Nizamabad District Latest News

కమ్మర్‌పల్లి(భీమ్‌గల్‌): భీమ్‌గల్‌ పోలీస్‌స్టేషన్‌ ఆవరణలో ఇటీవల ఆత్మహత్యకు పాల్పడిన పొలాస సుధాకర్‌ (60) కుటుంబానికి ప్రభుత్వం తరఫున ఆర్థిక సాయం అందింది. స్థానిక తహసీల్‌ కార్యాలయంలో ఏర్పాటు చేసిన కార్యక్రమంలో సుధాకర్‌ సతీమణి సరోజ, కుమారుడు శ్రీనివాస్‌కు ప్రభుత్వ సలహాదారు పి సుదర్శన్‌రెడ్డి, కలెక్టర్‌ ఇలా త్రిపాఠిల ఆదివారం రూ.5 లక్షల చెక్కును అందజేశారు. బాధిత కుటుంబాని కి ప్రభుత్వం అన్ని విధాలుగా అండగా ఉంటుందని భరోసా ఇచ్చారు. ఇందిరమ్మ ఇల్లు మంజూరు చేస్తామని ప్రకటించారు. ఈ సందర్భంగా బాధిత కుటుంబం ప్రభుత్వానికి కృతజ్ఞతలు తెలిపింది. అదనపు కలెక్టర్‌ భు జంగరావు, ఉర్దూ అకాడమీ చైర్మన్‌ తాహెర్‌ బిన్‌ హందాన్‌, మున్సిపల్‌ చైర్‌పర్సన్‌ బొదిరే నాగమణి, జిల్లా గ్రంథాలయ సంస్థ చై ర్మన్‌ అంతిరెడ్డి రాజిరెడ్డి, తహసీల్దార్‌ కిరణ్‌, డీసీసీ అధ్యక్షుడు నగేశ్‌రెడ్డి, మానాల మోహన్‌రెడ్డి, కౌన్సిలర్లు మామరి సందీప్‌, నాయకులు బొదిరే స్వామి, పర్స అనంతరావు, నాగేంద్రబాబు తదితరులు పాల్గొన్నారు. వేల్పూర్‌(బాల్కొండ): బాల్కొండ సర్కిల్‌ కార్యాలయంలో కానిస్టేబుల్‌గా విధులు నిర్వహిస్తున్న పిల్లి మహిపాల్‌ ఆదివారం ఢిల్లీలో నిర్వహించిన హాఫ్‌ మారథాన్‌లో ప్రతిభ కనబరిచి మెడల్‌ సాధించారు. ఢిల్లీలోని జవహార్‌లాల్‌ నెహ్రూ స్టేడియంలో వేదాంత ఢిల్లీ ఆధ్వర్యంలో నిర్వ హించిన 21 కిలోమీటర్ల హాఫ్‌ మారథాన్‌ను 2 గంటల 12 నిమిషాల్లో పూర్తిచేసి మెడల్‌ సాధించినట్లు మహిపాల్‌ వెల్లడించారు. ప్రపంచ వ్యాప్తంగా వివిధ దేశాల నుంచి సుమారు 41 వేలమంది క్రీడాకారులు పాల్గొన్నట్లు పేర్కొన్నారు. పీఆర్టీయూ రాష్ట్ర అసోసియేట్‌ అధ్యక్షురాలిగా రాణి ఆర్మూర్‌ : పీఆర్టీయూ రాష్ట్ర అసోసియేట్‌ అ ధ్యక్షురాలిగా ఆర్మూర్‌ పట్టణానికి చెందిన పీ రాణిని ఏకగ్రీవంగా ఎన్నుకున్నట్లు సంఘం నాయకులు ఆదివారం ఒక ప్రకటనలో తెలిపారు. బ్రాహ్మణపల్లి జెడ్పీ హైస్కూల్‌లో ఉపాధ్యాయురాలిగా విధులు నిర్వర్తిస్తున్న రాణి.. ఉపాధ్యాయ సమస్యల పరిష్కారాని కి నిరంతరం కషి చేస్తూ తనకంటూ ప్రత్యేక గుర్తింపు సంపాదించుకున్నారని పేర్కొన్నా రు. తనపై నమ్మకంతో బాధ్యతలను అప్ప గించిన సంఘం రాష్ట్ర, జిల్లా, మండల నా యకులకు, సహచర ఉపాధ్యాయులకు రాణి ఈ సందర్భంగా కృతజ్ఞతలు తెలిపారు.

● దేవగిరి ఎక్స్‌ప్రెస్‌లో ప్రయాణికుల ఇబ్బందులు నిజామాబాద్‌అర్బన్‌: ముంబై–లింగంపల్లి (దేవగిరి ఎక్స్‌ప్రెస్‌–17057) రైలు దాదాపు 10 గంటల ఆలస్యంతో ప్రయాణికులు ఇ బ్బందులు ఎదుర్కొన్నారు. శనివారం రాత్రి 9.30 గంటలకు సీఎస్‌ఎంటీ(ముంబై) నుంచి బయల్దేరిన దేవగిరి ఎక్స్‌ప్రెస్‌ను మహారాష్ట్రలో చేపడుతున్న రైల్వే పనుల కారణంగా అంబర్‌నాథ్‌, బద్లాపూర్‌, లోనావాలా, పూణే మీదుగా మళ్లించారు. ఉదయం 11.30 గంటలకు నిజామాబాద్‌కు చేరుకోవాల్సిన ఎక్స్‌ప్రెస్‌ రాత్రి 9.32 గంటలకు వచ్చింది. రైలు రూట్‌ మళ్లింపు కారణంగా ఇబ్బందులు ఎదుర్కొన్నామని, బతుకమ్మ పండగకు సకాలంలో ఇళ్లకు చేరుకోలేకపోయామని పలు వురు ప్రయాణికులు వాపోయారు.

● తాగునీటి అవసరాలకే తొలి ప్రాధాన్యత ● ప్రభుత్వ సలహాదారు సుదర్శన్‌రెడ్డికమ్మర్‌పల్లి(భీమ్‌గల్‌): ఎల్‌నినో ప్రభావంతో ఆశించిన స్థాయిలో వర్షాలు కురవక జలాశయాల్లో నీటి నిల్వలు చేరలేదని, ప్రస్తుత పరిస్థితుల్లో తాగునీటి సరఫరాకే తొలి ప్రాధాన్యం ఇవ్వాలని ప్రభుత్వం నిర్ణయించిందని ప్రభుత్వ సలహాదారు పి.సుదర్శన్‌రెడ్డి పేర్కొన్నారు. భీమ్‌గల్‌ తహసీల్‌ కార్యాలయంలో ఆదివారం నిర్వహించిన సమావేశంలో ఆయన మాట్లాడారు. వర్షాభావ పరిస్థితుల కారణంగా భూగర్భ జలాలు సైతం గణనీయంగా పడిపోతున్నాయని, మున్మందు పంటల సాగుకు సరిపడా విద్యుత్‌ సరఫరా చేసేందుకు కూడా ఇబ్బందులు తలెత్తే అవకాశం ఉందన్నారు. ఖరీఫ్‌ సీజన్‌లో సమృద్ధిగా సాగు జలాలు అందించామని, పూర్తి స్థాయిలో కరెంటు సరఫరా చేసి పంటలను కాపాడుకున్నామని గుర్తు చేశారు. ప్రస్తుత యాసంగిలో వరి వేయొద్దని రైతులకు విజ్ఞప్తి చేశారు. తక్కువ నీటితో సాగయ్యే కూరగాయలు, పప్పు దినుసుల సాగు వైపు దృష్టి సారించాలని సూచించారు. అదనపు కలెక్టర్‌ భుజంగరావు, ఉర్దూ అకాడమీ చైర్మన్‌ తాహెర్‌ బిన్‌ హందాన్‌, మున్సిపల్‌ చైర్‌ పర్సన్‌ నాగమణి, జిల్లా గ్రంథాలయ సంస్థ చైర్మన్‌ అంతిరెడ్డి రాజిరెడ్డి, తహసీల్దార్‌ కిరణ్‌, డీసీసీ అధ్యక్షుడు నగేశ్‌రెడ్డి, మానాల మోహన్‌రెడ్డి పాల్గొన్నారు.

● ఘనంగా సద్దుల సంబురం ● ఆడిపాడిన ఆడబిడ్డలు ● అంబరాన్నంటిన బతుకమ్మ వేడుకసోమవారం శ్రీ 19 శ్రీ అక్టోబర్‌ శ్రీ 2026నగర శివారులోని బోర్గాం(పీ)లో బతుకమ్మ ఆడుతున్న మహిళలు, యువతులుబోర్గాం(పీ)లో బతుకమ్మలతో ఊరేగింపుగా వెళ్తున్న ఆడపడుచులు‘‘చిత్తు చిత్తుల బొమ్మ శివుని ముద్దుల గుమ్మ..’’ అంటూ బతుకమ్మను తమ ఆటపాటలతో ఆడబిడ్డలు భక్తితో కొలిచారు. ఇందూరు గడ్డ తీరొక్క పూలతో పరిమళించింది. జిల్లా కేంద్రమైన నిజామాబాద్‌ నగరంతోపాటు ఆయా ప్రాంతాల్లో సద్దుల బతుకమ్మ సంబురాలను ఆదివారం ఘనంగా నిర్వహించారు. జిల్లా కేంద్రంలోని రఘునాథ చెరువు, కంఠేశ్వర్‌, హమాల్‌వాడి సాయిబాబా ఆలయాలతోపాటు పూలాంగ్‌, న్యూ హౌసింగ్‌ బోర్డ్‌ కాలనీ, ఎల్లమ్మగుట్ట, బాలహనుమాన్‌ ఆలయాల వద్ద గౌరమ్మను భక్తితో కొలిచి ఆడబిడ్డలు బతుకమ్మ ఆడారు. రఘునాథ చెరువు వద్ద అధికారులు ప్రత్యేక ఏర్పాట్లు చేశారు. మున్సిపల్‌ కార్పొరేషన్‌ సిబ్బంది బతుకమ్మలను నీటిలో నిమజ్జనం చేశారు. సీపీ సాయిచైతన్య, ఏసీపీ ప్రకాశ్‌ యాదవ్‌ సిబ్బందితో కలిసి బందోబస్తును పర్యవేక్షించారు. – నిజామాబాద్‌ రూరల్‌/నిజామాబాద్‌ అర్బన్‌

డొంకేశ్వర్‌(ఆర్మూర్‌): జిల్లాలో కొంతమంది గ్రామ పంచాయతీ కార్యదర్శుల వ్యవహార శైలి తీవ్ర విమర్శలకు దారితీస్తోంది. కొద్ది నెలల క్రితమే జిల్లాలో పారదర్శకంగా సాధారణ బదిలీలు జరిగినప్పటికీ, తమకు అనుకూలమైన గ్రామ పంచాయతీలు, ముఖ్యంగా ‘ఆదాయం’ ఎక్కువగా ఉన్న పెద్ద పెద్ద జీపీల్లో పోస్టింగ్‌ల కోసం కొందరు కార్యదర్శులు ఆరాటపడుతున్నారు. ‘డిప్యుటేషన్ల’ కోసం తీవ్ర ప్రయత్నాలు చేస్తున్నారు. ఇటీవల జిల్లాలో 16మంది డిప్యుటేషన్ల వ్యవహారం ‘పంచాయితీకి’ దారితీస్తోంది. పొలిటికల్‌ లీడర్లతో పైరవీలు.. తమకు నచ్చిన చోటికి డిప్యుటేషన్‌ లేదా బదిలీ చేయించుకునేందుకు కొందరు కార్యదర్శులు రాజకీయ అస్త్రాన్ని ప్రయోగిస్తున్నారు. స్థానిక ప్రజాప్రతినిధులు, రాజకీయ నాయకుల చుట్టూ తిరుగుతూ వారి నుంచి సిఫారసు లేఖలు సంపాదిస్తున్నారు. ఆ లేఖలతో జిల్లా పంచాయతీ అధికారి (డీపీవో) కార్యాలయంలో అప్లై చేసుకుంటూ, ఉన్నతాధికారులపై పొలిటికల్‌ లీడర్లతో ఫోన్‌లు చేయిస్తూ తీవ్ర ఒత్తిడి తెస్తున్నట్లు విమర్శలు వెల్లువెత్తుతున్నాయి. కనీసం అధికారులకు కూడా కనీస గౌరవం ఇవ్వకుండా కొందరు వ్యవహరిస్తున్నట్లు టాక్‌ వినిపిస్తోంది. ఈ పైరవీల పర్వంలో కొందరు కార్యదర్శులు మరీ బరితెగించి వ్యవహరిస్తున్నారు. తోటి పంచాయతీ కార్యదర్శికి కనీస సమాచారం కూడా లేకుండా, అంతర్గతంగా డిప్యుటేషన్‌ ఆర్డర్లు సాధిస్తున్నారు. దీంతో అప్పటికే ఆయా గ్రామాల్లో నిబంధనల ప్రకారం పని చేస్తున్న కార్యదర్శులను అకస్మాత్తుగా అక్కడి నుంచి కదిలిస్తున్నారు. ‘మేము సాధారణ బదిలీల్లో భాగంగానే రూల్స్‌ ప్రకారం ఇక్కడికి వచ్చాం.. మాకు ఎలాంటి ముందస్తు సమాచారం లేకుండా, కేవలం రాజకీయ పైరవీలతో తమను ఇక్కడి నుంచి ఎలా కదిలిస్తారు?‘ అంటూ బాధితులైన కార్యదర్శులు తీవ్ర ఆవేదన వ్యక్తం చేస్తున్నారు. మండల బాసులకే తెలియదు.. మండల స్థాయిలో పంచాయతీ పరిపాలనను పర్యవేక్షించాల్సిన మండల పరిషత్‌ అభివృద్ధి అధికారులకు (ఎంపీడీవో) సైతం కనీస సమాచారం ఇవ్వకుండా బదిలీల బాగోతం నడుస్తోంది. తమ పరిధిలోని కార్యదర్శులు రాజకీయ నేతలతో నేరుగా పైరవీలు చేసుకుని బదిలీలు చేయించుకుంటుండడంతో ఎంపీడీవోలు సైతం విస్మయం వ్యక్తం చేస్తున్నారు. కొంత మంది కారణంగా వ్యవస్థ మొత్తం గాడి తప్పుతోందని, సాటి ఉద్యోగులకే అన్యాయం జరుగుతోందని యూనియన్‌ నేతలు మండిపడుతున్నారు. సంఘం క్రమశిక్షణను, పెద్దల మాటను సైతం కొందరు కార్యదర్శులు లెక్కచేయకపోవడంపై యూనియన్‌ అంతర్గత సమావేశాల్లో తీవ్ర చర్చ జరుగుతోంది. కొందరు పంచాయతీ కార్యదర్శుల తీరుపై సర్వత్రా చర్చ ఆదాయం ఉన్న జీపీలపైనే వారి కన్ను.. పొలిటికల్‌ సిఫారసులతో డిప్యుటేషన్ల వేట సాధారణ బదిలీలు జరిగినా అగని ఆరాటం తోటి ఉద్యోగుల సీటుకే ఎసరు పెడుతున్న వైనం

రుద్రూర్‌: కోటగిరి ఉమ్మడి మండలంలో వడ్డీ వ్యాపారులపై పోలీసులు కొరడా ఝళిపించారు. శనివారం ఉదయం పోలీసులు మూడు ప్రత్యేక బృందాలుగా ఏర్పడి ఏకకాలంలో సుమారు పది ప్రాంతాల్లో దాడులు నిర్వహించారు. ఈ మెరుపు దాడిలో రూ.74లక్షల50 వేల భారీ నగదుతో పాటు, పలు కీలక ప్రామిసరీ, అగ్రిమెంట్‌ పత్రాలను స్వాధీనం చేసుకున్నారు. సోదాల సమయంలో లెక్కల్లో చూపని భారీ నగదుతో పాటు వడ్డీ వ్యాపారానికి సంబంధించిన పలు ప్రామిసరీ, రికార్డులు బయటపడటంతో వాటిని సీజ్‌ చేశారు. స్వాధీనం చేసుకున్న నగదు, ప్రామిసరీ నోట్లను పోలీస్‌స్టేషన్‌కు తరలించారు. నిబంధనలకు విరుద్ధంగా అధిక వడ్డీలకు డబ్బులు ఇస్తూ అమాయక ప్రజలను మోసగిస్తున్న ఆరుగురు వ్యక్తులపై కేసు నమోదు చేసినట్లు ఎస్సై శ్రీనివాస్‌ యాదవ్‌ ఆదివారం తెలిపారు. చీటింగ్‌, మనీ ల్యాండింగ్‌ చట్టాల కింద కేసులు నమోదు చేసినట్లు ఆయన పేర్కొన్నారు.

నిజామాబాద్‌ రూరల్‌: ఇందూరులో టీఆర్‌పీ విశిష్ట గోల్‌ అండ్‌ డైమండ్‌ షోరూమ్‌ ఆదివారం వైభవంగా ప్రారంభమైంది. సినీ నటి నిధి అగర్వాల్‌ రిబ్బన్‌ కట్‌ చేసి, జ్యోతి ప్రజ్వలన చేశారు. అనంతరం షోరూం అంతా కలియతిరుగుతూ షోరూంలో ఉన్న బంగారు నగలు, వజ్రాలను పరిశీలించారు. అదిరిపోయే ఆఫర్లు ఉండటంతో పెద్ద సంఖ్యలో కొనుగోలుదారులు వచ్చారు. దీంతో షోరూమ్‌ సందడిగా మారింది. పండుగలు, వివాహాలకు లభించే అన్ని రకాల నగలు, వజ్రాలు విశిష్ట గోల్‌ అండ్‌ డైమండ్‌ షోరూమ్‌లో అందుబాటులో ఉన్నాయని అన్నారు. జిల్లా కేంద్రంలో విశిష్ట జ్యువెలరీ ఏర్పాటు కావడం ఎంతో ఆనందదాయకమన్నారు. వంద గ్రాముల బంగారు ఆభరణాల కొనుగోలుపై బంగారు, వెండి నాణాలను ఉచితంగా పొందవచ్చని అన్నారు. షోరూమ్‌ బయట ఏర్పాటు చేసిన వేదికపై ప్రేక్షకులతో మాట్లాడి నృత్యం చేశారు. షోరూంలో దసరా, దీపావళి, సంక్రాంతి కొనుగోలు అధికంగా జరపాలని ప్రజలను కోరారు. సినీనటి నిధి అగర్వాల్‌ను చూసేందుకు ప్రజలు, అభిమానులు పెద్ద సంఖ్యలో తరలివచ్చారు. నిధి అగర్వాల్‌ సైతం అభిమానులను పలకరిస్తూ, చేతులు ఊపుతూ సందడి చేశారు. అర్బన్‌ ఎమ్మెల్యే ధన్‌పాల్‌ సూర్యనారాయణ మాట్లాడుతూ.. సామాన్య, మధ్యతరగతి కుటుంబీకులకు విశిష్ట గోల్డ్‌, డైమండ్‌ షోరూం అందుబాటులో ఉందని తెలిపారు. కార్యక్రమంలో మేయర్‌ ఉమారాణి, మాజీ ఎమ్మెల్యే గణేశ్‌ గుప్తా, షోరూమ్‌ యజమానులు ఆనంద్‌బాబు పాలబట్ల, తొడుపునూరి శ్రీనివాస్‌, సుమంత్‌, కార్పొరేటర్‌ బొబ్బిలి సువర్ణ వేణుగోపాల్‌ తదితరులు పాల్గొన్నారు.

● చెరువులో పడి ఒకరి మృతి భిక్కనూరు: సద్దుల బతుకమ్మ సంబురాల్లో అపశృతి చోటు చేసుకుంది. భిక్కనూరు మండలం తిప్పాపూర్‌ గ్రామంలో ఆదివారం బతుకమ్మ వేడుకలు నిర్వహించారు. అనంతరం పలుగు చెరువు వద్ద గ్రామానికి చెందిన ధర్మగళ్ల స్వామి(45) బతుకమ్మను నిమజ్జనం చేసేందుకు లోనికి వెళ్లి ప్రమాదవశాత్తు నీట మునిగాడు. గమనించిన గ్రామస్తులు చెరువులోకి దూకి స్వామిని ఒడ్డుకు తీసుకువచ్చారు. అయితే అప్పటికే స్వామి మృతి చెందాడు. విషయం తెలుసుకున్న పోలీసులు ఘటనా స్థలానికి చేరుకొని మృతదేహాన్ని పోస్టుమార్టం నిమిత్తం కామారెడ్డి ఆస్పత్రికి తరలించారు. బతుకమ్మ పండుగ పూట ఘటన జరగడంతో గ్రామంలో విషాదఛాయలు అలుముకున్నాయి. మృతుడికి భార్య, ఇద్దరు పిల్లలు ఉన్నారు.

● కోటగిరి, రుద్రూర్‌లో పోలీసుల తనిఖీలు ● అధిక వడ్డీల వసూళ్లపై ఆరా రుద్రూర్‌: వడ్డీ వ్యాపారుల కార్యకలాపాలపై పోలీసులు నిఘా పెంచారు. ఇందులో భాగంగా కోటగిరి, రుద్రూర్‌ ప్రాంతాల్లో పోలీస్‌ కమిషనర్‌ ఆదేశాల మేరకు స్థానిక పోలీసులు తనిఖీలు నిర్వహించారు. వడ్డీ వ్యాపారుల లావాదేవీలు, వడ్డీ వసూళ్ల తీరుపై ఆరా తీస్తున్నారు. నిబంధనలకు విరుద్ధంగా అధిక వడ్డీలు వసూలు చేస్తూ, అప్పు తీసుకున్న వారిని ఇ బ్బందులకు గురిచేస్తున్నారనే ఫిర్యాదుల నేపథ్యంలో పోలీసులు తనిఖీలు చేపట్టినట్లు తెలుస్తోంది. అత్యవసర, ఆర్థిక అవసరాల కోసం అప్పులు తీసుకునే సామాన్యులు కొందరు వడ్డీ వ్యాపారుల వల్ల ఇబ్బందులు ఎదుర్కొంటున్నారనే ఆరోపణలు ఉన్నాయి. తీసుకున్న అప్పునకు అధిక వడ్డీలు వసూలు చేయడం, గడువు లోగా డబ్బులు చెల్లించకపోతే ఒత్తిడి తీసుకురావడం వంటి అంశాలపై పోలీసులు దృష్టి సారిస్తున్నారు. వడ్డీ వ్యాపారాలు నిర్వహించేవారు నిబంధనలకు అనుగుణంగా వ్యవహరించాలని, అక్రమ వసూళ్లకు పాల్పడవద్దని సూచిస్తున్నారు. ఫిర్యాదులపై చర్యలు వడ్డీ వ్యాపారుల వేధింపులకు గురయ్యే బాధితులు ధైర్యంగా ముందుకొచ్చి పోలీసులకు ఫిర్యాదు చేయాలని సూచిస్తున్నారు. ఫిర్యాదుల ఆధారంగా విచారణ చేపట్టి, చట్ట విరుద్ధ కార్యకలాపాలు గుర్తిస్తే నిబంధనల ప్రకారం చర్యలు తీసుకునే అవకాశం ఉంది. కోటగిరి, రుద్రూర్‌, ఇతర ప్రాంతాల్లో చేపట్టిన తనిఖీలతో వడ్డీ వ్యాపారుల వ్యవహారాలపై స్థానికంగా చర్చ జరుగుతోంది.

కామారెడ్డి టౌన్‌: పట్టణ పోలీస్‌స్టేషన్‌లో విధులు నిర్వహిస్తున్న హోంగార్డు షేక్‌ చోటు(35) అనా రోగ్యంతో చికిత్స పొందుతూ కన్నుమూశారు. కొన్ని రోజులుగా ఫిట్స్‌ అనారోగ్య సమస్యలతో బాధపడుతున్నాడు. శనివారం విధుల్లో ఉన్న అతనికి ఫిట్స్‌ రావడంతో తోటి సిబ్బంది, కుటుంబీకులు నిజామాబాద్‌ ప్రభుత్వాసుపత్రికి మెరుగైన చికిత్సకోసం తరలించగా ఆదివారం చికిత్స పొందుతూ మృతి చెందాడు. షేక్‌ చోటుకు భార్య, ఇద్దరు పిల్లలు ఉన్నారు. ఆయన మృతిపై పట్టణ సీఐ, ఎస్సైలు, పోలీస్‌ అధికారులు, తోటి హోంగార్డులు సంతాపం వ్యక్తం చేశారు. నస్రుల్లాబాద్‌: మండలంలోని కామిశెట్టి గ్రామం వద్ద జాతీయ రహదారిపై ఆదివారం బస్సును వెనుక నుంచి బైక్‌ ఢీకొనడంతో ఇద్దరికి గాయాలయ్యాయి. బోధన్‌ నుంచి బాన్సువాడ వెళ్తున్న ఆర్టీసీ బస్సు కామిశెట్టిపల్లి వద్ద ప్రయాణికులను దింపడానికి అకస్మాతుగా ఆపడంతో వెనుకాలే బైక్‌పై వస్తున్న మహమ్మద్‌నగర్‌కు చెందిన చింతల కాశీరాం, చింతల సాయవ్వ ఢీకొన్నారు. ప్రమాదంలో కాశీరాంకు చేయి, కాలు విరిగింది. సాయవ్వకు పల్లు విరిగి పోయి తీవ్ర రక్త స్రావమైంది. ఘటనా స్థలాన్ని పోలీసులు పరిశీలించి క్షతగాత్రులను బాన్సువాడ ఏరియా ఆస్పత్రికి తరలించారు. రుద్రూర్‌: మండలంలోని రాణంపల్లి గ్రామానికి చెందిన టాక్లి శ్రీకర్‌ (20) అనే యువకుడు అదృశ్యమైనట్లు ఎస్సై మనోజ్‌ కుమార్‌ ఆదివారం తెలిపారు. బోధన్‌లోని ఓ రైస్‌మిల్లులో పనిచేస్తున్న శ్రీకర్‌ శనివారం ఉదయం ఇంటి నుంచి వెళ్లి తిరిగి రాలేదు. కుటుంబీకులు పలుచోట్ల వెతికినా ఆచూకీ లభించలేదు. తల్లి సావిత్రి ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఎస్సై తెలిపారు.

డొంకేశ్వర్‌: మండలంలోని అన్నారం సర్పంచ్‌ అట్టోలి సంజీవ్‌ రాష్ట్ర ఎస్సీ మోర్చా స్పోక్‌ పర్సన్‌గా నియామకం అయ్యారు. ఈ మేరకు ఆర్మూర్‌ ఎమ్మెల్యే పైడి రాకేశ్‌రెడ్డి చేతుల మీదుగా నియామకపత్రం అందుకున్నారు. బీజేపీలో కొనసాగుతున్న సంజీవ్‌ గతంలో పలు కీలక పదవుల్లో పని చేశారు. ఇప్పుడు ఎస్సీ మోర్చాలో రాష్ట్ర పోస్టు ఇవ్వడంపై ఆయన సంతోషం వ్యక్తం చేశారు. తనను నమ్మి పదవి అప్పగించిన రాష్ట్ర, జిల్లా నాయకత్వానికి, ఎంపీ అర్వింద్‌కు కృతజ్ఞతలు తెలిపారు. పెర్కిట్‌: ఆర్మూర్‌ మండలం ఇస్సాపల్లి గ్రామానికి చెందిన మహమ్మద్‌ మహబూబ్‌ మత సామరస్యానికి ప్రతీకగా నిలిచాడు. శరన్నవరాత్రి ఉత్సవాల్లో భాగంగా గ్రామంలో నిర్వహించిన అన్నదాన కార్యక్రమానికి తనవంతుసాయంగా రూ.50 వేలను విరాళంగా అందజేశారు. మహబూబ్‌ విరాళం అందజేయడంపై ఉత్సవ నిర్వాహకులు, గ్రామస్తులు హర్షం వ్యక్తం చేశారు. డొంకేశ్వర్‌(ఆర్మూర్‌): మండలంలోని కోమట్‌పల్లి గ్రామంలో దుర్గామాతకు కరెన్సీతో అలంకరణ చేశారు. 17వ వార్షికోత్సవం సందర్భంగా రూ.17,17,017 నగదును వినియోగించినట్లు ఉత్సవ కమిటీ వెల్లడించింది. చండీయాగం కూడా నిర్వహించారు. నవీపేట: మండలంలోని జన్నేపల్లి గ్రామంలో ఉన్న మైనంపల్లి హనుమంతరావు గెస్ట్‌ హౌస్‌ లో ఆదివారం రాత్రి నిర్వహించిన తెప్పోత్సవం భక్తులను విశేషంగా ఆకట్టుకుంది. మైనంపల్లి హనుమంతరావు ప్రతియేట గెస్ట్‌ హౌస్‌ లో దేవి నవరాత్రి ఉత్సవాలను వైభవంగా నిర్వహిస్తారు. ఉత్సవాల్లో భాగంగా ఆదివారం రాత్రి నీటి కొలనులో అమ్మవారి విగ్రహాన్ని ఊరేగిస్తూ తెప్పోత్సవం నిర్వహించారు. కార్యక్రమంలో మెదక్‌ ఎమ్మెల్యే మైనంపల్లి రోహిత్‌రావు, స్థానిక నాయకులు, గ్రామస్తులు పాల్గొన్నారు.

సిరికొండ: రాష్ట్ర స్థాయి సాఫ్ట్‌బాల్‌ పోటీల్లో సిరికొండ సత్యశోధక్‌ పాఠశాలకు చెందిన విద్యార్థులు ప్రతిభ కనబర్చారని ప్రిన్సిపాల్‌ ఆర్‌ నర్సయ్య తెలిపారు. హన్మకొండలో ఇటీవల నిర్వహించిన రాష్ట్ర స్థాయి అండర్‌–13 మినీ సబ్‌ జూనియర్‌ అంతర్‌ జిల్లా సాఫ్ట్‌బాల్‌ చాంపియన్‌షిప్‌ 2026–27 బాలుర విభాగంలో జిల్లా జట్టు చాంపియన్‌గా నిలిచిందన్నారు. జట్టుకు ప్రాతినిధ్యం వహించిన పాఠశాల విద్యార్థులు ఆర్‌ నరేంద్ర, జీ శరత్‌చంద్ర, కే సాయిసృజన్‌, టీ రిశ్విక్‌, బీ శ్రీరామ్‌ తమ క్రీడా ప్రతిభను చాటి జట్టు విజయంలో కీలక పాత్ర వహించి బంగారు పతకాలు సాధించారని తెలిపారు. విద్యార్థులను సాఫ్ట్‌బాల్‌ ఫెడరేషన్‌ ఆఫ్‌ ఇండియా సంయుక్త కార్యదర్శి శోభన్‌బాబు, తెలంగాణ అసోసియేషన్‌ ప్రధాన కార్యదర్శి కాసర్ల నవీన్‌కుమార్‌, జిల్లా ప్రధాన కార్యదర్శి గంగామోహన్‌ అభినందించారు.

నిజామాబాద్‌అర్బన్‌: ఇండియన్‌ సైకియాట్రి క్‌ సొసైటీ సౌత్‌ జోన్‌ వార్షిక సదస్సు ఆదివా రం తమిళనాడులోని కన్యాకుమారిలో జరిగింది.సదస్సులో జిల్లా కు చెందిన ప్రభుత్వ వైద్యకళాశాల మానసిక విభా గం ప్రొఫెసర్‌ డాక్టర్‌ విశాల్‌ పాల్గొని ప్రసంగించా రు. ఆన్‌లైన్‌ గేమింగ్‌, బెట్టింగ్‌ వ్యసనాలపై కలిగే నష్టాలను వివరించారు. ఈ సమస్యల వల్ల కొందరిలో డిప్రెషన్‌, ఆందోళన, నిద్రలేమి, ఆత్మహత్య ఆలోచనలు వంటి మానసిక సమస్యలు వస్తామన్నారు. అనంతరం డాక్టర్‌ విశాల్‌ను నిర్వాహకులు ఘనంగా సన్మానించారు. భరోసా లేని భగీరథ నీళ్లు బాన్సువాడ రూరల్‌: స్వచ్ఛమైన తాగునీరు అందించాలనే భగీరథ పథకం లక్ష్యం నీరుగారుతోంది. మండలంలోని బోర్లంక్యాంపులో ట్యాంకు నుంచి గ్రామానికి సరఫరా అయ్యే నీటి పైప్‌లైన్‌ లీకేజీ అవుతోంది. తాత్కాలిక మరమ్మతులు చేయించినా లీకేజీ ఆగక తాగునీరు కలుషితమవుతున్నాయి. పంచాయతీ పాలకులు స్పందించి శాశ్వత పనులు చేయించాలని, శుభ్రమైన నీటిని సరఫరా చేయాలని గ్రామస్తులు కోరుతున్నారు. నిందితులపై చర్యలు తీసుకోవాలి బోధన్‌: ఎడపల్లి మండలంలోని అంబం(వై) గ్రామానికి చెందిన పోలీస్‌ హోంగార్డు అల్లం భూమయ్య పట్టా భూమిలో కొందరు దౌర్జన్యంగా చొరబడి వరి పంటను కోశారని వారిపై చర్యలు తీసుకోవాలని కోరుతూ ఎడపల్లి పోలీస్‌స్టేషన్‌లో బాధితుడు ఆదివారం ఫిర్యాదు చేశాడు. గ్రామ శివారులో తనకు 15 గుంటల పట్టా భూమి ఉండగా అందులో వరి సాగు చేశానని పేర్కొన్నారు. భూమి విషయంలో గ్రామానికి చెందిన గద్రాసీ సావిత్రి, ఆమె కుమారుడు రాజుతో వివాదం ఉందని ఫిర్యాదులో తెలిపారు. గతంలో తనపొలంలో ప్రవేశించినందున వారి పై కేసు నమోదు చేసినట్లు పేర్కొన్నారు. ఈ నెల 16న మళ్లీ పొలంలో ప్రవేశించి పంటను కోశారని పేర్కొన్నారు. తాను నిజామాబాద్‌లో విధుల్లో ఉన్నందున ఫిర్యాదు చేసేందుకు ఆలస్యం జరిగిందన్నారు. అధికారులు స్పందించి తగు చర్యలు తీసుకోవాలని ఆయన కోరారు.

కామారెడ్డి టౌన్‌ : శరన్నవరాత్రి ఉత్సవాల సందర్భంగా కామారెడ్డి జిల్లా కేంద్రంలో ఆధ్యాత్మిక శోభతో పాటు పండుగ సంబురం అంబరాన్నంటింది. పట్టణంలోని పలు కాలనీల్లో ఏర్పాటు చేసిన దుర్గామాత మండపాల వద్ద దాండియా, గర్భా నృత్యాలు ప్రత్యేక ఆకర్షణగా నిలుస్తున్నాయి. రంగురంగుల సంప్రదాయ దుస్తులు ధరించి మహిళలు, యువతులు, చిన్నారులు లయబద్ధంగా దాండియా కోలాటాలు ఆడుతూ సందడి చేస్తున్నారు. భక్తిగీతాలు, డీజే పాటల హోరులో చిన్నారుల నుంచి పెద్దల వరకు ఉత్సాహంగా అడుగులు వేస్తూ నృత్యాలు చేస్తున్నారు. జిల్లా కేంద్రంలోని హిందుసేనా, శాస్త్రి ఆదర్శసంఘం, గణసేనా తదితర మండపాల వద్ద రాత్రి దాండియాతో రద్దీ నెలకొంది. యువత పెద్ద సంఖ్యలో పాల్గొంటూ దాండియా ఆడుతున్నారు.

● త్వరలోనే డీపీఆర్‌ సిద్ధం ● నిజామాబాద్‌ అర్బన్‌ ఎమ్మెల్యే ధన్‌పాల్‌ సూర్యనారాయణ సుభాష్‌నగర్‌: ఇందూరులో ఎంతో ఘన చరిత్ర కలిగిన ఖిల్లా రామాలయానికి రోప్‌వే మంజూరైనట్లు అర్బన్‌ ఎమ్మెల్యే ధన్‌పాల్‌ సూర్యనారాయణ తెలిపారు. ఆదివారం జిల్లా కేంద్రంలోని బీజేపీ కార్యాలయంలో ఆయన మాట్లాడుతూ.. ఛత్రపతి శివాజీ గురువు సమర్థ రామదాసు నిర్మించిన చారిత్రాత్మక కట్టడం ఖిల్లా రామాలయం అన్నారు. తెలంగాణ సాయుధ పోరాటంలో దాశరథి కృష్ణమాచార్యులు జైలు శిక్ష అనుభవిస్తూ ‘తెలంగాణ నా కోటి రతనాల వీణ’ అని గోడలపై రాసిన గొప్ప చరిత్ర కలిగిందన్నారు. ఆలయాన్ని పర్యాటక స్థలంగా తీర్చిదిద్దడమే తన లక్ష్యమని పేర్కొన్నారు. సుమారు రూ.35 కోట్లతో రోప్‌వే నిర్మాణం చేపట్టనున్నారని, ఇందుకు డీపీఆర్‌ సిద్ధం చేస్తున్నారని తెలిపారు. మోదీ ప్రభుత్వం చారిత్రక కట్టడాలపై ప్రత్యేక దృష్టి వహిస్తుందన్నారు. ఇందులోభాగంగానే పర్వతమాల పథకానికి శ్రీకారం చుట్టారని గుర్తుచేశారు. కేంద్రమంత్రి నితిన్‌ గడ్కరీతోపాటు రాష్ట్ర మంత్రి కోమటిరెడ్డి వెంకటరెడ్డికి ఖిల్లా రామాలయ అభివృద్ధిపై ఎంపీ అర్వింద్‌ ధర్మపురితో కలిసి పలుమార్లు విన్నవించినట్లు తెలిపారు. స్పందించిన ప్రభుత్వ ఆదేశాల మేరకు ఆర్‌ అండ్‌ బీ అధికారులు, రోప్‌ వే కంపెనీ ప్రతినిధులు ఆ ప్రాంతాన్ని పరిశీలించారన్నారు. డబుల్‌ బెడ్‌రూం ఇళ్ల సమస్యను మంత్రి పొంగులేటి శ్రీనివాస్‌రెడ్డి దృష్టికి తీసుకెళ్లాలని పేర్కొన్నారు. అర్బన్‌లోని సౌత్‌ మండల అర్హులకు ఇళ్లను కేటాయించారని గుర్తుచేశారు. అలాగే స్థలం లేని వారికి హైదరాబాద్‌ మాదిరిగా టవర్లు నిర్మించి ఇవ్వాలని చెప్పినట్లు తెలిపారు. స్పెషల్‌ ఫండ్‌ కోసం ప్రభుత్వానికి, టీపీసీసీ అధ్యక్షుడు మహేష్‌కుమార్‌ గౌడ్‌, ప్రభుత్వ సలహాదారులు సుదర్శన్‌రెడ్డికి విన్నవించినా ఫలితం లేకుండా పోయిందన్నారు. ఇందూరులో కాషాయ జెండా గెలుపును ఓర్వలేకనే నిధులు విడుదల చేయడం లేదని విమర్శించారు. జిల్లా ప్రధాన కార్యదర్శి నాగోల్ల లక్ష్మీనారాయణ, కార్పొరేటర్లు ఎర్రం సుధీర్‌, జగదీష్‌ కులకర్ణి, మఠం పవన్‌, రాము, మహిళా మోర్చ అధ్యక్షులు వనిత, తదితరులు పాల్గొన్నారు.

జక్రాన్‌పల్లి: మండలంలోని పడకల్‌ గ్రామానికి చెందిన సైదు వరుణ్‌ తేజ్‌, సైదు అయాన్‌ తెలంగాణ సైనిక్‌ స్కూల్‌ (రుక్మాపూర్‌)కు ఎంపికయ్యారు. దీంతో వరుణ్‌ తేజ్‌, అయాన్‌లను ఉప సర్పంచ్‌ పురుషోత్తం రెడ్డి, గ్రామాభివద్ధి కమిటీ సభ్యులు ఆదివారం సన్మానించారు. కార్యక్రమంలో మాదిగ ఉద్యోగుల సంఘం జిల్లా అధ్యక్షుడు సైదు లక్ష్మణ్‌, డాక్టర్‌ లక్ష్మణ్‌, గ్రామ కమిటీ చైర్మన్‌ అంకం రాజేందర్‌, సభ్యులు భూమారెడ్డి, శ్రీనివాస్‌, మల్లయ్య, గంగారాం, బోజేందర్‌, నర్సయ్య, నాయకులు రాజేశ్వర్‌ గౌడ్‌, మేకల అశోక్‌, సాయన్న, ప్రసాద్‌ తదితరులు పాల్గొన్నారు.

నిజామాబాద్‌ రూరల్‌: కొనుగోలుదారులతో ఒకప్పుడు కిటకిటలాడిన టెక్స్‌టైల్స్‌ దుకాణాలు వస్త్ర షోరూమ్‌ల రాకతో బోసిపోయాయి. బతుకమ్మ, దసరా, దీపావళి పండుగలతోపాటు శుభకార్యలకూ స్థానిక టెక్స్‌టైల్స్‌ వ్యాపారుల వద్ద దుస్తులు కొనుగోలు చేసి డబ్బులు తమ చేతిలో ఉన్నప్పుడు చెల్లించే వారు. నాడు వ్యాపారులకు, కొనుగోలుదారులకు ఒకరిపై ఒకరికి న మ్మకం ఉండడంతో అటు వ్యాపారం సాగడంతోపాటు ఇటు ప్రజల అవసరం తీరేది. కానీ జిల్లా కేంద్రంతోపాటు ద్వితీయ శ్రేణి పట్టణాలకు సైతం పెద్దపెద్ద షాపింగ్‌ మాల్స్‌ రావడంతో టెక్స్‌టైల్స్‌ మూతపడుతున్నాయి. కొందరు ప్రత్యామ్నాయం లేక వ్యాపారం కొనసాగిస్తూ అద్దె చెల్లించలేక ఇబ్బందులు పడుతున్నారు. మరికొందరు పోటీని తట్టుకోలేక దుకాణాలు మూసివేసి షాపింగ్‌ మాల్స్‌లో పని చేస్తున్నారు. లక్షల విలువైన సరుకు పెట్టాం పండుగల కోసం రూ.3 లక్షల డ్రెస్‌ మెటీరియల్‌ తీసుకువచ్చాం. కా నీ గిరాకీ లేదు. కనీసం కి రాయి కట్టే పరిస్థితి లేదు. గతంలో ప్రతి పండుగకు దుకాణం కొనుగోలుదారులతో కళకళలాడేది. ఇప్పుడు దుకాణాలు మూసేసి షోరూముల్లో జీతాలు ఉంటున్నారు. – బొడ్డు లక్ష్మీనర్సయ్య, లక్ష్మీనర్సింహ ఫ్యాబ్రిక్స్‌, డిచ్‌పల్లికిరాయిలకు సరిపోతలేం గిరాకీ కోసం చూస్తూ ఉండగానే నెలవస్తోంది. కిరాయిలు కట్టలేకపోతున్నాం. గతంలో కన్నా గ్రామీణ, మండల ప్రాంతాల్లో బట్ట ల దుకానాల్లో గిరాకీలు చాలా వరకు తగ్గిపోయింది. అందరూ షోరూంల బాట పడుతున్నారు. మేమే ప్రత్యామ్నాయం చూసుకోవాలి. – బిల్లా లింబాద్రి, బట్టల వ్యాపారి, నిజామాబాద్‌ వస్త్ర షోరూమ్‌ల దెబ్బకు గిరాకీ లేక విలవిల మూతపడుతున్న దుకాణాలు కార్పొరేట్‌ మాల్స్‌లో జీతానికి వ్యాపారులు

ఇందూరు గడ్డపై సద్దుల సంబురానికి ఇందూరు గడ్డ ముస్తాబైంది. ఆడబిడ్డలు తీరొక్క పూలతో బతుకమ్మలను పేర్చి ఆడిపాడనున్నారు. ఆదివారం నిజామాబాద్‌ నగరంతోపాటు ఆయా ప్రాంతాల్లో సద్దుల బతుకమ్మ సంబురాలను ఘనంగా నిర్వహించనున్నారు. సద్దుల సంబురాలతో నగరంలోని వీధులు, కాలనీలు, కూడళ్లు పూలవనాలను తలపించనున్నాయి. జిల్లా కేంద్రంలో పూల వ్యాపారం జోరందుకుంది. ప్రధాన కూడళ్లు, మార్కెట్లు, రహదారుల వెంట పూల దుకాణాలు కొలువుదీరాయి. బంతి, చామంతి, తంగేడు, గునుగు, గుమ్మడి, కట్ల పూలతోపాటు వివిధ రకాల రంగురంగుల పూలు కొనుగోలుదారులను ఆకట్టుకుంటున్నాయి. పండుగ కోసం మహిళలు పెద్దఎత్తున పూలను కొనుగోలు చేస్తుండటంతో మార్కెట్లలో సందడి నెలకొంది. వ్యాపారులు సైతం వివిధ ప్రాంతాల నుంచి పూలను తెప్పించి విక్రయిస్తున్నారు. మార్కెట్‌ పండుగ శోభను సంతరించుకుంది. – నిజామాబాద్‌ రూరల్‌మార్కెట్‌లో గునుగు, తంగేడు పూలు

నిజామాబాద్‌అర్బన్‌: కాపురానికి రావడం లేదని భార్యతోపాటు మామపై ఒకరు కత్తితో దాడి చేసిన ఘటన నగరంలో శనివారం తెల్లవారుజామున చోటుచేసుకుంది. నాలుగో టౌన్‌ ఎస్‌హెచ్‌వో సతీశ్‌ తెలిపిన వివరాల ప్రకారం.. మహారాష్ట్రలోని హింగోలి జిల్లా పోతుర గ్రామానికి చెందిన వైద్యనాథ్‌ మధుకర్‌ బావు అనే వ్యక్తి వినాయకనగర్‌ గోసంగల్లిలో ఉన్న తన మామ గౌతే మోహన్‌, భార్య పూజ ఇంటికి వచ్చాడు. తన భార్య పూజను కాపురానికి పంపడం లేదని కోపంతో వారిని నిద్రలేపి చేప లు కోసే కత్తితో మామ మెడ, తల, ఛాతిపై చేతుల పై దాడి చేశాడు. అడ్డుకున్న భార్యపై కూడా కత్తితో దాడి చేశాడు. అరుపులను విన్న స్థానికులు వైద్యనాథ్‌ను అడ్డుకునే ప్రయత్నం చేశారు. సమాచారం అందుకున్న పోలీసులు ఘటన స్థలానికి చేరుకొని గాయపడిన మోహన్‌, పూజను ప్రభుత్వ జనరల్‌ ఆస్పత్రికి తరలించారు. శనివారం మధ్యాహ్నం వైద్యనాథ్‌ మధుకర్‌ బావును అరెస్టు చేసి రిమాండ్‌కు తరలించినట్లు ఎస్‌హెచ్‌వో సతీశ్‌ తెలిపారు.

బోధన్‌: ఎడపల్లి మండలంలోని జానకంపేట గ్రామ శివారులో ఉన్న జిల్లా పోలీస్‌ శిక్షణ కేంద్రంలో 12వ తెలంగాణ బెటాలియన్‌ ఎన్‌సీసీ నిజామాబాద్‌ ఆధ్వర్యంలో ఈ నెల 9న ప్రారంభించిన ఎన్‌సీసీ కెడెట్ల వార్షిక శిక్షణ శిబిరం శనివారం ముగిసింది. శిబిరంలో కెడెట్లను నాలుగు కంపెనీలుగా విభజించి పది రోజులపాటు ఆయుధ శిక్షణ, డ్రిల్‌, శారీరక దృఢత్వం, ఫీల్డ్‌ క్రాఫ్ట్‌, బ్యాటిల్‌ క్రాఫ్ట్‌, మ్యాప్‌ రీడింగ్‌, మిలిటరీ సబ్జెక్టు అంశాలపై శిక్షణనిచ్చారు. రిపబ్లిక్‌ డే క్యాంప్‌కు కరీంనగర్‌, నిజామాబాద్‌, ఆదిలాబాద్‌, సంగారెడ్డి బెటాలియన్‌ల పరిధిలోని కెడెట్ల నుంచి నిజామాబాద్‌ గ్రూప్‌ను ఏర్పాటు చేశామని పేర్కొన్నారు. యువ ఆపద మిత్ర పథకంలో భాగంగా 75 మందిని ఎంపిక చేసి, వారికి ప్రత్యేకంగా విపత్తుల నిర్వహణ, అత్యవసర పరిస్థితులను ఎదుర్కొనే విధానాలను, ప్రజలకు సహాయం అందించడంపై శిక్షణ ఇచ్చినట్లు అధికారులు తెలిపారు. ముగింపు వేడుకల్లో కెడెట్ల సాంస్కృతిక ప్రదర్శనలు ఆకట్టుకున్నాయి. ఎన్‌సీసీ క్యాంప్‌ కమాండెంట్‌ లెఫ్టినెంట్‌ కల్నల్‌ విష్ణు ప్రసాద్‌నాయర్‌, ఏసీపీ రాజశేఖర్‌, శ్రీనివాస్‌, క్యాంప్‌ అధికారులు, ఉద్యోగులు సుమారు 550 మంది ఎన్‌సీసీ కెడెట్లు పాల్గొన్నారు.

నిజామాబాద్‌ లీగల్‌: తెలంగాణ రాష్ట్ర డైరెక్టర్‌ ఆఫ్‌ ప్రాసిక్యూషన్‌ యస్‌. సాంబశివ రెడ్డి ఆదేశాల మేరకు డిప్యూటీ డైరెక్టర్‌ ఆఫ్‌ ప్రాసిక్యూషన్‌ ఎం. రజిని ఆధ్వర్యంలో నిజామాబాద్‌ ఉమ్మడి జిల్లాలో విధులు నిర్వహిస్తున్న పబ్లిక్‌ ప్రాసిక్యూటర్లకు శనివారం ఆర్గనైజింగ్‌ కేసులపై శిక్షణ నిర్వహించారు. కొత్తగా వచ్చిన బీఎన్‌ఎస్‌ చట్టం, భారత ప్రభుత్వ హోం వ్యవహారాల శాఖ జారీ చేసిన వ్యక్తుల అక్రమ రవాణా నిరోధక చట్టంపై చర్చించారు. మానవ అక్రమరవాణాను అరికట్టేందుకు సాంకేతికత ఎలా ఉపయోగించాలో వివరించారు. సమావేశంలో నిజామాబాద్‌ ఉమ్మడి జిల్లాల పబ్లిక్‌ ప్రాసిక్యూటర్లు పాల్గొన్నారు. ● ఎన్‌పీడీసీఎల్‌ ఎస్‌ఈ పీవీ రాజేశ్వర్‌ రావు సుభాష్‌నగర్‌: రియల్‌ టైమ్‌ ఫీడర్‌ మానిటరింగ్‌ సిస్టమ్‌ (ఆర్‌టీఎఫ్‌ఎంఎస్‌)ను విస్తృత స్థాయిలో అ మలు చేస్తూ నిజామాబాద్‌ సర్కిల్‌ పరిధిలోని 139 సబ్‌స్టేషన్లకు స్కాడాతో అనుసంధానం పూర్తయ్యిందని, మరో 20 సబ్‌స్టేషన్లు పురోగతిలో ఉన్నాయని ఎన్‌పీడీసీఎల్‌ ఎస్‌ఈ పీవీ రాజేశ్వర్‌రావు శనివారం ఒక ప్రకటనలో తెలిపారు. ఆధునిక సాంకేతిక పరిజ్ఞానాన్ని వినియోగించడంతో విద్యుత్‌ సరఫరా నాణ్యతను మరింత మెరుగుపర్చి, అంతరాయాల తగ్గుదల, సమస్యలను వేగంగా గుర్తించి పరిష్కరించడం, ఫీడర్ల పనితీరును సమర్థవంతంగా పర్యవేక్షించడం ద్వారా వినియోగదారులకు మెరుగైన సే వలు అందించవచ్చని పేర్కొన్నారు. ఆర్‌టీఎఫ్‌ఎంఎస్‌ ద్వారా విద్యుత్‌ ఫీడర్ల పనితీరు రియల్‌టైమ్‌లో పర్యవేక్షించడంతోపాటు విద్యుత్‌ అంతరాయాలు, ఓవర్‌లోడ్‌, ఓల్టేజీ హెచ్చుతగ్గులు తదితర సమ స్యలు తక్షణమే గుర్తించి, సంబంధిత క్షేత్రస్థాయి సిబ్బందిని అప్రమత్తం చేయవచ్చన్నారు.

● జిల్లాలోని నాలుగు కొత్త మండలాల్లో ఉమ్మడి పాలకవర్గాలే ● నాలుగేళ్లు గడిచినా విభజనలో కాలయాపనబోధన్‌: జిల్లాలో కొత్తగా ఏర్పడిన నాలుగు కొత్త రెవెన్యూ మండలాల్లో మహిళా సమాఖ్యల ఏర్పాటు ఎప్పుడు అని మహిళలు ఎదురు చూస్తున్నారు. పరిపాలనా సౌలభ్యం కోసం నూతన మండలాలు ఏ ర్పడగా.. ఇప్పటికీ ఉమ్మడి మండల సమాఖ్యలే కొ నసాగుతున్నాయి. బోధన్‌ రెవెన్యూ డివిజన్‌లో బో ధన్‌ మండలాన్ని విభజించి సాలూర, కోటగిరి మండలంలో పొతంగల్‌, ఆర్మూర్‌ మండలంలోని ఆలూ రు, నందిపేట మండలంలోని డొంకేశ్వర్‌ గ్రా మా లు కేంద్రాలుగా కొత్త రెవెన్యూ మండలాలు ఏర్పడ్డాయి. మండలాల విభజన ప్రక్రియలో తెలంగాణ గ్రామీణ పేదరిక నిర్మూలన సంస్థ, జిల్లా గ్రామీణ అభివృద్ధి సంస్థ శాఖ పర్యవేక్షణలో కొనసాగే మండల మహిళా సమాఖ్యల విభజన ప్రక్రియ జరగలేదు. మండల సమాఖ్యల విభజన ప్రక్రియ ఎందుకు ముందుకు సాగడం లేదో, ఇంకెంత కాలం పడుతుందో అధికార యంత్రాంగం నుంచి స్పష్టత రావడం లేదు. అయితే ఆ శాఖకు చెందిన స్థానిక అధికారులు తమ చేతుల్లో ఏమీ లేదని, ప్రభుత్వ నిర్ణయంపై ఆధారపడి ఉంటుందని అంటున్నారు. నూతన పాలకవర్గాలు ఏర్పాటైతే.. కొత్త మండలాల్లో మహిళా సమాఖ్యలు ఏర్పాటు జరిగితే కొత్త పాలకవర్గం ఏర్పాటుతోపాటు స్వయం సహాయ పొదుపు మహిళా సంఘాలకు మరింత సత్వర సేవలందించే అవకాశాలు మెరుగుపడుతాయి. ప్రస్తుతం గ్రామీణ ఆర్థిక వ్యవస్థలో స్వయం సహాయక పొదుపు మహిళా సంఘాలు కీలక పాత్ర వహిస్తున్నాయనడంలో సందేహం లేదు. మహిళా సంఘాల కు బ్యాంక్‌ లింకేజీ రుణాలు, సీ్త్రనిధి ద్వారా స్వయం ఉపాధి పథకాలకు రుణాలు, ఇతర సామాజిక అంశాలపై అవగాహన కార్యక్రమాలు సొంత మండలాల్లో నిర్వహించుకునేందుకు సౌలభ్యంగా మారుతుంది. ప్రస్తుతం బోధన్‌, కోటగిరి, నందిపేట, ఆర్మూర్‌ మండలాల గ్రామీణ పేదరిక నిర్మూలన సంస్థ ఏపీఎంలు కొత్త మండలాలకు ఇన్‌చార్జి ఏపీఎంలుగా బాధ్యతలు నిర్వర్తిస్తున్నారు. ఉమ్మడి గ్రామ మహిళ సంఘాలు సభ్యులు మండలం సమాఖ్యలు బోధన్‌ 50 1,467 15,052 కోటగిరి 42 1,100 10,200 ఆర్మూర్‌ 34 1,091 11,780 నందిపేట 43 1,500 15,000

నస్రుల్లాబాద్‌: ఉద్యోగ రీత్యా జార్ఖండ్‌లో ఉంటున్న నస్రుల్లాబాద్‌ మండలం నాచుపల్లి తండాకు చెందిన మూడ్‌ సుధాకర్‌(19) శనివారం బావిలో పడి మరణించినట్లు గ్రామస్తులు తెలిపారు. సుధాకర్‌కు రెండేళ్ల క్రితం జార్ఖండ్‌ రాష్ట్రంలోని సాయిబాస తాలూకా, చింపాని గ్రామంలో బీపీఎంగా ఉద్యోగం వచ్చింది. దీంతో అక్కడే ఉంటూ విధులు నిర్వర్తిస్తున్నాడు. అయితే సుధాకర్‌ ప్రమాదవశాత్తు మృతి చెందాడా లేదా ఆత్మహత్యకు పాల్పడ్డాడా? అనే వివరాలు తెలియాల్సి ఉంది. రోడ్డు ప్రమాదంలో యువకుడికి గాయాలు వర్ని: మోస్రా–కొత్తపేట్‌ శివారులో శనివారం జరిగిన రోడ్డు ప్రమాదంలో మోస్రాకు చెందిన సంజయ్‌కి తీవ్ర గాయాలయ్యాయి. నిజామాబాద్‌ నుంచి మోస్రాకు వస్తుండగా ప్రమాదవశాత్తు ద్విచక్ర వాహనం అదుపుతప్పి పడిపోయింది. సంజయ్‌ను స్థానికులు 108 అంబులెన్స్‌లో నిజామాబాద్‌ ఆస్పత్రికి తరలించారు. లారీ బోల్తా.. తప్పిన ప్రమాదం ఇందల్వాయి: చంద్రాయన్‌పల్లి గ్రామ శివారులో 44వ నెంబరు జాతీయ రహదారిపై శనివారం కంటైనర్‌ లారీ బోల్తాపడినట్లు స్థానికులు తెలిపారు. కంటైనర్‌ లారీ హైదరాబాద్‌ నుంచి నాగపూర్‌ వైపు వెళ్తోందని, చంద్రాయన్‌పల్లి శివారులో కల్వర్టు నిర్మాణం జరుగుతున్న ప్రాంతంలో ప్రమాదానికి గురైనట్లు పేర్కొన్నారు. ఈ ప్రమాదంలో ఎవరికీ ఎలాంటి హాని కలగలేదని వారు తెలిపారు. వ్యవసాయ విద్యుత్‌ వైర్ల చోరీ జక్రాన్‌పల్లి: మండలంలోని మనోహరాబాద్‌ గ్రామ రెవెన్యూ శివారులోని ఎర్రకుంట్లలో వ్యవసాయ మోటార్ల వద్ద విద్యుత్‌ వైర్లను దుండగులు ఎత్తుకెళ్లారు. సుమారు 45 మంది రైతుల వ్యవసాయ మోటార్లకు ఉన్న వైర్లను కట్‌ చేసుకొని అపహరించారని రైతులు గంగారెడ్డి, శ్రీనివాస్‌ రెడ్డి తెలిపారు. దుండగులను పట్టుకొని శిక్షించాలని రైతులు కోరారు. చెట్లు నరికిన ఒకరికి జరిమానా ఇందల్వాయి: ఇందల్వాయి ఫారెస్ట్‌ రేంజ్‌ పరిధిలోని మెఘ్యానాయక్‌ తండాలో శనివారం జరిపిన తనిఖీల్లో రెండు టేకు దుంగలను స్వాధీనం చేసుకున్నట్లు రేంజ్‌ అధికారి రవి మోహన్‌ భట్‌ తెలిపారు. తండాకు చెందిన అంబర్‌సింగ్‌ సమీప అడవిలో రెండు టేకు దుంగలను నరికి ఇంట్లో దాచిపెట్టినట్లు పేర్కొన్నారు. అటవీ సంరక్షణ చట్టం ప్రకారం రూ.6 వేల జరిమానా విధించి, కలపను రేంజ్‌ కార్యాలయానికి తరలించినట్లు తెలిపారు. నాగిరెడ్డిపేట(ఎల్లారెడ్డి): మండలంలోని లింగంపల్లికలాన్‌ గ్రామానికి చెందిన కోనేరుగారి కుమార్‌ అనే వ్యక్తిపై ఎస్సీ, ఎస్టీ అట్రాసిటీ కేసు నమోదు చేసినట్లు ఎస్సై భార్గవ్‌గౌడ్‌ శనివారం తెలిపారు. గ్రామానికి చెందిన బందంల నరేశ్‌ ఈ నెల 15న రాత్రి తన కారులో ఇంటికి వెళ్తుండగా కుమార్‌ అనే వ్యక్తి అడ్డగించి కులంపేరుతో దూషించి, సిమెంట్‌ రాయితో తలపై కొట్టి గాయపర్చాడని పేర్కొన్నారు. నరేశ్‌ను చంపుతానని కుమార్‌ బెదిరించినట్లు బాధితుని భార్య బాలమణి ఫిర్యాదు చేసినట్లు ఎస్సై తెలిపారు. గాయపడిన నరేశ్‌ ప్రస్తుతం మెదక్‌ ఆస్పత్రిలో చికిత్స పొందుతున్నాడని, ఘటనపై కేసు నమోదు చేసుకొని విచారణ చేపట్టినట్లు పేర్కొన్నారు.

నిజామాబాద్‌అర్బన్‌: రెజ్లింగ్‌ పోటీల్లో జిల్లా క్రీడాకారులు ఉత్తమ ప్రతిభకనబరిచారు. 70వ రాష్ట్ర స్థాయి అండర్‌ – 17 బాలుర, బాలికల రెజ్లింగ్‌ పోటీలు సంగారెడ్డి జిల్లా పటాన్‌చెరులో నిర్వహించగా.. జిల్లాకు చెందిన క్రీడాకారులు రెండు బంగారు, రెండు వెండి, ఆరు కాంస్య పతకాలు సాధించినట్లు ఎస్‌జీఎఫ్‌ సెక్రెటరీ అలివేణిమంగ తెలిపారు. ఓవరాల్‌ చాంపియన్‌ షిప్‌లో బాలురు మూడో స్థానంలో నిలిచి బంగారు పతకాలు సాధించారని, వెంకటేశ్‌, రిజ్వాన్‌ జాతీయ స్థాయి పోటీల్లొ పాల్గొంటారన్నారు. జాతీయస్థాయికి ఎంపిక అండర్‌–17 బాలుర, బాలికల రగ్బీ రాష్ట్రస్థాయి పోటీలు హైదరాబాద్‌లోని సరూర్‌నగర్‌లో నిర్వహించగా.. జిల్లా క్రీడాకారులు ఉత్తమ ప్రతిభ కనబరిచారని అలివేణి మంగ తెలిపారు. నవ్య (జెడ్పీహెచ్‌ఎస్‌, సిరికొండ), ప్రయణ్‌ తేజ్‌ (జెడ్పీహెచ్‌ఎస్‌, మోపాల్‌) జాతీయస్థాయికి ఎంపికయ్యారన్నారు. హ్యాండ్‌బాల్‌లో మూడో స్థానం మహబూబ్‌నగర్‌లో నిర్వహించిన అండర్‌– 14 బాలికల హ్యాండ్‌ బాల్‌పోటీల్లో జిల్లా మూడో స్థానంలో నిలిచినట్లు అలివేణి మంగ తెలిపారు.

మాచారెడ్డి: పాల్వంచ మండలం ఫరీదుపేట గ్రామానికి చెందిన శ్రా వ్య హాకీలో సత్తా చా టుతోంది. కేరళం రా ష్ట్రంలోని కొల్లంలోగల స్పోర్ట్స్‌ అథారిటీలో శిక్షణ పొందుతున్న ఆమె.. జాతీయ స్థాయి పోటీలకు ఎంపికయ్యింది. ఈనెల 16న మధ్యప్రదేశ్‌లోని గ్వాలియర్‌లో నిర్వహించిన హాకీ పోటీల్లో ప్రతిభ చూపడంతో మధ్యప్రదేశ్‌ జీవన్‌ యూనివర్సిటీ జట్టుకు ఎంపిక చేశారని గ్రామస్తులు తెలిపారు. నవంబర్‌ 2 నుంచి 5 వరకు రాజస్థాన్‌లోని జైపూర్‌లో నిర్వహించే వెస్ట్‌ జోన్‌ యూనివర్సిటీ నేషనల్‌ చాంపియన్‌షిప్‌లో శ్రావ్య పాల్గొననుందని పేర్కొన్నారు.

మహబూబ్‌నగర్‌ క్రీడలు: జిల్లా కేంద్రంలో శనివారం ముగిసిన స్కూల్‌ గేమ్స్‌ ఫెడరేషన్‌ 69వ రాష్ట్రస్థాయి అండర్‌–14 హ్యాండ్‌బాల్‌ టోర్నమెంట్‌లో బాలుర విభాగంలో ఉమ్మడి మహబూబ్‌నగర్‌ జిల్లా జట్టు చాంపియన్‌షిప్‌ను కై వసం చేసుకుంది. బాలికల్లో మహబూబ్‌నగర్‌ జట్టు రన్నరప్‌గా నిలిచింది. స్థానిక హీరా హోడల్‌ స్కూల్‌ మైదానంలో జరిగిన బాలుర ఫైనల్‌ ఉత్కంఠపోరులో మహబూబ్‌నగర్‌ జట్టు 7–5 గోల్స్‌ తేడాతో వరంగల్‌పై విజయం సాధించింది. మహబూబ్‌నగర్‌ హైస్కూల్‌ మైదానంలో జరిగిన బాలికల విభాగం ఫైనల్‌లో ఆదిలాబాద్‌ జట్టు 10–6 గోల్స్‌ తేడాతో మహబూబ్‌నగర్‌పై గెలుపొందింది. బాలుర విభాగంలో మూడోస్థానంలో నిజామాబాద్‌, బాలికల్లో కరీంనగర్‌ మూడో స్థానంలో నిలిచింది. విజేతలకు ప్రముఖ పారిశ్రామికవేత్త బెక్కరి రాంరెడ్డి తదితరులు ట్రోఫీలు అందజేశారు. కార్యక్రమంలో హ్యాండ్‌బాల్‌ టోర్నీ రాష్ట్ర పరిశీలకులు రఫత్‌ ఉమర్‌, అశోక్‌, ఎంఈవో లక్ష్మణ్‌సింగ్‌, ఏఎంవో దుంకుడు శ్రీనివాస్‌, జిల్లా ఎస్‌జీఎఫ్‌ కార్యనిర్వాహక కార్యదర్శి వేణుగోపాల్‌ తదితరులు పాల్గొన్నారు.

నవీపేట: పేద విద్యార్థులకు నాణ్యమైన విద్యనందించడమే ప్రభుత్వ లక్ష్యమని ప్రభుత్వ సలహాదారు సుదర్శన్‌రెడ్డి అన్నారు. మండల కేంద్రంలో తెలంగాణ పబ్లిక్‌ స్కూల్‌ ఏర్పాటు కోసం ఎంపిక చేసిన స్థలాన్ని కలెక్టర్‌ ఇలా త్రిపాఠితో కలిసి సుదర్శన్‌రెడ్డి శనివారం పరిశీలించారు. 3 ఎకరాల విస్తీర్ణంలో రూ. 9.73 కోట్ల వ్యయంతో అన్ని వసతులతో స్కూల్‌ను ఏర్పాటు చేయనున్నట్లు తెలిపారు. యంచ ఫిల్టర్‌ బెడ్‌ పరిశీలన యంచ సమీపంలోని మిషన్‌ భగీరథ న్యాల్‌కల్‌ పంప్‌ హౌజ్‌ను ప్రభుత్వ సలహాదారు సుదర్శన్‌రెడ్డి, కలెక్టర్‌ ఇలా త్రిపాఠి పరిశీలించారు. పంప్‌ హౌజ్‌ పరిధిలోని అన్ని గ్రామాలకు నీరు సరఫరా అవుతుందా? లేదా? అని అధికారులను అడిగి తెలుసుకున్నారు. ఎల్‌నినో ప్రభావంతో రాబోయే రోజుల్లో నీటి సమస్య ఎదురవుతుందని..దీనిని దృష్టిలో ఉంచుకుని తాగునీటి సరఫరాపై ప్రత్యేక దృష్టి సారించాలని సూచించారు. ఉర్దూ అకాడమీ చైర్మన్‌ తాహెర్‌, రాష్ట్ర వ్యవసాయ కమిషన్‌ సభ్యుడు గడుగు గంగాధర్‌, అదనపు కలెక్టర్‌ భుజంగరావు, ఆర్డీవో రాజేంద్రకుమార్‌, ఇన్‌చార్జి డీఈవో సాయాగౌడ్‌, టీటీఈడబ్ల్యూడీసీ ఈఈ రవీందర్‌, స్థానిక నాయకులు, అధికారులు ఉన్నారు.

నిజామాబాద్‌ రూరల్‌: నగర పరిధిలోని అర్సపల్లి ప్రాంతంలో రైల్వే ఓవర్‌ బ్రిడ్జి పనులు నత్తనడకన సాగుతున్నాయని, కాంట్రాక్టర్‌ నిర్లక్ష్యం, ప్రభుత్వా ల ఉదాసీనత కారణంగా పనులు పూర్తి కావడానికి మరో రెండేళ్ల సమయం పట్టే అవకాశం ఉందని న గర అభివృద్ధి కమిటీ గౌరవ అధ్యక్షుడు దీకొండ యాదగిరి అన్నారు. నగర అభివృద్ధి కమిటీ ఆధ్వర్యంలో శనివారం ఆర్‌వోబీ పనులను పరిశీలించా రు. ఈ సందర్భంగా యాదగిరి మాట్లాడుతూ.. రూ.137 కోట్లతో 2023లో ప్రారంభించిన బ్రిడ్జి నిర్మాణ పనులు 2025 సెప్టెంబర్‌ నాటికి పూర్తి కా వాల్సి ఉన్నప్పటికీ పనులు నత్తనడకన సాగుతున్నాయని, వెంటనే పూర్తి చేయాలన్నారు. అర్సపల్లి అభి వృద్ధి కమిటి ప్రతినిధులు చాగంటి గంగాధర్‌, సిర్ప గంగాధర్‌, నాగయ్య, మల్లు స్వరాజ్యం ట్రస్ట్‌ అధ్య క్షుడు డాక్టర్‌ రవీంద్రనాథ్‌ సూరి, రిటైర్డ్‌ ఉద్యోగుల సంఘం నాయకులు సిర్ప హన్మాండ్లు, ఈవీఎల్‌ నా రాయణ, ప్రసాద్‌రావు, నగర అభివద్ధి కమిటీ నా యకులు హుస్సేన్‌, మధుసూదన్‌, రాధాకిషన్‌, లింగయ్య, భూమన్న, బాలన్న పాల్గొన్నారు.

జలాశయాల్లోని నీరు నిజామాబాద్‌ అర్బన్‌: జిల్లాలోని శ్రీరాంసాగర్‌ ప్రాజెక్టుతోపాటు ఇతర జలాశయాల్లో ఉన్న నీటిని తాగు అవసరాలకే ఉపయోగించేలా ప్రణాళికలు రూపొందించాలని, తాగునీటి సమస్య తలెత్తకుండా పర్యవేక్షించాలని రాష్ట్ర ప్రభుత్వ సలహాదారు పొద్దుటూరి సుదర్శన్‌రెడ్డి అధికారులకు సూచించారు. ఎల్‌నినో ప్రభావం నేపథ్యంలో తాగునీటి సమస్య తలెత్తకుండా ప్రణాళికాబద్దంగా వ్యవహరిస్తూ నిరంతరం పర్యవేక్షించాలన్నారు. తీవ్ర వర్షాభావం, భూగర్భ జలాలు గణనీయంగా పడిపోతున్న దృష్ట్యా రబీలో వరి సాగు చేయొద్దని రైతులకు హితవు పలికారు. తాగునీటి సరఫరా, పంటల సాగు పరిస్థితిపై సమీకృత జిల్లా కార్యాలయాల సముదాయంలో కలెక్టర్‌ ఇలా త్రిపాఠితో కలిసి ము న్సిపల్‌ కమిషనర్లు, మిషన్‌ భగీరథ, పబ్లిక్‌ హెల్త్‌, ఆర్‌డబ్ల్యూఎస్‌, గ్రౌండ్‌ వాటర్‌, వ్యవసా యం, విద్యుత్‌ తదితర శాఖల అధికారులతో శనివారం స మీక్ష నిర్వహించారు. ప్రధాన తాగునీటి వనరులు గా ఉపయోగపడుతున్న నిజాంసాగర్‌, శ్రీరాంసా గర్‌ ప్రాజెక్టుల్లో అందుబాటులో ఉన్న నీటి నిల్వల వివరాలను అధికారుల ద్వారా తెలుసుకున్నారు. ఈ సందర్భంగా సుదర్శన్‌రెడ్డి మాట్లాడుతూ.. ఖరీఫ్‌ పంటలను ఏదోవిధంగా కాపాడుకోగలిగినా, రబీలో సాగునీరందించడం కష్టమని అన్నా రు. విద్యుత్‌ ఉత్పత్తి జరగక పంటలకు కరెంటు సరఫరాకు సైతం ఇబ్బందులు ఏర్పడతాయన్నారు. ఈ పరిస్థితులను దృష్టిలో పెట్టుకుని రైతులు యాసంగిలో తక్కువ నీటి అవసరం ఉండే కూరగాయలు, పప్పు దినుసులు సాగు చేసేలా విస్తృత స్థాయిలో అవగాహన కల్పించాలని అధికారులను ఆదేశించారు. వచ్చే పది నెలల వరకు నిజామాబాద్‌ నగరంతో సహా అన్ని పట్టణాలు, గ్రామాల్లో ప్రతి నివాస ప్రాంతానికి రక్షిత మంచి నీరు సరఫరా అయ్యేలా చర్యలు తీసుకోవాలని సూచించారు. కలెక్టర్‌ ఇలా త్రిపాఠి మాట్లాడుతూ.. తాగునీటి సరఫరాకు ప్రాధాన్యత ఇవ్వాలని , ఎక్కడ కూడా నీరు వృథాపోకుండా నిఘా సారించాలని అధికారులను ఆదేశించారు. జిల్లాలో ఎక్కడైనా తాగునీటి సమస్య తలెత్తితే సంబంధిత అధికారులను బాధ్యులుగా పరిగణిస్తామని స్పష్టం చేశారు. అవసరమైన చోట్ల తాగునీటి కోసం వ్యవసాయ బోర్లను అద్దెకు తీసుకోవాలని, అత్యవసరమైతే తప్ప కొత్త బోర్లను తవ్వించొద్దన్నారు. ఉర్దూ అకాడమీ చైర్మన్‌ తాహెర్‌ బిన్‌ హందాన్‌, రాష్ట్ర వ్యవసాయ కమిషన్‌ సభ్యుడు గడుగు గంగాధర్‌, అదనపు కలెక్టర్లు రాజాగౌడ్‌, భుజంగరావు, నుడా చైర్మన్‌ కేశ వేణు, జిల్లా గ్రంథాలయ సంస్థ చైర్మన్‌ అంతిరెడ్డి రాజిరెడ్డి, నగర పాలక సంస్థ కమిషనర్‌ దిలీప్‌ కుమార్‌, జెడ్పీ సీఈవో సాయాగౌడ్‌, డీఆర్డీవో సాయన్న, ఆయా శాఖల అధికారులు పాల్గొన్నారు. రైతులు మోసపోవద్దు.. ప్రైవేట్‌ వ్యాపారులను, దళారులను నమ్మి మోసపోవద్దని రైతులు సుదర్శన్‌రెడ్డి సూచించారు. పంట దిగుబడులను నగదుకు విక్రయించాలని, గతంలో రైతులను పలువురు వ్యాపారులు మోసగించిన సంఘటనలు ఉన్నాయన్నారు. వెంటవెంటనే నగదు చెల్లించే వారికే ధాన్యం విక్రయించాలని హితవు పలికారు.తాగునీటి సమస్య తలెత్తకుండా పర్యవేక్షణ రైతులు వరి సాగు చేయొద్దు కరెంట్‌ సరఫరాకూ ఇబ్బందులు తప్పవు సమీక్షా సమావేశంలో ప్రభుత్వ సలహాదారు సుదర్శన్‌రెడ్డి

నిజామాబాద్‌అర్బన్‌: ప్రభుత్వం ఎన్‌హెచ్‌ఎం ఉద్యోగుల సమస్యలను తక్షణమే పరిష్కరించాలని మాజీ మేయర్‌ నీతూకిరణ్‌ పేర్కొన్నారు. శనివారం పాత కలెక్టరేట్‌ వద్ద ధర్నా చేస్తున్న ఉద్యోగులకు మాజీ మేయర్‌తోపాటు తెలంగాణ రక్షణ సమితి అర్బన్‌ ఇన్‌చార్జి మోహిక రెడ్డి మద్దతు పలికారు. ఈ సందర్భంగా వారు మాట్లాడుతూ ఎన్‌హెచ్‌ఎం ఉద్యోగులు ప్రజారోగ్య సేవల్లో కీలకపాత్ర పోషిస్తున్నారని పేర్కొన్నారు. న్యాయమైన సమస్యలను పరిష్కరించాలన్నారు. అనంతరం ఉద్యోగులకు ఆర్థిక సహాయం అందజేశారు. కాగా, ఎన్‌హెచ్‌ఎం ఉద్యోగులు సమ్మెలో భాగంగా ధర్నా చౌక్‌లో డ్రెయినేజీలు శుభ్రపరచి పబ్లిక్‌ టాయిలెట్లు, బయో టాయిలెట్లు ఏర్పాటు చేయాలని మున్సిపల్‌ కమిషనర్‌ కలిసి వినతిపత్రం సమర్పించారు. ఆర్మూర్‌ టౌన్‌: పట్టణంలోని జిరాయత్‌నగర్‌ శివాలయం పక్కన ఇత్తడి వస్తువుల తయారీ దుకాణంలో దుండగులు చోరీకి పాల్పడ్డారు. పోలీసులు, బాధితుడి కథనం ప్రకారం.. దుకాణ యజమాని సయ్యద్‌ శుక్రవారం రాత్రి దుకాణానికి తాళం వేసి వెళ్లాడు. శనివారం తెల్లవారుజాము 3 గంటలకు హైదరాబాద్‌కు వెళ్లి మధ్యాహ్నం 2 గంటలకు తిరిగి వచ్చారు. అదే సమయంలో ఓ వ్యక్తి దుకాణానికి వచ్చి కొన్ని వస్తువులు తయారు చేయించేందుకు ఫోన్‌లో సంప్రదించగా సయ్యద్‌ దుకాణానికి చేరుకున్నాడు. దుకాణం తాళం తీసి లోపలికి వెళ్లగా, వెనుక వైపు ఉన్న డోర్‌ తెరిచి ఉండటంతోపాటు సామగ్రి చెల్లాచెదురుగా పడి ఉన్నాయని బాధితుడు గుర్తించారు. 60 ఇత్తడి గంటలు, 30 కిలోల శ్రీ చక్రం, వెండి తోరణం తదితర వస్తువులు అపహరణకు గురైనట్లు బాధితుడు పోలీసులకు ఫిర్యాదు చేశాడు. నిజామాబాద్‌అర్బన్‌: జిల్లా కేంద్రంలోని జనరల్‌ ఆస్పత్రిలో ఉన్న ఎంసీహెచ్‌, ఎన్‌ఆర్‌సీ కేంద్రాలతోపాటు 108 అంబులెన్స్‌లను డీఎంహెచ్‌వో రాజశ్రీ శనివారం తనిఖీ చేశారు. ఈ సందర్భంగా అంబులెన్స్‌లో అత్యవసర మందులు, ఆక్సిజన్‌ సిలిండర్‌, స్ట్రక్చర్‌, రికార్డులను పరిశీలించారు. ఎంసీహెచ్‌ కేంద్రంలో మాతాశిశు ఆరోగ్య సేవలో రికార్డులు, అందిస్తున్న సేవలు, టీకాలు, ఎన్‌ఆర్‌సీలను తనిఖీ చేశారు. ఆమె వెంట గైనకాలజీ ప్రొఫెసర్‌ డాక్టర్‌ అరుణ రేఖ, డాక్టర్లు నిరూప్‌ రెడ్డి, శ్రీలత, శిఖర, వైద్య సిబ్బంది పాల్గొన్నారు.

వరంగల్‌ స్పోర్ట్స్‌: హనుమకొండ జిల్లా సాఫ్ట్‌బాల్‌ అసోసియేషన్‌ ఆధ్వర్యంలో వరంగల్‌లోని లాల్‌బహదూర్‌ కళాశాల మైదానంలో రెండు రోజులపాటు నిర్వహించిన 11వ రాష్ట్రస్థాయి మినీ సబ్‌జూనియర్‌ బాలుర చాంపియన్‌షిప్‌ పోటీలు శనివారం ముగిశాయి. హోరాహోరీగా సాగిన పోటీల్లో నిజామాబాద్‌ జట్టు చాంపియన్‌షిప్‌గా నిలిచి ట్రోఫీని కై వసం చేసుకోగా, రన్నరప్‌గా సిద్దిపేట, మూడో స్థానంలో మహబూబ్‌నగర్‌ జట్లు నిలిచాయి. తెలంగాణ సాఫ్ట్‌బాల్‌ అసోసియేషన్‌ రాష్ట్ర చైర్మన్‌ డాక్టర్‌ పి. సాంబశివరావు ముగింపు వేడుకలకు ముఖ్య అతిథిగా హాజరై విజేతలకు ట్రోఫీలు అందజేశారు. కార్యక్రమంలో గ్రంథాలయ సంస్థ జిల్లా చైర్మన్‌ అజీజ్‌ ఖాన్‌, జీడబ్ల్యూఎంసీ అడిషనల్‌ కమిషనర్‌ ఈసంపల్లి జోన, హనుమకొండ డీవైఎస్‌వో కొత్త ప్రశాంత్‌, ఆలిండియా సాఫ్ట్‌బాల్‌ సంయుక్త కా ర్యదర్శి శోభన్‌బాబు, అసోసియేషన్‌ జిల్లా సెక్రెటరీ తాబేటి రాజేందర్‌ తదితరులు పాల్గొన్నారు.

ఖలీల్‌వాడి: ఉద్యోగుల సర్వీస్‌ బుక్‌ మాయంపై జిల్లా కేంద్రంలోని నేషనల్‌ టెక్ట్స్‌ బుక్‌ మేనేజర్‌ శ్రీనివాస్‌కు ఇంక్రిమెంట్‌ కట్‌ చేస్తూ ఆర్‌జేడీ మదన్‌మోహన్‌ ఈ నెల 12న ఉత్తర్వులు జారీచేశారు. ఇందులో పనిచేసే సీనియర్‌ అసిస్టెంట్‌ రాము, వేర్‌ హౌస్‌మన్‌ రమేశ్‌కు చెందిన సర్వీస్‌ బుక్స్‌ మాయంపై జూన్‌ 16న ‘సాక్షి’లో కథనం ప్రచురితమైంది. ఈ కథనానికి స్పందించిన అప్పటి డీఈవో అశోక్‌ విచారణ చేపట్టి నివేదికను ఆర్‌జేడీకి పంపారు. దీంతో మేనేజర్‌ శ్రీనివాస్‌ ఇంక్రిమెంట్‌ కట్‌ చేయాలని, సర్వీస్‌ బుక్స్‌ పోయిన ఇద్దరికీ డూప్లికేట్‌ బుక్స్‌ తీసుకునే వెసులుబాటు కల్పిస్తూ ఉత్తర్వుల్లో పేర్కొన్నారు.

● అదనపు కలెక్టర్‌ భుజంగరావు వర్ని: యాసంగి సీజన్‌లో రైతులు ప్రత్యా మ్నాయ ఆరుతడి పంటలను సాగు చేయాల ని అదనపు కలెక్టర్‌ భుజంగరావు సూచించారు. వర్ని సహకార సంఘంలో ఆయన శుక్రవారం రైతులతో మాట్లాడారు. ఎల్‌నినో ప్రభావంతో వర్షాలు కురియకపోవడంతో విద్యుత్‌ సరఫరాలో అంతరాయం, భూగర్భ జలాలు తగ్గే అవకాశం, నిజాంసాగర్‌ నీటిని సాగు కోసం వదలకపోవడంతో కష్టాలు ఎదురవుతాయని పేర్కొన్నారు. రైతులు వరికి బదులు కుసుమ, పొద్దుతిరుగుడు, శనగ, పెసర, జొన్న వంటి ఆరుతడి పంటలను సాగు చేయాలని సూచించారు. కార్యక్రమంలో జిల్లా అదనపు వ్యవసాయ సంచాలకులు కృష్ణ, మండల వ్యవసాయ అధికారి రాజశేఖర్‌, ఏఎంసీ చైర్మన్‌ సురేశ్‌బాబా పాల్గొన్నారు. కేంద్రమంత్రిని కలిసిన పసుపు బోర్డు చైర్మన్‌ సుభాష్‌నగర్‌: కేంద్ర వాణిజ్య, పరిశ్రమల శాఖ మంత్రి పీయూష్‌ గోయల్‌ను న్యూఢిల్లీలోని కార్యాలయంలో జాతీయ పసుపు బోర్డు చైర్మన్‌ పల్లె గంగారెడ్డి శుక్రవారం మర్యాదపూర్వకంగా కలిశారు. ఈ సందర్భంగా జాతీయ పసుపు బోర్డు కార్యకలాపాలు, పసుపు రైతుల సమస్యలు, పసుపు ఎగుమతుల పెంపు, విలువ ఆధారిత ఉత్పత్తుల అభివృద్ధి, ఔషధ రంగంలో పసుపు వినియోగం వంటి పలు కీలక అంశాలపై సమగ్ర సమాచారంతో కూడిన నివేదికను కేంద్రమంత్రికి అందజేశారు. పలు విషయాలపై సుదీర్ఘంగా చర్చించారు. కేంద్రమంత్రి పీయూష్‌ గోయల్‌ సానుకూలంగా స్పందించి, హర్షం వ్యక్తంచేశారు. దరఖాస్తుల ఆహ్వానం నిజామాబాద్‌అర్బన్‌: అలైడ్‌ హెల్త్‌ కేర్‌ పారామెడికల్‌ డిప్లొమా కోర్సులలో 2026–27 విద్యా సంవత్సరానికి ప్రవేశాల కోసం నోటిఫికేషన్‌ జారీ చేసినట్లు ప్రభుత్వ మెడికల్‌ కళాశాల ప్రిన్సిపల్‌ కృష్ణమోహన్‌ ఒక ప్రకటనలో తెలిపారు. డిప్లొమా ఇన్‌ మెడికల్‌ ల్యాబ్‌ టెక్నీషియన్‌ 30 సీట్లు, డిప్లొమా ఇన్‌ డయాలసిస్‌ 10 సీట్లు అందుబాటులో ఉన్నాయని పేర్కొన్నారు. ఇంటర్‌లో బైపీసీ, ఎంపీసీ చదివిన విద్యార్థులు దరఖాస్తు చేసుకొని సంబంధిత కాపీని మెడికల్‌ కళాశాలలో అందజేయాలని సూచించారు. ఈ నెల 24వ తేదీలోపు దరఖాస్తులను అందించాలని పేర్కొన్నారు. నిజాంసాగర్‌(జుక్కల్‌): వానాకాలం పంటల అవసరాల నిమిత్తం శనివారం నిజాంసాగర్‌ ప్రాజెక్టు నుంచి ప్రధాన కాలువకు మూడవ విడత నీటిని విడుదల చేయనున్నట్లు నీటిపారుదల శాఖ అధికారులు ఒక ప్రకటనలో తెలిపారు. ప్రాజెక్టు నుంచి ప్రధాన కాలువకు 1,000 క్యూసెక్కుల చొప్పున నీటిని విడుదల చేస్తామన్నారు. ప్రధాన కాలువ వైపు రైతులు, పశువుల కాపర్లు వెళ్లవద్దని వారు హెచ్చరించారు. ప్రతి ఒక్కరికీ పని కల్పించాలి ● రాష్ట్ర ప్రోగ్రాం మానిటరింగ్‌ అధికారి సుబ్రహ్మణ్యంజక్రాన్‌పల్లి: వీబీజీ రామ్‌ జీ పథకంలో భాగంగా ప్రతి ఒక్కరికీ ఉపాధి కల్పించాలని రాష్ట్ర ప్రోగ్రాం మానిటరింగ్‌ అధికారి సు బ్రహ్మణ్యం సూచించారు. జక్రాన్‌పల్లి మండలం సికింద్రాపూర్‌ గ్రామంలో వీబీజీ రామ్‌ జీ పథకంలో పనిచేస్తున్న ఉపాధి కూలీలను శుక్రవారం ఆయన కలిసి మాట్లాడారు. ఎల్‌నినో ప్రభావంతో కలిగే పరిస్థితులను, తట్టుకోవడానికి సంసిద్ధత పనులను వివరించారు. ఆయన వెంట సర్పంచ్‌ అప్పల అరుణ్‌ కుమార్‌, ఎంపీడీవో సతీశ్‌ కుమార్‌, టీఏ రాంబాబు తదితరులు పాల్గొన్నారు.

సుభాష్‌నగర్‌: వ్యవసాయానికి 16 గంటల నాణ్య మైన విద్యుత్‌ సరఫరా చేయాలని బీజేపీ కిసాన్‌ మోర్చా జిల్లా అధ్యక్షుడు పాట్కూరి తిరుపతి రెడ్డి డిమాండ్‌ చేశారు. నగరంలోని విద్యుత్‌ భవన్‌ ఎదుట శుక్రవారం కిసాన్‌ మోర్చా ఆధ్వర్యంలో నిరసన తెలిపారు. అనంతరం ఎస్‌ఈ రాజేశ్వర్‌ రావుకు వినతిపత్రం అందజేశారు. ఈ సందర్భంగా తిరు పతి రెడ్డి మాట్లాడుతా విద్యుత్‌ సరఫరాలో అంతరాయం కారణంగా పంటలు ఎండిపోతున్నాయని ఆవేదన వ్యక్తం చేశారు. వ్యవసాయానికి కేవలం ఆరు గంటలు కూడా విద్యుత్‌ సరఫరా చేయడం లే దన్నారు. జిల్లా వ్యాప్తంగా అదే పరిస్థితి నెలకొందన్నారు. ఇప్పటికై నా వ్యవసాయానికి 16 గంటలపా టు నాణ్యమైన కరెంట్‌ సరఫరా చేయాలని, లేకుంటే రైతులతో కలిసి ఆందోళనలు చేస్తామని హెచ్చరించారు. కిసాన్‌ మోర్చా జిల్లా ప్రధాన కార్యదర్శి ముస్కు నర్సయ్య, ఉపాధ్యక్షుడు వెల్మ గంగారెడ్డి, నాయకులు హరీశ్‌ రెడ్డి, తదితరులు పాల్గొన్నారు.

● కలెక్టర్‌ ఇలా త్రిపాఠి నిజామాబాద్‌అర్బన్‌: జాతీయ రహదారుల ని ర్మాణం, విస్తరణ పనుల కోసం అవసరమైన భూసేకరణ ప్రక్రియను త్వరితగతిన పూర్తిచేయా లని కలెక్టర్‌ ఇలా త్రిపాఠి అధికారులను ఆదేశించారు. శుక్ర వారం తన చాంబర్‌లో జాతీయ రహదారి పనులకు అవసరమైన భూసేకరణకు సంబంధించి పెండింగ్‌లో ఉన్న అంశాలపై చర్చించారు. భూ ములు కోల్పోయిన వారికి అందించాల్సిన పరిహారం, ఇప్పటికే పూర్తయిన చెల్లింపులు, మార్కెట్‌ రేటు, భూమి అప్పగించడంలో జాప్యానికి కారణాలు తదితర వివరాలను అడిగి తెలుసుకున్నారు. జాతీయ రహదారుల నిర్మాణాలు, విస్తరణ పనుల భూసేకరణపై ప్రత్యేక దృష్టి కేంద్రీకరించాలని సూచించారు. అన్ని శాఖల అధికారులు సమన్వయంతో కృషి చేయాలని హితవుపలికారు. సమావేశంలో అదనపు కలెక్టర్‌ రాజాగౌడ్‌, ఆర్మూర్‌ సబ్‌ కలెక్టర్‌ అభిగ్యాన్‌ మాల్వియా, ట్రెయినీ కలెక్టర్‌ సురేశ్‌, నిజామాబాద్‌, బోధన్‌ ఆర్డీవోలు రాజేంద్రకుమార్‌, విజయకుమారి, జాతీయ రహదారుల సంస్థ అధికారులు, ఇంజినీరింగ్‌ విభాగాల అధికారులు పాల్గొన్నారు.

జగన్మాతకు నీరాజనం ● విధులు బహిష్కరించిన ఎన్‌హెచ్‌ఎం ఉద్యోగులు ● సమస్యలు పరిష్కరించాలని డిమాండ్‌ ● ఆరోగ్య సేవల్లో అంతరాయంశ్రీ దేవి శరన్నవరాత్రి ఉత్సవాలు వైభవంగా సాగుతున్నాయి. మండపాల్లో అమ్మవారు వివిధ రూపాల్లో దర్శనమిస్తున్నారు. శుక్రవారం శ్రీ సరస్వతి దేవి, కాత్యాయని అలంకారంలో భక్తుల పూజలందుకున్నారు. మండపాల నిర్వాహకులు హోమం, అన్నదాన కార్యక్రమాలు నిర్వహించారు. నగరంలోని ఆర్యనగర్‌ అభయ వీర హనుమాన్‌ కమిటీ హాల్‌లో అమ్మవారి తొమ్మిది అవతారాల వేషధారణలో చిన్నారులు అలరించారు. – నిజామాబాద్‌ రూరల్‌/ మోపాల్‌ నిజామాబాద్‌అర్బన్‌: జిల్లా వైద్య ఆరోగ్య శాఖలోని నేషనల్‌ హెల్త్‌ మిషన్‌ (ఎన్‌హెచ్‌ఎం) ఉద్యోగులు సమ్మెబాట పట్టారు. సమస్యలు పరిష్కరించాలని డిమాండ్‌ చేస్తూ నాలుగు రోజులుగా విధులు బహిష్కరించి నిరసనలు చేస్తున్నారు. దీంతో క్షేత్రస్థాయిలో వైద్య సేవలకు తీవ్ర ఆటంకం కలుగుతోంది. 630 మంది ఉద్యోగులు జిల్లాలో 27 ప్రాథమిక ఆరోగ్య కేంద్రాలు, 225 ఆ రోగ్య ఉప కేంద్రాలు ఉన్నాయి. వీటి పరిధిలో 630 మంది నేషనల్‌ హెల్త్‌ మిషన్‌ ఉద్యోగులు 78 క్యాడర్లలో కాంట్రాక్ట్‌ పద్ధతిలో పనిచేస్తున్నారు. తమను రెగ్యులర్‌ చేయాలని, సమాన పనికి సమాన వేత నం ఇవ్వాలనే డిమాండ్‌తో ఈ నెల 13 నుంచి నిరవధిక సమ్మెలోకి వెళ్లారు. జిల్లా కేంద్రంలోని ధర్నా చౌక్‌లో ప్రతిరోజు నిరసనలు చేస్తున్నారు. వీరికి బీఆర్‌ఎస్‌, బీజేపీ నేతలు మద్దతు ప్రకటించారు. నిలిచిన సేవలు.. ఎన్‌హెచ్‌ఎం ఉద్యోగులు సమ్మె.. వైద్య సేవలపై తీవ్ర ప్రభావం పడుతోంది. జిల్లాలో ప్రతి బుధవారం, శనివారం 2,075 మంది చిన్నారులకు టీకా లు అందిస్తారు. వ్యాక్సినేషన్‌లో రెగ్యులర్‌ ఏఎన్‌ఎంలతోపాటు సెకండ్‌ ఏఎన్‌ఎం(కాంట్రాక్ట్‌)లు సేవ లందిస్తారు. సమ్మె నేపథ్యంలో టీకాల కార్యక్రమం నిలిచిపోయింది. గర్భిణుల చెకప్‌, సీజనల్‌ వ్యా ధుల నిర్మూలన, ఫ్రైడే డ్రైడే, యు విన్‌ పోర్టల్‌లో నమోదు ప్రక్రియ నిలిచిపోవడంతోపాటు ప్రతి వారం బీపీ, షుగర్‌ వ్యాధిగ్రస్తులకు మందుల పంపిణీలో కూడా సమస్యలు ఎదురవుతున్నాయి. గోవూర్‌లో కుట్టు శిక్షణ కేంద్రాన్ని ప్రారంభిస్తున్న రాష్ట్ర వయోజన కేంద్రాల సంచాలకులు శ్రీనివాస్‌ ఉద్యోగుల డిమాండ్లు ఇవే.. సమాన పనికి సమాన వేతనం, వంద శాతం గ్రాస్‌ సాలరీ చెల్లించాలి. అవుట్‌ సోర్సింగ్‌ ఏజెన్సీలను రద్దు చేసి, నేరుగా స్టేట్‌ హెల్త్‌ సొసైటీ పరిధిలోకి తెచ్చి ‘స్పర్శ్‌’ ద్వారా వేతనాలు ఇవ్వాలి. ఈహెచ్‌ఎస్‌ లేదా ఈఎస్‌ఐ వర్తింపజేయాలి. 2002 నుంచి పనిచేస్తున్న వారికి 5 శాతం ఇంక్రిమెంట్‌, 8 శాతం లాయల్టీ బోనస్‌ ఇవ్వాలి. వేతనంతో కూడిన 180 రోజుల ప్రసూతి సెలవులు మంజూరు చేయాలి. విధి నిర్వహణలో మరణిస్తే రూ.20 లక్షల బీమా, ఎక్స్‌గ్రేషియాతోపాటు కుటుంబంలో ఒకరికి ఉద్యోగం కల్పించాలి. పెండింగ్‌లో ఉన్న తొమ్మిది నెలల పీఆర్‌సీతోపాటు ఏరియర్స్‌ను విడుదల చేయాలి.

● అదనపు డీసీపీ శుభం ప్రకాశ్‌ నిజామాబాద్‌అర్బన్‌: మహిళల రక్షణ, భద్రతకు అధిక ప్రాధాన్యతనివ్వాలని అదనపు డీసీపీ శుభం ప్రకాశ్‌ పేర్కొన్నారు. పోలీస్‌ కమిషనర్‌ కార్యాల యంలో మహిళలు, బాలికల భద్రతపై శుక్రవారం సమీక్ష సమావేశం నిర్వహించారు, ఈ సందర్భంగా ఆయన మాట్లాడుతూ మహిళల, బాలికలు ఎదు ర్కొంటున్న సమస్యలపై అధికారులు సత్వరమే స్పందించాలన్నారు. బాధితులకు భరోసా కల్పిస్తూ వారికి న్యాయం జరిగేలా సమన్వయంతో పనిచేయాలన్నారు. మహిళలపై వేధింపులు, గృహహింస, మానవ అక్రమ రవాణా వాటి నేరాల నివారణ కు ప్రత్యేక దృష్టి సారించాలన్నారు. బాధితుల ఫిర్యాదులను సున్నితంగా స్వీకరించి చట్టపరంగా తగిన చర్యలు తీసుకోవాలని ఆదేశించారు. షీ టీమ్స్‌ ద్వారా మహిళలు బాలికలకు భద్రతపై అవగాహన కల్పించారు. వేధింపులకు పాల్పడే వారిపై చట్టప్రకారం చర్యలు తీసుకోవాలన్నారు. భరోసా సెంటర్‌ ద్వారా మహిళలకు అవసరమైన సహాయం అందించాలన్నారు. సమావేశంలో సీసీఆర్‌బీ ఏసీపీ గురునాయుడు, మహిళా పోలీస్‌ స్టేషన్‌ సీఐ ప్రసాద్‌, సీసీఎస్‌ సీఐ సురేశ్‌, షీ టీం మహిళా ఎస్సై స్రవంతి తదితరులు పాల్గొన్నారు.

మోపాల్‌: నగరశివారులో ని బోర్గాం(పి) ఆరోగ్య సబ్‌సెంటర్‌లోని 108 అంబులెన్స్‌ వాహనాలను ప్రోగ్రామింగ్‌ మేనేజర్‌ సంపత్‌ శుక్రవారం ఆకస్మికంగా తనిఖీ చేశా రు. అంబులెన్స్‌ లోపల ఉన్న మందులు, ఫస్ట్‌ ఎయిడ్‌ బాక్స్‌తోపాటు రికార్డులను పరిశీలించారు. ఈసందర్భంగా ఆయన మాట్లాడుతూ.. ఆపదలో ఉన్న బాధితులకు మెరుగైన సేవలు అందించాలని సూచించారు. వాహనాల కండీషన్స్‌ ఎప్పటికప్పుడు గమనించాలని, ఏమైనా మరమ్మతులుంటే సత్వరమే చేయించుకోవాలన్నారు. అంబులెన్స్‌ల నిర్వహణలో నిర్లక్ష్యం చేయొద్దని సూచించారు. కమ్మర్‌పల్లి: పీఆర్టీయూ ఆరవ రాష్ట్ర కౌన్సిల్‌ సమావేశం నల్గొండ జిల్లా కేంద్రంలో జరిగింది. సమావేశం అనంతరం స్టేట్‌ అసోసియేట్‌ ప్రెసిడెంట్లను సభ్యులు శుక్రవారం ఏకగ్రీవంగా ఎన్నుకున్నారు. ఇందులో కమ్మర్‌పల్లి, ఏర్గట్ల మండల ఉపాధ్యాయులు ఎన్నికయ్యారు. ఎన్నికై న వారిలో ఎస్‌ శ్రీనివాసమూర్తి(హాసాకొత్తూర్‌), వీ నాగభూషణం(కమ్మర్‌పల్లి), జీ రాఽ దా కిషన్‌(బషీరాబాద్‌), టీ వర్ష(చౌట్‌పల్లి), జీ భాస్కర్‌ (తాళ్ల రాంపూర్‌), ఎం ప్రవీణ్‌(తొర్తి), దశేందర్‌(తొర్తి)దున్నారు. వీరికి పీఆర్టీయూ మండలాల అధ్యక్షులు పీ చంద్రశేఖర్‌, బీ కృష్ణ ప్రసాద్‌, సభ్యులు అభినందనలు తెలిపారు. తెయూ(డిచ్‌పల్లి): తెలంగాణ ఉద్యమకారుల వివరాలను ఆన్‌లైన్‌లో నమోదుకు ప్రభుత్వం వెబ్‌సైట్‌ ఏర్పాటు చేయడాన్ని హర్షిస్తూ శుక్రవారం తెలంగాణ యూనివర్సిటీలో విద్యార్థి ఉద్యమకారుల జేఏసీ నాయకులు తెలంగాణ సీఎం రేవంత్‌రెడ్డి, టీపీసీసీ అధ్యక్షులు బొమ్మ మహేష్‌కుమార్‌ గౌడ్‌, ప్రభుత్వ సలహాదారు సుదర్శన్‌రెడ్డి, నిజామాబాద్‌ రూరల్‌ ఎమ్మెల్యే డాక్టర్‌ ఆర్‌.భూపతిరెడ్డి చిత్రపటాలకు పాలాభిషేకం నిర్వహించారు. ఈ సందర్భంగా ఉద్యమకారుల జేఏసీ నాయకులు మాట్లాడుతూ.. ప్రత్యేక తెలంగాణ రాష్ట్ర సాధన కోసం ఎన్నో ఏళ్లపాటు ఉద్యమకారులు తమ ప్రాణాలను సైతం లెక్కచేయకుండా పోరాటం చేశారని పేర్కొన్నారు. ఉద్యమకారుల త్యాగాలను గుర్తించి, వారి వివరాలను ఆన్‌లైన్‌లో నమోదు చేసుకునేందుకు వెబ్‌సైట్‌ ఏర్పాటు చేయడం అభినందనీయమని తెలిపారు. నాగిరెడ్డిపేట: యంగ్‌ఇండియా ఇన్‌స్టిట్యూట్‌ ఆఫ్‌ ఎక్సలెన్స్‌(వైఐఐవోఈ)కు నాగిరెడ్డిపేట మోడల్‌స్కూల్‌ ఎంపికై నట్లు స్కూల్‌ ప్రిన్సిపల్‌ రాంప్రసాద్‌ శుక్రవారం ఒక ప్రకటనలో తెలిపారు. మోడల్‌స్కూల్‌లోని విద్యార్థులకు ఐఐటీ, జీఈఈ, ఎన్‌ఈఈటీ, క్లాట్‌ వంటి జాతీయస్థాయి పోటీపరీక్షలకు నాణ్యమైన విద్యతోపాటు క్రమబద్ధమైన శిక్షణను అందించాలనే లక్ష్యంతో రాష్ట్రంలో 29యంగ్‌ఇండియా ఇన్‌స్టిట్యూట్‌ ఆఫ్‌ ఎక్సలెన్స్‌ కేంద్రాలను ఎంపిక చేశారని ఆయన చెప్పారు. కోచింగ్‌ పొందే విద్యార్థుందరికీ ఉచితంగా స్టడీమెటీరియల్‌ అందిస్తారని వివరించారు. 24 బైకులు స్వాధీనం నిజామాబాద్‌అర్బన్‌: నగరంలోని ధర్మపురిహిల్స్‌లో శుక్రవారం రాత్రి ఆరవటౌన్‌ పోలీసులు కార్డన్‌ సెర్చ్‌ నిర్వహించారు. సరైన పత్రాలు లేని 24 బైకులు, 4 ఆటోలను సీజ్‌ చేశారు. అనుమానాస్పద వ్యక్తులు కనిపిస్తే వెంటనే పోలీసులకు సమాచారం అందించాలన్నారు. సైబర్‌ మోసాలపై ప్రజలు అప్రమత్తంగా ఉండాలన్నారు. ఎవరైనా నేరాలకు పాల్పడితే కఠిన చర్యలు తప్పవని ఏసీపీ ప్రకాశ్‌ యాదవ్‌ హెచ్చరించారు. కార్యక్రమంలో సీఐ భిక్షపతి, ఎస్సై సందీప్‌, సిబ్బంది ఉన్నారు.

వేల్పూర్‌: జాతీయస్థాయి అండర్‌–20 బాలుర కబడ్డీ శిక్షణకు జిల్లాకు చెందిన క్రీడాకారులు సురేశ్‌, అబ్రార్‌ ఎంపికై నట్లు జిల్లా కబడ్డీ అసోసియేషన్‌ అధ్యక్షుడు లింగయ్య, ప్రధాన కార్యదర్శి గంగాధర్‌రెడ్డి శుక్రవారం ఒక ప్రకటనలో తెలిపారు. ఈనెల 30 వరకు బాచుపల్లిలోని కాసాని కబడ్డీ అకాడమీలో నిర్వహించనున్న జాతీయస్థాయి శిక్షణ శిబిరంలో వీరు శిక్షణ పొందుతారని పేర్కొన్నారు. శిక్షణలో ప్రతిభ కనబరిచి, జాతీయస్థాయిలో విజయాలు సాధించాలని ఆకాంక్షించారు. క్రీడాకారులు జాతీయస్థాయి శిబిరానికి ఎంపిక కావడంపై అధ్యక్ష, ప్రధాన కార్యదర్శి, అసోసియేషన్‌ సభ్యులు హర్షం వ్యక్తం చేశారు. రాష్ట్ర స్థాయి పోటీలకు.. కమ్మర్‌పల్లి: మండల కేంద్రంలోని మిసిమి హైస్కూల్‌కు చెందిన ఏ సుశాంత్‌ అండర్‌–13 రాష్ట్ర స్థాయి సాఫ్ట్‌బాల్‌ పోటీలకు ఎంపికై నట్లు పాఠశాల కరెస్పాండెంట్‌ రవీందర్‌, పీఈటీ సంజీవ్‌ తెలిపారు. ఇటీవల నిర్వహించిన జిల్లా జట్టు ఎంపిక పోటీల్లో పాఠశాల తరఫున పాల్గొని ఉత్తమ ప్రతిభ కనబర్చి జిల్లా జట్టుకి ఎంపికయ్యారు. హన్మకొండలో కొనసాగుతున్న రాష్ట్ర స్థాయి సాఫ్ట్‌బాల్‌ చాంపియన్‌ షి ప్‌లో జిల్లా జట్టు తరఫున వీరు పాల్గొంటున్నట్లు వి వరించారు. శుక్రవారం పాఠశాలలో ఏర్పాటు చేసి న కార్యక్రమంలో సుశాంత్‌ను ఉపాధ్యాయులు అభినందనలు తెలిపారు.

రుద్రూర్‌: ఆహార ఉత్పత్తుల తయారీపై దృష్టి సారించాలని పలువురు వక్తలు అన్నారు. మండలంలోని ఆహార శాస్త్ర సాంకేతిక కళాశాలలో శుక్రవారం ప్రపంచ ఆహార దినోత్సవాన్ని నిర్వహించారు. ఆహార ఉత్పత్తులకు విలువ జోడింపు, పోషకాహారం ప్రాధాన్యం, ఆహార నాణ్యత మెరుగుదలలో నూతన ఆవిష్కరణలపై విద్యార్థులకు అవగాహన కల్పించారు. వ్యవసాయ ఇంజినీరింగ్‌, సాంకేతిక విభాగం డీన్‌ డాక్టర్‌ కేవీ రమణారావు, కళాశాల అసోసియేట్‌ డీన్‌ డాక్టర్‌ కే వెంకట్‌రెడ్డి, జిల్లా పరిశ్రమల కేంద్రం జనరల్‌ మేనేజర్‌ ఎం సంగీత, సుగంధ ద్రవ్యాల బోర్డు ఉపసంచాలకుడు టీ ప్రత్యూష్‌ విద్యార్థులను ఉద్దేశించి మాట్లాడారు. ఆహార పదార్థాల నాణ్యతను పెంచడం, పోషక విలువలను కాపాడటం, నూతన సాంకేతికతతో విలువ ఆధారిత ఉత్పత్తులను తయారు చేయడంపై దృష్టి సారించాలని సూచించారు. ఆహార రంగంలో ఆవిష్కరణలు, నాణ్యత ప్రమాణాలు ప్రజలకు మెరుగైన పోషకాహారం అందించడంలో కీలకమని వారు పేర్కొన్నారు.

ఆస్తి వివాదం.. ఒకరి ఆత్మహత్య కమ్మర్‌పల్లి(భీమ్‌గల్‌): కుటుంబ ఆస్తి వివాదాల నేపథ్యంలో ఓ వ్యక్తి ఇంట్లో ఉరేసుకొని ఆత్మహత్యకు పాల్పడిన ఘటన భీమ్‌గల్‌లో చోటు చేసుకుంది. ఎస్సై తిరుపతి తెలిపిన వివరాల ప్రకారం.. పట్టణంలోని బాపూజీనగర్‌కు చెందిన షేక్‌ రహీం(35) గత 15 ఏళ్ల నుంచి భార్య పిల్లలతో కలిసి భీమ్‌గల్‌లో నివాసం ఉంటున్నారు. జగిత్యాల జిల్లా కోరుట్లలో తన తల్లి, చెల్లెలు కలిసి ఉంటున్నారు. వారిద్దరు నివాసం ఉంటున్న ఇల్లు విషయమై వీరి మధ్య మనస్పర్థలు ఏర్పడ్డాయి. ఈక్రమంలో ఆస్తి విషమయై వివాదం కొనసాగుతోంది. ఈ నేపథ్యంలో షేక్‌ రహీం రెండు రోజుల క్రితం కోరుట్ల వెళ్లి గురువారం సాయంత్రం తిరిగి భీమ్‌గల్‌కు చేరుకున్నాడు. రాత్రి కుటుంబ సభ్యులు నిద్రపోయాక తన గదిలో ఉరేసుకొని ఆత్మహత్యకు పాల్పడ్డాడు. భార్య షేక్‌ షహీనా ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఎస్సై తెలిపారు. భిక్కనూరు: భార్య కాపురానికి రావడం లేదని మనస్తాపానికి గురైన భర్త చెట్టుకు ఉరేసుకొని ఆత్మహత్య చేసుకున్న ఘటన భిక్కనూరు మండలం పెద్ద మల్లారెడ్డి గ్రామంలో చోటు చేసుకుంది. ఎస్సై అనిల్‌ తెలిపిన వివరాల ప్రకారం.. గ్రామానికి చెందిన మట్టి రాజు(39) సబిత దంపతులు. వీరికి 18 ఏళ్ల క్రితం వివాహం కాగా ఒక కుమారుడు ఉన్నాడు. గత నాలుగేళ్ల క్రితం కుటుంబ కలహాలతో భార్య సబిత కుమారుడితో కలిసి పుట్టింటికి వెళ్లింది. నాటి నుంచి కాపురానికి రావాలని రాజు కోరినా ఆమె రాలేదు. దీంతో మనస్తాపానికి గురైన అతను ఇంట్లో సమీపంలో ఉన్న చెట్టుకు ఉరేసుకొని ఆత్మహత్య చేసుకున్నాడు. కుటుంబ సభ్యుల ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఎస్సై తెలిపారు. మద్నూర్‌: మండలంలోని లచ్చన్‌లో శుక్రవారం ఎమ్మెల్యే తోట లక్ష్మీకాంతారావు సబ్‌ స్టేషన్‌ శంకుస్థాపన కార్యక్రమం సందర్భంగా గ్రామంలో ఏర్పాటు చేసిన ఫ్లెక్సీ వివాదానికి దారితీసింది. ఫ్లెక్సీలో వార్డు సభ్యుల ఫొటోలను కింది వరుసలో ఉంచడంపై వార్డు సభ్యులు, గ్రామస్తులు కొందరు నిరసన వ్యక్తం చేస్తూ ఫ్లెక్సీని చించివేశారు. ఈ విషయమై పలువురు ఎంపీడీవోకు ఫిర్యాదు చేస్తామన్నారు.

● ఏసీపీ ప్రకాశ్‌ యాదవ్‌నిజామాబాద్‌అర్బన్‌: పాత నేరస్తులపై పోలీసు సిబ్బంది నిఘా ఉంచాలని ఏసీపీ ప్రకాశ్‌ యాదవ్‌ అన్నారు. నగరంలోని ఆరవటౌన్‌ పోలీస్‌ స్టేషన్‌ను ఏసీపి శుక్రవారం తనిఖీ చేశారు. పీఎస్‌లోని రికార్డులను పరిశీలించారు. నేరాల నియంత్రణకు తీసుకుంటున్న చర్యలు గురించి సిబ్బందిని అడిగి తెలుసుకున్నారు. భద్రత వైఫల్యాలు లేకుండా ఎప్పటికప్పుడు నిఘా ఉంచాలన్నారు. శాంతి భద్రతల ప్రాముఖ్యతను వివరించారు. డ్రంకెన్‌ డ్రైవ్‌, హెల్మెట్‌ ధరించడం, రోడ్డు ప్రమాదాల నివారణపై ప్రజలకు పూర్తిస్థాయి అవగాహన కల్పించాలన్నా రు. సీఐ భిక్షపతి, ఎస్సై సందీప్‌, సిబ్బంది ఉన్నారు.

● నిజామాబాద్‌ అర్బన్‌ ఎమ్మెల్యే ధన్‌పాల్‌ సూర్యనారాయణసుభాష్‌నగర్‌: నగర పాలక సంస్థ పరిధిలోగల ఆ యా డివిజన్లలో చేపడుతున్న అభివృద్ధి పనులు నా ణ్యతతో చేపట్టాలని నిజామాబాద్‌ అర్బన్‌ ఎమ్మెల్యే ధన్‌పాల్‌ సూర్యనారాయణ పేర్కొన్నారు. శుక్రవా రం నగరంలోని 6, 23, 24, 48వ డివిజన్లలో రూ. 20 లక్షల చొప్పున నిధులతో చేపడుతున్న రోడ్డు ప నులకు నగర మేయర్‌ కూరగాయల ఉమారాణి, స్థానిక కార్పొరేటర్లతో ఆయన భూమిపూజ చేశారు. ఈసందర్భంగా ధన్‌పాల్‌ సూర్యనారాయణ మాట్లాడుతూ.. నియోజకవర్గంలో నెలకొన్న సమస్యలు ప రిష్కరించడమే తన లక్ష్యమన్నారు. ప్రధానంగా కాంగ్రెస్‌ ప్రభుత్వం నిజామాబాద్‌ అర్బన్‌ నియోజకవర్గానికి నిధులు విడుదల చేయడంలో నిర్లక్ష్యంగా వ్యవహరిస్తుందని ఆరోపించారు. మూడేళ్లుగా సీడీ పీ నిధుల కోసం అనేక సార్లు ప్రభుత్వం దృష్టికి తీ సుకెళ్లినా లాభం లేకుండా పోయిందన్నారు. కేంద్ర ప్రభుత్వ నిధులతో, రాష్ట్ర ప్రభుత్వంతో కొట్లాడైనా నగరాన్ని ఆదర్శంగా తీర్చిదిద్దేందుకు శక్తికి మించి పని చేస్తానని, కేంద్ర, రాష్ట్ర ప్రభుత్వ పెద్దలను ఎన్ని సార్లయినా కలుస్తానని స్పష్టంచేశారు. కార్పొరేటర్లు గోపిడి స్రవంతిరెడ్డి, విజయ మల్లేష్‌ యాదవ్‌, ఇప్పకాయల సుమిత్ర కిశోర్‌, ప్రసన్న, శ్యామల సత్యపాల్‌, తదితరులు పాల్గొన్నారు.

మోపాల్‌: మండలంలోని మంచిప్ప గ్రామానికిచెందిన నంగునూరి సందీప్‌ కారును ఓ దుండగుడు నిప్పంటించడంతో దహనమైనట్లు ఎస్సై సుస్మిత శుక్రవారం తెలిపారు. వివరాలిలా ఉన్నాయి. సందీప్‌ రోజూలాగే తన ఇంటి ఎదుట గురువారం రాత్రి రోడ్డు పక్కన కారు పార్కింగ్‌ చేసి నిద్రపోయాడు. అర్ధరాత్రి ఆయన స్నేహితుడు విలాస్‌ కారు కాలిపోతున్న విషయాన్ని తెలపడంతో సందీప్‌ బయటకు వచ్చి మంటలను ఆర్పేందుకు ప్రయత్నించాడు. అప్పటికే కారు ఇంజన్‌ భాగం, కుడివైపు టైరు, తదితర విభాగాలు దహనమయ్యాయి. మొదట ప్రమాదవశాత్తు మంటలు చెలరేగి ఉంటాయని భావించినప్పటికీ.. ఇంట్లోని సీసీ ఫుటేజీని పరిశీలించారు. గుర్తుతెలియని వ్యక్తి బైక్‌పై వచ్చి రెండు ప్లాస్టిక్‌ బాటిళ్లలో పెట్రోల్‌ను కారు ఇంజన్‌ ముందు భాగంలో పోసి నిప్పంటించి వెళ్లిపోయాడు. సుమారు రూ. లక్ష నష్టం వాటిల్లిందని బాధితుడు పేర్కొన్నాడు. బాధితుడి ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఎస్సై తెలిపారు.

క్రీడాకారులతో శిశుమందిర్‌ ఉపాధ్యాయులు కామారెడ్డి టౌన్‌/కామారెడ్డి అర్బన్‌: జిల్లా కేంద్రంలోని సరస్వతీ శిశుమందిర్‌ హైస్కూల్‌ అండర్‌–14 బాలికల జట్టు ఇటీవల జరిగిన జాతీయస్థాయి ఖేల్‌కూద్‌ కబడ్డీ పోటీల్లో ప్రతిభ కనబరిచి చాంపియన్‌గా నిలిచి బంగారు పతకం సాధించింది. శుక్రవారం విజేతలు జిల్లా కేంద్రానికి చేరుకోగా, విజయోత్సవ ర్యాలీతో పాఠశాల యాజమాన్యం, క్రీడాభిమానులు ఘన స్వాగతం పలికారు. అనంతరం పాఠశాల ప్రధానాచార్యులు నాగభూషణం, అకాడమిక్‌ ప్రిన్సిపాల్‌ నాగేష్‌ మాట్లాడుతూ.. బంగారు పతకం సాధించిన జిల్లా జట్టు వచ్చే నెలలో హరియాణాలో జరగనున్న ఎస్‌జీఎఫ్‌ఐ జాతీయ పోటీల్లో విద్యాభారతి తరఫున ప్రాతినిధ్యం వహించనున్నట్లు తెలిపారు. ఎస్సై సాయికృష్ణ, సీనియర్‌ వైద్యులు శ్యాంసుందర్‌రావు, డీవైఎస్‌వో రంగావెంకటేశ్వర్‌ గౌడ్‌, జిల్లా కబడ్డీ అసోసియేషన్‌ అధ్యక్షుడు బాణాల భాస్కర్‌ రెడ్డి, పేట అధ్యక్షుడు మధుసూదన్‌రెడ్డి, ప్రతినిధులు తదితరులు పాల్గొన్నారు.

నిజామాబాద్‌ అర్బన్‌: మాదిగ ఉద్యోగుల సమాఖ్య జిల్లా నూతన కమిటీ శుక్రవారం ఏకగ్రీవంగా ఎన్నికై ంది. ఆర్‌అండ్‌బీ గెస్ట్‌ హౌస్‌లో రాష్ట్ర అధ్యక్షుడు యాదగిరి ఆధ్వర్యంలో ఎన్నుకున్నారు. జిల్లా అధ్యక్షుడిగా సైదులు లక్ష్మణ్‌, ప్రధాన కార్యదర్శిగా జీ సాయిలు, వర్కింగ్‌ ప్రెసిడెంట్‌గా మారుతి, కోశాధికారిగా సహదేవ్‌, అదనపు జనరల్‌ సెక్రెటరీగా నాగనాథ్‌ ఎన్నికయ్యారు. అనంతరం రాష్ట్ర అధ్యక్షుడు యాదగిరి మాట్లాడుతూ.. భారత సమాజంలో కుల, మత, లింగ వివక్షతలకు తావు లేదన్నారు. ఎస్సీ రిజర్వేషన్ల ద్వారా లభించే ఫలాలను మాదిగ, మాదిగ ఉప కులాలు, విద్యార్థులు, నిరుద్యోగులు సద్వినియోగం చేసుకోవాలన్నారు. విద్యార్థులు ఉన్నత లక్ష్యాలు నిర్దేశించుకొని ఆ దిశగా ముందుకు సాగాలని పేర్కొన్నారు. రాష్ట్రంలో ఉద్యోగులు ఎదుర్కొంటున్న సమస్యల పరిష్కారానికి ప్రత్యేక ఉద్యమాలు చేస్తామన్నారు. అనంతరం నూతన కార్యవర్గాన్ని మాదిగ ఉద్యోగ సమాఖ్య నాయకులు ఘనంగా సన్మానించారు. కార్యక్రమంలో జాతీయ ఉపాధ్యక్షుడు సురేశ్‌, సభ్యులు నాంపల్లి జడ్డు గంగారాం, బాలచందర్‌, భూమన్న, గణేశ్‌, ప్రవీణ్‌, గంగాధర్‌, శ్రీనివాస్‌, రత్నాకర్‌ తదితరులు పాల్గొన్నారు.

కొనసాగుతున్న కల్లు డిపో ● మూడో కల్లు డిపోపై కన్నెత్తి చూడని ఎకై ్సజ్‌ శాఖ ● మళ్లీ మామూళ్ల ఆరోపణలు నిజామాబాద్‌అర్బన్‌: నిర్వహణ గడువు ముగిసినా కల్లు డిపోపై ఎకై ్సజ్‌శాఖ అధికారులు పట్టింపు లేని వైఖరిని అవలంభిస్తున్నారు. గడువు ముగిసిన తర్వాత కూడా డిపో కొనసాగుతుండడం, నిబంధనల అమలుపై అనుమానాలకు తావిస్తోంది. నిబంధనల ప్రకారం గడువు ముగియకుండానే రెన్యువల్‌ ప్రక్రియ పూర్తి చేయాల్సి ఉన్నప్పటికీ క్షేత్రస్థాయిలో పరిస్థితులు అందుకు భిన్నంగా ఉన్నాయనే ఆరోపణలు వినిపిస్తున్నాయి. సెప్టెంబర్‌ 30తో.. జిల్లా కేంద్రంలో కొనసాగుతున్న మూడో కల్లు డిపో నిర్వహణ గడువు సెప్టెంబర్‌ 30తో ముగిసింది. అనంతరం ఈ నెల 1న రెన్యువల్‌ చేసుకోవాల్సి ఉండగా కానీ ఇప్పటి వరకు కాలేదు. జిల్లాలోని మిగతా కల్లు డిపోలకు రెన్యువల్‌ ముగిసింది. నూతన అనుమతితో ప్రారంభమయ్యాయి కానీ ఇక్కడ ఇదే కల్లు డిపో అనుమతి లేకుండా కొనసాగడంపై అధికారులు ఎందుకు చర్యలు తీసుకోవడం లేదనే ఆరోపణలు ఉన్నాయి. ఇదే కల్లు డిపో గతేడాది సెప్టెంబర్‌ 30వ తేదీన గడువు ముగిసిన తర్వాత ప్రారంభ అనుమతులు రాకుండా కొనసాగింది. దీంతో అప్పటి ఎకై ్సజ్‌ అధికారులు ఈ డిపోను సీజ్‌ చేశారు. కానీ ప్రస్తుతం 16 రోజులు గడుస్తున్నా ఈ కల్లు డిపో వైపు ఎకై ్సజ్‌ అధికారులు కన్నెతి చూడడం లేదు. కొందరు ఎకై ్సజ్‌ అధికారులు మళ్లీ మామూళ్ల వ్యవహారాన్ని కొనసాగిస్తున్నారనే ఆరోపణలు వినిపిస్తున్నాయి. ఇటీవల ఏసీబీ దాడి జరిగిన తర్వాత అధికారులు, సిబ్బంది కొన్ని రోజుల పాటు మౌనంగా ఉండి, ప్రస్తుతం మళ్లీ క్షేత్రస్థాయి నుంచి వసూళ్ల వ్యవహారం కొనసాగుతుందనే ఆరోపణలు ఉన్నాయి. ఇటీవల జిల్లాకు వచ్చిన ఓ ఎకై ్సజ్‌ ఎస్సై కల్లు డిపోల నుంచి రెన్యువల్‌ అనుమతులు పొడిగిస్తానని చెప్పి వసూళ్ల కార్యక్రమం చేపట్టారు. తీరా ఈ విషయం ఉన్నతాధికారుల దృష్టికి వెళ్లడంతో విఫలమయ్యాడు. వచ్చి రాగానే వసూలు చేపట్టి కల్లు డిపో నిర్వాహకులను భయభ్రాంతులకు గురి చేశాడు. ప్రస్తుతం కూడా కొందరు అధికారులు కల్లు డిపోలకు అనుమతుల నిర్వహణలో మామూళ్లకు అలవాటు పడి ప్రత్యక్షంగాను పరోక్షంగాను సహాయ సహకారాలు అందిస్తున్నారు. ఇకనైనా ఉన్నతాధికారులు స్పందించి తగు చర్యలు తీసుకోవాల్సిన అవసరం ఎంతైనా ఉంది.

● నీటి కొరతకు చెక్‌ పెట్టిన 14మంది రైతులు ● వాన నీటినే వరంగా మార్చుకున్న అన్నదాతలు మాచారెడ్డి: మండలంలోని ఆయా గ్రామాల్లో రైతులు నిర్మించుకున్న ఫాంపాండ్స్‌ సత్ఫలితాలనిస్తున్నాయి. ఉపాధి హామీ కింద ప్రభుత్వం ఒక్కొ ఫాంపాండ్‌ నిర్మాణానికి రూ. 1.70 లక్షలు వెచ్చిస్తుంది. వర్షం నీటిని ఒడిసిపట్టి, వేసవిలో సైతం పంటలకు ఉపయోగించడంతో రైతులకు అ వి వరంగా మారాయి. గతంలో వర్షం నీరు వృథా గా పోయేది. బోర్లు, బావుల్లో నీటి మట్టం పడిపోవ డంతో పంటలు ఎండిపోయేవి. ప్రభుత్వ ప్రోత్సాహం, ఉపాధి హామీ పథకం ద్వారా 14 మంది రై తులు తమ పొలాల్లో ఫాంపాండ్స్‌ నిర్మించుకున్నారు. ఫాంపాండ్స్‌ నిర్మించుకోవడానికి రైతులు ముందుకు వస్తున్నారు. నీటి ఆదా పంటలకు భరోసా వర్షాకాలంలో ఫాంపాండ్స్‌లో నిల్వ చేసిన నీటిని కరెంట్‌ లేని సమయం, ఎండాకాలంలో మోటార్ల ద్వారా పంటలకు అందిస్తున్నారు. దీంతో బోర్లపై ఆధారపడటం తగ్గింది. అదనంగా కూరగాయలు, పండ్ల తోటలు కూడా రైతులుసాగు చేస్తున్నారు. ఫాంపాండ్‌ నిర్మాణంతో పొలంలో నీళ్లు నిల్వ ఉండటంతోపాటు, భూగర్భ జలాలు కూడా పెరగుతున్నాయి. రైతులు ఎకరాకు 10 వేల వరకు అదనపు ఆదాయం పొందుతున్నారు. మండలంలో మరింత మంది రైతులు ఫాంపాండ్స్‌ నిర్మించుకునేలా అధికారులు అవగాహన కల్పిస్తున్నారు. ఫాంపాండ్‌ సహాయంతో రెండు ఎకరాల్లో మల్బరీ, మరో రెండెకరాల్లో వరి సాగు చేస్తున్నా. ఫాంపాండ్‌ నీటిని నిల్వ చేయడంతో ఇప్పటివరకై తే ఇబ్బంది లేకుండా పారుతోంది. హర్షద్‌, రైతు, మాచారెడ్డి

దోమకొండ: మండలంలోని సీతారంపల్లి గ్రామా నికి చెందిన ఎర్ర శంకర్‌కు గ్రామ శివారులో ఆరు ఎకరాల వ్యవసాయ భూమి ఉంది. దీంట్లో రెండు ఎకరాల్లో వరిపంట వేయగా, మిగతా నాలుగు ఎకరాల్లో పత్తి పంట సాగుచేశాడు. 2 బోర్లు ఉండగా అవి నీరు సరిగా పోయడం లేదు. నీరు లేక ఎండిపోతున్న పంటకు కాపాడుకోవడానికి వాటర్‌ ట్యాంకర్లతో తడిని అందిస్తున్నాడు. గత 20 రోజులుగా ప్రతిరోజు రెండు ట్యాంకర్లను తీసుకువచ్చి పైపుల ద్వారా పంటకు నీరు అందిస్తునట్లు శంకర్‌ ‘సాక్షి’కి తెలిపారు. ట్యాంకర్‌కు రూ.600 చొప్పున రెండు ట్యాంకర్లకు రూ.1200 నిత్యం నీటి కోసం ఖర్చుచేస్తున్నట్లు ఆయన ఆవేదన వ్యక్తం చేస్తున్నాడు. మరో పది, పదిహేను రోజుల్లో పంట చేతికి వస్తుందని అప్పటివరకు పంటను కాపాడుకోవటానికి పాట్లు పడుతున్నానని ఆయన వాపోయాడు.

● తక్షణమే 4 టీఎంసీల నీటిని విడుదల చేయాలి ● ఎమ్మెల్యే వేముల ప్రశాంత్‌రెడ్డివేల్పూర్‌ : జిల్లాలోని చెరువులను నింపేందుకు వెంటనే శ్రీరాంసాగర్‌ నుంచి 4 టీఎంసీల నీటిని విడుదల చేయాలని మాజీ మంత్రి, ఎమ్మెల్యే వేముల ప్రశాంత్‌రెడ్డి డిమాండ్‌ చేశారు. వేల్పూర్‌లోని క్యాంప్‌ కార్యాలయంలో గురువారం ఆయన మీడియా తో మాట్లాడారు. గుత్ప, అలీసాగర్‌, లక్ష్మి కాలువ లిప్టులను పూర్తి సామర్థ్యంతో నడపకపోతే రైతు ఉద్యమం తప్పదన్నారు. ఎల్‌నినో సాకు ఒక బూట కమని, ఏపీలో లేని కరెంటు కష్టాలు తెలంగాణాలో ఎందుకని ప్రశ్నించారు. నాడు కేసీఆర్‌ హయాంలో 24 గంటల నిరంతర విద్యుత్‌ సరఫరా కాగా.. రేవంత్‌రెడ్డి ప్రభుత్వం ప్రస్తుతం 6 గంటలు కూడా ఇవ్వడం లేదని ఆరోపించారు. కరెంటు లేక ఎండి పోయిన పంటలకు ఎకరానికి రూ.25 వేల నష్ట పరిహారం చెల్లించాలని డిమాండ్‌ చేశారు. విద్యుత్‌ కొరతకు ఎల్‌నినో ప్రభావం, వర్షాలు లేకపోవడమే కారణమంటూ ప్రభుత్వం కుంటి సాకులు చెబుతోందని ఆయన ఆగ్రహం వ్యక్తం చేశారు. జలవిద్యుత్‌త్‌ తగ్గినా రాష్ట్రంలో కరెంటు కొరత రాకూడదనే ఉద్దేశంతోనే నాడు కేసీఆర్‌ ముందు చూపుతో కొత్తగూడెం, భద్రాద్రి, యాదాద్రి వంటి మెగా థర్మల్‌ విద్యుత్‌ కేంద్రాలను నిర్మించి అప్పగించారని పేర్కొన్నారు. కేసీఆర్‌ నిర్మించిన ఽథర్మల్‌ కేంద్రాలకు బొగ్గు సరఫరా నిలిపివేసి రైతుల పొట్ట కొడుతున్నారని ఆరోపించారు. నెలన్నర రోజులుగా రైతులు సబ్‌స్టేషన్ల ఎదుట, రోడ్లపై బైఠాయించి కన్నీరు మున్నీరవుతుంటే ప్రభుత్వం పట్టించు కోవడం లేదన్నారు. ప్రజల ఆగ్రహం కట్టలు తెంచుకునేసరికి సమీక్ష పేరుతో అధికారులను సస్పెండ్‌ చేస్తామంటూ బెదిరింపులకు పాల్పడుతున్నారని ఆరోపించారు. రైతాంగ సమస్యలపై జిల్లా ఇన్‌చార్జి మంత్రిగా చెప్పుకుంటున్న సుదర్శన్‌రెడ్డి, కలెక్టర్‌ తక్షణమే స్పందించి చర్యలు చేపట్టాలని, లేని పక్షంలో కాంగ్రెస్‌ ప్రభుత్వ మొండి వైఖరికి నిరసనగా అన్నదాతలతో కలిసి పెద్ద ఎత్తున ప్రజా ఉద్యమాన్ని నిర్మిస్తామని పేర్కొన్నారు. డీసీసీబీ డైరెక్టర్‌ శేఖర్‌రెడ్డి, నాయకులు రేగుంట దేవేందర్‌, కల్లెడ ఏలియా, నాగధర్‌రెడ్డి, బద్దం నర్సారెడ్డి, చౌట్‌పల్లి రవి, మహేశ్‌ తదితరులు పాల్గొన్నారు.

పెర్కిట్‌(ఆర్మూర్‌): ఆలూర్‌ మండలం గగ్గుపల్లిలో చేపడుతున్న సోక్‌ పిట్‌, డ్రైనేజీ నిర్మాణ పనులను ఎంపీడీవో లక్ష్మా రెడ్డి గురువారం పరిశీలించారు. ఈ సందర్భంగా ఎంపీడీవో మాట్లాడుతూ.. ప్రస్తుత వాతావరణ పరిస్థితుల దృష్ట్యా తాగు నీటి సమస్యలు తలెత్తకుండా వర్షపు నీటిని భూమిలోకి ఇంకేలా ఇంకుడు గుంతల నిర్మాణం, మురుగు నిల్వకుంగా ఉండడానికి డ్రైనేజీల నిర్మాణం చేపడుతున్నట్లు తెలిపారు. సర్పంచ్‌ కొండి నడ్పి గంగాధర్‌, కార్యదర్శి కిషోర్‌, తదితరులు పాల్గొన్నారు. వేల్పూర్‌(బాల్కొండ):బాల్కొండ మండల కేంద్రంలో మార్కండేయ మందిరం పునర్నిర్మించేందుకు అయ్యే ఖర్చును దేవాదాయశాఖ ఏ ఈ రమేశ్‌ గురువారం అంచనా వేశారు. ఆలయంలోని విగ్రహాలు, పరిసరాలు పరిశీలించి, పునర్నిర్మాణ పనులకు అవసరమైన కొలతలు తీసుకున్నారు.కార్యక్రమంలో బాల్కొండ పద్మ శాలి సంఘం అధ్యక్షుడు అంద వెంకటగిరి, కోశాధికారి కుందారపు శ్రీనివాస్‌, కార్యదర్శి మేక నగేశ్‌, పెద్ద గంగాధర్‌, భోగ గంగాకిషన్‌, భోగ భూమేష్‌ పాల్గొన్నారు. వేల్పూర్‌: పచ్చలనడ్కుడ గ్రామానికి చెందిన జాన జమున కుటుంబానికి రూ.2 లక్షల ఎల్‌వోసిని మాజీ మంత్రి, ఎమ్మెల్యే వేముల ప్రశాంత్‌రెడ్డి గురువారం వేల్పూర్‌లో అందజేశారు. జమున చికిత్స కోసం నిమ్స్‌ ఆస్పత్రిలో చేరడంతో విషయాన్ని నడ్కుడ బీఆర్‌ఎస్‌ నాయకులు ఎమ్మెల్యే దృష్టికి తీసుకెళ్లారు. గల్ఫ్‌ బాధిత కుటుంబానికి ఆర్థిక సాయం కమ్మర్‌పల్లి(మోర్తాడ్‌): గల్ఫ్‌లో అనారోగ్యం బారిన పడి మరణించిన మోర్తాడ్‌ మండల కేంద్రానికి చెందిన మోత్కు జీవన్‌ కుటుంబానికి బాల్కొండ ఎమ్మెల్యే వేముల ప్రశాంత్‌రెడ్డి చేయూత అందించారు. గురువారం జీవన్‌ కుటుంబ సభ్యులను పరామర్శించి రూ.10 వేల ఆర్థిక సహాయం అందజేశారు. అనంతరం వేర్వేరు చోట్ల పలు కుటుంబాలను పరామర్శించారు. బీఆర్‌ఎస్‌ మండలాధ్యక్షుడు ఏలియా, సర్పంచ్‌ బోగ ఆనంద్‌, ఉప సర్పంచ్‌ సామ శ్రీనివాస్‌, నాయకులు పాపాయి పవన్‌, గోపిడి సత్యనారాయణ, జేసీ గంగారెడ్డి, అశోక్‌, మహిపాల్‌, రాజేంధర్‌, ఇంతియాజ్‌, కొలిప్యాక ఉపేందర్‌, తదితరులు పాల్గొన్నారు. బాధిత కుటుంబానికి పరామర్శ వేల్పూర్‌(బాల్కొండ): బాల్కొండ మండల కేంద్రానికి చెందిన బీఆర్‌ఎస్‌ కార్యకర్త నల్ల తిరుపతి తండ్రి నల్ల పెద్ద గంగారాం ఇటీవల మరణించడంతో కుటుంబ సభ్యులను ఎమ్మె ల్యే వేముల ప్రశాంత్‌రెడ్డి గురువారం సాయంత్రం పరామర్శించారు. ప్రగాఢ సానుభూతి తెలిపారు.బాల్కొండ, కిసాన్‌నగర్‌ సర్పంచులు గాండ్ల రాజేశ్‌, రాంరాజ్‌గౌడ్‌, నాయకులు సాగర్‌యాదవ్‌, నర్సారెడ్డి తదితరులు ఉన్నారు. కమ్మర్‌పల్లి: బషీరాబాద్‌, కోనసముందర్‌ గ్రామాల్లో కోరుట్ల పశు వైద్య కళాశాల ఆధ్వర్యంలో నిర్వహించిన మెగా పశు వైద్య శిబిరానికి విశేష స్పందన లభించింది. డాక్టర్లు శ్రీనివాస్‌, శిరీష, శ్రీకాంత్‌, శశాంక్‌లు శిబిరంలో పశువులకు వైద్య పరీక్షలు నిర్వహించి, ఉచితంగా మందులు అందజేశారు. రుద్రూర్‌: మండల తహసీల్దార్‌గా సురేందర్‌ నాయక్‌ గురువారం బాధ్యతలు స్వీకరించారు. మండల తహసీల్దార్‌ తారాబాయి సస్పెన్షన్‌కు గురికావడంతో ప్రస్తుతం డిప్యూటీ తహసీల్దార్‌గా విధులు నిర్వర్తిస్తున్న సురేందర్‌ నాయక్‌కు తహసీల్దార్‌ బాధ్యతలను అప్పగించారు. బోధన్‌ టౌన్‌: బోధన్‌ పట్టణ రేషన్‌ డీలర్స్‌ ఆధ్వర్యంలో గురువారం అనాథ పిల్లలకు దుస్తులు పంపిణీ చేశారు. దసరా పండుగను పురస్కరించుకొని పలువురు అనాథ పిల్లలకు దుస్తులను బోధన్‌ ఆర్డీవో విజయ కుమారి చేతుల మీదుగా అందజేశారు. ఈ స్వచ్ఛంద కార్యక్రమం చేపట్టిన సోషల్‌ వర్కర్‌ సనా పటేల్‌ ను ఆర్డీవో అభినందించారు.

ఖలీల్‌వాడి : జర్మన్‌ భాష శిక్షణ తరగతులను సద్వినియోగం చేసుకోవాలని కలెక్టర్‌ ఇలా త్రిపాఠి ఆన్నారు. జర్మనీ దేశంలో ఆకర్షణీయమైన వేతనాలతో కూడిన ఉద్యోగాలు పొందేందుకు వీలుగా అర్హులైన యువతీ, యువకులకు ఉపాధి కల్పన, శిక్షణ శాఖ ద్వారా ఉచితంగా భాషా శిక్షణను కలెక్టర్‌ గురువారం ప్రారంభించారు. ఈ సందర్భంగా కలెక్టర్‌ మాట్లాడుతూ.. జర్మనీలో నర్సింగ్‌, కార్పెంటర్‌, ఫిజియోథెరపీ వంటి అనేక రంగాల్లో విస్తృత ఉద్యోగ అవకాశాలు ఉండడంతో రాష్ట్ర ప్రభుత్వం ఆ దేశంతో ఉద్యోగాల కల్పన కోసం ఒప్పదం చేసుకుందన్నారు. అర్హులైన వారికి ఉచితంగా జర్మన్‌ భాషలో శిక్షణ అందించేందుకు ఈ తరగతులను ఏర్పాటు చేయడం జరిగిందన్నారు. మూడు నెలల శిక్షణ అనంతరం ఉత్తీర్ణులైన వారికి వీసాను సమకూర్చి జర్మనీ దేశంలో ఆకర్షణీయమైన వేతనంపై ఉద్యోగ అవకాశాలు కల్పించడం జరుగుతుందన్నారు. యువతకు ఉద్యోగ, ఉపాధి కల్పన విషయంలో జిల్లా యంత్రాంగం తరఫున పూర్తి సహాయ సహకారాలు అందిస్తామన్నారు. కార్యక్రమంలో జిల్లా ఉపాధి కల్పన, శిక్షణ అధికారిణి విజేత, బాలుర, బాలికల ఐటీఐ ప్రిన్సిపాల్‌లు యాదగిరి, విద్యాసాగర్‌, జర్మనీ భాషా బోధకుడు ధీరజ్‌, స్థానిక కార్పొరేటర్‌ జగదీశ్‌ కులకర్ణి తదితరులు పాల్గొన్నారు.

నందిపేట్‌(ఆర్మూర్‌): తల్వేద గ్రామానికి నిజామాబాద్‌ డిపోకు చెందిన ఆర్‌టీసీ బస్సును గురువారం గ్రామ సర్పంచు గడిచంద హరిత ప్రారంభించారు. కొన్ని రోజులుగా తల్వేద గ్రామానికి ఆర్‌టీసీ బస్సు రాకపోవడంతో ప్రజలు ఇబ్బందులకు గురయ్యారు. దీంతో గ్రామ సర్పంచుతో పాటు గ్రామస్తులు జిల్లా కేంద్రంలో ప్రజావాణితో పాటు ఆర్‌టీసీ అధికారులకు తల్వేద గ్రామానికి బస్సును పున:ప్రారంభించాలని కోరుతూ వినతి పత్రాలు అందజేశారు. స్పందించిన అఽధికారులు ఉదయం, సాయంత్రం రెండు టిప్రులతో బస్సును ప్రారంభించడానికి అంగీకరిచారు. ఉదయం 10:10 గంటలకు, సాయంత్రం 7:10 గంటలకు తల్వేద గ్రామంలో బస్సు అందుబాటులో ఉంటుందన్నారు. ఉప సర్పంచు గడిచంద శ్రీకాంత్‌, గ్రామస్తులు పాల్గొన్నారు.

బోధన్‌: తెలంగాణ రాష్ట్ర స్వర్ణకార సంఘం నేతృత్వంలో ఈ నెల 24న హైదరాబాద్‌లోని సరూర్‌నగర్‌ గ్రౌండ్‌లో స్వర్ణకార శంఖారావం పేరుతో నిర్వహించనున్న భారీ బహిరంగ సభకు సంబంధించిన వాల్‌పోస్టర్లను గురువారం బోధన్‌ పట్టణంలో జిల్లా, పట్టణ ప్రతినిధులు ఆవిష్కరించారు. అనంతరం వారు మాట్లాడుతూ..స్వర్ణకారులకు ప్రత్యేక కార్పొరేషన్‌ ఏర్పాటు చేసి వెంటనే పాలక మండలిని నియమించాలని కోరారు. 50 ఏళ్లు దాటిన స్వర్ణకార వృత్తిదారులకు నెలకు రూ.5 వేల పెన్షన్‌ ఇవ్వాలనే ప్రధాన డిమాండ్లతో బహిరంగ సభ తలపెట్టామని పేర్కొన్నారు. నాయకులు తొంగిల్లపల్లి శ్రీనివాస్‌, బందనకంటి నరసింహాచారి, మారోజు సుధాకర్‌ చారి, అశోక్‌చారి, బొప్పాపురం హనాండ్లు చారి, ప్రతినిధులు పాల్గొన్నారు.

బోధన్‌/బోధన్‌టౌన్‌: ఇటీవల ఎన్నికై న ఇండియన్‌ రెడ్‌ క్రాస్‌ సొసై టీ జిల్లా నూతన కమిటీ సభ్యులను గురువారం పట్ట ణ కేంద్రంలోని టీటీడీ కల్యాణ మండపంలో స్థానిక ఏకచక్ర సేవా సమితి ఆధ్వర్యంలో సన్మానం నిర్వహించారు. రెడ్‌క్రాస్‌ సొసైటీ చైర్మన్‌ పోతన్‌కర్‌ లక్ష్మీనారాయణ,కోశాధికారి కెంపుల నాగరాజు, సభ్యులు కొండా సత్యప్రసాద్‌, యెండల సుధాకర్‌, పద్మసుభాశ్‌, బాలాజీలను సన్మానించారు. హిందూ వాహిని ప్రాంత సంఘటన మంత్రి యాదిరెడ్డి, బోధన్‌ ఏకచక్ర సేవా సమితి అధ్యక్షుడు అంకు మహేశ్‌, గౌరవ అధ్యక్షుడు వై.శ్రీనివాస్‌రావు, సలహాదారులు ప్రవీణ్‌ మహారాజ్‌, సభ్యులు లక్ష్మణ్‌ పటేల్‌, శ్రీనివాస్‌, రవిగౌడ్‌, రవీందర్‌ రెడ్డి, ఆనంద్‌ తదితరులున్నారు.

పెర్కిట్‌(ఆర్మూర్‌): వ్యవసాయ రంగంలో మహిళల పాత్ర కీలకమని ఆర్మూర్‌ ఏడీఏ విజయలక్ష్మి అన్నారు. ఆర్మూర్‌ మండలం పిప్రిలో గురువారం మహిళా కిసాన్‌ దివాస్‌ కార్యక్రమం నిర్వహించారు. ఈ సందర్భంగా ఏడీఏ మాట్లాడుతూ వ్యవసాయంలో విత్తనాలు నాటడడం మొదలుకుని, కలుపు తీయడం, పంటల సంరక్షణ, కోతల వరకు మహిళలు కీలకంగా వ్యవహరిస్తున్నారన్నారు. మహిళా రైతులకు ఆధునిక వ్యవసాయ పద్దతులపై అవగాహన కల్పించి వారి ఆర్థిక స్వావలంభనకు ప్రభుత్వాలు కృషి చేస్తున్నట్లు తెలిపారు. మహిళా రైతులు శారద, గంగామణిలను సన్మానించారు. ఏవో హరికృష్ణ , సర్పంచ్‌ కిరణ్‌, ఉప సర్పంచ్‌ శ్రీనివాస్‌, ఏఈవోలు నిషికాంత్‌, రమ్య, గంగాజల, ఆత్మ బీటీఎం అనూష, ఏపీఎం భూమేష్‌ పాల్గొన్నారు.

● డీఆర్డీవో సాయన్న వర్ని: వీబీజీ రామ్‌జీ పనులలో అవినీతికి పాల్పడితే రికవరీతో పాటు జైలుకు వెళ్లాల్సి వస్తుందని డీఆర్డీవో సాయన్న హెచ్చరించారు. గురువారం మోస్రా మండల కేంద్రంలో వీబీజీ రామ్‌జీ పనులపై సామాజిక తనిఖీ నిర్వహించారు. ఎల్‌నినో వల్ల ఏర్పడిన కరువు పరిస్థితులను అధిగమించటానికి కూలీలకు పనులు కల్పించాలని, పనుల విషయంలో నిర్లక్ష్యంగా వ్యవహరించరాదని సూచించారు. గ్రామాల్లో పనుల వివరాలను సోషల్‌ ఆడిట్‌ టీం అధికారులకు వివరించారు. ఎంపీడీవో సాయికుమార్‌,ఏపీవోలు,జీపీ కార్యదర్శులు పాల్గొన్నారు. వేల్పూర్‌: రామన్నపేట్‌లో ముగ్గురు లబ్ధిదారులకు మంజూరైన ఇందిరమ్మ ఇళ్ల మంజూరు పత్రాలను ప్రజాప్రతినిధులు, స్థానిక కాంగ్రెస్‌ నాయకులు గురువారం అందజేశారు. సర్పంచ్‌ బేల్దారి నవీన్‌, గ్రామ శాఖ కాంగ్రెస్‌ అధ్యక్షుడు శ్రీనివాస్‌గౌడ్‌, నాయకులు శోభన్‌రెడ్డి, రుణాల చిన్నయ్య, భూమేశ్వర్‌రెడ్డి, యూత్‌ కాంగ్రెస్‌ అధ్యక్షుడు నితిన్‌, మహిపాల్‌రెడ్డి, గుమ్ముల భూమేశ్వర్‌, గుమ్ముల మహేందర్‌, గిరీష్‌ పాల్గొన్నారు. రెంజల్‌: కళ్యాపూర్‌లో నూతన గ్రామ పంచాయతీ భవన నిర్మాణ పనులకు గురువారం స్థానిక సర్పంచ్‌ రెమ్మ భానుచందర్‌ భూమిపూజ నిర్వహించారు. వీబీ జీ రాంజీ పథకం నుంచి రూ. 20 లక్షలు మంజూరైనట్లు సర్పంచ్‌ పేర్కొన్నారు. ఉప సర్పంచ్‌ శ్రీకాంత్‌, గ్రామ పెద్దలు కాశం సాయిలు, జల్లయ్య, ఒడ్డెక్క మోహన్‌, సాయినాథ్‌, లింగం, కిన్నెర మోహన్‌, గంగాధర్‌, వార్డు సభ్యులు పాల్గోన్నారు. కమ్మర్‌పల్లి(మోర్తాడ్‌): ఏర్గట్ల మండలం తడపాకల్‌, గుమ్మిర్యాల్‌, దోంచంద గ్రామాల పరిధిలోని గోదావరి నది వద్ద అదనంగా పుష్కర ఘాట్‌లను ఏర్పాటు చేయాలని జిల్లా ఇన్‌చార్జి మంత్రి, రాష్ట్ర పంచాయతీరాజ్‌ శాఖ మంత్రి ధనసరి అనసూయ(సీతక్క)కు ఏర్గట్ల మండలంలోని కాంగ్రెస్‌ నాయకులు, సర్పంచ్‌లు విన్నవించారు. గురువారం కాంగ్రెస్‌ నియోజకవర్గ ఇన్‌చార్జి ముత్యాల సునీల్‌కుమార్‌ ఆధ్వర్యంలో కాంగ్రెస్‌ మండలాధ్యక్షుడు శివనోళ్ల శివకుమార్‌, తొర్తి, గుమ్మిర్యాల్‌, తడపాకల్‌ సర్పంచ్‌లు కౌడ భూమేశ్వర్‌, సంజీవ్‌యాదవ్‌, జింక అనిల్‌ యాదవ్‌లు హైదరాబాద్‌ సెక్రటేరియట్‌లో మంత్రి సీతక్కను కలిశారు. ఈమేరకు వినతి పత్రం అందజేశారు.

ఆర్మూర్‌: సీఈసీ జ్ఞానేశ్‌ కుమార్‌ రాజీనామా చేయాలని పీడీఎస్‌యూ ఆర్మూర్‌ ఏరియా అధ్యక్షుడు డి.నిఖిల్‌ డిమాండ్‌ చేశారు. గురువారం ఆర్మూర్‌ పట్టణంలో ఆయన మాట్లాడుతూ.. శాంతియుత పద్ధతిలో ఢిల్లీలో నిరసన చేస్తున్న విద్యార్థి, యువతపై మోదీ ప్రభుత్వ తీరు దుర్మార్గమని అన్నారు. తొలగించిన ఓట్లను పునరుద్ధరించి, ఢిల్లీ నగర వీధులలో విధించిన ఆంక్షలు తొలగించి, రద్దు చేసిన రైళ్లను పునరుద్ధరించాలని డిమాండ్‌ చేశారు. దుర్గాప్రసాద్‌, రాజు, సిద్ధార్థ్‌ పాల్గొన్నారు. పీడీఎస్‌యూ, పీవైఎల్‌ జిల్లా నాయకుల అరెస్ట్‌ బోధన్‌: సీఈసీ జ్ఞానేశ్‌కుమార్‌ రాజీనామా చేయాలని, సర్‌ ప్రక్రియ రద్దు చేసి, అక్రమంగా తొలగించిన ఓట్లను మళ్లీ పునరుద్దరించాలని ప్రధాన డిమాండ్‌తో గురువారం హైదరాబాద్‌లోని రాష్ట్ర ఎన్నికల కార్యాలయం ఎదుట పీడీఎస్‌యూ, పీవైఎల్‌ రాష్ట్ర కమిటీ ఆధ్వర్యంలో ధర్నా చేపట్టారు.ఈ ధర్నాలో పాల్గొన్న బోధన్‌కు చెందిన పీడీఎస్‌యూ జిల్లా అధ్యక్షుడు ఆర్‌.గౌతం కుమార్‌తో పాటు పలువురు నాయకులను పోలీసులు అరెస్ట్‌ చేశారు.

బోధన్‌: ఎడపల్లి మండలంలోని జానకంపేట జెడ్పీహెచ్‌ఎస్‌లో గ్రోమోర్‌ గ్రామం కార్యక్రమంలో భాగంగా కోరమాండల్‌ ఇంటర్నేషనల్‌ సంస్థ విద్యార్థులకు స్వచ్ఛమైన తాగునీరు అందించే లక్ష్యంతో ఉచిత వాటర్‌ ప్యూరిఫయర్‌ ప్లాంట్‌ను ఏర్పాటు చేసింది. గురువారం పాఠశాల ప్రాంగణంలో కోరమాండల్‌ సంస్థ రాష్ట్ర సీనియర్‌ ఆఫీసర్‌ ఏవీపీ భాస్కర్‌ రెడ్డి, గ్రామ ప్రజాప్రతినిధులతో కలిసి ప్లాంట్‌ను ప్రారంభించారు. పదో తరగతి వార్షిక ఫలితాల్లో ప్రథమ, ద్వితీయ స్థానాలు సాధించే విద్యార్థులకు ఆర్థిక సహాయం కూడా అందిస్తామని సంస్థల డీలర్‌ తెలిపారు. కోరమాండల్‌ సంస్థ జోనల్‌ మేనేజర్‌ సజన కుమార్‌, సర్పంచ్‌ సుంచనకోట అనురాధ, ఉపసర్పంచ్‌ నీలం కృష్ణ, పాఠశాల హెచ్‌ఎం జోన్స్‌, గ్రామ పెద్దలు పాల్గొన్నారు.

పెర్కిట్‌(ఆర్మూర్‌): క్రీడల అభివృద్ధిలో రిఫరీల పాత్ర కీలకమని క్షత్రియ విద్యా సంస్థల చైర్మన్‌ అల్జాపూర్‌ శ్రీనివాస్‌ అన్నారు. ఆర్మూర్‌ మండలం చేపూర్‌లో నిర్వహించిన హ్యాండ్‌ బాల్‌ రిఫరీ క్లినిక్‌ ముగింపు కార్యక్రమం గురువారం నిర్వహించారు. కార్యక్రమానికి అల్జాపూర్‌ శ్రీనివాస్‌ ముఖ్య అతిథిగా హాజరై మాట్లాడుతూ.. రిఫరీలకు శిక్షణనివ్వడం ద్వారా క్రీడలను మరింత సమర్ధవంతంగా నిర్వహించవచ్చన్నారు. అనంతరం పరీక్షల్లో ప్రతిభ కనబరించిన రిఫరీలకు ప్రశంసా పత్రాలను అందజేశారు. తెలంగాణ రాష్ట్ర హ్యాండ్‌బాల్‌ అసోసియేషన్‌ ప్రధాన కార్యదర్శి శ్యామల పవన్‌ కుమార్‌, అసోసియేషన్‌ జిల్లా చైర్మన్‌ అల్జాపూర్‌ దేవేందర్‌, అధ్యక్షుడు గంగామోహన్‌ చక్రు, ప్రధాన కార్యదర్శి విద్యాసాగర్‌ రెడ్డి, కోశాధికారి గటడి రాజేష్‌, సునీత, శ్యామ్‌, నగేష్‌, తదితరులు పాల్గొన్నారు.

అందని తడి..సాక్షి ప్రతినిధి, నిజామాబాద్‌ : ఈసారి ఎల్‌నినో ప్ర భావం రైతులను నిండా ముంచింది. జిల్లాలో శ్రీ రాంసాగర్‌ ప్రాజెక్ట్‌ చెంతనే ఉన్న సమీప మండలా లు, గ్రామాల్లోనూ కరవుచాయలు కనిపిస్తుండడం పరిస్థితికి అద్దం పడుతోంది. చివరి దశలో శ్రీరాంసాగర్‌ ప్రాజెక్ట్‌ నీరు ఆదుకుంటుందని ఆశించిన రై తులకు నిరాశే మిగిలింది. వర్షాలు లేక, ప్రాజెక్ట్‌ నీరు అందక పంటలు ఎండిపోయాయి. తీరా పంటలు ఎండిన తర్వాత ఈనెల 10 నుంచి ప్రభుత్వం శ్రీరాంసాగర్‌ ప్రాజెక్ట్‌ నుంచి నీటి విడుదల చేయ డంపై రైతులు పెదవి విరుస్తున్నారు. నీటి విడుదల విషయంలో ప్రభుత్వం సకాలంలో నిర్ణయం తీసు కోకపోవడంతో తామంతా తీవ్రంగా నష్టపోయా మని రైతులు ఆవేదన వ్యక్తం చేస్తున్నారు. అదను దాటాక నీటి విడుదల.. ఈసారి శ్రీరాంసాగర్‌ ప్రాజెక్ట్‌లోకి వరద ప్రవాహం తక్కువగా ఉండటంతో ఆశించిన స్థాయిలో ప్రాజెక్టు నిండలేదు. ఆయకట్టు పరిధిలోని రైతులు బోర్లు, భూగర్భజలాల ఆధారంగా పంటలను సాగుచేసినా చివరి దశలో ప్రాజెక్ట్‌ నీరు అందుతుందని భావించారు. ఆగస్టు చివరి నాటికి ప్రాజెక్ట్‌లో నీటినిల్వ 46 టీఎంసీలకు చేరుకోవడంతో రైతుల్లో ఆశలు నెలకొన్నాయి. వర్షాభావ పరిస్థితులతో పాటు కరెంట్‌ కోతలతో పంటలకు నీరందే పరిస్థితి లేకపోవడంతో ప్రాజెక్ట్‌ నీటి విడుదల కోసం నిరీక్షించారు. అయితే సరైన సమయంలో ప్రాజెక్ట్‌ నీటి విడుదలపై ప్రభుత్వం నిర్ణయం తీసుకోకపోవడంతో తీవ్ర నష్టం జరిగిందని రైతులు అంటున్నారు. పంటలు చేజారక ఈనెల 10 నుంచి శ్రీరాంసాగర్‌ ప్రాజెక్ట్‌ మెయిన్‌ కెనాల్‌ ద్వారా అధికారులు నీటిని విడుదల చేశారు. కాకతీయ కాల్వ నుంచి నిత్యం 6,500 క్యూసెక్కుల నీటి విడుదల కొనసాగుతోంది. తాజాగా వరద కాల్వ ద్వారా సైతం మరో 4,500 క్యూసెక్కుల నీటిని అధికారులు విడుదల చేశారు. ఆగస్టు, సెప్టెంబర్‌ నెలలో నీటిని విడుదల చేస్తారని భావించగా, పంటలు ఎండిన తర్వాత ప్రాజెక్ట్‌ నీటి విడుదలపై రైతుల నుంచి విమర్శలు వ్యక్తమవుతున్నాయి.ఇతర జిల్లాలకే ప్రయోజనం.. జిల్లా రైతులకు నష్టంజిల్లాలో ఈసారి వానాకాలం సీజన్‌లో మొత్తం 4.30 లక్షల ఎకరాల్లో రైతులు వరి సాగు చేశారు. రాష్ట్రంలోనే ముందస్తుగా జిల్లాలో పంట చేతికొస్తుంది. ఇప్పటికే వర్ని, ఎడపల్లి, మోస్రా, నందిపేట్‌ తదితర మండలాల్లో వరికోతలు చాలావరకు పూర్తయ్యాయి. మిగతా మండలాల్లోనూ వరికోతలు మొదలయ్యాయి. చివరి దశలో పంటలను కాపాడుకునేందుకు ప్రాజెక్ట్‌ నీరు ఆసరా అవుతుందని భావించగా జిల్లా రైతులకు నిరాశే మిగిలింది. పంటలు ఎండిపోయిన తర్వాత నీటి విడుదలతో జిల్లా రైతులకు ప్రయోజనం లేదని రైతులు చెబుతున్నారు. పక్కనే ప్రాజెక్ట్‌ ఉన్నా చుక్క నీరు అందక తీవ్రంగా నష్టపోయామని ఆవేదన వ్యక్తం చేస్తున్నారు. తాజాగా ప్రాజెక్ట్‌ నుంచి నీటి విడుదలతో జగిత్యాల, కరీంనగర్‌, పెద్దపల్లి తదితర ఇతర జిల్లాలకే నీటి సరఫరా అవుతోందని, జిల్లాలోని తమకు ప్రయోజనం దక్కలేదని రైతులు వాపోతున్నారు. శ్రీరాంసాగర్‌ ప్రాజెక్ట్‌ సమీపంలోనే ఎండిన వరిపైరు మెండోరా మండలం సావెల్‌లో తడి అందక చేతికందని పంటలు పంటలు నష్టపోయాక ఆలస్యంగా నీటి విడుదల పరిస్థితి చేజారిపోయిందని రైతుల ఆందోళన

మోపాల్‌ : మారుమూల గిరిజన ప్రాంతాలకు సైతం మిషన్‌ భగిరథ ద్వారా రక్షిత మంచినీటిని సరఫరా చేసేలా చర్యలు తీసుకుంటున్నామని కలెక్టర్‌ ఇలా త్రిపాఠి తెలిపారు. మండలంలోని అమ్రాబాద్‌ తండాను కలెక్టర్‌ గురువారం సందర్శించారు. మంచిప్ప రిజర్వాయర్‌ నిర్మాణంలో పలు తండాలు ముంపునకు గురయ్యే అవకాశం ఉండటంతో అమ్రాబాద్‌ తండా సహా సుమారు 11 నివాస ప్రాంతాలకు మిషన్‌ భగీరథ పైప్‌లైన్‌లు ఏర్పాటు చేయలేదు. దీంతో ప్రస్తుతం ఆ ప్రాంతాలకు మిషన్‌ భగీరథ జలాలు అందించేందుకు వీలుగా అనువైన పరిస్థితులను పరిశీలించేందుకు కలెక్టర్‌ క్షేత్రస్థాయి సందర్శన చేపట్టారు. తాగునీటి కోసం ఇబ్బందులు ఎదుర్కొంటున్నామని, పూర్తిగా బోరుబావులపైనే ఆధారపడి జీవనం వెళ్లదీస్తున్నామని స్థానిక గిరిజనులు కలెక్టర్‌కు తెలిపారు. దీంతో మిషన్‌ భగీరథ నీటి సరఫరా కోసం సమగ్ర ప్రతిపాదనలు సిద్ధం చేయాలని కలెక్టర్‌ సంబంధిత అధికారులను ఆదేశించారు. అనుకూలమైన ప్రదేశంలో ఓవర్‌ హెడ్‌ వాటర్‌ ట్యాంక్‌ నిర్మించాలని సూచించారు. నిర్దేశిత ప్రాంతాలకు తాగునీటి సరఫరాను అందుబాటులోకి తెచ్చి జల్‌ జీవన్‌ మిషన్‌ కింద కవర్‌ అయ్యేలా చూడాలన్నారు. కాగా ఎల్‌నినో ప్రభావం వల్ల ఆశించిన రీతిలో వర్షాలు కురవక నీటి నిల్వలు అంతంతమాత్రంగానే అందుబాటులో ఉన్నాయని, భూగర్భ జలమట్టంసైతం దిగువకు పడిపోయినందున ఖరీఫ్‌లో ఆరుతడి పంటలే సాగు చేయాలని స్థానిక రైతులకు కలెక్టర్‌ సూచించారు. వరికి బదులుగా తక్కువ నీటితో సాగయ్యే పప్పుదినుసులు, మొక్కజొన్న, జొన్న వంటి పంటలను సాగు చేయాలన్నారు. కలెక్టర్‌ వెంట ఆర్డీవో రాజేంద్రకుమార్‌, మిషన్‌ భగీరథ ఈఈ రాకేశ్‌, తహసీల్దార్‌ రేఖ, సర్పంచ్‌ ప్రియాంక ప్రేమ్‌, నాయకులు రవి, మండల అధికారులు, తదితరులు ఉన్నారు. మంచి నీటి సరఫరాకు చర్యలు చేపట్టాలి అధికారులకు కలెక్టర్‌ ఇలా త్రిపాఠి ఆదేశం అమ్రాబాద్‌ తండాను సందర్శించిన పాలనాధికారిణి

కమ్మర్‌పల్లి: మండలంలోని ఉప్లూర్‌లో ఈ నె ల 17, 18 తేదీల్లో నిజామాబాద్‌, కామారెడ్డి, జగిత్యాల జిల్లాల స్థాయి ఇన్విటేషన్‌ వాలీ బాల్‌ చాంపియన్స్‌ ట్రోఫీని నిర్వహించనున్నారు. స్థానిక జెడ్పీహెచ్‌ఎస్‌లో సరసం గంగారెడ్డి చారిటబుల్‌ ట్రస్ట్‌, ఉప్లూర్‌ వాలీబాల్‌ అసోసియేషన్‌, యూత్స్‌ అసోసియేషన్‌ ఆ ధ్వర్యంలో నిర్వహించనున్న పోటీల్లో మూ డు జిల్లాల జట్లు పాల్గొంటాయని నిర్వాహకులు తెలిపారు. ఎలాంటి ఎంట్రీ ఫీజు లేదని, పోటీల్లో విజేత జట్టుకు రూ. 11,111, ర న్నర్‌ జట్టుకు రూ.6,666, తృతీయ స్థానంలో నిలిచిన జట్టుకు రూ.3,333 నగదు బ హుమతులు అందజేస్తామన్నారు. ధ్రువపత్రాలు అందుబాటులో ఉంచుకోవాలి వర్ని : భూభారతికి సంబంధించి భూముల సర్వే ధ్రువపత్రాలను రైతులు సిద్ధంగా ఉంచుకోవాలని జిల్లా డిప్యూటీ రెవెన్యూ ఇన్‌స్పెక్టర్‌ శశికాంత్‌ సూచించారు. భూభారతి భూముల రీ సర్వేపై చందూర్‌ మండలం కారేగాం తండాలో గురువారం అవగాహన సదస్సు నిర్వహించారు. రైతులు భూములకు సంబంధించిన అన్ని పత్రాలను అందుబాటులో ఉంచుకొని అధికారులకు సహకరించాలని సూచించారు. సర్పంచ్‌ రమావత్‌ లాల్‌సింగ్‌, తహసీల్దార్‌ వీర్‌సింగ్‌, ఆర్‌ఐ భాస్కర్‌, అధికారులు దత్తు, శేఖర్‌, ఫాతిమా, మోహన్‌ పాల్గొన్నారు. జీజీహెచ్‌కు వైద్య పరికరాల అందజేత నిజామాబాద్‌ అర్బన్‌: జిల్లా కేంద్రంలోని ప్రభుత్వ జనరల్‌ ఆస్పత్రికి ఇండియన్‌ ఆయిల్‌ కార్పొరేషన్‌ రూ.65 లక్షల విలువైన వైద్య పరికరాలను అందజేసింది. సీఎస్‌ఆర్‌ (కార్పొరేట్‌ సోషల్‌ రెస్పాన్సిబిలిటీ)లో భాగంగా ఐవోసీ అందజేసిన ఆర్థోపెడిక్‌ విభాగం వైద్య పరికరాలను మెడికల్‌ కళాశాల, జీజీహెచ్‌ వైద్యాధికారులు శ్రీనివాస్‌, జలగం తిరుపతిరావు గురువారం ప్రారంభించారు. మెడికల్‌ కళాశాల ప్రిన్సిపాల్‌ కృష్ణమోహన్‌, జీజీహెచ్‌ సూపరింటెండెంట్‌ రాములు తదితరులు పాల్గొన్నారు. రైతు సమస్యలను వెంటనే పరిష్కరించాలి నిజామాబాద్‌ అర్బన్‌ : రైతు సమస్యలను వెంటనే పరిష్కరించాలని నిజామాబాద్‌ అర్బన్‌ మాజీ ఎమ్మెల్యే బిగాల గణేశ్‌గుప్తా గురువారం ఒక ప్రకటనలో డిమాండ్‌ చేశారు. కాంగ్రెస్‌ ప్రభుత్వం నిర్లక్ష్యం కారణంగా రైతులు అనేక ఇబ్బందులు ఎదుర్కొంటున్నారని, సాగునీరందక పంటలు ఎండిపోయే పరిస్థితి నెలకొందని ఆవేదన వ్యక్తం చేశారు. ప్రభుత్వం తక్షణమే స్పందించి రైతులకు సాగునీరందించడంతోపాటు నిరంతరాయంగా విద్యుత్‌ సరఫరా చేయాలని పేర్కొన్నారు. సమయానికి పంట పెట్టుబడి అందక, యూరియా లభించక, విద్యుత్‌ సరఫరాలో అంతరాయం కారణంగా రైతులు తీవ్ర ఇబ్బందులు పడుతున్నారన్నారు.

పెర్కిట్‌(ఆర్మూర్‌): బాల కార్మిక వ్యవస్థ నిర్మూలనకు ప్రతి ఒక్కరూ కృషి చేయాలని ఆర్మూర్‌ ఎంఈవో రవీందర్‌ సూచించారు. ఆర్మూర్‌ మండలం కోమన్‌పల్లిలో గురువారం డ్రీమ్‌ స్వచ్ఛంద సంస్థ ఆధ్వర్యంలో బాల కార్మిక వ్యవస్థ నిర్మూలనపై అవగాహన సదస్సు నిర్వహించారు. ఎంఈవో ముఖ్య అతిథిగా హాజరై మాట్లాడారు.. ఎక్కడైనా బాలలు పనుల్లో కనపడితే అధికారుల దృష్టికి తీసుకురావాలని సూచించారు. డ్రీమ్‌ స్వచ్ఛంద సంస్థ సీఈవో కృష్ణా రెడ్డి మాట్లాడుతూ.. బడి బయట ఉన్న పిల్లలను గుర్తించి బడిలో చేర్పించడమే సంస్థ లక్ష్యమన్నారు. ఆర్మూర్‌ మండల సర్పంచ్‌ల ఫోరం అధ్యక్షుడు సారంగి శాంతి కుమార్‌, సర్పంచ్‌ కావ్య ప్రవీణ్‌ గౌడ్‌, సంస్థ ప్రతినిధి రంజిత్‌ ప్రకాశ్‌, ఏవో హరికృష్ణ, శ్రీశైలం, నవీన్‌ రాజు పాల్గొన్నారు.

నిజామాబాద్‌ అర్బన్‌: జిల్లా కేంద్రంలో ప్రభుత్వ భూముల ఆక్రమణలపై రెవెన్యూ అధికారులు చర్యలు చేపట్టారు. కలెక్టర్‌ ఇలా త్రిపాఠి ఆదేశాల మేరకు నగరంలోని ముజాహిద్‌ నగర్‌ ప్రాంతంలో 2545 సర్వే నంబర్‌లో 18 ఎకరాల ప్రభుత్వ భూమి ఉండగా, అందులో 13 గుంటల భూమి కబ్జాకు గురైనట్లు గుర్తించారు. కలెక్టర్‌ ఆదేశాల మేరకు రెవెన్యూ అధికారులు గురువారం కబ్జాకు గురైన ప్రాంతాన్ని సందర్శించారు. సర్వే నిర్వహించి 13 గుంటల ప్రభుత్వ భూమి కబ్జా అయినట్లు నిర్ధారించారు. ఈ మేరకు రెవెన్యూ, నగర పాలకసంస్థ అధికారుల సమక్షంలో జేసీబీల సహాయంతో ఆక్రమణలను కూల్చివేశారు. ఉపేక్షించేది లేదు.. ప్రభుత్వ భూముల కబ్జాలను ఉపేక్షింబోమని కలెక్టర్‌ ఇలాత్రిపాఠి స్పష్టం చేశారు. ప్రభుత్వ స్థలాల ఆక్రమణలకు పాల్పడే వారిపై కఠిన చర్యలు తీసుకుంటామని హెచ్చరించారు. ప్రభుత్వ భూములు అన్యాక్రాంతం కాకుండా పకడ్బందీ చర్యలు తీసుకోవాలని అధికారులను ఆదేశించారు. ప్రభుత్వ స్థలాల పరిరక్షణ కోసం ఫెన్సింగ్‌ ఏర్పాటు చేయాలని, ఎక్కడైనా కబ్జాలు జరిగినట్లు గుర్తిస్తే తక్షణమే ఆక్రమణలను తొలగించి బాధ్యులపై చట్టపరమైన చర్యలు తీసుకోవాలని కలెక్టర్‌ అధికారులకు సూచించారు.

● బోధన్‌లో వెలుగు చూసిన ఘటన ● 900 లీటర్ల కల్తీ నూనె స్వాధీనంబోధన్‌టౌన్‌(బోధన్‌): పశువుల ఎముకలతో నూనె తయారు చేస్తున్న ఘటన బోధన్‌ పట్టణంలో బుధవారం వెలుగు చూసింది. విశ్వసనీయ సమాచారం మేరకు పట్టణంలోని గాంధీనగర్‌ కాలనీలో ఓ ఇంటిపై చీతా టీముతోపాటు స్థానిక పోలీసులు దాడి చేశారు. పశువుల కొవ్వుతోపాటు ఎముకలు, తోళ్లతో నూనె తయారు చేసి మహారాష్ట్రకు తరలిస్తున్నట్లు గుర్తించారు. 900 లీటర్ల కల్తీ నూనెను స్వాధీనం చేసుకుని, మహ్మద్‌ నఫీఉద్దీన్‌, మహ్మద్‌ సోఫిఉద్దీన్‌ అనే వ్యక్తులను అదుపులోకి తీసుకున్నట్లు చీతా టీమ్‌ ఎస్సై శ్రీను, స్థానిక ఎస్సై రామ్‌ తెలిపారు. బాధ్యులపై కేసు నమోదు చేసి దర్యాప్తు చేస్తున్నామన్నారు.

వర్ని: పేద, బడుగు, బలహీన వర్గాల కోసం మండల కేంద్రంలో ఏర్పాటు చేసిన 30 పడకల ఆస్పత్రిని సద్వినియోగం చేసుకోవాలని ప్రభుత్వ సలహాదారు, బాన్సువాడ ఎమ్మెల్యే పోచారం శ్రీనివాస్‌రెడ్డి సూచించారు. రూ.20 కోట్లతో వర్ని మండల కేంద్రంలో నిర్మించిన 30 పడకల ఆస్పత్రిని పోచారం బుధవారం ప్రారంభించారు. సాధారణ చికిత్సతోపాటు డయాలసిస్‌ కేంద్రం కూడా ఏర్పాటు చేయడం జరిగిందని, ప్రైవేట్‌ ఆస్పత్రులకు వెళ్లకుండా స్థానికంగా అందుతున్న వైద్య సేవలను వినియోగించుకోవాలని పోచారం అన్నారు. ఆస్పత్రి సూపరింటెండెంట్‌ శ్రీనివాస్‌, ఆగ్రో ఇండస్ట్రీస్‌ మాజీ చైర్మన్‌ బాలరాజు, మార్కెట్‌ కమిటీ చైర్మన్‌ సురేశ్‌బాబా, నాయకులు గోపాల్‌, వీర్రాజు తదితరులు పాల్గొన్నారు.

డొంకేశ్వర్‌(ఆర్మూర్‌): ఎల్‌నినో ప్రభావం నేపథ్యంలో గ్రామీణ ప్రాంతాల్లోని పేద, సామాన్య ప్రజలు ఉపాధి కోసం ఇతర ప్రాంతాలకు వలస వెళ్లకుండా జిల్లా యంత్రాంగం ముందస్తు చర్యలు చేపట్టింది. కూలీలకు గ్రామాల్లో ఉపాధి కల్పించడమే ధ్యేయంగా వీబీజీ రామ్‌జీ (ఉపాధిహామీ) పథకం పనులను ముమ్మరంగా నిర్వహిస్తున్నారు. ఇప్పటికే డిచ్‌పల్లి, సిరికొండ, భీమ్‌గల్‌, ఇందల్వాయి, మోపాల్‌, నందిపేట్‌, మాక్లూర్‌, ఎడపల్లి, జక్రాన్‌పల్లి, ఆలూర్‌, ధర్పల్లి లాంటి మండలాల్లో కూలీలు భారీ సంఖ్యలో పనులకు వస్తున్నారు. మిగతా మండలాల్లో కూడా కూలీల సంఖ్యను మరింత పెంచేందుకు గ్రామీణాభివృద్ధి శాఖ అధికారులు ప్రత్యేక కార్యాచరణతో ముందుకు సాగుతున్నారు. జీపీకి 40 నుంచి 60 మందికి తగ్గకుండా.. జిల్లాలోని ప్రతి గ్రామ పంచాయతీ పరిధిలో కనీసం 40 నుంచి 60 మందికి తగ్గకుండా కూలీలకు కచ్చితంగా పనులు కల్పించాలని జిల్లా గ్రామీణాభివృద్ధి అధికారి సాయన్న కింది స్థాయి సిబ్బందికి స్పష్టమైన ఆదేశాలు జారీ చేశారు. క్షేత్రస్థాయిలో అధికారులు తీసుకుంటున్న ప్రత్యేక చొరవ కారణంగా జిల్లాలో గతేడాది ఇదే సమయంతో పోలిస్తే ప్రస్తుతం ఉపాధి పనులకు వచ్చే కూలీల సంఖ్య 10 రెట్లు పెరిగింది. ప్రస్తుతం గ్రామాల్లో కాలువల (కెనాల్స్‌) వెంట పూడికతీత పనులు, నీటి సంరక్షణ (వాటర్‌ హార్వెస్టింగ్‌) నిర్మాణాలు, వ్యవసాయ భూముల్లో పంట కుంటలు (ఫాం పాండ్స్‌), చెరువుల్లో చేపల కుంటల (ఫిష్‌ పాండ్స్‌) ఏర్పాటు వంటి పనులను కూలీలతో వేగంగా చేయిస్తున్నారు. పనికి వచ్చిన కూలీలకు రోజుకు రూ.300 వరకు కూలి లభిస్తోంది. ఎల్‌నినో వేళ.. వలసలను నివారించేందుకు పనులు గతేడాదితో పోలిస్తే పది రెట్లు పెరిగిన కూలీల సంఖ్య ఊరికి 50మందికి తగ్గకుండా చూడాలని డీఆర్డీవో ఆదేశాలు జిల్లాలో యాక్టివ్‌ జాబ్‌ కార్డులు 1.49లక్షలు యాక్టివ్‌ కూలీలు 2.21లక్షలు పనులు జరుగుతున్న జీపీలు 529 ప్రస్తుతం పనులకు వస్తున్న వారు 11వేల పైచిలుకు లక్ష్యం దిశగా అడుగులు ఈ ఆర్థిక సంవత్సరానికి గాను జిల్లాలో మొత్తం 51 లక్షల పనిదినాలు కల్పించాలని అధికారులు లక్ష్యంగా పెట్టుకున్నారు. ఇందులో భాగంగా ఇప్పటివరకు 35.08 లక్షల పనిదినాలను కూలీలకు విజయవంతంగా కల్పించారు. ఎల్‌నినో ప్రభావ తీవ్రతను దృష్టిలో ఉంచుకుని, రానున్న రెండు మూడు నెలల్లో కూలీల సంఖ్యను మరింత పెంచి, వలసలను పూర్తిగా నివారించేలా మరిన్ని పనులు కల్పించేందుకు అధికారులు ప్రణాళికలు సిద్ధం చేస్తున్నారు.

● టీజీఎన్‌పీడీసీఎల్‌ డైరెక్టర్‌ (ఆపరేషన్స్‌) మధుసూదన్‌ ● జిల్లాలోని పలు సబ్‌స్టేషన్‌ల పరిశీలన డిచ్‌పల్లి(నిజామాబాద్‌రూరల్‌): విద్యుత్‌ వ్యవస్థలో సమస్యలను ముందుగానే గుర్తించి, వినియోగదారులకు నాణ్యమైన, నిరంతర విద్యుత్‌ సరఫరా అందించడమే లక్ష్యమని తెలంగాణ నార్తర్న్‌ పవర్‌ డి స్ట్రిబ్యూషన్‌ కంపెనీ లిమిటెడ్‌ (టీజీఎన్‌పీడీసీఎల్‌) డైరెక్టర్‌ (ఆపరేషన్స్‌) మధుసూదన్‌ పేర్కొన్నారు. జీఎం బాబురావు, ఎస్‌ఈ రాజేశ్వరరావుతో కలిసి బుధవారం డిచ్‌పల్లి, సిరికొండ, భీంగల్‌, పోచంపాడ్‌ విద్యుత్‌ సబ్‌స్టేషన్‌లను మధుసూదన్‌ సందర్శించారు. డిచ్‌పల్లిలోని 220/132/33, సిరికొండలోని 132/33, భీమ్‌గల్‌లోని 220 కేవీ, పోచంపాడ్‌లోని 132/33 కేవీ సబ్‌స్టేషన్‌లను పరిశీలించి విద్యుత్‌ సరఫరా వివరాలు తెలుసుకున్నారు. 33 కేవీ ఫీడర్‌లపై విద్యుత్‌ లోడ్‌, 132/33 కేవీ సబ్‌స్టేషన్‌లో పవర్‌ ట్రాన్స్‌ఫార్మర్ల (పీటీఆర్‌ఎస్‌) లోడింగ్‌ ను సమీక్షించారు. పెరుగుతున్న డిమాండ్‌కు అనుగుణంగా విద్యుత్‌ సరఫరా వ్యవస్థ పనితీరును పరిశీలించి, గ్రిడ్‌ స్థిరత్వాన్ని కాపాడేందుకు తీసుకోవాల్సిన చర్యలపై అధికారులతో చర్చించారు. ఆయన వెంట ఎన్‌పీడీసీఎల్‌ జీఎం బాబురావు, ఎస్‌ఈ ఎన్‌పీడీసీఎల్‌ రాజేశ్వర్‌రావు, ఎస్‌ఈ ట్రాన్స్‌కో ఆరోగ్యరాజు, డిచ్‌పల్లి డీఈ హరిచంద్‌, ఆర్మూర్‌ డీఈ రఘు, ఆపరేషన్స్‌ ఏడీఈలు తదితరులు ఉన్నారు.

డొంకేశ్వర్‌(ఆర్మూర్‌): నూతన పుష్కర ఘాట్‌ల ఏర్పాటు కోసం దేవాదాయ, ఇరిగేషన్‌ శాఖల అధికారులు బుధవారం డొంకేశ్వర్‌ మండలంలో పర్యటించారు. నికాల్‌పూర్‌తోపాటు అన్నారం, చిన్నయానం, మారంపల్లి, డొంకేశ్వర్‌ ప్రాంతాల్లో గోదావరి తీరాన్ని పరిశీలించారు. మండలంలో ఇటీవల ఐదు చోట్ల పుష్కర ఘాట్‌ల కోసం ఇరిగేఫషన్‌ అధికారులు ప్రభుత్వానికి ప్రతిపాదనలు పంపించారు. ఈ నేపథ్యంలో హైదరాబాద్‌ నుంచి వచ్చిన దేవాదాయ శాఖ అధికారులు స్థలాలను పరిశీలించారు. పుష్కర ఘాట్‌ల మంజూరు కోసం ప్రభుత్వ కమిటీకి నివేదిస్తామని వారు తెలిపారు. ఇరిగేషన్‌ డీఈ, ఏఈ రాజ్‌ కమల్‌, గ్రామస్తులు, సుభాష్‌, సుమన్‌, సుధాకర్‌ ఉన్నారు.

● కాకతీయ కాలువ ద్వారా 5 వేల క్యూసెక్కులు..వేల్పూర్‌(మెండోరా): కాకతీయ కాలువ పరిధిలోని డిస్ట్రిబ్యూటరీ 83 నుంచి 94 వరకు సుమారు లక్ష ఎకరాల ఆయకట్టుకు సాగునీరందించేందుకు శ్రీ రాంసాగర్‌ ప్రాజెక్టు వరదకాలువ ద్వారా 4500 క్యూసెక్కుల నీటిని అధికారులు బుధవారం విడు దల చేశారు. వరదకాలువ కిలోమీటరు 88 వద్ద ఉన్న లింక్‌ కాలువ ద్వారా కాకతీయ కాలువకు నీటిని మళ్లించేందుకు నీటిని విడుదల చేశారు. వరద కాలువ నీటి మళ్లింపు పథకం ద్వారా చొప్ప దండి, కరీంనగర్‌, పెద్దపల్లి అసెంబ్లీ నియోజకవర్గాల పరిధిలోని లక్ష ఎకరాలకు సాగునీరందించేందుకు ఎస్సారెస్పీ నీటిని విడుదల చేసినట్లు అధికారులు వెల్లడించారు. నీటి మళ్లింపుతో ఆయకట్టు రైతులకు సాగునీటి అవసరాలు తీరే అవకాశం ఉంది. మరోవైపు కాకతీయ కాలువ ద్వారా శనివారం ప్రారంభమైన 5 వేల క్యూసెక్కుల నీటి విడుదల కొనసాగుతోంది. కాకతీయ, వరదకాలువ, సరస్వతి, లక్ష్మీ కాలువలతోపాటు గుత్ప, అలీసాగర్‌ ఎత్తిపోతల పథకాలు, మిషన్‌ భగీరథ పథకానికి నీటిని విడుదల చేస్తున్నారు.

● సర్వే అండ్‌ ల్యాండ్‌ రికార్డ్స్‌ ఏడీ డి శ్రీనివాసులుమోపాల్‌: గ్రామాల్లో సర్వే చేసిన తర్వాత ప్రతి భూమికి భూ ఆధార్‌ ఇస్తామని సర్వే అండ్‌ ల్యాండ్‌ రికార్డ్స్‌ ఏడీ డి శ్రీనివాసులు తెలిపారు. ప్రభుత్వం ప్రతిష్టాత్మకంగా చేపట్టిన భూ భారతి రీ సర్వే అవగాహన సదస్సును బుధవారం మండలంలోని కులాస్‌పూర్‌లో నిర్వహించారు. ఈ సందర్భంగా రీ సర్వేకు సంబంధించి విధి విధానాలను శ్రీనివాసులు వివరించారు. ఈనెల 15వ తేదీ నుంచి గ్రా మంలో రీ సర్వే చేపట్టనున్నామన్నారు. రీ సర్వేలో భాగంగా ముందుగా గ్రామ సరిహద్దును నిర్ధారిస్తామని, ఆ తర్వాత గ్రామకంఠం సర్వే చేస్తామని తెలిపారు. ఆ తరువాత ప్రభుత్వ భూముల సర్వే, గ్రామ రహదారులు, చెరువులు, పట్టా భూముల సర్వే నిర్వహిస్తామన్నారు. ప్రతి సర్వే నంబర్‌ను సర్వే చేసి ఆ భూమికి భూ ఆధార్‌ ఇస్తామని, అలాగే అన్ని భూములకు ఎల్‌పీఎం నంబర్‌ ఇవ్వనున్నట్లు తెలిపారు. అధునాతన టెక్నాలజీ రోవర్లను వినియోగించి రీ సర్వే చేపడుతున్నట్లు చెప్పారు. ప్రజలందరూ రీ సర్వేకు సహకరించి విజయవంతం చేయాలని ఆయన కోరారు. నిజామాబాద్‌ ఆర్డీవో రాజేందర్‌కుమార్‌, సర్పంచ్‌ జనార్దన్‌రెడ్డి, ఉపస ర్పంచ్‌ మహిపాల్‌, డీఐలు శశి సత్య, డి శేఖర్‌వర్మ, దత్తు, తహసీల్దార్‌ ఎన్‌ రేఖ, ఆర్‌ఐ రాజేశ్వర్‌రావు, సర్వేయర్‌ బాలకృష్ణ, హరి, ప్రతాప్‌కుమా ర్‌, జీపీవోలు రజిత, రజిని, లైసెన్స్‌డ్‌ సర్వేయర్లు అభిలా ష్‌, అజయ్‌, వీడీసీ ప్రతినిధులు పాల్గొన్నారు.

● గతేడాది క్రీడలు నిర్వహించకుండానే నిధుల మళ్లింపు ● తెలిసినా పట్టించుకోని విద్యాశాఖ అధికారులునిజామాబాద్‌అర్బన్‌: విద్యార్థుల్లో దాగి ఉన్న ప్రతిభను వెలికితీసి వారిని క్రీడాకారులుగా తీర్చిదిద్దేందుకు ప్రభుత్వ, ప్రైవేటు పాఠశాలల్లో క్రీడల నిర్వహణ ప్రధానం. విద్యార్థులకు ప్రతి సంవత్సరం స్కూల్‌ గేమ్స్‌ ఫెడరేషన్‌ గేమ్స్‌(ఎస్‌జీఎఫ్‌) ఆధ్వర్యంలో క్రీడా పోటీలు నిర్వహిస్తారు. ప్రతిభ కనబర్చిన విద్యార్థులను వివిధ స్థాయిలకు ఎంపిక చేస్తారు. క్రీడల నిర్వహణకు ప్రయివేటు పాఠశాలలోని ఆరు నుంచి పదో తరగతి, ప్రభుత్వ పాఠశాలలోని తొమ్మిది, పదో తరగతి విద్యార్థుల నుంచి పరీక్ష ఫీజుతోపాటు అదనంగా రూ.14 చొప్పున జిల్లా ఉమ్మడి పరీక్షల విభాగం వసూలు చేస్తుంది. అనంతరం వచ్చిన నిధులను ఎస్‌జీఎఫ్‌ సెక్రెటరీకి బదిలీ చేస్తుంది. వచ్చిన నిధులతో క్రీడాపోటీలు నిర్వహించాల్సి ఉంటుంది. గతేడాది వసూలు చేసిన రూ.10 లక్షలు పరీక్షల విభాగం నుంచి మొదటి విడత రూ.3 లక్షలు, రెండో విడత రూ.7 లక్షలు ఎస్‌జీఎఫ్‌ సెక్రెటరీ ఖాతాకు బదిలీ చేశారు. అయితే కొత్తగా వచ్చిన ఎస్‌జీఎఫ్‌ సెక్రెటరీ నిధుల వివరాలు పరిశీలించగా రూ.10 లక్షలకు కేవలం రూ.2 లక్షలు మిగిలి ఉన్నాయి. మిగతా రూ.8 లక్షల వివరాలు అందుబాటులో లేనట్లు తెలిసింది. కాగా, నిధులు లేని సమయంలో క్రీడల నిర్వహణకు సొంత డబ్బులు ఖర్చు చేసినట్లు చెబుతూ గతంలో పనిచేసిన సెక్రెటరీ రూ.5 లక్షలు తీసుకున్నట్లు ఆరోపణలున్నాయి. వాస్తవానికి గతేడాది క్రీడా పోటీలు చేపట్టలేదు. డబ్బులను నేరుగా సొంత ఖాతాలోకి మళ్లించుకున్నట్లు తెలిసింది. అయితే ఈ వ్యవహారంపై ఉన్నతాధికారులు సైతం మౌనం వహించడంపై విమర్శలు వెల్లువెత్తుతున్నాయి. ప్రస్తుతం క్రీడాపోటీల నిర్వహణకు ఎస్‌జీఎఫ్‌ సిద్ధమవుతుండగా విద్యార్థుల నుంచి ఫీజు వసూలు చేసే ప్రయత్నాలు చేస్తున్నట్లు తెలిసింది. కొందరు పీఈటీలు ఇప్పటికే ఒక్కో విద్యార్థి నుంచి రూ.250 చొప్పున వసూలు చేస్తున్నారనే ఆరోపణలున్నాయి. నిధులు ఇచ్చేశాం విద్యార్థుల నుంచి క్రీడల నిర్వహణకు సంబంధించి ప్రతి సంవత్సరం పరీక్ష ఫీజుతోపాటు రూ.14 వ సూలు చేస్తున్నాం. గతేడాది విద్యార్థుల నుంచి వ సూలు చేసిన క్రీడా రుసుము రూ.10 లక్షలు రెండు విడతలుగా ఎస్‌జీఎఫ్‌ విభాగానికి బదిలీ చేశాం. నిధుల నిర్వహణ వారి బాధ్యతే. – సీతయ్య, జిల్లా ఉమ్మడి పరీక్షల విభాగం సెక్రెటరీరూ.రెండు లక్షలు ఉన్నాయి బాధ్యతలు చేపట్టే నాటికి నాకు కేవలం రూ.2 లక్ష లు ఉన్నట్లు చూపించారు. ఉమ్మడి పరీక్షల విభాగం నుంచి నిధులు మళ్లించినట్లు తెలిసింది. కానీ పూర్తిస్థాయి నిధులు అందుబాటులో లేవు. దీనిపై కొందరిని ప్రశ్నించగా సొంత డబ్బులు ఖర్చు చేసినందుకు ఈ డబ్బులు తీసుకున్నట్లు సమాధానం వచ్చింది. – అలివేణి మంగ, ఎస్‌జీఎఫ్‌ సెక్రెటరీ

● బంగారు ఆభరణాలు, నగదు అపహరణ మాక్లూర్‌: తాళం వేసిన రెండిళ్లలో చోరీ జరిగిన ఘటన ఆలూర్‌ మండలం ఢీకంపల్లి గ్రామంలో చోటు చేసుకుంది. మాక్లూర్‌ ఎస్సై అనిల్‌రెడ్డి తెలిపిన వివరాల ప్రకారం.. గ్రామానికి చెందిన తిరుమన్‌పల్లి బాబు తన భార్య డెలివరి కోసం నాలుగు రోజుల క్రితం ఇంటికి తాళం వేసి జిల్లా కేంద్రానికి వెళ్లాడు. బుధవారం ఉదయం అదే గ్రామంలో నివాసం ఉండే అతని తమ్ముడి భార్య ఇంటిని శుభ్రం చేసేందుకు వెళ్లగా ఇంటి తాళం పగులగొట్టి ఉండటాన్ని గుర్తించి కుటుంబీకులు, పోలీసులకు సమాచారం అందించారు. బీరువాలో ఉన్న తులం బంగారం గొలుసు, పది తులాల వెండి, రెండు గ్రాముల బంగారు పుస్తెలు, రూ. 50వేల నగదును దొంగిలించారు. మరో ఘటనలో అదే గ్రామానికి చెందిన కొండ్ర సాయికుమార్‌ ఇంటి తాళం పగులగొట్టిన దుండగులు ఇంట్లో బీరువాలో ఉన్న రెండు తులాల బంగారు ఆభరణాలు, తులం వెండి, రూ. లక్ష నగదును అపహరించారు. బాధితుల ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఎస్సై తెలిపారు.

ముగిసిన రాష్ట్రస్థాయి తైక్వాండో పోటీలు నిజామాబాద్‌ అర్బన్‌: వికారాబాద్‌ జిల్లా పరిగి పట్టణంలోని మినీ గ్రౌండ్‌లో మూడు రోజుల పాటు కొనసాగిన అండర్‌ –17 బాలబాలికల రాష్ట్రస్థాయి తైక్వాండో పోటీలు బుధవారం ముగిశాయి. ఇందు లో 26 మంది బంగారు పతకాలు సాధించి జాతీ య స్థాయి పోటీలకు ఎంపికయ్యారు. బాలుర వి భాగంలో జిల్లాకు చెందిన ఎస్‌కే అనాస్‌, హర్ష్‌, అమన్‌సింగ్‌, బాలికల విభాగంలో నిహావైష్ణవి ఎంపికయ్యారు. వీరు ఈనెల 22 నుంచి 26 వరకు జ మ్మూకశ్మీర్‌ రాష్ట్రం శ్రీనగర్‌లో జరిగే జాతీయ స్థాయి పోటీల్లో తెలంగాణ తరఫున పాల్గొననున్నారు. హాకీ పోటీల్లో.. గద్వాల్‌ జిల్లా అలంపూర్‌లో నిర్వహించిన అండర్‌17 బాలుర హాకీ రాష్ట్ర స్థాయి పోటీల్లో జిల్లా క్రీడాకారులు మూడో స్థానంలో నిలిచారు. విద్యార్థులను ఎస్‌జీఎఫ్‌ కార్యదర్శి అలివేణి మంగ అభినందనలు తెలిపారు. రెజ్లింగ్‌ పోటీల్లో.. నిజామాబాద్‌ అర్బన్‌: జిల్లాకు చెందిన క్రీడాకారులు రెజ్లింగ్‌ విభాగంలో ఉత్తమ ప్రతిభ కనబరిచినట్లు ఎస్‌జీఎఫ్‌ కార్యదర్శి అలివేణి మంగ తెలిపారు. మహబూబాబ్‌నగర్‌లో ఇటీవల నిర్వహించిన పోటీల్లో రాష్ట్రస్థాయి అండర్‌ 14 బాల, బాలికల విభాగంలో జిల్లాకు చెందిన బాల, బాలికలు ఉత్తమ ప్రతిభ కనబరిచి సిల్వర్‌ మెడల్‌ సాధించారు. క్రీడాకారులను ఆమె అభినందించారు. జాతీయ స్థాయి క్రికెట్‌ పోటీలకు మనోజ్ఞ నిజామాబాద్‌ అర్బన్‌: జాతీయ స్థాయి క్రికెట్‌ పోటీలకు జయ మనోజ్ఞ అర్హత సాధించినట్లు ఎస్‌జీఎఫ్‌ కార్యదర్శి అలివేణి మంగ తెలిపారు. అండర్‌ 17 బాలికల విభాగంలో జిల్లాకు చెందిన జయ మనోజ్ఞ క్రికెట్లో జాతీయ స్థాయి క్రికెట్‌ పోటీలకు అర్హత సాధించింది. అండర్‌ 17 బాలికల క్రికెట్‌ టోర్నమెంట్‌ రాజన్న సిరిసిల్ల జిల్లాలో జరిగింది. ఈ టోర్నమెంట్లో జయ ఉత్తమ ప్రతిభ కనబరిచి జాతీయస్థాయి పోటీలకు ఎంపికై నట్లు తెలిపారు. రాష్ట్ర స్థాయి సాఫ్ట్‌బాల్‌ పోటీల్లో ప్రతిభ సిరికొండ: రాష్ట్ర స్థాయి సాఫ్ట్‌బాల్‌ పోటీల్లో సిరికొండ సత్యశోధక్‌ పాఠశాలకు చెందిన యుగేశ్వరి, మేఘన ప్రతిభ కనబర్చారని ప్రిన్సిపాల్‌ ఆర్‌ నర్సయ్య తెలిపారు. జక్రాన్‌పల్లి మండలం తొర్లికొండలో నిర్వహించిన పోటీల్లో ప్రతిభ కనబర్చి జట్టు విజయంలో కీలక పాత్ర పోశించి బంగారు పతకాలు సాధించారన్నారు. వీరిని సాఫ్ట్‌బాల్‌ ఫెడరేషన్‌ ఆఫ్‌ ఇండియా సంయుక్త కార్యదర్శి శోభన్‌బాబు, జిల్లా ప్రధాన కార్యదర్శి గంగామోహన్‌, జక్రాన్‌పల్లి ఎంఈవో శ్రీనివాస్‌, జిల్లా వ్యాయామ ఉపాధ్యాయ సంఘం ప్రధాన కార్యదర్శి గంగాధర్‌, ప్రిన్సిపాల్‌ నర్సయ్య అభినందించారు.

వేల్పూర్‌: మండలంలోని వాడి గ్రామంలో జరుగుతున్న భూభారతి రీ సర్వేను ఆర్మూర్‌ సబ్‌కలెక్టర్‌ అభిగ్యాన్‌ మాల్వియా బుధవారం పరిశీలించారు. సర్వే జరుగుతున్న తీరును అధికారులను అడిగి తెలుసుకున్నారు. సర్వే అధికారులు జరిపే రీ సర్వేకు రైతులు సహకరించాలని కోరారు. భూమి విస్తీర్ణం హద్దులు తెల్పాలన్నారు. సర్వేతో రైతులు ఎదుర్కొంటున్న భూ సమస్యలు పరిష్కారం అవుతాయని తెలిపారు. తహసీల్దార్‌ అనురుద్‌, వాడి సర్పంచ్‌ గోలి రమ్య, ఉపసర్పంచ్‌ గోలి లింబాద్రి, జీపీవో మోహన్‌, జీపీ కార్యదర్శి రాజేశ్‌, వీడీసీ సభ్యులు బొడ్డు మల్లేశ్‌, సాయిరెడ్డి, శివలింగం, గంగారాం, మల్లేశ్‌, రైతులు పాల్గొన్నారు.

కామారెడ్డి రూరల్‌: పట్టణ శివారులోని రామారెడ్డి బైపాస్‌ బ్రిడ్జి వద్ద బుధవారం అదుపుతప్పి మొరం లారీ బోల్తా పడింది. హైదరాబాద్‌ నుంచి నిజామాబాద్‌ వైపు వెళ్తున్న మొరం లారీ రామారెడ్డి బైపాస్‌ వద్ద బోల్తా పడడంతో ఇరువైపులా ట్రాఫిక్‌ స్తంభించింది. ఘటనలో గాయపడ్డ లారీ డ్రైవర్‌ను పోలీసులు చికిత్స నిమిత్తం కామారెడ్డి ఏరియా ఆస్పత్రికి తరలించారు. కేసు నమోదు చేసి దర్యాప్తు చేస్తున్నట్లు దేవునిపల్లి పోలీసులు తెలిపారు. బొగ్గుగుడిసె శివారులో ఆటో.. ఎల్లారెడ్డిరూరల్‌: మండలంలోని బొగ్గుగుడిసె శివారులో ఆటో బోల్తా పడినట్లు స్థానికులు తెలిపారు. ఎల్లారెడ్డి నుంచి మహ్మద్‌నగర్‌ వైపు వెళ్తున్న ఆటో ప్రమాదవశాత్తు బోల్తా పడడంతో ఇద్దరికి గాయాలయ్యాయి. ప్రమాదంలో గాయపడిన మహ్మద్‌నగర్‌ మండలం గున్కుల్‌ గ్రామానికి చెందిన ప్రశాంత్‌, రజాక్‌లను ఎల్లారెడ్డి ప్రభుత్వ ఆస్పత్రికి చికిత్స నిమిత్తం తరలించారు.

● మూడు గేదెలు మాయం బోధన్‌: ఎడపల్లి మండల కేంద్రంలో రెండు చోట్ల మూడు గేదెలను దుండగులు అపహరించినట్లు ఎస్సై ముత్యాల రమ బుధవారం తెలిపారు. వివరాలిలా ఉన్నాయి. ఎడపల్లి గ్రామానికి చెందిన యాసాడం రాజ్‌కుమార్‌ తన రెండు గౌడు జాతి గేదెలను మేత వేసి, నీరుతాగించి నిజామాబాద్‌ నుంచి బోధన్‌ వైపు వెళ్లే ప్రధాన రోడ్డు పక్కన ఖాళీ స్థలంలో మంగళవారం రాత్రి కట్టివేశాడు. దుండగులు గేదెలకు కట్టిన తాడును కోసి వేసి నాలుగు చక్రాల వాహనంలో అపహరించారు. అదేవిధంగా ఇదే గ్రామానికి చెందిన కంజర సుదర్శన్‌ తన ని వా సం నుంచి ముర్ర జాతి గేదెను కూడా దుండగు లు అపహరించారు. బాధితుల ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఎస్సై తెలిపారు.

● సీపీ సాయి చైతన్య బోధన్‌: ఎన్‌సీసీ శిక్షణతో విద్యార్థుల్లో క్రమశిక్షణ, నాయకత్వ లక్షణాలు అలవడుతాయని సీపీ సాయి చైతన్య అన్నారు. ఎడపల్లి మండలంలోని జానకంపేట శివారులోని జిల్లా పోలీస్‌ శిక్షణ కేంద్రంలో 12వ బెటాలియన్‌ ఎన్‌సీసీ నిజామాబాద్‌ ఆధ్వర్యంలో నిర్వహిస్తున్న కెడెట్ల వార్షిక శిక్షణ శిబిరం ఈ నెల 9 నుంచి 18 వరకు కొనసాగనుంది. బుధవారం శిక్షణ శిబిరాన్ని సీపీ సందర్శించి ఏర్పాటు చేసిన కార్యక్రమంలో మాట్లాడారు. దేశ భవిష్యత్తు యువత చేతుల్లోనే ఉందని, యువత సరైన విలువలతో ఎదిగినప్పుడే సమాజం, దేశాభివృద్ధి పథంలో ముందుకు సాగుతాయని అన్నారు. యువత చెడు అలవాట్లకు దూరంగా ఉండాలన్నారు. కార్యక్రమంలో బెటాలియన్‌ ఎన్‌సీసీ కమాండెంట్‌ అధికారి విష్ణు పీ నాయర్‌, సుబేదార్‌ మేజర్‌ రచ్‌పాల్‌ సింగ్‌, సీటీసీ ఏసీపీ రాజశేఖర్‌, బోధన్‌ ఏసీపీ శ్రీనివాస్‌, రూరల్‌ సీఐ విజయ్‌బాబు, సీటీసీ ఎస్సై వరప్రసాద్‌ రెడ్డి తదితరులు పాల్గొన్నారు. వృద్ధులను గౌరవించాలి వర్ని: వయసు పైబడిన తల్లిదండ్రులు, వృద్ధులపై ప్రతి ఒక్కరూ గౌరవం ప్రేమ ఆప్యాయతతో వ్యవహరించాలని సీపీ సాయి చైతన్య సూచించారు. బుధవారం మోస్రా మండలం చింతకుంట వృద్ధాశ్రమాన్ని ఆయన సందర్శించారు. ఆశ్రమంలో నివసిస్తున్న వృద్ధులు ఒంటరితనానికి గురికాకుండా ఆత్మవిశ్వాసం భరోసా కల్పించేలా ప్రతి ఒక్కరూ మానవతా దృక్పథంతో ముందుకు రావాలని పిలుపునిచ్చారు. అనంతరం వృద్ధులకు దుస్తులు పంపిణీ చేశారు. బోధన్‌ ఏసీపీ శ్రీనివాస్‌, రూరల్‌ సీఐ విజయబాబు, రుద్రూర్‌ సీఐ కృష్ణ, బోధన్‌ ఎస్‌హెచ్‌వో వెంకట్‌ నారాయణ, వర్ని ఎస్సై వంశీకృష్ణ, ఆశ్రమ నిర్వాహకులు మోహన్‌ పాల్గొన్నారు.

నాగిరెడ్డిపేట: వానాకాలంలో వరి సాగు చేస్తున్న రైతులకు ఈ ఏడాది కష్టాలు తప్పడం లేదు. ఒకవైపు సాగునీటి కొరత.. మరోవైపు చీడపీడల బెడద అన్నదాతలను ఆందోళనకు గురిచేస్తోంది. పెట్టుబడులు పెట్టి పంటను కంటికి రెప్పలా కాపాడుకుంటున్న రైతులకు కీలక దశలో ఎదురవుతున్న సమస్యలు ఆందోళన కలిగిస్తున్నాయి. ప్రస్తుతం వరిపంటను ఆశిస్తున్న సుడిదోమ, కంకినల్లి నివారణ కోసం రైతులు చేపట్టాల్సిన చర్యలపై నాగిరెడ్డిపేట మండలంలోని మాల్తుమ్మెద శివారులో ఉన్న తెలంగాణ రైతువిజ్ఞానకేంద్రం శాస్త్రవేత్త డాక్టర్‌ రేవంత్‌ నాథన్‌ సలహాలు, సూచనలు ఆయన మాటల్లో.. వరి సాగులో నష్టపరిచే సుడిదోమ దోమలు, వాటి పిల్లపురుగులు వరిపిలకల మొదళ్లలో చేరి రసాన్ని పీల్చుతాయి. దీనివల్ల ఆకులు పసుపురంగులోకి మారి క్రమంగా ఎండిపోతాయి. పొలంలో అక్కడక్కడా వరిపైరు సుడులు సుడులుగా ఎండిపోవడాన్ని ‘సుడి తెగులు’ అంటారు. వరిపంటలో సైపర్‌మెత్రిన్‌, డెల్టామెత్రిన్‌, లాంబ్డా–సైహలోత్రిన్‌ వంటి సింథటిక్‌ పైరెథ్రాయిడ్స్‌ వాడకం మొక్కల్లో ఫైటోటోనిక్‌ ప్రభావాన్ని ప్రేరేపిస్తుంది. దీనివల్ల ఆకులు ముదురు పచ్చరంగులోకి మారడం, కాండం పెరగడం జరుగుతుంది. నివారణా పద్ధతులు.. పొలంలో దోమ ఉధృతిని తగ్గించడానికి పొలంలో ప్రతి 2 మీటర్లకు 20 సెంటీమీటర్ల వెడల్పుతో బాటలు (కాలిబాటలు) తీయాలి. దీనివల్ల గాలి, వెలుతురు ధారాళంగా తగిలి దోమల వృద్ధి తగ్గుతుంది. పొలంలో నీరు ఎప్పుడూ నిల్వఉండకుండా చూసుకోవాలి. నత్రజని ఎరువుల నియంత్రణ: నత్రజని (యూరియా) ఎరువులను సిఫార్సు చేసిన మోతాదులోనే వాడాలి. మితిమీరి వాడితే దోమల ఉధృతి పెరుగుతుంది. రసాయన నివారణ చర్యలు: పొలంలో దోమల సంఖ్య గమనించినప్పుడు (మొదలుకు 5–10 దోమలు ఉన్నప్పుడు) కింది కీటక నాశనులను పిలకల మొదళ్లు తడిచేలా పిచికారీ చేయాలి. పైమెట్రోజిన్‌ 50శాతం డబ్ల్యూజీ: ఎకరానికి 120 గ్రాములు. డైనోటెఫ్యురాన్‌ 20శాతం ఎస్‌జీ: ఎకరానికి 80గ్రాశ్రీశ్రీ ట్రైఫ్లూమెజోపైరిమ్‌ 10శాతం ఎస్సీ: ఎకరానికి 94 మిల్లీలీటర్లు. కంకినల్లి: ప్రస్తుత వాతావరణ పరిస్థితులలో వరిలో కంకి నల్లి ఆశించే అవకాశం ఉంది. కంకి నల్లి ఆశించినట్లు గుర్తించే ముఖ్య లక్షణాలు ఆకు తొడుగులు రంగు మారడం: వరి పొట్టకు లోపల చేరి రసాన్ని పీల్చడం వల్ల వాటిపై గోధుమరంగు మచ్చలు ఏర్పడతాయి తాలుగింజలు: వెన్ను లేదా కంకి బయటకు వచ్చే దశలో ఇది ఆశిస్తే, గింజలు పాలు పోసుకోక ఎండిపోయి తెల్లటి తాళుగింజలుగా మారుతాయి. రసాన్ని పీల్చడం: పాలుపోసుకునే దశలో గింజలు చాలా మెత్తగా, పచ్చగా ఉంటాయి. కంకినల్లి లోపల ఉన్న పాలను/రసాన్ని పీల్చేస్తుంది. ఇలా పురుగు కుట్టిన చోట నల్లటి మచ్చగా మారుతుంది. దీనిని గమనిస్తే నివారణకు 1 మి.లీ. స్పైరోమెసిఫెన్‌ లీటరు నీటికి కలిపి పిచికారి చేయాలి. వరిసాగులో అన్నదాతలకు తప్పని ఇబ్బందులు సాగునీటి కొరతతో పాటు చీడపీడల దాడి దిగుబడిపై ప్రభావం పడుతుందనే ఆందోళన

బిచ్కుంద: మండల శివారులోని కమ్మరి చెరువులో వ్యక్తి మృతదేహం లభ్యమైనట్లు ఎస్సై రాజు తెలిపారు. ఎస్సై కథనం ప్రకారం.. మండల కేంద్రానికి చెందిన నిఖిల్‌(32) కూలీ పనులు చేస్తు కుటుంబాన్ని పోషించేవాడు. గత మూడేళ్ల నుంచి మతిస్థిమితం కోల్పోడంతో ఇంటి వద్దే ఉంటున్నాడు. మంగళవారం రాత్రి ఇంటి నుంచి బయటకు వెళ్లిన అతను తిరిగి రాలేదు. కుటుంబీకులు పలుచోట్ల వెతికినా ఆచూకీ లభించలేదు. బుధవారం చెరువులో మృతదేహం ఉన్నట్లు గుర్తించిన స్థానికులు పోలీసులకు సమాచారం అందించారు. వారు ఘటన స్థలానికి చేరుకొని వివరాలు సేకరించారు. భార్య ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఎస్సై తెలిపారు. నవీపేట: కుటుంబల కలహాలతో ఒకరు రైలు కింద పడి ఆత్మహత్య చేసుకున్న నవీపేట మండలం ధర్మారం రైల్వే గేట్‌ సమీపంలో చోటు చేసుకుంది. రైల్వే హెడ్‌ కానిస్టేబుల్‌ మహబూబ్‌ తెలిపిన వివరాల ప్రకారం.. మోర్తాడ్‌ మండలం తిమ్మాపూర్‌ గ్రామానికి చెందిన కొమురి మల్లేశ్‌ (39) ధర్మారం గ్రామంలోని బంధువుల ఇంటికి రెండు రోజుల క్రితం వచ్చాడు. కొన్ని రోజులుగా ఇంట్లో కుటుంబ కలహాలు జరగడంతో మనోవేదనకు గురైన అతను రైలు కిందపడి ఆత్మహత్యకు పాల్పడ్డాడు. కేసు నమోదు చేసి దర్యాప్తు చేస్తున్నట్లు తెలిపారు. ఒకరిపై అట్రాసిటీ కేసు నమోదు వేల్పూర్‌(ముప్కాల్‌): ముప్కాల్‌ మండల కేంద్రంలో ఇటీవల గద్దల గంగారాంను కులం పేరుతో దూషించిన ముప్కాల్‌కు చెందిన ముస్కు భూమేశ్వర్‌పై బుధవారం ఎస్సీ, ఎస్టీ అట్రాసిటీ కేసు నమోదు చేసినట్లు ఎస్సై కిరణ్‌పాల్‌ తెలిపారు. తన ప్లాటులో అక్రమంగా హద్దురాల్లు ఎందుకు పాతుతున్నావని ప్రశ్నించినందుకు భూమేశ్వర్‌ కులం పేరుతో దూషించినట్లు గంగారాం ఫిర్యాదు చేసినట్లు ఎస్సై వెల్లడించారు. రెండు ఇసుక ట్రాక్టర్లు సీజ్‌గాంధారి: గాంధారి అటవీ రేంజ్‌ పరిధిలోని సీతాయిపల్లి బీట్‌ 807 కంపార్ట్‌మెంట్‌లో నుంచి ఇసుకను అక్రమంగా తరలిస్తున్న రెండు ట్రాక్టర్లను బుధవారం సీజ్‌ చేసినట్లు ఎఫ్‌ఆర్‌వో రమేశ్‌ తెలిపారు. ఎల్లారెడ్డి మండలం వెల్లుట్లపేట గ్రామానికి చెందిన కర్రెచెవుల రాజులు, పటేల్‌ బాల్‌రాజు ఎలాంటి అనుమతి లేకుండా ఇసుకను తరలిస్తుండడంతో దాడి చేసి ట్రాక్టర్లను సీజ్‌ చేశారు. వీటిని అటవీ రేంజ్‌ కార్యాలయానికి తరలించి కేసు నమోదు చేసినట్లు ఎఫ్‌ఆర్‌వో పేర్కొన్నారు.

ఆర్మూర్‌: బీఆర్‌ఎస్‌ ప్రభుత్వం నిషేధిత భూముల జాబితాలో చేర్చిన ప్రభుత్వ భూములను తిరిగి ప్రభుత్వ భూములుగా గుర్తించి పేదలకు పంపిణీ చేయాలని ఏఐయూకేఎస్‌ రాష్ట్ర కార్యదర్శి బీ దేవరాం డిమాండ్‌ చేశారు. పట్టణంలోని కుమార్‌ నారాయణ భవన్‌లో బుధవారం నిర్వహించిన విలేకరుల సమావేశంలో ఆయన మాట్లాడారు. తరతరాలుగా భూములపై ఆధారపడి జీవిస్తున్న పేదలు తమ భూములకు సంబంధించిన హక్కులు పొందలేకపోతున్నారని ఆవేదన వ్యక్తం చేశారు. అలాగే, పేదలకు సొంత ఇల్లు కల్పించాలనే లక్ష్యంతో నిర్మించిన డబుల్‌ బెడ్‌రూమ్‌ ఇళ్ల కేటాయింపులో జరుగుతున్న అవకతవకలను అరికట్టాలని డిమాండ్‌ చేశారు. సమావేశంలో జిల్లా అధ్యక్షుడు సురేశ్‌, ఆర్మూర్‌ డివిజన్‌ అధ్యక్షుడు కిషన్‌, నాయకులు ఆర్‌ దామోదర్‌, ఈ రమేశ్‌, పోశన్న, శ్రవణ్‌, సర్పంచ్‌ సాయులు, సేవాలాల్‌ తదితరులు పాల్గొన్నారు.

● ఢిల్లీలోని నివాసంలో సమావేశం ● పార్టీ కార్యకలాపాలపై చర్చడిచ్‌పల్లి: సీఎం రేవంత్‌రెడ్డితో నిజామాబాద్‌ జిల్లా కాంగ్రెస్‌ ప్రజాప్రతినిధులు, నాయకు లు మంగళవారం ఢిల్లీలో భేటీ అయ్యారు. కాంగ్రెస్‌ నేతృత్వంలో ఢిల్లీలో నిర్వహించిన మహా నిరసన కార్యక్రమంలో పాల్గొనేందు కు రాష్ట్రానికి చెందిన కాంగ్రెస్‌ ఎమ్మెల్యేలు, మంత్రులు, పార్టీ నాయకులు ఢిల్లీకి వెళ్లిన విషయం తెలిసిందే. ఈనేపథ్యంలో మంగళవారం ఢిల్లీలోని సీఎం నివాసంలో రేవంత్‌రెడ్డితో టీపీసీసీ అధ్యక్షుడు మహేశ్‌కుమార్‌గౌడ్‌, రాష్ట్ర ప్రభుత్వ సలహాదారు సుదర్శన్‌ రెడ్డి, రూరల్‌ ఎమ్మెల్యే భూపతిరెడ్డి సమావేశమయ్యారు. జిల్లా రాజకీయ పరిస్థితులు, కాంగ్రెస్‌ పార్టీ బలోపేతం, పార్టీ కార్యకలాపాలు తదితర అంశాలపై చర్చించారు. జిల్లా అధ్యక్షుడు నగేష్‌రెడ్డి, మాజీ ఎమ్మెల్సీ అరికెల నర్సారెడ్డి, సునీల్‌ రెడ్డి తదితరులు పాల్గొన్నారు.

నందిపేట్‌(ఆర్మూర్‌): మండల కేంద్రంలోని గీతా కాన్వెట్‌ పాఠశాలలో ఉమ్మడి నిజామాబాద్‌ జిల్లా జూనియర్‌ బాలికల ఖోఖో జట్టుకు నిర్వహించిన శిక్షణ శిబిరం మంగళవారం ముగిసింది. ఇటీవల నిర్వహించిన జిల్లా జట్టు ఎంపికలో ప్రతిభ కనబర్చిన 30 మంది క్రీడాకారిణులకు పీడీ సుజాత, పీఈటీలు ఆస్మాబేగం, ఎస్‌ గంగారెడ్డి, ముత్యం ఆధ్వర్యంలో ప్రత్యేక శిక్షణ అందించారు. హైదరాబాద్‌లో ఈనెల 15, 16, 17 తేదీల్లో జరుగనున్న రాష్ట్రస్థాయి పోటీల్లో క్రీడాకారిణులు పాల్గొననున్నారు. సర్పంచు ఎర్రం లింగం, జిల్లా ఖోఖో అసోసియేషన్‌ కార్యదర్శి అతీకుల్లా, మధుసూదన్‌రెడ్డి, పాఠశాల కరస్పాండెంట్‌ గంగాసాగర్‌, ప్రిన్సిపాల్‌ గంగభూషణ్‌, అశోక్‌, లింగం, నరేష్‌రెడ్డి తదితరులు పాల్గొన్నారు.

● మరమ్మతుల నేపథ్యంలో 45 రోజులపాటు వాహనాల మళ్లింపునిజామాబాద్‌అర్బన్‌: నగరంలోని రైల్వే కమా న్‌ వద్ద దక్షిణ మధ్య రైల్వే డబుల్‌ ట్రాక్‌ పను లు ప్రారంభిస్తుండడంతో బుధవారం నుంచి అండర్‌పాస్‌ రహదారి మూసివేస్తున్నట్లు సీపీ సాయిచైతన్య మంగళవారం ఒక ప్రకటనలో తెలిపారు. సుమారు 45 రోజుల వరకు వాహనాల మళ్లింపు ఉంటుందని పేర్కొన్నారు. నగరంలోకి వచ్చే వాహనాలు.. ఆర్మూర్‌, నిర్మల్‌, అదిలాబాద్‌, కరీంనగర్‌, కామారెడ్డి, హైదరాబాద్‌ నుంచి నిజామాబాద్‌ నగరంలోకి వచ్చే వాహనాలు నేరుగా పాత దారి వెంబడే.. కంఠేశ్వర్‌ బైపాస్‌, మీ సేవ (కంఠేశ్వర్‌) మీదుగా ఎన్టీఆర్‌ చౌరస్తా చేరుకొని అక్కడి నుంచి రైల్వే స్టేషన్‌ ముందు నుంచి నుంచి బస్టాండ్‌ చేరుకోవాలి. హైదరాబాద్‌ వైపు వెళ్లే వాహనాలు.. హైదరాబాద్‌, కామారెడ్డి వైపు వెళ్లే వాహనదారులు ఎన్టీఆర్‌ చౌరస్తా, కోర్ట్‌ చౌరస్తా, పులాంగ్‌ చౌరస్తా నుంచి మాధవనగర్‌ రైల్వేగేట్‌ దాటుతూ హైదరాబాద్‌ రోడ్డుకు చేరుకోవాలి. బోధన్‌, బాన్సువాడ, వర్ని వెళ్లే వాహనాలు యథావిధిగా పాత మార్గంలోనే ప్రయాణం సాగించాలి.ఆర్మూర్‌, కరీంనగర్‌ వైపు.. నిజామాబాద్‌ బస్టాండ్‌ నుంచి ఆర్మూర్‌, కరీంనగర్‌, అదిలాబాద్‌, నిర్మల్‌ వెళ్లే వాహనాలు దేవీ రోడ్డు రైల్వే ఫ్లైఓవర్‌ మీదుగా దుబ్బ శివాజీ విగ్రహం నుంచి దుబ్బ చౌరస్తా మహాలక్ష్మి టెంపుల్‌ వద్ద ఎడమ వైపు తిరిగి ఖానాపూర్‌ చౌరస్తాకు చేరుకోవాలి. (మహాలక్ష్మి మందిరం దుబ్బ చౌరస్తా నుంచి నేరుగా జీజీ కళాశాల వరకు వెళ్లి బైపాస్‌ చేరుకోవచ్చు) బైపాస్‌ మీదుగా కంఠేశ్వర్‌ డీఎస్‌ చౌరస్తాకు చేరుకోవాల్సి ఉంటుంది.

వేల్పూర్‌(మెండోరా): భూ సమస్యల పరిష్కారానికే భూ భారతి రీసర్వే కార్యక్రమాన్ని ప్రభుత్వం చేపట్టిందని జిల్లా అదనపు కలెక్టర్‌ రాజాగౌడ్‌ అన్నారు. మెండోరా మండలం వెల్గటూర్‌లో మంగళవారం నిర్వహించిన భూభారతి రీసర్వే అవగాహన సమావేశానికి ఆయన ముఖ్య అతిథిగా హాజరై మాట్లాడారు. భూ వివాదాలను అరికట్టడం, భూముల సరిహద్దుకు సంబంధించిన సమస్యలు పరిష్కరించడం సర్వే ముఖ్య ఉద్దేశమన్నారు. భూ వివాదాలను ఆన్‌లైన్‌లో నమోదు చేసి, కంప్యూటర్‌ ఆధారిత విధానంలో సర్వే వివరాలను పొందుపరుస్తారని వెల్లడించారు. రైతులు, గ్రామస్తులు రీ సర్వేకు సహకరించాలని కోరారు. మెండోరా తహసీల్దార్‌ శ్రీనివాస్‌, అసిస్టెంట్‌ డైరెక్టర్‌ శ్రీనివాసులు, డీఐలు శేఖర్‌వర్మ, శ్రీనివాస్‌, వెల్గటూర్‌ సర్పంచ్‌ కావ్య, వెల్గటూర్‌ తండా నర్పంచ్‌ రవినాయక్‌, మండల ఉపసర్పంచుల ఫోరం అధ్యక్షుడు బద్దం శ్రీనివాస్‌, ఆర్‌ఐ గోపాల్‌, జీపీవో ప్రకాశ్‌, రైతులు పాల్గొన్నారు.

మోపాల్‌: నర్సింగ్‌ విద్యను అభ్యసించాలనుకునే విద్యార్థులకు బీఎస్సీ, జీఎన్‌ఎం కోర్సుల్లో ప్రవేశా లకు ఆహ్వానిస్తున్నట్లు ఏవీఎస్‌ వెల్‌నెస్‌ ఆస్పత్రి మేనేజింగ్‌ డైరెక్టర్లు తాళ్ల సుమన్‌గౌడ్‌, మహ్మద్‌ అసద్‌ ఖాన్‌, తూర్పు వివేకానందరెడ్డి అన్నారు. ఈమేరకు మోపాల్‌లో నూతనంగా వెల్‌నెస్‌ నర్సింగ్‌ కళాశాలను ప్రారంభిస్తున్నట్లు తెలిపారు. కళాశాలలో మంగళవారం వారు మీడియాతో మాట్లాడా రు. బీఎస్సీ నర్సింగ్‌లో 50, జీఎన్‌ఎంలో 60 సీట్లు ఉన్నాయన్నారు. తెలంగాణలోని జిల్లాలతోపాటు ఆంధ్రప్రదేశ్‌, కర్నాటక, తమిళనాడు, కేరళ, మహారాష్ట్రకు చెందిన అర్హత కలిగిన బాలబాలికలు నర్సింగ్‌ కోర్సుల్లో ప్రవేశాలకు దరఖాస్తు చేసుకోవచ్చని తెలిపారు. మరిన్ని వివరాలకు మోపాల్‌లోని కళాశాల కార్యాలయాన్ని సందర్శించాలన్నారు.

రెంజల్‌: నిర్ణీత గడువులోగ గోదావరి పుష్కరాల ప నులను పూర్తిచేయాలని కలెక్టర్‌ ఇలా త్రిపాఠి జిల్లా అధికారులకు సూచించారు. కందకుర్తి గోదావరి ప్రాంతంలో కొనసాగుతున్న నిర్మాణ పనులను కలెక్టర్‌ మంగళవారం పరిశీలించారు. త్రివేణి సంగమ పుష్కరక్షేత్రంలో ప్రస్తుతం వీఐపీ ఘాట్‌తోపాటు ఒడ్డున కొనసాగుతున్న ఆలయ నిర్మాణ పనులను పరిశీలించిన కలెక్టర్‌ సంతృప్తి వ్యక్తం చేశారు. గోదావరి నదిలో నీటి ప్రవాహం కారణంగా ఇరిగేషన్‌ శాఖ అధ్వర్యంలో చేపట్టాల్సిన పనుల్లో జాప్యం జరుగుతోందని.. సంబంధిత అధికారులు వివరించగా నీటి ప్రవాహం తగ్గిన వెంటనే పనులను ప్రారంభించి మార్చి చివరి వరకు పూర్తి చేయించాలని ఆదేశించారు. పనుల ప్రగతితోపాటు నాణ్యతను పరిశీలించేందుకు వారానికి రెండు రోజులు ప ర్యవేక్షణ చేయాలని ఆర్‌డీవో, తహసీల్దార్‌లకు సూ చించారు. అప్రోచ్‌రోడ్లు, కల్వర్టుల నిర్మాణం వంటి పనులను ఏకకాలంలో జరిగేలా చూడాలన్నారు. అలాగే జిల్లాలోని ఇతర ప్రాంతాల్లో గోదావరి తీరా న కొనసాగుతున్న పనులను ముమ్మరం చేయాలని, ఏవైనా ఇబ్బందులు ఉంటే తమ దృష్టికి తీసుకురావాలన్నారు. అదనపు కలెక్టర్‌ భుజంగరావు, ఆర్డీవో విజయకుమారి, కందకుర్తి సర్పంచ్‌ గయాసుద్దీన్‌తోపాటు పలు శాఖల జిల్లా అధికారులు పాల్గొన్నారు. యంచలో.. నవీపేట : మండలంలోని యంచ గోదావరి తీరాన పుష్కర ఘాట్‌ పనులను గడువులోగా పూర్తి చేయాలని కలెక్టర్‌ ఇలా త్రిపాఠి అధికారులను ఆదేశించారు. పుష్కరఘాట్‌ పనులను అదనపు కలెక్టర్‌ భుజంగరావుతో కలిసి కలెక్టర్‌ పరిశీలించారు. ఆర్డీవో విజయకుమారి, తహసీల్దార్‌లు వెంకటరమణ, శ్రావణ్‌, సర్పంచ్‌ బేగరి సాయిలు, వీడీసీ ప్రతినిధులు ఉన్నారు.

రుద్రూర్‌: పోతంగల్‌ మండలం హంగర్గా గ్రామ పంచాయతీ కార్యదర్శి గంగారాం పనితీరుపై పాలకవర్గ సభ్యులు మంగళవారం నిరసన వ్యక్తం చేశారు. పాలకవర్గ తీర్మానాలకు విరుద్ధంగా వ్యవహరిస్తున్నారని ఆరోపిస్తూ కార్యదర్శిని కార్యాలయంలో నిర్బంధించి, జీపీకి తాళం వేశారు. గతంలోనూ కార్యదర్శి వ్యవహారశైలిపై మండల అధికారుల దృష్టికి తీసుకెళ్లినప్పటికీ చర్యలు తీసుకోలేదని పాలకవర్గ సభ్యులు ఆగ్రహం వ్యక్తం చేశారు. సంబంధిత అధికారులు గ్రామానికి వచ్చే వరకు తాళం తీయబోమని కార్యాలయం ఎదుట బైఠాయించారు. ఎంపీడీవో చందర్‌ నాయక్‌ శిక్షణలో ఉండటంతో ఉన్నతాధికారుల ఆదేశాల మేరకు మండల కార్యదర్శుల సంఘం ప్రతినిధులు గ్రామానికి చేరుకుని వివరాలు సేకరించారు. అనంతరం జీపీ రికార్డులను బీరువాలో భద్రపరిచి సీల్‌ వేశారు. మొరాయించిన డిచ్‌పల్లి రైల్వేగేట్‌ డిచ్‌పల్లి: మండల కేంద్రం నుంచి ఘన్‌పూర్‌ మార్గంలో ఉన్న రైల్వేగేట్‌ (ఎలక్ట్రికల్‌) మంగళవారం సాయంత్రం మొరాయించింది. రైలు వచ్చే ముందు సిబ్బంది గేటు వేశారు. అయితే రైలు వెళ్లిన తర్వాత సాంకేతిక లోపంతో గేటు పైకి లేవలేదు. దీంతో సుమారు 40 నిమిషాలపాటు గేటుకు ఇరువైపులా భారీ సంఖ్యలో వాహనాలు నిలిచిపోయాయి. విషయం తెలుసుకున్న రైల్వే సిబ్బంది వెంటనే రంగంలోకి దిగి మరమ్మతులు చేపట్టారు. సుమారు అరగంట పాటు శ్రమించి సాంకేతిక లోపాన్ని సరిచేశారు. 18న ఫుట్‌బాల్‌ టాలెంట్‌ హంట్‌ కామారెడ్డి అర్బన్‌: నిజామాబాద్‌లోని రాజారాం స్టేడియంలో ఈనెల 18న ఫుట్‌బాల్‌ క్రీడాకారుల టాలెంట్‌ హంట్‌ నిర్వహించనున్నట్టు జిల్లా యువజన క్రీడల అధి కారి రంగా వెంకటేశ్వరగౌడ్‌ ఒక ప్రకటనలో తెలిపారు. రాష్ట్ర స్పోర్ట్స్‌ అథారిటీ, ఇండియా ఖేలో ఫుట్‌బాల్‌ల ఆధ్వర్యంలో యువ ఫుట్‌బాల్‌ క్రీడాకారులను గుర్తించి వారికి తగిన అవకాశాలు కల్పించడానికి ఈ కార్య క్రమం చేపట్టామని పేర్కొన్నారు. పోటీలకు ఉమ్మడి నిజామాబాద్‌ జిల్లా క్రీడాకారులు హాజరు కావాలని సూచించారు. డీఈవో కోసం ఉపాధ్యాయ సంఘాల భేటీ? ఖలీల్‌వాడి: జిల్లా విద్యాశాఖ అధికారి పార్శి అశోక్‌కు మద్దతుగా నిలవాలని ఉపాధ్యాయ సంఘాలు నిర్ణయించినట్లు సమాచారం. ఈమేరకు జిల్లా కేంద్రంలోని ఓ ఉపాధ్యాయ సంఘం కార్యాలయంలో ఇటీవల ఆయా సంఘాల ముఖ్య నాయకులు భేటీ అయి డీఈవో వ్యవహారంపై రెండు గంటలపాటు చర్చించినట్లు తెలిసింది. తన పరిధిలోని అంశాలపై డీఈవో సత్వర నిర్ణయాలు తీసుకోకపోవడం, ఉపాధ్యాయ దినోత్సవం సందర్భంగా అవార్డులకు 110 మంది టీచర్లను ఎంపిక చేయడం చర్చకు దారి తీయగా.. గత సంఘటనలను వదిలి ముందుకు ఎలా వెళ్లాలనేదానిపై చర్చించాలని పలువురు నాయకులు సూచించినట్లు సమాచారం. చి వరకు అంతా కలిసి డీఈవోకు మద్దతు పల కాలని నిర్ణయించినట్లు తెలిసింది. దీంతో డీఈవోకు సన్నిహితంగా ఉన్న ఓ నేత విధు ల్లో చేరాలని ఆయనను కోరగా, డీఈవో నుంచి స్పష్టమైన సమాధానం రానట్లు స మాచారం. డీఈవో తిరిగి విధుల్లో చేరిన వెంటనే కలెక్టర్‌ ఇలా త్రిపాఠి కలిసి మాట్లాడా లని ఉపాధ్యాయ సంఘాల నాయకులు నిర్ణయానికి వచ్చినట్లు తెలిసింది.

నిజామాబాద్‌అర్బన్‌: ఐఎంఏ ఆధ్వర్యంలో స్పోర్ట్స్‌ మీట్‌–2026 నిర్వహిస్తున్నారు. జిల్లా కేంద్రంలోని ఓ ప్రైవేట్‌ పాఠశాలలో ఈ పోటీలను ఐఎంఏ మాజీ అధ్యక్షుడు డాక్టర్‌ జీవన్‌రావు మంగళవారం ప్రారంభించారు. మాదకద్రవ్యాలకు నో చెప్పండి.. క్రీడలకు అవును చెప్పండి.. జీవితాన్ని ప్రేమించండి అనే నినాదంతో పోటీలు నిర్వహిస్తున్నట్లు పేర్కొన్నారు. ఈ సందర్భంగా ఐఎంఏ అధ్యక్షుడు డాక్టర్‌ విశాల్‌ మాట్లాడుతూ.. క్రీడలతో మానసికోల్లాసం కలుగుతుందని అన్నారు. డాక్టర్‌ విశాల్‌ 100, 200 మీటర్ల పరుగుల పోటీల్లో పాల్గొని తోటి వైద్యులకు స్ఫూర్తిగా నిలిచారు. అనంతరం నిర్వహించిన పో టీల్లో పలువురు వైద్యులు విజేతలుగా నిలిచారు. కా ర్యక్రమంలో ఐఎంఏ జనరల్‌ సెక్రెటరీ డాక్టర్‌ హరీశ్‌ స్వామి, డాక్టర్‌ రాజేశ్వర్‌, వైద్యులు పాల్గొన్నారు.

ఖలీల్‌వాడి: జిల్లాలో ఓపెన్‌ టెన్త్‌, ఇంటర్‌ పరీక్షలు కొనసాగినట్లు ఇన్‌చార్జి డీఈవో సాయాగౌడ్‌ తెలిపారు. మంగళవారం నిర్వహించిన ఎస్సెస్సీ ఇంగ్లిష్‌ పరీక్షకు 126 మందికి 101 మంది హాజరు కాగా 25 మంది విద్యార్థులు గైర్హాజరయ్యారు. అలాగే ఇంటర్‌ ఇంగ్లిష్‌ పరీక్షకు 163 మందికి 133 మంది హాజరు కాగా 30 మంది విద్యార్థులు గైర్హాజరైనట్లు ఆయన పేర్కొన్నారు. ఖలీల్‌వాడి: కేజీబీవీ జిల్లా కోఆర్డినేటర్‌ భాగ్యలక్ష్మికి జిల్లా విద్యాశాఖ అధికారులు షోకాజ్‌ నో టీస్‌ జారీ చేసినట్లు తెలిసింది. కేజీబీవీ పరిధి లోని జూన్‌, జులై, ఆగస్టు, సెప్టెంబర్‌ నెలలకు సంబంధించిన బిల్లులు చేయనందుకు షోకాజ్‌ నోటీస్‌ ఇచ్చినట్లు సమాచారం. బిల్లులు పూర్తి చేయనందుకు నెలవారి జీతం ఆపాలని షోకాజ్‌ నోటీస్‌లో ఆదేశించినట్లు తెలిసింది. పెర్కిట్‌: ఆర్మూర్‌ మండలం పిప్రి ప్రభుత్వ ఉన్నత పాఠశాలకు చెందిన విద్యార్థులు రాష్ట్ర స్థాయి అండర్‌–18 ఖోఖో పోటీలకు ఎంపికై నట్లు హెచ్‌ఎం పీ నవీన్‌ మంగళవారం నిర్వహించారు. ఇటీవల నిర్వహించిన ఉమ్మడి నిజామాబాద్‌, కామారెడ్డి జిల్లా స్థాయి పోటీల్లో పాఠశాలకు చెందిన ఏ వైష్ణవి, ఎస్‌ అస్మిత అద్భుత ప్రతిభతో రాష్ట్ర స్థాయికి ఎంపికై నట్లు తెలిపారు. హైదరబాద్‌ సరూర్‌నగర్‌ స్టేడియంలో ఈ నెల 14 నుంచి 18వ తేదీ వరకు నిర్వహించనున్న రాష్ట్ర స్థాయి పోటీల్లో విద్యార్థులు పాల్గొంటారని అన్నారు. విద్యార్థులను హెచ్‌ఎం నవీన్‌, సర్పంచ్‌ కిరణ్‌, ఉప సర్పంచ్‌ శ్రీనివాస్‌ అభినందించారు. సెల్‌ ఫోన్‌ దొంగకు దేహశుద్ధి కామారెడ్డి టౌన్‌: జిల్లా కేంద్రంలోని పాత బస్టాండ్‌లో సెల్‌ ఫోన్‌ లాక్కుని పారిపోతున్న దొంగను ప్రయాణికులు, స్థానికులు పట్టుకుని దేహశుద్ధి చేశారు. వివరాలిలా ఉన్నాయి. సిద్దిపేట డిపోకు చెందిన బస్సులో ఓ మహిళ ప్రయాణిస్తోంది. బస్సు పాత బస్టాండ్‌ వద్దకు చేరిన సమయంలో ఆ మహిళ చేతిలో ఉన్న సెల్‌ ఫోన్ను ఓ దుండగుడు ఒక్కసారిగా లాక్కుని పారిపోయేందుకు యత్నించాడు. దీనిని గమనించిన తోటి ప్రయాణికులు, స్థానికులు కేకలు వేస్తూ దొంగను వెంబడించారు. కాస్త దూరంలోనే అతడిని పట్టుకుని చితకబాది పోలీసులకు అప్పగించారు. బాధితురాలి ఫిర్యాదు మేరకు కేసు నమోదు చేసినట్లు పోలీసులు తెలిపారు. అటవీ భూమి ఆక్రమణకు పాల్పడిన వ్యక్తి అరెస్టు లింగంపేట: బొల్లారం అటవీ సెక్షన్‌ పరిధిలోని ఎక్కపల్లి అటవీ ప్రాంతంలో చెట్లను నరికి భూమిని ఆక్రమించుకునేందుకు ప్రయత్నించిన ఎల్లయ్యను మంగళవారం అరెస్టు చేసినట్లు ఎల్లారెడ్డి రేంజ్‌ అధికారి రమేశ్‌, బొల్లారం సెక్షన్‌ అధికారి అశ్వప్‌ తెలిపారు. నిందితుడిని ఎల్లారెడ్డి కోర్టులో హాజరుపర్చగా విచారణ చేపట్టిన జడ్జి కండిషనల్‌ బెయిల్‌ మంజూరు చేసినట్లు తెలిపారు. ఫారెస్టు రేంజ్‌ అధికారి రమేశ్‌ మాట్లాడుతూ.. అడవుల సంరక్షణకు ప్రతి ఒక్కరూ సహకరించాలని కోరారు. అడవులలో చెట్ల నరికివేత, అటవీ భూముల ఆక్రమణలకు పాల్పడే వ్యక్తులపై చట్టపరమైన కఠిన చర్యలు తీసుకుంటామని హెచ్చరించారు.

● కలెక్టర్‌ ఇలాత్రిపాఠి ఆదేశం నిజామాబాద్‌అర్బన్‌: విద్యార్థుల ఆరోగ్యం, భద్రతకు అత్యంత ప్రాధాన్యత ఇవ్వాలని కలెక్టర్‌ ఇలా త్రిపాఠి ఎంఈవోలకు సూచించారు. ఏదైనా విద్యాసంస్థలో అతిసారం, డెంగీ, మలేరియా వంటి కేసులు నమోదైతే సంబంధిత మండల విద్యాశాఖ అధికారులను బాధ్యులుగా పరిగణిస్తామన్నారు. నగరంలోని సమీకృత జిల్లా కార్యాలయాల సము దాయం ప్రధాన సమావేశ మందిరంలో మంగళవారం మండల స్పెషల్‌ ఆఫీసర్లు, ఎంఈవోలతో కలెక్టర్‌ సమీక్ష జరిపారు. కేజీబీవీ, పాఠశాలల్లో నూ తన భవన నిర్మాణాలు, అదనపు తరగతి గదులు, మరుగుదొడ్లు, డ్రైనేజీల నిర్మాణ ప్రగతిని సమీక్షిస్తూ, పనులను వేగంగా పూర్తి చేయాలని సూచించారు. పలుచోట్ల పనులు మందకొడిగా సాగుతుండటంపై అధికారులపై అసంతప్తి వ్యక్తం చేశారు. ఇప్పటివరకు మంజూరు లభించని పక్షంలో వీబీజీ రాంజీ కింద ప్రతిపాదనలు పంపాలన్నారు. ఎఫ్‌ఆర్‌ఎస్‌ వందశాతం అమలు చేయాలని, లేనిపక్షంలో జీతాలు నిలిపివేస్తామని హెచ్చరించారు. కేజీబీవీ, ప్రభుత్వ బడులతోపాటు యంగ్‌ ఇండియా ఇంటిగ్రేటెడ్‌ రెసిడెన్షియల్‌ స్కూళ్లు, తెలంగాణ పబ్లిక్‌ స్కూళ్ల నిర్మాణాల ప్రగతిని, నాణ్యతను క్రమం తప్పకుండా పరిశీలిస్తూ ఉండాలని మండల ప్రత్యేక అధికారులకు, ఎంఈవోలకు సూచించారు. అద నపు కలెక్టర్‌ భుజంగరావు, ఇంచార్జి జిల్లా విద్యా శా ఖ అధికారి సాయాగౌడ్‌ తదితరులు పాల్గొన్నారు.

రెంజల్‌: జిల్లాలో చేయూత పింఛన్ల ఎంపికను పారదర్శకంగా నిర్వహిస్తున్నట్లు డీపీవో శ్రీనివాస్‌రావు పేర్కొన్నారు. అర్హులైన ప్రతీ ఒక్కరికి పింఛన్లు వస్తాయని వివరించారు. మంగళవారం మండలంలోని కూనేపల్లి, బాగేపల్లి గ్రామాల్లో పలువురి దరఖాస్తులు తిరస్కరణకు గురవడంతో క్షేత్రస్థాయిలో విచారించేందుకు వచ్చారు. కూనేపల్లిలో ఐదు, బాగేపల్లిలో మూడు తిరస్కరణకు గురైనట్లు వివరించారు. వారిని పంచాయతీ కార్యాలయాల వద్దకు పిలిపించుకుని వివరాలు అడిగి తెలుసుకున్నారు. ఎందుకు తిరస్కరణకు గురైందనే విషయాలను దరఖాస్తుదారులకు వివరించారు. వాటికి సంబంధించిన ధ్రువపత్రాలతో అధికారులకు అందిస్తే తిరిగి విచారణ చేపట్టి అర్హుల జాబితాలో చేర్చడం జరుగుతుందన్నారు. కూనేపల్లిలో డీపీవోను సర్పంచ్‌, ఉపసర్పంచులు సన్మానించారు. బోధన్‌ బీఎల్‌పీవో నాగరాజు, కూనేపల్లి సర్పంచ్‌ మల్లేశ్‌, ఆయా గ్రామాల ఉప సర్పంచులు శ్రీనివాస్‌గౌడ్‌, జ్యోతిలక్ష్మణ్‌ ఉన్నారు.

● ఇండియాకు రప్పించాలని వినతి డిచ్‌పల్లి: గల్ఫ్‌ దేశమైన మస్కట్‌ లో పలువురు తెలంగాణ వాసులు చిక్కుకున్నారు. నిజామాబాద్‌ జిల్లా డిచ్‌పల్లి మండలం ఘన్‌పూర్‌ గ్రామానికి చెందిన బోశెట్టి రాంచందర్‌ సోషల్‌ మీడి యా ద్వారా తమ గోడు వెల్ల బోసుకున్నాడు. ఏడాది క్రితం నిజామాబాద్‌, జగిత్యాల, నిర్మల్‌ జిల్లాలకు చెందిన సుమారు 20 మంది వరకు ఒక్కొక్కరు రూ.లక్ష చొప్పున చెల్లించి జగిత్యాలకు చెందిన బీఎంఆర్‌ మ్యాన్‌పవర్‌ కంపెనీ ద్వారా మస్కట్‌ కు బతుకుదెరువు కోసం వెళ్లారు. ఆ సమయంలో ఏజెంట్‌ వారికి బల్దియా (మున్సిపల్‌)లో పని చేయాల్సి ఉంటుందని చెప్పి లేబర్‌ సప్లయి కంపెనీలో చేర్చారు. అక్కడ ముందుగా రెండు నెలల జీతం కట్‌ చేసుకున్న కంపెనీ తర్వాత నాలుగు నెలల జీతం ఇచ్చి తర్వాత నిలిపివేశారు. ఆరు నెలలుగా కార్మికులతో పని చేయించుకుంటున్నా కంపెనీ యజమానులు జీతాలు ఇవ్వ డం లేదు. ఏజెంట్‌కు ఫోన్‌ చేస్తే రెస్పాన్స్‌ ఇవ్వడం లేదు. జీతాలు లేక తిండి తనడానికి ఇ బ్బందులు పడుతున్నారు. ఇండియాకు వెళ్లిపోతాం.. పాస్‌పో ర్టు ఇవ్వండని కంపెనీ వారిని అడిగితే రూ.1.50 లక్షలు కడితేనే పాసుపోర్టు ఇస్తామని చెబుతున్నారు. పని చేయకుండా రూంలో ఉంటే కంపెనీ ప్రతినిధులు వచ్చి కొడుతున్నారని.. మా గోడును సోషల్‌ మీడియా ద్వారా పంపించినా ఎవరూ ప ట్టించుకోవడం లేదని రాంచందర్‌ కన్నీళ్లు పెట్టుకున్నాడు. కేంద్ర, రాష్ట్ర ప్రభుత్వాలు స్పందించి మస్కట్‌లో చిక్కుకున్న తెలంగాణవారిని ఇండియాకు రప్పించేలా చర్యలు తీసుకోవాలని వీడియోలో కోరారు.

● చెరువులో పడి ఒకరి మృతి బాన్సువాడ రూరల్‌: దుర్గామాత దీక్షలో ఉన్న ఓ భక్తుడు ప్రమాదవశాత్తు నీట మునిగి మృతి చెందాడు. బాన్సువాడ పోలీసులు తెలిపిన వివరాల ప్రకారం.. బాన్సువాడ మండలం ఇబ్రహీంపేట్‌ గ్రామానికి చెందిన సున్నపు శ్రీకాంత్‌(30) దుర్గామాత దీక్ష చేపట్టారు. సోమవారం సాయంత్రం గ్రామ చెరువులో స్నానానికి వెళ్లి ఈతరాక మృతి చెందాడు. గమనించిన స్థానికులు కాపాడే ప్రయత్నం చేసినా ఫలితం లేకుండా పోయింది. మంగళవారం గజఈతగాళ్ల సాయంతో మృతదేహాన్ని బయటకు తీయించారు. భార్య సుమలత ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఎస్సై తెలిపారు. శ్రీకాంత్‌ మృతితో గ్రామంలో విషాద చాయలు అలుముకున్నాయి. రైలు కింద పడి గుర్తు తెలియని వ్యక్తి మృతినిజామాబాద్‌అర్బన్‌: రైలు కింద పడి గుర్తు తెలియని వ్యక్తి మృతి చెందినట్లు రైల్వే ఎస్సై సాయి రెడ్డి తెలిపారు. నవీపేట బాసర రైల్వే స్టేషన్ల మధ్య గుర్తుతెలియని వ్యక్తిని రైలు ఢీకొనడంతో మృతి చెందాడన్నారు. మృతుడి వయస్సు సుమారు 40 ఏళ్ల వరకు ఉంటుందని అన్నారు. కేసు నమోదు చేసి దర్యాప్తు చేస్తున్నట్లు తెలిపారు. మృతుడి వివరాలు తెలిసిన వారు 8712658591 నంబర్‌కు సమాచారం అందించాలని కోరారు. రోడ్డు ప్రమాదంలో ఒకరు..మద్నూర్‌(జుక్కల్‌): వాహనం అదుపుతప్పి కిందపడిపోయిన ఘటనలో ఒకరు మృతి చెందారు. ఎస్సై మోహన్‌రెడ్డి తెలిపిన వివరాల ప్రకారం.. జుక్కల్‌ మండల కేంద్రానికి చెందిన నాగంపల్లి రాములు(49) తన కుడిచేయి చూపుడు వేలికి గాయం కావడంతో మహారాష్ట్రలోని దెగ్లూర్‌లో ఉన్న ఆస్పత్రిలో చూయించుకుందామని తన ఎక్సెల్‌ వాహనంపై భార్యతో కలిసి వెళ్లారు. మండలంలోని అవాల్‌గావ్‌ సమీపంలో గుట్ట నుంచి కిందకు దిగుతున్న క్రమంలో వాహనం అదుపుతప్పి కింద పడిపోయారు. ఈ ఘటనలో రాములు తలకు తీవ్రగాయాలు కావడంతో స్థానికులు 108 అంబులెన్స్‌లో బాన్సువాడ ఆస్పత్రికి తరలించారు. పరీక్షించిన వైద్యులు రాములు మృతి చెందినట్లు నిర్ధారించారు. కేసు నమోదు చేసి దర్యాప్తు చేస్తున్నట్లు ఎస్సై తెలిపారు.

డొంకేశ్వర్‌: సమాజంలో సరికొత్త ఆధ్యాత్మిక విప్లవం ఆవిష్కృతమవుతోంది. నిన్న, మొన్నటి వరకు వయోవృద్ధులకే పరిమితమనుకున్న దైవ చింతన వైపు నేడు యువతరం పరుగులు తీస్తోంది. ఆడంబరాలకు, పాశ్చాత్య సంస్కృతికి ఆకర్షితుల య్యే నేటి యువత, కఠినమైన నియమాలతో కూ డిన ఆధ్యాత్మిక మార్గాన్ని ఎంచుకోవడం విశేషం. ముఖ్యంగా దుర్గామాత సేవలో యువత అగ్రభాగంలో నిలుస్తూ భక్తి పారవశ్యంలో మునిగి తేలుతోంది. ఆది పరాశక్తిగా భావించే దుర్గామాతకు ఏటా భక్తులు పెరుగుతున్నారు. యువత ఎక్కువ సంఖ్యలో మాలను ధరించడం వారిలో భక్తిభావాన్ని పెంచుతోంది. మూడు రోజుల క్రితం దేవీశరన్నవరాత్రులు ప్రారంభమయ్యాయి. ఊరూరా దుర్గామాతను ప్రతిష్ఠించగా, యువకులు పెద్ద ఎత్తున మాలలు ధరించడం విశేషం. చిన్న పిల్లలు, మహిళలు సైతం దుర్గమ్మ సేవపై ఆసక్తితో మా లలు, కండువాలు ధరించారు. దుర్గామాత మా ల అంటే అత్యంత పవిత్రమైనది. దీనిని ధరిస్తే కఠి న నియమాలు పాటించాలి. హరిశడ్వర్గాలు(కామం, క్రోదం, మోహం, లోబం, మదం, మశ్చ్యరం) అదుపులో పెట్టుకోవాలి. నియమనిష్టలతో ఉపవాస పూజలు చేయడం వలన ఇది సాధ్యమవుతుందని పండితులు, పది పర్యాయాలు మాల ధరించి న పెద్దలు చెబుతున్నారు. పిల్లలు చిన్నప్పుడే మాల ధరించడం వలన వారిలో భక్తి భావం పెరగడమే కాకుండా క్రమ శిక్షణను అలవర్చుకోవడానికి అవకాశముంది. యువత చెడు అలవాట్లను దూరం చేసుకుని సన్మార్గంలో నడవడం, పనిపై ఏకాగ్రత కూడా పెరుగుతుంది. దుర్గాదేవిని మ నసు పెట్టి కొలిస్తే కోరిన కోర్కెలు తీరుతాయనే నమ్మకం కలుగడంతో మాలను ధరించే భక్తుల సంఖ్య పెరుగుతోంది. దీంతో ఈ ఏడాది ప్రతీ ఊరిలో కనీసం 50 మందికి తగ్గకుండా మాలలు ధరించారు. దుర్గామాతకు ఏటా పెరుగుతున్న భక్తులు మాలధారణతో క్రమశిక్షణ, భక్తి భావం పిల్లలు, మహిళల్లో సైతం దుర్గమ్మ సేవపై ఆసక్తి

● మొదటి స్థానంలో నిలిచిన నిజామాబాద్‌ జట్టు ● ముగిసిన రాష్ట్ర స్థాయి యోగా పోటీలుప్రశాంత్‌నగర్‌(సిద్దిపేట): సిద్దిపేట జిల్లా కేంద్రంలో స్కూల్‌ గేమ్స్‌ ఫెడరేషన్‌ ఆధ్వర్యంలో నిర్వహించిన 70వ రాష్ట్ర స్థాయి యోగాసన క్రీడా పోటీలు మంగళవారం ముగిశాయి. ఈ నెల 11 నుంచి 13 వరకు జిల్లా కేంద్రంలోని టీటీఆర్‌సీ భవనంలో యోగా పోటీలు నిర్వహించారు. అండర్‌–14, 17 విభాగాల్లో ఓవరాల్‌ చాంపియన్‌గా నిజామాబాద్‌ జిల్లా క్రీడాకారులు నిలిచారు. కార్యక్రమానికి ముఖ్య అతిథులుగా హాజరైన ఇన్‌చార్జ్‌ డీఈవో రమేశ్‌, డీపీవో రవీందర్‌ విజేతలకు బహుమతులను అందించారు. విద్యార్థుల సమగ్ర అభివృద్ధికి క్రీడలు ఎంతో అవసరమని వారు అన్నారు. ఓవరాల్‌ చాంపియన్‌ అండన్‌–17 విభాగంలో నిజామాబాద్‌(ప్రథమ), ఆదిలాబాద్‌(ద్వితీయ), మెదక్‌(తృతీయ), అండర్‌–14 విభాగంలో నిజామాబాద్‌(ప్రథమ), మెదక్‌ (ద్వితీయ), రంగారెడ్డి(తృతీయ స్థానం) జట్లు విజేతలుగా నిలిచాయి. అనంతరం విజేతల కు ముఖ్య అతిథులు మెరిట్‌ సర్టిఫికెట్లు, పతకాలను అందజేసి అభినందించారు. కార్యక్రమంలో ఎస్‌జీఎఫ్‌ రాష్ట్ర పరిశీలకులు సత్యనారాయణ, జిల్లా సెక్కరెటరీ భాస్కర్‌రెడ్డి, విద్యాశాఖ ఏడీ శాస్త్రి, సెక్టోరియల్‌ అధికారి రామస్వామి, జిల్లా యోగాసన స్పోర్ట్స్‌ అసోసియేషన్‌ అధ్యక్షుడు అశోక్‌, సతీశ్‌, యోగా శిక్షకులు, పీఈటీలు, పీఈడీలు, ఉపాధ్యాయులు, క్రీడాకారులు పాల్గొన్నారు.

నిజామాబాద్‌అర్బన్‌: తమ సమస్యలను పరిష్కరించాలని డిమాండ్‌ చేస్తూ ఎన్‌హెచ్‌ఎం ఉద్యోగులు మంగళవారం విధులను బహిష్కరించి జిల్లా కేంద్రంలోని పాత కలెక్టరేట్‌ కార్యాలయం ధర్నా చౌక్‌లో నిరసన చేపట్టారు. ప్రభుత్వం ఇచ్చిన మాట ప్రకారం ఉద్యోగుల సర్వీసును రెగ్యులరైజ్‌ చేయాలని డిమాండ్‌ చేశారు. సమాన పనికి సమాన వేతనం కల్పించాలన్నారు. ప్రభుత్వం దిగివచ్చి సమస్యలను పరిష్కరించేంతవరకు నిరసన కార్యక్రమం కొనసాగుతుందని అన్నారు. ఎన్‌హెచ్‌ఎం ఉద్యోగుల సంఘం నాయకుడు షాదుల్లా, కాంట్రాక్టు ఉద్యోగులు తదితరులు పాల్గొన్నారు. భూ భారతి రీ సర్వే పరిశీలన జక్రాన్‌పల్లి: మండలంలోని మాదాపూర్‌లో కొనసాగుతున్న భూ భారతి రీ సర్వేను ఆర్మూర్‌ సబ్‌ కలెక్టర్‌ అభిగ్యాన్‌ మాల్వియా పరిశీలించారు. గ్రామంలో వ్యవసాయ పట్టా భూములలో కొనసాగుతున్న సర్వేను పరిశీలించారు. అనంతరం భూభారతి రీ సర్వేపై సమీక్షించారు. భూభారతి రీ సర్వే ను పకడ్బందీగా చేపట్టాలని అధికారులను ఆదేశించారు. ఆయన వెంట తహసీల్దార్‌ కిరణ్మయి, ఐడీసీఎంఎస్‌ మాజీ చైర్మన్‌ మునిపల్లి సాయిరెడ్డి, సర్పంచ్‌ అరుణ్‌ కుమార్‌, ఆర్‌ఐ ప్రవీణ్‌, సర్వేయర్‌ నాగేశ్‌, సిబ్బంది పాల్గొన్నారు.

లక్డీకాపూల్‌: కామారెడ్డికి చెందిన ఓ వ్యాపారవేత్త బ్రెయిన్‌డెడ్‌ కాగా, అవయవ దానంతో నలుగురు రోగులకు పునర్జన్మ లభించింది. వివరాలు ఇలా.. కామారెడ్డిలోని రాజానగర్‌ నివాసి పవన్‌ కుమార్‌ జాజు (39) వృత్తిరీత్యా వ్యాపారవేత్త. కొన్ని రోజులుగా తలనొప్పితో బాధపడుతున్న ఆయనకు అకస్మాత్తుగా బ్రెయిన్‌ హెమరేజ్‌ (మెదడులో రక్తస్రావం) కావడంతో ఈనెల 7న కామారెడ్డిలోని ఒక ప్రయివేట్‌ ఆస్పత్రి చేర్పించారు. అక్కడి నుంచి మెరుగైన వైద్యం కోసం హైదరాబాద్‌లోని ఒక ప్రయివేట్‌ ఆస్పత్రికి తరలించగా, అక్కడ పరిస్థితి విషమించడంతో మంగళవారం తెల్లవారుజామున బ్రెయిన్‌ డెడ్‌ అయినట్లు వైద్యులు ప్రకటించారు. ఇంతటి విషాద సమయంలో పవన్‌ కుమార్‌ కుటుంబ సభ్యులు ఆయన అవయవాలను దానం చేయడానికి అంగీకరించారు. దీంతో అతడి రెండు కిడ్నీలు, ఒక లివర్‌ (కాలేయం), ఊపిరితిత్తులను నలుగురు రోగులకు అమర్చి వారి ప్రాణాలను కాపాడారు. ఈసందర్భంగా జీవన్‌దాన్‌ తెలంగాణ ఇన్‌చార్జి ప్రొఫెసర్‌ భూషణ్‌ రాజు మాట్లాడుతూ.. బాధిత కుటుంబ సభ్యులకు ప్రత్యేక కృతజ్ఞతలు తెలిపారు. అవయవ దానంపై ప్రజల్లో అవగాహన పెంచేందుకు, అవసరమైన వారికి సేవలు అందించేందుకు జీవన్‌దాన్‌ ఎల్లప్పుడూ కట్టుబడి ఉంటుందని స్పష్టం చేశారు.

● అర్బన్‌ ఎమ్మెల్యే ధన్‌పాల్‌ సూర్యనారాయణ సుభాష్‌నగర్‌: నియోజకవర్గానికి సంబంధించి ఆర్‌ అండ్‌ బీ పనుల్లో పురోగతి సాధించాలని అర్బన్‌ ఎమ్మెల్యే ధన్‌పాల్‌ సూర్యనారాయణ తెలిపారు. నగరంలోని సుభాష్‌నగర్‌లో ఉన్న ఎమ్మెల్యే క్యాంప్‌ కార్యాలయంలో ఆర్‌ అండ్‌ బీ అధికారులతో ఆయన మంగళవారం సమీక్ష నిర్వహించారు. ఇందూరులో చారిత్రక కట్టడమైన ఖిల్లా రామాలయ అభివృద్ధికి పలుమార్లు కేంద్ర, రాష్ట్ర ప్రభుత్వాలు, మంత్రుల దృష్టికి తీసుకెళ్లినట్లు పేర్కొన్నారు. సానుకూలంగా స్పందించిన ప్రభుత్వాలు రోప్‌ వే కోసం డీపీఆర్‌ సిద్ధం చేయాలని సూచించినట్లు తెలిపారు. ఇటీవల ఆర్‌ అండ్‌ బీ అధికారులతోపాటు రోప్‌ వే నిర్మాణ కంపెనీ ప్రతినిధులు పరిశీలించారని గుర్తుచేశారు. ప్రధానంగా నగరంలో పెండింగ్‌లో ఉన్న పనులను త్వరితగతిన పూర్తి చేయాలని అధికారులకు సూచించారు. పాత పనుల్లో వేగం పెంచాలని ఆదేశించారు. అంతకుముందు పబ్లిక్‌ హెల్త్‌ అధికారులతో ఎమ్మెల్యే సమావేశం నిర్వహించారు. ఇందూరులో కొనసాగుతున్న యూజీడీ, టీయూఎఫ్‌ఐడీసీ రూ.60 కోట్ల పనుల పురోగతిపై చర్చించారు. సమావేశంలో ఆర్‌ అండ్‌ బీ డీఈలు నాందేవ్‌, రామ్మోహన్‌, ఏఈ సాయి కుమార్‌, పబ్లిక్‌ హెల్త్‌ డీఈ యోగేశ్‌, ఏఈ శివకృష్ణ, యూజీడీ వర్క్స్‌ మేనేజర్‌ జయశంకర్‌ తదితరులు పాల్గొన్నారు.

నిజామాబాద్‌ రూరల్‌: గ్రామాల్లో నిర్వహిస్తున్న ఉపాధి హామీ పనులకు కూలీల సంఖ్య పెంచే విధంగా జీపీ కార్యదర్శులు, ఎఫ్‌ఏలు, సర్పంచులు చొరవ తీసుకోవాలని డీఆర్‌డీవో సాయన్న అన్నా రు. మంగళవారం జిల్లా కేంద్రంలోని ఎంపీడీవో కా ర్యాలయంలో ఏర్పాటు చేసిన 16 విడత సామాజిక తనిఖీ ప్రజావేదిక కార్యక్రమంలో ఆయన పాల్గొని మాట్లాడారు. జిల్లాలో ఎల్‌నినో ప్రభవం చాలా ఉందని, గ్రామీణ ప్రజలు పట్టణాలకు వలస వెళ్లే ప్రమాదం ఉందన్నారు. ప్రతి నీటిని ఒడిసి పట్టేందుకు గ్రామీణ ప్రాంతాల్లో అధికారులు రైతులకు ఫాంపాండ్‌ల నిర్మాణం గురించి అవగాహన కల్పించాలన్నారు. రైతులు ఆరు తడి పంటల వైపు మొగ్గు చూపాలన్నారు. విధుల్లో నిర్లక్ష్యం వహించే అధికారులపై చర్యలు తప్పవని హెచ్చరించారు. కార్యక్రమంలో ఎంపీడీవో రాంనారాయణ, ఎంపీవో ఎక్బాల్‌, ఏపీఎం పద్మ, అధికారులు పాల్గొన్నారు.

● తొర్లికొండలో ముగిసిన రాష్ట్రస్థాయి బాలికల సాఫ్ట్‌బాల్‌ పోటీలుజక్రాన్‌పల్లి: మండలంలోని తొర్లికొండ జిల్లా పరిషత్‌ ఉన్నత పాఠశాలలో నిర్వహించిన 11వ తెలంగాణ రాష్ట్ర మినీ సబ్‌ జూనియర్‌ అండర్‌–13 బాలి కల అంతర్‌ జిల్లాల సాఫ్ట్‌బాల్‌ చాంపియన్‌న్‌షిప్‌ పోటీలు ముగిశాయి. నిజామాబాద్‌ జిల్లా జట్టు విజేతగా నిలవగా, ద్వితీయ స్థానంలో భద్రాద్రి కొ త్తగూడెం జట్టు నిలిచింది. వరంగల్‌ జట్టు తృతీయ స్థానం సాధించాయి. ముగింపు కార్యక్రమానికి స ర్పంచ్‌ పద్మనాగరాజు ముఖ్య అతిథిగా హాజరై విజేతలకు ట్రోఫీలు, మెడల్స్‌ అందజేశారు. పాఠశా ల ప్రధానోపాధ్యాయుడు, మండల విద్యాధికారి శ్రీనివాస్‌ మాట్లాడుతూ.. ఈ నెల 28 నుంచి 31వ తేదీ వరకు మహారాష్ట్రలోని సంజీవిని యూనివర్సిటీ, కోపర్గావ్‌లో జరగనున్న జాతీయ మినీ సబ్‌ జూనియర్‌ బాలికల సాఫ్ట్‌బాల్‌ పోటీల్లో రాష్ట్ర జట్టు ప్రథమ స్థానంలో నిలిచేలా ప్రతి క్రీడాకారిణి కృషి చేయాలని పిలుపునిచ్చారు. టోర్నీలో అత్యుత్తమ ప్రతిభ కనబర్చిన సుద్దపల్లి సాంఘిక సంక్షేమ పాఠ శాల క్రీడాకారిణి ఎన్‌ సమంత బెస్ట్‌ పిచ్చర్‌ అవా ర్డును అందుకుంది. సాఫ్ట్‌బాల్‌ ఫెడ రేషన్‌ ఆఫ్‌ ఇండియా సంయుక్త కార్యదర్శి శోభన్‌ బాబు, బ్రాహ్మణపల్లి సొసైటీ చైర్మన్‌ నర్సారెడ్డి, ఉపసర్పంచ్‌ తెడ్డు మైపాల్‌, జిల్లా సాఫ్ట్‌బాల్‌ అసోసియేషన్‌ ప్రధాన కార్యదర్శి మర్కంటి గంగామోహన్‌, జిల్లా పీఈటీ సంఘం ప్రధాన కార్యదర్శి ఎస్‌ గంగాధర్‌, గ్రామ పంచాయతీ కార్యదర్శి వీరేందర్‌, వీడీసీ ప్రధాన కార్యదర్శి కనక రాజేశ్‌, కోశాధికారి వేముల నాగరాజు, ఫిజికల్‌ డైరెక్టర్లు వేముల నాగభూషణం, స్వప్న, లత, మెండె రమేశ్‌, కోచ్‌లు నరేశ్‌, అనికేత్‌, మౌనిక, రాహుల్‌ తదితరులు పాల్గొన్నారు. సమంతకు బెస్ట్‌ పిచ్చర్‌ అవార్డును అందజేస్తున్న అతిథులు, టోర్నీ నిర్వాహకులుస్టాఫ్‌బాల్‌ విజేత నిజామాబాద్‌ జట్టుకు షీల్డ్‌ను అందజేస్తున్న సర్పంచ్‌ పద్మ, అతిథులు

డిచ్‌పల్లి/నిజామాబాద్‌రూరల్‌: భారత ఎన్నికల సంఘం ప్రధాన కమిషనర్‌ (సీఈసీ) జ్ఞానేశ్‌కుమార్‌ రాజీనామా చేయాలని డిమాండ్‌ చేస్తూ ఇండియా కూటమి ఆధ్వర్యంలో దేశ రాజధాని ఢిల్లీలో సోమ వారం నిర్వహించిన మహా నిరసన ర్యాలీలో నిజామాబాద్‌ రూరల్‌ ఎమ్మెల్యే డాక్టర్‌ ఆర్‌ భూపతిరెడ్డి, డీసీసీ అధ్యక్షుడు కాటిపల్లి నగేశ్‌రెడ్డి పాల్గొన్నారు. కాంగ్రెస్‌ అగ్రనేతలు రాహుల్‌ గాంధీ, ప్రియాంక గాంధీ నేతృత్వంలో నిర్వహించిన ర్యా లీలో సీఎం రేవంత్‌రెడ్డి పిలుపు మేరకు వారు పా ల్గొన్నారు. ప్రజాస్వామ్య వ్యవస్థలో ఎన్నికల ప్రక్రియపై ప్రజలకు విశ్వాసం కల్పించడం, ఓటర్ల హ క్కులను పరిరక్షించడం అత్యంత కీలకమని పేర్కొన్నారు. ప్రజాస్వామ్య విలువలు, ఓటర్ల హక్కుల పరిరక్షణకు ప్రాధాన్యత ఇవ్వాలని, ప్రజాస్వామ్యం రక్షణకు ప్రతి ఒక్కరు భాగస్వాములు కావాలన్నారు.ఢిల్లీలో నిర్వహించిన నిరసనలో పాల్గొన్న రూరల్‌ ఎమ్మెల్యే భూపతిరెడ్డి, డీసీసీ అధ్యక్షుడు నగేశ్‌రెడ్డి

● గడువులోగా పూర్తి చేయాలి ● వీసీలో దేవాదాయశాఖ ప్రిన్సిపల్‌ సెక్రెటరీ శైలజారామయ్యర్‌ నిజామాబాద్‌ అర్బన్‌: గోదావరి పుష్కరాల పనుల ను వేగవంతం చేయాలని రాష్ట్ర దేవాదాయ శాఖ ప్రిన్సిపల్‌ సెక్రెటరీ శైలజారామయ్యర్‌ సూచించా రు. పుష్కరాల పనుల నిర్వహణపై ఎండోమెంట్‌ కమిషనర్‌ హనుమంతరావుతో కలిసి సోమవారం సాయంత్రం వీడియో కాన్ఫరెనన్స్‌ ద్వారా సమీక్ష నిర్వహించారు. ఈ సందర్భంగా శైలజారామయ్యర్‌ మాట్లాడుతూ.. గోదావరి తీరంలో నిర్మాణ పను లను నిరంతరం పర్యవేక్షించాలని, అవసరమైన భూ సేకరణ ప్రక్రియ త్వరితగతిన పూర్తి చేయాలని అన్నారు. జిల్లాలో చేపట్టిన పనులపై సమీక్షించా రు. దేవాదాయ, నీటిపారుదల, ఆర్‌ అండ్‌ బీ, ప ర్యాటక, తదితర శాఖల ఆధ్వర్యంలో చేపట్టాల్సిన పనులపై కీలక సూచనలు చేశారు. నూతన పుష్కర ఘాట్‌ల నిర్మాణం, ఘాట్‌ల మరమ్మతులు, రోడ్ల నిర్మాణం తదితర పనులను గడువులోగా పూర్తి చేయాలని అన్నారు. క్షేత్రస్థాయిలో ఏవైనా ఇబ్బందులు ఉంటే తమ దృష్టికి తేవాలన్నారు. కలెక్టర్‌ ఇలా త్రిపాఠి మాట్లాడుతూ.. కందకుర్తి, యంచ తదితర ప్రాంతాల్లో పనులను వేగవంతంగా పూర్తి చేస్తామన్నారు. అద నపు కలెక్టర్‌ భుజంగరావు, సంబంధిత శాఖల అధికారులు పాల్గొన్నారు.

● వరికి బదులు పప్పు ధాన్యాలు పండించాలి ● ‘రైతునేస్తం’లో కలెక్టర్‌ ఇలా త్రిపాఠిబోధన్‌: ప్రస్తుత యాసంగి సీజన్‌లో జిల్లాలోని రైతు లు ఆరుతడి పంటలు సాగు చేయాలని కలెక్టర్‌ ఇలా త్రిపాఠి సూచించారు. ఎల్‌నినో ప్రభావంతో సరైన వర్షాలు లేక భూగర్భ జలాలు తగ్గుతున్నాయని పేర్కొన్నారు. రైతు నేస్తం కార్యక్రమంలో భాగంగా ఎడపల్లి మండలంలోని రైతువేదికలో నిర్వహించిన వీడియో కాన్ఫరెన్స్‌లో కలెక్టర్‌ పాల్గొన్నారు. ఎల్‌నినో ప్రభావంపై రాష్ట్ర ఉపముఖ్యమంత్రి భట్టి వి క్రమార్క, వ్యవసాయ శాఖ మంత్రి తుమ్మల నా గేశ్వర్‌ రావు, రాష్ట్ర ప్రభుత్వ ప్రధాన కార్యదర్శి సంజయ్‌జాజు, ప్రత్యేక ప్రధాన కార్యదర్శి దానం కిశో ర్‌ తదితరులు వీసీలో మాట్లాడారు. సాగులో ఉన్న పంటలను కాపాడుకోవడంతోపాటు యాసంగి సీజన్‌లో తక్కువ నీటితో తక్కువ కాలంలో చేతికొ చ్చే పంటలను సాగు చేయాలని దిశానిర్దేశం చేశా రు. నీటి లభ్యత లేని చోట పంటలు సాగు చేసి నష్టపోవద్దని రైతులను కోరారు. అనంతరం కలెక్టర్‌ ఇలా త్రిపాఠి మాట్లాడుతూ జిల్లాలో యాసంగి సీజన్‌లో వరి బదులు ఆరుతడి పంటల సాగుపై రైతుల కు విస్త్రృత స్థాయిలో అవగాహన కల్పిస్తున్నామన్నా రు. అధిక లాభదాయకమైన ఆయిల్‌ పామ్‌ పంట సాగు దిశగా రైతులను ప్రొత్సహిస్తున్నట్లు పేర్కొ న్నారు. ఎల్‌నినో ప్రభావాన్ని అధిగమించేందుకు పంటల ప్రణాళికను సిద్ధం చేశామని తెలిపారు. ఈ సందర్భంగా ఎడపల్లి మండలానికి చెందిన ఆదర్శ రైతు నవీన్‌ మాట్లాడుతూ వర్షాభావ పరిస్థితులను దృష్టిలో పెట్టుకొని వానాకాలం సీజన్‌లో వరికి బదులు కంది,పెసర, మినుము వంటి పప్సు దినుసు పంటలు సాగు చేయడంతో అధిక లాభాలు వచ్చాయని వివరించారు. కార్యక్రమంలో అదనపు కలెక్టర్‌ భుజంగరావు, డీఏవో వీరాస్వామి, జిల్లా ఉద్యానశాఖ అధికారి శ్రీనివాస్‌రావు, ఆర్డీవో విజయ కుమారి, ఉర్దూ అకాడమీ చైర్మన్‌ తాహెర్‌ బిన్‌ హందాన్‌ తదితరులు పాల్గొన్నారు.

● మొదటి విడతగా జిల్లాలోని 25 స్కూళ్లల్లో నియామకం ● నవంబర్‌ నుంచి మార్చి వరకే కొనసాగింపు ఆర్మూర్‌ : జిల్లాలోని పీఎంశ్రీ పాఠశాలల్లో చదువుతున్న దివ్యాంగ విద్యార్థులకు సమ్మిళిత విద్యను మరింత బలోపేతం చేసేందుకు విద్యాశాఖ కీలక నిర్ణయం తీసుకుంది. సమగ్ర శిక్ష, రాష్ట్ర ప్రాజెక్టు డైరెక్టర్‌ డా.ఈ.నవీన్‌ నికోలస్‌ జారీ చేసిన ప్రొసీడింగ్స్‌ ప్రకారం ప్రతి పీఎంశ్రీ సెకండరీ స్కూల్‌కు ఒకరు చొప్పున గెస్ట్‌ స్పెషల్‌ నీడ్స్‌ ఎడ్యుకేటర్‌ను తాత్కాలిక ప్రాతిపదికన నియమించనున్నారు . నోటిఫికేషన్‌ జారీ.. జిల్లావ్యాప్తంగా మొత్తం 40 పీఎంశ్రీ పాఠశాలలు ఉన్నాయి. వీటిలో మొదటి విడతగా 25 స్కూళ్లలో ప్రత్యేక టీచర్లను నియమించేందుకు నోటిఫికేషన్‌ జారీ చేశారు. ఎంపికై న అభ్యర్థులకు నెలకు రూ.16,500 చొప్పున గౌరవ వేతనం చెల్లిస్తారు. ఇందుకు జిల్లాకు సుమారు రూ.20,66,500 బడ్జెట్‌ కేటాయించారు. నియామక కాలం నవంబర్‌ నుంచి మార్చి వరకు ఐదు నెలలు మాత్రమే ఉంటుంది. గ్రాడ్యుయేట్‌తోపాటు బీఈడీ (స్పెషల్‌ ఎడ్యుకేషన్‌), బీఈడీ (జనరల్‌)తోపాటు ఇతర ప్రత్యేక కో ర్సులు పూర్తిచేసిన వారు అర్హులు. ప్రత్యేక ఉపాధ్యాయులు పీఎంశ్రీ స్కూల్‌కే పరిమితం కాకుండా, క్లస్టర్‌, మండలంలోని ఇతర పీఎంశ్రీ పాఠశాలల్లోని దివ్యాంగ పిల్లలకు కూడా సేవలు అందించాల్సి ఉంటుంది.డొంకేశ్వర్‌ పీఎంశ్రీ జెడ్పీహెచ్‌ఎస్‌, మగ్గిడి, ఆర్మూర్‌ (గర్ల్స్‌), బాల్కొండ, ఏర్గట్ల, చౌటుపల్లి, కోనసమందర్‌, వేల్పూర్‌, జక్రాన్‌పల్లి, గొట్టుముక్కల, జాన్కంపేట్‌, రెంజల్‌, సాలూర, అందాపూర్‌, (జేసీ) బోధన్‌, కోటగిరి, పోతంగల్‌ (టీఎం), మల్లారం, కోటగల్లి, గవర్నమెంట్‌ యూపీఎస్‌ వెంగళరావు నగర్‌ (యూఎం), ఎల్లారెడ్డిపల్లి, ధర్పల్లి, భీమ్‌గల్‌, పల్లికొండ, చందూర్‌.ఎంపికై న ప్రత్యేక ఉపాధ్యాయులు కేవలం పాఠశాలల కే పరిమితం కాకుండా, భవి త కేంద్రాల ద్వారా తగిన వి ద్యాసాయం, కౌన్సెలింగ్‌, ఇంటి సందర్శనలు చేయాలి. ప్రత్యేక పిల్లలను గుర్తించి, అంచనా వేయడం, తరగతి మార్పులో సహకరించడం, తల్లిదండ్రులకు మార్గదర్శకత్వం ఇవ్వడం వారి ప్రధాన బాధ్యత. – పడకంటి శ్రీనివాస్‌ రావు, ఐఈ జిల్లా కోఆర్డినేటర్‌, సమగ్ర శిక్ష, నిజామాబాద్‌

● జాతీయ రహదారిపై నెమ్మదిగా కల్వర్టు నిర్మాణం ● 40 రోజుల్లో 12 ప్రమాదాలు.. ముగ్గురి మృతినేషనల్‌ హైవే 44పై బోల్తా పడిన లారీ.. స్తంభించిన ట్రాఫిక్‌ హైవేపై కొనసాగుతున్న కల్వర్టు నిర్మాణ పనులు ఇందల్వాయి: నేషనల్‌ హైవే అథారిటీ ఆఫ్‌ ఇండియా జాతీయ రహదారిపై చేపట్టిన కల్వర్టు నిర్మాణ పనుల్లో జాప్యంతో వాహనదారులు తరచూ ప్రమాదాలకు గురవుతున్నారు. సరైన ముందస్తు జాగ్రత్తలు తీసుకోకపోవడంతోపాటు పనులు నెమ్మదిగా సాగుతుండటంతో ఇబ్బందులు ఎదురవుతున్నాయి. ఇందల్వాయి మండలం చంద్రాయన్‌పల్లి గ్రామ శివారులో 44వ నెంబర్‌ జాతీయ రహదారిపై ఎన్‌హెచ్‌ఏఐ కల్వ ర్టు నిర్మాణం చేపట్టింది. అటవీ ప్రాంతం నుంచి వచ్చే వర్షపు నీటిని గ్రామ చెరువులోకి మళ్లించేందుకు చేపట్టిన పనుల్లో భాగంగా మొదట కామరెడ్డి నుంచి నిజామాబాద్‌ వైపు వచ్చే మార్గంలో రెండు నెలల క్రితం రోడ్డును తవ్వారు. అయితే ఆ మార్గంలో వచ్చే వాహనాలను నిజామాబాద్‌ నుంచి కామారెడ్డి వైపు వెళ్లే మార్గంలోకి మళ్లించి వన్‌వేగా మార్చారు. సరైన జాగ్రత్తలు తీసుకోకపోవడంతో వారానికి రెండు మూడు ప్రమాదా లు చోటు చేసుకుంటున్నాయి. సెప్టెంబర్‌ 1 నుంచి ఈ నెల 10వ తేదీ వరకు సుమారు 12 ప్రమాదాలు చోటు చేసుకోగా ముగ్గురు మృత్యువాత పడ్డారు. కాగా, కల్వర్టు నిర్మాణం అడవిలో, ప్రమాదకరమైన దిగుడు ప్రాంతంలో ఉన్నందున నాయ్‌ ఓ కాంట్రాక్టర్‌కు పనులు అప్పజెప్పింది. పనులు జరుగుతున్న ప్రాంతంలో రాత్రివేళల్లో సరైన సూచిక బోర్డులు, వాహనాలను దూరం నుంచే నియంత్రించే వ్యవస్థ లేకపోవడంతో డ్రైవర్లు తికమకకు గురై ప్రమాదాల బారినపడుతున్నారు. ఈ నేపథ్యంలో పోలీసు ఉన్నతాధికారులు ఘటనా స్థలాన్ని తనిఖీ చేసి రోడ్డు భద్రత నియమాలు పాటించని గుత్తేదారుపై కేసు నమోదు చేయడం గమనార్హం. భయంగా ఉంది నాతోపాటు సుమారు 20 మంది రైతులు నిత్యం హైవే మీదుగా పొలాలకు వెళ్తాం. క ల్వర్టు నిర్మాణం మొదటి నుంచే ప్రమాదాలు జరుగుతున్నా యి. దీంతో పొలాలకు వెళ్లాలంటేనే భయంగా ఉంది. అధికారులు భద్రత చర్యలు చేపట్టి ప్రమాదాలు జరగకుండా చూడాలి. – గడ్డం ప్రశాంత్‌ రెడ్డి, చంద్రాయన్‌పల్లివాసి దిగుడు రోడ్డుతోనే ప్రమాదాలు కల్వర్టు నిర్మాణం జరుతున్న ప్రదేశం అటవీ ప్రాంతం కావడంతోపాటు మూలమలుపు, ఎక్కువ దిగుడు ఉండటంతోనే వాహనాలు వేగంగా వచ్చి ప్రమాదాల బారినపడుతున్నాయి. రోడ్డు మళ్లింపుపై స్పష్టమైన సూ చికలు, హెచ్చరికల బోర్డులు ఏర్పాటు చేశాం. పనులు వేగంగా పూర్తయ్యేలా అన్ని చర్యలు చేపడుతున్నాం. – రంగారావు, ఎన్‌హెచ్‌ఏఐ అధికారి

కామారెడ్డి టౌన్‌: ‘అమ్మా.. నాన్నా.. ఈ నెల 17న ఇంటికి వస్తున్నా.. ఫ్లైట్‌ టికెట్‌ కూడా బుక్‌ చేసుకున్నా’ అంటూ కొద్దిరోజుల క్రితమే ఫోన్‌ చేసి ఆనందంగా చెప్పిన ఆ కొడుకు.. ఇంటికి రాకుండానే తిరిగిరాని లోకాలకు వెళ్లాడు. భర్త ఎప్పుడెప్పుడు ఇంటికి వస్తాడా అని భార్య వేయి కళ్లతో ఎదురుచూస్తున్న వేళ.. ఈ పిడుగులాంటి వార్త ఆ కుటుంబాన్ని ముంచెత్తింది. కన్నవారిని, కట్టుకున్న భార్యను చూసేందుకు మరో వారం రోజుల్లో స్వదేశానికి చేరాల్సిన ఆ యువకుడు, పని ప్రదేశంలో సంభవించిన ఘోర ప్రమాదంలో ప్రాణాలు కోల్పోయాడు. కువైట్‌లో జరిగిన ఈ దుర్ఘటనతో జిల్లా కేంద్రంలో తీవ్ర విషాదఛాయలు అలముకున్నాయి. వివరాలు ఇలా.. పైనుంచి పడ్డ టైల్స్‌.. అక్కడికక్కడే మృతి జిల్లా కేంద్రంలోని భారత్‌రోడ్‌కు చెందిన అర్కల నారాయణ–శోభ దంపతులు పాల వ్యాపారం చేసుకుంటూ జీవనం సాగిస్తున్నారు. వీరి కుమారుడు అర్కల రవికుమార్‌ అలియాస్‌ రాము కుటుంబాన్ని ఆర్థిక ఇబ్బందుల నుంచి గట్టెక్కించేందుకు నాలుగేళ్ల క్రితం ఉపాధి కోసం కువైట్‌ వెళ్లాడు. రెండేళ్ల క్రితం స్వస్థలానికి వచ్చి వివాహం చేసుకున్నాడు. కొద్దిరోజులకే భార్య గర్భవతి కాగా, మళ్లీ బతుకుదెరువు కోసం కువైట్‌కు వెళ్లిపోయాడు. అక్కడ భవన నిర్మాణ పనుల్లో కార్మికుడిగా పనిచేస్తున్నాడు. కాగా ఈనెల 10న నిర్మాణంలో ఉన్న ఓ భవనం కింది భాగంలో రాము పనిచేస్తుండగా, ఊహించని రీతిలో పైనుంచి భారీ ముడి టైల్స్‌ జారి నేరుగా అతని తలపై పడ్డాయి. తీవ్ర రక్తస్రావమై తలకు బలమైన గాయం కావడంతో అతడు అక్కడికక్కడే ప్రాణాలు వదిలాడు. మృతుడి సోదరుడు కూడా ప్రస్తుతం కువైట్‌లోనే కార్మికుడిగా పనిచేస్తున్నాడు. కన్న కొడుకునూ చూడలేదు.. తాళినీ నిలపలేదు.. రాము భార్య రమ్య గతంలో పండంటి బాబుకు జన్మనివ్వగా, ఆ పసికందు 5 నెలల్లోనే అనారోగ్యం, శ్వాసకోశ సమస్యలతో కొద్దిరోజులకే మృతిచెందాడు. పరాయి దేశంలో ఉన్న రాము కనీసం తన కన్న కొడుకును కూడా కళ్లారా చూసుకోలేకపోయాడు. ఆ పుత్రశోకం నుంచి తేరుకోకముందే, ఇప్పుడు ఇంటికి ఆధారమైన రాము మరణించడంతో కుటుంబం శోకసంద్రంలో మునిగిపోయింది. నాలుగేళ్లుగా గల్ఫ్‌ దేశంలో చెమటోడ్చిన రాము ఈ నెల 17న సెలవుపై ఇంటికి వచ్చేందుకు అన్ని ఏర్పాట్లు చేసుకున్నాడు. తిరుగు ప్రయాణానికి సంబంధించి విమానం టికెట్‌ కూడా బుక్‌ చేసుకున్నాడు. ‘ఇంటికొస్తాడనుకున్న కొడుకు శవమై వస్తున్నాడు’ అంటూ తల్లిదండ్రులు, భార్య గుండెలవిసేలా రోదిస్తున్న తీరు చూపరులను కంటతడి పెట్టిస్తోంది. మృతదేహం మంగళవారం జిల్లా కేంద్రానికి చేరుకోనున్నట్లు కుటుంబసభ్యులు తెలిపారు. ప్రభుత్వం, ప్రజాప్రతినిధులు స్పందించి తమ కుటుంబాన్ని అన్ని విధాలా ఆదుకోవాలని వారు కన్నీటితో వేడుకుంటున్నారు. కువైట్‌లో జిల్లాకేంద్ర వాసి దుర్మరణం ఈనెల 17న స్వదేశానికి వచ్చేందుకు టికెట్‌ బుక్‌చేసుకున్న రాము 10న పనిప్రదేశంలో అనుకోని ప్రమాదంలో మృతి

● వరి క్వింటాలుకు రూ.3,700 వరకు చెల్లిస్తున్న వ్యాపారులు ● హర్షం వ్యక్తం చేస్తున్న రైతులు సుభాష్‌నగర్‌: ఖరీఫ్‌లో వరి రైతు కష్టానికి అదృష్టం తోడైంది. ప్రస్తుతం కోతలు జరిగిన పంట వద్దకే వ్యాపారులు వచ్చి ప్రభుత్వ మద్దతు ధర కంటే ఎక్కువ ధరతో కొనుగోళ్లు చేస్తుండటంతో హర్షం వ్యక్తం చేస్తున్నారు. ఎల్‌నినో ప్రభావంతో రబీలో వరి సాగు చేయకపోవచ్చనే భావనో లేదా వేరే రాష్ట్రాల్లో వరి సాగు చేయకపోవడమో.. కారణమేమైనప్పటికీ కల్లాల వద్దకే వ్యాపారులు వచ్చి పంటను కొనుగోళ్లు చేస్తుండటం జిల్లాలో జోరుగా కొనసాగుతోంది. ధాన్యాన్ని ఆరబెట్టకుండానే.. జిల్లావ్యాప్తంగా వరి కోతలు మొదలయ్యాయి. ముఖ్యంగా వర్ని, రుద్రూర్‌, మోస్రా, చందూర్‌, కోటగిరి, బోధన్‌, ఎడపల్లి, తదితర మండలాల్లో 35 నుంచి 40శాతం వరకు కోతలు పూర్తయ్యాయి. మిగతా మండలాల్లో ఇప్పుడిప్పుడే ప్రారంభమయ్యాయి. ధాన్యం కోసి ఆరబెట్టి, తేమశాతం చూసిన తర్వాతే గతంలో కొనుగోళ్లు చేపట్టేవారు. కానీ ఈ సీజన్‌లో అందుకు భిన్నంగా మారింది. ప్రయివేటు వ్యాపారులు రైతు పొలం వద్దకు లారీ, హమాలీలు, బస్తాలతో వచ్చిన తర్వాత కోతలు మొదలు పెడుతున్నారు. అటు కోయడం.. ఇటు తూకం వేయడమే. ఏ ఒక్క రైతు కూడా ధాన్యం ఆరబెట్టిన దాఖలాలు లేవు. ప్రస్తుత సీజన్‌లో క్వింటాలుకు ధర రూ.3,200 నుంచి రూ.3,700 (రకాన్ని బట్టి) వరకు పలుకుతోంది. దీనికితోడు వ్యాపారులు ఎగబడి కొనుగోలు చేస్తుండటంతో పచ్చి ధాన్యంతో దిగుబడి కూడా కలిసొస్తుంది. ప్రభుత్వ కేంద్రాలకు దూరం.. జిల్లాలో ధాన్యానికి మద్దతు ధరకు మించి ధర వస్తుండటంతో ఎక్కడ కూడా ప్రభుత్వ కొనుగోలు కేంద్రాల ప్రస్తావన రావడం లేదు. కేవలం కేంద్రాలకు కొబ్బరికాయలు కొట్టి పూజ చేసి వదిలేశారు. జిల్లావ్యాప్తంగా ప్రభుత్వ కొనుగోలు కేంద్రాల ద్వారా 6.50లక్షల మెట్రిక్‌ టన్నుల ధాన్యం సేకరణ లక్ష్యంగా పెట్టుకున్నారు. ఆ లక్ష్యంపై ప్రభుత్వ యంత్రాంగం ఆశలు వదులుకున్నట్లేనని అధికారవర్గాల్లో చర్చ జరుగుతోంది. మార్కెట్‌లో రైతులకు మంచి ధర వస్తే.. అదే మేలు అని వారు పేర్కొంటున్నారు.

ముప్కాల్‌(వేల్పూర్‌) : తన భూమిని ముసుగు భూమేశ్వర్‌ అనే వ్యక్తి కబ్జా చేసి హద్దురాళ్లను పాతారంటూ ముప్కాల్‌ మండల కేంద్రానికి చెందిన గద్దల గంగారాం సోమవారం పోలీసులకు ఫిర్యాదు చేశారు. గ్రామంలోని సర్వే నంబర్‌ 389 లో ఉన్న భూమిని భూమేశ్వర్‌ కబ్జా చేశారని, దీనిని ప్రశ్నిస్తే కులం పేరుతో దూషి స్తూ చంపుతానని బెదిరించారని ఆరోపించా రు.తన భూమిని తనకు ఇప్పించాలని కోరారు. ఖలీల్‌వాడి:జిల్లాలో సోమవారం ఓపెన్‌ ఎస్సె స్సీ, ఇంటర్‌ పరీక్షలు ప్రశాంతంగా జరిగినట్లు ఇన్‌చార్జి డీఈవో సాయాగౌడ్‌ తెలిపారు. ఎస్సె స్సీ తెలుగు పరీక్షకు 83 మందికి గాను 65 మంది హాజరైనట్లు తెలిపారు. అలాగే ఇంటర్‌ తె లుగు పరీక్షకు 193 మందికి గాను 151 మంది హాజరైనట్లు వివరించారు. మధ్యాహ్నం జరి గిన ఓపెన్‌ ఎస్సెస్సీ సైకాలజీలో ఒకరు హాజ రు, ఇంటర్మీడియట్‌ అరబిక్‌ పరీక్షకు 11 మందికి గాను 10 మంది హాజరైనట్లు తెలిపారు. వేల్పూర్‌(ముప్కాల్‌): ముప్కాల్‌ భూదేవి ఇండోర్‌ స్టేడియంలో ఈనెల 18న సీనియర్‌ మహిళల కబడ్డీ జట్ల ఎంపికలు నిర్వహించనున్నట్లు జిల్లా కబడ్డీ అసోసియేషన్‌ అధ్యక్ష, కార్యదర్శులు లింగయ్య, గంగాధర్‌రెడ్డి ఒక ప్రకటనలో తెలిపారు. ఎంపికై న వారిని ఈనెల 28 నుంచి 31 వరకు ఖమ్మం జిల్లా కేంద్రంలో జ రిగే రాష్ట్రస్థాయి టోర్నీకి పంపనున్నట్లు తెలిపా రు. ఈ పోటీలలో పాల్గొనే క్రీడాకారులు ఆధార్‌కార్డుతో హాజరు కావాలని సూచించారు. మరిన్ని వివరాలకు 94403 55999, 99898 14410ను సంప్రదించాలని సూచించారు. నిజామాబాద్‌ రూరల్‌: జిల్లా పద్మశాలి సంఘం గౌరవ అధ్యక్షుడిగా అశోక్‌ ఎన్నికయ్యారు. నగరంలోని ఖలీల్‌వాడిలోగల జిల్లా పద్మశాలి సంఘంలో సోమవారం జిల్లా పద్మశాలి సంఘం సర్వసభ్యసమావేశం నిర్వహించగా, భోగ ఆశోక్‌ను గౌరవ అధ్యక్షులుగా సభ్యులు ఏకగ్రీవంగా ఎన్నుకున్నారు. అనంతరం ఆయనను సభ్యులు సన్మానించారు. దాసరి నర్సింలు, మైసల నారాయణ తదితరులు పాల్గొన్నారు. నిజామాబాద్‌అర్బన్‌: చిన్నారులకు ఇచ్చే టీకాల నిర్వహణ సమర్థవంతంగా నిర్వహించాలని, టీకాలు తీసుకోని పిల్లలకు తప్పనిసరిగా టీకా ఇచ్చే ప్రయత్నం చేయాలని డీఎంహెచ్‌వో రాజశ్రీ సిబ్బందికి సూచించారు. నగరంలోని జిల్లా వైద్య ఆరోగ్యశాఖ కార్యాలయంలో సోమవారం ఆమె వ్యాధి నిరోధక టీకాలు, రాష్ట్రీయ బాల స్వస్థ కార్యక్రమం, ఎస్‌ఎన్‌సీయూ విభాగాల సిబ్బందితో సమావేశం నిర్వహించారు. ఈసందర్భంగా డీఎంహెచ్‌వో మాట్లాడుతూ.. వ్యాక్సిన్‌లు తీసుకునే పిల్లలకు పెండింగ్‌లో ఉన్న టీకాలను పూర్తిచేయాలన్నారు. ఆర్‌బీఎస్‌కే మొబైల్‌ టీంల ద్వారా పాఠశాలల్లో, అంగన్‌వాడీ సెంటర్లలో ఏ ఒక్క విద్యార్థి కూడా రక్తహీనత బాధపడకుండా చూడాలన్నారు. డీఐవో అశోక్‌, డాక్టర్‌ నిరూపారెడ్డి, మెడికల్‌ ఆఫీసర్స్‌ రాజేశ్వర్‌ పాల్గొన్నారు. బాన్సువాడ రూరల్‌: ఇటీవల చేయూత పింఛన్ల కోసం దరఖాస్తు చేసుకున్న వారి ఇంటికి వెళ్లి పంచాయతీ కార్యదర్శులు, ఎంపీడీవోలు, ఇతర అధికారులు విచారణ చేశారు. విచారణలో భాగంగా కొన్ని అనుమానస్పదంగా ఉండటంతో కామారెడ్డికి చెందిన ప్రత్యేకాధికారి కుటుంబరావు సోమవారం మండలంలో మరోసారి విచారణ చేపట్టారు. కొంతమంది జతచేసిన ధృవీకరణ పత్రాలు అనుమానస్పదంగా ఉండటంతో విచారణ చేపడుతున్నామన్నాని అధికారి తెలిపారు. విచారణ నివేదికను కలెక్టర్‌కు అందజేస్తామన్నారు. రాజంపేట (భిక్కనూరు): రాజంపేట మండలం పె ద్దాయిపల్లి గ్రామానికి చెందిన చిన్నారి గుండెపోటుతో మృతి చెందినట్లు గ్రామస్తులు సోమవారం తెలిపారు. గ్రామానికి చెందిన గాడి లక్ష్మి–పవన్‌ల కుమార్తె మహన్వి త (10) గ్రామంలోని ప్రభుత్వ ప్రాథమిక పాఠశాలలో నాలుగో తరగతి చదువుతోంది. ఆదివారం అర్ధరాత్రి మహన్విత తనకు ఛాతిలో నొప్పి వస్తుందని చెప్పడంతో కుటుంబీకులు కామారెడ్డి ప్రభుత్వ ఆస్పత్రికి తరలిస్తుండగా మార్గమధ్యలో మృతి చెందింది. చిన్నారి మహన్విత మృతితో గ్రామంలో విషాదఛాయ లు అలుముకున్నాయి. మధ్యాహ్నం గ్రామంలో జరిగిన అంత్యక్రియల్లో గ్రామస్తులు, బంధువులు మహన్వితకు కన్నీటి వీడ్కోలు పలికారు.

సుభాష్‌నగర్‌: రాష్ట్రస్థాయి సెపక్‌తక్రా టోర్నీలో ఉమ్మడి నిజామాబాద్‌ జిల్లా జట్లు ఉత్తమ ప్రతిభ కనబర్చాయి. ఖమ్మం జిల్లా వైరాలో రెండు రోజులుగా నిర్వహిస్తున్న 12వ రాష్ట్ర స్థాయి సెపక్‌ తక్రా(లెగ్‌ వాలీవాల్‌) చాంపియన్‌ షిప్‌ పోటీలు సోమవారం ముగిశాయి. ఈ పోటీలకు రాష్ట్రంలోని ఉమ్మడి 10 జిల్లాల నుంచి పురుషులు, మహిళల జట్లు పాల్గొనగా, జిల్లా సీనియర్‌ మహిళల జట్టు రెండోస్థానంలో, పురుషుల జట్టు మూడోస్థానం కై వసం చేసుకున్నాయని అసోసియేషన్‌ జిల్లా ప్రధానకార్యదర్శి గాదారి సంజీవ్‌రెడ్డి తెలిపారు. మహిళా జట్టులో రిక్కిరెడ్డి, లక్కిరెడ్డి, పురుషుల జట్టులో పవన్‌ కళ్యాణ్‌, సాత్విక్‌, రుత్విక్‌, అనిష్‌ విజయంలో కీలకపాత్ర వహించారన్నారు. సెపక్‌ తక్రా రాష్ట్ర ప్రధానకార్యదర్శి రిక్క శ్రీనివాస్‌రెడ్డి, ఖమ్మం జిల్లా అధ్యక్ష, కార్యదర్శులు మురళి, మధు, స్థానిక ఎస్‌ఐ రామారావు, అంతర్జాతీయ క్రీడాకారులు శశిధర్‌రెడ్డి, నాగార్జున, రామకృష్ణారెడ్డి, తదితరుల చేతుల మీదుగా బహుమతులు ప్రదానం చేశారు.

బోధన్‌: పేద ప్రజలకు అత్యాధునిక సాంకేతిక పరికరాలతో లయన్స్‌క్లబ్‌ ఆస్పత్రుల్లో వైద్య సేవలు అందిస్తున్నట్లు లయన్స్‌ క్లబ్‌ పాస్ట్‌ ఇంటర్నేషనల్‌ డైరెక్టర్‌, ఇంటర్నేషనల్‌ మూడో వైస్‌ప్రెసిడెంట్‌ అభ్యర్థి విజయకుమార్‌ రాజు అన్నారు. పట్టణంలోని లయ న్స్‌ కంటి ఆస్పత్రిలో ఎల్‌సీఐఎఫ్‌ సహకారంతో రూ.కోటి 20 లక్షలతో ఏర్పాటు చేసిన మాడ్యులర్‌ ఆపరేషన్‌ థియేటర్‌, అత్యాధునిక వైద్య పరికరాల ను సోమవారం ఆయన, క్లబ్‌ ప్రతినిధులతో కలిసి ప్రారంభించారు. ఈసందర్భంగా విజయకుమార్‌ రాజు మాట్లాడుతూ.. పేదలకు వైద్యసేవలందిస్తు న్న కంటి ఆస్పత్రి వ్యవస్థాపకుడు పోలవరపు బసవేశ్వర్‌రావును ప్రతిఒక్కరూ ఆదర్శంగా తీసుకోవాలన్నారు. లయన్స్‌ కంటి ఆస్పత్రికి సెంటర్‌ ఆఫ్‌ ఎ క్స్‌లెన్స్‌ సెంటర్‌గా తీర్చిదిద్దేందుకు సహకారం అందిస్తానన్నారు. అంతకుముందు ఆస్పత్రి ఆవరణలో లయన్స్‌ బహుధాన్యపురం, ఏకచక్ర రీజియన్‌ పరిధిలోని క్లబ్‌లు వితరణ చేసిన 26 కుట్టుమిషన్లు, పీ పుల్స్‌ వెల్పేర్‌ అసోసియేషన్‌ వితరణ చేసిన 46 వీల్‌చైర్లను మహిళలు, దివ్యాంగులకు పంపిణీ చేశారు. లయన్స్‌ కంటి ఆస్పత్రిని మల్టీసూపర్‌స్పెషాలిటీ హస్పిటల్‌గా తీర్చిదిద్దేందుకు కృషి చేస్తున్నామని, అందరూ సహకరించాలని కంటి ఆస్పత్రి వ్యవస్థాపకులు పోలవరపు బసవేశ్వరావు కోరారు. లయన్స్‌ ప్రతినిధులు ఘట్టమనేని బాపురావు, విజయలక్ష్మి, గుర్రం శ్రీనివాస్‌రెడ్డి, అమర్‌నాథ్‌రావు, హరీశ్‌రెడ్డి, నర్సింహరెడ్డి, నాగేశ్వర్‌రావు, దుర్గారావు ఉన్నారు.

కమ్మర్‌పల్లి(భీమ్‌గల్‌): ఇటీవల జరిగిన రోడ్డు ప్రమాదంలో ఓ వ్యక్తి గాయపడగా, ఆస్పత్రిలో చికిత్స పొందుతూ మృతిచెందాడు. ఎస్సై తిరుపతి తెలిపిన వివరాలు ఇలా..మండలంలో ని చౌడా తండాకు చెందిన ర మావత్‌ రవి(38) శనివారం తన నాలుగేళ్ల కొడుకు జస్వంత్‌తో కలిసి స్కూటీపై భీమ్‌గల్‌లోని ప్రయివేట్‌ ఆస్పత్రికి వెళ్లాడు. సాయంత్రం తిరిగి వస్తుండగా పల్లికొండ శివారులో స్కూటీ అదుపుతప్పి కిందపడిపోయారు. ఈ ఘటనలో రవితోపాటు కుమారుడికి గాయాలయ్యాయి. వెంటనే స్థానికులు వారిని చికిత్స నిమిత్తం నిజామాబాద్‌లోని ప్రైవేట్‌ ఆస్పత్రికి తరలించారు. అక్కడ చికిత్స పొందుతూ రవి ఆదివారం రాత్రి మృతి చెందాడు. మృతుడి బావ ఫిర్యాదు మేరకు కేసు నమోదు చేసుకొని దర్యాప్తు చేస్తున్నట్లు ఎస్సై తెలిపారు. ● కాపాడిన మత్స్యకారులు డొంకేశ్వర్‌(ఆర్మూర్‌): ఎస్సారెస్పీ బ్యాక్‌ వాటర్‌లో ఓ వ్యక్తి ఆత్మహత్యాయత్నం చేయగా, స్థానిక మ త్స్యకారులు కాపాడారు. స్థానికులు తెలిపిన వివరా లు ఇలా.. మండలంలోని జీజీ నడ్కుడ గ్రామానికి చెందిన సుద్ద నరేశ్‌ అనే వ్యక్తి వ్యక్తిగత కారణాలతో ఆత్మహత్య చేసుకోవడానికి సోమవారం చిన్నయానం బ్యాక్‌ వాటర్‌ శివారుకు తన ఆటో తీసుకు ని వచ్చాడు. ఆటోను ఒడ్డున ఆపి ప్రాజెక్టు బ్యాక్‌ వా టర్‌లోకి వెళ్లాడు. అదే సమయంలో అక్కడ చేపల వేట సాగిస్తున్న స్థానిక మత్స్యకారులు నరేశ్‌ నీటిలో మునిగిపోతుండటాన్ని గమనించారు.వారు వెంట నే స్పందించి తెప్పలపై చేరుకుని నరేశ్‌ను సురక్షితంగా ఒడ్డుకు చేర్చారు. అనంతరం వారు నరేశ్‌ కు టుంబ సభ్యులకు సమాచారం అందించగా ఘట నా స్థలానికి చేరుకుని అతడిని ఇంటికి తీసుకెళ్లారు.

● కామారెడ్డిలో వృద్ధురాలి హత్య కేసును ఛేదించిన పోలీసులు ● వివరాలు వెల్లడించిన ఎస్పీ రాజేశ్‌చంద్ర సాక్షి ప్రతినిధి, కామారెడ్డి : జిల్లా కేంద్రంలో జరిగిన వృద్ధురాలి హత్య కేసు మిస్టరీని పోలీసులు ఛేదించా రు. బంగారు ఆభరణాలను దోచుకునేందుకు తన భర్తతో కలిసి పనిమనిషి ఈ దారుణానికి ఒడిగట్టిన ట్లు తేల్చారు. ఎస్పీ రాజేశ్‌చంద్ర సోమవారం తన కార్యాలయంలో విలేకరుల సమావేశంలో తెలిపిన వివరాలిలా ఉన్నాయి. కామారెడ్డిలోని ముస్రిఫ్‌బాగ్‌ కు చెందిన చిట్మల్ల అనసూయ(66) అనే మహిళ గ త నెల 29న సాయంత్రం హత్యకు గురయ్యింది. హ తురాలి భర్త ఇంటికి వచ్చేసరికి ఆమె మెడపై గాయా లు ఉండడంతో పాటు మెడలో పుస్తె ల తాడు,ఉంగరాలు, చెవి ఆభరణాలు కనిపించకపోవడంతో పో లీసులకు సమాచారం అందించారు. పట్టణ పోలీ సులు సంఘటనా స్థలాన్ని పరిశీలించి, హత్య, దోపి డీ కేసు నమోదు చేసుకుని అన్ని కోణాల్లో దర్యాప్తు జరిపారు. బతుకమ్మ కుంటలో నివసించే పనిమనిషి బోసు రజితను అదుపులోకి తీసుకుని విచారించగా అసలు విషయం బయటపడింది. తన భర్త నర్సింగ్‌తో కలిసి ఈ దారుణానికి ఒడిగట్టినట్టు నిందితురాలు నేరాన్ని అంగీకరించిందని ఎస్పీ తెలిపారు. పక్కా ప్రణాళికతో... పనిమనిషి రజిత తన యజమానురాలు అనసూ య మెడలో ఉన్న బంగారు ఆభరణాలు దో చుకునేందుకు పక్కా ప్రణాళిక రచించింది. అనసూయ భర్త ఇంటి నుంచి బయటకు వెళ్లి న సమయాన్ని అనుకూలంగా మలచుకుంది. గతనెల 29న సాయంత్రం అనసూయ ఇంట్లో దీపం వెలిగిస్తుండగా.. ర జిత, ఆమె భర్త నర్సింగ్‌ కరెంటు సరఫరా నిలిపివేసి ఇంట్లోకి ప్రవేశించారు. వృద్ధురాలిని కింద పడేసి లోపలి గదిలోకి ఈడ్చుకెళ్లి తువ్వాలను గొంతుకు బిగించి చంపారు. ఒంటిపైనున్న పుస్తెలతాడు, రెండు ఉంగరాలు, కమ్మలు తీసుకుని పారిపోయారు. ఏమీ ఎరుగనట్లు ఎప్పటిలాగే రోజూ పనికివస్తున్న రజిత.. ఎవరికీ అనుమానం రాకుండా వ్యవహరించింది. గతంలోనూ దొంగతనం.. హత్య, దోపిడీ కేసుల్లో నిందితురాలైన రజిత.. గతంలోనూ తాను పనిచేసిన ఓ ఇంట్లో చోరీకి పాల్పడింది. 2023 సెప్టెంబర్‌లో తాను పనిచేసిన ఇంట్లో ఎవ రూ లేని సమయంలో నాలుగు తులాల బంగారు పు స్తెల తాడు, బంగారు చెవికమ్మలు దొంగలించినట్టు పనిమనిషి రజిత చెప్పిందని ఎస్పీ తెలిపారు. అప్ప ట్లో మూసివేసిన ఆ కేసును రీఓపెన్‌ చేస్తున్నామన్నా రు. దోపిడీ, హత్య కేసులో భార్యాభర్తలిద్దరినీ రి మాండుకు పంపుతున్నామన్నారు. వారి వద్దనుంచి బంగారు పుస్తెలతాడు, రెండు బంగారం ఉంగరా లు, చెవి ఆభరణాలు, నిందితురాలి సెల్‌ఫోన్‌ స్వాధీ నం చేసుకున్నామన్నారు. కేసు పరిశోధనకు సంబంధించి డీఎస్పీ మధుసూదన్‌, సీఐ నరహరిలను ఎ స్పీ అభినందించారు. ఎస్సై సాయికృష్ణ, ఏఎస్సై రంగారావ్‌, పోలీస్‌ కానిస్టేబుళ్లు రామస్వామి, రాజునాయక్‌, సంపత్‌లకు క్యాష్‌ రివార్డులు అందించారు. గత చరిత్ర తెలుసుకోవాలి ఇళ్లలో ఎవరిని పడితే వారిని పనిమనుషులుగా పె ట్టుకోవవద్దని ఎస్పీ రాజేశ్‌చంద్ర సూచించారు. పని కి వచ్చే వారి గత చరిత్ర తెలుసుకోవాలని, వారికి సంబంధించిన పూర్తి వివరాలు ఉంటేనే పనిలో పెట్టుకోవాలన్నారు. కిరాయి కావాలంటూ వచ్చే వ్యక్తుల విషయంలోనూ జాగ్రత్తగా ఉండాలన్నారు. హంతకులను కఠినంగా శిక్షించాలి అనసూయను హతమార్చిన భార్యాభర్తలిద్దరినీ కఠినంగా శిక్షించాలని ఆమె కుటుంబ సభ్యులు ఎస్పీని కోరారు. ఎస్పీ కార్యాలయానికి వచ్చిన కుటుంబ సభ్యులు.. తమకు జరిగిన అన్యాయం మరొకరికి జరగొద్దన్నారు. చట్టం ప్రకారం వారికి శిక్ష పడేలా న్యాయస్థానం ముందు అన్ని వివరాలు ఇస్తామని ఎస్పీ వారికి హామీ ఇచ్చారు.

నిజామాబాద్‌అర్బన్‌: రైల్వే స్టేషన్‌లో తరచూ సెల్‌ఫోన్‌లు దొంగతనం చేస్తున్న వ్యక్తిని అరెస్టు చేసినట్లు రైల్వే ఎస్సై సాయి రెడ్డి తెలిపారు. నగరంలోని ముజాహిద్‌ నగర్‌కు చెందిన కమురుద్దీన్‌ షేక్‌ సోమవారం రైల్వేస్టేషన్‌లో అనుమానాస్పదంగా కనిపించడంతో పట్టుకుని విచారించామన్నారు. దీంతో అతడి వద్ద ఐదు మొబైల్‌ ఫోన్లు లభించినట్లు తెలిపారు. వాటిని స్వాధీనం చేసుకొని కేసు నమోదు చేశామన్నారు. నిందితుడిపై గతంలో కూడా సెల్‌ఫోన్‌ దొంగతనం చేసిన కేసులు నమోదైనట్లు తెలిపారు. అనంతరం జ్యుడీషియల్‌ రిమాండ్‌కు పంపించినట్లు వివరించారు. కమ్మర్‌పల్లి: మండలంలోని హసకొత్తూర్‌లో ఆదివారం రాత్రి పోలీసులు పేకాట స్థావరంపై దాడి చేసి 16 మందిని అదుపులోకి తీసుకున్నారు. విశ్వసనీయ సమాచారం మేరకు ఎస్సై సతీష్‌ తన సిబ్బందితో కలిసి హసకొత్తూర్‌ గ్రామ శివారులోని పేకాట స్థావరంపై దాడి చేశారు. 16 మందిని పట్టుకోగా, ఇద్దరు పరారయ్యారు. వారి వద్ద నుంచి రూ. 21వేల నగదు, 15 సెల్‌ ఫోన్‌లు స్వాధీనం చేసుకున్నారు. కేసు నమోదు చేసినట్లు ఎస్సై తెలిపారు. గాంధారి(ఎల్లారెడ్డి): గాంధారి ఫా రెస్టు రేంజ్‌ పరిధిలోని యాచా రం బీట్‌ కంపార్ట్‌మెంటు 466/1 నుంచి అక్రమంగా ఇసుకను తరలిస్తున్న ట్రాక్టర్‌ను పట్టుకుని స్వాధీననం చేసుకున్నట్లు ఎఫ్‌ఆర్వో రమేష్‌ సోమవారం తెలిపారు. ఇసుకను తరలిస్తున్న ట్రాక్టర్‌ యజమాని సాయిలుపై కేసు నమోదు చేసినట్లు తెలిపారు. సెక్షన్‌ అధికారులు, సిబ్బంది పాల్గొన్నారు.

● కలెక్టర్‌ ఇలా త్రిపాఠి ● ప్రజల నుంచి 89 వినతుల స్వీకరణ నిజామాబాద్‌అర్బన్‌: ప్రజావాణి ఫిర్యాదులకు ప్రాధాన్యతనిస్తూ సత్వరమే పరిష్కరించాలని కలెక్టర్‌ ఇలా త్రిపాఠి అధికారులకు సూచించారు. నగరంలోని సమీకృత జిల్లా కార్యాలయాల సముదాయ సమావేశ మందిరంలో సోమవారం నిర్వహించిన ప్రజావాణి కార్యక్రమానికి 89 ఫిర్యాదులు అందాయి. జిల్లాలోని వివిధ ప్రాంతాల నుంచి వచ్చిన ఫిర్యాదుదారులు తమ సమస్యలను కలెక్టర్‌తో పాటు, అదనపు కలెక్టర్లు రాజాగౌడ్‌, భుజంగరావు, ట్రెయినీ కలెక్టర్‌ సురేష్‌, డీఆర్వో గీత, జిల్లా పరిషత్‌ సీఈఓ సాయాగౌడ్‌, నగర పాలక సంస్థ కమిషనర్‌ దిలీప్‌ కుమార్‌, డీపీవో శ్రీనివాస్‌లకు విన్నవిస్తూ అర్జీలు సమర్పించారు. కాగా, ఫిర్యాదులను పెండింగ్‌ లో పెట్టకుండా ఎప్పటికప్పుడు పరిశీలన జరుపుతూ, సమస్యలను సత్వరమే పరిష్కరించాలని కలెక్టర్‌ అధికారులకు సూచించారు. పుష్కర్‌ ఘట్‌ ప్రాంతాలకు వెళ్లే మార్గంలో డబుల్‌ రోడ్డు వెయ్యాలని పలు గ్రామల సర్పంచ్‌లు ప్రజావాణిలో కలెక్టర్‌కు విన్నవించారు. నవీపేట్‌, నందిపేట్‌ మండలాలకు చెందిన గ్రామస్తులు మాట్లాడుతూ.. రానున్న పుష్కరాల నేపథ్యంలో నందిపేట్‌ మండలం చింరాజ్‌పల్లి గ్రామం నుంచి నవీపేట్‌ మండలం తుంగిని వరకు రోడ్డును విస్తరించాలన్నారు.

వేల్పూర్‌(మెండోరా): శ్రీరాంసాగర్‌ ప్రాజెక్టు నీటిమట్టం క్రమంగా తగ్గుతోంది. గత మంగళవారం వరకు 46 టీఎంసీలు నీరు నిల్వ ఉండగా.. ప్రస్తుతం 44 టీఎంసీలకు తగ్గింది. గుత్ప ఎత్తిపోతల పథకానికి 405, అలీసాగర్‌ ఎత్తిపోతల పథకానికి 540, సరస్వతి కాలువకు 670, లక్ష్మీ కాలువకు 285, మిషన్‌ భగీరథకు 231 క్యూసెక్కుల చొప్పున నీటిని విడుదల చేస్తున్నారు. అలాగే ఎల్‌ఎండీ ఆయకట్టుకు నీరందించడానికి శనివారం నుంచి 6,500 క్యూసెక్కుల నీటిని విడుదల చేస్తున్నారు. ఆవిరిరూపంలో 521 క్యూసెక్కుల నీరు వెళ్తోంది. కాకతీయ కాలువ ద్వారా సరఫరా చేస్తున్న నీటితో రెండు టర్బయిన్ల ద్వారా విద్యుత్‌ను ఉత్పత్తి చేస్తున్నారు. విద్యుత్‌కోతలను నిరసిస్తూ రైతుల ధర్నా మాక్లూర్‌: విధ్యుత్‌ కోతలు, లో వోల్టేజీ సమస్యను నిరసిస్తూ మండలంలోని అడవి మామిడిపల్లికి చెందిన రైతులు ఆలూర్‌ మండలం గుత్ప చౌరస్తా వద్ద విధ్యుత్‌ సబ్‌స్టేషన్‌ ఎదుట ఆదివారం నిరసన తెలిపారు. అనంతరం 63వ నంబర్‌ జాతీయ రహదారిపై రాస్తారోకో నిర్వహించారు. విదు్‌య్‌త్‌ కోతలు, లో వోల్టేజీ సమస్యపై ఏఈ వచ్చి వివరణ ఇవ్వాలని పట్టుబట్టారు. చివరకు మాక్లూర్‌ పోలీసులు జోక్యం చేసుకుని ఽరాస్తారోకోను విరమింపజేశారు. వ్యవసాయానికి సరఫరా చేస్తున్న 9 గంటల విద్యుత్‌లో అనేకసార్లు అవాంతరాలు ఏర్పడుతున్నాయని, లో వోల్టేజీ కారణంగా వ్యవసాయ మోటార్లు కాలిపోతున్నాయని రైతులు ఆవేదన వ్యక్తం చేశారు. గుత్ప, గుత్పతండాకు చెందిన రైతులు సైతం పాల్గొన్నారు. వరికి ట్యాంకర్‌తో నీరు కమ్మర్‌పల్లి(భీమ్‌గల్‌): ఎల్‌నినో ప్రభావంతో వర్షాభావ పరిస్థితులు నెలకొనడంతో వరి పంటను కాపాడుకునేందుకు ఓ రైతు ట్యాంకర్‌తో నీటిని అందిస్తున్నాడు. భీమ్‌గల్‌ పట్టణానికి చెందిన రైతు పురస్తూ నరేశ్‌ ఎకరన్నర వరి సాగు చేశాడు. పంట కోతకు ఇంకా నెలరోజులు సమయం ఉండగా, బోరుబావిలో నీరు అడుగంటిపోవడంతో పంటకు నీరందడం లేదు. పంటను ఎలాగైనా కాపాడుకోవాలనే ఉద్దేశంతో ట్యాంకర్‌ ద్వారా నీరు తీసుకువచ్చి అందిస్తున్నాడు. నీటికోసం అదనపు ఖర్చులు భరించాల్సి వస్తోందని ఆవేదన వ్యక్తం చెందుతున్నాడు.

● తాళం వేసిన ఇళ్లే దొంగల టార్గెట్‌ ● ముందస్తు జాగ్రత్తలతో చోరీలకు చెక్‌ ● అప్రమత్తంగా ఉండాలని పోలీసుల సూచన పండుగకు ఊరెళ్తున్నారా.. డిచ్‌పల్లి: పండుగల సందడి మొదలవడంతో చాలా మంది సొంతూళ్లకు వెళ్లేందుకు సిద్ధమవుతున్నారు. ఉద్యోగులు, వ్యాపారులు, ఇతర కుటుంబాలు ఇళ్లకు తాళాలు వేసి స్వగ్రామాలకు వెళ్లే సమయంలో అప్రమత్తంగా ఉండాల్సిన అవసరం ఉంది. ప్రజల రాకపోకలు తగ్గిన ఇళ్లను లక్ష్యంగా చేసుకొని దొంగలు చోరీలకు పాల్పడే అవకాశం ఉండటంతో ముందస్తు జాగ్రత్తలు తీసుకోవాలని పోలీసులు సూచిస్తున్నారు. పండుగల సమయంలో ఇళ్లకు తాళాలు వేసి ఊళ్లకు వెళ్లే వారి సంఖ్య పెరుగుతోంది. ఇదే అదునుగా భావించే దొంగలు ఖాళీ ఇళ్లను గుర్తించి చోరీలకు పాల్పడే ప్రమాదం ఉంది. అందువల్ల ఇళ్లను వదిలి వెళ్లే ముందు తలుపులు, కిటికీలు పటిష్టంగా మూసివేయాలి. ఇంట్లో విలువైన వస్తువులు, నగదు, బంగారు ఆభరణాలను బహిరంగంగా ఉంచకూడదు. ఇంటి భద్రతపై ప్రత్యేక శ్రద్ధ చూపాలి. స్థానిక పోలీసులకు సమాచారం సొంతూళ్లకు లేదా విహారయాత్రలకు వెళ్లే వారు తమ ప్రయాణ వివరాలను స్థానిక పోలీస్‌ స్టేషన్‌కు తెలియజేయడం మంచిది. ఇంటి చిరునామా, సంప్రదింపు ఫోన్‌ నంబర్‌ అందుబాటులో ఉంచడం ద్వారా అవసరమైన సమయంలో పోలీసులు స్పందించే అవకాశం ఉంటుంది. అనుమానాస్పద వ్యక్తులు, కదలికలు కనిపిస్తే వెంటనే పోలీసులకు సమాచారం ఇవ్వాలి. సీసీ కెమెరాలతో భద్రత ఇళ్ల వద్ద సీసీ కెమెరాలు ఏర్పాటు చేసుకొని వాటిని మొబైల్‌ ఫోన్‌కు అనుసంధానం చేసుకోవడం ద్వారా ఇంటి పరిసరాలను ఎప్పటికప్పుడు గమని ంచవచ్చు. రాత్రి సమయాల్లో ఇంటి పరిసరాల్లో వెలుతురు ఉండేలా చూసుకోవాలి. అపార్ట్‌మెంట్లు, కాలనీల్లో వాచ్‌మెన్లు అపరిచిత వ్యక్తుల వి వరాలను నమోదు చేసుకునేలా చర్యలు తీసుకోవాలి. వాహనాల విషయంలోనూ.. ఇళ్ల ముందు లేదా బయట పార్క్‌ చేసే బైక్‌లకు వీల్‌ లాక్‌ చేయాలి. సాధ్యమైనంత వరకు వాహనాలను సురక్షిత ప్రదేశాల్లో నిలిపి ఉంచాలి. ఇంటికి తాళం వేసి వెళ్లే ముందు గ్యాస్‌, విద్యుత్‌ వంటి అంశాలను కూడా పరిశీలించారు. అనుమానం వస్తే 112కు ఫోన్‌ చేయాలి పండుగలను ఆనందంగా జరుపుకోవడంతో పాటు ఇంటి భద్రతను విస్మరించకూడదు. అనుమానాస్పద వ్యక్తులు కనిపించినా.. చోరీ ప్రయత్నాలు జరిగినట్లు గుర్తించినా వెంటనే స్థానిక పోలీసులకు లేదా అత్యవసర సహాయం కోసం 112 నంబర్‌కు సమాచారం అందించాలి. ప్రజలు అప్రమత్తంగా ఉంటూ పోలీసులకు సహకరిస్తే చోరీలను నివారించే అవకాశం ఉంటుంది. బతుకమ్మ, దసరా పండుగలకు ఊళ్లకు వెళ్లే వారు స్థానిక పోలీస్‌ స్టేషన్‌లో సమాచారం అందించాలి. దీంతో వారి ఇళ్లు, కాలనీ ల్లో గస్తీ నిర్వహించడంతో పాటు రాత్రి సమయంలో నిఘా పెట్టే అవకాశం ఉంటుంది. పోలీసులతో పాటు చుట్టుపక్కల ఇళ్ల వారికి, కాలనీ పెద్దలకు సమాచారం ఇచ్చి వెళ్తే చోరీలు జరగకుండా నివారించవచ్చు. – కే వినోద్‌, సీఐ డిచ్‌పల్లి

కామారెడ్డి టౌన్‌: పాఠశాల విద్యార్థుల్లో దాగి ఉన్న సృజనాత్మక ఆలోచనలను వెలికితీసి, వినూత్న ఆవిష్కరణలకు వేదిక కల్పించేందుకు కేంద్ర విద్యా మంత్రిత్వ శాఖ సరికొత్త పోటీలకు శ్రీకారం చుట్టింది. కేంద్ర ప్రభుత్వం నిర్వహిస్తున్న ’సేవా సంకల్ప్‌ అభియాన్‌’లో భాగంగా 6 నుంచి 12వ తరగతి చదువుతున్న విద్యార్థుల నుంచి ’సేవా ఫస్ట్‌ ఇన్నోవేషన్‌ చాలెంజ్‌–2026’ దరఖాస్తులను ఆహ్వానిస్తోంది. సమాజం ఎదుర్కొంటున్న రోజువారీ సమస్యలకు విద్యార్థులు తమ వినూత్న ఆలోచనలతో పరిష్కారాలు కనుగొనేలా ప్రోత్సహించడమే ఈ పోటీల ప్రధాన ఉద్దేశం. ఐదు అంశాల్లో పోటీలు.. విద్యార్థులు తమ ప్రాజెక్టులు, ఆలోచనలను ప్రదర్శించేందుకు ఐదు విభాగాలను నిర్దేశించారు. సమృద్ధ్‌ అన్నదాత–సమృద్ధ్‌ భారత్‌, స్వస్థ్‌ సమావేశ్‌ భారత్‌, శిక్షిత్‌–కౌశల్‌ భారత్‌, సురక్షిత్‌ భారత్‌, స్వచ్ఛ్‌–సస్టెయినబుల్‌ భారత్‌ అనే ఐదు అంశాలపై పోటీలు నిర్వహిస్తోంది. విజేతలకు నగదు బహుమతులు.. తెలంగాణ, ఆంధ్రప్రదేశ్‌, కర్ణాటక, తమిళనాడు, కేరళ సహా దక్షిణాది రాష్ట్రాలు, కేంద్రపాలిత ప్రాంతాల్లోని పాఠశాలలు, ఐటీఐ, పాలిటెక్నిక్‌ కళాశాలల విద్యార్థులు ఈ పోటీల్లో పాల్గొనవచ్చు. ఆసక్తిగల విద్యార్థులు తమ ప్రాజెక్ట్‌ వివరాలను https:// sevafirst.mic.gov.in/login వెబ్‌సైట్‌ ద్వారా ఈ నెల 24వ తేదీలోగా ఆన్‌లైన్‌లో నమోదు చేసుకోవాలి. దరఖాస్తులను 25 నుంచి రాష్ట్ర స్థాయిలో పరిశీలించి ఎంపిక చేస్తారు. రాష్ట్ర స్థాయిలో ప్రతిభ చూపిన విద్యార్థుల ప్రాజెక్టులను నవంబర్‌ 30 నుంచి డిసెంబర్‌ 15 వరకు న్యూఢిల్లీలో నిర్వహించే జాతీయ స్థాయి పోటీలకు ఎంపిక చేస్తారు. జాతీయ స్థాయిలో ప్రతి అంశంలో విజేతలకు భారీ నజరానాలు ప్రకటించారు. ప్రథమ బహుమతి రూ.10 లక్షలు, ద్వితీయ బహుమతి రూ.5 లక్షలు, తృతీయ బహుమతి రూ. 3 లక్షలు అందిస్తారు. పాఠశాలల ప్రధానోపాధ్యాయు లు, సైన్స్‌ ఉపాధ్యాయులు చొరవ తీసుకొని విద్యార్థుల్లోని ప్రతిభను గుర్తించి ప్రోత్సహించాలి. ఐదు విభాగాల్లో వినూత్న ఆలోచనలున్న విద్యార్థులను గుర్తించి ఈ నెల 24లోగా ఆన్‌లైన్‌లో నమోదు చేయించాలి. ఎంపికై న విద్యార్థులకు నగదు బహుమతులతో పాటు మెంటరింగ్‌, ఇంక్యుబేషన్‌ సహాయం లభిస్తుంది. – సిద్ధ్దిరాంరెడ్డి, జిల్లా సైన్స్‌అధికారి, కామారెడ్డి ‘సేవా ఫస్ట్‌ ఇన్నోవేషన్‌ చాలెంజ్‌–2026’కు దరఖాస్తుల ఆహ్వానం ఈ నెల 24 వరకు ఆన్‌లైన్‌లో దరఖాస్తుల స్వీకరణ జాతీయ స్థాయిలో విజేతలకు భారీ నగదు బహుమతులు

మత్స్యకారులకు పీఎం మత్స్య సంపద యోజన బీమా డొంకేశ్వర్‌(ఆర్మూర్‌): మత్స్యకారుల కుటుంబాలకు ప్రభుత్వం భరోసా కల్పిస్తోంది. ప్రమాదవశాత్తు ఏదైనా జరిగి మత్స్యకారుడు మరణించినా, శాశ్వత వైకల్యం వచ్చినా ఆ కుటుంబం ఆర్థికంగా కుంగిపోకుండా మత్స్యశాఖ ఆధ్వర్యంలో ‘పీఎం మత్స్య సంపద యోజన’ కింద ప్రమాద బీమా పథకాన్ని అమ లు చేస్తోంది. ఈ పథకం ద్వారా రూ.5లక్షల ఆర్థిక సహాయాన్ని అందిస్తూ కొండంత అండగా నిలుస్తోంది. మత్స్యకారులపై ఎలాంటి ఆర్థిక భారం పడకుండా బీమా ప్రీమియం మొత్తాన్ని ప్రభుత్వమే చెల్లిస్తోంది. ఒక్కో సభ్యునికి అయ్యే రూ.79.96 వార్షిక ప్రీమియం సొమ్మును కేంద్ర, రాష్ట్ర ప్రభుత్వాలు కలిసి భరిస్తున్నాయి. జిల్లాలో 177 సంఘాలు.. జిల్లాలో 177 మత్స్య సహకార సంఘాలున్నాయి. ఇందులో 18 నుంచి 70 ఏళ్ల వరకు ఉన్న 22,032 మంది మత్స్యకారులకు జిల్లా అధికారులు బీమా చేయించారు. గడిచిన రెండు, మూడేళ్లలో మత్స్య శాఖకు 142 దరఖాస్తులు అందగా, 23 తిరస్కరించారు. అర్హులైన 117 కుటుంబాలకు రూ.5 లక్షల చొప్పున బీమా డబ్బులు నేరుగా లబ్ధిదారుల (నా మిని) ఖాతాల్లో జమయ్యాయి. ఈ డబ్బుతో బాధి త కుటుంబానికి, పిల్లల భవిష్యత్‌కు భరోసాను లభిస్తోంది. అయితే, ప్రమాదం జరిగిన వెంటనే అవసరమైన పత్రాలు అధికారులకు అందజేస్తే.. వారు ఆరు నెలల్లోపు బీమాను సెటిల్‌ చేస్తున్నారు. మరణించినా, శాశ్వత వైకల్యం వచ్చినా ఇన్సురెన్స్‌ ద్వారా ఆర్థిక మద్దతు ప్రీమియం భారం పూర్తిగా ప్రభుత్వానిదే.. ఇప్పటికే జిల్లాలో లబ్ధిపొందిన 117 కుటుంబాలు ప్రభుత్వం అందించే సహాయం ఇలా..ప్రమాదవశాత్తు మరణిస్తే రూ.5లక్షలు శాశ్వత వైకల్యం సంభవిస్తే రూ.5లక్షలు పాక్షిక వైకల్యం ఏర్పడితే రూ.2.50లక్షలు గాయపడితే (వైద్య ఖర్చులకు) రూ.25వేలు ప్రతి సభ్యుడికి బీమా చేయించాం జిల్లాలో మత్స్యకార సహకార సంఘాల్లో ఉన్న ప్రతి సభ్యుడిని బీమా పరిధిలోకి తీసుకొచ్చాం. జలాశయాలు, చెరువుల్లో వేటకు వెళ్లే మత్స్యకారులు ప్రమాదాల బారిన పడితే వారి కుటుంబా లు రోడ్డున పడకుండా ఉచిత ప్రమాద బీమా పథ కం అండగా నిలుస్తుంది. ఒకవేళ ప్రమాదం జరిగితే బాధిత కుటుంబాలు ఎలాంటి దళారులను ఆశ్రయించకుండా నేరుగా జిల్లా మత్స్య శాఖ కార్యాలయాన్ని సంప్రదించాలి. – నాగులు, జిల్లా మత్స్య శాఖ అధికారి

బోధన్‌: జిల్లా వ్యాప్తంగా 35 వేల ఎకరాల్లో సోయా సాగుకాగా, ప్రస్తుతం పంట కోతలు కొనసాగుతు న్నాయి. కేంద్ర ప్రభుత్వం క్వింటాల్‌ సోయాకు మ ద్దతు ధర రూ.5,708 ప్రకటించగా, ప్రైవేట్‌ వ్యాపారులు రూ.6,500 చెల్లిస్తున్నారు. ఇప్పటికీ ప్రభుత్వ కొనుగోలు కేంద్రాలు ప్రారంభం కాకపోయినా.. సోయాకు రికార్డు స్థాయిలో ధర లభిస్తుండడంతో రైతులు ఆనందం వ్యక్తం చేస్తున్నారు. మరో రూ.200 వరకు ధర పెరిగే అవకాశం ఉందని ఆశి స్తున్నారు. దీంతో సోయా దిగుబడిని వ్యాపారులు, కమీషన్‌ ఏజెంట్లకు విక్రయిస్తున్నారు. మంజీర, గోదావరి నదుల తీర ప్రాంతమైన బోధన్‌ రెవెన్యూ డివిజన్‌లో ఈ ఏడాది వానాకాలం సీజన్‌లో వర్షాధార మెట్ట భూముల్లో రైతులు సోయా సాగు చేశారు. పొతంగల్‌, కోటగిరి, సాలూర, బోధన్‌, రెంజల్‌ మండలాల పరిధిలో సుమారు 18 వేల ఎకరాల విస్తీరణంలో సోయా సాగైంది. ప్రతి ఏటా ఎంపిక చేసిన ప్రాథమిక వ్యవసాయ సహకార సంఘాల ఆధ్వర్యంలో మార్క్‌ఫెడ్‌ కొనుగోళ్లు చేపడుతుంది. అయితే ఈ ఏడాది ఇప్పటికీ సోయా సేకరణ ప్రారంభించనప్పటికీ రైతులు టెన్షన్‌ పడడం లేదు. పంట కోతలు పూర్తికాగానే ఆరబోసి ప్రైవేట్‌ వ్యాపారులకు విక్రయిస్తున్నారు. దిగుబడి సైతం పెరగడం రైతులకు కలిసి వచ్చింది.ఆశాజనకంగా దిగుబడిఎకరంలో సోయా సాగుకు రూ.15 వేల నుంచి రూ.20 వేలు ఖర్చుకాగా, ఈ సారి ఎకరానికి 8 నుంచి 10 క్వింటాళ్ల వరకు దిగుబడి వస్తుందని రైతులంటున్నారు. గత ఏడాదితో పోల్చుకుంటే దిగుబడులు ఆశాజనకంగా ఉన్నాయంటున్నారు. ఇతర పంటలపై ఎల్‌నినో ప్రభావం చూపుతున్నప్పటికీ మోస్తరు వర్షాలతోనే వర్షాధార మెట్ట భూముల్లో సాగైన సోయా గట్టెక్కింది. ఎకరానికి 10 క్వింటాళ్ల దిగుబడి ఐదు ఎకరాల్లో సోయా సాగు చేశా. నాలుగు రో జుల క్రితం కోత, నూర్పి డి పూర్తయ్యింది. ఎకరానికి 10 క్వింటాళ్ల చొప్పు న దిగుబడి వచ్చింది. ఈ సారి సోయా దిగుబడులు ఆశించిన మేరకు ఉన్నాయి. – జంగం గంగాధర్‌, రైతు, సాలూరమార్కెట్‌లో మంచి ధర మార్కెట్‌లో క్వింటాల్‌కు రూ.6,500 ధర ఉంది. గతంలో ఇంత ధర ఎప్పుడూ రాలేదు. పంట దిగుబడి మా చేతుల్లో నుంచి వెళ్లిన తర్వాత ధర పెరిగేది. కాని ఈసారి మంచి ధర మా కే దక్కుతోంది. నాకు ఎకరానికి 8 క్వింటాళ్లకు పైగా ది గుబడి వచ్చింది. – సంగెపు భూమయ్య, రైతు, సాలూర క్వింటాల్‌ సోయాకు ప్రైవేట్‌ వ్యాపారులు చెల్లిస్తోంది రూ.6,500 ప్రభుత్వ మద్దతు ధర రూ.5,708 ఇప్పటికీ ప్రారంభం కాని కొనుగోలు కేంద్రాలు ముమ్మరంగా పంట కోతలు

బోధన్‌: ఎడపల్లి మండలంలోని జానకంపేట శివారులోని లక్ష్మీనృసింహస్వామి ఆలయ హుండీ ఆదాయం లెక్కింపును ఆలయంలో ఆదివారం నిర్వహించారు. దేవాదాయ శాఖ జిల్లా పరిశీలకురాలు సుజాత రెడ్డి, ఆలయ కమిటీ చైర్మన్‌ చిలుక రవి, ఆలయ ఈవో గింజుపల్లి వేణు సమక్షంలో హుండీ ఆదాయం డబ్బుల లెక్కింపు కొనసాగింది. ఆలయ ఈవో వేణు వివరాలను వెల్లడించారు. దైవ దర్శనం టికెట్ల అమ్మకం ద్వారా రూ.24,400, వ్యాపార దుకాణాల నిర్వహణనకు సంబంధించి వేలం ద్వారా రూ.లక్షా 12,100, హుండీ డబ్బులు రూ. 60,113 మొత్తం రూ.లక్షా 96 వేల 613 ఆదాయం వచ్చిందని వెల్లడించారు. ఆలయ కమిటీ సభ్యులు నర్సారెడ్డి, మోహన్‌, సంజయ్‌, గంగాధర్‌, రాజు, అర్చకులు శ్రీరంగం కొండమాచార్యులు, వివిధ శాఖల ఉద్యోగులు, సిబ్బంది పాల్గొన్నారు. నేడు రైతులతో సీఎంముఖాముఖి చర్చ బోధన్‌: ఎల్‌నినో ప్రభావం నేపథ్యంలో యా సంగి సీజన్‌ పంట సాగు అంశాలపై సోమ వారం ఉదయం 10 గంటలకు ఎడపల్లి రైతు వేదిక భవనంలో ఏర్పాటు చేసిన వీడియో కాన్ఫరెన్స్‌లో సీఎం రేవంత్‌ రెడ్డి రైతులతో ము ఖా ముఖి చర్చా కార్యక్రమంలో పాల్గొనున్నా రని ఎడపల్లి ఏవో సిద్దిరామేశ్వర్‌ ఆదివారం ప్రకటనలో తెలిపారు. రాబోయే యాసంగి సీజ న్‌లో అనుకూలమైన పంటల ఎంపిక, సాగు ప్రణాళిక రైతులు తీసుకోవాల్సిన ముందస్తు జాగ్రత్తలపై చర్చించనున్నట్లు పేర్కొన్నారు. కలెక్టర్‌తోపాటు వివిధ శాఖల జిల్లా అధికారులు వీడియో కాన్ఫరెన్స్‌కు హాజరుకానున్నారని తెలిపారు. వర్ని: మోస్రా మండలంలో ఎలుగుబంటి సంచరిస్తున్నందున ప్రజలు అప్రమత్తంగా ఉండాలని అటవీశాఖ అధికారులు సూచించారు. శనివారం రాత్రి మోస్రా నుంచి చింతకుంట వెళ్తున్న వ్యక్తులకు ఎలుగుబంటి కనిపించిందని అధికారులు తెలిపారు. రాత్రి, తెల్లవారుజామున ప్రజలు ఒంటరిగా అటవీ ప్రాంతాల్లో సంచరించరాదని అత్యవసర పని ఉంటే గుంపులు గుంపులుగా వెళ్లాలన్నారు. ఎలుగుబంటిని చూడటానికి దగ్గరగా వెళ్లవద్దని సూచించారు. అటవీ ప్రాంతాల్లో జంతువుల సంచారం ఇటీవల పెరిగినందున ప్రజలు అప్రమత్తంగా ఉండాలని సూచించారు. జిల్లా చాత్తాద వైష్ణవ సంఘం ఎన్నికలు నిజామాబాద్‌ రూరల్‌: నగరంలోని సుభాష్‌నగర్‌లో ఉన్న జిల్లా చాత్తాద శ్రీవైష్ణవ సంఘం ఎన్నికలు ఆదివారం నిర్వహించారు. ఉదయం 7 నుంచి సాయంత్ర నాలుగు గంటల వరకు పోలింగ్‌ కొనసాగింది. నగరంతో పాటు జిల్లాలోని ఆర్మూర్‌, భీంగల్‌, బోధన్‌ పట్టణాలలో వివిధ మండలాలు, గ్రామాల నుంచి వైష్ణవ సంఘం సభ్యులు పెద్ద ఎత్తున తరలివచ్చి తమ ఓటు హక్కును వినియోగించుకున్నారు. జిల్లాలో మొత్తం ఓట్లు 1,368 ఉండగా 685 మంది సభ్యులు ఓటు హక్కును వినియోగించుకున్నట్లు ఎన్నికల అధికారులు తెలిపారు. సాయంత్రం 6 గంటలకు ప్రారంభమైన కౌంటింగ్‌ అర్ధరాత్రి వరకు కొనసాగింది.

● వైద్యం కోసం డబ్బుల్లేక అల్లాడుతున్న తల్లి ● ఆదుకోవాలంటూ వేడుకోలు బాన్సువాడ: కుటుంబానికి ఆసరా ఉంటాడని తలిచిన తల్లికి కన్నీళ్లే మిగిలాయి. రోడ్డు ప్రమాదంలో ఒకగానొక కొడుకు గాయాలపాలై ఆస్పత్రిలో చికిత్స పొందుతూ నేడు బతుకుజీవుడా అనే స్థితిలో ఉన్నాడు. ఆర్థిక సాయం కోసం ఆ తల్లి తల్లడిల్లుతోంది. వివరాలిలా ఉన్నాయి. బీర్కూర్‌ మండలం బరంగెడ్గి గ్రామానికి చెందిన రాచకొండ సాయవ్వకు ఇద్దరు కుమార్తెలు, కుమారుడు జ్ఞానేశ్వర్‌ ఉన్నారు. సాయవ్వ భర్త కొన్నేళ్ల క్రితం అనారోగ్యంతో మృతి చెందగా పిల్లలను పెంచి పెద్ద చేసింది. ఇద్దరు కుమార్తెలకు వివాహం చేసింది. తన ఆశలన్నీ కుమారుడైన జ్ఞానేశ్వర్‌పైనే పెట్టుకుని కాలం నెట్టుకొస్తోంది. జ్ఞానేశ్వర్‌ ఓ ప్రైయివేటు ఉద్యోగం చేస్తున్నాడు. ఈ నెల 8న ఉద్యోగ రీత్యా బైక్‌పై బరంగెడ్గి నుంచి బాన్సువాడకు వెళ్తుండగా బైరాపూర్‌ చౌరస్తా వద్ద రోడ్డు ప్రమాదం జరిగింది. ఘటనలో అతని తలకు తీవ్ర గాయమైంది. వెంటనే బాన్సువాడ ఆస్ప త్రికి తరలించగా వైద్యు ల సలహా మేరకు నిజా మాబాద్‌కు తరలించారు. ప్రస్తుతం నిజామాబాద్‌లోని ఓ ప్రైయివేటు ఆస్పత్రిలో ఐసీయూలో చికిత్స పొందుతు న్నాడు. పరిస్థితి విషమంగా ఉండడంతో తల్లి సాయవ్వ బోరున విలపిస్తోంది. వైద్యం కోసం ఆస్పత్రిలో రూ. 6 లక్షలకు పైగా ఖర్చు అవుతుందని వైద్యులు తెలిపారని, ఇప్పటి వరకు తమ వద్ద ఉన్న రూ. 2 లక్షలు అయ్యాయని, చేతిలో చిల్లి గవ్వ లేదని సాయవ్వ వాపోయింది. దాతలు ఆదుకోవాలని ఆ తల్లి వేడుకుంటోంది. జ్ఞానేశ్వర్‌ మేనమా మ సాయిలు ఫోన్‌పే నంబర్‌ ద్వారా 7569880969 సాయం చేయాలని కోరుతున్నారు.

● సమాచారం ఇవ్వడంలో అధికారుల కప్పదాటు వైఖరి ● నేడు సమాచార హక్కు చట్టం అమలు దినం సిరికొండ: ప్రజలకు ప్రశ్నించే తత్వాన్ని నేర్పిన స.హ.చట్టం వచ్చి రెండు దశాబ్దాలు దాటినా అధికారులు తమ లోపాల్ని కప్పిపుచ్చుకునేందుకు యథేచ్ఛగా తూట్లు పొడుస్తున్నారు. జిల్లాస్థాయిలో స.హ.చట్టం కింద సమాచారం ఇవ్వడానికి నిబంధనలను తుంగలో తొక్కుతున్నారని, కొందరు అధికారులు స.హ.చట్టం నిబంధనలు తెలియనట్లు ప్రవర్తిస్తు సహాయ నిరాకరణ చేస్తున్నారని పలువురు ఆరోపిస్తున్నారు. నేడు సమాచార హక్కు చట్టం అమలు దినం సందర్భంగా జిల్లాలో స.హ.చట్టం అమలుపై ప్రత్యేక కథనం. నిబంధనలు పట్టని అధికారులు.. సమాచారహక్కు చట్టం సెక్షన్‌ 6 ద్వారా వచ్చిన దరఖాస్తులను ప్రజా సమాచార అధికారులు పట్టించుకోవడం లేదు. సెక్షన్‌ 7(1) ప్రకారం 30 రోజులలో ఇవ్వాల్సిన సమాచారం నెలలు గడిచిన ఇవ్వడం లేదు. కొందరు అధికారులు దరఖాస్తులో తమ కార్యాలయ సమాచారం లేకపోతే ఆ సమాచారం దొరికే కార్యాలయానికి దరఖాస్తును సెక్షన్‌ 6(3) ప్రకారం ఐదు రోజులలో బదిలీ చేయాలనే నిబంధన ఉన్నా పట్టించుకోవడం లేదు. జిల్లాలో చాలా ప్రభుత్వ కార్యాలయాల్లో స్వచ్చంద సమాచారానికి సంబంధించి 4(1) బి నిర్వహిస్తున్నా ప్రతి ఏడాది అప్‌డేట్‌ చేయడం లేదు. జిల్లాలో స.హ.చట్టం అమలుతీరుపై అధికారులు ఉద్యమకారులతో ప్రభుత్వ కమిటీని ఏర్పాటు చేయాలి. కానీ అధికారులు ఆ దిశగా ఆలోచించడం లేదు. అలాగే కొందరు దరఖాస్తుదారులు అడిగిన సమాచారంను మరల మరల అడుగుతూ అధికారుల పనులకు ఆటంకాలు కల్పిస్తున్నారు. మరికొందరు దరఖాస్తుదారులు ఒకే దరఖాస్తులో 60–70 ప్రశ్నలు వేస్తు అధికారులు ఆ దరఖాస్తుకు ఎక్కువ సమయం కేటాయించేలా వారి విలువైన సమయాన్ని పాడు చేస్తున్నారు. ఏదేమైనా జిల్లాలో స.హ.చట్టం అమలు పకడ్బందీగా అమలు జరిగేలా ఉన్నతాధికారులు తగిన చర్యలు తీసుకోవాలని పలువురు అభిప్రాయం వ్యక్తం చేస్తున్నారు. జక్రాన్‌పల్లి మండలానికి చెందిన ఒక దరఖాస్తుదారుడు జిల్లా కేంద్రంలోని ఇందూరు మ్యూజియంలో గల వివిధ పురాతన వస్తువుల వివరాల కోసం స.హ.చట్టం కింద అడిగిన సమాచారం ఇవ్వలేదు. మొదటి అప్పీలు వేసిన స్పందన లేదు. అధికారుల నుంచి ఇప్పటి వరకు ఎలాంటి సమాచారం అందలేదు.ముప్కాల్‌ మండలానికి చెందిన చిన్నయ్య అనే సహోద్యమకారుడు జిల్లా విద్యా శాఖ డీసీఈబీ కార్యదర్శిని ప్రయివేట్‌ పాఠశాలల నుంచి వసూలు చేసిన పరీక్ష ఫీజు వివరాలు అడగ్గా సరైన సమాచారం ఇవ్వకపోవడంతో సమాచార కమిషన్‌కు అప్పీలు చేశాడు. ఇలా జిల్లాలో ఏ శాఖలోని సమాచారం అడిగినా ప్రజలకు ఇలాంటి పరిస్థితే ఎదురవుతోంది. ఎందరో ఉద్యమకారుల పోరాట ఫలితంగా అమలులోకి వచ్చిన స.హ.చట్టం సామాన్యుల పాలిట బ్రహ్మాస్త్రం వంటిది. దానిని పౌరులు మంచి పద్ధతిలో వినియోగించుకోవాలి. ఈ చట్టంతో వ్యక్తిగత సమస్యలు మొదలుకొని సామాజిక సమస్యల వరకు పరిష్కరించుకోవచ్చు. –అంకం నరేశ్‌, యూఎఫ్‌ఆర్టీఐ రాష్ట్ర కోకన్వీనర్‌

కామారెడ్డి అర్బన్‌: స్కూల్‌ గేమ్స్‌ ఫెడరేషన్‌(ఎస్‌జీఎఫ్‌) ఆధ్వర్యంలో అండర్‌–17 బాల బాలికల ఉమ్మడి జిల్లా స్థాయి యోగా పోటీ విజేతలు సిద్దిపేటలో 11, 12, 13 తేదీల్లో నిర్వహించే రాష్ట్రస్థాయి పోటీలకు ఆదివారం బయలుదేరి వెళ్లినట్టు జిల్లా కార్యదర్శి ఈ.శ్రీధర్‌ తెలిపారు. రాష్ట్రస్థాయికి ఎంపికై న క్రీడాకారులకు వీడ్కొలు తెలిపిన వారిలో మాజీ కార్యదర్శి హీరాలాల్‌, జట్టు కోచ్‌ గోమతి, పీడీ స్వప్న ఉన్నారు. ప్రతిపక్షాల ఆరోపణలు నిరాధారం సుభాష్‌నగర్‌: దేశంలో ప్రజాస్వామ్యం ప్ర మాదంలో పడిందంటూ కాంగ్రెస్‌, ఇతర ప్ర తిపక్ష పార్టీలు చేస్తున్న ఆరోపణలు నిరాధారమైనవని, వాటిని తీవ్రంగా ఖండిస్తున్నామ ని బీజేపీ జిల్లా అధ్యక్షుడు దినేష్‌ పటేల్‌ కులాచారి అన్నారు. నగరంలోని బీజేపీ కా ర్యాలయంలో ఆదివారం ఆయన మీడియా తో మాట్లాడారు. సర్‌ ప్రక్రియలో భాగంగా అప్ఘనిస్తాన్‌, బంగ్లాదేశ్‌, పాకిస్తాన్‌ అక్రమ చొరబాటుదారుల ఓట్లు తొలగిస్తుంటే.. కాంగ్రెస్‌ పార్టీకి అంత బాధ ఎందుకని ఎద్దేవా చేశారు. కాంగ్రెస్‌, ఇతర ప్రతిపక్ష పార్టీల త ప్పుడు ఆరోపణలను ప్రజలు నమ్మే స్థితిలో లేరని స్పష్టంచేశారు. రాష్ట్ర కార్యదర్శి గోపిడి స్రవంతిరెడ్డి, మున్సిపల్‌ ఫ్లోర్‌లీడర్‌ ప్రమోద్‌కుమార్‌, నాయకులు లక్ష్మీనారాయణ, పద్మారెడ్డి, న్యాలం రాజు, పురుషోత్తం, ఆమంద్‌ విజయ్‌, శ్రీనివాస్‌రెడ్డి పాల్గొన్నారు. రాష్ట్రస్థాయి సాఫ్ట్‌బాల్‌ పోటీలు ప్రారంభం జక్రాన్‌పల్లి: మండలంలోని తొర్లికొండ జిల్లా పరిషత్‌ ఉన్నత పాఠశాలలో ఆదివారం రాష్ట్రస్థాయి మి నీ సబ్‌ జూనియర్‌ అండర్‌–13 బాలికల సాఫ్ట్‌బాల్‌ పోటీలు అట్టహాసంగా ప్రారంభమయ్యాయి. సాప్ట్‌బాల్‌ ఫెడరేషన్‌ ఆఫ్‌ ఇండియా సంయుక్త కార్యదర్శి శోభన్‌బాబు కార్యక్రమానికి ముఖ్య అతిథిగా హా జరై, పోటీలను ప్రారంభించారు. పోటీ ల్లో ప్రతిభ చూపిన క్రీడాకారులతో రాష్ట్ర జట్టును ఎంపిక చేస్తామన్నారు. ఎంపికైన జట్టు ఈ నెల 28 నుంచి 31 వరకు మహారాష్ట్రలోని సంజీవిని యూనివర్సిటీ, కోపర్గావ్‌లో జరగనున్న జాతీయ మినీ సబ్‌ జూనియర్‌ సాఫ్ట్‌బాల్‌ పోటీల్లో పాల్గొంటుందని తెలిపారు. ఎంఈవో శ్రీనివాస్‌, అసోసియేషన్‌ జిల్లా అధ్యక్షుడు ప్రభాకర్‌రెడ్డి, ప్రధాన కార్యదర్శి గంగామోహన్‌, రాష్ట్ర ఉపాధ్యక్షుడు అభిషేక్‌ గౌడ్‌, ప్రధాన కార్యదర్శి నవీన్‌కుమార్‌, రాష్ట్ర స్పోర్ట్స్‌ అథారిటీ పరిశీలకుడు పవన్‌ కు మార్‌, జిల్లా వాలీబాల్‌ అ సోసియేషన్‌ ప్ర ధాన కార్యదర్శి మల్లేశ్‌గౌడ్‌, వీడీసీ ఉపాధ్యక్షుడు ఈర్ల బాలయ్య, ప్రధాన కార్యదర్శి కనక రాజేశ్‌, కోశాధికారి వేముల నాగరాజు, నల్ల గంగారెడ్డి, ఉత్కం శ్రీనివాస్‌గౌడ్‌, కొప్పు సుదర్శన్‌ పాల్గొన్నారు. కామారెడ్డి టౌన్‌ : జిల్లాలోని ప్రభుత్వ పాఠ శాలలు, కేజీబీవీలు, మోడల్‌ స్కూల్స్‌, గురు కులాల్లో పదో తరగతి చదువుతున్న బాలికలకు ‘ఇస్రో ఎక్స్‌ప్లోరర్‌ విజిట్‌’లో భాగంగా ఇస్రోను సందర్శించే అవకాశం కల్పిస్తున్నట్లు కామారెడ్డి డీఈవో మల్లికార్జున్‌ ఆదివారం ఒక ప్రకటనలో తెలిపారు. దసరా సెలవుల తర్వాత ఆన్‌లైన్‌ పరీక్ష నిర్వహించి, మెరిట్‌ సాధించిన 50 మంది విద్యార్థినులను ఎంపిక చేయనున్నట్లు పేర్కొన్నారు. హెచ్‌ఎంలు విద్యార్థినులను పరీక్షకు సన్న ద్ధం చేయాలని సూచించారు. వివరాలకు జి ల్లా సైన్స్‌ అధికారి సిద్ధి రాంరెడ్డి (96979 82888)ని సంప్రదించాలని సూచించారు.

బోధన్‌/ కామారెడ్డి రూరల్‌/ బాన్సువాడ/ తాడ్వాయి: బోధన్‌ పట్టణంలోని బీటీనగర్‌ ప్రభత్వ ఉన్నత పాఠశాల 1999–2000కు చెందిన పదో తరగతి పూర్వ విద్యార్థులు ఆదివారం అపూర్వ సమ్మేళనం నిర్వహించారు. 26 ఏళ్ల తర్వాత మిత్రులందరూ ఒకే చోట చేరడంతో సంతోషం వ్యక్తం చేశారు. నాటి జ్ఞాపకాలను నెమరువేసుకున్నారు. అనంతరం విద్యాబుద్ధులు నేర్పిన గురువులను ఘనంగా సన్మానించారు. పూర్వ ఉపాధ్యాయులు పరుచూరి నగేశ్‌బాబు, గోపిచందర్‌, నరేంద్ర, పూర్వ విద్యార్థులు నీలం కుమార స్వామి, మహేందర్‌, శంకరప్ప, త్రివేణి, భాగ్యలక్ష్మి, శశికళ, లావణ్య, లలిత, రాజు, రియానంద్‌, నరేశ్‌, నాగురావు తదితరులు పాల్గొన్నారు. కామారెడ్డి మున్సిపల్‌ పరిధిలోని దేవునిపల్లి ఉన్నత పాఠశాల 2001–2002కు చెందిన పదో తరగతి పూర్వ విద్యార్థులు సిల్వర్‌ జూబ్లీ సందర్భంగా పాఠశాల ఆవరణలో ఆత్మీయ సమ్మేళనం నిర్వహించారు. చదువు నేర్పిన గురువులను సన్మానించారు. బాన్సువాడ పట్టణంలోని శ్రీనివాస టుటోరియల్‌ పాఠశాల 1996–97కు చెందిన పదో తరగతి పూర్వ విద్యార్థులు ఆత్మీయ సమ్మేళనం నిర్వహించారు. 30 ఏళ్ల అనంతరం అందరూ ఒకే చేరడంతో మిత్రులందరూ సంతోషం వ్యక్తం చేశారు. నాటి గురువులను సన్మానించారు. కార్యక్రమంలో ఉపాధ్యాయులు షేక్‌ సలాం, సత్యనారాయణ, పోచయ్య, పుష్పలత, శ్రీనివాస్‌రెడ్డి, సాయిరెడ్డి, విఠల్‌, నర్సింలు, సుదీర్‌ తదితరులు ఉన్నారు. కామారెడ్డి జిల్లా తాడ్వాయి మండలం బ్రాహ్మణపల్లి జెడ్పీ ఉన్నత పాఠశాలకు చెందిన పదో తరగతి పూర్వ విద్యార్థులు 25 ఏళ్ల తర్వాత అపూర్వ సమ్మేళనం నిర్వహించారు. చిన్ననాటి మిత్రులందరూ ఒకే చోట చేరడంతో ఆత్మీయ పలకరింపులు, ఆలింగనాల నడుమ మధుర స్మృతులను నెమరువేసుకున్నారు. నాటి గురువులు హన్మంత్‌ రెడ్డి, శ్రీశైలం, సంగయ్య, విద్య, నర్సయ్య, రవి శంకర్‌, వెంకట్రావు, నరసింహులను సన్మానించారు. కార్యక్రమంలో పూర్వ ఉపాధ్యాయులు, విద్యార్థులు పాల్గొన్నారు.

నిజామాబాద్‌ రూరల్‌: నిజామాబాద్‌లోని నవ్యభారతి గ్లోబల్‌ స్కూల్‌లో డిసెంబర్‌ 4న హరిదా రచయితల సంఘం మహాసభ నిర్వహించనున్నట్లు జిల్లా హరిదా రచయితల సంఘం అధ్యక్షుడు ఘనపురం దేవేందర్‌ తెలిపారు. ఇందులో భాగంగా ‘సరస్వతీరాజ్‌ –హరిదా అంతర్జాతీయ ఉత్తమ తెలంగాణ కథా పురస్కారం–2026’ పోటీలను నిర్వహిస్తున్నట్లు పేర్కొన్నారు. ఈసందర్భంగా కార్యక్రమ వాల్‌పోస్టర్లను హైదరాబాద్‌లో ఆదివారం టీఆర్‌ఎస్‌ చీఫ్‌ కవిత చేతుల మీదుగా ఆవిష్కరించారు. అనంతరం కవిత మాట్లాడుతూ.. తెలంగాణ భాష జీవభాష అని అన్నారు. దేవేందర్‌ మాట్లాడుతూ.. తెలంగాణ భాష, సంస్కృతుల వై భవాన్ని భవిష్యత్‌ తరాలకు అందించే ఉద్దేశంతోనే కథల పోటీలను నిర్వహిస్తున్నామన్నారు. ప్రపంచవ్యాప్తంగా తెలంగాణ భాషలో కథలు రాసే రచయితలందరూ ఇందులో భాగస్వాములు కావాలని పిలుపునిచ్చారు. ఆసక్తి ఉన్న కథా రచయితలు తమ కథను, హామీ పత్రాన్ని అక్టోబర్‌ 30వ తేదీ లోపు పంపించాలన్నారు. మరిన్ని వివరాలకు 90300 33331 నంబర్‌ను సంప్రదించాలని తెలిపారు. టీ ఆర్‌ఎస్‌ ప్రధాన కార్యదర్శి రంగు నవీనాచారి, నాయకులు రూప్‌సింగ్‌, శరత్‌ పాల్గొన్నారు.

● మరొకరి పరిస్థితి విషమం కమ్మర్‌పల్లి: బైక్‌, ఆర్టీసీ బస్సు ఢీకొన్న ఘటనలో ఒకరు మృతి చెందగా మరొకరి పరిస్థితి విషమంగా ఉంది. ఘటనకు సంబంధించి స్థానికులు తెలిపిన వివరాల ప్రకారం.. కమ్మర్‌పల్లి మండలం అమీర్‌నగర్‌ గ్రామానికి చెందిన వర్ణం నర్సయ్య(35), తన తమ్ముడు రాజేందర్‌తో కలిసి బైక్‌పై ఆదివారం జగిత్యాల జిల్లా మెట్‌పల్లి మండలం రాజేశ్వర్‌రావుపేటకు వెళ్లారు. వీరు తిరిగి వస్తుండగా అమీర్‌నగర్‌ పరిధిలోని బిలియానాయక్‌ తండా, కేసీఆర్‌ తండాల మధ్య రాంగ్‌ రూట్‌లో వస్తున్న బస్సు వీరిని ఢీకొన్నది. ప్రమాదంలో ఇద్దరికి తీవ్రగాయాలు కావడంతో స్థానికులు మెట్‌పల్లి ఆస్పత్రిలో చేర్పించారు. పరీక్షించిన వైద్యులు నర్సయ్య మృతి చెందినట్లు నిర్ధారించారు. రాజేందర్‌ పరిస్థితి విషమంగా ఉంది. ప్రమాద స్థలం మెట్‌పల్లి పరిధిలోకి రావడంతో మెట్‌పల్లి పోలీసులు కేసు నమోదు చేసి దర్యాప్తు చేపడుతున్నారు.

నిజామాబాద్‌ అర్బన్‌/నిజామాబామాద్‌ రూరల్‌: õ³§ýl MýS$r$…»êÌS çÜ…„óS-Ð]l$Ðól$ ™èlÐ]l$ ÌS„ýSÅÐ]l$° Æ>çÙ‰ {糿¶æ$™èlÓ çÜÌSà-§éÆý‡$ çÙ½¾ÆŠ‡ AÎ A¯é²Æý‡$. °gê-Ð]l*-»ê§Šæ AÆý‡¾¯ŒS °Äñæ*f-MýS-Ð]l-Æ>Y-°MìS ^ðl…¨¯]l MýSÌêÅ×æ ÌS„ìS-Ã, Úë©Ð]l¬-»ê-Æý‡MŠS ÌS¼-®-§é-Æý‡$Ë$ 275 Ð]l$…¨MìS AÆý‡¾¯ŒS GÐðl$ÃÌôæÅ «§ýl¯ŒS-´ëÌŒæ çÜ*Æý‡Å-¯é-Æ>-Ķæ$×æ™ø MýS ÍíÜ çÙ½¾ÆŠ‡ AÎ ^ðlMýS$PË$ A…§ýl-gôæÔ>Æý‡$. ¯]lVýS-Æý‡…ÌZ ° Æ>i-ÐŒæ-V>…«© Byìl-sZÇ-Ķæ$…ÌZ B¨ÐéÆý‡… M>Æý‡Å-{MýS-Ð]l*°² °Æý‡Ó-íßæ…-^éÆý‡$. D çÜ…§ýl-Æý‡Â…V> çÙº¾ÆŠ‡ AÎ Ð]l*sêÏ-yýl$-™èl*.. Æ>çÙ‰ BÇ-®MýS ç³Çíܦ† »êVø-Ìôæ-MýS-´ùƇ$$¯é çÜ…„óSÐ]l$ ç³£ýl-M>Ë$ AÐ]l$Ë$ Mö¯]l-Ýë-W-çÜ$¢ ¯é²-Ð]l$-°, õ³¨…sìæ Byýl-¼yýlz ÑÐé-à-°MìS BǦMýS ¿ýæÆø Ýë CçÜ$¢¯é²-Ð]l$-¯é²Æý‡$. A¯]l…-™èlÆý‡… AÆý‡¾¯ŒS GÐðl$ÃÌôæÅ «§ýl¯ŒS-´ëÌŒæ çÜ*Æý‡Å-¯é-Æ>-Ķæ$×æ Ð]l*sêÏ-yýl$™èl*.. AÆý‡$á-ÌS…-§ýlÇMîS çÜM>ÌS…ÌZ MýSÌêÅ-×æ-ÌS-„ìS-Ã, Úë©-Ð]l¬-»ê-Æý‡MŠS ^ðlMýS$PË$ A…§ýlgôæ-Ķæ*-ÌS-¯é²Æý‡$. MýSÌêÅ-×æ-ÌS„ýSà rి ç³£ýlMýS…Oò³ {ç³fÌZÏ A¯ólMýS çÜ…§ól-àË$ E¯é²-Ķæ$-°, ç³£ýlMýS… °Í-í³-Ðól-Ýë¢Æý‡¯ól ç³#M>Æý‡$Ï Ð]lçÜ$¢-¯é²-Ķæ$¯é²Æý‡$. ©°Oò³ A«¨-M>-Æý‡$Ë$, M>…{VðS‹Ü {ç³gê {糆-°-«§ýl$Ë$ çܵçÙt™èl CÐéÓ-ÌS-¯é²Æý‡$. ¯]lVýSÆý‡ yîlïÜïÜ A«§ýlÅ„ýS$yýl$ »Ÿ¼¾Í Æ>Ð]l$MýS–çÙ~, ¯]l$yé O^ðlÆý‡Ã¯ŒS MóSÔèæ Ðól×æ$, M>ÆöµÆó‡-rÆý‡$Ï ¯éVøâýæÏ ÌS„îSÃ-¯é-Æ>Ķæ$×æ, Ð]l$uý‡… ç³Ð]l¯Œl, fVýS-©ÔŒæ MýS$ÌS-MýS-Ç-~, ¯éÅÌS… çÜ$±™èl Æ>k, º…r$ {ﳆ-{ç³-Ò׊æ, Cç³µ-M>Ķæ$ÌS çÜ$Ñ${™èl MìSÔZÆŠæ, ¯éĶæ$-MýS$Ë$ ç³…^èlÆð‡yìlz Ô>ÅÐŒl$, ç³Ð]l¯ŒS Ð]l¬…§ýlyýl ™èl¨-™èlÆý‡$Ë$ ´ëÌŸY-¯é²Æý‡$. రాష్ట్ర ఆర్థిక పరిస్థితి బాగోలేకున్నా సంక్షేమ పథకాలు ప్రభుత్వ సలహాదారు షబ్బీర్‌ అలీ లబ్ధిదారులకు కల్యాణలక్ష్మి, షాదీముబారక్‌ చెక్కుల పంపిణీ

బిచ్కుంద(జుక్కల్‌): మండలంలోని గోపన్‌పల్లి శివా రు, ఐటీఐ కళాశాల ప్రాంగణంలో విద్యుత్‌ ట్రాన్స్‌ఫార్మర్లను ధ్వంసం చేసి కాపర్‌ వైర్‌ ఎత్తుకెళ్లిన ఇద్ద రు నిందితులను అరెస్టు చేసినట్లు సీఐ రవికుమార్‌, ఎస్సై రాజు ఆదివారం తెలిపారు. కొన్ని నెలల క్రితం బిచ్కుంద పీఎస్‌ పరిధిలోని ఆయా గ్రామాల శివారులలో 19 ట్రాన్స్‌ఫార్మర్ల ధ్వంసం కేసులో వి ద్యుత్‌ అధికారుల ఫిర్యాదు మేరకు కేసు నమోదు చేసి దర్యాప్తు ప్రారంభించామన్నారు. పెట్రోలింగ్‌ నిర్వహిస్తుండగా ఫత్లాపూర్‌ దాబా హోటల్‌ వద్ద అనుమానాస్పదంగా బైక్‌పై వెళ్తున్న ఇద్దరిని పట్టుకొని విచారించామన్నారు. నిందితులు జరిగిన ఘ టనల్లో నేరం చేసినట్లు ఒప్పుకున్నారు. నిందితులు మహారాష్ట్ర పర్భాని జిల్లాకు చెందిన సత్నామ్‌సింగ్‌, చందుసింగ్‌ విచారణలో తేలింది. నిందితులను అ రెస్టు చేసి రిమాండ్‌కు తరలించినట్లు సీఐ తెలిపారు.

ఇంటిపై సోలార్‌తో జీరో విద్యుత్‌ బిల్లుసుభాష్‌నగర్‌: ఎల్‌నినో ప్రభావంతో వర్షాలు కురవక విద్యుత్‌ ఉత్పత్తి గణనీయంగా తగ్గిపోవడం, రోజురోజుకూ విద్యుత్‌ వినియోగం విపరీతంగా పెరగడం, దీనికితోడు విద్యుత్‌ బిల్లులు కూడా పెరగనున్న నేపథ్యంలో కేంద్ర ప్రభుత్వం పీఎం సూర్యఘర్‌ – ముఫ్త్‌ బిజ్లీ యోజన పథకం తీసుకొచ్చింది. ఈపథకం కింద గృహ విద్యుత్‌ వినియోగదారుల ఇళ్లపై రూఫ్‌టాప్‌ సోలార్‌తో విద్యుత్‌ బిల్లులకు చెక్‌ పడనుంది. కేంద్రం అందిస్తున్న రాయితీలను అందిపుచ్చుకుని అనేకమంది వినియోగదారులు సౌర విద్యుత్‌ వైపు మళ్లుతున్నారు. రూఫ్‌టాప్‌ సోలార్‌ వినియోగం ద్వారా సంప్రదాయ విద్యుత్‌ వనరులపై ఆధారపడటాన్ని తగ్గించడంతోపాటు పర్యావరణ పరిరక్షణకు కూడా తోడ్పడవచ్చు. రాయితీలు ఇలా.. ఒక కిలో వాట్‌ సోలార్‌ ప్లాంట్‌కు రూ.30వేలు, రెండో కిలోవాట్లకు రూ.60వేలు, మూడు కిలోవాట్స్‌ అంతకన్నా ఎక్కువ సామర్థ్యానికి గరిష్టంగా రూ.78వేల వరకు సబ్సిడీ వర్తిస్తోంది. రాయితీలను సద్వినియోగం చేసుకోవడం ద్వారా ప్లాంట్‌ ఏర్పాటుకు అయ్యే ప్రారంభ వ్యయం తగ్గుతుంది. అర్హత, సాంకేతిక ప్రమాణాలు, పథకం నిబంధనలకు అనుగుణంగా సబ్సిడీ లభిస్తుంది. 3 కిలోవాట్ల రూఫ్‌టాప్‌ సోలార్‌ ప్లాంట్‌ ద్వారా అనుకూల పరిస్థితుల్లో నెలకు 360 యూనిట్లకు పైగా విద్యుత్‌ ఉత్పత్తి అయ్యే అవకాశం ఉంటుంది. అయితే వాతావరణ పరిస్థితులు, పైకప్పుపై సూర్యరశ్మి లభ్యత, ప్లాంట్‌ పనితీరు ఆధారంగా ఉత్పత్తి మారుతుంది. ఇంటి విద్యుత్‌ వినియోగం సోలార్‌ ద్వారా ఉత్పత్తి అయ్యే విద్యుత్‌కు అనుగుణంగా ఉంటే విద్యుత్‌ బిల్లును గణనీయంగా తగ్గించుకోవచ్చు. ● కేంద్ర ప్రభుత్వ అధికారిక వెబ్‌సైట్‌ https:// pmsuryaghar.gov.in ద్వారా పథకానికి దరఖాస్తు చేసుకోవచ్చు. ● రిజిస్ట్రేషన్‌, ఆమోదిత విక్రేత ఎంపిక, సోలార్‌ ప్లాంట్‌ ఏర్పాటు, తనిఖీ, నెట్‌ మీటరింగ్‌, సబ్సిడీ పొందే ప్రక్రియను పథకం మార్గదర్శకాల ప్రకారం పూర్తి చేయాలి. ● సోలార్‌ ప్లాంట్‌ ఏర్పాటు చేసుకునే ముందు తమ ఇంటి విద్యుత్‌ వినియోగం, అవసరమైన ప్లాంట్‌ సామర్థ్యం, పైకప్పుపై అందుబాటులో ఉన్న స్థలం, మొత్తం వ్యయం, సబ్సిడీ అర్హత వివరాలను పరిశీలించుకోవాలి. ● మార్కెట్‌లో అనేక సోలార్‌ ప్లేట్ల కంపెనీలు, వెండర్స్‌ (డిస్టిబ్యూటర్స్‌) అందుబాటులోకి వచ్చాయి. సౌర విద్యుత్‌తో బిల్లులకు చెక్‌ ప్రతినెలా 100 వరకు మంజూరు నిజామాబాద్‌ సర్కిల్‌ పరిధిలో ప్రతినెలా 100 వరకు ఇళ్లపై రూఫ్‌టాప్‌ సోలార్‌ ప్లాంట్లను మంజూరు చేస్తున్నాం. సౌర విద్యుత్‌పై ప్ర జల్లో మంచి అవగాహన వ చ్చింది. ఇటీవల టీజీఎన్‌పీడీసీఎల్‌, రెడ్‌ కో ఆధ్వర్యంలో మూడు రోజులపాటు పలు కంపెనీలు, బ్యాంకు ప్రతినిధుల సమక్షంలో సదస్సు నిర్వహించాం. చాలా మంది ఔత్సాహికులు రిజిస్ట్రేషన్‌ చేయించుకున్నారు. – పీవీ రాజేశ్వర్‌రావు, ఎస్‌ఈ, ఎన్‌పీడీసీఎల్‌ ఇంటి పైకప్పులపై రూఫ్‌టాప్‌ సోలార్‌ ప్లాంట్లను ఏర్పాటు చేసుకోవడం ద్వారా సూర్యరశ్మి సహాయంతో విద్యుత్‌ ఉత్పత్తి అవుతుంది. దీనివల్ల గ్రిడ్‌ నుంచి తీసుకునే విద్యుత్‌ వినియోగం తగ్గి, నెలవారీ విద్యుత్‌ బిల్లుపై గణనీయమైన ఆదా పొందే అవకాశం ఉంటుంది. సోలార్‌ ప్లాంట్‌ సామర్థ్యం, ఇంటి విద్యుత్‌ వినియోగం, సౌర విద్యుత్‌ ఉత్పత్తి బట్టి విద్యుత్‌ బిల్లు జీరో అవుతుంది. బ్యాంకులు కూడా అతి తక్కువ వడ్డీ రేట్లకే రుణ సదుపాయం కల్పిస్తూ, నెలవారీగా (ఈఎంఐ) చెల్లించే సదుపాయం కూడా అందుబాటులో ఉంది. పీఎం సూర్య ఘర్‌తో వినియోగదారులను ప్రోత్సహిస్తున్న కేంద్రం టీజీఎన్‌పీడీసీఎల్‌, రెడ్‌ కో సంయుక్త ఆధ్వర్యంలో అవగాహన ముందుకొస్తున్న గృహ విద్యుత్‌ వినియోగదారులు

వర్ని: మహిళలకు బతుకమ్మ పండుగ ప్రత్యేకమైనదని అందరూ కలిసికట్టుగా ఆనందోత్సవాల మధ్య పండుగను జరుపుకోవాలని ప్రభుత్వ వ్యవసాయ సలహాదారు బాన్సువాడ ఎమ్మెల్యే పోచారం శ్రీనివాస్‌ రెడ్డి అన్నారు. చందూరు మండల కేంద్రంలో ఆదివారం నిర్వహించిన బతుకమ్మ వేడుకల్లో ఆయన మహిళలతో కలిసి బతుకమ్మ ఆడారు. ప్రశాంతమైన వాతావరణంలో పండగను జరుపుకోవాలని, నిమజ్జనం సమయంలో ప్రమాదాలు జరగకుండా తగు చర్యలు చేపట్టాలని సూచించారు. వర్ని మాజీ ఎంపీపీ శ్రీనివాస్‌ గౌడ్‌, చందూర్‌ మాజీ సర్పంచ్‌ సాయ రెడ్డి, రామచందర్‌, సత్యనారాయణ, శ్రీను పాల్గొన్నారు.

సాక్షి, హైదరాబాద్‌: కాలుష్యాన్ని నియంత్రించే క్రమంలో హైదరాబాద్‌ నగరంలో కేవలం ఎలక్ట్రిక్‌ ఆర్టీసీ బస్సులను మాత్రమే తిప్పే దిశగా చర్యలు ప్రారంభ మైన నేపథ్యంలో కేంద్ర ప్రభుత్వం వరంగల్, నిజా మాబాద్‌లకు శుభవార్త చెప్పింది. పీఎం ఈ–డ్రైవ్‌ పథ కం కింద హైదరాబాద్‌కు 2,300 ఎలక్ట్రిక్‌ బస్సులను మంజూరు చేసిన విషయం తెలిసిందే. తాజాగా టూ టైర్‌ సిటీలైన వరంగల్, నిజామాబాద్‌లకు 151 ఎలక్ట్రిక్‌ బస్సులను పీఎం ఈ–బస్‌ సేవ పథకం కింద మంజూరు చేసింది. వీటికి సంబంధించి టెండర్ల ప్రక్రియ కూడా పూర్తయింది.హైదరాబాద్‌ కేంద్రంగా ఉన్న సాయి గ్రీన్‌ మొబిలిటీ ప్రైవేట్‌ లిమిటెడ్‌కు టెండర్‌ దక్కింది. మరో ఆరు నెలల తర్వాత బస్సులు ఈ రెండు పట్టణాలకు దశల వారీగా రాబోతున్నాయి. వరంగల్‌కు 100 బస్సులు, నిజామాబాద్‌కు 51 బస్సులు కేటాయించారు. తొలిసారి ఆ రెండు నగరా లలో ఏసీ ఎలక్ట్రిక్‌ సిటీ బస్సులు సేవలందించబో తుండటం విశేషం. ప్రస్తుతం వరంగల్‌లో ప్రత్యేకంగా ఈ బస్సుల కోసం కొత్త డిపోను ఏర్పాటు చేస్తున్నా రు. అక్కడి జోనల్‌ ట్రైనింగ్‌ సెంటర్‌లో రూ.7.9 కోట్లతో డిపో నిర్మాణానికి టెండర్లు పిలిచారు. కిలోమీటర్‌కు అద్దె రూ.59.59...పీఎం ఈ–డ్రైవ్‌ బస్సుల తరహాలోనే ఈ ఎలక్ట్రిక్‌ సిటీ బస్సులకు కూడా ఆర్టీసీ ప్రతి కి.మీ.కు నిర్ధారిత అద్దె ను చెల్లిస్తుంది. తాజా టెండర్లలో ఈ అద్దె రూ.59.59 గా ఖరారైంది. నిజామాబాద్‌ పట్టణంలో దాదాపు నాలుగేళ్ల క్రితం సిటీ బస్సు సేవలు మొదలయ్యాయి. కానీ పరిమిత సంఖ్యలోనే ఉన్నాయి. వాటి నిర్వహణ కూడా అంత మెరుగ్గా లేదు.ఇప్పుడు కొత్తగా వచ్చే బస్సులతో నగరంలో సిటీ సర్వీసు సేవలు బాగా మె రుగవ్వనున్నాయి. అయితే నగరంలో వీటి అవసరం ఎంత ఉంటుందనే విషయంలో ఇంకా స్పష్టత రాలే దు. దీంతో నిజామాబాద్‌కు దగ్గరలో ఉన్న పట్టణా లకు వీటిని ఎక్కువగా తిప్పాలన్న యోచనలో ఆర్టీసీ ఉంది. నిజామాబాద్‌లో ఉన్న 2 ఆర్టీసీ డిపోలకు అద నంగా కొత్తడిపో ఏర్పాటుచేసి ఈ బస్సులు కేటాయించబోతున్నారు. త్వరలో డిపో నిర్మాణం జరగనుంది.ఏసీ సర్వీసులు సక్సెస్‌ అవుతాయా?హైదరాబాద్‌లో ప్రయాణికులు ఎలక్ట్రిక్‌ సిటీ బస్సుల కు బాగా ఆదరిస్తున్నారు. కానీ, ఏసీ సర్వీసులకు అంత డిమాండ్‌ లేదు. గతంలో ఓల్వో ఏసీ సిటీ బస్సులు ప్రారంభించగా, ప్రయాణికులు ఆదరించకపోవటంతో ఖాళీగా తిప్పలేక, వాటిని రాజధాని సర్వీసులుగా మార్చి ఇతర పట్టణాలకు తిప్పుతున్నారు. పుష్పక్‌ బ స్సులకు డిమాండ్‌ నామమాత్రమే. హైదరాబాద్‌లోనే ఈ పరిస్థితి ఉంటే, వరంగల్, నిజామాబాద్‌లలో ఏసీ బస్సు సర్వీసులకు ఆదరణ ఎంత ఉంటుందనే అనుమానం ఉంది. ప్రయాణికుల ఆదరణ ఉండకుంటే, ఈ బస్సులకు ఆర్టీసీ చెల్లించే అద్దె సంస్థకు భారంగానే మారుతుంది.ఇదీ చదవండి: కరీంనగర్‌ ఉక్కిరిబిక్కిరి

నస్రుల్లాబాద్‌: మండలంలోని అంకోల్‌ క్యాంప్‌ వద్దగల రహదారిపై జరిగిన రోడ్డు ప్రమాదంలో ఇద్దరికి గాయాలయ్యాయి. స్థానికులు తెలిపిన వివరాలు ఇలా.. బాన్సువాడ పట్టణానికి చెందిన బట్టల వ్యాపారులు కారులో శుక్రవారం రాత్రి నిజామాబాద్‌ నుంచి బాన్సువాడకు బయలుదేరారు. అంకోల్‌ క్యాంప్‌ వద్ద వారి కారు అదుపుతప్పి మురికి కాలువలోకి దూసుకెళ్లింది. ఈ ఘటనలో కారు ముందు టైరు ఊడిపోయి, అద్దాలు పగిలిపోయాయి. ఇద్దరికీ తీవ్ర గాయాలు అయ్యాయి. వెంటనే స్థానికులు వారిని చికిత్స నిమిత్తం ఆస్పత్రికి తరలించారు. హైవే పనుల్లో భాగంగా రోడ్డు పక్కన కాలువలు తవ్వి ఎలాంటి సూచిక బోర్డులు ఏర్పాటు చేయకపోవడంతోనే ప్రమాదం జరిగిందని స్థానికులు ఆరోపిస్తున్నారు. ఈ ఘటనపై పోలీస్‌ కేసు నమోదు కాలేదు. ఇందల్వాయి మండలంలో.. ఇందల్వాయి: మండలంలోని చంద్రాయన్‌పల్లి గ్రామ శివారులోగల హైవేపై జరిగిన రోడ్డు ప్రమాదంలో పలువురికి స్వల్పగాయాలయ్యాయి. ఎస్సై సుమలత తెలిపిన వివరాలు ఇలా.. చంద్రాయన్‌పల్లి గ్రామ శివారులోని 44 నంబర్‌ జాతీయ రహదారిపై శనివారం సాయంత్రం నిజామాబాద్‌ నుంచి కామారెడ్డి వైపు వెళుతున్న లారీని డ్రైవర్‌ అకస్మాత్తుగా బ్రేక్‌ వేసి ఆపడంతో అదే దారిలో వెనక వస్తున్న కారు నియంత్రణ కోల్పోయి లారీని ఢీ కొట్టింది. అనంతరం మరో రెండు కార్లు ఒకదానికొకటి ఢీకొన్నట్లు తెలిపారు.ఈ ఘటనలో కార్లలోని ప్రయాణికులకు స్వల్ప గాయాలు కాగా, చికిత్స నిమిత్తం ఆస్పత్రికి తరలించామన్నారు. ఈ ఘటనతో ట్రాఫిక్‌జామ్‌ కావడంతో పోలీసులు ప్రమాదానికి గురైన కార్లను పక్కకి తొలంగించి రాకపోకలను పునరుద్ధరించారు. కేసు నమోదు చేసి, దర్యాప్తు చేపట్టినట్లు ఎస్సై తెలిపారు. డివైడర్‌ను ఢీకొని కిందపడ్డ కంటెయినర్‌ ఆర్మూర్‌టౌన్‌: ఆర్మూర్‌ మున్సిపల్‌ పరిధిలోని కోటార్మూర్‌లో 44వ నంబర్‌ జాతీయ రహదారిపై శనివారం ఉదయం ఓ కంటెయినర్‌ అదుపుతప్పి డివైడర్‌ను ఢీకొట్టింది. దీంతో కంటైనర్‌ వెనుకభాగం రోడ్డుకు అడ్డంగా పడిపోడంతో భారీగా ట్రాఫిక్‌ జామ్‌ అయింది. సదరు కంటెయినర్‌ హైదరాబాద్‌ నుంచి ఢిల్లీ వెళుతున్నట్లు తెలిసింది. సమాచారం అందుకున్న పోలీసులు ఘటన స్థలానికి చేరుకొని కంటెయినర్‌ను తొలగించి ట్రాఫిక్‌ను క్లీయర్‌ చేశారు.

బోధన్‌: పట్టణంలోని ఇందూరు బీఈడీ కళాశాలలోఏర్పాటు చేసిన అంబేడ్కర్‌ ఓపెన్‌ యూనివర్సిటీలో వివిధ ఓపెన్‌ కోర్సుల్లో ప్రవేశాలకు దరఖాస్తులు ఆహ్వానిస్తున్నట్లు ప్రిన్సిపాల్‌, కో–ఆర్డినేటర్‌ అప్పల నాయుడు ఒక ప్రకటనలో తెలిపారు. ఎంఏ (ఎడ్యుకేషన్‌), డిప్లొమా ఇన్‌ ఎర్లీ చైల్డ్‌ హుడ్‌ కేర్‌ అండ్‌ ఎడ్యుకేషన్‌( డిప్లొమా ఇన్‌ ఈసీసీఈ) కోర్సుల్లో ప్రవేశాలకు ఈనెల 13 వరకు దరఖాస్తు చేసుకునేందుకు గడువు ఉందన్నారు. ఆసక్తిగల అభ్యర్థులు అంబేడ్కర్‌ ఓపెన్‌ యూనివర్సిటీ వెబ్‌సైట్‌లో దరఖాస్తు చేసుకోవాలని సూచించారు. అనంతరం దరఖాస్తు ఫారాలను కళాశాలలో అందజేయాలన్నారు. మరిన్ని వివరాలకు 94401 40118ను సంప్రదించాలని సూచించారు. ఆర్మూర్‌టౌన్‌: తన ఆటోలో ప్రయాణికులు మర్చిపోయిన బ్యాగును పోలీసులకు అప్పగించి ఆటో డ్రైవర్‌ మానవత్వాన్ని చాటుకున్నాడు. ఆటో డ్రైవర్‌ ఓం సాయి శనివారం పట్టణంలోని మామిడిపల్లి చౌరస్తా నుంచి ప్రయాణికులను తీసుకెళ్తుండగా, గుర్తుతెలియని వ్యక్తులు ఆటోలో బ్యాగు మర్చిపోయారు. వెంటనే ఓంసాయి గమనించి బ్యాగును ఆర్మూర్‌ పోలీస్‌ స్టేషన్‌లో అప్పగించాడు. పోలీసులు విచారణ జరిపి, బ్యాగు పోగొట్టుకున్న భార్యాభర్తలు మేతరి సంధ్య, వెంకటేష్‌ను గుర్తించి వారికి అప్పగించారు. ఈసందర్భంగా ఓం సాయిని ఎస్‌హెచ్‌వో చంద్రశేఖర్‌ రెడ్డి అభినందించి సన్మానించారు నిజామాబాద్‌ రూరల్‌: ఆర్టీసీ ఎన్నికల్లో ఎంప్లాయిస్‌ యూనియన్‌ను అత్యధిక మెజార్టీతో గె లిపించిన కార్మికులకు రుణపడి ఉంటామని ఏ ఐటీయూసీ రాష్ట్ర కార్యదర్శి ఓమయ్య, ఎంప్లా యిస్‌ యూనియన్‌ రీజినల్‌ కార్యదర్శి రవిచందర్‌, అధ్యక్షుడు దశరథ్‌, టీఎంయూ కార్యదర్శి శ్రీనివాస్‌, సిపిఐ పార్టీ జిల్లా కార్యదర్శి సుధాకర్‌ అన్నారు. నగరంలోని ఏఐటీయూసీ జిల్లా కార్యాలయంలో శనివారం నిర్వహించిన విలేకరుల సమావేశంలో వారు మాట్లాడారు. జిల్లా లో 1516 ఓట్లు ఎంప్లాయిస్‌ యూనియన్‌కు, 1404 ఓట్లు టీఎంయూకు వేశారని, రాష్ట్రంలో పదివేల పైచిలుకు మెజారిటీ ఏఐటీయూసీ ఎంప్లాయిస్‌ యూనియన్‌ ఆర్టీసీ కార్మికులు ఇ చ్చారని అన్నారు. నాయకులు ఫిరోజ్‌, చక్రపా ణి, లలిత, నర్సయ్య, గంగాధర్‌, యూసుఫ్‌, సందీప్‌ పాల్గొన్నారు. మాసాన్‌పల్లిలో చిరుత సంచారం! నాగిరెడ్డిపేట(ఎల్లారెడ్డి): మండలంలోని మాసాన్‌పల్లి గ్రామశివారులో గల ఆదిమల్లన్నగుట్టపై కొన్నిరోజులుగా చిరుత సంచరిస్తుందని గ్రామస్తులు ఆందోళన చెందుతున్నారు. రెండురోజుల క్రితం గ్రామానికి చెందిన రైతు గేదెలను మేపేందుకు గుట్టపైకి తీసుకెళ్లగా బెదిరి కిందకు వచ్చాయన్నారు. విషయం తెలుసుకొని గ్రామస్తులు శుక్రవారం గుట్టపైకి వెళ్లిచూడగా ఓ బండపై చిరుత పడుకొని ఉందన్నారు. అటవీశాఖ అధికారులకు సమాచారం అందించగా శనివారం గ్రామానికి చేరుకొని చిరుత ఆనవాళ్ల కోసం పరిశీలించారు. కానీ ఎలాంటి ఆధారాలు లభ్యం కాలేదని ఎఫ్‌ఆర్వో వాసుదేవ్‌ తెలిపారు. మాసాన్‌పల్లి గ్రామస్తులతోపాటు చుట్టుపక్కల గ్రామాల ప్రజలు అప్రమత్తంగా ఉండాలని సూచించారు.

● ట్రాఫిక్‌ డైవర్షన్‌ చేపట్టిన అధికారులునిజామాబాద్‌ రూరల్‌: నగర శివారులోని మాధవనగర్‌ రైల్వేగేట్‌ వద్ద నిలిచిన ఆర్వోబీ (రైల్వే ఓవర్‌ బ్రిడ్జి) పనులు ఎట్టకేలకు శనివారం పున:ప్రారంభమయ్యాయి. రాష్ట్ర ప్రభుత్వం గత నెలలో నిధులు కెటాయించడంతో అధికారులు పనులను చేపడుతున్నారు. ఈక్రమంలో అధికారులు ఆర్వోబీ వద్ద ట్రాఫిక్‌ డైవర్షన్‌ చేపట్టారు. దీంతో హైదరాబాద్‌ నుంచి నిజామాబాద్‌కు వచ్చే వాహనాలు, నిజామాబాద్‌ నుంచి హైదరాబాద్‌ వెళ్లే వాహనాలు ఒకే మార్గం గుండ ప్రయాణించడంతో ట్రాఫిక్‌ సమస్యలు ఎదురవుతున్నాయి.

బోధన్‌: మహరాష్ట్ర సరిహద్దులోని మంజీర నది తీరాన ఉన్న సాలూర, బోధన్‌ మండలాల్లోని గ్రామాల్లో విభిన్న సంస్కృతి, సంప్రదాయాలు మిళితమై ఉంటాయి. ఇక్కడి ప్రజలు తెలుగు, కన్నడ, మరాఠి, ఉర్దూ, హిందీ భాషలు మాట్లాడటంతో పాటు ఆచారాలు, సంప్రదాయాలూ వేర్వేరుగా ఉంటాయి. సాలూర మండలం మందర్నా, హున్సా, ఖాజాపూర్‌, సాలూర, తగ్గేల్లి, సాలంపాడ్‌, కుమ్మన్‌పల్లి, బోధన్‌ మండలంలోని కల్దుర్కి, సిద్ధాపూర్‌, ఖండ్‌గాం, రాంపూర్‌ గ్రామాల్లో జరుపుకుంటారు. సాలూర మండలం హున్సా గ్రామంలో బతుకమ్మలతో మహిళలు (ఫైల్‌)బతుకమ్మ అంటే సంతోషం బతుకమ్మ పండుగ వచ్చిందంటే ఎంతో సంతోషంగా ఉంటుంది. పాఠశాల దశ నుంనే బతుకమ్మలను పే ర్చడం నేర్చుకున్నాను. గును గు, బంతి, తంగేడు, ఇతర పూలను సేకరించి బతుకమ్మను తయారు చేస్తాను. – లావణ్య, అంగన్‌వాడీ టీచర్‌, హున్సా

● యథేచ్ఛగా కృత్రిమ కల్లు విక్రయాలు ● పట్టించుకోని ఎకై ్సజ్‌ శాఖ నిజామాబాద్‌అర్బన్‌: జిల్లాలో కృత్రిమ కల్లు విక్రయాలు యథేచ్ఛగా సాగుతున్నాయి. సాధారణంగా చెట్ల నుంచి సేకరించిన కల్లును మాత్రమే లైసెన్స్‌ పొందిన దుకాణాల్లో విక్రయించాల్సి ఉంటుంది. కానీ, నిబంధనలను పట్టించుకోకుండా నిర్వాహకులు కల్తీ కల్లు దందాకు పాల్పడుతున్నారు. రసాయనాల కల్లును సేవించి ప్రజల ప్రాణాలు కోల్పోపోతున్నా అధికారులు మాత్రం నామమాత్రంగా కేసులు నమోదు చేసి చేతులు దులుపుకుంటున్నారనే ఆరోపణలు వెల్లువెత్తుతున్నాయి. రోజుకు లక్ష లీటర్లు.. జిల్లా కేంద్రంలో మూడు కల్లు డిపోలు ఉండగా, రోజుకు లక్షకు పైబడి లీటర్ల కృత్రిమ కల్లు తయారవుతోంది. 280 మంది సభ్యులు కలిగి ఉన్న ఒకటి, రెండు డిపోల పరిధిలో 11 దుకాణాలు ఉన్నాయి. కేవలం 60 మంది సభ్యులు మాత్రమే కలిగి ఉన్న మూడో డిపో పరిధిలో అధికారికంగా 23 దుకాణాలు, అనధికారికంగా ఆరు దుకాణాలు కొనసాగుతున్నాయి. చుట్టుపక్కల ఈత వనాలు లేకపోయినా, ఆల్ఫ్రాజోలం, డైజోపామ్‌, శాక్రీన్‌, కుంకుడు రసం, పేస్ట్‌ తదితర తదితర రసాయనాలతో కల్లును తయారు చేస్తున్నారు. పట్టని నిబంధనలు.. ఈత వనాలు ఉండే ప్రాంతాల్లోనే కల్లు డిపో ఏర్పాటు చేసి కల్లు తయారు చేయాల్సి ఉంటుంది. కానీ, ఈత వనం లేకుండా ఇతర ప్రాంతాల నుంచి కల్లు తీసుకొచ్చి విక్రయిస్తున్నారు. నందిపేట కేంద్రంగా 13 గ్రామాలకు కల్లు సరఫరా అవుతోంది. నవీపేటకు చెందిన ఓ వ్యక్తి చుట్టు పక్కల 16 గ్రామాలకు ఒకే ప్రాంతం నుంచి కల్లు సరఫరా చేస్తున్నారు. బోధన్‌ పట్టణం నుంచి తొమ్మిది గ్రామాలకు, మాక్లూర్‌ మండలంలో ఇద్దరు వ్యక్తులు 12 గ్రామాలకు కృత్రిమ కల్లు తయారు చేసి సరఫరా చేస్తున్నారు. ప్రాణాలు పోతున్నా.. కృత్రిమ కల్లు సేవించిన వారిలో కొందరు ప్రాణాలు విడుస్తుండగా, మరికొందరు మతిస్థిమితం కోల్పోతున్నారు. జిల్లా కేంద్రంలోని కంఠేశ్వర్‌ ప్రాంతానికి చెందిన ఓ వ్యక్తి గతంలో కల్లు కాంపౌండ్‌లోనే మరణించాడు. గౌతంనగర్‌లోని కల్లు కాంపౌండ్‌ సమీపంలోనూ ఓ వ్యక్తి మరణించాడు. ఇలాంటి ఘటనలు అనేక చోట్ల చోటు చేసుకుంటున్నాయి. మరోవైపు కృత్రిమ కల్లుకు బానిసలైన కొందరు గల్ఫ్‌ దేశాలకు వెళ్లిన సమయంలో అక్కడ కల్లు దొరకక మతిస్థిమితం కోల్పోయి తప్పిపోతున్నారు. ఇంతటి భయాందోళనకర పరిస్థితులు ఉన్నా ప్రజల ప్రాణాలను కాపాడాల్సిన అధికారులు కొందరు మామూళ్లకు అలవాటుపడి కృత్రిమ కల్లు విక్రయాలకు ప్రోత్సహిస్తున్నట్లు విమర్శలు వస్తున్నాయి. ఇప్పటికై నా సంబంధిత అధికారులు స్పందించి తగిన చర్యలు తీసుకోవాలని పలువురు కోరుతున్నారు.

కామారెడ్డి టౌన్‌: కామారెడ్డి రైల్వేస్టేషన్‌లో ఎకై ్సజ్‌ శాఖ జిల్లా టాస్క్‌ఫోర్స్‌ అధికారులు శనివారం భా రీగా గంజాయిని పట్టుకున్నారు. దాదాపు రూ.9 లక్ష ల విలువైన 18 కిలోల ఎండు గంజాయిని స్వాధీ నం చేసుకోవడంతోపాటు రవాణా చేస్తున్న నిందితుడిని అరెస్టు చేశారు. వివరాలను జిల్లా ఎకై ్సజ్‌ సూపరింటెండెంట్‌ ముకుందరెడ్డి వెల్లడించారు. ద సరా పండుగను పురస్కరించుకొని మాదకద్రవ్యాల కట్టడిలో భాగంగా ప్రత్యేక తనిఖీలు చేపట్టారు. ఈ క్రమంలో నాగావళి ఎక్స్‌ప్రెస్‌లో గంజాయి తరలిస్తున్నారన్న పక్కా సమాచారంతో జిల్లా టాస్క్‌ఫోర్స్‌ సీఐ శ్రీనివాసులు, ఆర్‌పీఎఫ్‌ సిబ్బందితో కలిసి సంయుక్తంగా స్టేషన్‌లో నిఘా పెట్టారు. తనిఖీల సమయంలో ప్లాట్‌ఫాంపై అనుమానాస్పదంగా తిరుగు తూ తప్పించుకునేందుకు ప్రయత్నించిన ఓ యువ కుడిని అదుపులోకి తీసుకొని పరిశీలించగా, 18 కిలో ల ఎండు గంజాయి ప్యాకెట్లు లభ్యమయ్యాయి. ఒడిశా నుంచి మహారాష్ట్ర.. నిందితుడిని మధ్యప్రదేశ్‌ రాష్ట్రం ఉజ్జయినికి చెందిన అశోక్‌గా గుర్తించారు. ఒడిశాలోని టిట్లాగఢ్‌ నుంచి నాగవల్లి ఎక్స్‌ప్రెస్‌లో మహారాష్ట్రలోని షోలాపూర్‌కు తరలిస్తున్నట్లు ప్రాథమిక విచారణలో అంగీకరించినట్లు అధికారులు వెల్లడించారు. ఆపరేషన్‌లో కానిస్టేబుళ్లు అమృత్‌రెడ్డి, శిరీష, రాజు పాల్గొన్నారు. శ్రీఎక్కడైనా అక్రమ కార్యకలాపాలు జరుగుతున్నట్లు తెలిస్తే ప్రజలు వెంటనే టోల్‌ఫ్రీ నంబర్‌ 1800 425 2523 లేదా స్థానిక ఎకై ్సజ్‌ అధికారులకు సమాచారం అందించాలని ఎకై ్సజ్‌ సూపరింటెండెంట్‌ కోరారు. రూ.9 లక్షల విలువజేసే 18 కిలోల ఎండు గంజాయి స్వాధీనం నిందితుడి అరెస్ట్‌ వివరాలు వెల్లడించిన ఎకై ్సజ్‌ అధికారి ముకుందరెడ్డి

● కరెంట్‌ లేక ఎండిపోతున్న పొలాలు ● కాపాడుకునేందుకు అన్నదాతల పాట్లు పిట్లం(జుక్కల్‌): వర్షాలు పడక, కరెంటు కోతలతో విద్యుత్‌ సరఫరా లేక పంటలు ఎండిపోతుండటంతో రైతులు తీవ్ర ఆవేదనకు గురవుతున్నారు. ఈక్రమంలో పంటను దక్కించుకోవడానికి కొందరు రైతులు నానాపాట్లు పడుతున్నారు. కొందరు రైతులు పంట చేతికొచ్చే సమయానికి కరెంటు లేక గత్యంతరం లేక వేల రూపాయలు ఖర్చు చేస్తూ జనరేటర్‌ను పెట్టి పంటల పొలాలకు నీటిని సరఫరా చేస్తున్నారు. దీంతో పంట పెట్టుబడులతోపాటు జనరేటర్ల ఖర్చులు తడిసిమోపెడవుతున్నాయని వారు ఆవేదన వ్యక్తం చేస్తున్నారు. మరి కొందరు గ్రామానికి దగ్గరగా ఉన్న బోర్ల నుంచి పైప్‌లైన్‌ ద్వార పంట పొలాలకు నీటిని తరలిస్తున్నారు. ఇంకొందరు పొలాల వద్దే ఉంటూ కరెంట్‌ ఎప్పుడు వస్తుందో అని ఎదురుచూస్తూ కరెంట్‌ వచ్చినప్పుడు పొలాలకు నీటిని అందిస్తున్నారు. ఇలా పొలాలలకు నీటిని అందించేందుకు రైతులు అనేక ఇబ్బందులకు గురవుతున్నారు. కరెంట్‌ కోసం ధర్నాలు.. పిట్లం మండలంలోని దాదాపు అన్ని గ్రామాలలో పంటలకు సరిపడ విద్యుత్‌ సరఫరా కాకపోవడంతో వరి పంటలు ఎండిపోతున్నాయి. పంటలకు సరిపడ విద్యుత్‌ ఇవ్వాలని రైతులు సబ్‌స్టేషన్ల ముందు, రోడ్లపై కూర్చొని ధర్నాలు, నిరసన కార్యక్రమాలు చేపడుతున్నారు. ఇప్పటికై నా ప్రభుత్వం స్పందించి వ్యవసాయ రంగానికి నిరంతరంగా 12 గంటలు విద్యుత్‌ సరఫరా చేసి రైతులను ఆదుకోవాలని రైతులు కోరుతున్నారు.

నవీపేట: మండలంలోని కోస్లి గ్రామ శివారులో ట్రా న్స్‌ఫార్మర్‌ను గుర్తుతెలియని దుండగులు ధ్వంసం చేసినట్లు ఎస్సై శ్రీకాంత్‌ తెలిపారు. గ్రామానికి చెందిన ఋషి అనే రైతు శనివారం పొలంలో నీరు పా రించేందుకు వెళ్లగా ట్రాన్స్‌ఫార్మర్‌ కిందపడి ఉండ డాన్ని గమనించాడు. వెంటనే విద్యుత్‌ సిబ్బందికి సమాచారం అందించగా, వారు ఘటన స్థలానికి చే రుకున్నారు. గుర్తుతెలియని దుండగులు ట్రాన్స్‌ఫార్మర్‌ నుంచి కాపర్‌ కాయిల్స్‌, ఆయిల్‌ను ఎత్తుకెళ్లిన ట్లు గుర్తించారు. లైన్‌మన్‌ బాబు ఫిర్యా దు మేరకు కేసు నమోదు చేసుకున్నట్లు ఎస్సై తెలిపారు.

ఉమ్మడి నిజామాబాద్‌ జిల్లాలోని వివిధ ప్రాంతాల్లో జరిగిన వేర్వేరు ఘటనల్లో పలువురు మృతిచెందారు. బోధన్‌ మండలంలో ఆర్మీ జవాన్‌ రోడ్డు ప్రమాదంలో మృత్యువాత చెందాడు. వేల్పూర్‌ మండలంలో ఓ వ్యక్తి చెరువులో మునిగి, లింగంపేట మండలంలో ఓ యువకుడు మైనింగ్‌ గుంతలో పడి చనిపోయారు. బోధన్‌టౌన్‌(భోధన్‌): పట్టణంలోని నిజామాబాద్‌ రోడ్డులో జరిగిన రోడ్డు ప్రమాదంలో ఓ ఆర్మీ జవాన్‌ మృతి చెందాడు. పట్టణ సీఐ వెంకటనారాయణ తెలిపిన వివరాలు ఇలా.. బోధన్‌ మండలం అమ్దాపూర్‌ గ్రామానికి చెందిన నవాతే రక్షిత్‌ (26) ఆర్మీ జవాన్‌గా కాశ్మీర్‌లో విధులు నిర్వహిస్తున్నాడు. ఇటీవల సెలవులపై స్వగ్రామానికి వచ్చాడు. అతడు శుక్రవారం రాత్రి బైక్‌పై బోధన్‌ నుంచి ఎడపల్లికి బయలుదేరాడు. ఆచన్‌పల్లి సమీపంలోని జియో పెట్రోల్‌ బంక్‌ వద్ద బైక్‌ అదుపుతప్పి డివైడర్‌ను ఢీకొట్టాడు. ఈ ఘటనలో అతడికి తీవ్ర గాయాలు కాగా, వెంటనే స్థానికులు నిజామాబాద్‌లోని ఆస్పత్రికి తరలించగా అక్కడ చికిత్స పొందుతూ మృతి చెందాడు. మృతు డి తండ్రి సత్యనారాయణ ఫిర్యాదు మేరకు కేసునమోదు చేసి దర్యాప్తు చేస్తున్నట్లు సీఐ వెల్లడించారు. మైనింగ్‌ గుంతలో పడి యువకుడు.. లింగంపేట(ఎల్లారెడ్డి): మండలంలోని కొర్పోల్‌ గ్రామ శివారులోని మైనింగ్‌ గుంతలో పడి ఓ యువకుడు మృతిచెందాడు. ఎస్సై దీపక్‌ కుమార్‌ తెలిపిన వివరాలు ఇలా.. గ్రామానికి చెందిన చాకలి సురేష్‌(28) శుక్రవారం రాత్రి గ్రామ శివారులోని మైనింగ్‌ గుంత వద్దకు కాలకృత్యాలకు వెళ్లాడు. అతడు తిరిగి ఇంటికి రాకపోవడంతో శనివారం ఉదయం మైనింగ్‌ గుంత వద్ద సురేష్‌ బైక్‌ కనిపించడంతో గ్రామస్తులు గుంతలో వెతికారు. సురేష్‌ మృతదేహం లభ్యమవడంతో పోలీసులకు సమాచారం అందించారు. వారు ఘటన స్థలానికి చేరుకొని వివరాలు సేకరించారు. మృతుడి తండ్రి ఫిర్యాదు మేరకు కేసు నమోదు చేసుకొని దర్యాప్తు చేస్తున్నట్లు ఎస్సై తెలిపారు. అలాగే కాంట్రాక్టర్‌ మహేశ్వర్‌రెడ్డి మైనింగ్‌ చేపట్టి గుంతలను పూడ్చకపోవడంతో ప్రమాదకరంగా మారినట్లు గ్రామస్తులు ఆరోపించారు. గుంత లోతు ఎక్కువగా ఉండడంతో పశువులు, మనుషులు పడి మృతి చెందుతున్నారని ఆవేదన వ్యక్తం చేశారు. వెంటనే కాంట్రాక్టర్‌ నష్టపరిహారం చెల్లించి గుంతను పూడ్చేలా చర్యలు తీసుకోవాలని గ్రామస్తులు ఎస్సైకి వినతిపత్రం అందజేశారు. చెరువులో మునిగి ఒకరు.. వేల్పూర్‌: మండలంలోని పడగల్‌ ఊరచెరువులో మునిగి ఓ వ్యక్తి మృతిచెందాడు. ఎస్సై సంజీవ్‌ తెలిపిన వివరాలు ఇలా.. దొనకంటి అడెల్లు(51) అనే వ్యక్తి కొన్నేళ్ల క్రితం పడగల్‌ గ్రామానికి వలస వచ్చి రజక వృత్తి చేసుకుంటూ జీవిస్తున్నాడు. ఈక్రమంలో శనివారం అతడు భార్య, కూతురుతో కలిసి స్థానిక ఊరచెరువులో బట్టలు ఉతకడానికి వెళ్లాడు. బట్టలు ఉతికిన తర్వాత అడెల్లు స్నానానికి చెరువు లోపలికి వెళ్లి ఊపిరాడక మృతిచెందాడు. మృతుడి భార్య గంగామణి ఫిర్యాదు మేరకు కేసు నమోదు చేసుకున్నట్లు పోలీసులు తెలిపారు. డీసీఎం కిందపడి ఒకరు.. నిజామాబాద్‌ అర్బన్‌: నగరంలోని 5వ టౌన్‌పోలీస్‌స్టేషన్‌ పరిధిలో శనివారం మధ్యాహ్నం డీసీఎం కిందపడి ఒకరు మృతిచెందారు. ఖిల్లా ప్రాంతానికి చెందిన మహ్మద్‌ యూసుఫ్‌అలీ నిలిచి ఉన్న డీసీఎం వెనక నిలబడి ఉండగా, వాహనం వెనకకురావడంతో అతడు చక్రాల కింద పడి మృతిచెందాడు. స మాచారం అందుకున్న పోలీసులు ఘటన స్థలానికి చేరుకొని వివరాలు సేకరించారు. కేసు నమోదు చేసినట్లు పోలీసులు తెలిపారు. గుండెపోటుతో మున్సిపల్‌ కార్మికుడు.. నిజామాబాద్‌ రూరల్‌/నిజామాబాద్‌ అర్బన్‌: నగర మున్సిపల్‌ కార్పొరేషన్‌లో ఔట్‌సోర్సింగ్‌ విధానం పనిచేస్తున్న ఓ కార్మికుడు విధుల్లో ఉండగా గుండెపోటుతో మృతిచెందాడు. స్థానికులు తెలిపిన వివరాలు ఇలా.. జిల్లా కేంద్రంలోని మంగ్లీపెళ్లి భూమయ్య(54) అనే వ్యక్తి మున్సిపల్‌ కార్మికుడిగా విధులు నిర్వహిస్తున్నాడు. నగరంలోని 57వ డివిజన్‌లోని ముస్తేద్‌పుర కాలనీ సర్కిల్‌ 3లో శనివారం అతడు విధులు నిర్వహిస్తున్న సమయంలో మొదట ఫిట్స్‌ రావడంతో కింద పడిపోయాడు. వెంటనే స్పందించిన సానిటరీ ఇన్‌స్పెక్టర్‌ జీవన్‌, సిబ్బంది అతడిని నగరంలోని జీజీహెచ్‌కు తరలించారు. పరీక్షించిన వైద్యులు ఫిట్స్‌ వచ్చిన అనంతరం అతడికి గుండెపోటు రావడంతో మృతి చెందాడని ధ్రువీకరించారు.

ఆర్మూర్‌టౌన్‌: ఆర్మూర్‌ మున్సిపల్‌ పరిధిలోని మామిడిపల్లి వద్ద రేషన్‌ బియ్యం తరలిస్తున్న వ్యక్తిని అదుపులోకి తీసుకున్నట్లు ఎస్‌హెచ్‌వో చంద్రశేఖర్‌రెడ్డి శనివారం తెలిపారు. మామిడిపల్లి వద్ద వాహనాలను తనిఖీ చేస్తుండగా లారీలో 22 క్వింటాళ్ల రేషన్‌ బియ్యాన్ని గుర్తించినట్లు ఎస్‌హెచ్‌వో తెలిపారు. డ్రైవర్‌ను అదుపులోకి తీసుకుని వాహనాన్ని సీజ్‌ చేసినట్లు తెలిపారు. దుప్యతండాలో కలప.. సిరికొండ: సిరికొండ రేంజ్‌ పరిధిలోని దుప్యతండాలో మాలావత్‌ తిరుపతి నివాసంలో అక్రమంగా నిల్వ ఉంచిన టేకు కలపను పట్టుకున్నట్లు ఎఫ్‌ఆర్వో నర్సింగ్‌రావు శనివారం తెలిపారు. విశ్వసనీయ సమాచారం మేరకు శనివారం తిరుపతి ఇంట్లో తనిఖీ చేయగా 23 టేకు దుంగలు లభ్యమైనట్లు తెలిపారు. వాటిని స్వాధీనం చేసుకొని రేంజ్‌ కార్యాలయానికి తరలించినట్లు ఆయన తెలిపారు. కేసు నమోదు చేసి దర్యాప్తు చేస్తున్నట్లు ఎఫ్‌ఆర్వో తెలిపారు.

వేల్పూర్‌(బాల్కొండ): బాల్కొండ మండల కేంద్రానికి చెందిన సొన్న లింగం(40) ఇటీవల దుబాయిలో గుండెపోటుతో మరణించగా మృతదేహం శనివారం ఇంటికి చేరింది. కొన్నేళ్లుగా లింగం ఉపాధికోసం దుబాయికి వెళ్లివస్తున్నాడు. మంగళవారం అతడు గుండెపోటుకు గురై మరణించినట్లు కుటుంబీకులకు సమాచారం అందింది. మృతదేహం ఇంటికి చేరడంతో కుటుంబీకులు, బంధువుల అశ్రునయనాలతో అంత్యక్రియలు నిర్వహించారు. ఆయనకు భార్య, కుమార్తె, కుమారుడు ఉన్నారు. ఇందల్వాయి: మండలంలోని చంద్రాయన్‌పల్లి పరిధిలోగల హైవే పక్కన ఉన్న ఓ దాబా వద్ద అక్రమంగా దాచిన 0.194 టన్నుల వంట చెరుకును స్వాధీనం చేసుకున్నట్లు ఎఫ్‌ఆర్‌వో రవిమోహన్‌భట్‌ శనివారం తెలిపారు. రోడ్డు పక్కన నాటిన నాలుగు ఎవెన్యు ప్లాంటేషన్‌ చెట్లను వర్ని గ్రామానికి చెందిన షేక్‌ మజీద్‌ అనే వ్యక్తి కొట్టివేసి సమకూర్చుకున్నట్లు తెలిపారు. దీంతో చెట్లను కొట్టిన మజీద్‌కు రూ.7వేల జరిమానా విధించామన్నారు. వంట చెరుకును పట్టుకున్న సెక్షన్‌ అధికారి ప్రభాకర్‌, బీట్‌ అధికారి వందనను ఎఫ్‌ఆర్‌వో అభినందించారు. వర్ని: చందూరు మండల కేంద్రానికి చెందిన గజ్జి సైదవ్వ (50) అదృశ్యమైనట్లు వర్ని ఎస్సై వంశీకృష్ణారెడ్డి శనివారం తెలిపారు. ఈనెల 7న నవీపేట్‌ మండలంలోని పలుగుట్టకు వెళ్లిన సదరు మహిళ ఇప్పటికీ ఇంటికి తిరిగి రాలేదన్నారు. కుటుంబ సభ్యులు ఎంత వెతికిన ఆమె ఆచూకీ లభించలేదు. దీంతో శనివారం ఆమె భర్త నర్సింలు పోలీసులకు ఫిర్యాదు చేయగా కేసు నమోదు చేసినట్లు ఎస్సై తెలిపారు.

● ఆర్టీసీ రీజియన్‌ పరిధిలో 96.31 పోలింగ్‌ శాతం నమోదు ● ఆధిక్యంలో టీఎంయూ ● 17న అధికారిక ఫలితాల విడుదలనిజామాబాద్‌ రూరల్‌ /ఆర్మూర్‌ టౌన్‌/ బోధన్‌ : తెలంగాణ ఆర్టీసీ గుర్తింపు సంఘం ఎన్నికలు ప్రశాంతంగా హోరాహోరీగా సాగాయి. శుక్రవారం ఉదయం 5 నుంచి సాయంత్రం 6 గంటల వరకు పోలింగ్‌ నిర్వహించారు. రీజియన్‌ పరిధిలోని ఆర్‌ఎం కార్యాలయంతోపాటు నిజామాబాద్‌–1, 2, ఆర్మూర్‌, బోధన్‌, కామారెడ్డి, బాన్సువాడ డిపోలలో ఏర్పాటు చేసిన పోలింగ్‌ కేంద్రాల్లో ఆర్టీసీ డ్రైవర్లు, కండక్టర్లు, ఇతర సేవలందిస్తున్న సిబ్బంది ఓటు హక్కు వినియోగించుకున్నారు. ఆరు డిపోల పరిధిలో మొత్తం 1927 ఓట్లు ఉండగా 1825 మంది ఓటు వేశారు. పోలింగ్‌ 96.31 శాతం నమోదైంది. అయితే ఈ నెల 14, 15 తేదీల్లో పోస్టల్‌ బ్యాలెట్‌కు అవకాశం కల్పించనున్నారు. వాటిని ఈ నెల 16న లెక్కించి, తుది ఫలితాలను 17వ తేదీన అధికారికంగా వెల్లడించనున్నట్లు కార్మిక శాఖ డిప్యూటీ కమిషనర్‌ శ్రావణి తెలిపారు. ఆర్మూర్‌, బోధన్‌, నిజామాబాద్‌ డిపో–1, డిపో –2లను సందర్శించిన ఆమె పోలింగ్‌ సరళిని పరిశీలించారు. పోలింగ్‌ అనంతరం ఓట్ల లెక్కింపు చేపట్టగా అత్యధికంగా తెలంగాణ మజ్దూర్‌ యూనియన్‌ (టీఎంయూ) ఆధిక్యంలో ఉన్నట్లు తెలిసింది. డిపోల వారీగా ఆధిక్యం వచ్చిన యూనియన్లు సంబురాలు నిర్వహించారు. ఆర్‌ఎం నిజామాబాద్‌–1 నిజామాబాద్‌–2 బోధన్‌ ఆర్మూర్‌ కామారెడ్డి బాన్సువాడ మొత్తం ఓట్లు 36 365 171 357 272 408 315 పోలైన ఓట్లు 34 354 171 332 254 395 312 ఆధిక్యం 29 318 72 276 225 271 252 (టీఎంయూ) (టీఎంయూ) (టీఆర్‌డబ్ల్యూయూ) (టీఎంయూ) (టీఎంయూ) (టీఎంయూ) (టీఎంయూ)

నిజామాబాద్‌అర్బన్‌: రైతులకు, ప్రజలకు ఇబ్బందులు కలగకుండా ధాన్యం కొనుగోళ్లు, విక్రయాలు చేపట్టాలని సీపీ సాయి చైతన్య అన్నారు. కమిషనరేట్‌ కార్యాలయంలో రైస్‌ మిల్లుల యజమానులతో శుక్రవారం సమావేశం నిర్వహించారు. ఈ సందర్భంగా సీపీ మాట్లాడుతూ.. ఎల్‌నినో ప్రభావం కా రణంగా వాతావరణ పరిస్థితుల్లో మార్పులు చోటు చేసుకోవడం, పంటల సాగు, దిగుబడులపై ప్రతి కూల ప్రభావం పడే అవకాశాలు ఉండటంతో ప్రస్తు త వ్యవసాయ పరిస్థితులను దృష్టిలో ఉంచుకొని ధాన్యం కొనుగోళ్లు, విక్రయాల్లో బాధ్యతాయుతంగా వ్యవహరించాలని సూచించారు. ప్రభుత్వ నిబంధనలు, అనుమతులు, వర్తించే ధరల మార్గదర్శకాలకు అనుగుణంగా ధాన్యం కొనుగోళ్లు, విక్రయాలు చేపట్టాలన్నారు. ప్రజలకు అవసరమైన బియ్యం అందుబాటులో ఉండేలా, ధరల విషయంలో సా మాన్య ప్రజలపై అదనపు భారం పడకుండా సహకరించాలని కోరారు. అదనపు డీసీపీ ఎన్‌ శుభంప్రకాశ్‌, జిల్లా పౌరసరఫరాల అధికారి ఎం శ్రీకాంత్‌రెడ్డి తదితరులు పాల్గొన్నారు.

● భూగర్భ జలాలు పడిపోయే అవకాశం ఉంది ● రైతులకు వాస్తవ పరిస్థితిని వివరించాలి ● అధికారులతో కలెక్టర్‌ ఇలా త్రిపాఠినిజామాబాద్‌ అర్బన్‌: రబీ సీజన్‌లో ఆరుతడి పంటల సాగుపై రైతులకు అవగాహన కల్పించాలని కలెక్టర్‌ ఇలా త్రిపాఠి సంబంధిత అధికారులను ఆదేశించారు. ఆయా శాఖల రాష్ట్రస్థాయి ఉన్నతాధికారులతో కలిసి ప్రభుత్వ ప్రధాన కార్యదర్శి సంజయ్‌జాజు శుక్రవారం సాయంత్రం వీడియోకాన్ఫరెన్స్‌ ద్వారా మాట్లాడారు. రాష్ట్రంలో వీబీ జీ రామ్‌జీ ప నులకు పెద్ద ఎత్తున కూలీలు వస్తున్నందున దీర్ఘకా లంలో ఉపయోగపడే పనులను చేపట్టాలన్నారు. తెలంగాణకు జలసిరి కార్యక్రమంలో భాగంగా పంట కుంటలు, ఇంకుడు గుంతల నిర్మాణం పెద్ద ఎత్తు న చేపట్టి జల సంరక్షణకు కృషి చేయాలన్నారు. విద్యుత్‌ సరఫరాలో అంతరాయం కలగకుండా ముందస్తు చర్యలు తీసుకోవాలన్నారు. వర్షపాతం, ఇతర శాఖల సమగ్ర వివరాలను నిర్దేశిత సమయంలోగా అందజేయాలని ఆదేశించారు. వీసీ అనంత రం కలెక్టర్‌ ఇలా త్రిపాఠి అధికారులకు పలు సూచనలు చేశారు. వర్షాభావం వల్ల జలాశయాల్లో నీటి నిల్వలు సరిపడా లేకపోవడంతోపాటు భూగర్భజలాలు కూడా పడిపోయే అవకాశం ఉందన్నారు. ఇలాంటి పరిస్థితుల్లో వరి సాగు చేస్తే ఇబ్బందులు ఏర్పడే ప్రమాదం ఉన్నందున క్షేత్రస్థాయిలో రైతులకు వాస్తవ పరిస్థితి వివరించాలన్నారు. అదనపు కలెక్టర్లు రాజాగౌడ్‌, భుజంగరావు, డీఆర్‌వో గీత, సంబంధిత శాఖల అధికారులు పాల్గొన్నారు.

నిజామాబాద్‌అర్బన్‌: రాష్ట్ర ప్రభుత్వం ప్రతిష్టాత్మకంగా అమలు చేస్తున్న ఇందిరమ్మ ఇళ్ల నిర్మాణాలు జి ల్లాలో కొనసాగుతున్నాయి. మొదటి విడత 85 శాతం గ్రౌండింగ్‌ పూర్తయ్యాయి. మొత్తం 17218 ఇళ్లు మంజూరు చేయగా, 5890 ఇళ్ల నిర్మాణం పూర్తయ్యింది. మిగతా ఇళ్లు వివిధ దశల్లో ఉన్నాయి. ప్రారంభంలో నిబంధనలు కఠినంగా ఉండడంతో కొందరికి అవకాశం దక్కలేదు. ప్రభుత్వం తరు వాత నిబంధనలను సడలించడంతో ఇళ్లు లేని వా రందరికీ మంజూరు అయ్యే అవకాశం లభించింది. అర్హుల ఎంపిక, వెంటనే నిర్మాణ పనులు చేపట్టడంలో అధికారులు ప్రత్యేక చొరవ చూపుతుండడంతో నిర్మాణ పనులు పుంజుకున్నాయి. నిర్మాణ పనులు ప్రారంభించేందుకు అవసరమైన డబ్బులు చేతిలో లేనివారికి స్వయంసహాయ సంఘాల ద్వారా రుణ అవకాశం కల్పించారు. అనంతరం దశలవారీగా బి ల్లులను మంజూరు చేస్తుండడంతో నిర్మాణాలు కొ నసాగుతున్నాయి. రెండో దశలోనూ ప్రతి నియోజకవర్గానికి 1500 ఇళ్లను మంజూరు చేశారు. నెల రోజుల క్రితమే అర్హులను గుర్తించి వారికి మంజూ రు చేశారు. నిబంధనల సడలింపుతో గ్రామీణ ప్రాంతాల్లో ఇళ్ల నిర్మాణ పనులు ఊపందుకున్నాయి. మండలాల వారీగా.. మండలాల వారీగా నవీపేట మండలం 299 ఇళ్ల నిర్మాణాలు పూర్తి కావడంతో ముందంజలో ఉంది. అలాగే బోధన్‌లో 264, వర్నిలో 207, డిచ్‌పల్లిలో 249, ధర్పల్లిలో 210, భీమ్‌గల్‌లో 307, వేల్పుర్‌లో 221, ఎడపల్లిలో 216, రెంజల్‌లో 211, మాక్లూర్‌లో 225 ఇళ్లు పూర్తయ్యాయి. రూఫ్‌ రీప్లేస్‌కు రూ.2 లక్షలు రూఫ్‌ పనులు మధ్యలో నిలిచిన, మరమ్మతుల అవసరమైన ఇళ్లకు ప్రభుత్వం రూ.2 లక్షల చొప్పున మంజూరు చేస్తోంది. ప్రతి నియోజకవర్గానికి 500 ఇళ్లకు మంజూరు లభించింది. గతంలో నిర్మాణం ప్రారంభించి మధ్యలో నిలిపివేసిన, రూఫ్‌ బాగోలేకపోయినా దరఖాస్తు చేసుకుంటే అధికారులు అర్హులను ఎంపిక చేసి నిధులు మంజూరు చేస్తారు. ఇందిరమ్మ ఇళ్లకు సంబంధం లేకుండా రూఫ్‌ రీప్లేస్‌ కొనసాగుతుంది. జిల్లాలోని బోధన్‌ నియోజకవర్గంలో అత్యధిక సంఖ్యలో 1345 ఇళ్ల నిర్మాణాలు పూర్తికాగా, నిజామాబాద్‌ రూరల్‌లో 1182, బాల్కొండ నియోజకవర్గంలో 1170, ఆర్మూర్‌ నియోజకవర్గంలో 921 ఇళ్లను నిర్మించారు. అయితే నిజామాబాద్‌ మున్సిపల్‌ కార్పొరేషన్‌ పరిధిలో 2005 ఇళ్లు మంజూరుకాగా, అతి తక్కువ సంఖ్యలో 444 ఇళ్ల నిర్మాణం పూర్తయ్యింది. స్థలం సమస్య కారణంగా నిర్మాణాలు వేగం పుంజుకోవడం లేదు. బాన్సువాడ నియోజకవర్గం పరిధిలోని 6 మండలాల్లో 1932 ఇళ్లు మంజూరు కాగా, 830 ఇళ్ల నిర్మాణ పనులు పూర్తయ్యాయి. ఆర్మూర్‌ నియోజకవర్గంలో 301, బాన్సువాడ 58, నిజామాబాద్‌ అర్బన్‌ 1495, నిజామాబాద్‌ రూరల్‌లో 148 , బాల్కొండలో 179 ఇళ్లను మంజూరు చేయనున్నారు.వేగంగా నిర్మాణాలు జిల్లాలో ఇందిరమ్మ ఇళ్ల పనులు వేగంగా సాగుతున్నాయి. దరఖాస్తు చేసుకున్నవారు ఇళ్ల నిర్మాణాలు త్వరితగతిన చేపట్టేలా ప్రత్యేక దృష్టిసారించాం. జిల్లాలో ఇప్పటికే 85 శాతం ఇళ్ల గ్రౌండింగ్‌ పూర్తయ్యింది. వివిధ దశల్లో కొనసాగుతున్న పనులు త్వరలో పూర్తవుతాయి. – గీత, డీఆర్‌వో, ఇన్‌చార్జి హౌజింగ్‌ పీడీ

ఆర్మూర్‌ : ఆల్‌ ఇండియా సివిల్‌ సర్వీసెస్‌(ఏఐసీఎస్‌) తెలంగాణ హాకీ జట్టుకు కెప్టెన్‌గా ఆర్మూర్‌ పట్టణానికి చెందిన పీ రాణి ఎంపికయ్యారు. జక్రాన్‌పల్లి మండలం బ్రాహ్మణపల్లి జెడ్పీహెచ్‌ఎస్‌లో రాణి ఉపాధ్యాయురాలిగా పనిచేస్తున్నారు. ఈనెల 7,8 తేదీల్లో సికింద్రాబాద్‌లోని జింఖానా గ్రౌండ్స్‌లో రాష్ట్ర జట్టు కోసం ఎంపిక పోటీలు నిర్వహించగా జిల్లాకు చెందిన రాణితోపాటు జీ వర్ష, జీ ఇంద్ర, వీ భారతి తదితరులకు చోటు లభించింది. ఈ సందర్భంగా జట్టు కెప్టెన్‌ రాణి మాట్లాడుతూ.. రాష్ట్రానికి మంచి పేరు తీసుకురావాలనే లక్ష్యంతో ప్రాక్టీస్‌ చేస్తున్నామన్నారు. హాకీలో జట్టులో ని క్రీడాకారుల మధ్య సమన్వయం, క్రమశిక్షణ, పట్టుదల, సమయస్ఫూర్తి ఎంతో ముఖ్యమని ఆమె పేర్కొన్నారు. ‘కాంగ్రెస్‌ తెచ్చిన కరువు ఇది..’కమ్మర్‌పల్లి: రాష్ట్రంలో ప్రస్తుత వ్యవసాయ సంక్షోభం ప్రకృతి వైపరీత్యం వల్ల వచ్చింది కాదని, పూర్తిగా కాంగ్రెస్‌ ప్రభుత్వ అసమర్థత, ముందుచూపు లేని విధానాల కారణంగా వచ్చిందని మాజీ మంత్రి, బాల్కొండ శాసనసభ్యులు వేముల ప్రశాంత్‌రెడ్డి విమర్శించారు. శుక్రవారం ఆయన హైదరాబాద్‌ నుంచి స్థానిక మీడియాతో మాట్లాడారు. జిల్లాలో సాధారణ వర్షపాతం కన్నా కేవలం 13 సెంటీమీటర్ల లోటు మాత్రమే నమోదైందని, అంతమాత్రానికే తీవ్ర కరువు పరిస్థితు లు దాపురించడానికి కాంగ్రెస్‌ ప్రభుత్వ నిర్లక్ష్యమే కారణమన్నారు. శ్రీరాంసాగర్‌ ప్రాజె క్టులో ప్రస్తుతం సుమారు 46 టీఎంసీల నీరు నిల్వ ఉందన్నారు. ప్రస్తుత దశలో కేవలం 3 టీఎంసీల నీటిని విడుదల చేసి లి ఫ్ట్‌లను నడిపిస్తే ఉమ్మడి నిజామాబాద్‌ జిల్లా లోని పంటలన్నీ చేతికొచ్చి రైతాంగం గట్టెక్కుతుందన్నారు. జిల్లాకు మంత్రి అనుకుంటున్న ప్రభుత్వ సహాదారు సుదర్శన్‌రెడ్డితోపాటు యంత్రాంగం తక్షణమే లిఫ్ట్‌ల నిర్వహణపై సమీక్ష నిర్వహించాలని సూచించారు. అమ్మవారికి సేవ చేయడం అదృష్టం సుభాష్‌నగర్‌: దుర్గామాతకు సేవ చేయడం అదృష్టంగా భావిస్తున్నామని ధన్‌పాల్‌ లక్ష్మీ బాయివిఠల్‌గుప్తా చారిటబుల్‌ ట్రస్ట్‌ డైరెక్టర్లు ఉదయ్‌కుమార్‌, ప్రణయ్‌కుమార్‌, డాక్టర్‌ వినయ్‌కుమార్‌ అన్నారు. నవరాత్రి ఉత్సవా ల నేపథ్యంలో అమ్మవారి మండపాల నిర్వాహకులకు నగరంలోని మిర్చి కంపౌండ్‌లో ట్రస్ట్‌ ఆధ్వర్యంలో శుక్రవారం పట్టు చీరలను పంపిణీ చేశారు. ఈ సందర్భంగా ట్రస్ట్‌ డైరెక్టర్లు మాట్లాడుతూ.. అనేక సేవా కార్యక్రమా లు చేపడుతున్నామని, ఇందులో భాగంగా పదేళ్లుగా అమ్మవారి మండపాలకు పట్టుచీరలను పంపిణీ చేస్తున్నామన్నారు. ఇందూరు నియోజకవర్గంలోని ప్రతి మండపానికి త మ వంతు సహకారంగా చీరలను అందజేస్తున్నామన్నారు. లోకమాత దుర్గాదేవి ఆశీస్సులు ప్రజలందరిపై ఉండాలని ఆకాంక్షించారు. బీజేపీ జిల్లా ప్రధాన కార్యదర్శి, 19వ డివిజన్‌ కార్పొరేటర్‌ నాగోల్ల లక్ష్మీనారాయ ణ, కార్పొరేటర్లు మఠం పవన్‌, బంటు రా ము, మల్కాయి మహేందర్‌, బంటు ప్రీతిప్రవీణ్‌, ప్రసూన శ్రీనివాస్‌రెడ్డి, జ్యోతి మురళి, ధాత్రిక పరమేశ్వర్‌, నాయకులు పవన్‌ ముందడ, మారావార్‌ కృష్ణ, శ్రీనివాస్‌, బాబీసింగ్‌, మండల అధ్యక్షులు తదితరులు పాల్గొన్నారు.

● ఆయా రూట్లలో ప్రయాణికులను చేరవేయనున్న 719 సర్వీసులు ● ఈనెల 26వ తేదీ వరకు బస్సులు నడపాలని నిర్ణయంనిజామాబాద్‌ రూరల్‌: దసరా పండుగ నేపథ్యంలో ప్రయాణికుల రద్దీని దృష్టిలో ఉంచుకొని రీజియన్‌ పరిధిలో ఈనెల 9 నుంచి 26వ తేదీ వరకు ఆయా రూట్‌లలో అదనంగా 719 బస్సు సర్వీసులను నడుపనున్నట్లు ఆర్టీసీ ఆర్‌ఎం ఎస్‌వీజీ కృష్ణమూర్తి శుక్రవారం తెలిపారు. ప్రయాణికుల రద్దీకి అనుగుణంగా నిజామాబాద్‌ డిపో –1, 2, ఆర్మూర్‌, బోధన్‌, బాన్సువాడ, కామారెడ్డి డిపోల ద్వారా బస్సులను నడిపేందుకు చర్యలు తీసుకుంటున్నామన్నారు. జేబీఎస్‌ (జూబ్లీ బస్‌ స్టేషన్‌) వద్ద ప్రయాణికుల రద్దీని నియంత్రించేందుకు ప్రత్యేక అధికారులను, సిబ్బందిని విధుల్లో నియమమించినట్లు తెలిపారు. బస్సుల రాకపోకలను పర్యవేక్షిస్తూ, ప్రయాణికులకు సరైన సమాచారం అందించడం, బస్సులు సకాలంలో అందుబాటులో ఉండేలా చూడడం, రద్దీ కారణంగా ఎలాంటి ఇబ్బందులు తలెత్తకుండా చర్యలు తీసుకోవడం జరుగుతుందని పేర్కొన్నారు. ప్రయాణికులు ఆర్టీసీ సేవలను సద్వినియోగం చేసుకోవాలని, సురక్షితమైన ప్రయాణం చేయాలని ఆర్‌ఎం కోరారు. ముందస్తుగా రిజర్వేషన్‌ చేసుకోవడం ద్వారా సౌకర్యవంతంగా, ఇబ్బందులు లేకుండా ప్రయాణించవచ్చన్నారు. ఆన్‌లైన్‌లోనూ టికెట్‌ బుకింగ్‌ సౌకర్యం ఉందని తెలిపారు.