గురువారం శ్రీ 24 శ్రీ సెప్టెంబర్‌ శ్రీ 2026● నేటి రాత్రి నుంచి ప్రారంభం కానున్న నిమజ్జనోత్సవాలు ● ఏర్పాట్లను పర్యవేక్షిస్తున్న అధికారులు హవేళిఘణాపూర్‌(మెదక్‌): మెదక్‌ మండల పరిధిలోని కొంటూర్‌ చెరువు వద్ద నిమజ్జన ఏర్పాట్లు పూర్తయ్యాయి. మెదక్‌ పట్టణంలో ఏర్పాటు చేసిన వినాయకులను ఇప్పటికే కొన్ని బుధవారం నిమజ్జనానికి తరలించగా గురువారం రాత్రి నుంచి పెద్ద ఎత్తున కోంటూర్‌ చెరువుకు తరలివెళ్లనున్నాయి. అందుకవసరమైన క్రేన్లు, ప్రమాదాలు జరుగకుండా గజ ఈతగాళ్లను ఏర్పాటు చేశారు. కోంటూర్‌ చెరువు వద్దకు తరలివెళ్లే రోడ్డును చదును చేశారు. మెదక్‌ రూరల్‌ సీఐ కృష్ణమూర్తి ఆధ్వర్యంలో పోలీసు సిబ్బంది ట్రాఫిక్‌ ఇబ్బందులు లేకుండా అన్ని ఏర్పాట్లు చేశారు.

● తుది గడువు ఈ నెలాఖరు ● అక్టోబర్‌ నుంచి కఠినంగా అమలు మెదక్‌ కలెక్టరేట్‌: ఎల్‌పీజీ గ్యాస్‌ వినియోగదారులు ఈ నెలాఖరులోగా ఈకేవైసీ చేసుకోకపోతే వచ్చేనెల నుంచి సబ్సిడీ నిలిచిపోనుంది. ఇప్పటికే గత మూడు నెలలుగా అవకాశం ఇచ్చినప్పటికీ కొంతమంది లబ్ధిదారులు నిర్లక్ష్యం చేస్తూనే ఉన్నారు. దీన్ని దృష్టిలో పెట్టుకుని అక్టోబర్‌ నుంచి కఠినంగా ఈకేవైసీ అమలు చేసేందుకు అధికారులు ప్రణాళిక సిద్ధం చేశారు. అక్రమాలు అరికట్టేందుకు దేశవ్యాప్తంగా సబ్సీడీ గ్యాస్‌ సిలిండర్లు పక్కదారి పడుతున్నాయని గుర్తించిన కేంద్ర ప్రభుత్వం అక్రమాలను అరికట్టేందుకు కేంద్రం ఈకేవైసీని అమలు చేయాలని తీర్మానించింది. ఇందులోభాగంగా గత మూడు నెలలుగా లబ్ధిదారులకు సూచనలు చేస్తుండగా, కొంతమంది లబ్ధిదారుల్లో స్పందన కరువైంది. మరోవైపు రాష్ట్రంలో తెల్ల రేషన్‌కార్డు కలిగిన నిరుపేదలకు మహాలక్ష్మి పథకం రూ.500లకే గ్యాస్‌ సిలిండర్‌ ఇస్తామని ఎన్నికల హామీలో భాగంగా కాంగ్రెస్‌ ప్రభుత్వం ప్రకటించింది. అలాగే కేంద్ర ప్రభుత్వం సైతం ఉజ్వల పథకం కింద గ్యాస్‌ కనెక్షన్‌ పొందిన లబ్ధిదారులకు సబ్సిడీ అందజేస్తుంది. ఇందుకోసం ఆన్‌లైన్‌లో తమ పూర్తి వివరాలు అందజేయాలని కొన్ని నెలలుగా ప్రభుత్వాలు ప్రకటనలు చేస్తూనే ఉన్నాయి. కొంతమంది సరిచేసుకోగా ఇంకా కొంతమంది మిగిలిపోయినట్లు సమాచారం. వారికోసం ఈకేవైసీ చేసుకునేందుకు ఈనెలాఖరు తుది అవకాశం కల్పించారు. 3,84,373 కనెక్షన్లు జిల్లాలో మొత్తం 3,84,373 గ్యాస్‌ కనెక్షన్లున్నాయి. అందులో 52,047 ఉజ్వల వినియోగదారులు ఉండగా 16 ఏజెన్సీల ద్వారా గ్యాస్‌ సిలిండర్లను లబ్ధిదారులకు సరఫరా చేస్తున్నారు. లబ్ధిదారులంతా ఈ నెలాఖరులోగా ఈకేవైసీ చేసుకోవాలి లేదంటే సబ్సిడీ ఆగిపోనుంది. ఏజెన్సీలు ప్రోత్సహించాలిగ్యాస్‌ వినియోగదారులు ఈ కేవైసీ చేసుకునేలా ఏజెన్సీలు ప్రోత్సహించాలి. లబ్ధిదారులకు సమాచారం అందజేసి వెంటనే అప్‌డేట్‌ చేసుకునేలా చర్యలు చేపట్టాలి. వినియోగదారులు ఈకేవైసీ సేవల సహాయం కోసం టోల్‌ఫ్రీ నంబర్‌ 1800 2333 55ను సంప్రదించాలన్నారు. – నిత్యానంద్‌, జిల్లా సివిల్‌ సప్లయ్‌ అధికారి

మనలోని అజ్ఞానపు చీకట్లను పారద్రోలి జ్ఞానవెలుగులు ప్రసాదించేవాడు గురువు. తల్లిదండ్రుల తర్వాత కాళ్లుమొక్కేది గురువుకే. గురువంటే అంత పవిత్రమైన వృత్తి. విద్యార్థి తప్పు చేస్తే గురువు సరిదిద్దుతాడు. కానీ, అదే గురువు విద్యార్థుల పట్ల తప్పు చేస్తే సరిదాద్దాల్సిందెవరు? తులసివనంలో గంజాయి మొక్కలా ఇప్పుడు ఆ వృత్తికే కొంతమంది తమ చేష్ఠల ద్వారా మచ్చ తెస్తున్నారు. జిల్లాలోని డిగ్రీ కళాశాలలో ఇటీవల జరిగిన కొన్ని సంఘటనలే ఇందుకు నిదర్శనం. – మెదక్‌జోన్‌ స్వయంప్రతిపత్తి పొంది మెదక్‌ డిగ్రీ కళాశాలకు ఈ ఏడాది అటాన్‌మస్‌(స్వయం ప్రతిపత్తి)కి ఎంపికవటంతో ఇందులో చదువుకున్న పూర్వవిద్యార్థులు, ఉన్నతాధికారులు, విద్యావేత్తలు ఎంతో సంతోషించారు. దీన్నివల్ల కళాశాల సిబ్బందికి సొంతంగా నిర్ణయాలు తీసుకునే హక్కుకలిగింది. విద్యార్థులకు సంబంధించిన ఫీజులు, పరీక్షలు నిర్వహించటం, మెమోలలో ఏదైనా తప్పులు దొర్లినా ఇక్కడే సరిచేసుకునే వీలు ఉంటుంది. ఏదైనా సమస్య వస్తే గతంలో ఓయూకు వెళ్లి రోజుల తరబడి తిరగాల్సిన పరిస్థితి నుంచి స్వయం నిర్ణయం తీసుకునే వీలు కలిగింది. దీంతో దాతల సహకారం, సీఎస్‌ఆర్‌ నిధులతో కాలేజీలో కంప్యూటర్ల ఏర్పాటు, ఫ్యాన్లు, మహిళా టాయిలెట్స్‌ తదితర అభివృద్ధితో ముందుకెళ్తుంటే కొందరు లెక్చరర్లతో కాలేజీకే చెడ్డపేరు వచ్చే పరిస్థితి నెలకొంది. అలాంటి వారిపై తక్షణమే చర్యలు తీసుకుని భావితరం భవిష్యత్తుకు భరోసాను ఇవ్వాలని విద్యార్థి సంఘాలు, స్థానికులు, విద్యార్థుల తల్లిదండ్రులు కోరుతున్నారు.కమిషనర్‌కు పలుమార్లు ఫిర్యాదు! కొంతకాలంగా డిగ్రీ కళాశాలలో కొందరు అధ్యాపకులు సృష్టిస్తున్న వ్యవహారాన్ని ఎప్పటికప్పుడు ఉన్నతాధికారులు కమిషనర్‌కు ఫిర్యాదులు చేసినా చర్యలు తీసుకోలేదనే వాదనలు వినిపిస్తున్నాయి. మూడు రోజుల క్రితం ఇద్దరు లెక్చరర్లు విద్యార్థులతో తప్పుగా ప్రవర్తించిన విషయంపై కళాశాల బృందంతో కూడిన విచారణ కమిటీ ఇచ్చిన నివేదికను కూడా కమిషనరేట్‌కు పంపినట్లు తెలిసింది. మరి ఈసారైనా తప్పుగా ప్రవర్తిస్తున్న అధ్యాపకులపై క్రమశిక్షణ చర్యలు తీసుకుంటారో..? లేక ఎప్పటిలాగే వదిలేస్తారో వేచి చూడాల్సిందే.జిల్లా కేంద్రంలో 1981లో ప్రభుత్వ డిగ్రీకళాశాలను ఏర్పాటు చేసినప్పటి నుంచి ఇప్పటివరకు ఈ కళాశాలపై చిన్న మచ్చలేకుండా సాగింది. ప్రస్తుతం 12 గ్రూప్‌లు, 14 డిపార్ట్‌మెంట్లతోపాటు 1,888 మంది పేద విద్యార్థులు చదువుకుంటున్నారు. కొన్ని నెలలుగా కొందరు అధ్యాపకులే అక్రమాలకు పాల్పడుతూ కళాశాల పరువును బజారుకీడ్చేశారు.

● ఫార్మర్‌ రిజిస్ట్రీ ప్రక్రియలు పూర్తి చేయాలి ● డీఆర్‌ఓ అంబదాస్‌ రాజేశ్వర్‌ మెదక్‌ కలెక్టరేట్‌: జిల్లాలో వరిధాన్యం కొనుగోలుకు చర్యలు చేపట్టాలని డీఆర్‌ఓ అంబదాస్‌ రాజేశ్వర్‌ అధికారులను ఆదేశించారు. వ్యవసాయ శాఖ కార్యదర్శి సురేంద్ర మోహన్‌ రాష్ట్రంలోని అన్ని జిల్లాల అదనపు కలెక్టర్లు, అధికారులతో బుధవారం హైదరాబాద్‌ నుంచి వీడియో కాన్ఫరెన్స్‌ నిర్వహించారు. ఈ సందర్భంగా వరి ధాన్యం కొనుగోలు ఏర్పాట్లు, డిజిటల్‌ క్రాప్‌ సర్వే, ఫార్మర్‌ రిజిస్ట్రీ ప్రక్రియలపై వీడియో కాన్ఫరెన్స్‌ ద్వారా చర్చించారు. మెదక్‌ సమీకృత కలెక్టరేట్‌ నుంచి డీఆర్‌ఓ అంబదాస్‌ రాజేశ్వర్‌, జిల్లా వ్యవసాయ శాఖ అధికారి దేవ్‌ కుమార్‌, సివిల్‌ సప్లయ్‌ అధికారి నిత్యానంద్‌ పాల్గొన్నారు. కాన్ఫరెన్స్‌ అనంతరం అధికారులతో డీఆర్‌ఓ అంబదాస్‌ రాజేశ్వర్‌ మాట్లాడారు. జిల్లాలో కొనసాగుతున్న ఫార్మర్‌ రిజిస్ట్రీ, డిజిటల్‌ క్రాప్‌ సర్వే ప్రక్రియ వివరాలను సమీక్షించారు. మిగిలిన రిజిస్ట్రీ, డిజిటల్‌ క్రాప్‌ సర్వేను వెంటనే పూర్తి చేయాలని తెలిపారు. ఈ వీసీలో డీఆర్డీఓ శ్రీనివాస్‌రావు, కో ఆపరేటివ్‌ శాఖ అధికారి పద్మ, ఇతర అధికారులు, సిబ్బంది పాల్గొన్నారు.

మెదక్‌జోన్‌: జిల్లా ఎస్పీ శ్రీనివాసరావు జన్మదిన వేడుకలను ఎస్పీ కార్యాలయంలో బుధవా రం అధికారులు, సిబ్బంది ఘనంగా నిర్వహించారు. ఈ సందర్భంగా పుష్పగుచ్ఛాలు అందజేసి జన్మదిన శుభాకాంక్షలు తెలిపారు. అధికారులు, సిబ్బంది సమక్షంలో ఎస్పీ కేక్‌ కట్‌ చేసి వేడుకల్లో పాల్గొన్నారు. అనంతరం పోలీసు అధికారులు ఎస్పీకి శుభాకాంక్షలు చెబుతూ తెలియజేస్తూ ఆయన ఆయురారో గ్యాలు, సుఖసంతోషాలతో నిండు నూరేళ్లు ఉండాలని ఆకాంక్షించారు. కార్యక్రమంలో పోలీసు అధికారులు, సిబ్బంది పాల్గొన్నారు. పర్యాటక దినోత్సవానికి ఏర్పాట్లు: అదనపు కలెక్టర్‌ మెదక్‌ కలెక్టరేట్‌: జిల్లాలో ఈనెల 27న నిర్వహించే పర్యాటక దినోత్సవానికి పర్యాటక ప్రాంతాల్లో పారిశుద్ధ్య పనులు చేపట్టాలని అదనపు కలెక్టర్‌ నగేశ్‌ సంబంధిత అధికారులకు సూచించారు. అదనపు కలెక్టర్‌ తన ఛాంబర్‌లో పర్యాటక దినోత్సవ ఏర్పాట్లపై బుధవారం ఆయా శాఖల అధికారులతో సమావేశం నిర్వహించారు. ఈ సందర్భంగా ఆయన మాట్లాడుతూ...జిల్లాలోని చారిత్రక, ఆధ్యాత్మిక, ప్రకృతి పర్యాటక ప్రాంతాలను పరిశుభ్రంగా, పచ్చదనంతో, ఆహ్లాదకరమైన వాతావరణంలో ఉంచేందుకు ప్రత్యేక చర్యలు చేపట్టాలన్నారు. మెదక్‌ జిల్లాకు గొప్ప చారిత్రక, సాంస్కృతిక, ఆధ్యాత్మిక, ప్రకృతి సంపద ఉందని తెలిపారు. జిల్లాలోని పర్యాటక ప్రాంతాలకు వివిధ ప్రాంతాల నుంచి సందర్శకులు వస్తుంటారని పేర్కొన్నారు. జిల్లాలోని మెదక్‌ ఖిల్లా, చర్చి, ఏడుపాయల వనదుర్గాభవాని ఆలయం, పోచారం వన్యప్రాణి అభయారణ్యం, నర్సాపూర్‌ అర్బన్‌ ఫారెస్ట్‌, చారిత్రక కోటలు, చెరువులు, జలపాతాలు, దేవాలయాలు తదితర పర్యాటక ప్రదేశాల్లో ఏర్పాట్లు పూర్తి చేయాలన్నారు. సమావేశంలో డీపీఆర్‌ఓ రామచంద్రరాజు, మున్సిపల్‌ కమిషనర్‌ నవీన్‌, ఈడీయం సందీప్‌, మహేందర్‌, ఆర్‌ ఐ లక్ష్మణ్‌ తదితరులు పాల్గొన్నారు.పీఎం ఆవాస్‌ యోజన ఇళ్లకే ఇందిరమ్మ పేరుబీజేపీ జిల్లా అధ్యక్షుడు మల్లేశంగౌడ్‌ మెదక్‌జోన్‌: పీఎం ఆవాస్‌ యోజన పథకం కింద పేదప్రజలకు కేంద్ర ప్రభుత్వం ఇళ్లు మంజూరు చేస్తే రాష్ట్ర ప్రభుత్వం ఇందిరమ్మ ఇళ్లుగా పేరు మార్చిందని బీజేపీ జిల్లా అధ్యక్షుడు మల్లేశంగౌడ్‌ పేర్కొన్నారు. బీజేపీ కార్యాలయంలో బుధవారం ఏర్పాటు చేసిన విలేకరుల సమావేశంలో ఆయన మాట్లాడుతూ...కేంద్ర ప్రభుత్వ పథకాలకు కాంగ్రెస్‌ ప్రభుత్వం పేర్లు మార్చి వారి ఖాతాలో వేసుకునే ప్రయత్నం చేస్తోందన్నారు. అందులోభాగంగానే పీఎం ఆవాస్‌ యోజనకింద కేంద్రం నిధులిస్తే పేరు మార్చి వారి కార్యకర్తలకే ఇళ్లు ఇస్తున్నారని మండిపడ్డారు. ఇప్పటివరకు పీఎం ఆవాస్‌ యోజన పథకం కింద 2 లక్షల ఇళ్లను మంజూరు చేసినట్లు తెలిపారు. అంతకుముందు సేవా సంకల్ప్‌ అభియాన్‌లో భాగంగా 25 ఏళ్ల మోదీ పాలన గురించి పుస్తకాన్ని విడుదల చేశారు. కార్యక్రమంలో నేతలు ఈర్ల రంజిత్‌రెడ్డి, నాగరాజు, నల్లాల విజయ్‌ తదితరులు ఉన్నారు. గజ్వేల్‌: అరుణోదయ విమలక్క 50ఏళ్ల పాటల ప్రస్థానాన్ని పురస్కరించుకొని ఈనెల 26నుంచి 28వరకు హైదరాబాద్‌లో నిర్వహించనున్న ‘ప్రజా కళా జాతర’ కార్యక్రమాన్ని జయప్రదం చేయాలని ఉపాధ్యాయ, ప్రజా సంఘాల నాయకులు రాంచంద్రం, సత్యనారాయణ, రాజులు,ఏ. మల్లికార్జున్‌, కృష్ణ, సత్తయ్య, ఎల్లయ్య, చిన్ని క్రిష్ణ, నర్సింహ కోరారు. బుధవారం గజ్వేల్‌లో ఈ కార్యక్రమానికి సంబంధించిన కరపత్రాలను ఆవిష్కరించారు. ఈ సందర్భంగా వారు మాట్లాడుతూ 52ఏళ్ల అరుణోదయ సాంస్కృతిక సమాఖ్యలో విమలక్క ప్రస్థానం గొప్పదని గుర్తు చేశారు. ఈ సందర్భంగా నిర్వహించనున్న ‘ప్రజాకళా జాతర’లో ఈనెల 26నుంచి 28వరకు 50పాటలు, 50 ప్రదర్శనలు ఉంటాయన్నారు.

హుస్నాబాద్‌: విద్యార్థులకు ఏ సమస్య ఉన్నా చెప్పే హక్కు ఉందని, నేను మీకు గార్డియన్‌గా ఉండి పరిష్కరిస్తానని మంత్రి పొన్నం ప్రభాకర్‌ అన్నారు. బుధవారం హుస్నాబాద్‌ ఇంజనీరింగ్‌ కళాశాలను మంత్రి ఆకస్మిక తనిఖీ చేశారు. విద్యార్ధులతో ముఖాముఖి మాట్లాడి సమస్యలు తెలుసుకున్నారు. బాలుర హాస్టల్‌లో బాత్రూమ్స్‌, బస్సు రవాణా, లైబ్రరీ సమస్యలను పరిష్కరిస్తామని హామీ ఇచ్చారు. ఈ సందర్భంగా మంత్రి మాట్లాడుతూ హాస్టల్‌లో విద్యార్థులకు నాణ్యమైన, పరిశుభ్రమైన ఆహారం అందించాలన్నారు. విద్యార్థులతో కలిసి కమిటీ ఏర్పాటు చేసి భోజనం, వసతులపై వారి అభిప్రాయాలు తీసుకోవాలని ఆదేశించారు. విద్యతో పాటు క్రీడలు, సాంస్కృతిక కార్యక్రమాలు, వివిధ రకాల పోటీలు, ఇతర సహపాఠ్య కార్యక్రమాలు నిర్వహించాలన్నారు. విద్యార్థులు గంజాయి, డ్రగ్స్‌ వంటి దురలవాట్లకు దూరంగా ఉండాలన్నారు. కళాశాలలో ప్రతిభ కనబరిచే టాపర్లకు ల్యాప్‌టాప్‌లు అందిస్తామన్నారు. క్యాంపస్‌ సెలెక్షన్‌, ప్లేస్‌మెంట్స్‌ తీసుకువచ్చేందుకు చర్యలు చేపడతామన్నారు. ఉస్మానియా, కాకతీయ విశ్వవిద్యాలయాలకు చెందిన రిటైర్డ్‌ ప్రొఫెసర్లతో మోటివేషన్‌ క్లాస్‌లు నిర్వహించేలా చర్యలు తీసుకుంటామన్నారు. కార్యక్రమంలో శాతవాహన యూనివర్సిటీ వైస్‌ చాన్సలర్‌ ఉమేశ్‌ కుమార్‌, రిజిస్ట్రార్‌ సతీష్‌, ప్రిన్సిపాల్‌ తిరుపతి రెడ్డి, మాజీ గ్రంథాలయ సంస్థ చైర్మన్‌ కేడం లింగమూర్తి, అధ్యాపకులు ఉన్నారు. టాపర్లకు ల్యాప్‌టాప్‌లు అందిస్తా మంత్రి పొన్నం ప్రభాకర్‌ ఇంజనీరింగ్‌ కళాశాల విద్యార్థులతో ముఖాముఖి

రామాయంపేట మండలం కోమటిపల్లి, నార్సింగి మండలం వల్లూరు జంక్షన్ల వద్ద తరచూ రోడ్డు ప్రమాదాలు చోటు చేసుకుంటుండటంతో ఏడాది కాలంలో కనీసం ఆరుగురు మృతి చెందారు. రామాయంపేటకు సంబంధించి మోడల్‌ స్కూలు, కస్తూర్బా పాఠశాలలు కోమటిపల్లి జంక్షన్‌ సమీపంలో ఉండటంతో ప్రతి రోజూ కనీసం మూడు వందల మంది విద్యార్థులు ప్రమాదకర పరిస్థితుల్లో స్కూళ్లకు వెళ్తున్నారు. ఇక్కడ ప్రమాదం జరిగే ఆస్కారం ఉండటంతో విద్యార్థుల తల్లిదండ్రులు ఆందోళన వ్యక్తం చేస్తున్నారు. ఈ మేరకు కోమటిపల్లి, వల్లూరు వద్ద ఆర్‌ఓబీలు మంజూరు చేయించాలని ఈ ప్రాంత ప్రజల విజ్ఞప్తి మేరకు మెదక్‌ ఎంపీ రఘునందన్‌రావు సర్వీస్‌ రోడ్ల నిర్మాణానికి నిధులు మంజూరు చేయించారు. ప్రస్తుతం వల్లూరువద్ద సర్వీస్‌ రోడ్డు నిర్మాణం పనులు కొనసాగుతుండగా...కోమటిపల్లి జంక్షన్‌ వద్ద వారం క్రితమే పనులు ప్రారంభమయ్యాయి.

● కొనసాగుతున్న సర్వీస్‌ రోడ్ల నిర్మాణం పనులు ● ఆర్‌ఓబీ నిర్మాణానికి రూ.40 కోట్లు మంజూరు రామాయంపేట(మెదక్‌): జాతీయ రహదారిపై రోడ్డు ప్రమాదాల నివారణకు కేంద్రం చర్యలకు ఉపక్రమించింది. ఇందులోభాగంగా బ్లాక్‌ స్పాట్లుగా గుర్తించిన ప్రదేశాల్లో ఆర్‌ఓబీలతోపాటు సర్వీస్‌ రోడ్లు నిర్మిస్తున్నారు. జాతీయ రహదారిపై స్థానిక అడిగాస్‌ చౌరాస్తా వద్ద ఆర్‌ఓబీ నిర్మాణానికి ఇటీవల రూ.40 కోట్లు మంజూరు చేసింది. స్థానిక కోమటిపల్లి, వల్లూరు జంక్షన్ల వద్ద సర్వీస్‌ రోడ్ల నిర్మాణానికిగాను రూ.నాలుగున్నర కోట్లు నిధులిచ్చింది. ఈ పనులు పూర్తయితే ఆయా జంక్షన్లవద్ద రోడ్డు ప్రమాదాలు తగ్గుతాయి. జిల్లా పరిధిలో కాళ్లకల్‌ నుంచి రామాయంపేట మండలం దామరచెరువు వరకు 55 కిలోమీటర్ల మేర 44వ నంబర్‌ జాతీయ రహదారి విస్తరించి ఉంది. ఈ రహదారిపై గుర్తించిన 14 బ్లాక్‌స్పాట్ల వద్ద ప్రతి రోజూ ప్రమాదాలు చోటు చేసుకుంటున్నాయి. అతివేగం, అజాగ్రత్త కారణంగా రోజు రోజుకు ప్రమాదాల సంఖ్య పెరుగుతుంది. నెలలో కనీసం 20కి పైగా రోడ్డు ప్రమాదాలు జరుగుతుండగా ప్రయాణికులు మృత్యువాత పడుతున్నారు. ఈ మేరకు జాతీయ రహదారులశాఖ అధికారులు గుర్తించిన బ్లాక్‌స్పాట్ల వద్ద ప్రమాదాల నివారణకు చర్యలు తీసుకుంటున్నారు.

ఎస్పీ శ్రీనివాసరావు హవేళిఘణాపూర్‌(మెదక్‌): ప్రాణానికి ముప్పు కలిగించే డీజేలను వాడకుండా గణేశ్‌ నిమజ్జనోత్సవాలను ఘనంగా నిర్వహించుకోవాలని జిల్లా ఎస్పీ శ్రీనివాసరావు అన్నారు. మంగళవారం హవేళిఘణాపూర్‌ పోలీస్‌స్టేషన్‌ను తనిఖీ చేసి, పెండింగ్‌ కేసులు, రికార్డులను పరిశీలించారు. అనంతరం ఆయన మాట్లాడుతూ.. కేసుల దర్యాప్తులో వేగం పెంచి, అవసరమైన సాక్ష్యాధారాలను సేకరించి సకాలంలో పూర్తి చేసేలా చూడాలన్నారు. గణేష్‌ నిమజ్జనానికి ముందు నిర్వాహకులు ప్రశాంత వాతావరణంలో వేడుకలు జరుపుకోవాలన్నారు. కొందరు డీజేలు వాడి ప్రాణాల మీదకు తెచ్చుకుంటున్న ఘటనల నేపథ్యంలో అప్రమత్తంగా ఉండాలన్నారు. పండుగ వాతావరణాన్ని ఉత్సాహంగా జరుపుకోవాలని సూచించారు. కార్యక్రమంలో ఆయన వెంట డీఎస్పీ ప్రసన్నకుమార్‌, సీఐలు సందీప్‌, కృష్ణమూర్తి, ఎస్‌ఐ సత్యనారాయణ ఉన్నారు.

మెదక్‌ కలెక్టరేట్‌: కొత్త కొత్త స్కీంలు తెచ్చి మా భవిష్యత్‌తో ఆటలాడొద్దని, ప్రభుత్వం తీసుకొచ్చిన జీఓ 97ను వెంటనే రద్దు చేయాలని పాలిటెక్నిక్‌ విద్యార్థులు ప్రభుత్వంపై మండిపడ్డారు. మంగళవారం మెదక్‌ ప్రభుత్వ మహిళా పాలిటెక్నిక్‌ విద్యార్థినులు స్థానిక రాందాస్‌ చౌరస్తాలో ఒకరోజు నిరాహార దీక్ష చేపట్టారు. అంతకుముందు బతుకమ్మ ఆడి ప్రభుత్వ వైఖరిపై నిరసన తెలిపారు. మా భవిష్యత్‌ను అంధకారంలోకి నెట్టేలా ప్రభుత్వం తీసుకొచ్చిన జీఓ ఉందని వెంటనే రద్దు చేయాలని డిమాండ్‌ చేశారు. ప్రభుత్వం స్పందించే వరకు తమ పోరాటం కొనసాగిస్తామని స్పష్టం చేశారు. ఈ ఆందోళనకు బీజేపీ, ఏబీవీపీ నాయకులు సంఘీభావం తెలిపి ధర్నాలో పాల్గొన్నారు.

మెదక్‌ కలెక్టరేట్‌: ప్రభుత్వ పాఠశాలల్లో చదివే పేద విద్యార్థులకు ఇప్పటికే మధ్యాహ్న భోజనం అందిస్తున్న ప్రభుత్వం ఉదయం బ్రేక్‌పాస్ట్‌ను కూడా అందించనుంది. మెదక్‌ జిల్లా కేంద్రంలోని వ్యవసాయ మార్కెట్‌ యార్డు ప్రాంగణంలో రూ.5కోట్ల వ్యయంతో చేపట్టిన సెంట్రలైజ్డ్‌ కిచెన్‌ నిర్మాణం పూర్తి చేసుకుని తుది మెరుగులు దిద్దుకుంటోంది. సీఎం బ్రేక్‌ఫాస్ట్‌ స్కీమ్‌ కింద మెదక్‌, సిద్దిపేట, కామారెడ్డి జిల్లాలకు బ్రేక్‌ఫాస్ట్‌ అందించే సెంట్రలైజ్డ్‌ కిచెన్‌ త్వరలోనే ప్రారంభం కానుంది. రాష్ట్ర ప్రభుత్వం,హెచ్‌కేఎం ఆధ్వర్యంలో... ఈ సెంట్రలైజ్డ్‌ కిచెన్‌ను ప్రభుత్వం హరే కృష్ణ మూమెంట్‌ సంయుక్తంగా నిర్వహించనున్నాయి. ఇందులో రాష్ట్రప్రభుత్వం 60% నిధులిస్తుండగా హరే కృష్ణ మూవ్‌మెంట్‌ ఆధ్వర్యంలో నిర్వహణ జరుగుతుంది. మెదక్‌ జిల్లావ్యాప్తంగా 395 పాఠశాలల్లోని 30 వేల మంది విద్యార్థులకు బ్రేక్‌ఫాస్ట్‌ (ఇడ్లీ, వడ, పూరీ, దోశ, ఉప్మా, మిల్లెట్‌ ఇడ్లీ) అందించనున్నారు. ఇప్పటికే రాష్ట్రవ్యాప్తంగా 9 జిల్లాల్లో ఈ పథకం అమలవుతోంది. ప్రస్తుతం జిల్లాలో గత రెండు రోజుల నుంచి ట్రయల్‌రన్‌ కొనసాగుతోంది. త్వరలోనే జిల్లాలో అమలయ్యేలా అధికారులు చర్యలు తీసుకోనున్నారు. నాణ్యమైన పౌష్టికాహారం: ప్రభుత్వ పాఠశాలల్లోని విద్యార్థులకు పోషకాలతో కూడిన రోజుకో తీరు బ్రేక్‌ఫాస్ట్‌ అందించేందుకు విద్యాశాఖ సన్నద్ధమవుతోంది. ఈ పథకం వల్ల ప్రభుత్వ పాఠశాలలు మరింత బలోపేతం అవుతాయని, తద్వారా విద్యార్థుల సంఖ్య పెరుగుతుందని అధికారులు పేర్కొంటున్నారు. మరోవైపు ప్రభుత్వ పాఠశాలలో నాణ్యమైన విద్యతోపాటు పౌష్టికమైన అల్పాహారం కూడా అందుబాటులోకి వస్తుంది. అలాగే త్వరలోనే ప్రభుత్వ జూనియర్‌ కళాశాలల్లోని విద్యార్థులకు బ్రేక్‌ఫాస్ట్‌ అందించనున్నారు. ప్రస్తుతం జిల్లాలో ప్రాథమిక పాఠశాలలు–603, ప్రాథమికోన్నత పాఠశాలలు–128, ఉన్నత పాఠశాలలు–155, అర్బన్‌ రెసిడెన్సియల్‌ పాఠశాలలు–1, ప్రభుత్వ జూనియర్‌ కళాశాలు 16 ఉన్నాయి. అయితే ప్రభుత్వం జిల్లాలో ప్రత్యేకంగా గుర్తించిన 395 పాఠశాలల్లో సీఎం బ్రేక్‌ఫాస్ట్‌ అందించేందుకు సన్నద్ధమవుతోంది. వేగంగా సాగుతున్న సెంట్రలైజ్డ్‌ కిచెన్‌ పనులు జిల్లాలో 395 ప్రభుత్వ పాఠశాలల్లో.. 30వేల మంది విద్యార్థులకు బ్రేక్‌ ఫాస్ట్‌ పనులు పరిశీలించిన కలెక్టర్‌ పనులు పరిశీలించిన కలెక్టర్‌ మెదక్‌ జిల్లా కేంద్రంలో నిర్మిస్తున్న సెంట్రలైజ్డ్‌ కిచెన్‌ నిర్మాణ పనులను కలెక్టర్‌ ప్రతిమాసింగ్‌, డీఈఓ రాజు సందర్శించి నిర్మాణ పనులను పరిశీలించారు. త్వరలోనే జిల్లా ఇన్‌చార్జి మంత్రి గడ్డం వివేక్‌, ప్రజా ప్రతినిధులు చేతుల మీదుగా సెంట్రలైజ్డ్‌ కిచెన్‌ ప్రారంభోత్సవానికి ఏర్పాట్లు చేస్తున్నట్లు తెలిపారు.

నర్సాపూర్‌: దివ్యాంగుల బాలుర హాస్టలు భవన నిర్మాణం పనులు మధ్యలో నిలిచి దశాబ్దం దాటినా ఎవరూ పట్టించుకోనందున అసంపూర్తి భవనం అలంకారప్రాయంగా మారింది. ఉమ్మడి ఆంధ్రప్రదేశ్‌ ప్రభుత్వ హయాంలో 2012–13 సంవత్సరంలో మహిళా శిశు అభివృద్ధి శాఖ అధికారులు ఉమ్మడి మెదక్‌ జిల్లా స్థాయి దివ్యాంగుల బాలుర వసతి గృహాన్ని నర్సాపూర్‌లో ఏర్పాటు చేయాలని నిర్ణయించారు. అందుకుగాను రూ.కోటి మంజూరు చేసి నిర్మాణ పనులు ప్రారంభించారు. మంజూరైన రూ.కోటి నుంచి సుమారు రూ.86 లక్షలు వెచ్చించి భవనం మొదటి అంతస్తుకు స్లాబ్‌ పనులు పూర్తి చేశారు. కాగా 2014లో రాష్ట్రం విడిపోవడం, అటు తర్వాత రాష్ట్రంలో కొత్త ప్రభుత్వం ఏర్పడిన అనంతరం స్థానికంగా గెలిచిన ప్రజాప్రతినిధులు, కొత్త ప్రభుత్వంలోని అధికారులు అసంపూర్తి భవనాన్ని పూర్తి చేసే దిశగా ఎలాంటి చర్యలు తీసుకోలేదు. కొంత కాలానికి భవనం పూర్తి చేసేందుకు అదనంగా నిధులు కావాలని స్థానిక పంచాయితీరాజ్‌శాఖ అధికారులు సుమారు రూ.70లక్షల ప్రతిపాదనలతో ప్రభుత్వానికి పంపి ఏళ్లు గడుస్తున్నాయి. భవనానికి అదనంగా నిధులను ప్రభుత్వం మంజూరు చేయనందున భవనం అసంపూర్తిదశలోనే నిలిచింది. భవనం పూర్తి చేయాలి నర్సాపూర్‌లో తహసీల్దార్‌, ఎకై ్సజ్‌ శాఖలకు సొంత భవనాలు లేక ఐబీ అథితిగృహంలో ఆ రెండు కార్యాలయాలు ఏర్పాటు చేయగా వ్యవసాయ శాఖ ఆఫీసును శిథిలావస్థకు చేరిన భవనంలో కొనసాగిస్తుండగా పలు కార్యాలయాలకు సొంత భవనాలు లేక అద్దె భవనాల్లో నిర్వహిస్తున్నారు. కాగా అసంపూర్తిగా ఉన్న దివ్యాంగుల హాస్టలు భవనానికి అదనంగా నిధులు కేటాయించి నిర్మాణ పనులు పూర్తి చేసి ఆయా శాఖల కార్యాలయాలకు కేటాయిస్తే బాగుంటుందని ప్రజలు అభిప్రాయం వ్యక్తం చేస్తున్నారు. దశాబ్దం దాటినా మోక్షం లేని ఉమ్మడి జిల్లా దివ్యాంగుల హాస్టలు భవనం, రూ.86లక్షలు వ్యయం చేసినా నిరుపయోగమే

ఆర్డీఓ రమాదేవి హవేళిఘణాపూర్‌(మెదక్‌): భూభారతి రీ సర్వేను పారదర్శకంగా నిర్వహించాలని మెదక్‌ ఆర్డీఓ రమాదేవి అన్నారు. మంగళవారం మెదక్‌ మండలం కోంటూర్‌ గ్రామంలో కొనసాగుతున్న భూభారతి రీ సర్వేను ఆమె క్షేత్రస్థాయిలో పరిశీలించి వివరాలు అడిగి తెలుసుకున్నారు. సర్వేకు వెళ్లిన బృందం రైతులు, యజమానుల సమక్షంలోనే వివరాలను పరిశీలించి సమస్యలను పరిష్కరించేలా చూడాలన్నారు. ఎలాంటి జాప్యం లేకుండా సమన్వయంతో పని చేసి వేగవంతంగా పూర్తి చేయాలని సూచించారు. భూముల హద్దులు, రికార్డుల వివరాలు సక్రమంగా నమోదయ్యేలా అధికారులు ప్రత్యేక దృష్టి సారించాలని తెలిపారు. పెండింగ్‌లో ఉన్న పనులను త్వరితగతిన పూర్తి చేయాలని సంబంధిత అధికారులను ఆదేశించారు. కార్యక్రమంలో తహసీల్దార్‌ లక్ష్మణ్‌బాబు, సర్వే సిబ్బంది పాల్గొన్నారు. పాపన్నపేట(మెదక్‌): ఏడుపాయల హుండీ ఆదాయం రూ.49,26,228 వచ్చినట్లు ఆలయ ఈవో వీరేశం వెల్లడించారు. 80 రోజుల అనంతరం మంగళవారం స్థానిక గోకుల్‌షెడ్డులో శ్రీ వెంకట అన్నమాచార్య సేవా ట్రస్ట్‌ ఆధ్వర్యంలో హుండీ లెక్కించగా నగదుతోపాటు 0.080 గ్రాముల మిశ్రమ బంగారం, 0.768.గ్రాముల వెండి వచ్చినట్లు తెలిపారు. కార్యక్రమంలో ఇండియన్‌ బ్యాంకు సిబ్బందితోపాటు పోలీసులు ఆలయ సిబ్బంది ఉన్నారు. టీఎన్‌జీఓ మాజీ అధ్యక్షుడు శ్యాంరావు మెదక్‌జోన్‌: ఉద్యోగ, ఉపాధ్యాయుల సమస్యలను వెంటనే పరిష్కరించాలని టీఎన్‌జీఓ మాజీ అధ్యక్షుడు శ్యాంరావు డిమాండ్‌ చేశాడు. ఆయన మాట్లాడుతూ.. కాంగ్రెస్‌ ప్రభుత్వం ఎన్నికల సమయంలో ఇచ్చిన హామీలను పరిష్కరించాలని, అధికారంలోకి వచ్చి 3 ఏళ్లు కావస్తున్నా నేటికి తత్సారం చేయటం సరైంది కాదన్నారు. ఉద్యోగ జేఏసీ ఎన్నో పర్యాయాలు ప్రభుత్వం దృష్టికి తీసుకెళ్లినా సమస్యలను పరిష్కరించకపోవడం బాధాకరమన్నారు. చర్చలకు సమయం ఇచ్చి కుంటిసాకులతో కాలయాపన చేస్తుందని మండిపడ్డారు. ప్రభుత్వం ఇదే ధోరణి సాగిస్తే తగిన మూల్యం చెల్లించుకోవాల్సి వస్తోందని హెచ్చరించారు. హతమార్చిన సిబ్బంది రామాయంపేట(మెదక్‌): కాళ్లగడ్డ సమీపంలోని బాలికల గురుకుల కళాశాల హాస్టల్‌ ఆవరణలోకి సోమవారం రాత్రి వచ్చిన కొండచిలువను హాస్టల్‌ సిబ్బంది హతమార్చారు. పట్టణ శివారులో ఎత్తయిన గుట్టల మధ్య ఉన్న స్కూల్‌ ఆవరణలోకి తరచూ పాములు వస్తున్నాయని విద్యార్థినుల తల్లిదండ్రులు ఆందోళన వ్యక్తం చేశారు. ఇప్పటికే చాలా వరకు పాములను హతమార్చడం జరిగిందని సిబ్బంది తెలిపారు. తరచూ వస్తున్న పాములతో విద్యార్థినులు తీవ్ర ఆందోళన చెందుతున్నారు. నారాయణఖేడ్‌: ఆర్టీసీ డిపోలో ఔట్‌ సోర్సింగ్‌ పద్ధతిన డ్రైవర్‌ ఉద్యోగాల నియామకానికి అర్హులైన అభ్యర్థుల నుంచి దరఖాస్తులు ఆహ్వానిస్తున్నట్లు డీఎం సుబ్రహ్మణ్యం మంగళవారం ఓ ప్రకటనలో వెల్లడించారు. అర్హులైన ఔత్సాహికులు పదవతరగతి ఒరిజినల్‌ మెమో, ఆధార్‌, పాన్‌ కార్డులు, కులధ్రువీకరణపత్రం, రెండు పాస్‌ పోర్టు సైజు ఫొటోలు, ఒరిజినల్‌ డ్రైవింగ్‌ లైసెన్సుతోపాటు ఒరిజినల్‌ ధ్రువపత్రాలకు సంబంధించి రెండు సెట్ల జిరాక్స్‌ కాపీలను తీసుకువచ్చి కార్యాలయ పనివేళల్లో డీఎం కార్యాలయంలో సంప్రదించాలన్నారు. మరిన్ని వివరాలకు 9347249242 నంబరులో సంప్రదించాలని సూచించారు.

● పాలిటెక్నిక్‌ల విలీన నిర్ణయాన్ని వెనక్కి తీసుకోవాలి ● ఏఐఎస్‌ఎఫ్‌ రాష్ట్ర అధ్యక్షుడు మణికంఠరెడ్డి మెదక్‌ కలెక్టరేట్‌: విద్యారంగాన్ని విస్మరిస్తున్న కాంగ్రెస్‌ ప్రభుత్వానికి పతనం తప్పదని, పాలిటెక్నిక్‌ల విలీన నిర్ణయాన్ని వెనక్కి తీసుకోవాలని ఏఐఎస్‌ఎఫ్‌ రాష్ట్ర అధ్యక్షుడు కసిరెడ్డి మణికంఠరెడ్డి డిమాండ్‌ చేశారు. మెదక్‌ పట్టణంలోని టీఎన్‌జీఓ భవన్‌లో మంగళవారం ఏఐఎస్‌ఎఫ్‌ జిల్లా 20వ మహా సభలు ఘనంగా జరిగాయి. ఏఐఎస్‌ఎఫ్‌ జిల్లా అధ్యక్షుడు ఆశరాజు అధ్యక్షతన జరిగిన ఈ మహాసభలకు ముఖ్యఅతిథిగా మణికంఠరెడ్డి హాజరై మాట్లాడారు. రాష్ట్రంలో విద్యారంగంపై ప్రభుత్వం ప్రత్యేక దృష్టి సారించాల్సిన అవసరం ఉందన్నారు. కాంగ్రెస్‌ ప్రభుత్వం అధికారంలోకి వచ్చిన తర్వాత రీయింబర్స్‌మెంట్‌ బకాయిలు, ఉన్నత విద్య, పాలిటెక్నిక్‌ విద్య, మెదక్‌లో ప్రభుత్వ యూనివర్సిటీ ఏర్పాటుపై సర్కార్‌ నిర్లక్ష్యం చేస్తోందని ఆగ్రహం వ్యక్తం చేశారు. విద్యార్థుల సమస్యలను పరిష్కరించకపోతే ప్రభుత్వంపై విద్యార్థుల్లో ఆగ్రహం పెరుగుతుందని హెచ్చరించారు. సమావేశంలో జిల్లా నిర్మాణ బాధ్యులు ఖలీక్‌, ఏఐఎస్‌ఎఫ్‌ జిల్లా కార్యదర్శి దినకర్‌, రాష్ట్ర గర్‌ల్స్‌ వింగ్‌ కో–కన్వీనర్‌ కండె విజేత, రాష్ట్ర కార్యవర్గ సభ్యుడు మచ్చ రమేశ్‌, జిల్లా ఆఫీస్‌ బేరర్‌ పాపయ్య, జిల్లా నాయకులు తేజ, శివ, సంజన, ప్రియాంక తదితరులు పాల్గొన్నారు.

టీపీటీఎఫ్‌ జిల్లా అధ్యక్షుడు యాదగిరి కౌడిపల్లి(నర్సాపూర్‌): పీఆర్‌సీని వెంటనే ప్రకటించాలని టీపీటీఎఫ్‌ జిల్లా అధ్యక్షుడు యాదగిరి, రాష్ట్ర కౌన్సిలర్‌ సంగయ్య ప్రభుత్వాన్ని డిమాండ్‌ చేశారు. మంగళవారం మండలంలోని వివిధ పాఠశాలలో టీపీటీఎఫ్‌ సభ్యత్వ నమోదు కార్యక్రమం చేపట్టారు. ఈ సందర్భంగా ఆయన మాట్లాడుతూ.. ప్రభుత్వం ఐదు డీఏలు, పీఆర్సీని వెంటనే ప్రకటించాలన్నారు. ప్రభుత్వం ఉద్యోగ సంఘాలతో చేస్తున్న చర్చల్లో ఈ విషయం తేల్చకపోతే టీజీఈజేఏసీ ఆధ్వర్యంలో ఉద్యమాన్ని ఉధృతం చేస్తామని హెచ్చరించారు. ఈ సందర్భంగా టీపీటీఎఫ్‌ మండల నూతన కార్యవర్గాన్ని ఎన్నుకున్నారు. అధ్యక్షుడిగా మాధవ్‌చౌదరి, ప్రధాన కార్యదర్శిగా వెంకటేశంచారి, ఉపాధ్యక్షుడిగా కృష్ణమూర్తి, మహిళా ఉపాధ్యక్షురాలిగా లక్ష్మి, కార్యదర్శులుగా రాంసింగ్‌, స్వాతి, జిల్లా కౌన్సిలర్‌గా గన్య తదితరులు ఎన్నుకున్నారు.

మెదక్‌జోన్‌: మెతుకుసీమ ఎడ్యుకేషన్‌ హబ్‌గా మారబోతుంది. అత్యున్నత విద్యాసంస్థలు ఒక్కోటి అందుబాటులోకి వస్తుండటంతో విద్యలో వెనుకబడిన ఈ ప్రాంతానికి మంచి రోజులు రాబోతున్నాయి. డిగ్రీ అనంతరం ఉన్నత చదువుల కోసం హైదరాబాద్‌ లాంటి నగరాలకు పరుగు పెట్టకుండా ఇక ఉన్నచోటనే ఉన్నత విద్యనభ్యసించే అవకాశం లభించటంతో పేద, మధ్య తరగతి విద్యార్థులు హర్షం వ్యక్తం చేస్తున్నారు. పేద విద్యార్థులకు వరం జిల్లాలో ఒకప్పుడు కేవలం డిగ్రీ వరకు మాత్రమే ఉండగా, ఆపై చదువులకు పట్టణాలకు వెళ్లాల్సిన పరిస్థితి. దీంతో పేద విద్యార్థులు రూ. లక్షలు ఖర్చు చేసి ప్రైవేట్‌లో ఉన్నత చదువులు చదవలేక డిగ్రీతోనే ఆపేవారు. ఈక్రమంలో రెండేళ్ల క్రితం మెడికల్‌ కాలేజీ మంజూరు కావటంతో ఇప్పటికే వైద్య, నర్సింగ్‌ విద్య కొనసాగుతోంది. యంగ్‌ ఇండియా ఇంటిగ్రేటెడ్‌ స్కూల్‌ కోసం రూ. 200 కోట్లు మంజూరు కాగా, రామాయంపేటలో సుమారు 25 ఎకరాల్లో దీని నిర్మాణం సాగుతోంది. ఇప్పటికే 16 జూనియర్‌ కళాశాలలతో పాటు, 3 డిగ్రీ కళాశాలలు, నర్సాపూర్‌లో పీజీ కాలేజీ నడుస్తుంది. మెదక్‌ పట్టణంలో అడ్వాన్స్‌ టెక్నాలజీ సెంటర్‌(ఐటీసీ) హవేళిఘణాపూర్‌ మండల కేంద్రంలో కొనసాగుతుంది. ఇందులో శిక్షణ పొందిన అభ్యర్థులకు బయట కంపెనీలలో ఉద్యోగం గ్యారంటీగా లభిస్తోందని అధికారు లు చెబుతున్నారు. ఎంజేపీ రెసిడెన్షియల్‌ డిగ్రీ కళాశాల ఇప్పటికే కొనసాగుతుండగా, కొత్తగా వాటి సరసన కేంద్రీయ విద్యాలయం మంజూరు కోసం ఉన్నతాధికారుల నుంచి గ్రీన్‌ సిగ్నల్‌ వచ్చింది. ఇందుకోసం అధికారులు కసరత్తు చేస్తున్నారు. ఇందుకు సంబంధించి అనువైన భవనం లభిస్తే ఈ ఏడాది నుంచే కేంద్రీయ విద్యాలయం జిల్లా ఖాతాలో చేరనుంది.పేదల సంక్షేమానికి పెద్దపీటఎమ్మెల్యే మైనంపల్లి రోహిత్‌ అవినీతి తేటతెల్లమై ఏడాదైనా చర్యలు శూన్యం విచారణ పేరిట కాలయాపన రామాయంపేట బల్దియాలో కరువైన ఆహ్లాదం

ఎమ్మెల్యే సునీతారెడ్డి మెదక్‌ కలెక్టరేట్‌: వెల్దుర్తి మండలం బస్వాపూర్‌ వద్ద గల దేవుని బండను క్రషర్‌కు ఇవ్వొద్దని ఎమ్మెల్యే సునీతారెడ్డి విజ్ఞప్తి చేశారు. సోమవారం కలెక్టర్‌ ప్రతిమాసింగ్‌ను కలిసి నియోజకవర్గంలోని పలు సమస్యలపై సుమారు రెండుగంటల పాటు చర్చించారు. అనంతరం ఎమ్మెల్యే విలేకరులతో మాట్లాడారు. వెల్దుర్తి మండలం బస్వపూర్‌ వద్ద గల దేవుని బండను మూడు గ్రామాలకు చెందిన ప్రజలు ఆరాధిస్తారని, క్రషర్‌కు ఇస్తే వారి మనోభావాలు దెబ్బతింటాయన్నారు. అలాగే గ్రామాలకు సమీపంలో ఉండటంతో అనేక సమస్యలు ఉత్పన్నమవుతాయని, దానిని నిలిపివేయాలని కోరారు. అలాగే శివ్వంపేట మండలం కొంతాన్‌పల్లిలో ఎస్సీలకు గతంలో కేటాయించిన భూమిలో కాంగ్రెస్‌ నాయకుల బంధువులకు 4 ఎకరాలు పట్టా చేయడం దారుణమన్నారు. సర్వేచేసి అర్హులకు న్యాయం చేయాలన్నారు. నర్సాపూర్‌లోని డబుల్‌బెడ్రూంలను అర్హులైన నిరుపేదలకు అందజేయాలన్నారు. ఈ మేరకు కలెక్టర్‌ సానుకూలంగా స్పందించి పరిష్కరిస్తామని తెలిపారు. కార్యక్రమంలో నియోజకవర్గంలోని ఆయా గ్రామాల సర్పంచ్‌లు, ప్రజలు పాల్గొన్నారు.

కలెక్టర్‌ ప్రతిమాసింగ్‌ మెదక్‌ కలెక్టరేట్‌: సర్‌ ప్రక్రియకు సంబంధించిన అన్ని లక్ష్యాలను వచ్చే నెల 25లోగా పూర్తి చేయాలని కలెక్టర్‌ ప్రతిమాసింగ్‌ అధికారులను ఆదేశించారు. సోమవారం హైదరాబాద్‌ నుంచి రాష్ట్ర ఎన్నికల ప్రధాన అధికారి సుదర్శన్‌రెడ్డి నిర్వహించిన వీడియో కాన్ఫరెన్స్‌లో పలువురు అధికారులతో కలిసి పాల్గొన్నారు. అనంతరం కలెక్టర్‌ మాట్లాడుతూ.. నిర్దేశించిన లక్ష్యాలను గడువులోగా పూర్తి చేయాలని అధికారుకు సూచించారు. ప్రస్తు తం ఫారం 6, 7, 8 దరఖాస్తుల పరిష్కారాన్ని వేగవంతం చేయాలన్నారు. నోటీసులు జారీ చేయడంతో పాటు వాటిపై తదుపరి చర్యలు ఎప్పటికప్పుడు పరిష్కరించాన్నారు. ప్రతి బీఎల్‌ఓ పనితీరును నిరంతరం పర్యవేక్షించాలని తెలిపారు. ప్రతి ప్రక్రియను ఎన్నికల సంఘం మార్గదర్శకాలకు అనుగుణంగా నిర్వహించాలని స్పష్టం చేశారు. కార్యక్రమంలో మెదక్‌ ఆర్డీఓ రమాదేవి, ఎన్నికల విభాగం సూపరింటెండెంట్‌ గఫర్‌ తదితరులు పాల్గొన్నారు.

మెదక్‌ కలెక్టరేట్‌: ప్రజావాణి వినతులను త్వరగా పరిష్కరించాలని అదనపు కలెక్టర్‌ నగేశ్‌ అధికారులను ఆదేశించారు. సోమవారం ప్రజావాణి కార్యక్రమంలో భాగంగా కలెక్టరేట్‌లోని సమావేశ మందిరంలో ప్రజల నుంచి ఆర్జీలు స్వీకరించారు. భూభారతి 36, పెన్షన్లు 10, ఇందిరమ్మ ఇల్లు 10, ఇతర 34 కలిపి మొత్తం 90 అర్జీలు వచ్చాయని తెలిపారు. విన తులను శాఖల వారీగా పరిశీలించి పరిష్కారం చూపించాలన్నారు. కార్యక్రమంలో డీఆర్‌ఓ అంబాదాస్‌ రాజేశ్వర్‌, జెడ్పీ సీఈఓ ఎల్లయ్య, డీఆర్డీఓ శ్రీనివాసరావు, వివిధ శాఖల అధికారులు పాల్గొన్నారు. మెదక్‌జోన్‌: ప్రజావాణిలో వచ్చిన ప్రతి ఫిర్యాదుపై చట్టబద్ధంగా, నిష్పక్షపాతంగా విచారణ జరిపి బాధితులకు సత్వర న్యాయం అందించాలని ఎస్పీ డీవీ శ్రీనివాసరావు పోలీస్‌ అధికారులను ఆదేశించారు. సోమవారం జిల్లా పోలీస్‌ కార్యాలయంలో నిర్వహించిన ప్రజావాణి కార్యక్రమంలో పాల్గొని ప్రజల నుంచి వినతులు స్వీకరించారు. వారితో నేరుగా మాట్లాడి సమస్యలను అడిగి తెలుసుకున్నారు. భూ వివాదాలు, ఆర్థిక మోసాలు, వేధింపులు తదితర అంశాలకు సంబంధించిన ఫిర్యాదులను పరిశీలించి, సంబంధిత అధికారులకు తగిన ఆదేశాలు జారీ చేశారు. అనంతరం ఆయన మాట్లాడుతూ.. ప్రతి ఫిర్యాదుపై సమగ్రంగా విచారణ చేపట్టి, చర్యలు తీసుకోవాలని అధికారులకు సూచించారు. నర్సాపూర్‌: కాంగ్రెస్‌, బీఆర్‌ఎస్‌ దొందూ దొందేనని బీజేపీ జిల్లా అధ్యక్షుడు మల్లేశ్‌గౌడ్‌ విమర్శించారు. సోమవారం పట్టణంలో ఆయన విలేకరులతో మాట్లాడారు. దేశంలో కాంగ్రెస్‌ 60 ఏళ్ల పాటు అధికారంలో ఉండగా ఆ పార్టీ నాయకులు, పదేళ్ల పాలనలో బీఆర్‌ఎస్‌ నాయకులు దొడ్డిదారిలో ఆస్తులు సంపాదించుకున్నారని ఆరోపించారు. ఆ రెండు పార్టీల నాయకులకు ప్రజల సమస్యలు పట్టవన్నారు. అసెంబ్లీలో ప్రజా సమస్యలపై చర్చించకుండా సమయాన్ని వృథా చేస్తున్నారని మండిపడ్డారు. ఫాంహౌస్‌లలో మొక్కుబడిగా సర్వే చేస్తే సరిపోదని, వాటిలో ప్రభుత్వ భూమి ఉంటే స్వాధీనం చేసుకోవాలన్నారు. భూములను ఆక్రమించిన వారిపై కేసులు నమోదు చేసి అరెస్టు చేయాలని డిమాండ్‌ చేశారు. కాగా, నర్సాపూర్‌లో అసంపూర్తిగా ఉన్న డబుల్‌బెడ్రూం ఇళ్లను పూర్తి చేసి పేదలకు పంపిణీ చేయాలని కోరారు. సమావేశంలో నాయకులు సురేశ్‌, ఆంజనేయులుగౌడ్‌, రమేశ్‌గౌడ్‌, నారాయణరెడ్డి, రాజేందర్‌, ప్రేంకుమార్‌, నగేశ్‌ తదితరులు పాల్గొన్నారు. అల్లాదుర్గం(మెదక్‌): జిల్లాస్థాయి అండర్‌–14 వాలీబాల్‌ పోటీల్లో అల్లాదుర్గం జిల్లా పరిషత్‌ బాలికల ఉన్నత పాఠశాల విద్యార్థినులు ప్రథమ బహుమతి సాధించారు. అలాగే అండర్‌–16 విభాగంలో ద్వితీయ బహుమతి పొందారు. ఈసందర్భంగా విజేతలను సర్పంచ్‌ సౌమ్య సోమవారం ఘనంగా సన్మానించి అభినందించారు. కార్యక్రమంలో హెచ్‌ఎం స్వప్న, ఉపాధ్యాయులు సత్యనారాయణ, వార్డు సభ్యులు, మాజీ ఉపసర్పంచ్‌ తదితరులు పాల్గొన్నారు.

మెదక్‌ కలెక్టరేట్‌: పంటలు ఎండిపోతున్నాయి.. చెరువు నుంచి నీరు విడుదల చేసి ఆదుకోవాలని టేక్మాల్‌ మండలం సురంపల్లి రైతులు కోరారు. సోమవారం కలెక్టరేట్‌ ఎదుట ధర్నా నిర్వహించారు. అనంతరం కలెక్టర్‌కు వినతిపత్రం అందజేశారు. ఈసందర్భంగా రైతులు మాట్లాడుతూ.. గ్రామంలో 110 ఎకరాల్లో వరి సాగు చేసినట్లు తెలిపారు. ప్రస్తుతం వరి పొట్టదశలో ఉందని, వర్షాలు పడకపోవడంతో పంటలు దెబ్బతినే పరిస్థితి నెలకొందన్నారు. వెల్పుగొండ చెరువులో నిండా నీరున్నా.. పంటలకు వదలడం లేదన్నారు. ఈవిషయమై ఇరిగేషన్‌ అధికారులకు చెప్పినా, పట్టించుకోవడం లేదని వాపోయారు. కార్యక్రమంలో సర్పంచ్‌ పోచయ్యతో పాటు ఉప సర్పంచ్‌, మాజీ సర్పంచ్‌లు భాగ్యరాజు, చంద్రయ్య, ఉపేందర్‌, నాయకులు రాజు, నరేశ్‌ రైతులు పాల్గొన్నారు.

పోలీస్‌స్టేషన్‌, మున్సిపల్‌ ఆఫీస్‌ వద్ద ఎరజ్రెండా హెచ్చరిక లేఖలు తూప్రాన్‌: పట్టణంలో ఎర్రజెండా, విప్లవ లేఖలు ప్రత్యక్షం కావడం తీవ్ర సంచలనం సృష్టించింది. ఏపీటీహెచ్‌ అలెగ్జాండర్‌ పేరుతో ఉన్న కరపత్రాలు, ఎర్ర బ్యానర్లను గుర్తుతెలియని వ్యక్తులు మున్సిపల్‌ కార్యాలయ ప్రధాన ద్వారంతో పాటు పోలీస్‌ స్టేషన్‌ ఆవరణలో వేయడంపై పోలీస్‌ వర్గాల్లో తీవ్ర కలకలానికి దారితీసింది. పూర్తి వివరాలు ఇలా ఉన్నాయి.. ఇటీవల పది మంది విప్లవ యోధులకు ఉరిశిక్ష విధించడాన్ని తీవ్రంగా ఖండిస్తున్నట్లు సదరు కరపత్రంలో పేర్కొన్నారు. గతంలో ముఖ్యమంత్రి రేవంత్‌ రెడ్డి మేడారం పర్యటనకు వచ్చిన సమయంలో తాము మొదటి లేఖను రాశామని, ఇప్పుడు విడుదల చేస్తున్నది తమ రెండవ లేఖ అని ఆ కరపత్రంలో విప్లవ గ్రూపు స్పష్టం చేసింది. ఉరిశిక్షలకు వ్యతిరేకంగా తాము సాగించే పోరాటాన్ని రాబోయే రోజుల్లో మరింత ఉధృతం చేస్తామంటూ లేఖ ద్వారా హెచ్చరించారు. ఘటనా స్థలంలో లభ్యమైన ఎర్రజెండా, కరపత్రాలను స్వాధీనం చేసుకున్న పోలీసులు.. ఆ ప్రాంతాల్లోని సీసీ ఫుటేజీలను జల్లెడ పడుతున్నారు. అర్ధరాత్రి వేళ ఈ లేఖలను అక్కడ వేసింది ఎవరనే కోణంలో పోలీసులు దర్యాప్తు చేపట్టారు. ఈ ఘటనతో తూప్రాన్‌ పరిసర ప్రాంతాల్లో ఒక్కసారిగా భయాందోళనలు నెలకొన్నాయి.

మూడేళ్లుగా ఆవిష్కరణకు నోచుకోని అంబేడ్కర్‌ విగ్రహంమెదక్‌ కలెక్టరేట్‌: అభివృద్ధి పనుల్లో భాగంగా తొలగించిన అంబేడ్కర్‌ విగ్రహం తిరిగి ఆవిష్కరణకు నోచుకోవడం లేదు. జిల్లా కేంద్రం ఏర్పాటైన అనంతరం ప్రభుత్వం పట్టణ ప్రధాన రోడ్డు విస్తరణ చేపట్టింది. ఈసందర్భంగా రాందాస్‌ చౌరస్తాలో అంబేడ్కర్‌, గాంధీ విగ్రహాలను తొలగించి మున్సిపల్‌ కార్యాలయానికి తరలించారు. రోడ్డు అభివృద్ధి పూర్తయ్యక శివాజీ విగ్రహాన్ని అభిమానులు భారీ ఎత్తున ఏర్పాటు చేశారు. అలాగే వైశ్యులంతా ఏకమై మహాత్మగాంధీ విగ్రహాన్ని సొంతంగా ఏర్పాటు చేశారు. అయితే అంబేడ్కర్‌ విగ్రహాన్ని మాత్రం అధికారులు విస్మరించారు. దీంతో దళిత సంఘాలు ఆందోళన చేపట్టగా, ఎట్టకేలకు రాందాస్‌ చౌరస్తాలో ఒక పక్కన రోడ్డు మధ్యలో విగ్రహాన్ని ఏర్పాటు చేసి అసంపూర్తిగా వదిలేశారు. మూడేళ్ల క్రితం ముసుగుతో ఏర్పాటు చేసినా, ఇప్పటివరకు ఆవిష్కరణకు నోచుకోలేదు. అంబేడ్కర్‌ విగ్రహ ఏర్పాటుకు ఉద్యోగులు, దళిత సంఘాల నాయకులు ముందుకు రావాలని ఎమ్మార్పీఎస్‌ యూత్‌ జిల్లా అధ్యక్షుడు బాల్‌రాజ్‌ కోరారు.

పాపన్నపేట(మెదక్‌): పర్యావరణ హితమే ధ్యేయంగా.. ఓ పదో తరగతి విద్యార్థి రూ పుదిద్దిన ఏడడుగుల వినాయకుడి విగ్రహం పూజలతో పాటు ప్రశంసలు అందుకుంటోంది. మండలంలోని మిన్‌పూర్‌కు చెందిన జంగం పర్వయ్య, కవిత దంపతులకు ఇద్దరు కొడుకులు.. చిన్న కొడుకు దీపక్‌ కుర్తివాడ ప్రభుత్వ ఉన్నత పాఠశాలలో పదో తరగతి చదువుతున్నాడు. చిన్నప్పటి నుంచి బొమ్మలు వేయడం, విగ్రహాలు తయారు చేయడంపై ఆసక్తి పెంచుకున్నా డు. దీపక్‌ ఆరో తరగతి చదువుతున్నప్పటీ నుంచి వినాయకులను తయారు చేస్తున్నా డు. మొదట మూడు ఫీట్ల ఎత్తుతో విగ్రహం తయారు చేయగా, ఈ సారి ఎత్తును ఏడు ఫీట్లకు పెంచాడు. ఏటా పండుగకు నెల రోజుల ముందే పనులు ప్రారంభిస్తాడు. అబ్లాపూర్‌ చెరువులో నుంచి మట్టిని తెచ్చి, గడ్డి, పొట్టు, పాత ఇనుప చువ్వలు వాడుతూ ఒక్కడే వినాయకుడి ప్రతిమను తయారు చేస్తాడు. అనంతరం రంగులు వేసి ఆకర్షణీయంగా తీర్చిదిద్దుతాడు. తన ఇంటి ముందు ప్రతిష్ఠించి తొమ్మిది రోజుల పాటు పూజలు అందుకున్న అనంతరం నిమజ్జనం చేస్తారు. మంచి కళాకారుడిగా ఎదగడమే తన లక్ష్యమని తెలిపారు. 23న ఉద్యోగ మేళా సంగారెడ్డి టౌన్‌: జిల్లాలోని నిరుద్యోగల కోసం ఈజీఎంఎం ఆధ్వర్యంలో ఈ నెల 23న ఉద్యోగ మేళా నిర్వహిస్తునట్లు జిల్లా గ్రామీణాభివద్ధి సంస్థ సెర్ప్‌ అధికారులు ఒక ప్రకటనలో పేర్కొన్నారు. ఉదయం 10 గంటలకు పాత డీఆర్డీఏ కార్యాలయంలో ఇంటర్వ్యూలు జరుగుతాయన్నారు. చైన్నె సిల్మస్‌ కంపెనీలో సేల్స్‌, మార్కెటింగ్‌ ఎగ్జిక్యూటివ్‌, సెక్యూరిటీ గార్డుల పోస్టులు ఉన్నాయని 18 నుంచి 40 ఏళ్ల వారు అ ర్హులని జీతం రూ.12,500 నుంచి 20,000 వరకు ఉంటుందన్నారు. విద్యార్హత, ఆధార్‌, రేషన్‌ కార్డు జిరాక్స్‌, ఫొటోలతో హాజరుకావాలని నిరుద్యోగులు ఈ అవకాశాన్ని సద్వినియోగం చేసుకోవాలన్నారు.

చిలిపిచెడ్‌(నర్సాపూర్‌): మండలంలోని అజ్జమర్రి శివారులో మంజీరా నదీ పరివాహక ప్రాంతంలో బోరుబావుల వద్ద విద్యుత్‌ తీగలు చోరీకి గురయ్యాయి. శనివారం అర్ధరాత్రి గుర్తుతెలియని వ్యక్తులు సుమారు 30 మంది రైతులకు చెందిన బోరుబావుల వద్ద ఉన్న విద్యుత్‌ తీగలను అపహరించినట్లు రైతులు తెలిపారు. పంటల సాగుకు కీలకమైన సమయంలో చోరీ జరగడంతో ఇబ్బందులు ఎదురవుతున్నాయని ఆవేదన వ్యక్తం చేశారు. సంబంధిత అధికారులు వెంటనే స్పందించి చోరీకి పాల్పడిన వారిని గుర్తించి, న్యాయం చేయాలని కోరారు. ఈ విషయమై ఎస్‌ఐ నర్సింలును వివరణ కోరగా.. తమకు ఎలాంటి ఫిర్యాదు అందలేదని తెలిపారు. గణపతి సేవలో ముస్లిం యువకుడు పాపన్నపేట(మెదక్‌): మండల కేంద్రంలో జరుగుతున్న వినాయక నవరాత్రి ఉత్సవాల్లో ఆదివారం పరమత సహనం వెల్లివిరిసింది. అడ్డా ఫ్రెండ్స్‌ ఆధ్వర్యంలో ఏర్పాటు చేసిన గణపతి మండపం వద్ద గ్రామానికి చెందిన పంచాయతీ వార్డు మెంబర్‌ చోటు ఎప్పటిలాగే తన సొంత ఖర్చులతో అన్నదానం నిర్వహించి పరమత సహనాన్ని చాటాడు. గ్రామస్తులు ఆయనను అభినందిస్తున్నారు. కరాటేలో విద్యార్థుల ప్రతిభ రామాయంపేట(మెదక్‌): హైదరాబాద్‌లో ఆదివారం నిర్వహించిన మార్షల్‌ ఆర్ట్స్‌ చాంపియన్‌ షిప్‌ కరాటే పోటీలో రామాయంపేట విద్యార్థులు ప్రతిభ కనబరిచారు. బంగారు, వెండి పథకాలు గెలుపొందారు. మొత్తం 17 మంది పాల్గొన్న ఈ పోటీలో తొమ్మిది మంది గోల్డ్‌ మెడల్‌, నలుగురు సిల్వర్‌ మెడల్స్‌ సాధించారు. వీరిని కరాటే అసోసియేషన్‌ ప్రతినిధి రొయ్యల హరిప్రసాద్‌ అభినందించారు. టీచర్ల పెండింగ్‌ సమస్యల్ని పరిష్కరిస్తాంప్రశాంత్‌నగర్‌(సిద్దిపేట): దీర్ఘకాలికంగా పెండింగ్‌లో వున్న ిపీఆర్సీ, ఉపాధ్యాయ, విద్యారంగ సమస్యల పరిష్కారంకోసం నిరంతరం కృషి చేస్తున్నామని పీఆర్టీయూటీఎస్‌ వ్యవస్థాపక అధ్యక్షుడు గాల్‌రెడ్డి హర్షవర్ధన్‌రెడ్డి తెలిపారు. సిద్దిపేటలో ఆదివారం ఏర్పాటు చేసిన పీఆర్టీయూఎస్‌ టీఎస్‌ జిల్లా సమావేశంలో ఆయన పాల్గొని మాట్లాడారు. రాష్ట్రంలో నెలకొన్న ఉపాధ్యాయుల సమస్యలను ఎప్పటికప్పుడు సంబంధిత అధికారుల దృష్టికి తీసుకువెళ్లి తక్షణమే పరిష్కరించే విధంగా ప్రాతినిధ్యం చేస్తున్నామన్నారు. మెరుగైన ఫిట్మెంట్‌తో పీఆర్సీని వెంటనే ప్రకటించేవిధంగా జేఏసీ ద్వారా ఒత్తిడి తెస్తున్నామని చెప్పారు. సంస్థ జిల్లా మండల శాఖలను మరింత బలోపేతం చేసి క్షేత్రస్థాయిలో ఉపాధ్యాయులకు అందుబాటులో వుండి సమస్యల పరిష్కారానికి చొరవ చూపాలని సూచించారు. కార్యక్రమంలో జేఏసీ రాష్ట్రనాయకులు చంద్రశేఖర్‌రావు, శశియాదవ్‌, రాష్ట్ర ఉపాధ్యక్షుడు గోవర్ధన్‌రెడ్డి, జిల్లా అధ్యక్ష ప్రధానకార్యదర్శులు పన్యాల జనార్ధన్‌రెడ్డి, సమ్మయ్య, నాయకులు ఆనంద్‌రెడ్డి, యమరాజు, మధు, ప్రవీణ్‌, పరమేశ్వర్‌, తిరుపతి, నర్సింహులు పాల్గొన్నారు.

ప్రభుత్వ భవనాల నిర్మాణాల్లో కనీస నిబంధనలు కరువయ్యాయి. కలకాలం మన్నికగా ఉండాల్సిన నిర్మాణాలకు నాసిరకం ఇసుకను వాడుతున్నారు. పక్కనే మట్టిని తవ్వి పునాదులను నింపుతున్నారు. దీంతో నిర్మాణాల చుట్టూ పెద్ద పెద్ద గొయ్యిలు ఏర్పడుతున్నాయి. ఫలితంగా భ వనాలు ఎంతకాలం మన్నికగా ఉంటాయనేది ప్రశ్నార్థకంగా మారింది. – మెదక్‌జోన్‌ జిల్లాకు మెడికల్‌ కాలేజీ మంజూరు కావటంతో ఇందుకు సంబంధించిన భవన నిర్మాణాలకు ప్రభుత్వం పెద్ద ఎత్తున నిధులు ఇచ్చింది. పట్టణ శివారులోని పిల్లికొటాల్‌ ఎంసీహెచ్‌ ఆస్పత్రి పక్కనే క్రిటికల్‌ కేర్‌ ఆస్పత్రి భవన నిర్మాణానికి రూ. 23.75 కోట్లు మంజూరు చేసింది. దాని పక్కనే నర్సింగ్‌ కాలేజీ భవన నిర్మాణానికి రూ. 25 కోట్లు అందజేసింది. అయితే వీటి నిర్మాణాలకు సమీపంలోని బొల్లారం మత్తిడి, పుష్పాలవాగులో ఏర్పాటు చేసిన ఇసుక ఫిల్టర్ల నుంచి తెచ్చిన నాసిరకం ఇసుకను వాడుతున్నారు. అందులో మట్టిశాతం అధికంగా ఉంటుంది. తక్కువ ధరకు లభిస్తుండటంతో సదరు కాంట్రాక్టర్లు దానిని వాడుతున్నారు. వర్క్‌ ఆర్డర్లలో మాత్రం నాణ్యమైన నదుల ఇసుకను వాడుతున్నట్లు చూపిస్తున్నారు. ప్రమాదకరంగా గుంతలు అలాగే క్రిటికల్‌ కేర్‌ భవన నిర్మాణానికి, ప్రస్తుతం నిర్మిస్తున్న నర్సింగ్‌ కాలేజీ నిర్మాణాలకు పక్కనే మట్టిని తవ్వి తీసి పునాది నింపుతున్నారు. దీంతో వాటి చుట్టూరా పెద్ద పెద్ద గుంతలు ఏర్పడి ప్రమాదకరంగా మారాయి. రహదారిని సైతం తవ్వడంతో మెదక్‌–చేగుంట ప్రధాన రహదారి నుంచి ఎంసీహెచ్‌ ఆస్పత్రికి వెళ్లే ప్రజలతో పాటూ తిమ్మక్కపల్లి తండా, డబుల్‌బెడ్రూం, జర్నలిస్టు కాలనీ, తిమ్మక్కపల్లి గ్రామానికి వెళ్లే ప్రజలు ఈ రోడ్డు నుంచే వెళ్తారు. నిత్యం వందలాది వాహనాల రాకపోకలు సాగిస్తుంటాయి. ఏమాత్రం ఏమరపాటుగా ఉన్నా ఆ గొయ్యిలో పడాల్సిందే. కనీస నిబంధనలు పాటించకుండా నిర్మాణాలు చేస్తున్నా, సంబంధిత అధికారులు పట్టించుకోకపోవడం పలు అనుమానాలకు తావిస్తోంది. చర్యలు తీసుకుంటాం నర్సింగ్‌ కాలేజీ నిర్మాణానికి సంబంధించి మట్టి తవ్వకాలకు ఎలాంటి అనుమతులు ఇవ్వలేదు. ప్రభుత్వ భూముల నుంచి మట్టి తీయాలంటే అనుమతి తప్పనిసరి. అంతే కాకుండా ఆ ప్రాంతంలో ఎంసీహెచ్‌, క్రిటికల్‌ కేర్‌ ఆస్పత్రులు ఉన్నాయి. అక్కడి నుంచి మట్టి తీయటం ప్రమాదకరం. ఈ విషయం మా దృష్టికి రాలేదు. పరిశీలించి తగు చర్యలు తీసుకుంటాం. – లక్ష్మణ్‌బాబు, మెదక్‌ తహసీల్దార్‌ ఎలాంటి ఇసుకై నా వాడొచ్చు ప్రభుత్వ భవనాల నిర్మాణాలకు ఎంలాంటి ఇసుక వాడినా పర్వాలేదు. కానీ నర్సింగ్‌ కాలేజీ పునాది నింపటం కోసం సమీపంలోని మట్టిని తవ్విన విషయం నా దృష్టికి రాలేదు. 15 రోజులుగా సైట్‌ వద్దకు వెళ్లలేదు. పరిశీలించి తగు చర్యలు తీసుకుంటాం. – రవీందర్‌, డీఈ, టీజీఎంఎస్‌ఐడీసీ నిన్న క్రిటికల్‌ కేర్‌.. నేడు నర్సింగ్‌ కాలేజీ

హత్నూర(సంగారెడ్డి): మండల కేంద్రంలోని ఎస్టీ బాలికల వసతి గృహాన్ని ఎమ్మెల్యే సునీతారెడ్డి ఆదివారం సాయంత్రం ఆకస్మికంగా తనిఖీ చేశారు. విద్యార్థులకు అందుతున్న భోజనం, వసతి, తాగునీరు, పరిశుభ్రత ఇతర మౌలిక సదుపాయాలను పరిశీలించారు. విద్యార్థులకు నాణ్యమైన, పోషక విలువలు కలిగిన ఆహారం అందించాలని సిబ్బందికి సూచించారు. వసతి గృహాల్లో పరిశుభ్రతను కచ్చితంగా పాటించాలన్నారు. విద్యార్థులకు ఎలాంటి ఇబ్బందులు లేకుండా అవసరమైన మౌలిక సదుపాయాలు కల్పించాలని అధికారులను ఆదేశించారు. అనంతరం కలెక్టర్‌ ప్రతీక్‌జైన్‌తో ఫోన్‌లో మాట్లాడి వసతి గృహాల్లో విద్యార్థులు ఎదుర్కొంటున్న సమస్యలను వెంటనే పరిష్కరించేలా తగిన చర్యలు తీసుకోవాలని కోరారు. ఆమె వెంట సర్పంచ్‌ ఎల్లయ్య, నాయకులు ఉన్నారు.

డీసీసీ అధ్యక్షుడు చంద్రశేఖర్‌రెడ్డినారాయణఖేడ్‌: డీసీసీ అధ్యక్షుడిగా నూతనంగా నియామకం అయిన పట్లోళ్ళ చంద్రశేఖర్‌రెడ్డి ఆదివారం ఆయన సోదరుడు ఎమ్మెల్యే సంజీవరెడ్డితో కలిసి హైదరాబాద్‌లో పలువురు కాంగ్రెస్‌ నేతలను మర్యాదపూర్వకంగా కలిశారు. టీసీసీసీ అధ్యక్షుడు మహేశ్‌ కుమార్‌ గౌడ్‌, ఉప ముఖ్యమంత్రి భట్టి విక్రమార్క, మంత్రులు దామోదర, సీతక్క, ఎంపీ సురేశ్‌ షెట్కార్‌, ప్రభుత్వ సలహాదారు వేం నరేందర్‌రెడ్డి తదితరులను కలిసి కృతజ్ఞతలు తెలిపారు. ఈసందర్భంగా చంద్రశేఖర్‌రెడ్డి మాట్లాడుతూ.. తనపై నమ్మకంతో డీసీసీ బాధ్యతలు అప్పగించినందుకు కాంగ్రెస్‌ ఆధిష్టానానికి, రాష్ట్ర నాయకత్వానికి ధన్యవాదాలు తెలిపారు. ప్రభుత్వ సంక్షేమ పథకాలను క్షేత్రస్థాయికి తీసుకెళ్లి జిల్లాలో కాంగ్రెస్‌ బలోపేతానికి కృషి చేస్తానని తెలిపారు. ఆయన వెంట ఆత్మ చైర్మన్‌ వినోద్‌ పాటిల్‌, నాయకులు పండరిరెడ్డి, విఠల్‌రావుపాటిల్‌ ఉన్నారు. నాణ్యమైన భోజనం అందించాలి

వేల్పుగొండలో హెరిటేజ్‌ వాక్‌ మండల పరిధిలోని వేల్పుగొండలో కాకతీయుల కాలం నాటి తుంబురేశ్వర స్వామి ఆలయం వద్ద ఆదివారం ‘మెతుకుసీమ వైభవం’ ఆధ్వర్యంలో బుర్ర సంతోష్‌ పర్యవేక్షణలో హెరిటేజ్‌ వాక్‌ నిర్వహించారు. ఆలయంలో స్వయంభు లింగేశ్వరుని విగ్రహానికి అర్చకులు ప్రత్యేక పూజలు నిర్వహించారు. అనంతరం తుంబురేశ్వర స్వామి ఆలయ చరిత్రను పర్యాటక బృందానికి వివరించారు. ఈసందర్భంగా వారు మాట్లాడుతూ.. చారిత్రక పురావస్తు, సాంస్కృతిక సంపదను భావితరాలకు పరిచయం చేయాలన్నారు. కాకతీయుల కాలం నాటి శిలా సంపదను కాపాడుకోవాల్సిన బాధ్యత అందరిపై ఉందన్నారు. కార్యక్రమంలో సర్పంచ్‌ దాసు, ఉప సర్పంచ్‌ సుధాకర్‌, జిల్లా సిటిజన్స్‌ ఫోరం అధ్యక్షుడు కొండల్‌రెడ్డి, పర్యాటక బృందం సభ్యులు, గ్రామ పెద్దలు తదితరులు పాల్గొన్నారు. – టేక్మాల్‌(మెదక్‌)

● మెదక్‌ బల్దియాలో పంపిణీకి నోచుకోని వైనం ● అయోమయంలో ఎస్‌హెచ్‌జీ మహిళలు ● పట్టించుకోని అధికారులుమెదక్‌ కలెక్టరేట్‌: స్వయం సహాయక (ఎస్‌హెచ్‌జీ) మహిళలకు ప్రభుత్వం ఆరు నెలల క్రితం ఇందిరమ్మ చీరలు పంపిణీ చేసింది. జిల్లాలోని మూడు మున్సిపాలిటీల్లో మహిళలకు అందజేసినా, మెదక్‌ మున్సిపాలిటీలో మాత్రం ఇప్పటివరకు ఇవ్వలేదు. ఓవైపు దసరా సమీపిస్తుండటంతో ప్రభుత్వం మరోసారి చీరల పంపిణీకి సిద్ధమవుతోంది. ఇక్కడ మాత్రం ఇంకా చీరలు పంపిణీకి నోచుకోకపోవడం అన్యాయమని మహిళలు వాపోతున్నారు. మెప్మా సిబ్బంది ఎప్పటికప్పుడు కుంటి సాకులు చెబుతూ పంపిణీని వాయిదా వేస్తున్నారని ఆరోపిస్తున్నారు. జిల్లాలో 4 మున్సిపాలిటీలు జిల్లాలో నాలుగు మున్సిపాలిటీలుండగా, ప్రభుత్వం 30,665 చీరలను అందజేసింది. మెదక్‌కు 12,956, రామాయంపేట 4,587, తూప్రాన్‌ 7,149, నర్సాపూర్‌ 5,973 చొప్పున సరఫరా చేసింది. ఇందులో మూడు మున్సిపాలిటీలు నర్సాపూర్‌, రామాయంపేట, తూప్రాన్‌లో ఇప్పటికే చీరల పంపిణీ పూర్తయ్యింది. కానీ మెదక్‌ మున్సిపాలిటీలో మాత్రం ఇప్పటివరకు చీరలు పంపిణీకి నోచుకోలేదు. నాలుగు మున్సిపాలిటీల్లో మొత్తం 75 వార్డులుండగా, 1,924 స్వయం సహాయక సంఘాలున్నాయి. ఇందులో 19,083 సభ్యులు, 74 ఎస్‌ఎల్‌ఎఫ్‌లు, 4 టీఎల్‌ఎఫ్‌లు ఉన్నాయి. అలాగే ఎస్‌ఎల్‌ఎఫ్‌ ఆర్పీలు 65, టీఎల్‌ఎఫ్‌ ఆర్పీలు 4 ఉన్నారు. దసరాకు మరోసారి! ప్రభుత్వం బతుకమ్మ పండుగ సమీపిస్తుండగా, ఈ ఏడాది మహిళలకు బతుకమ్మ చీరలు పంపిణీ చేసేందుకు సిద్ధమవుతున్నట్లు తెలిసింది. అయితే మెదక్‌ మెప్మాలో మాత్రం ఆరు నెలల క్రితం ప్రభుత్వం ద్వారా వచ్చిన ఇందిరమ్మ చీరలు ఇంకా పంపిణీ చేయడం లేదు. అయినప్పటికీ అటు అధికారులు, ఇటు పాలకులు పట్టించుకున్న పాపానపోవడం లేదని పట్టణంలోని మహిళలు ఆరోపిస్తున్నారు. జిల్లాలోని అన్ని మున్సిపాలిటీల్లో చీరలు పంపిణీ పూర్తయినా, పట్టణంలో మాత్రం ఎందుకు పంపిణీ చేయడం లేదని ప్రశ్నిస్తున్నారు. ఈ విషయమై మెప్మా పీడీ హన్మంతరెడ్డిని వివరణ కోరగా.. మెదక్‌ మున్సిపాలిటీకి పరిధిలో ఉన్నట్లు తెలిపారు. ఈ విషయమై ఫోన్‌ ద్వారా వివరణ కోరేందుకు ప్రయత్నించగా కమిషనర్‌ నవీన్‌ అందుబాటులోకి రాలేదు.

వట్‌పల్లి పర్యటనలో చిరు వ్యాపారితో మంత్రి దామోదర రాజనర్సింహ జోగిపేట(అందోల్‌): మక్కబుట్టలు ఒకటి ఎంతమ్మా.. వ్యాపారం బాగా సాగుతుందా.. ప్రతి రోజు ఎన్ని విక్రయిస్తున్నావు..? అంటూ మంత్రి దామోదర రాజనర్సింహ అందోల్‌ మండలం సంగుపేట శివారులోని జాతీయ రహదారికి పక్కన మక్క బుట్టలు అమ్ముతున్న మహిళను అడిగారు. ఆదివారం వట్‌పల్లి మండల పర్యటనకు వెళ్తూ మార్గమధ్యలో సంగుపేట వద్ద ఆగి మక్క బుట్టలు కొనుగోలు చేశారు. స్వయంగా మంత్రే తన వద్దకు కారు దిగి రావడంతో మహిళ సంతోషం వ్యక్తం చేసింది. రూ.20కి ఒకటి చొప్పున అమ్ముతున్నా సార్‌.. వ్యాపారం బాగానే జరుగుతుందని, పొట్ట కూటి కోసం ఎండకు ఎండుతూ, వానకు తడుస్తూ మక్క బుట్టలు అమ్ముకుంటున్నానని తెలిపింది. అనంతరం మంత్రికి ఒక మక్క బుట్టను ఇచ్చింది. వెంటనే ఆమెకు మంత్రి రూ.100 ఇచ్చాడు.

టీపీటీఎఫ్‌ రాష్ట్ర అసోసియేట్‌ అధ్యక్షుడు తిరుపతిరెడ్డి ప్రశాంత్‌నగర్‌(సిద్దిపేట): 51శాతం ఫిట్‌మెంట్‌తో పీఆర్సీని వెంటనే ప్రకటించాలని, టీపీటీఎఫ్‌ రాష్ట్ర అసోసియేట్‌ అధ్యక్షుడు తిరుపతిరెడ్డి, రాష్ట్ర కార్యదర్శి దామెర రాజయ్య రాష్ట్ర ప్రభుత్వాన్ని డిమాండ్‌ చేశారు. తెలంగాణ ప్రోగ్రెసివ్‌ టీచర్స్‌ ఫెడరేషన్‌ సిద్దిపేట జిల్లా కమిటీ ఆధ్వర్యంలో ఆదివారం సమావేశం నిర్వహించారు. ఈ సమావేశానికి హాజరైన తిరుపతిరెడ్డి, దామెర రాజయ్య మాట్లాడుతూ...చర్చల పేరుతో ఉద్యోగ, ఉపాధ్యాయులను వంచించకుండా పీఆర్సీని వెంటనే ప్రకటించి అమలు చేయాలన్నారు. జూలై 2023 నుంచి అమలు చేయాల్సిన నూతన పీఆర్సీని ఆర్థికసాకుతో వాయిదా వేయడం తగదని హితవు పలికారు. డీఏలు పెండింగ్‌ లో పెట్టడం సరికాదని ఒకవేళ నిజంగా ఆర్థిక ఇబ్బందులు ఉంటే రాష్ట్ర ప్రభుత్వం అనేక సంక్షేమ కార్యక్రమాలు అమలు చేసేదా అని ప్రభుత్వాన్ని ప్రశ్నించారు. జిల్లాలకు టీజీఎల్‌ఐ కార్యాలయాలను కేటాయించాలని ప్రభుత్వాన్ని డిమాండ్‌ చేశారు. సమావేశంలో ఉపాధ్యాయ దర్శిని సంపాదకులు సందులపురం కనకయ్య, జిల్లా అధ్యక్షుడు చిట్యాల విజేందర్‌ రెడ్డి , జిల్లా ప్రధాన కార్యదర్శి సుంచు నరేందర్‌, రాష్ట్ర కౌన్సిలర్‌ జమీర్‌ మొహియోద్దిన్‌, జిల్లా ఉపాధ్యక్షుడు నరసింహారెడ్డి తదితరులు పాల్గొన్నారు.

●జిల్లాను అన్నిరంగాల్లో ముందంజలో ఉంచుతా ●ప్రజాపాలన వేడుకల్లో జిల్లా ఇన్‌చార్జి మంత్రి వివేక్‌ అభివృద్ధి, సంక్షేమానికి రాష్ట్ర ప్రభుత్వం పెద్దపీట వేస్తుందని జిల్లా ఇన్‌చార్జి మంత్రి వివేక్‌ అన్నారు. ప్రజాపాలన దినోత్సవం సందర్భంగా గురువారం జిల్లా కేంద్రంలో నిర్వహించిన వేడుకల్లో మంత్రి పాల్గొని జాతీయ జెండాను ఆవిష్కరించి ప్రసంగించారు. జిల్లాను అన్నిరంగాల్లో ముందజలో ఉంచుతానని హామీ ఇచ్చారు. – మెదక్‌జోన్‌ సెప్టెంబర్‌ 17 తెలంగాణ చరిత్రలో కీలకమైన రోజని, హైదరాబాద్‌ సంస్థానం భారత యూనియన్‌లో విలీనమై ప్రజాపాలనకు నాంది పలికి 78 సంవత్సరాలు పూర్తి చేసుకుందని మంత్రి వివేక్‌ అన్నారు. స్వేచ్ఛ, స్వాతంత్య్రం, ప్రజాస్వామ్యం కోసం ఈ గడ్డపై అనేక మంది త్యాగాలు చేశారని గుర్తుచేశారు. తొలి అమరుడు దొడ్డి కొమురయ్య స్ఫూర్తితో తెలంగాణ సాయుధ, రైతాంగ పోరాటం మరింత తీవ్రతరమైందన్నారు. చాకలి ఐలమ్మ, మల్లు స్వరాజ్యం, ఆరుట్ల కమలాదేవి వంటి మహిళా యోధులు పోరాటంలో కీలక పాత్ర పోషించారని కొనియాడారు. ప్రజల త్యాగాలు, పోరాటాల ఫలితంగానే ప్రజాస్వామ్య పాలనకు మార్గం సుగమమైందన్నారు. 48 గంటల్లోనే శ్రీకారం ప్రజా ప్రభుత్వం ఏర్పడిన 48 గంటల్లోనే అభయహస్తం హామీల అమలుకు శ్రీకారం చుట్టిందని మంత్రి తెలిపారు. ఇందిరమ్మ గ్రామసభలు నిర్వహించి ప్రజల నుంచి దరఖాస్తులు స్వీకరించి వివిధ సంక్షేమ పథకాలను అమలు చేస్తున్నట్లు చెప్పారు. మహిళలు, రైతులు, పేదలు, విద్యార్థులు, కార్మికులు, యువతతో పాటు అన్నివర్గాల సంక్షేమానికి ప్రభుత్వం కృషి చేస్తోందన్నారు. మహాలక్ష్మి పథకం ద్వారా జిల్లాలో ఇప్పటివరకు రూ.4.73 కోట్ల ఉచిత ప్రయాణాలు కల్పించామని వివరించారు. దీని ద్వారా రూ.171.04 కోట్ల ప్రయోజనం మహిళలకు అందిందన్నారు. గృహజ్యోతి పథకం కింద జిల్లాలో 1,29,756 విద్యుత్‌ వినియోగదారులకు 200 యూనిట్ల వరకు జీరో బిల్లులు జారీ చేసి, రూ.113.80 కోట్ల సబ్సిడీని ప్రభుత్వం అందించిందని వెల్లడించారు. రైతు భరోసా కింద జిల్లాలో 2,66,674 మంది రైతుల ఖాతాల్లో రూ.222.69 కోట్ల పెట్టుబడి సాయం జమ చేసినట్లు చెప్పారు. ఎల్‌నినో నేపథ్యంలో ప్రత్యామ్నాయ పంటలు 28,933 ఎకరాల్లో సాగు చేసినట్లు వివరించారు. రూ.1,116 కోట్లతో ధాన్యం సేకరణ యాసంగి 2025–26 సీజన్‌లో రైతులకు కనీస మద్దతు ధర కల్పించేందుకు జిల్లాలో ధాన్యం కొనుగోలు కేంద్రాలు ఏర్పాటు చేసినట్లు మంత్రి తెలిపారు. 1,00,344 మంది రైతుల నుంచి 4,25,305 మెట్రిక్‌ టన్నుల ధాన్యాన్ని కొనుగోలు చేసి ఇప్పటివరకు రూ.1,116.06 కోట్లు చెల్లించినట్లు వెల్లడించారు. జాతీయ జెండాను ఆవిష్కరిస్తున్న మంత్రి వివేక్‌

మెదక్‌ ఎంపీ రఘునందన్‌రావుమెదక్‌ కలెక్టరేట్‌: దివ్యాంగులు ఆత్మగౌరవంతో జీవించాలని మెదక్‌ ఎంపీ రఘునందన్‌రావు అన్నారు. గురువారం కలెక్టరేట్‌లో దివ్యాంగుల సహాయ పరికరాల పంపిణీ కార్యక్రమానికి ఆయన ముఖ్య అతిథిగా హాజరై మాట్లాడారు. ప్రధాని నరేంద్ర మోదీ జన్మదినం సందర్భంగా దివ్యాంగుల కోసం ఈ కార్యక్రమం నిర్వహించడం గొప్ప విషయం అన్నారు. మోదీ గత 25 సంవత్సరాల పేద ప్రజలకు ప్రజా సేవ చేస్తున్నారని గుర్తు చేశారు. 6 నెలలుగా 461 మంది దివ్యాంగులను గుర్తించి 850 సహాయ పరికరాలను పంపిణీ చేస్తున్నట్లు తెలిపారు. దివ్యాంగులు సమాజంలో గౌరవప్రదంగా, స్వయం ఆధారితంగా జీవించేందుకు అవసరమైన సహాయాన్ని అందించడమే ప్రభుత్వ లక్ష్యమని తెలిపారు. వారికి అడ్డంకులు లేని, సమగ్ర, సౌకర్యవంతమైన సమాజ నిర్మాణానికి కేంద్ర ప్రభుత్వం చేపడుతున్న కార్యక్రమాల్లో భాగంగా ఈ శిబిరాలను నిర్వహిస్తున్నట్లు చెప్పారు. సహాయ పరికరాల పంపిణీ ద్వారా దివ్యాంగులకు ఆత్మవిశ్వాసాన్ని పెంపొందించేందుకు దోహదపడుతుందని కలెక్టర్‌ ప్రతిమాసింగ్‌ పేర్కొన్నారు. అంతకు ముందు కలెక్టరేట్‌తోపాటు మెదక్‌ జిల్లా కేంద్రంలోని రాందాస్‌ చౌరస్తాలో జరిగిన విశ్వకర్మ జయంతి ఉత్సవాల్లో ఎంపీ, కలెక్టర్‌ పాల్గొన్నారు. కార్యక్రమంలో జెడ్పీ సీఈఓ ఎల్లయ్య, డీఆర్‌ఓ అంబదాస్‌ రాజేశ్వర్‌, జిల్లా అధికారులు పాల్గొన్నారు.

చిన్నశంకరంపేట(మెదక్‌): 24 గంటల కరెంట్‌ దేవుడెరుగు, కనీసం 6 గంటల కూడా సరిగా రావడం లేదని మండలంలోని జంగరాయి రైతులు గురు వారం ఆందోళనకు దిగారు. సీఎం రేవంత్‌రెడ్డి దిష్టిబొమ్మను దహనం చేశారు. అనంతరం సబ్‌స్టేషన్‌ను ముట్టడించి సిబ్బందిని నిలదీశారు. వారు సరైన సమాధానం చెప్పకపోవడంతో గవ్వలపల్లి–వెల్దుర్తి రహదారిపై బైఠాయించారు. ఈసందర్భంగా వారు మాట్లాడుతూ.. ఉదయం 5 గంటల నుంచి సాయంత్రం 5 గంటల వరకు విద్యుత్‌ సరఫరా చేస్తున్నామని ప్రభుత్వం చెబుతున్నా, కోతలతో పంటలు ఎండిపోతున్నాయని ఆవేదన వ్యక్తం చేశారు. విషయం తెలుసుకున్న ఎస్‌ఐ శివానందం, తహసీల్దార్‌ మాలతి రైతుల వద్దకు చేరుకుని సముదాయించారు. విద్యుత్‌శాఖ అధికారులతో మాట్లాడి విద్యుత్‌ సరఫరాను మెరుగుపర్చాలని సూచించారు. ఇదే విషయం రైతులకు చెప్పి ఆందోళనను విరమింపజేశారు. నార్సింగిలో.. పాపన్నపేట(మెదక్‌): మండల శివారులోని నార్సింగి సబ్‌స్టేషన్‌ ఎదుట మెదక్‌– బొడ్మట్‌పల్లి రోడ్డుపై రైతులు రాస్తారోకోకు దిగారు. వ్యవసాయానికి 12 గంటలు ఇవ్వాల్సిన కరెంట్‌, కేవలం 8 నుంచి 9 గంటల పాటు ఇస్తున్నారని వాపోయారు. దీంతో పంటలు ఎండుతున్నాయని వాపోయారు. అధికారులు పట్టించుకోవడం లేదని మండిపడ్డారు. విషయం తెలుసుకున్న ఎస్సై శ్రీనివాస్‌గౌడ్‌ తన సిబ్బందితో వెళ్లి రైతులను సముదాయించారు. విద్యుత్‌ అధికారులతో ఫోన్‌లో మాట్లాడించారు. పంటలు చేతికొచ్చే వరకు కరెంట్‌ కోతలు పెట్టొద్దని వారు కోరారు. అధికారులు ఇచ్చిన హామీతో రైతులు ఆందోళన విరమించారు.

● డీఐఈఓ రవీందర్‌రెడ్డి ● జిల్లాస్థాయి బాలికల కబడ్డీ పోటీలు ప్రారంభం సిద్దిపేటఎడ్యుకేషన్‌: విద్యార్థుల శారీరక, మానసిక వికాసానికి క్రీడలు ఎంతగానో దోహదపడుతాయని జిల్లా ఇంటర్‌ విద్యాధికారి, ఎస్‌జీఎఫ్‌ అండర్‌ 19 జిల్లా చైర్మన్‌ రవీందర్‌రెడ్డి అన్నారు. జిల్లా కేంద్రంలోని ప్రభుత్వ జూనియర్‌ కళాశాల (కోఎడ్యుకేషన్‌)లో అండర్‌–19 ఎస్‌జీఎఫ్‌ జిల్లాస్థాయి బాలికల కబడ్డీ క్రీడా ఎంపిక పోటీలను జిల్లా ఆర్గనైజింగ్‌ సెక్రటరీ సమ్మయ్య, ప్రిన్సిపాల్‌ ప్రమీలతో కలిసి ప్రారంభించారు. ఈసందర్భంగా రవీందర్‌రెడ్డి మాట్లాడుతూ.. క్రీడలతో విద్యార్థుల్లో క్రమశిక్షణ, పట్టుదల, నాయకత్వ లక్షణాలు, జట్టు స్ఫూర్తి పెంపొందుతాయన్నారు. చదువుతో పాటు క్రీడల్లో రాణిస్తూ జిల్లా, రాష్ట్ర, జాతీయ స్థాయిలో మంచి పేరు తీసుకురావాలని క్రీడాకారులకు సూచించారు. అనంతరం పోటీలకు హాజరైన క్రీడాకారులను పరిచయం చేసుకున్నారు. వారితో ఆత్మీయంగా ముచ్చటించి క్రీడలపై ఆసక్తి, శిక్షణ తదితర వివరాలను అడిగి తెలుసుకున్నారు.

మెదక్‌ కలెక్టరేట్‌: ప్రభుత్వ పాఠశాలల్లో చదివేది పేద పిల్లలే కదా? మనల్ని ఎవరు ప్రశ్నిస్తారు? అన్న తీరులో ఉంది ప్రభుత్వ పాఠశాలల్లోని విద్యార్థులకు పంపిణీ చేసిన యూనిఫామ్స్‌. ప్రభుత్వం నాణ్యత లేని క్లాత్‌ పంపిణీ చేయగా, మహిళా సంఘాల సభ్యులు ఇష్టారీతిగా కుట్టి పాఠశాలలకు సరఫరా చేశారు. వాటిని పరిశీలించకుండానే అధికారులు పిల్లలకు పంపిణీ చేస్తున్నారు. వీటిని ఎలా వేసుకోవాలంటూ వారు ఆవేదన వ్యక్తం చేస్తున్నారు. ఇప్పటికై నా స్పందించి నాణ్యమైన దుస్తులు ఇవ్వాలని తల్లిదండ్రులు డిమాండ్‌ చేస్తున్నారు. ఆలస్యంగా పంపిణీ ఈ ఏడాది విద్యా సంవత్సరం ప్రారంభమైన రెండు నెలలకు యూనిఫాం క్లాత్‌ జిల్లాకు రావడంతో స్టిచ్చింగ్‌ ఆలస్యమైంది. 15 రోజులుగా జిల్లాలోని ప్రభుత్వ పాఠశాలల్లో చదువుతున్న విద్యార్థులకు యూనిఫాంలు పంపిణీ చేస్తున్నారు. ఈనెల 16న జిల్లాకేంద్రంలోని ప్రభుత్వ ఉన్నత పాఠశాలలో విద్యార్థులకు పంపిణీ చేసిన యూనిఫాం క్లాత్‌ నాణ్యత సరిగా లేదు. దీనికి తోడు స్ట్రిచింగ్‌ మరింత అధ్వానంగా. చొక్కాలకు ఒక చేయి బయటకు, మరో చేయి లోపలికి కుట్టారు. అలాగే జేబును సంచిలా కుట్టారు. నాణ్యత లేని ఒకే ఒక్క కుట్టువేసి వదిలేశారు. ప్యాంట్‌ పరిస్థితి అలాగే ఉంది. విద్యార్థులకు అందజేసిన సాక్స్‌లు సైజు లేకుండా పోయాయి. వీటిని ఒక్కసారి ఉతికితే మళ్లీ వేసుకునేందుకు పనికి రావని విద్యార్థుల తల్లిదండ్రులు చెబుతున్నారు. ఈ విషయమైన డీఈఓ కార్యాలయంలోని యూనిఫాం నిర్వహణ అధికారి రాజును వివరణ కోరగా.. నాణ్యతలేని వాటిని విద్యార్థులకు ఇవ్వొద్దని చెప్పినట్లు తెలిపారు. విద్యార్థులకు పంపిణీ చేసిన యూనిఫామ్‌ల దుస్థితి కొలతలు తీసుకున్నా, అధ్వానంగా స్ట్రిచింగ్‌ ఇబ్బంది పడుతున్న విద్యార్థులు

రామాయంపేట(మెదక్‌): మున్సిపాలిటీ పరిధిలో మహిళా శిశు సంక్షేమ శాఖ ఆధ్వర్యంలో పోషణ మాసం కార్యక్రమం ఘనంగా నిర్వహించారు. మున్సిపల్‌ చైర్‌పర్సన్‌ గజవాడ లావణ్య ముఖ్య అతిథిగా హాజరై మాట్లాడారు. గర్భిణులు, బాలింతలు, చిన్నపిల్లలకు ఆరోగ్యకరమైన పౌష్టికాహారం అందించడంలో అంగన్‌వాడీలు చేస్తున్న కృషి అభినందనీయమన్నారు. పౌష్టికాహార లోపాన్ని అధిగమించినప్పుడే తల్లీబిడ్డలు సంపూర్ణ ఆరోగ్యంతో ఉంటారని అన్నారు. ప్రభుత్వ పథకాలను ప్రజలందరూ సద్వినియోగం చేసుకోవాలని పిలుపునిచ్చారు. అంతకముందు ర్యాలీ నిర్వహించారు. కార్యక్రమంలో కౌన్సిలర్లు డాకీ శ్యామల స్వామి, బైరం కుమార్‌ స్వప్న, దేవుని రంజిత్‌, పుట్టి సందీప్‌, గుగులోతు రవి, కో–ఆప్షన్‌ సభ్యులు ఆసియా సుల్తానా, కాంగ్రెస్‌ నాయకులు తదితరులు పాల్గొన్నారు. మాజీ ఎమ్మెల్యే భూపాల్‌రెడ్డి పెద్దశంకరంపేట(మెదక్‌): రైతులకు నాణ్యమైన 24 గంటల విద్యుత్‌ సరఫరా చేయాలని నారాయణఖేడ్‌ మాజీ ఎమ్మెల్యే భూపాల్‌రెడ్డి ప్రభుత్వాన్ని డిమాండ్‌ చేశారు. గురువారం పెద్దశంకరంపేటలో రైతులు, బీఆర్‌ఎస్‌ నాయకులతో కలిసి ప్రధాన రహదారిపై రాస్తారోకో నిర్వహించారు. ఈసందర్భంగా ఆయన మాట్లాడుతూ.. పంటలు చేతికొచ్చే సమయంలో విద్యుత్‌ సరఫరాలో అంతరాయంతో రైతులు పెట్టుబడులు నష్టపోయే ప్రమాదం ఉందన్నారు. అనంతరం రైతులతో కలిసి స్థానిక సబ్‌స్టేషన్‌ ఏఈ శ్యాంసుందర్‌ను కలిసి వినతిపత్రం అందజేశారు. కార్యక్రమంలో మాజీ ఎంపీపీ జంగం శ్రీనివాస్‌, మాజీ సర్పంచ్‌ సత్యనారాయణ, బీఆర్‌ఎస్‌ నాయకులు సురేశ్‌గౌడ్‌, లింగయ్య, రమేశ్‌, దత్తు, సుభాశ్‌, శంకర్‌గౌడ్‌, రవీందర్‌, అంజయ్య, నర్సింలు, యాదుల్‌తో పాటు పలువురు రైతులు పాల్గొన్నారు. నర్సాపూర్‌: మరింత మంచి పరిపాలన అందించే విధంగా ప్రధాని నరేంద్ర మోదీని ఆశీర్వదించాలని బీజేపీ జిల్లా అధ్యక్షుడు మల్లేశ్‌గౌడ్‌ కోరారు. గురువారం మోదీ పుట్టిన రోజును పురస్కరించుకొని రాష్ట్ర పార్టీ పిలుపు మేరకు స్థానిక శివాలయంలో ఆశీర్వాద దీపం వెలిగించి శివుడికి ప్రత్యేక పూజలు నిర్వహించారు. ఆయన వెంట పార్టీ నాయకులు సురేశ్‌, ఆంజిగౌడ్‌, నాగరాజు, రమేశ్‌గౌడ్‌, కవితారెడ్డి, నవీన్‌, వీరారెడ్డి, విజయ్‌, మల్లేశ్‌, రాజిరెడ్డి, నవీన్‌, నగేశ్‌ తదితరులు పాల్గొన్నారు. మెదక్‌జోన్‌: వినాయక నిమజ్జనాల సందర్భంగా పిల్లల భద్రతపై తల్లిదండ్రులు ప్రత్యేక దృష్టి సారించాలని ఎస్పీ శ్రీనివాసరావు గురువారం ఒక ప్రకటనలో పేర్కొన్నారు. పిల్లలను చెరువులు, బావులు, కాలువలు, ఇతర నీటి వనరుల వద్దకు ఒంటరిగా వెళ్లనివ్వకుండా జాగ్రత్తలు తీసుకోవాలని కోరారు. నీటి లోతు తెలియని ప్రాంతాల్లోకి వెళ్లకుండా చూడాలన్నారు. ఈత రాని వారు నీటిలోకి దిగకుండా, పోలీసులు ఏర్పాటు చేసిన బారికేడ్లను దాటి వెళ్లకుండా భద్రతా సూచనలు పాటించాలని తెలిపారు. శోభాయాత్రలో పాల్గొనే భక్తులు పోలీసుల సూచనలు, ట్రాఫిక్‌ నిబంధనలు పాటించాలన్నారు. వాహనాలను నిర్దేశిత ప్రాంతాల్లోనే పార్కింగ్‌ చేయాలని, అత్యవసర పరిస్థితుల్లో వెంటనే పోలీసులకు సమాచారం అందించాలని సూచించారు. భక్తులు పోలీసులతో సమన్వయంతో కార్యక్రమాలు ప్రశాంతంగా నిర్వహించాలని కోరారు.

● నిర్లక్ష్యం చేస్తే కఠిన చర్యలు ● కలెక్టర్‌ ప్రతిమాసింగ్‌ మెదక్‌ కలెక్టరేట్‌: జిల్లాలోని ప్రభుత్వ శాఖల్లో పనిచేసే ప్రతి ఉద్యోగి తప్పనిసరిగా ముఖ గుర్తింపు హాజరు యాప్‌లో నమోదు కావాలని, నిర్లక్ష్యం చేస్తే శాఖాపరమైన చర్యలు ఉంటాయని కలెక్టర్‌ ప్రతిమాసింగ్‌ హెచ్చరించారు. గురువారం కలెక్టరేట్‌లో ‘మీ ప్రమాణం యాప్‌’ నమోదుపై అన్నిశాఖల జిల్లా అధికారులు, సిబ్బందితో సమీక్ష నిర్వహించారు. ఈసందర్భంగా కలెక్టర్‌ మాట్లాడుతూ.. జిల్లాలోని అన్ని ప్రభుత్వ శాఖల్లో పనిచేసే ప్రతిస్థాయి రెగ్యులర్‌, కాంట్రాక్ట్‌, ఔట్‌ సోర్సింగ్‌ ఉద్యోగులు యాప్‌ ద్వారానే హాజరు నమోదు చేసుకోవాలన్నారు. ఇప్పటివరకు నమోదు కాని శాఖలు వెంటనే నమోదు చేసుకోవాలని ఆదేశించారు. మీ ప్రమాణం హాజరు నమోదులో నిర్లక్ష్యం వహిస్తే కఠిన చర్యలు తీసుకుంటామని హెచ్చరించారు. శాఖాధిపతులు తప్పనిసరిగా ఎప్పటికప్పుడు సిబ్బంది హాజరు వివరాలు పర్యవేక్షిస్తూ ఉండాలని సూచించారు. అనంతరం రోడ్డు రవాణా, పోలీస్‌, ఇతరశాఖ అధికారులతో రోడ్డు ప్రమాదాల నివారణపై సమావేశం నిర్వహించారు. రోడ్డు ప్రమాదాల నివారణకు పకడ్బందీగా చర్యలు చేపట్టాలన్నారు. సమావేశంలో డీఆర్‌ఓ అంబదాస్‌ రాజేశ్వర్‌, జెడ్పీ సీఈఓ ఎల్లయ్య, ఈడీఎం సందీప్‌ ఇతర అధికారులు, సిబ్బంది తదితరులు పాల్గొన్నారు.

మాజీ డిప్యూటీ స్పీకర్‌ పద్మారెడ్డి మెదక్‌జోన్‌: భిన్నత్వంలో ఏకత్వాన్ని కాపాడుతూ దేశ సమైక్యతను మరింత బలోపేతం చేయాలని మాజీ డిప్యూటీ స్పీకర్‌ పద్మారెడ్డి అన్నారు. తెలంగాణ జాతీయ సమైక్యతా దినోత్సవాన్ని పురస్కరించుకుని గురువారం బీఆర్‌ఎస్‌ జిల్లా కార్యాలయ ప్రాంగణంలో జాతీయ జెండాను ఆవిష్కరించారు. అనంతరం ఆమె మాట్లాడుతూ, రాచరిక పాలన నుంచి తెలంగాణ ప్రజాస్వామిక వ్యవస్థలోకి అడుగుపెట్టిన చారిత్రక ఘట్టాన్ని స్మరించుకోవడం ప్రతి ఒక్కరి బాధ్యత అన్నారు. ప్రజాస్వామిక స్వేచ్ఛ కోసం ఆనాడు తెలంగాణ సమాజం సాగించిన పోరాటం, యోధుల త్యాగాలు చరిత్రలో చిరస్థాయిగా నిలిచిపోయాయని అన్నారు. సమైక్యత అంటే సరిహద్దులు కలవడం మాత్రమే కాదు.. మనసులు కలవడం అని అన్నారు. ప్రజల మధ్య ఐక్యత, విభిన్న సంస్కృతుల మధ్య సామరస్యం, పరస్పర గౌరవం కొనసాగినప్పుడే దేశ సమైక్యత మరింత బలపడుతుందని చెప్పారు. భిన్నత్వంలో ఏకత్వమే భారతదేశ ప్రత్యేకత అని తెలిపారు. ఆనాటి మహనీయుల స్ఫూర్తిని నేటి తరానికి అందించాల్సిన అవసరం ఉందన్నారు. కార్యక్రమంలో మెదక్‌ మున్సిపల్‌ మాజీ చైర్మన్‌ ఆరేళ్ల మల్లికార్జున్‌ గౌడ్‌, జిల్లా పరిషత్‌ మాజీ ఉపాధ్యక్షురాలు లావణ్య రెడ్డి, మాజీ మార్కెట్‌ కమిటీ చైర్మన్‌ బట్టి జగపతి, పట్టణ పార్టీ కన్వీనర్‌ కౌన్సిలర్‌ మామిళ్ల ఆంజనేయులు తదితరులు పాల్గొన్నారు.

అధికారుల అనాలోచితం.. సమస్యలతో సతమతంనేతల స్వార్థం.. అధికారుల అనాలోచితం.. నిధుల కొరత.. వెరసి మెదక్‌ బల్దియా అభివృద్ధికి అడుగు ముందుకు పడటం లేదు. ఇష్టానుసారంగా నిర్మాణాలు చేపట్టడంతో ఏళ్ల తరబడి పనులు అర్ధంతరంగా ఆగిపోయాయి. రూ.కోట్లాది రూపాయలు వెచ్చించినా, వినియోగంలోకి రాకుండా పోయాయి. దీంతో ప్రజలకు ఇబ్బందులు తప్పడం లేదు. – మెదక్‌జోన్‌ మెదక్‌ మున్సిపాలిటీ ఏడు దశాబ్దాల క్రితం ఏర్పాటైంది. 2011 జనాభా లెక్కల ప్రకారం 50,721 మంది ఉండగా, ప్రస్తుతం 80 వేల జనాభాకు చేరుకుంది. 15 వేలకు పైగా ఇళ్లు ఉన్నాయి. అయితే ప్రగతి మాత్రం నేటికీ అంతంత మాత్రంగానే ఉంది. పాలకవర్గాల స్వార్థపూరిత విధానాలు, అధికారుల అనాలోచిత నిర్ణయాలు, నిధుల కొరతతో ఆశించిన స్థాయిలో అభివృద్ధి జరగలేదనే విమర్శలు ఉన్నాయి. మెదక్‌ పట్టణానికి మోడ్రన్‌ వైకుంఠధామం నిర్మాణం కోసం గత ప్రభుత్వ హయాంలో రూ.1.8 కోట్ల నిధులు మంజూరయ్యాయి. ఆన్‌లైన్‌ ద్వారా ఓ కాంట్రాక్టర్‌ పనులు దక్కించుకున్నారు. పట్టణానికి 4 కిలోమీటర్ల దూరంలోని డంప్‌యార్డు సమీపంలోని ఓ పెద్ద గుంతలో నిర్మించాలని అప్పటి పాలకవర్గం స్థలాన్ని కేటాయించింది. దానికి అధికారులు సైతం వంతు పాడటంతో సదరు కాంట్రాక్టర్‌ పనులు ప్రారంభించారు. ఆ గుంతలోనే రెండు బర్నింగ్‌ యూనిట్లు నిర్మించాలని నిర్ణయించాడు. ఒకటి పూర్తి చేయగా, మరొకటి పిల్లర్ల స్థాయిలో నిలిచిపోయింది. కట్టెల స్టోర్‌ గది నిర్మాణం, విజిటింగ్‌ గది, టాయిలెట్‌ యూనిట్స్‌ సైతం నిర్మించాడు. ఇందుకు సదరు కాంట్రాక్టర్‌ రూ. 60 లక్షలకు పైగా వెచ్చించాడు. అయితే నిధులు విడుదల కాకపోవటంతో పనులు మధ్యలోనే నిలిపివేశాడు. దీనిని పెద్ద గుంతలో నిర్మించటంతో ఏ మాత్రం వర్షం కురిసినా అందులోకి దిగటానికే వీలుండదు. అక్కరకు రాని నిరాశ్రయుల కేంద్రం పట్టణానికి 5 కిలోమీటర్ల దూరంలో గల ఎంసీహెచ్‌ సమీపంలో అప్పట్లో రూ. 60 లక్షలు వెచ్చించి నిరాశ్రయిల కేంద్రాన్ని నిర్మించారు. దాని నిర్వహణకు ముగ్గురిని నియమించారు. అక్కడికి వెళ్లాలంటే ఆటో చార్జి రూ. 50 వెచ్చించాల్సి ఉంటుంది. దీంతో అది నిరాశ్రయులకు అక్కరకు రాకుండా పోయింది. అనాథలు అంత దూరం వెళ్లకుండా పట్టణంలోని ఫుట్‌ఫాత్‌లపైనే పడుకుంటున్నారు. దీంతో లక్షలాది రూపాయల ప్రజాధనం బూడిదలో పోసిన పన్నీరులా మారింది. నిలిచిన నిధులు పట్టణంలోని కూరగాయల మార్కెట్‌ సమీపంలో మార్కెట్‌ (ఏఎంసీ) ఆధ్వర్యంలో రైతుబజార్‌ నిర్మాణం కోసం రెండు విడతల్లో రూ. 6 కోట్లు మంజూరు కాగా పనులు చేపట్టారు. అయితే నిధులు సరిపోకపోవటంతో అర్ధంతరంగా పనులు నిలిచిపోయాయి. ఇంకా లిఫ్ట్‌, విద్యుత్‌ సౌకర్యం, వాటర్‌ తదితర పనులు పెండింగ్‌లో ఉన్నాయి. వాటి కోసం మరో రూ. 2 కోట్లు కావాలని ప్రభుత్వానికి నివేదించి ఏళ్లు గడుస్తున్నా పైసా విడుదల కాలేదు. ఫలితంగా రైతులు, వ్యాపారులు రోడ్లపైనే కూరగాయల విక్రయాలు జరుపుతుండటంతో నిత్యం ప్రమాదాలు జరుగుతున్నాయి. ఆరేళ్లుగా ఆగిన రైతుబజార్‌ పిల్లర్ల స్థాయిలోనే ఇంటిగ్రేటెడ్‌ మార్కెట్‌ నిధుల కొరతతో నిలిచిన మరిన్ని నిర్మాణాలు మెదక్‌ బల్దియా దుస్థితి అర్ధంతరంగా ఆగిన నిర్మాణంవెజ్‌, నాన్‌వెజ్‌ (ఇంటిగ్రేటెడ్‌) మార్కెట్‌ నిర్మాణానికి నిధులు మంజూరు కాగా, బాలుర, ఉన్నత పాఠశాల ఆవరణలో నిర్మించేందుకు అప్పట్లో అధికారులు స్థల సేకరణ చేశారు. పట్టణానికి చెందిన కొందరు కళాశాల స్థలంలో నిర్మిస్తే దుర్వాసనతో విద్యార్థులకు ఇబ్బందులు పడతారని కోర్టును ఆశ్రయించారు. దీంతో అక్కడి నుంచి ఇరిగేషన్‌ ఈఈ కార్యాలయ సమీపంలో నిర్మించేందుకు పిల్లర్లు తీశారు. అయితే నిధుల విడుదలలో జాప్యంతో పనులు అర్ధంతరంగా ఆగిపోయాయి.

మెదక్‌ కలెక్టరేట్‌: ప్రజాపాలన దినోత్సవాన్ని కలెక్టరేట్‌లో గురువారం ఘనంగా నిర్వహించనున్నట్లు కలెక్టర్‌ ప్రతిమాసింగ్‌ ఒక ప్రకటనలో పేర్కొన్నారు. ఈ కార్యక్రమానికి ఇన్‌చార్జి మంత్రి గడ్డం వివేక్‌ ముఖ్య అతిథిగా హాజరవుతున్నట్లు తెలిపారు. ఇందుకు సంబంధించిన ఏర్పాట్లు పూర్తి చేసినట్లు చెప్పారు. ఉదయం 10 గంటలకు జరిగే ఈ వేడుకలకు అధికారులు, ప్రజా ప్రతినిధులు, ప్రజలు అధిక సంఖ్యలో హాజరై విజయవంతం చేయాలని కోరారు. ● బీజేపీ అధికారంలోకి వస్తే అధికారికంగా విమోచనం ● ఎంపీ రఘునందన్‌రావు మెదక్‌జోన్‌: అధికారంలోకి రాకముందు సెప్టెంబర్‌ 17న తెలంగాణ విమోచన దినోత్సవాన్ని అధికారికంగా జరుపుతామని ప్రగల్భాలు పలికిన కాంగ్రెస్‌, బీఆర్‌ఎస్‌, అధికారంలోకి వచ్చాక ఎంఐఎంకు భయపడి మాటమార్చాయని ఎంపీ రఘునందన్‌రావు విమర్శించారు. బుధవారం ఆయన మెదక్‌ పార్టీ కార్యాలయంలో విలేకరులతో మాట్లాడారు. డబుల్‌ ఇంజన్‌ సర్కార్‌ (బీజేపీ) అధికారంలోకి వస్తే రాష్ట్రంలో తెలంగాణ విమోచన దినోత్సవాన్ని అధికారికంగా జరుపుతామన్నారు. బీజేపీ సర్పంచ్‌లుగా గెలుపొందిన గ్రామాల్లో గురువారం తెలంగాణ విమోచన దినోత్సవాన్ని ఘనంగా నిర్వహించాలని పిలుపునిచ్చారు. ప్రధాని మోదీ జన్మదినాన్ని ఘనంగా నిర్వహించాలని పార్టీ కార్యకర్తలకు సూచించారు.సేవా సంకల్ప అభియాన్‌లో భాగంగా నెలరోజుల పాటు నిర్వహించాలని కోరారు. సమావేశంలో బీజేపీ జిల్లా అధ్యక్షుడు మల్లేశ్‌గౌడ్‌, మాజీ అధ్యక్షుడు శ్రీనివాస్‌, నాయకులు రంజిత్‌రెడ్డి, సురేష్‌, శ్రీనివాస్‌, రాగి రాములు, ప్రసాద్‌, జనార్దన్‌ తదితరులు పాల్గొన్నారు. హవేళిఘణాపూర్‌(మెదక్‌): ప్రశాంత వాతావరణంలో వినాయక నిమజ్జనం జరిగేలా అవసరమైన అన్ని ఏర్పాట్లు చేస్తున్నట్లు ఎస్పీ శ్రీనివాసరావు అన్నారు. బుధవారం మండలంలోని కోంటూర్‌ చెరువు వద్ద ఏర్పాట్లను పరిశీలించి వివరాలు అడిగి తెలుసుకున్నారు. ఈసందర్భంగా ఆయన మాట్లాడుతూ.. మెదక్‌ పట్టణంతో పాటు ఆయా గ్రామాల నుంచి భారీ విగ్రహాలు నిమజ్జనం చేసే అవకాశం ఉన్నందున, వాహనాల పార్కింగ్‌, క్రేన్‌, గజ ఈతగాళ్ల ఏర్పాట్లపై ఆరా తీశారు. మెదక్‌ పట్టణం నుంచి తరలివచ్చే వాహనాలకు రోడ్డుకు అడ్డుగా ఉన్న కొమ్మలను తొలగించి ఇబ్బందుల్లేకుండా చూడాలన్నారు. నిమజ్జన సమయంలో ఎలాంటి అత్యవసర పరిస్థితినైనా ఎదుర్కొనేలా జేసీబీ, క్రేన్లు, అగ్నిమాపక వాహనాలు, ప్రథమ చికిత్స కేంద్రాలను అందుబాటులో ఉంచాలన్నారు. అధికారులు సమన్వయంతో పని చేసి నిమజ్జనం ప్రశాంత వాతావరణంలో జరిగేలా చూడాలన్నారు. ఎస్పీ వెంట మున్సిపల్‌ చైర్‌పర్సన్‌ రాధిక, సీఐలు కృష్ణమూర్తి, సందీప్‌రెడ్డి ఉన్నారు. కేతకీ హుండీ ఆదాయం రూ.41.63 లక్షలు ఝరాసంగం(జహీరాబాద్‌): దక్షిణ కాశీగా ప్రసిద్ధి చెందిన కేతకీ సంగమేశ్వర ఆలయ హుండీ ఆదా యం రూ. 41,63,605 లక్షలు వచ్చింది. 39 రోజుల పాటు తెలుగు రాష్ట్రాలతో పాటు వివిధ ప్రాంతాల నుంచి వచ్చి స్వామివారిని దర్శించుకున్నారు. బుధవారం వారు సమర్పించిన హుండీ ఆదాయాన్ని లెక్కించారు. ముందుగా గర్భగుడిలోని పార్వతీ పరమేశ్వరులకు ప్రత్యేక పూజా కార్యక్రమాలు నిర్వహించి, నగదు లెక్కింపు ప్రారంభించారు. ఆలయ ఈఓ శివ రుద్రప్ప తదితరులు పాల్గొన్నారు. అలాగే శ్రావణమాసం ముగింపు పూజలు చేశారు.

జిల్లాలో ఖరీఫ్‌ ధాన్యం సేకరణకు అధికారులు సన్నద్ధమవుతున్నారు. ప్రస్తుతం వరి పొట్టదశలో ఉండగా, నెలాఖరుకు కోతకు రానున్నాయి. జిల్లా యంత్రాంగం గత అనుభవాలను దృష్టిలో పెట్టుకొని ముందస్తు కొనుగోలు కేంద్రాల ఏర్పాటుకు సన్నాహాలు చేస్తుంది. అందులో భాగంగా వచ్చేనెల 1 నుంచి కొనుగోలు కేంద్రాలు ఏర్పాటు చేసేందుకు సిద్ధమైంది. ఈమేరకు ఈనెల 8న అదనపు కలెక్టర్‌ నగేశ్‌ వివిధ శాఖల అధికారులతో సన్నాహాక సమావేశం నిర్వహించారు. – మెదక్‌ కలెక్టరేట్‌ ఈఏడాది వానాకాలం సీజన్‌లో 2.93 లక్షల ఎకరాల్లో రైతులు వరి సాగు చేశారు. సుమారు 4.50 లక్షల మెట్రిక్‌ టన్నుల ధాన్యం కొనుగోలు కేంద్రాలకు వచ్చే అవకాశం ఉందని అధికారులు అంచనా వేశారు. దీన్ని దృష్టిలో పెట్టుకొని రైతులు తెచ్చిన ధాన్యాన్ని నిల్వ చేసేందుకు గోదాంల నిర్మాణాల కోసం స్థలాలను పరిశీలించనున్నారు. స్థల సేకరణకు ఆర్డీఓ, తహసీల్దార్లు సన్నద్ధమయ్యారు. జిల్లాలో ధాన్యం దిగుబడికి అనుగుణంగా నిల్వ సామర్థ్యాన్ని పెంచేందుకు ప్రభుత్వ స్థలాలు, వ్యవసాయ మార్కెట్‌ యార్డులు తదితర ప్రాంతాల్లో స్థలాలను పరిశీలన చేయనున్నారు. మౌలిక వసతులు, రవాణా సౌకర్యాలు, రైతులకు అందుబాటులో ఉండే విధంగా గోదాంల నిర్మాణానికి అవసరమైన స్థలాల ఎంపిక చేసేందుకు అధికారులు చర్యలు చేపడుతున్నారు. ఈమేరకు అక్టోబర్‌ మొదటి వారంలో జిల్లాలో ధాన్యం కొనుగోలు కేంద్రాలను ఏర్పాటు చేయడానికి సిద్ధమయ్యారు. రైతులు దళారులను ఆశ్రయించకుండా కొనుగోలు కేంద్రాల్లోనే ధాన్యాన్ని విక్రయించేలా అవగాహన కల్పించనున్నారు. అలాగే కొనుగోలు కేంద్రాల్లో అవసరమైన మౌలిక సదుపాయాలు, తూకం యంత్రాలు, టార్పాలిన్లు, గన్నీ బ్యాగులు, ధాన్యం నాణ్యత పరీక్షించే పరికరాలు ముందుగానే సిద్ధం చేసేందుకు సన్నద్ధమవుతున్నారు. పారదర్శకంగా.. వేగంగా రబీలో ఒకేసారి కేంద్రాలకు ధాన్యం పెద్ద ఎత్తున తరలిరావడం, హమాలీల కొరతతో రైతులు ఇబ్బందులకు గురయ్యారు. రైతులంతా ఒకేసారి రావడంతో అధికారులు సైతం అవస్థలు పడ్డారు. అయితే ఖరీఫ్‌లో పారదర్శకంగా, వేగవంతంగా ధాన్యం కొనుగోలు జరిగేలా సమన్వయంతో పనిచేయాలని అధికారులకు అదనపు కలెక్టర్‌ దిశానిర్దేశం చేశారు. ధాన్యం కొనుగోలు, నిల్వ ప్రక్రియలో ఎలాంటి సమస్యలు తలెత్తకుండా క్షేత్రస్థాయిలో నిరంతరం పర్యవేక్షించనున్నారు. రైతులకు ప్రభుత్వం నిర్ణయించిన మద్దతు ధర అందించనున్నారు. ఈ ఏడాది ఖరీఫ్‌లో జిల్లావ్యాప్తంగా మొత్తం 518 కొనుగోలు కేంద్రాలు ఏర్పాటు చేస్తున్నారు. ఇందులో ఐకేపీ 174, పీఏసీఎస్‌లు 300, డీసీఎంఎస్‌ 12, ఎఫ్‌టీఓ 32 కేంద్రాలు ఉన్నాయి. వచ్చేనెల 1 నుంచి ఖరీఫ్‌ కొనుగోళ్లు జిల్లావ్యాప్తంగా 518 సెంటర్ల ఏర్పాటు గోదాంల నిర్మాణాలకు అధికారుల స్థల పరిశీలన

ఊహించని అగాథం..పటాన్‌చెరు మండలం పెద్ద కంజర్ల నేరేడు చెరువు ఆరుగురు విద్యార్థులను బలి తీసుకుంది. వినాయకుడిని నిమజ్జనం చేసేందుకు చెరువులోకి దిగిన విద్యార్థుల్లో ఒకరు ఒక్కసారిగా మునిగిపోవడంతో.. అతడిని కాపాడేందుకు మరొకరు చేసిన ప్రయత్నం చివరకు ఆరు కుటుంబాల్లో తీరని విషాదాన్ని నింపింది. – సాక్షిప్రతినిధి, సంగారెడ్డి/పటాన్‌చెరు శిరీష చారిటబుల్‌ ట్రస్ట్‌కు చెందిన హాస్టల్‌ విద్యార్థులు సుమారు 20 మంది గణేశ్‌ నిమజ్జనం కోసం ఈ చెరువు వద్దకు వెళ్లారు. మొత్తం ఎనిమిది మంది విద్యార్థులు చెరువులోకి దిగారు. మిగిలిన వారంతా చెరువు గట్టున నిలబడ్డారు. కాస్త ముందుకు వెళ్లి వినాయకుడిని నిమజ్జం చేసే ప్రయత్నంలో ఒక్కసారిగా లోతు ఎక్కువ ఉండటంతో ఓ విద్యార్థి అదుపు తప్పి పడిపోయాడు.. అతడిని పట్టుకునే క్రమంలో మరొకరు.. ఇలా ఎనిమిది మందిలో ఆరుగురు విద్యార్థులు నీట మునిగారు. ఇద్దరు ఈత కొట్టుకుంటూ ఒడ్డుకు చేరారు. ఈ ఘటన జరిగిన ప్రదేశంలో చాలా సంవత్సరాలుగా నిమజ్జం చేస్తున్నారని స్థానికులు అంటున్నారు. అయితే ఊహించని విధంగా లోతు ఎక్కువగా ఉండటంతో ప్రమాదం జరిగిందని చెబుతున్నారు. మృతి చెందిన వారిలో నరసింహరాజ్‌(21), సుమంత్‌ రెడ్డి(17), గణేశ్‌(18), సిద్ధార్థ్‌ (17), శ్యామ్‌ కుమార్‌(17), ఉదయ్‌కుమార్‌(22) ఉన్నారు. విద్యార్థుల మృతదేహాలను పటాన్‌చెరులోని గ్లోబల్‌ ఆస్పత్రికి తరలించారు. ఈ ఘటనపై మంత్రులు పొన్నం ప్రభాకర్‌, దామోదర, మాజీ మంత్రి హ రీశ్‌ రావు త దితరులు తీవ్ర దిగ్భాంతి వ్యక్తం చేశారు. విద్యార్థుల మృతి తనను తీవ్రంగా కలిచివేసిందన్నారు. మృతుల కుటుంబాలకు సానుభూతి తెలిపారు. కాగా సంగారెడ్డి జిల్లాలో పోలీసుశాఖ వద్ద నమోదైన విగ్రహాల సంఖ్య సుమారు 3,525 ఉన్నట్లు ఆశాఖ వర్గాలు తెలిపాయి. నిమజ్జనం చేసే చెరువులు, కుంటలు 66 నమోదైనట్లు తెలిపారు. నిమజ్జనం సమయంలో జాగ్రత్తలు తీసుకోవాలని పోలీసులు సూచిస్తున్నారు. అడ్డగోలుగా మట్టి తవ్వకాల వల్లే చెరువు వద్ద జరిగిన సంఘటనలో చిన్నారులు మరింత లోతుగా వినాయకుడిని నిమజ్జనం చేయాలనే ఆలోచన వారి మునకకు కారణం అయి ఉంటుందని భావిస్తున్నా రు. అయితే చెరువుల్లో అడ్డగోలు మట్టి తవ్వకాల వల్లే గోతులు ప్రమాద భరితంగా మారుతున్నాయి. నియోజకవర్గంలోని అన్ని చెరువుల మట్టిని రాత్రికి రాత్రి గుట్టు చప్పుడు కాకుండా అమ్ముకుంటున్నారు. పర్యవసానంగా ప్రమాదకర గుంతలు ఏర్పడుతున్నాయి. నిమజ్జనం వేళ .. జాగ్రత్తలివి చెరువులు, కుంటల వద్ద పోలీసులు, అధికారులు ఏర్పాటు చేసిన ప్రదేశాల్లోనే వినాయక విగ్రహాలను నిమజ్జనం చేయాలి. ఎక్కువ లోతు, ఉధృతంగా ప్రవాహం ఉన్న చెరువుల గురించి ముందే తెలుసుకోవాలి. అధికారులు ఏర్పాటు చేసిన కృత్రిమ కొలనులో చిన్న చిన్న విగ్రహాలను నిమజ్జనం చేయడం మంచిది. ర్యాంప్‌ గానీ, ప్లాట్‌ఫామ్‌ నుంచే విగ్రహాన్ని నీటిలోకి వదలాలి. భారీ, పెద్ద విగ్రహాలను తప్పనిసరిగా క్రేన్‌ సహాయంతో నిమజ్జనం చేయాలి. నదిలో ప్రవాహం ఎక్కువ ఉన్న ప్రాంతాలకు వెళ్లకూడదు. ఈత రానివారు, చిన్న పిల్లలు నీటిలోకి దిగకుండా పెద్దలు పర్యవేక్షించాలి. మద్యం సేవించి నిమజ్జనానికి రావడం, నీటిలో దిగడం అస్సలు చేయకూడదు. వినాయక శోభాయాత్ర సమయంలో విద్యుత్‌ తీగలు, రోడ్డు పక్కన ఉన్న ట్రాన్స్‌ఫార్మర్ల వద్ద అప్రమత్తంగా ఉండాలి. విగ్రహం ఎత్తు, బరువు బట్టి అవసరం మేరకు వ్యక్తులను, సహాయకులను అందుబాటులో ఉండేలా చూసు కోవాలి. పోలీసులు,అధికారుల సూచనలు తప్పకుండా పాటించాలి. – సాక్షిప్రతినిధి, సంగారెడ్డి చెరువు లోతు తెలియక ముందుకు వెళ్లిన విద్యార్థులు ఒకరిని కాపాడబోయి.. మరొకరు.. ఆరుగురు మృత్యువాత పెద్దకంజర్ల నేరేడు చెరువులో దుర్ఘటన

● లోధా కుల సమస్యలపై బీసీ కమిషన్‌ విచారణ ● త్వరలో ప్రభుత్వానికి నివేదిక: చైర్మన్‌ నిరంజన్‌ పాపన్నపేట(మెదక్‌): గ్రౌండ్‌ లేని బడులకు ఈసారి సమగ్ర శిక్ష నిధుల్లో కోత పెట్టారు. మైదానం లేని బడులకు కొంత మేర నిధులు తగ్గించాలని పాఠశాల విద్యాశాఖ నిర్ణయించింది. ఏటా క్రీడా వికాసానికి నిధులు కేటాయిస్తున్నా, మైదానం లేక, ఆటలు ఆడించక, క్రీడా పరికరాలు మూలనపడుతున్నాయన్న విమర్శలున్నాయి. దీంతో నిధుల దుబారాను అరికట్టే చర్యల్లో భాగంగా కోత విధించినట్లు తెలుస్తోంది. జిల్లాలో మైదానం లేని పాఠశాలలు 34 జిల్లాలో మొత్తం 933 పాఠశాలలుండగా, 34 పాఠశాలల్లో క్రీడా మైదానాలు లేవు. ఇందులో 31 ప్రాథమిక పాఠశాలలు, ఒక ప్రాథమికోన్నత, 2 ఉన్నత పాఠశాలలున్నాయి. కాగా కొన్ని పాఠశాలల్లో గ్రౌండ్‌ లేకున్నప్పటికీ, ఉన్నట్లుగా యూ డైస్‌ రికార్డుల్లో చూపారన్న ఆరోపణలున్నాయి. కాగా ఇంతవరకు మైదానం ఉన్న ప్రాథమిక పాఠశాలకు రూ. 5 వేలు, లేకుంటే రూ.4 వేలు మంజూరు చేసేవారు. ప్రాథమికోన్నత పాఠశాలలో గ్రౌండ్‌ ఉంటే రూ.10 వేలు, లేకుంటే రూ.7 వేలు, ఉన్నత పాఠశాలలో రూ.25 వేలు, గ్రౌండ్‌ లేకుంటే రూ.15 వేలు ఇస్తున్నారు. అలాగే ఒక్క విద్యార్థి లేని బడులకు, 10 మంది లోపు విద్యార్థులు ఉన్న బడులకు క్రీడా నిధులు ఇవ్వడం లేదు. ఈ నిధులతో విద్యార్థులకు ఇండోర్‌ గేమ్స్‌, అవుట్‌డోర్‌ గేమ్స్‌, వ్యాయామాలకు సంబంధించి క్రీడా పరికరాలు కొనాల్సి ఉంటుంది. కాగా, ఎలాంటి కోతలు పెట్టకుండా, పాఠశాలలకు నిధులు ఇస్తే, కనీసం ఇండోర్‌ గేమ్స్‌కు సంబంధించి ఆట వస్తువులైనా కొనుగోలు చేయొచ్చునని హెచ్‌ఎంలు అంటున్నారు. ఈ విషయమై పాపన్నపేట ఎంఈఓ ప్రతాప్‌రెడ్డిని వివరణ కోరగా.. నిధుల్లో కోత విధించినట్లు తెలిసిందన్నారు.పథకాలు అందుతున్నాయా?పెద్దశంకరంపేట(మెదక్‌): రాష్ట్రవ్యాప్తంగా లోధా కులాల వారి సమస్యలపై బీసీ కమిషన్‌ ఆధ్వర్యంలో విచారణ చేపడుతున్నట్లు చైర్మన్‌ నిరంజన్‌ తెలిపారు. బుధవారం సాయంత్రం మండల కేంద్రంలో లోధా, లొద్ద కుల సంఘాల సభ్యులతో సమావేశం నిర్వహించారు. ఈసందర్భంగా వారి పూర్వీకుల వివరాలు, కుల వృత్తి, వ్యాపారాలు, ఇంటిపేర్లు, వివాహాలు, అంత్యక్రియలు, కుల ఆచారాలు, ప్రభుత్వం అందిస్తున్న పథకాలు అందుతున్నాయా..? బీసీ కుల ధ్రువపత్రాలు వినియోగంలో ఉన్నాయా..? కుల వివక్షత గురించి వివరాలు సేకరించారు. తమకు ప్రత్యేక రిజర్వేషన్‌తో పాటు ఉద్యోగాలు, కుల వివక్షత లేకుండా చూడాలని, పిల్లలకు మంచి భవిష్యత్తు, రిజర్వేషన్లు అందించాలని లోధా కులస్తులు విన్నవించారు. ప్రభుత్వానికి బీసీ కమిషన్‌ ద్వారా లోధా కుల సమస్యలౖపై నివేదిక అందిస్తామని, నెల రోజుల్లో బీసీ కార్పొరేషన్‌ ద్వారా ప్రభుత్వ స్కీంలపై అవగాహన సమావేశం నిర్వహించాలని కలెక్టర్‌, బీసీ అధికారులను చైర్మన్‌ ఆదేశించారు. బీసీ సర్టిఫికేట్‌ రాకపోతే ఈడబ్ల్యూఎస్‌ సర్టిఫికెట్‌ పొందాలని సూచించారు. కార్యక్రమంలో బీసీ కమిషన్‌ సభ్యులు రాపోల్‌ జయప్రకాశ్‌, తిరుమలగిరి సురేందర్‌, బాలలక్ష్మి, అదనపు కలెక్టర్‌ నగేశ్‌, ఆర్డీఓ రమాదేవి, తహసీల్దార్‌ నారాయణ, ఎంపీడీఓ క్రాంతికుమార్‌, సర్పంచ్‌ జంగం రేణుక, అల్లాదుర్గం సీఐ రేణుకారెడ్డి, ఎస్‌ఐ ప్రవీణ్‌రెడ్డి, కుల సంఘం నాయకులు రమేశ్‌, మహేందర్‌ తదితరులు పాల్గొన్నారు.

వెల్దుర్తి(తూప్రాన్‌): గ్రామ శివారు సర్వే నంబర్‌ 580లోని గుడిబండపై కంకర మిషన్‌ ఏర్పాటుకు అనుమతి ఇవ్వొదంటూ మండలంలోని కుకునూర్‌ గ్రామస్తులు అధికారులను వేడుకున్నారు. బుధవారం అదనపు కలెక్టర్‌ నగేశ్‌, జిల్లా మైనింగ్‌ అధికారితో పాటు వెల్దుర్తి తహసీల్దార్‌ కార్యాలయంలో సర్పంచ్‌ ఆధ్వర్యంలో మర్యాదపూర్వకంగా కలిసి వేర్వేరుగా వినతిపత్రం అందజేశారు. క్రషర్‌ మిషన్‌ ఏర్పాటు చేయడం వల్ల గ్రామ ప్రజలకు, పరిసర ప్రాంతాలకు ఇబ్బందులు కలిగే అవకాశం ఉందని అధికారుల దృష్టికి తీసుకెళ్లారు. గ్రామ ప్రజల అభ్యంతరాలను పరిగణనలోకి తీసుకోవాలని కోరారు. కార్యక్రమంలో సర్పంచ్‌ సాయిలు, మాజీ జెడ్పీటీసీ రమేశ్‌గౌడ్‌తో పాటు వివిధ పార్టీల నాయకులు, గ్రామ పెద్దలు, యువకులు, గ్రామస్తులు పాల్గొన్నారు.

ఎమ్మెల్యే సంజీవరెడ్డి కల్హేర్‌(నారాయణఖేడ్‌): జిల్లాలోని మధ్యతరహా ప్రాజెక్టు నల్లవాగు నీటి సరఫరా, కాలువల విషయంలో బీఆర్‌ఎస్‌ నేతలు ఆరోపణలు చేయడం సిగ్గుచేటని ఎమ్మెల్యే పి.సంజీవరెడ్డి మండిపడ్డారు. మండలంలోని మార్డిలో మంగళవారం లబ్ధిదారులకు స్మార్టురేషన్‌ కార్డులు పంపిణీ చేశారు. ఈ సందర్భంగా ఎమ్మెల్యే మాట్లడుతూ..గత బీఆర్‌ఎస్‌ ప్రభుత్వ 10 ఏళ్ల పాలనలో నల్లవాగు ప్రాజెక్టు కాల్వల్లో పూడిక తీయడంలో పూర్తిగా విఫలమయ్యారన్నారు. పనులు చేయకుండా ప్రజాధనం దుర్వినియోగం జరిగిందని ఆరోపించారు. పేదలు, రైతుల సంక్షేమం కోసం కాంగ్రెస్‌ ప్రభుత్వం నిరంతరం పనిచేస్తుందని తెలిపారు. కార్యక్రమంలో తహసీల్దార్‌ శివశ్రీనివాస్‌, మాజీ సీడీసీ చైర్మన్‌ నర్సింహరెడ్డి, సర్పంచ్‌ విజయలక్ష్మి, నాయకులు పోచయ్య, రవీందర్‌రెడ్డి, దేవదాస్‌, జితేందర్‌రెడ్డి, సంగారెడ్డి పాల్గొన్నారు.

కౌడిపల్లి(నర్సాపూర్‌): ఎస్సీ వర్గీకరణలో భాగంగా మాలల రోస్టర్‌ 22ను సవరించాలని అసెంబ్లీలో చర్చించిన ఎమ్మెల్సీ ప్రొఫెసర్‌ కోదండరాంను ఎంసీఎఫ్‌ (మాల కోఆర్డినేషన్‌ ఫోరం), మాలమహానాడు జిల్లా అధ్యక్షుడు సంజీవ్‌ ఇతర నాయకులు మంగళవారం సన్మానించారు. ఈ సందర్భంగా సంజీవ్‌ మాట్లాడుతూ.. ఎస్సీ వర్గీకరణలో మాలలకు రోస్టర్‌ 22 కేటాయిండంతో విద్య, ఉద్యోగాల్లో తీవ్ర అన్యాయం జరుగుతుందన్నారు. ప్రభుత్వం స్పందించి రోస్టర్‌ 22ను సవరించి న్యాయం చేయాలన్నారు. మాలలకు ఇచ్చిన హామీ మేరకు ఎమ్మెల్సీ కోదండరాం శాసనమండలిలో చర్చించి మాలలకు జరుగుతున్న అన్యాయాన్ని ప్రభుత్వం దృష్టికి తెచ్చింనందుకు ధన్యవాదాలు తెలిపారు. కార్యక్రమంలో నాయకులు శంకర్‌, శివ, రవి, యాదగిరి, మోషయ్య, ఆనంద్‌, మైపాల్‌ తదితరులు పాల్గొన్నారు. పకడ్బందీగా రీ సర్వే హవేళిఘణాపూర్‌(మెదక్‌): భూ భారతి రీ సర్వేలో ప్రజల నుంచి వచ్చిన ఫిర్యాదులపై క్షేత్రస్థాయిలో విచారణ చేపట్టి భూ రికార్డులను పరిశీలిచాలని అదనపు కలెక్టర్‌ నగేశ్‌ అన్నారు. మంగళవారం మెదక్‌ మండలం పాశాపూర్‌ గ్రామంలో కొనసాగుతున్న భూ భారతి రీసర్వేను పరిశీలించారు. రైతులకు ఎలాంటి ఇబ్బందులు రాకుండా క్షేత్రస్థాయిలో పరిశీలించి రికార్డులను నిబంధనల ప్రకారం త్వరితగతిన పూర్తి చేసేలా చూడాలన్నారు. కార్యక్రమంలో ఏడీఏ ల్యాండ్‌ సర్వే కిషన్‌, తహసీల్దార్‌ లక్ష్మణ్‌బాబు పాల్గొన్నారు. టేక్మాల్‌(మెదక్‌): మెదక్‌ జిల్లా లేబర్‌ సెల్‌ జిల్లా కన్వీనర్‌గా మండలంలోని కాద్లూర్‌ గ్రామానికి చెందిన నాయికోటి శ్యామయ్య మంగళవారం నియమితులయ్యారు. ఈ సందర్భంగా శ్యామయ్య మాట్లాడుతూ.. తన నియమకానికి సహకరించిన మెదక్‌ ఎంపీ రఘునందన్‌ రావు, బీజేపీ రాష్ట్ర కార్యదర్శి పరిణిత, జిల్లా అధ్యక్షుడు మల్లేష్‌గౌడ్‌, జిల్లా అధికార ప్రతినిధి మల్లారెడ్డి, జిల్లా నాయకులకు ప్రత్యేక ధన్యవాదాలు తెలిపారు. పదవీ బాధ్యతలు సంపూర్ణంగా నిర్వహిస్తానని, పార్టీ బలోపేతానికి కృషి చేస్తానని స్పష్టం చేశారు. పటాన్‌చెరు టౌన్‌: క్షయవ్యాధి లక్షణాలను నిర్లక్ష్యం చేయకుండా తొలిదశలోనే గుర్తించి వైద్యులను సంప్రదించాలని టీబీ జిల్లా కో ఆర్డినేటర్‌ అరుణ సూచించారు. పటాన్‌చెరు ప్రభుత్వ డిగ్రీ కళాశాలలో టీబీ ముక్త్‌ భారత్‌ కార్యక్రమంలో భాగంగా మంగళవారం క్షయవ్యాధి నివారణపై అవగాహన కార్యక్రమం నిర్వహించారు. ఈ సందర్భంగా అరుణ మాట్లాడుతూ.. రెండు వారాలకు మించి దగ్గు, జ్వరం, ఆకలి మందగించడం, బరువు తగ్గడం, రాత్రిపూట చెమటలు పట్టడం వంటి లక్షణాలు కనిపిస్తే వెంటనే పరీక్షలు చేయించుకోవాలన్నారు. క్షయవ్యాధి నివారణకు ప్రభుత్వం ఉచితంగా పరీక్షలు, చికిత్స అందిస్తోందని తెలిపారు. విద్యార్థులు టీబీపై అవగాహన పెంచుకుని, చుట్టుపక్కల ప్రజలకు కూడా అవగాహన కల్పించాలని కోరారు. కార్యక్రమంలో కళాశాల ప్రిన్సిపాల్‌ ప్రొఫెసర్‌ ప్రవీణ, భాగ్య క్లబ్‌ కన్వీనర్‌ డాక్టర్‌ శివదీప్తి, ఎన్‌ఎస్‌ఎస్‌ అధికారులు ప్రొఫెసర్‌ వెంకటేశం, కరుణ కుమారి తదితరులు పాల్గొన్నారు.

● సరఫరాకు ముగ్గురు కాంట్రాక్టర్లు టెండర్‌ ● జిల్లా వ్యాప్తంగా 1,728 నీటి వనరులు ● 17 వేల పైచిలుకు మత్స్యకారులకు లబ్ధి చేపల పెంపకంపై ఆధారపడి జీవనం సాగించే మత్స్యకారులకు మంచి రోజులు వచ్చాయి. జిల్లాలో కాస్త ఆలస్యంగా వర్షాలు కురిసినప్పటికీ చేపలను పెంచేందుకు సరిపడా నీళ్లు చెరువులకు చేరాయి చేరాయి. ఉచిత చేప పిల్లల సరఫరాకు అధికారులు టెండర్‌ కాల్‌ ఫర్‌ చేయగా, ముగ్గురు కాంట్రాక్టర్లు ముందుకు వచ్చి టెండర్లు వేశారు. సదరు కాంట్రాక్టర్లకు సంబంధించిన ఫిష్‌ ఫార్ములను సైతం అధికారులు ఇటీవలే పరిశీలించారు. – మెదక్‌ జోన్‌ మెదక్‌ జిల్లా వ్యాప్తంగా ఈ ఏడాది కురిసిన వర్షాలకు 1,728 చెరువులు, కుంటల్లోకి చేపలను పెంచే విధంగా నీరు చేరింది. వీటిలో 5.32 కోట్ల 4 రకాల చేప పిల్లలను వదిలేందుకు అధికారులు 15 రోజుల క్రితం టెండర్లు పిలిచారు. ఇందులో సంగారెడ్డికి చెందిన ఒకరు, ఖమ్మం జిల్లాకు చెందిన మరొకరు ఆంధ్రాకు చెందిన ముగ్గురు కాంట్రాక్టర్లు ఈ టెండర్‌ లో పాల్గొన్నారు. టెండర్‌ వేసిన సదరు కాంట్రాక్టర్ల చేపల పెంపకం షెడ్లను ఇటీవల అధికారులు పరిశీలించారు. నిబంధనల ప్రకారం చేపలను పెంచుతున్నట్లు అధికారులు నిర్ధారణకు వచ్చారు. కాగా వారు వేసిన టెండర్లు మరో రెండు మూడు రోజుల్లో ఓపెన్‌ చేయనున్నారు. ఇందులో ఎవరు తక్కువకు కోడ్‌ చేస్తే వారికే చేప పిల్లల సరఫరా ప్రక్రియ అప్పజెప్పనున్నారు. మత్స్యకారులకు మేలు జిల్లావ్యాప్తంగా 311 మత్స్య సహకార సంఘాలు ఉండగా, వాటిలో 17,630 మంది సభ్యులున్నారు. అధికారులు గుర్తించిన 1,728 నీటి వనరుల్లో చేప పిల్లలను వదిలినట్లయితే జిల్లాలోని మత్స్యకారులకు చేతినిండా పని దొరుకుతుంది. ఫలితంగా ఆర్థికంగా అభివృద్ధి చెందే అవకాశాలు నిండుగా కనిపిస్తున్నాయి. గత సంవత్సరం జిల్లా వ్యాప్తంగా కుండపోత వర్షంతో చెరువులు, కుంటలు పొంగిపొర్లాయి. దీంతో జులై మాసంలోనే చేప పిల్లల సరఫరాకు మూడుసార్లు టెండర్లు పిలిచినా ఎవరు ముందుకు రాలేదు. దీంతో ఖమ్మం జిల్లాకు చెందిన ఓ కాంట్రాక్టర్‌ ను అధికారులు బుజ్జగించి 1,728 నీటి వనరుల్లో 5 కోట్ల చేప పిల్లలు వదలాలని సూచించగా సదరు కాంట్రాక్టర్‌ కేవలం 900 చెరువుల్లో 3 కోట్ల పిల్లలను మాత్రమే వదిలి చేతులెత్తేశాడు. దీంతో మత్స్యకారులకు ఉపాధి కరువైంది. ఈ సంవత్సరం ఉచిత పిల్లలను సరఫరా చేసేందుకు సకాలంలో ముగ్గురు కాంట్రాక్టర్లు ముందుకు రావడంతో మత్స్యకారులు సంతోషం వ్యక్తం చేస్తున్నారు.జిల్లా వ్యాప్తంగా 2 వేల పైచిలుకు చెరువులు, కుంటలు ఉన్నాయి. ఈ ఏడు వర్షాకాలంలో కురిసిన వానలకు 1,728 నీటి వనరుల్లోకి చేపలను పెంచేందుకు సరిపడా నీరు వచ్చినట్లు అధికారులు గుర్తించారు. వీటిలో కట్ల, రాహు, బంగారు తీగ, మిర్గా నాలుగు రకాలకు చెందిన 5.32 కోట్ల చేప పిల్లలను వదిలేందుకు అధికారులు నిర్ణయించారు. కాగా చేపలను వదిలిన సదరు నీటి వనరుల్లో కనీసం 9 మాసాలకు తగ్గకుండా నీటినిలో ఉండాలి. అప్పుడే వదిలిన చేపలు ఒక్కోటి అరకిలో నుంచి 800 గ్రాముల వరకు పెరుగనున్నాయి. లేనట్లయితే చేపల ఎదుగుదల ఉండదు. వీటిని పరిశీలించేందుకు మరోసారి ఇరిగేషన్‌, మత్స్య సహకార శాఖ అధికారులు చెరువుల్లోని నీటిని క్లుప్తంగా పరిశీలించనున్నారు. 9 నెలలపాటు నీరు నిల్వ ఉండేలా..

కౌడిపల్లి(నర్సాపూర్‌): కాంగ్రెస్‌ ప్రభుత్వంలో క్రైం తప్ప అభివృద్ధి లేదని ఎమ్మెల్యే సునీతారెడ్డి విమర్శించారు. మండలంలోని దేవులతండాలో మంగళవారం మినరల్‌ వాటర్‌ప్లాంట్‌ను ప్రారంభించారు. అక్కడే ఎమ్మెల్యే సమక్షంలో కొట్టాల గ్రామానికి చెందిన వార్డుసభ్యులు అనిత, శంకర్‌నాయక్‌తోపాటు 15మంది కాంగ్రెస్‌పార్టీ సభ్యులు బీఆర్‌ఎస్‌ పార్టీలోకి చేరారు. ఈ సందర్భంగా ఎమ్మెల్యే మాట్లాడుతూ.. కాంగ్రెస్‌ పాలనలో నేరాల్లో రాష్ట్రం మూడోస్థానానికి చేరిందన్నారు. మహిళలకు రక్షణ లేకుండా పోయిందని, పోలీస్‌, షీటీమ్‌ వ్యవస్థను నిర్వీర్యం చేసిందని మండిపడ్డారు. గత బీఆర్‌ఎస్‌ ప్రభుత్వం గిరిజనులకు పదిశాతం రిజర్వేషన్లు కల్పించిందన్నారు. తండాలను పంచాయతీ చేయడంతోపాటు ఎస్‌డీఎఫ్‌ నిధులు మంజూరు చేసిందని గుర్తు చేశారు. గత ప్రభుత్వం మంజూరు చేసిన ఎస్‌డీఎఫ్‌ నిధులు రూ.50కోట్ల పనులకు కాంగ్రెస్‌ ప్రభుత్వం రద్దు చేసిందని వివర్శించారు. నాడు కేసీఆర్‌ 24గంటలు ఉచిత కరెంట్‌ ఇస్తే ఈ ప్రభుత్వం కనీసం ఏడు గంటలు కూడా ఇవ్వడంలేదని ఆగ్రహం వ్యక్తం చేశారు. అనంతరం వెంకట్రాపేటలో ఉప సర్పంచ్‌ రామాంజనేయులు కుటుంబాన్ని పరామర్శించడంతోపాటు ఐకేపీ మహిళలతో మాట్లాడారు. కార్యక్రమంలో మండల బీఆర్‌ఎస్‌ అధ్యక్షుడు సార రామాగౌడ్‌, సర్పంచ్‌లు కోలశ్రీను, ఎల్లం, సుమలత, కుత్‌బొద్దిన్‌ తదితరులు పాల్గొన్నారు.ఎమ్మెల్యే సునీతారెడ్డి

శిథిల బురుజుల దుమ్ము దులిపిన యువకులుపాపన్నపేట(మెదక్‌): నిజాం రాజ్యంలో అతి పెద్ద రెండో సంస్థానం, రాజకీయ రణతంత్రాలకు పరిపాలనా దక్షతకు పెట్టింది పేరు పాపన్నపేట కోట. నిత్యం రాచకార్యాలతో కళకళలాడిన రాజ భవనాలు నిర్మానుష్యంగా మారాయి. శత్రు దుర్భేద్య కోటలు..శిథిలమయ్యాయి. వీటిని పట్టించుకునే పాలకులే కరువయ్యారు. దీంతో అలనాటి వైభవం కాలగర్భంలో కలసి పోయింది. కళ్లముందే కనుమరుగవుతున్న వారసత్వ సంపదకు పునరుజ్జీవం పోయాలనుకున్నారు పాపన్నపేట యువకులు. అనుకున్నదే తడువుగా నాడు నిజాం ప్రభువు చేత ‘రాయబగన్‌’(ఆడ సింహం) బిరుదు పొందిన రాణి శంకరమ్మ పేరిట ‘యూత్‌ అసోసియేషన్‌’ఏర్పాటు చేశారు. చేతిలో చిల్లి గవ్వ లేకున్నా చేతుల కష్టాన్ని నమ్ముకున్నారు. బురుజులు ఎక్కి అడ్డదిడ్డంగా పెరిగిన చెట్లను నరికేశారు. కళ తప్పిన రాజకోటను రంగుల దీపాలతో అలంకరించారు. కోట లోపల చెత్తా చెదారాలను తొలగించారు. ఈ సందర్భంగా యూనియన్‌ సభ్యులు సాయికిరణ్‌, భాస్కర్‌, గంగాధర్‌, నవీన్‌,శేఖర్‌,సుదర్శన్‌ గౌడ్‌, సాయిబాబా, దత్తు,నర్సింహులు, ప్రవీణ్‌, సన్నీ,ప్రశాంత్‌ మాట్లాడుతూ...పాపన్నపేట కోటకు పూర్వవైభవాన్ని తెస్తామని చెప్పారు. జిల్లా కలెక్టర్‌ స్పందించి పాపన్నపేట కోటలను పర్యాటక కేంద్రంగా తీర్చిదిద్దాలని కోరారు.

దసరా పండుగ ధమాకా గా కొత్త పింఛన్లు పంపిణీ చేసేందుకు రంగం సిద్ధమవుతున్నట్లు తెలుస్తోంది. ఆగస్టు 9 న ప్రారంభమైన చేయూత పింఛన్‌ దరఖాస్తుల ప్రక్రియ మంగళవారంతో ముగియగా ఇప్పటి వరకు వివిధ విభాగాల క్రింద దాదాపుగా 12,356 దరఖాస్తులు వచ్చాయి. ఈ నెల చివరి నాటికి దరఖాస్తుల పరిశీలన పూర్తి చేసి అక్టోబర్‌ మొదటి వారంలో లబ్ధిదారులను ఎంపిక చేసి, దసరా నుంచి కొత్త పింఛన్‌లను ఇవ్వాలని సర్కార్‌ నిర్ణయించినట్లు తెలుస్తోంది. –పాపన్నపేట(మెదక్‌) ఒంటరి మహిళల గుర్తింపుపై, కొన్ని సమస్యలు ఏర్పడినప్పటికీ, ఇటీవల అర్హుల గుర్తింపు బాధ్యతను ఎంపీడీఓలకు అప్పగించారు. కాగా, ఇప్పటికే జిల్లాలో వివిధ రకాల పింఛన్లు పొందుతున్నవారు 1,05,579 లబ్ధిదారులు ఉండగా, వారికి ప్రతీ నెలా రూ. 23,97,56,912 మేర పింఛన్‌ జమవుతోంది. వృద్ధాప్య పింఛన్లు లేనట్లేనా! సుమారు నాలుగేళ్ల తర్వాత కొత్తగా చేయూత పింఛన్లు ఇచ్చేందుకు కాంగ్రెస్‌ ప్రభుత్వం గ్రీన్‌ సిగ్నల్‌ ఇచ్చింది. అయితే వృద్ధాప్య పింఛన్లకు ద్వారాలు మూసి ఒంటరి మహిళలు, గీతకార్మికులు,చేనేత కార్మికులు, పైలేరియా, డయాలసిస్‌ బాధితుల దరఖాస్తులకు పచ్చ జెండా ఊపారు. ఆగస్టు 9న ప్రారంభించిన దరఖాస్తులు మొదట ఆ నెలాఖరు వరకు తీసుకోవాలని భావించినప్పటికీ ఈ నెల 15 వరకు గడువు పెంచారు. పింఛన్‌ ఫారాలకు నిర్దేశించిన ధ్రువీకరణ పత్రాలు జతపర్చాలన్న నిబంధన ఉండటంతో నిర్ణీత గడువు పెంచారు. ఈ మేరకు దాదాపుగా 12,356 దరఖాస్తులు వచ్చాయని, సర్వర్‌ ఇబ్బంది వల్ల వివిధ రకాల పింఛన్ల వివరాలు తెలియడం లేదని అధికారులు తెలిపారు. ఒంటరి మహిళ గుర్తింపే సమస్య ఒంటరి మహిళల గుర్తింపు మొదట సమస్యగా మారింది. నిబంధనల మేరకు గతంలో పెళ్లయి, విడాకులు పొందిన 18 యేళ్లు దాటిన వారికి, విడాకుల పత్రం, కోర్టు ఉత్తర్వులు ఉండాలి. ఏడాదికి పైగా ఒంటరిగా ఉన్నట్లు తహశీల్దార్‌ నుంచి విచారణ నివేదిక ఉండాలి. ఇలా కాకుండా గ్రామాల్లో అయితే 30 ఏళ్లు పట్టణాల్లో అయితే 35 ఏళ్లు దాటి పెళ్లి కాకుండా ఉన్న మహిళలను స్థానిక పంచాయతీ కార్యదర్శులు విచారణ జరిపి ధ్రువీకరిస్తే వారిని ఒంటరి మహిళలుగా గుర్తిస్తున్నారు. అయితే ఈ నెల 11న వచ్చిన జీఓ ప్రకారం ఒంటరి మహిళల గుర్తింపు బాధ్యతలు ఎంపీడిఓలకు అప్పగించారు. భర్త మరణించిన మహిళలు సంబంధిత ధ్రువపత్రం చూపాల్సి ఉంటుంది. రెండేళ్ల లోపు భర్త మరణిస్తే తహశీల్దార్లు, ఆర్డీఓలు సర్టిఫికెట్‌ ఇచ్చే అవకాశం ఉంది. రెండేళ్లు దాటితే కోర్టు నుంచి తెచ్చుకోవాలని నిబంధనలు ఉండటంతో బాధితులు అనేక ఇబ్బందులు ఎదుర్కొంటున్నారు. ఈ విషయమై పాపన్నపేట ఎంపీడీఓ విష్ణువర్ధన్‌ మాట్లాడుతూ.. మంగళవారంతో దరఖాస్తుల ప్రక్రియ ముగిసిందని అక్టోబర్‌ మొదటి వారం నాటికి అర్హుల ఎంపిక పూర్తి అయ్యే అవకాశం ఉందన్నారు. 15 వరకు 12,356 దరఖాస్తులు ఒంటరి మహిళలగుర్తింపుపై మల్లగుల్లాలు ముగిసిన దరఖాస్తుల గడువు పాత ిపింఛన్లు 1.05 లక్షలు

కలెక్టర్‌ ప్రతిమా సింగ్‌ చేగుంట(తూప్రాన్‌): గర్భిణులు ఆరోగ్యంపై వైద్య సిబ్బంది ప్రత్యేక చొరవ చూపాలని జిల్లా కలెక్టర్‌ ప్రతిమా సింగ్‌ స్పష్టం చేశారు. మంగళవారం పీహెచ్‌సీని ఆకస్మికంగా తనిఖీ చేశారు. ఆసుపత్రికి సంబంధించిన రికార్డులు, గదుల్లోని వసతులను పరిశీలించారు. ఆస్పత్రికి వైద్యం కోసం వచ్చిన రోగులను కలిసి, వైద్య సిబ్బంది అందిస్తున్న సేవల గురించి తెలుసుకున్నారు. అనంతరం వైద్య సిబ్బందితో కలెక్టర్‌ సమావేశమై పలు సూచనలు చేశారు. గర్భిణులకు మెరుగైన వైద్యం అందేలా ప్రత్యేక శ్రద్ధ పెట్టాలని, హైరిస్క్‌ కేసుల విషయంలో నిర్లక్ష్యం చేయకుండా వెంటనే జిల్లా ఆస్పత్రి నుంచి అవసరమైన సహకారం తీసుకోవాలని ఆదేశించారు. సిబ్బంది విధిగా సమయపాలన పాటించి, ప్రజలకు నాణ్యమైన వైద్య సేవలను అందించాలని పేర్కొన్నారు. కార్యక్రమంలో డాక్టర్‌ సౌజన్య, నాగమల్లీశ్వరీ, సీహెచ్‌ఓ అనీసోద్దీన్‌ తదితర వైద్య సిబ్బంది పాల్గొన్నారు.రైస్‌మిల్లులో తనిఖీలు శివ్వంపేట(నర్సాపూర్‌): శివ్వంపేటలోని ఓం సాయి వెంకటరమణ రైస్‌మిల్‌లో మంగళవారం ఎన్‌ఫోర్స్‌మెంట్‌, విజిలెన్స్‌ అధికారులు ఆకస్మిక తనిఖీలు నిర్వహించారు. 2022– 23 రబీ సీజన్‌లో ప్రభుత్వం ఈ మిల్లుకు 6,996 టన్నుల ధాన్యాన్ని కేటాయించారు. అయితే, మిల్లులో నిల్వలను పరిశీలించగా 241 టన్నుల ధాన్యం (సుమారు 6,026 బస్తాలు) తక్కువగా ఉన్నట్లు అధికారులు గుర్తించారు. కేటాయించిన ధాన్యాన్ని నిల్వ చేసుకునేందుకు మిల్లులో తగినంత గోదాం సదుపాయం లేకపోవడంతో ఆరుబయట నిల్వ చేయాల్సి వచ్చిందని యజమానులు తెలిపారు. ఈ క్రమంలో వర్షాలకు వడ్ల బస్తాలు తడిసి పాడైపోవడంతో పాటు, కోతుల బెడద కారణంగా ధాన్యం నష్టం వాటిల్లిందని అధికారులకు వివరించారు. తక్కువగా వచ్చిన 241 టన్నుల ధాన్యం విలువ రూ. 53,91,000 ప్రభుత్వానికి రికవరీ కింద చెల్లించాలని అధికారులు స్పష్టం చేశారు. స్పందించిన మిల్లు యజమానులు ఆ మొత్తాన్ని చెల్లిస్తామని లిఖితపూర్వకంగా రాసిచ్చినట్లు విజిలెన్స్‌ అధికారులు తెలిపారు. ఈ తనిఖీల్లో మెదక్‌ సివిల్‌ సప్లయి ఆర్‌ఐ నర్సింలు, హైదరాబాద్‌ ఎన్‌ఫోర్స్‌మెంట్‌ సిబ్బంది పాల్గొన్నారు. తైవాన్‌లో మెరిసిన ఐఐటీహెచ్‌ విద్యార్థులుసాక్షిప్రతినిధి, సంగారెడ్డి: తైవాన్‌ నేషనల్‌ యూనివర్సిటీ ఆ దేశంలో నిర్వహించిన అంతర్జాతీయ పోటీలో హైదారాబాద్‌ ఐఐటీ విద్యార్థులు ప్రతిభను చాటారు. బీటెక్‌ మొదటి సంవత్సరం చదువుతున్న నలుగురు విద్యార్థుల బృందం ప్రదర్శనకు అంతర్జాతీయస్థాయిలో ఎక్స్‌లెన్స్‌ అవార్డు వరించింది. రూ.1.5 లక్షల నగదు బహుమతి అందుకున్నారు. ఇండస్ట్రియల్‌ కెమిస్ట్రీ విభాగానికి చెందిన విద్యార్థులు మహక్‌గాడియా, రాఖీమహమ్మద్‌, మెకానికల్‌ విభాగానికి చెందిన ఉదిత్‌మైనీ, ఇంజనీరింగ్‌ ఫిజిక్స్‌కు చెందిన యుగ్‌నికేష్‌లు సోలార్‌ ప్యానెల్స్‌పై చేస్తున్న పరిశోధనలను ప్రదర్శించారు. 70 సెం.మీల ఉష్ణోగ్రతతో పాటు, అత్యధిక తేమను తట్టుకోగలిగిన 25 సెం.మీ స్కొయర్‌ ప్యానెల్స్‌లను ప్రదర్శించారు. అంతర్జాతీయ జ్యూరీ విభాగం ఈ ప్రదర్శనను ఎక్స్‌లెన్స్‌ అవార్డుకు ఎంపిక చేసింది. అవార్డు దక్కించుకున్న విద్యార్థులను ఐఐటీహెచ్‌ డైరెక్టర్‌ ఫ్రొఫెసర్‌ బీఎస్‌ మూర్తి, ఈ బృందం సూపర్‌వైజర్‌ ఆశిశ్‌కులకర్ణిలు అభినందించారు. సోలార్‌ ప్యానెల్స్‌పై పరిశోధనకు ౖతైవాన్‌ ఎక్స్‌లెన్స్‌ అవార్డు ప్రతిభ చాటిన హైదరాబాద్‌ ఐఐటీ విద్యార్థులు

యాభై ఏళ్ల కింద ఆ భూములను సర్కార్‌ ఇచ్చింది. అప్పటి నుంచి పంటలు పండించి బతుకుతున్నాం. వాటిని సర్కారోళ్లు మావంటే మేము ఎలా బతకాలి? మా ఊరికి ఆ భూములే బతుకుదెరువు. – రంగి వెంకయ్య, కొండాపూర్‌మాకు భూములతోపాటు అప్పడే పట్టాలిచ్చారు. వాటిని బ్యాంకుల్లో పెట్టి అప్పు తీసుకున్నాం. బోర్లు వేశాం. అప్పటి నుంచి పంటలు పండిస్తున్నాం. కానీ సర్వేలు చేసి ఏం రాకుండా చేశారు. – దప్పు భూమయ్య, కొండాపూర్‌కొండాపూర్‌లో దశాబ్దాల క్రితం ఆ ఊరి ప్రజలకు 500 ఎకరాల భూములను అప్పట్లో ఇచ్చారు. కాగా, 2017లో చేసిన భూ సర్వేలో వాటిలో కొంత ఫారెస్టు పరిధిలోకి వచ్చాయని తేలటంతో వాటిని పార్ట్‌(బీ)లో పెట్టారు. ప్రస్తుతం 22(ఏ)లో పొందుపర్చారు. కాగా, వాటిని రెవెన్యూ, ఫారెస్టు జాయింట్‌ సర్వే చేయాల్సి ఉంది. – జోజి, డీఎఫ్‌ఓ, మెదక్‌

మెదక్‌ కలెక్టరేట్‌: రాజీపడదగిన కేసుల్లో రాజీ పడటమే రాజమార్గమని జిల్లా ప్రధాన న్యాయమూర్తి నీలిమ పేర్కొన్నారు. శనివారం జిల్లాలో 5 బెంచ్‌ల ద్వారా నిర్వహించిన జాతీయ లోక్‌ అదాలత్‌కు అనూహ్య స్పందన లభించింది. ఈ సందర్భంగా న్యాయమూర్తి నీలిమ మాట్లాడుతూ.. జిల్లా వ్యాప్తంగా ఒకేరోజు 6351 కేసులు పరిష్కారమవడం హర్షనీయమన్నారు. జిల్లాలోని మెదక్‌, నర్సాపూర్‌, అల్లాదుర్గం కోర్టులో జాతీయ లోక్‌ అదాలత్‌ నిర్వహించినట్లు చెప్పారు. కేసుల్లో రాజీ పడడంతో ఇరువురికి న్యాయం జరుగుతుందన్నారు. జాతీయ లోక్‌ అదాలత్‌ల ద్వారా ఇరువర్గాలకు కేసుల పరిష్కారంతో పాటు సమయం, డబ్బు ఆదా అవుతుందన్నారు. కార్యక్రమంలో ఫస్ట్‌ అడిషనల్‌ డిస్ట్రిక్ట్‌ అండ్‌ సెషన్స్‌, జడ్జి ఆర్‌.ఎం.సుభవల్లి, సీనియర్‌ సివిల్‌ జడ్జి, ఆర్‌. సిరిసౌజన్య, ఫస్ట్‌ అడిషనల్‌ జూనియర్‌ సివిల్‌ జడ్జి సాయిప్రభాకర్‌, అన్ని కోర్టుల సిబ్బంది, కక్షిదారులు తదితరులు పాల్గొన్నారు.జిల్లా ప్రధాన న్యాయమూర్తి నీలిమ

విషజ్వరాల నర్సాపూర్‌: నర్సాపూర్‌ పట్టణంతో పాటు చుట్టుపక్కల గ్రామాల్లో విషజ్వరాలు విజృంభిస్తున్నాయి. మారుతున్న వాతావరణ పరిస్థితుల దృష్ట్యా ప్రజలు పెద్ద ఎత్తున అస్వస్థతకు గురవుతూ ఆస్పత్రుల బాట పడుతున్నారు. వర్షాకాలం అయినప్పటికీ ఆశించిన స్థాయిలో వర్షాలు కురవకపోవడం, పగటి పూట తీవ్రమైన ఎండలు, రాత్రి వేళల్లో వాతావరణం చల్లగా మారడం వంటి కారణాల వల్ల ప్రజలు అనారోగ్యం బారిన పడుతున్నారు. నర్సాపూర్‌ ప్రభుత్వ ఏరియా ఆస్పత్రికి 15 రోజులుగా రోజువారీగా 115 నుంచి 150 మంది వరకు విషజ్వరాలతో చికిత్స కోసం వస్తున్నారు. రోగుల్లో 10 నుంచి 15 మంది వరకు ఆస్పత్రిలో ఇన్‌పేషెంట్లుగా చేరుతుండగా, మిగిలిన వారు అవుట్‌ పేషెంట్లుగా వైద్యుల సలహాతో మందులు తీసుకుని వెళ్తున్నారు. ఇన్‌పేషంట్ల సంఖ్య విపరీతంగా పెరగడంతో ఆస్పత్రిలోని ఫీవర్‌ వార్డు రోగులతో కిటకిటలాడుతోంది. సరిపడా మందులను అందజేస్తున్నట్లు పలువురు రోగులు తెలిపారు.

శివ్వంపేట(నర్సాపూర్‌): మండల పరిధి చిన్న గొట్టిముక్ల అరణ్యంలో కొలువైన చాకరిమెట్ల సహకార ఆంజనేయ స్వామి ఆలయంలో శనివారం భక్తుల సందడి నెలకొంది. ఆలయ పూజారులు స్వామివారికి అభిషేకం, మన్యసూక్త పారాయణం, ప్రత్యేక పూజలు నిర్వహించారు. అభిషేకం అనంతరం సత్యనారాయణ స్వామి మండపంలో సామూహిక వ్రతాలను ఆచరించారు. కార్యక్రమంలో ఈవో శ్రీనివాస్‌, ఆలయ ఫౌండర్‌, చైర్మన్‌ ఆంజనేయశర్మ, ప్రధాన అర్చకులు దేవదత్తశర్మ, ప్రభుశర్మ, దేవిశ్రీ, సిబ్బంది ఉన్నారు. వెల్దుర్తి(తూప్రాన్‌): పర్యావరణ పరిరక్షణే ధ్యేయంగా వెల్దుర్తి మండలం మన్నేవారి జలాల్‌పూర్‌లోని మహంకాళి మాత దేవస్థానంలో ఏర్పాటు చేయనున్న వినాయక విగ్రహం ప్రత్యేకంగా నిలుస్తోంది. రసాయన పదార్థాలకు దూరంగా, ప్రకృతిలో సహజంగా లభించే స్వచ్ఛమైన వస్తువులతో ఏడు అడుగుల గణపతి విగ్రహాన్ని రూపొందించారు. ఈ విగ్రహ తయారీలో ఆవుపేడ, ఆవు మూత్రం, ఆవు పెరుగు, ఆవు పాలు, ఆవు నెయ్యి, పుట్టమట్టి, పసుపు, కుంకుమ, గరికతో పాటు వివిధ రకాల పవిత్ర పూజా ద్రవ్యాలను వినియోగించారు. ఎం.ఫార్మసీ విద్యార్థిని కావేరి గాయత్రి ఈ విగ్రహాన్ని కళాత్మకంగా తీర్చిదిద్దగా, గోశాల కన్వీనర్‌ కావేరి జ్ఞానేశ్వర్‌ తగిన సహకారం అందించారు. అలాగే, విగ్రహ తయారీకి కావాల్సిన వస్తువులను ఆలయ వ్యవస్థాపక అధ్యక్షుడు కావేరి సుశీల సత్యనారాయణ సమకూర్చారు. మహంకాళి మాత దేవస్థానంలో గత కొన్నేళ్లుగా పర్యావరణహిత పద్ధతులనే పాటిస్తూ మట్టి వినాయకుడిని మాత్రమే ప్రతిష్ఠిస్తున్నారు. ప్రకృతి పరిరక్షణ సందేశాన్ని బలంగా చాటుతున్న ఈ వినూత్న ప్రయత్నం స్థానికులు, భక్తులను ఎంతగానో ఆకట్టుకుంటోంది. ప్రభుత్వ ఫలాలు ప్రతి గడపకూ చేరాలి బీజేపీ రాష్ట్ర కార్యదర్శి కరణం పరిణితమెదక్‌జోన్‌: కేంద్ర ప్రభుత్వం ప్రవేశపెట్టే అభివృద్ధి ఫలాలను ప్రజల గడపగడపకూ తీసుకెళ్లాలని బీజేపీ రాష్ట్ర కార్యదర్శి కరణం పరిణిత పిలుపునిచ్చారు. శనివారం బీజేపీ కార్యాలయంలో జిల్లా అధ్యక్షుడు మల్లేష్‌గౌడ్‌ అధ్యక్షతన ‘సేవా సంకల్ప అభియాన్‌’ వర్క్‌షాప్‌ను ప్రారంభించారు. ఈ సందర్భంగా ఆమె మాట్లాడుతూ.. సెప్టెంబర్‌ 17న ప్రధాని నరేంద్ర మోదీ పుట్టిన రోజుతో పాటు తెలంగాణ విమోచన దినోత్సవం అని గుర్తుచేశారు. అక్టోబర్‌ 17 వరకు నెల రోజుల పాటు ‘సేవా సంకల్ప అభియాన్‌’ కార్యక్రమాలు కొనసాగుతాయని వెల్లడించారు. బూత్‌స్థాయిలో రక్తదాన శిబిరాలు, స్వచ్ఛభారత్‌, మొక్కలు నాటడం, ప్రతిభావంతులైన విద్యార్థులను ప్రోత్సహించడం వంటి సేవా కార్యక్రమాలు చేపట్టాలని కార్యకర్తలకు సూచించారు. పార్టీ నేతలు ఈర్ల రంజిత్‌రెడ్డి, సురేష్‌, శ్రీనివాస్‌, రమేష్‌గౌడ్‌, రాగి రాములు పాల్గొన్నారు.

పాపన్నపేట(మెదక్‌): పాపన్నపేట పోలీస్‌ స్టేషన్‌పై నక్సల్స్‌ తల పెట్టిన నరమేధానికి సరిగ్గా 27 యేళ్లు. 13 సెప్టెంబర్‌ 1999 రోజున పీపుల్స్‌ వార్‌ నక్సలైట్లు బాంబులు..తుపాకులతో దాడికి తెగబడి ఐదుగురు పోలీసులను పొట్టన బెట్టుకున్నారు. సరిగ్గా ఆ రోజు వినాయక చవితే కావడం ఇప్పుడు ఒకరోజు తర్వాత పండుగ రావడం యాదృచ్ఛికమే అయినా పండుగ రాగానే నాటి చేదు జ్ఞాపకాలు అటు బాధిత కుటుంబాలను..ఇటు పాపన్నపేట గ్రామస్తులను వెంటాడుతూనే ఉంటాయి. నాటి ఘటనలో శాంతిభద్రతల పరిరక్షణ కోసం విధుల్లో ఉన్న హెడ్‌ కానిస్టేబుల్‌ రఘునందన్‌, కానిస్టేబుళ్లు ఆబిద్‌హుస్సేన్‌, ప్రసాద్‌, నర్సింహులు, రాంచందర్‌ వీరమరణం పొందిన ఘటన పాపన్నపేట ప్రజలయాదిలో కదలాడుతూనే ఉంది. నెత్తుటి మరకలు..తడారని కన్నీరు శాంతిభద్రతల పరిరక్షణలో భాగంగా నక్సల్స్‌ తూటాలకు నేల కొరిగిన ఐదుగురు పోలీసుల కుటుంబాలు వినాయక చవితి పండుగ వస్తే చాలు..కన్నీరు మున్నీరవుతుంటారు. తెగిన తాళ్లను చూసి భార్యలు..కన్న ప్రేమకు దూరమైన పిల్లలు విలవిల్లాడుతుంటారు. తమ కుటుంబీకుల త్యాగానికి ప్రభుత్వ పరంగా సహాయం అందినా, పోయిన వారి ప్రేమకు దూరమయ్యామనే ఆవేదన వారిని వెంటాడుతూనే ఉంది. హెడ్‌ కానిస్టేబుల్‌ రఘునందన్‌ భార్య పుష్పమ్మ, కానిస్టేబుల్‌ నర్సింహులు భార్య నిర్మల మాట్లాడుతూ..తమకు సంగారెడ్డిలో ఇస్తామన్న ప్లాట్లు ఇంతవరకు రిజిస్ట్రేషన్‌ కావడం లేదన్నారు. వాటిని ఇప్పించి ,తమ కుటుంబాలకు న్యాయం చేయాలని కోరారు. ఐదు కుటుంబాల్లో వీడని విషాదం నాడు..నేడు సరిగ్గా వినాయక చవితి రోజే పాపన్నపేట పోలీస్‌ స్టేషన్‌పై నక్సల్స్‌ దాడికి 27 యేళ్లు శాంతిభద్రతల పరిరక్షణలో భాగంగా పోలీసులు చేసిన త్యాగం మరువలేనిది. పోలీసులు కూడా ప్రజల కోసం , తమ ప్రాణాలను ఫణంగా పెట్టి విధులు నిర్వహిస్తున్నారు. ప్రజలు కూడా అన్ని విధాల పోలీసులకు సహకరించాలి. – శ్రీనివాస్‌ గౌడ్‌, ఎస్సై, పాపన్నపేట

మెదక్‌ కలెక్టరేట్‌: తెలంగాణ సాయుధ రైతాంగం పోరాట స్ఫూర్తిని నేటి యువతరం అలవర్చుకోవాలని వివిధ ప్రజా సంఘాల ప్రతినిధులు పేర్కొన్నారు. మెదక్‌ జిల్లా కేంద్రంలో కేవల్‌ కిషన్‌ భవనంలో శనివారం తెలంగాణ సాయుధ రైతాంగ పోరాటంపై రౌండ్‌ టేబుల్‌ సమావేశం జరిగింది. ఈ కార్యక్రమంలో వివిధ ప్రజా సంఘాల ప్రతినిధులు పాల్గొని మాట్లాడారు. ప్రపంచ పోరాట చరిత్రలో తెలంగాణ సాయుధ పోరాటం చిరస్మరణీయంగా నిలిచిపోయిందన్నారు. అనంతరం మెదక్‌ సిటిజన్‌ ఫోరమ్‌ అధ్యక్షుడు కొండల్‌రెడ్డి సీఐటీయూ జిల్లా కార్యదర్శి మల్లేశం మాట్లాడుతూ...1946 నుంచి 1951 వరకు తెలంగాణ సాయుధ రైతాంగ పోరాటం జరిగిందన్నారు. ప్రధానంగా ఉమ్మడి నల్లగొండ, వరంగల్‌, ఖమ్మం జిల్లాలలో తెలంగాణ రైతాంగ సాయుధ పోరాటం జరిగిందని గుర్తు చేశారు. గ్రామాలలో జరుగుతున్న వెట్టి చాకిరి, దోపిడీకి, అధిక వడ్డీ రేట్లకు వ్యతిరేకంగా మారి దున్నేవాడిదే భూమి అని భూస్వాముల, దేశముఖ్‌ ల సాయుధ గుండాలకు వ్యతిరేకంగా ఉద్యమం జరిగినట్లు వివరించారు. ఆనాటి భూస్వాములు, దేశ్‌ముఖ్‌లు తిరిగి గ్రామాల్లోకి వచ్చి సాయిధ పోరాటంలో పాల్గొన్న ప్రజలను భారత సైనికులు మిలటరీతో అణచివేసిన వైనాన్ని గుర్తు చేశారు. దీని ద్వారా సుమారు 2500 మంది ప్రాణాలు కోల్పోయినట్లు తెలిపారు. ఆనాడు నిజాం ప్రభుకు సంవత్సరానికి 50 లక్షల భరణంతోపాటు అన్ని సౌకర్యాలను కల్పించింది ఇండియన్‌ యూనియన్‌ ప్రభుత్వమేనన్నారు. ఈరోజు చరిత్రను వక్రీకరించడానికి పెద్ద ఎత్తున కుట్ర జరుగుతుందని పేర్కొన్నారు. ఈ కార్యక్రమంలో ప్రజా సంఘాల నాయకులు పీడీ ఆనందం, బాగయ్య, బొందుగుల నాగరాజు, హరినాథ్‌, పవన్‌ కుమార్‌, నజరుద్దీన్‌, తిరుపతి, పద్మారావు, గణేశ్‌రెడ్డి, గోపాల్‌, సామెల్‌, హరిలాల్‌ తదితరులు పాల్గొన్నారు. ప్రజా సంఘాల నాయకుల పిలుపు మెదక్‌ స్టడీ సర్కిల్‌ ఆధ్వర్యంలో రౌండ్‌ టేబుల్‌ సమావేశం

ఆదివారం శ్రీ 13 శ్రీ సెప్టెంబర్‌ శ్రీ 2026గణపతి నవరాత్రి ఉత్సవాల్లో భాగంగా పర్యావరణ పరిరక్షణకు చాలా మంది భక్తులు మట్టి వినాయక ప్రతిమలకు ప్రాధాన్యం ఇస్తున్నారు. మట్టి వినాయకులను ప్రతిష్ఠించి, పూజించే వారిని ‘సాక్షి’ ప్రోత్సహిస్తోంది. ఇందులో భాగంగా మట్టి వినాయకులను పూజించే భక్తులు సెల్ఫీ తీసుకుని ‘సాక్షి’కి పంపిస్తే, వారి ఫొటోలను ప్రచురించనున్నాం. వాట్సాప్‌ 9059775328కు పంపించండి మరి.. 22(ఏ)లో కొండాపూర్‌లోని 500 ఎకరాలు ● 50 ఏళ్ల క్రితం పట్టాలిచ్చిన సర్కార్‌యాభై ఏళ్ల క్రితం ఐదు వందల ఎకరాలకు ఆనాటి ప్రభుత్వం పట్టాలిస్తే గత 8 ఏళ్ల క్రితం బీఆర్‌ఎస్‌ సర్కార్‌ ఆ భూములను పార్ట్‌(బీ)లో పెట్టింది. అయితే ఈ భూములను కాంగ్రెస్‌ సర్కార్‌ నిషేధిత జాబితాలోకి నెట్టింది. సమస్య పరిష్కరించి మళ్లీ పట్టాలివ్వాలంటూ ఆ గ్రామస్తులు ప్రభుత్వ కార్యాలయాల చుట్టూ తిరుగుతున్నారు. ఈ సమస్య ఊళ్లోని ఒకరిద్దరిది కాదు మూడు వేలకు పైగా ప్రజలది. పాలకుల పక్షపాతం, అధికారుల అలసత్వానికి ఇప్పటికీ పరిష్కృతం కాని ఈ గ్రామ సమస్య ఓ నిదర్శనం. – మెదక్‌జోన్‌

కౌడిపల్లి(నర్సాపూర్‌): కౌడిపల్లి మండలంలోని కొట్టాల, లింగంపల్లి, సదాశివపల్లి, బూరుగడ్డ, పాంపల్లి గ్రామ పంచాయతీలోని రైతుల వివరాలు ఎఫ్‌ఎఫ్‌ఎస్‌ యాప్‌లో కనిపించడంలేదు. ఆయా గ్రామాల్లో సుమారు 1,800 మంది రైతులు మూడు వేలకు పైగా ఎకరాల్లో వరిసాగు చేస్తున్నారు. వీరికి యూరియా అత్యవసరం కాగా యాప్‌లో బుకింగ్‌ లేకపోవడంతో యూరియా కోసం నానా అవస్థలు పడుతున్నారు. యాప్‌ద్వారా యూరియా బుకింగ్‌కు రైతులు ఆధార్‌ నంబర్‌తో నమోదు చేసేందుకు ప్రయత్నించగా రైతు వివరాలు, భూమి వివరాలు చూపించడంలేదు. దీంతో యూరియా ఇతర ఎరువులు బుకింగ్‌ చేసుకుని తీసుకుని అవకాశంలేకుండా పోయింది. ఓ వైపు వరిపంటకు యూరియా అత్యవసరం కాగా ఎరువులు అందక పోవడంతో రైతులు ఇబ్బందులు పడుతున్నారు. గత నెల 7న సమస్యను గుర్తించిన ఇప్పటివరకు అధికారులు పరిష్కరించలేదని ఆయా గ్రామాల రైతులు ఆగ్రహం వ్యక్తం చేస్తున్నారు. ఎల్‌జీడీ కోడ్‌ లేకపోవడంతో సమస్య! మండలంలోని కొట్టాల, లింగంపల్లి, సదాశివపల్లి, బూరుగడ్డ, పాంపల్లి గ్రామాలు గతంలో వెల్మకన్న గ్రామపంచాయతీ పరిధిలో ఉండగా ప్రస్తుతం అన్ని గ్రామాలు విడతలవారీగా కొత్త పంచాయతీలేర్పడ్డాయి. ప్రస్తుతం ఈ గ్రామాలకు సంబంధించిన వివరాలు ఎల్‌జీడీ కోడ్‌ లేకపోవడంతో యాప్‌లో కనిపించడంలేదని స్థానిక ఏఓ స్వప్న చెప్పారు. ఈ విషయం జిల్లా అధికారులకు చెప్పామని సమస్యను పరిష్కరించేందుకు అధికారులు చర్యలు తీసుకుంటున్నారని చెప్పారు. త్వరలో సమస్య పరిష్కారమవుతుందన్నారు.ఎఫ్‌ఎఫ్‌ఎస్‌ యాప్‌లో కనిపించని భూముల వివరాలుఓ వైపు యూరియా దొరకక రైతులు నానా ఇబ్బందులు పడుతున్నారు. కాగా, ప్రభుత్వం యూరియా బుకింగ్‌ కోసం తీసుకువచ్చిన ఎఫ్‌ఎఫ్‌ఎస్‌ యాప్‌లో మండలంలోని ఐదు గ్రామ పంచాయతీల్లో రైతులు, రైతుల భూముల వివరాలు కనిపించకపోవడంతో యూరియా బుక్‌ చేసుకునే అవకాశం లేకుండా పోయింది. దీంతో ఆయా గ్రామాల్లోని సుమారు 1,800 మంది రైతులు తీవ్ర ఇబ్బందులు పడుతున్నారు.సమస్యను పరిష్కరించాలిరాష్ట్ర ప్రభుత్వం తీసుకొచ్చిన ఫర్టిలైజర్‌ యాప్‌లో యూరియా బుకింగ్‌ అయింది. కాగా, ప్రస్తుతం వచ్చిన ఎఫ్‌ఎఫ్‌ఎస్‌ యాప్‌లో ఐదు గ్రామాల వివరాలు లేకపోవడంతో ఎరువులు బుకింగ్‌ కావడం లేదు. దీంతో రైతులకు తీవ్ర ఇబ్బందిగా ఉంది. లక్షల పెట్టుబడితో పంటసాగు చేయగా యూరియా అందక ఎదగని పరిస్థితి నెలకొందన్నారు. అధికారులు స్పందించి సమస్య తీర్చాలి. – పరంలాల్‌, రైతు లింగంపల్లి యూరియా అందక రైతులకు తప్పని కష్టాలు జిల్లా అధికారులకు చెప్పాలంటున్న వ్యవసాయ అధికారులు

ఇల్లు పూర్తయినా..ఇందిరమ్మ ఇల్లు.. గొల్లు నిరుపేద మహిళకు ఇందిరమ్మ ఇల్లు మంజూరు కాగా, సర్వే సమయంలో ఓ అధికారి చేసిన తప్పిదం తీవ్ర నష్టానికి గురి చేసింది. ఇంటి నిర్మాణం పూర్తయి ఏడాది గడుస్తున్నా ఇప్పటివరకు నయా పైసా బిల్లు మంజూరు కాలేదు. బాధితురాలు రేకులషెడ్డులో నివాసం ఉంటుండగా, అదే పేరుతో ఉన్న మరో మహిళకు చెందిన నివాస భవనం అప్‌లోడ్‌ చేయడంతో సమస్య జఠిలమైంది. – రామాయంపేట/నిజాంపేట(మెదక్‌) నిజాంపేట మండలం నస్కల్‌కు చెందిన ఎమ్మ లక్ష్మి (భర్త సత్తయ్య) తన పిల్లలతో కలిసి రేకుల ఇంట్లో నివాసం ఉంటున్నారు. మొదటి విడతలో ఆమెకు ఇందిరమ్మ పథకంలో ఇల్లు మంజూరైంది. దీంతో ప్రభుత్వం ఇస్తున్న రూ.5 లక్షలకు తోడు అదనంగా మరికొన్ని డబ్బులు వేసుకొని భవనం నిర్మించుకోవాలని నిర్ణయించుకున్నారు. గ్రామంలో సర్వే నిర్వహించిన సమయంలో కార్యదర్శి మమత రేకుల షెడ్డుకు బదులుగా అదే పేరుతో ఉన్న మరో మహిళ నివాసం ఉంటున్న భవనం ఫొటో తీసి యాప్‌లో అప్‌లోడ్‌ చేశారు. ఇంటి నిర్మాణం కోసం అధికారులు ముగ్గు పోయగా, నిర్మాణ పనులు ప్రారంభించారు. తీరా ఇంటి నిర్మాణ పూర్తయిన తర్వాత తీసిన ఫొటోలను గృహ నిర్మాణశాఖ అధికారులు జియో ట్యాగింగ్‌ చేశారు. బిల్లులు మంజూరు బిల్లు కోసం లక్ష్మి భర్త సత్తయ్య అధికారుల వద్దకు వెళ్లగా, అప్పుడు విషయం బయటపడింది. ఆన్‌లైన్‌లో రేకుల షెడ్డుకు బదులుగా భవనం ఫొటో అప్‌లోడ్‌ అయిందని, త్వరలో సమస్య పరిష్కరిస్తామని అధికారులు పేర్కొన్నారు. గోడల నిర్మాణం, స్లాబ్‌ పూర్తి చేస్తే ఒకేసారి మూడు బిల్లులు ఇస్తామని వారు నచ్చజెప్పడంతో నమ్మిన సత్తయ్య అప్పు చేసి నిర్మాణ పనులు పూర్తిచేశారు. కాగా, ఇది గడిచి ఏడాది కావొస్తుండగా ఇప్పటివరకు నయా బిల్లు కూడా రాక అప్పుల పాలైన సత్తయ్య పలుమార్లు కలెక్టర్‌, గృహ నిర్మాణశాఖ పీడీ దృష్టికి తీసుకెళ్లినా సమస్య పరిష్కారం కాలేదు. అధికారుల తప్పిదం. నిరుపేద మహిళకు తీరని అన్యాయం రేకుల షెడ్డుకు బదులుగా మరో భవనం ఫొటో అప్‌లోడ్‌ ఆలస్యంగా తప్పు తెలుసుకున్న అధికారులు

మెదక్‌ కలెక్టరేట్‌: కలెక్టర్‌ ప్రతిమాసింగ్‌ ఆదేశాల మేరకు జిల్లాలోని ప్రత్యేక అవసరాలు గల విద్యార్థులను హైదరాబాద్‌లోని నెహ్రూ జూలాజికల్‌ పార్క్‌ సందర్శనకు తీసుకెళ్లినట్లు డీఈఓ రాజు తెలిపారు. ఇందులో 94 మంది విద్యార్థులతో పాటు వారి తల్లిదండ్రులు 63 మంది, నలుగురు మంది విద్యాశాఖ కార్యాలయ సిబ్బంది, మొత్తం 148 మంది మూడు బస్సుల్లో హైదరాబాద్‌కు వెళ్లినట్లు చెప్పారు. ఈసందర్భంగా ఆయన మాట్లాడుతూ.. ప్రత్యేక అవసరాలు గల పిల్లలు ఎప్పుడూ ఇంటి పరిసరాల్లోనే కాకుండా బయట ప్రపంచాన్ని కూడా చూడాల్సిన అవసరం ఉందని పేర్కొన్నారు. జిల్లా వైద్యాధికారి గణేశ్వర్‌ చేగుంట(తూప్రాన్‌): సీజనల్‌ వ్యాధులు రాకుండా జాగ్రత్తగా ఉండాలని జిల్లా వైద్యాధికారి గణేశ్వర్‌ పేర్కొన్నారు. మండలంలోని జెత్రం తండాను శుక్రవారం జిల్లా వైద్యాధికారి సందర్శించారు. ఈ సందర్భంగా తండాలో ఇంటింటికీ తిరిగి గిరిజనుల ఆరోగ్య పరిస్థితులను గురించి అడిగి తెలుసుకున్నారు. పరిసరాల పరిశుభ్రత దోమల వ్యాప్తి అరికట్టడానికి జాగ్రత్తలు తీసుకోవాలని సూచనలు చేశారు. ఇటీవల అనారోగ్యానికి గురై ప్రైవేటు ఆస్పత్రుల్లో వైద్యం చేయించుకున్న రసీదులను పరిశీలించి వారికి జాగ్రత్తలను తెలిపారు. డెంగీ, మలేరియా వంటి వ్యాధులు రాకుండా గిరిజనులు తీసుకోవాల్సిన చర్యలను వివరించారు. ఈ కార్యక్రమంలో సర్పంచ్‌ సుభాష్‌ నాయక్‌, ఉపసర్పంచ్‌ రాజేందర్‌, వార్డు సభ్యులు మోహన్‌, శోభ, లాలి, అనిత, గణేశ్‌, స్వప్నతోపాటు తండా వాసులు ఉన్నారు. రాష్ట్ర శాంపిల్‌ సర్వే అధికారి సంపత్‌ మెదక్‌ కలెక్టరేట్‌: కుష్ఠువ్యాధి నిర్మూలన మన బాధ్యత అని, వైద్యులంతా సమన్వయంతో కృషి చేయాలని రాష్ట్ర శాంపిల్‌ సర్వే అధికారి సంపత్‌ పేర్కొన్నారు. జిల్లా వైద్యశాఖ అధికారి కార్యాలయంలో శుక్రవారం లెప్రసీ నోడల్‌ ఆఫీసర్లకు కుష్ఠువ్యాధిపై అవగాహన కార్యక్రమం నిర్వహించారు. ఈ సందర్భంగా సర్వే అధికారి సంపత్‌ మాట్లాడుతూ..వైద్య ఆరోగ్యశాఖ సిబ్బంది సూపర్‌వైజరీ స్టాఫ్‌, ఏఎన్‌ఎంలు, ఆశ కార్యకర్తలు క్షేత్రస్థాయిలో అనుమానిత కుష్ఠువ్యాధి లక్షణాలున్న వ్యక్తులను గుర్తించాలన్నారు. వైద్యుల ద్వారా వ్యాధి నిర్ధారణ చేసి త్వరితగతిన మందులు వాడించడం ద్వారా కుష్ఠువ్యాధి పూర్తిగా నయమవుతుందని తెలిపారు. నిర్లక్ష్యం చేస్తే అంగవైకల్యం బారిన పడవచ్చని హెచ్చరించారు. జిల్లా అధికారి హరిప్రసాద్‌ మాట్లాడుతూ.. జిల్లాలో ప్రత్యేక ప్రణాళికతో కుష్ఠువ్యాధి నిర్మూలన కోసం ఇంటింటికీ సర్వే నిర్వహించామని తెలిపారు. రాష్ట్ర శాంపిల్‌ సర్వే అసెస్మెంట్‌ బృందం జిల్లాలోని మనోహరాబాద్‌, శివ్వంపేట్‌ ప్రాథమిక ఆరోగ్య కేంద్రాలను, పట్టణ ఆరోగ్య కేంద్రాన్ని సందర్శించారు. బీసీ సంఘం జిల్లా అధ్యక్షుడు నోముల శ్రీకాంత్‌ మెదక్‌ కలెక్టరేట్‌: దేశ జనాభాలో 80% ఉన్న బీసీలకు రిజర్వేషన్‌ మాత్రం దక్కడం లేదని, ప్రభుత్వాలు చేపడుతున్న జనగణనలో ఓబీసీ కులగణన చేపట్టాలని బీసీ సంఘం జిల్లా అధ్యక్షుడు నోముల శ్రీకాంత్‌ డిమాండ్‌ చేశారు. కలెక్టరేట్‌ వద్ద బీసీ సంఘం ఆధ్వర్యంలో శుక్రవారం ధర్మ పోరాట దీక్ష నిర్వహించారు. ఈ సందర్భంగా శ్రీకాంత్‌ మాట్లాడుతూ...దేశవ్యాప్తంగా జరుగుతున్న కులగణనతోపాటు ప్రతీ కులానికి ఓకే యూనిక్‌ కోడ్‌ కేటాయించాలని డిమాండ్‌ చేశారు. బీసీ సంక్షేమ సంఘం జాతీయ అధ్యక్షుడు జాజుల శ్రీనివాస్‌ ఆదేశాల మేరకు తెలంగాణాలో అన్ని జిల్లా కేంద్రాల్లో ధర్మపోరాట దీక్ష చేస్తున్నట్లు తెలిపారు. కార్యక్రమంలో సంఘం గౌరవ అధ్యక్షుడు గంగారాం, జిల్లా ఉపాధ్యక్షుడు మల్లేశం, రాష్ట్ర ఆర్గనైజింగ్‌ సెక్రెటరీ నరసింహులు, మెదక్‌ అసెంబ్లీ బీసీ సంఘం అధ్యక్షుడు సాప రవి తదితరులు పాల్గొన్నారు.

కౌడిపల్లి(నర్సాపూర్‌): వ్యవసాయానికి ఎదురవుతున్న విద్యుత్‌ సమస్యను పరిష్కరించాలని బీఆర్‌ఎస్‌ నాయకులు ప్రభుత్వాన్ని డిమాండ్‌ చేశారు. బీఆర్‌ఎస్‌ అధ్యక్షుడు సారరామాగౌడ్‌ ఆధ్వర్యంలో శుక్రవారం మండలంలోని వెంకట్రావ్‌పేటగేట్‌ వద్ద 765డి జాతీయ రహదారిపై రాస్తారోకో చేశారు. గంటపాటు రాస్తారోకో చేయడంతో ఇరువైపుల భారీగా వాహనాలు నిలిచిపోయాయి. ఈ సందర్భంగా ఆయన మాట్లాడుతూ మండలంలోని వెంకట్రావ్‌పేట, రాజిపేట సబ్‌స్టేషన్ల నుంచి వ్యవసాయానికి కనీసం ఏడు గంటలు కూడా కరెంట్‌ సరఫరా కాకపోవడంతో పంటలు ఎండుతున్నాయన్నారు. గత కేసీఆర్‌ ప్రభుత్వం 24గంటలు కరెంట్‌ సరఫరా చేస్తే దొంగహామీలతో అధికారంలోనికి వచ్చిన కాంగ్రెస్‌ ప్రభుత్వం కనీసం ఏడు గంటలపాటు కూడా కరెంట్‌ ఇవ్వడంలేదని, లోవోల్జేజీతో మోటార్లు, స్టార్టర్లు, ట్రాన్స్‌ఫార్మర్లు కాలిపోతున్నాయని ఆవేదన వ్యక్తం చేశారు. విద్యుత్‌ శాఖ ఏడీ రాఘవేందర్‌రావ్‌, ఏఈఈ సాయికుమార్‌, సీఐ రంగక్రిష్ణ, నర్సాపూర్‌ ఎస్‌ఐ రంజిత్‌రెడ్డి పోలీసులు సంఘటన స్థలానికి వచ్చి విద్యుత్‌ సమస్య తీర్చేందుకు చర్యలు తీసుకుంటామని హామీనివ్వడంతో రైతులు రాస్తారోకోను విరమించారు. కార్యక్రమంలో మండల సర్పంచ్‌ల ఫోరం అధ్యక్షుడు శ్రీనివాస్‌, సర్పంచ్‌లు కుతుబుద్దీన్‌, శివారెడ్డి, కోలశ్రీనివాస్‌, ఎల్లం, శేఖర్‌ తదితరులు పాల్గొన్నారు. వెంకట్రావ్‌పేటగేట్‌ వద్ద భారీగా ఆగిన వాహనాలు సంఘటన స్థలానికి విద్యుత్‌శాఖ ఏడీ, సీఐ

శివ్వంపేట(నర్సాపూర్‌): ప్రభుత్వం ప్రవేశపెట్టిన 97 జీఓను రద్దు చేయాలని కోరుతూ శుక్రవారం మండల పరిధిలోని గోమారం పాలిటెక్నిక్‌ విద్యార్థులు తరగతులు బహిష్కరించి ర్యాలీ చేపట్టారు. చౌరస్తా వద్ద మానవహారంగా ఏర్పడి రాస్తారోకో నిర్వహించారు. ఈసందర్భంగా ప్రభుత్వానికి వ్యతిరేకంగా నినాదాలు చేశారు. అనంతరం విద్యార్థులు మాట్లాడుతూ.. జీఓ 97 వల్ల తమ భవిష్యత్తుకు చాలా ఇబ్బందులు ఎదురవుతున్నాయని ఆవేదన వ్యక్తం చేశారు. ప్రభుత్వం జీవో రద్దుకు చర్యలు తీసుకోవాలని డిమాండ్‌ చేశారు. పోలీసులు కల్పించుకుని విద్యార్థులకు నచ్చజెప్పి రాస్తారోకోను విరమింపజేశారు.

మెదక్‌ కలెక్టరేట్‌: జిల్లాలో జరుగుతున్న కాడాస్ట్రల్‌ రీ–సర్వే పది గ్రామాల్లో 13 వేల ఎకరాల్లో పూర్తయిందని కలెక్టర్‌ ప్రతిమాసింగ్‌ వెల్లడించారు. పనులను నిర్దేశిత కాలవ్యవధిలో అత్యంత కచ్చితత్వంతో పూర్తి చేయాలని అధికారులను ఆదేశించారు. శుక్రవారం కలెక్టరేట్‌ కార్యాలయంలో కాడాస్ట్రల్‌ రీ–సర్వే నిర్వహణ పురోగతిని అదనపు కలెక్టర్‌ నగేశ్‌, డీఆర్‌ఓ అంబదాస్‌ రాజేశ్వర్‌, ఏడీ ల్యాండ్‌ సర్వే కిషన్‌, ఆర్డీవోలు రమాదేవి, రామకృష్ణ, బావయ్య సంబంధిత తహసీల్దారులు, సర్వేర్లతో మెదక్‌ జిల్లాలో రీ సర్వే పురోగతిని సమీక్షించారు. ఈ సందర్భంగా కలెక్టర్‌ మాట్లాడుతూ...సర్వే ప్రక్రియ పూర్తిగా పారదర్శకంగా నిర్వహిస్తున్నారన్నారు. కాడాస్ట్రల్‌ రీ–సర్వే కార్యక్రమం భూ రికార్డులను శాసీ్త్రయంగా, పారదర్శకంగా రూపొందించేందుకు ఎంతో కీలకమని స్పష్టం చేశారు. కార్యక్రమంలో తహసీల్దార్లు, సంబంధిత అధికారులు, తదితరులు పాల్గొన్నారు. కోతుల బెడద నివారణ చర్యలు జిల్లాలో కోతుల బెడద నివారించి రైతులకు ఉపశమనం కల్పించే దిశగా పటిష్ట చర్యలు చేపట్టినట్లు కలెక్టర్‌ ప్రతిమాసింగ్‌ తెలిపారు. జిల్లాలోని 4 మున్సిపాలిటీల్లో కలిసి సుమారు 6,500 కోతులున్నట్లు అంచనా వేసినట్లు తెలిపారు. కార్యక్రమంలో అదనపు కలెక్టర్‌ నగేశ్‌, డీఎఫ్‌ఓ జోజి, డీపీఓ యాదయ్య, మున్సిపల్‌ కమిషనర్లు తదితరులు పాల్గొన్నారు.కలెక్టర్‌ ప్రతిమాసింగ్‌ కేసుల దర్యాప్తులో జాప్యం వద్దు జిల్లా ఎస్పీ శ్రీనివాసరావు మెదక్‌జోన్‌: పెండింగ్‌లో ఉన్న కేసుల దర్యాప్తును వేగవంతం చేసి నిర్ణీత గడువులో పూర్తి చేయాలని జిల్లా ఎస్పీ శ్రీనివాసరావు అధికారులను ఆదేశించారు. ఎస్పీ కార్యాలయంలో శుక్రవారం నిర్వహించిన క్రైం సమీక్షలో ఆయన మాట్లాడారు. దర్యాప్తులో ఉన్న గ్రేవ్‌, నాన్‌ గ్రేవ్‌, మిస్సింగ్‌, ఎన్‌బీడబ్ల్యూ కేసుల పురోగతిని సమీక్షించారు. కేసులను దర్యాప్తు పూర్తి చేసి సకాలంలో చార్జ్‌షీట్లు దాఖలు చేయాలని ఆదేశించారు. వినాయక చవితి ఉత్సవాల నేపథ్యంలో శాంతిభద్రతల పరిరక్షణకు ముందస్తు చర్యలు చేపట్టాలన్నారు. విగ్రహ ప్రతిష్ఠ నుంచి నిమజ్జనం వరకు పోలీసు అధికారులు అప్రమత్తంగా ఉండాలని ఆదేశించారు. ఇటీవల కొన్ని కేసుల్లో నిందితులకు శిక్ష పడేలా సమర్థవంతంగా దర్యాప్తు చేసిన సీఐలు రేణుకరెడ్డి, వెంకటరాజాగౌడ్‌, రంగా కృష్ణాలతోపాటు వివిధ విభాగాల్లో ఉత్తమ ప్రతిభ కనబరిచిన పోలీసు సిబ్బందికి ఎస్పీ ప్రశంసా పత్రాలు అందజేసి అభినందించారు.విద్యుత్‌ కోతలపై రైతుల నిరసనశివ్వంపేట(నర్సాపూర్‌): వ్యవసాయ బోరుబావులకు సక్రమంగా విద్యుత్‌ సరఫరా జరగకపోవడం పట్ల మండల పరిధి చండి గ్రామ రైతులు శుక్రవారం నిరసన వ్యక్తం చేశారు. ఈ సందర్భంగా రైతులు మాట్లాడుతూ వ్యవసాయ రంగానికి 8 నుంచి 9 గంటల విద్యుత్‌ మాత్రమే సరఫరా అవుతుందన్నారు. నిరంతరాయంగా సరఫరా లేకపోవడంతో పంటలు ఎండిపోతున్నాయని వాపోయారు. పంటకు నీరు అందకపోవడంతో రైతులు నష్టపోవాల్సిన పరిస్థితి నెలకొంటుందని ఆందోళన వ్యక్తం చేశారు. వ్యవసాయ రంగానికి నిరంతరాయంగా 24 గంటల పాటు విద్యుత్‌ సరఫరా ఇవ్వాలని డిమాండ్‌ చేశారు.

ఉపాధ్యాయులు అదనంగా ఉన్న పాఠశాలల నుంచి టీచర్ల కొరత ఉన్న బడులకు పని సర్దుబాటు పేరుతో విద్యాశాఖలో భారీ అక్రమాలు జరిగినట్లు తెలుస్తోంది. ఇలాంటి అక్రమాలతో విద్యార్థులకు, సమాజానికి ఆదర్శప్రాయమైన ఉపాధ్యాయ వృత్తికే కొందరు టీచర్లు మచ్చతెస్తున్నారు. ఫలితంగా ఉపాధ్యాయ వృత్తి నైతికత ప్రశ్నార్థకంగా మారుతోంది. –మెదక్‌జోన్‌ జిల్లా వ్యాప్తంగా 1నుంచి 10వ తరగతి వరకు జిల్లా పరిషత్‌, గవర్నమెంట్‌ పాఠశాలలు 877 ఉండగా అందులో 62 వేల పైచిలుకు విద్యార్థులు చదువుకుంటున్నారు. వీరికి బోధించేందుకు 3,521 మంది ఉపాధ్యాయులున్నారు. కాగా విద్యాహక్కు చట్టం ప్రకారం హైస్కూల్‌లో సబ్జెక్టుకు ఒక ఉపాధ్యాయుడు తప్పనిసరిగా ఉండాలి. అలాగే కాంప్లెక్స్‌ పరిధిలో ఉన్న బడుల్లో టీచర్లు ఎక్కువగా ఉన్నచోటు నుంచి తక్కువగా ఉన్న బడికి పంపాలి. ఒకవేళ ఆ కాంప్లెక్స్‌ పరిధిలో ఖాళీలు లేకపోతే పక్క కాంప్లెక్స్‌లో అవసరం ఉంటే సర్దుబాటు చేయాలి. అక్కడా లేకుంటే పక్క మండలానికి పంపించాలి అంతేకానీ వంద కిలోమీటర్ల దూరంలోని కోరుకున్న చోటుకి పంపించడం వెనుక ఆంతర్యం ముడుపులు చేతులు మారడమేనని అవగతమవుతోంది. 281 మంది సర్దుబాటు పని సర్దుబాటు పేరుతో నెలరోజుల పాటు కసరత్తు చేసిన సంబంధిత అధికారులు 281 మంది ఉపాధ్యాయులను బదిలీ చేశారు. వీరిలో 30 నుంచి 35 మంది వరకు ఉపాధ్యాయులను కోరుకున్న చోటుకు నిబంధనలను ఉల్లంఘించి పంపినట్లు ఆరోపణలు వినవస్తున్నాయి. హైదరాబాద్‌ సమీప మండలాలైన తూప్రాన్‌, మనోహరాబాద్‌, నర్సాపూర్‌, చేగుంట మండలాలకు సర్దుబాటులో భాగంగా పోటీపడి పంపటంలో అనేక అనుమానాలు వ్యక్తమవుతున్నాయి. నిబంధనలకు విరుద్ధంగా మచ్చుకుకొన్ని ఉపాధ్యాయుల సర్దుబాటులో భాగంగా టేక్మాల్‌ మండలంలోని ఓ పాఠశాలలో చదువుచెప్పే ఓ టీచర్‌ను హైదరాబాద్‌కు దగ్గరగా ఉన్నటు వంటి మనోహరబాద్‌కు బదిలీ చేశారు. అల్లాదుర్గ్‌ మండలంలోని ఓ టీచర్‌ను చేగుంట మండలం రెడ్డిపల్లికి, హవేళిఘనాపూర్‌ మండలం రాజిపేటలో చదువు చెప్పే మరో మహిళా టీచర్‌ను నర్సాపూర్‌కు, పెద్దశంకరంపేట, టేక్మాల్‌ మండలాల్లోని ఉపాధ్యాయులను మెదక్‌కు సర్దుబాటు చేస్తూ ఉత్తర్వులు జారీ చేశారు. ఒక టీచర్‌కు రెండుచోట్ల పోస్టింగ్‌! ఒక టీచర్‌కు రెండు చోట్ల పోస్టింగ్‌ ఇస్తూ ఉత్తర్వులు జారీ చేయటంలోనే ఉన్నతాధికారుల నిబద్ధత ఏ మేరకు ఉందో ప్రత్యేకంగా చెప్పనక్కర్లేదు. రామాయంపేట మండలం కాట్రియాల ఉన్నత పాఠశాలలో హిందీ టీచర్‌ను అదే మండలంలోని లక్ష్మాపూర్‌లోని ఉన్నత పాఠశాలలో సైతం చదువు చెప్పాలని హుకుం జారీ చేశారు. వారంలో ఒక్కపాఠశాలలో మూడు రోజులు, మరో పాఠశాలలో మూడు రోజుల చొప్పున చదువు చెప్పాలని ఉత్తర్వులిచ్చారు. వాస్తవానికి ఒక టీచర్‌ ఒకచోట బోధిస్తుంటేనే షెడ్యూల్‌ ప్రకారం సకాలంలో పాఠ్యాంశాలు పూర్తికావు. అలాంటిది రెండు చోట్లా ఎలా చెబుతారు..? షెడ్యూల్‌ ప్రకారం పాఠ్యాంశాన్ని ఎలా పూర్తి చేస్తారో ఆ అధికారికే తెలియాలి? ఇది తెలిసిన విద్యావేత్తలు ముక్కున వేలేసుకుంటున్నారు. విద్యాశాఖలో కోరిన చోటకు వెళ్లేందుకు ముడుపులు? ఒక్క టీచర్‌కు ఏకంగా రెండుచోట్ల పోస్టింగ్‌ వర్క్‌అడ్జస్ట్‌మెంట్‌ పేరుతో యథేచ్ఛగా నిబంధనల ఉల్లంఘన కొన్నిబడుల్లో సిబ్బంది కొరత ఉన్నప్పటికీ అక్కడి నుంచి హైదరాబాద్‌కు సమీప మండలాలకు బదిలీ చేసినట్లు ఆరోపణలున్నాయి. దీంతో అస్సలే టీచర్ల కొరత ఉండగా ఈ బడుల నుంచి ఎలా బదిలీ చేస్తారని ఆయా పాఠశాలల ప్రధానోపాధ్యాయులు అక్కడి టీచర్లను రిలీవ్‌ చేయటం లేదని తెలుస్తోంది.

రూ. 20 వేల లంచం తీసుకుంటూ పట్టుబడిన డీఐఈఓ గోవిందరాంసంగారెడ్డి ఎడ్యుకేషన్‌: ఏసీబీ వలకు జిల్లా ఇంటర్మీడియెట్‌ అధికారి గోవిందరాం చిక్కారు. ఓ ప్రైవేట్‌ కళాశాలకు పాజిటివ్‌ రిపోర్టు ఇచ్చేందుకు సదరు యాజమాన్యం నుంచి రూ. 20 వేల లంచం తీసుకుంటూ రెడ్‌ హ్యాండెడ్‌గా పట్టుబడ్డారు. ఏసీబీ డీఎస్పీ సుదర్శన్‌ కథనం ప్రకారం.. జిల్లా విద్యాధికారి గోవిందరాం గత కొన్ని రోజుల క్రితం పట్టణంలోని వికాస్‌ ఒకేషనల్‌ జూనియర్‌ కళాశాలను తనిఖీ చేశారు. ఆ సమయంలో కళాశాలలో సరైన మౌలిక వసతులు లేకపోవడంతో పాటు చిన్ని చిన్న లోటుపాట్లను గుర్తించారు. దీంతో కళాశాలకు పాజిటివ్‌ రిపోర్టు ఇవ్వాలంటే రూ.50 వేలు ఇవ్వాలని డిమాండ్‌ చేశారు. లేనిపక్షంలో రాష్ట్ర విద్యాశాఖకు కళాశాలపై నెగిటివ్‌ రిపోర్టు ఇస్తానని బెదిరించారు. ఈ నేపథ్యంలో కళాశాల నిర్వాహకులు ఒప్పందం ప్రకారం ముందుగా రూ. 30 వేలు ఇచ్చారు. మిగితా రూ. 20 వేల కోసం రోజు ఫోన్‌ చేసి ఇబ్బందులు పెట్టారు. దీంతో వారు ఈనెల 7న ఏసీబీని ఆశ్రయించారు. బుధవారం కలెక్టరేట్‌లోని ఇంటర్మీడియెట్‌ కార్యాలయంలో కళాశాల యాజమాన్యం నుంచి రూ. 20 వేలు తీసుకుంటుండగా పక్కా ప్రణాళికతో పట్టుకున్నారు. అరెస్ట్‌ చేసి నాంపల్లిలోని ఏసీబీ కోర్టుకు తరలిస్తున్నట్లు డీఎస్పీ తెలిపారు. కాగా, జిల్లా గోవిందరాంపై విద్యా సంవత్సరం ప్రారంభం నుంచి పెద్దఎత్తున ఆరోపణలు వినిపిస్తూనే ఉన్నాయి. బీరంగూడతో పాటు సంగారెడ్డి పట్టణంలోని రెండు కళాశాలలు అనుమతి లేకున్నా, కొనసాగుతున్నాయని విద్యార్థి సంఘాలు ప్రజావాణిలో ఫిర్యాదు చేసినా, ఇప్పటివరకు ఎలాంటి చర్యలు తీసుకోలేదు.

● ఎల్‌సీ రిటర్న్‌ ఇవ్వకముందే ఆన్‌ ● ప్రాణాలతో బయటపడిన రైతు పాపన్నపేట(మెదక్‌): విద్యుత్‌ సబ్‌స్టేషన్‌ ఆపరేటర్‌ నిర్వాకంతో మృత్యువు అంచుల వరకు వెళ్లిన ఓ రైతు.. సమయస్ఫూర్తితో వ్యవహరించి త్రుటిలో ప్రాణపాయం నుంచి బయపడిన సంఘటన మండలంలోని రుగ్యా తండాలో బుధవారం సాయంత్రం చోటు చేసుకుంది. వివరాల్లోకి వెళ్తే.. రాజ్యాతండా పరిధిలోని రుగ్యా తండాలోని ట్రాన్స్‌ఫార్మర్‌ వద్ద బోర్‌ మోటార్‌కు వెళ్లే వైరు తెగిపోయింది. దీంతో సంబంధిత గిరిజన రైతు రవి నార్సింగి లైన్‌మెన్‌ బాబుకు ఫోన్‌ చేసి ఎల్‌సీ అడిగాడు. వెంటనే ఎల్‌సీ ఇచ్చిన బాబు, పని చేసుకోమని పురమాయించాడు. వెంటనే ట్రాన్స్‌ఫార్మర్‌పైకి ఎక్కిన రవి, రెండు నట్లు విప్పి, మూడో నట్టు విప్పుతుండగా కరెంట్‌ వచ్చింది. అయితే ఆ సమయంలో నట్టు పూర్తిగా ముట్టుకోకపోవడంతో కొంచెం హమ్మింగ్‌ వచ్చింది. కాళ్లకు చెప్పులు ఉండటంతో పాటు కరెంట్‌ పనులపై కొంచెం అవగాహన ఉండటంతో కింద ఉన్న వారికి విషయం తెలిపాడు. వెంటనే రైతులు లైన్‌మెన్‌కు విషయం తెలపడంతో విద్యుత్‌ సరఫరాను నిలిపి వేయించాడు. దీంతో తృటిలో రవి ప్రాణాలతో బయటపడ్డాడు. ఇదే విషయమై డీఈ రామేశ్వర్‌స్వామి వివరణ కోరగా.. సాధారణంగా ఒకేసారి రెండు ఫీడర్లకు ఎల్‌సీ ఇవ్వొద్దు, కానీ విద్యుత్‌ సిబ్బంది పొరపాటున ఇచ్చారని తెలిపారు. అవగాహన లోపంతో బాచారం ఫీడర్‌ రిటర్న్‌ ఇవ్వాల్సి ఉండగా, నార్సింగి ఫీడర్‌ ఇచ్చాడన్నారు. అందువల్లే ఈ ప్రమాదం చోటు చేసుకుందని, బాధ్యులపై తగిన చర్యలు తీసుకుంటామని తెలిపారు.

● అమాయకులపై అటవీ అధికారుల జులుం ● వేలాది ఎకరాలు అన్యాక్రాంతమవుతున్నా కానరాని చర్యలు ● ఉడుమును పట్టాడని ఓ రైతును నిర్బంధించి చితకబాదారు.. ● అవమానంతో ప్రాణంతీసుకున్న బడుగు జీవి ● అటవీ అధికారుల తీరుపై సర్వత్రా విమర్శలు జిల్లాలో అటవీ అధికారుల చర్యలు రోజురోజుకు శ్రుతిమీరుతున్నాయి. వారి పోకడపై సర్వత్రా విమర్శలు వెల్లువెత్తుతున్నాయి. కళ్లెదుటే వేలాది ఎకరాల అటవీ భూములు అన్యాక్రాంత మవుతున్నా పట్టనట్లు వ్యవహరించే అధికారులు.. ఓ బడుగు జీవి ఉడుము పట్టాడని నిర్బంధించి చితకబాదడం.. అవమానంతో ఆ వ్యక్తి ఆత్మహత్యకు పాల్పడటంతో జిల్లాలో తీవ్ర చర్చనీయాంశమైంది. – మెదక్‌జోన్‌ మెదక్‌ జిల్లా వ్యాప్తంగా 58 వేల హెక్టార్ల పరిధిలో అడవి విస్తరించగా కొంత కాలంగా 6 వేల ఎకరాలకు పైగా ఆక్రమణకు గురైనట్లు అధికారిక రికార్డులే చెబుతున్నాయి. ఇందులో కొంత రెవెన్యూ, ఫారెస్టు సరిహద్దు భూముల్లో, మరికొంత రెవెన్యూ అధికారులు ఫారెస్టు భూమిని పట్టాలు చేసి ఇవ్వటం, ఇంకా అడవులను ఆనుకుని ఉన్నా గ్రామస్తులు.. ఇలా పలురకాలుగా ఇప్పటి వరకు 6 వేల ఎకరాలకుపైగా కబ్జాకు గురైంది. అంతే కాకుండా ప్రతి వానాకాలం సీజన్‌లో ఎక్కడో ఒకచోటా కబ్జా అవుతూనే ఉంది. ఈ ఏడు సైతం ఇప్పటి వరకు 17 ఎకరాలకు పైగా కబ్జాకాగా నామ్‌కేవాస్తేగా 26 మందిపై కేసులు బుక్‌ చేసి చేతులుదులుపుకొన్నారు. రెండెకరాలు కబ్జా చేసినా.. ఇటీవల గాజిరెడ్డిపల్లికి చెందిన ఓ వ్యక్తి రెండు ఎకరాల భూమి కబ్జాచేస్తే అతనిపై ఎలాంటి కేసు పెట్టకుండానే వదిలేసినట్లు ఆరోపణలున్నాయి. అలాగే భూర్గుపల్లి గ్రామానికి చెందిన ఓవ్యక్తి సైతం కబ్జాకు పాల్పడ్డారు. ఇలా ఎంతో మంది కబ్జాకు పాల్పడినా వారిలో కొంత మందిపై నామమాత్రంగా కేసులు నమోదు చేసి మరికొంత మందిని వదిలేస్తున్నారు. కానీ కొందరు క్షేత్రస్థాయి అధికారులు అమాయకులపై జులం ప్రదర్శిస్తుండటం గమనార్హం. అటవీ జంతువుల వేటలో.. జంతువులను వేటగాళ్లు అనేక రకాలుగా వేటాడుతున్నారు. కొందరు తుపాకులతో వేటాడుతుండగా, మరి కొందరు ఉర్లు(ఉరి)బిగించి చంపుతున్నారు.. గతంలో పోచమ్మరాళ్‌ తండా ప్రాంతాలోని అడవిలో హైదరాబాద్‌కు చెందిన కొందరు వ్యక్తులు తుపాకులతో జంతువుల వేటకు రాగా వారిని అరెస్టు చేసి కేసులు నమోదు చేశారు. రాయిన్‌పల్లి అడవిలోనూ కొందరు వేటగాళ్లు ఉర్లు బిగించి జింకలను చంపారు. ఇటీవల నర్సాపూర్‌ అడవిలో గుర్తు తెలియని వ్యక్తులు నెమలిని చంపారు. వారిపై సైతం చట్ట ప్రకారం కేసులు నమోదు చేశారు. కానీ వారిపై చర్యలు తీసుకున్న పాపానపోలేదు. బీట్‌ ఆఫీసర్‌ ఓవర్‌ యాక్షన్‌.. పాతూరు గ్రామానికి చెందిన రైతు బుస్స పోచయ్య ఈ నెల 4న అడవిలో ఉడుమును చంపాడనే నెపంతో పాతూర్‌ బీట్‌ అధికారి అతన్ని మెదక్‌ రేంజ్‌ కార్యాలయానికి తీసుకొచ్చి ఇంటరాగేషన్‌ పేరుతో చితకబాదారు. ‘మా తండ్రిని కొట్టవద్దంటూ’ అడ్డుపడిన తనను సైతం కొట్టాడని మృతుడి కొడుకు రఘు బోరున విలపిస్తూ తెలిపారు. ఈ అవమానం భరించలేకే పోచయ్య బలవన్మరణం చెందాడని బాధిత కుటుంబీకులు ఆరోపిస్తున్నారు. గతంలో సస్పెన్షన్‌ రైతు బుస్స పోచయ్య చావుకు కారణమైన బీట్‌ అధికారి గతంలో రామాయంపేట ఫారెస్టు పరిధిలోని దంతేపల్లి బీట్‌లో విధులు నిర్వహిస్తుండగా సస్పెండ్‌ అయ్యారు. అయినా అతనిలో ఎలాంటి మార్పు రావటంలేదని స్వయంగా ఆశాఖ అధికారులే చెప్పడం కొసమెరుపు. పోచయ్య ఆత్మహత్య ఘటన అనంతరం ఆ అధికారిని పాపన్నపేట మండలానికి బదిలీ చేసినట్లు తెలిసింది.

జిల్లా పశువైద్యాధికారి ఆదిత్యవర్మ పాపన్నపేట(మెదక్‌): మూగ జీవాలకు సత్వర వైద్య సేవలు అందించాలని జిల్లా పశువైద్యాధికారి ఆదిత్యవర్మ సిబ్బందికి సూచించారు. బుధవారం మండల కేంద్రంలోని పశువైద్య కేంద్రాన్ని సందర్శించి రికార్డులను పరిశీలించారు. అనంతరం ఆయన మాట్లాడుతూ.. కాలానుగుణంగా పశువులకు టీకాలు ఇవ్వాలని ఆదేశించారు. పశువైద్య శిబిరాల నిర్వహణ, కృత్రిమ గర్భధారణ కార్యక్రమం చేపట్టి వెంటనే ఆన్‌లైన్‌లో నమోదు చేయాలన్నారు. ప్రభుత్వం చేపడుతున్న కార్యక్రమాలు పశువులకు సకాలంలో అందేలా చూడాలని అన్నారు. వైద్యాధికారులు, సిబ్బంది సమన్వయంతో పని చేయాలన్నారు. కార్యక్రమంలో మండల పశువైద్యాధికారులు డాక్టర్‌ సౌమ్యరెడ్డి, ప్రవీణ్‌ కుమార్‌, జూనియర్‌ వెటర్నరీ ఆఫీసర్‌ సతీశ్‌ కుమార్‌, శివాజీ, ఎల్‌ఎస్‌ఏ సురేష్‌, రాకేష్‌, సిబ్బంది గోపాల మిత్రలు పాల్గొన్నారు. కొమురవెల్లి రైల్వేస్టేషన్‌లో అదనపు ప్లాట్‌ఫాం రూ. 40 కోట్లతో నిర్మాణం కొమురవెల్లి(సిద్దిపేట): కొమురవెల్లి మల్లన్న రైల్వేస్టేషన్‌లో రూ. 40 కోట్లతో అదనపు ప్లాట్‌ ఫాం నిర్మించనున్నట్లు దక్షిణమధ్య రైల్వే అధి కారి పద్మజ వెల్లడించారు. బుధవారం స్వామివారిని దర్శించుకుని ప్రత్యేక పూజలు నిర్వ హించారు. ఈ సందర్భంగా ఆలయ అర్చకు లు, అఽధికారులు స్వామి వారి దర్శనానికి వచ్చే భక్తుల కోసం మరో రెండు రైళ్లను పెంచాలని వినతిపత్రం అందించారు. ఆమె మాట్లాడుతూ మనోహరాబాద్‌ నుంచి కొత్తపల్లి వరకు చేపడుతున్న రైల్వే లైన్‌ పనులు పూర్తయితే టెంపుల్‌ కారిడార్‌ ఏర్పాటు అవుతుందన్నారు. 24 గంటలూ భక్తులకు రైల్వే సిబ్బంది స్టేషన్‌లో అందుబాటులో ఉండేలా ఏర్పాట్లు చేశామన్నారు. మల్బరీ సాగుతో సిరులు రాష్ట్ర పట్టు పరిశ్రమశాఖ జేడీ లత తొగుట(దుబ్బాక): మల్బరీ సాగు చేసిన రైతుల ఇంట సిరుల పంట పండుతుందని రాష్ట్ర పట్టు పరిశ్రమ శాఖ జాయింట్‌ డైరెక్టర్‌ లత అన్నారు. మండలంలోని పెద్దమాసాన్‌పల్లి రైతు వేదికలో ‘నాపట్టు.. నా అభిమానం’ కార్యక్రమంలో భాగంగా బుధవారం అవగాహ న సదస్సు నిర్వహించారు. ముఖ్య అతిథిగా జేడీ హాజరై మాట్లాడారు. పట్టుగూళ్లకు మార్కెట్‌లో మంచి డిమాండ్‌ ఉందన్నారు. మల్బరీ సాగు చేసిన రైతులకు ప్రభుత్వం అన్నివిధాల ప్రోత్సాహం అందిస్తుందన్నారు. ఎల్‌ని నో ప్రభావంతో వర్షాలు కురిసే పరిస్థితి లేనందన రైతులు సాగుకు ముందురావాలన్నారు. మిగితా పంటల మాదిరిగా పంట పెట్టుబడి ఖర్చులు అంతగా ఉండవన్నారు. మార్కెట్‌లో డిమాండ్‌ ఉన్న పంటలు సాగుచేసే దిశగా రైతులు ఆలోచించాలని ఆమె కోరారు. అనంతరం శాస్త్రవేత్తలు మల్లికార్జున్‌, రాఘవేంద్ర మల్బరీ సాగుపై రైతులకు ఆవగాహన కల్పించారు. కార్యక్రమంలో జిల్లా నోడల్‌ ఆఫీసర్‌ తిరుపతిరెడ్డి, జిల్లా అధికారి సామల ఐలయ్య, వివిధ మండలాల రైతులు పాల్గొన్నారు. కల్హేర్‌(నారాయణఖేడ్‌): నిజాంపేట్‌ మండల కేంద్రం సమీపంలో సంగారెడ్డి–నాందేడ్‌ 161 జాతీయ రహదారిపై మంగళవారం రాత్రి పాములు కలకలం రేపాయి. వాహనదారులు భయభ్రాంతులకు గురయ్యారు. రహదారిపైకి కొండచిలువ, ఇతర పాములు వస్తున్నాయని వాహనదారులు తెలిపారు. మెదక్‌జోన్‌: ఎన్‌ఎస్‌యూఐ జిల్లా అధ్యక్షుడిగా సీహెచ్‌ అక్షయ్‌ గౌడ్‌ నియమితులయ్యారు. ఈ మేరకు బుధవారం రాత్రి రాష్ట్ర అధ్యక్షుడు యా దవల్లి వెంకటస్వామి, ఎన్‌ఎస్‌యూఐ జాతీ య అధ్యక్షుడు వినోద్‌లు ఒక ప్రకటన విడుదల చేశారు. విద్యార్థుల సమస్యలపై పోరాటం చేయటం ఎన్‌ఎస్‌యూఐ ప్రధాన కర్తవ్యమని అక్షయ్‌ గౌడ్‌ అన్నారు. ఫీజులు, స్కాలర్‌ిషిప్‌లు, హాస్టళ్లు, పరీక్షలు, తదితర అంశాలను ప్రభుత్వ దృష్టికి తీసుకెళ్లి పరిష్కారిస్తామని తెలిపారు.

మెదక్‌ కలెక్టరేట్‌: సామాజిక ఉద్యమకారుడు కా ళోజీ నారాయణరావు సేవలు చిరస్మరణీయమని అదనపు కలెక్టర్‌ నగేశ్‌ అన్నారు. బుధవారం కలెక్టరేట్‌లో కాళోజీ జయంతిని పురస్కరించుకొని ఆయన చిత్రపటానికి పూలమాల వేసి నివాళులర్పించారు. ఈసందర్భంగా అదనపు కలెక్టర్‌ మా ట్లాడుతూ.. తెలంగాణ మాండలికంలో సామాజిక రచనలు చేస్తూ ప్రజలను సామాజికంగా మేల్కొల్పిన గొప్ప ప్రజాకవి కాళోజీ నారాయణరావు అని కొనియాడారు. ఆయన సేవలను గుర్తించి ప్రభుత్వం పద్మవిభూషణ్‌ బిరుదుతో గౌరవించిందన్నారు. రాష్ట్ర ప్రభుత్వం ఆయన పుట్టిన రోజును తెలంగాణ భాషా దినోత్సవంగా ప్రకటించిందన్నారు. భావితరాలకు ఆయన స్ఫూర్తిని అందిస్తుందని తెలిపారు. కార్యక్రమంలో డీఆర్‌ఓ అంబదాస్‌ రాజేశ్వర్‌, ఎస్సీ సంక్షేమ అధికారి సింధు, బీసీ సంక్షేమ అధికారి ఉపేందర్‌, వివిధ శాఖల జిల్లాస్థాయి అధికారులు, సిబ్బంది పాల్గొన్నారు. జిల్లా పోలీస్‌ కార్యాలయంలో.. మెదక్‌జోన్‌: ప్రజాకవి కాళోజీ నారాయణరావు జయంతిని పురస్కరించుకుని జిల్లా పోలీస్‌ కార్యాలయంలో బుధవారం జిల్లా ఎస్పీ శ్రీనివాసరావు కాళోజీ చిత్రపటానికి పూలమాల వేసి నివాళులర్పించారు. అనంతరం ఆయన మాట్లాడుతూ.. పుట్టుక నీది.. చావు నీది.. బతుకంతా దేశానిది అంటూ కాళోజీ తన కవిత్వం ద్వారా ప్రతి ఒక్కరిలో దేశభక్తి, సామాజిక బాధ్యతను పెంపొందించారని అన్నారు. ప్రజల సమస్యలను నిర్భయంగా తన రచనల్లో ప్రతిబింబిస్తూ ప్రజాకవిగా ప్రత్యేక గుర్తింపు పొందారని తెలిపారు. తెలంగాణ ప్రజల హక్కులు, సామాజిక న్యాయం కోసం కాళోజీ చేసిన కృషి చిరస్మరణీయమన్నారు. కార్యక్రమంలో సైబర్‌ క్రైం డీఎస్పీ సుభాష్‌ చంద్రబోస్‌, సీఐలు జార్జ్‌, సందీప్‌ రెడ్డి, తదితరులు పాల్గొన్నారు. అదనపు కలెక్టర్‌ నగేశ్‌

ఎటూ తేలని భవితవ్యం● నామినేటెడ్‌ కోసం అధికార పార్టీ యత్నం● ఎన్నికలు నిర్వహించాలంటూ కోర్టుకెళ్లిన ప్రతిపక్షం ● పాలకవర్గాల గడువు ముగిసి 20 నెలలు ● జిల్లాలో 37 పీఏసీఎస్‌లు రైతుల అభివృద్ధికి తోడ్పాటునందించే ప్రాథమిక వ్యవసాయ సహకార సంఘాలు రాజకీయ రంగు పులుముకున్నాయి. పాలకవర్గాల గడువు ముగిసి 20 నెలలు గడిచిపోయినా, ఇప్పటివరకు ఎన్నికలు నిర్వహించలేదు. నామినేటెడ్‌గా మార్చేందుకు అధికార పార్టీ ప్రయత్నిస్తుంటే, ఎన్నికలే నిర్వహించాలంటూ ప్రతిపక్షం హైకోర్టు తలుపుతట్టింది. దీంతో సహకార సంఘాల భవితవ్యం కొలిక్కి రావడం లేదు. – మెదక్‌జోన్‌జిల్లాలోని ప్రాథమిక వ్యవసాయ సహకార సంఘాల కాల పరిమితి 2025 ఫిబ్రవరి 14తో ముగిసింది. దీంతో వెంటనే పీఏసీఎస్‌ కేంద్రాల్లో విధులు నిర్వర్తించే అధికారులకు ప్రభుత్వం పర్సన్‌ ఇన్‌చార్జిలుగా ఒక్కొక్కరికి 3–4 సొసైటీల బాధ్యతలు అప్పగించింది. ఈక్రమంలో పీఏసీఎస్‌ మాజీ చైర్మన్లు హైకోర్టును ఆశ్రయించారు. కాలపరిమితి ముగియటంతో వెంటనే ఎన్నికలు నిర్వహించాలని లేదా ఎన్నికలు నిర్వహించే వరకు ఆ బాధ్యతలు తమకే అప్పగించాలని పిటిషన్‌ దాఖలు చేశారు. దీంతో ఎన్నికలు నిర్వహించే వరకు పాత పాలకవర్గాలనే కొనసాగించాలని స్యాయస్థానం తీర్పునిచ్చింది. పీసీసీ చీఫ్‌ నోట అదే మాట! గతనెల ఉమ్మడి మెదక్‌ జిల్లా ముఖ్య కాంగ్రెస్‌ కార్యకర్తల సమావేశానికి పీసీసీ అధ్యక్షుడు మహేశ్‌కుమార్‌గౌడ్‌ ముఖ్య అతిథిగా హాజరయ్యారు. పీఏసీఎస్‌, మార్కెట్‌, ఆలయ కమిటీలకు సంబంధించి నామినేటెడ్‌ పదవులను త్వరలో భర్తీ చేస్తామని, పార్టీ కోసం పనిచేసిన ప్రతి కార్యకర్తకు అవకాశాలు దక్కుతాయని పేర్కొన్నారు. అలాగే సహకార సంఘాలకు సంబంధించి ఎన్నికలు జరగవని, ఇక నుంచి నామినేటెడ్‌ కానున్నాయని చెప్పకనే చెప్పారు. ఇదిలాఉండగా కోర్టు తీర్పు ప్రకారం నడవాల్సిందేనని ప్రతిపక్షం నేతలు చెబుతున్నారు. దీంతో సహకార సంఘాల భవితవ్యం కోర్టు పరిధిలోకి చేరింది. రైతు సభ్యుల అయోమయం ఎప్పుడూ లేని విధంగా సహకార సంఘాలను నామినేటెడ్‌గా కేటాయిస్తారని తెలిసి ఆ సంఘాల్లో సభ్యులుగా ఉన్న రైతులు అయోమయానికి గురవుతున్నారు. జిల్లాలో 37 సంఘాలు ఉండగా, వాటిలో 55 వేల పైచిలుకు రైతులు సభ్యులుగా ఉన్నారు. ఒక్కో సంఘంలో 13 మంది ఉంటారు. ఎన్నికలు ముగిసిన తర్వాత వారిలో ఒకరిని చైర్మన్‌గా, మరొకరిని వైస్‌ చైర్మన్‌గా ఎన్నుకుంటారు. మిగితా 11 మంది డైరెక్టర్లుగా కొనసాగుతారు. జిల్లావ్యాప్తంగా 481 మంది పాలకవర్గ సభ్యులు ఉండగా, అందులో 37 మంది చైర్మన్లు, 37 మంది వైస్‌ చైర్మన్లు. మిగితా 407 మంది సభ్యులుగా ఉంటారు. అయితే ఎన్నికలను రద్దు చేసి పాలకవర్గాలను పార్టీ కార్యకర్తలకు పంచిపెట్టేందుకు అధికార పార్టీ సిద్ధం అయిన నేపథ్యంలో కోర్టు తీర్పు ఎలా ఉంటుందనేది ఆసక్తికరంగా మారింది. రిజర్వేషన్లపై నేతల ఆరా జిల్లాలోని 37 సహకార సంఘాలు ఉండగా, వాటిలో మొత్తం 481 మంది పాలకవర్గం ఉంటుంది. ఇందులో 222 మంది ఓసీలు, 74 మంది ఎస్సీలు, 74 ఎస్టీలు, 74 బీసీలు ఉండగా, 37 మంది జనరల్‌ మహిళలున్నారు. ఈ విషయంపై అధికార పార్టీ నేతలు రిజర్వేషన్ల గురించి సంబంధింత అధికారులను అడిగి తెలుసుకుంటున్నట్లు తెలిసింది. పీఏసీఎస్‌ పాలకవర్గాలకు సంబంధించి ఇప్పటివరకు తమకు ప్రభుత్వం నుంచి ఎలాంటి ఆదేశాలు రాలేదు. ప్రస్తుతం పాత పాలకవర్గాలతోనే సహకార సంఘాలు కొనసాగుతున్నాయి. ఎన్నికలు జరుగుతాయా..? నామినేటెడ్‌ చేస్తారా..? అనేది స్పష్టత లేదు. – పద్మ, డీసీఓ

ఎంపీ రఘునందన్‌రావురామచంద్రాపురం(పటాన్‌చెరు): తెల్లాపూర్‌ డివిజన్‌ పరిధిలోని రైల్వే సమస్యలను పరిష్కరించినట్లు మెదక్‌ ఎంపీ ఎం.రఘునందన్‌ రావు తెలిపారు. బుధవారం హైదరాబాద్‌లో సౌత్‌ సెంట్రల్‌ రైల్వే జీఎం సంజయ్‌ కుమార్‌ శ్రీవాత్సవ్‌ను కలిసి రైల్వే సమస్యలపై ఆయన ప్రత్యేక సమావేశం నిర్వహించారు. ఈ సందర్భంగా ఎంపీ మాట్లాడుతూ.. తెల్లాపూర్‌ – విద్యుత్‌నగర్‌ మార్గంలోని రైల్వే అండర్‌ బ్రిడ్జి వెడల్పు కోసం రూ.21 కోట్లు మంజూరయ్యాయని తెలిపారు. దీనిపై శనివారం సాయిబాబా ఆలయం వద్ద రైల్వే, మున్సిపల్‌ అధికారులతో ప్రత్యేక సమావేశం నిర్వహిస్తున్నట్లు వెల్లడించారు. అలాగే తెల్లాపూర్‌ రైల్వే స్టేషన్‌ను రేడియల్‌ రోడ్డుకు అనుసంధానించేందుకు ఫుట్‌ఓవర్‌ బ్రిడ్జి మంజూరైందని చెప్పారు. ఇందులో భాగంగానే త్వరలో ఆ పనులకు భూమిపూజ నిర్వహించనున్నట్లు వెల్లడించారు. ఈ కార్యక్రమంలో జిల్లా దిశ కమిటీ సభ్యులు కాసాల సుధాకర్‌, నాయకులు సంతోష్‌ గౌడ్‌ తదితరులు పాల్గొన్నారు.

మెదక్‌ కలెక్టరేట్‌: జిల్లాలో సీ్త్ర, శిశు సంక్షేమ శాఖ ఆధ్వర్యంలో పోషణ్‌ అభియాన్‌ కార్యక్రమాన్ని పకడ్బందీగా అమలు చేస్తామని జిల్లా కలెక్టర్‌ ప్రతిమాసింగ్‌ స్పష్టం చేశారు. బుధవారం కలెక్టరేట్‌ సమావేశ మందిరంలో జాతీయ 9వ పోషణ మాసం పోస్టర్‌ను ఆవిష్కరించారు. ఈ సందర్భంగా ఆమె మాట్లాడుతూ.. మన అంగన్‌వాడీ– మన బాధ్యత అనే నినాదంతో సెప్టెంబరు 9 నుంచి అక్టోబర్‌ 8 వరకు పోషణ మాసంలో భాగంగా వివిధ కార్యక్రమాలు నిర్వహిస్తామన్నారు. మాతా, శిశు సంరక్షణకు ప్రాధాన్యమిస్తూ ప్రభుత్వాలు పథకాలను అమలు చేస్తున్నాయన్నారు. కార్యక్రమంలో జిల్లా సంక్షేమ అధికారి హేమ భార్గవి, డీఈఓ రాజు, సంబంధిత అధికారులు ఉన్నారు. అనంతరం ఫౌండేషనల్‌ లిటరసీ అండ్‌ న్యూమరసీ (ఎఫ్‌ఎల్‌ఎన్‌) కార్యక్రమాల అమలు తీరుపై కలెక్టరేట్‌లో డీఈఓ, ఎంఈఓలు, సెంట్రల్‌ స్క్వేర్‌ ఫౌండేషన్‌ ప్రతినిధులతో కలెక్టర్‌ సమీక్ష నిర్వహించారు. విద్యార్థుల్లో ప్రాథమికంగా చదవడం, రాయడం, గణిత నైపుణ్యాలను మెరుగుపర్చాలని సూచించారు. కరా టేలో రాష్ట్రస్థాయిలో బంగారు పతకం, 4 ఛాంపియన్‌షిప్‌లు సాధించిన నిత్యశ్రీని అభినందించారు. అంతకుముందు రాష్ట్ర పర్యాటక, సాంస్కృతిక శాఖ ప్రత్యేక ప్రధాన కార్యదర్శి వాణి ప్రసాద్‌ హైదరాబాద్‌ నుంచి నిర్వహించిన వీడియో కాన్ఫరెన్స్‌లో కలెక్టర్‌ పాల్గొన్నారు.

నర్సాపూర్‌ రూరల్‌: మండలంలోని చిన్న చింతకుంటలో ప్రకృతి వ్యవసాయ సాగు కోసం ఎంపికై న 40 మంది రైతులకు బుధవారం తునికి కృషి విజ్ఞాన కేంద్రం శాస్త్రవేత్త డాక్టర్‌ శ్రీకాంత్‌ ఆధ్వర్యంలో అవగాహన కల్పించారు. ప్రస్తుత పరిస్థితుల్లో రసాయన ఎరువుల వాడకాన్ని పూర్తిగా తగ్గించి ప్రకృతి (సేంద్రియ) ఎరువులతో పంటలు సాగు చేయాలని సూచించారు. రసాయన ఎరువుల వాడకంతో భూసారం కోల్పోవడంతో పాటు పంటలు దిగుబడి పూర్తిగా తగ్గుతుందన్నారు. దీంతో పాటు రసాయన ఎరువులతో పండించిన ధాన్యం, పప్పు దినుసులు ఇతర ఆహార పదార్థాలతో అనేక రకాల అనారోగ్యాలకు గురవుతున్నారు. మనుషుల ఆరోగ్యాన్ని దృష్టిలో పెట్టుకొని ప్రకృతి వ్యవసాయాన్ని అలవర్చుకొని పంటలు సాగు చేయాలని వివరించారు. అనంతరం ప్రకృతి వ్యవసాయ సాగుకు ఎంపికై న రైతులకు వేప నూనె, హ్యూమిక్‌ ఆమ్లం పంపిణీ చేశారు. కార్యక్రమంలో సర్పంచ్‌ సరిత, రైతులు మహేశ్‌, పెంటయ్య తదితరులు పాల్గొన్నారు.

ఎల్‌నినో కారణంగా వర్షాభావ పరిస్థితులుంటాయని వాతావరణ శాస్త్రవేత్తలు చెప్పినట్లుగానే ఈ నెల నుంచి వర్షాలు కురవడం లేదు. జూన్‌లో లోటు వర్షపాతం నమోదు కాగా, జూలై, ఆగస్టు మాసాల్లో కురిసిన వానలతో లోటునుంచి సాధారణ స్థితికి చేరుకోవటంతో ముప్పుతప్పిందంటూ అంతా ఊపిరి పీల్చుకున్నారు. కానీ తీరా సెప్టెంబర్‌లో అస్సలు వర్షాలు కురవక పోగా వేసవిని తలపించేలా ఎండలు దంచికొడుతున్నాయి. పగటి ఉష్ణోగ్రతలు ఏకంగా 35 డిగ్రీలకు పైగా నమోదవుతుండటంతో అన్నదాతలు ఆందోళన చెందుతున్నారు. – మెదక్‌జోన్‌ జిల్లావ్యాప్తంగా ఈ ఏడాది 3.67 లక్షల ఎకరాల్లో వివిధ రకాల పంటలు సాగవుతాయని అధికారులు అంచనా వేశారు. అందుకనుగుణంగా విత్తనాలు, ఎరువులను సమకూర్చారు. రైతులు జూన్‌లో నారుమళ్లు (తుకాలు) పోశాక తీరా జూలైలో ఎల్‌నినో ప్రభావం ఉందని తెలియటంతో అధికారులు, వరిసాగుకు బదులు ఆరుతడి పంటలను సాగుచేయాలని అవగాహన కార్యక్రమాలు నిర్వహించారు. అయినప్పటికీ జిల్లాలో 3.18 లక్షల ఎకరాలకు పైగా వివిధ రకాల పంటలను సాగు చేశారు. ఈ లెక్కన అధికారుల అంచనా కన్నా 49 వేల ఎకరాల్లో సాగుతగ్గింది. గడిచిన మూడు మాసాల్లో వర్షం ఇలా...! జూన్‌లో 112.4 మిల్లీమీటర్ల వర్షం పడాల్సి ఉండగా 83.8 మిల్లీమీటర్లు మాత్రమే కురిసింది. ఈ లెక్కన 28.6 ఎం.ఎం లోటువర్షం నమోదైంది. జూలైలో 206.6 మి.మీ.కురవాల్సిఉండగా, 289.2 మి.మీ పడింది. ఈ లెక్కన 82.6 మి.మీ అధికంగా నమోదైంది. ఆగస్టులో 131.5కి బదులుగా 149.9 పడింది. దీంతో 18.4 మి.మీ అధికంగా కురిసింది. కాగా, జూన్‌లో లోటును సైతం జూలై, ఆగస్టు నెలల్లో కురిసిన వర్షాలతో సాధారణం కన్నా ఎక్కువగా నమోదు కావటంతో ఎల్‌నినో ముప్పు తప్పిందని అంతా భావించారు. సెప్టెంబర్‌లో చినుకు జాడలేదు! ఈ సెప్టెంబర్‌లో అడపాదడపా చిరుజల్లులతోనే సరిపెట్టింది. చెప్పుకోదగ్గ ఒక్కవర్షం పడలేదు. గడిచిన వారం రోజుల్లో అధికారిక లెక్కల ప్రకారం 40.5 మి.మీ వర్షం పడాల్సి ఉండగా(–89.0) నమోదైంది. దీంతో జిల్లాపై ఎల్‌నినో ప్రభావం చూపుతోందని అందుకే వర్షాలు తగ్గుముఖం పట్టాయని అధికారులు పేర్కొంటున్నారు. ప్రభావం చూపుతోన్న ఎల్‌నినో వేసవిని తలపించేలా ఎండలు! వారంరోజులుగా ఎండలు దంచి కొడుతుండటంతో పంటపొలాలకు అధికంగా నీటి తడులు అవసరం అవుతున్నాయి. నీటి తడులు పెట్టినా ఎండల కారణంగా ఇట్టే ఆవిరైపోతున్నాయని రైతులు పేర్కొంటున్నారు. మరోవైపు కరెంట్‌ కోతలు సైతం మొదలవటంతో పంటలు ఎండుముఖం పడుతుండటంతో రైతులు ఆందోళన చెందుతున్నారు. ఉక్కపోతతో ఉక్కిరి... బిక్కిరి ఎండవేడిమితో మధ్యాహ్నం వేళలో ఉక్కపోతతో ప్రజలు ఉక్కిరి బిక్కిరవుతున్నారు. ఫ్యాన్లు, ఏసీలు, కూలర్లను విరివిగా వినియోగిస్తున్నారు. ఇదేవిధంగా ఎండలు కొడితే నీటివనరుల్లోకి వచ్చిన కొద్దిపాటి సాగునీరు సైతం ఆవిరైపోయే ప్రమాదముందని, అదేజరిగితే సాగుచేసిన పంటలు చేతికందే పరిస్థితి లేకుండా పోతుందని కర్షకులు ఆవేదన వ్యక్తం చేస్తున్నారు.

ఉమ్మడి జిల్లాలో పాఠశాల అభివృద్ధికి నిధులు మంజూరు మారుమూల ప్రాంతాలు, గిరిజన ప్రాంతాల్లో ఉన్న విద్యార్థులకు మెరుగైన వసతులతో పాటు నాణ్యమైన విద్య అందించేందుకు రాష్ట్ర ప్రభుత్వం చర్యలు తీసుకుంటోంది. ఇందులో భాగంగా గ్రామీణ ప్రాంతాల్లో ఉన్న ప్రభుత్వ పాఠశాలలను తెలంగాణ పబ్లిక్‌ స్కూళ్లుగా అభివృద్ధి చేయనుంది. ఈ మేరకు రాష్ట్రవ్యాప్తంగా 73 స్కూళ్లను ఎంపిక చేసి రూ.699.985 కోట్ల నిధులకు పరిపాలన అనుమతులిచ్చింది. ఉమ్మడి జిల్లాలో 9 పాఠశాలలకు నిధులు మంజూరు చేయడంతో వాటి రూపురేఖలు మారనున్నాయి. – సంగారెడ్డి జోన్‌ ప్రైవేటు పాఠశాలల్లో లక్షలాది రూపాయలు ఫీజులు వసూలు చేస్తున్నారు. పబ్లిక్‌ స్కూల్స్‌ అందుబాటులోకి వస్తే విద్యార్థుల తల్లిదండ్రులకు ఫీజుల భారం తగ్గే అవకాశముంటుంది. కార్పొరేట్‌ పాఠశాలల తరహాలో ప్రభుత్వ పాఠశాలలను తీర్చిదిద్దనున్నారు. విద్యా ప్రమాణాలను మరింత మెరుగుపరిచి, మెరుగైన మౌలిక వసతులతోపాటు సుందరీకరణ పనులు చేపట్టనున్నారు. నిరుపేద విద్యార్థులకు నాణ్యమైన విద్య అందించటం, ఉత్తమ ఫలితాలు సాధించి, ప్రభుత్వ పాఠశాలలపై నమ్మకం, విశ్వాసం పెంపొందించడమే ఈ తెలంగాణ పబ్లిక్‌ స్కూళ్ల ప్రధాన లక్ష్యం. ఈ కార్యక్రమం ద్వారా త్రాగునీరు, మరుగుదొడ్లు, విద్యుత్‌ సౌకర్యం, ఆధునిక సాంకేతికతతో కూడిన తరగతిగదులు, పౌష్టికాహారం, కంప్యూటర్‌ ల్యాబ్‌, డిజిటల్‌ తరగతులు, క్రీడా మైదానాలు, పోటీ పరీక్షల కోసం గ్రంథాలయం, తదితర వసతులు కల్పించనున్నారు. మారనున్న పాఠశాలల రూపురేఖలు తెలంగాణ పబ్లిక్‌ స్కూల్స్‌ కార్యక్రమం ద్వారా ఎంపిక చేసిన పాఠశాలల రూపురేఖలు మారనున్నాయి. అభివృద్ధి పనులు త్వరితగతిన పూర్తయితే విద్యా బోధనతోపాటు క్రీడా, కంప్యూటర్‌ రంగాల్లో సైతం రాణించేందుకు అవకాశాలుంటాయి. సిద్దిపేట జిల్లాలోని చిన్నకోడూరు, దౌల్తాబాద్‌, సంగారెడ్డిలోని మునిపల్లి, జిన్నారం, సదాశివపేట, జహీరాబాద్‌, నిజాంపేట, మెదక్‌ జిల్లాలోని మెదక్‌, వెల్దుర్తి మండలాల్లోని పాఠశాలలను ఎంపిక చేశారు.

స్పోర్ట్స్‌ ఫిజియోథెరపిస్ట్‌ డాక్టర్‌ సుభాష్‌ రేగోడ్‌(మెదక్‌): ప్రజల్లో ఫిజియోథెరపీ.. వ్యాయామం ప్రాముఖ్యతపై అవగాహన పెరగాల్సిన అవసరం ఉందని స్పోర్ట్స్‌ ఫిజియోథెరపిస్ట్‌ డాక్టర్‌ పి.సుభాష్‌ తెలిపారు. ప్రపంచ ఫిజియోథెరపీ దినోత్సవం సందర్భంగా మంగళవారం ఆయన మాట్లాడుతూ..క్రమం తప్పకుండా వ్యాయామం చేయడం, ఆరోగ్యకరమైన ఆహారం తీసుకోవడం, బరువును నియంత్రించుకోవడం ద్వారా గుండె సంబంధిత వ్యాధుల ముప్పును తగ్గించవచ్చన్నారు. గుండె వ్యాధులు, పక్షవాతం, క్రీడా గాయాలు, సర్జరీకి ముందు–తర్వాత రిహాబిలిటేషన్‌లో ఫిజియోథెరపీ కీలకమని తెలిపారు. ముఖ్యంగా గ్రామీణ ప్రాంతాల్లో ఫిజియోథెరపీ సేవలపై అవగాహన మరింత పెరగాలని ఆయన సూచించారు.ప్రతిపక్షాల గొంతు నొక్కడమేబీజేపీ జిల్లా అధ్యక్షుడు మల్లేశ్‌గౌడ్‌ నర్సాపూర్‌: రాష్ట్ర ప్రభుత్వ అసమర్థత పాలనను ప్రశ్నిస్తున్న ప్రతిపక్షాల నాయకులను అడ్డుకుని అక్రమ అరెస్టులు చేయడం విపక్షాల గొంతునొక్కడమేనని బీజేపీ జిల్లా అధ్యక్షుడు మల్లేశ్‌గౌడ్‌ ఆరోపించారు. ఆయన మంగళవారం విలేకరులతో మాట్లాడుతూ..ఎన్నికల హామిల అమలులో సీఎం విఫలం చెందాడని ఆయన ఆరోపించారు. బీజేపీ రాష్ట్ర అధ్యక్షుడు రాంచందర్‌రావు సోమవారం ఛలో అసెంబ్లీకి పిలుపునివ్వగా ఆయన పట్ల పోలీసులు దురుసుగా వ్యవహరించి అరెస్టు చేయడాన్ని తీవ్రంగా ఖండించారు. హామీలు అమలు చేయాలన్న డిమాండుతో ప్రతిపక్షాలు చేపట్టిన నిరసన కార్యక్రమాలకు ప్రభుత్వం అనుమతులు ఇవ్వకుండా ప్రతిపక్షాల హక్కులను హరిస్తుందని మండిపడ్డారు. పార్టీ జిల్లా ప్రధానకార్యదర్శి సురేశ్‌ మాట్లాడుతూ..సోమవారం అసెంబ్లీ వద్ద బీఆర్‌ఎస్‌కు చెందిన మహిళ ఎమ్మెల్యేల పట్ల పోలీసుల వ్యవహారించిన తీరు సరికాదన్నారు. రాష్ట్ర ప్రభుత్వం, కాంగ్రెస్‌ పార్టీ మహిళలకు, మహిళ ఎమ్మెల్యేలకు క్షమాపణలు చెప్పాలని డిమాండ్‌ చేశారు. సమావేశంలో పార్టీ నాయకులు రమేశ్‌గౌడ్‌, ఆంజనేయులుగౌడ్‌, నగేశ్‌, రాములునాయక్‌ తదితరులున్నారు. తొగుట(దుబ్బాక): ప్రజా ప్రతినిధులు, అధికారులు సమన్వయంతో పనిచేయాలని మెదక్‌ ఎంపీ రఘునందన్‌రావు సూచించారు. మిరుదొడ్డి మండల ప్రజా పరిషత్‌ కార్యాలయంలో మంగళవారం సర్వసభ్య సమావేశం నిర్వహించారు. సమావేశానికి ముఖ్య అతిథిగా హాజరై మాట్లాడారు. గ్రామాల్లో నెలకొన్న సమస్యలను పర్పంచ్‌లు ఎంపీ దృష్టికి తీసుకువచ్చారు. అనంతరం ఎంపీ మాట్లాడుతూ గ్రామాల అభివృద్ధికి తనవంతు సహకారం అందిస్తానని హామీనిచ్చారు. ప్రజల సమస్యల పరిష్కారంలో అధికారులు నిర్లక్ష్యంగా వ్యవహరించవద్దని హెచ్చరించారు. సమావేశంలో వివిధ గ్రామాల సర్పంచ్‌లు, ఆయా శాఖల అధికారులు పాల్గొన్నారు.

● అక్టోబర్‌ 7 వరకు క్లెయిమ్స్‌, అభ్యంతరాల స్వీకరణ ● రివైజ్డ్‌ షెడ్యూల్‌ను పకడ్బందీగా అమలు చేయాలి: కలెక్టర్‌ ప్రతిమాసింగ్‌ మెదక్‌ కలెక్టరేట్‌: భారత ఎన్నికల సంఘం ఆదేశాల మేరకు రాష్ట్రంలో చేపడుతున్న ప్రత్యేక ఓటరు జాబితా సవరణ కార్యక్రమానికి సంబంధించిన షెడ్యూల్‌ను సవరించినట్లు కలెక్టర్‌ ప్రతిమాసింగ్‌ మంగళవారం ఓ ప్రకటనలో తెలిపారు. ప్రజలకు మరింత అవకాశం కల్పించేందుకు క్లెయిమ్స్‌, అభ్యంతరాల దాఖలు గడువును సెప్టెంబర్‌ 16 నుంచి అక్టోబర్‌ 7 వరకు పొడిగించినట్లు వెల్లడించారు. అర్హత కలిగిన ప్రతీ ఓటరు జాబితాలో పేరు నమోదు, మార్పులు, తొలగింపులు, సవరణలు, చిరునామా మార్పు వంటి దరఖాస్తులను నిర్ణీత గడువులోగా సమర్పించాలని సూచించారు. ఇప్పటికే నోటీసులు అందుకున్న అనామలీస్‌, నో మ్యాపింగ్‌ ఓటర్లు తప్పనిసరిగా విచారణకు హాజరై తమ వివరాలను సరిచేసుకోవాలని కోరారు. ఆగస్టు 17 నుంచి అక్టోబర్‌ 7 వరకు క్లెయిమ్స్‌, అభ్యంతరాల స్వీకరిస్తారని తెలిపారు. ఆగస్టు 17 నుంచి నవంబర్‌ 5 వరకు నోటీసుల దశ, విచారణలు, క్లెయిమ్స్‌, అభ్యంతరాల పరిష్కారం, నవంబర్‌ 9న తుది ఓటరు జాబితా ప్రచురణ ఉంటుందని తెలిపారు. జిల్లాలోని ఎలక్టోరల్‌ రిజిస్ట్రేషన్‌ అధికారులు, అసిస్టెంట్‌ ఎలక్టోరల్‌ రిజిస్ట్రేషన్‌ అధికారులు, సూపర్‌వైజర్లు, బూత్‌ లెవల్‌ అధికారులు సవరించిన షెడ్యూల్‌ను పకడ్బందీగా అమలు చేయాలని స్పష్టం చేశారు. ప్రతీ పోలింగ్‌ కేంద్ర పరిధిలో సవరించిన షెడ్యూల్‌ను విస్తృతంగా ప్రచారం చేసి ప్రజలకు అవగాహన కల్పించాలని సూచించారు. ఎస్‌ఐఆర్‌–2026 కార్యక్రమ పురోగతిని నిరంతరం పర్యవేక్షిస్తూ, ఎన్నికల సంఘం నిర్దేశించిన గడువులోగా అన్ని ప్రక్రియలను పూర్తి చేయాలన్నారు.

మిక్స్‌డ్‌ విభాగంలో ద్వితీయ స్థానంలో నిలిచిన తెలంగాణ జట్టుకు జ్ఞాపిక అందజేతజాతీయ స్థాయి రాక్‌బాల్‌ పోటీల్లో మిక్స్‌డ్‌ విభాగంలో ప్రథమ స్థానంలో నిలిచిన హరియాణ జట్టుకు జ్ఞాపికను అందజేస్తున్న నిర్వాహకులు నర్సాపూర్‌: పోటాపోటీగా జరిగిన రాక్‌బాల్‌ జాతీయ స్థాయి పోటీలలో మెన్స్‌ విభాగంలో హరియాణ జట్టు ప్రథమ స్థానంలో నిలువగా ఉత్తరప్రదేశ్‌ జట్టు ద్వితీయ స్థానం, తెలంగాణ జట్టు తృతీ య స్థానంలో నిలిచాయి. కాగా మహిళల విభాగం పోటీల్లో హరియాణ జట్టు ప్రథమ స్థానాన్ని దక్కించుకోగా చత్తీస్‌ఘడ్‌ జట్టు ద్వితీయ స్థానం, ఉత్తరప్రదేశ్‌ జట్టు తృతీయ స్థానంలో నిలిచాయి. ఇదిలాఉండగా మిక్స్‌డ్‌ విభాగంలో హరియాణ రాష్ట్ర జట్టు ప్రథమ స్థానాన్ని కై వసం చేసుకోగా తెలంగాణ జట్టు ద్వితీయస్థానంలో నిలువగా చత్తీస్‌ఘడ్‌ జట్టు క్రీడాకారులు తృతీయ స్థానంలో నిలిచారు. ముగిసిన పోటీలు కాగా, అజయ్‌యాదవ్‌ ట్రస్టు ఆధ్వర్యంలో స్థానిక బీవీ రాజు ఇంజనీరింగ్‌ కాలేజీ ఆవరణలో జరిగిన పదవ సీనియర్‌ జాతీయ, ఏడవ సీనియర్‌ మిక్స్‌డ్‌ జాతీయ రాక్‌బాల్‌ చాంపియన్‌షిప్‌ పోటీలు మూడు రోజులపాటు జరిగాయి. కాగా, మంగళవారం రాక్‌బాల్‌ పోటీల ముగింపు కార్యక్రమంలో జిల్లా గ్రంథాలయ సంస్థ చైర్‌పర్సన్‌ సుహాసినిరెడ్డి ముఖ్యఅథితిగా పాల్గొనగా ఉమ్మడి మెదక్‌ జెడ్పీ మాజీ చైర్‌పర్సన్‌ రాజమణి, ఆల్‌ఇండియా రాక్‌బాల్‌ అసోసియేషన్‌ ప్రధానకార్యదర్శి భూపాల్‌ సాగ్వాన్‌, సౌత్‌ ఇండియా రాక్‌బాల్‌ అసోసియేషన్‌ అధ్యక్షుడు మురళీయాదవ్‌, రాష్ట్ర అసోసియేషన్‌ అధ్యక్షుడు సునీల్‌కుమార్‌, మున్సిపల్‌ కమిషనర్‌ సాయికుమార్‌, మున్సిపల్‌ చైర్‌పర్సన్‌ లక్ష్మి, వైస్‌ చైర్మన్‌ బుచ్చెష్‌ తదితరులు పాల్గొని విజేతలకు పతకాలు, జ్ఞాపికలు అందజేశారు. అనంతరం క్రీడాకారులను ఘనంగా సన్మానించారు.

● మహిళా కాంగ్రెస్‌ జిల్లా అధ్యక్షురాలు కాటా సుధారాణి ● అదనపు డీసీపీకి ఫిర్యాదు పటాన్‌చెరు టౌన్‌: శాసనసభ స్పీకర్‌ గడ్డం ప్రసాద్‌ కుమార్‌పై అనుచిత, అవమానకర వ్యాఖ్యలు చేసిన బీఆర్‌ఎస్‌ ఎమ్మెల్సీ తాటా మధుపై ఎస్సీ ఎస్టీ అట్రాసిటీ కేసు నమోదు చేయాలని మహిళా కాంగ్రెస్‌ జిల్లా అధ్యక్షురాలు కాటా సుధారాణి, ఐఎన్‌టీయూసీ అధ్యక్షుడు నరసింహారెడ్డి డిమాండ్‌ చేశారు. ఈ మేరకు మంగళవారం అదనపు డీసీపీ ఉదయ్‌కుమార్‌, సీఐ రవీందర్‌కు ఫిర్యాదు పత్రాన్ని అందజేశారు. ఈ సందర్భంగా వారు మాట్లాడుతూ... స్పీకర్‌ గడ్డం ప్రసాద్‌ కుమార్‌ ఎస్సీ సామాజిక వర్గానికి చెందినవారని, ఆయనపై చేసిన వ్యాఖ్యలు రాజ్యాంగబద్ధ పదవిని అవమానించడంతోపాటు ఎస్సీ వర్గాల మనోభావాలను దెబ్బతీసేలా ఉన్నాయని ఫిర్యాదులో పేర్కొన్నారు. వ్యాఖ్యలకు సంబంధించిన వీడియో, ఆడియో క్లిప్పింగ్‌లు వార్తా మాధ్యమాలు, సామాజిక మాధ్యమాల్లో ప్రచారంలో ఉన్నాయని, వాటిని పరిశీలించి విచారణ చేపట్టాలని కోరారు.

గణేశ్‌ మండపాల ఏర్పాటుపై ఎస్పీ శ్రీనివాసరావు మెదక్‌జోన్‌: వినాయక చవితి పండుగ నేపథ్యంలో గణేశ్‌ మండపాల వివరాలను ఆన్‌లైన్‌లో నమోదు చేసుకోవాలని జిల్లా ఎస్పీ శ్రీనివాసరావు స్పష్టం చేశారు.మంగళవారం ఆయన మీడియాతో మాట్లాడుతూ...పండుగను ప్రశాంత వాతావరణంలో భక్తిశ్రద్ధలతో నిర్వహించుకోవాలన్నారు. మండపాల వివరాలను ముందుగానే పోలీసులకు తెలియజేయడం ద్వారా భద్రత, బందోబస్తు ఏర్పాట్లు సులభతరం అవుతాయని తెలిపారు. దరఖాస్తును సంబంధిత పోలీస్‌స్టేషన్‌లో అందించాలన్నారు. మండపాల వద్ద సీసీ కెమెరాలు ఏర్పాటు చేయడంతో పాటు 24 గంటలు వలంటీర్లు అందుబాటులో ఉండేలా చర్యలు తీసుకోవాలని చెప్పారు. శోభాయాత్రల్లో డీజేలు, టపాసులు వినియోగించరాదని, ఇతరుల మనోభావాలను కించపరిచే నినాదాలు, ఫ్లెక్సీలు ఏర్పాటు చేయరాదని స్పష్టం చేశారు. రాత్రి 10 గంటల వరకు మాత్రమే స్పీకర్లు వినియోగించాలని తెలిపారు. అనుమానాస్పద వ్యక్తులు, వస్తువులు కనిపిస్తే వెంటనే డయల్‌ 112 లేదా స్థానిక పోలీసులకు సమాచారం అందించాలని ఎస్పీ కోరారు.

జిల్లా ఆస్పత్రుల కో ఆర్డినేటర్‌ డాక్టర్‌ శివదయాళ్‌ రామాయంపేట(మెదక్‌): స్థానిక కమ్యూనిటీ ఆస్పత్రిలో పూర్తిస్థాయిలో వైద్య సేవలు అందుబాటులోకి వచ్చాయని, డాక్టర్లు, ఇతర సిబ్బంది సక్రమంగా విధులు నిర్వర్తించాలని ప్రభుత్వాస్పత్రుల జిల్లా కో ఆర్డినేటర్‌ డాక్టర్‌ శివదయాళ్‌ స్పష్టం చేశారు. ఆయన మంగళవారం ఆస్పత్రిని సందర్శించి కొత్తగా వచ్చిన డాక్టర్లు, ఇతర సిబ్బందితో మాట్లాడారు. కొత్తగా ఇద్దరు మత్తు డాక్టర్లతోపాటు జనరల్‌ సర్జన్‌, జనరల్‌ మెడిసిన్‌, చిన్న పిల్లల డాక్టర్లు ఇద్దరు విధుల్లో చేరారని ఆయన పేర్కొన్నారు. త్వరలో గైనకాలజిస్ట్‌ పోస్టును భర్తీ చేయడం జరుగుతుందని, తద్వారా ప్రసవాల సంఖ్య పెంచుతామని ఆయన పేర్కొన్నారు. ఈ ప్రాంతానికి చెందిన రోగులు ప్రైవేట్‌ ఆస్పత్రులను కాకుండా ప్రభుత్వాస్పత్రులను సద్వినియోగపర్చుకోవాలని డాక్టర్‌ శివదయాల్‌ సూచించారు. ఆస్పత్రి సూపరింటెండెంట్‌ డాక్టర్‌ లింబాద్రితోపాటు ఇతర డాక్టర్లు, సిబ్బంది పాల్గొన్నారు.

కలెక్టర్‌ ప్రతిమా సింగ్‌ మెదక్‌ కలెక్టరేట్‌: ప్రజావాణిలో ఫిర్యాదులను తక్షణమే పరిష్కారం చూపించాలని సంబంధిత అధికారులను కలెక్టర్‌ ప్రతిమాసింగ్‌ ఆదేశించారు. సోమవారం కలెక్టరేట్‌లో ప్రజల నుంచి వినతులు స్వీకరించారు. ఇందులో భూభారతి 22, ఇందిరమ్మ ఇండ్లు 09, పెన్షన్లు 05, ఇతర 25 మొత్తం 61 అర్జీలను కలెక్టర్‌ స్వీకరించారు. జిల్లా నలుమూలల నుంచి వివిధ సమస్యలపై ఫిర్యాదులు అందించేందుకు పెద్దఎత్తున ప్రజలు తరలిరావడంతో కలెక్టరేట్‌ కిటకిటలాడింది. అనంతరం హైదరాబాద్‌ సీఎం ప్రజావాణి అధికారులు నిర్వహించిన వీడియో కాన్ఫరెన్స్‌లో కలెక్టర్‌ పాల్గొని ప్రజావాణి పెండింగ్‌ దరఖాస్తులపై వివరించారు. అనంతరం పట్టణంలోని ఈవీఎం గోదాములను తనిఖీ నిర్వహించారు. అలాగే ఎస్‌ఐఆర్‌ ప్రక్రియపై రాష్ట్ర ఎన్నికల ప్రధాన అధికారి సుదర్శన్‌రెడ్డి హైదరాబాద్‌ నుంచి నిర్వహించిన వీడియో కాన్ఫరెన్స్‌లో పాల్గొన్నారు. అనంతరం అదనపు కలెక్టర్‌ నగేశ్‌తో కలిసి రెవెన్యూ, మైనింగ్‌, భూముల కొలతల శాఖ, ఇరిగేషన్‌ శాఖల అధికారులతో సమీక్షించారు. ఖనిజాల లీజుల ద్వారా రెవెన్యూ ఆదాయాన్ని గణనీయంగా పెంచేందుకు పటిష్ట చర్యలు తీసుకోవాలని ఆదేశించారు. ఖనిజ వనరుల దుర్వినియోగాన్ని అరికట్టడానికి, ప్రభుత్వ ఆదాయాన్ని పెంచడానికి ఈ వేలం విధానాన్ని ఖచ్చితంగా అమలు చేస్తామన్నారు.

బీఆర్‌ఎస్‌ జిల్లా అధ్యక్షురాలు పద్మారెడ్డి మెదక్‌జోన్‌: కాంగ్రెస్‌ సర్కార్‌ ప్రజాస్వామ్యంపై దాడి చేస్తూ ప్రతిపక్షాల గొంతునొక్కుతుందని బీఆర్‌ఎస్‌ జిల్లా అధ్యక్షురాలు పద్మారెడ్డి ఆరోపించారు. అసెంబ్లీలో ప్రశ్నించేందుకు వెళ్తున్న బీఆర్‌ఎస్‌ ప్రజాప్రతినిధులను అడ్డుకొని అరెస్టు చేయడాన్ని నిరసిస్తూ సోమవారం పట్టణంలోని బస్‌ డిపో ఎదుట రాస్తారోకో చేశారు. ఈసందర్భంగా ఆమె మాట్లాడుతూ.. ఎన్నికల సమయంలో ప్రజలకు ఇచ్చిన హామీలను నెరవేర్చాలని డిమాండ్‌ చేస్తే తప్పా అని ప్రశ్నించారు. ఎమ్మెల్యే సునీతారెడ్డి పట్ల పోలీసులు దురుసుగా వ్యవహరించడం సరికాదన్నారు. మహిళా ప్రజాప్రతినిధుల పట్ల గౌరవం లేకుండా వ్యవహరించడం ప్రజాస్వామ్య విలువలకు విరుద్ధమన్నారు. ప్రతిపక్ష నాయకుల అరెస్టులతో ప్రజల గొంతును నొక్కలేరన్నారు. ప్రభుత్వం ఇప్పటికై నా రాజకీయ కక్ష సాధింపు చర్యలను పక్కనపెట్టి ప్రజలకు ఇచ్చిన హామీల అమలుపై దృష్టి పెట్టాలన్నారు. అంతకుముందు పట్టణంలో ఆటో కార్మికులతో భారీ ర్యాలీ నిర్వహించారు. అనంతరం పార్టీ నేతలతో కలిసి కలెక్టరేట్‌కు వెళ్లి పలు డిమాండ్లతో కూడిన వినతిపత్రాన్ని కలెక్టర్‌కు అందించారు. కార్యక్రమంలో మాజీ ఎమ్మెల్సీ శేరి సుభాశ్‌రెడ్డి, కంఠారెడ్డి తిరుపతిరెడ్డి, మాజీ మున్సిపల్‌ చైర్మన్‌న్‌ మల్లికార్జునన్‌గౌడ్‌, పట్టణ పార్టీ కన్వీనర్‌ మామిళ్ల ఆంజనేయులుతో పాటు బీఆర్‌ఎస్‌ కౌన్సిలర్లు తదితరులు పాల్గొన్నారు.

మెదక్‌ కలెక్టరేట్‌: మాలల రోస్టర్‌ పాయింట్‌లను సవరించాలని మాలల జేఏసీ జిల్లా చైర్మన్‌ సుధాకర్‌, కో చైర్మన్‌ కల్లూరు సంజీవ, ఎంసీఏ రాష్ట్ర కమిటీ సభ్యుడు శంకర్‌ ప్రభుత్వాన్ని డిమాండ్‌ చేశారు. మాల కోఆర్డినేషన్‌ ఫోరం ఆధ్వర్యంలో సోమవారం కలెక్టరేట్‌ ఎదుట పెద్ద ఎత్తున ధర్నా నిర్వహించారు. ఈసందర్భంగా వారు మా ట్లాడుతూ.. రాష్ట్ర ప్రభుత్వం సుప్రీంకోర్టు తీర్పునకు విరుద్ధంగా హడావిడిగా ఎస్సీ వర్గీకరణ చేయడం వల్ల మాలలు విద్యా ఉద్యోగాల్లో తీవ్రంగా నష్టపోతున్నారని ఆరోపించారు. ప్రభుత్వం ఇటీవల విడుదల చేసిన నోటిఫికేషన్లలో మాలలకు ఒక్క ఉద్యోగం కూడా రాలేదని ఆవేదన వ్యక్తం చేశారు. అనంతరం కలెక్టర్‌కు వినతిపత్రం సమర్పించి రోస్టర్‌ వల్ల జరుగుతున్న అన్యాయాన్ని వివరించారు. కార్యక్రమంలో మాలల జేఏసీ నాయకులు,తదితరులు పాల్గొన్నారు.

పాపన్నపేట(మెదక్‌): గణేశ్‌ ఉత్సవాలను శాంతియుతంగా నిర్వహించుకోవాలని డీఎస్పీ ప్రసన్నకుమార్‌ అన్నారు. సోమవారం పాపన్నపేటలోని ఓ ఫంక్షన్‌హాల్‌లో పీస్‌ కమిటీ సమావేశం ఏర్పాటు చేశారు. ఈసందర్భంగా డీఎస్పీ మాట్లాడుతూ.. మండపాలు ఏర్పాటు చేసేటప్పుడు తగిన రక్షణ చర్యలు తీసుకోవాలని కోరారు. విద్యుత్‌ వైర్లతో జాగ్రత్తగా ఉండాలన్నారు. నిమజ్జన సమయంలో ఎలాంటి ప్రమాదాలు జరగకుండా జాగ్రత్తలు తీసుకోవాలని కోరారు. మండపాల ఏర్పాటు సమాచారం పోలీసులకు ఇవ్వాలని సూచించారు. కార్యక్రమంలో ఎస్సై శ్రీనివాస్‌గౌడ్‌, వివిధ గ్రామాలకు చెందిన యువజన సంఘాల సభ్యులు, వినాయక ఉత్సవ కమిటీ సభ్యులు, ప్రజాప్రతినిధులు, నాయకులు పాల్గొన్నారు. నర్సాపూర్‌: నర్సాపూర్‌ మున్సిపల్‌ కో ఆప్షన్‌ సభ్యుల ఎన్నికను నాలుగు వారాల్లోగా పూర్తి చేయాలని హైకోర్టు ఆదేశించినట్లు సమాచారం. కోఆప్షన్‌ సభ్యుల ఎన్నికను నిర్వహించే విధంగా ఆదేశాలు జారీ చేయాలని కోరుతూ మాజీ కౌన్సిలర్‌ రాజేందర్‌ ఈనెల 1న హైకోర్టును ఆశ్రయించారు. సోమవారం విచారణ చేపట్టిన న్యాయస్థానం ఎన్నికను నాలుగు వారాల్లోగా పూర్తి చేయాలని ఆదేశిస్తూ ఉత్తర్వులు జారీ చేసినట్లు తెలిసింది. తూప్రాన్‌: 10వ రాష్ట్రస్థాయి సబ్‌ జూనియర్‌ అంతర్‌ జిల్లాల సాఫ్ట్‌బాల్‌ చాంపియన్‌షిప్‌లో పాల్గొనే జిల్లా బాల, బాలికల జట్ల ఎంపిక ఈనెల 9న మనోహరాబాద్‌లోని తెలంగాణ క్రీడా ప్రాంగణంలో నిర్వహించనున్నట్లు జిల్లా అసోసియేషన్‌ అధ్యక్షుడు నారాయణగుప్త సోమవారం ఒక ప్రకటనలో పేర్కొన్నారు. 2012 జనవరి 1 తర్వాత జన్మించిన క్రీడాకారులు అర్హులన్నారు. ఆధార్‌, బర్త్‌ సర్టిఫికెట్‌తో పాటు క్రీడా సామగ్రితో హాజరు కావాలన్నారు. పూర్తి వివరాలకు 8106555942 నంబర్‌లో సంప్రదించాలని సూచించారు. కొల్చారం(నర్సాపూర్‌): రైతులను ఆయిల్‌పామ్‌ సాగు వైపు ప్రోత్సహించేందుకు అందిస్తున్న రాయితీలను సద్వినియోగం చేసుకోవాలని జిల్లా ఉద్యానవన, పట్టు పరిశ్రమల అధికారి ప్రతాప్‌సింగ్‌ సూచించారు. సోమవారం మండలంలోని తుక్కాపూర్‌లో మెగా ప్లాంటేషన్‌ కింద ఆయిల్‌పామ్‌ సాగును ప్రారంభించి రైతులకు అవగాహన సదస్సు నిర్వహించారు. ఈసందర్భంగా ఆయన మాట్లాడుతూ.. మండలంలో ఇప్పటివరకు 31 ఎకరాల విస్తీర్ణంలో ఆయిల్‌పామ్‌ మొక్కలు నాటినట్లు తెలిపారు. కార్యక్రమంలో సర్పంచ్‌ ఆంజనేయులు, తహసీల్దార్‌ శ్రీనివాస్‌చారి, ఏఓ శ్వేతాకుమారి, మేనేజర్‌ కృష్ణరావు, ఉప సర్పంచ్‌ రవీందర్‌, రైతులు తదితరులు పాల్గొన్నారు. రామాయంపేట(మెదక్‌): నిబంధనలకు విరుద్ధంగా కొనసాగుతున్న ఆర్‌ఎంపీ క్లినిక్‌లపై చర్యలు తీసుకుంటామని జిల్లా వైద్యాధికారి గణేశ్వర్‌ అన్నారు. సోమవారం పట్టణంలో అక్రమంగా కొనసాగుతున్న పలు క్లినిక్‌ల్లో తనిఖీలు నిర్వహించి నిల్వ ఉంచిన మందులను స్వాధీనం చేసుకున్నారు. ఓ వ్యక్తి ప్రిస్కిప్షన్‌పై డాక్టర్‌ అని పెట్టుకోవడంతో డీఎంహెచ్‌ఓ ఆగ్రహం వ్యక్తం చేశారు. నిబంధనలకు విరుద్ధంగా కొనసాగితే కఠిన చర్యలు తీసుకుంటామని హెచ్చరించారు. ఆర్‌ఎంపీ క్లినిక్‌ల్లో ఇంజక్షన్లు, గ్లూకోజ్‌ ఎక్కించొద్దని ఆదేశించారు.

ఓటరు జాబితా ప్రత్యేక సమగ్ర సవరణ (సర్‌) ప్రక్రియ గందరగోళంగా సాగుతోంది. నో మ్యాపింగ్‌ అనామలిస్‌ జాబితాలో 1.18 లక్షల మందికి నోటీస్‌లు ఇవ్వాల్సి ఉండగా, ఇప్పటి వరకు 93,674 వేల మందికి ఇచ్చారు. వారిలో 72,123 మంది ఓటర్లు విచారణకు హాజరు కాగా, కేవలం 23,649 మంది ఓటు హక్కును పునరుద్ధరించారు. మిగితా 48,474 మంది సరైన పత్రాలు చూపించకపోవడంతో ఓటు హక్కు కోల్పోతున్నట్లు తెలిసింది. వారు మరోసారి విచారణకు వెళ్లాల్సి ఉంటుంది. – మెదక్‌జోన్‌ జిÌêÏÌZ Ððl$§ýlMŠS, ¯]lÆ>Þ-ç³NÆŠ‡ °Äñæ*-f-MýSÐ]l-Æ>YË$ E¯é²Æ‡$$. "çÜÆŠ‡' {ç³{MìS-Ķæ$MýS$ Ð]l¬…§ýl$ 4,53,140 Ð]l$…¨ KrÆý‡$Ï E…yýlV>, {ç³{MìSĶæ$ A¯]l…™èlÆý‡… 4,10,204 ™èlWY…-¨. ÐéÇÌZ 1,18,661 Ð]l$…¨ K rÆý‡Ï õ³Æý‡$Ï çÜÇV> ÌôæMýS-´ù-Ð]lr…™ø A¯éÐ]l$-Í‹Ü gê¼-™éÌZ ^ólÆ>aÆý‡$. ´ë†MóSâýæÏ {MìS™èl… Kr$ Ðólíܯ]l çÜÐ]l$-Ķæ$…ÌZ {ç³çÜ$¢™èl Kr$ Ð]l*Åí³…VŠæ çÜÇV> Ìôæ° ÐéÇ° Ð]l*Åí³…VŠæ {ç³{MìS-Ķæ$ÌZ ^ólÇa¯]l A«¨-M>Æý‡$Ë$ 1.18 ÌS„ýSÌS Ð]l$…¨MìS ¯øsîæ-çÜ$Ë$ C^óla…§ýl$MýS$ °Æý‡~-Ƈ$$…-^éÆý‡$. A«¨-M>Æý‡$Ë$ ½G-ÌŒæ-KÌS §éÓÆ> Cç³µsìæ Ð]lÆý‡MýS$ 93,673 Ð]l$…¨MìS ¯øsîæ-çÜ$Ë$ ç³…í³×îæ ^ólÔ>Æý‡$. ÐéÇÌZ 72,123 Ð]l$…¨ Ñ^é-Æý‡-×æMýS$ àfÆý‡-Ķæ*ÅÆý‡$. ÐéÇÌZ 23,649 Ð]l$…¨ çÜOÆð‡¯]l ç³{™éË$ ^èl*í³…^éÆý‡$. Ñ$W™é 48,474 Ð]l$…¨ çÜOÆð‡¯]l ç³{™é Ë$ ^èl*ç³-MýS-´ù-Ð]l-r…™ø ´ër$ çÜOÆð‡¯]l çÜÐ]l$Ķæ$…ÌZ Ñ^éÆý‡× MýS$ àfÆý‡$ M>MýS´ùÐ]lyýl…™ø ÌêÅ‹³Þ AƇ$$-¯]lr$Ï ™ðlÍ-íÜ…-¨. ÒÆý‡…™é Ð]l$ÆøÝëÇ A«¨-M>-Æý‡$ÌS G§ýl$r Ñ^éÆý‡-×æMýS$ àf-Æý‡$-M>ÐéÍÞ E…¨. M>V> ÒÆý‡…§ýlÇMîS Ð]l$ÆøÝëÇ ¯øsîæ-çÜ$Ë$ gêÈ ^ólĶæ*ÍÞ Ð]lÝù¢…§ýl° A«¨-M>-Æý‡$Ë$ õ³ÆöP…r$-¯é²Æý‡$. Cç³µ-sìæMóS ¯øsîæ-çÜ$ÌS gêÈ {ç³{MìSĶæ$ ¯ðlÐ]l$Ã-¨V> Mö¯]l-Ýë-VýS$-™ø…-¨. ^èl§ýl$-Ð]l#MýS$¯]l² ÐéÆý‡$ Ð]l*{™èlÐól$ çÜOÆð‡¯]l VýS$Ç¢…ç³# M>Æý‡$zË$ ^èl*í³…_ Kr$ çÜÇ ^ólçÜ$-MýS$-¯é²Æý‡$. Ñ$W™é ÐéÆý‡$ çÜOÆð‡¯]l VýS$Ç¢…ç³# M>Æý‡$zË$, ´ë†-MóSâýæÏ {MìS™èl… Ðólíܯ]l Kr$MýS$ çÜ…º…«¨…_¯]l Ð]l*Åí³…VŠæ ^èl*í³…-^èlÌôæ-MýS-´ùÐ]lr…™ø ÐéÇÑ ÌêÅ‹³Þ AÐ]l#-™èl$-¯é²Æ‡$$. ¨Ìê E…yýlV> çÜÆŠḥæ VýSyýl$Ð]l# D¯ðlË 16™ø Ð]l¬WĶæ$¯]l$…yýlV> Ð]l^óla ¯ðlË 7 Ð]lÆý‡MýS$ ´÷yìlW…^éÆý‡$. జిల్లాలో 1.18 లక్షల ఓటర్లకు నోటీసులు సిద్ధం ఇప్పటివరకు ఇచ్చింది 93,674 మందికే.. సరైన ఆధారాలు చూపింది 23,649 ఓటర్లు సరైన పత్రాలు చూపని వారు మరోసారి విచారణకు! అక్షరం తేడా ఉన్నా నోటీసు ఓటర్లు తలలు పట్టుకుంటున్నారు. ఇంటి పేరులో అక్షరం తప్పుపడినా బీఎల్‌ఓలు నోటీసులు ఇచ్చారు. ఉదాహరణకు పాతికేళ్ల క్రితం ఓటు వేసిన సమయంలో ‘లింగం’ అని ఓటర్‌ పేరు ఉండగా, ప్రస్తుతం ‘లింగము’ ఉన్నా నోటీస్‌ ఇచ్చా రు. ముఖ్యంగా గిరిజనులకు అత్యధికంగా నోటీసులు జారీ అయినట్లు తెలిసింది. కాగా అక్టోబర్‌ 15 వరకు ఈ ప్రక్రియ పూర్తి కావాల్సి ఉండగా.. ఆ లోపు ప్రక్రియ పూర్తవుతుందా..? అనే అనుమానాలు వ్యక్తమవుతున్నాయి.

రాష్ట్ర ఉద్యోగ జేఏసీ చైర్మన్‌ జగదీశ్వర్‌ మెదక్‌జోన్‌: ప్రభుత్వం ఉద్యోగుల సమస్యలను పరిష్కరించే వరకు పోరాటం ఆగదని రాష్ట్ర ఉద్యోగ జేఏసీ చైర్మన్‌ మారం జగదీశ్వర్‌ అన్నారు. సోమవారం మెదక్‌లోని టీఎన్‌జీఓ భవన్‌లో ఏర్పాటు చేసిన ఉమ్మడి మెదక్‌ జిల్లా ఉద్యోగుల సమావేశంలో ఆయన పాల్గొని మాట్లాడారు. ఈనెల 10న హైదరాబాద్‌లో నిర్వహించ తలపెట్టిన బహిరంగ సభకు సమాయత్తం కావాలని పిలుపునిచ్చారు. పీఆర్సీ నివేదిక ఆధారంగా ఉద్యోగులకు మెరుగైన ఫిట్‌మెంట్‌ను వెంటనే ప్రకటించాలని డిమాండ్‌ చేశారు. ఇప్పటికే ఆరు విడతల కరువు భత్యం (డీఏ) పెండింగ్‌లో ఉందని, అది ఒకే దఫాలో చెల్లించాలన్నారు. ఉద్యోగులు, విశ్రాంత ఉద్యోగులకు దీర్ఘకాలంగా పెండింగ్‌లో ఉన్న బకాయిలను వెంటనే చెల్లించాలని, ఉద్యోగుల సొమ్ము ప్రభుత్వం వద్ద నిలిచిపోయి, ఇబ్బందులు పడుతున్నారన్నారు. సీపీఎస్‌ను రద్దు చేసి పాత పెన్షన్‌ విధానాన్ని పునరుద్ధరించాలని కోరారు. నగదు రహిత ఆరోగ్య కార్డులు అనేక ఆస్పత్రుల్లో చెల్లుబాటు కాకపోవడంతో ఉద్యోగులకు ఇబ్బందులు తప్పటం లేదని వాపోయారు. కార్యక్రమంలో జేఏసీ సెక్రటరీ జనరల్‌ ఏలూరి శ్రీనివాసరావు, జేఏసీ రాష్ట్ర ప్రతినిధులు దామోదర్‌రెడ్డి, గజేందర్‌, అనిల్‌, మధుసూదన్‌ రెడ్డి, సోమయ్య, అబ్దుల్లా, లక్ష్మారెడ్డి, టీఎన్జీఓ జిల్లా అధ్యక్షుడు నరేందర్‌ తదితరులు పాల్గొన్నారు.

వ్యాపార రంగంలో ఏ వస్తువైనా ఎమ్మార్పీ కంటే అధిక ధరకు అమ్మడం నేరం. కాని యూరియా బస్తాలు మాత్రం ఎమ్మార్పీ కంటే ఎక్కువ ధరకు సహకార సంఘాల్లో విక్రయిస్తున్నారు. ఇది నేరం కాదా..? ప్రభుత్వ శాఖలే ఇలా చేస్తే సామాన్యుల పరిస్థితి ఏమిటి. ఈవిషయమై ప్రభుత్వం పునరాలోచించుకోవాలి. – నరసింహులు, రైతు, శివ్వాయపల్లి ఎరువుల ధరలు తగ్గించాలి యూరియా ధరలను అమాంతం పెంచి విక్రయిస్తుండటంతో తమపై అదనపు భారం పడుతుంది. ఇన్నాళ్లు రూ. 266కే లభ్యమైన బస్తా, నేడు రూ. 300 వరకు పెంచారు. ఇప్పటికే ఇబ్బందుల్లో ఉన్న రైతులపై అదనపు భారం మోపడం సరికాదు. ప్రభుత్వమే రవాణ చార్జీలు భరించాలి. – రమేశ్‌, రైతు, దంతేపల్లి తండా

నర్సాపూర్‌: జాతీయస్థాయి రాక్‌బాల్‌ పోటీలు బీవీరాజు ఇంజనీరింగ్‌ కాలేజీలో ఉత్సాహంగా కొనసాగుతున్నాయి. సోమవారం రెండో రోజు డీసీసీ అధ్యక్షుడు ఆంజనేయులుగౌడ్‌, నియోజకవర్గ కాంగ్రెస్‌ అధ్యక్షుడు ఆవుల రాజిరెడ్డి ముఖ్య అతిథులుగా హాజరై పోటీలను ప్రారంభించారు. ఈసందర్భంగా వారు మాట్లాడుతూ.. క్రీడల నిర్వహణ అభినందనీయమని మురళీయాదవ్‌ను అభినందించారు. అన ంతరం ఆయా రాష్ట్రాల క్రీడాకారులను పరిచ యం చేసుకున్నారు. రాక్‌బాల్‌ అసోసియేషన్‌ ప్రతినిధులు పోటీలను పర్యవేక్షించారు. కాగా, వర్షంతో పోటీల నిర్వహణకు కొంత ఇబ్బందిగా మారింది.

మట్టి.. కొల్లగొట్టినర్సాపూర్‌ రూరల్‌: పగలు, రాత్రి తేడా లేకుండా కాళేశ్వరం కాలువ మట్టి, రాళ్లను కొంతమంది వ్యాపారులు యథేచ్ఛగా తరలిస్తున్నా అధికారులు చోద్యం చూస్తున్నారు. మండలంలోని రెడ్డిపల్లి, మంతూర్‌ గ్రామాల మధ్య నుంచి వెళ్తున్న కాళేశ్వరం ప్రాజెక్టు కాలువ ప్యాకేజ్‌– 18 టన్నెల్‌ పనుల్లో భాగంగా తవ్విన మట్టి, రాళ్లు ఇప్పుడు అక్రమార్కులకు కాసుల వర్షం కురిపిస్తున్నాయి. టన్నెల్‌ తవ్వకాల సమయంలో కాల్వకు ఇరువైపులా గుట్టలను తలపించేలా భారీగా మట్టి రాళ్లను ఎత్తి పోశారు. మూడేళ్ల క్రితం ఈ పనులు నిలిచిపోయాయి. అప్పటి నుంచి పనులు చేపట్టిన కాంట్రాక్టర్‌, పర్యవేక్షణ చేయాల్సిన ఇరిగేషన్‌ సిబ్బంది ఇటువైపు కన్నెత్తి చూడడం లేదు. దీనిని ఆసరాగా చేసుకొని అక్రమ మట్టి వ్యాపారులు ఇష్టారాజ్యంగా జేసీబీలు, టిప్పర్లు, ట్రాక్టర్లతో మట్టి, రాళ్లను యథేచ్ఛగా తరలిస్తూ రూ.లక్షల్లో సొమ్ము చేసుకుంటున్నారు. ప్రభుత్వ ఆస్తి బహిరంగంగా తరలిపోతున్న సంబంధిత శాఖల అధికారులు పట్టించుకోకపోవడం పలు అనుమానాలకు తావిస్తోంది. వెంటనే ఉన్నతాధికారులు స్పందించి నిఘా ఏర్పాటు చేసి ప్రభుత్వ సొమ్మును కాపాడాలని స్థానికులు కోరుతున్నారు.

ఒక్కో యూరియా బస్తాపై రూ. 34 బాదుడు● రవాణ చార్జీలను ఉపసంహరించుకున్న ప్రభుత్వం ● జిల్లా రైతులపై రూ.2 కోట్ల మేర అదనపు భారం ఎరువులపై రవాణ చార్జీలను ప్రభుత్వం ఉపసంహరించుకోవడంతో రైతులపై అదనపు భారం పడుతోంది. ఒక్కో బస్తాపై రూ. 34 అధికంగా చెల్లించాల్సి రావడంతో ఆందోళన చెందుతున్నారు. జిల్లా పరిధిలో మొత్తం 2.94 లక్షల మేర వరి సాగవుతుండగా, ఈలెక్కన అన్నదాతలపై రూ. 2 కోట్ల మేర అదనపు భారం పడనుంది. – రామాయంపేట(మెదక్‌) జిల్లాలో గతంలో కంటే ఈసారి ఎక్కువ మొత్తంలో రైతులు వరి సాగు చేస్తున్నారు. అవసరమైన యూరియా సరఫరా విషయంలో గతంలో జరిగిన ఇబ్బందులను దృష్టిలో ఉంచుకొని ఈసారి కేంద్ర, రాష్ట్ర ప్రభుత్వాలు వేర్వేరుగా యాప్‌లు రూపొందించాయి. చాలా మంది రైతులకు సరైన అవగాహన లేకపోవడం, ఆండ్రాయిడ్‌ ఫోన్ల సమస్యతో చాలా మంది రైతులు నేరుగా వ్యవసాయ కార్యాలయాలు, సహకార సంఘాల వద్దకు వెలుతున్నారు. ఈక్రమంలో యూరియా సక్రమంగా లభించక రోడ్డెక్కుతున్నారు. గోరు చుట్టు మీద రోకలి పోటులా ప్రభుత్వ రవాణ చార్జీలను ఉపసంహరించుకుంది. దీంతో ఒక్కో బస్తాపై రూ.34 అదనపు భారం పడుతుండటంలో ఆగ్రహంతో రైతులు అధికారులతో వాగ్వాదానికి దిగుతున్నారు. ఎమ్మార్పీ కంటే ఎక్కువే.. రైల్వే రేక్‌ పాయింట్ల ద్వారా ఎరువుల బస్తాలు నేరుగా సహకార సంఘం గోదాంలకు చేరుతున్నాయి. ఇందుకు సంబంధించి రవాణ చార్జీలను మార్క్‌ఫెడ్‌ ద్వారా ఇన్నాళ్లు ప్రభుత్వమే భరించింది. ఇటీవల ఉపసంహరించుకుంటూ ఉత్తర్వులు జారీ చేసింది. దీంతో రూ. 266.50కు విక్రయించాల్సిన యూరియా బస్తాను రవాణ, లోడింగ్‌ చార్జీలతో కలిపి రూ.300 వరకు అమ్ముతున్నారు. నిబంధనల మేరకు ఎమ్మార్పీ కంటే ఎక్కువ ధరకు ఎరువులు విక్రయించడం నేరం. ఇదిలా ఉండగా నిధుల కొరతతో పలు సహకార సంఘాలు ఎరువుల కోసం ముందుగా డీడీలు చెల్లించకుండా ఇండెంట్లు పెట్టడం నిలిపివేస్తున్నారని తెలిసింది.

కొండాపూర్‌(సంగారెడ్డి): కేంద్ర, రాష్ట్ర ప్రభుత్వాల అసమర్థత విధానాలతో రోజు రోజుకు నిరుద్యోగం పెరిగిపోతుందని డీవైఎఫ్‌ఐ రాష్ట్ర ప్రధాన కార్యదర్శి వెంకటేశ్‌ అన్నారు. ఆదివారం మండల కేంద్రంలో నిర్వహించిన జిల్లా 4వ మహాసభకు ముఖ్య అతి థిగా హాజరై మాట్లాడారు. దేశ యువతకు ప్రతి సంవత్సరం 2 కోట్ల ఉద్యోగాలు ఇస్తామని హామీ ఇచ్చి అధికారంలోకి వచ్చిన మోదీ ప్రభుత్వం 12 ఏళ్లుగా మోసం చేస్తూనే ఉందని ఆరోపించారు. ప్రభుత్వ రంగ సంస్థలను కార్పొరేట్‌ శక్తులకు అప్పగిస్తూ ఉద్యోగ అవకాశాలు తగ్గిస్తుండగా, మరోవైపు నీట్‌, రైల్వే, బ్యాంకింగ్‌ వంటి పోటీ పరీక్షల్లో వ రుసగా ప్రశ్నపత్రాలు లీకవుతున్నాయని ఆందోళన వ్యక్తం చేశారు. కేంద్ర ప్రభుత్వ మంత్రిత్వ శాఖల్లోనే సుమారు 10 లక్షల ఉద్యోగాలు ఖాళీగా ఉన్నాయని తెలిపారు.

చిన్నశంకరంపేట(మెదక్‌): 18 ఏళ్లు నిండిన నూతన ఓటర్లు తమ దరఖాస్తులు అందించాలని మెదక్‌ ఆర్డీఓ రమాదేవి సూచించారు. ఆదివారం మండలంలోని రుద్రారం, కొర్విపల్లి పోలింగ్‌ బూత్‌లను ఆమె తనిఖీ చేశారు. ప్రత్యేక ఓటరు నమోదు కోసం గ్రామాల్లో ప్రత్యేక క్యాంపెనింగ్‌ కేంద్రాలు ఏర్పాటు చేసినట్లు తెలిపారు. 18 ఏళ్లు నిండిన ఓటర్లు ఫారం–6 ద్వారా దరఖాస్తులు అందించాలన్నారు. అలాగే ఏదైనా సవరణ అవసరమైతే ఫారం–8 ద్వారా అందించాలన్నారు. ఎస్‌ఐఆర్‌ ప్రక్రియ ముగింపు దశకు చేరిందని, నోటీస్‌లు అందుకున్నవారు తమ వివరణ అందించాలని కోరారు. ఆమె వెంట తహసీల్దార్‌ మాలతి, ఆర్‌ఐ రాజు ఉన్నారు. చేగుంట(తూప్రాన్‌): మండల కేంద్రంలో ప్రతి శుక్రవారం నిర్వహించే వారాంతపు సంతలో కూరగాయల కోసం వచ్చిన వారి సెల్‌ఫోన్‌లు చోరీకి గురవుతున్నాయి. వారాంతపు సంతకు సమీప గ్రామాల నుంచి ప్రజలు, పరిశ్రమల కార్మికులు ఎక్కువగా వస్తుంటారు. రద్దీ ఎక్కువగా ఉన్న ప్రదేశంలో జేబుల్లోని సెల్‌ఫోన్‌లు గుర్తు తెలియని వ్యక్తులు దొంగిలిస్తున్నారు. ప్రతివారం చోరీలు పరిపాటిగా మారిపోవడంతో సంతకు రావడానికి జనాలు జంకుతున్నారు. గతం వారం సంతలో ఒకేరోజు పది మంది ఫోన్‌లు చోరీకి గురైనట్లు తెలిసింది. కొన్ని సందర్భాల్లో సెల్‌ఫోన్‌లు దొంగిలిస్తూ మైనర్లు పట్టుబడిన సంఘటనలు ఉన్నాయి. పోలీసులు నిఘాను పెంచి మార్కెట్‌లో సెల్‌ఫోన్‌ దొంగతనాలు జరగకుండా చూడాలని ప్రజలు కోరుతున్నారు. మెదక్‌ కలెక్టరేట్‌: మాలల రోస్టర్‌ పాయింట్‌ సవరించాలని జేఏసీ నేతలు జెల్లా సుధాకర్‌, కల్లూరు సంజీవ్‌ ప్రభుత్వాన్ని డిమాండ్‌ చేశారు. ఆదివారం మెదక్‌లో వారు మాట్లాడుతూ.. సమస్యల పరిష్కారం కోసం సోమవారం కలెక్టరేట్‌ ఎదుట ధర్నా చేపడుతున్నట్లు తెలిపారు. ఎస్సీ వర్గీకరణ వల్ల అమలులోకి వచ్చిన నూతన రోస్టర్‌ పాయింట్‌తో విద్యా, ఉద్యోగ నియామకాల్లో తీవ్ర అన్యాయం జరుగుతుందన్నారు. రాష్ట్ర ప్రభుత్వానికి విన్నవించినా పట్టించుకోవడం లేదన్నారు. నేటి ధర్నాలో మాలలు, నిరుద్యోగులంతా పెద్ద ఎత్తున పాల్గొని విజయవంతం చేయాలని పిలుపునిచ్చారు. సమావేశంలో నాయకులు నరేష్‌, శివ, ఆనందం, ప్రసాద్‌, మహిపాల్‌,నాగరాజు తదితరులు పాల్గొన్నారు. రాయికోడ్‌(అందోల్‌): ఎరువులు, రసాయనాలు మోతాదుకు మించకుండా రైతులు జాగ్రత్తలు పాటించాలని మండల వ్యవసాయ అధికారి సారిక అన్నారు. మండలంలోని శంశోద్దీన్‌పూర్‌లో అయిల్‌పామ్‌ పంటలో అంతర పంటగా సాగు చేసిన మినుము పంటను వ్యవసాయశాఖ అధికారులు ఆదివారం పరిశీలించారు. ఈసందర్భంగా వారు మాట్లాడుతూ.. రైతులు మినుము పంటలో మొక్కల ఎదుగుదల, పూత, ఆశించిన దిగుబడి పొందేందుకు నేల స్వభావానికి తగ్గట్లుగా సమతుల్య ఎరువులను వినియోగించాలన్నారు. ఆధునిక పోషక యాజమాన్య పద్ధతులను అవలంభించాలని సూచించారు. నానో డీఏపీ, యూరియాను రైతులకు అందించి, వాటితో కలిగే ప్రయోజనాపై అవగాహన కల్పించారు. నీటి యాజమాన్యం, కలుపు నివారణ మార్గాలను వివరించారు. అంతర పంటల సాగుతో రైతులు ఆదాయాన్ని రెట్టింపు చేసుకునే అవకాశాలుంటాయని తెలిపారు. కార్యక్రమంలో వ్యవసాయ శాఖ సిబ్బంది మమత, రమేశ్‌ రైతులు పాల్గొన్నారు.

రేగోడ్‌(మెదక్‌): ఎన్నికల్లో ఇచ్చిన హామీలు అమలు చేయని కాంగ్రెస్‌ సర్కారుకు ప్రజలు బుద్ధి చెప్పాలని అందోల్‌ మాజీ ఎమ్మెల్యే చంటి క్రాంతికిరణ్‌ ప్రజలకు పిలుపునిచ్చారు. ఆదివారం మండల కేంద్రంలో ‘వెయ్యి రోజుల దగా’పై పోరుబాట నిర్వహించారు. ఈసందర్భంగా క్రాంతికిరణ్‌ మాట్లాడుతూ.. రేగోడ్‌, అల్లాదుర్గం, టేక్మాల్‌ మండలాలను సంగారెడ్డి జిల్లాలో కలుపుతామని ఓట్లు వేయించుకున్న కాంగ్రెస్‌ నేతలను నిలదీయాలన్నారు. బసవేశ్వర, సంగమేశ్వర పథకాలను తుంగలో తొక్కారని మండిపడ్డారు. కేసీఆర్‌ ప్రవేశపెట్టిన సంక్షేమ పథకాలకు మంగళం పాడారన్నారు. సమస్య వచ్చినా ప్రజలకు అండగా ఉండాలని బీఆర్‌ఎస్‌ నేతలకు సూచించారు. బాకీ కార్డులను ఇంటింటికీ పంపిణీ చేయాలన్నారు. కార్యక్రమంలో బీఆర్‌ఎస్‌ రాష్ట్ర నాయకుడు జైపాల్‌రెడ్డి, పార్టీ మండల ప్రధాన కార్యదర్శి రమేశ్‌, మాజీ అధ్యక్షుడు వినోద్‌కుమార్‌, పీఏసీఎస్‌ చైర్మన్‌ రాజుయాదవ్‌, మాజీ ఎంపీటీసీ నర్సింహులు, గ్రామ అధ్యక్షుడు సుభాశ్‌ తదితరులు పాల్గొన్నారు.

వానాకాలం వరి పంట వేసిన రైతులకు మొదట్లోనే కష్టనష్టాలు ఎదురవుతున్నాయి. ఒకవైపు ఎల్‌నినో ముప్పు పొంచి ఉండగా, సాగు చేసిన వరి పంటను మొగి పురుగు ఆశించటంతో ఆందోళన చెందుతున్నారు. జిల్లాలోని పలు మండలాల్లో తెగులు ఉధృతి అధికంగా ఉండటంతో నివారణకు వివిధ రకాల పురుగు మందులు పిచికారీ చేస్తున్నారు. అయినా ఫలితం ఉండటం లేదని కర్షకులు ఆవేదన వ్యక్తం చేస్తున్నారు. – మెదక్‌జోన్‌ అన్నదాతల్లో ఆందోళన వర్షాభావ పరిస్థితులే కారణమంటున్న అధికారులు జిల్లాలో 2.54 లక్షల ఎకరాల్లో వరి సాగు

నర్సాపూర్‌: నర్సాపూర్‌లోని బీవీఆర్‌ఐటీ కళాశాల జాతీయస్థాయి రాక్‌బాల్‌ పోటీలకు వేదికగా మారింది. ఆదివారం 10వ సీనియర్‌ నేషనల్‌, 7వ సీనియర్‌ మిక్స్‌డ్‌ నేషనల్‌ రాక్‌బాల్‌ ఛాంపియన్‌షిప్‌ ఘనంగా ప్రారంభమైంది. ము ఖ్య అతిథులుగా ఎమ్మెల్యే సునీతారెడ్డి, ఎమ్మెల్సీ అంజిరెడ్డి హాజరై పోటీలను ప్రారంభించి మాట్లాడారు. క్రీడలను ప్రోత్సహిస్తున్న అజయ్‌ ట్రస్టు చైర్మన్‌, సౌత్‌ ఇండియా రా క్‌బాల్‌ అసోసియేషన్‌ అధ్యక్షుడు మురళీయాదవ్‌ను ప్రత్యేకంగా అభినందించారు. గెలుపోటములను క్రీడాకారులు సమానంగా స్వీకరించాలని హితవుపలికారు. కార్యక్రమంలో సౌత్‌ ఏషియా రాక్‌బాల్‌ అసోసియేషన్‌ అధ్యక్షుడు భూపేందర్‌ సాగ్వాన్‌, ఆల్‌ ఇండియా రాక్‌బాల్‌ అసోసియేషన్‌ అధ్యక్షుడు శివకుమార్‌, ఉమ్మడి మెదక్‌ జెడ్పీ మాజీ చైర్‌పర్సన్‌ రాజమణి, మున్సిపల్‌ వైస్‌ చైర్మన్‌ బుచ్చెష్‌యాదవ్‌తో పాటు పలువురు నాయకులు పాల్గొన్నారు. కాగా, ఈసారి రాక్‌బాల్‌ ఛాంపియన్‌షిప్‌ ప్రత్యేక ఆకర్షణగా నిలవనుంది. దేశంలోని 16 రాష్ట్రాల నుంచి మొత్తం 24 జట్లు ఈ పోటీల్లో పాల్గొంటున్నాయి. మూడు రోజుల పాటు సాగే ఛాంపియన్‌షిప్‌లో మొత్తం 42 మ్యాచ్‌లు నిర్వహించనున్నట్లు నిర్వాహకులు తెలిపారు. దేశంలోని వివిధ రాష్ట్రాల నుంచి క్రీడాకారులు నర్సాపూర్‌కు చేరుకోవడంతో పట్టణంలో క్రీడా సందడి నెలకొంది.

● అధికారుల పర్యవేక్షణ లోపం ● కలుషితమవుతున్న చెరువులు, కుంటలు హత్నూర(సంగారెడ్డి): ప్రతిరోజు గ్రామాల్లో సేకరించిన తడి, పొడి చెత్తను వేర్వేరుగా వేసేందుకు ప్రభుత్వం సెగ్రిగేషన్‌ షెడ్డు ఏర్పాటు చేసింది. అయితే అధికారుల పర్యవేక్షణ లోపంతో అది నిరుపయోగంగా మారింది. దీంతో సేకరించిన చెత్తను గ్రామ శివారులోని చెరువుల్లో వేస్తున్నారు. మండలంలోని ఎల్లమ్మ గూడ పంచాయతీలో గత ప్రభుత్వం రూ. లక్షలు వెచ్చించి తడి, పొడి చెత్తను వేరు చేసేందుకు సెగ్రిగేషన్‌ షెడ్డు నిర్మించింది. ఎరువులు తయారు చేయాలన్న లక్ష్యంతో అది ఏర్పాటు చేసినప్పటికీ లక్ష్యం నీరుగారి పోతోంది. మండలంలోని పలు గ్రామాల్లో రోజూ సేకరించిన చెత్తను చెరువు, కుంటలో వేయడంతో అవి కలుషితమయ్యే ప్రమాదం ఉందని ప్రజలు ఆందోళన వ్యక్తం చేస్తున్నారు. పంచాయతీ కార్యదర్శులు పట్టించుకోవడం లేదని ఆందోళన వ్యక్తం చేస్తున్నారు. చెత్తను చెరువు, కుంటలో కాకుండా ఇతర ప్రాంతంలో వేయించే విధంగా ప్రణాళిక రూపొందించాలని ప్రజలు విజ్ఞప్తి చేస్తున్నారు. ఇప్పటికై నా ఉన్నతాధికారులు స్పందించి తగు చర్యలు తీసుకోవాలని కోరుతున్నారు. స్థానికంగా ఉండని కార్యదర్శులు ప్రజలకు అందుబాటులో ఉంటూ, సమస్యలు పరిష్కరించేలా చర్యలు తీసుకునే గ్రామ కార్యదర్శులు స్థానికంగా ఉండటం లేదన్న ఆరోపణలు ఉన్నాయి. మండలంలో 38 పంచాయతీలు ఉండగా, సుమారు 35 మంది కార్యదర్శులు పట్టణాల నుంచే రాకపోకలు సాగిస్తున్నారు. సర్టిఫికెట్లపై సంతకాలు చేయించేందుకు పంచాయతీకి వెళితే అందుబాటులో ఉండటం లేదని ప్రజలు వాపోతున్నారు. సంగారెడ్డి, పటాన్‌చెరు, హైదరాబాద్‌ వంటి పట్టణాల నుంచి విధులకు చుట్టపు చూపుగా వస్తూ వెళ్తున్నారని ఆరోపిస్తున్నారు. ఇ ప్పటికై నా పంచాయతీ అధికారులు ప్రజలకు అందుబాటులో ఉండేలా ఉన్నతాధికారులు చర్యలు తీసుకోవాలని కోరుతున్నారు.

చిలప్‌చెడ్‌(నర్సాపూర్‌): ప్రతీ గ్రామంలో సీసీ కెమెరాల ఏర్పాటుతోపాటు, బీట్‌ వ్యవస్థను బలోపేతం చేసి, నేరాల అదుపునకు కృషి చేయాలని జిల్లా ఎస్పీ డివీ. శ్రీనివాసరావు పేర్కొన్నారు. వార్షిక తనిఖీల్లో భాగంగా శనివారం ఆయన చిలప్‌చెడ్‌ పోలీస్‌స్టేషన్‌ను తనిఖీ చేసి, రికార్డులు పరిశీలించారు. సిబ్బంది పనితీరు, పెండింగ్‌ కేసుల పురోగతిని పరిశీలించి, సిబ్బందికి తగిన సూచనలిచ్చారు. అనంతరం చిట్కుల్‌లోని కేజీవీబీ ఉపాధ్యాయులను సన్మానించారు. ఈ సందర్భంగా ఆయన మాట్లాడుతూ...చిలప్‌చెడ్‌ శివారులో వెయ్యి గజాల స్థలం కేటాయిస్తే, పోలీస్‌ స్టేషన్‌ నిర్మించే విధంగా చర్య తీసుకుంటానన్నారు. చాముండేశ్వరి ఆలయంలో చోరీచేసిన దొంగలను, క్లూస్‌ టీం ఆధారంగా త్వరలోనే పట్టుకుంటామని చెప్పారు. గ్రామాల్లో డ్రగ్స్‌, గంజాయి, సైబర్‌ నేరాలపై విస్తృత అవగాహన కల్పించాలని, డ్రగ్స్‌ తీసుకుంటూ ఎవరైనా కనబడితే పోలీసులకు సమాచారం ఇవ్వాలని స్పష్టం చేశారు. అనుమానస్పద వ్యక్తులు, అసాంఘిక కార్యకలాపాలపై ప్రత్యేక శ్రద్ధ తీసుకోవాలన్నారు. అత్యవసర పరిస్థితుల్లో ప్రజలు ఆందోళనకు గురికాకుండా 112 నంబర్‌కు డయల్‌ చేయాలన్నారు. కార్యక్రమంలో తూప్రాన్‌ డీఎస్పీ నరేందర్‌గౌడ్‌, సీఐలు నంగా కృష్ణ, సందీప్‌రెడ్డి, స్థానిక ఎస్‌ఐ నర్సింహులు, ఎంఈఓ విఠల్‌, కేజీబీవీ ఎస్‌ఓ అంజలి తదితరులు పాల్గొన్నారు. జిల్లా ఎస్పీ డీవీ శ్రీనివాసరావు

పటాన్‌చెరు: రాష్ట్రంలో ముఖ్యమంత్రి రేవంత్‌కు ఒక న్యాయం.. సామాన్య ప్రజలకు ఒక న్యాయమా అని ఎంపీ రఘునందన్‌ రావు ప్రభుత్వాన్ని ప్రశ్నించారు. సీఎం, రెవెన్యూ మంత్రి ఆస్తులను ఒక్కరోజులో 22ఏ జాబితా నుంచి తొలగించినట్లే సామాన్యుల ఆస్తులను కూడా తొలగించాలని డిమాండ్‌ చేశారు. పటాన్‌చెరు పట్టణంలోని సింఫోనీ పార్క్‌ హోమ్స్‌ కాలనీలో శనివారం 22 ఏ బాధితులతో ఆయన సమావేశమై వారికి సంఘీభావం తెలిపారు. ఈ సందర్భంగా రఘునందన్‌ రావు మాట్లాడుతూ..55 ఎకరాల్లో 953 ఇళ్లతో నిర్మించిన సింఫోనీ పార్క్‌ హోమ్స్‌ కాలనీని 22ఏ నిషేధిత జాబితాలో చేర్చడాన్ని తీవ్రంగా తప్పుబట్టారు. హెచ్‌ఎండీఏ నుంచి లే అవుట్‌ అనుమతులు, జీహెచ్‌ఎంసీ నుంచి నిర్మాణ అనుమతులు తీసుకున్న తర్వాతే ఇళ్ల నిర్మాణం జరిగిందని ప్రభుత్వ శాఖల నుంచి వచ్చిన అనుమతులను నమ్మి సాఫ్ట్‌వేర్‌ ఉద్యోగులు ఇళ్లను కొనుగోలు చేసి 12 ఏళ్లుగా నివసిస్తున్నారని చెప్పారు. 2013లో అప్పటి కాంగ్రెస్‌ ప్రభుత్వమే అన్ని అనుమతులిచ్చిందని, ఇప్పుడు అదే ప్రభుత్వం తిరిగి ఆ ఆస్తులను నిషేధిత జాబితాలో చేర్చడం అన్యాయమన్నారు. సాఫ్ట్‌వేర్‌ ఉద్యోగులు సోషల్‌ మీడియాను అస్త్రంగా మార్చుకుని తమ సమస్యపై ఉద్యమించాలని ఎంపీ పిలుపునిచ్చారు. కార్యక్రమంలో బీజేపీ జిల్లా అధ్యక్షురాలు గోదావరి, ప్రధాన కార్యదర్శి రాజశేఖర్‌రెడ్డి, దిశ కమిటీ సభ్యుడు కాసాల సుధాకర్‌, కాలనీ అధ్యక్షుడు విజయ్‌రాజ్‌, ప్రధాన కార్యదర్శి సత్యారావు, పటానన్‌ చెరు నియోజకవర్గ బీజేపీ నాయకులు, 22ఏ బాధితులు తదితరులు పాల్గొన్నారు. సీఎంకొక న్యాయం.. సామాన్యులకొక న్యాయమా? బాధితులను కలిసిన ఎంపీ రఘునందన్‌రావు

న్యాయమూర్తి సుచరిత అల్లాదుర్గం(మెదక్‌): జాతీయ న్యాయ సేవాధికార సంస్థ ఆదేశాల మేరకు అల్లాదుర్గంలో ఈ నెల 12న నిర్వహించే జాతీయ లోక్‌ అదాలత్‌ను నిర్వహించనున్నట్లు జూనియర్‌ సివిల్‌ జడ్జ్‌ సుచరిత వెల్లడించారు. అల్లాదుర్గం కోర్టులో పోలీస్‌ అధికారులతో నిర్వహించిన సమీక్షలో ఆమె ఈ జాతీయ లోక్‌ అదాలత్‌ను విజయవంతం చేయాలని పిలుపునిచ్చారు. రాజీ కుదుర్చుకోవడానికి కక్షిదారులకు లోక్‌ అదాలత్‌ ఉపయోగపడుతుందన్నారు. కోర్టు పరిధిలో ఉన్న పోలీస్‌ అధికారులు కక్షిదారులకు సంపూర్ణ సహకారాలు అందించి, లోక్‌ అదాలత్‌ ద్వారా కేసులు పరిష్కరించుకోవడానికి కృషి చేయాలన్నారు. కార్యక్రమంలో అల్లాదుర్గం సీఐ రేణుక రెడ్డి, ఎస్‌ఐలు శంకర్‌, ప్రవీణ్‌రెడ్డి, పోచయ్య, కోర్టు సూపరింటెండెంట్‌ పద్మావతి, లీగల్‌ సర్వీస్‌ సిబ్బంది ఆంజనేయులు తదితరులు పాల్గొన్నారు. చిన్నశంకరంపేట(మెదక్‌): నార్సింగి మండల కేంద్రంలోని 13వ వార్డులో తాగునీటి కోసం మహిళలు ఖాళీ బిందెలతో నిరసన చేపట్టారు. ఎస్సీ కాలనీలోని 13 వార్డులో మిషన్‌ భగీరథ తాగునీరు సరిగా రావడంలేదని మహిళలు తెలిపారు. విషయం ప్రజాప్రతినిధులకు, అధికారులకు చెప్పినా ఫలితంలేదని ఆగ్రహం వ్యక్తం చేశారు. అధికారులు వెంటనే స్పందించి తాగునీటి సమస్యను పరిష్కరించాలని కోరారు. అధికారులు, ప్రజాప్రతినిధులు నిర్లక్ష్యం వీడకపోతే గ్రామపంచాయతీ ముట్టడిస్తామని హెచ్చరించారు. రేవంత్‌ సర్కార్‌పై ఎమ్మెల్యే సునీతారెడ్డి ధ్వజం నర్సాపూర్‌: కాంగ్రెస్‌ వెయ్యి రోజుల పాలనలో ముఖ్యమంత్రి రేవంత్‌రెడ్డి అన్ని రంగాల్లో ఫెయిల్‌ అయ్యారని స్థానిక ఎమ్మెల్యే సునీతారెడ్డి విమర్శించారు. కాంగ్రెస్‌ వెయ్యి రోజుల విఫల పాలనపై బీఆర్‌ఎస్‌ నిరసన కార్యక్రమాల్లో భాగంగా శనివారం ఆయా పాఠశాలలు, కాలేజీలకు చెందిన విద్యార్థులు, బీఆర్‌ఎస్‌ నాయకులతో స్థానిక పిల్లలపార్కు నుంచి ర్యాలీగా స్థానిక చౌరస్తా చేరుకుని ధర్నా చేపట్టారు. ధర్నాలో ఆమె పాల్గొని మాట్లాడుతూ...వెయ్యి రోజుల పాలనలో రేవంత్‌రెడ్డి అన్ని రంగాల్లో విఫలం చెందారన్నారు. విద్యామంత్రిగా ఉన్న రేవంత్‌రెడ్డి ఆ రంగాన్ని అభివృద్ధి చేయడంలో పూర్తిగా విఫలమయ్యారని ఆరోపించారు. 97జీఓను రద్దు చేయాలని డిమాండ్‌ చేశారు. విద్యార్థుల సమస్యలను పరిష్కరించకపోతే సీఎంకు తగిన బుద్ధి చెప్తారని హెచ్చరించారు. నిరుద్యోగులకు తన వంతు సహకారం అందించాలన్న లక్ష్యంతో సునీతమ్మ ఉద్యోగ మిత్ర యాప్‌ను అందుబాటులోకి తెస్తున్నట్లు సునీతారెడ్డి ప్రకటించారు. ఇదిలాఉండగా ధర్నాలో పాల్గొన్న పలువురు విద్యార్థులు మాట్లాడుతూ...తమ గ్రామాలకు ఆర్‌టీసీ బస్సులు రానందున తాము ఇబ్బందుల పాలవుతున్నామని చెప్పగా ఎమ్మెల్యే స్పందిస్తూ ఆర్‌టీసీ అధికారులతో మాట్లాడి ఆయా మార్గాల్లో బస్సులను పునరుద్ధరించే విధంగా కృషి చేస్తానని వారికి హామీనిచ్చారు. ధర్నాలో బీఆర్‌ఎస్‌ నాయకులు దేవేందర్‌రెడ్డి, శేఖర్‌, మన్సూర్‌ తదితరులు పాల్గొన్నారు.

ఇందిరమ్మ పథకంలో ఇళ్లు నిర్మించుకున్నాను. నాకు పూర్తిస్థాయిలో రూ.5 లక్షల బిల్లు వచ్చింది. ఇప్పడు నాకెంతో సంతోషంగా ఉంది. –చాకలి సంగమ్మ, 1వ వార్డు, మెదక్‌ ఆఖరు బిల్లులు మంజూరు ఇందిరమ్మ ఇంటి పథకానికి సంబంధించి ఆఖరు బిల్లులు సైతం మంజూరవుతున్నాయి. ఇల్లు మంజూరైన లబ్ధిదారులు త్వరితగతిన ఇళ్లు నిర్మించుకోవాలి. పూరిగుడిసెలున్న లబ్ధిదారులకు ప్రాధాన్యతనిస్తున్నాం. –మాణిక్యం, పీడీ హౌజింగ్‌

మెదక్‌ కలెక్టరేట్‌: సమాజానికి ఉపాధ్యాయుడు దిక్సూచి అని, పిల్లలను భావి భారత పౌరులుగా తీర్చిదిద్దుతూ ఉపాధ్యాయులు గురుతర భాధ్యతను నిర్వహిస్తున్నారని కలెక్టర్‌ ప్రతిమా సింగ్‌ పేర్కొన్నారు. ఐడీఓసీ కార్యాలయంలో దివంగత మాజీ రాష్ట్రపతి డాక్టర్‌ సర్వేపల్లి రాధాకృష్ణన్‌ 138వ జయంతి సందర్భంగా శనివారం గురుపూజోత్సవాన్ని ఘనంగా నిర్వహించారు. జిల్లా విద్యాశాఖ ఆధ్వర్యంలో జరిగిన ఈ కార్యక్రమంలో కలెక్టర్‌ ప్రతిమాసింగ్‌ ముఖ్య అతిథిగా పాల్గొని జ్యోతి ప్రజ్వలన చేసి సర్వేపల్లి రాధకృష్ణన్‌ చిత్రపటానికి నివాళులర్పించారు. అనంతరం కలెక్టర్‌ ప్రతిమా సింగ్‌ మాట్లాడుతూ...పిల్లలను ఉత్తమ పౌరులుగా తీర్చిదిద్దడంలో ఉపాధ్యాయుల పాత్ర కీలకమన్నారు. గురువులు సమాజానికి దిక్సూచి వంటి వారని తెలిపారు. కాలానుగుణంగా విద్యా బోధనలో మార్పులు చేయడానికి ప్రభుత్వం కృషి చేస్తోందని తెలిపారు. పది, ఇంటర్‌ ఉత్తమ ఫలితాలతో మన జిల్లాను రాష్ట్ర స్థాయిలో మంచి గుర్తింపు తీసుకురావాలని ఆకాంక్షించారు. ఈ సందర్భంగా జిల్లాస్థాయిలో ఉత్తమ ఉపాధ్యాయులుగా ఎంపికై న 52 మంది ఉత్తమ ఉపాధ్యాయులకు శాలువా, జ్ఞాపికలతో ఘనంగా సత్కరించి అభినందనలు తెలిపారు. కార్యక్రమంలో జిల్లా గ్రంథాలయ చైర్మన్‌ సుహాసినిరెడ్డి, మున్సిపల్‌ చైర్‌పర్సన్‌ రాధిక, డీఈఓ రాజు, జెడ్పీ సీఈఓ ఎల్లయ్య తదితరులు పాల్గొన్నారు. కలెక్టరేట్‌లో ఘనంగా గురుపూజోత్సవం ఉత్తమ ఉపాధ్యాయులను సన్మానించిన కలెక్టర్‌

పైప్‌లైన్‌ చివరి గ్రామాలకు గ్రిడ్‌ నీటి సరఫరా బంద్‌ మంజీరా ప్రవాహం తగ్గడంతో డబ్ల్యూటీపీ అందని నీళ్లు రాఘవాపూర్‌, పాంపాడ్‌ డబ్ల్యూటీపీల్లో సామర్థ్యంలో సగమే పంపింగ్‌ ఇప్పుడే ఇలా ఉంటే..వేసవిలో సమస్య తీవ్రతపై ఆందోళన మిషన్‌భగీరథ రాఘవాపూర్‌ వాటర్‌ ట్రీట్‌మెంట్‌ ప్లాంటు (డబ్ల్యూటీపీ) సామర్థ్యం రోజుకు 19 మిలియన్‌ లీటర్లు. కానీ మంజీరా నదిలో నీళ్లు లేని కారణంగా ప్రస్తుతం రోజుకు ఏడు నుంచి పది మిలియన్‌ లీటర్లు మాత్రమే పంప్‌ చేస్తున్నారు. ఇక్కడ 24 గంటలు పంపింగ్‌ జరిగితే దీని పరిధిలో ఉన్న 74 గ్రామాలకు తాగునీరు సరఫరా అవుతుంది. కానీ సగం కూడా పంపింగ్‌ జరగకపోవడంతో ఝరాసంగం వంటి మండలాలకు అసలు తాగునీటి సరఫరా నిలిచిపోయింది. దీంతో ఆయా గ్రామాల్లో స్థానికంగా ఉన్న బోర్ల ద్వారా అరకొరగా నీటిని సరఫరా చేస్తున్నారు. నీటి లభ్యత తగ్గడంతో పలు తాగునీటి పథకాల నుంచి పంపింగ్‌ తగ్గించాల్సి వస్తోందని వాటర్‌గ్రిడ్‌ ఈఈ విజయలక్ష్మి ‘సాక్షి’తో పేర్కొన్నారు. ఉన్న నీటితో వీలైనంత ఎక్కువ గ్రామాలకు సరఫరా చేస్తున్నామన్నారు. రానున్న రోజుల్లో తాగునీటి ఎద్దడిని దృష్టిలో ఉంచుకుని ప్రత్యామ్నాయ ఏర్పాట్లపై దృష్టి సారించామని మిషన్‌భగీరథ ఈఈ పాష పేర్కొన్నారు. సమస్య తీవ్రమైతే బోర్లను అద్దెకు తీసుకోవడం, ట్యాంకర్ల ద్వారా సరఫరా చేసేందుకు చర్యలు తీసుకుంటామని తెలిపారు. సాక్షిప్రతినిధి, సంగారెడ్డి : ఎల్‌నినో ప్రభావం కారణంగా వర్షాకాలంలోనే తాగునీటి కటకట షురూవైంది. తాగునీటికి ప్రధాన ఆధారమైన మంజీరా నది వెలవెలబోతుండటంతో తాగునీటి సమస్య ఇప్పటి నుంచే ప్రారంభమైంది. వర్షాకాలంలోనే పరిస్థితి ఇలా ఉంటే రానున్న వేసవిలో తాగునీటి పరిస్థితి ఎలా ఉంటుందోననే ఆందోళన వ్యక్తమవుతోంది. జిల్లా తాగునీటి అవసరాలు తీర్చే ప్రధాన నీటి వనరు అయిన సింగూరు జలాశయం పూర్తి నీటి నిల్వ సామర్థ్యం 29.91 టీఎంసీలకుగాను, ప్రస్తుతం 4.49 టీఎంసీలు నీళ్లు మాత్రమే ఉన్నాయి. కేవలం 515 అడుగుల మేరకు మాత్రమే నీటి మట్టం ఉంది. దీంతో తాగునీటి సమస్య షురూవైంది. రానున్న జనవరి నుంచి సమస్య మరింత ఎక్కువయ్యే అవకాశాలు కనిపిస్తున్నాయి. మిషన్‌భగీరథ విభాగం గణాంకాల ప్రకారం జిల్లాలో మొత్తం 912 గ్రామాలు, నివాసిత ప్రాంతాలున్నాయి. వీటికి వివిధ పథకాల ద్వారా నీటిని సరఫరా చేస్తున్నారు. వర్షాలు లేకపోవడంతో.. మంజీరా క్యాచ్‌మెంట్‌ ఏరియాలో సరైన వర్షాలు కురవకపోవడంతో నదిలో నీటి ప్రవాహం చాలా మట్టుకు తగ్గిపోయింది. ఉధృతంగా ప్రవహించాల్సిన ఈ నది చాలాచోట్ల వెలవెలబోతోంది. దీంతో సింగూరుకు ఆశించిన మేరకు నీరు చేరలేదు. దీంతో ఈ జలాశయం ఆధారంగా ఉన్న తాగునీటి పథకాల పరిస్థితి ప్రశ్నార్థకంగా మారింది. మరోవైపు డబ్ల్యూటీపీలో పలు సాంకేతిక సమస్యలు కూడా తరచూ తలెత్తుతున్నాయి. దీంతో నీటి పంపింగ్‌కు ఇబ్బందులు వస్తున్నాయి. ఆయా తాగునీటి పథకాల పరిధిలో ఇప్పటి నుంచే తాగునీటి సమస్య తలెత్తుతోంది. రానున్న మార్చి, ఏప్రిల్‌, మే మాసాల్లో తాగునీటి సమస్యల మరింత జఠిలమయ్యే అవకాశాలున్నాయని చెబుతున్నారు.

కాంగ్రెస్‌ పాలనపై మాజీ డిప్యూటీ స్పీకర్‌ పద్మారెడ్డి ధ్వజం మెదక్‌జోన్‌: రాష్ట్రంలో ముఖ్యమంత్రి రేవంత్‌రెడ్డి వెయ్యి రోజుల పాలన పూర్తిగా మోసపూరితంగా సాగుతోందని మాజీ డిప్యూటీ స్పీకర్‌ పద్మా దేవేందర్‌రెడ్డి ధ్వజమెత్తారు. పట్టణంలోని పోస్టాఫీసు వద్ద శనివారం బీఆర్‌ఎస్‌ ఆధ్వర్యంలో ఏర్పాటు చేసిన మహిళా సదస్సుకు మహిళలు పెద్ద సంఖ్యలో హాజరయ్యారు. ఈ సందర్భంగా పద్మారెడ్డి మాట్లాడారు. 18 ఏళ్లు నిండిన ప్రతీ మహిళలకు రూ.2,500, కల్యాణలక్ష్మీ, తులం బంగారం, ఉచిత స్కూటీలు ఏమయ్యాయని ప్రశ్నించారు. కాంగ్రెస్‌ హయాంలో రాష్ట్రంలో అభివృద్ధి కుంటుపడిందని ఆరోపించారు. పాఠశాలల్లో మౌలిక వసతులు క్షీణించాయని, విద్యార్థుల అడ్మిషన్లు తగ్గిపోయి పాఠశాలలు మూతపడే దుస్థితి ఏర్పడిందని మండిపడ్డారు. అనంతరం మాజీ ఎమ్మెల్సీ శేరి సుభాష్‌రెడ్డి, బీఆర్‌ఎస్‌ నాయకుడు కంఠారెడ్డి తిరుపతిరెడ్డి మాట్లాడుతూ..కాంగ్రెస్‌ ప్రభుత్వం ప్రజలకు ఇచ్చిన హామీలను అమలు చేయకుండా మోసం చేస్తోందన్నారు. ప్రజలకిచ్చిన హామీలను నెరవేర్చే వరకు బీఆర్‌ఎస్‌ నిరంతరం పోరాటం చేస్తుందని హెచ్చరించారు. అంతకుముందు పద్మారెడ్డి మహిళలతో కలిసి బతుకమ్మ, కోలాటం ఆడారు. గిరిజన మహిళలు తెచ్చిన సాంప్రదాయ దుస్తులు ధరించి అందరినీ అలరించారు. కార్యక్రమంలో మాజీ మున్సిపల్‌ చైర్మన్‌ మల్లికార్జున్‌గౌడ్‌, మాజీ మార్కెట్‌ కమిటీ చైర్మన్లు బట్టి జగపతి, అకిరెడ్డి కృష్ణారెడ్డి, పార్టీ కన్వీనర్‌, కౌన్సిలర్‌ మామిడ్ల ఆంజనేయులు, చౌదరి సుప్రబాత్‌ రావు, తదితరులు పాల్గొన్నారు.

విడుదలవుతున్న ఇందిరమ్మ బిల్లులుజిల్లావ్యాప్తంగా గతేడాది జూలైలో మొదటి విడత ఇందిరమ్మ పథకంలో 8,910 ఇండ్లు మంజూరయ్యాయి. ఇటీవల పూర్తిగుడిసెలు గల 727 కుటుంబాలను గుర్తించి వారికి సైతం ఇళ్లు మంజూరు చేయటంతో ఆ సంఖ్య 9,637కు చేరుకుంది. కాగా అందులో 2,290 నేటికీ ప్రారంభించలేదు. మరో 890మంది బేస్మెంట్‌ ప్రారంభించేందుకు గుర్తులు పెట్టుకున్నారు. 1,183 బేస్మెంట్‌ లెవల్‌ పూర్తయినవి, రూఫ్‌లెవెల్‌ కంప్లీట్‌ అయినవి 645, స్లాబ్‌వరకు అయినవి 2,434 కాగా పూర్తిగా సిద్ధమైనవి 2,195. ఆరు నెలల తర్వాత ఫైనల్‌బిల్లు జిల్లా వ్యాప్తంగా ఇప్పటివరకు 2,195 ఇళ్లు పూర్తి కాగా ఆరునెలలుగా ఫైనల్‌బిల్లులు ఆగిపోవటంతో అప్పులు చేసి నిర్మించుకున్న లబ్ధిదారులు బిల్లులకోసం కార్యాలయాల చుట్టూ ప్రదక్షిణలు చేస్తూ ఆందోళన చెందారు. ఒక్కో ఇంటి నిర్మాణానికి రూ.10 నుంచి రూ.15 లక్షల వరకు వెచ్చించి నిర్మించుకున్నారు. కాగా, ప్రభుత్వం రూ.5 లక్షలు ఇస్తుందనే ధీమాతో బయట అప్పులు చేశారు. కేంద్రం ఏకంగా 6 నెలల పాటు బిల్లులు ఆపటంతో ఇందిరమ్మ ఇళ్లు నిర్మించాలంటేనే జంకే పరిస్థితి నెలకొంది. కాగా గత 15 రోజుల నుంచి ఆఖరు బిల్లులు సైతం విడుదలవుతుండటంతో లబ్ధిదారులు సంతోషం వ్యక్తం చేస్తున్నారు. కాగా, ఇప్పటివరకు కంప్లీట్‌ అయిన ఇల్లు 2,195కాగా ఫైనల్‌ బిల్లులు 535మంది కి వచ్చింది. ఇంకా 1,660 మందికి త్వరలో వస్తుందని సంబంధిత అధికారులు చెబుతున్నారు. ఇందిరమ్మ ఇళ్ల పథకానికి ఆఖరు బిల్లులు మంజూరవుతుండటంతో లబ్ధిదారులు సంతోషం వ్యక్తం చేస్తున్నారు. గతేడాది ఈ పథకం కోసం రూ.5 లక్షల చొప్పున మంజూరు కాగా అందులో రాష్ట్ర ప్రభుత్వం వాటా ఒక్కో ఇంటికి రూ.3.88 లక్షలు ఇస్తుండగా, కేంద్ర ప్రభుత్వం వాటా కింది రూ.1.12 లక్షలను ఇస్తోంది. కాగా, ఇళ్లు పూర్తయిన లబ్ధిదారులకు రాష్ట్ర ప్రభుత్వం ఎప్పటికప్పుడు బిల్లులు ఇవ్వగా కేంద్రం విడుదల చేసే ఆఖరుబిల్లులు ఆలస్యం కావటంతో అప్పులు చేసి నిర్మించిన లబ్ధిదారులు ఆందోళన చెందారు. కాగా, ఇటీవల ఆఖరుబిల్లులు సైతం మంజూరు కావటంతో సంతోషం వ్యక్తం చేస్తున్నారు. –మెదక్‌జోన్‌ సంతోషం వ్యక్తం చేస్తున్న లబ్ధిదారులు ఇప్పటివరకు 2,195 ఇళ్లు పూర్తి 535 మంది లబ్ధిదారులకు చేరిన డబ్బులు ఒక్క పూరిగుడిసె ఉండకూడదు జిల్లాలో ప్రతీ కుటుంబానికి సొంత ఇల్లు ఉండాలని, పూరిగుడిసెలు మాత్రం ఉండకూడదనే లక్ష్యంతో ప్రభుత్వం చర్యలు తీసుకుంటోంది. మంజూరైన ఇళ్లల్లో కొన్నింటిని నేటికీ ప్రారంభించకపోయినప్పటికీ వారి పేర్లను రద్దు చేయకుండా అలాగే ఉంచుతున్నారు. అందుకు ప్రధాన కారణం వారిలో అత్యధికులు పూరిగుడిసెలు, రేకుల షెడ్లు ఉన్నవారు కావడంతో వారికి మంజూరైన ఇళ్లను రద్దు చేయటం లేదు. ఇక వారు నిర్మించుకోవటమే ఆలస్యమని అధికారులు చెబుతున్నారు. కాగా రెండోవిడత సైతం త్వరలో మంజూరవుతాయని వారు పేర్కొన్నారు.

కౌడిపల్లి(నర్సాపూర్‌): మండల కేంద్రమైన కౌడిపల్లిలోని ఎస్టీగురుకుల పాఠశాలలో విధులు నిర్వహిస్తున్న జీవశాస్త్రం ఉపాధ్యాయుడు శివకుమార్‌ రాష్ట్ర ఉత్తమ ఉపాధ్యాయునిగా ఎంపికయ్యారు. దీంతో శనివారం కొండగల్‌లో జరిగిన ఉపాధ్యాయ దినోత్సవంలో సీఎం రేవంత్‌రెడ్డి, ఎస్టీ గురుకులాల సంస్థ రాష్ట్ర కార్యదర్శి సీతాలక్ష్మి చేతులమీదుగా అవార్డు అందుకున్నారు. శివకుమార్‌ గత రెండేళ్లుగా ఎస్టీ గురుకులంలో జీవశాస్త్రం బోధిస్తూ అంకితభావంతో విధులు నిర్వహించడంతోనే ఉత్తమ అవార్డు వచ్చిందని ప్రిన్సిపాల్‌ ఫణికుమార్‌ తెలిపారు. ఈ సందర్భంగా శివకుమార్‌ను ప్రిన్సిపాల్‌, ఉపాధ్యాయులు అభినందించారు. చిన్నశంకరంపేట(మెదక్‌): చిన్నశంకరంపేట మండల కేంద్రంలో యూరియా కోసం రైతులు భారీగా వరుసలు దీరారు. ఆన్‌లైన్‌లో యూరియా బుక్‌ చేసుకున్న రైతులు పీఏసీఎస్‌ వద్దకు ఉదయమే చేరుకుని యూరియా కొనుగోలు చేసేందుకు లైన్‌ కట్టారు. తాము ఆన్‌లైన్‌ యాప్‌లో యూరియా బుక్‌ చేసుకున్నప్పటికీ గంటల కొద్దీ లైన్‌లో నిలిచోవడం మాత్రం తప్పడంలేదని రైతులు ఆవేదన వ్యక్తం చేశారు. అధికారులు యూరియాను నేరుగా అందించేందుకు చర్యలు చేపట్టాలని కోరారు.

వెల్దుర్తి(తూప్రాన్‌): అమలు కాని అబద్ధపు హామీలతో గద్దెనెక్కిన సీఎం రేవంత్‌రెడ్డి వెయ్యి రోజుల పాలనలో ప్రజా సమస్యలను పట్టించుకోలేదని ఎమ్మెల్సీ దేశపతి శ్రీనివాస్‌, ఎమ్మెల్యే సునీతారెడ్డి, మాజీ కార్పొరేషన్‌ చైర్మన్‌ దేవిప్రసాద్‌ విమర్శించారు. శుక్రవారం మాసాయిపేట మండల కేంద్రంలో బీఆర్‌ఎస్‌ ఆధ్వర్యంలో నిరసన కార్యక్రమానికి ముఖ్య అతిథులుగా హాజరై మాట్లాడారు. మాజీ సీఎం కేసీఆర్‌ తొలి కేబినెట్‌ సమావేశంలోనే 42 పథకాలపై చర్చించి అమలుకు నిర్ణయాలు తీసుకుని ప్రజా సంక్షేమానికి కృషి చేశారని కొనియాడారు. కాంగ్రెస్‌ ప్రభుత్వం ప్రజా సమస్యలను పట్టించుకోవడం లేదన్నారు. టీడీపీకి తెలంగాణలో పూర్వ వైభవం తీసుకొచ్చేందుకు సీఎం రేవంత్‌రెడ్డి ప్రయత్నిస్తున్నారని ఆరోపించారు. ఉద్యోగులు, ప్రజలు ప్రభుత్వ పనితీరుపై అసంతృప్తితో ఉన్నారని, మళ్లీ కేసీఆర్‌ రావాలని కోరుకుంటున్నారని తెలిపారు. కాళేశ్వరం ప్రాజెక్టును నిర్లక్ష్యం చేయడం వల్ల ఈ ప్రాంతం కరువు బారిన పడే పరిస్థితి ఏర్పడుతోందన్నారు. ఎన్నికలకు ముందు ఏటా రెండు లక్షల ఉద్యోగాలు కల్పిస్తామని హామీ ఇచ్చి నిరుద్యోగులను కాంగ్రెస్‌ మోసం చేసిందన్నారు. 22–ఏ పేరుతో రైతులను ఇబ్బందులకు గురిచేస్తున్నారని మండిపడ్డారు. సబ్బండ వర్గాలకు అన్యాయం చేస్తున్న ప్రభుత్వానికి వ్యతిరేకంగా బీఆర్‌ఎస్‌ చేపట్టే నిరసనలకు ప్రజలు సహకరించాలని కోరారు. కార్యక్రమంలో మండల పార్టీ అధ్యక్షుడు మధుసూదన్‌రెడ్డి, నాయకులు నాగరాజు, హరికృష్ణ, మన్సూర్‌, చంద్రాగౌడ్‌, కృష్ణాగౌడ్‌, స్టేషన్‌ శ్రీను, నర్సింహారెడ్డి, శంకర్‌యాదవ్‌, శ్రీనివాస్‌నాయక్‌ తో పాటు బీఆర్‌ఎస్‌ సర్పంచ్‌లు, నాయకులు, కార్యకర్తలు, ప్రజలు పాల్గొన్నారు. కాంగ్రెస్‌ ప్రభుత్వానికి పాలించే హక్కులేదు ఎమ్మెల్సీ దేశపతి, ఎమ్మెల్యే సునీతారెడ్డి ఫైర్‌

అమ్రియా తండా నుంచి నలుగురికి మెడిసిన్‌ సీటుపాపన్నపేట(మెదక్‌): గిరిపుత్రుల గురి తప్పలేదు. స్వేదం చిందిస్తూ, కాయా కష్టం చేసి, కాలేజీకి పంపిన కన్నవారి కలలను వారి పిల్లలు సాకారం చేశారు. పాపన్నపేట మండలంలో బస్సు ముఖం చూడని మారుమూల అమ్రియాతండా నుంచి ఒకేసారి నలుగురు మెడిసిన్‌ సీట్‌ సాధించి సత్తా చాటారు. ఇందులో కవలలిద్దరూ ఉన్నారు. ఇదే తండాకు చెందిన సాయికుమర్‌ ఇప్పటికే మెడిసిన్‌లో పీజీ, మరో విద్యార్థి ఉపేందర్‌ ఎంబీబీఎస్‌ పూర్తి చేశారు. 300 జనాభా గల ఆ తండాలో ఆరుగురు మెడిసిన్‌ చదవడం, ఇతర తండావాసులకు స్ఫూర్తిగా నిలుస్తుంది. వలస కూలీ కొడుకుకు సీటు తండాకు చెందిన లునావత్‌ వసూరాం, లక్ష్మి దంపతులు హైదరాబాద్‌లో వలస కూలీలుగా బతుకుతున్నారు. వీరి కుమారుడు నవీన్‌ గురుకుల పాఠశాలలో చదువుకున్నాడు. నీట్‌ పరీక్ష రాసి 2,18,058 ర్యాంకుతో కండ్ల కోయలోని సీఎంఆర్‌ మెడికల్‌ కాలేజీలో సీటు సాధించాడు. దీంతో అతని తల్లిదండ్రులు తమ కొడుకు డాక్టర్‌ అయితే ఇక తమ కష్టాలు తీరుతాయని సంతోష పడుతున్నారు. లునావత్‌ శ్రీను, దేవి దంపతులు వ్యవసాయం చేసుకుంటూ జీవనం కొనసాగిస్తున్నారు. వీరికి రామ్‌, లక్ష్మణ్‌ అనే ఇద్దరు కవలలున్నారు. పిల్లలు మొదటి తరగతి నుంచి పదో తరగతి వరకు స్థానిక ప్రైవేట్‌ పాఠశాలలో చదువుకున్నారు. ఇంటర్‌ హైదరాబాద్‌లో పూర్తి చేశారు. ఇటీవల జరిగిన నీట్‌ పరీక్షలో రాము ఆల్‌ ఇండియాలో 1,86,370 ర్యాంకు సాధించి సిరిసిల్లా ప్రభుత్వ మెడికల్‌ కాలేజీలో మెడిసిన్‌ సీటు సాధించాడు. తమ్ముడు లక్ష్మణ్‌ 1,20,871 ర్యాంకుతో ఆదిలాబాద్‌లోని రాజీవ్‌గాంధీ ఇన్‌స్టిట్యూట్‌ ఆఫ్‌ మెడికల్‌ సైన్సెస్‌లో సీటు పొందాడు. భవిష్యత్తులో రాము న్యూరో ఫిజిషియన్‌, లక్ష్మణ్‌ జనరల్‌ మెడిసిన్‌లో పీజీ చేసి నిరుపేదలకు ఉచిత వైద్య అందిస్తామని చెబుతున్నారు.

మెదక్‌జోన్‌: రాత్రి వేళల్లో పోలీసు సిబ్బంది నిర్వహిస్తున్న పెట్రోలింగ్‌, బ్లూకోడ్స్‌, బీట్‌ డ్యూటీలను అదనపు ఎస్పీ విక్రాంత్‌ కుమార్‌ సింగ్‌ గురువారం అర్ధరాత్రి ఆకస్మికంగా తనిఖీ చేశారు. పట్టణంలోని ప్రధాన ప్రాంతాల్లో పర్యటించి విధుల్లో ఉన్న సిబ్బంది పనితీరును పరిశీలించారు. పెట్రోలింగ్‌ను ముమ్మరం చేయాలని, అనుమానాస్పద వ్యక్తులు, వాహనాల కదలికలపై నిఘా ఉంచాలని సిబ్బందిని ఆదేశించారు. వాహన తనిఖీలు, డ్రంకెన్‌ డ్రైవ్‌ క్రమం తప్పకుండా నిర్వహించాలన్నారు. మద్యం సేవించి వాహనాలు నడిపే వారిపై చట్ట ప్రకారం చర్యలు తీసుకోవాలన్నారు. దొంగతనాలు, ఇతర ప్రాపర్టీ నేరాలు జరిగే అవకాశం ఉన్న ప్రాంతాలను గుర్తించి ప్రత్యేక నిఘా ఏర్పాటు చేయాలన్నారు.

● నేడు ఈడీ రాక ● సమస్యల పరిష్కారంపై ప్రయాణికుల ఆశలు నర్సాపూర్‌: నర్సాపూర్‌ ఆర్టీసీ డిపోలో పలు సమస్యలు నెలకొన్నాయి. సరిపడా బస్సులు లేక నియోజకవర్గంలోని ప్రధాన మార్గాల్లో ప్రజలు ఇబ్బందుల పాలవుతున్నారు. ఈక్రమంలో శనివారం ఆర్టీసీ ఎగ్జిక్యూటివ్‌ డైరెక్టర్‌ (ఈడీ) కుస్రోషా ఖాన్‌ డిపోను తనిఖీ చేసేందుకు వస్తున్నారు. దీంతో సమస్యలు పరిష్కారంపై ప్రయాణికులు ఆశలు పెట్టుకున్నారు. 2022లో డిపోను ప్రారంభించగా, అధికారులు మొక్కుబడిగా నిర్వహిస్తున్నారని ఆరోపణలు వస్తున్నాయి. డిపోలో 39 బస్సులలో 32 సంస్థ బస్సులు ఉండగా 7 అద్దె బస్సులున్నాయి. సంస్థ బస్సుల సంఖ్యకు అనుగుణంగా డ్రైవర్లు, కండక్టర్లు లేనందున ఉన్న వారిపై పనిభారం పడుతుందని ఆవేదన వ్యక్తం చేస్తున్నారు. డ్రైవర్లు, కండక్టర్లకు సరిపడా వసతులు లేవని తెలిసింది. రెస్ట్‌ రూంతో పాటు ఇతర వసతులు మరింత మెరుగు పర్చాల్సిన అవసరం ఉందని సిబ్బంది చెబుతున్నారు. డిపోకు కొత్త బస్సులు కేటాయించి దూర ప్రాంతాలకు సైతం ఇక్కడి నుంచి బస్సులను నడపాలని ప్రజలు కోరుతున్నారు. అలాగే డిపో ఆవరణలో సీసీ రోడ్డు లేనందున వర్షాలు కురువగానే అంతా బురదమయంగా మారడంతో ప్రయాణికులకు ఇబ్బందులు తప్పడం లేదు. అందని ఉచిత ప్రయాణం మహిళలకు ప్రభుత్వం ఉచిత బస్సు ప్రయాణం అమలు చేస్తున్నప్పటికీ సరిపడా బస్సులు రాకపోవడంతో గ్రామీణ మహిళలకు పథకంతో ప్రయోజనం లేకుండా పోతుంది. నర్సాపూర్‌ నుంచి బాలానగర్‌ మార్గంలో బస్సుల సంఖ్య పెంచాల్సిన అవసరం ఉంది. ఉదయం పూట ప్రభుత్వ, ప్రైవేటు ఉద్యోగులు, విద్యార్థులు భారీ సంఖ్యలో ఇక్కడి నుంచి వెలుతున్నందున వారి సంఖ్యకు సరిపడా బస్సు లు లేక వారు ఇబ్బందులు పడుతున్నారు. మండలంలోని నత్నాయిపల్లి మీదుగా పటాన్‌చెరు వరకు సర్వీసును సక్రమంగా నడుపనందున అనేక గ్రామాల ప్రజలు ఇబ్బందుల పాలవుతున్నారు. అలాగే శివ్వంపేట, కౌడిపల్లి, వెల్దుర్తి తదితర మండలాల్లోని అనేక గ్రామాలకు బస్సు సౌకర్యం కరువైంది.

మెదక్‌జోన్‌: ఉపాధ్యాయ దినోత్సవాన్ని పురస్కరించుకొని జిల్లా విద్యాశాఖ 52 మందిని ఉత్తమ ఉపాధ్యాయులుగా ఎంపిక చేసింది. వీరిలో స్కూల్‌ అసిస్టెంట్లు, ఎస్జీటీలు, ప్రధానోపాధ్యాయులు, పీజీ హెచ్‌ఎంలు ఉన్నారు. వీరందరికీ శనివారం ఉదయం 11 గంటలకు కలెక్టరేట్‌లో సన్మాన కార్యక్రమం నిర్వహించనున్నారు. మెదక్‌ కలెక్టర్‌: ఈనెల 6న హైదరాబాద్‌లో నిర్వహించనున్న ‘ఉద్యోగుల సంకల్ప సభ’ను విజయవంతం చేయాలని జిల్లా జేఏసీ నాయకులు జిడ్డి ఎల్లం, జంగం నగేశ్‌ పిలుపు నిచ్చారు. శుక్రవారం పట్టణంలో సంకల్ప సభ పోస్టర్‌ను ఆవిష్కరించి మాట్లాడారు. పెండింగ్‌లో ఉన్న డీఏలు, పీఆర్సీ అమలు, సీపీఎస్‌ రద్దు చేసి పాత పెన్షన్‌ విధానం అమలు చేయా లన్నారు. ఎన్నికల మేనిఫెస్టోలో పెట్టిన వాటినే అమలు చేయాలని ప్రభుత్వాన్ని కోరుతున్నామని తెలిపారు. సమావేశంలో జిల్లా పంచాయతీ సెక్రటరీల సంఘం ప్రధాన కార్యదర్శి ముత్యాల నర్సింలు, తపస్‌ జిల్లా ఉపాధ్యక్షులు శ్రీధర్‌ రెడ్డి, సంతోష్‌ కుమార్‌, ప్రభాకర్‌, భిక్షపతి, ఆంజనేయులు, శ్రీశైలం, స్వామి, చంద్రశేఖర్‌, రాజు, మల్లేశ్‌, కిషన్‌ తదితరులు పాల్గొన్నారు. పాపన్నపేట(మెదక్‌): బీఆర్‌ఎస్‌ జిల్లా అధ్యక్షురాలు పద్మారెడ్డి శుక్రవారం ఏడుపాయల వన దుర్గమ్మను దర్శించుకున్నారు. అర్చకులు శంకరశర్మ ఆలయ మర్యాదల ప్రకారం స్వాగతం పలికారు. ప్రత్యేక పూజలు, అర్చన చేసి తీర్థప్రసాదాలు అందజేశారు. ఈసందర్భంగా పద్మారెడ్డి మాట్లాడుతూ.. అమ్మవారి కృపతో ప్రజలందరూ సుభిక్షంగా ఉండాలని అమ్మవారిని కోరుకున్నట్లు తెలిపారు. ఆమె వెంట మెదక్‌ మాజీ మున్సిపల్‌ చైర్మన్‌ మల్లికార్జున్‌ గౌడ్‌, రామాయంపేట మాజీ మార్కెట్‌ కమిటీ చైర్మన్‌ గంగా నరేందర్‌, నాయకులు జీవన్‌రావు, కౌన్సిలర్‌ మామిళ్ల ఆంజనేయులు, కో కన్వీనర్‌ కృష్ణాగౌడ్‌, మాజీ కౌన్సిలర్‌ శ్రీనివాస్‌, ఆలయ సిబ్బంది పాల్గొన్నారు. మెదక్‌ కలెక్టరేట్‌: పట్టణంలోని 15వ వార్డులో మున్సిపల్‌ వైస్‌ చైర్మన్‌ దొంతి నరేశ్‌గౌడ్‌ శుక్రవారం విస్తృతంగా పర్యటించి తడి, పొడి చెత్తను వేరు చేసే ప్రక్రియ పరిశీలించారు. అనంతరం వార్డుల్లో విద్యుత్‌ స్తంభాలకు సంబంధించిన సమస్యలను అడిగి తెలుసుకున్నారు. వాటిని వెంటనే పరిష్కరించాలని విద్యుత్‌ శాఖ సిబ్బందిని ఆదేశించారు. ఎమ్మెల్యే రోహిత్‌రావు సహకారంతో నిధులు మంజూరు చేయిస్తానని హామీ ఇచ్చారు. వార్డు ప్రజలకు అవసరమైన మౌలిక వసతుల కల్పనతో పాటు సమస్యల పరిష్కారానికి నిరంతరం కృషి చేస్తానన్నారు. ప్రజలు తమ సమస్యలను తన దృష్టికి తీసుకువస్తే సంబంధిత అధికారులతో మాట్లాడి పరిష్కరించేందుకు చర్యలు తీసుకుంటానని హామీ ఇచ్చారు. ఎమ్మెల్సీ అంజిరెడ్డి రామచంద్రాపురం(పటాన్‌చెరు): 104 సిబ్బందిని ప్రభుత్వ ఉద్యోగులుగా గుర్తించాలని ఎమ్మెల్సీ అంజిరెడ్డి డిమాండ్‌ చేశారు. జిల్లా చెందిన 104 ఉద్యోగ సంఘం నాయకులు రామచంద్రాపురంలోని ఆయన నివాసంలో శుక్రవారం ఆయనను కలసి వినతిపత్రం అందజేశారు. ఈ సందర్భంగా అంజిరెడ్డి మాట్లాడుతూ..గత 18ఏళ్లుగా వైద్య ఆరోగ్య శాఖలో క్షేత్రస్థాయిలో సేవలు అందిస్తున్న 300మందిని వెంటనే ప్రభుత్వ ఉద్యోగులుగా గుర్తించాలన్నారు. డీఎంఈ పరిధిలోని ఫార్మసిస్టులు, ల్యాబ్‌ టెక్నీషియన్లుగా సేవలందిస్తున్నారని తెలిపారు. వీరిని నిబంధనల ప్రకారం జిల్లా డీఎస్‌సీ ద్వారా ఎంపీక చేసినప్పటికీ వారికీ నేటికీ ఔట్‌సోర్సింగ్‌ విధానంలోనే వేతనాలివ్వడం బాధాకరమన్నారు.

● శ్రమకు తగ్గ గుర్తింపు కరువు ● అమలు కాని కనీస వేతన చట్టం ● ఆచరణకు నోచని ప్రభుత్వ హామీలు జిల్లాలో గ్రామ పంచాయతీ మల్టీపర్పస్‌ సిబ్బంది శ్రమ దోపిడీకి గురవుతున్నారు. ఉదయం లేచింది మొదలు ఇంటింటికీ తిరిగి చెత్త సేకరించటం, మురికి కాలువలు శుభ్రం చేయటం, మొక్కల సంరక్షణ, దోమల నివారణ చర్యలు, తాగునీటి నిర్వహణ.. ఇలా గ్రామాల్లో అన్నీ తామై వ్యవహరిస్తున్నారు. అయినా సరైన వేతనాలు లేవని ఆవేదన వ్యక్తం చేస్తున్నారు. – మెదక్‌జోన్‌ జిల్లావ్యాప్తంగా 492 గ్రామ పంచాయతీలు ఉండగా, 1,697 మంది మల్టీపర్పస్‌ వర్కర్లు విధులు నిర్వర్తిస్తున్నారు. 2018లో వీరిని అప్పటి ప్రభుత్వం జనాభా ప్రాతిపదికన విధుల్లోకి తీసుకుంది. 500 జనాభా ఉన్న చోట ఒకరి చొప్పున, ప్రతి గ్రామంలో ఇద్దరు తగ్గకుండా నియమించారు. ఒక్కో వర్కర్‌కు నెలకు రూ. 9,500 చొప్పున వేతనాలు ఇస్తుండగా, వాటిని సైతం సక్రమంగా ఇవ్వటం లేదు. పంచాయతీ అకౌంట్లలో వేతనాలు పడుతున్నాయి. వాటిని డ్రా చేసి కార్యదర్శులు, ఆయా గ్రామాలు సర్పంచ్‌లు కార్మికులకు సకాలంలో ఇవ్వడం లేదని తెలిసింది. అమలు కాని వేతన చట్టం ఉదయం నుంచి సాయంత్రం వరకు గ్రామంలో అనేక రకాల పనులు చేస్తే కార్మికులకు కనీస వేతన చట్టం అమలు కావడం లేదు. నెలకు రూ. 9,500 మాత్రమే జీతం చెల్లిస్తున్నారు. దీంతో తమ కుటుంబాల పోషణ కష్టంగా మారిందని ఆవేదన వ్యక్తం చేస్తున్నారు. పిల్లలను ఉన్నత చదువులు చదివించలేకపోతున్నామని మదన పడుతున్నారు. లేబర్‌ యాక్ట్‌ ప్రకారం నెలకు రూ.26,000 చొప్పున వేతనం ఇవ్వాలని, ప్రతినెల జీతం నేరుగా తమ అకౌంట్లలో జమ చేయాలనే ప్రధాన డిమాండ్లతో గత కొన్ని రోజులుగా నిరసన వ్యక్తం చేస్తున్నారు. కనీస వస్తువులు కరువే మల్టీపర్పస్‌ వర్కర్లతో పారిశుద్ధ్యంతో పాటు అనేక రకాల పనులు చేయిస్తున్నారు. కానీ కనీస సౌకర్యా లు కల్పించటం లేదు. చేతులకు గ్లౌస్‌లు, ఆయిల్‌, సబ్బులు, యూనిఫాం తదితర వస్తువులు అందజేయటం లేదు. కొన్ని గ్రామాల్లో మాత్రమే యూనిఫాంలు ఇచ్చి మిగితా ఎలాంటి వస్తువులు ఇవ్వటం లేదు. దీంతో కార్మికులు తరచూ అనారోగ్యం బారిన పడుతున్నట్లు తెలిసింది. జిల్లాలో విధులు నిర్వర్తించే మల్టీపర్పస్‌ వర్కర్లలో 90 శాతం మంది నిరుపేదలే ఉండటం గమనార్హం.

ఎన్నో అవార్డులు● విభిన్న ప్రయత్నం.. బోధన వినూత్నం ● ఆద్మాపూర్‌ ప్రాథమిక పాఠశాల గణితం టీచర్‌ రవిరాజ్‌ ప్రత్యేకత నర్సాపూర్‌ రూరల్‌: విద్యార్థులు సులభంగానే కాకుండా ఆసక్తితో పాఠాలు నేర్చుకునేలా వినూత్నరీతిలో బోధిస్తూ తన ప్రత్యేకతను చాటుకుంటున్నారు నర్సాపూర్‌ మండలం ఆద్మాపూర్‌ ప్రాథమిక పాఠశాల గణితం ఉపాధ్యాయుడు రవిరాజ్‌. 2008 డీఎస్సీ ద్వారా ఉమ్మడి మెదక్‌ జిల్లా కంగ్టి మండలం చౌకన్‌పల్లి ప్రాథమిక పాఠశాలలో చేరారు. అప్పుడు ఆ పాఠశాలలో 43 మంది విద్యార్థులు. కనీసం బడికి కూడా సరిగా వచ్చేవారు కాదు. ఆటపాటలతో వారికి దగ్గరై, వినూత్న బోధనతో చదువుపై ఆసక్తి పెంచారు. ఫలితంగా 2015లో ఆ పాఠశాల నుంచి బదిలీ అయ్యేనాటికి ఆ సంఖ్య 104కి చేరింది. అహ్మద్‌నగర్‌లో అద్భుతం బదిలీపై నర్సాపూర్‌ మండలం ప్రాథమికోన్నత పాఠశాల అహ్మద్‌నగర్‌కు వచ్చేనాటికి ఇక్కడ ఇద్దరు టీచర్లు, 7 తరగతులకు 45 మంది విద్యార్థులు ఉన్నారు. రవిరాజ్‌ తోటి ఉపాధ్యాయుల సహకారంతో గ్రామస్తులతో ప్రత్యేక సమావేశం ఏర్పాటు చేశారు. ప్రైవేట్‌ స్కూల్స్‌ కంటే మెరుగైన విద్యాబోధన చేస్తామని, మీ పిల్లలకు చదువు రాకపోతే మమ్మల్ని అడగండి అని భరోసా ఇచ్చారు. దీంతో పాటు ప్యూర్‌ స్వచ్ఛంద సంస్థ సహకారంతో పాఠశాలకు వనరులు సమకూర్చి విద్యలో వెనుకబడిన పిల్లలకు సాయంత్రం ప్రత్యేక క్లాసులు. కరోనా సమయంలోనూ యూట్యూబ్‌ ద్వారా పాఠాలు చెప్పారు. 2024 నాటికి ఆ పాఠశాలలో విద్యార్థుల సంఖ్య 120కి చేరింది. యూట్యూబ్‌ ఛానల్‌కు ఆదరణ 2024లో ఆద్మాపూర్‌ ప్రాథమిక పాఠశాలకు బదిలీపై వచ్చేనాటికి 53 మంది విద్యార్థులు ఉన్నారు. ఇక్కడ విద్యార్థుల సంఖ్య పెంచేందుకు వినూత్న ప్రయత్నాలు ప్రారంభించారు. హోంవర్క్‌ చేయని, బడికి రాని పిల్లల కోసం డిజిటల్‌ క్లాసులు, పజిల్స్‌, ఐక్యూ టెస్టులు, ఐస్‌ బ్రేకింగ్‌ యాక్టివిటీస్‌తో విద్యార్థుల హాజరుశాతం పెంచారు. మరో మ్యాజిక్‌తో ప్రతి రోజు సాయంత్రం పిల్లలకు బోధించే పాఠాలు, విద్యార్థుల ప్రతిభను రికార్డు చేసి తన యూట్యూబ్‌ ఛానల్‌ ‘రవిరాజ్‌ మాస్టర్‌’లో పోస్ట్‌ చేయడంతో విద్యార్థుల్లో ఆసక్తి, పోటీతత్వం పెరిగింది. కేవలం విద్యార్థుల కోసం మొదలుపెట్టిన ఈ ఛానల్‌ను ఇప్పుడు ప్రపంచవ్యాప్తంగా 2.5 మిలియన్ల మంది ఫాలో అవుతున్నారు. కేవలం రెండేళ్లలో ఆద్మాపూర్‌ పాఠశాలలో విద్యార్థుల సంఖ్య సంఖ్య 53 నుండి 90కి పెరిగింది. ఆయన కృషిని గుర్తించిన రాష్ట్ర ప్రభుత్వం దరఖాస్తు లేకుండానే ఉత్తమ ఉపాధ్యాయుడిగా ఎంపిక చేసి అవార్డు ఇచ్చింది. దీంతో పాటు బెస్ట్‌ ఇన్నోవేటివ్‌ టీచర్‌, బెస్ట్‌ ప్రాక్టీసెస్‌, జిల్లా ఉత్తమ ఉపాధ్యాయ, రోటరీ క్లబ్‌ బెస్ట్‌ టీచర్‌ అవార్డులు అందుకున్నాడు. ఇటీవల సింగపూర్‌లో అక్కడి విద్యను అధ్యయనం చేసేందుకు ప్రత్యేకంగా విద్యా కమిషనర్‌ యోగితా రాణా టూర్‌కు ఎంపిక చేశారు.

● జిల్లా కలెక్టర్‌ ప్రతిమాసింగ్‌ ● సాలోజిపల్లిలో భూముల రీ సర్వే పరిశీలన టేక్మాల్‌(మెదక్‌): సెక్షన్‌్‌ 22ఏ పరిధిలోని భూములకు సంబంధించి మండల, గ్రామాల వారీగా సమగ్రంగా పరిశీలించి కచ్చితమైన డేటాను సిద్ధం చేయాలని జిల్లా కలెక్టర్‌ ప్రతిమాసింగ్‌ అధికారులను ఆదేశించారు. టేక్మాల్‌ మండలం సాలోజిపల్లిలో మంగళవారం భూముల రీ సర్వేను ఏడీ ల్యాండ్‌ సర్వేయర్‌ కిషన్‌తో కలిసి పరిశీలించారు. భూములు రీ సర్వే, భూ భారతి, సాదా బైనామా, రెవెన్యూ సదస్సు దరఖాస్తులు పరిష్కారంపై రెవెన్యూ అధికారులతో చర్చించారు. ఈ సందర్భంగా జిల్లా కలెక్టర్‌ ప్రతిమాసింగ్‌ మాట్లాడుతూ..వ్యవసాయ, వ్యవసాయేతర భూముల వివరాలను సెక్టార్‌, గ్రామాల వారీగా ప్రొఫార్మాలో సిద్ధం చేయాలన్నారు. మండల, గ్రామాల వారీగా భూముల విస్తీర్ణంలో వ్యత్యాసాలు ఉన్నట్లయితే అవసరమైన సవరణలు చేపట్టాలని కలెక్టర్‌ ఆదేశించారు. తహసీల్దార్‌ కార్యాలయాల్లో అందుబాటులో ఉన్న పాత డేటాను సేకరించి ప్రస్తుత వివరాలతో పోల్చి పూర్తిస్థాయి నివేదికలను సిద్ధం చేయాలని సూచించారు. వ్యవసాయ భూములను వ్యవసాయేతర భూములుగా మార్చిన అంశాలకు సంబంధించి నిబంధనల ప్రకారం ప్రొఫార్మాలు సిద్ధం చేసి, తహసీల్దార్‌, ఆర్డీవో, రెవెన్యూ అదనపు కలెక్టర్‌ సంతకాలతో సమర్పించాలని తెలిపారు. నవంబర్‌ 30 నాటికి భూములకు సంబంధించిన యాక్షన్‌ ప్లాన్‌్‌పై పూర్తి వివరాలతో కూడిన నివేదికలను ప్రతీ మండల తహసీల్దార్‌ జిల్లా కలెక్టర్‌కు సమర్పించాలని ఆదేశించారు. పంటల నమోదుపై నిర్లక్ష్యం వద్దు రైతులు సాగు చేస్తున్న పంటల వివరాలను నమోదుపై ఎటువంటి నిర్లక్ష్యం చేయరాదని సంబంధిత వ్యవసాయ శాఖ అధికారులను కలెక్టర్‌ ప్రతిమా సింగ్‌ ఆదేశించారు. మండలంలోని ఎల్లుపేట్‌ గ్రామంలో జరుగుతున్న పంటల నమోదును పరిశీలించారు. ఈ సందర్భంగా జిల్లా కలెక్టర్‌ మాట్లాడుతూ..ఎలాంటి పొరపాట్లకు తావులేకుండా పంటల నమోదును పూర్తి చేయాలన్నారు. జిల్లాలో 6.9% పంట నమోదు పూర్తయినట్లు వివరించారు. పంటల నమోదు ప్రక్రియను సెప్టెంబర్‌ 30 వరకు నిర్ణీత గడువులోగా పూర్తి చేసి, సమగ్ర వివరాలను సంబంధిత శాఖకు అందజేయాలని ఆదేశించారు. కార్యక్రమంలో జిల్లా వ్యవసాయ అధికారి దేవకుమార్‌, వ్యవసాయ అధికారి రాంప్రసాద్‌, స్థానిక సర్పంచ్‌ మాధవి నరసింహారెడ్డి, ఏఈఓ సుభాశ్‌ తదితరులు పాల్గొన్నారు.

జిల్లా ఎస్పీ శ్రీనివాసరావు మెదక్‌జోన్‌: అత్యాశ, భయం, తొందరపాటు చర్యలే సైబర్‌ నేరగాళ్లకు ఆయుధాలుగా మారుతున్నాయని అప్రమత్తతతోనే నేరాలకు చెక్‌పెట్టవచ్చిని జిల్లా ఎస్పీ శ్రీనివాసరావు పేర్కొన్నారు. మంగళవారం ఆయన విలేకరులతో మాట్లాడుతూ... చేతిలో సెల్‌ఫోన్‌ ఉంటే ప్రపంచమే అరచేతిలోకి వచ్చినట్టేనని బ్యాంకింగ్‌ నుంచి షాపింగ్‌ వరకు..నగదు బదిలీల నుంచి ప్రభుత్వ సేవల వరకు అన్నీ క్షణాల్లో జరిగిపోతున్నాయని ఈ సాంకేతికతను ఆసరాగా చేసుకుని సైబర్‌ నేరగాళ్లు అమాయక ప్రజలను లక్ష్యంగా చేసుకుంటున్నారన్నారు. ఉద్యోగంలోన,లాటరీ, బహుమతుల పేరుతో ఆశ చూపించడం వంటి కొత్తకొత్త పద్ధతులతో ప్రజలను మోసం చేస్తున్నారని వివరించారు. బ్యాంకు ఖాతా వివరాలు, ఏటీఎం పిన్‌, ఓటీపీ, యూపీఐపిన్‌, పాస్‌వర్డ్‌లను ఎట్టి పరిస్థితుల్లోనూ ఇతరులతో పంచుకోవద్దని ఎస్పీ పేర్కొన్నారు. సైబర్‌ మోసానికి గురైన తర్వాత భయంతో మౌనంగా ఉండొద్దని వెంటనే 1930కు కాల్‌ చేసి ఫిర్యాదు చేయాలన్నారు. ప్రజల అప్రమత్తతే సైబర్‌ నేరగాళ్లకు అసలైన అడ్డుకట్ట అని ఎస్పీ సూచించారు. జిల్లా వైద్యాధికారి గణేశ్వర్‌ నర్సాపూర్‌ రూరల్‌: రోగులను నిర్లక్ష్యం చేస్తే సహించేది లేదని జిల్లా వైద్యాధికారి డాక్టర్‌ గణేశ్వర్‌ వైద్య సిబ్బందికి స్పష్టం చేశారు. నర్సాపూర్‌ మండలంలోని రెడ్డిపల్లి పీహెచ్‌సీని మంగళవారం ఆకస్మికంగా తనిఖీ చేశారు. సిబ్బంది హాజరు రిజిస్టర్‌తోపాటు ఓపీ రికార్డులను పరిశీలించారు. ఫార్మసీ గది, ఐఎల్‌ఆర్‌ వ్యాక్సిన్లను తనిఖీ చేశారు. అనంతరం పీహెచ్‌సీ సిబ్బందితో సమీక్ష నిర్వహించి పలు సూచనలు చేశారు. నెలవారీ ఆశ మీటింగ్‌లో సిబ్బంది పాల్గొని మాతా శిశు సంరక్షణ కోసం ప్రత్యేక చర్యలు తీసుకోవాలని సూచించారు. ఎన్‌సీడీ ప్రోగ్రాం, ఆన్‌లైన్‌, ఆఫ్‌ లైన్‌ రికార్డులు నమోదు చేసుకోవాలన్నారు. కార్యక్రమంలో పీహెచ్‌సీ డాక్టర్‌ రఘువరన్‌, డెమో అన్వర్‌, ఇతర వైద్య సిబ్బంది పాల్గొన్నారు. అనుమతుల్లేని ప్రైవేట్‌ ఆస్పత్రి సీజ్‌ ప్రభుత్వం నుంచి ఎలాంటి అనుమతులు పొందకుండా నర్సాపూర్‌లో నిర్వహిస్తున్న ఓ ప్రైవేటు ఆస్పత్రిని మంగళవారం జిల్లా వైద్యాధికారి డాక్టర్‌ గణేశ్వర్‌ తనిఖీ చేసి సీజ్‌ చేశారు. ఈ సందర్భంగా ఆయన మాట్లాడుతూ.. నర్సాపూర్‌లోని న్యూ అమ్మ హాస్పిటల్‌ నిర్వహించడానికి రిజిస్ట్రేషన్‌ నిమిత్తం దరఖాస్తుతోపాటు ఎలాంటి డాక్యుమెంట్లు, అవసరమైన సర్టిఫికెట్లు తమ కార్యాలయంలో ఇవ్వలేదని చెప్పారు. ఎలాంటి అనుమతులు పొందకుండా ఆస్పత్రిని నెల రోజులుగా నడిపిస్తున్నందున తనిఖీ చేసి సీజ్‌ చేయడంతోపాటు ఆస్పత్రి నిర్వాహకుడు డాక్టర్‌ కిరణ్‌కుమార్‌కు నోటీసులు ఇచ్చామని తెలిపారు. డీఎంహెచ్‌ఓ వెంట డిప్యూటీ డీఎంహెచ్‌ఓ డాక్టర్‌ సృజన, ప్రోగ్రాం ఆఫీసర్‌ డాక్టర్‌ జయశ్రీ,, డెమో ఇన్‌చార్జి డాక్టర్‌ అన్వర్‌ తదితరులున్నారు. మెదక్‌ కలెక్టరేట్‌: సీపీఎస్‌ను రద్దు చేసి పాత పెన్షన్‌ విధానాన్ని పునరుద్ధరించడమే ఉద్యోగుల జేఏసీ పంతమని జిల్లా ఉద్యోగుల జేఏసీ చైర్మన్‌్‌ దొంత నరేందర్‌ పేర్కొన్నారు. కలెక్టరేట్‌లో మంగళవారం ఉద్యోగులు ధర్నా నిర్వహించారు. ఈ సందర్భంగా దొంత నరేందర్‌ మాట్లాడుతూ...సెప్టెంబరు 1వ తేదీని ఇప్పటికే పెన్షన్‌ విద్రోహ దినంగా ప్రకటించామన్నారు. 2004 సెప్టెంబరు 1 తర్వాత ప్రభుత్వ ఉద్యోగాల్లో నియమితులైన ఉద్యోగులంతా నూతన పెన్షన్‌ విధానంతో అభద్రతా భావానికి గురవుతున్నారని ఆవేదన వ్యక్తం చేశారు. సీపీఎస్‌ కింద పనిచేసిన ఉద్యోగులు పదవీ విరమణ అనంతరం, అనారోగ్యంతో మరణిస్తే వారి కుటుంబాలు పెన్షన్‌ లేక అనేక ఇబ్బందులు పడుతున్నట్లు చెప్పారు. ఉద్యోగుల హక్కుల పరిరక్షణ కోసం ఎంతటి పోరాటానికై నా సిద్ధంగా ఉన్నామని స్పష్టం చేశారు. ఉద్యోగులు సీపీఎస్‌కు వ్యతిరేకంగా నినాదాలు చేయడంతో కలెక్టరేట్‌ ప్రాంతం మార్మోగింది. అనంతరం తమ డిమాండ్లతో కూడిన వినతిపత్రాన్ని కలెక్టరేట్‌ ఏవో యూనిస్‌కు అందజేశారు. కార్యదర్శులు, నాయకులు పాల్గొన్నారు.

డీసీసీ అధ్యక్షుడు ఆంజనేయులుగౌడ్‌ నర్సాపూర్‌: స్థానిక ఎమ్మెల్యే సునీతారెడ్డి ఉనికికోసమే రోడ్లు బాగు చేయాలంటూ పాదయాత్ర చేశారని డీసీసీ అధ్యక్షుడు ఆంజనేయులుగౌడ్‌, నియోజకవర్గ కాంగ్రెస్‌ ఇన్‌చార్జ్‌ ఆవుల రాజిరెడ్డి విమర్శించారు. రాష్ట్రంలో సీఎం రేవంత్‌రెడ్డి ప్రజా పాలన వెయ్యి రోజులు పూర్తి చేసుకుని మహత్తర మైలరాయిని దాటిందని చెప్పారు. ఈ సందర్భంగా వారు మంగళవారం విలేకరులతో మాట్లాడుతూ...రేవంత్‌రెడ్డి పాలన పేదోడి గుండె చప్పుడన్నారు. ప్రజాపాలనను అన్ని వర్గాల ప్రజలు హర్షిస్తుంటే బీఆర్‌ఎస్‌ తట్టు కోలేకపోతోందని మళ్లీ ప్రజలను మోసం చేసేందుకు బీఆర్‌ఎస్‌ వారం రోజుల కార్యక్రమం అంటున్నారని ఎద్దేవా చేశారు. పదేళ్ల పాలనలో మాజీ ముఖ్యమంత్రి కేసీఆర్‌ కుటుంబం రూ.వేలకోట్లు కాజేశారని ఆరోపించారు. కాంగ్రెస్‌ హయాంలోనే నర్సాపూర్‌ అభివృద్ధి చెందిందని, బీఆర్‌ఎస్‌ పదేళ్ల పాలనలో నర్సాపూర్‌ చాలా వెనుకబడిందని విమర్శించారు. ఉమ్మడి రాష్ట్ర ముఖ్యమంత్రి దివంగత రాజశేఖర్‌రెడ్డి తెలంగాణకు సాగు నీరందించాలని ప్రాణహిత చేవేళ్ల ప్రాజెక్టుకు రూపకల్పన చేశారని, బీఆర్‌ఎస్‌ హయాంలో నిర్మించిన కాళేశ్వరం ప్రాజెక్టుతో నియోజకవర్గంలోని నర్సాపూర్‌, శివ్వంపేట, కౌడిపల్లి మండలాలకు అదనంగా ఎకరం భూమికి సాగు నీరిచ్చారా ప్రశ్నించారు. బీఆర్‌ఎస్‌, బీజేపీలు ఒకే కోవకు చెందిన పార్టీలని వారు ఆరోపించారు. నర్సాపూర్‌ నుంచి కాంగ్రెస్‌ టికెట్‌కు తాను, డీసీసీ అధ్యక్షుడు ఆంజనేయులుగౌడ్‌ పోటీ పడినప్పటికీ టికెట్‌ ఎవరికి వచ్చినా కలిసి పనిచేస్తామని నియోజకవర్గ ఇన్‌చార్జి రాజిరెడ్డి ధీమా వ్యక్తం చేశారు. సమావేశంలో మున్సిపల్‌ చైర్‌పర్సన్‌ లక్ష్మి, పార్టీ నాయకులు రిజ్వాన్‌, లలిత, అశోక్‌, నరేందర్‌రెడ్డి, మేఘమాల, గంగాధర్‌, సుధీర్‌గౌడ్‌, దావూద్‌ తదితరులు పాల్గొన్నారు.

బోధనకు ఇబ్బందులేర్పడతాయి ఐదు రోజుల పాటు టీచర్లు మూల్యాంకన కేంద్రాల్లో ఉండటంతో బోధనకు ఆటంకం కలుగుతుంది. ఇప్పటికే ప్యానల్‌ టీంలలో సుమారు 20 మంది టీచర్లు బడి విడిచి వెళ్లారు. విద్యార్థులు ఎలాగైనా పాస్‌ కావాలనే ఉద్దేఽశ్యంతో సొంత పాఠశాలల్లో కాపీయింగ్‌ పెరిగే అవకాశం ఉంటుంది. కనుక ఇది ఆమోద యోగ్యం కాదు. –పంతుల రాజు, పీఆర్టీయూ,మండల శాఖ అధ్యక్షుడు మూల్యాంకనంలో పారదర్శకత, జవాబుదారీతనం పెంపొందించేందుకు ఎక్స్‌టర్నల్‌ విధానాన్ని ప్రవేశపెడుతూ పాఠశాల విద్యాశాఖ ఉత్తర్వులు జారీ చేసింది. ఇక నుంచి 1 నుంచి 9వ తరగతి చదివే విద్యార్థుల ఎస్‌ఏ–1,ఎస్‌ఏ–2తో పాటు పదో తరగతి ఎస్‌ఏ–1కు ఇది వర్తించనుంది. మూల్యాంకనం చేసే టీచర్లకు పారితోషికం ఇచ్చే విధంగా నిధులు విడుదల చేయనున్నారు. కాగా ఉపాధ్యాయ వర్గాలు ఈ నిర్ణయాన్ని తీవ్రంగా వ్యతిరేకిస్తున్నారు. –పాపన్నపేట(మెదక్‌) ప్రభుత్వ పాఠశాలల్లో సాధారణంగా నాలుగు ఫార్మేటివ్‌, రెండు సమ్మేటివ్‌ పరీక్షలు నిర్వహిస్తుంటారు. వీటిని సంబంధిత పాఠశాలకు చెందిన సబ్జెక్ట్‌ టీచర్లే మూల్యాంకనం చేస్తుంటారు. అయితే అనుత్తీర్ణతకు తామే బాధ్యత వహించాల్సి ఉంటుందన్న ఆలోచనతో టీచర్లు విద్యార్థులందరినీ పాస్‌ చేస్తుంటారని తెలుస్తోంది. విద్యార్థుల సంఖ్య ఎక్కువగా ఉన్న పాఠశాలల్లో సరిగా మూల్యాంకనం చేయకుండానే మార్కులు వేస్తుంటారనే ఆరోపణలున్నాయి. ఇంకొన్ని పాఠశాలల్లో విద్యార్థులతోనే మూల్యాంకనం చేయిస్తారనే విమర్శలున్నాయి. మండల వనరుల కేంద్రాల్లో మూల్యాంకనం ఇక నుంచి ఎస్‌ఏ–1,ఎస్‌ఏ–2 పరీక్షలకు సంబంధించి బాహ్య పాఠశాలల టీచర్ల ద్వారా మూల్యాంకనం చేయిస్తారు. ఇంటర్నెట్‌, కంప్యూటర్లు, సీసీ కెమెరాలు తదితర సౌకర్యాలున్న మండల వనరుల కేంద్రం లాంటి సౌకర్యాలున్న చోట మూల్యాంకన కేంద్రం ఏర్పాటు చేస్తారు. పరీక్ష కాగానే వెంటనే జవాబు పత్రాలను సీల్డ్‌ కవర్లలో ప్యాక్‌ చేసి కేంద్రానికి పంపాలి. ఏ టీచర్‌కు సొంత పాఠశాల జవాబు పత్రాలు ఇవ్వకూడదు. ప్రాథమిక పాఠశాల, ప్రాథమికోన్న పాఠశాల, ఉన్నత పాఠశాల కొకరు చొప్పున ఎవాల్యుయేషన్‌ ఇన్‌చార్జిలను నియమించాలి. 1 నుంచి 5 తరగతుల వరకు పేపర్‌కు రూ.2 చొప్పున, 6 నుంచి 10 వరకు రూ.3 చొప్పున ఎన్యూమరేషన్‌ చెల్లిస్తారు. 3 నుంచి 5 రోజుల్లో జవాబు పత్రాలను మూల్యాంకనం చేసి అదేరోజు ఆన్‌లైన్‌లో మార్కులు నమోదు చేయాలి. మండల వనరుల కేంద్రం మూల్యాంకనానికి పారితోషికం 1 నుంచి 9 తరగతి వరకు అమలు ఇది సరికాదంటున్న ఉపాధ్యాయ సంఘాలు

ఎమ్మెల్యే పి.సంజీవరెడ్డి కల్హేర్‌(నారాయణఖేడ్‌): ప్రజల సమస్యలు తీర్చేందుకు అధికారులు బాధ్యతగా పనిచేయాలని ఎమ్మెల్యే పి.సంజీవరెడ్డి సూచించారు. కల్హేర్‌లో మంగళవారం నిర్వహించిన మండల పరిషత్‌ సమావేశానికి ఆయన హాజరై మాట్ల్లాడారు. సంక్షేమ పథకాలు అర్హులకు అందించేందుకు ప్రభుత్వం పనిచేస్తోందని తెలిపారు. ప్రతీ నెల ప్రభుత్వ పాఠశాలల్లో జరిగే సమావేశానికి తల్లిదండ్రులు హాజరుకావాలని, ప్రజాప్రతినిధులు ప్రత్యేక చొరవ చూపాలని కోరారు. నీటి సరఫరా, వివిధ సమస్యలను సర్పంచ్‌లు అధికారుల దృష్టికి తెచ్చారు. లబ్ధిదారులకు స్మార్ట్‌ రేషన్‌కార్డులు పంపిణీ చేశారు. కార్యక్రమంలో ఆత్మ చైర్మన్‌ వినోద్‌పాటీల్‌, మండల ప్రత్యేకాధికారి అనిల్‌కుమార్‌, ఎంపీడీఓ హరినందన్‌రావు, ఎంఈఓ సురేశ్‌ పాల్గొన్నారు.

● జిల్లాలో పలుచోట్ల రైతుల ఆందోళనలు ● నెట్‌వర్క్‌ సమస్యతో ఇబ్బందులురామాయంపేట(మెదక్‌): స్థానిక సహకార సంఘానికి మంగళవారం వచ్చిన రెండు వేల బస్తాల యూరియా కేవలం నిమిషం వ్యవధిలోనే అమ్ముడుపోయింది. దీంతో యూరియా లభించని ఇతర రైతులు తీవ్ర ఆగ్రహంతో రోడ్డెక్కి నిరసన వ్యక్తం చేశారు. వివరాల్లోకి వెలితే...రామాయంపేట సహాకార సంఘానికి ఐదు లారీల్లో రెండు వేల బస్తాల యూరియా స్టాక్‌ వచ్చింది. సమాచారం అందుకొని వందల సంఖ్యలో రైతులు సొసైటీ వద్దకు తరలివచ్చారు. ఈ మేరకు వారు సెల్‌ఫోన్‌లోని యాప్‌లో బుక్‌ చేసుకోవడానికి ప్రయత్నించగా, అప్పటికే స్టాక్‌ నిల్‌ చూపించింది. అవాకై ్కన రైతులు తీవ్ర ఆగ్రహంతో రోడ్డెక్కారు. వ్యాపారులు ముందే యాప్‌లో యూరియా బుక్‌ చేసుకుని నల్లబజారుకు తరలిస్తున్నారని వారికి అధికారులు సహకరిస్తున్నారని రైతులు ఆరోపించారు. వ్యవసాయ కార్యాలయం ఎదురుగా మెదక్‌ రోడ్డుపై బైఠాయించి రాస్తారోకో నిర్వహించారు. నిమిషాల వ్యవఽధిలోనే రెండు వేల బస్తాలు ఎలా అయిపోతాయని వారు అనుమానం వ్యక్తం చేశారు. పోలీసులు, మండల వ్యవసాయ అధికారి వారిని సముదాయించి ఆందోళన విరమింపజేశారు. కేవలం నిమిషం వ్యవధిలోనే యూరియా బస్తాలు బుక్‌ చేసుకున్నారని, దీంతో యాప్‌లో నిల్‌ స్టాక్‌ చూపిస్తుందని మండల వ్యవసాయ అధికారి ప్రవీణ్‌కుమార్‌ పేర్కొన్నారు. ఈ రెండు రోజుల్లో అదనంగా స్టాక్‌ తెప్పించి రైతులకు అందజేస్తామని ఆయన హామీ ఇచ్చారు. యాప్‌ రద్దు చేయాల్సిందే చేగుంట(తూప్రాన్‌): యూరియా యాప్‌తో గ్రామాల్లోని రైతులకు యూరియా దొరకడం లేదని చేగుంట గాంధీ చౌరస్తా వద్ద రైతులు నిరసన వ్యక్తం చేశారు. ఈ సందర్భంగా రైతులు మాట్లాడుతూ..గ్రామాల్లో ఎక్కువమంది రైతులు చిన్న ఫోన్లు వాడుతున్నారని వారికి యాప్‌లో యూరియా బుకింగ్‌ చేసుకోవడం ఇబ్బందిగా మారిందన్నారు. స్మార్ట్‌ఫోన్లున్న రైతులకు సైతం యూరియా బుకింగ్‌ చేసుకునేలోపే క్షణాల్లోనే బుకింగ్‌ పూర్తవుతుందని పేర్కొన్నారు. రాస్తారోకోతో ట్రాఫిక్‌ ఇబ్బందిని గుర్తించిన ఎస్‌ఐ చైతన్యకుమార్‌రెడ్డి ఉన్నతాధికారులకు సమస్యను తెలియజేస్తామని సర్దిచెప్పడంతో రైతులు రాస్తారోకో విరమించారు. గోదాంకు తాళం చిన్నశంకరంపేట(మెదక్‌): చిన్నశంకరంపేట మండలం జంగరాయిలో యూరియా గోదాంకు మంగళవారం తాళం వేసి రైతులు నిరసన వ్యక్తం చేశారు. నెట్‌ వర్క్‌ సమస్యతో తమకు బుక్‌ కావడంలేదని నేరుగా తమకు యూరియా అందించాలని గ్రామ రైతులు డిమాండ్‌ చేశారు. యూరియా వచ్చిందన్న సమాచారంతో తాము యూరియా బుక్‌ చేసుకునేందుకు ప్రయత్నించిన సాధ్యం కావడంలేదన్నారు. అదే ఇతర గ్రామాల రైతులకు ఆన్‌లైన్‌లో యూరియా బుక్‌ అవుతుందన్నారు. యూరియా దొరకపోవడంతో తమ పంటలు పాడైపోతున్నాయని ఆవేదన వ్యక్తం చేశారు. విషయం తెలుసుకున్న పోలీస్‌లు జంగరాయి గ్రామానికి చేరుకుని రైతులను సముదాయించి యూరియా పంపిణీ చేపట్టారు. ఈ సందర్భంగా మాజీ సర్పంచ్‌ గడ్డం నెల్లూర్‌ తదితర రైతులు అధికారుల తీరుపై మండిపడ్డారు. తమకు నేరుగా యూరియా అందించేందుకు చర్యలు చేపట్టాలని కోరారు.

కలెక్టర్‌ ప్రతిమాసింగ్‌ మెదక్‌ కలెక్టరేట్‌: బాలికల సంరక్షణ అందరి బాధ్యత అని కలెక్టర్‌ ప్రతిమాసింగ్‌ అన్నారు. సోమవారం బేటీ బచావో – బేటీ పడావో కార్యక్రమంలో భాగంగా కలెక్టరేట్‌లో ఘనంగా రాఖీ వేడుకలు నిర్వహించారు. ఈసందర్భంగా విద్యార్థినులు కలెక్టర్‌తో పాటు వివిధ శాఖలకు చెందిన జిల్లాస్థాయి అధికారులకు రాఖీలు కట్టారు. ఈసందర్భంగా కలెక్టర్‌ మాట్లాడుతూ.. బాలికల హక్కులు, భద్రత, విద్య భవిష్యత్‌ అభివృద్ధికి ఎల్లవేళలా కృషి చేస్తానన్నారు. బాలికలకు సమాన అవకాశాలు కల్పించడం, వారి విద్యను ప్రోత్సహించడం, సురక్షితమైన వాతావరణాన్ని కల్పించడం ప్రతి ఒక్కరి బాధ్యత అని పేర్కొన్నారు. రాఖీ వేడుకల ద్వారా అన్నాచెల్లెళ్ల అనుబంధంతో పాటు బాలికల భద్రత గౌరవాన్ని కాపాడాలనే సామాజిక బాధ్యతను ప్రజల్లోకి తీసుకెళ్లే ప్రయత్నం చేయాలన్నారు. కార్యక్రమంలో జిల్లా సంక్షేమ అధికారి హేమాభార్గవి, బాలికలు, సిబ్బంది తదితరులు పాల్గొన్నారు.

● ప్రతి రెవెన్యూ గ్రామానికి ఒక వలంటీర్‌ నియామకం ● జిల్లాలో ఇప్పటివరకు 2.99 లక్షల ఎకరాలు సాగు రైతులు సాగు చేస్తున్న పంటల వివరాల సేకరణతో జిల్లాలో ఏ పంట ఎంతమేర సాగవుతుందో ఖచ్చితమైన డేటా అందుబాటులోకి వస్తుంది. దీని ఆధారంగానే రైతులకు ఎరువులు, ఇతర సంక్షేమ పథకాలు, పంట నష్ట పరిహారం వంటివి అందుతాయి. సన్న ధాన్యానికి రూ. 500 బోనస్‌, రైతుబంధు, ఇతర పథకాలు వర్తించే అవకాశాలున్నాయి. అలాగే సర్వేలో నమోదు చేసిన మేరకు రైతులు పండించిన పంట ఉత్పత్తులకు సరైన గిట్టుబాటు ధర లభించే అవకాశం ఉంటుంది. రామాయంపేట(మెదక్‌): పంటల సాగు వివరాలు పక్కాగా నమోదు చేసేందుకు వ్యవసాయశాఖ డిజిటల్‌ క్రాప్‌ సర్వేకు శ్రీకారం చుట్టింది. ఈమేరకు జిల్లా పరిధిలో ప్రతి రెవెన్యూ గ్రామానికి ఒక వలంటీర్‌ను నియమించింది. సర్వే కోసం కేంద్రం ప్రత్యేకంగా ఒక యాప్‌ను రూపొందించింది. ఈమేరకు వలంటీర్లు యాప్‌ డౌన్‌లోడ్‌ చేసుకొని పంట వివరాలను అందులో నమోదు చేయాల్సి ఉంటుంది. ముందుగా ఏఈఓలతోనే సర్వే చేయించాలని ప్రణాళికలు సిద్ధం చేయగా, వారు ఇతరత్ర పనులతో బిజీగా ఉండటంతో వలంటీర్ల నియామకానికి ప్రభుత్వం ఉత్వర్వులు జారీ చేసింది. ఎంపికై న వలంటీర్లు ఇప్పటికే గ్రామాల్లో క్షేత్రస్థాయిలో సర్వే పనులు ప్రారంభించి ఆన్‌లైన్‌లో సాగు వివరాలు నమోదు చేస్తున్నారు. కాగా, జిల్లావ్యాప్తంగా వానాకాలం సీజన్‌లో ఇప్పటివరకు 2.99 లక్షల ఎకరాలు సాగులోకి వచ్చాయి. ఇప్పటికే 234 మంది నియామకం జిల్లాలో ప్రతి రెవెన్యూ గ్రామానికి ఒకరు చొప్పున మొత్తం 380 మంది వలంటీర్లను ఏర్పాటు చేయాల్సి ఉంది. ఇప్పటికే 234 మందిని ఎంపిక చేయగా, వారు తమకు కేటాయించిన గ్రామాల్లో సర్వే పనులు ప్రారంభించారు. ఈమేరకు వారు సర్వేలో తేలిన వివరాలు ఆన్‌లైన్‌లో నమోదు చేస్తున్నారు. మిగితా 146 మందిని త్వరలో నియామకం చేయనున్నట్లు అధికారులు తెలిపారు. కాగా, ఎంపిక చేయాల్సిన వలంటీర్లు సదరు రెవెన్యూ గ్రామానికి చెందిన వారై ఉండాలి. వారు ఆండ్రాయిడ్‌ 11 ఫోన్‌ కలిగి ఉండి, కనీసం పదో తరగతి పాసై ఉండాలి. ఎంపికై న వారికి ఆన్‌లైన్‌లో శిక్షణ ఎంపికై న వలంటీర్లు గ్రామాల్లో సర్వే పనులు ప్రారంభించారు. ప్రభుత్వం నిర్దేశించిన ప్రకారం 45 రోజుల్లోపు వీరు తమకు కేటాయించిన గ్రామాల్లో శాటిలైట్‌ ఆధారంగా డిజిటల్‌ సర్వే పూర్తి చేయాల్సి ఉంటుంది. వివరాలను ఏరోజుకారోజు యాప్‌లో అప్‌లోడ్‌ చేయాల్సి ఉంటుంది. ఇలా అప్‌లోడ్‌ చేసిన ఒక్కోదానికి కేంద్రం ఏడు రూపాయలు చెల్లిస్తుంది. ఆన్‌లైన్‌ విధానం ద్వారా వీరికి డబ్బులు చెల్లించనున్నారు. ఎంపికై నవారికి ఇప్పటికే యాప్‌ వినియోగం, పంట సాగు నమోదు విషయమై ఆన్‌లైన్‌లో శిక్షణ ఇచ్చారు.

డీసీసీబీలో వెలుగుచూస్తున్న వాస్తవాలు● రూ.5.20 కోట్లతో బ్రాంచ్‌ల పునర్నిర్మాణం ● నిబంధనలకు విరుద్దంగా ఆఫ్‌లైన్‌లో టెండర్‌ ప్రక్రియ ● సుమారు రూ.కోటి వరకు ముడుపులు? జిల్లా కేంద్ర సహకార బ్యాంకు (డీసీసీబీ) బ్రాంచ్‌ల రినోవేషన్‌ (పునర్‌ నిర్మాణం) పనుల్లో భారీగా అక్రమాలు జరిగాయి. సుమారు రూ. ఐదు కోట్లకు మించి అంచనా వ్యయం కలిగిన ఈ పనులను తమకు అనుకూలమైన కాంట్రాక్టర్లకు కట్టబెట్టి అందిన కాడికి దండుకున్నారు. దాదాపు పదేళ్లుగా పాతుకుపోయిన ఓ ‘ముఖ్య’ అధికారి పాలకవర్గంలోకి కీలక నేత కలిసి ఈ అక్రమాలకు తెరలేపారనే ఆరోపణలు ఉన్నాయి. – సాక్షిప్రతినిధి, సంగారెడ్డి ఉమ్మడి జిల్లావ్యాప్తంగా ఉన్న డీసీసీబీ బ్యాంకుల బ్రాంచ్‌లను రినోవేషన్‌ చేయాలని నిర్ణయించారు. ఆయా బ్రాంచుల్లో కొత్త ఫర్నీచర్‌, ఇంటీరియర్‌, క్యాషియర్‌ కౌంటర్‌, బీఎం క్యాబిన్‌, లాకర్లు, కంప్యూటర్లు, ఏసీలు, ఫ్యాన్లు ఇలా.. ఆయా బ్రాంచులను రినోవేషన్‌ చేశారు. ఏ ప్రభుత్వ ఇంజనీరింగ్‌ విభాగాల్లోనైనా రూ.5 లక్షలకు మించి అంచనా వ్యయం కలిగిన పనులను ఆన్‌లైన్‌లో టెండర్లు పిలుస్తారు. ఎవరు తక్కువకు టెండర్‌ కోట్‌ చేస్తే వారికి పని అప్పగిస్తారు. కానీ ఆన్‌లైన్‌లో టెండర్లు పిలిస్తే పోటీ ఎక్కువై తమకు అనుకూలమైన కాంట్రాక్టర్లకు పనులు దక్కవు. దీంతో ఆఫ్‌లైన్‌ పేరుతో మొక్కుబడిగా టెండర్‌ ప్రక్రియ నిర్వహించి మమ అనిపించారు. తమకు అనుకూలైన కాంట్రాక్టర్లకు ఈ రినోవేషన్‌ పనులు కట్టబెట్టి అందిన కాడికి దండుకున్నారు. ఇలా 26 బ్రాంచులకు సగటున సుమారు రూ.20 లక్షల చొప్పున రూ.5.20 కోట్లు పనుల్లో భారీగా అవకతవకలకు పాల్పడ్డారు. ఈ పనుల్లో ఏకంగా సుమారు రూ.కోటికి మించి చేతులు మారినట్లు అనధికారిక అంచనా. ఆ కాంట్రాక్టర్లకే ఎక్కువ పనులు ఈ రినోవేషన్‌ పనులు ఒకే కాంట్రాక్టర్‌కు ఐదారు కట్టబెట్టారు. ఎనిమిది కాంట్రాక్టర్లు, కంపెనీల పేరుతో ఈ పనులు చేపట్టి.. అందిన కాడికి దండుకున్నారు. బ్యాంకు ప్యానల్‌ ఇంజనీర్లు వేసిన ఎస్టిమేషన్ల కంటే ఎక్సెస్‌ (ఎక్కువ)కు టెండర్లు దక్కించుకుని అంచనా వ్యయం కంటే అదనపు దోపిడీ చేసినట్లు తెలుస్తోంది. భారీగా పర్సెంటేజీలు డీసీసీబీకి కొత్తగా ఐదు బ్రాంచులను ఏర్పాటు చేసేందుకు 2023లో ఆర్‌బీఐ నుంచి అనుమతి లభించింది. దీంతో ఈ బ్రాంచులకు కొత్త భవనాలు నిర్మించాలని నిర్ణయించారు. ఇందుకోసం కూడా ఒక్కో భవనానికి రూ. లక్షల అంచనా వ్యయంతో పనులు చేశారు. అయితే ఈ పనులకు ఆన్‌లైన్‌ టెండర్లు పిలిచినప్పటికీ.. బిల్లుల చెల్లింపుల్లో భారీ మొత్తంలో పర్సెంటేజీలు దండుకున్నారనే ఆరోపణలు ఉన్నాయి. వివరాలిచ్చేందుకు నిరాకరణ రినోవేషన్‌ పనులకు సంబంధించిన పూర్తి వివరాలు ఇచ్చేందుకు డీసీసీబీ అధికారులు నిరాకరిస్తున్నారు. విచారణ దశలో ఉన్నప్పుడు ఈ వివరాలు ఇవ్వడం కుదరదని దాటవేస్తుండటం పలు ఆరోపణలు దారితీస్తోంది. అక్రమాలకు పాల్పడిన అధికారులను కాపాడేందుకే పూర్తి వివరాలు వెల్లడించడం లేదనే ఆరోపణలు వ్యక్తమవుతున్నాయి. ఉమ్మడి జిల్లావ్యాప్తంగా సుమారు 60 వేల మంది రైతులు చెల్లించే వడ్డీలపై నడుస్తున్న ఈ బ్యాంకులో అక్రమార్కులు అందిన కాడిక దండుకుని జేబులు నింపుకుంటున్న వ్యవహరాలు ఒక్కోక్కటిగా వెలుగులోకి వస్తున్నాయి. ఈ రినోవేషన్‌ పనుల వివరాల కోసం ‘సాక్షి’ ప్రతినిధి డీసీసీబీ ఇన్‌చార్జి సీఈఓ సురేష్‌ను సంప్రదించగా.. విచారణ కొనసాగుతుండగా వివరాలు ఇవ్వడం కుదరదని తేల్చి చెప్పారు.

మెదక్‌జోన్‌: ఈనెల 1 నుంచి 30 వరకు జిల్లాలో పోలీస్‌యాక్ట్‌ అమలులో ఉంటుందని ఎస్పీ శ్రీనివాసరావు సోమవారం ఒక ప్రకటనలో పేర్కొన్నారు. తమ అనుమతి లేకుండా ధర్నాలు, రాస్తారోకోలు చేయరాదని, అలాచేస్తే చట్టప్రకారం చర్యలు తీసుకుంటామని హెచ్చరించారు. పోలీస్‌ అధికారుల ముందస్తు అనుమతి లేకుండా ఏ విధమైన నిరసనలు చేయరాదన్నారు. ఈ విషయంలో ప్రజలు, ప్రజాప్రతినిధులు, వివిధ సంఘాల నాయకులు పోలీసులకు సహకరించాలని కోరారు. నర్సాపూర్‌: ఈనెల 2వ తేదీన బీజేపీ ఆధ్వర్యంలో 22–ఏ భూ సమస్యలపై నర్సాపూర్‌లో నిరసన దీక్ష చేపట్టాలని నిర్ణయించామని ఆ పార్టీ జిల్లా అధ్యక్షుడు మల్లేశ్‌గౌడ్‌ తెలిపారు. సోమవారం ఆయన మాట్లాడుతూ.. నిరసన దీక్షకు పార్టీ రాష్ట్ర అధ్యక్షుడు రాంచందర్‌రావు, మెదక్‌ ఎంపీ రఘునందన్‌రావు హాజరవుతారని చెప్పారు. పేద రైతుల భూములను నిషేధిత జాబితాలో చేర్చి వారిని ఇబ్బందులకు గురి చేస్తుందని మండిపడ్డారు. మెదక్‌జోన్‌: సీపీఎస్‌ను రద్దు చేసి పాత పెన్షన్‌ విధానం అమలు చేయాలనే ప్రధాన డిమాండ్‌తో పీఆర్‌టీయూ ఆధ్వర్యంలో చేపట్టిన నేటి మహాధర్నాకు ఉపాధ్యాయులు పెద్దసంఖ్యలో హాజరై విజయవంతం చేయాలని సంఘం జిల్లా అధ్యక్షుడు సతీశ్‌రావు కోరారు. సోమవారం పట్టణంలోని కార్యాలయంలో యూనియన్‌ నేతలతో కలిసి మాట్లాడారు. ఎన్నికల సమయంలో సీఎం రేవంత్‌రెడ్డి ఇచ్చి న హామీలు అమలు చేయాలన్నారు. పెండింగ్‌లో ఉన్న పీఆర్‌సీని వెంటనే అమలు చేయాలన్నారు. సమావేశంలో యూనియన్‌ నేతలు సౌమ్యానాయక్‌, తదితరులు ఉన్నారు. 5 వరకు రేషన్‌ పంపిణీ డీఎస్‌ఓ నిత్యానంద్‌ మెదక్‌ కలెక్టరేట్‌: నిరుపేదలు రేషన్‌ బియ్యం తీసుకునేందుకు ప్రభుత్వం మరో అవకాశం కల్పించింది. జిల్లాలో మూడు నెలల కోటా గత నెల 1వ తేదీ నుంచి పంపిణీ చేస్తున్నారు. ఈ క్రమంలో ఈ–కేవైసీ తప్పనిసరి చేయడంతో కొంతమందికి ఇబ్బందులు ఎదురవుతున్నాయి. ఈక్రమంలో ప్రజల ఇబ్బందులను దృష్టిలో పెట్టుకొని ప్రభుత్వం ఈనెల 5 వరకు రేషన్‌ బియ్యం తీసుకునే అవకాశం కల్పించిందని జిల్లా పౌరసరఫరాల అధికారి నిత్యానంద్‌ పేర్కొన్నారు. నిరుపేదలు ఈ అవకాశాన్ని సద్వినియోగం చేసుకోవాలన్నారు. సమీపంలోని రేషన్‌ దుకాణాల ద్వారా సన్నబియ్యం తీసుకోవాలని సూచించారు. పాపన్నపేట(మెదక్‌): సమస్యల పరిష్కారం కోసం.. ప్రజలకు అందుబాటులోకి తెచ్చిన ప్రజావాణికి ఆశించిన మేర స్పందన లభించడం లేదు. సరైన ప్రచారం లేక జనాలు రావడం లేదు. దీంతో అధికారులంతా సెల్‌ఫో న్లు చూస్తు టైంపాస్‌ చేస్తున్నారు. సోమవారం పాపన్నపేటలో ఒక్క దరఖాస్తు కూడా రాకపోవడంతో అధికారులు ఇలా ఫోన్‌తో కాలక్షేపం చేశారు. నారాయణఖేడ్‌: రాష్ట్రంలో నిజమైన ప్రతిపక్ష పాత్ర తెలంగాణ రక్షణ సేన పార్టీ (టీఆర్‌ఎస్‌)నే పోషిస్తోందని ఆ పార్టీ రాష్ట్ర అధ్యక్షురాలు కల్వకుంట్ల కవిత అన్నారు. నారాయణఖేడ్‌కు సోమవారం వచ్చిన సందర్భంగా విలేకరులతో మాట్లాడారు. తమ పార్టీ స్థాపించి 120 రోజులు అయిందని, ప్రజా సమస్యలపై పోరాటాలు చేస్తూ రేవంత్‌ సర్కార్‌కు వంద చెరువుల నీళ్లు తాగించామన్నారు. రాష్ట్రంలో కాంగ్రెస్‌ ప్రభుత్వం అధికారంలోకి వచ్చి వెయ్యి రోజులు అయినప్పటికీ ఆరు గ్యారంటీల అమలులో విఫలమైందని ఆరోపించారు. తమ పార్టీ ఆవిర్భవించిన నాటి నుంచి అన్నివర్గాల సమస్యలపై పోరాటాలు చేస్తూ ప్రధాన ప్రతిపక్షంగా ముందుకు సాగుతోందని వెల్లడించారు. యువతతో పాటు నిరుద్యోగులు, దివ్యాంగులు, మైనార్టీ, బడుగు, బలహీన వర్గాల కోసం తమ పార్టీ పనిచేస్తుందని చెప్పారు.

కాంగ్రెస్‌ అధికారంలోకి వచ్చి మూడేళ్లు కావొస్తున్న నేపథ్యంలో ప్రజలకిచ్చిన హామీలు నెరవేర్చాలనే డిమాండ్‌తో బీఆర్‌ఎస్‌ పోరుబాట పట్టింది. జిల్లాలో గతేడాది వర్షాలకు దెబ్బతిన్న రోడ్లు, చెరువులు, పంట కాల్వల మరమ్మతుల చేపట్టాలనే డిమాండ్‌తో గత కొన్ని రోజులుగా ప్రజాక్షేత్రంలోకి వెళ్తున్నారు. ధర్నాలు, పాదయాత్రలతో అధికార పార్టీని ఇరుకున పెట్టి అధికారులకు వినతిపత్రాలు అందిస్తున్నారు. మొన్న మాజీ ఎమ్మెల్యే పద్మారెడ్డి పాదయాత్ర చేయగా, తాజాగా నర్సాపూర్‌ ఎమ్మెల్యే సునీతారెడ్డి పాదయాత్ర చేపట్టారు. దీంతో మెతుకుసీమలో రాజకీయం ఒక్కసారిగా వేడెక్కింది. – మెదక్‌జోన్‌ జిల్లాలోని నర్సాపూర్‌, మెదక్‌ నియోజకవర్గాల్లో నెలకొన్న ప్రజాసమస్యలతో పాటు ప్రభుత్వం ఇచ్చిన హామీలు నెరవేర్చాలని, గతంలో బీఆర్‌ఎస్‌ ప్రవేశపెట్టిన పథకాలు కొనసాగించాలని బీఆర్‌ఎస్‌ నేతలు డిమాండ్‌ చేస్తున్నారు. అటు ప్రభుత్వంపై, ఇటు అధికారులపై ఒత్తిడి తెస్తూ ప్రభుత్వంపై ప్రశ్నల వర్షం కురిపిస్తున్నారు. ఈ ఏడాది సింగూర్‌ ప్రాజెక్టుపై ఆధారపడిన ఘనపూర్‌ ఆనకట్ట రైతులకు క్రాఫ్‌హాలిడే ప్రకటించి ఎకరాకు రూ.25 వేల చొప్పున పరిహారం ఇవ్వాలంటూ మెదక్‌ మాజీ ఎమ్మెల్యే పద్మారెడ్డి ఆయకట్టు రైతులతో కలిసి కలెక్టరేట్‌ను ముట్టడించి అధికారులకు వినతిపత్రం ఇచ్చారు. గతేడాది కురిసిన భారీ వర్షాలకు తెగిపోయిన చెరువులు, కుంటలు, బ్రిడ్జిలు, కట్టు కాల్వలకు మరమ్మతులు చేయకపోవడంతో వేలాది ఎకరాల ఆయకట్టు పొలాలు బీళ్లుగా మారాయని, రైతులతో కలిసి రాయినిపల్లి ప్రాజెక్టును సందర్శించారు, కేసీఆర్‌ ప్రవేశపెట్టిన కల్యాణలక్ష్మి, షాదీముబారక్‌ పథకాన్ని ప్రభుత్వం నిలిపి వేసేకుట్ర చేస్తోందని, ఇటీవల కేంద్రంలో పెద్దఎత్తున ధర్నా చేశారు. అలాగే నిజాంపేట మండలంలోని చల్మెడ–నందగోకుల్‌ మధ్య గల రోడ్డు నిర్మాణం పూర్తి చేయాలని పాదయాత్ర చేపట్టారు. ప్రత్యేక యాక్షన్‌ ప్లాన్‌తో ప్రజల్లోకి.. మొన్న పద్మారెడ్డి, నిన్న సునీతారెడ్డి పాదయాత్ర సమస్యలపై ప్రభుత్వాన్ని నిలదీత ధర్నాలు, పాదయాత్రలతో జిల్లాలో వేడెక్కిన రాజకీయం మెదక్‌–వెల్దుర్తి రోడ్డును డబుల్‌రోడ్డుగా నిర్మించాలనే డిమాండ్‌తో నర్సాపూర్‌ ఎమ్మెల్యే సునీతారెడ్డి సోమవారం మాజీ ఎమ్మెల్యే పద్మారెడ్డితో పాటు ఆ పార్టీ కార్యకర్తలతో కలిసి వెల్దుర్తి నుంచి మెదక్‌ వరకు పాదయాత్ర చేపట్టారు. వెల్దుర్తి, ఉప్పులింగాపూర్‌, రామాయపల్లి తదితర గ్రామాల్లో ప్రభుత్వ వ్యతిరేక విధానాలను ఎండగట్టారు. ఆరు గ్యారంటీల అమలుపై ప్రశ్నించారు. యూరియా యాప్‌తో రైతులు పడుతున్న ఇబ్బందులను గుర్తు చేశారు.

టీఎన్‌జీఓ జిల్లా అధ్యక్షుడు నరేందర్‌ మెదక్‌ కలెక్టరేట్‌: ఉద్యోగ సమయంలో చేసిన సేవలే చిరస్థాయిగా గుర్తింపునిస్తాయని, ప్రతి ఉద్యోగికి పదవీ విరమణ తప్పనిసరి అని టీఎన్‌జీఓ జిల్లా అధ్యక్షుడు దొంత నరేందర్‌ అన్నారు. సోమవారం జిల్లా పశు సంవర్ధక శాఖ జేడీ వెంకటయ్య ఉద్యోగ విరమణ కార్యక్రమం పట్టణంలోని ఓ గార్డెన్‌లో నిర్వహించారు. జిల్లా ఫారెస్ట్‌ అధికారి జోజి, డీఆర్డీఓ పీడీ శ్రీనివాసరావు, వ్యవసాయ శాఖ అధికారి దేవ్‌కుమార్‌, ఉద్యానవనశాఖ అధికారి ప్రతాప్‌సింగ్‌తో పాటు ఆయా శాఖల జిల్లా అధికారులు హాజరై వెంకటయ్యను ఘనంగా సన్మానించారు. ఈసందర్భంగా నరేందర్‌ మాట్లాడుతూ.. ప్రతి ఉద్యోగి ఉద్యోగ సమయంలో ప్రజలకు మెరుగైన సేవలు అందించాలని, అవి జీవితకాలం గుర్తుండేలా చేస్తాయన్నారు. అనంతరం యాదవ సంఘం జిల్లా అధ్యక్షుడు గండి మల్లేష్‌ యాదవ్‌ ఆధ్వర్యంలో వెంకటయ్యను సన్మానించారు. కార్యక్రమంలో పశుసంవర్ధక శాఖ రాష్ట్ర, జిల్లా అధికారులు, సిబ్బందితో పాటు యాదవ సంఘం నాయకులు తదితరులు పాల్గొన్నారు.

నర్సాపూర్‌: ఆరు గ్యారంటీలు, 420 హామీలతో రాష్ట్ర ప్రజలను దగా చేసిన కాంగ్రెస్‌కు ప్రజాక్షేత్రంలో బుద్ధి చెబుదామని మాజీ మంత్రి హరీశ్‌రావు అన్నారు. సోమవారం హైదరాబాద్‌లో నర్సాపూర్‌ ఎమ్మెల్యే సునీతారెడ్డి నివాసంలో ఉమ్మడి మెదక్‌ జిల్లాకు చెందిన ఎమ్మెల్యేలు, ఎమ్మెల్సీలు, మాజీ ప్రజాప్రతినిధులతో కీలక భేటీ నిర్వహించారు. కాంగ్రెస్‌ వెయ్యి రోజుల పాలన, తెలంగాణ ప్రజల పాలిట తీవ్ర శాపంగా మారిందన్నారు. మోసపూరిత కాంగ్రెస్‌ ప్రభుత్వానికి వ్యతిరేకంగా బీఆర్‌ఎస్‌ పార్టీ పిలుపు మేరకు వారం రోజుల పాటు ఉమ్మడి జిల్లాలోని గ్రామగ్రామన నిరసన కార్యక్రమాలను పెద్ద ఎత్తున చేపట్టాలని దిశానిర్దేశం చేశారు. సీఎం రేవంత్‌రెడ్డి రాష్ట్రాన్ని అన్ని రంగాల్లో కుదేలు చేశారని ఆరోపించారు. కేసీఆర్‌ హయాంలో రాష్ట్రంలో జరిగిన అభివృద్ధిని ముఖ్య నేతలకు వివరించారు. ప్రభుత్వ వైఫల్యాలను ప్రతి గడపకు తీసుకువెళ్లి ఎండగట్టాలని సూచించారు. పార్టీ నాయకులు, కార్యకర్తలు ఏకతాటిపై ఉండి ఆందోళన కార్యక్రమాలు చేపట్టాలని హితవు పలికారు. సమావేశంలో ఎమ్మెల్యేలు సునీతారెడ్డి, మాణాక్‌రావు, చింతా ప్రభాకర్‌, గూడెం మహిపాల్‌రెడ్డి, కొత్త ప్రభాకర్‌రెడ్డి, ఎమ్మెల్సీ యాదవ్‌రెడ్డి, బీఆర్‌ఎస్‌ జిల్లా అధ్యక్షురాలు పద్మారెడ్డితో పాటు మాజీ ఎమ్మెల్యేలు పాల్గొన్నారు.మాజీ మంత్రి హరీశ్‌రావు

ఇన్‌చార్జి అదనపు కలెక్టర్‌ అంబదాస్‌ రాజేశ్వర్‌మెదక్‌ కలెక్టరేట్‌: ప్రజావాణికి వచ్చే దరఖాస్తులకు తక్షణ పరిష్కారం చూపాలని ఇన్‌చార్జి అదనపు కలెక్టర్‌ అంబదాస్‌ రాజేశ్వర్‌ అధికారులను ఆదేశించారు. సోమవారం కలెక్టరేట్‌లో జరిగిన జిల్లాస్థాయి ప్రజావాణిలో ఆయన పాల్గొని ప్రజల నుంచి వినతులు స్వీకరించారు. ఈసందర్భంగా జిల్లాలోని వివిధ ప్రాంతాల నుంచి వచ్చిన ప్రజల నుంచి 48 వినతులు స్వీకరించారు. అందులో భూ భారతి–16, ఇందిరమ్మ ఇండ్లు–6, పెన్షన్లు 1, ఇతర దరఖాస్తులు 25 కలిపి మొత్తం 48 వచ్చినట్లు తెలిపారు. ప్రజావాణిలో వచ్చిన ప్రతి దరఖాస్తును సంబంధిత శాఖల అధికారులు ప్రాధాన్యతగా తీసుకుని పరిష్కరించాలని ఆదేశించారు. ఫిర్యాదుల పరిష్కారంలో ఎలాంటి జాప్యం చేయొద్దని సూచించారు. పరిష్కరించిన వాటిని వెంటనే పోర్టల్‌లో నమోదు చేయాలన్నారు. కార్యక్రమంలో జెడ్పీ సీఈఓ ఎల్లయ్య, డీఆర్డీఓ పీడీ శ్రీనివాసరావు, వివిధ శాఖల జిల్లా అధికారులు తదితరులు పాల్గొన్నారు.

మెదక్‌ కలెక్టరేట్‌: మెదక్‌ నుంచి పిల్లికోటాల మీదుగా వెల్దుర్తి వరకు ఉన్న రోడ్డును వెంటనే పునరుద్ధరించాలని నర్సాపూర్‌ ఎమ్మెల్యే సునీతారెడ్డి, మెదక్‌ మాజీ ఎమ్మెల్యే పద్మారెడ్డి, మాజీ ఎమ్మెల్సీ యాదవరెడ్డి ప్రభుత్వాన్ని డిమాండ్‌ చేశారు. సోమవారం వెల్దుర్తి నుంచి పిల్లికోటాల్‌ వరకు పాదయాత్ర నిర్వహించి ఆయా గ్రామాల ప్రజల సమస్యలు తెలుసుకున్నారు. అనంతరం కలెక్టరేట్‌ చేరుకొని ఇన్‌చార్జి అదనపు కలెక్టర్‌ అంబదాస్‌ రాజేశ్వర్‌కు వినతిపత్రం అందజేశారు. ఈసందర్భంగా వారు మాట్లాడుతూ.. వెల్దుర్తి–పిల్లికొట్టాల రహదారి అధ్వానంగా మారడంతో నిత్యం రాకపోకలు సాగించే ప్రజలు, వాహనదారులు అనేక అవస్థలు పడుతు న్నారని వాపోయారు. కాంగ్రెస్‌ అధికారంలోకి వచ్చాక గతంలో మంజూరైన నిధులను రద్దు చేసిందని ఆరోపించారు. వెంటనే డబుల్‌ రోడ్డు నిర్మాణ పనులు ప్రారంభించేలా చర్యలు తీసుకోవాలని కోరారు.

నారాయణఖేడ్‌: ప్రభుత్వ పాఠశాలలను సైన్స్‌ హబ్‌గా మార్చే చర్యలకు ప్రభుత్వం శ్రీకారం చుట్టింది. 9, 10వ తరగతి విద్యార్థులకు ప్రయోగాల ద్వారా పాఠ్యాంశాలను సులభంగా అర్థం చేయించేందుకు అత్యాధునిక సైన్స్‌ ల్యాబొరేటరీలను ఏర్పాటు చేస్తున్నారు. సైన్స్‌ పాఠ్యాంశాలను కేవలం పుస్తకాల్లో చదవడమే కాకుండా ప్రయోగాల ద్వారా అర్థం చేసుకునేలా ఏర్పాట్లు చేస్తున్నారు. ఉమ్మడి జిల్లాలో 36 పాఠశాలల్లో ఈ అత్యాధునిక సైన్స్‌ ల్యాబొరేటరీలను ఏర్పాటు చేయనున్నారు. సంగారెడ్డి జిల్లాకు అత్యధికంగా 28 పాఠశాలలు ఉండగా మెదక్‌ జిల్లాలో 5, సిద్దిపేట జిల్లాలో 3 పాఠశాలలున్నాయి. ఇందుకుగాను రూ.9.30 కోట్లను ఆర్‌.సి నం.778/ఎస్‌ఎస్‌/సీడబ్ల్యూ/ 2026–27 ద్వారా పరిపాలనా అనుమతులు మంజూరు చేస్తూ స్కూల్‌ ఎడ్యుకేషన్‌ అధికారులు ఉత్తర్వులు జారీ చేశారు. ఇందులో అత్యధికంగా జిల్లా పరిషత్తు ఉన్నత పాఠశాలలు, కస్తూర్బాగాంధీ (కేజీబీవీ)లకే ప్రాధాన్యం ఇచ్చింది. ప్రతీ స్కూల్‌లో సైన్స్‌ ల్యాబ్‌ నిర్మాణం, పరికరాల కోసం ఒక్కో పాఠశాలకు రూ.26లక్షలు ఖర్చు చేయనున్నారు. ల్యాబ్‌ గది నిర్మాణం, వర్క్‌ స్టేషన్స్‌, ఫర్నీచర్‌ కోసం రూ.25లక్షలు కాగా, సైన్స్‌ ల్యాబ్‌ ఎక్విప్‌మెంట్‌ కొనుగోలుకు రూ.లక్ష చొప్పున కేటాయించారు. ఉమ్మడి జిల్లాలో ఇవీ పాఠశాలలు ఉమ్మడి మెదక్‌ జిల్లాలో 36 పాఠశాలల్లో సైన్స్‌ ల్యా బొరేటరీలను ఏర్పాటు చేయనున్నారు. సంగారెడ్డి జిల్లాలో కేజీబీవీ నారాయణఖేడ్‌, కంగ్టి, ఆందోల్‌, సదాశివపేట్‌, తాటిపల్లి, హత్నూర, సిర్గాపూర్‌, రాయికోడ్‌, పుల్‌కుర్తి, జెడ్పీహెచ్‌ఎస్‌ మునిపల్లి, ముదిమాణిక్యం, కంకోల్‌(యుఎం), గొంగ్లూర్‌, ఫసల్‌వాది, ఇంద్రకరణ్‌, ఎద్దుమైలారం, కొల్లూరు, పిచేరాగడి, ర్యాకల్‌, ధన్‌సిరి, కల్హేర్‌, మాసాన్‌పల్లి, కడ్పల్‌, చిరాగ్‌పల్లి, హద్నూర్‌, చాల్కి, ఎంయూపీఎస్‌ పుక్తానగర్‌, కాసీంపూర్‌, మెదక్‌ జిల్లాలో జెడ్పీహెచ్‌ఎస్‌ కౌడిపల్లి, వరిగుంతం, రుస్తుంపేట్‌, కేజీబీవీ చిట్కుల్‌, వెల్దుర్తి, సిద్దిపేట జిల్లాలో జెడ్పీహెచ్‌ఎస్‌ రాంసాగర్‌, కేజీబీవీ అక్కన్నపేట్‌, ఎంపీహెచ్‌ఎస్‌ బంగ్ల వెంకటాపూర్‌ పాఠశాలలున్నాయి. ల్యాబ్‌ల నిర్మాణం ల్యాబ్‌ల నిర్మాణ బాధ్యత తెలంగాణ ఎడ్యుకేషన్‌ అండ్‌ వెల్ఫేర్‌ ఇన్‌ఫ్రాస్ట్రక్చర్‌ డెవలప్‌మెంట్‌ కార్పొరేషన్‌ (టీఈఈడబ్ల్యూఐడీసీ) చేపట్టనుంది. టర్న్‌కీ పద్ధతిలో గదుల నిర్మాణం నుంచి ఎలక్ట్రిఫికేషన్‌, పరికరాల ఏర్పాటు వరకు అన్ని పనులను నిర్ణీత గడువులోగా పూర్తి చేయాలని స్కూల్‌ ఎడ్యుకేషన్‌ డైరెక్టర్‌ ఉత్తర్వుల్లో పేర్కొన్నారు. పనుల నాణ్యతను ఎగ్జిక్యూటీవ్‌ ఇంజనీర్లు, జిల్లా విద్యాశాఖ అధికారులు సంయుక్తగా తనిఖీ చేయనున్నారు. అంతా సక్రమంగా పూర్తి చేసి పాఠశాల హెచ్‌ఎంలకు అప్పగించాలని స్పష్టం చేశారు. ఈ ప్రక్రియను జిల్లా కలెక్టర్లు పర్యవేక్షించనున్నారు. త్వరగా ల్యాబ్‌లను అందుబాటులోకి తీసుకొచ్చేలా చర్యలు చేపట్టారు. 9, 10 తరగతుల విద్యార్థులకు అందుబాటులోకి ఉమ్మడి జిల్లాలో 36 పాఠశాలల్లో ఏర్పాటు రూ.9.30 కోట్లు విడుదల సంగారెడ్డి జిల్లాకు అత్యధికంగా 28, మెదక్‌కు 5, సిద్దిపేటకు 3 ప్రయోగాధారిత బోధన అందితే శాసీ్త్రయ ఆలోచన, పరిశీలనా శక్తి, ప్రశ్నించే తత్వం, సమస్య పరిష్కార నైపుణ్యం, సాంకేతిక పరిజ్ఞానం, సృజనాత్మకత వంటి అనేక సామర్థ్యాలు అభివృద్ధి చెందుతాయి. ప్రభుత్వ పాఠశాలల్లో సైన్స్‌ విద్య నాణ్యత పెరిగే అవకాశం ఉంది. అదే సమయంలో భవిష్యత్‌ ఉన్నత విద్యతోపాటు సైన్స్‌, టెక్నాలజీ, ఇంజనీరింగ్‌, మ్యాథమెటిక్స్‌ (స్టిమ్‌) కేరీర్‌లకు బలమైన పునాది ఏర్పడనుంది.

మెదక్‌ కలెక్టరేట్‌: కాంగ్రెస్‌ ఎన్నికల సమయంలో ఇచ్చిన హామీ మేరకు సీపీఎస్‌ను రద్దు చేసి ఓపీఎస్‌ను వెంటనే అమలు చేయాలని పీఆర్టీ యూ రాష్ట్ర అసోసియేట్‌ అధ్యక్షుడు మల్లారెడ్డి ప్రభుత్వాన్ని డిమాండ్‌ చేశారు. ఆదివారం ఆయన జిల్లా కేంద్రంలో మాట్లాడుతూ.. సీపీఎస్‌ విధానం ఉద్యోగ, ఉపాధ్యాయులకు ఆశనిపాతంగా మారిందని ఆవేదన వ్యక్తం చేశారు. అలాగే డీఎస్సీ 2003 ఉపాధ్యాయులకు పాత పెన్షన్‌ విధానం వెంటనే అమలు చేయాలన్నారు. పీఆర్సీ బకాయిలను విడుదల చేయాలని, ప్రధానమైన మూడు డిమాండ్లతో సెప్టెంబర్‌ 1న హైదరాబాద్‌ ఇందిరాపార్కు వద్ద మహాధర్నా చేపడుతున్నట్లు చెప్పారు. జిల్లాలోని పీఆర్టీయూ నాయకులతో పాటు ఉద్యోగ, ఉపాధ్యాయులంతా పెద్ద ఎత్తున తరలివచ్చి విజయవంతం చేయాలని కోరారు. సమావేశంలో పీఆర్టీయూ జిల్లా మాజీ అధ్యక్షుడు తాళ్ల శ్రీనివాస్‌ తదితరులు పాల్గొన్నారు. నారాయణఖేడ్‌: పేదల సొంతింటి కల నెరవేర్చేందుకు ఇందిరమ్మ పథకం దోహదపడుతుందని ఎమ్మెల్యే సంజీవరెడ్డి తెలిపారు. మనూరు మండలం బోరంచలో ఆదివారం ఇందిరమ్మ ఇళ్లను ప్రారంభించి గృహ ప్రవేశాలు నిర్వహించారు. ఈసందర్భగా ఎమ్మెల్యే మాట్లాడుతూ.. గత ప్రభుత్వం కేవలం డబుల్‌ బెడ్‌రూం ఇళ్ల పేరిట పేదలను మభ్యపెట్టేందుకే పరిమితమయ్యిందని ఆరోపించారు. కాంగ్రెస్‌ ప్రభుత్వంలోనే పేదలకు ఇళ్లు దక్కాయన్నారు. లబ్ధిదారులు త్వరితగతిన నిర్మాణాలు చేసుకోవాలని కోరారు. బిల్లులు సైతం సకాలంలోనే ఖాతాల్లో జమవుతున్నాయని తెలిపారు. కార్యక్రమంలో బ్లాక్‌ కాంగ్రెస్‌ అధ్యక్షుడు భోజిరెడ్డి, బెల్లాపూర్‌ సర్పంచ్‌ దిగంబర్‌రెడ్డి తదితరులు పాల్గొన్నారు. జహీరాబాద్‌ టౌన్‌: భారీ వర్షాలు కురవకపోయిన తెలంగాణ, కర్ణాటక రాష్ట్ర సరిహద్దులోని మొగుడంపల్లి మండలం గౌసాబాద్‌ జలపాతం పరవళ్లు తొక్కుతోంది. కొండపై నుంచి నీరు జాలువారుతుండటంతో ప్రకృతి అందాలు, నీటి పరవళ్లను తిలకించేందుకు సందర్శకులు పెద్ద సంఖ్యలో తరలివస్తున్నారు. సెల్ఫీలు తీసుకుంటూ సందడి చేస్తున్నారు. సజ్జరావు పేట తండా ప్రాంతంలో గల జాడిమల్కాపూర్‌ వాటర్‌ ఫాల్‌ (ఎత్తిపోతల) వద్ద కూడా జలకళ సంతరించుకుంది. మిరుదొడ్డి(దుబ్బాక): వృత్తి రీత్యా చేసిన మంచి సేవలే సమాజంలో మంచి గుర్తింపునిస్తాయని తెలంగాణ రాష్ట్ర ఎస్సీ, ఎస్టీ కమిషన్‌ చైర్మన్‌ బక్కి వెంకటయ్య తెలిపారు. మండల పరిధిలోని అల్వాల చెప్యాల క్రాస్‌ రోడ్డులో ఉన్న తెలంగాణ సాంఘిక సంక్షేమ గురుకుల బాలుర పాఠశాల/కళాశాల ప్రిన్సిపాల్‌ రఘునందన్‌రావు ఉద్యోగ విరమణ కార్యక్రమంలో ఆయన పాల్గొన్నారు. తెలంగాణ సాంఘిక సంక్షేమ గురుకులాల కార్యదర్శి శారదతో కలిసి ప్రిన్సిపాల్‌ రఘునందన్‌రావు దంపతులను శాలువాతో ఘనంగా సన్మానించారు. ఈ సందర్భంగా ఆయన మాట్లాడుతూ...వృత్తి రీత్యా పదవీ విరమణ సర్వసాధారణమన్నారు.

● దిగుబడులు పడిపోయే పరిస్థితి ● ఎకరానికి సగటున 25 టన్నులు వచ్చే అవకాశం ● వర్షాభావ పరిస్థితులే కారణం జహీరాబాద్‌: చెరుకు పంట దిగుబడులపై ఎల్‌నినో ప్రభావం పడింది. తీవ్ర వర్షాభావ పరిస్థితులతో పంట ఎదుగుదల ఆగిపోయింది. ఫలితంగా పంట దిగుబడులు పడిపోయే పరిస్థితి ఏర్పడింది. మరో రెండు నెలల్లో పంట క్రషింగ్‌ కోసం సిద్ధం కానుంది. అయినా ఆశించిన మేర ఎదగలేదు. తగినంత మేర వర్షాలు కురిస్తేనే పంట ఏపుగా ఎదిగి పిలకలు అధికంగా వచ్చి పంట దిగుబడులు ఆశాజనకంగా ఉంటాయి. ఎకరాకు పంట దిగుబడి గతేడాది 36 టన్నుల మేర వచ్చింది. ఈ ఏడాది 25 టన్నులకు పడిపోయే పరిస్థితి నెలకొన్నట్లు వారు చెబుతున్నారు. అధికార వర్గాలు మాత్రం 30 టన్నుల వరకు వచ్చే అవకాశం ఉందని అంచనా వేస్తున్నారు. ఇంత మేర దిగుబడులు వస్తే పెట్టిన పెట్టుబడులకే సరిపోతుందనే అభిప్రాయాన్ని రైతులు వ్యక్తం చేస్తున్నారు. దీంతో పంట సాగు చేసినా ప్రయోజనం ఏముండదని ఆవేదన వ్యక్తం చేస్తున్నారు. ఎకరానికి కనీసం 40 టన్నుల మేర దిగుబడులు వస్తేనే చెరకు పంట లాభసాటిగా ఉంటుందంటున్నారు. జిల్లాలో 27 వేల ఎకరాల్లో పంట సాగులో ఉన్నట్లు అంచనా. పెట్టుబడులు యథాతధం చెరుకు సాగుకు పెట్టుబడులు మాత్రం యధాతధంగా పెట్టినట్లు రైతులు పేర్కొంటున్నారు. దుక్కి దున్నకం నుంచి క్రషింగ్‌ కోసం సిద్ధం అయ్యే వరకు పెట్టుబడులు పెట్టినట్లు వివరిస్తున్నారు. దుక్కిలో ఎరువులు వేసుకోవడం, చెరకు పంట నాటు కోవడం, తర్వాత కలుపు తీయడం, మరో మారు ఎరువులు వేయడం, బోదెలు పగులగొట్టడం, తర్వాత కట్టు కట్టడం, అనంతరం కలుపు నివారణకు గడ్డి మందులు పిచికారీ చేయడం లాంటి వాటి కోసం భారీగా పెట్టుబడులు పెట్టినట్లు వివరించారు.

రామాయంపేట(మెదక్‌): మెదక్‌, సిద్దిపేట చౌరాస్తాల వద్ద జంక్షన్ల విస్తరణకు ఎట్టకేలకు నిధులు మంజూరయ్యాయి. ఈ రెండు జంక్షన్ల వద్ద గతంలో జరిగిన ప్రమాదాల్లో పలువురు ప్రాణాలు కోల్పోయారు. ఇక్కడ రోడ్డు ఇరుకుగా మారి పెద్ద వాహనాల టర్నింగ్‌ కష్టతరమవుతుంది. తరచూ ట్రాఫిక్‌కు అంతరాయం ఏర్పడుతుంది. సిద్దిపేట రోడ్డు వద్ద రోడ్డు మరీ ఇరుకుగా ఉండటంతో వాహనదారులు తీవ్ర ఇబ్బందులు పడుతున్నారు. ఈ క్రమంలో రెండు జంక్షన్ల నిర్మాణానికి ప్రభుత్వం రూ. 30 లక్షల చొప్పున మొత్తం రూ. 60 లక్షలు మంజూరు చేసింది. ఈనిధులతో కూడళ్లు విస్తరించనున్నారు. మెదక్‌ రూట్‌లో ఇప్పటికే పనులు ప్రారంభమయ్యాయి. ఈనిధులతో జంక్షన్ల విస్తరణతో పాటు ఫౌంటేన్‌, మొక్కల పెంపకం, రేయిలింగ్‌, లైటింగ్‌, దిమ్మ, ల్యాడర్‌, ఇతరత్ర పనులు జరగనున్నాయి. వీటి నిర్మాణం పూర్తయితే రెండు జంక్షన్ల వద్ద ఇరువైపులా వంద ఫీట్ల మేర రహదారిని విస్తరించనున్నారు. దీంతో ప్రమాదాలు పూర్తిగా తగ్గే అవకాశం ఉందని అధికారులు చెబుతున్నారు. విస్తరణకు నిధుల మంజూరు

మున్సిపల్‌ చైర్‌పర్సన్‌ రాధిక మెదక్‌ కలెక్టరేట్‌: రెండు రోజుల్లో రోడ్డు సమస్యను పరిష్కరిస్తామని మున్సిపల్‌ చైర్‌పర్సన్‌ రాధిక హామీ ఇచ్చారు. పట్టణంలోని సాయిదత్తా థియేటర్‌ వద్ద గత రెండు నెలలుగా రోడ్డు నిర్మాణ పనులు సాగుతుండటంతో సాయినగర్‌ కాలనీ వాసులు తీవ్ర ఇబ్బందులు పడుతున్నారు. దీంతో ఆదివారం స్థానిక కౌన్సిలర్‌తో పాటు మాజీ కౌన్సిలర్‌ సమీ యొద్దీన్‌, స్థానిక ప్రజలు సమస్యను చైర్‌పర్సన్‌ దృష్టికి తీసుకెళ్లగా ఆమె పరిశీలించారు. వెంటనే ఆర్‌అండ్‌బీ అధికారులతో ఫోన్‌ ద్వారా మా ట్లాడి వెంటనే రోడ్డు సమస్య పరిష్కరించాలన్నారు. అలాగే ఎమ్మెల్యే మైనంపల్లి రోహిత్‌రావు దృష్టికి తీసుకెళ్లి సమస్య త్వరగా పరిష్కారమయ్యేలా చర్యలు తీసుకుంటామని హామీ ఇచ్చారు. ఆమె వెంట కాంగ్రెస్‌ నాయకుడు భూపతిరాజ్‌ తదితరులు ఉన్నారు.

చేయూత పథకానికి ఉమ్మడి జిల్లావ్యాప్తంగా దరఖాస్తులు వెల్లువెత్తాయి. రాష్ట్ర ప్రభుత్వం కొత్తగా పెన్షన్లు మంజూరు చేసేందుకు జిల్లాల వారీగా అర్హులైన వారి నుంచి దరఖాస్తులు స్వీకరిస్తోంది. సుమారు నాలుగేళ్ల అనంతరం కొత్తగా పెన్షన్లు మంజూరుకు కసరత్తు చేయడంతో లబ్ధిదారులు ఆశలు చిగురిస్తున్నాయి. ఇప్పటివరకు ఉమ్మడి మెదక్‌ జిల్లా వ్యాప్తంగా 33,644 మంది దరఖాస్తు చేసుకున్నారు. ఇందులో సంగారెడ్డి 13,492, మెదక్‌ 10,411 సిద్దిపేటలో 9,741 మేర అప్లికేషన్లు వచ్చాయి. రాష్ట్రవ్యాప్తంగా వచ్చిన దరఖాస్తుల్లో సంగారెడ్డి జిల్లా 9వ స్థానంలో ఉంది. –సంగారెడ్డి జోన్‌ కొత్తగా మంజూరు చేసే పెన్షన్లలో వితంతువులు, ఒంటరి మహిళలు, దివ్యాంగులు, చేనేత కార్మికులు, కల్లుగీత కార్మికులకు ప్రాధాన్యమిచ్చారు. అత్యధికంగా వితంతు మహిళలతోపాటు దివ్యాంగుల పెన్షన్లకు అధికంగా దరఖాస్తులు వచ్చినట్లు గణాంకాల ద్వారా తెలుస్తోంది. జిల్లావ్యాప్తంగా వివిధ కేటగిరీల ద్వారా ప్రతీనెల 1,51,955 మంది లబ్ధిదారులకు రూ.33.43 కోట్ల మేర పెన్షన్లు అందిస్తున్నారు. ఇందులో దివ్యాంగులకు రూ.4,016, ఇతరులకు రూ.2,016ల చొప్పున ప్రతీనెల అందజేస్తుంది. అనర్హుల తొలగింపు రాష్ట్ర ప్రభుత్వం ఇటీవల అనర్హులు కూడా అక్రమంగా పెన్షన్‌ పొందుతుండటంతో వారిని గుర్తించి జాబితా నుంచి తొలగించారు. కొన్నేళ్లుగా 3,155 మంది అక్రమంగా పెన్షన్లు పొందుతున్నట్లు సర్వేలో తేలింది. 2022 ఆగస్టు 31 నుంచి కొత్తగా పెన్షన్లు మంజూరు కాలేదు. దీంతో ఉమ్మడి జిల్లాలో వేలాదిమంది పథకానికి దూరంగా ఉన్నారు. చాలామంది కలెక్టరేట్‌లో నిర్వహించే ప్రజావాణితో పాటు మండలస్థాయిలోని కార్యాలయంలో దరఖాస్తు చేసుకుని అధికారుల చుట్టూ ప్రదక్షిణలు చేశారు. ధ్రువపత్రాలు లేక ఇబ్బందులు కొత్తగా మంజూరు చేస్తున్న పెన్షన్ల కోసం అర్హులై ఉన్నప్పటికీ సరైన ధ్రువపత్రాలు లేకపోవడంతో దరఖాస్తు చేసుకునేందుకు ఇబ్బందులు పడుతున్నారు. సర్టిఫికెట్లు పొందేందుకు ప్రజలు అధికారుల చుట్టూ తిరుగుతూ ప్రయత్నం చేస్తున్నారు. కొత్తగా పెన్షన్ల దరఖాస్తు ప్రక్రియ ముమ్మరంగా సాగుతుండటంతో లబ్ధిదారుల్లో ఆశలు చిగురిస్తున్నాయి. దరఖాస్తు చేసుకునేందుకు రాష్ట్ర ప్రభుత్వం నేటితో గడువు ముగియనుంది. https:// cheyutha.telengana.gov.in వెబ్‌ సైట్‌ ద్వారా దరఖాస్తు ఫారం డౌన్‌ లోడ్‌ చేసుకుని, పూర్తి వివరాలతోపాటు సంబంధిత పత్రాలు జత చేయాల్సి ఉంటుంది. పట్టణ ప్రాంతాల్లో మున్సిపల్‌ కార్యాలయాలు, గ్రామీణ ప్రాంతాల్లో సంబంధిత కార్యదర్శితోపాటు మండల పరిషత్‌ కార్యాలయాల్లో అందించాలి. వీరితోపాటు జిల్లాలో ఉన్న వృద్ధులు పెన్షన్‌ కోసం ఎదురు చూస్తున్నారు. ప్రస్తుతం ఉన్న మంజూరులో వీరికి ప్రాధాన్యత లేకపోవటంతో దరఖాస్తు చేసుకోలేకపోతున్నారు. ఉమ్మడి మెదక్‌ జిల్లా వ్యాప్తంగా 33,644 అప్లికేషన్లు దరఖాస్తుకు నేడు తుది గడువు వితంతు, దివ్యాంగుల వారే అధికం సర్టిఫికెట్లు లేక పలువురు ఇబ్బందులు

నర్సాపూర్‌ః ప్రజల భూములను 22ఏ నుంచి కాపాడేందుకు సెప్టెంబరు 2న నర్సాపూర్‌లో నిరసన దీక్ష చేపట్టనున్నట్లు బీజేపీ జిల్లా అధ్యక్షుడు మల్లేశ్‌గౌడ్‌ తెలిపారు. శనివారం స్థానిక పార్టీ కార్యాలయంలో పార్టీ నాయకులతో ధర్నా నిర్వహణపై సన్నాహక సమావేశం అనంతరం ఆయన విలేకరులతో మాట్లాడారు. ప్రభుత్వం 22ఏ చట్టం తెచ్చి అమాయక రైతుల భూములను నిషేధితజాబితాలో చేర్చి ఇబ్బందులకు గురి చేస్తుందన్నారు. ఆ జాబితాలో చేర్చిన భూములను వెంటనే తొలగించాలన్న డిమాండ్‌తో స్థానిక బస్టాండ్‌కు ఎదురుగా జాతీయ రహదారిపై జిల్లా స్థాయి నిరసన దీక్ష చేస్తామని తెలిపారు. ఆయన వెంట పార్టీ నాయకులు సురేశ్‌, రాంలు, కొండల్‌రావు, రమేశ్‌గౌడ్‌, నారాయణరెడ్డి, విజయ్‌, జనార్దన్‌ తదితరులున్నారు. పాదయాత్రలో పద్మారెడ్డి రామాయంపేట, నిజాంపేట(మెదక్‌): బూటకపు హామీలతో గద్దెనెక్కిన రేవంత్‌ సర్కార్‌ను దించేందుకు ప్రజలు సిద్ధంగా ఉన్నారని బీఆర్‌ఎస్‌ జిల్లా అధ్యక్షురాలు, మాజీ ఎమ్మెల్యే పద్మారెడ్డి తెలిపారు. అసంపూర్తిగా నిలిచిపోయిన నిజాంపేట మండలం నందగోకుల్‌, చల్మెడ గ్రామాల మధ్య రహదారిని తారు రోడ్డుగా మార్చాలని డిమాండ్‌ చేస్తూ పద్మారెడ్డి నిర్వహించిన ఆరు కిలోమీటర్ల పాదయాత్రకు ప్రజలనుంచి మంచి స్పందన లభించింది. వందలాదిమంది పార్టీ కార్యకర్తలు, నాయకులు వెంట నడిచారు. గత నాలుగేళ్లుగా రోడ్డు పనులు అసంపూర్తిగా నిలిచిపోవడంతో ప్రజలు తీవ్ర ఇబ్బందులపాలవుతున్నారు. బీఆర్‌ఎస్‌ ప్రభుత్వ హయాంలో రోడ్డు నిర్మాణానికి రూ.13 లక్షలు మంజూరు కాగా, నిజాంపేట, నస్కల్‌ గ్రామాల మధ్యే తారు రోడ్డు నిర్మాణం పూర్తయింది. మిగతా పనులు పెండింగ్‌లో ఉన్నాయి. పనులు ప్రారంభం కాకపోవడంతో ప్రజలు పలుమార్లు ఆందోళనలు నిర్వహించినా సమస్య పరిష్కారం కాలేదు. దీంతో పద్మారెడ్డి పాదయాత్రకు పిలుపునిచ్చారు. పాదయాత్రలో మాజీ ఎమ్మెల్సీ శేరి శుభాష్‌రెడ్డి,మాజీ ఎమ్మెల్యే శశీధర్‌రెడ్డి, స్ధానిక మున్సిపల్‌ మాజీ చైర్మన్‌ జితేందర్‌గౌడ్‌, మాజీ జెడ్పీచైర్మన్‌ లావణ్యారెడ్డి, మార్కెట్‌ కమిటీ మాజీ చైర్మన్‌ గంగ నరేందర్‌, సీనియర్‌ నాయకులు జీవన్‌రావు, పార్టీ నిజాంపేట మండలశాఖ అధ్యక్షుడు సుధాకర్‌రెడ్డి పాల్గొన్నారు.

రైతు బీమా పథకాన్ని సకాలంలో రెన్యూవల్‌ చేయకపోవటంతో అకాల మరణం చెందిన రైతు కుటుంబాలను ఈ ప్రభుత్వం రోడ్డుమీద పడేస్తోంది. ఇప్పటివరకు రాష్ట్రవ్యాప్తంగా ఎంతోమంది మరణించారు. వారి కుటుంబాల పరిస్థితి ఏంటి? పాకాల శ్రీహరిరావు, తెలంగాణ రైతు సంరక్షణ సమితి అధ్యక్షుడు ప్రభుత్వం నుంచి ఆదేశాల్లేవు ఈ నెల 13న రైతుబీమా గడువు ముగిసింది. 14 నుంచి ఇప్పటివరకు జిల్లాలో 41 మంది రైతులు మరణించారు. వారి మరణ వివరాలను ఆన్‌లైన్‌లో నమోదు కావడంలేదు. దీనికి సంబంధించి ఎలాంటి సమాచారం లేదు. దేవ్‌కుమార్‌, వ్యవసాయశాఖ జిల్లా అధికారి

● బీఆర్‌ఎస్‌, కాంగ్రెస్‌ పార్టీల మధ్య నెలకొన్న వివాదం ● రంగంపేటలో రెచ్చిపోయిన ఇరువర్గాలు ● ఎస్‌ఐ జోక్యంతో శాంతించిన నేతలుకొల్చారం(నర్సాపూర్‌): అధికార పార్టీ కాంగ్రెస్‌, ప్రతిపక్ష పార్టీ బీఆర్‌ఎస్‌ల మధ్య సవాల్‌..ప్రతి సవాల్‌తో మండలంలోని రంగంపేట గ్రామంలో రాజకీయ వాతావరణం వేడెక్కింది. డీసీఎంఎస్‌ వైస్‌ చైర్మన్‌ అరిగె రమేశ్‌కుమార్‌పై మండలానికి చెందిన కాంగ్రెస్‌ పార్టీ నేతలు, రంగంపేట గ్రామానికి చెందిన ఆ పార్టీకి చెందిన నాయకులు వారం క్రితం వ్యక్తిగత విమర్శలు చేసుకున్నారు. దీన్ని సవాలుగా తీసుకున్న రమేశ్‌కుమార్‌, బీఆర్‌ఎస్‌ పార్టీ గ్రామ కమిటీ నాయకులు శనివారం వ్యక్తిగత విమర్శలపై గ్రామ రచ్చబండకు వస్తే సమాధానం ఇస్తామని సవాల్‌ విసిరారు. ప్రతిగా కాంగ్రెస్‌ పార్టీ నాయకులు సైతం సై అనడంతో గ్రామంలో ఉద్రిక్త వాతావరణం చోటుచేసుకుంది. ఇరు పార్టీల వారు పంచాయతీ రచ్చబండ వద్దకు చేరుకున్నారు. రమేశ్‌కుమార్‌ తనపై వచ్చిన వ్యక్తిగత ఆరోపణలపై మాట్లాడుతున్న క్రమంలో కాంగ్రెస్‌ పార్టీకి చెందిన కొందరు అడ్డుకోవడంతో, ఇటు బీఆర్‌ఎస్‌ పార్టీ వారు సైతం అదే రీతిలో స్పందించారు. దీంతో అక్కడ గందరగోళ వాతావరణం నెలకొంది. విషయం తెలుసుకున్న ఎస్‌ఐ హైమద్‌ మోహినొద్దీన్‌ తన సిబ్బందితో కలిసి గ్రామానికి చేరుకుని పరిస్థితిని చక్కదిద్దే ప్రయత్నం చేశారు. సీనియర్‌ నాయకులుగా ఇరువర్గాలు పంతానికి పోకుండా ప్రెస్‌మీట్‌తోనే సరిపెట్టాలని సర్దిచెప్పడంతో రమేశ్‌ తన పార్టీ కార్యకర్తలతో కలసి అక్కడినుంచి వెళ్లిపోయారు. రాజకీయంగా ఎదుర్కోలేకే వ్యక్తిగత విమర్శలు: రమేశ్‌కుమార్‌, డీసీఎంఎస్‌ వైస్‌ చైర్మన్‌ ఈ సందర్భంగా డీసీఎంఎస్‌ వైస్‌ చైర్మన్‌ రమేశ్‌కుమార్‌ మాట్లాడుతూ...తనపై తన, పార్టీపై ప్రజలు చూపెడుతున్న ఆదరణను ఓర్వలేకే కాంగ్రెస్‌ పార్టీ నాయకులు వ్యక్తిగత విమర్శలకు పాల్పడుతున్నారంటూ ఆరోపించారు. తన 30 ఏళ్ల రాజకీయ ప్రస్థానంలో వార్డు మెంబర్‌ నుంచి సర్పంచ్‌, ఎంపీపీ, జెడ్పీటీసీ, ప్రస్తుతం డీసీఎంఎస్‌ వైస్‌చైర్మన్‌గా ఎమ్మెల్యే సునీతారెడ్డి సహకారంతో నాటి ముఖ్యమంత్రులు డాక్టర్‌ వైఎస్సార్‌, రోశయ్యలను గ్రామానికి తీసుకువచ్చి, అభివృద్ధి కార్యక్రమాలను చేపట్టింది ప్రజలకు తెలుసన్నారు. కాంగ్రెస్‌ పార్టీకి చెందిన నాయకులు ఆరోపిస్తున్నట్లుగా తాను ఏనాడు కబ్జాలకు పాల్పడింది లేదని, ఇప్పటి తమ కుటుంబ ఆస్తులు అమ్ముకొని ప్రజాసంక్షేమానికి కృషి చేస్తున్నట్లు తెలిపారు. ఇప్పుడు వచ్చిన కొందరు నాయకులు ప్రజల సొమ్మును, ప్రజాధనాన్ని దోచుకుంటూ ఆస్తులు కూడబెట్టుకోవడం నిజం కాదా అని ప్రశ్నించారు. తప్పుడు ఆరోపణలు చేస్తే ఇక ఊరుకునేది లేదని, ప్రజలే వారికి బుద్ధి చెప్తారంటూ పేర్కొన్నారు. కార్యక్రమంలో సర్పంచ్‌ స్వర్ణలత విజయ్‌కుమార్‌, ఉప సర్పంచ్‌ సురేశ్‌, గ్రామ బీఆర్‌ఎస్‌ పార్టీ అధ్యక్షుడు రాజు, యువజన నాయకులు సుధాకర్‌, సత్యగౌడ్‌, గంగా రాములు, ప్రసాద్‌, మల్లేశం తదితరులు పాల్గొన్నారు.

రైతన్నకు అకాల మరణం సంభవిస్తే అతనిపై ఆధారపడ్డ కుటుంబం రోడ్డున పడకూడదని ప్రవేశపెట్టిన రైతు బీమా పథకానికి ప్రభుత్వం మంగళంపాడింది. దీంతో రైతు సంఘాల నేతలు ఆవేదన చెందుతున్నారు. – మెదక్‌జోన్‌ జిల్లాలో 21 మండలాలు ఉండగా సుమారు 4 లక్షల ఎకరాల్లో వ్యవసాయ సాగు భూములున్నాయి. అధికారుల రికార్డుల ప్రకారం 3,00,558 మంది రైతులున్నారు. రైతు కుటుంబాల కోసం 2018లో బీఆర్‌ఎస్‌ ప్రభుత్వం రైతు బీమా పథకాన్ని ప్రవేశపెట్టింది. ఏదేని కారణంతో రైతులు మరణిస్తే బాధిత కుటుంబం రోడ్డున పడకుండా రూ.5 లక్షల బీమాను ఇచ్చేది. దీంతో ఆ కుటుంబానికి కొంత ఆర్థికంగా వెసులుబాటు దక్కేది. ఈ పథకం ప్రవేశపెట్టిన దగ్గర్నుంచీ ప్రతి ఏటా ఆగస్టు 14న రైతులకు సంబంధించిన ఇన్స్యూరెన్స్‌ ప్రీమియాన్ని సదరు బీమా కంపెనీలకు ప్రభుత్వమే చెల్లించేది. క్రమం తప్పకుండా రెన్యూవల్‌ చేసేవారు. కాగా ఈసారి మాత్రం రెన్యూవల్‌ గడువు ముగిసి 15 రోజులవుతున్నా బీమా ఊసే ప్రభుత్వం ఎత్తడం లేదు. దీంతో ఇక పథకానికి మంగళం పాడినట్టేనా..? అంటూ అన్నదాతలు ఆందోళన చెందుతున్నారు. కుటుంబీకులందరిపై పట్టా అప్పటి ప్రభుత్వం రైతుబీమా పథకాన్ని ప్రవేశపెట్టాక చనిపోయిన బాధిత రైతుకుంటుంబానికి బీమా కంపెనీ నుంచి రూ.5 లక్షల చొప్పున పరిహారం డబ్బులు అందాయి. రైతు కుటుంబాలను ఆదుకునే ఈ పథకం అందరికి వర్తించాలనే ఉద్దేశ్యంతో ఒక్క కుటుంబంలో నలుగురు వ్యక్తులుంటే ఆ నలుగురిపై ఉన్న భూమిని తలా ఇంత పట్టా చేసుకున్నారు. ప్రభుత్వం ప్రవేశపెట్టిన రైతు పథకాల్లో అన్నింటికన్నా ముఖ్యమైంది రైతుబీమా పథకమనే చెప్పాలి. 41 మంది మృత్యువాత ఈ నెల 13తో రైతు బీమా గడువు ముగిశాక 15 రోజుల వ్యవధిలో ఇప్పటివరకు జిల్లావ్యాప్తంగా 41 మంది రైతులు వివిధ కారణాలతో మృత్యువాత పడ్డారు. దీంతో ఆ కుటుంబాలకు ఇన్య్సూరెన్స్‌ వచ్చే అవకాశం లేకుండా పోయింది. 13 వరకే పనిచేసిన ఇన్స్యూరెన్స్‌ 14 నుంచి నమోదుకాని ‘డెత్‌’వివరాలు 15 రోజుల్లో జిల్లాలో 41 మంది మృత్యువాత ప్రభుత్వంపై అసహనం వ్యక్తం చేస్తున్న రైతు సంఘాలు

ప్రాసెసింగ్‌ చార్జీల పేరుతో రైతులనుంచి రూ.1.57 కోట్లు అదనపు వసూళ్లు బ్యాంకు నిర్వహణ పేరుతో నిధులు స్వాహా! గత పాలకవర్గం నేత, బదిలీపై వెళ్లిన ‘ముఖ్య’అధికారి కలిసి దందా! జిల్లా కేంద్ర సహకార బ్యాంకులో ఆలస్యంగా వెలుగులోకి వ్యవహారం మెదక్‌జోన్‌: రాష్ట్ర ప్రభుత్వం క్రీడలకు ఎంతో ప్రాధాన్యతనిస్తోందని కలెక్టర్‌ ప్రతిమాసింగ్‌ పేర్కొన్నారు. జాతీయ క్రీడా దినోత్సవం సందర్భంగా శనివారం జిల్లా కేంద్రంలోని వెల్‌కమ్‌ బోర్డు చౌరస్తా నుంచి ధ్యాన్‌చంద్‌ చౌరస్తా వరకు పురుషులకు 5 కిలోమీటర్ల రన్నింగ్‌, మహిళలకు బస్టాండ్‌ నుంచి ధ్యాన్‌చంద్‌ చౌరస్తా వరకు 2 కిలోమీటర్ల రన్నింగ్‌ కార్యక్రమాన్ని కలెక్టర్‌ జెండా ఊపి ప్రారంభించారు. ఈ సందర్భంగా ఆమె మాట్లాడుతూ..మేజర్‌ ధ్యాన్‌చంద్‌ జన్మదినం సందర్భంగా దేశవ్యాప్తంగా జాతీయ క్రీడా దినోత్సవాన్ని నిర్వహిస్తారన్నారు. క్రీడాకారులు రాష్ట్ర, జాతీయస్థాయిలో రాణించాలని కోరారు. క్రీడల్లో రాణించిన వారికి ఉద్యోగ అవకాశాలు లభిస్తాయన్నారు. ధ్యాన్‌చంద్‌ చిత్రపటానికి జ్యోతి ప్రజ్వలన చేసి నివాళులర్పించారు. కార్యక్రమంలో ఇన్‌చార్జి అదనపు కలెక్టర్‌ అంబదాస్‌ రాజేశ్వర్‌, యువజన క్రీడల నిర్వహణ అధికారి రమేశ్‌, మెదక్‌ స్పోర్ట్స్‌ ఫౌండేషన్‌ అధ్యక్షుడు జుబేర్‌ అహ్మద్‌, చైర్మన్‌ శివ, డీఎస్పీ ప్రసన్నకుమార్‌, జిల్లా పౌర సంబంధాల అధికారి రామచంద్రరాజు పాల్గొన్నారు. గోదాముల నిర్మాణానికి చర్యలు తీసుకోవాలి మెదక్‌ కలెక్టరేట్‌: జిల్లాలో 30 వేల మెట్రిక్‌ టన్నుల ధాన్యం నిల్వ సామర్థ్యం లక్ష్యంగా పీఏసీఎస్‌లలో గోదాముల నిర్మాణానికి చర్యలు చేపట్టాలని కలెక్టర్‌ ప్రతిమా సింగ్‌ అధికారులను ఆదేశించారు. కలెక్టర్‌ అధ్యక్షతన జిల్లా సహకార అభివృద్ధి కమిటీ సమావేశాన్ని డీసీఓ పద్మ ఆధ్వర్యంలో నిర్వహించారు. ఈ సందర్భంగా కలెక్టర్‌ మాట్లాడుతూ...30,000 మెట్రిక్‌ టన్నుల ధాన్య నిల్వ సామర్థ్య లక్ష్యాన్ని సాధించే దిశగా జిల్లాలోని అనువైన పీఏసీఎస్‌లను గుర్తించి గోదాముల నిర్మాణం చేపట్టాలని సమావేశంలో చర్చించారు. జిల్లా ఆస్పత్రి సూపరింటెండెంట్‌ డాక్టర్‌ సునీత మెదక్‌ కలెక్టరేట్‌: దివ్యాంగులకు ప్రభుత్వ సంక్షేమ పథకాలు, సౌకర్యాలు సులభంగా అందేలాలా యూడీఐడీ కార్డులు తప్పనిసరని జిల్లా ఆస్పత్రి సూపరింటెండెంట్‌ డాక్టర్‌ సునీత స్పష్టం చేశారు. ప్రభుత్వ దివ్యాంగుల సాధికారతే లక్ష్యంగా యూడీఐడీ శిబిరం నిర్వహించినట్లు ఆమె తెలిపారు. జిల్లా కేంద్రంలోని ప్రభుత్వ ప్రధాన ఆస్పత్రిలో శనివారం దివ్యాంగుల యూడీఐడీ శిబిరం నిర్వహించారు. ఈ సందర్భంగా డాక్టర్‌ సునీత మాట్లాడుతూ...మెదక్‌ ప్రభుత్వ జనరల్‌ ఆస్పత్రిలో నిర్వహించిన శిబిరంలో మొత్తం 175 స్లాట్లు కేటాయించినట్లు తెలిపారు. ఇందులో 147 మంది దివ్యాంగులు హాజరైనట్లు చెప్పారు. లోకోమోటర్‌ డిజేబిలిటీ 66మంది, జనరల్‌ మెడిసిన్‌ 26 మంది, కంటి వైద్య విభాగం 18 మంది, ఈఎన్‌టీ విభాగం: 20 మంది, సైకియాట్రీ: 12 మంది, పీడియాట్రిక్స్‌ 05 మంది హాజరైనట్లు తెలిపారు. మెదక్‌ కలెక్టరేట్‌: విద్యార్థులకు నాణ్యమైన పౌష్టికాహారం అందించాలని మైనార్టీ కమిషన్‌ జిల్లా చైర్మన్‌ సూఫీజానీ పేర్కొన్నారు. జిల్లా బీసీ వెల్ఫేర్‌ అధికారి ఉపేందర్‌తో కలిసి శనివారం సాయంత్రం మైనార్టీ బాలికల జూనియర్‌ కళాశాల, హాస్టల్‌ను సందర్శించారు. ఈ సందర్భంగా హాస్టల్‌ కిచెన్‌ను సందర్శించి విద్యార్థులకు అందిస్తున్న ఆహార పదార్థాల గురించి అడిగి తెలుసుకున్నారు. ఈ సందర్భంగా సూఫీజానీ మాట్లాడుతూ..స్థానిక ఎమ్మెల్యే మైనంపల్లి రోహిత్‌రావు ఆదేశాల మేరకు హాస్టల్‌, కళాశాల తనిఖీ నిర్వహించానన్నారు. ఆయన వెంట కళాశాల ప్రిన్సిపాల్‌, అధ్యాపకులు ఉన్నారు. సంగారెడ్డి టౌన్‌ : గ్రామీణ ప్రాంత పురుషులకు స్వయం ఉపాధి కల్పనలో భాగంగా పుట్టగొడుగుల పెంపకం, సీసీ కెమెరా సర్వీసింగ్‌లో ఉచిత శిక్షణకు దరఖాస్తులు ఆహ్వానిస్తున్నట్లు స్టేట్‌ బ్యాంక్‌ గ్రామీణ స్వయం ఉపాధి కల్పనా డైరెక్టర్‌ రాజేశ్‌కుమార్‌ శనివారం ఓ ప్రకటనలో వెల్లడించారు. తెల్ల రేషన్‌కార్డు కలిగి ఉండి 19 నుంచి 45 ఏళ్లు కలిగిన పురుషులకు ఉచిత శిక్షణ శిక్షణతోపాటు ఉచిత వసతి, ఉచిత భోజనం కల్పిస్తున్నట్లు తెలిపారు. సంగారెడ్డి,మెదక్‌ జిల్లాల వారికి అవకాశముందని సెప్టెంబర్‌ 8 నుంచి శిక్షణ ప్రారంభమవుతుందని పూర్తి సర్టిఫికెట్లతో 9704446956, 9949964097 నంబర్‌కు సంప్రదించాలన్నారు. నిరుద్యోగులు ఈ అవకాశాన్ని సద్వినియోగం చేసుకోవాలని సూచించారు. రాష్ట్రంలో అన్ని ఉమ్మడి జిల్లాలకు ఉన్న డీసీసీబీల్లో లేనివిధంగా ఇక్కడ ఈ అదనపు చార్జీలు వసూలు చేశారు. నిబంధనల ప్రకారం పంట రుణాలపై 7% వడ్డీని వసూలు చేయాలి. కానీ ఈ అక్రమార్కులు తమ జేబులు నింపుకునేందుకు అదనంగా 1% ప్రాసెసింగ్‌ ఫీజును వసూలు చేశారు. అంటే రూ.లక్ష రుణం తీసుకున్న రైతు రూ.7వేల వడ్డీ చెల్లించాల్సి ఉండగా, అదనంగా రూ.వెయ్యి చొప్పున వసూలు చేశారు. ఇలా జిల్లావ్యాప్తంగా సుమారు వెయ్యిమంది రైతుల వద్ద ఈ అనధికారిక వసూళ్ల దందా సాగింది. అన్నదాతలను నిండా ముంచేశారు. రైతులు తిరగబడటంతో వెనక్కి! అమాయక రైతులు, నిరక్షరాస్యుల వద్ద వసూళ్లు యథేచ్ఛగా సాగాయి. కానీ కాస్త చైతన్యం ఉన్న రైతులు ఈ అక్రమ వసూళ్లను ప్రశ్నించారు. ఎక్కడా లేనిది అదనంగా చార్జీలు ఎలా వసూలు చేస్తారని నిలదీశారు. దీంతో దాదాపు నాలుగు నెలలపాటు సాగిన ఈ వసూళ్ల దందాను గుట్టు చప్పుడు కాకుండా నిలిపివేశారు. రైతుల వాటాధనంగా నడుస్తున్న ఈ బ్యాంకు అదే రైతులకు ఇచ్చే పంట రుణాలపై అదనపు వసూళ్లు చేసి వారిని నిండా ముంచడం తీవ్ర విమర్శలకు దారితీస్తోంది. ముగిసిన పాలకవర్గం తీర్మానాలు ఈ అదనపు చార్జీల వసూళ్లకు మేనేజింగ్‌ కమిటీ (ఎంసీ) తీర్మానాలున్నాయని డీసీసీబీ వర్గాలు సర్దిచెప్పే ప్రయత్నం చేస్తున్నాయి. కానీ వాస్తవ పరిస్థితులను పరిశీలిస్తే ఈ బ్యాంకు మేనేజ్‌మెంట్‌ కమిటీ (పాలకవర్గం) పదవీకాలం 2025 ఫిబ్రవరిలోనే ముగిసింది. కానీ అదనపు వసూళ్లకు 2025 జూన్‌ 12న తీర్మానం చేశారు. అంటే పదవీకాలం ముగిన పాలకవర్గం తీర్మానం ఎలా చెల్లుతుందో అధికారులకే తెలియాలి. అయితే పాలకవర్గం పదవీకాలం ముగిసినప్పటికీ ప్రభుత్వం వారి పదవీకాలాన్ని ఆరు నెలలు పొడిగించారని డీసీసీబీ అధికారులు చెబుతున్నారు. పొడిగించిన ఈ తాత్కాలిక పాలకవర్గానికి రైతులపై భారం మోపే తీర్మానాలు చేసే అధికారం ఎక్కడి నుంచి వచ్చిందో తెలియడం లేదు. 2025 జూన్‌ 12 నుంచి 2025 అక్టోబర్‌ 8 తేదీ వరకు ఈ రూ.1.57 కోట్లు వసూళ్లకు తెగబడ్డారు. రైతులు తిరగబడకపోతే ఈ వసూళ్ల దందా మరింత సాగే అవకాశాలుండేవనే అభిప్రాయం వ్యక్తమవుతోంది. పైగా బ్యాంకు తీర్మానాలు చేసిన రైతులందరికీ తెలిసేలా పత్రికా ప్రకటన విడుదల చేయాలి. కానీ వసూళ్ల తీర్మానాలను బయటకు పొక్కకుండా గుట్టుచప్పుడు కాకుండా సర్క్యూలర్లు ఇచ్చేశారు. ఎంత లాభాలుంటే అంత స్వాహా బ్యాంకుకు ఎంత ఎక్కువ లాభాలు వస్తే అంతే మొత్తంలో స్వాహా చేయవచ్చనే ఈ అడ్డగోలు వసూళ్లకు తెరలేపారనే ఆరోపణలున్నాయి. బ్యాంకు నిర్వహణ ఖర్చుల పేరుతో ఈ డబ్బులు చాలా మట్టుకు డ్రా చేసినట్లు తెలుస్తోంది. అనేక సంవత్సరాలు ఇదే బ్యాంకులో పాతుకుపోయిన ఓ ‘ముఖ్య’అధికారి, గత పాలకవర్గంలోని కీలక నాయకుడు కలిసి చేసిన ఈ స్వాహా పర్వంలో గత పాలకవర్గంలోని మరికొందరికి వాటాలు పంచారనే ఆరోపణలున్నాయి. ఈ అక్రమదందాపై కలెక్టర్‌కు ఫిర్యాదులు వెళ్లడంతో అంతర్గత విచారణ జరుగుతోంది. నారాయణఖేడ్‌ సబ్‌ కలెక్టర్‌ ఉమాహారతిని విచారణ అధికారిగా నియమించినట్లు సమాచారం. జిల్లా కేంద్ర సహకార బ్యాంకు (డీసీసీబీ)లో అడ్డగోలు నిర్ణయాలతో అన్నదాతలను నిండా ముంచిన వ్యవహారం ఆలస్యంగా వెలుగులోకి వచ్చింది. రాష్ట్రంలో ఏ డీసీసీబీల్లో లేనివిధంగా పంట రుణాలపై ప్రాసెసింగ్‌ ఫీజు, ఇన్‌స్పెక్షన్‌ చార్జీల పేరుతో ఏకంగా రూ.1.57 కోట్లు వసూలు చేసేశారు. ఈ డబ్బును నిర్వహణ ఖర్చుల పేరుతో స్వాహా చేశారనే ఆరోపణలు వ్యక్తమవుతున్నాయి. గత పాలకవర్గంలో ఓ కీలక నాయకుడు, ఏళ్ల తరబడి బ్యాంకులో పాతుకుపోయి.. ఇటీవల బదిలీ అయిన ఓ ‘ముఖ్య’అధికారి కలిసి ఈ అక్రమాలకు తెరలేపారనే ఆరోపణలు గుప్పుమంటున్నాయి. ఈ అక్రమార్కులు తమ జేబులు నింపుకునేందుకు ఆరుగాలం శ్రమించే అన్నదాతలపై అదనపు భారం మొపారనే విమర్శలు వెల్లువెత్తుతున్నాయి. సాక్షిప్రతినిధి, సంగారెడ్డి : జిల్లా కేంద్ర సహకార బ్యాంకు వ్యక్తిగత ఖాతాల్లోకి మళ్లించలేదు పంటరుణాలపై వసూలు చేసిన ప్రాసెసింగ్‌ ఫీజు, ఇన్‌స్పెక్షన్‌ చార్జీలు ఎవరి వ్యక్తిగత ఖాతాకు మళ్లించలేదు. మిసిలీనియస్‌ ఇన్‌కమ్‌ ఖాతాలో జమ చేశాం. పంట రుణాలపై అదనపు చార్జీలు వసూలు చేసుకోవచ్చని ఆర్‌బీఐ నిబంధనలున్నాయి. –సురేశ్‌, ఇన్‌చార్జి సీఈఓ, డీసీసీబీ కలెక్టర్‌ ప్రతిమాసింగ్‌ మైనార్టీ కమిషన్‌ జిల్లా చైర్మన్‌ సూఫిజానీ రైతుల నుంచి వ్యతిరేకత రావడంతో గుట్టుగా నిలిపివేత

● ఉమ్మడి మెదక్‌ జిల్లాకు రూ.35.25 లక్షలు విడుదల ● విద్యార్థుల సంఖ్య ప్రకారం కేటాయింపు ● తప్పనున్న నిర్వహణ ఇబ్బందులు సాక్షి, సిద్దిపేట: ప్రభుత్వ జూనియర్‌ కళాశాలలను బలోపేతం చేసేందుకు చర్యలు చేపడుతున్నారు. అందులో భాగంగా 2026–27 విద్యాసంవత్సరానికి ఉమ్మడి మెదక్‌ జిల్లాలో 56 ప్రభుత్వ జూనియర్‌ కళాశాలల నిర్వహణకు రూ.35.25లక్షలు కేటాయించారు. ఈ నిధులు విద్యార్థుల సంఖ్య ఆధారంగా మంజూరు చేశారు. ఇందులో జనరల్‌ ఫండ్‌గా రూ.25,38,000, ఎస్సీ ఫండ్‌గా 5,99,250, ఎస్టీ నుంచి 3,87,750 నిధులు ఉన్నాయి. మౌలిక వసతుల కోసం.. 30 మందిలోపు ఉన్న కళాశాలలకు రూ.10 వేలు, 31 నుంచి 100 మంది ఉంటే రూ.25 వేలు, 101– 250 వరకు రూ.50 వేలు, 251 నుంచి వెయ్యి మంది ఉన్న కాలేజీలకు రూ.లక్ష వరకు నిధులను కేటాయించారు. ఈ నిధులతో కళాశాలకు కావాల్సిన స్టేషనరీ, ల్యాబ్‌ నిర్వహణ, చిన్నపాటి మరమ్మతులు, ఇతర మౌలిక వసతులను కల్పిస్తారు. చాక్‌పీసులు, తెల్లకాగితాలు, రిజిస్టర్లు, బుక్‌లెట్లు ఇతర వాటికి వినియోగించనున్నారు. నిధులు మంజూరుతో కాలేజీలకు ఇబ్బందులు తప్పనున్నాయి. నిధుల విడుదల ఇలా.. జిల్లా కళాశాలలు నిధులు సిద్దిపేట 20 రూ 12,00,000 మెదక్‌ 16 రూ 10,50,000 సంగారెడ్డి 20 రూ 12,75,000

పాపన్నపేట(మెదక్‌): విద్యార్థులకు అల్పాహార పథకాన్ని సెప్టెంబర్‌లో ప్రారంభించేందుకు అధికారులు ఏర్పాట్లు ముమ్మరం చేస్తున్నారు. జిల్లాలోని అన్ని ప్రభుత్వ పాఠశాలలకు టిఫిన్లు సరఫరా చేసేందుకు ,మెదక్‌లోని మార్కెట్‌ యార్డులో కేంద్రీకృత వంటశాల నిర్మాణం కొనసాగుతోంది. ఇక్కడి నుంచే జిల్లాలోని అన్ని ప్రభుత్వ పాఠశాలల విద్యార్థులకు టిఫిన్లు సరఫరా చేయనున్నారు. అయితే అనుకున్న ప్రకారం పనులు పూర్తి అవుతే సెప్టెంబర్‌ 5న ఉపాధ్యాయ దినోత్సవ సందర్భంగా అల్పాహార పథకం ప్రారంభమయ్యే అవకాశముందని విద్యాశాఖ వర్గాలు అంటున్నాయి. కాగా, అధికారికంగా ప్రభుత్వం ఏదైనా తేదీ నిర్దారిస్తే అందుకనుగుణంగా ప్రారంభం చేయాల్సి ఉంటుందని అంటున్నారు. 70 వేల విద్యార్థులకు రోజుకో రకం టిఫిన్‌ జిల్లాలో 881 ప్రభుత్వ పాఠశాలలుండగా సుమారు 70 వేల మంది విద్యార్థులు చదువుతున్నారు. ముఖ్యంగా ఉన్నత పాఠశాల స్థాయిలో చాలామంది విద్యార్థులు సమీప గ్రామాల నుంచి కాలి నడకన ఎలాంటి టిఫిన్లు చేయకుండానే వస్తుంటారు. అందుకే పోషకాహరంతో కూడిన టిఫిన్లు అందివ్వాలని, ప్రభుత్వ బడ్జెట్‌లో నిధులు కేటాయించింది. 1 నుంచి 5 తరగతుల వారికి రోజుకు రూ.8లతో, 6 నుంచి 10 తరగతుల వారికి రూ.12తో అల్పాహారం అందించాలని ప్రణాళిక రూపొందించారు. వారంలో మూడు రోజులు పులిహోర, వెజ్‌ బిర్యాని, కిచిడి, మరో మూడు రోజులు బోండా, ఉప్మా, ఇడ్లీతోపాటు రాగి జావ, విజయ డెయిరీ పాలు ఇవ్వాలని నిర్ణయించారు. టిఫిన్ల తయారీ బాధ్యతలు ట్రస్టులకు జిల్లాలో హరే కృష్ణ మూవ్‌మెంట్‌ చారిటబుల్‌ సంస్థ ద్వారా టిఫిన్ల పంపిణీకి ఏర్పాట్లు జరుగుతున్నట్లు సమాచారం. ఇప్పటికే ఈ ట్రస్టు ద్వారా కొన్ని పాఠశాలలకు మధ్యాహ్న భోజనం పంపిణీ చేస్తున్నారు. ఇందుకోసం మెదక్‌లోని మార్కెట్‌ యార్డులో కేంద్రీకృత వంటశాల ఏర్పాటు చేస్తున్నారు. నిర్మాణ పనులు జోరుగా కొనసాగుతున్నాయి. కరెంట్‌, డ్రైనేజీ వ్యవస్థ ఏర్పాటు చేయాల్సి ఉంది. త్వరలో పూర్తయితే కొన్ని పాఠశాలల్లో సెప్టెంబర్‌ 5న ప్రారంభం చేసే అవకాశముందని, తర్వాత దశల వారీగా అన్ని పాఠశాలల్లో పథకం ప్రారంభించేలా చర్యలు తీసుకుంటున్నట్లు తెలుస్తుంది. ఈ విషయమై విద్యాశాఖ ఏడీ శ్రీనివాస్‌రావును వివరణ కోరగా కిచెన్‌ నిర్మాణ పనులు త్వరలో పూర్తవుతాయని చెప్పారు. పథకం ప్రారంభోత్సవ తేదీ నిర్ణయం కాలేదన్నారు. కొనసాగుతున్న కేంద్రీకృత వంటశాలల నిర్మాణం దశల వారీగా అక్టోబర్‌ నాటికి అన్ని మండలాలకు జిల్లాలో సుమారు 70 వేల మందికి టిఫిన్లు

● జిల్లాలో సుదీర్ఘ కాలం మైనింగ్‌ ఏడీఏగా పనిచేసిన జయరాజ్‌ ● పెద్ద ఎత్తున అవకతవకలకు పాల్పడినట్లు ఆరోపణలు తూప్రాన్‌: జయశంకర్‌ భూపాలపల్లి జిల్లా మైనింగ్‌ అసిస్టెంట్‌ డైరెక్టర్‌ జయరాజ్‌ ఇళ్లు, ఆయన బంధువుల నివాసాలపై అవినీతి నిరోధక శాఖ (ఏసీబీ) అధికారులు జరిపిన దాడుల్లో కళ్లు బైర్లు కమ్మే ఆస్తు లు వెలుగుచూశాయి. సుమారు రూ.100 కోట్లకు పైగా విలువైన అక్రమ ఆస్తులను ఏసీబీ అధికారులు గుర్తించారు. అయితే జయరాజ్‌ గతంలో జిల్లా మైనింగ్‌ ఏడీఏగా సుదీర్ఘ కాలం విధులు నిర్వర్తించారు. ఆ సమయంలో ఆయన తన అధికార బలంతో భారీగా అక్రమ సంపాదనకు తెరలేపినట్లు తీవ్ర ఆరోపణలు వస్తున్నాయి. ముఖ్యంగా జిల్లా లోని తూప్రాన్‌, శివ్వంపేట, మాసాయిపేట, చేగుంట తదితర మండలాల్లో మైనింగ్‌ శాఖ ఆధ్వర్యంలో కొనసాగుతున్న కంకర మిషన్లు (స్టోన్‌ క్రషర్లు), క్వారీల యజమానులతో చేతులు కలిపి జయరాజ్‌ పెద్ద ఎత్తున అక్రమాలకు పాల్పడినట్లు తెలుస్తోంది. నిబంధనలకు విరుద్దంగా కంకర మిషన్లకు అనుమతులు ఇవ్వడం, పరిమితికి మించి మైనింగ్‌ జరుగుతున్నా మామూళ్లు తీసుకొని పట్టించుకోకపోవడం వంటి అక్రమాలకు పాల్పడినట్లు సమాచారం. ప్రభుత్వ ఖజానాకు రావాల్సిన రూ. కోట్ల ఆదాయానికి గండికొట్టి, ప్రైవేట్‌ వ్యాపారులకు లబ్ధి చేకూరుస్తూ తన సొంత ప్రయోజనాలు చూసుకున్నారనే ఆరోపణలు వెల్లువెత్తుతున్నాయి. తూప్రాన్‌లో డబుల్‌ బెడ్రూం ఇళ్ల నిర్మాణాలకు సంబంధించి ప్రత్యేకాధికారిగా పనిచేసిన సమయంలోనూ అక్రమాలకు పాల్పడినట్లు పలువురు విమర్శిస్తున్నారు. అక్కడా అదే దందా.. ప్రస్తుతం జయశంకర్‌ భూపాలపల్లి జిల్లాలో మైనింగ్‌ శాఖ ఏడీగా బాధ్యతలు చేపట్టిన తర్వాత కూడా జయరాజ్‌ తన ‘మామూళ్ల’ దందాను యథేచ్ఛగా కొనసాగించినట్లు సమాచారం. ఇంత స్వల్ప కాలంలోనే రూ.100 కోట్లకు పైగా ఆస్తులు కూడబెట్టడం వెనుక మైనింగ్‌ మాఫియాతో ఆయనకున్న సంబంధాలే కారణమని తెలుస్తోంది. ఈ అవినీతి సామ్రాజ్యం వెనుక పెద్దల హస్తం ఉందనే కోణంలోనూ అధికారులు లోతుగా విచారణ జరుపుతున్నారు.

జిల్లాలో అన్ని ప్రభుత్వ పాఠశాలలు కలిపి మొత్తం 905 ఉన్నాయి. వాటి పరిధిలో ఎంఈఓలు, ఉపాధ్యాయులు, డేటా ఎంట్రీ ఆపరేటర్లు, సీఆర్‌పీలు, ఎంఐఎస్‌ కోఆర్డినేటర్లు కలిపి మొత్తం 4,498 మంది ఉన్నారు. వీరంతా ఎఫ్‌ఆర్‌ఎస్‌లో రిజిస్ట్రేషన్‌ చేసుకున్నారు. ప్రతి ఉపాధ్యాయుడితో పాటు బోధనేతర సిబ్బంది సైతం విధులు నిర్వర్తించే చోటు నుంచి ప్రతి రోజు ఉదయం, సాయంత్రం రెండు సార్లు తప్పనిసరిగా ఎఫ్‌ఆర్‌ఎస్‌ వేయాలి. లేనిచో ఆరోజు ఆబ్సెంట్‌ పడుతుంది. పాఠశాల పరిధి నుంచే వేయాలి. మరో చోట ఉండి ఎఫ్‌ఆర్‌ఎస్‌ వేస్తామంటే కుదరదు. అలాగే బడికి సెలవు పెట్టినా దీనిలోనే నమోదు చేసుకోవాల్సి ఉంటుంది. బోధన మెరుగుపడేనా? డుమ్మా టీచర్లకు కళ్లెం పడటంతో ఇకనైనా సర్కార్‌ బడుల్లో బోధన మెరుగు పడేనా..? అంటూ పలువురు ప్రశ్నిస్తున్నారు. అలాగే టీచర్లు వారి పిల్లలను ప్రైవేట్‌కు పంపకుండా ప్రభుత్వ బడులకు పంపే విధంగా చర్యలు తీసుకుంటే బోధనలో మార్పు వస్తోందని అభిప్రాయపడుతున్నారు. అయితే ఏటా సర్కార్‌ బడుల్లో విద్యార్థుల సంఖ్య తగ్గి ప్రైవేట్‌ బడుల్లో ప్రవేశాలు పెరుగుతున్నాయి. విధులు నిర్వర్తించే చోటు నుంచి ఫొటో క్యాప్చర్‌ త్వరలో జీతాలకు లింకు జిల్లాలో 905 ప్రభుత్వ పాఠశాలలు ఐదు అంకెల జీతం తీసుకుంటూ విధులకు ఎగనామం పెట్టే ఉపాధ్యాయులకు ఎఫ్‌ఆర్‌ఎస్‌ (ఫేషియల్‌ రికగ్నేషన్‌ సిస్టం)తో చెక్‌ పడింది. ప్రతిరోజు విధులు నిర్వర్తించే చోటు నుంచే సకాలంలో ఫొటో క్యాప్చర్‌ చేయాల్సి రావటంతో పంతుళ్లు విధిగా విధులకు హాజరవుతున్నారు. కాగా, త్వరలో ఎఫ్‌ఆర్‌ఎస్‌ ఆధారంగానే వేతనాలు విడుదల చేసేందుకు ప్రభుత్వం కసరత్తు చేస్తునట్లు తెలిసింది. – మెదక్‌జోన్‌

నారాయణఖేడ్‌: వంట గ్యాస్‌ సిలిండర్‌ కనెక్షన్‌ (ఎల్‌పీజీ) వినియోగదారులకు ఈ– కేవైసీ గడువును మరోసారి కేంద్రం పొడిగించింది. ఈ నెల 16 తర్వాత 23వ తేదీ నాటికి ఈ– కేవైసీ పూర్తి చేయని వినియోగాదారులకు మరోసారి అవకాశం కల్పించింది. వివిధ కారణాల వల్ల గడువులోగా ఎలక్ట్రానిక్‌ యువర్‌ కస్టమర్‌ (ఈ–కేవైసీ) పూర్తి చేయలేకపోయిన వారికి ఆయిల్‌ కంపెనీలు ఆగస్టు 31 వరకు అవకాశం కల్పించాయి. ఆయా కంపెనీలకు సంబంధించి ఉమ్మడి మెదక్‌ జిల్లాలో 20 లక్షల గ్యాస్‌ కనెక్షన్లు ఉండగా సంగారెడ్డి జిల్లాలో 6 లక్షల పైచిలుకున్నాయి. బోగస్‌ ఏరివేతకే! బోగస్‌ కనెక్షన్లు, అర్హత లేని లబ్ధిదారులు, మరణించిన వ్యక్తుల పేర్లపై కొనసాగుతున్న కనెక్షన్లు, ఒకే కుటుంబానికి ఉన్న డూప్లికేట్‌ కనెక్షన్లను గుర్తించి తొలగించేందుకు కేంద్రం ఈ–కేవైసీ ప్రక్రియను తప్పనిసరి చేసింది. ఎల్‌పీజీ కనెక్షన్‌కు ఈ–కేవైసీ పూర్తి చేయని వినియోగదారులకు ఇకపై రీఫిల్‌ సిలిండర్‌ బుకింగ్‌, డెలివరీ నిలిచిపోనుంది. అంతేకాకుండా భవిష్యత్తులో కనెక్షన్‌ రద్దు చేసే అవకాశం ఉంది. జిల్లాలో ఇప్పటివరకు 80% పైగా ఈ–కేవైసీ పూర్తయినట్లు అధికారులు చెబుతున్నారు. మిగిలిన వారు సకాలంలో పూర్తి చేసుకోవాలని సూచిస్తున్నారు. గతంలో పలుమార్లు గడువు విధించినప్పటికీ వంద శాతం ఈ–కేవైసీ పూర్తి కాలేదు. ఫలితంగా ఆయిల్‌ కంపెనీలు, పౌరసరఫరాల శాఖ తిరిగి ఈనెలాఖరుగా చివరి అవకాశం కల్పించాయి. అర్హులకే సబ్సిడీ.. ఎల్‌పీజీ కనెక్షన్లు క్రమబద్దీకరించడంతోపాటు నిజమైన లబ్ధిదారులకు మాత్రమే సబ్సిడీని అందించేందుకు ఈ–కేవైసీని తప్పనిసరి చేసింది. కొన్ని ప్రాంతాల్లో మరణించిన వ్యక్తుల పేర్లతోనే గ్యాస్‌ కనెక్షన్లు కొనసాగుతున్నాయి. అర్హతలేని వ్యక్తులు, ఒకే కుటుంబంలో ఒకటి కంటే ఎక్కువ కనెక్షన్లు కొనసాగుతున్న సందర్భాలను అధికారులు గుర్తించారు. ఇలాంటి కనెక్షన్లను ఈ–కేవైసీ ద్వారా ఫిల్టర్‌ చేసి తొలగించేందుకు చర్యలు చేపడుతున్నారు. ఈ–కేవైసీ ప్రక్రియలో వినియోగదారుల గుర్తింపు నిర్ధారించేందుకు ఆధార్‌ వివరాలతోపాటు బయోమెట్రిక్‌ సమాచారాన్ని తీసుకుంటున్నారు. వేలిముద్ర, ఐరిస్‌ వంటి వివరాలను ఎల్‌పీజీ డొమెస్టిక్‌ కనెక్షన్లకు అనుసంధానం చేయడం ద్వారా అసలైన వినియోగదారులను గుర్తించవచ్చని ఆయిల్‌ కంపెనీలు నిర్ణయించాయి. ఈ–కేవైసీ పూర్తి చేయని వినియోగదారులకు ముందుగా రీఫిల్‌ సిలిండర్‌ బుకింగ్‌, డెలివరీపై ఆంక్షలు విధించే అవకాశముంది. ఇప్పటికే బుక్‌ చేసిన సిలిండర్లు కూడా రద్దయ్యే పరిస్థితి ఉండొచ్చు. భవిష్యత్తులో కనెక్షన్‌ రద్దయ్యే అవకాశం కూడా ఉంది. దీంతో వినియోగదారులు సబ్సిడీ లేని సిలిండర్‌ను అధిక ధరకు కొనుగోలు చేయాల్సిన పరిస్థితి ఏర్పడనుంది. అనుసంధానించని పక్షంలో కనెక్షన్‌ తొలగింపు

● బీడీ కార్మికులు, వృద్ధులపై స్పష్టత కరువు ● 31 వరకు దరఖాస్తుల స్వీకరణకు తుది గడువు మెదక్‌ కలెక్టరేట్‌: వచ్చే నెల నుంచి కొత్త పింఛన్లు మంజూరు చేస్తామని ప్రభుత్వం ప్రకటించటంతో జిల్లాలోని అర్హుల్లో ఆశలు చిగురించాయి. ఇదే క్రమంలో బీడీ కార్మికులు, వృద్ధాప్య పింఛన్లపై స్పష్టత లేకపోవడంతో వారిలో ఆందోళన నెలకొంది. పది రకాల పెన్షన్లు మంజూరు చేస్తామని ప్రకటించిన సర్కారు, వీరివి మాత్రం తర్వాత చూస్తామంటూ ప్రకటించింది. అయితే వితంతు, దివ్యాంగులు, గీత కార్మికులు, ఒంటరి మహిళలు, డయాలసిస్‌, పైలేరియా, చేనేత కార్మికుల దరఖాస్తులు స్వీకరిస్తుంది. జిల్లాలో 1.6 లక్షల పింఛన్లు జిల్లాలో ఇప్పటికే 1.6 లక్షల మందికి ప్రభుత్వం వివిధ రకాల పింఛన్లు అందజేస్తుంది. ప్రతీనెల వీరికి సుమారు రూ.23 కోట్ల పైచిలుకు అందజేస్తుంది. ఇదే క్రమంలో అర్హులు ఈనెల 31లోగా అర్హులైన వారంతా దరఖాస్తు చేసుకోవాలని ఆదేశాలు జారీ చేసింది. ఇప్పటివరకు సుమారు 8 వేల వరకు దరఖాస్తులు వచ్చినట్లు తెలిసింది. జిల్లాలో దరఖాస్తుదారుల సమస్యలు తెలుసుకునేందుకు హెల్ప్‌డెస్క్‌ ఏర్పాటు చేశారు. ఎంపీడీఓ, మున్సిపల్‌ కార్యాలయాల వద్ద ప్రజలకు అవగాహన సైతం కల్పిస్తున్నారు. కాగా, ఇప్పటికే 90 శాతం ఆన్‌లైన్‌ ప్రక్రియ పూర్తయినట్లు అధికారులు తెలిపారు. నా వయసు 66 ఏళ్లు. నా భర్త చనిపోయి 20 ఏళ్లు అవుతుంది. అప్పు డు అవగాహన లేక డెత్‌ సర్టిఫికెట్‌ తీసుకోలేదు. అయితే అంగన్‌వాడీ ఆయాగా పనిచేయడంతో వితంతు పింఛన్‌ ఇవ్వలేదు. ప్రస్తుతం వయసు మీద పడింది. ప్రభుత్వం స్పందించి ఏదో ఒక పింఛన్‌ మంజూరు చేయాలి – భాగమ్మ, అంసాన్‌పల్లి, కొల్చారంజిల్లాలో పింఛన్లు పొందుతున్న వారు రామాయంపేట(మెదక్‌): పైలెట్‌ ప్రాజెక్టులో భాగంగా మండలంలోని ప్రగతి ధర్మారంలో శుక్రవారం కొత్త ఫించన్ల దరఖాస్తులను అధికారులు పరిశీలించారు. సెర్ప్‌ డైరెక్టర్‌ గోపాల్‌రావు, డీఆర్డీఓ శ్రీనివాసరావు, ఇతర అధికారులు ఇంటింటికీ తిరిగి క్షేత్రస్థాయిలో దరఖాస్తులు పరిశీలించారు. వారి వెంట ఎంపీడీఓ సజీలుద్దీన్‌, మండల వ్యవ సాయ అధికారి ప్రవీణ్‌కుమార్‌, సర్పంచ్‌ శ్రీనివాస్‌గౌడ్‌, వార్డు సభ్యులు ఉన్నారు. ప్రభుత్వ ఆదేశాల మేరకే.. వృద్ధులు, బీడీ కార్మికుల దరఖాస్తుల స్వీకరించొద్దని ప్రభుత్వ ఆదేశాలు ఉన్నాయి. అయితే వృద్ధులు, బీడీ కార్మికుల దరఖాస్తు లు స్వీకరిస్తున్నాం. కాని ఆన్‌లైన్‌ చేయడం లేదు. ఈనెల 31 వరకు లబ్ధిదారుల నుంచి దరఖాస్తులు స్వీకరిస్తాం. అనంతరం వాటి పై విచారణ చేస్తాం. – భీమయ్య, డీపీఎంబీడీ కార్మికులు 15,610 వృద్ధులు 34,662 వితంతువు 42,587 దివ్యాంగులు 7,851 కల్లుగీత కార్మికులు 818 చేనేత కార్మికులు 437 పైలేరియా 454 డయాలసిస్‌ 184 ఒంటరి మహిళలు 4,070

రాఖీ పండుగ సందర్భంగా శుక్రవారం నర్సాపూర్‌ బస్టాండ్‌ ప్రయాణికులతో కిటకిటలాడింది. రద్దీ నేపథ్యంలో ఆర్టీసీ ప్రత్యేక బస్సులు నడిపింది. ఇదే అదనుగా అదనపు చార్జీలు వసూలు చేసింది. నర్సాపూర్‌ నుంచి బాలానగర్‌ వరకు ఆర్డీనరీ బస్సుకు రూ. 80 చార్జీ ఉండగా, ప్రత్యేక సర్వీసులో అదనంగా రూ.30 వసూలు చేశారు. అలాగే నర్సాపూర్‌ నుంచి మెదక్‌కు ఆర్డీనరీ సర్వీసులో రూ. 70 చార్జీ ఉండగా, అదనంగా రూ. 30 తీసుకున్నారు. ఇదిలా ఉండగా ప్రయాణికుల రద్దీకి అనుగుణంగా బస్టాండ్‌లో కనీస వసతులు కల్పించలేదని ప్రయాణికులు వాపోయారు. – నర్సాపూర్‌

మెదక్‌ కలెక్టరేట్‌: జిల్లాలోని ప్రభుత్వ ఐటీఐ, ఏటీసీతో పాటు ప్రైవేట్‌ ఐటీఐలో శనివారం నుంచి వచ్చే నెల 5వ తేదీ వరకు వాక్‌ ఇన్‌ అడ్మిషన్లు నిర్వహిస్తున్నట్లు ప్రిన్సిపాల్‌ శ్రీనివాసులు శుక్రవారం ఒక ప్రకటనలో పేర్కొన్నారు. ఆసక్తి గల అభ్యర్థులు ఆన్‌లైన్‌లో నమోదు చేసుకొని ఉదయం 11 గంటల నుంచి మధ్యాహ్నం 1 గంట వరకు హాజరు కావాలన్నారు. నిర్ధేశించిన ట్రేడ్‌లలో మెరిట్‌ ఆధారంగా అడ్మిషన్లు ఉంటాయని తెలిపారు. అభ్యర్థులు అన్ని ఒరిజనల్‌ సర్టిఫికెట్లతో పాటు పోర్టల్‌ నుంచి డౌన్‌లోడ్‌ చేసుకున్న దరఖాస్తు కాపీని తీసుకురావాలి. ఖాళీ సీట్ల వివరాలు ప్రతిరోజు ఉదయం అప్‌డెట్‌ చేస్తామన్నారు.సంగారెడ్డి క్రైమ్‌: హైదరాబాద్‌ క్రికెట్‌ అసోసియేషన్‌ ఆధ్వర్యంలో ఉమ్మడి మెదక్‌ జిల్లా జట్టుకు అండర్‌–16 సెలక్షన్‌ ఈనెల 30న నిర్వహించనున్నట్లు అసోసియేషన్‌ జిల్లా కార్యదర్శి రాజేందర్‌ తెలిపారు. సంగారెడ్డి జూబ్లీ క్లబ్‌ ప్రాంగణంలోని ఎమ్మెస్‌ క్రికెట్‌ మైదానంలో ఎంపిక నిర్వహిస్తామన్నారు. ఆసక్తి గల క్రీడాకారులు తమ ఒరిజినల్‌ జనన ధృవీకరణ పత్రంతో పాటు ఆధార్‌, బోనఫైడ్‌, 2 ఫొ టోలతో హాజరుకావాలని సూచించారు. రామాయంపేట(మెదక్‌): సీఎంఆర్‌ బకాయిపడిన మండలంలోని అక్కన్నపేట శివారులో ఉన్న భద్రకాళి రైస్‌మిల్లులో శుక్రవారం సాయంత్రం రాష్ట్ర విజిలెన్స్‌ అధికారులు తనిఖీలు నిర్వహించారు. రైస్‌మిల్లులో స్టాక్‌తో పా టు రికార్డులు పరిశీలించారు. వివరాలు చెప్పడానికి వారు నిరాకరించారు. ఈ విషయమై జిల్లా పౌర సరఫరాల అధికారి నిత్యానందగౌడ్‌ను సంప్రదించగా.. భద్రకాళి రైసుమిల్లు యాజమాన్యం మూడు సీజన్లకు సంబంధించి సీఎంఆర్‌ రైస్‌ ఇవ్వాల్సి ఉందన్నారు. దీంతో రాష్ట్ర విజిలెన్స్‌ బృందం తనిఖీలు నిర్వహించిందని చెప్పారు. రేగోడ్‌(మెదక్‌): ప్రభుత్వ సంక్షేమ పథకాలు అర్హులైన ప్రతీ ఒక్కరికి అందేలా చర్యలు తీసుకోవాలని జెడ్పీ సీఈఓ ఎల్లయ్య అధికారులకు సూచించారు. శుక్రవారం మండల పరిషత్‌ కార్యాలయాన్ని ఆకస్మికంగా తనిఖీ చేసి సిబ్బంది హాజరు, రికార్డులను పరిశీలించారు. అనంతరం గజ్వాడలో పంచాయతీ భవనం, బీసీ, ఎస్సీ కమ్యూనిటీ భవనాలను పరిశీలించారు. ఈసందర్భంగా ఆయన మాట్లాడుతూ.. ప్రభుత్వ పథకాల అమలు తీరును సమీక్షించి, అర్హులైన లబ్ధిదారులను గుర్తించి, వారికి పథకాల ప్రయోజనాలను సకాలంలో అందించాలని తెలిపారు. ప్రజలకు ప్రభుత్వ సేవలు అందించడంలో నిర్లక్ష్యం వహించొద్దని సిబ్బందిని ఆదేశించారు. కార్యక్రమంలో ఎంపీడీఓ శ్రీనివాస్‌, సర్పంచ్‌ సరోజన పాల్గొన్నారు. అకాడమిక్‌ క్యాలెండర్‌లో విద్యార్థుల ఫొటో నంగునూరు(సిద్దిపేట): నర్మేట పాఠశాలకు అరుదైన గౌరవం దక్కింది. రాష్ట్ర ప్రభుత్వం ప్రతి ఏటా ప్రచురిస్తున్న అకాడమిక్‌ ఇయర్‌ క్యాలెండర్‌లో ముఖ్యమంత్రి రేవంత్‌రెడ్డితో కలసి విద్యార్థులు దిగిన ఫొటోను ప్రచురించారు. మార్చి 22న నర్మేటలోని ఆయిల్‌పామ్‌ ఫ్యాక్టరీ ప్రారంభోత్సవానికి సీఎం, రాష్ట మంత్రులు వివేక్‌, తుమ్మల నాగేశ్వరావు, పొన్నం ప్రభాకర్‌ తోపాటు ముఖ్య నాయకులు హాజరయ్యారు. ఫ్యాక్టరీలో ఏర్పాటు చేసిన ఎడ్యుకేషన్‌ స్టాల్‌లో విద్యాభివృద్ధికి ప్రభుత్వం చేస్తున్న కృషికి, అల్పాహారంపై తీసుకున్న నిర్ణయంపై ధన్యవాదాలు తెలుపుతూ ప్లకార్డులు ప్రదర్శించారు. స్టాల్‌ను పరిశీలించిన సీఎం, మంత్రులు, విద్యాశాఖ కమిషనర్‌, ఎంపీ రఘునందన్‌రావులు విద్యార్థులతో మాట్లాడి సంతోషంతో ఫొటో దిగారు. ఈ నేపథ్యంలో ప్రభుత్వం ముద్రించిన క్యాలెండర్‌లో మార్చి 2027 నెల పేజీలో నాటి ఫొటోతో పాటు ప్రాథమిక పాఠశాల విద్యార్థుల ఫొటోకు చోటు దక్కింది.

నారాయణఖేడ్‌: ఖేడ్‌ మండలం ఆకలాయి తండాలో గురువారం తీజ్‌ వేడుకలను ఘనంగా నిర్వహించారు. వివాహం కాని యువతులు తమకు మంచి భర్త రావాలని కోరుకోగా, సకాలంలో వర్షాలు కురిసి పంటలు సమృద్ధిగా పండాలని తండా వాసులు వేడుకున్నారు. మహిళలు సాంప్రదాయ దుస్తులు ధరించి ప్రత్యేక పూజలు నిర్వహించారు. బంజారా సేవాలాల్‌ సంఘం రాష్ట్ర అధ్యక్షుడు రమేశ్‌ చౌహాన్‌, టీపీసీసీ సభ్యుడు శ్రీనివాస్‌ సందర్శించి తండాలోని భవానీమాత, సేవాలాల్‌ మహారాజ్‌ ఆలయాలను దర్శించుకుని ప్రత్యేక పూజలు చేశారు.