డి.జయకృష్ణ పాల్గొన్నారు.

గుంటూరు వెస్ట్‌: ఎన్నికల్లో మైక్రో పరిశీలకుల పాత్ర కీలకమని సాధారణ పరిశీలకులు వీరబ్రహ్మయ్య అన్నారు. స్థానిక ఎస్‌ఆర్‌ శంకరన్‌ సమావేశ మందిరంలో మైక్రో పరిశీలకుల శిక్షణ కార్యక్రమం సోమవారం నిర్వహించారు. ఈ సందర్భంగా వీరబ్రహ్మయ్య మాట్లాడుతూ మైక్రో పరిశీలకులు అత్యంత అప్రమత్తంగా ఉండాలని కోరారు. పోలింగ్‌ గదిలో జరిగే ప్రతి అంశాన్ని క్షుణ్ణంగా పరిశీలించాలని సూచించారు. ఎంతమంది ఎన్నికల ఏజెంట్లు ఉన్నారో పక్కాగా నమోదు చేయాలని పేర్కొన్నారు. పోలింగ్‌ కేంద్రంలో అనధికార వ్యక్తులు ఎవరైనా ప్రవేశిస్తున్నారా, ఓటు వేసిన వ్యక్తికి సిరా పెట్టారా వంటి అంశాలను గమనించి నివేదికలో పొందుపరిచాలని పేర్కొన్నారు. పోలింగ్‌ ప్రారంభమైన సమయం నుంచి పూర్తి అయిన సమయం వరకు అప్రమత్తంగా ఉండాలని సూచించారు. బ్యాలెట్‌ బాక్స్‌ సీలింగ్‌ చేయడం దాన్ని ఏజెంట్లకు వివరించడం జరగాలని చెప్పారు. ఒక సమయంలో ఒకే ఏజెంట్‌ ఉండాలని, పోస్టల్‌ బ్యాలెట్‌ జారీ చేసిన వ్యక్తులు మరల ఓటు కోసం వచ్చారా వంటి అంశాలను కూడా గమనించాలని పేర్కొన్నారు. ఓటింగ్‌ కంపార్ట్‌మెంట్‌ దగ్గర సీక్రసీ తప్పక ఉండాలన్నారు. కార్యక్రమంలో వ్యయ పరిశీలకులు నందిని సలారియా, జాయింట్‌ కలెక్టర్‌ అశుతోష్‌ శ్రీవాస్తవ, జిల్లా రెవెన్యూ అధికారి ఎన్‌.ఎస్‌.కె.ఖాజావలి పాల్గొన్నారు. ఎంసీఎంసీ విభాగం పరిశీలన గుంటూరు వెస్ట్‌: స్థానిక సంస్థల ఎన్నికల్లో భాగంగా ఏర్పాటు చేసిన మీడియా సర్టిఫికేషన్‌ ఎండ్‌ మానిటరింగ్‌(ఎం.సి.ఎం.సి) కమిటీ విభాగాన్ని ఎన్నికల సాధారణ పరిశీలకులు వీరబ్రహ్మయ్య, వ్యయ పరిశీలకులు నందిని సలారియా సోమవారం పరిశీలించారు. స్థానిక బ్రాడీపేటలోని సమాచార పౌర సంబంధాల శాఖ కార్యాలయంలో ఏర్పాటు చేసిన ఎంసీఎంసీ విభాగాన్ని తనిఖీ చేశారు. పెయిడ్‌ న్యూస్‌, ప్రకటనలు, ప్రీ సర్టిఫికేషన్‌ అంశాలను పక్కాగా పరిశీలించాలని ఆదేశించారు. అన్ని చానల్స్‌ లో ప్రసారాలను విధిగా పరిశీలించాలని కోరారు. ఎన్నికల సమయంలో అప్రమత్తంగా ఉండాలన్నారు. జిల్లా సమాచార పౌర సంబంధాల అధికారి లోచర్ల రమేష్‌, ఎం.సి.ఎం.సి విభాగం పనితీరును వివరించారు. ఇప్పటి వరకు ఫ్రీ సర్టిఫికేషన్‌ క్రింద ఏడు అనుమతులు జారీ చేసినట్లు చెప్పారు. కార్యక్రమంలో డివిజనల్‌ పౌర సంబంధాల అధికారి ఏవీఎస్‌ రవీంద్ర, సహాయ కార్యనిర్వహక ఇంజినీర్‌ ఏ కిషోర్‌ తదితరులు పాల్గొన్నారు. ఎన్నికల జిల్లా పరిశీలకుడు వీరబ్రహ్మయ్య

బాపట్ల: అర్నాబ్‌ తుపాను ప్రభావం నేపథ్యంలో బాపట్ల జిల్లా యంత్రాంగం అప్రమత్తమైంది. తీర ప్రాంతాల్లో బలమైన గాలులు వీస్తున్న నేపథ్యంలో ప్రజల భద్రతకు ప్రాధాన్యమిస్తూ అధికారులు ముందస్తు చర్యలు చేపట్టారు. ఈ నెల 27, 28 తేదీల్లో బీచ్‌లలో పర్యాటకుల సంచారంపై నిషేధం విధిస్తూ జిల్లా ఎస్పీ ఉమామహేశ్వర్‌ చర్యలు చేపట్టారు. ప్రజలు, పర్యాటకులు అధికారుల సూచనలను తప్పనిసరిగా పాటించాలని పోలీసులు సూచిస్తున్నారు. 60 నుంచి 110మి.మీ వర్షపాతం నమోదు కావచ్చని అంచనాకు వచ్చారు. సోమవారం రాత్రి నుంచే ఈదురుగాలులు మొదలయ్యాయి. చీలురోడ్డులో వినాయకుని మండపం కోసం వేసి రేకులషెడ్డు కూడా గాలులకు పడిపోయింది.

తాడేపల్లి రూరల్‌: రాష్ట్ర ముఖ్యమంత్రి, మాజీ ముఖ్యమంత్రి నివాసాలు ఉన్న ప్రాంతం.. నిత్యం వీవీఐపీలు రాకపోకలు సాగించే మార్గాలు.. అడుగడుగునా పోలీసు నిఘా ఉంటుందని భావించే పరిసరాలు.. అయినా అక్కడ వరుస దారి దోపి డీలు ప్రజలను కలవరపెడుతున్నాయి. వీఐపీల భ ద్రతకు ప్రాధాన్యం ఇచ్చే ప్రాంతాల్లో సామాన్యుల ప్రాణ, ఆస్తుల రక్షణకు భరోసా ఎక్కడన్న ప్రశ్నలు తలెత్తుతున్నాయి. తాడేపల్లి పరిసరాల్లో రెండు నెలల వ్యవధిలో మూడు దాడులు, దోపిడీ ఘటనలు చోటుచేసుకున్నట్లు వెలుగులోకి రావడం పోలీసు నిఘా వ్యవస్థ పనితీరుపై సందేహాలు రేకెత్తిస్తోంది. తాజాగా ఆదివారం తెల్లవారుజామున మహానాడు ప్రాంతానికి సమీపంలో ర్యాపిడో డ్రైవర్‌పై దాడి చేసి రూ.35 వేల నగదు దోచుకున్న ఘటన ఈ ఆందోళనను మరింత పెంచింది. వీవీఐపీల ప్రాంతంలోనే బరితెగింపు! తాడేపల్లి పోలీస్‌స్టేషన్‌ పరిధిలోని మహానాడు ప్రాంతం సమీపంలో ర్యాపిడో డ్రైవర్‌పై జరిగిన దాడి స్థానికంగా చర్చనీయాంశంగా మారింది. అందిన వివరాల ప్రకారం.. విజయవాడకు చెందిన రామకృష్ణ ర్యాపిడో నడుపుతూ జీవనం సాగిస్తున్నాడు. ఆదివారం తెల్లవారుజామున విజయవాడ బస్టాండ్‌ నుంచి తాడేపల్లిలోని మహానాడు ప్రాంతానికి వచ్చి తిరిగి వెళ్తుండగా సీతానగరం సబ్‌స్టేషన్‌ వద్ద నలుగురు యువకులు అతడిని అడ్డగించినట్లు సమాచారం. అతడిపై దాడి చేసి, వద్ద ఉన్న రూ.35 వేల నగదును లాక్కున్నట్లు తెలుస్తోంది. బాధితుడి సెల్‌ఫోన్‌ ద్వారా ఫోన్‌పే చేయడానికి దుండగులు ప్రయత్నించినప్పటికీ సాంకేతిక సమస్య కారణంగా నగదు బదిలీ కాలేదని సమాచారం. అనంతరం ఫోన్‌ను తిరిగి ఇచ్చి అక్కడి నుంచి పరారైనట్లు తెలుస్తోంది. బాధితుడు వెంటనే 112కు ఫోన్‌ చేసి ఫిర్యాదు చేయడంతో పోలీసులు సంఘటనా స్థలానికి చేరుకుని వివరాలు సేకరించారు. సీసీ కెమెరాల దృశ్యాలను పరిశీలించి సీతానగరానికి చెందిన పాత నేరచరిత్ర ఉన్న వ్యక్తిని అదుపులోకి తీసుకుని విచారిస్తున్నట్లు విశ్వసనీయ వర్గాల సమాచారం. నిఘా ఉన్నా.. నేరాలు ఎలా ? ముఖ్యమంత్రి, మాజీ ముఖ్యమంత్రి నివాసాలు ఉన్న తాడేపల్లి ప్రాంతంలో భద్రతా ఏర్పాట్లు, పోలీసు నిఘా సాధారణంగా కీలక అంశాలుగా ఉంటాయి. వీఐపీల రాకపోకలు, భద్రతా అవసరాల నేపథ్యంలో ఈ ప్రాంతానికి ప్రత్యేక ప్రాధాన్యం ఉంది. అయినప్పటికీ తెల్లవారుజామున రాకపోకలు సాగించే వ్యక్తులు దాడులు, దోపిడీలకు గురవుతుండటం ఆందోళన కలిగిస్తోంది. గతంలోనూ దాడులు.. ఈ నెల 7వ తేదీన ప్రాతూరు కరకట్టపై ఓ యువకుడిని కిడ్నాప్‌ చేసి, కుంచనపల్లిలో వీఐపీలు నివాసముండే ప్రైవేట్‌ విల్లాల ప్రాంతానికి తీసుకెళ్లి దాడి చేసిన ఘటన కలకలం రేపినట్లు సమాచారం. బాధితుడి నుంచి ఫోన్‌పే ద్వారా నగదు తీసుకున్నట్లు తెలుస్తోంది. అంతటితో ఆగకుండా అతడిని బెదిరించేందుకు గంజాయి ప్యాకెట్లు పెట్టి ఫొటోలు తీసినట్లు కూడా ఆరోపణలు ఉన్నాయి. బాధితుడి తల్లి పోలీసులకు ఫిర్యాదు చేయడంతో విచారణ చేపట్టి దారి దోపిడీ కేసు నమోదు చేసినట్లు తెలిసింది. అదేవిధంగా సుమారు రెండు నెలల క్రితం ముఖ్యమంత్రి నివాసం వెనుకవైపు ఉన్న ప్రాంతంలో ఏకాంతంగా ఉన్న ప్రేమజంటపై దాడి చేసి చెవి దుద్దులు, సెల్‌ఫోన్లు లాక్కెళ్లిన ఘటన జరిగింది. ఆన్‌లైన్‌ పరిచయాల మాటున దోపిడీ ముఠాలు పోలీసుల విచారణలో ఆన్‌లైన్‌ పరిచయాలు, చాటింగ్‌ నేపథ్యంలో కొన్ని ఘటనలు చోటుచేసుకున్నట్లు సమాచారం. ప్రాతూరు, సీతానగరం ప్రాంతాల్లో జరిగిన ఘటనల్లో బాధిత యువకులు స్వలింగ సంపర్కుల పరిచయాల కోసం ఉపయోగించే యాప్‌ ద్వారా ఇతరులతో చాటింగ్‌ చేసినట్లు పోలీసులు గుర్తించినట్టు విశ్వసనీయ వర్గాలు చెబుతున్నాయి. ర్యాపిడో డ్రైవర్‌ కూడా మహానాడుకు చెందిన ఓ యువకుడితో చాటింగ్‌ చేయగా, ఆ పరిచయం ద్వారా మరికొందరు వ్యక్తులు వ్యవహారంలోకి వచ్చి దోపిడీకి పాల్పడినట్లు సమాచారం. వీవీఐపీలు నివాసం ఉండే ప్రాంతాల్లో దారిదోపిడీ ఘటనలు జరుగుతున్నా పోలీసులు నిద్రావస్థలో ఉండడంపై సర్వత్రా ఆందోళన వ్యక్తమవుతోంది.

గుంటూరు మెడికల్‌: పేదల ఆస్పత్రి. కార్పొరేట్‌ వైద్యం అందుబాటులో ఉంది. జ్వరం నుంచి పెద్ద వ్యాధుల చికిత్సకు అవకాశం ఉంది. ఇక్కడ వైద్యానికి ఎన్నో ఘనతలున్నాయి. ఏ సమస్య వచ్చిన ఉరుకులు.. పరుగులు మీద ఆస్పత్రిలో చేరేపోయే వెసులుబాటు ఉంది. అదే గుంటూరు జనరల్‌ ఆస్పత్రి. కానీ కూటమి అధికారంలోకి వచ్చిన దగ్గర నుంచి నిర్వహణ అస్తవ్యస్తంగా తయారైంది. దీతో రోగులు ఆందోళన చెందుతున్నారు. పారిశుద్ధ్య నిర్వహణలో అధ్వానం.. ఆస్పత్రికి చికిత్స కోసం వచ్చిన రోగికి వ్యాధి నుండి కోలుకోవటంలో మందులు, ఇంజెక్షన్‌లు, ఆహారంతోపాటుగా రోగి ఉండే వాతారణం కూడా చాలా ముఖ్యం. ఆస్పత్రిలో పరిసరాలు పరిశుభ్రంగా లేకపోతే వ్యాధి నుంచి కోలుకోవటంలో జాప్యంతోపాటుగా నూతనంగా వ్యాధులు వచ్చే ప్రమాదముంది. గుంటూరు జీజీహెచ్‌ పారిశుద్ధ్యంపై ప్రభుత్వ సర్వేలో 16వ స్థానంలో నిలిచింది. అభిప్రాయ సేకరణ ఎలా అంటే.. ప్రభుత్వం ఆస్పత్రికి వచ్చిన రోగుల ఓపీ చీటీలోని ఫోన్‌ నంబర్స్‌కు ప్రజాభిప్రాయసేకరణ పేరుతో నాలుగు ప్రశ్నలపై వారి అభిప్రాయం కోరుతోంది. ఈనెల మూడో వారంలో రాష్ట్ర వ్యాప్తంగా అన్ని ఆస్పత్రుల నుంచి సేకరించిన ప్రజాభిప్రాయ సేకరణ వివరాలను ప్రభుత్వం విడుదల చేసింది. ప్రభుత్వ ఆస్పత్రిలో పరిశుభ్రత ఎలా ఉంది అనే ప్రశ్నకు గుంటూరు జీజీహెచ్‌లో శానిటేషన్‌ బాగాలేదని 53 శాతం మంది రోగులు సమాధానం ఇచ్చారు. ఒకరిపై ఒకరు నెపాలు.... శానిటేషన్‌ మెరుగుపడకపోవటానికి అధిక సంఖ్యలో రోగుల సహాయకులను సెక్యూరిటీ సిబ్బంది లోపలికి అనుమతిస్తున్నారని సెక్యూరిటీ, శానిటేషన్‌, పెస్ట్‌ కంట్రోల్‌ కాంట్రక్టర్లు ఒకరిపై ఒకరు నెపాలు వేసుకుంటున్నారు. గతంలో అన్నింటికి కలిపి ఒక్కరే కాంట్రాక్టర్‌ ఉండేవారు. సుమారు పదేళ్ల క్రితం ఎలుకల దాడిలో పసికందు మృతి ఘటనతో ప్రత్యేకంగా కాంట్రాక్టరులను నియమించారు. ప్రస్తుతం మూడుంటికి ముగ్గురు కాంట్రాక్టర్లు, గతంలో కంటే ఎక్కువ నిధులు అందిస్తున్నా వారితో సక్రమంగా పనిచేయించుకోలేక ఆస్పత్రి అధికారులు ఆపసోపాలు పడిపోవటం వలన శానిటేషన్‌ ర్యాకింగ్‌లో వెనుకబడిపోయారు. లోపాలు ఏమంటే... ప్రస్తుతం ఇన్‌పెషెంట్‌ విభాగంలో పాత కాన్పుల విభాగం, పిల్లల వైద్య విభాగాల మధ్య పనికిరాకుండా విరిగి, తుప్పుపట్టి ఉన్న మంచాలు, పాడైపోయి, చినిగిపోయిన పరుపులు గుట్టలుగా వేసి ఉంచారు. ఇలా వార్డుల మధ్య చెత్తాచెదారం ఉంటే దోమలు, ఇతర క్రిమికీటకాలు పెరిగి రోగులకు మరింత ఇన్‌ఫెక్షన్స్‌ పెరిగే ప్రమాదం ఉంది. అయినా ఆస్పత్రి అధికారులు వార్డుల మధ్య శానిటేషన్‌ మెరుగుపడేలా చేయకుండా చోద్యం చూస్తున్నారనే ఆరోపణలున్నాయి. రోగుల సహాయకులు బయటి ఆహారం తీసుకొచ్చి ఆస్పత్రిలో తిని ఎక్కడ పడితే అక్కడ పడేయటం వలన ఎలుకలు వస్తున్నాయని పెస్ట్‌ కంట్రోల్‌ వారు ఆరోపిస్తున్నారు. సెక్యూరిటీ, శానిటేషన్‌, పెస్ట్‌ కంట్రోల్‌ కాంట్రాక్టర్‌కు పనితీరు ఆధారంగా మార్కులు వేసే అధికారులు వారి మధ్య సమన్వయం ఏర్పాటు చేసి ఆస్పత్రి అంతా పరిశుభ్రం పెంచేలా చర్యలు తీసుకోకుండా నిమ్మకు నీరెత్తిపోతున్నట్లు ఆరోపణలు ఉన్నాయి. ఆస్పత్రిలో పారిశుద్ధ్యం బాగా లేదని అధికారులు సదరు కాంట్రాక్టర్‌కు పనితీరు ఆధారంగా ఇచ్చే మార్కుల్లో కోత పెట్టేసి చేతులు దులుపుకుంటాన్నారు. ఆస్పత్రిలో శానిటేషన్‌ మెరుగుపర్చటానికి సరైన చర్యలు తీసుకోవటంలేదనే విమర్శలు వినిపిస్తున్నాయి. ఆస్పత్రిలో శానిటేషన్‌ పర్యవేక్షణ బాధ్యతలు ఆర్‌ఎంఓలు, నర్శింగ్‌ సూపరింటెండెంట్‌లు, నర్శింగ్‌ సిబ్బంది, శానిటరీ ఇన్‌స్పెక్టర్‌ చూడాల్సి ఉంది. ప్రతిరోజూ వార్డుల్లో, ఆస్పత్రి అంతా తనిఖీలు చేసి శానిటేషన్‌ పనితీరు పెంచేలా పనిచేయాల్సి ఉంది.

గుంటూరు ఎడ్యుకేషన్‌: గుంటూరు నగరాభివృద్ధి కోసం వైఎస్సార్‌ సీపీకి ఎన్నికల్లో పట్టం కట్టాలని గుంటూరు పశ్చిమ నియోజకవర్గ ఎన్నికల ప్రచారంలో వైఎస్సార్‌ సీపీ నేతలు పిలుపునిచ్చారు. సోమవారం 32వ డివిజన్‌ పరిధిలోని అంకమ్మనగర్‌లో నిర్వహించిన ఎన్నికల ప్రచారంలో వైఎస్సార్‌ సీపీ కార్పొరేటర్‌ అభ్యర్థి షేక్‌ నజీర్‌ రహిమాతో కలసి వైఎస్సార్‌ సీపీ జిల్లా అధ్యక్షుడు అంబటి రాంబాబు, ఎమ్మెల్సీ లేళ్ల అప్పిరెడ్డి, మాజీ ఎంపీ మోదుగుల వేణుగోపాల్‌రెడ్డి పాల్గొన్నారు. ఇంటింటికి వెళ్లిన నేతలు ప్రజలను ఆప్యాయం పలుకరించారు. కూటమి సర్కారు రెండున్నరేళ్ల పాలనలో నగరంలో అభివృద్ధి కుంటుపడిందన్నారు. సంక్షేమ, అభివృద్ధి కార్యక్రమాలతో పండుగలా కొనసాగిన గత వైఎస్సార్‌ సీపీ పాలనలో జరిగిన మంచిని ప్రజలు గుర్తించాలని విజ్ఞప్తి చేశారు. అధికారంలోకి వచ్చేందుకు కూటమి నేతలు ఇచ్చిన హామీలను విస్మరించారని ఆరోపించారు. నిరుద్యోగ భృతి, ఆడబిడ్డ నిధి హామీలపై నోరు మెదపని టీడీపీ, జనసేన, బీజేపీ నేతలు, వారితో పాటు వచ్చే అభ్యర్థులను హామీలను ఎప్పుడు అమలు చేస్తారని నిలదీయాలని ప్రజలకు పిలుపునిచ్చారు. నిరుద్యోగులకు నెలకు రూ.మూడు వేలు చొప్పున 30 నెలలకు రూ.90 వేలు, ఆడబిడ్డ నిధి కింద 18 నుంచి 59 ఏళ్ల లోపు మహిళలకు నెలకు రూ.1,500 చొప్పున రూ.45వేలు ఇచ్చే విధంగా కూటమి నేతలతో పాటు అభ్యర్థులను డిమాండ్‌ చేయాలని ప్రజలకు సూచించారు. కార్పొరేషన్‌ ఎన్నికల్లో కూటమి అభ్యర్థులకు ఓటు వేస్తే హామీలను నెరవేర్చే అవకాశం లేదని, వైఎస్సార్‌ సీపీ అభ్యర్థులకు ఓటు వేయడం ద్వారా కూటమి ప్రభుత్వంలో కదలిక వస్తుందని, ఇచ్చిన హామీలను అమలు చేయక తప్పని పరిస్థితులు ఎదురవుతాయని అన్నారు. ఎన్నికల ప్రచారంలో పార్టీ నేతలు నిమ్మకాయల రాజనారాయణ, రాతంశెట్టి రామాంజనేయులు, షేక్‌ నజీర్‌, అనుబంధ విభాగాల నాయకులు, కార్యకర్తలు పాల్గొన్నారు.

అమరావతి: పంచారామ క్షేత్రాలలో ప్రథమారామక్షేత్రమైన అమరావతిలోని అమరేశ్వరస్వామి ఆలయంలో సోమవారం లోక కల్యాణార్ధం లక్షబిల్వార్చన అత్యంత భక్తిశ్రద్ధలతో ఆలయ అర్చకులు, వేదపండితులు నిర్వహించారు. తొలుత మహాన్యాస పూర్వక ఏకాదశ రుద్రాభిషేకంతో పాటుగా గణపతి, రుద్రహోమం నిర్వహించారు. స్వామివారికి విశేష అలంకరణానంతరం సహస్ర నామాలతో రుత్విక్కులు అమరేశ్వరునికి లక్ష బిల్వార్చన నిర్వహించారు. బాలచాముండేశ్వరి అమ్మవారికి లక్ష కుంకుమార్చన నిర్వహించారు. కార్యక్రమంలో భక్తులు పెద్దసంఖ్యలో పాల్గొన్నారు. కొండవీడు కోటకు నో ఎంట్రీ నేటి నుంచి 29 వరకు చెక్‌పోస్ట్‌ మూసివేత యడ్లపాడు: తుపాను ప్రభావం నేపథ్యంలో పర్యాటక ప్రాంతమైన కొండవీడు కోట సందర్శనకు తాత్కాలికంగా బ్రేక్‌ పడింది. ప్రతికూల వాతావరణ పరిస్థితులను దృష్టిలో ఉంచుకుని కొండవీడు ఫోర్ట్‌ చెక్‌పోస్ట్‌ను మూడు రోజులపాటు మూసివేయాలని అధికారులు నిర్ణయించారు. మంగళవారం నుంచి ఈనెల 29 వరకు పర్యాటకులకు అనుమతి నిలిపివేయనున్నట్లు వెల్లడించారు. ప్రకృతి ప్రేమికులు, పర్యాటకులు, ప్రజలు ఈ మూడు రోజులూ కొండవీడు కోట సందర్శనకు రావద్దని అధికారులు సూచించారు. ముందస్తు జాగ్రత్తల్లో భాగంగానే ఈ నిర్ణయం తీసుకున్నట్లు తెలిపారు. మంగళగిరి టౌన్‌: వాల్మీకి జయంతిని పురస్కరించుకుని సోమవారం మంగళగిరిలోని ఏపీఎస్పీ ఆరవ బెటాలియన్‌లో వేడుకలు నిర్వహించారు. ఆరవ బెటాలియన్‌ కమాండెంట్‌ ఎ.మురళి వాల్మీకి మహర్షి చిత్రపటానికి పూలమాల వేసి నివాళులర్పించారు. మహర్షి వాల్మీకి జీవితాన్ని, ఆయన అందించిన సాహిత్య సేవలను స్మరించుకున్నారు. రామాయణ మహాకావ్యాన్ని రచించి భారతీయ సాహిత్యానికి అపారమైన కీర్తిని తీసుకొచ్చిన వాల్మీకి మహర్షి ఆదికవిగా ప్రసిద్ధి చెందారని గుర్తు చేసుకున్నారు. ఆయన రచనలు సమాజానికి నైతిక విలువలు, ధర్మబద్ధమైన జీవనం, సత్యనిష్ఠ, మానవతా దృక్పథం వంటి గొప్ప సందేశాలను అందిస్తున్నాయని పేర్కొన్నారు. వాల్మీకి మహర్షి జీవితం, ఆయన సాహిత్యం నేటి తరాలకు స్ఫూర్తిదాయకమని, ఆయన చూపిన మార్గంలో నడుస్తూ సమాజంలో మంచి విలువలను పెంపొందించుకోవాలని సూచించారు. దుగ్గిరాల: దుగ్గిరాల పసుపు మార్కెట్‌ యార్డులో ధరలు భారీగా పెరిగాయి. వారం రోజులుగా దసరా పండుగ, యార్డుకి పసుపు రాకపోవడంతోపాటు అన్‌ సీజన్‌ కావడంతో యార్డులో అమ్మకాలు జరగలేదు. సోమవారం యార్డుకు పసుపు బస్తాలను రైతులు తీసుకు రావడంతో కొమ్ములు ధర గరిష్టంగా క్వింటాకు రూ.20,911, కాయలు ధర గరిష్టంగా క్వింటాకు రూ.20,000లకు కొనుగోలు చేశారు. తెలంగాణ నిజామాబాద్‌లో క్వింటాకు రూ.22,666 ఉంది. ప్రస్తుతం వ్వాపారానికి అన్‌సీజన్‌ కావడంతో ఎగుమతుల్లో కదలిక వచ్చి నెలకొన్న డిమాండ్‌తో ధరలు పెరిగాయని చెబుతున్నారు. ప్రస్తుతం పెరిగిన ధరలతో వ్యాపారులకు మరింత లబ్ధి చేకూరనుంది. రైతుల దగ్గర ప్రస్తుతం పసుపు నిల్వలు లేవు. ఇదే విధంగా ధరలు నిలకడగా పంట చేతికి వచ్చే వరకు ధరలు ఉండాలని రైతులు కోరుకుంటుంన్నారు. రొంపిచర్ల: స్థానిక జిల్లా పరిషత్‌ ఉన్నత పాఠశాలలో నవంబర్‌ 1న ఉమ్మడి గుంటూరు జిల్లా సీనియర్‌ బాలికల (మహిళలు) సాఫ్ట్‌బాల్‌ సెలక్షన్‌న్స్‌ జరుగుతాయని ఉమ్మడి గుంటూరు జిల్లా సాఫ్ట్‌ బాల్‌ సెక్రటరీ పి.సామంత్‌ రెడ్డి సోమవారం ఒక ప్రకటనలో పేర్కొన్నారు. ఈ సీనియర్‌ బాలికల సెలక్షన్స్‌లో పాల్గొనే వారికి వయస్సుతో సంబంధం లేదన్నారు. ఈ సెలక్షన్స్‌లో పాల్గొనే వారు ఒరిజినల్‌ ఆధార్‌ కార్డులు తీసుకుని రావాలన్నారు. ఈ సెలక్షన్‌న్స్‌లో ఎంపికై న వారు డిసెంబర్‌లో చిత్తూరులో జరిగే రాష్ట్ర స్థాయి పోటీల్లో పాల్గొంటారన్నారు. పూర్తి వివరములకు 9666723772 నంబర్‌కు కాల్‌ చేయాలని ఆయన కోరారు.

కొరిటెపాడు(గుంటూరు): ఆంధ్రప్రదేశ్‌ గ్రామీణ బ్యాంక్‌(ఏపీజీబీ) ప్రధాన కార్యాలయం ఆధ్వర్యంలో ఆదివారం విజిలెన్స్‌ కార్నివల్‌–2026 కార్యక్రమాన్ని నిర్వహించారు. ఉద్యోగులు, సిబ్బందికి పాటల పోటీలు, వివిధ క్రీడా పోటీలు, సాంస్కృతిక కార్యక్రమాలు నిర్వహించారు. ఏపీజీబీ చైర్మన్‌ కె.ప్రమోద్‌కుమార్‌రెడ్డి మాట్లాడుతూ ఉద్యోగుల మానసిక, శారీరక, దృఢత్వం మెరుగుపడటంలో క్రీడలు, సాంస్కృతిక కార్యక్రమాలు కీలక పాత్ర పోషిస్తాయన్నారు. ఆరోగ్యవంతమైన సమాజ నిర్మాణంతోపాటు దేశాభివృద్ధికి నీతి, నిజాయతీ, నైతిక విలువలు ఎంతో అవసరమని స్పష్టం చేశారు. విజిలెన్స్‌ ఇన్‌చార్జి హరీష్‌ బేతా మాట్లాడుతూ ఉద్యోగులు విధులను నిబద్ధతతో నిర్వహిస్తూ పారదర్శకతకు ప్రాధాన్యమివ్వాలని కోరారు. కార్యక్రమంలో బ్యాంక్‌ జనరల్‌ మేనేజర్లు ఎ.రాజశేఖరం, పి.శ్రీదేవి, బ్యాంక్‌ ఉద్యోగులు, సిబ్బంది తమ కుటుంబ సభ్యులతో సహా పాల్గొన్నారు. ఏపీజీబీ విజిలెన్స్‌ కార్నివల్‌లో బ్యాంక్‌ చైర్మన్‌ ప్రమోద్‌కుమార్‌రెడ్డి

చేబ్రోలు: మండల పరిధిలోని వివిధ గ్రామాలకు చెందిన ఎంపీటీసీ స్థానాలకు వైఎస్సార్‌ సీపీ తరఫున దాఖలు చేసిన నామినేషన్లను స్థానిక టీడీపీ నాయకుల ఒత్తిడి మేరకు అధికారులు అకారణంగా, చిన్నచిన్న కారణాలతో తిరస్కరించడాన్ని సవాల్‌ చేస్తూ వైఎస్సార్‌ సీపీ నాయకులు ఆదివారం తెనాలి ఇన్‌చార్జి ఆర్డీఓ లక్ష్మీకుమారిని కలిసి అప్పీలు చేసుకున్నారు. ఆదివారం ఉదయం తెనాలిలోని ఆర్డీఓ కార్యాలయంలో వైఎస్సార్‌ సీపీ లీగల్‌ సెల్‌ న్యాయవాదులు వకాల్తా వేశారు. చిన్నచిన్న తప్పులతో ఎన్నికల అధికారులు 11 ఎంపీటీసీ స్థానాల పరిధిలో 19 మంది నామినేషన్లు తిరస్కరించారని వివరించారు. వీరిలో 15 మంది నామినేషన్లు సక్రమంగానే ఉన్నప్పటికీ డ్వాక్రాలో రుణం ఉందని, రెండుచోట్ల ఓటు హక్కు ఉందని, ద్విచక్ర వాహనం వివరాలు తెలియజేయలేదని, చిన్న చిన్న కారణలతో తిరస్కరించినట్లు పేర్కొన్నారు. దీనిపై విచారణ జరిపి పోటీ చేసేందుకు అవకాశం కల్పించాలని న్యాయవాదులు కోరారు. దీనిపై స్పందించిన ఆర్డీఓ విచారణ జరిపి న్యాయం చేస్తామని హామీ ఇచ్చారు. కార్యక్రమంలో వైఎస్సార్‌ సీపీ లీగల్‌ సెల్‌ తరఫున న్యాయవాదులు చింకా సురేష్‌ చంద్ర యాదవ్‌, కె.ఎం.విల్సన్‌, డి.మల్లికార్జునరెడ్డి, మందపాటి కోటేశ్వరరావు, పాపిరెడ్డి, రామకృష్ణారెడ్డి, వి.మల్లేశ్వరరావు ఉన్నారు. నామినేషన్లు తిరస్కరణకు గురై తెనాలి ఆర్డీఓ కార్యాలయం వద్ద అప్పీల్‌ చేయటానికి చేబ్రోలు మండలంలోని వివిధ గ్రామాలకు చెందిన వైఎస్సార్‌ సీపీ ఎంపీటీసీ అభ్యర్థులు పెండ్ర వెంకటేశ్వర్లు, షేక్‌ నజీర, షేక్‌ ఖాసింబీ, దానబోయిన గోవిందరాజులు, మైనం రవికుమార్‌, జువ్వా నాంచారమ్మ, పసుపులేటి బాజిబాబు, మన్నెం ఉషారాణి, మరో 6 గురు అభ్యర్థులు హాజరయ్యారు. కొరిటెపాడు(గుంటూరు): ఆంధ్రప్రదేశ్‌ పవర్‌ డిప్లొమా ఇంజినీర్స్‌ అసోసియేషన్‌ నూతన అధ్యక్షుడుగా ఆర్‌.మోహన్‌రావు ఏకగ్రీవంగా ఎన్నికయ్యారు. అసోసియేషన్‌ కార్యవర్గ సమావేశం ఆదివారం పొన్నూరు రోడ్‌లోని ఓ ఫంక్షన్‌ హాలులో జరిగింది. సమావేశంలో అసోసియేషన్‌ అధ్యక్షుడుగా ఆర్‌.మోహన్‌రావుతోపాటు సలహాదారుగా ఏ.గురునాథరావు, ఉపాధ్యక్షుడుగా టీవీ నరసింహారావు, ప్రధాన కార్యదర్శిగా జి.బ్రహ్మయ్య, సహాయ ప్రధాన కార్యదర్శిగా వి.ఉమామహేశ్వరరావు, సంయుక్త కార్యదర్శులుగా ఎల్‌.బ్రహ్మం, ఎన్‌.వెంకటేశ్వర్లు, ఎస్‌కే గౌస్‌, కార్యనిర్వాహక కార్యదర్శులుగా డీఎల్‌ శ్రీనివాస్‌, ఎస్‌.వీర బ్రహ్మం, పి.వసంతలక్ష్మి, కార్యాలయ కార్యదర్శిగా పి.సురేంద్ర, ఆర్ధిక కార్యదర్శిగా డి.అనూప్‌ సచిన్‌ కుమార్‌లు ఎన్నికయ్యారు. నూతన కమిటీ రెండు సంవత్సరాలు కొనసాగనుంది. ఈ సందర్భంగా నూతన కార్యవర్గ సభ్యులకు సహచరులందరూ అభినందనలు తెలిపారు. సమావేశంలో అసోసియేషన్‌ రాష్ట్ర అధ్యక్షుడు కేవీ శేషారెడ్డి, రాష్ట్ర కార్యదర్శి పి.సన్యాసిరావు, సదరన్‌ డిస్కామ్‌ ప్రెసిడెంట్‌ ఏవీ సుబ్బారెడ్డి తదితరులు పాల్గొన్నారు.

ప్రత్తిపాడు: అభ్యర్థులూ నామినేషన్‌ దాఖలు చేశారా.. ఇక ప్రచారానికి సన్నద్ధం అవుతున్నారా.. మైకులతో వీధి వీధినీ చుట్టేద్దామనుకుంటున్నారా.. అయితే ఒక్క నిమిషం. మీ ఎన్నికల ప్రచారానికి ఎన్నికల కమిషన్‌ అనుమతి తప్పనిసరి. లేదంటే అభ్యర్థులు ఇబ్బందులు పడక తప్పని పరిస్థితులు. నియోజకవర్గంలోని ఐదు మండలాల్లో మొత్తం 58 ఎంపీటీసీ సెగ్మెంట్లలో ఎన్నికలు జరగనున్నాయి. నియోజకవర్గ వర్గం మొ త్తం మీద ఆయా రాజకీయ పార్టీల నుంచి అభ్యర్థులు 330కు పైగా నామినేషన్లు దాఖ లు చేశారు. నామినేషన్ల పరిశీలన కూడా పూర్తి కావడంతో ఇప్పుడు బరిలో ఉన్న అభ్యర్థులంతా ప్రచారానికి సిద్ధమవుతున్నారు. అనుమతులు కావాల్సిందే.. ప్రచారం నిర్వహించే అభ్యర్థులు ఎన్నికల కమిషన్‌ నిబంధనల ప్రకారం అనేక రకాల అనుమతులు తప్పనిసరిగా తీసుకోవాల్సి ఉంది. ● అభ్యర్థులు సభలకు, ఇంటింటి ప్రచారాలకు, ఊరేగింపులకు పర్మిషన్‌ తీసుకోవాలి. ఎక్కడ ఏ ప్రాంతంలో ఎప్పటి నుంచి ఎప్పటి వరకు నిర్వహిస్తారు, ఎంత మంది హాజరవుతారు, స్థల యజమాని పేరు, ఆతని నుంచి ఎన్‌వోసీ తీసుకోవాల్సి ఉంది. ఓటర్‌కార్డు, స్థల యజమాని ఎన్‌ఓసీ, ఆధార్‌ కార్డుతో దరఖాస్తు చేసుకోవాలి. ● లౌడ్‌ స్పీకర్‌ అనుమతి కూడా కచ్చితంగా పొందాలి. ఎప్పుడు, ఎక్కడ(వాహనంపైనా, స్థిరంగానా) వాడతారన్న వివరాలు దరఖాస్తులో తెలియజేయాలి. ఉదయం 10 గంటల నుంచి సాయంత్రం 6 గంటల్లోపు మాత్రమే స్పీకర్లు వినియోగించాలి. సౌండ్‌ 75 డీబీ కన్నా మించదని, ఒక సభకు మూడు లౌడ్‌ స్పీకర్లకన్నా అదనంగా వాడనని, ఎన్నికల నియమావళి పాటిస్తానని డిక్లరేషన్‌ ఇవ్వాలి. అనంతరం అనుమతి మంజూరు చేస్తారు. ● అభ్యర్థి ఎన్నికల రోజు పర్యటించేందుకు వాహనానికి కూడా అనుమతి తప్పనిసరిగా పొందాలి. వినియోగించే వాహనం నంబరును నమోదు చేసి నిర్ణీత దరఖాస్తు పూర్తి చేసి పర్మిషన్‌ పొందాలి. అనుమతులకు సింగిల్‌ విండో సెల్‌.. అభ్యర్థుల ప్రచార అనుమతుల కోసం ప్రత్తిపాడు తహసీల్దార్‌ కార్యాలయంలో సింగిల్‌ విండో సెల్‌ను ఏర్పాటు చేశారు. అనుమతులు కావాల్సిన వారు ముందుగా పోలీస్‌ స్టేషన్‌ నుంచి ఎన్‌ఓసీ తెచ్చుకోవాలి. అనంతరం సింగిల్‌ విండో సెల్‌లో దరఖాస్తు చేసుకుంటే వారు వివరాలు పరిశీలించి అనుమతులిస్తారు. దరఖాస్తు చేసుకున్న 24 గంటల్లో అనుమతులు మంజూరవుతాయి. ఉల్లంఘనలపై డేగ కన్ను.. అనుమతులు లేకున్నా.. ఇష్టారీతిన ఎన్నికల ప్రచారం నిర్వహించినా అభ్యర్థులు అడ్డంగా బుక్కవుతారు. అభ్యర్థుల కదలికలు, మోడల్‌ కోడ్‌ ఆఫ్‌ కండక్ట్‌ అమలుకు, పరిశీలనకు ఎన్నికల కమిషన్‌ ప్రత్యేక బృందాలను నియమించింది. వారు గ్రామాల్లో పర్యటిస్తూ డేగ కన్నుతో ప్రచార, ఎన్నికల సంబంధిత కార్యకలాపాలను పరిశీలిస్తున్నారు. కండీషన్స్‌ అప్లై.. ప్రచారాలు నిర్వహించే సమయంలో అభ్యర్థులు పలు జాగ్రత్తలు తీసుకోవాల్సి ఉంది. అభ్యర్థులు విద్వేషాలు రెచ్చగొట్టేలా ప్రసంగాలు చేయకూడదు. ఆలయాలు, మసీదులు, చర్చిలను ప్రచార వేదికలుగా వినియోగించకూడదు. ఇళ్లు, ప్రహరీలపై సంబంధిత యజమానుల అనుమతి లేకుండా పోస్టర్లు అంటించడం, ఫ్లెక్సీలు, బ్యాన ర్లు ఏర్పాటు చేయడం, ప్రభుత్వ వాహనాలు, కార్యాలయాలు, ప్రజాధనంతో నిర్వహించే వనరులను ప్రచారానికి ఉపయోగించకూడదు. కరపత్రాలు, గోడపత్రికలు తదితర ముద్రిత ప్రచార సామగ్రిపై ముద్రించిన వారి పేరు, చిరునామాతో పాటు ప్రచురణకర్త పేరు, చిరునామా స్పష్టంగా ఉండాలి.అభ్యర్థులు ప్రచారాలకు కచ్చితంగా అనుమతులు పొందాలి. వాహనాలు, లౌడ్‌ స్పీకర్లు, సభలు, సమావేశాలు, ప్రచారాలకు అనుమతులు తప్పని సరి. లేదంటే కఠిన చర్యలు తప్పవు. – ఎన్‌.నరహరి, ఎస్‌ఐ, ప్రత్తిపాడు అభ్యర్థుల ప్రచారాలకు అనుమతులిచ్చేందుకు ఎన్నికల కమిషన్‌ ఆదేశాల మేరకు ప్రత్తిపాడు తహసీల్దార్‌ కార్యాలయంలో సింగిల్‌ విండో సెల్‌ ఏర్పాటు చేశాం. పోలీసు స్టేషను నుంచి ఎన్‌ఓసీ తెచ్చుకుని సింగిల్‌ విండో సెల్‌లో దరఖాస్తు చేసుకోవాలి. పరిశీలించి రిటర్నింగ్‌ అధికారి అనుమతులు మంజూరు చేస్తారు. – కె.వెంకటేశ్వరరావు, తహసీల్దార్‌, ప్రత్తిపాడు

ఫిరంగిపురం: మండలంలోని రేపూడి వ్యవసాయ మార్కెట్‌ యార్డులోని గోదాముల్లో భద్రపర్చిన ఈవీఎంలను జిల్లా కలెక్టర్‌ సాయికాంత్‌ వర్మ ఆదివారం తనిఖీ చేశారు. గోడౌన్‌లో భద్రపర్చిన ఈవీఎంలు, భద్రతా ఏర్పాట్లు, సీసీ కెమెరాల పనితీరు, గోడౌన్‌ తాళాలు, రిజిస్టర్లు పరిశీలించారు. కలెక్టర్‌ మాట్లాడుతూ ఎన్నికల సంఘం మార్గదర్శకాలను తప్పకుండా పాటించాలని ఆదేశించారు. ఈవీఎంల భద్రత విషయంలో ఎన్నికల సంఘం కచ్చితమైన మార్గదర్శకాలు ఇచ్చిందని చెప్పారు. పరిసరాల్లో నిరంతర పర్యవేక్షణ ఉండేలా చర్యలు తీసుకోవాలన్నారు. భద్రత విషయంలో ఎలాంటి లోపాలు లేకుండా చూడాలని అధికారులకు సూచించారు. ఆయన వెంట తహసీల్దార్‌ జె.ప్రసాదరావు, వివిధ పార్టీల నాయకులు, రెవెన్యూ సిబ్బంది, వివిధ శాఖల అధికారులు పాల్గొన్నారు. నగరంపాలెం: జిల్లాలోని అన్ని పోలీస్‌స్టేషన్లల్లో ఆదివారం రౌడీషీటర్లకు కౌన్సెలింగ్‌ నిర్వహించారు. జిల్లా ఎస్పీ వకుల్‌ జిందాల్‌ ఆదేశాల మేరకు ఈ ప్రక్రియ కొనసాగించారు. మున్సిపల్‌, ఎంపీటీసీ, జెడ్పీటీసీ, స్థానిక సంస్థల ఎన్నికల దృష్ట్యా రౌడీషీటర్లపై ముందస్తు బైండోవర్‌లు చేశామని తెలిపారు. ఇప్పటి వరకు 1,027 మందిని తహసీల్దార్ల ఎదుట బైండోవర్‌ చేసినట్లు పేర్కొన్నారు. గత తప్పుల నుంచి గుణపాఠం నేర్చుకోవాలని రౌడీషీటర్లకు పోలీస్‌ అఽధికారులు సూచించారు. ఎలాంటి నేరాలకు పాల్పడవద్దని స్పష్టం చేశారు. బాధ్యతాయుతమైన పౌరులుగా జీవించాలని చెప్పారు. చెడు స్నేహాలు, అసాంఘిక కార్యకలాపాలు, నేరప్రవృత్తికి దూరంగా ఉండాలని హితవు పలికారు. గుంటూరు వెస్ట్‌(క్రీడలు): మాస్టర్స్‌ అథ్లెటిక్‌ అసోసియేషన్‌ ఆధ్వర్యంలో ఆదివారం స్థానిక ఎన్టీఆర్‌ స్టేడియంలో పోటీలు నిర్వహించారు. మొత్తం 105 మంది పాల్గొన్న ఈ పోటీల్లో త్రోస్‌, జంప్స్‌, రన్నింగ్‌ విభాగాల్లో పోటీలు నిర్వహించారు. ఈ సందర్భంగా అసోసియేషన్‌ అధ్యక్షులు షేక్‌ లాల్‌ వజీర్‌ మాట్లాడుతూ పోటీల్లో ప్రతిభకనబరచిన వారిని డిసెంబర్‌ 12, 13 తేదీల్లో ఒంగోలులో జరగనున్న రాష్ట్ర పోటీలకు పంపిస్తామన్నారు. మాస్టర్స్‌ అథ్లెటిక్స్‌ పోటీల్లో పాల్గొనే వారి సంఖ్య రోజురోజుకూ పెరుగుతుందన్నారు. టాస్క్‌పోర్స్‌: ఉద్యోగానికి రాజీనామా చేయకుండానే స్థానిక సంస్థల ఎన్నికల్లో నగరపాలక సంస్థ ప్రజారోగ్య విభాగంలో ఆప్కాస్‌ పద్ధతిపై పనిచేస్తున్న బందెల దేవకుమారి నామినేషన్‌ వేశారు. ఎనిమిదవ డివిజన్‌ స్వతంత్ర అభ్యర్థిగా నామినేషన్‌ వేయడంతో పాటు ఫారం–7 కింద గ్యాస్‌ సిలిండర్‌ గుర్తు కూడా కేటాయించారు. దీనిపై నగర పాలక సంస్థ అధికారులు ఏవిధంగా స్పందిస్తారో వేచి చూడాల్సి ఉంది. నగరంపాలెం: వైఎస్సార్‌ కడప జిల్లా సి.పి.బ్రౌన్‌ భాష పరిశోధన కేంద్రంలోని బ్రౌన్‌శాస్త్రి సమావేశ మందిరంలో ఆదివారం డాక్టర్‌ హనుమచ్ఛాస్త్రి జయంతి నిర్వహించారు. జానుమద్ది సాహితీ పీఠం ఆధ్వర్యంలో 15వ గ్రంథాలయ, సాహిత్య సేవా పురస్కార ప్రదానోత్సవ జరగ్గా, బృందావన్‌గార్డెన్స్‌ అన్నమయ్య అధ్యాత్మిక గ్రంథాలయ వ్యవస్థాపకులు లంకా సూర్యనారాయణకు గ్రంథాలయ, సాహిత్య సేవా పురస్కారం ప్రదానం చేశారు. ఏపీ హైకోర్టు న్యాయమూర్తి డాక్టర్‌ జస్టిస్‌ యడవల్లి లక్ష్మణరావు, ఆచార్య రాచపాళెం చంద్రశేఖర్‌రెడ్డి, ఆచార్య జీఎన్‌ రెడ్డి, యోగి వేమన విశ్వవిద్యాలయం ఉపకులపతి రాజశేఖర్‌, జిల్లా న్యాయమూర్తి రామ్‌గోపాల్‌ పాల్గొన్నారు.

తెనాలిరూరల్‌: రైలు నుంచి జారి పడి గుర్తు తెలియని ప్రయాణికుడు మృతి చెందిన ఘటన విజయవాడ–చైన్నె రైలు మార్గంలో శనివారం రాత్రి జరిగింది. సుమారు 30 నుండి 35 ఏళ్ల వయసున్న పొన్నూరు సమీపంలో రైలు నుంచి జారి పడి అక్కికక్కడే మృతి చెందాడు. సమాచారం అందుకున్న జీఆర్పీ పోలీసులు ఘటనాస్థలాన్ని పరిశీలించి మృతదేహాన్ని వైద్యశాలకు తరలించారు. కేసు నమోదు చేసి దర్యాప్తు చేస్తున్నట్టు ఎస్‌ఐ ఎల్‌.సరస్వతి ఆదివారం తెలిపారు. తాడికొండ: తుళ్లూరు మండలం రాజధాని ప్రాంతమైన మందడం గ్రామంలో నైట్‌ డ్యూటీ సూపర్‌వైజర్‌ అనుమానాస్పద స్థితిలో మృతి చెందాడు. స్థానికుల సమాచారం మేరకు.. మదండం గ్రామ పరిధిలోని ఈ 8 రోడ్డు నిర్మాణ పనుల్లో నైట్‌ డ్యూటీ సూపర్‌వైజర్‌గా పనిచేస్తున్న దుర్గా ప్రసాద్‌(42) శనివారం అర్ధరాత్రి ముక్కు వెంబడి రక్తం కారుతూ అనుమానాస్పదంగా అపస్మారక స్థితిలో కనిపించాడు. గమనించిన టిప్పర్‌ డ్రైవర్‌ వెంటనే ఆసుపత్రికి తరలించాడు. అప్పటికే ఆయన మృతి చెందినట్లు వైద్యులు నిర్ధారించారు.

డీఎంహెచ్‌ఓ డాక్టర్‌ పద్మావతి గుంటూరు మెడికల్‌: జిల్లాలో తుపాను హెచ్చరికల నేపథ్యంలో వైద్య ఆరోగ్యశాఖ సిబ్బంది అప్రమత్తంగా ఉండాలని జిల్లా వైద్య ఆరోగ్యశాఖాధికారి డాక్టర్‌ మక్కెన పద్మావతి ఆదివారం ప్రకటనలో పేర్కొన్నారు. తుపాను ప్రభావిత ప్రాంతాలు, లోతట్టు ప్రాంతాలలోని, ప్రసవానికి సిద్ధంగా ఉన్న గర్భిణులను తమ దగ్గర ఉన్న లిస్టు ఆధారంగా దగ్గరలోని ప్రాథమిక ఆరోగ్య కేంద్రాలకుగాని లేదా సామాజిక ఆరోగ్యలకు గాని తరలించాలన్నారు. తుపాను పరిస్థితుల రీత్యా విద్యుత్‌ అంతరాయాన్ని దృష్టిలో ఉంచుకొని వైద్యాధికారులు వ్యాక్సిన్‌లను సురక్షితంగా ఉంచడంలో భాగంగా జనరేటర్‌లను సిద్ధంగా ఉంచుకోవాలని ఆదేశించారు. తల్లీబిడ్డ వెండర్లు అవసరాన్ని బట్టి గర్భిణులను ఆరోగ్య కేంద్రాలకు తరలించడంలో భాగంగా ఆరోగ్య సిబ్బందికి సహకరించాలన్నారు. అత్యవసర పరిస్థితుల్లో సహాయం కోసం గుంటూరు డీఎంహెచ్‌ఓ కార్యాలయంలో ఏర్పాటు చేసిన హెల్ప్‌లైన్‌ నంబర్‌ను 72075 95104కు సంప్రదించాలన్నారు. నెహ్రూనగర్‌: రామిరెడ్డితోట 5వ లైను (8వ డివిజన్‌)లో కుక్కల దాడిలో ఇద్దరు చిన్నారులు గాయాలపాలయ్యారు. పొట్ట, చేయి మీద దాడి చేయడంతో చిన్నారులు భయాందోళనలో అరవడంతో వెంటనే స్పందించిన స్థానికులు కుక్కలను తరిమేశారు. గాయాలపాలైన చిన్నారులను జీజీహెచ్‌కు తరలించి చికిత్స అందించడంతో ప్రాణపాయం తప్పింది. నగరంలో విచ్చలవిడిగా కుక్కలు స్వైర విహారం చేస్తున్నాయని వీటికి నగరపాలక సంస్థ అడ్డుకట్ట వేయడంలో విఫలం చెందారని దీని వలన అభం శుభం చిన్నారులు కుక్కల బారిన పడుతున్నారని స్థానికులు ఆవేదన వ్యక్తం చేస్తున్నారు.

తాడేపల్లి రూరల్‌: తాడేపల్లి పట్టణ పరిధిలోని మణిపాల్‌ హాస్పిటల్‌లో ఆదివారం టెప్‌(టోటల్లీ ఎక్స్‌ట్రాపెరిటోనియల్‌) లైవ్‌ ఆపరేటివ్‌ వర్క్‌షాప్‌ నిర్వహించారు. హాస్పిటల్‌ సర్జికల్‌ గ్యాస్ట్రో ఎంటరాలజీ, మినిమల్‌ యాక్సెస్‌ సర్జరీ, బేరియాట్రిక్‌ సర్జరీ, రోబోటిక్‌ సర్జరీ విభాగాల డైరెక్టర్‌ డాక్టర్‌ గణేష్‌ షెనాయ్‌ మార్గదర్శకత్వంలో వర్క్‌షాప్‌ చేపట్టారు. డాక్టర్‌ గణేష్‌ షెనాయ్‌ మాట్లాడుతూ హెర్నియా చికిత్సలో మినిమల్లీ ఇన్వేసిస్‌ సర్జరీ విధానాలు అభివృద్ధి చెందుతున్నాయని పేర్కొన్నారు. టీఈపీ, ఈటీఈపీ వంటి పద్ధతులు హెర్నియా చిక్సిత అందించడంలో సర్జన్లకు వివిధ మార్గాలను అందిస్తున్నారని వివరించారు. హాస్పిటల్‌ డైరెక్టర్‌ జె.రామాంజనేయరెడ్డి మాట్లాడుతూ హెర్నియా చికిత్సలో ఉపయోగించే ఆధునిక శస్త్రచికిత్స పద్ధతులను ప్రత్యక్షంగా పరిశీలించి, వాటిని రోగుల చికిత్సలో ఎలా ఉపయోగించవచ్చో తెలుసుకునే అవకాశాన్ని సర్జర్లను కల్పించామని తెలిపారు. ప్రత్యక్ష శస్త్రచికిత్స ప్రదర్శనలు, ఆచరణాత్మక శిక్షణ వలన మినిమల్లీ ఇన్వేసివ్‌ విధానాల్లో వివిధ దశలను సర్జన్లు మరింత స్పష్టంగా అర్థం చేసుకోగలరని పేర్కొన్నారు. కార్యక్రమంలో వైద్యులు డాక్టర్‌ డి.రవి(జనరల్‌ సర్జరీ), డాక్టర్‌ డి.వరుణ్‌(సర్జికల్‌ గ్యాస్ట్రో ఎంటరాలజీ) పాల్గొన్నారు.