SPSR Nellore District News

● మళ్లీ పెరిగిన నిమ్మధరలు ● దిగుబడి తగ్గడంతోనే.. పొదలకూరు: నిమ్మకాయల ధరలు నాలుగు రోజుల క్రితం తగ్గుముఖం పట్టాయి. మళ్లీ మోస్తరుగా పెరిగినట్టు వ్యాపారులు వెల్లడించారు. ప్రస్తుతం టాప్‌ ధరలు రూ.5 వేలు పలుకుతున్నాయి. నాలుగురోజుల క్రితం బస్తాకాయలు రూ.3 వేలే పలికాయి. తోటల్లో కాయల దిగుబడి సక్రమంగా లేకున్నా ధరలు పతనం కావడంపై రైతులు ఆందోళన చెందారు. ఈ క్రమంలో తిరిగి పుంజుకోవడంతో కొంత ఉపశమనం పొందుతున్నారు. వర్షాల కారణంగా తోటల్లో కాయలు కోసి మార్కెట్‌కు పంపకపోవడం వల్ల కూడా రెండురోజులుగా ధరలు పెరిగినట్టుగా తెలుస్తోంది. అయితే ధరలు మళ్లీ తగ్గే అవకాశం ఉందంటున్నారు. ఉత్తర భారతదేశంలో వర్షాలు, చలిపెరగడం వల్ల కాయలకు డిమాండ్‌ తగ్గినట్టుగా తెలుస్తోంది. అయితే పొదలకూరు నిమ్మమార్కెట్‌ యార్డుకు వస్తున్న కాయలను చాలావరకు దక్షిణ భారతదేశంలోని చైన్నె, కేరళ ప్రాంతాలకు ఎగుమతి చేస్తున్నారు. కిలోల వంతున ప్రస్తుతం ధరలు రూ.40 నుంచి రూ.70 వరకు పలుకుతున్నాయి. రెండు మాసాలు గడ్డుకాలమే నిమ్మకాయలకు మరో రెండు మాసాలు గడ్డుకాలమేనని వ్యాపారులతో పాటు రైతులు కూడా అంటున్నారు. నవంబరు, డిసెంబరు నెలలను నిమ్మకు అన్‌సీజన్‌గా చెప్పుకుంటారు. వర్షాలతో పాటు చలితీవ్రత పెరుగుతున్నందున నిమ్మకాయల వాడకం గణనీయంగా తగ్గుతుంది. ఫలితంగా కాయలను అడిగే వారు కూడా ఉండరు. గతేడాది ఇదే సీజన్లో కిలో రూ.15 మాత్రమే ధరలు పలకడంతో జిల్లా అధికారులు యార్డుకు వచ్చి ఆరాతీయాల్సి వచ్చింది. చలితీవ్రత పెరిగితే గతేడాది పరిస్థితే ఏర్పడే అవకాశం ఉందంటున్నారు. జిల్లా వ్యాప్తంగా పొదలకూరు పరిసర ప్రాంతాల నుంచే అధికంగా నిమ్మకాయలు దిగుబడి అవుతాయి. అక్టోబరుకు ముందు అంటే జూన్‌, జూలై మాసాల్లో తోటలు పూతపూసి ఉంటే రైతులు తీవ్రంగా నష్టపోయే అవకాశం ఉంటుంది. నవంబరు, డిసెంబరు మాసాల్లో పూతచెట్లు కాయల దిగుబడి అయి పతనావస్థలో ధరలు ఉన్న సీజన్లో రైతులు కాయలను అమ్మకోవాల్సి వస్తుంది.

సాక్షి ప్రతినిధి, నెల్లూరు: నెల్లూరు మేయర్‌, ఆత్మకూరు, బుచ్చిరెడ్డిపాళెం చైర్‌పర్సన్‌ ఎన్నికల్లో ప్రజాస్వామ్య ఓటు ఓడిపోయింది. ఎన్నికల ప్రక్రియ ప్రారంభం నుంచి అధికార పార్టీ ప్రజాస్వామ్యాన్ని ఖూనీ చేస్తూ రెడ్‌బుక్‌ రాజ్యాంగాన్ని అమలు చేసింది. ప్రజాక్షేత్రంలో ఓటమి తప్పదని భావించి నామినేషన్లను అడ్డుకుంది. పచ్చమూకలు, గూండాల దాష్టీకాలను ఎదురించి దాఖలు చేసిన నామినేషన్లను ఆర్వోలపై ఒత్తిడి పెట్టి చిన్నచిన్న కారణాలు చూపించి తిరస్కరించింది. మిగిలిన అభ్యర్థులను పోటీ నుంచి తప్పించేందుకు తాయిలాలు ఎరవేసింది. అక్కడికి లొంగని వైఎస్సార్‌సీపీ అభ్యర్థులను పోలీసులతో బెదిరించింది. పోలింగ్‌ రోజూ అడ్డదారులు తొక్కారు. చివరకు కౌంటింగ్‌ ప్రక్రియలోనూ ఇదే తంతును కొనసాగించారు. టీడీపీది అనైతిక విజయమే పురపోరులో జిల్లాలో కూటమి కుట్రలు, కుయుక్తులు, ప్రలోభాలు, తాయిలాలు వెరసీ టీడీపీ అనైతిక విజయం సాధించింది. నెల్లూరు కార్పొరేషన్‌తోపాటు ఆత్మకూరు, బుచ్చిరెడ్డిపాళెంను టీడీపీ తమ ఖాతాలో వేసుకుంది. తారుమారు ఓట్లతో ఆత్మకూరులో స్వల్ప ఆధిక్యంతో టీడీపీ గెలుపొందినట్లు ప్రకటించుకుంది. ఇదే మున్సిపాలిటీలో రెండు వార్డుల్లో వైఎస్సార్‌సీపీ కౌన్సిలర్‌ అభ్యర్థులు విజయం సాధించినట్లు ముందు ప్రకటించినా.. చివరకు రీ కౌంటింగ్‌ పేరుతో ఆ రెండు స్థానాలను టీడీపీ తమ ఖాతాలో వేసుకుంది. వైఎస్సార్‌సీపీ గెలిస్తే రీకౌంటింగ్‌.. టీడీపీ గెలిస్తే విజయంగా ప్రకటిస్తూ ఎన్నికల అధికార యంత్రాంగం సైతం అడ్డగోలుగా వ్యవహరించింది. నెల్లూరులో పుర పోరు ఆరంభం నుంచి కుట్ర రాజకీయం చేసింది. వైఎస్సార్‌సీపీ అభ్యర్థులను టార్గెట్‌ చేసి బెదిరింపులు, ప్రలోభాలకు గురి చేశారు. 8 వార్డులను ఏకగ్రీవం చేసుకున్నారు. గెలిచి ధీమా ఉంటే.. ఓటుకు నోటు.. పోటీ నుంచి తప్పుకుంటే నోట్ల కట్టల రాజకీయం చేసేది కాదు. నెల్లూరు కార్పొరేషన్‌ పరిధిలో 58వ డివిజన్‌లో వైఎస్సార్‌సీపీ అభ్యర్థి గెలుస్తారనే భయంతోనే నెల్లూరు చిన్నబజారు సీఐ సీతారామయ్యతో రూ.70 లక్షలకు బేరం పెట్టిన ఆడియో కూడా బయటకు వచ్చింది. ఇక్కడ టీడీపీ అభ్యర్థి గెలిచే అవకాశం ఉంటే.. రూ.70 లక్షలు ఎందుకు బేరం పెట్టినట్లు ఆలోచించాల్సిన విషయం. ఇక ఎన్నికల సమయంలో నెల్లూరు సిటీ నియోజకవర్గంలో ఓటుకు రూ.2 వేలు, నెల్లూరు రూరల్‌ పరిఽధిలో ఓటుకు రూ.వెయ్యి వంతున పంపిణీ చేశారు. వైఎస్సార్‌సీపీ మద్దతుదారులను ఓటుకు రావద్దని బెదిరించారు. పోలింగ్‌ సమయంలో ప్రతి బూత్‌లో సైక్లింగ్‌ పద్ధతిలో రిగ్గింగ్‌, దొంగబఓట్లు వేసుకున్నారు. అధికారానికి ఎన్నికల అధికార యంత్రాంగం సైతం దాసోహమైంది. పోలీస్‌శాఖ గులాంగిరి చేయడంతో అనైతిక విజయం సాధించింది. నోట్ల మద్దతుతో ఓట్లు బుచ్చిరెడ్డిపాళెం మున్సిపాలిటీలో టీడీపీ ప్రజామద్దతు కంటే.. నోట్ల మద్దతుతోనే విజయం సాధించింది. ఇక్కడ టీడీపీ కుట్రలు పతాక స్థాయికి చేరుకున్నాయి. నామినేషన్ల ఘట్టం నుంచి ప్రలోభాలతో వైఎఎస్సార్‌సీపీ అభ్యర్థులను ఓటుకు నోటుతోపాటు తాయిలాలు ప్రకటించారు. అధికార దుర్వినియోగం పాల్పడ్డారు. ఐదు వార్డులను ఏకగ్రీవం చేసుకున్నారు. చివరకు కౌంటింగ్‌ సమయంలో కూడా టీడీపీ నేతలు హల్‌చల్‌ చేశారు. నాలుగో వార్డులో 50 ఓట్ల మెజర్టీతో వైఎస్సార్‌సీపీ అభ్యర్థి విజయం సాధించినా వెంటనే ప్రకటించకుండానే నాలుగు గంటల పాటు బేరసారాలతో కౌంటింగ్‌ కేంద్రంలోనే వైఎస్సార్‌సీపీ అభ్యర్థికి రూ.40 లక్షల వరకు నగదు ఆఫర్‌ చేశారు. నాలుగు సార్లు రీకౌంటింగ్‌ జరిపి బీజేపీ అభ్యర్థి విజయం సాధించినట్లు ప్రకటన చేసే ప్రయత్నాలు చేశారు. చివరకు వైఎస్సార్‌సీపీ అభ్యర్థి న్యాయపొరాటం చేస్తానని ధీటుగా ఎదుర్కోవడంతో గత్యంతరం లేక మూడు ఓట్లతో విజయం సాధించినట్లు ప్రకటించారు. కూటమి విజయంలో కుట్రలు ఆత్మకూరులో కూటమిలో అనేక ఎన్నో కుట్రలు, అధికార దుర్వినియోగం జరిగినట్లు ఆరోపణలు వెల్లువెత్తుతున్నాయి. అధికార పార్టీకి చైర్‌పర్సన్‌ అభ్యర్థి దొరక్కపోవడంతో వైఎస్సార్‌సీపీలో కొనసాగుతున్న దివంగత మాజీ ఎమ్మెల్యే బొమ్మిరెడ్డి సుందరరామిరెడ్డి కుటుంబంలో చీలిక తెచ్చి ఆ ఇంటి నుంచి అభ్యర్థిని రంగంలోకి దింపారు. వైఎస్సార్‌సీపీ నేతలను టార్గెట్‌ చేసి బెదిరింపులకు పాల్పడి పలువురు వైద్యులకు పార్టీ కండువా కప్పారు. 28 వార్డుల్లో రెండు వార్డులను అడ్డగోలుగా ఏకగ్రీవం చేసుకొగా 26 వార్డుల్లో ఎన్నిక జరిగింది. మంత్రి ఆనం అక్కడే తిష్టవేసి ఎన్నికల నిర్వహణ చేశారు. పొలింగ్‌ రోజు నాలుగు వార్డుల్లో దొంగ ఓట్లు వేయించుకున్నారు. ఇన్ని ప్రయత్నాలు చేసినా చైర్‌పర్సన్‌ అభ్యర్థి కేవలం 2,206 ఓట్ల మెజార్టీతో విజయం సాధించినట్లు ప్రకటించారు. వైఎస్సార్‌సీపీ 12 వార్డుల్లో విజయం సాధించగా, రెండు వార్డుల్లో రీకౌంటింగ్‌ పేరుతో తిరిగి కూటమి ఖాతాలోనే వేశారు. కూటమికి ధీటుగా వైఎస్సార్‌సీపీ పొరాటం చేసి నైతిక విజయం సాధించింది. ప్రజాస్వామ్యాన్ని ఖూనీ చేసిన రెడ్‌బుక్‌ రాజ్యాంగం ఆద్యంతం కుట్రలు.. కుతంత్రాలు.. దొంగ ఓట్లు, బోగస్‌ కౌంటింగ్‌ ఫలితాలను తారుమారు చేశారనే ఆరోపణలు అన్ని చోట్ల ఒకటే ఎత్తుగడ స్వల్ప ఆధిక్యంతో కూటమి ఖాతాలో ఆత్మకూరు బుచ్చిరెడ్డిపాళెంలో ఆఖరి వరకు కుయుక్తులు నాల్గో వార్డులో వైఎస్సార్‌సీపీ విజయం సాధించినా నాలుగుసార్లు రీకౌంట్‌ నాలుగు గంటల పాటు ప్రలోభాలు పెట్టినా తలొగ్గని వైఎస్సార్‌సీపీ అభ్యర్థి ఆఖరికి వైఎస్సార్‌సీపీ అభ్యర్థి గెలుపొందినట్లు డిక్లేర్‌ వైఎస్సార్‌సీపీ ఓడిపోలేదు.. బ్యాలెట్‌ పత్రాల్లో గెలిచింది నెల్లూరు మేయర్‌, ఆత్మకూరు, బుచ్చిరెడ్డిపాళెం చైర్‌పర్సన్‌ ఎన్నికల ఓట్ల లెక్కింపులోనూ కౌంటింగ్‌ సిబ్బందితో తారుమారు కుట్రలకు తెగించింది. వాస్తవంగా వైఎస్సార్‌సీపీ ఓడిపోలేదని, బ్యాలెట్‌ పత్రాల్లో గెలిచిందని, ఓట్లను తారుమారు చేసి కూటమి ఖాతాలో వేసుకుందనే ఆరోపణలకు అద్దం పడుతూ కౌంటింగ్‌ ప్రక్రియ జరిగింది. ఓట్ల లెక్కింపునకు సంబంధించి వైఎస్సార్‌సీపీ తరఫున టేబుల్‌కు ఒక్కరినే అనుమతి ఇస్తే.. కూటమి నుంచి ముగ్గురిని అనుమతించారు. ఒక్కొక్క టేబుల్‌కు నలుగురు కౌంటింగ్‌ సిబ్బందిని ఏర్పాటు చేశారు. వైఎస్సార్‌సీపీ ఏజెంట్‌ ఒక్కడే ఉన్నారు. నలుగురు కౌంటింగ్‌ సిబ్బంది ప్రతి ఓటును చూపించి అనుమతి పొందాకే.. ఏ పార్టీకి వస్తే.. వారి ఖాతాలో వేయాలి. కానీ.. ఇక్కడ ఒక బ్యాలెట్‌ చూపించి... నాలుగు ఓట్లు టీడీపీ ఖాతాలో వేశారనే ఆరోపణలు వెల్లువెత్తుతున్నాయి. ఈ విధంగా వైఎస్సార్‌సీపీ గెలుపును సైతం తారుమారు చేశారంటూ అభ్యర్థులు అనుమానం వ్యక్తం చేస్తున్నారు. ప్రతి రౌండ్‌కు ఫలితాలను పారదర్శకంగా ప్రకటించాల్సిన కౌంటింగ్‌ అధికారులు.. గంటల కొద్దీ జాప్యం చేయడం వెనుక కుట్రకోణం దాగి ఉందనే అనుమానాలు వ్యక్తమవుతున్నాయి.

ఉదయగిరి రూరల్‌: ఈనెల 5వ తేదీన జరిగే స్థానిక సంస్థల ఎన్నికలకు సంబంధించి స్థానిక మేకపాటి గౌతమ్‌రెడ్డి ప్రభుత్వ వ్యవసాయ కళాశాలలో ఏర్పాటు చేసిన స్ట్రాంగ్‌రూమ్‌, కౌంటింగ్‌ హాలును మంగళవారం ఎన్నికల రిటర్నింగ్‌ అధికారి కె.వెంకటరెడ్డితో కలిసి ట్రెయినీ కలెక్టర్‌ పవన్‌తేజ తనిఖీ చేశారు. ఈ సందర్భంగా ఏర్పాట్లను పరిశీలించి సిబ్బందికి సూచనలు, సలహాలందించారు. స్ట్రాంగ్‌ రూమ్‌ వద్ద పటిష్ట బందోబస్తు ఏర్పాటు చేయాలన్నారు. అన్ని వసతులు ఉండేలా చూడాలన్నారు. వారి వెంట ఎంపీడీఓ సుకుమార్‌ ఉన్నారు. మద్యం దుకాణాలకు సీల్‌ నెల్లూరు(క్రైమ్‌): జిల్లాలోని 34 మండలాల పరిధిలో 30 జెడ్పీటీసీలు, 362 ఎంపీటీసీ స్థానాలకు ఈనెల 5వ తేదీన ఎన్నికలు జరుగనున్నాయి. ఈ నేపథ్యంలో 48 గంటల ముందుగానే మద్యం విక్రయాలు నిలిపివేయాలని కలెక్టర్‌ హిమాన్షు శుక్లా ఎకై ్సజ్‌ అధికారులను ఆదేశించారు. దీంతో మంగళవారం సాయంత్రం జిల్లాలోని పోలింగ్‌ కేంద్రాలకు ఒక కిలోమీటర్‌ పరిధిలోని మద్యం దుకాణాలు, బార్‌ అండ్‌ రెస్టారెంట్లకు ఎకై ్సజ్‌ అధికారులు సీళ్లు వేశారు. పోలింగ్‌ ముగిసిన అనంతరం దుకాణాలు తిరిగి తెరుచుకోనున్నాయి. అలాగే 7న ఓట్ల లెక్కింపు జరుగనుండటంతో కౌంటింగ్‌ కేంద్రాల పరిసర ప్రాంతాల్లోని మద్యం దుకాణాలు, బార్‌ అండ్‌ రెస్టారెంట్లను మూసివేయనున్నారు. ముగిసిన కౌంటింగ్‌ ప్రక్రియనెల్లూరు(క్రైమ్‌): నెల్లూరు మున్సిపల్‌ కార్పొరేషన్‌తో పాటు బుచ్చిరెడ్డిపాళెం, ఆత్మకూరు మున్సిపాలిటీ ఎన్నికల ఓట్ల కౌంటింగ్‌ ప్రక్రియ మంగళవారం ముగిసింది. నెల్లూరు మున్సిపల్‌ కార్పొరేషన్‌ ఎన్నికల ఓట్ల కౌంటింగ్‌ నగరంలోని డీకేడబ్ల్యూ కళాశాలలో జరిగింది. ఈ క్రమంలో కళాశాల వద్దకు వచ్చే రెండు మార్గాల్లో ముళ్లకంచెలు, బారికేడ్లను ఏర్పాటు చేశారు. కార్పొరేటర్‌ అభ్యర్థులు, ఏజెంట్లు, కౌంటింగ్‌ సిబ్బందిని క్షుణ్ణంగా పరిశీలించిన తర్వాతే కౌంటింగ్‌ కేంద్రంలోకి అనుమతించారు. డీకేడబ్ల్యూ కళాశాల పరిసర ప్రాంతాల్లో రాజకీయ పార్టీల నాయకులు, అభ్యర్థుల అనుచరులు, కార్యకర్తలు తరలిరావడంతో పోలీసు అధికారులు వారిని అక్కడి నుంచి దూరంగా పంపివేశారు. కండలేరులో 16.732 టీఎంసీలు రాపూరు: కండలేరు జలాశయంలో మంగళవారం నాటికి 16.732 టీఎంసీల నీరు నిల్వ ఉన్నట్లు ఈఈ గజేంద్రరెడ్డి తెలిపారు. కండలేరు నుంచి సత్యసాయి గంగ కాలువకు 70, లోలెవల్‌ కాలువకు 10, పిన్నేరు కాలువకు 5, మొదటి బ్రాంచ్‌ కాలువకు 7 క్యూసెక్కుల నీటిని విడుదల చేస్తున్నట్లు వెల్లడించారు. నేలవాలిన అరటి పంట ఇందుకూరుపేట: మురసు తుఫాన్‌ కారణంగా వీచిన బలమైన గాలులకు మండలంలోని అరటి పంట నేల వాలింది. కొత్తూరు, ఇందుకూరుపేట, డేవిస్‌పేట, జగదేవిపేట, లేబూరు, రావూరు తదితర గ్రామాల్లో అరటి సాగు విస్తారంగా సాగుతోంది. తుఫాన్‌ తీరం దాటే సమయంలో ఈదురుగాలుల తీవ్రత ఎక్కువగా ఉండడంతో అరటి పంట నేలవాలిపోయింది. కాగా పెద్దస్థాయిలో వర్షపాతం లేకపోవడంతో అందరూ ఊపిరి పీల్చుకున్నారు.

● వైఎస్సార్‌సీపీ ఏజెంట్లను గందరగోళానికి గురిచేసిన అధికారులు నెల్లూరు(బారకాసు): నెల్లూరు కార్పొరేషన్‌ ఎన్నికలకు సంబంధించి మంగళవారం జరిగిన ఓట్లు లెక్కింపులో పారదర్శకత లోపించింది. గతంలో ఎన్నడూ జరగని రీతిలో ఓట్లు లెక్కింపు జరగడంపై సర్వత్రా ఆరోపణలు వినిపిస్తున్నాయి. ఓట్ల లెక్కింపు ప్రక్రియలో ప్రతి బ్యాలెట్‌ను ఏజెంట్లకు చూపించి అంగీకరించిన అనంతరమే వాటిని లెక్కింపు చేయాలి. కానీ అందుకు భిన్నంగా అధికారులు వ్యవహరించినట్లు అభ్యర్థులు ఆరోపిస్తున్నారు. ఓట్ల లెక్కింపు కోసం టేబుల్‌కు నలుగురు సిబ్బందిని ఏర్పాటు చేశారు. అధికార పార్టీ నుంచి ఇద్దరు.. ముగ్గురిని, ప్రతిపక్షపార్టీల నుంచి ఒక్కరిని ఏజెంట్లుగా అనుమతించారు. లెక్కింపు సమయంలో కౌంటింగ్‌ సిబ్బంది నలుగురు ఒకేసారి బ్యాలెట్‌ పేపర్లను ఏజెంట్‌కు చూపిస్తూ వైఎస్సార్‌సీపీ ఏజెంట్లను గందగోళానికి గురి చేసి ఏ బ్యాలెట్‌ పేపర్‌లో ఏ పార్టీకి ఓటు వేశారనే విషయాన్ని పరిశీలించేందుకు సమయం ఇవ్వకుండానే ఇది సైకిల్‌ గుర్తుకు పడిన ఓటు అంటూ కూటమి ఖాతాలో వేసినట్లు చెబుతున్నారు. ఏజెంట్‌ మరలా ఒకసారి చూపించండని అడిగేలోపు మరో బ్యాలెట్‌ పేపర్‌ను చూపించడం చేశారు. ఇలా వైఎస్సార్‌సీపీ ఏజెంట్లను గందరగోళానికి గురి చేస్తూ వచ్చారు. ఈ క్రమంలోనే అధికారులు కూడా వైఎస్సార్‌సీపీ ఏజెంట్లు ఏమైనా అభ్యంతరాలు చెబితే వాటిని ఎవరూ పట్టించుకోకండీ.. మీ పని మీరు కొనసాగించండంటూ ఆదేశించడంపై అనుమానాలు వ్యక్తమవుతున్నాయి. వీలైనంత వరకు అత్యధిక బ్యాలెట్స్‌ టీడీపీ ఖాతాల్లో వేసి కట్టలు కట్టి లెక్కించి అధికార పార్టీ అభ్యర్థులు గెలుపొందారని నిర్ధారించారనే ఆరోపణలు వెల్లువెత్తుతున్నాయి. అధికార పార్టీ తమ గెలుపు కోసం అధికారాన్ని అడ్డుపెట్టుకుని యంత్రాంగాన్ని తమ గుప్పెట్లో ఉంచుకుని చేయని ప్రయత్నమంటూ లేదు. పోలింగ్‌ జరగనున్న పాఠశాలలకు సెలవు నేడు నెల్లూరు (టౌన్‌): జిల్లాలో ఎంపీటీసీ, జెడ్పీటీసీ పోలింగ్‌ను నిర్వహించనున్న పాఠశాలలకే సెలవు బుధవారం ఉంటుందని డీఈఓ బాలాజీరావు మంగళవారం ఒక ప్రకటనలో తెలిపారు. సీతారామపురం మండలం మినహా జిల్లాలోని అన్ని రూరల్‌ ప్రాంతాల్లో గల స్కూళ్లకు సెలవును గురువారం ప్రకటించామని వివరించారు. ఎన్నికల విధులకు హాజరయ్యే సిబ్బందికి బుధ, గురువారాల్లో ఆన్‌ డ్యూటీ సౌకర్యాన్ని కల్పించామని చెప్పారు. నెల్లూరు నగరం, గూడూరు, ఆత్మకూరు, కావలి, బుచ్చిరెడ్డిపాళెం మున్సిపాల్టీలు, అల్లూరు నగర పంచాయితీ పరిధిలోని స్కూళ్లలో తరగతులను యథావిధిగా నిర్వహించాలని సూచించారు. ఈ విషయమై ఎంఈఓలు తగు చర్యలు చేపట్టాలని కోరారు. ట్రాక్టర్‌ను ఢీకొన్న బైక్‌ ● వ్యక్తి దుర్మరణం కలిగిరి: ట్రాక్టర్‌ను బైక్‌ ఢీకొనడంతో వ్యక్తి మృతి చెందిన ఘటన మండలంలోని బొమ్మరాజుచెరువు సమీపంలో మంగళవారం రాత్రి చోటుచేసుకుంది. వివరాలు.. కొండాపురం మండలం గొట్టిగుండాలకు చెందిన బ్రహ్మ య్య (42).. కలిగిరిలో నివాసముంటూ కా ర్పెంటర్‌గా పనులు చేసుకొని జీవనం సాగిస్తున్నారు. ఈ క్రమంలో గొట్టిగుండాల నుంచి కలిగిరికి బైక్‌పై వస్తూ.. జాతీయ రహదారి పక్కన నిలిపి ఉన్న ట్రాక్టర్‌ను ఢీకొన్నారు. ఘటనలో తీవ్రంగా గాయపడిన ఆయన అక్కడికక్కడే మరణించారు. కాగా మృతుడికి భార్య, కుమారుడు, కుమార్తె ఉన్నారు. ఘటన స్థలానికి కలిగిరి పోలీసులు చేరుకొని వివరాలను సేకరించారు. డీసీపల్లిలో 441 పొగాకు బేళ్ల విక్రయం మర్రిపాడు: డీసీపల్లి పొగాకు వేలం కేంద్రంలో మంగళవారం 441 పొగాకు బేళ్లను విక్రయించినట్లు వేలం నిర్వహణాధికారి సునీల్‌కుమార్‌ తెలిపారు. వేలానికి 552 బేళ్లు రాగా, 441 బేళ్లను విక్రయించామని, మిగిలిన బేళ్లను వివిధ కారణాలతో తిరస్కరించినట్లు చెప్పారు. వేలంలో కిలో పొగాకు గరిష్టంగా రూ.250, కనిష్టంగా రూ.90, సగటున రూ.147.34 ధర పలికిందని వివరించారు. వేలంలో 11 కంపెనీలకు చెందిన వ్యాపార ప్రతినిధులు పాల్గొన్నారు.

● మాజీ ఎమ్మెల్యే విక్రమ్‌రెడ్డి ఆత్మకూరు రూరల్‌: రాష్ట్రంలో 2029లో జరగనున్న ఎన్నికల్లో వైఎస్సార్‌ కాంగ్రెస్‌ పార్టీ విజయం ఆత్మకూరు నుంచే ప్రారంభమైందని మాజీ ఎమ్మెల్యే మేకపాటి విక్రమ్‌రెడ్డి పేర్కొన్నారు. మండలంలోని రామస్వామిపల్లి, మహిమలూరు గ్రామాల్లో మంగళవారం పర్యటించిన ఆయన మాట్లాడారు. ఆత్మకూరు మున్సిపాల్టీలో కూటమి పార్టీలకు దీటుగా తమ పార్టీ అభ్యర్థులు విజయం సాధించడంపై ఆనందం వ్యక్తం చేశారు. 3, 27వ వార్డుల్లో అధికార బలంతో పదేపదే రీ కౌంటింగ్‌ చేసి టీడీపీ గెలుపొందింటూ అధికారులు ప్రకటించారని, పోలింగ్‌ ప్రక్రియపై టీడీపీ ఒత్తిడికి ఇది అద్దం పడుతోందని చెప్పారు. పార్టీకి కంచుకోటగా ఉన్న రామస్వామిపల్లి, బంట్లపల్లి, మహిమలూరు, బసవరాజుపాళెం, కోటపాడు గ్రామాల్లో నిర్వహించనున్న పల్లె పోరులో ఫ్యాన్‌ గుర్తుకు ఓట్లేసి గెలిపించాలని కోరారు. జెడ్పీ మాజీ చైర్మన్‌ బొమ్మిరెడ్డి రాఘవేంద్రరెడ్డి, పార్టీ మండలాధ్యక్షుడు చిట్టమూరు జితేంద్రనాగ్‌రెడ్డి తదితరులు పాల్గొన్నారు.

వింజమూరు(ఉదయగిరి): వింజమూరు పట్టణ ప్రజల దాహం తీర్చేందుకు సమ్మర్‌ స్టోరేజ్‌ ట్యాంక్‌ నిర్మించి, అందులో సోమశిల జలాలు నింపాలని స్థానికులు పదేళ్ల నుంచి పోరాటం చేస్తున్నారు. 2018లో అప్పటి ఎమ్మెల్యే బొల్లినేని రామారావు సమ్మర్‌ స్టోరేజ్‌ ట్యాంకు నిర్మాణం కోసం బంగ్లా సెంటర్‌లో పాతూరు చెరువుపై శిలాఫలకం కూడా వేశారు. కానీ పనులు ప్రారంభం కాలేదు. 2019 సార్వత్రిక ఎన్నికల్లో ప్రధాన రాజకీయ పార్టీలు సమ్మర్‌ స్టోరేజ్‌ ట్యాంకు నిర్మిస్తామని హామీ ఇచ్చాయి. గత వైఎస్సార్‌సీపీ ప్రభుత్వంలో కొంత పురోగతి కనిపించింది. సోమశిల జలాల నుంచి నీటి కేటాయింపులు జరిగినా.. పనులు చేపట్టేందుకు నిధులు మంజూరు కాలేదు. ఈ క్రమంలో ఏప్రిల్‌ 1వ తేదీన సీఎం చంద్రబాబు వింజమూరు పర్యటన సందర్భంగా ఆరు నెలల్లో సోమశిల జలాలు వింజమూరు పాతూరు చెరువులో పోస్తామని హామీ ఇచ్చారు. కానీ ఆ హామీ కూడా అమలు కాలేదు. స్థానికుల్లో తీవ్ర అసంతృప్తి సమ్మర్‌ స్టోరేజీ నిర్మాణం కోసం రూ.34 కోట్ల నిధులు అవసరమని ఇరిగేషన్‌ అధికారులు అంచనా వేశారు. కానీ ఇంతవరకు పాలనాపరమైన అనుమతులు రాలేదు. విజయవాడలో రాష్ట్ర ఫైనాన్స్‌ సెక్షన్‌లో నెలల తరబడి ఆమోదం కోసం ఫైల్‌ నిరీక్షిస్తోంది. స్థానిక ఎమ్మెల్యే కాకర్ల సురేష్‌ పదేపదే ప్రజలకు హామీ ఇచ్చినా ఇంతవరకు అమలు చేయలేదు. దీంతో పట్టణ ప్రజల్లో తీవ్ర అసంతృప్తి కనిపిస్తోంది. స్థానిక సంస్థల ఎన్నికల సందర్భంగా చంద్రబాబు ఇచ్చిన హామీపై ప్రజల్లో చర్చ కనిపిస్తోంది. ఆరునెలల్లో సమ్మర్‌ స్టోరేజ్‌ ట్యాంక్‌కు నీరిస్తామన్న చంద్రబాబు అయితే ఇప్పటికీ మంజూరు కాని నిధులు మరోసారి మాట తప్పిన చంద్రబాబు ఆరు నెలల్లో వింజమూరు పాతూరు చెరువును సమ్మర్‌ స్టోరేజీ ట్యాంకుగా అభివృద్ధి చేసి సోమశిల నుంచి నీరు తెచ్చి నిల్వ చేస్తామని సీఎం చంద్రబాబు ఏప్రిల్‌ 1వ తేదీన వింజమూరులో జరిగిన పల్లెబాట కార్యక్రమంలో ప్రకటించారు. గడువు ముగిసినా ఇంతవరకు ఎలాంటి ముందడుగు పడలేదు. నీరిచ్చేది దేవుడెరుగు.. కనీసం ఇంతవరకు నిధులు కూడా మంజూరు కాలేదు. ఇటీవల ఇదే నియోజకవర్గంలో మరోసారి పర్యటించినా అప్పుడు కూడా దీనిపై ఎలాంటి ముందడుగు పడలేదు. ప్రస్తుతం స్థానిక సంస్థల ఎన్నికల నేపథ్యంలో బాబు ఇచ్చిన హామీ ఏమైందంటూ వింజమూరు ప్రజలు నిలదీస్తున్నారు. చెప్పడమే తప్ప చేయరు వింజమూరులో సమ్మర్‌ స్టోరేజ్‌ ట్యాంకు నిర్మాణం చేస్తామని రెండు సార్లు చంద్రబాబు హామీ ఇచ్చినా ఇంతవరకు నెరవేరలేదు. ఇచ్చిన మాటకు కట్టుబడే జగనన్నకు మద్దతుగా నిలిచి స్థానిక సంస్థల ఎన్నికల్లో ఓటర్లు మంచి నిర్ణయం తీసుకోవాలి. – గణపం బాలకృష్ణారెడ్డి, మాజీ జెడ్పీటీసీ సభ్యుడు

నెల్లూరు సిటీ: నగరంలో మంత్రి నారాయణకు జనసేన అభ్యర్థి షాకిచ్చారు. నెల్లూరు కార్పొరేషన్‌ ఎన్నికల్లో టీడీపీ, జనసేన మధ్య పొత్తు తొలుత కుదరలేదు. ఈ క్రమంలో గ్లాస్‌ పార్టీ రాష్ట్ర నేత శివశంకర్‌ నెల్లూరు చేరుకొని బీ ఫారాలను పంపిణీ చేశారు. దీంతో కంగుతున్న టీడీపీ నేతలు మరుసటి రోజు ఉదయాన్నే సమావేశాన్ని నిర్వహించి.. నెల్లూరు సిటీ, రూరల్‌లో నాలుగు చొప్పున కేటాయిస్తున్నామని ప్రకటించారు. అయితే ఆరో డివిజన్లో బీజేపీ, జనసేన అభ్యర్థులు బీ ఫారాలతో నామినేషన్లేశారు. చివరికి ఇద్దరూ భీష్మించుకొని ఉపసంహరించుకోలేదు. జనసేన అభ్యర్థి శ్రీకాంత్‌కు సర్దిచెప్పేందుకు మంత్రి యత్నించినా, ప్రయోజనం కరువైంది. పనిచేయని ప్రచారం ఆరో డివిజన్లో బీజేపీ అభ్యర్థి సుకుమార్‌కు ఓటేయాలంటూ మంత్రి నారాయణ ప్రచారం చేశారు. జనసేనకు ఓటేయొద్దంటూ టెలి కాన్ఫరెన్స్‌లోనూ ఆదేశించారు. డివిజన్లో ఓటుకు రూ.రెండు వేల చొప్పున ఈయన టీమ్‌ పంపిణీ చేసింది. అయితే టీడీపీ ముఖ్యనేత, ఆలయ చైర్మన్‌.. శ్రీకాంత్‌కు ఆర్థికంగా సాయం చేసి, వెనుకుండి ఓట్లేయించారనే ప్రచారం సాగుతోంది. దీంతో నారాయణ మంత్రం ఫలించలేదు.● ఆరో డివిజన్లో కమలనాథులకు ఓటేయాలంటూ ప్రచారం ● జనసేనకు కేటాయించిన సీటు చివరి నిమిషంలో బీజేపీకి ● గ్లాస్‌ పార్టీకి వేయొద్దంటూ టెలి కాన్ఫరెన్స్‌లోనూ ఆదేశాలు ● డివిజన్లో రూ.రెండు వేల చొప్పున పంపిణీ ● శ్రీకాంత్‌ విజయంతో కంగుతున్న కూటమి నేతలు

● మేకపాటి రాజగోపాల్‌రెడ్డి ఉదయగిరి: మాజీ ఎమ్మెల్యే చంద్రశేఖర్‌రెడ్డి వైఎస్సార్‌సీపీ రాష్ట్ర కార్యదర్శి చేజర్ల సుబ్బారెడ్డిని వ్యక్తిగతంగా దూషించడం సరికాదని, ఎన్నికల ప్రచారంలో రాజకీయాల గురించి మాట్లాడితే హుందాతనంగా ఉంటుందని వైఎస్సార్‌సీపీ ఉదయగిరి నియోజకవర్గ సమన్వయకర్త మేకపాటి రాజగోపాల్‌రెడ్డి హితవు పలికారు. మండలంలోని అప్పసముద్రం గ్రామంలో మంగళవారం వైఎస్సార్‌సీపీ జెడ్పీటీసీ అభ్యర్థి కొండా యశోద, ఎంపీటీసీ అభ్యర్థిని గెలిపించాలని ఆయన ఎన్నికల ప్రచారం నిర్వహించారు. ఈ సందర్భంగా మాట్లాడుతూ రాజకీయాల్లో వ్యక్తిగత దూషణలు కాకుండా హుందాతనంతో వ్యవహరించాల్సిన అవసరం ప్రతిఒక్కరిపై ఉందన్నారు. ఇలాంటి వ్యాఖ్యలు భవిష్యత్తులో మరింత ప్రమాదకరంగా మారే అవకాశముందన్నారు. అనంతరం చేజర్ల సుబ్బారెడ్డి మాట్లాడుతూ మేకపాటి చంద్రశేఖర్‌రెడ్డి ఎమ్మెల్యేగా ఉన్నప్పుడు తాను మండల కన్వీనర్‌గా, సొసైటీ చైర్మన్‌గా పనిచేశానని, ఆ సమయంలో ఏడు పర్యాయాలు రూ.70 లక్షలు తన వద్ద తీసుకున్నాడన్నారు. గతంలో కూడా తనను అగౌరవపరుస్తూ వ్యక్తిగత దూషణలకు దిగాడని, ఇలాంటివి పునరావృతమైతే తీవ్ర పరిణామాలు ఉంటాయని హెచ్చరించారు. ఎన్నికల ప్రచారంలో భాగంగా వారు ఇంటింటికీ తిరిగి ఫ్యాను గుర్తుపై ఓటేయాలని కోరారు. ప్రచారంలో మండల కన్వీనర్‌ రాజగోపాల్‌రెడ్డి, ఎంపీపీ అభ్యర్థి మోది రామాంజనేయులు, వైఎస్సార్‌సీపీ నాయకులు గానుగపెంట ఓబుల్‌రెడ్డి, షంషీర్‌, వాకా సుబ్బారెడ్డి తదితరులు ఉన్నారు.

నెల్లూరు(పొగతోట): స్థానిక సంస్థల ఎన్నికలకు సంబంధించి నియమావళిని తప్పకుండా పాటించేలా చర్యలు తీసుకోవాలని రాష్ట్ర అధికారులు జిల్లా అధికారులను ఆదేశించారు. విజయవాడ నుంచి జెడ్పీటీసీ, ఎంపీటీసీ ఎన్నికలకు సంబంధించి జిల్లా అధికారులతో వారు మంగళవారం వీడియో కాన్ఫరెన్స్‌ నిర్వహించారు. పోలింగ్‌, ఓట్ల లెక్కింపు ప్రక్రియపై సూచనలు, సలహాలిచ్చారు. జెడ్పీ సీఈఓ మధుసూదన్‌, అధికారులు పాల్గొన్నారు. ఎన్నికల సామాగ్రి పంపిణీ జెడ్పీటీసీ, ఎంపీటీసీ ఎన్నికలకు సంబంధించి ఈనెల 4వ తేదీ ఉదయం మండలాల్లోని ఎంపీడీఓ కార్యాలయాల వద్ద ఎన్నికల సామగ్రి పంపిణీ జరుగుతుందని జెడ్పీ సీఈఓ మధుసూదన్‌, డిప్యూటీ సీఈఓ బ్రహ్మయ్య అధికారులకు సూచించారు. డిస్ట్రిబ్యూషన్‌ సెంటర్ల వద్ద ఎలాంటి సమస్యల్లేకుండా ఏర్పాట్లు చేయాలన్నారు. రూట్‌ల ప్రకారం ఎన్నికల సామగ్రిని సమర్థవంతంగా అందజేసేలా చర్యలు తీసుకోవాలన్నారు. ఎలాంటి లోటుపాట్లు లేకుండా ప్రత్యేక దృష్టి సారించాలన్నారు.

● రాత్రి వరకు కొనసాగిన ఓట్ల లెక్కింపు నెల్లూరు(బారకాసు): నెల్లూరు కార్పొరేషన్‌ ఎన్నికల ఫలితాల వెల్లడిలో జాప్యం.. చివరకు అత్యంత రహస్యం పాటించారు. దీని వెనుక ఏ మతలబు జరిగిందో అంతుపట్టడం లేదు. నగరంలోని డీకేడబ్ల్యూ కళాశాలలో మంగళవారం ఓట్లు లెక్కింపు ఉదయం 8 గంటలకు ప్రారంభం కావాల్సి ఉన్నా.. రెండు గంటలు అలస్యంగా ప్రారంభమైంది. ఈ ప్రక్రియ రాత్రి వరకు కొనసాగింది. తొలుత పోస్టల్‌ బ్యాలెట్‌ ఓట్ల లెక్కింపు ప్రారంభించారు. నగరంలో 72 డివిజన్లకు ఎన్నికలు జరగ్గా.. 8 డివిజన్లను టీడీపీ ఏకగ్రీవం చేసుకుంది. 64 డివిజన్లలో కార్పొరేటర్లు, 72 డివిజన్లలో మేయర్‌ అభ్యర్థులకు జరిగిన కౌంటింగ్‌ ప్రక్రియలో ప్రతి రౌండ్‌కు ఫలితాలు వెల్లడించాల్సి ఉన్నా.. బయటకు రానివ్వకుండా రహస్యంగా ఉంచారు. మధ్యాహ్నం 12 గంటలకంతా తుది ఫలితాలు వెల్లడిస్తామని చెప్పిన అధికారులు ప్రతి కార్పొరేటర్‌ అభ్యర్థి ఫలితాలను సైతం వెల్లడించకపోవడం, రాత్రి వరకు మేయర్‌ ఓట్ల లెక్కింపు కొనసాగించడంపై అనేక అనుమానాలు తలెత్తుతున్నాయి. మేయర్‌ ఓట్లపై సాయంత్రం వరకు అధికారికంగా ప్రకటించకుండా జాప్యం చేయడం వెనుక ఫలితాలను తారుమారు చేసే కుట్రలు జరిగాయనే అనుమానాలు తలెత్తుతున్నాయి. ఆది నుంచి అధికార యంత్రాంగం గందరగోళానికి తెరతీశారు. కౌంటింగ్‌ కోసం కేటాయించిన గదుల నంబర్లకు, పోటీ అభ్యర్థులకు సంబంధించిన ఏజెంట్లకు ఇచ్చిన గదుల నంబర్లలో తేడాలుండడంతో కొంత గందరగోళం నెలకొంది. ఏ గదిలోకి ఏ వార్డుకు చెందిన ఏజెంట్లు వెళ్లాలో అర్థం కాని పరిస్థితి తలెత్తడంతో విషయాన్ని తెలుసుకున్న అధికారులు జరిగిన పొరపాటును సరిదిద్దేందుకు దాదాపు రెండు గంటల సమయం పట్టింది. దీంతో రెండుగంటలకు పైగా ఆలస్యంగా ఓట్లు లెక్కింపు ప్రక్రియ ప్రారంభించాల్సి వచ్చింది. అప్పటి వరకు అటు అభ్యర్థులలోనూ, ఇటు అధికారులు, మీడియా ప్రతినిధుల్లో ఏం జరుగుతుందోనన్న ఉత్కంఠం నెలకొంది. 13వ డివిజన్‌ వైఎస్సార్‌సీపీ కై వసం నెల్లూరు (బారకాసు): నెల్లూరు మున్సిపల్‌ కార్పొరేషన్‌కు సంబంధించి 13వ డివిజన్‌ వైఎస్సార్‌సీపీ కై వసం చేసుకుంది. ఇక్కడ కూటమి అభ్యర్థిని కావ్యపై వైఎస్సార్‌సీపీ అభ్యర్థిని కామాక్షి 87 ఓట్ల ఆధిక్యంతో విజయం సాధించారు. అర్ధరాత్రి వరకు సాగిన కౌంటింగ్‌లో తొలుత కామాక్షికి ఆధిక్యం రాగా ప్రత్యర్థి పార్టీ వారు రీకౌంటింగ్‌కు డిమాండ్‌ చేశారు. ఈ క్రమంలో ఎమ్మెల్సీ, వైఎస్సార్‌సీపీ సిటీ నియోజకవర్గ ఇన్‌చార్జి పర్వతరెడ్డి చంద్రశేఖర్‌రెడ్డి కౌంటింగ్‌ కేంద్రానికి రావడంతో పోలీసులు అడ్డుకున్నారు. ఈ క్రమంలో కొంత ఉద్రిక్తత నెలకొంది. రీకౌంటింగ్‌లో సైతం కామాక్షికి ఆధిక్యం రావడంతో ఆమె గెలుపొందినట్లు అధికారులు డిక్లరేషన్‌ పత్రాన్ని అందించారు.

● మాజీ మంత్రి కాకాణి గోవర్ధన్‌రెడ్డి వెంకటాచలం: కేసుల పేరుతో వైఎస్సార్‌సీపీ నాయకులు, కార్యకర్తలను భయపెట్టాలని చూస్తే కూటమి నాయకులు తీవ్ర పరిణామాలు ఎదుర్కోవల్సి వస్తుందని మాజీ మంత్రి, వైఎస్సార్‌సీపీ జిల్లా అధ్యక్షుడు కాకాణి గోవర్ధన్‌రెడ్డి హెచ్చరించారు. మండలంలోని చెముడుగుంట పంచాయతీ నక్కలకాలనీలో మంగళవారం జెడ్పీటీసీ అభ్యర్థి డక్కిలి వెంకటరమణమ్మ, ఎంపీటీసీ అభ్యర్థి గంగాల మంజులకు మద్దతుగా కాకాణి ఎన్నికల ప్రచారం నిర్వహించారు. పలు నివాసాలకు వెళ్లి కరపత్రాలు అందజేసి ఫ్యాన్‌ గుర్తుపై ఓటు వేసి వైఎస్సార్‌సీపీ అభ్యర్థులను గెలిపించాలని కోరారు. అనంతరం ఆయన విలేకరులతో మాట్లాడుతూ జగనన్న పాలనలో ఎంత మేర అభివృద్ధి జరిగిందో, ప్రస్తుత చంద్రబాబు పాలనలో అభివృద్ధి ఎలా ఉందో ఆలోచన చేసి ప్రజలు ఓట్లు వేయాలని పిలుపునిచ్చారు. 2019 ఎన్నికల ముందు ప్రజలకిచ్చిన వాగ్దానాల్లో 99 శాతం అమలు చేసిన ఘనత రాష్ట్ర చరిత్రలో వైఎస్‌ జగన్‌మోహన్‌రెడ్డికే దక్కుతుందని పేర్కొన్నారు. జగనన్న పాలనలో ప్రతి ఆరు నెలలకు ఒకసారి కొత్త పెన్షన్లు మంజూరు చేసి లబ్ధిదారులకు అందజేశామని గుర్తుచేశారు. తాము మంజూరు చేసిన పెన్షన్లనే చంద్రబాబు అమలు చేస్తున్నారే తప్ప, కొత్తగా ఒక్కరికై నా పింఛన్‌ మంజూరు చేశారా అని ప్రశ్నించారు. అమ్మఒడి, వైఎస్సార్‌ చేయూత, కాపు నేస్తం, నేతన్న నేస్తం, మత్స్యకార భరోసా, వైఎస్సార్‌ ఆసరా, వాహన మిత్ర, వంటి పథకాల ద్వారా ప్రజలకు నేరుగా ఆర్థిక సాయం అందించిన ఘనత జగన్‌మోహన్‌రెడ్డిదేనని కొనియాడారు. కానీ కూటమి అధికారంలోకి వచ్చి రెండున్నరేళ్లలో చెప్పిన వాగ్దానాల్లో ఒక్కటైనా అమలు చేశారా అనేది ప్రజలు ఆలోచన చేయాలన్నారు. చెముడుగుంట పంచాయతీ నక్కలకాలనీలో పేదల కోసం లేఅవుట్‌ వేసి పట్టాలు పంపిణీ చేశామని, అయితే కోర్టు కేసుల కారణంగా ఆ ప్రక్రియ నిలిచిపోయిందన్నారు. అధికారం లేకపోయినా కోర్టు కేసుల పరిష్కారం కోసం వ్యక్తిగతంగా పోరాడి పేదలకు న్యాయం జరిగేలా చేస్తామని తెలియజేశారు. కొందరు నాయకులు పేదల భూములను ఆక్రమించుకుని వారినే బెదిరిస్తున్నారని, అలాంటి వారికి ఎన్నికల్లో గుణపాఠం చెప్పాలని కోరారు. వైఎస్సార్‌సీపీ ప్రభుత్వం అధికారంలోకి వచ్చిన వెంటనే ఆక్రమణలకు గురైన భూములను విడిపించి పేదలకు న్యాయం చేస్తామని హామీ ఇచ్చారు. బెదిరిస్తే భయపడే ప్రసక్తే లేదు అధికారం ఉందని బెదిరింపలకు పాల్పడితే భయపడే ప్రసక్తే లేదని, వైఎస్సార్‌సీపీ నాయకులు, కార్యకర్తలకు అండగా ఉంటానని కాకాణి భరోసా ఇచ్చారు. అధికారం ఉందని విర్రవీగితే, భవిష్యత్‌ గురించి కూడా ఆలోచన చేయాలన్నారు. గతంలో తప్పు చేశామని వచ్చి క్షమాపణ కోరిన వారిని కూడా క్షమించామని, కానీ ఇప్పుడు మళ్లీ కేసులు, బెదిరింపు రాజకీయాలకు తెరలేపడం మంచి పద్ధతికాదన్నారు. ఎన్నికల ప్రచారంలో వైఎస్సార్‌సీపీ నాయకులు అందిస్తున్న కరపత్రాలు చించేసి, కావాలనే గొడవలు సృష్టించి పోలీస్‌స్టేషన్లలో కేసులు పెట్టడం ద్వారా భయపెట్టలేరన్నారు. పోలీసులు కేసులు నమోదు చేసి అరెస్ట్‌లు చేసినా భయపడే ప్రసక్తి లేదన్నారు. సోమిరెడ్డి ప్రచార కార్యక్రమాలకు ప్రజలు రాకపోవడంతో వైఎస్సార్‌సీపీ నాయకులు, కార్యకర్తలపై నిందలు వేయడం సరికాదన్నారు. నాయకుడిపై నమ్మకం, విశ్వాసం ఉంటే ప్రజలే వస్తారు తప్ప, బెదిరింపులతో జనాలను తీసుకురాలేరనే విషయం సోమిరెడ్డి తెలుసుకోవాలన్నారు. వైఎస్‌ జగన్‌మోహన్‌రెడ్డితో పాటు తనపై నమ్మకంతో సర్వేపల్లిలో ప్రజలు బ్రహ్మరథం పడుతున్నారని పేర్కొన్నారు. నియోజకవర్గంలోని ఐదు జెడ్పీటీసీ స్థానాలు, 79 ఎంపీటీసీ స్థానాల్లోనూ వైఎస్సార్‌సీపీ అభ్యర్థులు నిలబడి విజయం కోసం కష్టపడి పనిచేస్తున్నారన్నారు. సోమిరెడ్డి ఎన్ని కుట్రలు చేసినా సర్వేపల్లిలో తాము తిరుగులేని విజయం సాధిస్తామని ధీమా వ్యక్తం చేశారు.

ఇందుకూరుపేట: ఆశ కార్యకర్తలు కుటుంబ సభ్యులుగా వ్యవహరిస్తూ వైద్యసేవలు అందించి గుర్తింపు తెచ్చుకోవాలని జిల్లా అదనపు వైద్యారోగ్యశాఖ అధికారి డాక్టర్‌ ఖాదర్‌వలీ సూచించారు. మండలంలోని జగదేవిపేట పీహెచ్‌సీలో జరిగిన ఆశా డే కార్యక్రమాన్ని ఆయన మంగళవారం పరిశీలించారు. ఈ సందర్భంగా మాట్లాడుతూ ఇటీవల సెంట్రల్‌ టీమ్‌ సందర్శించినప్పుడు టీబీ బాధితులకు అందిస్తున్న ఆరోగ్య సేవల గురించి వివరాల సేకరించారన్నారు. అప్పుడు రోగికి జగదేవిపేట ఆశా వలంటీర్‌ హైమావతి అందించిన సేవలు తెలుసుకుని చాలా సంతోషపడ్డారని, ఆమె సేవలను కొనియాడారని తెలిపారు. ఇలా మిగిలిన వారు కూడా మంచి సేవలందించి పేరు తెచ్చుకోవాలని ఆకాంక్షించారు. కార్యక్రమంలో మెడికల్‌ ఆఫీసర్స్‌ కిశోర్‌కుమార్‌, బ్రహ్మేశ్వరనాయుడు, జిల్లా ప్రోగ్రామ్‌ మేనేజర్‌ విజయకుమార్‌, హెచ్‌ఈఓ శ్రీనివాసరావు, డిప్యూటీ హెల్త్‌ ఎడ్యుకేషన్‌ ఆఫీసర్‌ సుధాకర్‌రావు, సూపర్‌వైజర్లు రమా, సతీష్‌బాబు పాల్గొన్నారు.

దిల్షాద్‌ మొహ్మద్‌ (17) కల్పన (25వ వార్డు) స్వప్న (9) సుబ్బారెడ్డి (2) సుగుణమ్మ (22) ప్రసాద్‌ (23)కృపాకర్‌ (26) ఆదిలక్ష్మమ్మ (18) మల్లెంకొండయ్య (20) సర్దార్‌ఖాన్‌ (19) ● ఆత్మకూరులోని పది వార్డుల్లో వైఎస్సార్సీపీ విజయం ఆత్మకూరు రూరల్‌: ఆత్మకూరు మున్సిపాల్టీ ఎన్నికల్లో పలు వార్డుల్లో స్వల్ప ఓట్ల తేడాతో వైఎస్సార్‌ కాంగ్రెస్‌ పార్టీ అభ్యర్థులు ఓటమిపాలయ్యారు. మొత్తం 28 స్థానాలకు జరిగిన ఎలక్షన్లలో పదింట్లో వైఎస్సార్‌ కాంగ్రెస్‌ పార్టీ, ఒక వార్డును మిత్రపక్షంగా నిలిచిన సీపీఎం దక్కించుకున్నాయి. జనసేన రెండు.. బీజేపీ ఒకటి.. జనసేన రెబల్‌ అభ్యర్థి ఒకటి.. స్వతంత్య్ర అభ్యర్థి మరో వార్డులో గెలుపొందారు. అధికార టీడీపీ 12 వార్డులను దక్కించుకుంది. మున్సిపల్‌ చైర్‌పర్సన్‌ పదవికి జరిగిన ఎన్నికల్లో వైఎస్సార్‌ కాంగ్రెస్‌ పార్టీ అభ్యర్థి అల్లారెడ్డి ఇందుమతిపై టీడీపీ అభ్యర్థి డాక్టర్‌ బొమ్మిరెడ్డి షకీలా 2206 ఓట్లతో గెలుపొందారు.

● 2 వేల మంది సిబ్బంది సిద్ధం ● ఏపీఎస్పీడీసీఎల్‌ డైరెక్టర్‌ (ప్రాజెక్ట్‌) అయూబ్‌ఖాన్‌ నెల్లూరు(వీఆర్సీసెంటర్‌): మురసు తుఫాన్‌ నేపథ్యంలో విద్యుత్‌ సరఫరాకు అంతరాయం కలిగితే వెంటనే పునరుద్ధరణ చర్యలు చేపట్టేందుకు 2 వేల మంది సిబ్బందిని సిద్ధంగా ఉంచినట్లుగా ఏపీఎస్పీడీసీఎల్‌ డైరెక్టర్‌ (ప్రాజెక్టు) అయూబ్‌ఖాన్‌ తెలిపారు. సీఎండీ శివశంకర్‌ ఆదేశాల మేరకు సోమవారం ఆయన నెల్లూరుకు వచ్చారు. ముందస్తు ఏర్పాట్లపై జిల్లా అధికారులతో విద్యుత్‌ భవన్‌లో సమీక్ష నిర్వహించారు. ఈ సందర్భంగా ఆయన మాట్లాడుతూ తుఫాన్‌ అనంతరం యుద్ధప్రాతిపదికన విద్యుత్‌ సరఫరాను పునరుద్ధరించేందుకు జిల్లా సిబ్బందితోపాటు చిత్తూరు, అనంతపురం, శ్రీసత్యసాయి, కర్నూలు జిల్లాల నుంచి మరో బృందాన్ని సిద్ధం చేసినట్లు తెలిపారు. మొత్తం 2 వేల మంది సిబ్బందిలో తమిళనాడు నుంచి వచ్చిన 500 మంది కూడా ఉన్నారని వివరించారు. ముందస్తుగా 7 వేల విద్యుత్‌ స్తంభాలు, 125 డ్రిల్లింగ్‌ యంత్రాలతోపాటు జేసీబీలు, ట్రాన్స్‌ఫార్మర్లు, కండక్టర్లను అందుబాటులో ఉంచినట్లు పేర్కొన్నారు. జిల్లాలోని కావలి, అల్లూరు, ఊటుకూరు, ముత్తుకూరు, రామతీర్థం, కోట తదితర తీర ప్రాంతాలపై ప్రత్యేక దృష్టి సారించామన్నారు. విద్యుత్‌కు అంతరాయం ఏర్పడితే తాగునీటి సరఫరా, ఆస్పత్రులు, వీధి దీపాలు, గృహాలకు ప్రాధాన్యతనిస్తూ పునరుద్ధరణ పనులు చేపడతామన్నారు. సెల్‌ టవర్లకు నిరంతర విద్యుత్‌ అందించి సమాచార వ్యవస్థకు అంతరాయం కలగకుండా చర్యలు తీసుకుంటామని చెప్పారు. ప్రతి డివిజన్‌లో ప్రత్యేక కంట్రోల్‌ రూమ్‌ ఏర్పాటు చేసి అధికారులు, సిబ్బంది సమన్వయంతో పనిచేసేలా ఏర్పాట్లు చేసినట్లు వెల్లడించారు. అనంతరం కావలిలోని ట్రాన్స్‌ఫార్మర్‌ మరమ్మతు కేంద్రాలను ఆయన సందర్శించారు. కార్యక్రమంలో ఏపీఎస్పీడీసీఎల్‌ చీఫ్‌ జనరల్‌ మేనేజర్లు రమణాదేవి, సంపత్‌కుమార్‌, ఎస్‌ఈ సుధాకర్‌, ఎగ్జిక్యూటివ్‌ ఇంజినీర్లు విజయ్‌కుమార్‌రెడ్డి, గోపి, రమేష్‌, డిప్యూటీ ఎగ్జిక్యూటివ్‌ ఇంజినీర్లు, అసిస్టెంట్‌ ఇంజినీర్లు తదితరులు పాల్గొన్నారు.

నెల్లూరు(క్రైమ్‌): జిల్లాలో ఈనెల 5న జెడ్పీటీసీ, ఎంపీటీసీ ఎన్నికలు జరుగనున్న నేపథ్యంలో వింజమూరు, ఆత్మకూరు మండలాల్లో 4, 5 తేదీల్లో నిర్వహించాల్సిన అగ్రిగోల్డ్‌ బాండ్ల వెరిఫికేషన్‌ ప్రక్రియను సీఐడీ అధికారులు వాయిదా వేశారు. ఈ ప్రక్రియను ఈనెల 17, 18 తేదీల్లో నిర్వహించనున్నట్లు సోమవారం తెలిపారు. ఆయా మండలాల అగ్రిగోల్డ్‌ బాధితులు ఈ మార్పును గమనించాలని సూచించారు. ఈనెల 6 నుంచి మిగిలిన మండలాల్లో బాండ్ల వెరిఫికేషన్‌ యథావిధిగా కొనసాగుతుందని వెల్లడించారు. 5న వేతనంతో కూడిన సెలవు నెహ్రూనగర్‌(గుంటూరు): ఎంపీటీసీ, జెడ్పీటీసీ ఎన్నికల పోలింగ్‌ నేపథ్యంలో ఈనెల 5న వేతనంతో కూడిన సెలవు ప్రకటించినట్లుగా సంయుక్త కార్మిక కమిషనర్‌ సీహెచ్‌ ఆశారాణి సోమవారం ఒక ప్రకటనలో తెలిపారు. గుంటూరు జోన్‌ పరిధిలోని గుంటూరు, పల్నాడు, బాపట్ల, ప్రకాశం, మార్కాపురం, నెల్లూరు జిల్లాల్లో దుకాణాలు, వ్యాపార సంస్థలు, ప్రైవేట్‌ రంగ సంస్థల్లో పనిచేసే ఉద్యోగులు, కార్మికులకు ఈ సెలవు వర్తిస్తుందని పేర్కొన్నారు. ఓటర్లు స్వేచ్ఛగా తమ ఓటు హక్కును వినియోగించుకునేందుకు ఈ వెసులుబాటు కల్పించినట్లు తెలియజేశారు. ఎన్నికలు జరిగే ప్రాంతాల్లోని యాజమాన్యాలు ఈ ఆదేశాలను తప్పనిసరిగా అమలు చేయాలని సూచించారు.ఉవ్వెత్తున ఎగసిపడుతున్న అలలు● తీరానికి చేరిన మత్స్యకారుల బోట్లు ● వేటకు వెళ్లొద్దని అధికారుల హెచ్చరిక చిల్లకూరు: మురసు తుఫాన్‌ ప్రభావంతో మండలంలోని మిద్దెరేవు, తీగపాళెం, శ్రీనివాససత్రం తీర ప్రాంతాల్లో సముద్రం అల్లకల్లోలంగా మారింది. సోమవారం అలలు ఉవ్వెత్తున ఎగసిపడ్డాయి. సముద్రంలో వేటకు వెళ్లొద్దని మత్స్యశాఖ, రెవెన్యూ, పోలీసు అధికారులు తీర ప్రాంత గ్రామాల్లో హెచ్చరికలు జారీ చేశారు. బోట్లు, వలలను భద్రపరుచుకోవాలని సూచించారు. ఇప్పటికే గుమ్మళ్లదిబ్బ, వరగలి, లింగవరం, మోమిడి గ్రామాలకు చెందిన మత్స్యకారులు తమ బోట్లను ఒడ్డుకు చేర్చి భద్రపరిచారు. మరోవైపు సముద్రం నుంచి వీస్తున్న ఈదురుగాలులు గ్రామాల వైపు బలంగా వీస్తుండటంతో ప్రజలు అప్రమత్తమయ్యారు. తుఫాన్‌ ప్రభావం నేపథ్యంలో తీర ప్రాంత ప్రజలు జాగ్రత్తగా ఉండాలని, వాతావరణ పరిస్థితులను గమనిస్తూ అధికారుల సూచనలు పాటించాలని అధికారులు హెచ్చరించారు. కండలేరులో 16.74 టీఎంసీలురాపూరు: కండలేరు జలాశయంలో సోమవారం నాటికి 16.74 టీఎంసీల నీరు నిల్వ ఉన్నట్లు ఈఈ గజేంద్రరెడ్డి తెలిపారు. కండలేరు నుంచి సత్యసాయి గంగ కాలువకు 70, లోలెవల్‌ కాలువకు 10, పిన్నేరు కాలువకు 5, మొదటి బ్రాంచ్‌ కాలువకు 7 క్యూసెక్కుల నీటిని విడుదల చేస్తున్నట్లు వెల్లడించారు.

నెల్లూరు (బారకాసు): నెల్లూరు మున్సిపల్‌ కార్పొరేషన్‌తో పాటు ఆత్మకూరు, బుచ్చిరెడ్డిపాళెం మున్సిపాలిటీలకు జరిగిన ఎన్నికల్లో ప్రజాతీర్పుపై ప్రజలతో పాటు రాజకీయ పార్టీల్లో తీవ్ర ఉత్కంఠ నెలకొంది. మంగళవారం ఉదయం 8 గంటల నుంచి ఓట్ల లెక్కింపు ప్రక్రియను చేపట్టేందుకు అధికార యంత్రాంగం ఏర్పాట్లు పూర్తి చేసింది. ఈ దఫా మేయర్‌పాటు చైర్‌పర్సన్ల ఎన్నిక ప్రత్యక్ష పద్ధతిలో జరగనుండడంతో కార్పొరేషన్‌లో మేయర్‌, మున్సిపాలిట్టీల్లో చైర్మన్‌ అభ్యర్థులకు, డివిజన్‌ కార్పొరేటర్లు, కౌన్సిలర్లకు వేర్వేరుగా ఓటు వేయాల్సి వచ్చింది. ఈ క్రమంలో భారీగా క్రాస్‌ ఓటింగ్‌ జరిగిందనే ప్రచారం విస్తృతం కావడంతో ప్రజాతీర్పుపై సర్వత్రా ఉత్కంఠ నెలకొంది. డీకేడబ్ల్యూలో కార్పొరేషన్‌ కౌంటింగ్‌ నెల్లూరులోని డీకేడబ్ల్యూ కళాశాలలో కౌంటింగ్‌ కేంద్రాన్ని ఏర్పాటు చేశారు. ఎన్‌ఎంసీ పరిధిలో మొత్తం 72 డివిజన్లు ఉన్నాయి. అందులో 4,89,351 మంది ఓటర్లు ఉండగా 509 పోలింగ్‌ కేంద్రాలను ఏర్పాటు చేశారు. అయితే ఆయా కేంద్రాల ద్వారా ఆదివారం 2,82,466 మంది ఓటర్లు మాత్రమే తమ ఓటు హక్కును వినియోగించుకున్నారు. కాగా 72 డివిజన్లలో 8 డివిజన్లు ఏకగ్రీవం కాగా మిగిలిన 64 వార్డులకు సంబంధించి కార్పొరేటర్ల అభ్యర్థులతోపాటు 72 డివిజన్లలో మేయర్‌ అభ్యర్థుల ఓట్లను లెక్కించనున్నారు. ఇందు కోసం 43 టేబుళ్లను ఏర్పాటు చేశారు. ఒక డివిజన్‌కు సంబంధించి లెక్కింపును ఐదు రౌండ్లలో పూర్తి చేయనున్నారు. మేయర్‌ ఓట్ల లెక్కింపునకు 38 టేబుళ్లను ఏర్పాటు చేయనున్నారు. ప్రతి బ్యాలెట్‌ బాక్స్‌లోని ఓట్లను కుమ్మరించి.. తొలుత మేయర్‌, కార్పొరేటర్‌ బ్యాలెట్స్‌ను వేరు చేస్తారు. ఆ తర్వాత పార్టీల వారీగా ఓట్లను విభజించి లెక్కించనున్నారు. 12 గంటల్లోనే ఫలితాలు వెల్లడి నెల్లూరు కార్పొరేషన్‌తో పాటు ఆత్మకూరు, బుచ్చిరెడ్డిపాళెం మున్సిపాలిటీలకు సంబంధించిన స్థానిక సంస్థ ఎన్నికల ఓట్లు లెక్కింపు మంగళవారం ఉదయం 8 గంటలకు ప్రారంభం కానుంది. దాదాపు మధ్యాహ్నం 12 గంటలకంతా పూర్తి ఫలితాలను వెల్లడించనున్నట్లు అధికారుల చెబుతున్నారు. ఓట్ల లెక్కింపునకు అధికారులు మూడంచెల కట్టుదిట్టమైన భద్రతా చర్యలు చేపట్టారు. నేడు ఓట్ల లెక్కింపునకు ఏర్పాట్లు సిద్ధం ఒక డివిజన్‌కు ఒక గది చొప్పున 19 గదుల్లో కౌంటింగ్‌ నాలుగు రౌండ్లలో కౌంటింగ్‌ ప్రక్రియ పూర్తి చేసే అవకాశం ఉదయం 8 నుంచి కౌంటింగ్‌ ప్రారంభం మధ్యాహ్నం 12 గంటలకే పూర్తి.. ఫలితాలు వెల్లడి

నెల్లూరు(అర్బన్‌): జిల్లాలో మురసు తుపాను తన ప్రభావాన్ని చూపనుంది. పశ్చిమ మధ్య బంగాళాఖాతంలో ఏర్పడిన వాయుగుండం తుపానుగా రూపాంతరం చెందింది. సోమవారం ఉదయం 25 కిలోమీటర్ల వేగంతో తీరంవైపుగా దూసుకురావడం మొదలుపెట్టింది. సాయంత్రానికి వేగం తగ్గి గంటకు 15 కిలోమీటర్ల వేగంతో నిధానంగా కదలడం ప్రారంభించింది. నెల్లూరుకు తూర్పు ఆగ్నేయంగా ఉన్న తుపాను కావలి, ఒంగోలు వైపు ప్రయాణిస్తూ రాత్రి 11 గంటలకు కావలికి 60 కిలోమీటర్లు, నెల్లూరుకు 70 కిలోమీటర్ల దూరానికి చేరుకుంది. మంగళవారం వేకువన నెల్లూరు– నర్సాపురం మధ్యన తుపాను తీరం దాటే అవకాశం ఉంది. ఆ సమయంలో గంటకు 100 కిలోమీటర్ల మేర వేగంతో గాలులు వీస్తాయని, భారీ వర్షాలు కురుస్తాయని వాతావరణ శాఖ హెచ్చరించింది. తుపాన్‌ ప్రభావంతో ఇప్పటికే జిల్లా వ్యాప్తంగా తేలిక పాటి నుంచి మోస్తరు వర్షాలు కురుస్తున్నాయి. గూడూరు, చిల్లకూరు, తదితర కొన్ని చోట్ల భారీ వర్షం నమోదైంది.ఈదురు గాలులకు చెట్ల కొమ్మలు విరిగిపడుతున్నాయి. నెల్లూరులోని మహిళా పాలిటెక్నిక్‌ కళాశాలలో పెద్ద చెట్టు విరిగిపడడంతో గోడ కూలిపోయింది. స్థానికులకు త్రుటిలో ప్రమా దం తప్పింది. మరోవైపు సముద్రం అల్లకల్లోలంగా ఉంది. కెరటాలు ఉవ్వెత్తున ఎగసి పడుతున్నాయి. సముద్రం తొమ్మిది మీటర్ల మేర ముందుకు చొచ్చుకొచ్చింది. అధికారుల హెచ్చరికలతో మత్స్యకారులు అప్రమత్తమయ్యారు. చేపల వేటను నిలిపివేసి వేట సామగ్రిని సురక్షిత ప్రాంతానికి తరలించి భద్రపరుచుకున్నారు. మైపాడు, కొత్తకోడూరు, తదితర బీచ్‌ల వద్దకు సందర్శకులు రాకుండా, మత్స్యకారులు సముద్రంలోకి వెళ్లకుండా పోలీసులు గస్తీ కాస్తున్నారు. జిల్లా వ్యాప్తంగా తీర ప్రాంత మండలాల్లో వర్షాలు కురిశాయి. ఆత్మకూరు, ఏఎస్‌పేట, ఉదయగిరి, మర్రిపాడు, తదితర మెట్టప్రాంత మండలాల్లో చినుకు జాడలేదు. సముద్రంలో చిక్కుకున్న మత్స్యకారులు సురక్షితం జువ్వలదిన్నె ఫిషింగ్‌ హార్బర్‌ నుంచి వేటకు బయలుదేరిన మత్స్యకారుల బోటు ఆ ప్రాంతంలోని సముద్రంలో మరమ్మతులకు గురైంది. అందులో ఏడుగురు మత్స్యకారులు బోటులో చిక్కుకున్నారు. బోటు అలల ధాటికి కొట్టుకుపోతుండటంతో అప్రమత్తమైన స్థానిక మత్స్యకారులు మైరెన్‌ పోలీసులు, జిల్లా అధికారులతో కలిసి సముద్రంలో చిక్కుకున్న వారిని సురక్షితంగా ఒడ్డుకు చేర్చారు. మత్స్యకారులను కాపాడిన వారిని కలెక్టర్‌ హిమాన్షు శుక్లా అభినందించారు. తుపాను ప్రభావం తగ్గే వరకు మత్స్యకారులు చేపల వేటకు వెళ్లవద్దని కలెక్టర్‌ సూచించారు. విక్రమసింహపురి రైలు రద్దు తుపాను కారణంగా సోమవారం పలు రైళ్లను రద్దు చేస్తూ రైల్వేశాఖ నిర్ణయం తీసుకుంది. అందులో విజయవాడ నుంచి గూడూరుకు నడుస్తున్న 67225 నంబర్‌, గూడూరు నుంచి విజయవాడకు నడుస్తున్న 67226 నంబర్‌ రైళ్లను రద్దు చేశారు. ఎన్‌డీఆర్‌ఎఫ్‌ బృందం రాక తుపాను ప్రభావంతో జిల్లాలో ప్రధానంగా కావలి, బోగోలు, అల్లూరు మండలాల్లో అతి భారీవర్షాలు కురి సే అవకాశం ఉందని వాతావరణ శాఖ హెచ్చరించింది. ఈ నేపథ్యంలో సహాయక చర్యలు చేపట్టేందుకు ఎన్‌డీఆర్‌ఎఫ్‌ బృందం కావలికి చేరుకుంది. ఎ లాంటి విపత్కర పరిస్థితులు ఎదురైనా వరదలో చిక్కుకున్న వారిని ఎన్‌డీఆర్‌ఎఫ్‌ బృందం కాపాడనుంది. పునరావాస కేంద్రాలు సిద్ధం కలెక్టర్‌ ఆదేశాల మేరకు రెవెన్యూ అధికారులు పునరావాస కేంద్రాలను సిద్ధం చేశారు. అవసరాన్ని బట్టి ప్రజలను తరలించనున్నారు. ముత్తుకూరు మండలం పైనాపురం గ్రామంలోని కట్టకింద గిరిజన కాలనీకి చెందిన 30 మందిని కృష్ణపట్నం పోలీసులు పునరావాసాకేంద్రానికి తరలించారు. వారికి భోజనం, వసతులు రెవెన్యూ అధికారులు కల్పించారు. వాకాడు: పొలాల్లో వర్షపు నీరు సోమవారం రాత్రి కావలికి 60 కి.మీ. దూరంలో కేంద్రీకృతం మంగళవారం వేకువన తీరం దాటనున్న తుపాను ఇప్పటికే జోరుగా వర్షాలు.. ఈదురుగాలులు నేడూ భారీ వర్షాలు కురిసే అవకాశం అల్లకల్లోలంగా సముద్రం పలు రైళ్ల రద్దు కృష్ణపట్నం పోర్టులో 8వ నంబర్‌ ప్రమాద హెచ్చరిక ముత్తుకూరు : మురసు తుపాను హెచ్చరికల నేపథ్యంలో కృష్ణపట్నం పోర్టులో 8వ నంబర్‌ ప్రమాద హెచ్చరికను జారీ చేశారు. సోమవారం ఉదయం 8 గంటల వరకు మూడో నంబర్‌ హెచ్చరిక కొనసాగింది. అనంతరం పోర్టు సమీపానికి తుపాను రావడంతో అత్యంత ప్రమాదాన్ని సూచించే 8వ నంబర్‌ హెచ్చరికను జారీ చేశారు. పోర్టులోని కార్యకలాపాలను పూర్తిగా నిలిపివేశారు. పోర్టు అధికారులు అప్రమత్తమై ముందస్తు జాగ్రత్తలు చేపట్టారు. కాగా తుపాను ప్రభావంతో కృష్ణపట్నం తీరంలో సముద్రం ముందుకు చొచ్చుకొచ్చింది. అలలు ఉవ్వెత్తున ఎగసిపడుతున్నాయి. మత్స్యకారులు సముద్రంలోకి వేటకు వెళ్లవద్దని, తీర ప్రాంత ప్రజలు అప్రమత్తంగా ఉండి జాగ్రత్తలు పాటించాలని మండలాధికారులు సూచించారు. నెల్లూరు (అర్బన్‌): మురసు తుపాను హెచ్చరికల నేపథ్యంలో జిల్లాలో భారీ నుంచి అతిభారీ వర్షాలు కురిసే అవకాశమున్న దృష్ట్యా మంగళవారం కూడా అన్ని ప్రభుత్వ, ప్రైవేట్‌ ఎయిడెడ్‌, అంగన్‌వాడీ పాఠశాలలు, జూనియర్‌ కళా శాలలకు సెలవు ప్రకటిస్తున్నట్టు కలెక్టర్‌ హిమాన్షుశుక్లా సోమవారం ఒక ప్రకటనలో తెలిపారు.ఈ ఉత్తర్వులను అన్ని రకాల పాఠశాలలు, జూనియర్‌ కళాశాలల యాజమాన్యాలు తప్పనిసరిగా అమలు చేయాలని సూచించారు.

పొదలకూరు : రాష్ట్రంలో ఎన్నికల నియమావళిని హైజాక్‌ చేసి, ఎన్నడూ లేని విధంగా మున్సిపల్‌ ఎన్నికలను దుర్మార్గంగా నిర్వహించిన ఘనతను చంద్రబాబు మూటగట్టుకున్నాడని మాజీ మంత్రి, వైఎస్సార్‌సీపీ జిల్లా అధ్యక్షుడు కాకాణి గోవర్ధన్‌రెడ్డి అన్నారు. పొదలకూరులోని పార్టీ కార్యాలయంలో సోమవారం ఆయన మీడియాతో మాట్లాడారు. ఎన్నికల్లో మహిళలని కూడా చూడకుండా టీడీపీ గూండాలు ఇష్టారీతిన దాడులకు పాల్పడ్డారని ఆవేదన వ్యక్తం చేశారు. ఓటర్లు, ఏజెంట్లను దాడులతో భయపెట్టి రిగ్గింగ్‌ చేసుకున్నారని ఆరోపించారు. ఎన్నికలను సజావుగా నిర్వహిస్తే కూటమికి ఓటమి తప్పదనే భయంతోనే చంద్రబాబు ఇంతటికి బరితెగించారని విమర్శించారు. పులివెందులలోని ఆర్వో కార్యాలయం వద్ద ఏజెంట్లతో కలిసి మాజీ సీఎం వైఎస్‌ జగన్‌మోహన్‌రెడ్డి బైఠాయించడాన్ని చూస్తే ఎన్నికలను ఎలా నిర్వహించారో అర్ధమవుతుందన్నారు. జెడ్పీటీసీ, ఎంపీటీసీ ఎన్నికలను సైతం రాష్ట్రంలో సజావుగా నిర్వహిస్తారనే నమ్మకం లేదన్నారు. అభివృద్ధిని చెప్పుకోలేక అవాకులు, చెవాకులు సర్వేపల్లి నియోజకవర్గంలో 79 ఎంపీటీసీ, 5 జెడ్పీటీసీ స్థానాల్లో వైఎస్సార్‌సీపీ పోటీ చేస్తోందని కాకాణి తెలిపారు. స్థానిక ఎన్నికల ప్రచారంలో సోమిరెడ్డి ఎక్కడా అభివృద్ధి గురించి చెప్పుకోలేక వైఎస్సార్‌సీపీ అభ్యర్థులపై అవాకులు, చెవాకులు మాట్లాడుతున్నారని విమర్శించారు. తమ హయాంలో చేసిన అభివృద్ధి తప్పించి సోమిరెడ్డి గ్రామాల్లో ఎక్కడా అభివృద్ధి పనులు చేసిన దాఖలాలు లేవన్నారు. అభ్యర్థులపై వ్యక్తిగత విమర్శలకు దిగుతున్నారని, తాము వ్యక్తిత్వ హనానికి పాల్పడితే మీరు తట్టుకోలేరని హెచ్చరించారు. మా కుటుంబం గురించి మాట్లాడుతున్న సోమిరెడ్డి తన కుటుంబం చరిత్ర గురించి ముందుగా చెప్పాలని ధ్వజమెత్తారు. సర్వేపల్లి చరిత్రలో లేఅవుట్ల యజమానుల వద్ద డబ్బులు తీసుకున్న నాయకులు ఎవరూ లేరని, సోమిరెడ్డి ఒక్కడే అలాంటి పాడుపనులకు పాల్పడ్డారని ఆరోపించారు. టీడీపీకి అభ్యర్థులు దొరక్క పొదలకూరు లేఅవుట్లోని పార్కు స్థలాన్ని అమ్ముకున్న వాడిని పార్టీలో చేర్చుకుని ఎంపీటీసీగా పోటీలో పెట్టారని తెలిపారు. అవినీతికి పాల్పడలేదని సోమిరెడ్డిని పదేపదే ఆంజనేయస్వామి వద్ద ప్రమాణం చేయమని సవాల్‌ విసిరితే పారిపోతున్నారన్నారు. వైఎస్సార్‌సీపీ అభ్యర్థులను గెలిపించండి మండలంలో అభివృద్ధి, సంక్షేమం చేసి చూపించిన ఘనత తమకే దక్కుతుందని కాకాణి అన్నారు. కనుకనే ధైర్యంగా ఓట్లు అడుగుతున్నామని తమ పార్టీ జెడ్పీటీసీ, ఎంపీటీసీ అభ్యర్థులను గెలిపించాలని కోరారు. స్థానిక ఎన్నికల్లో బెదిరింపులు, దౌర్జన్యాలు చేస్తే వైఎస్సార్‌సీపీ కార్యకర్తలు సహించరని ధీటుగా బదులు ఇచ్చే సత్తా ఉందన్నారు. పోలీసులు ముఖ్యంగా పొదలకూరు ఎస్సై ఆటోల వారిని కూడా బెదిరిస్తున్నారని ఆయన లెక్కలను తేల్చుతామన్నారు. రక్షక భటులు చట్టాన్ని ఉల్లంఘించి ఇలా ప్రవర్తించడం ఎక్కడా చూడలేదన్నారు. జిల్లాలో శాంతి భద్రతల పరిస్థితిని ముందస్తుగా కలెక్టర్‌, ఎస్పీ దృష్టికి తీసుకెళ్లామని తెలిపారు. జెడ్పీటీసీ అభ్యర్థి బచ్చల సురేష్‌కుమార్‌రెడ్డి, పార్టీ మండలాధ్యక్షుడు పెదమల్లు రమణారెడ్డి, నాయకులు కోనం చినబ్రహ్మయ్య, తెనాలి నిర్మలమ్మ, ఆదూరు వెంకటసుబ్బయ్య, రావుల ఇంద్రసేన్‌గౌడ్‌ తదితరులు పాల్గొన్నారు. రాష్ట్రంలో ఎన్నడూ లేని విధంగా మున్సిపల్‌ ఎన్నికల నిర్వహణ టీడీపీ గూండాలతో ఏజెంట్లు, ఓటర్లను భయపెట్టి రిగ్గింగ్‌ దుర్మార్గంగా మహిళలని కూడా చూడకుండా దాడులు మాజీ సీఎం జగన్‌ ఆర్వో వద్ద బై ఠాయించాల్సిన పరిస్థితి నైతిక విలువలపై మాట్లాడే అర్హత సోమిరెడ్డికి లేదు మాజీ మంత్రి కాకాణి గోవర్ధన్‌రెడ్డి

● ఎమ్మెల్సీ పర్వతరెడ్డి చంద్రశేఖర్‌రెడ్డి చిల్లకూరు: స్థానిక సంస్థల ఎన్నికల్లో విజయం సాధించలేమని భావించిన అధికార పార్టీ అరాచకాలకు తెరలేపింది. వైఎస్సార్‌సీపీ అభ్యర్థులు, నాయకులు, కార్యకర్తలు, అభిమానులపై దాడులు చేస్తున్నారు. పోలీసులతో కుమ్మక్కై అక్రమ కేసులకు పెడుతున్నారు’ అని ఎమ్మెల్సీ, వైఎస్సార్‌సీపీ నెల్లూరు సిటీ ఇన్‌చార్జి పర్వతరెడ్డి చంద్రశేఖర్‌రెడ్డి విమర్శించారు. మండలంలోని తన సొంత గ్రామం వల్లిపేడులో వైఎస్సార్‌సీపీ అభ్యర్థిగా పోటీ చేస్తున్న పూరి లక్ష్మమ్మను గెలిపించాలని సోమవారం ప్రచారం నిర్వహించారు. ఆయన మాట్లాడుతూ కూటమి నేతలు అధికారంలోకి రావడానికి అనేక హామీలిచ్చి ప్రజలను మోసం చేశారన్నారు. పేదలకు సంక్షేమ పథకాలను దూరం చేసిన ఘనత చంద్రబాబుకే దక్కుతుందన్నారు. రోజూ రాష్ట్రంలో ఎక్కడో ఒకచోట హింసాత్మక ఘటనలు చోటు చేసుకుంటున్నాయన్నారు. ప్రతి పేదవాడు గుండె మీద చేయి వేసుకుని నిర్భయంగా ఉండేరోజు రావాలంటే కచ్చితంగా వైఎస్సార్‌సీపీ అభ్యర్థులను గెలిపించాలని కోరారు. ఈ సెగ్మెంట్‌లో పోటీ చేస్తున్న లక్ష్మమ్మను గెలిపించి మండలంలో జెండా ఎగురవేయాలన్నారు. అనంతరం ఇంటింటికీ తిరిగి కరపత్రాలను పంపిణీ చేశారు. కార్యక్రమంలో వైఎస్సార్‌సీపీ మండల కన్వీ నర్‌ యద్దల మధుసూదన్‌రెడ్డి, మాజీ వైస్‌ ఎంపీపీ పొలుబోయిన చెంగయ్య, పెద్ద ఎత్తున గ్రామస్తులు పాల్గొన్నారు.

● కార్యకర్తల జోలికొస్తే సహించేది లేదు ● వైఎస్సార్‌సీపీ వెంకటగిరి సమన్వయకర్త రామ్‌కుమార్‌రెడ్డి వాకాడు: ఎన్నికల్లో ప్రజాస్వామ్య పద్ధతిలో కూటమిని ఎదుర్కొంటామని వైఎస్సార్‌సీపీ వెంకటగిరి నియోజకవర్గ సమన్వయకర్త నేదురుమల్లి రామ్‌కుమార్‌రెడ్డి అన్నారు. వాకాడు మండలాన్ని నాశనం చేస్తామంటే చూస్తూ ఊరుకునేది లేదని, అలాగే వైఎస్సార్‌సీపీ నాయకులు, కార్యకర్తల జోలికొస్తే సహించేది లేదని స్పష్టం చేశారు. మండలంలో ఎన్నికల ప్రచారంలో భాగంగా సోమవారం తన నివాసంలో స్థానిక, నాయకులు, కార్యకర్తలతో నిర్వహించిన సమావేశంలో అధికారపక్షంపై తీవ్ర స్థాయిలో విమర్శలు గుప్పించారు. వైఎస్సార్‌సీపీ అభ్యర్థులను అడ్డుకునేందుకు బెదిరింపులకు దిగడం ప్రజాస్వామ్య విలువలకు విరుద్ధమని మండిపడ్డారు. రాజకీయంగా ఎదుర్కోలేక ఒత్తిళ్లు, బెదిరింపులు, అభ్యర్థులను పోటీ నుంచి తప్పించే ప్రయత్నాలు చేయడం ప్రజాస్వామ్యానికి మంచిది కాదని విమర్శించారు. ఎన్ని రకాల ఒత్తిళ్లు ఎదురైనా వెనక్కి తగ్గేది లేదని స్పష్టం చేశారు. పార్టీ అభ్యర్థులకు అండగా ఉంటానని, కార్యకర్తల ఆత్మస్థైర్యాన్ని దెబ్బతీసే ప్రయత్నాలను తిప్పి కొడతామన్నారు. ఎన్నికల ప్రక్రియ ప్రశాంతంగా, పారదర్శకంగా జరిగేలా అధికారులు చర్యలు తీసుకోవాలని కోరారు. బెదిరింపులకు తలొగ్గకుండా పార్టీ శ్రేణులంతా ఐక్యంగా ఉండాలని ఆయన పిలుపునిచ్చారు. ఎంపీడీఓ కార్యాలయాల్లో డిస్ట్రిబ్యూషన్‌ కేంద్రాలు నెల్లూరు(పొగతోట): జెడ్పీటీసీ, ఎంపీటీసీల పోలింగ్‌ ప్రక్రియ ఈనెల 5వ తేదీన జరుగుతుంది. దీనికి సంబంధించి జిల్లా యంత్రాంగం ఏర్పాట్లు చేస్తోంది. పోలింగ్‌ ప్రక్రియలో పాల్గొనే ఉద్యోగులకు శిక్షణ కార్యక్రమాలు పూర్తి చేశారు. మండల కేంద్రంలోని ఎంపీడీఓ కార్యాలయాల్లో డిస్ట్రిబ్యూషన్‌ సెంటర్లు ఏర్పాటు చేశారు. 4వ తేదీ ఉదయం ఉద్యోగులు అక్కడికి చేరుకుని ఎన్నికల సామగ్రిని తీసుకోవాల్సి ఉంటుంది. అనంతరం వారికి కేటాయించిన రూట్‌లో వాహనాల్లో కేంద్రాలకు చేరుకుంటారు. బ్యాలెట్‌ పేపర్లు, బ్యాలెట్‌ బాక్సులు, ఎన్నికల ఇతర వస్తువులను సబ్‌ ట్రెజరీలు, పోలీస్‌స్టేషన్లల్లో భద్రపరిచారు. ● జెడ్పీటీసీగా పోటీ చేసే అభ్యర్థులకు వైట్‌ బ్యాలెట్‌ పేపర్‌, ఎంపీటీసీలకు పింక్‌ బ్యాలెట్‌ పేపర్‌ కేటాయించారు. ఒక పోలింగ్‌ కేంద్రంలో 543 మంది ఓటర్లు ఉంటే లెక్క సక్రమంగా వచ్చేలా 550 పేపర్లు పోలింగ్‌ ఉద్యోగులకు ఇవ్వనున్నారు.

● కాకాణి పూజితారెడ్డి ముత్తుకూరు: అరాచక పాలన ఎన్నో రోజులు సాగదని, అధికార పార్టీ నాయకులు అభ్యర్థులను బెదిరిస్తున్నారని, పోలీసులను ఉసిగొలిపితే గెలుస్తామనే భ్రమల్లో ఉన్నారని వైఎస్సార్‌సీపీ రాష్ట్ర మహిళా వర్కింగ్‌ ప్రెసిడెంట్‌ కాకాణి పూజితారెడ్డి అన్నారు. ముత్తుకూరు బలిజపాళెంలో సోమవారం జెడ్పీటీసీ, ఎంపీటీసీ అభ్యర్థులతో కలిసి ఎన్నికల ప్రచారం నిర్వహించారు. ఈ సందర్భంగా ఆమె మాట్లాడుతూ ఒక్కరినైనా ఓడించాలని వారు బెదిరింపులకు పాల్పడుతున్నట్టు తెలిపారు. సజావుగా ఎన్నికలు నిర్వహిస్తే టీడీపీకి ఓటమి తప్పదన్నారు. ప్రజలు మోసపోయే పరిస్థితుల్లో లేరన్నారు. టీడీపీ అరాచకాలకు చరమగీతం పాడాలని పిలుపునిచ్చారు. ధైర్యం ఉంటే పోలీసులు లేకుండా ప్రజాక్షేత్రంలోకి రావాల్సిందిగా సవాల్‌ విసిరారు. జెడ్పీటీసీ అభ్యర్థి నెల్లూరు పరిమళ, ఎంపీటీసీ అభ్యర్థి పావనీలను అత్యధిక మెజారిటీతో గెలిపించాల్సిందిగా కోరారు. కార్యక్రమంలో ఎంపీపీ అభ్యర్థి మెట్టా విష్ణువర్ధన్‌రెడ్డి, అశోక్‌రెడ్డి, మాజీ ఎంపీపీ సుగుణ, మాజీ జెడ్పీటీసీ శివప్రసాద్‌, ఈదూరు రామ్‌ప్రసాద్‌రెడ్డి, ఈదూరు శ్రీనివాసులురెడ్డి, నవీద్‌బాషా, సూరి పాల్గొన్నారు.

నెల్లూరు(అర్బన్‌): మురసు తుపానుపై ప్రజలు అప్రమత్తంగా ఉండాలని కలెక్టర్‌ హిమాన్షుశుక్లా తెలిపారు. సోమవారం ఆయన మీడియాతో మాట్లాడారు. తుపానును ఎదుర్కొనేందుకు జిల్లా యంత్రాంగం సన్నద్ధంగా ఉందన్నారు. పెట్రోలు, డీజిల్‌, ఎల్పీజీ సిలిండర్లతో పాటు పీడీఎస్‌ ద్వారా సరఫరా చేసే బియ్యం, చక్కెర తదితర నిత్యావసర వస్తువులు సమృద్ధిగా ఉన్నాయని తెలిపారు. జిల్లాలోని 267 పెట్రోల్‌ బంకుల్లో 1,710 కిలోలీటర్ల పెట్రోలు, 2,832 కిలోలీటర్ల డీజిల్‌, 57 ఎల్పీజీ అవుట్‌లెట్లలో 21,385 సిలిండర్లు నిల్వ ఉన్నాయని చెప్పారు. 1470 చౌకదుకాణాల పరిధిలో 10,832.215 మెట్రిక్‌ టన్నులబియ్యం, 374.727 మెట్రిక్‌ టన్నుల చక్కెర నిల్వలు అందుబాటులో ఉన్నాయన్నారు. జిల్లాలో ఎక్కడా ఇంధనం, నిత్యావసర వస్తువుల కొరత ఏర్పడకుండా సంబంధిత అధికారులు తగిన చర్యలు చేపట్టారని తెలిపారు. ఎవరైనా కృత్రిమ కొరత సృష్టించినా, వస్తువులను అఽధిక ధరలకు విక్రయించినా వారిపై కఠిన చర్యలు తీసుకుంటామని హెచ్చరించారు. తుపానుపై ప్రజలు ఆందోళన చెందాల్సిన అవసరం లేదన్నారు. వదంతులను నమ్మి అధిక మొత్తంలో నిత్యావసర సరుకులను కొనుగోలు చేయవద్దని, సాధారణ అవసరాలకు అనుగుణంగా కొనుగోలు చేయాలని సూచించారు. ప్రజలు ఆందోళన చెందాల్సిన అవసరం లేదు సమృద్ధిగా నిత్యావసర వస్తువులు కృత్రిమ కొరత సృష్టిస్తే కఠిన చర్యలు కలెక్టర్‌ హిమాన్షుశుక్లా

● ఘనంగా దివంగత మంత్రి గౌతమ్‌రెడ్డి జయంతి వేడుకలు మర్రిపాడు: ప్రజల కష్టసుఖాల్లో పాలు పంచుకుని ప్రతిఒక్కరి ప్రేమాభిమానాలకు పాత్రుడై అందరి మదిలో జ్ఞాపకంగా దివంగత మంత్రి మేకపాటి గౌతమ్‌రెడ్డి నిలిచిపోయారని మాజీ ఎంపీ మేకపాటి రాజమోహన్‌రెడ్డి పేర్కొన్నారు. మండలంలోని బ్రాహ్మణపల్లిలోని మేకపాటి నివాసంలో దివంగత మంత్రి మేకపాటి గౌతమ్‌రెడ్డి జయంతి వేడుకలను కుటుంబ సభ్యుల ఆధ్వర్యంలో సోమవారం ఘనంగా నిర్వహించారు. గౌతమ్‌రెడ్డి చిత్రపటానికి రాజమోహన్‌రెడ్డి, మణిమంజరి దంపతులు, ఉదయగిరి వైఎస్సార్సీపీ సమన్వయకర్త మేకపాటి రాజగోపాల్‌రెడ్డి, ఆత్మకూరు మాజీ ఎమ్మెల్యే మేకపాటి విక్రమ్‌రెడ్డి పూలమాలలు వేసి నివాళులర్పించారు. అనంతరం కేక్‌ కట్‌ చేసి అందరికీ పంచిపెట్టారు. ఈ సందర్భంగా పలువురు నాయకులు మాట్లాడుతూ దివంగత మంత్రి గౌతమ్‌రెడ్డి హుందాతనం, విలువలు, విశ్వసనీయతతో కూడిన రాజకీయ నేతగా ఎదిగారన్నారు. ఆత్మకూరు నియోజకవర్గ అభివృద్ధికి ఎన్నో కార్యక్రమాలు చేపట్టారని స్మరించుకున్నారు. గౌతమ్‌రెడ్డి ఆశయ సాధన కోసం అహర్నిశలు కృషి చేస్తామని పేర్కొన్నారు. ఆత్మకూరు, ఉదయగిరి నియోజకవర్గాలకు చెందిన వైఎస్సార్సీపీ నాయకులు పాల్గొన్నారు.

నెల్లూరు(పొగతోట): జెడ్పీటీసీ, ఎంపీటీసీ ఎన్నికలకు సంబంధించి ఈ నెల 5న పోలింగ్‌, 7న ఓట్ల లెక్కింపు జరగనుంది. పోలింగ్‌కు 48 గంటల ముందు నుంచే మద్యం దుకాణాలు బంద్‌ చేయాలని కలెక్టర్‌ హిమాన్షుశుక్లా సోమవారం ఉత్తర్వులు జారీ చేశారు. మద్యం దుకాణాలు, బార్ల మూసివేతకు ఆయా శాఖల అధికారులు చర్యలు చేపట్టాలని ఆదేశించారు. పోలింగ్‌ కేంద్రాల సమీపంలోని హోటళ్లు, ఇతర దుకాణాలను బంద్‌ చేయించాలని సూచించారు. ప్ర శాంత వాతావరణంలో ఎన్నికలు సజావుగా జరిగేలా చర్యలు చేపడుతున్నామన్నారు. ఎన్నికల నియమావళిని అందరూ పాటించాలని కోరారు. నేటితో ‘స్థానిక’ ప్రచారానికి తెర నెల్లూరు(పొగతోట): జెడ్పీటీసీ, ఎంపీటీసీల ఎన్నికల ప్రచారానికి మంగళవారం సాయంత్రం 5 గంటలతో తెరపడనుంది. ఎన్నికల నియమావళి ప్రకారం పోలింగ్‌ రోజుకు 48 గంటల ముందు ఎన్నికల ప్రచారాన్ని నిలిపివేయాల్సి ఉంది. ఈ నెల 5న ఉదయం 7 గంటల నుంచి పోలింగ్‌ ప్రక్రియ ప్రారంభం కానుంది. ఎన్నికల బరిలోని అభ్యర్థులు గత వారం రోజులుగా ముమ్మరంగా ఎన్నికల ప్రచారం సాగిస్తున్నారు. ఉదయం 6 నుంచి రాత్రి 10 గంటల వరకు ఎన్నికల ప్రచారానికి అనుమతి ఉంది. చివరి రోజు మంగళవారం సాయంత్రం 5గంటలలోపు అభ్యర్థులు తమ ప్రచార పర్వాన్ని ముగించాల్సి ఉంది. సాయంత్రం 5 గంటల తరువాత ప్రచారం నిర్వహిస్తే ఎన్నికల నియమాళి ప్రకారం అభ్యర్థులపై కేసులు నమోదు చేసే అధికారం అధికారులకు ఉంది. ఓట్లేస్తేనే అభివృద్ధి చేస్తాం.. లేకపోతే వదిలేస్తాం ● మంత్రి ఆనం వ్యాఖ్యలు సోమశిల: స్థానిక ఎన్నికల ప్రచార పర్వంలో భాగంగా అనంతసాగరం మండలంలో మంత్రి ఆనం రామనారాయణరెడ్డి ఓట్లేస్తేనే అభివృద్ధి చేస్తాం..లేకపోతే వదిలేస్తామంటూ చేసిన వ్యాఖ్యలు వివాదాస్పదంగా మారాయి. అనంతసాగరం పరిధిలోని నేషనల్‌ ఫంక్షన్‌ హాల్లో సోమవారం ఏర్పాటు చేసిన సమావేశంలో అనం ‘గతంలో జరిగిన శాసనసభ ఎన్నికల్లో అనంతసాగరం మండలంలో టీడీపీకి 650 ఓట్లు తగ్గాయి. ప్రస్తుతం జరిగే జెడ్పీటీసీ, ఎంపీటీసీ ఎన్నికల్లో కనీసం ఆరువేల మెజార్టీ రావాలి. ఓట్లేస్తేనే మండలాన్ని గుర్తుపెట్టుకుని అభివృద్ధి చేస్తాం..లేకపోతే వదిలేస్తాం. మండలం అభివృద్ధిలో వెనుకబడిపోతుంది’ అంటూ వ్యాఖ్యలు చేశారు. ఈ వ్యాఖ్యలపై మండల ప్రజలు మండిపడుతున్నారు. మంత్రి హోదాలో ఉండి ఓట్ల కోసం ఇలా బెదిరింపులకు దిగడం ఏమిటని ప్రశ్నిస్తున్నారు. పోస్టల్‌ బ్యాలెట్‌ ఓటింగ్‌లో ప్రలోభాలు వింజమూరు(ఉదయగిరి): వింజమూరు మండల ప్రజా పరిషత్‌ కార్యాలయంలో సోమవారం స్థానిక ఎన్నికల పోస్టల్‌ బ్యాలెట్‌ ఓటింగ్‌లో ఓ చిరుద్యోగి పలువురు ఉద్యోగులను ప్రలోభపెడుతూ అధికార పార్టీకి అనుకూలంగా వ్యవహరిస్తూ హల్‌చల్‌ చేశారు. పోలింగ్‌ కేంద్రం ఆవరణలో గంటలు తరబడి మకాం వేసి సహోద్యోగులను ప్రభావితం చేశారనే ఆరోపణలు వినిపించాయి. పోలీసులు లేకపోవడంతోనే ఈ పరిస్థితి నెలకొందనే విమర్శలు వ్యక్తమయ్యాయి. మంగళవారం అయినా పోలీసులను నియమించి నిబంధనల మేరకు ఓటింగ్‌ జరిగేలా ఆర్వో చర్యలు తీసుకోవాలని ఉద్యోగులు కోరుతున్నారు.

● ఎన్నికల ప్రచారంలో అపశ్రుతి ● కారు ఢీకొని వ్యక్తికి తీవ్రగాయాలువాకాడు: స్థానిక సంస్థల ఎన్నికల ప్రచారంలో అపశ్రుతి చోటు చేసుకుంది. మండలంలోని కొండాపురం సెగ్మెంట్‌కు సంబంధించి జానరపేట గ్రామంలో ఆదివారం వైఎస్సార్‌సీపీ ఎన్నికల ప్రచారం నిర్వహిస్తోండగా ఓ కారు బీభత్సం సృష్టించింది. స్థానికులు, పోలీసుల కథనం మేరకు.. వైఎస్సార్‌సీపీ మండల కన్వీనర్‌ ఏనుగు సుధాకర్‌ నాయుడు ఆధ్వర్యంలో ప్రచారం జరుగుతోంది. ఆ సమయంలో తూపిలిపాళెం తీరం నుంచి కారు మితిమీరిన వేగంతో వచ్చి పక్కన నిలిపి ఉంచిన మరో కారు, ద్విచక్ర వాహనాలను ఢీకొట్టింది. ప్రచారంలో ఉన్న కార్యకర్తలపైకి దూసుకెళ్లడంతో కావలి వెంకటేష్‌ అనే యువకుడు తీవ్రంగా గాయపడ్డాడు. సుధాకర్‌ నాయుడు వెంటనే క్షతగాత్రుడిని నెల్లూరులోని నారాయణ ఆస్పత్రికి తరలించారు. ప్రమాదానికి కారణమైన వ్యక్తులు మద్యం మత్తులో ఉన్నట్లు స్థానికులు చెబుతున్నారు. వారిని పట్టుకుని వాకాడు పోలీసులకు అప్పగించారు. ఈ ఘటనపై ఎస్సై నిఖిల్‌బాబు కేసు నమోదు చేశారు.

● కలెక్టర్‌ హిమాన్షు శుక్లా నెల్లూరు(అర్బన్‌): మురసు తుఫాన్‌ను ఎదుర్కొనేందుకు జిల్లా యంత్రాంగం అప్రమత్తంగా ఉందని కలెక్టర్‌ హిమాన్షు శుక్లా తెలిపారు. ఆదివారం సాయంత్రం ఆయన కలెక్టరేట్‌లో మీడియాతో మాట్లాడారు. తుఫాన్‌ వల్ల జిల్లాలో సోమవారం సాయంత్రం నుంచి మంగళవారం మధ్యాహ్నం వరకు భారీ వర్షాలు కురుస్తాయని వాతావరణ శాఖ తెలిపిందన్నారు. తుఫాన్‌ కావలి – కందుకూరు మధ్య తీరం దాటే అవకాశం ఉందన్నారు. ఈ నేపథ్యంలో అన్ని రకాల రక్షణ చర్యలు చేపట్టామన్నారు. గంటకు 120 కిలోమీటర్ల వేగంతో ఈదురుగాలులు వీస్తాయన్నారు. మత్స్యకారులు సముద్రంలోకి వెళ్లరాదన్నారు. లోతట్టు ప్రాంతాల ప్రజలను రెవెన్యూ, పోలీసు అధికారులు సంయుక్తంగా ఇతర ప్రాంతాలకు తరలించాలని తెలిపారు. కావలి పట్టణ పరిసర ప్రాంతాల ప్రజలు అత్యంత అప్రమత్తంగా ఉండాలని సూచించారు. విద్యుత్‌ స్తంభాలు, తెగిపడిన తీగలకు దూరంగా ఉండాలని సూచించారు. కంట్రోల్‌ రూమ్‌ ఏర్పాటు తుఫాన్‌ వల్ల ఇబ్బందులు పడే ప్రజల తక్షణ సాయం కోసం కలెక్టరేట్‌లో కంట్రోల్‌ రూమ్‌ ఏర్పాటు చేశామని కలెక్టర్‌ తెలిపారు. ఇది 24 గంటలు పని చేస్తుందన్నారు. ప్రజలు తుఫాన్‌ ఇబ్బందులు తెలిపేందుకు 0861–2331261, 79955 76699 నంబర్లకు ఫోన్‌ చేయాలని సూచించారు.

● టీడీపీకి సహకరించిన పోలీస్‌, అధికార యంత్రాంగం ● బూత్‌ల వద్దకు వైఎస్సార్సీపీ నేతలు వెళ్లకుండా అడ్డుకున్న వైనం నెల్లూరు(బారకాసు): నెల్లూరు కార్పొరేషన్‌తో పాటు ఆత్మకూరు, బుచ్చిరెడ్డిపాళెం మున్సిపాల్టీలకు సంబంధించి ఆదివారం నిర్వహించిన పోలింగ్‌ ముగిసింది. పోలింగ్‌ కేంద్రాలకు సాయంత్రం ఐదు గంటల్లోపు చేరుకున్న వారికి ఓటేసే అవకాశాన్ని కల్పించారు. నగరంలోని పలు చోట్ల ప్రతిపక్ష పార్టీ నేతలను కేంద్రాల వద్దకు వెళ్లనీయకుండా పోలీస్‌ అధికారులు అడ్డుకున్నారు. పర్వతరెడ్డిని అడ్డుకున్న ఖాకీలు పోలింగ్‌ ప్రక్రియ పరిశీలన నిమిత్తం మినీబైపాస్‌ నుంచి బాలాజీనగర్‌లోని స్వామిదాస్‌ స్కూల్‌కు వెళ్లేందుకు ఎమ్మెల్సీ, వైఎస్సార్‌ కాంగ్రెస్‌ పార్టీ నెల్లూరు నగర నియోజకవర్గ ఇన్‌చార్జి పర్వతరెడ్డి చంద్రశేఖర్‌రెడ్డి యత్నించగా, పోలీసులు అడ్డుకున్నారు. దీనిపై ప్రశ్నించగా, లా అండ్‌ ఆర్డర్‌ సమస్యొస్తుందని, నోటీస్‌ను ఉన్నతాధికారులకు జారీ చేయాలని చెప్పారంటూ అందజేశారు. దీంతో ఎమ్మెల్సీతో పాటు పార్టీ మేయర్‌ అభ్యర్థి ఆనం విజయకుమార్‌రెడ్డి తనయుడు కార్తీక్‌రెడ్డి పోలీస్‌ అధికారులతో మాట్లాడినా, వారు ససేమిరా అన్నారు. ఈ తరుణంలో కొద్దిసేపు ఉద్రిక్తత నెలకొంది. కూటమి నేతలకు దాసోహం ● కూటమి నేతలకు పోలీస్‌, అధికారం యంత్రాంగం దాసోహమైంది.నగరంలోని 12వ డివిజన్లో గల బీవీఎస్‌ స్కూల్లో ఏర్పాటు చేసిన పోలింగ్‌ కేంద్రం బయట వైఎస్సార్‌ కాంగ్రెస్‌ పార్టీ కార్పొరేటర్‌ అభ్యర్థి పెళ్లూరు శ్రీనివాసులుతో టీడీపీ నేతలు వాగ్వాదానికి దిగారు. ● తమ పార్టీకే ఓటేయాలంటూ జెండావీధి, కోటమిట్టలోని మున్సిపల్‌ స్కూళ్లలో ఏర్పాటు చేసిన బూత్‌ల వద్ద టీడీపీ శ్రేణులు ప్రచారం చేశారు. దీనిపై వైఎస్సార్‌ కాంగ్రెస్‌ పార్టీ నేతలు అభ్యంతరం వ్యక్తం చేశారు. ● నవాబుపేటలోని నగరపాలక ఉన్నత పాఠశాలలో 14వ డివిజన్‌కు సంబంధించి ఏర్పాటు చేసిన బూత్‌లోకి అధికార పార్టీ కార్పొరేటర్‌ అభ్యర్థిని సాయంత్రం ఐదు తర్వాత పోలీసులు పంపారు. అయితే వైఎస్సార్‌ కాంగ్రెస్‌ పార్టీ అభ్యర్థి ధనూజను అడ్డుకున్నారు. తమ పార్టీకి ఓ న్యాయం.. టీడీపీకి మరో న్యాయమానంటూ ఆమె ప్రశ్నించారు.విషయం తెలు సుకున్న ఆనం విజయకుమార్‌రెడ్డి అక్కడికొచ్చి పోలీసులతో మాట్లాడి ఆమెను పోలింగ్‌ కేంద్రంలోకి పంపేలా చేశారు.

నెల్లూరు(క్రైమ్‌): పురపోరులో ప్రజలు స్వేచ్ఛగా, నిర్భయంగా తమ ఓటు హక్కును వినియోగించుకునేలా పటిష్ట భద్రతా చర్యలు తీసుకున్నామని ఎస్పీ అజిత వేజెండ్ల చెప్పారు. ఆదివారం నెల్లూరు పొదలకూరు రోడ్డు జిల్లా ప్రజా పరిషత్‌ బాలుర, బాలికల ఉన్నత పాఠశాలల్లోని 17 సెన్సిటివ్‌, నగరంలోని పలు సమస్యాత్మక, సున్నితమైన పోలింగ్‌ కేంద్రాలను ఎస్పీ సందర్శించారు. పోలింగ్‌ సరళి, భద్రతా ఏర్పాట్లను క్షేత్రస్థాయిలో పరిశీలించారు. అనంతరం పోలీసు కవాతు మైదానంలోని ఇంటిగ్రేటెడ్‌ కమాండ్‌ కంట్రోల్‌రూమ్‌ నుంచి నెల్లూరు కార్పొరేషన్‌, బుచ్చిరెడ్డిపాళెం, ఆత్మకూరు ప్రాంతాల్లో పోలింగ్‌ సరళిని సమీక్షించారు. అదేవిధంగా ఏఎస్పీ సీహెచ్‌ సౌజన్య మాగుంట లేఅవుట్‌లోని విశ్వసాయి స్కూల్లో పోలింగ్‌ కేంద్రాలను సందర్శించి భద్రతా ఏర్పాట్లను పరిశీలించారు.

వెంకటాచలం: ప్రజలకిచ్చిన హామీలను అమలు చేయడంలో వైఫల్యం చెందిన చంద్రబాబు ఎన్నికల్లో ఓటమి భయంతోనే రాష్ట్రంలో అరాచకాలు సృష్టిస్తున్నారని మాజీ మంత్రి, వైఎస్సార్‌సీపీ జిల్లా అధ్యక్షుడు కాకాణి గోవర్ధన్‌రెడ్డి ఆరోపించారు. స్థానిక సంస్థల ఎన్నికల్లో భాగంగా మండలంలోని కసుమూరు పంచాయతీలో ఆదివారం కాకాణి పర్యటించారు. ఆయనకు గ్రామస్తులు, మహిళలు అడుగడుగునా ఘన స్వాగతం పలికారు. జగనన్న పాలనలో ఏ సమస్య తలెత్తినా అధికారుల దృష్టికి తీసుకెళ్లిన వెంటనే పరిష్కారం చేసేవారన్నారు. ప్రస్తుతం తమ గ్రామంలో సమస్యలు పట్టించుకునేవారు కరువయ్యారని వాపోయారు. ఈ సందర్భంగా కసుమూరు – 1, కసుమూరు – 2 ఎంపీటీసీ అభ్యర్థులు మందా చంద్రశేఖర్‌, చీకుర్తి శేషయ్య, జెడ్పీటీసీ అభ్యర్థి డక్కిలి వెంకటరమణమ్మను ప్రజలు గెలిపించాలని కాకాణి కోరారు. – గోవర్ధన్‌రెడ్డి మాట్లాడుతూ వైఎస్‌ జగన్‌మోహన్‌రెడ్డి 90 శాతానికి పైగా అమలు చేశారని గుర్తు చేశారు. చంద్రబాబు ప్రజలకు ఇచ్చిన ఒక్క హామీనైనా రెండన్నరేళ్ల పాలనలో అమలు చేశారా అని ప్రశ్నించారు. జగన్‌ సీఎంగా ఉన్నప్పుడు ప్రతి ఆరునెలలకు ఒకసారి కొత్త పింఛన్లు మంజూరు చేశారన్నారు. కూటమి రెండన్నరేళ్ల పాలనలో ఒక్క పెన్షన్‌ కూడా మంజూరు చేయలేదని ధ్వజమెత్తారు. వైఎస్సార్‌సీపీ పాలనలో మంజూరైన వాటినే చంద్రబాబు ఇస్తున్నారనే విషయాన్ని ప్రజలు తెలుసుకోవాలన్నారు. హామీలు అమలు చేయకపోవడంతో ప్రజలు చంద్రబాబుపై తీవ్ర వ్యతిరేకతతో ఉన్నారని చెప్పారు. ఈ విషయాన్ని గ్రహించి ఎలాగైనా స్థానిక సంస్థల ఎన్నికల్లో గెలవాలని కుట్రలు చేయడం సిగ్గు చేటన్నారు. సర్వేపల్లికి ఏం చేశాడో చెప్పే దమ్ముందా? సర్వేపల్లి నియోజకవర్గానికి రెండన్నరేళ్ల కూటమి పాలనలో ఏం అభివృద్ధి చేశాడో చెప్పే దమ్ము సోమిరెడ్డికి ఉందా అని కాకాణి ప్రశ్నించారు. నియోజకవర్గాన్ని దోచుకోవడం.. దాచుకోవడం తప్ప చేసింది శూన్యమన్నారు. కసుమూరులో వైఎస్సార్‌సీపీ హయాంలో రూ.కోట్లతో పనులు చేశామన్నారు. ప్రస్తుత పాలనలో విలువైన దేవాలయ భూమిని సోమిరెడ్డి కాజేసేందుకు ప్రయత్నాలు చేసి గ్రామస్తుల చేత ఛీ కొట్టించుకున్నాడని విమర్శించారు. సోమిరెడ్డి తన పర్యటనలో తమ పార్టీ వాళ్లను తిట్టడం తప్ప, ఏం చేశాడో చెప్పుకోలేని దుస్థితిలో ఉన్నాడన్నారు. తమ ప్రభుత్వ హయాంలో అన్ని వర్గాల ప్రజలకు మేలు చేశామని గర్వంగా చెప్పుకుంటున్నామని, చంద్రబాబు పాలనలో పింఛన్లు, రేషన్‌ సరుకులు సక్రమంగా రావడం లేదన్నారు. ఊరూరా వెలిసిన బెల్టు షాపులతో మద్యం మాత్రం విచ్చలవిడిగా సరఫరా చేస్తున్నారని విమర్శించారు. కార్యక్రమంలో వైఎస్సార్‌సీపీ జిల్లా ఉపాధ్యక్షుడు మందల వెంకటశేషయ్య, మాజీ సర్పంచ్‌ కడివేటి శివ, శ్రీధర్‌నాయుడు, గుర్రం పుట్టయ్య, చీకుర్తి నరసయ్య, మస్తానయ్య, మందా కృష్ణ తదితరులు పాల్గొన్నారు. రెండు ప్రభుత్వాల పాలనపై బేరీజు వేసి ఓట్లు వేయాలి మాజీ మంత్రి కాకాణి గోవర్ధన్‌రెడ్డి

● ప్రచార వాహనాలపై కేసు కోట: మండలంలో పోటీలో ఉన్న వైఎస్సార్‌సీపీ ఎంపీటీసీ అభ్యర్థులను పోలీసులు టార్గెట్‌ చేసి వేధింపులకు గురిచేస్తున్నారు. అందులో భాగంగా ఊనుగుంటపాళెంలో నాలుగు ప్రచార ఆటోలను ఆదివారం పోలీసులు స్వా ధీనం చేసుకుని స్టేషన్‌కు తరలించారు. ఆ ఊరిలో వైఎస్సార్‌సీపీ నేతల ప్రచారానికి ప్రజల నుంచి అపూర్వ స్పందన వస్తోంది. జెడ్పీటీసీ అభ్యర్థి అనిత, ఎంపీటీసీ అభ్యర్థి శైలజమ్మకు మద్దతుగా నాయకులు ప్రచారంలో పాల్గొని ఓటర్లను కలుస్తున్నారు. అన్ని కాలనీల్లో జనం బ్రహ్మరథం పడుతుండటంతో తట్టుకోలేని కొందరు స్థానిక టీడీపీ నేతలు పోలీసులను అడ్డుపెట్టుకుని నీచ రాజకీయాలకు తెరతీశారు. ప్రచారంలో ఉన్న నాలుగు ఆటోలను పోలీసులు తీసుకెళ్లి స్టేషన్‌లో పెట్టారు. ప్రశ్నించిన వైఎస్సార్‌సీపీ నాయకులను భయభ్రాంతులకు గురిచేశారు. నలుగురు ఆటో డ్రైవర్లు పెంచలయ్య, వంశీ, ధనుంజయ, శ్రీనివాసులుపై కేసులు నమోదు చేసినట్లు ఏఎస్సై శోభారాణి తెలిపారు. విద్యుత్‌ సిబ్బందికి సెలవులు రద్దు● జిల్లా ప్రత్యేక విద్యుత్‌ అధికారిగా రమణాదేవి నెల్లూరు(వీఆర్సీసెంటర్‌): జిల్లాకు తుపాన్‌ హెచ్చరికల నేపథ్యంలో ప్రత్యేక విద్యుత్‌ అధికారిగా తిరుపతి కార్పొరేట్‌ కార్యాలయానికి చెందిన చీఫ్‌ జనరల్‌ మేనేజర్‌ రమణాదేవిని సీఎండీ శివశంకర్‌ నియమించారు. దీంతో ఆమె ఆదివారం నగరంలోని విద్యుత్‌ భవన్‌లో అధికారులతో సమీక్ష నిర్వహించారు. ఈ సందర్భంగా మాట్లాడుతూ అన్ని సబ్‌ డివిజన్లలో ప్రత్యేక కంట్రోల్‌రూమ్‌లు ఏర్పాటు చేసి నోడల్‌ అధికారులను నియమించాలని ఆదేశించారు. విద్యుత్‌ సిబ్బందికి సెలవులు రద్దు చేయాలన్నారు. అధికారులు వారి హెడ్‌ క్వార్టర్స్‌లోనే ఉండాలన్నారు. సమావేశంలో ఏపీఎస్పీడీసీఎల్‌ జిల్లా సర్కిల్‌ ఎస్‌ఈ సుధాకర్‌, డీఈటీ అల్తాఫ్‌, నెల్లూరు టౌన్‌ ఈఈ శ్రీధర్‌ తదితరులు పాల్గొన్నారు. ప్రమాదాలు జరగకుండా చూడాలి విద్యుత్‌ ప్రమాదాలు జరగకుండా ముందస్తు చర్యలు తీసుకోవాలని సీఎండీ శివశంకర్‌ ఆదివారం జిల్లా అధికారులకు ఆదేశాలు జారీ చేశారు. ప్రమాదాలు జరిగిన వెంటనే టోల్‌ప్రీ నంబర్లు 1912, 1800 425 155333, 91333 31912కు సమాచారం ఇవ్వాలన్నారు. పునరుద్ధరణ చర్యలు చేపట్టేందుకు విద్యుత్‌ స్తంభాలు, ట్రాన్స్‌ఫార్మర్లు, ఇతర పరికరాలను అందుబాటులో ఉంచాలన్నారు.

నెల్లూరు కార్పొరేషన్‌కు సంబంధించి పోలింగ్‌ ఆదివారం జరిగింది. ఉదయం నుంచి ఓటర్లు కేంద్రాలకు తరలివెళ్లి ఓట్లు వేశారు. వివిధచోట్ల వృద్ధులు క్యూల్లో నిలబడలేక ఇబ్బందులు ఎదుర్కొన్నారు. – సాక్షి ఫొటోగ్రాఫర్‌, నెల్లూరు నెల్లూరు ఇరిగేషన్‌ కార్యాలయంలోని కేంద్రంలో ఓటు వేసేందుకు క్యూలో ఉన్న ఓటర్లు కొండాయపాళెంలో ఓటు వేసేందుకు క్యూలో ఉన్న మాజీ మంత్రి అనిల్‌కుమార్‌ యాదవ్‌వీల్‌చైర్‌ లేకపోవడంతో భుజాలపై మోసుకెళ్తూ..

వెంకటాచలం: మండలంలోని కాకుటూరు వద్దనున్న విక్రమ సింహపురి యూనివర్సిటీ(వీఎస్‌యూ)లో శనివారం నషాముక్త యువ ర్యాలీని వీసీ అల్లం శ్రీనివాసరావు జెండా ఊపి ప్రారంభించారు. ఈ సందర్భంగా ఆయన మాట్లాడుతూ యువత వ్యసనాలకు దూరంగా ఉండాలని, ఆరోగ్యవంతమైన, క్రమశిక్షణ కలిగిన, బాధ్యతాయుతంగా జీవించాలని పిలుపునిచ్చారు. దేశ భవిష్యత్‌ యువత చేతుల్లో ఉందనే విషయాన్ని ప్రతిఒక్కరూ గ్రహించాలన్నారు. అనంతరం దేశ తొలి ఉప ప్రధాని సర్దార్‌ వల్లభ్‌భాయ్‌ పటేల్‌ జయంతి సందర్భంగా ఆయన చిత్రపటానికి పూలమాల వేసి నివాళులర్పించారు. కార్యక్రమంలో ఇన్‌చార్జి రిజిస్ట్రార్‌ డాక్టర్‌ కె.సునీత, ప్రిన్సిపల్‌ డాక్టర్‌ టి.వీరారెడ్డి తదితరులు పాల్గొన్నారు.

● మాజీ మంత్రి కాకాణి గోవర్ధన్‌రెడ్డి ● సన్నారెడ్డి శ్రీనివాసులురెడ్డితో పాటు కుటుంబసభ్యులకు మద్దిల, బూదూరుతో కలిసి పరామర్శ చిట్టమూరు: ప్రజలకు రక్షణ కల్పించాల్సిన ఖాకీలను నేడు దొంగలుగా సీఎం చంద్రబాబు మారుస్తున్నారని మాజీ మంత్రి, వైఎస్సార్‌ కాంగ్రెస్‌ పార్టీ జిల్లా అధ్యక్షుడు కాకాణి గోవర్ధన్‌రెడ్డి ఆరోపించారు. మండలంలోని యాకసిరిలో గల కృష్ణమనాయుడు కండ్రిగలో పార్టీ మండల కన్వీనర్‌ సన్నారెడ్డి శ్రీనివాసులురెడ్డి, కుటుంబసభ్యులను తిరుపతి ఎంపీ మద్దిల గురుమూర్తి, పార్టీ గూడూరు నియోజకవర్గ సమన్వయకర్త బూదూరు గురవయ్యతో కలిసి శనివారం పరామర్శించిన అనంతరం కాకాణి మాట్లాడారు. తమ పార్టీ నేతల ఇళ్ల వద్ద గంజాయి, మద్యం సీసాలను దొంగతనంగా ఉంచి అక్రమ కేసులు నమోదు చేస్తున్నారని, ఇలాంటి అరాచక పాలనకు చరమగీతం పాడేందుకు టీడీపీని మట్టి కరిపించాలని పిలుపునిచ్చారు. ప్రశాంతంగా ఉండే గూడూరు నియోజకవర్గాన్ని రావణకాష్టంలా మార్చేలా సైకిల్‌ పార్టీ నేతలు వ్యవహరిస్తున్నారని దుయ్యబట్టారు. ఎన్నికల్లో తమ పార్టీతో తలపడలేక, పోలీసులను అడ్డదారుల్లో ఉపయోగించుకొని ఎక్కడిక్కడ అక్రమ కేసులు బనాయించి నేతలను జైళ్లకు పంపేందుకు యత్నించడం సిగ్గుచేటని విమర్శించారు. గూడూరులో ఎంపీటీసీగా పోటీ చేస్తున్న అట్ల సంపూర్ణమ్మ ఇంటి వద్ద మద్యం బాటిళ్లను అర్ధరాత్రి పోలీసులే పెట్టి అక్రమ కేసులను బనాయించారని మండిపడ్డారు. సన్నారెడ్డి శ్రీనివాసులురెడ్డిపై ఎవరో పిర్యాదు చేశారంటూ ఏకంగా హత్యాయత్నం కేసును నమోదు చేసి జైలుకు పంపారని ఆగ్రహం వ్యక్తం చేశారు. తమ పార్టీ నేతలను తిరుపతి ఎస్పీ బెదిరిస్తూ.. అక్రమంగా అరెస్ట్‌ చేశారని ఆరోపించారు. టీడీపీ అరాచకాలకు అడ్డుకట్టేసేలా తమ పార్టీని గెలిపించాలని కోరారు. రణరంగంగా మార్చారు.. ప్రశాంతంగా జరగాల్సిన పరిషత్‌ ఎన్నికలను రణరంగంగా మార్చిన ఘనత చంద్రబాబుకే దక్కుతుందని గురుమూర్తి దుయ్యబట్టారు. గ్రామీణ ప్రాంతాల్లో ఎన్నికల సమయంలోనే వర్గాలుంటాయని, ఆ తర్వాత అందరూ కలసికట్టుగా ఉంటారని, అయితే వీరి మధ్యలో కక్షలు.. కార్పణ్యాలను పెంచి పోషిస్తూ శకుని ప్రాతను పోషిస్తున్నారని మండిపడ్డారు. సన్నారెడ్డి శ్రీనివాసులురెడ్డిని అక్రమంగా అరెస్ట్‌ చేసిన వారిని.. దీని వెనుకున్న వారిని.. ప్రోత్సహించిన వారిని వదలిపెట్టే ప్రసక్తే లేదని స్పష్టం చేశారు. ప్రజాభీష్టం మేరకు పాలనను సాగించకుండా.. లోకేశ్‌ కోసం రెడ్‌బుక్‌ రాజ్యాంగాన్ని చంద్రబాబు అమలు చేస్తున్నారని విమర్శించారు. ఎన్నికలకు ముందు ఇచ్చిన హామీలను అమలు చేయకుండా చేతులెత్తేశారన్నారు. పేదలు తమ సంపాదన మొత్తాన్నీ బెల్టుషాపుల్లోనే ధారపోస్తున్నారని చెప్పారు. అనంతరం గురవయ్య మాట్లాడారు. నియోజకవర్గంలో టీడీపీ నేతలు సాగిస్తున్న దమనకాండకు చరమగీతం పాడే రోజులు దగ్గర్లో ఉన్నాయని పేర్కొన్నారు. నేతలు కామిరెడ్డి కస్తూరిరెడ్డి, చెన్నారెడ్డి బాబురెడ్డి, జెడ్పీటీసీ అభ్యర్థి సన్నారెడ్డి విజయలక్ష్మి, బద్దిగ వెంకటరమణయ్య, రాజీవ్‌రామిరెడ్డి, గొట్టిపాటి రవీంద్రరెడ్డి, మారంరెడ్డి రఘునాథ్‌రెడ్డి, కామిరెడ్డి రమేష్‌రెడ్డి, సుధాకర్‌రెడ్డి, చెన్నూరు శ్రీహరిరెడ్డి తదితరులు పాల్గొన్నారు.

● నామినేషన్‌ నుంచి పోలింగ్‌ ప్రక్రియ వరకు కొనసాగింపు ● అభ్యర్థులకు బెదిరింపులు, ప్రలోభాలు, బలవంతపు విత్‌డ్రాలు ● అధికార అండ.. పోలీసుల తోడుతో పచ్చనేతల పన్నాగాలు ● ఓటర్లు, ఏజెంట్లకు నోట్ల ఎర ● ప్రజాక్షేత్రంలో గెలవలేమని అడ్డదారులు ● పోలింగ్‌ రోజున విధ్వంసానికి స్కెచ్‌? ● నిఘా కెమెరాల్లేకుండా ఎన్నికల నిర్వహణపై ఆందోళన ● సుప్రీంకోర్టు ఆదేశాలున్నా వెబ్‌ కెమెరాలు కరువు ● నేడు మున్సిపల్‌ వార్‌ గెలుపు కోసం దశదిశల కుట్రలు సాక్షి ప్రతినిధి, నెల్లూరు: కూటమి ప్రభుత్వంపై ఉన్న ప్రజావ్యతిరేకతతో స్థానిక సంస్థల్లో ఓటమి తప్పదని భావించిన టీడీపీ నేతల అరాచకాలతో ప్రజాతీర్పుపై పచ్చ పంజా విసురుతోంది. మున్సిపల్‌ వార్‌లో గెలుపే లక్ష్యంగా పచ్చ నేతలు దశ కుట్రలు పన్నారు. ప్రజాక్షేత్రంలో గెలిచే ధైర్యం లేక అధికార దర్పం, పోలీసు బలగం, ప్రలోభాల అస్త్రాలతో ఎన్నికల ప్రక్రియను అపహాస్యం చేస్తున్నారు. నామినేషన్ల ఘట్టం నుంచే మొదలైన కుట్రల పర్వం అభ్యర్థులకు బెదిరింపులు, ప్రలోభాలు, బలవంతపు ఉపసంహరణలతో పతాక స్థాయికి చేరింది. ఓటర్లను, పోలింగ్‌ ఏజెంట్లను నోట్ల కట్టలతో కొనుగోలు చేసేందుకు తెరవెనుక పన్నాగాలు పన్నారు. పోలింగ్‌ రోజున బూత్‌ల ఆక్రమణలు, దాడులు, విధ్వంసాలకు రంగం సిద్ధం చేశారనే అనుమానాలు బలపడుతున్నాయి. మరో వైపు సుప్రీంకోర్టు ఆదేశాలున్నా పోలింగ్‌ కేంద్రాల్లో వెబ్‌ కెమెరాల ఏర్పాటుపై నిర్లక్ష్యం ఎన్నికల పారదర్శకత ప్రశ్నార్థకంగా మారింది. ఆఖరి ఘట్టానికి పుర పోరు జిల్లాలోని నెల్లూరు కార్పొరేషన్‌తోపాటు బుచ్చిరెడ్డిపాళెం, ఆత్మకూరు మున్సిపాలిటీల్లో ఆదివారం ఎన్నికలు జరగనున్నాయి. ఈ ఎన్నికల్లో గెలుపే లక్ష్యంగా పోలింగ్‌ రోజు ప్రతి బూత్‌ను తమ గుప్పెట్లోకి తీసుకుని ఓటర్లు ఓటువేసేందుకు రాకుండా గంజాయి, కిరాయి మూకలతో కలిసి భారీ విధ్వంసానికి స్కెచ్‌ వేసింది. శాంతిభద్రతలను పరిరక్షణకు చర్యలు తీసుకోవాల్సిన పోలీస్‌ యంత్రాంగం, కెమెరాల నిఘా నీడలో పోలింగ్‌ ప్రక్రియను నిర్వహించాల్సిన ఎన్నికల అధికార యంత్రాంగం అందుకు భిన్నంగా, సుప్రీం కోర్టు ఆదేశాలను సైతం తుంగలో తొక్కి టీడీపీ అరాచక శక్తులకు అభయం కల్పిస్తోంది. ఇప్పటికే ఆయా ప్రాంతాల్లో కూటమి నేతలు పాగా వేశారు. కుట్రలు ఇలా.. ప్రజాక్షేత్రంలో ఓటమి భయంతో పదవులను ప్రజాతీర్పునకు భిన్నంగా, ఎన్నికల ప్రక్రియకు విరుద్ధంగా దక్కించుకునేందుకు అధికార పార్టీ దశదిశల అనేక కుట్రలకు తెరలేపింది. నామినేషన్ల పర్వంతోనే దశ కుట్రలో మొదటి భాగం అమలు చేశారు. వైఎస్సార్‌సీపీ నుంచి నామినేషన్లు వేసే వారి వివరాలు సేకరించి నామినేషన్లు దాఖలు చేయొద్దని పార్టీ నేతలతో బెదిరింపులు, తర్వాత పోలీస్‌ అధికారులతో వార్నింగ్‌లిచ్చారు. అయినా వారి బెదిరింపులను లెక్కచేయకుండా నామినేషన్‌ దాఖలు చేసేందుకు సిద్ధమైతే.. కర్రలు, రాడ్లతో చెలరేగిపోయి పత్రాలు చించివేయడంతో అరాచక పర్వంలో రెండో అంకానికి తెరతీశారు. నామినేషన్ల స్క్రూటీని ఘట్టం టీడీపీ నేతల అరాచక పర్వాన్ని ఎదిరించి నామినేషన్లు దాఖలు చేసినా పరిశీలన కార్యక్రమంలో కొందరు అధికారులు పచ్చచొక్కాలు తొడిగి సిల్లీ రీజన్స్‌ చూపి స్క్రూటీనిలో ప్రధాన అభ్యర్థుల నామినేషన్లను తిరస్కరించారు. టీడీపీ అభ్యర్థులు నామినేషన్లలో ఎలాంటి తప్పులు దొర్లలేదని, కేవలం వైఎస్సార్‌సీపీ అభ్యర్థుల మాత్రమే తప్పులు జరిగినట్లు చూపి రిజెక్ట్‌ చేయించారు. విత్‌ డ్రాలో.. దశ కుట్రలో మూడో భాగమైన నామినేషన్ల విత్‌ డ్రాలో వింతపోకడలు చూపించారు. అభ్యర్థులను నయానో, భయానో భయపెట్టి విత్‌డ్రాలు చేయించారు. మరికొన్ని చోట్ల అభ్యర్థులకు తెలియకుండానే వారి ఫోర్జరీ సంతకాలతో విత్‌డ్రాలు చేసి చరిత్రలో మరో కొత్త అధ్యయాన్ని లిఖించారు. నెల్లూరు కార్పొరేషన్‌లో 8, ఆత్మకూరులో ఒకటి, బుచ్చిరెడ్డిపాళెంలో ఐదు వార్డులు ఏకగ్రీవం చేయించారు. సాక్షాత్తు పోలీస్‌ అధికారి వాహనంలోనే డబ్బు సంచులు పెట్టి వైఎస్సార్‌సీపీ అభ్యర్థికి వల వేసిన ఘటన కూడా సంచలనంగా మారింది. ప్రచారంలో పాల్గొన్నా.. బెదిరింపులు వైఎస్సార్‌సీపీ అభ్యర్థుల ప్రచార ఘట్టంలో అభిమానంతో పాల్గొన్న వారిపై బెదిరింపులు పర్వం కొనసాగించారు. ఎవరైనా పార్టీలో యాక్టివ్‌గా ఉంటే వారిని పిలిపించి బెదిరించి పంపడం అరాచక ఘట్టంలో ఇదొక అంకం. ఓటుకు నోటు నెల్లూరు కార్పొరేషన్‌లో టీడీపీ నేతల బరితెగించారు. ఓటుకు నోటు కార్యక్రమంలో మంత్రి నారాయణ తన ప్రత్యేక టీఎంను దాదాపు వెయ్యి మందిని రంగంలోకి దించారు. నెల్లూరు సిటీ నియోజకవర్గంలో ప్రతి ఓటుకు రూ.2 వేలు వంతున పబ్లిక్‌ గానే పంపిణీ చేశారు. నెల్లూరు రూరల్‌ నియోజకవర్గ పరిధిలో ప్రతి ఓటుకు రూ.వెయ్యి వంతున పంపిణీ చేశారు. చివరి ప్రయత్నంగా అరాచకం ఎన్నికల్లో ప్రజాతీర్పు అధికార పార్టీకి వ్యతిరేకంగా వస్తుందనే సమాచారం బయటకు వస్తే.. చివరి ప్రయత్నంగా పోలింగ్‌ కేంద్రాల వద్ద అరాచకాలతో అలజడులు సృష్టించి ఓటర్లు భయభ్రాంతులకు గురి చేసి బూత్‌లను ఆక్రమించి, రిగ్గింగ్‌ చేసేందుకు కూడా వెనుకాడని పరిస్థితి ఉందని నిష్పక్షపాతంగా విధులు నిర్వహిస్తున్న కొందరు ఎన్నికల, పోలీసు అధికారులు చెబుతున్నారు. ఏజెంట్లకు బెదిరింపులు ఎన్నికల ఘట్టంలో ప్రధాన అంశం ఏజెంట్ల నియామకం వైఎస్సార్‌సీపీ ఏజెంట్ల జాబితాను అధికారుల నుంచి తీసుకున్న టీడీపీ నేతల వారిని ప్రలోభాలు, బెదిరింపులతో వారిని మచ్చిక చేసుకుని పోలింగ్‌ కేంద్రాల్లో సైక్లింగ్‌ రిగ్గింగ్‌ చేసుకునే అవకాశం ఉందని తెలుస్తోంది.

పొదలకూరు: ఏడాదిన్నర క్రితం నమోదైన అక్రమ మైనింగ్‌ కేసులో వైఎస్సార్‌ కాంగ్రెస్‌ పార్టీ పొదలకూరు బిట్‌ – 2 ఎంపీటీసీ అభ్యర్థి వాకాటి సంధ్య భర్త, పొదలకూరు మాజీ ఉప సర్పంచ్‌ వాకాటి శ్రీనివాసులురెడ్డికు 41 నోటీస్‌ను పోలీసులు అందజేశారు. మండలంలోని రుస్తుం మైన్‌లో మైనింగ్‌ను అక్రమంగా నిర్వహించి రూ.కోట్లు దోచుకున్నారంటూ 14 మందిపై కేసును పొదలకూరు పోలీసులు గతేడాది ఫిబ్రవరిలో నమోదు చేశారు. మాజీ మంత్రి, పార్టీ జిల్లా అధ్యక్షుడు కాకాణి గోవర్ధన్‌రెడ్డిని ఏ – 4 గా చేర్చి అరెస్ట్‌ చేసి జైలుకు పంపిన విషయం తెలిసిందే. ఇదే కేసులో ఏ – 2, 3గా వాకాటి శివారెడ్డి, వాకాటి శ్రీనివాసులురెడ్డి పేర్లను చేర్చారు. ఇప్పటికే 60 రోజుల పాటు రిమాండ్‌ ఖైదీగా జిల్లా కారాగారంలో శివారెడ్డి ఉండి బెయిల్‌పై వచ్చారు. అప్పటి నుంచి బెయిల్‌ కోసం వాకాటి శ్రీనివాసులురెడ్డి యత్నిస్తున్నారు. అయితే ఎస్సీ, ఎస్టీ కేసు ఇంప్లీడ్‌ కావడంతో ముందస్తు బెయిల్‌ మంజూరులో జాప్యం జరిగింది. దీంతో పోలీసులు అరెస్ట్‌ చేయకపోవడంతో స్థానిక ఎన్నికల్లో తన సతీమణి సంధ్యను వాకాటి శ్రీనివాసులురెడ్డిపై బరిలో నిలిపి ప్రచారంలో పాల్గొంటున్నారు. దీంతో అధికార పార్టీ నేతలు అదను చూసి వాకాటిని అరెస్ట్‌ చేయించేందుకు ఎత్తుగడ వేశారనే చర్చ నడుస్తోంది. కాగా విచారణకు హాజరైన ఆయన్ను తిరిగి ఈ నెల ఆరో తేదీన రావాలని డీఎస్పీ ఘట్టమనేని శ్రీనివాసరావు సూచించారు.

● మాజీ ఎమ్మెల్యే మేకపాటి విక్రమ్‌రెడ్డి ఆత్మకూరు రూరల్‌: ఆత్మకూరు మున్సిపాల్టీతో పాటు నియోజకవర్గంలో పోటీలో ఉన్న జెడ్పీటీసీ, ఎంపీటీసీ స్థానాలను వైఎస్సార్‌ కాంగ్రెస్‌ పార్టీ కై వశం చేసుకోనుందని మాజీ ఎమ్మెల్యే మేకపాటి విక్రమ్‌రెడ్డి పేర్కొన్నారు. మండలంలోని కరటంపాడు, పడకండ్ల జెడ్పీటీసీ సెగ్మెంట్ల పరిధిలో గల ఆరు గ్రామాల్లో జెడ్పీ మాజీ చైర్మన్‌ బొమ్మిరెడ్డి రాఘవేంద్రరెడ్డితో కలిసి ప్రచారాన్ని శనివారం నిర్వహించారు. పడకండ్ల సెగ్మెంట్‌లోని వెన్నవాడ, గండ్లవేడు, యర్రబల్లి, బొటికర్లపాడు, పడకండ్లలో ఇంటింటికీ తిరిగి పార్టీ అభ్యర్థులకు మద్దతుగా ప్రచారం చేశారు. బొటికర్లపాడుకు చెందిన టీడీపీ నేత ఏనుగంటి నాగయ్యచౌదరి కుటుంబసభ్యులను పార్టీ నేతలు కలిశారు. తమ గ్రామాలను డీసీపల్లి జాతీయ రహదారికి అనుసంధానం చేసేలా రోడ్డు నిర్మాణం కోసం అనేక యత్నాలు చేశానని, చివరికి దివంగత మేకపాటి గౌతమ్‌రెడ్డి, మాజీ ఎమ్మెల్యే మేకపాటి విక్రమ్‌రెడ్డి ద్వారా ఆ కల సాకారమైందని చెప్పారు. పార్టీ పడకండ్ల అభ్యర్థి కొల్లి దొరస్వామినాయుడు ఘన విజయం సాధించేలా కృషి చేస్తానని హామీ ఇచ్చారు. టీడీపీలో ఇటీవల చేరిన పాశం లింగయ్య తిరిగి విక్రమ్‌రెడ్డి సమక్షంలో వైఎస్సార్‌ కాంగ్రెస్‌ పార్టీ తీర్థం పుచ్చుకున్నారు. జెడ్పీటీసీ అభ్యర్థి పెమ్మసాని ప్రసన్నలక్ష్మి, దిశించర్ల ప్రసాద్‌నాయుడు, మాముడూరు ప్రసాద్‌, దాడి శ్రీనివాసులునాయుడు, న్యాయవాది ఓబులేసు, కోటంరెడ్డి సుబ్బారెడ్డి, పర్వతరెడ్డి మధురెడ్డి, కొండారెడ్డి తదితరులు పాల్గొన్నారు.

జిల్లాలో ఇలా.. మూడున లెక్కింపు ● నేడు పోలింగ్‌ ● ఏర్పాట్లను పూర్తి చేసిన అధికారులు ● కేంద్రాల వద్ద పోలీస్‌ బందోబస్తు నెల్లూరు(బారకాసు): ఎప్పుడెప్పుడానని నిరీక్షిస్తున్న పురపోరు ఆదివారం జరగనుంది. నెల్లూరు కార్పొరేషన్‌తో పాటు ఆత్మకూరు, బుచ్చిరెడ్డిపాళెం మున్సిపాల్టీల్లో ఎన్నికలను నిర్వహించనున్నారు. ప్రచార గడువు శుక్రవారంతో ముగియడంతో ఓటర్లను అభ్యర్థులు కలుస్తున్నారు. వారిని మచ్చిక చేసుకునేందుకు విందులతో పాటు తాయిలాలు అందిస్తూ ఓటేయాలని అభ్యర్థిస్తున్నారు. భారీ భద్రత ఎన్నికలను ప్రశాంతంగా నిర్వహించేందుకు పోలీస్‌ యంత్రాంగం భారీ భద్రతను ఏర్పాటు చేసింది. కార్పొరేషన్‌ పరిధిలోని 72 డివిజన్లలో 148 పోలింగ్‌ స్టేషన్లలో 509 బూత్‌లను ఏర్పాటు చేశారు. ఇందులో అత్యంత సమస్యాత్మకమైన 162 బూత్‌లలో 324 సీసీ కెమెరాలను అమర్చారు. వాస్తవానికి అన్ని చోట్ల వీటిని ఏర్పాటు చేయాలని సుప్రీంకోర్టు ఆదేశాలు జారీ చేసింది. అయితే ఎస్‌ఈసీ సూచనల మేరకు అత్యంత సమస్యాత్మక కేంద్రాల్లోనే నెలకొల్పారు. ఇవి లేని చోట గొడవలు, హింసాత్మకమైన ఘటనలు జరిగితే పరిస్థితేమిటనే అభిప్రాయం ఓటర్లలో వ్యక్తమవుతోంది. బ్యాలెట్‌ బాక్సుల తరలింపు బ్యాలెట్‌ బాక్సులు, పత్రాలను పోలీస్‌ భద్రత నడుమ స్ట్రాంగ్‌ రూమ్‌ల నుంచి డిస్ట్రిబ్యూషన్‌ కేంద్రాలకు.. అక్కడ్నుంచి పోలింగ్‌ కేంద్రాలకు శనివారం రాత్రి తరలించారు. పోలీస్‌ బలగాలను మోహరించారు. ఎన్నికల సంఘం సూచించిన 12 రకాల గుర్తింపు పత్రాల్లో ఏదైనా తమ వెంట తెచ్చుకోవాల్సి ఉంటుంది. 4351 మంది ఎన్నికల సిబ్బంది పోలింగ్‌ ప్రక్రియ సజావుగా జరిగేలా 4351 మంది సిబ్బందిని నియమించారు. వీరిలో 713 మంది పీఓలు, 713 మంది ఏపీఓలు, 2851 మంది ఇతర పోలింగ్‌ అధికారులు, 74 మంది మైక్రో అబ్జర్వర్లున్నారు. నెల్లూరులో 3720.. ఆత్మకూరులో 230.. బుచ్చిరెడ్డిపాళెంలో 401 మంది సిబ్బందిని విధులకు కేటాయించారు. పటిష్ట బందోబస్తు జిల్లా వ్యాప్తంగా 1725 మంది పోలీస్‌ సిబ్బందితో పటిష్టమైన భద్రత ఏర్పాట్లు చేశారు. ఇందులో 31 మంది సీఐలు, 88 మంది ఎస్సైలు, 346 మంది ఏఎస్సై / హెడ్‌కానిస్టేబుళ్లు, 897 మంది కానిస్టేబుళ్లు, 363 మంది హెడ్‌ కానిస్టేబుళ్లున్నారు. 115 వాహనాల ఏర్పాటు ఎన్నికల విధుల నిర్వహణ, పోలింగ్‌ సిబ్బంది తరలింపు తదితరాలకు గానూ 115 వాహనాలను ఏర్పాటు చేశారు. నెల్లూరు నగరపాలక సంస్థకు 15 కార్లు, 70 బస్సులు.. ఆత్మకూరుకు పది కార్లు, ఏడు బస్సులు.. బుచ్చిరెడ్డిపాళేనికి ఎనిమిది కార్లు, ఐదు బస్సులను కేటాయించారు. తాయిలాలిస్తూ.. మహిళలకు చీరలు.. మందుబాబులకు లిక్కర్‌ పంపిణీ జోరుగా సాగుతోంది. ప్రాంతాన్ని బట్టి ఓటుకు రూ.వెయ్యి నుంచి రూ.రెండు వేల వరకు అందజేశారు. ఉద్యోగులు, కుల సంఘాలకు ఆఫర్లిస్తూ మద్దతివ్వాలని అభ్యర్థిస్తున్నారు. వలస ఓటర్లను రప్పించేందుకు యత్నిస్తున్నారు. వారికి అవసరమైన రవాణా ఖర్చులను తామే భరిస్తామంటూ.. వాహన సౌకర్యాలనూ కల్పిస్తున్నారు. నెల్లూరు కార్పొరేషన్లో 2,37,972 మంది పురుషులు.. 2,51,293 మంది మహిళలు.. 86 మంది ఇతరులు కలిపి మొత్తం 4,89,351 మంది ఓటర్లున్నారు. 72 డివిజన్లలో ఎనిమిది ఏకగ్రీవం కాగా, మిగిలిన చోట్ల ఎన్నికలు జరగనున్నాయి. 217 మంది అభ్యర్థులు బరిలో ఉన్నారు. ఆత్మకూరు మున్సిపాల్టీ పరిధిలో 28 వార్డులు.. 30 పోలింగ్‌ కేంద్రాలున్నాయి. 12,654 మంది పురుషులు.. 13,875 మంది మహిళలు కలిపి మొత్తం 26,529 మంది ఓటేయనున్నారు. బుచ్చిరెడ్డిపాళెం మున్సిపాల్టీ పరిధిలో 28 వార్డులు.. 55 పోలింగ్‌ కేంద్రాలున్నాయి. 17,683 మంది పురుషులు.. 18,753 మంది మహిళలు, ఇతరులు రెండు కలిపి మొత్తం 36,438 మంది ఓటర్లున్నారు. కౌంటింగ్‌ను మంగళవారం నిర్వహించి, అదే రోజున ఫలితాలను వెల్లడించనున్నారు. గెలిచిన వారితో నిర్ణయించిన తేదీన ప్రమాణ స్వీకారం చేయించనున్నారు.

నెల్లూరు(పొగతోట): పురపాలక ఎన్నికల తరుణంలో స్లిప్పుల కోసం ఓటర్లకు తిప్పలు తప్పడంలేదు. వాస్తవానికి వీటిని అందజేయాల్సిన బాధ్యత అధికారులపై ఉంది. బీఎల్వోలొచ్చి వీటిని పంపిణీ చేస్తారని చెప్పినా, సగానికిపైగా ఓటర్లకు ఇవి అందలేదు. విభజనతో డివిజన్ల సరిహద్దులు మారిపోవడంతో తమ ఓటు ఎక్కడుందో అర్థం కాక పలువురు అయోమయానికి గురవుతున్నారు. సచివాలయాల వద్ద గంటల తరబడి నిరీక్షించినా, సిబ్బంది అందుబాటులోకి రాలేదు. మరోవైపు కూటమి నేతలకు అనుకూలంగా ఉండే వారికి అందజేసి.. ఇతరులకు పంపిణీ చేయడంలో బీఎల్వోలు నిర్లక్ష్యం వహించారనే ఆరోపణలు వ్యక్తమయ్యాయి. ఎంపీడీఓ కార్యాలయాల్లో పోస్టల్‌ బ్యాలెట్‌ నెల్లూరు(పొగతోట): జెడ్పీటీసీ, ఎంపీటీసీ ఎన్నికలకు సంబంధించిన పోస్టల్‌ బ్యాలెట్లను ఎంపీడీఓ కార్యాలయాల్లో అందజేయనున్నామని జెడ్పీ సీఈఓ మధుసూదన్‌, డిప్యూటీ సీఈఓ బ్రహ్మయ్య శనివారం ఒక ప్రకటనలో తెలిపారు. పోలింగ్‌ ప్రక్రియకు జిల్లాలో 11 వేల మంది ఉద్యోగులను నియమించామని వివరించారు. ఆదివారం నుంచి ఈ నెల నాలుగు వరకు ఉదయం 10.30 నుంచి సాయంత్రం వరకు వీటిని అందజేయనున్నామని చెప్పారు. ఓటరు ఐడీ, ఆధార్‌ కార్డు, ఎలక్షన్‌ డ్యూటీకి సంబంధించిన కాపీని తీసుకెళ్లాలని కోరారు. పోస్టల్‌ బ్యాలెట్‌ను వినియోగించి అక్కడే ఏర్పాటు చేసిన బాక్సులో వేయాలని సూచించారు. ●జెడ్పీటీసీ, ఎంపీటీసీ ఎన్నికలకు సంబంధించిన ప్రచార వాహనాలు, మైక్‌, సభలు, ర్యాలీలకు అనుమతులను తహసీల్దార్‌ కార్యాలయాల్లో మంజూరు చేయనున్నారని వెల్లడించారు. ఇప్పటి వరకు ఆర్డీఓ, డీఎస్పీ కార్యాలయాల్లో అనుమతులిచ్చే విధానాన్ని నిలిపేశారని చెప్పారు. ఈ విషయాన్ని అభ్యర్థులు గమనించాలని కోరారు. కండలేరులో 16.76 టీఎంసీలురాపూరు: కండలేరు జలాశయంలో శనివారం నాటికి 16.76 టీఎంసీల నీరు నిల్వ ఉందని ఈఈ గజేంద్రరెడ్డి తెలిపారు. కండలేరు నుంచి సత్యసాయి గంగ కాలువకు 70, లోలెవల్‌ కాలువకు 10, పిన్నేరు కాలువకు ఐదు, మొదటి బ్రాంచ్‌ కాలువకు ఏడు క్యూసెక్కుల ను విడుదల చేస్తున్నామని వెల్లడించారు.

సర్వం సన్నద్ధం ● వైఎస్సార్‌సీపీ మహిళా విభాగం వర్కింగ్‌ ప్రెసిడెంట్‌ పూజితారెడ్డి నెల్లూరు మున్సిపల్‌ కార్పొరేషన్‌ ఎన్నికలు నేడు జరుగనున్నాయి. ఈ క్రమంలో నగరంలోని డీకేడబ్ల్యూ కళాశాల నుంచి ఎన్నికల సామగ్రిని సంబంధిత పోలింగ్‌ కేంద్రాలకు తరలించారు. ఎన్నికల విధులకు హాజరయ్యే సిబ్బంది తమకు కేటాయించిన రూట్‌లను పరిశీలించుకుని పోలింగ్‌ సామగ్రిని తీసుకెళ్లారు. ఈ క్రమంలో వారి కోసం ఆర్టీసీ అధికారులు ప్రత్యేక బస్సులను ఏర్పాటు చేశారు. – సాక్షి ఫొటోగ్రాఫర్‌, నెల్లూరు బాలికల గురుకులం పూర్వ ప్రిన్సిపల్‌పై విచారణ నెల్లూరు(వేదాయపాళెం): నగరంలోని పొదలకూరు రోడ్డులో ఉన్న ఏపీ ట్రైబల్‌ వెల్ఫేర్‌ బాలికల గురుకులంలో పూర్వ ప్రిన్సిపల్‌ వై.మేరీ ప్రియత ఎదుర్కొంటున్న ఆరోపణలపై శనివారం ఆ శాఖ ఉప కార్యదర్శి విచారణ చేపట్టారు. గత నెల 28న సాక్షి దినపత్రికలో ‘ఐటీడీఏ.. వివాదాలమయం’ అనే శీర్షికన ప్రచురితమైన కథనానికి స్పందించిన ఉన్నతాధికారులు అమరావతిలోని ట్రైబల్‌ వెల్ఫేర్‌ కార్యదర్శి కార్యాలయంలో డిప్యూటీ సెక్రటరీ హోదాలో పనిచేస్తున్న కిశోర్‌ను విచారణాధికారిగా నియమించారు. ఆయన శనివారం గురుకులంలోని విద్యార్థినులు, వారి తల్లిదండ్రులు, గిరిజన సంఘాల నాయకులతో మాట్లాడి నివేదికను సిద్ధం చేశారు. ఈ సందర్భంగా ఆయన మాట్లాడుతూ నివేదికను ఉన్నతాధికారులకు సమర్పిస్తామని తెలిపారు. రాప్తాడు ఘటన హేయం ● కాకాణి పూజితారెడ్డి ముత్తుకూరు: అనంతపురం జిల్లా రాప్తాడు మండల కేంద్రంలోని జెడ్పీహైస్కూల్లో బాలికపై జరిగిన దాడి అత్యంత హేయమైనదని, మహిళలు, బాలికల పట్ల రాష్ట్రంలో విచ్చలవిడిగా దాడులు జరుగుతున్నాయని వైఎస్సార్‌సీపీ మహిళా విభాగం రాష్ట్ర వర్కింగ్‌ ప్రెసిడెంట్‌ కాకాణి పూజితారెడ్డి అన్నారు. మండలంలోని డమ్మాయపాళెంలో శనివారం ఆమె మాట్లాడారు. బాలికపై రంపంతో దాడికి పాల్పడడం బాధాకరమైన విషయంగా ఆవేదన వ్యక్తం చేశారు. ప్రభుత్వం వెంటనే బాధిత కుటుంబాన్ని ఆదుకోవాల్సిందిగా డిమాండ్‌ చేశారు. వెంకటాచలం: కూటమి ప్రభుత్వంపై రాష్ట్ర ప్రజల్లో తీవ్ర అసంతృప్తి ఉందని, సజావుగా ఎన్నికలు జరిగితే వైఎస్సార్‌సీపీ అభ్యర్థులు తిరుగులేని విజయం సాధిస్తారని వైఎస్సార్‌ కాంగ్రెస్‌ పార్టీ మహిళా విభాగం రాష్ట్ర వర్కింగ్‌ ప్రెసిడెంట్‌ కాకాణి పూజితా రెడ్డి పేర్కొన్నారు. ఎన్నికల ప్రచారంలో భాగంగా మండలంలోని చవటపాళెం గ్రామంలో ఆమె శనివారం పర్యటించి, జెడ్పీటీసీ అభ్యర్థి డక్కిలి వెంకటరమణమ్మ, ఎంపీటీసీ అభ్యర్థి కుడితిపూడి వెంకటేశ్వర్లు నాయుడును ప్రజలు ఆశీర్వదించి, ఫ్యాన్‌ గుర్తుపై ఓటు వేయాలని కోరారు. ఈ సందర్భంగా మాట్లాడుతూ కూటమి ప్రభుత్వంలో ఎలాంటి అభివృద్ధి పనులు జరగకపోవడంతో ప్రజలు ఆగ్రహంతో ఉన్నారని, 2024 ఎన్నికల్లో టీడీపీకి ఓటు వేసిన ప్రజలు ప్రస్తుత స్థానిక సంస్థల ఎన్నికల్లో వైఎస్సార్‌సీపీకి ఓటు వేసేందుకు సిద్ధంగా ఉన్నారని చెప్పారు. చంద్రబాబు ఏ ఒక్క వర్గానికి న్యాయం చేయలేదని, ప్రజలు బహిరంగంగానే చెబుతున్నారని, ముఖ్యంగా మహిళలు తీవ్రంగా మండిపడుతున్నారని తెలియజేశారు. సబ్సిడీ గ్యాస్‌ సిలిండర్లు, మహిళలకు నెలకు రూ.1500 వంటి హామీలను అమలు చేయడంలో చంద్రబాబు ప్రభుత్వం విఫలమైందన్నారు. రైతులు, నిరుద్యోగుల గురించి పట్టించుకున్న పాపాన పోలేదని విమర్శించారు. ప్రజల్లో ఉన్న వ్యతిరేకతను గుర్తించిన కూటమి నాయకులు ప్రజలను భయపెట్టి ఓట్లు వేయించుకోవాలని కుట్రలు చేస్తున్నారని ధ్వజమెత్తారు. వైఎస్సార్‌సీపీ అభ్యర్థులను ఎన్నిరకాలుగా భయపెట్టినా లెక్కచేయకుండా బరిలో నిలిచారని పేర్కొన్నారు. ఇచ్చిన హామీలను సక్రమంగా అమలు చేసుంటే భయపెట్టి ఓట్లు వేయించుకోవాల్సిన పరిస్థితి ఉండేదా.. అని ప్రశ్నించారు. కూటమి నాయకులు ఎన్ని కుట్రలు చేసినా సర్వేపల్లిలో ప్రజలు వైఎస్సార్‌సీపీకి తిరుగులేని విజయాన్ని అందించడం ఖాయమన్నారు. ఆమె వెంట స్థానిక నాయకులు పాల్గొన్నారు.

కండలేరులో 16.770 టీఎంసీలు రాపూరు: కండలేరు జలాశయంలో శుక్రవారం నాటికి 16.770 టీఎంసీల నీరు నిల్వ ఉన్నట్లు ఈఈ గజేంద్రరెడ్డి తెలిపారు. కండలేరు నుంచి సత్యసాయి గంగ కాలువకు 70, లోలెవల్‌ కాలువకు 10, పిన్నేరు కాలువకు 5, మొదటి బ్రాంచ్‌ కాలువకు 7 క్యూసెక్కుల నీటిని విడుదల చేస్తున్నట్లు వెల్లడించారు.● మాజీ మంత్రి కాకాణి గోవర్ధన్‌రెడ్డి ముత్తుకూరు: సూపర్‌ సిక్స్‌ పేరుతో హామీలిచ్చి అధికారంలోకి వచ్చిన చంద్రబాబు అమలులో మాత్రం ఘోరంగా వైఫల్యం చెందుతున్నట్టుగా మాజీమంత్రి, వైఎస్సార్‌సీపీ జిల్లా అధ్యక్షుడు కాకాణి గోవర్ధన్‌రెడ్డి విమర్శించారు. మండలంలోని పొట్టెంపాడు, బ్రహ్మదేవం గ్రామాల్లో ఎంపీటీసీ, జెడ్పీటీసీ అభ్యర్థులతో కలిసి శుక్రవారం కాకాణి ఎన్నికల ప్రచారం నిర్వహించారు. ఈ సందర్భంగా మాట్లాడుతూ అధికారాన్ని అడ్డుపెట్టుకుని విచ్చలవిడిగా ప్రవర్తిస్తున్న చంద్రబాబు మెడలు వంచాలంటే స్థానిక ఎన్నికల్లో వైఎస్సార్‌సీపీ విజయం సాధించాలన్నారు. కూటమి ఏర్పడిన తర్వాత ఏ ఒక్క ఎన్నికల హామీను సక్రమంగా అమలు చేసిన పాపాన పోలేదన్నారు. టీడీపీ ఎన్ని కుట్రలు, కుతంత్రాలు పన్నినా సర్వేపల్లిలో మొత్తం 79 ఎంపీటీసీలు, ఐదు జెడ్పీటీసీ స్థానాలకు వైఎస్సార్‌సీపీ అభ్యర్థులను నిలబెట్టామంటే నాయకులు, కార్యకర్తల కృషేనన్నారు. సోమిరెడ్డి తరచుగా తనపై సవాల్‌ చేస్తుంటాడని ప్రతి సవాల్‌ చేసి రమ్మంటే ఒక్కసారి చర్చకు వచ్చిన దాఖలాల్లేవన్నారు. స్థానిక ఎన్నికలను కుట్రలు, కుతంత్రాలతో చంద్రబాబు నిర్వహిస్తున్నట్టు ఆరోపించారు. ఎన్నికల సందర్భంగా అధికారులు, పోలీసులు ఓవర్‌ యాక్షన్‌ చేస్తే మూల్యం చెల్లించుకోవాల్సి వస్తుందన్నారు. గత ప్రభుత్వంలో తాను చేసిన అభివృద్ధి తమ పార్టీ అభ్యర్థులను గెలిపిస్తుందన్నారు. ఈ కార్యక్రమంలో జెడ్పీటీసీ అభ్యర్థి నెల్లూరు పరిమళ, ఎంపీటీసీ అభ్యర్థులు మెట్ట విష్ణువర్ధన్‌రెడ్డి, దువ్వూరు సుబ్బరామిరెడ్డి, స్రవంతి, కట్ట సుబ్రహ్మణ్యం, చిన్నపరెడ్డి, నాయకులు జనార్దన్‌రెడ్డి, దువ్వూరు హారికారెడ్డి, హేమంత్‌ రెడ్డి, శ్రీధర్‌రెడ్డి, జమీల్‌, షేక్‌ మస్తాన్‌ తదితరులు పాల్గొన్నారు.

బకింగ్‌హామ్‌ కెనాల్‌ గట్టుపై రియల్‌ దందా కోవూరు: అవకాశం దొరికితే చాలు.. నిబంధనలను పక్కనపెట్టి ప్రభుత్వ ఆస్తులనే సొంత అవసరాలకు వినియోగించుకున్న పరిస్థితి ఇందుకూరుపేట మండలంలోని కృష్ణాపురం సముద్ర తీరంలో వెలుగుచూసింది. తాజాగా సముద్ర రియల్‌ ఎస్టేట్‌ పేరుతో ఏర్పాటు చేసిన లేఅవుట్‌ చుట్టూ బకింగ్‌హామ్‌ కెనాల్‌ గట్టు ఆక్రమణ వ్యవహారం తీవ్ర చర్చనీయాంశంగా మారింది. నీటిపారుదల శాఖ నుంచి తాత్కాలికంగా పొందిన అనుమతులను ఆసరాగా చేసుకుని శాశ్వత నిర్మాణాలు చేపట్టారన్న ఫిర్యాదులు అధికార యంత్రాంగాన్ని ఇరకాటంలోకి నెట్టాయి. కెనాల్‌ గట్టుపై బీటీ రోడ్డు నిర్మాణం, భద్రత కోసం అవుట్‌పోస్టు ఏర్పాటు తదితర అంశాలపై అభ్యంతరాలు వ్యక్తమయ్యాయి. ఈ వ్యవహారంపై ప్రజా సమస్యల పరిష్కార వేదిక (పీజీఆర్‌ఎస్‌), లోకాయుక్తతోపాటు ఉన్నత న్యాయస్థానాల దృష్టికి ఫిర్యాదులు వెళ్లాయి. దీంతో ఇన్నాళ్లూ పట్టించుకోని అధికారులు హడావుడిగా కొన్ని నిర్మాణాలను తొలగించడం చర్చనీయాంశమైంది. శాశ్వత నిర్మాణాలు చేపట్టి.. కెనాల్‌ గట్టును వినియోగించుకునేందుకు ప్రైవేట్‌ రియల్‌ ఎస్టేట్‌ సంస్థకు నీటిపారుదల శాఖ తాత్కాలిక అనుమతులు మాత్రమే ఇచ్చినట్లు ఫిర్యాదుదారులు పేర్కొంటున్నారు. అయితే ఆ అనుమతుల పరిధిని దాటి బీటీ రోడ్డు, సెక్యూరిటీ అవుట్‌పోస్టు వంటి శాశ్వత నిర్మాణాలు చేపట్టారు. తాత్కాలిక అనుమతులను శాశ్వత హక్కులుగా భావించి ప్రభుత్వ ఆస్తులను వినియోగించుకోవడం ఎంతవరకు సమంజసమన్న ప్రశ్నలు ఉత్పన్నమవుతున్నాయి. ఈ అంశంపై ఫిర్యాదులు అందడంతో లోకాయుక్త జిల్లా అధికార యంత్రాంగాన్ని సమగ్ర నివేదిక కోరినట్లు సమాచారం. దీంతో స్పందించిన అధికారులు సంబంధిత నిర్మాణాలపై చర్యలకు ఉపక్రమించారు. నీటిపారుదల శాఖ అధికారులు ఇటీవల కృష్ణాపురం తీర ప్రాంతాన్ని పరిశీలించి సెక్యూరిటీ అవుట్‌పోస్టు గదితోపాటు రహదారికి అనుబంధంగా ఏర్పాటు చేసిన మైలు రాళ్లను తొలగించారు. అయితే ప్రధానంగా వివాదానికి కారణమైన బీటీ రోడ్డు నిర్మాణంపై ఎలాంటి నిర్ణయం తీసుకున్నారన్నది స్పష్టత రావాల్సి ఉంది. సుప్రీంకోర్టుకు చేరిన వివాదం ఈ వ్యవహారంపై వాయుగండ్ల కార్తీక్‌ అనే వ్యక్తి లోకాయుక్తతోపాటు కేంద్ర జల సంఘానికి, సుప్రీంకోర్టుకు ఫిర్యాదులు చేశాడు. రియల్‌ ఎస్టేట్‌ సంస్థల ప్రచారాన్ని నమ్మి జీవితకాల సంపాదనతో ప్లాట్లు కొనుగోలు చేసే సామాన్యులకు చివరకు ఇబ్బందులు ఎదురైతే బాధ్యత ఎవరిది?, అనుమతులు ఉన్నాయంటూ విక్రయాలు చేపట్టి, రహదారి విషయంలో వివాదాలు తలెత్తితే కొనుగోలుదారులకు న్యాయం ఎలా జరుగుతుందనేది ఇప్పుడు ప్రశ్నార్థకంగా మారింది. కృష్ణాపురం తీరంలోని సముద్ర రియల్‌ ఎస్టేట్‌ వ్యవహారంపై జిల్లా కలెక్టర్‌ ప్రత్యేక దష్టి సారించి రెవెన్యూ, నీటిపారుదల, నుడా శాఖలతో సంయుక్త విచారణ చేపట్టాలని ప్రజలు కోరుతున్నారు. కేవలం కొన్ని నిర్మాణాలు తొలగించి నివేదికలు సమర్పించడం కాకుండా.. లేఅవుట్‌ అనుమతుల నుంచి ప్రభుత్వ భూముల వినియోగం వరకు ప్రతి అంశాన్ని నిగ్గు తేల్చాలని, నిబంధనల ఉల్లంఘనలు నిర్ధారణ అయితే బాధ్యులపై చర్యలు తీసుకోవాలని డిమాండ్‌ చేస్తున్నారు. తాత్కాలిక అనుమతుల మాటున శాశ్వత నిర్మాణాలు ‘సముద్ర’ రియల్‌ ఎస్టేట్‌ వ్యవహారంపై తీవ్ర ఆరోపణలు ఫిర్యాదులతో కదిలిన అధికార యంత్రాంగం హడావుడిగా తొలగింపులు

నెల్లూరు(టౌన్‌): కోల్‌కతాలో వచ్చే నెల 1వ తేదీ వరకు త్రోబాల్‌ ఫెడరేషన్‌ ఆఫ్‌ ఇండియా ఆధ్వర్యంలో నిర్వహించనున్న సబ్‌ జూనియర్‌ జాతీయ త్రోబాల్‌ చాంపియన్‌షిప్‌ పోటీలకు నెల్లూరు మూలాపేటలోని వేద సంస్కృత పాఠ శాల విద్యార్థులు నవీన్‌, గంగయ్య ఎంపికయ్యా రు. శుక్రవారం పాఠశాల ప్రధానోపాధ్యాయుడు వైఎన్‌ఆర్‌ శర్మ విద్యార్థులతోపాటు పీఈటీ చంద్రశేఖర్‌ను అభినందించారు. కార్యక్రమంలో పాఠశాల అధ్యక్షుడు చతుర్వేదుల శ్రీరామమూర్తి, కార్యదర్శి ప్రభాకరరావు పాల్గొన్నారు. 10న వీఎస్‌యూలో ఇంటర్వ్యూలు వెంకటాచలం: విక్రమ సింహపురి యూనివర్సిటీలోని కాంపిటేటివ్‌ సెల్‌లో ఆప్టిట్యూడ్‌ ట్రైనర్‌, జనరల్‌ స్టడీస్‌ ట్రైనర్‌ పోస్టులను భర్తీ చేయనున్నారు. ఈ పోస్టులకు అర్హులైన అభ్యర్థులకు నవంబర్‌ 10వ తేదీన వర్సిటీలో ఇంటర్వ్యూలు నిర్వహించనున్నట్లు ఇన్‌చార్జి రిజి స్ట్రార్‌ డాక్టర్‌ కె.సునీత శుక్రవారం ఒక ప్రకటనలో తెలిపారు. సంబంధిత విభాగాల్లో విద్యార్హతతోపాటు బోధనలో అనుభవం ఉన్న అభ్యర్థులు ధ్రువీకరణ పత్రాలు, రెజ్యూమ్‌తో ఆరో జు ఉదయం 10 గంటలకు ఇంటర్వ్యూలకు హాజరుకావాలని సూచించారు.మద్యం విక్రయాలకు బ్రేక్‌ ● మూతపడిన దుకాణాలు, బార్‌లు నెల్లూరు(క్రైమ్‌): నెల్లూరు కార్పొరేషన్‌, బుచ్చిరెడ్డిపాళెం, ఆత్మకూరు మున్సిపాల్టీలకు నవంబర్‌ ఒకటిన ఎన్నికలు జరుగుతున్న నేపథ్యంలో 48 గంటల ముందుగానే మద్యం విక్రయాలను నిలిపివేయాలని కలెక్టర్‌ హిమాన్షు శుక్లా ఎకై ్సజ్‌ అధికారులను ఆదేశించారు. దీంతో ఎన్నికలు జరిగే ప్రాంతాలతోపాటు 5 కి.మీ పరిధిలోని మద్యం దుకాణాలు, బార్‌ అండ్‌ రెసార్టెంట్లకు ఎ కై ్సజ్‌ అధికారులు శుక్రవారం సాయంత్రం సీళ్లు వేశారు. పోలింగ్‌ ముగిసిన అనంతరం దుకాణా లు తిరిగి తెరుచుకోనున్నాయి. అలాగే నవంబర్‌ 3న ఓట్ల లెక్కింపు నేపథ్యంలో కౌంటింగ్‌ కేంద్రానికి ఐదు కిలోమీటర్ల పరిధిలోని దుకాణాలు, బార్‌ అండ్‌ రెస్టారెంట్లను మూసివేయనున్నారు. కలెక్టర్‌ ఆదేశాలను ఉల్లంఘిస్తే కఠిన చర్యలు తప్పవని ఎకై ్సజ్‌ అధికారులు హెచ్చరించారు. 20 రకాల గుర్తింపు పత్రాలతో ఓటునెల్లూరురూరల్‌: స్థానిక సంస్థల ఎన్నికల్లో ఓటర్లు తమ ఓటు హక్కును వినియోగించుకునేందుకు ఓటరు గుర్తింపు కార్డు (ఎపిక్‌) తప్పనిసరి కాద ని జిల్లా ఎన్నికల అధికారి, కలెక్టర్‌ హిమాన్షు శుక్లా శుక్రవారం ఒక ప్రకటనలో తెలిపారు. ఎపిక్‌ కార్డు లేని వారు ఎన్నికల సంఘం సూచించిన 20 రకాల ప్రత్యామ్నాయ ఫొటో గుర్తింపు పత్రాల్లో ఏదైనా ఒకటి చూపించి ఓటు వేయొచ్చన్నారు. నవంబరు 1న జరిగే పోలింగ్‌లో ఓటర్లంతా తమ ఓటు హక్కును స్వేచ్ఛగా వినియోగించుకోవాలని కోరారు. ప్రత్యామ్నాయ గుర్తింపు పత్రాలివే.. ఆధార్‌ కార్డు, పాస్‌పోర్టు, డ్రైవింగ్‌ లైసెన్స్‌, పాన్‌ కార్డు, ప్రభుత్వ ఉద్యోగుల ఫొటో గుర్తింపు కార్డులు, ఫొటోతో కూడిన పెన్షన్‌ పేమెంట్‌ ఆర్డర్‌, మాజీ సైనికుల పెన్షన్‌ పుస్తకం, వృద్ధాప్య, వితంతు పెన్షన్‌ పత్రాలు, ఫొటోతో కూడిన పట్టాదారు పాస్‌బుక్‌లు, రిజిస్టర్డ్‌ ఆస్తి పత్రాలు, ప్రభుత్వ రంగ బ్యాంక్‌లు, పోస్టాఫీసులు, ఏపీసీఓబీ, డీసీసీబీలు జారీ చేసిన ఫొటో పాస్‌బుక్‌లు, కిసాన్‌ పాస్‌బుక్‌లు, ఫొటోతో కూడిన ఏటీఎం కార్డులు, రేషన్‌ కార్డులు, జాతీయ జనాభా పట్టిక (ఎన్‌పీఆర్‌) స్మార్ట్‌ కార్డులు, ఉపాధి హామీ జాబ్‌ కార్డు, ఫొటోతో కూడిన ఎస్సీ, ఎస్టీ, బీసీ ధ్రువీకరణ పత్రాలు, స్వాతంత్య్ర సమరయోధుల గుర్తింపు కార్డులు, ఆయుధ లైసెన్సులు, దివ్యాంగ ధ్రువీకరణ పత్రాలు, బార్‌ కౌన్సిల్‌ సభ్యత్వ కార్డులు, కార్మిక మంత్రిత్వ శాఖ పథకం కింద జారీ చేసిన ఆరోగ్య బీమా స్మార్ట్‌ కార్డులు, ఎమ్మెల్యేలు, ఎమ్మెల్సీలు, ఎంపీలకు జారీ చేసిన ఫొటో గుర్తింపు కార్డుల్లో ఏదైనా ఒకటి చూపించి ఓటు వేయొచ్చని వెల్లడించారు. జిల్లాలో పటిష్టంగా 144 సెక్షన్‌ అమలు ‘జిల్లాలో మున్సిపల్‌ ఎన్నికలను ప్రశాంతంగా, పారదర్శకంగా నిర్వహించేందుకు అన్ని ఏర్పాట్లు పూర్తి చేశాం. ఎన్నికలు జరిగే ప్రాంతాల్లో 144 సెక్షన్‌ను పటిష్టంగా అమలు చేస్తున్నాం’ అని కలెక్టర్‌ హిమాన్షు శుక్లా వెల్లడించారు. శుక్రవారం రాష్ట్ర ఎన్నికల సంఘం కమిషనర్‌ అనిల్‌చంద్ర పునేఠ జిల్లా ఎన్నికల అధికారులతో నిర్వహించిన వీడియో కాన్ఫరెన్స్‌లో కలెక్టర్‌ ఏర్పాట్లను వివరించారు. అనంతరం హిమాన్షు శుక్లా మాట్లాడుతూ ఇతర ప్రాంతాలకు చెందిన వ్యక్తులు ఎన్నికలు జరిగే ప్రాంతాల్లో ఉండకుండా చర్యలు చేపట్టామన్నారు.

● వేర్వేరు రోడ్డు ప్రమాదాల్లో ఇద్దరి మృతి ఇంటి నుంచి బయలుదేరారు. కానీ వారి ప్రయాణం గమ్యానికి చేరలేదు. మృత్యువు రోడ్డు ప్రమాదాల రూపంలో కబళించింది. జిల్లాలోని వేర్వేరు ప్రాంతాల్లో జరిగిన రోడ్డు ప్రమాదాల్లో ఇద్దరు వ్యక్తులు దుర్మరణం చెందారు.ఇసుక ట్రాక్టర్‌ను ఢీకొని.. నెల్లూరు సిటీ: ఇసుక ట్రాక్టర్‌ను ఢీకొని ఓ వృద్ధుడు మృతిచెందిన ఘటన నెల్లూరులోని పార్థసారథి నగర్‌ సమీపంలో చోటు చేసుకుంది. పోలీసుల కథనం మేరకు.. మాదరాజుగూడూరుకు చెందిన నెల్లూరు మస్తానయ్య (70) గ్రామంలో కిరాణా దుకాణం నిర్వహిస్తూ జీవనం సాగిస్తున్నాడు. సరుకులు కొనుగోలు చేసేందుకు శుక్రవారం తెల్లవారుజామున నాలుగు గంటలకు నెల్లూరుకు వచ్చాడు. కొనుగోలు అనంతరం తన మోటార్‌బైక్‌పై ఊరికి వెళ్తున్నాడు. ఉదయం 5:30 గంటల సమయంలో నెల్లూరు – ముత్తుకూరు రహదారిలో పార్థసారథి నగర్‌ సమీపంలోని మద్యం షాప్‌ వద్ద రోడ్డుపై సూచిక లైట్లు వేయకుండా, హెచ్చరికలు లేకుండా నిర్లక్ష్యంగా నిలిపి ఉంచిన ఇసుక లోడ్‌ ట్రాక్టర్‌ వెనుక భాగాన్ని ఢీకొట్టాడు. ఈ ప్రమాదంలో మస్తానయ్యకు తీవ్ర తలగాయాలు కావడంతో అక్కడికక్కడే మృతిచెందారు. రూరల్‌ ఎస్సై లక్ష్మణరావు కేసు నమెదు చేశారు. కారు అదుపుతప్పి.. వరికుంటపాడు: మండల కేంద్రంలోని హెచ్‌పీ పెట్రోల్‌ బంక్‌ సమీపంలో శుక్రవారం తెల్లవారుజామున రోడ్డు ప్రమాదం చోటుచేసుకుంది. స్థానికులు, పోలీసుల కథనం మేరకు.. తాడిపత్రికి చెందిన ఐదుగురు వ్యక్తులు జేసీబీ కొనుగోలు నిమిత్తం కారులో శ్రీకాకుళం బయలుదేరారు. 565వ జాతీయ రహదారిపై ప్రయాణిస్తుండగా వాహనం అదుపుతప్పి రహదారి పక్కన ఉన్న డివైడర్‌ను ఢీకొట్టింది. ఈ ప్రమాదంలో కారు నడుపుతున్న హరి (32) అక్కడికక్కడే మృతిచెందాడు. మరో నలుగురికి తీవ్ర గాయాలయ్యాయి. స్థానికులు సమాచారం అందించడంతో 108 సిబ్బంది ఘటనా స్థలానికి చేరుకుని క్షతగాత్రులను ఉదయగిరి ప్రభుత్వ వైద్యశాలకు తరలించారు. ఎస్సై కె.మధుసూదన్‌రావు సిబ్బందితో కలిసి ఘటనా స్థలాన్ని పరిశీలించి వివరాలు సేకరించారు. కేసు నమోదు చేశారు.

నెల్లూరు(క్రైమ్‌): నెల్లూరు కార్పొరేషన్‌, ఆత్మకూరు, బుచ్చిరెడ్డిపాళెం మున్సిపాలిటీల ఎన్నికలకు జిల్లా పోలీస్‌ యంత్రాంగం భద్రతను కట్టుదిట్టం చేసింది. నవంబర్‌ ఒకటిన ఈ మూడు ప్రాంతాల్లోని 594 పోలింగ్‌ కేంద్రాల్లో 5.52 లక్షల మంది తమ ఓటు హక్కును వినియోగించుకోనున్నారు. ఎలాంటి అవాంఛనీయ ఘటనలు చోటుచేసుకోకుండా 1,725 మందితో బందోబస్తును ఏర్పాటు చేశారు. ముందస్తు చర్యల్లో భాగంగా శాంతిభద్రతలకు విఘాతం కలిగించే సుమారు 2 వేల మందిని ఇప్పటికే అధికారులు బైండోవర్‌లు చేశారు. పోలింగ్‌ రోజు అల్లర్లకు పాల్పడితే చర్యలు తప్పవని హెచ్చరికలు జారీచేశారు. 52 అత్యంత సున్నిత, 200 సున్నిత పోలింగ్‌ కేంద్రాలను గుర్తించి వాటి వద్ద సాధారణ భద్రతతోపాటు అదనంగా సిబ్బందిని మోహరిస్తున్నారు. పోలింగ్‌ కేంద్రాల వద్ద 144 సెక్షన్‌ను అమలు చేయనున్నారు. ఓటర్లు ప్రశాంత వాతావరణంలో తమ ఓటును వినియోగించుకునేందుకు చర్యలు చేపట్టారు. అప్రమత్తంగా ఉండాలి ‘ఎన్నికల సందర్భంగా ఎలాంటి అవాంఛనీయ ఘటనలు జరగకుండా పటిష్ట చర్యలు చేపట్టాలి. చిన్న ఘటన జరిగినా వెంటనే ఉన్నతాధికారుల దృష్టికి తీసుకెళ్లాలి’ అని నగర ఏఎస్పీ దీక్ష పోలీస్‌ సిబ్బందికి సూచించారు. శుక్రవారం నెల్లూరులోని పోలీస్‌ కవాతు మైదానంలో నగర కార్పొరేషన్‌ ఎన్నికల బందోబస్తు విధులు నిర్వర్తించనున్న పోలీస్‌ అధికారులు, సిబ్బందికి ఆమె దిశానిర్దేశం చేశారు. ఎన్నికల ప్రవర్తనా నియమావళిపై ప్రతి ఒక్కరూ అవగాహన కలిగి ఉండటంతోపాటు నిబంధనలు పక్కాగా అమలు చేయాలన్నారు. కేంద్రాల వద్ద అనధికార వ్యక్తులు గుమికూడకుండా చూడాలని, ఓటర్లను ప్రభావితం చేసే చర్యలను ఎట్టి పరిస్థితుల్లోనూ ఉపేక్షించరాదని స్పష్టం చేశారు. ఎన్నికలను ప్రశాంతంగా, పాదర్శకంగా నిర్వహించేందుకు సమన్వయంతో పనిచేయాలని సూచించారు. అనంతరం ఏఎస్పీ డీకేడబ్ల్యూ కళాశాలలోని స్ట్రాంగ్‌ రూమ్‌, బ్యాలెట్‌ బాక్స్‌ల డిస్ట్రిబ్యూషన్‌, రిసీవింగ్‌, కౌంటింగ్‌ కేంద్రాలను పరిశీలించి సిబ్బందికి పలు సూచనలు, సలహాలిచ్చారు. కార్యక్రమంలో నగర, రూరల్‌ ఇన్‌స్పెక్టర్లు సీహెచ్‌ సీతారామయ్య, జి.వేణుగోపాల్‌రెడ్డి, వైవీ సోమయ్య, బి.కల్యాణరాజు, సీహెచ్‌ కోటేశ్వరరావు, కె.సాంబశివరావు, కె.వెంకటరెడ్డి తదితరులు పాల్గొన్నారు.

నెల్లూరు(వేదాయపాళెం): అన్నదాతకు టీడీపీ ప్రభుత్వం పంగనామాలు పెడుతోంది. 2024లో సర్కార్‌ కొలువుదీరాక తొలి ఏడాది పథకాన్ని అమలు చేయకుండా జిల్లాలోని రైతులకు మొండిచేయి చూపింది. ఆపై ఏడాది ఏడాదికీ లబ్ధిదారుల సంఖ్యను భారీగా తగ్గిస్తోంది. ఇలా గడిచిన రెండేళ్లలో జిల్లాలో 50 వేల మందికిపైగా కర్షకులను అన్నదాత సుఖీభవ పథకానికి అనర్హులుగా ప్రకటించింది. పేరు మార్పునకే పరిమితం వాస్తవానికి గత వైఎస్సార్‌ కాంగ్రెస్‌ పార్టీ ప్రభుత్వ హయాంలో రైతు భరోసాను సమర్థంగా అమలు చేశారు. ఆ సమయంలో అన్నదాత ఖాతాలో ఏడాదికి రూ.13,500 చొప్పున ఐదేళ్లూ జమచేశారు. ఈ క్రమంలో తమ పార్టీ అధికారంలోకి వస్తే ఏడాదికి రూ.20 వేల చొప్పున అందజేస్తామని చంద్రబాబు ప్రకటించారు. తీరా రూ.14 వేలకే పరిమితం చేశారు. రైతు భరోసాను అన్నదాత సుఖీభవగా మార్చడం, లబ్ధిదారులను కుదించడం మినహా ఆయన చేసిందేమీలేదనే భావన అన్నదాతల్లో వ్యక్తమవుతోంది. జిల్లాలో ఇలా.. వైఎస్సార్‌ కాంగ్రెస్‌ పార్టీ ప్రభుత్వ హయాంలో జిల్లాలోని 2,27,836 మంది కర్షకుల ఖాతాల్లో రైతు భరోసా కింద నగదు జమయ్యేది. అయితే టీడీపీ ప్రభుత్వంలో ఈ సంఖ్యను 1.96 లక్షలకు.. ఆపై 1.77 లక్షలకు కుదిరించారు. ఇందులో 1.4 లక్షల మందికి పీఎం కిసాన్‌ అందుతోంది. ఈ లెక్కన చూస్తే రెండేళ్లలో దాదాపు 50 వేల మందిని ఈ పథకానికి దూరం చేశారు. గతంలో కందుకూరు నియోజకవర్గం జిల్లాలో ఉండటంతో లబ్ధిదారుల సంఖ్య ఎక్కువగా ఉండేదని, అయితే ప్రకాశం జిల్లాలోకి వెళ్లడంతో సంఖ్య తగ్గిందంటూ రైతులను తప్పుదోవ పట్టించేందుకు అధికార యంత్రాంగం యత్నిస్తోంది. మరోవైపు జిల్లాలో గూడూరు చే రడంతో ఇది పెరగాలని కదానని ఎవరైనా ప్రశ్నిస్తే, వీరి నుంచి మౌనమే సమాధానమవుతోంది. మరోసారి మోసం చేసేందుకే.. రైతుల అభివృద్ధి, సంక్షేమం పట్టని పాలకులు.. మరోసారి మోసం చేసేందుకు సిద్ధమయ్యారు. స్థానిక సంస్థల ఎన్నికలు జరగనున్న తరుణంలో పోలింగ్‌కు ముందే రైతుల ఖాతాల్లో నగదును జమచేసి.. వారిని ప్రసన్నం చేసుకునేందుకు సిద్ధమయ్యారనే ప్రచారం జరుగుతోంది. ఎన్నికల తాయిలంలా దీన్ని ఆగమేఘాలపై వేశారనే విమర్శలు వ్యక్తమవుతున్నాయి. మరోవైపు అన్నదాత సుఖీభవ పథకం నగదును శుక్రవారం విడుదల చేస్తున్నామని, అయితే దీనిపై ఎలాంటి ప్రచారం కల్పించొద్దని.. మీడియాకు అసలు తెలపొద్దంటూ ప్రభుత్వ పెద్దల నుంచి మౌఖిక ఆదేశాలు వ్యవసాయ శాఖకు అందాయని సమాచారం. నాడు అన్నదాత సుఖీభవ అంటూ ఆర్భాటపు ప్రచారం నేడు అనేక మందిపై అనర్హత వేటు రెండేళ్లలో జిల్లాలో 50 వేల మందికిపైగా లబ్ధిదారుల తొలగింపు విజయమే పరమావధిగా గత ఎన్నికలకు ముందు నిర్వహించిన ప్రచార సభల్లో సూపర్‌ సిక్స్‌ అంటూ అప్పటి ప్రతిపక్ష నేత, ప్రస్తుత సీఎం చంద్రబాబు ఊకదంపుడు హామీలిచ్చారు. తీరా అధికారంలోకి వచ్చాక వీటిలో దేన్నీ సక్రమంగా అమలు చేయకపోగా, అందుకుంటున్న వారి సంఖ్యను తగ్గిస్తూ పైశాచికానందాన్ని పొందుతున్నారు. ఇదే కోవలోకి అన్నదాత సుఖీభవ పథకం చేరింది. గడిచిన రెండేళ్లలో జిల్లాలో 50 మంది లబ్ధిదారుల పేర్లను తొలగించి వారికి అంతులేని శోకాన్ని మిగిల్చారు.

● మౌలిక వసతుల కల్పనకు పెద్దపీటేస్తాం ● టీడీపీ హయాంలో అన్నీ సమస్యలే ● బుచ్చి మున్సిపల్‌ చైర్‌పర్సన్‌ అభ్యర్థి షకీలా బేగం కోవూరు: ప్రజా సమస్యల పరిష్కారమే తమ అజెండా అని వైఎస్సార్‌ కాంగ్రెస్‌ పార్టీ బుచ్చిరెడ్డిపాళెం మున్సిపాల్టీ చైర్‌పర్సన్‌ అభ్యర్థి షకీలా బేగం పేర్కొన్నారు. టీడీపీ ప్రభుత్వం కొలువుదీరాక సమస్యలు తాండవిస్తున్నాయని, ప్రచారం నిర్వహిస్తున్న సందర్భంగా ఇదే అంశాలను ప్రజలకు తమకు తెలియజేస్తున్నారని వివరించారు. ఆమెతో సాక్షి శుక్రవారం నిర్వహించిన ఇంటర్వ్యూలో పలు అంశాలపై మాట్లాడారు. ప్రశ్న: ఎన్నికల ప్రచారమెలా సాగుతోంది..? సమాధానం: ఎన్నికల ప్రచారంలో భాగంగా ప్రజలను పార్టీ శ్రేణులు కలిసి వారి సమస్యలను తెలుసుకుంటున్నారు. ఇంటింటి ప్రచారం చేస్తూ.. పార్టీ విధానాలు, గతంలో చేపట్టిన కార్యక్రమాలను వివరిస్తున్నాం. తాగునీరు, రహదారులు, పారిశుధ్యం, డ్రైనేజీ, వీధిలైట్లు తదితర సమస్యలను పరిష్కరిస్తామనే భరోసాను కల్పిస్తున్నాం. ప్రశ్న: ఏ అంశాలను ప్రధానంగా తీసుకెళ్తున్నారు..? సమాధానం: ప్రజలకు అందాల్సిన మౌలిక సదుపాయాలు, సంక్షేమ పథకాలు, స్థానిక సమస్యల పరిష్కారం ప్రధాన అంశాలుగా ఉన్నాయి. తమ ప్రభుత్వ హయాంలో అమలైన సంక్షేమ కార్యక్రమాలను వివరించడంతో పాటు ప్రస్తుత సర్కార్‌ అవలంబిస్తున్న తీరును తెలుసుకుంటున్నాం. రాజకీయ విమర్శలకే పరిమితం కాకుండా అభివృద్ధికి ఏమి చేయాలనే అంశంపై చర్చిస్తున్నాం. ప్రశ్న: ఎలాంటి అంశాలను మీ దృష్టికి తీసుకొస్తున్నారు..? సమాధానం: వార్డుల్లో పర్యటిస్తున్న సమయంలో అనేక సమస్యలను ప్రజలు తెలియజేస్తున్నారు. రహదారులు, డ్రైనేజీ, తాగునీటి సరఫరా, పారిశుధ్యంపై ఎక్కువగా వివరిస్తున్నారు. ప్రజలు ప్రస్తావించిన ప్రతి సమస్యను నమోదు చేసుకొని పరిష్కారానికి కృషి చేసేందుకు యత్నిస్తాం. ప్రశ్న: శ్రేణుల మధ్య సమన్వయమెలా ఉంది..? సమాధానం: ఎన్నికల సమయంలో శ్రేణులందరూ సమన్వయంతో ప్రచార కార్యక్రమాలను నిర్వహిస్తున్నారు. సమావేశాలను మాజీ మంత్రి నల్లపరెడ్డి ప్రసన్నకుమార్‌రెడ్డి నిర్వహిస్తూ స్థానిక పరిస్థితులను సమీక్షిస్తున్నారు. అభ్యర్థులకు అవసరమైన సహకారాన్ని అందిస్తూ.. ప్రజలతో సంబంధాలను కొనసాగిస్తున్నాం. ప్రశ్న: భవిష్యత్తులో చేపట్టాలనుకునే అభివృద్ధి కార్యక్రమాలేమిటి..? సమాధానం: పట్టణ సమగ్రాభివృద్ధికి ప్రణాళికబద్ధంగా కృషి చేయాల్సిన అవసరముంది. ప్రజల అవసరాలను గుర్తించి వాటిని దశలవారీగా పరిష్కరించడమే మా లక్ష్యం. ప్రశ్న: ఓటర్లకు మీరిచ్చే సందేశమేమిటి..? సమాధానం: అభ్యర్థులు, వారి గత సేవలు, ప్రజలతో ఉన్న సంబంధాలు, గ్రామాభివృద్ధిపై వారి ప్రణాళికలను పరిశీలించి నిర్ణయం తీసుకోవాలి. ఎన్నికల సమయంలో ఇచ్చే హామీలతో పాటు అనంతరం అందుబాటులో ఉండి సమస్యలను పరిష్కరించే నాయకత్వం ముఖ్యం.

ఆత్మకూరు రూరల్‌: తనకు అవకాశమిచ్చి గెలిపిస్తే ఆత్మకూరు రూపురేఖలను మార్చేందుకు కృషి చేస్తానని వైఎస్సార్‌ కాంగ్రెస్‌ పార్టీ మున్సిపాల్టీ చైర్‌పర్సన్‌ అభ్యర్థి అల్లారెడ్డి ఇందుమతి పేర్కొన్నారు. పట్టణంలోని వార్డుల్లో తమకు అపూర్వ ఆదరణ లభిస్తోందని ఆమె వివరించారు. ఈ మేరకు సాక్షి శుక్రవారం నిర్వహించిన ఇంటర్వ్యూలో పలు అంశాలను ఆమె తెలియజేశారు. ప్రశ్న: మీ లక్ష్యమేమిటి..? సమాధానం: ప్రచారంలో భాగంగా ఎక్కడికెళ్లినా తన మామ అల్లారెడ్డి కృష్ణారెడ్డి మండలాధ్యక్షుడిగా అందించిన సేవలను ప్రజలు గుర్తు చేసుకుంటున్నారు. తన కుటుంబ 40 ఏళ్ల రాజకీయ చరిత్రలో ఎలాంటి అవినీతి మరకల్లేవు. ఆస్తులు సంపాదించకుండా రాజకీయ జీవితాన్ని కొనసాగిస్తున్నాం. ఆత్మకూరు మున్సిపాల్టీ అభివృద్ధే ధ్యేయంగా అంకితభావంతో పనిచేస్తాం. ప్రశ్న: ఎలాంటి సమస్యలు మీ దృష్టికొచ్చాయి..? సమాధానం: ఆత్మకూరు మున్సిపాల్టీలో సమస్యలు తీరడంలేదు. తిప్ప ప్రాంతంలో వందలాది కుటుంబాలు మూడు దశాబ్దాలుగా ఇళ్లు నిర్మించుకొని నివసిస్తున్నా, ఇప్పటికీ వారికి పట్టాల్లేవు. తాను చైర్‌పర్సన్‌గా గెలుపొందితే వీటిని పరిష్కరిస్తా. టిడ్కో సముదాయంలో తాగునీటి సౌకర్యం, ప్రాథమిక పాఠశాల, అంగన్‌వాడీ, ఆరోగ్య ఉప కేంద్రాలు, ఆర్టీసీ స్టాపింగ్‌ లాంటి సమస్యలతో అక్కడి ప్రజలు పడుతున్న ఇబ్బందులను తెలియజేశారు. వీటి పరిష్కారమే లక్ష్యం. పట్టణంలో తాగునీటి సమస్య పరిష్కారానికి జల్‌జీవన్‌ మిషన్‌ – అమృత్‌ పథకాల ద్వారా నిధులు తమ ప్రభుత్వ హయాంలో మంజూరైనా, వీటిని ప్రస్తుత పాలకులు పూర్తి చేయలేదు. ప్రశ్న: విజయావకాశాలపై మీ స్పందన..? సమాధానం: మున్సిపాల్టీలోని 28 వార్డుల్లో రెండు చోట్ల మిత్రపక్షంగా సీపీఎం, మిగిలిన ప్రాంతాల్లో తమ పార్టీ పోటీ చేస్తోంది. తమ పార్టీ అధినేత, మాజీ సీఎం జగన్‌మోహన్‌రెడ్డి నాయకత్వంపై ప్రజల్లో బలమైన విశ్వాసముంది. ఇదే తమను గెలిపిస్తుంది. ప్రజల ఆశీస్సులతో విజయం సాధించి మున్సిపాల్టీ అభివృద్ధికి కృషి చేస్తా. అవకాశమిస్తే పూర్తి స్థాయిలో సేవలందిస్తా ప్రజల నుంచి అపూర్వ ఆదరణ ఆత్మకూరు మున్సిపాల్టీ చైర్‌పర్సన్‌ అభ్యర్థి అల్లారెడ్డి ఇందుమతి

చిట్టమూరు: పరిషత్‌ ఎన్నికల్లో టీడీపీకి అడ్డంకిగా మారిన వైఎస్సార్‌సీపీ మండల కన్వీనర్‌ సన్నారెడ్డి శ్రీనివాసులరెడ్డిపై అక్రమ కేసు బనాయించి అరెస్ట్‌ చేసి జైలుకు పంపిన విషయం తెలిసిందే. ఈ క్రమంలో ఆయన బెయిల్‌కు దరఖాస్తు చేసుకోగా కోర్టు శుక్రవారం మంజూరు చేసింది. దీంతో ఆయన జైలు నుంచి నేరుగా వాకాడులోని వెంకటగిరి వైఎస్సార్‌సీపీ సమన్వయకర్త నేదురుమల్లి రామ్‌కుమార్‌రెడ్డిని కలుసుకున్నారు. ఆయన మాట్లాడుతూ టీడీపీ అరాచకాలకు అడ్డు పడుతున్నామని అక్రమ కేసులు బనాయించడం పరిపాటిగా మారిందన్నారు. స్థానిక సంస్థల ఎన్నికల్లో వైఎస్సార్‌సీపీ అభ్యర్థుల విజయాన్ని ఎవరూ అడ్డుకోలేరన్నారు. ఖైదీలు సత్ప్రవర్తనతో నడుచుకోవాలికావలి: క్షణికావేశంలో తప్పులు చేసి జైలుకు వచ్చిన వారు సత్ప్రవర్తనతో నడుచుకోవాలని జిల్లా న్యాయసేవాధికార సంస్థ కార్యదర్శి, సీనియర్‌ సివిల్‌ జడ్జి వైజే పద్మశ్రీ సూచించారు. పట్టణంలోని సబ్‌జైల్లో న్యాయవిజ్ఞాన సదస్సును శుక్రవారం నిర్వహించారు. ఈ సందర్భంగా ఆమె మాట్లాడుతూ ఖైదీలు సత్ప్రవర్తనతో నడుచుకుంటే జైలు శిక్ష తగ్గించే అవకాశం ఉంటుందని తెలిపారు. న్యాయవాదులను ఏర్పాటు చేసుకునే స్తోమత లేని ఖైదీలకు ఉచితంగా న్యాయసాయాన్ని అందిస్తామన్నారు. తొలుత జైల్లో కల్పిస్తున్న సౌకర్యాలపై ఖైదీలను ఆరాతీశారు. లోక్‌అదాలత్‌ సభ్యుడు మాలకొండారెడ్డి, జైలు సూపరింటెండెంట్‌ చినసుబ్బయ్య తదితరులు పాల్గొన్నారు. ముగిసిన కోచింగ్‌ క్యాంప్‌కావలి: పట్టణంలోని జవహర్‌ భారతి కళాశాలలో నిర్వహిస్తున్న విక్రమ సింహపురి యూనివర్సిటీ టెబుల్‌ టెన్నిస్‌ మెన్స్‌ టీమ్‌ కోచింగ్‌ క్యాంప్‌ శుక్రవారంతో ముగిసింది. విశాఖపట్నంలో శనివారం నుంచి నిర్వహించనున్న సౌత్‌ జోన్‌ అంతర్‌ విశ్వవిద్యాలయాల టోర్నీ లో వీరు పాల్గొననున్నారు. ఈ సందర్భంగా క్రీడాకారులు, శిక్షకులకు దుస్తులను అందజేశారు. వర్సిటీ కాలేజీ కావలి ప్రిన్సిపల్‌ శ్రీనివాసరావు, సీనియర్‌ టేబుల్‌ టెన్నిస్‌ క్రీడాకారుడు పులివర్తి భాస్కర్‌, టీమ్‌ కోచ్‌ శివయ్య, మణికంఠ, ప్రసాద్‌రెడ్డి తదితరులు పాల్గొన్నారు.

● మాజీ ఎమ్మెల్యే విక్రమ్‌రెడ్డి ఆత్మకూరు రూరల్‌: స్థానిక మున్సిపాల్టీలో జరుగుతున్న ఎన్నికల నేపథ్యంలో అధికార పార్టీ చేస్తున్న దుర్మార్గాలపై ప్రజల్లో ఆందోళన నెలకొందని, ఈ క్రమంలో కేంద్ర బలగాలతో ఓటర్లకు రక్షణ కల్పించాలని ఆత్మకూరు మాజీ ఎమ్మెల్యే మేకపాటి విక్రమ్‌రెడ్డి డిమాండ్‌ చేశారు. పట్టణ పరిధిలోని మూడో వార్డులో గల వీవర్స్‌కాలనీ, 26వ వార్డులో గల పేరారెడ్డిపల్లి బీసీ కాలనీల్లో వైఎస్సార్‌ కాంగ్రెస్‌ పార్టీ అభ్యర్థుల తరఫున శుక్రవారం నిర్వహించిన ప్రచారంలో ఆయన మాట్లాడారు. అవసరమైన భద్రత చర్యలు చేపట్టాలని, ఈ మేరకు ఈసీ, ఎస్‌ఈసీ కమిషనర్లకు ఈ – మెయిల్‌తో పాటు కలెక్టర్‌కు లిఖితపూర్వకంగా విజ్ఞప్తి చేశామని తెలిపారు. పట్టణంలోని కొన్ని వార్డుల్లో దొంగ ఓట్లు.. ఓటర్లను బెదిరించడం, ప్రలోభాలకు గురిచేయడం వంటి అక్రమాలు చోటుచేసుకుంటున్నాయని ఆరోపించారు. కొంతమంది అభ్యర్థులను పోలీసుల ద్వారా భయభ్రాంతులకు గురిచేస్తున్నారని చెప్పారు. ప్రతి పోలింగ్‌ కేంద్రంలో సీసీ కెమెరాలతో పాటుగా వెబ్‌క్యాస్టింగ్‌ను ఏర్పాటు చేయాలని కోరారు. రిగ్గింగ్‌కు పాల్పడే మూకలపై చర్యలు చేపట్టాలని పేర్కొన్నారు. అక్రమాలపై వచ్చే ఫిర్యాదులపై తక్షణమే విచారణ జరిపి చర్యలు చేపట్టాలన్నారు. పోలింగ్‌తో పాటు ఓట్ల లెక్కింపు పూర్తయ్యేంత వరకు మున్సిపాల్టీ పరిధిలో కేంద్ర బలగాలతో భద్రతను కొనసాగించాలని కోరారు. మున్సిపల్‌ చైర్‌పర్సన్‌ అభ్యర్థి అల్లారెడ్డి ఇందుమతి, జెడ్పీ మాజీ చైర్మన్‌ బొమ్మిరెడ్డి రాఘవేంద్రరెడ్డి, పార్టీ జిల్లా ఉపాధ్యక్షుడు ఆదిశేషయ్య తదితరులు పాల్గొన్నారు.

తిరుమల: తిరుమలలో శుక్రవారం భక్తుల రద్దీ సాధారణంగా ఉంది. క్యూ కాంప్లెక్స్‌లోని 12 కంపార్ట్‌మెంట్లలో భక్తులు వేచి ఉన్నారు. గురువారం అర్ధరాత్రి వరకు 62,811 మంది స్వామి వారిని దర్శించుకున్నారు. 19,499 మంది భక్తులు తలనీలాలు అర్పించారు. స్వామి వారికి కానుకల రూపంలో హుండీలో రూ.4.20 కోట్లు సమర్పించారు. టైంస్లాట్‌ టికెట్లు కలిగిన భక్తులకు సకాలంలో, దర్శన టిక్కెట్లు లేని వారికి 6 గంటల సమయంలో దర్శనం లభిస్తోంది. ప్రత్యేక ప్రవేశ దర్శనం టికెట్లు కలిగిన వారు 3 గంటల్లో స్వామిని దర్శించుకోగలుగుతున్నారు.

కావలి: భగవాన్‌ సత్యసాయిబాబా శత జయంతి వేడుకలను పురస్కరించుకుని ప్రారంభించిన శ్రీసత్యసాయి ప్రేమ వాహిని రథం శుక్రవారం కావలికి చేరుకుంది. ప్రకాశం జిల్లా నుంచి తరలివస్తున్న రథానికి పట్టణ ఉత్తర శివార్లలో సత్యసాయి ట్రస్టు సభ్యులు, భక్తులు స్వాగతం పలికారు. ట్రంక్‌రోడ్‌ పొడవున రథయాత్ర సాగింది. ఈ సందర్భంగా శ్రీసత్యసాయి ట్రస్టు జిల్లా అధ్యక్షుడు సుధాకర్‌రావు మాట్లాడుతూ ప్రతిఒక్కరూ ప్రేమ స్వరూపులేనని, అందరి హృదయాల్లో ప్రేమ నింపి వారిలో దివ్యత్వాన్ని వెలికి తీయడమే రథ సందేశమని పేర్కొన్నారు. రథ యాత్ర సాగే మార్గాల్లో సేవా కార్యక్రమాలు చేపట్టనున్నట్లు తెలిపారు.

ఓటర్లను ప్రలోభాలకు గురి చేస్తున్నారు. ఇప్పటికే ఓటరు స్లిప్పులు పంపిణీ పేరుతో ఓటుకు నోటు కూడా అందజేశారనే విమర్శలు వ్యక్తమవుతున్నాయి. ముఖ్యంగా సమస్యాత్మకమైన ప్రాంతాల్లో విధ్వంసం సృష్టించి తమకు ప్రతికూల ఓటర్లను భయభ్రాంతులకు గురి చేసి వారిని ఓటింగ్‌ కేంద్రానికి రానివ్వకుండా చేసే ప్రయత్నం. ఓటుకు ప్రాంతాన్ని బట్టి రూ.వెయ్యి, రూ.రెండు వేలు చొప్పున అందజేసి వారందరితో తమ పార్టీకే ఓటు వేయాలని ప్రమణాలు చేయించుకోవడం వంటి వాటికి పాల్పడుతున్నట్లు తెలుస్తోంది. ఇటువంటి ఘటనలు జరగకుండా ఉండేలా చర్యలు తీసుకోవాల్సిన అధికారులు ఎక్కడా కూడా పర్యవేక్షిస్తున్న దాఖలాలు లేవు.

నెల్లూరు(టౌన్‌): నెల్లూరు కార్పొరేషన్‌ పరిధిలోని సమస్యాత్మక పోలింగ్‌ కేంద్రాలను గురువారం ఎన్నికల పరిశీలకులు సదా భార్గవి పరిశీలించారు. వీఆర్‌ హైస్కూల్‌, పీఎన్‌ఎం స్కూల్లోని 54/2, 54/5, 54/6, 54/7, 58/1, 58/2, 58/3, 58/4, 58/5, 58/6, 58/7, 58/8, 58/9 నంబర్లు గల హైపర్‌ సెన్సిటివ్‌ కేంద్రాలను ఆమె తనిఖీ చేసి తీసుకోవాల్సిన జాగ్రత్తలపై అధికారులకు సూచనలిచ్చారు. సీసీ కెమెరాలు, వెబ్‌ కాస్టింగ్‌ ఏర్పాటు, మైక్రో అబ్జర్వర్ల నియామకం తదితర అంశాల్లో లోటుపాట్లు లేకుండా అప్రమత్తంగా వ్యవహరించాలన్నారు. రాష్ట్ర ఎన్నికల సంఘం ఆదేశాల మేరకు అన్ని కేంద్రాల్లో నిబంధనలను పక్కాగా అమలు చేయాలని, ప్రజలు ప్రశాంత వాతావరణంలో ఓటు హక్కును వినియోగించే విధంగా ఏర్పాట్లు చేయాలన్నారు. ఆమె వెంట సోషల్‌ వెల్ఫేర్‌ డీడీ శోభారాణి, రెవెన్యూ అధికారులున్నారు.

కూటమి ప్రభుత్వం కొలువుదీరిన ఈ రెండున్నరేళ్లలో పింఛన్ల విషయమై నిర్దయగా వ్యవహరిస్తోంది. ఎంతో మంది అర్హులను తొలగించి వారికి అంతులేని శోకాన్ని మిగిల్చింది. ఈ తరుణంలో కొత్తగా మంజూరు చేస్తున్నామంటూ ఆర్భాటంగా ప్రకటించి.. ఎంతో మంది నుంచి దరఖాస్తులను స్వీకరించింది. అయితే ఎన్నికల కోడ్‌ అంటూ మంగళం పాడింది. ఆర్థిక భారాన్ని తగ్గించుకోవాలనే లక్ష్యంతో ఈ రకంగా కుటిల రాజకీయాలకు పాల్పడుతుండటంపై ఎంతో మంది మండిపడుతున్నారు. గత వైఎస్సార్‌ కాంగ్రెస్‌ పార్టీ హయాంలో తమకు సజావుగా అందేవని గుర్తుచేసుకుంటున్నారు. నెల్లూరు(పొగతోట): పింఛన్‌.. ఈ పేరు వింటేనే లబ్ధిదారులు టెన్షన్‌కు గురవుతున్నారు. ఏ కారణం చూపి తమ నుంచి వీటిని దూరం చేస్తారోననే ఆందోళనకు గురవుతున్నారు. కూటమి ప్రభుత్వం కొలువుదీరిన 29 నెలల్లో ఒక్కరికీ కొత్తగా మంజూరు చేసిన దాఖలాల్లేవు. ఇంట్లో ఎవరైనా మరణిస్తేనే వీటిని ఇస్తున్న దుస్థితి నెలకొంది. సరికొత్త డ్రామా పింఛన్ల కోసం జిల్లా వ్యాప్తంగా సుమారు 60 వేల మందికిపైగా అర్హులు నిరీక్షిస్తున్నారు. దరఖాస్తు చేసుకునేందుకు వీల్లేకుండా యాప్‌ను సర్కార్‌ రెండు నెలల క్రితం వరకు బ్లాక్‌ చేసింది. ఈ తరుణంలో ఎన్నికలొస్తున్నాయనే టాక్‌తో దరఖాస్తు చేసుకునేందుకు పది రోజుల పాటు అనుమతించింది. జిల్లాలో 65 వేల మంది అప్లయ్‌ చేసుకోగా, ఇందులో 55 వేల దరఖాస్తులకు ఆమోదముద్రేసి.. మిగిలిన వాటిని తిరస్కరించారు. అయితే వీటిని నేటికీ ఇవ్వలేదు. అసలు ఎంత కాలం నిరీక్షించాలో పాలుపోక అర్హులు తలలు పట్టుకుంటున్నారు. ఎంతో మందికి క్షోభ కూటమి ప్రభుత్వం కొలువుదీరాక జిల్లాలో 34 వేలకుపైగా పింఛన్లను తొలగించారు. పరిశీలన పేరుతో దివ్యాంగులకు క్షోభను మిగిల్చింది. వైఎస్సార్‌ కాంగ్రెస్‌ పార్టీ హయాంలో 2024 ఏప్రిల్‌ నాటికి 3.19 లక్షల మంది లబ్ధిదారులుండగా, ప్రస్తుతం ఈ సంఖ్య 2.85 లక్షలకు పతనమైంది. గ్రామీణ ప్రాంతాల్లో వైఎస్సార్‌ కాంగ్రెస్‌ పార్టీ మద్దతుదారులకు అందే వాటిని తొలగించారు. నాడంతా సజావుగా.. గత ప్రభుత్వ హయాంలో అప్పటి సీఎం జగన్‌మోహన్‌రెడ్డి చరిత్రాత్మక నిర్ణయం తీసుకున్నారు. లబ్ధిదారులు ఇబ్బందులు పడకుండా ఉండాలనే ఉద్దేశంతో పింఛన్ల నగదును ప్రతి నెలా ఒకటో తేదీనే వలంటీర్ల ద్వారా అందజేసే విధానానికి శ్రీకారం చుట్టారు. ప్రభుత్వ కార్యాలయాలు, అధికారుల చుట్టూ అర్హులు తిరిగే అవసరం లేకుండా.. ఇంటి వద్ద నుంచే దరఖాస్తు చేసుకునే అవకాశమూ అప్పట్లో ఉండేది. అయితే ప్రస్తుతం ఇవేవీ మచ్చుకై నా కానరావడంలేదు. కొత్తగా మంజూరు చేస్తామనే ఆశ చూపి.. ఎన్నికల కోడ్‌ అంటూ మంగళం ఉన్న వాటిని రకరకాల కారణాలతో తొలగిస్తూ.. కూటమి ప్రభుత్వ కపట నాటకాలుజిల్లాలో ఇలా.. 2024 ఏప్రిల్‌ నాటికి – 3.19 లక్షల మంది లబ్ధిదారులు ప్రస్తుతం – 2.85 లక్షలు కోతకు గురైనవి – 34 వేలు

నెల్లూరు(బారకాసు): నగరపాలక సంస్థ కార్యాలయంలోని శానిటేషన్‌ విభాగంలో ఆప్కాస్‌ ద్వారా నియమితులైన ఇద్దరు ఉద్యోగులు విధులు నిర్వర్తించకుండానే ప్రతి నెలా జీతాలను పొందుతున్నారు. ఈ తంతు కొన్నేళ్లుగా సాగుతున్నా, సంబంధిత అధికారులు తమకేమీ పట్టదనే రీతిలో వ్యవహరిస్తున్నారు. ఎనిమిదేళ్లుగా అజారుద్దీన్‌.. ఐదేళ్లుగా ఉమర్‌ విధులకు హాజరుకాకుండా జీతాన్ని మాత్రం పొందుతున్నారు. ఏడాదికోసారి కార్యాలయానికి వెళ్లి హాయ్‌ అని పలకరించి.. ఆ విభాగంలోని అధికారులను మేనేజ్‌ చేస్తున్నారనే ఆరోపణలు వినిపిస్తున్నాయి. టీడీపీ సేవలో తరిస్తూ.. వేతనాలను పొందుతుండటం విస్మయానికి గురిచేస్తోంది. ప్రచారంలో తరిస్తూ.. 58వ డివిజన్లో టీడీపీ నుంచి కార్పొరేటర్‌గా పోటీ చేస్తున్న కరిముల్లాతో కలిసి అజారుద్దీన్‌.. 57వ డివిజన్‌ అభ్యర్థి షబానాతో కలిసి ఎన్నికల ప్రచారంలో ఉమర్‌ పాల్గొంటున్నారు. ప్రభుత్వ కార్యాలయాల్లో విధులు నిర్వర్తించే వారు రాజకీయ కార్యకలాపాల్లో పాల్గొనకూడదనే నిబంధన ఉన్నా, వీరికి ఏ మాత్రం పట్టడంలేదు. వీరిపై అధికారులు ఎలాంటి చర్యలు చేపడతారో వేచి చూడాల్సి ఉంది. టీడీపీ అభ్యర్థులతో కలిసి ప్రచారంలో పాల్గొంటున్న అజారుద్దీన్‌, ఉమర్‌ శానిటేషన్‌ విభాగంలో విధులకు కొన్నేళ్లుగా హాజరుకాని ఇద్దరు ఉద్యోగులు ప్రస్తుతం ఆ పార్టీ కార్పొరేటర్‌ అభ్యర్థులతో ప్రచారంలో పాల్గొంటున్న వైనం పట్టించుకోని అధికారులు

● మాజీ మంత్రి కాకాణి గోవర్ధన్‌రెడ్డి తోటపల్లిగూడూరు: అబద్ధాలు చెబుతూ అవినీతి, అక్రమాలు, ప్రలోభాలతో స్థానిక సంస్థల ఎన్నికల్లో గెలవాలని చూస్తున్న చంద్రబాబును గద్దె దించాలని వైఎస్సార్‌సీపీ జిల్లా అధ్యక్షుడు, మాజీ మంత్రి కాకాణి గోవర్ధన్‌రెడ్డి పిలుపునిచ్చారు. మండలంలోని కోడూరు పంచాయతీ కోడూరు బిట్‌ 1, బిట్‌ 2 ప్రాంతాల్లో ఎంపీటీసీ ఎన్నికల ప్రచారంలో గురువారం కాకాణి పాల్గొన్నారు. ఈ సందర్భంగా పార్టీ నాయకులు, కార్యకర్తలు ఆయనకు ఘన స్వాగతం పలికారు. అనంతరం ఇంటింటికీ వెళ్లి పార్టీ అభ్యర్థులను గెలిపించాలని ప్రచారం నిర్వహించారు. ఈ సందర్భంగా ఆయన కూటమి ప్రభుత్వంపై నిప్పులు చెరిగారు. అబద్ధపు హామీలతో ప్రజలను మోసం చేసి అధికారంలోకి వచ్చిన చంద్రబాబుకు స్థానిక సంస్థల ఎన్నికల్లో గుణపాఠం చెప్పాలని ఓటర్లకు పిలుపునిచ్చారు. వైఎస్సార్‌సీపీ ప్రభుత్వంలో జరిగిన అభివృద్ధిని చూపించి తామే చేశామని ఓట్లు అడుక్కోవడానికి చంద్రబాబుకి సిగ్గుండాలని విమర్శించారు. తమ హయాంలో కోడూరులో సిమెంట్‌ రోడ్లు, వాటర్‌ ట్యాంక్‌ నిర్మాణాలు మొదలైన పనులు చేశామని అందుకే ధైర్యంగా ఓట్లు అడుగుతున్నామన్నారు. చంద్రబా బు తన అధికార మదంతో వ్యవస్థలన్నింటిని ఉపయోగించుకుని ఎన్నికల్లో గెలవాలని కుట్రలు పన్నుతున్నాడని, వాటిని తిప్పి కొట్టి మెజారిటీ సీట్లు సాధించాలని నాయకులకు సూచించారు. సర్వేపల్లి నియోజకవర్గంలో 79 ఎంపీటీసీ, ఐదు జెడ్పీటీసీ స్థానాలకు అభ్యర్థులను నిలబెట్టిన ఘనత తనదేనన్నారు. ప్రస్తుత కూటమి ప్రభుత్వంలో నిత్యావసర సరుకులు ఆకాశాన్ని అంటుతుండడాన్ని ప్రజలు గమనిస్తున్నారన్నారు. నవంబర్‌ 5వ తేదీ జరిగే ఎంపీటీసీ ఎన్నికల్లో కోడూరు బిట్‌ 1 ధర్మదేవ్‌, బిట్‌ 2 అభ్యర్థి దువ్వూరు సుధీర్‌రెడ్డి, జెడ్పీటీసీ అభ్యర్థి కుసుమాంబను అత్యధిక మెజారిటీతో గెలిపించాలని కోరారు. కార్యక్రమంలో నాయకులు కావల్‌రెడ్డి సోదరులు, ముత్యాలతోపు, చెన్నపల్లిపాళెం నాయకులు పాల్గొన్నారు.

● వైఎస్సార్‌సీపీ మహిళా వర్కింగ్‌ ప్రెసిడెంట్‌ పూజితా రెడ్డి పొదలకూరు: స్థానిక సంస్థల ఎన్నికల ప్రచారానికి వెళ్తున్న కూటమి నాయకులకు గ్రామాల్లో నిరసన సెగలు తగులుతున్నట్టుగా వైఎస్సార్‌సీపీ మహిళా రాష్ట్ర వర్కింగ్‌ ప్రెసిడెంట్‌ కాకాణి పూజితా రెడ్డి అన్నారు. మండలంలోని మహ్మదాపురం గ్రామంలో జెడ్పీటీసీ, ఎంపీటీసీ అభ్యర్థులు బచ్చల సురేష్‌కుమార్‌రెడ్డి, కీలుకొప్పు కృష్ణమ్మతో కలిసి పూజిత గురువారం ఎన్నికల ప్రచారం నిర్వహించారు. ఈ సందర్భంగా ఆమె మాట్లాడుతూ కూటమి ప్రభుత్వం స్థానిక ఎన్నికల్లో వైఎస్సార్‌సీపీ అభ్యర్థులను నామినేషన్లను వేయనీయకుండా అడ్డుకున్నట్టు తెలిపారు. కనీసం మహిళా అభ్యర్థులని కూడా చూడకుండా దాడులకు తెగబడినట్టు ధ్వజమెత్తారు. నిత్యం మహిళల గురించి లెక్చర్లు ఇచ్చే సీఎం చంద్రబాబు కనుసన్నల్లోనే దాడులు యథేచ్ఛగా కొనసాగినట్టు ఆరోపించారు. ప్రజాస్వామ్యబద్ధంగా ఎన్నికలను నిర్వహిస్తే ఓటమి తప్పదనే భయంతో ప్రభుత్వం ఇలాంటి అరాచకాలకు పాల్పడినట్టు తెలిపారు. వైఎస్సార్‌సీపీ అభ్యర్థులు ధైర్యంగా నిలబడి నామినేషన్లు దాఖలు చేయడం జరిగిందన్నారు. వైఎస్‌ జగన్‌మోమన్‌రెడ్డి నుంచి పార్టీ శ్రేణులు పోరాటపటిమను నేర్చుకున్నట్టు వెల్లడించారు. కూటమి అరాచక పాలన ఎంతోకాలం కొనసాగే పరిస్థితి లేదన్నారు. కార్యక్రమంలో నాయకులు గోగిరెడ్డి గోపాల్‌రెడ్డి, కరిపరెడ్డి కృష్ణారెడ్డి, పి.అశోక్‌కుమార్‌రెడ్డి, గడ్డం తిరుపాల్‌రెడ్డి, కె.రమణారెడ్డి, పుచ్చా చెంచుకృష్ణారెడ్డి, బ్రహ్మానందరెడ్డి తదితరులు పాల్గొన్నారు.

నెల్లూరు (టౌన్‌): స్థానిక సంస్థల ఎన్నికలను జిల్లాలో సజావుగా, ప్రశాంత వాతావరణంలో నిర్వహించేలా పకడ్బందీగా ఏర్పాట్లు చేస్తున్నామని కలెక్టర్‌ హిమాన్షు శుక్లా పేర్కొన్నారు. నగరంలోని డీకేడబ్ల్యూ కళాశాలలో ఏర్పాటు చేసిన స్ట్రాంగ్‌ రూమ్‌, కౌంటింగ్‌ కేంద్రాలను అధికారులతో కలిసి గురువారం పరిశీలించిన అనంతరం ఆయన మాట్లాడారు. మున్సిపల్‌ ఎన్నికల పోలింగ్‌, కౌంటింగ్‌కు అవసరమైన ఏర్పాట్లు చేశామని వివరించారు. ఎంపీటీసీ, జెడ్పీటీసీ ఎలక్షన్లకు జిల్లా యంత్రాంగాన్ని సమాయత్తం చేస్తున్నామన్నారు. ప్రశాంత వాతావరణంలో ఓటు హక్కును వినియోగించుకోవాలని కోరారు. వర్షాలు కురిసే అవకాశముందనే వాతావరణ శాఖ హెచ్చరికలతో ఎన్నికల నిర్వహణకు అవసరమైన ముందస్తు చర్యలు చేపడుతున్నామని వెల్లడించారు. జేసీ వెంకటేశ్వర్లు, ఆర్డీఓ అనూష, కమిషనర్‌ నందన్‌ తదితరులు పాల్గొన్నారు. టీడీపీ దారుణాలపై హైకోర్టుకు..అనుమసముద్రంపేట: ఏఎస్‌పేటలోని నాలుగు ఎంపీటీసీ సెగ్మెంట్లలో టీడీపీ ఏకగ్రీవాలు చేసుకున్న తరుణంలో హైకోర్టును చిరమన, చౌటభీమవరం, గుంపర్లపాడు, హసానపురం అభ్యర్థులు గురువారం ఆశ్రయించారు. బాధితుల తరఫున పలు అంశాలను న్యాయవాది కండె తులసీరామ్‌ తీసుకున్నారు. ఉపసంహరణల ప్రక్రియను తక్షణమే నిలిపేయాలంటూ హైకోర్టులో అత్యవసర రిట్‌ లంచ్‌ మోషన్‌ పిటిషన్‌ను దాఖలు చేశారు. వీటిని పరిశీలించిన జడ్జి.. అన్ని ఆధారాలను బెంచ్‌ ముందు సోమవారం సమర్పించాలని బాధితులకు సూచించారు. నేటి నుంచి వైన్‌ షాపులు, బార్ల మూత నెల్లూరు(క్రైమ్‌): నెల్లూరు కార్పొరేషన్‌, ఆత్మకూరు, బుచ్చిరెడ్డిపాళెం మున్సిపల్‌ ఎన్నికల సందర్భంగా డ్రైడే ఉత్తర్వులను కలెక్టర్‌ హిమాన్షు శుక్లా గురువారం జారీ చేశారు. శుక్రవారం సాయంత్రం ఐదు నుంచి నవంబర్‌ ఒకటో తేదీ పోలింగ్‌ ముగిసేంత వరకు సంబంధిత ప్రాంతాల్లో వైన్‌ షాపులు, బార్లు, కల్లు దుకాణాలను మూసేయడంతో పాటు ఓట్ల లెక్కింపు సందర్భంగా కౌంటింగ్‌ కేంద్రాల చుట్టూ ఐదు కిలోమీటర్ల పరిధిలో మద్యం విక్రయాలను మూడున నిలిపేయాలని ఆదేశించారు. ఉత్తర్వులను నిర్వాహకులు తప్పక పాటించాలని, ఉల్లంఘిస్తే చర్యలు తప్పవని ప్రొహిబిషన్‌ అండ్‌ ఎకై ్సజ్‌ జిల్లా అధికారి శ్రీనివాసులునాయుడు హెచ్చరించారు. తొమ్మిది నుంచి ఎస్‌ఏ – 1 పరీక్షలు నెల్లూరు (టౌన్‌): జిల్లాలోని ప్రభుత్వ, ప్రైవేట్‌ యాజమాన్య పాఠశాలల్లో సమ్మేటివ్‌ అసెస్మెంట్‌ (ఎస్‌ఏ – 1) పరీక్షలను నవంబర్‌ తొమ్మిది నుంచి నిర్వహించనున్నారు. ఒకటి నుంచి ఐదో తరగతి వరకు ఉదయం తొమ్మిది నుంచి మధ్యాహ్నం 12.30 వరకు.. ఆరు, ఏడో తరగతి విద్యార్థులకు మధ్యాహ్నం 1.15 నుంచి 4.15 వరకు.. ఎనిమిది నుంచి పదో తరగతి వారికి ఉదయం తొమ్మిది నుంచి 12.30 వరకు జరపనున్నారు. ప్రాథమిక పాఠశాలల్లో పనిచేస్తున్న ఉపాధ్యాయులు క్లస్టర్‌ కాంప్లెక్స్‌ నుంచి, ఉన్నత పాఠశాల వారు ప్రశ్నపత్రాలను ఎమ్మార్సీలో తీసుకోవాల్సి ఉంటుంది. షోకాజ్‌ నోటీసుల జారీనెల్లూరు(పొగతోట): జెడ్పీటీసీ, ఎంపీటీసీ ఎన్నికల నిర్వహణకు గానూ 11 వేల మంది ఉద్యోగులను ఎంపిక చేసి మొదటి విడత శిక్షణ కార్యక్రమాలకు హాజరకావాల్సిందిగా అందరికీ సమాచారమిచ్చారు. అయితే గురువారం నిర్వహించిన ట్రెయినింగ్‌కు 308 మంది హాజరుకాకపోవడంపై కలెక్టర్‌ హిమాన్షు శుక్లా ఆగ్రహం వ్యక్తం చేశారు. వీరికి షోకాజ్‌ నోటీసు లను జారీ చేయాలని ఆదేశించారు. కాగా మై క్రో అబ్జర్వర్లకు శిక్షణ కార్యక్రమాన్ని నగరంలో ని కస్తూర్బా కళాక్షేత్రంలో శుక్రవారం మధ్యా హ్నం మూడుకు నిర్వహించనున్నారు. ఎలక్షన్లకు పటిష్ట భద్రత నెల్లూరు(క్రైమ్‌): పట్టణ, స్థానిక సంస్థల ఎన్నికలకు పటిష్ట భద్రత ఏర్పాట్లు చేపట్టామని ఎస్పీ అజిత వేజెండ్ల తెలిపారు. నగరంలోని పెన్నా వారధి నుంచి గాంధీబొమ్మ వరకు గురువారం సాయంత్రం నిర్వహించిన ఫ్లాగ్‌మార్చ్‌లో ఆమె మాట్లాడారు. ప్రజలందరూ నిర్భయంగా తమ ఓటు హక్కును వినియోగించుకోవాలని సూ చించారు. పోలీస్‌ శాఖ చేపడుతున్న చర్య లు, బందోబస్తు వివరాలను వెల్లడించారు. ఏఎస్పీ లు సౌజన్య దీక్ష తదితరులు పాల్గొన్నారు.

● ధ్వజమెత్తిన మేకపాటి విక్రమ్‌రెడ్డి ఆత్మకూరు రూరల్‌: రాష్ట్రంలో జరుగుతున్న స్థానిక సంస్థల ఎన్నికల్లో బిహార్‌ను మించిన అరాచకాన్ని టీడీపీ ప్రభుత్వం సృష్టిస్తోందని మాజీ ఎమ్మెల్యే మేకపాటి విక్రమ్‌రెడ్డి ఆరోపించారు. పట్టణంలోని తన కార్యాలయంలో విలేకరుల సమావేశంలో గురువారం ఆయన మాట్లాడారు. ఆత్మకూరు నియోజకవర్గంలోని ఆరు మండలాల్లో 32 ఎంపీటీసీ స్థానాల్లో వైఎస్సార్‌ కాంగ్రెస్‌ పార్టీ అభ్యర్థులు దాఖలు చేసిన నామినేషన్లను అధికారుల అండతో తిరస్కరించి.. బలవంతంగా విత్‌డ్రా చేయించారని ఆరోపించారు. ప్రజాస్వామ్యబద్ధంగా ఎన్నికలను ఎదుర్కొనే ధైర్యం లేక అధికారాన్ని అడ్డంపెట్టుకొని ఏకగ్రీవానికి యంత్రాంగాన్ని దుర్వినియోగం చేశారని మండిపడ్డారు. ఈ వ్యవహారాలపై ఎన్నికల సంఘం, కలెక్టర్‌కు ఫిర్యాదు చేసినా ఎలాంటి స్పందన లేదని విమర్శించారు. చేజర్ల మండలంలో పది ఎంపీటీసీ స్థానాలకు సంబంధించి తమ పార్టీ వారు దాఖలు చేసిన తొమ్మిది నామినేషన్లను అకారణంగా తిరస్కరించారని దుయ్యబట్టారు. మర్రిపాడు, సంగం, అనుమసముద్రంపేట మండలాల్లో పోలీస్‌ బలగాలను మోహరించి తమ పార్టీ శ్రేణులను భయభ్రాంతులకు గురిచేశారన్నారు. ఎన్నికల అధికారులతో పాటు ఆత్మకూరు సీఐ గంగాధర్‌, మర్రిపాడు ఎస్సై బలరామిరెడ్డి వ్యవహరించిన తీరు దుర్మార్గంగా ఉందని చెప్పారు. మంత్రి ఆనం ఆదేశాలతో కొందరు అధికారులు టీడీపీకి అనుకూలంగా వ్యవహరించారని, ఈ విషయమై సమగ్ర విచారణ జరపాలని డిమాండ్‌ చేశారు. ఆత్మకూరు మున్సిపాల్టీలోని రెండు వార్డుల్లో తమ అభ్యర్థుల నామినేషన్లను తిరస్కరించారని.. ప్రతిపక్ష అభ్యర్థులు బరిలో లేకుండా చేసి ఏకగ్రీవాలుగా గొప్పలు చెప్పుకోవడం ఆనానికి సిగ్గుచేటని విమర్శించారు. వీటన్నింటినీ ప్రజలు గమనిస్తున్నారని, సరైన సమయంలో గుణపాఠం చెప్తారని స్పష్టం చేశారు. జెడ్పీ మాజీ చైర్మన్‌ బొమ్మిరెడ్డి రాఘవేంద్రరెడ్డి, ఆత్మకూరు, మర్రిపాడు జెడ్పీటీసీ అభ్యర్థులు పెమ్మసాని ప్రసన్నలక్ష్మి, సిద్ధంరెడ్డి మోహన్‌రెడ్డి, నేతలు కృష్ణప్రసాద్‌రెడ్డి, రవికుమార్‌రెడ్డి, బొర్రా సుబ్బిరెడ్డి, అల్లంపాటి రాజారెడ్డి తదితరులు పాల్గొన్నారు.

ఇందుకూరుపేట: మండలంలోని మైపాడు మజరా కృష్ణాపురంలో ఉన్న సముద్ర రిసార్ట్స్‌లో ఆక్రమణలను జలవనరుల శాఖ అధికారులు తొలగించారు. రిసార్ట్స్‌ యజమానులు బకింగ్‌హామ్‌ కెనాల్‌ కట్లపై శాశ్వత రోడ్డును ఏర్పాటును చేశారు. అంతటితో ఆగకుండా ఆ రోడ్డు పక్కనే గది నిర్మాణం, విద్యుత్‌ ట్రాన్స్‌ఫార్మర్‌ ఏర్పాటుకు దిమ్మెలను చేపట్టారు. దీనిపై పీజీఆర్‌ఎస్‌లో అధికారులకు ఫిర్యాదులు అందాయి. వాటిని తొలగించాలని ఉన్నతాధికారుల నుంచి ఆదేశాలు అందడంతో ఆక్రమణలను తొలగించారు. కాగా ఈ రిసార్ట్స్‌లో ఫ్లాట్స్‌ను కొనుగోలు చేసిన వారు ఈ తంతు చూసి ఆందోళన చెందుతున్నారు. గతంలో రిసార్ట్స్‌ ఏర్పాటు విషయంలో పలు ఆరోపణలువచ్చాయి. తాజాగా ఆక్రమణలు తొలగించడం చర్చనీయాంశంగా మారింది. భవిష్యత్‌లో దీనిపై పలు నిబందనలు విధించనున్నట్లు సమాచారం. దీనిపై వివరణ కోరేందుకు ఇరిగేషన్‌ అధికారులను సంప్రదించేందుకు ప్రయత్నించగా అందుబాటులోకి రాలేదు.

నెల్లూరు రూరల్‌: పురపాలక ఎన్నికల తరుణంలో ప్రచారంపై నిషేధం శుక్రవారం సాయంత్రం ఐదు నుంచి అమల్లోకి రానుందని కలెక్టర్‌ హిమాన్షు శుక్లా గురువారం ఒక ప్రకటనలో తెలిపారు. గడువు ముగిసిన వెంటనే సంబంధిత పరిధిలో ఓటర్లు కాని రాజకీయ నేతలు, కార్యకర్తలు, మద్దతుదారులు, ఇతర వ్యక్తులు అక్కడ్నుంచి వెళ్లిపోవాలని సూచించారు. కల్యాణ మండపాలు, కమ్యూనిటీ హాళ్లు, లాడ్జీలు, అతిథిగృహాల్లో బస చేస్తున్న వారి వివరాలను పోలీసులు పరిశీలించాలని సూచించారు. కీలక ప్రాంతాల్లో చెక్‌పోస్టులను ఏర్పాటు చేసి వాహనాల రాకపోకలను పర్యవేక్షించాలని, వ్యక్తుల గుర్తింపు పత్రాలను తనిఖీ చేయాలని ఆదేశించారు. ఎన్నికలను స్వేచ్ఛాయుత, నిష్పక్షపాత, ప్రశాంత వాతావరణంలో నిర్వహించేందుకు రాజకీయ పార్టీలు, అభ్యర్థులు, ప్రజలు సహకరించాలని కోరారు.

● పలువురికి గాయాలు ఉదయగిరి రూరల్‌: మదనపల్లి జిల్లా గుర్రంకొండ సమీపంలోని ముదివేటి టోల్‌ప్లాజా వద్ద గురువారం వేకువజామున రోడ్డు ప్రమాదం జరిగింది. పామూరు – బెంగళూరు బస్సును ఎదురుగా వచ్చిన కారు ఢీకొనడంతో పలువురు గాయపడ్డారు. వివరాలిలా ఉన్నాయి. ఉదయగిరి డిపోకు చెందిన బస్సు పామూరు నుంచి బెంగళూరుకు వెళ్తోంది. ఈక్రమంలో ముదివేటి టోల్‌ప్లాజా వద్దకు చేరుకోగానే కడప వైపు వెళ్తున్న కారు బస్సును ఎదురుగా ఢీకొంది. ఈ ఘటనలో కారు పూర్తిగా దెబ్బతినగా, అందులో ప్రయాణిస్తున్న పలువురికి తీవ్ర గాయాలయ్యాయి. ప్రమాదంపై ఆర్టీసీ సిబ్బంది డిపో మేనేజర్‌కు సమాచారం అందించారు. ప్రయాణికులను బెంగళూరుకు తరలించేందుకు అధికారులు ఏర్పాట్లు చేశారు. ప్రమాదానికి గురైన బస్సును డిపోకు తరలించారు. మోటార్‌బైక్‌పై వెళ్తుండగా.. ● లారీ ఢీకొని వ్యక్తి మృతి సంగం: మండలంలోని జాతీయ రహదారిపై సంగం కొండ కూడలి వద్ద గురువారం లారీ ద్విచక్ర వాహనాన్ని ఢీకొనడంతో పెరమన గ్రామానికి చెందిన కాకర్ల చెన్నకేశవరెడ్డి (55) అక్కడికక్కడే మృతిచెందాడు. పోలీసుల కథనం మేరకు.. చెన్నకేశవరెడ్డి ద్విచక్ర వాహనంపై వెళ్తుండగా లారీ ఢీకొంది. ఈ ప్రమాదంలో ఆయన తీవ్రంగా గాయపడి చనిపోయాడు. సమాచారం అందుకున్న సంగం పోలీసులు ఘటనా స్థలానికి చేరుకుని వివరాలు సేకరించారు. కేసు నమోదు చేశారు. 36 గ్రాముల బంగారం, కిలో వెండి చోరీ నెల్లూరు(క్రైమ్‌): ఇంట్లో ఎవరూ లేని సమయంలో గుర్తుతెలియని వ్యక్తులు చోరీకి పాల్పడిన ఘటన అంబాపురంలో చోటుచేసుకుంది. పోలీసుల కథనం మేరకు.. అంబాపురం గ్రామానికి చెందిన సుమతి బుధవారం రాత్రి తన తండ్రి రమణయ్యతో కలిసి స్థానిక రామాలయంలో కోలాటం చూసేందుకు వెళ్లారు. తిరిగి ఇంటికి వచ్చేసరికి ప్రధాన ద్వారం గడ్డపారతో పగులగొట్టి ఉండటాన్ని గుర్తించారు. లోపలికి వెళ్లి చూడగా బీరువా తెరిచి ఉంది. అందులో భద్రపరిచిన 36 గ్రాముల బంగారు ఆభరణాలు, కిలో వెండి వస్తువులు కనిపించలేదు. దీంతో బాధితురాలు గురువారం వేదాయపాళెం పోలీసులకు ఫిర్యాదు చేయగా ఘటనా స్థలాన్ని పరిశీలించి, కేసు నమోదు చేశారు. రాష్ట్ర స్థాయి ఖోఖో పోటీలకు ఎంపిక నెల్లూరు(టౌన్‌): రాష్ట్ర స్థాయి ఖోఖో పోటీలకు నెల్లూరులోని కేఎన్నార్‌ స్కూల్‌కు చెందిన ఐదుగురు విద్యార్థులు ఎంపికయ్యారని ప్రధానోపాధ్యాయురాలు శారద తెలిపారు. గురువారం స్కూల్లో విద్యార్థులను అభినందించారు. ఈ సందర్భంగా ఆమె మాట్లాడుతూ ఏసీ సుబ్బారెడ్డి స్టేడియంలో జరిగిన జిల్లా స్థాయి పోటీల్లో ప్రతిభ చూపడంతో రాష్ట్ర స్థాయి అండర్‌ – 14 పోటీలకు అలకనంద, నిఖిత, కీర్తన, అండర్‌ – 17కు మాధురి, నాగదర్శిని ఎంపికయ్యారన్నారు. కార్యక్రమంలో పీడీ సుస్మిత పాల్గొన్నారు. సాగర తీరం.. ప్రశాంతం ● మత్స్యకారులకు ఊరట వాకాడు: బంగాళాఖాతంలో ఏర్పడిన అర్నబ్‌ తుఫాన్‌ తీరం దాటడంతో గురువారం సముద్రంలో అలజడి తగ్గి ప్రశాంత వాతావరణం నెలకొంది. నాలుగురోజులుగా మండల పరిధిలోని తూపిలిపాళెం వద్ద అల్లకల్లోలంగా కనిపించిన సముద్రం ఒక్కసారిగా శాంతించడంతో తీర ప్రాంత ప్రజలు, మత్స్యకారులు ఊపిరి పీల్చుకున్నారు. తుఫాన్‌ ఎటువైపు తీరం దాటుతుందోనన్న ఆందోళనతో భయాందోళనకు గురయ్యారు. తూపిలిపాళెం వద్ద సముద్రంలో గత కొద్దిరోజులుగా అలల ఉధృతి పెరగడంతో మత్స్యకారులు సైతం అప్రమత్తమయ్యారు. ఈ క్రమంలో ఉత్తరాంధ్ర తీరంలో తీరం దాటిన అనంతరం వాతావరణంలో అనుకూల మార్పులు చోటు చేసుకున్నాయి. సముద్రంలో అలజడి తగ్గి ప్రశాంతత నెలకొనడంతో ఊరట లభించింది.

ఉదయగిరి: ఉదయగిరి మండలంలో జాతీయ గ్రామీణ ఉపాధి హామీ పథకం పనులపై సోషల్‌ ఆడిట్‌ రహస్యంగా సాగుతోందనే విమర్శలున్నాయి. గతంలో ఆడిట్‌ బృందాలు గ్రామస్థాయిలో తనిఖీలు ప్రారంభించే ముందు పత్రికలు, మీడియాకు సమాచారం అందించేవి. దీంతో మండలంలోని అన్ని గ్రామాల ప్రజలకు ఆడిట్‌ ప్రక్రియపై అవగాహన ఉండేది. ఆయా గ్రామాల్లో పనుల నిర్వహణలో జరిగిన అవకతవకలను ఆడిట్‌ బృందాల దృష్టికి తీసుకెళ్లేందుకు అవకాశం కలిగేది. అయితే ఈసారి అందుకు భిన్నంగా బృందాలు గుట్టుచప్పుడు కాకుండా రికార్డులను పరిశీలిస్తూ తనిఖీలు నిర్వహిస్తున్నాయని పలు గ్రామాల ప్రజలు అంటున్నారు. రూ.9.66 కోట్ల ఖర్చు మండలంలో 2025 ఏప్రిల్‌ నుంచి 2026 జూన్‌ వరకు 862 పనులకు సంబంధించి వేతనాలు, సామగ్రి రూపంలో రూ.9.66 కోట్లు ఖర్చు చేశారు. ఈనెల 21వ తేదీ నుంచి 17 పంచాయతీల్లో సోషల్‌ ఆడిట్‌ బృందాలు తనిఖీలు చేపట్టాయి. ఈ పనులన్నీ కూటమి ప్రభుత్వ హయాంలోనే జరిగిన నేపథ్యంలో, వాటిలోని అవకతవకలు వెలుగులోకి రాకుండా జాగ్రత్తలు తీసుకుంటున్నారని తెలిసింది. ఇప్పటికే అప్పసముద్రం, కృష్ణంపల్లి, గండిపాళెం, నేలటూరు, జి.చెరువుపల్లి, గన్నెపల్లి, జి.చెర్లపల్లి గ్రామాల్లో సభలు పూర్తయ్యాయి. ఈ ప్రక్రియ నవంబర్‌ 13వ తేదీ వరకు కొనసాగనుంది. అయితే పనుల పరిశీలన, కూలీల విచారణ, మస్తర్ల తనిఖీ వంటి అంశాలపై కొంతమంది కూలీలకు కూడా సమాచారం తెలియడం లేదు. ప్రచారం లేకుండానే.. సోషల్‌ ఆడిట్‌లో భాగంగా సభలు నిర్వహించే ముందు గ్రామాల్లో విస్తృతంగా ప్రచారం చేయాలి. కానీ అలాంటి చేయకుండా కొందరు నుంచి సంతకాలు తీసుకుని సభలను తూతూమంత్రంగా ముగిస్తున్నారు. అధికార పార్టీ నేతల ఒత్తిళ్లు ఉండటంతో ఆడిట్‌ అధికారులు, క్షేత్ర సహాయకులు, మేట్లు అవగాహనకు వచ్చి ముడుపులు తీసుకుని తనిఖీలు చేశామా.. గ్రామసభలు ముగించామా అనే రీతిలో వ్యవహరిస్తున్నారు. దీంతో పనుల్లో జరిగిన అవకతవకలు వెలుగులోకి రాకుండా కప్పిపుచ్చుతున్నారనే విమర్శలు వ్యక్తమవుతున్నాయి. పారదర్శకంగా ఆడిట్‌ నిర్వహించి వాస్తవాలను వెలుగులోకి తీసుకురావాల్సిన బృందాలు రహస్యంగా తనిఖీలు నిర్వహించడంపై అనేక ప్రశ్నలు తలెత్తుతున్నాయి. ప్రస్తుతం స్థానిక సంస్థల ఎన్నికలు జరుగుతున్న నేపథ్యంలో అక్రమాలు బయటకు రాకుండా అధికార పార్టీ నేతలు చక్రం తిప్పుతున్నారని ప్రతిపక్షాలు ఆరోపిస్తున్నాయి. ఇప్పటికై నా సంబంధిత ఉన్నతాధికారులు స్పందించి సోషల్‌ ఆడిట్‌ పారదర్శకంగా జరిగేలా చర్యలు తీసుకోవాలని ప్రజలు కోరుతున్నారు నామమాత్రంగా పనుల తనిఖీలు తూతూమంత్రంగా గ్రామసభలు అవకతవకలు వెలుగులోకి రాకుండా కప్పిపుచ్చుతున్నారనే విమర్శలు స్థానిక సంస్థల ఎన్నికల వేళ అధికార పార్టీ నేతల ఒత్తిళ్లు

● నిందితుడి అరెస్ట్‌ ● రూ.పది లక్షల సొత్తు స్వాధీనం నెల్లూరు(క్రైమ్‌): రైళ్లలో చోరీలకు పాల్పడుతున్న దొంగను రైల్వే పోలీసులు అరెస్ట్‌ చేశారు. అతని నుంచి రూ.పది లక్షల విలువజేసే సొత్తును స్వాధీనం చేసుకున్నారు. నిందితుడి వివరాలను తన కార్యాలయంలో నెల్లూరు రైల్వే డీఎస్పీ మురళీధర్‌, రైల్వే సీఐ సుధాకర్‌ గురువారం వెల్లడించారు. హైదరాబాద్‌ నుంచి చైన్నె వెళ్తున్న చార్మినార్‌ ఎక్స్‌ప్రెస్‌లో ప్రయాణిస్తున్న ఓ మహిళ మెడలోని గొలుసు చోరీకి గురైన ఘటనపై రైల్వే పోలీసులు కేసు నమోదు చేశారు. సాంకేతికత ఆధారంగా నిందితుడ్ని ప్రకాశం జిల్లా ఉలవపాడు మండలానికి చెందిన పాతనేరస్తుడు త్రిమోది అలియాస్‌ గోవిందుగా గుర్తించి గాలింపు చర్యలు చేపట్టారు. కావలి రైల్వేస్టేషన్లో నిందితుడ్ని బుధవారం అదుపులోకి తీసుకొని విచారించారు. కావలి, నెల్లూరు, గూడూరు పరిధిలో రైళ్లలో దొంగతనాలకు పాల్పడ్డానని అంగీకరించడంతో అరెస్ట్‌ చేసి అతని నుంచి మూడు కేసులకు సంబంధించిన 72 గ్రాముల బంగారు ఆభరణాలు, హ్యాండ్‌బ్యాగ్‌, రూ.పది వేల నగదును స్వాధీనం చేసుకున్నారు. నిందితుడిపై ఒంగోలు, శింగరాయకొండ, నెల్లూరులో కేసులున్నాయని డీఎస్పీ చెప్పారు. ప్రతిభ కనబర్చిన సీఐతో పాటు నెల్లూరు, కావలి, గూడూరు రైల్వే ఎస్సైలు హరిచందన, వెంకట్రావు, నారాయణ, సిబ్బంది మణికంఠ, కిరణ్‌, హుమయూన్‌, తేజ, హరి, జయరాజు, వెంకటబాబు, సుజాతను డీఎస్పీ అభినందించారు.

నెల్లూరు(పొగతోట): జెడ్పీటీసీ, ఎంపీటీసీ ఎన్నికలకు సంబంధించిన నిబంధనల ప్రకారం విధులు నిర్వహించాలని జెడ్పీ సీఈఓ మధుసూదన్‌, డిప్యూటీ సీఈఓ బ్రహ్మయ్య సూచించారు. గురువారం నెల్లూరులోని జెడ్పీ కార్యాలయం నుంచి ఏఆర్వోలతో నిర్వహించిన టెలి కాన్ఫరెన్స్‌లో వారు మాట్లాడారు. పోలింగ్‌ బూత్‌ల వారీగా ఓటర్లకు ఓటర్‌ స్లిప్పులు అందజేయాలన్నారు. సమస్యాత్మక పోలింగ్‌ కేంద్రాలపై ప్రత్యేక నిఘా ఏర్పాటు చేయాలన్నారు. బ్యాలెట్‌ పేపర్లను సమీపంలోని అందుబాటులో ఉంటే సబ్‌ ట్రెజరీ, పోలీస్‌స్టేషన్లలో అప్పగించి జాగ్రత్తగా భద్రపరచాలన్నారు. పోలింగ్‌ కేంద్రాల వారీగా రూట్‌మ్యాప్‌ అనుసరించి వాహనాలు ఏర్పాటు చేయాలన్నారు. ఎన్నికల నిర్వహణ తేదీల్లో మార్పులు జరిగాయన్నారు. దానికి అనుగుణంగా అధికారులందరూ చర్యలు చేపట్టాలన్నారు. ఎక్కడా ఎటువంటి లోటుపాట్లు లేకుండా సక్రమంగా ఎన్నికల ప్రక్రియను పూర్తి చేయాలని తెలిపారు. పీఓలు, ఏపీఓలకు శిక్షణ నెల్లూరులోని కస్తూర్బా కళాక్షేత్రంలో ఎన్నికల నిర్వహణపై గురువారం పీఓలు, ఏపీఓలకు శిక్షణ ఇచ్చారు. ఈ సందర్భంగా జెడ్పీ సీఈఓ మధుసూదన్‌, డిప్యూటీ సీఈఓ బ్రహ్మయ్య మాట్లాడుతూ జిల్లాలో 11 వేల మంది ఉద్యోగులకు శిక్షణ కార్యక్రమాలు నిర్వహించినట్లు చెప్పారు. వచ్చే నెల 5వ తేదీన జెడ్పీటీసీలు, ఎంపీటీసీలకు పోలింగ్‌ జరుగుతుందన్నారు. 7వ తేదీన ఓట్ల లెక్కింపు జరుగుతుందన్నారు. 4వ తేదీన డిస్ట్రిబ్యూషన్‌ సెంటర్లలో ఎన్నికల సామగ్రి అందజేస్తారన్నారు. 1,665 పోలింగ్‌ కేంద్రాలను గుర్తించామన్నారు.

కేజీ బియ్యం వంద చేసినందుకెయ్యాలా ఓటు! ఏందిరయ్యా.. ఇదా! ఒరే అల్లుడా.. ఏందిరా నెల్లూరు జనమేమైనా పిచ్చోళ్లారా.. ఏంది మామ.. దేని గురించి.. అదేరా.. మీ టీడీపీ వాళ్లు మంత్రి నారాయణ నెల్లూరును వేల కోట్లతో అభివృద్ధి చేస్తున్నాడని మైకుల్లో ఒకటే ఊదగొట్టుతున్నారు. ‘ఒరే నాకర్థంకాక అడుగుతున్నా.. నెల్లూరు కార్పొరేషన్‌ ఏడాది బడ్జెట్టే రూ.470 కోట్లని పేపర్లలో వార్తలు వచ్చాయి. ఉన్న బడ్జెట్‌ ఖర్చులకే సరిపోతుందని లెక్కలు కూడా చెప్పారు. ఇప్పుడేడ నుంచి వేల కోట్లు వచ్చాయిరా.’ ‘మీ పార్టీ వచ్చి రెండున్నర సంవత్సరాలు దాటింది.. ఏ ఒక్క పనైనా చేశార్రా.’ అది కాదు మామ.. ఆ మాత్రం చెప్పకపోతే మాకు ఓట్లేసేదెవరు. మన నెల్లూరోళ్లు పిచ్చొళ్లు కాకపోతే.. మొన్న ఎలక్షన్‌లో మా పార్టీని ఎట్టా గెలిపించారంటావు. ఆ జగను ఎంత చేసినా.. మా చంద్రబాబు, నారాయణ చెప్పిన అబద్ధాలు నమ్మే కాదా.. మా పార్టీని గెలిపించింది. మళ్లీ గెలిపించాలంటే.. ఈ రెండున్నర సంవత్సరాల్లో మేం చేశామని చెప్పడానికి మేమేం చేశాము. ఆ మాత్రం చెప్పకపోతే.. ఎట్లా! సరేరా అల్లుడా.. మళ్లీ అట్టనే గెలిపిస్తారంటవా? వాళ్లు గెలిపించేదేంది మామ.. ఎట్ట గెలవాలో మా నాయకులు ప్లాన్‌ చేశార్లే. ఏం ప్లాన్‌ చేశారేంట్రా. అయ్యన్ని.. చెప్పకూడదు మామ.. కౌంటింగ్‌ అయ్యాక చూడు.. మేమే గెలుస్తాం. బై మామ. ఓ.. మామ ఈసారి మా పార్టీకే ఓటెయ్యాల. ‘అన్నా.. ఈయన మా మామ. పోయినసారి మన పార్టీకి దగ్గరుండి చాలా ఓట్లు వేయించాడు.’ ఇప్పుడు మన డివిజన్‌ మారిపోయింది కదా. ‘వయసు మీద పడింది.. యాడకి తిరిగే ఓపిక లేక.. ఇంటికి పరిమితమయ్యాడు’ పెద్దాయన.. ఈ సారి మీ ఇంట్లో ఓట్లతోపాటు పక్కింటోళ్లు కూడా మనకే ఓట్లు వేసేలా చూడు. సరే అయ్యా.. ఓ మాటడుగుతా సమాధానం చెప్పతావా? అడుగు పెద్దాయన ‘ముప్పై ఏళ్లుగా చంద్రబాబును నమ్ముకుని పార్టీ కోసం కష్టపడ్డాను.. నాకు డైబ్బె ఏళ్లొచ్చాయి. జగన్‌ గవర్నమెంట్‌లో పెన్షన్‌ రాస్తామన్నా.. రాయించుకోలేదు. మన గవర్నమెంట్‌ వస్తే.. రాసుకుందామని మూడేళ్లుగా పెన్షన్‌ కోసం ఎదురు చూస్తున్నాను. నాకు పింఛన్‌ ఇయలేదు. నా బిడ్డ పెనిమిటి చనిపోయాడు. దానికి పెన్షన్‌ రాయిద్దామంటే కొత్తగా పెన్షన్‌ రాయకపోతుండిరి. నేను పోయేలోగా నాకూ.. నా బిడ్డకూ పెన్షన్లు వస్తాయని నమ్మకం పోయిందయ్యా’ ‘చంద్రబాబు వచ్చి.. సంపద సృష్టిస్తానంటే.. ఆ పిచ్చిలో ఉండి ఏదో ఉద్దరిస్తాడనుకుంటే.. కేజీ బియ్యం వందయ్యాయి. పదివేలుంటే ఇల్లు గడిచిపోతుండేది. ఇప్పుడు ముప్పై వేలు కూడా సరిపోవడంలేదు. కూరగాయల నుంచి చిల్లర సామాన్లు వరకు రేట్లు చూస్తే మండిపోతున్నాయి. సంపద సృష్టి ఏమో కానీ.. మా సంపద ఆవిరైపోతుందయ్యా. ‘ఇప్పుడు చెప్పయ్యా.. బియ్యం వంద చేసినందుకు ఓటెయ్యాలా.. సంపద ఆవిరి చేస్తున్నందుకెయ్యాలా..’ ఒక మాట చెబుతానయ్యా.. మనం ఎంత ద్వేషించినా.. ఆ జగను ప్రభుత్వమే మేలయ్యా.. ‘సరే.. పెద్దాయన ఈ ఎన్నికల్లో మనం గెలిస్తే.. నేనొచ్చి నీకు.. మీ కూతురుకు పింఛన్‌ రాయించే బాధ్యత నాది? మరిచిపోబాకు..’ సరే వస్తాం పెద్దాయన.

నెల్లూరు(బృందావనం): నెల్లూరు మూలాపేటలోని భువనేశ్వరి సమేత మూలస్థానేశ్వర స్వామి దేవస్థానంలో పవిత్రోత్సవాలు భక్తిశ్రద్ధలతో నిర్వహిస్తున్నారు. మూడు రోజులు నిర్వహించే ఉత్సవాల్లో రెండోరోజు గురవారం ఉదయం, సాయంత్రం, రాత్రి శాస్త్రోక్తంగా నందిపూజ, యాగశాలపూజ, పవిత్ర సమర్పణ, హోమం, పూర్ణాహుతి, దీపారాధన తదితరాలను విశేషంగా చేశారు. ఉభయకర్తలుగా డాక్టర్‌ ఒ.గోపాలకృష్ణ, అంజని, మద్దిన విశ్వనాథం, బృంద దంపతులు వ్యవహరించారు. మద్యంలో పురుగు మందు కలిపి తాగి.. ● వ్యక్తి బలవన్మరణం వెంకటాచలం: ఓ వ్యక్తి మద్యంలో పురుగు మందు కలిపి తాగి వ్యక్తి ఆత్మహత్య చేసుకున్న ఘటన మండలంలోని కంటేపల్లిలో గురువారం జరిగింది. పోలీసుల కథనం మేరకు.. కంటేపల్లి పంచాయతీ ఎస్టీ కాలనీకి చెందిన ముత్యం నాగేంద్ర (55) మద్యానికి బానిసయ్యాడు. దీంతో అతని భార్య నాగలక్ష్మి ఇటీవల పుట్టింటికి వెళ్లిపోయింది. దీంతో మనస్తాపానికి గురైన నాగేంద్ర మద్యంలో పురుగు మందు తాగి పెద్దగా కేకలు వేయడంతో సోదరి రమణమ్మ గుర్తించింది. వెంటనే గ్రామస్తుల సహకారంతో చికిత్స నిమిత్తం జిల్లా ప్రభుత్వాస్పత్రికి తరలిస్తుండగా నాగేంద్ర మృతిచెందాడు. నాగలక్ష్మి ఇచ్చిన ఫిర్యాదు మేరకు పోలీసులు కేసు నమోదు చేశారు.

● పదేళ్ల బాలిక మృతి ● కన్నీరుమున్నీరవుతున్న తల్లిదండ్రులు కోవూరు: ఆడుతూ పాడుతూ అల్లరి చేయాల్సిన వయసులోనే ఆ చిన్నారి జీవితం అర్ధాంతరంగా ముగిసింది. ఊయల ఊగుతూ జరిగిన ప్రమాదం ఓ కుటుంబంలో తీరని విషాదాన్ని నింపింది. స్థానికుల కథనం మేరకు.. మండల పరిధిలోని పాటూరు పాత హరిజనవాడకు చెందిన మార్తాటి శ్రీను వరికుంటపాడులో టీచర్‌గా పనిచేస్తున్నాడు. అతని కుమార్తె శర్వాణి (10) బుధవారం సాయంత్రం ఇంటి వద్ద ఊయల ఊగుతుండగా ప్రమాదవశాత్తు తాడు మెడకు చుట్టుకోవడంతో అపస్మారక స్థితికి చేరుకుంది. గమనించిన తల్లిదండ్రులు వెంటనే 108 అంబులెన్స్‌కు సమాచారం అందించారు. వాహనం వచ్చేలోపే కుమార్తెను కారులో ఆస్పత్రికి తీసుకెళ్లేందుకు బయలుదేరారు. దారిలో 108లో బాలికను కోవూరు ప్రభుత్వాస్పత్రికి తరలించారు. అయితే, అప్పటికే చిన్నారి చనిపోయినట్లుగా వైద్యులు నిర్ధారించారు. కళ్లముందే ఆడుతూ పాడుతూ గడిపిన కుమార్తె విగతజీవిగా మారడంతో తల్లిదండ్రుల వేదన వర్ణనాతీతంగా మారింది.

● దౌర్జన్యాలు, అక్రమాలతో ఏకగ్రీవాలు చేసుకున్నారు ● దమ్ముంటే మా అభ్యర్థులతో పోటీ పడాలి ● వైఎస్సార్‌సీపీ ఆత్మకూరు ఇన్‌చార్జి మేకపాటి విక్రమ్‌రెడ్డి నెల్లూరురూరల్‌: రాష్ట్ర దేవదాయ శాఖ మంత్రి ఆనం రామనారాయణరెడ్డికి ఎన్నికలంటేనే భయం పట్టుకుందని మాజీ ఎమ్మెల్యే, వైఎస్సార్‌సీపీ ఆత్మకూరు నియోజకవర్గ ఇన్‌చార్జి మేకపాటి విక్రమ్‌రెడ్డి తీవ్రస్థాయిలో ధ్వజమెత్తారు. ప్రజాక్షేత్రంలో ప్రజాస్వామ్యబద్ధంగా పోటీ చేసి గెలిచే ధైర్యం లేక, అధికారాన్ని అడ్డుపెట్టుకుని దౌర్జన్యాలు, అక్రమాలకు పాల్పడి స్థానిక సంస్థల ఎన్నికల్లో ఏకగ్రీవాలు చేసుకున్నారని మండిపడ్డారు. బుధవారం నెల్లూరు కలెక్టరేట్‌లో కలెక్టర్‌ హిమాన్షు శుక్లాను ఆయన కలిశారు. నామినేషన్ల ప్రక్రియలో చోటుచేసుకున్న దౌర్జన్యాలు, అక్రమాలపై సమగ్ర విచారణ జరిపి తిరస్కరణకు గురైన అభ్యర్థులకు న్యాయం చేయాలని కోరారు. మీ స్థాయికి తగదు ఈ సందర్భంగా విక్రమ్‌రెడ్డి మాట్లాడుతూ దమ్ము, ధైర్యం ఉంటే అక్రమ ఏకగ్రీవాలను పక్కనపెట్టి వైఎస్సార్‌సీపీ అభ్యర్థులతో నేరుగా పోటీ పడాలని మంత్రికి సవాల్‌ విసిరారు. తరతరాల రాజకీయ చరిత్ర, కుటుంబ వారసత్వం గురించి గొప్పలు చెబుతూ.. చివరకు అడ్డదారుల్లో ఏకగ్రీవాలు సాధించుకోవడం ఆయన స్థాయికి తగదని విమర్శించారు. పోలీసు అధికారులు, రిటర్నింగ్‌ అధికారులతో కుమ్మకై ్క ఎంపీటీసీ, జెడ్పీటీసీ స్థానాల్లో పోటీలో ఉన్న వైఎస్సార్‌సీపీ అభ్యర్థుల నామినేషన్లు తిరస్కరించేలా చేసి ఏకగ్రీవాలు సాధించుకున్నారని ఆరోపించారు. ఈ పరిణామాలే ఎన్నికలను ఎదుర్కోవడంలో అధికార పక్షం భయాన్ని బయటపెడుతున్నాయని వ్యాఖ్యానించారు. ప్రత్యర్థులకు పోటీ చేసే అవకాశం ఇవ్వకుండా అడ్డుకోవడం, అధికార యంత్రాంగాన్ని దుర్వినియోగం చేయడం వంటి పరిణామాలు గతంలో ఎన్నడూ లేనంతగా చోటుచేసుకుంటున్నాయన్నారు. ఎన్నికల్లో పోటీ చేసే ప్రతి అభ్యర్థికి రాజ్యాంగబద్ధమైన హక్కులను కాపాడాల్సిన బాధ్యత ఎన్నికల యంత్రాంగంపై ఉందని స్పష్టం చేశారు. నామినేషన్ల తిరస్కరణలపై సమగ్ర విచారణ జరిపి, బాధ్యులపై చర్యలు తీసుకోవడంతోపాటు అన్యాయానికి గురైన అభ్యర్థులకు న్యాయం చేయాలని కలెక్టర్‌ను విజ్ఞప్తి చేశారు. కార్యక్రమంలో జెడ్పీ మాజీ చైర్మన్‌ బొమ్మిరెడ్డి రాఘవేంద్రరెడ్డి తదితరులు పాల్గొన్నారు.

● అధికార దుర్వినియోగంపై కలెక్టర్‌కు ఫిర్యాదు ● అవకతవకలకు పాల్పడిన వారిని వదిలిపెట్టేదిలేదు ● మాజీ మంత్రి కాకాణి గోవర్ధన్‌రెడ్డి నెల్లూరు రూరల్‌: నెల్లూరు కార్పొరేషన్‌ ఎన్నికల పోస్టల్‌ బ్యాలెట్‌ ప్రక్రియలో అక్రమాలకు కూటమి నేతలు పాల్పడుతున్నారని మాజీ మంత్రి, వైఎస్సార్‌ కాంగ్రెస్‌ పార్టీ జిల్లా అధ్యక్షుడు కాకాణి గోవర్ధన్‌రెడ్డి ఆరోపించారు. ఈ వ్యవహారంపై కలెక్టర్‌ హిమాన్షు శుక్లాకు ఎమ్మెల్సీ, పార్టీ నెల్లూరు నగర నియోజకవర్గ ఇన్‌చార్జి పర్వతరెడ్డి చంద్రశేఖర్‌రెడ్డి, మేయర్‌ అభ్యర్థి ఆనం విజయకుమార్‌రెడ్డి, ఎన్నికల చీఫ్‌ ఏజెంట్‌ ఆనం కార్తీక్‌రెడ్డితో కలిసి బుధవారం ఫిర్యాదు చేసిన అనంతరం కాకాణి మాట్లాడారు. అధికారాన్ని అడ్డుపెట్టుకొని ఎన్నికల ప్రక్రియ ప్రారంభమైన నాటి నుంచి దౌర్జన్యాలకు కూటమి నేతలు పాల్పడుతున్నారని ఆరోపించారు. తాజాగా పోస్టల్‌ బ్యాలెట్‌ ప్రక్రియలోనూ ఉద్యోగులను బెదిరించడం, ప్రలోభాలకు గురిచేయడం, ఓటు హక్కును వినియోగించుకోకుండా అడ్డుకోవడం వంటి చర్యలకు పాల్పడుతున్నారని దుయ్యబట్టారు. రహస్యంగా జరగాల్సిన పోస్టల్‌ బ్యాలెట్‌ ప్రక్రియలో పారదర్శకత లోపించిందని పేర్కొన్నారు. పోస్టల్‌ బ్యాలెట్‌కు సంబంధించి కస్తూర్బా కళాక్షేత్రంలో జరిగిన పరిణామాలను వీడియోల్లో చిత్రీకరించామని, వీటిని కలెక్టర్‌కు చూపామన్నారు. ఆనం కార్తీక్‌రెడ్డితోనూ దురుసుగా వ్యవహరించారని పేర్కొన్నారు. ఎన్నికల ప్రక్రియ అపహాస్యం నామినేషన్ల పరిశీలన నుంచి ఉపసంహరణల వరకు పలు అక్రమాలు చోటుచేసుకున్నాయని చెప్పారు. నకిలీ నామినేషన్లు, బెదిరింపుల వ్యవహారాల అనంతరం ఇప్పుడు పోస్టల్‌ బ్యాలెట్‌లోనూ నిబంధనలను ఉల్లంఘిస్తున్నారని విమర్శించారు. అధికారులు, పోలీసులను అడ్డుపెట్టుకుని ఎన్నికల్లో గెలవాలని చూడటం సరికాదని హితవు పలికారు. రాజ్యాంగబద్ధంగా విధులు నిర్వర్తించాల్సిన అధికారులు నిష్పక్షపాతంగా వ్యవహరించాలని సూచించారు. అక్రమాలపై సాక్ష్యాధారాలతో న్యాయస్థానాన్ని ఆశ్రయిస్తామని స్పష్టం చేశారు. బాధ్యులపై చర్యలు చేపట్టేంత వరకు పోరాటాన్ని తమ పార్టీ కొనసాగించనుందని వెల్లడించారు. ఫిర్యాదుపై తగు చర్యలు చేపడతామని కలెక్టర్‌ హామీ ఇచ్చారన్నారు.

● మహిళా విభాగం వర్కింగ్‌ ప్రెసిడెంట్‌ పూజితవెంకటాచలం: స్థానిక సంస్థల ఎన్నికల్లో ఓటమి భయంతోనే టీడీపీ అనేక దుర్మార్గాలకు పాల్పడిందని వైఎస్సార్‌సీపీ రాష్ట్ర మహిళా విభాగం వర్కింగ్‌ ప్రెసిడెంట్‌ కాకాణి పూజిత ధ్వజమెత్తారు. మండలంలోని కంటేపల్లిలో జెడ్పీటీసీ అభ్యర్థిని డక్కిలి వెంకటరమణమ్మ, ఎంపీటీసీ అభ్యర్థినిగా పోటీలో ఉన్న వెలిబోయిన అపర్ణ వెంకట్‌కు మద్దతుగా బుధవారం ఎన్నికల ప్రచారం నిర్వహించారు. ఈ సందర్భంగా స్థానిక మహిళలు అడుగడుగునా ఘన స్వాగతం పలికారు. పూజిత మాట్లాడుతూ గ్రామాల్లో ఎక్కడికెళ్లినా గత ఐదేళ్ల జగనన్న పాలనలో జరిగిన అభివృద్ధి పనులు కనిపిస్తున్నాయో తప్ప, కూటమి పాలనలో జరిగిన పనులు ఎక్కడా కానరావడం లేదన్నారు. రెండున్నరేళ్ల కూటమి పాలనలో దోచుకోవడం, దాచుకోవడం తప్ప, గ్రామాల అభివృద్ధి, ప్రజల సంక్షేమం గురించి పట్టించుకున్న పాపాన పోలేదన్నారు. ఎన్నికల్లో ఓడిపోతామనే భయంతో అధికార యంత్రాంగాన్ని అడ్డు పెట్టుకుని కొన్ని చోట్ల నామినేషన్లు వేయనీకుండా అడ్డుకోవడం, పత్రాలు తీసుకుని కేంద్రాల్లోకి వెళ్లినా వాటిని టీడీపీ నాయకులు చింపేసి దుర్మార్గంగా వ్యవహరించారని మండిపడ్డారు. పరువు కాపాడుకోవడం కోసం అడ్డదారులు తొక్కుతున్నారని ధ్వజమెత్తారు. సర్వేపల్లి నియోజకవర్గంలో తన తండ్రి మాజీ మంత్రి కాకాణి గోవర్ధన్‌రెడ్డి చేసిన అభివృద్ధి తప్ప ఇంకేమీ కనిపించడం లేదన్నారు. పనులు చేయించి, ప్రజల మన్ననలు పొంది నిజాయితీగా ఎన్నికల్లో గెలవాలన్నారు. ప్రజాస్వామ్యం అపహాస్యం పాలయ్యేలా వ్యవహరించిన విషయాన్ని ప్రజలు గమనించి, ఓటుతో టీడీపీకి గుణపాఠం చెప్పాలని కోరారు. కార్యక్రమంలో వైఎస్సార్‌సీపీ జిల్లా ఉపాధ్యక్షుడు మందల వెంకటశేషయ్య, జిల్లా నాయకుడు వెలిబోయిన వెంకటేశ్వర్లు పాల్గొన్నారు.

● తొత్తులుగా ఆర్వోలు ● అభ్యర్థులకు తెలియకుండానే నామినేషన్ల విత్‌ డ్రా ● కొత్త రకం నాటకానికి శ్రీకారం నెల్లూరు(పొగతోట): అధికారం తమదనే ధీమాతో కూటమి నేతలు అడ్డదారులు తొక్కుతున్నారు. ఆర్వోలను బెదిరించి తాము చెప్పినట్లు చేయాలంటూ ఒత్తిళ్లకు గురిచేస్తున్నారు. జెడ్పీటీసీ, ఎంపీటీసీలకు సంబంఽధించిన నామినేషన్ల ఉపసంహరణ ప్రక్రియను ఆర్వోలు, ఏఈఆర్వోలు మంగళవారం నిర్వహించారు. అయితే ఇక్కడే కొందరు అధికారులు టీడీపీకి తొత్తులుగా మారారు. ఇదో ఉదాహరణ.. కొడవలూరు మండలానికి సంబంధించిన బీఎస్పీ జెడ్పీటీసీ అభ్యర్థి తన నామినేషన్‌ను ఉపసంహరించుకోలేదు. అయితే విత్‌డ్రా చేసుకున్నట్లు అధికారులు తెలిపారు. ఈ క్రమంలో ఇరువర్గాలు రంగంలోకి దిగి, జెడ్పీ కార్యాలయానికి చేరుకొని అధికారులతో మాట్లాడారు. అభ్యర్థి తరఫు వారితో ఆఫీసర్లు, టీడీపీ నేతలు మాట్లాడి పరిస్థితిని తమకు అనుకూలంగా మలుచుకున్నారు. చివరికి ఎన్నిక ఏకగ్రీవమైందని అధికారులు ప్రకటించారు. తాను పోటీలో ఉన్నప్పుడు ఎలా ఏకగ్రీవమవుతుందని అభ్యర్థి వాగ్వాదానికి దిగగా, టీడీపీ నేతలు బుజ్జగించడంతో సమస్య సద్దుమణిగింది. మంత్రి చెప్పినట్లు.. సంగం, చేజర్ల, మర్రిపాడు తదితర మండలాల్లో అధికార పార్టీకి ఆర్వోలు అనుకూలంగా వ్యవహరించారు. వైఎస్సార్‌ కాంగ్రెస్‌ పార్టీ విజయం సాధించే ఎంపీటీసీ స్థానాలు ఏకగ్రీవమయ్యాయని ప్రకటించారు. బీ ఫారాలను అందజేసిన అనంతరం మంత్రి చెప్పిన విధంగా ఆర్వోలు తలూపారు. చివరికి ఎంపీటీసీ స్థానాలు ఏకగ్రీవమైనట్లు తెలిపారు. ఎస్సీ మహిళ కందుకూరులో ఉంటే, ఆమె వచ్చి నామినేషన్‌ను విత్‌ డ్రా చేసుకున్నారంటూ బోగస్‌ సంతకాలతో ఆర్వోలు ఏకగ్రీవం చేశారు. జిల్లాలోని పలు చోట్ల ఇదే తంతు సాగింది. జిల్లా అధికారులకు ఫిర్యాదు చేసినా, ఆర్వో నిర్ణయమే అంతిమమని చెప్తున్నారు. కోర్టు ఆదేశాలు బేఖాతర్‌ నామినేషన్లు, ఉపసంహరణ తదితరాలకు సంబంధించిన సీసీ ఫుటేజీలను భద్రపర్చాలని రాష్ట్ర ఎన్నికల కమిషన్‌కు సుప్రీంకోర్టు ఆదేశాలు జారీ చేసింది. అయితే ఇదెక్కడా అమలు కాలేదు. నామినేషన్ల సమయంలో ఆర్వో కార్యాలయాల్లో అందుబాటులో ఉన్న సీసీ కెమెరాలు.. ఉపసంహరణ రోజుకు మాయమయ్యాయి. వీటిని ఆర్వోలు తీసేశారు. తమ కుట్రలు ఎక్కడ బయటపడతాయోననే ఉద్దేశంతో ఇలా వ్యవహరించారని సమాచారం. జనసేన అభ్యర్థికి వెన్నుపోటు సంగం మండలం జెండాదిబ్బ ఎంపీటీసీ స్థానానికి జనసేన అభ్యర్థిగా నామినేషన్‌ను హేమలత దాఖలు చేశారు. బీ ఫారాన్ని అందజేసేందుకు ఆర్వో కార్యాలయానికి వెళ్లారు. ఈ తరుణంలో రిటర్నింగ్‌ ఆఫీసర్‌, ఎస్సై, పోలీసుల సమక్షంలోనే పత్రాలను టీడీపీ నేతలు లాక్కొని చించేశారు. ఈ క్రమంలో మరో బీ ఫారాన్ని ఆర్వోకు ఆమె సమర్పించారు. అయితే సాయంత్రానికి ఏకగ్రీవమైందని అధికారులు ప్రకటించారు. నామినేషన్‌ను విత్‌ డ్రా చేసుకోవాలంటూ ఆమెను ఒత్తిడి చేశారు. ఓ దశలో రూ.పది లక్షల వరకు ఇస్తామనే ఆశనూ చూపారు. అయినా ససేమిరా అనడంతో మంత్రితో ఫోన్‌ చేయించారు. అప్పటికీ ఆమె ఏ మాత్రం తగ్గకపోవడంతో విత్‌డ్రా చేసుకున్నారంటూ ప్రకటించారు. ఈ విషయమై కలెక్టర్‌ హిమాన్షు శుక్లాకు బుధవారం ఫిర్యాదు చేశారు. ఏ విధంగానైనా పోటీ చేసే అవకాశాన్ని కల్పించాలని కోరారు. నామినేషన్ల ఉపసంహరణలో ఇన్ని అక్రమాలు జరిగినా, ఎవరిపై ఎలాంటి చర్యలు చేపట్టకపోవడం విమర్శలకు తావిస్తోంది.

● అంతుచూస్తామంటూ బెదిరింపులు ● గిరిజనుల వెల్లడిఅల్లూరు: అల్లూరు చెరువుపై కూటమి నాయకులు అండదండలతో వలిమేటి వీర రాఘవులు అనే వ్యక్తి తమ హక్కును దోచుకుంటున్నాడని అల్లూరు చోర్లో సంఘానికి చెందిన గిరిజనులు తెలిపారు. బుధవారం పలు కాలనీలకు చెందిన వారు స్థానికంగా మీడియా సమావేశంలో మాట్లాడారు. 3 వేల ఎకరాలున్న చెరువులో 300 మంది వరకు సభ్యులుగా ఉండొచ్చని, కానీ వందమంది సభ్యులుగా ఉన్నా కూడా వారిని దిగనివ్వకుండా, కొత్తవారిని చేర్చుకోకుండా అతనొక్కడే మత్స్య సంపదన దోచుకుంటున్నాడని ఆరోపించారు. గత వైఎస్సార్‌సీపీ ప్రభుత్వంలో రామిరెడ్డి ప్రతాప్‌కుమార్‌రెడ్డి దృష్టికి తీసుకెళ్లామని, ఆయన హామీతో కొంతకాలం చేపలు పట్టుకున్నామన్నారు. గత ఎన్నికల సమయంలో ప్రస్తుత దగుమాటి కృష్ణారెడ్డి తాము అధికారంలోకి వచ్చిన వెంటనే అల్లూరు చెరువును గిరిజనులకు అప్పగిస్తామని చెప్పారన్నారు. పలుమార్లు ఆయన వద్దకెళ్లి సమస్యను చెప్పామన్నారు. చెరువులోకి దిగితే రాఘవులు తమపై దాడులకు దిగుతున్నాడని, అక్రమ కేసులకు కూడా పెట్టిస్తున్నాడని ఆరోపించారు. మత్స్యశాఖ అధికారుల వద్దకు పలుమార్లు వెళ్లి సమస్యను చెప్పామన్నారు.

● వైఎస్సార్‌సీపీలో చేరిక నెల్లూరురూరల్‌: వైఎస్సార్‌సీపీపై నమ్మకంతోనే అనేకమంది చేరుతున్నట్లుగా ఎమ్మెల్సీ, నెల్లూరు సిటీ ఇన్‌చార్జి పర్వతరెడ్డి చంద్రశేఖర్‌రెడ్డి, మేయర్‌ అభ్యర్థి ఆనం విజయకుమార్‌రెడ్డి అన్నారు. నెల్లూరులోని 59వ డివిజన్‌కు చెందిన యూసఫ్‌ మిత్రబందంలోని 20 కుటుంబాలు తెలుగుదేశం పార్టీని వీడి వైఎస్సార్‌సీపీలో చేరాయి. బుధవారం నెల్లూరు రాంజీనగర్‌లోని సిటీ కార్యాలయంలో పర్వతరెడ్డి, ఆనం ఆధ్వర్యంలో ఈ చేరికలు జరిగాయి. వారికి నాయకులు కండువాలు కప్పి సాదరంగా ఆహ్వానించారు. ఈ సందర్భంగా నేతలు మాట్లాడుతూ టీడీపీ ప్రభుత్వ విధానాలతో విసిగిపోయిన ప్రజలు వైఎస్సార్‌ కాంగ్రెస్‌లో చేరుతున్నారన్నారు. రానున్న రోజుల్లో పార్టీ మళ్లీ అధికారంలోకి వస్తుందని ధీమా వ్యక్తం చేశారు. కార్యక్రమంలో 59వ డివిజన్‌ కార్పొరేటర్‌ అభ్యర్థి చీదెళ్ల కిషన్‌, నాయకులు, కార్యకర్తలు పాల్గొన్నారు.

నెల్లూరు(బారకాసు): ఓటేసిన ప్రతిసారీ వినతులు ఇవ్వడం.. ప్రభుత్వాలు మారినా తమ రాతలు మారకపోవడం.. దశాబ్దాలుగా నెల్లూరు నగరవాసులకు ఇది అలవాటైపోయింది. అయితే 2019 – 24 మధ్య కాలంలో వైఎస్సార్‌సీపీ హయాంలో సింహపురి రూపురేఖలు పూర్తిగా మారిపోయాయి. ఎవరొచ్చినా ఈ సమస్యలు తీరవు అనుకున్న ప్రతి చోటా పరిష్కారం లభించింది. మౌలిక వసతుల కల్పన, పర్యాటకాభివృద్ధి, పారిశ్రామిక వేగంతో నెల్లూరు సరికొత్త వెలుగులు నింపుకొంది. ఎన్నో పనులు వైఎస్సార్‌సీపీ ప్రభుత్వంలో నగరంలో రహదారులు, పట్టణ ఆరోగ్య కేంద్రాలు, పార్కులు, సర్వేపల్లి, జాఫర్‌సాహెబ్‌ కెనాల్‌ రివిట్‌మెంట్‌ వంటి పలు అభివృద్ధి పనులు చేపట్టడం జరిగింది. పెరుగుతున్న ట్రాఫిక్‌ను దృష్టిలో ఉంచుకుని మరో వంతెన నిర్మాణం చేపట్టాలన్న ఉద్దేశంతో 2020 ఆగస్టులో నగరంలోని మినీబైపాస్‌ రోడ్డులో హరనాథపురం జంక్షన్‌లో ఫ్లై ఓవర్‌ నిర్మాణానికి శ్రీకారం చుట్టారు. వాహనదారులకు ట్రాఫిక్‌ ఇక్కట్లు లేకుండా ఉండేందుకు అప్పటికే నగరంలో మూడు ఫ్లై ఓవర్లు నిర్మించి ఉన్నారు. కొత్తది ఆధునిక టెక్నాలజీతో రూపుదిద్దుకుంది. దీంతో నేడు వాహనదారులు ఎంతో హాయిగా రాకపోకలు సాగిస్తున్నారు. రూ.41.88 కోట్లతో నిర్మాణం 2020 ఆగస్టులో రూ.41.88 కోట్ల అంచనాలతో ఫ్లై ఓవర్‌ నిర్మాణ పనులు ప్రారంభించి 2023 నాటికి పూర్తి చేశారు. మధ్యలో కరోనా విపత్కర పరిస్థితులు, మరోవైపు వర్షాల కారణంగా నిర్మాణ పనులు కొంతమేర నెమ్మదిగా జరిగినప్పటికీ, వాటిని లెక్కచేయకుండా పనులు చేపట్టి పూర్తి చేయడం గమనార్హం. అయితే ఇప్పటివరకు మహానగరాల్లో నిర్మించిన తరహాలో తొలిసారిగా హరనాథపురం కూడలిలో ఈ వంతెనను అత్యాధునిక టెక్నాలజీతో నిర్మించడం జరిగింది. కాలువలు, కల్వర్టుల నిర్మాణాలు నాలుగు లేన్ల ఫ్లై ఓవర్‌కు ఇరువైపులా కాలువలు, కల్వర్టులు, అప్రోచ్‌ రోడ్ల నిర్మాణాలతోపాటు పైభాగంలో సెంట్రల్‌ లైటింగ్‌ పనులు కూడా చేపట్టడం జరిగింది. కూటమి ప్రభుత్వం అధికారంలోకి వచ్చి 30 నెలలు గడుస్తున్నా నగరంలో ఇటువంటి అభివృద్ధి చేసిన దాఖలాలు లేవంటే అతిశయోక్తి కాదేమోనన్న అభిప్రాయం పలువురిలో వ్యక్తమవుతోంది. ఎంతసేపటికీ దోచుకోవడం.. పంచుకోవడం.. దాచుకోవడం తప్ప నగరాభివృద్ధి గురించి గానీ, ప్రజా సంక్షేమం గురించి గానీ ప్రస్తుత ప్రజాప్రతినిధులు పట్టించుకునే పరిస్థితి కనిపించడం లేదు. వైఎస్సార్‌సీపీ హయాంలోనే ఫ్లై ఓవర్‌ నిర్మాణం రూ.41.88 కోట్లతో మెట్రో నగరాల తరహాలో.. తొలగిన ట్రాఫిక్‌ ఇక్కట్లు ఇదికదా అభివృద్ధి అంటున్న నగర ప్రజలు

● గూడూరు సమన్వయకర్త గురవయ్య గూడూరురూరల్‌: ‘కూటమి పాలనలో ఎక్కడ చూసినా అరాచకాలు, దౌర్జన్యాలు తప్ప అభివృద్ధి ఊసే కనిపించడం లేదు. నిత్యావసర ధరలు రోజురోజుకూ పెరుగుతున్నాయి’ అని వైఎస్సార్‌సీపీ గూడూరు నియోజకవర్గ సమన్వయకర్త బూదూరు గురవయ్య అన్నారు. మండలంలోని సంతదాసుపల్లి ఎంపీటీసీ సెగ్మెంట్‌ వైఎస్సార్‌సీపీ అభ్యర్థిని అట్ల సంపూర్ణమ్మ, జెడ్పీటీసీ అభ్యర్థి కొట్టు నరేష్‌కు మద్దతుగా బుధవారం మిట్టాత్మకూరు, విందూరు గ్రామాల్లో ఎన్నికల ప్రచారం నిర్వహించారు. ఈ సందర్భంగా ఆయన మాట్లాడుతూ గూడూరు మండలంలోని జెడ్పీటీసీతోపాటు 8 ఎంపీటీసీ స్థానాల్లో వైఎస్సార్‌సీపీ అభ్యర్థులను అత్యధిక మెజార్టీతో గెలిపించాలని కోరారు. ప్రజలను మోసం చేసిన వారికి తగిన గుణపాఠం చెప్పే సమయం వచ్చిందన్నారు. ఎవరూ భయపడకుండా ఓట్లు వేయాలని విజ్ఞప్తి చేశారు. కూటమి నాయకులు పోలీసులను ముందుపెట్టి రాజకీయం చేస్తున్నారన్నారు. నామినేషన్ల పత్రాలు లాక్కోవడం, పేపర్లు చించివేయడం, దాడులకు దిగడం చేశారని, అయినప్పటికీ వైఎస్సార్‌సీపీ నాయకులు, కార్యకర్తలకు ఎక్కడా భయపడకుండా ధైర్యంగా ఎదుర్కొన్నారని తెలిపారు. కార్యక్రమంలో నాయకులు యల్లా శ్రీనివాసులురెడ్డి, మల్లికార్జున్‌రెడ్డి, దామోదర్‌రెడ్డి, బాబులురెడ్డి, తదితరులు పాల్గొన్నారు. సాయంత్రం మేకనూరు సెగ్మెంట్‌ పరిధిలోని కాండ్ర గ్రామంలో అభ్యర్థిని ఉగ్గుమూడి రూపకళ, జెడ్పీటీసీ అభ్యర్థికి మద్దతుగా ప్రచారం చేశారు. నాయకులు రవి రాజు, మనుబోలు కృష్ణయ్య పాల్గొన్నారు. మద్యం తాగొద్దని చెప్పడంతో..● భర్త ఆత్మహత్యనెల్లూరు(క్రైమ్‌): వ్యక్తి ఉరేసుకుని ఆత్మహత్య చేసుకున్న ఘటన అంబాపురంలో చోటుచేసుకుంది. పోలీసుల కథనం మేరకు.. నెల్లూరు రూరల్‌ మండలం అంబాపురం దళితవాడకు చెందిన దేవా (27), పెంచలమ్మ దంపతులు కూలీ పనులు చేసుకుంటూ జీవనం సాగిస్తున్నారు. దేవాకు ఇదివరకే తలకు గాయమై ఆపరేషన్‌ జరిగింది. అతను మద్యానికి బానిసై నిత్యం తాగేవాడు. తాగొద్దని పలుమార్లు భార్య చెప్పినా పట్టించుకోలేదు. ఈక్రమంలో మంగళవారం రాత్రి మద్యం తాగి ఇంటికి రావడంతో భార్య ఎందుకు తాగావని ప్రశ్నించడంతో ఇద్దరి మధ్య గొడవ జరిగింది. దీంతో ఇంటి నుంచి వెళ్లిపోయిన దేవా తిరిగి రాలేదు. పెంచలమ్మ అన్న మస్తాన్‌ బుధవారం అంబాపురం కలుజు వద్ద కాలువ గట్టునున్న వేపచెట్టుకు దేవా ఉరేసుకుని ఆత్మహత్య చేసుకుని ఉండటాన్ని గమనించి ఇంట్లో చెప్పాడు. ఆమె ఘటనా స్థలానికి చేరుకుని భర్త మృతదేహాన్ని చూసి కన్నీటి పర్యంతమైంది. తాగుడు వ్యసనం మానలేక, తలభారం తగ్గక క్షణికావేశంలో తన భర్త ఆత్మహత్య చేసుకున్నాడని ఆమె వేదాయపాళెం పోలీసులకు ఫిర్యాదు చేశారు. కేసు దర్యాప్తు చేస్తున్నారు.

నెల్లూరు(పొగతోట): జెడ్పీటీసీ, ఎంపీటీసీల పోలింగ్‌, ఓట్ల లెక్కింపు తేదీలను మారుస్తూ ఉత్తర్వులను రాష్ట్ర ఎన్నికల కమిషన్‌ బుధవారం జారీ చేసింది. వాస్తవానికి మొదట ఖరారు చేసిన మేరకు పోలింగ్‌ను నవంబర్‌ మూడున.. కౌంటింగ్‌ను ఐదున చేపట్టాల్సి ఉంది. అయితే మున్సిపల్‌ ఎన్నికలకు సంబంధించిన కౌంటింగ్‌ను మూడున నిర్వహించనుండటంతో ఈ నిర్ణయం తీసుకున్నారు. తాజా ఉత్తర్వుల మేరకు ఐదున పోలింగ్‌.. ఏడున కౌంటింగ్‌ను చేపట్టనున్నారు. కాగా ఎన్నికల నిర్వహణకు అవసరమైన సామగ్రిని మండలాలకు జెడ్పీ కార్యాలయం నుంచి బుధవారం తరలించారు. 30 జెడ్పీటీసీలకు 103 మంది పోటీ ● ఐదు జెడ్పీటీసీలు, 440 ఎంపీటీసీల్లో 78 ఏకగ్రీవం ● 362 ఎంపీటీసీలకు బరిలో 887 మంది అభ్యర్థులు నెల్లూరు(పొగతోట): జెడ్పీటీసీలు, ఎంపీటీసీలకు నామినేషన్ల ఉపసంహరణ ప్రక్రియ మంగళవారం మధ్యాహ్నం 3 గంటలకు పూర్తయితే.. 22 గంటల తర్వాత పోటీలో అభ్యర్థుల వివరాలు అధికారులు వెల్లడించారు. బుధవారం బరిలో నిలిచిన అభ్యర్థులకు గుర్తులు కేటాయించారు. 35 జెడ్పీటీసీ స్థానాలు ఉండగా ఐదింటిని టీడీపీ నేతలు అడ్డదారుల్లో ఏకగ్రీవం చేసుకున్నారు. 30 జెడ్పీటీసీ స్థానాల్లో 103 మంది అభ్యర్థులు బరిలో నిలిచారు. 440 ఎంపీటీసీలకు 78 ఏకగ్రీవం కాగా, మిగిలిన 362 స్థానాల్లో 887 మంది అభ్యర్థులు పోటీలో ఉన్నారు. ధ్రువీకరణ పత్రాలను ఐదులోపు సమర్పించాలినెల్లూరు (టౌన్‌): ఉమ్మడి నెల్లూరు జిల్లాలోని ప్రాధాన్య విభాగాల ఉపాధ్యాయులు, ఉద్యోగులు తమ ధ్రువీకరణ పత్రాలను నగరంలోని జిల్లా విద్యాశాఖ కార్యాలయంలో నవంబర్‌ ఐదులోపు సమర్పించాలని డీఈఓ బాలాజీరావు బుధవారం ఒక ప్రకటనలో కోరారు. దివ్యాంగులైన ఉద్యోగులు, మానసిక దివ్యాంగ పిల్లలు కలిగిన వారు తదితరుల ఒరిజినల్‌ ధ్రువీకరణ పత్రాలను సంబంధిత ఎంఈఓలు, ప్రధానోపాధ్యాయులు పరిశీలించి రెండు సెట్ల గెజిటెడ్‌ అటెస్టెడ్‌ జిరాక్స్‌ కాపీలు, ఉద్యోగ వివరాలతో కూడిన దరఖాస్తులను సమర్పించాలని సూచించారు. ఎన్నికల ఖర్చులు పక్కాగా ఉండాలి నెల్లూరు(పొగతోట): స్థానిక సంస్థల ఎన్నికల్లో పోటీ చేసే అభ్యర్థులు రోజు వారీ ఖర్చులను పక్కాగా అందజేయాలని వ్యయ పరిశీలకుడు సాయిబాబు పేర్కొన్నారు. నగరంలోని జెడ్పీ కార్యాలయంలో అధికారులతో బుధవారం నిర్వహించిన సమావేశంలో ఆయన మాట్లాడారు. జెడ్పీటీసీ, ఎంపీటీసీ ఎన్నికల్లో పోటీ చేసే అభ్యర్థులు తమ వివరాలను సూచించిన మేరకు అందజేయాలని కోరారు. ఈ విషయంలో అధికారులు ప్రత్యేక శ్రద్ధ చూపాలని పేర్కొన్నారు. జెడ్పీ సీఈఓ మధుసూదన్‌, డిప్యూటీ సీఈఓ బ్రహ్మయ్య, జిల్లా సహకార అధికారి గురప్ప, జిల్లా ఆడిట్‌ అధికారి సింహాద్రి తదితరులు పాల్గొన్నారు. పోస్టల్‌ బ్యాలెట్‌ కేంద్రంలో పరిశీలన నెల్లూరు రూరల్‌: ఎన్నికల విధుల్లో ఉన్న అధికారులు, సిబ్బంది తమ ఓటు హక్కును పోస్టల్‌ బ్యాలెట్‌ ద్వారా సక్రమంగా వినియోగించుకోవాలని జేసీ మొగిలి వెంకటేశ్వర్లు సూచించారు. నగరంలోని కస్తూర్బా కళాక్షేత్రంలో ఏర్పాటు చేసిన పోస్టల్‌ బ్యాలెట్‌ కేంద్రాన్ని బుధవారం పరిశీలించారు. ఓటింగ్‌ ప్రక్రియపై వివరాలను ఆరాతీశారు. శ్రీవారి దర్శనానికి ఎనిమిది గంటలు తిరుమల: తిరుమలలో భక్తుల రద్దీ సాధారణంగా ఉంది. క్యూ కాంప్లెక్స్‌లోని పది కంపార్ట్‌మెంట్లలో వేచి ఉన్నారు. స్వామివారిని 79,7 74 మంది మంగళవారం అర్ధరాత్రి వరకు ద ర్శించుకున్నారు. తలనీలాలను 21,886 మంది అర్పించారు. హుండీలో రూ.4.84 కోట్లను సమర్పించారు. టైమ్‌ స్లాట్‌ టికెట్లున్న వారికి సకాలంలో దర్శనం లభిస్తోంది. ఇవి లేని వారి కి ఎనిమిది గంటల సమయం పడుతోంది.

నెల్లూరు సిటీ: నెల్లూరు నగరపాలక సంస్థ ఒకటో డివిజన్‌ అభ్యర్థి ఎస్‌కే కరిముల్లాపై గుర్తుతెలియని ఇద్దరు వ్యక్తులు కత్తితో దాడి చేశారు. ఈ ఘటన మంగళవారం అర్ధరాత్రి చోటు చేసుకుంది. స్థానికుల కథనం మేరకు.. నెల్లూరు రూరల్‌ పరిధిలోని కొత్తకాలువ నుంచి కోడూరుపాడుకు వెళ్లే దారిలోని బాలాజీ సన్‌సిటీ లేవుట్‌ వద్ద ఎస్‌కే కరిముల్లా కుటుంబంతో నివాసం ఉంటున్నారు. అతను తన డివిజన్‌లో ముమ్మరంగా ప్రచారం చేస్తున్నారు. ఆ ప్రాంత ప్రజలు కరిముల్లాకు ఘన స్వాగతం పలుకుతూ వైఎస్సార్‌సీపీకి ఓటు వేసి గెలిపిస్తామని చెబుతున్నారు. దీంతో టీడీపీ అభ్యర్థి, ఆయన వర్గంలో ఓటమి భయం ఏర్పడింది. ప్రచారం ముమ్మరంగా జరుగుతున్న క్రమంలో కరిముల్లాపై దాడి చేయడం అనేక ప్రశ్నలను లేవనెత్తుతోంది. పక్కా ప్రణాళికతో.. మంగళవారం ప్రచారం ముగించుకుని రాత్రి కరిముల్లా కుటుంబం నిద్రలో ఉంది. తెల్లవారుజామున అతడికి బెడ్‌రూమ్‌ కిటికీ వద్ద ఎవరో ఉన్నట్లు అనిపించడంతో చూసేందుకు వెళ్లాడు. అప్పటికే ఇద్దరు గుర్తుతెలియని వ్యక్తులు మాస్క్‌లు ధరించి గోడపై కూర్చొని ఉన్నారు. కరిముల్లా గట్టిగా కేకలు వేయడంతో ఓ వ్యక్తి కత్తితో దాడి చేశాడు. మరో వ్యక్తి కర్రతో కొట్టాడు. కరిముల్లా ఏమాత్రం వెనుకడుగు వేయలేదు. అరుపులకు కుటుంబ సభ్యులు లేచి వస్తున్న విషయాన్ని దుండగులు గుర్తించి పరారయ్యారు. కరిముల్లా ఛాతిపై, తల, మెడపై గాయాలయ్యాయి. కుటుంబ సభ్యులు అతడిని జీజీహెచ్‌కు తరలించగా చికిత్స పొందాడు. రూరల్‌ పోలీసులకు ఈ ఘటనపై ఫిర్యాదు అందింది. బుధవారం రూరల్‌ డీఎస్పీ ఘట్టమనేని శ్రీనివాసరావు వెళ్లి విచారణ చేశారు.

●నామినేషన్‌ వేశాక ఆర్వో కార్యాలయానికే వెళ్లలేదు. ప్రచారంలో బిజీగా ఉన్నాం. అయినా నామినేషన్‌ను విత్‌డ్రా చేసుకున్నానని ఆర్వో ప్రకటించడం దారుణం. అధికార కూటమి నేతల ప్రలోభాలు, ఒత్తిళ్లకు ఎన్నికల అధికార యంత్రాంగం తలొగ్గింది. మాతో గెలవలేకే దొంగ దెబ్బతీశారు. – పాలగిరి విజయమ్మ, సీతారామపురం బిట్‌ – 1 ఎంపీటీసీ అభ్యర్థి నామినేషన్లకు సంబంధించిన అన్ని పత్రాలను సక్రమంగా అందజేశా. వైఎస్సార్‌ కాంగ్రెస్‌ పార్టీ అందజేసిన బీ – ఫారాన్ని ఆర్వోకు మంగళవారం మధ్యాహ్నం సమర్పించా. అయితే హసనాపురం సెగ్మెంట్‌ను ఏకగ్రీవంగా ప్రకటించారని తెలుసుకొని ఆశ్చర్యపోయా. ఎన్నికల అధికారులు ఇలాంటి తప్పిదాలు చేసి ఏకగ్రీవాలు చేసుకోవడం బాగొలేదు. జిల్లా అధికారులు స్పందించాలి. – నాగిరెడ్డి రమాదేవి, హసనాపురం ఎంపీటీసీ అభ్యర్థి

● కలెక్టర్‌ హిమాన్షు శుక్లా నెల్లూరురూరల్‌: రైతులకు మెరుగైన మార్కెటింగ్‌ సౌకర్యాలు కల్పించి, డిజిటల్‌ వ్యవసాయ సమాచారాన్ని సమర్థవంతంగా వినియోగించుకోవాలని కలెక్టర్‌ హిమాన్షు శుక్లా అధికారులకు సూచించారు. బుధవారం నెల్లూరు కలెక్టరేట్‌లోని శంకరన్‌ హాల్లో అగ్రిస్టాక్‌ అమలుపై నిర్వహించిన జిల్లా స్థాయి సమావేశంలో ఆయన మాట్లాడారు. జిల్లాలో ప్రాంతాల వారీగా, రైతుల వారీగా, పంటల వారీగా వ్యవసాయ సమాచారాన్ని సమీకరించి, రైతులను మార్కెటింగ్‌ సంస్థలతో అనుసంధానం చేయాలన్నారు. పప్పుధాన్యాలు, కూరగాయలు, పండ్లు, వేరుశనగ పంటలకు మెరుగైన మార్కెట్‌ అవకాశాలు కల్పించాలని సూచించారు. వ్యవసాయ ఉత్పత్తుల ప్రాసెసింగ్‌, విలువ జోడింపు ద్వారా రైతులకు అధిక ఆదాయం వచ్చేలా కార్యాచరణ రూపొందించాలన్నారు. సమావేశంలో జేసీ వెంకటేశ్వర్లు, జిల్లా వ్యవసాయ, ఉద్యానవన శాఖ అధికారులు తదితరులు పాల్గొన్నారు. పొగాకు రహిత సమాజానికి కృషి నెల్లూరు(అర్బన్‌): పొగాకు రహిత సమాజం కోసం ప్రతిఒక్కరూ కృషి చేయాలని డీఎంహెచ్‌ఓ సుజాత అన్నారు. యువత పొగాకు వినియోగానికి దూరంగా ఉండేందుకు చేపట్టిన టీవైఎఫ్‌సీ – 4.0 కార్యక్రమానికి సంబంధించిన వాల్‌పోస్టర్లను బుధవారం నెల్లూరులోని జిల్లా వైద్యారోగ్య శాఖ కార్యాలయంలో డీఎంహెచ్‌ఓ, ఎన్‌సీడీ ప్రోగ్రాం ఆఫీసర్‌ డాక్టర్‌ అన్షుధర్‌లు ఆవిష్కరించి మాట్లాడారు. డిసెంబర్‌ 27వ తేదీ వరకు జిల్లా వ్యాప్తంగా ప్రచార కార్యక్రమాలు చేపట్టి ప్రజల్లో అవగాహన తెస్తామన్నారు. పొగాకు వల్ల కేన్సర్‌ లాంటి ప్రమాదాలు, ఊపిరితిత్తుల జబ్బులు అధికమవుతున్నాయన్నారు. పాఠశాలలు, కళాశాలలను పొగాకు ఉత్పత్తుల వినియోగానికి దూరంగా ఉండేలా కృషి చేస్తామన్నారు. ఈ ప్రచార ఉద్యమం పొగాకు నియంత్రణ చట్టాల అమలును బలోపేతం చేయడం, ఎలక్ట్రానిక్‌ సిగరెట్ల నిషేధ చట్టం గురించి వివరించడం, పొగాకు రహిత గ్రామాలను ప్రోత్సహించడం దిశగా సాగుతుందన్నారు. జిల్లా జైల్లో ఖైదీ ఆత్మహత్యవెంకటాచలం: ఉరేసుకుని ఖైదీ ఆత్మహత్య చేసుకున్న ఘటన మండలంలోని చెముడుగుంట వద్దనున్న జిల్లా జైలులో బుధవారం జరిగింది. పోలీసుల కథనం మేరకు.. ముత్తుకూరు మండలం పిడతాపోలూరు ఎస్పీ కాలనీకి చెందిన కంటేపల్లి శ్రీనివాసులు (40) జైల్లో ఖైదీగా ఉన్నాడు. బుధవారం మధ్యాహ్నం జైలు ప్రాంగణంలోని హాస్పిటల్‌ బ్లాక్‌ వెనుక వైపు ఉన్న వేపచెట్టుకు టవల్‌తో ఉరేసుకున్నాడు. సిబ్బంది వెంటనే చికిత్స నిమిత్తం జిల్లా ప్రభుత్వాస్పత్రికి తరలించారు. వైద్యులు పరీక్షించి మృతిచెందినట్లు నిర్ధారించారు. ఇన్‌చార్జి సూపరింటెండెంట్‌ ఎం.వెంకటేశ్వర్లు ఇచ్చిన ఫిర్యాదు మేరకు పోలీసులు కేసు నమోదు చేశారు. హత్యాయత్నం కేసులో ఏడేళ్ల జైలు● రూ.3 వేల జరిమానా గూడూరు: నాయుడుపేట అర్బన్‌ పోలీస్‌స్టేషన్‌ పరిధిలో నమోదైన హత్యాయత్నం కేసులో నేరం రుజువు కావడంతో నిందితుడికి శిక్ష పడింది. ఏడేళ్ల జైలుశిక్షతోపాటుగా రూ.3 వేల జరిమానాను విధిస్తూ గూడూరు అసిస్టెంట్‌ సెషన్స్‌ న్యాయమూర్తి బుధవారం తీర్పును వెల్లడించారు. వివరాలిలా ఉన్నాయి. నాయుడుపేట మండలం అన్నమేడు గ్రామానికి చెందిన పట్టుకోట మురళీమోహన్‌పై అదే గ్రామానికి చెందిన అరుసూర్‌ అనిల్‌ అనే వ్యక్తి హత్యాయత్నం చేశాడని 2018లో కేసు నమోదైంది. పోలీసులు విచారణ చేపట్టి దర్యాప్తును పూర్తి చేసి కోర్టులో చార్జిషీట్‌ను దాఖాలు చేశారు. నేరం రుజువు కావడంతో న్యాయమూర్తి తీర్పును వెల్లడించారు. జరిమానా చెల్లించలేకపోతే అదనపు శిక్షను అనుభవించాల్సి ఉంటుంది.

స్పీడ్‌ బ్రేకర్‌ను దాటే క్రమంలో.. నెల్లూరు(క్రైమ్‌): స్పీడ్‌ బ్రేకర్‌ను దాటే క్రమంలో మోటార్‌బైక్‌ అదుపుతప్పి కరెంట్‌ పోల్‌ను ఢీకొనడంతో ఓ యువకుడు మృతిచెందాడు. ట్రాఫిక్‌ పోలీసుల కథనం మేరకు.. వేదాయపాళెం జ్యోతినగర్‌కు చెందిన షేక్‌ ఖలీలుల్లా (28) ఏసీ మెకానిక్‌గా పనిచేస్తున్నాడు. అతను మంగళవారం రాత్రి ములుముడి బస్టాండ్‌ సెంటర్‌ నుంచి పుత్తా ఎస్టేట్‌ వైపు బైక్‌పై బయలుదేరాడు. కుక్కలగుంట క్రాస్‌రోడ్డు వద్ద స్పీడ్‌ బ్రేకర్‌ను దాటే క్రమంలో బైక్‌ అదుపుతప్పి పక్కనే ఉన్న సిమెంట్‌ కరెంట్‌పోల్‌ను ఢీకొంది. ఈ ప్రమాదంలో తలకు తీవ్రగాయమై అతను అక్కడికక్కడే మృతిచెందాడు. సమాచారం అందుకున్న నార్త్‌ ట్రాఫిక్‌ పోలీసులు ఘటనా స్థలానికి చేరుకుని మృతదేహాన్ని పరిశీలించారు. మృతుడి కుటుంబసభ్యుల ఫిర్యాదు మేరకు బుధవారం కేసు నమోదు చేశారు. ఎస్సై అబ్దుల్‌ రహీమ్‌ కేసు దర్యాప్తు చేస్తున్నారు. సరదాగా వెళ్లి.. వాకాడు: స్నేహితులతో సరదాగా ఆటోలో వెళ్తున్న ఓ బాలుడు రోడ్డు ప్రమాదంలో అక్కడికక్కడే మృతిచెందిన ఘటన వాకాడు మండల కేంద్రంలోని చెరువుకట్ట వద్ద బుధవారం చోటు చేసుకుంది. స్థానికులు, పోలీసుల కథనం మేరకు.. కోట మండలం శ్యామసుందరపురానికి చెందిన బిందె శ్రీనివాసులు, మాధవి దంపతుల కుమారుడు అనుక్‌ (16) ఇటీవల అయ్యప్పమాల వేసుకుని ఇంటి వద్ద ఉంటున్నాడు. అతని స్నేహితులు ఆటో తోలుకుని చిరు వ్యాపారానికి వెళ్తుండగా వారితో కలిసి సరదాగా వెళ్లాడు. ఈ క్రమంలో ఆటో వాకాడు చెరువు వద్దకు వచ్చేసరికే అదుపుతప్పి బోల్తా పడింది. దీంతో తీవ్రంగా గాయపడిన అనుక్‌ చనిపోయాడు. అలాగే ఆటోలో ఉన్న మరో ముగ్గురికి తీవ్ర గాయాలవడంతో వాకాడు ప్రభుత్వాస్పత్రికి తరలించారు. అనుక్‌ మృతి విషయం తెలుసుకున్న తల్లిదండ్రులు ఘటనా స్థలానికి చేరుకుని కన్నీటిపర్యంతమయ్యారు. ఎస్సై నిఖిల్‌బాబు వివరాలు సేకరించి మృతదేమాన్ని పోస్టుమార్టం బాలిరెడ్డిపాళెం ఆస్పత్రికి తరలించారు. కేసు నమోదు చేశారు. వేర్వేరు చోట్ల జరిగిన రోడ్డు ప్రమాదాలతో రెండు కుటుంబాల్లో విషాదం నెలకొంది. బైక్‌ అదుపుతప్పి కరెంట్‌పోల్‌ను ఢీకొట్టడంతో ఓ యువకుడు, ఆటో బోల్తా పడి ఓ బాలుడు దుర్మరణం పాలయ్యారు.

నెల్లూరు రూరల్‌: స్థానిక సంస్థల ఎన్నికల విధుల్లో ఉన్న అధికారులు, సిబ్బంది తమ ఓటు హక్కును పోస్టల్‌ బ్యాలెట్‌ ద్వారా సక్రమంగా వినియోగించుకోవాలని కలెక్టర్‌ హిమాన్షు శుక్లా సూచించారు. నగరంలోని కస్తూర్బా కళాక్షేత్రంలో ఏర్పాటు చేసిన పోస్టల్‌ బ్యాలెట్‌ ఫెసిలిటేషన్‌ సెంటర్‌ను మంగళవారం పరిశీలించిన అనంతరం ఆయన మాట్లాడారు. పోస్టల్‌ బ్యాలెట్‌ ద్వారా ఓటేసే విధానంపై పూర్తి అవగాహనను కలిగి ఉండాలని సూచించారు. వినియోగించుకునేందుకు గానూ ఎలక్షన్‌ డ్యూటీ ఆర్డర్‌ కాపీ, ఓటరు ఐడీ, ఆధార్‌ కార్డుతో హాజరుకావాలని పేర్కొన్నారు. కమిషనర్‌ నందన్‌, నోడల్‌ అధికారి నాగరాజకుమారి, డీఈఓ బాలాజీరావు, స్పెషల్‌ డిప్యూటీ కలెక్టర్‌ కేశవర్ధన్‌రెడ్డి తదితరులు పాల్గొన్నారు. బెదిరించి.. విత్‌డ్రా చేయించి అల్లూరు: మండల పరిధిలోని ఇస్కపల్లి – 2 నుంచి వైఎస్సార్‌ కాంగ్రెస్‌ పార్టీ తరఫున నామినేషన్లను కొండూరు భారతి, కొండూరు లక్ష్మి వేశారు. ఈ క్రమంలో విత్‌డ్రా చేయకపోతే గ్రామ కట్టుబాటుగా ఊరి నుంచి వెలేస్తామని ఇస్కపల్లి – 2కు చెందిన కాపులు బెదిరించారు. దీంతో వీరు ఉపసంహరించుకోవాల్సి వచ్చింది. ఈ క్రమంలో టీడీపీకి చెందిన ఆవుల కామేశ్వరమ్మ ఏకగ్రీవమయ్యారు. 30న పింఛన్ల నగదు పంపిణీనెల్లూరు(పొగతోట): మున్సిపల్‌ ఎన్నికల నేపథ్యంలో సామాజిక పింఛన్ల నగదును ఈ నెల 30నే పంపిణీ చేయనున్నామని డీఆర్డీఏ పీడీ నాగరాజకుమారి మంగళవారం ఒక ప్రకటనలో తెలిపారు. జిల్లాలోని 2,85,842 మంది లబ్ధిదారులకు రూ.125.13 కోట్ల మేర పంపిణీ చేయనున్నామని వెల్లడించారు. నేను రాజకీయం చేస్తే తట్టుకోలేరు ● ఆనం వర్సెస్‌ బీద సాక్షి ప్రతినిధి, నెల్లూరు: జిల్లాలో టీడీపీ నేతల మధ్య వర్గావిభేదాలు మరోసారి బట్టబయలయ్యాయి. జిల్లా టీడీపీ కార్యాలయం వేదికగా జెడ్పీటీసీల అభ్యర్థులకు బీఫారాలు అందజేసే కార్యక్రమంలో నేతల మధ్య విభేదాలు భగ్గుమన్నాయి. ఆత్మకూరు నియోజకవర్గానికి చెందిన కన్నబాబు అక్కడికి చేరుకోవడంతో పార్టీకి ద్రోహం చేసే వారిని ఎలా అనుమతిస్తారంటూ ఆత్మకూరు టీడీపీ మండల అధ్యక్షుడు సుంకర పెంచలచౌదరి మండిపడ్డారు. ఈ క్రమంలో కన్నబాబు ఏమి మాట్లాడుతున్నావని ముందుకు రావడంతో టీడీపీ నేతలు వారించే ప్రయత్నం చేశారు. కొద్దిసేపు కార్యాలయంలో ఉద్రిక్తత పరిస్థితి నెలకొంది. ఈ క్రమంలో ఆనం రామనారాయణరెడ్డికి ఆయన వర్గీయులు ఫోన్‌ చేసి పరిస్థితిని వివరించారు. దీంతో ఆగమేఘాల మీద కార్యాలయానికి చేరుకున్నారు. బీద రవిచంద్రపై ఆగ్రహం ఆనం రామనారాయణరెడ్డి కార్యాలయానికి చేరుకుని జిల్లా టీడీపీ అధ్యక్షుడు బీద రవిచంద్రతోపాటు పార్టీ పరిశీలకులు రాకేష్‌పై ఆగ్రహం వ్యక్తం చేశారు. తన నియోజకవర్గంలో పార్టీ వ్యతిరేక కార్యక్రమాలు చేస్తున్న వ్యక్తిని ఎందుకు అనుమతించారని ప్రశ్నించారు. బీజేపీ, జనసేనలోని కొందరితో నామినేషన్లు వేయించారని, వారికి తనకు తెలియకుండా బీఫారాలు ఎలా ఇస్తారని ఆగ్రహం వ్యక్తం చేశారు. నా వర్గీయులనే బెదిరిస్తారా? తెరచాటు రాజకీయాలు చేయడం సరైన పద్ధతి కాదన్నారు. ఇప్పటి వరకు ఎన్ని జరుగుతున్నా తలదించుకుని వెళుతున్నానని, తలెత్తి రాజకీయాలు చేస్తే తట్టుకోలేరన్నారు.

నెల్లూరు(పొగతోట): కూటమి నేతల ప్రలోభాలు, కుట్రలు, కుతంత్రాలు మరోసారి బటబయలయ్యాయి. స్థానిక సంస్థల ఎన్నికల్లో ప్రజాక్షేత్రంలో విజయం సాధించలేక అడ్డదారులు తొక్కారు. ఒక్కో జెడ్పీటీసీ అభ్యర్థికి రూ.కోట్ల మేర అందజేసి విత్‌ డ్రా చేసేలా కుట్ర పన్నారు. వీరికి కొందరు ఆర్వోలు సహాయ.. సహకారాలను అందించారు. జెడ్పీటీసీ, ఎంపీటీసీల నామినేషన్ల ఉపసంహరణ ప్రక్రియను మంగళవారం నిర్వహించారు. సీతారామపురం, బుచ్చిరెడ్డిపాళెం, చిల్లకూరు, కొడవలూరు, ఇందుకూరుపేట జెడ్పీటీసీలు ఏకగ్రీవమయ్యాయి. చిల్లకూరు మండలంలో అభ్యర్థిని ప్రలోభాలకు గురిచేసి, బెదిరించడంతో కుటుంబంతో సహా గ్రామం వదిలి వెళ్లిపోయారు. బుచ్చిరెడ్డిపాళెం, ఇందుకూరుపేట, కొడవలూరు మండలాల్లో రూ.కోట్లల్లో చేతులు మారాయని సమాచారం. మరోవైపు నామినేషన్లను మధ్యాహ్నం మూడులోపు ఉపసంహరించుకోవాల్సి ఉన్నా, అనేక మండలాల్లో ఈ తంతును సాయంత్రం నాలుగు వరకు కొందరు ఆర్వోలు నిర్వహించారు. బీ ఫారాలను అభ్యర్థులే తీసుకురావాలనే నిబంధనను మర్రిపాడు, తదితర మండలాల్లో ఆర్వోలు విధించారు.

● ధ్వజమెత్తిన మాజీ మంత్రి కాకాణి గోవర్ధన్‌రెడ్డి గూడూరు రూరల్‌: ఎన్నికల్లో ఓటమి భయంతో తమ పార్టీ అభ్యర్థులపై అక్రమ కేసులు పెడుతున్నారని మాజీ మంత్రి, వైఎస్సార్‌ కాంగ్రెస్‌ పార్టీ జిల్లా అధ్యక్షుడు కాకాణి గోవర్ధన్‌రెడ్డి ధ్వజమెత్తారు. మండలంలోని రామలింగాపురంలో సంతదాసుపల్లి ఎంపీటీసీ అభ్యర్థి అట్ల సంపూర్ణమ్మ నివాసానికి మంగళవారం వెళ్లి కుటుంబసభ్యులను పరామర్శించిన అనంతరం ఆయన మాట్లాడారు. అధికార పార్టీ ఎన్ని కేసులు పెట్టినా, తమ పార్టీ అభ్యర్థులు భయపడబోరని, వీరికి తాము అండగా ఉంటామని భరోసా ఇచ్చారు. కూటమి అక్రమ పాలనపై ప్రజలే తీర్పునివ్వనున్నారని చెప్పారు. అట్ల శ్రీనివాసులురెడ్డిపై జరిగిన ఘటనను తెలుసుకున్న తమ పార్టీ అధినేత జగన్‌మోహన్‌రెడ్డి.. స్వయంగా వెళ్లి పరామర్శించాలని తనకు సూచించారని వివరించారు. శ్రీనివాసులురెడ్డి సతీమణి సంపూర్ణమ్మ ఎంపీటీసీగా గెలుస్తారనే కసితో ఆయనపై అక్రమ కేసులు బనాయించేందుకు యత్నించారని మండిపడ్డారు. పోలీసుల జోక్యంతో నేరుగా మద్యం బాటిళ్లను తెచ్చి ఆయన ఇంట్లో పెట్టి.. లైట్లు ఆర్పేసిన అనంతరం అక్కడికెళ్లి సోదాలు చేసి మద్యం బాటిళ్లు దొరికాయంటూ అన్యాయంగా కేసులు పెట్టడం దారుణమని ధ్వజమెత్తారు. రెండున్నరేళ్లలో కూటమి ప్రభుత్వం చేసిన అభివృద్ధిని చూపి ఎన్నికల్లో పోటీ చేయాలని సవాల్‌ విసిరారు. అభివృద్ధి, సంక్షేమాన్నే పక్కనబెట్టి ఎన్నికల్లో అడ్డదారులను కూటమి పార్టీలు తొక్కుతున్నాయని ఆరోపించారు. ఖాకీలను అడ్డుపెట్టుకొని కేసులు నమోదు చేయడం దారుణమన్నారు. ప్రశాంతమైన గూడూరు నియోజకవర్గంలో ఇలాంటివి ఎన్నడూ జరగలేదని చెప్పారు. పోలీసులే దొంగలుగా మారితే ప్రజలకు రక్షణ కల్పించే బాధ్యత ఎవరిదని ప్రశ్నించారు. నామినేషన్లేసే సమయంలో తమ పార్టీ అభ్యర్థులపై దాడులకు తెగబడ్డారని దుయ్యబట్టారు. డీఎస్పీ స్థాయి అధికారి తమ పార్టీ నేతకు ఫోన్‌ చేసి పోటీ నుంచి తప్పుకోవాలని బెదిరించడం, భయపెట్టడమేమిటని ప్రశ్నించారు. పోలీస్‌ వ్యవస్థకు ఉండాల్సిన మర్యాదను దిగజార్చేలా కొందరు అధికారులు వ్యవహరిస్తున్నారని ధ్వజమెత్తారు. చాణక్య నీతి, రాజనీతిపై డీఎస్పీ మాట్లాడటం హాస్యాస్పదంగా ఉందని ఎద్దేవా చేశారు. ఖాకీ చొక్కా వేసుకొని ఉద్యోగం చేసే అర్హత ఆయనకు లేదని స్పష్టం చేశారు. ఓట్లేయించుకునే దమ్ము లేదు అన్నీ తామే చేశామంటూ చంద్రబాబు, లోకేశ్‌, పవన్‌ కల్యాణ్‌ తదితరులు గొప్పలు చెప్పుకొంటున్నారని, అయితే ప్రజాస్వామ్యబద్ధంగా ఓట్లేయించుకునే దమ్ము వారికి లేదని విమర్శించారు. చిట్టమూరు మండలాధ్యక్షుడు సన్నారెడ్డి శ్రీనివాసులురెడ్డి.. పెళ్లకూరులో కామిరెడ్డి సత్యనారాయణరెడ్డి.. ఇలా తమ పార్టీకి చెందిన అనేక మంది నేతలపై అక్రమ కేసులు పెట్టి వేధిస్తున్నారని ఆగ్రహం వ్యక్తం చేశారు. తప్పు చేసిన అధికారులపై తమ పార్టీ అధికారంలోకి వచ్చాక చర్యలు తప్పవని హెచ్చరించారు. పోలీసులు ఉద్యోగంలో ఉన్నా లేకపోయినా వదిలిపెట్టే ప్రసక్తే లేదని తేల్చిచెప్పారు. గంజాయి బ్యాచ్‌తో మహిళలను బెదిరింపులకు గురిచేసి నామినేషన్లను వేయనీయకుండా అడ్డుకున్నారని చెప్పారు. అక్రమ కేసులపై విచారణను ఎస్పీ చేపట్టాలని డిమాండ్‌ చేశారు. ప్రజల కోసం పనిచేయాలి ప్రజల కోసం పోలీస్‌ వ్యవస్థ పనిచేయాలని, అయితే అలా కాకుండా ఎమ్మెల్యేకు కొమ్ముకాస్తూ ఎలా చెప్తే అలా డీఎస్పీ వ్యవహరిస్తున్నారని పార్టీ గూడూరు నియోజకవర్గ సమన్వయకర్త బూదూరు గురవయ్య ఆరోపించారు. డీఎస్పీ బెదిరింపులకు భయపడే నైజం తమ పార్టీ శ్రేణులది కాదని చెప్పారు. గెలుపోటములను ప్రజలే నిర్ణయించనున్నారని పేర్కొన్నారు. నేతలు చేవూరు విజయమోహన్‌రెడ్డి, కోడూరు మీరారెడ్డి, పట్టణాధ్యక్షుడు బొమ్మిడి శ్రీనివాసులు, యల్లా శ్రీనివాసులురెడ్డి, నాసిన నాగులు, నాగిశెట్టి శారద, సుబ్బానాయుడు, జనార్దన్‌రెడ్డి, మహేష్‌, పల్లి కోటేశ్వరరావు, వెంకటరమణారెడ్డి, కృష్ణయ్య, చంద్రమోహన్‌, ప్రసాద్‌, కల్లూరు రవి తదితరులు పాల్గొన్నారు.

● ఆర్యవైశ్యుల అభివృద్ధి వైఎస్‌ జగన్‌తోనే సాధ్యం ● మాజీ మంత్రి వెల్లంపల్లి శ్రీనివాస్‌నెల్లూరు(బృందావనం): నెల్లూరు కార్పొరేషన్‌ ఎన్నికల్లో వైఎస్సార్‌సీపీ అభ్యర్థులకు ప్రజలు మద్దతు తెలిపి టీడీపీకి తగిన గుణపాఠం చెప్పాలని మాజీ మంత్రి, ఆర్యవైశ్య నేత వెల్లంపల్లి శ్రీనివాస్‌ తెలిపారు. నెల్లూరు నగరంలోని 59వ డివిజన్‌లో మంగళవారం ఆయన వైఎస్సార్‌సీపీ మేయర్‌ అభ్యర్థి ఆనం విజయకుమార్‌రెడ్డి, 59వ డివిజన్‌ కార్పొరేటర్‌ అభ్యర్థి చీదెళ్ల కిషన్‌కు మద్దతుగా మాజీ మంత్రి, పార్టీ జిల్లా అధ్యక్షుడు కాకాణి గోవర్ధన్‌రెడ్డి, ఎమ్మెల్సీ, సిటీ ఇన్‌చార్జి పర్వతరెడ్డి చంద్రశేఖర్‌రెడ్డితో కలిసి విస్తృతంగా ప్రచారం నిర్వహించారు. ఈ సందర్భంగా శ్రీనివాస్‌ మాట్లాడారు. రాష్ట్రంలో ఆర్యవైశ్యులకు అండగా నిలిచింది నాడు దివంగత మహానేత డాక్టర్‌ వైఎస్‌ రాజశేఖరరెడ్డి, ఆ తరువాత అండగా నిలిచింది ఆయన కుమారుడు వైఎస్‌ జగన్‌మోహన్‌రెడ్డి అనే విషయాన్ని గుర్తించాలన్నారు. వైఎస్సార్‌సీపీ ప్రభుత్వ హయాంలో వైఎస్‌ జగన్‌మోహన్‌రెడ్డి నాయకత్వంలో ఆర్యవైశ్యులకు పదవులెన్నో వచ్చాయన్నారు. అందుకు కృతజ్ఞతగా చీదెళ్ల కిషన్‌కు మద్దతు ప్రకటించాలన్నారు. నెల్లూరు ప్రజలు వైఎస్సార్‌సీపీకి ఓటు వేసి నెల్లూరు మేయర్‌ సీటును వైఎస్‌ జగన్‌మోహన్‌రెడ్డికి కానుకగా ఇవ్వాలని కోరారు. చంద్రబాబును తరిమికొట్టడం ఖాయం ఎన్నికల హామీలను విస్మరించి కల్లబొల్లి కబుర్లతో రెండున్నర సంవత్సరాల పరిపాలన సాగించిన చంద్రబాబును ప్రజలు తరమికొట్టేందుకు సిద్ధమయ్యారని కాకాణి గోవర్ధన్‌రెడ్డి తెలిపారు. ఆయన మాట్లాడుతూ టీడీపీ నేతల సంక్షేమం గురించి చెప్పుకోలేని స్థితిలో ఉన్నారు. ఓటమి భయం పట్టుకున్న చంద్రబాబు పోలీసులు, గూండాలు, గంజాయి బ్యాచ్‌లతో ఎన్నికల్లో గెలవాలని చూస్తున్నారని విమర్శించారు. నాయకులను పోలీస్‌స్టేషన్‌లకు పిలిపించి వారిని విత్‌డ్రాలు చేయించాలని చూడటం దారుణమన్నారు. నెల్లూరు నగరాభివృద్ధిని గాలికొదిలేశారని కాకాణి దుయ్యబట్టారు. రాష్ట్ర మున్సిపల్‌ శాఖ మంత్రి పొంగూరు నారాయణ అవినీతి, అక్రమాలకు పాల్పడుతూ ప్రజల సొమ్మును పార్టీ నాయకులకు దోచిపెడుతున్నారన్నారు. వీటికి అడ్డుకట్ట వేయాలంటే కార్పొరేషన్‌ ఎన్నికల్లో వైఎస్సార్‌సీపీ విజయం సాధించాలన్నారు. ఎన్నికల ప్రక్రియ సజావుగా జరిగేలా కలెక్టర్‌, ఎస్పీ చర్యలు తీసుకోవాలన్నారు. కార్యక్రమంలో నాయకులు మాళెం సుధీర్‌కుమార్‌రెడ్డి తదితరులు పాల్గొన్నారు.

● ఎన్నిక నుంచి తప్పుకోవాలని, ఫ్లైట్‌ బుక్‌ చేసుకుని వెళ్లిపోవాలని సూచన ● రూ.70 లక్షలు ఆఫర్‌ చేసిన వక్ఫ్‌బోర్డు చైర్మన్‌ అబ్దుల్‌ అజీజ్‌ ● మధ్యవర్తిత్వం వహించిన చిన్నబజారు సీఐ సీతారామయ్య ● సీఐ వాహనంలోనే డబ్బులు పంపిస్తానన్న అజీజ్‌ వాట్సాప్‌ కాల్‌ ఆడియో వైరల్‌ సాక్షి ప్రతినిధి, నెల్లూరు: నెల్లూరు నగర పాలక సంస్థ ఎన్నికల్లో అధికార పార్టీని ఓటమి భయం వెంటాడుతోంది. ప్రత్యర్థులను బరి నుంచి తప్పించేందుకు సామదానభేద దండోపాయలను ప్రయోగించినా.. ఫలితం లేకపోవడంతో దింపుడు కల్లాం ఆశతో ఆఖరికి పోలీసులతో ప్రలోభాల పర్వానికి వచ్చింది. నెల్లూరు నగరంలోని 58వ డివిజన్‌ వైఎస్సార్‌సీపీ కార్పొరేటర్‌ అభ్యర్థి ఎన్నికల ప్రచారంలో ముమ్మరంగా తిరుగుతున్నారు. ఆ డివిజన్‌లో టీడీపీ ఓటమి ఖాయమనుకున్న టీడీపీ నేతలు వైఎస్సార్‌సీపీ అభ్యర్థిని ప్రచారాలు చేయకుండా అడ్డుకునే ప్రయత్నం చేశారు. అంతటితో ఆగకుండా చిన్నబజారు సీఐ సీతారామయ్యను మధ్యవర్తిత్వంతో రాష్ట్ర వక్ఫ్‌బోర్డు చైర్మన్‌ అబ్దుల్‌ అజీజ్‌ నేరుగా అభ్యర్థి భర్త జమీర్‌తో వాట్సప్‌ కాల్‌ ద్వారా బేరసారాలు చేసేందుకు ప్రయత్నం చేశారు. సీఐ సీతారామయ్య, అబ్దుల్‌ అజీజ్‌ పోటీ నుంచి తప్పుకుంటే.. రూ.70 లక్షలిస్తామంటూ ఆఫర్‌ చేశారు. డబ్బుని సీఐ వాహనంలోనే పంపిస్తాను. 15 నిమిషాల్లో ఎక్కడికి కావాలో అక్కడికి చేరిపోతాయి. ఫైట్‌ బుక్‌ చేసుకుని ఎక్కడికై నా వెళ్లిపో ఓకే నా.. అంటూ అజీజ్‌ అడిగారు. సీఐ: జమీర్‌ వింటున్నావా? క్యాండిడేట్‌వి రెండు చెక్కులు తెప్పిస్తున్నా.. డబ్బులు ఇవ్వగానే వారి చెక్కులు వారికి ఇచ్చేయ్‌ అజీజ్‌: డౌట్‌లు వద్దు, సమస్య ఏమీ లేదు. సీతారామ్‌ ఎక్కడైనా ఒక లొకేషన్‌ చెబితే అక్కడికి పంపిస్తాను. సీఐ: నువ్వే లొకేషన్‌ చెప్పు జమీర్‌ అజీజ్‌: డీఎస్సార్‌ స్కూల్‌ లొకేషన్‌లో ఉంటారు జమీర్‌ అక్కడికి వెళ్లిపో.. ఇబ్బంది లేదు. నువ్వు కూడా అక్కడే ఉండు సీతారామ్‌.. నీ బండిలో పెట్టిస్తా చూసుకో సీఐ: నా దగ్గరే ఉంటాయి రమ్మనండి. ... అంటూ సాగిన బేరసారాలు సంభాషణ ఆడియో ఇప్పుడు సోషల్‌ మీడియాలో వైరల్‌ అవుతోంది.

నెల్లూరు(టౌన్‌): ఇందుకూరుపేట మండలం పల్లిపాడు డైట్‌లో ఈనెల 28వ తేదీన జిల్లా స్థాయి రోల్‌ప్లే, ఫోక్‌ డ్యాన్స్‌ పోటీలు నిర్వహించనున్నట్లు డీఈఓ ఆర్‌.బాలాజీరావు మంగళవారం ఒక ప్రకటనలో తెలిపారు. విద్యార్థుల్లో దాగి ఉన్న సృజనాత్మకత, నైపుణ్యాలను వెలికి తీసేందుకు ఏటా కేంద్ర, రాష్ట్ర ప్రభుత్వ పాఠశాల విద్యాశాఖ, ఎస్సీఈఆర్టీ, సమగ్రశిక్ష, జిల్లా విద్యాశాఖ, ప్రభుత్వ డైట్‌ కళాశాల సంయుక్త ఆధ్వర్యంలో ఈ పోటీలను నిర్వహిస్తున్నట్లు పేర్కొన్నారు. జిల్లాలోని అన్ని యాజమాన్యాల పరిధిలోని పాఠశాలల్లో 8, 9 తరగతులు చదువుతున్న విద్యార్థులు, ఎన్‌పీఈపీ పోర్టల్లో రిజిస్ట్రేషన్‌ పూర్తి చేసుకుని తమ ఎస్కార్ట్‌ ఉపాధ్యాయులతో కలిసి పోటీల్లో పాల్గొనాలని సూచించారు. ప్రథమ స్థానంలో నిలిచిన వారు రాష్ట్రస్థాయి పోటీలకు ఎంపికవుతారని వెల్లడించారు. ఆ పోటీలు నవంబర్‌లో నిర్వహించనున్నట్లు పేర్కొన్నారు. వివరాలకు నోడల్‌ అధికారి ఫోన్‌ 90100 85001 నంబర్‌ను సంప్రదించాలని సూచించారు.రైల్లోంచి జారిపడి వృద్ధుడి మృతి నెల్లూరు(క్రైమ్‌): రైల్లోంచి జారిపడి గుర్తుతెలియని వృద్ధుడు మృతిచెందిన ఘటన నెల్లూరు రైల్వేస్టేషన్‌ – విజయమహల్‌ గేట్‌ సమీపంలో చైన్నె వైపు వెళ్లే పట్టాలపై మంగళవారం చోటుచేసుకుంది. మృతుడి వయసు 50 నుంచి 55 సంవత్సరాల్లోపు ఉంటుందని భావిస్తున్నారు. నలుపు రంగుపై బులుగు రంగు డాట్స్‌ గల షార్ట్‌ ధరించి ఉన్నాడు. సమాచారం అందుకున్న నెల్లూరు రైల్వే ఎస్సై హరిచందన ఘటనా స్థలానికి చేరుకుని పరిశీలించారు. మృతదేహాన్ని జీజీహెచ్‌ మార్చురీకి తరలించి కేసు దర్యాప్తు చేస్తున్నారు. జిల్లాకు నేడు భారీ వర్ష సూచన నెల్లూరు(అర్బన్‌): ఆర్నబ్‌ తుఫాన్‌ తీరంవైపు దూసుకొస్తుండటంతో ఆ ప్రభావం జిల్లాపై పడనుందని వాతావరణ శాఖ హెచ్చరించింది. జిల్లాకు ఎల్లో అలర్ట్‌ను ప్రకటించింది. భారీ వర్షాలు బుధవారం కురిసే అవకాశముందని తెలిపింది. సముద్రంలో అలలు ఉవ్వెత్తున ఎగిసిపడుతూ.. ఆరు నుంచి ఎనిమిది మీటర్ల వరకు ముందుకొచ్చింది. వేటకు మత్స్యకారులు వెళ్లొద్దనే అధికారుల హెచ్చరికలతో వారంతా తిరిగొచ్చేశారు. కలెక్టరేట్లో కంట్రోల్‌ రూమ్‌ను ఏర్పాటు చేశారు. ఏమైనా ఇబ్బందులొస్తే 0861 – 2331261, 79955 76699 నంబర్లను సంప్రదించొచ్చు. స్థానిక ఎన్నికలకు 74 మంది మైక్రో అబ్జర్వర్లు నెల్లూరురూరల్‌: స్థానిక సంస్థల ఎన్నికల నిర్వహణలో భాగంగా మైక్రో అబ్జర్వర్ల కేటాయింపును ఎన్నికల పరిశీలకురాలు సదా భార్గవి ఆధ్వర్యంలో నెల్లూరులో మంగళవారం ర్యాండమైజేషన్‌ పద్ధతిలో చేపట్టారు. ఆత్మకూరు, బుచ్చిరెడ్డిపాళెం మున్సిపాలిటీలతోపాటు నెల్లూరు నగరపాలక సంస్థకు మొత్తం 74 మందిని కేటాయించారు. వీరిలో 62 మందిని విధులకు కేటాయించగా, మరో 12 మందిని రిజర్వ్‌లో ఉంచారు. ఆత్మకూరుకు 14 మంది, బుచ్చిరెడ్డిపాళేనికి ఐదుగురు, నెల్లూరు నగరపాలక సంస్థకు 55 మందిని కేటాయించారు. కార్యక్రమంలో సీపీఓ లక్ష్మీనరసింహం, ఏపీఐఐసీ జెడ్‌ఎం శివకుమార్‌, శోభారాణి తదితరులు పాల్గొన్నారు.

నెల్లూరు(బారకాసు): ఒకటి కాదు.. రెండు కాదు.. ఎన్నో సంవత్సరాలు ఆ ప్రాంత ప్రజలు ఎదురుచూస్తున్న కల సాకారమైంది. అధ్వానంగా మారిన రోడ్డుపై ప్రయాణించలేక ఇబ్బందులు పడుతున్న స్థానికులు.. రహదారిని బాగు చేయాలని కనిపించిన నాయకులందరినీ వేడుకున్న సందర్భాలున్నాయి. చివరకు 2019లో వైఎస్సార్‌సీపీ ప్రభుత్వం అధికారంలోకి వచ్చిన తర్వాత అప్పటి నెల్లూరు సిటీ ఎమ్మెల్యే, మంత్రి డాక్టర్‌ పోలుబోయిన అనిల్‌కుమార్‌ యాదవ్‌ చొరవతో మైపాడు రోడ్డు అభివృద్ధి పనులు చేపట్టారు. నగరంలోని పాత చెక్‌పోస్టు నుంచి వేణుగోపాల్‌నగర్‌ సమీపంలోని చేపల మార్కెట్‌ వరకు నాలుగులేన్ల సిమెంట్‌ రోడ్డు వేసి టీడీపీ నాయకుల కళ్లు తెరిపించారు. నిర్మాణం పూర్తవడంతో ఆ ప్రాంత రూపురేఖలు మారాయి. ఎన్నో ఏళ్లుగా ఇబ్బందులు నెల్లూరు నగరం నుంచి ఇందుకూరుపేట మండలంలోని పలు గ్రామాలకు వెళ్లేందుకు మైపాడు రోడ్డు ప్రధాన మార్గంగా ఉంది. దీనికి ఇరువైపులా నగరపాలక సంస్థ పరిధిలోని ప్రస్తుత 7, 8, 9 డివిజన్లు (పాత 3, 4, 5 డివిజన్లు) విస్తరించి ఉన్నాయి. దశాబ్దాలుగా రహదారి అభివృద్ధిపై తగిన శ్రద్ధ చూపకపోవడంతో అది అధ్వానంగా మారింది. భారీ వాహనాల రాకపోకలు అధికంగా ఉండే ఈ రహదారిపై గుంతలు, ఇరువైపులా ఆక్రమణల కారణంగా రాకపోకలకు తీవ్ర అంతరాయం ఏర్పడేది. నిత్యం ట్రాఫిక్‌ రద్దీతో వాహనదారులు సకాలంలో గమ్యస్థానాలకు చేరుకోలేకపోయేవారు. ఇరుకై న రహదారిపై భారీ వాహనాల రాకపోకలతో ప్రమాదాల భయం కూడా ఉండేది. వైఎస్సార్‌సీపీ ప్రభుత్వం వల్ల ఇప్పుడు పరిస్థితి మారిపోయింది. రూ.13 కోట్లతో.. మైపాడు రోడ్డు అభివృద్ధికి అప్పటి అనిల్‌కుమార్‌ యాదవ్‌ ప్రత్యేక చొరవ తీసుకున్నారు. రహదారి నిర్మాణానికి అవసరమైన నిధుల మంజూరు కోసం అప్పటి ముఖ్యమంత్రి వైఎస్‌ జగన్‌మోహన్‌రెడ్డి దృష్టికి పలుమార్లు తీసుకెళ్లారు. ప్రభుత్వం స్పందించి నిధులు మంజూరు చేయడంతో పనులు ప్రారంభమయ్యాయి. నగరంలోని పాత చెక్‌పోస్టు నుంచి వేణుగోపాల్‌ నగర్‌, చేపల మార్కెట్‌ సమీపం వరకు సుమారు 2.7 కిలోమీటర్ల మేర రూ.13 కోట్లతో నాలుగు లేన్ల సీసీ రోడ్డు నిర్మాణం చేపట్టి పూర్తి చేశారు. దీంతో భారీ వాహనాలు, కార్లు, ద్విచక్ర వాహనాల రాకపోకలు సులభతరమయ్యాయి. రహదారిని మరింత సుందరంగా తీర్చిదిద్దేందుకు మరో రూ.7 కోట్లతో అభివృద్ధి పనులు చేపట్టారు. ఇందులో భాగంగా రోడ్డుకు ఇరువైపులా డ్రెయిన్లు నిర్మించారు. మధ్యలో డివైడర్‌ ఏర్పాటు చేసి పచ్చదనం పెంచేందుకు పూలమొక్కలు నాటారు. సెంట్రల్‌ లైటింగ్‌ వ్యవస్థను కూడా ఏర్పాటు చేశారు.వైఎస్సార్‌సీపీ ప్రభుత్వంలో మైపాడు రోడ్డు విస్తరణ 2.7 కి.మీ. మేర నాలుగులేన్ల సీసీ రోడ్డు రూ.7 కోట్లతో సుందరీకరణ పనులుకనిపించలేదా? కార్పొరేషన్‌ ఎన్నికల నేపథ్యంలో టీడీపీ నేతలు ఇష్టానుసారంగా మాట్లాడుతున్నారు. వైఎస్సార్‌సీపీ హయాంలో జరిగిన కళ్ల ముందు కనిపిస్తున్నా ఏమీ చేయలేదంటూ ఊకదంపుడు ఉపన్యాసాలు చేస్తున్నారు. కూటమి ప్రభుత్వం అధికారంలోకి వచ్చి రెండున్నర సంవత్సరాలైనా ఇటువంటివి చెప్పుకోదగ్గ అభివృద్ధి పనులు ఎక్కడా చేపట్టలేదు. ఇంకా కార్పొరేషన్‌ పరిధిలో పలు పనుల పేరిట తెలుగు తమ్ముళ్లకు దోచిపెట్టేందుకు ఉపయోగం లేని పనులు చేపడుతున్నారు.

● బ్రాండెడ్‌ మద్యమే కావాలి ● అభ్యర్థులకు మందుబాబుల డిమాండ్‌సీతారామపురం: స్థానిక ఎన్నికల వేళ ఓటర్లను ఆకర్షించేందుకు కొందరు అభ్యర్థులు డబ్బు, మద్యం, బిర్యానీ ప్యాకెట్లు పంపిణీ చేస్తుంటారు. నామినేషన్ల ప్రక్రియ నుంచి ప్రచారం, పోలింగ్‌ వరకు ఓటర్లను తమవైపు తిప్పుకొనేందుకు వివిధ మార్గాలను అనుసరిస్తుంటారు. జిల్లాలో కార్పొరేషన్‌, మున్సిపాలిటీలతోపాటు జెడ్పీటీసీ, ఎంపీటీసీ స్థానాలకు నామినేషన్ల ప్రక్రియ పూర్తవడంతో ఎన్నికల సందడి నెలకొంది. ఈ నేపథ్యంలో మద్యం బ్రాండ్ల విషయంలోనూ కొందరు మందుబాబులు తమ అభిరుచిని స్పష్టంగా చెప్పేస్తున్నారు. గతంలో చీప్‌ లిక్కర్‌తో సరిపెట్టుకునేవారు సైతం ఇప్పుడు వివిధ కంపెనీలకు చెందిన బ్రాండెడ్‌ మద్యం కావాలని కోరుతున్నా. దీంతో ఓటర్ల డిమాండ్లను తీర్చాలంటే ఎన్నికల ఖర్చు మరింత పెరుగుతోందని అభ్యర్థులు ఆందోళన చెందుతున్నారు. మరోవైపు గత వారం రోజులుగా మద్యం దుకాణాల్లో విక్రయాలు పెరిగినట్లు అధికారులు చెబుతున్నారు. హోటళ్లు, ధాబాల్లోనూ వ్యాపారాలు జోరుగా సాగుతున్నాయి.

బలవంతపు ఏకగ్రీవాలు సీతారామపురం: వైఎస్సార్‌ కాంగ్రెస్‌ పార్టీ నేత చింతరెడ్డి లోకేశ్‌రెడ్డిని పోలీసులు మంగళవారం అరెస్ట్‌ చేసి ఉదయగిరి కోర్టుకు తరలించారు. ఎంపీటీసీ బరిలో నిలిచిన పార్టీ అభ్యర్థుల బీ ఫారాలను సమర్పించేందుకు గానూ ఎంపీడీఓ కార్యాలయానికి వచ్చిన ఈయన్ను ఖాకీలు అదుపులోకి తీసుకొని స్టేషన్‌కు తరలించారు. ఎంపీపీ అభ్యర్థయిన ఈయన నామినేషన్‌ పత్రాన్ని ఉద్దేశపూర్వకంగా తిరస్కరించిన విషయం విదితమే. ఎంపీడీఓ కార్యాలయంలోని నోటీస్‌ బోర్డులో పేర్ల జాబితాను చూసేందుకు ఆదివారం రాత్రి వచ్చిన లోకేశ్‌రెడ్డిపై అక్రమ కేసును బనాయించిన సంగతి తెలిసిందే. పోలీస్‌స్టేషన్లో నిర్బంధించారనే విషయాన్ని తెలుసుకున్న పార్టీ ఉదయగిరి నియోజకవర్గ సమన్వయకర్త మేకపాటి రాజగోపాల్‌రెడ్డి చేరుకొని ఎస్సై వెంకటరాజేష్‌తో మాట్లాడారు. లోకేశ్‌రెడ్డిని పరామర్శించారు. స్టేషన్లో ఉదయం నుంచి సాయంత్రం వరకు ఉంచి ఆ తర్వాత ఉదయగిరి కోర్టుకు తరలించడం మండలంలో చర్చనీయాంశమైంది. సాక్షిప్రతినిధి, నెల్లూరు: ప్రజాస్వామ్యానికి పునాదులైన ఎన్నికల ప్రక్రియను అపహాస్యం చేసేలా స్థానిక సంస్థల ఎన్నికలు సాగుతున్నాయన్న విమర్శలు వెల్లువెత్తుతున్నాయి. నిష్పక్షపాతంగా, పారదర్శకంగా నిర్వహించాల్సిన ఎన్నికలను పోలీసులు, అధికారులు కలిసి రణరంగ క్షేత్రంగా మార్చారు. యంత్రాంగమే అధికార పార్టీకి తొత్తుగా వ్యవహరిస్తూ ప్రత్యర్థులను ఎన్నికల బరిలోకి దిగనీయకుండా బెదిరింపులకు దిగారు. వాటిని లెక్క చేయకుండా నామినేషన్లు దాఖలు చేసిన అభ్యర్థులను ప్రలోభాలకు గురి చేశారు. నోట్ల కట్టలతో ఆశ చూపినా తలొగ్గని వారిపై అక్రమ కేసులు బనాయించి అరెస్టులు చేయించారు. అయినప్పటికీ అభ్యర్థులు బరిలో నిలబడడంతో చివరకు నామినేషన్ల ఉపసంహరణ వ్యవహారంలో అక్రమాలకు పాల్పడ్డారనే ఆరోపణలు వెల్లువెత్తుతున్నాయి. గెలిచే ధైర్యం లేక.. ప్రత్యర్థులతో పోరాడలేక.. ప్రజల మద్దతు సంపాదించి, ప్రత్యర్థులతో పోరాడి గెలవాల్సిన ఎన్నికల్లో వారిని బరిలో లేకుండా చేసి ఏకగ్రీవాలను చేసుకోవడం ప్రజాస్వామ్య స్ఫూర్తికి విరుద్ధం. జిల్లాలో ఎంపీటీసీ, జెడ్పీటీసీ ఎన్నికల నామినేషన్ల ఉపసంహరణ ప్రక్రియను అడ్డు పెట్టుకొని అధికార పార్టీ దొడ్డిదారి రాజకీయాలకు తెర తీసింది. జిల్లాలో 440 ఎంపీటీసీ, 35 జెడ్పీటీసీ స్థానాలకు చేపట్టిన ఎన్నికల ప్రక్రియ ప్రారంభం నుంచి అధికార పార్టీ ఓటమి భయంతో శిఖండి రాజకీయం చేస్తోంది. వైఎస్సార్‌సీపీ ఆశావహులను పోటీలో తలపడనీయకుండా పోలీసులతో బెదిరింపులకు దిగింది. అయినా బెదరకుండా నామినేషన్లు వేయడానికి వస్తే.. మారణాయుధాలతో దాడులు చేశారు. నామినేషన్‌ పత్రాలు లాక్కొని చించివేశారు. ఇన్ని అడ్డంకులను అధిగమించి నామినేషన్లు దాఖలు చేస్తే.. పరిశీలన ప్రక్రియలో చిన్న చిన్న కారణాలతో ప్రత్యర్థుల నామినేషన్లు మాత్రమే తిరస్కరింప చేశారు. అయినా.. బరిలో బలంగా నిలిచిన అభ్యర్థులు మంగళవారం నామినేషన్ల ఉపసంహరణ, బీ–ఫారాలు అందజేసేందుకు ఆఖరి క్షణం వరకు ఆర్థికంగా ప్రలోభాలకు గురి చేశారు. అప్పటికీ తలొగ్గని వారి నామినేషన్లను బీ–ఫారాలను అందించినా.. దొడ్డిదారిన అభ్యర్థుల సంతకాలను ఫోర్జరీ చేసి ఉపసంహరించి ఏకగ్రీవమయ్యామంటూ జబ్బలు చరుకుంటున్నారు. జెడ్పీటీసీ స్థానాలకు రూ.కోట్లు నజరానా జిల్లాలో జెడ్పీటీసీ స్థానాలకు సంబంధించి కూడా అధికార పార్టీ అడ్దదారులను తొక్కింది. చిల్లకూరు జెడ్పీటీసీ స్థానానికి పోటీకి సిద్ధపడిన వైఎస్సార్‌సీపీ అభ్యర్థిని పోలీసులతో బెదిరించడంలో నామినేషనే దాఖలు చేయలేని పరిస్థితి ఏర్పడింది. కోవూరు నియోజకవర్గంలో వైఎస్సార్‌సీపీ నుంచి బరిలోకి దిగిన ప్రధాన అభ్యర్థులతోపాటు డమ్మీ అభ్యర్థులకు భారీగా నగదు ప్రలోభాలు గురి చేసి ఆఖరి క్షణంలో విత్‌డ్రా చేయించారనే ఆరోపణలు వెల్లువెత్తున్నాయి. సీతారామపురంలో సైతం వైఎస్సార్‌సీపీ అభ్యర్థితో బలవంతంగా నామినేషన్‌ ఉపసంహరింప చేసి ప్రజాబలమంటూ జబ్బులు చరుచుకుంటూ.. నిస్సిగ్గు రాజకీయం చేస్తున్నారంటూ వైఎస్సార్‌సీపీ శ్రేణులు ఈసడించుకుంటున్నాయి. జిల్లాలో ఎంపీటీసీలుగా పోటీ చేసిన వైఎస్సార్‌సీపీ అభ్యర్థులను బబెదిరించి బలవంతపు ఏకగ్రీవాలు చేశారు. మధ్యాహ్నం 3 గంటలకే ఉపసంహరణ గడువు ముగియాల్సి ఉండగా సాయంత్రం 6 గంటల వరకు కూటమి నేతలకు అవకాశం కల్పించారు. వైఎస్సార్సీపీ అభ్యర్థులను ఉపసంహరణ జరిగే ఛాయలకే రాకుండా పోలీసులు అడ్డుపడి భయపెట్టారు. మర్రిపాడు మండలంలో 13 ఎంపీటీసీ స్థానాలు ఉండగా, నామినేషన్ల పరిశీలనలో ఐదు స్థానాల్లో వైఎస్సార్‌సీపీ అభ్యర్థుల నామినేషన్లు అక్రమంగా తిరస్కరించారు. ఉపసంహరణ ఆఖరి రోజు మరో రెండు ఎంపీటీసీ స్థానాలకు బీ ఫారాలు అందజేసినా.. పోలీసులను అడ్డుపెట్టుకుని.. నామినేషన్లు ఉపసంహరించి ఏకగ్రీవం చేశారు. అనంతసాగరంలో మూడు, ఏఎస్‌పేటలో నాలుగు, సంగంలో ఆరు, సీతారామపురంలో ఐదు, దుత్తలూరులో మూడు, వరికుంటపాడులో రెండు, చేజర్లలో తొమ్మిది, ఉదయగిరి, ఆత్మకూరు, కోవూరు, అల్లూరు, నెల్లూరు రూరల్‌లో ఒక్కొక్కటి, బుచ్చిరెడ్డిపాళెంలో రెండు, కొడవలూరు, ఇందుకూరుపేటల్లో 10 నామినేషన్లు విత్‌ డ్రా చేయించారు. ఇక నామినేషన్లకు ముందే జిల్లా వ్యాప్తంగా 11 ఎంపీటీసీ స్థానాల్లో అభ్యర్థులను బెదిరించి కనీసం నామినేషన్లు కూడా వేయకుండా అడ్డుపడ్డారు.

తోటపల్లిగూడూరు: స్థానిక సంస్థల ఎన్నికల్లో గెలవలేక.. ఎలాగైనా అడ్డుకోవాలనే ఉద్దేశంతో నీచ రాజకీయాలకు సీఎం చంద్రబాబు తెరలేపారని వైఎస్సార్‌ కాంగ్రెస్‌ పార్టీ మహిళా విభాగ రాష్ట్ర వర్కింగ్‌ ప్రెసిడెంట్‌ కాకాణి పూజిత ఆరోపించారు. మండలంలోని బిట్‌ – 1లో మంగళవారం నిర్వహించిన ఎన్నికల ప్రచారంలో భాగంగా ఇంటింటికీ వెళ్లి కరపత్రాలను అందజేసి తమ పార్టీ అభ్యర్థులను గెలిపించాలని కోరారు. అనంతరం ఆమె మాట్లాడారు. ఎన్నికల్లో గెలవాలనే లక్ష్యంతో తమ పార్టీ అభ్యర్థులను భయభ్రాంతులకు గురిచేస్తున్నారని ధ్వజమెత్తారు. పార్టీని గెలిపించి టీడీపీ ప్రభుత్వానికి గట్టి బుద్ధి చెప్పాలని పిలుపునిచ్చారు. తోటపల్లిగూడూరు మండల జెడ్పీటీసీ అభ్యర్థి కుసుమాంబ, ఎంపీటీసీ అభ్యర్థి అన్నం భారతిని భారీ మెజార్టీతో గెలిపించాలని కోరారు. మండల కన్వీనర్‌ ఉప్పల శంకరయ్యగౌడ్‌, మాజీ జడ్పీటీసీ మన్నెం చిరంజీవిగౌడ్‌, మన్నెం సుబ్రహ్మణ్యంగౌడ్‌, శేషమ్మ, సంధ్యారాణి, అన్నం హరిప్రసాద్‌ తదితరులు పాల్గొన్నారు.

సంగం: మండలంలోని జెండాదిబ్బ ఎంపీటీసీ అభ్యర్థులుగా టీడీపీ నుంచి పువ్వాడి వేణుబాలు, జనసేన తరఫున అన్నం హేమలత నామినేషన్లేశారు. ఈ క్రమంలో తన మామ కోటయ్యస్వామితో కలిసి సంగం ఎంపీడీఓ కార్యాలయంలో ఆర్వోకు బీ ఫారాన్ని హేమలత అందజేస్తుండగా, టీడీపీకి చెందిన జెండాదిబ్బ నేతలు నరేష్‌నాయుడు, విజయకృష్ణారెడ్డితో పాటు మరికొందరొచ్చారు. ఆర్వో సమక్షంలోనే బీ ఫారాన్ని లాక్కున్నారు. అడ్డుకున్న కోటయ్యస్వామిపై దౌర్జన్యం చేసి దాడికి పాల్పడ్డారు. ఇంత జరుగుతున్నా ఆర్వో నిర్మలాదేవి, బందోబస్తులో ఉన్న పోలీసులు ప్రేక్షకపాత్రకే పరిమితమయ్యారు. తమకు జరిగిన అన్యాయంపై కార్యాలయ బయటున్న ఎస్సై భోజ్యానాయక్‌కు హేమలత, కోటయ్యస్వామి తెలియజేశారు. అయితే అంశాన్ని పార్టీ పెద్దలకు చెప్పుకోమని ఉచిత సలహా ఇచ్చారు. ఆపై జనసేన నియోజకవర్గ ఇన్‌చార్జి నలిశెట్టి శ్రీధర్‌ మరో బీ ఫారాన్ని తీసుకొచ్చి అభ్యర్థులను తీసుకెళ్లి ఆర్వోకు అందజేశారు.

నెల్లూరు(వేదాయపాళెం): సమగ్ర గిరిజనాభివృద్ధి సంస్థ (ఐటీడీఏ యానాదులు) పరిధిలో గిరిజన సంక్షేమం, అభివృద్ధి కార్యక్రమాల అమలుపై విమర్శలు వ్యక్తమవుతున్నాయి. ప్రాజెక్ట్‌ ఆఫీసర్‌ కె.శ్రీనివాసరావు ఏకపక్ష నిర్ణయాలు, వ్యవహారశైలితో గిరిజనుల సమస్యలు పరిష్కారానికి నోచుకోవడం లేదని సంఘాల నాయకులు ఆరోపిస్తున్నారు. ఐదు జిల్లాల పరిధిలోని గిరిజనులకు అందాల్సిన సంక్షేమ ఫలాలు సక్రమంగా అందడం లేదు. నెల్లూరు కొండాయపాళెం గేటు సమీపంలోని ఐటీడీఏ కార్యాలయం కేంద్రంగా తిరుపతి, చిత్తూరు, అన్నమయ్య, నెల్లూరు, కడప జిల్లాల్లో గిరిజనాభివృద్ధికి అవసరమైన చర్యలు చేపట్టాల్సి ఉంది. అయితే ఆయా జిల్లాల్లో మంత్రులు, వీఐపీల పర్యటనలు ఉన్నప్పుడే అధికారులు స్పందిస్తున్నారని, మిగిలిన సందర్భాల్లో గిరిజనుల సమస్యలను పట్టించుకోవడం లేదని ఆరోపణలున్నాయి. అందుబాటులో లేకుండా.. ప్రాజెక్ట్‌ ఆఫీసర్‌ నెలలో నాలుగైదు రోజులు కూడా ప్రధాన కార్యాలయంలో ప్రజలకు, సిబ్బందికి అందుబాటులో ఉండటం లేదనే ఆరోపణలున్నాయి. ఇతర జిల్లాల్లో పర్యటనలు, క్యాంపుల పేరుతో అలవెన్సులు, బిల్లులు సమర్పిస్తూ ప్రభుత్వ నిధులను విచ్చలవిడిగా వినియోగిస్తున్నారని గిరిజన సంఘాల నేతలు అంటున్నారు. శ్రీనివాసరావు బాధ్యతలు చేపట్టినప్పటి నుంచి గిరిజనులకు అందాల్సిన పలు పథకాల అమలులో నిర్లక్ష్యం చోటుచేసుకుంటోందని చెబుతున్నారు. గిరిజన మత్స్యకారులకు కనీస సదుపాయాల కల్పనలోనూ తగిన శ్రద్ధ చూపడం లేదని విమర్శిస్తున్నాయి. చేపల వేట లైసెన్సుల జారీలో జాప్యం సోమశిల జలాశయంలో చేపల వేట ద్వారా జీవనోపాధి పొందుతున్న గిరిజన మత్స్యకారులు లైసెన్సుల జారీలో జాప్యంతో ఇబ్బందులు ఎదుర్కొంటున్నారని సమాచారం. ఐటీడీఏ తరఫున అందాల్సిన లైసెన్సులు సకాలంలో జారీ కాకపోవడంతో, లీజుల పేరుతో వేలాది రూపాయల సెస్సు చెల్లించాల్సి వస్తోందని మత్స్యకారులు ఆవేదన వ్యక్తం చేస్తున్నారు. ఇంట్లో పని మనుషులుగా.. ప్రాజెక్ట్‌ ఆఫీసర్‌ ఇంట్లో వంట, శుభ్రత తదితర వ్యక్తిగత పనులకు గిరిజన మహిళలను వినియోగించుకుంటున్నారని సంఘాల నాయకు లు ఆరోపిస్తున్నారు. ఐటీడీఏ పరిధిలోని వివిధ కార్యాలయాల్లో కాంట్రాక్ట్‌ ఉద్యోగాలు ఇప్పిస్తామంటూ కొందరు గిరిజన నాయకుల ద్వారా మహిళలను సమీకరించి, వ్యక్తిగత అవసరాలకు వినియోగించుకుంటున్నారని కార్యాలయ సిబ్బంది చెబుతున్నారు. అలాగే ఆయన అప్పుడప్పుడు మాత్రమే కార్యాలయానికి వస్తున్నారని, సమావేశాల సమయంలో సిబ్బందితో ముఖ్యంగా మహిళా ఉద్యోగులతో అనుచితంగా మాట్లాడుతున్నారని అభియోగాలున్నాయి. చిన్నపాటి పొరపాట్లను సున్నితంగా తెలియజేయాల్సిన ఉన్నతాధికారి తన వ్యక్తిగత సమస్యలను, కోపాన్ని తమపై ప్రదర్శిస్తే చూస్తు ఊరుకోబోమని పలువురు మహిళా ఉద్యోగినులు బాహాటంగానే బదులిచ్చిన ఘటన ఇటీవల చోటుచేసుకున్నట్లు విశ్వసనీయ సమాచారం. కలెక్టర్‌కు సన్నిహితుడనే ప్రచారం కలెక్టర్‌కు అత్యంత సన్నిహితులైన అధికారుల్లో ఐటీడీఏ ప్రాజెక్ట్‌ ఆఫీసర్‌ కూడా ఒకరనే ప్రచారం జరుగుతోంది. అందువల్లే ఏకపక్ష నిర్ణయాలు, పరిపాలనా లోపాలపై ఆరోపణలు ఉన్నప్పటికీ చర్యలు కనిపించడం లేదని పలువురు విమర్శిస్తున్నారు. ఐదు జిల్లాల పరిధిలో గిరిజనుల సంక్షేమం, అభివృద్ధికి కీలకమైన ఐటీడీఏలో పరిపాలనపై వస్తున్న ఆరోపణలను ఉన్నతాధికారులు పరిశీలించాలని గిరిజన సంఘాలు, బాధిత వర్గాలు కోరుతున్నాయి. గురుకులం విషయంలో.. నెల్లూరు నగరంలోని పొదలకూరు రోడ్డులో ఉన్న గిరిజన బాలికల గురుకుల పాఠశాల వ్యవహారం వివాదాస్పదంగా మారింది. కలెక్టర్‌ సూచనల మేరకు గత నెల 5వ తేదీన ప్రిన్సిపల్‌ అయిన మహిళను ట్రైబల్‌ వెల్ఫేర్‌ కార్యదర్శికి సరెండర్‌ చేశారు. అయితే ఈనెల 9న ఆమె తిరిగి విధుల్లో చేరడం, ఇందుకు సంబంధించిన శాఖాపరమైన ఉత్తర్వులపై స్పష్టత లేకపోవడం చర్చకు దారితీసింది. ఇన్‌చార్జి ప్రిన్సిపల్‌ నుంచి స్టోర్‌రూమ్‌, కార్యాలయ తాళాలను బలవంతంగా తీసుకున్నారనే ఆరోపణలూ వ్యక్తమవుతున్నాయి. ఈ ఘటన జరిగి 20 రోజులు గడుస్తున్నా సంబంధిత ఉన్నతాధికారులు చర్యలు తీసుకోలేదని కొందరు సిబ్బంది పేర్కొంటున్నారు. అక్కడంతా ఏకపక్ష నిర్ణయాలే.. గిరిజన సంక్షేమంపై నిర్లక్ష్యం బాలికల గురుకులం వ్యవహారంలోనూ వివాదం నిరంకుశ ధోరణిలో ప్రాజెక్ట్‌ అఫీసర్‌

సాక్షి ప్రతినిధి, నెల్లూరు: జిల్లాలో స్థానిక సంస్థల ఎన్నికల ప్రక్రియను అధికార పార్టీకి అనుకూలం చేసేందుకు అన్ని వ్యవస్థలు దిగజారిపోయి ఊడిగం చేస్తున్నాయి. ఎన్నికల్లో పోటీ చేయడమనేది రాజ్యాంగం కల్పించిన హక్కులను అధికార యంత్రాంగం కాలరాస్తూ.. ఆ రాజ్యాంగమే తలదించుకునేలా వ్యవహరిస్తున్నారు. అధికార పార్టీ ఆదేశాలే శాసనాల్లా.. ప్రజాస్వామ్యంపై జులుం ప్రదర్శిస్తున్నారు. ఎన్నికల ప్రక్రియ ప్రారంభమైనప్పటి నుంచి వైఎస్సార్‌సీపీ అభ్యర్థులను బరిలోకి దిగనీయకుండా సామదానభేద దండోపాయాలను అనుసరిస్తున్నారు. అధికార పార్టీ నేతల దాడులను, పోలీసుల బెదిరింపులను, దాష్టీకాలను దాటుకుని నామినేషన్లు వేస్తే.. ఆ నామినేషన్లను రాజ్యాంగ స్ఫూర్తికి, న్యాయవ్యవస్థల ఆదేశాలకు విరుద్ధంగా తిరస్కరిస్తున్నారు. ఎన్నికల బరిలో ఉన్న వైఎస్సార్‌సీపీ అభ్యర్థులను తమ ఏకపక్ష నిర్ణయాలతో పోటీ నుంచి తప్పిస్తున్నారు. జిల్లాలో శనివారం జరిగిన నామినేషన్ల పరిశీలనలో కొందరు రిటర్నింగ్‌ అధికారులు అధికార పార్టీ కనుసన్నల్లో పని చేస్తూ సిల్లీ రీజన్స్‌తో వైఎస్సార్‌సీపీ అభ్యర్థుల నామినేషన్లను తిరస్కరణ చేయడంపై స్థానిక ఆర్డీఓకు అప్పీల్‌ చేసుకున్నా అక్కడ కూడా రాజకీయ ఒత్తిళ్లతో న్యాయం జరగలేదు. హియరింగ్‌ వినకుండానే రిజెక్ట్‌ నెల్లూరు రూరల్‌ మండలం పెనుబర్తిలో ఎంపీటీసీగా పోటీ చేసిన వాల్మీకి శ్యామల నామినేషన్లలో ఎన్నికల వ్యయ ఖర్చుల డిక్లరేషన్‌పై సంతకం లేదని స్క్రూటీనిలో రిజక్ట్‌ చేశారు. వాస్తవంగా ఆ సంతకం రిటర్నింగ్‌ అధికారి సమక్షంలోనే తీసుకోవాలి. కానీ రిటర్నింగ్‌ అధికారి ఉద్దేశ పూర్వకంగా అభ్యర్థి వద్ద సంతకం తీసుకోకుండానే నామినేషన్‌ తీసుకొని స్క్రూటీనిలో రిజక్ట్‌ చేశారు. ఆపై ఆమె నెల్లూరు ఆర్డీఓ అనూష వద్దకు అప్పీల్‌ చేసుకుంది. సోమ వారం మధ్యాహ్నం ఒంటి గంట సమయంలో హియరింగ్‌కు హాజరుకావాలని ఆర్డీఓ అభ్యర్థికి నోటీసిచ్చారు. దీంతో శ్యామల సోమవారం నెల్లూరు ఆర్డీఓ కార్యాలయానికి న్యాయవాది ఉమామహేశ్వరరెడ్డితో కలిసి మధ్యాహ్నం 12.30 గంటలకు వెళ్లింది. అర్ధగంట పాటు వేచి ఉన్నా.. ఆర్డీఓ తన కార్యాలయానికి రాకుండానే అప్పీల్‌పై హియరింగ్‌ వినకుండానే స్థానిక పోలీసుల ద్వారా అప్పీల్‌ను రిజెక్ట్‌ చేసినట్లుగా ఆర్డర్‌ కాపీ పంపిణీ చేయడంపై అభ్యర్థి మండిపడ్డారు. రాపూరు మండలానికి చెందిన మరో ఏడు నామినేషన్లు, నెల్లూరు రూరల్‌ మరో నామినేషన్‌ అప్పిల్‌ చేసుకోగా వారికి అదే విధంగా హియరింగ్‌ వినకుండా ఆర్డర్‌ కాపీ ఇవ్వడంపై అభ్యర్థి ఆందోళన వ్యక్తం చేశారు. ఎన్నికల వేళ నిష్పక్షపాతంగా వ్యవహరించాల్సిన ఉన్నతాధికారులే టీడీపీ నేతల ఒత్తిళ్లకు తలొగ్గి ఏకపక్ష నిర్ణయాలు తీసుకోవడంపై ఆగ్రహం వ్యక్తం చేశారు. నెల్లూరు ఆర్డీఓ ఏకపక్ష నిర్ణయం నామినేషన్ల తిరస్కరణపై అప్పీల్‌ చేసుకున్న అభ్యర్థులు ఆమె ఆఫీసుకు రాకుండానే హియరింగ్‌ వినకుండానే పోలీసుల ద్వారా ఆర్డర్‌ ఆర్డీఓ ఏకపక్ష నిర్ణయంపై హైకోర్టుకు వైఎస్సార్‌సీపీ అభ్యర్థులునెల్లూరు ఆర్డీఓ అనూష ఏకపక్ష నిర్ణయంపై వైఎస్సార్‌సీపీ లీగల్‌ టీం ఉమామహేశ్వరరావు, రోజారెడ్డి హైకోర్టులో లంచ్‌ మోషన్‌ పిటిషన్‌ దాఖలు చేస్తున్నట్లు తెలిపారు. సుప్రీంకోర్టు గైడ్‌ లైన్స్‌ ప్రకారం ఎన్నికల నామినేషన్‌లో ఏదైనా చిన్నపాటి తప్పులున్నా, ఒక వేళ డిక్లరేషన్‌ ఇవ్వకున్నా చెక్‌ లిస్ట్‌లో అవి రాసి మరుసటి రోజు సప్లయ్‌ చేయమని రిటర్నింగ్‌ అధికారి చెప్పాలని కోర్టు తీర్పులో ఉందన్నారు. ఆ గైడ్‌ లైన్స్‌ పట్టించుకోకుండానే రిటర్నింగ్‌ అధికారులు రిజెక్ట్‌ చేయడం దారుణమన్నారు. ఆర్డీఓకు అప్పీల్‌ చేసుకుంటే ఆమె రాకుండానే ఆర్డర్‌ కాపీ ఎలా జారీ చేస్తారని న్యాయవాదులు ప్రశ్నించారు. ఆర్డీఓ కార్యాలయం సీసీ ఫుటేజీ పరిశీలిస్తే ఆమె కార్యాలయంలో ఉన్నది లేనిది తెలుస్తుందని, కార్యాలయంలోకి రాకుండానే హియరింగ్‌ వినుకుండా ఆర్డర్‌ ఇవ్వడంపై న్యాయస్థానంలో తేల్చుకుంటామన్నారు.

● రామిరెడ్డి ప్రతాప్‌కుమార్‌రెడ్డి ఫైర్‌ కావలి: బోగోలు మండలం కోళ్లదిన్నెలో వైఎస్సార్‌సీపీ కార్యకర్తలపై కావలి తుమ్మలపెంట బస్టాండ్‌లో రాత్రివేళ ఆ గ్రామానికి చెందిన టీడీపీ నాయకులు, కార్యకర్తలు మారణాయుధాలతో దాడి చేసిన ఘటనలో పోలీసుల తీరు అన్యాయంగా ఉందని కావలి వైఎస్సార్‌సీపీ ఇన్‌చార్జి, మాజీ ఎమ్మెల్యే రామిరెడ్డి ప్రతాప్‌కుమార్‌రెడ్డి ఆగ్రహం వ్యక్తం చేశారు. కేవలం నామినేషన్‌ వేశారన్న నెపంతో ఇద్దరిపై దాడి చేసి, తలలు పగులగొట్టి చంపేందుకు ప్రయత్నిస్తే.. పోలీసులు దాడికి పాల్పడిన వారికి, బాధితులకు ఒకే సెక్షన్లు పెట్టి చేతులు దులుపుకొన్నారని మండిపడ్డారు. డీఎస్పీ వీవీ రమణకుమార్‌ను పట్టణంలో సోమవారం ప్రతాప్‌కుమార్‌రెడ్డి కలిసి దాడి జరిగిన తీరును వివరించారు. అధికార పార్టీకి చెందిన వారు సాగిస్తున్న రౌడీయిజాన్ని కూడా తెలియజేశారు. బాధితులకు న్యాయం చేయాలని కోరారు. అనంతరం రామిరెడ్డి మాట్లాడుతూ కూటమి ప్రభుత్వం అధికారంలోకి వచ్చిన అనంతరం ప్రసన్న అనే పచ్చపార్టీ కార్యకర్త ఆగడాలు శ్రుతిమించాయని ఆగ్రహం వ్యక్తం చేశారు. 75 ఏళ్ల వృద్ధుడని కూడా కనికరం లేకుండా తల పగులగొట్టి, ఒళ్లంతా కుళ్లపొడిచి పైశాచికత్వం ప్రదర్శిస్తున్నారన్నారు. గ్రామంలో రౌడీయిజమే పనిగా పెట్టుకుని ఆయన రెచ్చిపోతున్నారని పేర్కొన్నారు. అంతేకాకుండా మహిళలతో అనుచితంగా ప్రవర్తించడం, చివరకు ఇళ్ల ముంగిళ్లలో వేసుకున్న ముగ్గులను కూడా చెరిపేయడం వంటి చర్యలకు పాల్పడుతున్నారని మండిపడ్డారు. గతంలోనూ వైఎస్సార్‌సీపీ వారిపై అన్యాయంగా దాడులకు తెగబడ్డారన్నారు. బాధితులు ఏరియా వైద్యశాలలో చికిత్స పొందుతుండగా ఆస్పత్రిలోకి చొచ్చుకొచ్చి మరీ దాడికి పాల్పడ్డారని మండిపడ్డారు. దీని వెనుక ఎమ్మెల్యే ప్రోత్సాహం లేదా అని ప్రశ్నించారు. ఇలాంటివి ఎంతోకాలం సాగవని, ముందు ముందు వాటి పర్యవసానాలు చూస్తారని హెచ్చరించారు. ఇలాంటి దుశ్చర్యలపై పోలీసు ఉన్నతాధికారులు స్పందించి చర్యలు తీసుకుని న్యాయం చేయాలని కోరారు. ఇలాంటివి పునరావృతం కాకుండా గట్టి చర్యలు తీసుకోకపోతే వైఎస్సార్‌సీపీ క్యాడర్‌ అంతా డీఎస్పీ కార్యాలయం ముందు కూర్చోక తప్పదని స్పష్టం చేశారు.

● కలెక్టరేట్‌లో కంట్రోల్‌ రూమ్‌ ఏర్పాటు ● అప్రమత్తంగా ఉండాలని అధికారులకు ఆదేశాలునెల్లూరు(అర్బన్‌): బంగాళాఖాతంలో ఏర్పడిన వాయుగుండం తుఫాన్‌గా మారడంతో జిల్లాకు భారీ వర్షాల హెచ్చరిక జారీ అయింది. మంగళ, బుధవారాల్లో కోస్తాంధ్ర జిల్లాలతోపాటు నెల్లూరు జిల్లాలోనూ భారీ వర్షాలు కురిసే అవకాశం ఉందని తెలిపారు. తీరం దాటే సమయంలో బలమైన గాలులు వీచే ప్రమాదం ఉందని హెచ్చరించారు. ప్రభుత్వ ఆదేశాలతో కలెక్టర్‌ హిమాన్షు శుక్లా అప్రమత్తమయ్యారు. అధికారులతో ఫోన్‌లో మాట్లాడి, మూడురోజులపాటు అప్రమత్తంగా ఉండాలని ఆదేశించారు. భారీ వర్షాల నేపథ్యంలో ప్రజలకు ఇబ్బందులు కలగకుండా ముందస్తు చర్యలు చేపట్టాలని సూచించారు. లోతట్టు ప్రాంతాల ప్రజలను అవసరమైతే సురక్షిత ప్రాంతాలకు తరలించేందుకు సిద్ధంగా ఉండాలని ఆర్డీఓలకు తెలిపారు. మత్స్యకారులు సముద్రంలో చేపల వేటకు వెళ్లకుండా చూడాలని రెవెన్యూ, మత్స్యశాఖ, పోలీసు అధికారులను ఆదేశించారు. బీచ్‌లలో పర్యాటకుల ప్రవేశాన్ని నిలిపివేయాలని, ప్రజల నుంచి వచ్చే ఫిర్యాదులపై తక్షణమే స్పందించాలని సూచించారు. అత్యవసర సేవలకు ఆటంకం కలగకుండా సంబంధిత సిబ్బంది అందుబాటులో ఉండాలని ఆదేశించారు. ● భారీ వర్షాల వల్ల ప్రజలకు ఎలాంటి ఇబ్బందులు ఎదురైనా సమాచారం అందించేందుకు కలెక్టరేట్‌లో 24 గంటలూ పనిచేసేలా కంట్రోల్‌ రూమ్‌ ఏర్పాటు చేశారు. అత్యవసర పరిస్థితుల్లో ప్రజలు 0861 – 2331261, 79955 76699, 1077 నంబర్లకు ఫోన్‌ చేయాలని అధికారులు సూచించారు. ప్రజల నుంచి వచ్చే ఫిర్యాదులు, సమాచారాన్ని స్వీకరించి సంబంధిత శాఖల అధికారులతో సమన్వయం చేసేందుకు రెవెన్యూ సిబ్బందికి షిఫ్టుల వారీగా విధులు కేటాయించారు. ● తుఫాన్‌ ప్రభావంతో సముద్రం అల్లకల్లోలంగా మారింది. అలలు ఉవ్వెత్తున ఎగసిపడుతున్నాయి. కొత్తకోడూరు, మైపాడు, రామతీర్థం, తూపిలిపాళెం తదితర తీర ప్రాంతాల్లో సముద్రం 6 నుంచి 8 మీటర్ల మేర ముందుకు చొచ్చుకొచ్చింది. దీంతో మత్స్యకారులు తమ వలలు, పడవలను ఒడ్డుకు చేర్చుకున్నారు. ఆకాశం మేఘావృతమై చల్లటి గాలులు వీస్తున్నాయి. శైవక్షేత్రాలకు ఆర్టీసీ ప్రత్యేక బస్సులు నెల్లూరు సిటీ: ఆర్టీసీ డిపో–1లో శబరిమల, శైవక్షేత్రాలకు ప్రత్యేక ప్యాకేజీలతో బస్సులను ఏర్పాటు చేసినట్లుగా ప్రజారవాణా అధికారి షేక్‌ షమీమ్‌ తెలిపారు. నెల్లూరులోని ఆర్టీసీ బస్టాండ్‌లో ప్రత్యేక టికెట్‌ కౌంటర్‌ను సోమవారం ప్రారంభించారు. ఆమె మాట్లాడుతూ అమరావతిలోని అమరారామం, భీమవరంలోని సోమారామం, పాలకొల్లులోని క్షీరారామం, ద్రాక్షారామంలోని భీమేశ్వరాలయం, సామర్లకోటలోని కుమారారామం క్షేత్రాలకు బస్సులు నడుస్తాయన్నారు. నెల్లూరు మినీ బస్టాండ్‌ నుంచి నవంబర్‌ 14, 15, 21, 22, 23, 28, 29 తేదీలతోపాటు డిసెంబర్‌ 5, 6 తేదీల్లో ఉదయం 9 గంటలకు ప్రత్యేక బస్సులు బయలుదేరుతాయన్నారు. రిజర్వేషన్ల కోసం 99592 25653, 0861–2323333 ఫోన్‌ నంబర్లను సంప్రదించాలని కోరారు. శబరిమలకు ప్రత్యేక బస్సులు పెట్టామన్నారు. వెళ్లే దారిలో కాణిపాకం, భవానీ, ఎరిమేలి, పంబ వద్ద నిలుపుతామన్నారు. తిరిగి వచ్చే సమయంలో కుర్తాళం, మధురై, చైన్నె, మేళమరువత్తూర్‌లలో ఆగుతుందన్నారు. బస్సును బుక్‌ చేసుకుంటే ఏడుగురికి ఉచిత ప్రయాణం కల్పిస్తామన్నారు. నవంబర్‌ 16, 19, 20, 22, 26, 27, 29, డిసెంబర్‌ 3, 4, 6, 11, 12, 14, 16, 19, 20, 24, 25, 26, 28, 30, జనవరి 2, 9 బస్సులు అందుబాటులో ఉంటాయని వివరాలకు 99592 25653, 73829 26439 ఫోన్‌ నంబర్లను సంప్రదించాలని కోరారు.

● నూతన సంచాలకురాలు ప్రొఫెసర్‌ యద్దనపూడి రెడ్డి శ్యామల వెంకటాచలం: ప్రాచీన తెలుగు విశిష్ట అధ్యయన కేంద్రం మన భాషకు చిరునామా అని నూతన సంచాలకురాలు ప్రొఫెసర్‌ యద్దనపూడి రెడ్డి శ్యామల అన్నారు. మండలంలోని సరస్వతి నగర్‌ వద్ద ఉన్న కేంద్రంలో సోమవారం ఆమె బాధ్యతలు స్వీకరించారు. అనంతరం పూర్వ సంచాలకులు ప్రొఫెసర్‌ మాడభూషి సంపత్‌కుమార్‌ను ఘనంగా సన్మానించి వీడ్కోలు సభ నిర్వహించారు. ఈ సందర్భంగా భారతీయ భాషా సంస్థ సంచాలకులు ప్రొఫెసర్‌ బసవరాజ కొడగుంటి, ప్రాచీన భాషల సమన్వయకర్త డాక్టర్‌ ఎల్‌ఆర్‌ ప్రేమ్‌కుమార్‌ వెబ్‌ ద్వారా ఇరువురికి శుభాకాంక్షలు తెలిపారు. కార్యక్రమంలో ప్రముఖ సాహితీవేత్తలు గంగిశెట్టి శివకుమార్‌, చిన్ని నారాయణ రావు, గోవిందరాజుల సుభద్రాదేవి, బొగ్గరపు రాధాకృష్ణమూర్తి, తలారి మాలకొండయ్య, పద్మప్రియ, దివ్య, జయప్రకాష్‌ పాల్గొన్నారు. కండలేరులో నీటి నిల్వ రాపూరు: కండలేరు జలాశయంలో సోమవారం నాటికి 16.809 టీఎంసీల నీరు నిల్వ ఉన్నట్లు ఈఈ గజేంద్రరెడ్డి తెలిపారు. కండలేరు నుంచి సత్యసాయి గంగ కాలువకు 70, లోలెవల్‌ కాలువకు 10, పిన్నేరు కాలువకు 5, మొదటి బ్రాంచ్‌ కాలువకు 7 క్యూసెక్కుల నీటిని విడుదల చేస్తున్నట్లు వెల్లడించారు.

సీతారామపురం : స్థానిక ఎన్నికల్లో ఓటమి భయంతో టీడీపీ నాయకులు కుట్రలకు తెగబడుతున్నారు. మండల వైఎస్సార్‌సీపీ ఎంపీపీ అభ్యర్థి చింతంరెడ్డి లోకేష్‌రెడ్డిని ఎదుర్కోలేక ఆర్వోపై ఒత్తిడి తెచ్చి నామినేషన్‌ను తిరస్కరింపజేయడమే కాకుండా పోలీసుల ద్వారా అక్రమ కేసు బనాయించారు. మండలంలోని సింగారెడ్డిపల్లి ఎంపీటీసీ స్థానం నుంచి ఎంపీపీ అభ్యర్థి లోకేష్‌రెడ్డి నామినేషన్‌ దాఖలు చేశారు. ఆయనను తప్పుకోవాలని టీడీపీ నాయకులు ఎన్నో ఒత్తిళ్లకు గురిచేశారు. అయినా వెనకడుగు వేయకపోవడంతో టార్గెట్‌ చేశారు. ఆదివారం రాత్రి మండల పరిషత్‌ కార్యాలయం వద్ద నామినేషన్లను ఆమోదించిన ఎంపీటీసీ అభ్యర్థుల జాబితాను ప్రచురించారు. అందులో తను పేరును తొలగించారనే సమాచారంతో లోకేష్‌రెడ్డి ఎంపీడీఓ కార్యాలయం వద్దకు వచ్చారు. నోటీసు బోర్డులో తన పేరు ఉండడంతో వెనుదిరిగి వెళుతూ తనను అధికార కూటమి నాయకులు ఒత్తిళ్లకు గురిచేస్తూ నానా ఇబ్బందులు పెడుతున్నారని, పిన్నవయసులో రాజకీయాల్లోకి వచ్చిన తనను ఆదరించాలని ఓటర్లను కోరుతూ ఒక వీడియోను చిత్రీకరించారు. ఇదే అదునుగా భావించిన పలువురు కూటమి నాయకులు ఎంపీడీఓ కార్యాలయ అధికార యంత్రాంగంపై ఒత్తిడి తెచ్చి లోకేష్‌రెడ్డిపై పోలీసులకు తప్పుడు ఫిర్యాదు చేయించినట్టు సమాచారం. దీంతో పోలీసులు లోకేష్‌రెడ్డిని అరెస్ట్‌ చేసేందుకు రంగంలోకి దిగడంతో మండల వైఎస్సార్‌సీపీ శ్రేణులు సీతారామపురానికి చేరుకుని ఖండించారు. టీడీపీ నేతల ఒత్తిళ్లకు తలొగ్గి ఆర్వో తమ అభ్యర్థి పేరును జాబితాలో లేకుండా చేయడం ఎంతవరకు న్యాయమని ప్రశ్నించారు. కనీసం తిరస్కరణకు గల కారణాలను తెలుపకుండా ఉన్నతాధికారులతో మాట్లాడుకోవాలని పోలీసుల ద్వారా చెప్పించడం విడ్డూరంగా ఉందన్నారు. టీడీపీ నాయకులు ఓ పధకం ప్రకారం తమ అభ్యర్థి నామినేషన్‌ తిరస్కరింపజేశారని ఆందోళన వ్యక్తం చేశారు. కుట్రపూరితంగా నామినేషన్‌ తిరస్కరణపై కలెక్టర్‌ను కలిసి ఫిర్యాదు చేస్తామని తెలిపారు. కాగా ఉదయగిరి సీఐ అంకమ్మరావు ఘటనా స్థలానికి చేరుకుని ఎన్నికల కోడ్‌ అమల్లో ఉన్నందున నిరసనలు చేపట్టకూడ దనడంతో వైఎస్సార్‌సీపీ శ్రేణులు వెనుదిరిగాయి. లోకేష్‌రెడ్డిపై అక్రమ కేసు తగదు వైఎస్సార్‌సీపీ ఎంపీపీ అభ్యర్థి చింతంరెడ్డి లోకేష్‌రెడ్డిపై కుట్రపూరితంగా అక్రమ కేసు బనాయించడాన్ని ఉదయగిరి సమన్వయకర్త మేకపాటి రాజగోపాల్‌రెడ్డి, యువ నాయకుడు అభినవ్‌రెడ్డి ఖండించారు. సోమవారం వారు అక్రమ కేసు నమోదుపై ఎస్సై వెంకట రాజేష్‌ను ఆరా తీశారు. అధికార కూటమి నాయకుల ఒత్తిళ్లకు తలొగ్గి ఆర్వో తొలుత ఆమోదించిన లోకేష్‌రెడ్డి నామినేషన్‌ను ఉద్దేశపూర్వకంగా తిరస్కరించడమే కాకుండా, అతనిపై కేసు నమోదుకు అధికారులు ఫిర్యాదు చేయడం విడ్డూరంగా ఉందన్నారు. ఈ వ్యవహారం వెనుక ఏదో కుట్ర జరిగిందని అర్ధమవుతోందన్నారు. ప్రత్యక్షంగా ఎన్నికల్లో తమ అభ్యర్థిని ఎదుర్కొనే ధైర్యం లేకనే టీడీపీ నాయకులు ఓ పధకం ప్రకారం పేరు తొలగించారని ఆరోపించారు. కుట్రపూరితంగా అక్రమ కేసు బనాయించారని, ఇలాంటి దుశ్చర్యకు పాల్పడిన అధికార యంత్రాంగం తగిన మూల్యం చెల్లించుకోక తప్పదని హెచ్చరించారు. వైఎస్సార్‌సీపీ ఎంపీపీ అభ్యర్థి నామినేషన్‌ తిరస్కరణ తొలుత ఆమోదించినట్లు నోటీసు బోర్డులో పేరు ప్రచురణ ఆ తరువాత టీడీపీ నేతల ఒత్తిడితో తొలగించిన ఆర్వో పోలీసులతో అక్రమ కేసు బనాయింపు ఖండించిన మేకపాటి రాజగోపాల్‌రెడ్డి

● టీడీపీకి అనుకూలంగా పోలీసుల వ్యవహార శైలి ● అట్ల శ్రీనివాసులురెడ్డిపై ఎకై ్సజ్‌ కేసు గూడూరురూరల్‌: స్థానిక సంస్థల ఎన్నికల్లో అధికార పార్టీకి లబ్ధి చేకూర్చేందుకు పోలీస్‌ యంత్రాంగం వైఎస్సార్‌సీపీ వర్గీయులపై రెడ్‌బుక్‌ రాజ్యాంగం అమలు చేస్తోంది. ఎన్నికల బరిలో నిలిచిన ఆ పార్టీ అభ్యర్థులను లొంగదీసుకునేందుకు పోలీసులు అడ్డదారులు తొక్కుతున్నారు. గూడూరు మండలంలో 8 ఎంపీటీసీ స్థానాలు ఉన్నాయి. సంతదాసుపల్లి సెగ్మెంట్‌ వైఎస్సార్‌సీపీ ఎంపీటీసీ అభ్యర్థిగా పోటీ చేస్తున్న రామలింగాపురం మాజీ సర్పంచ్‌ అట్ల సంపూర్ణమ్మను ఎంపీపీ అభ్యర్థిగా ప్రకటించారు. అయితే ఇది మింగుడుపడని టీడీపీ నాయకులు ఎలాగైనా ఆమెను పోటీ చేయనీయకుండా కుయుక్తులు పన్ని అనేక రకాలుగా ఇబ్బందులకు గురి చేసేందుకు ప్రయత్నించారు. చివరకు ఆదివారం అర్ధరాత్రి రామలింగాపురంలోని అట్ల శ్రీనివాసులురెడ్డి నివాసానికి పోలీసులు, రెవెన్యూ అధికారులు ప్రవేశించి అక్రమంగా మద్యం బాటిళ్లు ఉన్నట్లు వీరంగం సృష్టించారు. ఈ క్రమంలో ఇంట్లో నిద్రిస్తున్న మహిళలను పిలిచి మద్యం బాటిళ్లు ఉన్నాయని, ఇంటి యజమానిపై కేసు నమోదు చేస్తున్నట్లు చెప్పారు. అయితే అంతకు ముందుగానే మహిళలతో పోలీసులు ఇంట్లో సీసీ కెమెరాలు ఏర్పాటు చేసుకున్నారా.. లేదా అని ఆరా తీశారు. సీసీ కెమెరాలు లేవని చెప్పడంతో పోలీసులు వారి కార్యక్రమాన్ని పూర్తి చేశారు. దీంతో అనుమానం వచ్చిన మహిళలు ఆగ్రహం వ్యక్తం చేస్తూ మద్యం బాటిళ్లు మీరే తీసుకొచ్చిపెట్టి, మీరే వీడియో తీసుకుని, ఇంట్లో నిద్రిస్తున్న మమ్మల్ని లేపి ఇందుకు సాక్షులుగా ఉపయోగించుకుంటారా? అంటూ ప్రశ్నించారు. కుటుంబ సభ్యులు పోలీసులు చేస్తున్న రెక్కీని వీడియో తీసేందుకు ప్రయత్నిస్తే పోలీసులు సెల్‌ఫోన్లు లాక్కునే ప్రయత్నం చేశారు. అనంతరం పోలీసులు సంపూర్ణమ్మ భర్త అట్ల శ్రీనివాసులురెడ్డిపై ఎకై ్సజ్‌ కేసు నమోదు చేసినట్లు తెలిపారు. సునీల్‌ రాజ్యాంగం నడుస్తోంది సమన్వయకర్త బూదూరు గురవయ్య గూడూరు నియోజకవర్గంలో డాక్టర్‌ బీఆర్‌ అంబేడ్కర్‌ రాజ్యాంగం బదులు రెడ్‌బుక్‌ రాజ్యాంగం పేరుతో పాశిం సునీల్‌కుమార్‌ రాజ్యాంగం నడుస్తోందని వైఎస్సార్‌సీపీ గూడూరు నియోజకవర్గ సమన్వయకర్త బూదూరు గురవయ్య ఆగ్రహం వ్యక్తం చేశారు. ఆదివారం అర్థరాత్రి రామలింగాపురంలో పోలీసులు చేసిన దుశ్చర్యలు తెలుసుకున్న గురవయ్య వెంటనే అట్ల శ్రీనివాసులురెడ్డి ఇంటికి చేరుకుని జరిగిన ఘటనపై ఆరా తీశారు. గురవయ్య మాట్లాడుతూ అధికార పార్టీ నాయకులు కొంత మంది వ్యక్తులతో మద్యం బాటిళ్లను పెట్టించి కేసులు పెట్టించాలని చూశారన్నారు. ఆ ప్రాంతంలో చుట్టు పక్కల వారు గమనించి పట్టుకుని నిలదీయడంతో అక్కడ కాపు కాచి ఉన్న పోలీసులు, రెవెన్యూ అధికారి ఏమీ తెలియని అమాయకులుగా పరారయ్యారన్నారు.

● అస్వస్థతకు గురైన వైఎస్సార్‌సీపీ ఎంపీటీసీ అభ్యర్థి చేజర్ల: స్థానిక సంస్థ ఎన్నికల నామినేషన్‌ను ఆర్వో ఏకపక్షంగా తిరస్కరించడంతో మడపల్లి ఎంపీటీసీ స్థానానికి వైఎస్సార్‌సీపీ తరఫున నామినేషన్‌ దాఖలు చేసిన పూనూరు బాలగంగాధర్‌రెడ్డి తీవ్ర మనస్థాపం చెంది అస్వస్థతకు గురయ్యారు. గత ఎంపీటీసీ ఎన్నికల్లో గంగాధర్‌రెడ్డి సతీమణి పూనూరు భారతి ఏకగ్రీవంగా ఎన్నికయ్యారు. ప్రస్తుతం అన్‌రిజర్వుడ్‌ జనరల్‌కు రావడంతో వైఎస్సార్‌సీపీ తరఫున గంగాధర్‌రెడ్డి నామినేషన్‌ వేశారు. మంత్రి ఆనం ఆదేశాలతో అధికారులు ఏకపక్షంగా నామినేషన్లను తిరస్కరించారు. ఆదివారం ఆర్డీఓకు అప్పీలు చేసినా తిరస్కరించడంతో గంగాధర్‌రెడ్డి జీర్ణించుకోలేక మనస్థాపానికి గురయ్యారు. ఈ క్రమంలో సోమవారం సాయంత్రం తీవ్ర అస్వస్థతకు గురవగా కుటుంబ సభ్యులు నెల్లూరులోని ఓ ప్రైవేట్‌ వైద్యశాలకు తరలించారు. 7.7 కేజీల గంజాయి స్వాధీనం కావలి: కావలి రైల్వే స్టేషన్‌లో సోమవారం ఎర్నాకులం ఎక్స్‌ప్రెస్‌ నుంచి గంజాయి ప్యాకెట్లను స్వాధీనం చేసుకున్నట్లు రైల్వే పోలీసులు తెలిపారు. రైల్లో తనిఖీలు నిర్వహిస్తున్న క్రమంలో రెండు బ్యాగుల్లో 15 ప్యాకెట్ల(7.7 కేజీల) గంజాయిని గుర్తించినట్లు చెప్పారు. వాటి విలువ సుమారు 3.5 లక్షల వరకు ఉంటుందని పేర్కొన్నారు. ఈ తనిఖీల్లో నెల్లూరు రైల్వే సీఐ ఏ సుధాకర్‌, కావలి, చీరాల ఎస్సైలు కొండయ్య, కే వెంకట్‌రావు, సిబ్బంది పాల్గ్గొన్నారు.

తోటపల్లిగూడూరు/ముత్తుకూరు(పొదలకూరు): సర్వేపల్లిలో తెలుగుదేశంపై వ్యతిరేకతతో వైఎస్సార్‌సీపీలోకి వలసలు వెల్లువెత్తుతున్నట్టుగా మాజీ మంత్రి, పార్టీ జిల్లా అధ్యక్షుడు కాకాణి గోవర్ధన్‌రెడ్డి అన్నారు. స్థానిక సంస్థల ఎన్నికలు ముగిసే నాటికి టీడీపీ ఖాళీ అయ్యే పరిస్థితులు కనిపిస్తున్నాయని పేర్కొన్నారు. నెల్లూరులోని కాకాణి నివాసంలో ఆదివారం రాత్రి, సోమవారం ముత్తుకూరు, తోటపల్లిగూడూరు మండలాలకు చెందిన టీడీపీ నాయకులు, కార్యకర్తలు పెద్ద ఎత్తున వైఎస్సార్‌సీపీలో చేరారు. ఈ సందర్భంగా గోవర్ధన్‌రెడ్డి మాట్లాడుతూ ముత్తుకూరు మండలం నారికేళ్లపల్లి పంచాయతీ సుబ్బారెడ్డిపాళెం, ఎస్సీ కాలనీకి చెందిన 50 కుటుంబాలు, తోటపల్లిగూడూరు మండలం వెంకన్నపాళెం గ్రామానికి చెందిన 30 కుటుంబాలు టీడీపీని వీడి వైఎస్సార్‌సీపీలో చేరినట్టు చెప్పారు. నారికేళ్లపల్లి పంచాయతీకి చెందిన కాటంరెడ్డి వసంతకుమార్‌రెడ్డి ఆధ్వర్యంలో ఆలపాక మురళి, అత్తిపాటి శ్రీనివాసులు, తాండ్ర రాంబాబు, ఆలపాక వెంకటరమణమ్మ, దద్దోలు కిషోర్‌బాబు, బల్లెం కోదండయ్య, కొండాపురం పెదపుట్టయ్య, తాడిపర్తి వేణు, కొండాపురం చినపుట్టయ్య, ఆమలూరు దివాకర్‌, కమ్మంపాటి చిన పెంచలయ్య, కొండాపురం నవీన్‌, ఆమలూరు సుబ్రహ్మణ్యం, తాటిపర్తి భారత్‌ ఉన్నట్టు తెలిపారు. వెంకన్నపాళెం గ్రామం నుంచి గడ్డం శేషయ్య, పాముల చంద్రశేఖర్‌, బల్లెం సుధాకర్‌, బొమిడి సుమన్‌, బల్లెం పవన్‌, చింత సురేంద్ర, పి.కృష్ణ, గడ్డం రాజా, బొమిడి సుభాష్‌, ఆకాష్‌, పుచ్చలపల్లి సిద్దు, బల్లెం పోలయ్య, దుడ్డి రంగయ్య, బోయిన పోలయ్య, గడ్డం సుబ్బరాయులు వైఎస్సార్‌సీపీలో చేరిన వారిలో ఉన్నట్టు వెల్లడించారు. సర్వేపల్లి నియోజకవర్గంలో టీడీపీ రోజురోజుకూ బలహీనపడుతోందన్నారు. సోమి రెడ్డి నిర్లక్ష్యానికి గురైన నాయకులు తమ పార్టీలో చేరుతున్నట్టు పేర్కొన్నారు. సోమిరెడ్డి వ్యవహారశైలి వల్ల పార్టీకి చెడ్డపేరు వస్తున్నట్టు స్వయంగా టీడీపీ నాయకులు వెల్లడిస్తున్నట్టు చెప్పారు. మాజీమంత్రి కాకాణి గోవర్ధన్‌రెడ్డి

● వేర్వేరు చోట్ల ఇద్దరి మృతి బైక్‌ వాటర్‌ సర్వీస్‌ చేస్తుండగా.. పొదలకూరు: పట్టణంలోని టైలర్స్‌ కాలనీలో ఉన్న యమహా షోరూమ్‌లో సోమవారం విద్యుదాఘాతానికి గురై ఓ మెకానిక్‌ మృతిచెందాడు. స్థానికులు, పోలీసుల కథనం మేరకు.. నెల్లూరులోని డైకస్‌ రోడ్డుకు చెందిన ఎస్‌కే మొహిద్దీన్‌ (28) పొదలకూరులోని యమహా షోరూమ్‌లో మెకానిక్‌గా పనిచేస్తున్నాడు. రోజూ నెల్లూరు నుంచి వచ్చి విధులు నిర్వహించి తిరిగి వెళ్లేవాడు. ఈ క్రమంలో సోమవారం ఉదయం షోరూమ్‌కు వచ్చిన మొహిద్దీన్‌ బైక్‌కు వాటర్‌ సర్వీస్‌ చేసేందుకు గన్‌తో నీరు పడుతుండగా విద్యుత్‌ సరఫరా జరిగి అక్కడికక్కడే మృతిచెందాడు. మృతుడికి భార్య, ముగ్గురు పిల్లలున్నారు. సమాచారం అందుకున్న కుటుంబ సభ్యులు ఘటనా స్థలానికి చేరుకుని కన్నీరుమున్నీరయ్యారు. సమాచారం తెలుసుకున్న ఎస్సై ఎం.శివరాకేష్‌ ఘటనా స్థలంలో ప్రాథమిక వివరాలు సేకరించి కేసు నమోదు చేశారు. మృతదేహాన్ని పోస్టుమార్టం నిమిత్తం నెల్లూరు జీజీహెచ్‌కు తరలించారు. వేపినాపిలో షిఫ్ట్‌ ఆపరేటర్‌ రాపూరు: మండలంలోని వేపినాపిలో సోమవారం విద్యుదాఘాతానికి గురై కాంట్రాక్ట్‌ షిఫ్ట్‌ ఆపరేటర్‌ రవీంద్ర (35) మృతిచెందాడు. గ్రామస్తుల కథనం మేరకు.. గ్రామంలో స్తంభాలకు రవీంద్ర విద్యుత్‌ లైట్లు బిగిస్తుండగా షాక్‌కు గురై కిందపడి చనిపోయాడు. అతనికి భార్య, ముగ్గురు పిల్లలున్నారు. సమాచారం అందుకున్న పోలీసులు ఘటనా స్థలాన్ని పరిశీలించారు. కేసు నమోదు చేశారు.

● మండుతున్న నిత్యావసరాలు ● ౖపైపెకి ఎగబాకుతున్న బియ్యం ధరలు ● కిలో రూ.88కు చేరిన సన్నబియ్యం ● నెలరోజుల్లోనే కిలోపై రూ.20 మేర పెరుగుదల ● పప్పులది అదే పరిస్థితి ● కోయకుండానే కన్నీరు తెప్పిస్తున్న ఉల్లిపాయలు ● కొనకుండానే ఉడుకుతున్న కూరగాయలు నెల్లూరు(పొగతోట): కూటమి ప్రభుత్వం సామాన్యులకు చుక్కలు చూపిస్తోంది. నిత్యావసరాల ధరలను కట్టడి చేయకుండా పెనుభారం మోపుతోంది. బహిరంగ మార్కెట్లో నిత్యావసరాల ధరలు రోజురోజుకు పెరిగిపోతున్నాయి. బియ్యం, పప్పుల ధరలు ౖపైపెకి ఎగబాకుతున్నాయి. కూరగాయల ధరలు మండిపోతున్నాయి. ఉల్లిపాయలు కోయకుండానే కన్నీరు తెప్పిస్తున్నాయి. పెరిగిన ధరలను చూసి మింగను మెతుకూ కష్టమవుతోందని సామాన్యులు వాపోతున్నారు. కొండెక్కిన పప్పులు జిల్లాలో నాలుగు రెవెన్యూ డివిజన్లు ఉన్నాయి. 36 మండలాలు ఉన్నాయి. జిల్లా వ్యాప్తంగా 6.29 లక్షల గృహాలు ఉన్నాయి. 24.16 లక్షల మంది ప్రజలు జీవిస్తున్నారు. పేద, మధ్యతరగతి కుటుంబాలు లక్షల సంఖ్యలో ఉన్నాయి. నెల్లూరు స్టోన్‌హౌస్‌పేట కేంద్రంగా జిల్లా వ్యాప్తంగా నిత్యావసర సరుకులు సరఫరా అవుతున్నాయి. కావలి, గూడూరు ప్రాంతాల నుంచి చుట్టుపక్కల గ్రామాలకు సరుకుల రవాణా చేస్తున్నారు. స్టోన్‌హౌస్‌పేటలో సుమారు వేయికిపైగా నిత్యావసర సరుకుల హోల్‌సేల్‌, రిటైల్‌ దుకాణాలు ఉన్నాయి.గతంలో ఎన్నడూ లేనివిధంగా నిత్యావసర సరుకుల ధరలు ఆకాశాన్నంటుతున్నాయి. ప్రస్తుతం కందిపప్పు కేజీ రూ.150 నుంచి రూ.170 వరకు విక్రయిస్తున్నారు. మినపప్పు కేజీ రూ 120 నుంచి 130, పల్లీలు కేజీ రూ.180, చింతపండు కేజీ రూ.240లకు అమ్ముతున్నారు. పంచదార ధరలు సైతం విపరీతంగా పెరిగాయి. గత రెండు నెలల కిందట వరకు కేజీ రూ.37 నుంచి రూ.45 వరకు ఉండేది. ప్రస్తుతం కేజీ రూ.50 నుంచి రూ.70 వరకు విక్రయిస్తున్నారు. పాలు, పంచదార, టీ, కాఫీ పొడుల ధరలు పెరగడంతో టీ, కాఫీ సెంటర్లలో ధరలను సైతం పెంచారు. గతంలో టీ రూ.10 ఉండగా ప్రస్తుతం రూ.15కు పెంచారు. బియ్యం ధరలకు రెక్కలు బియ్యం ధరలు రోజురోజుకు పెరిగిపోతుండడంతో ప్రజలు ఆందోళన చెందుతున్నారు. నిత్యావసర వస్తువుల్లో బియ్యం అత్యంత కీలకం. వాటి ధరల పెరుగుదల నేరుగా కుటుంబాల నెలవారీ బడ్జెట్‌పై ప్రభావం చూపుతోంది. గత నెలలో సన్నబియ్యం 25కిలోల బస్తా ధర రూ.1700 ఉండగా, ప్రస్తుతం రూ.2,200కు చేరింది. నెలరోజుల వ్యవధిలోనే బస్తాపై రూ.500 మేర ధర పెరిగింది. దీంతో సామాన్య ప్రజలు సన్న బియ్యం కొనుగోలుకే అధిక మొత్తాన్ని వెచ్చించాల్సిన పరిస్థితి నెలకొంది. హోటళ్లలో భోజనం ధరల పెంపు నిత్యావసరాలు, కూరగాయల ధరల పెరుగుదలతో హోటళ్లలో భోజనం, అల్పాహార ధరలను పెంచారు. గతంలో నగరంలోని ఓ ప్రముఖ హోటల్‌లో రూ.90 ఉండే ప్లేట్‌ భోజనం ప్రస్తుతం రూ.110కు పెంచారు. తోపుడు బండ్లపై రూ.5 ఉండే దోశను ప్రస్తుతం రూ.10 చేశారు. గత వైఎస్సార్‌సీపీ ప్రభుత్వంలో.. గత వైఎస్సార్‌సీపీ ప్రభుత్వంలో చిన్న కుటుంబం జీవించడానికి నెలకు నిత్యావసర సరుకులకు రూ.5వేలు వరకు ఖర్చు చేసే వారు. ప్రస్తుత కూటమి పాలనలో పెరిగిన ధరలతో నెలకు రూ 8 వేలకుపైగా ఖర్చు చేయాల్సిన పరిస్థితి నెలకొంది. రెండేళ్ల క్రితం 25 కేజీల బియ్యం బస్తా ధర రూ.1200 నుంచి రూ.1300 వరకు ఉండగా, ప్రస్తుత కూటమి ప్రభుత్వంలో రూ.2,200కు విక్రయిస్తున్నారు. ఇలా కందిపప్పు, మినపప్పు, తదితర నిత్యావసరాల ధరలు భారీగా పెరిగాయి. ప్రస్తుతం ఉల్లిపాయలు సైతం కేజీ రూ.60 నుంచి రూ.70కు విక్రయిస్తున్నారు. కూరగాయల ధరలు అదే విధంగా మండిపోతున్నాయి. ఏ రకం పట్టుకున్న కేజీ రూ.50 నుంచి రూ.60 వరకు పలుకుతున్నాయి. బియ్యం, నిత్యావసర సరుకుల, కూరగాయల ధరలు విపరీతంగా పెరగడంతో పేద, మధ్యతరగతి కుటుంబాలు అల్లాడిపోతున్నాయి. రైతుబజార్లలో ప్రత్యేక కేంద్రాల ఏర్పాటు బహిరంగ మార్కెట్లో బియ్యం ధరలు నియంత్రించేలా చర్యలు చేపడుతున్నాం. రైతు బజార్లల్లో ప్రత్యేక బియ్యం విక్రయ కేంద్రాలు ఏర్పాటు చేశాం. నాణ్యమైన బియ్యం తక్కువ ధరకే ప్రజలకు అందుబాటులో ఉండేలా చర్యలు తీసుకున్నాం. ప్రత్యేక కౌంటర్ల ద్వారా ఇప్పటి వరకు 35 టన్నుల బియ్యం విక్రయించాం. ఉదయం 10 గంటల నుంచి సాయంత్రం వరకు ప్రత్యేక బియ్యం విక్రయ కేంద్రాలు ప్రజలకు అందుబాటులో ఉంటాయి. –పుల్లయ్య, డీఎస్‌ఓ

సాక్షి టాస్క్‌ఫోర్స్‌: స్థానిక సంస్థల పరిషత్‌ ఎన్నికల్లో గెలుపొందేందుకు అధికార పార్టీ అడ్డదారులు తొక్కుతోంది. ఎన్నికల బరిలో ఓ అధికారి సతీమణిని నిలబెట్టి.. ఆమె గెలుపునకు అడ్డుగా ఉన్న వైఎస్సార్‌సీపీ అభ్యర్థిని లక్ష్యంగా చేసుకుని వ్యవస్థలతో కలిసి అక్రమ కేసులు బనాయించడం అధికార దుర్వినియోగానికి పరాకాష్టగా నిలుస్తోంది. అధికార పార్టీకి క్షేత్రస్థాయిలోకి వెళ్లి ఓట్లు అడిగే దమ్ము, ధైర్యం సన్నగిల్లడంతో ప్రతిపక్ష పార్టీలను ఎన్నికల బరిలోకి దిగనీయకుండా అడ్డదారుల్లో ఏకగ్రీవం చేసుకునేందుకు పడరాని పాట్లు పడుతోంది. జిల్లాలో గూడూరు నియోజకవర్గంలో ఈ దాష్టీకం తీవ్రరూపం దాల్చింది. ఇప్పటి వరకు పోలీస్‌ వ్యవస్థే అధికార పార్టీకి ఊడిగం చేస్తుంటే.. తాజాగా ఓ అధికారి తన భార్యను ఎన్నికల బరిలో నిలబెట్టి గెలిపించుకునేందుకు ఏకంగా రెవెన్యూ వ్యవస్థను సైతం తాకట్టు పెట్టారు. గూడూరు నియోజకవర్గం చిట్టమూరు మండలంలో వైఎస్సార్‌సీపీ మండలాధ్యక్షుడు సన్నారెడ్డి శ్రీనివాసులురెడ్డి అరెస్ట్‌ కుట్రల వెనక మూడు వ్యవస్థలు కలిసి పనిచేసినట్లు తెలుస్తోంది. శ్రీనివాసులురెడ్డి తల్లి సన్నారెడ్డి విజయలక్ష్మి వైఎస్సార్‌సీపీ చిట్టమూరు జెడ్పీటీసీ అభ్యర్థి గా ఎన్నికల బరిలో ఉన్నారు. టీడీపీ అభ్యర్థిగా చిల్లకూరు మండల తహసీల్దార్‌ సతీమణి పెళ్లూరు సౌజన్య బరిలోకి దిగారు. అయితే ఇక్కడ వైఎస్సార్‌సీపీ విజయావకాశాలు మెండుగా ఉన్నాయి. కూట మి ప్రభుత్వం అధికారం చేపట్టిన తర్వాత చిట్టమూరు మండలంలో జరుగుతున్న దోపిడీలు, దౌర్జన్యాలు మితిమీరడంతో ప్రజలు విసిగిపోయి ఉన్నారు. ఈ నేపథ్యంలో ఎన్నికల్లో టీడీపీ అభ్యర్థిని ఘోరంగా ఓడిస్తారనే ప్రచారం స్థానికంగా ఊపందుకుంది. ఈ క్రమంలో ప్రత్యర్థులను బరిలోనే లేకుండా చేసేందుకు ఏకంగా స్థానిక ఎమ్మెల్యే సూచనలు మేరకు స్థానిక నాయకులు, పోలీస్‌, రెవెన్యూ అధికారులతో కలిసి ప్రతిపక్ష పార్టీని టార్గెట్‌ చేశారు. టీడీపీ తరఫున ఎన్నికల బరిలో నిలిచిన పెళ్లూరు సౌజన్య భర్త చిల్లకూరు తహసీల్దార్‌ కావడం, ఆయన తిరుపతి జిల్లా రెవెన్యూ అసోసియేషన్‌లో కీలక నేతగా చెలామణి అవుతుండడంతో ఆమెను గెలిపించేందుకు రెవెన్యూ అసోసియేషన్‌ ద్వారా వైఎస్సార్‌సీపీ అభ్యర్థి కుమారుడిని టారె్‌గ్‌ట్‌ చేసే విధంగా పోలీస్‌లపై ఒత్తిడి తెచ్చారని స్థానికంగా ప్రచారం జరుగుతోంది. ఈ క్రమంలో పంచాయతీ వార్డు సభ్యుడిగా పోటీ చేయాలనుకునే పోలయ్యతో ఫిర్యాదు చేయించి సన్నారెడ్డి శ్రీనివాసులురెడ్డిపై అక్రమ కేసును బనాయించారు. అధికార పార్టీ నేతల ఒత్తిడితో పోలీసులు శ్రీనివాసులురెడ్డిపై హత్యాయత్నం కేసు నమోదు చేసి రిమాండ్‌కు పంపారు. ఇదిలా ఉండగా ఎన్నికల్లో వైఎస్సార్‌సీపీలో చురుగ్గా ఉండే నాయకులను లక్ష్యంగా చేసుకుని తప్పుడు ఫిర్యాదులు చేయించి అరెస్ట్‌ చేసేందుకు రంగం సిద్ధం చేస్తున్నట్లు విశ్వసనీయవర్గాల సమాచారం. చిట్టమూరు టీడీపీ జెడ్పీటీసీ అభ్యర్థిగా తహసీల్దార్‌ సతీమణి పోటీ ఆమె గెలుపునకు అడ్డుగా ఉన్న వైఎస్సార్‌సీపీ అభ్యర్థి వ్యవస్థల అండతోనే అక్రమ కేసులు

● ఎన్నికల ప్రచారంలో వైఎస్సార్‌సీపీ నేతలు నెల్లూరురూరల్‌: కూటమి నేతలు నెల్లూరు కార్పొరేషన్‌లో విచ్చలవిడిగా దోపిడీకి పాల్పడుతున్నారని వైఎస్సార్‌సీపీ నేతలు అన్నారు. ఆదివారం 21వ డివిజన్‌లో ఎన్నికల ప్రచారం జరిగింది. ఈ సందర్భంగా నగర భద్రత, శుభ్రత మన విజయన్న బాధ్యత పోస్టరను ఎమ్మెల్సీ పర్వతరెడ్డి చంద్రశేఖర్‌రెడ్డి, ఎన్నికల పరిశీలకుడు జూపూడి ప్రభాకర్‌రావు ఆధ్వర్యంలో విడుదల చేశారు. ఈ సందర్భంగా నేతలు మాట్లాడుతూ నగరంలో టీడీపీ నేతలు పేద ప్రజలను ఇబ్బందులు పెడుతున్నారన్నారు. ఇంటి పన్నులు అమాంతంగా పెంచి ముక్కు పిండి వసూలు చేస్తున్నారన్నారు. కార్పొరేషన్‌లో జరుగుతున్న దౌర్జన్యాలుకు అంతే లేకుండా పోయాయన్నారు. వీటిని అరికట్టి నగరవాసులకు మంచి పరిపాలన అందించేందుకు మేయర్‌ అభ్యర్థిగా ఆనం విజయకుమార్‌రెడ్డిని గెలిపించాలని కోరారు. ఆనం మాట్లాడుతూ తనకు అవకాశమిస్తే నగర భద్రత, శుభ్రతకు బాధ్యత తీసుకుంటానని తెలిపారు.

● కావలి మాజీ ఎమ్మెల్యే ప్రతాప్‌కుమార్‌రెడ్డి ధ్వజం కావలి: ‘స్థానిక సంస్థల ఎన్నికల్లో గెలుస్తామని టీడీపీకి నమ్మకం లేదు. అందుకే నేతలు నామినేషన్ల ప్రక్రియలో దౌర్జన్యాలకు పాల్పడ్డారు. ఆ పార్టీ తీరు ప్రజాస్వామ్య స్ఫూర్తికి విరుద్ధం’ అని కావలి నియోజకవర్గ వైఎస్సార్‌సీపీ ఇన్‌చార్జి, మాజీ ఎమ్మెల్యే రామిరెడ్డి ప్రతాప్‌కుమార్‌రెడ్డి విమర్శించారు. ఆదివారం పట్టణంలోని తన క్యాంపు కార్యాలయంలో నిర్వహించిన విలేకరుల సమావేశంలో ఆయన మాట్లాడారు. ఎన్నికలను ప్రజాస్వామ్య పద్ధతిలో ఎదుర్కోలేక టీడీపీ నేతలు దౌర్జన్యాలు, దాడులకు దిగడం సిగ్గుచేటన్నారు. రాయలసీమ, ప్రకాశం, గుంటూరు జిల్లాల్లో అభ్యర్థులను నామినేషన్లు వేయనీయకుండా రక్తపాతం సృష్టించండం హేయమైన చర్య అని విమర్శించారు. గెలుపుపై నమ్మకం ఉంటే ఎన్నికలు స్వేచ్ఛగా జరిగేలా చూడాలని, రౌడీలు, గూండాలను రంగంలోకి దించి కర్రలు, కత్తులు, రాడ్లతో అభ్యర్థులను అడ్డుకోవడం ఏమిటని ప్రశ్నించారు. మహిళా అభ్యర్థుల పట్ల కూడా కనీస గౌరవం చూపకుండా నామినేషన్‌ పత్రాలను లాక్కోవడం, అసభ్యంగా ప్రవర్తించడం వంటి ఘటనలు సమాజం తలదించుకునేలా ఉన్నాయన్నారు. స్థానిక ఎన్నికల విషయంలో కూటమి ప్రభుత్వ వైఖరిపై సీఎం చంద్రబాబు ప్రజలకు సమాధానం చెప్పాలని డిమాండ్‌ చేశారు. కొన్ని జిల్లాల్లో అధికారులు ప్రజాస్వామ్యబద్ధంగా వ్యవహరిస్తుండటం అభినందనీయమని పేర్కొంటూ వారికి ధన్యవాదాలు తెలిపారు. భవిష్యత్‌లోనూ ఇదే విధంగా నిష్పక్షపాతంగా వ్యవహరించాలని కోరారు. ఎమ్మెల్యేపై వ్యతిరేకత కావలిలో కొందరు నాయకులు వైఎస్సార్‌సీపీ అభ్యర్థులను ప్రలోభాలకు గురిచేస్తున్నారని, ఇలాంటి చర్యలను సహించబోమని రామిరెడ్డి అన్నారు. ఎమ్మెల్యే కావ్యా కృష్ణారెడ్డి పాలనపై ప్రజల్లో వ్యతిరేకత ఉందన్నారు. అక్రమ కేసులు, అన్యాయాలపై ప్రజలు అసంతృప్తితో ఉన్నారన్నారు. కావలి నియోజకవర్గంలో జెడ్పీటీసీ, ఎంపీటీసీ స్థానాలను గెలుచుకుని వైఎస్సార్‌సీపీ సత్తా చాటుతుందని ధీమా వ్యక్తం చేశారు. ● అనంతరం బోగోలు మండల మాజీ కన్వీనర్‌ మద్దిబోయిన వీరరఘు, కేతిరెడ్డి జగదీశ్వరరెడ్డి, కుందుర్తి శ్రీనివాసులు మాట్లాడుతూ గతంలో వైఎస్సార్‌సీపీలో పనిచేసి ప్రస్తుతం మరో పార్టీలో ఉన్న ఓ నాయకుడు ఓటర్లను, నామినేషన్లు దాఖలు చేస్తున్న అభ్యర్థులను భయపెడుతూ, ప్రలోభాలకు గురిచేస్తున్నారని ఆరోపించారు. తన రాజకీయ ప్రస్థానం, వ్యవహారశైలిని గుర్తుంచుకుని హద్దుల్లో ఉండాలని, పద్ధతి మార్చుకోకపోతే పరిణామాలు ఎదుర్కోవాల్సి వస్తుందని హెచ్చరించారు. సమావేశంలో వైఎస్సార్‌సీపీ రాష్ట్ర కార్యదర్శి, ఉదయగిరి నియోజకవర్గ నేత చేజర్ల సుబ్బారెడ్డి, పార్టీ పట్టణాధ్యక్షుడు కేతిరెడ్డి శివకుమార్‌రెడ్డి తదితరులు పాల్గొన్నారు.

● నామినేషన్ల పర్వం మొదలుకొని పోలీసులతో బెదిరింపులు ● అక్రమ కేసులు, అన్యాయంగా నోటీసులు ● ఎక్కడికక్కడ హౌస్‌ అరెస్ట్‌లు ● స్థానిక ప్రజాప్రతినిధి అండతో చెలరేగిన వైనం సాక్షి టాస్క్‌ఫోర్స్‌: ఓటమి భయంతో కూటమి ప్రభుత్వంలోని ప్రజాప్రతినిధులు పోలీసులతో దాష్టీకాలను ప్రదర్శించారు. గూడూరు నియోజకవర్గంలో ఎంపీటీసీ ఎన్నికల్లో ఏకగ్రీవాల కోసం కొత్త తరహా ఎత్తుగడలేశారు. అక్రమంగా కేసులు నమోదు చేస్తూ.. అన్యాయంగా నోటీసులిస్తూ.. ఎక్కడికక్కడ హౌస్‌ అరెస్ట్‌లు చేయించి.. నామినేషన్‌ కేంద్రాలకు వైఎస్సార్‌ కాంగ్రెస్‌ పార్టీ అభ్యర్థులను రానీయకుండా అడ్డుకున్నారు. రిజర్వేషన్‌ స్థానాల్లో పోటీ చేసేందుకు అవసరమైన ఎన్వోసీల కోసం స్టేషన్‌కెళ్తే.. అక్కడ వారిపై తీవ్రమైన ఒత్తిడి తెచ్చారు. ఏరా.. ఎంపీటీసీగా పోటీ చేస్తున్నారా.. అవసరమా.. కేసులు పెట్టి లోపలేస్తామంటూ హెచ్చరికలు జారీ చేయడంతో వారు వెనక్కి తగ్గాల్సిన పరిస్థితులను తీసుకొచ్చారు. దీంతో పలు ప్రాంతాల్లో టీడీపీ అభ్యర్థులు ఏకగ్రీవమయ్యారు. చేష్టలుడిగి చూస్తూ.. గూడూరు మండలంలో వైఎస్సార్‌ కాంగ్రెస్‌ పార్టీ అభ్యర్థులు నామినేషన్‌ కేంద్రాలకు రాకుండా ఆంక్షలను పోలీసులు విధించారు. అయితే టీడీపీ నేతలు.. అభ్యర్థులతో గుంపులుగా కేంద్రాలకెళ్లి గంటల తరబడి అక్కడే ఉన్నా, వారిని అడ్డుకున్న దాఖలాల్లేవు. నామినేషన్‌ పత్రాలను పోలీసుల ఎదుటే చించేసి మహిళలపై దాడులు చేసినా, చేష్టలుడిగి చూశారు. చిల్లకూరు మండలంలో అభ్యర్థులను ఖాకీలు భయభ్రాంతులకు గురిచేశారు. నామినేషన్‌కు రాకుండా అడ్డుకోవడంతో మూడు ఎంపీటీసీ స్థానాలు టీడీపీకి ఏకగ్రీవమయ్యాయి. జెడ్పీటీసీగా పోటీ చేయాలనుకున్న ఎస్టీ మహిళా అభ్యర్థిని భయపెట్టడంతో ఆమె నామినేషన్‌ వేసేందుకు సైతం అందుబాటులో లేకుండాపోయారు. లాఠీచార్జి కోట మండలంలోని నామినేషన్‌ కేంద్రం వద్దకు వైఎస్సార్‌ కాంగ్రెస్‌ పార్టీ అభ్యర్థులు, మద్దతుదారులు చేరుకుంటున్నారని తెలుసుకున్న పోలీసులు ప్రత్యేక బలగాలతో వచ్చి ఏకంగా లాఠీచార్జి చేశారు. పరిశీలనలో తప్పులున్నాయని ఆర్వోలు ప్రకటించి.. టీడీపీకి పరోక్ష సహకారాన్ని అందించారు. వాకాడు మండలంలో తొలి రెండు రోజులు నామినేషన్‌ కేంద్రాల వద్దకు పార్టీ అభ్యర్థులు రాకుండా పోలీసులు అడ్డుకున్నారు. నేతలను హౌస్‌ అరెస్ట్‌ చేశారు. చివరి రోజు ఎలా ఒకలా చేరుకొని దాఖలు చేయగలిగారు. చిట్టమూరు మండలంలోనూ ఇదే తరహా పరిస్థితి నెలకొంది. కేంద్రం వద్దకు పార్టీ మద్దతుదారులు భారీగా చేరుకునేందుకు యత్నించగా, ఖాకీలు అడ్డుకున్నారు. దీంతో రోడ్డుపై బైఠాయించి నిరసన చేపట్టడంతో ఉన్నతాధికారుల జోక్యంతో వారిని అనుమతించారు. ప్రజాప్రతినిధి అండదండలతో ఖాకీలు ఇలా వ్యవహరించారు. అక్రమ అరెస్ట్‌లు వైఎస్సార్‌ కాంగ్రెస్‌ పార్టీ నేతలను ఖాకీలు అక్రమంగా అరెస్ట్‌ చేశారు. వాకాడు మండలానికి చెందిన పార్టీ సీఈసీ సభ్యుడు కొడవలూరు భక్తవత్సలరెడ్డిపై హత్యాయత్నం కేసు మోపారు. చిట్టమూరు మండల కన్వీనర్‌ సన్నారెడ్డి శ్రీనివాసులురెడ్డిపై హత్యాయత్నం కేసును బనాయించి రిమాండ్‌కు పంపారు. గూడూరు మండలంలోని మంగళపూరుకు చెందిన సీనియర్‌ నేత ఎద్దల నరేంద్రరెడ్డి ఫామ్‌ హౌస్‌లో తనిఖీల పేరుతో అర్ధరాత్రి నానా యాగీ చేశారు. ఖాకీలపై ఆగ్రహం..? ఎంపీటీసీ ఎన్నికల్లో ఏకగ్రీవాలు కాని మండలాలకు సంబంధించిన ఎస్సైలపై స్థానిక ఎమ్మెల్యే తీవ్ర ఆగ్రహం వ్యక్తం చేశారని తెలిసింది. గూడూరు, చిట్టమూరు మండలాల్లో ఈ పరిస్థితి లేకపోవడంతో ఆయన రుసరుసలాడారని సమాచారం. మరోవైపు ఎన్నికలను సైతం సజావుగా సాగిస్తారాననే అనుమానాలు వ్యక్తమవుతున్నాయి.

● మైపాడు – 2 ఎంపీటీసీ స్థానానికి రూ.60 లక్షలు ● నామినేషన్ల ఉపసంహరణకు ఒత్తిళ్లు సాక్షి ప్రతినిధి, నెల్లూరు: స్థానిక సంస్థల ఎన్నికల వేళ గ్రామాల్లో రాజకీయ వేడి రాజుకుంటోంది. విజయమే లక్ష్యంగా అధికార కూటమి నేతలు భయపెట్టడం, ప్రలోభాలకు గురిచేయడం వంటి చర్యలకు పాల్పడుతున్నారనే ఆరోపణలు వినిపిస్తున్నాయి. ఈ క్రమంలో ఎంపీటీసీ స్థానాలను దక్కించుకునేందుకు నగదును ఎరేస్తూ వేలానికి తెరలేపారనే ప్రచారం రాజకీయ వర్గాల్లో చర్చనీయాంశంగా మారింది. ఇందులో భాగంగా ఇందుకూరుపేట మండలం మైపాడు – 2 ఎంపీటీసీ స్థానాన్ని ఏకంగా రూ.60 లక్షలకు కొనుగోలు చేసేందుకు ఒప్పందం కుదిరిందనే టాక్‌ నడుస్తోంది. ఒక్కో గ్రామానికి రూ.20 లక్షల చొప్పున..? మైపాడు గ్రామ పరిధిలో తూర్పుపాళెం, పడమరపాళెం, కృష్ణాపురం మత్స్యకార గ్రామాలు మైపాడు – 2 ఎంపీటీసీ సెగ్మెంట్‌లో ఉన్నాయి. ఈ మూడు గ్రామాలకు కలిపి రూ.60 లక్షలను వెచ్చించేలా ఒప్పందం కుదిరిందనే ప్రచారం నడుస్తోంది. ఈ ఎంపీటీసీ సెగ్మెంట్‌లో పోటీ చేస్తున్న వైఎస్సార్‌ కాంగ్రెస్‌ పార్టీ అభ్యర్థులు తమ నామినేషన్లను ఉపసంహరించుకునేలా ఒత్తిడి తెచ్చారనే ఆరోపణలు వినిపిస్తున్నాయి. మరికొన్ని ఎంపీటీసీ స్థానాల్లోనూ ఇలానే సాగుతుండగా, ప్రలోభాలను కొందరు తిరస్కరించారని సమాచారం.

వరికుంటపాడు: మండలంలోని తోటలచెరువుపల్లి వైఎస్సార్‌ కాంగ్రెస్‌ పార్టీ ఎంపీటీసీ అభ్యర్థిగా నామినేషన్‌ను రాయవరపు నారాయణ దాఖలు చేశారు. అయితే పత్రంలో అభ్యర్థి భార్య వృత్తి వివరాల్లేవంటూ నామినేషన్‌ను ఆర్వో వెంకటేశ్వర్లు తిరస్కరించారు. 20 ఏళ్లుగా రాజకీయాల్లో ఉన్నానని, ఇలా ఎప్పుడూ జరగలేదని ఆయన ఆరోపించారు. ● విరువూరు ఎంపీటీసీ అభ్యర్థిగా తూర్పుపాళేనికి చెందిన పాలకొల్లు తిరుపతిరెడ్డి దాఖలు చేసిన నామినేషన్‌ను తిరస్కరించారు. పత్రంలో అభ్యర్థి భార్య ఆస్తుల వివరాల్లేవంటూ రిజెక్ట్‌ చేశారు. 30 ఏళ్లుగా రాజకీయాల్లో ఉన్న తాను, ఇలా చిన్న కారణాలతో తిరస్కరించడాన్ని ఎప్పుడూ చూడలేదన్నారు.నారాయణ తిరుపతిరెడ్డి

● ఫేక్‌ నామినేషన్లు.. తిరస్కరణలపై న్యాయపోరాటం ● చంద్రబాబు బెదిరింపులకు భయపడేదిలేదు ● మాజీ మంత్రి కాకాణి గోవర్ధన్‌రెడ్డి నెల్లూరు రూరల్‌: స్థానిక సంస్థల ఎన్నికల్లో అక్రమాలు, దాడులు, బెదిరింపులతో ప్రజాస్వామ్యాన్ని అపహాస్యం చేస్తున్నారని మాజీ మంత్రి, వైఎస్సార్‌ కాంగ్రెస్‌ పార్టీ జిల్లా అధ్యక్షుడు కాకాణి గోవర్ధన్‌రెడ్డి ఆరోపించారు. నగరంలోని పార్టీ జిల్లా కార్యాలయంలో విలేకరులతో ఆదివారం ఆయన మాట్లాడారు. నకిలీ నామినేషన్లను వేయించడం.. బలమైన అభ్యర్థుల పత్రాలను తిరస్కరించడం.. ఉపసంహరించుకోవాలంటూ పోటీలో ఉన్నవారిని బెదిరించడం వంటి చర్యలను సహించేది లేదని స్పష్టం చేశారు. చంద్రబాబు బ్లాక్‌ మెయిలింగ్‌, బెదిరింపులకు భయపడేదిలేదని, ఎలక్షన్ల అక్రమాలపై న్యాయం పోరాటం చేయనున్నామని ప్రకటించారు. సుప్రీం కోర్టు ఆదేశాలనూ పట్టించుకోవడంలేదు ఎన్నికలకు ముందు ఇచ్చిన హామీలను అమలు చేయలేక.. ప్రజల్లో వ్యతిరేకతను ఎదుర్కొంటున్న చంద్రబాబు ప్రభుత్వం, ఓటమి భయంతోనే అక్రమాలకు పాల్పడుతోందని విమర్శించారు. మున్సిపల్‌ ఎన్నికల నామినేషన్ల సందర్భంగా జరిగిన ఘటనలపై ఎన్నికల సంఘానికి ఫిర్యాదు చేసినా స్పందన లేకపోవడంతో సుప్రీంకోర్టును ఆశ్రయించాల్సి వచ్చిందని తెలిపారు. న్యాయస్థాన ఆదేశాల మేరకు కొన్ని ప్రాంతాల్లో నామినేషన్ల గడువును పొడిగించినా, ఆశించిన స్థాయిలో మార్పు రాలేదని చెప్పారు. ఎంపీటీసీ, జెడ్పీటీసీ ఎన్నికల్లోనూ ఇదే పరిస్థితి పునరావృతం కాకుండా అధికారులు నిష్పక్షపాతంగా వ్యవహరించాలని కోరారు. నామినేషన్లు వేయకుండా అడ్డుకున్నారనే ఆరోపణలు రాకుండా ఉండేందుకు గానూ తమ పార్టీ పేరుతో నకిలీ వాటిని దాఖలు చేయిస్తున్నారని దుయ్యబట్టారు. తద్వారా ఎన్నికల ప్రక్రియ సజావుగా జరిగిందని చూపేలా యత్నిస్తున్నారని విమర్శించారు. రకరకాల కారణాలతో తిరస్కరణ తమ పార్టీ తరఫున గెలిచే అవకాశమున్న అభ్యర్థుల నామినేషన్లను వివిధ కారణాలతో తిరస్కరిస్తున్నారని ఆరోపించారు. వృత్తి వివరాలు పేర్కొనలేదని.. భార్య ఆస్తుల వివరాలను వెల్లడించలేదని.. రికవరీలున్నాయని.. ఇలా పలు సాకులు చూపుతున్నారని చెప్పారు. వివాహం కాని వ్యక్తి.. భార్య ఆస్తుల వివరాలను ఎలా వెల్లడిస్తారని ప్రశ్నించారు. తిరస్కరణపై అప్పీల్‌ చేసుకున్నా, వాటిని పరిశీలించి న్యాయం చేయకుండా అధికారులపై ఒత్తిళ్లు తెస్తున్నారని ధ్వజమెత్తారు. వీటికి గల కారణాలను లిఖితపూర్వకంగా తెలియజేయని సందర్భాలూ ఉన్నాయని చెప్పారు. ప్రజాస్వామ్య విలువలు, రాజ్యాంగ నిబంధనలకు అనుగుణంగా ఆర్వోలు వ్యవహరించాలని కోరారు. వెనుకడుగేసేదిలేదు తమ పార్టీ అధినేత జగన్‌మోహన్‌రెడ్డి పిలుపుతో పార్టీ శ్రేణులు ధైర్యంగా పోరాడుతున్నారని తెలిపారు. ఎన్ని అడ్డంకులు ఎదురైనా వెనుకడుగేసేదిలేదని, ఎన్నికల్లో పోటీ చేసే.. ఓటేసే హక్కును కల్పించేంత వరకు న్యాయ పోరాటాన్ని కొనసాగిస్తామని స్పష్టం చేశారు. అక్రమాలకు పాల్పడిన వారిపై చట్టపరమైన చర్యలు చేపట్టాలని డిమాండ్‌ చేశారు. ఉపసంహరించుకోవాలంటూ ఒత్తిళ్లు కేసుల పేరుతో తమ పార్టీ అభ్యర్థులను భయపెడుతూ.. నామినేషన్లను ఉపసంహరించుకోవాలని ఒత్తిడి చేస్తున్నారని ఆరోపించారు. దళితులు, గిరిజనులు, వెనుకబడిన వర్గాలు, మైనార్టీ అభ్యర్థులను లక్ష్యంగా చేసుకుంటున్నారని మండిపడ్డారు. గూడూరులో పార్టీ నేత యద్దల నరేందర్‌రెడ్డి ఇంట్లో పోలీసులు సోదాలు చేశారని, మరికొందరు నేతలపై కేసులు నమోదు చేసి ఇబ్బందులకు గురిచేస్తున్నారని పేర్కొన్నారు. శాంతిభద్రతలను కాపాడాల్సిన ఖాకీలు అందుకు విరుద్ధంగా అధికార పార్టీ నేతల ఆదేశాలకు అనుగుణంగా వ్యవహరిస్తున్నారని విమర్శించారు. ఎన్నికల ప్రక్రియలో అక్రమాలకు పాల్పడినట్లు భావిస్తున్న పోలీసులపై ప్రైవేట్‌ కేసులను దాఖలు చేస్తామని హెచ్చరించారు.

● ఎస్‌ఈ సుధాకర్‌ నెల్లూరు(వీఆర్సీసెంటర్‌): తుపాన్‌ హెచ్చరికల నేపథ్యంలో జిల్లాలో ని విద్యుత్‌ వినియోగదారులు, రైతులు, కార్మికులు, విద్యుత్‌ సిబ్బంది అప్రమత్తంగా ఉండాలని ఏపీఎస్పీడీసీఎల్‌ జిల్లా సర్కిల్‌ ఎస్‌ఈ సుధాకర్‌ సూచించారు. నెల్లూరులోని విద్యుత్‌ భవన్‌లో ఆదివారం ఆయన విలేకరుల సమావేశంలో మాట్లాడారు. చిన్నపాటి నిర్లక్ష్యం కారణంగా విద్యుత్‌ ప్రమాదాలు జరిగే అవకాశాలున్నట్లు చెప్పారు. బలమైన గాలులు, భారీ వర్షాలు కురిసే అవకాశం ఉన్నందున విద్యుత్‌ స్తంభాలు పడిపోవడం, లైన్లు తెగిపోయి ప్రమాదాలు జరిగేందుకు ఆస్కారం ఉన్నందున ప్రజలు వాటికి దూరంగా ఉండాలన్నారు. ఎట్టి పరిస్థితుల్లోనూ స్తంభాలను తాకకూడదని ససూచించారు. రైతులు, ప్రజలు మోటార్లు, స్విచ్‌లను తడిచేతులతో వేయకూడదన్నారు. అదేవిధంగా లైన్ల మరమ్మతులు చేసే సమయంలో సిబ్బంది తప్పనిసరిగా భద్రతా పరికరాలను వినియోగించాలన్నారు. సరఫరాను నిలిపివేసిన తర్వాతే పనులు చేపట్టాలన్నారు. లైన్లు తెగిపడినా, స్తంభాలు పడిపోయినా వెంటనే టోల్‌ఫ్రీ నంబర్‌ 1912కు లేదా సంబంధిత అధికారులకు సమాచారం ఇవ్వాలని కోరారు.

సీతారామపురం: ఎన్నికలనగానే ఓటరు వేలిపై కనిపించే సిరా గుర్తు గుర్తుకొస్తుంది. దొంగ ఓట్లు, ఒకటికంటే ఎక్కువసార్లు ఓటు వేయడాన్ని నిరోధించడంలో ఈ సిరా కీలక పాత్ర పోషిస్తుంది. ఓటు హక్కు వినియోగించుకున్న ప్రతి ఓటరు ఎడమచేతి చూపుడు వేలిపై పోలింగ్‌ సిబ్బంది సిరా గుర్తు వేస్తారు. నీటితో కడిగినా వెంటనే చెరిగిపోని ఈ గుర్తు.. ఓటరు తన ఓటు హక్కును వినియోగించుకున్నట్లు తెలియజేస్తుంది. దేశంలో ఎన్నికల సమయంలో చెరగని సిరా వినియోగం 1962 నుంచి విస్తృతంగా అమల్లోకి వచ్చింది. కర్ణాటకలోని మైసూర్‌ పెయింట్స్‌ అండ్‌ వార్నిష్‌ సంస్థ ఈ సిరాను ఉత్పత్తి చేస్తోంది. కొంతకాలంగా హైదరాబాద్‌లోని రాయుడు లేబొరేటరీస్‌లోనూ సిరా తయారు చేస్తున్నారు. పోలింగ్‌ సమయంలో ఓటరు వేలిపై సిరా గుర్తు వేయడం, దాన్ని నిర్ధారించుకోవడం పోలింగ్‌ సిబ్బంది బాధ్యత. అక్రమంగా మద్యం విక్రయాలు ● దాడుల్లో 40 క్వార్టర్‌ బాటిళ్ల స్వాధీనం నెల్లూరు(క్రైమ్‌): అక్రమంగా జరుగుతున్న మద్యం విక్రయాలపై ఎక్సైజ్‌ అధికారులు దాడులు చేసి ముగ్గురు నిందితులను అరెస్ట్‌ చేశారు. వారి నుంచి 40 క్వార్టర్‌ బాటిళ్లను స్వా ధీనం చేసుకున్నారు. కార్పొరేషన్‌ ఎన్నికల నేపథ్యంలో ప్రొహిబిషన్‌ అండ్‌ ఎకై ్సజ్‌ నెల్లూరు – 1 ఇన్‌స్పెక్టర్‌ రమేష్‌బాబు, ఎస్సై ప్రభాకర్‌రావులు తమ సిబ్బందితో కలిసి దాడులు చేస్తున్నారు. ఈనెల 24న మూడో మైలు, కొత్తూరు ప్రాంతాల్లో అక్రమంగా మద్యం విక్రయిస్తున్న శ్యామ్‌బాబు, రామ్‌దాస్‌రెడ్డిని అరెస్ట్‌ చేసి 15 క్వార్టర్‌ బాటిళ్లను స్వాధీనం చేసుకున్నారు. ఆదివారం ముత్తుకూరు గేటు సెంటర్‌లోని సులభ్‌ కాంప్లెక్స్‌ వద్ద విజయకుమార్‌ను అరెస్ట్‌ చేసి 25 క్వార్టర్‌ బాటిళ్లను పట్టుకున్నారు. అక్రమంగా మద్యం విక్రయాలు, రవాణా ఎట్టి పరిస్థితుల్లో ఉపేక్షించేది లేదని కఠిన చర్యలు తప్పవని ఇన్‌స్పెక్టర్‌ హెచ్చరించారు.బరిలో 217 మంది నెల్లూరు(బారకాసు): నగరపాలక సంస్థ ఎన్నికల్లో కార్పొరేటర్లుగా వివిధ పార్టీల నుంచి పోటీ చేస్తున్న అభ్యర్థుల తుది జాబితాను అధికారులు ఆదివారం విడుదల చేశారు. మొత్తం 72 డివిజన్లు ఉండగా వివిధ పార్టీలకు సంబంధించి 217 మంది పోటీలో ఉన్నారు. వైఎస్సార్‌సీపీ నుంచి 64 మంది, ఇండిపెండెంట్లుగా 61, టీడీపీ 50, బీజేపీ 7, జనసేన 7, కాంగ్రెస్‌(ఐఎన్‌సీ) 12, బీసీవైపీ 2, సీపీఐ(ఎం) 11, సీపీఐ నుంచి 3 ముగ్గురు చొప్పున బరిలో ఉన్నారు. చందన, సీఎంఆర్‌లో దసరా లక్కీ డ్రానెల్లూరు(బృందావనం): దసరా, దీపావళి పండగల సందర్భంగా నెల్లూరులోని చందన, సీఎంఆర్‌ ప్రవేశపెట్టిన బహుమతుల బొనాంజాలో ఆదివారం దసరా స్కూటీ డ్రాను డాక్టర్‌ జెడ్‌ శివప్రసాద్‌, డాక్టర్‌ ప్రసన్నలక్ష్మి తీశారు. నాయుడుపేటకు చెందిన పీఎస్‌ నారాయణ (కూపన్‌ నంబర్‌ 13908)ను విజేతగా ప్రకటించారు. ఈ సందర్భంగా వారు మాట్లాడుతూ చందన, సీఎంఆర్‌లు నెలకొల్పి మూడు దశాబ్దాలు గడిచాయన్నారు. పెళ్లిళ్లు, శుభకార్యాలంటే నెల్లూరు ప్రజలకు గుర్తుకొచ్చేది ఈ షోరూమేనని చెప్పారు. జనంతో అంత అనుబంధం ఉన్న సంస్థ తమ వినియోగదారుల కోసం పండగ సీజన్లలో అనేక ఆఫర్లు, బహుమతులు ఇవ్వడం జరుగుతోందన్నారు. నాణ్యమైన వ స్త్రాలు, బంగారు, వెండి వస్తువులు అత్యంత తక్కువ ధరలకే చందన, సీఎంఆర్‌లలో లభ్యమవుతున్నాయన్నారు. డైలీ డ్రా విజేతలు 125 మందికి ఇండక్షన్‌ స్టౌవ్‌, మిక్సీ, పట్టుచీర, కెటిల్‌, డిన్నర్‌సెట్లను అందజేశారు. కార్యక్రమంలో మోపూరు పెంచలయ్య, మేనేజర్‌ కిషోర్‌ తదితరులు పాల్గొన్నారు. కండలేరులో 15.818 టీఎంసీలు రాపూరు: కండలేరు జలాశయంలో ఆదివారం నాటికి 15.818 టీఎంసీల నీరు నిల్వ ఉన్నట్లు ఈఈ గజేంద్రరెడ్డి తెలిపారు. కండలేరు నుంచి సత్యసాయి గంగ కాలువకు 70, లోలెవల్‌ కాలువకు 10, పిన్నేరు కాలువకు 5, మొదటి బ్రాంచ్‌ కాలువకు 7 క్యూసెక్కుల నీటిని విడుదల చేస్తున్నట్లు వెల్లడించారు.

● బట్టేపాటి నరేంద్రరెడ్డికి ప్రలోభాలు ● ఇందుకూరుపేట జెడ్పీటీసీ అభ్యర్థిగా మావులూరు శ్రీనివాసులురెడ్డి కోవూరు: స్థానిక సంస్థల ఎన్నికల నేపథ్యంలో ఇందుకూరుపేట మండలంలో రాజకీయ పరిణామాలు ఎప్పటికప్పుడు మారుతున్నాయి. ప్రధాన పార్టీల మధ్య వ్యూహ.. ప్రతివ్యూహాలతో రాజకీయ వాతావరణం ఆసక్తికరంగా మారుతోంది. జెడ్పీ చైర్మన్‌ పదవిని దక్కించుకోవడమే లక్ష్యంగా ఇక్కడి టీడీపీ అభ్యర్థి పోలంరెడ్డి శ్రీనివాసులురెడ్డి స్కెచ్చేశారు. తనకు పోటీ లేకుండా చేసుకునేందుకు గానూ వైఎస్సార్‌ కాంగ్రెస్‌ పార్టీ అభ్యర్థి బట్టేపాటి నరేంద్రను తప్పించే యత్నాల్లో భాగంగా రూ.కోట్లల్లో బేరసారాలు జరిగాయని సమాచారం. ఇదిలా ఉండగా, ఈయనకు పార్టీ బీ – ఫారాన్ని మాజీ మంత్రి, వైఎస్సార్‌ కాంగ్రెస్‌ పార్టీ పీఏసీ సభ్యుడు నల్లపరెడ్డి ప్రసన్నకుమార్‌రెడ్డి ఇవ్వలేదని సమాచారం. పార్టీ ఇందుకూరుపేట జెడ్పీటీసీ అభ్యర్థిగా మావులూరు శ్రీనివాసులురెడ్డి బరిలో నిలిచే అవకాశం ఎక్కువగా ఉందనే టాక్‌ నడుస్తోంది. జెడ్పీటీసీ బరిలో తహసీల్దార్‌ సతీమణి ● టీడీపీ తరఫున పోటీ చిట్టమూరు: టీడీపీ చిట్టమూరు జెడ్పీటీసీ అభ్యర్థిగా తహసీల్దార్‌ సతీమణి బరిలో ఉన్నారు. చిల్లకూరు తహసీల్దార్‌ సతీమణి పెళ్లూరు సౌజన్య బరిలో నిలవడం మండలంలో చర్చనీయాంశమైంది. మండలంలోని బురదగాలికొత్తపాళేనికి చెందిన ఈమె నామినేషన్‌ను దాఖలు చేశారు. తీరం.. అల్లకల్లోలం వాకాడు: బంగాళాఖాతంలో ఏర్పడిన అల్పపీడనం ఆదివారం తీవ్ర వాయుగుండంగా మారడంతో సముద్రం అల్లకల్లోలంగా మారింది. దీని ప్రభావంతో వాకాడు మండల పరిధిలోని తూపిలిపాళెం సముద్ర తీరంలో అలల ఉధృతి పెరిగింది. సముద్రం సుమారు పది మీటర్ల మేర ముందుకొచ్చిందని స్థానికులు చెప్తున్నా రు. వేటను మత్స్యకారులు శనివారం అర్ధరాత్రి నుంచే నిలిపేసి చేసి తమ వేట సామగ్రిని ఒడ్డుకు చేర్చారు. చెక్‌పోస్టుల్లో ఆకస్మిక తనిఖీనెల్లూరు(క్రైమ్‌): నెల్లూరు నగరపాలక సంస్థ ఎన్నికల నేపథ్యంలో అయ్యప్పగుడి, చింతారెడ్డిపాళెం జంక్షన్ల వద్ద ఏర్పాటు చేసిన చెక్‌పోస్టులను ఎస్పీ అజిత వేజెండ్ల ఆదివారం తనిఖీ చేశారు. వాహన తనిఖీ విధానం, సిబ్బంది పనితీరును పరిశీలించిన అనంతరం ఆమె మాట్లాడారు. నగదు, మద్యం, బహుమతుల అక్రమ రవాణాను అరికట్టాలని సూచించారు. తనిఖీల సమయంలో నగదు, ఇతర వస్తువులకు సంబంధించిన ఆధారాలు, పత్రాలను క్షుణ్ణంగా పరిశీలించి ఎన్నికల నిబంధనలకు అనుగుణంగా చర్యలు చేపట్టాలని ఆదేశించారు. తనిఖీలకు సంబంధించిన వివరాలను నమోదు చేయాలని సూచించారు. వేదాయపాళెం, బాలాజీనగర్‌ ఇన్‌స్పెక్టర్లు చిట్టెం కోటేశ్వరరావు, సాంబశివరావు పాల్గొన్నారు. శ్రీవారి దర్శనానికి 18 గంటలు తిరుమల: తిరుమలలో భక్తుల రద్దీ ఆదివారం ఎక్కువగా ఉంది. క్యూ కాంప్లెక్స్‌లోని కంపార్ట్‌మెంట్లు నిండిపోయాయి. స్వామివారిని 81,768 మంది శనివారం అర్ధరాత్రి వరకు దర్శించుకున్నారు. తలనీలాలను 34,018 మంది అర్పించారు. కానుకల రూపంలో హుండీలో రూ.3.57 కోట్లను సమర్పించారు. టైమ్‌ స్లాట్‌ టికెట్లున్న వారికి సకాలంలో దర్శనం లభిస్తోంది. ఇవి లేని వారికి 18 గంటల సమయం పడుతోంది. ప్రత్యేక టికెట్లున్న వారు మూడు గంటల్లోనే దర్శించుకోగలుగుతున్నారు.

నెల్లూరు(బారకాసు): కార్పొరేషన్‌ ఎన్నికల వేళ సింహపురిలో వైఎస్సార్‌సీపీ హయాంలో చేపట్టిన అభివృద్ధి పనులు, ప్రస్తుత కూటమి పాలనపై ప్రజల్లో చర్చ సాగుతోంది. వైఎస్సార్‌సీపీ హయాంలోనే నెల్లూరు నగరానికి కొత్త హంగులు వచ్చాయి. టీడీపీ పాలనలో మాత్రం పనుల పేరుతో అవినీతి జరుగుతోంది. అప్పట్లో ఇలా.. వైఎస్సార్‌సీపీ ప్రభుత్వ హయాంలో నెల్లూరు నగరంలో పలు కీలక అభివృద్ధి పనులు జరిగాయి. రామలింగాపురం జంక్షన్‌ వద్ద ఆధునిక సాంకేతిక పరిజ్ఞానంతో ఫ్లై ఓవర్‌ నిర్మాణం చేపట్టారు. సర్వేపల్లి, జాఫర్‌సాహెబ్‌ కాలువలపై సుమారు రూ.200 కోట్లతో రిటైనింగ్‌ వాల్‌ల నిర్మాణం, మైపాడు ప్రధాన రహదారిపై రూ.9 కోట్లతో 2.7 కిలోమీటర్ల మేర నాలుగు వరుసల సీసీ రోడ్డు నిర్మాణం వంటి పనులను చేపట్టాయి. నగరంలోని 12 జంక్షన్ల అభివృద్ధితోపాటు రూ.10.40 కోట్లతో 12 అర్బన్‌ ప్రైమరీ హెల్త్‌ సెంటర్ల నిర్మాణం కూడా గత పాలనలోనే జరిగింది. కూటమి వచ్చాక.. కూటమి ప్రభుత్వం అధికారంలోకి వచ్చిన తర్వాత నెల్లూరు నగరంలో అభివృద్ధి పనులు ఆశించిన స్థాయిలో సాగడం లేదు. రహదారులు అధ్వానంగా మారాయి. ఇక నగరంలో పారిశుద్ధ్యం గురించి కార్పొరేషన్‌ పట్టించుకోవడం లేదు. పురపాలక శాఖ మంత్రి పొంగూరు అవి చేస్తాం.. ఇవి చేస్తామని చెప్పిన మాటలు నీటిమూటలయ్యాయి. ఆయన గతంలో ఇచ్చిన హామీల అమలుపై ప్రజలు ప్రశ్నిస్తున్నారు. మరోవైపు, చెత్త తొలగింపు, మొక్కల పెంపకం తదితర పనుల పేరుతో తెలుగు తమ్ముళ్లు జేబులు నింపుకొన్నారు.మినీబైపాస్‌లోని ముత్తుకూరు రోడ్డు జంక్షన్‌లో నిర్మించిన ఫ్లై ఓవర్‌ పట్టణ ఆరోగ్య కేంద్రం వైఎస్సార్‌సీపీ హయాంలో నగరానికి కొత్త హంగులు కూటమి ప్రభుత్వంలో చేసిందేమీ లేదు కార్పొరేషన్‌ ఎన్నికల వేళ అభివృద్ధి పనులపై చర్చఎన్నికల వేళ.. కార్పొరేషన్‌ ఎన్నికల నేపథ్యంలో నగరంలోని రహదారులు, పారిశుద్ధ్యం, తాగునీరు, మౌలిక సదుపాయాలు వంటి అంశాలపై చర్చ జరుగుతోంది. తమ ప్రాంతాల్లో సమస్యలను పరిష్కరించే అభ్యర్థులను ఎన్నుకోవడంపై ఓటర్లు దృష్టి సారిస్తున్నారు. ఈ పరిస్థితుల్లో గత ప్రభుత్వ పనులు, ప్రస్తుత పాలనలో చేపడుతున్న కార్యక్రమాలను బేరీజు వేసుకుంటున్నారు.

● సీట్ల కేటాయింపులో అన్యాయం ● రోడ్డెక్కిన జనసైనికులు ● మంత్రి నారాయణపై ఆగ్రహం ● 6వ డివిజన్‌లో పోటీలో బీజేపీ, జనసేన అభ్యర్థులునెల్లూరు సిటీ: నెల్లూరు కార్పొరేషన్‌ ఎన్నికల్లో కూటమిలో పొత్తు కుంపటి రాజుకుంది. మంత్రి పొంగూరు నారాయణ జనసేనను చిన్నచూపు చూస్తున్నారని, కనీసం పట్టించుకోవడం లేదని జనసైనికులు ఆవేదన వ్యక్తం చేస్తున్నారు. ‘అన్నా మాకు జరుగుతున్న అన్యాయాన్ని గుర్తించండి.. న్యాయం చేయండి’ అని పవన్‌ కళ్యాణ్‌ను వేడుకుంటున్నారు. లోలోపల రుగులుతున్న కోపాన్ని జనసైనికులు ఒక్కొక్కరుగా బయటకు వచ్చి సోషల్‌ మీడియా సాక్షిగా ఆవేదన వ్యక్తం చేస్తున్నారు. దీంతో నగరంలో జనసేన కేడర్‌ టీడీపీ నేతల వ్యవహారంపై తీవ్రంగా మండిపడుతోంది. 20 అడిగితే 7కు పరిమితం కార్పొరేషన్‌ పరిధిలో నగరంలో 10, రూరల్లో 10 లెక్కన మొత్తం 20 సీట్లను జనసేన ఆశించింది. తీరా రాష్ట్ర స్థాయి నేత వచ్చినా చర్చలు జరిపి కేవలం సిటీలో 4, రూరల్‌లో 4 సీట్లు ఇస్తామని ఫైనల్‌ చేశారు. అయితే సిటీలో 3 సీట్లు ఇస్తున్నట్లు మంత్రి నారాయణ ప్రకటించారు. 6వ డివిజన్‌లో బత్తల శ్రీకాంత్‌ తాను పోటీలో ఉంటానని ప్రకటించారు. పార్టీ సైతం అతడికి బీ–ఫారం ఇచ్చింది. అయితే చివరి నిమిషంలో నారాయణ ఆ డివిజన్‌ను బీజేపీకి కేటాయించగా అభ్యర్థిగా సుకుమార్‌ను ప్రకటించారు. అయితే జనసేన నేత శ్రీకాంత్‌ పట్టించుకోకుండా పోటీ చేస్తున్నారు. దీంతో ఆ డివిజన్‌లో బీజేపీ, జనసేనలు తమ గుర్తులపై పోటీ చేస్తున్నాయి. రెండు రోజుల నుంచి ఇరు పార్టీల అభ్యర్థులు ప్రచారం చేస్తున్నారు. అన్యాయం కనిపించడం లేదా? పవన్‌ కళ్యాణ్‌ ఫ్యాన్స్‌ అసోసియేషన్‌ అధ్యక్షుడిగా ఎన్నో ఏళ్లుగా ఉన్నానని, 60వ డివిజన్‌లో పోటీకి బీఫారం కూడా ఇచ్చారని, కానీ దళితుడినైన తనకు అన్యాయం జరుగుతోందంటూ టోనీబాబు అనే నేత సోషల్‌ మీడియాలో చెప్పుకొచ్చారు. తాను నామినేషన్‌ వేసిన తర్వాత విత్‌డ్రా చేసుకోవాలని పలువురు ఒత్తిడి చేస్తున్నట్లు చెబుతున్నారు. టీడీపీ నేతలు భిక్ష ఇచ్చినట్లు వ్యవహరిస్తున్నారన్నారు. 20 సీట్లు తీసుకోవాలని అనుకున్నామని, ఫ్రెండ్లీ పోటీకి వెళ్దామని శివశంకర్‌ చెప్పారన్నారు. దీంతో బీ–ఫారం కూడా రిటర్నింగ్‌ అధికారికి ఇవ్వడం జరిగిందన్నారు. అయితే ఇప్పుడు బీ–ఫారం సక్రమంగా లేదని నిరాకరించారని ఆవేదన వ్యక్తం చేశారు. జనసేనలో తాము ఉన్నామా? లేదా? అర్థం కావడం లేదన్నారు.

దుత్తలూరు(ఉదయగిరి): స్థానిక సంస్థల ఎన్నికలకు సంబంధించి దుత్తలూరు ఆర్వో రమణరావు వ్యవహరించిన తీరు వివాదాస్పదంగా మారింది. ఎంపీటీసీల నామినేషన్ల పరిశీలనలో తిరస్కరించేందకు అవకాశం లేకపోయినా, వివిధ కారణాలను చూపుతూ నాలుగు సెగ్మెంట్ల పరిఽధిలోని తొమ్మిది మంది వైఎస్సార్‌ కాంగ్రెస్‌ పార్టీ అభ్యర్థుల పత్రాలను రిజెక్ట్‌ చేశారు. వాస్తవానికి పరిశీలనను గంటల వ్యవధిలో పూర్తి చేయాల్సి ఉన్నా, అలా వ్యవహరించలేదు. నందిపాడు, కొత్తపేట, నర్రవాడ, బోడవారిపల్లి సెగ్మెంట్లలో అధికార టీడీపీ నేతలు సూచించిన విధంగా వైఎస్సార్‌ కాంగ్రెస్‌ పార్టీ అభ్యర్థుల నామినేషన్లను తిరస్కరించారనే ఆరోపణలు వెల్లువెత్తుతున్నాయి. నందిపాడుకు చెందిన అభ్యర్థిపై కేసుల్లేకపోయినా, ఆర్వో పట్టించుకోకుండా తిరస్కరించారు. కొత్తపేట, నర్రవాడ, బోడవారిపల్లిలో నామినేషన్‌ పత్రంలో ఆదాయాన్ని అక్షరాల్లో రాయలేదనే సాకుతో రిజెక్ట్‌ చేశారు.

● అన్ని డివిజన్లలో కంట్రోల్‌ రూమ్‌ల ఏర్పాటు నెల్లూరు(వీఆర్సీసెంటర్‌): బంగాళాఖాతంలో ఏర్పడిన అల్పపీడనం తీవ్ర వాయుగుడంగా మారి తుఫాన్‌గా రూపాంతరం చెందే అవకాశమున్న తరుణంలో విద్యుత్‌ శాఖ సిబ్బందికి సెలవులను రద్దు చేశామని ఎస్పీడీసీఎల్‌ జిల్లా సర్కిల్‌ ఎస్‌ఈ సుధాకర్‌ పేర్కొన్నారు. నగరంలోని విద్యుత్‌ భవన్‌ నుంచి ఈఈలు, డీఈఈలతో శనివారం నిర్వహించిన టెలి కాన్ఫరెన్స్‌లో ఆయన మాట్లాడారు. సిబ్బంది తమకు నిర్దేశించిన హెడ్‌క్వార్టర్స్‌లోనే ఉండాలని ఆదేశించారు. జిల్లాలోని ఆరు డివిజన్లతో పాటు విద్యుత్‌ భవన్‌లో కంట్రోల్‌ రూమ్‌లను ఏర్పాటు చేశామని, ఇది 24 గంటలూ పనిచేయనున్నాయని వెల్లడించారు. ముందస్తు చర్య ల్లో భాగంగా అదనపు స్తంభాలను అందుబాటులో ఉంచాలని, సబ్‌స్టేషన్లలో ఇద్దరు చొప్పున సిబ్బందిని ఉంచి, మిగిలిన వారిని అత్యవసర సేవలకు ఉపయోగించుకోవాలని సూచించారు. లైన్లు తెగిపడినా, స్తంభాలు పడిపోయినా ప్రజలు అప్రమత్తంగా ఉండి సంబంధిత విద్యుత్‌ అధికారులు, సిబ్బందికి తెలియజేయాలని కోరారు.

● అడ్డగోలుగా నామినేషన్ల తిరస్కరణ నెల్లూరు(పొగతోట): స్థానిక సంస్థల ఎన్నికలకు సంబంధించిన జెడ్పీటీసీ, ఎంపీటీసీల నామినేషన్ల పరిశీలన ప్రక్రియను శనివారం నిర్వహించారు. 35 జెడ్పీటీసీ స్థానాలకు గానూ 302 దాఖలు కాగా, సీతారామపురం మండలానికి సంబంధించిన టీడీపీ డమ్మీ అభ్యర్థి నామినేషన్‌ను తిరస్కరించారు. మండలాల్లో పరిశీలన ప్రక్రియ రాత్రి వరకు సాగింది. అధికార పార్టీకి అనుకూలంగా ఆర్వోలు వ్యవహరిస్తూ.. వైఎస్సార్‌ కాంగ్రెస్‌ పార్టీ అభ్యర్థులను ఇబ్బందులకు గురిచేశారు. జిల్లా అధికారుల మాటలను లెక్క చేయకుండా అధికార పార్టీ నేతల కనుసన్నల్లో నామినేషన్లను పరిశీలించి.. వైఎస్సార్‌ కాంగ్రెస్‌ పార్టీ అభ్యర్థులు దాఖలు చేసిన వాటిని తిరస్కరించారు. నామినేషన్‌ వేసే అభ్యర్థికి ప్రపోజర్లుగా ఇద్దరు ఓటర్లు సంతకాలు చేయాల్సి ఉంది. అయితే నామినేషన్ల పరిశీలనకు వీరు రావాల్సిన అవసరం లేదని నిబంధనలు చెప్తున్నాయి. అయితే కొందరు ఆర్వోలు మాత్రం వీరు రావాల్సిందేనంటూ పట్టుబట్టారు. ● నగరంలోని జెడ్పీ కార్యాలయంలో జెడ్పీటీసీల నామినేషన్లను సీఈఓ మధుసూదన్‌, డిప్యూటీ సీఈఓ బ్రహ్మయ్య ఆధ్వర్యంలో పరిశీలించారు. ఒకటి కంటే అధికంగా దాఖలు చేసిన వారు అధికంగా ఉన్నారు. చివరికి 250 నామినేషన్లను ఓకే చేశారు. వైఎస్సార్‌ కాంగ్రెస పార్టీ – 86, టీడీపీ – 93, బీఎస్పీ – 18, బీజేపీ – 8, సీపీఎం – 2, కాంగ్రెస్‌ – 11, జనసేన – 16, స్వతంత్రులు – 16 మంది నామినేషన్లకు ఆమోద ముద్రేశారు. నేటి నుంచి ఉపసంహరణ జెడ్పీటీసీ, ఎంపీటీసీలకు సంబంధించిన నామినేషన్ల ఉపసంహరణ ప్రక్రియను మంగళవారం మధ్యాహ్నం మూడు వరకు నిర్వహించనున్నారు. అభ్యర్థులు స్వయంగా వచ్చి ఆర్వో కార్యాలయంలో అందజేయాల్సి ఉంటుంది.

● ఎమ్మెల్సీ పర్వతరెడ్డి చంద్రశేఖర్‌రెడ్డి నెల్లూరు(బృందావనం): స్థానిక వ్యాపారులకు, ప్రజలకు ఎలాంటి కష్టమొచ్చినా అండగా ఉంటామని, కార్పొరేషన్‌ ఎన్నికల్లో వైఎస్సార్‌సీపీ అభ్యర్థులను గెలిపించాలని ఆ పార్టీ సిటీ నియోజకవర్గ ఇన్‌చార్జి, ఎమ్మెల్సీ పర్వతరెడ్డి చంద్రశేఖర్‌రెడ్డి కోరారు. నెల్లూరు మండపాల వీధిలో వైఎస్సార్‌సీపీ మేయర్‌ అభ్యర్థి ఆనం విజయకుమార్‌రెడ్డి, కార్పొరేటర్‌ అభ్యర్థులు వేలూరు ఉమామహేష్‌, చీదెళ్ల కిషన్‌లతో కలిసి శనివారం ఆయన ఎన్నికల ప్రచారం నిర్వహించారు. తొలుత జైన్‌ మందిరాన్ని సందర్శించి ప్రత్యేక పూజలు నిర్వహించారు. అనంతరం మండపాల వీధి, కాపువీధి తదితర ప్రాంతాల్లోని పలు వాణిజ్య దుకాణాలకు వెళ్లి పార్టీ కరపత్రాలను పంపిణీ చేసి వైఎస్సార్‌సీపీ అభ్యర్థులను గెలిపించాలని అభ్యర్థించారు. నవంబర్‌ ఒకటో తేదీన జరిగే కార్పొరేషన్‌ ఎన్నికల్లో ఫ్యాన్‌ గుర్తుకు ఓటువేసి మేయర్‌ అభ్యర్థిగా ఆనం విజయకుమార్‌రెడ్డిని, 61వ డివిజన్‌ కార్పొరేటర్‌ అభ్యర్థిగా వేలూరు ఉమమహేష్‌ను, 59వ డివిజన్‌ కార్పొరేటర్‌ అభ్యర్థిగా చీదెళ్ల కిషన్‌ను గెలిపించాలన్నారు. మొదటి నుంచి ఈ ప్రాంతంలో వ్యాపారులకు ఎలాంటి ఇబ్బందులొచ్చినా వైఎస్సార్‌సీపీ అండగా నిలుస్తోందన్నారు. దశాబ్దాల అనుబంధం మనది మండపాల వీధి, కాపువీధి, ఆచారివీధి ప్రాంతాలకు చెందిన వారితో దశాబ్దాల అనుబంధాలున్నాయని మేయర్‌ అభ్యర్థి ఆనం విజయకుమార్‌రెడ్డి అన్నారు. ఈ మేరకు ఆయన స్థానికులను పేరుపేరునా పలుకరిస్తూ ఫ్యాన్‌ గుర్తుకు ఓటు వేయాలని అభ్యర్థించారు.

నెల్లూరు(అర్బన్‌): రోజురోజుకు పెరిగిపోతున్న బ్రెస్ట్‌(రొమ్ము) కేన్సర్‌పై మహిళలు తప్పనిసరిగా అవగాహన పెంచుకుని తగిన జాగ్రత్తలు తీసుకోవాలని కలెక్టర్‌ హిమాన్షు శుక్లా అన్నారు. రెడ్‌క్రాస్‌ సొసైటీ ఆధ్వర్యంలో శనివారం నగరంలో అవగాహన ర్యాలీ జరిగింది. గాంధీబొమ్మ నుంచి మద్రాస్‌ బస్టాండ్‌ వద్ద ఉన్న రెడ్‌క్రాస్‌ కార్యాలయం వరకు జరిగిన ర్యాలీని కలెక్టర్‌ జెండా ఊపి ప్రారంభించారు. ఈ సందర్భంగా మాట్లాడుతూ సీ్త్రలలో ఎక్కువగా గర్భాశయ కేన్సర్‌తో పాటు రొమ్ము కేన్సర్‌లు వస్తున్నాయన్నారు. మహిళలు తమ ఆరోగ్యంపై దృష్టి పెట్టాలన్నారు. రొమ్ములో గడ్డలు, అసాధారణ మార్పులు, ఇతర అనుమానాస్పద లక్షణాలు కనిపిస్తే నిర్లక్ష్యం చేయకుండా డాక్టర్‌ను సంప్రదించాలన్నారు. 40 ఏళ్లు పైబడిన మహిళలందరూ ముందస్తు స్క్రీనింగ్‌ పరీక్షలు చేయించుకుంటే వంద శాతం నయం చేయవచ్చన్నారు. ప్రజలు, స్వచ్ఛంద సంస్థల సభ్యులు రెడ్‌క్రాస్‌ సంస్థతో కలిసి సేవా కార్యక్రమాల్లో భాగస్వాములు కావాలని కోరారు. కార్యక్రమంలో కేన్సర్‌ ఇన్‌స్టిట్యూట్‌ కో–ఆర్డినేటర్‌ యాలమూరి రంగయ్యనాయుడు, రెడ్‌క్రాస్‌ అడ్‌హక్‌ కమిటీ నాయకులు చమర్తి జనార్దన్‌రాజు, సెక్రటరీ మస్తానయ్య, కేన్సర్‌ ఇన్‌స్టిట్యూట్‌ చీఫ్‌ మెడికల్‌ ఆఫీసర్‌ డాక్టర్‌ లక్ష్మి తదితరులు పాల్గొన్నారు.

● టీడీపీని వీడిన 50 కుటుంబాలు ● కాకాణి సమక్షంలో వైఎస్సార్‌సీపీలో చేరిక నెల్లూరురూరల్‌: సర్వేపల్లి నియోజకవర్గంలో వైఎస్సార్‌సీపీ ఫుల్‌ జోష్‌లో ఉంది. తాజాగా తోటపల్లిగూడూరు మండలం సౌత్‌ ఆములూరుకు చెందిన 50 కుటుంబాలు టీడీపీని వీడి శనివారం వైఎస్సార్‌సీపీలో చేరాయి. నెల్లూరులోని మాజీ మంత్రి, వైఎస్సార్‌సీపీ ఉమ్మడి జిల్లా అధ్యక్షుడు డాక్టర్‌ కాకాణి గోవర్ధన్‌రెడ్డి నివాసంలో ఆయన వారికి పార్టీ కండువాలు కప్పి ఆహ్వానించారు. కోడి రవి, కోడి శ్రీనివాసులు, ఇంట్లూరు లోకేష్‌, ఎం.అనిల్‌ తదితరులు పార్టీలో చేరిన వారిలో ఉన్నారు. ఈ సందర్భంగా కాకాణి మాట్లాడుతూ వైఎస్‌ జగన్‌మోహన్‌రెడ్డి నాయకత్వాన్ని బలపరచాలనే లక్ష్యంతో యువత సహా 50 కుటుంబాలు వైఎస్సార్‌సీపీలో చేరడం సంతోషకరమన్నారు. గతంలో పార్టీకి దూరమైన వారు తిరిగి రావడం శుభపరిణామమని పేర్కొన్నారు. వైఎస్సార్‌సీపీ నుంచి బహిష్కరించిన వారిని టీడీపీలో చేర్చుకుని, వారు పార్టీని వీడినట్లు ప్రచారం చేసుకోవడం సరికాదన్నారు. సోమిరెడ్డి చంద్రమోహన్‌రెడ్డి వ్యవహారశైలి, అవినీతి, అరాచకాల వల్లే సర్వేపల్లిలో టీడీపీ బలహీనపడుతోందన్నారు. స్థానిక సంస్థల ఎన్నికల నేపథ్యంలో పార్టీ శ్రేణులు సమష్టిగా పనిచేయాలని పిలుపునిచ్చారు. వైఎస్సార్‌సీపీలో చేరిన ప్రతిఒక్కరికీ సముచిత స్థానం కల్పిస్తామని, రానున్న ఎన్నికల్లో జగన్‌ను తిరిగి ముఖ్యమంత్రిని చేయడమే లక్ష్యంగా పనిచేయాలని కోరారు.

● తిరుపతి ఎంపీ మద్దిల గురుమూర్తి తిరుపతి మంగళం: గూడూరు నియోజకవర్గం చిట్టమూరు వైఎస్సార్‌సీపీ మండల కన్వీనర్‌ శ్రీనివాసరెడ్డి అక్రమ అరెస్టును తిరుపతి ఎంపీ డాక్టర్‌ మద్దిల గురుమూర్తి తీవ్రంగా ఖండించారు. ప్రతిపక్ష నాయకులు, కార్యకర్తలను లక్ష్యంగా చేసుకుని అరెస్టులు చేయడం ద్వారా కూటమి ప్రభుత్వం ప్రజాస్వామ్య హక్కులను కాలరాస్తోందని మండిపడ్డారు. నామినేషన్‌ కేంద్రాల వద్ద గుంపులుగుంపులుగా ఉన్న కూటమి కార్యకర్తలను నిలువరించలేని పోలీసులు.. వైఎస్సార్‌సీపీ అభ్యర్థులపై కేసులు పెట్టి వేధించడంపై ఆగ్రహం వ్యక్తం చేశారు. ఈ అక్రమ అరెస్టుపై ఎన్నికల సంఘానికి ఫిర్యాదు చేయనున్నట్లు వెల్లడించారు. ప్రతిపక్ష గొంతుకను అణచివేయాలనే ప్రయత్నాలు ప్రజాస్వామ్యంలో ఎన్నటికీ ఫలించవని, వైఎస్సార్‌సీపీ ప్రజల పక్షాన నిలబడి వారి హక్కుల పరిరక్షణ కోసం నిరంతరం పోరాడుతుందని గురుమూర్తి స్పష్టం చేశారు. వైఎస్సార్‌సీపీ జిల్లా అధికార ప్రతినిధిగా రాధా మాధవినెల్లూరురూరల్‌: ౖవెఎస్సార్‌సీపీ జిల్లా అధికార ప్రతినిధిగా నగర నియోజకవర్గానికి చెందిన డాక్టర్‌ వంగిమళ్ల రాధా మాధవిని నియమిస్తున్నట్లు ఆ పార్టీ జిల్లా అధ్యక్షుడు కాకాణి గోవర్ధన్‌రెడ్డి శనివారం ప్రకటించారు. ఈ సందర్భంగా ఆమె మాట్లాడుతూ పార్టీ అధ్యక్షుడు వైఎస్‌ జగన్‌మోహన్‌రెడ్డి, కాకాణి గోవర్ధన్‌రెడ్డి, ఎమ్మెల్సీ చంద్రశేఖర్‌రెడ్డి, మేయర్‌ అభ్యర్థి ఆనం విజయకుమార్‌రెడ్డిలకు కృతజ్ఞతలు తెలిపారు. ఇచ్చిన బాధ్యతను సక్రమంగా నిర్వహిస్తానని తెలియజేశారు. 26, 28న ఎస్జీఎఫ్‌ క్రీడా ఎంపికలు నెల్లూరు (టౌన్‌): స్థానిక ఏసీ సుబ్బారెడ్డి స్టేడియంలో ఈనెల 26, 28వ తేదీల్లో స్కూల్‌ గేమ్స్‌ ఫెడరేషన్‌ క్రీడా ఎంపికలు నిర్వహించనున్నట్లు ఎస్జీఎఫ్‌ జిల్లా సెక్రటరీ మల్లికార్జున శనివారం ఒక ప్రకటనలో తెలిపారు. 26న అథ్లెటిక్స్‌ అండర్‌–19, హాకీ అండర్‌–19, కబడ్డీ, ఖోఖో, యోగాసనం అండర్‌–17, కరాటే, స్క్వాష్‌ అండర్‌–14, 17, 19 విభాగాల్లో బాల, బాలికలకు ఎంపికలు ఉంటాయన్నారు. 28న అథ్లెటిక్స్‌ అండర్‌–14, వాలీబాల్‌, ఫుట్‌బాల్‌ అండర్‌–19, ఖోఖో, యోగాసన అండర్‌–14, 19, హాకీ అండర్‌–14, 17, నెట్‌బాల్‌ అండర్‌–14, 17, 19 విభాగాల్లో ఎంపికలు ఉంటాయన్నారు. కాగా నెట్‌బాల్‌ ఎంపికలు బుచ్చిరెడ్డిపాళెంలోని డీఎల్‌ఎన్నార్‌ ప్రభుత్వ హైస్కూల్లో ఉంటాయన్నారు. క్రీడా ఎంపికలకు వ్యాయామ ఉపాధ్యాయులు సహకరించాలని కోరారు. ట్రాక్టర్‌ కిందపడి డ్రైవర్‌కు తీవ్రగాయాలుఅల్లూరు: ట్రాక్టర్‌ టైర్‌ కిందపడి డ్రైవర్‌కు తీవ్రగాయాలపాలైన ఘటన అల్లూరు మండల పరిధిలోని బట్రకాగొల్లు పంట పొలాల్లో చోటుచేసుకుంది. స్థానికుల వివరాల మేరకు.. బట్రకాగొల్లుకు చెందిన ఓ రైతు తన పొలంలో బావిని తవ్వుతున్న తరుణంలో ఆ మట్టిని తరలించేందుకు పలు ట్రాక్టర్లు వచ్చాయి. ఈ క్రమంలో ఓ డ్రైవర్‌ ట్రాక్టర్‌ను నిలుపుకుని టైరు పక్కన నిలబడి ఉన్నారు. వెనుక నుంచి మరో ట్రాక్టర్‌ వస్తూ ప్రమాదవశాత్తు ఢీకొనడంతో ముందున్న ట్రాక్టర్‌ కదిలి టైరు పక్కన నిలబడి ఉన్న డ్రైవర్‌ను తొక్కుకునిపోవడంతో తీవ్రగాయాలయ్యాయి. వెంటనే అతన్ని నెల్లూరులోని ఓ ప్రైవేటు ఆస్పత్రికి తరలించారని సమాచారం. డ్రైవర్‌ వివరాలు తెలియాల్సి ఉంది. ఈ ఘటనపై అల్లూరు పోలీసులకు ఎలాంటి సమాచారం లేదు. చెక్‌పోస్ట్‌లలో వాహన తనిఖీలు నెల్లూరు(క్రైమ్‌): స్థానిక సంస్థల ఎన్నికల నేపథ్యంలో పోలీసులు వాహన తనిఖీలు ముమ్మరం చేశారు. నెల్లూరు నగర ప్రవేశ, నిష్క్రమణ మార్గాల్లోని నవబాలదుర్గా దేవి గుడి వద్ద, పాతచెక్‌ పోస్టు, అయ్యప్పగుడి, కొత్తూరు, చింతారెడ్డిపాళెం జంక్షన్‌, అపోలో కూడలి వద్ద చెక్‌పోస్టులను ఏర్పాటు చేశారు. ఎంసీసీ అండ్‌ ఎస్‌ఎస్‌టీ బృందాలు నిరంతరం వాహన తనిఖీలు నిర్వహిస్తున్నాయి. ఎన్నికల నియమావళికి విరుద్ధంగా నగదు, మద్యం, ఇతర ప్రలోభ వస్తువులు అక్రమంగా తరలించే వారిపై కేసులు నమోదు చేసి చట్టపరమైన చర్యలు తీసుకుంటామని అధికారులు హెచ్చరిస్తున్నారు.

● టీడీపీ నేత సహకారంతో వ్యాపారవేత్త దురాక్రమణ పర్వం ● పెన్నాలో వంద అంకణాల పూడ్చివేత నెల్లూరు సిటీ: నగరంలోని భువనేశ్వరి అమ్మవారి ఆలయానికి సమీపంలో గోదాముల వద్ద పెన్నానది ఆక్రమణపై సాక్షిలో ‘దర్జాగా పెన్నానది ఆక్రమణ’ పేరిట గత నెల 23వ తేదీన కథనం ప్రచురితమైంది. దీంతో ఆయన కొంత కాలం ఆక్రమణకు బ్రేక్‌ ఇచ్చాడు. అయితే మూడు రోజుల నుంచి మళ్లీ ఆక్రమణను ప్రారంభించారు. ఇప్పటికే ట్రాక్టర్‌లలో వందల ట్రిప్‌ల మట్టిని తీసుకొచ్చి పూడ్చి వేస్తున్నారు. వంద అంకణాలకు పైగా స్థలాన్ని ఆక్రమించాడని తెలుస్తోంది. లోపలికి వెళ్లేందుకు కూడా ప్రత్యేక గేటును ఏర్పాటు చేశాడంటే పరిస్థితి ఏ విధంగా ఉందో అర్థం చేసుకోవచ్చు. ఆ వ్యాపారవేత్త ఏర్పాటు చేసిన గేటుకు అటువైపు ఎవరి కంటపడకుండా పెన్నానదిని కొంచెంకొంచెంగా ఆక్రమిస్తున్నారు. ఎవరూ వెళ్లనీయకుండా.. స్థానికంగా ఉండే ఓ టీడీపీ నేత వ్యాపారవేత్తకు పూర్తిస్థాయిలో భరోసా ఇచ్చాడని సమాచారం. పత్రికల్లో, మీడియాలో వార్తలొచ్చినా ఎవరూ ఏమీ చేయలేరని, తాను మంత్రి నారాయణకు దగ్గరగానే ఉంటానని, అన్నీ తాను చూసుకుంటానని చెప్పుకొచ్చినట్లు ప్రచారం సాగుతోంది. ఎన్నికల సమయం కావడంతో ఆ నేతకు భారీగా డబ్బులు ఇవ్వడంతో అధికారులను సైతం అటు వైపు వెళ్లనీయకుండా అండగా ఉన్నారు. అయితే ఈ ప్రాంతంలోనే మంత్రి నారాయణ పర్యటనలు చేస్తున్నా ఆక్రమణలపై పట్టించుకోకపోవడంపై స్థానికులు ఆగ్రహం వ్యక్తం చేస్తున్నారు. నగరంలోని కిసాన్‌నగర్‌లో ఓ వ్యాపారవేత్త దాదాపు వంద అంకణాలకు పైగా పెన్నానదిని పూడ్చి ఆక్రమిస్తున్నారు. ఓ టీడీపీ నేత తాను నారాయణ దగ్గరే ఉంటానని, నీకు అడ్డుతగిలే వారు లేరని భరోసా ఇవ్వడంతో ఏకంగా గేట్లు ఏర్పాటు చేసి ఎవరూ రాకుండా ఆక్రమణ పర్వం సాగిస్తున్నారు.

● డాక్టర్ల తీరుపై అసహనం నెల్లూరు(అర్బన్‌): నగరంలోని ప్రభుత్వ సర్వజన ఆస్పత్రి(జీజీహెచ్‌)లో అడిషనల్‌ డీఎంఈ, సూపరింటెండెంట్‌ డాక్టర్‌ కొండేటి మాధవి శనివారం ఆకస్మిక తనిఖీలు నిర్వహించారు. ప్రతి ఓపీని చెక్‌ చేశారు. స్కానింగ్‌, ఎక్స్‌రే, క్యాజువాలిటీలను పరిశీలించారు. ఈ సందర్భంగా కేన్సర్‌ విభాగంలో డాక్టర్లు లేకపోవడంపై నర్సులను ప్రశ్నించారు. డాక్టర్లు రౌండ్స్‌లో ఉన్నారని వారు కవర్‌ చేశారు. అనంతరం సర్జికల్‌ ఓపీ వద్దకు వెళ్లగా, అక్కడ దామరమడుగుకు చెందిన టి.మోహన్‌ అనే రోగి కడుపునొప్పితో నడవలేకపోతున్నాడు. ఆయన సూపరింటెండెంట్‌తో మాట్లాడుతూ తాను నొప్పితో అల్లాడుతున్నానని, రెండు గంటల నుంచి పట్టించుకోలేదని ఆవేదన వ్యక్తం చేశాడు. క్యాజువాలిటీకి వెళ్తే వారు అక్కడ వైద్యం చేయకుండా సర్జరీ ఓపీకి పంపించారని బాధపడ్డాడు. దీంతో మాధవి ఒక సెక్యూరిటీని తోడుగా ఇచ్చి క్యాజువాలిటీకి పంపి అత్యవసరంగా వైద్యం అందించేలా చేశారు. అనంతరం సర్జికల్‌ ఓపీ డాక్టర్లతో రోగి అల్లాడుతుంటే సకాలంలో వైద్యసేవలు ఎందుకు అందించలేదని నిలదీశారు. అక్కడ ఉన్న డాక్టర్లు పరీక్షలు కాలేదంటూ సర్దిచెప్పుకున్నారు. దీంతో ఆమె డాక్టర్ల తీరుపై అసహనం వ్యక్తం చేశారు. అనంతరం వివిధ పరీక్ష విభాగాలను పరిశీలించి తగిన సూచనలు చేశారు. ఆమె వెంట ఆర్‌ఎంఓ డాక్టర్‌ శ్రీనివాసులు, సిస్టమ్స్‌ ఇన్‌చార్జి సురేష్‌, విజయలక్ష్మి, సెక్యూరిటీ ఇన్‌చార్జి రమణయ్య పాల్గొన్నారు.

దుత్తలూరు(ఉదయగిరి): రపజాపోరులో ఓటమి తప్పదని భావించిన టీడీపీ నేతలు కుట్రలకు తెరలేపుతున్నారు. ఎలక్షన్లలో వైఎస్సార్‌ కాంగ్రెస్‌ పార్టీ అభ్యర్థులను బరిలో లేకుండా చేసే యత్నాలు జరుగుతున్నాయని పార్టీ మండల కన్వీనర్‌ వాసుదేవారెడ్డి ఆందోళన వ్యక్తం చేశారు. పార్టీ అభ్యర్థుల నామినేషన్లలో తప్పుల్లేకపోయినా.. ఉన్నాయంటూ ఆర్వో రమణరావు గంటల పాటు కూర్చోబెట్టి తిరస్కరిస్తున్నారు. కొత్తపేట, నర్రవాడ, బోడవారిపల్లి ఎంపీటీసీ స్థానాలకు సంబంధించిన నామినేషన్‌ పత్రాలనే రాత్రి వరకు పరిశీలించారు. ఇక్కడ వైఎస్సార్‌ కాంగ్రెస్‌ పార్టీ, ఇండిపెండెంట్‌ అభ్యర్థుల పత్రాలను తిరస్కరించి.. టీడీపీకి అనుకూలంగా వ్యవహరించి ఏకగ్రీవమయ్యేలా నిర్ణయాలు తీసుకుంటున్నారని ఆరోపించారు. దీనిపై తాము అప్పీల్‌కు వెళ్తామని, ఆర్వో బాధ్యతల నుంచి తప్పించి ఎన్నికలు సజావుగా సాగేలా కలెక్టర్‌ చర్యలు చేపట్టాలని కోరారు. నందిపాడులో వైఎస్సార్‌ కాంగ్రెస్‌ పార్టీ అభ్యర్థులు ముగ్గురి నామినేషన్‌ పత్రాలను తిరస్కరించారు. ఆందోళన ఆర్వో తీరును నిరసిస్తూ ఆందోళనను వైఎస్సార్‌ కాంగ్రెస్‌ పార్టీ నేతలు చేపట్టారు. నేతలు మాలకొండారెడ్డి, మండవ శివ, గంగాధర్‌, అశోక్‌, తిరుపాల్‌నాయుడు, కాలేషా, నాగరత్తమ్మ, వెంకటేశ్వర్లురెడ్డి తదితరులు పాల్గొన్నారు.

ప్రజాక్షేత్రంలోకి ఓటుకెళ్తే గెలుస్తామనే ధీమా అధికార కూటమి పార్టీలకు లేదు. గత సార్వత్రిక ఎన్నికల్లో ఎస్‌ఈసీ, సీఈసీలను అడ్డుపెట్టుకుని అడ్డదారిలో అధికారంలోకి వచ్చిన టీడీపీని ప్రజలు తమ ఓటుతో తిరస్కరించారనే విషయం ఆ పార్టీ నేతలకు తెలుసు. స్థానిక సంస్థల ఎన్నికల్లోనూ అదే గతి పడుతుందని భావించే.. అడ్డదారులు తొక్కుతోంది. ప్రజాస్వామ్యం స్థానంలో పచ్చస్వామ్యం కొనసాగుతోంది. రాజ్యాంగం స్థానంలో రెడ్‌బుక్‌ రాజ్యాంగం అమలవుతోంది. పోలీసులను, అధికారులను తమ గుప్పెట్లో పెట్టుకుని అధికార పార్టీ కార్పొరేషన్‌, మున్సిపాలిటీల నుంచి ప్రారంభమైన దాడులు, నామినేషన్‌ పత్రాలు చించివేత, ఉపసంహరణ బెదిరింపులు వంటి దాష్టీకాలు పరిషత్‌ ఎన్నికల్లోనూ అప్రతిహతంగా కొనసాగుతున్నాయి. సాక్షిప్రతినిధి, నెల్లూరు: జిల్లాలో 440 ఎంపీటీసీ స్థానాలు, 35 జెడ్పీటీసీ స్థానాలకు ఎన్నికలు జరిగేందుకు నామినేషన్లు స్వీకరించారు. 440 ఎంపీటీసీ స్థానాలకు 2,639 మంది నామినేషన్లు వేశారు. ఒకే పార్టీకి చెందిన వారు కూడా పలు సెట్లను దాఖలు చేయడంతో సంఖ్య భారీగా పెరిగింది. 35 జెడ్పీటీసీ స్థానాలకు 332 మంది నామినేషన్లు వేశారు. నామినేషన్ల స్క్రూటీని శనివారం మధ్యాహ్నం 3 గంటలకే పూర్తయి పోటీలో ఉన్న అభ్యర్థులను ప్రకటించాల్సి ఉంది. అయితే అందుకు విరుద్ధంగా సాయంత్రం 7 గంటల వరకు కూడా కొన్నిచోట్ల పోటీలో నిలిచిన అభ్యర్థుల వివరాలు ప్రకటించలేదు. ఏకపక్షంగా నామినేషన్ల తిరస్కరణ స్థానిక సంస్థల నామినేషన్ల పరిశీలన ప్రక్రియ వివాదాస్పదంగా మారింది. జిల్లాలో చేజర్ల, మర్రిపాడు, వరికుంటపాడు, దుత్తలూరు ఆర్వోలు బరితెగించి అడ్డగోలుగా వ్యవహరించారు. కేవలం వైఎస్సార్‌సీపీ నామినేషన్ల విషయంలో కారణాలు లేకుండానే తిరస్కరించి.. టీడీపీ అభ్యర్థులను ఏకగ్రీవం చేసే విధంగా అధికార దుర్వినియోగానికి పాల్పడ్డారు. మరికొన్ని సెగ్మెంట్లలో టీడీపీ అభ్యర్థులతోపాటు అనామక అభ్యర్థి నామినేషన్లు ఆమోదించి పరోక్షంగా సహకారాన్ని అందించారు. వైఎస్సార్‌సీపీ అభ్యర్థులు దాఖలు చేసిన నామినేషన్‌ పత్రాలను స్థానిక అధికారులు టీడీపీ నాయకులకు ఆ పత్రాలను వాట్సాప్‌ ద్వారా పంపించినట్లు ఆరోపణలున్నాయి. అన్నీ సక్రమంగా ఉన్నప్పటికీ నామినేషన్‌తో సబ్మిట్‌ చేసిన పలు పత్రాలను చించేయడం జరిగిందని, స్క్రూటీని చేసే సందర్భంగా వైఎస్సార్‌సీపీకి సంబంధించిన నామినేషన్‌ పత్రాల్లో సరైన పత్రం జతపరచలేదని, పలానా పేజీలో సంతకం చేయడం చెప్పడం చూస్తుంటే వారికి ముందుగానే నామినేషన్‌ పత్రాలు చేరినట్లుగా స్పస్టంగా అర్థమవుతుంది.నిబంధనలను అన్ని పార్టీలకు సమానంగా అమలు చేయాల్సిన అధికారులు అధికార పార్టీ నామినేషన్ల విషయంలో ఎలాంటి అభ్యంతరాలు వ్యక్తం చేయడం లేదు. వైఎస్సార్సీపీ అభ్యర్థుల విషయంలో చిన్న, చిన్న కారణాలు చూపుతూ ఉద్దేశ పూర్వకంగా పలుచోట్ల తిరస్కరించారు. ఒక వైపు ఎన్నికల కమిషన్‌ చిన్న, చిన్న లోపాలను పరిగణనలోకి తీసుకోవాల్సిన అవసరం లేదని స్పష్టంగా ప్రకటించినప్పటికీ అధికారులు మాత్రం ఎన్నికల కమిషన్‌ నిబంధనలకు తూట్లు పొడుస్తూ అధికార పార్టీ అభ్యర్థులకు అంటకాగారు. వైఎస్సార్సీపీ అభ్యర్థులవే తిరస్కరణ వైఎస్సార్సీపీ అభ్యర్థుల పత్రాల్లో సాంకేతిక కారణాలు చూపి తిరస్కరించి టీడీపీకి ఏకగ్రీవంగా చేసేందుకు అధికారులు ప్రయత్నించారు. నామినేషన్‌ పత్రాల్లో సంతకాలు చేసినప్పటికీ అన్ని పత్రాల్లో సంతకాలు లేవంటూ తిరస్కరించారు. ఉదయగిరి నియోజకవర్గం వరికుంటపాడు మండలంలోని తోటలచెరువుపల్లి అభ్యర్థి రాయవరపు నారాయణ వృత్తి సక్రమంగా నమోదు చేయలేదని తిరస్కరించారు. ఇరువూరులో మారంరెడ్డి శివారెడ్డి నామినేషన్‌ను భార్యకు సంబంధించిన వివరాలు పూర్తిగా నమోదు చేయలేదంటూ తిరస్కరించారు. దుత్తలూరు మండలంలోని కొత్తపేట, బోడవారిపల్లె, నర్రవాడ సెగ్మెంట్లలో వైఎస్సార్సీపీ అభ్యర్థుల నామినేషన్లు తిరస్కరించారు. దుత్తలూరు మండలంలో 8 ఎంపీటీసీ స్థానాలుండగా రాత్రి సమయం వరకు కూడా 3 సెగ్మెంట్ల నామినేషన్‌ పత్రాల పరిశీలన చేయలేదు. ఈ మూడు సైతం వైఎస్సార్‌సీపీ అభ్యర్థులవే తిరస్కరించారు. అంతా.. ఆనం కనుసన్నల్లోనే..! కూటమి నేతలతో చేజర్ల ఆర్వో కుమ్మక్కు ఏకపక్షంగా వ్యవహరిస్తూ.. వైఎస్సార్సీపీ అభ్యర్థుల నామినేషన్ల తిరస్కరణ చేజర్ల: స్థానిక సంస్థల ఎన్నికలకు సంబంధించిన నామినేషన్ల పరిశీలన మంత్రి ఆనం, కూటమి నేతల కనుసన్నల్లో జరిగింది. అమాత్యుడి ఆదేశాలతో చేజర్ల మండల ఆర్వో బొడ్డు ప్రసాద్‌బాబు ఏకపక్షంగా వ్యవహరించి.. వైఎస్సార్‌ కాంగ్రెస్‌ పార్టీ అభ్యర్థుల నామినేషన్లను తిరస్కరించారు. కూటమి అభ్యర్థుల పత్రాలను నిమిషాల్లోనే పరిశీలించగా, వైఎస్సార్‌ కాంగ్రెస్‌ పార్టీ అభ్యర్థులు ఒక్కొక్కరికీ గంటలు తీసుకున్నారు. నిబంధనలను పాటించకుండా మంత్రి కార్యాలయం సూచించిన సెగ్మెంట్లలో అభ్యర్థుల నామినేషన్‌ పత్రాలను ఆర్వో తిరస్కరించారని నేతలు ఆరోపించారు. తిరస్కరణకు గురైన అభ్యర్థులు సంతకాలు చేసి వెళ్లిపోవాలంటూ ఆర్వో, సహాయ రిటర్నింగ్‌ అధికారి అమర్‌నాథ్‌ ఒత్తిడి తెచ్చారు. సహనాన్ని పరీక్షించి.. పరిశీలన కార్యక్రమం సాయంత్రం ఐదు గంటలకల్లా పూర్తి కావాల్సి ఉండగా, రాత్రి పొద్దుపోయే వరకు జరిపి వైఎస్సార్‌ కాంగ్రెస్‌ పార్టీ అభ్యర్థుల సహనాన్ని పరీక్షించారు. నాలుగు సెగ్మెంట్ల అభ్యర్థుల నామినేషన్లను తిరస్కరించారు. ఆర్వో తీరును నిరసిస్తూ ఎంపీడీఓ కార్యాలయ ఆవరణలో నిరసన వ్యక్తం చేశారు. ఈ విషయమై ఆర్డీఓ, కలెక్టర్‌ను ఫోన్లో సంప్రదించేందుకు పార్టీ అభ్యర్థులు యత్నించగా, వారు స్పందించలేదు. ఎన్నికల్లో ఓటమి తప్పదనే సంకేతాల తరుణంలో రాత్రికి రాత్రే అధికారులపై మంత్రి ఒత్తిడి తెచ్చి, వైఎస్సార్‌ కాంగ్రెస్‌ పార్టీ అభ్యర్థుల నామినేషన్లను తిరస్కరించేలా ప్లాన్‌ చేశారనే ఆరోపణలు వినిపిస్తున్నాయి. సీఎంఓ స్థాయిలో ఒత్తిడి చేజర్ల మండలంలో వైఎస్సార్‌ కాంగ్రెస్‌ పార్టీ తరఫున బరిలో నిలిచిన అభ్యర్థులపై సీఎంఓ స్థాయిలో ఒత్తిడి తెచ్చి నామినేషన్‌ను ఉపసంహరించుకోవాలంటూ హుకుం జారీ చేశారని తెలుస్తోంది. మండలంలోని ఓ సెగ్మెంట్‌కు పార్టీ తరఫున ఓసీ మహిళ పోటీ చేయగా, ఆమె భర్త చిత్తూరు నగరపాలక సంస్థ కమిషనర్‌గా పనిచేస్తున్నారు. ఈ క్రమంలో ఆయనపై ఒత్తిడి తెచ్చి, నామినేషన్‌ను ఉపసంహరించుకోవాలంటూ బెదిరింపులకు గురిచేశారని సమాచారం. చేజర్ల, మర్రిపాడు, వరికుంటపాడు, దుత్తలూరు ఆర్వోల బరితెగింపు ఓటమి భయంతో టీడీపీ అడ్డదారులు నామినేషన్లు వేయనీయకుండా దాడులు, పత్రాల చించివేత టీడీపీ నేతల అరాచకాలను ఎదిరించి.. దాఖలు చేసిన వైఎస్సార్‌సీపీ శ్రేణులు పరిశీలనలో కారణాలు లేకుండానే ఉద్దేశపూర్వకంగానే తిరస్కరణలు అధికార పార్టీ అభ్యర్థుల నామినేషన్ల పరిశీలన క్షణాల్లో ఆమోదం వైఎస్సార్‌సీపీ నామినేషన్ల విషయంలో గంటల కొద్దీ భూతద్దాలతో శోధన చిన్న, చిన్న విషయాలను పట్టించుకోవద్దన్న ఎన్నికల కమిషన్‌ అయినా వైఎస్సార్సీపీ అభ్యర్థులే టార్గెట్‌ టీడీపీకి తొత్తుల్లా ఆర్వోల వ్యవహారం

నెల్లూరు(అర్బన్‌): తూర్పు మధ్య బంగాళాఖాతంలో ఏర్పడిన అల్పపీడనం ఆదివారానికి తీవ్ర వాయుగుండంగా బలపడే అవకాశముందని వాతావరణ శాఖ ప్రకటించింది. ఆపై తుఫాన్‌గా మారనుందని విపత్తుల సంస్థ ఎండీ ప్రఖర్‌జైన్‌ తెలిపారు. ఆర్నబ్‌ తుఫాన్‌ ప్రభావం జిల్లాపై తీవ్రంగా లేకపోయినా, భారీ వర్షాలు కురుస్తాయని అధికారులు తెలిపారు. కడలిలో అలలు ఇప్పటికే ఎగసిపడుతున్నాయి. సముద్రం ఐదు మీటర్ల మేర ముందుకొచ్చింది. తీరంలో ఈదురుగాలులు ప్రారంభమయ్యాయి. సముద్రంలోకి వేటకు మత్స్యకారులు వెళ్లరాదని కలెక్టర్‌ హిమాన్షు శుక్లా సూచించారు. మోస్తరు వానలు జిల్లాలో వర్షాలు శనివారం దాదాపు ఆగిపోయాయి. కొన్ని మండలాల్లో ఓ మోస్తరుగా కురిశాయి. మర్రిపాడులో 34.8, వరికుంటపాడులో 29.6, నెల్లూరు అర్బన్‌లో 25.2, కోటలో 19.4, కోవూరులో 19.4, కావలిలో 17.6, తోటపల్లిగూడూరులో 17.2, దగదర్తిలో 15.4, ఉదయగిరిలో 13.8, బుచ్చిరెడ్డిపాళెంలో 12.8, కొడవలూరులో 12.2 మిల్లీమీటర్ల వర్షం కురిసింది. ఓటర్ల సందేహాలకు హెల్ప్‌లైన్‌ నెల్లూరు రూరల్‌: స్థానిక సంస్థల ఎన్నికల నేపథ్యంలో నగరంలోని కలెక్టరేట్లో ఏర్పాటు చేసిన హెల్ప్‌లైన్‌ నిరంతరం సేవలందిస్తోందని కలెక్టర్‌ హిమాన్షు శుక్లా శనివారం ఒక ప్రకటనలో తెలిపారు. ఎన్నికలకు సంబంధించిన సందేహాల నివృత్తి కోసం కాల్‌ సెంటర్‌ను దాదాపు 50 మంది సంప్రదించారని వివరించారు. సమస్యలను సంబంధిత అధికారుల దృష్టికి తీసుకెళ్లి పరిష్కరిస్తున్నామని చెప్పారు. హెల్ప్‌లైన్‌ నంబర్‌ 0861 – 2331261, వాట్సాప్‌ నంబర్‌ 79955 76699ను సంప్రదించాలని సూచించారు. బిల్లుల ప్రత్యేక వసూళ్ల కార్యక్రమం నేడు నెల్లూరు(వీఆర్సీసెంటర్‌): ఎస్పీడీసీఎల్‌ జిల్లా సర్కిల్‌ పరిధిలో విద్యుత్‌ బిల్లుల ప్రత్యేక వసూళ్ల కార్యక్రమాన్ని ఆదివారం నిర్వహించనున్నామని ఎస్‌ఈ సుధాకర్‌ శనివారం ఒక ప్రకటనలో తెలిపారు. క్షేత్రస్థాయిలో బృందాలు పర్యటించి, పెండింగ్‌లో ఉన్న బిల్లులను వసూలు చేయనున్నాయని వివరించారు. లక్ష్యసాధనకు అధికారులు, సిబ్బంది సమన్వయంతో పనిచేయాలని సూచించారు. ఎన్‌ఎల్‌ఎస్‌ఏ రాష్ట్రాధ్యక్షుడిగా మహేష్‌ ఉదయగిరి: నేషనల్‌ లా స్టూడెంట్స్‌ అసోసియేషన్‌ (ఎన్‌ఎల్‌ఎస్‌ఏ) రాష్ట్ర అధ్యక్షుడిగా హైకోర్టు న్యాయవాది, వింజమూరు మండలం బుక్కాపురానికి చెందిన కానాల మహేష్‌ నియమితులయ్యారు. ఈ మేరకు నియామక ఉత్తర్వులను జాతీయ అధ్యక్షుడు సుందరరాజ్‌ శనివారం జారీ చేశారు. మహేష్‌కు అభినందనలను పలువురు తెలియజేశారు. న్యాయ విద్యార్థుల హక్కులు, సంక్షేమానికి కృషి చేస్తానని పేర్కొన్నారు. శ్రీవారి దర్శనానికి 15 గంటలు తిరుమల: తిరుమలలో భక్తుల రద్దీ శనివారం ఎక్కువగా ఉంది. క్యూ కాంప్లెక్స్‌లోని 31 కంపార్ట్‌మెంట్లు నిండిపోయి.. ఏటీజీహెచ్‌ వరకు క్యూ చేరుకుంది. స్వామివారిని 70,496 మంది శుక్రవారం అర్ధరాత్రి వరకు దర్శించుకున్నారు. తలనీలాలను 29,327 మంది అర్పించారు. కానుకల రూపంలో హుండీలో రూ.3.95 కోట్లను సమర్పించారు. టైమ్‌ స్లాట్‌ టికెట్లున్న వారికి సకాలంలో దర్శనం లభిస్తోంది. ఇవి లేని వారికి 15 గంటల సమయం పడుతోంది. ప్రత్యేక టికెట్లున్న వారు మూడు గంటల్లోనే దర్శించుకోగలుగుతున్నారు.

సాక్షి ప్రతినిధి, నెల్లూరు: ప్రజాస్వామ్యాన్ని పరిరక్షించాల్సిన పోలీసులే.. రాజ్యాంగ హక్కులను ఖూనీ చేస్తున్నారు. ఖాకీ దుస్తులు ధరించిన కిరాయి గూండాల్లా వ్యవహరిస్తూ ప్రజాస్వామ్యంపై దాడి చేస్తున్నారు. స్థానిక సంస్థల ఎన్నికల వేళ జిల్లాలో కొందరు పోలీస్‌ అధికారులు ఖాకీ చొక్కాలు వదిలి పచ్చచొక్కాలు తొడిగారు. వైఎస్సార్‌సీపీ అభ్యర్థులను నామినేషన్లు వేయొద్దని, ఒకవేళ నామినేషన్‌ దాఖలు చేసి ఉంటే విత్‌ డ్రా చేసుకోమని నేరుగా అభ్యర్థులను బెదిరిస్తున్నారు. తాము చెప్పినట్లు వినకపోతే జరగబోయే పరిణామాలు తీవ్రంగా ఉంటాయని హుంకరింపులు చేస్తున్నారు. ప్రజాస్వామ్య వ్యవస్థలో సజావుగా ఎన్నికలను జరపాల్సిన పోలీస్‌ అధికారులే అధికార పార్టీ నేతలకు కొమ్ము కాస్తూ డిక్టేటర్లుగా మారుతున్నారు. ఖాకీలే.. నామినేషన్‌ కేంద్రాలు కబ్జా పచ్చ నేతలతోపాటు ఖాకీలు సైతం నామినేషన్‌ కేంద్రాలను కబ్జా చేసి ఏకపక్ష ఎన్నికల ప్రక్రియకు తెగబడ్డారు. ప్రతిపక్ష పార్టీ అభ్యర్థులు నామినేషన్‌ కేంద్రాలకే రానివ్వకుండా.. కర్రలు, రాడ్లతో యథేచ్ఛగా వచ్చి దాడులకు పాల్పడుతున్నా.. పోలీస్‌ యంత్రాంగం ప్రేక్షకపాత్ర పోషిస్తున్నారు. చివరికి మహిళల చీరలు లాగేసి.. చించేసి.. నామినేషన్లు పత్రాలు లాక్కొని వెళ్తున్నా.. నిలువరించకుండా.. చూస్తుండిపోయారు. కొన్ని చోట్ల అయితే.. వైఎస్సార్‌సీపీ అభ్యర్థులను నామినేషన్‌ కేంద్రాల వద్దకే రానివ్వకుండా.. పోలీస్‌లు తమదైన కౌన్సెలింగ్‌ చేస్తున్నారు. ఉదయగిరి నియోజకవర్గంలో పోలీస్‌శాఖ టీడీపీ నేతలకు అడుగులకు మడుగులు ఒత్తుతోంది. సీతారాపురంలో ఎస్సై, ఉదయగిరి సీఐ అభ్యర్థులకు బెదిరింపులు చేసినట్లు ఆరోపణలు వెల్లువెత్తుతున్నాయి. సీతారామపురం ఎంపీపీ రేసులో ఉన్న వైఎస్సార్‌సీపీ అభ్యర్థి తన నామినేషన్‌ దాఖలు చేసే సమయంలో పోలీస్‌ నో అబ్జెక్షన్‌ సర్టిఫికెట్‌ కోసం స్టేషన్‌కు వెళ్తే స్థానిక ఎస్సై టీడీపీ నేతగా మారి క్లాస్‌ పీకారంట. ‘నేను చెప్పింది విను. వైఎస్సార్‌సీపీ తరఫున నామినేషన్‌ వేయొద్దు. నీవు ప్రచారం కూడా చేసుకోలేవు.. నీపై హత్యాయత్నం కేసులు నమోదు చేసే అవకాశం ఉందని హెచ్చరించారు. నామినేషన్‌ వేసిన తర్వాత కూడా ఎస్సైతోపాటు సీఐ కూడా మరోసారి విత్‌డ్రా చేసుకోమని బెదిరింపులకు దిగారని ఆ పార్టీ నేతలు చెబుతున్నారు. చిల్లకూరులో.. గూడూరు నియోజకవర్గం చిల్లకూరు ఎస్సై కూడా వైఎస్సార్‌సీపీ అభ్యర్థులను టార్గెట్‌ చేసి బెదిరింపులకు పాల్పడ్డారని సమాచారం. మండలంలో ఎంపీటీసీ స్థానాలకు పోటీ చేసే అభ్యర్థులు, స్థానిక నేతలకు కౌన్సెలింగ్‌ పేరుతో స్టేషన్‌కు పిలిపించి ఎవరూ కూడా నామినేషన్లు దాఖలు చేయొద్దని, నామాట కాదని నామినేషన్‌ వేస్తే వారిపై అక్రమ కేసులు పెట్టి జైలుకు పంపుతానంటూ బెదిరింపులకు దిగినట్లు నేతలు వాపోతున్నారు. ఈ క్రమంలోనే ఎస్టీ, ఎస్సీలకు రిజర్వు అయిన మూడు ఎంపీటీసీ స్థానాలకు వైఎస్సార్‌సీపీ తరఫున పోటీ చేసేందుకు భయపడినట్లు తెలుస్తోంది. జెడ్పీటీసీ స్థానం కూడా ఎస్టీకి రిజర్వు కావడంతో వైఎస్సార్‌సీపీ తరఫున పోటీ చేసేందుకు ఆ పార్టీ అభ్యర్థిని సిద్ధం చేయగా, సదరు అభ్యర్థిని సైతం బెదిరించడంతో ఏకంగా ఊరు వదిలేసి వెళ్లిపోవడంతో ఆ మండలం నుంచి అభ్యర్థిని పోటీ పెట్టలేకపోయామని స్థానికులు ఆందోళన వ్యక్తం చేశారు. స్థానిక ఎస్సై తీరుపై మండల ప్రజలు మండి పడుతున్నారు. స్టేషన్‌కు వెళ్లాలంటే పచ్చ పార్టీ బ్యాడ్జి వేసుకుని వెళ్లాల్సి వస్తుందని చెబుతున్నారు. పచ్చచొక్క తొడగకపోతే వారికి పట్టపగలే చుక్కలు చూపిస్తున్నారని ఆరోపణలు వినిపిస్తున్నాయి. స్థానిక సంస్థల ఎన్నికల్లో వైఎస్సార్‌సీపీ అభ్యర్థులకు బెదిరింపులు అక్రమ కేసుల్లో ఇరికిస్తామంటూ హుంకరింపులు సీతారామపురంలో ఎంపీపీ అభ్యర్థికి ఎస్సై, సీఐ వార్నింగ్‌లు చిల్లకూరులో ఎంపీటీసీ అభ్యర్థులపై ఎస్సై ఒత్తిళ్లు నామినేషన్లు విత్‌డ్రా చేసుకోవాలని బలవంతం పచ్చ చొక్కాలు తొడిగిన రక్షక భటులుకళ్లముందే నామినేషన్లు చించేస్తున్నా.. జిల్లాలో ఎంపీటీసీ నామినేషన్ల కేంద్రాల్లో పోలీస్‌ శాఖ రూల్స్‌ బ్రేక్‌ చేస్తోంది. వైఎస్సార్‌సీపీ అభ్యర్థులకు మాత్రం పక్కాగా రూల్స్‌ అంటూ అభ్యర్థితోపాటు మరో ఇద్దరిని మాత్రమే అనుమతిస్తున్నారు. కొన్ని చోట్ల నామినేషన్ల కేంద్రాల వద్దకు వెళ్లనివ్వకుండా అడ్డుకుంటున్నారు. టీడీపీ అభ్యర్థులను మాత్రం గుంపులుగా వెళ్తున్నా పట్టించుకోవడం లేదు. ఎవరైనా పోలీస్‌ను ప్రశ్నిస్తే వారిపై దురుసుగా ప్రవర్తిస్తున్నారు. ఆత్మకూరు నియోజకవర్గంలో మర్రిపాడులో శుక్రవారం టీడీపీ అభ్యర్థి ఏకంగా ఎన్నికల అధికారి చేతిలో ఉన్న వైఎస్సార్‌సీపీ అభ్యర్థి నామినేషన్‌ను లాక్కోని చించి వేయడం జరిగింది. కానీ పోలీసులు మాత్రం ఆ విషయంలో ఎలాంటి చర్యలు తీసుకోలేదు. గూడూరు నియోజకవర్గంలో పోలీస్‌ శాఖ ఏకపక్షంగా వ్యవహరించారనే ఆరోపణలు ఉన్నాయి. నామినేషన్ల కేంద్రాల వద్దే టీడీపీ మూకలు మోహరించి వైఎస్సార్‌సీపీ అభ్యర్థులను నామినేషన్లు వేయనివ్వకుండా భౌతిక దాడులకు పాల్పడుతుంటే పోలీస్‌ యంత్రాంగం వారికి సహకరిస్తూ.. ప్రేక్షపాత్ర పోషించింది. తిరుపతి జిల్లా వాకాడులో కూడా వైఎస్సార్‌సీపీ నేతలను టార్గెట్‌ చేసి అక్రమ కేసులు నమోదు చేస్తున్నారు. టీడీపీ నేతలు చెప్పిందే వేదంగా భావించి ప్రతిపక్ష పార్టీ నేతలపై అక్రమ కేసులతో భయభ్రాంతులకు గురిచేస్తున్నారు.

మర్రిపాడు: మండలంలోని సింగనపల్లిలో ఎంపీటీసీ నామినేషన్ల సమయంలో వైఎస్సార్‌ కాంగ్రెస్‌ పార్టీ అభ్యర్థులపై టీడీపీ మూకలు దౌర్జన్యానికి పాల్పడ్డాయి. అభ్యర్థి ఖాన్‌సా నామినేషన్‌ పత్రాలను చించేసి.. కాలితో తన్నారు. ఎన్నికల అధికారి ముందే ఈ ఘటన జరిగిందని పార్టీ నేతలు ఆరోపించారు. పరిమితికి మించి లోపలికెళ్తున్నా, ఖాకీలు ఏ మాత్రం పట్టించుకోలేదు. ఈ పరిణామాలు ప్రజాస్వామ్యానికి విరుద్ధంగా ఉన్నాయని పార్టీ నేత గంగవరపు శ్రీనివాసులునాయుడు ఆరోపించారు. నేతలు చెన్ను వెంకటేశ్వరరెడ్డి, సిద్ధంరెడ్డి మోహన్‌రెడ్డి, దుగ్గిరెడ్డి కృష్ణప్రసాద్‌రెడ్డి తదితరులు పాల్గొన్నారు.

● వేర్వేరు చోట్ల ఇద్దరు వృద్ధుల ఆత్మహత్య మలిసంధ్యలో ప్రశాంతంగా గడపాల్సిన వృద్ధాప్యం కొందరి జీవితాల్లో తీరని వేదనను మిగిలిస్తోంది. ఒంటరితనం, కుటుంబ సమస్యలు, అనారోగ్యం.. ఇలా కారణాలేవైనా కొందరు వృద్ధులు ఆత్మహత్యలకు పాల్పడటం ఆందోళన కలిగిస్తోంది. చీరతో ఉరేసుకుని.. నెల్లూరు(క్రైమ్‌): ఒంటరితనం భరించలేక ఓ వృద్ధురాలు ఆత్మహత్య చేసుకుంది. శుక్రవారం ఆమె నివాసం నుంచి నుంచి దుర్వాసన వస్తుండటంతో ఈ ఘటన వెలుగులోకి వచ్చింది. పోలీసుల కథనం మేరకు.. చంద్రమౌళినగర్‌ ఆరో వీధిలో పార్వతమ్మ (75) నివాసం ఉంటున్నారు. ఆమె భర్త ఐదు సంవత్సరాల క్రితం అనారోగ్యంతో మృతిచెందాడు. పిల్లలకు వివాహాలై వేర్వేరు ప్రాంతాల్లో ఉంటున్నారు. దీంతో ఆమె ఇంట్లో ఒంటరిగా ఉంటోంది. తనకొచ్చే పింఛన్‌, మిలటరీ కాలనీలో ఉంటున్న కుమారుడు గజేంద్ర అందించే డబ్బుతో జీవనం సాగిస్తున్నారు. శుక్రవారం ఆమె నివాసం నుంచి దుర్వాసన రావడంతో స్థానికులు కుమారుడికి ఫోన్‌ ద్వారా సమాచారం అందించారు. అతను వెళ్లిచూడగా ఇంట్లోని రేకుల కింద ఉన్న ఇనుప పైపునకు చీరతో ఉరేసుకుని తల్లి మృతిచెంది ఉండటాన్ని గుర్తించాడు. ఈనెల 19వ తేదీన ఆమెను చూసినట్లు స్థానికులు చెప్పారు. తన తల్లి ఒంటరితనం భరించలేక ఆత్మహత్య చేసుకుని ఉంటుందని గజేంద్ర వేదాయపాళెం పోలీసులకు ఇచ్చిన ఫిర్యాదులో పేర్కొన్నారు. పోలీసులు ఘటనా స్థలానికి చేరుకుని మృతదేహాన్ని జీజీహెచ్‌ మార్చురీకి తరలించారు. ఏం కష్టమొచ్చిందో.. చేజర్ల: వృద్ధాప్యంలో ఆయనకు ఏ కష్టం వచ్చిందో తెలియదు గానీ.. విషగుళికలు తిని అపస్మారక స్థితిలో చేరుకోగా ఆస్పత్రిలో చికిత్స పొందుతూ మృతిచెందాడు. ఈ ఘటన మండలంలోని చిత్తలూరు సమీపంలో చోటుచేసుకుంది. పోలీసుల కథనం మేరకు.. పాడేరు గ్రామానికి చెందిన వేమయ్య (65) ఆదూరుపల్లి – చిత్తలూరు ప్రధాన రహదారి పక్కన అపస్మారక స్థితిలో పడి ఉండటాన్ని అటుగా వెళ్తున్న వాహనదారులు, స్థానికులు శుక్రవారం గమనించారు. వెంటనే 108కు సమాచారం అందించారు. దీంతో అక్కడికి చేరుకున్న అంబులెన్స్‌ సిబ్బంది వృద్ధుడిని చిత్తలూరు ప్రాథమిక ఆరోగ్య కేంద్రానికి తరలించారు. పరిస్థితి విషమంగా ఉండటంతో మెరుగైన వైద్యం కోసం ఆత్మకూరు జిల్లా ఆస్పత్రికి తీసుకెళ్లాలని వైద్య సిబ్బంది సూచించారు. దీంతో 108 సిబ్బంది ఆయన్ను అక్కడికి తరలించగా, చికిత్స పొందుతూ చనిపోయాడు. వేమయ్యకు భార్యాబిడ్డలు లేరని, చెల్లెలు, బావ ఉన్నారని పోలీసులు పేర్కొన్నారు. ఆదరణ లేక బలవన్మరణానికి పాల్పడినట్లు స్థానికులు చెబుతున్నారు. చేజర్ల పోలీసులు కేసు నమోదు చేశారు.

● 35 జెడ్పీటీసీలకు 302 నామినేషన్లు ● 440 ఎంపీటీసీ స్థానాలకు 2,639 ● నేడు పరిశీలన ● 25, 26 తేదీల్లో అభ్యంతరాల స్వీకరణ ● 27న విత్‌డ్రా నెల్లూరు(పొగతోట): స్థానిక సంస్థల ఎన్నికలకు సంబంధించి జెడ్పీటీసీ, ఎంపీటీసీల నామినేషన్ల ప్రక్రియ ముగిసింది. శుక్రవారం చివరిరోజు రాత్రి 9:30 గంటల వరకు స్వీకరణ ప్రక్రియ కొనసాగింది. మూడురోజుల నుంచి నెల్లూరులోని జిల్లా పరిషత్‌ కార్యాలయంలో జెడ్పీటీసీ అభ్యర్థుల నుంచి అధికారులు నామినేషన్లు స్వీకరించారు. జిల్లా వ్యాప్తంగా 35 జెడ్పీటీసీ స్థానాలున్నాయి. వాటికి 302 నామినేషన్లు వచ్చాయి. మొదటిరోజు 12, రెండోరోజు 115, మూడోరోజు 175 మంది అభ్యర్థులు నామినేషన్లు దాఖలు చేశారు. చివరిరోజు వేసిన వారిలో వైఎస్సార్‌సీపీ అభ్యర్థులు 111 మంది, టీడీపీ నుంచి 115, బీఎస్పీ 19, బీజేపీ 8, సీపీఐ (ఎం) 2, కాంగ్రెస్‌ 11, జెఎస్పీ 17, స్వతంత్రులు 19 మంది ఉన్నారు. ఇక 440 ఎంపీటీసీ స్థానాలకు 2,639 మంది అభ్యర్థులు నామినేషన్లు దాఖలు చేశారు. వైఎస్సార్‌సీపీ అభ్యర్థుల నుంచి 1,152, టీడీపీ నుంచి 1,124, బీఎస్పీ నుంచి 23, బీజేపీ నుంచి 59, సీపీఐ (ఎం) నుంచి 44, కాంగ్రెస్‌ నుంచి 23, జేఎస్పీ నుంచి 81, బీసీవైపీ నుంచి 2, స్వతంత్రులు 131 మంది ఉన్నారు. చివరిరోజు అత్యధికంగా 1,084 మంది అభ్యర్థులు నామినేషన్‌ పత్రాలు సమర్పించారు. జెడ్పీ సీఈఓ మధుసూదన్‌, డిప్యూటీ సీఈఓ బ్రహ్మయ్య ఈ ప్రక్రియను పర్యవేక్షించారు. శనివారం నామినేషన్ల పరిశీలన ప్రక్రియ నిర్వహించనున్నారు. జెడ్పీటీసీలకు సంబంధించి జిల్లా పరిషత్‌ కార్యాలయంలో జరుగుతుంది. ఎంపీటీసీలకు సంబంధించిన పరిశీలన ఆయా మండలాల్లో ఎంపీడీఓ కార్యాలయాల్లో నిర్వహిస్తారు. ఈనెల 25వ తేదీన నామినేషన్లపై అభ్యంతరాలు స్వీకరిస్తారు. జెడ్పీటీసీలకు సంబంధించినవి కలెక్టర్‌ హిమాన్షు శుక్లా సమర్పించాలి. ఎంపీటీసీలవి ఆయా రెవెన్యూ డివిజన్ల ఆర్డీఓలకు ఇవ్వాలి. 26వ తేదీన అభ్యంతరాలపై నిర్ణయం తీసుకుంటారు. 27వ తేదీన నామినేషన్ల ఉపసంహారణ ప్రక్రియ చేపట్టనున్నారు. వచ్చే నెల 3వ తేదీన పోలింగ్‌ నిర్వహించనున్నారు. 5వ తేదిన ఓట్ల లెక్కింపు ప్రక్రియ జరుగుతుంది. మండలాలకు ఎన్నికల సామగ్రి జెడ్పీటీసీ, ఎంపీటీసీల ఎన్నికలకు సంబంధించిన సామగ్రి జెడ్పీ కార్యాలయం నుంచి మండలాలకు పంపించారు. బ్యాలెట్‌ బాక్సులు, పోలింగ్‌ సామగ్రి పంపిణీ జరిగింది.

‘కూటమి పాలనలో నెల్లూరు నగరం అభివృద్ధి పథంలో దూసుకుపోతోంది. రోడ్లు బాగు చేశాం. సుందరీకరణ పనులు చేపట్టాం. నగరాన్ని పరిశుభ్రంగా ఉంచడంతో స్వచ్ఛ అవార్డులు వచ్చాయి. అండర్‌ బ్రిడ్జిల్లో నీరు నిల్వ చేరకుండా రూ.కోట్లతో పనులు నిర్వహించాం’ అంటూ దొరికిన వేదికల్లో అధికార పార్టీ నేతలు ఊదరగొట్టుతున్నారు. కానీ వాస్తవం వేరు. మూడు రోజులుగా కురుస్తున్న చిరు జల్లులకు నగరంలోని రోడ్లు దారుణంగా మారాయి. ఇటీవల కాలంలో మరమ్మతుల పేరుతో పెద్ద మొత్తంలో నిధులు ఖర్చు చేశారు. కానీ అదంతా వృథా అని తేలిపోయింది. ప్రధాన వీధుల్లో నీళ్లు చేరి వాహనదారులు పడిన బాధలు వర్ణనాతీతం. ఇక అండర్‌ బ్రిడ్జిల్లో నీరు నిల్వ చేరడంతో ప్రజలు నరకం చూశారు. కొన్ని కూడళ్లలో మురుగు దుర్ఘంధానికి ముక్కుపుటరాలు అదిరిపోతున్నాయి. జిల్లాకు చెందిన పొంగూరు నారాయణ మున్సిపల్‌ శాఖ మంత్రిగా ఉన్నారు. నగరంలో వర్షాలకు నెలకొన్న పరిస్థితులు చూసి ఇదా మీ పాలన ఉంటూ ఆయన్ను ప్రజలు ప్రశ్నిస్తున్నారు. – సాక్షి ఫొటోగ్రాఫర్‌, నెల్లూరు

నెల్లూరు రూరల్‌: జిల్లాలో స్థానిక సంస్థల ఎన్నికల నిర్వహణకు గానూ 4277 మంది పోలింగ్‌ సిబ్బందిని కేటాయించేలా ర్యాండమైజేషన్‌ ప్రక్రియను కలెక్టరేట్లో కలెక్టర్‌ హిమాన్షు శుక్లా ఆధ్వర్యంలో శుక్రవారం నిర్వహించారు. ఎన్నికల సంఘ మార్గదర్శకాల మేరకు సాఫ్ట్‌వేర్‌ ద్వారా ప్రక్రియను చేపట్టారు. ఆత్మకూరు, బుచ్చిరెడ్డిపాళెం, నెల్లూరు రూరల్‌, అర్బన్‌ ప్రాంతాల్లోని 594 పోలింగ్‌ కేంద్రాల్లో ఒక్కో సెంటర్‌కు ఒక ప్రిసైడింగ్‌ అధికారి, ఒక అసిస్టెంట్‌ ప్రిసైడింగ్‌ అధికారి, ఇద్దరు ఇతర అధికారుల చొప్పున సిబ్బందిని కేటాయించారు. విధుల్లో ఎలాంటి లోపాలకు తావులేకుండా నిబంధనలను కచ్చితంగా పాటించాలని సూచించారు. డీఆర్వో విజయకుమార్‌, చీఫ్‌ ప్లానింగ్‌ అధికారి లక్ష్మీనరసింహ, సమాచార శాఖ డీడీ వేణుగోపాల్‌రెడ్డి తదితరులు పాల్గొన్నారు. అప్రమత్తంగా ఉండాలి నెల్లూరు రూరల్‌: బంగాళాఖాతంలో ఏర్పడిన అల్పపీడనం వాయుగుండంగా బలపడే అవకాశమున్న తరుణంలో మత్స్యకారులు, ఆక్వా రైతులు అప్రమత్తంగా ఉండాలని కలెక్టర్‌ హిమాన్షు శుక్లా శుక్రవారం ఒక ప్రకటనలో కోరారు. తీరం వెంబడి గంటకు 60 నుంచి 70 కిలోమీటర్ల వేగంతో ఈదురుగాలులు వీయొచ్చని, భారీ వర్షాలు కురిసే ప్రమాదముందని చెప్పారు. సముద్రంలో ఇప్పటికే ఉన్న బోట్లు వెంటనే సురక్షిత ప్రాంతాలకు చేరుకోవాలని కోరారు. చెలరేగిన టీడీపీ దండు చిల్లకూరు: నామినేషన్ల పర్వం చివరి రోజునా వైఎస్సార్‌ కాంగ్రెస్‌ పార్టీ అభ్యర్థులను టీడీపీ వర్గీయులు ఇబ్బందులకు గురిచేశారు. చిల్లకూరులో నామినేషన్‌ కేంద్రానికి చేరుకునే మార్గంలో రెండు వైపులా సుమారు 200 మీటర్ల దూరం వరకు ఆంక్షలను పోలీసులు విధించారు. దీంతో తీర ప్రాంతంలోని గ్రామాల నుంచి వచ్చే వైఎస్సార్‌ కాంగ్రెస్‌ పార్టీ అభ్యర్థులు గూడూరు మండలం పోటుపాళెం కూడలి నుంచి రావాల్సి వచ్చింది. అయితే అక్కడ కాపు కాచిన టీడీపీ వర్గీయులు నామినేషన్‌ వేసేందుకు వచ్చేవారిని అడ్డుకొని పత్రాలను లాక్కునేందుకు యత్నించారు. బల్లవోలు సెగ్మెంట్‌లో నామినేషన్‌ వేసేందుకొస్తున్న లలితారాణిని అక్కడి నేతలు అడ్డుకొని ఇబ్బందులకు గురిచేశారు. ఎట్టకేలకు మధ్యా హ్నం నాలుగు గంటల ప్రాంతంలో కేంద్రానికి చేరుకొని ఆమె దాఖలు చేశారు. అంతా ఇష్టారాజ్యం.. ● నామినేషన్‌ కేంద్రానికి ఫీల్డ్‌ అసిస్టెంట్‌ ● ఎంపీటీసీ అభ్యర్థితో కలిసి రావడంపై విమర్శలు వరికుంటపాడు: మండలంలో ఎంపీటీసీ నామినేషన్ల ప్రక్రియలో ఎన్నికల నియమావళిని యథేచ్ఛగా ఉల్లంఘించారు. తిమ్మారెడ్డిపల్లికి చెందిన ఫీల్డ్‌ అసిస్టెంట్‌ మల్లికార్జున రాజకీయ నేతలతో కలిసి టీడీపీ ఎంపీటీసీ అభ్యర్థి వెంట నామినేషన్‌ కేంద్రానికి వచ్చారు. వాస్తవానికి రాజకీయ కార్యకలాపాలకు ప్రభుత్వోద్యోగులు దూరంగా ఉండాలనే నిబంధనను తుంగలో తొక్కారు. ఘర్షణకు ఎన్నికలతో సంబంధం లేదంట..! ● తేల్చిన డీఎస్పీ కావలి: పార్టీ మార్పు తరుణంలో తుమ్మలపెంట బస్టాండ్‌లో తండ్రీకొడుకుల మధ్య గురువారం రాత్రి జరిగిన ఘర్షణ ఎన్నికలతో సంబంధంలేదని కావలి డీఎస్పీ రమణకుమార్‌ తేల్చారు. ఈ మేరకు పట్టణంలోని తన కార్యాలయంలో శుక్రవారం ఆయన మాట్లాడారు. బోగోలు మండలం కోళ్లదిన్నెలో వైఎస్సార్‌ కాంగ్రెస్‌ పార్టీకి చెందిన వెంకటరమణయ్య.. టీడీపీ నేత వంటేరు ప్రసన్నతో కలిసి కావలి ఎమ్మెల్యే కృష్ణారెడ్డి సమక్షంలో చేరారన్నారు. విషయం తెలుసుకున్న వైఎస్సార్‌ కాంగ్రెస్‌ పార్టీ గ్రామ నేత అట్ల శివరాజ్‌రెడ్డి.. వెంకటరమణయ్యతో చర్చించి తిరిగి కావలి మాజీ ఎమ్మెల్యే రామిరెడ్డి ప్రతాప్‌కుమార్‌రెడ్డి సమక్షంలో పార్టీలో చేరారని వివరించారు. విషయం తెలుసుకున్న గ్రామానికి చెందిన కొంతమంది టీడీపీ నేతలు కావలికి వస్తున్న క్రమంలో తుమ్మలపెంట బస్టాండ్‌ వద్ద తండ్రీకొడుకుల మధ్య చోటుచేసుకున్న వాగ్వాదం ఘర్షణకు దారి తీసిందని తెలిపారు. కేసు దర్యాప్తు చేస్తున్నామన్నారు.

నెల్లూరు(అర్బన్‌): బంగాళాఖాతంలో ఏర్పడిన అల్పపీడనానికి ఈశాన్య రుతుపవనాలు తోడవడంతో జిల్లాలో వర్షాలు పుంజుకున్నాయి. ఐదురోజులుగా మోస్తరుగా కురుస్తున్న వానలు ప్రస్తుతం భారీగా మారాయి. దీంతో క్రమేపీ చెరువుల్లోకి నీరు చేరుతోంది. వానాకాలంలోనూ వర్షాలు లేక ఎండలు మండిపోవడంతో పంటలు పండుతాయో లేదోనని ఆందోళన చెందిన రైతన్నల్లో తాజా పరిస్థితులు ఆశలు రేకెత్తిస్తున్నాయి. పలుచోట్ల వాగులు, వంకలు ప్రవహిస్తున్నాయి. మరో కొద్ది రోజులపాటు ఇదే విధంగా వానలు పడితే మొదటి వరి పంటకు నీటి ఇబ్బందులు ఉండవని రైతులు ఆశిస్తున్నారు. మామిడి, బత్తాయి, నిమ్మ తదితర తోటలకు తాజా వర్షాలు ఊరటనిస్తున్నాయి. పశుగ్రాసం కొరత కూడా తగ్గే అవకాశం ఉంది. వర్షపాతం వివరాలిలా.. శుక్రవారం జిల్లాలో భారీ వర్షం కురిసింది. సరాసరి వర్షపాతం 34.1 మి.మీ.గా నమోదైంది. అత్యధికంగా అనుమసముద్రంపేటలో 90.2 మి.మీ. వర్షం కురవగా, అత్యల్పంగా సీతారామపురంలో 4.2 మి.మీ. నమోదైంది. ఇక సైదాపురంలో 84.2, నెల్లూరు అర్బన్‌లో 75.2, చేజర్లలో 70.2, కలువాయిలో 60.0, నెల్లూరు రూరల్‌లో 58.6, మనుబోలులో 54.4, రాపూరులో 52.8, కోటలో 45.2, పొదలకూరులో 45.2, తోటపల్లిగూడూరులో 43.8, కొడవలూరులో 42.4, విడవలూరులో 38.6, ఆత్మకూరులో 36.2, వింజమూరులో 33.4, బుచ్చిరెడ్డిపాళెంలో 32.6, వెంకటాచలంలో 31.4, ఇందుకూరుపేటలో 26.8, కోవూరులో 26.0, చిల్లకూరులో 25.6, సంగంలో 25.4, అనంతసాగరంలో 25.0, కలిగిరిలో 24.8, జలదంకిలో 24.8, దగదర్తిలో 20.6, ముత్తుకూరులో 19.6, గూడూరులో 18.4, కావలిలో 16.2, అల్లూరులో 15.4, ఉదయగిరిలో 14.2, వరికుంటపాడులో 11.8, దుత్తలూరులో 11.2, మర్రిపాడులో 9.2, కొండాపురంలో 8.4, బోగోలులో 5.0, సీతారామపురంలో 4.2. మి.మీ. వాన కురిసింది. పొంగి ప్రవహిస్తూ.. పలు మండలాల్లో భారీ వర్షాలు కురవడంతో వాగులు, వంకల్లోకి వరద నీరు చేరుతోంది. గూడూరు ప్రాంతంలోని కై వల్యానది పొంగి ప్రవహిస్తోంది. నిండలి గ్రామం వద్ద ఉన్న బ్రిడ్జిపైకి సుమారు అడుగు మేర నీరు చేరడంతో రాకపోకలకు ఇబ్బందులు ఎదురయ్యాయి. గూడూరు సమీపంలోని పంబలేరులోనూ నీటి ఉధృతి పెరిగింది. కోట ప్రాంతంలోని మామిడి కాలువ నిండుగా ప్రవహిస్తుండగాా, మలిదేవి డ్రెయిన్‌లోకి నీరు చేరుతోంది. తీరం అల్లకల్లోలం అల్పపీడన ప్రభావంతో సముద్రం అల్లకల్లోలంగా మారింది. అలలు ఉవ్వెత్తున ఎగసిపడుతున్నాయి. సముద్రపు అలలు మూడు నుంచి ఐదు మీటర్ల మేర తీరంవైపు చొచ్చుకొచ్చాయి. అల్పపీడనం బలపడి వాయుగుండంగా మారే అవకాశం ఉండటంతో మత్స్యకారులు వేటకు వెళ్లవద్దని అధికారులు సూచించారు. తీరం వెంబడి ఈదురుగాలుల తీవ్రత పెరిగింది. ఇంకా లోటు జిల్లాలోని పలు మండలాల్లో భారీ వర్షాలు కురుస్తున్నప్పటికీ మెట్ట ప్రాంతాల్లో వర్షపాతం లోటు కొనసాగుతోంది. ఉదయగిరి, సీతారామపురం, దుత్తలూరు, వరికుంటపాడు, మర్రిపాడు, కొండాపురం, కావలి, జలదంకి, అనంతసాగరం తదితర మండలాల్లో వర్షాభావ పరిస్థితులు అధికంగా ఉన్నాయి. జూన్‌ నుంచి అక్టోబర్‌ వరకు ఈ సీజన్‌లో ఇప్పటివరకు 581.6 మి.మీ. వర్షపాతం నమోదుకావాల్సి ఉండగా, 374.4 మి.మీ. మాత్రమే కురిసింది. సాధారణ వర్షపాతంతో పోలిస్తే ఈ లోటు 35.6 శాతంగా ఉంది. ప్రస్తుత వానలు ఈ లోటును ఎంతవరకు భర్తీ చేస్తాయో చూడాలి. జిల్లాలో భారీ వర్షం చెరువుల్లోకి చేరుతున్న నీరు సరాసరి వర్షపాతం 34.1 మి.మీ. అత్యధికంగా అనుమసముద్రంపేటలో 90.2 మి.మీ. పలుచోట్ల వాగులు, వంకల్లోకి వరద నీరు ఇంకా 35.6 శాతం వర్షపాతం లోటు

● ఓటమిని ముందే అంగీకరించిన టీడీపీ ● మాజీ మంత్రి కాకాణి గోవర్ధన్‌రెడ్డి గూడూరు రూరల్‌: నామినేషన్లను వేయనీయకుండా తమ పార్టీ అభ్యర్థులను అడ్డుకోవడం ప్రజాస్వామ్యంపై దాడి చేయడమేనని మాజీ మంత్రి, వైఎస్సార్‌ కాంగ్రెస్‌ పార్టీ జిల్లా అధ్యక్షుడు కాకాణి గోవర్ధన్‌రెడ్డి పేర్కొన్నారు. పట్టణంలోని పార్టీ కార్యాలయంలో విలేకరులతో శుక్రవారం ఆయన మాట్లాడారు. గూడూరు నియోజకవర్గంలో ఎన్నడూ లేని విధంగా తమ పార్టీ అభ్యర్థుల నామినేషన్లను టీడీపీ మూకలు అడ్డుకోవడంపై మండిపడ్డారు. చివరి రోజున దాఖలుకు సహకరించిన జిల్లా అధికార యంత్రాంగం, కలెక్టర్‌, ఎస్పీకి కృతజ్ఞతలు తెలిపారు. కొందరు ఆఫీసర్లు మాత్రం కూటమి ప్రభుత్వానికి అనుకూలంగా వ్యవహరిస్తున్నారని ఆరోపించారు. నిష్పక్షపాతంగా వ్యవహరించకపోతే భారీ మూల్యాన్ని చెల్లించుకోవాల్సి వస్తుందని హెచ్చరించారు. బలం లేకే నామినేషన్లను అడ్డుకుంటున్నారని విమర్శించారు. నియంతృత్వ పోకడలతో ప్రజల ఓటు హక్కును హరించే అధికారం మీకెవరిచ్చారని ప్రశ్నించారు. తమ పార్టీ అభ్యర్థులను అడ్డుకున్న వారిని సంఘ విద్రోహ శక్తులు, రౌడీమూకలుగా పేర్కొన్నారు. వారిని ఎవరు ఉసిగొల్పారో ప్రజలకు తెలుసునన్నారు. బలమైన అభ్యర్థులను అరెస్ట్‌ చేయించి విజయం సాధించేందుకు టీడీపీ కుట్రలు పన్నుతోందని మండిపడ్డారు. ప్రక్రియను అడ్డుకోవడమంటే ఎన్నికలకు ముందే ఓటమిని అంగీకరించినట్లు అన్నారు. గూడూరులో తమ పార్టీ బలంగా ఉందని, ఎన్ని అడ్డంకులను సృష్టించినా పార్టీ శ్రేణులు ధైర్యంగా నిలుస్తారని పేర్కొన్నారు. సమయమొచ్చినప్పుడు తగిన సమాధానం మితిమీరిన శైలిని అవలంబిస్తున్నా, ఇప్పటి వరకు సంయమనం పాటిస్తున్నామని.. సమయమొచ్చినప్పుడు తగిన విధంగా సమాధానం చెప్తామని స్పష్టం చేశారు. ఎన్నికలను ప్రశాంతంగా, స్వేచ్ఛగా నిర్వహించి.. గెలిస్తేనే దాన్ని నిజమైన విజయంగా భావించాలని చెప్పారు. తమ పార్టీ అధినేత జగన్‌మోహన్‌రెడ్డి ఎంపిక ఎలా ఉంటుందో చెప్పడానికి గురవయ్యే నిదర్శనమని తెలిపారు. అక్రమ కేసులు తమ పార్టీ శ్రేణులపై అక్రమ కేసులు పెడుతున్నారని నియోజకవర్గ సమన్వయకర్త బూదూరు గురవయ్య ఆరోపించారు. ప్రభుత్వాలు శాశ్వతం కాదని, తమ పోరాటం మాత్రం ఆగదని స్పష్టం చేశారు. శాంతియుతంతా ఎన్నికలు జరుగుతాయని ఎమ్మెల్యే చెప్తున్నారని, అయితే క్షేత్రస్థాయిలో అందుకు భిన్నమైన పరిస్థితులు నెలకొన్నాయని చెప్పారు. నియోజకవర్గంలోని అన్ని స్థానాలను తమ పార్టీ కై వసం చేసుకుంటుందని ధీమా వ్యక్తం చేశారు. అనంతరం సీఈసీ సభ్యుడు ఎల్లసిరి గోపాల్‌రెడ్డి, సీనియర్‌ నేతలు చేవూరు విజయమోహన్‌రెడ్డి, కోడూరు మీరారెడ్డి మాట్లాడారు. తమ పార్టీ అభ్యర్థుల నుంచి నామినేషన్‌ పత్రాలను లాక్కొని చించేసిన ఘటన ప్రజాస్వామ్యానికే మాయనిమచ్చ అని పేర్కొన్నారు. అనంతరం ఎంపీటీసీ అభ్యర్థులను అభినందించారు. సీనియర్‌ నేత యద్దల నరేంద్రరెడ్డి, పార్టీ జిల్లా ఉపాధ్యక్షుడు మెట్టా రాధాకృష్ణారెడ్డి, గూడూ రు, కోట మండల కన్వీనర్లు మల్లు విజయకుమార్‌రెడ్డి, సంపత్‌కుమార్‌రెడ్డి, నేతలు బల్లి వెంకటేశ్వర్లు, అట్ల శ్రీనివాసులురెడ్డి, యల్లా శ్రీనివాసులురెడ్డి, సతీష్‌రెడ్డి, రమేష్‌, సునీల్‌రెడ్డి, కృష్ణయ్య, జనార్దన్‌రెడ్డి తదితరులు పాల్గొన్నారు.

● ప్రచారానికి ముందస్తు అనుమతి తప్పనిసరి ● ప్రలోభాలకు పాల్పడితే కఠిన చర్యలుబ్యాలెట్‌ బాక్స్‌లు సిద్ధం చేస్తున్న సిబ్బంది నెల్లూరు(క్రైమ్‌): జిల్లాలో స్థానిక సంస్థల ఎన్నికల సందడి మొదలైంది. ఎన్నికల ప్రవర్తనా నియమావళి అమల్లోకి రావడంతో అభ్యర్థులు, రాజకీయ పార్టీలు, ప్రజలు నిబంధనలను తప్పనిసరిగా పాటించాలి. ఉల్లంఘనలకు పాల్పడితే సంబంధిత అధికారులు చట్టప్రకారం చర్యలు తీసుకుంటారు. ప్రచారానికి అనుమతి తప్పనిసరి ఎన్నికల ప్రచారంలో లౌడ్‌స్పీకర్లు, మైకులు వినియోగించాలంటే సంబంధిత అధికారుల నుంచి ముందస్తు అనుమతి తీసుకోవాలి. రాత్రి 10 గంటల నుంచి ఉదయం 6 గంటల వరకు వీటి వినియోగంపై నిషేధం ఉంటుంది. అనుమతి లేకుండా ప్రచార కార్యక్రమాలు నిర్వహించరాదు. అధికారిక వనరుల వినియోగం నిషేధం ఎన్నికల ప్రచారానికి మంత్రులు, ప్రజాప్రతినిధులు ప్రభుత్వ వాహనాలు, భవనాలు, నిధులు, సిబ్బంది, ఇతర అధికారిక వనరులను ఉపయోగించరాదు. ప్రభుత్వ నిధులతో సంక్షేమ పథకాల ప్రచార ప్రకటనలు జారీ చేయకూడదు. లబ్ధిదారులకు అందించే పత్రాలపై సీఎం, మంత్రుల ఫొటోలు ఉండకూడదు. ఓటర్లను ప్రభావితం చేసేలా కొత్త సంక్షేమ పథకాలను ప్రకటించడం, కొత్త పనులకు నిధులు మంజూరు చేయడం, శంకుస్థాపనలు, ప్రారంభోత్సవాలు నిర్వహించడం వంటి వాటిపై ఎన్నికల నియమావళి నిబంధనలు వర్తిస్తాయి. ఫ్లెక్సీలు ఏర్పాటు చేయరాదు ప్రభుత్వ భవనాలు, విద్యుత్‌ స్తంభాలు, బహిరంగ ప్రదేశాల్లో రాజకీయ పార్టీలకు సంబంధించిన ఫ్లెక్సీలు, పోస్టర్లు, కటౌట్లు, బ్యానర్లు ఏర్పాటు చేయడం, గోడలపై రాతలు రాయడం నిషేధం. ఇళ్లు, స్థలాల యజమానుల అనుమతి లేకుండా వారి ప్రాంగణాల్లో పార్టీ జెండాలు, బ్యానర్లు, ఫ్లెక్సీలు ఏర్పాటు చేయరాదు. అనుమతితో ప్రచార సామగ్రి ఏర్పాటు చేసినా, అందుకు సంబంధించిన ఖర్చును అభ్యర్థి ఎన్నికల వ్యయంలో చూపించాలి. ప్రలోభాలు చూపితే చర్యలు ఓటర్లను ఆకట్టుకునేందుకు నగదు, మద్యం, బహుమతులు లేదా ఇతర వస్తువులను పంపిణీ చేయడం నేరం. ఓటర్లను బెదిరించడం, ప్రలోభాలకు గురిచేయడం వంటివి చేయరాదు. ఎన్నికల సమయంలో నగదు రవాణాపై అధికారులు నిఘా ఉంచుతారు. రూ.50 వేలకుపైగా నగదు తీసుకెళ్లేవారు దాని మూలానికి సంబంధించిన సరైన ఆధారాలు, పత్రాలను వెంట ఉంచుకోవడం మంచిది. నగదు తరలింపులో నిబంధనల ఉల్లంఘన జరిగినట్లు గుర్తిస్తే, నిబంధనల ప్రకారం స్వాధీనం చేసుకుని విచారణ చేపట్టే అవకాశం ఉంటుంది. విద్వేష ప్రసంగాలు చేయరాదు కులాలు, మతాల మధ్య విద్వేషాలు రెచ్చగొట్టేలా ప్రసంగాలు చేయడం, ఒక వర్గంపై మరో వర్గాన్ని రెచ్చగొట్టే వ్యాఖ్యలు చేయడం నిషేధం. ప్రత్యర్థుల వ్యక్తిగత జీవితంపై విమర్శలు చేయకుండా, వారి రాజకీయ విధానాలు, పనితీరుపైనే విమర్శలు చేయాలి. మద్యం నిషేధం పోలింగ్‌ ముగిసే సమయానికి ముందు 48 గంటల వ్యవధిలో మద్యం విక్రయాలు, పంపిణీపై నిషేధం అమల్లో ఉంటుంది. ఎన్నికల నియమావళి ఉల్లంఘనలను గుర్తించేందుకు ఫ్లయింగ్‌ స్క్వాడ్లు, పోలీసులు, ఎన్నికల అధికారులు నిఘా ఉంచుతారు. నిబంధనలు ఉల్లంఘించిన వారిపై చట్టప్రకారం చర్యలు తీసుకుంటారు.

నెల్లూరు రూరల్‌: స్థానిక సంస్థల ఎన్నికల నేపథ్యంలో దౌర్జన్యకాండను టీడీపీ సాగిస్తోంది. ప్రతిపక్ష పార్టీలకు చెందిన నేతలను హౌస్‌ అరెస్ట్‌లు చేసే కుట్రలకు తెరలేపారు. ఇందులో భాగంగా జెడ్పీటీసీ, ఎంపీటీసీ నామినేషన్ల కార్యక్రమంలో పాల్గొనేందుకు వెళ్లకూడదంటూ ఎమ్మెల్సీ, వైఎస్సార్‌ కాంగ్రెస్‌ పార్టీ నెల్లూరు నగర నియోజకవర్గ ఇన్‌చార్జి పర్వతరెడ్డి చంద్రశేఖర్‌రెడ్డిని హౌస్‌ అరెస్ట్‌ చేశారు. నగరంలోని పార్టీ సిటీ కార్యాలయంలో ఆయనకు నోటీసులను అందజేశారు. ఈ సందర్భంగా ఆయన మాట్లాడారు. స్థానిక సంస్థల ఎన్నికల సమయంలో తమ పార్టీ నేతలను నిర్బంధిస్తూ అధికార పార్టీకి పోలీసులు అనుకూలంగా వ్యవహరిస్తున్నారని ఆరోపించారు. ఇది ప్రజాస్వామ్యానికి తగదన్నారు. ఎన్నికల్లో ఎదుర్కోలేకే ఇలాంటి పద్ధతులను టీడీపీ అవలంబిస్తోందని మండిపడ్డారు. అన్ని అంశాలను ప్రజలు గమనిస్తున్నారని, ఎన్నికల్లో తగిన బుద్ధి చెప్పేందుకు సిద్ధంగా ఉన్నారని స్పష్టం చేశారు. పోలీసుల మోహరింపు కోవూరు: స్థానిక సంస్థల నామినేషన్ల ప్రక్రియ కొనసాగుతున్న తరుణంలో మాజీ మంత్రి, వైఎస్సార్‌ కాంగ్రెస్‌ పార్టీ పీఏసీ సభ్యుడు నల్లపరెడ్డి ప్రసన్నకుమార్‌రెడ్డికి నోటీసులను దర్గామిట్ట సీఐ అందజేశారు. ఆపై హౌస్‌ అరెస్ట్‌ చేశారు. ఆయన నివాసం వెలుపల పోలీసులను మోహరించారు. పార్టీ నియోజకవర్గ పరిశీలకుడు కొండూరు అనిల్‌బాబు తదితరులు పాల్గొన్నారు. ఎన్నికలేదైనా పోటీ చేయాల్సిందే..!ఆత్మకూరు: ఆత్మకూరులో ఎప్పుడు ఏ ఎన్నికలు జరిగినా గుర్తుకొచ్చే మొదటి పేరు రావులకొల్లు మాలకొండయ్యది. ఎలాంటి ఎలక్షనైనా నామినేషన్‌ను తప్పక దాఖలు చేస్తారు. పంచాయతీ, కౌన్సిల్‌, మున్సిపాల్టీ, ఎమ్మెల్యే, ఎంపీ ఇలా ప్రతి ఎన్నికల్లోనూ ముందుంటారు. ఆత్మకూరులోనే కాకుండా కడప, నంద్యాల పార్లమెంట్‌ ఉప ఎన్నికల్లో సైతం నామినేషన్‌ చేసిన ఘనత ఈయనది. అప్పట్లో 1991లో నంద్యాల లోక్‌సభకు జరిగిన ఉప ఎన్నికల్లో ప్రధాని పీవీ నరసింహరావుపై, కడప పార్లమెంట్‌ స్థానానికి వైఎస్‌ రాజశేఖరరెడ్డి కాంగ్రెస్‌ పార్టీ తరఫున పోటీ చేసిన రోజుల్లోనూ ఈయన నామినేషన్‌ వేశారు. అయితే స్థానిక పోలీసులు విత్‌డ్రా చేయించి ఆత్మకూరుకు పంపేశారు. ఓసారి నామినేషన్‌ దాఖలుకు డిపాజిట్‌ కట్టేందుకు నగదు లేకపోవడంతో పది మంది సాయమడిగి మరీ వేశానని కొండయ్య పేర్కొన్నారు. ప్రస్తుతం ఇంటి వద్ద విశ్రాంత పొందుతున్న ఈయన 2014లో జరిగిన సాధారణ, 2022లో జరిగిన ఆత్మకూరు ఉప ఎన్నికల్లో చివరిసారి పోటీ చేశారు. ఇలా మొత్తం 21సార్లు నామినేషన్‌ వేశానని చెప్పారు. శ్రీవారి దర్శనానికి 12 గంటలు తిరుమల: తిరుమలలో భక్తుల రద్దీ గురువారం ఎక్కువగా ఉంది. క్యూ కాంప్లెక్స్‌లోని 12 కంపార్ట్‌మెంట్లలో వేచి ఉన్నారు. స్వామివారిని 73,226 మంది బుధవారం అర్ధరాత్రి వరకు దర్శించుకున్నారు. తలనీలాలను 24,750 మంది అర్పించారు. కానుకల రూపంలో హుండీలో రూ.2.66 కోట్లను సమర్పించారు. టైమ్‌ స్లాట్‌ టికెట్లున్న వారికి సకాలంలో దర్శనం లభిస్తోంది. ఇవి లేని వారికి 12 గంటల సమయం పడుతోంది. ప్రత్యేక టికెట్లున్న వారు మూడు గంటల్లోనే దర్శించుకోగలుగుతున్నారు.

● వర్షపు నీటిలోనే పాఠశాల ● ఇబ్బందులు పడిన విద్యార్థులుచిల్లకూరు: దసరా సెలవుల తర్వాత బడులు తెరిచారు.. కానీ కనీస సౌకర్యాలు విషయాన్ని మరిచారు. వర్షం కురిస్తే పాఠశాల ఆవరణతోపాటు తరగతి గదుల్లోకి నీరు చేరుతున్నా పట్టించుకునే పరిస్థితి కూటమి పాలనలో కరువైంది. దీంతో విద్యార్థులు ఇబ్బందులు పడ్డారు. చిల్లకూరు మండలం తొణుకుమాల పంచాయతీ పరిధిలోని ఉడతావారిపాళెం ప్రాథమిక పాఠశాల దుస్థితి ఇందుకు నిదర్శనం. ఈ బడిలో సుమారు 30 మంది విద్యార్థులు చదువుకుంటున్నారు. రెండు రోజులుగా కురిసిన వర్షాలకు పాఠశాల ఆవరణలోనే కాకుండా తరగతి గదుల్లోనూ నీరు చేరింది. దసరా సెలవుల అనంతరం గురువారం పాఠశాలలు పునఃప్రారంభం కావడంతో ఉపాధ్యాయులు వచ్చారు. గదుల్లో వర్షపు నీరు నిలిచి ఉండటాన్ని గమనించి పిల్లల్ని వరండాలో కూర్చోబెట్టి పాఠాలు చెప్పాల్సి వచ్చింది. పట్టించుకుంటే కదా.. గత వైఎస్సార్‌సీపీ ప్రభుత్వంలో ‘నాడు – నేడు’ కార్యక్రమం ద్వారా పాఠశాలల అభివృద్ధికి చర్యలు చేపట్టారు. కూటమి పాలనలోనూ శిథిలావస్థలో ఉన్న బడులకు మరమ్మతులు చేసి, విద్యార్థులకు మెరుగైన వసతులు కల్పి స్తారని తల్లిదండ్రులు ఆశించారు. అయితే ఉడతావారిపాళెం పాఠశాలలో పరిస్థితి చూస్తే ఆ ఆశలు నెరవేరలేదనే విమర్శలు వ్యక్తమవుతున్నాయి. స్థానిక ఎమ్మెల్యే పాశం సునీల్‌కుమార్‌ కానీ రెండున్నర సంవత్సరాల్లో స్కూళ్ల అభివృద్ధి గురించి మాత్రం పట్టించుకోలేదు. అదే వ్యక్తి నేడు గూడూరులో స్థానిక సంస్థల ఎన్నికల్లో వైఎస్సార్‌సీపీ అభ్యర్థులు నామినేషన్లు వేయకుండా అడ్డుకున్నాడు. కుట్రలతో ఎన్నికల్లో గెలవాలని పెట్టిన శ్రద్ధ నియోజకవర్గ అభివృద్ధిపై పెట్టి ఉంటే బాగుంటుందని ప్రజలు చర్చించుకుంటున్నారు.

● కలెక్టర్‌ హిమాన్షు శుక్లా నెల్లూరురూరల్‌: పేదలు, అణగారిన వర్గాల సంక్షేమానికి జీవితాన్ని అంకితం చేసిన ఐఏఎస్‌ అధికారి ఎస్‌ఆర్‌ శంకరన్‌ సేవలు చిరస్మరణీయమని కలెక్టర్‌ హిమాన్షు శుక్లా పేర్కొన్నారు. శంకరన్‌ జయంతి సందర్భంగా గురువారం ఆయన సేవలను స్మరిస్తూ కలెక్టర్‌ ప్రకటన విడుదల చేశారు. శంకరన్‌ కలెక్టర్‌ నుంచి త్రిపుర ప్రభుత్వ ప్రధాన కార్యదర్శి వరకు పలు కీలక బాధ్యతలు నిర్వహించారన్నారు. నిరాడంబర జీవనశైలి, నిజాయితీ, అణగారిన వర్గాల అభ్యున్నతి పట్ల అంకితభావంతో ప్రత్యేక గుర్తింపు పొందినట్లు చెప్పారు. ఉద్యోగ విరమణ చేసిన తర్వాత కూడా ఆయన ప్రజాసేవను కొనసాగించారన్నారు. తన పెన్షన్‌లో కొంత భాగాన్ని ఎస్సీ, ఎస్టీ విద్యార్థుల సంక్షేమానికి అందించడంతోపాటు పేదల హక్కుల పరిరక్షణకు కృషి చేసినట్లు వెల్లడించారు. ఆయన సేవలకు గుర్తుగా నెల్లూరు కలెక్టరేట్‌లోని ఒక హాలుకు శంకరన్‌ హాల్‌గా నామకరణం చేసినట్లు కలెక్టర్‌ తెలిపారు. అధికారులు ప్రజల పట్ల బాధ్యతాయుతంగా, పారదర్శకంగా, మానవీ య దృక్పథంతో వ్యవహరించాలని శంకరన్‌ జీవితం చాటిచెబుతోందన్నారు.తూపిలిపాళెం తీరంలో అలజడి వాకాడు: వాతావరణ మార్పుల నేపథ్యంలో వాకాడు మండలంలో ఐదురోజులుగా పలుచోట్ల వర్షాలు కురుస్తున్నాయి. మరోవైపు సముద్ర అలలు ఉధృతంగా ఎగసిపడుతున్నాయి. గురువారం తూపిలిపాళెం తీరంలో అలలు పెద్ద ఎత్తున ఎగసిపడటంతో స్థానికులు, మత్స్యకారులు ఆందోళన చెందారు. ఎన్నడూ లేని విధంగా సముద్రంలో మార్పులు కనిపిస్తున్నాయని మత్స్యకారులు చెబుతున్నారు. ఇప్పటికే వర్షాలతో ఇబ్బందులు ఎదుర్కొంటున్న తీర ప్రాంత ప్రజలకు అలల ఉధృతి మరింత ఆందోళన కలిగిస్తోంది. ఇలాగే కొనసాగితే చేపల వేటకు వెళ్లడం ప్రమాదకరంగా మారుతుందని ఆందోళన వ్యక్తం చేస్తున్నారు. ఈ నేపథ్యంలో మత్స్యకారులు, తీర ప్రాంత ప్రజలు సముద్రం వద్దకు వెళ్లే సమయంలో జాగ్రత్తలు పాటించాల్సిన అవసరం ఉంది. బ్యాలెట్‌ బాక్స్‌లకు మరమ్మతులు నెల్లూరు(పొగతోట): జెడ్పీటీసీ, ఎంపీటీసీ ఎన్నికల నేపథ్యంలో అందుకు అవసరమైన బ్యాలెట్‌ బాక్సులు జెడ్పీ కార్యాలయంలో సిద్ధంగా ఉన్నాయి. ప్రస్తుతం వాటికి మరమ్మతులు చేపట్టి, పోలింగ్‌ నిర్వహణ కోసం మండలాలకు తరలిస్తున్నారు. ఇందులో భాగంగా గురువారం వివిధ వాహనాల్లో బ్యాలెట్‌ బాక్సులను మండలాలకు పంపించారు. ట్రావెల్స్‌ బస్సులో మంటలు సీతారామపురం: మండలంలోని రంగనాయుడు పల్లి గ్రామ సమీపాన గురువారం రాత్రి ఓ ట్రావెల్స్‌ బస్సులో అకస్మాత్తుగా మంటలు చెలరేగడంతో ప్రయాణికులు భయాందోళనకు గురయ్యారు. వారి కథనం మేరకు.. ఉదయగిరి నుంచి సీతారామపురం మీదుగా హైదరాబాద్‌కు ప్రయాణికులతో ఓ ట్రావెల్స్‌ బస్సు బయలుదేరింది. రంగనాయుడుపల్లి సమీపానికి వచ్చేసరికి ఏసీ షార్ట్‌ సర్క్యూట్‌ కారణంగా అకస్మాత్తుగా మంటలు చెలరేగాయి ఈ ఘటనతో ప్రయాణికులు వెంటనే బస్సులో నుంచి దిగారు. ఎవరికీ ఏమీ కాలేదు. బస్సు సిబ్బంది మంటలను ఆర్పివేశారు. రాత్రి వేళలో ప్రయాణికులు గమ్యస్థానం చేరేందుకు నానా అవస్థలు పడాల్సి వచ్చింది.

నెల్లూరు (పొగతోట): స్థానిక సంస్థల ఎన్నికలకు సంబంధించిన జిల్లా వ్యాప్తంగా నామినేషన్ల హోరు కొనసాగింది. గురువారం రెండో రోజు జిల్లా వ్యాప్తంగా జెడ్పీటీసీ, ఎంపీటీసీల స్థానాలకు 1,275 నామినేషన్లు దాఖలు చేశారు. జెడ్పీ కార్యాలయంలో నామినేషన్లు వేసేందుకు వచ్చిన అభ్యర్థులు, మద్దతుదారులతో కిక్కిరిసిపోయింది. అధికారులు రాత్రి 7 గంటల వరకు నామినేషన్లు స్వీకరించారు. జెడ్పీటీసీలకు సంబంధించి 115 నామినేషన్లు, ఎంపీటీసీలకు సంబంధించి 1160 నామినేషన్లు దాఖలు చేశారు. జెడ్పీటీసీ నామినేషన్లు.. జెడ్పీటీసీలకు సంబంధించి వైఎస్సార్‌సీపీ తరఫున 50, టీడీపీ 46, బీజేపీ 4, బీఎస్‌పీ 8, కాంగ్రెస్‌ 3, జేఎస్‌పీ 2, స్వతంత్ర అభ్యర్థులుగా 2 నామినేషన్లు దాఖలు చేశారు. రెండు రోజులకు సంబంధించి 35 జెడ్పీటీసీ స్థానాలకు 127 నామినేషన్లు దాఖలు చేశారు. ఎంపీటీసీ నామినేషన్లు జిల్లా వ్యాప్తంగా 440 ఎంపీటీసీ స్థానాలు ఉన్నాయి. రెండో రోజు వైఎస్సార్‌సీపీ నుంచి 494 మంది అభ్యర్థులు నామినేషన్లు దాఖలు చేశారు. టీడీపీ 540, సీపీఎం 20, బీజేపీ 24, బీఎస్పీ 4, కాంగ్రెస్‌ 9, జెఎస్‌పీ 28, స్వతంత్రులు 41 మంది నామినేషన్లు దాఖలు చేశారు. రెండు రోజులకు సంబంధించి 1533 నామినేషన్లు వేశారు. రెండో రోజు జెడ్పీటీసీలకు 115, ఎంపీటీసీలకు 1160 నామినేషన్లు అభ్యర్థులతో కిక్కిరిసిన జెడ్పీ కార్యాలయం రాత్రి 7 గంటల వరకు కొనసాగిన నామినేషన్ల ప్రక్రియ

గూడూరు: స్థానిక సంస్థల ఎన్నికల నామినేషన్ల ప్రక్రియలో గూడూరులో ప్రజాస్వామ్యం ఖూనీ అయింది. ఎంపీటీసీ, జెడ్పీటీసీ స్థానాలకు నామినేషన్‌ దాఖలు చేసేందుకొచ్చిన వైఎస్సార్‌ కాంగ్రెస్‌ పార్టీ అభ్యర్థులను లక్ష్యంగా చేసుకొని దౌర్జన్యకాండకు టీడీపీ శ్రేణులు తెగబడ్డాయి. దీన్ని అడ్డుకోవాల్సిన పోలీసులు.. ప్రేక్షక పాత్రకే పరిమితమయ్యారు. బారికేడ్లకు ముందు పచ్చ పార్టీ కార్యకర్తలు, అల్లరిమూకలు నిలిచి.. వైఎస్సార్‌ కాంగ్రెస్‌ పార్టీ అభ్యర్థులను అడ్డుకొని దౌర్జన్యానికి పాల్పడ్డారు. నామినేషన్‌ వేసే హక్కు లేదానని ప్రశ్నించిన వీరిపై పచ్చమూకలు దాడికి పాల్పడ్డాయి. గూడూరులోని టవర్‌క్లాక్‌ సెంటర్‌లో జరిగిన ఈ ఘటనపై పలువురు మండిపడుతున్నారు.

పోలీసులు, టీడీపీ నేతల మధ్య తోపులాట వరికుంటపాడు: స్థానిక ఎంపీడీఓ కార్యాలయ ఆవరణలో నిర్వహించిన ఎంపీటీసీ నామినేషన్ల ప్రక్రియలో ఉద్రిక్తత చోటుచేసుకుంది. టీడీపీ కార్యకర్తలు, పోలీసుల మధ్య వాగ్వాదం జరగడంతో పాటు తోపులాట చోటుచేసుకుంది. దీంతో కొద్దిసేపు గందరగోళ వాతావరణం నెలకొంది. నిబంధనలను పాటించకుండా అంతా తమ ఇష్టమనే ధోరణిలో పచ్చ పార్టీ నేతలు వ్యవహరించారు. నామినేషన్లు వేయకుండా సుమారు 300 మంది వైఎస్సార్‌ కాంగ్రెస్‌ పార్టీ అభ్యర్థులను అడ్డుకున్నారు. గణేశ్వరపురం ఇండిపెండెంట్‌ అభ్యర్థి కొండెపోగు దిలీప్‌కుమార్‌ నామినేషన్‌ పత్రాలను చించేశారు.

చిల్లకూరు: గూడూరులోని నామినేషన్‌ కేంద్రాల వద్ద బయటి ప్రాంతాల వ్యక్తులతో టీడీపీ వర్గీయులు నానా యాగీ చేశారు. వైఎస్సార్‌ కాంగ్రెస్‌ పార్టీ అభ్యర్థులను కేంద్రాల వద్దకు రానీయకుండా అడ్డుకొని భయందోళనలను సృష్టించారు. స్థానిక ఎంపీడీఓ కార్యాలయం వద్ద ఏర్పాటు చేసిన కేంద్రంలోకి వెళ్తున్న వైఎస్సార్‌ కాంగ్రెస్‌ పార్టీ ఎంపీటీసీ అభ్యర్థి అట్ల సంపూర్ణమ్మ నామినేషన్‌ను టీడీపీ మూకలు లాక్కొని చించేస్తున్నా, పోలీసులు అడ్డుకున్న దాఖలాల్లేవు. కాండ్రకు చెందిన అభ్యర్థి ఉగ్గుమూడి శ్రీదేవమ్మ బైక్‌ దిగేలోపు ఆమెను తోసేసి చీరను చించేశారు. చిల్లకూరు మండలంలోని నామినేషన్‌ కేంద్రం వద్ద టీడీపీ వర్గీయులు భారీగా చేరుకున్నారు.

చిట్టమూరు: మండలంలో వైఎస్సార్‌ కాంగ్రెస్‌ పార్టీ అభ్యర్థులు నామినేషన్లు వేయకుండా పచ్చమూకలు అడ్డుకున్నాయి. బయటి ప్రాంతాల నుంచి రౌడీలను తెచ్చి వారికి మద్యాన్ని అందజేసి దాడులకు ఉసిగొల్పారు. రోడ్డుకు అడ్డంగా నిలబడి కర్రలతో హల్‌చల్‌ చేశారు. వైఎస్సార్‌ కాంగ్రెస్‌ పార్టీ అభ్యర్థులను హతమారుస్తామంటూ భయాందోళనలకు గురిచేశారు. పార్టీ మండలాధ్యక్షుడు సన్నారెడ్డి శ్రీనివాసులురెడ్డి, కామిరెడ్డి కస్తూర్‌రెడ్డి, చెన్నారెడ్డి బాబురెడ్డి, కోదండరామిరెడ్డి, 12 మంది ఎంపీటీసీ అభ్యర్థులు, పార్టీ నేతలతో కలసి కొత్తగుంటకు మధ్యాహ్నం మూడు గంటలకు చేరుకున్నారు. అక్కడ్నుంచి చిట్టమూరులోని నామినేషన్‌ కేంద్రానికి కాలినడకన బయల్దేరారు. ఈ తరుణంలో టీడీపీ నేతలు, వారు తీసుకొచ్చిన గుండాలు కర్రలతో దాడి చేసేందుకు యత్నించారు. ఈ క్రమంలో పార్టీ నేతలను ఆపేందుకు వాకాడు సీఐ హుస్సేన్‌బాషా, చిట్టమూరు ఎస్సై నాగరాజు యత్నించడంతో ఉద్రిక్తత నెలకొంది. రోడ్డుపై బైఠాయించి నిరసన తెలిపారు. ఇరువర్గాలతో చర్చలు జరిపే క్రమంలో నామినేషన్‌ సమయం దాటిపోతోందని, తమను లోపలికి పంపాలని వైఎస్సార్‌ కాంగ్రెస్‌ పార్టీ నేతలు కోరారు. వాకాడు సీఐ దగ్గరుండి యాకసిరి ఎంపీటీసీ అభ్యర్థి సిద్ధపురెడ్డి పోలమ్మను తీసుకెళ్లి నామినేషన్‌ వేయించారు. మిగిలిన వారు శుక్రవారం ఉదయం 10.30కు వస్తే వారితో కూడా దాఖలు చేయిస్తామని పార్టీ నేతలకు హామీ ఇచ్చారు.

పచ్చ నేతలకు ఖాకీల రెడ్‌కార్పెట్‌ అధికార పార్టీ నేతలు తమ అభ్యర్థులను వెంట తీసుకెళ్లి దగ్గరుండి నామినేషన్లు వేయిస్తున్నారు. వైఎస్సార్‌సీపీ నేతలకు మాత్రం పోలీసులు ఆంక్షలు విధించి అధికార పార్టీకి పోలీసులు రెడ్‌కార్పెట్‌ పరుస్తున్నారన్న ఆరోపణలున్నాయి. అధికార పార్టీ నేతలు తమ అభ్యర్ధులతో కలిసి నామినేషన్‌ కేంద్రాలకు వెళుతుండగా ప్రతిపక్ష నాయకులను మాత్రం ఇళ్లకే పరిమితం చేయడం వివక్ష పూరిత చర్య అని వైఎస్సార్‌సీపీ నేతలు పేర్కొంటున్నారు. ఎన్నికల ప్రక్రియలో రాజకీయ పార్టీల విషయంలో నిష్పక్షపాతంగా వ్యవహరించాల్సిన పోలీస్‌ యంత్రాంగం అధికార పార్టీకి కొమ్ముకాస్తూ.. ప్రజాస్వామ్యాన్ని పరిరక్షించాల్సిన పోలీసులే అపహాస్యం చేస్తున్నారు. సాక్షిప్రతినిధి నెల్లూరు: ఓటమి భయంతో మున్సిపాలిటీల్లో నామినేషన్ల ప్రక్రియలో అరాచకాలు సృష్టించిన టీడీపీ మూకలు.. తాజాగా పరిషత్‌ ఎన్నికల్లోనూ అంతకు మించి బరితెగించారు. పచ్చమూకలు కర్రలు, రాడ్లతో నేరుగా నామినేషన్‌ కేంద్రాల వద్దకు వచ్చినా.. వైఎస్సార్‌సీపీ అభ్యర్థులు నామినేషన్లు వేయకుండా దౌర్జన్యాలు, అరాచకాలకు పాల్పడుతున్నా.. పోలీసులు వారికి అండదండలు అందిస్తున్నారు. రాజ్యాంగబద్ధంగా.. ప్రజాస్వామ్యయుతంగా జరగాల్సిన ఎన్నికల ప్రక్రియలో రెడ్‌బుక్‌ రాజ్యాంగాన్ని అమలు చేస్తున్నారు. సభ్యసమాజం తలదించుకునే రీతిలో మహిళా అభ్యర్థులతో దారుణంగా ప్రవర్తిస్తున్నారు. వారి చేతుల్లోనే నామినేషన్ల పత్రాలను లాక్కొని చించివేస్తే.. మరికొందరు వారి చీరలు లాగి చించేసిన దాష్టీకాలకు తెగించారు. ఓటమి భయంతో అరాచకాలు జెడ్పీటీసీ, ఎంపీటీసీ నామినేషన్ల ప్రక్రియ జిల్లాలో రాజకీయ వేడిని పెంచుతోంది. ఈ నెల 21న ప్రారంభమైన నామినేషన్ల ప్రక్రియ శుక్రవారంతో ముగియనుంది. నామినేషన్లు వేసేందుకు వెళ్తున్న ప్రతిపక్ష వైఎస్సార్‌సీపీ అభ్యర్థులను అడ్డుకునేందుకు అధికార పార్టీ నేతలు బెదిరింపులు, దౌర్జన్యాలు, గూండాయిజానికి పాల్పడుతున్నారు. నామినేషన్ల ప్రక్రియలో తమ పార్టీ అభ్యర్థులకు అండగా నిలిచేందుకు వెళుతున్న వైఎస్సార్‌సీపీ నాయకులను పోలీసులు అడ్డుకుంటున్నారు. అధికార పార్టీకి అనుకూలంగా వ్యవహరిస్తూ ప్రతిపక్ష నేతల స్వేచ్ఛను హరిస్తున్నారని పోలీసుల తీరును వైఎస్సార్‌సీపీ నేతలు విమర్శిస్తున్నారు. పచ్చమూకలకు స్వేచ్ఛ.. వైఎస్సార్‌సీపీకి ఆంక్షలు జిల్లాలోని పలు ప్రాంతాల్లో వైఎస్సార్‌సీపీ అభ్యర్థులు నామినేషన్లు వేయకుండా టీడీపీ మూకలు అడుగడుగునా అడ్డంకులు సృష్టించడమే కాకుండా దౌర్జన్యాలు, దాడులకు పాల్పడుతున్నారు. 144 సెక్షన్‌ అమల్లో ఉన్నప్పటికి పెద్ద ఎత్తున నామినేషన్‌ కేంద్రాలకు సమీపంలో గుమికూడి ప్రతిపక్ష పార్టీల అభ్యర్థులను ఇబ్బందులకు గురి చేస్తున్న టీడీపీ మూకలపై చర్యలు తీసుకోవడంలో పోలీసులు విఫలమైయ్యారన్న విమర్శలున్నాయి. చిల్లకూరు, చిట్టమూరు, కోట, వాకాడు, గూడూరుల్లో టీడీపీ మూకల సాగించి గూండాయిజంతో ఉద్రిక్త పరిస్థితులు నెలకొన్నాయి. సమన్వయకర్తల హౌస్‌ అరెస్ట్‌లు మరో వైపు పోలీసులు అధికార పార్టీకి ఏరకంగా కొమ్ముకాస్తున్నారంటే.. ఆయా నియోజకవర్గాల మాజీ ఎమ్మెల్యేలు, సమన్వయకర్తలు తమ పార్టీ అభ్యర్థుల నామినేషన్‌ కేంద్రాల వద్దకు వెళ్లకుండా హౌస్‌ అరెస్ట్‌లతో కట్టడి చేసే ప్రయత్నం చేస్తున్నారు. కానీ పచ్చమూకలను మాత్రం యథేచ్చగా అచ్చొసిన ఆంబోతుల్లా రోడ్లపైకి వదిలేశారు. వైఎస్సార్‌సీపీ జిల్లా అధ్యక్షుడు కాకాణి గోవర్ధన్‌రెడ్డి అభ్యర్థులకు అండగా నిలిచి నామినేషన్లు వేయించేందుకు ఆయా ప్రాంతాలకు వెళ్లేందుకు గురువారం సిద్ధమయ్యారు. ఈ విషయం తెలుసుకున్న అధికార పార్టీ నేతలు పోలీసుల ద్వారా వారిని అడ్డుకున్నారు. కోవూరు మాజీ ఎమ్మెల్యే నల్లపరెడ్డి ప్రసన్నకుమార్‌రెడ్డి, ఎమ్మెల్సీ, నెల్లూరు సిటీ నియోజకవర్గ ఇన్‌చార్జి పర్వతరెడ్డి చంద్రశేఖర్‌రెడ్డిలకు పోలీసులు నోటీసులు జారీ చేసి హౌస్‌ అరెస్ట్‌లు చేశారు. వైఎస్సార్‌సీపీ అభ్యర్థులు నామినేషన్లు వేయకుండా అడ్డుకుంటున్న కిరాయి మూకలు నామినేషన్‌ కేంద్రాల వద్దకు వెళ్లొదంటూ వైఎస్సార్‌సీపీ సమన్వయకర్తలకు పోలీసు నోటీసులు మహిళా అభ్యర్థుల చీరలు, నామినేషన్లు చించేసినా.. కళ్లప్పగిస్తున్న పోలీసులు టీడీపీ రౌడీయిజాన్ని అడ్డుకుంటున్న వైఎస్సార్‌సీపీ శ్రేణులపై లాఠీచార్జి అల్లరిమూకల బరితెగింపు

● వేర్వేరు చోట్ల ఇద్దరి మృతి స్వగ్రామానికి వెళ్తుండగా.. మనుబోలు: మండల పరిధిలోని జాతీయ రహదారిపై రాయల్‌ హోటల్‌ ఎదురుగా గురువారం జరిగిన రోడ్డు ప్రమాదంలో ఓ మహిళ మృతిచెందింది. పోలీసులు, స్థానికుల కథనం మేరకు.. ప్రకాశం జిల్లా కందుకూరు మండలం కందులూరు గ్రామానికి చెందిన ఆముదాలపల్లి మల్లికార్జునరావు తన అత్త కంభం జయలక్ష్మి (54)తో కలిసి చైన్నెలోని బంధువుల ఇంటికి వెళ్లి కారులో స్వగ్రామానికి తిరిగి వస్తున్నారు. ఈ క్రమంలో రాయల్‌ హోటల్‌ ఎదురుగా రోడ్డుపై నిలిపి ఉన్న లారీని కారు ఢీకొంది. ఈ ప్రమాదంలో కారు ధ్వంసమవగా, వెనుక సీట్‌లో కూర్చున్న జయలక్ష్మి అక్కడికక్కడే చనిపోయారు. కారు నడుపుతున్న మల్లికార్జునరావుకు స్వల్ప గాయాలయ్యాయి. సమాచారం అందుకున్న పోలీసులు ఘటనా స్థలానికి చేరుకుని కేసు నమోదు చేశారు. వెంకన్నపాళెం వద్ద.. కోట: మండలంలోని వెంకన్నపాళెం వద్ద ప్రధాన రహదారిపై గురువారం జరిగిన రోడ్డు ప్రమాదంలో వాకాడులో వీఆర్‌ఏగా పనిచేస్తున్న పరుశురామయ్య (55) మృతి చెందాడు. వాకాడు నుంచి స్కూటీపై కోటకు వస్తుండగా ఈ ప్రమాదం చోటుచేసుకుంది. రోడ్డుపై గాయాలతో పడి ఉన్న పరుశురామయ్య మృతి చెంది ఉండటాన్ని స్థానికులు గుర్తించి పోలీసులకు సమాచారం అందించారు. మృతుడికి భార్య, పిల్లలున్నారు. అతను స్కూటీపై వెళ్తూ అదుపుతప్పి కిందపడి మృతి చెందాడా?, లేక గుర్తుతెలియని వాహనం ఢీకొనడంతో ప్రమా దం జరిగిందా? అనే కోణాల్లో విచారణ జరుపుతున్నట్లు ఎస్సై పవన్‌కుమార్‌ తెలిపారు.

● గూడూరులో ఇనుప కంచెలను లెక్కచేయని టీడీపీ శ్రేణులు ● తీవ్ర ఉద్రిక్తత గూడూరు: స్థానిక సంస్థల ఎన్నికల నామినేషన్ల సందర్భంగా గూడూరులో తీవ్ర ఉద్రిక్తత నెలకొంది. నామినేషన్ల దాఖలుకొచ్చిన వైఎస్సార్‌ కాంగ్రెస్‌ పార్టీ అభ్యర్థుల నుంచి పత్రాలను బలవంతంగా లాక్కునేందుకు టీడీపీ శ్రేణులు యత్నించారు. శాంతిభద్రతల పరిరక్షణ.. అవాంఛనీయ ఘటనలు తలెత్తకుండా రోడ్లపై ఇనుప కంచెలను ఖాకీలు ఏర్పాటు చేసి పరిస్థితిని అదుపులోకి తెచ్చేందుకు యత్నించారు. అయినా ఈ హెచ్చరికలను ఏ మాత్రం ఖాతరు చేయలేదు. బారికేడ్లను నెట్టేస్తూ.. కంచెలను లాగుతూ పచ్చ శ్రేణులు దౌర్జన్యంగా ముందుకు దూసుకెళ్లారు.

నెల్లూరు సిటీ: నెల్లూరు నగరపాలక సంస్థ పరిధిలోని చినబాలయ్య నగర్‌ హైస్కూల్‌ ఏడో తరగతి విద్యార్థి ఆవుల హరనాథ్‌ యోగాలో జాతీయ స్థాయి పోటీలకు అర్హత సాధించాడు. కావలిలో అక్టోబర్‌ 10, 11 తేదీల్లో నిర్వహించిన రాష్ట్ర స్థాయి యోగా పోటీల్లో సబ్‌ జూనియర్‌ విభాగంలో మూడో స్థానం సాధించాడు. ఆంధ్రప్రదేశ్‌ స్టేట్‌ యోగా అసోసియేషన్‌, ఇండియన్‌ యోగ ఫెడరేషన్‌ సంయుక్త ఆధ్వర్యంలో ఈ పోటీలు నిర్వహించారు. డిసెంబరులో జార్ఖండ్‌ రాష్ట్రంలో జరిగే జాతీయస్థాయి పోటీల్లో హరనాథ్‌ పాల్గొంటాడు. ఈ సందర్భంగా పాఠశాల ప్రధానోపాధ్యాయుడు పెద్దాడ వెంకటేశ్వరరావు, ఉపాధ్యాయులు విద్యార్థిని గురువారం అభినందించారు. కార్యక్రమంలో పీడీ ఎం.రేవతి, ఉపాధ్యాయులు ఎంసీ అచ్చయ్య, కమల, ప్రసాద్‌, నాగేశ్వరి, తిరుపాల్‌ రాజా, బాలు తదితరులు పాల్గొన్నారు.

ఇప్పటికీ లోటే.. సైదాపురంసంగంవెంకటాచలంచిల్లకూరుజలదంకి పొదలకూరు రాపూరుఆత్మకూరుబుచ్చిరెడ్డిపాళెంవిడవలూరునెల్లూరు రూరల్‌కలువాయి చేజర్లగూడూరుఅనంతసాగరంబోగోలుకావలి27.225.827.838.653.8 మి.మీ50.833.634.627.428.634.839.247.236.840.036.648.2బంగాళాఖాతంలో ఏర్పడిన అల్పపీడన ప్రభావంతో జిల్లా వ్యాప్తంగా వర్షాలు కురుస్తున్నాయి. జిల్లాలో బుధవారం నుంచి గురువారం ఉదయం 8.30 గంటల వరకు సరాసరి వర్షపాతం 27.3 మిల్లీమీటర్లుగా నమోదైంది. మనుబోలు మండలంలో అత్యధికంగా 66.2.. సీతారామపురం మండలంలో 5.2 మిల్లీమీటర్ల మేర కురిసింది. ఇందుకూరుపేటలో 25.4, వింజమూరులో 25.2, కలిగిరిలో 25, కొడవలూరులో 24.6, అనుమసముద్రంపేటలో 19.8, తోటపల్లిగూడూరులో 19.2, అల్లూరులో 17.2, కొండాపురంలో 16.8, కోటలో 16.2, దుత్తలూరులో 15.2, మర్రిపాడులో 14.2, కోవూరులో 13.8, దగదర్తిలో 12.2, ముత్తుకూరులో 10.4, వరికుంటపాడులో 10.2, ఉదయగిరిలో 9.4, నెల్లూరు అర్బన్‌ లో 7.2 మిల్లీమీటర్ల వర్షపాతం నమోదైంది. మనుబోలు, గూడూరు, చిల్లకూరు, రాపూరు మండలాల్లో మాత్రమే సాధారణ వర్షపాతం నమోదైంది. వరికుంటపాడు, మర్రిపాడు మండలాల్లో 60 శాతం లోటు నెలకొంది. జూన్‌ నుంచి ఇప్పటి వరకు జిల్లాలో 565.7 మిల్లీమీటర్లకు గానూ 340.3 మేరే కురిసింది. చెదురుమదురు వర్షాలు కురుస్తున్నా, ఆశించిన స్థాయిలో నమోదు కాలేదు. – నెల్లూరు(అర్బన్‌)

● ఎస్పీ అజిత వేజెండ్ల నెల్లూరు(క్రైమ్‌): జిల్లాలో జెడ్పీటీసీ, ఎంపీటీసీ నామినేషన్ల ప్రక్రియ ప్రశాంతంగా నిర్వహించేందుకు 600 మంది పోలీసు సిబ్బందితో పటిష్ట బందోబస్తు ఏర్పాటు చేశామని ఎస్పీ అజిత వేజెండ్ల గురువారం ఒక ప్రకటనలో తెలిపారు. ఏఎస్పీ సీహెచ్‌ సౌజన్య, నగర ఏఎస్పీ దీక్ష, ఏఆర్‌ ఏఎస్పీ అప్పారావుతోపాటు ఏడుగురు డీఎస్పీలు, 25 మంది సీఐలు, 50 మంది ఎస్సైలు, స్పెషల్‌ పార్టీలు, రిజర్వ్‌ పోలీసులు బందోబస్తు విధుల్లో పాల్గొంటున్నారని వెల్లడించారు. నామినేషన్‌ కేంద్రాల వద్ద చెక్‌పోస్టులు, సీసీ టీవీలు, డ్రోన్స్‌, మొబైల్‌ పెట్రోలింగ్‌తో నిరంతర నిఘా కొనసాగిస్తున్నామని పేర్కొన్నారు. నామినేషన్ల ప్రక్రియలో ఎలాంటి ఆటంకాలు కలగకుండా, శాంతిభద్రతల సమస్యలు తలెత్తకుండా ముందస్తు చర్యలు తీసుకుంటున్నామని వెల్లడించారు. ఎన్నికల పోటీ చేయాలనుకునే అభ్యర్థులు నిర్భయంగా నామినేషన్లు దాఖలు చేసుకోవచ్చన్నారు. ప్రతి అభ్యర్థికి అవసరమైన భద్రత కల్పించేందుకు పోలీసుశాఖ సిద్ధంగా ఉందన్నారు. ఎన్నికల నియమావళిని ప్రతి ఒక్కరూ పాటించాలని, ఉల్లంఘిస్తే చర్యలు తప్పవని హెచ్చరించారు.