ఏఐ మోడల్‌తో సుస్థిర అభివృద్ధికి బలమైన పునాది

ఏఐ మోడల్‌తో సుస్థిర అభివృద్ధికి బలమైన పునాది

చేబ్రోలు: భారత్‌ వంటి అభివృద్ధి చెందుతున్న దేశాలకు తక్కువ ఖర్చుతో, స్వదేశీ అవసరాలకు అనుగుణంగా రూపొందించే ఓపెన్‌ సోర్స్‌, లో రిసోర్స్‌ ఏఐ మోడళ్లు భవిష్యత్తులో సుస్థిర అభివృద్ధికి బలమైన పునాదిగా మారతాయని స్విస్‌నెక్స్‌ ఇన్‌ ఇండియా కంపెనీ అకడెమిక్‌ ఎంగేజ్‌మెంట్‌ హెడ్‌ లీనా మారైకే జోసెఫిన్‌ రోబ్రా అన్నారు. వడ్లమూడి విజ్ఞాన్‌ యూనివర్సిటీలో ‘ కాన్‌క్లేవ్‌ ఆన్‌ రెస్పాన్సిబుల్‌ అండ్‌ సెస్టెయినబుల్‌ ఏఐ’ అనే అంశంపై సోమవారం సదస్సును నిర్వహించారు. ఈ సదస్సును ‘బిల్డింగ్‌ బెటర్‌ విత్‌ ఏఐ : సస్టేనబిలిటీ యాస్‌ ఏ బ్లూ ప్రింట్‌ ఫర్‌ ఇండియా’ అనే ఇతివృత్తంతో నిర్వహించారు. కార్యక్రమానికి ముఖ్య అతిథిగా హాజరైన స్విస్‌నెక్స్‌ ఇన్‌ ఇండియా కంపెనీ అకడెమిక్‌ ఎంగేజ్‌మెంట్‌ హెడ్‌ లీనా మారైకే జోసెఫిన్‌ రోబ్రా మాట్లాడుతూ.. తక్కువ వనరులతో, తక్కువ ఖర్చుతో రూపొందించే ఏఐ మోడళ్ల ద్వారా గ్రామీణ మరియు వెనుకబడిన ప్రాంతాలకు కూడా ఆధునిక సాంకేతిక సేవలను అందించవచ్చని వివరించారు.