Medak District Latest News

కలెక్టర్‌ ప్రతిమాసింగ్‌ మెదక్‌ కలెక్టరేట్‌: జిల్లాలోని పశువులపై ఎల్‌నినో ప్రభావం పడకుండా అత్యంత ప్రాధాన్యతగా రక్షణ చర్యలు చేపట్టాలని కలెక్టర్‌ ప్రతిమాసింగ్‌ అధికారులను ఆదేశించారు శనివారం కలెక్టరేట్‌లో జిల్లాలో పశుసంవర్ధక శాఖ అధికారులతో సమీక్ష నిర్వహించారు. ఈసందర్భంగా కలెక్టర్‌ మాట్లాడుతూ.. జిల్లాలో ఎల్‌నినో వల్ల వర్షాలు తగ్గి పశుగ్రాసం కొరత ఏర్పడే ప్రమాదం ఉందన్నారు. పశువులకు తాగునీటి ఎద్దడి రాకుండా తగు జాగ్రత్తలు తీసుకోవాలన్నారు. కరువు, అధిక ఉష్ణోగ్రతల నుంచి పశుసంపదను కాపాడేందుకు మండల స్థాయి సమన్వయ కమిటీల ద్వారా ముందస్తు చర్యలు చేపడుతున్నట్లు చెప్పారు. పశుగ్రాసం కోసం ఉపాధి హామీ పథకం కింద ప్రైవేట్‌ భూముల్లో పశుగ్రాసం సాగును ప్రోత్సహించాలన్నారు. అలాగే జిల్లాలో ఎల్‌నినో ప్రభావాన్ని ఎదుర్కొనేందుకు ఈనెల 11 నుంచి గ్రామాల్లో గ్రామసభలు నిర్వహించనున్నట్లు తెలిపారు. ఇందిరమ్మ ఇళ్లలో ప్రజలు ఘనంగా దీపావళి పండుగ జరుపుకోవాలన్నారు. అనంతరం జిల్లాలో మూడో విడత టూరిజం అభివృద్ధి సమావేశం నిర్వహించారు. అంతర్జాతీయ దివ్యాంగుల దినోత్సవాన్ని వివిధ విభాగాల్లో అందజేసే రాష్ట్రస్థాయి అవార్డులకు ఈనెల 18లోగా ఆన్‌లైన్‌లో దరఖాస్తు చేసుకోవాలని సూచించారు. అంతకు ముందు సర్‌ కార్యక్రమంపై రాష్ట్ర ఎన్నికల ప్రధాన అధికారి సుదర్శన్‌రెడ్డి నిర్వహించిన వీడియో కాన్ఫరెన్స్‌లో కలెక్టర్‌ పాల్గొన్నారు.

ఏఎస్పీ విక్రాంత్‌ కుమార్‌ సింగ్‌హవేళిఘణాపూర్‌(మెదక్‌): నేరాల నియంత్రణకు ప్రజల కృషి ఎంతో అవసరమని, ఆ దిశగా సైబర్‌ నేరాల పట్ల అప్రమత్తంగా వ్యవహరించాల్సిన అవసరం ఎంతైనా ఉందని అదనపు ఎస్పీ విక్రాంత్‌కుమార్‌ సింగ్‌ అన్నారు. శనివారం మెదక్‌రూరల్‌ పోలీస్‌స్టేషన్‌ పరిధి అవుసులపల్లిలో పోలీసుల కమ్యూనిటీ ప్రోగ్రాంను నిర్వహించారు. కార్యక్రమానికి అదనపు ఎస్పీ ముఖ్య అతిథిగా హాజరై మాట్లాడారు. నేరాల నియంత్రణ, శాంతిభద్రతల పరిరక్షక్షణే ధ్యేయంగా పోలీసు సిబ్బంది పని చేస్తున్నారని కొనియాడారు. సైబర్‌ నేరగాళ్ల మాయమాటలు నమ్మి ఓటీపీ, వ్యక్తిగత వివరాలు చెబితే డబ్బులు లూటీ చేసే అవకాశం ఉందన్నారు. అలాగే వాహనం నడిపే సమయంలో తప్పకుండా హెల్మెట్‌ ధరిస్తే ఎలాంటి ప్రమాదం జరిగినా ప్రాణాపాయం ఉండదన్నారు. అనంతరం మహి ళా చట్టాలపై అవగాహన కల్పించారు. కార్యక్రమంలో డీఎస్పీ ప్రసన్నకుమార్‌, సీఐలు మహేశ్‌, కృష్ణ మూర్తి, ఎస్‌ఐలు, పోలీసు సిబ్బంది త దితరులు పాల్గొన్నారు.

హవేళిఘణాపూర్‌(మెదక్‌): రుణాల మంజూరులో బ్యాంకులు మహిళలకు ప్రాధాన్యతనిస్తున్నాయని, అదే నమ్మకంతో రుణాలు తిరిగి చెల్లించి ఉపాధి అవకాశాలు పొందాలని ఆర్‌బీఐ జీఎం జ్ఞాన సుప్రభాత్‌ అన్నారు. శనివారం హవేళిఘణాపూర్‌ రైతు వేదికలో మండలంలోని ఆయా గ్రామాల డ్వాక్రా గ్రూపు మహిళలు, రైతులతో బ్యాంకు సేవలపై అవగాహన కల్పించారు. బ్యాంకులు రుణాల మంజూరును వ్యక్తిగత అవసరాలకు కాకుండా ఉపాధికి ఖర్చు చేస్తే భవిష్యత్‌ బాగుంటుందన్నారు. ముఖ్యంగా ప్రజలు తమ ఖాతాను ఎప్పటికప్పుడు ఈకేవైసీ చేసుకొని ప్రభుత్వ పథకాలను పొందాలని సూచించారు. కార్యక్రమంలో నాబార్డు డీజీఎం కృష్ణతేజ, ఎల్‌డీఎం బాపూజీ, డీఆర్‌డీఏ ఏపీడీ బాలరాజు, సర్పంచ్‌ సాయిలు, గోపాల్‌నాయక్‌, వివిధ బ్యాంక్‌ మేనేజర్లు పాల్గొన్నారు.

ఎమ్మెల్యే రోహిత్‌రావు మండల కేంద్రంలోని జెడ్పీ హైస్కూల్‌ విద్యార్థులు శనివారం వినూత్నంగా దీపావళి శుభాకాంక్షలు తెలిపారు. నేలపై దీపం ఆకృతిలో కూర్చొని ఆకట్టుకున్నారు. – హవేళిఘణాపూర్‌(మెదక్‌) మెదక్‌జోన్‌: పట్టణాభివృద్ధికి పెద్దపీట వేస్తామని ఎమ్మెల్యే రోహిత్‌రావు అన్నారు. శనివారం పట్టణంలోని పలు వార్డుల్లో అభివృద్ధి పనులకు శంకుస్థా పన చేశారు. ఈసందర్భంగా ఆయన మాట్లాడుతూ.. జిల్లా కేంద్రాన్ని అన్ని విధాలుగా అభివృద్ధి చేస్తామన్నారు. గత బీఆర్‌ఎస్‌ పాలనలో పదేళ్లలో పట్టణాభివృద్ధికి చేసిందేమి లేదన్నారు. అంతకుముందు ఇటీవల కోతుల దాడిలో దెబ్బతిన్న చాకలి ఐలమ్మ విగ్రహ స్థలాన్ని పరిశీలించారు. త్వరలో నూతన విగ్రహాన్ని తన సొంత నిధులతో ఇప్పిస్తానని రజకులకు హామీ ఇచ్చారు. కార్యక్రమంలో మున్సిపల్‌ చైర్‌పర్సన్‌, వైస్‌ చైర్మన్‌ కానుగ రాధిక, దొంతి నరేశ్‌గౌడ్‌, నాయకులు గంగాధర్‌, కానుగ రాజు, రాగి అశోక్‌, రాము, సిద్దిరాములుతో పాటు రజకులు మల్లేశం, శివ, నవీన్‌ తదితరులు పాల్గొన్నారు. ‘దీపం’ ఆకృతిలో..

మెదక్‌ కలెక్టరేట్‌: రాష్ట్ర ప్రభుత్వం వెంటనే ఎన్‌హెచ్‌ఎం ఉద్యోగుల సమస్య లు పరిష్కరించాలని బీజేపీ జిల్లా అధ్యక్షుడు మల్లేశ్‌గౌడ్‌ డిమాండ్‌ చేశారు. శనివారం సమ్మెలో పాల్గొని వారికి మద్దతు ప్రకటించారు. ఈసందర్భంగా ఆయన మాట్లాడుతూ.. ప్రజలకు నిరంతరం వైద్య ఆరోగ్య సేవలు అందించే ఎన్‌హెచ్‌ఎం ఉద్యోగుల సేవలు ఎంతో విలువైనవన్నారు. తమ ఉద్యోగ భద్రత, న్యాయమైన హక్కుల కోసం ఆందోళన చేయాల్సిన పరిస్థితి రావడం బాధాకరమన్నారు. రాష్ట్ర ప్రభుత్వం ఉద్యోగులకు ఇచ్చిన హామీలను వెంటనే అమలు చేయాలని డిమాండ్‌ చేశారు. కార్యక్రమంలో జిల్లా ప్రధాన కార్యదర్శి ఈర్ల రంజిత్‌ రెడ్డి, మహిళా మోర్చా జిల్లా అధ్యక్షురాలు పట్లోళ్ల మల్లిక, కౌన్సిలర్లు ఇప్ప అఖిల భరత్‌, పబ్బ రాజమణి లక్ష్మణ్‌, జిల్లా ఓబీసీ మోర్చా అధ్యక్షుడు వడ్ల జనార్ధన్‌, నాయకులు తదితరులు పాల్గొన్నారు.

డీఎంహెచ్‌ఓ గణేశ్వర్‌మెదక్‌ కలెక్టరేట్‌: ప్రాథమిక ఆరోగ్య కేంద్రాల్లో ల్యాబ్‌ టెక్నీషియన్ల సేవలు కీలకమని డీఎంహెచ్‌ఓ గణేశ్వర్‌ అన్నారు. శనివారం తన ఛాంబర్‌లో నెలవారీ సమీక్ష నిర్వహించారు. ఈసందర్భంగా ఆయన మాట్లాడుతూ.. ల్యాబ్‌ రిపోర్టుల ఆధారంగానే రోగులకు సత్వర చికిత్స అందించి త్వరితగతిన ఆరోగ్యవంతులను చేయవచ్చని తెలిపారు. ల్యాబ్‌ పరికరాలు సరిపడా ఉండాలన్నారు. చాలా మందికి కనీసం బ్లడ్‌ గ్రూప్‌ కూడా తెలియదన్నారు. విధుల పట్ల క్రమశిక్షణ, అప్రమత్తంగా ఉంటూ రోగ నిర్ధారణ త్వరితగతిన చేయాలని సూచించారు. కార్యక్రమంలో కీటక జనిత వ్యాధుల పట్ల తీసుకోవాల్సిన జాగ్రత్తలపై ప్రోగ్రాం అధికారి డాక్టర్‌ నవ్యసువిధ వివరించారు. సమావేశంలో జిల్లా మాస్‌ మీడియా అధికారి అన్వర్‌, ల్యాబ్‌ టెక్నీషియన్లు పాల్గొన్నారు.

● చెరకు టన్నుకు రూ.4వేలు చెల్లించాల్సిందే ● రైతు సంఘం నేతల తీర్మానం జహీరాబాద్‌: చెరకు రైతులకు న్యాయమైన ధర ఇచ్చే వరకు వెనక్కి తగ్గమని, ఆందోళన చేపట్టి గిట్టుబాటు ధర సాధించుకోవాలని రైతులు, రైతు సంఘం నాయకులు ఏకగ్రీవంగా తీర్మానం చేశారు. శనివారం పట్టణంలోని ఓ ఫంక్షన్‌ హాల్‌లో జహీరాబాద్‌ ప్రాంత చెరకు రైతులు సమావేశమయ్యారు. ప్రధానంగా చెరకు పంటకు గిట్టుబాటు ధర చెల్లించాలని యాజమాన్యాలను డిమాండ్‌ చేశారు. పక్కనే ఉన్న కర్ణాటక, మహారాష్ట్రలో అక్కడి కర్మాగారాల యాజమాన్యాలు చెల్లించే ధరలను పరిగణలోకి తీసుకోవాలన్నారు. చెరుకు కోత, రవాణా ఖర్చులను యాజమాన్యాలే భరిస్తూ టన్నుకు రూ.4వేలు తగ్గకుండా ధర ప్రకటించాలన్నారు. అనంతరం రైతులు సీడీసీ చైర్మన్‌ ముబీన్‌ను కలిసి వినతిపత్రం అందజేశారు. ఈసందర్భంగా సీడీసీ చైర్మన్‌ మాట్లాడుతూ.. రైతుల డిమాండ్లను ప్రభు త్వం దృష్టికి తీసుకెళతామన్నారు. అంతే కాకుండా యాజమాన్యాల ముందు ప్రతిపాదించి, గిట్టుబా టు ధర ఇచ్చేలా కృషి చేస్తానన్నారు.

రాయికోడ్‌(అందోల్‌): మంజీర నది లో నీరు అడుగంటుతోంది. ఏటా ఇదే సమయంలో నీటితో కళకళలాడేది. ప్రస్తుతం నీరు లేక వెలవెలబోతోంది. మండలంలోని పాంపాడ్‌, సిరూర్‌, మోరట్గా, మామిడిపల్లి, కర్చల్‌ తదితర గ్రామాల సమీపం నుంచి ప్రవహించే నదిలో బండరాళ్లు తేలడంతో పాంపాడ్‌ మిషన్‌ భగీరథ గ్రిడ్‌కు చెందిన ఇంటెక్‌వెల్‌లోకి సాధారణ నీటి ప్రవాహం నిలిచిపోయింది. దీంతో తాగునీటి సరఫరాకు అంతరాయం ఏర్పడగా, అధికారులు నదిలోని నీరు ఇంటెక్‌వెల్‌లోకి మళ్లించడానికి పెద్ద కాలువ తీయించారు. కానీ ఫలితం లేకుండా పోకపోవడంతో మూడు పెద్ద మోటార్లను నది నీటిలో దింపి నీటిని పంప్‌ చేస్తున్నారు. అక్కడి నుంచి మహబత్‌పూర్‌ సమీపంలోని పంప్‌హౌస్‌లో నీటిని శుద్ధి చేసి రెండు రోజులకోసారి తాగునీటిని సరఫరా చేస్తున్నారు.

ఎల్‌నినో హెచ్చరికలు బేఖాతర్‌ మెతుకుసీమలో చెప్పుకోదగ్గ సాగునీటి ప్రాజెక్టులు లేవు. ఏకై క మధ్య తరహా సాగు నీటి ప్రాజెక్టు ఘనపూర్‌ ఉన్నప్పటికీ అది పూర్తిగా సింగూరుపై ఆధారపడి ఉంది. ఈసారి మరమ్మతుల నేపథ్యంలో ఖరీఫ్‌ సీజన్‌కు ఘనపురం ప్రాజెక్టుకు నీరు విడుదల చేయలేదు. అలాగే ఎల్‌నినో ప్రభావంతో సరైన వర్షాలు కరువకపోవడంతో నీటి వనరులన్నీ నిండుకున్నాయి. మంజీరా, హల్దీ ప్రాజెక్టుల పరిస్థితి అంతే. భూగర్భజలాలు సైతం వేగంగా పడిపోతున్నాయి. దీంతో జిల్లా అధికార యంత్రాంగం అప్రమత్తం అయింది. రైతులు వరిసాగు చేయొద్దని సూచించింది. అయినా రైతులు హెచ్చరికలను పట్టించుకోవడం లేదు. నాలుగెకరాలకు సాగునీరందించే బోరు వద్ద రెండెకరాల వరి పండిస్తామంటున్నారు. ఎల్‌నినోతో కరెంట్‌ సక్రమంగా రాదని, ఎండల తీవ్రత అధికంగా ఉంటుందని అధికారులు ప్రచారం చేస్తున్నారు. అయినా రైతులు వినకుండా వరిసాగుకే మొగ్గు చూపుతుండటంతో క్షేత్రస్థాయిలో గందరగోళం నెలకొంది. 55 వేల ఎకరాల్లో ఆరుతడి ఈ ఏడాది యాసంగిలో ఎన్ని ఎకరాలు సాగు చేయాలి, ఏ రకమైన పంటలు వేయాలని ఇప్పటికే వ్యవసాయశాఖ అధికారులు ప్రణాళికను సిద్ధం చేశారు. అందులో ఆరుతడి పంటలు 55,820 ఎకరాల్లో మాత్రమే సాగు చేయాలని నిర్ణయించారు. వరిసాగు మాత్రం ఎట్టి పరిస్థితుల్లో వద్దని, దాని స్థానంలో జొన్నలు 22,294 ఎకరాలు, మొక్కజొన్న 12,853, ఉద్యానశాఖ పరిధిలోని ఆయిల్‌పాంతో పాటు పండ్ల తోటలు, కూరగాయలు 12,625 ఎకరాలు, మినుములు, పెసర్లు, కందులు, పొద్దు తిరుగుడు తదితర పంటలు 8,048 ఎకరాల్లో సాగు చేయాలని అధికారులు లెక్కలు కట్టారు. అయితే క్షేత్రస్థాయిలో మాత్రం ఇప్పటికే 40 వేల ఎకరాలకు సరిపడా రైతులు తుకాలు పోసినట్లు సమాచారం. ఊరూరా గ్రామ సభలు ఎల్‌నినో నేపథ్యంలో ఎలాంటి పంటలు సాగు చేయాలి, విద్యుత్‌ సరఫరా ఏ మేరకు ఉంటుంది, వరి సాగు చేస్తే జరిగే నష్టం, ఆరుతడి పంటలు సాగు చేస్తే ఏ మేరకు లాభాలు వస్తాయనే అంశాలపై అధికారులు ఈ నెల 11 నుంచి ఊరూరా గ్రామ సభలు ఏర్పాటు చేసి రైతులకు అవగాహన కల్పించనున్నట్లు సంబంధిత ఉన్నతాధికారి ఒకరు చెప్పారు. అయితే ఇప్పటికే ఆలస్యం అయిందనే ఆరోపణలు వెల్లువెత్తుతున్నాయి. గతేడాదితో పోలిస్తే 17.25 శాతమే గతేడాదితో పోలిస్తే ఈ ఏడాది కేవలం 17.25 శాతం మాత్రమే పంటలు సాగవుతున్నాయి. గతేడాది రబీ సీజన్‌లో 3,23,621 ఎకరాల్లో వివిధ రకాల పంటలు సాగు చేశారు. అందులో వరి 3,05,723 ఎకరాలు, మిగతా 17,898 ఎకరాల్లో ఆరుతడి పంటలు వేశారు. ఈఏడాది యాసంగిలో వరి సాగు లేకుండా ఆరుతడి పంటలు మాత్రమే 55,820 ఎకరాల్లో సాగు చేయాలంటూ వ్యవసాయశాఖ అధికారులు సాగు ప్రణాళికను సిద్ధం చేశారు. కాగా గతేడాదితో పోలిస్తే కేవలం 17.25 శాతం మాత్రమే రబీ సాగు కానుంది.ఎల్‌నినో నేపథ్యంలో యాసంగిలో వరిసాగు వద్దని ఇప్పటికే ప్రభుత్వం సూచించింది. సాగునీరు అందుబాటులో ఉన్న రైతులు వరికి బదులు ఆరుతడి పంటలు వేయాలని చెప్పింది. అయినా రైతులు అవేమి పట్టించుకోవడం లేదు. ఎంత చెప్పినా.. వరిసాగుకే మొగ్గు చూపుతున్నారు. ఇప్పటికే గ్రామాల్లో చాలా మంది నారుమళ్లు పోసుకొని సాగుకు సన్నద్ధం అవుతున్నారు. – మెదక్‌జోన్‌

అదనపు కలెక్టర్‌ నగేశ్‌ పాపన్నపేట(మెదక్‌): ఇందిరమ్మ ఇళ్ల నిర్మాణ పనులు వేగవంతం చేయాలని అదనపు కలెక్టర్‌ నగేశ్‌ అన్నారు. శనివారం మండల పరిధిలోని కుర్తివాడలో ఇళ్లను పరిశీలించి మాట్లాడారు. గ్రామాల్లో గుడిసెలు ఉండొద్దనే ఉద్దేశంతో ప్రభుత్వం ప్రతి పేదవాడికి ఇందిరమ్మ ఇళ్లు మంజూరు చేసిందన్నారు. నిర్మాణాలు త్వరగా పూర్తి చేస్తే, బిల్లులు కూడా సకాలంలో వస్తాయన్నారు. ప్రభుత్వ పథకాలు అర్హులకు అందేలా చూడాలని అధికారులను ఆదేశించారు. అనంతరం కరాటేలో ప్రతిభ కనబర్చిన కుర్తివాడ విద్యార్థినులను అభినందించారు. విద్యార్థులు చదువుతో పాటు మార్షల్‌ ఆర్ట్స్‌లోనూ నైపుణ్యం పెంచుకోవాలని సూచించారు. అలాగే క్రీడలను ఉపాధ్యాయులు ప్రోత్సహించాలన్నారు. కరాటేలో ప్రతిభ కనబర్చిన విద్యార్థులకు బెల్టులు అందజేశారు. కార్యక్రమంలో తహసీల్దార్‌ సతీశ్‌, హెచ్‌ఎం లోక్యా నాయక్‌, టీచర్లు, గ్రామస్తులు పాల్గొన్నారు. కరువు ప్రాంతంగా ప్రకటించాలి పెద్దశంకరంపేట(మెదక్‌): పెద్దశంకరంపేట మ ండలాన్ని కరువు ప్రాంతంగా ప్రకటించాలని సంగారెడ్డి జిల్లా ఓబీసీ అధ్యక్షుడు కోణం విఠల్‌ అన్నారు. శనివారం స్థానిక బీజేపీ కార్యాలయంలో మండల స్థాయి కార్యవర్గ సమావేశం నిర్వహించారు. ఈసందర్భంగా ఆయన మాట్లాడుతూ.. ప్రస్తుతం ఎల్‌నినో ప్రభావంతో పంటలు సక్రమంగా పండక రైతులు నష్టపోయారని తెలిపారు. రైతు భరోసా విడుదల చేయడంతో పాటు రుణాలు రీషెడ్యూల్‌ చేయాలన్నారు. కరువు సాయాన్ని ప్రకటించాలని ప్రభుత్వాన్ని డిమాండ్‌ చేశారు. సమావేశంలో బీజేపీ మండల అధ్యక్షుడు శ్రావణ్‌కుమార్‌, నాయకులు కృష్ణ, అనిల్‌, సుభాశ్‌, భూషణం, నర్సింలు తదితరులు పాల్గొన్నారు. రాష్ట్రస్థాయి పోటీలకు ఎంపిక హవేళిఘణాపూర్‌(మెదక్‌): క్రీడల్లో పాల్గొనే విద్యార్థులకు ఏకాగ్రత, చురుకుదనం, వేగం అవసరమని డీఈఓ రాజు అన్నారు. శనివారం జిల్లా కేంద్రంలోని పీఎన్‌ఆర్‌ ఇండోర్‌ స్టేడియంలో పాఠశాల క్రీడా సమాఖ్య ఆధ్వర్యంలో నిర్వహించిన అండర్‌–14, 17 బాలుర విభాగాల్లో ఉమ్మడి జిల్లాస్థాయి షటీల్‌ పోటీలు విజయవంతంగా ముగిశాయి. ఈ పోటీల్లో ఉమ్మడి మెదక్‌ జిల్లాకు చెందిన సుమారు 200 మంది క్రీడాకారులు ఉత్సాహంగా పాల్గొన్నారు. పోటీల్లో ప్రతిభకనబర్చిన అండర్‌–17 బాలుర విభాగంలో ఐదుగురు, అండర్‌–14 విభాగంలో ఐదుగురు చొప్పున ఉమ్మడి జిల్లా నుంచి రాష్ట్రస్థాయికి ఎంపికయ్యారు. ‘కాంగ్రెస్‌ బలోపేతానికి కృషి చేయండి’ నారాయణఖేడ్‌: టీపీసీసీ అధ్యక్షుడు మహేశ్‌ కుమార్‌ గౌడ్‌ను శనివారం హైదరాబాద్‌లోని ఆయన నివాసంలో డీసీసీ అధ్యక్షుడు చంద్రశేఖర్‌రెడ్డి కలిశారు. జిల్లాలో కాంగ్రెస్‌ను క్షేత్రస్థాయి నుంచి మరింత పటిష్టం చేయడంతో పాటు కార్యకర్తలను సమన్వయం చేసుకుంటూ ముందుకు సాగాలని మహేశ్‌ కుమార్‌ గౌడ్‌ సూచించారు.

పాపన్నపేట(మెదక్‌): ప్రతి కుటుంబానికి ఇందిరమ్మ జీవిత బీమా కల్పించాలని ప్రభుత్వం నిర్ణయించింది. ఈ నెల 19న సిద్దిపేట కేంద్రంగా ఈ పథకం ప్రారంభించేందుకు సమాయత్తం అవుతోంది. ఇక నుంచి కుటుంబ పెద్ద లేదా సంపాదించే వ్యక్తి మరణిస్తే రూ.5 లక్షల ఆర్థిక సాయం చేసేలా పథకాన్ని రూపొందించారు. ఈనెల 20 నుంచి 30 వరకు తహసీల్దార్లు, పంచాయతీ కార్యదర్శులు దరఖాస్తులు స్వీకరిస్తారు. కాగా, జిల్లాలో 2011 జనాభా లెక్కల ప్రకారం 1,68,677 కుటుంబాలు ఉన్నాయి. పాత పథకాలన్నీ విలీనం గతంలో అమల్లో ఉన్న రైతు బీమాను ఆగస్టు 13 నుంచి నిలిపివేశారు. గత జూన్‌ 2న ఇందిరమ్మ బీమా పథకాన్ని అమలు పరిచే ఉద్దేశంతో పథకాన్ని కొనసాగించలేదనే అభిప్రాయాలు వెలుబడ్డాయి. కాగా పాస్‌పుస్తకం ఉన్న 60 ఏళ్ల లోపు రైతులు ప్రమాదంలోనే గాక, సహజంగా మరణించినా రూ. 5 లక్షల బీమా చెల్లించేవారు. దీనికి ప్రభుత్వం ప్రీమియం చెల్లించి, ఎల్‌ఐసీ ద్వారా అమలు చేసింది. అలాగే మహిళా స్వయం సహాయక సంఘాల సభ్యులకు రూ.10 లక్షలు ప్రమాద బీమా, సహజ మరణానికి రూ.2 లక్షల బీమా పథకం అమలవుతుంది. కార్మిక శాఖ ద్వారా ఆటో డ్రైవర్లు, ఇతర వర్గాల వారికి రూ.5 లక్షల ప్రమాద బీమా పథకం ద్వార సహాయం అందుతుంది. వడదెబ్బ ఇతర కారణాలతో కుటుంబ పెద్ద మరణిస్తే రూ.4 లక్షల సామాజిక బీమా పథకాన్ని రెవెన్యూ శాఖ అమలు చేస్తుంది. ఇవి గాక మరికొన్ని వర్గాలకు బ్యాంకులు, ఇతర బీమా పథకాలు అమలవుతున్నాయి. ఇవన్నీ 60 ఏళ్ల లోపు వారికే అమలు చేస్తున్నారు. వీటన్నింటిని ఒకే గూటి కిందకు తెచ్చి, ఇందిరమ్మ బీమా పథకం వర్తింప చేయాలనే ఆలోచనలో ప్రభుత్వం ఉన్నట్లు తెలుస్తోంది. ఈయితే పూర్తి స్థాయి విధి విధానాలు నిర్వహించే శాఖ, నిధుల కేటాయింపుపై త్వరలోనే ఉత్తర్వులు జారీ అయ్యే అవకాశం ఉందని సమాచారం. ఈ విషయమై పాపన్నపేట తహసీల్దార్‌ సతీశ్‌కుమార్‌ను ‘సాక్షి’ వివరణ కోరగా, పూర్తిస్థాయి ఆదేశాలు రాలేదని పేర్కొన్నారు. 19న సిద్దిపేటలో ప్రారంభం 20 నుంచి దరఖాస్తుల స్వీకరణ కుటుంబ పెద్ద మరణిస్తే రూ.5 లక్షల ఆర్థిక సాయం జిల్లాలో 1,68,677 కుటుంబాలు

మెదక్‌జోన్‌: మెదక్‌ పట్టణం చుట్టూ హల్దీవాగు, పుష్పాలవాగు, పసుపులేరు, బొల్లారం మత్తడి ఉండగా, వాటిలో నుంచి గత కొన్ని రోజులుగా కొందరు ఇసుకను అక్రమంగా తరలిస్తున్నారు. దీంతో భూగర్భజలాలు అడుగంటాయి. దీనిపై గత నెల 31న ‘సాక్షి’లో ‘ఇసుక తోడేళ్లు’ కథనం ప్రచురించగా, స్పందించిన అధికారులు శుక్రవారం తిమ్మక్కపల్లి శివారులో 32 ట్రాక్టర్ల ఇసుకను సీజ్‌ చేశారు. అందుకు బాధ్యులైన 15 మందిపై కేసు నమోదు చేసినట్లు మెదక్‌ తహసీల్దార్‌ లక్ష్మణ్‌బాబు తెలిపారు. హవేళిఘణాపూర్‌(మెదక్‌): సమస్యాత్మక గ్రామాలను గుర్తించి శాంతిభద్రతల పరిరక్షణకు కృషి చేయాలని ఎస్పీ డీవీ శ్రీనివాసరావు సిబ్బందిని ఆదేశించారు. శుక్రవారం హవేళిఘణాపూర్‌ పోలీస్‌స్టేషన్‌ను ఆకస్మికంగా తనిఖీ చేశారు. రికార్డులను పరిశీలించి పెండింగ్‌ కేసుల పురోగతిపై ఆరా తీశారు. అనంతరం ఎస్పీ మాట్లాడుతూ.. సివిల్‌ కేసుల్లో పోలీసులు జోక్యం చేసుకోవద్దన్నారు. న్యాయస్థానాన్ని ఆశ్రయించే విధానంపై ప్రజలకు అవగాహన కల్పించాలని సూచించారు. సైబర్‌ నేరాల పట్ల అప్రమత్తంగా ఉండేలా ప్రజలను జాగృతం చేయాలన్నారు. కార్యక్రమంలో మెదక్‌ రూరల్‌ సీఐ కృష్ణమూర్తి, సందీప్‌రెడ్డి, ఎస్‌ఐ కృష్ణయ్య, పోలీసు సిబ్బంది పాల్గొన్నారు. తూప్రాన్‌: పట్టణంలోని అంగన్‌వాడీ కేంద్రంలో ఐసీడీఎస్‌ ఆధ్వర్యంలో శుక్రవారం గర్భిణులకు సామూహిక సీమంతాలు నిర్వహించారు. కార్యక్రమానికి ముఖ్య అతిథిగా ఐసీడీఎస్‌ సూపర్‌వైజర్‌ శివకుమారి హాజరై మాట్లాడారు. గర్భిణులు పోషకాహారం తీసుకోవడం ఎంతో అవసరమన్నారు. తల్లి తీసుకునే పౌష్టికాహారం పైనే పుట్టబోయే బిడ్డ ఆరోగ్యం ఆధారపడి ఉంటుందన్నారు. నిత్యం ఆహారంలో ఆకుకూరలు, తాజా పండ్లు, కూరగాయలు, మాంసం వంటి పోషక విలువలు కలిగిన ఆహారం భాగం చేసుకోవాలని సూచించారు. అల్లాదుర్గం(మెదక్‌): పేదలు ఉచిత న్యాయ సేవలను సద్వినియోగం చేసుకోవాలని జూనియర్‌ సివిల్‌ జడ్జి సుచరిత అన్నారు. శుక్రవారం స్థానిక కోర్టులో జాతీయ న్యాయ సేవా దినోత్సవాన్ని నిర్వహించారు. ఈసందర్భంగా ఆమె మాట్లాడుతూ.. సమాజంలోని ప్రతి ఒక్కరూ చట్టాలపై అవగాహన కలిగి ఉండాలన్నారు. చట్టపరమైన సమస్యలు ఎదురైనప్పుడు వాటిని పరిష్కరించుకునేందుకు, చట్టబద్ధమైన మార్గాలను అనుసరించాలని సూచించారు. మండల లీగల్‌ సర్వీస్‌ కమిటీ ద్వారా గ్రామీణ ప్రాంత ప్రజలకు ఉచిత న్యాయ సహాయం అందుబాటులో ఉందని, ఆర్థిక స్థోమత లేని పేదలు ఈ అవకాశాన్ని సద్వినియోగం చేసుకోవాలన్నారు. కార్యక్రమంలో న్యాయవాదులు, లోక్‌ అదాలత్‌ బెంచ్‌ మెంబర్‌ అంజయ్య, సంగయ్య, కోర్టు సూపరింటెండెంట్‌ పద్మావతి, లీగల్‌ సర్వీస్‌ సిబ్బంది ఆంజనేయులు తదితరులు పాల్గొన్నారు.

విద్యార్థినులతో ఉపాధ్యాయుల అసభ్య ప్రవర్తనపవిత్ర వృత్తికి కొంతమంది ఉపాధ్యాయులు కళంకం తెస్తున్నారు. విద్యార్థులకు విద్యాబుద్ధులు నేర్పి భవితకు బాటలు వేయాల్సిన వారే పక్కదారి పడుతున్నారు. గత నెలలో ఓ ఉపాధ్యాయుడి వేధింపులు భరించలేక పలువురు విద్యార్థినులు ఏకంగా 1098 నంబర్‌కు ఫోన్‌ చేసి ఫిర్యాదు చేశారు. ఆఘటన జరిగి నెలరోజులు గడవక ముందే ఇటీవల మరో విద్యార్థిని పట్ల టీచర్‌ ఆసభ్యంగా ప్రవర్తించారు. విచారణ జరిపిన సదరు అధికారులు తాజాగా ఆ ప్రబుద్ధుడిని సస్పెండ్‌ చేశారు. – మెదక్‌జోన్‌జిల్లాలోని ప్రభుత్వ పాఠశాలల్లో విధులు నిర్వర్తించే కొందరు గురువుల తీరు మొత్తం ఉపాధ్యాయ లోకాన్నే విస్మయానికి గురి చేస్తోంది. కన్నబిడ్డల్లా చూడాల్సిన విద్యార్థినుల అసభ్యంగా ప్రవర్తిస్తూ పవిత్ర వృత్తికే కళంకం తెస్తున్నారు. నెలరోజుల క్రితం పాపన్నపేట మండలంలోని ఓ ఉన్నత పాఠశాలలో తెలుగు టీచర్‌ విద్యార్థినుల పట్ల అసభ్యంగా ప్రవర్తించటంతో బాధిత విద్యార్థినులు గర్ల్‌ అండ్‌ చైల్డ్‌ కమిటీకి ఫిర్యాదు చేశారు. స్పందన లేకపోవటంతో ఏకంగా 1098 టోల్‌ఫ్రీ నంబర్‌కు ఫోన్‌ చేసి ఫిర్యాదు చేశారు. విచారణ చేపట్టిన అధికారులు నిజమని తేలడంతో అతడిని సస్పెండ్‌ చేశారు. అది జరిగి నెలరోజులు గడవక ముందే ఇటీవల వెల్దుర్తి మండలం ఏదుల్లపల్లి ప్రాథమిక పాఠశాలలో మరో ఉపాధ్యాయుడు విద్యార్థినులను బ్యాడ్‌ టచ్‌ చేయటంతో పాటు వంట నిర్వాహకులతో అసభ్యంగా ప్రవర్తించాడు. దీంతో విద్యార్థినులు తల్లిదండ్రులకు చెప్పడంతో వారు వచ్చి హెచ్‌ఎంకు ఫిర్యాదు చేశారు. విచారణ చేపట్టిన ఉన్నతాధికారులు నిజమని తేలటంతో తాజాగా అతడిని సస్పెండ్‌ చేశారు. అయితే ఆ టీచర్‌ గతంలో ఇదే మండలం యశ్వంతరావుపేట ఉన్నత పాఠశాలలో పనిచేసిన సమయంలోనూ విద్యార్థినుల పట్ల ఇదే విధంగా ప్రవర్తించినట్లు తెలిసింది. దీంతో సదరు ఉపాధ్యాయుడిని వర్క్‌ అడ్జెస్ట్‌మెంట్‌లో భాగంగా ఇక్కడికి పంపించారు. అయినా అతడిలో మార్పు రాకపోవడంతో సస్పెండ్‌కు గురయ్యారు. శాశ్వతంగా తొలగించాలి! గతంలోనూ హవేళిఘణాపూర్‌ మండలం కూచన్‌పల్లి, పాపన్నపేట మండలం పొడ్చన్‌పల్లిలోనూ ఇదే విధంగా విద్యార్థినులను టీచర్లు వేధించిన ఘటనలు ఉన్నాయి. వారిని సస్పెండ్‌ చేసినా అఘాయిత్యాలు మాత్రం ఆగటం లేదు. తాత్కాలిక చర్యల్లో భాగంగా సస్పెండ్‌ చేయటంతో వారు పైరవీలు చేసుకొని మళ్లీ విధుల్లో చేరుతున్నారు. అయితే విధుల నుంచి శాశ్వతంగా బహిష్కరిస్తే మిగితా వారు అలాంటి తప్పు చేయాలంటేనే జంకుతారని పలువురు పేర్కొంటున్నారు. కొన్ని ఉపాధ్యాయ సంఘాల బాధ్యులు సైతం ఇలాంటి వారికి అండగా నిలుస్తున్నల్లు తెలుస్తోంది. పాపన్నపేట మండలంలో సస్పెండ్‌ అయిన టీచర్‌ను విధుల్లోకి తీసుకోవాలంటూ పెద్ద ఎత్తున పైరవీలు చేయటంతో నెల రోజులు గడవక ముందే విధుల్లోకి తీసుకున్నట్లు తెలిసింది. ముందుకు రాని పేరెంట్స్‌ విద్యార్థినుల పట్ల అసభ్యంగా ప్రవర్తించిన ఉపాధ్యాయులపై ఫిర్యాదు చేసేందుకు తల్లిదండ్రులు ముందుకు రావటం లేదు. దీంతో తప్పు చేసిన కీచక టీచర్లు తప్పించుకుంటున్నారు. ఏదుల్లపల్లి ప్రభుత్వ పాఠశాలలో మైనర్‌ విద్యార్థిని బ్యాడ్‌ టచ్‌ చేసిన టీచర్‌పై కేసు పెడితే ‘పోక్సో’ ప్రకారం అతడికి జైలు శిక్షతో పాటు ఉద్యోగం కోల్పోయేవారని ఓ పోలీస్‌ ఉన్నతాధికారి ఒకరు తెలిపారు. నెలరోజులు గడవకముందే జిల్లాలో మరో ఘటన సదరు టీచర్‌ను సస్పెండ్‌ చేసిన అధికారులు తాత్కాలిక చర్యలతో సరి.. పైరవీలతో విధుల్లోకి ఆందోళనలో తల్లిదండ్రులువెల్దుర్తి మండలం ఏదుల్లపల్లి పాఠశాలలో విద్యార్థినుల పట్ల అసభ్యంగా ప్రవర్తించిన సదరు ఉపాధ్యాయుడిని సస్పెండ్‌ చేశాం. పవిత్రమైన వృత్తిలో ఉంటూ సభ్య సమాజం తలదించుకునేలా తప్పుడు పనులు చేస్తే కఠిన చర్యలు తప్పవు. – రాజు, డీఈఓ

మెదక్‌ కలెక్టరేట్‌: ప్రభుత్వ లక్ష్యాలకనుగుణంగా అధికారులు పనిచేయాలని కలెక్టర్‌ ప్రతిమాసింగ్‌ అన్నారు. శుక్రవారం హైదరాబాద్‌ నుంచి సీఎస్‌ సంజయ్‌ జాజు వివిధ ప్రభుత్వ పథకాల అమలు, నిధుల వినియోగం లక్ష్యాల సాధనపై వీడియో కాన్ఫరెన్స్‌ నిర్వహించగా, అధికారులతో కలిసి కలెక్టర్‌ పాల్గొన్నారు. అనంతరం సంబంధిత అధికారులతో మాట్లాడారు. పీఎం శ్రీ పాఠశాలల్లో పెండింగ్‌ పనులను త్వరితగతిన పూర్తి చేయాలని ఆదేశించారు. అందుబాటులో ఉన్న నిధులను సమర్థవంతంగా వినియోగించుకోవాలని సూచించారు. పాఠశాలల్లోని గ్రంథాలయాల్లో విద్యార్థులకు విజ్ఞానాన్ని పెంపొందించేలా పుస్తకాలు అందుబాటులో ఉంచాలన్నారు. గ్రామాల్లో వ్యక్తిగత ఇంకుడు గుంతలు, బోర్‌ వెల్‌ రీఛార్జ్‌, పంట కుంటల నిర్మాణాలపై ప్రత్యేక దృష్టి సారించాలని సూచించారు. అదే విధంగా భూసేకరణ ప్రక్రియలో పెండింగ్‌ అంశాలను పరిష్కరించాలన్నారు. ఇందిరమ్మ ఇళ్ల రెండో విడత మంజూరు ప్రక్రియను వేగవంతం చేయాలన్నారు. చేయూత పింఛన్లకు సంబంధించి పెండింగ్‌లో ఉన్న పరిశీలన ప్రక్రియను వేగంగా పూర్తి చేయాలన్నారు. జలసిరి పనుల పూర్తిపై ప్రత్యేక కార్యాచరణతో ముందుకు వెళ్లాలన్నారు. వీడియో కాన్ఫరెన్స్‌లో అదనపు కలెక్టర్‌ నగేశ్‌, జెడ్పీ సీఈఓ ఎల్లయ్య, డీఆర్‌ఓ అంబదాస్‌ రాజేశ్వర్‌, డీఆర్డీఓ పీడీ శ్రీనివాసరావు, డీఈఓ రాజు పాల్గొన్నారు.కలెక్టర్‌ ప్రతిమాసింగ్‌

నర్సాపూర్‌ రూరల్‌: చదువుతో పాటు క్రీడల్లోనూ రాణించాలని ఎంపీ రఘునందన్‌ రావు విద్యార్థులకు సూచించారు. శుక్రవారం మండలంలోని చిప్పల్‌తూర్తి కేజీబీవీ, కళాశాలలో హెటిరో డ్రగ్స్‌ కంపెనీ సౌజన్యంతో ఏర్పాటు చేసిన ఆర్‌ఓ ప్లాంట్‌ను ఆయన ప్రారంభించి మాట్లాడారు. ప్రస్తుత పోటీ ప్రపంచంలో విద్యార్థులు చదువుతో పాటు క్రీడలు, ఇతర రంగాల్లో రాణించి ఉన్నత శిఖరాలను అధిరోహించాలన్నారు. పీటీ ఉషను ఆదర్శంగా తీసుకోవాలన్నారు. అనంతరం పాఠశాల ఆవరణలో మొక్కలు నాటారు. కార్యక్రమంలో బీజేపీ జిల్లా అధ్యక్షుడు వాల్దాస్‌ మల్లేశ్‌గౌడ్‌, జిల్లా కార్యదర్శి సంగసాని సురేశ్‌, జిల్లా కోశాధికారి ఆంజనేయులు గౌడ్‌, ఎస్టీ మోర్చా జిల్లా అధ్యక్షుడు రాములు నాయక్‌, మండల అధ్యక్షుడు నాగేశ్‌, కన్వీనర్‌ ప్రేమ్‌ కుమార్‌ తదితరులు పాల్గొన్నారు.ఎంపీ రఘునందన్‌ రావు

మెదక్‌ కలెక్టరేట్‌: కలెక్టరేట్‌లోని జిల్లా మైనార్టీ శాఖలో కాంట్రాక్ట్‌ సిబ్బంది ఒక్కరే విధులు నిర్వర్తిస్తున్నారు. జిల్లా అధికారి, సూపరింటెండెంట్‌, సీనియర్‌ అసిస్టెంట్‌, కంప్యూటర్‌ ఆపరేటర్‌, అటెండర్‌ పోస్టులు ఖాళీగా ఉన్నాయి. బీసీ వెల్ఫేర్‌ అధికారి ఇన్‌చార్జి బాధ్యతలు నిర్వహిస్తుండగా, కార్పొరేషన్‌ శాఖకు చెందిన కంప్యూటర్‌ ఆపరేటర్‌ అన్నీ తానై విధులు నిర్వహిస్తున్నారు. గత రెండేళ్లుగా శాఖలో రెగ్యులర్‌ అధికారి లేకపోవడం గమనార్హం. మొదట నుంచి సీనియర్‌ అసిస్టెంట్‌ సూపర్‌వైజర్‌ పోస్టులు ఖాళీగానే ఉన్నాయి. కనీసం అటెండర్‌ కూడా లేకపోగా, కంప్యూటర్‌ ఆపరేటర్‌గా పనిచేస్తున్న మహిళ ప్రసూతి సెలవులకు వెళ్లడంతో శాఖ మొత్తం ఖాళీ అయినట్లు అయింది. ఇక ఏళ్ల తరబడి కార్యాలయంలో సూపరింటెండెంట్‌, సీనియర్‌ అసిస్టెంట్‌, అటెండర్‌ పోస్టులు ఖాళీగానే ఉన్నాయి. జిల్లా అధికారులు లేకపోవడంతో మైనార్టీలు తమ సమస్యలు ఎవరికి చెప్పుకోవాలని ఆవేదన వ్యక్తం చేస్తున్నారు. ఇప్పటికై నా కలెక్టర్‌ స్పందించి మైనార్టీ సంక్షేమ శాఖలోని ఖాళీలను వెంటనే భర్తీ చేయాలని కోరుతున్నారు.మిగతా అన్ని పోస్టులు ఖాళీ

పాపన్నపేట(మెదక్‌): డిజిటల్‌ సర్వేతో భూ వివాదాలకు చెక్‌ పడుతుందని మెదక్‌ ఆర్డీఓ రమాదేవి అన్నారు. శుక్రవారం మండల పరిధిలోని ముద్దాపూర్‌లో జరుగుతున్న డిజిటల్‌ భూ సర్వేను పరిశీలించారు. ఈసందర్భంగా ఆమె మాట్లాడుతూ.. భూ వివాదాలు, సరిహద్దు తగాదాలు, రికార్డుల్లో తప్పిదాలకు పూర్తిస్థాయిలో అడ్డుకట్ట వేసేందుకు ప్రభుత్వం డిజిటల్‌ సర్వే ప్రారంభించిందన్నారు. అధునాతన సాంకేతిక పరిజ్ఞానంతో జరిపే కొలతలు ఖచ్చితత్వాన్ని కలిగి ఉంటాయన్నారు. భవిష్యత్తులో భూ సమస్యలు రాకుండా ఉంటాయన్నారు. భవిష్యత్తులో సమస్యలు రాకుండా జాగ్రత్తగా కొలతలు తీయాలని సిబ్బందికి సూచించారు. ఆమె వెంట తహసీల్దార్‌ సతీశ్‌కుమార్‌, సిబ్బంది, రైతులు ఉన్నారు.

చిలప్‌చెడ్‌(నర్సాపూర్‌): విద్యుత్‌ కోతలతో చేతికొచ్చిన పంటలు నష్టపోయి రైతులు అరిగోస పడుతున్నా ప్రభుత్వానికి పట్టడం లేదని మాజీ మంత్రి హరీశ్‌రావు విమర్శించారు. శుక్రవారం ఎమ్మెల్యే సునీతారెడ్డితో కలిసి మండలంలోని అంతారం, సామ్లాతండా, సోమక్కపేట్‌, గంగారం శివారులలో ఎండిపోయిన పంటలను క్షేత్రస్థాయిలో పరిశీలించి రైతులతో మాట్లాడారు. ఎంత అప్పు చేశారు..? ఏ కారణాలతో పంటలు ఎండిపోయాయని ఆరా తీశారు. విద్యుత్‌ కోతలతో మోటార్లు కాలిపోవడంతో అదనపు ఖర్చులయ్యాయని, రూ. లక్షలోపు ఉన్నా రుణమాఫీ జరగలేదని రైతులు వివరించారు. మార్పు, మార్పు అన్న రేవంత్‌రెడ్డి రైతులకు చేసిందేమిలేదన్నారు. పచ్చని పొలాలతో ఉండే చిలప్‌చెడ్‌ మండలం, 50 శాతం పైగా పంటలు ఎండిపోవడానికి కాంగ్రెస్‌ ప్రభుత్వమే కారణమన్నారు. కేసీఆర్‌ అమలుల్లోకి తీసుకువచ్చిన రైతుబీమా పథకాన్ని తుంగలో తొక్కి, చనిపోయన రైతుల కుటుంబాలను ఆవేదనకు గురిచేస్తున్నారని మండిపడ్డారు. బాలింతలకు కనీసం కిట్లు ఇవ్వలేని దీనస్థితిలో ప్రభుత్వం ఉందన్నారు. కాంగ్రెస్‌ మెడలు వంచి అయినా రైతులకు నష్టపరిహారం అందేలా చేస్తామన్నారు. కార్యక్రమంలో సంగారెడ్డి ఎమ్మెల్యే చింతా ప్రభాకర్‌, బీఆర్‌ఎస్‌ మండల పార్టీ అధ్యక్షుడు ఆశోక్‌రెడ్డి, ఉపాధ్యక్షుడు లక్ష్మణ్‌, సర్పంచ్‌లు అనిల్‌, బలవంత్‌రెడ్డి, కున్యానాయక్‌, రాములు, సొసైటీ చైర్మన్‌ ధర్మారెడ్డి, నాయకులు ఉమన్నగారి దేవేందర్‌రెడ్డి, దుర్గారెడ్డి, నాయకులు తదితరులు, పాల్గొన్నారు. ఎంత సాగుచేశారు.. పండింది ఎంత? కౌడిపల్లి(నర్సాపూర్‌): ఎంత సాగుచేశారు.. పండింది ఎంత అని రైతులను మాజీ మంత్రి హరీశ్‌రావు, ఎమ్మెల్యే సునీతారెడ్డి అడిగి తెలుసకున్నారు. శుక్రవారం చిలప్‌చెడ్‌ పర్యటనకు వెళ్తూ మార్గమధ్యలో మండలంలోని నాగ్సాన్‌పల్లి, కొత్తచెరువుతండా వద్ద రైతులను చూసి ఆగారు. రెండెకరాలు సాగుచేయగా, ఎకరం మాత్రమే పండిందని, బోరు బావిలో నీళ్లున్నా, కరెంట్‌ లేక పంట ఎండిందని రైతులు వాపోయారు. కొనుగోలు కేంద్రాలు ఏర్పాటు చేశారా..? ధాన్యం కొంటున్నారా అని ఆరా తీశారు. కార్యక్రమంలో బీఆర్‌ఎస్‌ మండల పార్టీ అధ్యక్షుడు సార రామాగౌడ్‌, సర్పంచ్‌లు పద్మ, ఎల్లం,కుత్‌బొద్దీన్‌, నాయకులు శంకర్‌నాయక్‌, రామాంజనేయులు, నర్సింలు తదితరులు పాల్గొన్నారు. మాజీ మంత్రి హరీశ్‌రావు ఫైర్‌ ఎమ్మెల్యే సునీతారెడ్డితో కలిసి ఎండిన వరి పంటల పరిశీలన

రామాయంపేట(మెదక్‌)/నిజాంపేట: ఇందిరమ్మ లబ్ధిదారులకు ఇక నుంచి రూ. 230కే సిమెంట్‌ బస్తా అందజేస్తామని ఎమ్మెల్యే మైనంపల్లి రోహిత్‌ అన్నారు. శుక్రవారం రామాయంపేటలో లబ్ధిదారులకు కల్యాణలక్ష్మి చెక్కులతో పాటు స్మార్ట్‌ రేషన్‌ కార్డులను పంపిణీ చేసి మాట్లాడారు. గత ప్రభుత్వ హయాంలో అభివృద్ధి పూర్తిగా కుంటుపడిందని, ఫలితంగా ప్రజలు ఇబ్బందులు పడ్డారని ఆరోపించారు. రామాయంపేటలో ప్రతిష్టాత్మకంగా రూ. 200 వందల కోట్లతో యంగ్‌ ఇండియా స్కూల్‌ నిర్మాణంతో పాటు పట్టణంలోని సర్కిళ్ల సుందరీకరణ పనులు కొనసాగుతున్నాయని తెలిపారు. కాంగ్రెస్‌ అధికారంలోకి వచ్చిన తర్వాత అన్ని గ్రామాల్లో అభివృద్ధి జరుగుతుందన్నారు. అంతకుముందు గుల్పర్తిలో నిర్మాణం పూర్తయిన ఇందిరమ్మ ఇంటిని, మార్కెట్‌ కమిటీ కార్యాలయంలో ధాన్యం కొనుగోలు కేంద్రాన్ని ప్రారంభించారు. కార్యక్రమంలో మున్సిపల్‌ చైర్‌పర్సన్‌ లావణ్య, వైస్‌ చైర్‌పర్సన్‌ నవనీత, తహసీల్దార్‌ రజని, సహకార సంఘం చైర్మన్‌ బాదె చంద్రం, కాంగ్రెస్‌ మండలశాఖ అధ్యక్షుడు మహేందర్‌రెడ్డి, పట్టణశాఖ అధ్యక్షుడు స్వామి, కౌన్సిలర్లు, సర్పంచ్‌లు, అధికారులు పాల్గొన్నారు. అలాగే నిజాంపేట మండల పరిధిలోని చౌకత్‌పల్లిలో ఎమ్మెల్యే రోహిత్‌ పర్యటించారు. నూతన పంచాయతీ భవనం, ఎంపీపీఎస్‌ స్కూల్‌ ప్రహరీని ప్రారంభించారు. అనంతరం కల్వకుంటలో సొసైటీ ఆధ్వర్యంలో ఏర్పాటు చేసిన ధాన్యం కొనుగోలు కేంద్రాన్ని ప్రారంభించి, మండల కేంద్రంలోని రైతు వేదికలో ఇందిరమ్మ లబ్ధిదారులకు పట్టాలు, స్మార్ట్‌ రేషన్‌ కార్డులను పంపిణీ చేశారు. కార్యక్రమంలో తహసీల్దార్‌ శ్రీనివాస్‌, ఇన్‌చార్జి ఎంపీడీఓ ముజాహిద్‌, ఎంపీఓ రజినీకాంత్‌ రెడ్డి, వ్యవసాయ అధికారి సోమలింగారెడ్డి, వివిధ గ్రామాల సర్పంచ్‌లు పాల్గొన్నారు. ఎమ్మెల్యే మైనంపల్లి రోహిత్‌ ఇందిరమ్మ లబ్ధిదారులకు రూ. 230కే సిమెంట్‌ బస్తా

● కరెంట్‌ మోటార్‌ ఏర్పాటు చేసి చౌర్యం ● దర్జాగా ‘వాల్టా’కు తూట్లు ● పట్టించుకోని అధికారులు నర్సాపూర్‌: పంట పొలాలకు నీరివ్వడానికి అనుమతులు లేవంటున్న అధికారులు ఓ రిసార్ట్‌ నిర్వాహకులు చెరువు నీటిని అక్రమంగా వాడుకుంటున్నా చర్యలు తీసుకోవడం లేదు. ‘వాల్టా’ను దర్జాగా ఉల్లంఘిస్తున్నా ఉదాసీనంగా వ్యవహరిస్తున్నారనే ఆరోపణలు వ్యక్తమవుతున్నాయి. మున్సిపాలిటీకి చెందిన రాయరావు చెరువును ఆనుకొని ఉన్న అటవీ భూమిలో ఓ వ్యాపార సంస్థ ‘అనమ్‌కార’ పేరుతో కాటేజీలు నిర్మించి అద్దెకు ఇస్తుంది. కాటేజీల కింద నీరుండే విధంగా వాటి నిర్మాణం చేపట్టారు. సొంత బోర్ల నుంచి నీటిని తోడి కాటేజీల కింద నీరు నింపాల్సి ఉండగా, చెరువులో అక్రమంగా కరెంట్‌ మోటార్‌ పెట్టి పైపులైన్‌ ద్వారా నీటిని నింపుతున్నారు. చెరువుపై ఇరిగేషన్‌ అధికారుల పర్యవేక్షణ కరువైందని పలువురు ఆరోపిస్తున్నారు. మొక్కుబడిగా చర్యలు రాయరావు చెరువులో కరెంట్‌ మోటారు ఏర్పాటుచేసి పైపులైన్‌ ద్వారా నీటిని రిసార్ట్‌కు సరఫరా చేస్తున్న వీడియోలు గురువారం సోషల్‌ మీడియాలో కొందరు రైతులు పోస్టు చేశారు. అంతేగాక చెరువు నీటిని అక్రమంగా వ్యాపార సంస్థ వాడుకుంటుందని మున్సిపల్‌ కమిషనర్‌, నీటి పారుదల శాఖ అధికారులు, పోలీసులకు ఫిర్యాదు చేశారు. రైతులు పోస్టులతో పాటు ఫిర్యాదు చేయడంతో ఇరిగేషన్‌ అధికారులు స్పందించారు. తమ సిబ్బందితో పాటు ఇతర శాఖల సిబ్బందిని కాటేజీల వద్దకు పంపి మోటార్‌ స్వాధీనం చేసుకొని పోలీసులకు అప్పగించారు. అయితే నిర్వాహకులపై మాత్రం ఎలాంటి చర్యలు తీసుకోలేదని తెలిసింది. చర్యలు తీసుకుంటాం: ఇరిగేషన్‌ ఏఈ రాయరావు చెరువు నుంచి రిసార్ట్‌ నిర్వాహకులు నీటిని వాడుకుంటున్న విషయం తమకు తెలియదని ఇరిగేషన్‌ ఏఈ సునీత తెలిపారు. రైతులు ఫిర్యాదు చేయడంతో తమ సిబ్బందిని పంపి కరెంట్‌ మోటార్‌ స్వాధీనం చేసుకుని పోలీసుల ఆధీనంలో ఉంచినట్లు చెప్పారు. ఉన్నతాధికారులకు సమాచారం ఇచ్చానని, వారి సూచనల మేరకు తదుపరి చర్యలు తీసుకుంటానని పేర్కొన్నారు.

అదనపు కలెక్టర్‌ నగేశ్‌ మెదక్‌ కలెక్టరేట్‌: ప్రభుత్వం ప్రవేశపెట్టిన నూతన ఈ–హెచ్‌ఆర్‌ఎంఎస్‌ విధానాన్ని అన్నిశాఖల్లో సమర్థవంతంగా అమలు చేసేందుకు పటిష్ట చర్యలు తీసు కుంటున్నామని అదనపు కలెక్టర్‌ నగేశ్‌ తెలిపారు. ఈ నూతన విధానంపై గురువారం కలెక్టరేట్‌లో అవగాహన, శిక్షణ కార్యక్రమం నిర్వహించారు. ఈసందర్భంగా అదనపు కలెక్టర్‌ మాట్లాడుతూ.. ప్రభుత్వ ఉద్యోగుల సర్వీసు రికార్డులు, వ్యక్తిగత వివరాలు, సేవా సంబంధిత కార్యకలాపాలను మరింత సమర్థవంతంగా, పారదర్శకంగా నిర్వహించేందుకు ఈ వి ధానం అమలు చేస్తున్నట్లు చెప్పారు. జిల్లా ఖజానా శాఖ అసిస్టెంట్‌ డైరెక్టర్‌ అనిల్‌ కుమార్‌ నూతన విధానం అమలుకు సంబంధించిన అంశాలను వివరించారు. అనంతరం జిల్లా సర్వే అండ్‌ లాండ్‌ రికార్డ్స్‌ అధికారి ఏడీ కిషన్‌ ఆధ్వర్యంలో భూముల రీ సర్వే ప్రక్రియపై లైసెన్స్‌ సర్వేయర్లతో సమీక్ష నిర్వహించారు. ఈసందర్భంగా అదనపు కలెక్టర్‌ పలు కీలక సూచనలు చేశారు. భూ రీ సర్వే ప్రక్రియ వేగంగా పూర్తి చేయాలని అధికారులను ఆదేశించారు. ఎలాంటి అవినీతికి తావులేకుండా, అత్యంత పారదర్శకంగా పూర్తి చేయాలన్నారు. సమావేశంలో అధికారులు, సర్వేయర్లు పాల్గొన్నారు.

● మహిళా సంఘాలతో ఏర్పాటు ● ఒక్కోదానికి రూ. 2.2 కోట్ల అంచనా ● చిరు ధాన్యాల సాగుకు ప్రోత్సాహకం సంగారెడ్డి జోన్‌: వ్యవసాయ రంగంలో చిరుధాన్యాల సాగును ప్రోత్సహిస్తూ మహిళా సంఘాల సభ్యులకు మరింత ఆదాయం పెంపొందించే దిశగా రాష్ట్ర ప్రభుత్వం అడుగులు వేస్తుంది. కోటి మంది మహిళలను కోటీశ్వరులను చేయడమే లక్ష్యంగా ప్రత్యేక పథకాలు అమలు చేస్తుంది. తాజాగా మిల్లెట్‌ కేఫ్‌లను ఏర్పాటు చేసేందుకు చర్యలు చేపట్టింది. దీంతో మహిళా స్వయం సంఘాల సభ్యులకు మరింత ఉపాధి, ఆదాయం లభించనుంది. పెరగనున్న సాగు విస్తీర్ణం మిల్లెట్‌ కేఫ్‌ల ఏర్పాటుతో జిల్లాలో చిరుధాన్యాలు సాగు విస్తీర్ణం పెరగనుంది. రాగులు, జొన్నలు, మినుములు, సజ్జలు, కొర్రలు, సామలు వంటి పంటలు జిల్లాలో 15 నుంచి 20 వేల ఎకరాల విస్తీర్ణంలో సాగవుతున్నాయి. సుమారు 20 ఏళ్ల క్రితం చిరుధాన్యాల సాగు విస్తీర్ణం సుమారు 40 వేల ఎకరాల వరకు ఉండేది. వాణిజ్య పంటలలో ప్రధాన పంట పత్తి సాగు విస్తీర్ణం పెరగడంతో క్రమంగా చిరుధాన్యాల సాగు విస్తీర్ణం తగ్గింది. ఎల్‌నినో నేపథ్యంలో వర్షాభావ పరిస్థితుల దృష్ట్యా తక్కువ నీటితో సాగయ్యే చిరుధాన్యాలతో పాటు ఇతర పంటలు సాగు చేయాలని ప్రభుత్వం నిర్ణయించింది. కేఫ్‌ల ఏర్పాటుతో క్రయవిక్రయాలు ఎక్కువగా జరగటంతో వీటికి ప్రాధాన్యత సంతరించుకుంటుంది. మరింత ఉపాధి, ఆదాయం మహిళా సంఘాలు ప్రారంభమైన మొదట్లో సభ్యులు చిన్న మొత్తంలో రుణాలు తీసుకొని చిన్న చిన్న వ్యాపారాలు నిర్వహించారు. మారుతున్న పరిస్థితులకు అనుగుణంగా ప్రభుత్వం అందించే పథకాలను అందిపుచ్చుకొని పెట్టుబడిదారులుగా మారి ఉపాధితో పాటు ఆదాయం పొందుతున్నారు. పాఠశాల విద్యార్థులకు యూనిఫాంలు కుట్టడం, కమ్యూనిటీ మేనేజ్‌మెంట్‌ ట్రైనింగ్‌ సెంటర్ల నిర్వహణతో పాటు ఇందిరా మహిళా శక్తి హోటల్‌ తదితర వ్యాపారాలు నిర్వహిస్తున్నారు. ప్రతి మండల సమాఖ్య ఆధ్వర్యంలో జిల్లావ్యాప్తంగా 26 బస్సులను కొనుగోలు చేసి ఆర్టీసీకి అద్దెకు ఇచ్చారు. ఈవిధంగా ప్రతి నెల ఒక్కో బస్సు ద్వారా రూ. 69,468 ఆదాయం పొందుతున్నారు. అదేవిధంగా సంగారెడ్డి పట్టణంలో జిల్లా సమాఖ్య ఆధ్వర్యంలో మహిళా పెట్రోల్‌ బంక్‌ను ఏర్పాటు చేసి నిర్వహణ చేస్తున్నారు. దీంతో సభ్యులు ఉపాధితో పాటు ఆదాయం పొందుతున్నారు. ఇప్పటికే పలుచోట్ల ఏర్పాటు ఆరోగ్యకరమైన అలవాట్లను ప్రోత్సహించడంతో పాటు చిరుధాన్యాల పోషక విలువలను నేటి తరానికి అందించాలనే లక్ష్యంతో ప్రభుత్వం మిల్లెట్‌ కేఫ్‌ల ఏర్పాటుకు నిర్ణయించింది.

కలెక్టర్‌ ప్రతిమాసింగ్‌ మెదక్‌ కలెక్టరేట్‌: ప్రతిబిడ్డ జీవితం అమూల్యమైందని.. పుట్టిన బిడ్డలను అనాథలుగా వదిలేసి వారి భవిష్యత్‌ను అంధకారంలోకి నెట్టొద్దని కలెక్టర్‌ ప్రతిమాసింగ్‌ గురువారం ఒక ప్రకటనలో పేర్కొన్నారు. పరిస్థితి ఏదైనా కావొచ్చు, ప్రతీ బిడ్డకు జీవించే హక్కు ఉందన్నారు. బిడ్డను పెంచలేని పరిస్థితి ఉంటే వెంటనే మహిళా, శిశు సంక్షేమ శాఖను సంప్రదించాలన్నారు. పిల్లలను అప్పగించే వారి వివరాలను పూర్తిగా గోప్యంగా ఉంచుతామన్నారు. అప్పుడే పుట్టిన బిడ్డలను చెత్తకుప్పల పాలు చేయొద్దని సూచించారు. అలాగే జిల్లాలో ఎల్‌నినో ప్రభావంతో నీటి ఎద్దడి, విద్యుత్‌ సమస్యలు ఎదురయ్యే అవకాశం ఉన్నందున రైతులంతా వరికి బదులు ఆరుతడి పంటలు వేసుకోవాలని కలెక్టర్‌ తెలిపారు. అందుబాటులో ఉన్న నీటి వనరులు, భూగర్భజలాల లభ్యతను అంచనా వేసుకున్న తర్వాతే పంటల సాగు చేపట్టాలని స్పష్టం చేశారు. త్వరలోనే లబ్ధిదారులకు పంపిణీ మెదక్‌ కలెక్టరేట్‌: గత కొన్ని రోజులుగా ఎదురుచూస్తున్న మహిళల కల నెరవేరే సమయం ఆసన్నమైంది. గతేడాది అర్హులైన ముస్లిం, మైనార్టీ మహిళలకు కుట్టు మిషన్లు అందజేసేందుకు అధికారులు నోటిఫికేషన్‌ జారీ చేశారు. దీంతో మెదక్‌, నర్సాపూర్‌ నియోజకవర్గాల నుంచి సుమారు 2 వేల మందికిపైగా దరఖాస్తు చేసుకున్నారు. ఎట్టకేలకు అభ్యర్థుల ఎంపిక పూర్తి కావడంతో మెదక్‌ నియోజకవర్గంలోని 250 మంది లబ్ధిదారులకు అందజేసేందుకు ప్రభుత్వం కుట్టు మిషన్లు సిద్ధం చేసింది. త్వరలోనే ఎమ్మెల్యే రోహిత్‌రావు చేతుల మీదుగా అందజేయనున్నారు. అయితే వీటిని మండలాల వారీగా తరలించి అక్కడే లబ్ధిదారులకు అందజేయనున్నట్లు జిల్లా మైనార్టీ వెల్ఫేర్‌ ఇన్‌చార్జి అధికారి ఉపేందర్‌ తెలిపారు. కాగా, నర్సాపూర్‌ నియోజకవర్గంలో 175 మంది లబ్ధిదారులను ఎంపిక చేసినప్పటికీ వారికి అందజేసేందుకు ఇంకా కుట్టు మిషన్లను ప్రభుత్వం సరఫరా చేయలేదని తెలిసింది. చేగుంట(తూప్రాన్‌): ఖేలో ఇండియా అస్మిత రగ్బీ రాష్ట్రస్థాయి పోటీల్లో మెదక్‌ జిల్లా జట్టు విజయం సాధించి మొదటి స్థానంలో నిలిచిందని గురువారం కోచ్‌ కరణం గణేశ్‌ రవికుమార్‌ తెలిపారు. ఈనెల 3, 4, 5 తేదీల్లో సంగారెడ్డి జిల్లాలోని వోక్సెన్‌ యూనివర్సిటీలో రాష్ట్రస్థాయి రగ్బీ పోటీలు నిర్వహించారు. ఈ పోటీల్లో అండర్‌–18 బాలికల విభాగంలో 12 జిల్లాలకు చెందిన క్రీడాకారుల పాల్గొనగా, మెదక్‌ మొదటి స్థానంలో నిలిచిందన్నారు. రెండో స్థానంలో నల్లగొండ, మూడోస్థానంలో ఖమ్మం జిల్లా జట్టు నిలిచిందన్నారు. ఈపోటీల్లో ఇండియా అబ్జర్వర్‌ నోయెల్‌ మ్యాత్యూ, డాక్టర్‌ అర్జున్‌ ప్రసాద్‌, రాంబాబు, టెక్నికల్‌ ఇన్‌చార్జి సాయిచరణ్‌, రాష్ట్ర రగ్బీ అసోసియేషన్‌ ప్రధాన కార్యదర్శి ఆదిత్య, యూనివర్సిటీ స్పోర్ట్స్‌ ఇన్‌చార్జి విజయ్‌ పాల్గొన్నారు. నర్సాపూర్‌ రూరల్‌: జిల్లాస్థాయి ఖోఖో విజేతగా మండలంలోని జక్కపల్లి మోడల్‌ స్కూల్‌ నిలిచింది. ఈనెల 3 నుంచి 5వ తేదీ వరకు మెదక్‌లో జరిగిన జిల్లాస్థాయి పీఎంశ్రీ క్రీడల్లో విద్యార్థులు ప్రతిభ కనబరిచి మొదటి స్థానంలో నిలిచారు. ఈసందర్భంగా విద్యార్థులను స్కూల్‌ ప్రిన్సిపాల్‌ ఫర్హానా, పీడీ అశోక్‌ కుమార్‌, అధ్యాపకులు అభినందించారు.

కొల్చారం(నర్సాపూర్‌): వానాకాలం సీజన్‌లో రైతులు పత్తిలో అంతర పంటగా కందిని సాగు చేశా రు. అయితే ఎల్‌నినో ప్రభావంతో ఈసారి వర్షాలు సరిగా కురువక పత్తి రైతులు తీవ్రంగా నష్టపోయారు. ఎకరం సాగు చేస్తే రెండు నుంచి మూడు క్వింటాళ్లు మాత్రమే దిగుబడి వచ్చిందని చెబుతున్నారు. ప్రస్తుతం కంది పంట కాయ తొడిగి విరగకాసింది. గింజ తొడుగుతున్న ప్రస్తుత తరుణంలో కొద్దిపాటి వర్షం పడినా పంట చేతికొస్తుందన్న గంపెడు ఆశతో రైతులు ఎదురుచూస్తున్నారు. అయితే రైతులను ఏ మేర వరుణ దేవుడు కరుణిస్తాడన్నది వేచి చూడాలి.

పాపన్నపేట(మెదక్‌): పాపన్నపేట ఎంపీడీఓ విష్ణువర్ధన్‌ గురువారం సస్పెన్షన్‌కు గురయ్యారు. మండల పరిధిలోని డాక్యా, రాజ్యా, ధంజ్యా, పోంలా తండాల ఉపాధి పనుల్లో (వీబీజీరామ్‌జీ) 790 మంది గిరిజనుల పేర్లు గల్లంతయ్యాయన్న ఆరోపణల నేపథ్యంలో ఈ చర్యలు తీసుకున్నారు. కరువు వేళ ఉపాధి పనులు చేయడానికి వారికి అవకాశం లేకుండా పోయిందని, గత సోమవారం డాక్యాతండా సర్పంచ్‌ స్వప్న ప్రజావాణిలో ఫిర్యాదు చేశారు. దీనిపై స్పందించిన పంచాయతీరాజ్‌ కమిషనర్‌ ఎంపీడీఓను సస్పెండ్‌ చేస్తూ ఉత్తర్వులు జారీ చేసినట్లు సమాచారం. ఈ విషయాన్ని జెడ్పీ సీఈఓ ఎల్లయ్య ధ్రువీకరించారు. అయితే 2022లో రాష్ట్ర సాఫ్ట్‌వేర్‌ నుంచి కేంద్ర సాఫ్ట్‌వేర్‌లోకి మారినప్పుడు ఉపాధి హామీ పనుల్లో పని చేస్తున్న వేలాది మంది జాబ్‌ కార్డులు మిస్‌ అయినట్లు తెలిసింది. ఆధార్‌, జాబ్‌ కార్డులు మిస్‌ మ్యాచ్‌ కావడంతో ఇవి తిరిగి నమోదు కాలేనట్లు సమాచారం. 2026 జూలైలో వీబీజీరాంజీ అమల్లోకి వచ్చాక, ఇటీవల 15 రోజుల క్రితం ఎల్‌నినో నేపథ్యంలో అర్హులైన వారందరికీ జాబ్‌ కార్డులు ఉండాలని కేంద్రం ఆదేశించింది. కాగా పాపన్నపేట మండలంలో వందలాది మంది పేర్లు జాబ్‌ కార్డుల్లో చేర్చినప్పటికీ, ఇప్పటికీ పలు గ్రామాల్లో వేలాది మందికి కార్డులు లేవని సమాచారం. ఇదిలాఉండగా ఎంపీడీఓ విష్ణువర్ధన్‌ స్థానంలో ఎంపీఓ శ్రీశైలంకు ఇన్‌చార్జి బాధ్యతలు అప్పగించారు.

జిల్లా వ్యవసాయ అధికారి దేవ్‌కుమార్‌ నర్సాపూర్‌ రూరల్‌: రసాయన ఎరువుల వాడకాన్ని పూర్తిగా తగ్గించి, సహజ వ్యవసాయం చేయాలని జిల్లా వ్యవసాయ అధికారి దేవ్‌కుమార్‌ రైతులకు సూచించారు. గురువారం మండలంలోని చిన్నచింతకుంట, జక్కపల్లి గ్రామాల్లో జాతీయ సహజ వ్యవసాయ మిషన్‌ పథకానికి ఎంపికై న రైతులకు కౌడిపల్లి మండలంలోని తునికి కృషి విజ్ఞాన కేంద్రంలో ఒక రోజు అవగాహన కార్యక్రమం నిర్వహించారు. ఈసందర్భంగా ఆయన మాట్లాడుతూ.. సహజ వ్యవసాయంతో భూసారం పెరగడంతో పాటు పర్యావరణ పరిరక్షణకు ఎంతగానో ఉపయోగపడుతుందని వివరించారు. పెట్టుబడులు తగ్గించుకోవడంతో పాటు దిగుబడులు పెంచుకునే అంశాలను తెలియజేశారు. రసాయన ఎరువులు, పురుగుల మందుల వాడకాన్ని పూర్తిగా తగ్గించాలని తెలిపారు. పంటల సాగులో అంతర పంటలు, జీవ జీవ వైవిధ్యాన్ని పెంపొందించడం వంటి అంశాలను కేవీకే శాస్త్రవేత్తలు రైతులకు వివరించారు. కార్యక్రమంలో ఏడీ సంధ్యారాణి, ఏఈఓలు తేజస్విని, రాజశేఖర్‌ గౌడ్‌, రైతులు పాల్గొన్నారు.

పెద్దశంకరంపేట(మెదక్‌): మండలంలో నెలకొన్న కరువు పరిస్థితులను దృష్టిలో ఉంచుకొని వెంటనే కరువు ప్రాంతంగా ప్రకటించాలని కోరుతూ గురువారం నారాయణఖేడ్‌ మాజీ ఎమ్మెల్యే మహారెడ్డి భూపాల్‌ రెడ్డి ఆధ్వర్యంలో మండల కేంద్రంలో ఆందోళన నిర్వహించారు. అనంతరం తహసీల్దార్‌ నారాయణకు వినతిపత్రం అందజేశారు. ఈసందర్భంగా భూపాల్‌ రెడ్డి మాట్లాడుతూ.. పంటలు ఎండిపోయి పెట్టుబడులు నష్టపోయిన రైతులను ప్రభుత్వం తక్షణమే ఆదుకోవాలని డిమాండ్‌ చేశారు. రైతుల సమస్యలను ప్రభుత్వం దృష్టికి తీసుకెళ్లి పరిష్కరించాల్సిన స్థానిక ఎమ్మెల్యే నిర్లక్ష్యంగా వ్యవహరిస్తున్నారని విమర్శించారు. రైతులకిచ్చిన హామీలను ప్రభుత్వం విస్మరించిందని, రైతుబంధు నిధులను వెంటనే విడుదల చేయాలన్నారు. పంట నష్టపోయిన వారికి నష్టపరిహారం అందించాలని, రైతుబీమా పథకాన్ని యథావిధిగా కొనసాగించాలని కోరారు. కార్యక్రమంలో మాజీ ఎంపీపీ జంగం శ్రీనివాస్‌, నాయకులు సురేశ్‌గౌడ్‌, సత్యనారాయణ, రమేశ్‌, దత్తు, జంగం రాఘవులు, సుభాశ్‌, రవీందర్‌, వెంకటరెడ్డి, సాయిలు, అంజయ్య, శంకరగౌడ్‌, నర్సింలు, హుస్సేన్‌ పాల్గొన్నారు. మాజీ ఎమ్మెల్యే భూపాల్‌రెడ్డి

కలెక్టర్‌ ప్రతిమాసింగ్‌హవేళిఘణాపూర్‌(మెదక్‌): ఎల్‌నినో ప్రభావంతో తాగునీటి ఎద్దడిని ఎదుర్కొనేందుకు ముందస్తుగా ఏర్పాట్లు చేస్తున్నట్లు కలెక్టర్‌ ప్రతిమాసింగ్‌ తెలిపారు. బుధవారం సర్ధన చెక్‌డ్యాంను పరిశీలించి మాట్లాడారు. గతంలో ఈ పంపింగ్‌ ద్వారా జక్కన్నపేటకు సరఫరా చేసి అక్కడి నుంచి 33 గ్రామాలకు సరఫరా చేసేందుకు వీలుంటుందన్నారు. సింగూ రు నుంచి నీటి సరఫరా బంద్‌ అయిన తర్వాత నీటి సరఫరా కోసం ప్రత్యామ్నాయంగా చెక్‌డ్యాం ద్వారా నీటిని సరఫరా చేసేందుకు ఏర్పాట్లను పర్యవేక్షించినట్లు చెప్పారు. సమస్యను అధిగమించేందుకు రాష్ట్ర ప్రభుత్వం జిల్లాకు రూ.42 కోట్లు మంజూరు చేసిందన్నారు. 3.5 కిలోమీటర్ల మేర సరఫరా చేసేందుకు చర్యలు చేపడుతున్నట్లు చెప్పారు. ప్రతీరోజు ఒక్కొక్కరికి 55 లీటర్ల చొప్పున తాగునీటిని అందించేందుకు ప్రణాళిక సిద్ధం చేసినట్లు వివరించారు. ఎల్‌నినో నేపథ్యంలో ప్రజలు నీటిని వృథా చేయకుండా ప్రజల్లో అవగాహన కల్పించాలని అధికారులకు సూచించారు. కార్యక్రమంలో సర్పంచ్‌ వినోద, ఆయా శాఖల మండల అధికారులు, మిషన్‌ భగీరథ గ్రిడ్‌ అధికారులు, ప్రజలు పాల్గొన్నారు. »»

అదనపు ఎస్పీ విక్రాంత్‌కుమార్‌ సింగ్‌తూప్రాన్‌: నేరాల నియంత్రణ, శాంతిభద్రతల పరిరక్షణే ధ్యేయంగా పట్టణంలోని డబుల్‌ బెడ్రూం కాలనీలో బుధవారం పోలీసులు కార్డెన్‌ సెర్చ్‌ నిర్వహించారు. అదనపు ఎస్పీ విక్రాంత్‌ కుమార్‌ సింగ్‌ నేతృత్వంలో 105 మంది సిబ్బంది ఏకకాలంలో 450కి పైగా ఇళ్లలో తనిఖీలు చేపట్టారు. సరైన పత్రాలు లేని 61 బైక్‌లు, 3 వాహనాలు కలిపి మొత్తం 64 వాహనాలను స్వాధీనం చేసుకున్నారు. ఈసందర్భంగా అదనపు ఎస్పీ మాట్లాడుతూ.. మాదకద్రవ్యాల గుర్తింపునకు నార్కోటిక్‌ డాగ్‌, పాత నేరస్తుల వేట కోసం అధునాతన ఫింగర్‌ ప్రింట్‌ డివైజ్‌లతో తనిఖీలు చేపట్టామన్నారు. ఈ సోదాలు సాధారణ ప్రజలను ఇబ్బంది పెట్టడానికి కాదని, వారి భద్రతకు పూర్తి భరోసా కల్పించడానికేనని స్పష్టం చేశారు. అసాంఘిక కార్యకలాపాలపై ప్రజలు వెంటనే పోలీసులకు సమాచారం ఇవ్వా లని కోరారు. కార్యక్రమంలో తూప్రాన్‌ డీఎస్పీ నరేందర్‌ గౌడ్‌, సీఐలు వెంకటరాజ్‌ గౌడ్‌, రంగకృష్ణ, షీ టీమ్స్‌, డాగ్‌ స్క్వాడ్‌ సిబ్బంది పాల్గొన్నారు.

జలసిరి పనుల నిర్లక్ష్యంపై డీఎల్‌పీఓ ఆగ్రహంకౌడిపల్లి(నర్సాపూర్‌): నాలుగు నెలలుగా చెబుతున్నా మీ పద్ధతి మారడం లేదు.. ఇలాగే నిర్లక్ష్యం చేస్తే కఠిన చర్యలు తప్పవని అధికారులపై డీఎల్‌పీఓ సురేశ్‌బాబు ఆగ్రహం వ్యక్తం చేశారు. బుధవారం కౌడిపల్లి రైతువేదికలో వీబీజీరాంజీ అధికారులు, పంచాయతీ కార్యదర్శులతో సమీక్ష నిర్వహించారు. ఈసందర్భంగా ఆయన మాట్లాడుతూ.. గ్రామాల్లో జలసిరి పనులు ప్రారంభించాలని, ఉపాధిహామీ కూలీల సంఖ్య పెంచాలని ఎన్నిసార్లు చెప్పినా పట్టించుకోవడం లేదన్నారు. సమీక్ష సమా వేశానికి ఫీల్డ్‌ అసిస్టెంట్లను రమ్మని చెప్పినప్పటికీ, రాకపోవడం నిర్లక్ష్యానికి నిదర్శనమన్నారు. ప్రభు త్వం భూగర్భజలాల అభివృద్ధికి జలసిరి పనులు ఇంటింటికీ ఇంకుడుగుంతలు, బోర్‌వెల్‌ రీఛార్జ్‌ గుంతలు, ఫాంపాండ్‌ పనులు చేపట్టాలని సూచించారు. అన్ని గ్రామాలు, తండాలలో కూలీల సంఖ్యను పెంచి పనులు సక్రమంగా చేయకపోతే శాఖాపరమైన చర్యలు తప్పవని హెచ్చరించారు. సమావేశంలో ఎంపీడీఓ శ్రీనివాస్‌, ఎంపీఓ రామారావు, ఏపీఓ పుణ్యదాస్‌, ఈసీ ప్రేంకుమార్‌ తదితరులు పాల్గొన్నారు.

రామచంద్రాపురం(పటాన్‌చెరు): జర్నలిస్టుల సమస్యల పరిష్కారానికి ఐక్య ఉద్యమం చేయాల్సిన అవసరం ఉందని ప్రెస్‌ అకాడమీ చైర్మన్‌ శ్రీనివాస్‌ రెడ్డి అన్నారు. బుధవారం పట్టణంలో టీయూడబ్ల్యూజే– ఐజేయూ రాష్ట్ర కార్యవర్గ సమావేశానికి ఆయన ముఖ్య అతిథిగా హాజరై మాట్లాడారు. జర్నలిస్టుల హక్కుల పరిరక్షణకు కృషి చేయాల్సిన బాధ్యత అందరిపైన ఉందన్నారు. బ్లాక్‌ మెయిలింగ్‌ వంటి చర్యలకు పాల్పడకుండా వృత్తి గౌరవాన్ని కాపాడాలన్నారు. జర్నలిస్టులకు ఇళ్ల స్థలాల కేటాయింపు విషయంపై జిల్లాస్థాయిలో పూర్తి వివరాలు సేకరించాలన్నారు. రెండు, మూడు రోజుల్లో ఆ వివరాలను ప్రభుత్వానికి అందించే విధంగా ప్రత్యేక చర్యలు తీసుకున్నట్లు తెలిపారు. మెట్రో రైలు, ఆర్టీసీ పాస్‌లకు సంబంధించిన జర్నలిస్టుల సమస్యలపై సంబంధిత అధికారులతో మాట్లాడి సమస్యను పరిష్కరిస్తామన్నారు. అనంతరం ఐజేయూ స్టీరింగ్‌ కమిటీ సభ్యుడు దేవులపల్లి అమర్‌ మాట్లాడుతూ.. ఢిల్లీలో జరిగిన సమావేశంలో సీఎం రేవంత్‌రెడ్డి దీపావళి సందర్భంగా అర్హతను బట్టి జర్నలిస్టులందరికీ ఇళ్ల స్థలాలు ఇస్తామని హామీ ఇచ్చినట్టు తెలిపారు. కార్యక్రమంలో టీయూడబ్ల్యూజే– ఐజేయూ రాష్ట్ర అధ్యక్షుడు విరహత్‌ అలీ, ప్రధాన కార్యదర్శి రాంనారాయణ, ఉపాధ్యక్షుడు ఫైజల్‌, జిల్లా అధ్యక్షుడు యాదిగిరి, ప్రధాన కార్యదర్శి అనిల్‌, ఎలక్ట్రానిక్‌ మీడియా అధ్యక్షుడు సయ్యద్‌ ఆసీఫ్‌ తదితరులు పాల్గొన్నారు.

హవేళిఘణాపూర్‌(మెదక్‌): మెదక్‌ పట్టణంలోని వెస్లీ కళాశాలలో నిర్వహించిన జిల్లాస్థాయి క్రీడలు రెండో రోజు కొనసాగాయి. బుధవారం జిల్లా స్థాయి పీఎంశ్రీ బాల బాలికల అండర్‌–17 ఖోఖో క్రీడలు నిర్వహించారు. 31 పాఠశాలలకు చెందిన 750 మంది విద్యార్థులు పాల్గొన్నారు. ఖోఖోలో కుసంగి మొదటి స్థానం, వాలీబాల్‌లో మొదటి విజేత టీజీఎంఎస్‌ జక్కపల్లి, బాలుర వాలీబాల్‌ పోటీల్లో టీజీఆర్‌ఎస్‌ తూప్రాన్‌, ఖోఖోలో టీజీఆర్‌ఎస్‌ తూప్రాన్‌ విద్యార్థులు మొదటి స్థానంలో విజేతలుగా నిలిచారు. కార్యక్రమానికి డీఈఓ రాజు హాజరై గెలుపొందిన విజేతలకు బహుమతులు అందజేశారు. కార్యక్రమంలో కో–ఆర్డినేటర్‌ సుదర్శన్‌మూర్తి, శ్రీనివాసరావు, మధుసూదన్‌, పీడీలు మాధవరెడ్డి, శ్యాం, శ్రీధర్‌రెడ్డి, దేవేందర్‌రెడ్డి, సత్యనారాయణ, రూపేందర్‌, విజయ్‌, కృష్ణ, కిషోర్‌, వినోద్‌ తదితరులు పాల్గొన్నారు.

● అకౌంట్లో నిధులు జమ అయినట్లు సందేశం ● బ్యాంకులకు క్యూ కట్టిన రైతులు ● టెక్నికల్‌ సమస్య అంటున్న అధికారులు అల్లాదుర్గం(మెదక్‌)/రేగోడ్‌(మెదక్‌): రైతు భరోసా నిధులు బ్యాంకు ఖాతాలో జమయ్యాయంటూ బుధవారం ప్రభు త్వం నుంచి సెల్‌ఫోన్లకు వచ్చిన మెసేజ్‌ చూసి రైతులు బ్యాంకులకు క్యూ కట్టారు. తీరా అకౌంట్‌ను పరిశీలించగా ఒక్క పైసా పడలేదు. దీంతో నిరాశగా ఇంటికి చేరుకున్నారు. అల్లాదుర్గం, అప్పాజీపల్లి తదితర గ్రామాలతో పాటు రేగోడ్‌ మండలంలోని రైతులకు ఇలాంటి మేసేజ్‌లు వచ్చాయి. ప్రభుత్వం రైతులను మోసం చేసేందుకే ఇలాంటి మేసేజ్‌లు పంపిస్తుందని అప్పాజీపల్లి సర్పంచ్‌ రవి ఆరోపించారు. ప్రస్తుతం ఈ మేసేజ్‌లు వాట్సాప్‌లో వైరల్‌ అవుతున్నాయి. కాగా, అప్పులు తీర్చుకోవచ్చని, వ్యవసాయ అవసరాలకు ఉపయోగించుకోవచ్చని గంపెడాశతో బ్యాంకులకు వెళ్లిన రైతులకు నిరాశే ఎదురైంది. ఇదే విషయమై వ్యవసాయాధికారులను ‘సాక్షి’ వివరణ కోరగా.. వ్యవసాయ శాఖలో సాంకేతిక లోపంతో మేసేజ్‌లు వచ్చినట్లు తెలిపారు. ఈ విషయం జిల్లా అధికారులు ధ్రువీకరించినట్లు చెప్పారు. ప్రభుత్వం రైతు భరోసా వేసే ముందు ప్రకటన జారీ చేయడంతో పాటు సమావేశాలు ఏర్పాటు చేస్తుందన్నారు.

పేదల గూడు గోడును తీర్చేందుకు రాష్ట్ర ప్రభుత్వం ప్రతిష్టాత్మకంగా అమలు చేస్తున్న ఇందిరమ్మ ఇళ్ల నిర్మాణం జిల్లాలో చురుగ్గా సాగుతోంది. ఇప్పటికే రెండు విడతల్లో కలిపి 11 వేలకు పైగా ఇళ్లను మంజూరు చేసింది. పూరి గుడిసె ఉన్న ప్రతి ఒక్కరికి ప్రాధాన్యతనిస్తోంది. గతంలో గోడల వరకు నిర్మించుకొని రేకులు వేసిన ఇళ్లకు సైతం స్లాబ్‌ కోసం రూ.2 లక్షలు మంజూరు చేస్తుంది. దీంతో పేదలు హర్షం వ్యక్తం చేస్తున్నారు. – మెదక్‌జోన్‌ జిల్లాలో మొదటి విడతలో 9 వేల మంది నిరుపేదలను గుర్తించి ప్రభుత్వం ఇళ్లు మంజూరు చేసింది. ఒక్కో ఇంటికి విడతల వారీగా రూ. 5 లక్షలను అందజేస్తుంది. వీటితో 400 నుంచి 600 చదరపు అడుగుల విస్తీర్ణంలో ఇంటిని నిర్మించుకునే నిబంధన ఉంది. అయితే ప్రభుత్వం ఇచ్చే నిధులకు మరికొన్ని జమ చేసి లబ్ధిదారులు ఇళ్లు కట్టుకుంటున్నారు. రెండో విడతలో మాత్రం పూరి గుడిసెలో నివసిస్తున్న 1,984 మందిని అధికారులు ఎంపిక చేశారు. మొత్తంగా జిల్లాలో 10,984 ఇళ్లు మంజూరయ్యాయి. వీటిలో 5,200 ఇళ్లు స్లాబ్‌ లెవెల్‌ వరకు పూర్తి కాగా, మరో 6 వందల పైచిలుకు గోడల వరకు, 890 బేసెమెంట్‌ లెవల్‌, మరో 1,500 ఇళ్లకు మార్కింగ్‌ ఇచ్చారు. ఇటీవల మంజూరైన ఇళ్లు కలుపుకొని ఇంకా 2,794 నిర్మాణ పనులు ప్రారంభించాల్సి ఉంది. పూరి గుడిసెలకు ప్రాధాన్యం ఇటీవల రెండో విడతలో భాగంగా జిల్లాలో పూరి గుడిసెల్లో ఉన్న పేదలకు ప్రాధాన్యం ఇచ్చారు. మొత్తం 1,984 మందిని గుర్తించి ఇళ్లు మంజూరు చేశారు. పూరి గుడిసెలు లేని జిల్లాగా మార్చడమే లక్ష్యంగా అధికారులు లబ్ధిదారులను ఎంపిక చేసి మంజూరు పత్రాన్ని అందించారు. ఇటీవల 600 మంది ఇంటి నిర్మాణానికి ముగ్గు పోసి ఇంటి నిర్మాణాలు ప్రారంభించారు. సగం గోడలకూ బిల్లులు ఆర్థిక స్థోమత లేని నిరుపేదలు గతంలో గోడల వరకు ఇంటిని నిర్మించుకొని వాటిపై రేకులు వేసుకొని జీవనం సాగిస్తున్నారు. ఇటీవల వారికి సైతం ఇందిరమ్మ పథకంలో రూ. 2 లక్షలు ప్రభుత్వం మంజూరు చేస్తోంది. దీంతో సదరు లబ్ధిదారుడు రేకులను తొలగించి గోడలపై స్లాబ్‌ వేసుకునేందుకు ఈ అవకాశం కల్పించినట్లు సంబంధిత అధికారులు చెబుతున్నారు. జిల్లాలో 317 మందిని గుర్తించామని, వారు ముందుకు వస్తే ఆ ఇంటిని పరిశీలించి రూ. 2 లక్షలు మంజూరి చేసి స్లాబ్‌ వేసుకునే విధంగా తగు చర్యలు తీసుకుంటామన్నారు. ఇది చక్కటి అవకాశం ఇందిరమ్మ పథకం ద్వారా లబ్ధిదారుడికి ప్రభు త్వం రూ. 5 లక్షలు ఇస్తోంది. ఇది చక్కటి అవకాశంగా భావించాలి. రెండో విడత లో పూరి గుడిసెలు ఉన్న వారికి ప్రాధాన్యం ఇచ్చాం. అదే విధంగా గతంలో గోడలు నిర్మించి రేకులు వేసుకున్న వారికి సైతం రూ. 2 లక్షలు అందజేస్తాం. దీనిని లబ్ధిదారులు సద్వినియోగం చేసుకోవాలి. – మాణిక్యం, హౌసింగ్‌ పీడీ

కొల్చారం(నర్సాపూర్‌): పశువులకు మెరుగైన వైద్యం అందించేందుకు సిబ్బంది ఎల్లప్పుడు అందుబాటులో ఉంటున్నారని జిల్లా పశు వైద్యాధికారి ఆదిత్యవర్మ తెలిపారు. బుధవారం మండలంలోని అంసాన్‌పల్లిలో పశువులకు నట్టల నివారణ మందు కార్యక్రమాన్ని ప్రారంభించి మాట్లాడారు. గొర్రెలు, మేకలు, దూడలు ఇతర పశువుల్లో ఉండే నట్టల నివారణకు మందు వేయించడం తప్పనిసరన్నారు. వైద్యుల సూచనల మేరకు నిర్ణీత కాలవ్యవధిలో నట్టల నివారణ మందు తాగించాలన్నా రు. అన్ని పశు వైద్యశాలల్లో మందు ఉచితంగా అందజేస్తామని వివరించారు. ఆయన వెంట మండల పశు వైద్యాధికారి వీరేశం, సిబ్బంది పాల్గొన్నారు. సజావుగా రీ సర్వే వెల్దుర్తి(తూప్రాన్‌): మండలంలోని శెట్టిపల్లి కలాన్‌లో బుధవారం ట్రైనీ డిప్యూటీ కలెక్టర్‌ ఎండీ. హమీద్‌ పాషా, తహసీల్దార్‌, అటవీశాఖ అధికారులు పర్యటించారు. ఈసందర్భంగా క్షేత్రస్థాయిలో అటవీ భూముల సరిహద్దులను పరిశీలించి హద్దులను నిర్ధారించారు. రీ సర్వే ను పకడ్బందీగా చేపట్టాలని అధికారులకు సూచించారు. అనంతరం రైతులతో మాట్లాడి వారి అభిప్రాయాలు తెలుసుకున్నారు. ప్రతి రోజూ రీ సర్వేను పరిశీలిస్తూ సజావుగా జరిగేలా పర్యవేక్షిస్తున్నట్లు అధికారులు తెలిపారు. నేడు విద్యుత్‌ సరఫరాలో అంతరాయం కొల్చారం(నర్సాపూర్‌): మండలంలోని అంసాన్‌పల్లి విద్యుత్‌ సబ్‌స్టేషన్‌ పరిధిలోని గ్రామాల్లో గురువారం విద్యుత్‌ సరఫరాలో అంతరాయం ఏర్పడనున్నట్లు ట్రాన్స్‌కో ఏఈ హైమద్‌ అలీ తెలిపారు. విద్యుత్‌ తీగల మరమ్మతులు, ఏబీ స్విచ్‌లు ఏర్పాటు చేయనున్నట్లు చెప్పారు. ఇందుకోసం సబ్‌స్టేషన్‌ పరిధిలో మధ్యాహ్నం 1 గంట నుంచి సాయంత్రం 5 గంటల వరకు విద్యుత్‌ సరఫరా నిలిపివేస్తున్నామని, వినియోగదారులు సహకరించాలని కోరారు. దరఖాస్తుల ఆహ్వానంమెదక్‌ కలెక్టరేట్‌: జిల్లా సీ్త్ర, శిశు సంక్షేమ శాఖ ఆధ్వర్యంలో అవుట్‌ సోర్సింగ్‌ పద్ధతిన పలు పోస్టులు భర్తీ చేయనున్నట్లు కలెక్టర్‌ ప్రతిమాసింగ్‌ బుధవారం ఒక ప్రకటనలో పేర్కొ న్నారు. జిల్లాలోని అర్హులైన నిరుద్యోగ యువత దరఖాస్తు చేసుకోవాలని తెలిపారు. మేనేజర్‌, కో ఆర్డినేటర్‌, సోషల్‌ వర్క్‌, సోషి యాలజీ, సైకాలజీ, సోషల్‌ వర్కర్‌, డాక్డర్‌, నర్స్‌, ఆయా, సెక్యూరిటీ వంటి పోస్టులు ఖాళీగా ఉన్నట్లు చెప్పారు. ఈనెల 14వ తేదీలోగా దరఖాస్తు చేసుకోవాలన్నారు. పూర్తి సమాచారం, దరఖాస్తు ఫారం కోసం కలెక్టరేట్‌లో సంప్రదించాలని సూచించారు. బడుగులు ఏకం కావాలి హవేళిఘణాపూర్‌(మెదక్‌): ఎస్సీ, ఎస్టీ, బీసీ మైనార్టీలు సమష్టిగా పోరాడి రాజకీయంగా ఉన్నత పదవులు సాధించేలా చైతన్యం కావాల్సిన అవసరం ఎంతైనా ఉందని ఆ సంఘం జాతీయ అధ్యక్షుడు అనిల్‌కుమార్‌ అన్నారు. బుధవారం మెదక్‌ ప్రెస్‌క్లబ్‌లో ఆయన విలేకరులతో మాట్లాడారు. రాష్ట్రంలో అగ్రవర్ణాల వారు మాత్రమే ఉన్నత పదవులు అనుభవిస్తున్నారని, 86 శాతం ఉన్న ఎస్సీ, ఎస్టీ, బీసీ, మైనార్టీలు వెనుకబడుతున్నారని వాపోయారు. సమష్టిగా కృషి చేస్తే అధికారం చేపట్టి బలహీన వర్గాల ప్రజలు అభివృద్ధి చెందేందుకు అవకాశం ఉంటుందన్నారు. తరతరాలుగా వెనుకబడిపోతున్న బడుగు, బలహీనవర్గాల ప్రజలు ఐక్యం కావాల్సిన సమయం ఆసన్నమైందని అన్నారు. కార్యక్రమంలో ఉమ్మడి జిల్లా రాష్ట్ర అధ్యక్షురాలు కళావతి, ఎస్సీ, ఎస్టీ, బీసీ, మైనార్టీ కుల సంఘాల నాయకులు పాల్గొన్నారు.

● తొలిసారిగా పంపిణీ ● జిల్లాలో 44 పాఠశాలలు ● 18,913 మంది విద్యార్థులు ప్రభుత్వ పాఠశాలల్లో నాణ్యమైన విద్యతో పాటు సకల సౌకర్యాలు కల్పించేందుకు ప్రభుత్వం చర్యలు చేపట్టింది. ఇప్పటికే టైలు, బెల్ట్‌లు, షూస్‌ అందించిన ప్రభుత్వం, తాజాగా స్టూడెంట్‌ డైరీల పంపిణీకి శ్రీకారం చుట్టింది. దీంతో ప్రైవేట్‌ పాఠశాలల్లో కనిపించే డైరీలు ప్రస్తుతం పీఎంశ్రీ పాఠశాలల్లో కనిపిస్తున్నాయి. – న్యాల్‌కల్‌(జహీరాబాద్‌) జిల్లాలో 812 ప్రాథమిక, 187 ప్రాథమికోన్నత, 218 ఉన్నత, 17 కేజీబీవీలు, 10 ఆదర్శ పాఠశాలలతో పాటు గురుకులాలతో కలిపి మొత్తం 1,249 ప్రభుత్వ పాఠశాలలు ఉన్నాయి. ఆయా పాఠశాలల్లో 1,11,160 మంది విద్యార్థులు చదువుతున్నారు. అందులో 44 పాఠశాలలు పీఎంశ్రీ పథకానికి ఎంపికయ్యాయి. వాటిలో 25 జెడ్పీహెచ్‌ఎస్‌లు, 4 మోడల్‌ స్కూల్స్‌, రెండు ప్రాథమిక పాఠశాలలు, ఒక కేజీబీవీతో పాటు సాంఘీక సంక్షేమ గురుకుల పాఠశాలలున్నాయి. వాటిలో 18,913 మంది విద్యార్థులు విద్యాభ్యాసం చేస్తున్నారు. వారందరికీ డైరీలను అందించేందుకు ప్రభుత్వం దృష్టి సారించింది. కాగా, పీఎంశ్రీ పాఠశాలలకు వచ్చిన స్టూడెంట్‌ డైరీలను ఆయా పాఠశాలలకు అధికారులు పంపిణీ చేస్తున్నారు. ఇప్పటి వరకు 50 శాతం మేర విద్యార్థులకు అందించినట్లు అధికారులు చెబుతున్నారు. మిగిలిన విద్యార్థులకు డైరీలు పంపిణీ కొనసాగుతుందని తెలిపారు. సమగ్ర సమాచారం పీఎంశ్రీ పాఠశాలల్లో చదువుతున్న విద్యార్థులకు మొట్టమొదటి సారిగా పంపిణీ చేస్తున్న స్టూడెంట్‌ డైరీల్లో విద్యార్థుల సమగ్ర సమాచారాన్ని అధికారులు పొందుపర్చారు. విద్యార్థి పేరు, తరగతి, పాఠశాల పేరు, పరీక్షలు, సెలవులు, పని దినాలు తదితర వివరాలతో పాటు విద్యార్థి వ్యక్తిగత వివరాలను కూడా డైరీలో నమోదు చేసుకునేందుకు ఆధార్‌, స్టూడెంట్‌ యూఐడీ నంబర్‌, పుట్టిన తేదీ, రూల్‌ నంబర్‌ అవకాశం కల్పించారు. పాఠశాల ప్రారంభం నుంచి ముగిసే వరకు పని దినాలు, సెలవులు తదితరాలను ప్రతి రోజు విద్యార్థులు డైరీలో రాయాలి. వాటికి ఉపాధ్యాయులు పరిశీలించి సంతకాలు చేయాలి. అంతేకాకుండా వాటిని తల్లిదండ్రులు పరిశీలించి అవసరమైన సలహాలు, సూచనలు అందించేందుకు డైరీలో వీలు కల్పించారు. 50 శాతం పంపిణీ జిల్లాలో 44 పీఎంశ్రీ పాఠశాలలు ఉన్నాయి. వాటిలో 18,913 మంది విద్యార్థులు చదువుతున్నారు. వారందరికీ స్టూడెంట్‌ డైరీలను పంపిణీ చేస్తున్నాం. ఇప్పటివరకు 50 శాతం మేర పాఠశాలలకు పంపిణీ చేశాం. డైరీల వల్ల విద్యార్థులకు ఎంతగానో మేలు జరుగనుంది. – రోహిణి, డీఈఓ

అదనపు ఎస్పీ విక్రాంత్‌కుమార్‌సింగ్‌చిన్నశంకరంపేట(మెదక్‌): నేరాల నియంత్రణకు నిరంతర పెట్రోలింగ్‌ నిర్వహించడంతోపాటు అనుమానస్పద వ్యక్తుల కార్యకలాపాలపై దృష్టి సారించాలని జిల్లా అదనపు ఎస్పీ విక్రాంత్‌కుమార్‌సింగ్‌ స్పష్టం చేశారు. చిన్నశంకరంపేట పోలీస్‌స్టేషన్‌ను మంగళవారం ఆయన ఆకస్మిక తనిఖీ చేశారు. ఈ సందర్భంగా పోలీస్‌ రికార్డులను, కేసుల పురగతిని పరిశీలించారు. పెండింగ్‌ కేసులను వెంటనే పరిష్కరించాలని సూచించారు. డ్రగ్స్‌, సైబర్‌ క్రైమ్‌పై ప్రజలను చైతన్యవంతం చేయాలన్నారు. రోడ్డు ప్రమాదాల నివారణకు ట్రాఫిక్‌ నిబంధనలపై ప్రజలకు అవగాహన కల్పించాలని కోరారు.

కొల్చారం(నర్సాపూర్‌): గిరిజనుల ప్రత్యేక సంస్కృతి, సాంప్రదాయాలకు ప్రతీకమైన జాతీయస్థాయి గోర్‌ మేళావో–2026ను మండలంలోని వసురాం తండాలో ఈ నెల 24,25వ తేదీల్లో నిర్వహిస్తున్నట్లు గిరిజన నాయకులు తెలిపారు. ఈ సందర్భంగా మండల కేంద్రంలో మంగళవారం ర్యాలీ నిర్వహించడంతోపాటు కార్యక్రమానికి సంబంధించి కరపత్రాలను ప్రదర్శించారు. బంజారా రాష్ట్ర నాయకులు అజ్మీర రాములునాయక్‌, కిషన్‌నాయక్‌ మాట్లాడుతూ..దేశంలోని వివిధ రాష్ట్రాల నుంచి, విదేశాల నుంచి గోర్‌ సమాజానికి చెందిన నాయకులతోపాటు ప్రజా ప్రతినిధులు, యువత పెద్ద సంఖ్య లో హాజరుకానున్నట్లు తెలిపారు. గోర్‌ సమాజ సాంప్రదాయాల పరిరక్షణ, సంస్కృతి, ఐక్యత, సామా జిక చైతన్య, విద్యా హక్కు తదితర అంశాలపై మేళాలో చర్చించనున్నట్లు తెలిపారు. గోర్‌ సమాజానికి చెందిన సేవాలాల్‌ మహారాజ్‌, లోకాలాల్‌ మహనీయుల ఆశయాలను స్మరించుకుంటూ సమాజాభివృద్ధికి కృషి చేయడమే ఈ మేళా ఉద్దేశమన్నారు. కార్యక్రమంలో వసురాం తండా సీతా రాం తండా సర్పంచ్‌లు వినోద్‌నాయక్‌, మోహన్‌నాయక్‌, జగన్‌నాయక్‌, రాజునాయక్‌ తదితరులు పాల్గొన్నారు.

ఎల్‌నినోతో ఈ ఏడాది జిల్లాలో వర్షపాతం అంతంతమాత్రంగానే నమోదైంది. పంటలకు నీటి తడులు కీలకమైన దశలో వర్షాలు ముఖం చాటేశాయి. దీనికితోడు విద్యుత్‌ అంతరాయాలు ఉత్పన్నం కావటంతో వరితోపాటు అనేక రకాల పంటలు ఎండిపోయాయి. కొందరు జనరేటర్లను ఏర్పాటు చేసుకోగా మరికొందరు ఏకంగా ట్యాంకర్ల ద్వారా నీటి తడులు అందించినప్పటికీ వేలాది ఎకరాల్లో పంటలు ఎండిపోయాయి. జిల్లావ్యాప్తంగా ఎక్కడ చూసినా ఇదే పరిస్థితి. అయితే అధికారులు మాత్రం విడ్డూరంగా కేవలం ఒకే ఒక్క మండలాన్ని కరువుగా ప్రకటించారు. అయితే సర్వత్రా ఆందోళనలతో ఇప్పుడు ఎండిన పంటలను సర్వేచేసి ప్రత్యేక యాప్‌లో నమోదు చేయాలని ప్రభుత్వం ఆదేశించటంతో అధికారులు సర్వే ప్రారంభించారు. – మెదక్‌జోన్‌ మెతుకు సీమ ప్రజల ప్రధాన జీవనాధారం వ్యవసాయం. ఇక్కడ 95% ప్రజలకు వ్యవసాయమే ఆధారం. ఈ ఏడాది జిల్లా వ్యాప్తంగా 3,63,019 ఎకరాలలో వివిధ రకాల పంటలను సాగు చేశారు. ఇందులో 2,94,532 ఎకరాల్లో వరి, 34,279 ఎకరాల్లో పత్తి సాగు చేయగా, మొక్కజొన్న, కందులు, పెసర్లు, కూరగాయలు, ఇతర పంటలు మొత్తం 34,208 ఎకరాలలో సాగు చేశారు. ఇందులో ఎప్పటిలాగే సింహభాగం వరి పంటను సాగు చేశారు. కాగా, వర్షాకాలంలో జూన్‌, సెప్టెంబర్‌లలో లోటు వర్షపాతం కాగా,జూలై, ఆగస్టులలో సాధారణ వర్షపాతం నమోదైంది. ఫలితంగా వేలాది ఎకరాలలో వరిపంటలు దెబ్బతిన్నాయి. జిల్లాలో 21 మండలాలు ఉండగా మనోహరబాద్‌, చిలప్‌చెడ్‌, నర్సాపూర్‌ మండలాల్లో లోటు వర్షం నమోదైంది. కానీ అధికారులు మాత్రం ఒక్క మనోహరబాద్‌ మండలాన్నే కరువు మండలంగా ప్రకటించి చేతులు దులుపుకున్నారు. చిలప్‌చెడ్‌, నర్సాపూర్‌ మండలాల్లో సగం పంటలు ఎండిపోయినా పరిగణలోకి తీసుకోలేదు. నిబంధనల ప్రకారం నిరంతరంగా 15 రోజులపాటు వర్షం కురవకుంటేనే కరువుగా ప్రకటిస్తారని అందులో భాగంగానే మనోహరబాద్‌ను కరువు మండలంగా గుర్తించినట్లు అధికారులు చెబుతున్నారు. మిగతా మండలాల్లో చిరుజల్లులు కురిసి కురవాల్సిన వర్షం కురవకున్నా, కరువుగా ప్రకటించలేదు. కరువుపై ప్రతిపక్షాలు ప్రశ్నిస్తుండటంతో ప్రభుత్వం ఎండిన పంటలను పరిగణలోకి తీసుకుని సర్వే చేయాలని ఆదేశించటంతో అధికారులు పంటల సర్వేను ప్రారంభించారు. దెబ్బతిన్న పంటల వివరాల సేకరణలో అధికారులు బాధిత రైతుల్లో ఆశలు జిల్లాలోని అన్ని మండలాల్లో ఎండిన పంటలను సర్వే చేసి ప్రత్యేక యాప్‌లో నమోదు చేయాలని ప్రభుత్వ స్పష్టంగా పేర్కొంది. ఈ ఆదేశాల మేరకు సంబంధిత వ్యవసాయశాఖ అధికారులు క్షేత్రస్థాయిలో సర్వే ప్రారంభించారు. ప్రతీ గ్రామంలో రైతులు సాగు చేసిన పంట ఎంత..? ఏయే రకాలు సాగు చేశారు? అందులో ఎండిపోయిన పంట ఎంత..? వంటి వివరాలు క్లుప్తంగా తెలుసుకుని యాప్‌లో నమోదు చేయాలని ఆదేశించటంతో క్షేత్రస్థాయిలో ఎండిన పంటలను సర్వే చేసే పనిలో అధికారులు నిమగ్నమయ్యారు. కాగా, ఈ సర్వే అనంతరం కరువు మండలాలు పెరగటంతోపాటే ఎండిన పంటలకు పరిహారం వస్తుందా అంటూ పలువురు రైతులు ఆశగా ఎదురు చూస్తున్నారు. కాగా, ఎండిన పంటలెక్క తేలాక మరోసారి కరువును ప్రకటించే వీలు ఉండొచ్చని సంబంధిత వ్యవసాయశాఖ అధికారులు చెబుతున్నారు.

డబుల్‌ బెడ్‌ రూం ఇళ్లు కేటాయించేందుకు రెవెన్యూ అధికారులు రూపొందించిన అర్హుల జాబితాలో అనర్హుల పేర్లు ఉండటంతో అధికారుల తీరుపై తీవ్ర విమర్శలు వస్తున్నాయి. ఒక్కో వార్డులో ఒక్కోతీరుగా అర్హుల జాబితా ఉందని, స్థానికేతరులు, గతంలో ఇందిరమ్మ ఇళ్లు పొందిన వారికి కూడా మళ్లీ ఇళ్లను అధికారులు మంజూరు చేసినట్లు స్థానికులు ఆరోపిస్తున్నారు. నర్సాపూర్‌: మున్సిపాలిటీ పరిధిలో సుమారు తొమ్మిదేళ్ల క్రితం గత ప్రభుత్వ హయాంలో ఐదు వందల డబుల్‌ బెడ్‌ రూం ఇళ్లను నిర్మించారు. వాటిలో 252 ఇళ్ల నిర్మాణ పనుల్లో మేజర్‌ పనులు పూర్తవగా చిన్న చిన్న పనులు మాత్రమే పెండింగ్‌లో ఉన్నాయి. మిగిలిన 248 ఇళ్ల నిర్మాణాలు వివిధ దశల్లో ఉన్నాయి. కాగా ప్రస్తుత ప్రభుత్వం వివిధ దశల్లో ఉన్న డబుల్‌ బెడ్‌ రూం ఇళ్లను అర్హులకు కేటాయించి ఇంటి నిర్మాణాలను లబ్ధిదారులే పూర్తి చేసుకోవాలని నిర్మాణ వ్యయం బిల్లును లబ్ధిదారులకు అందజేసే విధంగా అధికారులు ప్రణాళిక తయారు చేశారు. అందుకు గాను అర్హులైన పేదవారిని గుర్తించి ఎంపిక చేయాలని ఉన్నతాధికారులు నిర్ణయించారు. 914 మంది పేర్లతో జాబితా డబుల్‌ బెడ్‌ రూం ఇళ్లు పంపిణీ చేస్తారని అధికారులు ప్రకటించడంతో 2,400 మంది దరఖాస్తు చేసుకున్నారు. అయితే అర్హులను ఎంపిక చేసి జాబితా రూపొందించే బాధ్యతను జిల్లా రెవెన్యూ యంత్రాంగం చేపట్టింది. దరఖాస్తులను విచారించి పనులను జిల్లాలోని ఆయా మండలాలకు చెందిన డిప్యూటీ తహసీల్దార్లు, మండల ఆర్‌ఐలు విచారణ చేసి వారిలో 914మందితో అర్హుల జాబితా తయారు చేశారు. డబుల్‌ బెడ్‌ రూం ఇళ్లు 500 మాత్రమే ఉన్నాయి. దీంతో డ్రా పద్ధతిన జాబితాలోని వ్యక్తులకు ఇళ్లను కేటాయించాలని అధికారులు నిర్ణయించారు. అర్హుల జాబితాపై ఆరోపణలు రెవెన్యూ శాఖకు చెందిన అధికారులు రూపొందించిన అర్హుల జాబితాలో చాలామంది అనర్హుల పేర్లు ఉన్నాయని ఆరోపణలు వస్తున్నాయి. పట్టణంలోని పాత ఏరియాలోని రెండు వార్డులలో ఇందిరమ్మ ఇళ్లు పొంది ఇళ్లను నిర్మించుకున్న ముగ్గురి పేర్లను డబుల్‌ బెడ్‌ రూం లబ్ధిదారుల అర్హుల జాబితాలో చేర్చడం గమనార్హం. టేక్మాల్‌ మండలంలో రేషన్‌కార్డు కలిగిన ఓ మహిళ పేరుతోపాటు మనోహరబాద్‌కు చెందిన వ్యక్తి పేరు, పక్కా ఇళ్లు, వ్యవసాయ పొలం కలిగిన వ్యక్తుల పేర్లు అర్హుల జాబితాలో ఉండటంతో ఆశావహ లబ్ధిదారులు నోరెళ్లబెడుతున్నారు. మెయిన్‌రోడ్డుకు ఆనుకుని ఉన్న రెండు వార్డుల అర్హుల జాబితాలో సుమారు 15 మంది స్థానికేతరుల పేర్లతోపాటు పక్కా ఇళ్లు కలిగిన వ్యక్తుల పేర్లు ఉన్నాయని తెలిసింది. ఇలా అవతవకలతో అధికారులు రూపొందించిన ఇందిరమ్మ ఇళ్ల అర్హుల జాబితాను మరోసారి విచారణ చేసి నిజమైన అర్హులకే కేటాయించాలని స్థానికులు కోరుతున్నారు.విచారణ చేస్తాం ప్రస్తుత డబుల్‌ బెడ్‌ రూం అర్హుల లిస్తు తుది జాబితా కాదు. దీనిపై ఆక్షేపణలు, అభ్యంతరాలు తెలుసుకునేందుకు పలు కార్యాలయాల వద్ద నోటీసు బోర్డుల్లో పెట్టాం. ఇప్పటికే పలు ఆక్షేపణలు వచ్చాయి. వాటిని పరిశీలించి మరోసారి విచారణ జరిపిస్తాం. నిజమైన పేదలను గుర్తించి డబుల్‌ బెడ్‌ రూం ఇళ్లు కేటాయించేందుకు చర్యలు తీసుకుంటాం. రామకృష్ణ, ఆర్‌డీఓ, నర్సాపూర్‌

అగ్నిమాపక జిల్లా అధికారి వేణు హవేళిఘణాపూర్‌(మెదక్‌): దీపావళి పండుగను పురస్కరించుకుని విద్యార్థులు టపాసులు కాల్చేటప్పుడు ప్రమాదాలు జరగకుండా తగు జాగ్రత్తలు తీసుకోవాలని అగ్నిమాపక జిల్లా అధికారి వేణు సూచించారు. జిల్లా కేంద్రమైన మెదక్‌ ప్రభుత్వ గురుకుల బాలికల కళాశాల, చైతన్య పాఠశాల, ప్రభుత్వ డిగ్రీ కళాశాలలో మంగళవారం అవగాహన కల్పించారు. ఈ సందర్భంగా వేణు మాట్లాడుతూ... టపాసులు కాల్చే ముందు చిన్న పిల్లలకు దూరంగా ఉండి కాల్చాలని సూచించారు. తీసుకోవాల్సిన జాగ్రత్తలపై కరపత్రాలను విద్యార్థులకు అందజేశారు. కార్యక్రమంలో మెదక్‌ ఫైరింగ్‌ స్టేషన్‌ అధికారి వెంకటేశ్‌, ఫైర్‌ సిబ్బంది పాల్గొన్నారు.

కౌడిపల్లి(నర్సాపూర్‌): ఎస్‌జీఎఫ్‌ క్రీడల్లో కౌడిపల్లి, తునికి ఎంజేపీ బీసీ గురుకుల విద్యార్థులు ప్రతిభ కనబర్చి రాష్ట్రస్థాయి పోటీలకు ఎంపికై నట్లు తునికి ఎంజేపీ బీసీ గురుకుల పాఠశాల, కళాశాల ప్రిన్సిపాల్‌, జిల్లా కన్వీనర్‌ హరిబాబు మంగళవారం తెలిపారు. వాలీబాల్‌లో అండర్‌–17విభాగంలో హేమంత్‌, అండర్‌–14విభాగంలో సుశాంత్‌, 400మీటర్ల రన్నింగ్‌ అండర్‌–14 విభాగంలో ఉపేంద్ర ప్రతిభ కనబర్చి రాష్ట్రస్థాయి పోటీలకు ఎంపిక అయినట్లు చెప్పారు. ఈ సందర్భంగా రాష్ట్రస్థాయి పోటీలకు ఎంపికై న విద్యార్థులను ప్రిన్సిపాల్‌ హరిబాబు, ఏటీపీ జ్యోతి, పీడీ అంజలి, పీఈటీ భరత్‌, శేఖర్‌ ఉపాధ్యాయులు అభినందించారు.

● తహసీల్దార్లు చిత్తశుద్ధితో పనిచేయాలి ● భూ రీ సర్వేతో రైతుల సమస్యలకు శాశ్వత పరిష్కారం ● కలెక్టర్‌ ప్రతిమాసింగ్‌ మెదక్‌ కలెక్టరేట్‌: రెవెన్యూ సేవల్లో అలసత్వం వహిస్తే సహించేది లేదని, తహసీల్దార్లు చిత్తశుద్ధితో పారదర్శకంగా పనిచేయాలని కలెక్టర్‌ ప్రతిమాసింగ్‌ స్పష్టం చేశారు. కలెక్టరేట్‌లో మంగళవారం భూధార్‌, ల్యాండ్‌ రీ సర్వే, ధాన్యం కొనుగోలు, ట్రిపుల్‌ఆర్‌, ప్రజావాణి పెండింగ్‌ సమస్యలు, సంబంధిత రెవెన్యూ అంశాలపై ఆర్డీఓలు తహసీల్దార్లతో కలెక్టర్‌ చర్చించారు. ఈ సందర్భంగా కలెక్టర్‌ మాట్లాడుతూ...భూముల సమగ్ర రీ–సర్వే భూ వివాదాలకు శాశ్వత పరిష్కారం చూపుతుందన్నారు. భూ రికార్డుల్లో పారదర్శకతను పెంచేందుకు చేపడుతున్న రీ–సర్వే ప్రక్రియను క్షేత్రస్థాయిలో పటిష్ట చర్యలు చేపడుతున్నట్లు చెప్పారు. విధుల్లో నిర్లక్ష్యం వహించే తహసీల్దార్లు, మండల సర్వేయర్లు, లైసెన్స్‌డ్‌ సర్వేయర్లపై కఠిన చర్యలు ఉంటాయని, అవసరమైతే సస్పెన్షన్‌ వేటు వేస్తామని హెచ్చరించారు. ఆధార్‌ కార్డు తరహాలోనే ప్రతీ భూ భాగానికి 12 అంకెల విశిష్ట గుర్తింపు సంఖ్య భూదార్‌ నంబర్‌ను కేటాయించే ప్రక్రియను వేగవంతం చేయాలని సూచించారు. రీ–సర్వే ఆధారంగా భూదార్‌ నంబర్‌, ల్యాండ్‌ బేస్డ్‌ మ్యాప్‌ అనుసంధానం చేయడం జరుగుతుందన్నారు. పెండింగ్‌ కోర్టు కేసులు– రెవెన్యూ వివాదాలు, ముఖ్యంగా అటవీ, రెవెన్యూ శాఖల మధ్య సరిహద్దు వివాదాలున్న భూములను సర్వే చేసి శాసీ్త్రయ పద్ధతిలో సరిహద్దులను ఖరారు చేయాలని పేర్కొన్నారు. జీవో 59 ప్రకారం క్రమబద్దీకరణ ప్రభుత్వ భూముల్లో నివాసముంటున్న అర్హులైన పేదలకు జీవో 59 కింద ఇళ్ల స్థలాల క్రమబద్ధీకరణ ప్రక్రియ పురోగతిని కలెక్టర్‌ ప్రతిమాసింగ్‌ సమీక్షించారు. క్షేత్రస్థాయి పరిశీలనను క్షుణ్ణంగా పూర్తిచేసి, ఎలాంటి అక్రమాలకు తావులేకుండా నిజమైన లబ్ధిదారుల దరఖాస్తులను మాత్రమే ఆమోదించాలని, పెండింగ్‌లో ఉన్న దరఖాస్తులను త్వరగా పరిష్కరించాలని తహసీల్దార్లను ఆదేశించారు. వెల్దుర్తి మండల తహసీల్దార్‌ సర్వే నిర్వహణ తీరు తెలియకపోవడం పట్ల కలెక్టర్‌ అసహనం వ్యక్తం చేశారు. ఆ తహసీల్దార్‌ చర్యలు తీసుకోవాలని అదనపు కలెక్టర్‌ నగేశ్‌ను ఆదేశించారు. అనంతరం ట్రిపుల్‌ఆర్‌, ధాన్యం కొనుగోలు కేంద్రాల ఏర్పాటుపై సమీక్షించారు. కార్యక్రమంలో డీఆర్‌ఓ అంబదాస్‌ రాజేశ్వర్‌, ఆర్డీఓలు, తహసీల్దార్లు పాల్గొన్నారు.

ఎమ్మెల్యే డాక్టర్‌ సంజీవరెడ్డి పెద్దశంకరంపేట(మెదక్‌): ప్రభుత్వం ఏర్పాటు చేసిన ధాన్యం కొనుగోలు కేంద్రాల్లోనే రైతులకు మద్దతు ధర లభిస్తుందని ఎమ్మెల్యే డాక్టర్‌ సంజీవరెడ్డి తెలిపారు. పెద్దశంకరంపేటలో పీఏసీఎస్‌, కమలాపూర్‌లో ఐకేపీ ఆధ్వర్యంలో మంగళవారం ధాన్యం కొనుగోలు కేంద్రాలను ఎమ్మెల్యే ప్రారంభించారు. ఈ సందర్భంగా ఆయన మాట్లాడుతూ...రైతులు దళారులను ఆశ్రయించకుండా ప్రభుత్వం ఏర్పాటు చేసిన కొనుగోలు కేంద్రాలను సద్వినియోగం చేసుకోవాలన్నారు. కార్యక్రమంలో పీఏసీఎస్‌ చైర్మన్‌ సిద్ద సంజీవరెడ్డి, నాయకులు నారాగౌడ్‌, మురళీపంతులు, దాచ సంగమేశ్వర్‌, సర్పంచ్‌ల ఫోరం అధ్యక్షుడు పెరుమాండ్లుగౌడ్‌ తదితరులున్నారు. విద్యార్థులకు నాణ్యమైన విద్యడీఎల్‌పీఓ సురేశ్‌బాబు కౌడిపల్లి(నర్సాపూర్‌): విద్యార్థులకు నాణ్యమైన విద్య, భోజనం అందించాలని డీఎల్‌పీఓ సురేశ్‌బాబు తెలిపారు. కౌడిపల్లి బాలికల ఉన్నత పాఠశాల, అంగన్‌వాడీ కేంద్రం, భవిత కేంద్రాన్ని మంగళవారం ఆయన తనిఖీ చేశారు. మధ్యాహ్న భోజనం తనిఖీచేసి పరిసరాలను, ఆవరణలోని సామాజిక ఇంకుడుగుంత పనులను పర్యవేక్షించారు. ఈ సందర్భంగా ఆయన మాట్లాడుతూ విద్యార్థుల అభివృద్ధికి ప్రభుత్వం కృషి చేస్తుందన్నారు. ఉపాధ్యాయు లు సమయపాలన పాటించాలని చెప్పారు. పదో తరగతి విద్యార్థులపై ప్రత్యేక దృష్టిపెట్టాలన్నారు. కార్యక్రమంలో ఎంపీఓ రామారావ్‌, ఇన్‌చార్జి హెచ్‌ఎం అనిత, పంచాయతీ కార్యదర్శి నగేశ్‌కుమార్‌ తదితరులు పాల్గొన్నారు. కబడ్డీ పోటీలకు ఎంపికై న విద్యార్థులుపాపన్నపేట(మెదక్‌): పీఎంశ్రీ పాఠశాలల అండర్‌–17 విభాగం కబడ్డీ పోటీలలో పాపన్నపేట విద్యార్థినులు రాష్ట్రస్థాయికి ఎంపికయ్యారు. మెదక్‌లో మంగళవారం జరిగిన పోటీల్లో మొత్తం 24 జట్లు పాల్గొనగా పాపన్నపేటకు చెందిన బాలురు, బాలికల జట్లు హైదరాబాద్‌లో జరుగనున్న రాష్ట్రస్థాయి పోటీలకు ఎంపికై నట్లు పీడీ రమేశ్‌,హెచ్‌ఎం మహేశ్వర్‌ ఓ ప్రకటనలో వెల్లడించారు. ఇండస్‌ మెడికేర్‌ పరిశ్రమలో సీఐటీయూ గెలుపు13 ఓట్ల మెజార్టీతో గెలుపొందిన మల్లికార్జున్‌ తూప్రాన్‌: మనోహరబాద్‌ మండలం రామాయంపల్లి గ్రామపంచాయతీ పరిధిలోని ఇండస్‌ మెడికేర్‌ కంపెనీ కార్మిక సంఘం ఎన్నికల్లో సీఐటీయూ ఘన విజయం సాధించింది. పరిశ్రమలో జరిగిన హోరాహోరీ పోరులో సీఐటీయూ తన జయకేతనాన్ని ఎగురవేసింది. కంపెనీలో మొత్తం 63 ఓట్లు ఉండగా, సీఐటీయూ తరఫున పోటీ చేసిన ఆ సంఘం రాష్ట్ర ఉపాధ్యక్షుడు.మల్లికార్జున్‌కు 38 ఓట్లు రాగా..ఆయన సమీప ప్రత్యర్థికి 25 ఓట్లు మాత్రమే లభించాయి. దీంతో మల్లికార్జున్‌ 13 ఓట్ల ఆధిక్యంతో గెలుపొందారు. సీఐటీయూ విజయకేతనం ఎగరేయడంపై కార్మికులు హర్షాతిరేకాలు వ్యక్తం చేస్తూ పెద్ద ఎత్తున సంబరాలు చేసుకున్నారు. కార్యక్రమంలో సీఐటీయూ మెదక్‌ జిల్లా కార్యదర్శి ఏ.మల్లేశ్‌, జిల్లా ఉపాధ్యక్షుడు మహేందర్‌రెడ్డి, ఎన్‌పీఆర్‌డీ రాష్ట్ర అధ్యక్షుడు అడివయ్య, విద్యుత్‌ రంగ నాయకులు స్వామి పాల్గొన్నారు.

చిన్నశంకరంపేట(మెదక్‌): తెలంగాణలోని పద్మశాలీల సమస్యలను ప్రభుత్వం వెంటనే పరిష్కరించాలని పద్మశాలీ సంఘం జిల్లా అధ్యక్షుడు జయరాములు ప్రభుత్వాన్ని డిమాండ్‌ చేశారు. చిన్నశంకరంపేట మండల కేంద్రంలోని మంగళవారం ఓ ఫంక్షన్‌హల్‌లో జరిగిన పద్మశాలీ సంఘం సమావేశంలో పలు తీర్మానాలు చేశారు. ఈ సందర్భంగా పద్మశాలీల సమస్యల పరిష్కారంతోపాటు రాజకీయంగా గుర్తింపు కోసం తెలంగాణ ఉద్యమదిక్సూచి కొండాలక్ష్మణ్‌ బాపూజీ కూతురు డాక్టర్‌ పవిత్రవాణికి గవర్నర్‌ కోటాలో ఎమ్మెల్సీ పదవి అందించాలని కోరారు. సిరిసిల్ల సభలో సీఎం రేవంత్‌రెడ్డి ఇచ్చిన మాట నిలబెట్టుకోవాలని కోరారు. కార్యక్రమంలో పద్మశాలీ సంఘం జిల్లా ప్రధాన కార్యదర్శి రమేశ్‌, కిష్టయ్య, చిన్నశంకరంపేట మండల పద్మశాలీ సంఘం అధ్యక్షుడు శ్రీనివాస్‌ తదితరులు పాల్గొన్నారు.

వివిధ ప్రజా సంఘాల నిలదీతనర్సాపూర్‌: జిల్లాలో ఎస్సీ, ఎస్టీ అట్రాసిటీ కేసులు నమోదైన వ్యక్తులను వెంటనే ఎందుకు అరెస్టు చేయలేదని వివిధ ప్రజాసంఘాల ప్రతినిధులు ప్రభుత్వాన్ని నిలదీశారు. ఈ మేరకు జాతీయ మాలమహానాడు జిల్లా అధ్యక్షుడు సంజీవ, కేవీపీఎస్‌ జిల్లా ఉపాధ్యక్షుడు నాగరాజు, ఎంఆర్‌పీఎస్‌ నియోజకవర్గ కన్వీనర్‌ కుమార్‌, ఆయా ప్రజాసంఘాల నాయకులు శివ, యాదగిరి తదితరులు కలిసి మంగళవారం రెవెన్యూ కార్యాలయం సీనియ ర్‌ అసిస్టెంట్‌ అనితకు వినతిపత్రం సమర్పించారు. అనంతరం వారు మాట్లాడుతూ... ఇటీవల జరిగిన బతుకమ్మ, దసరా, బోనాల పండుగల నేపథ్యంలో జిల్లాలోని కోనాయిపల్లి, నవాబుపేట, కూచారం, వెంకటాయపల్లి, ఏదుల్లపల్లి, కిష్టాపూర్‌ తదితర గ్రామాల్లో ఎస్సీలపై దాడులు జరిగాయన్నారు. ఆయా గ్రామాలకు చెందిన బాధితుల ఫిర్యాదుల మేరకు ఎస్సీ ఎస్టీ అట్రాసిటీ కేసులు నమోదైన నిందితులను తక్షణమే అరెస్టు చేయాలని లేనిపక్షంలో ప్రజా సంఘాల ఆధ్వర్యంలో ఉద్యమం చేపడతామని హెచ్చరించారు.

రేగోడ్‌(మెదక్‌): పేదలు రేకుల షెడ్లలో దుర్భర జీవితం గడుపుతున్నా ఇందిరమ్మ ఇళ్లు ఎందుకు మంజూరు చేయడం లేదని అధికార పార్టీ సర్పంచ్‌ సంగ్యానాయక్‌ హౌసింగ్‌ ఏఈ ప్రియను నిలదీశారు. గత సమావేశంలో సమస్యను ప్రస్తావించినా ఇప్పటివరకు ఎందుకు స్పందించడం లేదని ప్రశ్నించారు. సోమవారం మండల పరిషత్‌ కార్యాలయంలో మండల స్థాయి సమీక్ష సమావేశం నిర్వహించారు. ఈ సందర్భంగా పెద్ద తండా సర్పంచ్‌ సంగ్యానాయక్‌ మాట్లాడుతూ.. అర్హులైన పేదలకు ఇందిరమ్మ ఇల్లు మంజూరు చేయడం లేదని ఆవేదన వ్యక్తం చేశారు. కలెక్టర్‌కు ఫిర్యాదు చేస్తేనే అధికారులు ఇళ్లు మంజూరు చేస్తారా? మీరు రెగ్యులర్‌గా పనిచేస్తున్నారా? లేదా అంటూ హౌసింగ్‌ ఏఈని ప్రశ్నించారు. ఇందిరమ్మ ఇళ్ల మంజూరులో అధికారులు ఇష్టారాజ్యంగా వ్యవహరిస్తున్నారని దోసపల్లి సర్పంచ్‌ అమర్‌ సింహారెడ్డి ఆరోపించారు. రేగోడ్‌ మండలంలో వర్షాభావ పరిస్థితులు నెలకొన్నా.. కరువు మండలాల జాబితాలో చేర్చకపోవడంపై సర్పంచ్‌లు ఆగ్రహం వ్యక్తం చేశారు. ప్రస్తుతం అందుబాటులో ఉన్న నీటి నిల్వల ప్రకారం డిసెంబర్‌ చివరి వరకు మాత్రమే తాగునీరు సరఫరా చేసే పరిస్థితి ఉందని, నీటిని ప్రజలు పొదుపుగా వాడుకోవాలని మిషన్‌ భగీరథ డీఈ బాలకృష్ణ సూచించారు. కార్యక్రమంలో ఎంపీడీఓ శ్రీనివాస్‌, తహసీల్దార్‌ దత్తారెడ్డి, ఏఓ శ్రీదేవి, డాక్టర్‌ శ్వేత, ఎంపీఓ గంగాధర్‌, ఏపీఓ జగన్మోహన్‌సింగ్‌ తదితరులు పాల్గొన్నారు. వాడీవేడిగా మండల స్థాయి సమీక్ష సమావేశం

చేగుంట(తూప్రాన్‌): మండల కేంద్రమైన చేగుంటలో నిర్వహిస్తున్న దేశాయి బీడీ పరిశ్రమను తరలించొద్దని బీడీ కార్మిక సంఘం నాయకుడు ఉప్పు లక్ష్మణ్‌ ఆధ్వర్యంలో మేనేజర్‌కు వినతిపత్రం అందించారు. ఈ సందర్భంగా ఆయన మాట్లాడుతూ చేగుంటలో నిర్వహిస్తున్న దేశాయి బీడీ పరిశ్రమకు అందించే బీడీలను నిజాంపేట మండల కేంద్రంలోని దేశాయి బీడీ కార్యాలయానికి వచ్చే జనవరి 1నుంచి తీసుకురావాలని టేకేదార్లకు యాజమాన్యం సూచించినట్లు తెలిపారు. చేగుంట పరిదిలోని టేకేదార్లు నిజాంపేటకు బీడీలు తీసుకెళ్లేందుకు 50 కిలోమీటర్లు వెళ్లాలని తెలిపారు. దాదాపు వంద కిలోమీటర్లు తిరగడం టేకేదార్లకు ఇబ్బందికరమైన పరిస్థితి ఉన్నందున చేగుంట బీడీ సెంటర్‌ను తరలించొద్దని బ్రాంచ్‌ మేనేజర్‌ సంజయ్‌కు వినతి పత్రం అందించారు. కార్యక్రమంలో పలు గ్రామాలకు చెందిన టేకేదార్లు, కార్మికులు పాల్గొన్నారు.

మెదక్‌ కలెక్టరేట్‌: జిల్లాలో దళితులపై జరుగుతున్న దాడులను అరికట్టి, ఎస్సీ, ఎస్టీ అట్రాసిటీ చట్టాన్ని పటిష్టంగా అమలు చేయాలని సీపీఎం రాష్ట్ర కమిటీ సభ్యుడు అడివయ్య డిమాండ్‌ చేశారు. సోమవారం సీపీఎం ఆధ్వర్యంలో కలెక్టరేట్‌ ముందు ధర్నా నిర్వహించిన అనంతరం డీఆర్‌ఓ అంబదాస్‌ రాజేశ్వర్‌కు వినతిపత్రం అందజేశారు. ఈ సందర్భంగా ఆయన మాట్లాడుతూ.. దసరా, బతుకమ్మ ఉత్సవాల వేళ మనోహరాబాద్‌ మండలంలోని పలు గ్రామాల్లో దళితులపై దాడులు, కులవివక్ష ఘటనలు చోటుచేసుకున్నా జిల్లా అధికారులు స్పందించకపోవడం దారుణమన్నారు. ఎస్సీ, ఎస్టీ అట్రాసిటీ కేసుల నమోదు, విచారణలో పోలీసులు నిర్లక్ష్యం వహిస్తున్నారని ఆరోపించారు. ఈ దాడులపై కలెక్టర్‌, ఎస్పీలు తక్షణమే స్పందించి ప్రత్యేక సమీక్ష నిర్వహించాలని కోరారు. కోనాయపల్లి బాధితులకు మద్దతుగా నవంబర్‌ 5న తుప్రాన్‌ డీఎస్పీ కార్యాలయానికి చేపట్టే పాదయాత్రకు, నవంబర్‌ 11, 12 తేదీలలో కలెక్టరేట్‌ ఎదుట నిర్వహించే 48 గంటల నిరాహార దీక్షకు సీపీఎం సంపూర్ణ మద్దతు ఇస్తుందని తెలిపారు. ఈ కార్యక్రమంలో సీపీఎం నాయకులు, బాధితులు పెద్ద సంఖ్యలో పాల్గొన్నారు.

హవేళిఘణాపూర్‌ (మెదక్‌): విద్యుత్‌ వినియోగదారుల దినోత్సవాన్ని పురస్కరించుకొని మెదక్‌ విద్యుత్‌ శాఖ కార్యాలయంలో కన్జ్యూమర్ల నుంచి ఫిర్యాదులు స్వీకరించి, వాటిని పరిష్కరించనున్నట్లు విద్యుత్‌ శాఖ ఎస్‌ఈ నారాయణ నాయక్‌ సోమవారం తెలిపారు. ఈ సందర్భంగా ఆయన మాట్లాడుతూ.. వినియోగదారులు ఎదుర్కొంటున్న దీర్ఘకాలిక సమస్యలు, అధిక బిల్లుల సవరణ, ప్రమాదకరంగా ఉన్న ట్రాన్స్‌ఫార్మర్లు, నూతన స్తంభాల ఏర్పాటు వంటి సమస్యలపై వినతులు స్వీకరించి పరిష్కరిస్తామని వెల్లడించారు. మంగళవారం ఉదయం 10:30 గంటల నుంచి మధ్యాహ్నం 1 గంట వరకు జిల్లాలోని తూప్రాన్‌, మెదక్‌ సూపరింటెండెంట్‌ సబ్‌ డివిజన్‌ కార్యాలయాల్లో ప్రత్యేక సదస్సులు నిర్వహించి ఫిర్యాదులు స్వీకరించనున్నట్లు తెలిపారు. ఈ అవకాశాన్ని జిల్లాలోని విద్యుత్‌ వినియోగదారులు సద్వినియోగం చేసుకోవాలని ఆయన కోరారు. బస్సు సౌకర్యం కల్పించండి తూప్రాన్‌: ఆయా గ్రామాలకు నూతన బస్సు సౌకర్యాన్ని కల్పించాలని కోరుతూ సోమవారం నర్సాపూర్‌ డిపో మేనేజర్‌ రామ్మోహన్‌కు పలువురు ప్రజాప్రతినిధులు, నాయకులు కలిసి వినతిపత్రం సమర్పించారు. ఈ సందర్భంగా వారు మాట్లాడుతూ నర్సాపూర్‌ నుంచి చిన్నగోటిముక్ల, గోమారం మీదుగా గౌతోజిగూడ, పర్కిబండ, పోతారం మీదుగా తూప్రాన్‌–గజ్వేల్‌ వరకు బస్సు సౌకర్యం కల్పించాలని ఈ సందర్భంగా వారు అధికారులను కోరారు. ఈ వినతిపత్రం సమర్పించిన వారిలో పర్కిబండ సర్పంచ్‌ మోతీభాయి లక్ష్మణ్‌ సింగ్‌, ఉప సర్పంచ్‌ మహేష్‌, పోతారం మాజీ సర్పంచ్‌ మాధవరెడ్డి, మెదక్‌ జిల్లా ఉప సర్పంచుల ఫోరం మాజీ అధ్యక్షుడు పంచమి రేణు కుమార్‌ పాల్గొన్నారు. ప్రజావాణిని సద్వినియోగం చేసుకోవాలి పెద్దశంకరంపేట(మెదక్‌): ప్రతీ సోమవారం మండల పరిషత్‌ కార్యాలయంలో నిర్వహించే ప్రజావాణి కార్యక్రమాన్ని ప్రజలు సద్వినియోగం చేసుకోవాలని తహసీల్దార్‌ నారాయణ, ఇన్‌చార్జి ఎంపీడీఓ షాకీర్‌అలీలు సూచించారు. సోమవారం ప్రజావాణి కార్యక్రమానికి ఆయా శాఖల అధికారులు హాజరయ్యారు. ప్రజావాణిలో రెండు దరఖాస్తులు నిజాంపేట(మెదక్‌): మండల కేంద్రంలోని మండల ప్రజా పరిషత్‌ కార్యాలయంలో సోమవారం సీనియర్‌ అసిస్టెంట్‌ కరిముల్లా ఆధ్వర్యంలో ప్రజావాణి నిర్వహించారు. ఈ సందర్భంగా ఉపాధి హామీ, రెవెన్యూ శాఖలకు సంబంధించి మొత్తం రెండు దరఖాస్తులు అందినట్లు అధికారులు తెలిపారు.

శివ్వంపేట(నర్సాపూర్‌): గత బీఆర్‌ఎస్‌ ప్రభుత్వ హయాంలోనే గ్రామీణ బీటీ రోడ్లకు మోక్షం లభించిందని ఎమ్మెల్యే సునీతారెడ్డి అన్నారు. సోమవారం చిన్న గొట్టిముక్కల నుంచి చెన్నాపూర్‌, శివ్వంపేట గ్రామాలను కలుపుతూ వ్యవసాయ పొలాల గుండా వేసిన బీటీ రోడ్డును ఆమె ప్రారంభించి మాట్లాడారు. గత ప్రభుత్వంలో మంజూరు చేసిన రోడ్డు పనులు చేపడుతున్నామని, కొత్తగా రోడ్లకు కాంగ్రెస్‌ ప్రభుత్వం నిధులు మంజూరు చేయలేదని ఆరోపించారు. చేసిన పనులకు బిల్లుల రాక కాంట్రాక్టర్లు పనులు చేసేందుకు ముందుకు రాని పరిస్థితి నెలకొందన్నారు. కార్యక్రమంలో బీఆర్‌ఎస్‌ మండల అధ్యక్షుడు రమణగౌడ్‌, నాయకులు హరికష్ణ, మన్సూర్‌, చంద్రగౌడ్‌, నర్సింగరావు, మహేందర్‌రెడ్డి, కృష్ణారెడ్డి, నరేందర్‌, రాజేందర్‌, యాదిరెడ్డి, తదితరులు ఉన్నారు. ధాన్యం కొనుగోలు కేంద్రం ప్రారంభం.. ధాన్యం కొనుగోలు కేంద్రాల్లో రైతులకు ఇబ్బందులు రాకుండా నిర్వాహకులు ఏర్పాట్లు చేయాలని ఎమ్మెల్యే సునీతారెడ్డి అన్నారు. సోమవారం సాయంత్రం చెన్నాపూర్‌, చిన్న గొట్టిముక్కుల, తిమ్మాపూర్‌, పిల్లుట్ల, ఎదుల్లాపూర్‌, గుండ్లపల్లి గ్రామాల్లో ధాన్యం కొనుగోలు కేంద్రాలను ప్రారంభించారు. సర్పంచులు హన్మంత్‌రావు, కొమురయ్య, నారాయణరావు, రాజు ఉన్నారు. ఎమ్మెల్యే సునీతారెడ్డి

నిజాంపేట (మెదక్‌): నిజాంపేట మండల కేంద్రంలోని ఎస్సీ కాలనీలో రూ. 7.50 లక్షల నిధులతో చేపట్టిన సీసీ రోడ్డు నిర్మాణ పనులను సర్పంచ్‌ చలమేటి నరేందర్‌ సోమవారం ప్రారంభించారు. ఈ సందర్భంగా ఆయన మాట్లాడుతూ.. మెదక్‌ ఎంపీ రఘునందన్‌ రావు సహకారంతో కాలనీలో అంతర్గత రహదారి నిర్మాణ పనులను చేపట్టినట్లు తెలిపారు. సరైన రహదారి లేక ప్రజలు, వాహనదారులు తీవ్ర ఇబ్బందులు ఎదుర్కొంటున్నారని, గ్రామాభివృద్ధిలో భాగంగా రోడ్ల నిర్మాణానికి ప్రాధాన్యత ఇస్తున్నామని పేర్కొన్నారు. ఈ కార్యక్రమంలో వార్డు సభ్యులు, కాలనీవాసులు తదితరులు పాల్గొన్నారు. రాష్ట్ర స్థాయి పోటీలకు ఎంపికై న అభిరాం రామాయంపేట (మెదక్‌): స్కూల్‌ గేమ్స్‌ ఫెడరేషన్‌ ఆధ్వర్యంలో సిద్దిపేటలో నిర్వహించిన ఉమ్మడి జిల్లా స్థాయి అథ్లెటిక్స్‌ రన్నింగ్‌ పోటీల్లో మంజీరా విద్యాలయానికి చెందిన విద్యార్థి అభిరాం ప్రతిభ చాటి రాష్ట్ర స్థాయి పోటీలకు ఎంపికయ్యాడు. ఈ మేరకు పాఠశాల కరస్పాండెంట్‌ జితేందర్‌రెడ్డి వివరాలను వెల్లడించారు. రాష్ట్ర స్థాయికి ఎంపికై న అభిరాంను పాఠశాల యాజమాన్యం శాలువాతో సన్మానించిందిజ అర్హులకు ఇందిరమ్మ ఇళ్లు అందించాలి చిన్నశంకరంపేట (మెదక్‌): ఇందిరమ్మ ఇళ్ల పథకంలో అర్హులైన పేదలకు న్యాయం చేయాలని కోరుతూ మల్లుపల్లి గ్రామస్తులు సోమవారం ప్రజావాణిలో ఎంపీడీఓ దామోదర్‌కు వినతిపత్రం అందజేశారు. మొదటి, రెండవ విడతల్లో ఇళ్లు మంజూరు కాని 20 మంది అర్హులకు ఇందిరమ్మ ఇళ్లు మంజూరు చేయాలని కోరారు. అలాగే చందంపేట గ్రామ శివారులోని సర్వే నంబర్‌ 472లో ఉన్న తమ భూ సమస్యను పరిష్కరించాలని పలువురు రైతులు వినతిపత్రం ఇచ్చారు. ప్రజావాణిలో మరో నాలుగు దరఖాస్తులు వచ్చినట్లు ఎంపీడీఓ తెలిపారు. కార్యక్రమంలో తహసీల్దార్‌ మాలతి పాల్గొన్నారు. కాగా, నార్సింగి మండల కేంద్రంలో ఎంపీడీఓ తిరుపతి ఆధ్వర్యంలో నిర్వహించిన ప్రజావాణికి ఒక్క దరఖాస్తు కూడా రాలేదు. కొనుగోలు కేంద్రం ప్రారంభం చేగుంట(తూప్రాన్‌): మండలంలోని వడియారం, ఉల్లితిమ్మాయిపల్లి గ్రామాల్లో సోమవారం కొనుగోలు కేంద్రాలను ప్రారంభించారు. ఈ సందర్భంగా సహకార సంఘం చైర్మన్‌ బాగులు మాట్లాడుతూ కొనుగోలు కేంద్రాల్లో రైతులు ధాన్యం విక్రయించాలని తెలిపారు. కార్యక్రమాల్లో సర్పంచ్‌ సత్యనారాయణ సిబ్బంది పాల్గొన్నారు. కష్టపడి చదివి ఉన్నత స్థాయికి ఎదగాలి నారాయణఖేడ్‌: విద్యార్థులు కష్టపడి చదివి పదో తరగతి వార్షిక పరీక్షల్లో మంచి మార్కులతో ఉత్తీర్ణత సాధించాలని హైదరాబాద్‌ కార్వాన్‌ ఎమ్మెల్యే, ఎంఐఎం పార్టీ సంగారెడ్డి జిల్లా ఇన్‌చార్జి కౌసర్‌ మొహియుద్దీన్‌ సూచించారు. ఎంఐఎం పార్టీ ఆధ్వర్యంలో శ్రీసాలారే మిల్లత్‌ ఎడ్యుకేషన్‌ ట్రస్టుశ్రీ సౌజన్యంతో సోమవారం ఖేడ్‌ జిల్లా పరిషత్‌ బాలికల ఉన్నత పాఠశాలలో ఉర్దూ మీడియంలో 10వ తరగతి చదువుతున్న విద్యార్థినులకు ఎంఐఎం ఖేడ్‌ అధ్యక్షుడు మొహిద్‌ పటేల్‌తో కలిసి ఆల్‌ఇన్‌వన్‌ ఎస్సెస్సీ మోడల్‌ టెస్ట్‌ పేపర్లను పంపిణీ చేశారు. కార్యక్రమంలో పాఠశాల హెచ్‌ఎం యాదవరెడ్డి, నాయకులు మన్నన్‌, మహ్మద్‌ పాషామియా, షేక్‌ అమ్జద్‌, ముజీబ్‌ ఖాన్‌, హబీబ్‌, అబ్దుల్లా, షేక్‌ ఫయాజ్‌, అసద్‌ పటేల్‌ పాల్గొన్నారు.

చిలప్‌చెడ్‌(నర్సాపూర్‌): తరగతి గదిలో వెనుకబడిప విద్యార్థులపై ప్రత్యేక శ్రద్ధ తీసుకుని, వారికి అర్థమయ్యే పద్ధతిలో బోధన చేపట్టాలని ఎంఈఓ విఠల్‌ అన్నారు. సోమవారం ఆయన చిలప్‌చెడ్‌లో ప్రాథమిక పాఠశాలల విద్యా ప్రమాణాల పెంపు, విద్యార్థుల అభ్యసన సామర్థ్యాల పెరుగుదలపై ఉపాధ్యాయులతో కాంప్లెక్స్‌ సమావేశం నిర్వహించారు. ఈ సందర్భంగా ఆయన మాట్లాడుతూ.. విద్యార్థుల్లో భాష, గణిత సామర్థ్యాలపై ప్రత్యేక శ్రద్ధ వహించడంతో పాటు, పరీక్షల ఫలితాల ఆధారంగా, విద్యార్థులకు ప్రత్యేక బోధన చేపట్టాలన్నారు. కార్యక్రమంలో చిలప్‌చెడ్‌, చండూర్‌ కాంప్లెక్స్‌ హెచ్‌ఎంలు ధనమూర్తి, రమేశ్‌, ఉపాధ్యాయులు పాల్గొన్నారు.ఎంఈఓ విఠల్‌

అల్లాదుర్గం(మెదక్‌): కరువు మండలాల ప్రకటనలో ప్రభుత్వం పూర్తిగా నిర్లక్ష్యంగా వ్యవహరించిందని, తప్పుడు సర్వేతో కరువు మండలాల ప్రకటన చేసిందని పీఎసీఎస్‌ చైర్మన్‌ దుర్గారెడ్డి, మండల బీఆర్‌ఎస్‌ పార్టీ అధ్యక్షుడు పల్లేగడ్డ నర్సింలు ఆరోపించారు. సోమవారం అల్లాదుర్గం మండలాన్ని కరువు మండలంగా ప్రకటించాలని ప్రజావాణిలో వినతిపత్రం అందజేశారు. అనంతరం స్థానిక విలేకర్లతో మాట్లాడుతూ తీవ్ర వర్షాభావ పరిస్థితుల్లో పంటలు పండక, దిగుబడి రాక రైతులు నష్టపోయినట్లు తెలిపారు. మంత్రి దామోదర నియోజకవర్గంలోనే కరువు మండలాల ప్రకటనలో అధికారులు సరైన సర్వే చేయలేదన్నారు. ఇప్పటికై నా కలెక్టర్‌ పూర్తి స్థాయిలో విచారణ జరిపి అల్లాదుర్గంను కరువు మండలంగా ప్రకటించాలని డిమాండ్‌ చేశారు. ఈ కార్యక్రమంలో బీఆర్‌ఎస్‌ పార్టీ నాయకులు కృష్ణగౌడ్‌, దశరత్‌, రవి, బేతయ్య, సాయికుమార్‌, పవన్‌, సూర్యకుమార్‌ పాల్గొన్నారు.

మెదక్‌ కలెక్టరేట్‌: నిరుద్యోగ మహిళలకు ఉపాధి కల్పించేందుకు మెదక్‌ మిల్లీ అసోసియేషన్‌ నిరంతరం కృషి చేస్తుందని బాధ్యులు తెలిపారు. మెదక్‌ మిల్లీ అసోసియేషన్‌ ఆధ్వర్యంలో పట్టణంలో సోమవారం ఉచిత మెహందీ డిజైనింగ్‌ ట్రైనింగ్‌ సెంటర్‌ను ప్రారంభించారు. ఈ సందర్భంగా వారు మాట్లాడుతూ..మెదక్‌ మిల్లీ అసోసియేషన్‌ ఆధ్వర్యంలో గతంలో ఉచిత టైలరింగ్‌ ట్రైనింగ్‌ సెంటర్లను ఏర్పాటు చేశామన్నారు. అదే సేవలను కొనసాగిస్తూ ఉచిత మెహందీ డిజైనింగ్‌ ట్రైనింగ్‌ సెంటర్‌ను ప్రారంభించినట్లు తెలిపారు. మహిళలకు నైపుణ్య శిక్షణ అందించి స్వయం ఉపాధి అవకాశాలు కల్పించడమే అసోసియేషన్‌ ప్రధాన లక్ష్యమని తెలిపారు. మహిళలు ఈ అవకాశాన్ని సద్వినియోగం చేసుకోవాలని పిలుపునిచ్చారు. కార్యక్రమంలో అసోసియేషన్‌ బాధ్యులు డాక్టర్‌ ఒమర్‌ ఖాన్‌, ముఫ్తీ మహమ్మద్‌ సాబిర్‌ అలీ, సయ్యద్‌ సాదత్‌ అలీ జకీ, సయ్యద్‌ గఫార్‌ అహ్మద్‌ నియాజీ, మహమ్మద్‌ రియాజుద్దీన్‌ తదితరులు పాల్గొన్నారు.

నిజాంపేట (మెదక్‌): మండలంలో వరి కోతలు పూర్తికావడంతో రైతులు తమ ధాన్యాన్ని స్థానిక సబ్‌ మార్కెట్‌ యార్డుకు తరలించి ఆరబెడుతున్నారు. అయితే, ఇప్పటివరకు కొనుగోలు కేంద్రాలను ప్రారంభించకపోవడంతో రైతులు తీవ్ర ఆందోళన వ్యక్తం చేస్తున్నారు. అకాల వర్షాలు కురిసే సూచనలు ఉండటంతో ఆరబెట్టిన ధాన్యం నీటిపాలై నష్టపోవాల్సి వస్తుందని రైతన్నలు వాపోతున్నారు. రోజులు గడుస్తున్నా కొనుగోళ్లు ప్రారంభం కాకపోవడంతో యార్డులోనే కాపలా కాయాల్సి వస్తోందని ఆవేదన వ్యక్తం చేస్తున్నారు. అధికారులు, ప్రభుత్వం తక్షణమే స్పందించి కొనుగోలు కేంద్రాలను ప్రారంభించి, ధాన్యాన్ని మద్దతు ధరకు సేకరించి తమను ఆదుకోవాలని రైతులు విజ్ఞప్తి చేస్తున్నారు.

శీతాకాల ప్రవేశంతో జిల్లా వ్యాప్తంగా పొగమంచు ఎక్కువగా కురుస్తోంది. జిల్లాలోని పలు మండలాలైన చిలప్‌చెడ్‌, శివ్వంపేట, కౌడిపల్లి వంటి ప్రాంతాల్లో సోమవారం ఉదయంపూట పొగమంచు విపరీతంగా కురిసింది. దీంతో రోడ్డుపై ప్రయాణించే వాహనదారులకు వారికి, ఎదురుగా వచ్చే వారు సరిగ్గా కనబడక ఇబ్బందులకు గురవుతున్నారు. చల్లగా ఉండటంతో ప్రజలు, విద్యార్థులు, వృద్ధులు ఇబ్బందులు ఎదుర్కొన్నారు. కాగా కొన్ని చోట్ల కాగా పంటపొలాల్లో పొగమంచుతో ప్రకృతి కనువిందు చేసింది. – చిలప్‌చెడ్‌(నర్సాపూర్‌)/శివ్వంపేట(నర్సాపూర్‌)/కౌడిపల్లి(నర్సాపూర్‌)

పెద్దశంకరంపేట (మెదక్‌): వానాకాలం సీజన్‌లో మండలంలో 11,700 ఎకరాల్లో వరి సాగు చేసినట్లు మండల వ్యవసాయ అధికారి నాగం కృష్ణ తెలిపారు. వరి కోతల సమయంలో రైతులు, హార్వెస్టర్‌ నిర్వాహకులు తగిన జాగ్రత్తలు పాటించాలని ఆయన సూచించారు. హార్వెస్టర్‌తో కోత కోసేటప్పుడు డ్రమ్‌ స్పీడ్‌, బ్లోవర్‌ వేగాన్ని పంటకు అనుగుణంగా సక్రమంగా సర్దుబాటు చేసుకోవాలన్నారు. కోత అనంతరం ధాన్యాన్ని బాగా ఆరబెట్టి, దుమ్ము, ధూళి లేకుండా శుభ్రం చేసి తేమ శాతం 17 శాతానికి మించకుండా జాగ్రత్త వహించాలని తెలిపారు. నాణ్యతా ప్రమాణాలు పాటిస్తే కొనుగోలు కేంద్రాల్లో ధాన్యం తిరస్కరణ, తరుగుల సమస్యలు ఉండవన్నారు. ప్రభుత్వం సాధారణ రకం ధాన్యానికి క్వింటాకు రూ.2,441, గ్రేడ్‌–ఏ రకానికి రూ.2,461 మద్దతు ధర నిర్ణయించిందని, దీనికితోడు అర్హత కలిగిన సన్న రకాల ధాన్యానికి రూ.500 బోనస్‌తో కలిపి మొత్తం రూ.2,961 వరకు రైతులకు అందుతుందని ఆయన వివరించారు. వ్యవసాయ అధికారి నాగం కృష్ణ

చిన్నశంకరంపేట (మెదక్‌): ధాన్యానికి మద్దతు ధర కంటే ఎక్కువ మార్కెట్‌ ధర లభిస్తుండటంతో రైతులు తమ పంటను నేరుగా రైస్‌ మిల్లుల వద్దకే తరలిస్తున్నారు. చిన్నశంకరంపేట మండల పరిధిలోని పలు రైస్‌ మిల్లుల వద్ద వరి ధాన్యంతో వచ్చిన ట్రాక్టర్లు భారీగా బారులుతీరాయి. రైస్‌ మిల్లు నిర్వాహకులు ప్రస్తుతం సన్న ధాన్యం క్వింటాకు రూ.3,400 వరకు చెల్లిస్తుండటంతో రైతులు క్యూ పద్ధతిలో ధాన్యపు లోడ్లను కాంటా వేస్తున్నారు. ప్రభుత్వ కొనుగోలు కేంద్రాల్లో మద్దతు ధర రూ.2,460తో పాటు క్వింటాలుకు రూ.500 బోనస్‌ అందిస్తున్నప్పటికీ, బహిరంగ మార్కెట్‌లో సన్న ధాన్యానికి మంచి డిమాండ్‌ ఉండటంతో వ్యాపారులు నేరుగా కల్లాల వద్దకే వచ్చి కొనుగోలు చేస్తున్నారు. గతంలో ధాన్యం కొనుగోలు కేంద్రాల వద్ద తూకాలు, గన్నీ బ్యాగుల కొరత, చెల్లింపుల ఆలస్యం వంటి ఇబ్బందులు ఎదుర్కొన్నారు.అయితే ఈసారి మిల్లుల వద్ద తక్షణమే మెరుగైన ధర లభిస్తుండటంతో నేరుగా మిల్లుల వద్దకే ధాన్యాన్ని తరలిస్తున్నారు. కాగా, గతంలో క్వింటాకు రూ.3,800 నుంచి రూ.4,000 వరకు పలికిన ధర, ప్రస్తుతం రూ.3,400 వరకు పలుకుతోందని రైతులు తెలిపారు. రైస్‌ మిల్లుల వద్ద ట్రాక్టర్ల బారులు

21 రోజులుగా విధులకు దూరంగా జిల్లావ్యాప్తంగా నేషనల్‌ హెల్త్‌ మిషన్‌(ఎన్‌హెచ్‌ఎం)లో 412 మంది ఉద్యోగులున్నారు. వీరంతా 12 రకాల కేడర్లలో వివిధ రకాల విధులు నిర్వహిస్తున్నారు. వీరిలో డాక్టర్లు, ఏఎన్‌ఎంలు, డేటా ఎంట్రీ ఆపరేటర్లు, ల్యాప్‌ టెక్నీషియన్లు, సైకాలజిస్టులు, రేడియాలజిస్టులు, ఆర్‌బీఎస్‌కె సిబ్బందితోపాటు ఆయుష్‌ సిబ్బంది సైతం ఉన్నారు. మాయదారి జీవో నం 1295 నేషనల్‌ హెల్త్‌ మిషన్‌ (ఎన్‌హెచ్‌ఎం) విధానంలో విధులు నిర్వహించే సిబ్బందికి 60% వేతనాలు కేంద్ర ప్రభుత్వం ఇస్తుండగా, మిగతా 40% వేతనాలను రాష్ట్ర ప్రభుత్వం అందిస్తోంది. కాగా గత కొంతకాలం క్రితం తీసుకొచ్చిన 1295 జీవో ఎన్‌హెచ్‌ఎం సిబ్బంది జీవితాలను తలక్రిందులు చేసింది. ఈ జీవోలో కొంతమంది ఉద్యోగులను చేర్చి కొందరికి వేతనాలు పెంచితే, మరికొంతమందికి వేతనాలు తగ్గించారు. అంతేకాకుండా గత 2 ఏళ్లక్రితం జీతాలు పెరిగినా వాటిని రాష్ట్ర ప్రభుత్వం అమలు చేయడంలేదని పలువురు ఆవేదన చెందుతున్నారు. అంతేకాకుండా ప్రతీ ఏటా కేంద్ర ప్రభుత్వం 5% ఇంక్రిమెంట్‌ ఇస్తూ బడ్జెట్‌ విడుదల చేస్తున్నా, రాష్ట్ర ప్రభుత్వం అమలు చేయకుండా మా పొట్టకొడుతుందని పలువురు పేర్కొంటున్నారు. అంతే కాకుండా ప్రతీ నాలుగేళ్లకోసారి 13% లాయల్టీ బోనస్‌ కేంద్రం నుంచి వస్తున్నా రాష్ట్ర ప్రభుత్వం ఇవ్వటం లేదంటూ ఆవేదన చెందుతున్నారు. నిలిచిన విధులు...! తమ డిమాండ్లు పరిష్కరించే వరకు విధుల్లో చేరబోమంటూ ఎన్‌హెచ్‌ఎం సిబ్బంది గత 21 రోజులుగా రిలే నిరాహారదీక్ష చేస్తున్నారు. దీంతో వైద్యారోగ్యశాఖలోని సుమారు 12 కేడర్లలో పూర్తిస్థాయిలో సేవలు నిలిచిపోయాయి. డీఎంహెచ్‌ఓ కార్యాలయం మొదలుకుని క్షేత్రస్థాయిలో నిర్వహించే వైద్యసేవల వరకు పూర్తిగా నిలిచిపోవటంతో ప్రజలు ఇబ్బందులు పడుతున్నారు. ఆబ్సెంట్‌ లిస్టు అడిగిన ప్రభుత్వం ఎన్‌హెచ్‌ఎం సిబ్బంది డిమాండ్ల పరిష్కారం కోసం గత 21 రోజులుగా దీక్షలు చేస్తున్న నేపథ్యంలో వారి డిమాండ్ల పరిష్కారం కోసం కృషి చేయాల్సిన ప్రభుత్వం, విధులకు హాజరుకానీ సిబ్బంది జాబితాను ఇవ్వాలని సంబంధిత ఉన్నతాధికారులను అడిగినట్లు తెలిసింది. దీంతో ప్రభుత్వ తీరుపై ఎన్‌హెచ్‌ఎం ఉద్యోగులు మండిపడుతున్నారు. 8 రాష్ట్రాలల్లో క్రమబద్దీకరణ ఎన్‌హెచ్‌ఎం సిబ్బందిని 2005 నుంచి దేశంలోని అనేక రాష్ట్రాల్లో పలువిడతలుగా ఔట్‌సోర్సింగ్‌, కాంట్రాక్టు పద్ధతిన విధుల్లోకి తీసుకున్నారు. కాగా, ఇప్పటివరకు 8 రాష్ట్రాల్లో వారిని రెగ్యులరైజ్‌ చేశారు. మన రాష్ట్రంలోనూ వెంటనే రెగ్యులరైజ్‌ చేయాలి. డాక్టర్‌ ప్రియాంక, ఎన్‌హెచ్‌ఎం జేఏసీ అధ్యక్షురాలు జిల్లావ్యాప్తంగా 412 మంది ఎన్‌హెచ్‌ఎం పరిధిలో విధులు నిర్వహిస్తుండగా వారిలో కొందరు 20 ఏళ్ల నుంచి విధులు నిర్వహిస్తున్నారు. అలాంటి వారి జీవితంలో సగానికిపైగా ఈ ఉద్యోగ సర్వీస్‌ ఇందులోనే గడిచింది. విధుల్లో చేరిన మొదట్లో 5 నుంచి 6 ఏళ్ల అనంతరం ఉద్యోగ భద్రత (రెగ్యులరైజ్‌) చేస్తామంటూ అప్పట్లో చెప్పారని పలువురు బాధిత సిబ్బంది వాపోతున్నారు. ఇప్పటికై నా ప్రభుత్వం వెంటనే ఉద్యోగ భద్రత కల్పించాలని కోరుతున్నారు. మహిళా ఉద్యోగులకు కల్పించే (ప్రసూతి) సెలవు దినాల్లో 3 నెలలపాటు వేతనంతో కూడిన సెలవులు ఇవ్వాలని కోరుతున్నారు. ఎన్‌హెచ్‌ఎం ఉద్యోగి మరణిస్తే ఆ కుటుంబానికి రూ.20 లక్షల బీమాతోపాటు ఆ కుటుంబంలో ఒకరికి ఉద్యోగం కల్పించాలి. ప్రతీ నెల 5వ తేదీలోగా వేతనాలు చెల్లించాలనే డిమాండ్లతో ఽవిధులు బహిష్కరించి రిలే నిరాహార దీక్షలో పాల్గొన్నారు. సిబ్బంది సమ్మె బాట 21 రోజులుగా ఎన్‌హెచ్‌ఎం సిబ్బంది ఆందోళన రెండు దశాబ్దాలుగా ఔట్‌సోర్సింగ్‌లోనే విధులు డిమాండ్లు నెరవేర్చే వరకు విధుల్లో చేరేదిలేదంటున్న సిబ్బంది జిల్లాలో వైద్య సేవలకు తీవ్ర ఆటంకం ఏర్పడుతోంది. రెండు దశాబ్దాలుగా నేషనల్‌ హెల్త్‌ మిషన్‌ (ఎన్‌హెచ్‌ఎం) వైద్య ఆరోగ్యశాఖలో విధులు నిర్వహిస్తున్న వందలాది మంది సిబ్బంది తమకు ఉద్యోగ భద్రతతో పాటూ న్యాయమైన డిమాండ్లు నెరవేర్చాలంటూ 21 రోజులుగా విధులు బహిష్కరించి పోరుబాట పట్టారు. దీంతో వైద్యారోగ్యశాఖలో విధులు నిలిచి పోయాయి. తమ డిమాండ్లు నెరవేర్చే వరకు తాము విధుల్లో చేరేదిలేదంటూ కరాఖండిగా తేల్చి చెబుతున్నారు. మెదక్‌జోన్‌

ప్రభుత్వ పాఠశాలల్లో విద్యా ప్రమాణాలను పెంచడం.. ఉపాధ్యాయులకు మార్గదర్శనం చేయడం.. విద్యార్థుల్లో ప్రతిభను వెలికితీయడం.. బోధన నూతన పద్ధతులను ప్రోత్సహించడం.. ఇవీ పాఠశాల కాంప్లెక్స్‌ల ప్రధాన లక్ష్యాలు. ఇందుకోసం విద్యాశాఖ ఏటా నిధులు కేటాయిస్తోంది. కానీ క్షేత్రస్థాయిలో ఆ నిధుల వినియోగం కాంప్లెక్స్‌ పరిధిలోని ఉపాధ్యాయుల సమావేశాల భోజనాలకే ఎక్కువగా వినియోగిస్తుండటం గమనార్హం. కాంప్లెక్స్‌ సమావేశం రోజు మధ్యాహ్న భోజనంలోనే ఉపాధ్యాయుల సంఖ్యను కలిపి భోజనం అందిస్తే విద్యార్థుల విద్యాభివృద్ధి లక్ష్యం నెరవేరే అవకాశం ఉంది. – సాక్షి, సిద్దిపేట ఉమ్మడి మెదక్‌ జిల్లా వ్యాప్తంగా ప్రభుత్వ రంగ పాఠశాలలు 2,797 ఉండగా 3,15,112 విద్యార్థులు విద్యను అభ్యసిస్తున్నారు. ఉమ్మడి జిల్లాలో 194 కాంప్లెక్స్‌ స్కూళ్లు ఉన్నాయి. ఒక్కో కాంప్లెక్స్‌ స్కూల్‌కు ప్రభుత్వం రూ.43వేలను మంజూరు చేస్తోంది. ఇందులో కాంటిజెన్సీ ఫండ్‌ కింద రికార్డులు, స్టేషనరీ రూ.3,200, కాంప్లెక్స్‌ హెచ్‌ఎం ఫోన్‌ బిల్‌ రూ.3,600, కాంప్లెక్స్‌ సమావేశంలో టీ, స్నాక్స్‌కు నెలకు రూ.400 చొప్పున 8 నెలలకు రూ. 3,200, క్లస్టర్‌ స్థాయి పోటీలకు రూ.3వేలు, నిర్వహణ కోసం రూ.20వేలు ఖర్చు చేయాలి. కాంప్లెక్స్‌ స్థాయిలో 8 నెలల పాటు నెలకు రెండు నుంచి మూడు సమావేశాలు నిర్వహించాలి. ప్రతీ నెలలో రెండు నుంచి మూడు సమావేశాలు ప్రతి నెలలో రెండు నుంచి మూడు కాంప్లెక్స్‌ సమావేశాలు ఉదయం నుంచి సాయంత్రం వరకు కొనసాగుతాయి.. ప్రభుత్వ పాఠశాలలలో ఉపాధ్యాయులకు సైతం మధ్యాహ్న భోజనం చేయాలని విద్యాశాఖ ఉత్తర్వులు ఇచ్చింది. దీంతో ఎక్కువ మంది ఉపాధ్యాయులు మధ్యాహ్న భోజనం పాఠశాలలోనే చేస్తున్నారు. లంచ్‌ బాక్స్‌ను తెచ్చుకోవడం బంద్‌ చేశారు. మూడు నెలలుగా ఈ సమావేశాలకు వచ్చే ఉపాధ్యాయులకు కాంపెక్స్‌ ప్రధానోపాధ్యాయుడే భోజనం ఏర్పాటు చేయాల్సి వస్తుంది. సమావేశానికి ప్రభుత్వం టీ, స్నాక్స్‌ కోసం రూ.400 మాత్రమే కేటాయించింది. దీనితో మిగతా కార్యక్రమాలకు కోత విధిస్తూ ఉపాధ్యాయుల భోజనం కోసం నిధులు ఖర్చు చేస్తున్నట్లు తెలుస్తోంది. రెండు నుంచి మూడు సమావేశాలకు భోజనాల కోసం దాదాపు రూ.15వేలు ఖర్చు చేస్తున్నట్లు విశ్వసనీయ సమాచారం. కాంప్లెక్స్‌ సమావేశం జరిగినే పాఠశాలలో సమావేశానికి వచ్చిన ఉపాధ్యాయుల సంఖ్యను కలిపి వారికి సైతం మధ్యాహ్న భోజనం అందిస్తే నిధులు భోజనాల కోసం ఖర్చు చేయకుండా విద్యార్థుల విద్యాభివృద్ధి కోసం వినియోగించే అవకాశం ఉంటుంది. దీని పై విద్యాశాఖ నిర్ణయం తీసుకోవాలని కాంప్లెక్స్‌ ప్రధానోపాధ్యాయులు కోరుతున్నారు.విద్యార్థుల కార్యక్రమాలకు కోత నిబంధనల ప్రకారమే వినియోగించాలి స్కూల్‌ కాంప్లెక్స్‌లకు కేటాయించే నిధులు నిబంధనల ప్రకారమే వినియోగించాలి. విద్యార్థుల కోసం వినియోగించకుండా ఇతర వాటికి వినియోగించవద్దు. విద్యార్థుల విద్యాభివృద్ధి కోసం సూచనలు సలహాల కోసం కాంప్లెక్స్‌ సమావేశాలు ఉపయోగపడనున్నాయి. – రమేశ్‌, ఇన్‌చార్జీ డీఈఓ, సిద్దిపేట

రామాయంపేట(మెదక్‌): అదిలాబాద్‌ రైతు గర్జన సభకు తరలివెళ్తున్న బీఆర్‌ఎస్‌ వర్కింగ్‌ ప్రెసిడెంట్‌ కేటీఆర్‌ కొద్దిసేపు రామాయంపేట వద్ద ఆగగా, పెద్ద సంఖ్యలో కార్యకర్తలు ఘనస్వాగతం పలికారు. ఆయన ప్రయాణిస్తున్న కాన్వాయ్‌ జాతీయ రహదారిపై ఆధ్యా హోటల్‌వద్ద ఆగింది. పెద్ద సంఖ్యలో తరలివచ్చిన కార్యకర్తలు కేటీఆర్‌ను కలువడానికి పోటీ పడ్డారు. మాజీ ఎమ్మెల్యే, పార్టీ జిల్లా అధ్యక్షురాలు పద్మ కేటీఆర్‌ను శాలువాతో సన్మానించారు. పార్టీ మైనారిటీ నాయకుడు అహ్మద్‌, రమేశ్‌ ఆయన చేతికి దట్టి కట్టారు. ఈ సందర్బంగా కేటీఆర్‌ పద్మతోపాటు స్థానిక మున్సిపల్‌ కౌన్సిలర్‌ చరిత, పార్టీ నాయకుడు సుప్రభాతరావు, పార్టీ జిల్లా నాయకులు జీవన్‌రావు, నరేందర్‌తో మాట్లాడారు. ఆయనను సన్మానించడానికి కార్యకర్తలు పోటీ పడ్డారు. మెదక్‌, రామాయంపేట మున్సిపల్‌ మాజీ చైర్మన్లు జితేందర్‌గౌడ్‌, మల్లిఖార్జున్‌గౌడ్‌, సహకార సంఘం అధ్యక్షుడు బాదె చంద్రం, మాజీ ఎంపీపీ పుట్టి విజయలక్ష్మి, ఏఎంసీ మాజీ చైర్మన్‌ గంగ నరేందర్‌ తదితరులు పాల్గొన్నారు. ఇదే అదనుగా... కాగా పెద్ద సంఖ్యలో తరలివచ్చిన కార్యకర్తలు నెట్టుకుంటూ ముందుకురాగా, ఇదే అదనుగా దొంగలు తమ హస్త లాఘవం ప్రదర్శించారు. సుమారుగా పది మంది కార్యకర్తలు, జర్నలిస్టుల వద్ద నుంచి రూ.లక్ష వరకు దొంగలు తస్కరించారు. ఒక అనుమానితుడిని పట్టుకున్న కార్యకర్తలు అతడిని కొట్టి పోలీసులకు అప్పగించారు. రామాయంపేటకు భారీగా తరలివచ్చిన బీఆర్‌ఎస్‌ కార్యకర్తలు ఇదే అదనుగా హస్త లాఘవం ప్రదర్శించిన చోరులు

రేగోడ్‌(మెదక్‌): మండల కేంద్రమైన రేగోడ్‌లోని ప్రభుత్వ ఉన్నత పాఠశాల ఆవరణలో స్వామి వివేకానంద విగ్రహ ప్రతిష్ఠాపనలో భాగంగా ఆదివారం నోబుల్‌ యూత్‌ ఆధ్వర్యంలో భూమిపూజ కార్యక్రమాన్ని ఘనంగా నిర్వహించారు. విగ్రహాన్ని హైస్కూల్‌–పోలీస్‌ స్టేషన్‌ కూడలిలో ఏర్పాటు చేయాలనే ఆలోచనపై గ్రామ పెద్దలతో చర్చించగా, రోడ్డు పనులు పూర్తయిన అనంతరం విగ్రహాన్ని ఏర్పాటు చేసేందుకు వారు సానుకూలంగా స్పందించారని ఆ యూత్‌ అధ్యక్షుడు నరేశ్‌చారి తెలిపారు. కార్యక్రమంలో పీఏసీఎస్‌ మాజీ చైర్మన్‌ శ్యాంరావు కులకర్ణి, మాజీ ఎంపీటీసీలు ఎం.నరేందర్‌, నర్సింహులు, కో ఆప్షన్‌ మాజీ సభ్యుడు చోటుమియా, కాంగ్రెస్‌ యువనాయకుడు రామాగౌడ్‌, చక్రపాణి, బీఆర్‌ఎస్‌ మండల ప్రధాన కార్యదర్శి రమేశ్‌ తదితరులు పాల్గొన్నారు. సీపీఎం రాష్ట్ర కమిటీ సభ్యుడు అడివయ్య హవేళిఘణాపూర్‌(మెదక్‌): ఎల్‌నినో ప్రభావంతో జిల్లాలో పంట నష్టపోయిన రైతులను ప్రభుత్వం నష్టపరిహారం చెల్లించాలని సీపీఎం రాష్ట్ర కమిటీ సభ్యులు అడివయ్య డిమాండ్‌ చేశారు. జిల్లా కేంద్రమైన మెదక్‌ కేవల్‌ కిషన్‌ భవన్‌లో ఆదివారం ఏర్పాటు చేసిన సమావేశంలో ఆయన మాట్లాడారు. రాష్ట్రంలో కరువు తీవ్రంగా ఉందని, ఎల్‌నినో ప్రభావంతో వర్షాలు కురియక పంటలు ఎండిపోయాయని చెప్పారు. దీంతో రైతుల పంటలు ఎండిపోయి తీవ్ర నష్టం జరిగిందన్నారు. అప్పులు చేసి సాగు చేసిన రైతులకు కనీసం పెట్టుబడి రాక నష్టపోయారన్నారు. జిల్లాను కరువు జిల్లాగా ప్రకటించాలని డిమాండ్‌ చేస్తూ ఈ నెల 5 నుంచి 8 వరకు కరువు గ్రామాల్లో పర్యటించనున్నట్లు తెలిపారు. కార్యక్రమంలో జిల్లా కార్యదర్శి నర్సమ్మ, మల్లేశం, బస్వరాజు, బాలమణి తదితరులు పాల్గొన్నారు. నర్సాపూర్‌: ఏఐసీసీ పిలుపు మేరకు ఓటు బచావో..దేశ్‌ బచావో కార్యక్రమంలో మెదక్‌ మాజీ ఎమ్మెల్యే మైనంపల్లి హన్మంతరావు, జిల్లా డీసీసీ అధ్యక్షుడు ఆంజనేయులుగౌడ్‌లు పాల్గొన్నారు. ఆదివారం ఢిల్లీలో ఏఐసీసీ చేపట్టిన ధర్నా కార్యక్రమంలో వారు పలువురు కాంగ్రెస్‌ నాయకులతో కలిసి పాల్గొన్నారు. ఈ సందర్భంగా వారు మాట్లాడుతూ దేశంలో ఓటు చోరీ జరగుతుందని ఆరోపించారు. అర్హుల ఓట్లను తొలగించే కుట్రకు పాల్పడుతున్న కేంద్ర ఎన్నికల కమిషనర్‌ను తొలగించాలని వారు డిమాండు చేశారు. పేట నాయకులు చిన్నశంకరంపేట(మెదక్‌): ఇండియా కూటమి ఆధ్వర్యంలో దేశ రాజధాని ఢిల్లీలో నిర్వహించిన ఓటు బచావో...దేశ్‌ బచావో నిరసన కార్యక్రమంలో చిన్నశంకరంపేట మండల కాంగ్రెస్‌ నాయకులు పాల్గొన్నారు. మెదక్‌ ఎమ్మెల్యే మైనంపల్లి రోహిత్‌ ఆధ్వర్యంలో వంద వాహనాలలో ఢిల్లీ వెళ్లిన నాయకులలో చిన్నశంకరంపేట మండల కాంగ్రెస్‌ అధ్యక్షుడు మోహన్‌నాయక్‌, మాజీ ఎంపీటీసీ శివకుమార్‌, రాజ్‌కుమార్‌, ఉదయ్‌కుమార్‌ తదితరులున్నారు. ఈ సందర్భంగా వారు మాట్లాడుతూ...ఓటు హక్కును రక్షించేందుకు కాంగ్రెస్‌ పార్టీ చివరి వరకు పోరాడుతుందన్నారు.

నర్సాపూర్‌: ఇంజనీరీంగ్‌ విద్యార్థులు ప్రయోగశాలను సద్వినియోగం చేసుకుని నైపుణ్యాలను పెంచుకోవాలని ఆటోమోటివ్‌ టెస్ట్‌ సిస్టమ్స్‌ సంస్థ(ఏటీఎస్‌) మేనేజింగ్‌ డైరెక్టర్‌ రామనాథన్‌ శ్రీనివాసన్‌ చెప్పారు. స్థానిక బీవీ రాజు ఇంజనీరింగ్‌ కాలేజీకి ఏటీఎస్‌ సంస్థకు మధ్య పలు ఒప్పందాలు కుదిరాయి. ఈ సందర్భంగా ఏర్పాటు చేసిన సమావేశంలో ఆయన మాట్లాడుతూ..తమ సంస్థ ఆటోమొబైల్‌ రంగంలో అత్యాధునిక పరీక్ష సాంకేతిక పరిజ్ఞానాన్ని అందిస్తుందన్నారు. ఆటోమోటివ్‌ టెస్టింగ్‌, ఆటోమేషన్‌, సాఫ్ట్‌వేర్‌ అభివృద్ధి, డేటా విశ్లేషణ, ఇంజనీర్లకు శిక్షణ తదితర సేవలకు అందిస్తున్నామని చెప్పారు. విద్యార్థులు ప్రయోగశాల సదుపాయాలను సద్వినియోగం చేసుకుని, సాంకేతిక నైపుణ్యాలను పెంచుకోవాలని సూచించారు. కార్యక్రమంలో కాలేజీ ప్రిన్సిపాల్‌ సంజయ్‌దూబె, డైరెక్టర్‌ లక్ష్మిప్రసాద్‌, హెచ్‌ఓడీలు వరుణ్‌, సుబ్బిరామారెడ్డి, సంజీవ్‌రెడ్డి, విష్ణు మోటార్‌ స్పోర్ట్స్‌ ప్రాజెక్టు మేనేజర్‌ మనోనీత్‌ సింగ్‌, మేనేజర్‌ బాపిరాజు, ఏఓ సురేశ్‌ తదితరులు పాల్గొన్నారు.

మెదక్‌ కలెక్టరేట్‌: తుపాన్‌ ప్రభావంతో వర్షాలు పడుతున్న నేపథ్యంలో రైతులు,అధికారులు అప్రమత్తంగా ఉండాలని కలెక్టర్‌ ప్రతిమాసింగ్‌ ఆదివారం ఓ ప్రకటనలో తెలిపారు. రైతులు తమ వరి కోతలను వాయిదా వేసుకోవాలని, మండలాల్లోనే అధికారులు అందుబాటులో ఉండాలని ఆదేశించారు. తుపాన్‌ నేపథ్యంలో మెదక్‌ జిల్లా అధికారులకు, రైతులకు కలెక్టర్‌ కీలక సూచనలు చేశారు. పంటలు చేతికొచ్చిన, కళ్లాల్లో ఉన్న వరిధాన్యాన్ని రక్షించుకునేందుకు సహాయక చర్యలకు సిద్ధంగా ఉండాలన్నారు. రైతులకు ముందస్తు సమాచారం అందిస్తూ పంటల నష్టం జరగకుండా చర్యలు చేపట్టాలని సూచించారు. రైతులను ముందుగానే అప్రమత్తం చేసి పంట రక్షణ చర్యలపై వ్యవసాయ శాఖ అధికారులు సూచనలు అందించాలన్నారు. అత్యవసర పరిస్థితుల్లో అధికారులు తక్షణమే స్పందించి ప్రజలకు అవసరమైన సహాయ సహకారాలు అందించాలని కలెక్టర్‌ అధికారులకు సూచించారు. రైతులు వరి కోతలను వాయిదా వేసుకోవాలి కలెక్టర్‌ ప్రతిమాసింగ్‌

కౌడిపల్లి(నర్సాపూర్‌): భక్తులతో తునికి శ్రీ నల్లపోచమ్మదేవి ఆలయం కిటకిటలాడింది. ఆదివారం వివిధ జిల్లాల నుంచి వచ్చిన భక్తులు అమ్మవారికి పూజలు చేసి మొక్కులు తీర్చుకున్నారు. దేవదాయశాఖ ఉమ్మడి మెదక్‌ జిల్లా ఇన్‌స్పెక్టర్‌, ఆలయ ఈఓ రంగారావ్‌ ఆధ్వర్యంలో ఆలయ అర్చకులు శివ్వప్ప, రాజేశ్‌ నల్లపోచమ్మదేవికి పంచామృతాలతో అభిషేకం చేసి ప్రత్యేక పూజలు చేశారు. అనంతరం వివిధ జిల్లాల నుంచి వచ్చిన భక్తులు అమ్మవారిని దర్శించుకుని బోనాలు సమర్పించి ఒడిబియ్యం కుంకుమార్చన ప్రత్యేక పూజలు చేశారు. ఆలయం వద్ద శివసత్తులు పూనకాలు బోనాల ఊరేగింపు ఉత్సాహంగా సాగింది. పలువురు భక్తులు అమ్మవారికి తలనీలాలు సమర్పించి వాహనాలు పూజలు చేయించారు. ఆలయ జూనియర్‌ అసిస్టెంట్‌ వెంకట్‌రెడ్డి, ఆలయ కమిటీ సభ్యులు, సిబ్బంది భక్తులకు ఇబ్బందులు లేకుండా ఏర్పాట్లు చేశారు.

జనసంద్రంగా ఏడుపాయల భక్తులతో కిటకిటలాడుతున్న ఏడుపాయల పాపన్నపేట(మెదక్‌): దుర్గమ్మా మమ్ము దీవించమ్మా అంటూ ఆదివారం వేలాది భక్తులు ఏడుపాయల దుర్గమ్మను దర్శించుకున్నారు. వివిధ ప్రాంతాల నుంచి వచ్చిన భక్తులు అమ్మవారిని దర్శించుకుని ప్రత్యేక పూజలు చేశారు. అర్చకులు వారికి తీర్థ ప్రసాదాలు అందజేశారు. అమ్మవారికి ఒడి బియ్యం పోసి, పోతరాజులు ఊరేగింపుతో బోనాలు తీసి అమ్మవారికి మొక్కులు తీర్చుకున్నారు. భక్తులు అధిక సంఖ్యలో రావడంతో, ఈఓ వీరేశం, పోలీసులు ఇబ్బంది కలుగకుండా చర్యలు తీసుకున్నారు. మెదక్‌ ఎమ్మెల్యే రోహిత్‌రావు పుట్టినరోజు పురస్కరించుకుని, కాంగ్రెస్‌ కార్యకర్తలు ఏడుపాయల్లో కేక్‌ కట్‌ చేసి వేడుకలు నిర్వహించారు.

చేగుంట(తూప్రాన్‌): ఉమ్మడి చేగుంట మండలాన్ని కరువు మండలంగా ప్రకటించాలని దుబ్బాక ఎమ్మె ల్యే కొత్త ప్రభాకర్‌ రెడ్డి డిమాండ్‌ చేశారు. శనివారం మండలంలోని రాంపూర్‌, ఇబ్రహీంపూర్‌, పులిమామిడి, కిష్టాపూర్‌ గ్రామాల్లో ఐకేపీ ఆధ్వర్యంలో ఏర్పాటు చేసిన ధాన్యం కొనుగోలు కేంద్రాలను ప్రారంభించారు. ఆయన మాట్లాడుతూ.. ఎల్‌నినో ప్రభావంతో దుబ్బాక నియోజకవర్గంలోని రైతుల పరిస్థితి ఆందోళనకరంగా మారిందన్నారు. ఇప్పటికే బోర్లలో నీళ్లు రాక, విద్యుత్‌ సరఫరా లేక రైతులు తీవ్ర ఇబ్బందులు పడుతున్నారని తెలిపారు. ఇలాంటి పరిస్థితుల్లో చేగుంట, నార్సింగి మండలాలను కరువు మండలాలుగా ప్రకటించకపోవడం బాధాకరమన్నారు. మండలంలోని లంబాడీ తండాల్లో నివసించే గిరిజన కుటుంబాలకు కూలీ పనులు దొరకక వారి జీవనోపాధి దెబ్బతింటోందని ఆవేదన వ్యక్తం చేశారు. ఈ పరిస్థితులను దృష్టిలో ఉంచుకుని మెదక్‌ కలెక్టర్‌ చేగుంట, నార్సింగి మండలాలను కరువు మండలాలుగా ప్రకటించేలా చర్యలు తీసుకోవాలని కోరారు. కార్యక్రమంలో ఆయా గ్రామాల సర్పంచులు, ఐకేపీ సిబ్బంది పాల్గొన్నారు. ఎమ్మెల్యే కొత్త ప్రభాకర్‌ రెడ్డి

హవేళిఘణాపూర్‌(మెదక్‌): మెదక్‌ జిల్లాను కరువు ప్రాంతంగా ప్రకటించి రైతులకు న్యాయం చేయాలని వక్తలు డిమాండ్‌ చేశారు. శనివారం మెదక్‌ ప్రెస్‌క్లబ్‌లో ఏర్పాటు చేసిన రౌండ్‌ టేబుల్‌ సమావేశంలో రాజకీయ నాయకులు, ప్రజాసంఘాల నేతలు మాట్లాడారు. మెదక్‌ జిల్లాను కరువు ప్రాంతంగా ప్రకటించకుంటే ఉద్యమం నిర్వహిస్తామని హెచ్చరించారు. మంజీరా జలాలపై పూర్తి హక్కు లేకపోవడంతో ఈ ప్రాంత రైతులకు అన్యాయం జరుగుతుందన్నారు. ప్రభుత్వం వివక్ష వీడి మంజీరరా నీటి పూర్తి హక్కులు రైతులకు కల్పించాలని కోరారు. కార్యక్రమంలో తెలంగాణ రైతు రక్షణ సమితి జిల్లా అధ్యక్షులు మైసయ్యయాదవ్‌, మెదక్‌సిటీజన్స్‌ ఫోరం నాయకులు పీడీ ఆనందం, బాగయ్య, బీసీ సంఘం నేత బాల్‌రాజ్‌గౌడ్‌, టీపీటీఎఫ్‌ జిల్లా ప్రధాన కార్యదర్శి వెంకట్‌రాంరెడ్డి, ఆయా పార్టీల నేతలు, ప్రజాసంఘాల నాయకులు పాల్గొన్నారు.రౌండ్‌టేబుల్‌ సమావేశంలో వక్తల డిమాండ్‌

మెదక్‌ జోన్‌: దళితులపై దాడులు చేసిన వారిని శిక్షించకుండా నిర్లక్ష్యం వహిస్తున్నారని ప్రజా సంఘాలు ఆగ్రహం వ్యక్తం చేశాయి. శనివారం ప్రజా సంఘాల సభ్యులు రౌండ్‌ టేబుల్‌ సమావేశం నిర్వహించారు. ఈ సందర్భంగా వారు మాట్లాడుతూ.. మనోహరాబాద్‌ మండలం కోనాయిపల్లి గ్రామ దళితులపై దాడి చేసిన వారిని శిక్షించకుండా విచారణలో నిర్లక్ష్యం చేస్తున్న అధికారులను మార్చి ఇతర అధికారులచే విచారణ చేపట్టాలన్నారు. దాడులపై జిల్లా ఇన్‌చార్జి మంత్రి వివేక్‌ నోరువిప్పకపోవడం దారుణమన్నారు. నవంబర్‌ 5న కోనాయిపల్లి నుంచి తూప్రాన్‌ వరకు పాదయాత్ర నిర్వహిస్తున్నట్లు తెలిపారు. 11,12వ తేదీల్లో జిల్లా కలెక్టర్‌ కార్యాలయం ఎదుట నిరాహార దీక్షలు చేపట్టాలని తీర్మానించారు. కార్యక్రమంలో కేవీపీఎస్‌ రాష్ట్ర కమిటీ సభ్యులు అడివయ్య, సీఐటీయూ కార్యదర్శి మల్లేశం, ఎన్‌పీఆర్‌డీ జిల్లా కార్యదర్శి యశోద, డీబీఎఫ్‌ జిల్లా అధ్యక్షుడు సంజీవులు, బీఎస్పీ రాష్ట్ర నాయకులు సురేశ్‌, కె.మల్లేశం పాల్గొన్నారు.

మెదక్‌ జోన్‌: కేసుల పురోగతిని వేగవంతం చేసి త్వరితగతిన శిక్షలు పడేలా చూడాలని జిల్లా అదనపు ఎస్పీ విక్రాంత్‌కుమార్‌సింగ్‌ పేర్కొన్నారు. శనివారం జిల్లా ఎస్పీ కార్యాలయంలో జిల్లాలోని పోలీస్‌స్టేషన్ల ఎస్‌హెచ్‌ఓలు, కోర్టు డ్యూటీ ఆఫీసర్లతో సమావేశం నిర్వహించారు. ఈ సందర్భంగా ఆయన మాట్లాడుతూ.. కోర్టులో పెండింగ్‌లో ఉన్న కేసుల పురోగతిని గురించి తెలుసుకున్నారు. సమన్లు, వారంట్ల అమలులో జాప్యం జరగకుండా చూడాలని, సాక్షులను సకాలంలో కోర్టులో హాజరుపర్చేలా చూడాలని ఆదేశించారు. ఎస్‌హెచ్‌ఓలు కేసుల పురోగతిని స్వయంగా పర్యవేక్షిస్తూ బాధితులకు సత్వర న్యాయం అందేలా చర్యలు తీసుకోవాలన్నారు. పోలీసు సిబ్బంది విధి నిర్వహణలో జవాబుదారీతనంతో వ్యవహరిస్తూ పోలీసు శాఖపై మరింత నమ్మకం పెంచాల్సిన బాధ్యత ఉందన్నారు. సమావేశంలో డీసీఆర్‌బీ డీఎస్పీ వెంకటేశ్వర్‌రావు, సీఐ జార్జ్‌, సీఐ మహేశ్‌, ఎస్‌ఐలు, కోర్టు సీడీఓలు, పోలీసు సిబ్బంది పాల్గొన్నారు.అదనపు ఎస్పీ విక్రాంత్‌కుమార్‌సింగ్‌

రామాయంపేట (మెదక్‌): మండలంలోని తొనిగండ్ల గ్రామంలో శనివారం ధాన్యం కొనుగోలు కేంద్రాన్ని ప్రారంభించారు. ఈ సందర్భంగా గ్రామ ఉపసర్పంచ్‌ దుర్గయ్య, మాజీ ఎంపీటీసీ నాగులు మాట్లాడుతూ.. రైతులు కొనుగోలు కేంద్రాన్ని సద్వినియోగం చేసుకోవాలని సూచించారు. కార్యక్రమంలో పంచాయతీ కార్యదర్శి మౌనిక, మాజీ సర్పంచులు సిద్ధరాంలు, శ్యామయ్య, వార్డు సభ్యులు బాలకృష్ణ, సుజాత, భాను, రమేశ్‌, రైతులు పాల్గొన్నారు. సంక్షేమ పథకాల్లో దళితులకు ప్రాధాన్యం నర్సాపూర్‌: దళితులందరికీ ప్రభుత్వ సంక్షేమ పథకాలు అందించాలని ఎమ్మార్పీఎస్‌ నియోజకవర్గ ఇన్‌చార్జి కుమార్‌ డిమాండ్‌ చేశారు. శనివారం పలువురు నాయకులతో కలిసి మండల పరిషత్‌ కార్యాలయ సూపరింటెండెంట్‌ కృష్ణమూర్తికి వినతిపత్రం అందజేశారు. ఈ సందర్భంగా కుమార్‌ మాట్లాడుతూ.. చేవెళ్ల డిక్లరేషన్‌ హామీ మేరకు అంబేడ్కర్‌ అభయహస్తం పథకం కింద ప్రతి దళిత కుటుంబానికి రూ.12 లక్షలు అందించాలన్నారు. ఎస్సీ కార్పొరేషన్‌కు నిధులు విడుదల చేసి అర్హులకు సంక్షేమ పథకాలు అందించాలని విజ్ఞప్తి చేశారు. ఇతర ప్రభుత్వ పథకాల్లోనూ దళితులకు ప్రాధాన్యత కల్పించాలని కోరారు. కార్యక్రమంలో ఎంఆర్‌పీఎస్‌ నాయకులు వినోద్‌కుమార్‌, విద్యాసాగర్‌, నరేశ్‌, అనిల్‌, పృథ్వీ తదితరులు పాల్గొన్నారు. నూతన కార్యవర్గం ఎన్నిక నిజాంపేట (మెదక్‌): నిజాంపేటలో శనివారం ముస్లిం మైనార్టీ సభ్యుల ఆధ్వర్యంలో నూతన కార్యవర్గాన్ని ఏకగ్రీవంగా ఎన్నుకున్నారు. అధ్యక్షుడిగా మహమ్మద్‌ అజ్గర్‌, కోశాధికారిగా మహమ్మద్‌ బాబు మియా, కార్యదర్శిగా మహమ్మద్‌ జాఫర్‌, ఉపాధ్యక్షుడిగా అబ్దుల్‌ పాషాను ఎంపిక చేశారు. సలహాదారులుగా మహమ్మద్‌ నాయబ్‌, గౌస్‌ పాషా, సర్దార్‌లను నియమించారు. ఈ సందర్భంగా అధ్యక్షుడు అజ్గర్‌ మాట్లాడుతూ.. తనపై నమ్మకంతో బాధ్యతలు అప్పగించిన సభ్యులకు కృతజ్ఞతలు తెలిపారు. కార్యక్రమంలో మహమ్మద్‌ ఇబ్రహీం, రఫీ, ఖాసీం, మీర్జా, ఫాజిల్‌, అజీజ్‌ మియా, బాబు, రఫీల్‌ తదితరులు పాల్గొన్నారు. పౌరహక్కులపై అవగాహన అవసరం చిలప్‌చెడ్‌(నర్సాపూర్‌): పౌరహక్కులపై అవగాహన కలిగి ఉండటం ద్వారా ప్రజా సమ స్యలను పరిష్కరించుకోవచ్చని అధికారులు అన్నారు. శనివారం మండల పరిధిలోని బండపోతుగల్‌ గ్రామంలో పౌరహక్కుల సదస్సు నిర్వహించారు. ఈ సందర్భంగా అధికారులు గ్రామస్తులతో మాట్లాడి పౌరసరఫరాలు, రేషన్‌ సరుకులు, పింఛన్ల పంపిణీకి సంబంధించిన వివరాలను అడిగి తెలుసుకున్నారు. కార్యక్రమంలో హెడ్‌ కానిస్టేబుల్‌ ఇలియాస్‌రెడ్డి, ఆర్‌ఐ శ్రీహరి, పంచాయతీ కార్యదర్శి సంజీవ్‌, నాయకుడు ప్రవీణ్‌రెడ్డి,పాల్గొన్నారు. గ్రామాల్లో కుల వివక్షకు తావులేదు చిన్నశంకరంపేట(మెదక్‌): భారత రాజ్యాంగం అందరికి సమానహక్కులు కల్పించిందని గ్రామాల్లో ఎలాంటి కుల వివక్షకు తావులేదని చిన్నశంకరంపేట తహసీల్దార్‌ మాలతి అన్నా రు. శనివారం చిన్నశంకరంపేట మండలం మిర్జాపల్లి లో పౌరహక్కుల దినోత్సవం నిర్వహించారు. తహసీల్దార్‌ మాట్లాడుతూ.. గ్రా మంలో ఎలాంటి కుల వివక్ష ఉన్న తమ దృష్టికి తీసుకువస్తే చట్టపరమైన చర్యలు తీసుకుంటామన్నారు. కార్యక్రమంలో సర్పంచ్‌ సునీత, ఉపసర్పంచ్‌ రాజు, కర్రె యాదగిరి, సంజీవులు, సంగని యాదగిరి పాల్గొన్నారు.

చిన్నశంకరంపేట(మెదక్‌): హైదరాబాద్‌లోని ఎస్‌సీఆర్టీలో రెండు రోజులు పాటు రాష్ట్రస్థాయి మాక్‌ పార్లమెంట్‌ నిర్వహించారు. ఇందులో మండల కేంద్రంలోని తెలంగాణ మోడల్‌ స్కూల్‌ విద్యార్థిని ఆర్తి చంద్రిక అత్యున్నత ప్రతిభ చాటి రాష్ట్రస్థాయి ప్రథమ బహుమతికి ఎంపికై ంది. తెలంగాణ రాష్ట్ర విద్యశాఖ అడిషనల్‌ డైరెక్టర్‌ మదన్‌మోహన్‌ ఆర్తి చంద్రికకు అవార్డును అందజేశారు. మాక్‌ పార్లమెంట్‌లో డిప్యూటీ స్పీకర్‌గా తన ప్రతిభను చాటి రాష్ట్రస్థాయి అవార్డుకు ఎంపికై న విద్యార్థితో పాటు గైడ్‌ టీచర్‌ లింగమయ్యను రాష్ట్రస్థాయి అధికారులతో పాటు డీఈఓ రాజు, అకాడమీ మానిటరింగ్‌ అధికారి సుదర్శనమూర్తి, ప్రిన్సిపాల్‌ వాణికుమారి అభినందించారు.

కౌడిపల్లి (నర్సాపూర్‌): సమాజంలో ప్రతి ఒక్కరూ గౌరవంగా జీవించాలని తహసీల్దార్‌ కృష్ణ అన్నారు. శనివారం మండలంలోని నాగ్సాన్‌పల్లిలో నిర్వహించిన సివిల్‌ రైట్స్‌ డే కార్యక్రమంలో ఆయన మాట్లాడుతూ.. చట్టం దృష్టిలో అందరూ సమానమేనని, ఇతరులకు ఇబ్బంది కలిగించకుండా వ్యవహరించాలని సూచించారు. రెండు గ్లాసుల పద్ధతి సరికాదని, ఏవైనా సమస్యలు ఉంటే అధికారుల దృష్టికి తీసుకురావాలని చెప్పారు. కార్యక్రమంలో సర్పంచ్‌ పద్మ, మాజీ సర్పంచ్‌ ఎల్లం, ఉపసర్పంచ్‌ నర్సింలు, లక్ష్మయ్య, శంకర్‌నాయక్‌, భిక్షపతి, పంచాయతీ కార్యదర్శి దుర్గ పాల్గొన్నారు.

రైతులకు శాశ్వత పరిష్కారం రేగోడ్‌ (మెదక్‌): భూముల రీసర్వేతో రైతుల పొలం హద్దులు, గట్ల పంచాయతీలకు శాశ్వత పరిష్కారం లభిస్తుందని ఆర్డీఓ రమాదేవి అన్నారు. మండలంలోని బురాన్‌వాడి తండాలో శనివారం భూముల రీసర్వేపై గ్రామసభను సర్పంచ్‌ సక్కుబాయి అధ్యక్షతన నిర్వహించారు. ఈ సందర్భంగా ఆమె మాట్లాడుతూ.. భూముల రీసర్వేకు వచ్చే సర్వేయర్లకు రైతులు పూర్తి సహకారం అందించాన్నారు. వారం రోజుల్లో రీసర్వే ప్రక్రియను పూర్తి చేస్తామని వెల్లడించారు. కార్యక్రమంలో పీసీసీ సభ్యుడు మున్నూరు కిషన్‌, కాంగ్రెస్‌ పార్టీ మండల అధ్యక్షుడు ఎస్‌.దిగంబర్‌ రావు, తహసీల్దార్‌ దత్తారెడ్డి, మాజీ ఎంపీటీసీ నరేందర్‌, మాజీ కోఆప్షన్‌ సభ్యుడు చోటు మియా, ఎస్టీ సెల్‌ జిల్లా అధ్యక్షుడు పీర్యా నాయక్‌ పాల్గొన్నారు.మెదక్‌ ఆర్డీఓ రమాదేవి

వెల్దుర్తి(తూప్రాన్‌): ప్రభుత్వ ఉద్యోగికి పదవీ విరమణ తప్పనిసరి డీఈఓ రాజు అన్నారు. శనివారం మండలంలోని కుకునూరు ఉన్నత పాఠశాల ప్రధానోపాధ్యాయుడు సీతారాం పదవీ విరమణ మహోత్సవం పాఠశాల ఆవరణలో ఘనంగా నిర్వహించారు. కార్యక్రమానికి డీఈఓ రాజు, పలు ఉపాధ్యాయ సంఘాల నాయకులు హాజరై సీతారాం దంపతులను ఘనంగా సన్మానించారు. అనంతరం డీఈఓ రాజు మాట్లాడుతూ.. మెదక్‌, కుకునూరు గ్రామాల్లో తెలంగాణ పబ్లిక్‌ స్కూల్‌ భవనాల నిర్మాణానికి రూ.10 కోట్ల చొప్పున నిధులు మంజూరయ్యాయని, త్వరలో పనులు ప్రారంభమవుతా యని తెలిపారు. ఎల్‌నినో ప్రభావంతో నీటి కొరత ఏర్పడే అవకాశం ఉన్నందున విద్యార్థులకు నీటి సంరక్షణపై ఉపాధ్యాయులు అవగాహన కల్పి ంచాలన్నారు. అలాగే, విద్యార్థులు తమ తల్లిదండ్రులకు కూడా నీటి పొదుపు ఆవశ్యకతను వివరించాలని సూచించారు. మృదుస్వభావి అయిన సీతా రాం పాఠశాల అభివృద్ధికి, నిర్వహణకు బాధ్యతాయుతంగా సేవలందించారని పలువురు కొనియాడారు. కార్యక్రమంలో పాఠశాల సిబ్బందితో పాటు పలు ఉపాధ్యాయ సంఘాల నాయకులు తదితరులు పాల్గొన్నారు. డీఈఓ రాజు

మెదక్‌ జోన్‌: ఆన్‌లైన్‌ మోసాల పట్ల అప్రమత్తంగా ఉండాలని జిల్లా న్యాయసేవాధికార సంస్థ సభ్యులు కరుణాకర్‌ అన్నారు. శనివారం నిర్వహించిన అవగాహన సదస్సులో ఆయన మాట్లాడారు. విద్యార్థినులు పాఠశాలకు వెళ్లే సమయంలో ఎవరైనా వ్యక్తు లు అనుచితంగా ప్రవర్తించినా, లైంగికంగా వేధిస్తే వారిపై చర్యలు తీసుకుంటామన్నారు. విద్యార్థినులు కుటుంబ సభ్యులు, పోలీసులకు సమాచారం అందిస్తే వారిపై చర్యలు తీసుకుంటారని చెప్పారు. కార్యక్రమంలో లీగల్‌ ఎయిడెడ్‌ డిఫెన్స్‌ కౌన్సిల్‌ సిస్టం అసిస్టెంట్‌ ప్రవీణ్‌కుమార్‌, హెచ్‌ఎం పెర్సిస్‌క్రిస్టినా, సరిత, ఉపాధ్యాయులు, విద్యార్థిని, విద్యార్థులు పాల్గొన్నారు.

కోరం లేక వాయిదా నర్సాపూర్‌: నర్సాపూర్‌ మున్సిపాలిటీలో సర్వసభ్య సమావేశాల బహిష్కరణ పరంపర కొనసాగుతోంది. శనివారం నిర్వహించాల్సిన మున్సిపల్‌ సమావేశాన్ని బీజేపీ, బీఆర్‌ఎస్‌కు చెందిన తొమ్మిది మంది కౌన్సిలర్లు బహిష్కరించారు. దీంతో సరిపడా కోరం లేక సమావేశం వాయిదా వేస్తున్నట్లు కమిషనర్‌ సాయికుమార్‌ ప్రకటించారు. రెండోసారి సమావేశం బహిష్కరణ మున్సిపల్‌ పాలకవర్గం ఫిబ్రవరి 16న ప్రమాణ స్వీకారం చేసి తొలి సమావేశం నిర్వహించింది. అప్పటి నుంచి ఇప్పటివరకు తొమ్మిది సమావేశాలు ఏర్పాటు చేయగా, రెండుసార్లు మెజారిటీ కౌన్సిలర్లు బహిష్కరించడం గమనార్హం. గత మే 25న తొలిసారిగా వైస్‌ చైర్మన్‌ బుచ్చెష్‌యాదవ్‌తో పాటు బీజేపీ, బీఆర్‌ఎస్‌ కౌన్సిలర్లు సమావేశాన్ని బహిష్కరించారు. మున్సిపల్‌ పరిధిలో చేపట్టే అభివృద్ధి పనులపై తమకు సమాచారం ఇవ్వకుండా ఏకపక్షంగా నిర్ణయాలు తీసుకుంటున్నారని అప్పట్లో వారు ఆరోపించారు. అభివృద్ధి పనులపై అసంతృప్తి శనివారం జరిగిన సమావేశానికి చైర్‌పర్సన్‌ లక్ష్మి తో పాటు కాంగ్రెస్‌కు చెందిన ముగ్గురు కౌన్సిలర్లు హాజరయ్యారు. మరో ఇద్దరు వ్యక్తిగత కారణా లతో గైర్హాజరయ్యారు. బీజేపీకి చెందిన నలుగురు, బీఆర్‌ఎస్‌కు చెందిన ఐదుగురు కౌన్సిలర్లు సమావేశాన్ని బహిష్కరించా రు. ఈ సందర్భంగా వైస్‌ చైర్మన్‌ బుచ్చెష్‌యాదవ్‌ మాట్లాడుతూ.. మున్సిపాలిటీలో ప్రజలు ఆశించిన స్థాయిలో అభివృద్ధి జరగడం లేదని, కౌన్సిలర్లకు పనులకు సంబంధించిన సమాచారం ఇవ్వడం లేదని ఆరోపించారు. కౌన్సిల్‌ నిర్ణయాలకు అనుగుణంగా పనులు చేపట్టకపోవడంతో నిరసనగా సమావేశాన్ని బహిష్కరించినట్లు తెలిపారు. బీఆర్‌ఎస్‌ కౌన్సిలర్లు సైతం ఇదే కారణంతో సమావేశానికి దూరంగా ఉన్నట్లు పేర్కొన్నారు. సమావేశానికి అవసరమైన తొమ్మిది మంది కౌన్సిలర్లు హాజరుకావాల్సి ఉండగా, చైర్‌పర్సన్‌తో పాటు మరో ముగ్గురు మాత్రమే వచ్చారని కమిషనర్‌ సాయికుమార్‌ తెలిపారు. సరిపడా కోరం లేకపోవడంతో సమావేశాన్ని వాయిదా వేసినట్లు వెల్లడించారు. సమావేశాన్ని బహిష్కరించిన బీజేపీ, బీఆర్‌ఎస్‌ కౌన్సిలర్లు కోరంలేక0 వాయిదా వేసిన కమిషనర్‌

నిజాంపేట(మెదక్‌): మండల పరిధి నగరం గ్రామంలో చేపడుతున్న పలు అభివృద్ధి పనులను మండల ప్రత్యేక అధికారి దేవ్‌కుమార్‌ శనివారం పర్యవేక్షించారు. ఎంపీడీఓ ముజాహిద్‌తో కలిసి గ్రామంలో ఇందిరమ్మ ఇళ్ల మార్కింగ్‌, పనుల పురోగతితో పాటు సీసీ రోడ్డు నిర్మాణ పనులను క్షేత్రస్థాయిలో పరిశీలించారు. అనంతరం గ్రామ పంచాయతీ కార్యాలయంలో నిర్వహించిన సర్దార్‌ వల్లభాయ్‌ పటేల్‌ జయంతి వేడుకల్లో హాజరైన వారితో శ్రీఏక్తా దివస్‌శ్రీ (జాతీయ ఐక్యత) ప్రతిజ్ఞ చేయించారు. అలాగే, అంగన్‌వాడీ కేంద్రాన్ని సందర్శించి పనితీరును తనిఖీ చేశారు. కార్యక్రమంలో గ్రామ సర్పంచ్‌ అంతంపల్లి సుశీల, పంచాయతీ కార్యదర్శి మొహమ్మద్‌ ఆరీఫ్‌ హుస్సేన్‌, ఉప సర్పంచ్‌ నాజం, గ్రామస్తులు పాల్గొన్నారు.

కొల్చారం(నర్సాపూర్‌): జిల్లాలోని ఒక్క మనోహరాబాద్‌ మండలాన్ని మాత్రమే కరువు మండలంగా ప్రభుత్వం ప్రకటించిందని ఎమ్మెల్యే సునీతారెడ్డి ఆరోపించారు. శనివారం మండలంలోని చిన్నఘనాపురంలో పీఏసీఎస్‌ ఆధ్వర్యంలో ఏర్పాటు చేసిన వరిధాన్యం కొనుగోలు కేంద్రాన్ని సర్పంచ్‌ మధుసూదన్‌రెడ్డి, చైర్మన్‌ నాగయ్యతో కలిసి ప్రారంభించారు. ఈ సందర్భంగా ఎమ్మెల్యే మాట్లాడుతూ.. నియోజకవర్గంలోని కౌడిపల్లి, నర్సాపూర్‌, చిలప్‌చెడ్‌ మండలాల్లో తక్కువ వర్షపాతం నమోదైనప్పటికీ కరువు మండలాల జాబితాలు చేర్చకపోవటం ఏమిటని ప్రశ్నించారు. కరువు మండలాలుగా ప్రకటించడం వల్ల ఆయా మండలాల్లోని రైతులకు ఉచితంగా విత్తనాలు, పశుగ్రాసం, ఉపాధి హామీ పనులు, తాగునీటికి ప్రత్యేక నిధులు వస్తాయన్నారు. రబీ సీజన్‌లో క్రాఫ్‌ హాలిడే పాటించాలని చెబుతున్నా ప్రభుత్వం, వారి జీవనోపాధికి ఎకరాకు రూ.30 వేలు చెల్లించాలని డిమాండ్‌ చేశారు. కార్యక్రమంలో తహసీల్దార్‌ శ్రీనివాస్‌చారి, మండల బీఆర్‌ఎస్‌ పార్టీ అధ్యక్షుడు గౌరీ శంకర్‌, మాజీ సీడీసీ చైర్మన్‌ నరేందర్‌ రెడ్డి, సొసైటీ వైస్‌ చైర్మన్‌ రాజాగౌడ్‌, సొసైటీ డైరెక్టర్లు బాగారెడ్డి, మల్లేశం, సీఈఓ సత్యనారాయణరెడ్డి పాల్గొన్నారు. నర్సాపూర్‌ ఎమ్మెల్యే సునీతారెడ్డి

కౌడిపల్లి(నర్సాపూర్‌): రైతులు వచ్చే యాసంగిలో ఆరుతడి పంటలు సాగు చేయాలని ఏఓ స్వప్న కోరారు. శనివారం మండలంలోని దేవులతండాలో ఖేత్‌ బచావో అభియాన్‌ కార్యక్రమం నిర్వహించి రైతులకు అవగాహన కల్పించారు. ఈ సందర్భంగా ఆమె మాట్లాడుతూ.. ఎల్‌నినో ప్రభావంతో వానాకాలం వర్షాలు సరిగ్గా కురవలేదని రైతులు వరి పంటకు బదులుగా ఆరుతడి పంటలు జొన్న, మొక్కజొన్న, సజ్జ, పొద్దుతిరుగుడు, కుసుమ, కూరగాయలు ఇతర ప్రత్యామ్నాయ పంటలు సాగుచేయాలని తెలిపారు. కార్యక్రమంలో ఏఈఓ సౌజన్య, సర్పంచ్‌ కోలశ్రీనివాస్‌, ఉపసర్పంచ్‌ ఛత్రనాయక్‌ తండావాసులు పాల్గొన్నారు. అర్హులకే చేయూత పెన్షన్లు డీపీఓ యాదయ్య రేగోడ్‌(మెదక్‌): అర్హులైన లబ్ధిదారులను గుర్తించి, పారదర్శకంగా చేయూత పెన్షన్లు అందించేందుకు దరఖాస్తులను క్షేత్రస్థాయిలో పరిశీలిస్తున్నట్లు మెదక్‌ డీపీఓ యాదయ్య తెలిపారు. శనివారం మండలంలోని ఆర్‌.ఇటిక్యాల, పోచారం, రేగోడ్‌, టి.లింగంపల్లి గ్రామాల్లో చేయూత పెన్షన్‌ కోసం వచ్చిన దరఖాస్తులను ఆయన పరిశీలించారు. ఈ సందర్భంగా దరఖాస్తుదారుల వివరాలు, అర్హతలను వెరిఫికేషన్‌ చేశారు. కార్యక్రమంలో ఎంపీఓ ఎ.గంగాధర్‌, సంబంధిత గ్రామాల పంచాయతీ కార్యదర్శులు, సర్పంచులు పాల్గొన్నారు. ఎస్టీ హాస్టల్‌ తనిఖీ చిన్నశంకరంపేట(మెదక్‌): మండల కేంద్రంలోని గిరిజన హాస్టల్‌ను శనివారం ఎంపీడీఓ దామోదర్‌ తనిఖీ చేశారు. ఈ మేరకు వంట గదిలోని బియ్యం, పప్పు దినుసులను పరిశీలించి వార్డెన్‌ స్వామికి పలు సూచనలు చేశారు. ఘనంగా జాతీయ ఐక్యతాదినోత్సవం మెదక్‌జోన్‌: ఉక్కుమనిషి సర్దార్‌ వల్లభాయ్‌ పటేల్‌ జయంతిని పురస్కరించుకుని శనివారం డిగ్రీకళాశాలలో రాష్ట్రీయ ఏక్తా దివస్‌ (జాతీయ ఐక్యతా దినోత్సవం) ఘనంగా నిర్వహించారు. ఈ సందర్భంగా జాతీయ ఐక్యతా ప్రతిజ్ఞ చేశారు. దేశ ఐక్యత, సమగ్రత, భద్రతను పరిరక్షించడంలో సర్దార్‌ వల్లభాయ్‌ పటేల్‌ చేసిన సేవలను స్మరించుకున్నారు. దేశంలోని భిన్నత్వంలో ఏకత్వాన్ని కాపాడుతూ.. జాతీయ సమైక్యతా భావనను ప్రతి ఒక్కరూ తమ జీవితాల్లో ఆచరించాలని ప్రతిజ్ఞ చేశారు. ప్రతి ఇంటికీ ఇంకుడుగుంత కౌడిపల్లి (నర్సాపూర్‌): భూగర్భ జలాల పెంపునకు ప్రతి ఇంటి వద్ద ఇంకుడుగుంత నిర్మించుకోవాలని ఎంపీడీఓ శ్రీనివాస్‌ సూచించారు. శనివారం మండలంలోని కంచన్‌పల్లిలో ఇంకుడుగుంతల నిర్మాణ పనులను ముగ్గు వేసి ప్రారంభించారు. ఈ సందర్భంగా ఆయన మాట్లాడుతూ.. వీబీజీ రాంజీ పథకంలోని జలసిరి పనుల ద్వారా వర్షపు నీటిని ఒడిసిపట్టి భూగర్భ జలాలను పెంపొందించవచ్చన్నారు. కార్యక్రమంలో ఎంపీఓ రామారావు, సర్పంచ్‌ సత్యంగౌడ్‌, ఉపసర్పంచ్‌ లక్ష్మణ్‌, ఏపీఓ పుణ్యదాస్‌, కార్యదర్శి నరహరి, గ్రామస్థులు పాల్గొన్నారు. సొంతింటి కల సాకారమే లక్ష్యం రేగోడ్‌ (మెదక్‌): పేదల సొంతింటి కలను సాకారం చేయడమే ప్రభుత్వ లక్ష్యమని కాంగ్రెస్‌ మండల అధ్యక్షుడు ఎస్‌. దిగంబర్‌రావు అన్నారు. శనివారం మండల పరిషత్‌ కార్యాలయంలో ఇందిరమ్మ ఇళ్ల పథకం లబ్ధిదారులకు మంజూరు పత్రాలు పంపిణీ చేశారు. గుడిసెలు, రేకుల ఇళ్ల స్థానంలో కొత్త ఇళ్ల నిర్మాణానికి 68 మందికి, రీప్లేస్‌మెంట్‌ కింద మరో 71 మందికి కలిపి మొత్తం 139 మందికి మంజూరు పత్రాలు అందజేశారు. కార్యక్రమంలో పీసీసీ సభ్యుడు మున్నూరు కిషన్‌, ఎంపీడీఓ శ్రీనివాస్‌, డీసీసీ ప్రధాన కార్యదర్శి రాజేందర్‌ పాటిల్‌, చోటా మియా, ఎం. నరేందర్‌ తదితరులు పాల్గొన్నారు.

ఎల్‌నినో నేపథ్యంలో అన్నిశాఖల అధికారులు అప్రమత్తమయ్యారు. ఇందులో భాగంగా మున్సిపాలిటీల్లో ఇంకుడు గుంతల నిర్మాణానికి చర్యలు తీసుకుంటున్నారు. కొత్తగా ఎవరైనా ఇల్లు నిర్మించుకోవాలంటే ఇంకుడు గుంత నిర్మించాల్సిందే. గతంలో ఈ నిబంధన ఉన్నా ఎవరూ పట్టించుకోలేదు. ప్రస్తుతం తప్పనిసరి చేస్తూ ఉత్తర్వులు జారీ చేశారు. వృథా నీటిని భూమి లోపలికి పంపి భూగర్భజలాలు పెంపొందించే విధంగా ముందస్తు జాగ్రత్త చర్యలు తీసుకుంటున్నారు. – రామాయంపేట(మెదక్‌) రామాయంపేట మున్సిపాలిటీ పరిధిలో మొత్తం 5,620 పైగా నివాస గృహాలున్నాయి. గతంలోనే నిర్మించుకున్న ఇళ్ల వద్ద ఇంకుడు గుంతలు లేవు. కొత్తగా నిర్మిస్తున్న గృహాల వద్ద విధిగా ఇంకుడు గుంతలు నిర్మించుకోవాల్సిందేనని మున్సిపల్‌ అధికారులు స్పష్టం చేశారు. గ్రామీణ ప్రాంతాల్లో ఇంకుడు గుంతల నిర్మాణం ప్రక్రియను ఉపాధి ప్రణాళికలో చేర్చారు. ఒక్కో ఇంకుడు గుంత నిర్మాణానికి గాను రూ.7 వేల వరకు ఇస్తున్నారు. ప్రస్తుతం పట్టణంలో 95 శాతానికి పైగా ఉన్న గృహాల వద్ద ఇంకుడు గుంతలు లేవు. ఇటీవల మున్సిపాలిటీ పరిధిలోని వార్డుల్లో అధికారులు సర్వే నిర్వహించి నివాసాలను గుర్తించారు. గుంత నిర్మించుకోకపోతే నల్లా కనెక్షన్‌ తొలగిస్తామని ఉత్తర్వుల్లో స్పష్టం చేశారు. ప్రైవేట్‌ స్కూళ్లు, రైసు మిల్లుల్లో జిల్లావ్యాప్తంగా రైస్‌ మిల్లులు, ప్రైవేట్‌ కాలేజీలు, ఫంక్షన్‌ హాళ్లు, ప్రైవేట్‌ స్కూళ్ల వద్ద విధిగా ఇంకుడు గుంతలు నిర్మించుకోవాలని తాజాగా మున్సిపల్‌ శాఖ ఉత్తర్వులు జారీ చేసింది. ఈమేరకు ఆయా మున్సిపాలిటీ కమిషనర్లు వారికి నోటీసులు జారీ చేశారు. తమ ఆదేశాలు బేఖాతర్‌ చేస్తే చర్యలు తప్పవని హెచ్చరించారు. ఉపయోగాలు ● ఇంకుడు గుంతల నిర్మాణంతో భూమిలో నీటి మట్టం పెరుగుతుంది. ● వర్షం నీరు ఇంకుడు గుంతల్లోకి మళ్లిస్తే వరదలు తగ్గడంతో పాటు రోడ్డుపై వరద నీరు నిలవదు. ● కాలుష్య నివారణతో పాటు పర్యావరణ పరిరక్షణకు ఇవి తోడ్పడుతాయి. ● గుంతల్లో నీరు నిల్వ లేకుంటే దోమల బెడద అరికట్టవచ్చు. వాటివల్ల సంక్రమించే వ్యాధులను నియంత్రించవచ్చు. ● ఆరోగ్యకరమైన సమాజానికి ఇంకుడు గుంతలు ఎంతో ఉపయోగపడతాయి. బల్దియాలో ఇలా.. పట్టణంలో ఇళ్లు: 5,620ప్రస్తుతం ఇంకుడు గుంతలు: 30 అధికారుల ముందస్తు జాగ్రత్త చర్యలు ‘పేట’ బల్దియాలో ఇంకుడుగుంతలకు కార్యాచరణ రైస్‌మిల్లులు, ఫంక్షన్‌ హాళ్లు, ప్రైవేట్‌ స్కూళ్లలో తప్పనిసరి

అదనపు ఎస్పీ విక్రాంత్‌ కుమార్‌సింగ్‌ మెదక్‌జోన్‌: బాధిత బాలలపట్ల పోలీసులు సున్నితరంగా, బాధ్యయుతంగా, గౌరవంగా వ్యవహరించాలని అదనపు ఎస్పీ విక్రాంత్‌ కుమార్‌సింగ్‌ పేర్కొన్నారు. ఎస్పీ కార్యాలయంలో గురువారం బాలలతో ఏర్పాటు చేసిన కార్యక్రమానికి అదనపు ఎస్పీ హాజరై మాట్లాడారు. బాలల మానసిక స్థితిగతులను అర్థం చేసుకుని, వారికి భరోసా కల్పిస్తూ న్యాయం అందించాలని పేర్కొన్నారు. బాలలపై జరిగే నేరాల నివారణకు, బాధితులకు సత్వర న్యాయం అందించేందుకు అన్ని విభాగాలు సమన్వయంతో పనిచేయాలని ఆదేశించారు. కార్యక్రమంలో భరోసా, షీ టీమ్‌ సభ్యులతో పాటు జిల్లా వైద్యాధికారి పాల్గొన్నారు.

కలెక్టర్‌ ప్రతిమాసింగ్‌ టేక్మాల్‌(మెదక్‌): భూ భారతి రీ సర్వేతో భూ సమస్యలు పరిష్కారం అవుతాయని కలెక్టర్‌ ప్రతిమా సింగ్‌ స్పష్టం చేశారు. టేక్మాల్‌ మండలంలోని ఏక్లాస్‌పూర్‌లో గురువారం నిర్వహించిన భూ భారతి రీ సర్వే గ్రామసభలో కలెక్టర్‌ పాల్గొని మాట్లాడారు. భూ భారతి రీ సర్వే గురించి అపోహలు వద్దని, రీ సర్వే వల్ల గ్రామంలోని భూములకు పటిష్టంగా హద్దులు నిర్ణయించనున్నామన్నారు. గ్రామంలో ఉన్న 718 ఎకరాల్లో సర్వే నిర్వహించి ఎలాంటి భూ సమస్యలు ఉన్నా 60 రోజుల ముందు నోటీసులు ఇచ్చి పరిష్కరిస్తామని గ్రామస్తులకు అభయమిచ్చారు. ముందుగా గ్రామ సరిహద్దులు, గ్రామకంఠం, ఫారెస్ట్‌, అసైన్డ్‌, చెరువు,కుంట భూముల అనంతరం పట్టా భూములను సర్వే నిర్వహించి భూ తగాదాలు లేకుండా తీర్చిదిద్దుతామన్నారు. కార్యక్రమంలో ఆర్డీఓ రమాదేవి, స్థానిక తహసీల్దార్‌ తులసీరామ్‌, సర్పంచ్‌ యశోద, ఎంపీడీఓ సత్యనారాయణ, ఏఓ రాం ప్రసాద్‌, ఎంపీఓ రియాజొద్దిన్‌ తదితరులు పాల్గొన్నారు. నాణ్యమైన విద్యను అందించాలివిద్యార్థులకు నాణ్యమైన విద్యతో పాటు మెరుగైన వసతులు కల్పించాలని కలెక్టర్‌ ప్రతిమా సింగ్‌ ఆదేశించారు. టేక్మాల్‌ మండల కేంద్రంలోని ప్రభుత్వం జూనియర్‌ కళాశాలను కలెక్టర్‌ ఆకస్మికంగా తనిఖీ చేసి విద్యార్థుల సామర్థ్యాలను, నిర్మాణంలో ఉన్న సైన్స్‌ ల్యాబ్‌లను పరిశీలించారు. పాఠశాల, కళాశాలలో విద్యాబోధనతీరు, హాజరు, మౌలిక వసతులు అడిగి తెలుసుకున్నారు. మధ్యాహ్న భోజనం, హాస్టల్‌ వసతులు, ల్యాబ్‌ సౌకర్యాలను పరిశీలించారు. ఫ్యాన్లు, ట్యూబ్‌లైట్లు తదితర విద్యుత్‌ పరికరాలు సక్రమంగా పనిచేసేలా చూడాలని, మరమ్మతులు అవసరమైన వాటిని వెంటనే బాగు చేయించాలని సూచించారు. కలెక్టర్‌ వెంట తహసీల్దార్‌ తులసీ రామ్‌, ప్రిన్సిపాల్‌ శరత్‌చంద్ర, అధ్యాపకులు తదితరులున్నారు.

మెదక్‌ ఆర్డీఓ రమాదేవి పెద్దశంకరంపేట(మెదక్‌): భూ భారతిలో ప్రతీ అంగుళం భూమి డిజిటలైజేషన్‌ చేస్తామని మెదక్‌ ఆర్డీఓ రమాదేవి పేర్కొన్నారు. పెద్దశంకరంపేట మండలం శివాయపల్లిలో గురువారం నిర్వహించిన భూముల రీ సర్వే కార్యక్రమంలో ఆర్డీఓ పాల్గొని మాట్లాడారు. రైతులు సర్వే అధికారులకు సహకరించాలని, ప్రతీ భూమికి హద్దులు ఏర్పాటు చేయడంతో పాటు భూ ఆధార్‌ నంబర్‌ కేటాయిస్తామన్నారు. రైతులు భూముల విషయంలో ఆందోళన చెందవద్దని చెప్పారు. కార్యక్రమంలో అసిస్టెంట్‌ డైరెక్టర్‌ సర్వేయర్‌ కిషన్‌, తహసీల్దార్‌ నారాయణ, డివిజనల్‌ సర్వేయర్‌ అజీమ్‌, సర్పంచ్‌ సంతోషి, ఆర్‌ఐ.నాగరాజు, సర్వేయర్‌ నాగరాణి తదితరులున్నారు.

ఎంపీ రఘునందన్‌రావునర్సాపూర్‌: రాజ్యాంగం ప్రకారమే దేశంలో ఎస్‌ఐఆర్‌ కార్యక్రమాన్ని ఎన్నికల కమిషన్‌ చేపడుతుందని ఎంపీ రఘునందన్‌రావు తెలిపారు. ఓ ప్రైవేటు కాలేజీ విద్యార్థులతో ఎస్‌ఐఆర్‌ కార్యక్రమంపై గురువారం ఏర్పాటు చేసిన ముఖాముఖి కార్యక్రమంలో ఆయన పాల్గొని మాట్లాడారు. మనిషికి ఒకటి కన్నా ఎక్కువ ఓట్లు ఉంటే తీసివేయడమే సర్‌ ఉద్దేశ్యమని, ఓటరు జాబితా నుంచి అర్హుల పేర్లు ఎక్కడా తొలగించలేదని ఆయన వివరించారు. ఎస్‌ఐఆర్‌పై కాంగ్రెస్‌తో ప్రతిపక్షాల నాయకులు అనవసర రాద్ధాంతం చేస్తున్నారని మండిపడ్డారు. ప్రజలకు మెరుగైన వైద్యం, విద్య అందించేందుకు తన వంతు కృషి చేస్తున్నానని రఘునందన్‌రావు చెప్పారు. మూడు లక్షల ఎంపీ లాడ్స్‌ నిధులతో స్థానిక ప్రభుత్వ ఏరియా ఆస్పత్రిలో డెంటల్‌ చైర్‌, ఇతర పరికరాలు సమకూర్చి వాటిని ప్రారంభించారు. అనంతరం పలువురు రోగులతో మాట్లాడి వైద్యసేవలపై, మందులపై ఆరా తీశారు. ప్రారంభోత్సవంలో డీసీహెచ్‌ఎస్‌ డాక్టర్‌ శివదయాల్‌, ఆస్పత్రి ఇన్‌చార్జ్‌ సూపరింటెండెంట్‌ డాక్టర్‌ వంశీకృష్ణ, ఆర్‌ఎంఓ డాక్టర్‌ రాజేశ్‌కుమార్‌తోపాటు బీజేపీ జిల్లా అధ్యక్షుడు మల్లేశ్‌గౌడ్‌, పలువురు పార్టీ నాయకులు పాల్గొన్నారు. స్వీపర్లకు వేతనాలు ఇప్పించాలని వినతి ప్రభుత్వ పాఠశాలల్లో పని చేస్తున్న స్వీపర్లకు వేతనాలు ఇప్పించాలని కోరుతూ రఘునందన్‌రావుకు పీఆర్‌టీయూ టీఎస్‌ జిల్లా ప్రతినిధులు వినతిపత్రం అందజేశారు. వారికి జూన్‌ నెల నుంచి వేతనాలు రావడం లేదని, వేతనాలు అందక వారి కుటుంబాలు ఆర్థిక ఇబ్బందుల పాలవుతున్నాయని వారు ఆవేదనవ్యక్తం చేశారు. వినతిపత్రం అందజేసిన వారిలో జిల్లా యూనియన్‌ అధ్యక్షుడు కృష్ణ, ప్రధానకార్యదర్శి సామ్యానాయక్‌, నాయకులు అనిల్‌రెడ్డి, నర్సాగౌడ్‌, శ్రీకాంత్‌గౌడ్‌, నరేందర్‌రెడ్డి తదితరులున్నారు.

● జోరుగా సాగుతున్న వరికోతలు ● సన్నాలు కొనుగోళ్లు చేస్తున్న వ్యాపారులు ● తుపాన్‌ హెచ్చరికతో ఆందోళన చెందిన రైతులు ఎల్‌నినో ప్రభావంతో వానలు అంతంత మాత్రంగానే వర్షాలు కురవడంతో సాగుచేసిన వరి పంటకు సరిపడా నీటితడులు అందలేదు. దీనికి తోడు కరెంట్‌ సైతం సక్రమంగా సరఫరా జరగక చాలావరకు పంటలు ఎండిపోయాయి. దీంతో అనేక వ్యయప్రయాసలకోర్చి జనరేటర్లు, ట్యాంకర్ల ద్వారా సాగునీటిని అందించి పంటను దక్కించుకున్నారు. తీరా పంట కోత దశలో ఉన్న సమయంలో ‘అర్నబ్‌’తుపాన్‌ హెచ్చరికలు అన్నదాతలను ఆందోళనకు గురిచేసింది. దీంతో ఎక్కడికక్కడ రైతులు హడావుడిగా వరికోతలు ప్రారంభించారు. –మెదక్‌జోన్‌ జిల్లాలో ఈ ఏడాది 3.40 లక్షల ఎకరాల్లో వివిధ రకాల పంటలు సాగు చేయగా అందులో 2.94 లక్షల ఎకరాలకు పైగా వరి పంటను సాగు చేశారు. కాగా, అధికారుల అంచనా ప్రకారం ఎకరాకు 25 క్వింటాళ్ల చొప్పున ధాన్యం దిగుబడి వస్తుందని దీంతో 7.35 లక్షల మెట్రిక్‌ టన్నుల దిగుబడి రావాల్సి ఉంటుంది. రావాల్సిన దిగుబడిలో 50 వేల మెట్రిక్‌ టన్నుల వరకు తగ్గుతుందని సంబంధిత వ్యవసాయశాఖ అధికారులు పేర్కొంటున్నారు. అయినప్పటికీ 6.85 లక్షల మెట్రిక్‌ టన్నుల దిగుబడి రానుంది. ఈ నేపథ్యంలో ఎల్‌నినో ప్రభావం రెండేళ్లపాటు ప్రతికూల పరిస్థితి ఉందని శాస్త్రవేత్తల హెచ్చరికలతో వ్యాపారులు రెక్కలు కట్టుకుని పంటపొలాల్లో వాలిపోయారు. సన్నధాన్యాన్ని క్వింటాల్‌కు రూ.3,200 నుంచి రూ.3,500 చొప్పున వెచ్చించి కొనుగోళ్లు చేస్తున్నారు. ఇది రైతుకు లాభదాయకమనే చెప్పాలి. భయపెట్టిన ‘అర్నబ్‌’తుపాన్‌ ఈ ఏడాది 518 కొనుగోలు కేంద్రాలను ఏర్పాటు చేసి వాటి ద్వారా రైతుల నుంచి ధాన్యం సేకరించేందుకు అధికార యంత్రాంగం సిద్ధమైంది. ఈ నేపథ్యంలో సన్నాలకు ప్రభుత్వం ఇచ్చే మద్దతు ధరకన్నా ఎక్కువగా చెల్లించి వ్యాపారులు కొనుగోలు చేస్తుండగా, ఎల్‌నినో ముప్పు రానున్న కాలంలో ఏవిధంగా ఉంటుందోననే భయంతో రైతులు తినడానికి పెద్ద మొత్తంలో సన్న ధాన్యం నిల్వ ఉంచుకుంటున్నారు. కాగా, ఇప్పటివరకు కొనుగోలు కేంద్రాలను అధికారులు ఎక్కడా ఏర్పాటు చేయలేదు. అర్నబ్‌ తుపాన్‌ ప్రభావం జిల్లాపై పడింది. గత 3 రోజులుగా చలితీవ్రత పెరగటంతోపాటూ ఈదురుగాలులు వీచాయి. ఆకాశంలో మేఘాలు వర్షించే విధంగా నల్ల మబ్బులు కమ్ముకున్నాయి. దొడ్డు ధాన్యాన్ని మిల్లరు కొనుగోలు చేయకపోవటంతో రైతులు రోడ్లు వెంట, పంట పొలాల వద్ద ఆరబెడుతున్నారు. కానీ తుపాన్‌ కారణంగా ఆరబెట్టిన ధాన్యం తడిసి పోతుందేమోనని ఆందోళన చెందారు. ఇప్పటికై నా కొనుగోలు కేంద్రాలను త్వరితగతిన ఏర్పాటు చేసి కొనాలని పలువురు కోరుతున్నారు.

జిల్లా న్యాయ సేవాధికార సంస్థ సెక్రటరీ రుబీనా ఫాతిమా మెదక్‌జోన్‌: పోక్సో చట్టం గురించి ప్రతి ఒక్కరూ తెలుసుకోవాలని జిల్లా న్యాయ సేవాధికార సంస్థ సెక్రటరీ శ్రీమతి రుబీనా ఫాతిమా తెలిపారు. జిల్లా న్యాయ సేవాధికార సంస్థ ఆధ్వర్యంలో సురక్షిత్‌ బచ్‌పన్‌ అభియాన్‌ – ఏ పాన్‌ ఇండియా స్కూల్‌ అవగాహన కార్యక్రమాన్ని గురువారం పట్టణంలోని సెయింట్‌ డాన్‌ బాస్కో ఉన్నత పాఠశాల, తెలంగాణ ట్రైబల్‌ వెల్ఫేర్‌ రెసిడెన్షియల్‌, జూనియర్‌ కళాశాల (బాలికల), ప్రభుత్వ ఉన్నత పాఠశాల, మినీ గురుకులం పాఠశాలల్లో అవగాహన నిర్వహించారు. ఈ సందర్భంగా ఆమె మాట్లాడుతూ...ప్రతి ఒక్కరికి పోక్సో గురించి తెలిసి ఉండాలన్నారు. పిల్లలను లైంగిక వేధింపులు, లైంగిక దాడుల నుంచి రక్షించడం ఈ చట్టం ముఖ్య ఉద్దేశమని తెలిపారు. గుడ్‌ టచ్‌–బ్యాడ్‌ టచ్‌ గురించి పిల్లలకు చిన్న వయస్సు నుంచే అవగాహన కల్పించాలని, ఎవరైనా అనుచితంగా తాకినా లేదా అసౌకర్యానికి గురిచేసినా వెంటనే పెద్దలకు చెప్పాలని వివరించారు. కార్యక్రమాలలో న్యాయవాదులు తదితరులు పాల్గొన్నారు.

జిల్లా గిరిజన అభివృద్ధి అధికారి నీలిమ శివ్వంపేట(నర్సాపూర్‌): వసతిగృహాల్లో ఉండి చదువుకుంటున్న విద్యార్థులు 100% ఉత్తీర్ణత సాధించాలని అందుకు ఉపాధ్యాయులు కూడా కృషి చేయాలని జిల్లా గిరిజన అభివృద్ధి అధికారి నీలిమ సూచించారు. శివ్వంపేటలోని గిరిజన బాలుర వసతిగృహాన్ని గురువారం ఆమె తనిఖీ చేసి రికార్డులు, హాస్టల్‌ పరిసరాలు పరిశీలించి సంతృప్తి వ్యక్తం చేశారు. అనంతరం విద్యార్థులకు బూట్లు, కంచాలను పంపిణీ చేశారు. ఈ సందర్భగా ఆమె మాట్లాడుతూ..హాస్టల్స్‌లోని విద్యార్థులకు మౌలిక వసతుల కల్పనతో పాటు వారికి కావాల్సిన దుప్పట్లు, బూట్లు, పుస్తకాలు ఇతర వస్తువులు అందిస్తున్నామన్నారు. విద్యార్థులు శ్రద్ధగా చదువుకుని ఉన్నత స్థాయికి ఎదగాలని ఆకాంక్షించారు. కార్యక్రమంలో హాస్టల్‌ వార్డెన్‌ యాదగిరి, ఏఎన్‌ఎం సుజాత, సిబ్బంది ఉన్నారు.

అల్లాదుర్గం జడ్జి సుచరిత అల్లాదుర్గం(మెదక్‌): విద్యార్థులు ఫోన్లు, సామాజిక మాధ్యమాలకు దూరంగా ఉంటేనే మంచి ఫలితాలు సాధిస్తారని అల్లాదుర్గం జూనియర్‌ సివిల్‌ జడ్జి, మండల్‌ లీగల్‌ సర్వీస్‌ కమిటీ చైర్‌పర్సన్‌ సుచరిత స్పష్టం చేశారు. మండల పరిధిలోని గడిపెద్దాపూర్‌ జెడ్పీ పాఠశాలలో ‘సురక్షిత్‌ బచ్‌పన్‌ అభియాన్‌’లో భాగంగా పోక్సో చట్టంపై గురువారం నిర్వహించిన న్యాయ అవగాహన సదస్సులో ఆమె పాల్గొని మాట్లాడారు. తల్లిదండ్రులు విద్యార్థులకు మొబైల్‌ఫోన్లు ఇవ్వవద్దన్నారు. బాలికల పట్ల అసభ్యకరంగా ప్రవర్తించడం, లైంగిక వేధింపులకు పాల్పడితే కఠిన శిక్షలు తప్పవని హెచ్చరించారు. కార్యక్రమంలో ఎంఈఓ లక్ష్మణ్‌, హెచ్‌ఎం నర్సింహులు, లీగల్‌ సర్వీసెస్‌ సిబ్బంది ఆంజనేయులు తదితరులు పాల్గొన్నారు. పెద్దశంకరంపేట(మెదక్‌): ఎల్‌నినో ప్రభావంతో ఎదురయ్యే నీటి ఎద్దడిని సమర్థవంతంగా ఎదుర్కొనేందుకు అందరూ ఇంటికొక ఇంకుడుగుంత నిర్మించాలని మెదక్‌ జెడ్పీ సీఈఓ ఎల్లయ్య, డీపీఓ యాదయ్యలు సూచించారు. పెద్దశంకరంపేట మండల పరిషత్‌ కార్యాలయంలో సర్పంచ్‌లు, అధికారులతో కలసి గురువారం ఎల్‌నినో ప్రభావంపై సమీక్షించారు. ఎల్‌నినో వల్ల గ్రామాల్లో నెలకొంటున్న సమస్యల పరిష్కారానికి అధికారులు, ప్రజాప్రతినిధులు సమన్వయంతో పనిచేయాలన్నారు. నీటి సమస్యలు తలెత్తకుండా ముందు జాగ్రత్త చర్యలు తీసుకోవాలని ఆదేశించారు. కమలాపూర్‌, కట్టెల వెంకటాపూర్‌, కోళాపల్లి, ఆరేపల్లి తదితర గ్రామాల్లో డీపీఓ యాదయ్య చేయూత పెన్షన్‌ల కోసం దరఖాస్తు చేసుకున్న లబ్ధిదారుల వివరాలను పరిశీలించారు. కార్యక్రమంలో ఇన్‌చార్జి ఎంపీడీఓ షాకీర్‌అలీ, ఎంపీఓ జాకీర్‌హుస్సేన్‌, సర్పంచ్‌లు పాల్గొన్నారు. జిల్లా ఇన్‌చార్జ్‌ డీడబ్ల్యూఓ హేమభార్గవి నర్సాపూర్‌: దివ్యాంగులకు పలు సంస్థల సహకారంతో ఉద్యోగ అవకాశాలు కల్పించేందుకు తమ వంతు కృషి చేస్తామని జిల్లా ఇన్‌చార్జ్‌ డీడబ్ల్యూఓ హేమభార్గవి స్పష్టం చేశారు. స్థానిక రైతు వేదికలో యూత్‌ ఫర్‌ జాబ్స్‌ ఫౌండేషన్‌, ఐసీడీఎస్‌ ఆధ్వర్యంలో దివ్యాంగులకు గురువారం ఏర్పాటు చేసిన స్క్రీనింగ్‌ క్యాంపులో పాల్గొని మాట్లాడారు. దివ్యాంగులకు అవసరమైన శిక్షణ ఇప్పించి అర్హతలను బట్టి ఉద్యోగ అవకాశాలు కల్పించేందుకు స్క్రీనింగ్‌ క్యాంపు ఏర్పాటు చేశామని ఆమె చెప్పారు. కార్యక్రమంలో ఐసీడీఎస్‌ సూపర్‌ వైజర్లు వసుమతి, సరళకుమారి తదితరులు పాల్గొన్నారు. నర్సాపూర్‌: వాటర్‌ ఫిల్టర్ల నుంచి వచ్చే వృథా నీటిని ఇంకుడు గుంతల్లోకి వెళ్లే విధంగా చర్యలు తీసుకోవాలని మున్సిపల్‌ కమిషనర్‌ సాయికుమార్‌ సూచించారు. ఆయన గురువారం పట్టణంలోని పలు వాటర్‌ ఫిల్టర్లను పరిశీలించి సూచనలు చేశారు. పట్టణంలోని ప్రతి వాటర్‌ ఫిల్టర్‌ వాటర్‌ కంపెనీ వద్ద ఇంకుడు గుంత తప్పనిసరిగా నిర్మించుకోవాలని ఆయన సూచించారు. నీటిని ఫిల్టర్‌ చేసే సమయంలో వచ్చె వృథా నీరు మురికి కాలువలోకి వెళ్లకుండా చర్యలు తీసుకుని ఇంకుడు గుంతలోకి వెళ్లే విధంగా చూడాలని చెప్పారు. ఎల్‌నినో పరిస్థితులు ఉన్నందున అందరు నీటిని పొదుపుగా వాడాలని ఆయన సూచించారు. ఆయన వెంట పలువురు మున్సిపల్‌ ఉద్యోగులు ఉన్నారు.

తెలంగాణ, కొల్చారం (నర్సాపూర్‌): ఇద్దరూ ఆడపిల్లలు.. భర్త గుండెపోటుతో మరణం.. బతుకు పోరాటంలో ఆర్థిక ఇబ్బందులతో తీవ్ర మానసిక ఒత్తిడికి గురైన ఓ తల్లి తన పిల్లలను నదిలోకి తోసేసి, తానూ దూకి ఆత్మహత్యకు పాల్పడింది. ఎస్‌ఐ మొహినుద్దీన్‌ తెలిపిన వివరాలు.. కామారెడ్డి జిల్లా ఎల్లారెడ్డి మండలం మల్కాపూర్‌ గ్రామానికి చెందిన గంగుల బాలకృష్ణయ్య కుమార్తె సరిత (27) పదేళ్ల క్రితం ప్రేమ వివాహం చేసుకుంది.ఇద్దరు ఆడపిల్లలు వైష్ణవి (7), శాన్విక (6) పుట్టిన ఏడేళ్లకే సరిత భర్త గుండెపోటుతో మరణించాడు. దీంతో సరిత ఇద్దరు పిల్లలను తల్లిదండ్రుల వద్దే ఉంచి హైదరాబాద్‌ వెళ్లి పనులు చేసుకుంటూ పిల్లలను చదివిస్తోంది. ఈనెల 26వ తేదీన హైదరాబాదు నుంచి స్వగ్రామానికి చేరుకుంది. 27నాడు ఉదయం ఏడుపాయల దేవాలయానికి వెళ్తానంటూ ఇద్దరు పిల్లలను తీసుకెళ్లింది. దర్శనం అనంతరం తండ్రికి ఫోన్‌ చేసి.. ఆర్థిక పరిస్థితి భారంగా ఉందని, ఇద్దరు ఆడపిల్లలను పెంచడం తనతో కావడం లేదంటూ ఆవేదన చెందింది. అనంతరం మంజీరా నదిలో దూకి చనిపోతున్నట్లు చెప్పి ఫోన్‌ కట్‌ చేసింది.కుటుంబ సభ్యులు పోలీసులకు సమాచారం అందించడంతో మెదక్‌ రూరల్‌ సీఐ కృష్ణమూర్తి, ఎస్‌ఐ సిబ్బందితో కలిసి నది వెంట గాలించినా రాత్రి వరకు ఆచూకీ లభించలేదు. బుధవారం ఉదయం మెదక్‌ జిల్లా కొల్చారం మండలం చిన్న ఘనపూర్‌ శివారులోని మొదటి బ్రిడ్జి సమీపంలో పోలీసులు మృతదేహాలను వెలికితీశారు. కేసు నమోదు చేసుకొని, దర్యాప్తు చేస్తున్నట్లు ఎస్‌ఐ తెలిపారు.ఇదీ చదవండి: ఏడీఏలో సీనియర్ శాస్త్రవేత్త ఆత్మహత్య కలకలం

ఏఓ శ్రీదేవి రేగోడ్‌ (మెదక్‌): ఎల్‌నినో తో రైతులు అప్రమత్తంగా ఉండాలని పంటల రక్షణ కు తగిన జాగ్రత్తలు తీసుకోవాలని స్థానిక ఏఓ శ్రీదేవి సూచించారు. బుధవారం ఆమె మాట్లాడుతూ తూర్పు తెలంగాణలో భారీ వర్షాల హెచ్చరికల కారణంగా జిల్లాలోనూ తేలికపాటి నుంచి మోస్తరు వర్షాలు కురిసే అవకాశం ఉంద ని తెలిపారు. వరి, మొక్కజొన్న, పత్తి పంటలు కోతకు సిద్ధంగా ఉంటే వర్షం తగ్గిన తర్వాతే కోయాలని, పొలాల్లో నీరు నిల్వ ఉండకుండా కాలువలు ఏర్పాటు చేసుకోవాలన్నారు. రెండు రోజులపాటు పురుగుమందులు, ఎరువుల పిచి కారీ చేయవద్దన్నారు. కోసిన ధాన్యాన్ని టార్పాలిన్‌తో కప్పి సురక్షితంగా నిల్వ చేసుకోవాలని తెలిపారు. సబ్సిడీపై జొన్న విత్తనాలు స్థానిక రైతు వేదికలో సబ్సిడీపై జొన్న (సీఎస్‌వీ 41) రకం విత్తనాలు అందుబాటులో ఉన్నాయ ని శ్రీదేవి తెలిపారు. నాలుగు కిలోల బ్యాగు ధర రూ.150గా ఉందన్నారు. విత్తనాలు పొందాలనుకునే రైతులు తగిన ధ్రువపత్రాలతో సంప్రదించాలన్నారు.

● పదేళ్లుగా నిరుపయోగంగా గజబో ● త్వరలో వినియోగంలోకి తెస్తామంటున్న అధికారులు నర్సాపూర్‌: అటవీశాఖ అధికారులు సుమారు రూ.12 లక్షల ప్రభుత్వ నిధులతో సుమారు పదేళ్ల క్రితం నిర్మించిన గజబో నిరుపయోగంగా మారింది. అటవీ శాఖ నర్సాపూర్‌ రేంజ్‌లోని కొండాపూర్‌ బీట్‌ పరిధిలో నర్సాపూర్‌ హైదరాబాద్‌ రహదారి నుంచి కొంతదూరంలోని అడవిలోకి వచ్చే సందర్శకులు అటవీ అందాలు వీక్షిస్తూ సేదతీరడంతోపాటు భోజనాలు చేసేందుకు అనువుగా గజబోను దానిపక్కన చెక్‌డ్యామ్‌ను నిర్మించారు. ఇక చెక్‌ డ్యామ్‌ను ఆనుకుని కూర్చునేందుకు వీలుగా ఆకర్షణీయమైన టేబుల్‌, స్టూళ్లు లాంటివి సిమెంట్‌తో పెద్ద బండరాయిపై నిర్మించారు. పదేళ్లుగా నిరుపయోగం పచ్చని అడవిలో సందర్శకులను ఆకర్షించే విధంగా రూ.12లక్షలతో నిర్మించిన గజబో ఇతర నిర్మాణాలు పదేళ్లుగా నిరుపయోగంగానే ఉంటున్నాయి. కాగా, కొండాపూర్‌ బీట్‌ పరిధిలో నిర్మించిన గజబో వైపు సందర్శకులను అనుమతించడం లేదు. గజబో నిర్మించిన ప్రాంతం వైపు వెళ్లాలంటే జాతీయ రహదారి సమీపంలో ఏర్పాటు చేసిన గేట్‌కు తాళం వేసి ఉండటంతో సందర్శకులు వెళ్లడానికి వీలు పడటం లేదని తెలిసింది. కాగా స్థానిక అటవీ శాఖ రేంజ్‌ పరిధిలో నిర్మించిన అర్బన్‌ పార్కులోకి సందర్శకులను అనుమతించిన విధంగా గజబో ఉన్న ప్రాంతంలోకి సైతం సందర్శకులను అనుమతించి గజబో ఇతర నిర్మాణాలు వినియోగంలోకి తేవాల్సిన అవసరం ఎంతైనా ఉంది.

మెదక్‌ కలెక్టరేట్‌: నిస్వార్థంగా ప్రజలకు సేవలందిస్తున్న తమను ప్రభుత్వం వెంటనే క్రమబద్దీకరించి న్యాయమైన డిమాండ్లు పరిష్కరించాలని ఎన్‌హెచ్‌ఎం ఉద్యోగుల జేఏసీ అధ్యక్షురాలు ప్రియాంక, సెక్రెటరీ శ్రీలత డిమాండ్‌ చేశారు. రెగ్యులరైజ్‌ లక్ష్యంగా మెదక్‌ కలెక్టరేట్‌ వద్ద 16 రోజులుగా ఎన్‌హెచ్‌ఎం ఉద్యోగులు రిలే దీక్షలు నిర్వహిస్తున్నారు. ఇందులోభాగంగా బుధవారం మెదక్‌ జిల్లా కేంద్రంలో భారీ నిరసన ర్యాలీ నిర్వహించారు. ఈ సందర్భంగా జేఏసీ నాయకులు మాట్లాడుతూ..ఏళ్ల తరబడి నిస్వార్థంగా సేవలందిస్తున్న మా ఉద్యోగాలకు భద్రతలేదన్నారు. ప్రభుత్వం తక్షణం స్పందించి మా న్యాయమైన డిమాండ్లు పరిష్కరించాలన్నారు. మహిళా ఉద్యోగులకు 150 రోజులు ప్రసూతి సెలవులు ప్రకటించాలని, ప్రతీ ఉద్యోగిని రెగ్యులరైజ్‌చేసి ప్రతీనెల ప్రభుత్వ ఖజానా నుంచి జీతాలు అందించాలన్నారు. అలాగే ప్రతీ ఎన్‌హెచ్‌ఎం ఉద్యోగులకు 20 లక్షలు జీవిత బీమాతోపాటు హెల్త్‌కార్డులు మంజూరు చేయాలని డిమాండ్‌ చేశారు. ప్రభుత్వం స్పందించేదాకా ఆందోళన ఉధృతం చేస్తామని స్పష్టం చేశారు. కార్యక్రమంలో జేఏసీ వర్కింగ్‌ ప్రెసిడెంట్‌ అంజుధా బేగమ్‌, ట్రెజరీ కోటయ్య, అమృత్‌, వైస్‌ ప్రెసిడెంట్‌ నవీన్‌, విజిత, ఉద్యోగులు పాల్గొన్నారు.

● జిల్లాలో మరిన్ని కరువు మండలాలు ప్రకటించకపోతే ఆందోళనే ● ఎమ్మెల్యే సునీతారెడ్డి డిమాండ్‌ కౌడిపల్లి(నర్సాపూర్‌): కరువును దృష్టిలో ఉంచుకుని ప్రభుత్వం వ్యాపారులు చెల్లించేధరను చెల్లించి మన ధాన్యం పక్కరాష్ట్రాలకు వెళ్లకుండా చూడాలని ఎమ్మెల్యే సునీతారెడ్డి డిమాండ్‌ చేశారు. మండంలోని తునికి, రాయిలాపూర్‌, మహమ్మద్‌నగర్‌, తిమ్మాపూర్‌ తదితర గ్రామాల్లో సొసైటీ ఆధ్వర్యంలో బుధవారం ఏర్పాటు చేసిన వరిధాన్యం కొనుగోలు కేంద్రాలను ప్రారంభించారు. ఈ సందర్భంగా ఎమ్మెల్యే మాట్లాడుతూ..ఎల్‌నినో ప్రభావంతో పలు రాష్ట్రాల్లో వరిధాన్యం పండలేదని దీంతో ఇతర రాష్ట్రాలకు చెందిన వ్యాపారులు రూ.3 వేల నుంచి రూ.3,300 వరకు అధికధర చెల్లించి ఇక్కడి ధాన్యం కొనుగోలు చేస్తున్నారన్నారు. జిల్లాలో ఒక్క మండలాన్నే కరువు మండలంగా ప్రకటించారని ఇది సరికాదన్నారు. ఏ ప్రాతిపదికన కరువు మండలాలను ఎంపిక చేశారో పునఃపరిశీలన చేయాలన్నారు. జిల్లాను కరువు మండలంగా ప్రకటిస్తే కేంద్ర రాష్ట్ర ప్రభుత్వాల నుంచి ప్రత్యేక నిధులు వస్తాయన్నారు. కరువు మండలాలు ప్రకటించకపోతే ఆందోళన చేస్తామని హెచ్చరించారు. కార్యక్రమంలో సొసైటీ చైర్మన్‌ గోవర్ధన్‌రెడ్డి, వైస్‌చైర్మన్‌ చిన్నంరెడ్డి, మండల బీఆర్‌ఎస్‌ అధ్యక్షుడు సార రామాగౌడ్‌ ఏఓ స్వప్న, ఏఈఓ సౌజన్య సొసైటీ డైరెక్టర్లు పాల్గొన్నారు.

మెదక్‌ ఆర్డీఓ రమాదేవి నిజాంపేట(మెదక్‌): భూ భారతి భూముల రీ–సర్వే తో రైతులకు న్యాయం చేకూరుతుందని నిజాంపేట మండల పరిధిలోని వెంకటపూర్‌ కె.గ్రామంలో మెదక్‌ ఆర్డీఓ రమాదేవి పేర్కొన్నారు. ఈ మేరకు బుధవారం గ్రామంలో స్థానిక తహసీల్దార్‌ శ్రీనివా స్‌ ఆధ్వర్యంలో ఏర్పాటు చేసిన గ్రామ సభలో రమాదేవి పాల్గొని మాట్లాడారు. ఏళ్ల తరబడి మోకా పై సాగు చేసుకుంటున్న రైతులకు ప్రభుత్వం లబ్ధి చేకూరుస్తుందని స్పష్టం చేశారు. అక్రమంగా పట్టా లు పొంది ప్రభుత్వ సంక్షేమ ఫలాలు పొందుతున్న వారిపై చర్యలు తీసుకుని, ఆ పట్టాలను రద్దు చేస్తా మని హెచ్చరించారు. భూభారతి రెవెన్యూ సదస్సుల్లో వచ్చిన దరఖాస్తులను క్షేత్రస్థాయిలో పరిశీలించి పరిష్కరిస్తామన్నారు. ముందుగా గ్రామంలో ని భూముల హద్దులను నిర్ధారించడం ద్వారా భూములపై స్పష్టత రావడంతో పాటు ప్రభుత్వ భూములను గుర్తిస్తామన్నారు. పట్టా ఉండి మోకా పై లేకపోవడం, మోకాపై ఉండి పట్టా లేని సమస్యలపై ప్రత్యేక కమిటీ ఏర్పాటు చేస్తామని తెలిపా రు. ప్రభుత్వ భూములు ఆక్రమిస్తే కఠిన చర్యలు తప్పవని హెచ్చరించారు. సర్వేయర్లు, ప్రజల సహ కారంతో ఈ ప్రక్రియ వేగవంతం అవుతుందని పేర్కొన్నారు. కార్యక్రమంలో ఏడీ ల్యాండ్‌ సర్వేయ ర్‌ కిషన్‌, తహసీల్దార్‌ శ్రీనివాస్‌, పాలకవర్గం, గ్రామస్తులు పాల్గొన్నారు. రామాయంపేటలో... రామాయంపేట(మెదక్‌): అంతకుముందు రామాయంపేట మండలంలోని దామరచెరువు గ్రామంలో నిర్వహించిన గ్రామసభలో రమాదేవి పాల్గొని మాట్లాడారు.

కరువును కప్పి పుచ్చిన అధికారుల తీరుతో బాధిత అన్నదాతలకు తీరనినష్టం కలిగే పరిస్థితి ఏర్పడింది. జిల్లాలో మూడు మండలాల్లో లోటువర్షపాతం నమోదు కాగా కేవలం ఒకే ఒక్క మండలాన్ని కరువుగా ప్రకటించటం అధికారుల పనితీరుకు అద్దపడుతోంది. ఫలితంగా బాధిత మండలాల ప్రజలు ఆందోళన చెందుతున్నారు. – మెదక్‌జోన్‌ మెతుకు సీమలో ఈ ఏడాది సాధారణ వర్షపాతం నమోదైనప్పటికీ ఖరీఫ్‌లో 4 మాసాల్లో రెండు నెలల్లో లోటువర్షపాతం నమోదు కాగా మరో 2 నెలల్లో సాధారణవర్షం కురిసింది. దీంతో మొత్తంగా సాధారణ వర్షపాతం నమోదైంది. కానీ కురవాల్సిన సమయంలో వర్షం కురవకపోవటంతో సాగుచేసిన పంటలకు సకాలంలో నీటితడులు అందక జరగాల్సిన నష్టం జరిగింది. అంతేకాకుండా జిల్లాలో మూడు మండలాల పరిధిలో సాధారణ వర్షపాతం కన్నా తక్కువగా నమోదైంది. కానీ ఒకే మండలాన్ని కరువుగా ప్రకటించటంతో మిగతా రెండు మండలాల రైతులు ఆందోళన చెందుతున్నారు. 2 నెలల్లో లోటు, 2 నెలల్లో సాధారణం! ఈ ఏడాది వానాకాలం సీజన్‌లో చెప్పుకోదగ్గ వర్షాలు కురవలేదు. ముఖ్యంగా ఖరీఫ్‌ ప్రారంభంలోని జూన్‌లో అధికారిక లెక్కల ప్రకారం 112.4 మి.మీటర్ల వర్షం పడాల్సి ఉండగా కేవలం 83.8 మి.మీటర్లు మాత్రమే నమోదైంది. దీంతో 28.6 మి. మీటర్లు తక్కువగా నమోదైంది. వానాకాలం మొదటి నెలనే కీలకం కాగా అదే నెలలో ఆరుతడి పంటలతో పాటూ నారుమళ్లు పోస్తారు. లోటు వర్షం కురవటంతో నారుమళ్లు ఎండిపోయాయి. ఆరుతడి పంటలదీ సైతం అదే పరిస్థితి. అనంతరం జూలైలో 206.6 మి.మీటర్లు సాధారణ వర్షపాతం కాగా 289.2మి.మీటర్ల వర్షం కురిసింది. ఆగస్టులో 199.4 సాధారణ వర్ష పాతం కాగా 210.6 మి.మీటర్ల వర్షం కురిసింది. సెప్టెంబర్‌లో 154.7 మి.మీటర్లు సాధారణం కాగా కురిసింది మాత్రం 140 మి.మీటర్లు మాత్రమే. ఈ లెక్కన 14.7 మి. మీటర్లు తక్కువగా నమోదైంది. ఈ నేపథ్యంలో వర్షాకాలంలోని జూన్‌, సెప్టెంబర్‌ నెలల్లో లోటు వర్షపాతం నమోదు కాగా జూలై, ఆగస్టు మాసాల్లో సాధారణ వర్షపాతం కురిసింది. మొత్తంగా జిల్లా వ్యాప్తంగా 497 మి. మీటర్ల వర్షం కురవాల్సి ఉండగా పడింది 580 మి.మీటర్లుగా నమోదైంది. మూడు మండలాల్లో లోటు వర్షం! మెదక్‌ జిల్లాలో 21 మండలాలు ఉండగా 18 మండలాల్లో సాధారణ వర్ష పాతం నమోదు కాగా 3 మండలాల్లో మాత్రం సాధారణం కన్నా తక్కువ వర్షపాతం నమోదైంది. వర్షాకాలం ప్రారంభం నుంచి ఆ మూడు మండలాల్లో లోటు వర్షపాతం నమోదైంది. అందులో నర్సాపూర్‌లో 718 మి.మీటర్లు సాధారణం కాగా, పడింది మాత్రం 596 మి.మీటర్లు మాత్రమే ఈ లెక్కన 122 మి.మీటర్లు తక్కువగా పడింది. అలాగే చిలప్‌చెడ్‌ 659 మి.మీటర్ల వర్షం కురవాల్సి ఉండగా 449 మి.మీటర్ల వర్షం మాత్రమే నమోదైంది. దీంతో 210 మి. మీటర్ల వర్షం తక్కువగా నమోదైంది. అలాగే మనోహరాబాద్‌ మండలంలోనూ 723.6 మి. మీటర్ల వర్షం కురవాల్సి ఉండగా 673.1 మి.మీటర్ల వర్షం మాత్రమే నమోదైంది. దీంతో 50.5 మి. మీటర్ల వర్షం పాతం తక్కువగా నమోదైంది. కరువుగా ఒకే మండలం ప్రకటన...! జిల్లాలోని 21 మండలాలు ఉండగా నర్సాపూర్‌, చిలప్‌చెడ్‌, మనోహరబాద్‌ మండలాల్లో లోటు వర్ష పాతం నమోదైనప్పటికీ కేవలం మనోహరబాద్‌ మండలాన్ని మాత్రమే కరువు మండలాల జాబితాలో చేర్చారు. ఇది అధికారుల తప్పిదమా...? లేక మరేమైనా కారణమా అనే అనుమానాలు వ్యక్తం అవుతున్నాయి. వాస్తవ పరిస్థితిని కప్పి పుచ్చి మండలాలను కరువుకు మినహాయించటంపై ప్రజలు మండి పడుతున్నారు. వేగంగా పడిపోతున్న జలం...! జిల్లాలో భూగర్భ జలాలు వేగంగా పడిపోతున్నా యి. గతేడాది అక్టోబర్‌లో మొత్తంగా 7.84 మీటర్ల లోతులో ఉండగా ఈ ఏడాది అక్టోబర్‌లో 11.48 మీటర్ల లోతులోకి పడిపోయింది. గతేడాదితో పోలిస్తే ఏకంగా 3.64 మీటర్ల లోతులోకి పడిపోవటం చూస్తుంటే ఎంత వేగంగా భూగర్భ జలాలు పడిపోతున్నాయో ప్రత్యేకంగా చెప్పనవసరంలేదు. సగానికి పైగా ఎండిన పంటలు! సరైనా వర్షాలు కురవక పోవటంతోపాటు వ్యవసాయానికి కరెంట్‌ సైతం సరిగ్గా సరఫరా ఇవ్వలేదు. జిల్లాలో చాలావరకు వరిపంటలు ఎండిపోయాయి. కొందరు రైతులు జనరేటర్లను అద్దెకు తెచ్చి బోరుబావుల ద్వారా నీటితడులు అందించారు. ఇందులో ప్రధానంగా నర్సాపూర్‌, చిలప్‌చెడ్‌, మనోహరబాద్‌ మండలాల్లో సగానికిపైగా పంటలు ఎండిపోయాయి. అయినప్పటికీ కేవలం మనోహరబాద్‌ను మాత్రమే కరువుగా చూపించి మరో రెండు మండలాలను కరువు జాబితాలో ప్రకటించకపోవటంతో ఆందోళన చెందుతున్నారు.

సీనియర్‌ సివిల్‌ జడ్జి సిరిసౌజన్య మెదక్‌ కలెక్టరేట్‌: పిల్లలను లైంగిక వేధింపుల నుంచి రక్షించేందుకు ప్రభుత్వం పోక్సో చట్టం తీసుకొచ్చిందని సీనియర్‌ సివిల్‌ జడ్జి సరి సౌజన్య పేర్కొన్నారు. మెదక్‌ కేజీబీవీలో జిల్లా న్యాయ సేవాధికార సంస్థ ఆధ్వర్యంలో ‘సురక్షిత్‌ బచ్‌పన్‌ అభియాన్‌–ఏ పాన్‌ ఇండియా స్కూల్‌ అవేర్నెస్‌ కాంపెయిన్‌’పేరుతో బుధవారం నిర్వహించిన కార్యక్రమంలో సీనియర్‌ సివిల్‌ జడ్జి సిరిసౌజన్య పాల్గొని మాట్లాడారు. పిల్లలను లైంగిక వేధింపులు, లైంగిక దాడులు, దోపిడీ నుంచి రక్షించడానికి ఈ చట్టం అమలులో ఉందన్నారు. పిల్లలపై జరిగే వేధింపులను గుర్తించి, వాటిని నిర్లక్ష్యం చేయకుండా సంబంధిత అధికారులకు చెప్పడం అందరి బాధ్యత చెప్పారు. ఏ స్పర్శ వల్లనైనా పిల్లలకు అసౌకర్యంగా లేదా భయంగా అనిపించినా, వారు ధైర్యంగా వద్దు అని చెప్పవచ్చని నేర్పించాలన్నారు. ఎవరైనా అనుచితంగా ప్రవర్తిస్తే, వెంటనే తల్లిదండ్రులకు, ఉపాధ్యాయులకు లేదా పెద్దలకు తెలియజేయాలన్నారు. సైబర్‌ నేరాల పట్ల అప్రమత్తంగా ఉండాలని సోషల్‌ మీడియాలో అపరిచితులతో వ్యక్తిగత వివరాలు, ఫొటో లు పంచుకోకూడదన్నారు. ఆన్‌లైన్‌లో ఎవరైనా బెదిరించినా, అసభ్యకరమైన సందేశాలు పంపినా, ఫొటోలతో వేధించినా భయపడకుండా తల్లిదండ్రులకు లేదా పోలీసులకు చెప్పాలన్నారు. కార్యక్రమంలో ప్రిన్సిపాల్‌ కవిత, ఎస్సై మాణిక్‌ ప్రభు, ఉపాధ్యాయులు, విద్యార్థినులు పాల్గొన్నారు.

జూనియర్‌ సివిల్‌ జడ్జి సుచరిత అల్లాదుర్గం(మెదక్‌): బాలికల హక్కులు, వారి భద్రతే ముఖ్యంగా ప్రత్యేక చర్యలు తీసుకుంటున్నట్లు అల్లాదుర్గం జూనియర్‌ సివిల్‌ జడ్జి, మండల్‌ లీగల్‌ సర్వీస్‌ కమిటీ చైర్‌పర్సన్‌ సుచరిత తెలిపారు. మండల పరిధిలోని మస్లాపూర్‌ జెడ్పీ పాఠశాలలో సురక్షిత్‌ బచ్‌పన్‌ అభియాన్‌లో భాగంగా పోక్సో చట్టంపై బుధవారం నిర్వహించిన న్యాయఅవగాహన కార్యక్రమంలో ఆమె పాల్గొని మాట్లాడారు. బాలికలు భయం లేకుండా సురక్షిత వాతావరణంలో జీవించడంతోపాటు విద్యనభ్యసించి, హక్కు లను స్వేచ్ఛగా వినియోగించుకునే అవకాశం కల్పించాలన్నారు. బాలికల పట్ల అసభ్యకరంగా ప్రవర్తించడం, లైంగిక వేధింపులకు పాల్పడితే పోక్సో చట్టం ప్రకారం కఠిన శిక్షలు తప్పవని హెచ్చరించారు. విద్యార్థినులు పట్టుదలతో చదివి ఉన్నత శిఖరాలను అధిరోహించాలని సూచించారు. కార్యక్రమంలో ఉపాధ్యా యులు, జనార్ధన్‌, అరుణ, దేవానంద్‌, లీగల్‌ సర్వీసెస్‌ సిబ్బంది ఆంజనేయులు, పాల్గొన్నారు. జిల్లా రెడ్‌ క్రాస్‌ సొసైటీ జనరల్‌ సెక్రటరీగా విజయ్‌ కుమార్‌మెదక్‌ కలెక్టరేట్‌: ఇండియన్‌ రెడ్‌ క్రాస్‌ సొసైటీ ప్రధాన కార్యదర్శిగా విజయ్‌కుమార్‌ ఏకగ్రీవంగా ఎన్నికయ్యారు. జిల్లా చైర్మన్‌ డాక్టర్‌ తిరుమలేశ్‌ ఆధ్వర్యంలో ప్రధాన కార్యదర్శిగా జవ్వాజి విజయ్‌కుమార్‌తోపాటు మేనేజింగ్‌ కమిటీ మెంబర్స్‌ను ఏకగ్రీవంగా ఎన్నుకున్నారు. ప్రభుత్వ భూములను కాపాడాలిచేగుంట(తూప్రాన్‌): ప్రభుత్వ భూములను కాపాడాలని అదనపు కలెక్టర్‌ నగేశ్‌ రెవెన్యూ అధికారులకు సూచించారు. మండల కేంద్రమైన చేగుంటలో అదనపు కలెక్టర్‌ నగేశ్‌ బుధవారం సాయంత్రం పర్యటించారు. ఈ సందర్భంగా గ్రామంలోని 330 సర్వే నంబర్‌లో ఉన్న భూములు, చేగుంటలోని కుంటలతోపాటు పలు ప్రభుత్వ స్థలాలను పరిశీలించారు. ఈ సందర్భంగా అదనపు కలెక్టర్‌ మాట్లాడుతూ...మండల కేంద్రమైన చేగుంటలోని ప్రభుత్వ భూములు, కుంటలు, కట్టుకాలువలు, చెరువు కాలువలు, మట్టి రహదారులను సర్వే చేసి పూర్తి వివరాలను గ్రామ పంచాయతీ పాలకవర్గానికి తెలియజేయాలన్నారు. రెవెన్యూ అధికారులు నిర్ధారించిన ప్రభుత్వ భూములను పంచాయతీ పాలకవర్గం చొరవతో కాపాడాలని పేర్కొన్నారు. కార్యక్రమంలో సర్పంచ్‌ స్రవంతి, ఉసర్పంచ్‌ రఫీ, వార్డు సభ్యులు పంచాయతీ సిబ్బంది రెవెన్యూ సిబ్బంది పాల్గొన్నారు. జాతీయస్థాయి బాలల కథల పోటీలకు విద్యార్థుల ఎంపికహవేళిఘణాపూర్‌(మెదక్‌): జాతీయస్థాయి బాలల కథల పోటీలు 2026లో భాగంగా మండల కేంద్రమైన హవేళిఘణాపూర్‌ జెడ్పీ హై స్కూల్‌ విద్యార్థులు ఎంపికయ్యారు. 9వ తర గతి విద్యార్థి మధుప్రియ రాసిన కథ ‘పాటల ఉపాయం’, నవదీప్‌ రాసిన ‘సహాయం’కథలు జాతీయ స్థాయికి ఎంపికై నట్లు తెలుగు ఉపాధ్యాయులు రాజేశం తెలిపారు. రాష్ట్ర, జాతీయస్థాయిలో రాణించి బహుమతులు పొందడం పట్ల పాఠశాల ఉపాధ్యాయులు అశోక్‌, ఎల్లమ్మ, విద్యార్థులు అభినందించారు. జిల్లాలో కరువు కనిపించడంలేదా..? బీజేపీ రాష్ట్ర కార్యవర్గ సభ్యుడు రాగి రాములు రామాయంపేట(మెదక్‌): మెదక్‌ జిల్లాలో నెలకొ న్న తీవ్ర కరువు పరిస్థితులు ప్రభుత్వానికి కనిపించడంలేదా అని బీజేపీ రాష్ట్ర కార్యవర్గ సభ్యుడు రాగి రాములు ప్రశ్నించారు. ఆయన బుధవారం విలేకరులతో మాట్లాడుతూ... జిల్లాలో తీవ్రస్థా యిలో కరువు పరిస్థితులు నెలకొనగా ఒకే మండలాన్ని ప్రకటించడం ఎంతవరకు సమంజసమన్నారు. వర్షాభావ పరిస్థితులు, కరెంటు కోతల తో వందలాది ఎకరాల్లో పంటలు ఎండిపోయి రైతులు తీవ్రంగా నష్టపోయారని చెప్పారు. జిల్లా లోని కొన్ని మండలాల్లో తాగునీటికి సైతం ప్రజలు ఇబ్బందులపాలవుతున్నారని, అధికారులు మళ్లీ క్షేత్రస్థాయిలో పరిశీలించి జిల్లాలోని అన్ని మండలాలను కరువు మండలాలుగా ప్రకటించాలని రాములు డిమాండ్‌ చేశారు.

ఎస్పీ శ్రీనివాసరావు మెదక్‌జోన్‌: రక్తదానం ప్రాణదానంతో సమానమని జిల్లా ఎస్పీ శ్రీనివాసరావు పేర్కొన్నారు. పోలీస్‌ అమరవీరుల త్యాగాల జ్ఞాపకార్థం బుధవారం జిల్లా ఎస్పీ కార్యాలయ ఆవరణలో జిల్లా పోలీస్‌ శాఖ, ఇండియన్‌ రెడ్‌క్రాస్‌ సొసైటీ ఆధ్వర్యంలో రక్తదాన శిబిరాన్ని ఏర్పాటు చేశారు. ఈ సందర్భంగా ఎస్పీ మాట్లాడుతూ... అత్యవసర వైద్య పరిస్థితుల్లో రక్తం అవసరమైన వారిని ఆదుకునేందుకు రక్తదాత లు ముందుకు రావాలన్నారు. ఆరోగ్యంగా ఉన్న ప్రతీ ఒక్కరూ రక్తదానంపై అవగాహన పెంపొందించుకుని స్వచ్ఛందంగా రక్తదానం చేయాలని సూచించారు. కార్యక్రమంలో డీఎస్పీలు ప్రసన్న కుమార్‌, రంగనాథ్‌, సీఐలు మహేశ్‌, సందీప్‌రెడ్డి, కృష్ణమూర్తి, ఆర్‌ఐలు రామకృష్ణ, శైలేందర్‌ పాల్గొన్నారు.

జహీరాబాద్‌ టౌన్‌: చెరకు పంట పండించే రైతుల జీవితాల్లో కష్టాలు చేదు మిగులుస్తున్నాయి. ఒకవైపు వర్షాభావం, మరోవైపు బలమైన ఈదురుగాలులు, అడవి పందుల దాడితో చెరకు రైతులు కోలుకోలేని దెబ్బతింటున్నారు. వర్షాలు లేక పంట ఎదుగుదల దెబ్బతింటే.. ఇటీవల వీచిన గాలులకు ఎకరాలకు ఎకరాలు చెరకు నేలకొరిగింది. అయితే ఇలా పడిపోయిన పంటను కాపాడుకునేందుకు ’జుడి’ కట్టించేందుకు ఎకరానికి రూ.6 వేల వరకు అదనపు భారం పడుతోందని రైతులు ఆవేదన వ్యక్తం చేస్తున్నారు. దీనికి తోడు రాత్రి వేళల్లో గుంపులుగా వస్తున్న అడవి పందులు చెరకు గడలను నమిలి ధ్వంసం చేస్తున్నాయి. అలాగే కూలీల కొరతతో అప్పులు చేసి మరీ పంటను కాపాడుకోవాల్సి వస్తోందని వాపోతున్నారు. తీవ్ర నష్టాల్లో ఉన్న తమను ఆదుకునేందుకు ప్రభుత్వాలు స్పందించి చెరకుకు మద్దతు ధరతో పాటు టన్నుకు రూ.500 బోనస్‌ ప్రకటించాలని రైతులు డిమాండ్‌ చేస్తున్నారు.

ముమ్మరంగా వరికోతలు కౌడిపల్లి (నర్సాపూర్‌): రైతుల్లో అర్నబ్‌ తుఫాన్‌ భయం పట్టుకుంది. బంగాళాఖాతంలో అర్నబ్‌ తుఫాన్‌ ఏర్పడగా ఈ నెల 28న ఏపీఓ తీరం దాటనుంది. తెలంగాణలోని కొన్ని జిల్లాలో తూఫాన్‌ ప్రభావం ఉంటుందని, మెదక్‌ జిల్లాలో తుఫాన్‌ ప్రభావం అంతగా ఉండదని చిరుజల్లులు కురిసే అవకాశం మాత్రమే ఉందని వ్యవసాయ అధికారులు చెబుతున్నారు. అయినప్పటికీ రైతులు మాత్రం ఒకింత ఆందోళన చెందుతున్నారు. మండలంలో 19,900ఎకరాలలో వరి పంటను సాగుచేయగా ప్రస్తుతం వరి కోతలు ముమ్మరంగా సాగుతున్నాయి. ఆలస్యంగా వేసిన వరిపంటతోపాటు కోతకు వచ్చిన వరిపంటపై రైతులు తుఫాన్‌ ప్రభావం ఏవిధంగా ఉంటుందోనని ఆందోళన చెందుతున్నారు. వాన కురిస్తే పంటనేలకు వాలడం, వరి కోతలపై ప్రభావం పడుతుందని ముందే కోత కోయాలని రైతులు భావిస్తున్నారు. ఓవైపు సన్నరకం వరిధాన్యానికి మంచి గిట్టుబాటు ధర వస్తుండగా వరికోతలు ముమ్మరమయ్యాయి.

బీజేపీ జిల్లా అధ్యక్షుడు మల్లేశంగౌడ్‌మెదక్‌జోన్‌: కాంగ్రెస్‌ నేతలకు దమ్మూ ధైర్యముంటే ఓటుచోరీ నిరూపించాలని బీజేపీ జిల్లా అధ్యక్షుడు మల్లేశంగౌడ్‌ డిమాండ్‌ చేశారు. పట్టణంలోని రాందాస్‌చౌరస్తాలో మంగళవారం బీజేపీ ఆధ్వర్యంలో మల్లిఖార్జున్‌ ఖర్గే, రాహుల్‌ గాంధీ దిష్టిబొమ్మలను దగ్ధం చేశారు. అనంతరం ఆయన మాట్లాడుతూ... ఆధారాల్లేకుండా ఓటుచోరీ అంటూ బీజేపీపై లేనిపోని ఆరోపణలు చేయటంతోనే వారి దిష్టిబొమ్మలను దగ్ధం చేశామన్నారు. దేశంలో ఎక్కడ ఓటు చోరి జరిగిందో ఆధారాలతో పాటూ నిరూపించాలని సవాల్‌ విసిరారు. కార్యక్రమంలో నేతలు రంజిత్‌రెడ్డి, ప్రణీత, సురేశ్‌, సత్యనారాయణ, నాయిని ప్రసాద్‌, నల్లాల విజయ్‌ తదితరులు పాల్గొన్నారు.

జిల్లా వ్యవసాయశాఖ అధికారి దేవ్‌కుమార్‌ చిన్నశంకరంపేట(మెదక్‌): మహిళా సమైక్య సంఘాలకు వ్యవసాయ యాంత్రీకరణ పనిముట్లను సబ్సిడీపై అందించనున్నట్లు వ్యవసాయశాఖ జిల్లా అధికారి దేవ్‌కుమార్‌ తెలిపారు. నార్సింగి మండల కేంద్రంలోని రైతువేదికలో మహిళ సంఘాల ప్రతినిధులు, పీఏసీఎస్‌ సిబ్బందితో మంగళవారం నిర్వహించిన సమావేశంలో ఆయన పాల్గొన్నారు. ఈ సందర్భంగా ఆయన మాట్లాడుతూ...మహిళా సంఘాలు ప్రభుత్వం అందించే సబ్సిడీని సద్వినియోగం చేసుకుని వ్యవసాయ యాంత్రీకరణ పనిముట్లను కొనుగోలు చేయాలని కోరారు. ఈ సందర్భంగా డీఆర్డీఏ పీడీ శ్రీనివాస్‌రావు మాట్లాడుతూ.. మహిళా సంఘాలు ప్రభుత్వ అందించే చేయూతను ఉపయోగించుకోవాలన్నారు. కార్యక్రమంలో డీసీఓ పద్మ, ఎంపీడీఓ తిరుపతి, ఐకేపీ ఏపీఎ సృజన్‌రెడ్డి, ఏఓ భరత్‌కుమార్‌, ఏఈఓలు జనార్ధన్‌, భువనేశ్వరి పాల్గొన్నారు. డీలర్ల సంఘం రాష్ట్ర ఉపాధ్యక్షుడిగా ఆనంద్‌ నర్సాపూర్‌: నర్సాపూర్‌కు చెందిన రేషన్‌ డీలర్‌ జిల్లా రేషన్‌ డీలర్ల సంక్షేమ సంఘం జిల్లా అధ్యక్షుడు ఆనంద్‌కుమార్‌ రాష్ట్ర రేషన్‌ డీలర్ల సంక్షేమ సంఘం ఉపాధ్యక్షుడిగా ఎన్నికయ్యారు.

చేటలో తవుడు పోసి పిల్లులకు పంచాయితీ పెట్టినట్లు ఉంది ఆ పంచాయతీరాజ్‌శాఖ అధికారుల తీరు. గ్రామ పంచాయతీల అభివృద్ధితోపాటూ, నిర్వహణకోసం నాటి సర్పంచులుపెట్టిన రూ.కోట్ల బకాయిలు నేటికీ అలాగే ఉన్నాయి. నూతనంగా అధికారంలోకి వచ్చిన సర్పంచులు కొంతముట్టజెప్పినప్పటికీ మరో రూ.4 కోట్ల పైచిలుకు బకాయిలు ఉండటంతో వాటికోసం తాజా, మాజీ సర్పంచులకు మధ్య తరుచూ గొడవలు జరుగుతున్నాయి. మెదక్‌జోన్‌ జిల్లావ్యాప్తంగా 493 గ్రామ పంచాయితీలలో 2023లో పాత సర్పంచుల పదవీకాలం ముగిసింది. వారు అధికారంలో ఉన్న బీఆర్‌ఎస్‌ హయాంలో సర్పంచులు సీసీరోడ్ల నిర్మాణాలు, పారిశుద్ధ్యం, శ్మశానవాటికలు, డంపుయార్డులు, హరితహారం, వీధి దీపాల నిర్వహణ, మురికి కాలువల నిర్మాణాలు, పల్లెప్రకృతి, పంచాయతీ భవనాల నిర్మాణాలు ఇలా పలు అభివృద్ధి పనులకు తమ సొంత నిధులు వెచ్చించారు. కానీ వారికి రావాల్సిన నిధులు రాకుండానే 2023లో పదవీకాలం ముగిసింది. అనంతరం జరిగిన అసెంబ్లీ ఎన్నికల్లో కాంగ్రెస్‌పార్టీ అధికారంలోకి వచ్చింది. దీంతో సుమారు రెండేళ్ల వరకు పంచాయతీ ఎన్నికలను నిర్వహించలేదు. ఆ సమయంలో గ్రామాలకు ప్రత్యేకాధికారులను నియమించి పంచాయతీల నిర్వహణను గాలికొదిలేశారు. చిన్న పంచాయతీకి నెలకు రూ.3 లక్షల వరకు ఖర్చు చేయగా పెద్ద పంచాయతీలకు రూ.4 లక్షల నుంచి రూ.5 లక్షల వరకు ఖర్చు చేస్తూ రెండేళ్లుగా నెట్టుకొచ్చారు. తాజా, మాజీల మధ్య గొడవలు! కొత్త పాలకవర్గం అధికారంలోకి వచ్చి ఏడాది కావస్తున్న నేపథ్యంలో పాత సర్పంచులు అధికారంలో ఉన్నప్పుడు గ్రామాలభివృద్ధికి వెచ్చించిన నిధులను చెల్లించాలని నూతన సర్పంచ్‌లను కోరుతున్నారు. దీంతో కొంతమేర ముట్టజెప్పినప్పటికీ ఇంకా జిల్లావ్యాప్తంగా రూ.5 కోట్ల వరకు పెండింగ్‌లో ఉన్నట్లు తెలుస్తోంది. డబ్బులు ఇవ్వాలని అడగటంతో తాజా, మాజీల మధ్య గొడవలు తీవ్రస్థాయికి చేరుతున్నాయి. అంతేకాకుండా రెండేళ్లపాటూ సర్పంచులు లేకపోవటంతో వాటి నిర్వహణ వ్యయాన్ని పూర్తిగా కార్యదర్శులే భరించారు. వారికి సైతం కొంతముట్టజెప్పినప్పటికీ ఇంకా రూ.1.50 కోట్లు ఇవ్వాల్సి ఉంది. ప్రేక్షక పాత్రలో అధికారులు...! అభివృద్ధి కోసం వెచ్చించిన నిధులను ఇవ్వాలంటూ పాత, కొత్త సర్పంచులు గొడవలు పడుతున్నా సంబంధిత పంచాయతీరాజ్‌శాఖ అధికారులు మాత్రం ప్రేక్షకపాత్ర వహిస్తున్నారు. పాత, కొత్త ప్రజాప్రతినిధులకు నచ్చజెప్పే ప్రయత్నాలకు ఎవరూ ముందుకు రావడంలేదు.డిసెంబర్‌ 2025లో ఎన్నికలు డిసెంబర్‌ 2025లో గ్రామపంచాయతీలకు ఎన్నికలు జరగటంతో కొత్త పాలకవర్గం అధికారంలోకి వచ్చింది. దీంతో పాత సర్పంచులు అభివృద్ధికోసం ఖర్చు చేసిన బకాయిలతోపా టు పంచాయతీ కార్యదర్శులు రెండేళ్లపాటూ జీపీల నిర్వహణకు వెచ్చించిన డబ్బులు రూ.కోట్లలో బకాయిలు పేరుకుపోయాయి. కాగా, కొత్తగా అధికారంలోకి వచ్చిన సర్పంచులు కొంత చెల్లించినప్పటికీ పూర్తి స్థాయిలో చెల్లించాలని పాతవారు డిమాండ్‌ చేస్తున్నారు.

జిల్లా ఫస్ట్‌క్లాస్‌ మేజిస్ట్రేట్‌ శుభవల్లి మెదక్‌జోన్‌: పిల్లల భద్రత ప్రతీఒక్కరి బాధ్యతని జిల్లా ఫస్ట్‌క్లాస్‌ మేజిస్ట్రేట్‌ ఆర్‌.ఎం.శుభవల్లి పేర్కొన్నారు. మంగళవారం పట్టణంలోని చైతన్య భారతి హై స్కూల్‌ల్లో సురక్షిత్‌ బచ్‌పన్‌ అభియాన్‌ ఆధ్వర్యంలో పోక్సోపై అవగాహన కార్యక్రమాన్ని ఏర్పాటు చేశారు. ఎలాంటి స్పర్శ వల్ల పిల్లలకు అసౌకర్యంగా లేదా భయంగా అనిపించినా ధైర్యంగా ముందుకు వచ్చి తల్లిదండ్రులకు లేదా ఉపాధ్యాయులకు ఫిర్యాదు చేయాలన్నారు. అలాగే సైబర్‌ నేరాల పట్ల అప్రమత్తంగా ఉండాలని సోషల్‌ మీడియాలో అపరిచితులతో వ్యక్తిగత వివరాలు ఫొటోలు, పాస్‌వర్డ్‌లు, ఓటీపీలు పంచుకోకూడదన్నారు. సైబర్‌ నేరాల ఫిర్యాదుల కోసం 1930 హెల్ప్‌లైన్‌ను సంప్రదించవచ్చని చెప్పారు. కార్యక్రమంలో జిల్లా న్యాయ సేవాధికార సంస్థ సెక్రటరీ శ్రీమతి రుబీనా ఫాతిమా, పాఠశాల కరస్పాండెంట్‌ జుబేర్‌ అహ్మద్‌ ఎస్సై మాణిక్‌ ప్రభు తదితరులు పాల్గొన్నారు. లైంగిక వేధింపులపై అప్రమత్తంబాలికలకు జూనియర్‌ సివిల్‌ జడ్జి ఉద్బోధ నర్సాపూర్‌: బాలికలు లైంగిక వేధింపులపట్ల అప్రమత్తంగా ఉండాలని స్థానిక జూనియర్‌ సివిల్‌ జడ్జి, మండల లీగల్‌ సర్వీస్‌ కమిటీ చైర్మన్‌ హేమలత సూచించారు. స్థానిక జెడ్పీ ఉన్నత బాలికల పాఠశాలలో సురక్షిత్‌ బచ్చన్‌ అభియాన్‌ కార్యక్రమంలో భాగంగా ఏర్పాటు చేసిన పోక్సో చట్టంపై న్యాయ విజ్ఞాన అవగాహన కార్యక్రమంలో ఆమె పాల్గొని మాట్లాడారు. బాలికల పట్ల అసభ్యకరంగా ప్రవర్తించి లైంగిక నేరాలకు పాల్పడితే కఠిన చర్యలు తప్పవని హెచ్చరించారు. పలు చట్టాలపై విద్యార్థులకు అవగాహన కల్పించారు. కాగా విద్యార్థులు పట్టుదలతో చదివి ఉన్నత శిఖరాలకు ఎదగాలని ఆకాంక్షించారు. కార్యక్రమంలో లీగల్‌ సర్వీసెస్‌ న్యాయవాది రాజునాయక్‌, ప్రధానోపాధ్యాయుడు చంద్రశేఖర్‌, ఇతర సిబ్బంది పాల్గొన్నారు. విద్యార్థినులు ధైర్యంగా ఉండాలిసివిల్‌ జడ్జి సుచరిత అల్లాదుర్గం(మెదక్‌): విద్యార్థినులు ధైర్యంగా ఉంటే ఎలాంటి సమస్యలైన ఎదుర్కొనే శక్తి వస్తుందని అల్లాదుర్గం జూనియర్‌ సివిల్‌ జడ్జి సుచరిత పేర్కొన్నారు. మండల పరిధిలోని చిల్వెర జెడ్పీ పాఠశాల విద్యార్థులకు చట్టాలపై మంగళవారం అవగాహన కల్పించారు. ఈ సందర్భంగా ఆమె మాట్లాడుతూ..ఎవరైనా అస్యభ్యంగా తాకినా, చెడుగా ప్రవర్తించినా ధైర్యంతో ఎదిరించాలని, వెంటనే తల్లిదండ్రులకు, పోలీసులకు సమాచారం ఇస్తే చట్టా ప్రకారం చర్యలు తీసుకుంటారన్నారు. విద్యార్థులు క్రమ శిక్షణతో చదివి ఉన్నత శిఖరాలకు చేరుకోవాలని ఆకాంక్షించారు. జాతీయస్థాయి రగ్బీ పోటీలకు దివ్యచేగుంట(తూప్రాన్‌): జాతీయస్థాయి రగ్బీ పోటీలకు చేగుంట మోడల్‌ పాఠశాల విద్యార్థిని ఎంపికై నట్లు ప్రిన్సిపాల్‌ చంద్రకళ పేర్కొన్నారు. చేగుంట మోడల్‌ పాఠశాలకు చెందిన పి.దివ్య ఈ నెల 23న జరిగిన అండర్‌–19 రాష్ట్రస్థాయి ఎస్‌జీఎఫ్‌ రగ్బీ పోటీల్లో పాల్గొని ప్రతిభను కనబర్చి జాతీయ పోటీలకు ఎంపికయ్యారు. ఈ నెల 31 నుంచి ఢిల్లీలో జరిగే జాతీయ రగ్బీ పోటీల్లో దివ్య పాల్గొనన్నుట్లు తెలిపారు. మోడల్‌ పాఠశాల విద్యార్థిని జాతీయస్థాయి పోటీలకు ఎంపిక కావడం పట్ల పాఠశాల సిబ్బంది హర్షం వ్యక్తం చేశారు.

సమావేశంలో పాల్గొన్న వివిధ శాఖల అధికారులు, ప్రజాప్రతినిధులు కొందరు తహసీల్దార్లు అవినీతి అక్రమాలకు పాల్పడుతున్నట్లు ఇంటెలిజెన్స్‌ రిపోర్టులు ఉన్నాయని, వీరు తమ తీరు మార్చుకోకపోతే సస్పెండ్‌తో సరిపెట్టకుండా ఏకంగా టెర్మినేట్‌ చేస్తామని పొంగులేటీ హెచ్చరించారు. 22ఏ, ప్రభుత్వ భూముల అన్యాక్రాంతం, భూముల రీసర్వే తదితర రెవెన్యూ అంశాలపై సమీక్ష సందర్భంగా రెవెన్యూ అధికారుల పనితీరుపై తీవ్ర స్థాయిలో మండిపడ్డారు. తక్షణం తీరు మార్చుకోవాలని హెచ్చరించారు. సాక్షిప్రతినిధి, సంగారెడ్డి: ప్రతిపక్ష బీఆర్‌ఎస్‌ ఎమ్మెల్యేల విమర్శలు.. అధికార కాంగ్రెస్‌ పార్టీ ప్రజాప్రతినిధుల వివరణలతో ఉమ్మడి మెదక్‌ జిల్లా సమీక్షా సమావేశం ఆసక్తికరంగా సాగింది. రెవెన్యూ, రిజిస్ట్రేషన్‌, హౌసింగ్‌ తదితర శాఖల అంశాలపై మంగళవారం సంగారెడ్డి జెడ్పీ సమావేశం హాలులో కీలక సమావేశం జరిగింది. మంత్రులు దామోదర రాజనర్సింహ, వివేక్‌తో కలిసి రెవెన్యూశాఖ మంత్రి పొంగులేటి శ్రీనివాస్‌రెడ్డి సుమారు ఐదు గంటల పాటు సుదీర్ఘంగా సమీక్షించారు. భూములు సర్వే.. ఇందిరమ్మ ఇళ్ల ప్రగతి.. భూసమస్యల పరిష్కారం.. ఎల్‌నినో ప్రభావంతో తలెత్తే నీటి సమస్యలు వంటి అంశాలను చర్చించారు. సీసీఎల్‌ఏ కమిషనర్‌ లోకేశ్‌కుమార్‌, రిజిస్ట్రేషన్లశాఖ స్పెషల్‌ సెక్రటరీ రాజీవ్‌గాంధీ హన్మంతు, హౌసింగ్‌ ఎండీ గౌతమ్‌, ఎంపీలు సురేష్‌షెట్కార్‌, రఘునందన్‌రావు, ఎమ్మెల్సీ చిన్నమైల్‌ అంజిరెడ్డి, ఎమ్మెల్యేలు సునీతారెడ్డి, కొత్త ప్రభాకర్‌రెడ్డి, చింతప్రభాకర్‌, మాణిక్‌రావు, సంజీవరెడ్డి, మూడు జిల్లాల కలెక్టర్లు, ఆయా శాఖల రాష్ట్ర, జిల్లా ఉన్నతాధికారులు పాల్గొన్నారు. ఇందిరమ్మ ఇళ్ల కోటాపైనా.. ఇందిరమ్మ ఇళ్ల లబ్ధిదారుల ఎంపిక చేసే అధికారాన్ని ప్రతిపక్ష ఎమ్మెల్యేలకు కూడా కోటా కేటాయించాలని బీఆర్‌ఎస్‌ ఎమ్మెల్యేలు సమీక్షలో డిమాండ్‌ చేశారు. కనీసం 40 శాతం ప్రతిపక్ష ఎమ్మెల్యేలకు ఇవ్వాలన్నారు. ఇందుకు మంత్రులు సానుకూలంగా స్పందించినట్లు సమాచారం. ప్రతి భూ యజమానికి భూధార్‌: పొంగులేటి ప్రతి భూ యజమానికి భూదార్‌ ప్రత్యేక గుర్తింపు సంఖ్యను కేటాయిస్తున్నామని రాష్ట్ర రెవెన్యూశాఖ మంత్రి పొంగులేటి శ్రీనివాస్‌రెడ్డి పేర్కొన్నారు. క్యూఆర్‌ కోడ్‌లతో కూడిన ఉపగ్రహ చిత్రాలతో పట్టాదారు పాసుపుస్తకాలు ఇస్తామన్నారు. ఒక్కో జిల్లాలో 70 రెవెన్యూ గ్రామాల్లో భూసర్వే చేపట్టామన్నారు. పక్షం రోజుల్లో డబుల్‌బెడ్‌రూం ఇండ్ల కేటాయింపులు పూర్తి చేయాలని డిమాండ్‌ చేశారు. ల్యాండ్‌ సీలింగ్‌ యాక్టును పకడ్బందీగా అమలు చేయాలి: ఎమ్మెల్సీ ల్యాండ్‌ సీలింగ్‌ యాక్టును పకడ్బందీగా అమలు చేయాలని బీజేపీ ఎమ్మెల్సీ అంజిరెడ్డి సమీక్షలో డిమాండ్‌ చేశారు. డబుల్‌బెడ్రూం గృహాలను స్థానికంగా నివాసం ఉండే వారికే కేటాయించాలని మంత్రుల దృష్టికి తెచ్చారు. వెయ్యి ఎకరాలు లాక్కున్నారు: ఎమ్మెల్యే చింతా ప్రభాకర్‌ జిల్లాలో టీజీఐఐసీ పేరుతో నిరుపేదలకు చెందిన సుమారు వెయ్యి ఎకరాలు లాక్కున్నారని సంగారెడ్డి ఎమ్మెల్యే చింతా ప్రభాకర్‌ సమీక్షలో విమర్శించారు. అసైన్డ్‌ భూములకు పట్టాలిస్తామని ఇచ్చిన హామీని వెంటనే అమలు చేయాలని డిమాండ్‌ చేశారు. ముంబై హైవే పనులను వేగవంతం చేయాలని వాహనదారులు ఇబ్బందులు పడుతున్నారని పేర్కొన్నారు. హాజరైన మంత్రులు పొంగులేటి, దామోదర, వివేక్‌ సర్కార్‌ వైఫల్యాలను ప్రశ్నించిన బీఆర్‌ఎస్‌ ఎమ్మెల్యేలు ప్రతి విమర్శలు చేసిన మంత్రులు, కాంగ్రెస్‌ ప్రజాప్రతినిధులు పాల్గొన్న వివిధ శాఖల ఉన్నతాధికారులుమూడు జిల్లాల ఉన్నతాధికారులతో నిర్వహించిన ఈ కీలక సమావేశానికి మీడియాను అనుమతించకపోవడం గమనార్హం. కాంగ్రెస్‌ కార్యకర్తలు, చోటామోటా నేతలను, అధికారిక వ్యక్తులు కూడా సమీక్ష హాలులోకి అనుమతించడం గమనార్హం. సర్కారు వైఫల్యాలు వెలుగులోకి వస్తాయనే అంతర్గత సమీక్ష నిర్వహించారని బీఆర్‌ఎస్‌, బీజేపీ ప్రజాప్రతినిధులు విమర్శించారు. ఎల్‌నినోపై చర్చకు విపక్షాల పట్టు.. సమీక్షలో బీఆర్‌ఎస్‌ ఎమ్మెల్యేలు ఎల్‌నినో కరువు అంశాన్ని చర్చించాలని డిమాండ్‌ చేశారు. తీవ్ర కరువు పరిస్థితులు నెలకొన్నప్పటికీ.. రివీట్‌మెంట్‌ పనుల పేరుతో సింగూరు ప్రాజెక్టు నుంచి ఎనిమిది టీఎంసీల నీటిని నదిలోకి వృఽథాగా వదిలేశారని విమర్శించారు. ఇప్పటికే తాగునీటి సమస్య షురువైందని పలువురు ఎమ్మెల్యేలు సమావేశం దృష్టికి తెచ్చారు.

● సమస్యలు పరిష్కారానికి పోరాటం ● మాజీ మంత్రి హరీశ్‌రావు గజ్వేల్‌: రేషన్‌ డీలర్ల సమస్యలు పరిష్కారమయ్యేంత వరకు వారి పక్షాన పోరాటం చేస్తామని మాజీ మంత్రి హరీశ్‌రావు అన్నారు. మంగళవారం గజ్వేల్‌–ప్రజ్ఞాపూర్‌ మున్సిపాలిటీ పరిధిలోని బింగి ఎల్లయ్య గార్డెన్స్‌లో నిర్వహించిన రేషన్‌ డీలర్ల రాష్ట్రస్థాయి గౌరవ వేతన సాధన సభకు ముఖ్యఅతిథిగా హాజరయ్యారు. ఈ సందర్భంగా ఆయన మాట్లాడుతూ బీఆర్‌ఎస్‌ హయాంలో రేషన్‌ డీలర్ల ఇబ్బందులను గుర్తించి కమీషన్‌ను క్వింటాలుకు రూ.70నుంచి రూ.140కి పెంచామని గుర్తు చేశారు. అధికారంలోకి వస్తే రూ.300 కమీషన్‌తోపాటు రూ.5వేల గౌరవ వేతనం ఇస్తామని హామీ ఇచ్చిన కాంగ్రెస్‌ నేడు మాట తప్పిందన్నారు. అందాల పోటీలు, మూసీ ప్రక్షాళన, ఫ్యూచర్‌ సిటీకి డబ్బులుంటాయి గానీ.. రేషన్‌ డీలర్లకు గౌరవ వేతనం, కమీషన్‌ పెంపునకు డబ్బుల్లేవా? అంటూ ప్రశ్నించారు. జడ్చర్ల ఎమ్మెల్యే, రాష్ట్ర రేషన్‌ డీలర్ల సంఘం గౌరవ అధ్యక్షుడు అనిరుధ్‌రెడ్డి మాట్లాడుతూ రేషన్‌ డీలర్ల సమస్యల పరిష్కారానికి ప్రభుత్వంతో మాట్లాడతానని హామీ ఇచ్చారు. డిమాండ్ల తీరే వరకు అండగా ఉంటానని అన్నారు. పటాన్‌చెరు ఎమ్మెల్యే, రేషన్‌ డీలర్ల సంఘం మరో గౌరవ అధ్యక్షుడు గూడెం మహిపాల్‌రెడ్డి మాట్లాడుతూ డీలర్ల సమస్యల పరిష్కారానికి ప్రభుత్వంపై ఒత్తిడి పెంచేందుకు త్వరలోనే హైదరాబాద్‌లో భారీ సభను నిర్వహిస్తామన్నారు. ప్రభుత్వం నుంచి స్పష్టమైన హామీ వచ్చేంతవరకు పోరాటం ఆగదన్నారు. రేషన్‌ డీలర్ల సంక్షేమ సంఘం రాష్ట్ర అధ్యక్షుడు నాయికోటి రాజు మాట్లాడుతూ సమస్యల పరిష్కారానికి పోరాట కార్యాచరణ చేయనున్నామన్నారు. అవసరమైతే తానూ ఆమరణ దీక్షకు సిద్ధంగా ఉన్నానని స్పష్టం చేశారు. సభలో ఎమ్మెల్సీ యాదవరెడ్డి, అటవీ అభివృద్ధి సంస్థ మాజీ చైర్మన్‌ వంటేరు ప్రతాప్‌రెడ్డి, రేషన్‌ డీలర్ల సంఘం రాష్ట్ర ప్రధాన కార్యదర్శి శ్రీకాంత్‌, నాయకులు తదితరులు పాల్గొన్నారు.

మెదక్‌ కలెక్టరేట్‌/కొల్చారం(నర్సాపూర్‌): జిల్లాలోని కొల్చారం మండలం రంగంపేటలో గల ఓ రైస్‌మిల్లుపై సివిల్‌ సప్లయ్‌ టాస్క్‌ఫోర్స్‌ విజిలెన్స్‌ బృందం తనిఖీలు చేపట్టగా సుమారు రూ.8కోట్ల విలువైన 3,400 మెట్రిక్‌ టన్నుల ధాన్యం మాయమైనట్లు గుర్తించినట్లు తెలిసింది. ఈ ఘటన ఈనెల 25న ఆదివారం నిర్వహించగా ఆలస్యంగా వెలుగులోకి వచ్చింది. ఇందుకు సంబంధించిన వివరాలిలా ఉన్నాయి. కొల్చారం రంగంపేట కేంద్రంగా నడుస్తున్న దుర్గాభవాని బిన్ని రైస్‌ మిల్‌ యాజమాన్యం గత ఖరీఫ్‌, రబీ సీజన్‌లో రైతులనుంచి కొనుగోలు చేసిన దాదాపు రూ.8 కోట్ల విలువైన 3,400 మెట్రిక్‌ టన్నుల ధాన్యాన్ని పక్కదారి పట్టిస్తున్నట్లు సమాచారం అందింది. దీంతో గత ఆదివారం విజిలెన్స్‌ అధికారులు రైస్‌ మిల్‌కు చేరుకోగా తాళాలు వేసి ఉండటం, రైస్‌మిల్లును సీజ్‌ చేసిన విజిలెన్స్‌ అధికారులు, తాళాలను అదే గ్రామానికి చెందిన మరో రైస్‌మిల్‌ యజమానికి అప్పగించారు. అక్కడి నుంచి సదరు రైస్‌మిల్లు యజమాని కౌడిపల్లి మండల కేంద్రంలో గత సీజన్‌లో ఎఫ్‌సీఐకి చెందిన గోదాంలో రైతుల నుంచి కొనుగోలు చేసిన మరికొంత ధాన్యాన్ని నిల్వచేశారు. గుట్టుచప్పుడు కాకుండా ఇతర ప్రాంతాలకు ధాన్యాన్ని అక్కడ్నుంచి ఖాళీ చేసినట్లు సమాచారం. ఆదివారం అక్కడికి వెళ్లి తాళాలు పగలగొట్టి చూసిన విజిలెన్స్‌ అధికారులకు ధాన్యం బస్తాలు కనిపించలేదు. సదరు మిల్లు యజమాన్యంపై కేసు నమోదు చేసినట్లు తెలిసింది. అయితే తనిఖీ సమయంలో మిల్లు యజమానులు అందుబాటులో లేనట్లు సమాచారం. తవ్వినకొద్దీ బయట పడుతున్న అక్రమాలు

కౌడిపల్లి(నర్సాపూర్‌): యాసంగిలో రైతులు వరిపంటకు బదులుగా ప్రత్యామ్నాయ పంటలు సాగుచేయాలని స్థానిక ఏడీఏ పుణ్యవతి సూచించారు. మండల కేంద్రమైన కౌడిపల్లిలో మంగళవారం ఖేత్‌ బచావో అభియాన్‌ కార్యక్రమాన్ని నిర్వహించి రైతులను అవగాహన కల్పించారు. ఈ సందర్భంగా ఆమె మాట్లాడుతూ...ఎల్‌నినో ప్రభావంతో వర్షాలు సరిగా కురవలేదని రైతులు యాసంగిలో నీటిలభ్యత ఆధారంగా వరి పంటకు బదులుగా ఇతర ఆరుతడి పంటలు, కూరగాయలు, పప్పుదినుసులు సాగుచేయాలని చెప్పారు. అనంతరం కేవీకే శాస్త్రవేత్త డాక్టర్‌ రవికుమార్‌ మాట్లాడుతూ...రైతులు ప్రకృతి, సేంద్రియ సాగు చేయాలన్నారు. రైతులు భూసార పరీక్షల ఆధారంగా ఎరువులు వాడాలని చెప్పారు. వరి కోతల అనంతరం వరికొయ్యలు, పంట అవశేషాలను కాల్చవద్దని భూమిలో కలియ దున్నాలని చెప్పారు. కార్యక్రమంలో సర్పంచ్‌ కృష్ణాగౌడ్‌, ఉపసర్పంచ్‌ శ్వేత, ఏఓ స్వప్న, ఏఈఓ సాహితి, గ్రామస్తులు, రైతులు పాల్గొన్నారు.

రైతులు సహకరించాలి భూ సమస్యలకు శాశ్వత పరిష్కారమే లక్ష్యంగా రాష్ట్ర ప్రభుత్వం ప్రతిష్టాత్మకంగా ప్రారంభించిన భూ సర్వే కొనసాగుతోంది. జిల్లాలో 6.81 లక్షల ఎకరాల భూములుండగా, నక్షలేనివి 50 వేల ఎకరాల పైచిలుకు ఉన్నాయి. వాటిని ముందుగా సర్వే చేస్తున్నారు. ఇందుకోసం 62 మంది సర్వేయర్లు గత 10 నెలలుగా విధులు నిర్వర్తిస్తున్నారు. ఈ భూముల కొలతలు పూర్తయ్యాక మిగితా భూముల సర్వే చేపట్టనున్నారు. – మెదక్‌జోన్‌ జిల్లాలో 492 గ్రామాలుండగా, 393 రెవెన్యూ గ్రామాలు ఉన్నాయి. వాటి పరిధిలో పట్టా, పరంపోగు, లావాణి, అసైన్డ్‌మెంట్‌, ఈనాం, కేకే, గైరాన్‌, పడీత తదితర రకాలకు చెందిన భూములు 6,81,360 ఎకరాలున్నాయి. గత ప్రభుత్వ హయాంలో భూప్రక్షాళన పేరుతో సర్వే నిర్వహించి ధరణి పోర్టల్‌లో కొంత భూమిని పొందుపరిచారు. మిగితావి కోర్టు పరిధిలోనివి, తగాదాలున్నవి, లావాణి లాంటి భూములను నిషేధిత జాబితాలో పెట్టారు. దీంతో వేలాది మందికి భూ సమస్యలు ఉత్పన్నమయ్యాయి. దీంతో ధరణిలో ఉన్న భూములకు మాత్రమే రైతుబంధు రావటం, మిగితా భూముల్లో పంటలు పండించినా కొనుగోలు చేయకపోవటం, ఎరువులు లభించకపోవటం లాంటి సమస్యలతో రైతులు సతమతమయ్యారు. ఈ క్రమంలో 2023 డిసెంబర్‌లో కాంగ్రెస్‌ అధికారంలోకి వచ్చిన తర్వాత ధరణి పోర్టల్‌ను రద్దు చేసి భూభారతి పోర్టల్‌ను కొత్తగా ప్రవేశపెట్టింటి. పూర్తిస్థాయిలో అన్నిరకాల భూములను రీసర్వే చేసి భూభారతిలో పొందుపర్చేందుకు శ్రీకారం చుట్టింది. ఇందులో భాగంగా ముందుగా నక్షలేని భూములను సర్వే చేస్తున్నారు. 24 గ్రామాలు.. 50 వేల ఎకరాలు జిల్లావ్యాప్తంగా 393 రెవెన్యూ గ్రామాలుండగా, అందులో నక్షలేనివి 15 మండలాల పరిధిలో 24 గ్రామాల్లో 50 వేల ఎకరాలున్నాయి. వాటిలో జనవరి నుంచి ఇప్పటివరకు 10 గ్రామాల్లో 29 వేల ఎకరాలను సర్వే చేశారు. మిగితా 14 గ్రామాల్లో 21 వేల ఎకరాల సర్వేను ఇటీవలే ప్రారంభించారు. కాగా, జిల్లావ్యాప్తంగా 6,81,360 ఎకరాల భూములుండగా 10 నెలల క్రితం నక్షలేని 50 వేల ఎకరాల్లో సర్వే ప్రారంభించారు. అవి పూర్తయ్యాక మిగితా 6,31,360 ఎకరాల్లో సర్వే చేయనున్నట్లు తెలిసింది. 140 మంది సర్వేయర్లు జిల్లాలోని 6.81 లక్షల ఎకరాల భూములను రీ సర్వే చేసేందుకు సంబంధిత అధికారులు ఇప్పటివరకు రెండు విడతల్లో 140 మంది సర్వేయర్లను ఎంపిక చేసి ప్రత్యేకంగా శిక్షణ ఇచ్చారు. అందులో మొదటి విడతగా నక్షలో లేని భూములను సర్వే చేసేందుకు 62 మందిని విధుల్లోకి తీసుకున్నారు. ఈ సర్వేలో పాల్గొన్న ఒక్కో సర్వేయర్‌కు ఎకరాకు రూ. 60 చొప్పున ఇస్తున్నట్లు తెలిసింది. ఒక సర్వేయర్‌ రోజుకు 40 నుంచి 50 ఎకరాల భూములను సర్వే చేస్తారని సంబంధిత అధికారి ఒకరు చెప్పారు. వీరికి వారానికోసారి డబ్బులు చెల్లిస్తునట్లు తెలిసింది. ఇప్పటివరకు 29 వేల ఎకరాల్లో పూర్తి జిల్లాలో 6.81 లక్షల ఎకరాలపైగా భూములు నక్షలేనివి 50 వేల పైచిలుకు.. డిజిటల్‌ సర్వేకు ప్రతి రైతు సహకరించాలి. ఇది పూర్తిగా పారదర్శకంగా ఉంటుంది. ఇక భవిష్యత్‌లో ఎలాంటి తగాదాలు లేకుండా సర్వే చేపట్టాం. అనంతరం ఆయా రైతులకు నోటీసులు ఇస్తాం. ఏమైనా అభ్యంతరాలుంటే చెప్పాలి. లేనట్లు అయితే ఆన్‌లైన్‌లోని భూభారతి పోర్టల్‌లో పొందుపరుస్తాం. – కిషన్‌, ఏడీ, సర్వే అండ్‌ ల్యాండ్‌ రికార్డ్స్‌

పెద్దశంకరంపేట(మెదక్‌): ధూపదీప నైవేద్య పథకంలో పనిచేస్తున్న అర్చకుల సమస్యలను పరిష్కరించాలని డీడీఎన్‌ఎస్‌ జిల్లా అధ్యక్షుడు రాజేశ్వరశర్మ కోరారు. ఈమేరకు ఉమ్మడి జిల్లా దేవాదాయ శాఖ కమిషనర్‌ విజయరామరావుకు సోమవారం సంగారెడ్డిలో వినతిపత్రం అందజేశారు. ఈసందర్భంగా రాజేశ్వరశర్మ మాట్లాడుతూ.. అర్చక సంక్షేమ పథకాలపై గ్రామాల్లో పనిచేస్తున్న అర్చకులకు అవగాహన కల్పించాలని, ఆరోగ్యశ్రీ పథకంపై వివరించాలని, పెండింగ్‌లో ఉన్న సమస్యలను పరిష్కరించాలని విన్నవించారు. కార్యక్రమంలో రాష్ట్ర అర్చక సంఘం ఉపాధ్యక్షుడు గుడిచంద్రశేఖరశర్మ, జిల్లా ప్రధాన కార్యదర్శి శ్యాంసుందర్‌, కోశాధికారి ప్రవీణ్‌శర్మ, సభ్యులు రాధాకృష్ణశర్మ తదితరులు పాల్గొన్నారు.

● ఎల్‌నినోను ఎదుర్కొందాం ● ‘సాక్షి’తో డీఏఓ దేవ్‌కుమార్‌ యాసంగిలో రైతులు వరికి బదులు ఆరుతడి పంటలు సాగు చేయాలని జిల్లా వ్యవసాయ అధికారి దేవ్‌కుమార్‌ సూచించారు. జిల్లాలో ఎల్‌నినో ప్రభావం, రబీలో పంటల సాగు, నీటి వనరులు తదితర అంశాలపై సోమ వారం ‘సాక్షి’తో మాట్లాడారు. ఆయన మాటల్లో.. – మెదక్‌ కలెక్టరేట్‌ ఈ ఏడాది ఖరీఫ్‌ ప్రారంభం నుంచి ఎల్‌నినో ప్రభావం చూపుతుంది. ఇప్పటికే భూగర్భజలాలు తగ్గుముఖం పట్టాయి. ఎల్‌నినో ప్రభావాన్ని ఎదుర్కొనేందుకు కలెక్టర్‌ ప్రతిమాసింగ్‌ జిల్లాలో విస్తృతంగా అవగాహన కార్యక్రమాలు చేపడుతున్నారు. దీనిని దృష్టిలో పెట్టుకొని వ్యవసాయ శాఖ ఆధ్వర్యంలో ఈసారి యాసంగిలో జిల్లాలోని రైతులను వరి బదులు ఆరుతడి పంటలు వేసుకునే విధంగా చైతన్యం చేస్తున్నాం. అందుకు సంబంధించిన విత్తనాలను అందుబాటులో ఉంచాం. వరి ఎకరం పండించే నీటితో 3 ఎకరాల ఆరుతడి పంటలు పండించవచ్చు. ఈనెలలో వర్షాలు లేక, నీటి తడులు అందక కొన్ని చోట్ల వరి పంట దెబ్బతిని రైతులు ఇబ్బంది పడుతున్నారు. తొందరపడి వరి పంటలు వేసుకోవద్దు. రైతులకు అవగాహన ఈ ఏడాది ఖరీఫ్‌లో జిల్లాలోని రైతులు 30 ఎకరాల్లో తరుతడి పంటలు సాగు చేశారు. ఈమేరకు గ్రామాల్లో విస్తృతంగా సదస్సులు ఏర్పాటు చేసి రైతులను చైతన్యం చేస్తున్నాం. వానాకాలం కొంత మార్పు వచ్చింది. అయితే జిల్లాలో కోతుల బెడద తీవ్రంగా ఉంది. కోతులకు భయపడి రైతులు ప్రత్యామ్నాయ పంటలు వేయడం లేదు. కలెక్టర్‌ ఆదేశాల మేరకు జిల్లాలోని అన్ని గ్రామాల్లో కోతుల పట్టి నిర్మల్‌ వైపు తరలిస్తున్నారు. దీంతో రైతులకు ఆందోళన అవసరం లేదు. 100 రోజుల్లో పంటలు చేతికి మినుములు, పెసర, నువ్వులకు సబ్సిడీ వస్తుంది. మొక్కజొన్న, జొన్న, పొద్దు తిరుగుడు, కుసుమలు, శనగలు వేసుకుంటే లాభదాయకంగా ఉంటుంది. నీటి ఎద్దడి నుంచి తప్పించుకొని అధిక ఆదాయం పొందవచ్చు. కుసుమలు, శనగలు అయితే దాదాపు చలితోనే పండుతాయి. ఆరుతడి పంటలన్నీ 100 రోజుల్లో పూర్తవుతాయి. కేవలం నాలుగైదు నీటి తడులతో పంటలు చేతికి వస్తాయి. జిల్లాలో పొద్దు తిరుగుడు, జొ న్న, మొక్కజొన్న, కందులు, రాగులు, మినుములు, పెసర, సోయాబిన్‌, కుసుమలు, శనగ విత్తనాలు అ ందుబాటులో ఉన్నాయి. అత్మనిర్భర్‌ భారత్‌ పథకం కింద కేంద్రం జొన్న, మొక్కజొన్న, కూరగాయలు, ఆయిల్‌పాం పంటలపై సబ్సిడీ ఇస్తుంది. అందుబాటులో కేంద్రాలు రైతులు అధికంగా ఆరుతడి పంటలు వేసుకుంటే ప్రభుత్వం కొనుగోలు కేంద్రాలు ఏర్పాటు చేస్తుంది. ప్రస్తుతం జొన్న, మొక్కజొన్న పంటలకు కొనుగోలు కేంద్రాలు అందుబాటులో ఉన్నాయి. అలాగే ప్రభుత్వం మద్దతు ధర కూడా అందజేస్తుంది. ఫర్టిలైజర్‌షాపులు, పీఎసీఎస్‌లలో విత్తనాలు అందుబాటులో ఉన్నాయి. రైతులు విత్తనాలు కొనుగోలు చేసే సమయంలో తప్పనిసరిగా రసీదులు పొందాలి. అనుమానం ఉంటే వెంటనే రిటర్న్‌ చేసి మంచి విత్తనాలు పొందాలి. నకిలీ విత్తనాల పట్ల అప్రమత్తంగా ఉండాలి.

● ఎల్‌నినోను ఎదుర్కొనేందుకు చర్యలు ● వారంలో రెట్టింపైన కూలీల సంఖ్య ● పంటలు దెబ్బతినడంతో కరువైన పనులు నారాయణఖేడ్‌: ఎల్‌నినో నేపథ్యంలో గ్రామాల్లో పేదలకు పనులు కల్పించి ఉపాధి ద్వారా లబ్ధి చేకూర్చేందుకు అధికారులు చర్యలు చేపట్టారు. ఇప్పటికే పనుల నిర్ధారణ పూర్తి కాగా, గ్రామాల్లో రోజువారీగా పెరుగుతున్న కూలీల సంఖ్యకు అనుగుణంగా పనుల కల్పన చేపడుతున్నారు. వారంలో కూలీల సంఖ్య రెట్టింపు కాగా, మరో వారం పది రోజుల్లో ఈ సంఖ్య మరింత పెరిగే అవకాశం ఉందని అధికారులు అంచనా వేస్తున్నారు. అందుకనుగుణంగా ముందస్తు చర్యలు చేపడుతున్నారు. ఉమ్మడి జిల్లాలో ‘జీరాంజీ’ పథకం కింద సోమవారం 72 మండలాల్లోని 1,613 పంచాయతీల్లో జరిగిన ఉపాధి పనుల్లో 47,441 మంది కూలీలు హాజరయ్యారు. గత వారం క్రితం (19వ తేదీన) ఈ కూలీల సంఖ్య కేవలం 22,741 మంది మాత్రమే ఉంది. మరో వారం పది రోజుల్లో ప్రస్తుతం హాజరువుతున్న కూలీల సంఖ్య రెండు, మూడు రెట్లు పెరిగే అవకాశం ఉంది. కొత్త జాబ్‌కార్డులు గ్రామాల్లో కరువు పరస్థితుల కారణంగా పంటలు దెబ్బతిన్నాయి. వ్యవసాయ పనులు కూడా అంతంతగానే ఉండడంతో కూలీలు ఉపాధి పనుల వైపు మళ్లుతున్నారు. అధికారులు కూడా అందుకనుగుణంగా కూలీలకు పనులు కల్పించే ఏర్పాట్లు చేపట్టారు. వారం రోజుల్లో ఒక్కో జిల్లాలో 2 వేల మంది కొత్తవారికి జాబ్‌ కార్డులు జారీ చేశారు. యాసంగిలోనూ పంటసాగు కష్టంగా మారడంతో వారికి పనులు లభించే అవకాశాలు లేవు. దీనిని గుర్తించిన ప్రభుత్వం 18 ఏళ్లు నిండిన కొత్త వారికి వెను వెంటనే జాబ్‌ కార్డులు ఇవ్వాలని ఆదేశాలు జారీ చేసింది. 40 మంది కూలీలకు మేట్‌ కూలీలకు పెద్ద ఎత్తున కూలీ పనులు కల్పించేందుకు రోజ్‌గార్‌ సేవక్‌ (మేట్‌)ల నియమిస్తున్నారు. ప్రతీ 40 మంది కూలీలకు ఒకరి చొప్పున పంచాయతీల ఆధ్వర్యంలో మేట్‌లను ఎంపిక చేస్తున్నారు. ప్రస్తుతం గ్రామాల్లో కూలీలను గుర్తించడం, పనులకు తీసుకెళ్లడం వంటి పనులు ఫీల్డ్‌ అసిస్టెంట్లు నిర్వహిస్తున్నారు. దీని వల్ల చాలా మంది కూలీల గుర్తింపు, పనుల కల్పనలో ఇబ్బందులు ఎదురవుతున్న విషయాన్ని పంచాయతీరాజ్‌శాఖ గుర్తించింది. ఈ సమస్య ను నివారించేందుకు మేట్‌ల నియామకం చేపడుతున్నారు. ఎంపికై న మేట్‌లు తమ పరిధిలో 40 మంది కూలీలకు పనులు కల్పించే బాధ్యతలను నిర్వర్తించనున్నారు. వీరందిని ఫీల్డ్‌ అసిస్టెంట్‌ పర్యవేక్షిస్తారు. ఎంపికై న మేట్‌లకు రెండు రోజుల పాటు ఉపాధి హామీ పథకం అధికారులు శిక్షణ ఇవ్వనున్నారు. గ్రామాల్లో నీటి సంరక్షణకు జలసిరి పనుల్లో భాగంగా ఫాంపాండ్స్‌, ఇంకుడు గుంతలు, బోర్‌వెల్‌ రీచార్జ్‌, చెక్‌డ్యాంల నిర్మాణం, కందకాలు, వరద నివారణ కాలు వలు, రాతి కట్టల నిర్మాణం తదితర పనుల చేపట్టనున్నారు. ఉమ్మడి జిల్లాలో ఇలా.. జిల్లా పంచాయతీలు 19వ తేదీన 26న హాజరైన కూలీలు సంగారెడ్డి 613 8,727 13,918 సిద్దిపేట 508 4,204 14,377 మెదక్‌ 492 9,810 19,146

మెదక్‌జోన్‌: ప్రజావాణిలో వచ్చే ఫిర్యాదులపై నిష్పక్షపాతంగా విచారణ జరిపి బాధితులకు సత్వర న్యాయం అందించాలని ఎస్పీ శ్రీనివాసరావు అధికారులను ఆదేశించారు. సోమవారం జిల్లా పోలీస్‌ కార్యాలయంలో నిర్వహించిన ప్రజావాణి కార్యక్రమంలో పాల్గొని ప్రజల నుంచి వినతులు స్వీకరించారు. భూ వివాదాలు, కుటుంబ సమస్యలు, ఆర్థిక మోసాలు, వేధింపులకు సంబంధించిన ఫిర్యాదులను పరిశీలించారు. ఆయా సమస్యలపై సమగ్ర విచారణ చేపట్టి చట్టప్రకారం చర్యలు తీసుకోవాలని అధికారులకు సూచించారు. అలాగే వృద్ధుల పట్ల నిర్లక్ష్యం, వేధింపులకు పాల్పడితే చట్టప్రకారం చర్యలు తీసుకుంటామని హెచ్చరించారు. అంతకుముందు ఎస్పీ కార్యాలయంలో వాల్మీకి మహర్షి జయంతిని పురస్కరించుకొని ఆయన చిత్రపటానికి పూలమాల వేసి నివాళులర్పించారు. కార్యక్రమంలో అదనపు ఎస్పీ విక్రాంత్‌ కుమార్‌సింగ్‌, డీఎస్పీ రంగనాథ్‌, సిబ్బంది పాల్గొన్నారు.

పాపన్నపేట(మెదక్‌): సర్కారు బడుల విద్యార్థులకు అల్పాహార పథకం ప్రారంభించి నెల రోజులు కావొస్తున్నా, ఇప్పటివరకు జిల్లాలో కేవలం 5 మండలాల్లోని 24,500 విద్యార్థులకు మాత్రమే అందుతుంది. మెదక్‌లో ఏర్పాటు చేసిన కేంద్రీకృత కిచెన్‌ షెడ్‌ నుంచి 40 వేల వి ద్యార్థులకు టిఫిన్లు అందింజే సామర్థ్యం ఉంది. కాగా, కామారెడ్డి, జోగిపేట, సిద్దిపేట జిల్లాల్లో ఏర్పాటు చేస్తున్న కిచెన్‌ షెడ్‌ల నుంచి మిగిలిన 30 వేల మంది విద్యార్థులకు టిఫిన్లు అందాల్సి ఉంది. అయితే అక్కడ కిచెన్‌షెడ్‌ల నిర్మాణంలో జాప్యం జరుగుతుండటంతో జిల్లాలోని కొన్ని మండలాల విద్యార్థులకు ఎదురుచూపులు తప్పడం లేదని తెలుస్తుంది. మంత్రి చేతుల మీదుగా ప్రారంభం జిల్లాలో గత నెల 26న మంత్రి వివేక్‌, ఎమ్మెల్యే రోహిత్‌రావు చేతుల మీదుగా ప్రభుత్వ పాఠశాలల విద్యార్థులకు అల్పాహార పథకం ప్రారంభమైంది. హరేరామ హరేకృష్ణ సొసైటీ ఆధ్వర్యంలో మెదక్‌లో ఏర్పాటు చేసిన కేంద్రీకృత కిచెన్‌షెడ్‌ ద్వారా సుమారు 40 వేల మంది విద్యార్థులకు టిఫిన్లు అందించే అవకాశం ఉంది. కాగా జిల్లాలో 881 పాఠశాలలుండగా, 70వేల మంది విద్యార్థులు చదువుతున్నారు. మిగితా 30 వేల మంది విద్యార్థులకు కామారెడ్డి, సిద్దిపేట, జోగిపేట పట్టణాల్లో ఏర్పాటు చేసే కిచెన్‌ షెడ్ల నుంచి టిఫిన్లు పంపిణీ చేస్తారు. అక్కడ షెడ్ల నిర్మాణం పూర్తి కాకపోవడం, ఇతరత్ర కారణాలతో జిల్లాలో నిర్దేశించిన పాఠశాలల విద్యార్థులకు అల్పాహార పథకం ప్రారంభం కాలేదు. ఇప్పటి వరకు జిల్లాలో మెదక్‌, హవేళిఘణాపూర్‌, రామాయంపేట, వెల్దుర్తి మండలాల విద్యార్థులకు టిఫిన్లు అందిస్తున్నారు. సోమ వారం పాపన్నపేట మండలంలో కొత్తగా అల్పాహారం పంపిణీ ప్రారంభించారు. ఇప్పటివరకు 24,500 మంది విద్యార్థులకు టిఫిన్లు అందిస్తున్నారు. రోజుకో రకం టిఫిన్‌ ప్రభుత్వ పాఠశాలల విద్యార్థులకు రోజుకో రకం టిఫిన్‌ అందిస్తున్నారు. సోమవారం దోశ చట్నీ, మంగళవారం ఇడ్లీ సాంబార్‌, బుధవారం పూరీ ఆలు కుర్మా, గురువారం బోండా చట్నీ, శుక్రవారం మిల్లెట్‌ ఉప్మా చట్నీ, శనివారం మిల్లెట్‌ ఇడ్లీ సాంబర్‌ అందించనున్నారు. విద్యార్థులకు తప్పని ఎదురుచూపులు ఇప్పటి వరకు 5 మండలాలకు విస్తరణ జిల్లాలో 70 వేల మంది విద్యార్థులు టిఫిన్లు చేస్తున్నది 24,500 మంది మాత్రమే 5 మండలాల విద్యార్థులకు టిఫిన్లు మెదక్‌లో ఏర్పాటు చేసిన కేంద్రీకృత కిచెన్‌ షెడ్‌ ద్వారా 40 వేల మంది విద్యార్థులకు టిఫిన్లు అందజేసే సామర్థ్యం ఉంది. మిగితా 30 వేల మందికి కామారెడ్డి, సిద్దిపేట, జోగిపేట కేంద్రాల నుంచి టిఫిన్లు రావాలి. అక్కడ పనులు పూర్తి కానందున, జిల్లాలోని అన్ని పాఠశాలల విద్యార్థులకు టిఫిన్లు అందడం లేదు. – రాజు, డీఈఓ

మెదక్‌ కలెక్టరేట్‌: ఎల్‌నినో ప్రభావాన్ని ఎదుర్కొనేందుకు కలెక్టరేట్‌ నుంచే పొదుపు చర్యలు చేపట్టాలని కలెక్టర్‌ ప్రతిమాసింగ్‌ అధికారులను ఆదేశించారు. సోమవారం కలెక్టరేట్‌లో జరిగిన ప్రజావాణి కార్యక్రమంలో పాల్గొని ప్రజల నుంచి వినతులు స్వీకరించారు. అనంతరం అధికారులతో ఎల్‌నినోపై సమీక్ష నిర్వహించారు. కలెక్టరేట్‌లో నీటిని, విద్యుత్‌ను ఉద్యోగులందరూ ఆదా చేయాలన్నారు. అ లాగే ‘మీ ప్రమాణం యాప్‌’లో తప్పనిసరిగా హాజరు నమోదు చేసుకోవాలని ఆదేశించారు. అంతకుముందు ప్రజావాణిలో వివిధ మండలాల నుంచి 69 ఫిర్యాదులు వచ్చాయి. అనంతరం హైదరాబాద్‌ నుంచి రాష్ట్ర ప్రధాన ఎన్నికల అధికారి సుదర్శన్‌రెడ్డి నిర్వహించిన వీడియో కాన్ఫరెన్స్‌లో కలెక్టర్‌ పాల్గొన్నారు. అలాగే మహర్షి వాల్మీకి జయంతి సందర్భంగా ఆయన చిత్రపటానికి పూలమాల వేసి నివాళులర్పించారు. చేగుంట(తూప్రాన్‌): నిబంధనలు పాటించని పరిశ్రమలతో ప్రజారోగ్యంపై తీవ్ర ప్రభావం చూపుతుందని దుబ్బాక ఎమ్మెల్యే కొత్త ప్రభాకర్‌రెడ్డి అన్నారు. చేగుంట శివారులోని జీవీకే పరిశ్రమ వద్ద పలు గ్రామాల ప్రజలు సోమవారం వంటావార్పుతో నిరసన తెలపగా, ముఖ్య అతిథిగా ఎమ్మెల్యే ప్రభాకర్‌రెడ్డి పాల్గొని మాట్లాడారు. జీవీకే పరిశ్రమతో గాలి, నీరు, కలుషితం అవుతుందన్నారు. కార్మికులకు సైతం సేఫ్టీ టూల్స్‌ అందించకుండానే పనులు చేయించుకుంటున్నారని తెలిపారు. స్పందించిన పరిశ్రమ నిర్వాహకుడు మోహన్‌ అగర్వాల్‌ అక్కడికి చేరుకొని కాలుష్య నియంత్రణ చర్యలు చేపట్టి ప్రజలకు ఇబ్బంది లేకుండా చూస్తానని హామీ ఇచ్చారు. కార్యక్రమంలో ఎస్సీ, ఎస్టీ కమిషన్‌ చైర్మన్‌ బక్కి వెంకటయ్య, సర్పంచ్‌లు రాజిరెడ్డి, సత్యనారాయణ, రేఖ, జ్యోతి, దుర్గాదేవితో పాటు బీఆర్‌ఎస్‌ నాయ కులు గ్రామాల రైతులు మహిళలు పాల్గొన్నారు. ముదిరాజ్‌లను బీసీ‘ఏ’లో చేర్చొద్దు మెదక్‌జోన్‌: ముదిరాజ్‌లను బీసీ–ఏలో చేర్చే అంశంపై త్వరలో నిర్ణయం తీసుకుంటామని ఇటీవల సీఎం రేవంత్‌రెడ్డి ప్రకటించిన నేపథ్యంలో సోమవారం జిల్లా కేంద్రంలో బీసీ–ఏలో ఉన్న వివిధ కులాల జాయింట్‌ యాక్షన్‌ కమిటీ (జేఏసీ) రాస్తారోకో నిర్వహించింది. ప్రజావాణిలో కలెక్టర్‌ను కలిసి వినతిపత్రం అందించారు. అనంతరం కలెక్టరేట్‌ ఎదుట నిరసన తెలిపారు. ఈసందర్భంగా వారు మాట్లాడుతూ.. ఆర్థికంగా, రాజకీయంగా, అన్ని విధాలుగా ఎదిగిన ముదిరాజ్‌లను బీసీ–ఏలో చేర్చే కుట్రను కేంద్ర, రాష్ట్ర ప్రభుత్వాలు వెంటనే విరమించుకోవాలని డిమాండ్‌ చేశారు. కార్యక్రమంలో జేఏసీ సభ్యు లు సంగు స్వామి, చౌదరి మల్లేశం, పోతరాజు జనార్దన్‌, చౌదరి నవీన్‌, సంతోశ్‌, బక్కవారి శివ, లడ్డూ, లక్ష్మణ్‌, నాగరాజు, యాదగిరి, ఉపేంద్ర, గణేశ్‌, మహేశ్‌, వడ్డె సాయిలు, గంగిరెద్దుల మహేశ్‌ పాల్గొన్నారు. తుపాకీతో బెదిరించి దారి దోపిడీ జహీరాబాద్‌: కోహీర్‌ మండలంలోని కవేలి శివారు 65వ జాతీయ రహదారిపై సోమవారం తెల్లవారుజామున గుర్తు తెలియని వ్యక్తులు దారి దోపిడీకి పాల్పడ్డారు. ఎస్‌ఐ నరేశ్‌ కథనం ప్రకారం.. గ్రామ శివారులో తెల్లవారుజామున మూత్ర విసర్జన చేసేందుకు డ్రైవర్‌ కారును ఆపాడు. అదే సమయంలో గుర్తు తెలియని ముగ్గురు వ్యక్తులు కారు వద్దకు వచ్చి తుపాకీ, కత్తి చూపించారు. కారులో ఉన్న మహిళల వద్ద్ద నుంచి 3 తులాల బంగారు ఆభరణాలు, రూ.10 వేల నగదును అపహరించుకుపోయారు. బాధితులు హైదరాబాద్‌లోని నారాయణగూడకు చెందిన వారు. పోలీసులు కేసు నమోదు చేసి దర్యాప్తు చేపట్టారు.

పైప్‌లైన్‌ పగిలి వృథాగా పోతున్న నీరు ఎల్‌నినో నేపథ్యంలో నీటి పొదుపుపై ప్రజలకు అవగాహన కల్పిస్తున్న అధికారులు, నీటి వృథాను అరికట్టడంలో మాత్రం నిర్లక్ష్యంగా వ్యవహరిస్తున్నారు. మండల కేంద్రంలోని ప్రభుత్వ కళాశాల వద్ద నెల రోజులుగా మిషన్‌ భగీరథ పైప్‌లైన్‌ పగిలి విలువైన తాగునీరు వృథాగా పోతుంది. కళాశాల ప్రధాన ద్వారం మూసివేసిన అధికారులు, అదే సమయంలో అక్కడ కాలువను తవ్వారు. అయితే జేసీబీతో పనులు చేస్తున్న సమయంలో పైప్‌లైన్‌ పగిలిపోయింది. మరమ్మతులు దేవుడెరుగు, కనీసం నీటి వృథాను అరికట్టాలని పలువురు కోరుతున్నారు. – చిన్నశంకరంపేట(మెదక్‌)

మెదక్‌లో కొనసా..గుతున్న సబ్‌స్టేషన్‌ నిర్మాణం మెదక్‌జోన్‌: గతేడాది వచ్చిన భారీ వరదలకు పట్టణంలోని సబ్‌స్టేషన్‌ కొట్టుకుపోయింది. దాని స్థాన ంలో కొత్తది నిర్మించేందుకు ప్రభుత్వం రూ. 2.1 కోట్లు మంజూరు చేసింది. మూడు నెలల్లో పనులు పూర్తి కావాల్సి ఉండగా, సదరు కాంట్రాక్టర్‌ నిర్లక్ష్యంతో ఏడాది గడిచినా పనులు సా..గుతూనే ఉన్నాయి. ఫలితంగా పట్టణ ప్రజలకు ఇబ్బందు లు తప్పడం లేదు. గడువు ముగిసి ఐదు నెలలు జిల్లాలో గతేడాది ఆగస్టులో కురిసిన భారీ వర్షాలకు పెద్ద ఎత్తున వరదలు వచ్చాయి. దీంతో పసుపులేరు వాగు పక్కన ఉన్న సబ్‌స్టేషన్‌ వాగులో కొట్టుకుపోయింది. దీంతో పట్టణంలోని పిల్లికొటాల్‌, డబుల్‌బెడ్రూం, ఆటోనగర్‌ ప్రాంతానికి సరఫరా అయ్యే విద్యుత్‌ నిలిచిపోయింది. పట్టణానికి సమీపంలోని రాజ్‌పల్లి సబ్‌స్టేషన్‌ నుంచి తాత్కాలికంగా విద్యుత్‌ సరఫరా చేస్తున్నారు. కాగా, వరదలకు కొట్టుకుపోయిన సబ్‌స్టేషన్‌ స్థానంలో నూతనంగా నిర్మించేందుకు రూ. 2.1 కోట్లు మంజూరయ్యాయి. దీంతో ఓ కాంట్రాక్టర్‌ ఆన్‌లైన్‌ ద్వారా టెండర్‌ దక్కించుకున్నాడు. పట్టణంలోని మీరా కాలనీలో ఫిబ్రవరిలో సబ్‌ స్టేషన్‌ నిర్మాణ పనులు ప్రారంభించాడు. మూడు నెలల్లో (మే) వరకు పనులు పూర్తి చేయాల్సి ఉండగా, అక్టోబర్‌ పూర్తి కావొచ్చినా పనులు సా..గుతూనే ఉన్నాయి. ఇచ్చిన గడువు ముగిసి ఐదు నెలలు అదనంగా గడిచినా పనులు మాత్రం ముందుకు సాగటం లేదు. దీంతో సంబంధిత అధికారులు సదరు కాంట్రాక్టర్‌కు ఇప్పటికి మూడు సార్లు నోటీసులు ఇచ్చినట్లు తెలిసింది. అయినప్పటికీ పనులు మాత్రం నత్తతో పోటీ పడుతుండటం గమనార్హం. అలాగే పట్టణంలోని గాంధీనగర్‌లో మరో సబ్‌స్టేషన్‌ నిర్మాణం కోసం మార్చిలో రూ. 2.1 కోట్లు కేటాయించారు. ఈ పనులు డిసెంబర్‌ వరకు పూర్తి చేయాల్సి ఉండగా, పనుల్లో వేగం కనిపించడం లేదు. ఇది పూర్తయితే గాంధీనగర్‌తో పాటు దాయరవీది తదితర ప్రాంతాలకు కరెంట్‌ సరఫరా చేయనున్నారు. కాగా, విద్యుత్‌ వినియోగం పెరగటం, ఉత్పత్తి తగ్గటంతో ఇక్కడ సైతం లోఓల్టేజీ సమస్య ఉత్పన్నం అవుతోంది. తప్పని తిప్పలు సబ్‌స్టేషన్‌ మునిగిపోవంతో దాని పరిధిలోని పిల్లికొటాల్‌, డబుల్‌బెడ్రూం, ఆటోనగర్‌ తదితర ప్రాంతాలకు పట్టణానికి 5 కిలోమీటర్ల దూరంలోని రాజ్‌పల్లి సబ్‌స్టేషన్‌ నుంచి కనెక్షన్‌ ఇచ్చారు. దీంతో లోఓల్టేజీ సమస్య తీవ్రంగా ఏర్పడింది. ఇళ్లలో ఫ్యాన్లు కూడా సరిగా తిరగలేని పరిస్థితి నెలకొంది. అంతేకాకుండా ఎప్పుడు కరెంట్‌ పోతుందో, ఎప్పుడు వస్తుందో తెలియని దుస్థితి నెలకొంది. నిర్మాణంలో ఉన్న సబ్‌స్టేషన్‌ సదరు కాంట్రాక్టర్‌కు 3 సార్లు నోటీసులు అయినా స్పందన కరువు లో ఓల్టేజీతో తరుచూ అంతరాయం

మెదక్‌ కలెక్టరేట్‌: సర్‌కు వ్యతిరేకంగా నవంబర్‌ 1న ‘ఓటు బచావో.. దేశ్‌ బచావో’ నినాదంతో చేపట్టే ఛలో ఢిల్లీ కార్యక్రమాన్ని విజయవంతం చేయా లని ఏఐసీసీ పరిశీలకుడు సరళ్‌ పటేల్‌ పిలుపునిచ్చారు. ఆదివారం డీసీసీ అధ్యక్షుడు ఆంజనేయు లు గౌడ్‌ ఆధ్వర్యంలో ఎమ్మెల్యే క్యాంపు కార్యాలయంలో కాంగ్రెస్‌ కార్యకర్తల సమావేశం నిర్వహించారు. ఈసందర్భంగా సరళ్‌ పటేల్‌ మాట్లాడుతూ.. ఓటు హక్కు ప్రజాస్వామ్యంలో అత్యంత కీలకమైందన్నారు. ఓటర్ల జాబితాలో ఎలాంటి అవకతవకలకు తావులేకుండా చూడాల్సిన బాధ్య త అందరిపై ఉందన్నారు. ఎస్‌ఐఆర్‌ ప్రక్రియ నేపథ్యంలో ఓటర్ల హక్కులకు భంగం కలగకుండా కాంగ్రెస్‌ అప్రమత్తంగా ఉండాలని, పార్టీ నాయకులు, కార్యకర్తలు క్షేత్రస్థాయిలో ప్రజలకు అవగాహన కల్పించాలని సూచించారు. ఢిల్లీలోని రామ్‌లీలా మైదానంలో కాంగ్రెస్‌ ఆధ్వర్యంలో సుమారు 15 లక్షల మంది ఓటర్లతో భారీ ర్యాలీ నిర్వహించనున్నట్లు వెల్లడించారు. సమావేశంలో ఎస్సీ కార్పొరేషన్‌ చైర్మన్‌ ప్రీతమ్‌ కుమార్‌, రైతు సంఘం జిల్లా అధ్యక్షుడు అవినాశ్‌రెడ్డి, మున్సిపల్‌ వైస్‌ చైర్మన్‌ దొంతి నరేశ్‌గౌడ్‌, దుబ్బాక కాంగ్రెస్‌ ఇన్‌చార్జి శ్రీనివాస్‌ రెడ్డి తదితరులు పాల్గొన్నారు. ఏఐసీసీ పరిశీలకుడు సరళ్‌ పటేల్‌

వర్గల్‌(గజ్వేల్‌): అసలే పేదకుటుంబం. తండ్రి ప్రమాదవశాత్తూ చనిపోయాడు. దీంతో తనతోపాటు పన్నెండేళ్ల లోపున్న తోడబుట్టిన ఇద్దరి పోషణ దినసరి కూలీపని చేసే తల్లికి కష్టమైంది. పెద్దకూతురు దివ్య విద్యాభ్యాసం తలకుమించిన భారంగా పరిణమించింది. విషయం తెలిసిన ఎస్‌ఐ ఆరోగ్యం మానవత్వంతో స్పందించి బాలిక విద్యాభ్యాసానికి బాసటగా నిలిచారు. ఈ ఘటనకు సంబంధించిన వివరాలిలా ఉన్నాయి. వర్గల్‌ మండలం వేలూరుకు చెందిన ఘనపురం రాజు–కవిత దంపతులకు దివ్య, దీప్తి, భార్గవ్‌ ముగ్గురు పిల్లలు. మేసీ్త్ర పనిచేసే రాజు ఐదేళ్లక్రితం స్లాబ్‌పై నుంచి పడి మృతిచెందాడు. దీంతో కవిత కూలీపని చేస్తూ తన కుటుంబాన్ని నెట్టుకొస్తోంది. పెద్దకూతురు దివ్య ఆరోతరగతితోనే చదువు ఆపే పరిస్థితి ఏర్పడింది. విషయం తెలుసుకున్న గౌరారం ఎస్‌ఐ ఆరోగ్యం చదువు ప్రాధాన్యతను తల్లికి వివరించారు. ప్రభుత్వం విద్యకు ఎంతో ప్రాధాన్యతనిస్తోందని ఆమెకు వివరించారు. జ్యోతిబాపూలే బీసీ సంక్షేమ గురుకులాల సొసైటీ రాష్ట్ర కార్యదర్శికి లేఖ ద్వారా బాలిక పరిస్థితిని తెలియజేసి గౌరారం సమీప పూలే గురుకులంలో సీటు కోసం కోరారు. వారు అంగీకరించడంతో బాలికకు అవసరమైన దుస్తులు, వస్తు తదితరసామగ్రిని ఎస్‌ఐనే ఇప్పించి బాలికను గురుకులంలో చేర్పించారు. దివ్య చదువుకు భరో సాగా నిలిచి శాంతిభద్రతలతోపాటు, సమాజ సేవలోనూ పోలీసులు ముందుండాలనే సందేశాన్ని చాటారు. దుస్తులు, సామగ్రి అందజేత ప్రత్యేక అనుమతితో గురుకులంలో ప్రవేశం మానవత్వాన్ని చాటిన గౌరారం ఎస్‌ఐ ఆరోగ్యం

పాపన్నపేట(మెదక్‌): ప్రసిద్ధి చెందిన ఏడుపాయల వన దుర్గమ్మకు పౌర్ణమి పురస్కరించుకొని ఆదివారం పల్లకీ సేవ నిర్వహించారు. దసరా తర్వాత వచ్చిన మొదటి ఆదివారం కావడం, సెలవులు ముగియడంలో వేలాది భక్తులు అమ్మవారి దర్శనానికి తరలివచ్చారు. తెల్లవారుజామునే ఆమ్మవారిని గులాబీ రంగు వస్త్రాలతో అలంకరించారు. వివిధ ప్రాంతాల నుంచి తరలివచ్చిన భక్తులు బోనాలు తీసి, ఒడి బియ్యం సమర్పించి మొక్కులు తీర్చుకున్నారు. సాయంత్రం అమ్మవారి ఉత్సవ విగ్రహానికి పూజలు చేసి పల్లకీపై ఊరేగించారు. నర్సాపూర్‌ రూరల్‌: ప్రధాని నరేంద్ర మోదీ 139వ ‘మన్‌ కీ బాత్‌’ కార్యక్రమాన్ని మండలంలోని ఎల్లారెడ్డిగూడ వార్డు సభ్యుడు, బూత్‌ అధ్యక్షుడు కోల శ్రీకాంత్‌ నివాసంలో బీజేపీ నాయకులు ఆదివారం వీక్షించారు. కార్యక్రమంలో పార్టీ జిల్లా అధ్యక్షుడు వాల్దాస్‌ మల్లేశ్‌గౌడ్‌, జిల్లా ఎస్పీ మోర్చా అధ్యక్షుడు రాములు నాయక్‌, కార్యకర్తలు పాల్గొన్నారు. ఈసందర్భంగా వారు మాట్లాడుతూ.. మన్‌ కీ బాత్‌ ద్వారా ప్రధాని మోదీ ప్రజలతో నేరుగా అనుసంధానమవుతూ స్ఫూర్తి నింపుతున్నారని కొనియాడారు. మెదక్‌ కలెక్టరేట్‌: జిల్లాలోని చేగుంట మండలం వడియారంలో గల టీజీఎంఎస్‌ పాఠశాలలో కామన్‌లా అడ్మిషన్‌ టెస్ట్‌ (సీఎల్‌ఏటీ) కోచింగ్‌ కోసం ఐదుగురు పార్ట్‌టైం గెస్ట్‌ ఫ్యాకల్టీని నియమిస్తున్నట్లు డీఈఓ రాజు ఆదివారం ఒక ప్రకటనలో పేర్కొన్నారు. ఒక గంట కోచింగ్‌ చేస్తే రూ.650 వేతనం ఇస్తామన్నారు. అభ్యర్థులు ఆంగ్ల మాధ్యమంలో పలు అంశాల్లో బోధన చేయాల్సి ఉంటుందన్నారు. ఆసక్తి, అర్హత గల అభ్యర్థులు ఈ నెల 28 సాయంత్రం 4 గంటల వరకు డీఈఓ కార్యాలయంలో దరఖాస్తులు అందజేయాలని సూచించారు. డీఈఓ రాజు మెదక్‌ కలెక్టరేట్‌: ఎలక్ట్రానిక్‌ వ్యర్థాల నిర్వహణపై స్పెషల్‌ క్యాంపెయిన్‌లో అన్ని పాఠశాలలు భాగస్వాములు కావాలని డీఈఓ రాజు ఆదివారం ఒక ప్రకటనలో పేర్కొన్నారు. ఈనెల 28న ఉదయం పాఠశాల అసెంబ్లీలో వ్యర్థాల నిర్వహణపై క్విజ్‌ నిర్వహించాలన్నారు. ప్రతి పాఠశాలలో ఒక బ్లాక్‌ కలర్‌ డస్ట్‌బిన్‌ను ఏర్పాటు చేయాలన్నారు. విద్యార్థుల ఇంటి వద్ద ఉన్న పనికిరాని ఎలక్ట్రానిక్‌ వ్యర్థాలు, పాడైపోయిన కంప్యూటర్‌ విడిభాగాలు మొబైల్‌ చార్జర్లు ఈ డస్ట్‌బిన్‌లో వేసే విధంగా విద్యార్థులకు అవగాహన కల్పించాలన్నారు. దీనికి సంబంధించిన ఫొటోలు, వీడియోలను సంబంధిత వెబ్‌సైట్‌లో అప్‌లోడ్‌ చేయాలన్నారు. పూర్తి సమాచారం కోసం జిల్లా సైన్స్‌ అధికారి రాజిరెడ్డి (8328 599157) నంబర్‌లో సంప్రదించాలన్నారు. మెదక్‌ కలెక్టరేట్‌: మెదక్‌ డిపో నుంచి శ్రీశైలానికి డిలక్స్‌ బస్సుకు బదులు సూపర్‌ లగ్జరీ సర్వీస్‌ను ప్రారంభిస్తున్నట్లు డీఎం పరమేశ్వరీ ఒక ప్రకటనలో పేర్కొన్నారు. సోమవారం నుంచి ప్రతిరోజు ఉదయం 6 గంటలకు, మధ్యాహ్నం 12 గంటలకు మెదక్‌ డిపో నుంచి బస్సు బయలుదేరుతుందన్నారు. రిజర్వేషన్‌ చేసుకునేందుకు ఉదయం 6 గంటలకు 1944, మధ్యాహ్నం 12 గంటలకు 1964 నంబర్లలో సంప్రదించాలన్నారు. మెదక్‌ పట్టణ, పరిసర గ్రామాల ప్రజలు ఈ అవకాశాన్ని సద్వినియోగం చేసుకోవాలని డీఎం సూచించారు.

హవేళిఘణాపూర్‌(మెదక్‌): మెదక్‌ మండలం కోంటూర్‌ నుంచి చిన్నశంకరంపేట మండలం ఖాజాపూర్‌ వరకు రోడ్డు పనులు ప్రారంభమయ్యాయి. కొన్ని చోట్ల గుంతలు తీసి కల్వర్టులు నిర్మిస్తున్నారు. ప్రస్తుతం ఉన్న రోడ్డుతో రెండు వాహనాలు వెళ్లడానికి ఇబ్బందికరంగా ఉంది. దీంతో సెంట్రల్‌ రోడ్డు ఫండ్‌ రూ.22 కోట్లతో 14 కిలోమీటర్ల మేర పనులు చేపడుతున్నారు. ఇప్పటికే మెదక్‌ మండలం తిమ్మానగర్‌ శివారులో నుంచి మట్టిని తీసుకువచ్చి రోడ్డుకు ఇరువైపులా పోస్తున్నారు. ప్రస్తుతం రైతుల పంట పొలాలకు ఇబ్బంది కలుగకుండా మట్టిని పోసి సిద్ధంగా ఉంచారు. ఎక్కడెక్కడా కల్వర్టులు అవసరం ఉన్నా యో గుర్తించి వాటిని కూడా నిర్మించే పనులు సా గుతున్నాయి. ముఖ్యంగా నీటి ప్రవాహం ఎక్కువ ఉన్న కోంటూర్‌ చెరువు అలుగు వద్ద బ్రిడ్జి, తిమ్మానగర్‌ శివారులో గతంలో రోడ్డుతో కొట్టుకుపోయిన రోడ్డు వద్ద మరో బ్రిడ్జి, రాయిన్‌పల్లి మీదుగా కోంటూర్‌ వెళ్లే కాలువపై మరో బ్రిడ్జి నిర్మించనున్నట్లు తెలిసింది. తగ్గనున్న దూరాభారం కోంటూర్‌ పరిసర గ్రామాల ప్రజలు రామాయంపేట వెళ్లాలంటే చేగుంట, మెదక్‌ మీదుగా వెళ్లాల్సి ఉండేది. దీంతో దూరం ఎక్కువగా ఉండేది. ఈ రోడ్డు వెంట వెళ్లాలన్న ఇరుకుగా ఉండడంతో ప్రజలు నానా అవస్థలు పడేవారు. రోడ్డు నిర్మాణం జరిగితే త్వరగా చేరుకునేందుకు దూరంతో పాటు సమయం ఆదా కానుంది. ఈ ప్రాంతానికి రవాణా సదుపాయం మెరుగుపడనుందని ప్రజలు హర్షం వ్యక్తం చేస్తున్నారు. రోడ్డుకు ఇరువైపులా పోసిన మట్టి రవాణ సదుపాయం మెరుగు కోంటూర్‌– ఖాజాపూర్‌ వరకు 14 కిలోమీటర్ల మేర నిర్వహించే ఈ రోడ్డుతో ప్రజలకు రవాణ సదుపాయం మెరుగుపడనుంది. దీని ద్వారా రామాయంపేట ఇతర ప్రాంతాలకు వెళ్లేందుకు తక్కువ సమయంలో చేరుకోవచ్చు. ఇరుకుగా ఉన్న రోడ్డు వెడల్పు చేసేందుకు వీలు కల్పించడం సంతోషకరం. – యాదగిరి, సర్పంచ్‌, వెంకటాపూర్‌ కోంటూర్‌– ఖాజాపూర్‌ రోడ్డు పనులు షురూ సుమారు 14 కిలోమీటర్ల మేర నిర్మాణం రూ. 22 కోట్ల నిధుల కేటాయింపు

పశు సంపదపై ఎల్‌నినో పడగ ఎల్‌నినోతో పాడి రైతుకు ఆపద వచ్చింది. తీవ్ర వర్షాభావ పరిస్థితులతో పాటు పశుపోషణ రంగం తీవ్ర సంక్షోభాన్ని ఎదుర్కొంటుంది. ఎండు గడ్డితో పాటు దాణా ధరలు అమాంతం పెరగనున్నాయి. ఫలితంగా పోషకాహార లోపంతో పాటు ఎండ దెబ్బతో పశువులకు వ్యాధులు సంక్రమించే అవకాశాలున్నాయని వైద్యులు హెచ్చరిస్తున్నారు. భూగర్భజలాలు అడుగంటడంతో పాటు చెరువులు ఎండిపోయే పరిస్థితుల్లో తాగునీరు దొరకడం కష్టతరంగా మారింది. – రామాయంపేట(మెదక్‌) పద .. పేదెట్లా? వాతావరణ పరిస్థితులతో పొంచి ఉన్న వ్యాధులు తాగునీటి సమస్య ఎదురయ్యే అవకాశం మూగజీవాల పై తీవ్ర ప్రభావం పెరగనున్న ఎండు గడ్డి, దాణా ఖర్చులు ఇన్నాళ్లూ పశుపోషణతో ఉపాధి పొందుతున్న రైతులకు ప్రస్తుతం వాటిని అమ్ముకునే పరిస్థితులు దాపురించాయి. వర్షాలు కురువకపోవడం, భూగర్భజలాలు అడుగంటడంతో ఇప్పటికే జిల్లాలోని చాలా గ్రామాల్లో వరి ఎండుముఖం పట్టింది. యాసంగి సాగుపై అనిశ్చితి నెలకొనడంతో పశుపోషణ ప్రశ్నార్థకంగా మారింది. దీంతో ఎండు గడ్డి లభించడం గగనంగా మారింది. గతంలో రూ. 100కు గడ్డి మోపు చొప్పున లభించిన ఎండుగడ్డి, నేడు రూ.175 పెట్టినా దొరకడం లేదని రైతులు వాపోతున్నారు. తక్కువ వర్షపాతం నమోదు, పెరుగుతున్న ఉష్ణోగ్రతలు, పశువుల ఆరోగ్యం, దాణా లభ్యత, పాల ఉత్పత్తిపై తీవ్ర ప్రభావం చూపే అవకాశం ఉందని వ్యవసాయ నిపుణులు హెచ్చరిస్తున్నారు. పశువుల్లో పోషకాహారలోపం తతెత్తకుండా ముందస్తు చర్యలు తీసుకోవాల్సి ఉంటుందని పశువైద్యలు హెచ్చరిస్తున్నారు. సంప్రదాయ గడ్డి లభించని పక్షంలో పప్పుజాతి మేతలు, జొన్న, సజ్జ చొప్పను వాడాలని వారు సూచిస్తున్నారు. ఎండు గడ్డిపై యూరియా ద్రావణాన్ని చల్లి మాగబెడితే దాంతో పోషక విలువలు పెరుగుతాయని, పశుగ్రాసం తగ్గితే వాటిలో రోగ నిరోధకశక్తి తగ్గుతుందని హెచ్చరిస్తున్నారు. ఇలా చేస్తే మేలు ● పశుపోషణ నిమిత్తం ప్రభుత్వం పశుగ్రాస విత్తనాలను రైతులకు ఉచితంగా అందజేయాలి. ● అధిక దిగుబడిని ఇచ్చే శ్రేష్టమైన పశుగ్రాసం విత్తనాలను రైతులకు అందజేయనున్నట్లు ఇప్పటికే ప్రభుత్వం చెప్పింది. ● నీటి లభ్యత ఉన్న ప్రాంతాల్లో శిఖం భూముల్లో ఉపాధి పథకం కింద పశుగ్రాసం పెంచాలి. ● పశువులు ఎండ వేడికి కాకుండా నీడలో ఉంచడానికి వీలుగా ఉపాధి నిధులతో షెడ్లు నిర్మించాలి. ● వేసవిలో పశువులు హీట్‌ స్ట్రెస్‌కు గురికాకుండా పశు వైద్యశాలల్లో ఎలక్ట్రోరల్‌ పొడులతో పాటు వ్యాధి నిరోధక టీకాలు అందుబాటులో ఉంచాలి. ● పశువులకు తాగు నీటి లభ్యత కోసం ఉపాధి నిధులతో ప్రతి గ్రామంలో పశువుల తొట్లు నిర్మించాల్సి ఉంటుంది. జిల్లాలో ఇలా..

రామాయంపేట(మెదక్‌): బీసీ–డీలో ఉన్న ముదిరాజ్‌లను బీసీ–ఏలోకి చేర్చాలని సీఎం ప్రకటించడాన్ని నిరసిస్తూ శనివారం రజక సంఘం సభ్యులు రామాయంపేటలో రాస్తారోకో నిర్వహించారు. ముందుగా వారు ఎంపీపీ కార్యాలయం వద్ద నుంచి అంబేడ్కర్‌ చౌరాస్తా వరకు ప్రదర్శన నిర్వహించి రోడ్డుపై బైటాయించారు. ఈసందర్భంగా రజక సంఘం జిల్లా అధ్యక్షుడు సంగు స్వామి, జిల్లా గౌరవాధ్యక్షుడు సిద్దరాంలు మాట్లాడుతూ.. సీఎం నిర్ణయాన్ని తాము తీవ్రంగా వ్యతిరేకిస్తున్నామని పేర్కొన్నారు. ముదిరాజ్‌లను ఏ గ్రూపులో చేరిస్తే, అందులో ఉన్న 57 కులాల పరిస్ధితి ఏమిటని ప్రశ్నించారు. సీఎం వైఖరి కులాల మధ్య చిచ్చు పెట్టే విధంగా ఉందన్నారు. ఎలాంటి అవాంఛనీయ సంఘటనలు చోటు చేసుకున్నా అందుకు సీఎం బాధ్యత వహించాల్సి వస్తుందని హెచ్చరించారు. ఆందోళనకారులను సముదాయించి పోలీసులు పక్కకు తప్పించారు. నిరసనలో నాయీబ్రాహ్మణ, వడ్డెర, గంగపుత్ర సంఘాల ప్రతినిధులు నాయ కులు త దితరులు పాల్గొన్నారు.

ఆదివారం శ్రీ 25 శ్రీ అక్టోబర్‌ శ్రీ 2026మెతుకుసీమ అంటేనే వ్యవసాయంతో పాటు పాడి గేదెలు, పశుపోషణకు పెట్టింది పేరు. అయితే కొంతకాలంగా ప్రభుత్వం పశుపోషణపై శీతకన్ను వేసింది. ఏదేని ప్రమాదంతో పాడి గేదెలు, పశువులు, గొర్రెలు మృత్యువాత పడితే వాటికి బీమా కరువైంది. ఫలితంగా పశువులు పెంచాలంటేనే రైతులు జంకుతున్నారు. ఈక్రమంలో కొత్తగా అమూల్‌ పాల చిల్లింగ్‌ పరిశ్రమ జిల్లాలో ఏర్పాటు కాబోతుంది. ఈ తరుణంలో పాడి, పశు పోషకులకు మంచి రోజులొచ్చేనా..? అనే చర్చ మొదలైంది. – మెదక్‌జోన్‌ జిల్లావ్యాప్తంగా 1,52,524 తెల్ల, నల్లజాతి పాడి పశువులు ఉన్నాయి. అలాగే గొర్రెలు, మేకలు 4.50 లక్షలు ఉన్నాయి. 8 ఏళ్లుగా జిల్లాలో మూగజీవాలు, పాడి పశువులకు బీమా లేక పోవటంతో ఏటా వందలాది పశువులు ప్రమాదంలో చనిపోతున్నా పరిహారం రావటం లేదు. ఫలితంగా వాటిపై ఆధారపడి జీవనం సాగించే పోషకులు రోడ్డున పడుతున్నారు. 2018 నుంచి మూగ జీవాలకు బీమా కరువైంది. ఇప్పటి వరకు జిల్లాలో 700 పైచిలుకు మృత్యువాత పడగా ఇక గొర్రెలు, మేకలు 2 వేలకు పైగా మరణించినట్లు అధికారిక లెక్కలు చెబుతున్నాయి. వీటిలో పాడి పశువులు పిడుగుపాటు, కరెంట్‌షాక్‌, గాలికుంటు వ్యాధి తదితర కారణాలతో చనిపోతుంటే.. గొర్రెలు, మేకల మందలపై వీధి కుక్కలు దాడి చేయడం, రైలు ప్రమాదంలో మృత్యువాత పడటం, సీజనల్‌ వ్యాధులు, తదితర కారణాలతో మరణిస్తున్నాయి. అదే వీటికి బీమా చేసేందుకు ప్రైవేట్‌ కంపెనీలు ముందుకు రాకపోవటం, ప్రభుత్వం ఇందుకు సంబంధించి తగు చర్యలు తీసుకోకపోవటంతో పశువుల పెంపకం అంటేనే జంకుతున్నారు. ‘అమూల్‌’తో మంచి రోజులొచ్చేనా? జిల్లాలో అమూల్‌ పాల చిల్లింగ్‌ పరిశ్రమను సుమారు రూ. 4 వేల కోట్లతో తూప్రాన్‌ సమీపంలో నిర్మించనున్నారు. ఈ తరుణంలో ప్రభుత్వాలు పాడి, పశువులకు బీమా సౌకర్యం కల్పించే అవకాశం ఉందా..? అంటూ పలువురు చర్చించుకుంటున్నారు. ముఖ్యంగా ఒక్కో గేదె ధర ప్రస్తుతం రూ. 50 వేల నుంచి రూ. 70 వేల వరకు ఉంటుంది. ఏదేని ప్రమాదంతో చనిపోతే సదరు పాడి రైతు కుటుంబం రోడ్డున పడే అవకాశం ఉంది. 8 ఏళ్లకు ముందు రాష్ట్రంలో పాడి, పశువులతో పాటు గొర్రెలకు బీమా సౌకర్యం ఉంది. వాటి విలువ (ధర)లో 5 శాతం బీమా చెల్లించే వారు. అందులో సగం పశు పోషకులు చెల్లిస్తే మిగితా సగం ప్రభుత్వం చెల్లించేది. దీంతో ప్రమాదంలో మరణిస్తే పాడి గేదెకు రూ. 50 వేలు, గొర్రెకు రూ. 3 వేల చొప్పున బీమా సదరు పోషకుడికి వచ్చేది.ఎనిమిదేళ్లుగా నిరీక్షణ 8 సంవత్సరాలుగా పాడి పశువులతో పాటు గొర్రెలకు ఇన్సూరెన్స్‌ లేక వాటి పశు పోషకులు తీవ్రంగా నష్టపోయారు. తాజాగా రాష్ట్రంలోని రెండు జిల్లాల్లో గొర్రెలకు బీమా చేస్తునట్లు తెలుస్తోంది. అక్కడ పూర్తయ్యాక రాష్ట్రవ్యాప్తంగా అమలు చేసే అవకాశాలు ఉన్నాయని సంబంధిత అధికారులు చెబుతున్నారు. త్వరలో అమలు కొంతకాలంగా పాడి పశువులు, గొర్రెలకు బీమా లేకపోవటంతో పశు పోషకులు నష్టపోతున్నారు. ఇటీవల కరీంనగర్‌, గద్వాల జిల్లాల్లో పైలెట్‌ ప్రాజెక్టుగా గొర్రెలకు ప్రభుత్వం బీమా చేస్తుంది. త్వరలో మెదక్‌లోనూ అమలు కానుంది. – ఆదిత్యవర్మ, జిల్లా వెటర్నరీ అధికారి

డీఈఓ రాజు మెదక్‌ కలెక్టరేట్‌: విద్యార్థుల్లో సృజనాత్మకత, సాంకేతిక నైపుణ్యాలను ప్రోత్సహించేందుకు రాష్ట్ర ప్రభుత్వం ఫ్యూచర్‌ ఇన్నవేటర్స్‌ ఛాలెంజ్‌ కార్యక్రమానికి శ్రీకారం చుట్టిందని డీఈఓ రాజు తెలిపారు. శనివారం డీఈఓ కార్యాలయం నుండి జిల్లాలోని ఎంఈఓలు, ఉన్నత పాఠశాలల హెచ్‌ఎంలతో వర్చువల్‌ పద్ధతిలో సమావేశం నిర్వహించారు. ఈసందర్భంగా డీఈఓ మాట్లాడుతూ.. ఐడియాలను నవంబర్‌ 6వ తేదీలోపు అధికారిక వెబ్‌సైట్‌లో అప్‌లోడ్‌ చేయాలన్నారు. జిల్లాలోని ప్రభుత్వ, స్థానిక సంస్థలు, కేజీబీవీ, తెలంగాణ మోడల్‌ స్కూల్‌, గురుకుల పాఠశాలలకు చెందిన 6 నుంచి 10 తరగతి విద్యార్థులు అర్హులని తెలిపారు. రాష్ట్రస్థాయిలో నిపుణుల కమిటీ ఉత్తమమైన 30 ఐడియాలను ఎంపిక చేస్తుందన్నారు. ఈ ప్రాజెక్టులను నవంబర్‌ 11 లేదా 12వ తేదీన జిల్లాస్థాయిలో ప్రదర్శిస్తామన్నారు. ఇందులో ఉత్తమమైన మూడింటిని ఎంపిక చేసి బహుమతులు ప్రదానం చేస్తారని వివరించారు. మొదటి రెండు స్థానాల్లో నిలిచిన ప్రాజెక్టులను రాష్ట్రస్థాయి ప్రదర్శనకు పంపిస్తామన్నారు. ఉపాధ్యాయులు విద్యార్థులను ప్రోత్సహించాలన్నారు. అదనపు సమాచారం కోసం జిల్లా సైన్స్‌ అధికారి రాజిరెడ్డి (8328599157) నంబర్‌లో సంప్రదించాలని సూచించారు. కార్యక్రమంలో విద్యాశాఖ అకాడమిక్‌ అధికారి సుదర్శనమూర్తి, జిల్లా సైన్స్‌ అధికారి రాజిరెడ్డి పాల్డొన్నారు.

కలెక్టర్‌ ప్రతిమాసింగ్‌మెదక్‌ కలెక్టరేట్‌: అటవీ విస్తీర్ణం పెంపుదల, కలప, జంతువుల స్మగ్లింగ్‌ అరికట్టడమే ధ్యేయమని కలెక్టర్‌ ప్రతిమాసింగ్‌ అన్నారు. శనివారం కలెక్టరేట్‌లో అటవీ, కార్మికశాఖలతో సమీక్ష నిర్వహించారు. అనంతరం హైదరాబాద్‌ నుంచి సీఎస్‌ సంజయ్‌ జాజు నిర్వహించిన పీఎం రాహత్‌ కార్యక్రమంతో పాటు సీసీఎల్‌ఏ కమిషనర్‌ లోకేశ్‌ కుమార్‌ భూ రీసర్వేపై వేర్వేరుగా నిర్వహించిన వీడియో కాన్ఫరెన్స్‌లో పాల్గొన్నారు. ముందుగా జిల్లా అటవీ శాఖ సమావేశంలో కలెక్టర్‌ మాట్లాడుతూ.. జిల్లాలో అడవుల సంరక్షణ, పర్యావరణ సమతుల్యతను కాపాడటానికి అన్నిశాఖలు సమన్వయంతో పనిచేయాలని ఆదేశించారు. జిల్లాలో అటవీ భూములు ఆక్రమణకు గురికాకుండా కఠినమైన నిఘా ఏర్పాటు చేయాలని, సరిహద్దులను జియో–ట్యాగింగ్‌ ద్వారా పర్యవేక్షించాలని నిర్ణయించారు. అటవీ, పోలీస్‌శాఖలు సంయుక్తంగా ప్రత్యేక టాస్క్‌ఫోర్స్‌ బృందాలను ఏర్పాటు చేయాలని ఆదేశించారు. అంతకుముందు వెట్టిచాకిరి నిర్మూలనపై అవగాహన కల్పించేందుకు చేపట్టిన ‘స్వేచ్ఛా రథం’ ప్రచార వాహనాన్ని కలెక్టర్‌ ప్రారంభించా రు. అనంతరం జిల్లాలో ప్రభుత్వ కార్యాలయాల్లో టీ ఫైబర్‌ ఇంటర్నెట్‌ ఏర్పాటు చేయడంపై అధికారులతో సమీక్షించారు. జిల్లాలోని అన్ని ప్రభుత్వ కార్యాలయాల్లో టీ–ఫైబర్‌ సేవలను అందుబాటులోకి తీసుకురావాలని సంబంధిత అధికారులను ఆదేశించా రు. కార్యక్రమంలో డీఆర్‌ఓ అంబదాస్‌ రాజేశ్వర్‌, డీఎఫ్‌ఓ జోజీ, ఎస్టీ వెల్ఫేర్‌ అధికారిణి నీలిమ, ఈడీఎం సందీప్‌, డీఎస్పీ ప్రసన్న కుమార్‌, లేబర్‌ అధికారులు సత్యేంద్ర ప్రసాద్‌, తిరుపతి, సీడబ్ల్యూఏసీ చైర్మన్‌ ఉప్పలయ్య తదితరులు పాల్గొన్నారు.

నర్సాపూర్‌: తెలంగాణ పబ్లిక్‌ సర్వీస్‌ కమిషన్‌ నిర్వహించిన పరీక్షలు ప్రశాంతంగా ముగిశాయి. పట్టణంలోని బీవీరాజు ఇంజనీరింగ్‌ కాలేజీలో కాలుష్య నియంత్రణ మండలిలో అసిస్టెంట్‌ సైంటిస్టు (అనలిస్ట్‌ గ్రేడ్‌–2), అసిస్టెంట్‌ ఎన్విరాన్‌మెంటల్‌ ఇంజనీర్‌ పోస్టుల భర్తీ కోసం శనివారం రెండు పరీక్షలు నిర్వహించారు. పరీక్షలను తహసీల్దార్‌ శ్రీనివాస్‌ పర్యవేక్షించారు. ఉదయం సెషన్‌కు 85 మంది, మధ్యాహ్నం పరీక్షకు 87 మంది అభ్యర్థులు గైర్హాజరైనట్లు అధికారులు తెలిపారు. ఎస్‌ఐ రంజిత్‌రెడ్డి ఆధ్వర్యంలో పోలీసులు కేంద్రం వద్ద పటిష్ట బందోబస్తు ఏర్పాటు చేశారు.

మల్టీజోన్‌ ఐజీ చంద్రశేఖర్‌ రెడ్డితూప్రాన్‌: ఎస్సీ, ఎస్టీ కేసుల్లో బాధితులకు త్వరితగతిన పరిహారం అందేలా సంబంధిత శాఖలతో సమన్వయం చేసుకొని చర్యలు తీసుకోవాలని మల్టీ జోన్‌–1 ఐజీ చంద్రశేఖర్‌రెడ్డి అధికారులను ఆదేశించారు. తూప్రాన్‌ సబ్‌ డివిజన్‌ పోలీస్‌ కార్యాలయాన్ని వార్షిక తనిఖీల్లో భాగంగా శనివారం ఆయన సందర్శించారు. ఈసందర్భంగా ఎస్పీ శ్రీనివాసరావు మొక్కను అందజేసి స్వాగతం పలికారు. పోలీసుల గౌరవ వందనాన్ని స్వీకరించిన ఐజీ, కార్యాలయ ప్రాంగణంలో ‘మియాజాకి’ రకానికి చెందిన మామిడి మొక్కను నాటి కార్యాలయంలోని పెండింగ్‌ కేసుల వివరాలను సమీక్షించారు. ఈసందర్భంగా ఆయన మాట్లాడుతూ.. గ్రేవ్‌ కేసుల్లో నాణ్యమైన దర్యాప్తు చేపట్టి నిందితులకు శిక్షలు పడేలా చూడాలన్నారు. ప్రతి కేసులోనూ నిర్దేశిత ఎస్‌ఓపీలను కచ్చితంగా పాటించాలని స్పష్టం చేశారు. నిర్ణీత గడువులోగా చార్జ్‌షీట్‌ దాఖలు చేయాలన్నారు. డీఎస్పీలు సైతం ప్రతీ నెల తమ డివిజన్‌ పరిధిలో కనీసం రెండు పోలీస్‌స్టేషన్లను తనిఖీ చేయాలన్నారు. గ్రామాల్లో భద్రత కోసం సీసీ కెమెరాల ఏర్పాటును ప్రోత్సహించాలని దిశానిర్దేశం చేశారు. కార్యక్రమంలో అదనపు ఎస్పీ విక్రాంత్‌ కుమార్‌ సింగ్‌, తూప్రాన్‌ డీఎస్పీ నరేందర్‌గౌడ్‌, సీఐలు సైదా, వెంకటరాజాగౌడ్‌, ఎస్‌ఐలు, పోలీస్‌ సిబ్బంది పాల్గొన్నారు.

మెదక్‌కలెక్టరేట్‌: మెదక్‌లోని గుల్షన్‌ క్లబ్‌లో సోమవారం సీనియర్‌ మహిళా కబడ్డీ జిల్లా జట్టు ఎంపిక పోటీలు నిర్వహించనున్నట్లు జిల్లా కబడ్డీ అసోసియేషన్‌ ప్రతినిధులు శనివారం ఒక ప్రకటనలో పేర్కొన్నారు. పోటీల్లో పాల్గొనే క్రీడాకారిణులు 75 కిలోల లోపు బరువు కలిగి ఉండాలన్నారు. ప్రతిభ కనబరిచిన వారిని జిల్లా జట్టుకు ఎంపిక చేస్తామ న్నారు. పూర్తి వివరాలకు 8885728286, 9989175382 నంబర్లలో సంప్రదించాలని సూచించారు. నార్సింగి సబ్‌స్టేషన్‌కు రూ.25.87 లక్షల నిధులు టీజీఈఆర్‌సీ సభ్యుడు శశిధర్‌రెడ్డి పాపన్నపేట(మెదక్‌): మండలంలోని నార్సింగి 33/11 కేవీ సబ్‌స్టేషన్‌లో మౌలిక వసతుల కల్పనకు రూ.25.87 లక్షలు మంజారైనట్లు టీజీఈఆర్‌సీ సభ్యుడు శశిధర్‌ రెడ్డి తెలిపారు. శనివారం ఆయన మాట్లాడుతూ.. సబ్‌స్టేషన్‌లో సింగిల్‌ కంట్రోల్‌ రూం, గేట్‌, పిల్లర్లతో కూడిన ఫెన్సింగ్‌, స్విచ్‌యార్డులో మెటల్‌, సైడ్‌ పిల్లర్ల ఎత్తు పెంపు కోసం నిధులు మంజూరైనట్లు వివరించారు. ఇంకుడుగుంతలు తప్పనిసరి కౌడిపల్లి(నర్సాపూర్‌): భూగర్భజలాల అభివృద్ధికి ప్రతి ఒక్కరూ ఇంకుడు గుంతలు నిర్మించుకోవాలని జిల్లా సర్పంచ్‌ల ఫోరం ఉపాధ్యక్షుడు చంద్రం కృష్ణాగౌడ్‌ పిలుపునిచ్చారు. శనివారం ఎంపీఓ రామారావుతో కలిసి కౌడిపల్లి ఉన్నత పాఠశాలలో సామాజిక ఇంకుడుగుంత నిర్మాణ పనులను ప్రారంభించి మాట్లాడారు. ఇంటి అవసరాలకు వినియోగించిన నీరు వృథాగా పోకుండా భూమిలోకి ఇంకేలా చూడాలన్నారు. దీంతో భూగర్భజలాల అభివృద్ధితో పాటు పారిశుద్ధ్యం, దోమల బెడద తప్పుతుందని చెప్పారు. కార్యక్రమంలో ఉపసర్పంచ్‌ శ్వేత, ఏపీఓ పుణ్యదాస్‌, ఈసీ ప్రేమ్‌కుమార్‌, కార్య దర్శి నగేశ్‌, ఎల్లం, నాయకులు సత్యనారాయణగౌడ్‌, శరత్‌, మల్లేశ్‌ తదితరులు పాల్గొన్నారు. నిర్మించారు.. వదిలేశారు నర్సాపూర్‌: మున్సిపల్‌ అధికారులు రూ. లక్షలు వెచ్చించి నిర్మించిన టాయిలెట్స్‌ మూడేళ్లుగా వృథాగా ఉన్నాయి. పట్టణంలో మూడు చోట్ల స్వచ్ఛభారత్‌ పేరిట పురుషులు, మహిళలకు వేర్వేరుగా మూడు స్వచ్ఛ టాయిలెట్లు నిర్మించారు. ఒక్కో టాయిలెట్‌ నిర్మాణానికి రూ.12 లక్షల చొప్పున, మూడింటికి రూ. 36 లక్షలు వెచ్చించారు. అయితే ఎస్‌బీఐ ఎదురుగా ఉన్న టాయిలెట్‌, బస్టాండ్‌లోని టాయిలెట్‌ను కొన్ని నెలల పాటు నిర్వహించి మూసివేశారు. కోమటికుంట వద్ద నిర్మించిన టాయిలెట్‌ను మాత్రం ఇప్పటివరకు ప్రారంభించ లేదు. ఇదే విషయమై మున్సిపల్‌ మేనేజర్‌ మధుసూదన్‌ వివరణ కోరగా.. స్వచ్ఛ టాయిలెట్స్‌ నిర్వహణ మున్సిపాలిటీకి భారం కావడంతో మూసి వేయాల్సి వచ్చిందని తెలిపారు. ఆయా సంస్థలతో చర్చిస్తున్నామని, వారు అంగీకరించగానే మూడు టాయిలెట్స్‌ను వినియోగంలోకి తెచ్చేందుకు చర్యలు తీసుకుంటామని చెప్పారు. పకడ్బందీగా రీ సర్వే: ఆర్డీఓ హవేళిఘణాపూర్‌(మెదక్‌): భూభారతి రీ సర్వేను పకడ్బందీగా నిర్వహించాలని మెదక్‌ ఆర్డీఓ రమాదేవి సిబ్బందికి సూచించారు. శనివారం మండల పరిధిలోని బొగుడభూపతిపూర్‌లో ఆమె సర్వేను ప్రారంభించి రైతులకు అవగాహన కల్పించారు. రైతులకు భూ వివాదాలు లేకుండా, హద్దులను గుర్తించి సమస్యను పరిష్కరించడం కోసం ప్రభుత్వం ఈ కార్యక్రమం చేపట్టిందన్నారు. అధికారులకు సహకరించి భూభారతి సర్వే వేగవంతంగా జరిగేలా చూడాలని కోరారు. కార్యక్రమంలో సర్పంచ్‌ పోశెట్టి, గ్రామ రైతులు పాల్గొన్నారు.

● ఎమ్మెల్యే సునీతారెడ్డి ఫైర్‌ ● నష్టపోయిన పంటలకు పరిహారం చెల్లించాలని డిమాండ్‌వెల్దుర్తి(తూప్రాన్‌)/కొల్చారం(నర్సాపూర్‌): వ్యవసా యానికి నిరంతర విద్యుత్‌ సరఫరా చేయడంలో ప్రభుత్వం విఫలమైందని ఎమ్మెల్యే సునీతారెడ్డి విమర్శించారు. విద్యుత్‌ కోతలతో చేతికొచ్చిన పంటలు ఎండిపోతున్నాయని ఆరోపిస్తూ మాసాయిపేట మండల కేంద్రంలోని సబ్‌స్టేషన్‌ ఎదుట జాతీయ రహదారి 44పై రైతులు, బీఆర్‌ఎస్‌ నాయకులతో కలిసి ధర్నా చేపట్టారు. సబ్‌స్టేషన్‌ను సందర్శించి వ్యవసాయానికి రోజుకు ఎన్ని గంటలు విద్యుత్‌ సరఫరా చేస్తున్నారనే విషయంపై ఆరా తీశారు. అనంతరం ఎండిపోయిన పంటలను పరిశీలించి రైతులతో మాట్లాడారు. బోరు బావులు, ఇతరత్రా మార్గాన నీరు పుష్కలంగా ఉన్నా అప్రకటిత విద్యుత్‌ కోతల కారణంగా పంటలు ఎండిపోతున్నాయని వాపోయారు. విద్యుత్‌ సరఫరాలో అంతరాయంతో పొలాలకు నీరు అందక పంటలు నష్టపోయే పరిస్థితి ఏర్పడిందని ఆందోళన వ్యక్తం చేశారు. కార్యక్రమంలో నాయకులు మధుసూదన్‌రెడ్డి, నాగరాజు, శ్రీనివాస్‌, పవన్‌ తదితరులు పాల్గొన్నారు. అనంతరం కొల్చారం మండలంలోని పలు గ్రామాల్లో ధాన్యం కొనుగోలు కేంద్రాలను ఎమ్మెల్యే ప్రారంభించారు. పంట నష్టాపోయిన రైతులకు ఎకరాకు రూ.30 వేల నష్ట పరిహారంతో పాటు, క్రాప్‌ హాలిడే కింద మరో రూ.30 వేలు చెల్లించాలని డిమాండ్‌ చేశారు. గత ప్రభుత్వం నియోజకవర్గ అభివృద్ధికి ఎమ్మెల్యేకు రూ. 5 కోట్ల నిధులు మంజూరు చేస్తే, ప్రస్తుత ప్రభుత్వం ఒక్క రూపాయి కూడా మంజూరు చేయలేదన్నారు.

అదనపు కలెక్టర్‌ నగేశ్‌చిన్నశంకరంపేట(మెదక్‌): పూరి గుడిసెల్లో నివసిస్తున్న వారికి మొదటి ప్రాధాన్యతగా ఇందిరమ్మ ఇళ్లు మంజూరు చేస్తున్నామని అదనపు కలెక్టర్‌ నగేశ్‌ తెలిపారు. శనివారం మండలంలోని ప్యాటగడ్డలో ఆయన పర్యటించారు. ఈసందర్భంగా లబ్ధిదారులతో నేరుగా మాట్లాడి వెంటనే ఇళ్ల నిర్మాణ పనులు మొదలు పెట్టాలని కోరారు. ప్రభుత్వం అందించే రూ. 5 లక్షలతో ఇంటి నిర్మాణ పనులు పూర్తి చేసుకోవాలని కోరారు. గ్రామంలో 12 మందికి ఇందిరమ్మ ఇళ్లు మంజూరు చేసినట్లు వివరించారు. పిల్లర్లు లేకుండా తక్కువ ఖర్చుతో ఇళ్లు నిర్మించుకోవాలని సూచించారు. కార్యక్రమంలో హౌసింగ్‌ పీడీ మాణిక్యం, ఎంపీఓ వినోద్‌, ఏఈ లోకేష్‌, కార్యదర్శి యోగేశ్వర్‌, సర్పంచ్‌ లావణ్య పాల్గొన్నారు.

మెదక్‌ కలెక్టరేట్‌: జిల్లాలో ఎల్‌నినో ప్రభావాన్ని ఎదుర్కొనేందుకు అన్నిశాఖల అధికారులు ప్రణాళికలతో సిద్ధం కావాలని కలెక్టర్‌ ప్రతిమాసింగ్‌ ఆదేశించారు. శుక్రవారం కలెక్టరేట్‌లో అధికారులతో సమీక్ష నిర్వహించారు. ఈసందర్భంగా కలెక్టర్‌ మాట్లాడుతూ.. ఎల్‌నినో ప్రభావాన్ని ఎదుర్కొనేందుకు తీసుకోవాల్సిన ముందస్తు చర్యలు, నీటి వనరుల సంరక్షణ, వర్షపు నీటి నిల్వ, భూగర్భజలాల పెంపు, ప్రజలకు అవగాహన కల్పించడం వంటి అంశాలపై సమగ్ర ప్రణాళికలు తయారు చేయాలన్నారు. గ్రామాలు, మండలాలు, మున్సిపాలిటీల వారీగా స్థానిక పరిస్థితులను అంచనా వేసి, అవసరాలకు అనుగుణంగా ప్రత్యేక కార్యాచరణ రూపొందించాలన్నారు. ప్రతి గ్రామంలో ప్రజలకు అవగాహన కార్యక్రమాలు నిర్వహించాలని సూచించారు. నీటి వనరుల సంరక్షణ, చెరువులు, కుంటల్లో నీటి నిల్వ సామర్థ్యం పెంపు, వర్షపు నీటి సంరక్షణ, నీటి వృథాను అరికట్టడం వంటి చర్యలకు ప్రాధాన్యం ఇవ్వాలన్నారు. కార్యక్రమంలో అదనపు కలెక్టర్‌ నగేశ్‌, డీఆర్‌ఓ అంబదాస్‌ రాజేశ్వర్‌, డీఎఫ్‌ఓ జోజి, డీపీఓ యాదయ్య, డీఆర్‌డీఓ పీడీ శ్రీనివాస్‌ రావు, వ్యవసాయ శాఖ అధికారి దేవ్‌కుమార్‌, ఉద్యాన అధికారి ప్రతాప్‌సింగ్‌, డీఈఓ రాజు తదితర శాఖల అధికారులు పాల్గొన్నారు. నీటిని పొదుపుగా వాడుకోవాలి నర్సాపూర్‌ రూరల్‌: ఎల్‌నినో ప్రభావంతో రానున్న రోజుల్లో భూగర్భజలాలు అడుగంటి, నీటి సమస్య తలెత్తనున్నందున ప్రతి ఒక్కరూ నీటిని పొదుపుగా వాడుకోవాలని కలెక్టర్‌ ప్రతిమాసింగ్‌ ప్రజలకు సూచించారు. శుక్రవారం మండలంలోని చిన్నచింతకుంటలో పంట పొలాలతో పాటు గ్రామంలో పర్యటించి ఎల్‌నినోపై అవగాహన కల్పించారు. రైతులు రబీ సీజన్‌లో జాగ్రత్తలు పాటించి, తక్కువ నీటితో పండే ఆరుతడి పంటలు సాగు చేసుకోవాలని సూచించారు. వర్షాకాలంలో ఎండిన పంటలపై రైతులు కలెక్టర్‌తో మొరపెట్టుకున్నారు. కార్యక్రమంలో జిల్లా వ్యవసాయాధికారి దేవ్‌కుమార్‌, ఉద్యాన అధికారి ప్రతాప్‌, సర్పంచ్‌ సరిత, ఎంపీడీఓ భారతి, ఏఓ దీపిక, మహేశ్‌గౌడ్‌, ఆయాశాఖల అధికారులు పాల్గొన్నారు. కలెక్టర్‌ ప్రతిమాసింగ్‌

● రూ.3 వేల కోట్లకు పైగా నిధులతో పనులు ● మంత్రి దామోదర రాజనర్సింహ సంగారెడ్డి: ఆందోల్‌ నియోజకవర్గాన్ని అన్ని రంగాల్లో అభివృద్ధి చేయడమే తమ లక్ష్యమని రాష్ట్ర వైద్యారోగ్య శాఖ మంత్రి దామోదర రాజనర్సింహ అన్నారు. శుక్రవారం చౌటుకూరు మండలం తాడ్దాన్‌పల్లిలో నిర్వహించిన అలయ్‌ బలయ్‌ కార్యక్రమంలో పాల్గొని మాట్లాడారు. ప్రజా ప్రభుత్వం అధికారంలోకి వచ్చిన తర్వాత నియోజకవర్గంలో రూ.3 వేల కోట్లకు పైగా నిధులతో వివిధ అభివృద్ధి పనులు చేపట్టినట్లు తెలిపారు. రహదారులు, ఆస్పత్రులు, నర్సింగ్‌ కళాశాల, వసతి గృహాలు, యంగ్‌ ఇండియా సమగ్ర పాఠశాల, కేజీబీవీ విద్యాలయాల నిర్మాణం, పాఠశాల భవనాలు, అదనపు తరగతి గదుల ఏర్పాటు వంటి పనులకు ప్రాధాన్యమిస్తున్నట్లు వివరించారు. సంక్షేమ వసతి గృహాల అభివృద్ధితో పాటు ఆందోల్‌ క్రీడా ప్రాంగణం, గిరిజన న్యాయ కళాశాల నిర్మాణం చేపడుతున్నట్లు వివరించారు. జోగిపేట, ఆందోల్‌ పట్టణాలను అనుసంధానించే వంతెనలు, సింగూరు ప్రాజెక్టు వెను క జలాల పరిసర గ్రామాల్లో అంతర్గత రహదారు లు, రవాణ, పర్యాటక రంగాల అభివృద్ధికి చర్య లు తీసుకుంటున్నట్లు వెల్లడించారు. అలయ్‌ బలయ్‌ తెలంగాణ సంస్కతి, సంప్రదాయాలకు ప్రతీకగా నిలుస్తుందన్నారు. కార్యక్రమంలో జిల్లా కాంగ్రెస్‌ అధ్యక్షుడు చంద్రశేఖర్‌ రెడ్డి, ప్రదేశ్‌ కాంగ్రెస్‌ ఉపాధ్యక్షుడు సంగమేశ్వర్‌, ఇతర నాయకులు, ప్రజాప్రతినిధులు, వివిధ విభాగాల ప్రతినిధులు, కార్యకర్తలు పాల్గొన్నారు.

మెదక్‌ కలెక్టరేట్‌: జిల్లాలో ధాన్యం కొనుగోళ్లు సజావుగా నిర్వహించాలని, కేంద్రాల్లో రైతులకు కనీస వసతులు కల్పించాలని అదనపు కలెక్టర్‌ నగేశ్‌ అధికారులను ఆదేశించారు. శుక్రవారం తన ఛాంబర్‌లో పలు శాఖల అధికారులతో ధాన్యం కొనుగోళ్లపై సమీక్ష నిర్వహించారు. ఈసందర్భంగా ఆయన మాట్లాడుతూ.. రైతులకు ఎలాంటి ఇబ్బందులు కలగకుండా ధాన్యం కొనుగోళ్లను సజావుగా, పారదర్శకంగా నిర్వహించాలని ఆదేశించారు. కొనుగోలు కేంద్రాల్లో రైతులకు అవసరమైన సదుపాయాలు కల్పించాలని, ధాన్యం కొనుగోళ్ల ప్రక్రియలో ఎలాంటి సమస్యలు తలెత్తకుండా ముందస్తు చర్యలు తీసుకోవాలని సూచించారు. అన్ని శాఖల అధికారులు పరస్పర సమన్వయంతో పనిచేస్తూ, రైతులు పండించిన ధాన్యాన్ని సకాలంలో కొ నుగోలు చేసేలా చర్యలు తీసుకోవాలని తెలిపారు. రైతులకు ఎలాంటి ఇబ్బందులు ఎదురైనా వెంటనే స్పందించి సమస్యలను పరిష్కరించాలని అధికారులకు చెప్పారు. కార్యక్రమంలో డీఎస్‌ఓ నిత్యానంద్‌, సివిల్‌ సప్లయ్‌ డీఎం జగదీశ్‌, డీఆర్డీఓపీడీ శ్రీనివాసరావు, డీసీఓ పద్మ తదితరులు పాల్గొన్నారు. అదనపు కలెక్టర్‌ నగేశ్‌

కార్తీక్‌ను సన్మానిస్తున్న ప్రిన్సిపాల్‌, ఉపాధ్యాయులుకౌడిపల్లి(నర్సాపూర్‌): క్రీడల్లో రాణిస్తే ఉజ్వల భవిష్యత్‌ ఉంటుందని ఎంజేపీ జిల్లా కన్వీనర్‌ హరిబాబు తెలిపారు. తునికి గురుకులంలో గత విద్యా సంవత్సరం ఎంపీసీ పూర్తి చేసిన విద్యార్థి అడెపు కార్తీక్‌ అంతర్జాతీయ రెజ్లింగ్‌ పోటీలకు ఎంపిక కావడంతో శుక్రవారం గురుకులంలో సన్మానించారు. ఈసందర్భంగా ఆయన మాట్లాడుతూ.. క్రీడల్లో రాణిస్తే మంచి గుర్తింపుతో పాటు ఉజ్వల భవిష్యత్తు ఉంటుందన్నారు. ఇక్కడ చదివిన విద్యార్థి స్పోర్ట్స్‌ అథారిటీ ఆప్‌ ఇండియా, ఇండియన్‌ రెస్లింగ్‌ అసోసియేషన్‌ ఆధ్వర్యంలో చండీగఢ్‌లో జాతీయస్థాయిలో నిర్వహించిన పోటీలలో గెలుపొందడంతో అంతర్జాతీయ స్థాయికి ఎంపిక అయినట్లు చెప్పారు. ప్రస్తుతం కార్తీక్‌ సిద్దిపేట ప్రభుత్వ డిగ్రీ కళాశాలలో ప్రథమ సంవత్సరం చదువుతున్నట్లు చెప్పారు. విద్యార్థులు చదువుతో పాటు క్రీడలలో రాణించాలని చెప్పారు. కార్యక్రమంలో ఏటీపీ జ్యోతి, ఉపాధ్యాయులు పాల్గొన్నారు. ఎంజేపీ జిల్లా కన్వీనర్‌ హరిబాబు

మెదక్‌ కలెక్టరేట్‌: జాతీయ ఆయుష్‌ మిషన్‌లో జిల్లాలో వివిధ పోస్టుల భర్తీ కోసం అర్హులైన అభ్యర్థుల నుంచి దరఖాస్తులు ఆహ్వానిస్తున్నట్లు కలెక్టర్‌ ప్రతిమాసింగ్‌ శుక్రవారం ఒక ప్రకటనలో పేర్కొన్నారు. ఆయుష్‌ మెడికల్‌ ఆఫీసర్‌ 3, ఫార్మసిస్ట్‌ 1, సైకో–సోషల్‌ కౌన్సిలర్‌ 1, యోగా ప్రొఫెషనల్‌ 1, మల్టీ పర్పస్‌ వర్కర్‌ 2 పోస్టులు ఖాళీగా ఉన్నట్లు తెలిపారు. అభ్యర్థులు 18 నుంచి 44 సంవత్సరాల వయసు ఉండాలన్నారు. ఆసక్తి, అర్హత గల అభ్యర్థులు ఈనెల 26 నుంచి 31 తేదీలోపు జిల్లా వైద్యాధికారి కార్యాలయంలో దరఖాస్తులు సమర్పించాలని సూచించారు. తూప్రాన్‌: నిర్మల్‌లో జరిగే 12వ రాష్ట్రస్థాయి జూనియర్‌ బాలికల సాఫ్ట్‌బాల్‌ చాంపియన్‌షిప్‌లో పాల్గొనే జిల్లా బాలికల జట్టు ఎంపిక ఈనెల 25న మనోహరాబాద్‌లోని తెలంగాణ క్రీడా ప్రాంగణంలో నిర్వహించనున్నట్లు జిల్లా అసోసియేషన్‌ అధ్యక్షుడు నారాయణగుప్తా తెలిపారు. 2009 జనవరి తర్వాత జన్మించిన క్రీడాకారులు అర్హులన్నారు. క్రీడాకారులు తమ జనన ధ్రువపత్రాలు ఆధార్‌కార్డ్‌తో ఈ నెల 25న ఉదయం 10 గంటలకు హాజరుకావాలన్నారు. పూర్తి వివరాలకు జిల్లా అసోసియేషన్‌ ప్రధాన కార్యదర్శి శ్యాంసుందర శర్మ (7702445543) నంబర్‌లో సంప్రదించాలని సూచించారు. మెదక్‌ కలెక్టరేట్‌: జిల్లాలోని అన్ని ప్రభుత్వ, ప్రైవేట్‌ పాఠశాలల యాజమాన్యాలు పదో తరగతి విద్యార్థుల పరీక్ష ఫీజును ఎలాంటి అపరాధ రుసుము లేకుండా నవంబర్‌ 16వ తేదీ వరకు చెల్లించాలని డీఈఓ రాజు శుక్రవారం ఒక ప్రకటనలో పేర్కొన్నారు. మార్చి– 2027లో జరిగే పదో తరగతి పబ్లిక్‌ పరీక్షల ఫీజు చెల్లింపునకు ప్రభుత్వ పరీక్షల విభాగం ప్రకటన చేసినట్లు తెలిపారు. రూ.50 అపరాధ రుసుముతో డిసెంబర్‌ 1వ తేదీలోగా చెల్లించాల్సి ఉంటుంది. అలాగే రూ.200తో డిసెంబర్‌ 14 వరకు, రూ.500 ఆఖరి అవకాశంగా 28 వరకు చెల్లించవచ్చని వెల్లడించారు. హవేళిఘణాపూర్‌(మెదక్‌): ఎస్‌ఐఆర్‌ను రద్దు చేయాలని డిమాండ్‌ చేస్తూ శుక్రవారం వ్యవసాయ కార్మిక సంఘం ఆధ్వర్యంలో కేంద్ర ఎన్నికల సంఘం అధికారి జ్ఞానేశ్‌కుమార్‌ దిష్టిబొమ్మను దహనం చేశారు. ఈసందర్భంగా సంఘం జిల్లా కార్యదర్శి మల్లేశం మాట్లాడుతూ.. ఎస్‌ఐఆర్‌ పేరుతో ఓట్ల దొంగతనం జరుగుతుందని, తొలగించిన ఓట్లను కొనసాగించాలని డిమాండ్‌ చేశారు. కార్యక్రమంలో దివ్యాంగుల సంఘం జిల్లా నాయకులు దుర్గా, కవిత, అశోక్‌, శంకర్‌, రాములు పాల్గొన్నారు. చిన్నశంకరంపేట(మెదక్‌): భూ రీ సర్వేను వేగవంతం చేయాలని మెదక్‌ ఆర్డీఓ రమాదేవి సిబ్బందిని ఆదేశించారు. శుక్రవారం మండలంలోని కాస్లాపూర్‌లో నిర్వహిస్తున్న సర్వేను పరిశీలించి వివరాలు అడిగి తెలుసుకున్నారు. ఇప్పటివరకు గ్రామంలో 220 ఎకరాలు రీ సర్వే చేసినట్లు తెలిపారు. గ్రామంలో ఎలాంటి సమస్యలు తలెత్తకుండా నిర్వహిస్తున్న రీ సర్వేను పకడ్బందీగా నిర్వహించాలన్నారు. కార్యక్రమంలో తహసీల్దార్‌ మాలతి, ఆర్‌ఐ, జీపీఓ, సర్వేయర్లు పాల్గొన్నారు.

ఎల్‌నినో ప్రభావంతో జిల్లాలో తీవ్ర కరువుఛాయలు అలుముకున్నాయి. భూగర్భజలాలు అడుగంటడంతో పాటు తీవ్రమైన కరెంట్‌ కోతలతో పంటలు ఎండుముఖం పడుతున్నాయి. బోర్లపై ఆధారపడి పంటలు సాగు చేస్తున్న రైతులు కళ్ల ముందే పంటలు ఎండిపోతుండటంతో ఏమి చేయలేని పరిస్థితుల్లో ఆందోళనతో కొట్టుమిట్టాడుతున్నారు. ఇప్పటికే జిల్లా పరిధిలో వెయ్యి ఎకరాల మేర వరి ఎండిపోయే పరిస్థితిలో ఉంది. – రామాయంపేట(మెదక్‌) జిల్లావ్యాప్తంగా వానాకాలం సీజన్‌లో 2.94 లక్షల ఎకరాల్లో రైతుల వరి సాగు చేశారు. వరుస తడులతో రైతులు పంటకు సాగు నీరందిస్తున్నారు. ఈ రెండు, మూడు రోజుల్లో వర్షాలు కురవకపోతే జిల్లాలో వేలాది ఎకరాల్లో పంటలు ఎండిపోయే పరిస్థితి నెలకొంది. చివరి దశలో ఉన్న పంటలను ఎలా కాపాడుకోవాలో తెలియని పరిస్థితుల్లో కొట్టుమిట్టాడుతున్నారు. మూడు నెలల పాటు కంటికి రెప్పలా పంటను కాపాడుకున్న రైతులు వరి పొట్ట దశలో నీరందక అవస్థలు పడుతున్నారు. కళ్ల ముందే పంటలు ఎండిపోతుండటంతో తీవ్ర ఆందోళన చెందుతున్నారు. 25 శాతం లోటు వర్షపాతం ఈసారి జిల్లావ్యాప్తంగా 25 శాతం లోటు వర్షపాతం నమోదైంది. దీంతో ఎండుతున్న పంటలను కాపాడుకోవడానికి కొందరు రైతులు కొత్తగా బోర్లు తవ్విస్తుండగా, మరికొందరు ట్యాంకర్ల ద్వారా నీరు అందించడానికి విఫలయత్నం చేస్తున్నారు. తమ చుట్టుపక్కల బోర్లలో నీరుంటే తడికి ఇంత చొప్పన డబ్బు లు మాట్లాడుకొని నీరు పారించుకునే ప్రయత్నం చేస్తున్నారు. కాగా, జిల్లాలోని 14 మండలాల్లో తీవ్ర కరువు పరిస్థితులు నెలకొన్నట్లు అధికారులు చెబుతున్నారు. ఈమేరకు ప్రభుత్వానికి నివేదిక అందజేసినట్లు తెలిపారు. పశువులకు మేతగా.. చిన్నశంకరంపేట మండలం ఏడిప్పల్‌ కొండాపూర్‌కు చెందిన రైతు ఏగోండ రెండున్నర ఎకరాల్లో వరి సాగు చేశాడు. ఇందులో రెండెకరాలు నీరందక ఎండిపోయింది. దీంతో పంటను పశువుల మేతగా వదిలేశాడు. ఇలా.. జిల్లాలోని పలు మండలాల్లో రైతులు ఎన్నో ఆశలతో సాగు చేసిన వరి పొలాలు నీరు లేక నెర్రెలుబారి పొట్ట దశలో నీరు లేక ఎండిపోయాయి. దీంతో ఏం చేయలేక రైతులు పశువులకు మేతగా వదిలేస్తున్నారు. ఎండిన వరి చేనులో మేకలు మేపుతున్న మహిళ14 మండలాల్లో కరువుఛాయలు జిల్లాలో ఎండుదశలో వెయ్యి ఎకరాలు పశువుల పాలవుతున్న పంటలు ప్రభుత్వానికి నివేదిక సమర్పించిన యంత్రాంగం ప్రభుత్వానికి నివేదించాం ఎల్‌నినో ప్రభావంతో జిల్లా లో ఎండుతున్న పంటల వివరాలను ఉన్నతాధికారులకు నివేదించాం. ఈమేరకు ప్రతి రోజు పంట నష్టానికి సంబంధించిన వివరాలను అధికారుల దృష్టికి తీసుకెళ్తున్నాం. వచ్చే రబీ సీజన్‌లో రైతులు వరి కాకుండా ఆరుతడి పంటలపై దృష్టి సారించాలి. – దేవ్‌కుమార్‌, జిల్లా వ్యవసాయాధికారినాలుగెకరాల్లో వరి సాగు చేశాను. ఇందులో రెండున్నర ఎకరాల మేర పంట ఎండిపోయింది. మిగితా పంట కూడా చేతికి వచ్చే అవకాశం లేదు. తమను ప్రభుత్వమే ఆదుకోవాలి. – రవి, గంగాపూర్‌, హవేళిఘణాపూర్‌

మెదక్‌ కలెక్టరేట్‌: జిల్లా పోలీస్‌ ప్రధాన కార్యాలయంలో ఏర్పాటు చేసిన ఓపెన్‌ హౌస్‌ను ఎస్పీ శ్రీనివాసరావు శుక్రవారం ప్రారంభించారు. ఈసందర్భంగా ఆయన మాట్లాడుతూ.. పోలీస్‌శాఖ విధులు, నేరాల నియంత్రణపై అవగాహన కల్పించేందుకు ఓపెన్‌ హౌస్‌ కార్యక్రమాన్ని ఏర్పాటు చేసినట్లు తెలిపారు. విద్యార్థులకు బాంబ్‌ డిస్పోజల్‌ (బీడీ) బృందం వినియోగించే పరికరాలు, అనుమానాస్పద పేలుడు పదార్థాలను గుర్తించడం, ప్రమాదాలను నివారించడంలో వాటి పాత్రను అధికారులు వివరించారు. నేర పరిశోధనలో నిందితుల ఆచూకీ గుర్తించడం, పేలుడు పదార్థాలను గుర్తించడం వంటి విధుల్లో శిక్షణ పొందిన పోలీసు జాగిలాలు అందించే సేవలను తెలియజేశారు. సైబర్‌ నేరాలు, పోక్సో చట్టం, బాలల హక్కులు, సోషల్‌ మీడియా వినియోగంలో తీసుకోవాల్సిన జాగ్రత్తలపై అవగాహన కల్పించారు. సైబర్‌ మోసాలపై అప్రమత్తంగా ఉండాలని సూచించారు. కార్యక్రమంలో అదనపు ఎస్పీ విక్రాంత్‌కుమార్‌సింగ్‌, మెదక్‌ డీఎస్పీ ప్రసన్న కుమార్‌, పోలీసు అధికారులు, సిబ్బంది, విద్యార్థులు పాల్గొన్నారు. ఎస్పీ శ్రీనివాసరావు

మెదక్‌ కలెక్టరేట్‌: ఏళ్ల తరబడి ప్రభుత్వ ఆస్పత్రుల్లో వైద్య సేవలందిస్తున్న తమను వెంటనే రెగ్యులరైజ్‌ చేయాలంటూ జిల్లాలోని జాతీయ ఆరోగ్య మిషన్‌ (ఎన్‌హెచ్‌ఎం) ఉద్యోగులు ఆందోళన బాట పట్టారు. జిల్లా కేంద్రంలోని కలెక్టరేట్‌ ధర్నా చౌక్‌ వద్ద గత 11 రోజులుగా రిలే దీక్షలు కొనసాగిస్తున్నారు. కేంద్ర, రాష్ట్ర ప్రభుత్వాలు తమకు కనీస వేతనాలు ఇవ్వకుండా పనిభారం పెంచుతూ వెట్టి చాకిరి చేయిస్తున్నారని ఆవేదన వ్యక్తం చేస్తున్నారు. ఎలాంటి ఇంక్రిమెంట్లు, ప్రసూతి సెలవులు, టీఏ, డీఏలు ఇవ్వడం లేదని వాపోతున్నారు. ప్రజలందరి ఆరోగ్య సమస్యలు పరిష్కరించే తమకు ప్రభుత్వం హెల్త్‌కార్డులు ఇవ్వడం లేదని ఆరోపిస్తున్నారు. కరోనా సమయంలో ప్రాణాలను సైతం పణంగా పెట్టి సేవలందిస్తే ఇప్పటికీ ఉద్యోగ భద్రత లేదని, మా జీవితాలు గాలిలో దీపంలా మారాయని ఆవేదన వ్యక్తం చేస్తున్నారు. జిల్లాలో ఎన్‌హెచ్‌ఎం విభాగంలో 403 ఉద్యోగులు, సిబ్బంది పని చేస్తున్నారు. ఇందులో 110 మంది డాక్టర్లు, 26 మంది ఈసీ ఏఎన్‌ఎంలు, 267 మంది ఏఎన్‌ఎంలు, ఉద్యోగులు, సిబ్బంది పనిచేస్తున్నారు. డిమాండ్లు ఇవే.. ● ఔట్‌సోర్సింగ్‌ ఏజేన్సీలను రద్దు చేసి ఉద్యోగ భద్రత కల్పించాలి. సుప్రీంకోర్టు గైడ్‌లైన్స్‌ ప్రకారం వందశాతం వేతనం ఇవ్వాలి. ● పీహెచ్‌ఎస్‌, ఈఎస్‌ఐ కల్పించాలి. ప్రతీ నెల 5వ తేదీలోగా ప్రభుత్వం ద్వారా నేరుగా వేతనాలు చెల్లించాలి. ● 8 శాతం ఇంక్రిమెంట్లు, బోనస్‌లు ఇవ్వాలి. ప్రతి మహిళా ఉద్యోగికి 108 రోజులు ప్రసూతి సెలవులు ప్రకటించాలి. ● ప్రమాదవశాత్తు ఉద్యోగి మరణిస్తే రూ.20 లక్షల పరిహారం ఇవ్వాలి. ● జీవో నంబర్‌ 60 ప్రకారం తక్షణమే వేతన బకాయిలు విడుదల చేయాలి. ఎన్‌హెచ్‌ఎం ఉద్యోగుల ఆవేదన చాలీచాలని వేతనంతో సతమతం ఉద్యోగ భద్రత, కనీస వేతనం అమలు చేయాలని విన్నపం జిల్లాలో 452 మంది ఉద్యోగులు

● నిందితులను అరెస్టు చేయాలని పలు సంఘాలు కలెక్టరేట్‌ ఎదుట ఆందోళన ● దాడి చేసిన సర్పంచ్‌ను పదవి నుంచి తొలగించాలి మెదక్‌ కలెక్టరేట్‌: జిల్లాలో గ్రామ సర్పంచ్‌ తన అనుచరులతో కలిసి దళితులపై దాడిచేసినా జిల్లా ఇన్‌చార్జి మంత్రి, ఎంపీ స్పందించక పోవడం దారుణమని డీబీఎఫ్‌ జాతీయ కార్యదర్శి శంకర్‌ పేర్కొన్నారు. మనోహరాబాద్‌ మండలం కొనాయిపల్లి గ్రామంలో దళితులపై దాడిచేసిన గ్రామ సర్పంచ్‌ మన్నె కల్యాణ్‌, అతని అనుచరులను అరెస్ట్‌ చేయాలని డిమాండ్‌ చేస్తూ గురువారం కలెక్టరేట్‌ ముందు ధర్నా నిర్వహించారు. ఈ కార్యక్రమంలో బాధితులతోపాటు కేవీపీఎస్‌, డీబీఎఫ్‌, ఎంసీఎఫ్‌, ఏఐఏడబ్ల్యూయూ, సీపీఎం, సీఐటీయూ సంఘాల నాయకులు పాల్గొన్నారు. ఈ సందర్భంగా డీబీఎఫ్‌ జాతీయ కార్యదర్శి శంకర్‌, కేవీపీఎస్‌ రాష్ట్ర ప్రధాన కార్యదర్శి స్కైలాబ్‌ బాబు మాట్లాడుతూ...బతుకమ్మ ఉత్సవాల్లో దళితులపై దాడి జరిగి 4 రోజులు అవుతున్నా ఎందుకు అరెస్ట్‌ చేయలేదని ప్రశ్నించారు. దళితులపై దాడి చేసిన సర్పంచ్‌ను తెలంగాణ పంచాయతీ రాజ్‌ చట్టం సెక్షన్‌ 37 ప్రకారం పదవి నుంచి తొలగించాలని డిమాండ్‌ చేశారు. జిల్లాలోని తుప్రాన్‌ మండలం కిష్టాపూర్‌, మనోహరబాద్‌ మండలం కుచారం, శివ్వంపేట్‌ మండలం నవాబ్‌ పేట్‌ గ్రామాల్లో బతుకమ్మ ఉత్సవాల్లో దళితులపై దాడులు జరిగియని తెలిపారు. కుచారం గ్రామ పంచాయతీ సర్పంచ్‌ పట్ల వివక్షత పాటించారని తెలిపారు. జిల్లా ఇన్‌చార్జి మంత్రిగా ఉన్న వివేక్‌ జిల్లాలో దళితులపై దాడి జరిగినా ఇప్పటివరకు ఎందుకు స్పందించలేదని నిలదీశారు. ఎంపీ రఘునందన్‌ రావుకు దళితులపై జరిగిన దాడి కనిపించడం లేదా అని ప్రశ్నించారు. 48 గంటల్లో నిందితులను అరెస్ట్‌ చేయకుంటే డీజీపీ కార్యాలయం ముట్టడిస్తామని హెచ్చరించారు.

ఎల్‌నినోను విపత్తును ఎదుర్కొనేందుకు ప్రభుత్వం కార్యాచరణ ప్రారంభించింది. రైతునేస్తం పేరిట గురువారం నుంచి గ్రామ సభలను ప్రారంభించారు. ఈ నెల 22 నుంచి 45 రోజుల పాటూ ప్రతీ గామంలోనూ రైతునేస్తం సభలను నిర్వహించనున్నారు. ‘కేత్‌బచావో అభియాన్‌’కార్యక్రమం ద్వారా ఆరుతడి పంటలను సాగుచేయటంతోపాటు, సేంద్రీయ ఎరువుల వాడకంపై రైతులకు అవగాహన కల్పించనున్నారు. రబీలో వరికి బదులు కేవలం ఆరుతడి పంటలను మాత్రమే సాగు చేయాలంటూ వ్యవసాయ, ఉద్యానవనశాఖల అధికారులు ప్రచారాన్ని ప్రారంభించారు. –మెదక్‌జోన్‌ మెతుకుసీమ వ్యవసాయ ఆధారిత జిల్లా. ఇక్కడ చెప్పుకోదగ్గ సాగునీటి ప్రాజెక్టులు లేకపోయినా బోరుబావుల ఆధారంగానే 90% ప్రజలు వ్యవసాయంపై ఆధారపడి జీవనం సాగిస్తారు. ప్రతీ ఏటా రబీ, వానాకాలంలో 3 లక్షల నుంచి 3.95 లక్షల ఎకరాల్లో వివిధ రకాల పంటలను సాగు చేస్తారు. అందులో ప్రతీ సీజన్‌లో సింహభాగం వరిపంటలనే సాగు చేస్తారు. కాగా, ఈ ఏడాది వానాకాలం నుంచి ఎల్‌నినో కారణంగా వర్షాలు కురవలేదు. దీనికి తోడు కరెంట్‌ కోతలతో రైతులు సతమతమవుతున్నారు. దీంతో ఎల్‌నినోను ఎదుర్కొనేందుకు అధికారులతో అన్నదాతలకు రైతునేస్తం సభలను ఏర్పాటు చేసి వరికి బదులు ఆరుతడి పంటలను మాత్రమే సాగు చేసేవిధంగా ప్రోత్సహించాలని కేంద్ర, రాష్ట్ర ప్రభుత్వాలు అధికారులను ఆదేశించాయి. ఈ నెల 22 నుంచి నవంబర్‌ 30 వరకు జిల్లాలో 45 రోజుల పాటు గ్రామసభలను కొనసాగించనున్నారు. ఆరుతడి పంటలు మాత్రమే...! ఎల్‌నీనో ప్రభావం తీవ్రంగా ఉన్న నేపథ్యంలో ఈ రబీసీజన్‌లో ఆరుతడి పంటలను మాత్రమే సాగు చేయాలని నెలన్నర పాటు కొనసాగే గ్రామ సభల్లో రైతులకు వ్యవసాయ, ఉద్యానవన, ఫిషరీస్‌, వెటర్నరీతోపాటు పలుశాఖల అధికారులు అన్నదాతలకు అవగాహన కల్పించనున్నారు. వ్యవసాయశాఖ ఆధ్వర్యంలో మట్టిపరీక్షల నిర్వహణ, ఆరుతడి పంటలసాగు, సేంద్రీయ ఎరువుల జీవ ఉత్పత్తుల తయారీ, వాటి వినియోగంపై శిక్షణ కార్యక్రమాల నిర్వహణ, ప్రకృతి వ్యవసాయం ప్రోత్సహించటం, నీటిసంరక్షణ, వర్షపు నీటి నిల్వలపై అవగాహన సుస్థిర వ్యవసాయ సాగు పద్ధతులను ప్రోత్సహించటంపై అవగాహన కల్పించనున్నారు. ఉద్యానశాఖ ఆధ్వర్యంలో..! కాగా ఉద్యానవనశాఖ ఆధ్వర్యంలో ఈ రబీసీజన్‌లో 4,262 ఎకరాలలో వివిధ రకాల ఆరుతడి పంటలను సాగు చేసేందుకు ప్రణాళిక సిద్ధం చేసినట్లు తెలిసింది. గతేడాది ఈ శాఖ పరిధిలో 1,130 ఎకరాల్లో ఆయిల్‌ఫాంతో పాటు పలురకాల ఆరుతడి పంటలను సాగు చేయగా ఈ ఏడాది ఏకంగా 4,262 ఎకరాల్లో ఆయిల్‌ఫాంతో పాటు ఇతర పంటలను సాగు చేయనున్నట్లు ఆ శాఖ అధికారులు చెబుతున్నారు. ఈ లెక్కన గతేడాదితో పోల్చితే ఏకంగా 3,132 ఎకరాల్లో ఆరుతడి పంటలు పెరగనున్నాయి. ఇందులో 100 ఎకరాల్లో జామ, మామిడి, బొప్పాయి, నిమ్మ పండ్లతోటలను సాగు చేయనున్నారు. అలాగే 1,485 ఎకరాల్లో కూరగాయలు, 156 ఉల్లి సాగు, 1,897 ఎకరాల్లో ఆయిల్‌ఫాం, మరో 624 ఎకరాల్లో ఇతర ఆరుతడి పంటలు సాగు కానున్నాయని అధికారులు చెబుతున్నారు. ఒక్క ఎకరం వరి నీటితో 5 ఎకరాల్లో ఆరుతడి ఒక్క ఎకరం వరి పంటకు ఉపయోగించే నీటితో ఐదెకరాల్లో ఆరుతడి పంటలను పండించుకునే అవకాశముందని అధికారులు చెబుతున్నారు. కూరగాయలతోపాటు ఆయిల్‌ఫాం, పండ్లతోటలు, ఇతర ఏరకమైన ఆరుతడి పంటలను సాగుచేసుకునే వీలు ఉంటుందని గ్రామ సభల్లో విరివిగా ప్రచారం చేయనున్నారు. ఈ నెల 22నుంచి వచ్చేనెల 30 వరకు సభలు ఆరుతడి పంటలే సాగు చేసేలా అవగాహన ఎల్‌నినోను ఎదుర్కొనేందుకు సిద్ధమైన ప్రణాళిక

తూప్రాన్‌: రైతులకు భవిష్యత్తులో ఎలాంటి భూతగాదాలు, ఇబ్బందులు రాకుండా చూడాలనే లక్ష్యంతోనే ప్రభుత్వం ప్రతిష్టాత్మకంగా భూ సర్వేను నిర్వహిస్తోందని జిల్లా అదనపు కలెక్టర్‌ నగేశ్‌ పేర్కొన్నారు. మనోహరాబాద్‌ మండల కేంద్రంలో కొనసాగుతున్న భూ సర్వే ప్రక్రియను ఆయన గురువారం క్షేత్రస్థాయిలో పర్యటించి పరిశీలించారు. సర్వే రికార్డులను, సరిహద్దుల గుర్తింపును తనిఖీ చేసి అధికారులకు పలు సూచనలు చేశారు. ఈ సందర్భంగా అదనపు కలెక్టర్‌ మాట్లాడుతూ...క్షేత్రస్థాయిలో సర్వే అధికారులు, సిబ్బంది ప్రతి ఒక్కరూ పక్కా వివరాలతో, అత్యంత పారదర్శకంగా సర్వే నిర్వహించాలన్నారు. ఇప్పటివరకు మనోహరాబాద్‌ మండలంలో 1,200 ఎకరాల్లో భూ సర్వే పూర్తి చేసినట్లు ఆయన వెల్లడించారు. ఈ సర్వే పక్కాగా పూర్తి కావడం వల్ల భవిష్యత్తు తరాలకు భూ సమస్యలు ఉండవని, రైతులు నిశ్చింతగా ఉండవచ్చని ధీమా వ్యక్తం చేశారు. సర్వేలో ఎలాంటి పొరపాట్లకు తావివ్వకుండా, రైతుల భాగస్వామ్యంతో పనులు వేగవంతం చేయాలని అధికారులను కోరారు. ఈ క్షేత్రస్థాయి పరిశీలన కార్యక్రమంలో ఆర్డీవో బావయ్య, ల్యాండ్‌ సర్వే ఏడీ కిషన్‌, తహసీల్దార్‌ ఆంజనేయులు, సర్వే సిబ్బంది నాగరాజు, ప్రశాంత్‌ తదితరులు పాల్గొన్నారు.అదనపు కలెక్టర్‌ నగేశ్‌

● పంట కొట్టుకుపోయి ఏడాది ● నష్టపోయిన రైతులు భారీ వర్షాలకు కుంటలు కొట్టుకుపోయి రైతుల పంటలు నాశనమై ఏడాది గడిచింది. నష్టపోయిన రైతులకు పరిహారం చెల్లిస్తామని కలెక్టర్‌ చెప్పి ఏడాది గడుస్తున్నా ఇప్పటివరకు పైసా పరిహారం అందలేదు. అధికారులను పలుమార్లు కోరినా ఫలితం లేకుండా పోయింది. పరిహాసం చేస్తున్న నష్టపరిహారం కోసం ఆశగా ఎదురుచూస్తున్న రైతులకు వెక్కిరింతలే మిగులుతున్నాయి తప్ప పరిహారం అందని ద్రాక్షగా మారింది. –అల్లాదుర్గం(మెదక్‌) అల్లాదుర్గంలో ఖరీఫ్‌లో కుంట కొట్టుకుపోయి పంట నష్టపోగా, రబీ సీజన్‌లో పంటలే వేయకుండా రైతులు నష్టపోయారు. అయితే చెరువు కింద రైతులు బోర్లు వేసుకుని పంటలు పండిస్తున్నారు. 2025 ఆగస్టులో భారీ వర్షాలు కురవగా బంటికుంటకు గండిపడటంతో చెరువు కింద రైతులు వేసిన వరి, పత్తి పంట పూర్తిగా కొట్టుకుపోయి సుమారు 20 ఎకరాల్లో పంట నష్టం జరిగింది. రైతుల పొలాల్లో ఇసుక మేటలు పేరుకుపోయాయి. దీంతో రబీ సీజన్‌లోనూ రైతులు పంటలు వేయలేదు. అప్పటి కలెక్టర్‌ ఘటనాస్థలికి చేరుకుని విచారణ చేశారు. పంట నష్టపోయిన రైతుల వివరాలు ఇవ్వాలని వ్యవసాయాధికారులను ఆదేశించారు. నష్టపోయిన రైతులకు పరిహారం చెల్లిస్తామని రైతులకు హామీనిచ్చారు. వ్యవసాయ శాఖ అధికారులు విచారణ జరిపి కలెక్టర్‌కు నివేదించినా ఇప్పటివరకు రైతులకు పరిహారంగా ఒక్క పైసా కూడా విదల్చలేదు. దీంతో పంటనష్టపోయిన రైతులు తీవ్ర ఆర్థిక ఇబ్బందులు ఎదుర్కొంటున్నారు.ఐదెకరాల్లో పంట నష్టం పైసా అందలేదు బట్టి కుంట కింద ఐదెకరాల్లో రెండు బోర్లు వేసుకొని వ్యవసాయం చేస్తున్నాను. భారీ వర్షాలకు బట్టికుంట గండిపడటంతో సాగు చేస్తున్న వరి పంట పూర్తిగా కొట్టుకుపోయింది. పొలాల్లో ఇసుక మేటలు పేరుకుపోవడంతో రబీ సీజన్లో సైతం పంటలు సాగు చేయలేదు. ఏడాది గడుస్తున్నా పైసా ఇవ్వలేదు. వెంటనే పరిహారం చెల్లించాలి. –మున్నూరి సత్యనారాయణ, రైతు అల్లాదుర్గం

మెదక్‌ పార్లమెంట్‌ కాంగ్రెస్‌ ఇన్‌చార్జి నీలం మధు ముదిరాజ్‌ పటాన్‌చెరు టౌన్‌: తెలంగాణ రాబిన్‌హుడ్‌గా ప్రజల హృదయాల్లో నిలిచిన పండుగ సాయన్న ముదిరాజ్‌ చరిత్రను భావితరాలకు అందించాలని మెదక్‌ పార్లమెంట్‌ కాంగ్రెస్‌ ఇన్‌చార్జి నీలం మధు ముదిరాజ్‌ తెలిపారు. హైదరాబాద్‌లోని రవీంద్రభారతిలో గురువారం రాష్ట్ర ప్రభుత్వం అధికారికంగా నిర్వహించిన 174వ పండుగ సాయన్న జయంతి వేడుకలకు సీఎం రేవంత్‌రెడ్డి హాజరై నివాళులర్పించడం పట్ల ఆయన హర్షం వ్యక్తం చేశారు. ప్రజా పోరాట యోధుల చరిత్రకు గుర్తింపు కల్పించడం అభినందనీయమన్నారు. పండుగ సాయన్న వంటి మహనీయుల జీవితాలను యువతకు పరిచయం చేయడం ద్వారా సామాజిక చైతన్యం, సేవాభావం పెంపొందుతాయని పేర్కొన్నారు. ముదిరాజులను బీసీ–డీ నుంచి బీసీ–ఏ లోకి మార్చడం, ట్యాంక్‌బండ్‌పై పండుగ సాయన్న విగ్రహం ఏర్పాటు చేయాలన్న అంశాల పై సీఎం సానుకూలంగా స్పందించారని తెలిపారు. ఈ సందర్భంగా నీలం మధు అమ్మవారి విగ్రహాన్ని బహూకరించారు. డీఆర్డీఓ పీడీ శ్రీనివాస్‌రావు చేగుంట(తూప్రాన్‌): నీటిని పొదుపుగా వాడుకునేలా ప్రజలకు అవగాహన పెంపొందించాలని డీఆర్డీఓ పీడీ శ్రీనివాస్‌రావు పేర్కొన్నారు. చేగుంట ఎంపీడీఓ కార్యాలయంలో గురువారం పంచాయతీ కార్యదర్శులతో అవగాహన కార్యక్రమం నిర్వహించారు. ఈ సందర్భంగా శ్రీనివాస్‌రావు మాట్లాడుతూ..ఎల్‌నినో ప్రభావంతో భూగర్భ జలాలు ఇంకిపోయే అవకాశం ఏర్పడుతుందని నీటిని పొదుపుగా వాడుకునేలా గ్రామాల్లోని ప్రజలకు అవగాహన పెంపొందించాలన్నారు. అన్ని గ్రామాల్లో ఇంకుడు గుంతలు, ఫాంపండ్‌లు నిర్మించుకుని వర్షం నీరు వృథా కాకుండా నీటి గుంతల్లోకి ఇంకిపోయేలా చూడాలని చెప్పారు. అనంతరం చేగుంటలో నిర్మిస్తున్న మహిళ భవనం, చిన్న శివునూర్‌లో రైతులు నిర్మించుకున్న ఫామ్‌పాండ్‌లను పరిశీలించారు. కార్యక్రమాల్లో ఎంపీడీఓ చిన్నారెడ్డి, ఎంపీఓ ప్రకాశ్‌, ఐకేపీ ఎపీఎం దుర్గాప్రసాద్‌తోపాటు పంచాయతీ కార్యదర్శులు పాల్గొన్నారు. అల్లాదుర్గం(మెదక్‌): నీటి వనరులు పొదుపుగా వాడుతూ పంటలు సాగు చేయాలని మండల వ్యవసాయాధికారి నెలవంక సూచించారు. అల్లాదుర్గం రైతు వేదికలో ఖేత్‌ బచావో అభియాన్‌ కార్యక్రమం నిర్వహించారు. ఈ సందర్భంగా ఆమె మాట్లాడుతూ...రైతులు నేల పరీక్షల ఆధారంగా ఎరువులను వాడి పంట సాగు చేపడితే మంచి ఫలితాలు అధిక దిగుబడి పొందవచ్చన్నారు. పప్పుధాన్యాలు, నూనె గింజల పంటలను సాగు చేస్తే తక్కువ ఖర్చుతో అధిక లాభాలు వస్తాయని ఆమె తెలిపారు. సమతుల్య ఎరువుల వాడకం, ప్రకృతి వ్యవసాయం, పంటల అవశేషాల నిర్వహణ, నీటి సంరక్షణ, సుస్థిర వ్యవసాయ పద్ధతులపై రైతులకు అవగాహన కల్పించారు. కార్యక్రమంలో ఏఈఓ నవీన్‌, ఆత్మ సిబ్బంది కిరణ్‌, రైతులు పాల్గొన్నారు. ఎస్పీని కలిసిన ఏఎస్‌ఐ సంగయ్యటేక్మాల్‌(మెదక్‌): టేక్మాల్‌ పోలీస్‌ స్టేషన్‌లో హెడ్‌కానిస్టేబుల్‌గా పని చేసి ఏఎస్‌ఐగా పదోన్నతి పొందిన సంగయ్య గురువారం జిల్లా ఎస్పీ శ్రీనివాస్‌రావ్‌ను మర్యాదపూర్వకంగా కలిశారు. బాధ్యత పత్రాన్ని అందించడంతోపాటు డ్రెస్‌కు స్టార్‌ను ధరించినట్లు తెలిపారు. తనకు పదోన్నతి కల్పించిన జిల్లా ఎస్పీకి, పదోన్నతికి సహకరించిన అల్లాదుర్గం సీఐ రేణుకారెడ్డి, టేక్మాల్‌ ఎస్‌ఐ అరవింద్‌కుమార్‌లకు ధన్యవాదాలు తెలిపారు.

● జిల్లా వ్యవసాయాధికారి దేవ్‌కుమార్‌ ● ఎల్లుపేటలో రైతులకు అవగాహన టేక్మాల్‌(మెదక్‌)/పాపన్నపేట(మెదక్‌): ఎల్‌నినో ప్రభావాన్ని తట్టుకునేందుకు రైతులు యాసంగిలో ఆరుతడి పంటలను మాత్రమే సాగు చేయాలని జిల్లా వ్యవసాయాధికారి దేవ్‌కుమార్‌ స్పష్టం చేశారు. టేక్మాల్‌ మండలంలోని ఎల్లుపేట రైతువేదికలో సాగు భూమి సంరక్షణ అంశంపై రాష్ట్ర వ్యవసాయాశాఖమంత్రితో వీడియో కాన్ఫరెన్స్‌ పూర్తయిన తర్వాత రైతులకు పలు అంశాలపై అవగాహన కల్పించారు. ఈ సందర్భంగా ఆయన మాట్లాడుతూ...వ్యవసాయ భూముల్లో రసాయన ఎరువులు, పురుగుమందులను అవసరానికి మించి వినియోగించడం వల్ల భూసారం దెబ్బతింటుందన్నారు. రైతులు తప్పనిసరిగా మట్టి పరీక్ష నమూనా చేసుకోవాలని వివరించారు. పంట కోసిన తర్వాత కొయ్యకాళ్లను తగల బెట్టకుండా కలియదున్నడం వలన భూసారం పెంచుకోవాలన్నారు. యాసంగిలో ఎల్‌నినో ప్రభావం వలన రైతులు ఆరుతడి పంటలైన జొన్నలు, శనగలు, తెల్ల కుసుమలు, పొద్దుతిరుగుడు, కూరగాయలు సాగు చేయాలని తెలిపారు. కార్యక్రమంలో డిప్యూటీ డైరెక్టర్‌ ఆఫ్‌ మార్కెటింగ్‌ ప్రసాద్‌రావు, ఏయంసీ వైస్‌ చైర్మన్‌ సత్య నారాయణ, మండల వ్యవసాయాధికారి రామ్‌ప్రసాద్‌, సర్పంచ్‌ మాధవీరెడ్డి, మండల ఎఫ్‌పీఓ సీఈఓ వెంకటేశం, ఏఈఓ సుుభాష్‌, నాయకులు శ్రీనివాస్‌రెడ్డి, అశోక్‌రెడ్డి, నర్సింహరెడ్డి తదితరులు పాల్గొన్నారు. ఎఫ్‌ఎఫ్‌ఎస్‌ యాప్‌ ద్వారానే ఎరువులు ఎరువులను ఎఫ్‌ఎఫ్‌ఎస్‌ యాప్‌ ద్వారా మాత్రమే విక్రయించాలని దేవ్‌కుమార్‌ స్పష్టం చేశారు. పాపన్నపేట మండలంలోని ఎరువుల దుకాణాలను ఆయన తనిఖీ చేసి రికార్డులను పరిశీలించారు. ప్రతీ డీలర్‌ రిజిస్టర్లు తప్పకుండా, స్టాక్‌ వివరాలు నమోదు చేయాలని సూచించారు. నిబంధనలు అతిక్రమిస్తే చర్యలు తీసుకుంటామని హెచ్చరించారు. కార్యక్రమంలో ఏఓ శ్రీనివాస్‌ రాజు,ఏఈఓ సంతోష్‌, ఆసిఫ్‌, డీలర్లు పాల్గొన్నారు.

దసరా ఉత్సవాల్లో ఎమ్మెల్యే సునీతారెడ్డి శివ్వంపేట(నర్సాపూర్‌): రైతులు పాడి పంటలు, ప్రజలు సుఖసంతోషాలతో ఉండాలని ఎమ్మెల్యే సునీతారెడ్డి ఆకాంక్షించారు. దసరా వేడుకలను వారి స్వగ్రామమైన గోమారంలో ఘనంగా జరుపుకున్నారు. మంగళవారం సాయత్రం పాఠశాల వద్ద ఏర్పాటు చేసిన జమ్మిపూజ, రావణదహన కార్యక్రమంలో పాల్గొన్నారు. ఎమ్మెల్యే వెంట బీఆర్‌ఎస్‌ నాయకులు చంద్రగౌడ్‌, హన్మంత్‌రెడ్డి, భిక్షపతిరెడ్డి, మైపాల్‌రెడ్డి, లక్ష్మణ్‌, ముత్యంరెడ్డి, తదితరులున్నారు. రజక సంఘం నేతల హెచ్చరిక మెదక్‌జోన్‌: బీసీ డీలో ఉన్న ముదిరాజ్‌లను బీసీ ఏలో చేర్చేందుకు కేంద్ర, రాష్ట్ర ప్రభుత్వాలు చేస్తున్న కుట్రలను వెంటనే విరమించుకోవాలని మెదక్‌ రజక నేతలు హెచ్చరించారు. బుధవారం పట్టణంలో ఏర్పాటు చేసిన విలేకరుల సమావేశంలో వారు మాట్లాడారు. బీసీ డీలో ఉన్నటు వంటి ముదిరాజ్‌లను బీసీ ఏలోకి మారిస్తే రజక, మంగళి, వడ్డెర, బెస్త తదితర కులాల వారికి తీరని అన్యాయం జరుగుతుందని ఆవేదన వ్యక్తం చేశారు. ఇలాంటి కుట్రలు ఏ పార్టీ నేతలు చేసినా ఉపేక్షించమని, వారి ఇళ్లను ముట్టడించి రాష్ట్రంలో తిరగనివ్వమని హెచ్చరించారు. నిరసన కార్యక్రమంలో చౌదరి సంతోష్‌, శివ, పోచయ్య, నవీన్‌, విజయ్‌ తదితరులు ఉన్నారు. ఎమ్మెల్యే సంజీవరెడ్డి పెద్దశంకరంపేట(మెదక్‌): పేదల ఆరోగ్యానికి ప్రభుత్వం కృషి చేస్తోందని ఖేడ్‌ ఎమ్మెల్యే సంజీవరెడ్డి తెలిపారు. బుధవారం ఎమ్మెల్యే క్యాంపు కార్యాలయంలో పెద్దశంకరంపేట మండలం కమలాపూర్‌ గ్రామానికి చెందిన షేర్పల్లి దుర్గయ్యకు వైద్య చికిత్స కోసం ముఖ్యమంత్రి సహాయనిధి నుంచి మంజూరైన ఎల్‌ఓసీ రూ.5 లక్షల చెక్కును లబ్దిదారుడి కుటుంబ సభ్యులకు అందజేశారు. ప్రభుత్వం ఆరోగ్యశ్రీ ద్వారా పేదల కుటుంబాల సంక్షేమానికి కోట్లాది రూపాయలు ఖర్చుచేస్తుందన్నారు. కార్యక్రమంలో మాజీ సర్పంచ్‌ కుంట్ల రాములు తదితరులున్నారు. ఎంపీ సురేశ్‌ షెట్కార్‌, ఎమ్మెల్యే సంజీవరెడ్డి నారాయణఖేడ్‌: గ్రామీణ ప్రాంతాల అభివృద్ధి, మహిళా సాధికారిత, ప్రజలకు మెరుగైన మౌలిక సదుపాయాల కల్పనే లక్ష్యంగా ప్రజా ప్రభుత్వం ముందుకు సాగుతోందని ఎంపీ సురేశ్‌ షెట్కార్‌, ఎమ్మెల్యే సంజీవరెడ్డి అన్నారు. ఖేడ్‌ మండలం పిప్రీలో రూ.10 లక్షలతో నిర్మించిన మహిళా సమాఖ్య భవనం, రూ.10 లక్షలతో నిర్మించిన సీసీ రోడ్డును బుధవారం వారు ప్రారంభించారు. ఈ సందర్భంగా ఏర్పాటు చేసిన సభలో మాట్లాడుతూ..మహిళల అభ్యున్నతి, సంఘటిత శక్తిని మరింత బలోపేతం చేయడానికి మహిళా సమాఖ్య భవనాలు ఎంతగానో ఉపయోగపడతాయన్నారు. మౌలిక సదుపాయాలతోనే గ్రామాల అభివృద్ధి సాధ్యమని అందువల్లే వాటికి ప్రాధాన్యతనిస్తున్నామని తెలిపారు. సమావేశంలో ఖేడ్‌ మున్సిపల్‌ చైర్మన్‌ నగేశ్‌ షెట్కార్‌, ఐకేపీ ఏపీఎం సాయిలు, ముఖ్యనాయకులు పండరీరెడ్డి, తాహెర్‌ అలీ, షారూక్‌ ఖాన్‌ పాల్గొన్నారు.

మెదక్‌జోన్‌: శాంతిభద్రతల పరిరక్షణ కోసం అహర్నిశలు శ్రమిస్తూ, విధి నిర్వహణలో ప్రాణాలర్పించిన పోలీసు అమరవీరుల త్యాగాలు వెలకట్టలేనివని సమాజం ఎల్లప్పుడూ వారికి రుణపడి ఉంటుందని కలెక్టర్‌ ప్రతిమాసింగ్‌ కొనియాడారు. పోలీసు అమరవీరుల సంస్మరణ దినోత్సవం సందర్భంగా బుధవారం ఎస్పీ కార్యాలయంలో నిర్వహించిన పోలీస్‌ అమరవీరుల కార్యక్రమానికి ముఖ్య అథితిగా హాజరై అమరవీరుల స్తూపానికి నివాళులర్పించి మాట్లాడారు. ప్రజల రక్షణ కోసం తమ ప్రాణాలను సైతం లెక్కచేయకుండా విధులు నిర్వహించి అమరులైన పోలీసులను స్మరించుకోవడం, వారి త్యాగాలను గుర్తించడం ప్రతీ ఒక్కరి బాధ్యతన్నారు. అనంతరం ఎస్పీ శ్రీనివాసరావు మాట్లాడుతూ.. మెదక్‌ జిల్లాలో ఇప్పటివరకు 14 మంది పోలీసులు సంఘ విద్రోహ శక్తుల చేతుల్లో ప్రాణత్యాగం చేసి అమరులయ్యారని తెలిపారు. వారు ప్రజల రక్షణ, సమాజంలో శాంతి భద్రతల పరిరక్షణ కోసం చేసిన త్యాగాలు చిరస్మరణీయమని పేర్కొన్నారు. అమరవీరుల ప్రాణత్యాగాల ఫలితంగానే ప్రజలు ప్రశాంతంగా, స్వేచ్ఛగా జీవించగలుగుతున్నారని తెలిపారు. అనంతరం పోలీసు అమరవీరుల కుటుంబాలకు కలెక్టర్‌, ఎస్పీ గిఫ్ట్‌ ప్యాక్‌లను అందజేశారు. పోలీసు అమరవీరుల సంస్మరణ దినోత్సవాన్ని పురస్కరించుకుని నిర్వహించిన వ్యాసరచన పోటీల్లో ప్రతిభ కనబరిచిన విజేతలకు బహుమతులు ప్రదానం చేశారు. కార్యక్రమంలో అదనపు ఎస్పీ విక్రాంత్‌ కుమార్‌ సింగ్‌, సీఐలు, ఎస్‌హెచ్‌ఓలు, ఇతర పోలీసు అధికారులు, సిబ్బంది పాల్గొన్నారు. కలెక్టర్‌ ప్రతిమాసింగ్‌

● ప్రతీ 800 మంది జనాభాకు ఒక ఎన్యూమరేషన్‌ బ్లాక్‌ ● గుర్తింపు బాధ్యతలు చార్జ్‌ క్లర్కులు, టెక్నికల్‌ అసిస్టెంట్లకు! ● 26 నుంచి అధికారులకు అవగాహన సాక్షిప్రతినిధి, సంగారెడ్డి: జనగణనలో మరో కీలక ప్రక్రియ షురూవైంది. ఇప్పటికే ఇండ్ల గణన (హౌజ్‌ లిస్టింగ్‌ ఆపరేషన్‌)ను విజయవంతంగా పూర్తి కాగా..2027 ఫిబ్రవరిలో ప్రారంభం కానున్న జనగణనకు ముందస్తు ప్రణాళిక రూపకల్పన ప్రారంభమైంది. జనగణన కోసం ప్రతీ 800 మంది జనాభాకు ఒక బ్లాకుగా గుర్తిస్తున్నారు. జనగణన చేసే ఎన్యూమరేటర్లకు భారం కాకుండా ఒక్కో ఎన్యూమరేటర్‌కు 800 మంది జనాభా వివరాలు సేకరించేలా ఈ ప్రణాళికను తయారు చేస్తున్నారు. ఇండ్ల గణన చేసినప్పుడు వచ్చిన గణాంకాల ఆధారంగా ఈ బ్లాకులను గుర్తిస్తున్నారు. ఈ బాధ్యతలు చార్జ్‌క్లర్క్‌లు, టెక్నికల్‌ అసిస్టెంట్లకు అప్పగించారు. రెవెన్యూశాఖకు చెందిన ఆర్‌ఐలు, డీటీలు, సీనియర్‌ అసిస్టెంట్లు చార్జ్‌క్లర్కులుగా వ్యవహరిస్తారు. అలాగే మున్సిపాలిటీల్లో వార్డు ఆఫీసర్లు, ఆ స్థాయి అధికారులు చార్జ్‌క్లర్కులుగా పనిచేస్తారు. వీరికి టెక్నికల్‌ అసిస్టెంట్ల సహాయంతో ప్రత్యేక సాఫ్ట్‌వేర్‌తో ఈ బ్లాకులను గుర్తిస్తున్నారు. ఈ ప్రక్రియపై చార్జ్‌క్లర్కులకు, టీఏలకు ఇటీవల శిక్షణ కూడా ఇచ్చారు. రాష్ట్ర సెన్సెస్‌ ఆపరేషన్‌ డైరెక్టర్‌, సీనియర్‌ ఐఏఎస్‌ ఆఫీసర్‌ భారతీహోలికేరి ఇటీవల జిల్లాకు వచ్చి ఈ ప్రక్రియపై కీలక సమావేశం నిర్వహించారు. జిల్లాలో 37 చార్జ్‌లు.. జిల్లాలో మొత్తం 37 చార్జ్‌లున్నాయి. జనగణన ప్రక్రియలో ఒక మండలాన్ని రూరల్‌ చార్జ్‌గా పిలుస్తారు. మున్సిపాలిటీని అర్బన్‌ చార్జ్‌గా పేర్కొంటారు. జిల్లాలో 11 మున్సిపాలిటీలు ఉండగా 26 రూరల్‌ మండలాలున్నాయి. సంగారెడ్డి జిల్లా పరిధిలో ఉన్న అమీన్‌పూర్‌ మండలంలో జనగణన బాధ్యతలను సీఎంసీ (సైబరాబాద్‌ మున్సిపల్‌ కార్పొరేషన్‌)కు అప్పగించారు. రూరల్‌ మండలంగా ఉన్న జిన్నారం మున్సిపాలిటీగా కావడంతో అర్బన్‌ చార్జ్‌గా గుర్తించారు. కాగా ఇండ్లగణన సందర్భంగా జిల్లాను మొత్తం 2,480 బ్లాకులుగా గుర్తించిన విషయం విదితమే. అయితే ఇప్పుడు జనగణన ప్రక్రియ వచ్చేసరికి ఈ బ్లాకుల సంఖ్యలో మార్పులు ఉండనున్నాయని అధికారులు తెలిపారు. బీహెచ్‌ఈఎల్‌ టౌన్‌షిప్‌ బాధ్యతలు జిల్లాకే.. సీఎంసీ పరిధిలో ఉన్న బీహెచ్‌ఈఎల్‌ టౌన్‌షిప్‌ జనగణన బాధ్యతలను జిల్లా అధికారులకే అప్పగించారు. ఈ నోటిఫైడ్‌ ఏరియాలో జిల్లా అధికారులే జనగణన నిర్వహించనున్నట్లు అధికారులు తెలిపారు. జిల్లాస్థాయి అధికారులకు శిక్షణ జనగణన అనేది కేంద్ర ప్రభుత్వం ప్రతిష్టాత్మక ప్రక్రియ కావడంతో జిల్లా అధికారులకు కూడా కీలకంగా వ్యవహరించనున్నారు. కలెక్టర్‌, అదనపు కలెక్టర్లు, ఆర్డీఓలు, ఇతర జిల్లా ఉన్నతాధికారులతోపాటు, తహసీల్దార్లు, ఎంపీడీఓలకు ఈ నెల 26, 27 తేదీల్లో ప్రత్యేక శిక్షణ కార్యక్రమాలను నిర్వహించనున్నట్లు అధికారులు తెలిపారు.