సామాజిక స్పృహతో దంత వైద్యసేవలు అందించాలి

● అశోక్‌ దోబ్లే మాట్లాడుతూ విద్యార్థులు అద్భుతమైన కళాశాలలో విద్య నేర్చుకోవటం ఒక మంచి అవకాశం అన్నారు. సమాజంలో ఉత్తమ దంత వైద్యులుగా ఎదుగుతూ సామాజిక స్పృహ కలిగి ఎంతో కొంత సేవాభావంతో వైద్య సేవలు అందించాలన్నారు. ● కళాశాల డీన్‌ డాక్టర్‌ ఎల్‌.కృష్ణ ప్రసాద్‌ మాట్లాడుతూ 25 సంవత్సరాల కిందట తక్కెళ్ళపాడు గ్రామంలో ఈ కళాశాలను నెలకొల్పి దిగ్విజయంగా నడిపించుటకు దోహదపడిన తక్కెళ్ళపాడు గ్రామ పెద్దలకు, ప్రజానీకానికి ప్రత్యేక ధన్యవాదాలు తెలిపారు. ● కళాశాల డైరెక్టర్‌ డాక్టర్‌ టి. కృష్ణమోహన్‌, ప్రిన్సిపల్‌ డాక్టర్‌ రమణారెడ్డి గత 25 సంవత్సరాల్లో సిబార్‌ దంత వైద్య కళాశాల ఎదిగిన విధానం, సాధించిన ఘనతలపై నివేదిక సమర్పించారు. ● డాక్టర్‌ ముక్కామల అప్పారావు మాట్లాడుతూ సిబార్‌ ఘనతలన్నీ అధ్యాపకులు, అధ్యాపకేతర సిబ్బంది, విద్యార్థుల సమష్టి కృషితోనే సాధ్యమైందన్నారు. ● సిబార్‌ 25 ఏళ్ళుగా సాధించిన విజయాలతో కూడిన సావనీర్‌ను విడుదల చేశారు. విద్యార్థులకు ప్రతిభా పురస్కారాలు, మెడల్స్‌ అందజేశారు.

ఇండియన్‌ డెంటల్‌ అసోసియేషన్‌ జనరల్‌ సెక్రటరీ అశోక్‌ దోబ్లే సిబార్‌లో ఘనంగా సిల్వర్‌ జూబ్లీ వేడుకలు విద్యార్థులకు ప్రతిభా పురస్కారాలు, మెడల్స్‌ ప్రదానం