Suryapet District News

తిరుమలగిరి (తుంగతుర్తి) : సామాజిక తెలంగాణ సాధన కోసం ఆడతానని, పాడతానని, అవసరమైతే మళ్లీ గజ్జె కడతానని ప్రముఖ కవి, గాయకుడు డాక్టర్‌ ఏపూరి సోమన్న అన్నారు. ఏపూరి సోమన్న జన్మదిన వేడుకలను సోమవారం స్థానిక ఫంక్షన్‌హాల్లో నిర్వహించారు. ఈ సందర్భంగా స్థానిక చౌరస్తాలో అంబేద్కర్‌, పూలే విగ్రహాలకు పూల మాల వేసి కళాకారుల బృందంతో కలిసి భారీ ర్యాలీ నిర్వహించారు. అభిమానుల మధ్య కేక్‌ కట్‌ చేసిన అనంతరం ఆయన మాట్లాడుతూ తెలంగాణ ఉద్యమంలో కవులు, గాయకుల పాత్ర గొప్పదని కొనియాడారు. కవులు, గాయకులు కూడా చట్ట సభల్లోకి వెళ్లాల్సిన అవసరం ఉందన్నారు. ఏపూరి ఫౌండేషన్‌ ద్వారా నియోజకవర్గంలోని అన్ని గ్రామాల్లో సామాజిక సేవా కార్యక్రమాలు చేపడతానని తెలిపారు. మునుగోడు ఎమ్మెల్యే రాజగోపాల్‌రెడ్డితో తన ప్రయాణం కొనసాగుతుందని తెలిపారు. ఏపూరి ఫౌండేషన్‌ నియోజకవర్గ చైర్మన్‌గా తీగల కరుణశ్రీని నియమిస్తున్నట్లు ఆయన ప్రకటించారు. ఈ సందర్భంగా కళాకారులు పాడిన పాటలు అలరించాయి. కార్యక్రమంలో తుంగతుర్తి మార్కెట్‌ చైర్మన్‌ తీగల గిరిధర్‌రెడ్డి, ప్రభాకర్‌, శాగంటి రాములు, స్టాలిన్‌, అనుదీప్‌, శ్రీధర్‌, లింగం, శివ, లావణ్య, రవి, రమేష్‌, జాని, తదితరులు పాల్గొన్నారు. కవి, గాయకుడు ఏపూరి సోమన్న

సూర్యాపేట (సూర్యాపేటటౌన్‌) : ప్రజా ఫిర్యాదులపై పోలీసులు వేగంగా స్పందించి సమస్యను పరిష్కరించాలని ఎస్పీ నరసింహ పోలీస్‌ అధికారులను ఆదేశించారు. జిల్లా పోలీస్‌ కార్యాలయంలో సోమవారం నిర్వహించిన పోలీసు ప్రజావాణి కార్యక్రమంలో ఆయన పాల్గొని బాధితుల నుంచి వినతులు స్వీకరించారు. బాధితులతో మాట్లాడి వారి సమస్యలు తెలుసుకున్నారు. ప్రజలకు అవసరమైన సేవలు, తక్షణ సమస్యల పరిష్కారం కోసం పోలీస్‌శాఖ నిరంతరం పనిచేస్తుందన్నారు. ప్రజలు గొడవలు, తగాదాలకు దూరంగా ఉండాలని సూచించారు.21 నుంచి పోలీస్‌ ఫ్లాగ్‌ డే పోలీసు అమరవీరుల త్యాగాలను స్మరించుకుంటూ ఈ నెల 21 నుంచి 31 వరకు జిల్లా వ్యాప్తంగా పోలీస్‌ ఫ్లాగ్‌ డే నిర్వహించనున్నట్లు ఎస్పీ కె. నరసింహ సోమవారం ఒక ప్రకటనలో తెలిపారు. 21న జిల్లా పోలీస్‌ కార్యాలయంలోని అమరవీరుల స్తూపం వద్ద నివాళులర్పించనున్నట్లు పేర్కొన్నారు. విద్యార్థులకు వ్యాసరచన, చిత్రలేఖనం, షార్ట్‌ ఫిల్మ్‌, ఫొటోగ్రఫీ పోటీలు నిర్వహించనున్నట్టు తెలిపారు. రక్తదాన శిబిరాలు, అవగాహన ర్యాలీలు, ఓపెన్‌ హౌస్‌ ద్వారా పోలీసుల విధులు, సేవలు, సైబర్‌ నేరాలు, డ్రగ్స్‌ నివారణ, మహిళల భద్రతపై ప్రజలకు అవగాహన కల్పించనున్నట్లు పేర్కొన్నారు. ఫ్లాగ్‌ డే కార్యక్రమాల్లో ప్రజలు, విద్యార్థులు భాగస్వాములు కావాలని కోరారు.

మఠంపల్లి : మట్టపల్లిలోని రాజ్యలక్ష్మి, చెంచులక్ష్మీ సమేత లక్ష్మీనరసింహస్వామి ఆలయంలో సోమవారం అర్చకులు స్వామివారి నిత్య కల్యాణాన్ని అత్యంత వైభవంగా నిర్వహించారు. ఆలయంలో స్వామి వారికి ప్రత్యేక పూజలు అర్చనలు చేసి మూలవిరాట్‌కు పంచామృతాభిషేకం చేపట్టారు. నిత్యకల్యాణం అనంతరం స్వామి అమ్మవార్లను గరుడవాహనంపై ఆలయ తిరుమాడ వీధులలో ఊరేగింపు చేపట్టారు. క్షేత్రంలోని శివాలయంలో పార్వతీ రామలింగేశ్వరస్వామికి మహాన్యాస పూర్వక ఏకాదశ రుద్రాభిషేకం నిర్వహించారు. కార్యక్రమంలో ఆలయ అనువంశిక ధర్మకర్తలు చెన్నూరు మట్టపల్లిరావు, విజయ్‌కుమార్‌, ఈఓ చలపతిరావు, అర్చకులు, భక్తులు పాల్గొన్నారు. శివయ్యకు ప్రత్యేక అలంకరణ మేళ్లచెరువు: మండల కేంద్రంలోని ఇష్టకామేశ్వరి సమేత స్వయంభు శంభులింగేశ్వర స్వామి ఆలయంలో సోమవారం ప్రత్యేక పూజ లు నిర్వహించారు. అర్చకులు స్వామి వారికి గణపతిపూజ, పుణ్యాహవచనం, మహన్యాసపూర్వక ఏకాదశ రుద్రాభిషేకం, సహస్రనామార్చన, మహాలింగార్చన, అన్నాభిషేకం, పుష్పార్చన చేపట్టారు. కార్యక్రమంలో ఈఓ శంభిరెడ్డి, అర్చకులు విష్ణువర్ధన్‌శర్మ, ధనుంజయశర్మ, భక్తులు పాల్గొన్నారు. ప్రజావాణి దరఖాస్తులకు అధిక ప్రాధాన్యం సూర్యాపేట(భానుపురి) : ప్రజావాణిలో ప్రజల నుంచి వచ్చిన దరఖాస్తులకు అధిక ప్రాధాన్యం ఇవ్వాలని జిల్లా రెవెన్యూ అధికారి ప్రేమ్‌రాజ్‌ ఆదేశించారు. సోమవారం కలెక్టరేట్‌లో నిర్వహించిన ప్రజావాణిలో ఆయన పాల్గొని ప్రజల నుంచి వినతులు స్వీకరించారు. అనంతరం జిల్లా అధికారులతో నిర్వహించిన సమీక్ష సమావేశంలో మాట్లాడారు. ప్రభుత్వ ఆదేశాల మేరకు జిల్లా, మండల స్థాయి ప్రజావాణి దరఖాస్తులను ఆన్‌ లైన్‌ పోర్టల్‌లో నమోదు చేయాలన్నారు. సోమవారం నాటి ప్రజావాణిలో మొత్తం 86 దరఖాస్తులు వచ్చినట్లు తెలిపారు. కార్యక్రమంలో జడ్పీ సీఈఓ శిరీష, డీఆర్డీఓ సన్యాసయ్య, డీఎంహెచ్‌ఓ వెంకటరమణ, డీఏఓ శ్రీధర్‌రెడ్డి, జిల్లాస్థాయి అధికారులు పాల్గొన్నారు.

హుజూర్‌నగర్‌ : రాష్ట్రంలోని నిరుద్యోగుల సమస్యలను పట్టించుకోకుండా కాంగ్రెస్‌ ప్రభుత్వం కేవలం ప్రకటనలకే పరిమితమైందని ఉమ్మడి కరీంనగర్‌, మెదక్‌, నిజామాబాద్‌, ఆదిలాబాద్‌ గ్రాడ్యుయేట్‌ ఎమ్మెల్సీ చినమేలు అంజిరెడ్డి, మాజీ ఎమ్మెల్యే శానంపూడి సైదిరెడ్డి అన్నారు. సోమవారం హుజూర్‌నగర్‌లోని బీజేపీ కార్యాలయంలో నిర్వహించిన గ్రాడ్యుయేట్‌ ఎమ్మెల్సీ ఎన్నికల సన్నాహక సమావేశంలో వారు మాట్లాడారు. ఏడాదిలోపు 2 లక్షల ఉద్యోగాలు భర్తీ చేస్తామని ఉప ముఖ్యమంత్రి అసెంబ్లీ సాక్షిగా ప్రకటించినా.. ఇప్పటి వరకు ఒక్క పోస్టు కూడా భర్తీ చేయలేదన్నారు. టీఎస్‌పీఎస్సీ ద్వారా భర్తీ చేయాల్సిన ఖాళీలపై సరైన క్లియరెన్స్‌ ఇవ్వడం లేదన్నారు. రాష్ట్రంలో లక్షలాది ఉద్యోగాలు ఖాళీగా ఉన్నప్పటికీ భర్తీ చేయడం లేదన్నారు. రిటైర్డ్‌ ఉద్యోగుల బకాయిలు, ఇతర ఆర్థిక పరమైన అంశాలపై కూడా ప్రభుత్వం స్పష్టత ఇవ్వాలని డిమాండ్‌ చేశారు. మూడేళ్ల కాంగ్రెస్‌ పాలనలో రాష్ట్రంలో ఎలాంటి అభివృద్ధి జరగలేదని, సాగునీరు, రోడ్లు పరిస్థితి అధ్వాన్నంగా మారిందని విమర్శించారు. రాబోయే ఎమ్మెల్సీ ఎన్నికల్లో బీజేపీ అభ్యర్థి గెలుపుతో రాష్ట్రంలో మార్పు మొదలవుతుందన్నారు. సమావేశంలో బీజేపీ రాష్ట్ర కార్యదర్శి పోతుగంటి భరత్‌ప్రసాద్‌, జిల్లా అధ్యక్షురాలు చల్లా శ్రీలత, నాయకులు సీత అనూష, వన్నాల వెంకటరమణ, ఆకుల భిక్షమయ్య, పట్టణ అధ్యక్షుడు కొండా హరీష్‌, తదితరులు పాల్గొన్నారు. ఎమ్మెల్సీ చినమేలు అంజిరెడ్డి

నడిగూడెం : యువతకు ఉద్యోగాలు కల్పిస్తామని హామీ ఇచ్చి అధికారంలోకి వచ్చిన కాంగ్రెస్‌ పార్టీ ఆ తరవాత హామీని అమలు చేయకుండా వారిని మోసం చేస్తున్నదని కోదాడ మాజీ ఎమ్మెల్యే బొల్లం మల్లయ్య యాదవ్‌ విమర్శించారు. సోమవారం మండలంలోని తెల్లబల్లిలో బీఆర్‌ఎస్‌ పార్టీ నాయకులు, కార్యకర్తలతో నిర్వహించిన ఓటరు నమోదు అవగాహన సదస్సులో ఆయన మాట్లాడారు. ప్రభుత్వం కల్పిస్తామన్న రెండు లక్షల ఉద్యోగాలు ఎక్కడా అని ప్రశ్నించారు. పట్టభద్రుల ఎమ్మెల్సీ ఎన్నికలలో బీఆర్‌ఎస్‌ అభ్యర్థి విజయమే లక్ష్యంగానే పని చేయాలని కార్యకర్తలకు పిలుపునిచ్చారు. ఓటర్ల నమోదు, పర్యవేక్షణకు ప్రతి గ్రామంలో సమన్వయకర్తలను నియమించినట్లు తెలిపారు. ప్రతి గ్రాడ్యుయేట్‌ను కలిసి వారితో ఓటు నమోదు చేయించాలని ఆయన సూచించారు. సమావేశంలో బీఆర్‌ఎస్‌ మండల అధ్యక్షుడు పల్లా నర్సిరెడ్డి, ఉపాధ్యక్షుడు నలమాద నారాయణరావు, సమన్వయ కమిటీ సభ్యులు అనంతుల ఆంజనేయులు, శ్రీనివాసరెడ్డి, కృష్ణమూర్తి, నాయకులు, కార్యకర్తలు పాల్గొన్నారు. మాజీ ఎమ్మెల్యే బొల్లం మల్లయ్య

కరెంట్‌ కట్‌కట..సూర్యాపేట(ఆత్మకూర్‌.ఎస్‌), మునగాల : వర్షాభావ పరిస్థితులతో ఈ సంవత్సరం ఎన్నెస్పీ, ఎస్సారెస్పీ కాలువలకు నీరు విడుదల కాలేదు. దాంతో రైతులు బోర్ల కింద వరిసాగు చేపట్టారు. ప్రస్తుతం వరి పంట చివరి దశలో ఉంది. ఈ పరిస్థితుల్లో విద్యుత్‌ కోతల కారణంగా పంట చేలకు నీరందక చేను ఎండి పోతుండడంతో రైతులు విలవిల్లాడుతున్నారు. పంటలను రక్షించుకునేందుకు జనరేటర్లను ఆశ్రయిస్తున్నారు. వేల రూపాయలు ఖర్చు చేస్తూ జనరేటర్లను అద్దెకు తీసుకు వచ్చి బోర్ల ద్వారా పంట చేలకు నీటిని అందిస్తున్నారు. ఎస్సారెస్పీ ఆయకట్టులోనూ..ఎస్సారెస్పీ ఆయకట్టు పరిధిలో ఉన్న ఆత్మకూర్‌(ఎస్‌) మండలంలో రైతుల పరిస్థితి అగమ్యగోచరంగా మారింది. వానాకాలం సీజన్‌లో కాలువల ద్వారా సాగునీరు విడుదల కాక పోయినప్పటికీ రైతులు బోర్ల సుమారు 30 వేల ఎకరాలలో వరి సాగు చేపట్టారు. కానీ ప్రస్తుతం విద్యుత్‌ కేవలం 9 గంటలు కూడా ఇవ్వకుండా ఉండగా.. అందులోనూ అనధికారికంగా కోతలు విధిస్తుండడంతో సాగునీరందని పరిస్థితి నెలకొంది. దాంతో మండలంలో సుమారు 600 ఎకరాల్లో వరి పంట ఎండిపోయే దశకు చేరిందని రైతులు ఆవేదన వ్యక్తం చేస్తున్నారు. అనధికార కోతలే.. గతంలో వ్యవసాయానికి నిరంతర కరెంట్‌ అందిస్తుండడంతో అదే ఆశతో రైతులు బోర్ల కింద సాగు చేశారు. కానీ ప్రస్తుతం రోజుకు కేవలం 9 గంటలు మాత్రమే అదికూడా రెండు విడుతలుగా కరెంట్‌ ఇస్తున్నారని, అందులోనూ అనధికారికంగా కోతలు విధిస్తున్నారని రైతులు ఆరోపిస్తున్నారు. ఈ పరిస్థితుల్లో పంటను కాపాడుకునేందుకు రైతులు వరుస తడులతో కుస్తీ పడుతున్నారు. అనధికార విద్యుత్‌ కోతలు, లోవోల్టేజీ సమస్యతో పంటలకు నీరందడం లేదని ఆవేదన వ్యక్తం చేస్తున్నారు. జనరేటర్లతో కుస్తీ...కరెంటు కోతలతో వరి పంటకు తడులు పెట్టలేని పరిస్థితుల్లో.. సాగు చేసిన వరి పంటలను కాపాడుకునేందుకు రైతులు ఆపసోపాలు పడుతున్నారు. జనరేటర్లను అద్దెకు తీసుకొచ్చి వాటి ద్వారా మోటార్లు నడుపుతూ సాగును కొనసాగిస్తున్నారు. దాంతో పెట్టుబడి ఖర్చులు విపరీతంగా పెరుగుతున్నాయని రైతులు ఆవేదన వ్యక్తం చేస్తున్నారు. మునగాల మండలంలో..మునగాల మండలంలో వానాకాలం సీజన్‌లో 16200 ఎకరాలలో వరి సాగు చేపట్టారు. ప్రారంభంలో బోర్లు బాగానే పోసినా ప్రస్తుతం భూగర్భ జలాలు తగ్గి పోయాయి. ఉన్న కొద్దినీటిని వినియోగించుకుందామంటే విద్యుత్‌ కోతలతో పరిస్థితి దయనీయంగా మారిందని, చేలకు సాగునీరందని పరిస్థితి నెలకొందని రైతులు తెలిపారు. దాంతో సుమారు 200 ఎకరాల్లో వరి చేలు ఎండిపోయే దశకు చేరాయి. పంట ఎదిగి కీలకదశలో సాగునీరు అందకపోవడంతో దిగుబడులపై ప్రభావం పడే ప్రమాదముందని రైతులు వాపోతున్నారు. విద్యుత్‌ కోతలతో ఎండుతున్న వరి చేలు పొట్టదశలో ఉన్న పంటను రక్షించుకునేందుకు రైతుల పాట్లు డీసిల్‌, జనరేటర్‌ ఖర్చులతో పెరుగుతున్న పెట్టుబడులు రూ.లక్ష ఖర్చుతో జనరేటర్‌ కొనుగోలుఆత్మకూర్‌(ఎస్‌) మండలం నసీంపేటకు చెందిన రైతు పట్టిపల్లి శ్రీను తనకున్న పొలంలో వరి సాగు చేశాడు. కరెంట్‌ కోతలు, లోవోల్టేజీతో మోటార్లు నడవక పొలానికి నీళ్లు పారడం లేదు. దాంతో పంటను కాపాడుకోవడానికి రూ.లక్ష ఖర్చుపెట్టి ట్రాక్టర్‌ జనరేటర్‌ను తెచ్చి నడిపిస్తున్నాడు. దీనిని నడిపించేందుకు గంటకు రెండు లీటర్ల చొప్పున డీజిల్‌ ఖర్చు అవుతోంది. రోజూ డీజిల్‌ కోసమే రూ.1500 నుంచి రూ.2వేల వరకు అవుతోందని రైతు తెలిపాడు.

సూర్యాపేట(భానుపురి) : ఉపాధి హామీ పనుల్లో కూలీలను సమీకరించి, పర్యవేక్షించే మేట్ల నియామకంలో ప్రభుత్వం కొత్త నిబంధనలు అమల్లోకి తెచ్చింది. పని ప్రదేశంలో కూలీల సంఖ్య ఆధారంగానే మేట్లను కేటాయించనున్నారు. ప్రతి 20 మంది కూలీలకు ఒక మేట్‌ను, 40 మంది వరకు ఉంటే ఇద్దరిని, అంతకంటే ఎక్కువ ఉంటే అదనంగా మేట్లను ఏర్పాటు చేయనున్నారు. ఈ మేరకు తెలంగాణ పంచాయతీరాజ్‌, గ్రామీణాభివృద్ధి శాఖ స్పష్టమైన ఆదేశాలు జారీ చేసింది. జిల్లాలో ఇలా..సూర్యాపేట జిల్లాలోని 486 గ్రామ పంచాయతీల్లో వీబీజీ రాంజీ కింద 2.63 లక్షల జాబ్‌కార్డులు ఉన్నాయి. ప్రస్తుతం జిల్లాలో 405 మంది ఫీల్డ్‌ అసిస్టెంట్లు, 3,379 మంది మేట్లు పనిచేస్తున్నారు. కొత్త నిబంధనల ప్రకారం, యాక్టివ్‌గా ఉన్న కూలీల సంఖ్యను బట్టి మేట్ల నియామకాలు జరగనున్నాయి. పెరిగిన బాధ్యతలుప్రభుత్వం తీసుకొచ్చిన నూతన మార్గదర్శకాలతో మేట్ల బాధ్యతలు మరింత పెరిగాయి. కూలీలకు పని చూపించడం, పని ప్రదేశంలో కొలతల గుర్తులు వేయడంతో పాటు ఎన్‌ఎంఎంఎస్‌ యాప్‌, భౌతిక మస్టర్‌ రోల్‌ ద్వారా ప్రతిరోజు డిజిటల్‌ హాజరు తీసుకోవాల్సి ఉంటుంది. దాంతో పాటు రోజువారి కొలతలు నమోదు చేయడం, ఫీల్డ్‌ మెజర్‌ మెంట్‌ బుక్‌ నిర్వహణ, కూలీల పని వివరాలు, పొందిన వేతనాన్ని ఉపాధి కార్డుల్లో నమోదు చేయడం చేయాల్సి ఉంటుంది. దాంతో మేట్లు ప్రభుత్వానికి, కూలీలకు మధ్య కీలక అనుసంధానకర్తగా మారనున్నారు. ఎంపిక ప్రక్రియ ఇలా..ఆండ్రాయిడ్‌ మొబైల్‌, ఇంటర్నెట్‌ సౌకర్యం ఉండి, ఎన్‌ఎంఎంఎస్‌ యాప్‌లో హాజరు నమోదు చేసే సామర్థ్యం ఉన్న కూలీలనే మేట్లుగా గుర్తించాలని ప్రభుత్వం స్పష్టం చేసింది. ప్రోగ్రామ్‌ అధికారి పరిశీలించి ఆమోదించిన తర్వాత వారిని సాఫ్ట్‌వేర్‌లో నమోదు చేసి, యాప్‌ వినియోగంపై శిక్షణ ఇస్తారు. కేంద్ర ఎస్‌వోపీ ప్రకారం.. పని స్థలంలోనే జియోట్యాగింగ్‌, సమయ నమోదుతో పాటు ఫేస్‌ అథెంటికేషన్‌ ద్వారా డిజిటల్‌ హాజరు తీసుకోవాల్సి ఉంటుంది. సాంకేతిక సమస్యల వల్ల అథెంటికేషనన్‌ విఫలమైతే నిర్దేశిత మినహాయింపు విధానాన్ని పాటిస్తారు. మస్టర్‌ రోల్‌ ముగిసిన 3 రోజుల్లోగా సాంకేతిక సిబ్బంది కొలతలు పూర్తి చేసి డిజిటల్‌గా నమోదు చేశాకే వేతనాల జాబితా రూపొందుతుంది.మహిళలకే మొదటి ప్రాధాన్యం.. మేట్ల ఎంపికలో మహిళా కూలీలకు ప్రాధాన్యం ఇవ్వనున్నారు. ఉపాధి పనుల్లో అనుభవంతో పాటు సాంకేతిక పరిజ్ఞానంపై అవగాహన ఉన్న మహిళలకు ఈ అవకాశం కల్పిస్తారు. కొత్త ఎస్‌వోపీ ప్రకారం వీరికి ప్రత్యేక ఈ–మస్టర్‌ జారీ చేసి, వేతనాన్ని నేరుగా వారి బ్యాంక్‌ ఖాతాల్లోనే జమ చేస్తారు. 20 మంది కూలీలకు ఒకరు, 40 మంది దాటితే ఇద్దరు నియామకం పని ప్రదేశంలో డిజిటల్‌ పర్యవేక్షణ ఉత్తర్వులు జారీ చేసిన పంచాయతీరాజ్‌, గ్రామీణాభివృద్ధి శాఖ వీబీజీ రాంజీలో పెరిగిన మేట్ల బాధ్యత

సూర్యాపేట : కాంగ్రెస్‌ ప్రభుత్వం ఎన్నికల మేనిఫెస్టోలో దివ్యాంగులకు ఇచ్చిన హామీలను అమలు చేయాలని వికలాంగుల సమితి రాష్ట్ర అధ్యక్షుడు షేక్‌ నయీమ్‌ డిమాండ్‌ చేశారు. సోమవారం వివిధ సంఘాల నాయకులతో కలిసి జిల్లా కేంద్రంలోని కొత్త బస్టాండ్‌ వద్ద బైఠాయించి నిరసన తెలిపారు. ఈ సందర్భంగా ఆయన మాట్లాడుతూ దివ్యాంగుల పింఛన్‌ను రూ.6 వేలకు, తీవ్ర వైకల్యం ఉన్నవారికి రూ.15వేలకు పెంచాలని, డబుల్‌ బెడ్రూం ఇళ్లు మంజూరు చేయాలని డిమాండ్‌ చేశారు. ఆర్టీసీ బస్సులో పూర్తిగా ఉచిత ప్రయాణం కల్పించాలని, ప్రభుత్వ శాఖల్లోని బ్యాక్‌లాగ్‌ పోస్టులను వెంటనే భర్తీ చేయాలని డిమాండ్‌ చేశారు. లేని పక్షంలో ఉద్యమాన్ని మరింత ఉధృతం చేస్తామని హెచ్చరించారు. కార్యక్రమంలో సంఘం నాయ కులు ఎండీ.జహీర్‌ బాబా, జయకృష్ణ, కురి నాగయ్య, నల్లగొండ నాగయ్య, ఏలె జానయ్య, వీరమల్ల యాదగిరి, ఎరుకల రవి, అఖిల్‌, ధరావత్‌ రవి, సుశీల, వీరమ్మ, అక్కమ్మ, సరిత, నాగమణి, తదితరులు పాల్గొన్నారు.

సూర్యాపేట (భానుపురి) : సూపర్‌ ఎల్‌నినో ప్రభావంతో రాబోయే రోజుల్లో నీటి లభ్యత తగ్గే అవకాశం ఉందని, రైతులు నష్టపోకుండా పంటల సాగుపై నిర్ణయం తీసుకోవాలని అదనపు కలెక్టర్‌ బి.హరిసింగ్‌ సూచించారు. సోమవారం రాష్ట్ర ఉప ముఖ్యమంత్రి మల్లు భట్టి విక్రమార్క, మంత్రులు తుమ్మల నాగేశ్వరరావు, పొన్నం ప్రభాకర్‌, ప్రభుత్వ ప్రధాన కార్యదర్శి సంజయ్‌ జాజు జిల్లాల కలెక్టర్లతో వీడియో కాన్ఫరెన్స్‌ నిర్వహించారు. ఈ సూర్యాపేట మండలం కేసారం రైతు వేదిక నుంచి అదనపు కలెక్టర్‌ వీడియో కాన్ఫరెన్‌న్స్‌లో పాల్గొన్నారు. ఈ సందర్భంగా ఆయన మాట్లాడుతూ యాసంగి 2026–27 పంటల సాగు ప్రణాళికపై దిశానిర్దేశం చేశారు. కార్యక్రమంలో ఆర్డీఓ వేణు మాధవరావు, డీఏఓ శ్రీధర్‌రెడ్డి, డీపీఓ యాదగిరి, హార్టికల్చర్‌ అధికారి నాగయ్య, డిప్యూటి తహసీల్దార్‌ లాల్‌, ఎంపీడీఓ బాలకృష్ణ, ఏఓ కృష్ణ సందీప్‌, సర్పంచ్‌ రమణ, అధికారులు పాల్గొన్నారు. అదనపు కలెక్టర్‌ బి.హరిసింగ్‌

చిలుకూరు : చిలుకూరు గ్రామానికి చెందిన అల్లి వీరబాబు అదే గ్రామానికి చెందిన రైతు వద్ద 9 ఎకరాల భూమి కౌలుకు తీసుకొని వరి సాగు చేస్తున్నాడు. ఇన్ని రోజులు పొలంలో ఉన్న రెండు బోర్లతో సాగునీటిని అందించాడు. అయితే వారం రోజుల క్రితం ట్రాన్స్‌ఫార్మర్‌ కాలిపోవడంతో నీరందక సుమారు సగం పొలం ఎండిపోయే దశకు చేరింది. చివరకు అష్టకష్టాలు పడి ట్రాన్స్‌ఫార్మర్‌ రిపేరు చేయించినా కరెంటు కోతలతో నీరందని పరిస్థితి నెలకొంది. దాంతో జనరేటర్‌ను కిరాయికి తీసుకొచ్చి బోర్లు నడిపిస్తున్నాడు. జనరేటర్‌కు రోజుకు రూ.3500 అద్దె, డీజిల్‌కు రోజుకు రూ.2500 చొప్పున రూ.6 వేలు ఖర్చు వస్తుందని రైతు తెలిపాడు. ఇప్పటికే వేల రూపాయాలు పెట్టుబడులు పెట్టినానని, తీరా పొట్ట దశకు చేరిన పొలం కళ్ల ముందే ఎండిపోతుంటే చూడలేక జనరేటర్‌ ఏర్పాటు చేసినట్లు చెప్పాడు.

తిరుమలగిరి (తుంగతుర్తి) : గ్రంథాలయాల్లో పార్ట్‌టైం వర్కర్లుగా పనిచేసే సిబ్బందికి నెలానెలా జీతాలు అందక ఇబ్బందులు పడుతున్నారు. జిల్లాలో 18 శాఖా గ్రంథాలయాలు ఉన్నాయి. ఇందులో పనిచేసే పార్ట్‌టైం వర్కర్స్‌, పార్ట్‌టైం స్వీపర్లు, ఇతర సిబ్బంది మొత్తం 35 మంది వరకు ఉంటారు. వీరికి ఆరు నెలలుగా జీతాలు అందడంలేదు. అంతేకాకుండా గ్రంథాలయాల్లో పేపర్‌, తాగునీటి, విద్యుత్‌ బిల్లులు సరైన సమయానికి విడుదల కావడం లేదు. ఉద్యోగ భద్రత లేదుశాఖా గ్రంథాలయాల్లో సిబ్బంది ఏళ్లకొద్ది పనిచేస్తున్నా ఎవరికీ పర్మినెంట్‌ కాకపోవడంతో ఉద్యోగ భద్రత లేకుండా పోయింది. 20 సంవత్సరాలకుపైగా పనిచేస్తున్నా ఏ ఒక్కరికి పర్మినెంట్‌ కాలేదని పేర్కొంటున్నారు. గ్రంథాలయాల్లో పనిచేసే ఇన్‌చార్జి లైబ్రేరియేన్లకు రూ.20 వేలు, పార్ట్‌టైం వర్కర్లకు రూ.15,600, పార్ట్‌టైం స్వీపర్లకు రూ.7000 ఇస్తున్నారు. వచ్చే కొద్దిపాటి జీతాలు ప్రతినెలా రాకపోవడంతో ఆర్థికంగా ఇబ్బందులు ఎదుర్కొంటున్నారు. వచ్చే కొద్దిపాటి జీతమైనా ఈ దసరా పండుగకై నా అందించాలని సిబ్బంది కోరుతున్నారు. గ్రంథాలయ ఉద్యోగులకు ఆరు నెలలుగా అందని జీతాలు పండుగ వరకై నా అందించాలని సిబ్బంది వేడుకోలు33 సంవత్సరాలుగా గ్రంథాలయంలో పని చేస్తున్నాను. వచ్చే కొద్దిపాటి జీతం కూడా ప్రతినెలా రావడం లేదు. ఈ నెల కూడా జీతం రాలేదు. ప్రభుత్వం స్పందించి పెండింగ్‌లో ఉన్న జీతాలు వెంటనే చెల్లించాలి. – పాలబిందెల సోమయ్య, అసిస్టెంట్‌ లైబ్రేరియన్‌, తిరుమలగిరి

కోదాడ పట్టణంలో యూజీడీ పనులను పట్టణ ప్రజలకు ఇబ్బంది లేకుండా చేపట్టాలి. తవ్విన సీసీ రోడ్లను వెంటనే పునరుద్ధరించాలి. మున్సి పల్‌ అధి కారులు, ప్రజాప్రతినిధులతో సమన్వయం చేసుకొని కాంట్రాక్టర్‌ పనులు చేయించాలి. – పొడుగు హుస్సేన్‌, పన్ను చెల్లింపుదారుల సంఘం అధ్యక్షుడు ●కోదాడ : కోదాడ పట్టణంలో కొద్దిరోజులుగా చేస్తున్న అండర్‌ గ్రౌండ్‌ డ్రెయినేజీ (యూజీడీ) పనులు అధ్వానంగా మారాయి. ప్రస్తుతం శివారు కాలనీలలో మాత్రమే పనులు జరుగుతున్నాయి. క్రమపద్ధతిలో చేయాల్సిన పనులను కాంట్రాక్టర్‌ ఇష్టానురీతిగా చేయిస్తున్నారు. ఈ పనులపై మున్సిపల్‌ అధికారులకు కనీస అవగాహన లేకపోవడంతో ఎక్కడ ఏమి జరుగుతుందో అర్థంకాని పరిస్థితి నెలకొంది. పటిష్టంగా ఉన్న సీసీ రోడ్లను అడ్డంగా తవ్వుతున్న కాంట్రాక్టర్‌ వాటిని పురుద్ధరించకుండా మట్టిని రోడ్డు మధ్యలోనే వదిలేస్తున్నాడు. దీంతో ప్రజలకు ఇబ్బందులు తప్పడం లేదు. మట్టి రోడ్లకన్నా దారుణంకోదాడ పట్టణంలో రూ.240 కోట్ల అంచనా వ్యయంతో రెండు నెలల క్రితం అండర్‌ గ్రౌండ్‌ డ్రెయినేజీ పనులు చేపట్టారు. మొదట కట్టకొమ్ముగూడెం రోడ్డులోని పెరిక హాస్టల్‌ నుంచి రెడ్‌చిల్లీ రెస్టారెంట్‌ వెనుకభాగం వరకు సీసీ రోడ్లను మధ్యలో తవ్వి డ్రెయినేజీ పైపులను అమర్చిన కాంట్రాక్టర్‌ ఆ తరువాత రోడ్డును చదును చేయకుండా వదిలేశాడు. సీసీ రోడ్డు మధ్యలో మట్టి గాడులు రావడం ఇటీవల కురిసిన వర్షానికి అది కుంగడంతో ద్విచక్రవాహనాలు రాకపోకలు సాగించలేని పరిస్థితి దాపురించింది. తవ్విన గాతులు సరిగ్గా పూడ్చక..పట్టణ పరిధిలోని గుడబండ రోడ్డులో ఉన్న గోపిరెడ్డి నగర్‌లో కొంతభాగం వరకే సీసీ రోడ్లు ఉన్నాయి. ఇటీవల ఈ కాలనీలో యూజీడీ పనులను చేసిన కాంట్రాక్టర్‌ పైపులు అమర్చిన అనంతరం గాతులను సక్రమంగా పూడ్చకపోవడంతో కాలనీ వాసులు తీవ్ర ఇబ్బందులను ఎదుర్కొంటున్నారు. మున్సిపల్‌ అధికారులకు ఫిర్యాదు చేస్తే ఆ కాంట్రాక్టర్‌ ఎక్కడ పనులు చేస్తున్నాడో ఎలా.. చేస్తున్నాడో మాకే అర్థం కావడం లేదని అంటున్నారని వారు వాపోతున్నారు. కొన్ని ప్రాంతాల్లో ఎవరి ఇంటిముందు వారే బాగు చేసుకుంటున్నామని వారు అంటున్నారు. ఎత్తుగా మ్యాన్‌హోల్స్‌పట్టణంలోని శ్రీనివాసనగర్‌లో సంత వెనుక ఇటీవల సీసీ రోడ్లను తవ్విన కాంట్రాక్టర్‌ మట్టి మొత్తాన్ని రోడ్డుమీదే వదిలేశాడు. అంతే కాకుండా పలుచోట్ల మ్యాన్‌హోల్స్‌ సీసీ రోడ్డుకన్నా ఎత్తులో, మరికొన్నిచోట్ల రోడ్డుకన్నా తక్కువగా అమర్చడంతో మున్ముందు రాకపోకలకు ఇబ్బంది ఏర్పడుతుందని పలువురు అంటున్నారు. ఈ విషయంలో ప్రజాప్రతినిధులు జోక్యం చేసుకొని ఇబ్బందులు కలగకుండా పనులు చేయించాలని కాలనీల వాసులు కోరుతున్నారు. కోదాడలో అస్తవ్యస్తంగా అండర్‌ గ్రౌండ్‌ డ్రెయినేజీ పనులు ఇష్టారీతిన సీసీ రోడ్లను తవ్విస్తున్న కాంట్రాక్టర్‌ సక్రమంగా పూడ్చకుండా వదిలేస్తున్న వైనం రాకపోకలకు తీవ్ర ఇబ్బంది పడుతున్న పట్టణవాసులు

అర్వపల్లి: జాజిరెడ్డిగూడెం మండలం తిమ్మాపురంలోని అఖండజ్యోతి స్వరూప సూర్యనారా యణస్వామి క్షేత్రంలో భక్తులు ఆదివారం ప్రత్యేక పూజలు నిర్వహించారు. తెల్లవారుజామున ఉషాపద్మిని ఛాయాసమేత సూర్యనారాయణస్వామిని ప్రత్యేకంగా అలంకరించి అభిషేకాలు జరిపారు. యజ్ఞశాలలో మహాసౌరహోమాన్ని నిర్వహించారు. అలాగే క్షేత్ర ఆవరణలోని కార్యసిద్ధి వీరహనుమాన్‌, శ్రీరామకోటి స్థూపాలను కూడా భక్తులు దర్శించుకున్నారు. స్వామి క్షేత్రానికి తరలివచ్చిన భక్తులకు తీర్థప్రసాదాలు అందజేసి అన్నప్రసాద వితరణ జరిపారు. కార్యక్రమంలో క్షేత్ర వ్యవస్థాపకులు కాకులారపు రజితజనార్దన్‌స్వామి, గణ పురం నరేష్‌, అర్చకులు భీంపాండే, అంకిత్‌పాండే, భక్తులు పాల్గొన్నారు. జ్ఞానేశ్‌ కుమార్‌ రాజీనామా చేయాలిసూర్యాపేటఅర్బన్‌ : భారత ఎన్నికల ప్రధాన కమిషనర్‌ (సీఈసీ) జ్ఞానేశ్‌ కుమార్‌ తక్షణమే తన పదవికి రాజీనామా చేయడంతోపాటు ఓటరు జాబితా సమగ్ర ప్రత్యేక సవరణ (ఎస్‌ఐఆర్‌)ను నిలిపివేయాలని సీపీఎం జిల్లా కార్యదర్శి మల్లు నాగార్జునరెడ్డి డిమాండ్‌ చేశారు. ఢిల్లీలో శాంతియుతంగా ఆందోళన చేస్తున్న వారిని అరెస్టు చేయడాన్ని నిరసిస్తూ ఆదివారం సూర్యాపేటలోని నల్లాల బావి సెంటర్‌లో సీపీఎం ఆధ్వర్యంలో కేంద్ర ప్రభుత్వ దిష్టిబొమ్మను దహనం చేసి మాట్లాడారు. ఓటరు జాబితా సమగ్ర ప్రత్యేక సవరణ ప్రక్రియలో ఎన్నికల సంఘం పూర్తి పారదర్శకత పాటించాలన్నారు. కార్యక్రమంలో సీపీఎం రాష్ట్ర కమిటీ సభ్యుడు నెమ్మాది వెంకటేశ్వర్లు, జిల్లా కార్యదర్శివర్గ సభ్యులు మట్టిపల్లి సైదులు, కోట గోపి, జిల్లా కమిటీ సభ్యులు వేల్పుల వెంకన్న, జె.నరసింహారావు, మద్దెల జ్యోతి, ప్రజాసంఘాల నాయకులు మడ్డి అంజిబాబు, మల్లయ్య, వెంకన్న, పాషా, లింగయ్య తదితరులు పాల్గొన్నారు.

మఠంపల్లి: మట్టపల్లిలోని శ్రీరాజ్యలక్ష్మీ చెంచులక్ష్మీ సహిత భక్తప్రహ్లాద యోగానంద శ్రీలక్ష్మీనరసింహస్వామి క్షేత్రంలో నాలుగు రోజులుగా నిర్వహిస్తున్న పవిత్రోత్సవాలు ఆదివారంతో ముగిశాయి. చివరి రోజు ఆలయ అర్చకులు, ధర్మకర్తలు సమక్షంలో పవిత్ర విసర్జనోత్సవాన్ని వైభవంగా నిర్వహించారు. ముందుగా యాజ్ఞీకులు బొర్రా వెంకటవాసుదేవాచార్యులు ఆధ్వర్యంలో శ్రీస్వామి వారికి వైఖానస శాస్త్రానుసారంగా అగ్నిరాధనలు, పూర్ణాహుతి కార్యక్రమాలను వేదమంత్రాలతో చేపట్టారు. అనంతరం సప్తదశ కుంభారోపణం, మహాశాంతి హోమం, శాంతికల్యాణ మహోత్సవం, ఆచార్యాది సన్మాన కార్యక్రమాలు నిర్వహించారు. నీరాజనమంత్ర పుష్పాలతో భక్తులకు తీర్థప్రసాద వినియోగములు గావించారు. రెండు తెలుగు రాష్ట్రాల నుంచి తరలివచ్చిన భక్తులకు ఎలాంటి లోటుపాట్లు లేకుండా ఆలయ నిర్వాహకులు వసతులు కల్పించారు. ఈ కార్యక్రమంలో ఆలయ అనువంశిక ధర్మకర్తలు చెన్నూరు మట్టపల్లిరావు, విజయ్‌కుమార్‌, ఈఓ తుమ్మల వెంకటాచలపతిరావు, తూమాటి శ్రీనివాసాచార్యులు, కృష్ణమాచార్యులు, రామాచార్యులు, బ్రహ్మాచార్యులు, అద్దేపల్లి లక్ష్మణాచార్యులు, పద్మనాభాచార్యులు, బదరీ నారాయణాచార్యులు, లక్ష్మీనరసింహమూర్తి, ఫణిభూషణ మంగాచార్యులు, ఆంజనేయాచార్యులు, వంశీకృష్ణమాచార్యులు, సాయికుమారాచార్యులు, ఆలయ సిబ్బంది, భక్తులు పాల్గొన్నారు. మట్టపల్లిలో చివరి రోజు వైభవంగా పవిత్ర విసర్జనోత్సవం

సాగర్‌ జల విద్యుత్‌ ఉత్పత్తి వివరాలు (మి.యూ) సంవత్సరం లక్ష్యం ఉత్పత్తి 2020–21 1248 2262.68 2021–22 1535 2262.62 2022–23 1500 2355.63 2023–24 1400 540.83 2024–25 1400 1922 2025–26 1459 2572.04 2026–27 1500 425.92 (అక్టోబర్‌ 9 వరకు) నాగార్జునసాగర్‌: ఎలినినో ప్రభావంతో వర్షాలు ముఖం చాటు చేయడం.. ఎగువ ప్రాంతాల నుంచి వరద చేరకపోవడంతో నాగార్జునసాగర్‌ జలాశయంలో నీటి లభ్యత తగ్గి విద్యుదుత్పత్తిపై తీవ్ర ప్రభావం పడింది. సాధారణంగా వర్షాకాలంలో కళకళలాడాల్సిన సాగర్‌ జలాశయం ఈసారి ఆశించిన స్థాయిలో నిండకపోవడంతో ప్రధాన జలవిద్యుత్‌ కేంద్రంలో ఉత్పత్తి ఆశాజనకంగా లేదు. నీటికొరత కారణంగా విద్యుత్‌ ఉత్పత్తి కోసం రివర్స్‌ పంపులపై ఆధారపడాల్సిన పరిస్థితి నెలకొన్నది. జలవిద్యుత్‌ కేంద్రంలో ఈ ఏడాది విద్యుత్‌ ఉత్పత్తి గణనీయంగా తగ్గింది. వర్షాలు కురసి ఎగువ నుంచి వరద ప్రవాహాలు వచ్చి జలాశయంలో నీటిమట్టం పెరిగితేనే టర్బైన్ల ద్వారా పూర్తి స్థాయిలో విద్యుత్‌ ఉత్పత్తి చేయడానికి అవకాశం ఉంటుంది. జలాశయంలో నీరు లేనందున ఇప్పటి వరకు కేవలం 425.92 మిలియన్‌ యూనిట్లు మాత్రమే ఉత్పత్తి అయినట్లు గణాంకాలు వెల్లడిస్తున్నాయి. వార్షిక లక్ష్యం1,500 మిలియన్‌ యూనిట్లుగా ఉండగా ఇప్పటి వరకు సాధించిన ఉత్పత్తి దానితో పోలిస్తే చాలా తక్కువగా ఉంది. గత ఏడాది మాత్రం లక్ష్యానికి మించి విద్యుత్‌ ఉత్పత్తి జరిగింది. ఎడమ కాల్వపై ఆగిన ఉత్పత్తి ఎడమ కాల్వకు నీటిని విడుదల చేస్తున్నప్పటికీ.. విద్యుత్‌ ఉత్పత్తి కేంఽద్రం ద్వారా నీటిని విడుదల చేసే పరిస్థితి లేదు. జలాశయంలో తగినంత నీటిమట్టం ఉంటేనే నీటి వత్తిడితో టర్బైన్లు తిరిగి విద్యుత్‌ ఉత్పత్తి జరుగుతుంది. ప్రస్తుతం జలాశయం నీటిమట్టం 540 అడుగులకు మించి పెరగకపోవడంతో ప్రధాన విద్యుత్‌ ఉత్పాదన జరగడం లేదు. ఎడమ కాల్వకు నీటి అవసరాల మేరకు నేరుగా నీటిని విడుదల చేస్తున్నారు. ఎగువ ప్రాంతాల్లో విస్తారంగా వర్షాలు కురిసి జలాశయంలో నీటి నిల్వలు పెరిగితేనే మళ్లీ విద్యుదుత్పత్తి ఊపందకు కునే అవకాశముంది.ఫ ఈ వర్షాకాలంలో జలవిద్యుత్‌ ఉత్పత్తి అంతంతే.. ఫ వరద జలాలు రాక.. రివర్స్‌ పంపులపైనే ఆధారం

మునగాల, చిలుకూరు : పట్టభద్రుల ఎమ్మెల్సీ ఎన్నికల్లో కాంగ్రెస్‌ పార్టీకి తగిన బుద్ధిచెప్పాలని కోదాడ మాజీ ఎమ్మెల్యే బొల్లం మల్లయ్య యాదవ్‌ బీఆర్‌ఎస్‌ కార్యకర్తలకు పిలుపునిచ్చారు. పట్టభద్రుల ఓటరు నమోదుపై ఆదివారం మునగాల, చిలుకూరులో నిర్వహించిన అవగాహన సదస్సుల్లో ఆయన మాట్లాడారు. కాంగ్రెస్‌ ప్రభుత్వం ప్రజలకు ఇచ్చిన హామీల అమలులో పూర్తిగా విఫలమైందని ఆరోపించారు. నిరుద్యోగ యువతకు మేలు జరగాలంటే బీఆర్‌ఎస్‌ పార్టీ అభ్యర్థిని గెలిపించాలన్నారు. బీఆర్‌ఎస్‌ నాయకులు అలసత్వం ప్రదర్శించకుండా గ్రామాలు, పట్టణాల్లో వార్డుల వారీగా అర్హులైన పట్టభద్రులను గుర్తించి ఓటరుగా నమోదు చేయించే కార్యక్రమాన్ని వేగవంతం చేయాలని కోరారు. గ్రాడ్యుయేషన్‌ ఎమ్మెల్సీ ఓటుకు అర్హత కలిగిన ప్రతిఒక్కరూ దరఖాస్తు చేసుకోవాలన్నారు. ఈ సదస్సుల్లో బీఆర్‌ఎస్‌ పార్టీ మునగాల మండల నాయకులతోపాటు చిలుకూరులో బీఆర్‌ఎస్‌ పార్టీ మండల అధ్యక్షుడు అక్కినపల్లి జానకిరామాచారి, సర్పంచ్‌ వీరబాబు, ఉప సర్పంచ్‌ బెల్లంకొండ నాగయ్య, మాజీ జెడ్పీటీసీ భట్టు శివాజీనాయక్‌, మాజీ ఎంపీపీ కొండా అన్నపూర్ణ, మండల నాయకులు తాళ్లూరి శ్రీను, అంబాల వెంకటి, షేక్‌ పాషా, బానోతు వాసు, అమరగాని లింగరాజు, మాధవరపు శ్రీను, మేకపోతుల శ్రీను, తిపిరిశెట్టి కిరణ్‌ తదితరులు పాల్గొన్నారు. కోదాడ మాజీ ఎమ్మెల్యే బొల్లం మల్లయ్య యాదవ్‌

సూర్యాపేట : బుల్లెట్‌ రైలు సాధన దీక్షలో అన్ని వర్గాల ప్రజలు భాగస్వాములు కావా లని సూర్యాపేట మార్కె ట్‌ కమిటీ మాజీ చైర్మన్‌ పెద్దిరెడ్డి రాజా పిలుపునిచ్చారు. సూర్యాపేట పట్టణంలోని ఆది వారం 59వ రోజు కొనసాగిన బుల్లెట్‌ రైలు సాధన రిలే నిరాహార దీక్షలో బుల్లెట్‌ రైలు సాధన కమిటీ సభ్యులు, సామాజిక ఉద్యమకారులు, వివిధ పార్టీల నేతలు కూర్చున్నారు. దీక్షకు ఆయన మద్దతు తెలిపి మాట్లాడారు. కేంద్ర ప్రభుత్వం నిర్ణయించిన బుల్లెట్‌ రైలు, రైల్వే కారిడార్‌ మొదటి అలైన్‌మెంట్‌ను మార్చే కుట్రలను తిప్పికొట్టేందుకు ఉద్యమాన్ని ఉధృతం చేద్దామన్నారు. ఈ దీక్షలో వెలుగు వనిత, చల్లమల్ల నర్సింహ యార్కచర్ల శోభారాణి, బయ్య మల్లికార్జున్‌, వాసుదేవరావు,సట్టు నాగయ్య, రవి, పద్మ కూర్చోగా రమణాచారి, ధర్మార్జున్‌ తదితరులు సంఘీభావం తెలిపారు.

రికవరీల్లో గోల్‌మాల్‌.. సెటిల్మెంట్లలో ఏకపక్షం ఫ నార్కట్‌పల్లి బంగారం రికవరీ కేసుతో పలువురు పోలీసుల అక్రమాలు వెలుగులోకి.. ఫ కానిస్టేబుళ్లే కాదు.. ఎస్‌ఐలు, సీఐలు, డీఎస్పీలకూ అవినీతి మరక ఫ ఏసీబీ కేసులు నమోదైనా.. అటాచ్‌ చేసినా మారని వైఖరి! ఫ ఉమ్మడి జిల్లాలో దారి తప్పుతున్న కొందరు పోలీసులు సాక్షి ప్రతినిధి, నల్లగొండ : నార్కట్‌పల్లి బంగారం రికవరీలో పోలీసు అధికారుల పాత్ర ఉన్నట్లు ప్రాథమికంగా నిర్ధారణ కావడం జిల్లాలో చర్చనీయాంశంగా మారింది. రికవరీ చేసిన బంగారానికి, చూపించిన దానికి మధ్య దాదాపు 18 తులాల వ్యత్యాసం ఉన్నట్లు ఆరోపణలు రావడంతో పోలీసులపై ఉన్న అవినీతి అక్రమాల చర్చ తెరపైకి వచ్చింది. ఉమ్మడి జిల్లాలో వివిధ ప్రాంతాల్లోనూ పోలీసుల వ్యవహారశైలిపై గతంలో వచ్చిన పలు ఫిర్యాదులు, ఆరోపణలు ఇప్పుడు వెలుగులోకి వచ్చాయి. లంచం డిమాండ్‌, విధుల్లో నిర్లక్ష్యం, భూ వివాదాల్లో ఏకపక్ష వైఖరి ఇలా వివిధ అంశాలు పోలీసు శాఖ పనితీరుపై ప్రశ్నలు లేవనెత్తుతున్నాయి. నల్లగొండలో ఏకపక్షంగా వ్యవహార శైలి నిడమనూరు మండలం వెనిగండ్లలో భూమిని ఆక్రమించిన వారికి అండగా ఉంటూ, బాధితులైన ఎస్సీలపైనే పోలీసులు కేసు నమోదు చేశారు. దీనిపై బాధితులు ఎస్సీ, ఎస్టీ కమిషన్‌ చైర్మన్‌కు ఫిర్యాదు చేశారు. 2025లో గ్రామ పంచాయతీ ఎన్నికల సమయంలో నిడమనూరు మండలంలోని సోమోరిగూడెంలో జరిగిన ఘర్షణ సందర్భంగా ఒక వర్గం నాయకులతో పాటు ముగ్గురు బాలింతలు సహా మొత్తం 38 మందిపై కేసు నమోదు చేయడం వివాదంగా మారింది. గతంలో చండూరు పోలీస్‌స్టేషన్‌లో ఎస్‌ఐ వెంకన్న తాస్కానిగూడేనికి చెందిన అన్నదమ్ముల మధ్య భూ తగాదాలో తమ్ముడిని స్టేషన్‌కి పిలిచి కొట్టిన ఘటన చర్చనీయాంశంగా మారింది. చండూరు మున్సిపల్‌ ఎన్నికల తరువాత రెండు వర్గాల మధ్య జరిగిన గొడవలో ప్రస్తుత ఎస్‌ఐ శివకుమార్‌ ఏకపక్షంగా వ్యవహరించి కేసులు నమోదు చేశారు. అందులో బెయిల్‌పై వచ్చిన ఒక వ్యక్తిని మళ్లీ స్టేషన్‌కు రమ్మంటూ బెదిరింపులకు పాల్పడ్డట్లు ఆరోపణలు వచ్చాయి. దీనిపై పోలీస్‌స్టేషన్‌ ముందు కాంగ్రెస్‌ ఆధ్వర్యంలో ధర్నా నిర్వహించారు. నాంపల్లిలో గతంలో ఎస్‌ఐగా పనిచేసిన శోభన్‌బాబు అధికార పార్టీ జెడ్పీటీసీ సభ్యుడితో బహిరంగంగానే భూవివాదంలో గొడవ పడ్డారు. నాంపలికి చెందిన యువకుడి వ్యక్తిగత పంచాయితీలో అనుకూలంగా వ్యవహరించడం, ఓ పాపను విక్రయానికి పెట్టిన వారిపై కేసు నమోదు చేయకుండా నిర్లక్ష్యంగా వ్యవహరించినట్లు ఆరోపణలు రావడంతో ఎస్‌ఐని ఎస్పీ కార్యాలయానికి అటాచ్‌ చేశారు. సూర్యాపేటలో కానిస్టేబుళ్ల నుంచి ఉన్నతాధికారుల వరకు.. 2025 జనవరిలో తిరుమలగిరి పోలీస్‌స్టేషన్‌లో ఎస్‌ఐ ఉక్కుర్తి సురేశ్‌, కానిస్టేబుల్‌ నాగరాజు లంచం కేసులో ఏసీబీకి పట్టుబడ్డారు. ఓ కేసులో రూ.3 లక్షలు డిమాండ్‌ చేసినట్లు ఆరోపణలు రాగా, రూ.1.40 లక్షలు ఫోన్‌పే, ఇతర మార్గాల్లో తీసుకున్నట్లు ఏసీబీ గుర్తించింది. 2025 మేలో సూర్యాపేట డీఎస్పీ కె.పార్థసారథి, పట్టణ సీఐ పి.వీరరాఘవులు లంచం డిమాండ్‌ చేశారనే విషయంలో ఏసీబీ ఆరెస్టు చేసింది. 2024 డిసెంబర్‌లో మఠంపల్లి ఎస్‌ఐ రామాంజనేయులుపై ఓ మహిళను వేధించారనే ఆరోపణలతో పాటు, ఎన్నారైకి చెందిన కారును తీసుకొని తిరిగి ఇవ్వకుండా బెదిరించారనే ఫిర్యాదులు రావడంతో అతన్ని సస్పెండ్‌ చేశారు. 2025 మార్చిలో నూతనకల్‌ మండలం మిర్యాల కు చెందిన ఓ హత్య కేసులో కుటుంబ సభ్యులు ముందుగానే ప్రాణహాని ఉందని ఫిర్యాదు చేసినా తగిన చర్యలు తీసుకోలేదని ఆరోపణలు వచ్చాయి. దీంతో డీఎస్పీ జి.రవికుమార్‌పై బదిలీ వేటు పడగా.. తుంగతుర్తి సీఐ శ్రీను నాయక్‌ను ఐజీ కార్యాలయానికి అటాచ్‌ చేసి, ఎస్‌ఐ మహేంద్రనాథ్‌కు చార్జిమెమో ఇచ్చారు. 2025 నవంబర్‌లో కోదాడకు చెందిన కర్ల రాజేశ్‌ మృతి వ్యవహారంలో పోలీసుల అదుపులో అక్రమ నిర్బంధం, చిత్రహింసలకు గురిచేశారంటూ కుటుంబ సభ్యులు ఆరోపించారు. ఈ కేసులో కోదాడ రూరల్‌ సీఐ ప్రతాప్‌ లింగంను సస్పెండ్‌ చేసి, చిలుకూరు ఎస్‌ఐ సురేశ్‌రెడ్డిని ఎస్పీ కార్యాలయానికి అటాచ్‌ చేశారు. 2025లో అర్వపల్లి ఎస్‌ఐ ఈట సైదులుపై విధుల్లో నిర్లక్ష్యం, రికార్డుల నిర్వహణలో లోపాలు, ఫిర్యాదుల స్వీకరణలో అలసత్వం వంటి ఆరోపణల నేపథ్యంలో సస్పెండ్‌ చేశారు. ఫ యాదగిరిగుట్ట మండలం సైదాపురంలో వినాయక శోభాయాత్ర సందర్భంగా డీజేలో కేసీఆర్‌ పాట పెట్టుకున్నప్పుడు పోలీసులు పాటను ఆపి డీజే పరికరాలను తీసుకెళ్లారని, గ్రామానికి చెందిన కొందరు యువకులు ఆరోపించారు. మరుసటి రోజు ఆ యువకులను స్టేషన్‌న్‌కు పిలిపించి గుంజీలు తీయించడంతోపాటు సీఐ తమపై చేయి చేసుకున్నారని పూలేపాక మహేశ్‌ ెఎస్పీకి ఫిర్యాదు చేశారు. ఫ యాదగిరిగుట్ట పట్టణంలో లాడ్జి నిర్వాహకులను బెదిరించారనే ఆరోపణలతో గతంలో సీఐపై డీసీపీకి ఫిర్యాదు చేసినట్లు తెలిసింది. ఫ యాదగిరిగుట్ట మండలంలోని ఓ ప్రముఖ పరిశ్రమ నుంచి డబ్బులు డిమాండ్‌ చేశారనే ఆరోపణలతో ఏసీపీపై కూడా పలువురు డీసీపీకి ఫిర్యాదు చేసినట్లు తెలిసింది. ఫ ఆత్మకూరు(ఎం) మండలం సిద్దాపురంలోనూ భూ హద్దులు, బాట పంచాయితీ వివాదానికి సంబంధించి ఏనుగు గౌతంరెడ్డి పోలీసులను ఆశ్రయించారు. అయితే తన ఫిర్యాదుపై కేసు నమోదు చేయకుండా నిర్లక్ష్యం వహించడంతోపాటు తనపైనే కేసు నమోదు చేశారని గౌతంరెడ్డి ఆరోపించారు.

ఒక్కేసి పువ్వేసి చందమామఓపెన్‌ యూనివర్సిటీ అడ్మిషన్ల గడువు పెంపు సూర్యాపేటటౌన్‌ : డాక్టర్‌ బీఆర్‌.అంబేద్కర్‌ ఓపెన్‌ యూనివర్సిటీ అడ్మిషన్ల గడువు ఈనెల 13వ తేదీ వరకు పొడిగించినట్టు విద్యార్థి సేవ విభాగం డైరెక్టర్‌, డాక్టర్‌ వై.వెంకటేశ్వర్లు, సూర్యాపేట ఎస్వీ డిగ్రీ కళాశాల ప్రిన్సిపాల్‌ వెంకటేషులు శనివారం ఒక ప్రకటనలో తెలిపారు. 2026 27 విద్యా సంవత్సరానికి బీఏ, బీకాం, బీఎస్సీ, ఎంఏ, ఎం కామ్‌ విభా గాలలో విద్యార్థులు అడ్మిషన్లు పొందవచ్చని తెలిపారు. ఇంటర్‌ పాసైన విద్యార్థులు ఈ అవకాశాన్ని సద్వినియోగం చేసుకోవాలని సూచించారు. పూర్తి వివరాలకు సెల్‌ : 9440194909, 8106089325, 9441561429 నంబర్లను కానీ నేరుగు కళాశాలలోని సంబంధిత కార్యాలయంలో సంప్రదించాలని కోరారు. సూర్యాపేటటౌన్‌ : సూర్యాపేట జిల్లా ఏర్పాటై పదేళ్లు పూర్తయిన సందర్భంగా బీఆర్‌ఎస్‌ శ్రేణులు శనివారం జిల్లా కేంద్రంలో దశాబ్ది ఉత్సవాలను ఘనంగా నిర్వహించాయి. జిల్లా ఏర్పాటు చేసిన మాజీ ముఖ్యమంత్రి కేసీఆర్‌కు కృతజ్ఞతలు తెలుపుతూ నాలుగు నియోజకవర్గాల నుంచి హాజరైన ఆ పార్టీ కార్యకర్తలు, యువత సద్దుల చెరువు నుంచి కొత్త బస్టాండ్‌ వరకు రెండు కిలోమీటర్ల మేర 2కే రన్‌ నిర్వహించారు. ఈ సందర్భంగా మాజీ ఎమ్మెల్యేలు డాక్టర్‌ గాదరి కిషోర్‌, బొల్లం మల్లయ్యయాదవ్‌, మాజీ ఎంపీ బడుగుల లింగయ్యయాదవ్‌, జెడ్పీమాజీ చైర్‌పర్సన్‌ గుజ్జ దీపిక, హుజూర్‌నగర్‌ నియోజకవర్గ ఇన్‌చార్జి ఒంటెద్దు నరసింహారెడ్డి మాట్లాడారు. కార్యక్రమంలో వె.వి, నిమ్మల శ్రీనివాస్‌గౌడ్‌, వెంకటనారాయణగౌడ్‌, నంద్యాల దయాకర్‌రెడ్డి, యుగేందర్‌రావు, నాగార్జున, గండూరి ప్రకాష్‌, అన్నపూర్ణ, ఆకుల లవకుశ తదితరులు పాల్గొన్నారు. ఫ మాజీ ఎమ్మెల్యేలు గాదరి కిషోర్‌, బొల్లం మల్లయ్య యాదవ్‌ ఫ జిల్లా కేంద్రంలో బీఆర్‌ఎస్‌ ఆధ్వర్యంలో 2కే రన్‌

సూర్యాపేటటౌన్‌ : కేసుల దర్యాప్తును ప్రణాళికాబద్ధంగా చేపట్టి, బాధితులకు సత్వర న్యాయం అందించాలని ఎస్పీ కె.నరసింహ పోలీసు అధికారులను ఆదేశించారు. శనివారం సూర్యాపేటలోని జిల్లా పోలీసు కార్యాలయం నుంచి వీడియో కాన్ఫరెన్స్‌ ద్వారా పోలీసు అధికారులతో ఆయన సమీక్షించారు. ఈ సమావేశంలో డీసీఆర్బీ డీఎస్పీ రవి, సూర్యాపేట డీఎస్పీ ప్రసన్నకుమార్‌, సీఐలు, ఎస్‌ఐలు, కోర్టు డ్యూటీ సిబ్బంది, పోలీస్‌ స్టేషన్ల రైటర్లు పాల్గొన్నారు. దేవీశరన్నవరాత్రి ఉత్సవాల్లో జాగ్రత్తలు పాటించాలి దేవీశరన్నవరాత్రి ఉత్సవాల్లో ఎలాంటి అవాంఛనీయ సంఘటనలు జరగకుండా మండపాల నిర్వాహకులు, ఉత్సవ కమిటీ సభ్యులు పోలీసుల నిబంధనలు ప్రకారం తప్పనిసరిగా జాగ్రత్తలు పాటించాలని ఎస్పీ కె.నరసింహ శనివారం ఒక ప్రకటనలో తెలిపారు. మండపాల వివరాలు, నిమజ్జనం తేదీ, వెళ్లే మార్గం వివరాలను పోలీసులకు తెలియజేయాలని, నిర్వాహకులు పోలీస్‌ సిబ్బంది ఫోన్‌ నంబర్లను అందుబాటులో ఉంచుకోవాలని పేర్కొన్నారు.

భార్యను కొట్టిచంపిన భర్త, వేధింపులకు గురిచేసిన అత్తను పోలీసులు అరెస్ట్‌ చేసి రిమాండ్‌కు తరలించారు. - IIలోసూర్యాపేట జిల్లా ఆర్థిక వ్యవస్థలో వ్యవసాయం కీలక పాత్ర పోషిస్తోంది. నాగార్జునసాగర్‌ కాల్వల కింద 2,29,961 ఎకరాల ఆయకట్టు ఉంది. ఎస్‌ఆర్‌ఎస్‌పీ రెండో దశ కాల్వల కింద 2,13,175 ఎకరాలు, నాగార్జునసాగర్‌ ఎత్తిపోతల పథకాల కింద 38,422 ఎకరాలు, మూసీ ప్రాజెక్టు కింద 15,230 ఎకరాల ఆయకట్టు ఉంది. చెరువులు, ఇతర ఎత్తిపోతల పథకాల ఆయకట్టును కలిపితే మొత్తం ఆయకట్టు 6,20,886 ఎకరాలుగా నమోదైంది. వరి సాగు, ధాన్యం ఉత్పత్తిలో జిల్లా ప్రాధాన్యం కొనసాగుతోంది. వ్యవసాయ మార్కెట్‌ యార్డు రైతులు, వ్యాపారులకు ప్రధాన వాణిజ్య కేంద్రంగా సేవలందిస్తోంది.

సూర్యాపేట అర్బన్‌ : ఓటరు జాబితా ప్రత్యేక సమగ్ర సర్వే (ఎస్‌ఐఆర్‌)ను రద్దుచేయాలని పీడీఎస్‌యూ రాష్ట్ర ప్రధాన కార్యదర్శి పొడపంగి నాగరాజు డిమాండ్‌ చేశారు. సర్‌ పేరుతో ఓటర్లను తొలగించడాన్ని ఖండిస్తూ ఆ సంఘం జిల్లా కమిటీ ఆధ్వర్యంలో సూర్యాపేట లోని 100 ఫీట్ల రోడ్డు నుంచి ఎన్‌హెచ్‌–65 వరకు నిరసన ర్యాలీ నిర్వహించారు. ఈ సందర్భంగా ఆయన మాట్లాడుతూ దేశవ్యాప్తంగా తొలగించిన ఓట్లకు బాధ్యత వహిస్తూ భారత చీఫ్‌ ఎలక్షన్‌ కమిషనర్‌ జ్ఞానేశ్‌ కుమార్‌ రాజీనామా చేయాలన్నారు. ఈ కార్యక్రమంలో పీడీఎస్‌యూ జిల్లా అధ్యక్షుడు పుల్లూరి సింహాద్రి, నాయకులు ప్రవీణ్‌, వినయ్‌, మహేష్‌, నవీన్‌, రాజు, పవన్‌, ప్రశాంత్‌, కిషోర్‌, భార్గవ్‌, రాజు తదితరులు పాల్గొన్నారు.

సూర్యాపేట జిల్లా అయిన తర్వాత జిల్లా కేంద్రం పరిసర ప్రాంతాలు అనూహ్యంగా అభివృద్ధి చెందాయి. స్టేడియాలు, గురుకులాలు ఇంకా పట్టణ ప్రజలకు పార్కులు ఉండాల్సిన స్థాయిలో లేవు. కవులు, కళాకారులకు ఒక వేదికగా ఉండాల్సిన మినీ రవీంద్ర భారతి వంటి కమ్యూనిటీ హాల్‌ ఒక కలగానే మిగిలిపోయింది. – పెద్దిరెడ్డి గణేష్‌, బ్యాంకింగ్‌ రంగనిపుణుడు పాలన వికేంద్రీకరణ జరిగినప్పుడే ప్రజలకు అధికారులు అందుబాటులోకి వస్తారు. కొత్త జిల్లాల ఏర్పాటుతో అతి సా ధ్యమైంది. ఉన్నతాధికారులకు సామాన్యులు తమ సమస్యలను విన్నవించుకోవడానికి వీ లుపడుతుంది. చిన్న జిల్లాలు కావడంతో ఉన్నతాధికారులకు జిల్లాలోని అన్ని ప్రాంతాలపై అవగాహన ఏర్పడుతుంది. అన్ని ప్రభుత్వ కార్యాలయాలు ఏర్పాటు కాకపోవడం కొంత లోటు కనిపిస్తుంది. – బడుగుల సైదులు, సామాజిక విశ్లేషకుడు

దేవీ శరన్నవరాత్రి శోభ దేవీ శరన్నవరాత్రోత్సవాల నిర్వహణకు దేవస్థానాలు, పల్లెలు, పట్టణాల్లోని మండపాలు ముస్తాబయ్యాయి. మట్టపల్లిలో పవిత్రారోపణం మట్టపల్లి లక్ష్మీనరసింహస్వామి ఆలయ పవిత్రోత్సవాల్లో భాగంగా శనివారం పవిత్రారోపణం నిర్వహించారు. - IIలోపాలనా సౌలభ్యానికి.. సూర్యాపేట జిల్లా కేంద్రంగా మారడమే కాక ప్రజల ఆకాంక్ష మేరకు 18 మండలాలుగా ఏర్పడిన జిల్లాలో పాలన సౌలభ్యం కోసం మద్దిరాల, నాగారం, చింతలపాలెం, పాలకవీడు, అనంతగిరి కొత్త మండలాలు ఆవిర్భవించాయి. మొత్తం 23 మండలాలు, 3 రెవెన్యూ డివిజన్‌లు, 323 గ్రామం పంచాయతీలతో ఏర్పడిన జిల్లా 2018లో తెచ్చిన నూతన పంచాయతీ రాజ్‌ చట్టం ప్రకారం గ్రామ పంచాయతీల సంఖ్య 475కు చేరింది. అనంతరం మరో 11 గ్రామ పంచాయతీలు ఏర్పాటు కాగా ప్రస్తుతం జిల్లాలో మొత్తం 486 గ్రామ పంచాయతీలయ్యాయి. జిల్లా ఏర్పడిన సమయంలో ఉన్న విద్యా వ్యవస్థకు, నేటి పరిస్థితులకు మధ్య చాలా మార్పులు చోటుచేసుకున్నాయి. పేద విద్యార్థులు ఉన్నత చదువుల కోసం గురుకులాలు ఏర్పాటు చేశారు. మన ఊరు–మన బడి, అమ్మ ఆదర్శ పాఠశాల పథకాలతో ప్రభుత్వం పాఠశాలలను అభివృద్ధి చేసింది. జిల్లాలో మొత్తం 1,210 పాఠశాలలు ఉండగా వీటిలో సుమారు 1.24 లక్షల మంది విద్యార్థులు చదువుతున్నారు. ఉన్నత విద్య, వృత్తి విద్య, వైద్య విద్య వంటి రంగాల్లో అవకాశాలను విస్తరించడం జిల్లాలో మానవ వనరుల అభివృద్ధికి కీలకం కానుంది. అలాగే నవోదయ విద్యాలయం, ఇంటిగ్రేటెడ్‌ పాఠశాలలను జిల్లాకు వచ్చాయి. దశాబ్ద కాలం.. మారిన స్వరూపంఫ మైలురాళ్లుగా కలెక్టరేట్‌, మెడికల్‌ కళాశాల నిర్మాణం ఫ వైద్య విద్యకు ఊతం.. సాగులో ముందంజ ఫ కొత్త మండలాలు, గ్రామ పంచాయతీల ఏర్పాటు ఫ జిల్లా ఏర్పడి నేటితో పది వసంతాలు

సూర్యాపేట : తెలంగాణ సాయుధ పోరాటాలు, భూస్వామ్య ఉద్యమాల చరిత్ర కలిగిన సూర్యాపేటకు కేంద్ర ప్రభుత్వం మంజూరు చేసిన బుల్లెట్‌ రైలు మళ్లింపు కుట్రలను ప్రజలు ఐకమత్యంగా తిప్పికొట్టాలని తెలంగాణ రక్షణ సేన రాష్ట్ర నాయకుడు సయ్యద్‌ ఇస్మాయిల్‌, జిల్లా అధ్యక్షురాలు కృష్ణవేణి పిలుపునిచ్చారు. బుల్లెట్‌ రైలు సాధన ఆధ్వర్యంలో చేపడుతున్న రిలే నిరాహార దీక్షలో గురువారం సీపీఐ ఎంఎల్‌ న్యూ డెమోక్రసీ జిల్లా కమిటీ ఆధ్వర్యంలో ఆయన పాల్గొని వారికి సంఘీభావం తెలిపారు. ఈ సందర్భంగా ఇస్మాయిల్‌ మాట్లాడుతూ.. బుల్లెట్‌ రైలు జాతీయ రహదారి 65 సూర్యాపేట మీదుగా వెళ్లే విధంగా ప్రధాన పార్టీలు తీర్మానాలు చేయించాలన్నారు. కార్యక్రమంలో సీపీఐ ఎంఎల్‌ న్యూ డెమోక్రసీ జిల్లా కార్యదర్శి డేవిడ్‌ కుమార్‌, కురుకుంట్ల సైదులు, నాగయ్య, దుర్గయ్య, నర్సిరెడ్డి, సింహాద్రి నర్సక్క, ప్రవీణ్‌, శ్రీప్రియ, కిరణ్‌ శ్రీహాన్‌, చలమల్ల నరసింహ, భూపతి రాములు, వనిత, నాగయ్య, మల్లికార్జున్‌ తదితరులు పాల్గొన్నారు.

రామగిరి(నల్లగొండ): తెలంగాణ రాష్ట్ర రోడ్డు రవాణా సంస్థ (టీజీ ఆర్టీసీ) గుర్తింపు యూనియన్‌ ఎన్నికలు ఉమ్మడి జిల్లాలో శుక్రవారం జరగనున్నాయి. ఉదయం 5 గంటలకు పోలింగ్‌ ప్రారంభమై సాయంత్రం 6 గంటల వరకు కొనసాగనుంది. పోలింగ్‌ ముగిసిన వెంటనే ఓట్ల లెక్కింపు చేపట్టి రాత్రి వరకు ఫలితాలు వెల్లడించేందుకు ఆర్టీసీ యాజమాన్యం అన్ని ఏర్పాట్లు పూర్తి చేసింది. ఈ నేపథ్యంలో కార్మికులంతా తమ ఓటు హక్కును వినియోగించుకునేందుకు సిద్ధమయ్యారు. 9 మంది అభ్యర్థుల మధ్య గట్టి పోటీ.. ఈ విడత గుర్తింపు ఎన్నికల్లో మొత్తం 12 యూనియన్లు పరోక్షంగా, ప్రత్యక్షంగా భాగస్వామ్యం అవుతున్నాయి. ఉమ్మడి నల్లగొండ రీజియన్‌ స్థాయిలో ప్రాతినిధ్యం వహించడానికి 9 మంది అభ్యర్థులు బరిలో నిలిచారు. క్షేత్రస్థాయిలో ప్రధాన కూటముల మధ్య తీవ్రమైన పోటీ నెలకొంది. ప్రతి ఒక్క ఓటరును నేరుగా కలిసి ప్రచారం ముగించిన నేతలు తమదే గెలుపని ధీమాతో ఉన్నారు. దసరా వేళ.. దసరా, బతుకమ్మ పండుగల రద్దీ నెలకొననున్న సమయంలో ఎన్నికలు నిర్వహించడం ఆర్టీసీ యాజమాన్యానికి పెద్ద పరీక్షగా మారింది. ఈ నేపథ్యంలో ప్రయాణికులకు ఎలాంటి ఇబ్బంది కలగకుండా ప్రత్యేక ఏర్పాట్లు చేశామని అధికారులు తెలిపారు. ఫలితంపై తీవ్ర ఉత్కంఠ సాయంత్రం 6 గంటలకు పోలింగ్‌ ముగిసిన వెంటనే ప్రత్యేక కౌంటింగ్‌ కేంద్రాల్లో ఓట్ల లెక్కింపు ప్రారంభమవుతుంది. రాత్రికి ఫలితాలు వెల్లడయ్యే అవకాశం ఉండటంతో గెలుపు ఎవరిని వరిస్తుందోనని కార్మిక వర్గాల్లో తీవ్ర ఉత్కంఠ నెలకొంది. నల్లగొండ రీజియన్‌ కార్మికులు ఎవరికి పట్టం కడతారో శుక్రవారం రాత్రి వరకు తేలిపోనుంది. ఉమ్మడి జిల్లా పరిధిలోని ఏడు డిపోల్లో డిపోకు ఒక పోలింగ్‌ బూత్‌ చొప్పున, నల్లగొండలో రెండు చొప్పున మొత్తం 8 కేంద్రాలను సిద్ధం చేశారు. కార్మికుల విధులకు ఎలాంటి ఆటంకం కలగకుండా ఉదయం 5 గంటల నుంచి సాయంత్రం 6 గంటల వరకు పోలింగ్‌ నిర్వహించనున్నారు. ఉమ్మడి నల్లగొండ రీజియన్‌ వ్యాప్తంగా డ్రైవర్లు, కండక్టర్లు, గ్యారేజ్‌ సిబ్బందితో కలిపి మొత్తం 2,036 మంది ఓటర్లు ఉన్నారు. దూర ప్రాంత సర్వీసుల్లో ఉండే డ్రైవర్లు, కండక్టర్లు ఓటు హక్కు కోల్పోకుండా చూసేందుకు పోస్టల్‌ బ్యాలెట్‌ సదుపాయాన్ని కూడా అందుబాటులోకి తీసుకొచ్చారు. ఫ ఉదయం 5 నుంచి సాయంత్రం 6 గంటల వరకు పోలింగ్‌ ఫ ఉమ్మడి జిల్లాలో ఎనిమిది పోలింగ్‌ కేంద్రాలు ఫ పోలింగ్‌ ముగియగానే ఓట్ల లెక్కింపు ప్రారంభం ఫ రాత్రి వరకు తేలనున్న ఫలితాలు ఫ ఓటుహక్కు వినియోగించుకోనున్న 2,036 మంది కార్మికులు

‘రాపిడ్‌ గ్రేడింగ్‌ సిస్టమ్‌’ యాప్‌ రూపొందించిన ఇమాంపేట మోడల్‌ స్కూల్‌ టీచర్‌ సూర్యాపేట టౌన్‌ : విద్యార్థుల మార్కులు, గ్రేడింగ్‌, హాజరు, ప్రగతి నివేదికల తయారీ ప్రక్రియను మరింత సులభతరం చేసేందుకు సూర్యాపేట మండలం ఇమాంపేట మోడల్‌ స్కూల్‌ పీజీటీ చిట్టిప్రోలు శ్రీనివాస్‌ ‘రాపిడ్‌ గ్రేడింగ్‌ సిస్టమ్‌ (ఆర్‌జీఎస్‌)’ మొబైల్‌ యాప్‌ను రూపొందించారు. ఈ యాప్‌ను మోడల్‌ స్కూల్స్‌ అదనపు సంచాలకులు శ్రీనివాసచారి గురువారం ఆవిష్కరించారు. ఉపాధ్యాయుల రోజువారీ పనిభారాన్ని తగ్గించడంతో పాటు విద్యార్థుల విద్యా ప్రగతిని సమర్థవంతంగా విశ్లేషించేందుకు ఈ యాప్‌ ఎంతగానో ఉపయోగపడనుంది. ఈ సందర్భంగా అదనపు సంచాలకులు శ్రీనివాసచారి మాట్లాడుతూ.. విద్యారంగంలో సాంకేతికత వినియోగం పెరగడం ద్వారా ఉపాధ్యాయుల సమయం ఆదా కావడంతో పాటు విద్యార్థుల ప్రగతిని ఎప్పటికప్పుడు పర్యవేక్షించే అవకాశం ఉంటుందన్నారు. ప్రభుత్వ, ప్రైవేట్‌ పాఠశాలల యాజమాన్యాలు, ఉపాధ్యాయులకు ఈ యాప్‌ ఎంతో ఉపయోగకరంగా ఉంటుందని పేర్కొన్నారు. ప్రస్తుతం యాప్‌ గూగుల్‌ ప్లే స్టోర్‌లో అందుబాటులో ఉందన్నారు. ఈ యాప్‌ను రూపొందించిన పీజీటీ చిట్టిప్రోలు శ్రీనివాస్‌ను.. మోడల్‌ స్కూల్స్‌ అదనపు సంచాలకులు శ్రీనివాసచారి, మోడల్‌ స్కూల్స్‌ టీచర్స్‌ అసోసియేషన్‌ రాష్ట్ర అధ్యక్షుడు భూతం యాకమల్లు, శంకర్‌నాయక్‌లు అభినందించారు. ఆఫ్‌లైన్‌లోనూ సేవలు.. ‘రాపిడ్‌ గ్రేడింగ్‌ సిస్టమ్‌’ యాప్‌లో ఇంటర్నెట్‌ సదుపాయం లేని సమయంలోనూ డేటాను నమోదు చేసుకునే వెసులుబాటు ఉంది. నెట్‌వర్క్‌ అందుబాటులోకి వచ్చిన వెంటనే నమోదు చేసిన సమాచారం క్లౌడ్‌లో సురక్షితంగా భద్రపరచబడుతుంది. విద్యార్థుల మార్కులు, హాజరు, ప్రగతి నివేదికలను మెసేజ్‌ లేదా వాట్సాప్‌ ద్వారా తల్లిదండ్రులకు పంపే అవకాశం ఉంది. అలాగే మార్కులు నమోదు చేయగానే గ్రేడ్లు, ర్యాంకులను ఈ యాప్‌ ఆటోమేటిక్‌గా లెక్కిస్తుంది. విద్యార్థుల ప్రగతి పత్రాలను ఒకే క్లిక్‌తో డౌన్‌లోడ్‌ చేసుకుని ముద్రించుకునే (ప్రింట్‌) సదుపాయం కూడా ఇందులో ఉంది. పదో తరగతి ఇంటర్నల్‌ మార్కులను క్రోడీకరించడంతో పాటు జంబ్లింగ్‌ విధానంలో పరీక్షల సీటింగ్‌ ప్లాన్‌ను వేగంగా సిద్ధం చేసుకునే అవకాశం కల్పించారు. చదువులో వెనుకబడిన విద్యార్థులతో పాటు ప్రతిభావంతులను కూడా సులభంగా గుర్తించి, వారి అవసరాలకు అనుగుణంగా ప్రత్యేక విద్యా ప్రణాళికలు రూపొందించేందుకు ఈ యాప్‌ దోహదపడనుంది.

నిషేఽధిత జాబితాలో సాక్షి ప్రతినిధి, నల్లగొండ : పట్టా భూములు కూడా 22ఏ నిషేధిత జాబితాలో చేరడంతో రైతులు, భూ యజమానులు గగ్గోలు పెడుతున్నారు. ఏళ్ల తరబడి పట్టా భూములుగా కొనసాగుతూ, సాగు చేసుకుంటున్న భూములు సైతం ప్రభుత్వ భూములుగా నమోదవడంతో ఆందోళన చెందుతున్నారు. తాతల కాలం నుంచి అనుభవిస్తున్న భూములు, గతంలో క్రయవిక్రయాలు జరిగిన స్థలాలు కూడా 22ఏ జాబితాలోకి వెళ్లడంతో రిజిస్ట్రేషన్లు నిలిచిపోతున్నాయి. తమ భూములను నిషేధిత జాబితా నుంచి తొలగించాలంటూ రైతులు తహసీల్దార్‌ కార్యాలయాలు, ఆర్డీవో కార్యాలయాలు, కలెక్టరేట్‌ చుట్టూ తిరుగుతున్నారు. ఉమ్మడి జిల్లాలో దాదాపు 3 లక్షల ఎకరాలు ఉమ్మడి నల్లగొండ జిల్లాలో 2.87 లక్షల ఎకరాలకుపైగా వ్యవసాయ భూములు 22ఏ పరిధిలోకి వెళ్లాయి. అంతేకాదు వ్యవసాయేతర భూములు పెద్ద సంఖ్యలో 22ఏ జాబితాలో ఉండటంతో సమస్య తీవ్రంగా మారింది. ప్రభుత్వం దరఖాస్తుల ద్వారా సమస్యలను పరిష్కరించుకునే అవకాశం కల్పించడంతో పెద్ద సంఖ్యలో దరఖాస్తులు వస్తున్నాయి. రికార్డులు, హక్కులు, సర్వే నంబర్లు, గతంలో జరిగిన రిజిస్ట్రేషన్లు తదితర అంశాలను అధికారులు పరిశీలించిన తర్వాతే భూమిని 22ఏ నుంచి తొలగింపునకు చర్యలు చేపడుతున్నా.. పెద్ద సంఖ్యలో తిరస్కరిస్తుండటంతో రైతులకు ఇబ్బందులు తప్పడం లేదు. నల్లగొండలోనే 1.46 లక్షల ఎకరాలు నల్లగొండ జిల్లాలోని 33 మండలాల పరిధిలో 1,46,936 ఎకరాల వ్యవసాయ భూములు 22ఏ జాబితాలో చేరినట్లు నమోదైనట్లు అధికారులు పేర్కొంటున్నారు. వీటిలో పట్టా భూములు కూడా ఉం ్డడటంతో రైతుల్లో ఆందోళన నెలకొంది. సాగు చేసుకుంటున్న భూములను విక్రయించుకోవా లన్నా, అవసరానికి బ్యాంకు రుణం తీసుకోవా లన్నా, వారసత్వ బదలాయింపు చేసుకోవాలన్నా రికార్డుల్లో 22ఏ నిషేధిత జాబితా అడ్డంకిగా మారుతోంది. తమ భూములు పొరపాటున నిషేధిత జాబితాలో చేరాయని పేర్కొంటూ రైతులు రెవె న్యూ అధికారులను ఆశ్రయిస్తున్నారు. కొన్నిచోట్ల పరిశీలన అనంతరం తొలగింపులు జరుగుతున్నా.. అత్యధిక గ్రామాల్లో ఇంకా సమస్య పరిష్కారం కాకపోవడంతో భూ యజమానులు ఆవేదన వ్యక్తం చేస్తున్నారు. సూర్యాపేట జిల్లాలో.. సూర్యాపేట జిల్లాలో 1,11,591 ఎకరాలు 22ఎలో చేరాయి. అందులో 8,591 ఎకరాలు నాన్‌ అగ్రికల్చర్‌, 1,03,000 ఎకరాలు వ్యవసాయ భూమి ఉంది. నాన్‌ అగ్రికల్చర్‌కు సంబందించి 73 దరఖాస్తులు రాగా అందులో 26 దరఖాస్తులు క్లియర్‌ అయ్యాయి. 32 తిరస్కరణకు గురి కాగా, 15 ఎలాంటి సంబంధం లేని వ్యక్తులు దరఖాస్తు చేసుకున్నారు. కోదాడ సబ్‌ రిజిస్ట్రార్‌ కార్యాలయానికి 22ఏ నిషేధిత జాబితాలో ఉన్న భూముల రిజిస్ట్రేషన్‌ కోసం నలుగురు దరఖాస్తు చేసుకున్నారు. వాటిలో ఒకటి వక్ఫ్‌ భూమిగా తేలడంతో తిరస్కరించారు. మిగిలిన మూడు దరఖాస్తుల్లో తమ సర్వే నంబర్‌ పొరపాటున నిషేధిత జాబితాలోకి వచ్చిందని పేర్కొనడంతో వాటిని జిల్లా రిజిస్ట్రార్‌ కార్యాలయానికి పరిశీలనకు పంపించారు. జిల్లా అధికారి వాటిని కలెక్టరేట్‌లోని రెవెన్యూ అధికారులకు పంపగా.. రెండు దరఖాస్తులను నిలిపివేశారు. మరో దరఖాస్తులో భూమిని 22ఏ జాబితా నుంచి తొలగించి రిజిస్ట్రేషన్‌ చేయాలని కలెక్టరేట్‌ నుంచి ఆదేశాలు జారీ అయ్యాయి. ఫ పట్టా భూములు సైతం 22ఏ లోకి.. ఫ ఒక్క నల్లగొండలోనే లక్షన్నర ఎకరాలు ఫ మిగతా రెండు జిల్లాల్లో మరో లక్షన్నర ఎకరాలపై నిషేధం ఫ ఆందోళన చెందుతున్న రైతులు, ప్రజలు ఫ నిషేధిత జాబితా నుంచి తొలగించాలని రెవెన్యూ కార్యాలయాల చుట్టూ ప్రదక్షిణలు వ్యవసాయ భూములకే కాకుండా వ్యవసాయేతర భూములు, ఇళ్ల స్థలాలు కూడా 22ఏ జాబితాలో చేరాయి. ఉమ్మడి నల్లగొండ జిల్లా పరిధిలోని సబ్‌ రిజిస్ట్రార్‌ కార్యాలయాల్లో 22ఏలో ఉన్న భూముల రిజిస్ట్రేషన్ల కోసం 87 మంది జిల్లా రిజిస్ట్రార్‌కు దరఖాస్తు చేసుకున్నారు. వీటిలో 42 దరఖాస్తులు పరిష్కరించి రిజిస్ట్రేషన్లకు అవకాశం కల్పించగా 19 దరఖాస్తులు తిరస్కరించారు. మరో 26 దరఖాస్తులు పెండింగ్‌లో ఉన్నాయి. భూమికి సంబంధించిన రికార్డులు, హక్కులు, సర్వే నంబర్లు తదితర అంశాలను అధికారులు పరిశీలించిన అనంతరం అన్నీ సక్రమంగా ఉన్నట్లు తేలితే 22ఏ నుంచి తొలగించి రిజిస్ట్రేషన్‌కు అవకాశం కల్పిస్తున్నారు.

మఠంపల్లి: మట్టపల్లిలోని శ్రీరాజ్యలక్ష్మి చెంచులక్ష్మి సహిత భక్త ప్రహ్లాద యోగానంద శ్రీలక్ష్మీ నరసింహస్వామి ఆలయంలో పవిత్రోత్సవాలు గురువారం రాత్రి వైభవంగా ప్రారంభమయ్యాయి. ఈసందర్భంగా యాజ్ఞీకులు బొర్రావెంకటవాసుదేవాచార్యులు ఆధ్వర్యంలో స్వామి వారికి ప్రార్థనా సూక్తపఠనం, అనుజ్ఞస్వీకారం, విష్వక్సేనారాధన, పుణ్యాహవచనం, అగ్ని దీీపారాధన, పంచగవ్య ప్రాశన, రుత్విగ్వరణం, దీక్షాధారణ, రక్షాబంధనం, మేదినీపూజ, మత్స్యంగ్రహణం, అంకురారోపణతో ఉత్సవాలు ప్రారంభించారు. అంతకు ముందు చైన్నెకి చెందిన స్వాతి నక్షత్ర యజ్ఞవాటిక ట్రస్ట్‌ ఆధ్వర్యంలో అందించిన పవిత్రాలను ఆలయ అనువంశిక ధర్మకర్తలు, అర్చకులు తీసుకువచ్చారు. కార్యక్రమంలో ఆలయ అనువంశిక ధర్మకర్తలు చెన్నూరు మట్టపల్లిరావు, విజయ్‌కుమార్‌, స్వాతి నక్షత్ర ట్రస్ట్‌ చైర్మన్‌ శ్రీనివాసన్‌, తూమాటి శ్రీనివాసాచార్యులు, కృష్ణమాచార్యులు, రామాచార్యులు, అద్దెపల్లి లక్ష్మ ణాచార్యులు, పద్మనాభాచార్యులు, బదరీనారాయణాచార్యులు, లక్ష్మీనరసింహమూర్తి పాల్గొన్నారు.

నేరేడుచర్ల : ప్రభుత్వ కళాశాలల్లో కార్పొరేట్‌ స్థాయిలో మెరుగైన విద్య అందుతుందని ఇంటర్‌ బోర్డు జిల్లా విద్యాధికారిణి సులోచనరాణి అన్నారు. దసరా పండుగను పురస్కరించుకుని గురువారం నేరేడుచర్లలోని ప్రభుత్వ జూనియర్‌ కళాశాలలో విద్యార్థినులు బతుకమ్మ ఆడారు. అదేవిధంగా విద్యార్థులకు యూనిఫాం పంపిణీ చేశారు. ఈ సందర్భంగా సులోచనరాణి మాట్లాడుతూ.. ప్రభుత్వ కళాశాలల్లో చదువుతున్న విద్యార్థులకు ఉచితంగా నోట్‌బుక్స్‌, యూనిఫాం అందిస్తున్నట్లు తెలిపారు. అదేవిధంగా ప్రభుత్వ కళాశాలల్లో మధ్యాహ్న భోజనం పకడ్బందీగా అమలవుతుందన్నారు. వచ్చే విద్యా సంవత్సరం నాటికి విద్యార్థుల సంఖ్యను మరింత పెంచేందుకు కృషి చేయాలన్నారు. కళాశాల ప్రిన్సిపాల్‌ నీరజ అధ్యక్షతన నిర్వహించిన కార్యక్రమంలో హుజూర్‌నగర్‌ కళాశాల ప్రిన్సిపాల్‌ గీతాబాయి, అధ్యాపకులు వెంకటరమణ, సైదులు, ప్రణతి, కేఎల్‌ఎన్‌ రావు, వెంకన్న, శ్రీనివాసులు, సునిత, ప్రసాద్‌, అంజయ్య, నర్సింహచారి, గణేష్‌, వీరు, వెన్నెల, జానకిరాంరెడ్డి, సిబ్బంది అన్వేష్‌, వెంకన్న, దుర్గయ్య, సుశాంత్‌, శ్రీనివాస్‌ తదితరులున్నారు. ఫ ఇంటర్‌ బోర్డు జిల్లా విద్యాధికారిణి సులోచనరాణి

కోదాడరూరల్‌ : కోదాడ గర్వంగా గుర్తుంచుకోదగిన ప్రగతిశీల రచయిత కుమార్‌ అని తెలంగాణ సాహిత్య అకాడమీ మాజీ చైర్మన్‌ జూలూరు గౌరీశంకర్‌ అన్నారు. గురువారం కోదాడలోని ఫంక్షన్‌హాల్‌లో నిర్వహించిన రిటైర్డ్‌ అధ్యాపకులు, రచయిత కుమార్‌ సంస్మరణ సభలో ఆయన మాట్లాడారు. తెలుగు సాహిత్యంలోనే అతిపెద్ద కవితను కుమార్‌ ఇంగ్లిష్‌లోకి అనువదించారని, అది త్వరలోనే వెలుగులోకి రాబోతుందని తెలిపారు. కార్యక్రమంలో కుమార్‌ తండ్రి రిటైర్డ్‌ అధ్యాపకులు శ్రీరామకవచం వెంకటేశ్వర్లు, తెలుగు అకాడమీ డైరెక్టర్‌ బట్టు రమేష్‌, డాక్టర్‌ సుబ్బారావు, డాక్టర్‌ అందె సత్యం, గురుకులాల మాజీ అసిస్టెంట్‌ డైరెక్టర్‌ అప్పారావు, రవిచంద్ర, కేలోజు రమేష్‌, విద్యాసాగర్‌, రాయపూడి చిన్ని, సవతా సుబ్రహ్మణ్యం, శంకర్‌, పాకనాటి రాఘవరెడ్డి ఉన్నారు. ఫామ్‌పాండ్‌ గుంతలు నిర్మించుకోవాలికోదాడ(మోతె): విబిజీ రామ్‌జీ పథకంలో భాగంగా రైతులు వ్యవసాయ భూముల్లో ఫామ్‌పాండ్‌ గుంతలు నిర్మించుకోవాలని జెడ్పీసీఈఓ శిరీష అన్నారు. గురువారం మోతె మండల పరిధిలోని రాఘవాపురం గ్రామంలో ఫామ్‌పాండ్‌ గుంతలను పరిశీలించారు. ఈసందర్భంగా ఆమె మాట్లాడుతూ.. ఎక్కువ మంది రైతులు ఫామ్‌పాండ్‌ గుంతలు నిర్మించుకోవాలన్నారు. అనంతరం గ్రామంలో పింఛన్‌ దరఖాస్తులు పరిశీలించారు. ఆమె వెంట ఎంపీడీఓ సందీప్‌కుమార్‌, సర్పంచ్‌ మద్ది మంజుల భాస్కర్‌రెడ్డి, పంచాయతీ కార్యదర్శి రేణుక, ఏపీఓ నగేష్‌, ఈసీ శ్రీహరి, ఉపాధి హామీ ఫీల్డ్‌ అసిస్టెంట్‌ మల్లయ్య ఉన్నారు. సూర్యాపేటను కరువు జిల్లాగా ప్రకటించాలిసూర్యాపేట అర్బన్‌: జిల్లాలో నెలకొన్న తీవ్ర వర్షాభావ పరిస్థితుల కారణంగా వరి పంటలు ఎండిపోతున్నాయని, సూర్యాపేటను వెంటనే కరువు జిల్లాగా ప్రకటించాలని సీపీఎం జిల్లా కార్యదర్శి మల్లు నాగార్జున రెడ్డి అన్నారు. గురువారం జిల్లా కేంద్రంలోని మల్లు వెంకట నరసింహారెడ్డి భవన్‌లో నిర్వహించిన విలేకరుల సమావేశంలో ఆయన మాట్లాడారు. జిల్లాలో రైతులు సాగు చేసిన వరి పంటలకు అవసరమైన సమయంలో నీరు, విద్యుత్‌ అందక పొలాల్లోనే ఎండిపోతున్నాయన్నారు. పంట చేతికందే సమయంలో విద్యుత్‌ కోతలు విధించడంతో రైతులు తీవ్రంగా నష్టపోతున్నారని పేర్కొన్నారు. రోజుకు కేవలం 6 గంటల వరకు మాత్రమే విద్యుత్‌ అందుతున్న పరిస్థితుల్లో వ్యవసాయం ఎలా సాధ్యమవుతుందని ప్రశ్నించారు. సమావేశంలో సీపీఎం రాష్ట్ర కమిటీ సభ్యుడు నెమ్మాది వెంకటేశ్వర్లు, సీపీఎం జిల్లా కార్యదర్శి వర్గ సభ్యులు మట్టిపల్లి సైదులు, చెరుకు ఏకలక్ష్మి పాల్గొన్నారు. ఐదు నెలలుగా కార్యాలయంలోనే..కోదాడ : కోదాడలోని ప్రధాన కూడళ్లలో చెత్తను రోడ్లపై వేయకుండా తడి, పొడి చెత్తతోపాటు ప్లాస్టిక్‌ వ్యర్థాలను వేర్వేరుగా సేకరించేందుకు మున్సిపల్‌ అధికారులు ఐదు నెలల క్రితం మూడు రంగుల డబ్బాలను భారీ సంఖ్యలో కొనుగోలు చేశారు. ప్రస్తుతం ఈ డబ్బాలన్నీ మున్సిపల్‌ కార్యాలయంలోని ఒక గదిలో మూలుగుతున్నాయి. ప్రజాధనంతో కొనుగోలు చేసిన ఈ చెత్త డబ్బాలను వెంటనే ప్రధాన కూడళ్లలో ఏర్పాటు చేయాలని పట్టణ ప్రజలు కోరుతున్నారు.

కోదాడ: కాంగ్రెస్‌ ప్రభుత్వం ప్రజలపై విద్యుత్‌ చార్జీల పెంపు సరికాదాని ఆ నిర్ణయాన్ని వెంటనే ఉపసంహరించుకోవాలని, లేదంటే ప్రజలతో కలిసి ఉద్యమిస్తామని కోదాడ మాజీ ఎమ్మెల్యే బొల్లం మల్లయ్య యాదవ్‌ అన్నారు. బుధవారం కోదాడలో ఏర్పాటు చేసిన విలేకరుల సమావేశంలో ఆయన మాట్లాడారు. వర్షాలు లేక పంటలు ఎండిపోయి రైతులు తీవ్ర ఇబ్బందులు పడుతుంటే మంత్రులు మాత్రం షేర్‌ ఆటోలో తిరిగినట్లుగా ప్రజాధనంతో హెలిక్యాప్టర్లలో తిరుగుతున్నారన్నారు. పనులు చేసిన కాంట్రాక్టర్లకు బిల్లులు చెల్లించలేని దుస్థితి నెలకొందన్నారు. కొందరు మంత్రులు బిల్లుల కోసం 20 శాతం కమీషన్‌ తీసుకొంటున్నారని ఆరోపించారు. ప్రభుత్వం ప్రచార ఆర్భాటాలతో అవినీతితో పాలన సాగిస్తోందని ఆరోపించారు. రాబోయే ఎమ్మెల్సీ ఎన్నికల్లో బీఆర్‌ఎస్‌ అభ్యర్థిని గెలిపించాలని కోరారు. ఈ సమావేశంలో బీఆర్‌ఎస్‌ పార్టీ నాయకులు సుంకర అజయ్‌కుమార్‌, ఎస్‌కె.నయీం, తొగరు రమేష్‌, నర్సిరెడ్డి, నల్లా భూపాల్‌రెడ్డి, జానకిరామాచారి, మండవ ఉపేందర్‌ తదితరులు పాల్గొన్నారు. ఫ మాజీ ఎమ్మెల్యే బొల్లం మల్లయ్య యాదవ్‌

అనంతగిరి : మండలంలోని శాంతినగర్‌లో బుధవారం జెట్పీ సీఈఓ శిరీష పర్యటించారు. ఈ సందర్భంగా చేయూత పింఛన్‌ కోసం చేసుకున్న ఒంటరి మహిళల దరఖాస్తులను క్షేత్ర స్థాయిలో పరిశీలించారు. ఇప్పటికే జిల్లాలో గెజిటెడ్‌ అధికారులు చేపట్టిన దరఖాస్తులను పరిశీలిస్తున్నట్లు ఆమె తెలిపారు. ఆమె వెంట ఎంపీడీఓ సుష్మ, సిబ్బంది ఉన్నారు. వ్యవసాయ చట్టాలపై అవగాహన అవసరంపెన్‌పహాడ్‌ : రైతులు వ్యవసాయ చట్టాలపై అవగాహన కలిగి ఉండడం అవసరమని జిల్లా న్యాయసేవాధికార సంస్థ కార్యదర్శి, సీనియర్‌ సివిల్‌ జడ్జి కె.భవ్య అన్నారు. బుధవారం పెన్‌పహాడ్‌ మండల కేంద్రంలోని రైతు వేదికలో నిర్వహించిన రైతు న్యాయ విజ్ఞాన సదస్సులో ఆమె మాట్లాడారు. ప్రభుత్వాలు నుంచి వచ్చే పథకాల పట్ల పూర్తి అవగాహన ఉండాలని తెలిపారు. ఆర్థిక పరిస్థితి బాలేనివారు జిల్లా న్యాయ సేవాధికార సంస్థ సంప్రదించి ఉచిత న్యాయ సహాయం పొందవచ్చని తెలిపారు. ఈ కార్యక్రమంలో సర్పంచ్‌ ఒగ్గు రవి, డిప్యూటీ లీగల్‌ ఎయిడ్‌ కౌన్సిల్‌ బొల్లెద్దు వెంకటరత్నం, అసిస్టెంట్‌ లీగల్‌ ఎయిడ్‌ డిఫెన్‌న్స్‌ కౌన్సిల్‌ బట్టిపల్లి ప్రవీణ్‌ కుమార్‌, కె.ప్రియదర్శిని, మండల వ్యవసాయ అధికారి అనిల్‌కుమార్‌, ఎస్‌ఐ బాలునాయక్‌, ఏఈఓ వెంకట్‌రెడ్డి, పీఎల్‌వీలు వి.సోమన్న, వి.ప్రవీణ్‌, ఎం.నాగయ్య, గ్రామాల రైతులు పాల్గొన్నారు. శాసీ్త్రయ పద్ధతులతోనే అధిక దిగుబడులుఆత్మకూర్‌ (ఎస్‌)(సూర్యాపేట) : పంట సాగులో శాసీ్త్రయ పద్ధతులు అవలంబించి అధిక దిగుబడులు పొందవచ్చని వ్యవసాయ శాస్త్రవేత్తలు చంద్రశేఖర్‌, శివ ప్రసాద్‌ అన్నారు. బుధవారం ఆత్మకూర్‌ (ఎస్‌) మండల పరిధిలోని నసీంపేట గ్రామంలో ఆత్మ ఆధ్వర్యంలో నిర్వహించిన రైతు పొలంబడి కార్యక్రమంలో వారు మాట్లాడారు. వరి సాగులో తెగుళ్ల లక్షణాలు నివారణ చర్యలపై రైతులకు అవగాహన కల్పించారు. కాండం తొలుచు పురుగు, ఆకుముడుత పురుగు, గోధుమ రంగు దోమలతో కలిగే నష్టాలు నివారణ చర్యలపై వివరించారు. ప్రారంభమైన దశలోనే రోగాలు గుర్తించి సమగ్ర సస్యరక్షణ చేపట్టాలని సూచించారు. కార్యక్రమంలో మండల వ్యవసాయ అధికారి దివ్య, ఏఈఓ పవన్‌, ఉప సర్పంచ్‌ మూల వెంకటగిరి, బొడ్డు సైదులు, గంధం నరసయ్య, బిక్కునాయక్‌, దాసరి సైదులు తదితరులు పాల్గొన్నారు. బీఈడీ పరీక్ష ఫలితాలు విడుదలనల్లగొండ టూటౌన్‌ : మహాత్మాగాంధీ యూనివర్సిటీ పరిధిలో నిర్వహించిన బీఈడీ పరీక్ష ఫలితాలను బుధవారం ఎంజీయూ వైస్‌ చాన్స్‌లర్‌ ఖాజా అల్తాఫ్‌ హుస్సేన్‌ విడుదల చేశారు. ఈ సందర్భంగా ఆయన మాట్లాడుతూ ఉపాధ్యాయ శిక్షణ, పరీక్ష నిర్వహణలో ప్రమాణాలను పాటించడం మంచి విద్యా విధానానికి తొలి అడుగు అన్నారు. మొదటి సెమిస్టర్‌లో 760 మంది విద్యార్థులు హాజరు కాగా 59.87 శాతం, రెండవ సెమిస్టర్‌లో 3057 మంది విద్యార్థులకు గాను 81.32 శాతం, మూడవ సెమిస్టర్‌లో 267 మందికి గాను 76.78 శాతం, నాలుగో సెమిస్టర్‌లో 2798 మంది విద్యార్థులకు గాను 95.21 శాతం ఉత్తీర్ణత సాధించినట్లు సీఓఈ ఉపేందర్‌రెడ్డి తెలిపారు. పూర్తి వివరాలకు ఎంజీయూ వెబ్‌సైట్‌ను సందర్శించాలని సూచించారు. కార్యక్రమంలో ఎంజీయూ రిజిస్ట్రార్‌ కొప్పుల అంజిరెడ్డి, లక్ష్మీప్రభ, సంధ్యారాణి, ప్రవళిక, కళ్యాణి తదితరులు పాల్గొన్నారు.

సూర్యాపేటటౌన్‌ : సైబర్‌ నేరగాళ్లతో విద్యార్థులు జాగ్రత్తగా ఉండాలని ఎస్పీ నరసింహ సూచించారు. సైబర్‌ జాగ్రత్త దినోత్సవంలో భాగంగా సూర్యాపేట ప్రభుత్వ మెడికల్‌ కళాశాలలో బుధవారం సైబర్‌ సెక్యూరిటీపై నిర్వహించిన అవగాహన సదస్సులో సైబర్‌ నేరాల నివారణ పోస్టర్‌ను ఆవిష్కరించి మాట్లాడారు. ప్రజల అత్యాశ, అవగాహన లోపాన్ని ఆసరాగా చేసుకుని సైబర్‌ నేరగాళ్లు మోసాలకు పాల్పడుతున్నారని తెలిపారు. అపరిచిత ఫోన్‌ కాల్స్‌ను నమ్మవద్దని సూచించారు. సైబర్‌ మోసానికి గురైతే వెంటనే 1930కు ఫిర్యాదు చేయాలని కోరారు. విద్యార్థులు లక్ష్యంతో చదివి ఉన్నత స్థాయికి చేరాలని ఆకాంక్షించారు. ఈ కార్యక్రమంలో డీఎంహెచ్‌ఓ డాక్టర్‌ పెండెం వెంకటరమణ, ప్రిన్సిపాల్‌ మాలతి, సూపరింటెండెంట్‌ శ్రవణ్‌కుమార్‌, డీఎస్పీ ప్రసన్నకుమార్‌, సీఐ వెంకటయ్య, ఎస్‌ఐలు, షీ టీమ్‌ సిబ్బంది, పోలీస్‌ కళాబృందం, వైద్య అధ్యాపకులు, విద్యార్థులు తదితరులు పాల్గొన్నారు. రోడ్డు ప్రమాదాల నివారణకు చర్యలు రోడ్డు ప్రమాదాల నివారణకు చర్యలు తీసుకుంటున్నామని ఎస్పీ నరసింహ అన్నారు. రోడ్డు ప్రమాదాల నివారణ, ప్రమాదకర ప్రాంతాల గుర్తింపుపై బుధవారం డీజీపీ సీవీ.ఆనంద్‌ జిల్లాల అధికారులతో హైదరాబాద్‌ నుంచి నిర్వహించిన వీడియో కాన్ఫరెన్స్‌కు సూర్యాపేట పోలీస్‌ కార్యాలయం నుంచి ఎస్పీ హాజరై మాట్లాడారు. ఈ సందర్భంగా డీజీపీ పలు సూచనలు చేశారు. ఈ వీడియో కాన్ఫరెన్స్‌లో డీఎస్పీలు ప్రసన్నకుమార్‌, శ్రీనివాస్‌రెడ్డి, డీసీఆర్బీ బీఎస్పీ రవి, పట్టణ ఇన్‌స్పెక్టర్‌ వెంకటయ్య, ట్రాఫిక్‌ ఎస్‌ఐ యాదవెందర్‌ రెడ్డి, ఐటీ ఫోర్‌ ఎస్‌ఐ సాయిరాం, రోడ్‌ సేఫ్టీ సిబ్బంది పాల్గొన్నారు. ఫ ఎస్పీ నరసింహ

కోదాడ: కోదాడ పెద్దచెరువు అలుగు నుంచి వచ్చే వరద నీరు ఇళ్లలోకి రాకుండా నివారించేందుకు కోట్ల రూపాయలతో చేపట్టిన వరద కాలువ పనులు మూడేళ్లు గడిచినా పూర్తికాలేదు. చెరువు అలుగు నుంచి కాకుండా, కాలువ చివరి భాగమైన హిందూ శ్మశాన వాటిక సమీపం నుంచి పనులు ప్రారంభించిన కాంట్రాక్టర్‌ సగం మేర చేసి మధ్యలోనే నిలిపివేశాడు. పనులు ఆగిపోయి దాదాపు ఆరు నెలలు కావస్తున్నా పట్టించుకునే నాథుడే కరువయ్యాడు. ఈ పనులను పబ్లిక్‌ హెల్త్‌ డిపార్ట్‌మెంట్‌ ఆధ్వర్యంలో చేపడుతుండటంతో, వాటి వివరాలు తమకు తెలియవని మున్సిపల్‌ అధికారులు దాటవేస్తున్నారు. అష్టవంకలుగా చివరి భాగం మున్సిపాలిటీ పరిధిలోని 25వ వార్డులో ఎర్రకుంట చెరువు వరద, మురుగునీరు పెద్దచెరువులోకి వెళ్లకుండా అలుగు భాగం నుంచి దిగువకు మళ్లించి, శ్మశాన వాటిక వద్ద కాలువలో కలిపేలా ఈ నిర్మాణ పనులు చేపట్టారు. అయితే, శ్మశానం వద్ద రోడ్డు వెంట కాలువ వెళ్లాల్సి ఉండగా కొందరు అభ్యంతరం తెలపడంతో కాలువను ఇష్టానుసారంగా అష్టవంకలు తిప్పారు. దీంతో పది మీటర్ల దూరం ఉండాల్సిన కాలువ ఏకంగా 50 మీటర్లకు పెరిగింది. మొత్తం 800 మీటర్ల మేర సాగాల్సిన ఈ కాలువలో కేవలం 400 మీటర్లు మాత్రమే పూర్తిచేసిన కాంట్రాక్టర్‌, మిగతా పనులను గాలికొదిలేశాడు. గడిచిన ఆరు నెలలుగా అలుగు పారకపోయినా, పనులు చేయడంలో కాంట్రాక్టర్‌.. చేయించడంలో అధికారులు ఎందుకు జాప్యం చేస్తున్నారో అర్థంకావడం లేదని స్థానికులు మండిపడుతున్నారు. ఫ మధ్యలోనే నిర్మాణ పనులు నిలిపేసిన కాంట్రాక్టర్‌ ఫ ఆరునెలలైనా స్పందించని యంత్రాంగం ఫ కోదాడ పెద్దచెరువు అలుగు పారకపోయినా పనుల్లో జాప్యం కోదాడ మున్సిపాలిటీలో టీయూఎఫ్‌ఐడీసీ యూనిట్‌–2 నిధులు రూ.12 కోట్లతో వివిధ అభివృద్ధి పనులు చేపట్టేందుకు గత ప్రభుత్వం హయాంలో 2023 అక్టోబర్‌ 6న శంకుస్థాపనలు చేశారు. ఆ తర్వాత ఎన్నికలు రావడంతో పనులకు బ్రేక్‌ పడింది. నూతన ప్రభుత్వం కొలువుదీరిన తర్వాత స్థానిక ఎమ్మెల్యే ఈ పనులకు మరోసారి శంకుస్థాపన చేశారు. ఈ నిధులతో కొమరబండ వై జంక్షన్‌, దుర్గాపురం స్టేజీ వద్ద భారీ స్వాగత ద్వారాల నిర్మాణం, ఖమ్మం క్రాస్‌రోడ్డు జంక్షన్‌ అభివృద్ధి చేయాల్సి ఉంది. వీటితో పాటు కోదాడ పెద్దచెరువు కట్టను ట్యాంక్‌బండ్‌గా తీర్చిదిద్దడం, వరద కాలువ నిర్మాణం చేపట్టాలి. ఈ పనులన్నీ ఒకే కాంట్రాక్టర్‌ దక్కించుకున్నట్లు సమాచారం. వరద కాలువ పనులను మధ్యలోనే వదిలేసిన సదరు కాంట్రాక్టర్‌, ప్రస్తుతం పెద్దచెరువు కట్ట అభివృద్ధి పనులను ప్రారంభించాడు. చెరువులో మట్టి తవ్వి కట్టపై పోస్తున్నాడని, వాస్తవానికి నీటిపారుదల శాఖ ఆధ్వర్యంలో జరగాల్సిన ఈ పనులు ప్రజారోగ్య శాఖ ఆధ్వర్యంలో జరుగుతుండటంతో నాణ్యతా ప్రమాణాలు గాలికి కొట్టుకుపోతున్నాయనే విమర్శలు వ్యక్తమవుతున్నాయి.

సూర్యాపేట : పోషకాహారంతోనే ఆరోగ్యవంతమైన సమాజాన్ని నిర్మించవచ్చని కలెక్టర్‌ తేజస్‌ నంద్‌లాల్‌ పవార్‌ అన్నారు. బుధవారం సూర్యాపేటలోని స్టార్‌ బ్లాంకెట్‌ హాల్‌లో తొమ్మిదో పోషణ మాసం సందర్భంగా నిర్వహించిన కార్యక్రమానికి కలెక్టర్‌ హాజరై మాట్లాడారు. చిన్నారులు, గర్భిణులు, బాలింతలకు పోషకాహారం అందించడంపై ప్రత్యేక దృష్టి సారించాలన్నారు. అంగన్‌వాడీ కేంద్రాల ద్వారా అందుతున్న సేవలను ప్రజలు సద్వినియోగం చేసుకోవాలని కోరారు. చిన్నారులకు అక్షరాభ్యాసం, అన్నపాసన చేశారు. ఈ సందర్భంగా అంగన్‌వాడీ సిబ్బంది తదితరులు తయారీ చేసి ప్రదర్శించిన చిరుధాన్యం వంటలను తిలకించారు. ఈ కార్యక్రమంలో మున్సిపల్‌ చైర్‌ పర్సన్‌ మొరిశెట్టి నివేదితలక్షాది, వైస్‌ చైర్మన్‌ షఫీఉల్లా, మున్సిపల్‌ ఫ్లోర్‌ లీడర్‌ కుమ్మరికుంట్ల వేణుగోపాల్‌, జిల్లా సంక్షేమ అధికారి నరసింహారావు, సీడీపీఓ సుబ్బలక్ష్మి, కౌన్సిలర్లు జహీర్‌, తాహెర్‌, అంజలి, వీరమ్మ, నాగమ్మ, కళావతి, జ్యోతి, ఝాన్సీ తదితరులు పాల్గొన్నారు. ఫ కలెక్టర్‌ తేజస్‌ నంద్‌లాల్‌ పవార్‌

ఇప్పటికే అన్ని మండలాల ఎంఈఓలకు ఆదేశాలు జారీచేశాం. ప్రతి ప్రైవేట్‌ పాఠశాల యాజమాన్యాలు తమ ఫీజుల వివరాలు నమోదు చేయించేలా చర్యలు తీసుకోవాలని సూచించారు. క్షేత్రస్థాయిలో ఎంఈఓలు పర్యవేక్షించాలి. – శ్రీనివాసరావు, జిల్లా విద్యాశాఖ అధికారి ఫ పోర్టల్‌లో 63 స్కూళ్లే వివరాలు నమోదు ఫ మొత్తం ప్రైవేటు పాఠశాలలు 296 ఫ నమోదు చేయని స్కూళ్లు 233 ఫ క్లాస్‌ల వారీగా నెలాఖరు వరకు పొందుపర్చాలంటున్న విద్యా శాఖ జిల్లాలో ఇంకా 233 పాఠశాలల వివరాలు విద్యా శాఖ పోర్టల్‌లో నమోదు చేయలేదు. ప్రభుత్వ ఆదేశాల మేరకు అన్ని పాఠశాలల వివరాలను ఈ నెలాఖరు వరకు నమోదు చేయించేందుకు విద్యా శాఖ అధికారులు చర్యలు తీసుకుంటున్నారు. ఫీజుల వివరాలు ఎందుకు నమోదు చేయలేదో పరిశీలించి, నిబంధనలు పాటించని యాజమాన్యాలకు స్పష్టమైన ఆదేశాలు జారీ చేయాలని తల్లిదండ్రులు కోరుతున్నారు. సూర్యాపేటటౌన్‌ : ప్రైవేటు పాఠశాలల్లో ఫీజుల దోపిడీకి అడ్డుకట్టు వేస్తూ పారదర్శకత పెంచేందుకు ప్రభుత్వం భావిస్తున్నా క్షేత్రస్థాయిలో స్పందన అంతంత మాత్రంగానే ఉంది. విద్యా శాఖ తీసుకున్న నిర్ణయాలను ప్రైవేటు విద్యాసంస్థలు పెద్దగా పట్టించుకోవట్లేదనే విమర్శలు ఉన్నాయి. ప్రతి పాఠశాల విద్యా సంవత్సరానికి సంబంధించి తరగతుల వారీగా ట్యూషన్‌ ఫీజుల వివరాలు, ఆదాయ, వ్యయాలకు సంబంధించిన ఆడిట్‌ నివేదికలతోపాటు ఫైర్‌, సౌండ్‌, శానిటరీ, ట్రాఫిక్‌ సర్టిఫికెట్లు కూడా పాఠశాలల నోటీస్‌ బోర్డులో పెట్టడంతోపాటు పాఠశాల పాలక మండలి సభ్యుల సంతకాలతో ఆమోదింపజేసి విద్యా శాఖ రూపొందించిన ఇంటిగ్రేటెడ్‌ స్కూల్‌ మేనేజ్‌మెంట్‌ సిస్టమ్‌ పోర్టల్‌లో అప్‌లోడ్‌ చేయాలని ఆదేశించింది. అయితే జిల్లాలో 296 పాఠశాలలలకు గాను ఇప్పటి వరకు కేవలం 63 పాఠశాలలే ఫీజుల వివరాలను నమోదు చేశాయి. మరో 233 పాఠశాలలు వివరాలు సమర్పించాల్సి ఉంది. దీంతో ఆయా పాఠశాలల్లో తరగతుల వారీగా ఎంత ఫీజు వసూలు చేస్తున్నారన్నది తల్లిదండ్రులకు పూర్తిస్థాయిలో తెలియని పరిస్థితి నెలకొంది. ఒక్కోచోట ఒక్కోలా ఫీజు జిల్లాలోని ప్రైవేటు పాఠశాలల్లో ఫీజుల వసూళ్లపై తల్లిదండ్రుల నుంచి తరచూ ఫిర్యాదులు వస్తున్నాయి. నర్సరీ నుంచి పదో తరగతి వరకు తరగతిని బట్టి వేలాది రూపాయలు ట్యూషన్‌ ఫీజుగా వసూలు చేస్తున్నారనే ఆరోపణలు ఉన్నాయి. ట్యూషన్‌ ఫీజుతో పాటు పుస్తకాలు, యూనిఫాం, రవాణా, ఇతర కార్యకలాపాల పేరుతో అదనపు రుసుములు తీసుకుంటున్న పాఠశాలలు ఉన్నాయనే విమర్శలు ఉన్నాయి. పాఠశాలల వారీగా ఫీజుల వివరాలు పోర్టల్‌లో అందుబాటులోకి వస్తే తల్లిదండ్రులకు వాస్తవ పరిస్థితిపై స్పష్టత వచ్చే అవకాశం ఉంది. ఆడిట్‌ వివరాలపైనా జాప్యం ఫీజుల వివరాలతోపాటు పాఠశాలల ఆదాయ, వ్యయాలకు సంబంధించిన ఆడిట్‌ నివేదికలను కూడా సమర్పించాల్సి ఉంది. అయితే ఫీజుల వివరాల నమోదుతో పోలిస్తే ఆడిట్‌ నివేదికల సమర్పణలోనూ వెనుకబాటు కనిపిస్తోంది. పాఠశాలల ఆర్థిక లావాదేవీల్లో పారదర్శకత ఉండాలంటే ఆడిట్‌ వివరాలను కూడా తప్పనిసరిగా నమోదు చేయాల్సిన అవసరం ఉంది. నోటీస్‌ బోర్డుల్లోనూ కనిపించని వివరాలు ప్రైవేటు పాఠశాలల్లో ఏ తరగతికి ఎంత ఫీజు వసూలు చేస్తున్నారో, పాఠశాల కమిటీ వివరాలను నోటీస్‌ బోర్డులో ప్రదర్శించాలని అధికారులు పలుమార్లు సూచించినా అన్ని పాఠశాలల్లో అమలు కావడం లేదనే ఆరోపణలు ఉన్నాయి. తల్లిదండ్రులు తమ పిల్లల చదువుకు ఎంత ఖర్చు చేయాల్సి వస్తుందో ముందుగానే తెలుసుకునేలా ఫీజుల వివరాలను స్పష్టంగా ప్రదర్శించాల్సిన అవసరం ఉంది.

భానుపురి (సూర్యాపేట) : జిల్లాలో సర్‌ ప్రక్రియ చివరి దశకు చేరింది. నోటీసులు అందుకున్న ఓటర్ల అభ్యంతరాల స్వీకరణ గడువు బుధవారంతో ముగిసింది. ఇక ఫారం 6, 7, 8 ద్వారా ఓటర్లు చేసుకున్న దరఖాస్తుల పరిశీలన గురువారం నుంచి ప్రారంభంకానుంది. షెడ్యూల్‌ ప్రకారం పరిశీలన అనంతరం నవంబర్‌ 9న ఓటరు తుది జాబితాను అధికారులు ప్రకటించనున్నారు. అయితే నోటీసులు అందుకున్న ఓటర్లు తమ వివరాలను బీఎల్‌ఓలకు అందించారు. అయితేన ఈ వివరాలతోనైనా తమ ఓటు భద్రంగా ఉంటుందా? లేదా అని ఆందోళన చెందుతున్నారు. 9,11,945 మంది ఓటర్లు సర్‌ ప్రక్రియ అనంతరం ఆగస్టు 17న జిల్లా ఎన్నికల అధికారి ప్రకటించిన ముసాయిదా జాబితా ప్రకారం జిల్లాలో 9,11,945 మంది ఓటర్లు ఉన్నారు. వీరే కాకుండా మరో 1,93,460 మంది ఓటర్లకు ఎన్నికల సంఘం అధికారులు నోటీసులు జారీ చేశారు. ఈ నోటీసులకు 99 వేల మంది వరకు స్పందించి హియరింగ్‌కు హాజరయ్యారు. మరో 26,059 మంది ఓటర్లు మృతిచెందగా.. 48,310 మంది ఓటర్లు ఇతర ప్రాంతాలకు తరలివెళ్లారు. 13,016 మంది ఓటర్లు డబుల్‌ ఓటు కలిగి ఉండడంతో హియరింగ్‌కు హాజరు కాలేకపోయినట్లు తెలుస్తోంది. జిల్లాలో ఎస్‌ఐఆర్‌ ప్రక్రియ తొలిదశకు చేరుకోగా కొత్త ఓటర్ల నమోదుకు ఎన్నికల సంఘం అవకాశాన్ని కల్పించింది. ముసాయిదా జాబితాలో చోటు లేని ఓటర్లు సైతం కొత్తగా ఓటు హక్కు కోసం ఫామ్‌–6 ద్వారా దరఖాస్తు చేసుకోవాల్సి ఉంటుంది. అలాగే ఓటు హక్కు తొలగింపు కోసం ఫామ్‌–7, ఓటరు వివరాల సవరణకు ఫారం–8 సమర్పించాల్సి ఉండగా ఈ గడువు బుధవారంతో ముగిసింది. ఇప్పటివరకు ఫామ్‌–6, 7, 8 మొత్తం 5,505 దరఖాస్తులు సమర్పించారు. ఆయా దరఖాస్తులను పరిశీలన చేసి అర్హతను బట్టి ఓటుహక్కు కల్పించనున్నారు. చివరగా నవంబర్‌ 9న ఓటరు తుది జాబితాను ఎస్‌ఐఆర్‌ ప్రక్రియలో భాగంగా జిల్లా ఎన్నికల అధికారి ప్రకటించనున్నారు. నేటి నుంచి పరిశీలన ప్రారంభం ఫ ఫామ్‌ 6, 7, 8 ద్వారా వచ్చిన దరఖాస్తులు మొత్తం 5,505 ఫ ముగిసిన అభ్యంతరాల స్వీకరణ గడువు ఫ నవంబర్‌ 9న ఓటరు తుది జాబితా

సూర్యాపేటటౌన్‌ : సైబర్‌ మోసాలతో ప్రతి ఒక్కరూ అప్రమత్తంగా ఉండాలని కలెక్టర్‌ తేజస్‌ నంద్‌లాల్‌ పవార్‌ అన్నారు. సైబర్‌ మోసాల నివారణ, ప్రజల్లో అవగాహన కల్పించేందుకు పోలీసుల ఆధ్వర్యంలో బుధవారం సూర్యాపేటలో నిర్వహించిన పోలీస్‌ ప్రజా భరోసా, సైబర్‌ జాగ్రత్త్‌ దివస్‌ కార్యక్రమంలో ఆగండి–ఆలోచించండి, ధ్రువీకరించిండి నిర్ణయం తీసుకోండి అనే నినాదంతో రూపొందించిన అవగాహన పోస్టర్‌ను జిల్లా ఎస్పీ నరసింహతో కలిసి ఆవిష్కరించి మాట్లాడారు. ఈ కార్యక్రమంలో ట్రైనీ ఐఏఎస్‌లు అనూష, రవితేజ, సూర్యాపేట డివిజన్‌ డీఎస్పీ ప్రసన్న కుమార్‌, పట్టణ ఇన్‌స్పెక్టర్‌ వెంకటయ్య, టెక్నికల్‌ టీమ్‌ ఎస్‌ఐ సాయిరామ్‌, ఆర్‌ఎస్‌ఐ సాయిరామ్‌, సురేష్‌, మహేష్‌, జిల్లా సైబర్‌ సెక్యూరిటీ సెల్‌ సిబ్బంది పాల్గొన్నారు.

సూర్యాపేట : భారత పార్లమెంట్‌ సాక్షిగా కేంద్ర ప్రభుత్వం మంజూరు చేసిన శంషాబాద్‌ వయా సూర్యాపే చైన్నె బుల్లెట్‌ రైలు మొదటి అలైన్‌మెంట్‌ను మార్చొద్దని బుల్లెట్‌ రైలు, రైల్వే కారిడార్‌ సాధన పోరాట కమిటీ కన్వీనర్‌ ప్రొఫెసర్‌ ఆరుట్ల జానకిరెడ్డి విజ్ఞప్తి చేశారు. బుధవారం సూర్యాపేట పట్టణంలోని శ్రీగ్రాండ్‌ హోటల్‌లో జరిగిన మీడియా సమావేశంలో ఆయన మాట్లాడారు. కేంద్ర ప్రభుత్వం ప్రకటించిన తర్వాత అలైన్‌మెంట్‌ను మార్చేందుకు కుట్ర పడుతున్న దొంగలు పనిపడతామన్నారు. 15 తర్వాత చేపట్టే పోరులో సూర్యాపేట సత్తాచాటుతామన్నారు. కార్యక్రమంలో కన్వీనర్‌, నిమ్మల శ్రీనివాస్‌గౌడ్‌, రమణా చారి, ధర్మార్జున్‌, మల్లు నాగార్జునరెడ్డి,కిషన్‌, బెజవాడ వెంకటేశ్వర్లు, డేవిడ్‌ కుమార్‌, కె.శివకుమార్‌, బి.రాములు, వనిత, నాగయ్య, వెంకటేశ్వర్లు, బాలస్వామి పాల్గొన్నారు. ఉద్యమానికి బీజేపీ మద్దతు సూర్యాపేట మీదుగా బుల్లెట్‌ రైలు, రైల్వే కారిడార్‌ రావాల్సిందేనని బీజేపీ జిల్లా అధ్యక్షురాలు చల్లా శ్రీలతారెడ్డి అన్నారు. సూర్యాపేటలో బుల్లెట్‌ రైలు సాధన కమిటీ చేపట్టిన రిలే నిరాహార దీక్షలకు బుధవారం బీజేపీ ఆధ్వర్యంలో సంఘీభావం తెలిపి మాట్లాడారు. ఉద్యమానికి తమ మద్దతు ఉంటుందని తెలిపారు. కార్యక్రమంలో ఆ పార్టీ నాయకులు రుక్మారావు, మన్మథరెడ్డి, రమేష్‌, గుణగంటి పృథ్వీ, నరేందర్‌రెడ్డి, పాండురంగాచారి పాల్గొన్నారు.

సూర్యాపేట(సూర్యాపేటటౌన్‌) : పోలీసు అమరవీరుల సంస్మరణ దినోత్సవం సందర్భంగా పోలీస్‌ ఫ్లాగ్‌ డేను పురస్కరించుకొని జిల్లాలోని ఔత్సాహిక ఫొటోగ్రాఫర్లు, షార్ట్‌ ఫిల్మ్‌లు తీసేవారి కోసం ఫోటోగ్రఫీ, షార్ట్‌ ఫిల్మ్‌ విభాగాల్లో పోలీస్‌ శాఖ ఆధ్వర్యంలో రాష్ట్రస్థాయి పోటీలు నిర్వహిస్తున్నట్లు ఎస్పీ నరసింహ మంగళవారం తెలిపారు. పోలీసుల విధులు, ప్రజలకు అందిస్తున్న సేవలకు సంబంధించిన అంశాలపై 2025 అక్టోబర్‌ నుంచి 2026 అక్టోబర్‌ వరకు తీసిన మూడు ఫొటోలు, 3 నిమిషాల నిడివి గల షార్ట్‌ ఫిల్మ్‌ను ఈ నెల 22 లోపు పోటీలకు పంపించాల్సి ఉంటుందని పేర్కొన్నారు. జిల్లా స్థాయిలో అందిన ఎంట్రీల నుంచి మూడు షార్ట్‌ ఫిల్మ్‌లు, మూడు ఫొటోలను ఎంపిక చేసి రాష్ట్రస్థాయి పోటీలకు పంపించనున్నట్లు తెలిపారు. ఈ నెల 22 లోపు సూర్యాపేట జిల్లా పోలీస్‌ కార్యాలయంలోని పోలీస్‌ పీఆర్‌ఓకు అందజేయాలని సూచించారు. ఎడ్యుకేటర్ల నియామకానికి దరఖాస్తుల స్వీకరణసూర్యాపేట(సూర్యాపేటటౌన్‌) : జిల్లాలోని 21 పీఎం శ్రీ ఉన్నత పాఠశాలల్లో స్పెషల్‌ గెస్ట్‌ ఎడ్యుకేటర్ల నియామకానికి దరఖాస్తులు స్వీకరిస్తున్నట్లు జిల్లా విద్యాశాఖాధికారి చావా శ్రీనివాసరావు మంగళవారం ఒక ప్రకటనలో తెలిపారు. స్పెషల్‌ బీఈడీ పూర్తి చేసి, అర్హత కలిగిన అభ్యర్థులు ఈ నెల 10వ తేదీ వరకు సంబంధిత పీఎం శ్రీ ఉన్నత పాఠశాలల్లో దరఖాస్తు చేసుకోవాలని పేర్కొన్నారు. అభ్యర్థులను మెరిట్‌ ప్రాతిపదికన ఎంపిక చేసి.. నెలకు రూ.16,500 గౌరవ వేతనం చెల్లించనున్నట్లు తెలిపారు. ఎంపికై న వారు నవంబర్‌ 2026 నుంచి మార్చి 2027 వరకు ఐదు నెలలపాటు విధులు నిర్వహించాల్సి ఉంటుందని పేర్కొన్నారు. పవిత్రోత్సవాల ఏర్పాట్ల పరిశీలనమఠంపల్లి : మట్టపల్లి మహాక్షేత్రంలో ఈనెల 8 నుంచి 11 వరకు శ్రీరాజ్యలక్ష్మి, చెంచులక్ష్మి సమేత భక్త ప్రహ్లాద యోగానంద శ్రీలక్ష్మీనరసింహస్వామి పవిత్రోత్సవాలు నిర్వహించనున్నారు. ఉత్సవాల ఏర్పాట్లను మంగళవారం ఆలయ అనువంశిక ధర్మకర్తలు చెన్నూరు మట్టపల్లిరావు, విజయ్‌కుమార్‌లు ఆలయ అర్చకులతో కలిసి పరిశీలించారు. అనంతరం ఆలయ ముఖమండపంలో తయారుచేసిన శ్రీచక్రాన్ని వారు పరిశీలించారు. ఆలయంలో నాలుగు రోజుల పాటు రామాయణ, భాగవత పారాయణాలు జరుగుతాయని పేర్కొన్నారు. భక్తులకు ఎలాంటి అసౌకర్యాలు కలగకుండా తగిన చర్యలు తీసుకుంటున్నట్లు వెల్లడించారు. అర్చకులు తూమాటి శ్రీనివాసాచార్యులు, పద్మనాభాచార్యులు, వంశీకృష్ణమాచార్యులు తదితరులున్నారు. 8న అండర్‌–19 కబడ్డీ జట్ల ఎంపిక హాలియా : ఉమ్మడి జిల్లా అండర్‌– 19 బాలబాలికల కబడ్డీ జట్ల ఎంపికను ఈనెల 8న హాలియాలోని శ్రీ శ్లోక పాఠశాలలో నిర్వహిస్తున్నట్లు అండర్‌–19 స్కూల్‌ గేమ్స్‌ సెక్రటరీ ఇందిర మంగళవారం ఒక ప్రకటనలో తెలిపారు. ఆసక్తి గల క్రీడాకారులు తమ వెంట పదవ తరగతి ఒరిజినల్‌ మెమో, రెండు పాస్‌ ఫోటోలు తీసుకురావాలని సూచించారు. యాదగిరి క్షేత్రంలో లక్ష పుష్పార్చన పూజలుయాదగిరిగుట్ట: యాదగిరి శ్రీలక్ష్మీనరసింహస్వామి వారి ఆలయంలో ఏకాదశిని పురస్కరించుకొని శ్రీస్వామి అమ్మవార్లకు లక్ష పుష్పార్చన పూజ నిర్వహించారు. మంగళవారం సుప్రభాతం, అభిషేకం, సహస్రనామార్చన, కుంకుమార్చన వంటి పూజలు జరిపించారు. అనంతరం ముఖ మండపంలోని సువర్ణ ఉత్సవమూర్తులకు లక్ష పుష్పార్చన చేశారు. శ్రీస్వామి అమ్మవార్లకు హారతినిచ్చారు. క్షేత్రపాలకుడికి ఆకుపూజ జరిపించారు. ఆలయ ప్రథమ ప్రాకార మండపంలో శ్రీసుదర్శన హోమం, నిత్య కల్యాణం, సాయంత్రం ఆలయ తిరుమాడ వీధుల్లో జోడు సేవలను ఊరేగించారు.

సూర్యాపేట అర్బన్‌: సాంకేతిక పరిజ్ఞానం పెరుగుతున్న కొద్దీ గృహ అవసరాలకు విద్యుత్‌ వినియోగం గణనీయంగా పెరిగింది. ఈ తరుణంలో వినియోగదారులపై కరెంట్‌ బిల్లుల భారం పడకుండా, పునరుత్పాదక ఇంధన వనరులను ప్రోత్సహించేందుకు కేంద్ర ప్రభుత్వం ‘పీఎం సూర్యఘర్‌ ముఫ్త్‌ బిజిలీ యోజన’ పథకాన్ని ప్రవేశపెట్టింది. ఈ పథకం ద్వారా ఇళ్లపై సౌర ప్లాంట్లు ఏర్పాటు చేసుకునే నివాస గృహ వినియోగదారులకు ప్రభుత్వం భారీగా రాయితీలు, రూఫ్‌ టాప్‌ ఇన్‌స్టాలేషన్‌ రుణ సదుపాయం కల్పిస్తోంది. సొంతంగా విద్యుత్‌ ఉత్పత్తి చేసుకోవడమే కాకుండా, మిగిలిన కరెంట్‌ను విద్యుత్‌ సంస్థ (ఎస్పీడీసీఎల్‌)కు విక్రయించి ఆదాయం పొందే అవకాశం ఉంది. జిల్లా వ్యాప్తంగా ఇప్పటివరకు 2,300 సోలార్‌ ప్యానెల్‌ యూనిట్లను ఏర్పాటు చేసుకున్నారు. మూడు రోజుల పాటు శిబిరాలు పథకం ప్రయోజనాలపై ప్రజలకు అవగాహన కల్పించేందుకు ఎస్పీడీసీఎల్‌ అధికారులు సూర్యాపేట పట్టణంలోని జమ్మిగడ్డ సమీపంలో ఉన్న ఎస్‌ఈ కార్యాలయంలో మూడు రోజుల పాటు ‘సేవా సేతు’ పేరుతో ప్రత్యేక అవగాహన శిబిరం నిర్వహించారు. ఈ సదస్సుకు దాదాపు 500 మందికి పైగా వినియోగదారులు హాజరుకాగా, 60 మంది అక్కడికక్కడే సోలార్‌ ప్యానెళ్ల ఏర్పాటుకు పేర్లు నమోదు చేసుకున్నారు. రెడ్కో, విద్యుత్‌ శాఖ, బ్యాంకింగ్‌ అధికారులు, సోలార్‌ వెండర్లు పాల్గొని సబ్సిడీ, బ్యాంక్‌ రుణాలు, వాయిదాల చెల్లింపులపై అవగాహన కల్పించారు. వాణిజ్య భవనాల్లోనూ ఆదా.. పీఎం సూర్యఘర్‌ స్ఫూర్తితో జిల్లాలోని పలు హోటళ్లు, ప్రైవేట్‌ పాఠశాలలు, ఫంక్షన్‌ హాళ్లు, పెట్రోల్‌ బంకుల నిర్వాహకులు కూడా సోలార్‌ ప్యానెళ్లను ఏర్పాటు చేసుకుంటున్నారు. 10 కేవీ ప్లాంట్‌ ఏర్పాటు చేసుకున్న హోటళ్లలో నెలకు రూ.12 వేలు వచ్చే కరెంట్‌ బిల్లు ప్రస్తుతం రూ.2 వేల నుంచి రూ.3 వేలకు తగ్గిందని యజమానులు హర్షం వ్యక్తం చేస్తున్నారు. పెట్రోల్‌ బంకులపై సోలార్‌ వాడటం ద్వారా నెలకు రూ.15,000 వరకు లాభం పొందుతున్నారు. వాణిజ్య భవనాలకు కూడా రాయితీలు పొడిగించాలని వ్యాపారులు కోరుతున్నారు. రైతులకు ‘పీఎం కుసుమ్‌’ పథకం రైతుల కోసం కేంద్ర ప్రభుత్వం ‘పీఎం కుసుమ్‌’ పథకం ద్వారా 3 హెచ్‌పీ నుంచి 10 హెచ్‌పీ వరకు సోలార్‌ పంప్‌సెట్లకు సబ్సిడీ అందిస్తోంది. ఈ ప్యానెళ్లకు 25 ఏళ్ల గ్యారెంటీ ఉండటంతో పాటు పగటిపూట దాదాపు 8 గంటల పాటు ఉచితంగా మోటార్లు నడుస్తాయి. సరైన మార్గదర్శకాలు ఇచ్చి జిల్లా వ్యాప్తంగా ఈ పథకాన్ని త్వరితగతిన అమలు చేయాలని రైతులు విజ్ఞప్తి చేస్తున్నారు. సూర్యఘర్‌ పథకంపై ప్రజలకు అవగాహన కల్పించేందుకు శిబిరాలను ఏర్పాటు చేశాం. ఇళ్లపై సోలార్‌ ప్లాంట్‌లు ఏర్పాటు చేసుకునేందుకు ఆసక్తి ఉన్న ప్రజలు ఈ శిబిరాన్ని సద్వినియోగం చేసుకోవాలి. ప్రభుత్వం ప్రధానంగా ఒక కిలోవాట్‌కు రూ.30 వేలు, రెండు కిలోవాట్లకు రూ.60వేలు, మూడు కిలో వాట్లకు గరిష్టంగా రూ.78,000 రాయితీ అందిస్తోంది. వినియోగదారులు ఈ అవకాశాన్ని వినియోగించుకోవాలి. – యాదగిరి, ఎస్‌ఈ సూర్యాపేట ఫ కేంద్ర ప్రభుత్వం ప్రవేశపెట్టిన పీఎం సూర్యఘర్‌ యోజనతో లబ్ధి ఫ రూ.78 వేల వరకు సబ్సిడీ ఫ జిల్లాలో ఇప్పటివరకు 2,300 సోలార్‌ యూనిట్ల ఏర్పాటు

మునగాల: విద్యారంగంలో శాశ్వత మార్పులు తీసుకురావడమే లక్ష్యంగా రాష్ట్ర ప్రభుత్వం భారీ పెట్టుబడులు పెడుతోందని ఉప ముఖ్యమంత్రి మల్లు భట్టి విక్రమార్క, నీటిపారుదల, పౌరసరఫాల శాఖ మంత్రి ఉత్తమ్‌ కుమార్‌రెడ్డి అన్నారు. మంగళవారం మునగాల మండలం ఎస్‌ఎంపేట రెవెన్యూ పరిధిలో రూ.9.60కోట్ల వ్యయంతో ఏర్పాటు చేయనున్న అత్యాధునిక సెంట్రల్‌ కమ్యూనిటీ కిచెన్‌ షెడ్‌ శంకుస్థాపనలో కార్యక్రమంలో వారు పాల్గొని భూమిపూజ నిర్వహించారు. హారేకృష్ణ మూవ్‌మెంట్‌ చారిటబుల్‌ ట్రస్ట్‌ ఆఫ్‌ ఇండియా ఆధ్వర్యంలో కొనసాగే ఈ కిచెన్‌షెడ్‌ ద్వారా జిల్లా వ్యాప్తంగా 1029 ప్రభుత్వ పాఠశాలలు, జూనియర్‌ కళాశాలల్లో విద్యనభ్యసించే 60వేల మంది విద్యార్థులకు ప్రతిరోజు పౌష్టిక అల్పాహారం అందించనున్నట్లు వారు తెలిపారు. కార్యక్రమంలో హారేకృష్ణ చారిటబు ల్‌ సంస్థ రెండు తెలుగు రాష్ట్రాల అధ్యక్షుడు శ్రీసత్య గౌరచంద్ర దాస స్వామిజీతో పాటు కోదాడ ఎమ్మెల్యే పద్మావతి, కలెక్టర్‌ తేజస్‌ నంద్‌లాల్‌ పవార్‌, ఎస్పీ నరసింహ తదితరులు పాల్గొన్నారు.

ఫ గ్రామపంచాయతీల జాయింట్‌ చెక్‌ పవర్‌పై ప్రభుత్వం కీలక నిర్ణయం ఫ ఉపసర్పంచ్‌ సంతకం పెట్టకపోతే కలెక్టర్‌కు చెక్‌ పవర్‌ రద్దు చేసే అధికారం భానుపురి (సూర్యాపేట): గ్రామపంచాయతీల్లో సుదీర్ఘకాలంగా కొనసాగుతున్న సర్పంచ్‌, ఉపసర్పంచుల ఆధిపత్య పోరుకు, జాయింట్‌ చెక్‌ పవర్‌ ‘సంతకాల’ వివాదానికి తెరపడనుంది. పంచాయతీ నిధులను డ్రా చేసే విషయంలో సర్పంచులకు, ఉపసర్పంచులకు మధ్య రాజకీయ, వ్యక్తిగత కారణాలతో విభేదాలు వచ్చి నిధుల ఉపసంహరణ నిలిచిపోతోంది. ఉపసర్పంచులు సంతకాలు చేయకుండా ఆలస్యం చేస్తుండటంతో గ్రామాల్లో అభివృద్ధి పనులు, అత్యవసర నిర్వహణ స్తంభించిపోతున్నాయి. ఈ సమస్య పరిష్కారానికి రాష్ట్ర ప్రభుత్వం కీలక నిర్ణయం తీసుకుంది. చెక్కు జారీ చేసిన 7 పని దినాల్లో ఉపసర్పంచ్‌ అకారణంగా సంతకం చేయకపోతే, కలెక్టర్‌ విచారణ జరిపి సదరు ఉపసర్పంచ్‌ చెక్‌ పవర్‌ను రద్దు చేసే వెసులుబాటును కల్పించింది. గ్రామాల్లో ఆధిపత్య పోరు.. జిల్లాలోని 486 గ్రామపంచాయతీలకు డిసెంబర్‌ లో జరిగిన గ్రామపంచాయతీ ఎన్నికల సమయంలో రిజర్వేషన్లు కలిసి రాకపోవడంతో కొందరు సర్పంచ్‌గా పోటీ చేయాలనుకున్న అభ్యర్థులు వార్డు మెంబర్లుగా నిలిచారు. వీరు ఎన్నికల ఖర్చులు పెట్టుకొని ఉపసర్పంచులుగా ఉన్నారు. జాయింట్‌ చెక్‌పవర్‌ కారణంగా తాము పెట్టిన ఖర్చులు కొంతైనా తిరిగి వస్తుందని భావించారు. ప్రస్తుత పాలకవర్గాల మధ్య సయోధ్య ఉన్నచోట ఎలాంటి వివాదాలు లేకుండానే నిధుల వినియోగం జరుగుతోంది. సర్పంచ్‌, ఉప సర్పంచ్‌ ప్రత్యర్థ పార్టీలు అయినచోట నిధుల డ్రా విషయంలో పంచాయతీలు వస్తున్నాయి. ఈ విషయం ప్రభుత్వం దృష్టికి రాగా.. సమస్య పరిష్కారానికి మధ్య మార్గంగా కీలక నిర్ణయం తీసుకుంది. నూతన ఉత్తర్వుల ప్రకారం.. నిధుల చెక్కు జారీ అయిన తర్వాత 7 పని దినాల్లో ఉపసర్పంచ్‌ సంతకం చేయాల్సి ఉంటుంది. తగిన కారణం లేకుండా నిరాకరిస్తే సర్పంచ్‌ నేరుగా కలెక్టర్‌కు ఫిర్యాదు చేయవచ్చు. కలెక్టర్‌ విచారణ చేపట్టి ఉపసర్పంచ్‌కు ఉన్న చెక్‌ పవర్‌ను రద్దు చేసి, పంచాయతీ కార్యదర్శికి గానీ లేదా ప్రత్యేక అధికారికి గానీ సంతకం చేసే బాధ్యతను అప్పగిస్తారు.

మునగాల: మునగాల మండలంలో మంత్రి ఉత్తమ్‌కుమార్‌రెడ్డి సెంట్రలైజ్డ్‌ కిచెన్‌ పేరుతో హంగులు, ఆర్భాటాలు చేస్తున్నారని.. రాష్ట్రంలోని గురుకుల పాఠశాలల్లో విద్యార్థులకు మాత్రం నాణ్యమైన భోజనం అందించడంలో ప్రభుత్వం పూర్తిగా విఫలమైందని కోదాడ మాజీ ఎమ్మెల్యే బొల్లం మల్లయ్య యాదవ్‌ తీవ్రస్థాయిలో ధ్వజమెత్తారు. మంగళవారం మునగాల మండల కేంద్రంలోని పార్టీ కార్యాలయంలో ఏర్పాటు చేసిన విలేకరుల సమావేశంలో ఆయన మాట్లాడారు. గురుకులాలల్లో తరచూ ఆహార కలుషిత ఘటనలు చోటు చేసుకుంటున్నా ప్రభుత్వం పట్టించుకోవడం లేదని ఆవేదన వ్యక్తం చేశారు. సాగర్‌ ఎడమకాలువకు నీటిని విడుదల చేయాలన్న ధ్యాస లేకుండా మంత్రి ఉత్తమ్‌ కాలం వెళ్లదీస్తున్నారని ఆరోపించారు. సమావేశంలో మండల పార్టీ నాయకులు కందిబండ సత్యనారాయణ, రామయ్య, ఉడుం కృష్ణ, గడ్డం లింగయ్య తదితరులు పాల్గొన్నారు. ఫ కోదాడ మాజీ ఎమ్మెల్యే మల్లయ్యయాదవ్‌

హుజూర్‌నగర్‌ : కరువును ఎదుర్కోవడానికి ప్రభుత్వాలు పక్కా ప్రణాళిక రూపొందించాలని అఖిల భారత రైతు కూలీ సంఘం రాష్ట్ర గౌరవ అధ్యక్షుడు ఒక్కవంతుల కోటేశ్వరరావు అన్నారు. హుజూర్‌నగర్‌ పట్టణంలోని హనుమా లింగయ్య భవన్‌లో మంగళవారం రాష్ట్ర రైతు సంఘం ఆధ్వర్యంలో కంబాల శ్రీనివాస్‌ అధ్యక్షతన ఎల్‌నినో ప్రభావం –కరువు పరిస్థితులు అంశంపై రౌండ్‌ టేబుల్‌ సమావేశం నిర్వహించారు. ఈ సందర్భంగా ఒక్కవంతుల కోటేశ్వరరావు మాట్లాడుతూ.. ఎల్‌నినో ప్రభావంతో దేశమంతా కరువు కరాల నృత్యం చేస్తున్నదని, దీనిని ఎదుర్కొనేందుకు కేంద్ర, రాష్ట్ర ప్రభుత్వాలు సంసిద్ధంగా లేవని ఆరోపించారు. ప్రజలను ఆదుకోవడానికి ఉపాధి హామీ పథకాన్ని సంవత్సరం పొడువునా కొనసాగించాలని డిమాండ్‌ చేశారు. కరువు నేపథ్యంలో ప్రభుత్వం చేపట్టాల్సిన కార్యక్రమాలపై ఆర్డీఓ శ్రీనివాసులుకు వివిధ డిమాండ్లతో కూడిన వినతిపత్రం అందజేశారు. కార్యక్రమంలో వివిధ పార్టీల, ప్రజాసంఘాల నాయకులు యల్లావుల రాములు, గుండు వెంకటేశ్వర్లు, కొప్పోజు సూర్యనారాయణ, కొప్పుల సైదిరెడ్డి, జక్కుల నాగేశ్వర రావు, కాకి అజయ్‌, కనకారావు, మురళి, వెంకటయ్య, ప్రసాద్‌, సైదులు, పాపిరెడ్డి, వెంకటరెడ్డి, వెంకట్‌ నారాయణ, వెంకన్న, శ్రీనివాస సునీల్‌, గిరి, కోటయ్య, వెంకటేశ్వర్లు, రమేష్‌, చంద్రం, వీరబాబు, మల్లయ్య పాల్గొన్నారు. ఫ రైతు కూలీ సంఘం రాష్ట్ర గౌరవ అధ్యక్షుడు ఒక్కవంతుల కోటేశ్వరరావు

తిరుమలగిరి ( తుంగతుర్తి) : మార్కెట్లో సన్న, దొడ్డు ధాన్యాలకు ప్రభుత్వ మద్దతు ధర కంటే అధిక ధరలు పలుకుతున్నాయి. తిరుమలగిరి వ్యవసాయ మార్కెట్‌కు మంగళవారం 5068 బస్తాల ధాన్యం రాగా.. సన్నధాన్యం (సాంబ మసూరి) క్వింటాకు రూ.3,510 ధర పలికింది. కనిష్టంగా రూ.2500, దొడ్డు ధాన్యానికి క్వింటా రూ.2480, కనిష్టంగా రూ.2160 ధర పలికింది. జనగామ జిల్లా గ్రామానికి చెందిన ధరావత్‌ మోతీలాల్‌ అని రైతు సన్నధాన్యం మార్కెట్‌కు తీసుకురాగా క్వింటాకు రూ.3510 ధర వచ్చింది. బుల్లెట్‌ రైలును అడ్డుకుంటున్న గురుశిష్యులుసూర్యాపేట : సూర్యాపేటకు బుల్లెట్‌ రైలు రాకుండా గురు శిష్యులు ఆంధ్రప్రదేశ్‌ ముఖ్యమంత్రి చంద్రబాబు నాయుడు, తెలంగాణ ముఖ్యమంత్రి రేవంత్‌ రెడ్డి అడ్డుకుంటున్నారని మాజీ ఎమ్మెల్యే సంకినేని వెంకటేశ్వర్‌రావు ఆరోపించారు. మంగళవారం స్థానికంగా నిర్వహించిన బుల్లెట్‌ రైలు సాధన రీలే నిరాహార దీక్షలో పాల్గొని మాట్లాడారు. గత 54 రోజులుగా బుల్లెట్‌ ట్రైన్‌ సాధన సమితి ఆధ్వర్యంలో నిరంతరాయంగా జరుగుతున్న రిలే నిరాహార దీక్షలకు బీజేపీ సంపూర్ణ మద్దతు కొనసాగిస్తుందన్నారు. బీజేపీ సూర్యాపేట మండల అధ్యక్షుడు అలుగుబెల్లి సైదిరెడ్డి, పెన్‌పహాడ్‌ మండల అధ్యక్షుడు తాళ్లపల్లి మధు ఆధ్వర్యంలో ముఖ్య నాయకులు, కార్యకర్తలు దీక్షలో కూర్చున్నారు. సుధా బ్యాంకు ఎండీ పెద్దిరెడ్డి గణేశ్‌ వీరికి పళ్ళ రసాలు ఇచ్చి దీక్ష విరమింప చేశారు. కార్యక్రమంలో అఖిలపక్ష నాయకులు మున్సిపల్‌ మాజీ చైర్మన్‌ జుట్టుకొండ సత్యనారాయణ, రమణాచారి, జిల్లా ప్రధాన కార్యదర్శి చల్లమల్ల నరసింహ, దేవుడి కుమార్‌ తదితరులు పాల్గొన్నారు.

గరిడేపల్లి: ప్రజా పాలనతోనే ప్రజలకు సంక్షేమం అందుతుందని ఉప ముఖ్యమంత్రి మల్లు భట్టి విక్రమార్క అన్నారు. గరిడేపల్లి మండలం గడ్డిపల్లి గ్రామ శివారులో రూ.200 కోట్లతో ప్రతిష్టాత్మకంగా నిర్మిస్తున్న యంగ్‌ ఇండియా ఇంటిగ్రేటెడ్‌ పాఠశాలలను నీటిపారుదల శాఖ మంత్రి ఉత్తమ్‌ కుమార్‌ రెడ్డితో కలిసి మంగళవారం పరిశీలించారు. అనంతరం నిర్వహించిన సభలో ఉప ముఖ్యమంత్రి మాట్లాడుతూ.. ఇంటిగ్రేటెడ్‌ పాఠశాల నిర్మాణం పూర్తయితే గడ్డిపల్లి ప్రాంతం చరిత్రలో నిలిచిపోతుందన్నారు. రాష్ట్రవ్యాప్తంగా 105 ఇంటిగ్రేటెడ్‌ పాఠశాలలను నిర్మిస్తున్నామని తెలిపారు. ప్రపంచ స్థాయి విద్య పేద బడుగు బలహీన వర్గాలకు మధ్యతరగతి కుటుంబాలకు అందించే విధంగా ఈ పాఠశాలల నిర్మాణం జరుగుతుందన్నారు. ఈ పనులను వేగవంతంగా పూర్తి చేయాలని, వచ్చే విద్యా సంవత్సరం నాటికి అడ్మిషన్లు కూడా జరగాలని పేర్కొన్నారు. అనంతరం నిర్మాణ పనులకు సంబంధించిన ఫొటో గ్యాలరీని ఉత్తమ్‌కుమార్‌ రెడ్డితో కలిసి సందర్శించారు. మంత్రి ఉత్తమ్‌ కుమార్‌ రెడ్డి మాట్లాడుతూ.. హుజూర్‌నగర్‌, కోదాడ నియోజకవర్గాలను రాష్ట్రంలో నంబర్‌ వన్‌ స్థానంలో నిలిపేందుకు కృషి చేస్తున్నట్లు తెలిపారు. అనంతరం వివిధ గ్రామాలకు చెందిన ఇందిరమ్మ ఇళ్ల లబ్ధిదారులకు పట్టాలు పంపిణీ చేశారు. కార్యక్రమంలో కలెక్టర్‌ తేజస్‌ నందలాల్‌ పవార్‌, హుజూర్‌నగర్‌ మున్సిపల్‌ చైర్మన్‌ దొంతగాని శ్రీనివాస్‌ గౌడ్‌, నేరేడుచర్ల మున్సిపల్‌ వైస్‌ చైర్మన్‌ నూకల సందీప్‌ రెడ్డి, గడ్డిపల్లి మాజీ సర్పంచ్‌ సుందరి నాగేశ్వరరావు, సర్పంచి మాశెట్టి నాగలక్ష్మి శ్రీహరి, జిల్లా సర్పంచుల ఫోరం అధ్యక్షుడు గుండు రామాంజిగౌడ్‌, మండల సర్పంచ్‌ల ఫోరం అధ్యక్షుడు కటకం వేణు, మాజీ ఎంపీపీలు పైడిమర్రి రంగనాథ్‌, మాజీ జెడ్పీటీసీ పెండెం శ్రీనివాస్‌ గౌడ్‌, మండల పార్టీ అధ్యక్షులు త్రిపురం అంజన్‌ రెడ్డి, కటకం రమేష్‌, మూలగుండ్ల సీతారామరెడ్డి, ఆరే కృష్ణారెడ్డి, బచ్చలకూరి కృష్ణ, చింతకాయల సైదులు, బల్దూరి సందీప్‌, పాకాల పరమేష్‌, గారకుంట తండా సర్పంచ్‌ అరుణ రమేష్‌, హుజూర్‌నగర్‌ ిసీఐ చరమండరాజు, తహసీల్దార్‌ స్రవంతి, ఎంపీడీఓ సరోజ పాల్గొన్నారు. ఫ ఉప ముఖ్యమంత్రి మల్లు భట్టి విక్రమార్క

సూర్యాపేటటౌన్‌ : చాలా హోటళ్లు, బేకరీల్లో వంటగదులు అపరిశుభ్రంగా దర్శనమిస్తున్నాయి. నాణ్యత లేని వంటనూనెలు, కాలం చెల్లిన ముడిసరుకులను వినియోగిస్తున్నారని, కొన్ని నాన్‌వెజ్‌ హోటళ్లలో రోజుల తరబడి ఫ్రిజ్‌లలో నిల్వ ఉంచిన మాంసాన్ని వినియోగదారులకు వండి పెడుతున్నారని ఆరోపణలు ఉన్నాయి. అయితే ఆహార నాణ్యత, పరిశుభ్రతపై నిరంతరం పర్యవేక్షించాల్సిన అధికారులు నామమాత్రపు తనిఖీలతో సరిపెడుతున్నారు. వినియోగదారుల నుంచి ఫిర్యాదులు వస్తే తప్ప క్షేత్రస్థాయిలోకి వెళ్లడం లేదని, ముందస్తు తనిఖీలు చేపట్టడం లేదని ప్రజల నుంచి విమర్శలు ఉన్నాయి. 500కు పైగా కేంద్రాలు.. జిల్లా పరిధిలో సుమారు 200 నుంచి 250 వరకు హోటళ్లు, 280 నుంచి 320 వరకు బేకరీలు నడుస్తున్నట్లు అంచనా. మొత్తంగా 500కు పైగా ఆహార విక్రయ కేంద్రాలు అందుబాటులో ఉన్నాయి. ఇటీవల జిల్లా కేంద్రంలోని ఓ బేకరీలో ఈ నెల 30న ఓ వినియోగదారుడు ఆహార పదార్థం కొనుగోలు చేయగా, అది బూజు పట్టినట్లు గుర్తించాడు. దీంతో సంబంధిత ఫుడ్‌ సేఫ్టీ అధికారులకు సమాచారం అందించాడు. అధికారులు బేకరీలో తనిఖీలు నిర్వహించారు. ఆహార నమూనాలను సేకరించి ల్యాబ్‌ పరీక్షలకు పంపించారు. అనంతరం నిబంధనల మేరకు బేకరీని సీజ్‌ చేసి యజమానికి రూ.10వేలు జరిమానా విధించారు. రోజు వారీగా వేలాది మంది ఆహారం కొనుగోలు చేసే ఈ కేంద్రాలపై క్రమం తప్పకుండా ముందస్తు తనిఖీలు నిర్వహించాల్సి న అవసరం ఎంతైనా ఉంది. 171 శాంపిళ్లు.. 15 కేసులు ఈ ఏడాది ఇప్పటివరకు జిల్లాలో 171 ఆహార పదార్థాల శాంపిళ్లను సేకరించి పరీక్షలకు పంపించినట్లు ఫుడ్‌ సేఫ్టీ అధికారులు చెబుతున్నారు. నిబంధనల ఉల్లంఘనలకు సంబంధించి 15 కేసులు నమోదయ్యాయి. జిల్లాలోని హోటళ్లు, బేకరీల సంఖ్యను దృష్టిలో పెట్టుకుంటే తనిఖీలు మరింత విస్తతంగా చేపట్టాల్సిన అవసరం ఉందని వినియోగదారులు పేర్కొంటున్నారు. హోటళ్లు, బేకరీల్లో ఆహార పదార్థాల తయారీ విధానం, కిచెన్ల పరిశుభ్రత, ముడిసరుకుల నాణ్యత, నిల్వ పద్ధతులు, కాలం చెల్లిన పదార్థాల వినియోగం తదితర అంశాలను అధికారులు క్రమం తప్పకుండా పరిశీలించాలని కోరుతున్నారు. హోటళ్లు, బేకరీల్లో ఆహార పదార్థాల నాణ్యత, పరిశుభ్రత, ఫుడ్‌ కలర్స్‌ వినియోగం, ముడి సరుకుల నిల్వ, ఎక్స్‌పైరీ తేదీలను పరిశీలిస్తూ తనిఖీలు నిర్వహిస్తున్నాం. నిబంధనలు ఉల్లంఘించినట్లు తేలితే ఆహార నమూనాలను సేకరించి ల్యాబ్‌కు పంపడంతో పాటు నిబంధనల ప్రకారం చర్యలు తీసుకుంటాం. – ప్రభాకర్‌, జిల్లా ఫుడ్‌ సేఫ్టీ అధికారిఫ హోటళ్లు.. బేకరీల్లో అపరిశుభ్ర కిచెన్లు, నిల్వ ఆహారం ఫ నామమాత్రంగా తనిఖీలు నిర్వహిస్తున్న ఫుడ్‌ సేఫ్టీ అధికారులు ఫ జిల్లా వ్యాప్తంగా 500కు పైగా హోటళ్లు, బేకరీలు తిరుమలగిరి (తుంగతుర్తి) : తిరుమలగిరి మండల కేంద్రంలో ఫుడ్‌ సేప్టీ అధికారులు మంగళవారం తనిఖీలు నిర్వహించారు. ఈ సందర్భంగా సోమేశ్వర ఫ్యామిలీ రెస్టారెంట్‌లో కుళ్లిపోయిన ఆహార పదార్థాలు, మాంసాహారం, పన్నీరు, గడువు దాటిన ఆహార పదార్థాలు ఉండటంతో సీజ్‌ చేశారు. చెర్రి దాబాలో, సునీత రెస్టారెంట్‌లు అపరిశుభ్రంగా ఉండటంతో చెర్రి దాబాకు రూ.10 వేలు, సునీత బార్‌ అండ్‌ రెస్టారెంట్‌కు రూ.2 వేల జరిమానా విధించారు. అయితే ఫుడ్‌ సేప్టీ అధికారులు తనిఖీలు చేస్తున్నారన్న సమాచారంతో స్థానిక క్రాస్‌ రోడ్డులో ఉన్న ఫాస్ట్‌ఫుడ్‌ సెంటర్లు, హోటళ్లు ముందే మూసి వేశారు.

నడిగూడెం : మండలంలోని రామాపురం రెవెన్యూ పరిధిలో ఉన్న రైతుల సాగునీటి కల నెరవేరనుంది. ఈ ప్రాంతానికి దగ్గరే సాగర్‌ ఎడమ కాల్వ ఉన్నా చుక్క నీరు అందని పరిస్థితి. దాంతో ఈ ప్రాంత రైతులు ఏళ్ల తరబడి వర్షాధార పంటనే సాగు చేస్తున్నారు. తమ ప్రాంతానికి సాగర్‌ నీటిని అందించాలనే వారి డిమాండ్‌ తీర్చేందుకు ప్రభుత్వం ఆర్‌–9 లిఫ్టు నుంచి ప్రత్యేక పైప్‌లైన్‌ నిర్మాణం చేపడుతోంది. ఇది పూర్తయితే ఈ ప్రాంతంలోని సుమారు 1500 ఎకరాలకు సాగునీరు అందనుంది. ఏళ్లుగా ఎదురు చూపులు నడిగూడెం మండలం రామాపురం రెవెన్యూ పరిధిలోని 190 సర్వే పరిధిలో సుమారు 2,600 ఎకరాల భూములున్నాయి. ఇందులో దాదాపు 600 ఎకరాలు గుట్టలు ఉండగా మిగతావి సాగు భూములు. ఇందులోంచి 300 ఎకరాలను అటవీ శాఖ అధికారులు స్వాధీనం చేసుకున్నారు. మిగతా 1,500 ఎకరాల భూములల్లో రైతులు వర్షాధార పంటలు సాగు చేసుకుంటున్నారు. ఈ ప్రాంతం ఆర్‌–9 లిఫ్టు కింద ఉన్నా చివరి భూములకు సాగునీరు అందడం లేదు. రూ.28 కోట్లతో పనులు మునగాల మండలం కృష్ణానగర్‌ వద్ద నాగార్జునసాగర్‌ ఎడమ కాల్వ సమీపంలో ఉన్న ఆర్‌–9 లిఫ్టు నుంచి సుమారు 7.50 కిలోమీటర్ల వరకు ప్రత్యేక పైప్‌లైన్‌ నిర్మాణం చేయాల్సి ఉంది. ఇందు కోసం కోదాడ ఎమ్మెల్యే నలమాద పద్మావతి, రాష్ట్ర నీటి పారుదలశాఖ మంత్రి ఉత్తమ్‌కుమార్‌రెడ్డి కృషితో ప్రభుత్వం రూ.28 కోట్లు మంజూరు చేసింది. గతనెల మంత్రి ఉత్తమ్‌కుమార్‌రెడ్డి పైపులైన్‌ నిర్మాణ పనులు ప్రారంభించారు. నాణ్యతతో పనులు ప్రత్యేక పైపులైన్‌ పనుల్లో భాగంగా కాల్వను తవ్వుతున్నారు. దాంతో పాటు ఇనుప పైపులు తుప్పు పట్టకుండా ఉండేలా వాటి చుట్టూ ఇనుప చువ్వలు ఏర్పాటు చేసి, సిమెంట్‌ పూతను వేస్తున్నారు. ఈ పైపులైన్‌ నిర్మాణం పూర్తయితే మునగాల మండలం కృష్ణానగర్‌, బరాఖత్‌గూడెం, ముకుందాపురం, ఆకుపాముల, కోదండరామాపురం గ్రామాలతో పాటు, నడిగూడెం మండలం రామాపురం, ఎకలాస్‌ఖాన్‌పేట తండా, తెల్లబల్లి గ్రామాలకు చెందిన రైతులకు సాగు నీరు అందనున్నది. నడిగూడెం, మునగాల మండలాలకు చెందిన పలు గ్రామాలకు ఆర్‌–09 ఎత్తి పోతల పథకం ద్వారా ప్రత్యేక పైపులైన్‌ నిర్మాణపు పనులు ప్రస్తుతం కొనసాగుతున్నాయి. ఈ ఏడాది డిసెంబర్‌ వరకు పనులు పూర్తి చేస్తాం. – రాంప్రసాద్‌, డీఈ, నీటి పారుదల శాఖ, నడిగూడెం సబ్‌ డివిజన్‌ ఫ ఆర్‌–09 ఎత్తి పోతల నుంచి ప్రత్యేక పైప్‌లైన్‌ ఏర్పాటు ఫ రూ.28 కోట్లతో కొనసాగుతున్న పనులు ఫ 190 సర్వే నంబర్‌ పరిధిలోని భూములకు అందనున్న సాగునీరు

సూర్యాపేటటౌన్‌ : ప్రజా ఫిర్యాదులపై వేగంగా స్పందించి, సమస్యలను పరిష్కరించాలని ఎస్పీ నరసింహ ఆదేశించారు. సోమవారం జిల్లా పోలీస్‌ కార్యాలయంలో నిర్వహించిన ప్రజావాణి కార్యక్రమం ఎస్పీ పాల్గొని వినతులు స్వీకరించారు. ఫిర్యాదు దారులతో స్వయంగా మాట్లాడి వారి సమస్యలను తెలుసుకొని, పరిష్కారానికి ఆదేశాలు జారీ చేశారు. ప్రజలకు అవసరమైన సేవలు, తక్షణ సమస్యల పరిష్కారం కోసం పోలీస్‌శాఖ నిరంతరం పనిచేస్తుందన్నారు. శివయ్యకు అన్నాభిషేకంమేళ్లచెరువు: మండల కేంద్రంలోని ఇష్టకామేశ్వరి సమేత స్వయంభు శంభులింగేశ్వర స్వామి దేవాయలంలో సోమవారం ప్రత్యేక పూజలు నిర్వహించారు. అర్చకులు స్వామి వారిని ప్రత్యేకంగా అలంకరించి గణపతిపూజ, పుణ్యాహవచనం, మహాన్యాస పూర్వక ఏకా దశ రుద్రాభిషేకం, సహస్రనామార్చన, మహా లింగార్చన, అన్నాభిషేకం, పుష్పార్చన, గోపూజ చేపట్టారు. మధ్యాహ్నం భక్తులకు అన్నదానం చేశారు. కార్యక్రమంలో ఈఓ శంభిరెడ్డి, అర్చకులు విష్ణువర్ధన్‌శర్మ, ధనుంజయశర్మ పాల్గొన్నారు. రాష్ట్రస్థాయి యోగా పోటీలకు ఎంపిక సూర్యాపేట(ఆత్మకూర్‌(ఎస్‌) : రాష్ట్ర స్థాయి యోగా పోటీలకు ఆత్మకూరు ఎస్‌ జడ్పీహెచ్‌ఎస్‌ విద్యార్థినులు ఎంపికై నట్లు హెచ్‌ఎం వి.శ్రవణ్‌కుమార్‌ తెలిపారు. నల్లగొండలో నిర్వహించిన స్కూల్‌ గేమ్స్‌ ఫెడరేషన్‌ ఉమ్మడి జిల్లా స్థాయి యోగా పోటీల్లో ఆత్మకూరు జెడ్పీహెచ్‌ఎస్‌కు చెందిన జి.వైష్ణవి, జి.రేణు పాల్గొని ప్రతిభ కనబర్చడంతో రాష్ట్రస్థాయికి ఎంపిక చేశారు. విద్యార్థినులతో పాటు పీడీ శ్రీదేవిని పాఠశాల హెచ్‌ఎం, ఉపాధ్యాయులు సోమవారం అభినందించారు.

కోదాడ : ఒకప్పుడు ఉమ్మడి నల్లగొండ జిల్లాలో ఎంతో మందికి ఉన్నత విద్యను అందించి ఉన్నత స్థానాల్లో నిలిపిన కోదాడ కేఆర్‌ఆర్‌ ప్రభుత్వ డిగ్రీ కళాశాల మనుగడ ప్రస్తుతం ప్రశ్నార్థకంగా మారింది. వసతుల లేమి, అధ్యాపకుల కొరతతో తమకు మంజూరైన కోర్సులు సైతం నిర్వహించలేని పరిస్థితి నెలకొనగా.. విద్యాసంస్థ ఆస్తులు సైతం పరాధీనమవుతున్నాయి. కోట్ల రూపాయలతో నిర్మించిన పీజీ భవనం ‘టాస్క్‌’ పరం కాగా.. 22 ఎకరాల స్థలం నవోదయకు కేటాయించారు. మిగిలిన స్థలానికి ప్రహరీ లేక ఆక్రమణల పాలవుతుతోంది. దాంతో కళాశాల భవిష్యత్‌పై పూర్వ విద్యార్థులు, స్థానికులు ఆందోళన వ్యక్తం చేస్తున్నారు. కనీస వసతులు కరువు...ఉమ్మడి నల్లగొండ జిల్లాలో 1968లో కేఆర్‌ఆర్‌ డిగ్రీ కళాశాల ప్రారంభమైంది. తరువాత క్రమంగా కళా శాలను అప్‌గ్రేడ్‌ చేస్తూ 2016లో పీజీ స్థాయికి తీసుకెళ్లారు. అయితే కళాశాలకు కావాల్సిన కనీస వసతులు కల్పంచక పోవడం, పూర్తిస్థాయిలో అధ్యాపకులను నియమించక పోవడంతో విద్యార్థుల సంఖ్య తగ్గి కళాశాల మనుగడే ప్రశ్నార్ధకంగా మారుతోంది. 50 సంవత్సరాల క్రితం కట్టిన కళాశాల ప్రధాన భవన శిథిలావస్థకు చేరి పెచ్చులూడుతోంది. తాగునీటి వసతి సైతం లేక విద్యార్థులు ఇబ్బంది పడుతున్నారు. కళాశాలలో విద్యుత్‌ వైరింగ్‌ పాడై నిత్యం షాట్‌ సర్వ్యూట్‌తో తరచూ సరఫరాలో అంతరాయం ఏర్పడుతోంది. కళాశాలలో కంప్యూటర్లుసైతం సక్రమంగా పనిచేయడం లేదు. ప్రహరీ లేక ఆక్రమణలు..కళాశాలకు 45 ఎకరాల స్థలం ఉంది. దీనిచుట్టూ ప్రహరీలేక ఆక్రమణలకు గురవుతుంది. కళాశాల స్థలం నుంచి ఇటీవల 22.5 ఎకరాలను జవహర్‌ నవోదయ విద్యాలయం ఏర్పాటుకు ప్రభుత్వం కేటాయించింది. కేటాయించిన స్థలం చుట్టూ ప్రహరీ ఏర్పాటు చేసిన అధికారులు.. కళాశాలకు మిగిలిన స్థలాన్ని మాత్రం వదిలేశారు. ప్రస్తుతం ఉన్న స్థలానికి రక్షణ కల్పించాలని, కళాశాలకు అవసరమైన కంప్యూటర్లతో పాటు పూర్తిస్థాయి అధ్యాపకులను నియమించాలని విద్యార్థులు కోరుతున్నారు. ఎఫ్‌ఆర్‌సీతో ఆందోళన డిగ్రీ విద్యార్థులకు కూడా ప్రభుత్వం ఎఫ్‌ఆర్‌సీ (ఫేసియల్‌ రికగ్నైషన్‌ సిస్టమ్‌)ను తప్పని సరి చేసింది. దాంతో కళాశాల విద్యార్థులతో పాటు అధ్యాపకుల్లో ఆందోళన వ్యక్తమవుతోంది. ప్రస్తుతం డిగ్రీ చదువుతున్న విద్యార్థుల్లో ఎక్కువ మంది ఇంటివద్ద వ్యవసాయంతో పాటు వివిధ రకాల పనులు చేసుకుంటూ కళాశాలలకు వచ్చి చదువుకుంటున్నారు. ఎఫ్‌ఆర్‌సీ వల్ల ఉదయం, సాయంత్రం తప్పని సరిగ్గా కళాశాలకు రావాల్సి ఉంటుంది. 75 శాతం హాజరులేకపోతే పరీక్ష రాయడానికి, ఉపకార వేతనాలకు అనర్హులవుతారు. విద్యార్థుల సంఖ్య రోజురోజుకు తగ్గుతూ ఇబ్బంది పడుతున్న డిగ్రీ కళాశాలపై ఎఫ్‌ఆర్‌సీ తీవ్ర ప్రభావం చూపుతుందని అధ్యాపకులు అంటున్నారు.ఫ కోదాడ కేఆర్‌ఆర్‌ ప్రభుత్వ కళాశాలలోని పీజీ కోర్సుల ఎత్తివేత ఫ ఆ భవనంలో ‘టాస్క్‌’ కోసం ఇచ్చేందుకు అధికారుల యత్నాలు ఫ 22 ఎకరాల స్థలం నవోదయకు అప్పగింత

జల్సాల కోసం దొంగతనాలు జల్సాలకు అలవాటుపడి ముఠాగా ఏర్పడి చోరీలకు పాల్పడుతున్న ఐదుగురిని పోలీసులు అరెస్టు చేశారు.మంగళవారం శ్రీ 6 శ్రీ అక్టోబర్‌ శ్రీ 2026- 8లోసూర్యాపేట : దేశవ్యాప్తంగా ఓట్ల చోరీకి కారణమైన కేంద్ర ఎన్నికల కమిషనర్‌ జ్ఞానేష్‌ కుమార్‌ను వెంటనే అరెస్టు చేసి న్యాయ విచారణ జరపాలని కాంగ్రెస్‌ పార్టీ జిల్లా అధ్యక్షుడు గుడిపాటి నర్సయ్య, సీపీఎం, సీపీఐ జిల్లా కార్యదర్థులు మల్లు నాగా ర్జున్‌రెడ్డి, బెజవాడ వెంకటేశ్వర్లు, టీజేఎస్‌ జిల్లా నాయకుడు కుంట్ల ధర్మార్జున్లు డిమాండ్‌ చేశారు. సోమవారం స్థానిక పబ్లిక్‌ క్లబ్‌ ఆడిటోరియంలో ఏర్పాటు చేసిన విలేకరుల సమావేశంలో వారు మాట్లాడారు. కేంద్రంలోని బీజేపీ ప్రభుత్వం జ్ఞానేష్‌కుమార్‌ను అడ్డం పెట్టుకొని దేశవ్యాప్తంగా 13 కోట్ల ఓట్ల చోరీకి పాల్పడిందన్నారు. కేంద్ర ఎన్నికల కమిటీ సభ్యులు జ్ఞానేష్‌కుమార్‌ నిర్ణయాలను వ్యతి రేకించినప్పటికీ ఏకపక్షంగా ప్రభుత్వానికి అనుకూలంగా నిర్ణయాలు తీసుకొన్నారన్నారు. ఎక్కడ ఎన్నికలు జరిగితే అక్కడ లబ్ధి పొందాలనే ఆలోచనతో సర్‌ ప్రక్రియను ప్రవేశపెట్టి పేద, బడుగు బలహీన వర్గాలతో పాటు ముస్లిం మైనార్టీల ఓట్లను తొలగిస్తూ దుర్మార్గంగా వ్యవహరిస్తుందన్నారు. కార్యక్రమంలో ఆయా పార్టీల నాయకులు చకిలం రాజేశ్వర్‌రావు, డేవిడ్‌కుమార్‌, శివకుమార్‌, వెంకన్న, శ్రీనివాస్‌, మల్లీశ్వరి తదితరులు పాల్గొన్నారు.

సూర్యాపేట (భానుపురి) : ప్రజావాణి కార్యక్రమంలో ప్రజల నుంచి వచ్చిన అర్జీలను వెంటనే పరిష్కరించాలని కలెక్టర్‌ తేజస్‌ నంద్‌లాల్‌ పవార్‌ అధికారులను ఆదేశించారు. సోమవారం కలెక్టరేట్‌ సమావేశ మందిరంలో నిర్వహించిన ప్రజావాణిలో ఆయన పాల్గొని ప్రజల నుంచి వినతులు స్వీకరించారు. అనంతరం జిల్లా అధికారులతో నిర్వహించిన సమీక్షా సమావేశంలో ఆయన మాట్లాడారు. ప్రతి సోమవారం ప్రజావాణికి జిల్లాస్థాయి అధికారులు హాజరు కావాలన్నారు. పెండింగ్‌లో ఉన్న దరఖాస్తులను వెంటనే పరిష్కరించాలని కలెక్టర్‌ ఆదేశించారు. ప్రజావాణిలో మొత్తం 86 దరఖాస్తులు వచ్చి నట్లు తెలిపారు. కార్యక్రమంలో అదనపు కలెక్టర్‌ బి.హరిసింగ్‌, డీఆర్‌ఓ ప్రేమ్‌రాజ్‌, జెడ్పీ సీఈఓ శిరీష, డీఆర్డీఓ సన్యాసయ్య, డీఎంహెచ్‌ఓ వెంకటరమణ, డీఏఓ శ్రీధర్‌రెడ్డి, ఎస్సీ కార్పొరేషన్‌ ఈడీ ఉపేందర్‌, తదితరులు పాల్గొన్నారు.

మేళ్లచెరువు : సూర్యాపేట జిల్లాలో మంగళవారం ఉప ముఖ్యమంత్రి భట్టి విక్రమార్క, మంత్రులు ఉత్తమ్‌కుమార్‌రెడ్డి, కోమటిరెడ్డి వెంకట్‌రెడ్డి, అడ్లూరి లక్ష్మణ్‌కుమార్‌ పర్యటించనున్నట్లు కలెక్టర్‌ తేజస్‌ నంద్‌లాల్‌ పవార్‌ తెలిపారు. సోమవారం చింతలపాలెం మండలం పులిచింతల హైడ్రోపవర్‌ ప్రాజెక్టు వద్ద ఏర్పాట్లను కలెక్టర్‌ పరిశీలించారు. అనంతరం మాట్లాడుతూ మంత్రుల పర్యటన నేపథ్యంలో జిల్లా అధికార యంత్రాంగం ముమ్మర ఏర్పాట్లు చేసినట్లు పేర్కొన్నారు. మంత్రులు ముందుగా పులిచింతల హైడ్రో పవర్‌ ప్రాజెక్టు సమీపంలోని హెలీప్యాడ్‌కు చేరుకుంటారని, ప్రాజెక్టును సందర్శించిన అనంతరం జెన్‌కో, ఇరిగేషన్‌ అధికారులతో సమీక్షా సమావేశం నిర్వహిస్తారని తెలిపారు. అనంతరం గరిడేపల్లి మండలం గడ్డిపల్లిలో రూ.200 కోట్లతో నిర్మిస్తున్న యంగ్‌ ఇండియా ఇంటిగ్రేటెడ్‌ రెసిడెన్షియల్‌ స్కూల్‌ పనులను పరిశీలిస్తారని, మునగాల మండలం ఎస్‌ఎంపేట వద్ద రూ. 9.60కోట్లతో నిర్మించనున్న ఆధునిక కమ్యూనిటీ కిచెన్‌కు భూమి పూజ చేస్తారని పేర్కొన్నారు. కలెక్టర్‌ వెంట హుజూర్‌నగర్‌, కోదాడ ఆర్డీఓలు శ్రీనివాసులు, సూర్యనారాయణ, జెన్‌కో ఎస్‌ఈ దేశ్యానాయక్‌, తహసీల్దార్‌ రామకృష్ణారెడ్డి, కాంగ్రెస్‌ పార్టీ మండల అధ్యక్షుడు నరాల కొండారెడ్డి, తదితరులు ఉన్నారు.ఫ కోదాడ, హుజూర్‌నగర్‌ నియోజకవర్గాల్లో ఏర్పాట్లను పరిశీలించిన కలెక్టర్‌, అధికారులు

సూర్యాపేట : శంషాబాద్‌ నుంచి చైన్నె బుల్లెట్‌ రైలు అలైన్‌న్‌మెంట్‌ను సూర్యాపేట మీదుగానే ఏర్పాటు చేయాలని అఖిలపక్షం నాయకులు డిమాండ్‌ చేశారు. బుల్లెట్‌ ట్రైన్‌ సాధన సమితి ఆధ్వర్యంలో సూర్యాపేట పట్టణంలో నిర్వహిస్తున్న రిలే నిరాహార దీక్షలు సోమవారం 53వ రోజు కొనసాగాయి. దీక్షల్లో పాల్గొన్న వారికి మాజీ ఎమ్మెల్యే సంకినేని వెంకటేశ్వరరావు సంఘీభావం ప్రకటించి మాట్లాడారు. కేంద్ర ప్రభుత్వం మొదట ప్రతిపాదించిన అలైన్‌న్‌మెంట్‌ సూర్యాపేట స్టేషన్‌ మీదుగానే ఉందని, అయితే రాష్ట్ర ప్రభుత్వం తన స్వార్థ ప్రయోజనాల కోసం ప్రతిపాదనలను మార్చిందని విమర్శించారు. బుల్లెట్‌ రైలు విషయమై త్వరలోనే కేంద్ర రైల్వే శాఖ మంత్రి అశ్విని వైష్ణవ్‌ని కలిసి ఫిర్యాదు చేస్తామన్నారు. కార్యక్రమంలో మున్సిపల్‌ మాజీ చైర్మన్‌ జుట్టుకొండ సత్యనారాయణ, మైనా రిటీ మోర్చా రాష్ట్ర కార్యదర్శి ఎండీ.అబీద్‌, చల్లమల్ల నరసింహ, కర్నాటి కిషన్‌, వీరేందర్‌, మల్సూర్‌గౌడ్‌, తాళ్లపల్లి మధు, తదితరులు పాల్గొన్నారు.

చిలుకూరు : ఎస్‌ఏ–1 జవాబు పత్రాల మూల్యాంకనం పారదర్శకంగా చేయాలని డీఈఓ చావా శ్రీనివాస్‌ సూచించారు. సోమవారం చిలుకూరు పీఎంశ్రీ జిల్లా పరిషత్‌ ఉన్నత పాఠశాలలో జరుగుతున్న 9వ తరగతి ఫిజికల్‌ సైన్స్‌ జవాబు పత్రాల మూల్యాంకనాన్ని ఆయన పరిశీలించారు. అనంతరం మాట్లాడుతూ మొదటి సారి 9వ తరగతి పరీక్షల జవాబు పత్రాలను మండల స్థాయిలో ఒకే చోట మూల్యాంకనం చేస్తున్నట్లు చెప్పారు. దీనివల్ల విద్యార్థుల సామర్థ్యాలు తెలుస్తాయన్నారు. ఈ సందర్భంగా పాఠశాల ఆవరణలో అసంపూర్తిగా ఉన్న భవనాన్ని పరిశీలించారు. పనులు తిరిగే ప్రారంభమయ్యేలా చేస్తామని చెప్పారు. ఆయన వెంట ఎంఈఓ ఎన్‌జి. శివకుమారి, పాఠశాల హెచ్‌ఎం రాజారాం, ఉపాధ్యాయులు ఉన్నారు.

సూర్యాపేట : తెలంగాణ గవర్నమెంట్‌ జూనియర్‌ కాలేజెస్‌ గెస్ట్‌ లెక్చరర్స్‌ అసోసియేషన్‌ జిల్లా కమిటీని సోమవారం ఎన్నుకున్నారు. జిల్లా కేంద్రంలో నిర్వహించిన సమావేశంలో కమిటీని ఎన్నుకున్నారు. జిల్లా అధ్యక్షుడిగా అందె రవివర్మ, ప్రధాన కార్యదర్శిగా పసునూరి ప్రసాద్‌ కుమార్‌, కోశాధికారిగా కొప్పు అంజయ్య, ఉపాధ్యక్షులుగా దేవపంగి మని, రమావత్‌ నరేష్‌, షేక్‌ ముస్తఫా, ప్రచార కార్యదర్శిగా కాటంరాజు, చంద్రశేఖర్‌, మహిళా కార్యదర్శులుగా గోలి సునీత, సోని ప్రియా, మీడియా ప్రతినిధులుగా వాకిటి వీరేష్‌, లీగల్‌ ఇన్‌చార్జిగా కట్ట దయాకర్‌ ఎన్నికయ్యారు. అసోసియేషన్‌ రాష్ట్ర సహ అధ్యక్షుడు కోడి మహేష్‌ కుమార్‌ ఆధ్వర్యంలో జరిగిన కమిటీ ఎన్నికలో జిల్లాలోని 8 ప్రభుత్వ జూనియర్‌ కళాశాలల్లో పని చేస్తున్న 40 మంది గెస్ట్‌ ఫ్యాకల్టీ పాల్గొన్నారు.

సూర్యాపేట : ప్రోగ్రెసివ్‌ రికగ్నైజ్డ్‌ గురుకుల టీచర్స్‌ అసోసియేషన్‌ (పీఆర్‌జీటీఏ) జిల్లా కార్యవర్గాన్ని ఆదివారం జిల్లా కేంద్రంలో ఎన్నుకున్నారు. అధ్యక్షుడిగా ఎండీ.వహీద్‌ ఖాన్‌, ప్రధాన కార్యదర్శిగా పి.అంజయ్య, ఉపాధ్యక్షులుగా డి.జగన్‌, ఎస్‌కే. జానిపాషా, అసోసియేట్‌ అధ్యక్షులుగా ఎం.శ్రీనివాస్‌, కిరణ్‌, అదనపు ప్రధాన కార్యదర్శిగా టి.శ్రీధర్‌ రెడ్డి, కార్యదర్శులుగా సీహెచ్‌.గురువయ్య, కె.సైదులు, కార్యవర్గ సభ్యులుగా సురేష్‌, రామకృష్ణ, వినీల్‌, రంగారెడ్డి, రాజ చందర్‌, గురు స్వామి, రాములు, షబానా ఎన్నికయ్యారు. ఈ సందర్భంగా సంఘం రాష్ట్ర అధ్యక్షుడు వేమిరెడ్డి దిలీప్‌కుమార్‌ రెడ్డి మాట్లాడుతూ గురుకుల ఉపాధ్యాయులపై పెరుగుతున్న పని ఒత్తిడిని తగ్గించి, మెరుగైన పని వాతావరణం కల్పించాలని డిమాండ్‌ చేశారు. అన్ని గురుకుల సొసైటీలకు ఉమ్మడి కామన్‌ డైరెక్టరేట్‌ ఏర్పాటు చేయాలని, 010 పద్దు ద్వారా జీతాల చెల్లింపు, ఉపాధ్యాయులకు హెల్త్‌ కార్డులు, కేర్‌ టేకర్ల నియామకం చేపట్టాలని డిమాండ్‌ చేశారు. సమావేశంలో సంఘం రాష్ట్ర నాయకులు గుర్రం రమేష్‌ గౌడ్‌, రామకృష్ణారెడ్డి, ఉప్పు అశోక్‌, నాగేశ్వరరావు, పానుగంటి విజయ్‌, లక్ష్మారెడ్డి, సంజీవరెడ్డి, జానకి రాములు గురుకుల ఉపాధ్యాయులు పాల్గొన్నారు.

సూర్యాపేటటౌన్‌ : సన్న బియ్యం ధరలు ౖపైపెకి ఎగబాకుతున్నాయి. నెల రోజుల వ్యవధిలోనే క్వింటాపై రూ.2 వేల వరకు పెరగడంతో వినియోగదారులు బెంబేలెత్తుతున్నారు. ఎల్‌నినో ప్రభావంతో సన్న రకాల వరి సాగు తగ్గడం, ఈ సారి దిగుబడి తగ్గుతుందన్న అంచనాలు, మార్కెట్‌లో బియ్యం నిల్వలు తగ్గడం వంటి కారణాలతో ధరలు పెరుగుతున్నాయని వ్యాపారులు చెబుతున్నారు. వర్షాభావ పరిస్థితుల కారణంగా సన్న రకం ధాన్యం కొరత ఏర్పడవచ్చన్న అంచనాలు కూడా ధరల పెరుగుదలకు కారణమవుతున్నాయని వారు పేర్కొంటున్నారు. భారీగా పెరుగుదల సూర్యాపేట జిల్లాలో బీపీటీ రకం క్వింటా ప్రస్తు తం సుమారు రూ.7వేలకు చేరింది. నెల క్రితం ఇదే రకం ధర రూ.5వేలుగా ఉండేదని వ్యాపారులు చెబుతున్నారు. నెల రోజుల్లోనే క్వింటాపై సుమారు రూ.2వేల వరకు ధర పెరిగింది. అలాగే ఆర్‌ఎన్‌ఆర్‌ రకం బియ్యం ప్రస్తుతం క్వింటాకు సుమారు రూ.7,500 నుంచి రూ.8వేల వరకు పలుకుతుండగా, నెల క్రితం రూ.5,500గా ఉంది. దాంతో బియ్యం వ్యాపారులు, హోటళ్ల నిర్వాహకులు, చిరు వ్యాపారులతో పాటు వినియోగదారులపైనా ధరల ప్రభావం పడుతోంది. బియ్యం ధరలు పెరగడంతో చిల్లర మార్కెట్‌లో సైతం ధరలు పెరుగుతున్నాయి. సాగు తగ్గుతుందన్న అంచనాలు.. ఈ సంవత్సరం వరి సాగు, దిగుబడిపై వాతావరణ పరిస్థితుల ప్రభావం ఉంటుందన్న అంచనాలు మార్కెట్‌పై ప్రభావం చూపుతున్నాయి. సన్న రకాల వరి సాగు తగ్గితే భవిష్యత్తులో ధాన్యం లభ్యత తగ్గుతుందన్న అంచనాతో కొంతమంది వ్యాపారులు ముందుగానే బియ్యం నిల్వ చేసుకుంటున్నారని మార్కెట్‌ వర్గాలు చెబుతున్నాయి. ఎల్‌నినో, సాగు విస్తీర్ణం తగ్గుదల, దిగుబడి అంచనాలు కూడా ధరల పెరుగుదలకు కారణాలుగా వ్యాపారులు చెబుతున్నారు. సూర్యా పేట జిల్లాలో 54 ట్రేడింగ్‌ రైస్‌ మిల్లులు ఉండగా అందులో 26 రా రైస్‌ మిల్లులు, 28 బాయిల్డ్‌ రైస్‌ మిల్లులు ఉన్నాయి. బియ్యం ధరల పెరుగుదలతో నెలవారీగా బియ్యం కొనుగోలు చేసే కుటుంబాలపై అదనపు భారం పడుతోంది. కిలోకు కొద్దిగా పెరిగినట్లు కనిపించినా 25 నుంచి 50 కిలోలు కొనుగోలు చేసే కుటుంబాలకు పెరుగుదల అధికంగానే ఉంటోంది. ఇప్పటికే కూరగాయలు, పప్పులు, నూనెల ధరలు పెరిగి ఇబ్బందులు పడుతున్న మధ్యతరగతి కుటుంబాలకు బియ్యం ధరల పెరుగుదల మరింత భారంగా మారుతోంది. క్వింటా బియ్యం రూ.7వేలకు పైనే ఫ నెలలోనే క్వింటాకు రూ.2 వేల వరకు పెరుగుదల ఫ తగ్గిన సరఫరా, పెరిగిన డిమాండ్‌తో ధరలకు ఊతం ఫ ఎల్‌నినో ప్రభావంతో వరి సాగు తగ్గుతుందనే అంచనాలతో అధిక నిల్వ

సూర్యాపేట(సూర్యాపేటటౌన్‌) : దసరా, బతుకమ్మ, దుర్గామాత నవరాత్రి ఉత్సవాలను ప్రజలు ప్రశాంతంగా, సంతోషంగా జరుపుకోవాలని ఎస్పీ కె.నరసింహ ఆదివారం ఒక ప్రకటనలో సూచించారు. ఉత్సవాల సందర్భంగా గొడవలు, ఘర్షణలకు తావివ్వవద్దని పేర్కొన్నారు. లక్కీ డ్రా, అనుమతి లేని ఇతర కార్యక్రమాలు నిర్వహించ వద్దని కోరారు. మండపం ఏర్పా టు చేసుకునే ముందు సంబంధిత అధికారుల అనుమతి తప్పనిసరిగా తీసుకోవాలని, రోడ్లపై మండపాలు ఏర్పాటు చేసి రాకపోకలకు ఇబ్బంది కలిగించవద్దని సూచించారు. మండపాల వద్ద సీసీ కెమెరాలు ఏర్పాటు చేయాలని, విగ్రహాల తరలింపు సమయంలో ప్రజలు ప్రత్యేక జాగ్రత్తలు పాటించాలని ఎస్పీ స్పష్టం చేశారు. బుల్లెట్‌ రైలు సాధనే ధ్యేయంసూర్యాపేట : జాతీయ రహదారికి సమాంతరంగా బుల్లెట్‌ రైలు కారిడార్‌ను ఏర్పాటు చేయాలనే డిమాండ్‌తో జిల్లా ప్రజలంతా ఉద్యమాలు చేస్తున్నారని, ప్రభుత్వం మొదట ప్రకటించిన అలైన్మెంట్‌ కొనసాగించాలని బుల్లెట్‌ ట్రైన్‌ సాధన సమితి కన్వీనర్‌ ఆరుట్ల జానకిరెడ్డి, మార్కెట్‌ కమిటీ మాజీ చైర్మన్‌ పెద్దిరెడ్డి రాజా డిమాండ్‌ చేశారు. జిల్లా కేంద్రంలో నిర్వహిస్తున్న బుల్లెట్‌ ట్రైన్‌ సాధన రిలే నిరాహార దీక్షలు ఆదివారం 52వ రోజు కొనసాగాయి. దీక్షలకు వారు సంఘీభావం తెలిపి మాట్లాడారు. సమితి గౌరవ సలహాదారు రమణాచారి, సీపీఐ(ఎంఎల్‌) మాస్‌లైన్‌ జిల్లా కార్యదర్శి కొత్తపెల్లి శివకుమార్‌ సాయంత్రం దీక్షలో కూర్చున్న వారికి నిమ్మరసం ఇచ్చి విరమింపజేశారు. దీక్షలో సీపీఐ(ఎంఎల్‌) మాస్‌లైన్‌ సభ్యులు కొత్తపల్లి శివకుమార్‌, కొత్తపెల్లి రేణుక, పేర్ల నాగయ్య, పీడీఎస్‌యూ నాయకుడు అఖిల్‌, సంతోషిమాత, జటంగి వెంకట్‌యాదవ్‌ తదితరులు పాల్గొన్నారు. వీరికి పలువురు నాయకులు, స్థానికులు సంఘీభావం తెలిపారు. ముగిసిన జిల్లాస్థాయి అథ్లెటిక్స్‌ మీట్‌సూర్యాపేట : జిల్లా కేంద్రంలోని పాత ఎస్పీ కార్యాలయంలో నిర్వహించిన నేషనల్‌ ఇంటర్‌ డిస్ట్రిక్‌ జూనియర్‌ అథ్లెటిక్స్‌ మీట్‌ పోటీలు ఆదివారం ముగిశాయి. అండర్‌–14, అండర్‌–16 విభాగాలలో నిర్వహించిన 9రకాల ఈవెంట్స్‌లో సుమారు 450 మంది విద్యార్థులు పాల్గొన్నారు. బి.హరినాథ్‌, కె. ప్రవీణ్‌, సీహెచ్‌ నితిన్‌, ఈ.ప్రణయ్‌, సింధు, మౌనిక, వైష్ణవి, వినయ్‌లను జాతీయ స్థాయి పోటీలకు ఎంపిక చేసినట్లు అథ్లెటిక్స్‌ అసోసియేషన్‌ జిల్లా కార్యదర్శి ఎం.కిరణ్‌కుమార్‌ తెలిపారు. కార్యక్రమంలో ఎస్‌.ఫౌండేషన్‌ సీఈఓ వీరయ్య, గడ్డం వెంకటేశ్వర్లు, చెంబులింగం, మైసయ్య, కార్తీక్‌, సునీత, విజయ్‌, కళమ్మ, మల్లేశ్వరి, ముక్కంటి, పరమేష్‌, అసోసియేషన్‌ ఆర్గనైజింగ్‌ సెక్రటరీ చెరుకు వెంకటేష్‌ పాల్గొన్నారు.

సూర్యాపేట(సూర్యాపేటటౌన్‌) : ఎస్‌ఐ, కానిస్టేబు ల్‌ ఉద్యోగాలకు సిద్ధమవుతున్న నిరుద్యోగ యువతకు జిల్లా యంత్రాంగం, పోలీసుల ఆధ్వర్యంలో అందించనున్న ఉచిత శిక్షణకు అర్హులైన వారిని ఎంపిక చేసేందుకు ఆదివారం స్క్రీనింగ్‌ టెస్ట్‌ నిర్వహించారు. 1600 మంది నిరుద్యోగులు రిజిస్ట్రేషన్‌ చేసుకోగా పరీక్షకు 1,220 మంది హాజరయ్యారు. సూర్యాపేటలోని ఎస్వీ డిగ్రీ కళాశాల, కోదాడ కేఆర్‌ఆర్‌ డిగ్రీ కళాశాల, హుజూర్‌నగర్‌ గ్రీన్‌న్‌ వుడ్‌ పాఠశాల, తిరుమలగిరి జిల్లా పరిషత్‌ ఉన్నత పాఠశాలలో పరీక్షా కేంద్రాలను ఏర్పాటు చేశారు. స్థానిక ఎస్వీ డిగ్రీ కళాశాల పరీక్ష కేంద్రాన్ని ఎస్పీ కె.నరసింహ సందర్శించి, పరీక్ష సరళిని పరిశీలించారు. ఆయన వెంట ట్రైనీ ఐఏఎస్‌ అనూషా, డీఎస్పీ ప్రసన్నకుమార్‌, స్పెషల్‌ బ్రాంచ్‌ ఇన్‌స్పెక్టర్‌ రామారావు, పట్టణ ఇన్‌స్పెక్టర్‌న వెంకటయ్య, రిజర్వ్‌ ఇన్‌స్పెక్టర్‌ ప్రవీణ్‌కుమార్‌, ఎస్‌ఐలు, డీటీ ఉన్నారు.ఫ జిల్లా వ్యాప్తంగా 1220 మంది హాజరు

హుజూర్‌నగర్‌ : సమస్యలు పరిష్కరించే వరకు తమ పోరాటం ఆగదని లారీ ఓనర్స్‌ అసోసియేషన్‌ రాష్ట్ర అధ్యక్ష, ప్రధాన కార్యదర్శులు మంచిరెడ్డి రాజేందర్‌రెడ్డి, ఎస్‌కే చాంద్‌పాషా అన్నారు. ఆది వారం హుజూర్‌నగర్‌లో నిర్వహించిన అసోసియేషన్‌ ఉమ్మడి నల్లగొండ జిల్లా కార్యవర్గ సమావేశంలో వారు మాట్లాడారు. త్వరలోనే సింగిల్‌ పర్మిట్‌, ప్రభుత్వం ఇచ్చిన హామీల అమలుపై పోరాటానికి కార్యాచరణకు ఉమ్మడి పది జిల్లాల్లో సమావేశాలు నిర్వహించనున్నట్లు తెలిపారు. అనంతరం రాష్ట్ర, జిల్లా కార్యవర్గాన్ని అసోసియేషన్‌ హుజూర్‌నగర్‌ నాయకులు సన్మానించారు. సమావేశంలో సంఘం రాష్ట్ర గౌరదీధ్యక్షుడు భాస్కర్‌రెడ్డి, సలహాదారులు పైడిమర్రి వెంకటనారాయణ, ఉపాధ్యక్షులు వెంకటేష్‌గౌడ్‌, కమర్‌, మల్లారెడ్డి, సత్యం బాబు, రాష్ట్ర జాయింట్‌ సెక్రటరీ కోతి సంపత్‌రెడ్డి, ఉమ్మడి నల్లగొండ జిల్లా అధ్యక్షుడు నరసింహగౌడ్‌, ఉపాధ్యక్షుడు యుగంధర్‌రెడ్డి, వర్కింగ్‌ ప్రెసిడెంట్‌ రామారావు, అసోసియేషన్‌ సభ్యులు పాల్గొన్నారు.ఫ లారీ ఓనర్స్‌ అసోసియేషన్‌ రాష్ట్ర అధ్యక్షుడు రాజేందర్‌రెడ్డి

భువనగిరి : క్యాన్సర్‌ మహమ్మారి పల్లెలకూ వ్యాపిస్తోంది. దీంతో ప్రజలు భయాందోళనకు గురువుతున్నారు. మారుతున్న జీవనశైలి, ఆహారపు అలవాట్లలో మార్పులు, అవగాహన లోపం తదితర కారణాలతో ప్రజలు క్యాన్సర్‌ బారిన పడుతున్నారు. ఉమ్మడి నల్లగొండ జిల్లాలో వందలాది మంది క్యాన్సర్‌ బాధితులు ఉన్నట్లు నాన్‌–కమ్యూనికబుల్‌ డిసీజేస్‌ (ఎన్‌సీడీ) ఇటీవల నిర్వహించిన సర్వేలో వెల్లడైంది. మహిళలే అధికం ఉమ్మడి నల్లగొండ జిల్లాలో ఎన్‌సీడీ సర్వే ప్రకారం 2,831 మంది క్యాన్సర్‌ బాధితులు ఉన్నారు. వీరిలో నల్లగొండ జిల్లాలో అత్యధికంగా గర్భాశయ ముఖ ద్వారా క్యాన్సర్‌ బాధితులు 388 మంది, రొమ్ము క్యాన్సర్‌ బాధితులు 395 మంది ఉన్నారు. ఇతర క్యాన్సర్‌ రోగులు సూర్యాపేట జిల్లాలో అత్యధికంగా 232 మంది ఉన్నారు. అయితే నోటి క్యాన్సర్‌ రోగులు యాదాద్రి భువనగిరి జిల్లాలో అత్యల్పంగా 91 మంది ఉన్నారు. క్యాన్సర్‌ బాధితుల్లో నల్ల గొండ జిల్లాలో మహిళలే అధికంగా ఉన్నారు. రొమ్ము, గర్భాశయ ముఖ ద్వార (సర్వైకల్‌) క్యాన్సర్‌ బారిన పడటం ఆందోళన కలిగిస్తోంది. పొగాకు, గుట్కా, ధూమపానం వంటి వ్యసనాలతో వందలాది మంది నోటి క్యాన్సర్‌ బారినపడుతున్నట్టు సర్వేలో తేలింది. వ్యాప్తికి కారణాలివే.. క్యాన్సర్‌ వ్యాధి బారిన పడటానికి గల ప్రధాన కారణాలను వీటిని తీసుకోవచ్చు. ఇందులో శారీక శ్రమ లేకపోవడం, స్థూలకాయం, ఆలస్యంగా వివాహం జరగటం, పిల్లలకు తల్లిపాలు ఇవ్వకపోవడం తదితర కారణాలతో రోమ్ము క్యాన్సర్‌ వస్తుంది. వ్యక్తిగత పరిశుభ్రత లోపించటం, హెచ్‌పీవీ సంక్రమణ, చిన్న వయస్సులోనే వివాహం కావడం తరచూ గర్భధారణ తదితర కారణాలతో గర్భాశయ ముఖద్వార క్యాన్సర్‌, గుట్కా ఖైనీ, జర్థా నమలటం, ధూమపానం, మద్యపానం తీసుకోవడం వంటి అలవాట్లతో నోటి క్యాన్సర్‌ వ్యాపిస్తుంది. ప్రభుత్వ ఆస్పత్రుల్లో పరీక్షలు ఉమ్మడి జిల్లాలోని ప్రభుత్వ జనరల్‌ ఆస్పత్రులతోపాటు సీహెచ్‌సీలు, పీహెచ్‌సీల్లో ఉచితంగా స్క్రీనింగ్‌ పరీక్షలు నిర్వహిస్తున్నారు. అనుమానిత లక్షణాలు ఉన్నవారిని వెంటనే హైదరాబాద్‌లోని క్యాన్సర్‌ ఆస్పత్రికి పంపుతున్నారు. ఆరోగ్యశ్రీ పథకం ద్వారా పేదలకు ఖరీదైన కిమోథెరపీ, రేడియేషన్‌, శస్త్ర చికిత్సలు ఉచితంగా అందిస్తున్నారు. ఫ రోజురోజుకూ పెరుగుతున్న క్యాన్సర్‌ రోగులు ఫ ఉమ్మడి జిల్లాలో 2,831 మంది బాధితులు ఫ ఎన్‌సీడీ సర్వేలో వివరాలు వెల్లడి

కోదాడ : కోదాడలోని ప్రభుత్వ వైద్యశాల ఎదురుగా ఏర్పాటు చేసిన చెన్నెయ్‌షాపింగ్‌ మాల్‌ను స్థానిక ఎమ్మెల్యే పద్మావతిరెడ్డి శనివారం ప్రారంభించారు. ఈ సందర్భంగా ఆమె మాట్లాడుతూ అభివృద్ధిపథంలో పయనిస్తున్న కోదాడ పట్టణంలో పేరుగాంచిన చెన్నయ్‌ షాపింగ్‌ మాల్‌ భాగస్వామి కావడం ఆనందంగా ఉందన్నారు. నాణ్యమైన వస్త్రాలను అందించాలని యాజమాన్యాన్ని కోరారు. సినీ నటి రితికనాయక్‌ జ్యోతి ప్రజ్వలన చేశారు. మాల్‌ యాజమాన్యం ఎమ్మెల్యేతో పాటు సినీనటి రితికనాయక్‌ను సన్మానించారు. కార్యక్రమంలో మున్సిపల్‌ చైర్‌పర్సన్‌ ఎర్నేని కుసుమకుమారి, వైస్‌ చైర్‌పర్సన్‌ మల్లీశ్వరి, కౌన్సిలర్‌ కోటిరెడ్డి తదితరులు పాల్గొన్నారు.

చిట్టీల పేరుతో.. చిట్టీల పేరుతో రూ.కోట్లు వసూలు చేసి మోసం చేసిన ప్రభుత్వ టీచర్‌, అతడి భార్యను అరెస్టు చేశారు. తేనీరు.. తీరొక్క పేరు ఒకప్పుడు సింగిల్‌ చాయ్‌ లభించే మన టీ కొట్లు ఇప్పుడు తీరొక్క రుచులకు కేరాఫ్‌ అడ్రస్‌గా మారాయి. ఆదివారం శ్రీ 4 శ్రీ అక్టోబర్‌ శ్రీ 2026- 8లోఅలవాటు మారింది.. అనారోగ్యం దరిచేరిందిసాక్షి ప్రతినిధి, నల్లగొండ : ఆధునిక జీవన విధానంలో ప్రజలు ఎక్కువ మొత్తంలో అధిక బరువు, స్థూలకాయం, బీపీ, షుగర్‌ వ్యాధుల బారిన పడుతున్నారు. ఆహారం, జంక్‌ ఫుడ్‌, ఇతర అలవాట్లు ప్రజల అనారోగ్యానికి కారణం అవుతోంది. స్థూలకాయం సమస్య మహిళల్లో అధికంగా పెరుగుతుండగా, పురుషులు ఎక్కువ మంది బీపీ, షుగర్‌ వంటి వ్యాధుల బారిన పడుతున్నారు. 2023–24 సంవత్సరానికి సంబంధించి రూపొందించిన జాతీయ కుటుంబ ఆరోగ్య సర్వే –6 ఈ విషయాన్ని స్పష్టం చేసింది. ఈ సర్వే నివేదికను కేంద్ర ప్రభుత్వం ఇటీవల విడుదల చేసింది. మౌలిక సదుపాయాల కల్పనలో రాష్ట్రం అభివృద్ధి చెందుతున్నప్పటికీ, క్షేత్రస్థాయిలో ప్రజల జీవన ప్రమాణాల్లో ఇంకా ఎన్నో లోపాలు ఉన్నాయని పేర్కొంది. అందులో ఉమ్మడి నల్లగొండ జిల్లాలో పరిస్థితులను వెల్లడించింది. స్థూలకాయంతో బాధ పడుతున్న మహిళలే ఎక్కువ ● ఉమ్మడి జిల్లా వ్యాప్తంగా చూస్తే అధిక బరువు (స్థూలకాయం) సమస్యతో బాధపడుతున్న మహిళలు సూర్యాపేట జిల్లాలో అత్యధికంగా 44.4 శాతం మంది ఉండగా, నల్లగొండ జిల్లాలో 38.9 శాతం మంది, యాదాద్రి జిల్లాలో 34.4 శాతం మంది ఉన్నట్లు తేలింది. ● రక్తపోటుతో (బీపీ) బాధపడుతున్న పురుషులు అత్యధికంగా యాదాద్రి భువనగిరి జిల్లాలో ఉన్నారు. అక్కడ 35.3 శాతం మంది హైబీపీతో బాధపడుతున్నట్లు తేలింది. సూర్యాపేటలో 30.9 శాతం మంది, నల్లగొండలో 24.5 శాతం మంది బీపీతో బాధపడుతున్న వారు ఉన్నారు. ● మహిళల్లో నల్లగొండలో 22.8 శాతం, సూర్యాపేటలో 26.3 శాతం, యాదాద్రిలో 26.1 మంది హైబీపీతో బాధపడుతున్నారు. సూర్యాపేటలో ఎక్కువ మందికి షుగర్‌ ● షుగర్‌ వ్యాధి బారిన పడిన వారు సూర్యాపేట జిల్లాలోనే అత్యధికంగా ఉన్నారు. పురుషుల్లో సూర్యాపేటలో 28.8 శాతం మంది షుగర్‌ బారిన పడ్డారు. ఇక యాదాద్రి జిల్లాలో 24.6 శాతం మంది, నల్లగొండలో 26 శాతం మంది వీటి బారిన పడ్డారు. ● మహిళల్లో నల్లగొండలో 22.8 శాతం మంది, సూర్యాపేటలో 26.3 శాతం మంది, యాదాద్రిలో 26.1 శాతం మంది షుగర్‌ బారిన పడ్డారు. నల్లగొండ, యాదాద్రిలో మందుబాబులు ఎక్కువే మత్తు పదార్థాల వాడకం విషయానికి వస్తే యాదాద్రి భువనగిరి, నల్లగొండ జిల్లాల్లో 15 ఏళ్లకు పైబడిన వారిలో సగానికి పైగా మందుబాబులు ఉన్నారు. యాదాద్రి భువనగిరి జిల్లాలో 54.1 శాతం మంది, నల్లగొండలో 50.4 శాతం మంది, సూర్యాపేటలో 46.5 శాతం మద్యం తాగే వారు ఉన్నారు. ● పొగాకు వాడకంలో నల్లగొండలో పురుషులు 24.7 శాతం మంది ఉండగా, సూర్యాపేటలో 18 శాతం, యాదాద్రిలో 14.5 శాతం మంది పొగరాయుళ్లు ఉన్నట్లు తేలింది. బాల్య వివాహాలు, యుక్త వయస్సులో గర్భధారణ బాల్య వివాహాల విషయంలో నల్లగొండ జిల్లాలో పరిస్థితి ఆందోళనకరంగా ఉంది. నల్లగొండ జిల్లాలో (20–24 ఏళ్ల మహిళల్లో) 25.2 శాతం మంది 18 ఏళ్ల కంటే ముందే వివాహం చేసుకున్నారు. సూర్యాపేటలో ఇది 17.2 శాతం కాగా, యాదాద్రి భువనగిరిలో చాలా తక్కువగా 11.3 శాతమే నమోదైంది. 15–19 ఏళ్లలోనే గర్భం దాల్చిన వారు నల్లగొండ 10.6 శాతం మంది ఉండగా, సూర్యాపేటలో 9.4 శాతం మంది, యాదాద్రి జిల్లాలో 4.7 శాతం మాత్రమే ఉన్నారు. పిల్లల్లో పోషకాహార లోపం పిల్లల్లో పోషకాహార లోపం అధికంగానే ఉంది. పోషకాహార లోపంతో ఐదేళ్లలోపు పిల్లల్లో వయస్సుకు తగిన ఎత్తు పెరగని పిల్లలు నల్లగొండ జిల్లాలో 26.2 శాతం మంది ఉన్నారు. సూర్యాపేటలో అత్యధికంగా 29.2 శాతం మంది ఉండగా, యాదాద్రి జిల్లాలో 23.6 శాతం ఉన్నారు. ఐదేళ్లలోపు వయస్సుకు తగిన బరువు లేని పిల్లలు అధికంగానే ఉన్నారు. నల్లగొండలో 29 శాతం మంది ఉండగా, సూర్యాపేటలో 25.9 శాతం, యాదాద్రి జిల్లాలో 31 శాతం మంది ఉన్నట్లు తేలింది. అధిక బీపీ ఉన్న పురుషులు, మహిళల శాతం జిల్లా పురుషులు మహిళలు యాదాద్రి 35.3 26.1 సూర్యాపేట 30.9 26.3 నల్లగొండ 24.5 22.8 అధిక షుగర్‌ ఉన్న పురుషులు, మహిళల శాతం జిల్లా పురుషులు మహిళలు సూర్యాపేట 28.8 26.3 యాదాద్రి 24.6 26.1 నల్లగొండ 26 22.8 స్థూలకాయంతో బాధపడుతున్న మహిళల శాతం సూర్యాపేట 44.4 నల్లగొండ 38.9 యాదాద్రి 34.4 ఫ మహిళలను వేధిస్తున్న స్థూలకాయం సమస్య ఫ 60శాతం ప్రసవాలు సిజేరియన్ల ద్వారానే.. ఫ ఐదేళ్లలోపు పిల్లల్లో పోషకాహార లోపం జాతీయ కుటుంబ ఆరోగ్య సర్వే–6లో వెల్లడి

అర్వపల్లి : తుంగతుర్తి నియోజకవర్గంలోని నాగా రం, జాజిరెడ్డిగూడెం మండలాల్లో ఎస్సారెస్పీ కాలు వకు సిమెంట్‌ లైనింగ్‌కు నీటి పారుదల శాఖ ప్రభుత్వానికి ప్రతిపాదనలు పంపింది. 71 డీబీఎం కాల్వకు నాగారం మండలం ప్రగతినగర్‌ గేట్ల వద్ద నుంచి జాజిరెడ్డిగూడెం మండలం తిమ్మాపురం వరకు లైనింగ్‌ వేయనున్నారు. ప్రగతినగర్‌ నుంచి తిమ్మాపురం వరకు 24 కిలోమీటర్ల దూరం ఉండగా ఇందులో ఇప్పటికే 6 కిలోమీటర్ల మేర లైనింగ్‌ పనులు చేపట్టారు. మిగిలిన 18 కిలోమీటర్ల కాలువ లైనింగ్‌ కోసం నిధుల మంజూరుకు ప్రభుత్వానికి ప్రతిపాదనలు వెళ్లాయి. రూ.41 కోట్లతో ప్రతిపాదనలు రెండు మండలాల పరిధిలోని 18 కిలోమీటర్ల 71 డీబీఎం కాలువ లైనింగ్‌కు రూ.41కోట్లతో అధికారులు ప్రతిపాదనలు పంపారు. నిధులు మంజూరైతే కాలువ లైనింగ్‌ పనులను చేపట్టనున్నారు. కాలువలు నిర్మించి 15 ఏళ్లు దాటినా ఇంతవరకు లైనింగ్‌ పనులు పూర్తిస్థాయిలో చేపట్టలేదు.

మాజీ మంత్రి దివంగత రాంరెడ్డి దామోదర్‌రెడ్డి ఎన్నికల ప్రచారాన్ని అర్వపల్లిలోని యోగానంద లక్ష్మీనర్సింహస్వామి దేవాలయం నుంచే ప్రారంభించే వారు. ఆలయంలో పూజలు చేసిన అనంతరం ప్రచారం మొదలు పెట్టడం ఆయన సెంటిమెంట్‌. దానిని సర్వోత్తమ్‌రెడ్డి కూడా పాటించారు. పట్టభద్రుల ఎమ్మెల్సీ కాంగ్రెస్‌ అభ్యర్ధిగా పార్టీ అధిష్టానం ప్రకటించిన అనంతరం ఆయన శనివారం అర్వపల్లి దేవాలయాన్ని సందర్శించి ప్రత్యేక పూజలు చేశారు. తన తండ్రి ఆర్డీఆర్‌ సెంటిమెంట్‌ ప్రకారం తాను కూడా అర్వపల్లి ఆలయంలో పూజలు చేసి ప్రచారాన్ని ప్రారంభిస్తున్నట్లు సర్వోత్తమ్‌రెడ్డి తెలిపారు. అర్వపల్లి దేవాలయానికి తమ కుటుంబం 850 ఎకరాల భూమిని దానం చేసినట్లు గుర్తుచేశారు. ఎడారిగా మారిన ఈ ప్రాంతానికి గోదావరి జలాలను తెచ్చి సస్యశ్యామలం చేసిన ఘనత ఆర్డీఆర్‌కే దక్కిందన్నార

భానుపురి (సూర్యాపేట) : వానాకాలం సీజన్‌న్‌కు సంబంధించిన ధాన్యం కొనుగోళ్లను సజావుగా, పారదర్శకంగా నిర్వహించేందుకు అవసరమైన ఏర్పాట్లు పూర్తి చేయాలని కలెక్టర్‌ తేజస్‌ నంద్‌లాల్‌ పవార్‌ సంబంధిత అధికారులను ఆదేశించారు. వానాకాలం ధాన్యం కొనుగోళ్ల ఏర్పాట్లపై శనివారం నిర్వహించిన సమావేశంలో ఆయన మాట్లాడారు. జిల్లాలో 352 ధాన్యం కొనుగోలు కేంద్రాలను గుర్తించగా, 267 కేంద్రాలను మొదటి దశలో ప్రారంభించాలని ప్రతిపాదించినట్లు తెలిపారు. కేంద్రాల్లో మౌలిక వసతులు, తూకం, నాణ్యత పరీక్ష, గన్నీ బ్యాగులు, టార్పాలిన్లు, హమాలీలు, రవాణా, నిల్వ తదితర ఏర్పాట్లను చేయాలని ఆదేశించారు. రైతులకు టోకెన్ల జారీ ప్రక్రియను పారదర్శకంగా నిర్వహించాలని సూచించారు. ధాన్యం రవాణాకు అవసరమైన వాహనాలను ముందుగానే సిద్ధంగా ఉంచాలని, రవాణా కాంట్రాక్టర్లు, అధికారులతో సమన్వయం చేసుకోవాలన్నారు. అర్హత కలిగిన సన్న రకం ధాన్యానికి క్వింటాకు రూ.500 బోనస్‌ అందేలా చర్యలు తీసుకోవాలని సూచించారు. సమావేశంలో అదనపు కలెక్టర్‌ బి.హరిసింగ్‌, జిల్లా పౌరసరఫరాల అధికారి వి. మోహన్‌న్‌బాబు, సివిల్‌ సప్లైస్‌ జిల్లా మేనేజర్‌ వి. శ్రీధర్‌రెడ్డి, అదనపు జిల్లా గ్రామీణాభివృద్ధి అధికారి సురేష్‌ కుమార్‌, జిల్లా సహకార సూపరింటెండెంట్‌ కె.అంజయ్య పాల్గొన్నారు. కేంద్రీకృత వంటశాలకు స్థల పరిశీలన మునగాల : మండలంలోని వెంకట్రాంపురం గ్రామపంచాయతీ పరిధిలోని ఎస్‌ఎంపేట రెవెన్యూ పరిధిలో రాష్ట్ర ప్రభుత్వం రూ.9 కోట్ల అంచనా వ్యయంతో ఏర్పాటు చేయనున్న కేంద్రీకృత వంట శాల నిర్మాణం కోసం స్థలాన్ని శనివారం కలెక్టర్‌ తేజస్‌ నంద్‌లాల్‌ పవార్‌, ఎస్పీ కె.నరసింహ పరిశీలించారు. స్థల అనుకూలత, అందుబాటులో ఉన్న విస్తీర్ణం, నిర్మాణానికి అనువైన అవసరమైన సౌకర్యాలను ఆర్డీఓ సూర్యనారాయణ, స్థానిక తహసీల్దార్‌ వి.సరితను అడిగి తెలుసుకున్నారు. ఫ రైతులకు ఇబ్బందులు కలగకుండా ఏర్పాట్లు ఫ కలెక్టర్‌ తేజస్‌ నంద్‌లాల్‌ పవార్‌

అర్వపల్లి: ఏఐసీసీ సభ్యుడు, పట్టభద్రుల ఎమ్మెల్సీ స్థానానికి కాంగ్రెస్‌ అభ్యర్థి రాంరెడ్డి సర్వోత్తమ్‌రెడ్డి అర్వపల్లి నుంచి ఎన్నికల ప్రచారం ప్రారంభించారు. తమ ఇలవేల్పు అయిన అర్వపల్లిలోని యోగానంద లక్ష్మీనర్సింహస్వామి దేవాలయంలో శనివారం ఆయన ప్రత్యేక పూజలు నిర్వహించారు. అనంతరం నిర్వహించిన సమావేశంలో ఆయన మాట్లాడుతూ తమ కుటుంబం కాంగ్రెస్‌ పార్టీకి నాలుగు తరాలుగా విధేయులుగా ఉందన్నారు. తాను ఎమ్మెల్సీ బరిలో ఉన్నానని, కాంగ్రెస్‌ పార్టీ ఏకగ్రీవంగా తన అభ్యర్ధిత్వాన్ని ఖరారు చేసిందని చెప్పారు. తనకు ఎమ్మెల్సీ అభ్యర్థిగా అవకాశం కల్పించిన పార్టీ అధిష్టానానికి, సీఎం రేవంత్‌రెడ్డి, మంత్రులు, ఎంపీలు, ఎమ్మెల్యేలు, ఎమ్మెల్సీలకు కృతజ్ఞతలు తెలిపారు. తన అభ్యర్థిత్వంపై ఎలాంటి గందరగోళం, అసంతృప్తి లేదని, పార్టీ అధిష్టానం తీసుకున్న నిర్ణయాన్ని తమ కుటుంబం ఎప్పుడూ ధిక్కరించలేదని స్పష్టం చేశారు. ఉమ్మడి నల్లగొండ, ఖమ్మం, వరంగల్‌ జిల్లాలతో తమ కుటుంబానికి విడదీయరాని బంధం ఉందని తెలిపారు. తన తండ్రి దామోదర్‌రెడ్డి ప్రజల హృదయాల్లో శాశ్వత స్థానం సంపాదించుకున్నారని, ఆయన కోరిక మేరకు రాజకీయాల్లోకి వచ్చానన్నారు. పట్టభద్రులంతా ఓటుహక్కు నమోదు చేసుకోవాలని, ఇందుకోసం ప్రతి గ్రామంలో హెల్ప్‌డెస్క్‌లను ప్రారంభిస్తామని ప్రకటించారు. అనంతరం ఆలయం నుంచి మెయిన్‌రోడ్డు వరకు ర్యాలీగా వెళ్లి వైజంక్షన్‌లో ఉన్న ఆర్డీఆర్‌ విగ్రహానికి పూలమాల వేసి నివాళులర్పించారు. కార్యక్రమంలో డీసీసీ అధ్యక్షుడు గుడిపాటి నర్సయ్య, సూర్యాపేట మున్సిపల్‌ చైర్‌పర్సన్‌ మొరిశెట్టి నివేదిత లక్షాది, వైస్‌ చైర్మన్‌ షఫీఉల్లా, కాంగ్రెస్‌ రాష్ట్ర నాయకులు దూరూరి యోగానందచార్యులు, పోతు భాస్కర్‌, చకిలం రాజేశ్వరరావు, తిరుమలప్రగడ అనూరాధ, డీసీసీ ఉపాధ్యక్షుడు అనిరెడ్డి రాజేందర్‌రెడ్డి, నర్సింగ్‌ శ్రీనివాస్‌గౌడ్‌, మోరపాక సత్యం, డాక్టర్‌ ఊర రామ్మూర్తి, బైరబోయిన సైదులు, మహరాజు, సతీష్‌రెడ్డి, సర్పంచ్‌లు పాల్గొన్నారు. ఫ ఎమ్మెల్సీ అభ్యర్ధి సర్వోత్తమ్‌రెడ్డి ఫ అర్వపల్లి నుంచి ఎమ్మెల్సీ ప్రచారానికి శ్రీకారం

నడిగూడెం: ప్రభుత్వం ఇంటర్మీడియట్‌ విద్యార్థులకు కల్పిస్తున్న సదుపాయాలను సద్విని యోగం చేసుకొని ఉత్తమ ఫలితాలు సాధించాలని జిల్లా ఇంటర్మీడియట్‌ విద్యాశాఖ అధి కారి సులోచనా రాణి విద్యార్థులకు సూచించా రు. రాష్ట్ర ప్రభుత్వం అందించిన యూని ఫామ్‌ ను శనివారం నడిగూడెంలోని కేఎల్‌ఎన్‌ ప్రభు త్వ జూనియర్‌ కళాశాల విద్యార్థులకు ఆమె పంపిణీ చేశారు. ఈ సందర్భంగా ఆమె మాట్లాడుతూ ఈ విద్యా సంవత్సరం నుంచి ఇంటర్‌ విద్యార్థులకు ప్రభుత్వం ఉచితంగా నోటు పుస్తకాలు, యూనిఫామ్‌లు, షూస్‌, బెల్టులు, గుర్తింపు కార్డులతో పాటు బ్యాగులను అందిస్తుందని తెలిపారు. త్వరలో విద్యార్థులకు బ్రేక్‌ఫాస్ట్‌, మధ్యాహ్న భోజనం అందించేందుకు ప్రభుత్వం సన్నాహాలు చేస్తోందని పేర్కొన్నారు. కార్యక్రమంలో కళాశాల ప్రిన్సిపాల్‌ డి.విజయానాయక్‌, అధ్యాపకులు జాన్‌ పాషా, కృష్ణ, మహేష్‌, ఈశ్వర్‌, నాగరాజు, శ్రీనివాసరావు, కోళ్లు శ్రీనివాస్‌, వెంకటేశ్వరరావు, తేజశ్రీ, రజిత, సుజాత పాల్గొన్నారు. ప్రకృతి వ్యవసాయ క్షేత్రం సందర్శన నడిగూడెం : ఆంద్రప్రదేఽశ్‌ రాష్ట్రం పల్నాడు జిల్లా, నాగిరెడ్డిపాలెం గ్రామంలో ఏర్పాటు చేసిన బయో రిసోర్స్‌ సెంటర్‌ (బీఆర్‌సీ)ని సూర్యాపేట జిల్లాకు చెందిన 55 మంది రైతులు సందర్శించారు. జాతీయ ప్రకృతి వ్యవసాయ మిషన్‌ (ఎన్‌ఎంఎన్‌ఎఫ్‌) ఆధ్వర్యంలో ఈ కార్యక్రమం నిర్వహించారు. ఈ సందర్భంగా జిల్లా వ్యవసాయ అధికారి జి. శ్రీధర్‌రెడ్డి మాట్లాడుతూ రైతులకు ప్రకృతి వ్యవసాయ పద్ధతులపై అవగాహన కల్పించడంతో పాటు, క్షేత్రస్థాయిలో వాటిని పరిశీలించే అవకాశం కల్పించేందుకు క్షేత్ర సందర్శన నిర్వహించినట్లు తెలిపారు. డీపీఎం అమల కుమారి, కేవీకే గడ్డిపల్లి శాస్త్రవేత్త అరిగెల కిరణ్‌ రైతులకు వివిధ రకాల కషాయాలు, ప్రకృతి వ్యవసాయ ద్రావణాల తయారీ విధానాలను వివరించారు. కార్యక్రమంలో వ్యవసాయ విస్తరణ అధికారులు బి. ముత్యం, ఎం.ఉమేష్‌, రైతులు పాల్గొన్నారు. లక్ష్మీనరసింహునికి నిత్యపూజలుమఠంపల్లి : మట్టపల్లిలోని రాజ్యలక్ష్మి, చెంచులక్ష్మి సమేత లక్ష్మీనరసింహస్వామి ఆలయంలో శనివారం అర్చకులు స్వామివారికి విశేష పూజలు, నిత్యకల్యాణాన్ని అత్యంత వైభవంగా నిర్వహించారు. ఈ సందర్భంగా ఆలయంలో స్వామి వారికి అర్చనలు, మూలవిరాట్‌కు పంచామృతాభిషేకం చేశారు. అనంతరం విష్వక్సేనారాధన, పుణ్యహవచనం, రుత్విగ్వరణం, పంచగవ్యప్రాశన, మధుఫర్కపూజ, మాంగల్యధారణ, తలంబ్రాలతో కల్యాణోత్సవాన్ని నిర్వహించారు. కార్యక్రమంలో ఆలయ అనువంశిక ధర్మకర్తలు మట్టపల్లిరావు, విజయ్‌కుమార్‌, ఈఓ, అర్చకులు పాల్గొన్నారు.

తిరుమలగిరి (తుంగతుర్తి) : తిరుమలగిరి వ్యవసాయ మార్కెట్‌లో ధాన్యానికి ప్రభుత్వ ప్రకటించిన మద్దతు ధర కంటే అధికంగా వస్తున్నది. మార్కెట్‌కు శనివారం 7,157 బస్తాల ధాన్యం వచ్చినట్లు మార్కెట్‌ కార్యదర్శి శంషేర్‌ తెలిపారు. మార్కెట్‌లో దొడ్డు ధాన్యానికి (ఐఆర్‌ 64) గరిష్ఠంగా క్వింటాకు రూ.2480, కనిష్ఠంగా రూ.2200 ధర పలికింది. సాంబమసూరి క్వింటాకు గరిష్ఠంగా రూ.3051, కనిష్ఠంగా రూ.2902 పలికింది. ప్రభుత్వ మద్దతు ధర క్వింటాకు రూ.2461 కాగా మార్కెట్‌లో అంతకు మించి ధర రావడంతో రైతులు హర్షం వ్యక్తం చేస్తున్నారు.

రామగిరి(నల్లగొండ) : నల్లగొండలోని ఎన్జీ కాలేజీలో ఏఐ, సైబర్‌ సెక్యూరిటీ స్కిల్స్‌పై నిర్వహించిన రెండు రోజుల ప్రత్యేక శిక్షణ శనివారం ముగిసింది. కంప్యూటర్‌ సైన్స్‌, ఫిజిక్స్‌ విభాగాల ఆధ్వర్యంలో మ్యాజిక్‌ బస్సు ఇండియా ఫౌండేషన్‌, ఐబీఎం సంయుక్తంగా ఈ శిక్షణ ఇచ్చారు. ఈ సందర్భంగా ఐబీఎం ప్రాజెక్టు మేనేజర్‌ సాయి రాఘవేంద్ర, శిక్షకురాలు లక్ష్మీప్రసన్న మాట్లాడుతూ ఏఐ టూల్స్‌ సహాయంతో ఉద్యోగాలు సాధించేలా ప్రాజెక్టులను సిద్ధం చేసుకోవడం, ప్రతిభను చాటేలా రెజ్యుమ్‌ డిజైన్‌ చేయడం, రోజువారీ విద్యలో చాట్‌ జీపీటీ, జెమిని ఏఐలను నైపుణ్యంతో ఎలా ఉపయోగించుకోవచ్చో వివరించారు. కళాశాల ప్రిన్సిపాల్‌ ఎస్‌.ఉపేందర్‌ మాట్లాడుతూ భవిష్యత్‌లో సాంకేతిక రంగానికి కృత్రిమ మేధస్సే కీలకమని, విద్యార్థులు సాంకేతిక పరిజ్ఞానాన్ని సద్వినియోగం చేసుకుని కెరీర్‌లో ఉన్నత శిఖరాలను అధిరోహించాలని సూచించారు. అనంతరం విద్యార్థులకు సర్టిఫికేట్లను అందజేశారు. కార్యక్రమంలో ఫిజిక్స్‌ హెచ్‌ఓడీ శ్రీనివాస్‌రెడ్డి, కంప్యూటర్‌ సైన్‌ హెచ్‌ఓడీ ఎస్‌పి.వెంకటరమణ, అధ్యాపకులు పాల్గొన్నారు.

భానుపురి(సూర్యాపేట) : నల్లగొండ–ఖమ్మం–వరంగల్‌ పట్టభద్రుల నియోజకవర్గం నుంచి కాంగ్రెస్‌ పార్టీ అభ్యర్థిగా నిలిచిన తనపై చేస్తున్న తప్పుడు ప్రచారాన్ని మానుకోవాలని రాంరెడ్డి సర్వోత్తమ్‌రెడ్డి పేర్కొన్నారు. ఈ మేరకు శుక్రవారం ఆయన ప్రకటన విడుదల చేశారు. తాను టికెట్‌ అడగలేదని, ఎమ్మెల్సీగా పోటీ చేయడానికి సిద్ధంగా లేనని, యూటర్న్‌ తీసుకున్నట్లు జరుగుతున్న ప్రచారం పూర్తిగా అవాస్తవని పేర్కొన్నారు. ప్రస్తుతం కాంగ్రెస్‌ పార్టీ ఎమ్మెల్సీ అభ్యర్థిగా ఎన్నికల్లో పోటీ చేయడం నా స్పష్టమైన నిర్ణయమని, పార్టీ నాకు అప్పగించిన బాధ్యతను పూర్తి నిబద్ధతతో స్వీకరిస్తున్నానని తెలిపారు. దీర్ఘకాలిక రాజకీయ లక్ష్యాల గురించి నేను గతంలో చెప్పిన విషయాలను ప్రస్తుత ఎమ్మెల్సీ ఎన్నికలతో ముడిపెట్టి వక్రీకరించడం సరికాదని, పట్టభద్రుల సమస్యలకు బలమైన ప్రాతినిధ్యం వహించడం తన కర్తవ్యం పేర్కొన్నారు. ఇక రెండు పట్టభద్రుల సీట్లు రెడ్లకే ఇవ్వడంతో బీసీ వర్గాల్లో ఆగ్రహం వచ్చిందని, అందుకే కాంగ్రెస్‌ అభ్యర్థిని మార్చబోతోందని చేస్తున్న ప్రచారానికి కూడా ఎలాంటి ఆధారం లేదని పేర్కొన్నారు. సామాజిక వర్గాల మధ్య విభేదాలు సష్టించే ఊహాగానాలను ప్రచారం చేయడం బాధ్యతారాహిత్యం తెలిపారు. కాంగ్రెస్‌ పార్టీ నాపై ఉంచిన నమ్మకాన్ని నిలబెట్టుకోవడానికి నేను సిద్ధంగా ఉన్నానని, పట్టభద్రుల ఆశీస్సులతో ముందుకు సాగుతానని ఈ సందర్భంగా స్పష్టం చేశారు. ఫ కాంగ్రెస్‌ ఎమ్మెల్సీ అభ్యర్థి రాంరెడ్డి సర్వోత్తమ్‌రెడ్డి

సూర్యాపేట : గాంధేయ మార్గంలో పోరాడి జిల్లాకు బుల్లెట్‌ రైలును సాధించి తీరుతామని బుల్లెట్‌ రైలు సాధన అఖిలపక్ష పోరాట కమిటీ నాయకులు అన్నారు. బుల్లెట్‌ రైలు సాధన ఉద్యమంలో భాగంగా గాంధీ జయంతి సందర్భంగా శుక్రవారం సూర్యాపేటలోని గాంధీ విగ్రహం వద్ద మౌన దీక్షగా నిర్వహించారు. గాంధీ విగ్రహానికి పూలమాలవేసి నివాళులర్పించారు. ఈ దీక్షలో బుల్లెట్‌ రైలు సాధన సమితి నాయకులు, ప్రజా సంఘాలు, విద్యార్థి సంఘాల నాయకులు, మహిళలు, ప్రజలు పెద్ద ఎత్తున పాల్గొన్నారు. ఈ దీక్షకు ప్రముఖ పారిశ్రామికవేత్త మీలా మహదేవ్‌, టీయూడబ్ల్యూజే ఐజేయూ నాయకులు, పట్టణ ఆర్యవైశ్య సంఘం నాయకులు సంఘీభావం తెలిపారు. ఈ కార్యక్రమంలో వివిధ పార్టీలు, ప్రజా సంఘాల నాయకులు పాల్గొన్నారు. కేంద్రం దృష్టికి తీసుకెళ్లాలి జిల్లా మీదుగా బుల్లెట్‌ రైలు కారిడార్‌ ఏర్పాటు డిమాండ్‌ విషయాన్ని కేంద్ర ప్రభుత్వం దృష్టికి తీసుకువెళ్లాలని బుల్లెట్‌ రైలు సాధన సమితి నాయకులు కోరారు. ఈ మేరకు శుక్రవారం సూర్యాపేటలోని బీజేపీ కార్యాలయంలో ఆ పార్టీ జిల్లా అధ్యక్షురాలు చల్ల శ్రీలతారెడ్డిని కలిసి వినతిపత్రం అందజేశారు. శ్రీలతారెడ్డి మాట్లాడుతూ త్వరలో కేంద్ర రైల్వే శాఖ మంత్రిని కలిసి విషయాన్ని విన్నవిస్తామని హామీ ఇచ్చారు. కార్యక్రమంలో బుల్లెట్‌ ట్రైన్‌ సాధన సమితి కన్వీనర్‌ ఆరుట్ల జానకిరెడ్డి, సీపీఎం, టీజేఎస్‌, సీపీఐ, న్యూడెమాక్రసీ, మాస్‌లైన్‌, బీజేపీ నాయకులు మల్లు నాగార్జునరెడ్డి, కుంట్ల ధర్మార్జున్‌, బెజవాడ వెంకటేశ్వర్లు, మండారి డేవిడ్‌ కుమార్‌, కొత్తపల్లి శివకుమార్‌, మట్టిపల్లి సైదులు, తుకాని మన్మధరెడ్డి, టీకుల్ల సాయిరెడ్డి, పాండురంగాచారి పాల్గొన్నారు.

భానుపురి(సూర్యాపేట) : మహనీయులైన మహాత్మా గాంధీ, లాల్‌ బహదూర్‌ శాస్త్రి మార్గం ఎప్పటికీ ఆచరణీయమని కలెక్టర్‌ తేజస్‌ నంద్‌లాల్‌ పవార్‌ అన్నారు. శుక్రవారం సూర్యాపేట కలెక్టరేట్‌లో జాతిపిత మహాత్మా గాంధీ, లాల్‌ బహదూర్‌ శాస్త్రి జయంతి సందర్భంగా వారి చిత్ర పటానికి పూలలు వేసిఘన నివాళులర్పించారు. అనంతరం ఆయన మాట్లాడుతూ సత్యం, అహింస, సత్యగ్రహం అనే ఆయుధాల ద్వారా గాంధీజీ దేశానికి స్వాతంత్య్రం తెచ్చారన్నారు. దేశ రక్షణ, ఆహార భద్రతలో రైతులు, సైనికుల పాత్రను గుర్తించి జై జవాన్‌–జై కిసాన్‌ నినాదాన్ని ఇచ్చిన మాజీ ప్రధాని లాల్‌ బహదూర్‌ శాస్త్రి సేవలు చిరస్మరణీయమన్నారు. వారు చూపిన బాటలో నడవాలని పిలుపునిచ్చారు. ఈ కార్యక్రమంలో అదనపుకలెక్టర్‌ బి.హరిసింగ్‌, డీఆర్‌ఓ ప్రేమ్‌రాజ్‌, డీఎంహెచ్‌ఓ వెంకటరమణ, ఎస్సీ కార్పొరేషన్‌ ఈడీ ఉపేందర్‌రావు, ఆడిట్‌ ఆఫీసర్‌ శ్యామ్‌సుందర్‌ ప్రసాద్‌, డీసీఓ శ్రీరామ్‌, సివిల్‌ సప్లయ్‌ డీఎం శ్రీధర్‌రెడ్డి, డీబీసీడీఓ విశాల్‌, ఫిషరీస్‌ ఏడీ ఆంజనేయశర్మ, అధికారులు పాల్గొన్నారు. ఫ కలెక్టర్‌ తేజస్‌ నంద్‌లాల్‌ పవార్‌

భానుపురి(సూర్యాపేట) : బతుకమ్మ పండుగకు మహిళలు చిలుక పచ్చరంగులో మెరిసిపోనున్నారు. తెలంగాణ ప్రభుత్వం బతుకమ్మ పండుగ కానుకగా ఏటా అందించే చీరలు ఈ సారి చిలుక పచ్చ రంగులో వచ్చేశాయి. పండుగ మరో 20 రోజులు ఉండగానే ముందస్తుగా జిల్లాకు ఇప్పటికే సగానికి పైగా చీరలు వచ్చాయి. మిగతా చీరలు త్వరలోనే రానున్నాయని అధికారులు చెబుతున్నారు. సద్దుల బతుకమ్మకు రెండ్రోజుల ముందుగానే పంపిణీ చేసేందుకు జిల్లా యంత్రాంగం ఏర్పాట్లు చేస్తోంది. జిల్లాలో 1,90,000 మంది మహిళలు టీఆర్‌ఎస్‌ ప్రభుత్వ హయాం నుంచి మహిళలకు ఉచితంగా బతుకమ్మ పండుగ సందర్భంగా చీరలు పంపిణీ చేస్తున్నారు. చేనేత కార్మికులకు ఉపాధి కల్పించడంతోపాటు ఆడపడుచులకు పండుగ కానుకగా చీరలను ఇవ్వాలని గత ప్రభుత్వం ఈ పథకాన్ని ప్రవేశపెట్టింది. అప్పట్లో రేషన్‌ కార్డులో 18 ఏళ్లు నిండిన ప్రతి మహిళకు ఈ చీరలను అందించారు. ఈ చీరలు నాణ్యతగా లేకపోవడంతో మహిళలు అంతగా ఇష్టపడలేదు. కాంగ్రెస్‌ పార్టీ అధికారంలోకి వచ్చిన తర్వాత ఈ చీరల నాణ్యత పెంచి మహిళా సంఘాల్లో సభ్యులుగా ఉన్న వారికి పంపిణీ చేస్తూ వస్తోంది. ప్రస్తుతం సూర్యాపేట జిల్లాలో 1.90 లక్షల మంది మహిళలు పొదుపు సంఘాల్లో సభ్యులుగా ఉన్నారు. పాలపిట్ట రంగు నుంచి.. పథకాన్ని ప్రారంభించిన సమయంలో వివిధ రకాల డిజైన్లలో మహిళలకు బతుకమ్మ చీరలు అందించారు. అయితే ఈ చీరల నాణ్యత సరిగా లేకపోవడంతో మహిళలు వాడుకోవడానికి ఇష్టపడలేదు. ఈ క్రమంలో గతేడాది కాంగ్రెస్‌ ప్రభుత్వం మహిళా సంఘాల సభ్యులకు ఒకేవిధమైన నాణ్యత గల చీరలు ఇవ్వాలని నిర్ణయించింది. దీంతో పాలపిట్ట రంగు చీరలను అందించారు. ఈసారి అందరికీ చిలుక పచ్చ రంగు చీరలు అందించాలని డిజైన్‌ చేయించింది. మహిళలకు పండుగ కానుక ఫ ఇప్పటికే జిల్లాకు చేరిన 85 వేల చీరలు ఫ త్వరలో రానున్న మరో 1.10 లక్షలు ఫ రెండ్రోజుల ముందే పంపిణీ చేసేలా ఏర్పాట్లు చేస్తున్న యంత్రాంగంసెప్టెంబర్‌ చివరి నాటికి చీరలను సరఫరా చేసి పండుగకు రెండు, మూడు రోజుల ముందు పంపిణీ పూర్తిచేయాలని రాష్ట్ర ప్రభుత్వం నిర్ణయించింది. అయితే అనుకున్న దానికి వారం రోజులు ముందుగానే జిల్లాకు 85,145 చీరలు చేర్చారు. వీటిని హుజూర్‌నగర్‌ నియోజకవర్గంలోని మేళ్లచెరువులో గల ఓ గోదాంలో నిల్వ ఉంచారు. ఇంకా 1,10,000 చీరలు జిల్లాకు చేరిన తర్వాత ఆయా గోదాముల నుంచి మండల సమైక్యలకు అందించనున్నారు. అక్కడి నుంచి గ్రామస్థాయిలో ఉండే వీఓఏల ద్వారా మహిళలందరికి పంపిణీ చేయనున్నారు. ఈ ప్రక్రియ మొత్తం సద్దుల బతుకమ్మకు రెండు మూడు రోజుల ముందే పూర్తయ్యేలా జిల్లా అధికార యంత్రాంగం సన్నాహాలు చేస్తోంది.

మఠంపల్లి : మట్టపల్లి క్షేత్రంలో శుక్రవారం శ్రీరాజ్యలక్ష్మీచెంచులక్ష్మీ సమేత శ్రీలక్ష్మీనరసింహస్వామి నిత్యకల్యాణాన్ని అర్చకులు వైభవంగా నిర్వహించారు. ఆలయంలో ముందుగా శ్రీస్వామి వారికి ప్రత్యేక పూజలు అర్చనలు చేసి మూలవిరాట్‌కు పంచామృతాభిషేకం గావించారు. ఆ తర్వాత ఎదుర్కోలు మహోత్సవం, నిత్య కల్యాణం నిర్వహించారు. భక్తులకు తీర్థ ప్రసాదాల పంపిణీతోపాటు అన్నదానం చేశారు. ఈ కార్యక్రమంలో ఆలయ అనువంశిక ధర్మకర్తలు చెన్నూరు మట్టపల్లిరావు, విజయ్‌కుమార్‌, ఈఓ చలపతి, అర్చకులు కృష్ణమాచార్యులు, పద్మనాభాచార్యులు, లక్ష్మీనరసింహమూర్తి, ఆంజనేయాచార్యులు, భక్తులు పాల్గొన్నారు. ఆలయాలకు రెండెకరాల భూమి విరాళంకోదాడరూరల్‌ : మండలంలోని గుడిబండలో యరగాని గాంధీ జ్ఞాపకార్థం ఆయన భార్య సులోచన, వారి కుమారులు యరగాని రామయ్య, రమేష్‌లు గ్రామంలోని సీతారామా ంజనేయ, శ్రీఆంజనేయస్వామి ఆలయాలకు ఒక్కో ఎకరం చొప్పున రెండు ఎకరాలను భూమిని విరాళంగా అందజేశారు. ఈ మేరకు శుక్రవారం ఆలయ నిర్వాహకులకు భూ పత్రాలు అప్పగించారు. ఈ కార్యక్రమానికి హాజరైన జిల్లా గ్రంథాలయ చైర్మన్‌ వంగవీటి రామారావు, టీపీసీసీ సభ్యుడు సీహెచ్‌.లక్ష్మీనారాయణరెడ్డి మాట్లాడుతూ తండ్రి జ్ఞాపకార్థం ఆయన కుమారులు లక్షల విలువ చేసే భూమిని ఆలయాలకు విరాళంగా అందజేయడం అభినందనీయమన్నారు. కార్యక్రమంలో డీసీసీబీ మాజీ చైర్మన్‌ ముత్తవరపు పాండురంగారావు, శ్రీనివాసరావు, పీఏసీఎస్‌ చైర్మన్‌ ఓరుగంటి శ్రీనివాసరెడ్డి, ఆలయ కమిటీ అధ్యక్షులు యరగాని లక్ష్మయ్య, సర్పంచ్‌ మందుల నాగయ్య, ఇర్ల నరసింహారెడ్డి తదితరులు పాల్గొన్నారు. బిందు సేద్యం పద్ధతులపై రైతులకు అవగాహనగరిడేపల్లి : రైతులు బిందు సేద్యం పద్ధతులపై అవగాహన కలిగి ఉండాలని ఏపీలోని ఏలూరుకు చెందిన సెయింట్‌ థెరిస్సా అగ్రికల్చర్‌ కళాశాల విద్యార్థులు అన్నారు. శుక్రవారం గరిడేపల్లి మండలం మర్రికుంట గ్రామంలో శ్రీ అరబిందో కృషి విజ్ఞాన కేంద్రం (కేవీకే) గడ్డిపల్లి ఆధ్వర్యంలో గ్రామీణ వ్యవసాయ అనుభవ కార్యక్రమంలో భాగంగా రైతులకు సూక్ష్మ సాగునీటి పద్ధతిపై నిర్వహించిన అవగాహన కార్యక్రమంలో వారు మాట్లాడారు. నీటిని ఎక్కువగా పోయడం కంటే, మొక్కకు అవసరమైన నీటిని సరైన సమయంలో, సరైన పరిమాణంలో వేర్ల దగ్గరికి అందించడమే సూక్ష్మ సాగునీటి పద్ధతి ముఖ్య ఉద్దేశం అని రైతులకు వివరించారు. రైతులకు పలు విషయాలపై అవగాహన కల్పించారు. ఈ కార్యక్రమంలో విద్యార్థినులు సీహెచ్‌.తనుశ్రీ, పి.జ్యోతి, సీహెచ్‌.కీర్తి, ఎస్‌.కె.హబీదా, టి.తేజస్వి లక్ష్మి, డి.డైనా తదితరులు పాల్గొన్నారు.

కేతేపల్లి : ఎల్‌నినో ప్రభావంతో తీవ్ర వర్షాభావ పరిస్థితులు నెలకొన్నప్పటికీ మూసీ రిజర్వాయర్‌ మాత్రం నిత్యం నిండుకుండలా ఉంటోంది. ప్రాజెక్టు ఎగువ ప్రాంతాల్లో అడపాదడపా కురుస్తున్న వర్షాలతో రిజర్వాయర్‌కు వరదనీరు వచ్చి చేరుతుంది. 10రోజుల క్రితం మూసీ ఎగువ ప్రాంతాల్లో కురిసిన వర్షాలకు రిజర్వాయర్‌లోకి వరద వస్తోంది. ప్రాజెక్టు పూర్తిస్థాయి నీటిమట్టం 645 అడుగుల(4.46 టీఎంసీలు) కాగా ప్రస్తుతం 642.10అడుగుల (3.71 టీఎంసీలు) నీరు నిల్వ ఉంది. ప్రాజెక్టులో పూర్తిస్థాయిలో నీరు ఉండటంతో ఆయకట్టులో యాసంగి పంటకు కూడా ఢోకా లేదని రైతులు ఆనందం వ్యక్తం చేస్తున్నారు.

చివ్వెంల(సూర్యాపేట) : ఖైదీలు ప్రవర్తనలో మార్పు తెచ్చుకుని, సమాజంలో గౌరవ ప్రదమైన జీవితాన్ని గడపాలని జిల్లా మొదటి అదనపు న్యాయమూర్తి పి.శివరామ్‌ ప్రసాద్‌ అన్నారు. శుక్రవారం జాతిపిత మహాత్మా గాంధీ జయంతి, ఖైదీల సంక్షేమ దినోత్సవం సందర్భంగా జిల్లా సబ్‌ జైలులో ఖైదీలకు నిర్వహించిన అవగాహన కార్యక్రమంలో ఆయన మాట్లాడారు. పుట్టుకతో ఎవరూ నేరస్తులు కారని, చెడు వ్యసనాలు, తప్పుడు నిర్ణయాల వల్ల జైలు జీవితం గడపాల్సి వస్తుందన్నారు. దీనిని తమ జీవితంలో మార్పుగా భావించి, ప్రవర్తనను, అలవాట్లను మార్చుకుని, ఉన్నతమైన జీవితాన్ని కొనసాగించాలన్నారు. అనంతరం ఖైదీలకు పలు రకాల ఆటవస్తువులు అందజేసి పోటీలు నిర్వహించి ప్రతిభ కనబర్చిన వారికి బహుమతులు అందజేశారు. ఈ కార్యక్రమంలో జిల్లా న్యాయసేవాధికార సంస్థ కార్యదర్శి కె.భవ్య, జైలు సూపరిండెంట్‌ బి.సుధాకర్‌రెడ్డి, బార్‌ అసోషియేషన్‌ ప్రధాన కార్యదర్శి తల్లమళ్ల హస్సేన్‌, డీఎల్‌ఎస్‌ఏ నామినేటెడ్‌ సభ్యుడు జి.మధు, డిఫెన్స్‌ కౌన్సిల్‌ సభ్యులు పాల్గొన్నారు.ఫ జిల్లా మొదటి అదనపు జడ్జి శివరామ్‌ ప్రసాద్‌

గరిడేపల్లి : బాల్య వివాహాల నిర్మూలనకు అందరం కట్టుబడి పనిచేద్దామని గరిడేపల్లి మండల కేంద్రంతో పాటు కీతవారిగూడెంలో నిర్వహించిన గ్రామసభల్లో తీర్మానించారు. మహిళా శిశు సంక్షేమ శాఖ, జిల్లా బాలల పరిరక్షణ విభాగం ఆధ్వర్యంలో శుక్రవారం గరిడేపల్లిలో సర్పంచ్‌ మేకపోతుల వెంకటమ్మ చంద్రయ్య, కీతవారిగూడెంలో సర్పంచ్‌ బొల్లేపల్లి రామనాథం గౌడ్‌ అధ్యక్షతన ఈ గ్రామసభలు జరిగాయి. ఈ సభలకు జిల్లా సంక్షేమ అధికారి కె.నరసింహారావు ముఖ్య అతిథిగా హాజరై మాట్లాడుతూ బాలల సంరక్షణలో ప్రతిఒక్కరూ భాగస్వాములు కావాలని సూచించారు. మిషన్‌ వాత్సల్య పథకం, అనాథ బాలల సంరక్షణ, బాలల దత్తత విధానం, బాల కార్మిక వ్యవస్థ నిర్మూలన, బాలల రక్షణ చర్యలు, బాల్య వివాహాల నివారణ తదితర అంశాలపై ప్రజలకు విస్తృత అవగాహన కల్పించారు. బాలలపై ఎక్కడైనా వేధింపులు జరిగినా లేదా బాల్య వివాహం జరిగే అవకాశం ఉన్నట్లు తెలిసినా వెంటనే స్పందించి చైల్డ్‌ హెల్ప్‌లైన్‌ 1098కు సమాచారం అందించాలని కోరారు. కార్యక్రమాల్లో సూపర్‌వైజర్‌ ఎన్‌.రాజ్యలక్ష్మి, పంచాయతీ కార్యదర్శులు జానకి, నాగేశ్వరరావు, జిల్లా బాలల పరిరక్షణ విభాగం ప్రతినిధులు సాయి త్రిలోక్‌, వంశీ, అంగనన్‌వాడీ టీచర్లు, నారాయణమ్మ, మల్లమ్మ, సైదమ్మ, ప్రజాప్రతినిధులు పాల్గొన్నారు.

సూర్యాపేటటౌన్‌ : ప్రభుత్వ, ప్రైవేటు పాఠశాలల్లో 1నుంచి పదో తరగతి విద్యార్థులకు సమ్మెటివ్‌ అసెస్‌మెంట్‌ (ఎస్‌ఏ)–1 పరీక్షలు నిర్వహించేందుకు విద్యాశాఖ సిద్ధమైంది. విద్యాశాఖ విడుదల చేసిన షెడ్యూల్‌ ప్రకారం గురువారం నుంచి ఈనెల 9వ తేదీ వరకు పరీక్షలు నిర్వహించనున్నారు. జిల్లాలో 90వేల మంది విద్యార్థులు జిల్లాలో 950 ప్రభుత్వ, 350 ప్రైవేటు, గురుకులాలు, కేజీబీవీలు, మోడల్‌ స్కూళ్లు, రెసిడెన్షియల్స్‌ స్కూళ్లతో కలిపి మొత్తం 1,400 పాఠశాలల్లో 90 వేల మంది విద్యార్థులు విద్యసభ్యసిస్తున్నారు. వీరందరికీ తరగతుల వారీగా వేర్వేరు సమయాల్లో పరీక్షలు నిర్వహించేందుకు షెడ్యూల్‌ రూపొందించారు.యాప్‌ ద్వారానే ఎరువులు విక్రయించాలినడిగూడెం : యాప్‌ ద్వారానే రైతులకు ఎరువులు విక్రయించాలని జిల్లా వ్యవసాయాధికారి శ్రీధరరెడ్డి ఆదేశించారు. బుధవారం నడిగూడెం మండల కేంద్రంలోని పలు ఎరువుల షాపులను తనిఖీ చేసి రికార్డులను పరిశీలించారు. ఈ సందర్భంగా ఆయన మాట్లాడుతూ ఎరువులను అధిక ధరలకు విక్రయించొద్దన్నారు. ఆయన వెంట ఏఓరి గోలి మల్సూర్‌ తదితరులు ఉన్నారు. నేడు అర్వపల్లిలో ఆర్డీఆర్‌ విగ్రహావిష్కరణఅర్వపల్లి : అర్వపల్లిలోని వై జంక్షన్‌లో గురువారం మాజీ మంత్రి, తుంగతుర్తి మాజీ ఎమ్మెల్యే రాంరెడ్డి దామోదర్‌రెడ్డి విగ్రహావిష్కరణకు ఏర్పాట్లు పూర్తయ్యాయి. దామోదర్‌రెడ్డి అభిమానుల ఆధ్వర్యంలో ఈ విగ్రహావిష్కరణ కార్యక్రమం జరుగుతుందని నిర్వాహకులు తెలిపారు. విగ్రహావిష్కరణ అనంతరం జంక్షన్‌లో సభ ఉంటుందని కాంగ్రెస్‌ రాష్ట్ర నాయకుడు దరూరి యోగానందచార్యులు తెలిపారు. బుధవారం ఆయన ఏర్పాట్లను పరిశీలించారు. ఈకార్యక్రమంలో డీసీసీ ఉపాధ్యక్షుడు అనిరెడ్డి రాజేందర్‌రెడ్డి, నర్సింగ శ్రీనివాస్‌గౌడ్‌, మోరపాక సత్యం, సర్పంచ్‌లు బింగి కృష్ణమూర్తి, మంచాల లలితరామ్మూర్తి, కుంటిగొర్ల శ్రీనివాస్‌, పార్టీ నాయకులు పాల్గొన్నారు. నేటి నుంచి సైబర్‌ సెక్యూరిటీ అవేర్‌నెస్‌సూర్యాపేటటౌన్‌ : ప్రజలు సైబర్‌ నేరగాళ్లతో అప్రమత్తంగా ఉండేలా గురువారం నుంచి ఈనెలంతా సైబర్‌ సెక్యూరిటీ అవేర్‌నెస్‌ మంత్‌గా నిర్వహిస్తున్నట్లు ఎస్పీ కె.నరసింహ బుధవారం ఒక ప్రకటనలో తెలిపారు. ఆగండి.. ఆలోచించండి.. అడుగు వేయండి అనే సందేశంతో గురువారం సైబర్‌ సెక్యూరిటీ ఫ్లాష్‌ వాక్‌తో అవగాహన కార్యక్రమాలు ప్రారంభించనున్నట్లు పేర్కొన్నారు. నెల రోజుల పాటు సైబర్‌ మోసాలపై అవగాహన కల్పించేలా వివిధ కార్యక్రమాలు చేపడతామని తెలిపారు.

సూర్యాపేటటౌన్‌ : అర్హులైన పట్టభద్రులంతా ఎమ్మెల్సీ ఓటు నమోదు చేసుకోవాలని ఉపాధ్యాయ ఎమ్మెల్సీ పింగిలి శ్రీపాల్‌రెడ్డి కోరారు. బుధవారం సూర్యాపేటలోని పీఆర్‌టీయూ జిల్లా కార్యాలయంలో గ్రాడ్యుయేట్‌ ఎమ్మెల్సీ ఎన్నికల ఆన్‌లైన్‌ ఓటరు నమోదు కార్యక్రమాన్ని ఆయన ప్రారంభించారు. ఈ సందర్భంగా జిల్లాలోని వివిధ ఉపాధ్యాయ సంఘాల నాయకులు ఎమ్మెల్సీ శ్రీపాల్‌రెడ్డి సమక్షంలో పీఆర్‌టీయూలో చేరారు. చేరిన వారికి సంఘం సభ్యత్వాలు అందజేసి మాట్లాడారు. జిల్లాలోని ఉద్యోగ, ఉపాధ్యాయ, గ్రాడ్యుయేట్లు అందరూ ఈ అవకాశాన్ని ఉపయోగించుకోవాలని పిలుపునిచ్చారు. పీఆర్టీయూ ఆధ్వర్యంలో అన్ని మండలాల్లో కూడా హెల్ప్‌లైన్‌ కేంద్రాలను ఏర్పాటు చేయనున్నట్లు తెలిపారు. ఉపాధ్యాయుల సమస్యల పరిష్కారానికి నిరంతరం పనిచేస్తున్న అతిపెద్ద సంఘం పీఆర్‌టీయూ అని పేర్కొన్నారు. పెండింగ్‌ డీఏలు, బిల్లులు ఇప్పించడానికి, సీపీఎస్‌ విధానానికి రద్దు కోసం సంఘం ఆధ్వర్యంలో పోరాటం కొనసాగిస్తామన్నారు. ఈ కార్యక్రమాల్లో నాయకులు తంగెళ్ల జితేందర్‌రెడ్డి, తీగల నరేష్‌, సోమిరెడ్డి శ్రీనివాస్‌రెడ్డి, శివశంకర్‌, వీరేష్‌, యల్లయ్య, అంకతి వెంకన్న, పులుసు శ్రీనివాస్‌, వంగపల్లి రమేష్‌, శ్రీనివాస్‌, కార్తీక్‌రెడ్డి తదితరులు పాల్గొన్నారు. ఫ ఎమ్మెల్సీ పింగిలి శ్రీపాల్‌రెడ్డి

పట్టభద్రుల ఎమ్మెల్సీ ఎన్నికల సందడి మొదలైంది. వరంగల్‌–ఖమ్మం–నల్లగొండ పట్టభద్రుల ఎమ్మెల్సీ స్థానానికి కాంగ్రెస్‌ పార్టీ ముందుగానే అభ్యర్థిని ప్రకటించి పార్టీ క్యాడర్‌ను సిద్ధం చేసింది. ఇక ఇప్పటికే క్షేత్రస్థాయిలో సమావేశాలు నిర్వహిస్తున్న రాకేష్‌రెడ్డి పేరును బీఆర్‌ఎస్‌ అధికారికంగా ప్రకటించడమే మిగిలింది. బీజేపీ.. అభ్యర్థి ఎంపికపై కసరత్తు చేస్తోంది. ప్రధాన పార్టీల అభ్యర్థులు ఖరారైన వెంటనే ప్రచారం ఊపందుకోనుంది. 2027 మార్చిలో ముగియనున్న పదవీకాలంవరంగల్‌ – ఖమ్మం – వరంగల్‌ పట్టభద్రుల ఎమ్మెల్సీగా ఉన్న తీన్మార్‌ మల్లన్న (చింతపండు నవీన్‌) పదవీకాలం 2027 మార్చితో ముగియనుంది. దీంతో ఎన్నికల సంఘం ఎన్నికల ప్రక్రియను ప్రారంభించింది. ఓటర్ల నమోదు కోసం ఎన్నికల అధికారి, నల్లగొండ కలెక్టర్‌ బి.చంద్రశేఖర్‌ షెడ్యూల్‌ ప్రకటించారు. ప్రస్తుతం పట్టభద్రుల ఓటర్ల నమోదు ప్రక్రియ కొనసాగుతోంది. ఎన్నికల బరిలోకి దిగే అభ్యర్థిని కాంగ్రెస్‌ పార్టీ ముందుగానే ప్రకటించింది. మాజీ మంత్రి, దివంగత రాంరెడ్డి దామోదర్‌రెడ్డి కుమారుడైన సర్వోత్తమ్‌రెడ్డికి పార్టీ అవకాశం కల్పించింది. మొన్నటి అసెంబ్లీ ఎన్నికల్లో దామోదర్‌రెడ్డి సూర్యాపేట నుంచి పోటీ చేసి ఓడిపోయారు. అనంతరం అనారోగ్యంతో ఆయన మరణించారు. ఈ నేపథ్యంలో ఆయన కుమారుడిని ఎమ్మెల్సీ అభ్యర్థిగా ప్రకటించడం ప్రాధాన్యం సంతరించుకుంది. సమావేశాలు నిర్వహిస్తున్న బీఆర్‌ఎస్‌ బీఆర్‌ఎస్‌ ఇప్పటికే పట్టభద్రుల ఎమ్మెల్సీ ఎన్నికలపై దృష్టి సారించింది. మూడు ఉమ్మడి జిల్లాల్లో క్షేత్రస్థాయి సమావేశాలు నిర్వహిస్తూ పార్టీ శ్రేణులను ఎన్నికలకు సమాయత్తం చేస్తోంది. గత ఎన్నికల్లో పోటీ చేసి ఓడిపోయిన రాకేష్‌రెడ్డినే మరోసారి అభ్యర్థిగా ప్రకటించే అవకాశం ఉంది. అధికారిక ప్రకటన వెలువడాల్సి ఉంది. ఆయన క్షేత్రస్థాయిలో పర్యటిస్తూ గ్రాడ్యుయేట్లతో సమావేశాలు నిర్వహిస్తున్నారు. అభ్యర్థి ఎంపికకు బీజేపీ కసరత్తు బీజేపీ కూడా ఎమ్మెల్సీ అభ్యర్థి ఎంపికపై దృష్టి సారించింది. ఆశావహుల పేర్లను పరిశీలిస్తోంది. త్వరలోనే అభ్యర్థిని అధికారికంగా ప్రకటించే అవకాశం ఉంది. బుధవారం నల్లగొండ జిల్లాలో పర్యటించిన బీజేపీ రాష్ట్ర అధ్యక్షుడు రామచందర్‌రావు ఎమ్మెల్సీ అభ్యర్థిని అధిష్టానం ఎంపిక చేస్తుందని.. అదిష్టానం నిర్ణయానికి నాయకులంతా కట్టుబడి ఉంటామని తెలిపారు. క్షేత్ర స్థాయిలో మొదలైన సందడి ఈసారి ప్రధాన ఉపాధ్యాయ సంఘమైన పీఆర్‌టీయూ తమ అభ్యర్థిగా సుంకరి భిక్షంగౌడ్‌ పేరును ఖరారు చేసింది. ఆయన క్షేత్రస్థాఽయిలో ఉపాధ్యాయ సంఘాలతో సమావేశాలు నిర్వహిస్తున్నారు. గిరిజన సంఘం రాష్ట్ర అధ్యక్షుడు ధీరావత్‌ రవినాయక్‌ కూడా ప్రచారంలోకి దిగారు. కాంగ్రెస్‌ అభ్యర్థి గెలుపు బాధ్యతను మూడు ఉమ్మడి జిల్లాలకు చెందిన ఆరుగురు మంత్రులపై పార్టీ అధిష్టానం పెట్టినట్లు తెలుస్తోంది. నల్లగొండ ఉమ్మడి జిల్లాలో మంత్రులు నలమాద ఉత్తమ్‌కుమార్‌రెడ్డి, కోమటిరెడ్డి వెంకట్‌రెడ్డి, ఖమ్మం ఉమ్మడి జిల్లాలో ఉప ముఖ్యమంత్రి భట్టి విక్రమార్క, మంత్రులు పొంగులేటి శ్రీనివాస్‌రెడ్డి, తుమ్మల నాగేశ్వర్‌రావు, వరంగల్‌ ఉమ్మడి జిల్లాలో మంత్రి సీతక్క ఎమ్మెల్సీ ఎన్నిక బాధ్యతలు తీసుకుని.. మూడు ఉమ్మడి జిల్లాల్లో పార్టీ శ్రేణులను సమన్వయం చేయనున్నారు. అభ్యర్థిని ప్రకటించిన కాంగ్రెస్‌ పార్టీ ఇక ప్రచారంపై దృష్టి పెట్టనుంది. తొలుత పట్టభద్రుల ఓటర్ల నమోదుపై పార్టీ శ్రేణులను అప్రమత్తం చేయనుంది. ఇప్పటికే పలుచోట్ల కాంగ్రెస్‌ పార్టీ నేతలు ఓటరు నమోదు ప్రక్రియను చేపట్టారు. కాలనీల్లోని గ్రాడ్యుయేట్లకు మెసేజ్‌లు పంపిస్తున్నారు. మరోవైపు నియోజకవర్గ పరిధిలోని మూడు ఉమ్మడి జిల్లాల్లో సమావేశాలు నిర్వహించేందుకు సిద్ధమవుతోంది. ఫ రాంరెడ్డి సర్వోత్తమ్‌రెడ్డిని అభ్యర్థిగా ప్రకటించిన కాంగ్రెస్‌ ఫ గెలుపు బాధ్యతను ఆరుగురు మంత్రులపై పెట్టిన అధిష్టానం ఫ బీఆర్‌ఎస్‌ నుంచి రాకేష్‌రెడ్డిని అధికారికంగా ప్రకటించడమే తరువాయి.. ఫ ఇప్పటికే సమావేశాలు నిర్వహిస్తున్న గులాబీ శ్రేణులు ఫ అభ్యర్థి ఖరారుపై దృష్టిసారించిన బీజేపీ సాక్షి ప్రతినిధి, నల్లగొండ కాంగ్రెస్‌ అభ్యర్థి ప్రొఫైల్‌ పేరు : రాంరెడ్డి సర్వోత్తమ్‌రెడ్డి తల్లిదండ్రులు : రాంరెడ్డి దామోదర్‌రెడ్డి, వరూధిని చదువు : ఎలక్ట్రానిక్స్‌ అండ్‌ కమ్యూనికేషన్స్‌ ఇంజనీరింగ్‌ రాజకీయ పదవులు : 2012 నుంచి కాంగ్రెస్‌ పార్టీలో చురుగ్గా పని చేస్తున్నారు. ఏఐసీసీ సభ్యుడిగా, తెలంగాణ పీసీసీ సభ్యుడిగా ఉన్నారు.

భానుపురి(సూర్యాపేట) : విధి నిర్వహణలో ఉపాధ్యాయులు అలసత్వం వహించే కఠిన చర్యలు తప్పవని కలెక్టర్‌ తేజస్‌ నంద్‌లాల్‌ పవార్‌ హెచ్చరించారు. బుధవారం సూర్యాపేటలోని కలెక్టరేట్‌లో నిర్వహించిన విద్యాశాఖ సెప్టెంబర్‌ మాస సమీక్ష సమావేశంలో ఆయన మాట్లాడారు. జిల్లాలోని ప్రభుత్వ పాఠశాలల్లో ప్రస్తుతం విద్యార్థుల సగటు హాజరు కేవలం 69 శాతం మాత్రమే నమోదు కావడంపై కలెక్టర్‌ తీవ్ర అసంతృప్తి వ్యక్తం చేశారు. హాజరు శాతం మరింత పెరగాల్సిన ఆవశ్యకత ఉందన్నారు. 60 శాతం కంటే తక్కువ హాజరు నమోదైన పాఠశాలల ప్రధానోపాధ్యాయులకు వెంటనే నోటీసులు జారీ చేసి, లిఖితపూర్వక వివరణ కోరాలని ఆదేశించారు. హాజరు తక్కువ ఉంటే ఇంక్రిమెంట్లు బంద్‌ ఉపాధ్యాయులకు నెలకు 15 రోజుల కంటే తక్కువ ఫేషియల్‌ రికగ్నిషన్‌ సిస్టమ్‌(ఎఫ్‌ఆర్‌ఎస్‌) హాజరు ఉంటే తక్షణమే వివరణ తీసుకోవాలని ఆదేశించారు. ఒకే ఉపాధ్యాయుడు వరుసగా మూడు నెలల పాటు ఇదే తీరును పునరావృతం చేస్తే, రెండు ఇంక్రిమెంట్లను నిలిపివేస్తామన్నారు. వచ్చే నెల నుంచి మండల స్థాయిలోనే కాకుండా, ఉపాధ్యాయుల వారీగా, గురువారం నుంచి జరిగే సమ్మెటివ్‌ పరీక్షల ఫలితాల మీద ప్రత్యేక సమీక్ష నిర్వహిస్తామన్నారు. సమావేశంలో అదనపు కలెక్టర్‌ హరి సింగ్‌, ప్లానింగ్‌ కో–ఆర్డినేటర్‌ శ్రవణ్‌ కుమార్‌, క్వాలిటీ కో–ఆర్డినేటర్‌ హరికష్ణ, జిల్లాలోని ఎంఈవోలు, కాంప్లెక్స్‌ హెచ్‌ఎంలు తదితరులు పాల్గొన్నారు. ఫ కలెక్టర్‌ తేజస్‌ నంద్‌లాల్‌ పవార్‌

చిలుకూరు : చిలుకూరు నుంచి దూదియాతండా మీదుగా కోదాడ మండలం గుడిబండ వరకు వెళ్లే రహదారిని వెంటనే డబుల్‌ రోడ్డుగా మార్చాలని కోరుతూ ఆయా గ్రామాల రైతులు, విద్యార్థులు బుధవారం చిలుకూరులోని బస్టాండ్‌ సెంటర్‌లోని దూదియాతండా రోడ్డుపై బైఠాయించి ఆందోళన చేపట్టారు. ఈ సందర్భంగా పలువురు మాట్లాడుతూ దూదియాతండా రోడ్డు సింగిల్‌ లైన్‌గా ఉండటంతో రాకపోకలకు వాహనదారులు, చిలుకూరులోని జెడ్పీహెచ్‌ఎస్‌కు వచ్చే విద్యార్థులు ఇబ్బందులు పడుతున్నారన్నారు. ఇప్పటికై నా మంత్రి ఉత్తమ్‌, ఎమ్మెల్యే పద్మావతి స్పందించి రోడ్డును డబుల్‌ లైన్‌గా అభివృద్ధి చేయాలని విజ్ఞప్తి చేశారు. ఈ కార్యక్రమంలో చిలుకూరు, దూదియాతండా రైతులతోపాటు పాఠశాల విద్యార్థులు పాల్గొన్నారు.

భానుపురి (సూర్యాపేట) : వానాకాలం ధాన్యం కొనుగోళ్లకు జిల్లా యంత్రాంగం కసరత్తు ప్రారంభించింది. పంట దిగుబడి అంచనా మేరకు జిల్లా వ్యాప్తంగా 334 కొనుగోలు కేంద్రాలను ఏర్పాటు చేయాలని ప్రతిపాదనలు సిద్ధం చేసింది. ఈ మేరకు ఏ మండలంలో ఎన్ని సెంటర్లను ఏర్పాటు చేయాలి.. ఎంత ధాన్యం కొనాలని, ఎన్ని గన్నీ బ్యాగులు అవసరమవుతాయి, రవాణా విషయంలో ఇబ్బందులు తలెత్తకుండా తీసుకోవాల్సిన జాగ్రత్తలపై అధికారులు అంచనాలు రూపొందిస్తున్నారు. అంచనా మేరకు సాగుకాని వరి జిల్లాలో ఈ వానాకాలం సీజన్‌లో 3.70 లక్షల ఎకరాల విస్తీర్ణంలో వరిపంట సాగైంది. మొత్తం 4.90 లక్షల ఎకరాల్లో వరిసాగయ్యే అవకాశం ఉందని మొదట వ్యవసాయ శాఖ అంచనా వేసింది. కానీ ఎల్‌నినో పరిస్థితుల కారణంగా తీవ్ర వర్షాభావం నెలకొనడంతో వరిసాగు విస్తీర్ణం లక్ష ఎకరాల వరకు తగ్గింది. ప్రస్తుతం జిల్లాలో సాగైన వరి విస్తీర్ణంతో సుమారు 10 లక్షల మెట్రిక్‌ టన్నుల ధాన్యం దిగుబడి వచ్చే అవకాశం ఉంది. వర్షాభావం కారణంగా చివరికి రైతు చేతికి ఎంత దిగుబడి వస్తుందనే విషయం మరికొద్ది రోజుల్లో తేలనుంది. సన్నరకాల సాగే అత్యధికం రాష్ట్ర ప్రభుత్వం అందించే బోనస్‌ కోసం వానాకాలం సీజన్‌లో రైతులు ఎక్కువగా సన్నరకం ధాన్యాన్ని సాగు చేసేందుకు మొగ్గుచూపారు. అన్ని ప్రాంతాల రైతులు సన్నరకాలకు సంబంధించిన నారును సిద్ధం చేసుకోగా వాతావరణం అనుకూలించలేదు. ఇప్పటివరకు సాగైన దాంట్లో కేవలం 50వేల ఎకరాలు మాత్రమే దొడ్డు రకాలు సాగు చేయగా.. మిగతావన్నీ సన్న వైరెటీలే ఉన్నాయి. రైతులు నేరుగా ప్రైవేట్‌ మార్కెట్లో అమ్ముకుంటారా లేదంటే బోనస్‌ కోసం ప్రభుత్వ కొనుగోలు కేంద్రాలకు వస్తారా అనే విషయం తెలియడం లేదు. ప్రైవేట్‌ మార్కెట్‌లో మంచి ధర లభిస్తే కొనుగోలు కేంద్రాల్లో పడే ఇబ్బందుల కన్నా అటువైపే రైతులు మొగ్గుచూపే అవకాశం ఉంటుంది. ప్రస్తుతం సాగైన దొడ్డురకం వరి దసరా నాటికి కోతకు వచ్చే అవకాశం ఉండగా.. దీపావళి నాటికి సన్నరకాలు మార్కెట్‌లోకి వచ్చే అవకాశం ఉంది. ఈలోగా గన్నీ బ్యాగుల సేకరణ, రవాణా కోసం ఏర్పాట్లు పూర్తిచేయాలని జిల్లా అధికారులు నిర్ణయించినట్లు తెలుస్తోంది. ప్రస్తుత సీజన్‌లో.. జిల్లాలో సాగైన వరి3.70 లక్షల ఎకరాలు దిగుబడి అంచనా 10 లక్షల మెట్రిక్‌ టన్నులు గత వానాకాలంలో ఇలా.. వరి సాగు 4.72 లక్షల ఎకరాలు పంట దిగుబడి 12.90 లక్షల మెట్రిక్‌ టన్నులు సేకరించిన ధాన్యం 2.30 లక్షల మెట్రిక్‌ టన్నులు ఫ ధాన్యం సేకరణకు యంత్రాంగం ప్రతిపాదనలు ఫ గన్నీ బ్యాగ్‌ల కొరత లేకుండా ప్రణాళిక

భానుపురి(సూర్యాపేట) : అన్ని ప్రభుత్వ శాఖలు సమన్వయంతో పనిచేసి జిల్లాలో బాలల సంరక్షణపై చర్యలు తీసుకోవాలని, డ్రగ్స్‌, బాల్య వివాహాలు లేని గ్రామాలుగా తీర్చి దిద్దేందుకు కృషి చేయాలని కలెక్టర్‌ తేజస్‌ నంద్‌లాల్‌ పవార్‌ అన్నారు. మంగళవారం కలెక్టరేట్‌లో యూనిసెఫ్‌ ఆధ్వర్యంలో బాలల సంరక్షణ – అధికారుల పాత్రపై జిల్లాస్థాయి అవగాహన సదస్సు నిర్వహించారు. సదస్సులో బాలల సంరక్షణ, పిల్లలు ఎదుర్కొంటున్న సమస్యలు, వాటి మధ్య ఉన్న వ్యత్యాసాలు, సామాజిక వ్యవస్థలు పిల్లలపై చూపుతున్న ప్రభావంపై చర్చించారు. కార్యక్రమంలో అదనపు కలెక్టర్‌ హరిసింగ్‌, అడిషనల్‌ ఎస్పీ రవీందర్‌రెడ్డి, రిసోర్స్‌ పర్సన్‌ ఫిలిప్సే, డీఆర్‌ఓ ప్రేమ్‌రాజ్‌, ట్రైనీ డిప్యూటీ కలెక్టర్‌ రవితేజ, అనూష, టి.వసంత్‌, డీడబ్ల్యూఓ నరసింహారావు, బీసీ సంక్షేమ అధికారి విశాల్‌ ధార, ఆర్టీఓ పురుషోత్తంరెడ్డి, డీఐఈఓ సులోచనారాణి, అధికారులు పాల్గొన్నారు. ఎస్సీ కార్పొరేషన్‌ ఈడీగా ఉపేందర్‌రావుభానుపురి(సూర్యాపేట) : ఎస్సీ కార్పొరేషన్‌ జిల్లా ఎగ్జిక్యూటివ్‌ డైరెక్టర్‌గా రాగి ఉపేందర్‌రావు మంగళవారం బాధ్యతలు చేపట్టారు. ఈ సందర్భంగా ఆయన కలెక్టర్‌ తేజస్‌ నంద్‌లాల్‌ పవార్‌ను మర్యాద పూర్వకంగా కలిసి మొక్కను అందించారు. కార్పొరేషన్‌ అధికారులు, సిబ్బంది నూతన ఎగ్జిక్యూటివ్‌ డైరెక్టర్‌ను కలిసి శుభాకాంక్షలు తెలిపారు. బహిరంగ ప్రదేశాల్లో మద్యం సేవిస్తే చర్యలు : ఎస్పీసూర్యాపేటటౌన్‌ : బహిరంగ ప్రదేశాల్లో మద్యం సేవించడం నేరమని, అలా చేసిన వారిపై కఠిన చర్యలు తీసుకుంటామని ఎస్పీ నరసింహ మంగళవారం ఒక ప్రకటనలో హెచ్చరించారు. రోడ్ల పక్కన, కల్వర్టుల వద్ద, బహిరంగ ప్రదేశాల్లో, పాఠశాలలు, ఆట స్థలాలు, మైదానాలు, పార్కులు, ప్రజలు సంచరించే ప్రాంతాల్లో మద్యం సేవించడం వల్ల ప్రజలకు అసౌకర్యం కలుగుతుందని, శాంతి భద్రతలకు విఘాతం కలిగే అవకాశం ఉందని పేర్కొన్నారు. ప్రణాళిక ప్రకారం కేసుల దర్యాప్తు కేసుల దర్యాప్తులో స్టాండర్డ్‌ ఆపరేటింగ్‌ ప్రొసీజర్‌ నిబంధనలను పాటించాలని ఎస్పీ నరసింహ అధికారులను ఆదేశించారు. జిల్లా పోలీస్‌ కార్యాలయం నుంచి మంగళవారం వీడియో కాన్ఫరెన్స్‌ నిర్వహించి కేసుల దర్యాప్తు పురోగతిపై అధికారులతో సమీక్ష నిర్వహించారు. దీర్ఘకాలంగా పెండింగ్‌లో ఉన్న కేసులను సమీక్షించారు.

కోదాడ బస్టాండ్‌లో ప్రయాణికులకు కావాల్సిన అన్నిరకాల సౌకర్యాలను కల్పిస్తాం. కోదాడ బస్టాండ్‌ను రాష్ట్రంలోనే ఆదర్శంగా నిర్మిస్తాం. వ్యాపారులకు ఇబ్బంది లేకుండా నిర్మాణ పనులు చేస్తాం. నిర్మాణం పూర్తి అయిన తరువాత పాత వ్యాపారులకు తగిన ప్రాధాన్యత ఇస్తాం. ఏడాదిలోపు నిర్మాణ పనులు పూర్తిచేసి అందుబాటులోకి తీసుకొస్తాం. – నలమాద పద్మావతి, ఎమ్మెల్యే కోదాడ కోదాడ: కోదాడ పట్టణంలో నూతన ఆర్టీసీ బస్టాండ్‌ నిర్మాణ పనులు ప్రారంభమయ్యాయి. ప్రస్తుత బస్టాండ్‌ ఆవరణలోనే రూ.17 కోట్లతో కొత్తదానిని నిర్మించనున్నారు. ఇందుకోసం టెండర్‌ దక్కించుకున్న కాంట్రాక్టర్‌ రెండు రోజులుగా పాత భవనాలను కూల్చివేసే పనులు చేపడుతున్నాడు. కొత్త బస్టాండ్‌ నిర్మాణం పూర్తి అయ్యే వరకు బస్సుల రాకపోకలకు అంతరాయం కలగకుండా తాత్కాలిక బస్టాండ్‌ నిర్మాణం చేస్తున్నారు. ఆధునిక హంగులతో .. విజయవాడ– హైదరాబాద్‌ జాతీయ రహదారిపై ఉన్న కోదాడ ఆర్టీసీ బస్టాండ్‌ సుమారు 40 ఏళ్ల క్రితం నిర్మించారు. బస్సులతో పాటు ప్రయాణికుల సంఖ్య కూడా పెరగడంతో బస్టాండ్‌ ఇరుకుగా మారింది. దాంతో కొత్త బస్టాండ్‌ నిర్మాణానికి కోదాడ ఎమ్మెల్యే పద్మావతి, మంత్రి ఉత్తమ్‌కుమార్‌రెడ్డి గతంలో రాష్ట్ర రవాణాశాఖ మంత్రిని కోదాడకు తీసుకొచ్చి నూతన బస్టాండ్‌ నిర్మాణానికి హామీ తీసుకున్నారు. నాలుగు నెలల క్రితం మంత్రులు బస్టాండ్‌ నిర్మాణానికి శంఖుస్ధాపన కూడా చేశారు. షాపింగ్‌ కాంప్లెక్స్‌ నిర్మాణం ప్రస్తుతం బస్టాండ్‌ నిర్మాణంతో పాటు దానికి అనుబంధంగా మూడు అంతస్తులతో భారీ షాపింగ్‌ కాంప్లెక్స్‌ నిర్మించనున్నారు. ముందుగా బస్టాండ్‌ నిర్మించిన తరువాత జాతీయ రహదారి వైపు షాపింగ్‌ కాంప్లెక్స్‌ నిర్మాణం చేయనున్నారు. ఇందులో ప్రయాణికులకు అన్ని సౌకర్యాలు కల్పిస్తామని అధికారులు అంటున్నారు. ఈ నిర్మా ణం పూర్తయితే కోదాడకు నూతన కళ రానుంది. కూల్చివేతలతో వ్యాపారులకు ఇబ్బందులు బస్టాండ్‌ నిర్మాణంతో బస్టాండ్‌ లోపల, వెలుపల ఉన్న దుకాణాల సముదాయాలను కూల్చి వేసేందుకు అధికారులు నోటీసులు జారీ చేయడంతో ఆ ప్రాంతంలో వ్యాపారాలు నిర్వహిస్తున్న వారు తీవ్ర ఆందోళనకు గురవుతున్నారు. ప్రస్తుతం బస్టాండ్‌ నిర్మాణం పూర్తయ్యే వరకు తాము అడ్డుగా లేమని, నూతన షాపింగ్‌ కాంప్లెక్స్‌ నిర్మాణం ప్రారంభమయ్యే వరకు ప్రస్తుతం ఉన్న దుకాణాల నుంచి తమను ఖాళీ చేయించ వద్దని వారు కోరుతున్నారు. ఫ రూ.17 కోట్లతో ఆధునికంగా నిర్మాణం ఫ ఏడాదిలో పూర్తి చేసేలా ప్రణాళిక

మద్దిరాల : మండల కేంద్రంలో గత బీఆర్‌ఎస్‌ ప్రభుత్వ హయాంలో నిర్మించిన 75 డబుల్‌ బెడ్రూం ఇళ్లలో 63 ఇళ్లకు లబ్ధిదారుల ఎంపిక కోసం మంగళవారం మద్దిరాల గ్రామ పంచాయతీ కార్యాలయంలో అధికారులు లక్కీడ్రా తీశారు. తహసీల్దార్‌ తబిత, సర్పంచ్‌ రాంపాక నాగరాజు ఆధ్వర్యంలో అర్హులను ఎంపిక చేశారు. తమకు డబుల్‌ బెడ్రూం ఇల్లు ఇస్తామని చెప్పి ఇవ్వకుండా అధికారులు మోసం చేస్తున్నారంటూ కొంత మంది మహిళలు అధికారులతో వాగ్వాదానికి దిగారు. మండల కేంద్రానికి చెందిన షబాన ఒంటిపై పెట్రోల్‌ పోసుకొని ఆత్మహత్యాయత్నానికి పాల్ప డింది. తనకు ఉండడానికి ఇల్లు లేదని, మండల కేంద్రంలో బజ్జీలు వేసుకొని జీవనం కొనసాగిస్తున్నామని, ఇల్లు ఇవ్వకుండా అధికారులు మోసం చేశారని వాపోయింది. స్థానికులు ఆమెను నిలువరించారు. పోలీసులు ఆమెతో పాటు ఆందోళన చేస్తున్న మహిళలను పోలీస్‌ స్టేషన్‌కు తరలించారు. ఫ తనకు ఇల్లు ఇవ్వలేదని మహిళ ఆత్మహత్యాయత్నం

భానుపురి (సూర్యాపేట) : ఆర్టీసీని ప్రభుత్వంలో విలీనం చేసేందుకు కాంగ్రెస్‌ ప్రభుత్వం సిద్ధంగా ఉందని, ఇటీవల ఆంధ్రప్రదేశ్‌లో జరిగిన ఈ ప్రక్రియలో వచ్చిన సమస్యలు తెలంగాణలో రాకుండా ఉండేందుకు ముఖ్యమంత్రి ఒక కమిటీని వేశారని, ఈ ఎన్నికల్లో గెలుపొందే గుర్తింపు సంఘంతో కలసి చర్చించి ప్రభుత్వం తగిన నిర్ణయం తీసుకుంటుందని మాజీ కేంద్ర మంత్రి సముద్రాల వేణుగోపాలచారి, ఆర్టీసీ ఎన్నికల కాంగ్రెస్‌ పార్టీ ఇన్‌చార్జి బొంతు రామ్మోహన్‌, మాజీ ఎమ్మెల్సీ రాములు నాయక్‌, టీఎంయూ అధ్యక్షుడు మొగుళ్ల రాజిరెడ్డి అన్నారు. ఆర్టీసీ ఎన్నికల్లో టీఎంయూ బలపర్చిన ఎస్‌డబ్ల్యూఎఫ్‌, టీడబ్ల్యూయూల ఐక్య కూటమికి కాంగ్రెస్‌ పార్టీ మద్దతు పలికిన సందర్భంగా మంగళవారం జిల్లా కేంద్రంలోని వైట్‌ హౌస్‌లో ఏర్పాటు చేసిన విలేకరుల సమావేశంలో వారు మాట్లాడారు. పదేళ్ల తరువాత ఆర్టీసీలో జరిగే ఈ ఎన్నికలు ఎంతో ప్రాధాన్యత సంతరించుకున్నాయన్నారు. ఆర్టీసీ ప్రభుత్వంలో విలీనం కావాలంటే టీఎంయూ బలపర్చిన ఎస్‌డబ్ల్యూఎఫ్‌, టీడబ్ల్యూయూ ఐక్య కూటమి బాణం, నక్షత్రం గుర్తులకు ఓటు వేసి గెలిపించాలని కార్మికులకు విజ్ఞప్తి చేశారు. ఆర్టీసీ ఎన్నికల్లో భాగంగా కాంగ్రెస్‌ పార్టీ టీఎంయూకు మద్దతు ఇవ్వడం హర్షణీయమన్నారు. రాష్ట్రంలో కాంగ్రెస్‌ ప్రభుత్వం వచ్చాకే ఆర్టీసీ సంస్థ లాభాల బాట పట్టిందన్నారు. సమావేశంలో ఏఐసీసీ సభ్యుడు రాంరెడ్డి సర్వోత్తమ్‌రెడ్డి, కాంగ్రెస్‌ సీనియర్‌ నాయకుడు పోతు భాస్కర్‌, వ్యవసాయ, రైతు సంక్షేమ కమిషన్‌ సభ్యుడు చెవిటి వెంకన్న యాదవ్‌, డీసీసీ అధ్యక్షుడు గుడిపాటి నర్స య్య, నాయకులు ధరావత్‌ వీరన్ననాయక్‌, చింతమళ్ల రమేష్‌, పాండునాయక్‌, నాగునాయక్‌, తొడుసు లింగయ్య, టీఎంయూ రాష్ట్ర కార్యదర్శి సుంకరి శ్రీనివాస్‌, ఆర్టీసీ కార్మికులు పాల్గొన్నారు. ఫ కాంగ్రెస్‌ ప్రభుత్వ పాలనలోనే కార్మికుల సమస్యలు పరిష్కారం

ప్రతిరోజు 60 వేల మంది విద్యార్థులకు పౌష్టికాహారం సూర్యాపేటటౌన్‌ : ప్రభుత్వ పాఠశాలలు, జూనియర్‌ కళాశాలల్లో చదువుతున్న విద్యార్థులకు పౌష్టికాహారం అందించేందుకు సూర్యాపేట జిల్లాలో కేంద్రీకృత వంటశాల ఏర్పాటు చేయనున్నారు. మునగాల మండలం సయ్యద్‌ ముజావర్‌పేటలో ప్రపంచస్థాయి ప్రమాణాలతో వంటశాలను నిర్మించనున్నారు. ఇక్కడి నుంచి సుమారు 60 వేల మంది విద్యార్థులకు ప్రతిరోజూ నాణ్యమైన, పౌష్టికాహారం అందిస్తారు. హరే కృష్ణ మూవ్‌మెంట్‌ చారిటబుల్‌ ఫౌండేషన్‌న్‌ సహకారంతో చేపడుతున్న ఈ ప్రాజెక్టుకు సింగరేణి కాలరీస్‌ కంపెనీ లిమిటెడ్‌ సీఎస్‌ఆర్‌ నిధుల నుంచి రూ.9.60 కోట్లను అందిస్తోంది. నిర్మాణ పనులను 100 రోజుల్లో పూర్తి చేయాలని లక్ష్యంగా పెట్టుకున్నారు. సూర్యాపేట జిల్లాలోని 1,029 విద్యాసంస్థలకు సయ్యద్‌ ముజావర్‌పేటలో ఏర్పాటు చేయనున్న కేంద్రీకృత వంటశాల ద్వారా సూర్యాపేట జిల్లాలోని విద్యాసంస్థలకు ప్రతిరోజు ఆహారం సరఫరా చేయనున్నారు. జిల్లాలోని 1,029 ప్రభుత్వ పాఠశాలలు, జూనియర్‌ కళాశాలల్లో చదువుతున్న 60 వేల మంది విద్యార్థులకు తాజా ఆహారం లభించనుంది. ఒకే చోట పెద్ద స్థాయిలో ఆహారాన్ని తయారు చేసి, నాణ్యతా పరీక్షలు నిర్వహించి, ప్యాకింగ్‌ చేసి నిర్ణీత సమయానికి విద్యాసంస్థలకు తరలించేలా ఆధునిక వ్యవస్థను ఏర్పాటు చేయనున్నారు. నల్లగొండ జిల్లాలోని నాలుగు మండలాలకు.. కేంద్రీకృత వంటశాల సేవలను నల్లగొండ జిల్లాలోని నాలుగు మండలాలకు కూడా అందించనున్నారు. నకిరేకల్‌, శాలిగౌరారం, కేతేపల్లి, వేములపల్లి మండలాల్లోని 131 ప్రభుత్వ విద్యాసంస్థలకు ఇక్కడి నుంచే ఆహారం సరఫరా చేయనున్నారు. దాంతె ఆయా విద్యాసంస్థల్లో చదువుతున్న 7,972 మంది విద్యార్థులు లబ్ధి చేకూరనుంది. పరిశుభ్రతకు పెద్దపీట... వంటశాలలో ఆహార తయారీ నుంచి ప్యాకింగ్‌, రవాణా, పంపిణీ వరకు ప్రతి దశలో పరిశుభ్రత, నాణ్యత, పోషక విలువలకు ప్రాధాన్యం ఇవ్వనున్నారు. ప్రతి విద్యాసంస్థకు నిర్ణీత సమయానికి ఆహారం చేరేలా రవాణా వ్యవస్థలను ఏర్పాటు చేయనున్నారు. భారీ స్థాయిలో ఆహారం తయారీకి ఆధునిక పరికరాలను ఏర్పాటు చేయనున్నారు. విద్యార్థుల ఆరోగ్యం, చదువు, భవిష్యత్‌కు ఉపయోగపడే ఈ ప్రాజెక్టుకు రూ. 9.60 కోట్లు అందించిన సింగరేణి సంస్థకు కృతజ్ఞతలు. ప్రభుత్వరంగ సంస్థలు సీఎస్‌ఆర్‌ నిధులతో ప్రజలకు దీర్ఘకాలిక ప్రయోజనం కలిగించే ఆస్తులను ఎలా సృష్టించవచ్చో ఈ కేంద్రీకృత వంటశాల చాటి చెబుతుంది. సయ్యద్‌ ముజావర్‌పేట వంటశాలను రాష్ట్రానికే ఆదర్శంగా నిలిపేందుకు అవసరమైన అన్ని చర్యలు తీసుకుంటాం. –మంత్రి ఉత్తమ్‌కుమార్‌రెడ్డి ఫ రూ.9.60 కోట్ల సింగరేణి సీఎస్‌ఆర్‌ నిధులతో నిర్మాణం ఫ 100 రోజుల్లో అందుబాటులోకి వచ్చేలా ప్రణాళిక విద్యార్థుల్లో పోషకాహార లోపాన్ని నివారించేందుకు ప్రోటీన్లు, విటమిన్లు, ఖనిజ లవణాలతో కూడిన సమతుల ఆహారం అందించనున్నారు. చిరుధాన్యాలతో తయారు చేసే సంప్రదాయ పౌష్టిక వంటకాలను కూడా అందించేందుకు ప్రణాళిక రూపొందిస్తున్నారు. హరే కృష్ణ మూవ్‌మెంట్‌ చారిటబుల్‌ ఫౌండేషన్‌, భారతీయ వ్యవసాయ పరిశోధనా మండలి, భారత చిరుధాన్యాల పరిశోధనా సంస్థ సహకారంతో పోషక విలువలకు అనుగుణంగా మెనూను రూపొందించనున్నారు. విద్యార్థులకు ప్రతిరోజూ ఉదయం పౌష్టికాహారం అందడం వల్ల హాజరు, ఏకాగ్రత, అభ్యసన సామర్థ్యం మెరుగుపడటంతోపాటు బడి మానేసే వారి సంఖ్య తగ్గుతుందని అధికారులు చెబుతున్నారు.

సూర్యాపేట : బుల్లెట్‌ ట్రైన్‌ సాధనే ధ్యేయంగా అందరూ కలిసి కట్టుగా ఉద్యమించాలని సీపీఐ(ఎంఎల్‌) మాస్‌ లైన్‌ పార్టీ జిల్లా కార్యదర్శి కొత్తపల్లి శివకుమార్‌, బీజేపీ జిల్లా ప్రధాన కార్యదర్శి చలమల్ల నరసింహులు పిలుపునిచ్చారు. బుల్లెట్‌ ట్రైన్‌ సాధన సమితి ఆధ్వర్యంలో జిల్లా కేంద్రంలోని ధర్నా చౌక్‌ వద్ద నిర్వహిస్తున్న రిలే నిరాహార దీక్షలు మంగళవారం 47వ రోజు కొనసాగాయి. దీక్షలకు వారు సంఘీభావం ప్రకటించి మాట్లాడారు. బుల్లెట్‌ ట్రైన్‌ సాధన ఉద్యమాలను ఉధృతం చేసే దిశగా ప్రణాళికలు రూపొందిస్తున్నామన్నారు. ప్రభుత్వం మొదటి అలైన్‌మెంట్‌ను కొనసాగించాలని డిమాండ్‌ చేశారు. దీక్షలో బుల్లెట్‌ ట్రైన్‌ సాధన సమితి సభ్యులు వెలుగు వనిత, సట్టు నాగయ్య, భూపతి రాములు గౌడ్‌, కందుకూరి యాదగిరి, రవీందర్‌ నాయక్‌, యర్కచర్ల శోభారాణి, నాగవెల్లి కరుణాకర్‌, కొమాండ్లపల్లి సుజాత, మామిడి శెట్టి అంజన్న, పాల్గొన్నారు. ఆర్టీసీ రిటైర్డ్‌ డీఎం భయ్యా మల్లికార్జున్‌, ఎర్ర అఖిల్‌ సంఘీభావం తెలిపారు.

సాక్షి ప్రతినిధి, నల్లగొండ : రిజిస్ట్రేషనన్‌ శాఖ కార్యాలయాల్లో ప్రజలకు ఇబ్బందులు ఎదురవుతున్నాయి. ఒకవైపు సాంకేతిక సమస్యలు.. మరోవైపు అరకొర వసతులు.. ఇంకోవైపు ముడుపుల ఆరోపణలు.. వెరసి రిజిస్ట్రేషనన్‌ కోసం వచ్చే ప్రజలు నానా అవస్థలు పడుతున్నారు. ఉమ్మడి నల్లగొండ జిల్లా పరిధిలో 15 సబ్‌ రిజిస్ట్రార్‌ కార్యాలయాలు ఉన్నాయి. ప్రతిరోజూ సగటున 150 నుంచి 200కు పైగా డాక్యుమెంట్ల రిజిస్ట్రేషన్లు జరుగుతున్నాయి. కొన్ని రోజుల్లో ఈ సంఖ్య 300కు చేరుతుంది. ఇంత పెద్ద సంఖ్యలో ప్రజలు రాకపోకలు సాగిస్తున్నా.. చాలా కార్యాలయాల్లో కనీస వసతులు లేవు. డాక్యుమెంట్‌ రైటర్లదే హవా.. కార్యాలయ అధికారులు, సిబ్బంది డాక్యుమెంట్‌ రైటర్ల ద్వారా వసూళ్ల వ్యవహారం నడుపుతున్నారనే ఆరోపణలు వినిపిస్తున్నాయి. భూమి విలువ, డాక్యుమెంట్‌ స్వభావాన్ని బట్టి అదనపు మొత్తాలను నిర్ణయిస్తున్నారని పలువురు చెబు తున్నారు. రోజులో ఎన్ని డాక్యుమెంట్లు రిజిస్ట్రేషన్‌ అయ్యాయి.. వాటి విలువ అనే దాని ఆధారంగా డాక్యుమెంట్‌ రైటర్ల నుంచి సాయంత్రం మొత్తాలు వసూలు చేస్తున్నారనే ఆరోపణలు ఉన్నాయి. ఏసీబీకి చిక్కినా కానరాని మార్పు.. భూమి కొనుగోలు, అమ్మకాలు, గిఫ్ట్‌, సెటిల్‌మెంట్‌, ఇతర డాక్యుమెంట్ల విషయంలో అదనపు వసూళ్లు జరుగుతున్నాయని ఆరోపణలు ఉన్నాయి. అధికారిక రుసుములకు అదనంగా డబ్బులు ఇవ్వకపోతే ఫైల్‌లో లోపాలు చూపించడం, చిన్నచిన్న కొర్రీలు పెట్టడం, ప్రక్రియను ఆలస్యం చేయడం వంటి ఇబ్బందులు ఎదురవుతున్నాయని ప్రజలు చెబుతున్నారు. సూర్యాపేట సబ్‌ రిజిస్టర్‌ కార్యాలయంలో గతంలో ఓ సబ్‌ రిజిస్టర్‌ అన్ని పత్రాలు ఉన్నప్పటికీ లంచం డిమాండ్‌ చేస్తూ పట్టుబడ్డాడు. ఆ తర్వాత కూడా కార్యాలయ సిబ్బంది పనితీరులో మార్పు లేదు. మిర్యాలగూడలో రిజిస్ట్రేషన్‌ కోసం వచ్చిన వారు నేరుగా కార్యాలయానికి వస్తే రిజిస్ట్రేషన్‌ చేసే పరిస్థితి లేదు. డాక్యుమెంట్‌ రైటర్లు ఫైల్స్‌ చేసి పంపిస్తేనే రిజిస్ట్రేషన్లు చేస్తున్నట్లు ఆరోపణలు వినిపిస్తున్నాయి. నిడమనూరు సబ్‌ రిజిస్ట్రార్‌ కార్యాలయంలో వివాహ రిజిస్ట్రేషన్లకు నిర్ణీత ఫీజు కాకుండా అధిక మొత్తంలో డాక్యుమెంట్‌ రైటర్ల ద్వారా వసూలు చేస్తున్నట్లు ఆరోపణలు ఉన్నాయి.సాంకేతిక సమస్యలతో ప్రజలు ఇబ్బందులు పడాల్సి వస్తోంది. ఆన్‌లైన్‌ ప్రక్రియలో సర్వర్‌ సమస్యలు, నెట్‌వర్క్‌ అంతరాయాలు, డాక్యుమెంట్ల అప్‌లోడ్‌, బయోమెట్రిక్‌ తదితర ప్రక్రియల్లో సాంకేతిక ఇబ్బందులతో హుజూర్‌నగర్‌ తదితర కార్యాలయాల్లో రిజిస్ట్రేషన్లు ఆలస్యమవుతున్నాయని సిబ్బంది చెబుతున్నారు. ఒక్కోసారి కొనుగోలుదారులు, విక్రయదారులు మరుసటి రోజు రావాల్సి వస్తోంది. నిడమనూరు సబ్‌ రిజిస్ట్రార్‌ కార్యాలయంలో వారం, పది రోజులుగా ఈసీ(ఎనకంబెరెన్స్‌ సర్టిఫికేట్‌) సాంకేతిక కారణాలతో రావడం లేదు. దేవరకొండ సబ్‌ రిజిస్ట్రార్‌ కార్యాలయాలో సర్వర్‌ డౌన్‌తో రిజిస్ట్రేషన్లు సకాలంలో కాకపోవడంతో ప్లాట్లు, ఇళ్ల కొనుగోలు,అమ్మకందారులు ఇబ్బందులు పడుతున్నారు. ఫ అద్దె భవనాల్లో రిజిస్ట్రేషన్ల తిప్పలు ఫ ఇరుకై న గదులు.. అరకొర వసతులు ఫ ఆపై డాక్యుమెంట్‌ రైటర్లతో అడ్డగోలుగా వసూళ్లు ఫ ముడుపులిస్తే వెంటనే.. లేదంటే తంటానే.. ఫ మరోవైపు వేధిస్తున్న సాంకేతిక సమస్యలు సూర్యాపేట సబ్‌ రిజిస్టర్‌ కార్యాలయానికి పక్క భవనం లేకపోవడం, ఉన్న చిన్నపాటి అద్దె భవనంలో స్థలం సరిపోక ఇబ్బందులు పడుతున్నారు. ప్రస్తుతం రోజుకు 50 వరకు డాక్యుమెంట్లు జరుగుతున్నాయి. ఇందుకోసం క్రయవిక్రయ దారులే కాకుండా ఇరుపక్షాల సాక్షులు సైతం వస్తుండడంతో చిన్నపాటి గదిలు ఏమాత్రం సరిపోవడం లేదు. బయట చెట్ల కింద కూర్చొని తమను పిలిచినప్పుడు వెళ్లి సంతకాలు, ఫొటోలు దిగి బయటికి వస్తున్నారు. అద్దె భవనంలో కొనసాగుతున్న మిర్యాలగూడ సబ్‌రిజిస్టార్‌ కార్యాలయం పైఅంతస్తులో ఉండటంతో వృద్ధులు, వికలాంగులు పైఅంతస్తుకు వెళ్లలేని పరిస్థితి ఉంది. కార్యాలయంలో సబ్‌రిజిస్టార్‌తో కలిపి మొత్తం ఏడుగురు ఉద్యోగులు ఉండగా అనధికారికంగా ఏర్పాటు చేసుకున్న సిబ్బంది సైతం కార్యాలయంలో పనిచేస్తున్నట్లు సమాచారం. నల్లగొండ జిల్లా కేంద్రంలోని సబ్‌ రిజిస్ట్రార్‌ కార్యాలయం సైతం పాత మున్సిపల్‌ భవనంలో కొనసాగుతోంది. భవనం పాతబడటంతో వర్షాకాలంలో ఇబ్బందులు ఎదురవుతున్నాయని, మరమ్మతులు కూడా సరిగా చేయని పరిస్థితి నెలకొంది. రోజూ పెద్ద సంఖ్యలో ప్రజలు వచ్చే కార్యాలయంలో కనీస వసతులు లేకపోవడం విమర్శలకు తావిస్తోంది.

సాక్షి ప్రతినిధి, నల్లగొండ : వరంగల్‌–ఖమ్మం–నల్లగొండ పట్టభద్రుల ఎమ్మెల్సీ స్థానానికి కాంగ్రెస్‌ అభ్యర్థిగా రాంరెడ్డి సర్వోత్తమ్‌రెడ్డి పేరు ఖరారైంది. మాజీ మంత్రి, దివంగత రాంరెడ్డి దామోదర్‌రెడ్డి కుమారుడైన సర్వోత్తమ్‌రెడ్డి అభ్యర్థిత్వాన్ని కాంగ్రెస్‌ అధిష్టానం మంగళవారం రాత్రి ఖరారు చేసింది. దామోదర్‌రెడ్డి కుటుంబ రాజకీయ నేపథ్యాన్ని పరిగణనలోకి తీసుకుని సర్వోత్తమ్‌రెడ్డికి అవకాశం కల్పించింది. ఆయనకు మంత్రి ఉత్తమ్‌కుమార్‌రెడ్డి ఆశీస్సులు ఉన్నాయి. గత అసెంబ్లీ ఎన్నికల్లో దామోదర్‌రెడ్డి సూర్యాపేట నుంచి కాంగ్రెస్‌ అభ్యర్థిగా పోటీచేశారు. అనంతరం ఆయన మృతి చెందడంతో దామోదర్‌రెడ్డి వారసుడికి రాజకీయంగా ప్రాధాన్యం ఇవ్వాలని పార్టీ నాయకత్వం భావించి ఈ నిర్ణయం తీసుకున్నట్టు తెలుస్తోంది. సర్వేల తరువాత సర్వోత్తంరెడ్డి పేరు ఖరారు.. అధికార పార్టీలో ఆశావహులపై కాంగ్రెస్‌ పార్టీ సర్వే చేయించింది. ఆశావహులు కాంగ్రెస్‌ పార్టీలో ఎక్కువ మందే ఉన్నారు. ఎవరిని పోటీలో నిలిపితే బాగుంటుందన్న దానిపై పార్టీ అధిష్టానం కసరత్తు చేసింది. ఉమ్మడి నల్లగొండ జిల్లా నుంచి రాంరెడ్డి సర్వోత్తమ్‌రెడ్డి, గుత్తా అమిత్‌రెడ్డి, పున్నా కై లాష్‌ నేత, పటేల్‌ రమేష్‌రెడ్డి, వరంగల్‌ జిల్లా నుంచి సింగారపు ఇందిర, దొమ్మాటి సాంబయ్య, ఖమ్మం జిల్లా నుంచి లోకేష్‌ యాదవ్‌ పేర్లతో సర్వే చేయించింది. చివరకు మాజీ మంత్రి రాంరెడ్డి దామోదర్‌రెడ్డి కుమారుడు సర్వోత్తమ్‌రెడ్డి పేరును ఖరారు చేసింది. రెండు చోట్లా రెడ్లకే ప్రాధాన్యం ఈ స్థానంలో ఏ సామాజికవర్గానికి చెందిన అభ్యర్థిని బరిలో నిలుపాలన్న విషయలో చర్చ చేసింది. హైదరాబాద్‌ –రంగారెడ్డి–మహబూబ్‌నగర్‌ స్థానంలో బీసీని పోటీలో నిలిపితే వరంగల్‌–ఖమ్మం–నల్లగొండ స్థానంలో ఓసీకి ఇవ్వాలని, ఇక్కడ బీసీకి ఇస్తే, అక్కడ ఓసీ అభ్యర్థిని బరిలో దింపాలని గతంలో ఆలోచన చేసింది. కానీ, చివరకు కాంగ్రెస్‌ పార్టీ రెండు చోట్లా రెడ్డి సామాజిక వర్గానికి చెందిన అభ్యర్థులనే ఖరారు చేసింది. ఫ పట్టభద్రుల స్థానానికి అభ్యర్థినిఖరారు చేసిన అధిష్టానంఫ మాజీ మంత్రి దామోదర్‌రెడ్డి కుటుంబానికి దక్కిన గౌరవం

హుజూర్‌నగర్‌ : మూఢనమ్మకాలను నిర్మూలించడం, సైన్స్‌ పట్ల విద్యార్థుల్లో అవగాహన పెంపొందించడంలో జన విజ్ఞాన వేదిక కీలక పాత్ర పోషిస్తున్నదని వేదిక రాష్ట్ర అధ్యక్షుడు చెలిమెల రాజేశ్వర్‌ అన్నారు. ఆదివారం హుజూర్‌నగర్‌లో నిర్వహించిన జేవీవీ జిల్లా మహాసభల్లో ఆయన మాట్లాడారు. సమాజంలో సైన్స్‌ ప్రాముఖ్యతను ముందుకు తీసుకు పోవటంలో జేవీవీ కీలకంగా వ్యవహరిస్తుందన్నారు. విద్యార్థులకు చెకుముకి పోటీలు నిర్వహించడం, పుస్తకాలను ప్రచురించడం, వాటిని విద్యార్థులు చదివే విధంగా ప్రోత్సహించడం వంటి కార్యక్రమాలు చేపడుతున్నట్లు చెప్పారు. అనంతరం ఉస్మానియా యూనివర్శిటీ నుంచి జువాలజీలో డాక్టరేట్‌ అందుకున్న క్రాంతి కుమార్‌ను సత్కరించారు. సంఘ జిల్లా ప్రధాన కార్యదర్శి కలకుంట్ల సైదులు రెండేళ్ల కార్యక్రమాలను నివేదించారు. జి.రమేష్‌ బాబు అధ్యక్షతన జరిగిన సభలో వేదిక రాష్ట్ర మాజీ అధ్యక్షుడు డాక్టర్‌ అందె సత్యం, మున్సిపల్‌ వైస్‌ చైర్మన్‌ తన్నీరు మల్లికార్జున్‌, ఎంఈఓ సైదా నాయక్‌, రాష్ట్ర, జిల్లా బాధ్యులు జాఫర్‌, దుర్గాప్రసాద్‌, నాగరాజు, మక్బూల్‌ భాషా, రామచంద్రయ్య, మహిళా ప్రతినిధులు, వివిధ ఉపాధ్యాయ సంఘాల ప్రతినిధులు పాల్గొన్నారు. జేవీవీ రాష్ట్ర అధ్యక్షుడు రాజేశ్వర్‌

సూర్యాపేట : జిల్లా కేంద్రానికి బుల్లెట్‌ రైలు సాధించేంతవరకు ఉద్యమాలు కొనసాగుతాయని మున్సిపల్‌ మాజీ చైర్మన్‌ జుట్టుకొండ సత్యనారాయణ అన్నారు. జిల్లా కేంద్రంలోని ధర్నా చౌక్‌ వద్ద ఆదివారం 45వ రోజు నిర్వహించిన దీక్షలో పట్టణ మేరు సంఘం నాయకులు పాల్గొన్నారు. సాయంత్రం దీక్షలను విరమింపజేసిన అనంతరం ఆయన మాట్లాడారు. కేంద్ర ప్రభుత్వం ముందుగా ప్రకటించిన విధంగానే బుల్లెట్‌ ట్రైన్‌ కారిడార్‌ను కొనసాగించాలని డిమాండ్‌ చేశారు. దీక్షలో మేరు సంఘం పట్టణ అధ్యక్షుడు మునగాల సతీష్‌, నాయకులు వారణాసి వెంకటేశ్వర్లు, సిద్ధప్ప, కర్నె ఉపేందర్‌, వర్షం సంతోష్‌, వీరేశ్‌ కిషోర్‌, లక్ష్మీనారాయణ, వినయ్‌ బాబు తదితరులు పాల్గొన్నారు. బుల్లెట్‌ ట్రైన్‌ సాధన సమితి సభ్యులు కుంట్ల ధర్మార్జున్‌, చలమల్ల నరసింహ, భయ్యా మల్లికార్జున్‌, మట్టి పెల్లి సైదులు, తదితరులు సంఘీభావం తెలిపారు.

సూర్యాపేట : పామ్‌ ఆయిల్‌ దిగుమతులపై కేంద్ర ప్రభుత్వం సుంకాన్ని తగ్గించడం వల్ల దేశీయంగా పామ్‌ ఆయిల్‌ సాగు చేస్తున్న రైతులకు తీవ్ర నష్టం కలిగే అవకాశం ఉందని, రైతు వ్యతిరేక నిర్ణయాలను వెంటనే ఉపసంహరించుకోవాలని జిల్లా పామ్‌ ఆయిల్‌ రైతుల సంక్షేమ సంఘం అధ్యక్షుడు మన్నెం సదాశివరెడ్డి ఆదివారం ఒక ప్రకటనలో డిమాండ్‌ చేశారు. దిగుమతి సుంకాన్ని తగ్గించడం వల్ల అంతర్జాతీయ మార్కెట్‌ నుంచి తక్కువ ధరకు నూనె దిగుమతి అయ్యే అవకాశం ఉండటంతో మన దేశంలో రైతులు పండించే పామ్‌ ఆయిల్‌ గెలల ధరలపై ప్రభావం పడుతుందని తెలిపారు. యాదగిరి క్షేత్రంలో విశేష పూజలుయాదగిరిగుట్ట : యాదగిరి శ్రీలక్ష్మీనరసింహస్వామి వారి ఆలయంలో అర్చకులు పాంచరాత్ర ఆగమ శాస్త్రానుసారంగా విశేష పూజలు నిర్వహించారు. ఆదివారం వేకువజామునే ఆలయాన్ని తెరిచిన అర్చకులు శ్రీస్వామి అమ్మవార్లకు తొలుత సుప్రభాతం నిర్వహించారు. అనంతరం గర్భాలయంలోని స్వయంభూ, ప్రతిష్ఠా అలంకారమూర్తులకు అభిషేకం చేపట్టి, సహస్రనామార్చన, కుంకుమార్చన వంటి పూజలు జరిపించారు. ఇక ముఖ మండపంలోని ఉత్సవమూర్తులకు సంప్రదాయంగా సువర్ణ పుష్పార్చన, అష్టోత్తర పూజలను చేపట్టారు. ప్రథమ ప్రాకార మండపంలో శ్రీసుదర్శన నారసింహ హోమం, గజవాహన సేవ, నిత్య కల్యాణ వేడుక, బ్రహ్మోత్సవం, సాయంత్రం ఆలయ తిరు మాఢ వీధుల్లో జోడు సేవలు జరిపించారు. రాత్రి స్వామి అమ్మవార్లకు పవళింపు సేవ నిర్వహించారు. ఎమ్మార్పీఎస్‌ జిల్లా ఇన్‌చార్జిగా ముక్కంటిహుజూర్‌నగర్‌ : ఎమ్మార్పీ ఎస్‌ జిల్లా ఇన్‌చార్జిగా హుజూ ర్‌నగర్‌కు చెందిన మేళ్లచెరువు ముక్కంటిని నియమించారు. ఈ సందర్భంగా ఆది వారం ఆయన విలేకరులతో మాట్లాడుతూ సంఘం జాతీయ వర్కింగ్‌ ప్రెసిడెంట్‌ చింత బాబు అధ్యక్షతన శనివారం రాత్రి సూర్యాపేటలో జరిగిన జిల్లా ముఖ్య కార్యకర్తల సమావేశంలో రాష్ట్ర అధ్యక్షుడు కె. మోహన్‌ తనకు నియామకపత్రం అందించినట్లు పేర్కొన్నారు. తన నియామకానికి సహకరించిన వారికి కృతజ్ఞతలు తెలిపారు. మూసీకి కొనసాగుతున్న ఇన్‌ఫ్లోకేతేపల్లి : మూసీ ప్రాజెక్టుకు ఎగువ నుంచి ఇన్‌ఫ్లో కొనసాగుతోంది. దీంతో ప్రాజెక్టులో నీటిమట్టం క్రమంగా పెరుగుతూ గరిష్ఠ స్థాయికి రెండు అడుగుల దూరంలో ఉంది. ఎగువ ప్రాంతాల నుంచి ఆదివారం మూసీ రిజర్వాయర్‌కు 1237 క్యూసెక్కుల ఇన్‌ఫ్లో వస్తుండగా నీటిమట్టం 642.60 (గరిష్ట నీటిమట్టం645 అడుగులు)అడుగులకు చేరుకుంది. మూసీ కుడి ప్రధాన కాల్వకు 259 క్యూసెక్కులు, ఎడమ కాల్వకు 329 క్యూసెక్కుల చొప్పున మొత్తం 588 క్యూసెక్కుల నీటిని విడుదల చేస్తున్నారు. రిజర్వాయర్‌లో ప్రస్తుతం 3.79 టీఎంసీల నీరు నిల్వ ఉందని అధికారులు తెలిపారు. బ్యాంక్‌ ఉద్యోగుల సమ్మె వాయిదాహుజూర్‌నగర్‌ : ఐదు రోజుల పనిదినాలతో పాటు పలు డిమాండ్‌ల సాధన కోసం ప్రభుత్వ బ్యాంక్‌ ఉద్యోగులు సోమవారం నుంచి మూడు రోజుల పాటు చేయ తలపెట్టిన సమ్మెను వాయిదా వేసుకున్నట్లు కెనరా బ్యాంక్‌ ఎంప్లాయీస్‌ యూనియన్‌ స్టేట్‌ అసిస్టెంట్‌ సెక్రటరీ ఎ. రాజశేఖర్‌ తెలిపారు. ఆదివారం రాత్రి విలేకరులతో మాట్లాడుతూ ఉద్యోగులు ఇచ్చిన సమ్మె నోటీసు నేపథ్యంలో ఐబీఏ, యూఎఫ్‌బీయూల మధ్య జరిగిన చర్చలు సఫలమైనట్లు పేర్కొన్నారు. సోమవారం నుంచి బ్యాంక్‌ కార్యకలాపాలు యథావిధిగా కొనసాగుతాయని ఆయన పేర్కొన్నారు.

పాలకవీడు: రోడ్ల అనుసంధానంతోనే సమగ్రాభివృద్ధి సాధ్యమని నీటిపారుదల, పౌరసరఫరాల శాఖ మంత్రి ఎన్‌.ఉత్తమ్‌కుమార్‌రెడ్డి అన్నారు. ఆది వారం పాలకవీడు మండలంలోని ముసిఒడ్డుసింగారం నుంచి రోళ్లవారిగూడెం, కేతిరెడ్డిగూడెం గ్రామాలను కలుపుతూ రూ.1.80 కోట్లతో నిర్మించిన బీటీ రోడ్డును ఆయన ప్రారంభించారు. ఈ సందర్భంగా మంత్రి మాట్లాడుతూ ఈ ప్రాంతంలో సరైన రోడ్డు మార్గాలు లేక ప్రజలు పడుతున్న ఇబ్బందులను గుర్తించి అనేక ప్రాంతాలకు రోడ్డు మంజూరు చేయించినట్లు తెలిపారు. కార్యక్రమంలో సర్పంచ్‌ గుత్తికొండ భూపాల్‌రెడ్డి, కాంగ్రెస్‌ పార్టీ మండల అధ్యక్షుడు ఎన్‌వీ.సుబ్బారావు, మాజీ ఎంపీపీ భూక్యా గోపాల్‌, పార్టీ జిల్లా ప్రధాన కార్యదర్శి మోతీలాల్‌, జితేందర్‌రెడ్డి పాల్గొన్నారు. రేషన్‌ కార్డుల జారీ నిరంతర ప్రక్రియహుజూర్‌నగర్‌ : రాష్ట్రంలో అర్హులైన ప్రతి ఒక్కరికి రేషన్‌ కార్డులు మంజూరు చేస్తున్నామని, రేషన్‌ కార్డుల జారీ నిరంతర ప్రక్రియ అని మంత్రి ఉత్తమ్‌కుమార్‌రెడ్డి అన్నారు. ఆదివారం హుజూర్‌నగర్‌లో ఏర్పాటు చేసిన సభలో నియోజకవర్గ పరిధిలోని 5,319 మంది లబ్ధిదారులకు రూ 21.62 కోట్ల విలువైన సీఎంఆర్‌ఎఫ్‌ చెక్కులను, హుజూర్‌నగర్‌, మఠంపల్లి మండలాలకు చెందిన లబ్ధిదారులకు స్మార్ట్‌ రేషన్‌ కార్డులను మంత్రి పంపిణీ చేశారు. అంతకు ముందు పట్టణంలో దివంగత విశ్రాంత ఉపాధ్యాయురాలు నూకల జానకి కుంటుంబాన్ని మంత్రి పరామర్శించారు. కార్యక్రమంలో జిల్లా కలెక్టర్‌ తేజస్‌ నంద్‌లాల్‌ పవార్‌, ఎస్పీ కె. నరసింహ, రాష్ట్ర పేరిక కార్పోరేషన్‌ చైర్మన్‌ దొంగరి వెంకటేశ్వర్లు, అదనపు కలెక్టర్‌ హరిసింగ్‌, ఆర్‌డీఓ శ్రీనివాసులు, మున్సిపల్‌ చైర్మన్‌ దొంతగాని శ్రీనివాస్‌, ఏఎంసీ చైర్మన్‌ డి.రాధిక, గ్రంథాలయ సంస్థ చైర్మన్‌ బచ్చు రామారావు, తహసీల్దార్‌ కవిత, నాయకులు యరగాని నాగన్న గౌడ్‌, కోతి సంపత్‌రెడ్డి, తదితరులు పాల్గొన్నారు. మంత్రి ఉత్తమ్‌ కుమార్‌ రెడ్డి

సూర్యాపేట టౌన్‌ : చదువుకున్న పాఠశాలతో అనుబంధాన్ని ఎప్పటికీ మరిచిపోకుండా, దాని అభివృద్ధికి తోడ్పాటునందించడంలో పూర్వ విద్యార్థుల పాత్ర కీలకమని ఎస్పీ నరసింహ, రాష్ట్ర మీడియా అకాడమీ చైర్మన్‌ శ్రీనివాస్‌రెడ్డి అన్నారు. ఆదివారం సూర్యాపేట జిల్లా కేంద్రంలోని జెడ్పీహెచ్‌ఎస్‌ పూర్వ విద్యార్థుల సంఘం ఆధ్వర్యంలో నిర్వహించిన 8వ వార్షికోత్సవ సదస్సుకు వారు ముఖ్య అతిథులుగా హాజరై మాట్లాడారు. ఈ బడిలో చదువుకున్న ఎంతోమంది విద్యార్థులు దేశ,విదేశాల్లో, వివిధ రంగాల్లో అత్యున్నత స్థానాలకు ఎదిగి పాఠశాలకు, సమాజానికి మంచి గుర్తింపు తీసుకురావడం గర్వకారణమన్నారు. చిన్ననాటి జ్ఞాపకాలను నెమరువేసుకోవడంతో పాటు ప్రస్తుత విద్యార్థులకు ఆదర్శంగా నిలుస్తున్న పూర్వ విద్యార్థుల సంఘం తీరు స్ఫూర్తిదాయకమని కొనియాడారు. ఈ సందర్భంగా సమాజంలోని వివిధ రంగాల్లో విశిష్ట సేవలు అందిస్తూ ప్రతిభ కనబరిచిన పలువురు పూర్వ విద్యార్థులను ఘనంగా సత్కరించి, జ్ఞాపికలను అందజేశారు. కార్యక్రమంలో పూర్వ విద్యార్థుల సంఘం అధ్యక్షుడు దామోదర్‌రెడ్డి, కార్యదర్శి తాటి చంద్రశేఖర్‌, కన్వీనర్‌ డాక్టర్‌ వేణుధర్‌, పాఠశాల హెచ్‌ఎం గోలి పద్మ, విద్యాసాగర్‌, డాక్టర్‌ పటేల్‌ నరసింహారెడ్డి, ఉపేందర్‌రెడ్డి, చిలువేరు రఘురాం, రాఘవాచారి, మహేందర్‌రెడ్డి, పెండెం రాములు తదితరులు పాల్గొన్నారు.

మద్దిరాల : గ్రామీణ పేదరిక నిర్మూలన సంస్థ (సెర్ప్‌) ఆధ్వర్యంలో మండలంలోని మద్దిరాల, కుక్కడం, ముకుదాపురం గ్రామాల్లో నిరక్షరాస్యులైన మహిళా సంఘాల సభ్యులకు న్యూ ఇండియా లిటరసీ ప్రొగ్రాంలో భాగంగా చదువు నేర్పిస్తున్నారు. ఇన్ని రోజుల పాటు చదువు నేర్చుకున్న వారికి ఆదివారం స్థానిక ప్రభుత్వ పాఠశాలల్లో పరీక్ష నిర్వహించారు. ఈ సందర్భంగా ఏపీఎం శ్రీనివాస్‌ మాట్లాడుతూ ప్రతి మహిళ చదువు నేర్చుకోవాలనే లక్ష్యంతో ఈ కార్యక్రమాన్ని నిర్వహిస్తున్నట్లు తెలిపారు. కార్యక్రమంలో సీపీ సుధాకర్‌, వీఓఏలు, మహిళా సంఘాల అధ్యక్ష, కార్యదర్శులు పాల్గొన్నారు.

బదలాయింపులో చిక్కులు..చిలుకూరు : కోదాడ నుంచి చిలుకూరు, హుజూర్‌నగర్‌, మిర్యాలగూడ, హాలియా మీదుగా జడ్చర్ల వరకు వెళ్లే జాతీయ రహదారి–167 నిర్వహణ బాధ్యతలను కేంద్ర ప్రభుత్వం జాతీయ రహదారుల ప్రాధికార సంస్థకు (ఎన్‌హెచ్‌ఏఐ) బదలాయించింది. ఈ మేరకు ఇటీవల గెజిట్‌ విడుదల కాగా, మరో వారం రోజుల్లో ఎన్‌హెచ్‌ఏఐ రోడ్డు బాధ్యతలు తీసుకోనుంది. 2017–18లో కోదాడ నుంచి జడ్చర్ల వరకు 234 కిలోమీటర్ల మేర రహదారిని విస్తరించారు. ఇన్ని రోజులపాటు కేంద్ర రహదారుల మంత్రిత్వ శాఖ పర్యవేక్షణలో సంబంధిత కాంట్రాక్టర్‌ ఈ రోడ్డు నిర్వహణ బాధ్యతలు చూశారు. ప్రస్తుతం ఎవరూ పట్టించుకోక పోవడంతో హైవేపై లైట్లు వెలగక చీకట్లు కమ్ముకున్నాయి. నిర్వహణపై సందిగ్ధంరోడ్డు విస్తరణ సమయంలో 100 అడుగుల మేర స్థలం సేకరించి, 10 మీటర్ల వెడల్పుతో తారు రోడ్డు వేశారు. గ్రామాల పరిధిలో పలుచోట్ల నాలుగు వరుసల రోడ్డుతో పాటు డివైడర్‌ మధ్యలో సెంట్రల్‌ లైటింగ్‌ ఏర్పాటు చేశారు. కాంట్రాక్టర్‌ నిర్వహణ గడువు గత జూన్‌తో ముగియడంతో ఆయన బాధ్యతల నుంచి తప్పుకొన్నారు. జూలైలో రహదారిని పరిశీలించిన అధికారులు ఆగస్టులో ఎన్‌హెచ్‌ఏఐకి బదలాయిస్తూ గెజిట్‌ విడుదల చేశారు. నిబంధనల ప్రకారం నాలుగు వరుసల రహదారి నిర్మించే వరకు స్వల్పకాలిక నిర్వహణ (షార్ట్‌ టర్మ్‌ మెయింటెనెన్స్‌) కింద కొత్తగా టెండర్లు పిలవాల్సి ఉన్నా.. నేటి వరకు కేంద్రం నుంచి ప్రకటన వెలువడలేదు. వెలగని లైట్లునిర్వహణ గడువు ముగియడంతో నెల రోజులుగా జాతీయ రహదారిపై గ్రామాల్లోని సెంట్రల్‌ లైటింగ్‌ వెలగడం లేదు. దాంతో రాత్రివేళల్లో రోడ్డు వెంట పూర్తిగా చీకటి మయంగా మారడంతో వాహనదారులు, ప్రజలు ఇబ్బందులు పడుతున్నారు. తమ గడువు ముగిసినందున ఇకపై గ్రామ పంచాయతీలే వీధి దీపాల నిర్వహణ చూసుకోవాలని హైవే అధికారులు చెబుతుండగా.. కరెంటు బిల్లుల భారం మోయలేమని, తమకు సంబంధం లేదని పంచాయతీలు చేతులెత్తేస్తున్నాయి. ఇరు విభాగాల మధ్య సమన్వయ లోపంతో రహదారిపై చీకట్లు కమ్ముకున్నాయి. ఎన్‌హెచ్‌ఏఐ పూర్తిస్థాయిలో బాధ్యతలు స్వీకరిస్తేనే వీధి దీపాల బిల్లులు, రోడ్డు నిర్వహణ సమస్యకు తెరపడనుంది. ఎన్‌హెచ్‌ఏఐ చేతికి కోదాడ – జడ్చర్ల హైవే గెజిట్‌ విడుదల చేసిన కేంద్రం.. వారం రోజుల్లో బాధ్యతలు ముగిసిన పాత కాంట్రాక్ట్‌ గడువు.. కొత్త టెండర్లపై జాప్యం బిల్లుల పంచాయితీతో వెలగని సెంట్రల్‌ లైటింగ్‌నాలుగు లేన్లుగా విస్తరణకు అవకాశం ఎన్‌హెచ్‌–167 మొత్తం పొడవు సుమారు 483 కిలోమీటర్లు, తెలంగాణ పరిధిలో 300 కిలోమీటర్లు ఉంది. ఇప్పటికే గూడెబల్లూరు నుంచి మహబూబ్‌నగర్‌ వరకు నాలుగు వరుసల రహదారి నిర్మాణానికి టెండర్ల ప్రక్రియ పూర్తయి భూసేకరణ సాగుతోంది. ఆ తర్వాత మహబూబ్‌నగర్‌ నుంచి జడ్చర్ల వరకు, అనంతరం జడ్చర్ల నుంచి కోదాడ వరకు (234 కి.మీ.) నాలుగు లేన్లుగా విస్తరించనున్నారు. ఈ మార్గంలో వాహనాల రద్దీ భారీగా పెరిగినందున త్వరలోనే ఫోర్‌ లేన్‌ రోడ్డుకు నిధులు మంజూరయ్యే అవకాశం ఉందని అధికారులు చెబుతున్నారు.

– గాయం శ్రీధర్‌రెడ్డి, దీప, మఠంపల్లి. మఠంపల్లి : మాది సూర్యాపేట జిల్లా మఠంపల్లి. మాకు ఇద్దరు కుమార్తెలు పెద్దకుమార్తె ప్రణీతారెడ్డి, చిన్నకుమార్తె హర్షితారెడ్డి. మేము గతంలో కువైట్‌లో ఉండే సమయంలో విమానాల్లో ప్రయాణిస్తూ మా కుమార్తెను కూడా ఎయిర్‌హోస్టెస్‌గా చూడాలనుకున్నాం. అందుకే చిన్నకుమార్తె హర్షితారెడ్డిని ఎయిర్‌హోస్టెస్‌ను చేయాలని భావించాం. హర్షితారెడ్డి ప్రాథమిక విద్య మఠంపల్లిలో, ఉన్నత విద్య హైదరాబాద్‌లో సాగింది. మా కుమార్తెను ఎయిర్‌హోస్టెస్‌గా చేయాలనే సంకల్పంతో ఫ్రాంక్‌ఫెన్‌ యూనిస్ట్రీట్‌ హైదరాబాద్‌లో ఎయిర్‌హోస్టెస్‌ డిపోమా కోర్సులో చేర్పించాం. కోర్సు పూర్తిచేసిన హర్షితారెడ్డి ఇంటర్వ్యూలో సెలక్ట్‌ అయి ఢిల్లీలో ట్రైనింగ్‌ పొంది ప్రస్తుతం బెంగుళూరు ఎయిర్‌ ఇండియాలో హోస్టెస్‌గా ఉద్యోగం చేస్తోంది. మా పెద్దమ్మాయి ప్రణీతారెడ్డి జర్మనీలో చదువుకుంటోంది. మాకు మగపిల్లలు లేకపోయినా ఆడపిల్లలే అంతకంటే ఎక్కువగా రాణిస్తూ మాకు ఆనందం కలిగిస్తున్నారు. ఈరోజుల్లో ఆడపిల్లలను ఎవరు తక్కువగా చూడకూడదు. మగ పిల్లలకు దీటుగా అమ్మాయిలు రాణిస్తుంటే ఎంతో ఉప్పొంగిపోతున్నాం.

చివ్వెంల(సూర్యాపేట): పర్యావరణ పరిరక్షణ అందరి బాధ్యత అని జిల్లా ప్రధాన న్యాయమూర్తి పి.లక్ష్మీశారద అన్నారు. శుక్రవారం జిల్లా కోర్టు ప్రాంగణంలో స్టేట్‌ బ్యాంకు ఆఫ్‌ ఇండియా (ఎస్‌బీఐ) సహకారంతో ప్రత్యేక లోక్‌ అదాలత్‌ కార్యక్రమం నిర్వహించారు. ఇందులో జిల్లా వ్యాప్తంగా 32 కేసులను పరిష్కరించి రూ.13.92 లక్షలను రికవరీ చేశారు. ముందుగా కోర్టు ప్రాంగణంలో మొక్కలు నాటారు. ఈ సందర్భంగా ఆమె మాట్లాడుతూ ప్రతిఒక్కరూ రెండు మొక్కలు నాటి వాటిని సంరక్షిస్తే భవిష్యత్‌ తరాలకు బాటలు వేసిన వాళ్లం అవుతామన్నారు. ప్రస్తుత యాంత్రిక జీవన విధానంలో వాతావరణ కాలుష్యం పెరుతుందని, ఈ నేపథ్యంలో జీవకోటి ప్రాణధారమైన మొక్కలను నాటాల్సిన బాధ్యత అందరిపై ఉందన్నారు. కార్యక్రమంలో జిల్లా మొదటి అదనపు న్యాయమూర్తి బి.శివరాం ప్రసాద్‌, జిల్లా న్యాయసేవాధికార సంస్థ కార్యదర్శి కె.భవ్య, సీనియర్‌ సివిల్‌ జడ్జి ఫర్హీన్‌ కౌసర్‌, ప్రిన్సిపల్‌ జూనియర్‌ సివిల్‌ జడ్జి గోపు రజిత, మొదటి అదనపు జూనియర్‌ సివిల్‌ జడ్జి అపూర్వ రవళి, రెండవ అదనపు జూనియర్‌ సివిల్‌ జడ్జి మంచాల మమత, రీజనల్‌ మేనేజర్‌ అనిల్‌కుమార్‌, చీఫ్‌ మేనేజర్‌ జి.మోహన్‌కుమార్‌, సీహెచ్‌.ఫణికుమార్‌ తదితరులు పాల్గొన్నారు. ఫ జిల్లా ప్రధాన జడ్జి లక్ష్మీశారద

హుజూర్‌నగర్‌ : రాష్ట్ర నీటిపారుదల, పౌరసరఫరాల శాఖ మంత్రి ఉత్తమ్‌ కుమార్‌రెడ్డి ఆది, సోమవారాల్లో హుజూర్‌నగర్‌ నియోజకవర్గంలో పర్యటించనున్నారు. ఆదివారం నేరేడుచర్లలోని ఫంక్షన్‌ హాల్‌లో పాలకవీడు, నేరేడుచర్ల, గరిడేపల్లి, మఠంపల్లి, మేళ్లచెరువు, చింతలపాలెం, హుజూర్‌నగర్‌ మండలాలకు చెందిన అర్హులైన లబ్ధిదారులకు స్మార్ట్‌ రేషన్‌ కార్డులు, సీఎంఆర్‌ఎఫ్‌ చెక్కులు పంపిణీ చేయనున్నారు. పాలకవీడు మండలం మూసీఒడ్డు సింగారం, మేళ్లచెరువు, కందిబండలో, కప్పలకుంట తండా, వెల్లటూరు ఆర్‌అండ్‌ఆర్‌ కాలనీ, వేపలమాధారం, చింతలపాలెం మండలం కొత్తగూడెం, గాంధీనగర్‌ తండాలో అభివృద్ధి పనులను ప్రారంభిస్తారు. సోమవారం గరిడేపల్లి మండలం కొండాయిగూడెం, రేగులగడ్డ తండాలో మహిళా సంఘం భవనాలను ప్రారంభిస్తారని మంత్రిపీఆర్‌ఓ వెంకట్‌రెడ్డి తెలిపారు. సైబర్‌ నేరగాళ్లతో జాగ్రత్తఫ ఎస్పీ నరసింహ సూర్యాపేటటౌన్‌ : రోజురోజుకూ కొత్త దారుల్లో మోసాలకు పాల్పడుతున్న సైబర్‌ నేరగాళ్లతో ప్రజలు జాగ్రత్తగా ఉండాలని ఎస్పీ నరసింహ శనివారం ఒక ప్రకటనలో తెలిపారు. సైబర్‌ నేరగాళ్లు ప్రజలను నమ్మించేందుకు తక్కువ పెట్టుబడి–ఎక్కువ లాభాలు అంటూ ఆన్‌లైన్‌ పెట్టుబడి మోసాలతోపాటు ఆన్‌లైన్‌ ఉద్యోగా లు, వర్క్‌ ఫ్రమ్‌ హోమ్‌, డిజిటల్‌ అరెస్ట్‌ వంటి వివిధ పద్ధతులపై పోస్టులు పెడుతూ పెద్ద మొ త్తంలో డబ్బులను కాజేస్తున్నారని పేర్కొన్నారు. అనధికారిక యాప్‌ల ద్వారా వచ్చే పెట్టుబడి ఆఫర్లను నమ్మవద్దని సూచించారు. మహిళలపై లింగ వివక్ష సరికాదు హుజూర్‌నగర్‌ : సమాజంలో మహిళలపై లింగ వివక్ష చూపడం సరికాదని, అది సమాజ అభివృద్ధికి పెద్ద నిరోధకమని ఐకేపీ జిల్లా మేనేజర్‌ బెనర్జీ అన్నారు. శనివారం హుజూర్‌నగర్‌ పట్టణంలోని ఐకేపీ కార్యాలయంలో లింగ వివక్షపై నిర్వహించిన అవగాహన సదస్సులో ఆయన మాట్లాడారు. ఏ రంగంలో పనిచేస్తున్నా మహిళలపై ఎలాంటి వివక్ష ఉండకూడదని స్పష్టం చేశారు. కార్యక్రమంలో ఐకేపీ ఏపీఎం అనురాధ, మహిళా సమాఖ్య అధ్యక్షురాలు కళ్యాణి, సీసీ నర్సయ్య, అకౌంటెంట్‌ సుజాత, మహిళా సంఘాల సభ్యులు పాల్గొన్నారు.

చిరుధాన్యాల బిస్కెట్స్‌, ఐస్‌క్రీం మట్టపల్లిలో నిత్య కల్యాణంమఠంపల్లి : మట్టపల్లి క్షేత్రంలో శనివారం శ్రీరాజ్యలక్ష్మీ చెంచులక్ష్మీ సమేత శ్రీలక్ష్మీనరసింహస్వామి నిత్య కల్యాణాన్ని అర్చకులు వైభవంగా నిర్వహించారు. ముందుగా ఆలయంలో శ్రీస్వామి వారికి ప్రత్యేక పూజలు, అర్చనలు చేసి మూలవిరాట్‌కు పంచామృతాభిషేకం జరిపారు. ఎదుర్కోళ్ల మహోత్సవ అనంతరం విష్వక్సేనారాధన, మాంగళ్యధారణ, తలంబ్రాలతో నిత్య కల్యాణం చేపట్టారు. భక్తులకు తీర్థప్రసాదాల అనంతరం అన్నదానం చేశారు. కార్యక్రమంలో ఆలయ అనువంశిక ధర్మకర్తలుచెన్నూరు మట్టపల్లిరావు, విజయ్‌కుమార్‌, ఈఓ చలపతి, అర్చకులు కృష్ణమాచార్యులు, పద్మనాభాచార్యులు, లక్ష్మీనరసింహమూర్తి, ఆంజనేయాచార్యులు, భక్తులు పాల్గొన్నారు. ఫ ఇప్పటికే అందుబాటులో మిల్లెట్స్‌ ఇడ్లీ, దోశ వంటి టిఫిన్స్‌ ఫ పిండి వంటల్లోనూ మిల్లెట్స్‌కు ప్రాధాన్యంమా హల్వా అంగడిలో మిల్లెట్‌ టిఫిన్స్‌, స్నాక్స్‌ ప్రత్యేకంగా తయారు చేస్తున్నాం. దూర ప్రాంతాల నుంచి కూడా కస్టమర్లు వచ్చి కొనుగోలు చేస్తుంటారు. వినియోగదారుల నుంచి మంచి ఆదరణ లభిస్తోంది. తాటి బెల్లంతో చేసిన టీ, కాఫీ, పాలు, ఐస్‌క్రీమ్స్‌, హల్వా, మైసూర్‌పాక్‌ కూడా మా వద్ద లభిస్తాయి. – జానిబాబు, షాపు నిర్వాహకుడు, తూప్రాన్‌పేట చౌటుప్పల్‌, చిట్యాల :. టిఫిన్లు, ఐస్‌క్రీంలు, పిండి వంటలు అందరికీ ఇష్టమే. చిరుధాన్యాలతో చేసిన టిఫిన్లు ఇప్పటికే అందుబాటులో ఉండగా ప్రస్తుతం ఐస్‌క్రీంలు, స్నాక్స్‌ తయారవుతున్నాయి. చాలా చోట్ల చిరుధాన్యాలతో చేసిన ఇడ్లీ, దోశ వంటి టిఫిన్స్‌ దొరుకుతున్నాయి. ఇప్పుడు మిల్లెట్స్‌తో చేసిన బిస్కెట్లు, పిండి వంటలు కూడా అందుబాటులోకి వచ్చాయి. హైదరాబాద్‌ నుంచి విజయవాడ వెళ్లే మార్గంలో చౌటుప్పల్‌ మండలం తూప్రాన్‌పేట శివారులో గల హల్వా అంగడిలో చిరుధాన్యాలతో చేసిన ఇడ్లీ, దోశ, పెసరట్టుతో పాటు సజ్జ, జొన్నలతో చేసిన రకరకాల మిల్లెట్‌ బిస్కెట్లు, పిండి వంటలు లభిస్తున్నాయి. సాయంత్రం వేళ వేడివేడి మిల్లెట్‌ స్నాక్స్‌ ఇక్కడి ప్రత్యేకత. ఆరోగ్యానికి మంచి చేసే స్నాక్స్‌ను ప్రజలు ఇష్టపడి మరీ ఆరగిస్తున్నారు. సాధారణంగా ఐస్‌క్రీమ్‌ అనగానే పాలు, పండ్లు, చాక్లెట్‌, వెనిల్లా వంటి రుచులే గుర్తుకొస్తాయి. కానీ, చిరుధాన్యాలతో తయారయ్యే ఐస్‌క్రీమ్‌లు ఇప్పుడు ప్రయాణికులకు సరికొత్త అనుభూతిని పంచుతున్నాయి. చిట్యాల మండలం పెద్దకాపర్తి గ్రామ పరిధిలో గల ‘విలేజ్‌ ఆర్గానిక్‌ హోటల్‌’లో ఏర్పాటు చేసిన మిల్లెట్స్‌ ఐస్‌క్రీమ్‌ స్టాల్‌లో పిస్తా, ఆల్మండ్‌, స్ట్రాబెర్రీ, ఓరియో, మ్యాంగో, బనానా, గ్రేప్స్‌, జాక్‌ఫ్రూట్‌, కస్టర్డ్‌ యాపిల్‌, చాక్లెట్‌ వంటి పది రకాల ఫ్లేవర్లలో మిల్లెట్స్‌ ఐస్‌క్రీమ్‌లు లభిస్తున్నాయి. ఆయా ఫ్లేవర్ల ఐస్‌క్రీంలలో రాగి, జొన్న, సజ్జలు వంటి మిల్లెట్స్‌ను కలిపి అందిస్తున్నారు. వీటిని హైదరాబాద్‌లో ప్రత్యేకంగా తయారు చేయించి ఇక్కడ విక్రయిస్తున్నట్లు నిర్వాహకులు తెలిపారు. ఒక్కో ఐస్‌క్రీమ్‌ ధర రూ.130 నుంచి రూ.150 వరకు ఉంది. ఆర్గానిక్‌ పదార్థాలు, చిరుధాన్యాలతో తయారు చేయడం వల్ల ప్రయాణికులు వీటిని రుచి చూసేందుకు ఆసక్తి చూపుతున్నారు. ప్రజల్లో ఆరోగ్య స్పృహ పెరగడంతో వారి ఆహారపు అలవాట్లలో చాలా వరకు మార్పులు వచ్చాయి. ఉదయం టిఫిన్‌ నుంచి సాయంత్రం స్నాక్స్‌ వరకు రాగులు, జొన్నలు, సజ్జలు వంటి చిరుధాన్యాలకే జనం పెద్దపీట వేస్తున్నారు. మధుమేహ బాధితులతో పాటు ఆరోగ్య ప్రియుల అభిరుచులకు అనుగుణంగా హోటళ్ల నిర్వాహకులు సైతం మిల్లెట్స్‌తో చేసిన బిస్కెట్స్‌, ఐస్‌క్రీంలు, పిండి వంటలు అందుబాటులో ఉంచుతూ కొత్త ట్రెండ్‌కు శ్రీకారం చుడుతున్నారు.

రూ.వెయ్యి కోట్లతో జీపీలకు పక్కా భవనాలు నిర్మిస్తామని పంచాయతీరాజ్‌ శాఖ మంత్రి సీతక్క అన్నారు. - 8లోఐలమ్మ పోరాటం.. స్ఫూర్తిదాయకం భానుపురి(సూర్యాపేట): చాకలి ఐలమ్మ పోరాటం భావితరాలకు స్ఫూర్తిదాయకమని కలెక్టర్‌ తేజస్‌ నంద్‌లాల్‌ పవార్‌ అన్నారు. శనివారం సూర్యాపేట కలెక్టరేట్‌లో జిల్లా వెనుకబడిన తరగతుల శాఖ ఆధ్వర్యంలో చాకలి ఐలమ్మ జయంతిని నిర్వహించారు. ఈ సందర్భంగా కలెక్టర్‌ ఆమె చిత్రపటానికి పూలమాలలు వేసి నివాళులర్పించి మాట్లాడారు. ఈ కార్యక్రమంలో డీఆర్‌ఓ ప్రేమరాజ్‌, బీసీ సంక్షేమ అధికారి డి.విశాల్‌, డీఎంహెచ్‌ఓ వెంకటరమణ, ట్రైనీ డిప్యూటీ కలెక్టర్లు రవితేజ, అనూష, డీఐఈఓ సులోచనరాణి, జీఎం ఇండస్ట్రీస్‌ భారతి, కుల సంఘాల నాయకులు, అధికారులు పాల్గొన్నారు.తల్లి దండ్రులతో ఎయిర్‌హోస్టెస్‌ గాయం హర్షితారెడ్డి

ఫ రంగం ఏదైనా.. మాదే అందలం అంటున్న అమ్మాయిలు ఫ ఆడపిల్ల భారమనే భావనను తుడిచేస్తున్న యువతులు ఫ మాకు ఆడపిల్లే కావాలని సగర్వంగా చెబుతున్న తల్లిదండ్రులునేడు కూతుళ్ల దినోత్సవం – రొండ్ల రాంరెడ్డి, స్వప్న రాజాపేట : మాది రాజాపేట మండలం కుర్రారం. మా ఇద్దరు కూతుళ్లు. మగవారికి తీసిపోకుండా ఉన్నంతలో చదివించాం. పెద్ద కుమార్తె ప్రీతిరెడ్డి జాల గ్రామంలోని జకారియాస్‌ పాఠశాలలో 6వ తరగతి వరకు, హైదరాబాద్‌లో ఇంటర్‌తో పాటు బీటెక్‌ చదివించాం. ఆమె ప్రస్తుతం టీసీఎస్‌లో సాఫ్ట్‌వేర్‌ ఉద్యోగం చేస్తోంది. ఇక చిన్నకుమార్తె శ్రావణిని జాల గ్రామంలోని జకారియాస్‌ పాఠశాలలో 10వ తరగతి వరకు, హైదరాబాద్‌లో ఇంటర్‌, ఘట్కేసర్‌లో బీఫార్మసీ చదివించాం. చిన్నకుమార్తె కరోనా సయమంలో ఎన్నికష్టాలు వచ్చినా, కరోనా బారినపడినా భయపడకుండా యూకేకు వెళ్లి ఎంఫామ్‌ పూర్తి చేసి మెడికల్‌ ఫీల్డ్‌లో ఉద్యోగం చేస్తోంది. మా అమ్మాయిలను కొడుకుల్లా భావించి చదివించాం. వారు మాతో స్నేహంగా ఉంటారు. మేము చెప్పినట్టే నడుచుకుంటారు. ఏనాడూ ఎదురు చెప్పలేదు. అబ్బాయిలకంటే కూతుళ్లే నయం మా కూతుళ్లు బంగారం. ఆ దేవుడు మాకు ఆడపిల్లలను ఇచ్చి ఎంతో మేలు చేశాడు.మరికొన్ని కథనాలు 8లో

కోదాడ : దినదినాభివృద్ధి చెందుతున్న కోదాడ పట్టణంలో ప్రజల అవసరాలకు అనుగుణంగా ఐదేళ్ల క్రితం రూ.7.2 కోట్ల వ్యయంతో నిర్మించతలపెట్టిన సమీకృత మార్కెట్‌ (ఇంటిగ్రేటెడ్‌ వెజ్‌–నాన్‌వెజ్‌ మార్కెట్‌) నిర్మాణ పనులు ముందుకు సా గడం లేదు. పనులు నిలిచిపోయి ఏళ్లు గడుస్తున్నా పర్యవేక్షణ బాధ్యతలు తీసుకున్న మున్సిపల్‌ పబ్లిక్‌హెల్త్‌ శాఖ అధికారులు పట్టించుకోవడం లేదు. కాంట్రాక్టర్‌ మాత్రం రూ.3కోట్ల వరకు పనులు చేసినా బిల్లులు రాలేదని పనులను ఆపివేశాడు. మున్సిపల్‌ పాలకవర్గం, స్థానిక ఎమ్మెల్యే దృష్టి సారించకపోవడంతో మార్కెట్‌ పనులు పునాదులకే పరిమితమయ్యాయి. ఐదు ఎకరాల స్థలం కేటాయింపు పట్టణ నడిబొడ్డున ఉన్న కోదాడ వ్యవసాయ మార్కెట్‌ ఆవరణలో ఇంటిగ్రేటెడ్‌ మార్కెట్‌ నిర్మాణానికి ఐదు ఎకరాల స్థలాన్ని కేటాయించారు. ఈ స్థలంలో రూ.7.2 కోట్ల నిధులతో కూరగాయలు, మటన్‌, ఫిష్‌ విక్రయాలను ఒకేదగ్గర కొనసాగించేలా బహుళ అంతస్తుల్లో సమీకృత మార్కెట్‌ను నిర్మించడానికి 2023 అక్టోబర్‌ 31న అప్పటి బీఆర్‌ఎస్‌ ప్రభుత్వ హయాంలో శంకుస్థాపన చేశారు. పనులను దక్కించుకున్న హైదరాబాద్‌కు చెందిన కాంట్రాక్టర్‌ వ్యవసాయ మార్కెట్‌లోని దక్షిణం వైపు నిర్మాణ పనులు మొదలు పెట్టి బేస్‌మట్టం వరకు పూర్తిచేశాడు. ఈలోగా ప్రభుత్వం మారడంతో పనులు నిలిచిపోయాయి. దీంతో ఇరుకుగా ఉన్న కూరగాయల మార్కెట్‌ను అలాగే కొనసాగిస్తున్నారు. ఇక, మాంసం విక్రయాలు పట్టణంలోని రోడ్ల వెంటే కొనసాగుతున్నాయి. ఫ రూ.7.2 కోట్లతో పనులు ప్రారంభం ఫ ఐదేళ్లవుతున్నా పునాదుల దశలోనే.. ఫ కూరగాయల మార్కెట్‌లో సౌకర్యాలు కరువు ఫ రోడ్ల వెంటే మాంసం విక్రయాలు కోదాడలో ఇంటిగ్రేటెడ్‌ మార్కెట్‌ నిర్మాణ విషయంలో ప్రజాప్రతినిధులు మౌనంగా ఉండడం తగదు. రూ.కోట్ల ప్రజాధనం వెచ్చించి చేపట్టిన ఇంటిగ్రేటెడ్‌ మార్కెట్‌ నిర్మాణ పనులు మధ్యలోనే వదిలేయడం శోచనీయం. స్థానిక ప్రజాప్రతినిధులు స్పందించి మార్కెట్‌ నిర్మాణం త్వరగా పూర్తిచేయించాలి. – కొల్లు వెంకటేశ్వరరావు, రైతు సంఘం నాయకుడు, కోదాడ

భానుపురి(సూర్యాపేట): జిల్లాలో పర్యాటక ప్రాంతాలను అభివృద్ధి చేసేందుకు సమగ్ర ప్రణాళికలు తయారు చేయాలని కలెక్టర్‌ తేజస్‌ నంద్‌లాల్‌ పవార్‌ సంబంధిత అధికారులను ఆదేశించారు. శనివారం సూర్యాపేట కలెక్టరేట్‌లో నిర్వహించిన ప్రపంచ పర్యాటక దినోత్సవంలో ఆయన మాట్లాడారు. కార్యక్రమంలో డీఆర్‌ఓ ప్రేమ్‌రాజ్‌, ట్రైనీ డిప్యూటీ కలెక్టర్లు రవితేజ, అనూష, డీసీహెచ్‌ఎస్‌ వెంకటేశ్వర్లు, డీఈఓ అశోక్‌ కుమార్‌, డీఐఈఓ సులోచనరాణి తదితరులు పాల్గొన్నారు. ఉచిత న్యాయసేవలకే ‘లీగల్‌ ఎయిడ్‌ క్లినిక్‌’ అనంతరం కలెక్టరేట్‌లోని జిల్లా సంక్షేమ కార్యాలయంలో ఏర్పాటు చేసిన న్యాయ సహాయ కేంద్రం (లీగల్‌ ఎయిడ్‌ క్లినిక్‌)ను మొదటి అదనపు జిల్లా జడ్జి డాక్టర్‌ పి.శివరామ్‌ ప్రసాద్‌, కలెక్టర్‌ తేజస్‌ నంద్‌లాల్‌ పవార్‌ ప్రారంభించారు. ఫ కలెక్టర్‌ తేజస్‌ నంద్‌లాల్‌ పవార్‌

– నర్రా శేఖర్‌రెడ్డి, ఉపాధ్యాయుడు మిర్యాలగూడ టౌన్‌ : మాది నల్లగొండ జిల్లా చిట్యాల మండలం వట్టిమర్తి. నేను ప్రభుత్వ ఉపాధ్యాయుడి, నా భార్య కరుణ గృహిణి. మా కుటుంబంలో ఆడ పిల్లలు లేరు. కానీ మాకు ఆడపిల్లే పుట్టాలని అనుకున్నాం. అనుకున్నట్లుగానే ఆడపిల్ల జన్మించింది. ఒక్కరితోనే సరిపెట్టుకుని మంచిగా చదివించి ఉన్నతస్థానంలో నిలపాలని భావించాం. మా ఆలోచనకు తగినట్టుగానే శ్రీజ చిన్నప్పటి నుంచి చదువుల్లో చురుకుగా ఉండేది. ఆనాటి నల్లగొండ కలెక్టర్‌ రిజ్వీని స్ఫూర్తిగా తీసుకొని సివిల్స్‌ సాధిస్తానని మాతో చెప్పింది. అందుకు మేము శ్రీజకు సహకరించాం. మా కుమార్తె సక్సెస్‌ చూడాలని అనుకున్నాం. అందులో భాగంగానే.. ఎక్కడా రాజీపడకుండా చదించాం. ఇంటర్‌ పూర్తయ్యాక చాలా మంది మీ పాపను డిగ్రీ ఎందుకు చదివిస్తున్నారు.. బీటెక్‌ చదివిస్తే బాగుండేది కదా అని మాతో అన్నారు. కానీ ఎవరెన్ని చెప్పినా మా పాప కోరిన విధంగానే డిగ్రీ చదివించాం. తన లక్ష్యాన్ని సాధించేందుకు శక్తి వంచన లేకుండా కృషి చేసింది. అవకాశాలను అందిపుచ్చుకుంటూ, లక్ష్య సాధనలో ముందుకు సాగుతూ గ్రూప్‌–1 సాధించి మిర్యాలగూడ మున్సిపల్‌ కమిషనర్‌గా విధులు నిర్వహిస్తోంది. సివిల్‌ సాధించడమే తన లక్ష్యమని చెబుతోంది. ఆడపిల్లలకు అవకాశం ఇస్తే ఎంతటి విజయాన్ని అయినా ఇట్టే సాధించగలరని శ్రీజ నిరూపించింది. మా శ్రీజ ఈ స్థాయికి రావడం మాకు ఎంతో గర్వంగా ఉంది.

పక్కాగా పర్యవేక్షణ హాజరు నమోదులో జాప్యం, ఒకరి బదులు మరొకరు హాజరు వేయడం (ప్రాక్సీ) వంటి అక్రమాలకు చెక్‌ పెట్టేందుకే ముఖ గుర్తింపు విధానాన్ని తీసుకొస్తున్నారు. దీనివల్ల సిబ్బంది సమయానికి విధులకు వస్తున్నారా? లేదా? అనేది స్పష్టంగా తెలుస్తుంది. ఉన్నతాధికారులు కూడా ఎప్పటికప్పుడు పర్యవేక్షించవచ్చు. ఈ విధానం వల్ల విద్యార్థుల హాజరు శాతం పెరిగి, పరీక్షల్లో మెరుగైన ఫలితాలు సాధించే అవకాశం ఉంటుందని విద్యా నిపుణులు చెబుతున్నారు.సూర్యాపేట టౌన్‌: ప్రభుత్వ జూనియర్‌ కళాశాలల్లో సమయపాలన, హాజరు విషయంలో మరింత కచ్చితత్వం తీసుకురావడంపై ఇంటర్మీడియట్‌ బోర్డు దృష్టి సారించింది. ఇందులో భాగంగా అధ్యాపకులు, సిబ్బంది, విద్యార్థుల హాజరును ముఖ గుర్తింపు ఆధారంగా నమోదు చేసే ‘ఎఫ్‌ఆర్‌ఎస్‌’ (ఫేషియల్‌ రికగ్నిషన్‌ సిస్టమ్‌)ను అమల్లోకి తెచ్చింది. గత విద్యా సంవత్సరంలో బయోమెట్రిక్‌ విధానాన్ని అమలు చేసినప్పటికీ సాంకేతిక కారణాలతో అది ఆశించిన స్థాయిలో కొనసాగలేదు. దాంతో ప్రస్తుత విద్యా సంవత్సరంలో కొత్త సాఫ్ట్‌వేర్‌తో ముఖ గుర్తింపు హాజరు విధానానికి శ్రీకారం చుట్టింది. రోజుకు రెండుసార్లు..ప్రత్యేకంగా రూపొందించిన ప్రత్యేక యాప్‌ టీజీ బీఐ (తెలంగాణ బోర్డు ఆఫ్‌ ఇంటర్మీడియట్‌ ఎడ్యుకేషన్‌) ద్వారా హాజరును నమోదు చేయనున్నారు. కళాశాలల్లో విధులు నిర్వహించే అధ్యాపకులు, సిబ్బంది రోజుకు రెండు సార్లు(ఉదయం 9.30 గంటలలోపు, సాయంత్రం 4 గంటలకు) ముఖ గుర్తింపుతో హాజరు వేయాల్సి ఉంటుంది. విద్యార్థుల హాజరును కూడా ఇదే విధానంలో నమోదు చేసేలా ఏర్పాట్లు చేస్తున్నారు. మొబైల్‌లో కొత్త యాప్‌ను డౌన్‌లోడ్‌ చేసుకునే విధానం, దాని వినియోగంపై ఇప్పటికే అధ్యాపకులు, సిబ్బందికి అవగాహన కల్పించారు. జిల్లాలోని కళాశాలల్లో మూడు రోజులుగా ట్రయల్‌ రన్‌ కొనసాగుతుండగా, సోమవారం నుంచి పూర్తిస్థాయిలో అమల్లోకి రానుంది. జిల్లాలో 8 ప్రభుత్వ కళాశాలలు..సూర్యాపేట జిల్లాలో 8 ప్రభుత్వ జూనియర్‌ కళాశాలలు ఉన్నాయి. ఇందులో ప్రథమ, ద్వితీయ సంవత్సరం కలిపి సుమారు 3,088 మంది విద్యార్థులు చదువుతున్నారు. వీరితో పాటు 211 మంది అధ్యాపకులు, సిబ్బంది ఉన్నారు. ఇప్పటికే 200 మంది సిబ్బంది రిజిస్ట్రేషన్‌ ప్రక్రియ పూర్తి కాగా, ప్రస్తుతం విద్యార్థుల వివరాల నమోదు కొనసాగుతోంది. ప్రభుత్వ జూనియర్‌ కళాశాలల్లో ‘ఎఫ్‌ఆర్‌ఎస్‌’ విధానం ఫ అధ్యాపకులు, సిబ్బంది, విద్యార్థులకు పూర్తిస్థాయిలో వర్తింపు ఫ ‘టీజీబీఐఈ’ యాప్‌ ద్వారా రోజుకు రెండుసార్లు నమోదు ఫ జిల్లాలో 8 కళాశాలలు, 3,088 మంది విద్యార్థులుప్రభుత్వ జూనియర్‌ కళాశాలల్లో అధ్యాపకులు, సిబ్బంది, విద్యార్థుల హాజరును మరింత పారదర్శకంగా నమోదు చేయడంతో పాటు సమయపాలన పాటించేలా చేయడమే ఎఫ్‌ఆర్‌ఎస్‌ విధానం ప్రధాన ఉద్దేశం. టీజీబీఐఈ యాప్‌ ద్వారా ముఖ గుర్తింపు ఆధారంగా హాజరు నమోదు చేస్తాం. సోమవారం నుంచి ఈ విధానం పూర్తిస్థాయిలో అమల్లోకి వస్తుంది. దీనివల్ల కళాశాలల పనితీరును మరింత సమర్థంగా పర్యవేక్షించే అవకాశం ఉంటుంది. – సులోచనరాణి, డీఐఈఓ, సూర్యాపేట

చివ్వెంల(సూర్యాపేట) : కక్షిదారులు మధ్యవర్తిత్వం ద్వారా తమ కేసులు పరిష్కరించుకోవాలని జిల్లా ప్రధాన న్యాయమూర్తి పి.లక్ష్మీశారద సూచించారు. శుక్రవారం జిల్లా కోర్టు ఆవరణలో ఏర్పాటు చేసిన విలేకరుల సమావేశంలో మాట్లాడారు. రాష్ట్ర న్యాయసేవాధికార సంస్థ ఆదేశాలతో అక్టోబర్‌ 1 నుంచి 31 వరకు మీడియేషన్‌ కార్యక్రమం నిర్వహించనున్నట్లు పేర్కొన్నారు. ఇందులో భాగంగా మాధ్యమం ద్వారా కేసులు పరిష్కరించబడుతాయన్నారు. ఇందు కోసం జిల్లాలో 14 మంది శిక్షణ పొందిన న్యాయవాదులను నియమించినట్లు తెలిపారు. వీరి ద్వారా కక్షిదారులు తమ కేసు ఏ దశలో ఉన్నా రాజీ పడవచ్చునన్నారు. ఇరు వర్గాల వారు తమ డిమాండ్లను ఒక అగ్రిమెంట్‌లో రాసుకొని, దానిని సబంధిత కేసు ఉన్న కోర్టులో ఇస్తే, దాని ప్రకారం డిక్రీ ఇస్తారన్నారు. దీని ద్వారా కేసుల సత్వర పరిష్కారంతో పాటు కాలయాపన తగ్గుతుందని, ఆర్థికంగా నష్టపోకుండా ఉంటారని పేర్కొన్నారు. సివిల్‌, క్రిమినలర్‌తో పాటు పరి ష్కారం అయ్యే కేసులను పరిష్కరించుకోవాలన్నారు. సమావేశంలో జిల్లా న్యాయసేవాధికార సంస్థ కార్యదర్శి కె.భవ్య పాల్గొన్నారు. మధ్యవర్తుల ద్వారా కేసుల పరిష్కారం జిల్లా ప్రధాన న్యాయమూర్తి లక్ష్మీశారద

ప్రతీ తల్లి, తండ్రికి వారి కూతుళ్లతో ప్రత్యేక అనుబంధం ఉంటుంది. కూతురు ఉన్నత స్థానానికి ఎదిగితే ఆ విజయం చూసి ఎంతో మురిసిపోతారు. కూతురితో గడిపిన ప్రతీది ఓ తీపిజ్ఞాపకం. అలాంటి తీపి జ్ఞాపకాలు ‘సాక్షి’తో పంచుకోండి. మీ కూతురు గురించి నాలుగు వాక్యాలు రాసి మీరు మీ కూతురితో దిగిన సెల్ఫీఫొటో పంపండి. మీ పేరు, ప్రాంతం వివరాలను పేర్కొంటూ 26వ తేదీ సాయంత్రం 4గంటల్లోగా కింది వాట్సాప్‌ నంబర్‌కు పంపండి. వచ్చిన వాటిని స్క్రూటినీ చేసి డాటర్స్‌ డే (కూతురు దినోత్సవం) సందర్భంగా 27వ తేదీ సంచికలో ప్రచురిస్తాం.మీరు పంపాల్సిన వాట్సాప్‌ నంబర్‌ : 99489 38922

ఆరు లేన్లుగా జాతీయ రహదారి – 65 విస్తరణకు టెండర్లుఫ రూ. 6,792.52 కోట్లతో 181.3 కి.మీ విస్తరణ ఫ దండుమల్కాపురం– నందిగామ వరకు మొదటి ప్యాకేజీ ఫ ఉమ్మడి జిల్లాలో 155 కి.మీ మేర వెడల్పు ఫ పూర్తిస్థాయిలో అండర్‌పాస్‌లు, సర్వీస్‌రోడ్ల నిర్మాణం కోదాడ, చిట్యాల : హైదరాబాద్‌– విజయవాడ జాతీయరహదారి(ఎన్‌హెచ్‌–65)ని నాలుగు నుంచి ఆరు లేన్లుగా విస్తరణకు ముందడుగు పడింది. బీవోటీ (బిల్డ్‌, ఆపరేట్‌, ట్రాన్స్‌ఫర్‌) విధానంలో రోడ్డు విస్తరించే పనులకు టెండర్లను ఆహ్వానిస్తూ ఎన్‌హెచ్‌ఏఐ ఈ నెల 23న నోటిఫికేషన్‌ జారీ చేసింది. ఎన్‌హెచ్‌ఏఐ రూపొందించిన విస్తరణ డీపీఆర్‌కు పబ్లిక్‌–ప్రైవేట్‌ భాగస్వామ్య అప్రైజర్‌ కమిటీ ప్రాథమికంగా ఆమోదం తెలిపింది. దీనిని కేంద్ర ఆర్థిక వ్యవహారాల క్యాబినేట్‌ కమిటీ (సీసీఈఏ) తుది అనుమతులు ఇవ్వాల్సి ఉంది. ఇది లాంఛనమేనని సమాచారం. నవంబర్‌ 25న టెండర్లు ఖరారు చేయనున్నారు. జాతీయ రహదారి–65ను దండు మల్కాపురం నుంచి ఏపీలోని మచిలీపట్నం వరకు మూడు ప్యాకేజీలుగా విభజించి విస్తరణ పనులు చేయపట్టనుండగా యాదాద్రి భువనగిరి జిల్లా దండు మల్కాపురం నుంచి ఏపీలోని ఎన్టీఆర్‌ కృష్ణాజిల్లా నందిగామ సమీపంలోని మునగచర్ల వరకు మొదటి ప్యాకేజీ కింద రోడ్డును ఆరు వరుసలుగా విస్తరించనున్నారు. మొదటి ప్యాకేజీలోనే.. యాదాద్రి భువనగిరి జిల్లా చౌటుప్పల్‌ మండలం దండు మల్కాపురం నుంచి ఏపీలోని ఎన్టీఆర్‌ కృష్ణా జిల్లా నందిగామ వరకు మొదటి ప్యాకేజీ కింద పనులు చేపట్టనున్నారు. ఇందులో మొత్తం 181.300 కిలోమీటర్ల మేర విస్తరణ చేపట్టాల్సి ఉంది. ఇందుకు గానూ రూ. 6,792.52 కోట్ల అంచనా వ్యయంతో ఎన్‌హెచ్‌ అధికారులు టెండర్లు పిలిచారు. దండుమల్కాపురం నుంచి తెలంగాణ–ఏపీ సరిహద్దుగా ఉన్న కోదాడ మండలం రామాపురం క్రాస్‌రోడ్డు వరకు 155 కిలోమీటర్ల మేర రోడ్డును విస్తరించనున్నారు. పరిమిత సంఖ్యలో ఎంట్రీ, ఎగ్జిట్‌ పాయింట్లు జాతీయ రహదారిపై ప్రమాదాల సంఖ్యను తగ్గించడానికి రోడ్డు విస్తరణతో పాటు సర్వీస్‌రోడ్లను, అండర్‌పాస్‌లను పూర్తిస్థాయిలో ఏర్పాటు చేయనున్నారు. రహదారిపైకి రావడానికి 15 నుంచి 18 కిలోమీటర్లకు ఒక ఎంట్రీ, ఎగ్జిట్‌ పాయింట్‌ మాత్రమే ఉంటుందని, ఇష్టానుసారంగా రోడ్డుమీదకు రావడానికి వీలుండదని జాతీయ రహదారుల అధికారులు చెబుతున్నారు. రోడ్డు వెంట ఉన్నవారు సర్వీస్‌ రోడ్డను, రోడ్డు దాటేందుకు అండర్‌పాస్‌లను ఉపయోగించాల్సి ఉంటుంది. ప్రస్తుతం బ్లాక్‌స్పాట్లుగా గుర్తించిన ప్రాంతాలలో ప్రమాదాల నివారణకు తగిన చర్యలు తీసుకోవడంతో పాటు రోడ్డు నిర్మాణంలో లోపాలను సరిచేస్తామని అధికారులు పేర్కొంటున్నారు. దండు మల్కాపురం నుంచి నందిగామ వరకు 60 వెహికిల్‌ అండర్‌పాస్‌ల నిర్మాణం చేపట్టనుండగా .. ఉమ్మడి జిల్లా పరిధిలో అదనంగా మరో 36 అండర్‌పాస్‌లు రానున్నాయి. గుర్తించిన ప్రదేశాలలో పశువులు రోడ్డు దాటేందుకు ప్రత్యేకంగా 10 అండర్‌పాస్‌ల నిర్మాణం చేయనున్నారు. స్మార్ట్‌ హైవేగా.. ఎన్‌హెచ్‌–65ను ఆరులేన్లుగా విస్తరించే క్రమంలో ఆర్టిఫిషియల్‌ ఇంటలిజెన్స్‌(ఏఐ) ఆధారిత హైసెక్యూరిటీ విధానాన్ని ఏర్పాటు చేయనున్నారు. ఇందులో భాగంగా ఏఐ అనుసంధాన సీసీ కెమెరాలను అమర్చి నిత్యం నిఘాను ఏర్పాటు చేయనున్నారు. ఏఎన్‌పీఆర్‌(ఆటోమెటిక్‌ నంబర్‌ప్లెట్‌ రికగ్నేషన్‌) కెమెరాల ద్వారా వాహనాల రిజిస్ట్రేషన్‌, ఇతర వివరాలను గుర్తించనున్నారు. ఈ కెమెరాలు ఇన్‌ఫ్రారెడ్‌ కాంతి ద్వారా పగలు, రాత్రి అనే తేడా లేకుండా వాహనాల చిత్రాలను వందశాతం క్లారిటీగా తీయగలుగుతాయి. 2012లో విజయవాడ–హైదరాబాద్‌ జాతీయ రహదారిని నాలుగు లేన్లుగా విస్తరించిన సమయంలోనే 6 వరుసలకు అవసరమయ్యే భూమిని ఎన్‌హెచ్‌ అధికారులు సేకరించారు. కల్వర్టులు, ప్లైఓవర్‌లు, వంతెనలు సైతం ఆరు వరుసలకు సరిపోయేలా నిర్మించారు. దాంతో ప్రస్తుతం ఆరు వరుసల రోడ్డు విస్తరణకు భూసేకరణ పెద్దగా అవసరం ఉండదని రెవెన్యూ అధికారులు చెబుతున్నారు. ప్రస్తుతం రోడ్డు విస్తరణకు ఉమ్మడి నల్లగొండ జిల్లా పరిధిలో మొత్తం 25.8 హెక్టార్లు (సుమారు 64 ఎకరాల) భూమిని సేకరించనున్నారు. భూ సేకరణ బాధ్యతను ఉమ్మడి జిల్లాలోని నలుగురు ఆర్డీఓలకు అప్పగించారు. చిట్యాల, నార్కట్‌పల్లి, కట్టంగూర్‌, నకిరేకల్‌, కేతేపల్లి మండలాల పరిధిలో 6.32 హెక్టార్ల భూముల సేకరణకు నల్లగొండ ఆర్డీఓ నోటిఫికేషన్‌ జారీ చేశారు. భువనగిరి, సూర్యాపేట, కోదాడ ఆర్డీఓలు త్వరలోనే భూ సేకరణ నోటిఫికేషన్‌ జారీచేయనున్నారు.

మోత్కూరు : ‘తుంగతుర్తి నియోజకవర్గానికి నేనే బాస్‌ను, రెండో లీడర్‌ అనే వారు లేరు. నేను చెప్పిందే వేదం’ అని ఎమ్మెల్యే మందుల సామేల్‌ ప్రకటించారు. శుక్రవారం మోత్కూరులో కాంగ్రెస్‌ మున్సి పాలిటీ శాఖ అధ్యక్షుడిగా బద్దం నాగార్జునరెడ్డిని నియామిస్తూ ఉత్తర్వులు అందజేశారు. ఈ సందర్భంగా ఆయన మాట్లాడుతూ.. ఎవరు కమిటీలు వేసినా చెల్లవని, మండల కమిటీల ద్వారానే నియామకాలు తాను ఆమోదిస్తానని స్పష్టం చేశారు. కార్యకర్తలు, నాయకులు గమనించాలని కోరారు. భువనగిరి డీసీసీ అధ్యక్షుడు బీర్ల ఐలయ్య ఆదేశాల మేరకు కమిటీల అధ్యక్షుల నియామకం చేసినట్లు తెలిపారు. తుంగతుర్తి నియోజకవర్గానికి తన జీవితాన్ని అంకితం చేశానని చెప్పారు. కార్యక్రమంలో సింగిల్‌విండో చైర్మన్‌ పేలపూడి వెంకటేశ్వర్లు, మండల కాంగ్రెస్‌ అధ్యక్షుడు రాచకొండ బాలరాజుగౌడ్‌, పట్టణ అధ్యక్షుడు నాగార్జునరెడ్డి, నాయకులు లక్ష్మినర్సింహారెడ్డి, కళ్యాణ్‌ చక్రవర్తి తదితరులు పాల్గొన్నారు.

సూర్యాపేటటౌన్‌ : జిల్లాలో గణేష్‌ నవరాత్రి ఉత్సవాలు, నిమజ్జన శోభాయాత్రలు ప్రశాంతంగా జరిగాయని ఎస్పీ నరసింహ శుక్రవారం ఒక ప్రకటనలో తెలిపారు. జిల్లా పోలీస్‌శాఖ ముందస్తు ప్రణాళికతో పటిష్ట భద్రత కల్పించినట్లు, రెవెన్యూ, మున్సిపల్‌, పంచాయతీరాజ్‌, విద్యుత్‌, వైద్య, అగ్నిమాపక తదితర శాఖల సమన్వయంతో ఉత్సవాల నిర్వహణకు అవసరమైన ఏర్పాట్లు చేసినట్లు పేర్కొన్నారు. పోలీసులు వర్షాన్ని సైతం లెక్కచేయకుండా విధుల్లో పాల్గొని శోభాయాత్రలు, నిమజ్జన కార్యక్రమాలు ప్రశాంతంగా పూర్తయ్యేలా కృషి చేశారని తెలిపారు. ఉత్సవాల్లో సహకరించిన ప్రతి ఒక్కరికీ ఆయన ధన్యవాదాలు తెలిపారు. బుల్లెట్‌ రైలు కోసం ఎందాకై నా సిద్ధం సూర్యాపేట : నేషనల్‌ హైవే మీదుగా బుల్లెట్‌ ట్రైన్‌ను సాధించేందుకు జిల్లా ప్రజలు ఎంతవరకై నా వెళ్లేందుకు సిద్ధంగా ఉన్నారని సీపీఐ(ఎంఎల్‌) మాస్‌లైన్‌ జిల్లా కార్యదర్శి కొత్తపెల్లి శివకుమార్‌ అన్నారు. బుల్లెట్‌ ట్రైన్‌ సాధన రిలే నిరాహార దీక్షలు శుక్రవారం 43వ రోజు కొనసాగాయి. దీక్షలలో మాస్‌ లైన్‌ జిల్లా కమిటీ ఆధ్వర్యంలో పలువురు పాల్గొన్నారు. ఈ సందర్భంగా ఆయన మాట్లాడారు. ఉద్యమానికి అన్ని పార్టీల నాయకులు, ప్రజాప్రతినిధులు సహకరించాలని, లేని పక్షంలో ప్రజలే వారికి బుద్ధి చెబుతారని పేర్కొన్నారు. దీక్షలో పార్టీ నాయకులు కొత్తపల్లి రేణుక, పేర్ల నాగయ్య, ఎర్ర అఖిల్‌, గులాం హుస్సేన్‌, శేషగిరి, పద్మ, చంద్రకళ, సంతోషిమాత, పద్మ, శోభ న్‌రెడ్డి, గొడ్డలి నర్సన్న, లింగయ్య, ఐత రాజు వెంకన్న పాల్గొన్నారు. దీక్షలకు పెద్దిరెడ్డి రాజా, ధర్మార్జున్‌, బీసీ ఉద్యోగుల సంఘం రాష్ట్ర ఉపాధ్యక్షుడు కృష్ణారావు, చలమల నరసింహ, వెలుగు వనిత, డేవిడ్‌ కుమార్‌, తదితరులు సంఘీభావం తెలిపారు. సూర్యాపేట జిల్లాకు 7 అదనపు కోర్టులు చివ్వెంల(సూర్యాపేట) : రాష్ట్ర వ్యాప్తంగా 200 జూనియర్‌ సివిల్‌ జడ్జి కోర్టులను మంజూరు చేస్తూ తెలంగాణ రాష్ట్ర న్యాయశాఖ కార్యదర్శి బి. పాపిరెడ్డి శుక్రవారం ఉత్తర్వులు జారీ చేశారు. ఇందులో భాగంగా సూర్యాపేట జిల్లాకు 7 జూనియర్‌ సివిల్‌ జడ్జి కోర్టులు మంజూరయ్యాయి. సూర్యాపేటకు రెండు, హూజూర్‌నగర్‌కు మూడు, తుంగతుర్తి, కోదాడకు ఒక్కోక్కటి చొప్పున మంజూరయ్యాయి. జవహార్‌ నవోదయలో అడ్మిషన్లకు దరఖాస్తులుసూర్యాపేటటౌన్‌ : చలకుర్తిలోని జవహార్‌ నవోదయ విద్యాలయంలో 9వ తరగతిలో లాటరల్‌ ఎంట్రీ ప్రవేశాలకు ఆన్‌లైన్‌లో దరఖాస్తు చేసుకోవాలని జిల్లా విద్యాశాఖ అధికారి కె.అశోక్‌ శుక్రవారం ఒక ప్రకటనలో సూచించారు. అర్హులైన విద్యార్థులు ఈ నెల 30లోగా దరఖాస్తు చేసుకోవాలని, లాటరల్‌ ఎంట్రీ సెలక్షన్‌ టెస్ట్‌ 2027 ఏప్రిల్‌ 10న నిర్వహించనున్నట్టు పేర్కొన్నారు. జిల్లాలోని అర్హులైన విద్యా ర్థులు వినియోగించుకోవాలని కోరారు. లక్ష్మీనరసింహస్వామి నిత్యకల్యాణంమఠంపల్లి : మట్టపల్లిలోని రాజ్యలక్ష్మి, చెంచులక్ష్మీ సమేత లక్ష్మీనరసింహస్వామి ఆలయంలో శుక్రవారం స్వామివారి నిత్యకల్యాణాన్ని అర్చకులు వైభవంగా నిర్వహించారు. ఈ సందర్భంగా ఆలయంలో స్వామి వారికి ప్రత్యేక పూజలు, అర్చనలు, మూలవిరాట్‌కు పంచామృతాభిషేకం చేశారు. అనంతరం విష్వక్సేనారాధన, పుణ్యహవచనం, రుత్విగ్వరణం, పంచగవ్యప్రాశన, మధుఫర్కపూజ, మాంగ ల్యధారణ, తలంబ్రాలతో కల్యాణోత్సవం వైభవంగా జరిపించారు. కార్యక్రమంలో ఆలయ అనువంశిక ధర్మకర్తలు చెన్నూరు మట్టపల్లిరావు, విజయ్‌కుమార్‌, ఈఓ చలపతి, అర్చకులు పాల్గొన్నారు.

సూర్యాపేట : ఈ నెల 28 నుంచి ప్రారంభం కానున్న గ్రాడ్యుయేట్‌ ఎమ్మెల్సీ ఎన్నికల ఓటరు నమోదు కార్యక్రమంలో యువజన కాంగ్రెస్‌ శ్రేణులు చురుగ్గా పాల్గొనాలని యువజన కాంగ్రెస్‌ రాష్ట్ర అధ్యక్షుడు జక్కిడి శివచరణ్‌రెడ్డి కోరారు. శుక్రవారం సూర్యాపేట జిల్లా కేంద్రంలో నిర్వహించిన సంఘం జిల్లా కార్యవర్గ సమావేశంలో యువజన కాంగ్రెస్‌ రాష్ట్ర సహాయ ఇన్‌చార్జి భవ్యతో కలిసి పాల్గొని మాట్లాడారు. ఓటరు నమోదు ప్రక్రియ ప్రారంభం నుంచి పోలింగ్‌ వరకు యువజన కార్యకర్తలు అప్రమత్తంగా ఉంటూ, అర్హత కలిగిన ప్రతి పట్టభద్రుడి ఓటు నమోదు చేయించాలన్నారు. గ్రాడ్యుయేట్‌ ఎమ్మెల్సీ ఎన్నికల్లో గెలిచేందుకు బీఆర్‌ఎస్‌ పార్టీ అడ్డగోలు హామీలతో పట్టభద్రులను మభ్యపెట్టేందుకు ప్రయత్నిస్తోందని, పట్టభద్రులు గత పాలనను దృష్టిలో ఉంచుకుని ఆ పార్టీకి తగిన సమాధానం చెప్పేందుకు సిద్ధంగా ఉన్నారన్నారు. ఎమ్మెల్సీ ఎన్నికల్లో కాంగ్రెస్‌ పార్టీ అభ్యర్థి గెలుపే లక్ష్యంగా ఇప్పటి నుంచే కార్యాచరణ రూపొందించుకుని పని చేయాలని పిలుపునిచ్చారు. యువజన కాంగ్రెస్‌ జిల్లా అధ్యక్షుడు ఎలిమినేటి అభినయ్‌ అధ్యక్షతన జరిగిన సమావేశంలో సంఘం రాష్ట్ర సహాయ ఇన్‌చార్జి భవ్య, లీగల్‌ సెల్‌ చైర్మన్‌ గూడూరు నిఖిల్‌రెడ్డి, జిల్లా ఇన్‌చార్జి వెలిమినేటి సురేష్‌, రాష్ట్ర ప్రధాన కార్యదర్శి మాధవరెడ్డి, రాష్ట్ర కార్యదర్శి కొమ్ము జోహర్‌, జిల్లా ఉపాధ్యక్షులు శ్రావ్య రెడ్డి, కందుకూరి అంబేద్కర్‌, నియోజకవర్గాల అధ్యక్షులు పాల్గొన్నారు.ఫ యువజన కాంగ్రెస్‌ రాష్ట్ర అధ్యక్షుడు శివచరణ్‌రెడ్డి

హుజూర్‌నగర్‌ : న్యాయవాదులు ఎదుర్కొంటున్న సమస్యల పరిష్కారానికి కృషి చేస్తానని రాష్ట్ర బార్‌ కౌన్సిల్‌ చైర్మన్‌ సాముల రాంరెడ్డి అన్నారు. బార్‌ కౌన్సిల్‌ చైర్మన్‌గా ఎన్నికైన అనంతనం ఆయన శుక్రవారం తొలిసారి హుజూర్‌నగర్‌కు వచ్చిన సందర్భంగా బార్‌ అసోసియేషన్‌ ఆధ్వర్యంలో ఘనంగా స్వాగతం పలికారు. అనంతరం నిర్వహించిన అభినందన సభలో ఆయన మాట్లాడారు. రాష్ట్ర బార్‌ కౌన్సిల్‌ను అభివృద్ధి చేస్తానన్నారు. హుజూర్‌నగర్‌కు మరో రెండు అదనపు జూనియర్‌ సివిల్‌ జడ్జి కోర్టులను రాష్ట్ర ప్రభుత్వం మంజూరు చేసిందని, దాంతో ప్రస్తుతం న్యాయస్థానాల సంఖ్య 9కి చేరిందన్నారు. కోర్టుకు ప్రభుత్వం ఇప్పటికే మంజూరు చేసిన నాలుగు ఎకరాల స్థలానికి అదనంగా మరో రెండు ఎకరాల స్థలం కేటాయించేలా కృషి చేస్తానని హామీ ఇచ్చారు. తన గెలుపునకు కృషిచేసిన న్యాయవాదులకు ఆయన కృతజ్ఞతలు తెలిపారు. జిల్లా రెండవ న్యాయమూర్తి డాక్టర్‌ శివరామ ప్రసాద్‌, సీనియర్‌ సివిల్‌ జడ్జి నక్క శ్యాంసుందర్‌, అదనపు జూనియర్‌ సివిల్‌ జడ్జి షేక్‌ ఆయేషా సరీన్‌, కోదాడ ఎమ్మెల్యే పద్మావతి మాట్లాడుతూ బార్‌ కౌన్సిల్‌ చైర్మన్‌గా ఎన్నికైన రాంరెడ్డిని అభినందించారు. కార్యక్రమంలో బార్‌ అసోసియేషన్‌ అధ్యక్షుడు నారపరాజు శ్రీనివాస రావు, అదనపు పబ్లిక్‌ ప్రాసిక్యూటర్లు బొబ్బ కోటిరెడ్డి, కుక్కడపు బాలకృష్ణ, సీనియర్‌ ఏజీపీ రేణుకాదేవి, బానోతు సురేష్‌ నాయక్‌, బార్‌ అసోసియేషన్‌ ఉపాధ్యక్షుడు జక్కుల వీరయ్య, కాల్వ శ్రీనివాసరావు, సీఐ చరమందరాజు, ఎస్‌ఐ చలికంటి నరేష్‌, బార్‌ అసోసియేషన్‌ కార్యవర్గం, జిల్లాలోని వివిధ ప్రాంతాల న్యాయవాదులు, స్థానికులు పాల్గొన్నారు.ఫ రాష్ట్ర బార్‌ కౌన్సిల్‌ చైర్మన్‌ సాముల రాంరెడ్డి

సూర్యాపేట టౌన్‌ : అమ్మపై ఉన్న ప్రేమకు పచ్చదనాన్ని జోడిస్తూ సూర్యాపేట జిల్లాలో ‘ఏక్‌ పేడ్‌ మా కే నామ్‌ 3.0’ కార్యక్రమం దిగ్విజయంగా కొనసాగుతోంది. తల్లి పేరిట ఒక మొక్కను నాటడమే కాకుండా, దాన్ని సొంత కుటుంబ సభ్యుడిగా బాధ్యతాయుతంగా సంరక్షించేలా విద్యార్థుల్లో చైతన్యం నింపుతున్నారు. పాఠశాలల ఆవరణల్లో మొక్కలు నాటుతూ వాటి సంరక్షణ బాధ్యతను విద్యార్థులు, ఉపాధ్యాయులు స్వీకరిస్తున్నారు. ఇప్పటివరకు జిల్లావ్యాప్తంగా 25 వేల మొక్కలు నాటడం విశేషం. విద్యార్థి ప్రాయంలో నాటిన మొక్క పెరిగే కొద్దీ దానితో ఉన్న భావోద్వేగ అనుబంధం కూడా బలపడుతుందనే ఆలోచనతో ఈ కార్యక్రమాన్ని ఉత్సాహంగా నిర్వహిస్తున్నారు. అమ్మ జ్ఞాపకంగా.. తల్లి పేరిట మొక్కను నాటడం ద్వారా చిన్నారుల్లో చిన్నతనం నుంచే ప్రకృతిపై మమకారాన్ని పెంచుతున్నారు. నాటిన మొక్కకు అమ్మ పేరు పెట్టుకోవడం, క్రమం తప్పకుండా నీరు పోయడం వంటి చర్యల్లో విద్యార్థులు భాగస్వాములవుతున్నారు. దీంతో మొక్కలు నాటడం కేవలం ఒక అధికారిక కార్యక్రమంగా కాకుండా, అమ్మ జ్ఞాపకాలను పదిలపరుచుకునే బాధ్యతగా మారుతోంది. జిల్లావ్యాప్తంగా 25 వేల మొక్కలు జిల్లాలోని 950 ప్రభుత్వ ప్రాథమిక, ప్రాథమికోన్నత, ఉన్నత పాఠశాలల్లో దాదాపు 70 వేల మంది విద్యార్థులు చదువుకుంటున్నారు. విద్యాశాఖ అధికారుల సమాచారం ప్రకారం.. ‘ఏక్‌ పేడ్‌ మా కే నామ్‌ 3.0’కింద ఇప్పటివరకు 25 వేల మొక్కలు నాటారు. విద్యార్థులతో పాటు ఉపాధ్యాయులు, తల్లిదండ్రులు కూడా ఈ కార్యక్రమంలో ఉత్సాహంగా పాల్గొంటున్నారు. నాటిన ప్రతి మొక్కకూ ఒక విద్యార్థిని రక్షకుడిగా నియమించి, ప్రత్యేక దృష్టి సారిస్తున్నారు. కేంద్ర ప్రభుత్వం నుంచి ప్రశంసా పత్రం విద్యార్థులు తమ ఇంటి ప్రాంగణంలో గానీ, పాఠశాల ఆవరణలో గానీ మొక్కలు నాటి ఫొటోలు తీసుకోవాల్సి ఉంటుంది. ఆ ఫొటోలను ‘ఈకోక్లబ్‌ ఎడ్యుకేషన్‌’ పోర్టల్‌లో అప్‌లోడ్‌ చేస్తే, కేంద్ర ప్రభుత్వం తరఫున ‘అమ్మ పేరిట ఒక చెట్టు – 3.0’ డిజిటల్‌ ప్రశంసా పత్రం జారీ అవుతుంది. పర్యావరణ పరిరక్షణతో పాటు భూమాతను కాపాడేందుకు కృషి చేసినందుకు గుర్తింపుగా ఈ సర్టిఫికెట్‌ లభిస్తుంది. ఫ ‘ఏక్‌ పేడ్‌ మా కే నామ్‌ 3.0’కు జిల్లాలో విశేష స్పందన ఫ తల్లి పేరిట ఇప్పటివరకు 25 వేల మొక్కలు నాటిన విద్యార్థులు, ఉపాధ్యాయులుజిల్లాలోని అన్ని ప్రభుత్వ పాఠశాలల్లో విద్యార్థులు అమ్మ పేరిట మొక్కలు నాటేలా చర్యలు తీసుకుంటున్నాం. ఇప్పటివరకు దాదాపు 25 వేల మొక్కలు నాటాం. ఈ నెలాఖరు నాటికి అన్ని పాఠశాలల్లో వంద శాతం లక్ష్యాన్ని చేరుకునేలా కృషి చేస్తున్నాం. ప్రధానోపాధ్యాయులు, ఉపాధ్యాయులు కూడా విద్యార్థులను ప్రోత్సహించాలి. –అశోక్‌, జిల్లా విద్యాశాఖాధికారి

కేతేపల్లి : ఎగువ ప్రాంతాల్లో కురుస్తున్న వర్షాలతో మూసీ ప్రాజెక్టుకు భారీగా వరదనీరు వచ్చి చేరుతోంది. మూసీ సమీపంలో ఉన్న శాలిగౌరారం, అర్వపల్లి, జాజిరెడ్డిగూడెం తదితర ప్రాంతాల్లో బుధవారం రాత్రి నుంచి కురుస్తున్న వర్షంతో గురువారం ఉదయం ఎగువ నుంచి మూసీకి 5వేల క్యూసెక్కుల ఇన్‌ఫ్లో వచ్చింది. మూసీ ఎగువ ప్రాంతాల్లో కురుస్తున్న వర్షాలు సాయంత్రం వరకు తగ్గుముఖం పట్టడంతో మూసీకి వస్తున్న ఇన్‌ఫ్లో 2,050 క్యూసెక్కులకు తగ్గిపోయింది. మూసీ గరిష్ట నీటిమట్టం సామర్థ్యం 645 అడుగులు కాగా ప్రస్తుతం ఎగువ నుంచి వస్తున్న ఇన్‌ఫ్లోతో గురువారం సాయంత్రానికి 641.20 అడుగుల వరకు చేరుకుంది. మూసీ ఆయకట్టులో వానాకాలం పంటల సాగు కోసం మూసీ కుడి, ఎడమ కాల్వలకు 295 క్యూసెక్కులు చొప్పున మొత్తం 590 క్యూసెక్కుల నీటిని వదులుతున్నారు. లీకేజీ, సీపేజీ, ఆవిరి రూపంలో 30 క్యూసెక్కుల నీరువృథా అవుతుంది. మూసీ రిజర్వాయర్‌లో పూర్తిస్థాయి నీటినిల్వ సామర్థ్యం 4.46 టీఎంసీలు కాగా ప్రస్తుతం 3.35 టీఎంసీల నీరు నిల్వ ఉందని మూసీ ఇంజనీరింగ్‌ అధికారులు తెలిపారు.

తిరుమలగిరి (తుంగతుర్తి): ‘పేరు గొప్ప.. ఊరు దిబ్బ’అనే చందంగా తయారైంది తిరుమలగిరి మున్సిపాలిటీ పరిస్థితి. కొందరు అధికారులు, కింది స్థాయి సిబ్బంది కాసుల కక్కుర్తికి కళ్లెం లేకపోవడంతో పట్టణంలో అక్రమ నిర్మాణాలు యథేచ్ఛగా సాగుతున్నాయి. క్రాస్‌ రోడ్డు నుంచి సూర్యాపేటకు వెళ్లే దారిలో భవన యజమానులు తమ ఇష్టారాజ్యంగా రోడ్లను, డ్రెయిన్లను ఆక్రమించేస్తున్నారు. నిబంధనల ప్రకారం అనుమతులు ఒకలా తీసుకుని, నిర్మాణాలు మాత్రం మరొకలా చేపడుతున్నా సంబంధిత అధికారులు చూసీచూడనట్లు వ్యవహరిస్తున్నారనే ఆరోపణలు వెల్లువెత్తుతున్నాయి. రోడ్డు పై మోకాళ్ల లోతు నీళ్లు సూర్యాపేట రహదారి వైపు ఉన్న భవనాల యజమానులు ఆర్‌అండ్‌బీ డ్రెయిన్‌ను సైతం వదలకుండా ఆక్రమించి కట్టడాలు చేపట్టారు. మురుగు కాలువలపై పూర్తిగా సిమెంట్‌ స్లాబ్‌లు వేయడంతో వర్షపు నీరు కాలువల్లోకి వెళ్లే మార్గం లేక రోడ్డుపైనే నిలిచిపోతోంది. కొద్దిపాటి వర్షం కురిసినా రహదారి చెరువును తలపిస్తోంది. మోకాళ్ల లోతు వరకు నీళ్లు నిలవడంతో బాటసారులు, ద్విచక్ర వాహనదారులు తీవ్ర ఇబ్బందులు పడుతున్నారు. మరోవైపు నాలాలను సైతం ఆక్రమించడంతో వరద నీరంతా రోడ్లపైకి చేరుతోంది. వర్షం తగ్గాక రహదారిపై బురద పేరుకుపోయి వాహనాలు జారిపడుతున్నాయని స్థానికులు వాపోతున్నారు. డ్రెయినేజీ పైపుల మూసివేత.. క్రాస్‌ రోడ్డు నుంచి సూర్యాపేట వెళ్లే మార్గంలో రోడ్డుకు ఎడమ వైపు నుంచి వచ్చే వరద నీరు కుడి వైపునకు వెళ్లేందుకు ఆర్‌అండ్‌బీ అధికారులు గతంలో రహదారి మధ్యలో పెద్ద పైపులను ఏర్పాటు చేశారు. అయితే, స్థానికంగా చేపట్టిన అక్రమ నిర్మాణాల కారణంగా ఈ రెండు పైపులను పూర్తిగా మూసివేశారు. దీంతో వరద నీరు మళ్లడానికి దారి లేక రోడ్డుపైనే మురుగునీరు నిలిచిపోతోంది. గతంలో ఈ ఆక్రమణలపై మున్సిపల్‌ అధికారులకు పలుమార్లు ఫిర్యాదు చేసినా ఫలితం లేకపోయిందని నిరసన వ్యక్తం చేస్తున్నారు. ఫ తిరుమలగిరిలో కొద్దిపాటి వర్షానికే జలమయమవుతున్న రహదారి ఫ మోకాళ్ల లోతు నీటిలో వాహనదారులు, ప్రజల అవస్థలు ఫ పట్టించుకోని టౌన్‌ ప్లానింగ్‌ అధికారులు తిరుమలగిరి క్రాస్‌ రోడ్డు నుంచి సూర్యాపేట వెళ్లే మార్గంలో వర్షం పడితే చాలు రాకపోకలు సాగించడం ఇబ్బందిగా మారింది. డ్రెయిన్లను ఆక్రమించి మూసివేసినా అధికారులు పట్టించుకోవడం లేదు. ఇప్పటికై నా స్పందించి సమస్యను పరిష్కరించాలి. –వెంకట్‌రెడ్డి, తిరుమలగిరి

సూర్యాపేట టౌన్‌ : భారీ వర్షాల నేపథ్యంలో ప్రజలు అప్రమత్తంగా ఉండాలని ఎస్పీ నరసింహ గురువారం ఒక ప్రకటనలో సూచించారు. ప్రజలు అత్యవసరమైతే తప్ప బయటకు రావొద్దన్నారు. వాహనదారులు వేగాన్ని తగ్గించి వాహనాలను జాగ్రత్తగా నడపాలని, నీరు ప్రవహిస్తున్న రోడ్లు, వాగులు, కల్వర్టులు, లోతట్టు ప్రాంతాల్లో ప్రయాణించవద్దని విజ్ఞప్తి చేశారు. విద్యుత్‌ స్తంభాలు, విద్యుత్‌ తీగలు, ట్రాన్స్‌ఫార్మర్లు, తెగిపడిన వైర్లను ఎట్టి పరిస్థితుల్లోనూ ముట్టుకోవద్దన్నారు. రైతులు భారీ వర్షం, ఉరుములు, మెరుపుల సమయంలో పొలాల్లోకి వెళ్లకుండా సురక్షిత ప్రదేశాల్లో ఉండాలన్నారు. అత్యవసర సమయంలో పోలీసు సేవల కోసం డయల్‌ 112, సూర్యాపేట జిల్లా పోలీస్‌ స్పెషల్‌ బ్రాంచ్‌ కంట్రోల్‌ నంబర్లు 8712686026, 8712686057 లను సంప్రదించాలని కోరారు. ప్రభుత్వ మెడికల్‌ కళాశాల ప్రిన్సిపాల్‌గా డాక్టర్‌ మాలతిసూర్యాపేట టౌన్‌ : జిల్లా కేంద్రంలోని ప్రభుత్వ మెడికల్‌ కళాశాల ప్రిన్సిపాల్‌గా డాక్టర్‌ కె.మాలతి గురువారం బాధ్యతలు స్వీకరించారు. ఈమె అంతకుముందు కొడంగల్‌ ప్రభుత్వ ఆస్పత్రి సూపరింటెండెంట్‌గా విధులు నిర్వహించి, బదిలీపై ఇక్కడకు వచ్చారు. ఇప్పటివరకు ఇక్కడ జేవీడీఎస్‌. ప్రసాద్‌ ఇన్‌చార్జ్‌ ప్రిన్సిపాల్‌గా విధులు నిర్వహించారు. మాలతికి ప్రభుత్వ జనరల్‌ ఆస్పత్రి సూపరింటెండెంట్‌ డాక్టర్‌ శ్రవణ్‌కుమార్‌, ఆర్‌ఎమ్‌వోలు డాక్టర్‌ జనార్దన్‌, డాక్టర్‌ ఉపేందర్‌ పుష్పగుచ్ఛం అందజేసి శుభాకాంక్షలు తెలిపారు. 26న జాబ్‌మేళాభువనగిరి : జిల్లాలోని నిరుద్యోగులకు ఉపాధి అవకాశాలు కల్పించేందుకు ఈ నెల 26న జాబ్‌మేళా నిర్వహిస్తున్నట్లు జిల్లా ఉపాధి కల్ప నాధికారి పద్మ ఒక ప్రకటనలో తెలిపారు. కనీస విద్యార్హత టెన్త్‌, ఇంటర్మీడియేట్‌, డిగ్రీ బీఎస్సీ, ఐటీఐ, బీడీఎం ఫార్మసీ కలిగి ఉండాలని పేర్కొన్నారు. 18 నుంచి 35 సంవత్సరాల వయస్సు ఉన్న వారు అర్హులని తెలిపారు. అభ్యర్థులు ఆధార్‌ కార్డు, విద్యార్హత సర్టిఫికెట్లు, బయోడేటాతో జిల్లా ఉపాధి కల్పన కార్యాలయంలో జాబ్‌మేళాకు హాజరు కావాలని పేర్కొన్నారు. మరిన్ని వివరాలకు 7095612963 నంబర్‌ను సంప్రదించాలని కోరారు.

సూర్యాపేట : సమాజానికి, కుటుంబానికి మార్గదర్శకులైన వయోవృద్ధులను గౌరవించి, వారిని కంటికి రెప్పలా కాపాడుకోవాలని కలెక్టర్‌ తేజస్‌ నంద్‌లాల్‌ పవార్‌ పిలుపునిచ్చారు. అంతర్జాతీయ వయోవృద్ధుల దినోత్సవం సందర్భంగా జిల్లాలో ఈ నెల 24 నుంచి అక్టోబర్‌ 1 వరకు వారం రోజులపాటు నిర్వహించే వయోవృద్ధుల వారోత్సవాల వాల్‌పోస్టర్‌ను గురువారం కలెక్టరేట్‌లోని వీసీ ఛాంబర్‌లో కలెక్టర్‌ ఆవిష్కరించారు. మహిళా, శిశు, దివ్యాంగుల, వయోవృద్ధుల సంక్షేమ శాఖ ఆధ్వర్యంలో నిర్వహించిన ఈ కార్యక్రమంలో సీనియర్‌ సిటిజన్లతో ఆయన సమావేశమయ్యారు. ఈ సందర్భంగా కలెక్టర్‌ వృద్ధుల రక్షణ, ఆర్థిక భద్రత కోసం ప్రభుత్వం తీసుకొచ్చిన ‘తెలంగాణ ఎంప్లాయీస్‌ అకౌంటబిలిటీ అండ్‌ మానిటరింగ్‌ ఆఫ్‌ పేరెంటల్‌ సపోర్ట్‌’ చట్టంపై వివరించారు. తల్లిదండ్రులను సరిగా చూసుకోకుండా నిర్లక్ష్యం చేసే పిల్లల స్థూల వేతనం నుంచి నేరుగా 15 శాతం లేదా గరిష్టంగా రూ.10 వేల వరకు కట్‌ చేసి, తల్లిదండ్రుల ఖాతాకు జమ చేసేలా నిబంధనలు ఉన్నాయని స్పష్టం చేశారు. సీనియర్‌ సిటిజన్లకు ఎలాంటి ఇబ్బందులు ఎదురైనా టోల్‌ఫ్రీ నంబర్‌ 14567 కు ఫోన్‌ చేసి ఫిర్యాదు చేయవచ్చని సూచించారు. కార్యక్రమంలో అదనపు ఎస్పీ రవీందర్‌ రెడ్డి, జిల్లా సంక్షేమ అధికారి కె.నరసింహారావు, జిల్లా వైద్యాధికారి వెంకటరమణ, జిల్లా కమిటీ సభ్యులు సీతారామయ్య, జి.విద్యాసాగర్‌, ఎస్డీ హమీద్‌ ఖాన్‌, ఇరిగె కోటేశ్వరి, గజ్జల కృష్ణారెడ్డి, వినోద్‌కుమార్‌, ప్రియాంక తదితరులు పాల్గొన్నారు. వారం రోజుల పాటు కార్యక్రమాలు ఫ ఈ నెల 24వ తేదీన వృద్ధుల శ్రేయస్సు, సాధికారత వారోత్సవాల ప్రారంభం ఫ 25న వృద్ధుల ఆరోగ్య, సంరక్షణ దినోత్సవం–వృద్ధాశ్రమాల్లో ఇండోర్‌ ఆటలు ఫ 26న వృద్ధాశ్రమాల సామర్థ్య పెంపు–సిబ్బందికి కనీస ప్రమాణాలు, సంరక్షణపై శిక్షణ, తనిఖీలు ఫ 28న సైబర్‌ భద్రత, డిజిటల్‌ అక్షరాస్యత–వృద్ధులపై వేధింపులు, మోసాలపై అవగాహన ఫ 29న పాఠశాలల్లో విద్యార్థులు, వారి తాతయ్యలు–బామ్మలతో ఆత్మీయ కలయికలు ఫ 30న యాక్టివ్‌ ఏజింగ్‌, వెల్‌నెస్‌, ఇంటర్‌–జనరేషనల్‌ వాకథాన్‌ ఫ అక్టోబర్‌ 1వ తేదీ ముగింపు వేడుకలు. ఫ తల్లిదండ్రులను నిర్లక్ష్యం చేస్తే జీతంలో 15 శాతం కోత ఫ కలెక్టర్‌ తేజస్‌ నంద్‌లాల్‌ పవార్‌

సూర్యాపేట : బంగాళాఖాతంలో ఏర్పడిన వాయుగుండం ప్రభావంతో జిల్లా వ్యాప్తంగా వర్షాలు జోరుగా కురుస్తున్నాయి. దాదాపు అన్ని మండలాల్లోనూ మోస్తరు నుంచి భారీ వర్షాలు కురుస్తుండడంతో వాగులు, వంకలు పొంగిపొర్లుతున్నాయి. వానల్లేక ఎండిపోతున్న చెరువులు, కుంటల్లోకి క్రమంగా వరద నీరు వచ్చి చేరుతోంది. ఈ సీజన్‌ ఆరంభం నుంచి సరైన వర్షపాతం లేక కరువు మేఘాలు అలుముకున్న వేళ, ప్రస్తుతం కురుస్తున్న ముసురు వర్షాలు ఆపద్బాంధవుడిలా మారాయని రైతాంగం ఆనందం వ్యక్తం చేస్తోంది. ప్రాణం పోసుకుంటున్న జలాశయాలు జిల్లా వ్యాప్తంగా ఈ సీజన్‌లో తీవ్ర లోటు వర్షపాతం నమోదు కావడంతో చెరువులు, కుంటల్లోకి నీరు చేరక ఎడారిని తలపించాయి. పది రోజుల క్రితం పడిన వర్షాలకు తుంగతుర్తి, తిరుమలగిరి ప్రాంతాల్లోని చెరువులు కాస్త మోస్తరు వరదతో ఊపిరి పీల్చుకున్నాయి. మరోవైపు కోదాడ, హుజూర్‌ నగర్‌ నియోజకవర్గాల పరిధిలోని సాగర్‌ ఆయకట్టుకు నీటిని విడుదల చేయడంతో ఆయా ప్రాంతాలలోని చెరువుల్లోకి కొంత నీరు చేరింది. అయితే, తుంగతుర్తి, సూర్యాపేట నియోజకవర్గాల్లోని మెజారిటీ ప్రాంతాల్లో వర్షాల్లేక జలాశయాలు పూర్తిగా వట్టిపోయాయి. తాజాగా బుధవారం తెల్లవారుజాము నుంచి ఎడతెరిపి లేకుండా కురుస్తున్న వర్షాలతో జిల్లాలోని గ్రామాల్లో చెరువులకు మళ్లీ పూర్వవైభవం వస్తోంది. అనేక చోట్ల చెరువుల్లోకి భారీగా నీరు చేరుతుండగా, మరికొన్ని ప్రాంతాల్లో అలుగులు పోస్తున్నాయి. వర్షాలు ఇలాగే మరో రెండు రోజుల పాటు కొనసాగితే జిల్లాలోని మెజారిటీ చెరువులు, కుంటలు నిండి మత్తడి దుముకుతాయని నీటిపారుదల శాఖ అధికారులు అంచనా వేస్తున్నారు. భూగర్భ జలాలు పెరిగే అవకాశం ఉండడంతో యాసంగి పంటలకు సాగునీటి కొరత తీరుతుందని రైతులు సంతోషం వ్యక్తం చేస్తున్నారు. నూతనకల్‌లో అత్యధికం.. గరిడేపల్లిలో అత్యల్పం గడిచిన 24 గంటల్లో సూర్యాపేట జిల్లా వ్యాప్తంగా సగటున 69.3 మిల్లీమీటర్ల వర్షపాతం నమోదైంది. జిల్లాలోనే అత్యధికంగా నూతనకల్‌ మండలంలో 102.9 మి.మీ వర్షపాతం నమోదు కాగా, అత్యల్పంగా గరిడేపల్లి మండలంలో 29.9 మి.మీ వర్షపాతం నమోదైంది. నాగారం మండలంలో 58.2 మిల్లీమీటర్ల వర్షపాతం, తిరుమలగిరిలో 67.1, తుంగతుర్తిలో 76.4, మద్దిరాల 83.1 జాజిరెడ్డిగూడెం మండలంలో 64.9, సూర్యాపేటలో 67.2, ఆత్మకూరు ఎస్‌ లో 96.0, మోతెలో 83.1, చివ్వెంల మండలంలో 60.70, పెన్‌ పహాడ్‌ 43.0, మునగాలలో 89.5, నడిగూడెంలో 79.1, అనంతగిరిలో 47.7, కోదాడలో 84.6, చిలుకూరులో 66.8, గరిడేపల్లిలో 29.9, నేరేడుచర్లలో 64.7, పాలకవీడులో 60.7, మట్టంపల్లిలో 63.4 హుజూర్‌నగర్‌లో 86.0, మేళ్లచెరువులో 65.8, చింతలపాలెంలో 52.1 మిల్లీమీటర్ల చొప్పున వర్షపాతం నమోదయింది. చెరువులు, కుంటల్లోకి చేరుతున్న వరద నీరు ఫ హర్షం వ్యక్తం చేస్తున్న జిల్లా రైతాంగం ఫ జిల్లాలో సగటున 69.3 మి.మీ వర్షపాతం నమోదు

సూర్యాపేట : జిల్లా కేంద్రంలో జాతీయ రహదారి 65కు సమాంతరంగా బుల్లెట్‌ ట్రైన్‌ మార్గాన్ని సాధించేంత వరకు విశ్రమించేది లేదని సూర్యాపేట పట్టణానికి చెందిన పలువురు ప్రముఖులు స్పష్టం చేశారు. గురువారం సూర్యాపేట ధర్నా చౌక్‌ వద్ద శ్రీబుల్లెట్‌ ట్రైన్‌ సాధన సమితిశ్రీ ఆధ్వర్యంలో నిర్వహిస్తున్న నిరసన దీక్షలు 42వ రోజుకు చేరుకున్నాయి. వర్షాన్ని సైతం లెక్కచేయకుండా దీక్షలో పాల్గొన్న వారికి పలువురు సంఘీభావం తెలిపి మాట్లాడారు. కేంద్ర, రాష్ట్ర ప్రభుత్వాలు ఇప్పటికై నా స్పందించి మొదటి అలైన్‌మెంట్‌నే కొనసాగిస్తూ, సూర్యాపేట మీదుగా బుల్లెట్‌ ట్రైన్‌ వచ్చేలా చర్యలు చేపట్టాలని డిమాండ్‌ చేశారు. లేని పక్షంలో ఉద్యమాన్ని మరింత ఉధృతం చేస్తామని హెచ్చరించారు. దీక్షలో చలమల్ల నరసింహ, వెలుగు వనిత, బూర వెంకటేశ్వర్లు, జర్నలిస్టులు, నాయకులు భూపతి రాములు గౌడ్‌, కందుకూరి యాదగిరి, ఎర్ర అఖిల్‌, నాగవెల్లి కరుణాకర్‌, రవీందర్‌ నాయక్‌, యర్కచర్ల శోభారాణి, గాలి రామకృష్ణ, తోట లక్ష్మీ నరసింహారావు, పగిళ్ల వెంకన్న కూర్చోగా.. సట్టు నాగయ్య, గుండు శ్రీనివాస్‌ గౌడ్‌, నల్లగొండ నాగయ్యలు పాల్గొని సంఘీభావం తెలిపారు.

మఠంపల్లి : మట్టపల్లి ఆలయంలో శ్రీరాజ్యలక్ష్మీ, చెంచులక్ష్మీ సమేత శ్రీలక్ష్మీనరసింహస్వామి వారి నిత్యకల్యాణాన్ని గురువారం అర్చకులు వైభవంగా నిర్వహించారు. ఈ సందర్భంగా ఆలయంలో శ్రీస్వామివారికి ప్రత్యేక పూజలు, అర్చనలు నిర్వహించి, మూలవిరాట్‌కు పంచామృతాభిషేకం గావించారు. కల్యాణ తంతులో భాగంగా విష్వక్సేనారాధన, పుణ్యాహవాచనం, రుత్విగ్వరణం, పంచగవ్యప్రాశన, మధుపర్క పూజ, మాంగల్యధారణ, తలంబ్రాల ఘట్టాలను ఘనంగా నిర్వహించారు. ఆలయ అనువంశిక ధర్మకర్తలు మట్టపల్లిరావు, విజయ్‌కుమార్‌, ఈఓ చలపతి, అర్చకులు పాల్గొన్నారు.

హుజూర్‌నగర్‌ : హైదరాబాద్‌లోని అత్తాపూర్‌ పోలీస్‌ స్టేషన్‌లో మహిళా న్యాయవాది, మరో న్యాయవాదిపై పోలీసులు దాడికి పాల్పడడాన్ని తీవ్రంగా ఖండిస్తున్నామని బార్‌ అసోసియేషన్‌ ఉపాధ్యక్షుడు జక్కుల వీరయ్య అన్నారు. ఈ ఘటనకు నిరసనగా గురువారం హుజూర్‌నగర్‌ బార్‌ అసోసియేషన్‌ ఆధ్వర్యంలో న్యాయవాదులు విధులను బహిష్కరించి నిరసన తెలిపారు. ఈ సందర్భంగా ఆయన మాట్లాడుతూ.. ఇటీవల కాలంలో పోలీసుల దాడులు విపరీతంగా పెరిగిపోయాయని ఆందోళన వ్యక్తం చేశారు. అడ్వకేట్‌ ప్రొటెక్షన్‌ యాక్ట్‌ ప్రకారం దాడికి పాల్పడిన పోలీసులను వెంటనే సస్పెండ్‌ చేయాలని, వారిపై క్రిమినల్‌ కేసులు నమోదు చేయాలని డిమాండ్‌ చేశారు. కార్యక్రమంలో న్యాయవాదులు కె.మాధవరెడ్డి, వి.వెంకట్‌ రెడ్డి, ఎస్‌.రాఘవరావు, చిట్టిపోతుల రమేష్‌, షేక్‌ నాగూర్‌ భాష, గోపినాథ్‌, రామినేని వెంకటేష్‌, ఎం.ఎం. నరసింహారావు, నాగేందర్‌, సాయిరాంగౌడ్‌, చినబాబు తదితరులు పాల్గొన్నారు. న్యాయవాదుల విధుల బహిష్కరణచివ్వెంల (సూర్యాపేట) : హైదరాబాద్‌లోని అత్తాపూర్‌ పోలీస్‌ స్టేషన్‌లో న్యాయవాది షేక్‌ అఖీల్‌ జునైద్‌, మహిళా న్యాయవాది ఫిజాషా పట్ల అనుచితంగా వ్యవహరించడాన్ని నిరసిస్తూ గురువారం సూర్యాపేట బార్‌ అసోసియేషన్‌ ఆధ్వర్యంలో న్యాయవాదులు విధులు బహిష్కరించారు. న్యాయవాదులతో అనుచితంగా ప్రవర్తించిన పోలీసులపై శాఖాపరమైన చర్యలు తీసుకోవాలని డిమాండ్‌ చేశారు. కార్యక్రమంలో బార్‌ అసోసియేషన్‌ అధ్యక్షుడు నూకల సుదర్శన్‌ రెడ్డి, ప్రధాన కార్యదర్శి తల్లమళ్ల హుస్సేన్‌, సీనియర్‌, జూనియర్‌ న్యాయవాదులు పాల్గొన్నారు.

నడిగూడెం : అభివృద్ధి పనుల్లో నాణ్యత పాటించాలని పంచాయతీ రాజ్‌శాఖ ఈఈ వెంకటయ్య సూచించారు. బుధవారం మండల కేంద్రంలో నాగార్జునసాగర్‌ ఎడమ కాల్వ కట్ట వెంట రూ.35 లక్షలతో నిర్మిస్తున్న ప్లాస్టిక్‌ వ్యర్థాల ప్లాంట్‌, నడిగూడెంలో రూ.30 లక్షలతో నిర్మిస్తున్న ఫుడ్‌ గ్రెయిన్‌ ప్లాంట్‌, చెన్నకేశ్వాపురంలో రూ.15 లక్షలతో నిర్మిస్తున్న బీసీ కమ్యూనిటీ హాల్‌ పనులను ఆయన పరిశీలించారు. పనులు వేగవంతంగా పూర్తి చేయాలని సూచించారు. ఆయన వెంట డీఈ హర్ష, ఏఈ లావణ్య ఉన్నారు. ఐవీఓ రాష్ట్ర అధ్యక్షుడిగా మధుసూదన్‌ కోదాడరూరల్‌ : ఇండియన్‌ వెటరన్స్‌ ఆర్గనైజేషన్‌(ఐవీఓ) రాష్ట్ర అధ్యక్షుడిగా కోదాడకు చెందిన రిటైర్డ్‌ ఆర్మీ ఉద్యోగి గుండా మధుసూదన్‌రావు నియమితులయ్యారు. ఈ మేరకు జాతీయ అధ్యక్షుడు జేఎస్‌ సెంగార్‌ బుధవారం ఉత్తర్వులు జారీ చేశారు. మధుసూదన్‌రావు కోదాడలో వంద అడుగుల జాతీయ జెండాను ఏర్పాటుతో పాటు ప్రజల్లో దేశభక్తిని పెంపునకు పలు కార్యక్రమాలు చేపట్టారు. లక్ష్మీనరసింహస్వామి నిత్యకల్యాణం మఠంపల్లి: మట్టపల్లిలోని రాజ్యలక్ష్మి, చెంచులక్ష్మి సమేత లక్ష్మీనరసింహస్వామి ఆలయంలో బుధవారం అర్చకులు స్వామివారి నిత్యకల్యాణాన్ని వైభవంగా నిర్వహించారు. ఈ సందర్భంగా ఆలయంలో స్వామి వారికి ప్రత్యేక పూజలు, అర్చనలు, మూలవిరాట్‌కు పంచామృతాభిషేకం చేశారు. అనంతరం విష్వక్సేనారాధన, పుణ్యహవచనం, రుత్విగ్వరణం, పంచగవ్యప్రాశన, మధుఫర్కపూజ, మాంగల్యధారణ, తలంబ్రాలతో కల్యాణోత్సవం ఘనంగా నిర్వహించారు. కార్యక్రమంలో ఆలయ అనువంశిక ధర్మకర్తలు చెన్నూరు మట్టపల్లిరావు, విజయ్‌కుమార్‌, ఈఓ చలపతి, అర్చకులు, భక్తులు పాల్గొన్నారు. మేకల అభినవ్‌ నేటి యువతకు ఆదర్శంకోదాడరూరల్‌ : క్రీడా స్ఫూర్తిని ప్రపంచానికి చాటిచెప్పిన అంతర్జాతీయ చెస్‌ క్రీడాకారుడు మేకల అభినవ్‌ను యువత ఆదర్శంగా తీసుకొని క్రీడల్లో రాణించాలని పెరిక కార్పొరేషన్‌ చైర్మన్‌ దొంగరి వెంకటేశ్వర్లు, మున్సిపల్‌ చైర్‌పర్సన్‌ ఎర్నేని కుసుమ పిలుపునిచ్చారు. బుధవారం అభినవ్‌ 25వ వర్ధంతి సందర్భంగా పట్టణంలోని బాలుర ఉన్నత పాఠశాల ఎదుట ఉన్న ఆయన విగ్రహానికి నివాళులర్పించారు. ఈ సందర్భంగా వారు మాట్లాడుతూ చెస్‌ క్రీడలో రాణించి కోదాడ పేరును అంతర్జాతీయ స్థాయికి తీసుకెళ్లిన అభినవ్‌, చిన్న వయసులోనే మృతి చెందడం ఈ ప్రాంతానికి తీరని లోటన్నారు. కార్యక్రమంలో అభినవ్‌ తల్లిదండ్రులు మేకల వెంకటేశ్వర్లు, అరుణ, దొంగరి శ్రీనివాస్‌, సీహెచ్‌.లక్ష్మీనారాయణరెడ్డి, దేవరపల్లి మల్లీశ్వరి, ముత్తవరపు పాండురంగారావు, ఎండీ.సలీంషరీఫ్‌, ఎస్‌కే.బషీర్‌, నయీం, కందులకోటేశ్వరరావు, తూనం కృష్ణ, గంధం పాండు, శ్రీను, నేహనావజ్‌ పాల్గొన్నారు. నారసింహుడికి నిత్యారాధనలుయాదగిరిగుట్ట రూరల్‌: యాదగిరిగుట్ట శ్రీ లక్ష్మీనరసింహాస్వామి వారి ఆలయంలో నిత్యపూజలను శాస్త్రోక్తంగా ఆలయ అర్చకులు బుధవారం నిర్వహించారు. వేకువజామునే స్వామి వారిని మేల్కొల్పిన అర్చకులు, ప్రధానాలయంలోని స్వయంభువులకు సుప్రభాత సేవ చేపట్టారు. బిందెతీర్థం, నిజాభిషేకం, ఆరాధన, అర్చనలు చేశారు. ప్రధానాలయం ముఖమండపంలోని ఉత్సవ మూర్తులకు సువర్ణ పుష్పార్చన సేవలు నిర్వహించారు. ప్రాకార మండపాల్లో సుదర్శన నారసింహా హోమం, నిత్యకల్యాణం జరిపించారు.

తిరుమలగిరి : సమావేశంలో మాట్లాడుతున్న మంత్రి ఉత్తమ్‌కుమార్‌రెడ్డి, పక్కన ఎంపీ చామల కిరణ్‌కుమార్‌రెడ్డి, ఎమ్మెల్యే మందుల సామేల్‌, అధికారులు, నాయకులు నేరేడుచర్ల : మేడారంలో అభివృద్ధి పనులు ప్రారంభిస్తున్న మంత్రి ఉత్తమ్‌కుమార్‌రెడ్డి తిరుమలగిరి (తుంగతుర్తి) : రైతులు సాగు చేసిన పంటలను కాపాడడంతో పాటు రానున్న వేసవిలో నీటి ఎద్దడి లేకుండా చూసేందుకు రాష్ట్ర ప్రభుత్వం ముందు చూపుతో, పక్కా ప్రణాళికతో పని చేస్తుందని రాష్ట్ర నీటి పారుదల, సివిల్‌ సప్‌లై శాఖ మంత్రి ఎన్‌.ఉత్తమ్‌కుమార్‌రెడ్డి అన్నారు. బుధవారం తిరుమలగిరి మండలం తాటిపాముల గ్రామంలోని జిల్లా పరిషత్‌ ఉన్నత పాఠశాల, ప్రాథమిక పాఠశాలలో రూ.7 కోట్లతో అదనపు తరగతి గదుల నిర్మాణానికి ఆయన శంకుస్థాపన చేశారు. రూ.16 కోట్లతో జశ్వంతాపూర్‌ వాగుపై నిర్మిస్తున్న చెక్‌ డ్యాం కమ్‌ బ్రిడ్జి పనులను పరిశీలించారు. ఈ సందర్భంగా స్థానిక పాఠశాలలో ఏర్పాటు చేసిన సమావేశంలో మంత్రి మాట్లాడారు. తుంగతుర్తి నియోజకవర్గంలోని దేవాదుల ఫేజ్‌–6 ద్వారా గోదావరి జలాలు వస్తాయని, వీటి కోసం రూ.1000 కోట్లు మంజూరయ్యాయని తెలిపారు. ఈ గోదావరి జలాల ద్వారా 12,500 ఎకరాలకు సాగు, ప్రజలకు తాగు నీరు అందుతుందన్నారు. సీతారామ ప్రాజెక్టు ద్వారా 65 టీఎంసీల నీటిని విడుదల చేసినట్లు తెలిపారు. తాటిపాముల గ్రామంలో ఇప్పటికే రూ.27 కోట్లతో పనులు జరుగుతున్నాయన్నారు. తాను అధికారంలో ఉన్నా లేకున్నా గ్రామ అభివృద్ధికి కృషి చేస్తానని హామీ ఇచ్చారు. 4 అంగన్‌వాడీ కేంద్రాలకు రూ.80 లక్షలు మంజూరు చేస్తానన్నారు. బిక్కేరు వాగుపై జానకిపురం వరకు బ్రిడ్జి నిర్మిస్తామని మంత్రి హామీ ఇచ్చారు. కార్యక్రమంలో భువనగిరి ఎంపీ చామల కిరణ్‌కుమార్‌రెడ్డి, తుంగతుర్తి ఎమ్మెల్యే మందుల సామేల్‌, జిల్లా కలెక్టర్‌ తేజస్‌ నంద్‌లాల్‌ పవార్‌, ఎస్పీ కె.నరసింహ, అదనపు కలెక్టర్‌ హరిసింగ్‌, నాయకులు రాంరెడ్డి సర్వోత్తమ్‌రెడ్డి, చెవిటి వెంకన్నయాదవ్‌, సుదర్శన్‌రెడ్డి, కాంగ్రెస్‌ పార్టీ జిల్లా అధ్యక్షుడు గుడిపాటి నర్సయ్య, గ్రామ సర్పంచ్‌ బోయపల్లి కిషన్‌, మార్కెట్‌ కమిటీ చైర్‌పర్సన్‌ కొప్పుల వేణారెడ్డి, ఎల్సోజు చామంతి నరేష్‌, గిరిధర్‌రెడ్డి, ఆర్డీఓ వేణుమాధవరావు, తహసీల్దార్‌ వినోద్‌కుమార్‌, ఎంపీడీఓ లాజరస్‌, తదితరులు పాల్గొన్నారు. భరోసా కల్పించక.. భయపెడుతున్నారు నేరేడుచర్ల : ఎల్‌నినో ప్రభావంతో వర్షాభావ పరిస్థితులు నెలకొన్నందున రైతులకు భరోసా కల్పించాల్సిన ప్రతిపక్ష బీఆర్‌ఎస్‌ రైతులను భయపెట్టేలా వ్యవహరిస్తుందని మంత్రి ఉత్తమ్‌కుమార్‌రెడ్డి విమర్శించారు. నేరేడుచర్ల మండలంలోని మేడారం గ్రామంలో రూ.26.40 కోట్లతో నిర్మించిన నేరేడుచర్ల–దూపాడు డబుల్‌ రోడ్డును బుధవారం ఆయన ప్రారంభించారు. అనంతరం రూ. 20 లక్షలతో నిర్మిస్తున్న జానలదిన్నె గ్రామ పంచాయతీ భవనానికి శంకుస్థాపన, రూ. 33 లక్షలతో నేరేడుచర్లలో నిర్మించిన గ్రంథాలయ భవాన్ని ప్రారంభించారు. ఈ సందర్భంగా ఆయన మాట్లాడుతూ నూతనంగా డబుల్‌ రోడ్డు నిర్మాణంలో ఫత్తేపురం, వైకుంఠాపురం, రామలక్ష్మీపురం, మేడారం, బక్కయ్యగూడెం, నేరేడుచర్ల, దూపాడు ప్రజలకు రవాణా సదుపాయం మెరుగు పడుతుందన్నారు. ఇటీవల కోదాడలో నిర్వహించిన జాబ్‌మేళా విజయవంతమైందని, అభివృద్ధితో పాటు యువతకు ఉద్యోగ అవకాశాలను కల్పించడం తన బాధ్యతే అన్నారు. కార్యక్రమంలో మున్సిపల్‌ చైర్మన్‌ కొణతం చిన వెంకట్‌రెడ్డి, వైస్‌ చైర్మన్‌ నూకల సందీప్‌రెడ్డి, సర్పంచులు పారుపల్లి సత్యనారాయణ, రహీం, బుర్రి శ్రీనివాస్‌, నాయకులు పాల్గొన్నారు.ఫ నీటి పారుదలశాఖ మంత్రి ఉత్తమ్‌కుమార్‌రెడ్డి

సూర్యాపేట : జిల్లా కేంద్రంలోని ధర్నా చౌక్‌ వద్ద బుల్లెట్‌ ట్రైన్‌ సాధన అఖిలపక్ష పోరాట కమిటీ ఆధ్వర్యంలో చేపడుతున్న రిలే నిరాహార దీక్షలు బుధవారం 41 రోజు కొనసాగాయి. దీక్షలో సామాజిక కార్యకర్తలు కూర్చున్నారు. దీక్షకు పలువురు పట్టణ ప్రముఖులు సంఘీభావం తెలిపారు. సాయంత్రం తెలంగాణ జన సమితి పార్టీ రాష్ట్ర ప్రధాన కార్యదర్శి కుంట్ల ధర్మార్జున్‌ దీక్షలో కూర్చున్న వారికి నిమ్మరసం ఇచ్చి దీక్షను విరమింప జేశారు. ఈ సందర్భంగా పలువురు మాట్లాడుతూ జాతీయ రహదారి 65కు సమాంతరంగా బుల్లెట్‌ ట్రైన్‌ కారిడార్‌ను అమలు చేయాలని, ఇందుకు కేంద్ర, రాష్ట్ర ప్రభుత్వాలు వెంటనే చర్యలు చేపట్టాలని డిమాండ్‌ చేశారు. లేని పక్షంలో ఉద్యమాలను ఉధృతం చేస్తామని హెచ్చరించారు. దీక్షలో బుల్లెట్‌ ట్రైన్‌ సాధన సమితి సభ్యులు, సామాజిక వేత్తలు, ప్రజాసంఘాల నాయకులు మండారి డేవిడ్‌ కుమార్‌, రమణాచారి, వెలుగు వనిత, భూపతి రాములు గౌడ్‌, కందుకూరి యాదగిరి, బూర వెంకటేశ్వర్లు, నాగవెల్లి కరుణాకర్‌, యార్కకచర్ల శోభారాణి, నల్లగొండ నాగన్న, రమ్య, ధరావతు రవీందర్‌నాయక్‌, తదితరులు పాల్గొన్నారు.

సూర్యాపేట : ఫార్మర్‌ రిజిస్ట్రీకి మరో వారం రోజులే అవకాశం ఉంది. ఈ నెల 30 వరకు మాత్రమే నమోదుకు అవకాశం ఉండడంతో అధికారులు అప్రమత్తమయ్యారు. రైతులు పండించిన పంటల అమ్మకానికి ఫార్మర్‌ రిజిస్ట్రీ తప్పనిసరి కానున్న నేపథ్యంలో గ్రామాల్లో ప్రత్యేక శిబిరాలు నిర్వహించి రైతులకు అవగాహన కల్పిస్తున్నారు. ఇప్పటి వరకు ఫార్మర్‌ రిజిస్ట్రీ చేయించుకోని వారిని గుర్తించి పూర్తి చేసుకునేలా విస్తృత ప్రచారం చేస్తున్నారు. 3.20 లక్షల మంది రైతులు సూర్యాపేట జిల్లాలో 3.20 లక్షల మంది రైతులు పట్టాదారు పాస్‌ పుస్తకాలు కలిగి ఉన్నారు. ప్రతి రైతుకు రిజిస్ట్రేషన్‌ – ఫార్మర్‌ ఐడీని సమకూర్చేందుకు కేంద్ర ప్రభుత్వం ఫార్మర్‌ రిజిస్ట్రీని తీసుకు వచ్చింది. రానున్న రోజుల్లో రిజిస్ట్రేషన్‌ చేయించుకున్న రైతులకు మాత్రమే కేంద్ర ప్రభుత్వం తీసుకొచ్చే వ్యవసాయ పథకాలు వర్తించే అవకాశాలు ఉన్నాయి. పలు విడతలుగా ఫార్మర్‌ రిజిస్ట్రీకి ప్రత్యేక కార్యక్రమాలు రూపొందించగా ఇప్పటివరకు జిల్లాలో 77 శాతం మంది రైతులు వ్యవసాయ శాఖ అధికారుల వద్ద తమ పేర్లను నమోదు చేయించుకున్నారు. తప్పనిసరి కావడంతో...! గతంలో ఫార్మర్‌ రిజిస్ట్రీ కోసం రైతులు ఏఈఓల వద్దకు వెళ్లాల్సి వచ్చేది. ఆధార్‌ కార్డును తీసుకొని వెళ్తే ఫోన్‌కు వచ్చే ఓటీపీ ద్వారా రిజిస్ట్రీని పూర్తిచేసే వారు. దాంతో దూర ప్రాంతాల్లో ఉండే రైతులు, చిన్న, సన్నకారు రైతులు పెద్దగా ఆసక్తి చూపలేదు. దానికి తోడు ఫార్మర్‌ రిజిస్ట్రీ రైతులకు పెద్దగా ఉపయోగపడక పోవడంతో అంతగా పట్టించుకోలేదు. ప్రస్తుతం కేంద్ర ప్రభుత్వం ఎరువుల కొనుగోలుకు తీసుకువచ్చిన శ్రీఫ్రేమ్‌ వర్క్‌ ఫర్‌ పేల్‌ యాప్‌లోశ్రీ ఫార్మర్‌ రిజిస్ట్రీ ఆప్షన్‌ ఉండడంతో రైతులు నమోదుకు మొగ్గు చూపుతున్నారు. దానికి తోడు రైతులు ఏఈఓల వద్దనే కాకుండా మీసేవా కేంద్రం, సీఎస్‌సీ కేంద్రాల్లోనూ రిజిస్ట్రేషన్‌ ప్రక్రియను పూర్తి చేసుకునే వెసులుబాటును ప్రభుత్వం కల్పించింది. ఈ విషయాన్ని రైతులకు తెలిపి తమ వివరాలను నమోదు చేసుకునేలా వ్యవసాయశాఖ అధికారులు గ్రామాల్లో ప్రత్యేక శిబిరాలను ఏర్పాటు చేస్తున్నారు. ఈ నెల 30వ తేదీ నాటికి రైతులందరికీ ఫార్మర్‌ రిజిస్ట్రీ పూర్తి చేసేలా ప్రణాళికను రూపొందించారు. 30తో ముగియనున్న ఫార్మర్‌ రిజిస్ట్రీ ఫ జిల్లాలో ఇప్పటి వరకు 77శాతం నమోదు ఫ గ్రామాల్లో ప్రత్యేక సదస్సుల ద్వారా రైతులకు అవగాహన జిల్లాలో ఫార్మర్‌ రిజిస్ట్రీ ప్రక్రియ 77 శాతం పూర్తయ్యింది. 100 శాతం పూర్తయ్యేలా ఈ నెల 22 నుంచి 30 వరకు ప్రత్యేక శిబిరాలను ఏర్పాటు చేస్తున్నాం. రైతులు తప్పనిసరిగా తమ వివరాలు నమోదు చేసుకోవాలి. లేదంటే రానున్న రోజుల్లో ఎరువుల కొనుగోలుతోపాటు పంటల విక్రయానికి ఇబ్బందులు పడాల్సి వస్తుంది. తప్పనిసరిగా తమ ఫార్మర్‌ రిజిస్ట్రీని పూర్తి చేసుకోవాలి. శ్రీధర్‌రెడ్డి జిల్లా వ్యవసాయశాఖ అధికారి

కోదాడ (మోతె) : మోతె మండలం రంగాపురంతండాకు వెళ్లే రోడ్డు కంకరమయంగా మారడంతో తండావాసులు అష్టకష్టాలు పడుతున్నారు. కంకరపై నుంచి వెళ్లలేక ఇరుకై న కాల్వ కట్టపై, చెర్వు కట్టపై ప్రమాదకరంగా ప్రయాణిస్తున్నారు. 2022లో ఎస్‌డీఎప్‌ నిధులతో నర్సింహాపురం నుంచి రంగాపురంతండా వరకు బీటీ రోడ్డు నిర్మాణానికి రూ.1.73 కోట్లు మంజూరయ్యాయి. పనులు దక్కించుకున్న కాంట్రాక్టర్‌ నిధులు మంజూరైన ఏడాది తర్వాత పనులు ప్రారంభించాడు. కానీ రహదారి నిర్మాణంలో నాణ్యత పాటించడం లేదని, రోడ్డు విస్తరించకుండా మట్టి రోడ్డుపైనే కంకర పరిచి తారు వేస్తున్నారంటూ తండా వాసులు పనులు అడ్డుకున్నారు. ఇది జరిగి సంవత్సరం గడుస్తున్నా పనులు మాత్రం ప్రారంభం కాలేదు. మూడు కిలో మీటర్ల వరకు కంకర పరిచి వదిలేయడంతో రాళ్ల దారిపైనుంచి వెళ్లలేక ప్రజలు నరక యాతన పడుతున్నారు. తండాలో అత్యవసర పరిస్థితులు తలెత్తితే కనీసం అంబులెన్స్‌ వచ్చేందుకు కూడా అవకాశం లేదని తండా వాసులు వాపోతున్నారు. ఉన్నతాధికారులు స్పందించి పనులు పూర్తి చేయించాలని కోరుతున్నారు.

నాగార్జునసాగర్‌: వినాయక నిమజ్జనం కోసం నాగార్జునసాగర్‌ ప్రాజెక్టు ఎడమ కాల్వకు నీటిని విడుదల చేశారు. బుధవారం సాయంత్రానికి 14 మైలు వరకు నీరు చేరేందుకు గాను మధ్యాహ్నం 2,765 క్యూసెక్కుల నీటిని వదిలారు. మూడు వేల క్యూసెక్కుల మేరకు నీటిని విడుదల చేయనున్నట్లుగా అధికారులు తెలిపారు. సాగర్‌ జలాశయం నీటిమట్టం గరిష్టంగా 590 అడుగులు (312.0450 టీఎంసీలు) కాగా ప్రస్తుతం 535.80 అడుగులు (179.6902టీఎంసీలు)గా ఉంది. కుడి కాల్వకు నీటిని నిలిపివేశారు. ఎస్సెల్బీసీకి 2,000 క్యూసెక్కులు, వరద కాల్వకు 300 క్యూసెక్కులతో కలిపి మొత్తం 5,065 క్యూసెక్కుల నీరు విడుదలవుతుంది. అంతే నీరు ఎగువ నుంచి వచ్చి జలాశయంలో చేరుతుందని అధికారులు తెలిపారు. జిల్లా కేంద్రంలోని మినీ ట్యాంక్‌ బండ్‌(సద్దుల చెరువు) వద్ద పోలీసులు పటిష్ట భద్రత ఏర్పాటు చేశారు. బందోబస్తును, విగ్రహాల నిమజ్జన తీరును ఎస్పీ కె.నరసింహ పరిశీలించారు. సిబ్బందికి సూచనలు చేశారు. చెరువు వద్ద ఏర్పాటు చేసిన సీసీ కెమెరాతో పాటు కమాండ్‌ అండ్‌ కంట్రోల్‌ సెంటర్‌ ద్వారా పట్టణంలో జరుగుతున్న శోభాయాత్రను ఎస్పీ పరిశీలించారు. ఆయన వెంట మున్సిపల్‌ కమిషనర్‌ హన్మంతరెడ్డి, డీఎస్పీ ప్రసన్నకుమార్‌, సీఐ వెంకటయ్య ఉన్నారు. సూర్యాపేటటౌన్‌ : నవరాత్రులు భక్తుల పూజలందుకున్న గణనాథుడు బుధవారం గంగమ్మ ఒడికి చేరాడు. ఈ సందర్భంగా జిల్లా వ్యాప్తంగా నిర్వహించిన వినాయక నిమజ్జన శోభాయాత్ర కనుల పండువగా సాగింది. యువత తీన్మార్‌ స్టెప్పులతో అదరగొట్టగా, మహిళలు కోలాటాలతో అలరించారు. జిల్లా వ్యాప్తంగా ప్రశాంతంగా వినాయక నిమజ్జన కార్యక్రమం కొనసాగింది. జిల్లాలోని పలు ప్రాంతాల్లో రాత్రి వరకు విగ్రహాల నిమజ్జనాలు జరిగాయి. వెళ్లి రావయ్య గణపయ్య అంటూ భక్తులు భక్తి పారవశ్యంతో గణేషుడిని నీటి వనరుల్లో నిమజ్జనం చేశారు. ఉదయం నుంచే నిమజ్జన సందడి కనిపించింది. మొదట వినాయకుడి లడ్డూలకు వేలం పాట నిర్వహించారు. మరికొన్ని ప్రాంతాల్లో గణేష్‌ మండపాల వద్ద లక్కీ డ్రా ఏర్పాటు చేయగా చివరిరోజు డ్రా తీసి విజేతలకు బహుమతులు అందించారు ప్రముఖుల పూజలు సూర్యాపేట జిల్లా కేంద్రంలో మొదట పూలసెంటర్‌ వద్ద శ్రీవేదాంత భజన మందిరం ఆధ్వర్యంలో ఏర్పాటు చేసిన తొలి విగ్రహానికి ప్రత్యేక పూజలు నిర్వహించి శోభయాత్రను ప్రారంభించారు. అనంతరం జిల్లా కేంద్రంలోని మిగతా విగ్రహాలను నిమజ్జనానికి తరలించారు. పూల సెంటర్‌లో మాజీ మంత్రి, స్థానిక ఎమ్మెల్యే గుంటకండ్ల జగదీష్‌రెడ్డి, ఏఐసీసీ సభ్యుడు రాంరెడ్డి సర్వోత్తంరెడ్డి, మార్కెట్‌ కమిటీ చైర్మన్‌ వేణారెడ్డి, మున్సిపల్‌ చైర్‌ పర్సన్‌ నివేదిత, మాజీ మున్సిపల్‌ చైర్మన్‌ జుట్టుకొండ సత్యనారాయణ, అన్నపూర్ణ, భానుపురి ఉత్సవ సమితి సభ్యులు, స్థానికులు పెద్ద సంఖ్యలో పూజల్లో పాల్గొని శోభాయాత్రను ప్రారంభించారు. రూ.3.21లక్షలు పలికిన లడ్డూ జిల్లా కేంద్రంలోని పూల సెంటర్‌ వద్ద భానుపురి ఉత్సవ కమిటీ, వేదాంత భజన మందిరం ఏర్పాటు చేసిన వినాయక విగ్రహం వద్ద లడ్డూకు వేలం పాట నిర్వహించారు. పట్టణానికి చెందిన బెలిదె శ్రీనివాస్‌ రూ.3.21లక్షలకు వేలం పాడి లడ్డూను దక్కించుకున్నాడు. 2వేలకు పైగా విగ్రహాల నిమజ్జనం జిల్లా వ్యాప్తంగా 3150 వినాయక విగ్రహాలను ఏర్పాటు చేశారు. అందులో బుధవారం ఆయా ప్రాంతాల్లో సుమారు 2వేలకు పైగా విగ్రహాలు నిమజ్జనం చేసినట్లు అధికారులు అంచనా వేశారు. పట్టణంతో పాటు పలు గ్రామాల్లో కొంత మంది గురువారం, శుక్రవారం కూడా నిమజ్జనం చేయనున్నారు. జిల్లా కేంద్రంలోని సద్దుల చెరువుతో పాటు సూర్యాపేట మండలం రత్నపురం వద్ద గల మూసీ రిజర్వాయర్‌, కోదాడ పెద్ద చెరువు వద్ద, మట్టపల్లి బ్రిడ్జి, పాలకవీడు మండలం కృష్ణానది మహంకాళిగూడెం వద్ద, నేరేడుచర్ల పరిధిలోని చిల్లేపల్లి బ్రిడ్జి వద్ద వినాయక విగ్రహాల నిమజ్జనం నిర్వహించారు. అర్థరాత్రి వరకు నిమజ్జన ప్రక్రియ కొనసాగింది. సూర్యాపేట సద్దుల చెరువు వద్ద వినాయక విగ్రహాల నిమజ్జనం

పెన్‌పహాడ్‌ : మండలంలోని పలు గ్రామాల్లో నీరులేక ఎండిన పంటలను విద్యుత్‌ ఎస్‌ఈ యాదగిరి బుధవారం క్షేత్రస్థాయిలో పరిశీలించారు. నూర్జహాన్‌పేట, గాజులమల్కాపురం గ్రామాల్లోని పంటలను పరిశీలించి రైతులతో మాట్లాడారు. వ్యవసాయానికి విద్యుత్‌ సరఫరాను 10 గంటల నుంచి 12గంటలకు పెంచాలని రైతులు అధికారిని కోరారు. ఉన్నతాధికారులకు నివేదిక అందించి విద్యుత్‌ సరఫరాపై తగు చర్యలు తీసుకుంటామని హామీ ఇచ్చారు. ఆయన వెంట డీఈ వెంకట కిష్టయ్య, ఏడీఈ రాములు, ఏఈ శ్రీనివాస్‌ ఉన్నారు.

సూర్యాపేట : జాతీయ రహదారికి సమాంతంగా బుల్లెట్‌ ట్రైన్‌ ఏర్పాటు చేయాలని డిమాండ్‌ చేస్తూ చేపట్టిన ఉద్యమాన్ని మరింత ఉధృతం చేయాలని గ్రంథాలయ సంస్థ మాజీ చైర్మన్‌ నిమ్మల శ్రీనివాస్‌ గౌడ్‌, మార్కెట్‌ కమిటీ మాజీ చైర్మన్‌ పెద్దిరెడ్డి రాజా పిలుపునిచ్చారు. బుల్లెట్‌ ట్రైన్‌ సాధన కమిటీ ఆధ్వర్యంలో జిల్లా కేంద్రంలో నిర్వహిస్తున్న రిలే నిరాహార దీక్షలు మంగళవారం 40వ రోజు కొనసాగాయి. దీక్షలో సామాజికవేత్తలు పాల్గొనగా వారికి సంఘీభావం తెలిపి మాట్లాడారు. జిల్లా కేంద్రంలో జరుగుతున్న రిలే దీక్షల్లో అన్ని వర్గాల ప్రజలు పాల్గొనాలని పిలుపునిచ్చారు. ప్రభుత్వం దిగివచ్చే వరకు ఉద్యమాన్ని విరమించే ప్రసక్తే లేదన్నారు. దీక్షలో ధర్మార్జున్‌, వెలుగు వనిత, బూర వెంకటేశ్వర్లు, కందుకూరి యాదగిరి, సట్టు నాగయ్య, యార్కచర్ల శోభారాణి, ఖాసీం, నల్లగొండ నాగయ్య, గుంటి శ్రీనివాస్‌, వాసుదేవరావు, నాగవెల్లి కరుణాకర్‌, గుంటి కీర్తన కూర్చున్నారు. దీక్షలకు సూర్యాపేటకు చెందిన పాస్టర్లు జాన్‌ మార్క్‌, గోవర్ధన్‌, సామెల్‌ కిరణ్‌, బాబురావు, కరుణాకర్‌, డేవిడ్‌ రాజు, సాల్మన్‌ నాయక్‌, ఎజ్రా, జాక్సన్‌, ఏసు పాదం తదితరులు సంఘీభావం తెలిపారు.

చిలుకూరు: శాస్త్ర సాంకేతిక రంగాల్లో విద్యార్థులు రాణించాలని ఉన్నత విద్యామండలి చైర్మన్‌ ప్రొఫెస ర్‌ డాక్టర్‌ వి. బాలకిష్టారెడ్డి అన్నారు. మంగళవారం చిలుకూరులోని పీఎంశ్రీ జిల్లా పరిషత్‌ ఉన్నత పాఠశాలలో శక్తి యూత్‌ ఆధ్వర్యంలో నిర్వహించిన ‘స్పేస్‌ ఆన్‌ వీల్స్‌’ ప్రదర్శనను ఆయన ప్రారంభించి మాట్లాడారు. అంతరిక్ష పరిశోధనలపై విద్యార్థులకు అవగాహన కల్పించాలని సూచించారు. అంతరిక్ష ప్రయోగాలలో మన దేశానికి ప్రపచంలోనే మంచి గుర్తింపు ఉన్నదన్నారు. అంతరిక్ష ప్రయోగాలలో పాలుపంచుకునేందుకు యువత ముందుకు రావా లని కోరారు. ఉన్నత విద్యామండలి ప్రవేశపెడుతున్న నూతన కోర్సులు దేశ, విదేశాల కంటే దీటుగా ఉన్నాయన్నారు. రానున్న విద్యాసంవత్సరం నుంచి స్పేస్‌ టెక్నాలజీ లాంటి కోర్సులు సైతం అందుబాటులో తెస్తామన్నారు. ఫేస్‌ బుక్‌తో నాలెడ్జి రాదని, బుక్స్‌ చదవడం వల్లనే విజ్ఞానం పెరుగుతుందన్నారు. అనంతరం స్పేస్‌పై విద్యార్థులు అడిగిన పలు సందేహాలను నివృత్తి చేశారు. ఈ సందర్భంగా స్పేస్‌ ఆన్‌ వీల్స్‌ బస్‌ను, రాకెట్లు, గ్రహాలు, చంద్రయాన్‌ వంటి నమునాలను విద్యార్థులు ఆసక్తిగా తిలకించారు. కార్యక్రమంలో శక్తియూత్‌ అధ్యక్షుడు తలారి శ్రీనివాస్‌రావు ఎన్‌ఆర్‌ఎస్‌ఈ స్టూడెంట్‌ అండ్‌ పబ్లిక్‌ అవుట్‌ రిచ్‌ డివిజన్‌ హెడ్‌ డాక్టర్‌ ఆర్‌. శ్రీనివాస్‌, ఎంపీడీఓ ముక్కపాటి నరసింహారావు, సర్పంచ్‌ కొల్లు పుల్లమ్మ నాగయ్య, ఫ్యాక్స్‌ చైర్మన్‌ అలసకాని జనార్దన్‌, ఎంఈఓ శివకుమారి, హెచ్‌ఎంరాజారాం, శక్తి యూత్‌ సభ్యులు పాల్గొన్నారు.ఫ ఉన్నత విద్యామండలి చైర్మన్‌ ప్రొఫెసర్‌ బాలకిష్టారెడ్డి

హుజూర్‌నగర్‌ : గ్రామాల అభివృద్ధికి చేపట్టాల్సిన పనులు గుర్తించి ప్రణాళికను రూపొందించుకోవాలని గ్రామీణాభివృద్ధి శాఖ జాయింట్‌ కమిషనర్‌ నరసింహులు సూచించారు. మంగళవారం మండలంలోని గోపాలపురంలో సర్పంచ్‌ నందిగామ శ్రీను అధ్యక్షతన నిర్వహించిన వికసిత్‌ గ్రామపంచాయతీ కార్యక్రమంలో ఆయన మాట్లాడారు. గ్రామాభివృద్ధిలో భాగంగా గ్రామపంచాయతీ ప్రణాళికపై పలు సూచనలు చేశారు. వీబీజీ రాంజీ పథకంలో అమలు చేయాల్సిన 375 రకాల పనులను గుర్తించాలని సూచించారు. కార్యక్రమంలో సూర్యాపేట ఆర్‌డీఓ సన్యాసయ్య, ఎంపీడీఓ సుమంత్‌రెడ్డి, ఏపీఓ శైలజ, ఈసీ పున్న రవి, పంచాయతీ కార్యదర్శి, వార్డు సభ్యులు పాల్గొన్నారు. ఫ గ్రామీణాభివృద్ధిశాఖ జాయింట్‌ కమిషనర్‌ నరసింహులు

మునగాల: సాగర్‌ ఆయకట్టు రైతులకు సాగునీరు, విద్యుత్‌ ఇవ్వకుండా రాష్ట్ర ప్రభుత్వం వారిని క్షోభకు గురి చేస్తున్నదని కోదాడ మాజీ ఎమ్మెల్యే బొల్లం మల్లయ్య యాదవ్‌ విమర్శించారు. రైతులకు నాణ్యమైన 24 గంటల విద్యుత్‌, సాగునీరు అందించాలని డిమాండ్‌ చేస్తూ మంగళవారం బీఆర్‌ఎస్‌ ఆధ్వర్యంలో మునగాలలో మహాధర్నా నిర్వహించారు. ఉదయం రైతులు, బీఆర్‌ఎస్‌ కార్యకర్తలతో కలిసి స్థానిక సబ్‌స్టేషన్‌ను ముట్టడించారు. ఈ సందర్భంగా దున్నపోతుకు వినతిపత్రం అందించి నిరసన తెలిపారు. అనంతరం 65వ నంబర్‌ జాతీయ రహదారిపై రాస్తారోకో నిర్వహించారు. ఈ సందర్భంగా మల్లయ్య యాదవ్‌ మాట్లాడుతూ జిల్లా మంత్రి ఉత్తమ్‌కుమార్‌రెడ్డి కేవలం మాటలతో మభ్య పెడుతూ, తన స్వార్ధ రాజకీయాల ప్రయోజనాల కోసం సాగర్‌ ఆయకట్టును సంక్షోభంలోకి నెట్టివేస్తున్నారన్నారు. సాగర్‌ ప్రాజెక్ట్‌లో నీరు ఉన్నప్పటికీ జూన్‌ 25 నుంచి రెండు విడుతలుగా నీటిని విడుదల చేసినప్పటికీ కోదాడ, హుజూర్‌నగర్‌ రైతులకు ఇవ్వకుండా తన రాజకీయ ప్రయోజనాల కోసం ఖమ్మం జిల్లా పాలేరుకు తరలించారన్నారు. రైతుల పోలాలు ఎండిపోతుంటే పట్టించుకోకుండా జాబ్‌మేళా పేరుతో హెలికాప్టర్లను షేర్‌ ఆటోలా వాడుతూ సగం క్యాబినెట్‌ను తీసుకువచ్చి విహారయాత్ర చేస్తున్నారని విమర్శించారు. ఇప్పటికై న కాంగ్రెస్‌ ప్రభుత్వం సాగర్‌ ఆయకట్టుకు సాగునీటిని, బోరు బావులకు 24గంటల నాణ్యమైన విద్యుత్ను అందించాలని డిమాండ్‌ చేశారు. కార్యక్రమంలో బీఆర్‌ఎస్‌ మండల అధ్యక్షుడు తొగరు రమేష్‌తో పాటు పార్టీ నాయకులు, కార్యకర్తలు, అధిక సంఖ్యలో రైతులు పాల్గొన్నారు. ఫ నీరు, కరెంటు ఇవ్వకుండా రైతులతో కన్నీరు పెట్టిస్తున్నరు ఫ మాజీ ఎమ్మెల్యే బొల్లం మల్లయ్యయాదవ్‌ ఫ సాగుకు నాణ్యమైన విద్యుత్‌ ఇవ్వాలని మునగాల సబ్‌స్టేషన్‌ ముట్టడి

జిల్లాలో గణేష్‌ నిమజ్జన శోభాయాత్రను ప్రశాంతంగా జరుపుకొనేలా పోలీసుశాఖ తరఫున అన్ని ఏర్పాట్లు చేసినట్లు ఎస్పీ నరసింహ తెలిపారు. సీసీ కెమెరాలు, వీడియోగ్రఫీ, ఫొటోగ్రఫీతో పర్యవేక్షణ చేయనున్నామని, జిల్లాలోని పోలీస్‌ స్టేషన్ల పరిధిలోని ప్రధాన రహదారులు, పట్టణాల్లో శోభయాత్రను నిరంతరం జిల్లా పోలీసు కార్యాలయం కమాండ్‌ కంట్రోల్‌ పర్యవేక్షిస్తుందని తెలిపారు. పోలీస్‌శాఖతో పాటు కమ్యూనిటీ పోలీసింగ్‌ ద్వారా తమ ప్రాజెక్టు కింద ఏర్పాటు చేసిన సీసీ కెమెరాల ద్వారా పర్యవేక్షణ ఉంటుందన్నారు. భక్తులు, ఉత్సవ కమిటీ సభ్యులు అధికారుల సూచనలు పాటిస్తూ ప్రశాంతంగా నిమజ్జన ఉత్సవాలను జరుపుకోవాలని సూచించారు.

తిరుమలగిరి(తుంగతుర్తి) : తిరుమలగిరి మండలం తాటిపాముల గ్రామంలో బుధవారం రాష్ట్ర ఇరిగేషన్‌, సివిల్‌ సప్లైశాఖ మంత్రి ఎన్‌. ఉత్తమ్‌కుమార్‌రెడ్డి పర్యటించనున్నారు. తాటిపాముల జిల్లా పరిషత్‌ ఉన్నత పాఠశాలలో రూ.5 కోట్లతో అదనపు తరగతి గదుల నిర్మాణానికి మంత్రి శంకుస్థాపన చేస్తారని, అనంతరం రూ.16 కోట్లతో బిక్కేరు వాగుపై నిర్మిస్తున్న చెక్‌ డ్యామ్‌ను పరిశీలిస్తారని ఆర్డీఓ వేణుమాధవరావు తెలిపారు. మంగళవారం మంత్రి పర్యటనకు సంబంధించిన ఏర్పాట్లను ఆయన పరిశీలించారు. ఓటర్లు తగిన ఆధారాలు సమర్పించాలిఅర్వపల్లి: ఓటర్‌ జాబితా ప్రత్యేక సవరణలో భాగంగా నోటీసులు అందుకున్న ఓటర్లు బీఎల్‌ఓలకు తగిన ఆధారాలు సమర్పించాలని జిల్లా అదనపు కలెక్టర్‌ హరిసింగ్‌ కోరారు. మంగళవారం స్థానిక తహసీల్దార్‌ కార్యాలయంలో సర్‌పై అధికారులతో సమీక్ష సమావేశం ఏర్పాటు చేశారు. అర్హుల ఓట్లు పోకుండా బీఎల్‌ఓలు జాగ్రత్తలు తీసుకోవాలని సూచించారు. సమావేశంలో నాయబ్‌ తహసీల్దార్‌ సమ్మెట అఽశ్వని, గిర్దావర్లు ప్రసన్న, వెంకట్‌రెడ్డి, జీపీఓలు, బీఎల్‌ఓలు పాల్గొన్నారు. ఉమెన్స్‌ టీ–20 లీగ్‌కు కోదాడ విద్యార్థినికోదాడరూరల్‌ : హైదరాబాద్‌ క్రికెట్‌ అసోసియేషన్‌ ఆధ్వర్యంలో నిర్వహించనున్న ఉమెన్స్‌(అండర్‌–23) సీనియర్‌ టీ– 20 లీగ్‌ పోటీలకు కోదాడ క్రికెట్‌ అకాడమీకి చెందిన క్రీడాకారిణి పచ్చిపాల మహేశ్వరి ఎంపికై నట్లు కోచ్‌ సిద్దీఖ్‌ మంగళవారం ఒక ప్రకటనలో తెలిపారు. ఇటీవల నల్లగొండలోని మేకల అభినవ్‌ స్టేడియంలో నిర్వహించిన ఎంపిక పోటీల్లో పాల్గొన్న మహేశ్వరి ఉత్తమ ప్రతిభ కనబరిచి రాష్ట్ర స్థాయికి ఎంపికై నట్లు పేర్కొన్నారు. క్రీడాకారిణిని అకాడమీ గౌరవ అధ్యక్షుడు ఎండీ.సలీంషరీఫ్‌, అధ్యక్షుడు సురేష్‌, హామీద్‌, ఖాజామియా, నందకిషోర్‌ అభినందించారు. ఆయిల్‌ పామ్‌ సాగుతో ఆర్థికాభివృద్ధిఅర్వపల్లి: ఆయిల్‌ పామ్‌ తోటల సాగుతో రైతులు ఆర్తికంగా అభివృద్ధి చెందాలని జిల్లా ఉద్యాన, పట్టు పరిశ్రమల అధికారి తీగల నాగయ్య సూచించారు. మండలంలోని తిమ్మాపురంలో రైతులు సాగు చేసిన ఆయిల్‌పామ్‌ తో టలను మంగళవారం ఆయన సందర్శించారు. తోటల సాగుకు ప్రభుత్వం రాయితీలు అందిస్తుందని, రైతులు ఉద్యాన శాఖ అధికారులకు దరఖాస్తు చేసుకోవాలని సూచించారు. ఆయన వెంట ప్రాంతీయ ఉద్యాన అధికారి వి.ప్రమిత, విస్తరణ అధికారులు ఉన్నారు.

కోదాడ: రెండు సంవత్సరాల క్రితం కోదాడకు మంజూరైన నవోదయ పాఠశాలకు పక్కా భవన నిర్మాణానికి ప్రభుత్వం నిధులు మంజూరు చేయగా నెలరోజులుగా పనులు కొనసాగుతున్నాయి. 22.5 ఎకరాలలలో ప్రతిష్టాత్మకంగా కార్పొరేట్‌ స్థాయిలో పాఠశాలను నిర్మించనున్నారు. నిర్మాణ సంస్థ ఇప్పటికే స్థలం చుట్టూ ప్రహరీ నిర్మాణాన్ని పూర్తి చేసింది. ప్రధాన భవన నిర్మాణ పనులు సైతం మొదలయ్యాయి. వచ్చే విద్యా సంవత్సరం నాటికి భవనాలను అందుబాటులోకి తీసుకు వచ్చేలా పనులు యుద్ధ ప్రాతిపదికన చేయిస్తున్నారు. ప్రహరీ పనులు పూర్తి కోదాడ పట్టణానికి సమీపంలో ఉన్న బాలాజీనగర్‌లోని కేఆర్‌ఆర్‌ ప్రభుత్వ డిగ్రీ కళాశాలకు చెందిన 22.5 ఎకరాల స్థలాన్ని నవోదయ పాఠశాలకు ప్రభుత్వం కేటాయించింది. జూన్‌లో మట్టపల్లి దేవాస్థానం వద్ద జరిగిన కార్యక్రమంలో రాష్ట్ర గవర్నర్‌ ఈ నవోదయ పాఠశాలకు వర్చవల్‌గా శంఖుస్థాపన చేశారు. రెండు నెలల క్రితం కాంట్రాక్టర్‌ పనులను ప్రారంభించగా ఇప్పటికే పాఠశాలకు కేటాయించిన స్థలం చుట్టూ ప్రహరీ నిర్మాణం పూర్తి చేశారు. మూడు రకాల భవనాలు నవోదయ పాఠశాలకు కేటాయించిన స్థలంలో పాఠశాల భవనంతో పాటు విద్యార్థులకు వసతి గృహాలను సైతం నిర్మించనున్నారు. పాఠశాలలో పనిచేసే బోధన, బోధనేతర సిబ్బంది క్వార్టర్స్‌ కూడా ఇక్కడే నిర్మిస్తారు. రెండు సంవత్సరాల క్రితం జిల్లాకు మంజూరైన నవోదయ పాఠశాలను ప్రస్తుతం సూర్యాపేట జిల్లా కేంద్రంలోని ప్రైవేట్‌ భవనంలో నిర్వహిస్తున్నారు. ప్రస్తుతం 6, 7 తరగతుల విద్యార్థులు మాత్రమే ఉండగా వచ్చేవిద్యా సంవత్సరానికి 8వ తరగతి వరకు అప్‌గ్రేడ్‌ చేయనున్నారు. ఇలా 12వ తరగతి వరకు పెంచుకుంటూ పోతారు. అప్పటి వరకు వచ్చే విద్యార్థుల సంఖ్యకు అనుగుణంగా భవనాలను నిర్మిస్తున్నారు. ఫ రూ.54 కోట్లతో భవన నిర్మాణం ఫ ముమ్మరంగా సాగుతున్న పనులు ఫ వచ్చే విద్యాసంవత్సరానికి అందుబాటులోకి.. ఫ ప్రస్తుతం సూర్యాపేటలో అద్దె భవనంలో కొనసాగుతున్న పాఠశాల

ఫఒట్టిపోయిన చెరువులు, కుంటలు సూర్యాపేట : భక్తుల విజ్ఞాలను తొలగించే విఘ్నేశ్వరుడి నిమజ్జనానికి నీటి కొరత ఏర్పడుతోంది. తొమ్మిది రోజుల పాటు భక్తిశ్రద్ధలతో పూజించిన బొజ్జ గణపయ్యను గంగమ్మ దరికి చేర్చేందుకు ఉత్సవ కమిటీలకు తిప్పలు తప్పడం లేదు. ఈ నెల 14న వినాయక విగ్రహాలను ప్రతిష్ఠించగా ఐదవ రోజు నుంచే నిమజ్జన కార్యక్రమాలు ప్రారంభమయ్యాయి. బుధవారం జిల్లా అంతటా నిమజ్జనం చేపట్టనున్నారు. సూర్యాపేట జిల్లాలో 3,150 విగ్రహాలను ఉత్సవ కమిటీలు నెలకొల్పాయి. సూర్యాపేట జిల్లా కేంద్రంలోనే 300 విగ్రహాల వరకు నెలకొల్పారు. దాంతో పాటు ఒక్కో గ్రామంలో 15 నుంచి 20 చొప్పున మండలానికి 200 వరకు విగ్రహాలు నెలకొల్పారు. వీటిని బుధవారం నిమజ్జనం చేయనున్నారు. సూర్యాపేట జిల్లా కేంద్రంలో సద్దలచెరువు వద్ద నిమజ్జనానికి ఇబ్బందులు లేకపోగా మిగతా చోట్ల నీటి సమస్య తీవ్రంగా ఉంది. ఎల్‌నినో కారణంగా వర్షాకాలం సీజన్లో తీవ్ర లోటు వర్షపాతం నమోదవగా గ్రామాల్లోని చెరువుల్లోకి నీరు చేరిన దాఖలాలు లేవు. ఇటీవల కురిసిన అడపాదడప వర్షాలకు కొన్ని ప్రాంతాలు కొద్ది మేర నీరు చేరినప్పటికీ పెద్ద విగ్రహాలు మునిగే పరిస్థితి లేదు. దాంతో స్థానికంగా నిమజ్జనం చేసే పరిస్థితి లేకుండా పోయింది. ఈ క్రమంలో ఉత్సవ కమిటీలు పెద్ద విగ్రహాలను దూర ప్రాంతాలకు తీసుకు వెళ్లక తప్పని పరిస్థితి నెలకొంది.

సూర్యాపేటటౌన్‌ : పోలీస్‌ సిబ్బంది సంక్షేమానికి పోలీస్‌ శాఖ ఎల్లప్పుడూ ప్రాధాన్యతనిస్తోందని ఎస్పీ నరసింహ అన్నారు. వర్షాకాలంలో విధులు నిర్వహించే పోలీస్‌ సిబ్బంది సౌకర్యం, సంక్షేమాన్ని దృష్టిలో ఉంచుకుని రాష్ట్ర పోలీస్‌ శాఖ నుంచి సూర్యాపేట జిల్లా పోలీస్‌ శాఖకు కేటాయించిన రెయిన్‌ కోట్స్‌ను ఎస్పీ సోమవారం జిల్లా కేంద్రంలోని తన కార్యాలయంలో అందజేసి మాట్లాడారు. పోలీసులు విధి నిర్వహణలో అంకితభావంతో పనిచేస్తూ ప్రజలకు అందుబాటులో ఉండాలని సూచించారు. ఈ కార్యక్రమంలో అదనపు ఎస్పీ రవీందర్‌రెడ్డి, రిజర్వ్‌ ఇన్‌స్పెక్టర్‌ ప్రవీణ్‌ కుమార్‌, పోలీస్‌ సంఘం అధ్యక్షుడు రమేష్‌, ఆర్గనైజింగ్‌ సెక్రటరీ కిరణ్‌, ఏఆర్‌ పోలీస్‌ సిబ్బంది పాల్గొన్నారు. బాధితులకు భరోసా కల్పించాలివివిధ సమస్యలపై ఫిర్యాదులందించే బాధితులకు పోలీసులు భరోసా కల్పించి వేగంగా వాటిని పరిష్కరించాలని ఎస్పీ నరసింహ అన్నారు. సూర్యాపేట జిల్లా పోలీస్‌ కార్యాలయంలో సోమవారం నిర్వహించిన పోలీస్‌ ప్రజావాణిలో జిల్లా నలుమూలల నుంచి వివిధ సమస్యలపై వచ్చిన ఫిర్యాదుదారుల నుంచి ఎస్పీ స్వయంగా వినుతులు స్వీకరించారు. ఈ సందర్భంగా వారి సమస్యలను అడిగి తెలుసుకున్నారు. అనంతరం ఎస్పీ మాట్లాడుతూ ప్రజలు అందించే ఫిర్యాదులపై పోలీసులు తక్షణమే స్పందించాలని ఆదేశించారు.

సాక్షి ప్రతినిధి, నల్లగొండ : వరంగల్‌–ఖమ్మం–నల్లగొండ గ్రాడ్యుయేట్‌ ఎమ్మెల్సీ స్థానం నుంచి ఎవరిని బరిలో ఉంటారన్నది త్వరలోనే తేలనుంది. మూడు ప్రధాన రాజకీయ పార్టీలు అభ్యర్థుల ఎంపికపై కసరత్తు చేస్తున్నాయి. బీఆర్‌ఎస్‌ పార్టీ.. పోటీలో నిలిపే అభ్యర్థి విషయంలో ఓ స్పష్టతకు రాగా, కాంగ్రెస్‌ పార్టీ ఇంకా సర్వేలు చేస్తోంది. భారతీయ జనతా పార్టీ అభ్యర్థి విషయంలో ఆలోచనలు చేస్తోంది. ఈ నెల 28వ తేదీన ఓటర్ల జాబితా ఖరారుకు నోటిఫికేషన్‌ వెలువడనున్న నేపథ్యంలో అభ్యర్థులను ప్రకటించేందుకు ప్రధాన పార్టీలు సిద్ధం అవుతున్నాయి. అధికార పార్టీలో ఆశావహులపై సర్వేఎమ్మెల్సీగా పోటీ చేసేందుకు ఆసక్తి చూపుతున్న వారు కాంగ్రెస్‌ పార్టీలో ఎక్కువ మంది ఉన్నారు. దీంతో ఆ పార్టీ ఆశావహుల పేర్లతో సర్వే చేస్తోంది. నల్లగొండ జిల్లా నుంచి గుత్తా అమిత్‌రెడ్డి, పున్నా కై లాష్‌ నేత, సూర్యాపేట జిల్లా నుంచి పటేల్‌ రమేష్‌రెడ్డి, రాంరెడ్డి సర్వోత్తమ్‌రెడ్డి, వరంగల్‌ జిల్లా నుంచి సింగారపు ఇందిర, దొమ్మాటి సాంబయ్య, ఖమ్మం జిల్లా నుంచి లోకేష్‌యాదవ్‌ పేర్లపై చేపట్టిన సర్వే పూర్తి కావచ్చింది. ఎమ్మెల్సీ ఓటర్ల జాబితా రూపకల్పనకు ఎన్నికల సంఘం నోటిఫికేషన్‌ను విడుదల చేయడానికి ముందే కాంగ్రెస్‌ అభ్యర్థిని ప్రకటించే అవకాశం ఉంది. అభ్యర్థిపై స్పష్టతతో బీఆర్‌ఎస్‌బీఆర్‌ఎస్‌ తరఫున పోటీలో ఉండబోయే అభ్యర్థి విషయలో ఆ పార్టీ ఇప్పటికే ఓ స్పష్టతకు వచ్చినట్లు తెలుస్తోంది. గతంలో పోటీ చేసి రెండో స్థానానికి పరిమితమైన రాకేష్‌రెడ్డినే బరిలో నిలిపే అవకాశం ఉంది. అందుకు అనుగుణంగా ఆయన ఇప్పటికే క్షేత్రస్థాయిలో పర్యటిస్తున్నారు. అయితే బీఆర్‌ఎస్‌ ఇంకా అధికారికంగా మాత్రం ప్రకటన చేయలేదు. అనధికారికంగా రాకేష్‌రెడ్డికి గ్రీన్‌సిగ్నల్‌ ఇచ్చినట్లు తెలిసింది. ఆలోచనలు చేస్తున్న బీజేపీపోటీలో నిలిపే అభ్యర్థి విషయంలో బీజేపీ ఇంకా ఆలోచనలు చేస్తోంది. బీజేపీ అభ్యర్థినికి ప్రకటించకపోగా, పార్టీ పరంగానే మెంబర్‌షిప్‌ డ్రైవ్‌ చేపట్టాలని భావిస్తున్నట్లు తెలిసింది. అయితే సీనియర్‌ నాయకులు గంగిడి మనోహర్‌రెడ్డి, కాసం వెంకటేశ్వర్లు పేర్లు బీజేపీ నుంచి ప్రముఖంగా వినిపిస్తున్నాయి. వరంగల్‌ నుంచి రాణి రుద్రమ కూడా పోటీకి ఉత్సాహం చూపుతున్నట్లు తెలిసింది. గతంలో ఎమ్మెల్సీ అభ్యర్థిగా వరంగల్‌ వారికే అవకాశం ఇచ్చిన నేపథ్యంలో ఈసారి నల్లగొండ వారికే అవకాశం ఇవ్వాలని కోరుతున్నట్లు తెలిసింది. వరంగల్‌–ఖమ్మం–నల్లగొండ గ్రాడ్యుయేట్‌ స్థానంలో కాంగ్రెస్‌ సర్వే బరిలో ఎవరిని నిలుపాలన్న దానిపై బీజేపీ సమాలోచన ఇప్పటికే ఓ అభిప్రాయానికి వచ్చిన బీఆర్‌ఎస్‌ ఓటర్ల జాబితా షెడ్యూల్‌ జారీతో పెరిగిన రాజకీయ వేడికాంగ్రెస్‌, బీజేపీలో బీసీ వాదన బీఆర్‌ఎస్‌ నుంచి ఓసీ అభ్యర్థిని పోటీలో నిలిపే అంశంపై స్పష్టత రాగా, కాంగ్రెస్‌, బీజేపీలో బీసీ అంశంపైనా చర్చ జరుగుతోంది. ఈ స్థానంలో ఏ సామాజికవర్గానికి చెందిన అభ్యర్థిని బరిలో నిలుపాలన్న విషయంలో చర్చ జరుగుతోంది. హైదరాబాద్‌–రంగారెడ్డి– మహబూబ్‌నగర్‌ స్థానంలో బీసీని పోటీలో నిలిపితే వరంగల్‌–ఖమ్మం–నల్లగొండ స్థానంలో ఓసీకి ఇవ్వాలని, ఇక్కడ బీసీకి ఇస్తే, అక్కడ ఓసీ అభ్యర్థిని బరిలో దింపాలని రెండు పార్టీలు ఆలోచన చేస్తున్నట్లు తెలిసింది.

భానుపురి(సూర్యాపేట) : ప్రజావాణిలో అందిన అర్జీలను వేగంగా పరిష్కరించాలని కలెక్టర్‌ తేజస్‌ నంద్‌లాల్‌ పవార్‌ అధికారులను ఆదేశించారు. సోమవారం సూర్యాపేట కలెక్టరేట్‌లో నిర్వహించిన ప్రజావాణిలో ప్రజల నుంచి అర్జీలు స్వీకరించారు. అనంతరం జిల్లా అధికారులతో నిర్వహించిన సమీక్షా సమావేశంలో ఆయన మాట్లాడారు. జిల్లా, మండల స్థాయి ప్రజావాణి దరఖాస్తులను తప్పనిసరిగా ఆన్‌లైన్‌ పోర్టల్‌లో నమోదు చేయాలని స్పష్టం చేశారు. ప్రజావాణిలో మొత్తం 98 దరఖాస్తులు వచ్చినట్లు తెలిపారు. అనంతరం కోదాడ జాబ్‌ మేళా విజయంతానికి కృషిచేసిన అధికారులను అభినందించారు. ఈ కార్యక్రమంలో అదనపు కలెక్టర్‌ బి.హరిసింగ్‌, డీఆర్‌ఓ ప్రేమ్‌రాజ్‌, జిల్లా పరిషత్‌ సీఈఓ శిరీష, డీఆర్‌డీఓ సన్యాసయ్య, డీఎంహెచ్‌ఓ వెంకటరమణ, డీఏఓ శ్రీధర్‌రెడ్డి, డీఎస్‌ఓ మోహన్‌బాబు, డీడబ్ల్యూఓ నరసింహారావు, కమిషనర్‌ హనుమంత్‌రెడ్డి, పాల్గొన్నారు. సేవా పురస్కారాలకు దరఖాస్తుల ఆహ్వానంఅక్టోబర్‌ 1న వయో వృద్ధుల దినోత్సవాన్ని పురస్కరించుకుని వృద్ధుల సాధికారతకు సేవలందిస్తున్న వ్యక్తులు, సంస్థలకు పురస్కారాలు అందించేందుకు దరఖాస్తులను ఆహ్వానిస్తున్నట్లు కలెక్టర్‌ తెలిపారు. సోమవారం కలెక్టరేట్‌లో సంబంధిత పోస్టర్‌ను అధికారులతో కలిసి ఆవిష్కరించి మాట్లాడారు. www.wdsc.telangana.gov.in వెబ్‌ సైట్‌ సందర్శించి సెప్టెంబర్‌ 25 సాయంత్రం 5గంటల లోగా హార్ట్‌కాపీని సమర్పించాలని కోరారు. ఈ కార్యక్రమంలో వివిధ శాఖల అధికారులు పాల్గొన్నారు. కలెక్టర్‌ తేజస్‌ నంద్‌లాల్‌ పవార్‌

సూర్యాపేటటౌన్‌ : జిల్లా వ్యాప్తంగా బుధవారం నిర్వహించనున్న నిమజ్జన శోభాయాత్రకు పోలీస్‌ శాఖ భారీ భద్రతా ఏర్పాట్లు చేసింది. ఎలాంటి అవాంఛనీయ ఘటనలకు తావులేకుండా 1,200 మంది పోలీసులతో బందోబస్తు ఏర్పాటు చేశారు. జిల్లా పోలీస్‌ కార్యాలయంలోని కమాండ్‌ అండ్‌ కంట్రోల్‌ సెంటర్‌ నుంచి ప్రధాన మార్గాలు, నిమజ్జన ప్రాంతాలను సీసీ కెమెరాలతో నిరంతరం పర్యవేక్షించనున్నారు. 3,150 గణేష్‌ విగ్రహాలు జిల్లా వ్యాప్తంగా 3,150 గణేష్‌ విగ్రహాలను భక్తులు నెలకొల్పారు. ఉత్సవ కమిటీలు బుధవారం ఉదయమే నిమజ్జన శోభాయాత్రలను ప్రారంభించి వీలైనంత త్వరగా పూర్తిచేసుకోవాలని, బ్యాండ్‌, మేళం, సౌండ్‌ సిస్టమ్‌ అందుబాటులో లేవనే కారణంతో నిమజ్జనాలను వాయిదా వేయవద్దని పోలీసులు సూచిస్తున్నారు. నిమజ్జన శోభాయాత్రల్లో డీజేలకు అనుమతి లేదని జిల్లా పోలీస్‌ శాఖ స్పష్టం చేసింది. అధిక శబ్దాలతో ప్రజలకు ఇబ్బందులు కలగకుండా సంప్రదాయ సంగీతం, సాంస్కృతిక కార్యక్రమాలతో ఉత్సవాలను నిర్వహించుకోవాలని సూ చించారు. నిబంధనలు ఉల్లంఘించి డీజేలు వినియోగిస్తే చట్టపరమైన చర్యలు తీసుకుని వాటిని సీజ్‌ చేస్తామని పోలీసులు హెచ్చరిస్తున్నారు. ప్రమాదాల నివారణపై ప్రత్యేక నిఘా ఎత్తైన విగ్రహాలను తరలించే సమయంలో విద్యుత్‌ తీగల విషయంలో అప్రమత్తంగా ఉండేలా పోలీస్‌ శాఖ చర్యలు తీసుకుంటోంది. వాహనాలపై పిల్లలను ఎక్కించకుండా, మద్యం సేవించి వాహనాలు నడపకుండా ఇప్పటికే ఉత్సవ కమిటీలకు ఆదేశాలు జారీ చేసింది. డ్రంక్‌ అండ్‌ డ్రైవ్‌ తనిఖీలు చేపట్టి నిబంధనలు ఉల్లంఘించే వారిపై చర్యలు తీసుకోనున్నారు. టపాకాయలు కాల్చకుండా, ట్రాఫిక్‌కు అంతరాయం లేకుండా శోభాయాత్రను ఒకే వరుసలో నిర్వహించేలా ఏర్పాట్లు చేసింది. అత్యవసర సేవలకు 112 నంబర్‌ జిల్లాలో ఎక్కడైనా అత్యవసర పరిస్థితి తలెత్తితే 10 నిమిషాల్లో పోలీస్‌ సేవలు అందేలా పెట్రో కార్లు, బ్లూకోట్స్‌, హైవే పెట్రోలింగ్‌, బీట్‌ సిస్టమ్‌ను సిద్ధం చేశారు. అత్యవసర సమయంలో పోలీస్‌ సహాయం పొందేందుకు ప్రజలు 112 నంబర్‌కు ఫోన్‌ చేసి సంప్రదించాలి. నీటి వనరులు తక్కువగా ఉన్న నేపథ్యంలో చెరువులు, నదులు, కుంటలను కాలుష్యానికి గురిచేయకుండా జాగ్రత్తలు పాటించాలని పోలీస్‌ శాఖ సూచిస్తోంది. నిమజ్జన ప్రాంతాల్లో ప్రత్యేక ఏర్పాట్లు సూర్యాపేటలోని సద్దుల చెరువు, రత్నాపురం వద్ద మూసీ రివర్‌, కోదాడ పెద్ద చెరువు, మట్టపల్లి బ్రిడ్జి, పాలకవీడు మండలం మహంకాళిగూడెం వద్ద కృష్ణానది, నేరేడుచర్ల పరిధిలోని చిల్లేపల్లి మూసీ బ్రిడ్జి వద్ద ప్రత్యేక బందోబస్తు ఏర్పాటు చేశారు. పోలీస్‌ పికెట్లు, ఫ్లడ్‌లైట్లు, భారీ క్రేన్లు, గజ ఈతగాళ్లను అందుబాటులో ఉంచారు. గణేష్‌ నిమజ్జన ప్రాంతాల్లో క్రేన్లు, గజ ఈతగాళ్లు సిద్ధం 1,200 మంది పోలీసులతో భారీ బందోబస్తు సీసీ కెమెరాలతో పర్యవేక్షణ డీజేలకు అనుమతి లేదంటున్న పోలీస్‌ శాఖ

చివ్వెంల(సూర్యాపేట) : సూర్యాపేట జిల్లా పోర్టు పోలియో జడ్జిగా హైకోర్టు న్యాయమూర్తి జస్టిస్‌ ఇ.వి.వేణుగోపాల్‌ను నియమిస్తూ తెలంగాణ రాష్ట్ర హైకోర్టు సోమవారం ఉత్తర్వులు జారీచేసింది. ఇక్కడ పోర్టు ఫోలియో జడ్జిగా విధులు నిర్వహిస్తున్న జస్టిస్‌ టి.మాధవీదేవి కరీంనగర్‌ జిల్లాకు బదిలీపై వెళ్లారు. ఆమె స్థానంలో వేణుగోపాలను నియమించింది. ఇంగ్లిష్‌ టీచర్స్‌ అసోసియేషన్‌ జిల్లా కమిటీ ఎన్నికసూర్యాపేట : ఇంగ్లిష్‌ లాంగ్వేజ్‌ టీచర్స్‌ జిల్లా కౌన్సిల్‌ సమావేశాన్ని సోమవారం సూర్యాపేట పట్టణంలోని సిటీ హైస్కూల్‌లో నిర్వహించారు. ఈ సందర్భంగా జిల్లా నూతన కమిటీని ఏకగ్రీవంగా ఎన్నుకున్నారు. అధ్యక్షుడిగా బి.రామ్‌సుధీర్‌రెడ్డి, ప్రధాన కార్యదర్శిగా పబ్బతి వెంకటేశ్వర్లు, ఉపాధ్యక్షులుగా ఎస్‌కే. షైనాజ్‌, సీహెచ్‌.వెంకయ్య, కార్యదర్శులుగా కె.రామకృష్ణ, ఎస్‌కె.ఖాశీం, కేవీ.సత్యనారాయణ, జె.జాన్‌విల్సన్‌, జానకిరాములు, మధు, ట్రెజరర్‌గా ఎం.సైదులు, మీడియా ఇన్‌చార్జిగా వర్ధెల్లి కృష్ణ, రాష్ట్ర కౌన్సిలర్‌గా డి.రవికుమార్‌, టి.విజయ్‌ కుమార్‌ స్క్రీన్‌ బి.శ్రీనివాసచారి, గురు చరణ్‌, నాగరాజు ఎన్నికయ్యారు. బుల్లెట్‌ రైలు సాధనకు ఐక్యంగా ఉద్యమిద్దాంసూర్యాపేట : సూర్యాపేటకు బుల్లెట్‌ రైలు సాధనకు అఖిలపక్షాల ఆధ్వర్యంలో ఐక్యంగా ఉద్యమిద్దామని వస్త్ర వ్యాపారుల సంఘం జిల్లా అధ్యక్షుడు గండూరి శంకర్‌, కుమ్మరి సంఘం అధ్యక్షుడు సరిగంటి శ్రీనివాస్‌ పిలుపునిచ్చారు. పేటకు బుల్లెట్‌ రైలు సాధన లక్ష్యంగా రైతు బజార్‌ అంబేద్కర్‌ విగ్రహం వద్ద నిర్వహిస్తున్న రిలే నిరాహార దీక్షల 39వ రోజు కార్యక్రమంలో కుమ్మరి సంఘం నాయకులు కూర్చున్న సందర్భంగా వారు మాట్లాడారు. దీక్షలో సంఘం నాయకులు పాల్గొన్నారు. ఖమ్మంలో డిప్యుటేషన్‌ రద్దు, నల్లగొండకు కేటాయింపుఖమ్మం సహకారనగర్‌ : ఖమ్మం జిల్లా పౌరసరఫరాల శాఖలో డిప్యూటీ తహసీల్దార్‌గా విధులు నిర్వర్తిస్తున్న జె.నాగలక్ష్మి డిప్యుటేషన్‌ను రద్దుచేస్తూ ఉన్నతాధికారులు సోమవారం ఉత్తర్వులు జారీచేశారు. సూర్యాపేట జిల్లాలో డీటీగా జె.నాగలక్ష్మి పోస్టింగ్‌ ఉండగా, ఇకపై నల్లగొండ జిల్లా పౌర సరఫరాల అధికారి కార్యాలయానికి డిప్యుటేషన్‌ కేటాయించారు. ఈమేరకు ఆమెను ఖమ్మంలో వెంటనే రిలీవ్‌ చేయాలని ఉత్తర్వుల్లో పేర్కొన్నారు. శివయ్యకు పుష్పార్చనమేళ్లచెరువు : మండలకేంద్రంలోని శ్రీ ఇష్టకామేశ్వరీ సమేత శ్రీ స్వయంభు శంభులింగేశ్వర స్వామి దేవాయలంలో సోమవారం ప్రత్యేక పూజలు నిర్వహించారు. ఈ సందర్భంగా శివలింగాన్ని పుష్పాలతో ప్రత్యేకంగా అలంకరించి గణపతిపూజ, పుణ్యాహవచనం, మహాన్యాసపూర్వక ఏకాదశ రుద్రాభిషేకం, సహస్రనామార్చన, మహాలింగార్చన, పుష్పార్చన అనంతరం గోపూజ నిర్వహించారు. ఎడమకాల్వకు నీటి నిలిపివేతనాగార్జునసాగర్‌ : సాగర్‌ ఎడమకాల్వకు అధికారులు సోమవారం నీటిని నిలిపి వేశారు. వర్షాబావ పరిస్థితుల దృష్ట్యా ఆయకట్టు ప్రాంత రైతులు, ప్రజలు, ప్రజాప్రతినిధుల కోరిక మేరకు తాగునీటి అవసరాలకుగాను చెరువులు నింపుకునేందుకు ఆగస్టు 28 నుంచి ఈ నెల 21వ తేదీ వరకు నీటిని విడుదల చేశారు. గడిచిన 25 రోజుల్లో 13.6 టీఎంసీల నీటిని విడుదల చేసినట్లు ప్రాజెక్టు అధికారులు తెలిపారు.

హుజూర్‌నగర్‌ : హుజూర్‌నగర్‌, కోదాడ బస్‌స్టేషన్ల నిర్మాణ పనులు వేగవంతం చేయాలని మంత్రి ఉత్తమ్‌ కుమార్‌ రెడ్డి అధికారులను ఆదేశించారు. సోమవారం ఈ రెండు బస్‌స్టేషన్ల నిర్మాణ పనుల పురోగతిపై రాష్ట్ర సచివాలయంలో మంత్రి పొన్నం ప్రభాకర్‌తో కలిసి నిర్వహించిన ప్రత్యేక సమీక్షలో ఆయన మాట్లాడారు. కోదాడ ఆధునిక బస్‌స్టేషనన్‌ నిర్మాణానికి రూ.16.80 కోట్లు, హుజూర్‌నగర్‌ బస్‌స్టేషన్‌ పునరుద్ధరణకు రూ.3.50కోట్లతో కలిపి మొత్తం రూ 20.30 కోట్లు మంజూరయ్యాయన్నారు. బస్టాండ్ల నిర్మాణ పనులు నాణ్యతగా చేపట్టేలా పర్యవేక్షించాలని టీజీఎస్‌ ఆర్టీసీ అధికారులకు సూచించారు. ఈ సమీక్షలో కోదాడ ఎమ్మెల్యే పద్మావతిరెడ్డి, టీజీ ఎస్‌ ఆర్టీసీ ఎండీ నాగిరెడ్డి, ఈడీ రాజశేఖర్‌, సీఈ కవిత, పలువురు అధికారులు పాల్గొన్నారు. మంత్రి ఉత్తమ్‌కుమార్‌రెడ్డి ఆదేశం

కోదాడ రూరల్‌ : రాష్ట్రస్థాయి రైఫిల్‌ షూటింగ్‌ పోటీలకు కోదాడకు చెందిన ఆరుగురు విద్యార్థులు ఎంపికయ్యారు. కోదాడ పట్టణంలోని ఎస్‌ఆర్‌ఎం సంకల్ప పాఠశాలలో స్కూల్‌ గేమ్స్‌ ఫెడరేషన్‌ ఆధ్వర్యంలో ఆదివారం ఉమ్మడి నల్లగొండ జిల్లా స్థాయి రైఫిల్‌ షూటింగ్‌ పోటీలు నిర్వహించారు. ఈ పోటీల్లో పాల్గొన్న విద్యార్థులు అనస్‌ (మాంటిస్సోరి స్కూల్‌), రిశాన్‌ (ఎస్పీఆర్‌ గురుకుల్‌ స్కూల్‌), భానుప్రకాష్‌, కీర్తన్‌ (బాయ్స్‌ హైస్కూల్‌), ముఫాజ (ఎస్‌ఆర్‌ ప్రైమ్‌ స్కూల్‌), ఏకాంక్ష (ఏకశిల న్యూవిజన్‌ స్కూల్‌) అత్యుత్తమ ప్రతిభ కనబర్చి రాష్ట్రస్థాయి పోటీలకు ఎంపికయ్యారు. ఎంపికై న విద్యార్థులను ఎంఈఓ సలీం షరీఫ్‌ అభినందించారు. కార్యక్రమంలో ఎస్జీఎఫ్‌ జిల్లా కార్యదర్శి కిరణ్‌, కోచ్‌లు అంజి, సిద్ధిక్‌, ఖాజామియా పాల్గొన్నారు.