TV
breaking news
-
రూ.75 లక్షల ప్యాకేజీతో ఉద్యోగం
తాము చదువుకోలేక ఎదుర్కొన్న కష్టాలు తమ బిడ్డ పడకూడదని ఆ తల్లిదండ్రులు అనుకున్నారు. తాము చిందించిన ప్రతీ చెమట చుక్కను కూతుళ్ల భవిష్యత్తుకు పునాదిగా మార్చారు. మరికొందరు తల్లిదండ్రులు కొడుకు లేడని బాధపడలేదు. కూతుళ్లనే కుమారులుగా భావిస్తూ ఉన్నతస్థానాలకు వెళ్లాలని ఆశపడ్డారు. వారి నమ్మకాన్ని కూతుళ్లు నిలబెట్టారు. ఉన్నతస్థానాలకు ఎదిగి తల్లిదండ్రుల పేరు నిలబెట్టారు. నేడు (ఆదివారం) కూతుళ్ల దినోత్సవం (డాటర్స్ డే) సందర్భంగా ఉమ్మడి వరంగల్ జిల్లాలో తల్లిదండ్రుల కల నెరవేర్చిన కూతుళ్లు, కూతుళ్ల కోసం కష్టపడిన తల్లిదండ్రులపై ప్రత్యేక కథనాలు. కూతుర్ని చూసి గర్వపడుతున్నాం..హన్మకొండ : నిన్నుచూసి మేము తల్లిదండ్రులుగా ఎంతో గర్వపడుతున్నాం. కూతురు సహనా రెడ్డి చిన్ననాటి నీ జ్ఞాపకాలను నెమరు వేసుకుంటా ఆనందం పొందుతున్నాం. విద్య అనేది భవిష్యత్తును మార్చే శక్తి అని దృఢంగా నమ్మి మా కూతురును చదివించాం. కాకతీయ యూనివర్సిటీలో బీటెక్ పూర్తి చేసి, ఇండియన్ స్కూల్ ఆఫ్ బిజినెస్ స్కూల్ ఎంబీఏ పూర్తి చేసింది. మల్టీ నేషనల్ ఫ్రాంక్లిన్ టెంపుల్టన్ కంపెనీలో ఏడాదికి రూ.75 లక్షల ప్యాకేజీతో ఉద్యోగం చేస్తూ సమాజంలో ఉన్నత స్థాయిలో నిలవడం మాకెంతో గర్వకారణం. మా ఆనందం.. ఆశలకు ప్రతీక అయిన నీవు. భవిష్యత్తులో మరిన్ని ఉన్నతశిఖరాలను అధిరోహించాలని, నేటి సమాజానికి మార్గదర్శకురాలిగా నిలవాలని కోరుకుంటున్నాం. –గోపు రేణుక, సమ్మిరెడ్డి, హనుమకొండకమర్షియల్ టాక్స్లో అసిస్టెంట్ కమిషనర్గా..హన్మకొండ: జిల్లాలోని నర్మెట మండలం బొమ్మకూర్ తండాకు చెందిన గిరిజన రైతు నున్సావత్ హరిసింగ్–లత దంపతుల కుమార్తె దివ్య తన తండ్రి కోరికను నెరవేర్చారు. పూటగడవని పరిస్థితుల్లో తాను ఉన్నత స్థితికి చేరుకోవాలనే ఆశ నెరవేరలేదని కాంట్రాక్ట్ ఉద్యోగిగా పనిచేస్తున్నట్లు తరచూ తన కుమార్తెకు హరిసింగ్ చెబుతుండేవాడు. దీంతో తండ్రి ఆశయాలను నెరవేర్చాలనే దృఢ సంకల్పంతో కూతురు దివ్య గత ఏడాది గ్రూప్–1లో ర్యాంక్ సాధించి ప్రస్తుతం కమర్షియల్ టాక్స్ విభాగంలో అసిస్టెంట్ కమిషనర్గా హైదరాబాద్ మియాపూర్లో విధులు నిర్వహిస్తున్నారు ఆమె. దీంతో తల్లితండ్రులు తమ కూతురు సాధించిన విజయం చూసి గర్వపడుతున్నారు. కుటుంబ సభ్యులతో దివ్య -
‘‘కనిపించకుండా దాక్కుంటూ ఫుడ్ డెలివరీ’’
బెంగళూరుకు చెందిన కౌశిక్ ఖార్వీ అనే యువకుడు ఒకప్పుడు జీవనోపాధి కోసం స్విగ్గీలో ఫుడ్ డెలివరీ ఏజెంట్గా పనిచేశారు. ప్రస్తుతం ఆయన బెంగళూరులో ఈటరీ బిజినెస్, నిర్వహిస్తూనే సముద్ర ఆహారంపై సలహాలు అందించే మరో వ్యాపారాన్ని ప్రారంభించారు. దాదాపు 9 ఏళ్ల క్రితం డెలివరీ ఏజెంట్గా పనిచేసిన రోజుల్ని గుర్తుచేసుకుంటూ ఆయన చేసిన పోస్ట్ వైరల్ అవుతోంది.కంప్యూటర్ సైన్స్ చదివిన కౌశిక్ ఖార్వీ బెంగళూరులోని ఏసీఎస్ కాలేజ్ ఆఫ్ ఇంజినీరింగ్లో చదువుకున్నట్లు ఆయన లింక్డ్ఇన్ ద్వారా తెలుస్తోంది. గత వారం ఇన్స్టాగ్రామ్లో షేర్ చేసిన వీడియోలో తన ప్రయాణాన్ని ఆయన వివరించారు. ఒకప్పుడు స్విగ్గీలో ఆహారం డెలివరీ చేస్తున్న విషయాన్ని స్నేహితులకు తెలియకుండా దాచేవాడినని చెప్పారు.“9 ఏళ్ల క్రితం స్విగ్గీ డెలివరీ చేస్తున్నప్పుడు నా స్నేహితులకు కనిపించకుండా దాక్కునేవాడిని” అని కౌశిక్ తెలిపారు. తాను డెలివరీ ఏజెంట్గా పనిచేసినప్పటి ఫొటోలను పంచుకుంటూ.. “సరిగ్గా 9 ఏళ్ల క్రితం నేను స్విగ్గీలో పార్ట్టైమ్ డెలివరీ పార్ట్నర్గా చేరాను. కష్టపడి పనిచేయడం కంటే, నా స్నేహితులు నన్ను కేవలం డెలివరీ వ్యక్తిగానే చూస్తారేమోనన్న భయమే ఎక్కువగా ఉండేది” అని రాశారు.కెరీర్లో సక్సెస్ దాదాపు దశాబ్దం తర్వాత కౌశిక్ బెంగళూరులోని ఆర్ఆర్ నగర్లో ‘మంగళూరు ఇన్ బెంగళూరు’ పేరుతో మంగళూరు శైలిలో సముద్ర ఆహారం అందించే ఆహార బండిని నిర్వహిస్తున్నారు. దీనితో పాటు సముద్ర ఆహారంపై తనకు ఉన్న పరిజ్ఞానాన్ని ఇతరులతో పంచుకునేందుకు ‘కౌశిక్ సీఫుడ్స్’ను కూడా ప్రారంభించారు. ఇందులో సముద్ర ఆహారంపై వాస్తవ సమాచారం, ఆచరణాత్మక సూచనలు, ఆసక్తికర విషయాలు, తీర ప్రాంత అనుభవాలను సులభంగా అర్థమయ్యేలా పంచుకుంటానని ఆయన తెలిపారు.తన ప్రయాణాన్ని గుర్తుచేసుకుంటూ, ప్రముఖ సముద్ర ఆహార రెస్టారెంట్ల వద్ద ఆహారం తీసుకునేందుకు ఎదురుచూసిన స్థాయి నుంచి నగరంలోని ప్రజాదరణ పొందిన సముద్ర ఆహార కేంద్రాన్ని నిర్మించే స్థాయికి చేరుకున్నానని కౌశిక్ పేర్కొన్నారు. దీనికి వినియోగదారులు, భాగస్వాములు, తన బృందం అందించిన మద్దతే కారణమని చెప్పారు.తనకు అవకాశం ఇచ్చిన స్విగ్గీకి కూడా కౌశిక్ కృతజ్ఞతలు తెలిపారు. “ఇంకా చాలా దూరం ప్రయాణించాలి. నా కష్టకాలంలో నాకు ఒక అవకాశం ఇచ్చినందుకు స్విగ్గీకి ధన్యవాదాలు” అని పేర్కొన్నారు. ఆయన కథకు ఇన్స్టాగ్రామ్ యూజర్ల నుంచి ప్రశంసలు వచ్చాయి. కష్టాలను అధిగమించి ముందుకు సాగిన ఉదాహరణగా ఆయనను పలువురు అభివర్ణించారు. ఏ పని చిన్నది కాదని, అన్ని వృత్తులను సమానంగా గౌరవించాలని మరికొందరు వ్యాఖ్యానించారు.ఇదీ చదవండి: సీఈసీ జ్ఞానేశ్ కుమార్కు భారతరత్న ఇవ్వాలి View this post on Instagram A post shared by Koushik Kharvi (@koushh_lakshara) -
బ్యాంకు ఉద్యోగుల జీతాలు ఎలా ఉన్నాయంటే..
ప్రస్తుతం బ్యాంకు ఉద్యోగుల అంశం మరోసారి చర్చలోకి వచ్చింది. సెప్టెంబర్ 28 నుంచి 30 వరకు దేశవ్యాప్తంగా మూడు రోజుల సమ్మెకు యునైటెడ్ ఫోరం ఆఫ్ బ్యాంక్ యూనియన్స్ (UFBU) పిలుపునిచ్చింది. ప్రధానంగా ఐదు రోజుల బ్యాంకింగ్ వారాన్ని అమలు చేయాలన్న డిమాండ్ నేపథ్యంలో ఈ సమ్మె ప్రతిపాదించారు. అయితే సెప్టెంబర్ 27 రాత్రి ఇండియన్ బ్యాంక్స్ అసోసియేషన్ (IBA), యూఎఫ్బీయూ మధ్య చర్చలు జరగడంతో సమ్మెను వాయిదా వేశారు. మిగిలిన శనివారాలను సెలవులుగా ప్రకటించే అంశంపై ఇరు వర్గాల ప్రతినిధులతో ఉన్నతస్థాయి కమిటీ ఏర్పాటు చేయాలని నిర్ణయించారు.ప్రభుత్వ బ్యాంకుల్లో జీతాలు ఎలా ఉంటాయి?పబ్లిక్ సెక్టార్ బ్యాంకుల ఉద్యోగులకు 12వ ద్వైపాక్షిక వేతన ఒప్పందం ప్రకారం సవరించిన పే స్కేల్స్ అమల్లో ఉన్నాయి. ఈ ఒప్పందం 2024 మార్చిలో కుదిరింది. 2022 నవంబర్ 1 నుంచి అమలయ్యేలా కొత్త వేతన స్కేల్స్ రూపొందించారు. క్లరికల్ సిబ్బందికి ప్రారంభ బేసిక్ పే రూ.24,050గా నిర్ణయించారు. అంతకుముందు ఇది రూ.17,900గా ఉండేది.అయితే బేసిక్ పేనే ఉద్యోగి చేతికి వచ్చే మొత్తం జీతం కాదు. దీనికి డియర్నెస్ అలవెన్స్ (DA), హౌస్ రెంట్ అలవెన్స్ (HRA), ఇతర అలవెన్సులు, ప్రత్యేక చెల్లింపులు జత అవుతాయి. మరోవైపు ప్రావిడెంట్ ఫండ్, పెన్షన్/NPS వంటి కోతలు ఉంటాయి.ఆఫీసర్గా చేరితే ఎంత?పబ్లిక్ సెక్టార్ బ్యాంకుల్లో జూనియర్ మేనేజ్మెంట్ గ్రేడ్ స్కేల్-I అధికారులకు 12వ ద్వైపాక్షిక ఒప్పందం ప్రకారం ప్రారంభ బేసిక్ పే రూ.48,480 నుంచి మొదలవుతుంది. స్కేల్-I నుంచి స్కేల్-VII వరకు అధికారుల సవరించిన బేసిక్ పే స్కేల్ రూ.48,480 నుంచి రూ.1,73,860 వరకు ఉంటుంది. అర్హతలు, అనుభవం, ప్రమోషన్, ఇంక్రిమెంట్ల ఆధారంగా వేతనం పెరుగుతుంది.దేశంలో అతిపెద్ద ప్రభుత్వ రంగ బ్యాంకు అయిన తాజా ఎస్బీఐ (SBI) పీఓ నియామక నోటిఫికేషన్లో జూనియర్ మేనేజ్మెంట్ గ్రేడ్ స్కేల్-I ప్రారంభ బేసిక్ పే రూ.48,480గా పేర్కొంది. అదనంగా డీఏ, హెచ్ఆర్ఏ, సీసీఏ, పీఎఫ్, ఎన్పీఎస్, మెడికల్, లీవ్ ట్రావెల్, లీజ్ రెంటల్ వంటి ప్రయోజనాలు ఉంటాయని తెలిపింది. ముంబై కేంద్రంగా ప్రారంభ స్థాయి వార్షిక వేతనం (CTC) సుమారు రూ.20.43 లక్షలుగా పేర్కొంది. ఇందులో బ్యాంకు చెల్లించే వివిధ ప్రయోజనాలు, వసతి/లీజ్ సదుపాయాలు, రిటైర్మెంట్ కాంట్రిబ్యూషన్లు తదితరాలు కూడా ఉండొచ్చు.ప్రైవేట్ బ్యాంకుల్లో లెక్క వేరే..హెచ్డీఎఫ్సీ (HDFC), ఐసీఐసీఐ (ICICI), యాక్సిస్ వంటి ప్రైవేట్ బ్యాంకుల్లో ప్రభుత్వ బ్యాంకుల మాదిరిగా దేశవ్యాప్తంగా ఒకే విధమైన పే స్కేల్ ఉండదు. ఉద్యోగి నిర్వహించే పాత్ర, నగరం, అనుభవం, బ్యాంకు, విక్రయ లక్ష్యాలు, పనితీరు ఆధారంగా ప్యాకేజీ మారుతుంది.కస్టమర్ సర్వీస్, బ్రాంచ్ ఆపరేషన్స్ వంటి ఎంట్రీ లెవల్ ఉద్యోగాల నుంచి రిలేషన్షిప్ మేనేజర్, క్రెడిట్ అనలిస్ట్, బ్రాంచ్ మేనేజర్ వంటి స్థాయిలకు వెళ్లే కొద్దీ వేతనంలో గణనీయమైన తేడా కనిపిస్తుంది. ఉదాహరణకు 2026లో ఇండీడ్ డేటా ప్రకారం భారతదేశంలో బ్రాంచ్ మేనేజర్ సగటు బేసిక్ జీతం నెలకు సుమారు రూ.27,581గా ఉంది. నగరం, సంస్థ, అనుభవాన్ని బట్టి ఈ మొత్తం గణనీయంగా మారుతోంది. క్రెడిట్ అనలిస్ట్ వంటి ప్రత్యేక నైపుణ్యం అవసరమైన ఉద్యోగాలకు సుమారు రూ.9 లక్షల వార్షిక సగటు బేసిక్ పే ఉంటోంది.ఇన్వెస్ట్మెంట్ బ్యాంకింగ్లో భారీ ప్యాకేజీలు?ఇన్వెస్ట్మెంట్ బ్యాంకింగ్ సాధారణ రిటైల్ బ్యాంకింగ్ ఉద్యోగంతో పోలిస్తే పూర్తిగా భిన్నమైన విభాగం. కార్పొరేట్ ఫైనాన్స్, క్యాపిటల్ మార్కెట్లు వంటి ప్రత్యేక కార్యకలాపాల్లో పనిచేసే వారికి అనుభవం, సంస్థ, బాధ్యతను బట్టి అధిక వేతనాలు లభించవచ్చు. ముఖ్యంగా అంతర్జాతీయ ఆర్థిక సంస్థల్లో బోనస్ కూడా మొత్తం పరిహారంలో పెద్ద భాగంగా ఉండొచ్చు.అనుభవం పెరిగేకొద్దీ జీతం పెరుగుదలబ్యాంకింగ్లో కెరీర్ ప్రారంభ దశలో జీతం కంటే ఉద్యోగి పనిచేసే కేడర్, ప్రమోషన్లు, ప్రత్యేక నైపుణ్యాలు, బాధ్యతల విస్తృతి కీలకంగా మారతాయి. ప్రభుత్వ బ్యాంకుల్లో క్లర్క్ నుంచి ఆఫీసర్, మేనేజర్, సీనియర్ మేనేజ్మెంట్ స్థాయికి ఎదిగే కొద్దీ నిర్దిష్ట పే స్కేల్, ఇంక్రిమెంట్లు, అలవెన్సులు పెరుగుతాయి. ప్రైవేట్, విదేశీ బ్యాంకుల్లో మాత్రం ప్రమోషన్తో పాటు పనితీరు ఆధారిత వేరియబుల్ పే, బోనస్, సంస్థ మార్పు ద్వారా ప్యాకేజీలో పెద్ద మార్పులు రావచ్చు.ఇదీ చదవండి: సీఎంల జీతాలపై ట్యాక్స్లు కట్టేది మనమే!! -
టీమిండియా సిరీస్ మధ్యలోనే విండీస్ కెప్టెన్ సంచలన నిర్ణయం
ప్రస్తుతం భారత పర్యటనలో ఉన్న వెస్టిండీస్ కెప్టెన్ షై హోప్ ఒక కీలక నిర్ణయం తీసుకున్నాడు. ఆస్ట్రేలియా వేదికగా జరిగే బిగ్ బాష్ లీగ్ 2026-27 సీజన్ కోసం 'హోబర్ట్ హరికేన్స్' ఫ్రాంచైజీతో అతడు ఒప్పందం కుదుర్చుకున్నాడు. రాబోయే సీజన్లో హరికేన్స్ జట్టుకు ఎంపికైన తొలి విదేశీ పురుషుల ఆటగాడిగా హోప్ నిలిచాడు. సీజన్ మొత్తానికి అతడు అందుబాటులో ఉండనున్నాడు.ఆస్ట్రేలియా దిగ్గజ వికెట్ కీపర్, తమ జట్టు సీనియర్ ప్లేయర్ మాథ్యూ వేడ్ రిటైర్మెంట్ ప్రకటించడంతో టాప్ ఆర్డర్ను బలోపేతం చేసుకునేందుకు హోబర్ట్ హరికేన్స్ ఈ నిర్ణయం తీసుకుంది. వైట్ బాల్ క్రికెట్లో హోప్కు ఉన్న అపార అనుభవం జట్టుకు కలిసొస్తుందని ఫ్రాంచైజీ భావిస్తోంది.హోప్ గతంలో హోబర్ట్ హరికేన్స్ తరఫునే హోప్ బిగ్ బాష్ లీగ్లో అరంగేట్రం చేశాడు. అయితే ఆ సీజన్లో 5 ఇన్నింగ్స్ల్లో 115.73 స్ట్రైక్ రేట్తో కేవలం 103 పరుగులు మాత్రమే చేసి నిరాశపరచడంతో ఫ్రాంచైజీ అతడిని వదులుకుంది. మళ్లీ ఇప్పుడు అదే జట్టుతో అతడు జతకట్టాడు. అరంగేట్ర సీజన్లో విఫలమైనప్పటికీ, ఈసారి మాత్రం బిగ్ బాష్ లీగ్లో సత్తా చాటాలని హోప్ పట్టుదలతో ఉన్నాడు.హోప్ అరుదైన రికార్డుభారత్తో జరిగిన తొలి వన్డేలో షై హోప్ 12 పరుగులు మాత్రమే చేసినప్పటికీ ఒక అరుదైన రికార్డును తన పేరిట లిఖించుకున్నాడు. వన్డేల్లో భారత్పై 1,000 పరుగులు పూర్తి చేసిన 9వ విండీస్ బ్యాటర్గా అతడు నిలిచాడు. విండీస్ దిగ్గజం వివియన్ రిచర్డ్స్ (997 పరుగులు) కూడా సాధ్యం కాని ఈ ఫీట్ను హోప్ సాధించాడు. అంతకుముందు విండీస్ దిగ్గజాలు బ్రియాన్ లారా, క్రిస్ గేల్, శివనారాయణ్ చంద్రపాల్ తదితరులు మాత్రమే భారత్పై వన్డేల్లో ఈ మైలురాయిని అందుకున్నారు.చదవండి: ఆసీస్తో తొలి టెస్టు.. భారత ఓపెనర్ డబుల్ సెంచరీ, రెండోరోజు ముగిసిన ఆట -
పెళ్లి తర్వాత జ్యోతిక నా కొడుకుని తీసుకెళ్లిపోయి ఉండొచ్చు కానీ
కొన్ని సెలబ్రిటీ జంటలకు ప్రత్యేకమైన ఫ్యాన్ బేస్ ఉంది. అలాంటి వాళ్లలో సూర్య-జ్యోతిక కచ్చితంగా ఉంటారు. కలిసి సినిమాలు చేశారు. ప్రేమలో పడ్డారు. పెళ్లి చేసుకున్నారు. పిల్లల్ని కన్నారు. ఇదంతా జరిగి చాన్నాళ్లయిపోయింది. అయితే రీసెంట్గా 20వ వార్షికోత్సవం సందర్భంగా మరోసారి పిల్లల సమక్షంలో పెళ్లి చేసుకుని అందరినీ సర్ప్రైజ్ చేశారు.(ఇదీ చదవండి: ఆ విషయంలో తమిళం కంటే తెలుగోళ్లే బెటర్: సూర్య)అయితే పెళ్లి తర్వాత చాలా ఏళ్లు చెన్నైలో ఉన్న జ్యోతిక.. కొన్నేళ్ల క్రితం ముంబైకి షిఫ్ట్ అయింది. దీంతో ఈమె ఇలా ఎందుకు చేసింది? అత్తమామలతో గొడవలే కారణమా అని సోషల్ మీడియాలో చాలా మాట్లాడుకున్నారు. అయితే ఈ పుకార్లకు పుల్స్టాప్ పెట్టిన జ్యోతిక మామ, సూర్య తండ్రి శివకుమార్ ఆసక్తికర సంగతులు బయటపెట్టారు.'సూర్యకు పెళ్లిపై మొదటి నుంచే స్పష్టమైన అభిప్రాయం ఉండేది. అతడి తల్లి ఓసారి.. 'ఎవరినైనా ప్రేమించొచ్చు కదా' అని అడిగితే ఎవరిని పడితే వాళ్లని ప్రేమించలేం అని సూర్య అన్నాడు. ఆ తర్వాత కొన్నాళ్లకు జ్యోతికతో ప్రేమలో పడ్డాడు. ఆమెనే పెళ్లి చేసుకోవాలని గట్టిగా నిర్ణయించుకున్నాడు. ఆమె కోసం దాదాపు నాలుగేళ్లు ఎదురుచూశాడు. చివరకు తన అనుకున్నట్లే 2006లో జ్యోతికని వివాహమాడాడు. పెళ్లి తర్వాత సూర్యతో కలిసి ముంబైకి వెళ్లి అక్కడే స్థిరపడే అవకాశమున్నప్పటికీ జ్యోతిక అలా చేయలేదు. 18 ఏళ్లు మా కుటుంబంతోనే ఉంది. పెళ్లి తర్వాత జ్యోతికకు ఇద్దరు పిల్లలు పుట్టారు. వాళ్లతో పాటు కుటుంబ బాధ్యతల్ని కూడా చూసుకుంది' అని శివకుమార్ చెప్పుకొచ్చారు.సూర్య, జ్యోతిక తొలిసారి 1999లో రిలీజైన 'పూవెల్లం కేట్టుప్పర్' సినిమాలో కలిసి నటించారు. ఆ తర్వాత ఉయిరిలే కలంతతు, కాక్క కాక్క, పెరళగన్, మాయావి, సిల్లును ఒరు కాదల్ తదితర మూవీస్ చేశారు. వీళ్లకు దియా, దేవ్ అని ఇద్దరు పిల్లలున్నారు. కెరీర్ పరంగా సూర్య.. ఈ ఏడాది కరుప్పు, విశ్వనాథ్ అండ్ సన్స్ చిత్రాలతో సక్సెస్ అందుకున్నాడు. జ్యోతిక కూడా ఓటీటీ మూవీస్ చేస్తూ బిజీగా ఉంది.(ఇదీ చదవండి: ఓటీటీలోకి కార్తి స్పై యాక్షన్ థ్రిల్లర్ సినిమా) -
మా మధ్య విభేదాల్లేవ్ 'సర్' నిర్నయాలన్నీ ఏకగ్రీవమే - సీఈసీ జ్ఞానేష్ కుమార్
మా మధ్య విభేదాల్లేవ్ 'సర్' నిర్నయాలన్నీ ఏకగ్రీవమే - సీఈసీ జ్ఞానేష్ కుమార్ -
ఒకే రోజు 6 సెంచరీలు.. వన్డే క్రికెట్ చరిత్రలోనే సరికొత్త ప్రపంచ రికార్డు
సెప్టెంబర్ 27, 2026.. వన్డే అంతర్జాతీయ క్రికెట్ చరిత్రలో చిరస్మరణీయంగా నిలిచిపోయింది. ఒకే రోజున వేర్వేరు వేదికల్లో జరిగిన మూడు వన్డే మ్యాచ్ల్లో ఏకంగా 6 సెంచరీలతో కొత్త ప్రపంచ రికార్డు నమోదైంది. ఒకే రోజు 6 వన్డే సెంచరీలు నమోదు కావడం ఇదే తొలిసారి.అంతకుముందు 5 సెంచరీలు నమోదు కావడమే అత్యధిక రికార్డుగా ఉండేది.తాజాగా ఆ రికార్డు తుడిచిపెట్టుకుపోయింది. ఈ విషయాన్ని అంతర్జాతీయ క్రికెట్ కౌన్సిల్ (ICC) ఎక్స్ ) వేదికగా అధికారికంగా వెల్లడించింది.ఈ ప్రపంచ రికార్డులో భాగమైన 6 సెంచరీల వివరాలు ఇవే:విరాట్ కోహ్లి: తిరువనంతపురం వేదికగా వెస్టిండీస్తో జరిగిన తొలి వన్డేలో టీమిండియా స్టార్ విరాట్ కోహ్లి భారీ సెంచరీతో కదం తొక్కాడు. కేవలం 88 బంతుల్లో 10 ఫోర్లు, 9 సిక్స్లతో 139 పరుగులు చేశాడు. కోహ్లికి తన వన్డే కెరీర్లో 55వ సెంచరీ, అంతర్జాతీయ క్రికెట్లో 86వ శతకం కావడం విశేషం. ఈ క్రమంలోనే వన్డేల్లో అత్యంత వేగంగా 15,000 పరుగులు పూర్తి చేసిన ప్లేయర్గా కోహ్లి నిలిచాడు.శుబ్మన్ గిల్: ఇక ఇదే మ్యాచ్లో భారత కెప్టెన్ శుబ్మన్ గిల్ అద్భుతమైన సెంచరీ సాధించాడు. 108 బంతుల్లో 110 పరుగులు చేసి భారత్ 296 పరుగుల లక్ష్యాన్ని సునాయాసంగా ఛేదించడంలో గిల్ కీలక పాత్ర పోషించాడు.జస్టిన్ గ్రీవ్స్: తిరువనంతపురం వన్డేలో విండీస్ ఓపెనర్ జస్టిన్ గ్రీవ్స్ (12 ఫోర్లతో 101 పరుగులు) కూడా విరోచిత సెంచరీ నమోదు చేశాడు.డేవిడ్ మిల్లర్: జోహాన్స్బర్గ్ వేదికగా ఆస్ట్రేలియాతో జరిగిన రెండో వన్డేలో సౌతాఫ్రికా ప్లేయర్ డేవిడ్ మిల్లర్ విధ్వంసకర సెంచరీతో విరుచుకుపడ్డాడు. కేవలం 93 బంతుల్లో 12 ఫోర్లు, 9 సిక్స్లతో 142 పరుగులు చేశాడు.టెంబా బవుమా: ఇదే మ్యాచ్లో ప్రోటీస్ కెప్టెన్ టెంబా బవుమా కూడా సెంచరీతో చెలరేగాడు. 116 బంతుల్లో బవుమా 103 పరుగులు చేశాడు.టామ్ బాంటన్ : లండన్ వేదికగా శ్రీలంకతో జరిగిన సిరీస్ డిసైడర్ మూడో వన్డేలో ఇంగ్లండ్ ఓపెనర్ టామ్ బాంటన్ 126 (105 బంతుల్లో) శతక్కొట్టాడు. -
పీటీ ఉష రికార్డు బ్రేక్.. పతకాల మోత మోగించిన భారత్
ఆసియా క్రీడల్లో భారత అథ్లెట్లు పతకాల పంట పండిస్తున్నారు. సోమవారం భారత్ ఖాతాలో 13 పతకాలు వచ్చి చేరాయి. స్వర్ణం రాకపోయినప్పటికీ, మన అథ్లెట్లు రజతాలు, కాంస్యాలతో పతకాల సంఖ్యను పెంచుకుంటూ పోతున్నారు. ఇక జావెలిన్ త్రోలో రజతం, కాంస్యం రావడంతో ఇప్పటివరకు భారత్ 45 పతకాలు గెలుచుకోగా.. ఇందులో 4 స్వర్ణాలు, 20 రజతాలు, 21 కాంస్యాలున్నాయి.గుల్వీర్కు మరో రజతంభారత లాండ్ డిస్టెన్స్ రన్నర్ గుల్వీర్ సింగ్ ఆసియా గేమ్స్లో రెండో రజతంతో మెరిశాడు. ఇప్పటికే 10వేల మీటర్ల పరుగులో రజతం గెలిచిన గుల్వీర్ సోమవారం జరిగిన 1500 మీటర్ల ఫైనల్లో రెండో స్థానంలో వెండి పతకాన్ని కొల్లగొట్టాడు. 1500 మీటర్ల రేసును గుల్వీర్ 3:36.72 నిమిషాల్లో పూర్తి చేసి రెండో స్థానంలో నిలిచాడు. 𝐆𝐔𝐋𝐕𝐄𝐄𝐑 𝐒𝐈𝐍𝐆𝐇 𝐎𝐍 𝐓𝐇𝐄 𝐏𝐎𝐃𝐈𝐔𝐌! 🥈A strong 1500m run sees him finish second and add another medal to India’s tally! ✨Watch the 20th Asian Games Aichi-Nagoya 2026, LIVE on Sony Sports Network TV channels & Sony LIV.#SonySportsNetwork #SonyLIV #AsianGames… pic.twitter.com/wsYKwYJlWl— Sony Sports Network (@SonySportsNetwk) September 28, 2026చివరి నిమిషం వరకు టాప్లో ఉన్న గుల్వీర్కు.. జపాన్ అథ్లెట్ కజుటో ఇజావా ఊహించని షాక్ ఇచ్చాడు. ఫినిష్ లైన్ సమీపిస్తున్న తరుణంలో కజుటో ఇజావా పుంజుకుని కేవలం 0.37 సెకన్ల తేడాతో గుల్వీర్ను వెనక్కి నెట్టి స్వర్ణ పతకాన్ని ఖాతాలో వేసుకున్నాడు. ఇక జపాన్కే చెందిన జపాన్కు చెందిన నగియా మోరీ 3:37.92 నిమిషాల్లో రేసును పూర్తి చేసి కాంస్యం కైవసం చేసుకున్నాడు.పీటీ ఊష రికార్డు బ్రేక్..అంతకముందు మహిళల 400 మీటర్ల హార్డిల్స్లో భారత అథ్లెట్ విథ్యా రామ్రాజ్ దిగ్గజం పీటీ ఉష రికార్డును బ్రేక్ చేయడమే గాక కాంస్య పతకంతో మెరిసింది. 400 మీటర్ల హార్డిల్స్ను విథ్యా రామ్రాజ్ 54.75 సెకన్లలో పూర్తి చేసి మూడో స్థానంలో నిలిచి కాంస్యం ఒడిసిపట్టింది. PC: Twitterకాగా 1984 లాస్ ఏంజిల్స్ ఒలింపిక్స్లో 400 మీటర్ల హార్డిల్స్లో పీటీ ఉష నెలకొల్పిన 55.42 సెకన్ల టైమింగ్ను 0.67 సెకన్ల వ్యవధిలో బద్దలుకొట్టిన విథ్యా రామ్రాజ్ తన పేరును లిఖించుకుంది. ఇక యూఏఈకి చెందిన మరియమ్ కరీమ్ (54.31 సెకన్లు) స్వర్ణం గెలుచుకోగా, కజకిస్తాన్కు చెందిన అడెలినా జెమ్స్ (54.58 సెకన్లు) రజతం కైవసం చేసుకుంది.🥉 कांस्य पदक विथ्या रामराजने AsianGames2026 में महिलाओं की 400 मीटर हर्डल्स में कांस्य पदक जीती —उन्होंने पी.टी. उषा के पिछले राष्ट्रीय रिकॉर्ड को तोड़ा!#AsianGames2026 #VithyaRamraj #Athletics pic.twitter.com/IhEvgTaBL9— @p2- चंद्रवंशी 🇮🇳 (@pra1366) September 28, 2026లాంగ్ జంప్లో మురళీకి రజతంభారత అథ్లెట్ మురళీ శ్రీశంకర్ సత్తా చాటాడు. పురుషుల లాంగ్ జంప్ విభాగంలో మురళీ 8.07 మీటర్ల దూరం దూకి రజతం సొంతం చేసుకున్నాడు. గత ఆసియా గేమ్స్లోనూ రజతమే సాధించిన మురళీ ఈసారి స్వర్ణం కోసం ప్రయత్నించాడు. అయితే చీలమండ గాయంతో చివరి రెండు ప్రయత్నాలు విరమించుకోవడంతో మురళీ శ్రీ శంకర్ రజతంతో సరిపెట్టుకోవాల్సి వచ్చింది. అయితే చివరి రెండు ప్రయత్నాల్లో మురళీ పాల్గొననప్పటికీ తన బెస్ట్ (8.07 మీటర్లు)ను ఎవరు అధిగమించకపోవడం విశేషం. కొరియాకు చెందిన లిన్ యూ టోంగ్ (8.05 మీటర్లు) స్వర్ణం గెలుచుకోగా.. అన్వరోవ్ అన్వోర్ (8.06 మీటర్లు) దూకి రజతం గెలుచుకున్నాడు.పారుల్ చౌదరీకి కాంస్యం..భారత స్టార్ స్ప్రింటర్ పారుల్ చౌదరీ ఆసియా గేమ్స్లో రెండో పతకం సాధించింది. ఇప్పటికే 3వేల మీటర్ల స్టీపుల్ చేజ్లో కాంస్యం సాధించిన పారుల్ చౌదరీ సోమవారం 5వేల మీటర్ల స్టీపుల్చేజ్ రేసులో కాంస్యం ఒడిసిపట్టింది. ఆమె గమ్యాన్ని 15:14.61 సెకన్లలో పరుగు పూర్తి చేసింది. తన అత్యుత్తమ వ్యక్తిగత ప్రదర్శన కంటే 10 సెకన్లు ఆలస్యంగా పరుగెత్తిన పారుల్ కాంస్యంతో సరిపెట్టుకుంది. అయితే గత ఆసియా గేమ్స్లో స్వర్ణ పతకం పట్టేసిన పారుల్ ఈసారి కంచుమోతతోనే సరిపెట్టుకుంది. ఇక బహ్రెయిన్ అథ్లెట్ విన్ఫ్రెడ్ యవి 15:10.18 సెకన్లలో గమ్యాన్ని చేరి పసిడి పతకం నెగ్గగా.. జపాన్ అథ్లెట్ నజోమి టనక (15:11.65 సెకన్లు) రజతం సొంతం చేసుకుంది.Congratulations to Parul Chaudhary on once again, winning the Bronze Medal in the Women’s 5000m at the #AsianGames2026! #Cheer4Bharat pic.twitter.com/E0DrL8leUb— Kiren Rijiju (@KirenRijiju) September 28, 2026ఇదీ చదవండి: ఆసీస్తో తొలి టెస్టు.. భారత ఓపెనర్ డబుల్ సెంచరీ -
ఆ ఒక్క రోజు UPI చెల్లింపులు బంద్!
యూపీఐ చెల్లింపులపై మర్చంట్ డిస్కౌంట్ రేట్ (MDR) ఛార్జీలు విధంచాలనే.. నిర్ణయానికి వ్యతిరేకంగా, దేశవ్యాప్తంగా ఉన్న మొబైల్ ఫోన్ రిటెయిలర్లు నిరసనకు సిద్ధమవుతున్నారు. రూ.2,000కు మించిన యూపీఐ లావాదేవీలపై 0.4 శాతం ఎండీఆర్ ఛార్జీలు విధించే ప్రతిపాదన తమ వ్యాపారాలపై అదనపు భారం పెంచుతుందని రిటెయిలర్లు చెబుతున్నారు.ఆల్ ఇండియా మొబైల్ రిటెయిలర్స్ అసోసియేషన్ (AIMRA) అక్టోబర్ 2న 'నో యూపీఐ డే' నిర్వహించాలని ప్రకటించింది. గాంధీ జయంతి రోజున దేశవ్యాప్తంగా వేలాది మొబైల్ షాపుల యజమానులు యూపీఐ, క్యూఆర్ కోడ్ ద్వారా చెల్లింపులను స్వీకరించకుండా నిరసన తెలపనున్నారు.కేవలం క్యాష్, కార్డు పేమెంట్స్ మాత్రమేనిరసనలో భాగంగా మొబైల్ షాపుల్లో ఉన్న యూపీఐ క్యూఆర్ కోడ్ స్టాండ్లను నల్లటి గుడ్డతో కప్పివేయనున్నట్లు సమాచారం. ఆ రోజు కస్టమర్ల నుంచి యూపీఐ లేదా క్యూఆర్ స్కాన్ ద్వారా చెల్లింపులు తీసుకోకుండా.. నగదు లేదా కార్డు ద్వారా మాత్రమే పేమెంట్లు స్వీకరించాలని రిటెయిలర్లు నిర్ణయించినట్లు అసోసియేషన్ తెలిపింది.వ్యాపార లావాదేవీలపై ఎండీఆర్ ఛార్జీలు విధించకుండా.. ప్రస్తుతం ఉన్న జీరో-ఎండీఆర్ విధానాన్ని కొనసాగించాలని కోరుతూ ఆర్థిక మంత్రిత్వ శాఖకు కూడా లేఖ రాసినట్లు ఏఐఎంఆర్ఏ వెల్లడించింది.ఆదాయం తగ్గే అవకాశం!రిటెయిలర్ల ప్రకారం.. ముఖ్యంగా చిన్న వ్యాపారులపై ఈ ఛార్జీల ప్రభావం ఎక్కువగా ఉంటుంది. నెలకు రూ.5 లక్షల నుంచి రూ.30 లక్షల వరకు యూపీఐ లావాదేవీలు చేసే వ్యాపారులకు 0.4 శాతం ఎండీఆర్ కూడా గణనీయమైన భారంగా మారుతుందని వారు చెబుతున్నారు. దీనివల్ల నెలకు రూ.2,000 నుంచి రూ.12,000 వరకు ఆదాయం తగ్గే అవకాశం ఉందని అసోసియేషన్ వైస్ ప్రెసిడెంట్ తర్వీంద్ సింగ్ పేర్కొన్నారు.మొబైల్ ఫోన్ రిటెయిల్ వ్యాపారంలో ఇప్పటికే లాభాల మార్జిన్ తక్కువగా ఉంటుందని వ్యాపారులు చెబుతున్నారు. అలాంటి పరిస్థితుల్లో అదనంగా 0.4 శాతం ఎండీఆర్ ఛార్జీ విధిస్తే తమ లాభాలపై ప్రభావం పడుతుందని వారు ఆందోళన వ్యక్తం చేస్తున్నారు. దేశవ్యాప్తంగా రిటెయిలర్లపై నెలకు సుమారు రూ.40 కోట్లు, ఏడాదికి దాదాపు రూ.500 కోట్ల వరకు అదనపు భారం పడే అవకాశం ఉందని అసోసియేషన్ అంచనా.డిజిటల్ చెల్లింపులను ప్రోత్సహించడంతో పాటు.. చిన్న, మధ్య తరహా వ్యాపారులపై అదనపు ఆర్థిక భారం పడకుండా ప్రభుత్వం చర్యలు తీసుకోవాలని మొబైల్ రిటెయిలర్లు కోరుతున్నారు. తమ వ్యాపారాల్లో యూపీఐ వినియోగం పెరిగిన నేపథ్యంలో కొత్త ఎండీఆర్ ఛార్జీలు అమలైతే, దాని ప్రభావం నేరుగా తమ లాభాలపై పడుతుందని చెబుతున్నారు. అందుకే జీరో-ఎండీఆర్ ఛార్జీ విధానాన్ని కొనసాగించాలని డిమాండ్ చేస్తున్నారు.ఇదీ చదవండి: కేవలం రూ.20 చెల్లిస్తే.. రూ.2 లక్షలు అకౌంట్లోకి! -
ఆ ఒక్క మాట నన్ను కట్టిపడేసింది.. కన్నీరుపెట్టుకున్నా: రాజమౌళి
‘డోంట్ ట్రబుల్ ది ట్రబుల్’ సినిమాతో త్వరలో ప్రేక్షకుల ముందుకు రానున్నారు ఫహాద్ ఫాజిల్. శశాంక్ యేలేటి దర్శకత్వం వహించిన ఈ చిత్రాన్ని శోభు యార్లగడ్డ, ప్రసాద్ దేవినేని, ఎస్ఎస్ కార్తికేయ నిర్మించారు. సారా పాలేకర్, సౌరభ్ సచ్దేవ్ కీలక పాత్రల్లో నటించారు. ఈ సినిమా అక్టోబర్ 2న విడుదల కానుంది. ఇప్పటికే విడుదలైన ట్రైలర్ సినిమాపై ఆసక్తిని పెంచేస్తోంది. అయితే తాజాగా తమిళనాడులో సినిమా ప్రీ రిలీజ్ ఈవెంట్ను నిర్వహించారు. దర్శకుడు ఎస్.ఎస్.రాజమౌళి ‘ పాల్గొని డోంట్ ట్రబుల్ ది ట్రబుల్’ చిత్రంపై ప్రశంసలు కురిపించారు.ఇదీ చదవండి: డింపుల్ డెడికేషన్కి ఫిదా.. ఓపెన్ ఆఫర్ ఇచ్చిన త్రివిక్రమ్..!‘డోంట్ ట్రబుల్ ది ట్రబుల్’ తనను ఒకే ఒక్క లైన్తో కట్టిపడేసింది. ఒక వ్యక్తి దెయ్యాన్ని కిడ్నాప్ చేసిన కథ ఇది అనే ఒక్క లైన్లోని మాట వినగానే పూర్తిగా హుక్ అయ్యాను. ఆ లైన్లోనే ఆసక్తి, ఉత్కంఠ, వినోదం ఉన్నాయి. ఆ తర్వాత పూర్తి కథ విన్నప్పుడు ఇది అద్భుతమైన కథ అనిపించింది అని రాజమౌళి తెలిపారు. ఇక సినిమాలో సూరి పాత్రలో ఫహాద్ ఫాజిల్ జీవం పోశారని రాజమౌళి ప్రశంసించారు. డబ్బింగ్, మ్యూజిక్ లేకుండా ఫస్ట్ కాపీ చూసినప్పటికీ సినిమా తనను ఎంతగానో కదిలించిందని చెప్పారు. కొన్ని సందర్భాల్లో భావోద్వేగానికి లోనై కన్నీళ్లు ఆపుకోలేకపోయానని వెల్లడించారు. హీరోగా ఎలాంటి ఫలితం అందుకుంటాడో.. కాగా అల్లావుద్దీన్ స్టైల్లో మాయలు, మంత్రాలు తెలిసిన ఓ చిన్న పాప.. హీరో జీవితంలోకి ఎలా వచ్చింది? ఎందుకొచ్చింది? అనే విషయాల్ని ట్రైలర్లో కామెడీగా చూపించారు. విజువల్స్, బ్యాక్ గ్రౌండ్ స్కోర్ కూడా బాగున్నాయి. మరి మలయాళంలో ఇప్పటికే హిట్స్ అందుకున్న ఫహాద్కి తెలుగులో హీరోగా ఎలాంటి ఫలితం అందుకుంటాడో చూడాలి?ఇదీ చదవండి: ‘అన్నా.. అని పిలిచా కదరా.. చిన్న పిల్లాడ్ని చేసి ఇలా..