TV
● సమాచారం – మార్గదర్శకత్వం: ఆరోగ్య సంబంధ సేవలు, ప్రభుత్వ సంక్షేమ పథకాలు, సీనియర్ సిటిజన్ కార్డుల మంజూరు, ఉచిత న్యాయసలహా, వృద్ధాశ్రయాలకు ఉపయోగపడే ఉత్పత్తులు, సౌకర్యాల సమాచారం అందిస్తారు.
● చట్టపరమైన మద్దతు : చట్టపరమైన అంశాలు, ఆస్తి తగాదాల పరిష్కారం, తల్లిదండ్రుల పోషణ చట్టంపై అవగాహన కల్పిస్తారు.
● రక్షణ–పునరావాసం : వేధింపులకు గురైన వృద్ధులను కాపాడి, వారిని సురక్షితంగా కుటుంబ సభ్యులతో కలుపుతారు.
● మానసిక ఆసరా (కౌన్సెలింగ్) : ఒంటరితనం, ఆందోళన, మానసిక ఒత్తిడి, కుటుంబ విభేదాలతో బాధపడే వృద్ధులతో మాట్లాడి వారికి మనోధైర్యాన్ని నింపుతారు.
– అందుబాటులో 14567 టోల్ ఫ్రీ
చిత్తూరు కలెక్టరేట్ : కేంద్ర ప్రభుత్వం వయోవృద్ధుల (సీనియర్ సిటిజన్లు) సంక్షేమం, రక్షణ కోసం 14567 ప్రత్యేక హెల్ప్లైన్ నంబరును అందుబాటులోకి తీసుకువచ్చింది. కేంద్ర సామాజిక న్యాయం, సాధికారత మంత్రిత్వ శాఖ దేశవ్యాప్తంగా ఈ విధానాన్ని ప్రవేశపెట్టింది. ఈ టోల్ఫ్రీ నంబరుకు కాల్ చేస్తే వృద్ధులకు ఉచితంగా నాలుగు రకాల సేవలను అందిస్తారు. ఈ హెల్ప్లైన్ సేవలు ప్రతిరోజూ ఉదయం 8 నుంచి రాత్రి 8 గంటల వరకు అందుబాటులో ఉంటాయి. సీనియర్ సిటిజన్లకు అవసరమైన సమాచారంతో పాటు మార్గదర్శకత్వాన్ని ఈ వేదిక ద్వారా అందిస్తారు.
సేవలు ఇవే..
