న్యూజిలాండ్‌తో నాలుగో వన్డేలో ఘోర పరాజయంపై టీమిండియా హెడ్‌కోచ్‌ గౌతం గంభీర్‌ స్పందించాడు. వన్డే ప్రపంచకప్‌-2027 టోర్నీకి ముందు ఇలాంటి పరాభవం ఆందోళన కలిగిస్తోందని పేర్కొన్నాడు. తమ బ్యాటర్లు మరింత మెరుగ్గా రాణించాల్సి ఉందని.. పేలవ ఆట తీరుతో వికెట్లు పారేసుకున్నారని విమర్శించాడు.244 పరుగుల తేడాతో ఓటమికాగా ఐదు మ్యాచ్‌ల వన్డే సిరీస్‌లో భాగంగా తొలి రెండు మ్యాచ్‌లలో భారత్‌ కివీస్‌పై గెలుపొందింది. మూడో వన్డే వాన వల్ల రద్దు కాగా.. శుక్రవారం నాటి నాలుగో వన్డేలో ఆతిథ్య న్యూజిలాండ్‌ చేతిలో ఏకంగా 244 పరుగుల తేడాతో ఓటమిపాలైంది. మౌంట్‌ మౌంగనూయ్‌లో కివీస్‌ పేసర్‌ మ్యాట్‌ హెన్రీ ఆరు వికెట్ల తేడాతో చెలరేగి భారత బ్యాటింగ్‌ ఆర్డర్‌ పతనాన్ని శాసించాడు.89 పరుగులకేఈ క్రమంలో 334 పరుగుల లక్ష్యాన్ని ఛేదించేందుకు బరిలోకి దిగిన భారత్‌ కేవలం 89 పరుగులకే కుప్పకూలింది. అంతకు ముందు తొలి వన్డేలో కివీస్‌ను 185 పరుగుల కట్టడి చేసిన టీమిండియా.. వాన కారణంగా డీఎల్‌ఎస్‌ పద్ధతి ప్రకారం ఐదు వికెట్ల తేడాతో గెలిచింది.ఇక రెండో వన్డేలో 134 పరుగులకే కివీస్‌ను ఆలౌట్‌ చేసిన భారత్‌.. స్వల్ప లక్ష్యాన్ని ఛేదించే క్రమంలో 113 పరుగులకే ఏడు వికెట్లు కోల్పోయింది. అయితే, వర్షం అంతరాయం కలిగించడం వల్ల డీఎల్‌ఎస్‌ పద్ధతిలో నాలుగు పరుగుల స్వల్ప తేడాతో గెలిచింది.మరీ అంత గొప్పగా ఏం బౌలింగ్‌ చేయలేదుఈ పరిణామాల నేపథ్యంలో గంభీర్‌ భారత బ్యాటర్ల తీరుపై ఆగ్రహం వ్యక్తం చేశాడు. ‘‘అంతర్జాతీయ క్రికెట్‌లో ఎదుర్కోలేని డెలివరీలు అంటూ ఏమీ ఉండవు. మ్యాట్‌ హెన్రీ మంచి లైన్‌ అండ్‌ లెంగ్త్‌తోనే బౌలింగ్‌ చేశాడు. అయితే, మా వాళ్లు అతడిని విజయవంతంగా ఎదుర్కోవాల్సింది.మా బ్యాటర్ల వైఫల్యం వల్లే ఇలా90 పరుగులలోపే ఆలౌట్‌ కావడం నిజంగా విచారించదగ్గ, ఆందోళన కలిగించే విషయం. ముఖ్యంగా వన్డే వరల్డ్‌కప్‌ వేదికైన సౌతాఫ్రికాలోనూ ఇలాంటి పిచ్‌ పరిస్థితులే ఉంటాయి. గత మ్యాచ్‌లోనూ మేము తక్కువ పరుగులకే ఏడు వికెట్లు కోల్పోయాము.మేము మానసికంగా, నైపుణ్యాల పరంగా మరింత రాటుదేలాలి. ఇలాంటి పిచ్‌లపై 35-40/0 స్కోరు అంటే ఒకే. మా బ్యాటర్లు పరిస్థితులకు అలవాటు పడి గొప్పగా రాణిస్తారని ఆశిస్తున్నా’’ అని గంభీర్‌ పేర్కొన్నాడు. TRIPLE-WICKET MAIDEN! 😳 Matt Henry couldn't have scripted a more explosive start! Watch the HERO VIDA India Tour of New Zealand 4th ODI LIVE NOW on Sony Sports Network TV channels, Sony Vizha & Sony LIV. #SonySportsNetwork #SonyVizha #SonyLIV #NZvIND https://t.co/9gipGvgUIw— Sony Sports Network (@SonySportsNetwk) November 13, 2026కాగా కివీస్‌తో నాలుగో వన్డేలో దిగ్గజాలు రోహిత్‌ శర్మ, విరాట్‌ కోహ్లిలతో పాటు కెప్టెన్‌ శ్రేయస్‌ అయ్యర్‌ డకౌట్‌ అయ్యాడు. రుతురాజ్‌ గైక్వాడ్‌ ఐదు పరుగులకే నిష్క్రమించగా.. ఇషాన్‌ కిషన్‌ 27, అక్షర్‌ పటేల్‌ 21, నమన్‌ ధీర్‌ 21 పరుగులతో ఫర్వాలేదనిపించారు. ఇవీ చదవండి: అతడు వరల్డ్‌ బెస్ట్‌.. మా విజయానికి కారణం అదే: కివీస్‌ కెప్టెన్‌IND vs NZ: ‘నీ చేతులతో నువ్వే అంతా నాశనం చేసుకున్నావు’

తిరువనంతపురం: కేరళంలో ప్రేమ పేరుతో జరిగిన దారుణ కుట్ర ఆలస్యంగా వెలుగులోకి వచ్చింది. తన ప్రియుడిని వదిలించుకోవడానికి ఓ 19 ఏళ్ల యువతి స్వయంగా తన స్నేహితుల సహాయంతో కిడ్నాప్, దోపిడీ హత్యకు ప్లాన్ వేసిన ఉదంతం రాష్ట్ర వ్యాప్తంగా కలకలం రేపింది. పట్టాంబికి చెందిన యువకుడు తన ప్రియురాలిని కలుసుకునేందుకు అర్ధరాత్రి సమయంలో కేరళంలోని తిరుర్ ప్రాంతానికి చేరుకున్నాడు. అయితే, ఆమె అప్పటికే తన ప్రియుడిని ఎలాగైనా అంతం చేయాలని ప్లాన్‌ చేసింది. యువకుడు అక్కడకు చేరుకోగానే, ఆ యువతి పరిచయస్తుడైన ఓ వ్యక్తి అతన్ని కలిసి తన స్నేహితుడి దగ్గరకు తీసుకెళ్తానని బైక్‌పై ఎక్కించుకుని నమ్మించి మోసం చేశాడు. ఆ తర్వాత ప్లాన్ ప్రకారం మరికొందరు దుండగులు అక్కడకు చేరుకున్నారు. వారంతా కలిసి ఆ యువకుడిని బలవంతంగా ఒక కారులో ఎక్కించారు. అనంతరం నిర్మానుష్య ప్రాంతానికి తీసుకెళ్లి తీవ్రంగా కొట్టి, భయభ్రాంతులకు గురిచేశారు. అతని వద్ద ఉన్న మొబైల్ ఫోన్, విలువైన వస్తువులను దోచుకున్నారు. తమ ప్రేమకు, సంబంధానికి అడ్డంగా ఉన్నాడనే కక్షతో ఆ యువకుడిని హత్య చేయాలనే ఉద్దేశంతో అర్ధరాత్రి సమయంలో తాజెపళం వద్ద ఉన్న నదీతీర ప్రాంతానికి తీసుకెళ్లారు. అక్కడ తీవ్రంగా హింసించి, చనిపోయి ఉంటాడని భావించి అతన్ని రోడ్డు పక్కన పడేసి పరారయ్యారు. దుండగులు తమ పని ముగిసిందని భావించినప్పటికీ, తీవ్ర గాయాలతో పడి ఉన్న ఆ యువకుడు ప్రాణాలతో బయటపడ్డాడు. తేరుకున్న ప్రియుడు తనపై ప్రియురాలు కుట్రకు చేసిందంటూ పోలీసులకు ఫిర్యాదు చేశాడు. యువకుడు ఇచ్చిన ఫిర్యాదు ఆధారంగా రంగంలోకి దిగిన తిరుర్ పోలీసులు ప్రత్యేక బృందంగా ఏర్పడి దర్యాప్తు చేపట్టారు. ఈ కిడ్నాప్, హత్యాయత్నం వెనుక ప్రియురాలితో పాటు ఆమె స్నేహితుల ప్రమేయం ఉన్నట్లు తేలడంతో మొత్తం ఐదుగురు నిందితులను పోలీసులు అరెస్టు చేశారు.నిందితుల్లో ఇర్షాద్, అసారుద్దీన్ వంటి వ్యక్తులు ఇదివరకే డ్రగ్స్ స్మగ్లింగ్, హత్యాయత్నాలు, పలు హింసాత్మక కేసుల్లో నిందితులుగా ఉన్నట్లు పోలీసులు గుర్తించారు. వీరందరిని స్థానిక మేజిస్ట్రేట్ ముందు హాజరుపరచగా, కోర్టు వారికి జ్యుడీషియల్ కస్టడీ విధించింది. ప్రేమ పేరుతో నమ్మించి ప్రియుడినే కడతేర్చాలని చూసిన ఈ కిరాతక ఘటన కేరళలో సంచలన సృష్టించింది. ఇదీ చదవండి : రీల్స్‌ పిచ్చి.. పులి దాడిలో 19 ఏళ్ల యువకుడు మృతి..

సాక్షి,కృష్ణా: జిల్లాలో కూటమి నేతల అసల రంగులు బయటపడుతున్నాయి. గుడివాడ నియోజకవర్గం గుడ్లవల్లేరు మండలం కూరాడ గ్రామంలో జనసేన పార్టీ గుర్తుతో ఎంపీటీసీగా కళ్యాణపు నవాబ్ గెలిచాడు. అయితే పంచాయతీ ఎన్నికల్లో తన భార్యను టీడీపీ సర్పంచ్‌ అభ్యర్ధిగా పోటీకి దించే ప్రయత్నం చేస్తున్నాడు. దీంతో కూరాడ గ్రామ జనసేన కార్యకర్తలు కళ్యాణపు నవాబ్‌ను నిలదీశారు. జనసేన సింబల్‌ మీద ఉన్నావా?.. సైకిల్‌ సింబల్‌ మీద ఉన్నావా? అని ఆగ్రహం వ్యక్తం చేశారు. దీంతో కల్యాణ్‌ నవాబ్‌ టీడీపీ పార్టీకే కట్టుబడి ఉన్నానని చెప్పడంతో జనసేన కార్యకర్తలు మండిపడ్డారు. నిన్ను ఎంపీటీసీగా గెలిపించుకున్నందుకు మమ్మల్ని మేం చెప్పుతో కొట్టుకోవాలి అంటూ ఎంపీటీసీ ముందే చెప్పుతో కొట్టుకున్నారు.ఎన్నికల ముందు టీడీపీ నుంచి జనసేనలో చేరారు కళ్యాణపు నవాబ్‌. అతడికి ఎంపీటీసీ టికెట్‌ ఇవ్వడం కోసం పార్టీ కోసం కష్టపడిన వారిని పక్కన పెట్టి మరీ అతన్ని గెలిపిస్తే ఇప్పుడు టీడీపీ గుర్తుతో గెలిచానని చెప్పడంతో జనసేన కార్యకర్తలు ఇలాంటి వారి వల్లే తమకు అన్యాయం జరుగుతుందని ఆవేదన వ్యక్తం చేస్తున్నారు జనసేన కార్యకర్తలు ఇదీ చదవండి : ఈ దారుణానికి కారణం మీరూ, మీ సుపుత్రుడే

గ్రహం అనుగ్రహం: శ్రీ పరాభవ నామ సంవత్సరం, దక్షిణాయనం, శరదృతువు, కార్తీక మాసం, తిథి: శు.పంచమి రా.7.54 వరకు తదుపరి షష్ఠి, నక్షత్రం: పూర్వాషాఢ సా.6.14 వరకు తదుపరి ఉత్తరాషాఢ, వర్జ్యం: రా.3.04 నుండి 4.50 వరకు, దుర్ముహూర్తం: ఉ.6.08 నుండి 7.37 వరకు,అమృత ఘడియలు: ప.12.55 నుండి 2.40 వరకు.సూర్యోదయం : 6.08సూర్యాస్తమయం : 5.21రాహుకాలం : ఉ.9.00 నుండి 10.30 వరకుయమగండం : ప.1.30 నుండి 3.00 వరకుమేషం... రుణాలు చేస్తారు. ఆకస్మిక ప్రయాణాలు. వ్యాపార, ఉద్యోగాలలో ఒత్తిడులు. బంధువులతో వివాదాలు. ఉద్యోగ ప్రయత్నాలు మందకొడిగా సాగుతాయి.వృషభం... కుటుంబంలో చికాకులు. ఖర్చులు పెరుగుతాయి. వ్యాపార, ఉద్యోగాలలో ఒత్తిడులు. దూరప్రయాణాలు. అనారోగ్యం. ఆలయాలు సందర్శిస్తారు.మిథునం... కొత్త పనులు చేపడతారు. ఇంటిలో శుభకార్యాలు. ధన, వస్తులాభాలు. సంఘంలో గౌరవం. స్థిరాస్తి వివాదాల పరిష్కారం. వృత్తి, వ్యాపారాలలో అనుకూలత..కర్కాటకం... కొత్త వ్యక్తుల పరిచయం. శుభవార్తలు. వాహనాలు, ఆభరణాలు కొంటారు. వ్యవహారాలు సకాలంలో పూర్తి చేస్తారు. వృత్తి, వ్యాపారాలలో ఒత్తిడులు తొలగుతాయి.సింహం... ఆకస్మిక ప్రయాణాలు. ఇంటాబయటా ఒత్తిడులు. పనులు కొన్ని వాయిదా వేస్తారు. శ్రమాధికం. ఆరోగ్యభంగం. వృత్తి, వ్యాపారాలు మందకొడిగా ఉంటాయి.కన్య... రుణయత్నాలు. పనులలో ఆటంకాలు. బంధువుల నుంచి ఒత్తిడులు. వ్యాపార, ఉద్యోగాలలో చికాకులు. ప్రయాణాలు వాయిదా వేస్తారు.తుల... పలుకుబడి పెరుగుతుంది. సన్నిహితులతో సఖ్యత. విలువైన వస్తువులు సేకరిస్తారు. ఆలయాలు సందర్శిస్తారు. పనులలో విజయం. వృత్తి, వ్యాపారాలు ఉత్సాహాన్నిస్తాయి.వృశ్చికం... పనులు ముందుకు సాగవు. ఆలోచనలు స్థిరంగా సాగవు. కుటుంబసభ్యులతో మాటపట్టింపులు. ఆధ్యాత్మిక చింతన. వృత్తి, వ్యాపారాలు సామాన్యంగా ఉంటాయి..ధనుస్సు... సన్నిహితుల నుంచి శుభవార్తలు. ఆర్థిక ప్రగతి. నూతన విషయాలు తెలుసుకుంటారు. దైవదర్శనాలు. వ్యాపార, ఉద్యోగాలలో నూతనోత్సాహం.మకరం... మిత్రులతో వివాదాలు. అనుకోని ఖర్చులు. దైవదర్శనాలు. మానసిక అశాంతి. దూరప్రయాణాలు. వ్యాపారాలు నిరాశ కలిగిస్తాయి. ఉద్యోగులకు అదనపు బాధ్యతలు.కుంభం... నూతన ఉద్యోగయోగం. కీలక నిర్ణయాలు. వ్యవహార విజయం. శుభకార్యాలలో పాల్గొంటారు. విందువినోదాలు. వృత్తి, వ్యాపారాలు ఆశాజనకంగా ఉంటాయి.మీనం... దూరప్రాంతాల నుంచి శుభవార్తలు. ఆర్థిక ప్రగతి. ఇంటర్వ్యూలు అందుతాయి. పనులు సకాలంలో పూర్తి చేస్తారు. వృత్తి, వ్యాపారాలు సంతృప్తికరంగా ఉంటాయి.

మౌంట్ మాంగనూయి వేదిక‌గా న్యూజిలాండ్‌తో జరిగిన నాలుగో వ‌న్డేలో 244 పరుగుల భారీ తేడాతో టీమిండియా ఓటమిపాలైన సంగ‌తి తెలిసిందే. 334 ప‌రుగుల భారీ ల‌క్ష్యంతో బ‌రిలోకి దిగిన భార‌త్‌.. కివీస్ బౌల‌ర్ల ధాటికి కేవ‌లం 89 ప‌రుగుల‌కే కుప్ప‌కూలి ఘోర ప‌రాభ‌వం చ‌విచూసింది.ఈ నేప‌థ్యంలో భారత మహిళా క్రికెట్ జట్టు మాజీ కెప్టెన్ అంజుమ్ చోప్రా కీలక వ్యాఖ్య‌లు చేశారు. నాలుగో వన్డేలో స్టార్ పేసర్ మొహమ్మద్ సిరాజ్‌ను తుది జట్టులోకి తీసుకోకపోవడంపై ఆమె తీవ్ర అసంతృప్తి వ్యక్తం చేశారు. కాగా నాలుగో వన్డే కోసం భారత తుది జట్టులో మూడు మార్పులు చోటు చేసుకున్నప్పటికి, సిరాజ్‌కు మాత్రం అవకాశం దక్కలేదు. ఈ క్రమంలోనే సోనీ స్పోర్ట్స్ చర్చా కార్యక్రమంలో అంజుమ్ చోప్రా మాట్లాడుతూ జట్టు యాజమాన్య తీరును తప్పుబట్టారు."ఇది చాలా అన్యాయం. భారత జట్టులో ఆడాలంటే కనీస ప్రతిభ ఉండాలి. కానీ అద్భుత ప్రదర్శన చేసి జట్టును గెలిపించినప్పుడే అసాధారణ ఆటగాడిగా గుర్తింపు వస్తుంది. కొందరు ఆటగాళ్లకు వరుస అవకాశాలు ఇవ్వడం మంచిదే, కానీ గతంలో అద్భుతంగా రాణించి, ఇండియా-ఏ తరఫున కూడా సత్తా చాటి వచ్చిన ఆటగాడిని కేవలం ప్రాక్టీస్‌కే పరిమితం చేయడం మంచి పద్దతి కాదు.సిరాజ్ ఒక అద్భుతమైన బౌలర్. ఇప్పటికే చాలా మ్యాచ్‌లలో భారత్‌ను గెలిపించాడు. ఒక అనుభవజ్ఞుడైన ఆటగాడి పట్ల ఇలా వ్యవహరించడం స‌రికాదు . సిరాజ్‌ను ఆడించే ఉద్దేశం లేనప్పుడు జట్టుతో పాటు న్యూజిలాండ్‌కు ఎందుకు తీసుకెళ్లారు? అత‌డికి బ‌దులుగా వేరే యువ బౌలర్లను పంపించాల్సింది కదా! అత‌డు న్యూజిలాండ్ ప‌ర్య‌ట‌న అంతటా బెంచ్‌కే ప‌రిమిత‌మ‌య్యాడు. క‌నీసం ఒక్క మ్యాచ్‌లోనైనా ఆడించాల్సింది" అని అంజుమ్ పేర్కొన్నారు.చదవండి: ష‌కీల్ అద్భుత పోరాటం.. డ్రాగా ముగిసిన పాక్‌-శ్రీలంక తొలి టెస్టు

ప్రపంచవ్యాప్తంగా మైక్రోసాఫ్ట్‌ సేవలకు తీవ్ర అంతరాయం ఏర్పడింది. నవంబర్‌ 12న ప్రారంభమైన ఈ సమస్యతో 74 దేశాల్లోని వినియోగదారులు ఔట్‌లుక్‌, మైక్రోసాఫ్ట్‌ టీమ్స్‌, మైక్రోసాఫ్ట్‌ 365, కోపైలట్‌ వంటి సేవలను వినియోగించుకోవడంలో ఇబ్బందులు ఎదుర్కొన్నారు. వేలాది సంస్థలు, ప్రభుత్వ కార్యాలయాల కార్యకలాపాలపైనా ప్రభావం పడింది. 15 గంటలకు పైగా గడిచినా సేవలు పూర్తిస్థాయిలో అందుబాటులోకి రాలేదు. ఇటీవల ఓపెన్ ఏఐ, ఆంత్రోపిక్ వంటి సంస్థల ఏఐ ఏజెంట్లు నియంత్రణ తప్పి ప్రవర్తించిన ఘటనల నేపథ్యంలో ఈ అంతరాయానికి కూడా అదుపు తప్పిన 'ఏఐ ఏజెంట్' కారణమా అనే అనుమానాలు వ్యక్తమవుతున్నాయి.అసలేం జరిగింది?మైక్రోసాఫ్ట్‌ ప్రాథమిక సమాచారం ప్రకారం.. కొన్ని సర్వర్లు ఆటోమేటెడ్‌ హెల్త్‌ చెక్‌లలో విఫలమై అనూహ్యంగా అందుబాటులో లేకుండా పోయాయి. దీంతో మిగిలిన సర్వర్లపై ఒక్కసారిగా భారం పెరిగింది. ముఖ్యంగా సురక్షిత కనెక్షన్లను ఏర్పాటు చేసే ప్రక్రియలోని కొన్ని భాగాలు అధిక ఒత్తిడికి గురై అభ్యర్థనలను ప్రాసెస్‌ చేయలేకపోయాయి. ఇటీవల చేసిన నెట్‌వర్క్‌ కాన్ఫిగరేషన్‌ మార్పులు కూడా సమస్యకు కారణమై ఉండొచ్చని సంస్థ పరిశీలిస్తోంది.ప్రభావిత సర్వర్లను పునఃప్రారంభించినప్పటికీ, వాటిపై ట్రాఫిక్‌ తిరిగి పెరిగినప్పుడు మళ్లీ స్పందించడం ఆగిపోయింది. దీంతో సేవల పునరుద్ధరణ ఆలస్యమైంది. సమస్యను పరిష్కరించేందుకు పాత సాఫ్ట్‌వేర్‌ కాన్ఫిగరేషన్‌తో కొన్ని సర్వర్లను పునర్నిర్మించడం, ట్రాఫిక్‌ను ఇతర మార్గాలకు మళ్లించడం వంటి చర్యలు చేపట్టింది. నవంబర్‌ 13న సర్వర్ల స్థిరత్వం మెరుగుపడుతున్నట్లు మైక్రోసాఫ్ట్‌ వెల్లడించింది.ఏఐ ఏజెంట్లపై ఎందుకీ అనుమానాలు?ఇటీవల ఏఐ ఏజెంట్ల సామర్థ్యాలు, వాటి నియంత్రణపై ఆందోళనలు పెరుగుతున్నాయి. ముఖ్యంగా 2026 జులైలో నిర్వహించిన సైబర్‌ సెక్యూరిటీ పరీక్షల్లో ఓపెన్‌ఏఐకి చెందిన కొన్ని పరిశోధక ఏఐ ఏజెంట్లు తమకు కేటాయించిన పరిమితులను దాటి, హగ్గింగ్‌ ఫేస్‌ సహా ఇతర వ్యవస్థల్లోకి ప్రవేశించినట్లు సంస్థ వెల్లడించింది. కొన్ని సర్వర్లలో ఉన్నత స్థాయి యాక్సెస్‌ కూడా పొందాయి. ఈ ఘటన ఏఐ వ్యవస్థలకు అతిగా అనుమతులు ఇస్తే ఎలాంటి ప్రమాదాలు ఎదురవుతాయో తెలియజేసింది.మైక్రోసాఫ్ట్‌ అంతరాయానికి ఏఐ కారణమా?అయితే ప్రస్తుత అంతరాయానికి ఏఐ ఏజెంట్లు కారణమయ్యాయనడానికి ఎలాంటి ఆధారాలు లేవు. సైబర్‌ దాడి జరిగినట్లు తమకు సమాచారం లేదని మైక్రోసాఫ్ట్‌ కూడా స్పష్టం చేసింది. ఆస్ట్రేలియా హోంశాఖ మంత్రి టోనీ బర్క్‌ సైతం మైక్రోసాఫ్ట్‌ నుంచి అందిన సమాచారం ప్రకారం ఇది సైబర్‌ దాడి కాదని, 2024లో క్రౌడ్‌స్ట్రైక్‌ సాఫ్ట్‌వేర్‌ అప్‌డేట్‌ కారణంగా తలెత్తిన అంతరాయాన్ని పోలి ఉండొచ్చని పేర్కొన్నారు.టెక్‌ కంపెనీలకు కొత్త సవాల్‌ప్రపంచవ్యాప్తంగా కీలక సంస్థలు ఒకే క్లౌడ్‌ సేవలపై ఆధారపడటం వల్ల ఎదురయ్యే ముప్పును ఈ ఘటన మరోసారి గుర్తుచేసింది. భవిష్యత్తులో సర్వర్ల భద్రతతోపాటు ఏఐ ఏజెంట్లకు ఇచ్చే అనుమతులు, వాటి కార్యకలాపాలపై పర్యవేక్షణ, ప్రత్యామ్నాయ వ్యవస్థల ఏర్పాటు టెక్‌ కంపెనీలకు కీలక సవాళ్లుగా మారనున్నాయి.

మన దేశంలో ఎటు చూసినా సిమెంట్ లేదా ఇనుప కరెంట్ స్తంభాలు కనిపిస్తాయి. మరి ప్రపంచంలోనే ఎంతో అడ్వాన్స్‌డ్ టెక్నాలజీని వాడుతామని చెప్పుకొనే అమెరికాలో మాత్రం ఇప్పటికీ చెక్కతో చేసిన స్తంభాలనే కరెంటు సరఫరాకు వాడుతారని మీకు తెలుసా..? అవును..! ఇది నిజం.. అమెరికా, కెనడా దేశాల్లో దాదాపు 13 కోట్లకు పైగా చెక్క కరెంట్ స్తంభాలు వాడుకలో ఉన్నాయి. ఆధునిక టెక్నాలజీ ఇంతలా పెరిగినా.. వాళ్లు ఇంకా చెక్కనే ఎందుకు వాడుతున్నారు..? ఎండకు ఎండి, వానకు తడిసి, మంచులో కూరుకుపోయినా ఈ చెక్క స్తంభాలు చెదలు పట్టకుండా, కుళ్లిపోకుండా సుమారు 60 ఏళ్ల పాటు ఎలా మన్నికగా ఉంటాయి..? అమెరికాలో చెక్క స్తంభాల కథ 1844లో మొదలైంది. టెలిగ్రాఫ్‌ను కనిపెట్టిన శామ్యూల్ మోర్స్, అమెరికాలోని బాల్టిమోర్ నుంచి వాషింగ్టన్ డీసీ వరకు 40 మైళ్ల దూరం టెలిగ్రాఫ్ లైన్ వేయాలనుకున్నారు. తొలుత వైర్లను భూమి లోపల పాతిపెట్టారు. కానీ ఆ ప్రయోగం విఫలమైంది. దీంతో వైర్లను గాలిలో వేలాడదీయడానికి చెక్క స్తంభాలను ఉపయోగించారు. ఆ ప్రయోగం సూపర్ హిట్ అవ్వడంతో, ఆ తర్వాత విద్యుత్ సరఫరాకు కూడా ఇదే పద్ధతిని వాడటం మొదలుపెట్టారు. 1908 నాటికి వీటి నాణ్యత కోసం ప్రత్యేక చట్టాలు, ప్రమాణాలు కూడా వచ్చాయి.అడవిలో కనిపించిన ప్రతి చెట్టును కరెంట్ స్తంభంగా మార్చడానికి వీలుండదు. దీనికోసం ప్రధానంగా సదరన్ ఎల్లో పైన్, డగ్లస్ ఫిర్, వెస్ట్రన్ రెడ్ సీడార్ అనే ప్రత్యేక జాతి చెట్లను ఎంచుకుంటారు. చెట్టు నిటారుగా ఉండాలి. ఎక్కడా వంకర్లు ఉండకూడదు. ముడులు ఎక్కువగా ఉండకూడదు. ఇలాంటి లక్షణాలు అడవిలోని చెట్లలో కేవలం 5 నుంచి 7 శాతం చెట్లకు మాత్రమే ఉంటాయి. ఎంపిక చేసిన చెట్లను ఫ్యాక్టరీకి తీసుకెళ్లి, బెరడు తీసి, పగుళ్లు ఉన్నాయో లేదో చెక్ చేసి గ్రేడింగ్ ఇస్తారు.ఇక్కడే అసలు మ్యాజిక్ జరుగుతుంది. సాధారణ చెక్క అయితే రెండేళ్లలో చెదలు పట్టి పాడైపోతుంది. కానీ ఈ స్తంభాలు 60 ఏళ్లు మన్నడానికి కారణం వాటికి చేసే రసాయన శుద్ధి. మొదట కలపలోని తేమను పూర్తిగా తీసేయడానికి గాలిలో ఆరబెడతారు. లేదా 'బౌల్టనైజేషన్' (Boultonizing) అనే పద్ధతిలో శూన్య స్థితిలో వేడి నూనెతో ఉడికిస్తారు. దీనివల్ల కలప పగలకుండా త్వరగా ఆరుతుంది. ఆ తర్వాత 130 అడుగుల పొడవు ఉండే భారీ స్టీల్ సిలిండర్లలోకి ఈ స్తంభాలను పంపుతారు. ఈ సిలిండర్లను 'రెటార్ట్‌లు' (Retorts) అంటారు. రెటార్ట్‌లలో CCA, DCOI, కాపర్ నాఫ్తినేట్, క్రియోసోట్ వంటి శక్తిమంతమైన రక్షణ రసాయనాలను నింపి, విపరీతమైన ఒత్తిడిని ప్రయోగిస్తారు. ఈ పీడనం వల్ల రసాయనాలు కేవలం పైపొరపైనే కాకుండా, చెక్క లోపలి కణజాలం వరకు చొచ్చుకుపోతాయి. అమెరికా పర్యావరణ పరిరక్షణ సంస్థ (EPA) నిబంధనల ప్రకారం ఈ ప్రక్రియ జరుగుతుంది. ఆ తర్వాత స్తంభాల నుంచి చిన్న నమూనాలను తీసి, రసాయనం లోపలికి వెళ్లిందా? లేదా? అనే విషయాన్ని ల్యాబ్‌ పరీక్ష ద్వారా నిర్ధారిస్తారు.ఇంత కష్టపడి చెక్క స్తంభాలు తయారు చేసే బదులు సిమెంట్ లేదా స్టీల్ స్తంభాలు వాడొచ్చు కదా?? అనే సందేహం మీకు రావచ్చు. అమెరికా చెక్కనే ఎంచుకోవడానికి 4 ప్రధాన కారణాలు ఉన్నాయి. అవేంటంటే..:మొదటిది విద్యుత్ నిరోధకత (Insulation): చెక్క సహజంగానే కరెంట్‌ను ప్రవహింపజేయదు. ఇది మరమ్మతులు చేసే లైన్‌మెన్‌లకు ప్రాణరక్షణనిస్తుంది. రెండోది చెక్క స్తంభాలపైకి సులభంగా ఎక్కొచ్చు. లైన్‌మన్‌లు తమ బూట్లకు ఉండే ఇనుప కొక్కేలతో (Climbing Spikes) నిచ్చెన లేకుండానే చెక్క స్తంభాన్ని చకచకా ఎక్కగలరు. మూడో కారణం ఖర్చు తక్కువ, రవాణా సులభతరం కావడమే. ఉత్తర అమెరికాలో విస్తారమైన అడవులు ఉండటం వల్ల స్టీల్, కాంక్రీట్ కంటే చెక్క స్తంభాల తయారీ, రవాణా చాలా చౌక.అన్నింటికంటే ముఖ్యమైన నాలుగో కారణం.. పర్యావరణ సమతుల్యత. అమెరికాలో 'సస్టైనబుల్ ఫారెస్ట్రీ' పద్ధతిలో ఒక చెట్టు నరికితే, దాని స్థానంలో కొత్త మొక్కలు నాటుతారు.తెలిసింది కదా..? చూడ్డానికి సాధారణ చెక్క మొద్దుల్లా కనిపించే ఈ స్తంభాల వెనుక ఇంత పెద్ద సైన్స్, ఇంజనీరింగ్ దాగి ఉన్నాయి. 180 ఏళ్ల క్రితం మొదలైన ఈ టెక్నాలజీ, ఆధునిక రసాయన శాస్త్రం తోడవడంతో నేటికీ అమెరికాకు వెలుగులు పంచుతోంది.

సాక్షి ప్రతినిధి, విజయవాడ: పరిషత్‌ ఎన్నికల్లో జనసేన అభ్యర్థుల ఓటమితో ఆ పార్టీ నేతలు, కార్యకర్తలు రగిలిపోతున్నారు. ఎన్టీఆర్ జిల్లాలో ఇచ్చిన రెండు సీట్లలోనూ ఓటమి పాలుకావడం, దానికి టీడీపీ నేతల తీరే కారణం కావడంతో వారు ఆగ్రహంగా ఉన్నారు. పొత్తు ధర్మాన్ని పక్కన పెట్టి జనసేన, బీజేపీ అభ్యర్థులు పోటీ చేసిన చోట్ల వారిని ఓడించడంలో టీడీపీ స్థానిక నేతలు కీలకంగా పనిచేశారన్న అనుమానాలు ఆ రెండు పార్టీల్లో వ్యక్తమవుతున్నాయి. ఒకసారి మిత్రపక్షాలు గెలిస్తే భవిష్యత్‌లో ఆ సీట్లు తమకు దక్కకుండా పోతాయన్న దుగ్ధతో ఈ పని చేశారని జనసేన కార్యకర్తలు భావిస్తున్నారు. తమకు తక్కువ స్థానాలు కేటాయించినా ఆ అసంతృప్తిని బయట పెట్టకుండా కూటమి గెలుపు కోసం పనిచేస్తే, టీడీపీ మాత్రం తమ ఓటమిలో పెద్దన్న పాత్ర వహించిందన్న భావన వారిలో వ్యక్తం అవుతోంది. కావాలనే ఓడించారని.. ఎన్టీఆర్ జిల్లాలో రెండు జెడ్పీటీసీ స్థానాలను కేటాయించగా రెండింటిలో జనసేన ఓటమి చవి చూసింది. కృష్ణా జిల్లాలో మొవ్వ స్థానం జనసేనకు కేటాయించగా అక్కడ టీడీపీ నేత రెబల్‌గా పోటీ చేసి గెలుపొందాడు. దీంతో జనసేనకు ఇచ్చిన సీట్లను టీడీపీ నేతలే కావాలని ఓడించారన్న భావనలో జనసేన ఉంది. పామర్రు నియోజకవర్గంలో ఐదు జెడ్పీటీసీలు, ఐదు ఎంపీపీలు ఉండగా మొవ్వ ఒక్కటే జనసేనకు కేటాయించారు. అక్కడ కూడా టీడీపీ రెబల్‌గా నన్నపనేని వీరేంద్ర పోటీలో నిలుచున్నారు. టీడీపీ నేతలు కావాలని జనసేనకు వెన్నుపోటు పొడిచి తమ పార్టీ అభ్యర్థిని గెలిపించారన్న భావనలో వారు ఉన్నారు. టీడీపీ రెబల్‌ 6,668 ఓట్ల భారీ మెజారీ్టతో గెలిచారు. బీజేపీలోనూ ఇదే అసంతృప్తి బీజేపీ అభ్యర్థి బరిలోకి దిగిన గన్నవరం కూడా ఓడిపోవడంతో స్థానిక ఎమ్మెల్యేపై అనుమానాలను ఆ పార్టీ నేతలు వ్యక్తం చేస్తున్నారు. విజయవాడ పశ్చిమలో ఇద్దరు బీజేపీ అభ్యర్థులు ఓటమి చవిచూశారు. 53, 58 డివిజన్లలో బీజేపీ కార్పొరేటర్‌ అభ్యర్థులు భారీ తేడాతో ఓటమి చవిచూశారు. ఈ పరిణామాలు కూటమి స్థానిక సమన్వయంపై ప్రశ్నలు లేవనెత్తింది. పొత్తులో భాగంగా ఒక పార్టీకి కేటాయించిన స్థానంలో, మరో పార్టీకి చెందిన రెబల్‌ అభ్యర్థులు పోటీ చేయడం, పోటీ లేనిచోట కూడా సహకరించకుండా ఓడించడంతో చర్చ జరుగుతోంది. స్థానిక సంస్థల ఎన్నికల్లో తమకు అవకాశం ఉన్న చోట్ల తాము కూడా సహాయ నిరాకరణ చేస్తామంటూ జనసేన నేతలు నేరుగా టీడీపీ ఎమ్మెల్యేల వద్ద స్పష్టం చేస్తుండటంతో వారు నష్ట నివారణ కోసం ప్రయత్నాలు మొదలుపెట్టారు. టీడీపీ వెన్నుపోటు ఇప్పుడు పమిడిముక్కల ఎంపీపీ కోసం జనసేన పట్టుపడుతోంది. ఆ సీటు అయినా ఇస్తారా లేదా అన్న అనుమానాలను జనసేన కార్యకర్తలు వ్యక్తం చేస్తున్నారు. పొత్తులో తక్కువ సీట్లు ఇవ్వడమే కాకుండా ఇచ్చిన చోట్ల కూడా వెన్నుపోటు పొడవడాన్ని వారు జీరి్ణంచుకోలేకపోతున్నారు. జగ్గయ్యపేట జెడ్పీటీసీ కేటాయించినా అక్కడ కూడా టీడీపీ నేతలు సహకరించలేదని సమాచారం. జనసేనలో కీలకంగా ఉన్న ఉదయభాను సొంత మండలంలో జనసేన అభ్యర్థికి సహాయ నిరాకరణ చేశారని ఆ పార్టీ నేతలు భావిస్తున్నారు. మరోవైపు నందిగామ నియోజకవర్గంలో కూడా వీరులపాడు జెడ్పీటీసీలో జనసేనకు ఓటమి ఎదురైంది. పలు ఎంపీటీసీ స్థానాల్లో కూడా స్థానిక టీడీపీ నేతల సహాయ నిరాకరణ కారణంగా ఓటమి ఎదురవ్వడంతో అసంతృప్తిగా ఉన్నారు. విజయవాడలో 26వ డివిజన్‌లో కూడా జనసేన అభ్యర్థి ఓటమి పాలయ్యారు. ఇదీ చదవండి: ముక్కా శ్రావణిని డమ్మీ చేసే వ్యూహం?

దేశంలో బంగారం ధరలు మరింత పడిపోయాయి. ఈరోజు ఉదయం 10 గ్రాములకు రూ.1300 మేర క్షీణించిన పసిడి ధరలు సాయంత్రానికి ఇంకా పడిపోయాయి. మొత్తంగా ఒక్క రోజులో సుమారు రూ.2450 పతనమయ్యాయి. వెండి ధరలు కూడా కేజీకి రూ.5000 మేర దిగివచ్చాయి. దేశంలోని ప్రధాన నగరాల్లో ప్రస్తుతం బంగారం (Today Gold Rate), వెండి ధరలు(Today Silver Rate) ఎలా ఉన్నాయో కింద తెలుసుకుందాం.

ఐకాన్ స్టార్ అల్లు అర్జున్ సతీమణి స్నేహరెడ్డి అరుదైన ఘనత సొంతం చేసుకుంది. భారతదేశంలో తొలిసారిగా నిర్వహిస్తున్న స్టెప్‌వెల్ ఆర్ట్ బినాలే ‘బావోలి ఆర్ట్ సంగం’లో అల్లు స్నేహారెడ్డి కీలక బాధ్యతలు తీసుకుంది. ఆమె కల్చర్ అండ్ హెరిటేజ్ విభాగం చైర్‌పర్సన్‌గా నియమితులయ్యారు. భారతీయ కళలు, సంస్కృతి, సంప్రదాయ వారసత్వాన్ని మరింత మందికి చేరువ చేయడమే లక్ష్యంగా ఈ కార్యక్రమం నిర్వహిస్తున్నారు. ఫ్యాషన్, కళలు, సంస్కృతిపై ప్రత్యేక ఆసక్తి కలిగిన అల్లు స్నేహారెడ్డి ఈ కార్యక్రమంలో భాగం కావడం విశేషం.మనదేశంలోని చారిత్రక మెట్ల బావుల (స్టెప్‌వెల్స్) విశిష్టతను ప్రపంచానికి పరిచయం చేయడంతో పాటు, వాటి అద్భుతమైన నిర్మాణ శైలి, చారిత్రక ప్రాధాన్యత, నీరు, కళలు, నాగరికత మధ్య ఉన్న అనుబంధాన్ని ఈ వేదిక ద్వారా తెలియజేయనున్నారు. ఈ కార్యక్రమంలో అల్లు స్నేహారెడ్డి భాగస్వామ్యం భారతీయ కళా వారసత్వంపై మరింత అవగాహన పెంచనున్నారు. దీంతో పాటు మన సంస్కృతి మూలాలను గౌరవించేలా ప్రజలను ప్రోత్సహించనున్నారు. బావోలి ఆర్ట్ సంగం ఈవెంట్ 2026 డిసెంబర్ 1 నుంచి 2027 జనవరి 10 వరకు జరగనుంది. ఈ వేడుకలో భారతీయ కళలు, సంస్కృతి, వారసత్వ సంపదను ప్రత్యేకంగా ప్రదర్శించనున్నారు. A new chapter for #AlluSnehaReddy! Sneha Reddy joins #BaoliArtSangam – India’s First Stepwell Art Biennale as its Founding Chairperson – Culture & Heritage, celebrating India’s rich artistic legacy and the timeless connection between water and heritage. A meaningful step towards preserving our culture and heritage for generations to come.— Telugu Film Producers Council (@tfpcin) November 12, 2026