Chittoor District News

తిరుపతి సిటీ: జిల్లాలోని పలు ప్రభుత్వ, టీటీడీ, ప్రైవేటు డిగ్రీ కళాశాలల్లో ఓఏఎమ్‌డీసీ ద్వారా చేపట్టిన మూడవ విడత ప్రవేశాల ప్రక్రియ శనివారంతో ముగిసింది. జిల్లాలోని సుమారు 17 ప్రభుత్వ డిగ్రీ కళాశాలల్లో కేవలం 45 శాతం సీట్లు మాత్రమే భర్తీకాగా, ప్రైవేటు కళాశాలల్లో 75 శాతం ప్రవేశాలు జరిగినట్లు తెలుస్తోంది. టీటీడీ ఆధ్వర్యంలో నడుస్తున్న ఎస్పీడబ్ల్యూలో మాత్రమే 85శాతం సీట్లు భర్తీ అయ్యాయి. అలాగే ఎస్వీ ఆర్ట్స్‌ కళాశాల, ఎస్‌జీఎస్‌ ఆర్ట్స్‌ కళాశాలలోనూ అన్ని గ్రూపులలో కలిపి సుమారు 300కు పైగా సీట్లు ఖాళీగా ఉన్నాయి. త్వరలో జరగనున్న స్పాట్‌ అడ్మిషన్ల ప్రక్రియలోనైనా పూర్తి స్థాయిలో డిగ్రీ అడ్మిషన్లు జరుగేనా అంటూ అధ్యాపకులు, కళాశాల యాజమాన్యాలు ఎదురు చూస్తున్నాయి. వైఎస్సాసీపీ అభిమానిపై దాడి రైల్వేకోడూరు అర్బన్‌: మండలంలోని మాధవరంపోడుకు చెందిన రామిరెడ్డి పవన్‌కళ్యాణ్‌రెడ్డి అనే వైఎస్సార్సీపీ అభిమాని తమ గ్రామ ఎంపీటీసీ వైఎస్సార్సీపీ అభ్యర్థి విజయం సాధించినందుకు గ్రామంలో శనివారం రాత్రి బాణసంచా కాల్చాడు. అతని ఇంటి దగ్గరో ఉన్న టీడీపీ నాయకులు బొట్ల వెంకటరెడ్డి, సుబ్రమణ్యంరెడ్డి మరో నలుగురు కట్టెలతో అతనిపై దాడికి తెగబడ్డారు. తీవ్ర గాయాలపాలైన బాధితుడిని స్థానిక ప్రభుత్వ ఆస్పత్రిలో చికిత్స అనంతరం మెరుగైన చికిత్స కోసం తిరుపతికి తీసుకెళ్లారు. శ్రీవారి దర్శనానికి 4 గంటలు తిరుమల: తిరుమలలో శనివారం భక్తుల రద్దీ సాధారణంగా ఉంది. క్యూకాంప్లెక్స్‌లోని 10 కంపార్ట్‌మెంట్లలో భక్తులు వేచి ఉన్నారు. శుక్రవారం అర్ధరాత్రి వరకు 65,467 మంది స్వామివారిని దర్శించుకున్నారు. 22,462 మంది భక్తులు తలనీలాలు అర్పించారు. స్వామివారికి కానుకల రూపంలో హుండీలో రూ.4.17 కోట్లు సమర్పించారు. టైంస్లాట్‌ టిక్కెట్లు కలిగిన భక్తులకు సకాలంలో దర్శనం లభిస్తోంది. దర్శన టిక్కెట్లు లేని వారు స్వామిని దర్శించుకోవడానికి 4 గంటల సమయం పడుతోంది. ప్రత్యేక ప్రవేశ దర్శనం టిక్కెట్లు కలిగిన వారు 3 గంటల్లో స్వామిని దర్శించుకోగలుగుతున్నారు. ఇదిలా ఉంటే సర్వదర్శనం టోకెన్లు కలిగిన భక్తులు నిర్దేశించిన సమయానికి మాత్రమే క్యూలోకి వెళ్లాలని టీటీడీ విజ్ఞప్తి చేస్తోంది. కేటాయించిన సమయానికంటే ముందు వెళ్లిన వారిని క్యూలోకి అనుమతించరని స్పష్టంచేసింది.

పెళ్లకూరు : జెడ్పీటీసీ ఎన్నికల్లో వైఎస్సార్‌సీపీ అభ్యర్థి కామిరెడ్డి సత్యనారాయణరెడ్డి విజయ దుందుభి మోగించారు. ఆయన కూటమి అక్రమ కేసులతో జైలు జీవితం అనుభవిస్తున్నారు. జైలు నుంచే పెళ్లకూరు జెడ్పీటీసీకి నామినేషన్‌ వేశారు. మండలంలో మొత్తం పది ఎంపీటీసీ స్థానాలు ఉండగా కూటమి నేతల దాడులు, దౌర్జన్యాలతో ఎనిమిది స్థానాలు ఏకగ్రీవంగా సొంతం చేసుకుంది. మిగిలిన రెండు స్థానాల్లో వైఎస్సార్‌సీపీ, టీడీపీ నేతలు బరిలోకి దిగారు. ఆ రెండు స్థానాలతోపాటు పెళ్లకూరు జెడ్పీటీసీ స్థానాన్ని వైఎస్సార్‌సీపీ సొంతం చేసుకుంది. జెడ్పీటీసీకి మొత్తం 20,546 ఓట్లు పోలవగా వైఎస్సార్‌ సీపీకి 10,820, టీడీపీకి 9,112, నోటాకు 160, చెల్లని ఓట్లు 454 వచ్చాయి. మొత్తం మీద కామిరెడ్డి 1,708 ఓట్ల మెజారిటీతో విజయఢంకా మోగించారు. పోస్టల్‌ బ్యాలెట్‌లో 80 ఓట్లకుగాను వైఎస్సార్‌సీపీకి 42, టీడీపీకి 31, చెల్లనివి 7 ఓట్లు వచ్చాయి. తల్లీకూతుళ్ల కృషి అమోఘం కూటమి ప్రభుత్వం అధికారంలోకి వచ్చినప్పటి నుంచి పెళ్లకూరు మండలంలో సత్యనారాయణరెడ్డిని టార్గెట్‌ చేసింది. అక్రమ కేసులు నమోదు చేసి జైలుకు తరలించింది. ఆయన నెల్లూరు జిల్లా కేంద్ర కారాగారంలో ఉన్నారు. అయినప్పటికీ జైలు నుంచే పెళ్లకూరు జెడ్పీటీసీ స్థానానికి బరిలో నిలిచారు. ఆయన సతీమణి కామిరెడ్డి ప్రభావతమ్మ, కుమార్తె కామిరెడ్డి రజిని స్థానిక నాయకులతో కలిసి ఇంటింటా ప్రచారం చేశారు. కూటమి నేతలు అడుగడుగునా అడ్డంకులు సృష్టించినా ఎక్కడా వెనక్కి తగ్గలేదు. అన్ని వర్గాల ప్రజలను ఆకట్టుకున్నారు. అఖండ విజయాన్ని అందించారు.

– ఎస్వీపీపీ విద్యాసంస్థ ఉద్యోగులకు పది శాతం దీపావళి బోనస్‌ తిరుపతి ఎడ్యుకేషన్‌ : పుత్తూరులోని ఎస్వీపీపీ విద్యాసంస్థల యాజమాన్యం తమ ఉద్యోగులకు దీపావళి బోనస్‌ ప్రకటించింది. పది శాతం మేర బోనస్‌ అందించనున్నట్టు యాజమాన్యం పేర్కొంది. ఈ మేరకు శనివారం ఓ ప్రకటన విడుదల చేసింది. ఐదేళ్లుగా యాజ మాన్యం ఉద్యోగుల సంక్షేమానికి పెద్దపీట వేస్తున్నట్టు పేర్కొంది. ఇందులో భాగంగానే ప్రతి ఏటా బోనస్‌ అందిస్తున్నట్టు వెల్లడించింది. యాజామాన్యం తీసుకున్న నిర్ణయం పట్ల ఎస్వీపీపీ విద్యాసంస్థల ప్రిన్సిపల్‌ డాక్టర్‌ టి.సునీల్‌కుమార్‌రెడ్డి, ఫిజియోథెరపీ ప్రిన్సిపల్‌ డా.ఎన్‌.గోపీకృష్ణ, సిబ్బంది హర్షం వ్యక్తం చేశా రు. ఈ సందర్భంగా వారు వైస్‌ చైర్మన్‌ రావూరి బాలాజీ, డా.రావూరి వెంకటస్వామికి కృతజ్ఞతలు తెలిపారు. సైనిక్‌ స్కూల్‌ ప్రవేశ పరీక్షకు ప్రత్యేక శిక్షణ తిరుపతి అర్బన్‌: సైనిక్‌ స్కూల్‌ ప్రవేశ పరీక్షకు ప్రత్యేక శిక్షణ ఇస్తున్నట్లు కోచింగ్‌ ఫెడరేషన్‌ ఆఫ్‌ ఇండియా రాష్ట్ర ఉపాధ్యక్షుడు, విశ్వం విద్యాసంస్థల అధినేత ఎన్‌.విశ్వనాథ్‌రెడ్డి పేర్కొన్నారు. తిరుపతిలోని వరదరాజనగర్‌లోని విశ్వం సైనిక్‌–నవోదయ కోచింగ్‌ ఇన్‌న్‌స్టిట్యూట్‌ ఆధ్వర్యంలో శనివారం తల్లిదండ్రులు, విద్యార్థులకు అవగాహన సదస్సు నిర్వహించారు. ఆయన మాట్లాడుతూ 2027–2028 విద్యా సంవత్సరానికి సంబంధించి 6, 9 తరగతుల్లో ప్రవేశాల కోసం నిర్వహించే సైనిక్‌ స్కూల్‌ ప్రవేశ పరీక్ష వచ్చే ఏడాది జవవరి 31న జరుగుతుందన్నారు. దరఖాస్తులకు ఈ ఏడాది డిసెంబర్‌ 2 ఆఖరు అని చెప్పారు. అర్హతలు, వయోపరిమితి, దరఖాస్తు విధానం, పరీక్షా సరళి, సిలబస్‌, సన్నద్ధతకు అనుసరించాల్సిన ప్రణాళిక తదితర అంశాలను విద్యార్థులు, తల్లిదండ్రులకు వివరించారు. గత 37 ఏళ్లుగా విశ్వం విద్యాసంస్థలు విద్యారంగంలో అందిస్తున్న సేవలను వివరిస్తూ, అనుభవజ్ఞులైన అధ్యాపకుల బోధన, ప్రత్యేక శిక్షణ, నిరంతర మాక్‌ టెస్టులు, వ్యక్తిగత పర్యవేక్షణతో విద్యార్థులను జాతీయ స్థాయి ప్రవేశ పరీక్షలకు తీర్చిదిద్దుతున్నట్లు తెలిపారు. మరిన్ని వివరాలకు తిరుపతి వరదరాజనగర్‌లోని విశ్వం సైనిక్‌–నవోదయ కోచింగ్‌ ఇన్‌స్టిట్యూట్‌ను లేదా 86888 88802, 93999 76999 ఫోన్‌ నంబర్లలో సంప్రదించాలని సూచించారు. తహసీల్దార్‌పై పచ్చ సీఐ దౌర్జన్యం సాక్షి, తిరుపతి: అధికార పార్టీ మెప్పు కోసం తహతహలాడుతున్న నాయుడుపేట సీఐ తురక వెంకటరమణ అత్యుత్సాహంతో మరో వివాదంలో చిక్కుకున్నాడు. ఇప్పటివరకు వైఎస్సార్‌సీపీ అభ్యర్థులు, నేతల టార్గెట్‌గా దురుసుగా ప్రవర్తించిన సీఐ శనివారం ఏకంగా చిట్టమూరు తహసీల్దార్‌ రామయ్యపై అమానుషంగా ప్రవర్తించారు. తహసీల్దార్‌ ఎన్నికల విధులకు హాజరై నాయుడుపేటలోని కౌంటింగ్‌ కేంద్రం ఆవరణలో కుర్చీ వేసుకుని కూర్చుని ఉన్నారు. కౌంటింగ్‌ కేంద్రం వద్దకు వచ్చి సీఐ కుర్చీలో కుర్చుని ఉన్న తహసీల్దార్‌ వద్దకు వచ్చి ఇక్కడ నుంచి లేవాలని.. లేకుంటే చెంప చెళ్లుమనిపిస్తామని దుర్భాషలాడినట్లు తహసీల్దార్‌ వాపోయారు. తాను తహసీల్దార్‌నని, ఎన్నికల విధులకు హాజరయ్యానని చెప్పినప్పటికీ సీఐ అమానుషంగా వ్యవహరించినట్లు రామయ్య ఆవేదన వ్యక్తం చేశారు. వెంకటగిరిలో టై వెంకటగిరి మండలంలో 8 ఎంపీటీసీ స్థానాలుండగా వాటిలో నాలుగింటిని వైఎస్సార్‌సీపీ, మరో నాలుగు టీడీపీ దక్కించుకున్నాయి. దీంతో వెంకటగిరి ఎంపీపీ స్థానం టై అయ్యింది. ఎలాగైనా ఎంపీపీ స్థానం దక్కించుకోవాలని చూస్తున్న టీడీపీ నేతలు కుట్రలకు తెరలేపారు. వైఎస్సార్‌సీపీ ఎంపీటీసీలను భయపెట్టడం, ప్రలోభాలకు గురిచేయడం చేస్తున్నారు.

చిత్తూరు కలెక్టరేట్‌: చిత్తూరు సమీపంలోని సీతమ్స్‌ కళాశాల కౌంటింగ్‌ కేంద్రం వద్ద శనివారం అర్ధరాత్రి తీవ్రమైన ఉద్రిక్తత ఏర్పడింది. పెనుమూరు జెడ్పీటీసీ స్థానానికి సంబంధించిన లెక్కింపు ప్రక్రియ వివాదాస్పదంగా మారింది. వైఎస్సార్‌సీపీ పెనుమూరు జెడ్పీటీసీ అభ్యర్థి నిరీషా రెడ్డి 222 ఓట్ల మెజార్టీతో విజయం సాధించారు. అయినప్పటికీ టీడీపీ అభ్యర్థి అరుణ కౌంటింగ్‌ నివేదికల్లో అవకతవకలకు పాల్పడేందుకు యత్నిస్తున్నారని వైఎస్సార్‌సీపీ నేతలు ఆరోపించారు. మరోసారి ఓట్లను లెక్కించాలంటూ టీడీపీ అభ్యర్థి ఒత్తిడి తెచ్చినట్లు తెలిపారు. టీడీపీ నేతల ఒత్తిడికి తలొగ్గిన అధికారులు.. పెనుమూరు జెడ్పీటీసీ స్థానానికి ఆదివారం ఉదయం మరోసారి ఓట్ల లెక్కింపు (రీకౌంటింగ్‌) చేపడతామని ప్రకటించారు. అధికారుల నిర్ణయానికి వ్యతిరేకంగా వైఎస్సార్‌సీపీ నేతలు ధర్నా చేపట్టారు. సీఎం డౌన్‌ డౌన్‌ నినాదాలు అధికారుల ఏకపక్ష నిర్ణయంపై వైఎస్సార్‌సీపీ పెనుమూరు మండల నాయకులు, కార్యకర్తలు భగ్గుమన్నారు. ఆదివారం ఉదయం రీకౌంటింగ్‌కు తాము ఎట్టిపరిస్థితుల్లోనూ అంగీకరించేది లేదని స్పష్టం చేస్తూ కౌంటింగ్‌ కేంద్రం బయట ప్రధాన రహదారిపై బైఠాయించారు. అర్ధరాత్రి ఎంత సమయం అయినా ఫలితం ప్రకటించాలన్నారు. ప్రజాస్వామ్యాన్ని కాపాడాలి, సీఎం డౌన్‌ డౌన్‌ అంటూ నినాదాలు చేశారు. ఈ సమయంలో టీడీపీ గూండాలు రాళ్ల దాడికి పాల్పడడంతో పరిస్థితి మరింత ఉద్రిక్తంగా మారింది. సమాచారం అందుకున్న పోలీసులు ఘటనా స్థలానికి చేరుకుని పరిస్థితిని అదుపులోకి తెచ్చేందుకు ప్రయత్నించారు. కౌంటింగ్‌ కేంద్రం పరిసర ప్రాంతాల్లో భారీగా పోలీసు బలగాలను మొహరించారు. ఈ ఘటనల నడుమ అర్ధరాత్రి 12 గంటలకు రీకౌంటింగ్‌ ప్రారంభించారు.

తిరుపతి అర్బన్‌: అధికారుల అనాలోచిత విధానాలు ఎంపీటీసీ, జెడ్పీటీసీ ఎన్నికల కౌంటింగ్‌పై తీవ్ర ప్రభావాన్ని చూపాయి. శుక్ర, శనివారాలు (రెండు రోజులు) అధికారులు ఎన్నికల కౌంటింగ్‌పై చర్చోప చర్చలు జరిపారు. శనివారం జిల్లా వ్యాప్తంగా 302 ఎంపీటీసీలకు సంబంధించి ఎనిమిది సెంటర్లలో కౌంటింగ్‌ జరుగుతుందన్నారు. అలాగే 31 జెడ్పీటీసీలకు సంబంధించిన ఫలితాలు సాయంత్రం 7 గంటల్లోపు పూర్తిగా వెల్లడిస్తామని మీడియా ద్వారా ప్రకటించారు. ఆ మేరకు టేబుల్స్‌, సిబ్బందిని ఏర్పాటు చేశామని బిల్డప్‌ ఇచ్చారు. అయితే సమాచారశాఖ ద్వారా శనివారం రాత్రి 7.20 గంటలకు ఎంపీటీసీలకు సంబంధించి 78 సెగ్మెంట్‌ ఫలితాలు, అలాగే జెడ్పీటీసీలకు సంబంధించి 4 స్థానాల ఫలితాలు మాత్రమే వెల్లడించారు. వంద శాతం ఫలితాలు వెల్లడించడానికి రాత్రి 12 గంటలపైన పూర్తి చేస్తారా..? అంటూ పలువురు చర్చించుకోవడం జరిగింది.

– కుప్పంలో కౌంటింగ్‌ అధికారుల అక్రమాలు కుప్పం : కుప్పం నియోజక వర్గంలో ఎంపీటీసీ, జెడ్పీటీసీ ఎన్నికల కౌటింగ్‌లో ఏకపక్షంగా సాగింది. శనివారం ఎంఎఫ్‌సీ వృత్తి విద్యా కళాశాలలో మొత్తం 4 జెడ్పీటీసీ స్థానాలు, 53 ఎంపీటీసీ స్థానాలకు ఓట్ల లెక్కింపు చేపట్టారు. ఉదయం 8 గంటల నుంచి ప్రారంభమైంది. ప్రదానంగా వైఎస్సార్‌ సీపీ ఆధిక్యత ప్రదర్శించిన ఎంపీటీసీ సెగ్మెంట్లలో అధికారులు ఏకపక్షంగా వ్యవహరించినట్లు విమర్శలు వెల్లువెత్తుతున్నాయి. ఈ క్రమంలోనే శాంతిపురం మండలం రాళ్లబూదుగూరు ఎంపీటీసీ వైఎస్సార్‌ సీపీ అభ్యర్థి సరస్వతి మొదట 17 ఓట్ల మెజార్టీతో గెలుపొందారు. అయితే ఉదయం నుంచి సాయంత్రం వరకు అభ్యర్థులు, ఏజెంట్లతో పడిగాపులు కాయించి సాయంత్రం ఆరు గంటలకు 6 ఓట్లతో టీడీపీ అభ్యర్థి రూప విజయం సాధించినట్లు ప్రకటించారు. ఓట్ల లెక్కింపులో గుడుపల్లె మండలం, గుండ్లసాగరం సెగ్మెంట్‌ ఓట్ల లెక్కింపులో తేడా రావడంతో వైఎస్సార్‌ సీపీ అభ్యర్థి రేణుక ప్రశ్నించడంతో ఆమె భర్త కృష్ణమూర్తిపై పోలీసులు జులుం ప్రదర్శించారు. వైఎస్సార్‌ సీపీ ఓట్లను చెల్లని ఓట్లుగా ప్రకటించడంపై కృష్ణమూర్తి నిలదీయడంతో ఆయనపై టీడీపీ శ్రేణులు, పోలీసులు మూకుమ్మడిగా దాడికి పాల్పడ్డారు. కౌంటింగ్‌ కేంద్రంలోని ఏజెంట్లు, రేణుకా భర్త కృష్ణమూర్తిని బలవంతంగా బయటికి తీసుకువచ్చి స్టేషన్‌కు తరలించారు. గెలిచినప్పటికీ.. ఓడగొట్టారు రాళ్లబూదుగూరు ఎంపీటీసీ సెగ్మెంట్‌కు జరిగిన కౌంటింగ్‌లో గెలిచినప్పటికీ అధికారులు దుర్మార్గంగా ఓడగొట్టారని వైఎస్సార్‌సీపీ అభ్యర్థి సరస్వతి మండిపడ్డారు. సాయంత్రం వరకు కూర్చోబెట్టి చివరకు 6 ఓట్లతో ఓడిపోయావని చెప్పారని ఆవేనద వ్యక్తం చేశారు. అభ్యర్థిని అయినప్పటికీ తనను కౌంటింగ్‌ కేంద్రంలోకి అనుమతించలేదని, తన భర్తలను మాత్రమే పంపించారని చెప్పారు. 17 ఓట్లతో నేను గెలుపొందితే, అధికారులు ఓడిపోయావని ప్రకటించడం దారుణమన్నారు. సీఎం చంద్రబాబు ప్రాతినిధ్యం వహిస్తున్న కుప్పం నియోజక వర్గంలో మహిళా అభ్యర్థులకు స్వేచ్ఛ, రక్షణ లేకపోతే రాష్ట్రం పరిస్థితి ఎలా ఉంటుందో ఒక్క సారి ఆలోచించుకోవాలని విమర్శించారు.

చంద్రగిరి : ప్రమాదవశాత్తు ప్రైవేటు బస్సు బోల్తా పడడంతో 20 మంది ప్రయాణికులు గాయపడిన ఘటన శనివారం తెల్లవారుజామున చంద్రగిరి జాతీయ రహదారి భారత్‌ పెట్రోల్‌ బంకు సమీపంలో చోటు చేసుకుంది. పోలీసుల వివరాల మేరకు.. బెంగళూరు నుంచి తిరుపతి మీదుగా ఒడిశాకు ఓ ప్రైవేటు బస్సు పయనమైంది. చంద్రగిరి జాతీయ రహదారి భారత్‌ పెట్రోల్‌ బంకు సమీపంలో వస్తున్న క్రమంలో డ్రైవరు నిద్రలోకి జారుకున్నాడు. దీంతో బస్సు ఒక్కసారిగా రోడ్డుపక్కన ఉన్న డివైడర్‌ను ఢీకొట్టింది. ఈ ప్రమాదంలో వస్సు బోల్తా పడడంతో అందులో ప్రయాణిస్తున్న సుమారు 20 మంది ప్రయాణికులకు గాయాలయ్యాయి. 108 సిబ్బంది ఘటనా స్థలానికి చేరుకుని, క్షతగాత్రులను మెరుగైన వైద్యం కోసం తిరుపతి రుయాకు తరలించారు. ఈ మేరకు పోలీసులు కేసు నమోదు చేసి దర్యాప్తు చేస్తున్నారు.

మాజీ మంత్రిపై పోలీసు జులుం! నగరి : ప్రాదేశిక ఎన్నికల కౌంటింగ్‌ సందర్భంగా నగరిలో ఉద్రిక్త పరిస్థితులు తలెత్తాయి. విజయపురం మండలం ఇల్లత్తూరు ఎంపీటీసీ స్థానం ఓట్ల లెక్కింపు, రీకౌంటింగ్‌ వ్యవహారం వివాదానికి దారితీసింది. వైఎస్సార్‌సీపీ అభ్యర్థి దేవి 15 ఓట్ల మెజారిటీతో గెలిచినప్పటికీ, రీకౌంటింగ్‌ అనంతరం మూడు ఓట్ల మెజారిటీతో టీడీపీ అభ్యర్థి ప్రభావతి గెలిచినట్లు ప్రకటించారని మాజీ మంత్రి ఆర్‌కే రోజా ఆరోపించారు. అధికారుల తీరుకు నిరసనగా కౌంటింగ్‌ కేంద్రం ఎదుట బైఠాయించారు. దీంతో ఆమెను పోలీసులు బలవంతంగా అక్కడి నుంచి లాక్కెళ్లడం కలకలం రేపింది. రీకౌంటింగ్‌పై నిలదీత ఎన్నికల నిర్వహణ తీరుపై మాజీమంత్రి ఆర్‌కే రోజా అధికారులను నిలదీశారు. ఆమె మాట్లాడుతూ రెండు గంటల ముందే విజేతలుగా తేలిన వైఎస్సార్‌సీపీ అభ్యర్థులకు డిక్లరేషనన్‌ ఇచ్చేందుకు అధికారులు మీనమేషాలు లెక్కించారని, మూడు ఓట్లతో గెలిచినట్లు ప్రకటించిన టీడీపీ అభ్యర్థికి మాత్రం హడావుడిగా డిక్లరేషన్‌న్‌ ఇచ్చేశారని మండిపడ్డారు. తమకు న్యాయం జరిగే వరకు కౌంటింగ్‌ కేంద్రం నుంచి వెళ్లేది లేదంటూ ప్రధాన గేటు ఎదుట బైఠాయించారు. రీకౌంటింగ్‌లో ఫలితాలు తారుమారుచేసిన ఆర్‌ఓ టి.జయచంద్రారెడ్డిపై చర్యలు తీసుకోవాలని డిమాండ్‌ చేశారు. రోజా మాట్లాడుతూ.. అధికారులు పచ్చచొక్కాలు వేసుకొని పనిచేస్తున్నారని, రిటర్నింగ్‌ అధికారులు ప్రజాస్వామ్యబద్ధంగా విధులు నిర్వహించడం లేదని ఆరోపించారు. తొలుత తమ అభ్యర్థి గెలిచారని, డిక్లరేషన్‌ ఇస్తామని జేసీ, ఆర్‌డీఓ చెప్పారని, అయితే ఫోన్‌ రావడంతో ఒక్కసారిగా పరిస్థితి మారిపోయిందన్నా రు. ఏజెంట్లకు పాసులు ఇవ్వడం నుంచి గెలిచిన అభ్యర్థులకు డిక్లరేషన్లు అందించే వరకు అధికారులు పక్షపాతంతో వ్యవహరించారని మండిపడ్డారు. పోలీసులను, ఆర్‌ఓల ను ఉపయోగించుకుని గెలవడం కూడా ఒక గెలుపేనా? ఎలక్షన్‌ నిర్వహించడం ఎందుకు.. సెలక్షన్‌ పెట్టుకుంటే సరిపోతుంది కదా? అని ప్రశ్నించారు. ప్రజలకు ఇచ్చిన హామీలను నెరవేర్చి ఉంటే ఓట్లు మార్చుకోవాల్సిన కర్మ వచ్చేది కాదని విమర్శించారు. అధికారులు సైతం ప్రజలకు విశ్వాసంగా ఉండాలిగానీ పార్టీలకు కాదంటూ ఆగ్రహం వ్యక్తం చేశారు. బైండోవర్లు, నిబంధనల పేరుతో వైఎస్సార్‌సీపీ శ్రేణులను ఇబ్బందులకు గురిచేస్తూ, అధికార దుర్వినియోగానికి పాల్పడుతున్నారని మండిపడ్డా రు. ప్రధానంగా నగరి సీఐ టీడీపీ నేతలకు కొమ్ముకాస్తున్నారని ఆరోపించారు. అధికార దుర్వినియోగానికి పాల్ప డినవారు తప్పక ఫలితం అనుభవిస్తారని హెచ్చరించారు. ఈ క్రమంలో పోలీసులు బలవంతంగా ఈడ్చుకెళ్లి కారులోకి ఎక్కించడంతో రోజా అస్వస్థతకు గురయ్యారు. దీంతో ఉద్రిక్త వాతావరణం ఏర్పడింది.మాజీ మంత్రితో పోలీ సులు ఇలా వ్యవహరిస్తారా? ఇదేనా ప్రజాస్వామ్యం అంటూ వైఎస్సార్‌సీపీ కార్యకర్తలు ఆగ్రహం వ్యక్తం చేశారు. తలకు గాయమైన వైఎస్సార్‌సీపీ కార్యకర్త నిరసన వ్యక్తం చేస్తున్న మాజీమంత్రి ఆర్‌కే రోజా అస్వస్థతకు గురైన మాజీ మంత్రి ఆర్‌కే రోజా అధికారుల ‘పచ్చ’పాతం నగరి ప్రభుత్వ డిగ్రీకళాశాలలో శనివారం నగరి, విజయపురం, నిండ్ర మండలాలకు చెందిన ప్రాదేశిక ఎన్నికల కౌంటింగ్‌ నిర్వహించారు. ఇల్లత్తూరు ఎంపీటీసీ స్థానానికి జరిగిన ఓట్ల లెక్కింపులో తొలుత వైఎస్సార్‌సీపీ అభ్యర్థి దేవికి 15 ఓట్ల ఆధిక్యం వచ్చింది. దీంతో టీడీపీ అభ్యర్థి రీకౌంటింగ్‌ కోరారు. ఆర్‌ఓ వో ఆమోదించడంతో మళ్లీ రీకౌంటింగ్‌ జరిగింది. తొలి లెక్కింపులో చెల్లని ఓట్లుగా ప్రకటించిన వాటిని, చెల్లినవిగా నిర్ధారించి 3 ఓట్లతో టీడీపీ అభ్యర్ధి ప్రభావతి గెలుపొందినట్లు ఆర్‌ఓ ప్రకటించారు. దీనిపై మళ్లీ రీకౌంటింగ్‌ చేయాలని వైఎస్సార్‌సీపీ అభ్యర్ధి మొరపెట్టుకున్నా ఆర్‌ఓ చెవికెక్కించుకోలేదు. వెనువెంటనే డిక్లరేషన్‌ కూడా ఇచ్చేశారు. విషయం తెలుసుకుని మాజీ మంత్రి ఆర్కేరోజా కౌంటింగ్‌ కేంద్రం గేటుముందు బైటాయించి నిరసన వ్యక్తం చేశారు.

చిత్తూరు కార్పొరేషన్‌: జిల్లా జైలులో ఉన్న పుంగనూరు నియోజకవర్గ వైఎస్సార్‌సీపీ నేతలను మాజీ మంత్రి పెద్దిరెడ్డి రామచంద్రారెడ్డి శుక్రవారం పరామర్శించారు. పుంగనూరు మున్సిపల్‌ ఎన్నికల సమయంలో నామినేషన్‌ వేయడానికి వెళ్లిన పలువురు నేతలపై పోలీసులు అక్రమంగా కేసులు నమోదు చేసిన విషయం తెలిసిందే. అందులో పుంగనూరు నియోజకవర్గం నుంచి 16 మందిని అరెస్టు చేశారు. వారిని పెద్దిరెడ్డి పరామర్శించి ధైర్యం చెప్పారు. అనంతరం పెద్దిరెడ్డికి ఇటీవల ఎన్నికల్లో గెలిచిన కార్పొరేటర్లు పుష్పలత, తమిళ అరసి, షమ్మాను చిత్తూరు నియోజకవర్గ సమన్వయకర్త విజయానందరెడ్డి పరిచయం చేశారు. ఈ క్రమంలోనే ఆయన కట్టమంచిలో స్థానిక నేత దినేష్‌రెడ్డి నివాసంలో నాయకులతో కాసేపు ముచ్చటించారు. ఎన్నికల సందర్భంగా జరిగిన పలు గొడవలు, విషయాలను విజయానందరెడ్డి వివరించారు. కార్యక్రమంలో నగర పార్టీ అధ్యక్షుడు కేపీ శ్రీధర్‌, నేతలు పరమేశ్వరరెడ్డి, బాబీ, మనోహర్‌రెడ్డి, అన్బు, మనోజ్‌రెడ్డి, హమీద్‌ పాల్గొన్నారు.

చిత్తూరు కార్పొరేషన్‌ : టీడీపీ గూండాల దాడిలో తీవ్రంగా గాయపడి తమిళనాడులోని ఓ ప్రైవేటు ఆస్పత్రిలో చికిత్స పొందుతున్న మునిరత్నానికి తన వంత ఆర్థిక సాయం అందించినట్లు వైఎస్సార్‌సీపీ చిత్తూరు నియోజకవర్గ సమన్వయకర్త విజయానందరెడ్డి తెలిపా రు. శుక్రవారం ఆయన మీడియాతో మాట్లాడారు. నగరపాలక ఎన్నికల పోలింగ్‌ రోజున తోటపాళ్యంలోని పోలింగ్‌ కేంద్రంలో వైఎస్సార్‌సీపీ కార్పొరేటర్‌ అభ్యర్థి అన్నామలై తరఫున మునిరత్నం ఏజెంటుగా కూర్చున్నారని, అది ఇష్టం లేని టీడీపీ నాయకుడు గణేష్‌, ఆయన అనుచరులు దాడికి పాల్ప డ్డారని మండిపడ్డారు. బాధితుడిని మెరుగైన చికిత్స కోసం తమిళనాడులోని ప్రైవేటు ఆస్పత్రికి తరలించినట్లు వెల్లడించారు. చికిత్స కోసం కుటుంబ సభ్యులు ఇప్పటికే రూ. 10 లక్షలకు పైగా ఖర్చు చేశారని, మరి కొన్ని లక్షల రూపాయలు ఖర్చవుతుందని వైద్యులు తెలిపినట్లు వివరించారు. అందుకే ఆర్థిక సాయం అందించినట్లు తెలిపారు. బాధితుడి భార్య ఇప్పటికే పోలీసులకు ఫిర్యాదు చేశారని, దాడికి పాల్పడిన వారిపై వెంటనే కేసులు నమోదు చేసి చట్టపరమైన చర్యలు తీసుకోవాలని డిమాండ్‌ చేశారు. వరసిద్ధుని సేవలో విదేశీ భక్తులు కాణిపాకం: కాణిపాకం శ్రీవరసిద్ధి వినాయక స్వామివారిని శుక్రవారం పలువురు విదేశీ భక్తు లు సేవించుకున్నారు. అమెరికా, జర్మనీ, రష్యా దేశాలకు చెందిన భక్తులకు ఆలయ అధికారులు ప్రత్యేక దర్శన ఏర్పాట్లు చేశారు. స్వామి వారి తీర్థప్రసాదాలు అందజేసి, ఆలయ విశిష్టతను వివరించారు. వినాయక స్వామివారి దివ్య మంగళ రూప దర్శనంపై విదేశీ భక్తులు హర్షం వ్యక్తం చేశారు.

చిత్తూరు రూరల్‌ (కాణిపాకం) : జెడ్పీటీసీ, ఎంపీటీసీ ఎన్నికల కౌంటిగ్‌ ప్రక్రియను ప్రశాంతంగా, పారదర్శకంగా నిర్వహించేందుకు పటిష్ట భద్రత కల్పించినట్లు ఎస్పీ తుషార్‌ డూడీ తెలిపారు. శుక్రవారం ఆయన మాట్లాడుతూ కౌంటింగ్‌ కేంద్రాల వద్ద ఎలాంటి అవాంఛనీయ సంఘటనలు జరగకుండా పకడ్బందీ మూడంచెల పోలీసు బందోబస్తును ఏర్పాటు చేసినట్లు వెల్లడించారు. అత్యాధునిక డ్రోన్‌ కెమెరాలు, సీపీ కెమెరాల ద్వారా కౌంటింగ్‌ కేంద్రాలు, వాటి పరిసర ప్రాంతాలపై నిరంతర నిఘా కొనసాగిస్తున్నామన్నారు. సమస్యాత్మక ప్రాంతాల్లో పోలీసు పికెట్లు, ప్రధాన రహదారుల్లో చెక్‌పోస్టులు ఏర్పాటు చేసి విస్తృతంగా తనిఖీలు చేపట్టామని చెప్పారు. చిన్న సమస్య ఎదురైనా తక్షణమే స్పందించేందుకు ప్రత్యేక స్ట్రైకింగ్‌ ఫోర్స్‌ను సిద్ధంగా ఉంచినట్లు వివరించారు. ఫలితాల అనంతరం గెలుపొందిన అభ్యర్థులు కానీ, వారి మద్దతుదారులు కానీ ఎలాంటి విజయోత్సవ ర్యాలీలు, ఊరేగింపులు, డప్పు వాయిద్యాలతో ప్రదర్శనలు నిర్వహించకూడ దని ఆదేశించారు. బహిరంగ ప్రదేశాల్లో బాణసంచా కాల్చడం, అధిక శబ్దంతో కూడిన డీజే లు, మైక్‌ సెట్లు వినియోగించడంపై నిషేధం విధించినట్లు తెలిపారు. కౌంటింగ్‌ కేంద్రాల సమీపంలో పోలీస్‌ యాక్ట్‌ సెక్షన్‌ 30, సెక్షన్‌ 163 అమల్లో ఉంటాయని, అనుమతి లేకుండా గుంపులుగా చేరడం, సభలు, సమావేశాలు నిర్వహించడం చట్టరీత్యా నేరమని స్పష్టం చేశారు. సోషల్‌ మీడియా వేదికగా రెచ్చగొట్టే వ్యాఖ్యలు చేయడం, తప్పుడు ప్రచారాలు నిర్వహించడం, ఇతర వర్గాల మనోభావాలను దెబ్బతీసేలా పోస్టులు పెడితే చర్యలు తప్పవని హెచ్చరించారు. కవ్వింపు చర్యలకు పాల్పడే వారిపై ప్రత్యేక నిఘా ఉంచామని తెలిపారు. సురక్షిత దీపావళి పండుగే లక్ష్యం చిత్తూరు రూరల్‌ (కాణిపాకం): జిల్లా ప్రజలు, పోలీసు కుటుంబాలకు ఎస్పీ తుషార్‌ డూడీ దీపావళి శుభాకాంక్షలు తెలిపారు. ఈ పండుగ ప్రతి ఇంటా సుఖసంతోషాలు, ఆయురారోగ్యా లు నింపాలని ఆకాంక్షించారు. పిల్లలు తప్పనిసరిగా పెద్దల పర్యవేక్షణలోనే టపాసులు కాల్చాలని, వద్ధులు అప్రమత్తంగా ఉండాలని సూచించారు. సురక్షిత దీపావళి పండుగే లక్ష్యంగా జిల్లాలో కట్టుదిట్టమైన భద్రత, ట్రాఫిక్‌ నియంత్రణ చర్యలు చేపట్టినట్లు తెలిపారు. ఏ చిన్న సమస్య వచ్చినా నంబర్‌112 లేదా పోలీస్‌ కమాండ్‌ కంట్రోల్‌ సెంటర్‌ 9440900005కు సమాచారం అందించాలని కోరారు.

నిస్తేజం.. జిల్లాలో పోలీసుల వ్యవహారశైలి దారుణంగా తయారైంది. ప్రధానంగా మున్సిపల్‌.. పరిషత్‌ ఎన్నికల సమయంలో రక్షకభట యంత్రాంగం నిస్తేజంగా మారింది. కూటమి నేతల కనుసన్నల్లోనే పనిచేసింది. ప్రతిపక్ష పార్టీల అభ్యర్థులకు చుక్కలు చూపించింది. చివరకు కార్యకర్తల కంటే అధికంగా అధికార పార్టీకి కొమ్ముకాసింది. శాంతిభద్రతలను సైతం గాలికి వదిలేసి పచ్చమూకలకు సహకరించింది. వైఎస్సార్‌సీపీ శ్రేణులపై రౌడీలు దాడులు చేస్తుంటే కళ్లప్పగించి చూస్తూ ఉండిపోయింది. అంతటితో ఆగకుండా బాధితులపైనే కేసులు నమోదు చేసి ఖాకీ యూనిఫామ్‌ పరువును నిలువునా తీసేసింది. సాక్షి, చిత్తూరు : ఎన్నికలు సజావుగా నిర్వహించాలంటే రాజకీయ నేతల సహకారం అవసరం. వాళ్ల నుంచి ఎలాంటి సానుకూల స్పందన లేకపోయినా సామాన్యుడికి ఇబ్బంది రాకుండా స్వేచ్ఛాయుత వాతావరణంలో ఎన్నికలు జరిగేలా చూడాల్సిన బాధ్యత యంత్రాంగంపై ఉంటుంది. అందులోనూ పోలీసుశాఖ తన విధులు సక్రమంగా నిర్వర్తించకపోతే పోలింగ్‌ ప్రక్రియ అపహాస్యం అవుతుంది. ప్రస్తుతం నాలుగో సింహం ఇదే అపవాదును మూటగట్టుకుంది. మున్సిపల్‌.. ప్రాదేశిక ఎన్నికల సందర్భంగా జిల్లాలో జరిగిన హింసాత్మక ఘటనలు ఖాకీల ఉనికిని ప్రశ్నిస్తున్నాయి. పాఠం నేర్పని పుర‘క్షేత్రం’ మున్సిపల్‌ ఎన్నికల నిర్వహణలో నగరిలో వైఎస్సార్‌సీపీ అఽభ్యర్థి తామరసెల్వి నామినేషన్‌ను పచ్చమూక లాక్కొని చింపేసింది. ఆమెను ప్రతిపాదించడానికి వెళ్లిన మహేశ్వరన్‌పై దాడిచేసి తలపై కొట్టడంతో రక్తగాయాలయ్యాయి. 36వ వార్డు వైఎస్సార్‌సీపీ అభ్యర్థి ఇంద్రయ్య నామినేషన్‌ కూడా టీడీపీ గూండాలు చింపేశారు. ఇక్కడి నుంచే జిల్లాలో పచ్చ మూకల అల్లర్లు పురుడుపోసుకున్నాయి. కుప్పంలో నామినేషన్‌ వేయడానికి వెళ్లిన చైర్మన్‌ అభ్యర్థి విజయ్‌ను కిడ్నాప్‌ చేశారు. అడ్డొచ్చిన వైఎస్సార్‌సీపీ కార్యకర్తలు రాజ్‌కుమార్‌, జయశంకర్‌, హఫీజ్‌ను రక్తం వచ్చేలా చావబాదారు. ఓ దశలో ఎస్పీ చెబితే.. సాయంత్రానికి రాజ్‌కుమార్‌ను వదలిపెట్టి.. తనను ఎవరూ కిడ్నాప్‌ చేయలేదని బలవంతపు వీడియో రిలీజ్‌ చేయించారు. అదే రోజున చిత్తూరులో టీడీపీ నేత నామినేషన్‌ ఆమోదించడంపై ప్రశ్నించిన వైఎస్సార్‌సీపీ మైనారిటీ నాయకుడు సయ్యద్‌బాషాను కాళ్లతో తన్నుతూ, బండరాయితో తలపై మోది రక్తం వచ్చేలా కొట్టారు. నామినేషన్ల ఉప సంహరణ రోజున చిత్తూరు కార్పొరేషన్‌ కార్యాలయాన్ని చుట్టేసిన వేలాది మంది పచ్చ గూండాలు పోలీసుల ఎదుటే వైఎస్సార్‌సీపీ నేతల చేతుల్లోని బీఫారాలను లాక్కుని చింపేశారు. కార్యాలయంలోకి ఎవరూ వెళ్లకుండా కాపుగాచి, అడ్డొచ్చిన న్యాయవాది సుగుణశేఖర్‌రెడ్డిపై దాడి చేశారు. వారం రోజుల తర్వాత ఈ ఘటనపై పోలీసులు కేసు నమోదు చేయడం విశేషం. ఇక పోలింగ్‌ రోజున చిత్తూరు వళ్లియప్పనగర్‌ బూత్‌లో టీడీపీ మూకలు చొరబడి రిగ్గింగ్‌ చేస్తుంటే, పోలీసులు బయట కాపలా ఉన్న వీడియోలు ఆ శాఖ పరువును బజారున పడేశాయి. పంచాయతీపై పట్టు సాధిస్తారా..? మున్సిపల్‌, ప్రాదేశిక ఎన్నికల్లో పరువుపోగొట్టుకున్న పోలీసులకు ఈనెల 13వ తేదీ నుంచి ప్రారంభంకానున్న పంచాయతీ ఎన్నికలు మరో సవాలును విసురుతున్నాయి. జిల్లాలోని 621 పంచాయతీల్లో మూడు విడతలుగా జరిగే పంచాయతీ ఎన్నికలు ప్రశాంతంగా జరిగితే పడ్డ చోటే ఖాకీలు నిలబడినట్టవుతుంది. దీనిపై ఏ ప్రణాళికతో ముందుకు వెళతారో..? ఎప్పటిలా ప్రశాంత వాతావరణంలో, స్వేచ్ఛగా ఓటు వేసేలా చేస్తామని ప్రకటనలకే పరితమై.. మరో అపవాదు మూటగట్టుకుంటారో వేచి చూడాలి. ప్రాదేశికంలోనూ రెచ్చిపోయారు మున్సిపల్‌ ఎన్నికల్లో ఖాకీల పనితీరు చూసిన పచ్చ మూకలు ఎంపీటీసీ, జెడ్పీటీసీ ఎన్నికల్లోనూ రెచ్చిపోయారు. నామినేషన్ల వేళ చిత్తూరు జెడ్పీ కార్యాలయం వద్ద గంగాధరనెల్లూరు టీడీపీ ఎమ్మెల్యే థామస్‌ తన గూండాలతో కాపుగాచారు. వైఎస్సార్‌సీపీ అభ్యర్థులపై దాడులు చేయించారు. జెడ్పీటీసీ అభ్యర్థులు జగదీష్‌రెడ్డి, ప్రకాష్‌, దేవప్పనాయుడు, శ్రీనివాసరెడ్డి, దేవిప్రియకు రక్తగాయాలయ్యాయి. ఎంపీటీసీ అభ్యర్థులుగా నామినేషన్లు వేయడానికి యత్నించిన బంగారుపాళ్యం, వెదురుకుప్పం, వి.కోట, చిత్తూరు అభ్యర్థులపై దాడులు జరిగాయి. ఇక మాజీ ఉప ముఖ్యమంత్రి నారాయణస్వామిని టీడీపీ మూకలు కొట్టంది ఒక్కటే.. ఆయన కారుపై దాడి చేసి భయబ్రాంతులకు గురిచేశారు. రెండు రోజుల క్రితం పోలింగ్‌ రోజున వైఎస్సార్‌సీపీ నాయకులను బైండోవర్ల పేరిట పోలీసులు అదుపులోకి తీసుకోవడంతో టీడీపీ నాయకులు బూత్‌లలో సైర్వ విహారం చేశారు. చిత్తూరు మండలం, గుడిపాల, శాంతిపురం, పెనుమూరు, పలమనేరు ప్రాంతాల్లో వైఎస్సార్‌సీపీ కార్యకర్తలపై పచ్చ గూండాలు దాడులకు పాల్పడ్డారు.

ఏజెంట్లకు నిబంధనలు చిత్తూరు కలెక్టరేట్‌/ చిత్తూరు కార్పొరేషన్‌ : జిల్లా వ్యాప్తంగా జెడ్పీటీసీ, ఎంపీటీసీ ఓట్ల లెక్కింపు శనివారం నిర్వహించనున్నారు. ఈ ప్రక్రియకు జిల్లా అధికారులు ఏర్పాట్లు చేశారు. కౌంటింగ్‌ కేంద్రాల్లో సీసీ కెమెరాలను అమర్చారు. అలాగే కౌంటింగ్‌ కేంద్రం వద్ద 144 సెక్షన్‌ ను అమలు చేస్తున్నట్లు తెలిపారు. కౌంటింగ్‌ కేంద్రాల వద్ద పోలీసు బందోబస్తు ఏర్పాటు చేశారు. ఉదయం 8 గంటలకు కౌంటింగ్‌ ప్రారంభించనున్నారు. ఓట్ల లెక్కింపులో 89 మంది జెడ్పీటీసీ అభ్యర్థులు, 702 మంది ఎంపీటీసీ అభ్యర్థుల భవితవ్యం దాగి ఉంది. జిల్లాలోని ఆరు ప్రాంతాల్లో ఉన్న 7 కేంద్రాల్లో ఓట్ల లెక్కింపు చేపట్టనున్నారు. మొదట ఎంపీటీసీ ఎన్నికల ఓట్లను లెక్కించి ఆ తర్వాత జెడ్పీటీసీ అభ్యర్థులు ఓట్లు లెక్కించనున్నారు. పురపాలక లెక్కింపు నవ్వులపాటు ఇటీవల నిర్వహించిన చిత్తూరు నగరపాలక ఎన్నికల కౌంటింగ్‌ నవ్వులపాలైంది. చిత్తూరు నగరపాలక ఎన్నికల ఓట్ల లెక్కింపులో తేడాలు రావడం, కౌంటింగ్‌ ఏజెంట్‌లకు సమాచారం ఇవ్వడంలో అలసత్వం వహించడం వంటివి చోటు చేసుకున్నాయి. చిత్తూరు నగరపాలక ఓట్ల లెక్కింపులో జిల్లా యంత్రాంగం ప్రదర్శించిన నిర్లక్ష్యం రాష్ట్ర స్థాయిలో చర్చనీయాంశంగా మారింది. మేయర్‌ అభ్యర్థి ఓట్ల లెక్కింపులో రౌండ్ల వారీగా కౌంటింగ్‌ పూర్తి అయినప్పటికీ పోలైన ఓట్ల కంటే ఎక్కువ ఓట్లున్నాయి. అధికారులు ప్రకటించిన లెక్కలకు ఏ మాత్రం పొంతలేకుండా పోయింది. దీంతో ఏ స్థాయిలో మున్సిపల్‌ ఎన్నికల్లో రిగ్గింగ్‌ కు పాల్పడ్డారో అని అధికారులే ముక్కున వేలేసుకునే పరిస్థితి ఏర్పడింది. ఈసారైనా ఓట్ల లెక్కింపు పారదర్శకంగా, నిష్పాక్షికంగా నిర్వహిస్తారా.....లేక మళ్లీ పాత తప్పిదాలనే పునరావృత్తం చేస్తారా అని అభ్యర్థులు మధనపడుతున్నారు. అధికార పార్టీ తొత్తులుగా.. ప్రజాస్వామ్యవ్యవస్థలో ఓటింగ్‌, కౌంటింగ్‌ ప్రక్రియలు అత్యంత ముఖ్యమైనవి. అటువంటి ఓటింగ్‌ ప్రక్రియలో దొంగ ఓట్లు వేసి ప్రజాస్వామ్యాన్ని బజారున పడేశారు. అధికారపార్టీకి తొత్తులుగా మారిన కొందరు అధికారులు ఎన్నికలను ఏకపక్షంగా నిర్వహించారు. జెడ్పీటీసీ, ఎంపీటీసీ పోలింగ్‌ను సైతం ప్రహసనంగా జరిపించారనే విమర్శలు వెల్లువెత్తుతున్నాయి. పీవీకేఎన్‌ కౌంటింగ్‌ కేంద్రంలో ఓట్ల లెక్కింపునకు ఏర్పాటు చేసిన టేబుళ్లుఎస్వీ సెట్‌ కౌంటింగ్‌ కేంద్రంలో ఏర్పాట్లు పర్యవేక్షిస్తున్న ట్రైనీ కలెక్టర్‌ వెంకటేష్‌ ఎన్నికలు జరిగిన స్థానాలు, అభ్యర్థులు విభాగం మొత్తం స్థానాలు ఏకగ్రీవాలు పోలింగ్‌ జరిగిన స్థానాలు అభ్యర్థుల సంఖ్య జెడ్పీటీసీ 27 3 24 89 ఎంపీటీసీ 370 70 300 702కౌంటింగ్‌ కేంద్రాల వివరాలు నియోజకవర్గం కౌంటింగ్‌ కేంద్రం జీడీనెల్లూరు : సీతమ్స్‌ ఇంజినీరింగ్‌ కళాశాల, చిత్తూరు చిత్తూరు, పుంగనూరు : పీవీకేఎన్‌ ప్రభుత్వ డిగ్రీ కళాశాల,చిత్తూరు పూతలపట్టు : ఎస్వీసెట్‌, చిత్తూరు కుప్పం : ప్రభుత్వ ఒకేషనల్‌ జూనియర్‌ కళాశాల, కుప్పం పలమనేరు పార్ట్‌–1 : ఎస్‌వీసీఆర్‌ ప్రభుత్వ డిగ్రీ కళాశాల, పలమనేరు పలమనేరు పార్ట్‌–2 : పీఎంశ్రీ ప్రభుత్వ ఉన్నత పాఠశాల, పలమనేరు నగరి : ప్రభుత్వ డిగ్రీ కళాశాల, నగరి

పాలసముద్రం : జెడ్పీటీసీ, ఎంపీటీసీ ఎన్నికల్లో దారుణంగా పచ్చమూక దాడులకు పాల్పడిందని, ఎమ్మెల్యే థామస్‌ నేతృత్వంలోనే అరాచకాలు సాగుతున్నాయని మాజీ డిప్యూటీ సీఎం నారాయణస్వామి మండిపడ్డా రు. శుక్రవారం పాలసముద్రంలో ఆయన విలేకర్లతో మాట్లాడారు. జెడ్పీటీసీ అభ్యర్థి భర్త షణ్ముగం యాదవ్‌తోపాటు పత్రికా విలేకర్లపై సైతం టీడీపీ గూండాలు దాడి చేశారన్నారు. పరిషత్‌ ఎన్నికలు ప్రశాంతంగా జరుగుతుండగా బలిజకండ్రిగ పోలింగ్‌ కేంద్రంలో రిగ్గింగ్‌ చేసేందుకు ఎమ్మెల్యే థామన్‌, చిట్టిబాబు నాయుడు తమ అనుచరులతో చొరబడ్డారని ఆరోపించారు. అధికారులు, ఏజెంట్లను బెదిరిస్తుండగా అడ్డుకోబోయిన షణ్ముగంయాదవ్‌ను కొట్టారని, పైగా తిరి గి కేసులు పెడతామని భయపెట్టేందుకు యత్నించార ని ఆవేదన వ్యక్తం చేశారు. అలాగే పత్రికా విలేకరి ఫోన్‌ సైతం లాగేసుకున్నారని వెల్లడించారు. ఎన్నడూ లేనివిధంగా నామినేషన్‌ పత్రాలను చించివేయడం, పో లింగ్‌ కేంద్రం అవరణంలో దౌర్జన్యాలకు పాల్పడడం వంటివి టీడీపీ నేతల దిగజారుడు రాజకీయాలకు నిదర్శనమని విమర్శించారు. వైఎస్సార్‌సీపీ జీడీ నెల్లూరు నియోజకవర్గ సమన్వయకర్త కృపాలక్ష్మి మాట్లాడుతూ రాష్ట్రంలో అరాచకపాలన సాగుతోందని పోలీసులు పూర్తిగా వైఫల్యం చెందారని ఆరోపించారు. కేవలం వైఎస్సార్‌సీపీ కార్యకర్తలను వేధించడం, కేసులు బనాయించడమే పనిగా పెట్టుకున్నారని మండిపడ్డారు. జెడ్పీటీసీ మాజీ సభ్యుడు అన్బళగన్‌, పార్టీ మండల కన్వీనర్‌ తులసి యాదవ్‌, మాజీ కన్వీనర్‌ సుందరరాజు, ఎస్సీ సెల్‌ జిల్లా కార్యదర్శి మదివానన్‌, నేతలు రవిరెడ్డి, పోలయ్య, వెంకటేష్‌, ఆనందన్‌, షణ్ముగరెడ్డి, త్యాగరాజ్‌ పాల్గొన్నారు.

సాక్షి, టాస్క్‌ఫోర్స్‌: తిరుపతి రూరల్‌ మండల జెడ్పీటీసీ ఎన్నికను టీడీపీ నేతలు సవాల్‌గా తీసుకున్నారు. వైఎస్సార్‌సీపీ అభ్యర్థి చెవిరెడ్డి హర్షిత్‌రెడ్డిని ఓడించడమే లక్ష్యంగా రెండు నియోజకవర్గాలకు చెందిన టీడీపీ ముఖ్యనేతలంతా మూకుమ్మడిగా రంగంలోకి దిగారు. తిరుపతి, చంద్రగిరి నియోజకవర్గాలకు చెందిన టీడీపీ బడా నేతలంతా తిరుపతి రూరల్‌ మండలంలోనే మోహరించారు. పోలింగ్‌ కేంద్రాల వద్ద తమ అనుచరులతో స్వైరవిహారం చేస్తూ భయానక వాతావరణాన్ని కల్పించారు. చంద్రగిరి ఎమ్మెల్యే పులివర్తి నాని, ఆయన సతీమణి పులివర్తి సుధారెడ్డి, కుమారుడు పులివర్తి వినీల్‌ పోలింగ్‌ కేంద్రాల వద్ద గొడవలు సృష్టించి దొంగ ఓట్లకు పాల్పడ్డారు. ఆ ముగ్గురితో పాటు తుడా చైర్మన్‌న్‌ డాలర్స్‌ దివాకర్‌రెడ్డి, తిరుపతి టీడీపీ ఇన్‌చార్జి, మేయర్‌ జేబీ శ్రీనివాస్‌, శాప్‌ చైర్మన్‌న్‌ అనిమిని రవినాయుడు, ఎస్వీబీసీ చైర్మన్‌ శ్రీధర్‌వర్మ, తాతయ్యగుంట గంగమ్మ ఆలయ చైర్మన్‌ మహేష్‌యాదవ్‌, పులిగోరు మురళి, అన్నా రామచంద్రయ్యయాదవ్‌, నరసింహయాదవ్‌తోపాటు తిరుపతిలో కొత్తగా ఎన్నికై న టీడీపీ కార్పొరేటర్లంతా కిరాయి రౌడీలతో పోలింగ్‌ కేంద్రాలను చుట్టుముట్టారు. ఐదు వేల మంది తరలింపు తిరుపతి నగరానికి ఆనుకుని ఉన్న సాయినగర్‌, లింగేశ్వరనగర్‌, అవిలాల, ఓటేరు, శ్రీనివాసపురం, పద్మావతీపురం, ఉమ్మడి శెట్టిపల్లి, వేదాంతపురం, తిరుచానూరులోని పోలింగ్‌ కేంద్రాల్లో దొంగ ఓట్లు వేయించేందుకు ఐదు వేల మంది కాలేజీ యువకులను తీసుకొచ్చారు. ఆ యువతకు కిరాయి రౌడీలను తోడుపెట్టి పోలింగ్‌ కేంద్రాల వద్ద అలజడి సృష్టించారు. నిజమైన ఓటర్లు స్వేచ్ఛగా ఓటు హక్కు వినియోగించుకునే పరిస్థితులను దెబ్బతీశారు. పలు కేంద్రాల్లో దొంగ ఓట్లు, రిగ్గింగ్‌కు పాల్పడ్డారు. రెండు నియోజకవర్గాల టీడీపీ నేతలంతా ఒకే మండలంలో మోహరించడంతో పోలింగ్‌ కేంద్రాల వద్ద ఉద్రిక్తత నెలకొంది. ఒకవైపు టీడీపీ నేతలంతా ఏకమై పోలింగ్‌ కేంద్రాలను కిరాయి రౌడీలతో మోహరింప చేయడం, మరోవైపు పోలింగ్‌ కేంద్రాల వద్ద ఉద్రిక్త పరిస్థితులు.. గొడవలు సృష్టించడానికి పులివర్తి నాని, అతని కుటుంబం చేసిన కుట్రలు అన్నింటినీ చూసిన చెవిరెడ్డి కుటుంబం ఏమాత్రం వెనక్కి తగ్గలేదు. మాజీ ఎమ్మెల్యే చెవిరెడ్డి భాస్కర్‌రెడ్డి, ఆయన కుమారులు చెవిరెడ్డి మోహిత్‌ రెడ్డి, చెవిరెడ్డి హర్షిత్‌రెడ్డి, చెవిరెడ్డి లక్ష్మి క్షేత్రస్థాయిలో వీరోచిత పోరాటం చేసి అక్కడి పరిస్థితులను ఎదుర్కొన్నారు. పోలింగ్‌ ప్రారంభమైన కొద్ది సేపటికే మొదలైన టీడీపీ నేతల అరాచకపర్వం సాయంత్రం పోలింగ్‌ ముగిసేంత వరకు కొనసాగింది. దొంగ ఓట్లను తమ శక్తి మేరకు అడ్డుకున్నారు.

మామూళ్ల మత్తులో అధికారులు? జిల్లాలో అనుమతి లేని ఆస్పత్రులు, స్కానింగ్‌ మిషన్లు విచ్చలవిడిగా దందా సాగిస్తున్నప్పటికీ పట్టించుకునే నాథుడే కరువయ్యాడు. పర్యవేక్షించాల్సిన ప్రోగ్రామ్‌ అధికారులు, డెమో విభాగ అధికారులు కనిపించడమే లేదు. కొందరు అధికారులు నెలవారీ మామూళ్ల మత్తులో కూరుకుపోయి అక్రమార్కులకు కొమ్ముకాస్తున్నారని ఆరోపణలు వస్తున్నాయి. వైద్య ఆరోగ్య శాఖలోని కొందరు కింది స్థాయి సిబ్బంది నుంచి ఉన్నతాధికారుల వరకు అందరికీ ఈ అక్రమ స్కానింగ్‌లు, అబార్షన్ల సమాచారం ఉన్నప్పటికీ పట్టించుకోవడం లేదనే విమర్శలు వెల్లువెత్తుతున్నాయి. జిల్లాలో అబార్షన్ల ముఠాలు విచ్చలవిడిగా చెలరేగిపోతున్నాయి. కడుపులో పెరుగుతున్న పాపాయి ప్రాణాలను తీసేస్తున్నాయి. కాసుల వేటలో కన్నుమిన్నూ కానక వ్యవహరిస్తున్నాయి. చిత్తూరు నగరమే అడ్డాగా పలమనేరు, కుప్పం, నగరి ప్రాంతాల్లో దందా సాగిస్తున్నాయి. అక్రమంగా స్కానింగ్‌ చేసి లింగనిర్ధారణ పరీక్షలు చేస్తున్నాయి. పొట్టలో ఉంది ఆడబిడ్డ అని తెలిస్తే చాలు క్షణాల్లో శిశువును చిదిమేస్తున్నాయి. జిల్లా వైద్య ఆరోగ్యశాఖ నిద్రావస్థలో ఉండడంతో యథేచ్ఛగా భ్రూణ హత్యలకు పాల్పడుతున్నాయి. కాణిపాకం : జిల్లాలో ఒక జిల్లా ప్రభుత్వ ఆస్పత్రి, 50 పీహెచ్‌సీలు, 15 అర్బన్‌ హెల్త్‌ సెంటర్లు ఉండగా.. ప్రైవేటు హాస్పిటళ్లు 1,000కి పైగానే ఉన్నాయి. అయితే వీటిలో దాదాపు 300 ఆస్పత్రులకు ఎలాంటి రిజిస్ట్రేషన్లు, అనుమతులు లేకపోవడం గమనార్హం. వీటితో పాటు 1,500 వరకు ఉన్న ఆర్‌ఎంపీ క్లినిక్‌లు కూడా అబార్షన్ల దందాకు కేరాఫ్‌ అడ్రస్‌గా మారుతున్నాయి. నిబంధనలకు విరుద్ధంగా నడుస్తున్న ఇటువంటి క్లినిక్‌లపై కఠిన చర్యలు తీసుకోకపోవడంతో అక్రమార్కులకు అడ్డూ అదుపు లేకుండా పోతోంది. స్కానింగ్‌ యంత్రాలతో లింగ నిర్ధారణ అనుమతి లేని పోర్టబుల్‌ స్కానింగ్‌ యంత్రాలను ఉపయోగిస్తూ గర్భస్థ పిండం ఆడో, మగో తేల్చేస్తున్నారు. సాంకేతికతను ప్రాణాలు తీసేందుకు ఉపయోగిస్తూ, అక్రమార్కులు రూ.లక్షలు ఆర్జిస్తున్నారు. స్కానింగ్‌ సెంటర్లకు నేరుగా వెళ్లకుండా రహస్య ప్రదేశాల్లో లేదా ఇళ్లలోనే ఈ పరీక్షలు నిర్వహిస్తుండడం గమనార్హం. ఆడ బిడ్డ అని తేలిన వెంటనే కథ ముగించేస్తున్నారు. ఎల్లలు దాటిన దందా ఈ దందా కేవలం మన జిల్లాకే పరిమితం కాకపోవడం గమనార్హం. సరిహద్దు రాష్ట్రాలైన తమిళనాడు, కర్ణాటక నుంచి కూడా గర్భిణులు పెద్ద సంఖ్యలో చిత్తూరుకు వస్తున్నారు. ముఖ్యంగా రెండో, మూడో కాన్పు గర్భిణులనే లక్ష్యంగా చేసుకుని ఈ ముఠాలు దందా సాగిస్తున్నాయి. అంతేకాకుండా ఇక్కడి ముఠాలు పిలిస్తే చాలు సరిహద్దులు దాటి తమిళనాడులోని తిరుపత్తూరు, వేలూరు, కర్ణాటకలోని ప్రాంతాలకు నేరుగా వెళ్లి అక్కడ అబార్షన్లు చేసి వస్తున్నారు. ఇక్కడ మాత్రం గుడ్డి కన్ను ఇటీవల చిత్తూరుకు చెందిన ఇద్దరు మహిళలు తమిళనాడులోని తిరుపత్తూరు జిల్లా వాణియంబడికి అబార్షన్‌ చేసేందుకు వెళ్లారు. అక్కడ గర్భిణి కుటుంబసభ్యులు సమయానికి హెల్త్‌ ఆఫీసర్‌, పోలీసులకు సమాచారం ఇవ్వడంతో ఆ ఇద్దరూ కటకటాల పాలయ్యారు. తమిళనాడు అధికారులు అప్రమత్తంగా వ్యవహరించి వెంటనే స్పందించి కేసులు నమోదు చేస్తుంటే.. మన జిల్లా వైద్య ఆరోగ్య శాఖ మాత్రం కనీసం కన్ను తెరవడం లేదు. అక్కడి యంత్రాంగం చూపిన చొరవలో పదో వంతు కూడా ఇక్కడి అధికారులు చూపకపోవడం విమర్శలకు తావిస్తోంది. మందుల షాపుల పాత్రపై ఆరా చట్టప్రకారం వైద్యుల ప్రిస్క్రిప్షన్‌ లేకుండా అమ్మకూడని ఎంటీపీ అబార్షన్‌ కిట్లు ఈ అక్రమార్కులకు ఎలా లభిస్తున్నాయనే దానిపై పోలీసులు ప్రత్యేక దృష్టి సారించారు. వీరికి సహకరిస్తున్న హోల్‌సేల్‌ మెడికల్‌ డిస్ట్రిబ్యూటర్లు, స్థానిక మెడికల్‌ షాపుల నిర్వాహకులు ఎవరు? గుట్టు చప్పుడు కాకుండా ఈ కిట్లను ఎలా చేరవేస్తున్నారు? అనే అంశాలపై జిల్లా పోలీసు వర్గాలు ఆరా తీస్తున్నా యి. లింగ నిర్ధారణ నిషేధ చట్టాన్ని కఠినంగా అమలు చేసి, ప్రాణాలతో చెలగాటమాడుతున్న ఈ ముఠాల పై, వారికి సహక రిస్తున్న అధికారులపై జిల్లా యంత్రాంగం కఠిన చర్యలు తీసుకోవాలని ప్రజలు డిమాండ్‌ చేస్తున్నారు.

వి.కోట: కుప్పం– వి.కోట జాతీయ రహదారిపై ద్విచక్రవాహనంపై వెళుతున్న యువకుడిని శుక్రవారం ఐషర్‌ వాహనం ఢీకొనడంతో మృతి చెందాడు. వివరాలు.. కుప్పం మండలం మారువాడకు చెందిన శేఖర్‌ (28) మదనపల్లిలో ఓ ప్రైవేట్‌ ఫైనాన్స్‌ సంస్థలో పనిచేస్తున్నాడు. గురువారం జరిగిన ఎన్నికల లో ఓటు వేయడానికి వచ్చి వి.కోట మీదుగా ద్విచక్రవాహనంలో మదనపల్లెకు తిరి గి వెళుతుండగా ప్రమాదం జరిగింది. ప్రమా దం జరిగిన స్థలం కర్ణాటక పరిధిలో ఉండడంతో బేత మంగళం పోలీసులు కేసు నమోదు చేసుకుని వివరాలను సేకరిస్తున్నారు. మరణంలోనూ వీడని బంధం – చికిత్సపొందుతూ జీవిత మృతి నగరి : నగరి మున్సిపల్‌ పరిధిలోని కాకవేడు ఎస్టీ కాలనీలో ఇద్దరు స్నేహితులు మౌనిక (15), జీవిత (17) విషపు గుళికలు మింగి ఆత్మహత్యకు యత్నించగా, మౌనిక మరణించడం, జీవిత కొన ఊపిరితో చికిత్స పొందుతూ ఉన్న విషయం విధితమే. అయితే పరిస్థితి విషమించడంతో జీవిత కూడా శుక్రవారం ఉదయం మృత్యుడికి చేరింది. ఎప్పుడూ స్నేహితురాలిని విడవని జీవిత మరణంలోను స్నేహితురాలి వెంటే వెళ్లిపోయింది. ఒకరు మృతి చెందగా, మరొకరైనా బతికి వస్తారని ఎదురుచూసిన గ్రామస్తులకు జీవిత ఇకలేదనే వార్త శోకంలో ముంచింది. జీవిత ప్రాణాలతో వస్తే అసలు నిజం బయటపడేదని ఇప్పుడు ఆ అవకాశం కూడా లేదని కాలనీవాసులు ఆవేదన వ్యక్తం చేశారు. కాగా, మృతుల్లో మౌనిక రెండు రోజు ల క్రితం మాస్కు ధరించి ఒక గుర్తు తెలియని వ్యక్తితో వెళుతుండగా చూశామని స్థానికులు చెబుతున్నారు. ఈ ఘటనపై పోలీసులు క్షేత్రస్థాయిలో విచారణ చేపట్టాలని, వాస్తవాలను వెలికితీయాలని కోరుతున్నారు.

తిరుమల: తిరుమలలో శుక్రవారం భక్తుల రద్దీ సాధారణంగా ఉంది. క్యూకాంప్లెక్స్‌లోని 11 కంపార్ట్‌మెంట్లలో భక్తులు వేచి ఉన్నారు. గురువారం అర్ధరాత్రి వరకు 65,218 మంది స్వామివారిని దర్శించుకున్నారు. 20,213మంది భక్తులు తలనీలాలు అర్పించారు. స్వామివారికి కానుకల రూపంలో హుండీలో రూ.3.63 కోట్లు సమర్పించారు. టైంస్లాట్‌ టిక్కెట్లు కలిగిన భక్తులకు సకాలంలో దర్శనం లభిస్తోంది. దర్శన టిక్కెట్లు లేని వారు స్వామిని దర్శించుకోవడానికి 8 గంటల సమయం పడుతోంది. ప్రత్యేక ప్రవేశ దర్శనం టిక్కెట్లు కలిగిన వారు 3 గంటల్లో స్వామిని దర్శించుకోగలుగుతున్నారు. ఇదిలా ఉంటే సర్వదర్శనం టోకెన్లు కలిగిన భక్తులు నిర్దేశించిన సమయానికి మాత్రమే క్యూలోకి వెళ్లాలని టీటీడీ విజ్ఞప్తి చేస్తోంది. కేటాయించిన సమయానికంటే ముందు వెళ్లిన వారిని క్యూలోకి అనుమతించరని స్పష్టంచేసింది. ట్రాక్టర్‌ కింద పడి వ్యక్తి మృతి గంగాధర నెల్లూరు : మండలంలోని వేల్కూరు పంచాయతీలో ట్రాక్టర్‌ కింద పడి ఓ వ్యక్తి శుక్రవారం మృతి చెందాడు. వివరాలు.. వేల్కూరు దళితవాడకు చెందిన మహేంద్ర (35 ) డ్రైవర్‌గా పనిచేసేవాడు. శుక్రవారం ఉదయం ట్రాక్టర్‌ తీసుకొని నీవా నది సమీపంలో వెళు తుండగా అదుపు తప్పి కింద పడ్డాడు. ట్రాక్టర్‌ చక్రాలు పైకి ఎక్కేయడంతో అక్కడికక్కడే మరణించాడు. స్థానికుల సమాచారం మేరకు పోలీసులకు ఘటనాస్థలానికి వెళ్లి మృతదేహాన్ని చిత్తూరు ప్రభుత్వాస్పత్రికి తరలించారు. కేసు నమోదు చేసి దర్యాప్తు చేస్తున్నారు. ప్రాణదాన ట్రస్ట్‌కు 660 మంది ఎంపిక తిరుపతి తుడా: టీటీడీ ఎస్వీ ప్రాణదాన ట్రస్ట్‌ కింద స్విమ్స్‌, బర్డ్‌ ఆస్పత్రుల్లో ఉచిత శస్త్రచికిత్సల కోసం 660 మంది పేద రోగులను ఎంపిక చేశారు. శుక్రవారం స్విమ్స్‌లో నిర్వహించిన ప్రాణదాన పథకం ఎంపిక కమిటీ సమావేశంలో పేద రోగులను కమిటీ పరీశీలించి ఎంపిక ప్రక్రియను పూర్తి చేసింది.

చిత్తూరు కలెక్టరేట్‌ : ఎన్నికల విధులను కవర్‌ చేస్తున్న జర్నలిస్టులపై భౌతిక దాడులకు పాల్పడిన నిందితులపై కఠినంగా వ్యవహరించి, తక్షణమే కేసులు నమోదు చేయాలని ఏపీయూడబ్ల్యూజే, చిత్తూరు ప్రెస్‌ క్లబ్‌ నేతలు డిమాండ్‌ చేశారు. తవణంపల్లిలో సాక్షి జర్నలిస్టు జగన్నాథం, పాలసముద్రంలో సాక్షి జర్నలిస్టు శేఖర్‌, వి.కోటలో అక్రమ్‌ అనే మండల విలేకరులపై జరిగిన దాడులను నిరసిస్తూ చిత్తూరు లోని జెడ్పీ కార్యాలయం ఎదుట పాత్రికేయులు ఆందోళన చేపట్టారు. అనంతరం ఏపీయూడబ్ల్యూజే జిల్లా అధ్యక్షుడు లోకనాథన్‌, చిత్తూరు ప్రెస్‌ క్లబ్‌ అధ్యక్షుడు రమేష్‌ బాబు ఆధ్వర్యంలో జర్నలిస్టులు జిల్లా ఎన్నికల అధికారి, కలెక్టర్‌ సుమిత్‌ కుమార్‌ గాంధీకి వినతిపత్రం అందజేశారు. విలేకరులపై జరిగిన దాడుల ఉదంతాలను కలెక్టర్‌కు వివరించారు. జర్నలిస్టులపై దాడుల నివారణకు ప్రత్యేకంగా ఒక కమిటీని ఏర్పాటు చేయాలని కోరారు. జర్నలిస్టుల విజ్ఞప్తిపై కలెక్టర్‌ వెంటనే స్పందించారు. దాడులకు పాల్పడిన బాధ్యులపై తక్షణమే ఎఫ్‌ఐఆర్‌ నమోదు చేయాలని ఎస్పీని ఆదేశించారు. అలాగే, గ్రామీణ విలేకరుల రక్షణ నిమిత్తం దాడుల నివారణ కమిటీ ఏర్పాటుపై వెంటనే తగిన చర్యలు తీసుకుంటామని హామీ ఇచ్చారు. ఏపీయూడబ్ల్యూజే జిల్లా కార్యదర్శి మురళీకృష్ణ ఆర్గనైజింగ్‌ కార్యదర్శి అశోక్‌ కుమార్‌, ఉపాధ్యక్షుడు మురహరి రెడ్డి, సంయుక్త కార్యదర్శి ఇషార్‌ అహ్మద్‌, ప్రెస్‌ క్లబ్‌ కార్యదర్శి కాళేశ్వర్‌ రెడ్డి, ఏపీ ఎలక్ట్రానిక్‌ మీడియా అసోసియేషన్‌ కార్యవర్గ సభ్యుడు మనోహర్‌ రెడ్డి, సీనియర్‌ జర్నలిస్టులు వీర రాఘవ నాయుడు, మూర్తి, మహేష్‌, ప్రెస్‌ క్లబ్‌ ఉపాధ్యక్షులు శివప్రసాద్‌, పవన్‌, జర్నలిస్టులు బాలసుందరం, రాజేష్‌, మురళి, హరీష్‌, తవణంపల్లి ప్రెస్‌ క్లబ్‌ అధ్యక్షుడు జగన్నాథం అప్పు, చంద్ర ప్రకాష్‌, శ్రీనివాసులు, చిరంజీవి, గుణ, శివ కుమార్‌, నాని పాల్గొన్నారు.

సాక్షి టాస్క్‌ఫోర్స్‌: చిత్తూరు కూటమి ఎమ్మెల్యే గురజాల జగన్‌మోహన్‌ పీఏ కుమారస్వామి అరాచకాలు రోజురోజుకూ మితిమీరిపోతున్నాయని నాయని చెరువు గ్రామస్తులు, వైఎస్సార్‌సీపీ శ్రేణులు మండిపడ్డారు. స్థానిక సంస్థల ఎన్నికల నేపథ్యంలో చిత్తూరు మండలం నాయని చెరువు గ్రామంలో గురువారం జరిగిన అరచకాలపై వారు ఆగ్రహం వ్యక్తంచేశారు. జెడ్పీటీసీ, ఎంపీటీసీ ఎన్నికల నేపథ్యంలో ఆయన తన సొంత నియోజకవర్గంలో రౌడీయిజం చెలాయిస్తున్నారని మండిపడ్డారు. అర్ధరాత్రి వేళల్లో వైఎస్సార్‌సీపీ నాయకుల ఇళ్లపైకి వెళ్లి విచక్షణారహితంగా బెదిరింపులకు గురిచేశారని మండిపడ్డారు. ‘‘ఎన్నికల రోజు బూత్‌లలో ఏజెంట్లుగా కూర్చుంటే ఒక్కడిని కూడా ప్రాణాలతో వదలం.. ఊరిపైకి వందలాది మంది రౌడీ మూకలను దించి చంపేస్తాం’’ అంటూ తీవ్ర స్థాయిలో భయాందోళనలు సృష్టించారని వాపోయారు. ప్రజాస్వామ్యబద్ధంగా జరగాల్సిన ఎన్నికలను అడ్డుకునేందుకు అధికార బలంతో విరవ్రీగుతున్న ఎమ్మెల్యే పీఏ కుమారస్వామిపై చిత్తూరు జిల్లా కలెక్టర్‌, పోలీస్‌ అధికారులు వెంటనే స్పందించి కఠిన చర్యలు తీసుకోవాలని కోరారు.

బంగారుపాళెం: చిత్తూరు జిల్లా బంగారుపాళెం మండలంలోని పాలేరు ఎంపీటీసీ సెగ్మెంట్‌లోని శేషాపురం పోలింగ్‌ కేంద్రంలో గురువారం వైఎస్సార్‌సీపీ ఏజెంట్‌పై టీడీపీ నాయకులు దాడి చేసి, బయటకు పంపి, యథేచ్ఛగా దొంగ ఓట్లు వేశారు. వివరాలు.. శేషాపురం పోలింగ్‌ కేంద్రం 32లో వైఎస్సార్‌సీపీ అభ్యర్థి త్రివేణి భర్త ఉమాపతి ఏజెంట్‌గా ఉన్నారు. సాయంత్రం 4.20 గంటల సమయంలో టీడీపీ నాయకుడు ఎన్‌పి విక్రమ్‌ 30 మంది అనుచరులతో పోలింగ్‌ కేంద్రానికి వచ్చి ఉమాపతిపై దాడికి పాల్పడ్డాడు. ఉమాపతిని పోలింగ్‌ కేంద్రం నుంచి వెలుపలికి లాక్కొచ్చి కొట్టడమే కాకుండా చొక్కాను సైతం చించివేశారు. అనంతరం యథేచ్ఛగా రిగ్గింగ్‌ చేశారు. దీన్ని ఆర్వో దృష్టికి తీసుకెళ్లినట్టు బాధితుడు చెప్పారు. అంతేకాకుండా విక్రం తనను కులం పేరుతో సైతం దూషించాడని పేర్కొన్నారు. అనంతరం వైఎస్సార్‌సీపీ నాయకులు, అభ్యర్థి త్రివేణితో కలసి ఆయన పోలీస్‌ స్టేషన్‌లో ఫిర్యాదుచేశారు. అలాగే, జంబువారిపల్లె ఎంపీటీసీ సెగ్మెంట్‌లోని బూత్‌ నంబర్‌ 24లో కూడా టీడీపీ నాయకులు దొంగ ఓట్లు వేశారు. టీడీపీ నాయకులు దొంగ ఓట్లు వేసిన పోలింగ్‌ కేంద్రాల్లో రీపోలింగ్‌ నిర్వహించాలని వైఎస్సార్‌సీపీ నాయకులు డిమాండ్‌చేశారు.

ఎన్నికల పారదర్శకతను నీటిమూటగా మారుస్తూ అధికార టీడీపీ నాయకుల అరాచకాలకు, అక్రమాలకు రెడ్‌ కార్పెట్‌ పరిచారు. ముందుస్తు ఒప్పందాలు, పథకం ప్రకారం పక్కా స్కెచ్‌ వేసి రిగ్గింగ్‌ జరిగే సమస్యాత్మక ప్రాంతాల్లో ఎటువంటి తనిఖీలు చేపట్టకుండా పోలీసులు పచ్చమూకలకు పూర్తి స్వేచ్ఛనిచ్చారు. చిత్తూరు కలెక్టరేట్‌ : ‘మేమేం చూడలేదు.. మేమేం వినలేదు.. మాకేం సంబంధం లేదు! ఇదీ జిల్లా వ్యాప్తంగా గురువారం జరిగిన జెడ్పీటీసీ, ఎంపీటీసీ ఎన్నికల పోలింగ్‌ పర్వంలో జిల్లా ఎన్నికల యంత్రాంగం, పోలీసు వ్యవస్థ అవలంబించిన బరితెగింపు ధోరణి! ప్రజాస్వామ్య వ్యవస్థకు వెన్నుముకలా నిలబడాల్సిన జిల్లా ఎన్నికల అధికారులు, పోలీసులు పచ్చ చొక్కాలకు దండం పెట్టి ప్రజాస్వామ్యాన్ని నడిరోడ్డుపై ఖూనీ చేశారు. సుప్రీంకోర్టు ఉత్తర్వులు కాగితాలకే పరిమితం! సుప్రీంకోర్టు ఆదేశాల ప్రకారం ప్రతి పోలింగ్‌ కేంద్రంలోనూ సీసీ కెమెరాల నిఘా పక్కాగా ఉండాలి. కానీ జిల్లాలో సుప్రీం కోర్టు ఉత్తర్వులకు పూర్తి విరుద్ధంగా వ్యవహరించారు. వైఎస్సార్‌సీపీ సానుభూతిపరులు, బలమైన ఓటు బ్యాంక్‌ ఉన్న ప్రాంతాల్లోని పోలింగ్‌ కేంద్రాల్లో సీసీ కెమెరాలను పెట్టకుండా ముందస్తు స్కెచ్‌ వేశారు.. కనీసం నిష్పాక్షికంగా వీడియో తీసే వీడియోగ్రాఫర్లను సైతం నియమించకుండా అలసత్వం వహించారు. ఎన్నికల ప్రిసైడింగ్‌ ఆఫీసర్లు, పోలీసుల కనుసన్నల్లో పోలింగ్‌ ప్రక్రియను రిగ్గింగ్‌ మయంగా మార్చేశారు. జిల్లా వ్యాప్తంగా ఉన్న 1,138 పోలింగ్‌ కేంద్రాల్లో దాదాపు 40 శాతానికి పైగా కేంద్రాల్లో సీసీ కెమెరాలు లేకుండా చేయడం వెనుక ఉన్న ముందస్తు కుట్ర కోణం పోలింగ్‌ రోజున అభ్యర్థుల ఆరోపణలతో బహిర్గతమైంది. తారా స్థాయిలో దొంగ ఓట్లు జెడ్పీటీసీ, ఎంపీటీసీ స్థానాలను ఎలాగైనా కై వసం చేసుకోవాలన్న దురాశతో టీడీపీ శ్రేణులు సృష్టించిన అరాచకం అంతా ఇంతా కాదు. ఓటర్ల జాబితాలో సవరణలు జరగకముందున్న పాత జాబితాను ఆసరాగా చేసుకుని అక్రమాలకు పాల్పడ్డారు. జిల్లాలో ఇటీవల నిర్వహించిన సర్‌ ప్రక్రియలో శాశ్వతంగా ఇతర ప్రాంతాలకు వలస వెళ్లిన ఓటర్లు 55,773 మంది, మృతి చెందిన ఓటర్లు 42,337 మంది ఉన్నట్లు లెక్క తేలింది.ప్రస్తుతం జరిగిన పోలింగ్‌ లో సర్‌ ప్రక్రియకు ముందు ఓటర్ల జాబితాను ప్రచురించారు. దీంతో మృతులు, శాశ్వతంగా వలస వెళ్లిన ఓటర్ల స్థానంలో దొంగ ఓటర్లను దింపి తారా స్థాయిలో రిగ్గింగ్‌కు పాల్పడ్డారు. మండలాల్లో దొంగ ఓట్లు వేసేందుకు వెళ్లిన అర్బన్‌ ఓటర్లను వైఎస్సార్‌సీపీ నాయకులు, కార్యకర్తలు అడ్డుకునేందుకు ప్రయత్నించారు. ఆ సమయంలో విధుల్లో ఉన్న పోలీసులు రక్షణగా నిలవాల్సింది పోయి దొంగ ఓటర్లకు మద్ధతుగా వైఎస్‌ఆర్‌సీపీ నాయకులపై దౌర్జన్యం చేశారు. పట్టణ ప్రాంతాల నుంచి కుప్పలు, తెప్పలుగా.. జిల్లాలోని మున్సిపాలిటీల్లో ఎన్నికలు ముగియడంతో వేల సంఖ్యలో దొంగ ఓటర్లను గ్రామాలకు తరలించారు. ఇందుకు టీడీపీ ముఖ్య నాయకులు అధ్యక్షత వహించారు. పట్టణ ప్రాంతాల నుంచి ట్రాక్టర్లు, ప్రైవేట్‌ బస్సుల్లో వేల సంఖ్యలో దొంగ ఓటర్లను గ్రామీణ మండలాలకు తరలించారు. ప్రాణాలతో లేనివారి పేరుతోనూ, ఊరు విడిచి వెళ్లినవారి పేరుతోనూ గుంపులు గుంపులుగా చొరబడి దొంగ ఓట్లు వేశారు. దొంగ ఓటర్లు వెళ్లినప్పుడు అడ్డు చెప్పకుండా ఉండేందుకు ప్రత్యర్థి పార్టీల ఏజెంట్‌లను భయాందోళనలు సృష్టించి తరిమివేశారు. ఓటరు గుర్తింపు కార్డులను సైతం సరిగా తనిఖీ చేయకుండా పీవోల కళ్లెదుటే దొంగ ఓటర్లకు ‘రెడ్‌ కార్పెట్‌’ పరిచి ఓట్లేయించడం శోచనీయం. పారదర్శకత కరువు. జిల్లా వ్యాప్తంగా గురువారం ఉదయం 7 గంటల నుంచి సాయంత్రం 5 గంటల వరకు పోలింగ్‌ నిర్వహించారు. మొత్తం 9,46,426 మంది ఓటర్లు ఉన్న ఈ పరిషత్‌ పరిధిలో అధికారులు ప్రతీ రెండు గంటలకొకసారి పోలింగ్‌ శాతాన్ని ప్రకటించినప్పటికీ, ఆ గణాంకాల్లో పారదర్శకత కరువైందని ఓటర్లు ఆరోపిస్తున్నారు. దొంగ ఓట్లు, రిగ్గింగ్‌ ఓట్ల ఆధారంగా నమోదు చేసిన పోలింగ్‌ శాతంతో ప్రజాస్వామ్యం పూర్తిగా ఖూనీ అయిందని దుమ్మెత్తిపోస్తున్నారు. కాగా పరిషత్‌ ఎన్నికల పోలింగ్‌లో 9,46,426 మంది ఓటర్లకు గాను 7,22,159 మంది ఓటు హక్కును వినియోగించుకున్నారు. 76.3 శాతం పోలింగ్‌ నమోదైంది. సమయం నమోదైన నమోదైన ఓట్లు ఓటింగ్‌ శాతం ఉదయం 9 గంటలకు 1,33,503 14.11 ఉదయం 11 గంటలకు 3,12,038 32.97 మధ్యాహ్నం 1 గంటకు 4,75,976 50.29 మధ్యాహ్నం 3 గంటలకు 6,07,437 64.18 సాయంత్రం 5 గంటలకు 7,22,159 76.3

సాక్షి, చిత్తూరు: మునిసిపల్‌ ఎన్నికల్లో టీడీపీ నేతల దౌర్జన్యకాండ చూసిన ప్రజలు నివ్వెరపోయారు. కానీ ప్రాదేశిక పోరులో పచ్చ పార్టీ నేతల గూండాగిరి, రౌడీయిజం చూసిన జనం.. మనం ప్రజాస్వామ్యంలో ఉన్నామా..? అనే అనుమానాన్ని వ్యక్తంచేస్తున్నారు. గురువారం జిల్లాలో జరిగిన జెడ్పీటీసీ–ఎంపీటీసీ ఎన్నికల్లో పచ్చమూకలు హింసాకాండ మధ్య రక్తపాతం సృష్టించారు. టీడీపీ నాయకులు వైఎస్సార్‌సీపీ శ్రేణులపై దాడులకు పాల్పడ్డారు. ఏజెంట్లను బూత్‌ల్లోకి రానివ్వకుండా అడ్డుకున్నారు. అధికార పార్టీ ఆధిపత్యం చూపించడానికి అక్రమ మార్గాలను ఎంచుకున్నారు. శాంతిభద్రతలను రక్షించాల్సిన పోలీసులు.. జిల్లాలో జరిగిన అన్యాయాలకు మౌనంతో సాక్ష్యంగా నిలిచారు. గుడిపాలలో గూండాగిరి జిల్లాలో ఎక్కడాలేని విధంగా చిత్తూరు నియోజకవర్గంలోని గుడిపాలలో టీడీపీ మూకలు రెచ్చిపోయాయి. ఎమ్మెల్యే గురజాల జగన్‌మోహన్‌ నాయుడు సొంత మండలం కావడంతో అక్రమ మార్గాల్లో ఓట్లు రిగ్గింగ్‌ చేసుకోవడానికి తొలినుంచి గుడిపాలపై దృష్టిపెట్టారు. చిత్తూరు నగరం నుంచి వేలాది మందిని బస్సులు, సుమోల్లో దొంగ ఓట్లు వేయడానికి గుడిపాలకు తీసుకొచ్చారు. కొత్తపల్లెలో టీడీపీ జెడ్పీటీసీ అభ్యర్థి భర్త ఈశ్వర్‌ నాయుడు తన బౌన్సర్లతో వచ్చి కూర్చుని రిగ్గింగ్‌కు పాల్పడ్డాడు. అడ్డొచ్చిన వైఎస్సార్‌సీపీ కార్యకర్తలను చావబాదారు. బొమ్మసముద్రంలో బీజేపీ ఎంపీటీసీ అభ్యర్థి సాయిప్రతాప్‌పై ఎమ్మెల్యే అనుచరులు చిత్తూరు వన్‌ టౌన్‌ సీఐ చిన్నపెద్దయ్య ఎదుటే దాడిచేశారు. కట్టకిందపల్లె గ్రామంలో మాజీ పంచాయతీ అధ్యక్షుడు, వైఎస్సార్‌సీపీ నాయకుడు సుధాకర్‌చౌదరి సతీమణిపై టీడీపీ నేతలు పిడిగుద్దులు గుద్దారు. చిత్తపార, వెంగమాంబపురం, పాపసముద్రంలో వైఎస్సార్‌సీపీ సానుభూతి పరులపై ఎస్‌ఐ రామ్మోహన్‌ దౌర్జన్యంగా వ్యవహరించారు. పెనుమూరులో.. గంగాధనెల్లూరు నియోజకవర్గంలోని పెనుమూరు మండలంలో గొడుగుమానేపల్లెలో ఓటు వేసి బయటకు వస్తున్న వైఎస్సార్‌సీపీ కార్యకర్త యుగంధర్‌పై పులికల్లు టీడీపీ నేత ప్రసాద్‌ దాడికి పాల్పడి, రక్తం వచ్చేలా కొట్టాడు. – పలమనేరు నియోజకవర్గం బైరెడ్డిపల్లెలో నాగిరెడ్డిపల్లెలో భారీ ఎత్తున టీడీపీ మూకలు దొంగ ఓట్లను వేయడానికి వచ్చారు. గ్రామస్తులు అడ్డుకోవడంతో, పోలీసులు చెదరగొట్టారు. వి.కోట మండలం మర్రిమాకులపల్లె, గంగవరం మండలం మేలుమాయి పల్లెలోనూ టీడీపీ గూండాలు దౌర్జన్యాలు చేస్తుంటే పోలీసులు ప్రేక్షకపాత్ర వహించారు. గ్రామాల్లోని ప్రజలే టీడీపీ గూండాలపై తిరగబడ్డారు. – నగరి నియోజకవర్గం విజయపురం మండలం పోతులరాజు కండ్రిగలో టీడీపీ నేతలు బూత్‌ను ఆక్రమించుకుని రిగ్గింగ్‌కు పాల్పడ్డారు. వైఎస్సార్‌సీపీ, బీజేపీ నేతలను బయటకు పంపించేశారు. పాత్రికేయులపై దాడులు తవణంపల్లె మండలంలోని పట్నం పంచాయతీలో టీడీపీ నేతలు రిగ్గింగ్‌కు పాల్పడుతుంటే సాక్షి రిపోర్టర్‌ జగన్నాధం వాటిని తన మొబైల్‌లో ఫోటోలు తీశారు. దీనిపై ఆగ్రహించిన టీడీపీ మూకలు జగన్నాధంపై పిడిగుద్దులు కురిపించారు. ఆయన్ను గోడకు వేసి కొట్టారు. ఆపై చేతిలో ఉన్న మొబైల్‌ను లాక్కును ధ్వసం చేశారు. పాలసముద్రం మండలం బలిజకండ్రిగలో గంగాధర నెల్లూరు ఎమ్మెల్యే థామస్‌ అనుచరులు పోలింగ్‌ బూత్‌లో రిగ్గింగ్‌ చేస్తుండగా సాక్షి రిపోర్టర్‌ శేఖర్‌ తన మొబైల్‌లో చిత్రీకరిస్తున్నారు. ఆగ్రహించిన టీడీపీ గూండాలు శేఖర్‌పై దాడిచేసి, మొబైల్‌ను ధ్వంసం చేశారు. సీఎం నివాసం ఉంన్న కడపల్లె సెగ్మెంట్‌లో వైఎస్సార్‌సీపీ ఏజెంట్లను బయటకు పంపించేసిన పోలీసులు, టీడీపీ నేతల చేత దగ్గరుండి రిగ్గింగ్‌ చేయించారు. ఆగ్రహించిన వైఎస్సార్‌సీపీ శ్రేణులు పలమనేరు–కుప్పం జాతీయ రహదారిపై నిరసన వ్యక్తం చేశాయి. కుప్పంలోని శాంతిపురం మండలం శివరామపురం గ్రామంలో మాజీ వైస్‌ ఎంపీపీ రమేష్‌ను పోలీసులు అదుపులోకి తీసుకున్నారు. రామకుప్ప మండలం బందార్లపల్లి పంచాయతీ బూత్‌ నెంబర్‌ 14, 15 కంచి దాసనపల్లి, లింగాపురం, వైఎస్సార్‌సీఈ తరఫున ఏజెంట్లుగా వెళ్లిన మహేష్‌, సోమశేఖర్‌ ఇద్దరినీ టీడీపీ గూండాలు అడ్డుకుని దౌర్జన్యం చేశారు. ఎంకే పురం సెగ్మెంట్‌ కృష్ణాపురం, కర్లగట్ట, రాళ్లబూదుగూరు బూత్‌ల్లో వైఎస్సార్‌సీపీ కార్యకర్తలను ఏజెంట్లను పోలీసులు అదుపులోకి తీసుకున్నారు. దీంతో ఇక్కడ పోలింగ్‌ బూత్‌లను టీడీపీ నేతలు తమ చేతుల్లోకి తీసుకున్నారు.

సాక్షి టాస్క్‌ఫోర్స్‌: పరిషత్‌ ఎన్నికల్లోనూ టీడీపీ గూండాలు అరాచకం సృష్టించారు. తిరుపతి జిల్లా రైల్వేకోడూరు, పెనగలూరు మండలం, నల్లపురెడ్డిపల్లి పోలింగ్‌ బూత్‌లోకి ఏజెంట్‌ వెళ్తుండగా టీడీపీ మూకలు అడ్డుకున్నాయి. అనంతరం పోలీసుల సమక్షంలోనే పెట్రోల్‌ బాంబులు వేసి విధ్వంసం సృష్టించాయి. పెనగలూరు మండలంలో ఎప్పడూలేని విధంగా టీడీపీ, జనసేన నాయకులు రౌడీ మూకలతో అల్లర్లు సృష్టించారు. బయట ప్రాంతాల నుంచి నల్లపురెడ్డిపల్లికి దాదాపు యాభై నుంచి అరవై మంది వరకు రౌడీలు గ్రామంలో తిష్టవేశారు. పెట్రో బాంబులు విసిరారు. ముగ్గురు వ్యక్తులకు గాయాలయ్యాయి. తలకు గాయం కావడంతో దాదాపు ఐదు కుట్లు వేసి వైద్య పరీక్షలు చేయించుకున్నారు. అలాగే మరో వ్యక్తికి కాలికి గాయం కావడంతో నాలుగు కుట్లు వేశారు. మరో వ్యక్తికి చేతికి, మెడకు రాళ్ల దెబ్బలు తగలడంతో ఆసుపత్రికి వెళ్లి చికిత్స చేయించుకున్నారు. మండలంలో ఎప్పుడు ఎన్నికలు జరిగినా గెలుపు, ఓటములు ఓటర్లు నిర్ణయిస్తారనుకునేవారు, కానీ ఈసారి ఎన్నికల్లో గూడాయిజంతోనే కూటమి నేతలు గెలవాలని ఎత్తుకు పైఎత్తులు వేశారు. నామినేషన్‌ నుంచి గూండాలను వందల సంఖ్యలో పిలిపించి అల్లర్లు సృష్టించారు. అదే ఎన్నికల రోజు కూడా అల్లర్లు సృష్టించి ఏజెంట్లను బూత్‌లలోకి రానియ్యకుండా భయబ్రాంతులను చేసి రిగ్గింగ్‌ చేయాలని టిడిపి నాయకులు ప్లాన్‌ చేశారు. వైఎస్సార్‌సీపీ నాయకులు తిప్పి కొట్టడంతో తిరిగి ఎన్నికలు జరిగాయి. ఏది ఏమైనప్పటికీ పెనగలూరు మండలంలో పెట్రోల్‌ బాంబులు వేయడం ఇదే మొదటిసారి కావడం గమనార్హం.

విజయపురం (నగరి): విజయపురం మండలం పోతురాజులు కండ్రిగలో పోలింగ్‌ సజావుగా జరగలేదని బీజేపీ రాష్ట్ర కార్యవర్గ సభ్యుడు చిలకం ఈశ్వర్‌ ప్రసాద్‌ ఆరోపించారు. గురువారం మండలంలోని మంగళంలో మీడియాతో మాట్లాడుతూ.. విజయపురం మండలంలోని కేవీపురం, జగన్నాథపురం ఎంపీటీసీ స్థానాల నుంచి బీజేపీ అభ్యర్థులు పోటీలో ఉన్నారని తెలిపారు. పోలింగ్‌ సరళిని పరిశీలించేందుకు వెళ్లిన జగన్నాథపురం బీజేపీ ఎంపీటీసీ అభ్యర్థి బుజ్జిని టీడీపీ నాయకులు అడ్డుకున్నారని ఆరోపించారు. పోలింగ్‌కు వచ్చిన ఓటర్ల నుంచి స్లిప్పులు తీసుకుని ఇతరులే ఓట్లు వేయడం సరికాదన్నారు. గతంలోనూ ఇలాంటి ఫిర్యాదులు రావడంతో చెంగమనాయుడు కండ్రిగలో ప్రత్యేక పోలింగ్‌ కేంద్రం ఏర్పాటు చేశారని, తిరిగి దానిని రద్దుచేసి పోతురాజులు కండ్రిగలోనే పోలింగ్‌ కేంద్రాన్ని కొనసాగించడం పలు అనుమానాలకు తావిస్తోందన్నారు. వెబ్‌ కెమెరాలు ఏర్పాటు చేసినప్పటికీ అక్రమాలకు అడ్డుకట్ట పడలేదన్నారు. మృతిచెందిన వారి పేర్లతో పాటు ఇతర ప్రాంతాల్లో నివసిస్తున్న వారి ఓట్లను కూడా వేసినట్లు ఆరోపించారు. ఈ వ్యవహారంపై జిల్లా కలెక్టర్‌, ఆర్డీవో, రిటర్నింగ్‌ అధికారికి ఫిర్యాదు చేసినట్లు తెలిపారు. అక్రమాలపై ప్రశ్నించిన తమను హౌస్‌ అరెస్టు చేశారని ఆగ్రహం వ్యక్తంచేశారు. పోతురాజులు కండ్రిగలో పోలింగ్‌ అప్రజాస్వామికంగా జరిగిందని, దీనిపై ఎన్నికల కమిషన్‌కు ఫిర్యాదు చేయనున్నట్లు వెల్లడించారు. ఎన్నికలను రద్దుచేసి, తిరిగి రీపోలింగ్‌ నిర్వహించాలని ఆయన డిమాండ్‌ చేశారు. ప్రజాస్వామ్యాన్ని అపహస్యం కార్వేటినగరం: కూటమి ప్రభుత్వం అధికారానికి వచ్చాకా ప్రజాస్వామ్యాన్ని అపహస్యం చేస్తోందని మాజీ ఉప ముఖ్యమంత్రి కళత్తూరు నారాయణస్వామి అన్నారు. ప్రాదేశిక ఎన్నికల్లో భాగంగా గురువారం తమ స్వగ్రామం పాదిరికుప్పంలో నారాయణస్వామి తన ఓటు హక్కును వినియోగించుకున్నారు. అనంతరం మీడియాతో మాట్లాడుతూ కూటమి ప్రభుత్వం అధికారానికి వచ్చాక రాష్ట్రంలో అంబేడ్కర్‌ రాజ్యాంగాన్ని కాళరాసి రెడ్‌బుక్‌ రాజ్యాంగాన్ని అమలుచేస్తున్నారని అన్నారు. నామినేషన్‌ సమయంలో ప్రతిపక్షాన్ని నామినేషన్లు వేయకుండా కిరాయి గూండాలను పురమాయించి భౌతిక దాడులకు పాల్పడ్డారని, ఎన్నికల్లో కూడా అదే విధంగా ఇతర రాష్ట్రాల నుంచి గంజాయి బ్యాచ్‌లను దింపి, స్థానికులపై గంజాయి కేసులు పెట్టాలని ప్రజాప్రతినిధి చెప్పడం దారుణమన్నారు. అదే విధంగా పెనుమూరు మండలంలో వైఎస్సార్‌సీపీకి బలమైన నాయకులైన బండికమలాకర్‌రెడ్డి, కంచర్ల చక్రవర్తి నాయుడు, జ్యోతినాఽథరెడ్డిని బలవంతంగా కేసులు పెట్టి అరెస్టులు చేయించారని, అలాంటి అక్రమ కేసులకు భయపడే ప్రసక్తే లేదన్నారు. వైఎస్సార్‌సీపీ విజయానికి జగనన్న సైన్యం ఈ కేసులకు వెనుకాడబోదని హెచ్చరించారు. అనంతరం మండలంలో జరుగుతున్న పోలింగ్‌ బూత్‌లను సందర్శించారు.

చిత్తూరు కలెక్టరేట్‌ : జిల్లా వ్యాప్తంగా ఈ నెల 7 వ తేదీన జెడ్పీటీసీ, ఎంపీటీసీ ఎన్నికల ఓట్ల లెక్కింపు (కౌంటింగ్‌) ప్రక్రియ నిర్వహించనున్నారు. ఈ ప్రక్రియకు అధికారులు ఏర్పాట్లు చేపడుతున్నారు. జిల్లా కేంద్రంలోని పీవీకేఎన్‌ ప్రభుత్వ డిగ్రీ కళాశాలలో (చిత్తూరు, పుంగనూరు నియోజకవర్గంలోని రొంపిచెర్ల, పులిచెర్ల మండలాలు), సీతమ్స్‌ ఇంజనీరింగ్‌ కళాశాలలో (గంగాధరనెల్లూరు నియోజకవర్గం), ఎస్వీ సెట్‌ ఇంజనీరింగ్‌ కళాశాలలో (పూతలపట్టు), ప్రభుత్వ ఒకేషనల్‌ కళాశాల కుప్పంలో (కుప్పం నియోజకవర్గం), ఎస్‌వీసీఆర్‌ ప్రభుత్వ డిగ్రీ కళాశాల పలమనేరులో (పలమనేరు నియోజకవర్గం) ఓట్ల లెక్కింపు ఉంటుందని అధికారులు వెల్లడించారు. గుర్తించిన ఆయా కేంద్రాల్లో శనివారం ఉదయం 8 గంటల నుంచి ఓట్ల లెక్కింపు ప్రారంభించనున్నారు. ఓట్ల లెక్కింపునకు 1,437 మంది సిబ్బందిని నియమిస్తున్నారు. మహిళల ఓట్లే అధికం చిత్తూరు కలెక్టరేట్‌ : జిల్లా వ్యాప్తంగా ఈ నెల 5 వ తేదీన నిర్వహించిన జెడ్పీటీసీ, ఎంపీటీసీ ఎన్నికల్లో మహిళల ఓట్లే అధికంగా నమోదయ్యాయి. ఈ మేరకు గురువారం రాత్రి జిల్లా పరిషత్‌ అధికారులు పోలింగ్‌ వివరాలను వెల్లడించారు. జిల్లా వ్యాప్తంగా 27 మండలాల్లో జెడ్పీటీసీ, ఎంపీటీసీ ఎన్నికలకు 9,46,426 మందికి గాను 7,22,159 మంది ఓట్లు వేశారు. జిల్లా వ్యాప్తంగా 76.30 శాతం పోలింగ్‌ నమోదైనట్లు చెప్పారు. మహిళలు 4,78,320 మందికి గాను 3,64,570 మంది, పురుషులు 4,68,082 మందికి గాను 3,57,583 మంది, ఇతరులు 24 మందికి గాను 6 మంది ఓటు హక్కును వినియోగించుకున్నారని తెలిపారు. జిల్లాలో పురుషుల కంటే మహిళలే అధికంగా ఓటు హక్కును సద్వినియోగం చేసుకున్నారని అధికారులు వెల్లడించారు. అత్యధికంగా బైరెడ్డిపల్లి మండలంలో 82.50 శాతం పోలింగ్‌ నమోదు కాగా, తర్వాత స్థానాల్లో గుడుపల్లి (80.75), శాంతిపురం (80.50 శాతం), పలమనేరు (80.47 శాతం), పెనుమూరు (80.12 శాతం), గంగవరం (79.62) శాతం ఓటింగ్‌ నమోదైనట్లు తెలిపారు. అత్యల్పంగా పూతలపట్టు (67), రామకుప్పం (69.27) శాతం ఓటింగ్‌ నమోదైందన్నారు. కాగా ఈ ఎన్నికల్లో అధికంగా రిగ్గింగ్‌ అయిన విషయం విదితమే. ఎన్నికల అధికారులు వెల్లడించిన నివేదికల ప్రకారం జెడ్పీటీసీ, ఎంపీటీసీ ఎన్నికల్లో 2,24,267 మంది ఓటు హక్కును వినియోగించుకోలేదు. అస్వస్థతకు గురైన ఏపీవో బంగారుపాళెం: మండలంలోని జంబువారిపల్లె ఎంపీటీసీ సెగ్మెంట్‌ పరిధిలోని పోలింగ్‌ కేంద్రంలో ఎన్నికల విధులు నిర్వహించేందుకు వచ్చిన ఏపీవో అంబేడ్కర్‌ అస్వస్థతకు గురయ్యారు. స్థానిక ఎంపీటీసీ ఎన్నికల్లో భాగంగా మార్కెట్‌ యార్డు ఆవరణలో ఉనన పోలింగ్‌ కేంద్రం 24 లో చిత్తూరు పీసీఆర్‌ కళాశాలలో పనిచేస్తున్న తమిళ అధ్యాపకుడు అంబేడ్కర్‌ ఏపీవోగా విధులు నిర్వహించేందుకు వచ్చారు. ఈ క్రమంలో గురువారం సాయంత్రం పొలింగ్‌ కేంద్రంలో తీవ్ర అస్వస్థతకు గురయ్యారు. దాంతో ఆయనను స్థానిక ప్రభుత్వ ఆసుపత్రికి తరలించారు. ఆర్‌వో లక్ష్మి డాక్టర్‌లో మాట్లాడి మెరుగైన వైద్యం అందించాలని సూచించారు. టీడీపీ నాయకుడిపైనే పచ్చ మూకల దాడి సాక్షి టాస్క్‌ఫోర్స్‌: చిత్తూరు మండలం దిగువమాసపల్లి పోలింగ్‌ కేంద్రం వద్ద ఉన్న టీడీపీ నేత కుమార్‌పై గురువారం ఆ పార్టీకి చెందిన గూండాలు విచక్షణారహితంగా దాడి చేశారు. ఈ దారుణ దాడిలో కుమార్‌ తల తీవ్రంగా పగిలి రక్తం ఓడింది. రక్తగాయాలతో పడి ఉన్న బాధితుడిని స్థానిక గ్రామస్తులు వెంటనే ఆస్పత్రికి తరలించారు. స్థానిక ఎన్నికల్లో టీడీపీ రెబల్‌ అభ్యర్థికి మద్దతుగా, ఆయన అనుచరుడిగా వ్యవహరిస్తున్నాడనే కక్షతోనే పచ్చ నేతలు పక్కా ప్రణాళిక ప్రకారమే ఈ రక్తపాతానికి ఒడిగట్టారని గ్రామస్తులు ఆరోపిస్తున్నారు. సొంత పార్టీ నాయకుడిపైనే గూండాలు చేసిన అరాచకాన్ని చూసి దిగువమాసపల్లి గ్రామస్తులంతా ఏకమయ్యారు. అన్యాయాన్ని నిలదీస్తూ గూండా ముఠాపై ఏకమై తిరగబడ్డారు. దాడికి వచ్చిన గూండాల కార్లను ధ్వంసం చేసి, వారిని గ్రామం నుంచి తరిమితరిమి కొట్టారు. గ్రామస్తుల తిరుగుబాటుతో భయపడిన పచ్చ మూకలు పరుగులు తీశాయి. ఈ ఘటనతో దిగువమాసపల్లిలో తీవ్ర ఉద్రిక్త వాతావరణం నెలకొంది.

పలమనేరు : ఈ ఎన్నికల్లో తమ అభ్యర్థులకు ఇబ్బంది పెట్టిన టీడీపీ నాయకులకు రాబోవు రోజుల్లో అసలు, వడ్డీ తప్పక చెల్లిస్తామని వైఎస్సార్‌ సీపీ జిల్లా అధ్యక్షుడు ఎన్‌.వెంకటేగౌడ హెచ్చరించారు. ఆయన బుధవారం స్థానిక పార్టీ కార్యాలయంలో మున్సిపల్‌ ఎన్నికల్లో బరిలో నిలిచిన అభ్యర్థులతో సమావేశమయ్యారు. ఎన్నికల్లో కూటమి నేతల దౌర్జన్యాలను ఎదిరించి పోరాడినందుకు కృతజ్ఞతలు తెలిపారు. ఆయన మాట్లాడుతూ మున్సిపల్‌ నామినేషన్ల నుంచి పోలింగ్‌ వరకు కూటమి నేతల బెదిరింపులు సాగాయన్నారు. మహిళలపైనా బెదిరింపులకు దిగారని తెలిపారు. ఎన్నికల్లో పోలింగ్‌ బూత్‌ల నుంచి ఏజెంట్లను బయటకు పంపడం, దొంగ ఓట్లు వేసుకోవడం చేశారని, జాతీయ మీడియా ఏపీ ఎన్నికల తీరును చూసి ఏకిపారేస్తోందన్నారు. ఇలాంటి ఎన్నికలు చేసే బదులు నామినేటెడ్‌ పోస్టులు ఇచ్చుకోడం మేలని చురకలింటించారు. మున్సిపాలిటీలో బరిలో నిలచి గెలిచిన, ఓడిన అభ్యర్థులను ఎన్నటికీ మరువనని, వారికే మళ్లీ అవకాశం ఉంటుందన్నారు. అధికారం మళ్లీ రాదని కూటమి నేతలకు అర్థమైందని, అందుకే అక్రమాలకు దిగుతున్నారని పేర్కొన్నారు. 2029లో అధికారం వైఎస్సార్‌ సీపీదేనని, అప్పుడు మీ పరిస్థితి ఎలా ఉంటుందో ఒకసారి ఆలోచించుకోవాలన్నారు. కార్యక్రమంలో మురళీకృష్ణ, చెంగారెడ్డి, జాఫర్‌, కమాల్‌, రాజేష్‌, శ్యామ్‌, వీరభద్ర, నియాజ్‌, సల్మా, హైదర్‌, పురుషోత్తం పాల్గొన్నారు. శ్రీవారి దర్శనానికి 6 గంటలు తిరుమల: తిరుమలలో బుధవారం భక్తుల రద్దీ సాధారణంగా ఉంది. క్యూకాంప్లెక్స్‌లోని 4 కంపార్టుమెంట్లలో భక్తులు వేచి ఉన్నారు. మంగళవారం అర్ధరాత్రి వరకు 72,806 మంది స్వామిని దర్శించుకున్నారు. 18,564 మంది భక్తులు తలనీలాలు అర్పించారు. స్వామివారికి కానుకల రూపంలో హుండీలో రూ. 3.63 కోట్లు లభించాయి. టైంస్లాట్‌ టిక్కెట్లు కలిగిన భక్తులకు సకాలంలో దర్శనమవుతోంది. దర్శన టిక్కెట్లు లేని వారికి 6 గంటలు పడుతోంది. ప్రత్యేక ప్రవేశ దర్శనం టిక్కెట్లు ఉన్న వారు 3 గంటల్లో స్వామిని దర్శించుకుంటున్నారు. ఇదిలా ఉండగా సర్వదర్శనం టోకెన్లున్న భక్తులు నిర్దేశించిన సమయానికి మాత్రమే క్యూలోకి వెళ్లాలని టీటీడీ విజ్ఞప్తి చేసింది. ముందుగా వెళ్లిన వారిని క్యూలోకి అనుమతించేది లేదని స్పష్టం చేసింది.

కుప్పం: ఎవరూ అధైర్య పడొద్దు, అండగా ఉంటాం అని కుప్పం మున్సిపాలిటీ వైఎస్సార్‌ సీపీ నాయకులకు మాజీ మంత్రి పెద్దిరెడ్డి రామచంద్రారెడ్డి, ఎంపీ మిథున్‌రెడ్డి భరోసా ఇచ్చారు. ఆ పార్టీ నాయకులు బుధవారం మాజీ మంత్రితోపాటు ఎంపీని తిరుపతిలో కలిసి కుప్పం మున్సిపాలిటీలో ఓట్ల లెక్కింపు సందర్భంగా మంగళవారం జరిగిన దౌర్జన్య కాండను వివరించారు. నామినేషన్ల పర్వం నుంచి పరిశీలన వరకు జరిగిన కిడ్నాప్‌లు, నామినేషన్‌ పత్రాల చింపివేత, బలవంతపు ఉపసంహరణలు, ఎన్నికల్లో జరిగిన దాడులు, దౌర్జన్యాల గురించి తెలియజేశారు. ఓట్ల లెక్కింపు సందర్భంగా ఏజెంట్లను బయటికి పంపి అధికారులు, కూటమి నాయకులు ఇష్టానుసారంగా వ్యవహరించిన తీరును తెలిపారు. తమ అభ్యర్థులకు అత్యధికంగా ఓట్లు వచ్చినా చివరి ఫలితాల్లో ఓడిపోయినట్లు ఆర్వో డిక్లరేషన్‌ ఇచ్చారని వాపోయారు. రామచంద్రారెడ్డి, మిథున్‌రెడ్డి స్పందించి ఎవరూ అధైర్య పడొద్దని, వచ్చేది మన ప్రభుత్వమేనని, తప్పక న్యాయం చేస్తామని హామీ ఇచ్చినట్లు నాయకులు చెప్పారు. ఎవరైతే అధికారులు కూటమి ప్రభుత్వానికి అండగా ఉంటూ వైఎస్సార్‌ సీపీ శ్రేణులపై దాడులు, దౌర్జన్యాలకు దిగుతున్నారో వారిపై 2029 ఎన్నికల తర్వాత విచారణ చేసి చట్టపరంగా శిక్షిస్తామని ధైర్యం చెప్పారు. ఎన్ని ఇబ్బందులు పెట్టినా తాము ఉన్నామని, మీకు అండగా ఉంటామని భరోసా ఇచ్చారు. మాజీ మంత్రిని కలిసిన వారిలో మున్సిపల్‌ అధ్యక్షులు హఫీజ్‌, ఉపాధ్యక్షులు మునిరాజు, చైర్మన్‌ అభ్యర్థి విజయ్‌కుమార్‌, కౌన్సిలర్‌ అభ్యర్థులు సీపీ మనోహర్‌, హనుమంతు, ప్రభాకర్‌ ఉన్నారు.

రాష్ట్రంలో ప్రజాస్వామ్య విలువలను కాలరాస్తూ గుండాయిజమే పరమావధిగా మున్సిపల్‌ ఎన్నికల్లో కూటమి అరాచక పర్వానికి తీసిన విషయం విదితమే. ఈ క్రమంలో గురువారం జెడ్పీటీసీ, ఎంపీటీసీ ఎన్నికలకు అధికార యంత్రాంగం ౖపైపె ఏర్పాట్లను చూపిస్తున్నా తెరవెనుక అధికార కూటమి అరాచక శక్తులు బరితెగించేందుకు సిద్ధమయ్యాయి. పోలీసు వ్యవస్థను జేబు సంస్థగా మార్చుకుని పోలింగ్‌ను ఏకపక్షంగా చేసుకునేందుకు రంగం సిద్ధంచేసుకున్నాయి. ప్రజా తీర్పును అధికార బూటు కాళ్ల కింద తొక్కేయాలని చూస్తున్న కూటమి అసాంఘిక శక్తులను తరిమికొట్టాలని ప్రజాస్వామ్యవాదులు పిలుపునిస్తున్నారు. చిత్తూరు కలెక్టరేట్‌, చిత్తూరు కార్పొరేషన్‌ : జిల్లాలో పరిషత్‌ ఎన్నికల పోరు తుది ఘట్టానికి చేరుకుంది. గ్రామాల్లో రాజకీయం వేడెక్కింది. గురువారం ఉదయం 7 గంటల నుంచే జెడ్పీటీసీ, ఎంపీటీసీ స్థానాలకు పోలింగ్‌ ప్రారంభం కానుంది. జెడ్పీటీసీ, ఎంపీటీసీ నామినేషన్ల సందర్భంగా టీడీపీ అరాచకాలు సాగించిన నేపథ్యంలో గురువారం జరగబోయే పోలింగ్‌ ప్రక్రియ ఎంత వరకు సజావుగా, ప్రశాంతంగా సాగుతుందోనని ఓటర్లు భయాందోళన చెందుతున్నారు. పరిషత్‌ ఎన్నికలను జిల్లా ఎన్నికల అధికారులు పారదర్శకంగా నిర్వహించాలని ఓటర్లు డిమాండ్‌ చేస్తున్నారు. జిల్లాలో ఎన్నికల పోలింగ్‌ ప్రక్రియను జిల్లా ఎన్నికల అధికారి, కలెక్టర్‌ సుమిత్‌ కుమార్‌ గాంధీ, ఎస్పీ తుషార్‌ డూడి, జెడ్పీ సీఈవో రవికుమార్‌ నాయుడు పర్యవేక్షిస్తున్నారు. 24 మండలాల్లో ఎన్నికలు జిల్లా వ్యాప్తంగా 27 మండలాలు ఉండగా యాదమరి, పూతలపట్టు, బంగారుపాళ్యం జెడ్పీటీసీ స్థానాలు ఏకగ్రీవం కావడంతో 24 మండలాల్లోనే జెడ్పీటీసీ స్థానాలకు ఎన్నికలు జరగనున్నాయి. అలాగే జిల్లా వ్యాప్తంగా 370 ఎంపీటీసీ స్థానాలు ఉండగా 70 స్థానాలు ఏకగ్రీవమయ్యాయి. గురువారం 300 స్థానాల్లో పోలింగ్‌ నిర్వహించనున్నారు. పోలింగ్‌కు సంబంధించిన ఎన్నికల సామగ్రిని బుధవారం ఆయా మండలాల నుంచి పోలింగ్‌ కేంద్రాలకు తరలించారు. ఎన్నికలకు పెద్ద సైజ్‌ బ్యాలెట్‌ బాక్సులు 2,451 వినియోగిస్తున్నారు. వాటిని ప్రత్యేక వాహనాల్లో పోలీసు బందోబస్తు నడుమ కేంద్రాలకు తరలించారు. 321 అత్యంత సమస్యాత్మక పోలింగ్‌ కేంద్రాలు జెడ్పీటీసీ, ఎంపీటీసీ ఎన్నికల నిర్వహణకు 1,138 పోలింగ్‌ కేంద్రాలు ఏర్పాటుచేశారు. వీటిలో 321 అత్యంత సమస్యాత్మక, 306 సమస్యాత్మక కేంద్రాలుగా గుర్తించారు. వీటిపై పోలీసు అధికారులు ప్రత్యేక నిఘా పెట్టారు. పోలింగ్‌ కేంద్రాల వద్ద అల్లర్లు, గొడవలు జరగకుండా బందోబస్తును ఏర్పాటు చేశారు. జిల్లా వ్యాప్తంగా 144 సెక్షన్‌ను అమలు చేసి పోలింగ్‌ కేంద్రాల వద్ద గుంపులు, గుంపులుగా ఉండకూడదని ఆదేశించారు. 228 పోలింగ్‌ కేంద్రాల్లో వెబ్‌క్యాస్టింగ్‌ సౌకర్యం ఏర్పాటు చేశారు. జెడ్పీటీసీ బరిలో 89 మంది, ఎంపీటీసీ స్థానాలకు 702 మంది పోటీ జిల్లా వ్యాప్తంగా నిర్వహిస్తున్న జెడ్పీటీసీ, ఎంపీటీసీ ఎన్నికలకు 791 మంది అభ్యర్థులు బరిలో ఉన్నారు. జెడ్పీటీసీ స్థానాలకు 89 మంది, ఎంపీటీసీలకు 702 మంది పోటీలో ఉన్నట్లు అధికారులు వెల్లడించారు. 24 మండలాల్లో నిర్వహిస్తున్న జెడ్పీటీసీ ఎన్నికల్లో వైఎస్సార్‌సీపీ అభ్యర్థులు 24 మంది, టీడీపీ అభ్యర్థులు 22 మంది, జనసేన ఇద్దరు, కాంగ్రెస్‌ 13 మంది, బీఎస్పీ ఐదుగురు, బీసీవై ఇద్దరు, ఇండిపెండెంట్లు 21 మంది కలిపి మొత్తం 89 మంది బరిలో ఉన్నారు. అలాగే 300 ఎంపీటీసీ స్థానాల్లో వైఎస్సార్‌ సీపీ అభ్యర్థులు 290 మంది, టీడీపీ 280 మంది, జనసేన 23 మంది, కాంగ్రెస్‌ 15 మంది, బీజేపీ ఆరుగురు, బీఎస్పీ ఆరుగురు, ఇతర పార్టీలు ముగ్గురు, ఇండిపెండెంట్లు 78 మంది కలిపి మొత్తం 702 మంది తలబడుతున్నారు.సాధారణ పోలింగ్‌ కేంద్రాలు 524 సమస్యాత్మక కేంద్రాలు 306 అత్యంత సమస్యాత్మక కేందాలు 321 మొత్తం పోలింగ్‌ కేంద్రాలు 1,138 మొత్తం ఓటర్లు 10,26,821 మంది మొత్తం బ్యాలెట్‌ బాక్సులు 2,451 నిఘా పారదర్శకమేనా? అన్ని పోలింగ్‌ కేంద్రాల్లో సీసీ కెమెరాలతో నిఘా ఏర్పాటు చేసి స్థానిక సంస్థల ఎన్నికలను సజావుగా నిర్వహించాలని సుప్రీంకోర్టు ఆదేశించింది. దీంతో జిల్లాలో ఇటీవల నిర్వహించిన మున్సిపల్‌ ఎన్నికల కేంద్రాల్లో సీసీ కెమెరాలను ఏర్పాటు చేశారు. మున్సిపల్‌ ఎన్నికల్లో సీసీ కెమెరాలు ఉన్నప్పటికీ పలు ప్రాంతాల్లో పారదర్శకంగా ఎన్నికలు జరగని పరిస్థితి. టీడీపీ నాయకులు రిగ్గింగ్‌కు పాల్పడ్డారు. పరిషత్‌ ఎన్నికల్లో అలా కాకుండా సీసీకెమెరాలను పకడ్బందీగా అమలు చేసి పారదర్శకంగా ఎన్నికలు నిర్వహించాలని ఓటర్లు డిమాండ్‌ చేస్తున్నారు. జిల్లా వ్యాప్తంగా పరిషత్‌ ఎన్నికలకు 10,26,821 మంది ఓటర్లు ఓటు హక్కును కలిగి ఉన్నారు. ఓటరు స్లిప్పులు అందరికీ పంపిణీ చేశామని అధికారులు చెబుతున్నా, చాలా వరకు అందలేదన్న ఆరోపణలున్నాయి. బీఎల్‌వోలు సక్రమంగా స్లిప్పులు పంపిణీ చేయకపోవడంతో వైఎస్సార్‌ సీపీ ఏజెంట్లు తమ పరిధిలోని ఓటర్లకు ఆన్‌లైన్‌ నుంచి స్లిప్పులను డౌన్‌లోడ్‌ చేసి ఇవ్వాల్సిన దుస్థితి ఏర్పడింది. ఈ ఎన్నికల్లో పురుషులు 5,07,703 మంది, మహిళలు 5,19,091 మంది, ఇతరులు 27 మంది ఓటు హక్కును సద్వినియోగం చేసుకోనున్నారు.

చిత్తూరు రూరల్‌ (కాణిపాకం): పాల ఉత్పత్తిదారుల ఆర్థిక పురోగతి, సంక్షేమమే లక్ష్యంగా పనిచేస్తున్నామని అమూల్‌ డెయిరీ సౌత్‌ ఆపరేషన్స్‌ ప్రాంతీయ పాల సేకరణ విభాగం హెడ్‌ రాజేంద్రప్రసాద్‌ తెలిపారు. ఆయన బుధవా రం చిత్తూరు నగరంలోని అమూల్‌ డెయిరీలో రైతులకు 2025–26 సంవత్సరానికి సంబంధించి రూ.85.74 లక్షల బోనస్‌ను విడుదల చేశారు. ఆయన మాట్లాడుతూ 2025 అక్టోబర్‌ 1 నుంచి 2026 సెప్టెంబర్‌ 30 వరకు కనీసం సగం రోజులు పాలు సరఫరా చేసిన అర్హులైన రైతులకు లీటరుకు 50 పైసల చొప్పున బోనస్‌ అందించినట్లు తెలిపారు. ఈ నిర్ణయంతో 455 పాల సేకరణ సంఘాల పరిధిలోని 9,922 మంది రైతులకు మొత్తం రూ.85,73,862 లబ్ధి చేకూరిందన్నారు. రైతులు క్రమం తప్పకుండా పాలు సరఫరా చేసేలా ప్రోత్సహించడంతో పాటు వారి ఆదాయాన్ని పెంచేందుకు ప్రతి ఏటా బోనస్‌ అందజేస్తున్నట్లు పేర్కొన్నారు. సహకార వ్యవస్థకు రైతులే వెన్నెముక అని, గ్రామీణ ఆర్థికాభివృద్ధికి అమూల్‌ డెయిరీ నిరంతరం కృషి చేస్తుందని చెప్పారు. కార్యక్రమంలో డెయిరీ డిప్యూటీ మేనేజర్‌ లక్ష్మీకాంత్‌, సీనియర్‌ ఆఫీసర్‌ ఉదయ్‌కిరణ్‌, సిబ్బంది, పాల ఉత్పత్తిదారులు పాల్గొన్నారు. నిజాయితీగా ఎన్నికలు జరిగి ఉంటే ఫ్యాన్‌ గెలిచేది చిత్తూరు కార్పొరేషన్‌: చిత్తూరు నగరపాలక సంస్థ ఎన్నికలు నిజాయితీగా జరిగి ఉంటే ఫ్యాన్‌ కచ్చితంగా గెలిచేదని వైఎస్సార్‌ సీపీ మేయర్‌ అభ్యర్థి చంద్రశేఖర్‌ తెలిపారు. ఆయన బుధవారం గిరింపేటలోని పార్టీ కార్యాలయంలో విలేకరులతో మాట్లాడారు. నామినేషన్‌ పర్వం నుంచి పోలింగ్‌ వరకు కూటమి నాయకులు అక్రమాలు, దాడులకు పాల్పడ్డారని తెలిపారు. నగరపాలక సంస్థ కార్యాలయంలో బీఫామ్స్‌ చింపేసి దౌర్జన్యం చేశారని తెలిపారు. 9 డివిజన్లలో జరిగిన ఎన్నికల్లోనూ అక్రమాలకు పాల్పడ్డారని, నాయకులు, ఏజెంట్లను పోలీసులు అక్రమంగా నిర్బందించారని పేర్కొన్నారు. ఎమ్మెల్యే గురజాల జగన్‌మోహన్‌ పోలింగ్‌ కేంద్రాలకు వచ్చారని తెలిపారు. ఆయన అండతో అల్లరిమూకలు యథేచ్ఛగా దొంగ ఓట్లు వేశారని తెలిపారు. ఇంత ఘోరంగా ఎన్నికలు జరగడం ఎప్పుడూ చూడలేదన్నారు. ఇంత జరిగినా వైఎస్సార్‌ సీపీ అభ్యర్థులు 3 డివిజన్లలో గెలిచారంటే ప్రజాబలం ఎంత ఉందో తెలుస్తోందన్నారు. పోరాటం ఇంతటితో ఆగదని, ప్రజల పక్షాన నిలబడతామన్నారు. కార్యక్రమంలో నాయకులు శేఖర్‌, సెల్వం, పయణి తదితరులు పాల్గొన్నారు. ఆ ఓట్లు ఎలావచ్చాయి? చిత్తూరు రూరల్‌ (కాణిపాకం): నగరి మున్సిపల్‌ ఎన్నికల లెక్కింపు సమయంలో రాత్రికి రాత్రే దొంగ ఓట్లు తలుక్కుమన్నాయని, ప్రజా స్వామ్యాన్ని ఖూనీ చేస్తూ ఫలితాలను తారుమా రు చేశారని టీడీపీ సీనియర్‌ నాయకుడు రామా నుజచలపతి ఆరోపించారు. ఆయన బుధవారం చిత్తూరు ప్రెస్‌క్లబ్‌లో విలేకరులతో మాట్లాడారు. 30 ఏళ్లుగా పార్టీ జెండా మోసిన సీనియర్‌ కార్యకర్తలకు అన్యాయం చేశారని, రాత్రికి రాత్రే కండువాలు మార్చి వచ్చిన వారికి, నోట్ల కట్టల మూట లు సమర్పించిన వారికి సీట్లు, పదవులు కట్టబెట్టారని మండిపడ్డారు. ఎమ్మెల్యేకు మెసేజ్‌ పంపినంత మాత్రాన అభ్యర్థిత్వాన్ని కట్టబెట్టే స్థాయికి దిగజారారని, నగరి ఎమ్మెల్యే టీడీపీ వారేనా అన్న సందేహం కలుగుతోందన్నారు. పత్రికలో ఇచ్చే ప్రకటనల్లో ఎంపీ ఫొటో కూడా వేయడం లేదన్నారు. ఎన్నికల్లో కూటమి ధర్మాన్ని నీళ్లలో కలిపి మిత్రపక్షమైన బీజేపీకి ఒక్క సీటు కూడా కేటాయించలేదన్నారు. స్వతంత్ర అభ్యర్థులను మానసిక క్షోభకు గురిచేశారని, మొదట కేటా యించిన గడియారం గుర్తుతో రోజుల తరబడి ప్రచారం చేసుకున్నాక, కోర్టు ఆదేశాల నెపంతో ఎయిర్‌ కండిషనర్‌ గుర్తు తీసుకోమంటూ ఒత్తిడి తెచ్చారని తెలిపారు. ముఖ్యమంత్రి ఫొటోతో కరపత్రాలు పంచితే కమిషనర్‌ తో ఫోన్‌ చేయించి బెదిరించారని తెలిపారు. ఓట్ల లెక్కింపులో జరిగిన దొంగ ఓట్ల అక్రమాలపై, సీనియర్లకు జరిగిన వెన్నుపోటుపై పార్టీ అధిష్టానం విచారణ జరిపి చర్యలు తీసుకోవాలని డిమాండ్‌ చేశారు. మాట్లాడుతున్న టీడీపీ నేత రామానుజ చలపతి

సాక్షి, చిత్తూరు: వాణిజ్య పన్నుల శాఖ(జీఎస్టీ)లో ఇటీవల నడిచిన వాట్సాప్‌ ఫోన్‌ కాల్స్‌ దుమారాన్ని రేపాయి. చిత్తూరుకు చెందిన ప్రధాన తుక్కు వ్యాపారులతో రహస్య భేటీ నిర్వహించడం.. అందరితోనూ వాట్సాప్‌లో మాట్లాడడం పలువురు అధికారులపై అవినీతి మరకలను అంటిస్తోంది. ఆ తిమింగలం ఆహారం కోసమేనా..? చిత్తూరు డివిజన్‌కు చెందిన ఇద్దరు జీఎస్టీ అధికారులు ఇటీవల పలువురు తుక్కు (పాత ఇనుప సామాన్లు) వ్యాపారులకు వాట్సాప్‌ కాల్స్‌ చేశారు. ‘రేపు తిరుపతిలో ఓ ముఖ్యమైన సమావేశం ఉంది. మీరు కచ్చితంగా రావాలి. రాకుంటే మా నుంచి మీకు ఎలాంటి సహకారం అందదు. పెద్దాయన ఈ విషయం మీకు చెప్పమన్నారు’ అంటూ ఓ 37 మంది బడా వ్యాపారులకు ఫోన్లు చేశారు. వాస్తవానికి జీఎస్టీ లైసెన్సు కలిగిన వ్యాపారులకు పర్మిట్‌, లావాదేవీలు, ఇతర అంశాలన్నీ ఆన్‌లైన్‌లోనే జరుగుతున్నాయి. ఏ ఒక్క అధికారి కూడా వ్యాపారులతో నేరుగా మాట్లాడాల్సిన అవసరం లేదు. ఈ శాఖలో అధికార పార్టీకి అనుకూలంగా పనిచేస్తున్న ఓ పెద్ద తిమింగలం నెలకు రూ.కోటికి పైగా అక్రమ మార్గంలో ఆదాయం ఆర్జిస్తోంది. ఆ తిమింగలానికి మరింత ఆకలి వేయడంతో చూపు తుక్కు వ్యాపారులపై పడింది. ఈ క్రమంలో ఒక్కో వ్యాపారి రూ.25 లక్షల వరకు నెలసరి మామూళ్లు ఇవ్వాలని ఈ సమావేశంలో ఒత్తిడి చేసినట్లు ఆరోపణలున్నాయి. ప్రైవేటు మండపం అవసరమా.. ఆన్‌లైన్‌ లావాదేవీలు వచ్చిన తర్వాత వ్యాపారుల మొహం కూడా జీఎస్టీ అధికారులు చూడాల్సిన అవసరం లేదు. ఒకవేళ పాలసీ విషయాలు చర్చించాలనుకుంటే జీఎస్టీ కార్యాలయంలోనే దర్జాగా సమావేశం నిర్వహించవచ్చు. అలా కాదని తిరుపతిలోని ఓ కల్యాణ మండపంలో రహస్య భేటీ నిర్వహించడం ఆ తిమింగలం అవినీతి దాహానికి అద్దం పడుతోందని వ్యాపారులు ఆరోపిస్తున్నారు. ఉన్నతాధికారికి తెలియకుండా వ్యాపారులను పిలిపించిన ఆ తిమింగలం నెలసరి మామూళ్లు ఇవ్వకుంటే, తుక్కు తీసుకెళుతున్న వాహనాలను అడ్డుకుంటామని, కేసులు నమోదుచేస్తే తప్పించుకోలేరని భయపెట్టినట్లు సమాచారం. ఇక తిరుపతికి చెందిన ఓ కంపెనీ డైరక్టర్‌కు ఎలాంటి నోటీసులు ఇవ్వకుండా కార్యాలయానికి పిలిపించి పెద్ద మొత్తంలో నగదు డిమాండ్‌ చేశారనే వార్తలు గుప్పుమంటున్నాయి. తప్పుడు వ్యాపారాలు చేయొద్దని చెప్పాం తిరుపతిలో నిర్వహించిన సమావేశం నా దేశాలతోనే జరిగింది. తుక్కు వ్యాపారాలు చేసేవాళ్లు ప్రభుత్వ ఆదాయానికి గండికొట్టి తప్పుడు మార్గాల్లో వ్యాపారాలు చేయొద్దని హెచ్చరించాం. మా సిబ్బంది ఎవరిౖపైనెనా అవినీతి ఆరోపణలు ఉంటే నాకుగాని, నా పై అధికారులకు గాని ఫిర్యాదు చేయొచ్చు. కిందిస్థాయి సిబ్బందిపై వచ్చిన ఆరోపణలపై విచారిస్తాం. – హర్షవర్ధన్‌, జీఎస్టీ జాయింట్‌ కమిషనర్‌ వీటికి సమాధానం ఏదీ? సమావేశాన్ని ప్రభుత్వ కార్యాలయంలో కాకుండా కల్యాణ మండపంలో నిర్వహించడం, దీనికి అద్దె ఎవరు చెల్లించారు? అధికారుల రికార్డుల్లో దీన్ని నమోదు చేశారా? అనే ప్రశ్నలకు సమాధానాలు లేవు. పైగా వాట్సాప్‌ గ్రూపు ఎవరి ఆదేశాలతో ఏర్పాటుచేశారు? తుక్కు వ్యాపారులనే ఎందుకు పిలిచారు? ఓ కంపెనీ గేటు వద్ద మూడు రోజులుగా షిప్టుల పద్ధతిలో సిబ్బందికి విధులు కేటాయించిన తిమింగలం తుక్కు తీసుకెళ్లే వాహనాలను అడ్డుకోవడమే లక్ష్యంగా పనిచేసిందా? అనే ప్రశ్నలకు సమాధానాలు దొరకడంలేదు.

కుప్పం: కుప్పం మున్సిపాలిటీ ఎన్నికల్లో టీడీపీ నాయకులు భయానక వాతావరణం సృష్టించి..వైఎస్సార్‌సీపీ అభ్యర్థులపై దాడులకు పాల్పడి.. కిడ్నాప్‌ చేసి.. ప్రచారం చేసేందుకు ఇంటి నుంచి బయటకు రాకుండా నిర్బంధించినా... కుప్పం మున్సిపల్‌ ఎన్నికల్లో వైఎస్సార్‌ సీపీ చైర్మన్‌ అభ్యర్థికి ఊహించని స్థాయిలో ఓట్లు పడడం టీడీపీ స్థానిక నాయకులు జీర్ణించుకోలేకపోతున్నారు. దీంతో పట్టణంలో వైఎస్సార్‌సీపీ ఆదరణ ఏమాత్రం తగ్గలే దని స్పష్టమైంది. ఎన్నికలు నిర్వహించిన 19 వార్డుల్లో, చైర్మన్‌ ఎన్నికలకు నామమాత్రపు పోటీ కూడా రాకుండా వైఎస్సార్‌సీపీని కట్టడి చేసేందుకు శతవిధాలుగా టీడీపీ నాయకులు ప్రయత్నించారు. కుప్పం ఓటర్లు మాత్రం తమకు వైఎస్సార్‌సీపీపై ఉన్న అభిమానాన్ని చాటుకున్నారు. చైర్మన్‌ అభ్యర్థికి 7 వేల ఓట్లు కుప్పం మున్సిపాలిటీ ఎన్నికల్లో ఓటరు నేరుగా చైర్మన్‌ అభ్యర్థి ఓటు వేసే విధానాన్ని ఈ ఎన్నికల్లో తీసుకొచ్చారు. ఈక్రమంలో కుప్పం మున్సిపాలిటీ చైర్మన్‌ అభ్యర్థిగా విజయ్‌కుమార్‌ను వైఎస్సార్‌సీపీ బరిలో నిలిపింది. ఆయనకు 7,088 ఓట్లు లభించాయి. వైఎస్సార్‌సీపీ చైర్మన్‌ అభ్యర్థికి పోలైన ఓట్లు జీర్ణించుకోలేని టీడీపీ కుప్పం మున్సిపాలిటీ ఎన్నికల్లో టీడీపీ నాయకులు బరితెగించారు. నామినేషన్లు మొదలైన రోజు నుంచి పోలింగ్‌ వరకు వైఎస్సార్‌సీపీ అభ్యర్థులను భయభ్రాంతులకు గురిచేశారు. దాడులకు పాల్పడ్డారు. నామినేషన్‌ పత్రాలు చించివేశారు. దొంగ సంతకాలు చేసి 13 మంది ఉపసంహరించుకున్నట్టు సృష్టించారు. చైర్మన్‌ అభ్యర్థిని కిడ్నాప్‌ చేశారు. ప్రచారం చేసుకునేందుకు కూడా ఇంటి నుంచి బయటకు రానివ్వకుండా నిర్బంధించారు. పోలింగ్‌ రోజు దొంగ ఓట్లు వేసుకున్నారు. అయినా వైఎస్సార్‌సీపీ అభ్యర్థులపై ఓటర్లు అభిమానం చాటుకున్నారు. చైర్మన్‌ అభ్యర్థికి లభించిన ఓట్లు చూసి టీడీపీ నాయకులు జీర్ణించుకోలేకపోతున్నారు. మున్సిపల్‌ ఎన్నికల్లో వైఎస్సార్‌సీపీ అభ్యర్థులను అన్ని విధా లుగా అష్టదిగ్బంధనం చేసినా చైర్మన్‌ అభ్యర్థి విజయ్‌కుమార్‌కు పోలైన ఓట్లు చూసి టీడీపీ నాయకులు జీర్ణించుకోలేకపోతున్నారు. వైఎస్సార్‌సీపీ అభ్యర్థులకు అడుగు అడుగునా అడ్డంకులు సృష్టించి నామినేషన్లకే పరిమితం చేశారు. అయినా జనం వైఎస్సార్‌సీపీ పెద్ద ఎత్తున ఓట్లు వేశారు. అధికార పార్టీ టీడీపీ పెద్ద ఎత్తున ప్రచారాలు చేసి, ప్రలోభాలు గురిచేసినా ప్రజలు ఓట్లు వేసి వాటిని తిరస్కరించినట్లు మేధావులు, పట్టణ ప్రజలు చర్చించుకుంటున్నారు. కుప్పం మున్సిపాలిటీ వైఎస్సార్‌సీపీ చైర్మన్‌ అభ్యర్థిగా పోటీ చేసిన విజయ్‌కుమార్‌ను కూటమి నాయకులు నానా ఇబ్బందులకు గురిచేశారు. నామినేషన్‌ వేసి రోజు నుంచి ఓట్ల లెక్కింపు రోజు వరకు వైఎస్సార్‌సీ అభ్యర్థులను బెదిరించారు. నామినేషన్ల పరిశీలన రోజు చైర్మన్‌ అభ్యర్థి విజయ్‌కుమార్‌ కిడ్నాప్‌ చేసి కుప్పంలో బీభత్సం సృష్టించారు. కౌన్సిలర్‌ అభ్యర్థులు, వారిని బలపరచిన వారు అందుబాటులో లేకపోయినా, టీడీపీ నాయకులు అధికారులపై ఒత్తిడి తెచ్చి తప్పుడు సంతకాలు చేసి 13 మంది వైఎస్సార్‌సీపీ కౌన్సిలర్‌ అభ్యర్థుల నామినేషన్లు ఉపసంహరింపజేసి ఏకగ్రీవం చేసుకున్నారు. మిగిలిన 19 వార్డుల్లో వైఎస్సార్‌సీపీ అభ్యర్థులు పోటీలో నిలిచారు. మున్పిపల్‌ ఎన్నికల పోలింగ్‌కు వారం రోజుల ముందు నుంచి వైఎస్సార్‌సీపీ అభ్యర్థులు ఎవరూ ప్రచారానికి రాకుండా అధికార పార్టీ నేతలు కట్టడి చేశారు. 19 వార్డుల్లో వైఎస్సార్‌సీపీ కౌన్సిలర్‌ అభ్యర్థులు, చైర్మన్‌ అభ్యర్థి కనీసం కరపత్రాలు కూడా పంపిణీ చేయలేక పోయారు. అంతేకాకుండా పట్టణంలో కనీసం ప్రచార రథానికి అనుమతి ఇవ్వవలేదు. అభ్యర్థిని ప్రచారం చేయనివ్వకుండా, పోలింగ్‌ రోజున కౌంటింగ్‌ కేంద్రాలకు అనుమతించకుండా హౌస్‌ అరెస్టులు చేసి భయాందోళనలకు గురిచేశారు. 19 వార్డుల్లోనూ వైఎస్సార్‌సీపీ కౌన్సిలర్‌ అభ్యర్థులు, చైర్మన్‌ అభ్యర్థి ఇళ్ల నుంచి బయటికి రానివ్వకుండా పోలీసులు కూడా అడ్డుకున్నారు. ఇదిలా ఉంటే పోలింగ్‌ రోజున మధ్యాహ్నం తర్వాత విద్యుత్‌ సరఫరా నిలిపివేసి వైఎస్సార్‌సీపీ ఏజెంట్లను బయటకు తరిమేసి దొంగ ఓట్లు వేసుకున్నారు. ఇన్ని అడ్డంకులు..అరాచకాలు సృషించినా బుధవారం మున్సిపాలిటీ ఎన్నికల ఓట్ల లెక్కింపులో వైఎస్సార్‌సీపీ చైర్మన్‌ అభ్యర్థికి లభించిన ఓట్లు అభిమానంతో స్వచ్ఛందంగా వచ్చాయని జనం అనుకుంటున్నారు.

తిరుపతి సిటీ : ఎస్వీయూ భౌతికశాస్త్ర విభాగానికి చెందిన ప్రొఫెసర్‌ బి.దేవప్రసాద్‌ రాజు అమెరికాలో నిర్వహిస్తున్న 7వ ఇంటర్నేషనల్‌ కాన్ఫరెన్స్‌ ఆన్‌ ఆఫ్టిక్స్‌, ఫొటోమిక్స్‌ అండ్‌ లేజర్‌ సదస్సులో బుధవారం పరిశోధన ప్రసంగం చేశారు. ఈ సదస్సులో ప్రపంచవ్యాప్తంగా పలువురు ప్రముఖ శాస్త్రవేత్తలు, పరిశోధకులు, అధ్యాపకులు పాల్గొన్నారు. ప్రొఫెసర్‌ దేవప్రసాద్‌ రాజు తన ప్రసంగంతో పాటు పరిశోధన పత్రాలు సమర్పించారు. ఈ సందర్భంగా వీసీ, రిజిస్ట్రార్‌, ప్రిన్సిపాల్‌, అధ్యాపకులు ప్రొఫెసర్‌ దేవప్రసాద్‌రాజుకు అభినందనలు తెలిపారు. ఆదర్శంగా ‘ల్యాబ్‌’ అభివృద్ధి తిరుమల : తిరుమలలోని వాటర్‌ అండ్‌ ఫుడ్‌ అనాలసిస్‌ ల్యాబ్‌ను దేశానికే ఆదర్శంగా అభివృద్ధి చేస్తున్నట్లు టీటీడీ అదనపు ఈఓ వెంకయ్యచౌదరి తెలిపారు. ల్యాబ్‌లో బుధవారం ఆయుధపూజను ఘనంగా నిర్వహించారు. అనంతరం ఆయన ల్యాబ్‌ కార్యకలాపాలు, పనితీరుపై అధికారులతో సమీక్షించారు. ఆయన మీడియాతో మాట్లాడుతూ ఫుడ్‌ అండ్‌ వాటర్‌ అనాలసిస్‌ ల్యాబొరేటరీలో అత్యాధునిక సదుపాయాలు ఉన్నట్టు తెలిపారు. మొత్తం 34 మంది పనిచేస్తున్నారని తెలిపారు. త్వరలో మరో 8 మందిని నియమించనున్నట్టు పేర్కొన్నారు. టీటీడీకి అవసరమైన సరుకుల కొనుగోలు దశ నుంచే నాణ్యత పరీక్షలు నిర్వహిస్తున్నట్లు వెల్లడించారు. ప్రమాణాలకు అనుగుణంగా లేని సరుకులను తిరస్కరిస్తున్నట్లు వివరించారు. వంట పూర్తయిన తర్వాత కూడా ఆహార పదార్థాల నమూనాలను సేకరించి పరీక్షిస్తున్నట్లు చెప్పారు. ప్రతిరోజూ తాగునీటి నమూనాలను కూడా పరీక్షిస్తున్నట్లు తెలిపారు. లడ్డూ నాణ్యతను టెస్ట్‌ చేసేందుకు అత్యాధునిక పరికరాలు ల్యాబ్‌లో అందుబాటులో ఉన్నాయని వెల్లడించారు. అలాగే నెయ్యి నమూనాలను ప్రతిరోజూ పరీక్షించిన తర్వాతే వినియోగానికి అనుమతిస్తున్నట్లు చెప్పారు. భక్తులకు అత్యుత్తమ నాణ్యతతో కూడిన ఆహారం, తాగునీరు అందించే విషయంలో రాజీ పడే ప్రసక్తే లేదని స్పష్టం చేశారు. టీటీడీ హెల్త్‌ డిప్యూటీ ఈఓ సోమన్నారాయణ, ప్రొక్యూర్‌మెంట్‌ జీఎం ఉమాశంకర్‌, ల్యాబ్‌ క్వాలిటీ మేనేజర్‌ లక్ష్మీనారాయణ పాల్గొన్నారు. బోసిపోయిన రిజిస్ట్రేషన్‌ ఆఫీస్‌ తిరుపతి అర్బన్‌ : ఎన్నికల నేపథ్యంలో సుమారు పది రోజులుగా తిరుపతి అర్బన్‌ పరిధిలోని రిజిస్ట్రేషన్‌ కార్యాలయంలో ఆస్తులకు సంబందించి రిజిస్ట్రేషన్లు లేకపోవడంతో బోసిపోయింది. సాధారణంగా ప్రతి రోజూ 120 నుంచి 150 వరకు ఆస్తుల క్రయ విక్రయాలకు సంబందించి రిజిస్ట్రేషన్లు జరుగుతుంటాయి. మున్సిపల్‌ కార్పొరేషన్‌ ఎన్నికల కారణంగా రోజుకు కేవలం 5 నుంచి 10 రిజిస్ట్రేషన్లు మాత్రమే జరుగుతుండడంతో కార్యాల యం ఖాళీగా దర్శనమిస్తోంది. కార్తీక మాసం ప్రత్యేక యాత్ర తిరుపతి అన్నమయ్య సర్కిల్‌ : కార్తీక మాసం సందర్భంగా భక్తుల సౌకర్యార్థం ప్రత్యేక దర్శన ప్యాకేజీ టూర్లను ఏర్పాటు చేసినట్లు పర్యాటక అభివృద్ధి సంస్థ తిరుపతి డివిజనల్‌ మేనేజర్‌ సీహెచ్‌ శ్రీనివాసరావు తెలిపారు. ఆయన బుధవారం విలేకరులతో మాట్లాడు తూ ఈ నెల 14, 21, 28 తేదీలతో పాటు డిసెంబరు 5న ఒంటిమిట్ట, అహోబిలం, మహానంది, శ్రీశైలానికి ప్రత్యేక ప్యాకేజీ టూర్‌ అందుబాటులోకి తీసుకువచ్చామన్నారు. ప్రతి శనివారం ఉదయం 6 గంటలకు తిరుపతి నుంచి బస్సు బయలుదేరి క్షేత్రాల సందర్శన అనంతరం తిరిగి సోమవారం ఉదయానికి తిరుపతి చేరుకోనున్నట్లు వివరించారు. ఆ ప్యాకేజీకి సంబంధించి పెద్దలకు రూ.3,500, పదేళ్ల లోపు పిల్లలకు రూ.2800 ప్రయాణ టికెట్‌ ధర ఉంటుందని వెల్లడించారు. అలాగే శబరిమలై యాత్రలు, వివాహాలు, ఇతర శుభకార్యాలు, యాత్రల కోసం 36 సీట్ల నాన్‌ ఏసీ హైటెక్‌ బస్సులు, 45 సీట్ల ఏసీ ఓల్వో మల్టీయాక్సిల్‌ సర్వీసులను అద్దెకు ఇస్తామని తెలిపారు. ఈ మేరకు తిరుపతిలోని శ్రీనివాసం కాంప్లెక్స్‌, విష్ణునివాసం కాంప్లెక్స్‌ సంప్రదించాలని కోరారు. ఇతర వివరాలకు 0877–2289123, 9848007033, 9848802099, 9848850099 నంబర్లకు ఫోన్‌ చేయాలని, లేదా ఏపీ టూరిజం వెబ్‌సైట్‌ను సందర్శించాలని సూచించారు.

శాంతిపురం: మండలంలోని ఎంకె పురం ఎంపీటీసీ సెగ్మెంట్‌ వైఎస్సార్‌సీపీ అభ్యర్థి ఏ మహేంద్రరెడ్డి లక్ష్యంగా పచ్చ కుట్రలు పదునెక్కాయి. ఓటర్ల తీర్పుతో గెలుస్తామనే ధీమా లేక ప్రత్యర్థులను ఆర్థికంగా దెబ్బతీసేందుకు ఎత్తులు వేశారు. గెలుపు దిశగా సాగుతున్న తనను కట్టడి చేసేందుకు పోలింగ్‌ ముందు రోజు రాత్రి వ్యవసాయ, జాతీయ రహదారుల శాఖల అధికారులను ప్రయోగించారు. శాంతిపురంలో మహేంద్రరెడ్డి కుమారుడు ప్రేమ్‌కుమార్‌ నిర్వహిస్తున్న కిసాన్‌ ఆగ్రోస్‌ దుకాణంపై వ్యవసాయ శాఖ అధికారులు దాడిచేసి సీజ్‌చేశారు. ఉన్నతాధికారుల ఆదేశాలతో స్థానిక వ్యవసాయాధికారి అమృతవల్లి, రెవెన్యూ, పోలీసు, ఇతర మండలాల వ్యవసాయాధికారులతో కలిసి బుధవారం రాత్రి 7 గంటల తర్వాత దుకాణం తనిఖీ కోసం వచ్చారు. అప్పటికే దుకాణం మూసివేసి ఉండడంతో భవనానికి నోటీసు అంటించి, సీజ్‌ చేశారు. తదుపరి ఉత్తర్వులు ఇచ్చేంత వరకూ ఎలాంటి అమ్మకాలు జరపరాదని స్పష్టం చేశారు. అనంతరం రాత్రి 8 గంటల సమయంలో జాతీయ రహదారుల శాఖ చిత్తూరు ఈఈ శ్రీనివాస్‌, స్థానిక తహసీల్దార్‌ శ్రీనివాసులు గుండిశెట్టిపల్లిలోని మహేంద్రరెడ్డి ఇంటి వద్దకు వచ్చారు. అభ్యర్థి ఇంట్లో లేకపోవడంతో ఆయన భార్య భవానితో మాట్లాడి శాంతిపురంలోని భవనం జాతీయ రహదారిలో ఉందని, దానిని కూల్చివేస్తామని బెదిరించారు. స్థానికులు పోగై ఎన్నికల ముందు రోజు ఇలా ఇళ్లమీదికి వచ్చి మహిళలను భయభ్రాంతులకు గురిచేయడం ఏమిటని అధికారులను నిలదీశారు. కనీసం నోటీసులు కూడా ఇవ్వకుండా ఇప్పటికిప్పుడు భవనం ఎలా కూల్చుతారని ఈఈని నిలదీశారు. ఏమైనా ఉంటే పోలింగ్‌ ముగిశాక మాట్లాడండని స్పష్టం చేశారు. దీంతో ఉన్నత అధికారుల నుంచి వాట్సాప్‌లో అందిన ఆదేశాల మేరకు తాను వచ్చానని, బుధవారం సాయంత్రం వరకు సమయం ఇస్తామని చెప్పి ఈఈ వెనుదిరిగారు. రాజకీయంగా పోటీ పడాల్సిన అధికార పక్షం వ్యక్తిగత కక్ష సాధింపులకు దిగడంపై స్థానికులు ఆగ్రహం వ్యక్తం చేస్తున్నారు. కాగా, ప్రజాస్వామ్యబద్ధంగా ఎన్నికల్లో మహేంద్రరెడ్డిని ఎదుర్కోలేక చౌకబారు రాజకీయాలకు పాల్పడుతున్నారని ఇదే గ్రామానికి చెందిన వైఎస్సార్‌పీ నియోజకవర్గ బూత్‌ మేనేజర్‌ విజయకుమార్‌ ఆరోపించారు.

తిరుపతి మంగళం : పేద, బడుగు, బలహీన వర్గాలకు సంక్షేమ పథకాలు సక్రమంగా అందాలంటే వైఎస్సార్‌సీపీతోనే సాధ్యమని మాజీ ఎమ్మెల్సీ యండపల్లి శ్రీనివాసులురెడ్డి తెలిపారు. ఆయన బుధవారం మాట్లాడుతూ జెడ్పీటీసీ, ఎంపీటీసీ ఎన్నికల్లో వైఎస్సార్‌సీపీ అభ్యర్థులనే గెలిపించాలని పిలుపునిచ్చారు. ప్రజల ఆకాంక్షలకు అనుగుణంగా పనిచేసే వైఎస్సార్‌సీపీ అభ్యర్థులకు ప్రతి ఒక్కరూ తమ అమూల్యమైన ఓటు వేయాలని కోరారు. మహాత్మా గాంధీ కలలుగన్న గ్రామ స్వరాజ్య స్థాపన, గ్రామీణాభివృద్ధి వైఎస్‌ జగన్‌ మోహన్‌ రెడ్డి నాయకత్వంలోనే సాధ్యమవుతుందని వెల్లడించారు. పల్లెవాసులకు మెరుగైన పాలన అందించేందుకు ఎంపీటీసీ, జెడ్పీటీసీ స్థానాల్లో వైఎస్సార్‌సీపీ అభ్యర్థుల గెలుపు ఎంతో అవసరమని స్పష్టం చేశారు. నేతలు, కార్యకర్తలు సమన్వయంతో పనిచేస్తూ అభ్యర్థుల విజయానికి కృషి చేయాలని సూచించారు. మున్సిపల్‌ ఎన్నికల్లో కూటమి కుతంత్రాలకు ఎదురొడ్డి ధైర్యంగా పోరాడి విజయం సాధించిన వైఎస్సార్‌సీపీ అభ్యర్థులకు అభినందనలు తెలిపారు. ఓడిన వారు సైతం నిరాశ చెందకుండా, పోరాట స్ఫూర్తిని కొనసాగించాలని సూచించారు.

యాదమరి: ఆ ఇంటిలో విధి ఆర్పిన దీపం.. మరో ఇద్దరి ఇళ్లల్లో వెలుగులు నింపింది. కళ్ల ముందే చేతికొచ్చిన కొడుకు అకాల మరణంతో పుట్టెడు దుఖంలో ఉన్నా ఆ తండ్రి, కుటుంబ సభ్యులు తీసుకున్న నిర్ణయం పలువురికి ఆదర్శంగా నిలిచింది. ఆరు నెలల క్రితం కన్నతల్లి మరణించగా నేత్రదానం చేసిన ఆ కుటుంబం, ఇప్పుడు రోడ్డు ప్రమాదంలో కన్నుమూసిన కొడుకు కళ్లను కూడా దానం చేసి మానవత్వాన్ని చాటుకుంది. ఈ హృదయ విదారక ఘటన బుధవారం యాదమరి మండలంలో చోటు చేసుకుంది. జోడిచింతల గ్రామానికి చెందిన సుబ్రమణ్యం కల్లుగీత కార్మికుడిగా జీవనం సాగిస్తున్నాడు. ఆయన రెండో కుమారుడు సందీప్‌(34) డ్రైవర్‌గా పనిచేస్తూ కుటుంబాన్ని పోషిస్తున్నాడు. మంగళవారం రాత్రి సందీప్‌ ప్రయాణిస్తున్న బొలెరో వాహనం ముందు వెళ్తున్న ట్రాక్టర్‌ను డీకొట్టింది. ఈ ప్రమాదంలో తీవ్రంగా గాయపడిన అతను అక్కడికక్కడే మృతి చెందాడు. కన్నకొడుకు విగత జీవిగా పడి ఉండడాన్ని చూసి ఆ తండ్రి, అతని కుటుంబ సభ్యులు రోదనలు మిన్నంటాయి. కొడుకు ఇక లేడనే చేదు నిజాన్ని జీర్ణించుకుంటూనే సందీప్‌ కళ్లతో మరొకరికి కంటి చూపు ప్రసాదించాలని కుటుంబ సభ్యులు భావించారు. సరిగ్గా ఆరు నెలల క్రితమే సందీప్‌ తల్లి కూడా చనిపోయింది. అప్పట్లో ఆమె నేత్రాలను దానం చేశారు. ఇప్పుడు అదే బాటలో నడుస్తూ కుమారుడి కళ్లను సైతం దానం చేసేందుకు ముందుకు వచ్చారు. ఆరు నెలల వ్యవధిలోనే తల్లి, కుమారుడి కళ్లను దానం చేసిన ఆ కుటుంబంపై స్థానికులు ప్రశంసలు కురిపిస్తున్నారు. సందీప్‌ మరణంతో జోడిచింతల గ్రామంలో తీవ్ర విషాదం అలుముకుంది.

చిత్తూరు రూరల్‌ (కాణిపాకం): టీడీపీకి ఏళ్ల తరబడి పనిచేశాను, అందుకు ప్రతిఫలం.. పార్టీ నుంచి తొలగింపు.. కుట్రలు..కేసులంటూ టీడీపీ రెబల్‌ అభ్యర్థి జగదీష్‌నాయుడు ఆవేదన వ్యక్తం చేశారు. ఆయన బుధవారం చిత్తూరు మండలం బంగారెడ్డిపల్లెలో మీడియాతో మాట్లాడారు. పార్టీ కోసం దశాబ్దాలుగా అంకితభావంతో పనిచేసిన తమ కుటుంబానికి కూటమి ప్రభుత్వంలో తీవ్ర అన్యాయం జరిగిందని ఆరోపించారు. సీట్ల కేటాయింపు విషయం నచ్చక ఈ ఎన్నికల్లో తాను ఇండిపెండెంట్‌ అభ్యర్థిగా బరిలోకి దిగినట్లు తెలిపారు. దిగువమాసపల్లె పంచాయతీలో టీడీపీని నిలబెట్టి గెలుపు బావుటా ఎగరవేసిన చరిత్ర తన కుటుంబానిదేనన్నారు. కష్టకాలంలోనూ పార్టీ వెంటే నిలబడ్డానని, 2019లో తనపై ఎస్సీ, ఎస్టీ కేసులు పెట్టి వేధించినా వెనకడుగు వేయలేదన్నారు. 2024 ఎన్నికల్లో కూటమి ప్రభుత్వం విజయానికి ఎమ్మెల్యే, ఎంపీ అభ్యర్థుల గెలుపు కోసం తీవ్రంగా శ్రమించానని తెలిపారు. చిత్తూరు మండలం ఎంపీపీ జనరల్‌ స్థానం కేటాయించడంతో పార్టీలో సీనియర్‌గా తనకు ఎంపీపీ, ఎంపీటీసీ పదవి ఇవ్వాలని ఎమ్మెల్యేను, ఇతర నాయకులను కోరినట్లు తెలిపారు. పది రోజుల పాటు తనను తిప్పించుకుని, కనీస ప్రాధాన్యత ఇవ్వకుండా మోసం చేశారని వాపోయారు. ముత్తుకూరు, దిగువమాసపల్లె జనరల్‌ అయినప్పటికీ.. అనంతాపురం సెగ్మెంట్‌ ఎస్సీ మహిళకు కేటాయించడంతో అనంతాపురానికి చెందిన నేత జయచంద్రనాయుడును ముత్తుకూరుకు తెచ్చి నిలబెట్టడం ద్వారా స్థానిక కార్యకర్తలకు తీవ్ర అన్యాయం చేశారని మండిపడ్డారు. ఈ అన్యాయాన్ని ప్రశ్నిస్తే తనను పార్టీ నుంచి సస్పెండ్‌ చేయడం దారుణమని ఆవేదన వ్యక్తం చేశారు. తన రాజకీయ ఎదుగుదలను ఓర్వలేక ప్రత్యర్థులు నీచ రాజకీయాలకు తెరలేపారని జగదీష్‌ నాయుడు ఆరోపించారు. రాత్రి ఒంటి గంట సమయంలో ఎకై ్సజ్‌ పోలీసులు హఠాత్తుగా ఇంటికి వచ్చి మూడు ఫ్లోర్లు, టెర్రస్‌ వరకు సోదా చేశారని తెలిపారు. ఎలాంటి అక్రమ వస్తువులు దొరకకపోవడంతో పోలీసులు వెనుదిరిగినా, ఇంటి వెనుక ఉన్న మామిడి తోపులో బూట్ల అడుగుల జాడలు స్పష్టంగా కనిపిస్తున్నాయని తెలిపారు. ఎవరో ఉద్దేశపూర్వకంగా లేబుల్‌ లేని రెండు మందు బాటిళ్ల మూటలను కాంపౌండ్‌ పక్కన పడవేసి తనపై కుట్ర పన్నారని మండిపడ్డారు. పార్టీలకతీతంగా తన వెన్నంటి ఉంటున్న ప్రజలందరూ ఈ అరాచకాలను గమనించాలని కోరారు.

పుత్తూరు : ^èl…{§ýl-»êº$ Ð]lÊyýl$ ç³Æ>Å-Ķæ*Ë$ Ð]l¬QÅ-Ð]l$…-{†V> ç³°-^ól-íÜ-¯]l-ç³µ-sìæMîS, BĶæ$¯]l ´ëÌS-¯]lÌZ õ³§ýl-ÌSMýS$ JÇW…-§ólÒ$ Ìôæ§ýl-°, ÇMýS¢-çßæ-çÜ¢Ðól$ Ñ$W-Í…§ýl° Ð]l*i Ð]l$…{† BÆŠ‡MóS Æøgê ÑÐ]l$ÇØ…^éÆý‡$. Ð]l$…VýSâýæ-ÐéÆý‡… Æ>Ð]l$-MýS–-Úë~ç³#Æý‡… G…ï³-sîæïÜ ç³Ç«¨ÌZ° ÕÆý‡$-VýS$-Æ>k-´ë-âñæ…, VöÌSÏç³ÌñæÏÌZ G°²-MýSÌS {ç³^éÆý‡… °Æý‡Ó-íßæ…-^éÆý‡$. BÆŠ‡MóS Æøgê Ð]l*sêÏ-yýl$™èl* {V>Ð]l*Ë$ »êVýS$-ç³yé-ÌS…sôæ Ð]l$…yýlÌS ç³Ç-çÙ™Œæ G°²-MýSÌZÏ OÐðlG-ÝëÞÆŠ‡-ïÜï³ A¿ýæÅ-Æý‡$¦-ÌS¯]l$ VðSÍ-í³…-^éÌS° í³Ë$-ç³#-°-^éaÆý‡$. õ³§ýl {ç³f-ÌSMýS$ A…yýlV> °Ë$çÜ*¢ ¯ól™èl¯]l² ¯ólçÜ¢… Ð]l…sìæ çÜ…„óSÐ]l$ ç³£ýlMýS…™ø ^ól¯ól™èl MýS$r$…-»ê-ÌSMýS$ ¯éÅĶæ$… ^ólíܯ]l çœ$¯]l™èl Ð]l*i ïÜG… OÐðlG‹Ü fVýS-¯ŒS-Ððl*-çßæ-¯ŒS-Æð‡-yìlz-§ól¯]l° VýS$Æý‡$¢ ^ólÔ>Æý‡$. VýS™èl ÝëÆý‡Ó{†MýS G°²-MýSÌZÏ çÜ*ç³ÆŠ‡ íÜMŠSÞ õ³Çr C_a¯]l àÒ$-ÌS¯]l$ ™èl$…VýSÌZ ™öMìSP¯]l ^èl…{§ýl-»êº$ {糿¶æ$-™éÓ-°MìS Kr$™ø çÜÐ]l*-«§é¯]l… ^ðl´ëµÌS° MøÆ>Æý‡$. VýS™èl OÐðlGÝëÞ-ÆŠ‡-ïÜï³ {糿¶æ$-™èlÓ…ÌZ AÐ]l$-OÌñæ¯]l çÜ…„óSÐ]l$ ç³£ýl-M>ÌS¯]l$ ÑÐ]l-Ç…-^éÆý‡$. ç³ÌñæÏ {ç³fÌS MøçÜ… {糆 ç³…^é-Ķæ$-¡ÌZ çÜ_-ÐéÌS-Ķæ$…, OÆð‡™èl$ ¿ýæÆøÝë MóS…{§ýl…, ÐðlÌŒæ-¯ðl‹Ü òÜ…rÆŠ‡ ¿ýæÐ]l¯éÌS¯]l$ °ÇÃ…^éÆý‡° VýS$Æý‡$¢ ^ólÔ>Æý‡$. ç³ÌñæÏ {ç³fË$ »êVýS$-ç³yé-ÌS¯é², AÀ-Ð]l–¨® fÆý‡-V>ÌS¯é² OÐðlïÜï³ A¿ýæÅ-Æý‡$¦ÌS¯]l$ ºÌS-ç³Æý‡-^éÌS° MøÆ>Æý‡$. VýS™èl…ÌZ çÜÆý‡µ…-^ŒlV> Ñ°™èl §ólÐól…{§ýl Æ>Ð]l$-MýS–-Úë~-ç³#Æý‡… ç³…^é-Ķæ$¡ÌZ ^ólíܯ]l AÀÐ]l–¨® 糯]l$-ÌSMýS$ ™ðlÍ-´ëÆý‡$. {ç³çÜ$¢™èl… Æ>Ð]l$-MýS–-Úë~ç³#Æý‡… G…ï³-sîæïÜ A¿ýæÅ-Ǧ Ñ°™èl §ólÐól…{§ýl¯]l$, gñæyîlµsîæïÜ A¿ýæÅ-Ǧ {ç³™é-‹³¯]l$ ¸ëůŒS VýS$Æý‡$Š-ై™èlµ Kr$ ÐólíÜ VðSÍ-í³…-^éÌS° MøÆ>Æý‡$.

తిరుపతి అర్బన్‌: దేశవ్యాప్తంగా ఉన్న సైనిక్‌ పాఠశాలల్లో 6, 9 తరగతుల ప్రవేశాల కోసం నిర్వహించే ఆల్‌ ఇండియా సైనిక్‌ స్కూల్స్‌ ఎంట్రన్స్‌ ఎగ్జామినేషన్‌ 2027–28కి దరఖాస్తుల ప్రక్రియ ప్రారంభమైందని కోచింగ్‌ ఫెడరేషన్‌ ఆఫ్‌ ఇండియా రాష్ట్ర ఉపాధ్యక్షుడు, విశ్వం విద్యాసంస్థల అధినేత ఎన్‌.విశ్వనాథ్‌రెడ్డి మంగళవారం ఒక ప్రకటనలో తెలిపారు. ఈ ప్రవేశ పరీక్ష జాతీయ స్థాయిలో జరుగుతుందని వెల్లడించారు. 6వ తరగతిలో ప్రవేశం పొందడానికి 01–04–2015 నుంచి 31–03–2017 మధ్య జన్మించిన విద్యార్థిని విద్యార్థులు, 9వ తరగతిలో ప్రవేశం పొందడానికి 01–04–2012 నుంచి 31–03–2014 మధ్య జన్మించిన వారు అర్హులని వివరించారు. విద్యార్థులు దరఖాస్తులను ఈ ఏడాది డిసెంబర్‌ 2లోపు సమర్పించాలని, ప్రవేశ పరీక్ష 2027 జనవరి 31న జరుగుతుందని పేర్కొన్నారు. ప్రవేశ పరీక్ష విధానం, సిలబస్‌ నమూనా ప్రశ్నపత్రాలు, మాక్‌ టెస్టులు, ప్రత్యేక శిక్షణ, ఇతర పూర్తి వివరాల కోసం తిరుపతిలోని వరదరాజనగర్‌లోని విశ్వం సైనిక్‌ – నవోదయ పోటీ పరీక్షల శిక్షణా కేంద్రాం వారిని 8688888802, 9399976999 సంప్రదించవచ్చని తెలిపారు. జాతీయ స్థాయి పోటీలకు తొడతర హైస్కూల్‌ విద్యార్థులు తవణంపల్లె : జాతీయ స్థాయి అథ్లెటిక్‌ పోటీలకు మండలంలోని తొడతర హైస్కూల్‌ విద్యార్థులు ఎంపికయ్యారు. మంగళవారం ఈ మేరకు ఎంపికై న విద్యార్థులు టి.మహీధర్‌, డి. ముకేష్‌కుమార్‌ను హెచ్‌ఎం ఖాతుంభీ, ఉపాధ్యాయులు అభినందించారు. పీఆర్‌టీయూ ప్రధాన కార్యదర్శి విజయభాస్కర్‌ రెడ్డి పాల్గొన్నారు. ప్రాంగణ ఎంపికలో 41 మందికి ఉద్యోగాలు తిరుపతి సిటీ : కరకంబాడి రోడ్డులోని శ్రీరామ అటానమస్‌ ఇంజినీరింగ్‌ కళాశాలలో నిర్వహించిన ప్రాంగణ ఎంపికలలో 41మంది విద్యార్థులకు మంచి ప్యాకేజీతో ఉద్యోగాలు సాధించినట్లు కళాశాల చైర్మన్‌ మన్నెం రామిరెడ్డి తెలిపారు. మంగళవారం ఓ ప్రముఖ ఐటీ సంస్థ ప్రతినిధులు కళాశాలలో నిర్వహించిన ఇంటర్వ్యూలకు విశేష స్పందన లభించిదని, విద్యార్థులకు నాణ్యమైన విద్యతో పాటు మెరుగైన ఉపాధి అవకాశాలు కల్పించడమే తమ లక్ష్యమని వెల్లడించారు. ఉద్యోగాలకు ఎంపికై న విద్యార్థులను ఆయన అభినందించారు. కార్యక్రమంలో ఐటీ కంపెనీ ప్రతినిధి ముత్తుస్వామి, కళాశాల సెక్రటరీ మన్నెం రామసుబ్బారెడ్డి, డైరెక్టర్‌ మన్నెం అరవింద్‌కుమార్‌ రెడ్డి, ప్రిన్సిపల్‌ డాక్టర్‌ జయచంద్ర, వైస్‌ ప్రిన్సిపల్‌ డాక్టర్‌ ఎన్‌.వాసు, ప్లేస్‌మెంట్‌ అధికారి విష్ణువర్ధన్‌రెడ్డి పాల్గొన్నారు. సంఘమిత్ర ఎన్నికల ప్రచారం కార్వేటినగరం : స్థానిక సంస్థల ఎన్నికల్లో ఓ సంఘ మిత్ర కూటమి తరఫున ప్రచారం నిర్వహించడం మంగళవారం చర్చనీయాంశంగా మారింది. కార్వేటినగరంలో సంఘమిత్రగా పనిచేస్తున్న మహేశ్వరి టీడీపీ తరఫున ఇంటింటికి వెళ్లి కరపత్రాలు పంచిపెట్టడంపై గ్రామస్తులు మండిపడ్డారు. నిబంధనలను ఉల్లంఘించిన సంఘమిత్రపై ఎన్నికల అధికారులు ఎలాంటి చర్యలు తీసుకుంటారో వేచి చూడాల్సి ఉంది.

సంఘమిత్ర ఎన్నికల ప్రచారం కార్వేటినగరంలో సంఘమిత్ర మహేశ్వరి నిబంధనలకు విరుద్ధంగా కూటమి తరఫున ప్రచారం నిర్వహించారు.బుధవారం శ్రీ 4 శ్రీ నవంబర్‌ శ్రీ 2026పాఠశాలలకు సెలవు చిత్తూరు కలెక్టరేట్‌ : జిల్లాలో పరిషత్‌ ఎన్నికలు నిర్వహించనున్న రూరల్‌ ప్రాంతాల్లో బుధవారం, గురువారం సెలవులు ప్రకటించినట్లు డీఈఓ లక్ష్మీనారాయణ తెలిపారు. మంగళవారం ఆయన మాట్లాడుతూ గ్రామీణ ప్రాంతాల్లోని అన్ని ప్రభుత్వ, ప్రైవేట్‌ పాఠశాలలకు తప్పనిసరిగా సెలవులు ప్రకటించాలన్నారు. చిత్తూరు కార్పొరేషన్‌, పలమనేరు, కుప్పం, నగరి మున్సిపాలిటీల పరిధిలోని పాఠశాలలు మాత్రం యథావిధిగా పనిచేస్తాయన్నారు. మున్సిపల్‌, కార్పొరేషన్‌ పరిధిలోని పాఠశాలల్లో పనిచేస్తూ ఎంపీటీసీ, జెడ్పీటీసీ ఎన్నికల్లో ఈ నెల 5వ తేదీన తమ ఓటు హక్కును వినియోగించుకోదలచిన ఉపాధ్యాయులకు ‘ఓడీ’ మంజూరు చేసినట్లు తెలిపారు. ఓడీ సౌకర్యం పొందే టీచర్లు విధిగా లీప్‌ యాప్‌లో ఎన్నికల విధుల ఆప్షన్‌లో నమోదు చేయాలన్నారు. జిల్లాలోని డీవైఈవో, ఎంఈవోలు ఆదేశాలను కచ్చితంగా అమలు చేసేలా చర్యలు చేపట్టాలని ఆదేశించారు. వేతనంతో కూడిన సెలవు రేపు చిత్తూరు కార్పొరేషన్‌: జెడ్పీటీసీ, ఎంపీటీసీ ఎన్నికల సందర్భంగా కార్మికులు, ఉద్యోగులకు ఆయా సంస్థల యాజమాన్యాలు వేతనంతో కూడిన సెలవు ఇవ్వాలని సహాయ కార్మిక కమిషనర్‌ కేశన్న స్పష్టం చేశారు. మంగళవారం ఆయన మాట్లాడుతూ గురువారం పోలింగ్‌ జరిగే ప్రాంతాల్లోని దుకాణాలు, వాణిజ్య సంస్థల్లో పనిచేస్తున్న ఉద్యోగులు, కార్మికులకు ఓటు హక్కు వినియోగించుకునేందుకు వెసులుబాటు కల్పించామని వెల్లడించారు. ప్రభుత్వ ఐటీఐలో నైపుణ్య శిక్షణ చిత్తూరు కలెక్టరేట్‌ : చిత్తూరులోని ప్రభుత్వ ఐటీఐ కళాశాలలో ఉచితంగా నైపుణ్య శిక్షణ ఇవ్వనున్నట్లు ప్రిన్సిపల్‌ రవీంద్రరెడ్డి తెలిపారు. మంగళవారం ఆయన విలేకర్లతో మాట్లాడారు. యువతకు ఉపాధి అవకాశాలను మెరుగుపరిచేందుకు ప్రధానమంత్రి కౌశల్‌ వికాస్‌ యోజన కింద మూడు నెలలపాటు ఎలక్ట్రానిక్‌ హార్డ్‌వేర్‌ అసెంబ్లీ ఆపరేటర్‌ కోర్సులో శిక్షణ అందించనున్నట్లు వివరించారు. 18 ఏళ్ల నుంచి 35 ఏళ్ల యువత అర్హులని, శిక్షణ పూర్తి చేసుకున్న వారికి కేంద్ర ప్రభుత్వ గుర్తింపు పొందిన సర్టిఫికెట్‌ అందజేస్తారని వెల్లడించారు. సీట్లు పరిమితంగా ఉన్నందున ఆసక్తి గల అభ్యర్థులు ముందుగా పేర్లు నమోదు చేసుకోవాలని కోరారు. వివరాలకు 7396631623, 8500384812, 9160940479 నంబర్లలో సంప్రదించాలని సూచించారు. ఇన్‌వాలిడ్‌ చేసి ఓడించారు! పలమనేరు : టీడీపీ నేతల ఒత్తిడితోనే కౌంటింగ్‌ అధికారులు ఉద్దేశపూర్వకంగా ఏడు ఓట్లను ఇన్‌వాలిడ్‌ చేసి తనను ఓడించారని 14వ వార్డు వైఎస్సార్‌సీపీ అభ్యర్థి కమాల్‌ ఆవేదన వ్యక్తం చేశారు. ఈ వార్డులో టీడీపీ అభ్యర్థి కేవలం మూడు ఓట్లతో గెలిచినట్టు ప్రకటించారని ఆరోపించారు. రీకౌటింగ్‌ జరిపించాలని డిమాండ్‌ చేశారు. తనకు న్యాయం చేయకుంటే కోర్టును ఆశ్రయిస్తామని స్పష్టం చేశారు. ప్రజాస్వామ్య హితంగా జరగాల్సిన మున్సిపల్‌ ఎన్నికలను కూటమి నేతలు అపహాస్యం చేశారు. పురపాలక ఎన్నికల్లో అరాచకం సృష్టించారు. ఖాకీలను అడ్డంపెట్టుకుని దమనకాండ కొనసాగించారు. నామినేషన్ల పర్వం నుంచి దౌర్జన్య కాండ సాగించారు. ప్రతిపక్ష పార్టీ అభ్యర్థులపై దాడులకు తెగబడ్డారు. మహిళల చీరలు లాగి.. వారి పట్ల అసభ్యకరంగా ప్రవర్తించారు. ఎన్నికలప్పుడూ ఓటర్లను భయభ్రాంతులకు గురిచేశారు. ఇది చాలదన్నట్టు కౌంటింగ్‌లోనూ అరాచకం సృష్టించారు. దాడులకు ఎదురొడ్డి.. ప్రజాస్వామ్యబద్ధంగా గెలిచినా జీర్ణించుకోలేకపోయారు. అధికారులపై ఒత్తిడి పెంచి తామే విజయం సాధించినట్టు ప్రకటించుకున్నారు. వీటన్నింటినీ చూసి తిరుపతి, చిత్తూరు జిల్లాల ప్రజలు నవ్వుకుంటున్నారు. ఇదేనా ప్రజాస్వామ్యం.. ఏలుకోండి నారావారి రాక్షస సామ్రాజ్యం అంటూ దుమ్మెత్తి పోస్తున్నారు. సాక్షి ప్రతినిధి, తిరుపతి: మొన్న నామినేషన్లు.. నిన్న పోలింగ్‌.. నేడు కౌంటింగ్‌లో టీడీపీ గూండాల దాడులు, దౌర్జన్యాలతో రెచ్చిపోయారు. వైఎస్సార్‌సీపీ అభ్యర్థుల విజయాన్ని జీర్ణించుకోలేని కూటమి నేతలు అక్రమాలకు తెగబడ్డారు. ఎన్నికల అధికారి విజేతని ప్రకటించినా.. కొన్ని ఓట్లను చెల్లనివిగా మార్చేసి టీడీపీ అభ్యర్థులు గెలిచినట్లు ప్రకటించుకున్నారు. ముఖ్యమంత్రి చంద్రబాబు ప్రాతినిధ్యం వహించిన కుప్పంలోనూ ప్రజాస్వామ్యాన్ని ఖూనీ చేశారు. తిరుపతి, చిత్తూరు జిల్లాల్లో మంగళవారం నిర్వహించిన మున్సిపల్‌ ఎన్నికల కౌంటింగ్‌ సమయంలో అధికారపార్టీ నేతలు బరితెగించారు. అడుగడుగునా అక్రమాలు.. దాడులు, దౌర్జన్యాలతో అరాచకం సృష్టించారు. చంద్రబాబు ప్రాతినిధ్యం వహిస్తున్న కుప్పం మున్సిపాలిటీలోని 3, 7 వార్డుల్లో వైఎస్సార్‌సీపీ అభ్యర్థులు విజయం సాధించారు. ఓటమిని జీర్ణించుకోలేని టీడీపీ నేతలు.. వైఎస్సార్‌సీపీ అభ్యర్థులు, ఏజెంట్లను బయటకు గెంటేశారు. అనంతరం ఎన్నికల అధికారులపై ఒత్తిడిచేసి టీడీపీ అభ్యర్థులు గెలుపొందినట్లు ప్రకటించుకున్నారు. ఈ పరిణామాలపై వైఎస్సార్‌సీపీ అభ్యర్థులు ఆందోళనకు దిగితే.. వారిపై పోలీసులను ప్రయోగించారు. పలమనేరు 34వ వార్డు వైఎస్సార్‌సీపీ అభ్యర్థి షేక్‌ సల్మా విజయం సాధించారు. ఓటమిని జీర్ణియించుకోలేని టీడీపీ నేతలు రీకౌంట్‌కి పట్టుబట్టారు. నాలుగు పర్యాయాలు రీ కౌంటింగ్‌ చేసినా వైఎస్సార్‌సీపీ అభ్యర్ధే విజేతగా నిలిచారు. అయిలే డిక్లరేషన్‌ ఇవ్వకుండా అడ్డుకున్నారు. నగరి 18వ వార్డు వైఎస్సార్‌సీపీ అభ్యర్థి విజయం సాధించినట్లు ఎన్నికల అధికారి డిక్లరేషన్‌ ఇచ్చారు. అదే విధంగా 38వ వార్డులోనూ వైఎస్సార్‌సీపీ విజయం సాధించినట్లు ప్రకటించారు. ఓటమిని జీర్ణించుకోలేని టీడీపీ రెండింటిలోనూ రీకౌంటింగ్‌కి టీడీపీ నేతలు డిమాండ్‌ చేశారు. రీకౌంటింగ్‌లోనూ వైఎస్సార్‌సీపీ అభ్యర్థులు విజయం సాధించినా దౌర్జన్యం సాగించారు. ఫలితాలు వెల్లడించడంతో తీవ్ర జాప్యం మున్సిపల్‌ ఎన్నికల కౌంటింగ్‌ మొదలైన కొద్దిసేపటికే వెంకటగిరి నుంచి 13వ వార్డు అభ్యర్థి తలపల చెంచు మల్లికార్జున్‌ విజయం సాధించడంతో వైఎస్సార్‌సీపీ బోణీ కొట్టింది. ఆ వెంటనే కుప్పం, నగరి, నాయుడుపేటలో వైఎస్సార్‌సీపీ అభ్యర్థులు విజయం సాధించినట్లు ఎన్నికల అధికారులు ప్రకటించారు. ఈ పరిణామంతో కూటమి నేతల్లో ఆందోళన మొదలైంది. ఆ తరువాత మున్సిపల్‌ ఎన్నికల ఫలితాలు ప్రకటించడంలో తీవ్ర జాప్యం జరిగింది. ఉదయం 11.30 నుంచి మధ్యాహ్నం 3 గంటల తరువాత వరకు ఫలితాలు ప్రకటించడంలో ఆలస్యంగా చోటు చేసుకుంది. ఈ ఆలస్యం వెనుక అధికారపార్టీ నేతల ఒత్తిడి ఉందని వైఎస్సార్‌సీపీ శ్రేణులు ఆరోపిస్తున్నారు. ఆ తరువాత ప్రకటించిన ఫలితాలు.. ఎక్కువ శాతం ఏకపక్షంగా వెల్లడైనట్లు చెబుతున్నారు. తిరుపతి కార్పొరేషన్‌ ఎన్నికల ఫలితాలైతే.. పోస్టల్‌ బ్యాలెట్‌ ఓట్లే ఉదయం 11.45కి ప్రకటించారు. తర్వాత సాయంత్రం 5 గంటలపైన కౌంటింగ్‌ ఫలితాలు ప్రకటించడం ప్రారంభించారు. సాయంత్రం వరకు ఫలితాలు ప్రకటించకపోవడం వెనుక కుట్ర దాగి ఉందని వైఎస్సార్‌సీపీ అభ్యర్థులు ఆరోపిస్తున్నారు. గెలిచినా.. ఓటుతో కూటమికి బుద్ధి చెబుదాంరేపే పరిషత్‌ పోరు బైరెడ్డిపల్లెః మోసపూరిత కూటమి ప్రభుత్వానికి ఎంపీటీసీ, జెడ్పీటీసీ ఎన్నికల్లో ఓటుతో బుద్ధి చెబుదామని మాజీ మంత్రి పెద్దిరెడ్డి రామచంద్రారెడ్డి ప్రజలకు పిలుపునిచ్చారు. ఎన్నికల ప్రచారంలో భాగంగా బైరెడ్డిపల్లెలో మంగళవారం వైఎస్సార్‌సీపీ కార్యకర్తల సమావేశం నిర్వహించారు. ఈసందర్భంగా ఆయన మాట్లాడుతూ డ్వాక్రా అక్కా చెల్లెమ్మలకు రుణమాఫీ చేసింది వైఎస్సార్‌సీపీ ప్రభుత్వమే అని గుర్తు చేశారు. వైఎస్సార్‌ ఆసరా ద్వారా రూ.18 వేలు ఇచ్చిన ఘనత, గ్రామీణ ప్రాంత పేదలకు అనేక సంక్షేమ పథకాలు అమలుచేసిన ఘనత మాజీ ముఖ్యమంత్రి వైఎస్‌ జగన్‌మోహన్‌రెడ్డికే దక్కుతుందన్నారు. కూటమి ప్రభుత్వం వచ్చాక సంక్షేమ పథకాలు కనుమరుగయ్యాయన్నారు. గత ప్రభుత్వంలో నామమాత్రంగా ధరలను పెంచితే బాదుడే బాదుడు అంటూ రోడ్డపైకి వచ్చిన టీడీపీ నాయకులు ప్రస్తుతం ఉన్న ధరలకు ఏ పేరు పెడుతారని ప్రశ్నించారు. సంపద సృష్టిస్తామని చెప్పి.. సూపర్‌ సిక్స్‌ పథకాలను అమలు చేస్తామని చెప్పిన చంద్రబాబు రాష్ట్రాన్ని అప్పుల ఊబిలోకి నెట్టేశారని ఎద్దేవా చేశారు. ప్రజలకు సంక్షేమ పథకాలు అందాలంటే వైఎస్సార్‌సీపీ ప్రభుత్వాన్ని ఆదరించాలని ప్రజలకు సూచించారు. వైఎస్సార్‌సీపీ అభ్యర్థులను అఖండ మెజార్టీతో గెలిపించాలని పిలుపునిచ్చారు. డీసీసీబీ మాజీ చైర్మన్‌ మొగసాల రెడ్డెమ్మ, వైఎస్సార్‌సీపీ రాష్ట్ర కార్యదర్శి బైరెడ్డిపల్లె క్రిష్ణమూర్తి, మాజీ ఎంపీపీలు మొగసాల రెడ్డెప్ప, మొగసాల శోభ, శ్రీనివాసులురెడ్డి, జెడ్పీటీసీ మాజీ సభ్యుడు ఆర్‌.కేశువులు, రాష్ట్ర సంయుక్త కార్యదర్శి దయానందగౌడు, జెడ్పీటీసీ అభ్యర్థి కార్తికేయన్‌ పాల్గొన్నారు. మాజీ ఎమ్మెల్యేపై దాడికి యత్నం టీడీపీ అక్రమాల గురించి తెలుసుకున్న మాజీ ఎమ్మెల్యే కిలివేటి సంజీవయ్య కౌంటింగ్‌ కేంద్రానికి చేరుకునేందుకు ప్రయత్నించారు. డీఎస్పీ, సీఐ తమ బృందంతో మాజీ ఎమ్మెల్యేని అడ్డుకున్నారు. పోలీసులు, టీడీపీ గూండాలు చుట్టుముట్టి ఎమ్మెల్యేపై దాడికి యత్నించారు. మాజీ ఎమ్మెల్యేని తోసుకుంటూ వెళ్లి బలవంతంగా పోలీసు జీపులోకి నెట్టేసి.. దొరవారిసత్రం స్టేషన్‌కు తరలించి నిర్బంధించారు. మున్సిపల్‌ ఎన్నికల్లో అడుగడుగునా అరాచకాలు తిరుపతి విషయానికి వస్తే.. 33వ డివిజన్‌ వైఎస్సార్‌సీపీ అభ్యర్థి ఎన్‌.పునీత 58 ఓట్లతో గెలుపొందినట్లు అధికారులు ప్రకటించారు. అయితే టీడీపీ నేతలు వైఎస్సార్‌సీపీ అభ్యర్థి గెలుపుని ప్రకటించడానికి వీల్లేదంటూ.. అభ్యర్థి, ఏజెంట్‌ని బయటకు పంపివేశారు. ఈ విషయాన్ని బయటకు వచ్చిన ఏజెంట్‌ శివకుమార్‌ కౌంటింగ్‌ కేంద్రంలో జరిగిన టీడీపీ అక్రమాలను బయటపెట్టారు. ఏజెంట్‌ వీడియో వైరల్‌ కావడంతో టీడీపీ నేతలు యూటర్న్‌ తీసుకోవడంతో సాయంత్రం వైఎస్సార్‌సీపీ అభ్యర్థి గెలుపొందినట్లు డిక్లరేషన్‌ ఇచ్చారు. సూళ్లూరుపేట నియోజకవర్గం నాయుడుపేట మున్సిపాలిటీలో వైఎస్సార్‌సీపీ చైర్మన్‌ అభ్యర్థి తంబిరెడ్డి రాజేశ్వరమ్మ విజయం సాఽధించారు. అదే విధంగా 13 వార్డు అభ్యర్థులు గెలుపొందారు. ఈ పరిణామాన్ని జీర్ణించుకోలేని పోలీసులు, టీడీపీ మూకలు దాడులు, దౌర్జన్యాలకు తెగబడ్డారు. నాయుడుపేట మున్సిపాలిటీ 2వ వార్డు వైఎస్సార్‌సీపీ అభ్యర్థి మాధవి 3 ఓట్ల మెజారిటీతో గెలుపొందారు. ఎన్నికల అధికారి కూడా ప్రకటించారు కూడా. టీడీపీ అభ్యర్థి పసల వాణి భర్త ఎన్నికల అధికారులను బెదిరించి రీ కౌంటింగ్‌కి డిమాండ్‌ చేశారు. ఆ రీకౌంటింగ్‌లో 9 ఓట్లు చెల్లనివిగా చూపించి టీడీపీ అభ్యర్థి గెలుపొందినట్లు ప్రకటించుకున్నారు.

మృత్యువులోనూ వీడని స్నేహం నగరి తహసీల్దార్‌ కార్యాలయం సమీపంలో వేగంగా వస్తున్న టిప్పర్‌ ఢీకొని ఇద్దరు విద్యార్థులు మృతి చెందారు.పలమనేరు : పలమనేరు మున్సిపాలిటీ కౌంటింగ్‌ భాగంగా మంగళవారం 34వ వార్డు ఓట్లను ఆరు పర్యాయాలు లెక్కించారు. ఈ ఎన్నికల్లో 34 వార్డు వైఎస్సార్‌సీపీ అభ్యర్థి షేక్‌ సల్మా తన సమీప ప్రత్యర్థి టీడీపీ అభ్యర్థి కీర్తి జావీద్‌పై 15 ఓట్లతో గెలిచినట్టు ఎన్నికల అధికారులు తొలుత ప్రకటించారు. ఇది జీర్ణించుకోలేని టీడీపీ నేతలు వెంటనే కుట్రలకు తెరతీశారు. ప్రధానంగా స్థానిక టీడీపీ నేత ఆర్‌వీ బాలాజీ ఎలాగైనా సల్మాను ఓడించి కీర్తి జావీద్‌ను గెలిపించుకోవాలని కంకణం కట్టుకున్నట్టు కనిపించారు. దీంతో ఆయన ఎన్నికల అధికారులపై ఒత్తిడి తీసుకువచ్చారు. నాలుగు దఫాలు రీకౌంటింగ్‌ చేయిస్తూ మెజారిటీ తగ్గిస్తూ వచ్చారు. మధ్యాహ్నం 3.30 నుంచి రాత్రి 10 గంటల వరకు ఈ తతంగం సాగింది. దీనిపై ఆగ్రహించిన సల్మా ఇదేమి అన్యాయమంటూ నిలదీశారు. .తమ పార్టీ అభ్యర్థి గెలిచినా ఈ అన్యాయం ఏంటంటూ వైఎస్సార్‌సీపీ క్యాడర్‌ సైతం చేరుకుంది. అయితే పోలీసులు వీరిని అడ్డుకున్నారు. కానీ, సల్మా మాత్రం కౌంటింగ్‌ కేంద్రం వద్దే నిరసనకు దిగింది. ఇది గమనించిన సీఐ మోహన్‌రెడ్డి సైతం ఆమెకు జరిగింది అన్యాయమని తెలిసి మథనపడినట్టు తెలిసిందిది. చివరకు ఆరు దఫాలు రీకౌంటింగ్‌ చేసినా ఏమీ చేసేందుకు వీలుగాక 15 ఓట్ల మెజారిటీని రెండు ఓట్లకు తీసుకువచ్చి ఎట్టకేలకు సల్మా గెలిచినట్టు అధికారులు డిక్లరేషన్‌ ఇచ్చారు. పోరాటపటిమను చూపిన సల్మా తెగువను అందరూ ప్రశంసించారు. ఈ ఇదిలా ఉండగా షేక్‌ సల్మా ఇప్పటి వరకు నాలుగుసార్లు వరుసగా కౌన్సిలర్‌గా గెలిచారు. ఐదోసారీ విజేతగా నిలిచారు.

కౌంటింగ్‌ కేంద్రాల్లోనూ అన్యాయం ● కుప్పం మున్సిపాలిటీ 7వ వార్డులో వైఎస్సార్‌సీపీ అభ్యర్థి మనోహర్‌ తొలుత 200 ఓట్లు, 3వ వార్డులోనూ వైఎస్సార్‌సీపీ అభ్యర్థి 350 ఓట్లు, , 12వ వార్డు వైఎస్సార్‌సీపీ అభ్యర్థి 200 ఓట్ల ఆధిక్యంలో ఉన్నట్లు అధికారులు తొలుత ప్రకటించారు. కాసేపటి తర్వాత వైఎస్సార్‌సీపీ అభ్యర్థులను బయటకు పంపించేశారు. అనంతరం ఈ మూడు వార్డుల్లోనూ టీడీపీ అభ్యర్థులే గెలిచినట్లు ప్రకటించారు. దీనిపై నిరసన వ్యక్తం చేసిన వైఎస్సార్‌సీపీ శ్రేణులను పోలీసులు లాఠీతో చావబాదారు. ● పలమనేరులోని 34వ వార్డులో 14 ఓట్ల మెజారిటీతో వైఎస్సార్‌సీపీ అభ్యర్థి గెలిచినప్పటికీ.. టీడీపీ నేతలు రీకౌంటింగ్‌కు పట్టుబట్టారు. నాలుగుమార్లు రీకౌంటింగ్‌ చేసినా, వైఎస్సార్‌సీపీ అభ్యర్థి గెలిచినట్లే గణాంకాలు చూపించాయి. అయినా సరే రాత్రి 8 గంటల వరకు కూడా దీనిపై అధికారికంగా ప్రకటన చేయలేదు. ● నగరిలోని 38వ వార్డులో 29 ఓట్ల మెజారిటీతో వైఎస్సార్‌సీపీ అభ్యర్థి గెలుపొందితే, టీడీపీ నేతలు రీకౌంటింగ్‌కు పట్టుబట్టారు. అనంతరం ఫలితాల్లోనూ వైఎస్సార్‌సీపీ అభ్యర్థి గెలుపొందడంతో ప్రత్యర్థులు నిరాశతో వెనుతిరిగారు. సాక్షి, చిత్తూరు : ఏజెంట్లను బయటకు పంపేయడం, రిగ్గింగ్‌ చేయడం, దొంగ ఓట్లు వేయించడం, పోలీసులతో బెదరించడం, వైఎస్సార్‌సీపీ నేతలను అక్రమంగా నిర్బంధించడం వంటి అప్రసాజ్వామిక ఘటనల నడుమ పురపాలక పోలింగ్‌ సాగింది. ఈ నేపథ్యంలో ఫలితాలు ఎలా ఉంటాయనేది అందరూ ఊహించారు. చివరకు జిల్లాలో మున్సిపల్‌ ఎన్నికల ఫలితాలు అధికారపార్టీకే అనుకూలంగా వస్తాయనే అంచనాలు నిజమయ్యాయి. మంగళవారం జరిగిన ఓట్ల లెక్కింపులో ఓ కార్పొరేషన్‌తో పాటు రెండు మున్సిపాలిటీల్లో టీడీపీ అభ్యర్థులు విజయం సాధించారు. చిత్తూరులో హై డ్రామా.. చిత్తూరు కార్పొరేషన్‌లో 60 డివిజన్లకు గాను, 51 స్థానాలు ఏకగ్రీవం కాగా, 9 డివిజన్లకు ఎన్నికలు నిర్వహించారు. అయితే మొత్తం పోలైన ఓట్లు 92,910 అంటూ అధికారులు ప్రకటించారు. ఓట్ల లెక్కింపులో తొలి రౌండ్‌లో 21 వేలు, రెండో రౌండ్‌లో 31 వేలు, మూడో రౌండ్‌లో 31 వేల ఓట్ల చొప్పున ఓట్లు లెక్కించి అధికారులు ఫలితాలు వెల్లడించారు. మిగిలిన చివరి రౌండ్‌లో 8,910 ఓట్లను కౌంట్‌ చేసి ఫలితాలు ప్రకటించాలి. ఇక్కడే అధికారులకు షాక్‌ తగిలింది. చివరిలో దాదాపు 6 వేల ఓట్లు అదనంగా బ్యాలెట్‌ బాక్సులో ప్రత్యక్షమైనట్లు తెలుస్తోంది. దీంతో గంటన్నరసేపు అధికారులు కౌంటింగ్‌ ప్రక్రియను ఆపేసినట్లు విశ్వసనీయ సమాచారం. అప్పటికే విషయం దావానంలా సామాజిక మాధ్యమాల్లో వ్యాపించడం, అధికారపార్టీ నేతలు దొంగ ఓట్లు వేయడం, రిగ్గింగ్‌ చేశారనేందుకు ఈ 6 వేల ఓట్లే నిదర్శనమంటూ విమర్శలు మొదలయ్యాయి. గంటన్నర తర్వాత మొత్తం 8,912 ఓట్లకు ఫలితాలు వెల్లడించారు. అంటే ఇక్కడ కూడా గతంలో అధికారులు ప్రకటించిన సంఖ్య కంటే రెండు ఓట్లు అదనంగా వచ్చాయి. కుట్రలను ఎదురొడ్డి గెలిచారు ఓ వైపు దొంగ ఓట్లు, మరోవైపు రిగ్గింగ్‌ చేస్తూ బట్టబయలైన అధికారపార్టీ కుతంత్రాల మధ్య ఎన్నికలు జరిగిన 94 వార్డుల్లో .. 17 చోట్ల వైఎస్సార్‌సీపీ అభ్యర్థులు కుట్రలకు ఎదురొడ్డి గెలుపొందారు. ఈ మేరకు ఎన్నికల నిర్వహించిన చిత్తూరు కార్పొరేషన్‌లోని 9 స్థానాల్లో టీడీపీ–4, వైఎస్సార్‌సీపీ– 3, జనసేన–1, స్వతంత్ర అభ్యర్థి ఓచోట గెలిచారు. కుప్పంలో టీడీపీ–19, నగరిలో టీడీపీ–30, వైఎస్సార్‌సీపీ–6, జనసేన–1, పలమనేరులో టీడీపీ– 21, వైఎస్సార్‌సీపీ–8, జనసేన అభ్యర్థులు 2 స్థానాల్లో గెలుపొందారు. ఎవరెక్కడ ఎవరంటే.. చిత్తూరు కార్పొరేషన్‌లో టీడీపీ అభ్యర్థి కటారి హేమలత రెండో మారు మేయర్‌గా గెలుపొందారు. కుప్పం పురపాలక చైర్మన్‌గా రాజకుమార్‌ (టీడీపీ) గెలవగా, పలమనేరు మున్సిపాలిటీ చైర్‌పర్సన్‌గా రాజ్యలక్ష్మి (టీడీపీ) విజయం సాధించారు. నగరి మున్సిపల్‌ చైర్మన్‌గా శ్రీనివాసన్‌ (టీడీపీ) ఏకగ్రీవంగా గెలిచినట్లు అధికారులు గతంలోనే ప్రకటించిన విషయం తెలిసిందే. ‘పచ్చ’పోటు.. ఓడిన ఓటు రాజ్యాంగానికి అవమానం జరిగింది. ప్రజాతీర్పుపై పచ్చపోటు పడింది. ఓటరుపై దౌర్జన్యమే విజయం సాధించింది. చివరకు ప్రజాస్వామ్యం అపహాస్యం పాలైంది. టీడీపీ గూండాల కర్కశత్వానికి జన సామాన్యం విలవిలలాడింది. నచ్చిన నేతను ఎన్నుకునే అవకాశం కూడా లేని దుస్థితి దాపురించింది. రౌడీరాజ్యంలో బ్యాలెట్‌ కేవలం కాగితం ముక్కలానే మిగిలింది. కౌంటింగ్‌ కేంద్రంలోనూ కుతంత్రమే గెలుపొందింది. రిగ్గింగ్‌.. దొంగ ఓట్లతో ఎట్టకేలకు అధికార పార్టీనే జిల్లాలోని మూడు పురపాలక పీఠాలను కై వసం చేసుకుంది.

చిత్తూరు కలెక్టరేట్‌ : నగరంలోని బృందావన్‌ పాఠశాల విద్యార్థి యశ్విన్‌ శ్రీసాయి జిల్లా స్థాయి బాస్కెట్‌బాల్‌ పోటీలకు ఎంపికై నట్లు కరస్పాండెంట్‌ శైలజాకుమారి తెలిపారు. మంగళవారం ఆమె మాట్లాడుతూ ఉమ్మడి చిత్తూరు జిల్లా స్కూల్‌ గేమ్స్‌ ఆధ్వర్యంలో అండర్‌–17 బాస్కెట్‌బాల్‌ పోటీలు నిర్వహించారన్నారు. వాయల్పాడులో నిర్వహించిన ఈ పోటీల్లో తమ పాఠశాల విద్యార్థి ప్రతిభ చాటి జిల్లా స్థాయి పోటీలకు ఎంపికై నట్లు వెల్లడించారు. భవిష్యత్‌లో మరింత ప్రతిభ చాటి రాష్ట్ర స్థాయి పోటీలకు ఎంపికవ్వాలని కోరారు. ప్రతిభ చూపిన విద్యార్థిని డైరెక్టర్‌ ప్రియతేజ, ప్రిన్సిపల్‌ సుబ్రమణ్యం అభినందించారు.

చిత్తూరు రూరల్‌ (కాణిపాకం): మరో నిమిషం వ్యవధి ఉండుంటే ఆ కష్టజీవుల ప్రయాణం సురక్షితంగా సాగిపోయేది. ఎవరి దారిన వారు ఇళ్లకు చేరుకునేవారు. కానీ, కాలం పగబట్టిందో ఏమో కానీ, కాలుడి పాశానికి చిక్కిపోయారు. చిత్తూరు మండలంలోని చెర్లోపల్లె వద్ద సర్వీస్‌ రోడ్డుపై మంగళవారం రాత్రి ట్రాక్టర్‌ ట్రాలీని టాటా ఏస్‌ ఢీకొనడంతో ముగ్గురు అక్కడికక్కడే దుర్మరణం చెందారు. వివరాలు.. తవణంపల్లి మండలం మొదాలపల్లెకు చెందిన చెంచు నాయుడు తన ట్రాక్టర్‌లో పొడవైన రాతి కూసాలను వేసుకుని వెళుతున్నాడు. చెర్లోపల్లి చుట్టుపక్కల రాతి కూసాలు లోడ్‌ చేసుకుని.. తెల్లగుండ్లపల్లి బ్రిడ్జి వద్ద రోడ్డు దాటి మొదాలపల్లికి వెళ్లేందుకు కుడివైపు సర్వీస్‌ రోడ్డులోకి ప్రవేశించాడు. అదే సమయంలో మురుగానిపల్లి వద్ద సరుకు లోడ్‌ చేసుకుని పుంగనూరు వెళ్లి తిరుగు ప్రయాణమైన టాటా ఏస్‌ వాహనం ఇరువారం బ్రిడ్జి నుంచి చెర్లోపల్లి మీదుగా మురుగానిపల్లి వైపునకు ఎడమవైపు సర్వీస్‌ రోడ్డులో వచ్చింది. సర్వీస్‌ రోడ్డులో వీధి దీపాలు లేకపోవడంతో ఆ ప్రాంతమంతా చీకటిగా ఉంది. దీనికితోడు రాతి కూసాలతో వెళ్తున్న ట్రాక్టర్‌ ట్రాలీకి వెనుక భాగంలో ఎలాంటి రేడియం రిఫ్లెక్టివ్‌ స్టిక్కర్లు లేవు. వేగంగా వస్తున్న టాటా ఏస్‌ డ్రైవర్‌ ముందు వెళుతున్న ట్రాక్టర్‌ను గుర్తించలేకపోయాడు. దగ్గరకు వచ్చాక ప్రమాదాన్ని గమనించి వాహనాన్ని కంట్రోల్‌ చేసేలోపే ట్రాక్టర్‌ ట్రాలీని వెనుక నుంచి బలంగా ఢీకొట్టాడు. ప్రమాద తీవ్రతకు ట్రాక్టర్‌ ట్రాలీలోని రాతి కూసాలు టాటా ఏస్‌ వాహనంలోకి చొచ్చుకుపోయాయి. ఒక రాతి కూసం విరిగి కింద పడగా, మరో కూసం స్టీరింగ్‌ను తీవ్రంగా అదిమివేయడంతో డ్రైవర్‌ సందీప్‌ అక్కడికక్కడే నలిగిపోయాడు. మరో రాతి కూసం పక్కనే కూర్చున్న యువకుడి ప్రాణాలు తీసింది. ఇదే సమయంలో ట్రాక్టర్‌ డ్రైవర్‌ పక్కన కూర్చుని మొదాలపల్లికి వెళ్తున్న టి.బాబు కిందపడి ప్రాణాలు కోల్పోయాడు. రెక్కాడితే కానీ డొక్కాడని వారే.. ఈ ప్రమాదంలో మృతి చెందిన ముగ్గురూ రెక్కాడితే గానీ డొక్కాడని నిరుపేద కష్టజీవులే కావడం గమనార్హం. సందీప్‌ (33) యాదమరి మండలంలోని జోడి చింతలకు చెందిన వాడు. నాలుగేళ్లుగా ఆటో డ్రైవర్‌గా పనిచేస్తూ కుటుంబాన్ని పోషిస్తున్నాడు. జితేంద్ర (17), స్వస్థలం బీహార్‌ రాష్ట్రం. పొట్టకూటి కోసం ఇక్కడికి వచ్చిన ఈ బాలుడు విధి వంచనతో మృత్యుఒడికి చేరాడు. అలాగే టి. బాబు (40) తవణంపల్లి మండలం మొదాలపల్లెకు చెందిన దినసరి కూలీ. విషయం తెలుసుకున్న ఈస్ట్‌ సీఐ రామచంద్ర, చిత్తూరు తాలూకా ఎస్‌ఐ అశోక్‌కుమార్‌ వెంటనే ఘటనా స్థలానికి చేరుకుని మృతదేహాలను పరిశీలించి, కేసు నమోదు చేసి దర్యాప్తు చేస్తున్నారు.

నగరి : చేతిలో చేయి వేసుకుని తిరిగిన ఆ ఇద్దరు స్నేహితులను మృత్యువు కూడా ఒకేసారి వెంటాడింది. కలిసే చదువుకున్నారు.. కలిసే తిరిగారు.. చివరకు ఒకే ప్రమాదంలో విగతజీవులయ్యారు. రెప్పపాటులో జరిగిన ఘోర ప్రమాదం రెండు కుటుంబాల్లో తీరని విషాదాన్ని నింపింది. కన్న కొడుకుల భవిష్యత్తుపై ఎన్నో ఆశలు పెట్టుకున్న తల్లిదండ్రుల కలలను జాతీయ రహదారిపై దూసుకొచ్చిన టిప్పర్‌ చిదిమేసింది. పట్టణ పరిధిలోని తహసీల్దార్‌ కార్యాలయం సమీపంలో మంగళవారం సాయంత్రం ఈ హృదయవిదారక ప్రమాదం జరిగింది. ఈ ప్రమాదంలో మదన్‌కుమార్‌ అలియాస్‌ సంతోష్‌ (18), అజిత్‌ (18) అనే ఇద్దరు విద్యార్థులు అక్కడికక్కడే ప్రాణాలు కోల్పోయారు. మృతులిద్దరూ స్థానిక ప్రభుత్వ డిగ్రీ కళాశాలలో మొదటి సంవత్సరం చదువుతున్నారు. మదన్‌న్‌కుమార్‌ నగరి మున్సిపాలిటీ పరిధిలోని చింతలపట్టెడకు చెందినవాడు కాగా, అజిత్‌ తమిళనాడులోని అరక్కోణం ప్రాంతానికి చెందినవాడు. అజిత్‌ చింతలపట్టెడ మార్గంలోని బీసీ హాస్టల్‌లో ఉంటూ చదువుకుంటున్నాడు. ఇద్దరూ ప్రాణస్నేహితులు. ఖాళీ సమయాల్లో మదన్‌న్‌కుమార్‌ తన తాత స్కూటీపై సరదాగా బయటకు వెళ్లి వస్తుండేవారు. ఎప్పటిలాగే మంగళవారం సాయంత్రం కూడా ఇద్దరూ స్కూటీపై పుత్తూరు మార్గంలోకి వెళ్లి తిరిగి వస్తున్నారు. ఇంతలో వేగంగా వచ్చిన టిప్పర్‌ వారి స్కూటీని ఢీకొట్టింది. దీంతో ఇద్దరూ లారీ కిందకు వెళ్లి చక్రాల కింద నలిగి ప్రాణాలు కోల్పోయారు. కళ్లముందే జరిగిన ఈ ఘోరాన్ని చూసిన స్థానికులు దిగ్భ్రాంతికి గురయ్యారు. ప్రమాదం జరిగిన వెంటనే డ్రైవర్‌ టిప్పర్‌ను అక్కడే వదిలి పరారయ్యాడు. టిప్పర్ల వేగంపై ఆగ్రహం ఇద్దరు విద్యార్థుల మృతికి టిప్పర్ల అతివేగమే కారణమంటూ బంధువులు, గ్రామస్తులు ఆగ్రహం వ్యక్తం చేశారు. ప్రమాదానికి కారణమైన టిప్పర్‌తో పాటు ఆ మార్గంలో వస్తున్న ఇతర టిప్పర్లపై రాళ్లు విసురుతూ రహదారిపై నిరసనకు దిగారు. దీంతో కొంతసేపు ఉద్రిక్త పరిస్థితి ఏర్పడింది. సమాచారం అందుకున్న పోలీసులు ఘటనా స్థలానికి చేరుకుని అదుపు చేశారు. ప్రమాదానికి గల కారణాలను పూర్తిస్థాయిలో విచారించి, బాధ్యులపై చర్యలు తీసుకుంటామని మృతుల కుటుంబీకులకు హామీ ఇచ్చారు. ఈ ప్రమాదం కారణంగా మదన్‌న్‌కుమార్‌ కుటుంబం అనుభవిస్తున్న విషాదం పలువురి హృదయాలను కలచివేసింది. అతని తండ్రి ఇప్పటికే మరణించడంతో తల్లే కుటుంబ భారాన్ని భుజాన వేసుకుంది. భవన నిర్మాణ కూలీగా పనిచేస్తూ రెక్కలు ముక్కలు చేసుకుని ఇద్దరు కుమారులను చదివిస్తోంది. తన కష్టాలను పక్కనపెట్టి, పెద్ద కుమారుడిని ఉన్నతంగా చూడాలని ఎన్నో ఆశలు పెట్టుకుంది. కానీ విధి వక్రించించింది. కష్టపడి పెంచుకున్న పెద్ద కుమారుడు ఇక తిరిగిరాని లోకాలకు వెళ్లిపోయాడన్న వార్త ఆ తల్లిని, అవ్వను కుంగదీసింది. ఘటనా స్థలానికి చేరుకున్న ఆమె కుమారుడి మృతదేహాన్ని చూసి గుండెలవిసేలా రోదించిన తీరు అక్కడున్న వారందరినీ కంటతడి పెట్టించింది. తండ్రి లేడు.. తల్లి కష్టమే జీవనాధారం

పుత్తూరు చైర్మన్‌గా ఏలుమలై పుత్తూరు మున్సిపల్‌ చైర్మన్‌గా జనసేన అభ్యర్థి డీఎన్‌ ఏలుమలై 10,144 ఓట్ల మెజారిటీతో గెలుపొందారు. సమీప ప్రత్యర్థి వైఎస్సార్‌సీపీ తరఫున పోటీచేసిన డి జయప్రకాష్‌ మీద ఆయన గెలుపొందారు. పుత్తూరు మున్సిపాలిటీ ఎన్నికల్లో వైఎస్సార్‌సీపీ నాలుగు వార్డులను కై వసం చేసుకొంది. ఆ పార్టీ తరఫున ఎస్‌.ఇలంగోవన్‌, పి.సావిత్రమ్మ, పి.లత, డి.గోపినాథ్‌ గెలుపొందారు. మొత్తం 36 వార్డులకు గాను, టీడీపీ 29 స్థానాలతో పాటు ఒక వార్డు ఏకగ్రీవం కావడంతో మొత్తం 30 స్థానాలను దక్కించుకొంది. రెండు స్థానాల్లో జనసేన అభ్యర్థులు గెలుపొందారు. సాక్షి, తిరుపతి: నాయుడుపేట మున్సిపాలిటీలో వైఎస్సార్‌సీపీ విజయకేతనం ఎగురవేసింది. తీవ్ర నాటకీయ పరిణామాల అనంతరం వైఎస్సార్‌సీపీ అభ్యర్థి తంబిరెడ్డి రాజేశ్వరమ్మ గెలుపొందినట్టు ఎన్నికల అఽధికారులు ప్రకటించారు. టీడీపీ అభ్యర్థి షాకీరాపై 1,187 ఓట్ల మెజార్టీతో గెలుపొందిన తంబిరెడ్డి గెలుపును అధికార పార్టీ జీర్ణించుకోలేకపోయింది. పదేపదే రీ కౌంటింగ్‌ అడుగుతూ కౌంటింగ్‌ కేంద్రంలో తీవ్ర అలజడి సృష్టించింది. మరోవైపు పోలీసులు అఽధికార పార్టీ తరఫున బరితెగించారు. ఎట్టకేలకు ప్రజాతీర్పును గౌరవించి నాయుడుపేట మున్సిపాలిటీలో వైఎస్సార్‌సీపీ గెలిచినట్టు ప్రకటించారు. నాయుడుపేటలో మొత్తం 32 వార్డులుండగా అందులో 13 చోట్ల వైఎస్సార్‌సీపీ అభ్యర్థులు, 14 చోట్ల టీడీపీ, నాలుగు చోట్ల బీజేపీ, ఒక స్వతంత్ర అభ్యర్థి గెలుపొందారు. వైఎస్సార్‌సీపీ తరఫున గెలిచిన అభ్యర్థుల్లో బూదూరు శ్రీలక్ష్మి, పాలేటి నాగార్జున, రాయపు సరిత, తీపలపూడి నాగరత్నం, సాతూవతి మరియమ్మ, నాగిరెడ్డి కల్పన, కావేరిపాకం అశోక్‌కుమార్‌, గందవళి అరుణ, దారా రవి, నెమలి లత, కలిశెట్టి మురళి, నెమలి లత, మైలాపూర్‌ మాధవి ఉన్నారు. వెంకటగిరి మున్సిపల్‌ చైర్‌పర్సన్‌గా దొంతు శారద వెంకటగిరి మున్సిపల్‌ చైర్‌పర్సన్‌గా టీడీపీ అభ్యర్థి దొంతు శారద గెలుపొందారు. సమీప వైఎస్సార్‌సీపీ అభ్యర్థి దీవెనపై 10,636 ఓట్ల మెజారిటీతో గెలుపొందారు. మొత్తం 36 వార్డులకు గాను నాలుగు వార్డులు వైఎస్సార్‌సీపీ, 29 టీడీపీ, రెండు బీజేపీ, ఒకచోట జనసేన అభ్యర్థులు గెలుపొందారు. వైఎస్సార్‌సీపీ తరఫున గెలిచిన కౌన్సిలర్లలో జలగం కామాక్షి, తలపల మల్లికార్జున, మేరువ ఇందిరమ్మ, బీరం వసంత కుమార్‌ ఉన్నారు. సూళ్లూరుపేట మున్సిపల్‌ చైర్‌పర్సన్‌గా పిట్ల సుహాసిని సూళ్లూరుపేట మున్సిపల్‌ చైర్‌పర్సన్‌గా పిట్ల సుహాసిని (టీడీపీ) తన సమీప ప్రత్యర్థి వైఎస్సార్‌సీపీ అభ్యర్థి మోడి విమలకుమారిపై 8,784 ఓట్ల ఆధిక్యతతో గెలుపొందారు. మొత్తం 32 వార్డులకు గాను రెండు స్థానాలను టీడీపీ ఏకగ్రీవం చేసుకోగా పోలింగ్‌ జరిగిన 30 వార్డుల్లో మూడు చోట్ల వైఎస్సార్‌సీపీ, 24 చోట్ల టీడీపీ, రెండు చోట్ల జనసేన, ఒకచోట బీజేపీ గెలుపొందింది. వైఎస్సార్‌సీపీ తరఫున గెలుపొందిన వారిలో కలత్తూ రు శేఖర్‌రెడ్డి,ఊటి మాధురి, పొన్న మంజుల ఉన్నారు. ఆదర్శ మున్సిపాలిటీగా తీర్చిదిద్దుతానాయుడుపేటను ఆదర్శ మున్సిపాలిటీగా తీర్చిదిద్దే విధంగా శక్తివంచన లేకుండా కృషిచేస్తా. పేట ప్రజలకు ఎల్లప్పుడూ రుణపడి ఉంటా. అందరికీ అందుబాటులో ఉంటూ, మీ కుటుంబంలో ఓ వ్యక్తిగా మెలుగుతా. కష్టంలో కన్నీళ్లు తుడుస్తూ అండగా నిలుస్తా. నాపై నమ్మకం ఉంచి విజయం చేకూర్చిన ప్రతి ఒక్కరికీ కృతజ్ఞతలు. – తంబిరెడ్డి రాజేశ్వరమ్మ, మున్సిపల్‌ చైర్‌పర్సన్‌, నాయుడుపేట తిరుపతి మేయర్‌గా జేబీ శ్రీనివాస్‌ తిరుపతి కార్పొరేషన్‌ ఎన్నికల్లో టీడీపీ అభ్యర్థి మన్నెం శ్రీనివాసప్రసాద్‌(జేబీ శ్రీనివాస్‌) గెలుపొందారు. వైఎస్సార్‌సీపీ అభ్యర్థి వాసుయాదవ్‌కు 33,355 ఓట్లు రాగా జేబీ శ్రీనివాస్‌కు 94,937 ఓట్లు పడ్డాయి. మొత్తం పోలైన 1,36,006 ఓట్ల లో 3,149 ఓట్లు ఇన్‌ వ్యాలిడ్‌ కాగా 1,389 మంది నోటాకు వేయడం విశేషం. పోస్టల్‌ బ్యాలెట్‌లో సైతం 478 ఓట్లకు గాను 44 ఓట్లు ఇన్‌వ్యాలిడ్‌ అవ్వగా 13 ఓట్లు నోటాకు పడ్డాయి. మొత్తం 66 డివిజన్లకు గాను రెండు స్థానాలు టీడీపీ ఏకగ్రీవం చేసుకోగా పోలింగ్‌ జరిగిన 64 డివిజన్లలో టీడీపీ 36, జనసేన 19, వైఎస్సార్‌సీపీ మూడు, బీజేపీ మూడు, స్వంతంత్ర అభ్యర్థులు మూడు చోట్ల గెలుపొందారు. వైఎస్సార్‌సీపీ తరఫున గెలిచిన అభ్యర్థుల్లో వెంకటేశ్వర్లు, పునీత, శ్రావణి ఉన్నారు. నాయుడుపేట మున్సిపల్‌ చైర్‌పర్సన్‌ వైఎస్సార్‌సీపీదే

చిత్తూరు రూరల్‌ (కాణిపాకం): జిల్లాలో మున్సిపల్‌ ఎన్నికల ఓట్ల లెక్కింపు ప్రక్రియకు అధికారులు అన్ని ఏర్పాట్లు పూర్తిచేశారు. మంగళవారం ఉదయం 8 గంటలకు ప్రారంభంకానున్న కౌంటింగ్‌ కోసం 1,384 మంది పోలీసులతో పటిష్ట భద్రతా ఏర్పాట్లు చేసినట్లు జిల్లా ఎస్పీ తుషార్‌ డూడి తెలిపారు. చిత్తూరు (పీవీకేఎన్‌), కుప్పం (డిగ్రీ కాలేజీ), పలమనేరు (వృత్తి విద్యా కాలేజీ ), నగరి (సిద్ధార్థ కాలేజీ) కళాశాలల్లో కౌంటింగ్‌ కేంద్రాలు ఏర్పాటు చేశామన్నారు. కేంద్రాల వద్ద డ్రోన్లు, సీసీ కెమెరాలతో నిఘా ఉంటుందని, ఆర్వో అనుమతి ఉన్నవారికే ప్రవేశం ఉంటుందని స్పష్టం చేశారు. కౌంటింగ్‌ ఏజెంట్లు సెల్‌ ఫోన్లు తీసుకెళ్లరాదని, కేంద్రాల వద్ద 144 సెక్షన్‌ అమల్లో ఉంటుందని వెల్లడించారు. శాంతిభద్రతల పరిరక్షణకు అందరూ సహకరించాలని కోరారు.

వి.కోట: మండలంలోని టీడీపీ చెందిన నాయకులు సోమవారం వైఎస్సారీసీపీలో చేరారు. తోటకనుమలోని మాజీ ఎమ్మెల్యే, వైఎస్సార్‌సీపీ జిల్లా అధ్యక్షుడు వెంకటేగౌడ తన స్వగృహంలో నాయకులకు పార్టీ కండువాలు కప్పి ఆహ్వనం పలికారు. పార్టీలో చేరిన వారిలో జవునిపల్లి పంచాయతీకి చెందిన చిన్నారెడ్డి ఆయన అనుచరులు ఉన్నారు. వారు మాట్లాడుతూ వైఎస్సార్‌సీపీ సిద్ధాంతాలు నచ్చి పార్టీలోకి చేరిన్నట్లు పేర్కొన్నారు. ఈ కార్యక్రమంలో వైఎస్సార్‌సీపీ మండల కన్వీనర్‌, మాజీ ఎంపీపీ యువరాజ్‌, నాయకులు, కార్యకర్తలు పాల్గొన్నారు.

నగరి: స్థానిక సంస్థల ఎన్నికల ప్రచారంలో మాజీ మంత్రి ఆర్కే రోజా తనదైన శైలిలో ప్రత్యర్థులపై విమర్శలు గుప్పించారు. ‘‘సైకిల్‌ టైర్‌ను పంచర్‌ చేయాలి.. ఫ్యాన్‌ను గిరగిరా తిప్పాలి.. ఫ్యాన్‌ గాలి ప్రతి ఇంటికీ చేరాలి’’ అంటూ ప్రజలకు పిలుపునిచ్చారు. సోమవారం మండలంలోని వీకేఆర్‌ పురం ఎంపీటీసీ అభ్యర్థి భారతి రాము, జెడ్పీటీసీ అభ్యర్థి తులసమ్మకు మద్దతుగా, నిండ్ర మండలం ఆరూరు, ఇరుగువాయి ఎంపీటీసీ అభ్యర్థులు గౌరి, కళైప్రియ, జెడ్పీటీసీ అభ్యర్థి అనిల్‌కు మద్దతుగా ఆమె ఎన్నికల ప్రచారం నిర్వహించారు. వైఎస్సార్‌సీపీ అధినేత, మాజీ ముఖ్యమంత్రి వైఎస్‌ జగన్మోహన్‌ రెడ్డి ఆశీస్సులతో బరిలో నిలిచిన అభ్యర్థుల విజయమే లక్ష్యంగా మీరాసాహెబ్‌పాళెం, పాదిరి, జీఎన్‌ కండ్రిగ, ఆరూరు, ఇరుగువాయి పంచాయతీల పరిధిలో ఇంటింటికీ వెళ్లి ఓటర్లను కలుసుకున్నారు. ఈ సందర్భంగా ఆమె మాట్లాడుతూ కూటమి ప్రభుత్వం ఎన్నికల సమయంలో ప్రజలకు ఇచ్చిన హామీలు, అధికారంలోకి వచ్చిన తర్వాత వాటి అమలులో చూపుతున్న నిర్లక్ష్యంపై ప్రశ్నలు సంధించారు. గత వైఎస్సార్‌సీపీ ప్రభుత్వ హయాంలో అమలు చేసిన సంక్షేమ పథకాలు, ప్రజలకు అందించిన లబ్ధిని గుర్తుచేస్తూ మరోసారి వైఎస్సార్‌సీపీ అభ్యర్థులకు అవకాశం కల్పించాలని కోరారు.

చిత్తూరు కార్పొరేషన్‌: గత 30 సంవత్సరాల్లో లేనటువంటి అభివృద్ధి చిత్తూరులో చేశాం.. రూ.వందల కోట్లు ఖర్చు పెట్టి వసతులు కల్పించామంటూ డప్పు కొట్టుకునే ఎమ్మెల్యే గురజాల జగన్‌మోహన్‌ పోలింగ్‌ సమయంలో రిగ్గింగ్‌ ఎందుకు చేయించారని వైఎస్సార్‌సీపీ చిత్తూరు నియోజకవర్గ సమన్వయకర్త విజయానందరెడ్డి ప్రశ్నించారు. సోమవారం వైఎస్సార్‌సీపీ జిల్లా కార్యాలయంలో నిర్వహించిన విలేకర్ల సమావేశంలో ఆయన మాట్లాడారు. ఆదివారం ఏజెంట్లు, నాయకులను పోలీసులు ఎందుకు అక్రమంగా నిర్బంధించారన్నారు. పోలింగ్‌ కేంద్రంలో ఎమ్మెల్యే డైరెక్షన్‌లో దొంగ ఓట్లు వేశారని ఆరోపించారు. రాజ్యాంగ హక్కులను కాలరాసి ఓటు వేసే వాతవారణం కల్పించలేదని ఆవేదన వ్యక్తం చేశారు. అన్నింటికి ప్రజలే భవిష్యత్‌లో తగిన బుద్ధి చెబుతారన్నారు. రిగ్గింగ్‌ జరిగినట్లు వీడియో బయటకు వచ్చినప్పటికీ అధికారులు ఎందుకు రీపోలింగ్‌ పెట్టలేదని ప్రశ్నించారు. చిత్తూరు పేరును రాష్ట్ర వ్యాప్తంగా చెడగొట్టారని మొదలియార్‌ విభాగం రాష్ట్ర అధ్యక్షుడు జ్ఞానజగదీష్‌ విమర్శించారు. ఎమ్మెల్యే, టీడీపీ మేయర్‌ అభ్యర్థి కఠారి హేమలత, మాజీ ఎమ్మెల్సీ దొరబాబు నాయకత్వంలో పలు డివిజన్లలో దొంగఓట్లు వేశారని ఆరోపించారు. పోలింగ్‌ సరళని పరిశీలించే సాకుతో ప్రతి పోలింగ్‌ కేంద్రానికి వారు వెళతూ దొంగ ఓటర్లను కూడాతీసుకుపోయారని ఆరోపించారు. ప్రతిపక్షంలో ధర్మరాజు మాటలు మాట్లాడిన దొరబాబు అధికార పక్షంలో ఎందుకు పాటించడం లేదన్నారు. మైనర్ల చేత ఓట్లు వేయించిన ఘనత ఎమ్మెల్యేకి దక్కుతుందని మైనార్టీ నాయకులు మున్నా ఎద్దేవా చేశారు. ప్రశాంతంగా ఉన్న చిత్తూరు వాతవారణానికి భయానకంగా మార్చరని విమర్శించారు. కార్యక్రమంలో వైఎస్సార్‌సీపీ రాష్ట్ర కార్యదర్శి(పార్లమెంట్‌) రాహుల్‌రెడ్డి, నగర పార్టీ అధ్యక్షుడు కేపీ శ్రీధర్‌, జిల్లా లీగల్‌ సెల్‌ అధ్యక్షుడు సూర్యప్రతాప్‌రెడ్డి, నాయకులు మధురెడ్డి, సయ్యద్‌, చల్లాముత్తు, టిమ్ము, లక్ష్మణస్వామి తదితరులు పాల్గొన్నారు.

● నగలు అపహరణ పెద్దపంజాణి: ఒంటరిగా ఉన్న వృద్ధురాలిపై గుర్తు తెలియని ఓ యువతి దాడిచేసి నగలు అపహరించుకు వెళ్లిన సంఘటన మండలంలోని పెద్దారికుంట పంచాయతీ గురివిరెడ్డిపల్లి గ్రామంలో సోమవారం వేకువజామున చోటుచేసుకుంది. గ్రామస్తులు తెలిపిన వివరాల మేరకు.. మండలంలోని గురివిరెడ్డిపల్లి గ్రామానికి చెందిన దొరస్వామి భార్య జ్ఞానమ్మ (75) గ్రామం చివరలోని సొంత ఇంటిలో ఒంటరిగా కాపురం ఉంటోంది. సోమవారం వేకువ జామున ఓ యువతి తెలిసిన వ్యక్తిలాగా ఆమెను పేరుతో పిలిచి పసుపు కొమ్ములు కావాలంటూ ఇంట్లోకి వెళ్లింది. పథకం ప్రకారం వెంట తెచ్చుకున్న ఇనుప సుత్తితో వృద్ధురాలి తలపై దాడిచేసింది. వృద్ధురాలు అపస్మారక స్థితికి చేరుకుంది. ఆమె చెవులకున్న బంగారు కమ్మలు, మాటీలు, నల్లపూసల దండ యువతి అపహరించుకు వెళ్లింది. సృహలోకి వచ్చిన తర్వాత ఆమె గట్టిగా కేకలు వేయడంతో గ్రామస్తులు ఆమె ఇంటి వద్దకు చేరుకున్నారు. తీవ్రంగా గాయపడిన ఆమెను చికిత్స నిమిత్తం పుంగనూరులోని ఓ ఆస్పత్రికి తరలించి పోలీసులకు సమాచారం అందించారు. పెద్దపంజాణి పోలీసులు గ్రామానికి చేరుకుని విచారణ చేపట్టారు. ఏపీ ఓపెన్‌ స్కూల్‌ అడ్మిషన్ల గడువు పొడిగింపు చిత్తూరు కలెక్టరేట్‌ : ఆంధ్రప్రదేశ్‌ సార్వత్రిక విద్యాపీఠం (ఏపీ ఓపెన్‌ స్కూల్‌) ఆధ్వర్యంలో నిర్వహించే 2026–27 విద్యా సంవత్సరం పదో తరగతి, ఇంటర్మీడియట్‌ అడ్మిషన్ల గడువును పొడిగించినట్లు డీఈవో లక్ష్మీనారాయణ తెలిపారు. సోమవారం ఆయన విలేకరులతో మాట్లాడారు. ఎలాంటి అపరాధ రుసుం లేకుండా అడ్మిషన్లు పొందేందుకు ఈనెల 15 వ తేదీ వరకు అవకాశం కల్పించారన్నారు. ఈ నెల 16 నుంచి 30 వరకు రూ.200 అపరాధ రుసుంతో అడ్మిషన్లు పొందవచ్చని తెలిపారు. కమిషనర్‌ ఆదేశాల మేరకు హెచ్‌ఎంలు, ఎంఈవోలు తమకు నిర్దేశించిన టార్గెట్లను పూర్తిచేయాలని సూచించారు. ఆసక్తి గల అభ్యర్థులు మీసేవ, ఏపీ ఆన్‌లైన్‌లో దరఖాస్తు చేసుకోవాలని కోరారు. ప్రతి మండలంలో ఓపెన్‌ స్కూల్‌ స్టడీ సెంటర్‌ అందుబాటులో ఉందని, ఇతర వివరాలకు డీఈవో కార్యాలయంలోని ఓపెన్‌ స్కూల్‌ విభాగంలో సంప్రదించాలని తెలిపారు. మాతృ, శిశు మరణాలపై సమీక్ష చిత్తూరు రూరల్‌ (కాణిపాకం): జిల్లాలో మాతృ, శిశు మరణాల నివారణకు సిబ్బంది ప్రత్యేక శ్రద్ధ వహించాలని జిల్లా వైద్య ఆరోగ్య శాఖ అధికారి నాగ శశిభూషణ్‌ రెడ్డి ఆదేశించారు. గత మూడు నెలల్లో జిల్లాలో నమోదైన ఒక మాతృ మరణం, 7 శిశు మరణాలపై చిత్తూరు నగరంలోని తన కార్యాలయంలో మంగళవారం ఆయన టాస్క్‌ఫోర్స్‌ కమిటీతో ప్రత్యక్ష సమీక్ష నిర్వహించారు. ఈ సందర్భంగా డీఎంహెచ్‌వో మాట్లాడుతూ.. హైరిస్క్‌ గర్భిణులను ముందుగానే గుర్తించి నిపుణులైన వైద్యులకు చూపించాలన్నారు. అవసరమైతే వారం ముందే ప్రభుత్వ ఆస్పత్రుల్లో చేర్పించాలని చెప్పారు. మూఢనమ్మకాలు, ముహూర్తాల పేరుతో సిజేరియన్లు చేయవద్దని, సాధారణ ప్రసవాలకే ప్రాధాన్యం ఇవ్వాలని సూచించారు. సరైన పౌష్టికాహారం, నిరంతరం వైద్య పరీక్షలతో రక్తహీనతను నివారించవచ్చన్నారు. ఈ సమావేశంలో జిల్లా ప్రభుత్వ ఆస్పత్రి సూపరింటెండెంట్‌ ఉషశ్రీ, వైద్యాధికారులు అశోక్‌ కుమార్‌, అనూష, వెంకటేశ్వరి, మోహన్‌ బాబు, ఏఎన్‌ఎంలు, అంగనన్‌వాడీ, ఆశా కార్యకర్తలు పాల్గొన్నారు. బియ్యం అధిక ధరలకు విక్రయిస్తే కఠిన చర్యలు జాయింట్‌ కలెక్టర్‌ ఆదర్శ్‌ రాజేంద్రన్‌ చిత్తూరు కలెక్టరేట్‌ : బియ్యం అధిక ధరలకు విక్రయిస్తే కఠిన చర్యలు తీసుకుంటామని జాయింట్‌ కలెక్టర్‌ ఆదర్శ్‌ రాజేంద్రన్‌ హెచ్చరించారు. ఆయన సోమవారం విలేకరులతో మాట్లాడారు. ప్రభుత్వ మార్గదర్శకాల ప్రకారం సవరించిన నిబంధనల మేరకు బియ్యాన్ని నిర్దేశిత ధరలకే విక్రయించాలన్నారు. బీపీటీ 3291 సోనా కిలో రూ.66, బీపీటీ 5204 సాంబా కిలో 66, కేఎన్‌ఎం కిలో రూ.66, హెచ్‌ఎంటీ కిలో రూ.76, ఆర్‌ఎన్‌ఆర్‌ కిలో రూ.76, జైశ్రీమ్‌ కిలో రూ.82, ఎంటీయూ కిలో రూ.47 ధరలకే విక్రయించాలన్నారు. నిబంధనలు ఉల్లంఘిస్తే చర్యలు తప్పవన్నారు. ఒకే రకం బియ్యానికి బ్రాండ్‌ పేరు, బ్రాండ్‌ విలువ ఆధారంగా అదనపు ధరలు వసూలు చేయడానికి ఎలాంటి అనుమతి లేదని స్పష్టం చేశారు. ప్రభుత్వం నిర్ణయించిన ధరలు క్షేత్రస్థాయిలో అమలయ్యేలా హోల్‌సేల్‌, రిటైల్‌ దుకాణాల్లో నిరంతరం తనిఖీలు నిర్వహించాలని అధికారులను ఆదేశించారు. ప్యాకేజ్‌ బియ్యం బస్తాలపై ముద్రించిన ఎంఆర్‌పీని పరిశీలించడంతో పాటు, వ్యాపారులు తమ దుకాణాల వద్ద నిర్ణయించిన ధరల వివరాలను స్పష్టంగా కనిపించేలా ప్రదర్శించాలని స్పష్టం చేశారు. పీఎం శ్రీ పాఠశాలల్లో స్కూల్‌ బ్యాండ్‌ శిక్షణ చిత్తూరు కలెక్టరేట్‌ : జిల్లాలోని పీఎం శ్రీ పాఠశాలల్లో స్కూల్‌ బ్యాండ్‌ కార్యకలాపాలను మరింత బలోపేతం చేసేందుకు శిక్షణ ఇవ్వనున్నారు. ఈ మేరకు సోమవారం రాష్ట్ర సమగ్రశిక్ష శాఖ ఎస్‌పీడీ శ్రీనివాసరావు ఉత్తర్వులు జారీచేశారు. జిల్లాలో కార్యక్రమం అమలుకు పీఎం శ్రీ పాఠశాలలకు బ్రాస్‌ బ్యాండ్‌, పైప్‌ బ్యాండ్‌ పరికరాలను అందజేయగా, వాటి సమర్థవంతమైన వినియోగంపై ఉపాధ్యాయులకు నైపుణ్య శిక్షణ ఇవ్వనున్నట్లు పేర్కొన్నారు. ఎంపిక చేసిన పాఠశాలల్లోని పీఈటీలకు విజయవాడలో ఈ నెల 9 నుంచి 13 వ తేదీ వరకు శిక్షణ ఇవ్వనున్నట్లు తెలిపారు. ఎంపిక చేసిన పాఠశాలల నుంచి ఒక్కో పీఈటీ, స్కౌట్‌ ఉపాధ్యాయుడు విధిగా ఈ శిక్షణకు హాజరుకావాలని స్పష్టం చేశారు. శిక్షణ అనంతరం ఆయా పాఠశాలల్లో బ్యాండ్‌ కోఆర్డినేటర్లుగా వ్యవహరించి విద్యార్థులకు క్రమం తప్పకుండా శిక్షణ ఇస్తారని ఉత్తర్వుల్లో పేర్కొన్నారు.

సాక్షి, చిత్తూరు: మునిసిపల్‌ ఎన్నికలు ఈసారి ప్రత్యక్ష పద్ధతిలో నిర్వహించడంతో ఏ పార్టీ ఎన్ని వార్డులు గెలిచిందనే దానిపై ఎవరూ పట్టించుకోవడం లేదు. శాసించే కుర్చీ ఎవరికి దక్కుతుందని సర్వత్రా ఆసక్తిగా చూస్తున్నారు. ఇక మరి కొన్ని గంటల్లో అది కూడా తేలిపోనుంది. మునిసిపల్‌ ఎన్నికల ఫలితాలు మంగళవారం వెలువడనున్నాయి. ఆ మూడింటిపైనే చూపు జిల్లా మొత్తంలో 168 వార్డులుంటే 74 వార్డులు ఏకగ్రీవాలయ్యాయి. అలాగే నగరి చైర్మన్‌ కూడా ఏకగ్రీవమైన విషయం తెలిసిందే. మిగిలిన 94 వార్డులకు ఈనెల 1వ తేదీన ఎన్నికలు జరగడంతో ప్రధాన పోటీ కూటమి–వైఎస్సార్‌సీపీ అభ్యర్థుల మధ్యే ఉంది. వార్డులు, డివిజన్లలో ఎవరు గెలుస్తారనే విషయం ఓవైపు.. జిల్లా కేంద్రమై చిత్తూరు కార్పొరేషన్‌లో మేయర్‌ పీఠం ఎవరికి దక్కుతుందని ఉత్కంఠత నెలకొంది. అలాగే పలమనేరు, కుప్పం ఛైర్మన్‌ కుర్చీలపై సైతం ఆసక్తి నెలకొంది. మొత్తం 94 వార్డుల్లో జరిగిన ఎన్నికలకు ప్రధాన రాజకీయ పార్టీలతో పాటు మొత్తం 257 మంది అభ్యర్థులు పోటీపడ్డారు. అందరూ కూడా ఫలితాలపై ఆసక్తిగా ఎదురుచూస్తున్నారు. చిత్తూరు కార్పొరేషన్‌లోని 9 డివిజన్లకు పోలింగ్‌ జరగ్గా 47 మంది పోటీ చేశారు. నగరి మున్సిపాలిటీలో 36 వార్డులకు 108 మంది, పలమనేరులోని 30 వార్డులకు 64 మంది, కుప్పంలోని 19 వార్డులకు 38 మంది పోటీ చేశారు. ఆంక్షలు.. లెక్కింపు కేంద్రాల వద్ద పోలీసులు 144 సెక్షన్‌ విధించారు. సాయంత్రం వరకు పట్టణాల్లో మద్యం దుకాణాలు తెరవడానికి వీల్లేదని ఎకై ్సజ్‌ శాఖ పేర్కొంది. ఇక ఫలితాలు వెలువడ్డ తరువాత ర్యాలీలు, ఊరేగింపులు, బాణసంచా పేల్చి ఎదుటివాళ్లను రెచ్చగొట్టడం చేయకూడదని ఇప్పటికే పోలీసు శాఖ పేర్కొంది. మున్సిపాలిటీ టేబుళ్ల రౌండ్లు మేయర్‌/ వార్డులు కౌంటింగ్‌్‌ కౌంటింగ్‌ మైక్రో సంఖ్య చైర్‌పర్సన్‌ సూపర్‌వైజర్లు సహాయకులు పరిశీలకులు చిత్తూరు 31 4 4 44 88 44 176 కుప్పం 16 6 2 16 32 16 64 నగరి 18 0 2 22 44 22 88 పలమనేరు 30 5 5 34 68 34 136 మొత్తం 95 15 13 116 232 116 464లెక్కింపు ఇలా.. అన్ని చోట్ల కూడా తొలుత పోస్టల్‌ బ్యాలెట్లను లెక్కిస్తారు. తరువాత పెట్టెల్లో ఉన్న బ్యాలెట్‌ పత్రాలను బయటకు పోసి.. ప్రతి వెయ్యి ఓట్లను ఓ బండిల్‌గా కట్ట కడుతారు. అనంతరం అభ్యర్థుల వారీగా ఓట్లను వేరుచేసి లెక్కింపు మొదలుపెడుతారు. మరోవైపు పోటీలో ఉన్న అభ్యర్థులు, ఏజెంట్లకు ఇప్పటికే అధికారులు గుర్తింపు కార్డులు జారీచేశారు. వీళ్లు మాత్రమే లెక్కింపు కేంద్రాల్లోకి రావాలి. సెల్‌ఫోన్లు, కెమెరాలు, ఇతర ఎలక్ట్రానిక్‌ పరికరాలను అనుమతించరు. ప్రతి కేంద్రం వద్ద మూడంచెల పోలీసు భద్రత ఏర్పాటు చేశారు.

సాక్షి, చిత్తూరు: పుర పోరులో అధికార పార్టీ నాయకులు పక్కా ప్రణాళికతో చివరి రెండు గంటల్లో బరితెగించి రిగ్గింగ్‌కు పాల్పడ్డారు. జిల్లాలో ఆదివారం జరిగిన కార్పొరేషన్‌, మున్సిపల్‌ ఎన్నికల్లో ప్రజాస్వామ్యం అపహాస్యం పాలైంది. రిగ్గింగ్‌కు పాల్పడ్డ పోలింగ్‌ బూత్‌లలో లోపల అధికారులు ప్రేక్షక పాత్ర వహించారు. వెలుపల పోలీసులు బందోబస్తు విధులు నిర్వహించారు. ఎప్పుడో 39 ఏళ్ల క్రితం నాటి చరిత్ర. చిత్తూరు ఉమ్మడి జిల్లా. దాదాపు 66 మండలాలు. నాటి చిత్తూరులో ఎన్నికలన్నా.. పోలింగ్‌ పేరు చెప్పినా ప్రజల్లో భయం ఉండేది. పోలింగ్‌ సమయంలో రిగ్గింగ్‌ అంటే ఎట్లా ఉంటుందో చిత్తూరులో ఇప్పుడు 60–70 ఏళ్ల వయస్సు పైబడ్డ వాళ్లను అడిగితే చెబుతారు. అప్పట్లో చిత్తూరు మునిసిపాలిటీలో 14కు పైగా కౌన్సిలర్లు ఏకగ్రీవం అయ్యాయి. గుజ్జర్లపుడి అల్‌ఫ్రెడ్‌ అప్పటి చిత్తూరు ఎస్పీ. ఇక ఒక్కస్థానం ఏకగ్రీవమైనా ఒప్పుకునేదిలేదని గట్టిగా నిలబడ్డారు. ఇపుడు ఇదంతా ఎందుకంటారా..? ఒకరు ఏకగ్రీవమైనా సంతృప్తి చెందక.. నగరిలో కెజే కుటుంబం నుంచి ఒకరు ఏకగ్రీవమైనా సంతృప్తి చెందని ఆ కుటుంబం, మరొకరిని గెలిపించడానికి రిగ్గింగ్‌ను, దొంగ ఓట్లను ఎంచుకుంది. జిల్లా చరిత్రలో తొలిసారిగా నగరిలో 78 శాతం పోలింగ్‌ దాటింది. బూత్‌ల ఆక్రమణ పలమనేరులో 37కు పైగా బూత్‌లను స్థానిక ఎమ్మెల్యే అమరనాథరెడ్డి అనుచరులు ఆక్రమించుకున్నారు. వైఎస్సార్‌సీపీ శ్రేణులను భయపెట్టి, బయటకు పంపించేసి ఓట్లను దోచుకున్నారు. దాదాపు 73 శాతం పోలింగ్‌ నమోదడం పలమనేరులో ఇదే ప్రపథమం. పుత్తూరులో పట్టించుకోని పోలీసులు తిరుపతి జిల్లా పుత్తూరు మున్సిపల్‌ ఎన్నికల పోలింగ్‌ సందర్భంగా టీడీపీ నాయకులు మధ్యాహ్నం 3 గంటల తర్వాత విచ్చలవిడిగా దొంగోట్లు వేసుకున్నారు. పోలింగ్‌ కేంద్రం వద్ద వచ్చిన వైఎస్సార్‌సీపీ నాయకుడిపై టీడీపీ నాయకులు దాడులకు పాల్పడ్డారు. అక్కడే ఉన్న పోలీసులు పట్టించుకోనే లేదు. కుప్పంలో కూర్చోబెడితే ఒట్టు చిత్తూరు తరువాత కుప్పం మునిసిపాలిటీలో సైతం భారీగా దొంగ ఓట్లు, రిగ్గింగ్‌ జరిగింది. 77 శాతానికి పైగా పోలింగ్‌తో కుప్పం, జిల్లాలో అత్యంత ఎక్కువ మంది ఓట్లు వేసి మునిసిపాలిటీగా గణాంకాలు నమోదు చేసింది. దీనికి కారణం లేకపోలేదు. మధ్యాహ్నం 2 గంటలు దాటిన తరువాత పోలింగ్‌ కేంద్రాల్లో కూర్చున్న వైఎస్సార్‌సీపీ ఏజెంట్లను బలవంతంగా బయటకు పంపించేశారు. అగ్నికి వాయువు తోడైతే ఆ జ్వాల ఎలా ఉంటుందో.. కుప్పం రెస్కో రిగ్గింగ్‌లో కీలక పాత్ర పోషించింది. సాయంత్రం కుప్పం పట్టణం మొత్తం విద్యుత్‌ సరఫరా నిలిపేశారు. ఇక గెలవాల్సిన అభ్యర్థుల రాతను టీడీపీ నేతలు రాసేశారు. ఏ బూత్‌లో ఎంత మెజారిటీ రావాలి..? ప్రతిపక్షానికి డిపాజిట్‌ రావాలా..? వద్దా..? అనేది కూడా ఫలితాలకు ముందే కుప్పంలో టీడీపీ నేతలు నిర్ణయించారు. అధికారులు ఏకపక్షం జిల్లా వ్యాప్తంగా కార్పొరేషన్‌, మునిసిపల్‌ ఎన్నికల్లో అక్రమాలను అడ్డుకోవడంలో పోలీసులు పూర్తిగా విఫలమయ్యారు. దొంగ ఓట్లు పడుతున్నా, కళ్లెదుటే రిగ్గింగ్‌ జరుగుతున్నా పట్టించుకోలేదు. ఇక పోలింగ్‌ బూత్‌ల్లో జరిగిన అక్రమాలు, రిగ్గింగ్‌ వీడియోలు బయటకు వచ్చినా కూడా పీవోలు పోలింగ్‌ డైరీలో ఏ ఒక్క అంశాన్ని నమోదు చేయలేదు. తమకెందులే అన్నట్టు.. ప్రత్యక్ష్య వీడియోలు రిగ్గింగ్‌ వైనాన్ని బహిర్గతం చేసినా, ఎక్కడా రీ–పోలింగ్‌ పెట్టలేదు. పోస్టింగులు కాపాడుకోవానికి కొందరు, పార్టీ పెద్దలపై స్వామిభక్తి చూపించడానికి మరికొందరు మౌనమే మార్గంగా ఎంచుకున్నారు. జిల్లా కేంద్రంలో తొలిసారి.. దాదాపు నాలుగు దశాబ్దాల తరువాత చిత్తూరు మునిసిపల్‌ ఎన్నికల సందర్భంగా ఏకంగా 51 డివిజన్లు ఏకగ్రీవం అయ్యాయి. గూండాయిజం, రౌడీయిజంతో ఓట్లు లాక్కుని రిగ్గింగ్‌ చేస్తే ఎలా ఉంటుందో చూపించారు. వీటిని చూసిన పోలీసులు ప్రశ్నించలేదు. అన్నీ తెలిసిన అధికారులు నోరు మెదపడంలేదు. చిత్తూరు నగరంలో ఆదివారం జరిగిన పోలింగ్‌కు 175 బూత్‌లు ఏర్పాటు చేశారు. టీడీపీ నేతలు ఉదయం నుంచి ఓ పద్ధతి ప్రకారం ప్రతిచోట దొంగ ఓట్లు వేస్తూ వచ్చారు. పోలింగ్‌ ప్రారంభమైన రెండు గంటల తరువాత చిత్తూరులో కేవలం 11 శాతం మాత్రమే పోలింగ్‌ నమోదైంది. దాని తరువాత 11 గంటలకు ఒక్కసారిగా 32 శాతం దాటేసింది. మళ్లీ మధ్యాహ్నం ఒంటి గంటకు 36 శాతం.. 3 గంటలకు ఏకంగా 51 శాతం, పోలింగ్‌ ముగిసే సమయానికి 62 శాతం దాటేయడం ఆశ్చర్యానికి గురిచేస్తోంది. అసలు ఓటింగ్‌లో దిగువ శ్రేణి వర్గం తప్ప.. మధ్య తరగతి, ఎగువ శ్రేణి వర్గాలు 20 శాతం కూడా పాల్గొనలేదు. నగరంలో 51 డివిజన్లు ఫోర్జరీ సంతకాలతో ఏకగ్రీవం కావడంతో విద్యావంతులు సైతం ఓటింగ్‌కు దూరంగా ఉన్నారు. ఇది అధికార పార్టీ నేతలకు కలసి వచ్చింది. ఒక్కో బూత్‌లో సగటున వంద వరకు దొంగ ఓట్లు వేసి, చివరి రెండు గంటల్లో సగటున మరో 50 ఓట్లు చొప్పున రిగ్గింగ్‌కు పాల్పడ్డారు. వళ్లియప్పనగర్‌ లాంటి బూత్‌లో వీడియోలు బయటకొచ్చాయి. కానీ వీడియోలు తీయని వందకు పైగా బూత్‌ల్లో ఇదే రిగ్గింగ్‌ కొనసాగింది. ఇందుకోసం పచ్చ నేతలు శిక్షణ ఇచ్చిన కిరాయి మూకలు ప్రత్యేకంగా పనిచేశాయి.

చిత్తూరు కలెక్టరేట్‌ : జిల్లాలోని మున్సిపల్‌ కార్పొరేషన్‌, మున్సిపాలిటీల ఎన్నికల ప్రక్రియలో అత్యంత కీలకమైన ఓట్ల లెక్కింపు ఘట్టానికి జిల్లా యంత్రాంగం సర్వం సిద్ధమైంది. ఈనెల 3 వ తేదీ (మంగళవారం) ఉదయం 8:00 గంటలకు కౌంటింగ్‌ ప్రక్రియ ప్రారంభం కానుంది. ఈ మేరకు జిల్లాలోని చిత్తూరు పీవీకేఎన్‌ ప్రభుత్వ డిగ్రీ కళాశాల, పలమనేరులో ప్రభుత్వ డిగ్రీ కళాశాల, కుప్పంలో ఎంఎఫ్‌సీ ప్రభుత్వ జూనియర్‌ కళాశాల, నగరికి సంబంధించి పుత్తూరులోని సిద్ధార్ధ ఇంజినీరింగ్‌ కళాశాల కౌంటింగ్‌ కేంద్రాల్లో జిల్లా యంత్రాంగం పకడ్బందీ ఏర్పాట్లు చేపట్టింది. పోటీలో ఉన్న అభ్యర్థులంతా తమ తరఫున హాజరయ్యే కౌంటింగ్‌ ఏజెంట్ల వివరాలను సేకరించారు. ఈమేరకు కౌంటింగ్‌ ప్రక్రియ ఏర్పాట్లపై జిల్లా ఎన్నికల అధికారి, కలెక్టర్‌ సుమిత్‌ కుమార్‌ గాంధీ సోమవారం విలేకరులతో పలు అంశాలను వెల్లడించారు. ఆ వివరాలు ఆయన మాటల్లోనే.. పక్కా ప్రణాళిక ఓట్ల లెక్కింపు ప్రక్రియను అత్యంత పారదర్శకంగా, వేగవంతంగా పూర్తి చేసేందుకు పక్కా ప్రణాళికను అమలు చేస్తున్నాం. కౌంటింగ్‌ ప్రారంభమైన వెంటనే మొదటగా బ్యాలెట్‌ పేపర్ల వర్గీకరణ చేపడతారు. కార్పొరేటర్‌, మేయర్‌ స్థానాలకు ఉపయోగించిన వేర్వేరు రంగుల బ్యాలెట్‌ పత్రాలను విడివిడిగా వేరు చేస్తారు. వర్గీకరణ పూర్తయిన వెంటనే కార్పొరేటర్‌ అభ్యర్థులు, మేయర్‌ స్థానానికి ఒకేసారి సమాంతరంగా లెక్కింపు ప్రక్రియ ప్రారంభమవుతుంది. వర్గీకరణ, బండ్లింగ్‌ (కట్టలు కట్టడం) లెక్కింపు నిరంతరాయంగా సాగుతాయి. సగటున 8 నుంచి 10 రౌండ్లలో ఓట్ల లెక్కింపు ప్రక్రియ పూర్తి కానుంది.వార్డు ఫలితాలు త్వరితగతిన.. మేయర్‌ ఫలితం సాయంత్రానికి.. ఓట్ల లెక్కింపు ప్రక్రియలో వార్డుల వారీగా విజేతలెవరనేది త్వరతిగతిన తెలుస్తుంది. వార్డు సభ్యుల అభ్యర్థుల ఫలితాలను ఒక్కొక్కటిగా ఎప్పటికప్పుడు ప్రకటిస్తారు. వార్డు ఫలితాలన్నీ పూర్తయిన తర్వాత, చివరలో మేయర్‌ స్థానానికి సంబంధించిన తుది ఫలితాన్ని అధికారికంగా వెల్లడిస్తాం. మొత్తం కౌంటింగ్‌ ప్రక్రియ అంతా సాయంత్రం 6 నుంచి 7 గంటల కల్లా ముగిసిపోతుందని అంచనా వేస్తున్నాం. భారీ బందోబస్తు.. 400 మంది సిబ్బంది రంగంలోకి! లెక్కింపు ప్రక్రియను ఎటువంటి అవాంతరాలు లేకుండా నిర్వహించేందుకు కౌంటింగ్‌ కేంద్రాల వద్ద విస్తృత ఏర్పాట్లు చేపట్టాం. ఓట్ల లెక్కింపు విధి నిర్వహణకు దాదాపు 400 మంది అధికారులను, సిబ్బందిని ప్రత్యేకంగా నియమించాం. 400 మంది కౌంటింగ్‌ సిబ్బందికి అదనంగా, ఎలాంటి ఘర్షణలు, అసౌకర్యం కలగకుండా కౌంటింగ్‌ కేంద్రం వెలుపల, లోపల మూడంచెల భారీ పోలీసు బందోబస్తును ఏర్పాటు చేశాం. కౌంటింగ్‌ కేంద్రం వద్దకు వచ్చే ఏజెంట్లు, అభ్యర్థులు అధికారులు జారీ చేసిన మార్గదర్శకాలను తప్పనిసరిగా పాటించాల్సి ఉంటుంది. పాస్‌లు ఉన్నవారిని మాత్రమే లోపలికి అనుమతిస్తాం.

● రైతులకు జిల్లా వ్యవసాయ శాఖ ముందస్తు సూచనలు చిత్తూరు రూరల్‌ (కాణిపాకం): మురసు తుపాను ప్రభావంతో జిల్లాలోని పలు ప్రాంతాల్లో భారీ నుంచి అతి భారీ వర్షాలు, బలమైన ఈదురు గాలులు వీచే అవకాశం ఉందని జిల్లా వ్యవసాయ శాఖ అధికారి మురళి తెలిపారు. రైతులు పంట నష్టాన్ని తగ్గించుకునేందుకు తక్షణమే ముందస్తు జాగ్రత్తలు తీసుకోవాలన్నారు. కోతకు సిద్ధంగా ఉన్న వరి పంటను వాతావరణాన్ని బట్టి వీలైనంత త్వరగా కోసి, ధాన్యం తడవకుండా సురక్షిత ప్రదేశాలకు తరలించి టార్పాలిన్లతో కప్పుకోవాలని సూచించారు. పక్వానికి వచ్చిన పత్తి, ఎర్ర మిరపకాయలను వర్షానికి ముందే ఏరుకోవాలని సూచించారు. కోత దశలో ఉన్న మినుము, పెసర, వేరుశనగ పంటలను కోసి గాలి ప్రసరణ ఉన్న చోట ఆరబెట్టాలని పేర్కొన్నారు. పొలాల్లో వర్షపు నీరు నిల్వ ఉంటే వేర్లు కుళ్లిపోయే ప్రమాదం ఉన్నందున వెంటనే మురుగు కాలువలను శుభ్రం చేసి నీటిని బయటకు మళ్లించాలని ఆదేశించారు. అరటి గెలలు, బొప్పాయి, కూరగాయల మొక్కలు పడిపోకుండా కరల్ర మద్దతు ఇవ్వాలని తెలిపారు. వర్షాలు పూర్తిస్థాయిలో తగ్గే వరకు ఎలాంటి ఎరువులు, పురుగుమందులు పిచికారీ చేయవద్దని స్పష్టం చేశారు. పశువులు, జీవాలను లోతట్టు ప్రాంతాల నుంచి సురక్షితమైన ఎత్తయిన ప్రదేశాలకు తరలించి, పశుగ్రాసం తడవకుండా చూసుకోవాలన్నారు. తుపాను సమయంలో ఈదురు గాలులు, మెరుపులు ఉన్నప్పుడు రైతులు ఎట్టిపరిస్థితుల్లోనూ పొలాల్లోకి వెళ్లకూడదని, చెట్లు, విద్యుత్‌ స్తంభాల కింద నిలబడరాదని కోరారు. పంట కంటే ప్రాణభద్రతే ముఖ్యమని గుర్తించాలని, వర్షాలు తగ్గిన తర్వాత పొలాల్లోని నీటిని బయటకు తోడేసి పంట నష్టం వివరాలను స్థానిక వ్యవసాయ అధికారులకు తెలియజేయాలని సూచించారు. తుపాను వేళ 24 గంటలు అప్రమత్తంగా ఉండాలి చిత్తూరు రూరల్‌ (కాణిపాకం):తుపాను హెచ్చరికల నేపథ్యంలో వైద్యాధికారులు, క్షేత్రస్థాయి సిబ్బంది 24 గంటలూ విధుల్లో ఉంటూ ప్రజలకు వైద్య సేవలు అందించాలని జిల్లా వైద్య ఆరోగ్యశాఖ అధికారి నాగశశిభూషణ్‌ రెడ్డి ఆదేశించారు. సోమవారం చిత్తూరు నగరంలోని తన కార్యాలయంలో ఆయన వైద్యాధికారులు, సూపర్‌వైజర్లతో సమావేశం నిర్వహించారు. ప్రసవ తేదీ దగ్గరపడిన గర్భిణులను వెంటనే సీహెచ్‌సీ లేదా జిల్లా ఆస్పత్రికి తరలించాలని సూచించారు. మంగళవారం జరగనున్న ఓట్ల లెక్కింపు కేంద్రాల వద్ద, నవంబర్‌ 5న జరగనున్న పరిషత్‌ ఎన్నికల సందర్భంగా ప్రత్యేక వైద్య శిబిరాలు ఏర్పాటు చేయాలన్నారు. సైక్లోన్‌, ప్రస్తుత పరిస్థితుల దృష్ట్యా సిబ్బందికి సెలవులు రద్దు చేస్తున్నట్లు, ఆస్పత్రుల్లో అత్యవసర మందులు సిద్ధంగా ఉంచాలని స్పష్టం చేశారు. ఈ సమావేశంలో వైద్యాధికారులు వెంకట ప్రసాద్‌, అనిల్‌ కుమార్‌, అనూష, జార్జ్‌, మోహన్‌ బాబు పాల్గొన్నారు. తుపానుపై కంట్రోల్‌ రూమ్‌ చిత్తూరు కార్పొరేషన్‌: మురసు తుపాను నేపథ్యంలో జిల్లా ఆర్‌డబ్ల్యూఎస్‌ ఎస్‌ఈ కార్యాలయంలో కంట్రోల్‌ రూమ్‌ ఏర్పాటు చేసినట్లు ఎస్‌ఈ విజయ్‌కుమార్‌ తెలిపారు. తాగునీటి సమస్యలు ఏర్పడితే 08572–233098 నంబరును సంప్రదించాలన్నారు. ఈనెల 5వరకు కార్యాలయ పనివేళ్లలో తాగునీటి సమస్యలు వస్తే ఆ నంబర్‌కు ఫోన్‌చేసి చెబితే ప్రత్యామ్నాయం ఏర్పాటు చేయనున్నట్లు వివరించారు.

ప్రాదేశిక పోరులో అధికార పార్టీ నాయకులు ప్రజాస్వామ్య సూత్రాలను కాలరాస్తూ, రాజ్యాంగ స్పూర్తికి విరుద్ధంగా విపక్ష అభ్యర్థులపై, వారి మద్దతుదారులైన సాధారణ ఓటర్లపై బెదిరింపులకు దిగుతున్నారు. పోలీసు వ్యవస్థను అడ్డు పెట్టుకుని భయానక వాతావరణాన్ని సృష్టిస్తున్నారు. చిత్తూరు కార్పొరేషన్‌ ఎన్నికలే ఆదర్శంగా తీసుకుని గురువారం జరగబోయే జెడ్పీటీసీ, ఎంపీటీసీ ఎన్నికలకు సైతం రిగ్గింగ్‌కు సంసిద్ధమయ్యారు. సాక్షి టాస్క్‌ఫోర్స్‌: జిల్లా స్థానిక సంస్థల సమరం ముగింపు దశకు చేరుకుంటున్న కొద్దీ అధికార కూటమి నేతల అరాచకాలు, దౌర్జన్యాలు పరాకాష్టకు చేరుతున్నాయి. వైఎస్సార్‌సీపీకి వస్తున్న ప్రజాదరణను తట్టుకోలేక, క్షేత్రస్థాయిలో ప్రజల నుంచి తీవ్ర వ్యతిరేకత వ్యక్తమవుతుండటంతో, తమ ఘోర పరాజయం ఖాయమని తేలిపోవడంతో పచ్చ నేతలు పూర్తిగా అడ్డదారులు తొక్కుతున్నారు. జిల్లా పరిధిలో ఉన్న మొత్తం 27 జెడ్పీటీసీ స్థానాలకు గాను 24 స్థానాల్లో, 370 ఎంపీటీసీ స్థానాలకు గాను 300 స్థానాల్లో ప్రస్తుతం 89 మంది జెడ్పీటీసీ అభ్యర్థుల మధ్య రసవత్తరమైన పోటీ నెలకొంది. పరిశీలన వేళ.. ప్లాన్‌–బీ కింద నామినేషన్లు దాఖలయ్యాక పరిశీలన వేళ అధికారులపై తీవ్రస్థాయిలో ఒత్తిడి తెచ్చి అక్రమంగా నామినేషన్లను రద్దు చేయించేందుకు ప్రయత్నించారు. కొన్ని చోట్ల వైఎస్సార్‌సీపీ అభ్యర్థుల నకిలీ, దొంగ సంతకాలతో విత్‌డ్రా ఫారాలు సృష్టించి నామినేషన్లు ఉపసంహరింపజేసే కుట్రలు చేశారు. అర్ధరాత్రి వేళల్లో అభ్యర్థుల ఇళ్లకు వెళ్లి పోటీ నుంచి తప్పుకుంటే ఎంతైనా ఇస్తామంటూ డబ్బు సంచులు ఎర చూపడం, వినకపోతే తీవ్ర పరిణామాలు ఉంటాయని బెదిరించడం వంటి అక్రమాలకు పాల్పడ్డారు. ఇవి కూడా పారకపోవడంతో పచ్చ ముఠాలో తీవ్ర నిరాశ, వణుకు మొదలైంది. హింసిస్తున్నారు అధికార పార్టీ అరాచకాలు కేవలం విపక్ష వైఎస్సార్‌సీపీకే పరిమితం కాలేదు. సొంత పార్టీలోనే టిక్కెట్లు దక్కక, అధిష్టానం తీరుపై తీవ్ర అసంతృప్తితో బరిలో నిలిచిన టీడీపీ రెబెల్‌ అభ్యర్థులను సైతం పచ్చ నేతలు వదలడం లేదు. తమ పార్టీ ఓట్లను చీలుస్తారనే భయంతో రెబెల్స్‌ లక్ష్యంగా వేధింపుల పర్వాన్ని సాగిస్తున్నారు. వారి పరిధిలో ప్రచారం చేయకుండా అడ్డుకోవడం, పాత గొడవలను తోడి అక్రమ కేసులు బనాయిస్తామని బెదిరించడం, నిరంతరం ఫోన్ల ద్వారా బెదిరింపులకు పాల్పడుతూ వారిని మానసికంగా హింసిస్తున్నారు.బహిరంగంగా బెదిరింపులు ప్లాన్‌– సీకి పదును ప్లాన్‌–ఏ, ప్లాన్‌–బీ విఫలం కావడంతో ఇప్పుడు ఆఖరి ప్రయత్నంగా కూటమి నేతలు ప్లాన్‌–సీకి పదును పెడుతున్నారు. వైఎస్సార్‌సీపీ సానుభూతిపరులైన ఓటర్లను పోలింగ్‌ బూత్‌లకు రాకుండా భయభ్రాంతులకు గురిచేసేందుకు ఎత్తులు వేస్తున్నారు. ఏకంగా సరిహద్దుల్లో ఉన్న కర్ణాటక, తమిళనాడు ప్రాంతాల నుంచి రౌడీలను, గూండాలను జిల్లాలోకి భారీగా దింపి పల్లెల్లో భయాందోళనలు సృష్టించేందుకు సిద్ధమయ్యారు. పోలింగ్‌ రోజున వైఎస్సార్‌సీపీ ఏజెంట్లను తప్పించి ఏకపక్షంగా రిగ్గింగ్‌కు పాల్పడేందుకు కుట్రలు పన్నుతున్నారు. ‘పచ్చ’ నేతల కుట్రలు ఇలా.. జిల్లా పరిధిలోని స్థానిక సంస్థల ఎన్నికల ప్రక్రియ ప్రారంభమైన మొదటి రోజు నుంచే కూటమి పెద్దలు రకరకాల కుట్రల పర్వానికి తెరలేపారు. నోటిఫికేషన్‌ వెలువడగానే వైఎస్సార్‌సీపీ అభ్యర్థులు నామినేషన్లు వేయకుండా పచ్చ మూకలు భౌతిక దాడులకు దిగాయి. అధికారులు, పోలీసుల ముందే నామినేషన్‌ పత్రాలను లాక్కుని చించివేయడం, కుప్పం, చిత్తూరు, గంగాధర నెల్లూరు, పూతలపట్టు పలమనేరు, నగరి తదితర ప్రాంతాల్లో అభ్యర్థులను కార్యాలయాల వద్దకు రాకుండా అడ్డుకోవడం వంటి అనాగరిక చర్యలకు ఒడిగట్టారు. అయితే వైఎస్సార్‌సీపీ శ్రేణుల తెగువ, ప్రజల మద్దతు ముందు ‘ప్లాన్‌–ఏ’ ఘోరంగా విఫలమైంది. పొత్తు..చిత్తు మరోవైపు, పొత్తు పేరు చెప్పి జిల్లా క్షేత్రస్థాయిలో జనసేన పార్టీని టీడీపీ నేతలు పూర్తిగా పాతాళానికి తొక్కేశారు. మున్సిపల్‌ ఎన్నికల నుంచి ప్రారంభమైన ఈ పచ్చ ఆధిపత్యం.. జెడ్పీటీసీ, ఎంపీటీసీ అభ్యర్థుల ఎంపిక వరకు వచ్చి చేరింది. స్థానిక సంస్థల్లో అన్ని స్థానాలనూ ‘పసుపుమయం’ చేసుకునే క్రమంలో జనసేన అభ్యర్థులను తీవ్రంగా తొక్కిపట్టారు. టీడీపీ నేతల పోరు, వేధింపులు తట్టుకోలేక చాలా చోట్ల జనసేన అభ్యర్థులు బరిలో నిలవకుండానే వెనక్కి తగ్గాల్సి వచ్చింది. ఇక ధైర్యం చేసి బరిలో నిలిచిన అభ్యర్థులు కూడా టీడీపీ నేతల కుట్రలకు బలవుతున్నారు. ‘ఎట్టి పరిస్థితుల్లోనూ మిమ్మల్ని గెలవనివ్వం, పొత్తు కేవలం పైస్థాయిలోనే.. కింద మేం చెప్పిందే వేదం’ అనం టీడీపీ నేతలు బహిరంగంగానే హెచ్చరిస్తున్నారు. దీంతో తీవ్ర ఆగ్రహంతో ఉన్న జనసేన శ్రేణులు, నేతలు ఎటూ తేల్చుకోలేక, టీడీపీ బెదిరింపులను తట్టుకోలేక తీవ్ర అయోమయంలో మునిగిపోయారు. ఎన్నికల ప్రచారం ఊపందుకున్న ఈ తరుణంలో టీడీపీ నేతలు తమ ఓటమిని ముందస్తుగానే ఊహించి మరింత దిగజారుతున్నారు. వైఎస్సార్‌సీపీ అభ్యర్థుల ఇళ్లకు వెళ్లి ప్రచారంలోకి వెళ్లొద్దు.. రూపాయి ఖర్చు పెట్టొద్దు.. అంటూ హుకుం జారీచేస్తున్నారు. అంతేకాకుండా, పోలింగ్‌ రోజున వైఎస్సార్‌సీపీ నాయకులు, కార్యకర్తలు, అభిమానులు ఓటు వేయడానికి బూత్‌లకు వస్తే తీవ్ర పర్యవసానాలు ఉంటాయని బహిరంగంగానే భయపెడుతున్నారు. స్థానిక పోలీసు అధికారులను తమ రాజకీయ స్వార్థానికి వాడుకుంటూ, వారి చేత వైఎస్సార్‌సీపీ నాయకులకు ఫోన్లు చేయించి అక్రమ కేసుల పేరుతో బెదిరింపులకు తెగబడుతున్నారు. చిత్తూరు మేయర్‌ ఎన్నికలను తమ్ముళ్లు ఆదర్శంగా తీసుకుంటున్నారు. బూతుల్లో ఏజెంట్లు లేకుండా అడ్డుకోవడానికి ప్రయత్నిస్తున్నారు. లేదంటే.. బెదిరించి రిగ్గింగ్‌ చేసుకోవాలనే ప్రయత్నంలో ఉన్నారు.

పాలసముద్రం : ప్రజాస్వామ్యాన్ని కాపాడుకునేందుకు ప్రజలే ఉద్యమించాల్సిన సమయం ఆసన్నమైందని మాజీ డిప్యూటీ సీఎం నారాయణస్వామి పిలుపునిచ్చారు. పాలసముద్రం మండలం ఆముదాల పంచాయతీలో సోమవారం ఆయన వైఎస్సార్‌సీపీ జెడ్పీటీసీ, ఎంపీటీసీ అభ్యర్థులను గెలిపించాలని విస్తృతంగా ప్రచారం చేశారు. ఈ సందర్భంగా ఆయన మాట్లాడుతూ రాష్ట్రంలో అరాచక పాలన సాగుతోందన్నారు. శాంతి భద్రతల పరిరక్షణలో పోలీసులు విఫమయ్యారని తెలిపారు. నేటి జెడ్పీటీసీ, ఎంపీటీసీ ఎన్నికలు రానున్న అసెంబ్లీ ఎన్నిరలకు పునాది అవుతాయని తెలిపారు. అందువల్ల టీడీపీ గుండాలకు భయపడకుండా వైఎస్సార్‌ సీపీ మద్దతులో ఎన్నికల బరిలో ఉన్నవారిని గెలిపించుకోవాలని సూచించారు. వైఎస్‌ జగన్‌మోహన్‌రెడ్డి ముఖ్యమంత్రి ఉన్నపుడు తన ఐదేళ్ల పాలనలో కులం, మతం, పార్టీ అనే తేడా లేకుండా అర్హులైన ప్రతి ఒక్కరికి సంక్షేమ పథకాలు అందించారని గుర్తుచేశారు. ప్రస్తుతం అధికారంలో ఉన్న చంద్రబాబు ప్రభుత్వం రెండున్నరేళ్లలో వందలాది మంది మహిళలు భర్త మరణించి పింఛను కోసం నానా అవస్థలు పడుతున్నా పట్టించుకోలేదని మండిపడ్డారు. రాష్ట్రంలో విచ్చలవిడిగా గంజాయి, మద్యం విక్రయాలు జరుగుతున్నాయన్నారు. శాంతి భద్రతల పరిరక్షణ పోలీసులు పూర్తిగా విఫలం అయ్యారని, కేవలం వైఎస్సార్‌ సీపీ శ్రేణులను వేధింపులకు గురిచేయడం, అక్రమ కేసులు బనాయించడంపైనే శ్రద్ధ పెడుతున్నారని మండిపడ్డారు. నేడు రాష్ట్రంలో మహిళలపై, మైనర్‌ బాలికలపై అత్యాచారాలు ఎక్కువయ్యాయన్నారు. వైఎస్సార్‌సీ అభ్యర్థుల నామినేషన్‌ పత్రాలను పోలీసుల ముందే టీడీపీ నాయకులు చించేసినా, వైఎస్సార్‌ సీసీ నాయకులు, కార్యకర్తలపై దౌర్జన్యాలు చేస్తున్నా పోలీసులు చూసీచూడనట్లు వ్వహరిస్తున్నారు. వైఎస్సార్‌సీపీలోకి టీడీపీ నేత ఆముదాలలో టీడీపీ నేత దూర్వాసులు, ఆయన అనుచరులు 10 కుటుంబాలు వారు వైఎస్సార్‌సీపీలో చేరారు. వారికి నారాయణ స్వామి పార్టీ కండువాలు వేసి సాదరంగా ఆహ్వానించారు. కార్యక్రమంలో వైఎస్సార్‌ సీసీ జెడ్పీటీసీ అభ్యర్థి నందిని, ఎంపీటీసీ అభ్యర్థి అనురేఖ, మండల కన్వీనర్‌ తులసీయాదవ్‌, మాజీ మండల కన్వీనర్‌ సుందరాజు, పుత్తూరు కేశవరెడ్డి, మాజీ జెడ్పీటీసీ సభ్యుడు అన్బలగన్‌, జిల్లా ఎస్సీ సెల్‌ కార్యదర్శి మదివానన్‌, పారిశ్రామికవేత్త షణ్ముగ యాదవ్‌, జనార్దన్‌ నాయుడు, పోలయ్య, వెంకటేష్‌, మాజీ ఎంపీటీసీ సభ్యులు అరుల్‌లిల్లీ, ధనపాల్‌, చలయ్య తదితరులు పాల్గొన్నారు.

తిరుపతి సిటీ: తిరుపతిలోని డాక్టర్‌ అంబేడ్కర్‌ గ్లోబల్‌ లా ఇన్‌స్టిట్యూట్‌ ఆధ్వర్యంలో మూడురోజులుగా ఫియట్‌ జస్టీషియా పేరుతో నిర్వహించిన అంతర్జాతీయ న్యాయ మూట్‌ కోర్టు పోటీలు ఆదివారం ముగిశాయి. ఇందులో వివిధ రాష్ట్రాలకు చెందిన 17 ప్రముఖ విశ్వవిద్యాలయాలు, న్యాయ కళాశాలల విద్యార్థులు పాల్గొన్నారు. కళాశాల చైర్మన్‌ ఆర్‌ తిప్పారెడ్డి మాట్లాడుతూ న్యాయ విద్యార్థుల్లో న్యాయ పరిశోధన, న్యాయపరమైన వాదనా పటిమ, న్యాయ నివేదికల తయారీ, విశ్లేషణాత్మక ఆలోచనా విధానం, న్యాయస్థానాల్లో వాదించే నైపుణ్యాలను పెంపొందించాలనే ఉద్దేశంతో పోటీలు నిర్వహించినట్టు తెలిపారు. అంతర్జాతీయ మానవ హక్కులు, పర్యావరణ పరిరక్షణ, అంతర్జాతీయ ఒప్పందాలు, దేశాల బాధ్యతలు, అంతర్జాతీయ న్యాయ పరిధి తదితర సమకాలీన అంశాలపై మూట్‌ కోర్టు నిర్వహించినట్టు వెల్లడించారు. ఈ పోటీల్లో ప్రతిభ చూపిన విద్యార్థులకు రూ.1,35,000 నగదు బహుమతులు, ట్రోఫీని, ప్రశంసా పత్రాలు అందజేశారు. కార్యక్రమంలో న్యాయమూర్తి వీఆర్‌కే కృష్ణసాగర్‌, విశ్రాంత న్యాయమూర్తి ఆన్సర్‌ బాష, ప్రొఫెసర్‌ టీవీ సుబ్బారావు, సాంబశివరావు, ప్రిన్సిపాల్‌ బిజయ్‌కుమార్‌ బెహెరా పాల్గొన్నారు. వైఎస్సార్‌సీపీలోకి టీడీపీ నేతలు పుల్లంపేట : మండలంలోని వత్తలూరు పంచాయతీ దేవసముద్రం గ్రామానికి చెందిన టీడీపీ నేతలు తల్లెం బాలసుబ్రమణ్యంరెడ్డి, పట్టెం సుబ్రమణ్యం వారి అనుచరులు వంద మంది వైఎస్సార్‌సీపీలో చేరారు. ఆదివారం తిరుపతిలో ఎంపీ పెద్దిరెడ్డి మిథున్‌రెడ్డి వారిని సాదరంగా ఆహ్వానించారు. ప్రజా సంక్షేమం జగనన్నతోనే సాధ్యమని భావించి వైఎస్సార్‌సీపీలో చేరినట్లు వెల్లడించారు. నేతలు ముద్దా రంజిత్‌రెడ్డి, మూగ వెంకటరెడ్డి, తల్లెం సుధీర్‌రెడ్డి, పాపిరెడ్డి, వెంకటసుబ్బారెడ్డి, ప్రసాద్‌రెడ్డి, రెడ్డెయ్యరెడ్డి, ప్రహ్లాద్‌రెడ్డి పాల్గొన్నారు.

పుర పోరులోమున్సిపల్‌ ఎన్నికల వేళ అధికార కూటమి నేతలు బరితెగించారు. ఓటమి భయంతో పోలింగ్‌ కేంద్రాలను తమ గుప్పిట్లోకి తెచ్చుకుని ప్రతిపక్ష పార్టీల ఏజెంట్లను లేకుండా చేసి రిగ్గింగుకు పాల్పడ్డారు. ప్రశ్నించిన వైఎస్సార్‌ సీపీ నాయకులపై దాడులు చేశారు. పోలీసులు వారి అరాచకాలను అడ్డుకోకపోగా అండగా నిలిచి ప్రజాస్వామ్య స్ఫూర్తిని కాలరాశారు. సాక్షి, చిత్తూరు: అధికారం చేతిలో ఉంటే రాజ్యాంగం ఇచ్చిన హక్కును ఎలా కాలరాయాలో జిల్లాలో జరిగిన మునిసిపల్‌ ఎన్నికలు ప్రత్యక్ష నిదర్శనంగా మారాయి. టీడీపీ, కూటమి నేతలు బరితెగించారు. అన్యాయం జరిగిన వాళ్ల వైపు నిలబడాల్సిన ఖాకీలు అంగబలం ఉన్న వాళ్లకు మద్దతు ఇచ్చారు. చిత్తూరు జిల్లాలో ఆదివారం చిత్తూరు కార్పొరేషన్‌, పలమనేరు, కుప్పం, నగరి మునిసిపాలిటీల్లో నిర్వహించిన ఎన్నికలు కూటమి నేతల కనుసన్నల్లోనే జరిగాయి. ఏకపక్షంగా, నిస్సిగ్గుగా అప్రజాస్వామ్యకంగా ప్రజల ఓట్లను దొంగిలించి రిగ్గింగ్‌కు పాల్పడ్డారు. తెల్లవారినుంచే దొంగ ఓట్లు చిత్తూరు కార్పొరేషన్‌లో ఉదయం 7 నుంచే టీడీపీ కార్యకర్తలు, నేతలు దొంగ ఓట్లు వేయడం ప్రారంభించారు. గాండ్లపల్లె, లక్ష్మీనగర్‌ కాలనీ, ఓబనపల్లె, గంగనపల్లె, దుర్గానగర్‌, కట్టమంచి, మురకంబట్టు, వళ్లియప్పనగర్‌, ఓటి చెరువు, శంకరయ్యగుంట, ప్రాంతాల్లో దొంగ ఓట్లు పడ్డాయి. 60 డివిజన్లలోనూ టీడీపీ మేయర్‌ అభ్యర్థికి దొంగ ఓట్లు వేయడానికి ప్రణాళిక రూపొందించి అమలు చేశారు. వైఎస్సార్‌ సీపీ శ్రేణులపై దాడులు చిత్తూరులోని శంకరయ్యగుంట, గిరింపేట, సంతపేట ప్రాంతాల్లో వైఎస్సార్‌ సీపీ శ్రేణులు, కార్యకర్తలపై టీడీపీ నేతలు మన్నెం కిషోర్‌, రవి, దిలీప్‌, గోకుల్‌, నాయుడు, అర్జున తదితరులు దాడులకు తెగబడ్డారు. ఈ క్రమంలో కయినికట్టు వీధికి చెందిన రోషన్‌కు తీవ్ర గాయాలయ్యాయి. గిరింపేటలో బూత్‌లను పరిశీలించడానికి వెళ్లిన వైఎస్సార్‌ సీపీ మేయర్‌ అభ్యర్థి చంద్రశేఖర్‌పై దాడికి ప్రయత్నించారు. చివరి గంట భారీ రిగ్గింగ్‌ చిత్తూరు నగరంలోని 140 పోలింగ్‌ బూత్‌లో చివరి గంటలో భారీ రిగ్గింగ్‌ జరిగింది. దాదాపు 18 వేల నుంచి 23 వేల వరకు దొంగ ఓట్లు పోల్‌ చేసుకున్నారు. వళ్లియప్పనగర్‌ పోలింగ్‌ కేంద్రంలోకి చొరబడిన టీడీపీ ఎమ్మెల్యే అనుచరులు దాదాపు ఐదు బండిళ్ల బ్యాలెట్లు తీసుకుని రిగ్గింగ్‌ చేశారు. గాండ్లపల్లె, కట్టమంచి, మురకంబట్టు, గిరింపేట, లక్ష్మీనగర్‌ కాలనీ, ఇరువారం, గంగనపల్లె, రామ్‌నగర్‌ కాలనీ ప్రాంతాల్లో భారీగా రిగ్గింగ్‌ చేశారు. ఎక్కడ పోలీస్‌..? చిత్తూరు నగరంలో ఉదయం 5 గంటలకే పలువురు వైఎస్సార్‌ సీపీ నాయకులు, బూత్‌ ఏజెంట్లను పోలీసులు అదుపులోకి తీసుకున్నారు. వీళ్లందరినీ వన్‌టౌన్‌, టూటౌన్‌, డీటీసీ ప్రాంతాలకు తరలించారు. ఫలితంగా చాలా బూత్‌లలో ఏజెంట్లు కూర్చోలేదు. ఓట్లు వేయడానికి వచ్చిన వైఎస్సార్‌ సీపీ సానుభూతిపరులను బెదిరించి పంపించేశారు. టీడీపీ నేతల బరితెగింపు

బంగారుపాళెం/తవణంపల్లె : మండలంలోని బొమ్మాయిపల్లెకు చెందిన టీడీపీ నాయకుడు మధునాయుడు ఆదివారం వైఎస్సార్‌ సీపీలో చేరారు. ఆయనకు నియోజకవర్గ సమన్వయకర్త డాక్టర్‌ సునీల్‌కుమార్‌, పార్టీ మండల కన్వీనర్‌ రామచంద్రారెడ్డి కండువా కప్పి పార్టీలోకి ఆహ్వానించారు. వైఎస్సార్‌ సీపీ సిద్ధాంతాలు, వైఎస్‌.జగన్‌మోహన్‌రెడ్డి నాయకత్వ లక్షణాలకు ఆకర్షితుడై వైఎస్సార్‌ సీపీలో చేరినట్లు మధునాయుడు తెలిపారు. అలాగే తవణంపల్లె మండలంలోని కొండ్రాజుకాలువ పంచాయతీ మడవనేరి కృష్ణాపురానికి చెందిన బుజ్జినాయుడుతో పాటు పలువురు టీడీపీ నాయకులు వైఎస్సార్‌ సీపీలో చేరారు. దిగువమాఘం సెగ్మెంట్‌ ఎంపీటీసీ అభ్యర్థి ఉష, వైఎస్సార్‌ సీపీ నేతలు ప్రకాష్‌రెడ్డి, భాస్కర్‌నాయుడు, కుమార్‌రెడ్డి, సాయి రెడ్డి, సతీష్‌ రెడ్డి తదితరులు కండువాలు కప్పి పార్టీలోకి ఆహ్వానించారు. తామంతా ఎంపీటీసీ, జెడ్పీటీసీ అభ్యర్థుల గెలుపుకోసం కృషి చేస్తామని బుజ్జినాయుడు తెలిపారు. బైరెడ్డిపల్లెలో బైరెడ్డిపల్లె : మండలంలోని వివిధ గ్రామాలకు చెందిన టీడీపీ నేతలు వైఎస్సార్‌ సీపీలో చేరారు. దీంతో కూటమినేతల్లో గుబులు మొదలైంది. మండల కేంద్రమైన బైరెడ్డిపల్లె–2 సెగ్మెంట్‌ నుంచి 17 కుటుంబాల టీడీపీ నేతలు ఆదివారం మాజీ ఎంపీపీ మొగసాల రెడ్డెప్ప, వైఎస్సార్‌ సీపీ రాష్ట్ర కార్యదర్శి బైరెడ్డిపల్లె క్రిష్ణమూర్తి సమక్షంలో వైఎస్సార్‌ సీపీలో చేరారు. అలాగే నాగిరెడ్డిపల్లెకు చెందిన రఘుపతి, రాజప్ప, హరీష్‌, రెడ్డెప్ప, లక్ష్మప్ప, సతీష్‌, పరమేష్‌, కృష్ణమూర్తి, నాగరాజు, రమేష్‌, మంజునాథ్‌, దేవరాజులు, శ్రీనివాసులు, శివయ్య, వెంకటేష్‌ వైఎస్సార్‌సీపీలో చేరారు. అదేవిధంగా టీడీపీ బైరెడ్డిపల్లె మాజీ మైనార్టీ అధ్యక్షుడు సాధత్‌ కుటుంబం ఆ పార్టీని వీడి వైఎస్సార్‌ సీపీలో చేరింది.

పెనుమూరు(కార్వేటినగరం): వైఎస్సార్‌సీపీ అధినేత వైఎస్‌ జగన్‌మోహన్‌రెడ్డి చేసిన అభివృద్ధి, ప్రజలకిచ్చిన సంక్షేమ ఫలాలు, కూటమి ప్రభుత్వంపై ప్రజల్లో ఉన్న వ్యతిరేకతే స్థానిక సంస్థల ఎన్నికల్లో తమ అభ్యర్థుల విజయానికి బాటలు వేస్తాయని మాజీ ఉపముఖ్యమంత్రి నారాయణస్వామి అన్నారు. ఆదివారం పెనుమూరు మండలం కలవకుంట సెగ్మెంట్‌లో వైఎస్సార్‌సీపీ రాష్ట్ర ప్రదాన కార్యదర్శి మహా సముద్రం దయాసాగర్‌రెడ్డి, జెడ్పీటీసీ అభ్యర్థి నిరీషారెడ్డి, ఎంపీటీసీ అభ్యర్థితో కలసి ఆయన ఎన్నికల ప్రచారం చేశారు. ఇంటింటికీ వెళ్లి కరపత్రాలతో ఓటర్లను అభ్యర్థించారు. ఫ్యాను గుర్తుకు ఓట్లేసి తమ అభ్యర్థులను గెలిపించలాని కోరారు. అనంతరం మీడియాతో మాట్లాడారు. కూటమి పాలనలో మహిళలకు రక్షణ కరువై ఎక్కడ చూసినా బాలికలు, మహిళలపై దాడులు, అత్యాచారాలు నానాటికీ పెరిగిపోతున్నాయని ఆందోళన వ్యక్తం చేశారు. మహా సముద్రం దయాసాగర్‌రెడ్డి మాట్లాడుతూ, మండలంలో గతంలో ఎన్నడూ లేని విధంగా జగనన్న ప్రభుత్వ హయాంలో కళత్తూరు నారాయణస్వామి పులివెందుల తరహాలో అభివృద్ధి చేశారని, అందులో కలికిరి దేవస్థానాన్ని టీటీడీలో విలీనం చేయడం, బస్టాండును కోట్లాది రూపాయలతో నవీకరించారని, రూ.192 కోట్లతోఎన్టీఆర్‌ జలాశయ కింద ఉన్న చెరువులను లిఫ్ట్‌ ఇరిగేషన్‌ పథకం కింద చెరువుల ఆధునీకరణ చేశారన్నారు. అలాగే, ప్రభుత్వ పాలిటెక్నికల్‌ కళాశాల నిర్మాణానికి ప్రతిపాదన చేశారన్నారు.

తిరుపతి మంగళం : తిరుపతి కార్పొరేషన్‌ ఎన్నికల్లో టీడీపీ, జనసేన దొంగ ఓట్లను వేసుకని గెలిచే గెలుపు గెలుపేనా? అని కర్నూలు, నంద్యాల జిల్లాల వైఎస్సార్‌సీపీ రీజనల్‌ కో–ఆర్డినేటర్‌ భూమన కరుణాకరరెడ్డి తీవ్ర ఆగ్రహం వ్యక్తం చేశారు. ఆయన ఆదివారం వైఎస్సార్‌సీపీ మేయర్‌ అభ్యర్థి వాసుయాదవ్‌తో కలిసి మీడియాతో మాట్లాడారు. తిరుపతి మున్సిపల్‌ కార్పొరేషన్‌కు జరిగిన ఎన్నికల్లో టీడీపీ, జనసేన గుండాలు, వేలాది మందిని బయట ప్రాంతాల వారితో దొంగ ఓట్లను వేసుకున్నారని ఆరోపించారు. తిరుపతి నగరంలో 304 బూత్‌లు ఉంటే అందులో 264 బూత్‌లకు పైగా ప్రతి వార్డులోనూ 400 నుంచి 500 దొంగ ఓట్లను వేయించినట్టు ఆరోపించారు. వేలాది మంది బయట ప్రాంత ప్రజలు, ఎర్రచందనం స్మగ్లర్లు, హంతక ముఠాలు, తమ పార్టీ కార్పొరేటర్‌ అభ్యర్థులను, పార్టీ కార్యకర్తలను కొట్టి దౌర్జన్యం చేశారన్నారు. పోలీసులు సమాచారం తెలుసుకుని అక్కడికి వచ్చేసరికే దాడులు చేసి బూతులను ఆక్రమించి 35 వేల దొంగ ఓట్లను వేసుకున్నారని మండిపడ్డారు. ప్రజాభిప్రాయంతో కాకుండా దొంగ ఓట్లతో గెలిచే గెలుపు ఒక గెలుపేనా? అని ప్రశ్నించారు. నాయకులు, కార్యకర్తలను కొట్టడం చూస్తుంటే ప్రజాస్వామ్యమా? లేక రౌడీ రాజ్యమా అన్న ఆలోచన కలుగుతోందన్నారు. ప్రజాస్వామ్య విలువలను మంటగలిపిన చంద్రబాబు, లోకేష్‌, పవన్‌కళ్యాన్‌ సిగ్గుపడాలన్నారు. 35వేల దొంగ ఓట్లు వేసుకున్నా కూడా తిరుపతిలో ఓటింగ్‌ శాతం 47 శాతమే అంటే టీడీపీ గూండాలు చేసే దౌర్జన్యాలు, దాడులతో తిరుపతి నగర ప్రజలు ఎంత భయభ్రాంతులకు గురయ్యారో అర్థమవుతోందన్నారు. తిరుపతిలో ఒక పేదవాడు, బడుగు సామాజిక వర్గానికి చెందిన వ్యక్తి, ఫిజియోథరఫీ డాక్టర్‌ అయిన వాసుదేవయాదవ్‌ను వైఎస్సార్‌సీపీ మేయర్‌ అభ్యర్థిగా నిలబెడితే, ఒక పచ్చి గూండాని, రౌడీని, అరాచకశక్తిని, భూకబ్జాదారుడిని, వేలాది మందిని తీసుకుని వచ్చి రిగ్గింగ్‌ చేయాలన్న ఆలోచన కలిగిన ఒక దుర్మార్గుడిని టీడీపీ మేయర్‌ అభ్యర్థిగా చంద్రబాబు, లోకేష్‌లు నిలబెట్టారన్నారు. తిరుమల తిరుపతి పవిత్రతను మంటగలిపిన చంద్రబాబును తిరుపతి నగర ప్రజలంతా ఛీదరించుకుంటున్నారన్నారు.

కడప కార్పొరేషన్‌ : తుపాను కారణంగా భారీ వర్షాలు కురుస్తున్న నేపథ్యంలో విద్యుత్‌ అధికారులు, సిబ్బంది అప్రమత్తంగా వుండాలని ఏపీఎస్‌పీడీసీఎల్‌ చైర్మన్‌ – మేనేజింగ్‌ డైరెక్టర్‌ శివశంకర్‌ లోతేటి ఆదివారం ఒక ప్రకటనలో తెలిపారు. తుపాను ప్రభావం ఎక్కువగా వుండే నెల్లూరు, తిరుపతి జిల్లాల్లో అధికారులు, సిబ్బంది ముందు జాగ్రత్త చర్యలు తీసుకోవాలని ఆదేశించారు. విద్యుత్‌ సరఫరాకు అంతరాయం ఏర్పడితే విద్యుత్‌ పునరుద్ధరణ పనులను సంబంధిత నోడల్‌ ఆఫీసర్లు నిరంతరం పర్యవేక్షించాలని సూచించారు. భారీ వర్షాలు కురిసే అవకాశం వున్న ప్రాంతాల్లో సంబంధిత ఎస్‌ఈలు అప్రమత్తంగా వుండాలన్నారు. భారీ వర్షాలతో విద్యుత్‌ సరఫరాలో అంతరాయం ఏర్పడిన సంద ర్భాల్లో సరఫరాను యుద్ధ ప్రాతిపదికన పునరుద్ధరించేందుకు వీలుగా అధికారులు, సిబ్బందిని సిద్ధంగా ఉంచుకోవాలన్నా రు. సంస్థ పరిధిలో సర్కిల్స్‌, డివిజన్స్‌, సబ్‌–డివిజ న్స్‌, సెక్షనన్స్‌ స్థాయిల్లో నోడల్‌ ఆఫీసర్లను నియమించామని, అదే విధంగా కంట్రోల్‌ రూమ్స్‌ను కూడా ఏర్పా టు చేసినట్లు తెలిపారు. భారీ వర్షం కురుస్తున్న సందర్భాల్లో విద్యుత్‌ సరఫరాలో అంతరాయం ఏర్పడే అవకాశం ఉంటుందని, ప్రజలు తమ గృహాల్లో చార్జింగ్‌ లైట్లు, తాగు నీటిని అందుబాటులో ఉంచుకోవాలని సూచించారు. వర్షం కురుస్తున్న సమయంలో ప్రజలు విద్యుత్‌ స్తంభాలను తాకవద్దని, లైన్ల కింద నిల్చోవద్దని సూచించారు. ఎక్కడైనా విద్యుత్‌ స్తంభాలు కూ లిపోవడం, లైన్లు తెగిపడడం లాంటి సంఘటనలను గుర్తించినట్లయితే తక్షణమే సమీపంలోని విద్యుత్‌ శాఖ అధికారులు/సిబ్బందికి గానీ లేదా టోల్‌ ఫ్రీ నంబర్లు: 1912 లేదా 1800 425 155333కు కాల్‌ చేసి సమాచారం అందించాలని సూచించారు. అదే విధంగా సంస్థ వాట్సాప్‌ నంబరు: 91333 31912కు చాట్‌ చేయ డం ద్వారా విద్యుత్‌ సమస్యలను అధికారుల దృష్టికి తీసుకువచ్చి పరిష్కరించుకోవచ్చని వివరించారు.

చిత్తూరు కార్పొరేషన్‌: ప్రజాస్వామ్యబద్ధంగా ప్రశాంత వాతవారణంలో జరగాల్సిన ఎన్నికలను అలజడి సృష్టించారని వైఎస్సార్‌ సీపీ చిత్తూరు నియోజకవర్గ సమన్వయకర్త విజయానందరెడ్డి తెలిపారు. పోలింగ్‌ సందర్భంగా ఆదివారం పలువురు వైఎస్సార్‌ సీపీ డివిజన్‌ ఇన్‌చార్జిలు, ఏజెంట్లను పోలీసులు నిర్బంధించారు. ఈ విషయం తెలుసుకున్న విజయానందరెడ్డి మేయర్‌ అభ్యర్థి చంద్రశేఖర్‌, మొదలియార్‌ విభాగం రాష్ట్ర అధ్యక్షుడు జ్ఞానజగదీష్‌తో కలిసి రెండో పట్టణ పోలీసుల వద్దకు వెళ్లి మాట్లాడారు. నిర్బంధించిన వారిని విడుదల చేయాలని కోరారు. అనంతరం మీడియాతో మాట్లాడారు. దౌర్జన్యాల మధ్య ఎన్నికలు నిర్వహించడం ఎందుకని, నేరుగా నామినేట్‌ చేసుకోవచ్చు కదా అని ప్రశ్నించారు. పలువురు ఏజెంట్లను పోలీసులు అక్రమంగా అదుపులోకి తీసుకున్నారని తెలిపారు. మిగిలిన ఏజెంట్ల ఽధ్రువీకరణ పత్రాలను అధికార పార్టీ నాయకులు పోలింగ్‌ కేంద్రాల వద్ద చింపివేశారని పేర్కొన్నారు. కొందరిని కొట్టి బయటకు పంపించారని తెలిపారు. పోలీసుల ఎదుటే తమ నాయకులు, కార్యకర్తలపై భౌతిక దాడులు జరుగుతురన్నా అడ్డుకోలేదన్నారు. పోలింగ్‌ కేంద్రాల వద్ద గుమికూడిన అధికార పార్టీ నాయకులను పట్టించుకోలేదన్నారు. వైఎస్సార్‌సీపీ నాయకులు, కార్యకర్తలపై లాఠీచార్జీ చేశారని విమర్శించారు. దొంగ ఓటర్లను దర్జాగా పోలింగ్‌ కేంద్రంలోకి పంపారని తెలిపారు. ఇటువంటి పరిస్థితులు ఉండడంతో పలువురు ఓట్లు వేయడానికి రాలేదన్నారు. మధ్యాహ్నం వరకు పోలింగ్‌ శాతం పెద్దగా లేకపోయినా, తర్వాత రిగ్గింగ్‌లకు పాల్పడడంతో ఓటింగ్‌ శాతం పెరిగింద న్నారు. ఎన్ని దాడులు చేసినా ధైర్యంగా నిలబడిన నేతలు, ఏజెంట్లు, కార్యకర్తలకు హాట్సాప్‌ అని తెలిపారు. వారికి రుణపడి ఉంటామని, భగవంతుడు మనకు సమయం ఇస్తాడని, గుణపాఠం చెబుతామని వివరించారు.

పుత్తూరు: ప్రతి పేద కుటుంబం బాగుకోసం ఆలోచించే మాజీ సీఎం వైఎస్‌ జగన్‌మోహన్‌రెడ్డి సారథ్యంలోని వైఎస్సార్‌ కాంగ్రెస్‌ పార్టీని, స్థానిక సంస్థల ఎన్నికల్లో పోటీ చేస్తున్న పార్టీ అభ్యర్థులను ఆశీర్వదించాలని మాజీ మంత్రి ఆర్కే రోజా విజ్ఞప్తి చేశారు. ఆదివారం తడుకు ఎంపీటీసీ సెగ్మెంట్‌లోని వీఎస్‌ఎస్‌పురంలో ఆదివారం ఆమె ప్రచారం నిర్వహించారు. గత సార్వత్రిక ఎన్నికల్లో సూపర్‌ సిక్స్‌ పేరిట ఇచ్చిన హామీలను తుంగలో తొక్కిన చంద్రబాబు ప్రభుత్వానికి ఓటుతో సమాధానం చెప్పాలని గ్రామస్తులను కోరారు. వైఎస్సార సీపీ ప్రభుత్వ పాలనలో అమలైన సంక్షేమ పథకాల గురించి వివరించారు. పల్లె ప్రజల కోసం ప్రతి పంచాయతీలో సచివాలయాలు, రైతు భరోసా కేంద్రాలు, వెల్‌నెస్‌ సెంటర్ల భవనాలను నిర్మించారని గుర్తు చేశారు. పల్లె ప్రజలు బాగుపడాలన్నా, అభివృద్ధి జరగాలన్నా పార్టీ అభ్యర్థులను బలపరచాలని కోరారు. తడుకు, రామకృష్ణాపురం ఎంపీటీసీ అభ్యర్థులు శివ వినూత, జెడ్పీటీసీ అభ్యర్థి ప్రతాప్‌కు ఫ్యాను గుర్తుపై ఓట్లు వేసి గెలిపించాలని కోరారు.

చిత్తూరు కలెక్టరేట్‌ : నగరంలో 37వ డివిజన్‌ పరిధిలోని మిట్టూరు మెప్మా పోలింగ్‌ కేంద్రంలో అధికారుల అలసత్వాన్ని ఓ సాధారణ ఓటరు ఎండగట్టా డు. తన ఓటు హక్కును వినియోగించుకోవడానికి పోలింగ్‌ కేంద్రంలోకి వెళ్లిన ఒక ఓటరు అక్కడున్న ఏజెంట్‌ గుర్తింపు కార్డును పరిశీలించారు. ఆ కార్డుపై పేరుగానీ, ఎలాంటి వివరాలు గానీ లేకపోవడాన్ని గమనించి తక్షణమే స్పందించారు. ‘ఎవరండీ ఈ వ్యక్తి? నిబంధనలకు విరుద్ధంగా, ఎన్నికలతో సంబంధం లేని వ్యక్తులను లోపలికి ఎలా అనుమతిస్తారు?’ అని పీవోను ప్రశ్నించారు. పీవో నిర్లక్ష్యంగా సమాధానం ఇవ్వడంతో సదరు ఓటరు తీవ్ర ఆగ్ర హం వ్యక్తం చేశారు. ‘ఎన్నికల నిబంధనల ప్రకారం మీరు చేయాల్సిన ప్రాసెస్‌ను సక్రమంగా నిర్వహించి పోలింగ్‌ జరపండి.. అంతవరకు నేను ఇక్కడే నిలబడే ఉంటాను’ అంటూ గట్టిగా తేల్చి చెప్పారు. ఆ ఓటరు పట్టుబట్టడంతో దిగొచ్చిన పీవో, వెంటనే హడావుడిగా లోపాలను సరిదిద్ది ప్రక్రియను పూర్తి చేయించారు. ఆ సమయం వరకు సదరు ఓటరు పోలింగ్‌ కేంద్రంలోనే నిలబడి అధికారుల పనితీరును పర్యవేక్షించడం స్థానికంగా చర్చనీయాంశమైంది. ఈ వ్యవహారాన్ని సంబంధిత ఓటరు అయ్యగారి రాంబాబు సామాజిక మాధ్యమంలో పోస్ట్‌ చేసి రాష్ట్ర, జిల్లా ఎన్నికల అధికారి, నగరపాలక కమిషనర్‌కు ఫిర్యాదు చేశారు.

– ముగ్గురికి తీవ్రగాయాలు నగరి: చిత్తూరు–తచ్చూరు జాతీయ రహదారిలో బూచివానత్తం వద్ద ఆదివారం జరిగిన రోడ్డు ప్రమాదంలో ఒకరు మృతిచెందగా, మరో ముగ్గురు తీవ్రంగా గాయపడ్డారు. పోలీసుల కథనం మేరకు.. బెంగళూరుకు చెందిన లోకేష్‌ (34), హరిహరన్‌ (35), శాంతి (53), జగదీష్‌ (33) ఆదివారం ఉదయం కారులో చైన్నెకి బయలుదేరారు. చిత్తూరు–తచ్చూరు జాతీయ రహదారిపై బూచివానత్తం సమీపంలో కారు అదుపుతప్పి ముందు వెళ్తున్న లారీని ఢీకొట్టింది. దీంతో కారు నడుపుతున్న లోకేష్‌ అక్కడికక్కడే మృతిచెందాడు. హరిహరన్‌, శాంతి, జగదీష్‌ తీవ్రంగా గాయపడ్డారు. పోలీసు లు అక్కడికి చేరుకుని క్షతగాత్రులను అంబులెన్స్‌ ద్వారా నగరి ఏరియా ఆస్పత్రికి తరలించారు. వారి పరిస్థితి విషమంగా ఉండడంతో వైద్యులు ప్రాథమిక చికిత్స అందించిన అనంతరం మెరుగైన వైద్యం కోసం చైన్నెకి రెఫర్‌ చేశారు. గుర్తు తెలియని వాహనం ఢీకొని రైతు మృతి పలమనేరు: మండలంలోని మొరం పంచాయ తీ గజ్జలవారిపల్లి సమీపంలో గుర్తు తెలియని వాహనం ఢీకొనడంతో వ్యక్తి మృతిచెందాడు. స్థానికుల కథనం మేరకు.. గజ్జలవారిపల్లికి చెందిన జి.ప్రభాకర్‌ రెడ్డి(53) వ్యవసాయం చేసుకుంటూ కుటుంబాన్ని పోషించుకుంటున్నాడు. ఇతనికి ఇద్దరు కుమారులు ఉన్నారు. అతను ఆదివారం సాయంత్రం గ్రామ సమీపంలో రోడ్డుపై నడుచుకుంటూ వెళుతుండగా గుర్తుతెలియని వాహనం ఢీకొంది. తీవ్రంగా గాయపడిన అతను అక్కడికక్కడే మృతిచెందాడు. ఎక్స్‌ప్రెస్‌ హైవే నుంచి బైరెడ్డిపల్లి మీదుగా నిత్యం వేలాది వాహనాలు వెళుతుండడంతో పలమనేరు– బైరెడ్డిపల్లి రోడ్డు ప్రమాదాలకు నిలయంగా మారిన విషయం తెలిసిందే. ఈ ప్రమాదంపై తమకు సమాచారం అందలేదని పోలీసులు తెలిపారు. శ్రీవారి దర్శనానికి 8 గంటలు తిరుమల: తిరుమలలో ఆదివారం భక్తుల రద్దీ ఎక్కువగా ఉంది. క్యూకాంప్లెక్స్‌లోని 19 కంపార్ట్‌మెంట్లు భక్తులతో నిండిపోయాయి. శనివారం అర్ధరాత్రి వరకు 74,239 మంది స్వామివారిని దర్శించుకున్నారు. 28,313 మంది భక్తులు తలనీలాలు అర్పించారు. స్వామివారికి కానుకల రూపంలో హుండీలో రూ.3.76 కోట్లు సమర్పించారు. టైంస్లాట్‌ టిక్కెట్లు కలిగిన భక్తులకు సకాలంలో దర్శనం లభిస్తోంది. దర్శన టిక్కెట్లు లేని వారు స్వామిని దర్శించుకోవడానికి 8 గంటల సమయం పడుతోంది. ప్రత్యేక ప్రవేశ దర్శనం టిక్కెట్లు కలిగిన వారు 3 గంటల్లో స్వామిని దర్శించుకోగలుగుతున్నారు. ‘పురపోరు’ లెక్కలు తేలేది రేపే! సాక్షి, చిత్తూరు: మునిసిపల్‌ ఎన్నికలు ముగియడంతో బ్యాలెట్‌ బాక్సుల్లో నిక్షిప్తమైన ప్రజాతీర్పును అధికారులు అత్యంత భద్రత నడుమ ఆదివారం రాత్రి స్ట్రాంగ్‌ రూమ్‌లకు తరలించారు. ఈ నెల 3వ తేదీన ఓట్ల లెక్కింపు జరగనుంది. మఽ ద్యాహ్నం 12 గంటలకంతా ఫలితాలు వెల్లడి కా నున్నాయి. చిత్తూరు కార్పొరేషన్‌కు సంబంధించి పీవీకేఎన్‌ డిగ్రీ కళాశాలలో ఓట్ల లెక్కింపు కేంద్రా న్ని ఏర్పాటు చేశారు. పలమనేరుకు స్థానిక ప్రభు త్వ డిగ్రీ కళాశాల, కుప్పంలో ఎంఎఫ్‌సీ ప్రభుత్వ జూనియర్‌ కళాశాలలో, నగరి మునిసి పాలిటీకి పుత్తూరులోని సిద్ధార్థ ఇంజినీరింగ్‌ కళాశాలలో కౌంటింగ్‌ కేంద్రాలు ఏర్పాటు చేశారు. వైఎస్సార్‌సీపీ ప్రచార ఆటోపై దాడి రేణిగుంట : స్థానిక సంస్థల ఎన్నికల్లో భాగంగా వైఎస్సార్‌సీపీ జెడ్పీటీసీ అభ్యర్థి గంగారి సుజాతకు సంబంధించిన ప్రచార ఆటోను టీడీపీ కార్యకర్త ధ్వంసం చేశాడు. ఆదివారం వెంకటాపురంలో ఎన్నికల ప్రచారానికి వెళ్లిన ఆటోపై పచ్చరౌడీ బండరాయి వేయడంతో అద్దాలు పగిలిపోయాయి. డ్రైవర్‌ హాజవలీకి గాయాలయ్యాయి. దీనిపై బాధితుడు పోలీసులకు ఫిర్యాదు చేశాడు.

చిత్తూరు రూరల్‌ (కాణిపాకం): చిత్తూరు మండలం పచ్చనపల్లికి చెందిన మాజీ సర్పంచ్‌ కుమారుడు మూర్తి వైఎస్సార్‌సీపీలో చేరారు. మూర్తికి నియోజకవర్గ సమన్వయకర్త విజయానందరెడ్డి కండువా కప్పి పార్టీలోకి ఆహ్వానించారు. రెండున్నర ఏళ్ల కూటమి పాలన అస్థవ్యస్తంగా ఉందని, ఎన్నికల్లో ఇచ్చిన హామీలను నెరవేర్చకుండా పేదల ప్రజలకు మోసం చేశారని ఈసందర్భంగా మూర్తి ఆగ్రహం వ్యక్తం చేశారు. ఈ కార్యక్రమంలో పూతలపట్టు మాజీ ఎమ్మెల్యే ఎంఎస్‌బాబు, నాయకులు సంపత్‌, అమర్‌నాథరెడ్డి, త్యాగరాజులు, భాస్కర్‌, శ్యామ్‌, బాబు తదితరులున్నారు.

చిత్తూరు కలెక్టరేట్‌ : స్థానిక సంస్థల ఎన్నికలకు ఇప్పటికే కేటాయించిన బడ్జెట్‌లోనే అన్ని ఖర్చులు భరించాలని ప్రభుత్వం ఉత్తర్వులు జారీ చేయడం సరికాదని, అదనపు నిధులు విడుదల చేయాలని వైఎస్సార్‌ టీచర్‌ అసోసియేషన్‌ రాష్ట్ర వర్కింగ్‌ ప్రెసిడెంట్‌ రెడ్డిశేఖర్‌రెడ్డి డిమాండ్‌ చేశారు. శనివారం ఆయన మాట్లాడుతూ ఎన్నికలకు పూర్తి స్థాయిలో నిధులు కేటాయించాలని కోరారు. అదనపు నిధులు కేటాయించబడదని ప్రభుత్వం తాజాగా జారీచేసిన ఉత్తర్వుల్లో పేర్కొనడం దారుణమన్నారు. నిధుల కొరత సాకుతో ఎన్నికల అధికారులు, సిబ్బందికి పూర్తి స్థాయిలో పారితోషికం ఇవ్వకుండా వాయిదా వేసే ప్రమాదముందని హెచ్చరించారు. ఓటమి భయంతోనే కుట్రలు చిత్తూరు రూరల్‌ (కాణిపాకం): అధికార కూటమి నేతలు ఓటమి భయంతోనే కుట్ర రాజకీయాలకు పాల్పడుతున్నారని వైఎస్సార్‌సీపీ చిత్తూరు నియోజకవర్గ సమన్వయకర్త విజయానందరెడ్డి దుయ్యబట్టారు. చిత్తూరు మండలం అనంతాపురం, పచ్చనపల్లి, ముత్తుకూరు, తాళంబేడు సెగ్మెంట్లలో శనివారం స్థానిక సంస్థల ఎన్నికల ప్రచారాన్ని నిర్వహించారు. విజయానందరెడ్డి, పూతలపట్టు మాజీ ఎమ్మెల్యే ఎంఎస్‌బాబు, జెడ్పీటీసీ అభ్యర్థి జయంతి, ఎంపీటీసీ అభ్యర్థులు సుమతి, మురగయ్య, జీవనజ్యోతి, రాజేష్‌లతో పాటు ఇంటింటా ప్రచారం చేపట్టారు. ఈసందర్భంగా విజయానందరెడ్డి మాట్లాడుతూ గ్రామాల్లో పర్యటిస్తుంటే గెలిచేది వైఎస్సార్‌సీపీ అని ప్రజలే చెప్తున్నారన్నారు. టీడీపీ గెలుస్తుందని ఆ పార్టీ కార్యకర్తలకే నమ్మకం లేదన్నారు. అధికార పార్టీ, యంత్రాంగం ఎంత భయపెట్టినా, ప్రలోభాలకు గురి చేసినా వెన్ను చూపకుండా వైఎస్సార్‌సీపీ అభ్యర్థులు అన్ని ఎంపీటీసీ స్థానాల్లో పోటీ చేయడమే తమకు తొలి విజయమన్నారు. ఈ కార్యక్రమంలో మాజీ జెడ్పీటీసీ ఎంఎస్‌ బాబు నాయుడు, నాయకులు సంపత్‌, అమర్‌నాథరెడ్డి, త్యాగరాజులు భాస్కర్‌నాయుడు, రంజన్‌, రాజా, స్టాండ్లీ, కన్నన్‌, దిలీప్‌, భాస్కర్‌, పి.బాబు, శ్యామ్‌, గురుమూర్తి, పట్టాభి, జయచంద్ర, రాజేంద్ర తదితరులు న్నారు.

● చిత్తూరు నగరం గాంధీరోడ్డులోని ఓ బ్యాంకులో అక్కడి అధికారి బంగారు ఆభరణాలను విషయంలో అవకతవకలకు పాల్పడ్డారని సస్పెన్షన్‌ వేటు పడింది. రూ. 20లక్షల విలువైన బంగారు ఆభరణం విషయంలో నాణ్యతలేని నగ పెట్టి గోల్‌మాల్‌ చేశారని బాధితులు ఇచ్చిన ఫిర్యాదు మేరకు ఆ అధికారిని సస్పెన్షన్‌ చేశారు. అలాగే కార్వేటినగరంలో కూడా ఓ అధికారి రుణ మంజూరు విషయంలో ఇష్టారాజ్యంగా వ్యవహరించారని సెప్టెంబర్‌లో ఆ బ్యాంకు ఉన్నతాధికారులు సస్పెన్షన్‌ వేటు వేశారు. ● చిత్తూరు నగరం సాంబయ్యకండ్రిగకు చెందిన శ్రీదేవి (పేరుమార్చాం)అనే మహిళ డీఐ రోడ్డులోని ఓ బ్యాంకులో 2024న బంగారు ఆభరణం పెట్టి రూ.లక్షల రుణం తీసుకున్నారు. క్రమం తప్పకుండా ఏటా రెన్యూవల్‌ చేయించుకుంటూ వచ్చారు. అయితే కనీసం ఆభరణం కూడా చూపించేవారు కాదు. వారం క్రితం మళ్లీ రెన్యూవల్‌కు వెళ్లినప్పుడు రశీదు చూస్తే గోల్డ్‌ బరువు తక్కువ ఉంది.. ఆభరణం కూడా మారిపోయింది. దీంతో బాధితురాలు లబోదిబోమంటూ రెండు రోజులుగా బ్యాంకు చుట్టూ తిరుగుతోంది. బ్యాంకు అధికారులకు ఫిర్యాదు చేసినా పట్టించుకోవడంలేదని ఆరోపిస్తోంది. దీంతో ఆమె రీజనల్‌ బ్యాంకులో ఫిర్యాదు చేయాలని నిర్ణయించుకుంది. కాణిపాకం : జిల్లావ్యాప్తంగా వివిధ ప్రభుత్వ, ప్రైవేట్‌ బ్యాంకులకు చెందిన సుమారు 220కి పైగా శాఖలు ఉన్నాయి. వీటిలో ఇప్పటివరకు దాదాపు 1.50 లక్షల మందికి పైగా వినియోగదారులు తమ బంగారు ఆభరణాలను తాకట్టు పెట్టి రుణాలు పొందినట్లు రికార్డులు చెబుతున్నాయి. ఇక్కడివరకు అంతా బాగానే ఉన్నప్పటికీ, రుణాల మంజూరు, రెన్యూవల్‌, తిరిగి ఇచ్చే ప్రక్రియల్లో మాత్రం తీవ్ర స్థాయిలో అక్రమాలు జరుగుతున్నాయని రుణగ్రహీతలు ఆరోపిస్తున్నారు. నాణ్యమైన ఆభరణాలను తాకట్టు పెట్టుకుని, తిరిగి ఇచ్చే సమయంలో తక్కువ నాణ్యత కలిగిన బంగారం ఇస్తున్నారని, దీనిపై ప్రశ్నిస్తే సరైన సమాధానం చెప్పడం లేదని ఆగ్రహం వ్యక్తం చేస్తున్నారు. నిబంధనలకు నీళ్లు ప్రస్తుతం బ్యాంకింగ్‌ రంగంలో టెక్నాలజీ, నిబంధనలు ఎంతగానో మారాయి. బంగారం బ్యాంకులో తాకట్టు పెట్టే సమయంలో సదరు ఆభరణాల స్పష్టమైన ఫొటోలను సిస్టమ్‌లో అప్‌లోడ్‌ చేయాల్సి ఉంటుంది. అయితే జిల్లాలోని చాలా బ్యాంకుల్లో ఈ నిబంధనలకు నీళ్లు వదిలేస్తున్నారు. ఫొటోలు అప్‌లోడ్‌ చేయకుండా, వివరాలు సరిగా నమోదు చేయకుండా కస్టమర్లను దగా చేస్తున్నారు. రసీదులు ఇవ్వకుండా వేధింపులు బంగారు రుణాల రెన్యూవల్‌కు వెళ్లేవారికి బ్యాంకు సిబ్బంది చుక్కలు చూపిస్తున్నారు. సకాలంలో ప్రక్రియ పూర్తి చేయకుండా రోజులు తరబడి తిప్పుకుంటున్నారు. ఇందుకోసం సవాలక్ష సాకులు వెతుకుతున్నారు. అంతటితో ఆగకుండా, తాకట్టు పెట్టిన వెంటనే ఇవ్వాల్సిన రసీదులను ఇవ్వడం లేదు. ఈ రోజు కుదరదు.. మరుసటి రోజు లేదా రెండు రోజుల తర్వాత వచ్చి తీసుకోండి అంటూ వేధిస్తున్నారు. తీరా రసీదులు చేతికి ఇచ్చే సమయానికి, వినియోగదారులు తాకట్టు పెట్టిన అసలు బరువు కంటే తక్కువ బరువు నమోదు చేస్తుండడం గమనార్హం.అత్యవసరమై బ్యాంకుల్లో నగలు తాకట్టు పెట్టి రుణం తీసుకుంటున్న వారు ఇక్కట్ల పాలవుతున్నారు. జిల్లాలోని పలు బ్యాంకుల్లో బంగారు రుణాల పేరిట అక్రమాలు సాగుతున్నాయని బాధితులు ఆరోపిస్తున్నారు. కష్ట సమయంలో అత్యంత నాణ్యమైన బంగారం కుదువ పెడితే.. విడిపించుకునేప్పుడు నాసిరకం ఆభరణం చేతికిస్తున్నారని ఆవేదన వ్యక్తం చేస్తున్నారు. బ్యాంకు అధికారుల అలసత్వం కారణంగా వేలాది మంది మోసపోతున్నారని రుణగ్రహీతలు మండిపడుతున్నారు. ఫిర్యాదులు బుట్టదాఖలు బ్యాంకు సిబ్బంది గోల్డ్‌ లెక్కింపుల్లో వ్యత్యాసాలు చూపిస్తూ మోసాలకు పాల్పడుతుండడంతో రుణగ్రహీతలు రగిలిపోతున్నారు. తమకు జరిగిన అన్యాయంపై బ్యాంకు ఉన్నతాధికారులు, మేనేజర్లకు ఫిర్యాదు చేసినా ఫలితం లేకుండా పోతోందని ఆవేదన వ్యక్తం చేస్తున్నారు. ఫిర్యాదులను బుట్టదాఖలు చేస్తూ బాధితులపైనే నెపం నెట్టేందుకు యత్నిస్తున్నారని వాపోతున్నారు. ఇప్పటికై నా జిల్లా ఉన్నతాధికారులు, బ్యాంకింగ్‌ నియంత్రణ అధికారులు స్పందించి బంగారు రుణాల ప్రక్రియపై సమగ్ర విచారణ చేపట్టి న్యాయం చేయాలని బాధితులు కోరుతున్నారు.

వేలూరు: తిరుపత్తూరు జిల్లా వానియంబాడి సమీపంలోని కీరసముద్రం సమీపంలోని పుదూరులో నివశిస్తున్న దంపతులకు ఇప్పటికే ఇద్దరు అడ పిల్లలున్నారు. ఆ మహిళ మరోసారి గర్భవతి కాగా కడుపులో ఉన్న శిశువు కూడా ఆడ పిల్ల అని ఆమెకు తెలియవచ్చింది. ఈ విషయం తెలుసుకొని కలత చెందిన కుటుంబ సభ్యులు మరో కుమార్తె పుడుతుందేమో అని భయంతో అబార్షన్‌ చేయించుకోవాలని నిర్ణయించుకుంది. ఇందుకోసం ఆమె ఆంధ్ర రాష్ట్రం చిత్తూరు పట్టణంలోని సంతపేటకు చెందిన గీత, ఇంద్రాని అనే ఇద్దరు మహిళలను సంప్రదించి వారిని తన ఇంటికి పిలిపించుకుంది. శనివారం ఉదయం గర్భవతికి అక్రమంగా గర్భస్రావం చేయడానికి యత్నించారు. ఈ విషయం సమీపంలోని బంధువులకు తెలియడంతో వీటిపై తిరుపత్తూరు జిల్లా ఆరోగ్యశాఖ అధికారులకు సమాచారం అందజేశారు. వెంటనే ఆరోగ్యశాఖ అధికారి శివకుమార్‌ ఆధ్వర్యంలో వైద్య సిబ్బంది ఘటనా స్థలానికి చేరుకొని తనిఖీ చేశారు. అప్పటికే వైద్యాధికారులు వాణియంబాడి పోలీసులకు కూడా సమాచారం అందజేయడంతో పోలీసులు అక్కడకు చేరుకొని విచారణ చేపట్టారు. ఆ సమయంలో చిత్తూరుకు చెందిన గీత, ఇంద్రాని కలిసి ఎటువంటి వైద్యం చదవకుండానే అక్రమ అబార్షన్‌ చేసేందుకు ప్రయత్నించినట్లు తెలియ వచ్చింది. దీంతో పోలీసులు గీత, ఇంద్రానిని అరెస్ట్‌ చేసి పోలీస్‌ స్టేషన్‌కు తీసుకెల్లి విచారణ చేస్తున్నారు. మహిళ గర్భంలో ఉన్న శిశువు ఆడ పిల్ల అని చెప్పిన డాక్టర్‌ ఎవరు..? ఎటువంటి వైద్యం చదవకుండా ఇద్దరు మహిళలు అబార్షన్‌ చేసేందుకు యత్నించడంపై పోలీసులు సమగ్ర విచారణ చేస్తున్నారు. అదేవిధంగా చిత్తూరు నుంచి ఇద్దరు మహిళలను రప్పించి స్థానికంగా ఏజెంట్‌గా వ్యవహరిస్తున్న మరో మహిళను కూడా అదుపులోకి తీసుకున్నారు.

జిల్లా వ్యాప్తంగా చిత్తూరు మున్సిపల్‌ కార్పొరేషన్‌, పలమనేరు, కుప్పం, నగరి మున్సిపల్‌ ఎన్నికలు నవంబర్‌ 1 వ తేదీన నిర్వహించనున్నారు. ఈ ఎన్నికలు బ్యాలెట్‌ పద్ధతిలో నిర్వహిస్తున్నందున ఓటర్లు జాగ్రత్తగా ఓట్లు వేయాల్సి ఉంటుంది. లేకుంటే ఓటు చెల్లకుండా పోయే ప్రమాదముంది. పోలింగ్‌ సిబ్బంది నిలువుగా మడిచి ఇచ్చిన బ్యాలెట్‌ పేపర్‌పై నచ్చిన అభ్యర్థి గుర్తుపై స్వస్తిక్‌ స్టాంప్‌ వేయాలి. ఆ తర్వాత బ్యాలెట్‌ను యథావిధిగా మడిచి బ్యాలెట్‌ బాక్స్‌లో వేయాలి. ఇలా కాకుండా బ్యాలెట్‌ను అడ్డంగా మడతపెడితే ఒక గుర్తుపై వేసిన స్టాంపు ఇంకు మరో గుర్తుపై అంటుకుని చెల్లుబాటు కాకుండా పోయే అవకాశం ఉంటుంది. అందుకే పోలింగ్‌ సిబ్బంది నిలువుగా మడిచి ఇచ్చిన బ్యాలెట్‌ పేపర్‌ను ఓటేసిన తర్వాత యధావిధిగా మడిచి బ్యాలెట్‌ బాక్స్‌లో వేస్తే ఓటు చెల్లుబాటు అవుతుంది. – చిత్తూరు కలెక్టరేట్‌ టిప్పర్‌ ఢీకొని బాలుడికి గాయాలు యాదమరి: చిత్తూరు– గుడియాత్తం రహదారిలో శనివారం సైకిల్‌పై వెళుతున్న బాలుడిని టిప్పర్‌ ఢీకొంది. చోటుచేసుకుంది. వివరాలు.. షికారికాలనీకి చెందిన గోపి కుమారుడు విశాల్‌ తనకు అన్న వరసైన వ్యక్తితో సైకిల్‌పై ఇంటికి వెళుతుండగా ప్రమాదం జరిగింది. తీవ్రంగా గాయపడిన విశాల్‌ను చికిత్స నిమిత్తం 108 అంబులెన్సులో చిత్తూరు ప్రభుత్వాస్పత్రికి తరలించారు. ఈ విషయమై ఎస్‌ఐని సంప్రదించగా తనకు సమాచారం లేదని చిత్తూరు కార్పొరేషన్‌ విధుల్లో ఉన్నట్లు సమాధానమిచ్చారు. అనంతరం యాదమరి పోలీస్‌స్టేషన్‌కు ఫోన్‌ చేయగా వారు స్పందించకపోవడం గమనార్హం. ప్రమాదానికి కారణమైన టిప్పర్‌ అధికార పార్టీ నేతకు చెందినదని, కేను మాఫీ చేసేందుకు బాధితులతో రాజీ కుదిర్చే పనికి లోపాయికారీగా పోలీసులు ఒప్పందం కుదుర్చుకున్నట్లు ఆరోపణలు వినిపిస్తున్నాయి. శ్రీవారి దర్శనానికి 8 గంటలు తిరుమల: తిరుమలలో శనివారం భక్తుల రద్దీ సాధారణంగా ఉంది. క్యూకాంప్లెక్స్‌లోని 10 కంపార్ట్‌మెంట్లలో భక్తులు వేచి ఉన్నారు. శుక్రవారం అర్ధరాత్రి వరకు 64,014 మంది స్వామివారిని దర్శించుకున్నారు. టైంస్లాట్‌ టిక్కెట్లు కలిగిన భక్తులకు సకాలంలో దర్శనం లభిస్తోంది. టిక్కెట్లు లేని వారికి 8 గంటల సమయం పడుతోంది.

నగరి : నగరి మున్సిపాలిటీలో చైర్‌పర్సన్‌ నామినేషన్‌ను పరిశీలనలో భాగంగా అక్రమంగా తొలగించడంపై విచారణ నివేదిక పంపించాలని ఈ నెల 25వ తేదీన ఆదేశాలు జారీ చేసినా బేఖాతర్‌ చేస్తారా అంటూ మాజీ మంత్రి ఆర్‌కే రోజా మండిపడ్డారు. శనివారం ఈ మేరకు నగరి మున్సిపల్‌ కమిషనర్‌ బాలాజీనాయక్‌ను నిలదీశారు. చైర్‌పర్సన్‌ నామినేషన్‌ తిరస్కరణ వ్యవహారంలో కమిషనర్‌ వ్యవహార శైలిపై ఆగ్రహం వ్యక్తం చేశారు. విచారణ రిపోర్టు ఎందుకు పంపలేదో వివరణ ఇవ్వలని డిమాండ్‌ చేశారు. 25వ తేదీ తర్వాతే చైర్‌పర్సన్‌ డిక్లరేషన్‌ ఇవ్వాలని అధికారులు ఆదేశాలు ఇచ్చినా ముందస్తుగానే డిక్లరేషన్‌ ఫారాలు టీడీపీ చైర్‌పర్సన్‌ అభ్యర్థికి ఎలా వెళ్లాయని ప్రశ్నించారు. చైర్‌పర్సన్‌ అంటూ టీడీపీ అభ్యర్థికి డిక్లరేషన్‌ ఇచ్చిన అధికారులు దానిని నోటీసు బోర్డులో పెట్టకపోవడంలో మతలబు ఏంటో చెప్పాలన్నారు. ఇప్పుడే నోటీసు బోర్డులో డిక్లరేషన్‌ను పెట్టించాలని స్పష్టం చేశారు. దీంతో ఆయన సిబ్బంది ద్వారా డిక్లరేషన్‌ను నోటీసు బోర్డులో పెట్టించారు. ప్రస్తుతం ఎన్నికల విధుల్లో ఉన్నానని, అవి ముగిసిన తర్వాత ఎంక్వయిరీ రిపోర్టును సోమవారం పంపుతానని కమిషనర్‌ తెలిపారు. దీనిపై మాజీ మంత్రి మాట్లాడుతూ అధికారులు ప్రజాస్వామ్యానికి కట్టుబడి నడుచుకోవాలన్నారు. కలెక్టర్‌ ఆదేశాలనే పట్టించుకోకుంటే ఇక ఎవరికి స్పందిస్తారని మండిపడ్డారు. వైఎస్సార్‌సీపీ నగరి మున్సిపల్‌ చైర్‌పర్సన్‌ అభ్యర్థిగా నామినేషన్‌ వేసి తిరస్కరణకు గురైన బాలకృష్ణన్‌ ఈ మేరకు కమిషనర్‌కు వినతిపత్రం అందించారు. తన వ్యవహారంపై విచారణ జరిపి తగిన చర్యలు తీసుకోవాలని కలెక్టర్‌ పంపిన ఆదేశాల నకలు తనకు అందిందన్నారు. అయితే ఇప్పటివరకు తనను విచారణకు పిలవలేదని, వాస్తవాలపై తన వాదనను వినిపించే అవకాశం ఇవ్వలేదని తెలిపారు. బాధితుడైన అభ్యర్థిగా తనను విచారణలో పాల్గొనమని ఎందుకు పిలవలేదో చెప్పాలని డిమాండ్‌ చేశారు. వాస్తవాలు, సాక్ష్యాధారాలను సమర్పించడానికి అవకాశం ఇచ్చిన తర్వాత, విచారణ జరపాలని కోరారు. తన ఫిర్యాదుపై తీసుకున్న చర్యల వివరాలతో పాటు, విచారణ నివేదిక ఏదైనా ఉంటే దాని కాపీని అందించాలని వినతిపత్రంలో కోరారు. మాజీ మంత్రి ఆర్కేరోజా, వైఎస్సార్‌సీపీ రాష్ట్ర లీగల్‌ సెల్‌ అధికార ప్రతినిధి రవీంద్ర సమక్షంలో వినతిపత్రాన్ని కమిషనర్‌కు అందజేశారు. వైఎస్సార్‌సీపీ చైర్‌పర్సన్‌ అభ్యర్థి వినతి

సాక్షి, చిత్తూరు : చిత్తూరు కార్పొరేషన్‌, పలమనేరు, కుప్పం, నగరి పురపాలక సంఘాల్లో ఆదివారం ఉదయం 7 గంటలకు ప్రారంభమయ్యే పోలింగ్‌ సాయంత్రం 5 గంటల వరకు కొనసాగుతుంది. 5 గంటల్లోపు ఎవరైతే ఓటు వేయడానికి క్యూలో ఉంటారో, వాళ్లందరూ ఓటు హక్కు వినియోగించుకోవచ్చని జిల్లా ఎన్నికల అధికారులు ఇప్పటికే స్పష్టం చేశారు. గత ఎన్నికల్లో జరిగిన హింసాత్మక ఘటనల ఆధారంగా జిల్లాలో 76 పోలింగ్‌ కేంద్రాలను అత్యంత సమస్యాత్మకంగా, 133 సమస్యాత్మకంగా గుర్తించారు. కేవలం ఇక్కడ మాత్రమే 1.45 లక్షల మంది ఓటర్లు ఉన్నారు. మళ్లీ ఈ కేంద్రాల వద్ద సమస్యలు ఉత్పన్నం కాకుండా పోలీసు శాఖ ప్రత్యేక బలగాలను మొహరించింది. ఇక పోలింగ్‌ సామగ్రిని శుక్రవారం జిల్లాలోని ఆయా పోలింగ్‌ బూత్‌లకు తరలించారు. పోలింగ్‌ ముగిసిన అనంతరం బ్యాలెట్‌ బాక్సులను స్ట్రాంగ్‌ రూమ్‌ల్లో భద్రపరచనున్నారు. ఇందుకోసం చిత్తూరు, పలమనేరు, కుప్పంలోని కొన్ని విద్యా సంస్థలకు ఎంపిక చేశారు. నగరి మున్సిపాలిటీ సంబంధించిన బ్యాలెట్‌ బాక్సులను మాత్రం పుత్తూరులో భద్రపరచనున్నారు. ఈనెల 3వ తేదీన ఓట్లను లెక్కించి, విజేతలను ప్రకటించనున్నారు. ప్రజల వైపు నిలబడిన వైఎస్సార్‌సీపీ మున్సిపల్‌ ఎన్నికల్లో ఓటర్లను ప్రసన్నం చేసుకోవడానికి రాజకీయ పార్టీలు విస్తృతంగా ప్రచారం నిర్వహించిన విషయం తెలిసిందే. ఇక ఓటరు నాడిని పట్టేందుకు ఎవరి అంచనాల్లో వాళ్లున్నారు. నామినేషన్లు ప్రారంభమైనప్పటి నుంచి ఉపసంహరణ వరకు టీడీపీ గూండాలు చేసిన అకృత్యాలు అన్నీ ఇన్నీ కావు. ఏకంగా రిటర్నింగ్‌ అధికారులనే ప్రలోభాలకు గురిచేసి నగరి ముమున్సిపల్‌ చైర్మన్‌తో పాటు 4 వార్డులు, చిత్తూరులో 51 డివిజన్లు, కుప్పంలో 13, పలమనేరులో 6 వార్డులను ఏకగ్రీవం చేసుకున్న సంగతి విధితమే. మిగిలిన 94 వార్డులతో పాటు చిత్తూరు మేయర్‌, కుప్పం, పలమనేరు చైర్‌పర్సన్ల స్థానానికి ప్రత్యక్ష పద్దతిలో ఓటు వేసి ప్రజలు ఎన్నుకోవాల్సి ఉంది. అధికారపార్టీ ఆగడాలను చూసిన ప్రజలు ఇప్పటికే విసిగిపోయి, ఎవరివైపు నిలబడాలనే దానిపై నిర్ణయం తీసుకున్నారు. పోయిన పరువు నిలబెట్టుకోవడానికి పోలింగ్‌ రోజు గొడవలు సృష్టించి, ప్రజాతీర్పును మార్చడానికి కూటమి నేతలు ప్రయత్నాలు చేస్తున్నారు. ప్రజల వైపు నిలబడి, పట్టు సాధించడానికి వైఎస్సార్‌సీపీ గట్టిగానే యుద్ధం చేయడానికి నిర్ణయించుకుంది.పురపోరు కీలక ఘట్టానికి చేరుకుంది. నేడే అభ్యర్థుల భవితవ్యం బ్యాలెట్‌ బాక్సుల్లో నిక్షిప్తం కానుంది. జిల్లాలోని ఓ కార్పొరేషన్‌, మూడు మున్సిపాలిటీల్లో ఉదయం 7 నుంచి పోలింగ్‌ మొదలుకానుంది. సాయంత్రం 5 గంటలకు ఓటింగ్‌ ముగియనుంది. ఈ మేరకు ఎన్నికల్లో మొత్తం 2.79 లక్షల మందికి పైగా ఓటు హక్కును వినియోగించుకోనున్నారు. ప్రశాంతవాతావరణంలో ప్రక్రియ పూర్తి చేసేందుకు అధికారులు పకడ్బందీ ఏర్పాట్లు చేశారు.

చిత్తూరు కార్పొరేషన్‌: హామీలు అమలు చేయని ప్రభుత్వానికి ఎందుకు ఓటు వేయాలని వైఎస్సార్‌సీపీ చిత్తూరు నియోజకవర్గ సమన్వయకర్త విజయానందరెడ్డి స్పష్టం చేశారు. శనివారం ఆయన మాట్లాడుతూ నిరుద్యోగభృతి, ఫీజు రీయింబర్స్‌మెంట్‌, ఆడబిడ్డ నిధి పథకాలు అమలు కాలేదన్నారు. అలాగే యువత ఆశలపై కూటమి ప్రభుత్వం నీళ్లు చల్లిందని ఆరోపించారు. చిత్తూరులో పరిశ్రమలు, యూనివర్సిటీ తెస్తామనే హామీ ఏమైందని ప్రశ్నించారు. దివంగత ముఖ్యమత్రి వైఎస్సార్‌ ఫీజు రీయింబర్స్‌మెంట్‌, విదేశీవిద్యతో పాటు ఆరోగ్యశ్రీ తీసుకువచ్చారని, వాటితో మరిన్ని పథకాలను జగనన్న సమర్థవంతంగా అమలు చేశారని గుర్తుచేశారు. అలాగే అన్ని వర్గాల ప్రజలకు సంక్షేమ పథకాలు అందించారని కొనియాడారు. జగనన్న సుపరిపాలనను దృష్టిలో ఉంచుకుని వైఎస్సార్‌సీపీ చిత్తూరు మేయర్‌ అభ్యర్థి చంద్రశేఖర్‌ను అత్యధిక మెజారిటీతో గెలిపించాలని పిలుపునిచ్చారు. పార్టీ రాష్ట్ర మహిళ విభాగం ప్రధాన కార్యదర్శి గాయత్రీదేవి, ఉద్యోగ, పెన్షన్సర్ల విభాగం రాష్ట్ర ఉపాధ్యక్షుడు విజయసింహారెడ్డి వేర్వేరుగా మాట్లాడుతూ సామాజిక న్యాయానికి కట్టుబడి జగనన్న పాలన సాగించారని తెలిపారు. అందులో భాగంగానే డిప్యూటీ మేయర్‌గా పనిచేసిన చంద్రశేఖర్‌ను మేయర్‌గా గెలిపించాలని కోరారు.

సాక్షి టాస్క్‌ఫోర్స్‌: ఓటర్లు పారా హుషార్‌ అంటూ సోషల్‌ మీడియాలో పోస్టింగ్‌లు.. ఫ్లెక్సీలు హోరెత్తితుతున్నాయి. స్థానిక మున్సిపల్‌ ఎన్నికల్లో టీడీపీ గూండాలు ఓటర్లను స్వేచ్ఛగా ఓట్లు వేయనివ్వకుండా వాళ్లే రిగ్గింగ్‌ చేసుకుంటారని జోరుగా ప్రచారం జరుగుతోంది. తిరుపతి నగరంలో పలుచోట్ల ‘ఎస్పీ సార్‌.. తిరుపతిలో రిగ్గింగ్‌ను అరికట్టండి.. ఇట్లు తిరుపతి ప్రజలు’ అని ఫ్లెక్సీలు ఏర్పాటు చేయడమే ఇందుకు నిదర్శనం. పవిత్రమైన పుణ్యక్షేత్రం తిరుపతి, నాయుడుపేట, సూళ్లూరుపేట, నగరి, కుప్పం మున్సిపల్‌ ఎన్నికలపై జనంలో తీవ్ర ఆందోళన నెలకొంది. నామినేషన్ల సందర్భంగా పెద్ద ఎత్తున వైఎస్సార్‌సీపీ, సీపీఎం, సీపీఐ అభ్యర్థులను అడ్డుకున్న విషయం తెలిసిందే. నామినేషన్‌ పత్రాలు లాగేసుకుని చించివేసిన ఘటనలు అనేకం. ఆ తరువాత కూడా పరిశీలన, ఉప సంహరణలోనూ పోలీసులు, ఆర్వోలు ఏకపక్షంగా వ్యవహరించారనే విమర్శలు వెల్లువెత్తాయి. అందుకు సంబంధించిన వీడియోలు సోషల్‌ మీడియాలో ఇప్పటికీ వైరల్‌ అవుతూనే ఉన్నాయి. సుప్రీం కోర్టు ఆదేశాలతో తిరుపతి నగరంలో నామినేషన్లు వేయలేకపోయిన 18 డివిజన్లకు తిరిగి నామినేషన్లు వేయగలిగారు. ఓటమి భయంతో టీడీపీ గూండాలు తిరుపతిలోని 39వ వార్డు సీపీఐ అభ్యర్థి కుసుమరాయల్‌ భర్తను కిడ్నాప్‌ చేశారనే ఆరోపణలతో నగర ప్రజలు ఉలిక్కిపడ్డారు. నాయుడుపేటలో సాక్షాత్తు పోలీసులే వైఎస్సార్‌సీపీ నాయకుని నివాసంలోకి చొరబడి మద్యం బాటిళ్లు ఉంచి చట్టానికే మాయని మచ్చ తెచ్చిన ఘనత జిల్లా పోలీసులకే దక్కుతుంది. ఇలా తిరుపతి, చిత్తూరు జిల్లాల్లో గత కొద్దిరోజులుగా జరిగిన ఘటనతోనే ఇటువంటి ఫ్లెక్సీలు ఏర్పాటు చేశారని, సోషల్‌ మీడియా వేదికగా వైరల్‌ చేస్తున్నట్లు తెలుస్తోంది. పోలింగ్‌ ప్రారంభమైన వెంటనే లేదా మధ్యాహ్నం భోజనం తరువాత రిగ్గింగ్‌కు పాల్పడేందుకు టీడీపీ నేతలు పక్కా ఏర్పాట్లు చేసుకున్నట్లు ప్రచారం జరుగుతోంది. రిగ్గింగ్‌ జరిగే అవకాశం లేకపోతే బ్యాలెట్‌ పెట్టెలు ఎత్తుకెళ్లేందుకు కూడా పథకం రచించినట్లు నగరంలో జోరుగా చర్చ జరుగుతోంది. రాత్రంతా ప్రలోభాల జోరు ఆదివారం పోలింగ్‌ ఉండడంతో శనివారం రాత్రి నుంచి ఆదివారం వేకువ జాము వరకు కూటమి అభ్యర్థులు ఓటర్లను ప్రలోభాలకు గురిచేసే పనిలో నిమగ్నమయ్యారు. ఓటుకు రూ.వెయ్యి నుంచి రూ.వేల వరకు పంపిణీ జరిగింది. ఇంకా మద్యం, బిరియానీ ప్యాకెట్లు పంపిణీ చేశారు. కూటమికి ఓటు వేయరని అనుమానం ఉన్న వారిని బెదిరింపులకు గురిచేయడం ప్రారంభించారు. డ్వాక్రా గ్రూపులను లీడ్‌చేసే కొంత మంది సభ్యులను కూటమి అభ్యర్థులు నివాసాలకు పిలిపించి.. మరి కొందరు వారి వారి నివాసాలకే వెళ్లి రకరకాల చీరలు, జాకెట్లు, గాజులు పంపిణీ చేయటం గమనార్హం.

కుప్పంరూరల్‌ : స్థానిక సంస్థల ఎన్నికల్లో వైఎస్సార్‌సీపీ అభ్యర్థులను గెలిపించాలని, ప్రజాసేవే లక్ష్యంగా పనిచేస్తామని ఎమ్మెల్సీ భరత్‌ తెలిపారు. శనివారం కుప్పం రూరల్‌ మండలం మోట్లచేనులో ఎంపీటీసీ అభ్యర్థి కేశవన్‌తో కలిసి ప్రచారం నిర్వహించారు. ఇంటింటికి కరపత్రాలు అందజేసి ఫ్యాన్‌ గుర్తుకు ఓటు వేయాలని కోరా. ఎమ్మెల్సీ భరత్‌ మాట్లాడుతూ చంద్రబాబు ప్రభుత్వం గెలిచి మూడేళ్లు కావస్తున్నా పేద, బడుగు, బలహీనవర్గాలకు చేసింది ఏమీ లేదని, కేవలం స్వలాభం కోసం పని చేస్తున్నారని విమర్శించారు. జనాలకు జలగల్లా పీల్చుకుతింటున్నారని ఆరోపించారు. స్థానిక సంస్థల ఎన్నికల్లో సౌమ్యులైన అభ్యర్థులను ఎంపిక చేశామని, వారిని గెలిస్తే ప్రజాసేవకే అంకితమవుతారని స్పష్టం చేశారు. కార్యక్రమంలో పార్టీ మండల కన్వీనర్‌ హెచ్‌ఎం మురుగేష్‌, మల్లప్ప, సంజీవ్‌కుమార్‌, రంగస్వామి, రాఘవేంద్ర, చిన్నరాజు, పరమేశ్‌, రామ్మూర్తి, రామస్వామి, కనకరాజు, చిన్నతంబి, పరమేష్‌ పాల్గొన్నారు. అడవిబూదుగూరులో జెడ్పీటీసీ అభ్యర్థి వనితశీను, ఎంపీటీసీ అభ్యర్థి బాలకృష్ణ, నూలుకుంటలో ఎంపీటీసీ అభ్యర్థి ఈశ్వర్‌ ఇంటింటి ప్రచారం చేపట్టారు. హెచ్‌ఎం శీను, గౌరప్ప, జయకుమార్‌, కృష్ణన్‌, విజేంద్రన్‌, రమేష్‌, సిద్ధరాజులు, రాజేంద్రన్‌, రాజా, తన్నతంబి, రామన్‌, సిద్ధప్ప పాల్గొన్నారు.

చిత్తూరు రూరల్‌ (కాణిపాకం): ప్రజాస్వామ్య భద్రత పోలీసుల చేతుల్లోనే ఉందని, ఈ క్రమంలో అప్రమత్తత అవసరమని, సమష్టిగా విధులు నిర్వర్తించి మున్సిపల్‌ ఎన్నికల పోలింగ్‌ ప్రక్రియను ప్రశాంతంగా ముగించాలని అడిషనల్‌ ఎస్పీ మహబూబ్‌బాషా ఆదేశించారు. ఆదివారం మున్సిపల్‌ ఎన్నికల పోలింగ్‌ బందోబస్తుకు వెళుతున్న పోలీసు అధికారులు, రూట్‌ ఆఫీసర్లు, సిబ్బందికి శనివారం చిత్తూరు నగరంలో నిర్వహించిన సమావేశంలో దిశానిర్దేశం చేశారు. అడిషనల్‌ ఎస్పీ మాట్లాడుతూ పోలింగ్‌ రోజున సిబ్బంది పాటించాల్సిన విధివిధానాలు, చేయాల్సినవి, చేయకూడని అంశాలను వివరించారు. లొకేషన్‌ బందోబస్తు సిబ్బంది నుంచి, మొబైల్‌ పార్టీలు, స్ట్రైకింగ్‌ ఫోర్స్‌, క్యూఆర్టీ, స్పెషల్‌ స్ట్రైకింగ్‌ బృందాల వరకు ప్రతి ఒక్కరూ సమన్వయంతో పనిచేయాలన్నారు. ఎక్కడైనా సమస్య తలెత్తే సూచనలు కనిపిస్తే వెంటనే ఉన్నతాధికారులు, ఎన్నికల అధికారుల దృష్టికి తీసుకెళ్లి అక్కడికక్కడే పరిష్కరించేలా చర్యలు తీసుకోవాలని ఆదేశించారు. డీఎస్పీ వెంకటనారాయణ మాట్లాడుతూ పోలింగ్‌ విధుల్లో ఉన్న సిబ్బంది నిరంతరం అప్రమత్తంగా ఉంటూ ఎన్నికల నిబంధనలను కచ్చితంగా అమలు చేయాలని సూచించారు. ఓటర్లతో మర్యాదపూర్వకంగా వ్యవహరిస్తూ, క్యూలను సక్రమంగా నిర్వహించాలన్నారు. పోలింగ్‌ కేంద్రాల వద్ద ప్రజలు గుంపులుగా గుమిగూడకుండా తగిన జాగ్రత్తలు తీసుకోవాలన్నారు. ప్రిసైడింగ్‌ అధికారి అనుమతి లేకుండా బందోబస్తు సిబ్బంది ఎట్టి పరిస్థితుల్లోనూ పోలింగ్‌ స్టేషన్ల లోపలికి వెళ్లకూడదని స్పష్టం చేశారు. పోలింగ్‌ ముగిసిన అనంతరం బ్యాలెట్‌ బాక్సులు స్ట్రాంగ్‌ రూమ్‌లకు చేరుకునే వరకు పటిష్టమైన భద్రత కల్పించాలన్నారు. ఎన్నికలు ప్రశాంతంగా జరిగేలా చూడాలని ఆదేశించారు.

చిత్తూరు కార్పొరేషన్‌ : చిత్తూరులోని జిల్లా జైలులో ఉన్న పుంగనూరు నియోజకవర్గ వైఎస్సార్‌సీపీ నాయకులను రాజంపేట ఎంపీ పెద్దిరెడ్డి మిథున్‌రెడ్డి శనివారం పరామర్శించారు. స్థానిక సంస్థలకు నామినేషన్‌ వేయడానికి అభ్యర్థులతో కలిసి వెళ్లిన ఎంపీ మిథున్‌రెడ్డి, చిత్తూరు మాజీ ఎంపీ రెడ్డెప్పతో పాటు మొత్తం 400 మంది నేతలు, కార్యకర్తలపై పోలీసులు అక్రమంగా కేసులు నమోదు చేసిన విషయం తెలిసిందే. అందులో పుంగనూరు నియోజకవర్గం నుంచి 16 మంది అరెస్టు చేశారు. వారిని మిథున్‌రెడ్డి పరామర్శించి ధైర్యం చెప్పారు. పార్టీ చిత్తూరు నియోజకవర్గ సమన్వయకర్త విజయానందరెడ్డి, రాష్ట్ర కార్యదర్శి రాహుల్‌రెడ్డి, నేతలు చక్రి, రాజేష్‌, ప్రసన్న, ఆలీ, దేవరాజులు పాల్గొన్నారు. ప్రశాంతంగా పోలింగ్‌ నిర్వహణే లక్ష్యం చిత్తూరు కలెక్టరేట్‌ : జిల్లాలో ఆదివారం నిర్వహించనున్న మున్సిపల్‌ ఎన్నికల్లో ప్రశాంతంగా పోలింగ్‌ నిర్వహించడమే లక్ష్యంగా చర్యలు చేపట్టినట్లు కలెక్టర్‌ సుమిత్‌ కుమార్‌ గాంధీ తెలిపారు. శనివారం ఆయన విలేకర్లతో మాట్లాడారు. ప్రజలు సేచ్ఛగా తమ ఓటు హక్కు వినియోగించుకోవాలని కోరారు. ఉదయం 7 గంటల నుంచి సాయంత్రం 5 గంటల వరకు పోలింగ్‌ నిర్వహించనున్నట్లు వెల్లడించారు. ఎన్నికల సంఘం పేర్కొన్న 12 గుర్తింపు కార్డుల్లో ఏదైనా ఒకటి తీసుకుని పోలింగ్‌ కేంద్రానికి వెళ్లాలని సూచించారు. రెండు బ్యాలెట్‌ పత్రాలు ఇస్తారని, గులాబీరంగు పత్రం మేయర్‌ అభ్యర్థికి, తెలుపురంగు పత్రంపై కార్పొరేటర్‌ అభ్యర్థికి ఓటు వేయాలని తెలిపారు. ఆ తర్వాత వాటిని ఒకే బాక్సులో వేయాలన్నారు. ఓట్ల లెక్కింపు కేంద్రాలుగా గుర్తించిన విద్యాసంస్థలకు ఈ నెల 3 వ తేదీన సెలవు ఇస్తున్నట్లు తెలిపారు. గుర్తింపు కార్డులు ఇవే.. ఓటర్లు తమ ఆధార్‌ కార్డు, డ్రైవింగ్‌ లైసెన్స్‌, పాన్‌కార్డు, పాస్‌పోర్టు, పోస్టాఫీసు పాస్‌బుక్‌, జాబ్‌కార్డు, ఆరోగ్య బీమా కార్డు, పింఛన్‌పత్రం, సర్వీస్‌ ఐడీకార్డు, ఎన్‌పీఆర్‌ స్మార్ట్‌ కార్డు, ఎంపీ, ఎమ్మెల్యే, ఎమ్మెల్సీలకు జారీచేసిన అధికారిక గుర్తింపు కార్డు, దివ్యాంగుల కార్డుల్లో ఏదైనా ఒకటి చూపి ఓటు వేయవచ్చని కలెక్టర్‌ వివరించారు. పోలీసుల తీరుపై విచారణకు ఆదేశించిన ఎస్‌ఈసీ తిరుపతి మంగళం : స్థానిక సంస్థల ఎన్నికల సందర్భంగా రాష్ట్రంలోని పలు ప్రాంతాల్లో జరిగిన హింస, నామినేషన్ల అడ్డగింతలు, అభ్యర్థులకు బెదిరింపులు, పోలీసుల పక్షపాత వైఖరిపై తాను చేసిన ఫిర్యాదులపై రాష్ట్ర ఎన్నికల సంఘం (ఎస్‌ఈసీ) స్పందించిందని తిరుపతి వైఎస్సార్‌సీపీ ఎంపీ మద్దిల గురుమూర్తి తెలిపారు. తాను గవర్నర్‌కు సమర్పించిన ఫిర్యాదులను గవర్నర్‌ కార్యాలయం ఎస్‌ఈసీకి పంపగా, పోలీసు అధికారులపై వచ్చిన ఫిర్యాదులపై సమగ్ర విచారణ జరపి, 24 గంటల్లో నివేదిక ఇవ్వాలని రాష్ట్ర డీజీపీని ఎస్‌ఈసీ ఆదేశించిందని చెప్పారు. ఈమేరకు అక్టోబర్‌ 29న డీజీపీకి లేఖ పంపిందన్నారు. ఈ విచారణ నిష్పక్షపాతంగా జరగాలని, తప్పు చేసినట్లు తేలిన అధికారులపై చట్టప్రకారం కఠిన చర్యలు తీసుకోవాలని డిమాండ్‌ చేశారు. పుంగనూరు, పులివెందుల, కమలాపురం, బద్వేల్‌, రాజంపేట, యరగ్రుంట్ల తదితర ప్రాంతాల్లో జరిగిన హింస, నామినేషన్ల అడ్డగింతలు, అభ్యర్థులను బెదిరించడం వంటి ఘటనలను తన ఫిర్యాదులో తెలిపానన్నారు. ఎన్నికల విధుల్లో ఉన్న కొందరు పోలీసు ఉన్నతాధికారుల రాజకీయ పక్షపాత ధోరణి కారణంగా శాంతిభద్రతల పరిరక్షణలో లోపాలు తలెత్తాయని పేర్కొన్నట్లు వివరించారు. ముఖ్యంగా డీఐజీ డాక్టర్‌ కోయ ప్రవీణ్‌, అన్నమయ్య జిల్లా ఎస్పీ ధీరజ్‌ కనుబిల్లి, కడప జిల్లా ఎస్పీ నచికేత్‌ విశ్వనాథ్‌ తీరుపై తాను లేవనెత్తిన అంశాలను కూడా విచారణ పరిధిలోకి తీసుకోవాలని కోరినట్లు తెలిపారు. ఎన్నికల సమయంలో పోలీసు అధికారుల బదిలీలకు గతంలో జారీ చేసిన నిబంధనలు, 2019లో ఇచ్చిన బదిలీ ఉత్తర్వుల నేపథ్యంలో డీఐజీ కోయ ప్రవీణ్‌ నియామకంపై కూడా సమీక్షించాలని కోరినట్లు తెలిపారు. అంతేకాకుండా, అక్టోబర్‌ 15న హైకోర్టు జారీ చేసిన ఆదేశాలను అమలు చేయడంలో పోలీసులు విఫలమయ్యారని కూడా తెలిపానన్నారు. ప్రజాస్వామ్యాన్ని కాపాడేందుకు వైఎస్‌ జగన్‌మోహన్‌ రెడ్డి నాయకత్వంలో వైఎస్సార్‌సీపీ నిరంతరం పోరాడుతుందని ఎంపీ మద్దిల గురుమూర్తి చెప్పారు.

ఎన్నికల కోడ్‌ అమల్లో ఉన్నప్పటికీ, గుడిపాల మండలం పాపిశెట్టిపల్లి, మోగరాళ్లపల్లి గ్రామాల్లో టీడీపీ నాయకులు సామాజిక పింఛన్ల పంపిణీ కార్యక్రమంలో ప్రత్యక్షంగా పాల్గొన్నారు. ఎన్నికల నిబంధనల ప్రకారం రాజకీయ నాయకులు సంక్షేమ పథకాల పంపిణీలో జోక్యం చేసుకోకూడదనే నిబంధనను ఇక్కడ పూర్తిగా విస్మరించారు. పింఛను నగదును లబ్ధిదారులకు అందజేస్తున్న సమయంలోనే కొందరు టీడీపీ నాయకులు కూటమి అభ్యర్థులకే ఓటు వేయాలని బహిరంగంగా ప్రచారం చేశారు. అంతేకాకుండా, ఒకవేళ వేరే పార్టీల వైపు మొగ్గు చూపితే రాబోయే నెలల్లో పింఛన్లు పూర్తిగా నిలిపివేయాల్సి వస్తుందంటూ లబ్ధిదారులను భయభ్రాంతులకు గురిచేస్తూ బెదిరింపులకు పాల్పడినట్లు ఆరోపణలు వచ్చాయి. చిత్తూరు కలెక్టరేట్‌ : స్థానిక సంస్థల ఎన్నికల పోలింగ్‌కు గడువు మునుముందుకు వస్తున్న తరుణంలో జిల్లాలో అధికార కూటమి నాయకులు తమ రాజకీయ కుతంత్రాలకు పరాకాష్టను ప్రదర్శిస్తున్నారు. ప్రజాస్వామ్యాన్ని, ఎన్నికల నిబంధనలను అపహాస్యం చేస్తూ.. చివరి అంకంలో మరోసారి బరితెగింపు చర్యలకు తెరలేపారు. ఎన్నికల కోడ్‌ అమల్లో ఉన్నప్పటికీ, దానిని లెక్కచేయకుండా శుక్రవారం జిల్లా వ్యాప్తంగా సామాజిక పింఛన్ల పంపిణీని అడ్డుపెట్టుకుని ఓటర్లను ప్రలోభపెట్టే నీచ రాజకీయాలకు పాల్పడ్డారు. నామినేషన్ల నుంచి అరాచకాల పరంపర స్థానిక సంస్థల ఎన్నికల్లో విపక్ష అభ్యర్థులు కనీసం నామినేషన్లు సైతం దాఖలు చేయకుండా చేసేందుకు అధికార పార్టీ నాయకులు కుట్రలు పన్నారు. నామినేషన్‌ కేంద్రాల వద్ద దౌర్జన్యాలు చేయడం, పత్రాలు లాక్కోవడం, చించేయడం, పరిశీలన పేరుతో అభ్యర్థు ల పేర్లు తొలగించడం, బలవంతపు ఉపసంహరణల కు పాల్పడి ప్రజాస్వామ్యం గొంతు నులిమారు. నామినేషన్ల పర్వంలో అరాచకంగా వ్యవహరించిన పచ్చ ముఠాలు ఇప్పుడు పోలింగ్‌కు కొద్ది గంటల ముందు ఓటర్లను ప్రలోభపెట్టేందుకు పింఛన్లను అస్త్రంగా మలుచుకున్నాయి. ఎన్నికల కోడ్‌ అమల్లో ఉన్నప్పటికీ జిల్లా వ్యాప్తంగా టీడీపీ, జనసేన నాయకులు స్వయంగా రంగంలోకి దిగి పింఛన్లు పంపిణీ చేస్తూ ఓటర్లను బెదిరిస్తున్నారు. గ్రామాల్లో బెదిరింపులు నిబంధనల ప్రకారం ఎన్నికల కోడ్‌ అమల్లో ఉన్నప్పు డు ఏ రాజకీయ నాయకుడు సంక్షేమ పథకాల పంపిణీలో జోక్యం చేసుకోకూడదు. కానీ దీనిని పూర్తిగా తుంగలో తొక్కిన టీడీపీ నాయకులు.. గుడిపాల మండలం పాపిశెట్టిపల్లి, మోగరాళ్లపల్లి గ్రామాల్లో స్వయంగా స్వయంగా పింఛన్లు పంచుతూ కూటమి అభ్య ర్థులకే ఓటువేయాలని ప్రచారం సాగించారు. లేకపోతే వచ్చే నెల నుంచి పింఛన్లు నిలిపివేస్తామంటూ లబ్ధిదారులను భయభ్రాంతులకు గురిచేశారు. మరోవైపు పుంగనూరు నియోజకవర్గం రొంపిచెర్ల మండలంలోనూ ఎన్నికల కోడ్‌కు వ్యతిరేకంగా పింఛన్ల పంపిణీ పేరుతో ప్రచారం చేస్తున్నారంటూ వైఎస్సార్‌సీపీ జెడ్పీటీసీ అభ్యర్థి కోట సుష్మ ఎన్నికల అధికారులకు ఆధారాలతో సహా రాతపూర్వకంగా ఫిర్యాదు చేశారు. అయినప్పటికీ జిల్లా ఎన్నికల అధికారులు స్పందించకపోవడం గమనార్హం. పట్టించుకోని ఎన్నికల అధికారులు కూటమి నాయకులు యథేచ్ఛగా నిబంధనలను ఉల్లంఘిస్తూ, ఓటర్లను బెదిరిస్తుంటే.. జిల్లా ఎన్నికల అధికారులు మాత్రం తమకేం పట్టనట్లు చోద్యం చూస్తున్నారు. ఎన్నికల కోడ్‌ను పటిష్టంగా అమలుచేయడంలో అధికార యంత్రాంగం పూర్తిగా విఫలమైందని పో టీలో ఉన్న వివిధ పార్టీల అభ్యర్థులు, ప్రజా సంఘాల నాయకులు తీవ్రస్థాయిలో మండిపడుతున్నారు. ప్రజాస్వామ్యాన్ని ఖూనీ చేస్తూ సాగుతున్న ఈ అక్రమాలకు ఎన్నికల సంఘం అడ్డుకట్ట వేసి, బాధ్యులపై కఠిన చర్యలు తీసుకోవాలని డిమాండ్‌ చేస్తున్నారు. బంగారుపాళ్యం మండలంలో పింఛన్లు పంపిణీ చేస్తున్న జనసేన నాయకుడుగుడిపాల మండలంలో పింఛన్లు పంపిణీ చేస్తున్న టీడీపీ నాయకుడు గుడిపాల మండలంలో పింఛన్ల పంపిణీ ముసుగులో బెదిరింపులు రొంపిచెర్ల మండలంలో కోడ్‌ ఉల్లంఘనపై వైఎస్‌ఆర్‌సీపీ అభ్యర్థి ఫిర్యాదు రొంపిచెర్ల మండలంలోనూ పింఛన్ల పంపిణీ ప్రక్రియను అడ్డుపెట్టుకుని ఓటర్లను ప్రభావితం చేసేందుకు అధికార పార్టీ వర్గాలు ప్రయత్నించాయి. ఎన్నికల నిబంధనలకు విరుద్ధంగా పింఛన్ల పంపిణీని రాజకీయ ప్రచార అస్త్రంగా మలుచుకోవడంపై స్థానిక అభ్యర్థులు తీవ్ర అభ్యంతరం వ్యక్తం చేశారు. ఎన్నికల కోడ్‌ను అడ్డగోలుగా ఉల్లంఘిస్తూ పింఛన్ల పేరుతో ఓటర్లను ప్రలోభపెడుతున్న తీరుపై రొంపిచెర్ల మండల వైఎస్సార్‌సీపీ జెడ్పీటీసీ అభ్యర్థి కోట సుష్మ ఎన్నికల అధికారులకు ఫిర్యాదు చేశారు. దీనికి సంబంధించిన ఆధారాలతో సహా అధికారులకు రాతపూర్వక ఫిర్యాదు అందజేసి, తక్ష ణ చర్యలు తీసుకోవాలని డిమాండ్‌ చేశారు. హడావుడిగా పింఛను నిధుల పంపిణీ జిల్లా వ్యాప్తంగా శుక్రవారం మొత్తం 2,29,468 మందికి పింఛన్లు పంపిణీ చేయాల్సి ఉండగా.. టీడీపీ నాయకుల కనుసన్నల్లో హడావుడిగా 2,04,603 మందికి పంపిణీ పూర్తి చేశారు. ఇందుకోసం రూ.99.26 కోట్లు విడుదల చేయగా, ఒక్కరోజే రూ.87.85 కోట్లను పంపిణీ చేశారు. ఎన్నికల సమయంలో ఓటర్లను ప్రభావితం చేయడానికే ఈ పంపిణీ ప్రక్రియను నిబంధనలకు విరుద్ధంగా నిర్వహించారనే విమర్శలు వ్యక్తమవుతున్నాయి.

పుత్తూరు: ఫ్యాన్‌ గుర్తుకు ఓటు వేస్తే అభివృద్ధికి, సంక్షేమానికి ఓటు వేసినట్లేనని మాజీ మంత్రి ఆర్కే రోజా అన్నారు. పుత్తూరు మున్సిపల్‌ ఎన్నికల ప్రచారంలో భాగంగా శుక్రవారం స్థానిక గేట్‌ పుత్తూరులోని 7, 8, 9, 10, 11, 12 వార్డుల్లో ఆమె విసృతంగా ప్రచారం నిర్వహించారు. వైఎస్సార్‌సీపీ మున్సిపల్‌ చైర్మన్‌ అభ్యర్థి జయప్రకాష్‌కు ఒక ఓటు, వార్డు కౌన్సిలర్‌కు మరో ఓటు ఫ్యాన్‌ గుర్తుపై వేసి గెలిపించాలని కోరారు. మాజీ సీఎం వైఎస్‌ జగన్‌మోహన్‌రెడ్డి అభ్యర్థులకు ఓటు వేస్తే అభివృద్ధికి బాటలు వేసినట్లేనని అన్నారు. వైఎస్సార్‌సీపీ ప్రభుత్వంలో సచివాలయాలు ఏర్పాటుచేసి ప్రభుత్వ సేవలను ప్రజలకు చేరువ చేసిన ఘనత జగనన్నదని తెలిపారు. ప్రస్తుత చంద్రబాబు పాలనలో అభివృద్ధి, సంక్షేమం రెండూ అటకెక్కాయని ఆరోపించారు. సూపర్‌ సిక్స్‌ అంటూ సూపర్‌ మోసం చేశారని ఆరోపించారు. ప్రస్తుత కూటమి ప్రభుత్వం చేస్తున్న దౌర్జన్యాలు, దాడులు, అరాచకాలకు వ్యతిరేకంగా ఓటు వేయాలని పిలుపునిచ్చారు. కార్యక్రమంలో మున్సిపల్‌ చైర్మన్‌ అభ్యర్థి జయప్రకాష్‌, 7 నుంచి 12 వరకు వైఎస్సార్‌సీపీ కౌన్సిలర్‌ అభ్యర్థులు జ్ఙానమ్మ, సుందరం, లత, వనిత, సావిత్రి, ఎం.టి.లత, పార్టీ నాయకులు, పెద్ద సంఖ్యలో మహిళలు పాల్గొన్నారు. మహిళలను మోసం చేసిన చంద్రబాబు 5, 6 వార్డుల ప్రచారంలో మాజీ మంత్రి ఆర్కే రోజా మాట్లాడుతూ గత ఎన్నికల్లో మహిళలకు పలు హామీలు గుప్పించిన చంద్రబాబు గెలిచిన తర్వాత అదే మహిళలను నిట్టనిలువునా మోసం చేశారని మండిపడ్డారు. ఇలా ప్రజలకు మోసం చేశారు కాబట్టే మళ్లీ ఓటు అడిగే నైతిక హక్కు కోల్పోయిన చంద్రబాబు, పవన్‌కళ్యాణ్‌ ఎన్నికల్లో అక్రమాలకు, దాడులకు బరితెగించారని ఆరోపించారు. స్థానిక సంస్థల ఎన్నికల్లో కూటమి నాయకులకు తగిన గుణపాఠం నేర్పాలని పిలుపునిచ్చారు. కార్యక్రమంలో చైర్మన్‌ అభ్యర్థి జయప్రకాష్‌, వార్డు కౌన్సిలర్‌ అభ్యర్థులు కోటేశ్వరి, శివలింగం, నాయకులు వెంకటేశులురెడ్డి, భాస్కర్‌రెడ్డి, జయరామిరెడ్డి తదితరులు పాల్గొన్నారు.

చిత్తూరు కలెక్టరేట్‌ : జిల్లాలోని మున్సిపల్‌ కార్పొరేషన్‌, మున్సిపాలిటీల 2వ సాధారణ ఎన్నికల నిర్వహణకు సర్వం సిద్ధమైనట్లు జిల్లా ఎన్నికల అధికారి, కలెక్టర్‌ సుమిత్‌ కుమార్‌ గాంధీ వెల్లడించారు. ఈ మేరకు ఆయన శుక్రవారం ఉత్తర్వులు జారీచేశారు. ఆ ఉత్తర్వుల మేరకు జిల్లాలో నవంబర్‌ 1 వ తేదీన ఉదయం 7 గంటల నుంచి సాయంత్రం 5 గంటల వరకు పోలింగ్‌ నిర్వహిస్తారన్నారు. ఒకవేళ అవసరమైతే నవంబర్‌ 2వ తేదీన ఉదయం 7:00 గంటల నుండి సాయంత్రం 5:00 గంటల వరకు నిర్వహిస్తారు. నవంబర్‌ 3వ తేదీన ఉదయం 8:00 గంటల నుంచి ఓట్ల లెక్కింపు చేపట్టి ఫలితాలు ప్రకటిస్తామని పేర్కొన్నారు. జిల్లాలోని చిత్తూరు మున్సిపల్‌ కార్పొరేషన్‌ ఎన్నికల కౌంటింగ్‌ పీవీకేఎన్‌ ప్రభుత్వ డిగ్రీ కళాశాలలో, పలమనేరు మున్సిపాలిటీ (ఎస్‌వీసీఆర్‌ ప్రభుత్వ డిగ్రీ కళాశాలలో), నగరి మున్సిపాలిటీ ఎన్నికల కౌంటింగ్‌ తిరుపతి జిల్లా పుత్తూరులో ఉన్న సిద్ధార్థ ఇంజినీరింగ్‌ కళాశాలలో, కుప్పం మున్సిపాలిటీకి సంబంధించి (కుప్పం ప్రభుత్వ ఒకేషనల్‌ జూనియర్‌ కళాశాలలో) నిర్వహిస్తారని తెలియజేశారు. నిషేధాజ్ఞలు, పటిష్ట భద్రత శాంతిభద్రతల పరిరక్షణకు భారతీయ నాగరిక్‌ సురక్ష సంహిత (బీఎన్‌ఎస్‌ఎస్‌), 2023లోని సెక్షన్‌ 163 (గతంలో 144 సెక్షన్‌) అమలు చేస్తున్నట్లు పేర్కొ న్నారు. పోలింగ్‌ రోజున (నవంబర్‌ 1) ఉదయం 7 నుంచి సాయంత్రం 5 గంటల వరకు అన్ని పోలింగ్‌ కేంద్రాల చుట్టూ 200 మీటర్ల పరిధిలో గుమిగూడడం సభలు, ర్యాలీలు, ఐదుగురికి మించి వ్యక్తులు తిరగడాన్ని పూర్తిగా నిషేధిస్తున్నట్లు తెలిపారు. అలాగే నవంబర్‌ 3వ తేదీన ఓట్ల లెక్కింపు ఫలితాల ప్రకటన జరిగే కౌంటింగ్‌ కేంద్రాల చుట్టూ 2 కిలోమీటర్ల పరిధిలో గుంపులుగా తిరగడం, సమావేశాలు నిర్వహించడంపై నిషేధాజ్ఞలు అమల్లో ఉంటాయని స్పష్టం చేశారు. ఈ నిబంధనలను ఉల్లంఘించే వారిపై చట్టప్రకారం కఠిన చర్యలు తీసుకుంటారని జిల్లా ఎన్నికల అధికారి ఆ ఉత్తర్వుల్లో హెచ్చరించారు.

● జేసీ ఆదర్శ్‌ రాజేంద్రన్‌ చిత్తూరు కలెక్టరేట్‌ : నగరపాలక సంస్థ చిత్తూరుతో పాటు కుప్పం, పలమనేరు, నగరి మున్సిపాలిటీల ఎన్నికల నిర్వహణలో పోలింగ్‌ సిబ్బంది నియామకానికి మూడో విడత రాండమైజేషన్‌ ప్రక్రియ శుక్రవారం కలెక్టరేట్‌లో పూర్తయింది. జాయింట్‌ కలెక్టర్‌ ఆదర్శ్‌ రాజేంద్రన్‌ ఆధ్వర్యంలో ఈ ప్రక్రియను పారదర్శకంగా నిర్వహించారు. జాయింట్‌ కలెక్టర్‌ మా ట్లాడుతూ.. ఎన్నికల విధులలో నిష్పాక్షికత, పూర్తి పారదర్శకత పాటించేందుకే ఈ రాండమైజేషన్‌ చేపట్టినట్లు వెల్లడించారు. ఎన్‌ఐసీ విభాగం పవర్‌ పాయింట్‌ ప్రజెంటేషన్‌తో రాండమైజేషన్‌ ప్రక్రియను క్షుణ్ణంగా వివరించినట్లు తెలిపారు. ఈ మొత్తం ప్రక్రియను డీఆర్‌వో మోహన్‌కుమార్‌ పర్యవేక్షించారన్నారు. ఎన్నిక లు సజావుగా, శాంతియుతంగా పూర్తిచేసేందు కు అవసరమైన సిబ్బంది నియామకాలను కంప్యూటర్‌ ఆధారిత విధానంలో పూర్తిచేసినట్లు స్పష్టం చేశారు. ఈ కార్యక్రమంలో ఎన్‌ఐసీ డీఐ వో వెంకటేశ్వరరావు, పలువురు ఎన్నికల అధికారులు, సంబంధిత సిబ్బంది పాల్గొన్నారు. స్థానిక సెలవు చిత్తూరు కలెక్టరేట్‌: నగరపాలక, పురపాలక ఎన్నికల నేపథ్యంలో చిత్తూరు, పలమనేరు, కుప్పం, నగరిలో ఈనెల 31, నవంబర్‌ 1న పోలింగ్‌ కేంద్రాల పరిధిలో స్థానిక సెలవును ప్రకటిస్తున్నట్లు కలెక్టర్‌ సుమిత్‌ కుమార్‌ తెలిపారు. 31న పోలింగ్‌ కేంద్రాల్లో ఎన్నికల సిబ్బంది ఏర్పాట్లు చేయనున్నారు. ఇందుకోసం స్థానిక సెలవు ప్రకటించారు. రాష్ట్రస్థాయి కబడ్డీ పోటీలకు ఎంపిక బైరెడ్డిపల్లె: చౌడేపల్లె మండలం చారాలలో ఇటీవల జరిగిన జిల్లాస్థాయి అండర్‌ –14 కబడ్డీ పోటీల్లో బైరెడ్డిపల్లె మండలం పెద్దచల్లారగుంట జెడ్పీ ఉన్నత పాఠశాలలో 9 వతరగతి చదువుతున్న జి.మీన పాల్గొని ప్రతిభ చూపడంతో రాష్ట్రస్థాయి పోటీలకు ఎంపికై ంది. కృష్ణా జిల్లాలో జరగనున్న రాష్ట్రస్థాయి కబడ్డీ పోటీల్లో మీన పాల్గొంటుందని పాఠశాల హెచ్‌ఎం మునిరాజ్‌ పేర్కొన్నారు.

వైఎస్సార్‌సీపీలో చేరిన టీడీపీ నేత ఐరాల: మండలంలోని చినకాంపల్లెకు చెందిన టీడీపీ నేత బాలకృష్ణారెడ్డి శుక్రవారం చిన్నవెంకటంపల్లెలో మాజీ మంత్రి పెద్దిరెడ్డి రామచంద్రారెడ్డి సమక్షంలో వెస్సార్‌సీపీలో చేరారు. మాజీ ఎమ్మెల్యే సునీల్‌కుమార్‌ ఆధ్వర్యంలో బాలకృష్ణారెడ్డి తన అనుచరులతో కలిసి పెద్దిరెడ్డి సమక్షంలో పార్టీలో చేరారు. స్థానిక సంస్థల ఎన్నికల్లో ప్రజలు ఓటుతో బుద్ధి చెప్పడం ఖాయమని పెద్దిరెడ్డి అన్నారు. వైఎస్‌ జగన్‌మోహన్‌రెడ్డి నాయకత్వానికి ఆకర్షితులై పార్టీలో చేరుతుండడం హర్షణీయమన్నారు. ప్రశాంత వాతావరణంలో పోలింగ్‌ లక్ష్యం చిత్తూరు రూరల్‌ (కాణిపాకం): స్థానిక సంస్థల ఎన్నికలను ప్రశాంత వాతావరణంలో, పార దర్శకంగా నిర్వహించడమే లక్ష్యంగా జిల్లా ఎస్పీ తుషార్‌ డూడి ఆధ్వర్యంలో చిత్తూరు నగరంలో శుక్రవారం భారీ ఫ్లాగ్‌ మార్చ్‌ నిర్వహించారు. 1,000 మంది పోలీసు సిబ్బంది, ఎస్‌టీఎఫ్‌ బలగాలు, వజ్రా వాహనంతో ఈ కవాతు చేపట్టారు. గాంధీ కూడలి నుంచి ప్రారంభమైన ఈ మార్చ్‌ చర్చి వీధి, జీజీహెచ్‌, దర్గా కూడలి, ఎంఎస్‌ఆర్‌ కూడలి మీదుగా ఒకటో పట్టణ పోలీస్‌ స్టేషన్‌ వరకు సుమారు 3 కిలోమీటర్ల మేర సాగింది. ఓటర్లు ఎలాంటి భయం, ప్రలోభాలకు లోనుకాకుండా స్వేచ్ఛగా తమ ఓటు హక్కును వినియోగించుకోవాలని ఎస్పీ ఈ సందర్భంగా పిలుపునిచ్చారు. శాంతిభద్రతలకు విఘాతం కలిగిస్తే కఠిన చర్యలు తప్పవని హెచ్చరించారు. ఈ కార్యక్రమంలో అడిషనల్‌ ఎస్పీ మహబూబ్‌ బాషా, డీఎస్పీలు వెంకటనారాయణ, రామకృష్ణ, సీఐలు రామచంద్ర, శ్రీధర్‌నాయుడు, తిమ్మయ్య, కృష్ణమోహన్‌, ప్రసాద్‌రావు, నిత్యబాబు, ఎస్‌ఐలు పోలీస్‌ సిబ్బంది పాల్గొన్నారు.

వి.కోట: తెలుగుదేశం పార్టీకి చెందిన పలువురు నాయకులు శుక్రవారం వైఎస్సారీసీపీ జిల్లా అధ్యక్షుడు, మాజీ ఎమ్మెల్యే వెంకటేగౌడ సమక్షంలో వైఎస్సార్‌సీపీలో చేరారు. వెంకటేగౌడ వారికి పార్టీ కండువాలు కప్పి వారికి ఆహ్వానం పలికారు. పార్టీలో చేరిన వారి లో పాముగానిపల్లి పంచాయతీ గుమ్మిరెడ్డి పల్లికి చెందిన టీడీపీ మాజీ వార్డు సభ్యుడు శ్యామ్‌ రెడ్డి, అతని అనుచరులు, కొంగాటం పంచాయతీ కారకుంట గ్రామానికి చెందిన ప్రశాంత్‌డ్డి అలియాస్‌ బుజ్జి, 10 కుటుంబాలకు చెందిన అతని అనుచరులు వైఎస్సార్‌సీపీలో చేరారు. మండలంలోని వేర్వేరు ప్రాంతాల్లో తోటకనుమలోని వెంకటేగౌడ నివాసంలో పార్టీలోకి చేరారు. ఈ సందర్భంగా వారు మాట్లడుతూ వైఎస్సార్‌సీపీ సిద్ధాంతాలు నచ్చి పార్టీలోకి చేరిన్నట్లు పేర్కొన్నారు. ఈ కార్యక్రమంలో వైఎస్సార్‌సీపీ మండల కన్వీనర్‌, మాజీ ఎంపీపీ యువరాజ్‌, పార్టీ జెడ్పీటీసీ అభ్యర్థి ప్రకాష్‌, నాయకులు శివరామ్‌, రామకృష్ణ, ప్రతాప్‌ రెడ్డి, శ్రీనివాసులు, బాలాజీ, యుగంధర్‌ , కార్యకర్తలు పాల్గొన్నారు.

ఐరాల: మండలంలోని చిన్నవెంకటంపల్లె సమీపంలోని శ్రీరాంనగర్‌లో ఇటీవల నూతనంగా నిర్మించి శ్రీ మృత్యుంజయేశ్వర స్వామిని శుక్రవారం సాయంత్రం మాజీ మంత్రి, పుంగనూరు ఎమ్మెల్యే పెద్దిరెడ్డి రామచంద్రారెడ్డి దర్శించుకున్నారు. పెద్దిరెడ్డికి ఆలయ ధర్మకర్త దేవేంద్రరెడ్డి, అర్చకులు రాజేష్‌దీక్షితులు పూర్ణకుంభంతో స్వాగతం పలికారు. పెద్దిరెడ్డి స్వామి వారికి ప్రత్యేక పూజలుచేశారు. అనంతరం అర్చకులు తీర్థప్రసాదాలు అందజేసి ఆశీర్వచనం చేశారు. ఈ కార్యక్రమంలో మాజీ ఎమ్మెల్యే డాక్టర్‌ సునీల్‌కుమార్‌, కన్వీనర్‌ చంద్రశేఖర్‌రెడ్డి, ఐదు మండలాల నుంచి పెద్ద సంఖ్యలో నాయకులు, కార్యకర్తలు పాల్గొన్నారు.

చిత్తూరు కలెక్టరేట్‌ : జిల్లాలో ఏనుగుల సంరక్షణతో పాటు ప్రజల భద్రతను దృష్టిలో పెట్టుకుని వివిధ శాఖల అధికారులు సమన్వయంతో పనిచేయాలని రాష్ట్ర ప్రిన్సిపల్‌ చీఫ్‌ కన్జర్వేటర్‌ రాహుల్‌ పాండే ఆదేశించారు. శుక్రవారం కలెక్టరేట్‌లోని సమావేశమందిరంలో ఆయన పలు శాఖల అధికారులతో సమావేశం నిర్వహించారు. ఆయన మాట్లాడుతూ చిత్తూ రు డివిజన్‌లో విద్యుదాఘాతాల వల్ల ఏనుగులు మృతి చెందకుండా సమగ్ర ప్రణాళిక సిద్ధం చేయా లని ఆదేశించారు. అటవీ ప్రాంతాలు, వ్యవసాయ పొలాల సమీపంలో వంగిపోయిన విద్యుత్‌ తీగలు (లోహ్యాంగింగ్‌ లైన్స్‌) ఏనుగుల మరణాలకు ప్రధా న కారణమని గుర్తించామన్నారు. 2027 మార్చి 31 నాటికి జిల్లాలో ఎక్కడ కూడా వంగిపోయిన విద్యుత్‌ తీగలు, విద్యుత్‌ స్తంభాలు ఉండకూడదని హెచ్చరించారు. కలెక్టర్‌ సుమిత్‌ కుమార్‌ గాంధీ మాట్లాడుతూ తక్కువ ఎత్తులో ఉన్న విద్యుత్‌ లైన్ల ఎత్తును పెంచడం, ఇన్సులేట్‌ చేయడం, అత్యంత ప్రమాదకరంగా ఉన్న 150 ప్రాంతాలకు ప్రాధాన్య త ఇచ్చి వాటిని సరిదిద్దడం జరుగుతుందన్నారు. ట్రాన్స్‌ఫార్మర్లకు రక్షణ కంచెలు ఏర్పాటు చేయడం, అక్రమ విద్యుత్‌ కనెక్షన్లపై నిఘా పెట్టి చట్టపరమైన చర్యలు తీసుకుంటామని తెలిపారు. అటవీ, విద్యు త్‌ శాఖల సిబ్బంది వారానికి ఒకసారి క్షేత్రస్థాయిలో సంయుక్త తనిఖీలు చేపట్టాలని ఆదేశించారు. రైతులకు అక్రమ విద్యుత్‌ తీగల వల్ల జరిగే ప్రమాదాలపై అవగాహన కల్పించడంతో పాటు, అన్ని శాఖ లు సమన్వయంతో పనిచేస్తేనే ఏనుగుల ప్రాణాలను రక్షించగలమని వెల్లడించారు. ఈ సమావేశంలో కన్జర్వేటర్‌ ఆఫ్‌ ఫారెస్ట్‌ సెల్వం, జేసీ ఆదర్శ్‌ రాజేంద్రన్‌, జిల్లా అటవీశాఖ అధికారు సుబ్బురాజు తదితర శాఖల అధికారులు పాల్గొన్నారు.

కుప్పంరూరల్‌: కుప్పం మండల పరిధిలోని 21 ఎంపిటీసీలకు 21 ఎంపీటీసీ స్థానాలు గెలుచుకుని ఎంపీపీ కై వసం చేసుకుంటామని ఎమ్మెల్సీ భరత్‌ అన్నారు. శుక్రవారం మండల పరిధిలోని వానగుట్టపల్లి, గట్టప్పనాయునిపల్లి గ్రామాల్లో ఎంపీటీసీ అభ్యర్థులు మోహన్‌, జీవీ రమేష్‌లను గెలిపించాలంటూ ఇంటింటి ప్రచారం చేపట్టారు. భతర్‌ మాట్లాడుతూ, కూటమి ప్రభుత్వం సక్రమంగా ఎన్నికలు నిర్వహిస్తే గెలవలేమని తెలిసి కుతంత్రాలు చేస్తోందని అన్నారు. అభ్యర్థులను నామినేషన్లు వేయకుండా అడ్డుకున్నారని, ధైర్యం చేసి బయటికి వచ్చి నామినేషన్లు వేస్తే పోలీసులతో భయాందోళనలకు గురి చేస్తున్నారని విమర్శించారు. ఎన్ని ఇబ్బందులు పెట్టినా అంతిమ విజయం వైఎస్సార్‌సీపీదే అని అన్నారు. మండల కన్వీనర్‌ హెచ్‌ఎం మురుగేష్‌ మాట్లాడుతూ, గత ప్రభుత్వ హయాంలో జగన్‌మోహన్‌రెడ్డి ప్రభుత్వం చేసిన ప్రజా సంక్షేమ పథకాలే మా అభ్యర్థులను గెలిపిస్తుందని చెప్పారు. ఎన్‌.కొత్తపల్లి గ్రామంలో ఎంపీటీసీ అభ్యర్థి ఈశ్వర్‌ ప్రచారం నిర్వహించారు. మల్లానూరులో మల్లానూరు సెగ్మెంట్‌ –1 వై ఎస్సార్‌ సీపీ అభ్యర్థి మునిలక్ష్మీకి మద్దతుగా జడ్పీటీసీ సభ్యురాలు వనితశీను ప్రచారం నిర్వహించారు. ఈ కార్యక్రమంలో హెచ్‌ఎం శీను, ముత్తు వీరమణి, సుబ్రమణ్యం, పొన్మణి, రాజా, శ్రీనివాసన్‌, భూపతి, రమేష్‌,కోమతి, కేశవన్‌, వెంకటేష్‌, మూర్తి ఉన్నారు. ఎన్‌.కొత్తపలిలో ప్రచారం చేడుతున్న ఎంపీటీసీ సభ్యులు ఈశ్వర్‌ మల్లానూరులో జెడ్పీటీసీ అభ్యర్థి వనితశీను ప్రచారం

పెద్దపంజాణి: మండలంలో ని మదర్‌ థెరిసా పాఠశాల విద్యార్థులు గిన్నిస్‌ వరల్డ్‌ రికార్డ్స్‌లో స్థానం సంపాదించి పాఠశాల కీర్తిని అంతర్జాతీయ స్థాయికి తీసుకు వెళ్లారని విద్యాసంస్థల చైర్మ న్‌ రవీంద్ర బాబు శుక్ర వారం ఒక ప్రకటనలో తెలిపారు. ఆయన మాట్లాడు తూ ఇటీవల చైన్నెలో వరల్డ్‌ కరాటే మాస్టర్స్‌ అసోషియేషన్‌ ఆఫ్‌ ఇండియా ఆధ్వర్యంలో నిర్వహించిన గిన్నిస్‌ రికార్డు ఈవెంట్‌లో ఏకంగా 810 మంది ఒకేసారి కరాటే చాప్స్‌ చేసి ప్రపంచ రికార్డు సృష్టించారన్నారు. ఇందులో మదర్‌ థెరిసా పాఠశాలకు చెందిన మోక్షిత్‌(7వ తరగతి), జుష్యవేద్‌, ప్రకృతి (4వ తరగతి) భాగస్వాములయ్యారని పేర్కొన్నారు. విద్యతో పాటు క్రీడలు, మార్షల్‌ ఆర్ట్స్‌లో కూడా విద్యార్థులు రాణించడం సంతోషంగా ఉందని ప్రిన్సిపల్‌ డేవిడ్‌ బర్క్‌మన్‌ తెలియజేశారు. వీరికి శిక్షణ ఇచ్చిన కరాటే మాస్టర్లకు, సహకరించిన తల్లి దండ్రులకు ధన్యవాదాలు తెలిపారు. అనంతరం విద్యార్థులను పాఠశాల యాజమాన్యం ఘనంగా సత్కరించింది. జిల్లా కబడ్డీ పోటీలకు ఎంపిక గంగవరం: అన్నమయ్య జిల్లా చారాల ఉన్నత పాఠశాలలో నిర్వహించిన ఉమ్మడి చిత్తూరు జిల్లా అండర్‌–14 బాలుర కబడ్డీ పోటీల్లో గంగవరం మండలంలోని కల్లుపల్లి జెడ్పీ హై స్కూల్‌ విద్యార్థి రిషి విజయం సాధించి జిల్లా స్థాయి పోటీలకు ఎంపికై నట్టు పాఠశాల హెచ్‌ఎం బాలచైతన్య తెలిపారు. ఈ సందర్భంగా పాఠశాలలో శుక్రవారం ఏర్పాటు చేసిన సమావేశంలో ఉపాధ్యాయులు, తోటి విద్యార్థులు కలిసి కబడ్డీ పోటీలకు ఎంపికై న విద్యార్థిని అభినందించారు.

చిత్తూరు కలెక్టరేట్‌ : రాజ్యాంగం కల్పించిన అమూల్యమైన ఓటు హక్కును ప్రతి ఒక్కరూ విధిగా సద్వినియోగం చేసుకోవాలని జిల్లా ఎన్నికల అధికారి, కలెక్టర్‌ సుమిత్‌ కుమార్‌ గాంధీ తెలిపారు. నవంబర్‌ 1వ తేదీన జరగనున్న మున్సిపల్‌ ఎన్నికల పోలింగ్‌ ఉదయం 7.00 గంటల నుంచి సాయంత్రం 5.00 గంటల వరకు ప్రశాంతంగా, స్వేచ్ఛాయుత, పారదర్శక వాతావరణంలో జరిగేలా అన్ని ఏర్పాట్లు పూర్తి చేశామని తెలిపారు. ఓటర్లు స్వచ్ఛందంగా ముందుకు వచ్చి ఓటు వేయాలని కోరారు. ప్రతి పోలింగ్‌ కేంద్రం వద్ద ఓటర్లకు రెండు రకాల బ్యాలెట్‌ పత్రాలను అందజేస్తారని చెప్పారు. పింక్‌ రంగు బ్యాలెట్‌ పత్రం మేయర్‌ అభ్యర్థి కోసం, తెలుపు రంగు బ్యాలెట్‌ పత్రం కార్పొరేటర్‌ అభ్యర్థి ఓటింగ్‌ కోసం కేటాయించారన్నారు. ఓటు హక్కు వినియోగించుకున్న తర్వాత ఈ రెండు బ్యాలెట్‌ పత్రాలను ఒకే బ్యాలెట్‌ బాక్సులో వేయాలని స్పష్టం చేశారు. గుర్తింపు కార్డుల వివరాలు ఓటరు జాబితాలో పేరున్న ప్రతి ఒక్కరూ పోలింగ్‌ స్టేషన్‌కు వెళ్లేటప్పుడు ఎన్నికల సంఘం నిర్దేశించిన 12 రకాల అధికారిక గుర్తింపు కార్డుల్లో ఏదో ఒకటి వెంట తీసుకెళ్లాలని సూచించారు. ఆధార్‌ కార్డు, డ్రైవింగ్‌ లైసెన్స్‌, పాన్‌ కార్డు, పాస్‌పోర్ట్‌, పోస్టాఫీసు పాస్‌బుక్‌, ఉపాధి హామీ వేతన జాబ్‌ కార్డ్‌, హెల్త్‌ ఇన్సూరెన్స్‌(ఆరోగ్య బీమా) కార్డు, పెన్షన్‌ డాక్యుమెంట్‌ (పింఛన్‌ పత్రం), సర్వీస్‌ ఐడీ కార్డ్‌, ఎన్‌పీఆర్‌ స్మార్ట్‌ కార్డ్‌, ఎంపీ, ఎమ్మెల్యే, ఎమ్మెల్సీలకు జారీచేసిన అధికారిక ఐడీ కార్డులు, వికలాంగుల గుర్తింపు కార్డులో ఏదో ఒకటి కచ్చితంగా తీసుకెళ్లాలన్నారు. ఎన్నికలు సజావుగా సాగేందుకు జిల్లా యంత్రాంగానికి ప్రజలందరూ సహకరించాలని జిల్లా ఎన్నికల అధికారి కోరారు.

సాక్షి, చిత్తూరు: పూతలపట్టు నియోజకవర్గానికి చెందిన ఖాదర్‌బాషా వైఎస్సార్‌సీపీ మైనారిటీ విభాగం రాష్ట్ర కార్యదర్శి నియమితులయ్యా రు. పార్టీ అధ్యక్షుడు వైఎస్‌ జగన్‌మోహన్‌ రెడ్డి శుక్రవారం ఆదేశాలు ఆమేరకు ఖాదర్‌బాషా రాష్ట్ర కమిటీలో స్థానం కల్పించినట్లు ఆ పార్టీ కేంద్ర కార్యాలయం శుక్రవారం ఒక ప్రకటనలో తెలిపింది. అంతర్రాష్ట్ర దొంగల అరెస్టు యాదమరి: ఇంటి ఆవరణలో ప్రవేశించి మేకను ఎత్తుకెళ్లిన ఇద్దరు అంతర్రాష్ట్ర దొంగలను శుక్రవారం అరెస్టు చేసినట్లు పోలీసులు తెలిపారు. వారి నుంచి దొంగలించిన ఒక మేకపోతుతో పాటు, ద్విచక్రవాహనాన్ని స్వాధీనం చేసుకున్నారు. పోలీసులు తెలిపిన వివరాలు మేరకు..ఈ నెల 27న మండల పరిధిలోని కట్టకిందవూరు గ్రామంలో ఓ ఇంటి ఆవరణలో గేటు తాళాన్ని పగులగొట్టి మేకపోతును అపహరించారు. బాధితుల ఫిర్యాదు మేరకు కేసు నమోదుచేసిన పోలీసులు, విచారణలో భాగంగా గురువారం తుమ్మిందపాళ్యం క్రాస్‌ వద్ద వాహన తనిఖీలు చేపట్టారు. ఆ సమయంలో ద్విచక్రవాహనంపై మేకపోతును తరలిస్తున్న ఇద్దరు వ్యక్తులను అదుపులోకి తీసుకుని విచారించగా నిందితులు నేరం అంగీకరించారు. నిందితులు తమిళనాడు రాష్ట్రం వేలూరు జిల్లా పరదరామికి చెందిన హరి, శివగా గుర్తించారు. వారి నుంచి మేకపోతు, ఒక ద్విచక్రవాహనం స్వాధీనం చేసుకుని కోర్టులో హాజరుపరిచారు. కోర్టు వారికి 14 రోజుల రిమాండ్‌ విధించింది. వేటకు వెళ్లి అనంత లోకాలకు.. యాదమరి: అడవి పందులను వేటాడేందుకు వెళ్లి పొలాల్లో అమర్చిన విద్యుత్‌ తీగ తగిలి ఓ వ్యక్తి శుక్రవారం మృతి చెందాడు. పోలీసుల కథనం మేరకు.. మండల పరిధిలోని పాచి గుంట గ్రామానికి చెందిన రవి కుమారుడు వేణు(34)ను తన ఇద్దరు మిత్రులు గురువారం రాత్రి అడవి పందుల వేట కోసం గ్రామ సమీపంలోని వ్యవసాయ పొలాల వద్దకు తీసుకెళ్లా రు. అక్కడ పందులను వేటాడేందుకు విద్యుత్‌ స్తంభంలోని తీగల నుంచి ఇనుప బైండింగ్‌ వైరును అమర్చారు. ఈ క్రమంలో వేణు ప్రమాదవశాత్తు ఆ విద్యుత్తు తీగను తాకడంతో విద్యుత్‌ షాక్‌తో అక్కడిక్కడే ప్రాణాలు విడిచాడు. గ్రామస్తుల ద్వారా సమాచారం అందుకున్న స్థానిక పోలీసులు సంఘటన స్థలానికి చేరుకుని వివరాలు సేకరించారు. మృతుని తండ్రి ఇచ్చిన ఫిర్యాదు మేరకు కేసు నమోదు చేసి దర్యాప్తు చేస్తున్నారు. వన్యప్రాణుల వేట కోసం పొలాల్లో విద్యుత్‌ తీగలు అమర్చడం చట్టరీత్యా నేరమని, పొలాల్లో అక్రమంగా విద్యుత్‌ తీగలు అమర్చినట్లు గుర్తిస్తే వెంటనే పోలీసులకు సమాచారం ఇవ్వాలని వారు కోరారు. విద్యార్థినులతో ఉపాధ్యాయుడి అసభ్య ప్రవర్తన ! వి.కోట : పట్టణంలోని జిల్లా పరిషత్‌ బాలికల ఉన్నత పాఠశాలలో విద్యార్థినుల పట్ల ఓ ఉపాధ్యాయుడు అసభ్యంగా ప్రవర్తిస్తున్నారనే ఆరోపణలు కలకలం రేపుతున్నాయి. పాఠశాలలో చదువుకుంటున్న కొందరు విద్యార్థినులు ఉపాధ్యాయుడి ప్రవర్తనపై తీవ్ర అంసతృప్తి వ్యక్తం చేస్తూ ఆ పాఠశాల కమిటీ సభ్యురాలి దృష్టికి సమస్యను తీసుకెళ్లినట్లు సమాచారం. ఆ పాఠశాలలో కామర్స్‌ లెక్చరర్‌గా విధులు నిర్వహిస్తున్న వ్యక్తి బాలికల పట్ల అసభ్యంగా ప్రవర్తిస్తున్నారనే ఆరోపణలు రావడంపై తల్లిదండ్రులు ఆందోళన చెందుతున్నారు. విద్యార్థినుల ఫిర్యా దుపై విద్యాశాఖ ఉన్నతాధికారులు తక్షణమే స్పందించి సమగ్ర విచారణ చేపట్టాలని స్థానికులు కోరుతున్నారు.

చిత్తూరు కలెక్టరేట్‌ : రాబోయే దీపావళి పండుగను పురస్కరించుకుని టపాసుల (బాణాసంచా) దుకాణాల ఏర్పాటులో భద్రతా ప్రమాణాలు తప్పనిసరి అని చిత్తూరు ఆర్డీవో శ్రీనివాసులు అన్నారు. శుక్రవారం ఆర్డీవో కార్యాలయంలో పలు శాఖల అధికారులతో సమన్వయకమిటీ సమావేశం నిర్వహించారు. దుకాణాల ఏర్పాటుకు అనువైన స్థలాలు, భద్రతా ప్రమాణాలు, మార్కెట్‌ ప్రాంతా లు, గతంలో మంజూరైన అనుమతులు తదితర అంశాలపై ఈ సమావేశంలో సమగ్రంగా చర్చించారు. ఆర్డీవో మాట్లాడుతూ ఎవరి పేరు మీద లైసెన్స్‌ అవసరమో వారు నవంబర్‌ 1వ తేదీలోపు మీసేవ కేంద్రాల్లో చలానా చెల్లించి, జీఎస్టీ ప్రక్రియ పూర్తిచేసి ఆర్డీవో కార్యాలయంలో దరఖాస్తులను సమర్పించాలన్నారు. దరఖాస్తుల పరిశీలన పూర్తి చేసి నవంబర్‌ 5వ తేదీ సాయంత్రంలోపు లైసెన్సుల పంపిణీని పూర్తి చేస్తామన్నారు. చిత్తూ రు డివిజన్‌ పరిధిలోని వివిధ మండలాల నుంచి దుకా ణాలు ఏర్పాటు చేసే వ్యాపారులు కచ్చితమైన లొకేషన్‌ వివరాలను అందజేయాలన్నారు. ఈ సమావేశంలో డీఎస్పీ వెంకటనారాయణ, అడిషనల్‌ అగ్నిమాపక శాఖ అధికారి కరుణాకర్‌, పలు శాఖల అధికారులు పాల్గొన్నారు. భద్రతా ప్రమాణాలు, నిబంధనలు తప్పనిసరి

గంగాధర నెల్లూరు: ప్రస్తుత కూటమి ప్రభుత్వంలో దౌర్జన్యాలు, అరాచకాలు ఎక్కువైపోతున్నాయని, గత వైఎస్సార్‌సీపీ ప్రభుత్వంలో జగనన్న గ్రామ గ్రామాన్ని అభివృద్ధి పరిచారని.. అభివృద్ధిని చూసి స్థానిక సంస్థల ఎన్నికల్లో ఓటు వేయాలని మాజీ డిప్యూటీ సీఎం నారాయణస్వామి కోరారు. జీడీ నెల్లూరు మండలంలో జెడ్పీటీసీ, ఎంపీటీసీ ఎన్నికల ప్రచార కార్యక్రమంలో శుక్రవారం నారాయణస్వామి పాల్గొన్నారు. వింజం పంచాయతీ సిద్దేశ్వర స్వామి కొండ ఆలయంలో ప్రత్యేక పూజలు నిర్వహించిన అనంతరం స్థానిక వైఎస్సార్‌సీపీ అభ్యర్థి రాజేశ్వరి రామచంద్ర రెడ్డి గెలుపునకు కృషి చేయాలని ఎన్నికల ప్రచారం నిర్వహించారు. అనంతరం మండలం తూగుండ్రం పంచాయతీలో జెడ్పీటీసీ అభ్యర్థి శోభ ఆబు, ఎంపీపీ అభ్యర్థి రాజేంద్రరెడ్డితో కలసి ఎన్నికల ప్రచారం నిర్వహించారు . ఈ సందర్భంగా ఆయన మాట్లాడుతూ కూటమి ప్రభుత్వం చేస్తున్న దాడులు, దౌర్జన్యాలకు ప్రజలు బుద్ధి చెప్పే సమయం దగ్గరపడిందని అన్నారు. జీడీ నెల్లూరు నియోజకవర్గంలో ఎన్నడూ లేని రౌడీ రాజకీయ సాంప్రదాయాన్ని తీసుకువచ్చారన్నారు. నియోజకవర్గ ప్రజలు గమనించి మంచి వారికి ఓటు వేసి గెలిపించాలని ఆయన కోరారు. ఈ కార్యక్రమంలో వైఎస్సార్‌సీపీ మండల పార్టీ అధ్యక్షుడు వెంకటరెడ్డి, నాయకులు గుణశేఖర్‌ రెడ్డి, లోకనాథం రెడ్డి, మోహన్‌ రెడ్డి, చంద్రారెడ్డి, వింజం గోవిందన్‌, దేవ, వింజం బాలగంగానపల్లి పంచాయతీ నాయకులు కార్యకర్తలు పెద్ద సంఖ్యలో పాల్గొన్నారు.

కాణిపాకం: కాణిపాకంలోని శ్రీ వరసిద్ధి వినాయకస్వామి ఆలయంలో గురువారం సంకటహర చతుర్థి వ్రతాన్ని భక్తి శ్రద్ధలతో నిర్వహించారు. ప్రధాన ఆలయ అలంకార మండపంలో సిద్ధి–బుద్ధి సమేత వినాయకస్వామి ఉత్సవమూర్తులను విశేషంగా అలంకరించారు. అనంతరం ప్రత్యేక పూజలు చేసి భక్తులకు దర్శనం కల్పించారు. తర్వాత ఉత్సవమూర్తులను ఆస్థాన మండపానికి తీసుకెళ్లి కొలువుదీర్చారు. ఉదయం 9 నుంచి 10, 11 నుంచి 12 గంటల వరకు, సాయంత్రం 5 నుంచి 6 గంటల వరకు శాస్త్రోక్తంగా సంకటహర చతుర్థి గణపతి వ్రతాన్ని నిర్వహించారు. అనంతరం వరసిద్ధి వినాయకస్వామి రాత్రి ఆలయ మాడవీధుల్లో స్వర్ణ రథంపై ఊరేగుతూ భక్తులకు దర్శనమిచ్చారు. భక్తులు పెద్ద సంఖ్యలో తరలివచ్చారు.

చిత్తూరు కలెక్టరేట్‌ : నవంబర్‌ 1వ తేదీన చిత్తూరు మున్సిపల్‌ కార్పొరేషన్‌ ఎన్నికల పోలింగ్‌ను పకడ్బందీగా నిర్వహించాలని వైఎస్సార్‌ సీపీ చిత్తూరు నియోజకవర్గ సమన్వయకర్త విజయానందరెడ్డి, నగర మేయర్‌ అభ్యర్థి చంద్రశేఖర్‌ కోరారు. వారు గురువారం జిల్లా ఎన్నికల అధికారి, కలెక్టర్‌ సుమిత్‌కుమార్‌ గాంధీ, ఎస్పీ తుషార్‌డూడికి వినతి పత్రం అందజేశారు. వారు మాట్లాడుతూ సమస్యాత్మక పోలింగ్‌ కేంద్రాల్లో పటిష్ట భద్రత అవసరమని తెలిపారు. ఓటర్లు భయలేకుండా స్వేచ్ఛాయుత వాతావరణంలో ఓటు హక్కును వినియోగించుకునేలా చర్యలు చేపట్టాలన్నారు. అన్ని పోలింగ్‌ కేంద్రాల వద్ద తగినంత పోలీసు బలగాలను నియమించాలన్నారు. ప్రతి పోలింగ్‌ కేంద్రం వద్ద సీసీ కెమెరా నిఘా పెట్టాలన్నారు. ఎన్నికల బరిలో నిలిచిన వైఎస్సార్‌ సీపీ జెడ్పీటీసీ, ఎంపీటీసీ అభ్యర్థులను టీడీపీ కూటమికి చెందిన గుండాలు బెదిరింపులకు పాల్పడుతున్నారని ఆరోపించారు. తమ పార్టీ అభ్యర్థులందరికీ తగిన రక్షణ కల్పించాలని ఎన్నికల అధికారి దృష్టికి తీసుకెళ్లారు. అక్రమాలను అరికట్టి, ఎటువంటి అవాంఛనీయ సంఘటనలు జరగకుండా ముందస్తు జాగ్రత్త చర్యలు తీసుకోవాలని కోరారు. జిల్లా ఎన్నికల అధికారి, కలెక్టర్‌ సుమిత్‌ కుమార్‌ గాంధీ సానుకూలంగా స్పందిస్తూ.. జిల్లా వ్యాప్తంగా శాంతియుతంగా పోలింగ్‌ నిర్వహించేందుకు సర్వం సిద్ధం చేశామన్నారు. ఎలాంటి అక్రమాలకు తావులేకుండా చర్యలు తీసుకుంటామని హామీ ఇచ్చారు.

గంగవరం: మండలంలోని కలగటూరు పంచాయతీలోని పలు గ్రామాలకు చెందిన 10 కుటుంబాలు టీడీపీ, జనసేన పార్టీలను వీడి గురువారం పలమనేరు వైఎస్సార్‌సీపీ కార్యాలయంలో మాజీ ఎమ్మెల్యే, పార్టీ జిల్లా అధ్యక్షులు వెంకటేగౌడ సమక్షంలో వైఎస్సార్‌ సీపీలో చేరారు. వారిలో కేశవులు, యశ్వంత్‌, సునీల్‌, రాజేష్‌, హేమంత్‌, దినేష్‌ తదితరులు ఉన్నారు. కూటమి ప్రభుత్వంలో ప్రజలకు జరుగుతున్న మోసాలు, జగనన్న నాయకత్వంపై నమ్మకంతో ఆ పార్టీలను వీడి వైఎస్సార్‌సీపీలో చేరినట్టు తెలిపారు. ఈ ఎన్నికల్లో పంచాయతీలో వైఎస్సార్‌సీపీ అభ్యర్థుల గెలుపు కోసం కృషి చేస్తామన్నారు. పార్టీ నాయకులు నల్లపరెడ్డి, నరసింహులు, మురళిరెడ్డి తదితరులు పాల్గొన్నారు. బైరెడ్డిపల్లెలో..బైరెడ్డిపల్లె : మండలంలోని టిఎన్‌కుప్పం గ్రామానికి చెందిన టీడీపీ వార్డు మాజీ మెంబర్లు నారాయణప్ప, రమేష్‌, మాధవ గురువారం వైఎస్సార్‌సీపీలో చేరా రు. వారికి మాజీ ఎంపీపీ మొగసాల రెడ్డెప్ప కండువాలు వేసి పార్టీలోకి ఆహ్వానించారు. ఆయన మాట్లాడుతూ కూటమి ప్రభుత్వంలో పేదలకు ఒరిగిందేమీ లేదన్నారు. నిత్యావసర సరుకుల ధరలు విపరీతంగా పెరిగాయని, పేద, మధ్య తరగతి ప్రజలు తీవ్ర ఇబ్బందులు పడుతున్నారని పేర్కొన్నారు. ఈ విషయాలను ప్రజలకు వివరించి స్థానిక సంస్థల ఎన్నికల్లో వైఎస్సార్‌ సీపీని గెలిపించాలని కోరారు.

చిత్తూరు కార్పొరేషన్‌: మున్సిపాలిటీలు, నగరపాలక పరిధిలో నవంబర్‌ 1వ తేదీన పోలింగ్‌ రోజున కార్మికులకు వేతనంతో కూడిన సెలవు మంజూరు చేయాలని సహాయ కార్మిక కమిషనర్‌ కేశన్న ఆదేశించారు. జిల్లాలో ఆ రోజున పోలింగ్‌ జరిగే ప్రాంతంలోని దుకాణాలు, వాణిజ్య సంస్థల్లో పనిచేస్తున్న ఉద్యోగులు, కార్మికులు ఓటు హక్కు వినియోగించుకునేందుకు వెసులుబాటు కల్పించామని పేర్కొన్నారు. నిష్పక్షపాతంగా ఎన్నికలు చిత్తూరు రూరల్‌ (కాణిపాకం): చిత్తూరు నగరపాలక సంస్థతో పాటు పలమనేరు, కుప్పం, నగరి మున్సిపాలిటీల ఎన్నికలను స్వేచ్ఛగా, నిష్పక్షపాతంగా నిర్వహించేందుకు సర్వం సిద్ధం చేసినట్టు ఎస్పీ తుషార్‌ డూడి తెలిపారు. నవంబర్‌ 1న పోలింగ్‌, నవంబర్‌ 3న ఓట్ల లెక్కింపు జరగనున్న నేపథ్యంలో ఎన్నికల విధుల్లో 1,500 మందికి పైగా పోలీసులను నియమించినట్టు తెలిపారు. సున్నిత, అతి సున్నిత పోలింగ్‌ కేంద్రాలపై ప్రత్యేక నిఘా ఉంచామని, శాంతిభద్రతల పరిరక్షణకు 1,434 మందిని బైండోవర్‌ చేయడంతో పాటు 520 లైసైన్స్‌ ఆయుధాలను డిపాజిట్‌ చేయించుకున్నట్లు పేర్కొన్నారు. నగదు, మద్యం అక్రమ రవాణాను అడ్డుకోవడానికి 37 స్టాటిక్‌ సర్వైలెన్స్‌ బృందాలతో తనిఖీలు చేస్తున్నట్టు వివరించారు. ప్రచార గడువు ముగిసిన తర్వాత స్థానికేతర నేతలు ఆయా ప్రాంతాలు విడిచి వెళ్లాలని, లెక్కింపు రోజు విజయోత్సవ ర్యాలీలకు అనుమతి లేదని స్పష్టం చేశారు. ఓటర్లను ప్రలోభపెట్టినా, బెదిరింపులకు పాల్పడినా కఠిన చర్యలుంటాయని హెచ్చరించారు. ఎన్నికల వేళ ఏవైనా సమస్యలుంటే కంట్రోల్‌ రూమ్‌ 9440900005 లేదా డయల్‌ 112కు సమాచారం అందించాలని, ఫిర్యాదుదారుల వివరాలు గోప్యంగా ఉంచుతామని తెలిపారు. బీఎడ్‌, బీపీఎడ్‌ అనుమతులకు గడువు పొడిగింపు చిత్తూరు కలెక్టరేట్‌ : జిల్లాలోని పాఠశాల విద్యాశాఖలో పనిచేస్తూ బీఎడ్‌, బీపీఎడ్‌ కోర్సులు చదివేందుకు అనుమతులు పొందే గడువును పొడిగించారు. ఈ మేరకు రాష్ట్ర విద్యాశాఖ అధికారులు జారీచేసిన ఉత్తర్వులు గురువారం డీఈఓ కార్యాలయానికి చేరాయి. బీఎడ్‌, బీపీఎడ్‌ కోర్సులు చదివేందుకు అనుమతి కోరే టీచర్ల ప్రతిపాదనలకు నవంబర్‌ 15వ తేదీ వరకు గడువు పెంచినట్లు పేర్కొన్నారు. టీచర్లు తమ దరఖాస్తులను నిర్ణీత చెక్‌లిస్ట్‌, సర్వీస్‌ రిజిస్టర్‌ స్కాన్‌ కాపీలతో ఈ ఆఫీస్‌లో మాత్రమే పంపాలని స్పష్టం చేశారు. నేరుగా ఇచ్చే ఫైళ్లను అనుమతించమని తెలిపారు. గడువు ముగిసిన తర్వాత వచ్చే దరఖాస్తులను ఎట్టి పరిస్థితుల్లోనూ పరిశీలించమని ఉత్తర్వుల్లో పేర్కొన్నారు. నవంబర్‌ 30 వరకు ఈఎస్‌ఆర్‌ గడువు పొడిగింపు చిత్తూరు కలెక్టరేట్‌ : ప్రభుత్వ ఉద్యోగుల సర్వీస్‌ రికార్డుల డిజిటల్‌ నమోదు, అప్‌డేట్‌ ప్రక్రియ గడువును నవంబర్‌ 30 వరకు పెంచారని కలెక్టరేట్‌ అధికారులు గురువారం వెల్లడించారు. గతంలో నిర్దేశించిన నిబంధనల ప్రకారం ఈ నెల 31 నాటికి ప్రక్రియ పూర్తి కావాల్సి ఉంది. ఈఎస్‌ఆర్‌ అప్లికేషన్‌లో సర్వర్‌ సమస్యలు, ఓటీపీ ధృవీకరణ వైఫల్యాలు తలెత్తడం, ఉద్యోగులు అవసరమైన ధ్రువపత్రాలు సమకూర్చుకోవడానికి సమయం పట్టడం వంటి కారణాలు ఉండడంతో గడుపు పొడిగించినట్టు సమాచారం. అలాగే ప్రస్తుతం కొందరు ఉద్యోగులు పంచాయతీ, మున్సిపల్‌ ఎన్నికల విధుల్లో, రాష్ట్రపతి ఉత్తర్వుల కేటాయింపు ప్రక్రియల్లో నిమగ్నమై ఉండడం కూడా కారణంగా తెలుస్తోంది. ఉద్యోగులు, అన్ని శాఖలు ఈఎస్‌ఆర్‌కు సంబంధించిన పూర్తి ప్రక్రియను నవంబర్‌ 30 లోపు పూర్తి చేయాలని అధికారులు ఆదేశించారు.

నగరి: ఓటమి భయంతోనే టీడీపీ కుట్ర రాజకీయాలకు పాల్పడుతోందని మాజీ మంత్రి ఆర్‌కే.రోజా ఆరోపించారు. ఆమె గురువారం సత్రవాడ నుంచి కేవీపీఆర్‌ పేట, ఏకాంబరకుప్పం, కొత్తపేట, నగరి పట్టణం మీదుగా ఓంశక్తి ఆలయం సమీపం బైపాస్‌ సర్కిల్‌ వరకు ఎన్నికల ర్యాలీ చేశారు. కూటమి పార్టీలు ఆడుతున్న రాజకీయ వికృత చేష్టలను ఎండగట్టారు. ఫ్యాన్‌ గుర్తుపై ఓటు వేసి కూటమి పార్టీల దహనకాండకు అడ్డుకట్ట వేయాలని కోరారు. ఆమె మాట్లాడుతూ నిజంగా కూటమి ప్రభుత్వానికి దమ్ము, ధైర్యం ఉంటే ఎన్నికల్లో పోటీ చేసి గెలవాలని సవాల్‌ విసిరారు. చైర్మన్‌ను ఏకగ్రీవం చేసుకోవడం వెనుక రాజకీయ కుట్ర, అధికారుల అండదండలు ఉండడం ప్రజలెరిగిన సత్యమన్నారు. నగరి మున్సిపల్‌ కమిషనర్‌ బాలాజీ నాయక్‌ టీడీపీ కార్యకర్తలా ఆ పార్టీకి అనుకూలంగా వ్యవహరించారని ఆరోపించారు. సీఎం కార్యాలయం నుంచి వచ్చిన ఆదేశాల మేరకే నగరి మున్సిపల్‌ చైర్మన్‌ ఎన్నికను ఏకగ్రీవం చేశారని పేర్కొన్నారు. తమ చైర్మన్‌ అభ్యర్థి నామినేషన్‌ పరిశీలనలో ఆమోదం పొందిన తర్వాత, ఫారం 7 ఇచ్చిన తర్వాత దానిని ఎలా తిరస్కరిస్తారని ప్రశ్నించారు. చైర్మన్‌ ఎన్నికపై హైకోర్టును ఆశ్రయించాం నగరి మున్సిపాలిటీ చైర్మన్‌ ఎన్నిక ఏకగ్రీవం కావడాన్ని సవాల్‌ చేస్తూ హైకోర్టులో హౌస్‌ మోషన్‌ పిటిషన్‌ దాఖలు చేసినట్లు మాజీ మంత్రి రోజా తెలిపారు. తాము దేవుడిని నమ్ముతామని, న్యాయస్థానాలపై పూర్తి విశ్వాసం ఉందని, అక్కడ తమకు న్యాయం జరుగుతుందన్నారు. ఎన్నికలకు ఒక్కరోజు ముందు రౌడీమూకలను టీడీపీలో చేర్చుకుని నగరిలో రౌడీయిజానికి పాల్పడుతున్నారని దుయ్యబట్టారు. ఓటర్లను బెదిరించే ప్రయత్నాలు జరుగుతున్నాయన్నారు. నగరి మున్సిపాలిటీని రౌడీలు, దొంగల బారి నుంచి కాపాడుకోవాల్సిన అవసరం ఉందన్నారు. ప్రజాస్వామ్య పద్ధతిలో ఎన్నికలు జరగాలని, ఓటర్ల తీర్పును గౌరవించాలని డిమాండ్‌ చేశారు. వైఎస్సార్‌ సీపీలో జరిగిన అభివృద్ధిని పరిశీలించి ఓటు వేయాలని కోరారు. మున్సిపల్‌ ఎన్నికల్లో కూటమి ప్రభుత్వానికి తగిన బుద్ధి చెప్పాలని ఓటర్లకు పిలుపునిచ్చారు.

సాక్షి టాస్క్‌ఫోర్స్‌: స్థానిక ఎన్నికల వేళ జిల్లాలో పోలీసు యంత్రాంగం అధికార టీడీపీ నేతల అడుగులకు మడుగులొత్తుతోందనే విమర్శలు తీవ్రస్థాయిలో వ్యక్తమవుతున్నాయి. ఎన్నికలు ప్రశాంతంగా నిర్వహించాల్సిన అధికారులు.. అధికార పార్టీ నేతలు ఇచ్చే జాబితాల ప్రకారం ఏకపక్షంగా బైండోవర్‌ చర్యలకు దిగుతుండడంపై సర్వత్రా నిరసన వ్యక్తమవుతోంది. టీడీపీ నేతలు, కొందరు ప్రజాప్రతినిధుల కార్యాలయాల నుంచే పేర్లు పంపి, ప్రతిపక్ష వైఎస్సార్‌సీపీ శ్రేణులను, నాయకులను లక్ష్యంగా చేసుకుని బైండోవర్లు చేయిస్తున్నారని బాధితులు మండిపడుతున్నారు. కేసులు లేకపోయినా వేధింపులు గతంలో ఎలాంటి నేర చరిత్ర, కేసులు లేకపోయినా వైఎస్సార్‌సీపీ మద్దతుదారులు అన్న కారణంతో ఎంతోమందిపై కుట్రపూరితంగా కేసులు నమోదు చేస్తున్నారు. బాధితులను రోజంతా పోలీస్‌ స్టేషన్లలోనే కూర్చోబెట్టాలని అధికార పార్టీ నేతల నుంచి పోలీసులపై ఒత్తిళ్లు వస్తున్నట్లు సమాచారం. అంతేకాకుండా టీడీపీలో రెబెల్‌ అభ్యర్థులుగా బరిలో ఉన్నవారిని, వారి అనుచరులను సైతం వదలకుండా బైండోవర్లు చేస్తుండడంతో సొంత పార్టీలోని ఓ వర్గం నేతలు కూడా తీవ్ర ఆగ్రహం వ్యక్తం చేస్తున్నారు. ఈ బైండోవర్ల వ్యవహారంపై స్టేషన్‌ సిబ్బందిని నిలదీస్తే.. మాకేం సంబంధం లేదు, ఎస్‌బీ, ఇంటెలిజెన్స్‌ ఇచ్చిన వివరాల ప్రకారమే చేస్తున్నామని చేతులెత్తేస్తున్నారు. తీరా ఎస్‌బీ, ఇంటెలిజెన్స్‌ అధికారులను అడిగితే ఇందులో మా పాత్రేమీ లేదని కొట్టిపారేస్తుండటం గమనార్హం. గతంలో అరాచకాలు చేసినవారికి మినహాయింపు? చిత్తూరు పరిధిలో ఇలాంటి ఏకపక్ష కేసులు మరీ ఎక్కువగా నమోదు అవుతున్నాయి. గతంలో అనేక దాడులు, దౌర్జన్యాలకు పాల్పడిన టీడీపీ నేతలు, వారి అనుచరులను స్వేచ్ఛగా తిరగనిస్తూ, బైండోవర్లు చేయకపోవడం వెనుక అంతర్యమేమిటని ప్రజలు ప్రశ్నిస్తున్నారు. ముందస్తుగా పార్టీలకు అతీతంగా నిష్పక్షపాతంగా బైండోవర్లు చేసి ఉంటే మునిసిపల్‌, జెడ్పీటీసీ, ఎంపీటీసీ నామినేషన్ల ప్రక్రియలో నామినేషన్లు వేయకుండా అడ్డుకోవడం, పత్రాలు చించేయడం, దాడులకు పాల్పడడం వంటి పరిస్థితి వచ్చేది కాదని శాఖలోని కొందరు నిష్పాక్షిక అధికారులు అభిప్రాయపడుతున్నారు. ఎన్నికల రోజున దాడులకు కుట్ర? ఎన్నికల రోజున వైఎస్సార్‌ సీపీ మద్దతుదారులను భయభ్రాంతులకు గురిచేసి దాడులు, దౌర్జన్యాలకు దిగేందుకు స్థానిక టీడీపీ నేతలు పథకం రచన చేసినట్లు నిఘా వర్గాలకు ఇప్పటికే సంకేతాలు వెళ్లినట్లు తెలుస్తోంది. గొడవలు జరిగినా స్థానిక పోలీసులు ప్రేక్షకపాత్ర వహించేలా బడా నేతల కార్యాలయాల నుంచి హుకుం జారీ అయినట్లు ప్రచారం జరుగుతోంది. బైండోవర్ల విషయంలో అన్ని పార్టీల వారిపై చర్యలు తీసుకుంటున్నామని అధికారులు చెబుతున్న వివరాలన్నీ తప్పుడు సమాచారమేనని, ఉన్నతాధికారులను సైతం తప్పుదోవ పట్టిస్తున్నారని ఆరోపణలు వస్తున్నాయి. ఈ రకమైన ఏకపక్ష వైఖరి వల్ల ఎన్నికల్లో పారదర్శకత లోపించి, శాంతిభద్రతల సమస్య తలెత్తే ప్రమాదముందని, ఇప్పటికై నా ఉన్నతాధికారులు స్పందించి చర్యలు తీసుకోవాలని స్థానికులు కోరుతున్నారు. చిత్తూరుకు చెందిన కామేష్‌ (పేరు మార్చాం) అనేక ఏళ్లుగా టీడీపీలోనే క్రియాశీలకంగా పనిచేస్తున్నాడు. ఈ ఎన్నికల్లో పార్టీకి చెందిన ఒక రెబెల్‌ అభ్యర్థికి మద్దతుగా ఉన్నాడనే నెపంతో అతడిపై బైండోవర్‌ పేరుతో పోలీసులు వేధింపులు మొదలుపెట్టారు. ఏంటిది అని ప్రశ్నిస్తే పరిస్థితిని అర్థం చేసుకోండంటూ పోలీసులు చేతులెత్తేస్తున్నారు. వైఎస్సార్‌ సీపీకి చెందిన మరో వ్యక్తి (వయస్సు 42) బతుకుదెరువు కోసం తమిళనాడులో పనిచేసుకుంటున్నాడు. అతడిపై స్వగ్రామంలో ఎలాంటి కేసులు లేవు. అయినప్పటికీ.. నీపై బైండోవర్‌ ఉంది, స్టేషన్‌కు రా అంటూ పోలీసుల నుంచి ఫోన్‌ కాల్స్‌ వస్తున్నాయి. కూటమి నేతలు కావాలనే కక్షగట్టి ఈ పని చేయిస్తున్నారని ఆ వ్యక్తి ఆవేదన వ్యక్తం చేస్తున్నాడు. తప్పుడు బైండోవర్లపై చిక్కులు తప్పవు జిల్లాలో పోలీసులు ఇప్పటికే చాలా చోట్ల తప్పుడు బైండోవర్లు పెట్టారు. గతంలో ఎలాంటి నేరచరిత్ర లేనివాళ్లను కూడా స్టేషన్‌కు పిలిపించి బెదిరింపులకు గురిచేస్తున్నట్లు మా లీగల్‌ సెల్‌కు ఫిర్యాదులు వస్తున్నాయి. ఇప్పుడు ఎవరికోసమైతే తప్పుడు బైండోవర్లు పెడుతున్నారో వాళ్లు రేపు అధికారంలో ఉండకపోవచ్చు. అప్పుడు తప్పు చేసిన పోలీసులను ఎవరు కాపాడతారు? ఇది పద్ధతికాదు. రేపు పోలీసులు న్యాయపరమైన చిక్కులు ఎదుర్కోవాల్సిందే. పోలీసులు నిస్పక్షపాతంగా వ్యవహరించి విధులు నిర్వర్తిస్తే మంచిది. లేకపోతే ప్రైవేటు కేసులు వేయడానికి వెనుకాడేదిలేదు. – సూర్యప్రతాపరెడ్డి, వైఎస్సార్‌సీపీ జిల్లా న్యాయవిభాగం అధ్యక్షులు.

చిత్తూరు కార్పొరేషన్‌: కూటమి ప్రభుత్వానికి స్థానిక సంస్థల ఎన్నికలతో నూకలు చెల్లాయని ఽవైఎస్సార్‌ సీపీ చిత్తూరు నియోజకవర్గ సమన్వయకర్త విజయానందరెడ్డి, మేయర్‌ అభ్యర్థి చంద్రశేఖర్‌ ధ్వజమెత్తారు. వారు గురువారం 5, 6, 17, 18, 19, 20, 37, 38 డివిజన్లలో ప్రచారం చేశారు. ఫ్యాన్‌ గుర్తుకు ఓటు వేసి వైఎస్‌ జగనన్నకు మద్దతు పలకాలని కోరారు. వారు మాట్లాడుతూ రాష్ట్రంలో రాక్షస పాలన సాగుతోందన్నారు. బీసీలకు, అగ్రవర్ణాల్లోని పేదలకు, ఎస్సీ, ఎస్టీ, మైనారిటీలకు న్యాయం జరగాలంటే వైఎస్సార్‌ సీపీ అభ్యర్థులను గెలిపించాలని పిలుపునిచ్చారు. కూటమి పార్టీ అధికారంలో ఉన్నా ఎన్నికలంటే అంత భయమెందుకని ప్రశ్నించారు. నామినేషన్‌ దశ నుంచి పోలీసులు, రౌడీమూకలతో వైఎస్సార్‌ సీపీ అభ్యర్థులను టార్గెట్‌ చేసి దాడులు చేశారని పేర్కొన్నారు. చివరికి నగరపాలక కార్యాలయంలో బీఫామ్స్‌ చింపివేసి దౌర్జన్యంతో ఏకగ్రీవం చేసుకున్నారని తెలిపారు. నిజంగా అభివృద్ధి చేసి ఉంటే ఎన్నికలంటే ఉలుకెందుకని పేర్కొన్నారు. కార్యక్రమంలో పార్టీ రాష్ట్ర కార్యదర్శి రాహుల్‌రెడ్డి, మనోహర్‌రెడ్డి, బాబీ, శివ, మనోజ్‌రెడ్డి, శేఖర్‌రెడ్డి, శరవణ, శేఖర్‌, ఉన్ని, పూంగొడి, దస్తగిరి, రమేష్‌, షర్మి, టిమ్ము, నరేష్‌, తదితరులు పాల్గొన్నారు.

సాక్షి టాస్క్‌ ఫోర్స్‌ : అధికారం ఉన్నప్పుడు ప్రజల కష్టాలు కనిపించవు. ఎన్నికల సందడి మొదలవగానే ఓటరుపై అభిమానం పొంగిపొర్లుతోంది. రెండున్నరేళ్లుగా ప్రజలకు ఏం కావాలి? ఎక్కడ సమస్యలున్నాయి? తాగునీటి ఇబ్బందులు ఉన్నాయా? కాలువలు శుభ్రంగా ఉన్నాయా? రోడ్లు బాగున్నాయా? అన్న విషయాలను పట్టించుకున్న నాథుడే కనిపించలేదు. ఇప్పుడు పరిస్థితి పూర్తిగా మారిపోయింది. నిన్నటి వరకు కనిపించని నేతలు.. నేడు వీధివీధికీ ప్రత్యక్షమవుతున్నారు. తాగునీటి కోసం ప్రజలు ఎన్నిసార్లు మొరపెట్టుకున్నా పట్టించుకోని నాయకులు.. ఇప్పుడు ఓటరు అడిగిందే తడవుగా వాటర్‌ ట్యాంకర్లను వీధుల్లోకి పంపిస్తున్నారు. ప్రజల దాహం తీర్చాలన్న ఆలోచన ఇప్పుడే వచ్చిందా? లేక ఓటు విలువ ఇప్పుడే తెలిసొచ్చిందా? అన్న ప్రశ్నలు స్థానికంగా వినిపిస్తున్నాయి. నెలల తరబడి మురుగుతో నిండిపోయిన కాలువలు.. కంపు కొడుతున్న వీధులు.. పట్టించుకునేవారు లేక ఇబ్బందులు పడిన స్థానికులు.. ఇవన్నీ ఇప్పుడు నేతల దృష్టిలోకి వచ్చేశాయి. పారిశుద్ధ్య పనులు చురుగ్గా సాగుతున్నాయి. కాలువల్లో పేరుకుపోయిన చెత్తను తొలగిస్తున్నారు. ఇన్నాళ్లూ కనిపించని పారిశుద్ధ్య సిబ్బంది ఇప్పుడు వీధుల్లో సందడి చేస్తున్నారు. ప్రజారోగ్యంపై ఈ శ్రద్ధ ఏడాది పొడవునా ఉంటే ఎంత బాగుండేదోనని స్థానికులు వ్యాఖ్యానిస్తున్నారు. ఎప్పటినుంచో మిట్టపల్లాలతో వాహనదారులను ఇబ్బంది పెడుతున్న రహదారులకు ఇప్పుడు మరమ్మతుల హడావుడి మొదలైంది. ఓటర్లు అధికంగా ఉన్న నివాస ప్రాంతాలపై ప్రత్యేక నిఘా పెట్టేశారు. అక్కడ చిన్న సమస్య తలెత్తినా వెంటనే స్పందన.. ఎవరైనా ఇబ్బంది అని చెప్పినా తక్షణ చర్యలు.. ఓటర్లు ఎక్కువగా ఉన్న వీధుల్లో ఈగ కూడా వాలనివ్వకుండా కాపలా కాస్తున్నారన్నంతగా నేతల హడావుడి కనిపిస్తోంది. ప్రజాసేవ అనేది ఎన్నికల సమయంలో మాత్రమే గుర్తుకొచ్చే కార్యక్రమం కాదు. తాగునీరు, పారిశుద్ధ్యం, రహదారులు వంటి కనీస వసతులు ప్రజలకు నిరంతరం అందాల్సిన బాధ్యత. ఎన్నికల సీజన్‌లో కనిపించే హడావుడి కాదు.. ఎన్నికల వేళ పొంగిపొర్లుతున్న ఈ అభిమానం.. ఎన్నికలు ముగిసిన తర్వాత కూడా ఇలాగే కొనసాగుతుందా? లేక ఓటు పెట్టెల్లో పడగానే మళ్లీ పాత నిర్లక్ష్యమే దర్శనమిస్తుందా? అన్నది వేచి చూడాల్సిందే!

చిత్తూరు కార్పొరేషన్‌: 18 ఏళ్లు నిండిన పౌరుల కు రాజ్యాంగం ఓటు హ క్కు కల్పించింది. భారత ఎన్నికల సంఘం నిబంధనలు, రాజ్యాంగం మేరకు ఓటర్లు తమ ఓటును వినియోగించుకునే పద్ధతులు కూడా ఉన్నాయి. సాధారణ ఓటు: ఈవీఎం, బ్యాలెట్‌తో వేసేది. పోస్టల్‌: ఎన్నికల విధుల్లో పాల్గొనే ప్రభుత్వ ఉద్యోగులు, పోలీసులు, అత్యవసర సేవల సిబ్బంది పోలింగ్‌ రోజున, సొంత నియోజకవర్గంలో ఓటు వేయలేరు. అందువల్ల వీరు ఎన్నికల తేదీకి ముందే పోస్టు, ప్రత్యేక కేంద్రాల ద్వారా ఓటు వేస్తారు. సర్వీస్‌: త్రివిధ దళాల్లో పనిచేసే జవాన్లు, విదేశాల్లోని భారత రాయబార కార్యాలయాల్లో పనిచేసే సిబ్బంది తమ విధుల్లో ఉంటూనే ప్రత్యేకంగా ఎలక్ట్రానికల్లీ ట్రాన్స్‌మిటెడ్‌ పోస్టల్‌ బ్యాలెట్‌ ద్వారా వేసే ఓటు. ప్రాక్సీ: పోలింగ్‌ కేంద్రానికి స్వయంగా రాలేని సర్వీస్‌ ఓటర్లు.. తమ తరఫున ఓటు వేసేందుకు కుటుంబంలో ఒకరిని ప్రతినిధిగా (ప్రాక్సీ) నియమించవచ్చు. ఆ ప్రతినిధి వచ్చి వేసే దాన్ని ప్రాక్సీ ఓటు అంటారు. టెండర్‌: ఓటరు పోలింగ్‌ కేంద్రానికి వెళ్లే సరికి, అతని ఓటును అప్పటికే ఎవరో దొంగ ఓటుగా వేసినట్లయితే.. అసలు ఓటరు తన గుర్తింపును నిరూపించుకుని ప్రత్యేక బ్యాలెట్‌ పేపరు ద్వారా వేసే ఓటు. వీటిని సాధారణ కౌంటింగ్‌లో లెక్కించరు. గెలుపోటములు తేడా తక్కువగా ఉన్నప్పుడు కోర్టు ఆదేశాల మేరకు లెక్కిస్తారు. ఛాలెంజ్‌: పోలింగ్‌ కేంద్రంలో ఓటరు గుర్తింపుపై అక్కడున్న పోలింగ్‌ ఏజెంట్‌కు ఏవైనా అనుమానాలు ఉంటే, వారు నిర్ణీత రుసుం చెల్లించి సవాలు చేయవచ్చు. అప్పుడు పోలింగ్‌ అధికారి విచారణ జరిపి, ఓటరు నిజమైన వారే నిర్ధారిస్తే వేయించే ఓటును ఛాలెంజ్‌ ఓటు అంటారు.

పుత్తూరు: వైఎస్సార్‌ సీపీకి వెన్నుపోటు పొడిచి టీడీపీ పంచన చేరిన వ్యక్తికి జనసేన కండువా కప్పి ఎన్నికల బరిలో దింపడానికి ఎమ్మెల్యే భానుప్రకాష్‌కు సిగ్గులేదా అని మాజీ మంత్రి ఆర్కే రోజా ప్రశ్నించారు. జనసేన పార్టీలో బీసీలే లేరా అంటూ నిలదీశారు. ఆమె గురువారం మున్సిపల్‌ ఎన్నికల ప్రచారంలో భాగంగా స్థానిక ఆరేటమ్మ ఆలయం నుంచి నగరం రోడ్డు, బజారువీధి, తేరువీధి, తిరుపతి రోడ్డు మీదుగా ఎస్‌ఆర్‌ఎస్‌ ప్రభుత్వ డిగ్రీ కళాశాల వరకు భారీ బైక్‌ ర్యాలీ నిర్వహించారు. ఆమె మాట్లాడుతూ తమ మున్సిపల్‌ చైర్‌ పర్సన్‌ అభ్యర్థి జయప్రకాష్‌కు బీసీ సర్టిఫికెట్‌ ఇవ్వకుండా ఇబ్బంది పెట్టిన విషయం నిజం కాదా అని ప్రశ్నించారు. తాము హైకోర్టును ఆశ్రయిస్తే సర్టిఫికెట్లను పరిశీలించిన న్యాయస్థానం జయప్రకాష్‌కు బీసీ సర్టిఫికెట్‌ మంజూరు చేసిందని వివరించారు. దీనిపై ఎమ్మెల్యే భానుప్రకాష్‌ మాట్లాడుతూ దొంగ సర్టిఫికెట్‌ అంటూ న్యాయ స్థానాన్ని, బలిజ కమ్యూనిటీని అవమానిస్తూ మాట్లాడారని ఆగ్రహం వ్యక్తం చేశారు. తమ అభ్యర్థి జయప్రకాష్‌ పార్టీ కోసం పనిచేసి, కౌన్సిలర్‌గా గెలిచి, మున్సిపల్‌ వైస్‌ చైర్మన్‌గా ప్రజలకు సేవలందించారని కొనియాడారు. అలాంటి వ్యక్తి తమ అభ్యర్థి అని తెలిసిన వెంటనే తడిసి పోయిన టీడీపీ నేతలకు ఆయన్ని అడ్డుకోవడానికి బీసీ సర్టిఫికెట్‌ ఇవ్వకుండా పలు ఇబ్బందులు పెట్టారని తెలిపారు. ఇలా బలిజ కమ్యూనిటీని అవమానకరంగా మాట్లాడిన టీడీపీ ఎమ్మెల్యేకు ఎన్నికల్లో తగిన రీతిలో బుద్ధి చెప్పాలని ప్రజలను కోరారు. రెండున్నరేళ్లలో అభివృద్ధి శూన్యం చంద్రబాబు ప్రభుత్వంలో రెండున్నరేళ్లలో అభివృధ్ది శూన్యమని రోజా ఎద్దేవా చేశారు. జగన్న ప్రభుత్వం అమలైన సంక్షేమ పథకాలకు రెట్టింపు ఇస్తానని ప్రగల్భాలు పలికిన చంద్రబాబు అన్నింటినీ అటకెక్కించారని మండిపడ్డారు. వలంటీర్ల వేతనాన్ని రూ.10 వేలు ఇస్తానని నిలువునా మోసం చేశారని గుర్తు చేశారు. ఇలా అన్ని వర్గాలను నిలువునా మోసం చేసిన టీడీపీ, జనసేన పార్టీలను చిత్తు చిత్తుగా ఓడించాలని పిలుపునిచ్చారు.జగనన్న పాలనలోనే అభివృద్ధి మాజీ సీఎం వైఎస్‌ జగన్‌మోహన్‌రెడ్డి ప్రభుత్వంలో తాను మంత్రిగా ఉన్నప్పుడు పుత్తూరులో పలు శాశ్వత అభివృద్ధి పనులు చేసినట్టు రోజా గుర్తు చేశారు. మున్సిపల్‌ పార్క్‌, పాలిటెక్నిక్‌ కళాశాల, మున్సిపల్‌ భవనం, షాదీమహల్‌, ధర్మరాజుల ఆలయ రాజగోపురం, విద్యుత్‌ దహనవాటికి, ఈశ్వరాలయం పుష్కరిణి తదితర పనులు చేశామన్నారు. మున్సిపాలిటీలోని ప్రతి వార్డులోనూ ఓటు అడిగే హక్కు ఒక్క వైఎస్సార్‌ సీపీకే ఉందన్నారు. వంద పడల ఆసుపత్రి మంజూరుకు అన్ని ఏర్పాట్లు చేస్తే, లెటర్లు రాసి ఆపించిన ఘనత ఎమ్మెల్యేదని దుయ్యబట్టారు. మళ్లీ మన ప్రభుత్వం వస్తుందని, మనమే పుత్తూరు వంద పడకల ఆస్పత్రిని నిర్మిస్తామని స్పష్టం చేశారు. రైల్వే సబ్‌వే, నేషనల్‌ హైవే పనులు సైతం కేంద్ర మంత్రి నితీష్‌గడ్కరితో మాట్లాడి తాను చేయించిందేనని తెలిపారు.

బియ్యం ధరలు అమాంతం పెరిగిపోయాయి. గతంలో ఎన్నడూ లేనివిధంగా మూడు నెలల్లోనే 25 కేజీల బ్యాగుపై రూ.300 నుంచి రూ.700 వరకు ధరలు పెరగడం తీవ్ర కలకలం రేపుతోంది. మంచి బ్రాండెడ్‌ సన్న బియ్యం బ్యాగు ధర ఇప్పటికే రూ.2,000 మార్కును దాటింది. పేదలు, మధ్యతరగతి వర్గాలు ఎక్కువగా వాడే మంచి రకాల బ్యాగు ధర గతంలో రూ.1,700 నుంచి రూ.1,900 వరకు ఉండగా ప్రస్తుతం రూ.2,600 మార్కును దాటింది. మిల్లర్ల సిండికేట్‌, కూటమి ప్రభుత్వ నిర్లక్ష్య వైఖరే ఇందుకు కారణంగా తెలుస్తోంది. కాణిపాకం: చిత్తూరు జిల్లా వ్యాప్తంగా ప్రధాన పట్టణాల్లో 400లకు పైగా బియ్యం షాపులు, గ్రామీణ ప్రాంతాల్లో 1,500 మందికి పైగా చిన్నపాటి బియ్యం వ్యాపారులు ఉన్నారు. గతంలో జిల్లాలో రోజువారి సుమారు 8 వేల బ్యాగుల వరకు విక్రయాలు జరిగేవి. ప్రస్తుతం పెరిగిన ధరల భయంతో ప్రజలు కొనుగోళ్లు తగ్గించుకోవడంతో విక్రయాలు రోజుకు 6 వేల బ్యాగులకు పడిపోయాయని వ్యాపారులు చెబుతున్నారు. జిల్లాలో వరి సాగు 20 వేల హెక్టార్లకే పరిమితం కావడం, పండిన కొద్దిపాటి పంటను కూడా రైతులు సొంత ఇంటి అవసరాలకు, స్థానిక విక్రయాలకే పరిమితం చేసుకోవడంతో జిల్లా మార్కెట్‌ పూర్తిగా బయటి ప్రాంతాలపైనే ఆధారపడాల్సి వస్తోంది. రేషన్‌ బియ్యం రీ–పాలిషింగ్‌ దందా సాధారణ మార్కెట్‌లో బియ్యం ధరలు ఎక్కువగా ఉండడంతో పేదలు వేరే దారి లేక రేషన్‌ బియ్యంపైనే ఆధారపడాల్సి వస్తోంది. ఇదే అవకాశంగా భావించిన కొంతమంది అక్రమార్కులు రేషన్‌ బియ్యాన్ని దొడ్డిదారిన సేకరించి రీ–పాలిషింగ్‌ చేస్తున్నారు. వీటిని మార్కెట్‌లో బ్యాగు రూ.1,500 నుంచి రూ.1,600 వరకు విక్రయిస్తున్నారు. చోద్యం చూస్తున్న ప్రభుత్వం నిత్యావసర ధరలు చుక్కలనంటుతున్నా కూటమి ప్రభుత్వం మాత్రం నిమ్మకు నీరెత్తినట్లు వ్యవహరిస్తోంది. వ్యాపారులు, మిల్లర్లు అడ్డగోలుగా ధరలు పెంచుతున్నా నివారణ చర్యలు చేపట్టడంలో పూర్తిగా విఫలమైందనే విమర్శలు వెల్లువెత్తుతున్నాయి. అక్రమ నిల్వలపై తనిఖీలు చేసి, కృత్రిమ కొరతను అరికట్టాల్సిన అధికారులు కనీసం స్పందించకపోవడంపై ప్రజలు తీవ్ర ఆగ్రహం వ్యక్తం చేస్తున్నారు. ఇప్పటికై నా ప్రభుత్వం జోక్యం చేసుకుని బియ్యం ధరలను అదుపులోకి తీసుకురావాలని, నిల్వలపై దాడులు నిర్వహించాలని డిమాండ్‌ చేస్తున్నారు. బియ్యం ప్రస్తుత మూడు నెలల రకం ధర (రూ.) క్రితం (రూ.) జోకర్‌ 2,600 1,700–1,900 జీఎంఆర్‌ సాగర్‌ 2,300 1,600–1,800 సూర్య 2,000 1,500–1,750 ఇండియన్‌ గేట్‌ 1,900 1,400–1,700 బుల్లెట్‌ 1,850 1,550–1,650 ఆహార్‌ 1,850 1,550–1,650 వైష్ణవి 1,800 1,500–1,600మిల్లర్ల సిండికేట్‌ జిల్లాలోని బియ్యం డిపోలకు ప్రధానంగా తెలంగాణలోని మిర్యాలగూడ నుంచి అధికంగా సరుకు వస్తుంది. ఆ తర్వాత నెల్లూరు, గోదావరి జిల్లాలు, గుంటూరు ప్రాంతాల నుంచి దిగుమతి అవుతుంది. గతంలో అక్కడి మిల్లర్లు అడిగినంత మేర సప్లయి చేసేవారని, ప్రస్తుతం ఎంత ఆర్డర్‌ ఇచ్చినా అరకొరగానే పంపుతున్నారని స్థానిక వ్యాపారులు చెబుతున్నారు. ఓ వైపు ఎల్‌నినో ప్రభావం కాగా, మరోవైపు కూటమి ప్రభుత్వం వరి ధాన్యం పండించవద్దంటూ రైతులకు చెప్పడంతో సాగు విస్తీర్ణం గణనీయంగా పడిపోయిందని వారు మండిపడుతున్నారు. దీనికితోడు మిల్లర్లు సిండికేట్‌గా ఏర్పడి కృత్రిమ కొరతను సృష్టిస్తూ ఎక్కడా లేని డిమాండ్‌ను తీసుకొచ్చి ధరలను విపరీతంగా పెంచేస్తున్నారని వ్యాపారులతో పాటు సామాన్య ప్రజలు ఆగ్రహం వ్యక్తం చేస్తున్నారు.

తిరుపతి తుడా : రాష్ట్ర ప్రభుత్వ జీవన్‌దాన్‌ పథకం కింద అందిన కిడ్నీలతో స్విమ్స్‌లో విజయవంతంగా ఇద్దరి రోగులకు మూత్రపిండ మార్పిడి శస్త్రచికిత్స నిర్వహించినట్లు డైరెక్టర్‌ డాక్టర్‌ జగదీష్‌ తెలిపారు. నెఫ్రాలజీ, యూరాలజీ, అనస్తీషియా విభాగాలతో పాటు అవయవ మార్పిడి సమన్వయ బృందం సమష్టి కృషితో శస్త్రచికిత్సలు పూర్తి చేశామని చెప్పారు. రోగులను పరిశీలించిన అనంతరం ఆయన మాట్లాడుతూ నెల్లూరులోని అపోలో ఆస్పత్రిలో బ్రెయిన్‌ డెడ్‌గా నిర్ధారించబడిన దాత నుంచి సేకరించిన కిడ్నీలను స్విమ్స్‌కు కేటాయించారని వెల్లడించారు. ఈ కిడ్నీలను చిత్తూరు జిల్లా పెనుమూరు మండలానికి చెందిన 33 ఏళ్ల పురుషుడికి, తిరుపతి జిల్లా నాగలాపురం మండలానికి చెందిన 37 ఏళ్ల మహిళకు విజయవంతంగా కిడ్నీ మార్పిడి శస్త్ర చికిత్స నిర్వహించామని వివరించారు.

కాణిపాకం: చిత్తూరు జిల్లా వ్యాప్తంగా ఈ ఏడాది వేరుశనగ సాగు పూర్తిగా పాతాళానికి పడిపోయింది. సాధారణ విస్తీర్ణం 21 వేల హెక్టార్లు కాగా 5 వేల హెక్టార్లలో మాత్రమే వేరుశనగ సాగైనట్లు అధికారులు చెబుతున్నారు. సుమారు 17 వేల మంది రైతులు ఈ పంటను నమ్ముకుని విత్తనాలు వేశారు. కుప్పం, శాంతిపురం, జీడీనెల్లూరు, వెదురుకుప్పం, రొంపిచెర్ల, కార్వేటినగరం, పెనుమూరు, యాదమరి, గుడిపాల, చిత్తూరు తదితర మండలాల్లో పంట అంతంతమాత్రంగా పర్వాలేదనిపించింది. మిగిలిన మండలాల్లో వర్షాభావ పరిస్థితుల కారణంగా విత్తనం మొలకెత్తడమే గగనమైంది. ప్రభుత్వ రాయితీ విత్తనాలకు మంగళం పంట సాగు సమయంలో ప్రభుత్వం వ్యవహరించిన తీరు రైతన్నల ఆశలపై నీళ్లు చల్లింది. రాయితీ విత్తనాలు సకాలంలో అందకపోవడంతో రైతులు బహిరంగ మార్కెట్లో అధిక ధరలకు కొనుగోలు చేయాల్సి వచ్చింది. ఇది చాలదన్నట్లు ఎల్‌నినో ప్రభావంతో వర్షాలు కురవకపోవడంతో సాగు తగ్గింది. వేసిన పంట కూడా తీవ్ర ఎండలకు మాడిపోయింది. బోర్ల కింద నీటి వసతి ఉన్న కొద్దిమంది రైతులు మాత్రమే నానా తంటాలు పడి పంటను ఏదోలా కాపాడుకున్నారు. మిగిలిన రైతులు వర్షాధారంగా పంటను కోల్పోయి నిస్సహాయ స్థితిలో మిగిలిపోయారు. చెట్టుకు కాయలు నిల్‌.. సాధారణంగా ఎకరా వేరుశనగ పంటకు 15 బ్యాగుల (ఒక బ్యాగు 40 కేజీలు) వరకు దిగుబడి రావాలి. ఈసారి చెట్టుకు కాయలు కనిపించడం లేదు. ఒకటి రెండు గట్టి కాయలు మినహా మిగిలినవన్నీ ఊడలు, డొల్ల కాయలు ఉన్నాయి. కొన్ని ప్రాంతాల్లో ఎకరాకు కనీసం ఒక్క బ్యాగు కాయలు కూడా దిగుబడి రావడం లేదని రైతులు కన్నీరుమున్నీరవుతున్నారు. రూ. 30 వేల పెట్టుబడి బూడిదలో ఎకరా వేరుశనగ పంట సాగు చేయడానికి రూ.25 వేల నుంచి రూ.30 వేల వరకు రైతులు పెట్టుబడి పెట్టారు. పంట చేతికి వచ్చిన పంటను చూస్తే పెట్టుబడిలో కనీసం పది శాతం కూడా వెనక్కి వచ్చే పరిస్థితి కనిపించడం లేదు. అప్పులు చేసి పంట సాగు చేశామని, ఇప్పుడు వాటిని ఎలా తీర్చాలో తెలియడం లేదని రైతులు ఆవేదన వ్యక్తం చేస్తున్నారు. ప్రభుత్వం స్పందించి నష్టపరిహారం చెల్లించాలని కోరుతున్నారు. అన్నదాతను కష్టాలు వీడడం లేదు. వ్యవసాయం జూదంగా మారుతూ ప్రతిఏటా అప్పుల పాలు చేస్తూనే ఉంది. ఈ ఏడాది ఖరీఫ్‌ సీజన్‌లో వేరుశనగ రైతులను ప్రకృతితో పాటు ప్రభుత్వ నిర్లక్ష్యం కూడా కోలుకోలేని దెబ్బతీసింది. సాగు ఆశలతో మొదలైన అన్నదాత ప్రయాణం చివరకు పెట్టుబడులు కూడా చేతికి అందక అప్పులపాలు చేసింది. ఎల్‌నినో ప్రభావంతో వర్షాలు కురవకపోవడం, ప్రభుత్వ వైఫల్యాలు వెరసి జిల్లాలో వేరుశనగ పంటను పూర్తిగా సర్వనాశనం చేశాయి.

చిత్తూరు రూరల్‌ (కాణిపాకం): రానున్న స్థానిక సంస్థల ఎన్నికలను ప్రశాంతంగా, స్వేచ్ఛగా, పారదర్శకంగా నిర్వహించడమే లక్ష్యంగా జిల్లా పోలీసు శాఖ బుధవారం జిల్లా వ్యాప్తంగా ఫ్లాగ్‌ మార్చ్‌ నిర్వహించింది. పోలీసులు ప్రజలతో మాట్లాడి ఎన్నికల సమయంలో శాంతిభద్రతలను కాపాడాల్సిన ఆవశ్యకతను వివరిస్తూ, ఎన్నికల నియమావళిని తప్పనిసరిగా పాటించాలని సూచించారు. గొడవలకు దిగడం, ప్రత్యర్థులపై దాడులకు పాల్పడడం, బెదిరింపులు, రెచ్చగొట్టడం తదితర చట్టవిరుద్ధ కార్యకలాపాలకు దూరంగా ఉండాలని హెచ్చరించారు. లేనిపక్షంలో చట్టప్రకారం కఠిన చర్యలు తీసుకుంటామని స్పష్టం చేశారు. ప్రలోభాలకు, ఒత్తిళ్లకు లొంగకుండా ఓటు హక్కును వినియోగించుకోవాలని, ఎన్నికలకు సంబంధించిన సమస్యలు లేదా అవాంఛనీయ ఘటనలు ఎదురైతే వెంటనే పోలీసులకు సమాచారం అందించాలని సూచించారు. సమస్యాత్మక పోలింగ్‌ కేంద్రాలపై ప్రత్యేక దృష్టి చిత్తూరు కార్పొరేషన్‌: జెడ్పీటీసీ, ఎంపీటీసీ ఎన్నికల నేపథ్యంలో పోలింగ్‌ కేంద్రాల భద్రతపై అధికారులు దృష్టి పెట్టారు. జిల్లాలో మొత్తం 1,236 పోలింగ్‌ కేంద్రాలుండగా అందులో 366 సమస్యాత్మక, 277 అత్యంత సమస్యాత్మక, 69 అత్యంత సున్నిత పోలింగ్‌ కేంద్రాలుగా గుర్తించారు. ఆ ప్రాంతాల్లో ఎటువంటి గొడవలు జరగకుండా ప్రత్యేక ఏర్పాట్లు చేయాలని జెడ్పీ అధికారులు పోలీసుశాఖకు నివేదిక పంపించారు. మిగిలిన 524 సాధారణ పోలింగ్‌ కేంద్రాల్లో రక్షణ ఏర్పాటు చేయాలని కోరారు. సాధారణ కేంద్రాల్లో ఎన్నికల సంఘం నిబంధనల ప్రకారం పోలీసు బందోబస్తుతో పాటు ఓటర్లకు అవసరమైన కనీస సదుపాయాలు కల్పించడానికి ఏర్పాట్లు చేపట్టే పనుల్లో అధికారులు నిమగ్నమయ్యారు. సమస్యాత్మక కేంద్రాల్లో పరిస్థితుల తీవ్రతను బట్టి అదనపు పోలీసు బందోబస్తు, వీడియో చిత్రీకరణ, వెబ్‌కాస్టింగ్‌, మైక్రో అబ్జర్వర్ల పర్యవేక్షణ వంటి చర్యలు చేపట్టనున్నట్లు అధికారులు తెలిపారు. పోలింగ్‌ ప్రక్రియను ఉన్నతాధికారులు పర్యవేక్షించేందుకు వీలుగా అవసరమైన సాంకేతిక ఏర్పాట్లు చేయనున్నారు. ఉత్తమ శాస్త్రవేత్తకు అభినందన తిరుపతి సిటీ : ఎస్వీయూ రసాయన శాస్త్ర విభాగం అధ్యాపకుడు ప్రొఫెసర్‌ సురేష్‌ రెడ్డి స్కాలర్లీ ఇండెక్స్‌ రూపొందించిన టాప్‌ థౌజండ్‌ పరిశోధకులలో 29వ ర్యాంక్‌ సొంతం చేసుకున్నారు. ఆయన రసాయన శాస్త్ర విభాగంలో అనేక రీసెర్చ్‌ ప్రాజెక్ట్‌లను పొందటమే కాక 47 మంది విద్యార్థుల పీహెచ్‌డీకి పరిశోధకుడిగా వ్యవహరించారు. 353 పరిశోధనా పత్రాలను అత్యుత్తమ జర్నల్స్‌లో పబ్లిష్‌ అయ్యాయి. బుధవారం ఈ సందర్భంగా ప్రొఫెసర్‌ సురేష్‌ రెడ్డిని వీసీ నర్సింగరావు, సైన్స్‌ కళాశాల ప్రిన్సిపాల్‌ ప్రొఫెసర్‌ పద్మావతి, రసాయన శాస్త్ర విభాగాధిపతి ప్రొఫెసర్‌ వైవీ రామిరెడ్డి అభినందించారు.

వి.కోట: ఫ్యాను గుర్తుకు ఓటు వేసి వైఎస్సార్‌ సీపీ అభ్యర్థులను గెలిపించాలని మాజీ జెడ్పీ చైర్మన్‌ శ్రీనివాసులు కోరారు. ఆయన బుధవారం ఎస్‌ బండపల్లి ఎంపీటీసీ అభ్యర్థి సుధ రఘుపతి నాయుడు, జెడ్పీటీసీ అభ్యర్థి ప్రకాష్‌, వి.కోట 1వ ఎంపీటీసీ సెగ్మెంట్‌ అభ్యర్తి శీశికళతో కలిసి ప్రచారం చేశారు. ఇంటింటికీ వెళ్లి గత వైఎస్సార్‌ సీపీ ప్రభుత్వంలో చేసిన అభివృద్ధి పనులను వివరించారు. ప్రజలకు సంక్షేమ పథకాలు అందాలన్నా, గ్రామాల అభివృద్ధి జరగాలన్నా వైఎస్సార్‌ సీపీని గెలిపించాలని కోరారు. కార్యక్రమంలో పార్టీ రాష్ట్ర కార్యదర్శి పిఎన్‌ నాగరాజు, మాజీ సర్పంచ్‌ పిఎన్‌ లక్ష్మి, నాయకులు ఎస్‌ఎ గౌస్‌, శ్రీనివాసులు, ముంజునాథ్‌ తదితరులు పాల్గొన్నారు.

చిత్తూరు కార్పొరేషన్‌: ఎన్నికలను పక్కాగా నిర్వహించాలని, ఇందులో భాగంగా స్ట్రాంగ్‌ రూమ్‌లను సందర్శించి తగు జాగ్రత్తలు తీసుకోవాలని కలెక్టర్‌ సుమిత్‌కుమార్‌ ఆర్వోలను ఆదేశించారు. ఆయన బుధవారం జెడ్పీ సమావేశ మందింరలో ఆర్డీఓలు, మున్సిపల్‌ కమిషనర్లతో సమావేశం నిర్వహించారు. ఆయన మాట్లాడుతూ స్థానిక సంస్థల ఎన్నికల నిర్వహణలో పోలింగ్‌ సిబ్బంది కేటాయింపు, డిస్ట్రిబ్యూషన్‌ కేంద్రాలు, ఎన్నికల సామగ్రి పంపిణీ అంశాలపై ప్రణాళికతో వ్యవహరించాలన్నారు. పోలింగ్‌ అధికారులు, సహాయ పోలింగ్‌ అధికారులు, ఇతర పోలింగ్‌ అధికారులు నిర్ణీత సమయానికి డిస్ట్రిబ్యూషన్‌ కేంద్రాలకు చేరుకోవాలన్నారు. విధులకు హాజరుకాని సిబ్బందిపై నిబంధనల ప్రకారం చర్యలు తీసుకోవాలన్నారు. అవసరమైన సందర్భాల్లో రిజర్వ్‌ సిబ్బందిని వినియోగించుకోవాలని సూచించారు. ఈనెల 30, 31, నవంబర్‌ 1 తేదీల్లో మున్సిపల్‌ ఎన్నికల్లో అధికారులు పారదర్శకంగా విధులు నిర్వర్తించాలని ఆదేశించారు. ఓట్ల లెక్కింపు సమయంలో బ్యాలెట్‌ బాక్సులను క్రమబద్ధంగా తరలించాలన్నారు. స్ట్రాంగ్‌ రూమ్‌ బయట సీసీ కెమెరాలను ఏర్పాటు చేసి పుటేజ్‌ను భద్రపరచాలన్నారు. జేసీ ఆదర్శ్‌ రాజేంద్రన్‌ మాట్లాడుతూ ఎన్నికల సామగ్రి పంపిణీ ప్రక్రియలో ప్రత్యేక, సాధారణ కౌంటర్ల నిర్వహణపై అధికారులు ప్రత్యేక దృష్టి సారించాలన్నారు. బ్యాలెట్‌ బాక్సులను పంపిణీ చేసే ముందు వాటిని క్షుణ్ణంగా పరిశీలించాలన్నారు. ప్రతి పోలింగ్‌ కేంద్రానికి కేటాయించిన ఓటర్ల సంఖ్య, పోలింగ్‌ సామర్థ్యంను బట్టి బ్యాలెట్‌ బాక్స్‌లు, పేపర్లు ఇవ్వాలన్నారు. డీఆర్వో మోహన్‌కుమార్‌ మాట్లాడుతూ ఈనెల 31లోపు పోలింగ్‌ సామగ్రి పంపిణీ, సిబ్బంది తరలింపు పనులను పూర్తి చేయాలన్నారు. ఈ కార్యక్రమంలో ఆర్డీవోలు అనుపమ, భవాని, శ్రీనివాసులు నాయుడు, నగరపాలక కమిషనర్‌ నరసింహప్రసాద్‌, ఎన్నికల అధికారులు తదితరులు పాల్గొన్నారు.

బైరెడ్డిపల్లె : ప్రజలను నమ్మించి, మోసగించిన కూటమి ప్రభుత్వానికి ఓటుతో బుద్ధి చెబుదామని వైఎస్సార్‌ సీపీ రాష్ట్ర కార్యదర్శి బైరెడ్డిపల్లె క్రిష్ణమూర్తి పిలుపునిచ్చారు. ఆయన బుధవారం బైరెడ్డిపల్లె మండలంలోని పలు గ్రామాల్లో ఎన్నికల ప్రచారం చేశారు. ఈ సందర్భంగా కడతట్లపల్లె గ్రామస్తులు కార్తీక్‌, రవి, సులోచన, దొరస్వామి, మురగేష్‌ కుటుంబ సభ్యులు మాజీ ఎంపీపీ మొగసాల రెడ్డెప్ప, రాష్ట్ర సంయుక్త కార్యదర్శి దయానందగౌడు ఆధ్వర్యంలో వైఎస్సార్‌సీపీలో చేరారు. ఆయన మాట్లాడుతూ గ్రామాలు అభివృద్ధి చెందాలంటే ఫ్యాన్‌ గుర్తుకు ఓటు వేసి వైఎస్సార్‌ సీపీ అభ్యర్థులను గెలిపించాలన్నారు. పెరిగిన నిత్యావసర ధరలు, అందని పథకాలతో ప్రజలు తీవ్ర ఇబ్బందులు పడుతున్నారని పేర్కొన్నారు. సంక్షేమం, అభివృద్ధి రెండు కళ్లుగా భావించిన వైఎస్‌ జగన్‌మోహన్‌రెడ్డి ముఖ్యమంత్రిగా ఐదేళ్లపాటు సువర్ణపాలన అందించారని గుర్తు చేశారు. ప్రజలకు మాయమాటలు చెప్పి అధికారంలోకి వచ్చిన చంద్రబాబు ప్రభుత్వం సంక్షేమాన్ని గాలికి వదిలేసిందన్నారు. కూటమి నేతలు అవినీతి, దోపిడీకే ప్రాధాన్యత ఇస్తున్నారని మండిపడ్డారు. కార్యక్రమంలో మాజీ ఎంపీపీ శ్రీనివాసులురెడ్డి, మాజీ జెడ్పీటీసీ కేశవులు, జెడ్పీటీసీ అభ్యర్థి కార్తికేయన్‌, ఎంపీటీసీ అభ్యర్థులు, వైఎస్సార్‌సీపీ నాయకులు, కార్యకర్తలు పాల్గొన్నారు.

నగరి: అధికార పార్టీ ఒత్తిళ్లు.. బెదిరింపులు.. రాజకీయ అడ్డంకులు.. అయినా వారి అడుగులు వెనక్కి పడలేదు. తాము ఎంచుకున్న రాజకీయ పార్టీపై అభిమానం తగ్గలేదు. ఎన్ని ఇబ్బందులు ఎదురైనా పార్టీని బలోపేతం చేయాలన్న సంకల్పంతో ముందుకు సాగారు. ఒకరికి ఒకరు తోడుగా నిలుస్తూ, సతీసమేతంగా ఎన్నికల బరిలోకి దిగారు. నగరి మున్సిపల్‌ ఎన్నికల బరిలో వైఎస్సార్‌ సీపీ తరఫున పోటీకి సిద్ధమైన ఈ దంపతుల వ్యవహారం రాజకీయ వర్గాల్లో ఆసక్తిని రేకెత్తిస్తోంది. సాధారణంగా ఎన్నికల సమయంలో అభ్యర్థులకు రాజకీయ ఒత్తిళ్లు, ప్రత్యర్థుల నుంచి సవాళ్లు ఎదురవుతుంటాయి. తమ రాజకీయ నిర్ణయానికి కట్టుబడి ఉండడం, ఎన్ని అడ్డంకులు ఎదురైనా పోటీ నుంచి వెనక్కి తగ్గకపోవడం ఈ దంపతుల ప్రత్యేకతగా నిలుస్తోంది. ఒకరు ఎన్నికల బరిలో నిలిస్తే మరొకరు అండగా ఉంటూ, ఇద్దరూ కలిసి రాజకీయ ప్రయాణాన్ని కొనసాగించేందుకు సిద్ధమయ్యారు. మనోధైర్యంతో ముందడుగు మున్సిపల్‌ పరిధి కేవీపీఆర్‌ పేటలో రెండు వార్డుల్లో టీడీపీ నేతల ఒత్తిడి ఎక్కువగా ఉండడంతో పలువురు భయపడి పోటీకి ముందుకు రాలేదు. ఈ ప్రాంతం నుంచి వెనకడుగు వేసేదేలేదంటూ వైఎస్సార్‌ సీపీకి చెందిన దంపతులు ఎస్‌వి బాలాజి, జ్యోతి 21, 29 వార్డుల్లో అభ్యర్థులుగా బరిలో దిగారు. ప్రజలే అండగా నిలుస్తారని భావించి ప్రచారం చేస్తున్నారు. మేమున్నామని.. సత్రవాడలో 23, 27 వార్డుల్లో పోటీ చేసేందుకు ఈవీ కన్నాయిరం, ఈకే బృంద దంపతులు వైఎస్సార్‌ సీపీ తరపున ధైర్యంగా ముందుకు వచ్చారు. ఇద్దరూ ప్రచారం చేస్తూ అందరినీ ఆకట్టుకుంటున్నారు. తమను కౌన్సిలర్లుగా గెలిపిస్తే చేసే మంచి పనులను ప్రజలకు వివరిస్తూ ఓట్లు అడుగుతున్నారు. వారిని ప్రజలు కూడా ఆదరిస్తున్నారు. భార్య ఏకగ్రీవం, భర్త పోటీలో.. మున్సిపల్‌ పరిధి కొత్తపేటకు చెందిన వైఎస్సార్‌ సీపీకి చెందిన మోహన్‌రాజ్‌, మణి మొయి దంపతులు 32, 15వ వార్డులకు కౌన్సిలర్‌ అభ్యర్థులుగా బరిలో దిగారు. ఈ అంశంపై గ్రామస్తులు చర్చించుకున్నారు. స్థానిక ఒప్పందం మేరకు ఒక సీటు వైఎస్సార్‌ సీపీకి, ఒక సీటు టీడీపీ ఇచ్చేలా తీర్మానం చేశారు. దీంతో మణిమొయి వైఎస్సార్‌ సీపీ అభ్యర్థిగా ఏకగ్రీవమయ్యారు. భర్త మోహన్‌రాజ్‌ 32వ వార్డులో పోటీలో ఉన్నారు.

పుత్తూరు: దేశ వ్యాప్తంగా పుత్తూరు శల్యవైద్యానికి ప్రత్యేక గుర్తింపు ఉంది. ప్రస్తుత పుత్తూరు మున్సిపాలిటీ 35వ వార్డు కౌన్సిలర్‌ స్థానానికి బాబాయ్‌, అబ్బాయ్‌ ప్రధాన రాజకీయ పార్టీల ప్రత్యర్థులుగా ఎన్నికల బరిలో నిలవడం చర్చనీయాంశమైంది. పుత్తూరు రాచపాళెంకు చెందిన ప్రముఖ శల్యవైద్యులుగా పేరు గాంచిన డాక్టర్‌ ఎస్‌.కృష్ణమరాజు వైఎస్సార్‌సీపీ అభ్యర్థిగా పోటీ చేస్తున్నారు. టీడీపీ అభ్యర్థిగా డాక్టర్‌ ఎస్‌.ప్రతాప్‌రాజు ఎన్నికల బరిలో దిగారు. వీరు స్వయాన బాబాయ్‌, అబ్బాయ్‌లు. కృష్ణమరాజుకు అన్న కుమారుడు ప్రతాప్‌రాజు. తొలి నుంచి రెండు కుటుంబాలు రాజకీయ నేపథ్యం కలిగి ఉండడంతో ఈ వార్డు ఎన్నికల ఫలితాలపై ఆసక్తికర చర్చ జరుగుతోంది. గతంలో కృష్ణమరాజు రాచపాళెం సింగిల్‌విండో అధ్యక్షుడుగా ఏకగ్రీవం కాగా, ఆయన భార్య సుజిని రాచపాళెం గ్రామ సర్పంచ్‌గా ఏకగ్రీవమయ్యారు. అలాగే కృష్ణమరాజు పెదనాన్న మార్కెండేయరాజు కుమారుడైన సుబ్రమణ్యంరాజు కుమారుడు ప్రతాప్‌రాజు. ఈయన 2014 ఎన్నికల్లో కౌన్సిలర్‌గా గెలిచి మున్సిపల్‌ వైస్‌ చైర్మన్‌గా రెండున్నరేళ్ల పాటు పనిచేసిన అనుభవం ఉంది. ఈయన తండ్రి సుబ్రమణ్యంరాజు సైతం మూడు దఫాలు సర్పంచ్‌గా ఎన్నిక కాగా అందులో రెండుసార్లు ఏకగ్రీవమైన చరిత్ర ఈ కుటుంబానిది. ఇంతటి బలమైన రాజకీయ నేపథ్యం కలిగిన ఒకే కుటుంబం నుంచి తొలిసారి రెండు ప్రధాన రాజకీయ పార్టీల తరఫున ప్రత్యర్థులుగా పోటీ పడుతున్నారు. దీంతో వార్డు ఎన్నిక ఫలితంపై అందరి దృష్టి కేంద్రీకృతమై ఉంది.

తిరుపతి అన్నమయ్య సర్కిల్‌ : స్థానిక సంస్థల ఎన్నికల్లో పోటీ పడుతున్న వైఎస్సార్‌సీపీ అభ్యర్థులకు భద్రత కల్పించడం అవసరమని మాజీ డిప్యూటీ సీఎం నారాయణస్వామి డిమాండ్‌ చేశారు. ఆయన బుధవారం తిరుపతి ప్రెస్‌క్లబ్‌లో మాట్లాడారు. జెడ్పీటీసీ అభ్యర్థితోపాటు నామినేషన్‌ వేసేందుకు వెళుతున్న సమయంలో తనపై బీగాలు రమేష్‌, అతని కుటుంబ సభ్యులు, పాల జనార్ధన్‌ దాడి చేశారని ఆరోపించారు. ఈ ఘటనకు పాల్పడిన నిందితులను వెంటనే అరెస్టు చేయాలన్నారు. చిత్తూరు వన్‌టౌన్‌ పోలీసుస్టేషన్‌ 127/2026 సెక్షన్‌ కింద కేసు సైతం నమోదైందని తెలిపారు. ఎమ్మెల్యే థామస్‌ తమిళనాడుకు చెందిన రౌడీలను తీసుకొచ్చి తనపై దాడికి పాల్పడ్డారని మండిపడ్డారు. కార్వేటినగరం మండలంలోని బీకేఆర్‌ కల్యాణ మండపం, ఎస్‌ఆర్‌ పురంలోని శంకర్‌నాయుడు కల్యాణమండపం, పెనుమూరులో ఇలా పలుచోట్ల తమిళనాడుకు చెందిన రౌడీలను భారీ సంఖ్యలో ఉంచారని వెల్లడించారు. వెదురుకుప్పం గ్యాస్‌ గోడౌన్‌ దగ్గర వైఎస్సార్‌ సీపీ నేతలు, కార్యకర్తలపై దాడి చేయించారని మండిపడ్డారు. ఎస్‌ఆర్‌ పురంలో జ్యోతిరెడ్డి దాడి చేసిన వీడియోను మీడియాకు చూపించారు. జీడీ నెల్లూరులో మహిళ అభ్యర్థి మోహన కుమారి వద్ద ఉన్న నామినేషన్‌ పత్రాలను చింపి వేయడం, పెనుమూరు జెడ్పీటీసీ నామినేషన్‌ వేసిన నీరోషారెడ్డిపై జెడ్పీ హాల్లోనే దాడి చేశారన్నారు. అల్లగుంటలో వెంకటేష్‌ అనే వ్యక్తి పై దాడి చేశారనే అధారాలను సేకరించామన్నారు. జీడి నెల్లూరు నియోజకవర్గంలో ఎప్పుడూ గొడవలు లేవన్నారు. స్థానిక సంస్థలు ఎన్నికల్లో జరిగిన ఘటనలపై తమ ప్రభుత్వం వచ్చిన తర్వాత సీబీఐ విచారణ జరిపిస్తామని తెలిపారు. టీడీపీ నేతలు చెప్పిన మాటలు వింటే, భవిష్యత్‌లో అధికారులు ఇబ్బందిపడతారని హెచ్చరించారు. నేతలు హేమసుందర్‌రెడ్డి, పేట ధనుంజయరెడ్డి, గణపతి రెడ్డి పాల్గొన్నారు.

కుప్పం రూరల్‌ : కుప్పం మండలం, పెద్దబంగారునత్తం చెరువులో భారీ ఎత్తున మట్టి తవ్వకాలు చేపడుతున్నారు. నాలుగు రోజుల నుంచి పెద్ద ఎత్తున టిప్పర్లు, జేసీపీ యంత్రాలతో మట్టి తవ్వకాలు చేపడుతున్నా అధికారులు పట్టించుకోవడం లేదు. కుప్పం పట్టణానికి నాలుగు కి.మీల దూరంలో పెద్దబంగారునత్తంలో చెరువులో నీరు పుష్కలంగా ఉంది. అక్రమార్కులు చెరువు చుట్టూ మట్టిని తరలిస్తున్నారు. అనుమతులు లేకుండానే ప్రైవేట్‌ లే అవుట్లకు మట్టి తరలిస్తున్నా అధికారులు పట్టించుకోవడం లేదని స్థానికులు వాపోతున్నారు. భారీ వాహనాలు వేగంగా వెళ్తుండడంతో కట్ట ప్రమాదంలో పడుతోందని చెబుతున్నారు. నీరు ఉన్నా చెరువు చుట్టూ మట్టి తవ్వుతుండడంతో చెరువు పూడుకుపోయి భవిష్యత్తులో నీరు నిలువ ఉండేది కష్టమేనని అంటున్నారు. ఇప్పటికై నా అధికారులు స్పందించి మట్టి తరలింపుకు అడ్డుకట్ట వేయాలని స్థానికులు కోరుతున్నారు.

శ్రీరంగరాజపురం: మండలంలో బుధవారం విద్యుత్‌ షాక్‌తో అయ్యప్ప భక్తుడు మృతి చెందాడు. పోలీసుల కథనం మేరకు.. పుల్లూరు పంచాయతీ కాపుకండ్రిగ గ్రామానికి చెందిన చెన్నకేశవరెడ్డి బుధవారం ఉదయం తన వ్యవసాయ పొలంలో మోటార్‌ ఆన్‌ చేయడానికి ప్రయత్నించాడు. ఈ క్రమంలో స్టార్టర్‌కు విద్యుత్‌ సరఫరా కావడంతో చెన్నకేశవరెడ్డికి షాక్‌ కొట్టింది. తీవ్రంగా గాయపడిన అతను అక్కడికక్కడే మృతి చెందాడు. సమాచారం అందుకున్న పోలీసులు అక్కడికి చేరుకుని పరిశీలించారు. కుటుంబ సభ్యుల ఫిర్యాదు మేరకు కేసు నమోదు చేసినట్లు తెలిపారు. ఆర్టీసీ డ్రైవర్‌కు రెండేళ్ల జైలు చిత్తూరు రూరల్‌ (కాణిపాకం): అజాగ్రత్తగా బస్సు నడిపి వృద్ధురాలి మృతికి కారణమైన ఆర్టీసీ డ్రైవర్‌కు రెండేళ్ల జైలు శిక్ష, రూ.10 వేలు జరిమానా విధిస్తూ చిత్తూరు మూడవ అదనపు ద్వితీయ శ్రేణి మేజిస్ట్రేట్‌ కోర్టు తీర్పునిచ్చింది. వివరాల్లోకి వెళితే... తవణంపల్లి మండలం ఈచనేరి గ్రామానికి చెందిన గోవిందమ్మ (79) 2025 సెప్టెంబరు 8న ఉదయం గాంధీ సర్కిల్‌ వద్ద బస్సు దిగారు. అనంతరం ఆమె బస్సు ముందరి భాగం నుంచి రోడ్డు దాటేందుకు ప్రయత్నించారు. ఈ విషయాన్ని గమనించకుండా బంగారుపాళ్యం మండలం టేకుమంద గ్రామానికి చెందిన డ్రైవర్‌ నటరాజ బస్సును ముందుకు పోనిచ్చాడు. బస్సు ఢీకొని గోవిందమ్మ కిందపడిపోగా, ముందు చక్రాలు ఆమైపెకి ఎక్కి ముందుకు ఈడ్చుకెళ్లాయి. ఆమె శరీరమంతటా తీవ్ర రక్తగాయాలయ్యాయి. వెంటనే చికిత్స నిమిత్తం తరలించే ప్రయత్నం చేసినప్పటికీ మధ్యాహ్నం 12.35 గంటల సమయంలో ఆమె ప్రాణాలు కోల్పోయారు. ఈ ఘటనపై అప్పటి ట్రాఫిక్‌ సీఐ నిత్యబాబు సమగ్ర దర్యాప్తు జరిపి డ్రైవర్‌ నటరాజపై కేసు నమోదు చేసి న్యాయస్థానంలో అభియోగపత్రం దాఖలు చేశారు. మూడవ అదనపు ద్వితీయ శ్రేణి మేజిస్ట్రేట్‌ కోర్టులో కేసు విచారణ జరిగింది. నటరాజపై నేరం రుజువు కావడంతో జడ్జి రెండేళ్ల జైలు శిక్ష, రూ.10 జరిమానా విధించారు. కలెక్టర్‌కు అభినందనలు చిత్తూరు కార్పొరేషన్‌: విధి నిర్వహణలో నిజాయితీగా వ్యవహరిస్తున్న కలెక్టర్‌ సుమిత్‌కుమార్‌కు అభినందనలని వైఎస్సార్‌ సీపీ చిత్తూరు నియోజకవర్గ సమన్వయకర్త విజయానందరెడ్డి తెలిపారు. స్థానిక ఎన్నికల్లో అధికార పార్టీ దాడులు చేసినా వైఎస్సార్‌ సీపీ అభ్యర్థులు బెదరలేదన్నారు. పార్టీని నమ్మి కష్ట కాలంలో అండగా ఉన్న వారి ధైర్యానికి హాట్సాప్‌ అని పేర్కొన్నారు. టీడీపీ ప్రజాప్రతినిధుల ఒత్తిడి మేరకు ఆర్వోలు, ఏఆర్వోలు దొంగ సంతకాలతో పలు ఎంపీటీసీ స్థానాలను ఏకగ్రీవం చేయాలని కుట్రలు చేశారని ఆరోపించారు. గతంలో జరిగిన తప్పును దృష్టి పెట్టుకొని కలెక్టర్‌ అలా జరగకుండా చూశారని తెలిపారు. సంబంధిత ఆర్వోలను తన చాంబర్‌కు పిలిపించి తప్పులు లేకుండా చూశారని పేర్కొన్నారు. మంగళవారం అర్ధరాత్రి ఒంటిగంటకు ఎంపీటీసీ అభ్యర్థుల వివరాలను ప్రకటించారని వెల్లడించారు. 1న నగరపాలక, 5న ఎంపీటీసీ, జెడ్పీటీసీ ఎన్నికల పోలింగ్‌ ఉందన్నారు. ప్రతిపక్షంలో ఉన్న తమ పార్టీ నాయకులు ఎక్కడా తప్పులు చేయాలని అనుకోరని తెలిపారు. అధికార పార్టీ నాయకులు యథేచ్ఛగా దాడులు చేస్తున్నారని, వాటి నివారణకు కలెక్టర్‌, ఎస్పీ ప్రత్యేక దృష్టి పెట్టాలని విజ్ఞప్తి చేశారు. ఎన్నికల నేరాలపై కేసులు సాక్షి, చిత్తూరు: జిల్లా పోలీసు యంత్రాంగం పనితీరులో స్వల్ప మార్పు కనిపిస్తోంది. స్థానిక సంస్థల ఎన్నికల నేపథ్యంలో చిత్తూరు నగరంలో చోటు చేసుకున్న రాక్షస క్రీడపై తాజాగా స్పందించారు. మూడు ఘటనలపై బుధరవారం వన్‌టౌన్‌ సీఐ చిన్న పెద్దయ్య కేసులు నమోదు చేశారు. పలు ఘటనలపై వైఎస్సార్‌ సీపీ కోర్టును ఆశ్రయించడం ఓవైపు, జిల్లా ఎన్నికల అధికారిగా ఉన్న కలెక్టర్‌ వీటిపై సీరియస్‌ కావడంతో పోలీసులు కేసులు నమోదు చేయక తప్పలేదనే వాదన వినిపిస్తోంది. ● ఈ నెల 21వ తేదీన చిత్తూరు మునిసిపల్‌ కార్పొరేషన్‌ కార్యాలయం లోపల వైఎస్సార్‌సీపీ నుంచి పోటీ చేస్తున్న అభ్యర్థుల బీ–ఫారాలను టీడీపీ గుండాలు చించేసిన విషయం తెలిసిందే. ఈ ఘటనపై మునిసిపల్‌ కమిషనర్‌ నరసింహ ప్రసాద్‌ రెడ్డి ఇచ్చిన ఫిర్యాదుతో పోలీసులు కేసు నమోదు చేశారు. ● ఈ నెల 21వ తేదీన రొంపిచెర్ల వైఎస్సార్‌ సీపీ అభ్యర్థిగా చిత్తూరు జెడ్పీ కార్యాలయం వద్దకు నామినేషన్‌ దాఖలు చేయడానికి వచ్చిన సుష్మపై అక్కడున్న టీడీపీ గుండాలు అసభ్యంగా ప్రవర్తించి, ఆమె నామినేషన్‌ చింపేశారు. దీనిపై బాధితురాలి నుంచి ఫిర్యాదు తీసుకున్న పోలీసులు కేసు నమోదు చేశారు. ● వి.కోట నుంచి వైఎస్సార్‌ సీపీ తరఫున జెడ్పీటీసీ అభ్యర్థిగా నామినేషన్‌ దాఖలు చేయడానికి ఈనెల 21వ తేదీన జివి.ప్రకాష్‌ చిత్తూరుకు వచ్చారు. జెడ్పీ కార్యాలయం వద్ద టీడీపీ రౌడీలు ఈయనపై దాడిచేసి, నామినేషన్‌ పత్రాలు చింపేశారు. ఈ ఘటనపై కూడా కేసు నమోదు చేశారు.

కుప్పం: గుడుపల్లె మండలం వైఎస్సార్‌ సీపీ జెడ్పీటీసీ అభ్యర్థి లావణ్య దేవప్పనాయుడు ప్రచారానికి శ్రీకారం చుట్టారు. బుధవారం ఉదయం ఓఎన్‌కొత్తూరు గ్రామ పంచాయతీలోని ఆది కీరమ్మ ఆలయంలో పూజలు చేసి ప్రచారాన్ని పారంభించారు. గుడుపల్లె మండలంలో జరిగే ఎంపీటీసీ, జెడ్పీటీసీ ఎన్నికల్లో ఓఎన్‌కొత్తూరు ఎంపీటీసీ అభ్యర్థిగా ఎన్‌.వి లావణ్య, జెడ్పీటీసీ అభ్యర్థిగా లావణ్య దేవప్ప నాయుడు పోటీ చేస్తున్నారు. ఎంపీటీసీ, జెడ్పీటీసీకి రెండు ఓట్లు ప్యాన్‌ గుర్తుపై వేసి వైఎస్సార్‌ సీపీ గెలిపించాలని వారు కోరారు.

చిత్తూరు కార్పొరేషన్‌: నవంబరు 3న జరగాల్సిన ఎంపీటీసీ, జెడ్పీటీసీ పోలింగ్‌ తేదీని నవంబర్‌ 5కు, 5న జరగాల్సిన కౌంటింగ్‌ను 7వ తేదీకి మారుస్తూ ఎన్నికల సంఘం ఉత్తర్వులు జారీ చేసింది. నవంబర్‌ 1న మున్సిపల్‌ ఎన్నికలు, 3న ఫలితాలు ఉన్నాయి. ఈ క్రమంలో పోలీస్‌, పోలింగ్‌ సిబ్బంది కొరత ఉండడంతో మార్పును చేసినట్టు పేర్కొంది. జిల్లాలో బ్యాలెట్‌ పేపర్ల ముద్రణ ప్రారంభమైంది. 27 మండలాలకు ప్రత్యేక కోడ్‌ నంబర్లను కేటాయిస్తూ కలెక్టర్‌, జిల్లా ఎన్నికల అధికారి సుమిత్‌ కుమార్‌గాంధీ ఆదేశాలు జారీ చేశారు. మండలాలకు 1 నుంచి 27 వరకు కోడ్‌ నంబర్లను కేటాయించగా, జెడ్పీటీసీ బ్యాలెట్‌ పేపర్లపై చిత్తూరు జిల్లా కోడ్‌గా 22ను నిర్దేశించారు. మండలాల వారీగా కేటాయించిన కోడ్‌ నంబర్లను బ్యాలెట్‌ పేపర్ల కౌంటర్‌ ఫైల్‌, ప్రధాన పత్రంపై నిర్దేశిత రబ్బరు స్టాంపుతో ముద్రించనున్నారు. ఒక మండలంలోని అన్ని ఎంపీటీసీ స్థానాలకు ఒకే కోడ్‌ నంబరును వినియోగించాలని ఉత్తర్వుల్లో స్పష్టం చేశారు. ఎంపీటీసీ బ్యాలెట్‌ పేపర్లను గులాబీ రంగులో, జెడ్పీటీసీ బ్యాలెట్‌ పేపర్లను తెలుపు రంగులో ముద్రిస్తున్నారు. ఎంపీటీసీ బ్యాలెట్‌ పేపర్లకు 0001 నుంచి, జెడ్పీటీసీ బ్యాలెట్‌ పేపర్లకు 00001 నుంచి వరుస సంఖ్యలు కేటాయించనున్నారు. ఒక్కొక్క కట్టలో 50 బ్యాలెట్‌ పేపర్లు ఉండేలా, వరుస సంఖ్యలు కొనసాగిస్తూ సిద్ధం చేయనున్నారు. అనంతరం వెయ్యి బ్యాలెట్‌ పేపర్ల చొప్పున ప్యాకింగ్‌ చేయాలని ఆదేశించారు. పోటీలో ఉన్న అభ్యర్థుల తుది జాబితాతో ముసాయిదా బ్యాలెట్‌ పేపర్లను ముందుగా రిటర్నింగ్‌ అధికారులు, ఎంపీడీవోలు పరిశీలించి ఆమోదించాలని, ముుద్రణ సమయంలో ప్రింటింగ్‌ ప్రెస్‌ వద్ద ఉండి, బ్యాలెట్‌ పేపర్లు సక్రమంగా ముద్రితమై సంబంధిత మండలాలకు చేరేలా పర్యవేక్షించాలని కలెక్టర్‌ సూచించారు.

పుత్తూరు: పుత్తూరు మున్సిపాలిటీతోపాటు జెడ్పీటీసీ, ఎంపీటీసీ ఎన్నికల్లో ప్రజలు స్వేచ్ఛగా ఓటు వేసేలా రక్షణ ఏర్పాట్లు చేయాలని, అలాగే ఓట్ల లెక్కింపు కేంద్రంలోనూ పటిష్ట భద్రత కల్పించాలని జిల్లా కలెక్టర్‌ ఎస్‌.వెంకటేశ్వర్‌ పుత్తూరు డీఎస్పీ రవికుమార్‌ను ఆదేశించారు. ఆయన బుధవారం స్థానిక సిద్ధార్థ ఇంజినీరింగ్‌ కళాశాలలో ఏర్పాటుచేసిన స్ట్రాంగ్‌ రూమ్‌, ఓట్ల లెక్కింపు కేంద్రాలను పరిశీలించారు. పోలింగ్‌ నుంచి కౌంటింగ్‌ వరకు పటిష్ట ఏర్పాట్లు చేయాలని, పోలింగ్‌ సమయంలో సిబ్బంది తీసుకోవాల్సిన జాగ్రత్తలు, విధి నిర్వహణపై పలు సూచనలు చేశారు. స్ట్రాంగ్‌ రూమ్‌ వద్ద నిరంతరం నిఘా ఉండాలని, ఎన్నికల అధికారులు, పోలీసులు సమన్వయంతో పనిచేయాలని సూచించారు. కార్యక్రమలో ఆర్డీఓ రామ్మోహన్‌, డీఎస్పీ రవికుమార్‌, పుత్తూరు మున్సిపల్‌ కమిషనర్‌ నాగేశ్వరరావు, పుత్తూరు, నారాయణవనం తహసీల్దార్లు వెంకటేశ్వర్లు, భార్గవి, ఇతర అధికారులు పాల్గొన్నారు.

కుప్పంరూరల్‌: టెక్నాలజీ రంగంలో ఎప్పటికప్పుడు చోటుచేసుకుంటున్న పరిణామాలను విద్యార్థులు అందిపుచ్చుకోవాలని టెక్నికల్‌ ఎడ్యుకేషన్‌ ఆర్‌జేడీ నిర్మల్‌కుమార్‌ అన్నారు. మంగళవారం కుప్పం వైసీ జేమ్స్‌ ఎన్‌ ప్రభుత్వ పాలిటెక్నిక్‌ కళాశాలను సందర్శించి విద్యార్థులతో మాట్లాడారు. ఏఐ వంటి పోటీ ప్రపంచంలో చోటు చేసుకుంటున్న సాంకేతికతను ఎప్పటికప్పుడు విద్యార్థులు అందుకోవాలన్నారు. ప్రస్తుత పరిణామాలకు అనుగుణంగా విద్యాభ్యాసం సాగాలని సూచించారు. విద్యార్థులు ఉద్యోగాలు సాధించేందుకు చదువుకోవడం పాత పద్ధతి అని , ఇప్పుడు ఉద్యోగాలు ఇవ్వడానికి చదువుకోవడం ప్రారంభించారని చెప్పారు. అనంతరం ముంబయి ఐఐటీ ఈ యాత్ర పోటీల్లో ప్రతిభ కనబర్చిన విద్యార్థులు వెంకట్‌తేజ్‌నాయక్‌, తన్వీర్‌భాషాలను, అదే విధంగా 1000కి 996 మార్కులు సాధించిన విక్రమ్‌ను అభినందించారు. తరువాత కళాశాల ఆవరణలో పచ్చదనం పెంపుకోసం అధ్యాపకులతో కలిసి చెట్లు నాటారు. ఈ కార్యక్రమంలో ప్రిన్సిపల్‌ జి. రామకృష్ణారావు, అధ్యాపకులు విద్యార్థులు ఉన్నారు.

చిత్తూరు కలెక్టరేట్‌ : జిల్లా స్థానిక సంస్థల పరిషత్‌ (జెడ్పీటీసీ, ఎంపీటీసీ) ఎన్నికల ప్రక్రియలో అత్యంత కీలకమైన, ఉత్కంఠభరితమైన నామినేషన్ల ఉపసంహరణ ఘట్టం మంగళవారం సాయంత్రం 3.00 గంటలతో ముగిసింది. జిల్లా పరిషత్‌ సమావేశ మందిరంలో ఈ నెల 27 వ తేదీన పలు పార్టీలు, ఇండిపెండెంట్‌ అభ్యర్థులు నామినేషన్లను ఉససంహరించుకున్నారు. అలాగే జిల్లాలోని 27 మండలాల్లోని ఎంపీడీవో కార్యాలయాల్లో ఆయా మండలాల ఆర్‌వోల సమక్షంలో పలువురు ఎంపీటీసీ అభ్యర్థులు తాము పోటీ నుంచి తప్పుకుంటున్నట్లు ఉపసంహరణలు చేసుకున్నారు. వారి ఉపసంహరణ పత్రాలను ఆర్వోలకు అందజేశారు. నామినేషన్ల పరిశీలన, అప్పీళ్ల విచారణ, అనంతరం జరిగిన ఉపసంహరణ ప్రక్రియ ముగియడంతో ఎన్నికల బరిలో నిలిచే జెడ్పీటీసీ, ఎంపీటీసీ అభ్యర్థుల తుది జాబితాను జిల్లా ఎన్నికల అధికారులు అధికారికంగా ప్రకటించారు. దీంతో జిల్లాలోని గ్రామీణ ప్రాంతాల్లో బుధవారం నుంచి ఎన్నికల వేడి ఊపందుకోనుంది. హోరెత్తనున్న ప్రచార పర్వం! పరిషత్‌ ఎన్నికల్లో ప్రధాన ఘట్టమైన నామినేషన్ల పర్వం, ఉపసంహరణ ప్రక్రియ పూర్తి కావడంతో ఇక అభ్యర్థుల దృష్టి ప్రచారంపై పడింది. నవంబర్‌ 1వ తేదీ సాయంత్రం 5.00 గంటల వరకు అభ్యర్థులు ప్రచారం నిర్వహించుకోవడానికి ఎన్నికల సంఘం గడువు ఇచ్చింది. నవంబర్‌ 3వ తేదీన ఉదయం నుంచి సాయంత్రం వరకు జెడ్పీటీసీ, ఎంపీటీసీ ఎన్నికల ఓటింగ్‌ (పోలింగ్‌) జిల్లా వ్యాప్తంగా జరగనుంది. పోలింగ్‌ ముగిసిన అనంతరం నవంబర్‌ 5వ తేదీన ఓట్ల లెక్కింపు జరిపి, విజేతలను సైతం అదేరోజు ప్రకటించనున్నారు. ఈ తక్కువ వ్యవధిలోనే ప్రతి పల్లెను చుట్టేసేలా ప్రధాన రాజకీయ పార్టీల నేతలు, అభ్యర్థులు విస్తృత ప్రచార ప్రణాళికలు సిద్ధం చేసుకున్నారు.పోటీలోని జెడ్పీటీసీల సమాచారం పార్టీల వారీగాపచ్చ నేతల అరాచకాలు.. బెదరని వైఎస్సార్‌సీపీ పరిషత్‌ ఎన్నికల నామినేషన్ల ప్రక్రియ ప్రారంభమైన రోజు నుంచే అధికార టీడీపీ నేతలు, కార్యకర్తలు తీవ్రస్థాయిలో అరాచకాలు, అక్రమాలకు పాల్పడ్డారు. జిల్లాలోని జెడ్పీటీసీ, ఎంపీటీసీ నామినేషన్‌ కేంద్రాల వద్ద అరాచకాలు సృష్టించి నామినేషన్లు వేయకుండా భౌతిక దాడులకు పాల్పడ్డారు. నామినేషన్‌ పత్రాలను లాక్కుని దారుణంగా చించివేయడం వంటి ప్రజాస్వామ్య విరుద్ధ చర్యలకు తెగబడ్డారు. మహిళలను సైతం కించ పరిచేలా వ్యవహరించి నామినేషన్లు దాఖలు చేయనివ్వకుండా రౌడీయిజం చేశారు. పోలీసులు, పలు ప్రాంతాల్లోని ఆర్‌వోలు సైతం ఏకపక్షంగా వ్యవహరిస్తూ వైఎస్సార్‌సీపీ అభ్యర్థుల నామినేషన్లకు అడ్డంకులు సృష్టించారు. అయినప్పటికీ వైఎస్సార్‌సీపీ జెడ్పీటీసీ, ఎంపీటీసీ అభ్యర్థులు ఏమాత్రం వెనకడుగు వేయకుండా ధైర్యంగా నిలబడ్డారు. టీడీపీ నేతల ఒత్తిళ్లను తట్టుకుని బరిలో నిలిచి ప్రజాక్షేత్రంలోనే తేల్చుకోవడానికి సిద్ధమయ్యారు. జెడ్పీటీసీ, ఎంపీటీసీ స్థానాల్లో పోటీపడుతున్న అభ్యర్థుల జాబితా ఖరారు కావడంతో జిల్లా ఎన్నికల అధికారి, కలెక్టర్‌ సుమిత్‌ కుమార్‌ గాంధీ నేతృత్వంలో జిల్లా యంత్రాంగం పోలింగ్‌ నిర్వహణ ఏర్పాట్లను వేగవంతం చేసింది. చిత్తూరులోని పీవీకేఎన్‌ ప్రభుత్వ డిగ్రీ కళాశాల, సీతమ్స్‌ ఇంజినీరింగ్‌ కళాశాలల్లో రిసెప్షన్‌ సెంటర్లు, స్ట్రాంగ్‌ రూమ్‌లు, కౌంటింగ్‌ కేంద్రాల వద్ద మూడంచెల భద్రతను ఏర్పాటు చేస్తున్నారు. పోలింగ్‌ అధికారులకు ఇప్పటికే రెండో విడత శిక్షణ పూర్తిచేసి, బ్యాలెట్‌ పేపర్లు, బ్యాలెట్‌ బాక్సుల పంపిణీకి సర్వం సిద్ధం చేశారు. పరిషత్‌ ఎన్నికల సమరానికి అభ్యర్థులు, ఏర్పాట్లకు యంత్రాంగం సిద్ధం కావడంతో నవంబర్‌ 3న జరగబోయే పోలింగ్‌ పై జిల్లా వ్యాప్తంగా సర్వత్రా ఆసక్తి నెలకొంది!

కుప్పంరూరల్‌: రాబోయే ఎన్నికల్లో జనం విజ్ఞతతో ఓటు వేయాలని వైఎస్సార్‌సీపీ ఎమ్మెల్సీ భరత్‌ పిలుపునిచ్చారు. మంగళవారం మండల పరిధిలోని 1వ వార్డు బండశెట్టిపల్లి, 2వ వార్డు చీగలపల్లి, 3వ వార్డు సామగుట్టపల్లి, 4వవార్డు బాబునగర్‌, 10వ వార్డు బేవనపల్లి గ్రామాల్లో ఇంటింటికి వెళ్లి వైఎస్సార్‌సీపీ అభ్యర్థుల తరఫున ప్రచారం చేపట్టారు. తమ అభ్యర్థులను గెలిపించాలని కోరారు. భరత్‌ మాట్లాడుతూ, ప్రజలు విజ్ఞతతో ఓటు వేయాలని కోరారు. వైఎస్సార్‌సీపీ హయాంలో మీకు జరిగిన మేలు ఆలోచించి ఓటు వేయాలన్నారు. ప్రస్తుత ప్రభుత్వంలో పేదలకు ఒరిగిందేమీ లేదన్నారు. కేవలం కూటమి నాయకులు మాత్రమే బాగుపడుతున్నారని, ప్రశ్నిస్తే దాడులకు దిగుతున్నారని అన్నారు. ప్రజాస్వామ్యంలో ఓటు విలువైందని, ఓటు హక్కుతో ప్రభుత్వాలను మార్పు చేసుకుని, మంచి ప్రభుత్వాలు, పాలకులను ఎంచుకునే సౌలభ్యం ఓటు హక్కు అందరికి కలిగించిందన్నారు. అలాంటి ఓటును సేవే పరమావధిగా పనిచేసే వైఎస్సార్‌సీపీ అభ్యర్థులకు వేయాలని కోరారు. ఓటమి భయంతో నామినేషన్లు కూడా వేయనివ్వకుండా అడ్డుకున్న వైనాన్ని ప్రజలు గుర్తించాలని కోరారు. తమ అభ్యర్థులు అధికారంలోకి వస్తే సేవ చేస్తారని, కూటమి నాయకులు వస్తే నెత్తిన ఎక్కి జనాన్ని కీలుబొమ్మలుగా వాడుకుంటున్నారని చెప్పారు. ఈ కార్యక్రమంలో నాయకులు హఫీజ్‌, మునిరాజు, మణి, వెంకటాచలం, పొన్నుసెల్వం, సంపత్‌, హనుమంతు, ప్రబాకర్‌, నాగరాజులు ఉన్నారు.

పూల రైతుల ఆందోళన తాము పండించిన పూలను బయటి ప్రాంతాల వారికి నేరుగా విక్రయిస్తే వ్యాపారులు అడ్డుకుంటున్నారని రైతులు నిరసన తెలిపారు.సాక్షి, చిత్తూరు: ప్రజలు మునిసిపల్‌ ఎన్నికల్లో తీర్పు ఇవ్వడానికి బ్యాలెట్‌ పత్రాల ముద్రణ మొదలయ్యింది. జిల్లాలోని చిత్తూరు మేయర్‌తో పాటు, పలమనేరు, కుప్పం మునిసిపల్‌ చైర్సన్లు.. 94 వార్డులకు వచ్చే నెల 1న ఎన్నికలు నిర్వహించడానికి యంత్రాంగం అన్ని ఏర్పాట్లు పూర్తిచేసింది. చిత్తూరు కార్పొరేషన్‌తో పాటు నగరి, పలమనేరు, కుప్పం మునిసిపాలిటీలకు జరగనున్న ఎన్నికల కోసం ఇప్పటికే అధికారులు బ్యాలెట్‌ పత్రాల ముద్రణ పూర్తిచేశారు. ఇందులో రెండు రకాల రంగులను ఎంచుకున్నారు. చిత్తూరు మేయర్‌తో పాటు నగరి, పలమనేరు, కుప్పం చైర్‌పర్సన్‌ స్థానాలకు గులాబి రంగు బ్యాలెట్‌, వార్డు కౌన్సిలర్‌–కార్పొరేటర్‌ స్థానానికి తెలుపు రంగు బ్యాలెట్‌ను ముద్రించారు. ముద్రణ పూర్తయిన బ్యాలెట్‌ పత్రాలు మొత్తం ఆయా మునిసిపాలిటీ అధికారులు స్వాధీనం చేసుకుని, స్ట్రాంగ్‌ గదికి తరలించారు. చిత్తూరు మేయర్‌తో పాటు 9 డివిజన్లు, పలమనేరులో చైర్‌పర్సన్‌, 30 వార్డులు, కుప్పంలో చైర్‌పర్సన్‌, 19 వార్డులు, నగరిలో 36 వార్డుల్లో పోలింగ్‌ నిర్వహించడానికి బ్యాలెట్‌ పత్రాల ముద్రణ, పంపిణీ పూర్తయ్యింది. అక్రమాలపై చర్యలు తీసుకోండి చిత్తూరు కార్పొరేషన్‌: జిల్లాలో వైఎస్సార్‌సీపీ అభ్యర్థులు 39 మంది ఎంపీటీసీ నామినేషన్‌ వేయకుండా అడ్డుకున్నారని ఆ పార్టీ జిల్లా కార్యాలయ మేనేజర్‌ హరికృష్ణ తెలిపారు. మంగళవారం జిల్లా ఎస్పీ కార్యాలయంలో ఆ పార్టీ జిల్లా అధ్యక్షుడు వెంకటేగౌడ, మాజీ మంత్రి రోజా తరఫున ఫిర్యాదును తెలియజేశారు. ఈమేరకు పులిచెర్ల మండలంలో 23, రామకుప్పం మండలంలో 16 మంది ఎంపీటీసీ స్థానాలకు నామినేషన్‌ వేయకుండ టీడీపీ నాయకులు అడ్డంకులు సృష్టించారన్నారు. పులిచెర్ల మండంలో దాడులు జరిగిన పోలీసులు స్పందించలేదన్నారు. దీంతో అభ్యర్థులు నామినేషన్‌ వేయలేకపోయారన్నారు. దీనిపై ఎన్నికల సంఘం ఉత్తర్వుల మేరకు చర్యలు తీసుకోవాలన్నారు. నగరి, పుత్తూరు మున్సిపాలిటీ ఎన్నికల సందర్భంగా అదనపు పోలీసు రక్షణ కావాలని వివరించారు.

తిరుమల: తిరుమలలో మంగళవారం భక్తుల రద్దీ ఎక్కువగా ఉంది. క్యూకాంప్లెక్స్‌లోని 31 కంపార్ట్‌మెంట్లు భక్తులతో నిండిపోయాయి. సోమవారం అర్ధరాత్రి వరకు 69,697 మంది స్వామివారిని దర్శించుకున్నారు. 25,781 మంది భక్తులు తలనీలాలు అర్పించారు. స్వామివారికి కానుకల రూపంలో హుండీలో రూ.4.64 కోట్లు సమర్పించారు. టైంస్లాట్‌ టిక్కెట్లు కలిగిన భక్తులకు సకాలంలో దర్శనం లభిస్తోంది. దర్శన టిక్కెట్లు లేని వారు స్వామిని దర్శించుకోవడానికి 8 గంటల సమయం పడుతోంది. ప్రత్యేక ప్రవేశ దర్శనం టిక్కెట్లు కలిగిన వారు 3 గంటల్లో స్వామిని దర్శించుకోగలుగుతున్నారు. ఇదిలా ఉంటే సర్వదర్శనం టోకెన్లు కలిగిన భక్తులు నిర్దేశించిన సమయానికి మాత్రమే క్యూలోకి వెళ్లాలని టీటీడీ విజ్ఞప్తి చేస్తోంది. కేటాయించిన సమయానికంటే ముందు వెళ్లిన వారిని క్యూలోకి అనుమతించరని స్పష్టంచేసింది. సమిష్టి కృషితో నవరాత్రి బ్రహ్మోత్సవాలు విజయవంతం తిరుపతి అన్నమయ్యసర్కిల్‌: సమిష్టి కృషితో తిరుమల శ్రీవారి వార్షిక, నవరాత్రి బ్రహ్మోత్సవాలు విజయవంతమయ్యాయని టీటీడీ ఈవో ముద్దాడ రవిచంద్ర తెలిపారు. మంగళవారం స్థానిక టీటీడీ పరిపాలనా భవనంలో సమీక్ష సమావేశం నిర్వహించారు. ఈ సందర్భంగా ఈవో మాట్లాడుతూ భక్తులకు మెరుగైన సౌకర్యాలు కల్పించడంతోపాటు, స్వామివారి వాహన సేవలు, మూలమూర్తి దర్శనాన్ని సంతృప్తికరంగా అందించడంలో సమన్వయంతో పనిచేసిన ప్రతి ఒక్కరినీ ఆయన అభినందించారు. మార్కెటింగ్‌ విభాగం ముడిసరుకుల కొనుగోలుకు కనీసం 90 రోజుల ముందుగానే ప్రణాళికలు సిద్ధం చేసుకోవాలని ఆదేశించారు. సమావేశంలో టీటీడీలోని అన్ని విభాగాల అధికారులు పాల్గొన్నారు. బ్రహ్మోత్సవాలకు పటిష్ట ఏర్పాట్లు చంద్రగిరి: తిరుచానూరు శ్రీ పద్మావతి అమ్మవారి వార్షిక బ్రహ్మోత్సవాలకు పటిష్ట ఏర్పాట్లు చేపట్టాలని టీటీడీ జేఈవో డాక్టర్‌ శరత్‌ అధికారులను ఆదేశించారు. డిసెంబర్‌ 5న అంకురార్పణతో ప్రారంభమయ్యే బ్రహ్మోత్సవాలు డిసెంబర్‌ 6 నుంచి 14వ తేదీ వరకు నిర్వహించనున్నట్టు పేర్కొన్నారు. ఈ నేపథ్యంలో మంగళవారం తిరుచానూరులోని ఆలయం, వాహన మండపం, నాలుగు మాడ వీధులు, పార్కింగ్‌ ప్రాంతాలు, క్యూలైన్లు, పుష్కరిణి, ప్రవేశ, నిష్క్రమణ మార్గాలను ఆయన పరిశీలించారు. టీటీడీ సీఈ మనోహరం, డిప్యూటీ ఈవోలు హరీంద్రనాథ్‌, సెల్వం, ఎస్‌ఈ వేంకటేశ్వర్లు, వీజీవో గిరిధర పాల్గొన్నారు.

సూళ్లూరుపేట:ఇస్రో సతీష్‌ ధవన్‌ స్పేస్‌సెంటర్‌ షార్‌ లోని రెండో ప్రయోగవేదిక నుంచి ఈనెల 30న అర్ధరాత్రి 11.51 గంటలకు ప్రయోగించనున్న జియో సింక్రనస్‌ లాంఛింగ్‌ వెహికల్‌ (జీఎస్‌ఎల్‌వీ ఎఫ్‌–18) రాకెట్‌కు సంబంధించి బుధవారం ఎంఆర్‌ఆర్‌ సమవేశాన్ని నిర్వహించనున్నారు. ప్రయోగవేదిక మీదున్న రాకెట్‌కు అన్ని పరీక్షలు నిర్వహించి సిద్ధం చేశారు. మిషన్‌ సంసిద్ధతా సమావేశాన్ని నిర్వహించిన అనంతరం ప్రయోగ పనులను ల్యాబ్‌కు అప్పగించనున్నా రు. ఆధరైజేష్‌ బోర్డు వారు లాంచ్‌ రిహార్స్‌ల్‌ నిర్వహించి కౌంట్‌డౌన్‌ సమయాన్ని బుధవారం రాత్రికి అధికారికంగా ప్రకటించే అవకాశం ఉంది. ఈ ప్రయోగానికి 27.30 గంటల ముందు అంటే 29న రాత్రి 8.21 గంటలకు కౌంట్‌డౌన్‌ ప్రక్రియను ప్రారంభించనున్నట్టు సమాచారం. అయితే ప్రస్తుతం తుపాన్‌ ప్రభావం వల్ల ఏవైనా చిన్న మార్పులు జరిగే అవకాశం లేకపోలేదు. ఈ మూడు దశల రాకెట్‌ ప్రయోగాన్ని 19 నిమిషాల్లో పూర్తి చేసే విధంగా డిజైన్‌ చేశారు.

తవణంపల్లె: ఆరోగ్యమే సమాజాభివృద్ధికి పునాది అని అపోలో హాస్పిటల్స్‌ గ్రూప్‌ వ్యవస్థాపక చైర్మన్‌ డాక్టర్‌ ప్రతాప్‌ సీ అన్నారు. మంగళవారం అరగొండ టోటల్‌ హెల్త్‌లో అరగొండ అపోలో హాస్పిటల్లో వెయ్యి మోకాళ్ల శస్త్ర చికిత్సలను విజయవంతంగా పూర్తిచేసిన సందర్భంగా సమావేశం నిర్వహించారు. ఈ సందర్భంగా డాక్టర్‌ ప్రతాప్‌ సీ రెడ్డి మాట్లాడుతూ అరగొండ తన ప్రస్థానానికి పునాది అని అన్నారు. ప్రతి భారతీయుడికి నాణ్యమైన అందుబాటు ధరల్లో వైద్యం అందాలన్నదే తన ఆకాంక్షగా పేర్కొన్నారు. వ్యాధులకు చికిత్స అందిచడంతోనే ఆరోగ్యం సంరక్షణ పూర్తి కాదని, ప్రజలు నివసించే పరిస్థితులు, పోషకాహారం, విద్య, జీవనోపాధి కూడా వారి ఆరోగ్యాన్ని ప్రభావితం చేస్తాయన్నారు. పెద్ద నగరాలతో పాటు మారుమూల గ్రామాల్లో ఆరోగ్యవంతమైన భారతదేశ నిర్మాణం జరగాలన్నారు. గ్రామీణ స్రాంతాల్లో వైద్య సేవలతో పాటు సమాజ సమగ్ర అభివృద్ధికి బాటలు వేస్తూ అపోలో ఫౌండేషన్‌ చేపట్టిన టోటల్‌ హెల్త్‌ కేర్‌ కార్యక్రమం విశేష ఫలితాలు సాధిస్తోందని పేర్కొన్నారు. అరగొండలో 2000 సంవత్సరంలో 50 పడకల ఆస్పత్రిని స్థాపించి 26 ఏళ్లలో ఈ ఆస్పత్రి ద్వారా 1.67 లక్షలకు పైగా రోగులకు వైద్య సేవలు, 12 వేలకు పైగా శస్త్ర చికిత్సలు, తాజాగా వెయ్యికి పైగా మోకాళ్ల మార్పిడి శస్త్ర చికిత్సలను విజయవంతంగా చేసినట్లు వెల్లడించారు. మోకాళ్ల మార్పిడి శస్త్ర చికిత్సలు చేసిన వైద్యులు డాక్టర్‌ మదన్‌మోహన్‌ రెడ్డి, డాక్టర్‌ విజయ్‌కిషోర్‌ కొండ్రెడ్డి, డాక్టర్‌ కునాల్‌ పటేల్‌ను అభినందించారు. అపోలో హాస్పిటల్స్‌ ఎంటర్‌ప్రైజ్‌ లిమిటెడ్‌ ఎగ్జిక్యూటివ్‌ వైస్‌ చైర్‌పర్సన్‌ ప్రీతారెడ్డి మాట్లాడుతూ అరగొండ అపోలో హాస్పిటల్లో వైద్య సేవలకే పరిమితం కాకుండా మహిళలకు ఉపాధి అవకాశాలు కల్పిస్తున్నట్లు వివరించారు. ఈ కార్యక్రమంలో ఉపాసన, డాక్టర్‌ జయపాల్‌రెడ్డి ప్రసంగించారు.

● ఆటో డ్రైవర్‌కు తీవ్ర గాయాలు గంగవరం: ఆటోను వెనుక నుంచి కంటైనర్‌ లారీ ఢీకొన్న ప్రమాదంలో ఆటో డ్రైవర్‌కు తీవ్ర గాయాలయ్యాయి. ఈ ఘటన మండలంలో మంగళవారం చోటుచేసుకుంది. గంగవరం సమీపంలోని వైఎస్సార్‌ జంక్షన్‌ వద్ద పాల ప్యాకెట్ల లోడ్‌తో వెళ్తున్న ఆటోను వెనుక నుంచి కంటైనర్‌ లారో ఢీకొంది. ఈ ప్రమాదంలో ఆటో డ్రైవర్‌ ఇమ్రాన్‌(30) తీవ్రంగా గాయపడ్డాడు. స్థానికులు క్షతగాత్రుని చికిత్స నిమిత్తం పలమనేరు ఏరియా ఆస్పత్రికి తరలించారు. పోలీసులు కేసు నమోదుచేసి దర్యాప్తు చేస్తున్నారు. ప్రజాస్వామ్యాన్ని ఖూనీ చేశారు చిత్తూరు కలెక్టరేట్‌ : ప్రజాస్వామ్యాన్ని ఖూనీ చేస్తూ అక్రమంగా తమ పార్టీ అభ్యర్థి ఆసిఫ్‌ నామినేషన్‌ను తొలగించేశారని సోషల్‌ డెమోక్రటిక్‌ పార్టీ ఆఫ్‌ ఇండియా జిల్లా అధ్యక్షుడు యూసుఫ్‌ విమర్శించారు. ఈ మేరకు ఆయన మంగళవారం జాయింట్‌ కలెక్టర్‌ ఆదర్శ్‌ రాజేంద్రన్‌ను కలసి ఫిర్యాదుపత్రం అందజేశారు. అనంతరం ఆయన విలేకరులతో మాట్లాడారు. చిత్తూరు నగరంలో తమ పార్టీ 34వ వార్డు అభ్యర్థి ఆసిఫ్‌ నామినేషన్‌ పత్రాన్ని రిటర్నింగ్‌ అధికారి ఉదయ్‌ కుమార్‌ పరిశీలించి ఆమోదించారని తెలిపారు. అయితే, తమ పార్టీ అభ్యర్థి గానీ, ప్రతిపాదకుడు గానీ ఎలాంటి ఉపసంహరణ పత్రం ఇవ్వకపోయినా అక్రమంగా తొలగింపు చేశారన్నారు. ఎటువంటి కారణం చూపకుండా చివరి జాబితా నుంచి తమ పార్టీ అభ్యర్థి తొలగించడం దారుణమన్నారు. అక్టోబర్‌ 21 వ తేదీ సీసీటీవీ ఫుటేజ్‌, నామినేషన్‌ ఉపసంహరణ రిజిస్టర్‌, ఫారం 7 ను క్షుణ్ణంగా పరిశీలించి తమ పార్టీ అభ్యర్థికి న్యాయం చేయాలని డిమాండ్‌ చేశారు. నిబంధనలు ఉల్లంఘించిన ఆర్వో ఉదయ్‌ కుమార్‌పై చట్టపరమైన చర్యలు తీసుకోవాలని కోరారు. ఈ కార్యక్రమంలో ఆ పార్టీ నాయకులు ఆసీఫ్‌, కరీం, తాజుద్ధీన్‌, రఫీ, సైఫుల్లా తదితరులు పాల్గొన్నారు. గుర్తుతెలియని మహిళ ఆత్మహత్య తిరుపతి క్రైం : నగరంలోని పీకే లేఔట్‌లో గుర్తుతెలియని మహిళ ఆత్మహత్య చేసుకున్న ఘటన మంగళవారం వెలుగుచూసింది. ఈస్ట్‌ పోలీస్‌స్టేషన్‌న్‌ పరిధిలోని ఆంజనేయస్వామి ఆలయం వెనుకవైపు ఉన్న లక్ష్మీనిలయంలో ఈ ఘటన చోటుచేసుకుంది. పోలీసుల వివరాల ప్రకారం.. సదరు మహిళకు సుమారు 35 నుంచి 45 ఏళ్ల వయసు ఉంటుందని అంచనా. నివాసంలోని మేడపైకి వెళ్లే నిచ్చెనకు చీరతో ఉరివేసుకుని మృతి చెందినట్లు గుర్తించారు. మృతురాలు ఆకుపచ్చ రంగు డిజైన్‌ బ్లౌజ్‌, నల్లటి లంగా, ఆకుపచ్చ రంగు డిజైన్‌ చీర ధరించి ఉంది. ఆమె రెండు చేతుల ముంజేతులపై ప్రత్యేకమైన ఆకారాలతో పచ్చబొట్లు ఉన్నాయి. రెండు చేతులకు గాజులు, ముక్కుకు ముక్కుపుడక ధరించి ఉంది. ఆమె ఆచూకీ తెలిసిన వారు తిరుపతి ఈస్ట్‌ పోలీసులను సంప్రదించాలని కోరారు.

నగరంలో శిథిలావస్థకు చేరుకుని పొంగిపొర్లుతున్న డ్రైనేజ్‌ వ్యవస్థ తిరుపతి తుడా: 2014 ఎన్నికల్లో తిరుపతిని సింగపూర్‌ని చేస్తానని చంద్రబాబు హామీ ఇచ్చారు. ఆ ఐదేళ్లలో తిరుపతి నగర అభివృద్ధికి చిల్లి గవ్వ విదల్చలేదు. 2024 ఎన్నికల్లోనూ తిరుపతి నగర అభివృద్ధికి చంద్రబాబుతో పాటు పవన్‌కళ్యాణ్‌ సైతం హామీల వర్షం కురిపించారు. అధికారంలోకి వచ్చి రెండన్నరేళ్లు పూర్తి కావస్తున్నా నగర అభివృద్ధికి రాష్ట్ర ప్రభుత్వం వాటాగా ఒక్క రూపాయి కూడా కేటాయించలేదు. తిరుపతి నగర అండర్‌ గ్రౌండ్‌ డ్రైనేజీపై పురపాలక శాఖ మంత్రి నారాయణ అసెంబ్లీలో ప్రస్తావించారు. తిరుపతిలో అండర్‌ గ్రౌండ్‌ డ్రైనేజీ మార్పు అనివార్యమని, అలానే కొత్త లైన్‌ ఏర్పాటు అవశ్యకమని చెబుతూనే కేంద్రం సహకరించకపోతే ఇప్పట్లో యూడీఎస్‌ లైన్‌ కోసం ఒక్క రూపాయి వెచ్చించే పరిస్థితులు లేవని తేల్చి చెప్పేశారు. అసెంబ్లీ సాక్షిగా తిరుపతి యూడీఎస్‌పై రాష్ట్ర ప్రభుత్వం చేతులెత్తేసిందని నగర ప్రజలు మండిపడుతున్నారు. యూడీఎస్‌ మార్పు అనివార్యం తిరుపతిలో 45 ఏళ్ల క్రితం నాటి ప్రజల అవసరానికి అనుగుణంగా అండర్‌ గ్రౌండ్‌ డ్రైనేజీ వ్యవస్థను ఏర్పాటు చేశారు. తిరుపతి దినాభివృద్ధి చెందుతుండడంతో ప్రస్తుతం దాదాపుగా 4.5 లక్షల జనాభా కలిగిన నగరంగా నిలిచింది. ప్రతిరోజూ లక్ష మందికి పైగా యాత్రికులు రాకపోకలు సాగిస్తుంటారు. 50 వేల జనాభా అవసరాలకు ఏర్పాటు చేసిన యూడీఎస్‌ లైన్‌ ఇప్పుడు ఐదు లక్షలకు పైగా జనాభా భారాన్ని మోస్తోంది. దీంతో నగరంలో ఎక్కడ చూసినా యూడీఎస్‌ లైన్‌లు బ్లాస్ట్‌ అవుతున్నాయి. మ్యాన్‌ హోల్‌ ఓవర్‌ ఫ్లో తో నగరంలోని పలు వీధులు రొచ్చుగా మారుతున్నాయి. ఈ క్రమంలో యూడీఎస్‌ వ్యవస్థను కొత్తగా ఏర్పాటు చేసుకోవాల్సిందేనని అనేక సర్వేలు తేల్చాయి. 2014 –19లో చంద్రబాబు ప్రభుత్వం దీనిపై నిర్లక్ష్యంగా వ్యవహరించింది. ఈ క్రమంలో పాత యూడీఎస్‌ వ్యవస్థను తొలగించి కొత్తగా ఏర్పాటు చేసేందుకు గత ప్రభుత్వ హయాంలో 2023లో రూ.450 కోట్ల వ్యయంతో అంచనా వేశారు. ప్రతిపాదనలు, కేంద్ర రాష్ట్ర ప్రభుత్వ సహకారం పై చర్చలు జరిగేసరికి 2024 ఎన్నికలు వచ్చేశాయి. నూతన యూడీఎస్‌ మాటేంటి ప్రస్తుతం జరగనున్న కార్పొరేషన్‌ ఎన్నికల్లో కూటమి నేతలు నగరంలో ఏర్పాటు చేయాల్సిన కొత్త యూడీఎస్‌ పరిస్థితిపై నోరు మెదపడం లేదు. స్థానిక సంస్థల ఎన్నికలను దృష్టిలో ఉంచుకుని ఎన్నికల కోడ్‌కు వారం రోజుల ముందు అర్భాటంగా రూ.3,222 కోట్లతో తిరుపతిని ఇంటిగ్రేటెడ్‌ టూరిజం టౌన్‌షిప్‌ చేసేందుకు ప్రయత్నిస్తున్నమని ప్రగల్భాలు పలికారు. ఎన్నికల స్టంట్‌లో భాగమేనని స్థానిక ప్రజలు ఆగ్రహం వ్యక్తం చేస్తున్నారు. కాగా కొన్ని డివిజన్లలో ప్రచారానికి వస్తున్న కూటమి నేతలను సీనియర్‌ సిటిజన్లు, స్థానిక మహిళలు నూతన యూడీఎస్‌పై ప్రశ్నిస్తున్నట్లు తెలుస్తోంది. కొత్త యూడీఎస్‌పై చేతులెత్తేసిన కూటమి ప్రభుత్వం కొత్త యూడీఎస్‌ ఎప్పటికో తిరుపతి నగరం మొత్తం పాత యూడీఎస్‌ స్థానంలో కొత్తగా యూడీఎస్‌ ఏర్పాటు చేసేందుకు రూ.450 కోట్లు అవసరమని నిర్ధారించారు. ఒకేసారి నగరమంతటా మార్చడం సాధ్యం కాదని భావించిన చంద్రబాబు ప్రభుత్వం 125 కి.మీ మేర అత్యవసరంగా మార్చాల్సిన అవసరం ఉందని ఏడాది క్రితం డీపీఆర్‌ సిద్ధం చేశారు. అప్పటి నుంచి ప్రభుత్వం వద్ద తిరుపతి యూడీఎస్‌ ఫైలు పెండింగ్‌లో ఉంది. ఈ ఏడాది ఫిబ్రవరిలో జరిగిన అసెంబ్లీ సమావేశాల్లో మంత్రి నారాయణ మాట్లాడుతూ తిరుపతిలో కొత్తగా అండర్‌ గ్రౌండ్‌ డ్రైనేజీ నిర్మాణం చేపట్టే ప్రతిపాదన తమ వద్దే లేదని చెప్పడంతో అధికారులు ముక్కున వేలేసుకున్నారు. 408.4 కి.మీ పరిధిలో యూడీఎస్‌ అవసరం ఉందని ఆయన చెప్పుకొచ్చారు. ప్రస్తుతం 284.3 కి.మీ పరిధిలో అండర్‌ గ్రౌండ్‌ డ్రైనేజీ వ్యవస్థ ఉందని, మరో 125 కి.మీ మేర కొత్త లైన్‌ వేయాలని లెక్కలు చెప్పారు. పాత లైన్‌లో అత్యవసరంగా 60 కి.మీ మేర మార్పు అనివార్యమని గుర్తించామని పేర్కొంటూ.. ఆపై చేతులెత్తేశారు. యూడీఎస్‌ పై ముందుకు వెళ్లాలంటే కేంద్ర ప్రభుత్వం సహకరించి నిధులు ఇస్తేనే సాధ్యమవుతుందని ఆయన స్పష్టం చేశారు.

సాక్షి ప్రతినిధి, తిరుపతి: యాదవులకు కూటమి వెన్నుపోటు పొడిచింది. తిరుపతి మేయర్‌ పీఠంపై ఆశలు పెట్టి.. తీవ్రంగా అవమానించింది. ఈ మేరకు సోషల్‌ మీడియా వేదికగా కూటమి నేతలు ఆగ్రహం వ్యక్తం చేస్తున్నారు. మరోవైపు తిరుపతి కార్పొరేషన్‌ ఎన్నికల్లో జనసేన, టీడీపీలో ఒకే సామాజిక వర్గానికే పదవులు దక్కుతుండడంపై మిగిలిన వర్గాలు రగిలిపోతున్నాయి. టీడీపీలోని సీనియర్లకు విలువే లేదని పలువురు మండిపడుతున్నారు. ముఖ్యంగా పార్టీని వెంటబెట్టుకొని ఉన్న బీసీలు, అందులోనూ యాదవులకు అడుగడుగునా అవమానాలే ఎదురవుతున్నాయని ఆవేదన చెందుతున్నారు. వైఎస్‌ఆర్‌సీపీ ప్రభుత్వంలో 2021లో మేయర్‌ ఎన్నికలు జరగగా ఆ పార్టీ బీసీలను అత్యున్నత స్థానంలో కూర్చోబెట్టింది. ప్రస్తుత మేయర్‌ ఎన్నికల్లోనూ మాజీ ఎమ్మెల్యే భూమన కరుణాకరరెడ్డి, ఆ పార్టీ జిల్లా అధ్యక్షుడు భూమన అభినయరెడ్డి బీసీలకే అవకాశం కల్పించారు. కానీ టీడీపీ బీసీల బీసీలను ఓటు బ్యాంకుగానే చూస్తోంది. యాదవులకే మేయర్‌ పదవి అని చెప్పుకుంటూ వచ్చిన సీఎం చంద్రబాబు బీసీలను మరోసారి వెన్నుపోటు పొడిచారని పలువురు మండిపడుతున్నారు. ఈ క్రమంలో టీడీపీలో వర్గ విభేదాలు సైతం తారస్థాయికి చేరాయి. కార్పొరేటర్లుగా తమ వర్గానికి సీట్లు ఇప్పించుకోలేకపోవడంతో పలువురు సీనియర్లు తీవ్ర అవమానంగా భావిస్తున్నారు. బీజేపీ, జనసేనకు రెబల్స్‌ ఎఫెక్ట్‌ గుడ్డికన్నా మెల్ల మేలు అన్న చందాన 66 డివిజన్లలో బీజేపీకి ఐదు సీట్లు మాత్రమే కేటాయించారు. అందులో రెండు డివిజన్లలో రెబల్స్‌ను ఓవర్గం పెంచి పోషిస్తోంది. 21వ డివిజన్‌లో బీజేపీ జిల్లా అధ్యక్షుడు సామంచి శ్రీనివాస్‌ పోటీ చేస్తుండగా టీడీపీలో ఓ వర్గం రెబల్‌ అభ్యర్థిగా దొడ్డారెడ్డి రామకృష్ణారెడ్డిని ప్రోత్సహిస్తున్నారు. ఈ వ్యవహారం పట్ల బీజేపీ నేతలు పార్టీ అధిష్టానానికి ఫిర్యాదు చేశారు. తమకు కేటాయించిన డివిజన్‌లో టీడీపీ అభ్యర్థి రెబల్‌గా నిలబడడం పొత్తు ధర్మం కాదని వాపోతున్నారు. అలాగే 42వ డివిజన్‌లో టీడీపీ తరఫున గంజి సుధాకర్‌రెడ్డిని బరిలో దింపగా ఆ పార్టీ సీనియర్‌ నాయకుడు కంకణాల రజినీకాంత్‌ రెబల్‌ అభ్యర్థిగా ఉన్నారు. చివరి నిమిషం వరకు బీ–ఫాం ఇస్తారని భావించిన రజనీకాంత్‌ ఆ అవకాశం లేకపోవడంతో పార్టీలోని కొందరి అండదండలతో రెబల్‌ అభ్యర్థిగా బరిలో ఉన్నారు. నామినేషన్ల ఉపసంహరణ చివరి రోజు వరకు 47వ డివిజన్‌ జనసేనకు కేటాయించినట్లు ప్రకటించారు. అనూహ్యంగా టీడీపీ సీనియర్‌ నాయకుడు ఆర్సీ మునికృష్ణ తనకున్న పలుకుబడితో ఆ డివిజన్‌ ను టీడీపీకి కేటాయించుకునేలా చేశారు. ఎన్నో ఆశలు పెట్టుకున్న జనసేన నేత టి.రాజేష్‌ ఆచారి రెబల్‌ అభ్యర్థిగా బరిలో నిలవాల్సి వచ్చింది. అలాగే మరో ఐదుగురు రెబల్‌ అభ్యర్థులుగా అదే డివిజన్లో పోటీలో ఉన్నారు. వీరందరి లక్ష్యం ఆర్సీ మునికృష్ణను ఓడించడమేనని బహిరంగంగా ప్రకటించారు. ఓ డివిజన్‌ లో కూటమికి చెందిన ప్రజాప్రతినిధి లక్షలు పుచ్చుకొని ఒకరికి హామీ ఇవ్వగా, తనకు కార్పొరేటర్‌ టికెట్టు కూడా ఇవ్వరా? అంటూ పార్టీ సీనియర్‌ నాయకురాలు ఆకేపాటి సుభాషిణి ఎమ్మెల్యే వర్గాన్ని తీవ్రంగా వ్యతిరేకించారు. దీంతో చివరి నిమిషంలో 60వ డివిజన్‌ బీఫారాన్ని ఆకేపాటి సుభాషిని సాధించారు. రెబల్‌ అభ్యర్థిగా ఆదం సుధాకర్‌రెడ్డి జనసేనలోని ముఖ్యవర్గం అండదండలతో బరిలో ఉన్నారు. ఇలా పలు వార్డుల్లో సీనియర్లు, వారివర్గం నేతలు నామినేషన్‌ వేయగా తీవ్ర ఒత్తిళ్లు, హెచ్చరికలతో విత్‌డ్రా చేయించారు. అదేవిధంగా 3, 6, 26 డివిజన్లలోనూ కూటమిలోని పార్టీ నేతల మధ్య వర్గ విభేదాలు తీవ్ర స్థాయిలో ఉన్నాయి. ఇదిలా ఉంటే.. టీడీపీ వ్యవహారంపై బీజేపీ, జనసేన నేతలు ఆగ్రహంగా ఉన్నారు. అదే విధంగా టీడీపీలోనే పలువురు నాయకులు అభ్యర్థుల ఎంపికలో తమను సంప్రదించలేదని గుర్రుగా ఉన్నారు. మేయర్‌ పీఠం ఇస్తామని చెప్పి మోసం చేసిన టీడీపీ

తిరుపతి సిటీ: కర్నూల్‌ ఆదర్శ జూనియర్‌ కళాశాల వేదికగా ఈనెల 10 నుంచి రెండు రోజుల పాటు జరిగిన 70వ ఎస్‌జీఎఫ్‌ రగ్బీ అండర్‌–19 అంతర్‌ జిల్లా టోర్నమెంట్‌లో శ్రీ పద్మావతి మహిళా జూనియర్‌ కళాశాల విద్యార్థినులు అత్యుత్తమ ప్రతిభ కనబరచి ఓవరాల్‌ చాంపియన్స్‌గా నిలిచారు. ఈ సందర్భంగా మంగళవారం కళాశాల ప్రిన్సిపల్‌ డాక్టర్‌ భువనేశ్వరి ప్రతిభ చూపిన విద్యార్థినులు చైతన్యలక్ష్మి, హారిక, చంద్రకళను ప్రత్యేకంగా అభినందించారు. ఈ సదర్భంగా ఫిజికల్‌ డైరెక్టర్‌ సాయి సుమతిని ప్రిన్సిపల్‌ అభినందించారు. పాల ఉత్పత్తులపై శిక్షణ చంద్రగిరి: నిరుద్యోగ యువతీయువకులతో పాటు ఔత్సాహికులైన రైతులకు ఎస్వీ పశు విశ్వవిద్యాలయం సెంటర్‌ ఫర్‌ కంటిన్యూఇంగ్‌ వెటర్నరీ ఎడ్యుకేషన్‌, కమ్యూనికేషన్‌ ఆధ్వర్యంలో మంగళవారం నుంచి ఐదు రోజుల పాటు పాల ఉత్పత్తులపై శిక్షణ కార్యక్రమాన్ని ప్రారంభించారు. ముఖ్య అతిథిగా వెటర్నరీ యూనివర్సిటీ వీసీ డాక్టర్‌ వైకుంఠరావు పాల్గొని ప్రసంగించారు. మంగళవారం నుంచి 31వ తేదీ వరకు ‘శాసీ్త్రయ పద్ధతులలో పాడి పశువుల పెంపకం, పాల ఉత్పత్తులతో ఉపాధి అవకాశం’ అనే అంశంపైన నిరుద్యోగ, ఔత్సహిక రైతులకు శిక్షణ ఇవ్వనున్నట్టు తెలిపారు. ఈ శిక్షణలో ఏపీ, తెలంగాణలోని వివిధ ప్రాంతాల నుంచి 72 మంది ఔత్సహికులు పాల్గొన్నారన్నారు. డైరెక్టర్‌ శోభమణి, ప్రొఫెసర్‌ సుజాత, రెడ్డివరప్రసాద్‌, గంగరాజు పాల్గొన్నారు.

తిరుపతి ఎడ్యుకేషన్‌ : స్కూల్‌ గేమ్స్‌ ఫెడరేషన్‌ (ఎస్‌జీఎఫ్‌) ఆధ్వర్యంలో మంగళవారం తిరుపతి శ్రీనివాస స్పోర్ట్స్‌ కాంప్లెక్స్‌లోని స్విమ్మింగ్‌ పూల్‌లో ఉమ్మడి చిత్తూరు జిల్లా అండర్‌–14, 17, 19 బాలబాలికల స్విమ్మింగ్‌ జిల్లా జట్ల ఎంపిక పోటీలను నిర్వహించారు. ఆ మేరకు ఎస్‌జీఎఫ్‌ కార్యదర్శులు సాంబశివరావు, లోకానాథం, త్రిలోక సుందరీ ఓ సంయుక్త ప్రకటనలో తెలిపారు. ఈ పోటీలకు ఆయా విభాగాలకు సంబంధించి దాదాపు 150 మంది స్విమ్మర్లు పాల్గొన్నట్లు పేర్కొన్నారు. వీరికి ఆయా కేటగిరి విభాగాల్లో డీఎస్‌ఏ స్విమ్మింగ్‌ కోచ్‌ ఆది పర్యవేక్షణలో బాలబాలికలకు విడివిడిగా పోటీలు నిర్వహించి ప్రతిభ చూపిన 36 మంది స్విమ్మర్లను రాష్ట్ర స్థాయి పోటీలకు ఎంపిక చేశారు. వచ్చే నెల కర్నూలులో నిర్వహించనున్న ఎస్‌జీఎఫ్‌ రాష్ట్ర స్థాయి స్విమ్మింగ్‌ పోటీల్లో వీరు పాల్గొననున్నట్లు తెలిపారు. ఈ కార్యక్రమంలో డీఎస్‌డీఓ శశిధర్‌, మాజీ డీఎస్‌డీఓ జయరామయ్య, పీడీలు విజయకుమారి, శకుంతల, శిరాజ్‌, అన్వర్‌బాషా, సురేంద్రరెడ్డి, స్విమ్మర్లు పాల్గొన్నారు. భూసార పరీక్షలతో దిగుబడులు నారాయణవనం: రైతులు సాగు ఖర్చులను తగ్గించుకుంటూ, భూసారాన్ని పరిరక్షించుకుంటూ అధిక దిగుబడులు సాధించేందుకు శాసీ్త్రయ పద్ధతులను అనుసరించాలని వ్యవసాయ శాస్త్రవేత్తలు సూచించారు. మండలంలోని ఎరికంబట్టులో మంగళవారం రాస్‌ కేవీకే, వ్యవసాయ శాఖ సంయుక్త ఆధ్వర్యంలో రైతు అవగాహన సదస్సు నిర్వహించారు. రాస్‌ శాస్త్రవేత్త శ్రీనివాసులు, ఏడీ శైలజ కుమారి మాట్లాడుతూ భూసార పరీక్షలు చేయించి, నివేదికల ఆధారంగా ఎరువులను సిఫార్సు చేసిన మోతాదులోనే వాడాలని తెలిపారు. అనవసరపు ఖర్చులు తగ్గడమే కాకుండా పంటలకు అవసరమైన పోషకాలు సమతుల్యంగా అంది మంచి దిగుబడులు వస్తాయన్నారు. సేంద్రియ, ప్రకృతి వ్యవసాయ పద్ధతులు, జీవన ఎరువుల వినియోగాన్ని పెంచాలని పిలుపునిచ్చారు. పచ్చిరొట్ట ఎరువుల సాగు ద్వారా నేల ఆరోగ్యాన్ని కాపాడుకోవాలని అన్నారు. ఏవో శోభరాణి, జిల్లా వనరుల కేంద్రం అధికారి శ్రీనివాసులు మాట్లాడుతూ.. రైతు సేవా కేంద్రాల ద్వారా సేవలు, ఇ–పంట నమోదు, ఎరువుల పంపిణీని సద్వినియోగం చేసుకోవాలన్నారు. జిల్లా ఏరువాక కేంద్రం శాస్త్రవేత్త బాల హుస్సేన్‌రెడ్డి రబీ పంటల యాజమాన్య పద్ధతులపై అవగాహన కల్పించారు.

జెడ్పీటీసీ, ఎంపీటీసీ ఉపసంహరణల వివరాలు ఇలా చిత్తూరు కలెక్టరేట్‌ : జిల్లాలోని 27 జెడ్పీటీసీ, 370 ఎంపీటీసీ స్థానాలకు సంబంధించి పలువురు డమ్మీ, స్వతంత్ర, రెబల్స్‌ అభ్యర్థులు తమ నామినేషన్లను ఉపసంహరించుకున్నారు. సోమవారం జిల్లా పరిషత్‌ కార్యాలయంలో జిల్లా ఎన్నికల అధికారి సుమిత్‌ కుమార్‌ గాంధీ, ఆయా మండలాల ఆర్‌వోల సమక్షంలో ఎంపీటీసీ అభ్యర్థులు నామినేషన్లు ఉపసంహరించుకున్నారు. జిల్లాలో స్థానిక సంస్థల పరిషత్‌ ఎన్నికల ప్రక్రియ కీలక ఘట్టానికి చేరుకుంది. నామినేషన్ల దాఖలు, పరిశీలన పూర్తయిన తర్వాత అభ్యర్థుల ఉపసంహరణల ప్రక్రియ మొదలైంది. సోమవారం వివిధ నియోజకవర్గాల్లో ప్రధాన రాజకీయ పార్టీలకు చెందిన పలువురు అభ్యర్థులు, రెబల్స్‌, స్వతంత్ర అభ్యర్థులు తమ నామినేషన్లను అధికారికంగా ఉపసంహరించుకున్నారు. సోమవారం సాయంత్రం 5.44 గంటల వరకు జిల్లా ఎన్నికల అధికారి ప్రకటించిన సమాచారం మేరకు జిల్లాలో జెడ్పీటీసీ స్థానాల నుంచి 11 మంది, ఎంపీటీసీ స్థానాల నుంచి 297 మంది అభ్యర్థులు తమ నామినేషన్లను వెనక్కి తీసుకున్నారు. జెడ్పీటీసీ స్థానాల్లో ఇలా.. జిల్లాలోని మొత్తం 27 జెడ్పీటీసీ స్థానాలకు సంబంధించి మొదట 181 మంది అభ్యర్థులు నామినేషన్‌ పత్రాలను దాఖలు చేశారు. పరిశీలన (స్క్రూటినీ) ప్రక్రియలో 7 నామినేషన్లు తిరస్కరణకు గురయ్యాయి. అనంతరం సోమవారం నాటికి 11 మంది అభ్యర్థులు తమ నామినేషన్లను ఉపసంహరించుకున్నారు. ఉపసంహరించుకున్న వారిలో కుప్పం మండలంలో అశ్విని, సుశీల, గంగవరంలో రామభద్రనాయుడు, పులిచెర్లలో జాఫర్‌హుస్సేన్‌, పూతలపట్టులో నరసంహులు నాయుడు, పెద్దపంజాణిలో రెడ్డెప్పరెడ్డి, హరిత, బంగారుపాళెంలో రమణమ్మ, వి.కోటలో సూర్యమూర్తి, శాంతిపురంలో జనార్దన్‌, నిండ్రలో గిరిబాబు ఉన్నారు.ఉపసంహరణ ప్రక్రియ ఈ నెల 27 వ తేదీ సాయంత్రం 3 గంటల వరకు సమయం ఉండడంతో మరికొంత మంది నామినేషన్లను ఉపసంహరించుకోనున్నట్లు సమాచారం. ఎంపీటీసీ స్థానాల్లో ఇలా.. జిల్లాలోని 370 ఎంపీటీసీ స్థానాలకు దాఖలైన నామినేషన్లలో తిరస్కరణ అనంతరం 1,788 నామినేషన్లు చెల్లుబాటు అయ్యేవిగా తేలాయి. కాగా సోమవారం సాయంత్రం 5.44 గంటల వరకు 297 మంది అభ్యర్థులు తమ నామినేషన్లను వెనక్కు తీసుకున్నారు. కాగా సోమవారం సాయంత్రం వరకు అధికారులు వెల్లడించిన వివరాల మేరకు 1,491 మంది బరిలో ఉన్నారు. కాగా వీరిలో మరికొంతమంది మంగళవారం సాయంత్రం వరకు నామినేషన్లను ఉపసంహరించుకున్న తర్వాత బరిలో ఉండే ఎంపీటీసీ అభ్యర్థుల తుది జాబితా తెలియనుంది. నేడే చివరి అవకాశం నామినేషన్ల ఉపసంహరణకు మంగళవారం సాయంత్రం 3.00 గంటల వరకు గడువు ముగియనుంది. ప్రధాన పార్టీల రెబల్స్‌ను, స్వతంత్రులను పోటీ నుంచి తప్పుకునేలా చేసేందుకు ఆయా రాజకీయ పార్టీల ముఖ్య నేతలు చివరి నిమిషం వరకు విస్తృతంగా చర్చలు జరుపుతున్నారు. మంగళవారం సాయంత్రం 3 గంటల అనంతరం పరిషత్‌ ఎన్నికల్లో పోటీ పడే అభ్యర్థుల తుది జాబితాను అధికారులు అధికారికంగా ప్రకటించనున్నారు.విభాగం టీడీపీ జనసేన బీజేపీ కాంగ్రెస్‌ వైఎస్‌ఆర్‌సీపీ ఇండిపెండెంట్స్‌ జెడ్పీటీసీలు 03 01 – – 07 (డమ్మీ నామినేషన్లు) 01 ఎంపీటీసీలు 147 08 02 02 126 (డమ్మీ నామినేషన్లు) 12

చిత్తూరు కలెక్టరేట్‌ : చిత్తూరు జిల్లా స్థానిక సంస్థల ఎన్నికల్లో బరిలో ఉండే వైఎస్సార్‌సీపీ ఎంపీటీసీ అభ్యర్థులపై అరాచకాలు సృష్టించి, నామినేషన్లు దాఖలు చేయనివ్వలేదని మాజీ ఎమ్మెల్యే, వైఎస్సార్‌సీపీ జిల్లా అధ్యక్షుడు వెంకటేగౌడ అన్నారు. సోమవారం ఆయన, వైఎస్సార్‌సీపీ నాయకులు జిల్లా ఎన్నికల అధికారి సుమిత్‌ కుమార్‌ను కలిసి లిఖిత పూర్వకంగా ఫిర్యాదు చేశారు. అనంతరం ఆయన మాట్లాడుతూ జిల్లాలోని స్థానిక సంస్థల ఎన్నికల్లో అక్రమాలు పరాకాష్టకు చేరాయని విమర్శించారు. జిల్లా వ్యాప్తంగా వైఎస్సార్‌సీపీకి చెందిన 39 మంది (పులిచెర్ల మండలంలో 23, రామకుప్పంలో 16 మంది) ఎంపీటీసీ అభ్యర్థులను నామినేషన్లు వేయనివ్వకుండా టీడీపీ నాయకులు, కార్యకర్తలు అడ్డుకున్నారని తీవ్రస్థాయిలో ధ్వజమెత్తారు. పుంగనూరు, కుప్పం నియోజకవర్గాల్లో వికృత రూపం పుంగనూరు, కుప్పం నియోజకవర్గాల్లోని ఎంపీటీసీ నామినేషన్ల ప్రక్రియలో టీడీపీ నాయకులు వికృత రూపం దాల్చి అక్రమాలకు పాల్పడ్డారని విమర్శించారు. ఈ నెల 21 వ తేదీ నుంచి 23 వ తేదీ వరకు జరిగిన ఎంపీటీసీ నామినేషన్ల స్వీకరణ ప్రక్రియలో తమ పార్టీ ఎంపీటీసీ అభ్యర్థులను భయభ్రాంతులకు గురిచేసి అడ్డుకున్నారన్నారు. పుంగనూరు నియోజకవర్గం పులిచెర్ల మండలంలోని దేవలంపేట, తదితర ఎంపీటీసీ స్థానాల్లో పోటీ చేయాల్సిన 23 మంది వైఎస్సార్‌సీపీ అభ్యర్థులపై దాడులకు పాల్పడ్డారన్నారు. అభ్యర్థుల చేతుల్లోని నామినేషన్‌ పత్రాలను లాక్కొని దారుణంగా చించివేశారని ఆగ్రహం వ్యక్తం చేశారు. కుప్పం నియోజకవర్గం రామకుప్పం మండలం ననియాలతాండా, బల్ల, బందార్లపల్లి, గొరివిమాకుపల్లి, కెంచనబల్ల, కొంగనపల్లి, మానెండ్రం, ముద్దనపల్లి, పాండ్యాలమడుగు, రామకుప్పం1,2, సింగసముద్రం, ఉణిసిగానిపల్లి, వీర్నమాల, విజాలపురం ఎంపీటీసీ స్థానాల్లో 16 మంది అభ్యర్థులను అడ్డుకున్నారన్నారు. నామినేషన్‌ కేంద్రాలకు వెళ్లనివ్వకుండా డాడులు చేశారని చెప్పారు. నామినేషన్‌ కేంద్రాల వద్ద రక్షణ కల్పించాల్సిన పోలీసు వ్యవస్థ ప్రేక్షకపాత్ర వహించడం దారుణమని మాజీ ఎమ్మెల్యే వెంకటేగౌడ మండిపడ్డారు. పులిచెర్ల, రామకుప్పం మండలాల్లో అభ్యర్థులపై బహిరంగంగా దాడులు జరుగుతున్నా, పత్రాలు చించివేస్తున్నా పోలీసులు ఏమాత్రం స్పందించకుండా ప్రేక్షక పాత్ర వహించారని ఆగ్రహం వ్యక్తం చేశారు. దీంతో ఈ నెల 23వ తేదీ సాయంత్రం 5 గంటల గడువు ముగిసే సమయానికి సదరు 39 మంది అభ్యర్థులు నామినేషన్‌ దాఖలు చేయలేక తమ రాజ్యాంగబద్ధమైన పోటీ చేసే హక్కును కోల్పోయారన్నారు. ఈ ఘటనలను క్షుణ్ణంగా విచారించి న్యాయం చేయాలన్నారు. ఈ ఫిర్యాదును రాష్ట్ర ఎన్నికల సంఘానికి సైతం సమర్పిస్తున్నట్లు తెలిపారు. 39 మంది అభ్యర్థులు తిరిగి నామినేషన్లు దాఖలు చేసేందుకు అవకాశం కల్పించాలని డిమాండ్‌ చేశారు. బాధిత అభ్యర్థులందరికీ న్యాయం జరిగేలా, పారదర్శకంగా, నిష్పక్షపాతంగా ఎన్నికలు నిర్వహించేలా తగిన చర్యలు తీసుకోకపోతే చట్టబద్ధంగా పోరాటం చేస్తామని హెచ్చరించారు. ఈ ఫిర్యాదుపై జిల్లా ఎన్నికల అధికారి స్పందిస్తూ విచారణ చేస్తామని తెలిపారు. ఆయన వెంట వైఎస్సార్‌సీపీ ఉద్యోగుల, పెన్షనర్ల విభాగం రాష్ట్ర ఉపాధ్యక్షుడు విజయసింహారెడ్డి ఉన్నారు.

పలమనేరు: స్థానిక ఎన్నికల్లో టీడీపీ ఓడిపోతుందనే భయంతోనే దాడుల దిగుతూ, పోలీసుల ద్వారా అక్రమ అరెస్టులకు పాల్పడుతోందని వైఎస్సార్‌సీపీ జిల్లా అధ్యక్షుడు వెంకటేగౌడ మండిపడ్డారు. పలమనేరు పట్టణంలోని డాక్టర్‌ సునీల్‌ నివాసంలో పూతలపట్టు నాయకులతో కలిసి సోమవారం ఆయన విలేకరుల సమావేశంలో మాట్లాడారు. ఏపీలో ఎన్నికలపై సుప్రీంకోర్టు జోక్యం చేసుకున్నా కూటమికి బుద్ధి రాలేదన్నారు. నేషనల్‌ మీడియా సైతం ఏపీలో టీడీపీ దాడులపై విస్మయం వ్యక్తం చేస్తోందన్నారు. చంద్రబాబు ప్రభుత్వం అధికారంలోకి వచ్చాక మీరేమన్నా అభివృద్ధి చేసుంటే ధైర్యంగా జనం వద్దకెళ్లి ఓటు అడగాలేగానీ ఇలా బెదిరింపులు, దౌర్జన్యాలు సరికాదన్నారు. ఇప్పటికై నా ఎన్నికలు జరిగే సమయంలో కేంద్ర బలగాల ద్వారా బందోబస్తు పెట్టాలని డిమాండ్‌ చేశారు.మాపేనే దాడలు.. మాకే నిర్బంధాలు పూతలపట్టు మాజీ ఎమ్మెల్యే డాక్టర్‌ సునీల్‌కుమార్‌ మాట్లాడుతూ ఆదివారం రాత్రి పదిగంటల సమయంలో పోలీసులు తనకు నోటీసు ఇచ్చారన్నారు. నామినేషన్ల విత్‌డ్రా ముగిసేదాక తాను పూతలపట్టు నియోజకవర్గంలోకి వెళ్ళరాదంటూ హౌస్‌ అరెస్ట్‌ చేయడం న్యాయమేనా అని ప్రశ్నించారు. శాంతిభద్రతలకు విఘాతం కల్పించే కూటమి నేతలను వదిలేసి తనను నిర్బంధిస్తే ప్రయోజనం ఏంటన్నారు. నామినేషనన్ల సందర్భంగా యాదమరి మండలంలో దాము అనే వ్యక్తిపై టీడీపీ రౌడీలు కన్నుపోయేలా దాడి చేశారన్నారు. పూతలపట్టు మండలం రవి అనే రిటైర్డ్‌ హెచ్‌ఎంపై దాడి జరిగిందని, తవణంపల్లి మండలంలో శంకర్‌ అనే వ్యక్తికి 30 కుట్లు పడ్డాయని ప్రస్తుతం ఇతను సీఎంసీలో చికిత్సపొందుతున్నారని తెలిపారు. ఇందుకు కారణమైన నిందితులను పోలీసులు ఎందుకు అరెస్ట్‌ చేయలేదని ప్రశ్నించారు. తమ వాళ్లపై దాడులు చేసిన వారిని పట్టించుకోకుండా తమనే నిర్భందించడం ప్రజాసామ్యానికే అవమానమన్నారు. నిజంగా ఎన్నికలు జరిగితే టీడీపీకి చిత్తుగా ఓడిపోవడం ఖాయమన్నారు. మాజీ ఎమ్మెల్యే లలితకుమారి మాట్లాడుతూ రాష్ట్రంలో రాక్షసపాలన సాగుతోందన్నారు. అసలు కూటమిలోని భాగస్వామి అయిన జనసేన వారికే టీడీపీ నుంచి ఇబ్బందులు తప్పలేదన్నారు. రాష్ట్ర చరిత్రలో ఇంతటి ఘోరమైన, దౌర్భాగ్యమైన స్థానిక ఎన్నికలు ఎప్పుడూ లేదన్నారు. కార్యక్రమంలో పూతలపట్టు నేతలు కుమారరాజ, రామచంద్ర, సీనియర్‌ నాయకులు పాల్గొన్నారు.

ఎన్నికల్లో నిబంధనలు ముఖ్యం ఎన్నికల విధుల్లో అధికారులు నిబంధనలపై అవగాహన కలిగి ఉండాలని డీఆర్వో మోహన్‌కుమార్‌ తెలిపారు.కాణిపాకం: పౌర్ణమి సందర్భంగా కాణిపాకంలోని శ్రీ వరసిద్ధి వినాయక స్వామి వారి దేవస్థానం అనుబంధ ఆలయమైన శ్రీదేవి భూదేవి సమేత వరదరాజ స్వామి ఆలయంలో సోమవారం శ్రీ సత్యనారాయణ స్వామి వ్రతం అత్యంత వైభవంగా నిర్వహించారు. ఈ ప్రత్యేక పూజా కార్యక్రమంలో స్వామివారికి విశేష అభి షేకాలు, అలంకారాలు చేసి శాస్త్రోక్తంగా వ్రత క్రతువును పూర్తిచేశారు. పెద్ద సంఖ్యలో భక్తులు పాల్గొని స్వామివారిని దర్శించుకుని తీర్థప్రసాదాలు స్వీకరించారు. చిత్తూరులో ముమ్మరంగా లాడ్జిల తనిఖీలు చిత్తూరు రూరల్‌ (కాణిపాకం): స్థానిక సంస్థల ఎన్నికల నేపథ్యంలో జిల్లా ఎస్పీ తుషార్‌ డూడి ఆదేశాల మేరకు జిల్లా వ్యాప్తంగా పోలీసులు సోమవారం లాడ్జిల్లో విస్తృతంగా తనిఖీలు చేపట్టారు. ఇందులో భాగంగా టూ టౌన్‌ సీఐ మొహమ్మద్‌ హాషమ్‌ తన పరిధిలోని లాడ్జిల్లో సోదాలు నిర్వహించి, బసచేసిన వారి వివరాలను, రిజిస్టర్లను పరిశీలించారు. ఎన్నికల వేళ అక్రమ నగదు, మద్యం రవాణా జరగకుండా ముందస్తు చర్యలు చేపడుతున్నామని సీఐ తెలిపారు. లాడ్జి నిర్వాహకులు బసచేసే వారి ఐడీ కార్డులు తప్పనిసరిగా తీసుకోవాలని, అనుమానితులు కనిపిస్తే వెంటనే పోలీసులకు సమాచారం ఇవ్వాలని సూచించారు.

అందుబాటులో లేని అభ్యర్థులు.. కుటుంబ సభ్యులకు బెదిరింపులు సాక్షి, చిత్తూరు / చిత్తూరు కార్పొరేషన్‌: ప్రాదేశిక ఎన్నికల్లో ఎలాగైనా జెడ్పీ పీఠం ఏకగ్రీం చేసుకోవాలని టీడీపీ నేతలు చేస్తున్న కుట్రలు అన్నీ ఇన్నీ కావు. పచ్చని పల్లెల్లోకి రౌడీ మూకలు, గూండాలను పంపిస్తున్నారు. జెడ్పీటీసీ నుంచి ఎంపీటీసీగా నామినేషన్లు దాఖలు చేసిన వైఎస్సార్‌సీపీ అభ్యర్థులే లక్ష్యంగా బెదిరింపులకు పాల్పడుతున్నారు. సామ, దాన, దండోపాయాలను ప్రయోగిస్తున్నారు. కొన్ని చోట్ల పచ్చ నేతలకు పోలీసులు వంతపాడుతున్నారు. ‘‘అధికార పార్టీ వాళ్లు చెప్పినట్టు చేసుకోండి.. లేకుంటే మీకు ఇబ్బందులు తప్పవు.. మేమేమీ చెయ్యలేం’’ అంటూ నిస్సహాయత వ్యక్తం చేస్తున్నారు. చట్టాన్ని రక్షించాల్సిన పోలీసులే ఇలా చేస్తుండడం తీవ్ర విమర్శలకు తావిస్తోంది. జిల్లాలో ఇప్పటికే పలుచోట్ల చోటుచేసకున్న ఘటనలు పరిశీలిస్తే.. ఎంత కావాలో తీసుకుని తప్పుకోండి చిత్తూరు మండలంలో పోటీలో ఉన్న ఎనిమిది మంది ఎంపీటీసీ అభ్యర్థులు లొంగిపోవాలని టీడీపీ నాయకులు డబ్బులు ఎర వేస్తున్నారు. ‘మీకు ఎంత కావాలో తీసుకుని నామినేషన్‌ ఉపసంహరించుకోండి’’ అంటూ ఒత్తిడి తెస్తున్నారు. అయినప్పటికీ వారు లొంగకపోవడంతో అంతు చూస్తామని బెదిరింపులకు పాల్పడుతున్నారు. పోలీసుల అండతో ఏకగ్రీవం రొంపిచెర్ల మండలంలో 8 ఎంపీటీసీ స్థానాలను పోలీసుల అండతో టీడీపీ నాయకులు ఏకగ్రీవం చేయించుకున్నారు. జెడ్పీటీసీ అభ్యర్థి సుష్మపై బెదిరింపులకు దిగారు. ఆమె తరఫున ఏజెంట్లుగా ఎవరూ కూర్చోకూడదని 54 మందిని బెదిరిస్తున్నారు. వీటిపై సుష్మ ఎన్నికల సంఘానికి ఫిర్యాదు చేశారు. గుడిపాల మండలంలో ఎంపీటీసీ స్థానాల కోసం నామినేషన్లు వేసిన వైఎస్సార్‌సీపీ అభ్యర్థుల్లో పలువురు అజ్ఞాతంలోకి వెళ్లిపోయారు. తమ సంతకాలు ఫోర్జరీ చేస్తారని, ఇక్కడుంటే బెదిరింపులకు గురిచేస్తారని ఉపసంహరణ గడువు పూర్తయ్యేంత వరకు బయటి ప్రాంతాల్లో ఉండాలని అందుబాటులో లేకుండా పోయారు. కానీ ఓ పోలీసు అధికారి పోటీలో ఉన్న వైఎస్సార్‌సీపీ అభ్యర్థుల ఇళ్ల వద్దకు పోలీసులను పంపించారు. ఫోన్లలో టీడీపీ నేతలతో మాట్లాడుకుని ఉపసంహరణ చేసుకోవాలని అభ్యర్థుల కుటుంబ సభ్యులపై ఒత్తిడి పెంచుతున్నారు. పోటీ నుంచి తప్పుకోండి పలమనేరు, గంగాధరనెల్లూరులోని 18 మంది వైఎస్సార్‌సీపీ ఎంపీటీసీ అభ్యర్థులకు ఇప్పటికే టీడీపీ నేతలు వాట్సాప్‌ కాల్స్‌ చేసి పోటీ నుంచి తప్పుకోవాలని హెచ్చరికలు జారీచేశారు. పూతలపట్టులో మూడు స్థానాలు వైఎస్సార్‌సీపీకి తీసుకుని, మిగిలిన 10 తమకు ఏకగ్రీవం చేయాలని ఒత్తిడి చేస్తున్నారు. గంగాధర నెల్లూరు నియోజకవర్గం కార్వేటినగరంలో వైఎస్సార్‌సీపీ అభ్యర్థులపై టీడీపీ నేతలు బెదిరింపులకు పాల్పడుతుంటే అప్రమత్తమైన నాయకులు ఇటీవల ముగ్గురు ఎంపీటీసీ అభ్యర్థులను బయట ప్రాంతాలకు తరలించారు. నగరి నియోజకవర్గం విజయపురం మండలం కోసలనగరం వైఎస్సార్‌సీపీ ఎంపీటీసీ అభ్యర్థి భవాని నామినేషన్‌లో సంతకం లేదని అధికారులు తిరస్కరించారు. దానిపై మాజీ మంత్రి రోజా అపీల్‌ చేయించారు. కుప్పం నియోజకవర్గంలో వైఎస్సార్‌సీపీ అభ్యర్థులను భయబ్రాంతులకు గురిచేస్తూ, వారిని ఇళ్ల నుంచి బయటకు కూడా రానివ్వడంలేదు. టీడీపీ నేతలకు వైఎస్సార్‌సీపీ కండువాలు వేయించి.. తప్పుడు నామినేషన్లు వేయించారు. వీటిని ఉపసంహరించుకుని కుప్పం నియోజకవర్గం మొత్తాన్ని ఏకగ్రీవం చేయడానికి పన్నాగాలు పన్నుతున్నారు. రామకుప్పం మండలంలోని 16 ఎంపీటీసీ స్థానాలకు టీడీపీ నాయకులే వైఎస్సార్‌సీపీ అభ్యర్థులంటూ నామినేషన్లు దాఖలు చేశారు. వాటిని ఉపసంహరించుకుని వైఎస్సార్‌సీపీ అభ్యర్థులే ఉపసంహరించుకున్నారని చూపించి ఏకగ్రీవం చేసుకునేందుకు ఎత్తులు వేశారు. యాదమరి మండలంలోని 5 ఎంపీటీసీ స్థానాలకు కూడా వైఎస్సార్‌సీపీ అభ్యర్థుల పేరుమీద టీడీపీ నాయకులు నామినేషన్లు వేశారు. వాటిని విత్‌ డ్రా చేయించుకోనున్నారు.

తిరుమల: తిరుమలలో సోమవారం భక్తుల రద్దీ ఎక్కువగా ఉంది. క్యూకాంప్లెక్స్‌లోని 31 కంపార్ట్‌మెంట్లు భక్తులతో నిండిపోయాయి. ఆదివారం అర్ధరాత్రి వరకు 85,369 మంది స్వామివారిని దర్శించుకున్నారు. 26,414 మంది భక్తులు తలనీలాలు అర్పించారు. స్వామివారికి కానుకల రూపంలో హుండీలో రూ.4.13 కోట్లు సమర్పించారు. టైంస్లాట్‌ టిక్కెట్లు కలిగిన భక్తులకు సకాలంలో దర్శనం లభిస్తోంది. దర్శన టిక్కెట్లు లేని వారు స్వామిని దర్శించుకోవడానికి 15 గంటల సమయం పడుతోంది. ప్రత్యేక ప్రవేశ దర్శనం టిక్కెట్లు కలిగిన వారు 3 గంటల్లో స్వామిని దర్శించుకోగలుగుతున్నారు. ఇదిలా ఉంటే సర్వదర్శనం టోకెన్లు కలిగిన భక్తులు నిర్దేశించిన సమయానికి మాత్రమే క్యూలోకి వెళ్లాలని టీటీడీ విజ్ఞప్తి చేస్తోంది. కేటాయించిన సమయానికంటే ముందు వెళ్లిన వారిని క్యూలోకి అనుమతించరని స్పష్టంచేసింది. ఉప రాష్ట్రపతికి సాదర స్వాగతం రేణిగుంట: తిరుమల, తిరుపతి రెండు రోజుల పర్యటనలో భాగంగా సోమవారం జిల్లాకు విచ్చేసిన భారత ఉప రాష్ట్రపతి సి.పి.రాధాకృష్ణన్‌కు రేణిగుంట విమానాశ్రయంలో కలెక్టర్‌ వెంకటేశ్వర్‌, జిల్లా ఇంచార్జ్‌ మంత్రి అనగాని సత్యప్రసాద్‌, డీఐజీ షిమోషి, ఎస్పీ ఎల్‌.సుబ్బరాయుడు, స్విమ్స్‌ డైరెక్టర్‌ జగదీష్‌ తదితరులు సాదరంగా స్వాగతం పలికారు. అనంతరం ఉప రాష్ట్రపతి తిరుమల బయల్దేరి వెళ్లారు. నీట్‌ పీజీ ప్రవేశాలు తిరుపతి తుడా: ఎస్వీ వైద్య కళాశాలలో 2026– 2027 సంవత్సరానికి గాను నీట్‌ పీజీ వైద్య విద్యలో ప్రవేశాలు ప్రారంభమయ్యాయి. సోమవారం ఆల్‌ ఇండియా వ్యాప్తంగా అత్యుత్తమ ర్యాంక్‌ సాధించిన డాక్టర్‌ మాతంగి శామిలి అనే వైద్య విద్యార్థిని జనరల్‌ సర్జరీలో పీజీ అడ్మిషన్‌ పొందారు. ఈ సందర్భంగా ఆమె చిన్ననాటి నుంచి ఉత్తమ సర్జన్‌ కావాలనే లక్ష్యంతో నేడు ఎస్వీ వైద్య కళాశాలలో జనరల్‌ సర్జరీలో అడ్మిషన్‌ పొందినట్లు తెలిపారు. అలాగే సాయికృష్ణ సాకేత్‌ అనే విద్యార్థి జనరల్‌ సర్జరీలో పీజీ అడ్మిషన్‌ పొందారు. అనంతరం వైస్‌ ప్రిన్సిపల్‌ డాక్టర్‌ కిరీటి మాట్లాడుతూ ఎస్వీ వైద్య కళాశాలలో మొత్తం 240 పీజీ సీట్లు ఉండగా ఆల్‌ ఇండియా కోటా కింద 113 సీట్లు, రాష్ట్ర కోటా కింద 127 సీట్లను తదుపరి కౌన్సెలింగ్‌లో కేటాయించనున్నట్టు తెలిపారు. సోమవారం సుమారు 40 మంది విద్యార్థులు ప్రవేశాలు పొందారన్నారు. అఫిలియేషన్‌ విధివిధానాలపై కమిటీ తిరుపతి సిటీ: విశ్వవిద్యాలయాల పరిధిలోని కళాశాలల అనుమతులు, గుర్తింపు పునరుద్ధరణపై ప్రస్తుతం ఉన్న విధివిధానాలు గందరగోళంగా ఉన్నాయని, వీటిపై సమగ్ర అధ్యయనం చేసి నూతన విధివిధానాలను సూచించాలని కమిషనర్‌ ఆఫ్‌ హైయ్యర్‌ ఎడ్యుకేషన్‌ నూతన కమిటీని నియమిస్తూ సోమవారం ఉత్తర్వులు జారీచేసింది. ఈ కమిటీలో ఉన్నత విద్యామండలి చైర్మన్‌ను కమిటీ చైర్‌పర్సన్‌గా, హైయ్యర్‌ ఎడ్యుకేషన్‌ కమిషనర్‌ను మెంబర్‌ కన్వీనర్‌గా, మరో ఆరుగురు పలు వర్సిటీల వీసీలు, రిజిస్ట్రార్‌లను సభ్యులుగా నియమించింది. ఇందులో ఎస్వీయూ రిజిస్ట్రార్‌ భూపతినాయుడు కమిటీ సభ్యులుగా నియమితులయ్యారు. ప్రస్తుతం వివిధ విశ్వవిద్యాలయాల్లో కళాశాలల అనుబంధ గుర్తింపు నిబంధనలు, గుర్తింపు కాలపరిమితి, తనిఖీలు, ఫీజులు, విద్యా క్యాలెండర్‌ వంటి అంశాల్లో వ్యత్యాసాలు ఉన్నాయని, ఈ సమస్యలను పరిష్కరించేందుకు రాష్ట్ర వ్యాప్తంగా అన్ని విశ్వవిద్యాలయాలకు వర్తించేలా ఉమ్మడి విధానాన్ని రూపొందించాలని కమిటీకి ప్రభుత్వం సూచించింది. నెల రోజులలో సిఫార్సులను కమిటీ ప్రభుత్వానికి సమర్పించాల్సి ఉంటుంది. రైల్వే ప్రయాణికులకు ఇన్సూరెన్స్‌ చిత్తూరు కార్పొరేషన్‌: రైల్వే ప్రయాణికులకు ఆప్షన్‌గా ఇన్సూరెన్స్‌ తీసుకొనే విధానం అమల్లోకి తెచ్చారని ఆశాఖ వాణిజ్య ఇన్‌స్పెక్టర్‌ అతిశయ తెలిపారు. పీఆర్‌ఎస్‌ కౌంటర్‌ల్లో ఆఫ్‌లైన్‌లో టికెట్‌ తీసుకునే వారి కోసం ఈ విధానం మంగళవారం నుంచి అమల్లోకి వస్తుందన్నారు. గతంలో ఆన్‌లైన్‌ టికెట్‌ తీసుకునే వారికి ఈ విధానం ఇప్పటికే అమల్లో ఉందని గుర్తుచేశారు. కిలోమీటర్‌కు 0.45 పైసలు చొప్పున ఇన్సూరెన్స్‌ చార్జీలు పడుతుందన్నారు. ఒకవేళ ప్రయాణంలో మరణిస్తే రూ.10 లక్షలు, పూర్తి అంగవైకల్యానికి రూ.10 లక్షలు, పాక్షిక వైకల్యానికి రూ.10 లక్షలు, గాయాలకు రూ.2 లక్షలు, మృత ఆవశేషాల రవాణాకు రూ.10 వేలు ఇవ్వనున్నారని వివరించారు.

● అపోలో గ్రూప్‌ వ్యవస్థాపక చైర్మన్‌ డాక్టర్‌ ప్రతాప్‌ సీ రెడ్డి చిత్తూరు రూరల్‌ (కాణిపాకం): భవిష్యత్తులో భారత్‌ ప్రపంచ ఆరోగ్య సంరక్షణ రంగానికి కేంద్రంగా అవతరించగలదని అపోలో హాస్పిటల్స్‌ వ్యవస్థాపక చైర్మన్‌ డాక్టర్‌ ప్రతాప్‌ సీ రెడ్డి ధీమా వ్యక్తంచేశారు. చిత్తూరు నగరంలోని అపోలో నాలెడ్జ్‌ సిటీలో మొదటి సంవత్సరం విద్యార్థులను ఉద్దేశించి ఆయన సోమవారం ప్రేరణాత్మక ప్రసంగం చేశారు. నేటి విద్యార్థులే రేపటి భారతదేశ భవిష్యత్తును తీర్చిదిద్దే నాయకులని పేర్కొంటూ, విద్యార్థులు ఆత్మవిశ్వాసంతో తమ లక్ష్యాలను నిర్దేశించుకోవాలని సూచించారు. ఆరోగ్య సంరక్షణ, సమాచార సాంకేతికత, కృత్రిమ మేధ (ఏఐ), ఇంజినీరింగ్‌ రంగాల్లో వస్తున్న మార్పులను అందిపుచ్చుకుని, నూతన ఆవిష్కరణల దిశగా అడుగులు వేయాలని పిలుపునిచ్చారు. కార్యక్రమంలో అపోలో యూనివర్సిటీ ఉపకులపతి డా. నితిన్‌ ఎం. నాగార్కర్‌, సెంటమ్‌ గ్రూప్‌ చైర్మన్‌ అండ్‌ సీఈవో డాక్టర్‌ అప్పారావు మల్లవరపు, యూనిట్‌ హెడ్‌ ఎస్‌. బాలరాజ్‌, డీన్లు, విభాగాధిపతులు, అధ్యాపకులు, విద్యార్థులు పెద్ద సంఖ్యలో పాల్గొన్నారు. చేప పిల్లల విడుదల నాగలాపురం: అరణియార్‌ రిజర్వాయర్‌లో 10.11 లక్షల చేప పిల్లలను విడుదల చేశారు. 2026–27 ఆర్థిక సంవత్సరానికి ప్రధానమంత్రి మత్స్య సంపద యోజన పథకం కింద సోమవారం అరణియార్‌ ఉత్పత్తి కేంద్రం నుంచి తీసుకొచ్చిన చేప పిల్లలను పిచ్చాటూరు అరణియార్‌ ప్రాజెక్టులో వదిలారు. జిల్లా మత్స్యశాఖ అధికారి జి.రాజేష్‌, తహసీల్దార్‌ చంద్రబాబు, తదిరతులు పాల్గొన్నారు. లంచం కేసులో వీఆర్వోకు మూడేళ్ల జైలు నెల్లూరు(లీగల్‌): రైతు పొలానికి సంబంధించి టైటిల్‌ డీడ్‌, పాస్‌బుక్‌ ఇవ్వడానికి లంచం తీసుకున్నాడని నమోదైన కేసులో నేరం రుజువు కావడంతో చిత్తూరు జిల్లా బైరెడ్డిపల్లి మండలం లక్కనపల్లి గ్రామ అప్పటి వీఆర్వో సీహెచ్‌ రామనారాయణకు శిక్ష పడింది. మూడేళ్ల జైలు, రూ.10 వేలు జరిమానా విధిస్తూ నెల్లూరు ఏసీబీ ప్రత్యేక కోర్టు న్యాయమూర్తి జి.గీత సోమవారం తీర్పు చెప్పారు. ప్రాసిక్యూషన్‌ కథనం మేరకు.. బైరెడ్డిపల్లి మండలం రామనపల్లి గ్రామానికి చెందిన కంపనగిరి సుబ్రహ్మణ్యం లక్కనపల్లి పంచాయతీలో 2.03 ఎకరాల పొలం కొనుగోలు చేశాడు. దీనికి సంబంధించి టైటిల్‌ డీడ్‌, పాస్‌బుక్‌ మంజూరు కోసం 2013 మార్చిలో మీ–సేవ ద్వారా రెవెన్యూ అధికారులకు దరఖాస్తు చేసుకున్నారు. అనంతరం లక్కనపల్లి పంచాయతీ వీఆర్వో రామనారాయణను టైటిల్‌ డీడ్‌, పాస్‌బుక్‌ ఇవ్వాలని సుబ్రహ్మణ్యం పలుమార్లు అడిగారు. వాటిని మంజూరు చేయడానికి వీఆర్వో రూ.15 వేలు లంచం డిమాండ్‌ చేశాడు. చివరికి రూ.10 వేలు ఇచ్చేందుకు ఒప్పందం కుదిరింది. లంచం ఇవ్వడం ఇష్టం లేని సుబ్రహ్మణ్యం 2013 సంవత్సరం ఆగస్ట్‌ 16వ తేదీన తిరుపతి ఏసీబీ అధికారులకు ఫిర్యాదు చేయగా కేసు నమోదు చేశారు. మరుసటి రోజు పలమనేరులోని మానస హోటల్‌ సమీపంలో ఉన్న రామనారాయణ వద్దకు సుబ్రహ్మణ్యం వెళ్లి లంచం డబ్బులు ఇస్తూ ఉండగా ఏసీబీ అధికారులు దాడిచేసి సాక్ష్యాధారాలతో అరెస్ట్‌ చేశారు. దర్యాప్తు అనంతరం కోర్టులో చార్జిషీట్‌ దాఖలు చేశారు. కేసు విచారణలో నేరం రుజువు కావడంతో పైమేరకు న్యాయమూర్తి తీర్పు చెప్పారు. ప్రాసిక్యూషన్‌ తరఫున పబ్లిక్‌ ప్రాసిక్యూటర్‌ త్రివేణి వాదించారు. ఐఏఎస్‌ అధికారికి క్షేత్రస్థాయి శిక్షణ యాదమరి: స్థానిక ఎంపీడీవో కార్యాలయంలో 2025 ఆల్‌ ఇండియా సర్వీసెస్‌ బ్యాచ్‌ ఐఏఎస్‌ అధికారి బి.వెంకటేష్‌కు సొమవారం క్షేత్రస్థాయి శిక్షణ ప్రారంభమయ్యింది. నవంబర్‌ 15 వరకు జరిగే ఈ శిక్షణలో ఆయన పాల్గొననున్నారు. శిక్షణలో భాగంగా మండల స్థాయి పంచాయతీలు, ఎన్నికై న ప్రజాప్రతినిధుల పనితీరు, కేంద్ర రాష్ట్ర ప్రభుత్వాల పథకాల అమలు తీరును ఆయన స్వయంగా పరిశీలించనున్నారు. అలాగే వివిధ శాఖల మధ్య సమన్వయం, గ్రామ పంచాయతీల్లోని క్షేత్రస్థాయి పాలనా విధానాలపై ఆయన ప్రత్యేక అధ్యయనం చేయనున్నారు.

తిరుపతి అన్నమయ్య సర్కిల్‌ : ఏపీఎస్‌ ఆర్టీసీ ద్వారా అందిస్తున్న కార్గో సేవలను మరింత సులభతరం చేయడంలో భాగంగా సోమవారం నుంచి క్యూ ఆర్‌ కోడ్‌ అమలుకు శ్రీకారం చుట్టారు. వినియోగదారుల సమయాన్ని ఆదా చేయడం, పార్శిల్‌ బుకింగ్‌ ప్రక్రియను వేగవంతం చేయడం లక్ష్యంగా క్యూఆర్‌ కోడ్‌ ద్వారా ప్రీ–బుకింగ్‌ సదుపాయాన్ని ప్రవేశపెట్టినట్లు తిరుపతి సీబీఎస్‌ కార్గో ఇన్‌చార్జి నిర్మల తెలిపారు. క్యూఆర్‌ కోడ్‌ స్కాన్‌ చేసిన అనంతరం వినియోగదారులు పార్శిల్‌ పంపే ప్రాంతం, చేరవలసిన ప్రాంతం, పంపేవారి, స్వీకరించే వారి పేర్లు, ఫోన్‌ నంబర్లు, పార్శిల్‌ వివరాలు, నగదు చెల్లింపు విధానం వివరాల ను నమోదు చేయాలి. వాటిని నిర్ధారించిన వెంటనే ప్రీ–బుకింగ్‌ కోడ్‌ జనరేట్‌ అవుతుంది. ఈ కోడ్‌ను బు కింగ్‌ కౌంటర్‌ వద్ద చూపించడం ద్వారా, వివరాలను తిరిగి నమోదు చేయాల్సిన అవసరం లేకుండా పార్శి ల్‌ బుకింగ్‌ ప్రక్రియను త్వరగా పూర్తి చేసుకోవచ్చు.

చిత్తూరు కలెక్టరేట్‌ : స్థానిక సంస్థల సాధారణ ఎన్నికల ప్రక్రియలో ఓట్ల లెక్కింపునకు చేపడుతున్న ఏర్పాట్లను జిల్లా ఎన్నికల యంత్రాంగం వేగవంతం చేసింది. ఈ మేరకు స్థానిక పీవీకేఎన్‌ ప్రభుత్వ డిగ్రీ కళాశాలలో ఏర్పాటు చేసిన రిసెప్షన్‌ సెంటర్‌, కౌంటింగ్‌ కేంద్రం, స్ట్రాంగ్‌ రూమ్‌లలో భద్రతా ఏర్పాట్లను సోమవారం ఎన్నికల అబ్జర్వర్‌ శివశంకర్‌, అభ్యర్థి ఖర్చుల అబ్జర్వర్‌ సిదానందం, జిల్లా ఎన్నికల అధికారి సుమిత్‌ కుమార్‌ గాంధీ పరిశీలించారు. పీవీకేఎన్‌ కళాశాల కేంద్రంలో ప్రాంగణమంతా పర్యటించారు. ఓట్ల లెక్కింపు సజావుగా, పారదర్శకంగా నిర్వహించేందుకు అవసరమైన కౌంటింగ్‌ హాళ్లు, బ్యాలెట్‌ బాక్సుల భద్రత, సీసీ టీవీ నిఘా, సాయుధ పోలీసుల మోహరింపు ప్రక్రియలపై పటిష్టమైన చర్యలు తీసుకోవాలని జనరల్‌ అబ్జర్వర్‌ సంబంధిత అధికారులను ఆదేశించారు. కౌంటింగ్‌ కేంద్రం వద్ద ఎలాంటి అవాంఛనీయ సంఘటనలు జరగకుండా మూడంచెల భద్రతా వలయాన్ని ఏర్పాటు చేయాలన్నారు. రిసెప్షన్‌ సెంటర్‌ వద్ద సామగ్రి స్వీకరణ, అప్పగింత సమర్థవంతంగా నిర్వహించాలని సూచించారు. ఎన్నికల కమిషన్‌ నిబంధనలను తూచా తప్పకుండా పాటిస్తూ అన్ని ఏర్పాట్లను నిర్ణీత గడువులోగా పూర్తి చేయాలని అధికారులకు ఆదేశాలు జారీ చేశారు. ఈ కార్యక్రమంలో జిల్లా ఎన్నికల అధికారులు, పోలీసు, మున్సిపల్‌ ఉన్నతాధికారులు పాల్గొన్నారు. ఓట్ల లెక్కింపు పారదర్శకంగా సాగేలా.. ఓట్ల లెక్కింపు ప్రక్రియ పారదర్శకంగా సాగేలా ఏర్పాట్లు చేస్తున్నట్లు జాయింట్‌ కలెక్టర్‌ ఆదర్శ్‌ రాజేంద్రన్‌ అన్నారు. ఆయన సోమవారం నగర సరిహద్దులో ఉన్న సీతమ్స్‌ ఇంజినీరింగ్‌ కళాశాలలో ఏర్పాటు చేస్తున్న ఓట్ల లెక్కింపు కేంద్రాన్ని ఆకస్మికంగా తనిఖీ చేశారు. స్థానిక సంస్థల సార్వత్రిక ఎన్నికల ఓట్ల లెక్కింపు ప్రక్రియను సజావుగా, పారదర్శకంగా నిర్వహించేందుకు అవసరమైన అన్ని ముందస్తు ఏర్పాట్లను వేగవంతం చేయాలని అధికారులకు సూచించారు. ఈ కార్యక్రమంలో సంబంధిత రెవెన్యూ, ఎన్నికల అధికారులు పాల్గొన్నారు.

చిత్తూరు కలెక్టరేట్‌ : మున్సిపాలిటీ ఎన్నికల స్ట్రాంగ్‌ రూమ్‌ల వద్ద పకడ్బందీగా మూడంచెల భద్రత కల్పించాలని జిల్లా ఎన్నికల అధికారి, కలెక్టర్‌ సుమిత్‌ కుమార్‌ గాంధీ అధికారులను ఆదేశించారు. సోమవారం పీవీకేఎన్‌ డిగ్రీ కళాశాలలో కౌంటింగ్‌ కేంద్రం, రిసెప్షన్‌ సెంటర్లను జాయింట్‌ కలెక్టర్‌ ఆదర్శ్‌ రాజేంద్రన్‌, ఆర్డీవో శ్రీనివాసులు నాయుడుతో కలిసి ఆయన పరిశీలించారు. కౌంటింగ్‌ వేళ బారికేడ్లు పటిష్టంగా ఉండాలని పీఆర్‌ ఇంజినీర్లను ఆదేశించారు. సీసీ టీవీ నిఘాతో పాటు అనధికార వ్యక్తులు, వాహనాలు రాకుండా కఠిన ఆంక్షలు అమలు చేయాలన్నారు. అధికారులందరూ సమన్వయంతో పనిచేయాలని సూచించారు. ఈ కార్యక్రమంలో పీఆర్‌ ఈఈ నవీన్‌, నాగరాజు, మున్సిపల్‌ అధికారులు పాల్గొన్నారు.

తిరుమల: తిరుమలలో సోమవారం రాత్రి పౌర్ణమి గరుడసేవ వైభవంగా సాగింది. భారత ఉపరాష్ట్రపతి సీపీ.రాధాకృష్ణన్‌ వాహన సేవలో పాల్గొని మొక్కులు తీర్చుకున్నారు. కాగా రాత్రి 7 నుంచి 9 గంటల వరకు సర్వాలంకార భూషితుడైన శ్రీ మలయప్ప స్వామివారు గరుడునిపై ఆలయ మాడ వీధుల్లో విహరిస్తూ భక్తులను కటాక్షించారు. వాహన సేవలో జీయర్‌ స్వాములు, జిల్లా ఇన్‌చార్జ్‌ మంత్రి అనగాని సత్య ప్రసాద్‌, టీటీడీ ఈవో ముద్దాడ రవిచంద్ర, అదనపు ఈవో సి.హెచ్‌.వెంకయ్యచౌదరి, సీవీఎస్వో మురళీకృష్ణ, కలెక్టర్‌ డాక్టర్‌ వేంకటేశ్వర్‌, ఎస్పీ సుబ్బారాయుడు తదితరులు పాల్గొన్నారు.

కుప్పంరూరల్‌: రాబోయే మున్సిపల్‌ ఎన్నికల్లో కౌన్సిలర్లతో పాటు చైర్మన్‌ కూడా వైఎస్సార్‌ సీపీ దక్కించుకుంటుందని ఎమ్మెల్సీ భరత్‌ అన్నారు. సోమవారం వైఎస్సార్‌ సీపీ చైర్మన్‌ అభ్యర్థి విజయ్‌కుమార్‌ను గెలిపించాలంటూ డీకే పల్లిలో ఇంటింటికి వెళ్ళి కరపత్రాలు అందజేసి తప్పక ఫ్యాన్‌ గుర్తుకు ఓటు వేయాలని అభ్యర్థించారు. భరత్‌ మాట్లాడుతూ, కూటమి నాయకులు ఓటమి భయంతో వైఎస్సార్‌సీపీ అభ్యర్థులను సక్రమంగా నామినేషన్లు కూడా వేయనివ్వలేదన్నారు. బినామీ పేర్లతో తమ అభ్యర్థులను పోటీనుంచి లేకుండా విత్‌డ్రాలు చేసుకున్నారని విమర్శించారు. కూటమి ప్రభుత్వ ఆగడాలను ప్రజలు గమనిస్తున్నారని, తప్పక మున్సిపల్‌ ఎన్నికల్లో వైఎస్సార్‌సీపీ అభ్యర్థులను గెలిపించేందుకు సిద్ధంగా ఉన్నట్లు చెప్పారు. రెండేళ్లు పూర్తయినా కూటమి నేతలు చేసింది ఏమీ లేదన్నారు. కనీసం ఎల్‌నినో సమయంలో రైతులను ఆదుకోలేక పోయిందని విమర్శించారు. కేవలం వైఎస్సార్‌సీపీ నాయకులపై దాడులు, కక్ష సాధింపులు, పోలీసులు కేసులు తప్ప జనానికి ఒరిగిన మేలు ఏమీ లేదన్నారు. ఎన్నడూ లేని విధంగా అభ్యర్థులను కిడ్నాప్‌లు చేయడం, దొంగ విత్‌డ్రాల పేరిట అభ్యర్థులను తొలగించడం దారుణమన్నారు. రాబోయేది వైఎస్సార్‌సీపీ ప్రభుత్వమేనని తప్పక బుద్ధి చెబుతామని హెచ్చరించారు. ప్రచారానికి ముందు ఎన్ని ప్రబోలాభాలు పెట్టినా వెరవక నిలబడిన చైర్మన్‌ అభ్యర్థి విజయ్‌కుమార్‌ను పూలమాలలతో సత్కరించారు. ఈ కార్యక్రమంలో నాయకులు హఫీజ్‌, మునిరాజు, మణి, వెంకటేష్‌, మోహన్‌రామ్‌, మల్లప్ప, కుమార్‌ ఉన్నారు.

పలమనేరు: జిల్లాలో మున్సిపల్‌ ఎన్నికలు పగడ్బందీగా, పారదర్శకంగా నిర్వహిస్తామని కలెక్టర్‌ సుమిత్‌కుమార్‌, ఎస్పీ తుషార్‌డూడి తెలిపారు. పలమనేరు ప్రభుత్వ డిగ్రీ ళాశాలలో ఏర్పాటు చేసిన ఓట్ల లెక్కింపు కేంద్రాన్ని సోమవారం వారు పరిశీలించారు. ఇక్కడి రిసెప్షన్‌ సెంటర్‌, కౌంటిగ్‌ సెంటర్ల వద్ద పటిష్టమైన భద్రత ఏర్పాటు చేయాలని సూచించారు. ముఖ్యంగా ఎన్నికల లెక్కింపు పారదర్శకంగా ఉండాలని స్థానిక ఆర్డీవో భవానికి సూచించారు. కౌంటింగ్‌ సందర్భంగా రాజకీయపార్టీ ఏజెంట్లు, అధికారులకు ఎలాంటి ఇబ్బంది లేకుండా చూడాలన్నారు. కౌంటింగ్‌ జరిగేచోట మూడంచెల భద్రత ఉంటుందన్నారు. మరోవైపు నియోజకవర్గంలోని మండలాల వారిగా జెడ్పీటీసీ, ఎంపీటీసీ ఓట్ల లెక్కింపు కేంద్రాల్లో అన్ని ఏర్పాట్లు పటిష్టంగా చేపట్టాలని సూచించారు. ఎన్నికలు ప్రశాంత వాతావరణంలో ఓటర్లు స్వేచ్ఛగా ఓటు హక్కును వినియోగించుకునేలా ఏర్పాట్లు చేయాల్సిన బాధ్యత ప్రభుత్వ యంత్రాంగంపై ఉందన్నారు.

పలమనేరు: మున్సిపల్‌ ఎన్నికల వేళ పలమనేరు పట్టణంలోని రంగాపురానికి చెందిన 25 కుటుంబాలు టీడీపీ, జనసేన పార్టీలను వీడి వైఎస్సార్‌సీపీలోకి చేరాయి. స్థానిక వైఎస్సార్‌సీపీ కార్యాలయంలో ఆపార్టీ జిల్లా అధ్యక్షుడు వెంకటేగౌడ వీరికి కండువాలు కప్పి పార్టీలోకి సాదరంగా ఆహ్వానించారు. తామంతా మున్సిపల్‌ ఎన్నికల్లో వైఎస్సార్‌సీపీని గెలిపించేందుకు కృషిచేస్తామని తెలిపారు. ఈ కార్యక్రమంలో పట్టణ కన్వీనర్‌ హేమంత్‌కుమార్‌ రెడ్డి, రాష్ట్ర కార్యదర్శి చెంగారెడ్డి, మాజీ కౌన్సిలర్లు నయాక్‌, ఫయాజ్‌, నాయకులు ఫైరోజ్‌, సుబ్రమణ్యం నాయుడు, మైనారిటీ నేతలు పాల్గొన్నారు. వైఎస్సార్‌సీపీలోకి పెద్దపంజాణి టీడీపీ నేతలు పెద్దపంజాణి: మండలంలోని శివాడి గ్రామ పంచాయతీకి చెందిన సీనియర్‌ టీడీపీ నాయకులు శంకర్‌, రఘునాథ రెడ్డి, బాలరాజు, మాసలామణి తదితరులు తమ అనుచరులతో సోమవారం పలమనేరు పట్టణంలోని వైఎస్సార్‌సీపీ కార్యాలయంలో మాజీ ఎమ్మెల్యే, వైఎస్సార్‌సీపీ జిల్లా అధ్యక్షుడు వెంకటేగౌడ సమక్షంలో వైఎస్సార్‌సీపీలో చేరారు. వారికి పార్టీ కండువాలు కప్పి ఆయన సాదరంగా పార్టీలోకి ఆహ్వానించారు. ఈ సందర్భంగా వెంకటేగౌడ మాట్లాడుతూ పార్టీలో చేరిన ప్రతి ఒక్కరికీ తగిన గౌరవం, ప్రాధాన్యత కల్పిస్తామని తెలిపారు. స్థానిక సంస్థల ఎన్నికల్లో పార్టీ నాయకులు, కార్యకర్తలను సమన్వయం చేసుకుని వైఎస్సార్‌సీపీ అభ్యర్థుల విజయానికి కృషి చేయాలని పిలుపునిచ్చారు.

చిత్తూరు కలెక్టరేట్‌ : స్థానిక సంస్థల ఎన్నికల విధుల్లో నిబంధనలు ముఖ్యమని డీఆర్‌వో మోహన్‌ కుమార్‌ అన్నారు. జిల్లా కేంద్రంలోని పీవీకేఎన్‌ ప్రభుత్వ డిగ్రీ కళాశాలలో సోమవారం ప్రిసైడింగ్‌, సహాయ ప్రిసైడింగ్‌ అధికారులకు శిక్షణా కార్యక్రమం నిర్వహించారు. ఆయన మాట్లాడుతూ ఎన్నికల విధుల్లో పాల్గొనే ప్రిసైడింగ్‌, సహాయ ప్రిసైడింగ్‌ అధికారులు ఎన్నికల నిబంధనలపై స్పష్టమైన అవగాహన కలిగి ఉండాలన్నారు. పోలింగ్‌ ప్రక్రియలో పోలింగ్‌ అధికారి డైరీ, బ్యాలెట్‌ పేపర్‌ అకౌంట్‌, పేపర్‌ సీల్‌ అకౌంట్లు అత్యంత కీలకమైన అధికారిక పత్రాలన్నారు. వాటిని ఎలాంటి తప్పులు లేకుండా పక్కాగా పూర్తి చేయాలని స్పష్టం చేశారు. తాను కేరళలో ఎన్నికల పరిశీలకుడిగా పనిచేసినప్పుడు అక్కడ అధికారులు రికార్డులను అత్యంత కచ్చితత్వంతో నిర్వహించిన తీరును గుర్తుచేశారు. ప్రస్తుతం మన జిల్లాలోనూ అదే పద్ధతిలో రికార్డుల నమోదు పారదర్శకంగా జరగాలన్నారు. ముఖ్యంగా పోలింగ్‌ అధికారి యారో క్రాస్‌ మార్క్‌ రబ్బరు స్టాంపును నిబంధనల ప్రకారమే వాడేలా అప్రమత్తంగా ఉండాలన్నారు. గతంలో వేరే గుర్తులు వాడడం వల్ల పొరపాట్లు జరిగాయని చెప్పారు. ఈసారి ఎన్నికల సామగ్రి వినియోగంలో నిర్లక్ష్యం వహిస్తే కఠిన చర్యలు తప్పవని హెచ్చరించారు. టెండర్‌ ఓట్లు, ఇతర సాంకేతిక సమస్యలపై ముందస్తు అవగాహనతో అధికారులు సమన్వయంతో పనిచేయాలన్నారు. ఎటువంటి సందేహాలు, సమస్యలు తలెత్తితే వెంటనే తమ దృష్టికి తీసుకురావాలన్నారు. ఈ శిక్షణలో డీఎల్‌డీవో రవి, మాస్టర్‌ ట్రైనర్‌లు, తదితరులు పాల్గొన్నారు.

స్థానిక ఎన్నికల వేళ పరిస్థితులు చూస్తే భయమేస్తోంది తిరుపతి అర్బన్‌: ‘ఎన్నికల డ్యూటీలు చేస్తాం సార్‌.. అయితే ఉద్యోగులకు రక్షణ మాటేంటి..?.. జిల్లాలో జరుగుతున్న పరిస్థితులు చూస్తుంటే ఆందోళన కలుగుతోంది. ఎన్నికల విధుల్లో ఉన్న ప్రభుత్వ ఉద్యోగులకు సరైన భద్రత కల్పించండి’ అంటూ ఏపీ జేఏసీ జిల్లా చైర్మన్‌, ఎన్‌జీవోల జిల్లా అధ్యక్షుడు ఎస్‌.సురేష్‌బాబు డిమాండ్‌ చేశారు. సోమవారం ఆయన జేఏసీ నేతలతో కలసి కలెక్టరేట్‌లో డీఆర్వో నరసింహులుకు వినతిపత్రాన్ని అందించారు. వారు మాట్లాడుతూ పోలింగ్‌ కేంద్రాల వద్ద రాజకీయ నాయకులు, వారి అనుచరుల అనధికార ప్రవేశాన్ని నియంత్రించాలని డిమాండ్‌ చేశారు. పరిశీలన పేరుతో పోలింగ్‌ కేంద్రంలో సిబ్బందిపై తీవ్రమైన ఒత్తిడి చేయడం, దురుసుగా మాట్లాడడం, విధులకు ఆటంకం కలిగించడం వంటి చర్యలను అరికట్టాలని సూచించారు. ఎన్నికల విధులు నిర్వహించే ఉద్యోగులు, సిబ్బందికి పూర్తి భద్రత కల్పించాలని కోరారు. ప్రతి పోలింగ్‌ కేంద్రంలో సీసీ కెమెరాలను ఏర్పాటు చేసి, ఎన్నికల ప్రక్రియను పర్యవేక్షించాలని కోరారు. అనవసర గుంపులు, గుమికూడకుండా తగు జాగ్రత్తలు తీసుకోవాలని చెప్పారు. జిల్లాలో జరుగుతున్న దాడులను దృష్టిలో ఉంచుకుని ఎన్నికల విధుల్లో ఉన్న ఉద్యోగుల సరైన రక్షణ కల్పించడానికి ప్రత్యేక చర్యలు తీసుకోవాలని విజ్ఞప్తి చేశారు. అలాగే ఓటర్లు ఎలాంటి భయం, ఒత్తిడి లేకుండా తమ ఓటు హక్కును వినియోగించుకునేలా చర్యలు తీసుకోవాలని తెలిపారు. దీర్ఘకాలిక వ్యాధి గ్రస్తులను ఎన్నికల విధుల నుంచి మినహాయించాలని సూచించారు. కార్యక్రమంలో ఏపీ జేఏసీ తిరుపతి జిల్లా కార్యదర్శి ఎస్‌. వెంకటముని, పూర్వ ఉమ్మడి చిత్తూరు జిల్లా ఏపీ జేఏసీ సెక్రటరీ జనరల్‌ ముత్యాలరెడ్డి, జేఏసీ నేతలు గిరిబాబు, వై.మధు, లలిత్‌, మధుసూదన్‌, కవిత తదితరులు పాల్గొన్నారు.

భారత అంతరిక్ష పరిశోధనా సంస్థ (ఇస్రో) పూర్తి స్వదేశీ సాంకేతిక పరిజ్ఞానంతో రూపొందించిన జీఎస్‌ఎల్‌వీ ఎఫ్‌18 రాకెట్‌ ద్వారా 2,232 కిలోల బరువు గల నావిగేషన్‌ శాటిలైట్‌ (నావిక్‌–03) ఉపగ్రహాన్ని ఈనెల 30వ తేదీ రాత్రి 11.55 గంటలకు ప్రయోగించేందుకు సర్వం సిద్ధం చేశారు. సతీష్‌ ధవన్‌ స్పేస్‌ సెంటర్‌ (షార్‌)లోని రెండో వేదిక నుంచి ఈ ప్రయోగం నిర్వహించనున్నారు. 49.13 మీటర్లు పొడవైన జీఎస్‌ఎల్‌వీ ఎఫ్‌–18 రాకెట్‌ ప్రయోగ సమయంలో 416 టన్నుల బరువుతో భూమినుంచి నింగికి బయలు దేరుతుంది. వెహికల్‌ అసెంబ్లింగ్‌ బిల్డింగ్‌ (వ్యాబ్‌)లో రాకెట్‌ అనుసంధానం పూర్తి చేశారు. ప్రయోగవేదికకు రాకెట్‌ను అనుసంధానం చేశారు. ప్రస్తుతం లెవెల్‌–2 తనిఖీలు చేస్తున్నారు. జీఎస్‌ఎల్‌వీ మార్క్‌2 సిరీస్‌లో ఇది 20వ ప్రయోగం. దేశంలో నావిగేషన్‌ వ్యవస్థ అభివృద్ధికి ఈ ఉపగ్రహం 12 ఏళ్లపాటు రోదసీలో పనిచే స్తుందని ఇస్రో శాస్త్రవేత్తలు తెలిపారు. – సూళ్లూరుపేట

వెదురుకుప్పం: రాజకీయ వైషమ్యాలను పక్కన పెట్టి అన్నదమ్ముళ్లుగా కలిసి మెలసి ఉన్న గంగాధరనెల్లూరు నియోజకవర్గంలో తమిళనాడు సంప్రదాయాలు రాజ్యమేలుతున్నాయని మాజీ ఉప ముఖ్యమంత్రి కే. నారాయణస్వామి ఆరోపించారు. ఆయన ఆదివారం పుత్తూరులోని తన స్వగృహంలో మీడియాతో మాట్లాడారు. ఎమ్మెల్యే థామస్‌ రెండున్నరేళ్లుగా అల్లర్లు, దాడులు, దౌర్జన్యాలు, అరాచకాలు చేయిస్తున్నాడని తెలిపారు. తాను 40 ఏళ్లుగా రాజకీయాల్లో ఉన్నానని, ఎప్పుడూ ఎవరిపైనా కక్షసాధింపులకు పాల్పడలేదని స్పష్టం చేశారు. అలాంటి తనపై ఎమ్మెల్యే థామస్‌ ఉద్దేశపూర్వకంగానే చిత్తూరులో దాడికి పురిగొల్పాడన్నారు. ప్రజల్లో తీవ్ర వ్యతిరేకత ఉండడంతో స్థానిక ఎన్నికల్లో గెలవలేమన్న దుర్బుద్ధితో చైన్నె నుంచి సుమారు 2 వేల మంది రౌడీలు, గుండాలను తీసుకువచ్చి అల్లర్లకు పాల్పడడం హేయమైన చర్య అన్నారు. ఇందుకేనా మీకు ప్రజలు ఓటు వేసింది అని ప్రశ్నించారు? నియోజకవర్గ ప్రజలకు మంచి చేయని ఎమ్మెల్యే థామస్‌ స్థానిక ఎన్నికలు సవాల్‌గా మారడంతో అడ్డదారులు తొక్కి పార్టీ అభ్యర్థులను గెలిపించుకునేందుకు రాక్షసతత్వానికి బీజం వేస్తున్నట్లు మండిపడ్డారు. చైన్నె నుంచి తీసుకువచ్చిన 600 మంది గుండాలతో వెదురుకుప్పం, కార్వేటినగరంలో వైఎస్సార్‌ సీపీ అభ్యర్థులను కొట్టించి నామనేషన్‌ పత్రాలను చించివేశారని తెలిపారు. శ్రీరంగరాజపురం, గంగాధరనెల్లూరు మండలాల్లో మహిళలని చూడకుండా కీచకపర్వానికి తెరలేపడం బాధాకరమన్నారు. పెనుమూరు జెడ్పీటీసీ అభ్యర్థిని నామినేషన్‌కు వెళ్లిన తనపై దాడులకు పాల్పడ్డారని వాపోయారు. తాను ఒక్క పైసా ఖర్చు పెట్టకుండా డిప్యూటీ సీఎం స్థాయికి ఎదిగానని తెలిపారు. స్క్రాచ్‌ కార్డులు ఇచ్చి పేద ప్రజలకు ద్రోహం చేశానా? ఉద్యోగాల పేరుతో కమీషన్లు తీసుకున్నానా? ప్రశాంతంగా ఉన్న గ్రామాల్లో చిచ్చు పెట్టి రాజకీయాలు చేస్తున్నానా? అని నిలదీశారు. ఇదేనా ఎమ్మెల్యేగా గెలిచిన వ్యక్తి చేసే అభివృద్ధి పనులు అంటూ ఆగ్రహం వ్యక్తం చేశారు. ప్రజాస్వామ్యబద్దంగా ఎన్నికలు నిర్వహించి ప్రజల ఓట్లతో పదవులు పొందాల్సింది పోయి దాడులు చేసి నీచ సంస్కృతికి ఆజ్యం పోస్తారా అంటూ అసహనం వ్యక్తం చేశారు. నియోజకవర్గం అభివృద్ధి, ప్రజల సంక్షేమం కోసం కృషి చేయాల్సిందిపోయి భయభ్రాంతులకు గురిచేస్తారా అని మండిపడ్డారు. దాడుల సంస్కృతికి స్వస్తి పలికి ప్రజల మన్ననలు పొందాలని హితవుపలికారు. నిజాయితీగా నిశ్వార్థంగా ప్రజాసేవ చేస్తున్న తనపై చేసిన దాడిని మరిచిపోలేనన్నారు. ఒక దళితుడన్న భేదం లేకుండా ఇన్నేళ్లుగా తనను ఆదరించి అక్కున చేర్చున్న నియోజకవర్గ ప్రజల కోసం ప్రాణ త్యాగానికై నా వెరవనని స్పష్టం చేశారు.

చిత్తూరు కలెక్టరేట్‌ : స్థానిక సంస్థల ఎన్నికల్లో నామినేషన్ల పరిశీలన అనంతరం తిరస్కరణకు లోనైన జెడ్పీటీసీ అభ్యర్థులకు అప్పీళ్లలోనూ నిరాశే ఎదురైంది. జిల్లా పరిషత్‌ (జెడ్పీ) కార్యాలయంలోని సమావేశ మందిరంలో ఆదివారం అప్పీళ్ల పరిశీలన కార్యక్రమా న్ని జిల్లా ఎన్నికల అధికారి, కలెక్టర్‌ సుమిత్‌ కుమార్‌ పర్యవేక్షించారు. జాయింట్‌ కలెక్టర్‌ ఆదర్శ్‌ రాజేంద్రన్‌, జెడ్పీ సీఈఓ రవికుమార్‌ నాయుడు తదితరులు పాల్గొన్నారు. జిల్లాలోని 27 జెడ్పీటీసీ స్థానాలకు మొత్తం 181 నామినేషన్లు దాఖలు కాగా, ఈ నెల 24న నిర్వహించిన పరిశీలనలో 174 ఆమోదం పొందాయి. వివిధ కారణాలతో తిరస్కరణకు గురైన 7 నామినేషన్లలో ఇద్దరు అభ్యర్థులు మాత్రమే జిల్లా ఎన్నికల అధికారికి అప్పీలు చేసుకున్నారు. సరైన పత్రాలు లేకపోవడంతో వారిద్దరి అప్పీళ్లను జిల్లా ఎన్నికల అధికారి తిరస్కరించారు. యాదమరి జెడ్పీటీసీ స్థానానికి నామినేషన్‌ వేసిన జనసేన అభ్యర్థిని కె.పుష్పావతి ఓటరుగా నమోదు కాకపోవడంతో ఆమె నామినేషన్‌ ను తిరస్కరించారు. నిబంధనల ప్రకారం అభ్యర్థి గ్రామీణ ప్రాంతంలో ఓటరుగా ఉండడం తప్పనిసరి అని కలెక్టర్‌ తెలిపారు. పులిచెర్ల జెడ్పీటీసీ స్థానానికి స్వతంత్ర అభ్యర్థిగా పోటీ చేసిన అద్దంకి మునిరాజ్‌ నామినేషన్‌ పత్రాల్లో సాక్షి, అభ్యర్థి, ప్రతిపాదకుడి సంతకాలు లేకపోవడంతో పాటు ఆస్తుల వివరాలను నమోదు చేయకపోవడాన్ని అధికారులు గుర్తించి తిరస్కరించారు. మరోవైపు, ఎంపీటీసీ నామినేషన్ల తిరస్కరణపై ఆయా రెవెన్యూ డివిజన్‌ కార్యాలయాల్లో ఆర్డీవోలు అభ్యంతరాలను స్వీకరించారు. చిత్తూరు డివిజన్‌ పరిధిలో మొత్తం 5 అభ్యంతరాలు వచ్చాయి. అందులో ఐరాల మండలం నుంచి 4, తవణంపల్లి మండలం నుంచి 1 ఉన్నాయి. తిరస్కరణపై 5 ఎంపీటీసీ స్థానాలకు అప్పీళ్లు అందాయి. నగరి డివిజన్‌ పరిధిలో 2 అభ్యంతరాలు నమోదయ్యాయి. కుప్పం, పలమనేరు డివిజన్ల పరిధిలో ఎలాంటి అభ్యంతరాలు నమోదు కాలేదు. ఆదివారం నాటితో అభ్యంతరాల స్వీకరణ ప్రక్రియ పూర్తికాగా, నమోదైన ఎంపీటీసీ అప్పీళ్లపై ఆర్డీవోలు సోమవారం అభ్యర్థుల సమక్షంలో విచారణ జరిపి తుది నిర్ణయం తీసుకోనున్నారు.

బైరెడ్డిపల్లె : మండలంలోని కొత్తయిండ్లు, కమ్మనపల్లె, చప్పిడిపల్లె తదితర గ్రామాలకు చెందిన టీడీపీ నేతలు ఆదివారం వైఎస్సార్‌ సీపీలో చేరారు. వారికి వైఎస్సార్‌ సీపీ రాష్ట్ర కార్యదర్శి బైరెడ్డిపల్లె క్రిష్ణమూర్తి కండువాలు కప్పి సాదరంగా ఆహ్వానించారు. స్థానిక సంస్థల ఎన్నికల్లో వైఎస్సార్‌ సీపీ అభ్యర్థుల గెలుపుకోసం కృషి చేయాలని కోరారు. మాజీ ముఖ్యమంత్రి వైస్‌ జగన్‌మోహన్‌రెడ్డి హయాంలో పేదలకు సంక్షేమ పథకాలు అందించిన విషయాలన్ని గ్రామాల్లో గడపగడపకూ వెళ్లి వివరించాలని సూచించారు. మల్లానూరు వైన్‌షాపులో చోరీ కుప్పం రూరల్‌ : మండలంలోని మల్లానూరు వైన్‌షాపులో శనివారం అర్ధరాత్రి దొంగలు పడ్డారు. దుకాణం షట్టర్లు తెరిచి ఇనుప కమ్మీలను ధ్వంసం చేసి లోనికి ప్రవేశించారు. సీసీ కెమెరాలను ధ్వంసం చేయడంతో దొంగల ఆచూకీ తెలియరాలేదు. సుమారు రూ.లక్ష మద్యం బాటిళ్లను చోరీ చేసినట్టు యజమానులు తెలిపారు. దీనిపై పోలీసులకు ఫిర్యాదు చేశారు. పోలీసులు కేసు దర్యాప్తు చేస్తున్నారు. ఆటో ఢీకొని వ్యక్తి మృతి నగరి: తహసీల్దార్‌ కార్యాలయం సమీపంలో ఆదివారం ఆటో ఢీకొనడంతో వ్యక్తి మృతిచెందాడు. నగరి సీఐ మల్లికార్జునరావు కథ నం మేరకు.. పుత్తూరు పట్టణం ఎన్‌టీఆర్‌ కాలనీకి చెందిన దూదేకుల సద్దాం (28) ఆదివారం నగరి మండలం మీరాసాహెబ్‌ పాళెంలోని తన అత్తగారింటికి వెళ్లా డు. అక్కడ భార్య, ఇద్దరు పిల్లలను వదిలిపెట్టి పుత్తూరుకు తిరిగివచ్చాడు. మధ్యాహ్నం వారి ని తిరిగి తీసుకువచ్చేందుకు నగరికి వస్తుండగా తహసీల్దార్‌ కార్యాలయం సమీపంలోని జాతీ య రహదారిపై ఆటో ఢీకొంది. తీవ్రంగా గాయపడిన అతను అక్కడికక్కడే మృతిచెందాడు. పోలీసులు కేసు దర్యాప్తు చేస్తున్నారు. యూజీలో అడ్మిషన్‌ దరఖాస్తుకు నేడే ఆఖరు తిరుపతి సిటీ : ప్రభుత్వ, ప్రైవేటు, టీటీడీ డిగ్రీ కళాశాలల్లో యూజీ ప్రవేశాలకు సంబంధించి మిగిలిన సీట్ల భర్తీ కోసం తుదివిడత ప్రవేశాల కు రిజిస్ట్రేషన్‌ ప్రక్రియ సోమవారంతో ముగి యనుంది. ఫైనల్‌ ఫేజ్‌ అడ్మిషన్ల కోసం ఓఏఎమ్‌డీసీ వెబ్‌సైట్‌లో వెంటనే దరఖాస్తు చేసుకోవాలని అధికారులు సూచిస్తున్నారు. 26, 27వ తేదీలలో వెబ్‌ ఆప్షన్లు, 28న అప్షన్ల మార్పునకు అవకాశం ఉంటుందని, 30వ తేదీన సీట్లు కేటాయిస్తారని వెల్లడిస్తున్నారు. సీట్లు పొందిన విద్యార్థులు ఆయా కళాశాలల్లో నవంబర్‌ 2వ తేదీలోపు రిపోర్టు చేసి ప్రవేశాలు పొందాలని వివరిస్తున్నారు. నేడు అగ్రిగోల్డ్‌ బాధితుల బాండ్లు స్వీకరణ రేణిగుంట : మండలానికి సంబంధించిన అగ్రిగోల్డ్‌ బాధితులు ఎవరైనా ఉంటే సోమ, మంగళవారాల్లో వారి వద్ద ఉన్న బాండ్లను తిరుపతిలోని ఎస్పీ కార్యాలయంలో ఏర్పాటు చేసిన ప్రత్యేక డెస్క్‌లో అందించాలని సీఐడీ డీఎస్పీ వేణుగోపాల్‌ ఆదివారం తెలిపారు. ఒరిజినల్‌ అగ్రిగోల్డ్‌ బాండ్‌, ఇతర పత్రాలను తీసుకుని రావాలని సూచించారు. మిగిలిన మండలాల వారు రావాల్సిన తేదీలను త్వరలోనే ప్రకటిస్తామని వివరించారు. నేడు శ్రీసిటీలో సీఐఐ సదస్సు తిరుపతి అర్బన్‌ : శ్రీసిటీ క్రియా యూనివర్సిటీలో 31వ సీఐఐ భాగస్వామ్య సదస్సును సోమవారం నిర్వహించనున్నట్లు కలెక్టర్‌ వెంకటేశ్వర్‌ ఆదివారం ఓ ప్రకటనలో తెలిపారు. తిరుపతి, శ్రీపొట్టిశ్రీరాములు నెల్లూరు, చిత్తూ రు, అన్నమయ్య, వైఎస్సార్‌ కడప జిల్లాకు చెందిన పారిశ్రామిక వేత్తలు సదస్సుకు హాజరుకానున్నట్లు వెల్లడించారు. 65 పారిశ్రామిక ఒప్పందాలకు పైగా జరగనున్నట్లు వివరించారు. ప్రధానంగా ఎలక్ట్రానిక్స్‌, ఆహార శుద్ధి పరిశ్రమలు, అంతరిక్ష రంగం, పర్యాటకం, ఆతిథ్యం, ఆటోమొబైల్‌ విడి భాగాలు, ఫార్మా, సోలార్‌ ఉత్పత్తులు, లాజిస్టిక్స్‌, ప్యాకేజింగ్‌, రీసైక్లింగ్‌, పాదరక్షల తయారీ, సూక్ష్మ, చిన్న, మధ్యతరహా పరిశ్రమల అభివృద్ధికి ప్రాధాన్యమిస్తూ పలు రంగాల్లో పెట్టుబడులను ప్రోత్సహించనున్నారని తెలిపారు. క్రీడాపోటీల విజేతలు వీరే పలమనేరు: పలమనేరు ప్రభుత్వ డిగ్రీ కళాశాలలో ఎస్వీయూ అంతర కళాశాలల పురుషుల క్రీడా పోటీలు ఆదివారం ముగిశాయి. ఇందు లో భాగంగా వాలీబాల్‌ విభాగంలో విజేతగా ఏటీఎన్స్‌ తిరుపతి, ఎస్వీ ఆర్ట్స్‌ కళాశాల, బ్యాడ్మింటన్‌ సింగిల్స్‌లో అమోష్‌ జ్ఞానాంబిక కళాశాల, రన్నర్‌గా ఎస్వీయూ జయంత్‌, బాడ్మింటన్‌ డబుల్స్‌లో ఎస్వీయూకు చెందిన చేతన్‌, సిద్ధేశ్వర్‌, రన్నర్స్‌గా వాగేష్‌, జయంత్‌కుమార్‌, చెస్‌లో ఎస్వీయూ ఇంజినీరింగ్‌ కాలేజీకి చెందిన ఆనంద్‌, రన్నర్‌గా ఎస్వీయూ మహేష్‌, టేబుల్‌ టెన్నిస్‌ సింగిల్స్‌లో అభిషేకక్‌, మనోజ్‌కుమార్‌, డబుల్స్‌లో ఎస్వీయూ వెంకటేశు, గోవిందరెడ్డి, శ్రీజ్ఞానాంబిక కళాశాలకు చెందిన మనోజ్‌కుమార్‌, లిఖిత్‌ విజయం సాధించారు. విజేతలకు సీఐ మోహన్‌రెడ్డి బహుమతులను అందజేశారు.