Tirupati District Latest News

తిరుపతి రూరల్‌: స్థానిక సంస్థల ఎన్నికల్లో దొంగ ఓట్లు, రిగ్గింగ్‌ జరిగాయని ఆరోపిస్తూ రీపోలింగ్‌ కోరిన వైఎస్సార్‌సీపీ నాయకులు, కార్యకర్తలపై పోలీసులు అక్రమంగా కేసులు నమోదు చేయడం వివాదాస్పదంగా మారింది. ఎన్నికల అక్రమాలను ప్రశ్నించిన వారిపైనే కేసులు పెట్టడంపై ఆ పార్టీ శ్రేణులు ఆగ్రహం వ్యక్తం చేస్తున్నాయి. చంద్రగిరి టవర్‌క్లాక్‌ వద్ద గురువారం రీపోలింగ్‌ కోరుతూ నిరసన తెలిపిన వైఎస్సార్‌సీపీ నియోజకవర్గ సమన్వయకర్త చెవిరెడ్డి మోహిత్‌రెడ్డి, మండల అధ్యక్షుడు కొటాల చంద్రశేఖర్‌రెడ్డి, జెడ్పీటీసీ అభ్యర్థులు కొటాల పద్మజ, శ్రీలేఖ తదితరులపై పోలీసులు కేసులు నమోదు చేశారు. రామచంద్రాపురం మండలం, సీకేపల్లిలో ఎన్నికల సందర్భంగా వైఎస్సార్‌సీపీ కార్యకర్త మోదుపాలెం ధనంజయరెడ్డిపై టీడీపీ నేతలు దాడి చేయగా తీవ్రంగా గాయపడ్డారు. బాధితునికి మద్దతుగా నిలిచిన వైఎస్సార్సీపీ నేతలపై పోలీసులు కేసులు నమోదు చేశారు. దాడిని అడ్డుకున్న మహిళలు హేమలత, సౌజన్యను సైతం ఆ కేసులో చేర్చారు. పాకాల మండలం మద్దినాయునిపల్లిలో ఈ నెల 5న పోలింగ్‌ సందర్భంగా రిగ్గింగ్‌ జరిగిందని ఆరోపిస్తూ అయ్యవారిపల్లి కాంప్లెక్స్‌ వద్ద రీపోలింగ్‌ కోరుతూ నిరసన తెలిపిన వైఎస్సార్‌సీపీ రాష్ట్ర ప్రచార విభాగం ఉపాధ్యక్షుడు మొగరాల హరిప్రసాద్‌రెడ్డితో పాటు పార్టీ నేతలు యుగంధర్‌, సుధాకర్‌, మధు, వెంకటేష్‌ తదితరులపై పాకాల పోలీసులు కేసులు నమోదు చేశారు. దొంగ ఓట్లు, రిగ్గింగ్‌ ఆరోపణలపై విచారణ జరపకుండా నిరసన తెలిపిన వారిపైనా, దాడిలో గాయపడిన వారిపైనా కేసులు నమోదు చేయడమేంటని వైఎస్సార్‌సీపీ నేతలు ప్రశ్నిస్తున్నారు. పోలీసుల ఏకపక్ష వైఖరిపై మండిపడుతున్నారు. తిరుపతి రూరల్‌ మండలం, సాయినగర్‌ పంచాయతీ పరిధిలో దొంగ ఓట్లను అడ్డుకుంటున్న జనరల్‌ ఏజెంట్‌ శశిధర్‌రెడ్డిని పోలీసులు అక్రమంగా అరెస్టు చేసి సాయంత్రం వరకు పోలిస్‌ స్టేషన్‌లో నిర్బంధించారు.

నాయుడుపేట టౌన్‌: మున్సిపల్‌ ఎన్నికల సందర్భంగానాయుడుపేట సీఐ వెంకటరమణ ఇష్టానుసారంగా వ్యవహరించి వైఎస్సార్‌ కాంగ్రెస్‌ పార్టీ నాయకులు, కార్యకర్తలతో పాటు అభ్యర్థులను బెదిరించి వేధించారని మున్సిపల్‌ చైర్‌పర్సన్‌తో పాటు వైఎస్సార్‌ కాంగ్రెస్‌పార్టీ నాయకులు రాష్ట్ర ఎన్నికల సంఘానికి ఫిర్యాదు చేశారు. , అదేవిధంగా ఎన్నికల కౌంటింగ్‌ రోజున మాజీ ఎమ్మెల్యే కిలివేటి సంజీవయ్యపై విచక్షణ రహితంగా దాడిచేశారని ఆరోపించారు. ఆయన నివాసంలోకి ప్రవేశించి నాయకులు, కార్యకర్తలను దుర్భషలాడడం, వైస్సార్‌ కాంగ్రెస్‌పార్టీ ఆర్గనైజింగ్‌ సెక్రటరీ కామిరెడ్డి రాజారెడ్డి ఇంట్లో అక్రమంగా మద్యం బాటిళ్లు పెట్టి కేసు నమోదు చేశారంటూ సీసీ కెమెరాలు, వీడియో ఆధారాలతో ఎన్నికల సంఘానికి ఫిర్యాదు చేసినట్లు వెల్లడించారు. దీంతో డీజీపీకి ఎన్నికల సంఘం ఈ సంఘటనపై నాయుడుపేట అర్బన్‌ సీఐ వెంకటరమణపై సమగ్రంగా విచారణ జరపాలని ఆదేశాలు ఇచ్చినట్లు స్థానిక నాయకులు వెల్లడించారు. నాయుడుపేట మున్సిపల్‌ పోలింగ్‌ నుంచి కౌంటింగ్‌ వరకు పోలీసులు వ్యవహరించిన తీరుతో పాటు దుర్మార్గంగా వ్యవహరించిన తీరుపై సంబంధిత ఆధారాలతో ఉన్నత న్యాయస్థానాన్ని ఆశ్రయించనున్నట్లు వెల్లడించారు. ఈ విషయమై 4వ తేదీన మున్సిపల్‌ చైర్‌పర్సన్‌ రాజేశ్వరమ్మ రాష్ట్ర డీజీపీతో పాటు పోలీస్‌ రేంజ్‌ ఐజీకి, రాష్ట్ర మానవహక్కుల సంఘం, రాష్ట్ర ఎన్నికల సంఘానికి, తిరుపతి జిల్లా కలెక్టర్‌, ఎస్పీకి ఫిర్యాదులు పంపినట్లు తెలిపారు. నాయుడుపేట సీఐపై విచారణ జరిగేంత వరకు ఆయన్ను నాయుడుపేట నుంచి బదిలీ చేయాలని, లేకుంటే సస్పెన్షన్‌కు పరిశీలించాలని ఉన్నత న్యాయస్థానానికి విజ్ఞప్తి చేసినట్లు వెల్లడించారు. ఇందుకు సంబంధించి పోలీస్‌ స్టేషన్‌లోని సీసీ కెమెరాల్లో నిక్షితమైన రికార్డులు, అధికారిక వీడియో రికార్డింగ్‌లు, ఇతర మీడియా కథనాలు తదితర ఆధారాలను పరిశీలించాలని కోరారు. చైర్‌పర్సన్‌ ఇచ్చిన ఫిర్యాదుపై ఎన్నికల సంఘం పరిశీలించి నాయుడుపేట సీఐపై విచారణ జరపాలని డీజీపీకి లేఖ పంపినట్లు నాయకులు వెల్లడించారు.

సాక్షి, టాస్క్‌ఫోర్స్‌: తిరుపతి రూరల్‌ మండల జెడ్పీటీసీ ఎన్నికను టీడీపీ నేతలు సవాల్‌గా తీసుకున్నారు. వైఎస్సార్‌సీపీ అభ్యర్థి చెవిరెడ్డి హర్షిత్‌రెడ్డిని ఓడించడమే లక్ష్యంగా రెండు నియోజకవర్గాలకు చెందిన టీడీపీ ముఖ్యనేతలంతా మూకుమ్మడిగా రంగంలోకి దిగారు. తిరుపతి, చంద్రగిరి నియోజకవర్గాలకు చెందిన టీడీపీ బడా నేతలంతా తిరుపతి రూరల్‌ మండలంలోనే మోహరించారు. పోలింగ్‌ కేంద్రాల వద్ద తమ అనుచరులతో స్వైరవిహారం చేస్తూ భయానక వాతావరణాన్ని కల్పించారు. చంద్రగిరి ఎమ్మెల్యే పులివర్తి నాని, ఆయన సతీమణి పులివర్తి సుధారెడ్డి, కుమారుడు పులివర్తి వినీల్‌ పోలింగ్‌ కేంద్రాల వద్ద గొడవలు సృష్టించి దొంగ ఓట్లకు పాల్పడ్డారు. ఆ ముగ్గురితో పాటు తుడా చైర్మన్‌న్‌ డాలర్స్‌ దివాకర్‌రెడ్డి, తిరుపతి టీడీపీ ఇన్‌చార్జి, మేయర్‌ జేబీ శ్రీనివాస్‌, శాప్‌ చైర్మన్‌న్‌ అనిమిని రవినాయుడు, ఎస్వీబీసీ చైర్మన్‌ శ్రీధర్‌వర్మ, తాతయ్యగుంట గంగమ్మ ఆలయ చైర్మన్‌ మహేష్‌యాదవ్‌, పులిగోరు మురళి, అన్నా రామచంద్రయ్యయాదవ్‌, నరసింహయాదవ్‌తోపాటు తిరుపతిలో కొత్తగా ఎన్నికై న టీడీపీ కార్పొరేటర్లంతా కిరాయి రౌడీలతో పోలింగ్‌ కేంద్రాలను చుట్టుముట్టారు. ఐదు వేల మంది తరలింపు తిరుపతి నగరానికి ఆనుకుని ఉన్న సాయినగర్‌, లింగేశ్వరనగర్‌, అవిలాల, ఓటేరు, శ్రీనివాసపురం, పద్మావతీపురం, ఉమ్మడి శెట్టిపల్లి, వేదాంతపురం, తిరుచానూరులోని పోలింగ్‌ కేంద్రాల్లో దొంగ ఓట్లు వేయించేందుకు ఐదు వేల మంది కాలేజీ యువకులను తీసుకొచ్చారు. ఆ యువతకు కిరాయి రౌడీలను తోడుపెట్టి పోలింగ్‌ కేంద్రాల వద్ద అలజడి సృష్టించారు. నిజమైన ఓటర్లు స్వేచ్ఛగా ఓటు హక్కు వినియోగించుకునే పరిస్థితులను దెబ్బతీశారు. పలు కేంద్రాల్లో దొంగ ఓట్లు, రిగ్గింగ్‌కు పాల్పడ్డారు. రెండు నియోజకవర్గాల టీడీపీ నేతలంతా ఒకే మండలంలో మోహరించడంతో పోలింగ్‌ కేంద్రాల వద్ద ఉద్రిక్తత నెలకొంది. ఒకవైపు టీడీపీ నేతలంతా ఏకమై పోలింగ్‌ కేంద్రాలను కిరాయి రౌడీలతో మోహరింప చేయడం, మరోవైపు పోలింగ్‌ కేంద్రాల వద్ద ఉద్రిక్త పరిస్థితులు.. గొడవలు సృష్టించడానికి పులివర్తి నాని, అతని కుటుంబం చేసిన కుట్రలు అన్నింటినీ చూసిన చెవిరెడ్డి కుటుంబం ఏమాత్రం వెనక్కి తగ్గలేదు. మాజీ ఎమ్మెల్యే చెవిరెడ్డి భాస్కర్‌రెడ్డి, ఆయన కుమారులు చెవిరెడ్డి మోహిత్‌ రెడ్డి, చెవిరెడ్డి హర్షిత్‌రెడ్డి, చెవిరెడ్డి లక్ష్మి క్షేత్రస్థాయిలో వీరోచిత పోరాటం చేసి అక్కడి పరిస్థితులను ఎదుర్కొన్నారు. పోలింగ్‌ ప్రారంభమైన కొద్ది సేపటికే మొదలైన టీడీపీ నేతల అరాచకపర్వం సాయంత్రం పోలింగ్‌ ముగిసేంత వరకు కొనసాగింది. దొంగ ఓట్లను తమ శక్తి మేరకు అడ్డుకున్నారు.

తిరుపతి సిటీ: అనుసంధాన్‌ నేషనల్‌ రీసెర్చ్‌ ఫౌండేషన్‌ ఆధ్వర్యంలో నిర్వహిస్తున్న ఏఎన్‌ఆర్‌ఎఫ్‌ పెయిర్‌ హబ్‌ కార్యక్రమంలో భాగంగా ఎస్వీయూ కొనసాగుతున్న పరిశోధనా కార్యక్రమాల పురోగతిని సమీక్షించేందుకు హైదరాబాద్‌ వర్సిటీకి చెందిన ఏఎన్‌ఆర్‌ఎఫ్‌ హబ్‌ బృందం వర్సిటీలో రెండు రోజుల పాటు పర్యటించింది. ఇందులో భాగంగా సెంట్రల్‌ ఫెసిలిటీ, అడ్వాన్స్డ్‌ సెల్‌ కల్చర్‌ ఫెసిలిటీ, మెకానికల్‌ ఇంజినీరింగ్‌ ప్రయోగశాల, కెమిస్ట్రీ ప్రయోగశాలలను సందర్శించారు. హైదరాబాద్‌ విశ్వవిద్యాలయం ఏఎన్‌ఆర్‌ఎఫ్‌ ప్రాజెక్ట్‌ డైరెక్టర్‌ ప్రొఫెసర్‌ బ్రహ్మానందం మానవతి, కో–ప్రాజెక్ట్‌ డైరెక్టర్‌ ప్రొఫెసర్‌ సిబా కె ఉద్గత, రీసెర్చ్‌ అండ్‌ డెవలప్‌మెంట్‌ డైరెక్టర్‌ ప్రొఫెసర్‌ సమ్రత్‌ ఎల్‌సబత్‌, ఎస్వీయూ రెక్టార్‌ చండ్రాయుడు, రిజిస్ట్రార్‌ భూపతినాయుడు పాల్గొన్నారు పోలీస్‌ కస్టడీకి కామిరెడ్డి పెళ్లకూరు: వైఎస్సార్‌ కాంగ్రెస్‌ పార్టీ రాష్ట్ర కార్యదర్శి కామిరెడ్డి సత్యనారాయణరెడ్డిని విచారణ నిమిత్తం శుక్రవారం పెళ్లకూరు పోలీసులు కస్టడీకి తీసుకున్నారు. అక్రమ కేసులో సత్యనారాయణరెడ్డిని అన్యాయంగా అరెస్టు చేసిన పోలీసులు నెల్లూరు సబ్‌ జైలుకు రిమాండ్‌కు తరలించారు. కేసు విచారణ నిమిత్తం సత్యనారాయణరెడ్డిని తీసుకొచ్చిన పోలీసులు ఎగువతాగేలి గ్రామానికి వెళ్లే రోడ్డు వద్దకు తీసుకెళ్లి పలు అంశాలపై ఆయనను అడిగి తెలుసుకున్నారు. అనంతరం కామిరెడ్డిని పోలీస్‌ స్టేషన్‌కు తీసుకొచ్చి తిరిగి కోట కోర్టులో హాజరు పరిచి అక్కడి నుంచి నెల్లూరు సబ్‌ జైలుకు తీసుకెళ్లారు. తిరుపతి– పుదుచ్చేరి రైలు రద్దు తిరుపతి అన్నమయ్యసర్కిల్‌: పుదుచ్చేరి – తిరుపతి మధ్య నడిచే రైలు (16112), అదేవిధంగా తిరుపతి–పుదుచ్చేరి వెళ్లే రైలు (16111) డిసెంబర్‌ 9, 10 తేదీల నుంచి అదే నెల 28వ తేదీ వరకు రద్దు చేస్తున్నట్లు రైల్వే అధికారం యంత్రాంగం పేర్కొంది. రేణిగుంట రైల్వే యార్డు పునర్నిర్మాణం, ఎలక్ట్రానిక్‌ ఇంటర్‌ లాకింగ్‌ పనుల కమిషనింగ్‌కు సంబంధించి గుంతకల్లు డివిజన్‌లో 48 రోజుల పాటు నిర్వహించనున్న ప్రీ–ప్రీ ఎన్‌ఐ, ప్రీఎన్‌ఐ, ఎన్‌ఐ పనుల ఏర్పాట్ల కారణంగా పలు రైళ్ల రద్దు చేశారు. ఇందులో భాగంగా తిరుపతి– పుదుచ్చేరి మధ్య నడిచే ఈ రైళ్లను రద్దు చేసినట్లు రైల్వేశాఖ ప్రకటించింది. ప్రాణదాన ట్రస్ట్‌కు 660 మంది ఎంపిక తిరుపతి తుడా: టీటీడీ ఎస్వీ ప్రాణదాన ట్రస్ట్‌ కింద స్విమ్స్‌, బర్డ్‌ ఆస్పత్రుల్లో ఉచిత శస్త్రచికిత్సల కోసం 660 మంది పేద రోగులను ఎంపిక చేశారు. శుక్రవారం స్విమ్స్‌లో నిర్వహించిన ప్రాణదాన పథకం ఎంపిక కమిటీ సమావేశంలో పేద రోగులను కమిటీ పరీశీలించి ఎంపిక ప్రక్రియను పూర్తి చేసింది. స్విమ్స్‌ డైరెక్టర్‌ కమ్‌ వీసీ డాక్టర్‌ జగదీష్‌ మాట్లాడుతూ సుమారు 19 విభాగాల్లో 660 మందికి రూ.2.32 కోట్ల విలువైన శస్త్రచికిత్సలు ఉచితంగా అందించనున్నట్టు వెల్లడించారు. సమావేశంలో మెడికల్‌ సూపరింటెండెంట్‌ డాక్టర్‌ రామ్‌, బర్డ్‌ ఆస్పత్రి ఆర్‌ఎంఓ డాక్టర్‌ రామ్మూర్తి, రుయా ఆస్పత్రి సూపరింటెండెంట్‌ డాక్టర్‌ సుబ్బలక్ష్మి, మెటర్నిటీ ఆస్పత్రి సూపరింటెండెంట్‌ డాక్టర్‌ శ్రీనివాసులు, టీటీడీ ఎస్‌ఎంఓ డాక్టర్‌ రవిశంకర్‌, ఆర్‌ఎంఓ డాక్టర్‌ కోటిరెడ్డి పాల్గొన్నారు. ఫిబ్రవరి 16 నుంచి సీబీఎస్‌ఈ పరీక్షలు తిరుపతి సిటీ : 2026–27 విద్యా సంవత్సరానికి సంబంధించి సీబీఎస్‌ఈ 10, 12 తరగతుల బోర్డు పరీక్షల షెడ్యూల్‌ను సెంట్రల్‌ బోర్డ్‌ ఆఫ్‌ సెంకడరీ ఎడ్యుకేషన్‌ శుక్రవారం విడుదల చేసింది. పదో తరగతి పరీక్షలు ఫిబ్రవరి 16 నుంచి మార్చి 9వ తేదీ వరకు నిర్వహించనున్నారు. అలాగే 12వ తరగతి పబ్లిక్‌ పరీక్షలు ఫిబ్రవరి 16 నుంచి ఏప్రిల్‌ 9వ తేదీ వరకు కొనసాగనున్నట్లు అధికారులు వెల్లడించారు. అలాగే ప్రాక్టికల్‌ పరీక్షలను జనవరి మొదటి వారంలో నిర్వహించనున్నట్టు తెలిపారు.

తిరుపతి అర్బన్‌: పరిషత్‌ ఎన్నికల ఓట్ల లెక్కింపు శనివారం నిర్వహించనున్నారు. జిల్లా వ్యాప్తంగా 8 కౌంటింగ్‌ కేంద్రాలు ఏర్పాటు చేశారు. ఆయా కౌంటింగ్‌ కేంద్రల్లో ఎంపీటీసీతోపాటు జెడ్పీటీసీల ఓట్లు లెక్కింపు చేపట్టనున్నారు. ప్రధానంగా తిరుపతిలోని ఎస్‌జీఎస్‌ ఆర్ట్స్‌ కళాశాలలో అత్యధికంగా 8 మండలాలకు చెందిన ఎంపీటీసీ, జెడ్పీటీసీ ఓట్ల లెక్కింపు చేయనున్నారు. ఉదయం 8 నుంచి లెక్కింపు ప్రారంభించనున్నారు. మధ్యాహ్నం ఒంటి గంటకు ఎంపీటీసీ ఫలితాలు, సాయంత్రం 6–7 గంటలకు జెడ్పీటీసీ ఫలితాలు వెల్లడించనున్నారు. జిల్లా వ్యాప్తంగా 31 జెడ్పీటీసీలకు 126 మంది పోటీలో ఉన్నారు. అలాగే 302 ఎంపీటీసీలకు 832 మంది బరిలో ఉన్నారు. వీరంతా ఫలితాల కోసం ఉత్కంఠతతో ఎదురుచూస్తున్నారు. ప్రజాస్వామ్య పద్ధతిలో జరిగేనా? జిల్లా చరిత్రలో ఎప్పుడూ లేని విధంగా స్థానిక ఎన్నికల్లో టీడీపీ నేతలు బరితెగించారు. దాడులు, దౌర్జన్యాలతో రెచ్చిపోయారు. నామినేషన్ల పర్వం నుంచి ఓటింగ్‌ వరకు విర్రవీగిపోయారు. ఓటర్లను సైతం భయాందోళనకు గురిచేశారు. ఇలాంటి నేపథ్యంలో కౌంటింగ్‌ రోజు అయినా ప్రజాస్వామ్యాన్ని కాపాడాలని, నిష్పక్షపాతంగా ఓట్ల లెక్కింపు చేపట్టే విధంగా అధికారులు చర్యలు చేపట్టాలని వైఎస్సార్‌సీపీ అభ్యర్థులు కోరుతున్నారు. ఓట్ల లెక్కింపునకు 378 టేబుల్స్‌ జిల్లా వ్యాప్తంగా 8 కేంద్రాల్లో 34 కౌంటింగ్‌ సెంటర్లు ఏర్పాటు చేశారు. ఓట్ల లెక్కింపునకు 378 టేబుల్స్‌ను సమకూర్చారు. ఓట్ల లెక్కింపునకు సూపర్‌ వైజర్లు 1,315 మంది, కౌంటింగ్‌ అసిస్టెంట్లు 378 మంది, మైక్రో అబ్జర్వర్లు 756 మందిని ఏర్పాటు చేశారు. ఉదయం 8 నుంచి కౌంటింగ్‌ ప్రారంభం కానుంది. జిల్లా వ్యాప్తంగా 68.67 శాతం ఓట్లు పోలయ్యాయి. కౌంటింగ్‌ కేంద్రం– మండలాలు 1. నాయుడుపేట– జెడ్పీ హైస్కూల్‌–(వాకాడు, చిట్టమూరు, ఓజిలి, నాయుడుపేట, పెళ్లకూరు) 2. సూళ్లూరుపేట –ప్రభుత్వ జూనియర్‌ కళాశాల–(డీవీ సత్రం– సూళ్లూరుపేట, తడ) 3. వెంకటగిరి –విశ్వోదయ ప్రభుత్వ డిగ్రీ కళాశాల–బాలాయపల్లి,డక్కిలి,వెంకటగిరి 4. రైల్వే కోడూరు –అనంతరాజ్‌పేటలోని ఆర్టీకల్చర్‌ యూనివర్సిటీలో (చిట్వేల్‌, కోడూరు, ఓబులవారిపల్లి, పుల్లంపేట, పెనగలూరు) 5. తిరుపతి –ఎస్‌జీఎస్‌ ఆర్ట్స్‌ కళాశాలలో–ఎర్రావారిపాళెం, చిన్నగొట్టిగల్లు, పాకాల, చంద్రగిరి, తిరుపతిరూరల్‌, ఆర్సీపురం, పుత్తూరు, వడమాలపేట 6. శ్రీకాళహస్తి –స్కిట్‌ ఇంజినీరింగ్‌– రేణిగుంట, ఏర్పేడు, తొట్టంబేడు 7. సత్యవేడు –ప్రభుత్వ పాలిటెక్నిక్‌ కళాశాల–బీఎన్‌ కండ్రిగ, వరదయ్యపాళెం, సత్యవేడు 8. పుత్తూరు –నారాయణవనం ిసిద్ధార్థ ఇంజనీరింగ్‌ కళాశాలలో–కేవీబీపురం, నారాయవనం, పిచ్చాటురు, నాగలాపురం. తొలి ఫలితం ఏర్పేడు.. తుది ఫలితం తిరుపతి రూరల్‌ ఏర్పేడు మండలానికి సంబంధించి 2,350 ఓట్ల లెక్కింపు మాత్రమే ఉండడంతో తొలి ఫలితం ఆ మండలం నుంచే వెలువడనుంది. అలాగే తిరుపతి రూరల్‌ మండలం 85,335 మంది ఉన్నత నేపథ్యంలో చివరిగా ఆ మండలం ఫలితాల ప్రక్రియ పూర్తి కానుంది. పలు మండలాల్లో మోసపూరితంగా అధికారపార్టీకి చెందిన నేతలు ఏకగ్రీవాలు చేసుకోవడంతో 444 ఎంపీటీసీలకు కేవలం 302 మాత్రమే ఎన్నికలు జరిగాయి. వాటి ఫలితాలు శనివారం వెలువడనున్నాయి.

వెంకటగిరి రూరల్‌/గూడూరు: పాత కక్షల నేపథ్యంలో సొంత అన్నపై దాడిచేసి హత్య చేసిన ఘటనలో నిందితుడికి గూడూరు కోర్టు జీవిత ఖైదు విధించినట్టు ఏపీపీ వసంతకుమార్‌ తెలిపారు. డక్కిలి మండలం సంగనపల్లి గ్రామానికి చెందిన శనగ అంకయ్య, శనగా శ్రీరాములుకు పాత కక్షలున్నాయి. ఈ క్రమంలో శ్రీరాములు తన అన్న అంకయ్యపై 2017లో కర్రతో తలపై దాడి చేశాడు. దీంతో అతను అక్కడికక్కడే మృతిచెందడంతో డక్కిలి పోలీసులు విచారణ చేసి హత్యగా కేసు నమోదుచేశారు. శ్రీరాములును అరెస్ట్‌ చేసి చార్జిషీట్‌ను కోర్టుకు దాఖలు చేశారు. నేరం రుజువు కావడంతో న్యాయమూర్తి వెంకట నాగపవన్‌ వెల్లడించారు. ముద్దాయికి జీవిత ఖైదు, రూ.15 వేల జరిమానా విధించినట్లు విధించారు. జరిమానా చెల్లించని పక్షంలో మరో ఆరునెలలు శిక్షను అనుభవించాలని ఉత్తర్వులు ఇచ్చారు. కేసును త్వరగా పూర్తి చేయడంలో వెంకటగిరి సీఐ, సిబ్బందితోపాటు, కోర్టు లైజనింగ్‌ అధికారి మల్లికార్జున్‌, కోర్టు కానిస్టేబుల్‌ రామకృష్ణ సహకారం అందించారని ఏపీపీ తెలిపారు.

తిరుపతి అర్బన్‌: పారదర్శకంగా పరిషత్‌ ఎన్నికల కౌంటింగ్‌ చేపట్టనున్నట్టు కలెక్టర్‌ ఎస్‌.వెంకటేశ్వర్‌ తెలిపారు. శుక్రవారం ఆయన ఎస్పీ సుబ్బరాయుడు, తిరుపతి ఆర్డీవో రామ్మోహన్‌తో కలసి తిరుపతి లక్ష్మీపురం సమీపంలోని ఎస్‌జీఎస్‌ ఆర్ట్స్‌ కళాశాల ఎన్నికల కౌంటింగ్‌ కేంద్రాన్ని పరిశీలించారు. ఈ సందర్భంగా కౌంటింగ్‌లో పాల్గొంటున్న అధికారులకు ప్రత్యేక సూచనలు చేశారు. జిల్లా వ్యాప్తంగా 8 కేంద్రాల్లో ఓట్ల లెక్కింపు జరుగుతుందని స్పష్టం చేశారు. అయితే అత్యధికంగా తిరుపతిలో 8 మండలాలకు చెందిన ఓట్ల లెక్కింపు ఉండడంతో టేబుల్స్‌తోపాటు సిబ్బందిని అధికంగా ఏర్పాటు చేసినట్లు వెల్లడించారు. ఒక్కో కౌంటింగ్‌ కేంద్రంలో పరిసర ప్రాంతాలకు చెందిన నాలుగైదు మండలాల ఓట్ల లెక్కింపు జరిగేలా ప్రణాళిక రూపొందించామని పేర్కొన్నారు. ఒకే బ్యాలెట్‌ బాక్స్‌లో ఎంపీటీసీ, జెడ్పీటీసీ బ్యాలెట్‌ పత్రాలు వేయడం వల్ల.... తొలుత వాటిని వేరు చేసి, అనంతరం జెడ్పీటీసీ బ్యాలెట్‌ పత్రాలను సంబంధిత సెగ్మెంట్ల వారీగా కలిపి, ఎంపీటీసీ, జెడ్పీటీసీ ఓట్ల లెక్కింపు ప్రక్రియను సమాంతరంగా నిర్వహించేలా చర్యలు చేపట్టనున్నట్టు తెలిపారు. ప్రతి కౌంటింగ్‌ హాల్‌లో సీసీ కెమెరాలు ఏర్పాటు చేశామని వెల్లడించారు. పోటీలో ఉన్న అభ్యర్థి లేదా వారి ఏజెంట్‌లో ఒకరికి మాత్రమే ఆర్‌ఓ టేబుల్‌ వద్దకు వెళ్లేందుకు అనుమతి ఉంటుందని స్పష్టం చేశారు. తిరుపతిలోని శ్రీ గోవిందరాజస్వామి ఆర్ట్స్‌ కళాశాలలో చంద్రగిరి నియోజకవర్గాలతో పాటు నగరి నియోజకవర్గ పరిధిలోని పుత్తూరు, వడమాలపేట మండలాలకు సంబంధించిన మొత్తం 8 మండలాల ఓట్ల లెక్కింపునకు ఏర్పాట్లు చేసినట్లు కలెక్టర్‌ వివరించారు. ఓట్ల లెక్కింపు ప్రక్రియను మధ్యాహ్న భోజన సమయానికి ఎంపీటీసీ ఫలితాలు, సాయంత్రం 6 నుంచి 7 గంటల్లోపు జెడ్పీటీసీ ఫలితాలు వెల్లడించేలా ప్రణాళిక రూపొందించామని తెలిపారు. మీడియా ప్రతినిధులకు కౌంటింగ్‌ కేంద్రాల వెలుపల ప్రత్యేక ఏర్పాట్లు చేశామన్నారు. పటిష్ట భద్రత ఎస్పీ మాట్లాడుతూ జిల్లా వ్యాప్తంగా ఎంపీటీసీ, జెడ్పీటీసీ ఎన్నికల ఓట్ల లెక్కింపు ప్రక్రియకు పటిష్టమైన పోలీసు భద్రతా ఏర్పాట్లు చేపట్టామని తెలిపారు. కౌంటింగ్‌ కేంద్రాల్లోకి అనుమతి కలిగిన కౌంటింగ్‌ ఏజెంట్లు, ఎన్నికల సిబ్బంది, అధికారులను మాత్రమే అనుమతిస్తామని తెలిపారు. ఏఎస్సీ రవిమనోహరాచారి, తిరుపతి రూరల్‌ తహసీల్దార్‌ జనార్దన్‌ తదితరులు పాల్గొన్నారు.

శ్రీకాళహస్తి రూరల్‌(తొట్టంబేడు): శ్రీకాళహస్తి మండలం, మేలచ్చూరు గ్రామంలో గురువారం అర్ధరాత్రి చోరీ జరిగింది. రూరల్‌ సీఐ ఇబ్రహీం కథనం.. మేలచూరుకు చెందిన వెంకటరమణ ఇంట్లో గురువారం రాత్రి దొంగలు చొరబడి ఇంటి తాళాలు పగులుగొట్టారు. ఇంట్లో ఉన్న 20 గ్రాములు బంగారం, రూ.5 వేల నగదు దోచుకెళ్లారు. ఇంటి యజమాని ఉద్యోగ నిమిత్తం విజయవాడలో ఉంటున్నాడు. సమాచారం తెలుసుకున్న బాధితుడు శుక్రవారం రూరల్‌ పోలీసులకు ఫిర్యాదు చేశారు. కేసు దర్యాప్తులో ఉంది. శ్రీవారి సేవలో ప్రపంచ చెస్‌ చాంపియన్‌ గుకేష్‌ తిరుమల: ప్రపంచ చెస్‌ చాంపియన్‌ గుకేష్‌ శుక్రవారం తిరుమల శ్రీవారిని దర్శించుకున్నారు. ఆలయ అధికారులు ఆయనకు ప్రత్యేక దర్శనం ఏర్పాట్లు చేశారు. శ్రీవారి దర్శనం అనంతరం రంగనాయకుల మండపంలో పండితులు వేద ఆశీర్వచనాలు అందించారు. టీటీడీ అధికారులు లడ్డూ ప్రసాదాలతో సత్కరించారు. ప్రళయానికి ఎడాది కేవీబీపురం: కేవీబీపురం మండలంలోని ఓళ్లూరు రాయలచెరువు తుపాన్‌ కారణంగా 2025 నవంబర్‌ 6న తెగిపోయి కళత్తూరు ఎస్సీ కాలనీ జలమయమైంది. ఆ ఘోర ఘటనను తలచుకొని గ్రామంలో ఉన్న క్రైస్తవ సేవకులు, క్రైస్తవులు కొవ్వొత్తులు చేతబట్టి మౌన ర్యాలీ నిర్వహించి ప్రత్యేక ప్రార్థన చేశారు. దేవుడే కాపాడాడని పేర్కొన్నారు. గ్రామానికి చెందిన యువకులు పారిశుద్ధ్య పనులు స్వచ్ఛందంగా నిర్వహించారు. శాస్త్రోక్తంగా పవిత్రాల సమర్పణ చంద్రగిరి : శ్రీనివాసమంగాపురంలోని శ్రీకల్యాణ వేంకటేశ్వరస్వామివారి ఆలయంలో పవిత్రోత్సవాలను శుక్రవారం రెండో రోజు వైభవంగా నిర్వహించారు. స్వామివారు, అమ్మవార్లకు ప్రత్యేక పూజలు చేపట్టి, శాస్త్రోక్తంగా పవిత్ర సమర్పించారు. ఉదయం సుప్రభాతం, తోమాలసేవ, కొలువు, పంచాంగశ్రవణం, సహస్రనామార్చన జరిపించాఇరు. అనంతరం శ్రీదేవి, భూదేవి సమేత స్వామివారిని యాగశాలకు వేంచేపు చేసి పుణ్యాహవచనం, రక్షాబంధనం తదితర వైదిక కార్యక్రమాలు చేశారు. ఉదయం 10 నుంచి 11 గంటల వరకు స్వామివారి ఉత్సవమూర్తులకు పాలు, పెరుగు, తేనె, చందనం, కొబ్బరినీళ్లతో స్నపన తిరుమంజనం నిర్వహించారు. మధ్యాహ్నం 12 నుంచి 1 గంట వరకు మూలవర్లకు, ఉత్సవమూర్తులకు పవిత్ర సమర్పణ చేశారు. సాయంత్రం స్వామి, అమ్మవార్లు తిరుచ్చిపై విహరించారు. ఆలయ స్పెషల్‌ డెప్యూటీ ఈఓ వరలక్ష్మి, ఏఈఓ గోపీనాథ్‌, సూపరింటెండెంట్‌ హరికృష్ణ, టెంపుల్‌ ఇన్‌స్పెక్టర్లు ధనశేఖర్‌, ముని కుమార్‌ పాల్గొన్నారు.

చిత్తూరు కార్పొరేషన్‌: జిల్లా జైలులో ఉన్న పుంగనూరు నియోజకవర్గ వైఎస్సార్‌సీపీ నేతలను మాజీ మంత్రి పెద్దిరెడ్డి రామచంద్రారెడ్డి శుక్రవారం పరామర్శించారు. పుంగనూరు మున్సిపల్‌ ఎన్నికల సమయంలో నామినేషన్‌ వేయడానికి వెళ్లిన పలువురు నేతలపై పోలీసులు అక్రమంగా కేసులు నమోదు చేసిన విషయం తెలిసిందే. అందులో పుంగనూరు నియోజకవర్గం నుంచి 16 మందిని అరెస్టు చేశారు. వారిని పెద్దిరెడ్డి పరామర్శించి ధైర్యం చెప్పారు. అనంతరం పెద్దిరెడ్డికి ఇటీవల ఎన్నికల్లో గెలిచిన కార్పొరేటర్లు పుష్పలత, తమిళ అరసి, షమ్మాను చిత్తూరు నియోజకవర్గ సమన్వయకర్త విజయానందరెడ్డి పరిచయం చేశారు. ఈ క్రమంలోనే ఆయన కట్టమంచిలో స్థానిక నేత దినేష్‌రెడ్డి నివాసంలో నాయకులతో కాసేపు ముచ్చటించారు. ఎన్నికల సందర్భంగా జరిగిన పలు గొడవలు, విషయాలను విజయానందరెడ్డి వివరించారు. కార్యక్రమంలో నగర పార్టీ అధ్యక్షుడు కేపీ శ్రీధర్‌, నేతలు పరమేశ్వరరెడ్డి, బాబీ, మనోహర్‌రెడ్డి, అన్బు, మనోజ్‌రెడ్డి, హమీద్‌ పాల్గొన్నారు.

సూళ్లూరుపేట: భారత అంతరి పరిశోధనా సంస్థ (ఇస్రో) చిన్నతరహా ఉపగ్రహ ప్రయోగాల కోసం తమిళనాడులోని తూత్తుకుడి సమీపంలో కులశేఖర్‌పట్నం స్పేస్‌ పోర్టు నిర్మాణం పూర్తి కావస్తోంది. 2027 ప్రథమార్థనంలోనే ప్రారంభించేందుకు సన్నాహాలు చేస్తున్నారు. కులశేఖర్‌పట్నంలో తమిళనాడు ప్రభుత్వం 2,300 ఎకరాలు సేకరించి ఇస్రోకు అప్పగించడంతో అందులో రూ.986 కోట్ల వ్యయంతో ప్రయోగకేంద్రాన్ని తుది దశకు తీసుకొచ్చారు. శ్రీహరికోట నుంచి రాకెట్‌లు ప్రయోగించాలంటే ముందుగా శ్రీలంక ఏరోనాటిక్స్‌కుతో పాటు అక్కడ ఆర్మీకి కూడా సమాచారం ఇవ్వాల్సి ఉంటుంది. అంటే వారి అనుమతిని తప్పకుండా తీసుకోవాలి. రాకెట్‌ నింగికి ప్రయాణించే సమయంలో ఏదైనా అవాంతరం జరిగి పేలితో ఆ శకలాలు శ్రీలంక మీద పడే అవకాశాలుండడంతో శ్రీలంక మీదుగా ప్రయాణించే రాకెట్‌ను హిందూ మహాసముద్రం మీదకు మళ్లించాలంటే యూటర్న్‌ తీసుకుని ప్రయాణించేలా చేస్తారు. అలాగే శ్రీహరికోట నుంచి సన్‌ సింక్రనస్‌ ఆర్బిట్‌ (సూర్య సమకాలిక ధృవ కక్ష్య) ఉపగ్రహాలను పంపేటపుడు రాకెట్‌ విడి భాగాలు భూభాగాలపై పడకుండా ప్రయోగ మార్గాన్ని మళ్లించాల్సి ఉంది. దీని వల్ల ఉపగ్రహాలను మోసుకెళ్లే సామర్థ్యం తగ్గుతుంది. ఈ విధంగా చేయడం వల్ల రాకెట్‌కు అదనంగా ఇంధన వ్యయం పెరుగుతుంది. భారతదేశానికి రెండవ స్పేస్‌ పోర్ట్‌ కులశేఖరపట్నం ప్రయోగ కేంద్రం కులశేఖర్‌పట్నం ప్రత్యేకత ఇదీ కులశేఖర్‌పట్నం ప్రయోగ కేంద్రం భౌగోళికంగా రాకెట్‌ ప్రయోగాలకు ఎంతో అనుకూలంగా ఉంది. సాంకేతికపరంగా చూస్తే కూడా ఎలాంటి ఇబ్బందులు లేవు. ఎవరి అనుమతులు అవసరం లేకుండా ప్రయోగాలు చేసుకునేందుకు ఎంతో అనువుగా ఉంటుంది. హిందూ మహాసముద్రం మీదుగా దక్షిణ ధృవ కక్ష్య దిశగా రాకెట్‌ ప్రయాణం సాగేలా ఉంది. 300 నుంచి 500 కిలోలు బరువు కలిగిన ఉపగ్రహాలను ఎస్‌ఎస్‌ఎల్‌వీ రాకెట్‌ ద్వారా సన్‌ సింక్రనస్‌ ఆర్బిట్‌లోకి సునాయాసంగా ప్రవేశపెట్టేందుకు మార్గం సుగమం అవుతుంది. ఇంధన వ్యయం చాలా వరకు తగ్గుతుంది. ఈ కేంద్రం నుంచి ప్రధానంగా ఎస్‌ఎస్‌ఎల్‌వీ రాకెట్‌ ప్రయోగాలను వాణిజ్యంపరంగా చేయడానికి అనువుగా ఉండడంతో ఇస్రో ఇక్కడి నుంచి వాణిజ్యపరమైన ప్రయోగాలను చేయడానికి ప్రణాళికలు రచిస్తోంది. వీలైతే పీఎస్‌ఎల్‌వీ ప్రయోగాలు, ప్రయివేట్‌ స్టార్టప్‌ సంస్థలకు చెందిన రాకెట్లు, ఉపగ్రహాలు కూడా కులశేఖర్‌పట్నం నుంచి ప్రయోగించుకోవడానికి ఎంతో అనుకూలంగా ఉంటుందని, భారతదేశానికి రెండో రాకెట్‌ ప్రయోగ కేంద్రం అందుబాటులోకి వస్తుందని ఇస్రో శాస్త్రవేత్తలు వెల్లడించారు.

తిరుమల: తిరుమలలో శుక్రవారం భక్తుల రద్దీ సాధారణంగా ఉంది. క్యూకాంప్లెక్స్‌లోని 11 కంపార్ట్‌మెంట్లలో భక్తులు వేచి ఉన్నారు. గురువారం అర్ధరాత్రి వరకు 65,218 మంది స్వామివారిని దర్శించుకున్నారు. 20,213మంది భక్తులు తలనీలాలు అర్పించారు. స్వామివారికి కానుకల రూపంలో హుండీలో రూ.3.63 కోట్లు సమర్పించారు. టైంస్లాట్‌ టిక్కెట్లు కలిగిన భక్తులకు సకాలంలో దర్శనం లభిస్తోంది. దర్శన టిక్కెట్లు లేని వారు స్వామిని దర్శించుకోవడానికి 8 గంటల సమయం పడుతోంది. ప్రత్యేక ప్రవేశ దర్శనం టిక్కెట్లు కలిగిన వారు 3 గంటల్లో స్వామిని దర్శించుకోగలుగుతున్నారు. ఇదిలా ఉంటే సర్వదర్శనం టోకెన్లు కలిగిన భక్తులు నిర్దేశించిన సమయానికి మాత్రమే క్యూలోకి వెళ్లాలని టీటీడీ విజ్ఞప్తి చేస్తోంది. కేటాయించిన సమయానికంటే ముందు వెళ్లిన వారిని క్యూలోకి అనుమతించరని స్పష్టంచేసింది.

తిరుపతి జిల్లాలో గురువారం ప్రధానంగా రైల్వేకోడూరు, చంద్రగిరి నియోజకవర్గాల్లో అధికారపార్టీ అరాచకాలు హెచ్చుమీరాయి. రైల్వేకోడూరు నియోజకవర్గం, పెనగలూరు మండలం, నల్లపురెడ్డిపల్లిలో పోలింగ్‌ బూత్‌లోకి వెళ్తున్న వైఎస్సార్‌సీపీ ఏజెంట్లను అడ్డుకుంటూ పెట్రోల్‌ బాంబులు వేశారు. ఈ ఘటనలో పలువురు వైఎస్సార్‌సీపీ కార్యకర్తలు తీవ్రంగా గాయపడ్డారు. ఆ గ్రామంలో అధికార పార్టీకి చెందిన రౌడీమూక బాంబులు వేస్తారన్న ముందస్తు సమాచారం ఉన్నా పోలీసులు అడ్డుకునే ప్రయత్నం చేయలేదు. మంగంపేట, ఓబిలి వంటి పోలింగ్‌ కేంద్రాల్లోకి వైఎస్సార్‌సీపీ ఏజెంట్లను వెళ్లనివ్వకుండా పోలీసుల సమక్షంలోనే టీడీపీ నేతలు అడ్డుకుంటున్నా పట్టించుకోలేదు. రైల్వేకోడూరు మండలం అనంతరాజుపేటలో దొంగ ఓటు వేస్తున్న వ్యక్తిని ఏకంగా కలెక్టరే పట్టుకున్నారు. చంద్రగిరిలో అయితే దొంగ ఓట్లలో స్థానిక ఎమ్మెల్యే పులివర్తి నాని రికార్డులు బద్ధలు కొట్టారు. వందలాది మంది యువతను తిరుపతి, పుత్తూరు, నాయుడుపేట వంటి పట్టణాల నుంచి రప్పించి దొంగ ఓట్లు వేయించారు. బూత్‌లకు బూత్‌లు రిగ్గింగ్‌కు పాల్పడి అరాచకం సృష్టించారు. సమాచారం తెలుసుకొని వెళ్తున్న చెవిరెడ్డి భాస్కర్‌రెడ్డి, ఆయన కుమారులను కవ్వించే విధంగా ఎమ్మెల్యే సతీమణి, కుమారులు వ్యవహరించారు.

వెంకటగిరి రూరల్‌: మృత్యువు దారికాచింది. మరికొద్ది క్షణాల్లో ఇంటికి చేరుకునే లోపు రోడ్డు ప్రమాదానికి గురి చేసింది. ఓ వ్యక్తి ప్రాణాలను బలితీసుకుంది. ఆ కుటుంబాన్ని వీదిన పడేసింది. ఈ విషాద ఘటన పెంచలకోన–ఏర్పేడు జాతీయ రహదారిలోని కలపాడు తెలుగంగ కాలువ వంతెన సమీపం వద్ద శుక్రవారం రాత్రి చోటుచేసుకుంది. పోలీసు కథనం.. మండలంలోని కలపాడు గ్రామానికి చెందిన గొర్ల కృష్ణయ్య(40) పట్టణంలోని ఓ డాబాలో పనిచేస్తుంటారు. శుక్రవారం డక్కిలి నుంచి స్వగ్రామం కలపాడుకు తన ద్విచక్ర వాహనంపై గ్యాస్‌ సిలిండర్‌ పెట్టుకుని బయల్దేరాడు. కలపాడు గ్రామ సమీపం వద్ద ఉన్న తెలుగంగ కాలువ వద్ద ఓ కారు అటువైపు వెళ్తున్న గేదెలను ఢీకొంది. వెనుకనే ద్విచక్ర వాహనంపై వస్తున్న కృష్ణయ్య అదుపుతప్పి ఆ గేదెలను ఢీకొని కిందపడిపోయాడు. వెంటనే లేచి తన ద్విచక్ర వాహనాన్ని ఎత్తుతుండగా అటువైపు వస్తున్న ఓ గుర్తుతెలియని వాహనం కృష్ణయ్యను ఢీకొంది. ఈ ఘటనలో కృష్ణయ్య గాల్లో ఎగిసి దూరంగా పడిపోయి.. అక్కడికక్కడే ప్రాణాలు విడిచాడు. మరి కొద్ది క్షణాల్లో ఇంటికి చేరుకునేలోపే అనంతలోకాలకు వెళ్లిపోయాడు. కుటుంబ సభ్యులు ఘటనా స్థలానికి చేరుకుని బోరున విలపించారు. ఇంటి పెద్ద దిక్కు మృతిచెందడంతో తమకు దిక్కెవరు దేవుడా అంటూ గుండెలవిసేలా విలపించారు. కాగా మృతునికి భార్య, ఇద్దరు పిల్లలు ఉన్నారు. పోలీసులు ఘటనా స్థలానికి చేరుకుని మృతదేహాన్ని పోస్టుమార్టం నిమిత్తం వెంకటగిరి ప్రభుత్వాస్పత్రికి తరలించారు. కేసు దర్యాప్తులో ఉంది.

నాయుడుపేట టౌన్‌: ఉత్తరప్రదేశ్‌లో జరుగుతున్న అండర్‌– 16 జాతీయ సబ్‌ జూనియర్‌ ఫుట్‌బాల్‌ పోటీల్లో నాయుడుపేటకు చెందిన సుహాస్‌ ధీరజ్‌ పాల్గొంటున్నట్లు కోచ్‌ శుక్రవారం తెలిపారు. జాతీయ స్థాయి ఫుట్‌బాల్‌ సబ్‌ జూనియర్‌ పోటీలకు సంబంధించి ఆంధ్రరాష్ట్ర జట్టుకు సుహజ్‌ ధీరజ్‌ (బిక్కి) కెప్టెన్‌గా నిర్వహించనున్నట్లు పేర్కొన్నారు. గతంలో కూడా సుమజ్‌ధీరజ్‌ అండర్‌ –14 ఫుట్‌బాల్‌ క్రీడల్లో ఆంధ్రరాష్ట్రం తరఫున ఆడి నాయుడుపేట కీర్తిని చాటిచెప్పినట్లు వెల్లడించారు. ఈ క్రమంలోనే స్కూల్‌గేమ్స్‌ ఫెడరేషన్‌ ఆఫ్‌ ఇండియా తరఫున అండర్‌ 17 బాలుర విభాగంలో నేషనల్‌ చాంపియన్‌ షిప్‌ పోటీల్లో పాల్గొననున్నట్లు పేర్కొన్నారు. ఉత్తర ప్రదేశ్‌ రాష్ట్రంలోని బల్లియ పట్టణంలో జరగనున్న జాతీయ స్థాయి పోటీల్లో రాష్ట్ర జట్టుకు కెప్టెన్‌గా సుహాజ్‌ ధీరజ్‌ వ్యవహరించనున్నట్టు తెలిపారు.

తిరుపతి మంగళం : ఎలక్ట్రానిక్‌ వ్యర్థాలను తగ్గిద్దాం.. పర్యావరణాన్ని కాపాడుకుందాం అని తిరుపతి జిల్లా రవాణాశాఖాధికారి కొర్రపాటి మురళీమోహన్‌ పిలుపునిచ్చారు. తిరుపతి జిల్లా రవాణా శాఖ కార్యాలయంలో శుక్రవారం ఎలక్ట్రానిక్‌ వ్యర్థాలపై వాహనదారులకు అవగాహన కార్యక్రమాన్ని నిర్వహించారు. ఈ సందర్భంగా జిల్లా రవాణాశాఖ అధికారి మాట్లాడుతూ ప్రస్తుత ఆధునిక కాలంలో ఎలక్ట్రానిక్‌ పరికరాల వినియోగం గణనీయంగా పెరిగిందన్నారు. వాటిని ఉపయోగించిన అనంతరం నిర్లక్ష్యంగా పడవేయడం వల్ల నేల, నీరు, గాలి కలుషితవుతోందన్నారు. పాత ఎలక్ట్రానిక్‌ వస్తువులను సాధారణ చెత్తలో వేయకుండా అధీకృత ఈ–వ్యర్థాల సేకరణ కేంద్రాలకు మాత్రమే అందించాలని తెలిపారు. కార్యక్రమంలో మోటార్‌ వాహన తనిఖీ అధికారులు అతికానాజ్‌, స్వర్ణలత, పరిపాలన అధికారులు విజయకుమార్‌, విజయప్రశాంతి పాల్గొన్నారు.

నేను మా సహాయకులతో కలసి వైఎస్సార్‌సీపీ బూత్‌ ఏజెంట్‌గా పోలింగ్‌ కేంద్రానికి వెళ్తున్నాం. టీడీపీ నాయకులు అల్లరి మూకలతో కలసి దారికాచి ఒక్కసారిగా పెద్ద ఎత్తున అరుస్తూ మాపైకి పెట్రోలు బాంబులు విసిరారు. రాళ్ల వర్షం కురిపించారు. ఏం చేయాలో దిక్కు తోచలేదు. చంపేస్తారేమోనని భయమేసింది. నా తలకు బలమైన రక్తగాయమైంది. నాతోపాటు ఉన్న మా నాయకులకు గాయాలయ్యాయి. – కసిరెడ్డి నరసారెడ్డి, నల్లపురెడ్డిపల్లె, పెనగలూరు మండలం పెట్రోల్‌ నింపిన బీరు సీసా తగిలింది నేను వైఎస్సార్‌ సీపీ ఏజెంట్‌ నరసారెడ్డికి రిలీవర్‌గా వెళ్తున్నా. టీడీపీ అల్లరి మూకలు విసిరిన పెట్రోల్‌ బాంబుల్లో బీరు సీసా ఒకటి నా కాలికి తగిలి తీవ్ర గాయ మైంది. నాలుగు కుట్లు పడ్డాయి. దేవుడి దయ వల్ల బతికి బయట పడ్డాం. టీడీపీ గూండాలు చాలా దారుణంగా వ్యవహరించారు. – శివారెడ్డి, నల్లపురెడ్డిపల్లె, పెనగలూరు మండలం

తిరుమల: తిరుమలలో డిసెంబర్‌ 20 నుంచి 29వ తేదీ వరకు నిర్వహించనున్న పది రోజుల వైకుంఠ ద్వార దర్శనాలపై తిరుమలలోని పద్మావతి అతిథి గృహంలో గల సుధర్మ సమావేశ మందిరంలో గురువారం టీటీడీ అదనపు ఈవో సి.హెచ్‌.వెంకయ్యచౌదరి, సీవీఎస్వో మురళీకృష్ణతో కలిసి సమీక్ష సమావేశం నిర్వహించారు. ఈ సందర్భంగా ఆయన మాట్లాడుతూ తిరుమలలో బ్రహ్మోత్సవాల తర్వాత అత్యంత ప్రతిష్టాత్మకంగా నిర్వహించనున్న పది రోజుల వైకుంఠ ద్వార దర్శనాలకు ప్రణాళికాబద్ధంగా విస్తృత ఏర్పాట్లు చేయాలని అధికారులను ఆదేశించారు. డిసెంబర్‌ 25వ తేదీ శుక్రవారం రోజున స్వామివారి అభిషేక సేవ సమయంలో కూడా సర్వదర్శనం భక్తులకు దర్శనం చేసుకునేందుకు చర్యలు తీసుకోవాలని చెప్పారు. సమావేశంలో టీటీడీ చీఫ్‌ ఇంజినీర్‌ మనోహరం, డిప్యూటీ ఈవోలు భాస్కర్‌, రాజేంద్ర, వేంకటేశ్వర్లు, సోమన్నారాయణ, రమాకాంత్‌, చీఫ్‌ మెడికల్‌ ఆఫీసర్‌ డాక్టర్‌ కుసుమకుమారి, గార్డెన్‌ డిప్యూటీ డైరెక్టర్‌ శ్రీనివాసులు, ఐటీ జీఎం వేంకటేశ్వర్లు నాయుడు, ఎస్‌ఈలు వేంకటేశ్వర్లు, వేణుగోపాల్‌, వీజీవో సురేంద్ర, క్యాటరింగ్‌ స్పెషల్‌ ఆఫీసర్‌ శాసీ్త్ర పాల్గొన్నారు. శ్రీవారి దర్శనానికి 6 గంటలు తిరుమల: తిరుమలలో గురువారం భక్తుల రద్దీ సాధారణంగా ఉంది. క్యూకాంప్లెక్స్‌లోని 8 కంపార్ట్‌మెంట్లు భక్తులతో నిండిపోయాయి. బుధవారం అర్ధరాత్రి వరకు 68,004 మంది స్వామివారిని దర్శించుకున్నారు. 25,964 మంది భక్తులు తలనీలాలు అర్పించారు. స్వామివారికి కానుకల రూపంలో హుండీలో రూ. 3.91 కోట్లు సమర్పించారు. టైంస్లాట్‌ టిక్కెట్లు కలిగిన భక్తులకు సకాలంలో దర్శనం లభిస్తోంది. దర్శన టిక్కెట్లు లేని వారు స్వామిని దర్శించుకోవడానికి 06 గంటల సమయం పడుతోంది. ప్రత్యేక ప్రవేశ దర్శనం టిక్కెట్లు కలిగిన వారు 3 గంటల్లో స్వామిని దర్శించుకోగలుగుతున్నారు. పోలింగ్‌ కేంద్రాల పరిశీలన తొట్టంబేడు (శ్రీకాళహస్తి రూరల్‌): తొట్టంబేడు మండలంలోని పోలింగ్‌ కేంద్రాలను కలెక్టర్‌ వెంకటేశ్వర్‌ పరిశీలించారు. ఓటర్లతో మాట్లాడి వసతులపై ఆరా తీశారు. బసవయ్యపాలెం పోలింగ్‌ కేంద్రాన్ని సందర్శించిన ఆయన అక్కడి అధికారులను ఓటింగ్‌ సరళిపై వివరాలు అడిగి తెలుసుకున్నారు. ఈ సందర్భంగా కలెక్టర్‌ మాట్లాడుతూ .. జిల్లాలోని నాలుగు నియోజకవర్గాల్లో 9 మండలాల్లో పర్యటించానని తెలిపారు. ఎన్నికల బహిష్కరణ తొట్టంబేడు (శ్రీకాళహస్తి రూరల్‌): తొట్టంబేడు మండలం, మామిడిగుంట ఎస్పీ కాలనీ వాసులు పోలింగ్‌ స్టేషన్‌ మార్పుపై గురువారం ఆందోళనకు దిగి ఎన్నికలను బహిష్కరించారు. ఎప్పటి నుంచో పిల్లమేడు గ్రామంలో ఉన్న పోలింగ్‌ స్టేషన్లో తాము ఓటు వేసే వారమని, ఇప్పుడు కొత్తగా దయనేడు గ్రామానికి పోలింగ్‌ స్టేషన్‌ మార్చడంతో ఓటు వేయడం ఇబ్బందిగా ఉందని వారు వాపోయారు. తమకు ముందున్న పోలీస్‌ స్టేషన్‌ని కొనసాగించాలని నిరసన తెలియజేశారు. అయితే దీనిపై తొట్టంబేడు మండల ఎంపీడీవో సురేంద్రనాథ్‌ మాట్లాడుతూ.. మామిడి గుంట ఎస్సీ కాలనీ వాసులు ఓటు హక్కు వినియోగించుకోవడానికి బస్సు సౌకర్యం కల్పించామని తెలిపారు. సివిల్స్‌ మెయిన్స్‌ ఫలితాల విడుదల తిరుపతి సిటీ: యూపీపీఎస్సీ ఈ ఏడాది ఆగస్టు 21 నుంచి 30వ తేదీ వరకు నిర్వహించిన సివిల్స్‌ మెయిన్స్‌ పరీక్షా ఫలితాలు గురువారం విడుదలయ్యాయి. దేశ వ్యాప్తంగా 1,016 ఖాళీలకు గాను 2,526 మంది అభ్యర్థులు ఇంటర్వ్యూలకు ఎంపికై నట్లు తెలుస్తోంది. ఇందులో చిత్తూరు, తిరుపతి జిల్లా నుంచి పలువురు అర్హత సాధించినట్లు ప్రైవేటు కోచింగ్‌ సెంటర్ల నిర్వాహకులు అంచనా వేస్తున్నారు. ఫలితాలు యూపీఎస్సీ అధికారిక వెబ్‌సైట్‌లో పొందుపరిచారు.

మా గ్రామంలో రాజకీయ వర్గ వైషమ్యాలు ఎన్ని ఉన్నా ఎన్నికలు ప్రశాంత వాతావరణంలో జరిగేవి. అయితే తొలిసారి పచ్చని పల్లెలో బాంబుల వర్షం కురిసింది. చాలా భయమేసింది. ఇది పిరికిపంద చర్య. ఈ దుస్సంప్రదాయం అత్యంత హేయకరం. – కామనూరి అరుణకుమారి, నల్లపురెడ్డిపల్లె, పెనగలూరు మండలం రీపోలింగ్‌ జరపాలి మా గ్రామంలో టీడీపీ నాయకులు ప్రత్యర్థులను భయపెట్టి గెలవాలని భావించారు. పెట్రోల్‌ బాంబులతో దాడులకు తెగబడి రాజకీయాలకు కొత్త భాష్యం పలికారు. అధికారులు, పోలీసులను తొత్తులుగా మార్చుకున్నారు. కేంద్ర సాయుధ బలగాల భద్రత కల్పించి రీపోలింగ్‌ జరిపించాలి. – పాటూరు సుబ్బారెడ్డి, నల్లపురెడ్డి పల్లె, పెనగలూరు మండలం

చంద్రగిరి: స్థానిక ఎమ్మెల్యే నాని అరాచకాలు దారుణమని వైఎస్సార్‌సీపీ చంద్రగిరి నియోజకవర్గ సమన్వయకర్త చెవిరెడ్డి మోహిత్‌రెడ్డి ధ్వజమెత్తారు. స్థానిక ఎంపీటీసీ ఎన్నికల్లో గురువా రం చంద్రగిరి, పాకాల మండలాల్లోని పలు పోలింగ్‌ కేంద్రాల్లో టీడీపీ నేతలు రిగ్గింగ్‌కు పాల్పడ్డారని, దొంగ ఓట్లకు పూనుకున్నారంటూ ఆయన పాకాల, చంద్రగిరి జెడ్పీటీసీ అభ్యర్థులతో కలసి టవర్‌క్లాక్‌ వద్ద నిరసనకు దిగారు. టీడీపీ నేతలు చేసిన దౌర్జన్యాలు, దొంగ ఓట్లపై అంబేడ్కర్‌కు వినతి పత్రాన్ని సమర్పించారు. ఈ సందర్భంగా ఆయన మాట్లాడుతూ..చంద్రగిరి, పాకాల మండలాల్లో ప్రజాస్వామ్యం పూర్తిగా అపహాస్యమైందన్నారు. నియోజకవర్గ పరిధిలోని దాదాపు 90 శాతం బూతుల్లో యథేచ్ఛగా రిగ్గింగ్‌ సాగిందని ఆరోపించారు. చంద్రగిరిలోని ఆరు పోలింగ్‌ బూతులను పూర్తిగా క్యాప్చర్‌ చేశారని విమర్శించారు. చివరకు జెడ్పీటీసీ అభ్యర్థి తమ కుటుంబ సభ్యులతో కలిసి కూడా ఓటు వేసుకోలేని దయనీయమైన పరిస్థితి దాపురించిందన్నారు. కొటాల, నరసింగాపురం, అరిగలవారిపల్లి గ్రామాల్లో భారీ ఎత్తున అక్రమాలు జరిగాయని ఆరోపించారు. జెడ్పీటీసీ అభ్యర్థినే ఓటు వేయనీయలేదు చంద్రగిరి మండల జెడ్పీటీసీ అభ్యర్థి కొటాల పద్మజను ఓటు వేయనీయకుండా పోలీసులు అడ్డుకున్నారని చెవిరెడ్డి మోహిత్‌ మండిపడ్డారు. రామిరెడ్లిపల్లి పోలింగ్‌ బూత్‌లో ఆమెతో పాటు కుటుంబ సభ్యులకు ఓటు ఉందన్నారు. అయితే గత ఎన్నికల సమయంలో వారి ఇంటిని సైతం టీడీపీ గూండాలు దగ్ధం చేశారని గుర్తుచేశారు. ఈ క్రమంలో తాము ఓటు వేసేందుకు అనుమతులు ఇవ్వాలని పలుమార్లు కోరినా సీఐ సత్యనారాయణ పట్టించుకోలేదన్నారు. రీ పోలింగ్‌ జరపాలి టీడీపీ నేతలు బూత్‌ క్యాప్చర్‌ చేసి భారీగా చేసిన రిగ్గింగ్‌లపై ఎన్నికల కమిషన్‌ చర్యలు తీసుకోవాలని ఆయన డిమాండ్‌ చేశారు. పాకాల మండలంలో 53 పోలింగ్‌ కేంద్రాలు, చంద్రగిరిలోని కల్‌రోడ్డుపల్లి, ఐతేపల్లి, అగరాల, నరసింగాపురం, రామిరెడ్డిపల్లి, కొటాల పోలింగ్‌ కేంద్రాల్లో భారీగా రిగ్గింగ్‌ జరిగిందని ఆరోపించారు. ఆయా కేంద్రాల్లో తక్షణమే రీ పోలింగ్‌ నిర్వహించాలని ఆయన డిమాండ్‌ చేశారు.

మందీమార్బలంతో పోలింగ బూత్‌ల వద్ద హల్‌చల్‌ సాక్షి, టాస్క్‌ఫోర్స్‌: చంద్రగిరి నియోజకవర్గంలో ఓటు హక్కులేని టీడీపీకి చెందిన నేతలు ఓటర్లను ప్రలోభాలకు గురి చేస్తూ హల్‌చల్‌ చేశారు. ఇటీవల తిరుపతి నగర మేయర్‌గా ఎన్నికై న జేబీ శ్రీనివాస్‌కు తిరుచానూరులో ఎలాంటి ఓటు హక్కు లేకపోయినా, పెద్ద ఎత్తున తన మందీమార్బలంతో పోలింగ్‌ బూత్‌ల వద్ద హల్‌చల్‌ చేశారు. ఉదయం నుంచి సాయంత్రం వరకు పోలింగ్‌ బూత్‌ల వద్ద తిరుగుతూ ఓటర్లను ప్రలోభాలకు గురిచేశారు. జేబీ శ్రీనివాస్‌ మౌఖిక ఆదేశాలతో పోలీసులు వైఎస్సాస్‌పీపీ నేతలు, ఏజెంట్లను అడుగడుగునా ఇబ్బందులకు గురిచేశారు. తిరుచానూరు సీఐ సునీల్‌కుమార్‌ టీడీపీ ఏజెంట్‌గా వ్యవహరించాడంటూ వైఎస్సాసీపీ నాయకులు ఆగ్రహం వ్యక్తం చేశారు. ఫిర్యాదు చేసినా పోలీసులు ఎలాంటి చర్యలు తీసుకోలేదు. మహిళపై దౌర్జన్యం.. రోడ్డుపై నిరసన ఎంపీటీసీ ఎన్నికల్లో ఓటు వేసే మహిళలపై జేబీ శ్రీనివాస్‌ అనుచరులు దౌర్జన్యానికి పాల్పడడంతో స్థానిక మహిళలు మండిపడ్డారు. ఓటు వేసేందుకు వెళ్తున్న క్రమంలో తిరుపతిలోని ఓ హోటల్‌ యజమాని తనయుడు మహిళను పరుష పదజాలంతో బూతులు తిడుతూ, దాడికి యత్నించాడు. అక్కడే ఉన్న పోలీసులు కనీసం పట్టించుకోలేదు. ఈ క్రమంలో అక్కడే ఉన్న మహిళలు పెద్ద ఎత్తున తిరగబడ్డారు. పోలింగ్‌ బూత్‌ ఎదురుగా రోడ్డపై బైఠాయించి నిరసనకు దిగారు. జేబీ శ్రీనివాస్‌ రౌడీలను ఇక్కడి నుంచి పంపించాలంటూ నినాదాలు చేశారు. టీడీపీ నాయకులు మహిళల పట్ల చేస్తున్న వ్యాఖ్యలపై ఆగ్రహం వ్యక్తం చేశారు. చివరకు పోలీసులు రౌడీ మూకలను పోలింగ్‌ బూత్‌ నుంచి పంపడంతో నిరసనను విరమించారు.

వెంకటగిరి రూరల్‌: ఓటు వేసేందుకు వచ్చిన ఓ మహిళను అదే గ్రామానికి చెందిన వ్యక్తి కర్రతో దాడిచేసి తల పగులగొట్టిన ఘటన వెంకటగిరి మండలంలోని పారవోలు దళితవాడలో గురువారం చోటుచేసుకుంది. స్థానికులు, పోలీసుల కథనం.. పారవోలు గ్రామానికి చెందిన తూపిలి సుబ్రమణ్యం, రమణమ్మ దంపతులు పట్టణంలో నివాసం ఉంటున్నారు. స్థానిక ఎన్నికల సందర్భంగా ఓటు వేసేందుకు పారవోలు గ్రామానికి వచ్చి, ఓటు హక్కు వినియోగించుకున్న రమణమ్మపై అదే గ్రామానికి చెందిన దందవోలు ఈశ్వరయ్య కర్రతో దాడి చేసి గాయపరిచారు. వెంకటగిరి సీఐ రోశయ్య ఘటనా స్థలికి చేరుకుని నిందితుడు ఈశ్వరయ్యను అదుపులోకి తీసుకున్నారు. ఈశ్వరయ్య తండ్రి సుబ్రమణ్యం అనే వ్యక్తి గత కొన్నేళ్ల హత్యచేశారన్న నేపంలో పాత కక్షలు మనసులో పెట్టుకుని రమణమ్మపై దాడి చేసి ఉండవచ్చని స్థానికులు తెలిపారు.

నాయుడుపేట టౌన్‌: నాయుడు పేట మున్సిపల్‌ చైర్‌పర్సన్‌ తంబిరెడ్డి రాజేశ్వరమ్మ, జనార్దన్‌రెడ్డి దంపతులు నెల్లూరులోని మాజీ మంత్రి కాకాణి నివాసం వద్దకు వెళ్లి ఆయనను మర్యాదపూర్వకంగా కలిశారు. మాజీ మంత్రితో పాటు వైఎస్సార్‌ కాంగ్రెస్‌ పార్టీ మహిళా నాయకురాలు కాకాణి పూజిత, సూళ్లూరుపేట నియోజకవర్గ పరిశీలకులు బిరుదవోలు శ్రీకాంత్‌రెడ్డికి శాలువాలు కప్పి, పుష్పగుచ్ఛాలు అందించి ఘనంగా సత్కరించారు. మాజీ మంత్రిని కలిసిన వారిలో వైఎస్సార్‌ కాంగ్రెస్‌పార్టీ రాష్ట్ర కార్యదర్శి తంబిరెడ్డి సుబ్రమణ్యంరెడ్డి, టీఎంఆర్‌ గ్రూప్‌ సంస్థల అధినేత తంబిరెడ్డి మోహన్‌రెడ్డి, వైఎస్సార్‌ కాంగ్రెస్‌పార్టీ పట్టణ అధ్యక్షుడు కలికి మాధవరెడ్డి, మారంరెడ్డి ముత్యాల్‌రెడ్డి తదితరులు ఉన్నారు. అతే విధంగా పట్టణంలోని జువ్వలపాళెం రోడ్డు వద్ద ఉన్న తంబిరెడ్డి నివాసం, మాజీ ఎమ్మెల్యే కిలివేటి సంజీవయ్య క్యాంపు కార్యాలయం వద్ద సందడి నెలకొంది. విజయం సాధించిన వైఎస్సార్‌ కాంగ్రెస్‌ పార్టీ కౌన్సిలర్లు పార్టీ క్యాంపు కార్యాలయం వద్దకు చెరుకుని సంజీవయ్యతో పాటు నాయకులకు కృతజ్ఞతలు తెలిపారు. మాజీ ఎమ్మెల్యేను అడ్డుకున్న టీడీపీ మూక తొట్టంబేడు (శ్రీకాళహస్తి రూరల్‌): తొట్టంబేడు మండలంలోని కాసరం, చోడవరం పోలింగ్‌ కేంద్రాలను గురువారం జనరల్‌ ఏజెంట్‌గా పరిశీలించడానికి వెళ్లిన శ్రీకాళహస్తి మాజీ ఎమ్మెల్యే బియ్యపు మధుసూదన్‌ రెడ్డిని మద్యం మత్తులో టీడీపీ మూకలు అడ్డుకున్నాయి. పోలీసులు చూస్తుండగానే వారు అరాచకం సృష్టించారు. తల్లి వద్దకు చేరిన చిన్నారి నాయుడుపేట టౌన్‌: నాయుడుపేట పట్టణంలోని అమరాగార్డెన్‌లో ఇంటి వద్ద ఆడుకుంటూ తప్పిపోయిన చిన్నారి తల్లిదండ్రుల వద్దకు చేరింది. శ్రీకాళహస్తికి చెందిన దస్తగిరి – హుస్సేన్‌ కుమార్తె ఆసీఫ గురువారం ఉదయం ఇంటి ఎదుట ఆడుకుంటూ సమీపంలోని శ్రీకాళహస్తి బైపాస్‌ రోడ్డు వద్దకు చేరింది. రహదారి సమీపంలో ప్రభుత్వ అర్బన్‌ వైద్యశాల వద్ద ఉన్న డాక్టర్‌ మేరీ సలోమితో పాటు పనిచేసే శివ, ప్రసాద్‌, జేమ్స్‌ అనే వారు చిన్నారిని గుర్తించి ఆమె ఆచూకీ అడిగారు. చిన్నారి ఏమీ చెప్పలేక సమీపంలో ఉన్న కానూరు గ్రామం వద్దకు తీసుకువెళ్లి పాప అచూకీ కోసం ప్రయత్నించారు. అయితే పట్టణంలోని అమరాగార్డెన్‌లో ఉన్న పాప కుటుంబ సభ్యులు గాలింపు చర్యలు చేపట్టి పోలీసులకు ఫిర్యాదు చేశారు. పాప తప్పిపోయిన విషయం సోషల్‌ మీడియాలో చూసి పోలీసులకు సమాచారం అందించారు. పోలీసులతో పాటు బాలిక కుటుంబ సభ్యులు అక్కడికి వెళ్లి పాపను సురక్షితంగా తీసుకువచ్చి తల్లిదండ్రులకు అప్పగించారు. బాలికను సురక్షితంగా ఉంచి తల్లిదండ్రులకు అప్పగించేలా చేసిన ప్రభుత్వ వైద్యురాలితో పాటు సిబ్బందికి అమరాగార్డెన్‌ యువత శాలువాలు కప్పి కృతజ్ఞతలు తెలిపారు.

– రోడ్డు ప్రమాదంలో యువతి దుర్మరణం ఏర్పేడు: ఏర్పేడు – శ్రీకాళహస్తి మార్గం మేర్లపాక టోల్‌గేట్‌ వద్ద గురువారం జరిగిన రోడ్డు ప్రమాదంలో ఓ యువతి దుర్మరణం చెందింది. ఏర్పేడు సీఐ శ్రీకాంత్‌రెడ్డి తెలిపిన వివరాలు.. శ్రీకాళహస్తి పట్టణం, ముత్యాలమ్మగుడి వీధికి చెందిన గొల్లపల్లి దేవరాజులు కుమార్తె గొల్లపల్లి సుప్రియ (20), ఆమె స్నేహితులు మన్నసముద్రం గ్రామానికి చెందిన రూపేష్‌వర్మ శ్రీకాళహస్తికి చెందిన నరసింహతో కలిసి బైక్‌ పై తిరుపతికి వెళ్లింది. అక్కడ నర్సింగ్‌ చేస్తున్న తన అక్క పవిత్రతో మాట్లాడి తిరుగుపయనమయ్యారు. ఏర్పేడు దాటాక, మన్నసముద్రం గ్రామం వెళ్లి అక్కడ నుంచి ముగ్గురూ కలసి శ్రీకాళహస్తికి వెళుతుండగా, మేర్లపాక టోల్‌ ప్లాజా వద్ద యూటర్న్‌ తీసుకుంటుండగా వెనుక నుంచి లారీ అతివేగంగా బైక్‌ను ఢీ కొట్టింది. వెనుక కూర్చున్న సుప్రియ కింద పడడంతో ఆమె తల మీద లారీ చక్రాలు ఎక్కేశాయి. దీంతో ఆమె అక్కడికక్కడే మృతి చెందింది. బైక్‌ పై ఉన్న నరసింహులు తలకు రక్త గాయాలయ్యాయి. చికిత్స నిమిత్తం అతన్ని తిరుపతి రుయాకు తరలించారు. సుప్రియ మృతదేహాన్ని పోస్టుమార్టం నిమిత్తం శ్రీకాళహస్తి ఏరియా ఆస్పత్రికి తరలించారు. కేసు దర్యాప్తు చేస్తున్నట్లు సీఐ తెలిపారు. పోలింగ్‌ సరళి పరిశీలన తిరుపతి సిటీ: జిల్లాలో జరిగిన జెడ్పీటీసీ, ఎంపీటీసీ పోలింగ్‌ ప్రక్రియను కలెక్టర్‌ డాక్టర్‌ వెంకటేశ్వర్‌ గురువారం అధికారులతో కలిసి పరిశీలించారు. జిల్లాలోని శ్రీకాళహస్తి, రైల్వేకోడూరు, సూళ్లూరుపేట, సత్యవేడు నియోజవర్గాల్లోని పలు మండలాల్లో ఆయన విస్తృతంగా పర్యటించారు. ఓటింగ్‌ సరళిని పరిశీలించి అధికారులకు పలు సూచనలు చేశారు. రైల్వేకోడూరు మండలం అనంతరాజుపేట–2 జెడ్పీ ఉన్నత పాఠశాలలోని పోలింగ్‌ కేంద్రం వద్ద దొంగ ఓటు వేసేందుకు ప్రయత్నించి ఓ యువకుడుని గుర్తించి పోలిసులకు అప్పగించారు. బ్యాలెట్‌ బాక్సులను భద్రపరిచేందుకు అనంతరాజుపేటలోని హార్టికల్చర్‌ యూనివర్సిటీలో ఏర్పాటు చేసిన స్ట్రాంగ్‌ రూములను, ఓట్ల లెక్కింపు కేంద్రాలను పరిశీలించారు.

పుత్తూరు: పట్టణానికి చెందిన ఓ రియల్‌ ఎస్టేట్‌ వ్యాపారి ఎన్నికల వేళ గుట్టుచప్పుడు కాకుండా కుంట పొరంబోకు భూమిలో రోడ్డు నిర్మాణం చేపట్టారు. గురువారం మండల పరిషత్‌ ఎన్నికలు జరుగుతుండడంతో ఇదే అదనుగా పుత్తూరు మున్సిపాలిటీ 27వ వార్డులోని ప్రభుత్వ కుంట పొరంబోకు భూమిలో చకచకా సిమెంట్‌ రోడ్డు ఏర్పాటుచేస్తున్నారు. ఇదేదో ప్రజల కోసం అనుకుంటే పొరబాటే. ఈ భూమికి వెనక వైపున ఇటీవల కోట్ల రూపాయలు విలువైన ప్రైవేటు రియల్‌ ఎస్టేట్‌ వెంచర్‌ వేశారు. ఈ వెంచర్‌కు సరైన దారి లేకపోవడంతో పుత్తూరు–చిత్తూరు జాతీయ రహదారికి ఆనుకుని ఉన్న కుంట పొరంబోకు భూమిని మీద వెంచర్‌ యజమాని కన్నుపడింది. వెంటనే అధికారంలో ఉన్న కూటమి నాయకుల్లో ప్రముఖుడిని సంప్రదించారు. సదరు భూమిని ఎలా స్వాధీనం చేసుకోవాలో, ఎప్పడు రోడ్డు వేసుకోవాలో సదరు నాయకుడు వెంచర్‌ యజమానికి దిశానిర్దేశం చేశారు. ఇందుకు ప్రతిఫలంగా సదరు కూటమి నాయకుడు వెంచర్‌ యజమాని నుంచి పెద్ద మొత్తంలో సొమ్ము అందుకొన్నట్లు సమాచారం. పక్కా ప్రణాళికతో ప్రభుత్వ భూమి ధారాదత్తం పుత్తూరు మున్సిపాలిటీ 27వ వార్డు చెర్లోపల్లి రెవెన్యూ లెక్కదాఖలా సర్వే నంబర్‌ 116/1బిలోని 82 సెంట్ల గుంట పొరంబోకు భూమి ఉంది. ఈ భూమికి ఓపక్క చినరాజుకుప్పం ఎస్టీ కాలనీ, మరోపక్క ముస్లిం కాలనీ ఉంది. దీంతో 9 మంది ముస్లింలను సదరు భూమిలో 24 సెంట్లు వెంచర్‌ యజమానికి విక్రయించినట్లు అగ్రిమెంట్‌ చేయాలని సదరు కూటమి నాయకుడు ఆదేశించాడు. దీంతో వారు విధిలేక అగ్రిమెంట్‌ చేసి, కొంత సొమ్మును తీసుకొన్నట్లు సమాచారం. దీంతో రంగంలోకి దిగిన వెంచర్‌ యజమాని ఎన్నికల వేళ రోడ్డు నిర్మాణానికి ముహూర్తం పెట్టి దాదాపు సగం రోడ్డు వేసేశారు. కోట్ల రూపాయల విలువ చేసే ప్రభుత్వ భూమిని రియల్‌ ఎస్టేట్‌ వ్యాపారులు ఇలా ఆక్రమిస్తుంటే రెవెన్యూ అధికారులు నిమ్మకు నీరెత్తినట్లు వ్యవహరిస్తున్న తీరుపై పలు అనుమానాలు వ్యక్తమవుతున్నాయి.

తిరుపతి సిటీ: స్థానిక సంస్థల ఎన్నికల్లో ఎలాగైనా గెలవాలనే లక్ష్యంతో టీడీపీ నేతలు దొంగ ఓట్లు వేసుకునేందుకు పక్కా వ్యూహంతో ముందుకు సాగారు. రెండు రోజులుగా ఇంటింటికీ వెళ్లి ఓటుకు రూ.1000 నుంచి రూ.2 వేల వరకు పంపిణీ చేశారు. అప్పటికీ ఓట్లు తమకు వేస్తారో లేదో అనే అపనమ్మకంతో రిగ్గింగ్‌ చేసుకోవాలని భావించారు. గురువారం జరిగిన జెడ్పీటీసీ, ఎంపీటీసీ పోలింగ్‌ కేంద్రాల వద్దకు దొంగ ఓటర్లను తరలించడానికి ప్రయత్నించారు. ఇందులో భాగంగా తిరుపతి ఎస్వీ, ఎస్‌జీఎస్‌ ఆర్ట్స్‌ కళాశాలతో పాటు పలు పీజీ కళాశాలల్లో చదువుతున్న పేద, గ్రామీ ణ విద్యార్థులను ఎంచుకున్నారు. రోజుకు రూ.500, బిర్యానీ ప్యాకెట్లు, రాత్రికి సినిమా టికెట్లు తీసిస్తామని ఆశ చూపారు. గురువారం ఉదయం తిరుపతి బస్టాండ్‌ సమీపం నుంచి వాహనాల్లో పోలింగ్‌ కేంద్రాలకు విద్యార్థులను తరలించే ప్రయత్నం చేశారు. రైల్వేకోడూరు, తిరుపతి రూరల్‌ టార్గెట్‌ తిరుపతి నుంచి రైల్వేకోడూరు, తిరుపతి రూరల్‌ ప్రాంతాల్లోని పోలింగ్‌ కేంద్రాలకు విద్యార్థులను మినీ వ్యాన్‌లు, సుమోలు, జీపుల ద్వారా తరలించారు. ఈ విషయాన్ని గుర్తించిన వైఎస్సార్‌సీపీ నేతలు ప్రధాన రోడ్లలో వాహనాలను ఆపారు. ఎవరు.. ఎక్కడికి వెళుతున్నారంటూ ఆరా తీశారు. విద్యార్థులు అసలు విషయాన్ని బయటపెట్టడంతో అవాక్కయ్యారు. రైల్వేకోడూరు, ఓబులవారిపల్లె ప్రాంతాల్లోని పోలింగ్‌ కేంద్రాలకు వెళుతున్న విద్యార్థులను వైఎస్సార్‌సీపీ నేత సాయికిషోర్‌రెడ్డితో పాటు ఆ పార్టీ శ్రేణులు అడ్డుకున్నారు. విద్యార్థులు స్పందిస్తూ తమను మభ్యపెట్టి రూ.500 ఇస్తామని కూటమి నేతలు వాహనాల్లో వెళ్లమన్నారని చెప్పుకొచ్చారు. తప్పు చేశాం.. క్షమించండి అంటూ బతిమలాడారు. బంగారు భవిష్యత్తు ఉన్న విద్యార్థులు నేరపూరిత పనులుచేసి జీవితాన్ని నాశనం చేసుకోవద్దని వైఎస్సార్‌సీపీ నేతలు బుద్ధి చెప్పి తిరిగి వాహనాలను వెనక్కి పంపారు.

ప్రాదేశిక సమాచారం పరిషత్‌ మొత్తం ఏకగ్రీవాలు ఎన్నికలు అభ్యర్థుల స్థానాలు జరిగేవి సంఖ్య జెడ్పీటీసీ 35 4 31 126 ఎంపీటీసీ 444 142 302 832సాక్షి, తిరుపతి : ప్రాదేశిక ఎన్నికల్లో భాగంగా జెడ్పీటీసీ, ఎంపీటీసీ స్థానాలకు నేడు పోలింగ్‌ జరగనుంది. ప్రజా వ్యతిరేకత స్థానిక సంస్థల ఎన్నికల్లో బయటపడుతుందనే భయంతో నోటిఫికేషన్‌ విడుదలైన రోజు నుంచే టీడీపీ నేతలు కుట్రలకు తెరదీశారు. వైఎస్సార్‌సీపీ అభ్యర్థులు నామినేషన్‌ వేయనీయకుండా దాడు లు, దౌర్జన్యాలతో అడ్డుకున్నారు. ప్రజాస్వామ్యం బతికించాలనే సంకల్పంతో ఎన్ని ఇబ్బందులు ఎదురైనా వైఎస్సార్‌సీపీ అభ్యర్థులు నామినేషన్లు వేసిన విషయం తెలిసిందే. ప్రచారం అడ్డుకోవడం, పోలింగ్‌ ఏజెంట్లను ఇబ్బందిపెట్టడం వంటి దుర్మార్గాలు చేస్తున్న నేపథ్యంలో కీలకమైన పోలింగ్‌రోజు టీడీపీ మరెన్ని అరాచకాలకు పాల్పడుతుందో అనే ప్రశ్నలు తలెత్తుతున్నాయి. పోలింగ్‌ రోజైనా ప్రజాస్వామ్యాన్ని కాపాడాలని వైఎస్సార్‌సీపీ అభ్యర్థులు కోరుతున్నారు. ప్రజలు స్వేచ్చగా ఓటు వేసుకునే వాతావరణం కల్పించాలని డిమాండ్‌ చేస్తున్నారు. పోలింగ్‌ ప్రక్రియ ప్రశాంతంగా ముగియాలంటే పోలీసులు, ఎన్నికల అధికారుల పాత్రే కీలకం. వారిపైనే భారమంతా ఉన్న నేపథ్యంలో అధికారపార్టీ ఒత్తిడికి తలొగ్గకుండా పనిచేయాల్సిన అవసరముంది. ముఖ్యంగా రైల్వే కోడూరు, చంద్రగిరి, శ్రీకాళహస్తి నియోజకవర్గాలలో భారీగా దాడులు, పోలింగ్‌ ప్రక్రియలో దౌర్జన్యాలకు అధికారపార్టీ నేతలు సిద్ధమైన నేపథ్యంలో పోలీసులు మరింత ప్రత్యేక శ్రద్ధ తీసుకోవాల్సి ఉంది. ప్రత్యేక వాహనాల ద్వారా ... పోలింగ్‌ కేంద్రాలకు ఎన్నికల సిబ్బంది, సామగ్రిని తరలించడానికి ప్రత్యేకంగా 326 వాహనాలను ఏర్పాటు చేశారు. మంగళవారమే స్టేజ్‌–1 అధికారులు తమ కేంద్రానికి అవసరమైన ఎన్నికల సామగ్రిని తీసుకున్నారు. పోలింగ్‌, కౌటింగ్‌కు అవసరమైన సామగ్రిని జాబితా ప్రకారం అందజేశారు. ఈ నెల 7వ తేదీన జరగనున్న పరిషత్‌ కౌంటింగ్‌కు 8 కేంద్రాలను ఏర్పాటు చేశారు. 373 కౌంటింగ్‌ టేబుళ్ల మీద చేపట్టనున్న ఓట్ల లెక్కింపులో 373 మంది కౌంటింగ్‌ సూపర్‌వైజర్లు,746 మంది సిబ్బంది విధులు నిర్వర్తించనున్నారు. ఉదయం 7 గంటల నుంచి పోలింగ్‌ గురువారం ఉదయం 7 గంటలకే పరిషత్‌ ఎన్నికల పోలింగ్‌ ప్రారంభం కానుంది. సాయంత్రం 5 గంటల వరకు కొనసాగనుంది. జిల్లా వ్యాప్తంగా 11,70,397 మంది ఓటర్లు తమ ఓటు హక్కును వినియోగించుకోనున్నారు. పోలింగ్‌ ప్రక్రియలో అవాంతరాలతో రీపోలింగ్‌ జరపాల్సిన స్థానాలకు ఈ నెల 6వ తేదీన రీపోలింగ్‌ చేపట్టనున్నారు. ఈ క్రమంలో పరిషత్‌ పోరుకు జిల్లాలో 712 పోలింగ్‌స్టేషన్ల పరిధిలో మొత్తం 1,505 పోలింగ్‌ కేంద్రాలను ఏర్పాటు చేశారు. ఇందులో 494 అత్యంత సమస్యాత్మక కేంద్రాలు , 259 సమస్యాత్మక కేంద్రాలు ఉన్నాయి. ఎన్నికల నిర్వహణకు 35 మంది ఆర్‌ఓలు, 70 మంది ఏఆర్‌ఓలు, 1,806 మంది పీఓలు, 7,221 మంది పోలింగ్‌ సిబ్బందిని ఏర్పాటు చేశారు. వీరందరికి అవసరమైన శిక్షణ కార్యక్రమాలను ఇప్పటికే నిర్వహించారు. పోలింగ్‌ కోసం జిల్లా వ్యాప్తంగా మొత్తం 4,400 బాలెట్‌ బాక్సులను సిద్ధంగా ఉంచారు. పోటీలో 958 మంది.. జిల్లాలో మొత్తం 35 జెడ్పీటీసీ స్థానాలకు గాను, శ్రీకాళహస్తి, ఏర్పేడు, నాయుడుపేట, ఓజిలి జెడ్పీటీసీ స్థానాలు ఏకగ్రీవమైన విషయం తెలిసిందే. మిగిలిన 31 జెడ్పీస్థానాలకు ఎన్నికల నిర్వహించనున్నారు. అందులో 126 మంది అభ్యర్థులు పోటీలో ఉన్నారు. మరోవైపు జిల్లాలో మొత్తం 444 ఎంపీటీసీ స్థానాలు ఉండగా, అందులో 142 ఎంపీటీసీ స్థానాలు ఏకగ్రీవమయ్యాయి. మిగిలిన 302 ఎంపీటీసీ స్థానాలలో ఎన్నికల నిర్వహణకు అధికారుల ఏర్పాట్లు చేశారు. ఈ స్థానాలలో మొత్తం 832 మంది అభ్యర్థులు బరిలో నిలిచారు.

పెళ్లకూరు : మండలంలోని పాలచ్చూరు, కలవకూరు ఎంపీటీసీ స్థానాల పరిధి లోని చిల్లకూ రు, పునబాక గ్రామాల్లో వైఎస్సార్‌సీపీ తరఫున ఏజెంట్లు, ఓటర్లు భయాందోళన చెందుతున్నారని, వారికి ఎస్సీ, ఎస్టీ చట్టం కింద రక్షణ కల్పించాలని ఎన్నికల సంఘం బుధవారం ఆదేశాలు జారీ చేసింది. ఎన్నికల నిబంధనలను తప్పనిసరిగా అమలు చేయాలని కోరింది. అలాగే పెళ్లకూరు జెడ్పీటీసీ స్థానంలోనూ పకడ్బందీ చర్యలు చేపట్టాలని స్పష్టం చేసింది. కట్టుదిట్టమైన బందోబస్తు నడుమ ప్రశాంతవాతావరణంలో ప్రజలు ఓటు హక్కు వినియోగించుకునేలా చూడాలని పేర్కొంది.

సూళ్లూరుపేట : నాయుడుపేట మున్సిపాలిటీలో వైఎస్సార్‌సీపీ అభ్యర్థి తంబిరెడ్డి రాజేశ్వరమ్మను గెలిపించేందుకు అహర్నిశలు శ్రమించిన మాజీ ఎమ్మెల్యే కిలివేటి సంజీవయ్యను పార్టీ అధినేత వైఎస్‌ జగన్‌మోహన్‌రెడ్డి అభినందించారు. బుధవారం ఈ మేరకు సంజీవయ్యకు ప్రత్యేకంగా ఫోన్‌ చేసి మాట్లాడారు. టీడీపీ నేతల దాడులు, దౌర్జన్యాలను దీటుగా ఎదుర్కొని సమర్థవంతంగా పనిచేశారని ప్రశంసించారు. నాయుడుపేటలో సాధించిన విజయం పార్టీ శ్రేణుల్లో నూతనోత్సాహం నింపిందని హర్షం వ్యక్తం చేశారు. అధికార పార్టీ ఆగడాలను తిప్పికొట్టి వైఎస్సార్‌సీపీ జెండా ఎగురవేసినందుకు అభినందనలు తెలిపారు. ఇదే స్ఫూర్తితో ప్రాదేశిక ఎన్నికల్లో సైతం వైఎస్సార్‌సీపీ అభ్యర్థుల విజయానికి కృషి చేయాలని సూచించారు. నేతలు, కార్యకర్తలను సమష్టిగా నడిపించిన విధానం బాగా నచ్చిందని, భవిష్యత్‌లో సైతం ఇదే విధానం కొనసాగించాలని కోరారు. పార్టీ కోసం నిబద్ధత, చిత్తశుద్ధితో పనిచేసే శ్రేణులను సిద్ధం చేసుకుంటే విజయాలు అవలీలగా వస్తాయని తెలిపారు. పరిషత్‌ ఎన్నికల్లో సైతం వైఎస్సార్‌సీపీ అభ్యర్థులను గెలిపించేందుకు సమన్వయంతో కృషి చేయాలని సూచించారు. ఈ క్రమంలోనే మరోసారి అభినందనలు తెలిపారు.

తిరుమల: తిరుమలలో బుధవారం భక్తుల రద్దీ సాధారణంగా ఉంది. క్యూకాంప్లెక్స్‌లోని 4 కంపార్టుమెంట్లలో భక్తులు వేచి ఉన్నారు. మంగళవారం అర్ధరాత్రి వరకు 72,806 మంది స్వామివారిని దర్శించుకున్నారు. 18,564 మంది భక్తులు తలనీలాలు అర్పించారు. స్వామివారికి కానుకల రూపంలో హుండీలో రూ. 3.63 కోట్లు సమర్పించారు. టైంస్లాట్‌ టిక్కెట్లు కలిగిన భక్తులకు సకాలంలో దర్శనం లభిస్తోంది. దర్శన టిక్కెట్లు లేని వారు స్వామిని దర్శించుకోవడానికి 06 గంటల సమయం పడుతోంది. ప్రత్యేక ప్రవేశ దర్శనం టిక్కెట్లు కలిగిన వారు 3 గంటల్లో స్వామిని దర్శించుకోగలుగుతున్నారు. ఇదిలా ఉంటే సర్వదర్శనం టోకెన్లు కలిగిన భక్తులు నిర్దేశించిన సమయానికి మాత్రమే క్యూలోకి వెళ్లాలని టీటీడీ విజ్ఞప్తి చేస్తోంది. కేటాయించిన సమయానికంటే ముందు వెళ్లిన వారిని క్యూలోకి అనుమతించరని స్పష్టంచేసింది. అంతర్జాతీయ సదస్సులో ఎస్వీయూ ప్రొఫెసర్‌ తిరుపతి సిటీ : ఎస్వీయూ భౌతికశాస్త్ర విభాగానికి చెందిన ప్రొఫెసర్‌ బి.దేవప్రసాద్‌ రాజు అమెరికాలో నిర్వహిస్తున్న 7వ ఇంటర్నేషనల్‌ కాన్ఫెరెన్స్‌ ఆన్‌ ఆఫ్టిక్స్‌, ఫొటోమిక్స్‌ అండ్‌ లేజర్‌ సదస్సులో బుధవారం పరిశోధన ప్రసంగం చేశారు. ఈ సదస్సులో ప్రపంచవ్యాప్తంగా పలువురు ప్రముఖ శాస్త్రవేత్తలు, పరిశోధకులు, అధ్యాపకులు పాల్గొన్నారు. ప్రొఫెసర్‌ దేవప్రసాద్‌ రాజు తన ప్రసంగంతో పాటు పరిశోధన పత్రాలు సమర్పించారు. ఈ సందర్భంగా వీసీ, రిజిస్ట్రార్‌, ప్రిన్సిపాల్‌, అధ్యాపకులు ప్రొఫెసర్‌ దేవప్రసాద్‌రాజుకు అభినందనలు తెలిపారు. కార్తీక మాసం ప్రత్యేక యాత్ర తిరుపతి అన్నమయ్యసర్కిల్‌ : కార్తీక మాసం సందర్భంగా భక్తుల సౌకర్యార్థం పర్యాటకాభివృద్ధి సంస్థ ప్రత్యేక దర్శన ప్యాకేజీ టూర్లను ఏర్పాటు చేసినట్లు తిరుపతి డివిజనల్‌ మేనేజర్‌ సీహెచ్‌ శ్రీనివాసరావు వెల్లడించారు. బుధవారం ఆయన మాట్లాడుతూ ఈ నెల 14, 21, 28 తేదీలతో పాటు డిసెంబరు 5వ తేదీన ఒంటిమిట్ట, అహోబిలం, మహానంది, శ్రీశైలానికి ప్రత్యేక ప్యాకేజీ టూర్‌ అందుబాటులోకి తీసుకువచ్చామన్నారు. ప్రతి శనివారం ఉదయం 6 గంటలకు తిరుపతి నుంచి బస్సు బయలుదేరి క్షేత్రాల సందర్శన అనంతరం తిరిగి సోమవారం ఉదయానికి తిరుపతి చేరుకోనున్నట్లు వివరించారు. ఆ ప్యాకేజీకి సంబంధించి పెద్దలకు రూ.3,500, పదేళ్ల లోపు పిల్లలకు రూ.2800 ప్రయాణ టికెట్‌ ధర ఉంటుందని వెల్లడించారు. అలాగే శబరిమలై యాత్రలు, వివాహాలు, ఇతర శుభకార్యాలు, యాత్రల కోసం 36 సీట్ల నాన్‌ ఏసీ హైటెక్‌ బస్సులు, 45 సీట్ల ఏసీ ఓల్వో మల్టీయాక్సిల్‌ సర్వీసులను అద్దెకు ఇస్తామని తెలిపారు. ఈ మేరకు తిరుపతిలోని శ్రీనివాసం కాంప్లెక్స్‌, విష్ణునివాసం కాంప్లెక్స్‌ సంప్రదించాలని కోరారు. ఇతర వివరాలకు 0877–2289123, 9848007033, 9848802099, 9848850099 నంబర్లకు ఫోన్‌ చేయాలని, లేదా ఏపీ టూరిజం వెబ్‌సైట్‌ను సందర్శించాలని సూచించారు.

తిరుపతి మంగళం : పేద, బడుగు, బలహీన వర్గాలకు సంక్షేమ పథకాలు సక్రమంగా అందాలంటే వైఎస్సార్‌సీపీతోనే సాధ్యమని మాజీ ఎమ్మెల్సీ యండపల్లి శ్రీనివాసులురెడ్డి స్పష్టం చేశారు. బుధవారం ఆయన మాట్లాడుతూ జెడ్పీటీసీ, ఎంపీటీసీ ఎన్నికల్లో వైఎస్సార్‌సీపీ అభ్యర్థులనే గెలిపించాలని పిలుపునిచ్చారు. ప్రజల ఆకాంక్షలకు అనుగుణంగా పనిచేసే వైఎస్సార్‌సీపీ అభ్యర్థులకు ప్రతి ఒక్కరూ తమ అమూల్యమైన ఓటు వేయాలని కోరారు. మహాత్మా గాంధీ కలలుగన్న గ్రామ స్వరాజ్య స్థాపన, గ్రామీణాభివృద్ధి వైఎస్‌ జగన్‌ మోహన్‌ రెడ్డి నాయకత్వంలోనే సాధ్యమవుతుందని వెల్లడించారు. పల్లెవాసులకు మెరుగైన పాలన అందించేందుకు ఎంపీటీసీ, జెడ్పీటీసీ స్థానాల్లో వైఎస్సార్‌సీపీ అభ్యర్థుల గెలుపు ఎంతో అవసరమని స్పష్టం చేశారు. నేతలు, కార్యకర్తలు సమన్వయంతో పనిచేస్తూ అభ్యర్థుల విజయానికి కృషి చేయాలని సూచించారు. మున్సిపల్‌ ఎన్నికల్లో కూటమి కుతంత్రాలకు ఎదురొడ్డి ధైర్యంగా పోరాడి విజయం సాధించిన వైఎస్సార్‌సీపీ అభ్యర్థులకు అభినందనలు తెలిపారు. ఓడిన వారు సైతం నిరాశ చెందకుండా, పోరాట స్ఫూర్తిని కొనసాగించాలని సూచించారు. వైఎస్‌ జగన్‌ మోహన్‌ రెడ్డిని తిరిగి ముఖ్యమంత్రిగా చేసుకోవడమే లక్ష్యంగా కృషి చేయాలని పిలుపునిచ్చారు.

తిరుపతి రూరల్‌: చంద్రగిరి నియోజకవర్గంలో గురువారం జరగనున్న ఎంపీటీసీ, జెడ్పీటీసీ ఎన్నికల నిర్వహణకు హైకోర్టు మంగళవారం కీలక ఆదేశాలు జారీ చేసిందని వైఎస్సార్‌సీపీ చంద్రగిరి నియోజకవర్గ సమన్వయకర్త చెవిరెడ్డి మోహిత్‌ రెడ్డి తెలిపారు. ఆ ఉత్తర్వులను ఉల్లంఘిస్తే ఎంతటి అధికారి అయినా సరే న్యాయపోరాటం చేసి ఎదుర్కొంటామని బుధవారం ఒక పేర్కొన్నారు. స్థానిక ఎన్నికల నామినేషన్ల ప్రక్రియలో చోటు చేసుకున్న అక్రమాలు, దాడులు, దౌర్జన్యాలపై తాను న్యాయపోరాటం చేయడంతో హైకోర్టు మంగళవారం స్పష్టమైన ఆదేశాలు జారీ చేసిందని తెలియజేశారు. ఆమేరకు చంద్రగిరి నియోజకవర్గంలోని ఆరు మండలాల్లో ఎంపీటీసీ, జెడ్పీటీసీ ఎన్నికల పోలింగ్‌ను పూర్తిగా సీసీ కెమెరాల పర్యవేక్షణలో నిర్వహించాలని స్పష్టం చేసినట్టు తెలిపారు. ప్రతి పోలింగ్‌ కేంద్రంలో ఏర్పాటు చేసిన సీసీ కెమెరాల ద్వారా పోలింగ్‌ ప్రక్రియ మొత్తాన్ని నిరంతరాయంగా వీడియో రికార్డింగ్‌ చేసి భద్రపరిచి న్యాయ స్థానానికి సమర్పించాలని సూచించినట్టు మోహిత్‌రెడ్డి వివరించారు. ఓటర్లకు స్వేచ్ఛాయుత వాతావరణం కల్పించండి చంద్రగిరి నియోజకవర్గవ్యాప్తంగా ప్రాదేశిక ఎన్నికల్లో ఓటర్లకు స్వేచ్ఛాయుత వాతావరణం కల్పించాలని చెవిరెడ్డి మోహిత్‌ ఎన్నికల అధికారులకు, పోలీసులకు ఈ సందర్భగా విజ్ఞప్తి చేశారు. ప్రజాస్వామ్య పరిరక్షణకు సహకరించాలని కోరారు. ఏ స్థాయి అధికారైనా కోర్టు ఉత్తర్వులను ఉల్లంఘిస్తే న్యాయం జరిగే వరకు ఎంతవరకై నా పోరాటం చేస్తానని హెచ్చరించారు.

తిరుపతి అర్బన్‌ : పరిషత్‌ ఎన్నికల్లో మహిళళ ఓట్లు కీలకంగా మారనున్నాయి. అతివలు ఎటు వైపు మొగ్గు చూపితే అటే విజయం ఉంటుందని విశ్లేషకులు అభిప్రాయ పడుతున్నారు. అయితే సజావుగా పోలింగ్‌ సాగితే అభ్యర్థుల భవితవ్యం మహిళల ఓటుతోనే మారుతుందని వెల్లడిస్తున్నారు. జిల్లాలో గ్రామీణ ప్రాంతాలకు చెందిన మహిళా ఓటర్లు 6,43,752, పురుషుల ఓట్లు 6,10,515 ఓట్లు ఉన్నాయి. అయితే ప్రతి ఎన్నికలోని పోలైన ఓట్ల శాతంలో 55శాతం మహిళలు, 45 శాతం పురుషుల ఓట్లు ఉంటున్నాయి. ఈ క్రమంలో శ్రీనిధి రుణాలు, సున్నావడ్డీకే రుణాలతోపాటు, అమ్మఒడి, ఫీజురీయింబర్స్‌మెంట్‌, ఆరోగ్యశ్రీ తదితర పథకాలు పొందిన మహిళలు వైఎస్సార్‌సీపీ వైపు చూస్తున్నట్లు రాజకీయ నిపుణులు చెబుతున్నారు. అయితే కూటమి పాలనలో సజావుగా మహిళలు ఓట్లు వేసుకునే అవకాశం కల్పిస్తారా అనే చర్చసాగుతుంది. మొత్తంగా మహిళల ఆశీర్వాదం ఉంటే గెలుపు నల్లేరుపై నడకేనని విశ్లేషిస్తున్నారు. బోసిపోయిన రిజిస్ట్రేషన్‌ ఆఫీస్‌ తిరుపతి అర్బన్‌:ఎన్నికల నేపథ్యంలో సుమారు పది రోజులుగా తిరుపతి అర్బన్‌ పరిధిలోని రిజిస్ట్రేషన్‌ కార్యాలయంలో ఆస్తులకు సంబందించి రిజిస్ట్రేషన్లు లేకపోవడంతో బోసిపోయింది. సాధారణంగా ప్రతి రోజు 120 నుంచి 150 వరకు ఆస్తుల క్రయ విక్రయాలకు సంబందించి రిజిస్ట్రేషన్లు జరుగుతుంటాయి. అయితే మున్సిపల్‌ కార్పొరేషన్‌ ఎన్నికల కారణంగా రోజుకు కేవలం 5 నుంచి 10 రిజిస్ట్రేషన్లు మాత్రమే జరుగుతుండడంతో కార్యాలయం ఖాళీగా దర్శనమిస్తోంది.

నాయుడుపేట టౌన్‌ : నాయుడుపేట ప్రజలకు ఎల్లప్పుడూ అందుబాటులో ఉంటానని, పట్టణాభివృద్ధే లక్ష్యంగా పనిచేస్తానని వైఎస్సార్‌సీపీ మున్సిపల్‌ చైర్‌పర్సన్‌ అభ్యర్థిగా గెలుపొందిన తంబిరెడ్డి రాజేశ్వరమ్మ స్పష్టం చేశారు. పార్టీ శ్రీపొట్టిశ్రీరాములు నెల్లూరు జిల్లా అధ్యక్షుడు కాకాణి గోవర్ధన్‌రెడ్డిని రాజేశ్వరమ్మ దంపతులు బుధవారం నెల్లూరులోని నివాసంలో మర్యాదపూర్వకంగా కలిశారు. టీడీపీ నేతలు ఎన్ని ఇబ్బందులు సృష్టించినా అందరి సహకారంతో ప్రజాబలంతో విజయం సాధించామని తెలిపారు. కాకాణి మాట్లాడుతూ ప్రజాసేవే పరమావధిగా పనిచేయాలని, మున్సిపాలిటీని ఆదర్శవంతంగా తీర్చిదిద్దాలని సూచించారు. కార్యక్రమంలో నేతలు కాకాణి పూజిత, బిరుదవోలు శ్రీకాంత్‌రెడ్డి, తంబిరెడ్డి సుబ్రమణ్యంరెడ్డి, తంబిరెడ్డి మోహన్‌రెడ్డి, కలికి మాధవరెడ్డి, మారంరెడ్డి ముత్యాల్‌రెడ్డి పాల్గొన్నారు. రాజేశ్వరమ్మకు అభినందనలు నాయుడుపేటలో వైఎస్సార్‌సీపీ జెండా ఎగురవేసిన తంబిరెడ్డి రాజేశ్వరమ్మను మాజీ మంత్రి కాకాణి గోవర్ధన్‌రెడ్డి, ఎంపీ గురుమూర్తి, మాజీ ఎమ్మెల్యే కిలివేటి సంజీవయ్య ప్రత్యేకంగా అభినందించారు. బిరుదవోలు శ్రీకాంత్‌రెడ్డి, తంబిరెడ్డి సుబ్రమణ్యంరెడ్డి, కలికి మాధవరెడ్డి, కామిరెడ్డి రాజారెడ్డి పాల్గొన్నారు.

తిరుపతి సిటీ : కేంద్ర ప్రభుత్వ విద్యా మంత్రిత్వ శాఖ వారు ఎస్వీ వేదిక్‌ వర్సిటీలో ప్రతిష్టాత్మక ఇండియన్‌ నాలెడ్జ్‌ సిస్టమ్‌ పరిశోధనా కేంద్రం ప్రారంభించారు. బుధవారం ఈ మేరకు వీసీ కె.గణపతిభట్‌, మాజీ వీసీ కేఈ దేవనాథన్‌ మాట్లాడుతూ యావత్‌ వేద విశ్వవిద్యాలయాన్ని ఒక సమగ్ర ఐకేఎస్‌ కేంద్రంగానే భావించాలని స్పష్టం చేశారు. ఆధునిక ప్రపంచానికి భారతీ య వైదిక విద్యలను శాసీ్త్రయ దృక్పథంతో అధ్య యనం చేసే వారికి తగిన చేయూతనివ్వడమే ఐకేఎస్‌ ప్రధాన లక్ష్యమని తెలిపారు. వేద విశ్వవిద్యాలయంలో నిరంతరం సాగే పరిశోధనలు, అధ్యయనాలన్నీ అదే దిశగా సాగుతున్నాయని వివరించారు. వేదాలే మూలంగా సనాతన భారతీయ జ్ఞాన పరంపర ప్రపంచంలోనే అత్యున్నతమైనదని కొనియాడారు. ఐకేఎస్‌ రీసెర్చ్‌ సెంటర్‌ మంజూరు కావడం ఎంతో గర్వకారణమని, పరిశోధనలు సమాజానికి మార్గదర్శకంగా నిలుస్తాయని విశ్వాసం వ్యక్తం చేశారు. డీన్‌ డాక్టర్‌ తారకరామ కుమార శర్మ, రిజిస్ట్రార్‌ డాక్టర్‌ బలభద్ర ఉపాధ్యాయ, ఫైనాన్‌న్స్‌ ఆఫీసర్‌ శ్రీలక్ష్మి, పీఆర్‌ఓ డాక్టర్‌ గంజాం రామకృష్ణ పాల్గొన్నారు.

పెళ్లకూరు: వైఎస్సార్‌సీపీ పెళ్లకూరు జెడ్పీటీసీ అభ్య ర్థిగా పార్టీ రాష్ట్ర కార్యదర్శి కామిరెడ్డి సత్యనారాయణరెడ్డి బరిలో దిగారు. శ్రీపొట్టిశ్రీనెల్లూరు జిల్లా కేంద్రకారాగారం నుంచే ఆయన నామినేషన్‌ ధాఖలు చేశారు. ఈ క్రమంలో ఆయన సతీమణి కామిరెడ్డి ప్రభావతమ్మ, చిన్న కుమార్తె కామిరెడ్డి రజని మండలంలోని అన్నీ ప్రాంతాలలో ఎన్నికల ప్రచారం ముమ్మరంగా సాగిస్తున్నారు. బుధవారం ఈ మేరకు రజని మాట్లాడుతూ తన తండ్రిని చంద్రబాబు ప్రభుత్వం అక్రమంగా నిర్బంధించిందని ఆరోపించారు. స్వర్ణముఖి నదిలో టీడీపీ నేతలు ఇసుక తవ్వేసి అక్రమ రవాణా సాగిస్తుంటే ప్రశ్నించినందుకు తన తండ్రిని జైలులో పెట్టారని మండిపడ్డారు. ఈ కేసులో బెయిల్‌పై వచ్చిన తర్వాత మళ్లీ మరో అక్రమ కేసులో ఇరికించి జైలుకు తరలించారని ఆగ్రహం వ్యక్తం చేశారు. జైలులో ఉన్నప్పటికీ తన తండ్రి ఏమాత్రం బెదరకుండా జెడ్పీటీసీ అభ్యర్థిగా పోటీ పడుతున్నారని తెలిపారు. ప్రజలు ఈ విషయాలను అర్థం చేసుకుని న్యాయం గెలిచేందుకు సహకరించాలని కోరారు. ఫ్యాన్‌ గుర్తుపై ఓట్లేసి సత్యనారాయణ రెడ్డిని గెలిపించాలని పిలుపునిచ్చారు. అలాగే పాలచ్చూరు, కలవకూరు ఎంపీటీసీ స్థానాలకు పోటీలో ఉన్న పాలూరు రత్నమ్మ, బండి బాలచంద్రను అత్యధిక మెజారిటీతో గెలిపించాలని విజ్ఞప్తి చేశారు.

కుప్పం మున్సిపాలిటీ ఎన్నికల్లో టీడీపీ నాయకులు బరితెగించారు. నామినేషన్లు మొదలైన రోజు నుంచి పోలింగ్‌ వరకు వైఎస్సార్‌సీపీ అభ్యర్థులను భయభ్రాంతులకు గురిచేశారు. దాడులకు పాల్పడ్డారు. నామినేషన్‌ పత్రాలు చించివేశారు. దొంగ సంతకాలు చేసి 13 మంది ఉపసంహరించుకున్నట్టు సృష్టించారు. చైర్మన్‌ అభ్యర్థిని కిడ్నాప్‌ చేశారు. ప్రచారం చేసుకునేందుకు కూడా ఇంటి నుంచి బయటకు రానివ్వకుండా నిర్బంధించారు. పోలింగ్‌ రోజు దొంగ ఓట్లు వేసుకున్నారు. అయినా వైఎస్సార్‌సీపీ అభ్యర్థులపై ఓటర్లు అభిమానం చాటుకున్నారు. చైర్మన్‌ అభ్యర్థికి లభించిన ఓట్లు చూసి టీడీపీ నాయకులు జీర్ణించుకోలేకపోతున్నారు. కుప్పం: కుప్పం మున్సిపాలిటీ ఎన్నికల్లో టీడీపీ నాయకులు భయానక వాతావరణం సృష్టించి..వైఎస్సార్‌సీపీ అభ్యర్థులపై దాడులకు పాల్పడి.. కిడ్నాప్‌ చేసి.. ప్రచారం చేసేందుకు ఇంటి నుంచి బయటకు రాకుండా నిర్బంధించినా... కుప్పం మున్సిపల్‌ ఎన్నికల్లో వైఎస్సార్‌ సీపీ చైర్మన్‌ అభ్యర్థికి ఊహించని స్థాయిలో ఓట్లు పడడం టీడీపీ స్థానిక నాయకులు జీర్ణించుకోలేకపోతున్నారు. దీంతో పట్టణంలో వైఎస్సార్‌సీపీ ఆదరణ ఏమాత్రం తగ్గలేదని స్పష్టమైంది. ఎన్నికలు నిర్వహించిన 19 వార్డుల్లో, చైర్మన్‌ ఎన్నికలకు నామమాత్రపు పోటీ కూడా రాకుండా వైఎస్సార్‌సీపీని కట్టడి చేసేందుకు శతవిధాలుగా టీడీపీ నాయకులు ప్రయత్నించారు. కాని కుప్పం ఓటర్లు మాత్రం తమకు వైఎస్సార్‌సీపీపై ఉన్న అభిమానాన్ని చాటుకున్నారు. చైర్మన్‌ అభ్యర్థికి పోలైనా ఓట్లు కుప్పం మున్సిపాలిటీ వైఎస్సార్‌సీపీ చైర్మన్‌ అభ్యర్థిగా పోటీచేసిన విజయ్‌కుమార్‌కు కూటమి నాయకులు నానా ఇబ్బందులకు గురిచేశారు. నామినేషన్‌ వేసి రోజు నుంచి ఓట్ల లెక్కింపు రోజు వరకు వైఎస్సార్‌సీ అభ్యర్థులను బెదిరించారు. నామినేషన్ల పరిశీలన రోజు చైర్మన్‌ అభ్యర్థి విజయ్‌కుమార్‌ కిడ్నాప్‌ చేసి కుప్పంలో బీభత్సం సృష్టించారు. కౌన్సిలర్‌ అభ్యర్థులు, అభ్యర్థులను బలపరచిన వారు అందుబాటులో లేకపోయినా, టీడీపీ నాయకులు అధికారులపై ఒత్తిడి తెచ్చి తప్పుడు సంతకాలు 13 మంది వైఎస్సార్‌సీపీ కౌన్సిలర్‌ అభ్యర్థుల నామినేషన్లు ఉపసంహరింపజేసి ఏకగ్రీవం చేసుకున్నారు. మిగిలిన 19 వార్డుల్లో వైఎస్సార్‌సీపీ అభ్యర్థులు పోటీలో నిలిచారు. మున్పిపల్‌ ఎన్నికల పోలింగ్‌కు వారం రోజుల ముందు నుంచీ వైఎస్సార్‌సీపీ అభ్యర్థులు ఎవరూ ప్రచారానికి రాకుండా అధికార పార్టీ నేతలు కట్టడి చేశారు. 19 వార్డుల్లో వైఎస్సార్‌సీపీ కౌన్సిలర్‌ అభ్యర్థులు, చైర్మన్‌ అభ్యర్థి కనీసం కరపత్రాలు కూడా పంపిణీ చేయలేక పోయారు. అంతేకాకుండా పట్టణంలో కనీసం ప్రచార రథానికి అనుమతి ఇవ్వవలేదు. అభ్యర్థిని ప్రచారం చేయనివ్వకుండా, పోలింగ్‌ రోజున కౌటింగ్‌ కేంద్రాలకు అనుమతించకుండా హౌస్‌ అరెస్టులు చేసి భయాందోళనలకు గురిచేశారు. 19 వార్డుల్లోనూ వైఎస్సార్‌సీపీ కౌన్సిలర్‌ అభ్యర్థులు, చైర్మన్‌ అభ్యర్థి ఇళ్ల నుంచి బయటికి రానివ్వకుండా పోలీసులు కూడా అడ్డుకున్నారు. ఇదిలా ఉంటే పోలింగ్‌ రోజున మధ్యాహ్నం తర్వాత విద్యుత్‌ సరఫరా నిలిపివేసి వైఎస్సార్‌సీపీ ఏజెంట్లను బయటకు తరిమేసి దొంగ ఓట్లు వేసుకున్నారు. ఇన్ని అడ్డంకులు..అరాచకాలు సృషించినా బుధవారం మున్సిపాలిటీ ఎన్నికల ఓట్ల లెక్కింపులో వైఎస్సార్‌సీపీ చైర్మన్‌ అభ్యర్థికి లభించిన ఓట్లు అభిమానంతో స్వచ్ఛందంగా వచ్చాయని జనం అనుకుంటున్నారు. వైఎస్సార్‌సీపీ చైర్మన్‌ అభ్యర్థికి 7 వేల ఓట్లు కుప్పం మున్సిపాలిటీ ఎన్నికల్లో ఓటరు నేరుగా చైర్మన్‌ అభ్యర్థి ఓటు వేసే విధానాన్ని ఈ ఎన్నికల్లో తీసుకొచ్చారు. ఈక్రమంలో కుప్పం మున్సిపాలిటీ చైర్మన్‌ అభ్యర్థిగా విజయ్‌కుమార్‌ను వైఎస్సార్‌సీపీ బరిలో నిలిపింది. ఆయనకు 7,088 ఓట్లు లభించాయి. జీర్ణించుకోలేని టీడీపీ మున్సిపల్‌ ఎన్నికల్లో వైఎస్సార్‌సీపీ అభ్యర్థులను అన్ని విధాలుగా అష్టద్బింధనం చేసినా చైర్మన్‌ అభ్యర్థి విజయ్‌కుమార్‌కు పోలైన ఓట్లు చూసి టీడీపీ నాయకులు జీర్ణించుకోలేకపోతున్నారు. వైఎస్సార్‌సీపీ అభ్యర్థులకు అడుగు అడుగునా అడ్డంకులు సృష్టించి నామినేషన్లకే పరిమితం చేశారు. అయినా జనం వైఎస్సార్‌సీపీ పెద్ద ఎత్తున ఓట్లు వేశారు. అధికార పార్టీ టీడీపీ పెద్ద ఎత్తున ప్రచారాలు చేసి, ప్రలోభాలు గురిచేసినా ఓట్లు వేసిన తిరస్కరించినట్లు మేధావులు, పట్టణ ప్రజలు చర్చించుకుంటున్నారు.

సాక్షి, చిత్తూరు: వాణిజ్య పన్నుల శాఖ(జీఎస్టీ)లో ఇటీవల నడిచిన వాట్సాప్‌ ఫోన్‌ కాల్స్‌ దుమారాన్ని రేపాయి. చిత్తూరుకు చెందిన ప్రధాన తుక్కు వ్యాపారులతో రహస్య భేటీ నిర్వహించడం.. అందరితోనూ వాట్సాప్‌లో మాట్లాడడం పలువురు అధికారులపై అవినీతి మరకలను అంటిస్తోంది. ఆ తిమింగలం ఆహారం కోసమేనా..? చిత్తూరు డివిజన్‌కు చెందిన ఇద్దరు జీఎస్టీ అధికారులు ఇటీవల పలువురు తుక్కు (పాత ఇనుప సామాన్లు) వ్యాపారులకు వాట్సాప్‌ కాల్స్‌ చేశారు. ‘రేపు తిరుపతిలో ఓ ముఖ్యమైన సమావేశం ఉంది. మీరు కచ్చితంగా రావాలి. రాకుంటే మా నుంచి మీకు ఎలాంటి సహకారం అందదు. పెద్దాయన ఈ విషయం మీకు చెప్పమన్నారు’ అంటూ ఓ 37 మంది బడా వ్యాపారులకు ఫోన్లు చేశారు. వాస్తవానికి జీఎస్టీ లైసెన్సు కలిగిన వ్యాపారులకు పర్మిట్‌, లావాదేవీలు, ఇతర అంశాలన్నీ ఆన్‌లైన్‌లోనే జరుగుతున్నాయి. ఏ ఒక్క అధికారి కూడా వ్యాపారులతో నేరుగా మాట్లాడాల్సిన అవసరం లేదు. ఈ శాఖలో అధికార పార్టీకి అనుకూలంగా పనిచేస్తున్న ఓ పెద్ద తిమింగలం నెలకు రూ.కోటికి పైగా అక్రమ మార్గంలో ఆదాయం ఆర్జిస్తోంది. ఆ తిమింగలానికి మరింత ఆకలి వేయడంతో చూపు తుక్కు వ్యాపారులపై పడింది. ఈ క్రమంలో ఒక్కో వ్యాపారి రూ.25 లక్షల వరకు నెలసరి మామూళ్లు ఇవ్వాలని ఈ సమావేశంలో ఒత్తిడి చేసినట్లు ఆరోపణలున్నాయి. ప్రైవేటు మండపం అవసరమా.. ఆన్‌లైన్‌ లావాదేవీలు వచ్చిన తర్వాత వ్యాపారుల మొహం కూడా జీఎస్టీ అధికారులు చూడాల్సిన అవసరం లేదు. ఒకవేళ పాలసీ విషయాలు చర్చించాలనుకుంటే జీఎస్టీ కార్యాలయంలోనే దర్జాగా సమావేశం నిర్వహించవచ్చు. అలా కాదని తిరుపతిలోని ఓ కల్యాణ మండపంలో రహస్య భేటీ నిర్వహించడం ఆ తిమింగలం అవినీతి దాహానికి అద్దం పడుతోందని వ్యాపారులు ఆరోపిస్తున్నారు. ఉన్నతాధికారికి తెలియకుండా వ్యాపారులను పిలిపించిన ఆ తిమింగలం నెలసరి మామూళ్లు ఇవ్వకుంటే, తుక్కు తీసుకెళుతున్న వాహనాలను అడ్డుకుంటామని, కేసులు నమోదుచేస్తే తప్పించుకోలేరని భయపెట్టినట్లు సమాచారం. ఇక తిరుపతికి చెందిన ఓ కంపెనీ డైరక్టర్‌కు ఎలాంటి నోటీసులు ఇవ్వకుండా కార్యాలయానికి పిలిపించి పెద్ద మొత్తంలో నగదు డిమాండ్‌ చేశారనే వార్తలు గుప్పుమంటున్నాయి. తప్పుడు వ్యాపారాలు చేయొద్దని చెప్పాం తిరుపతిలో నిర్వహించిన సమావేశం నా దేశాలతోనే జరిగింది. తుక్కు వ్యాపారాలు చేసేవాళ్లు ప్రభుత్వ ఆదాయానికి గండికొట్టి తప్పుడు మార్గాల్లో వ్యాపారాలు చేయొద్దని హెచ్చరించాం. మా సిబ్బంది ఎవరిౖపైనెనా అవినీతి ఆరోపణలు ఉంటే నాకుగాని, నా పై అధికారులకు గాని ఫిర్యాదు చేయొచ్చు. కిందిస్థాయి సిబ్బందిపై వచ్చిన ఆరోపణలపై విచారిస్తాం. – హర్షవర్ధన్‌, జీఎస్టీ జాయింట్‌ కమిషనర్‌ వీటికి సమాధానం ఏదీ? సమావేశాన్ని ప్రభుత్వ కార్యాలయంలో కాకుండా కల్యాణ మండపంలో నిర్వహించడం, దీనికి అద్దె ఎవరు చెల్లించారు? అధికారుల రికార్డుల్లో దీన్ని నమోదు చేశారా? అనే ప్రశ్నలకు సమాధానాలు లేవు. పైగా వాట్సాప్‌ గ్రూపు ఎవరి ఆదేశాలతో ఏర్పాటుచేశారు? తుక్కు వ్యాపారులనే ఎందుకు పిలిచారు? ఓ కంపెనీ గేటు వద్ద మూడు రోజులుగా షిప్టుల పద్ధతిలో సిబ్బందికి విధులు కేటాయించిన తిమింగలం తుక్కు తీసుకెళ్లే వాహనాలను అడ్డుకోవడమే లక్ష్యంగా పనిచేసిందా? అనే ప్రశ్నలకు సమాధానాలు దొరకడంలేదు.

తిరుమల : తిరుమలలోని వాటర్‌ అండ్‌ ఫుడ్‌ అనాలసిస్‌ ల్యాబ్‌ ను దేశానికే ఆదర్శంగా అభివృద్ధి చేస్తున్నట్లు టీటీడీ అదనపు ఈఓ వెంకయ్యచౌదరి తెలిపారు. బుధవారం ఈ మేరకు ల్యాబ్‌లో ఘనంగా ఆయుధపూజ నిర్వహించారు. అనంతరం ల్యాబ్‌ కార్యకలాపాలు, పనితీరుపై అధికారులతో సమీక్షించారు. ఆయన మీడియాతో మాట్లాడుతూ నారా చంద్రబాబు మార్చి 21న ప్రారంభించిన ఈ ఫుడ్‌ అండ్‌ వాటర్‌ అనాలసిస్‌ ల్యాబొరేటరీలో అత్యాధునిక సదుపాయాలు కల్పించినట్లు వెల్లడించారు. అత్యున్నత ప్రమాణాలతో ఏర్పాటు చేసిన ల్యాబ్‌లో మొత్తం 34 మంది పనిచేస్తున్నారని తెలిపారు. మరో 8 మంది అవసరమని, త్వరలో వారిని కూడా నియమించి మొత్తం 42 మంది సిబ్బందితో అన్ని విభాగాలను నిర్వహించనున్నట్లు వివరించారు. టీటీడీకి అవసరమైన సరుకుల కొనుగోలు దశ నుంచే నాణ్యత పరీక్షలు నిర్వహిస్తున్నట్లు వెల్లడించారు. ప్రమాణాలకు అనుగుణంగా లేని సరుకులను తిరస్కరిస్తున్నట్లు వివరించారు. వంట పూర్తయిన తర్వాత కూడా ఆహార పదార్థాల నమూనాలను సేకరించి పరీక్షిస్తున్నట్లు చెప్పారు. ప్రతిరోజూ తాగునీటి నమూనాలను కూడా పరీక్షిస్తున్నట్లు తెలిపారు. లడ్డూ నాణ్యతను టెస్ట్‌ చేసేందుకు అత్యాధునిక పరికరాలు ల్యాబ్‌లో అందుబాటులో ఉన్నాయని వెల్లడించారు. అలాగే నెయ్యి నమూనాలను ప్రతిరోజూ పరీక్షించిన తర్వాతే వినియోగానికి అనుమతిస్తున్నట్లు చెప్పారు. భక్తులకు అత్యుత్తమ నాణ్యతతో కూడిన ఆహారం, తాగునీరు అందించే విషయంలో రాజీ పడే ప్రసక్తే లేదని స్పష్టం చేశారు. టీటీడీ హెల్త్‌ డిప్యూటీ ఈఓ సోమన్నారాయణ, ప్రొక్యూర్‌మెంట్‌ జీఎం ఉమాశంకర్‌, ల్యాబ్‌ క్వాలిటీ మేనేజర్‌ లక్ష్మీనారాయణ పాల్గొన్నారు.

తిరుపతి అర్బన్‌ : జిల్లా వ్యాప్తంగా ప్రశాంతమైన వాతావరణంలో ఎన్నికలు నిర్వహించేందుకు సర్వం సిద్ధం చేశామని జిల్లా ఎన్నికల అధికారి, కలెక్టర్‌ వెంకటేశ్వర్‌ వెల్లడించారు. బుధవారం తిరుపతి ఎస్‌జీఎస్‌ ఆర్ట్స్‌ కశాశాలలో ఎన్నికల సామగ్రిని పంపిణీ చేశారు. ఈ క్రమంలో కలెక్టర్‌తోపాటు ఎస్పీ సుబ్బరాయుడు ఎన్నికల సామగ్రిని పరిశీలించడంతోపాటు పీవోలు, ఏపీవోలకు పలు సూచనలు చేశారు. కలెక్టర్‌ మాట్లాడుతూ ప్రతి ఓటరు నిర్భయంగా ఓటు హక్కు వినియోగించుకోవచ్చని స్పష్టం చేశారు. 31 జెడ్పీటీసీ, 302 ఎంపీటీసీ స్థానాలకు గురువారం ఎన్నికలు జరగనున్నాయని చెప్పారు. 11,70,397 మంది ఓటర్లు తమ ఓటు హక్కును వినియోగించుకోనున్నారని వివరించారు. జిల్లాలో సుమారు 760 పోలింగ్‌ స్టేషన్లను సెన్సిటివ్‌, హైపర్‌ సెన్సిటివ్‌ కేంద్రాలుగా గుర్తించి వెబ్‌కాస్టింగ్‌ ఏర్పాట్లు చేశామని, మిగిలిన పోలింగ్‌ కేంద్రాల్లో ఎన్నికల ప్రక్రియను వీడియో రికార్డింగ్‌ ద్వారా పర్యవేక్షించనున్నమని తెలిపారు. ఎస్పీతో సమన్వయం చేసుకుంటూ పటిష్టమైన భద్రతా మైక్రో ప్లాన్‌ రూపొందించినట్లు చెప్పారు. పోలింగ్‌ కేంద్రాల సున్నితత్వం మేరకు ప్రత్యేక స్ట్రైకింగ్‌ టీమ్స్‌, క్విక్‌ రెస్పాన్స్‌ టీమ్స్‌ ఏర్పాటు చేశామన్నారు. ఓటర్ల సౌకర్యార్థం పోలింగ్‌ కేంద్రాల వద్ద ప్రత్యేక క్యూలు, బ్యారికేడ్లు ఏర్పాటు చేశామని, బాలింతలు, గర్భిణిలు, వృద్ధులు, దివ్యాంగులు త్వరగా ఓటు వేసేలా ప్రత్యేక ఏర్పాట్లు చేసినట్లు తెలిపారు. ఇప్పటికే ఓటరు స్లిప్పులు పంపిణీ చేసినట్లు, ఓటరు స్లిప్పు లేనివారు ఎన్నికల సంఘం నిర్దేశించిన 22 రకాల గుర్తింపు కార్డుల్లో ఏదైనా ఒకటి చూపించి ఓటు హక్కును వినియోగించుకోవచ్చని కలెక్టర్‌ వివరించారు. ఎస్పీ మాట్లాడుతూ ఎంపీటీసీ, జెడ్పీటీసీ ఎన్నికలను ప్రశాంతంగా నిర్వహించేందుకు పోలీస్‌ శాఖ అన్ని చర్యలు చేపట్టిందని తెలిపారు. ఆమేరకు బుధవారం ప్రత్యేక ఆదేశాలు పోలీసులకు ఇచ్చామని వెల్లడించారు. పట్టణ ప్రాంతాలతో పోలిస్తే గ్రామీణ ప్రాంతాల్లో ఓటర్లు అధిక సంఖ్యలో పోలింగ్‌లో పాల్గొనే అవకాశముందని, వారికి ఎలాంటి ఇబ్బందులు కలగకుండా అవసరమైన వసతులు కల్పించామన్నారు. ప్రతి ఓటరు ఎలాంటి భయాందోళనలకు గురికాకుండా స్వేచ్ఛగా తమ ఓటు హక్కును వినియోగించుకోవాలని చెప్పారు. ప్రజాస్వామ్య పరిరక్షణలో భాగంగా ప్రతి ఒక్కరూ తమ ఓటు హక్కును తప్పనిసరిగా వినియోగించుకోవాలని సూచించారు. తిరుపతి ఆర్‌డీఓ రామ్మోహన్‌, జెడ్పీ డిప్యూటీ సీఈవో రమణప్రసాద్‌, డ్వాడా ఏపీడీ ప్రభావతి, తిరుపతి రూరల్‌ తహసీల్దార్‌ జనార్ధన్‌ పాల్గొన్నారు. తిరుపతి రూరల్‌లో హర్షిత్‌రెడ్డి తిరుపతి రూరల్‌ మండలంలో పోటీ తీవ్రంగా ఉంది. మండలంలో 40 ఎంపీటీసీలు ఉన్నప్పటికీ టీడీపీ మోసపూరితంగా 11 స్థానాలను కై వసం చేసుకుంది. న్యాయబద్ధంగా వైఎస్సార్‌సీపీ ఒక స్థానంలో మాత్రమే ఏకగ్రీవంగా నిలిచింది. మిగిలిన 28 స్థానాల్లో గురువారం ఎన్నికలు జరగనున్నాయి. మరోవైపు తిరుపతి రూరల్‌ మండలంలోని జెడ్పీటీసీ స్థానానికి మాజీ ఎమ్మెల్యే చెవిరెడి భాస్కర్‌రెడ్డి కుమారుడు చెవిరెడ్డి హర్షిత్‌రెడ్డి పోటీలో ఉన్నారు. గత వైఎస్సార్‌సీపీ పాలనలో ఇంటింటా సంక్షేమ ఫలాలు అందించిన నేపథ్యంలో తప్పకుండా విజయం సాధిస్తామనే ధీమాతో ఆయన ముందుకు సాగుతున్నారు. మరోవైపు తిరుపతి ఎస్‌జీహెచ్‌ ఆర్డ్స్‌ కళాశాలలో బుధవారం ఎన్నికల సామగ్రిని చంద్రగిరి నియోజకవర్గం పరిధిలోని పోలింగ్‌ బూత్‌లకు తరలించారు. దీంతో కళాశాలలో ఎన్నికల హడావుడి చోటుచేసుకుంది.

యాదమరి: ఆ ఇంటిలో విధి ఆర్పిన దీపం.. మరో ఇద్దరి ఇళ్లల్లో వెలుగులు నింపింది. కళ్ల ముందే చేతికొచ్చిన కొడుకు అకాల మరణంతో పుట్టెడు దుఖంలో ఉన్నా ఆ తండ్రి, కుటుంబ సభ్యులు తీసుకున్న నిర్ణయం పలువురికి ఆదర్శంగా నిలిచింది. ఆరు నెలల క్రితం కన్నతల్లి మరణించగా నేత్రదానం చేసిన ఆ కుటుంబం, ఇప్పుడు రోడ్డు ప్రమాదంలో కన్నుమూసిన కొడుకు కళ్లను కూడా దానం చేసి మానవత్వాన్ని చాటుకుంది. ఈ హృదయ విదారక ఘటన బుధవారం యాదమరి మండలంలో చోటు చేసుకుంది. జోడిచింతల గ్రామానికి చెందిన సుబ్రమణ్యం కల్లుగీత కార్మికుడిగా జీవనం సాగిస్తున్నాడు. ఆయన రెండో కుమారుడు సందీప్‌(34) డ్రైవర్‌గా పనిచేస్తూ కుటుంబాన్ని పోషిస్తున్నాడు. మంగళవారం రాత్రి సందీప్‌ ప్రయాణిస్తున్న బొలెరో వాహనం ముందు వెళ్తున్న ట్రాక్టర్‌ను డీకొట్టింది. ఈ ప్రమాదంలో తీవ్రంగా గాయపడిన అతను అక్కడికక్కడే మృతి చెందాడు. కన్నకొడుకు విగత జీవిగా పడి ఉండడాన్ని చూసి ఆ తండ్రి, అతని కుటుంబ సభ్యులు రోదనలు మిన్నంటాయి. కొడుకు ఇక లేడనే చేదు నిజాన్ని జీర్ణించుకుంటూనే సందీప్‌ కళ్లతో మరొకరికి కంటి చూపు ప్రసాదించాలని కుటుంబ సభ్యులు భావించారు. సరిగ్గా ఆరు నెలల క్రితమే సందీప్‌ తల్లి కూడా చనిపోయింది. అప్పట్లో ఆమె నేత్రాలను దానం చేశారు. ఇప్పుడు అదే బాటలో నడుస్తూ కుమారుడి కళ్లను సైతం దానం చేసేందుకు ముందుకు వచ్చారు. ఆరు నెలల వ్యవధిలోనే తల్లి, కుమారుడి కళ్లను దానం చేసిన ఆ కుటుంబంపై స్థానికులు ప్రశంసలు కురిపిస్తున్నారు. సందీప్‌ మరణంతో జోడిచింతల గ్రామంలో తీవ్ర విషాదం అలుముకుంది. నిజాయితీగా ఎన్నికలు జరిగి ఉంటే ఫ్యాన్‌ గెలిచేది చిత్తూరు కార్పొరేషన్‌: నగరపాలక సంస్థ ఎన్నికలు నిజాయితీగా జరిగి ఉంటే ఫ్యాన్‌ కచ్చితంగా గెలిచేదని వైఎస్సార్‌ సీపీ మేయర్‌ అభ్యర్థి చంద్రశేఖర్‌ తెలిపారు. ఆయన బుధవారం గిరింపేటలోని పార్టీ కార్యాలయంలో విలేకరులతో మాట్లాడారు. నామినేషన్‌ పర్వం నుంచి పోలింగ్‌ వరకు కూటమి నాయకులు అక్రమాలు, దాడులకు పాల్పడ్డారని తెలిపారు. నగరపాలక సంస్థ కార్యాలయంలో బీఫామ్స్‌ చింపేసి దౌర్జన్యం చేశారని తెలిపారు. చివరకు 9 డివిజన్లలో ఎన్నికలు పెట్టారన్నారు. వాటిలోనైనా న్యాయంగా చేశారా అంటే ఉదయం నుంచి నాయకులు, ఏజెంట్లను పోలీసులు అక్రమంగా నిర్బందించారని పేర్కొన్నారు. ఎమ్మెల్యే గురజాల జగన్‌మోహన్‌ అండతో అల్లరిమూకలు యథేచ్ఛగా దొంగ ఓట్లు వేశారని తెలిపారు. ఇంత జరిగినా వైఎస్సార్‌ సీపీ అభ్యర్థులు 3 డివిజన్లలో కార్పొరేటర్లగా గెలిచారంటే ప్రజాబలం ఎంత ఉందో తెలుస్తోందన్నారు. గెలిచిన కార్పొరేటర్లకు శుభాకాంక్షలు తెలిపారు.

వెంకటగిరి రూరల్‌ : ఆర్టీసీ బస్సు ఢీకొని ఓ వృద్ధురాలు మృతి చెందిన ఘటన వెంకటగిరి పట్టణంలోని పాత బస్టాండ్‌ వద్ద మంగళవారం చోటుచేసుకుంది. పోలీసుల కథనం.. పట్టణానికి చెందిన నిడిగింటి పోలమ్మ(91) వెంకటగిరి మండలంలోని పట్రపల్లి గ్రామానికి వెళ్లేందుకు పాత బస్టాండ్‌ వద్ద బస్సు కోసం వేచి ఉంది.ఈ మేరకు అటుగా వచ్చిన ఓ ఆర్టీసీ బస్సు అదు పుతప్పి పోలమ్మను ఢీకొంది. ఈ ఘటనలో పోలమ్మకు తీవ్ర గాయాలై అక్కడికక్కడే మృతి చెందారు. ఎస్‌ఐ ఖాదర్‌బాషా ఘటనా స్థలానికి చేరుకుని మృతదేమాన్ని పోస్టుమార్టం నిమిత్తం వెంకటగిరి ప్రభుత్వ వైద్యశాలకు తరలించారు. కేసు దర్యాప్తులో ఉంది.

తిరుపతి సిటీ:కరకంబాడి రోడ్డులోని శ్రీరామ అటానమస్‌ ఇంజినీరింగ్‌ కళాశాలలో నిర్వహించిన ప్రాంగణ ఎంపికలలో 41మంది విద్యార్థులకు మంచి ప్యాకేజీతో ఉద్యోగాలు సాధించినట్లు కళాశాల చైర్మన్‌ మన్నెం రామిరెడ్డి తెలిపారు. మంగళవారం ఓ ప్రముఖ ఐటీ సంస్థ ప్రతినిధులు కళాశాలలో నిర్వహించిన ఇంటర్వ్యూలకు విశేష స్పందన లభించింది. ఉద్యోగాలకు ఎంపికై న విద్యార్థులను ఆయన అభినందించారు. కార్యక్రమంలో ఐటీ కంపెనీ ప్రతినిధి ముత్తుస్వామి, కళాశాల సెక్రటరీ మన్నెం రామసుబ్బారెడ్డి, డైరెక్టర్‌ మన్నెం అరవింద్‌కుమార్‌ రెడ్డి, ప్రిన్సిపల్‌ డాక్టర్‌ జయచంద్ర, వైస్‌ ప్రిన్సిపల్‌ డాక్టర్‌ ఎన్‌.వాసు, ప్లేస్‌మెంట్‌ అధికారి విష్ణువర్ధన్‌రెడ్డి పాల్గొన్నారు.

తిరుపతి అన్నమయ్యసర్కిల్‌: ఎర్రచందనం అక్రమ రవాణాకు సంబంధించి దాదాపు 48 కేసుల్లో ముద్దాయిగా ఉంటూ తొలిసారిగా పట్టుబడ్డ తమిళనాడుకు చెందిన ఎం.తంజి (35)పై టాస్క్‌ఫోర్స్‌ అధికారులు పీడీ యాక్ట్‌ అమలు చేశారు. తమిళనాడుకు చెందిన ఎం. తంజి ఎరచ్రందనం స్మగ్లింగ్‌కు పాల్పడుతున్నట్లు గుర్తించారు. ఇతనిపై పీడీ యాక్ట్‌ అమలుకు టాస్క్‌ఫోర్స్‌ పోలీసులు సిఫారసు చేశారు. ఈ మేరకు కలెక్టరు, జిల్లా మెజిస్ట్రేట్‌ డాక్టర్‌ ఎస్‌.వెంకటేశ్వర్‌ అతనిపై పీడీ యాక్ట్‌ అమలుకు ఉత్తర్వులు జారీ చేశారు. పీడీ యాక్ట్‌ అమలులో భాగంగా నిందితుడిని కడప సెంట్రల్‌ జైలుకు తరలించారు. సైనిక్‌ స్కూల్‌ ప్రవేశాలకు దరఖాస్తుల ఆహ్వానం తిరుపతి అర్బన్‌: దేశవ్యాప్తంగా ఉన్న సైనిక్‌ పాఠశాలల్లో 6, 9 తరగతుల ప్రవేశాల కోసం నిర్వహించే ఆల్‌ ఇండియా సైనిక్‌ స్కూల్స్‌ ఎంట్రన్స్‌ ఎగ్జామినేషన్‌ 2027–28కి దరఖాస్తుల ప్రక్రియ ప్రారంభమైందని కోచింగ్‌ ఫెడరేషన్‌ ఆఫ్‌ ఇండియా రాష్ట్ర ఉపాధ్యక్షుడు, విశ్వం విద్యాసంస్థల అధినేత ఎన్‌.విశ్వనాథ్‌రెడ్డి మంగళవారం ఒక ప్రకటనలో తెలిపారు. ఈ ప్రవేశ పరీక్ష జాతీయ స్థాయిలో జరుగుతుందని వెల్లడించారు. 6వ తరగతిలో ప్రవేశం పొందడానికి 01–04–2015 నుంచి 31–03–2017 మధ్య జన్మించిన విద్యార్థిని విద్యార్థులు, 9వ తరగతిలో ప్రవేశం పొందడానికి 01–04–2012 నుంచి 31–03–2014 మధ్య జన్మించిన వారు అర్హులని వివరించారు. విద్యార్థులు దరఖాస్తులను ఈ ఏడాది డిసెంబర్‌ 2లోపు సమర్పించాలని, ప్రవేశ పరీక్ష 2027 జనవరి 31న జరుగుతుందని పేర్కొన్నారు. ప్రవేశ పరీక్ష విధానం, సిలబస్‌ నమూనా ప్రశ్నపత్రాలు, మాక్‌ టెస్టులు, ప్రత్యేక శిక్షణ, ఇతర పూర్తి వివరాల కోసం తిరుపతిలోని వరదరాజనగర్‌లోని విశ్వం సైనిక్‌ – నవోదయ పోటీ పరీక్షల శిక్షణా కేంద్రాం వారిని 8688888802, 9399976999 సంప్రదించవచ్చని తెలిపారు. ఇద్దరికి ఐదేళ్ల జైలు తిరుపతి లీగల్‌: ఎర్రచందనం దుంగల అక్రమ రవాణా కేసులో ఇద్దరికి ఐదేళ్లు చొప్పున జైలు శిక్ష, ఒక్కొక్కరికీ ఆరు లక్షల రూపాయల చొప్పున జరిమానా విధిస్తూ తిరుపతి నాల్గవ అదనపు జిల్లా జడ్జి అర్చన మంగళవారం తీర్పు చెప్పారు. ప్రాసిక్యూషన్‌ కథనం.. 2019 నవంబర్‌ 16వ తేదీ ప్రొద్దుటూరు రేంజ్‌ ఫారెస్ట్‌ సిబ్బంది కాజీపేట సెక్షన్‌, బాలసింగపల్లి బీట్‌, లంకమల్ల రిజర్వ్‌ ఫారెస్ట్లో తనిఖీలు నిర్వహించారు. కర్నూలు జిల్లా, ఆళ్లగడ్డ మండలం, అహోబిలంకు చెందిన రాగి పాములేటి, పులి ఆవులయ్య 476 కిలోలకు పైగా బరువున్న 17 ఎర్రచందనం దుంగలను తరలిస్తూ పట్టుబడ్డారు. ఫారెస్ట్‌ సిబ్బంది ఇద్దరిని అరెస్టు చేసి కోర్టులో హాజరుపరిచారు.

రాపూరు: రాపూరు మండలం, నాగవారిపల్లి గ్రామానికి చెందిన టీడీపీ నాయకులు మంగళవారం వైఎస్సార్‌సీపీలో చేరారు. గ్రామానికి చెందిన టీడీపీ నాయకులు అచ్చుత పెంచలప్రసాద్‌ తన అనుచరులతో పాటు మరో 20 కుటుంబాల వారు వైఎస్సార్‌సీపీ తీర్థం పుచ్చుకున్నారు. వీరిని వైఎస్సార్‌సీపీ నాయకులు బండి పెంచలనరసారెడ్డి, శ్రీహరిరెడ్డి కండువా కప్పి పార్టీలోకి ఆహ్వానించారు. ఈ సందర్భంగా నాయకులు మాట్లాడుతూ వైఎస్‌ జగన్‌మోహన్‌రెడ్డి ప్రజలకు చేసిన మేలుకు ఆకర్షితులై పార్టీలో చేరినట్టు వెల్లడించారు. పార్టీలో చేరిన వారిలో పెంచల నరసింహులు, జనార్దన్‌, శ్రీనివాసులు, రవీంద్ర, మల్లికార్జునరావు, శివకుమార్‌ పెంచలయ్య తదితరులు ఉన్నారు. కార్యక్రమంలో వైఎస్సార్‌సీపీ నాయకులు రామచంద్రయ్య, శివసాయిప్రతాప్‌, ప్రణయ్‌, పెంచలయ్య పాల్గొన్నారు.

పెళ్లకూరు: కూటమి నాయకుల దుర్మార్గాలను నిలదీస్తున్నందుకు అక్రమ కేసులు పెట్టి వైఎస్సార్‌ కాంగ్రెస్‌ పార్టీ రాష్ట్ర కార్యదర్శి కామిరెడ్డి సత్యనారాయణరెడ్డిని నెల్లూరులోని జిల్లా కేంద్ర కారాగారంలో నిర్బంధించారు. అయినప్పటికీ ఆయన వెనక్కి తగ్గలేదు. అక్కడి నుంచే నామినేషన్‌ వేసి పెళ్లకూరు జెడ్పీటీసీ ఎన్నికల బరిలో నిలిచారు. దాంతో ఆయన భార్య కామిరెడ్డి ప్రభావతమ్మ, కుమార్తె కామిరెడ్డి రజిని స్థానిక నాయకులతో కలిసి గత మూడు రోజులుగా విస్త్రృతంగా ఎన్నికల ప్రచారం చేశారు. ఒక పక్క వర్షం, మరో పక్క కామిరెడ్డి జైల్లో ఉన్నాడనే దిగులు... ఏదిఏమైనప్పటికీ అధైర్య పడకుండా గెలుపే లక్ష్యంగా ఇంటింటికీ వెళ్లి కరపత్రాలు అందించారు. వైఎస్సార్‌ కాంగ్రెస్‌ పార్టీ తరఫున జెడ్పీటీసీగా పోటీ చేస్తున్న సత్యనారాయణరెడ్డితో పాటు పాలచ్చూరు, కలవకూరు ఎంపీటీసీ స్థానాలకు పోటీలో ఉన్న పాలూరు రత్నమ్మ, బండి బాలచంద్రను గెలిపించాలని ఓటర్లకు విజ్ఞప్తి చేశారు. గడిచిన నలభైయేళ్లు రాజకీయ ప్రస్థానంలో ఎన్నడూలేని విధంగా కూటమి ప్రభుత్వంలో నాయకులంతా రౌడీలుగా వ్యవహరిస్తున్నారని ఆరోపించారు. ప్రజాస్వామ్యంలో ఎన్నికల నిబంధనలను అమలు చేయాల్సిన పోలీసులు కూటమి రౌడీలకు వత్తాసుగా పలకడం అన్యాయమన్నారు. అధికారాన్ని అడ్డంపెట్టుకొని కూటమి నాయకులు చేస్తున్న దౌర్జన్యాలకు వైఎస్సార్‌ కాంగ్రెస్‌ పార్టీ నాయకులు, కార్యకర్తలు భయపడొద్దని పిలుపునిచ్చారు. ప్రతి ఒక్కరూ ధైర్యంగా ఓటుహక్కు సద్వినియోగం చేసుకోవాలని ఓటర్లు విజ్ఞప్తి చేశారు.

నాయుడుపేట టౌన్‌: టీడీపీ నేతలు ఎన్ని దుర్మార్గాలు, దౌర్జన్యాలకు పాల్పడి అడ్డంకులు సృష్టించినా ధర్మం, న్యాయమే గెలిచిందని మాజీ మంత్రి, నెల్లూరు జిల్లా వైఎస్సార్‌ కాంగ్రెస్‌ పార్టీ అధ్యక్షుడు కాకాణి గోవర్ధన్‌రెడ్డి పేర్కొన్నారు. నాయుడుపేట పట్టణంలోని సూళ్లూరుపేట మాజీ ఎమ్మెల్యే కిలివేటి సంజీవయ్య క్యాంపు కార్యాలయంలో ఆయన తిరుపతి ఎంపీ గురుమూర్తి, మాజీ ఎమ్మెల్యే కిలివేటి సంజీవయ్య, సూళ్లూరుపేట నియోజకవర్గ పరిశీలకులు బిరుదవోలు శ్రీకాంత్‌రెడ్డి, వైఎస్సార్‌ కాంగ్రెస్‌పార్టీ రాష్ట్ర కార్యదర్శి తంబిరెడ్డి సుబ్రమణ్యంరెడ్డి, జిల్లా ఆర్గనైజింగ్‌ సెక్రటరీ కామిరెడ్డి రాజారెడ్డి, తంబిరెడ్డి మోహన్‌రెడ్డి, తంబిరెడ్డి సురేష్‌రెడ్డి, ఎస్‌ఈసీ సభ్యులు దబ్బల శ్రీమంత్‌రెడ్డి, కట్టా భవానీశంకర్‌రెడ్డి, చిందేపల్లి మధుసూదన్‌రెడ్డి తదితర నాయకులతో కలిసి విలేకరుల సమావేశంలో మాట్లాడారు. నాయుడుపేటలో మున్సిపల్‌ ఎన్నికలు అత్యంత ఉద్వేగభరిత వాతావరణంలో జరిగాయన్నారు. నామినేషన్‌ పర్వం మొదలైనప్పటి నుంచి అనేక రకాలుగా అధికార పార్టీ నాయకుల ఒత్తిళ్లతో పోలీసులు ఇబ్బందులు పెట్టినా మాజీ ఎమ్మెల్యే కిలివేటి సంజీవయ్యతో పాటు స్థానిక నాయకులు ధైర్యంగా ఎదుర్కొన్నారన్నారు. అందరి సహకారంతోనే.. మాతృ సమానురాలైన తంబిరెడ్డి రాజేశ్వరమ్మకు నాయకుల సమష్టి కృషి ఫలితంగా ఘన విజయం సాధించారని మాజీ మంత్రి కాకాణి తెలిపారు. నాయుడుపేట సీఐ వెంకటరమణ సభ్యసమాజం తలదించుకునేలా మాజీ ఎమ్మెల్యే సంజీవయ్యతో పాటు నాయకులపై లాఠీచార్జ్‌ చేసి గుండాయిజం చేయడం దారుణమన్నారు. అనేక అవినీతి కేసుల్లో ఇరుక్కుని పలుమార్లు సస్పెండ్‌ అయిన సీఐ వెంకటరమణకు తగిన గుణపాఠం చెప్పే రోజులు దగ్గర పడ్డాయన్నారు. అంతేకాకుండా తమ పార్టీ నేత కామిరెడ్డి రాజారెడ్డి ఇంట్లో అక్రమంగా మద్యం బాటిళ్లుపెట్టి దుర్మార్గంగా వ్యవహరించిన తీరును కాకాణి గుర్తుచేశారు. సంజీవయ్యతో పాటు ఇక్కడ చైర్‌పర్సన్‌కు తిరుపతి ఎంపీ మద్దిల గురుమూర్తి, పెద్దిరెడ్డి మిథున్‌రెడ్డి, పార్టీ అగ్రశ్రేణులందరూసంజీవయ్యకు ఎప్పటికప్పుడు సహకారం అందిస్తూ అండగా నిలిచారని చెప్పారు. వైఎస్సార్‌సీపీ వైపే ప్రజలు నిష్పక్షపాతంగా ఎన్నికలు జరిగితే వైఎస్సార్‌ కాంగ్రెస్‌ పార్టీ విజయానికే ప్రజలు మొగ్గు చూపుతారని ఎంపీ గురుమూర్తి తెలిపారు. ఈ క్రమంలోనే జరిగే జెడ్పీటీసీ, ఎంపీటీసీ ఎన్నికల్లో సైతం వైఎస్సార్‌ కాంగ్రెస్‌పార్టీకి అఖండ విజయం చేకూర్చేలా ప్రజలు ఆదరిస్తారని ఆయన ఆశాభావం వ్యక్తం చేశారు. సూళ్లూరుపేట ఎమ్మెల్యే కిలివేటి సంజీవయ్య మాట్లాడుతూ తంబిరెడ్డి రాజేశ్వరమ్మ చైర్‌పర్సన్‌గా విజయం సాధించి ప్రభంజనం సృష్టించారని, ఆమె విజయాన్ని పట్టణ ప్రజలతో పాటు నాయకులందరికీ అంకితం చేశామని తెలిపారు. అదేవిధంగా పార్టీ అధినేత జగనన్నకు నాయుడుపేట పీఠాన్ని కానుకగా ఇస్తామన్నారు.

● టీడీపీ జెడ్పీటీసీ బరిలో మాజీ ఎమ్మెల్యే హేమలత ● ఆమె పోటీపై రగులుతున్న స్థానికులు ● నాగలాపురం ప్రజలంటే టీడీపీకి అంత చులకనా? సాక్షి టాస్క్‌ఫోర్స్‌: మాజీ ఎమ్మెల్యే హేమలత నాగలాపురం మండల టీడీపీ జెడ్పీటీసీ అభ్యర్థిగా పోటీ చేయడంపై స్థానికులు, అధికార పార్టీ నాయకులు రగిలిపోతున్నారు. అధిష్టానం తీరుపై ఆ పార్టీ నేతలే విమర్శలు గుప్పిస్తున్నారు. ఆమె నివాసం ఉండేది చైన్నె కాగా ఓటు హక్కు సత్యవేడు మండలంలో ఉండగా పోటీ చేస్తున్నది మాత్రం నాగలాపురం మండలం కావడం విశేషం. గతంలో ఆమె ఎమ్మెల్యేగా ఉన్న సమయంలోనే నియోజకవర్గ ప్రజలకు అందుబాటులో ఉండరనేది చర్చనీయాంశంగా మారింది. అలాంటి పరిస్థితుల్లో పార్టీ అధిష్టానం నాగలాపురం మండల జెడ్పీటీసీ సీటు కేటాయించడంపై అటు మండల ప్రజలు, ఇటు అధికార పార్టీ నాయకుల నుంచి విమర్శలు వ్యక్తమవుతున్నాయి. ఏనిమిది పదుల వయసు దాటి ఉన్న ఆమె మండల ప్రజలకు ఏ మేరకు అందుబాటులో ఉంటుంది, ప్రజాసమస్యల పట్ల ఆమెకు ఎంతమాత్రం అవగాహన కలుగుతుంది, వాటి పరిష్కారానికి ఆమెకు స్పందించే సమయం ఉంటుందా? అన్న ప్రశ్నలు ప్రస్తుతం నాగలాపురం మండల ప్రజల్లో చర్చనీయాంశంగా మారింది. జెడ్పీ చైర్‌పర్సన్‌ రేస్‌లో ఉన్న ఆమె ఏకంగా పిచ్చాటూరు, నాగలాపురం, సత్యవేడు, వరదయ్యపాళెం మండలాల్లో ఆరు సెట్ల నామినేషన్లను టీడీపీ, జనసేన పార్టీల నుంచి దాఖలు చేశారు. అనూహ్యంగా చివరి దశలో నాగలాపురం జెడ్పీటీసీగా ఆమెకు అధిష్టానం గ్రీన్‌ సిగ్నల్‌ ఇవ్వడంతో ఆ మండలంలో ఆది నుంచి పార్టీని నమ్ముకున్న ఆశావహులకు నిరాశే మిగిలింది. ప్రతిపక్ష వైఎస్సార్‌సీపీ స్థానికంగా ఉన్న సీనియర్‌ నాయకుడు చిన్నదొరైకు జెడ్పీటీసీ సీటును కేటాయించింది. అయితే అధికార పార్టీ మాత్రం అనూహ్యంగా మాజీ ఎమ్మెల్యేకు సీటు కేటాయించడం పట్ల ప్రజల నుంచి తీవ్ర విమర్శలు వ్యక్తమవుతున్నాయి. ఒకవేళ గెలిపిస్తే సమస్యల పరిష్కారం కోసం మండల ప్రజలు ఎక్కడికెళ్లి వెతుక్కోవాలా..? అని చర్చించుకుంటున్నారు. దీనిపై ఓటర్లు ఆలోచనలో ఉన్నట్లు సమాచారం.

తిరుపతి అర్బన్‌: జెడ్పీటీసీ, ఎంపీటీసీ ఎన్నికలకు సంబంధించి పీవోలు, ఏపీవోలు, ఓపీఓలకు కలెక్టరేట్‌లో 3వ రాండమైజేషన్‌ చేపట్టారు. ఈ మేరకు మంగళవారం పోలింగ్‌ స్టేషన్లు జిల్లా సాధారణ పరిశీలకులు వరప్రసాద్‌ ఆధ్వర్యంలో కేటాయింపు ప్రక్రియను పూర్తిచేశారు. ఆ మేరకు పీవోలు, ఏపీవోలు, ఓపీఓలు విధులు నిర్వహించాల్సి ఉంటుందని స్పష్టం చేశారు. ఖాకీ చొక్కా విప్పి.. స్టేషన్ల చుట్టూ తిప్పి దొరవారిసత్రం: ఖాకీ చొక్కా విప్పేశారు. ఎన్నికల నిబంధనలు తుంగలో తొక్కేశారు. అధికార పార్టీకి మూడు సింహాలు దాసోహమైపోయాయి. నాయుడుపేట పట్టణంలోని కౌటింగ్‌ కేంద్రం వద్ద మంగళవారం పోలీసులు విచక్షణారహితంగా వ్యవహరించారు. రీకౌంటింగ్‌ పేరుతో తమ అభ్యర్థులు ఓటమి పాలవుతున్నారని తెలుసుకుని కౌంటింగ్‌ కేంద్రం వద్దకు వెళ్తున్న మాజీ ఎమ్మెల్యే కిలివేటి సంజీవయ్యను అడ్డుకున్నారు. రాక్షసంగా ప్రవర్తిస్తూ దాడికి పూనుకున్నారు. ఆపై బలవంతంగా పోలీసు జీపులో ఎక్కించారు. సాయంత్రం 4.30 నుంచి 5.30 గంటల వరకు అటూ ఇటూ తిప్పి చివరికి డీవీ సత్రం పోలీస్‌స్టేషన్‌కు తీసుకొచ్చారు. రాత్రి 8 గంటల వరకు అక్కడే నిర్బంధించి కర్కశంగా వ్యవహరించారు. తర్వాత దొరవారిసత్రం పోలీస్‌స్టేషన్‌ నుంచి విడుదల చేసి సూళ్లూరుపేటకు తీసుకెళ్లారు. దీనిపై స్థానికులు, పార్టీ నాయకులు విస్మయం వ్యక్తం చేశారు.

రైల్వేకోడూరు అర్బన్‌: మండలంలోని వీవీకండ్రిక పంచాయతీ అరుంధతివాడకు చెందిన 15 టీడీపీ కుటుంబాలు మంగళవారం వైఎస్సార్‌సీపీలో చేరాయి. మాజీ వైఎస్‌ ఎంపీపీ, రాష్ట్ర ఎగ్జిక్యూటీవ్‌ మెంబర్‌ రామిరెడ్డి ధ్వజారెడ్డి సమక్షంలో, మాజీ సర్పంచ్‌ శ్రీరాంవినోద్‌ ఆధ్వర్యంలో వైఎస్సార్సీపీలో చేరారు. పార్టీలో చేరిన వారిలో సంటి జగదీష్‌, పుల్లయ్య, మణి, మహేష్‌, శంకరయ్య, చింతల పరమేష్‌, ఈశ్వరయ్య తదితరులు ఉన్నారు. ఈ సందర్భంగా వారికి పార్టీ కండువా కప్పి ఆహ్వానించారు. ప్రతి ఒక్కరూ పార్టీ బలపరిచిన అభ్యర్థులను గెలిపించడానికి కృషి చేయాలని సూచించారు. కార్యక్రమంలో గోపి, హరిక్రిష్ణారెడ్డి, చెంగల్‌రెడ్డి, అంజిరెడ్డి, ప్రసాద్‌రెడ్డి, బత్తలసుబ్రమణ్యం పాల్గొన్నారు.

తిరుపతి రూరల్‌: నామినేషన్ల దశలో తమ పార్టీ అభ్యర్థులకు అన్యాయం జరిగిందని, పోలింగ్‌ సమయంలో కూడా అలాంటి దాడులు చేసి ఓటర్లను భయభ్రాంతులకు గురిచేసే అవకాశం ఉందన్న ఆధారాలతో హైకోర్టును ఆశ్రయించినట్టు చెవిరెడ్డి మోహిత్‌రెడ్డి తెలిపారు. పోలింగ్‌ సమయాన బయట వ్యక్తులు లోపలకు వెళ్లి రిగ్గింగ్‌కు పాల్పడే అవకాశం ఉందని, ఎన్నికల ప్రక్రియలో పారదర్శకత, అభ్యర్థులకు న్యాయం, ఓటర్లకు స్వేచ్ఛాయుత వాతావరణం కల్పించాలని కోర్టును అభ్యర్థించగా హైకోర్టు ధర్మాసనం పోలింగ్‌ ప్రక్రియ మొత్తాన్ని వీడియో రికార్డింగ్‌ చేయాలని ఆదేశాలు ఇచ్చినట్టు తెలిపారు. హైకోర్టు ఆదేశాలతో అప్రమత్తమైన అధికారులు ఒక్క తిరుపతి రూరల్‌ మండలం పరిధిలో 169 పోలింగ్‌ కేంద్రాల్లో కెమెరాలు ఏర్పాటు చేసినట్టు కోర్టుకు నివేదిక ఇచ్చారు. మిగిలిన ఆరు మండలాల పరిధిలో పోలింగ్‌ జరిగే అన్ని కేంద్రాలకు ఇదే తరహాలో సీసీ కెమెరాలు ఏర్పాటు చేయాలని హైకోర్టు సూచించినట్టు మోహిత్‌రెడ్డి వివరించారు. భయపడొద్దు.. స్వేచ్ఛగా ఓటేయండి హైకోర్టు ఆదేశాల నేపథ్యంలో చంద్రగిరి నియోజకవర్గ వ్యాప్తంగా ఓటర్లు ఎలాంటి భయాందోళన చెందాల్సిన అవసరం లేదని చెవిరెడ్డి మోహిత్‌రెడ్డి సూచించారు. ప్రతి ఒక్కరూ ధైర్యంగా పోలింగ్‌ కేంద్రాలకు వచ్చి తమ ఓటు హక్కును వినియోగించుకోవాలని కోరారు.

మాజీ ఎమ్మెల్యే కిలివేటిని అడ్డగించి దాడులకు పాల్పడిన పోలీసులు నాయుడుపేట టౌన్‌: నాయుడుపేట మున్సిపల్‌ ఎన్నికల్లో మంగళవారం కౌంటింగ్‌ సందర్భంగా అధికారులు ఏకపక్షంగా వ్యవహరించారు. వైఎస్సార్‌ కాంగ్రెస్‌ పార్టీ తరఫున గెలిచిన కొందరు అభ్యర్థులను రీకౌంటింగ్‌ పేరుతో లేనిపోని తప్పులు చూపి ఓడినట్టుగా ప్రకటించారు. ఈ విషయమై వైఎస్సార్‌ కాంగ్రెస్‌ పార్టీకి సంబంధించిన పోలింగ్‌ ఏజెంట్‌, అభ్యర్థులతో కలిసి మాజీ ఎమ్మెల్యే కిలివేటి సంజీవయ్య కౌంటింగ్‌ హాల్‌ వద్దకు వెళుతుండగా సీఐ వెంకటరమణతో కలిసి పోలీసులు అడ్డుకున్నారు. ఆపై సంజీవయ్యపై మూకుమ్మడిగా దాడులకు తెగబడ్డారు. సంజీవయ్యతో పాటు మహిళా అభ్యర్థులపై కూడా పోలీసులు అమానుషంగా ప్రవర్తించారు. అదే సమయంలో అక్కడి చేరుకున్న నాయుడుపేట డీఎస్పీ చెంచుబాబు, పలువురు సీఐలు సంజీవయ్యను బలవంతంగా పోలీసు జీపులో ఎక్కించుకొని స్టేషన్‌కు తరలించారు. ఆ తర్వాత కౌంటింగ్‌ కేంద్రం సమీపంలో పోలీసులు భయానక వాతావరణాన్ని సృష్టించారు. అక్కడున్న వైఎస్సార్‌ సీపీ నాయకులు, కార్యకర్తలపై లాఠీచార్జ్‌ చేసి దుర్మార్గంగా వ్యవహరించారు. గెలిచినా ఓడినట్టేనా? నాయుడుపేట మున్సిపాలిటీ పరిధిలోని 2వ వార్డుకు చెందిన వైఎస్సార్‌సీపీ అభ్యర్థిని సుగుటూరు మాధవి 3 ఓట్లగెలిచినట్టు మొదల ఎన్నికల అధికారులు ప్రకటించారు. ఆపై కూటమి నేతలు అధికారులపై ఒత్తిడి పెంచి రీకౌంటింగ్‌ పేరుతో ఆరు ఓట్ల తేడాతో ఓడినట్టు మరోసారి ప్రకటించారు. 2వ వార్డులో వైఎస్సార్‌ సీపీకి 375 ఓట్లు, టీడీపీకి 372 ఓట్లు పోలయ్యాయి. అంతలోనే అధికార పార్టీ నేతలు అధికారులపై ఒత్తిడి పెంచి వైఎస్సార్‌ సీపీకి చెందిన 9 ఓట్లు చెల్లవని ప్రకటించారు. అనంతరం ఆమె మీడియాతో తన ఆవేదనను వ్యక్తం చేశారు. అటు పోలీసులు, ఇటు ఎన్నికల అధికారులు కూడా దారణంగా వ్యవహరించారని బోరున విలపించారు. అదేవిధంగా 17వ వార్డుకు చెందిన వైఎస్సార్‌ కాంగ్రెస్‌ పార్టీ అభ్యర్థినిని కూడా రీకౌంటింగ్‌ పేరుతో ఓడించాలని కుయుక్తులు పన్నారు. అయితే షఫీర్‌ గట్టిగా పట్టుపట్టడంతో రీకౌంటింగ్‌లో కూడా షఫీర్‌ 11ఓట్ల మెజారీటీతో విజయం సాధించారు.

తిరుపతి మంగళం:స్థానిక సంస్థల ఎన్నికల్లో కూటమిది గెలుపు కాదని, వారి బలుపు చూపించుకున్నారని, కూటమి ప్రభుత్వం అధికారంలోకి వచ్చినప్పటి నుంచి అరాచకాలు, దౌర్జన్యాలు, దాడులతో రాష్ట్రంలో రెడ్‌బుక్‌పాలన సాగిస్తున్నారని వైఎస్సార్‌సీపీ తిరుపతి జిల్లా అధ్యక్షులు, తిరుపతి నియోజకవర్గ సమన్వయకర్త భూమన అభినయ్‌రెడ్డి మండిపడ్డారు. తిరుపతి పద్మావతిపురంలోని పార్టీ క్యాంప్‌ కార్యాలయంలో మంగళవారం ఆయన మీడియాతో మాట్లాడారు. రాష్ట్రంలో స్థానిక సంస్థల ఎన్నికలను కూటమి ప్రభుత్వం జరిపిన విధానం చూస్తుంటే ప్రజాస్వామ్యా న్ని ఖూనీ చేసి అబాసపాలు చేసినట్లుగా కనిపిస్తోంద న్నారు. ముఖ్యంగా చంద్రబాబు సొంత జిల్లా అయిన చిత్తూరు, తిరుపతి జిల్లాల్లో నామినేషన్ల ప్రక్రియ నుంచి ఎన్నికల రోజు వరకు టీడీపీ గూండాలు చేసిన అరాచకాలు, దౌర్జన్యాలు, దాడులు అన్నీ ఇన్ని కావన్నారు. తిరుపతి జిల్లాలో వైఎస్సార్‌సీపీ అభ్యర్థులను ఎక్కడా నామినేషన్లు వేయనీయకుండా విచ్చక్షణరహింతగా కొట్టారన్నారు. ఎన్నికల రోజున పక్క రాష్ట్రాల నుంచి హంతకులను పిలిపించుకుని దొంగ ఓట్లను వేసుకున్నారని ఆరోపించారు. దొంగ ఓట్లు వేయడానికి వచ్చి న వారికి వేరొక వారి స్లిప్పులతో పాటు అక్కడికక్కడే ఆధార్‌ కార్డులను సైతం ప్రింట్‌లు తీయించి దొంగ ఓట్లు వేయించారని ఆరోపించారు. తిరుపతి జిల్లాలో మంగళవారం వెలువడిన ఎన్నికల ఫలితాలే కూటమి అరాచకాలు, దౌర్జన్యాలకు నిదర్శనమన్నారు. సమావేశంలో వైఎస్సార్‌సీపీ తిరుపతి నగర అధ్యక్షుడు మల్లం రవిచంద్రారెడ్డి తదితరులు పాల్గొన్నారు.

తిరుపతి అన్నమయ్యసర్కిల్‌:మురసు తుపాను కారణంగా రైల్వేశాఖ రెండు రైళ్లను దారి మళ్లించింది. ఈ మేరకు రైల్వే అధికారయంత్రాంగం పత్రికా ప్రకటన విడుదల చేసింది. రైలు నం.12625 తిరువనంతపురం – న్యూఢిల్లీ (టీవీసీ–ఎన్‌డీఎల్‌ఎస్‌) ఈ నెల 2న బయలుదేరిన ఈ రైలును రేణిగుంట –యరగ్రుంట్ల – న్యూఢిల్లీ – గుంటూరు – విజయవాడ మార్గంలో దారి మళ్లించారు. అదేవిధంగా రైలు నం.18638 (ఎస్‌ఎంవీబీ–హెచ్‌టీఈ) ఈనెల 3న బయలుదేరిన ఈ రైలును కూడా రేణిగుంట – యరగ్రుంట్ల – న్యూఢిల్లీ – గుంటూరు – విజయవాడ మార్గంలో దారి మళ్లించారు. కాగా ఈ రెండు రైళ్లు సాధారణంగా ప్రయాణించే రేణిగుంట – గూడూరు – విజయవాడ మార్గాన్ని రద్దు చేశారు. ఓట్ల లెక్కింపు కేంద్రం పరిశీలన నాయుడుపేటటౌన్‌: నాయుడుపేట పట్టణంలో జెడ్పీ బాలుర ఉన్నత పాఠశాలలో జరిగిన ఓట్లు లెక్కింపు కేంద్రాన్ని కలెక్టర్‌ ఎస్‌ వెంకటేశ్వర్‌, ఎస్పీ ఎల్‌.సుబ్బారాయుడు పరిశీలించారు. కలెక్టర్‌ నేరుగా ఓట్లు లెక్కింపు కేంద్రంలో పర్యటించి పోస్టల్‌ లెక్కింపును పరిశీలించారు. ఎన్నికల నిబంధనలకు అనుగుణంగా కౌంటింగ్‌ కేంద్రంలో తగిన భద్రతా చర్యలు చేపట్టాలని రిటర్నింగ్‌ అధికారి షేక్‌ ఫజులుల్లాను ఆదేశించారు. ఎస్పీ సుబ్బారాయుడు కూడా కౌటింగ్‌ కేంద్రానికి చేరుకొని కౌంటింగ్‌ ప్రక్రియను పరిశీలించారు. డీఎస్సీ చెంచుబాబు, నాయుడుపేట తహసీల్దార్‌ చంద్రశేఖర్‌రెడ్డి పాల్గొన్నారు. శ్రీవారి దర్శనానికి 8 గంటలు తిరుమల: తిరుమలలో మంగళవారం భక్తుల రద్దీ మోస్తరుగా ఉంది. క్యూకాంప్లెక్స్‌లోని 14 కంపార్ట్‌మెంట్లలో భక్తులు వేచి ఉన్నారు. సోమవారం అర్ధరాత్రి వరకు 67,300 మంది స్వామివారిని దర్శించుకున్నారు. 22,380 మంది భక్తులు తలనీలాలు అర్పించారు. స్వామివారికి కానుకల రూపంలో హుండీలో రూ.4.04 కోట్లు సమర్పించారు. టైంస్లాట్‌ టిక్కెట్లు కలిగిన భక్తులకు సకాలంలో దర్శనం లభిస్తోంది. దర్శన టిక్కెట్లు లేని వారు స్వామిని దర్శించుకోవడానికి 8 గంటల సమయం పడుతోంది. ప్రత్యేక ప్రవేశ దర్శనం టిక్కెట్లు కలిగిన వారు 3 గంటల్లో స్వామిని దర్శించుకోగలుగుతున్నారు. ఇదిలా ఉంటే సర్వదర్శనం టోకెన్లు కలిగిన భక్తులు నిర్దేశించిన సమయానికి మాత్రమే క్యూలోకి వెళ్లాలని టీటీడీ విజ్ఞప్తి చేస్తోంది. కేటాయించిన సమయానికంటే ముందు వెళ్లిన వారిని క్యూలోకి అనుమతించరని స్పష్టంచేసింది.

పుత్తూరు చైర్మన్‌గా ఏలుమలై పుత్తూరు మున్సిపల్‌ చైర్మన్‌గా జనసేన అభ్యర్థి డీఎన్‌ ఏలుమలై 10,144 ఓట్ల మెజారిటీతో గెలుపొందారు. సమీప ప్రత్యర్థి వైఎస్సార్‌సీపీ తరఫున పోటీచేసిన డి జయప్రకాష్‌ మీద ఆయన గెలుపొందారు. పుత్తూరు మున్సిపాలిటీ ఎన్నికల్లో వైఎస్సార్‌సీపీ నాలుగు వార్డులను కై వసం చేసుకొంది. ఆ పార్టీ తరఫున ఎస్‌.ఇలంగోవన్‌, పి.సావిత్రమ్మ, పి.లత, డి.గోపినాథ్‌ గెలుపొందారు. మొత్తం 36 వార్డులకు గాను, టీడీపీ 29 స్థానాలతో పాటు ఒక వార్డు ఏకగ్రీవం కావడంతో మొత్తం 30 స్థానాలను దక్కించుకొంది. రెండు స్థానాల్లో జనసేన అభ్యర్థులు గెలుపొందారు. సాక్షి, తిరుపతి: నాయుడుపేట మున్సిపాలిటీలో వైఎస్సార్‌సీపీ విజయకేతనం ఎగురవేసింది. తీవ్ర నాటకీయ పరిణామాల అనంతరం వైఎస్సార్‌సీపీ అభ్యర్థి తంబిరెడ్డి రాజేశ్వరమ్మ గెలుపొందినట్టు ఎన్నికల అఽధికారులు ప్రకటించారు. టీడీపీ అభ్యర్థి షాకీరాపై 1,187 ఓట్ల మెజార్టీతో గెలుపొందిన తంబిరెడ్డి గెలుపును అధికార పార్టీ జీర్ణించుకోలేకపోయింది. పదేపదే రీ కౌంటింగ్‌ అడుగుతూ కౌంటింగ్‌ కేంద్రంలో తీవ్ర అలజడి సృష్టించింది. మరోవైపు పోలీసులు అఽధికార పార్టీ తరఫున బరితెగించారు. ఎట్టకేలకు ప్రజాతీర్పును గౌరవించి నాయుడుపేట మున్సిపాలిటీలో వైఎస్సార్‌సీపీ గెలిచినట్టు ప్రకటించారు. నాయుడుపేటలో మొత్తం 32 వార్డులుండగా అందులో 13 చోట్ల వైఎస్సార్‌సీపీ అభ్యర్థులు, 14 చోట్ల టీడీపీ, నాలుగు చోట్ల బీజేపీ, ఒక స్వతంత్ర అభ్యర్థి గెలుపొందారు. వైఎస్సార్‌సీపీ తరఫున గెలిచిన అభ్యర్థుల్లో బూదూరు శ్రీలక్ష్మి, పాలేటి నాగార్జున, రాయపు సరిత, తీపలపూడి నాగరత్నం, సాతూవతి మరియమ్మ, నాగిరెడ్డి కల్పన, కావేరిపాకం అశోక్‌కుమార్‌, గందవళి అరుణ, దారా రవి, నెమలి లత, కలిశెట్టి మురళి, నెమలి లత, మైలాపూర్‌ మాధవి ఉన్నారు. వెంకటగిరి మున్సిపల్‌ చైర్‌పర్సన్‌గా దొంతు శారద వెంకటగిరి మున్సిపల్‌ చైర్‌పర్సన్‌గా టీడీపీ అభ్యర్థి దొంతు శారద గెలుపొందారు. సమీప వైఎస్సార్‌సీపీ అభ్యర్థి దీవెనపై 10,636 ఓట్ల మెజారిటీతో గెలుపొందారు. మొత్తం 36 వార్డులకు గాను నాలుగు వార్డులు వైఎస్సార్‌సీపీ, 29 టీడీపీ, రెండు బీజేపీ, ఒకచోట జనసేన అభ్యర్థులు గెలుపొందారు. వైఎస్సార్‌సీపీ తరఫున గెలిచిన కౌన్సిలర్లలో జలగం కామాక్షి, తలపల మల్లికార్జున, మేరువ ఇందిరమ్మ, బీరం వసంత కుమార్‌ ఉన్నారు. సూళ్లూరుపేట మున్సిపల్‌ చైర్‌పర్సన్‌గా పిట్ల సుహాసిని సూళ్లూరుపేట మున్సిపల్‌ చైర్‌పర్సన్‌గా పిట్ల సుహాసిని (టీడీపీ) తన సమీప ప్రత్యర్థి వైఎస్సార్‌సీపీ అభ్యర్థి మోడి విమలకుమారిపై 8,784 ఓట్ల ఆధిక్యతతో గెలుపొందారు. మొత్తం 32 వార్డులకు గాను రెండు స్థానాలను టీడీపీ ఏకగ్రీవం చేసుకోగా పోలింగ్‌ జరిగిన 30 వార్డుల్లో మూడు చోట్ల వైఎస్సార్‌సీపీ, 24 చోట్ల టీడీపీ, రెండు చోట్ల జనసేన, ఒకచోట బీజేపీ గెలుపొందింది. వైఎస్సార్‌సీపీ తరఫున గెలుపొందిన వారిలో కలత్తూ రు శేఖర్‌రెడ్డి,ఊటి మాధురి, పొన్న మంజుల ఉన్నారు. ఆదర్శ మున్సిపాలిటీగా తీర్చిదిద్దుతానాయుడుపేటను ఆదర్శ మున్సిపాలిటీగా తీర్చిదిద్దే విధంగా శక్తివంచన లేకుండా కృషిచేస్తా. పేట ప్రజలకు ఎల్లప్పుడూ రుణపడి ఉంటా. అందరికీ అందుబాటులో ఉంటూ, మీ కుటుంబంలో ఓ వ్యక్తిగా మెలుగుతా. కష్టంలో కన్నీళ్లు తుడుస్తూ అండగా నిలుస్తా. నాపై నమ్మకం ఉంచి విజయం చేకూర్చిన ప్రతి ఒక్కరికీ కృతజ్ఞతలు. – తంబిరెడ్డి రాజేశ్వరమ్మ, మున్సిపల్‌ చైర్‌పర్సన్‌, నాయుడుపేట తిరుపతి మేయర్‌గా జేబీ శ్రీనివాస్‌ తిరుపతి కార్పొరేషన్‌ ఎన్నికల్లో టీడీపీ అభ్యర్థి మన్నెం శ్రీనివాసప్రసాద్‌(జేబీ శ్రీనివాస్‌) గెలుపొందారు. వైఎస్సార్‌సీపీ అభ్యర్థి వాసుయాదవ్‌కు 33,355 ఓట్లు రాగా జేబీ శ్రీనివాస్‌కు 94,937 ఓట్లు పడ్డాయి. మొత్తం పోలైన 1,36,006 ఓట్ల లో 3,149 ఓట్లు ఇన్‌ వ్యాలిడ్‌ కాగా 1,389 మంది నోటాకు వేయడం విశేషం. పోస్టల్‌ బ్యాలెట్‌లో సైతం 478 ఓట్లకు గాను 44 ఓట్లు ఇన్‌వ్యాలిడ్‌ అవ్వగా 13 ఓట్లు నోటాకు పడ్డాయి. మొత్తం 66 డివిజన్లకు గాను రెండు స్థానాలు టీడీపీ ఏకగ్రీవం చేసుకోగా పోలింగ్‌ జరిగిన 64 డివిజన్లలో టీడీపీ 36, జనసేన 19, వైఎస్సార్‌సీపీ మూడు, బీజేపీ మూడు, స్వంతంత్ర అభ్యర్థులు మూడు చోట్ల గెలుపొందారు. వైఎస్సార్‌సీపీ తరఫున గెలిచిన అభ్యర్థుల్లో వెంకటేశ్వర్లు, పునీత, శ్రావణి ఉన్నారు. నాయుడుపేట మున్సిపల్‌ చైర్‌పర్సన్‌ వైఎస్సార్‌సీపీదే

నగరి : చేతిలో చేయి వేసుకుని తిరిగిన ఆ ఇద్దరు స్నేహితులను మృత్యువు కూడా ఒకేసారి వెంటాడింది. కలిసే చదువుకున్నారు.. కలిసే తిరిగారు.. చివరకు ఒకే ప్రమాదంలో విగతజీవులయ్యారు. రెప్పపాటులో జరిగిన ఘోర ప్రమాదం రెండు కుటుంబాల్లో తీరని విషాదాన్ని నింపింది. కన్న కొడుకుల భవిష్యత్తుపై ఎన్నో ఆశలు పెట్టుకున్న తల్లిదండ్రుల కలలను జాతీయ రహదారిపై దూసుకొచ్చిన టిప్పర్‌ చిదిమేసింది. పట్టణ పరిధిలోని తహసీల్దార్‌ కార్యాలయం సమీపంలో మంగళవారం సాయంత్రం ఈ హృదయవిదారక ప్రమాదం జరిగింది. ఈ ప్రమాదంలో మదన్‌న్‌కుమార్‌ అలియాస్‌ సంతోష్‌ (18), అజిత్‌ (18) అనే ఇద్దరు విద్యార్థులు అక్కడికక్కడే ప్రాణాలు కోల్పోయారు. మృతులిద్దరూ స్థానిక ప్రభుత్వ డిగ్రీ కళాశాలలో మొదటి సంవత్సరం చదువుతున్నారు. మదన్‌న్‌కుమార్‌ నగరి మున్సిపాలిటీ పరిధిలోని చింతలపట్టెడకు చెందినవాడు కాగా, అజిత్‌ తమిళనాడులోని అరక్కోణం ప్రాంతానికి చెందినవాడు. అజిత్‌ చింతలపట్టెడ మార్గంలోని బీసీ హాస్టల్‌లో ఉంటూ చదువుకుంటున్నాడు. ఇద్దరూ ప్రాణస్నేహితులు. ఖాళీ సమయాల్లో మదన్‌న్‌కుమార్‌ తన తాత స్కూటీపై సరదాగా బయటకు వెళ్లి వస్తుండేవారు. ఎప్పటిలాగే మంగళవారం సాయంత్రం కూడా ఇద్దరూ స్కూటీపై పుత్తూరు మార్గంలోకి వెళ్లి తిరిగి వస్తున్నారు. ఇంతలో వేగంగా వచ్చిన టిప్పర్‌ వారి స్కూటీని ఢీకొట్టింది. దీంతో ఇద్దరూ లారీ కిందకు వెళ్లి చక్రాల కింద నలిగి ప్రాణాలు కోల్పోయారు. కళ్లముందే జరిగిన ఈ ఘోరాన్ని చూసిన స్థానికులు దిగ్భ్రాంతికి గురయ్యారు. ప్రమాదం జరిగిన వెంటనే డ్రైవర్‌ టిప్పర్‌ను అక్కడే వదిలి పరారయ్యాడు. టిప్పర్ల వేగంపై ఆగ్రహం ఇద్దరు విద్యార్థుల మృతికి టిప్పర్ల అతివేగమే కారణమంటూ బంధువులు, గ్రామస్తులు ఆగ్రహం వ్యక్తం చేశారు. ప్రమాదానికి కారణమైన టిప్పర్‌తో పాటు ఆ మార్గంలో వస్తున్న ఇతర టిప్పర్లపై రాళ్లు విసురుతూ రహదారిపై నిరసనకు దిగారు. దీంతో కొంతసేపు ఉద్రిక్త పరిస్థితి ఏర్పడింది. సమాచారం అందుకున్న పోలీసులు ఘటనా స్థలానికి చేరుకుని అదుపు చేశారు. ప్రమాదానికి గల కారణాలను పూర్తిస్థాయిలో విచారించి, బాధ్యులపై చర్యలు తీసుకుంటామని మృతుల కుటుంబీకులకు హామీ ఇచ్చారు. తండ్రి లేడు.. తల్లి కష్టమే జీవనాధారం ఈ ప్రమాదం కారణంగా మదన్‌న్‌కుమార్‌ కుటుంబం అనుభవిస్తున్న విషాదం పలువురి హృదయాలను కలచివేసింది. అతని తండ్రి ఇప్పటికే మరణించడంతో తల్లే కుటుంబ భారాన్ని భుజాన వేసుకుంది. భవన నిర్మాణ కూలీగా పనిచేస్తూ రెక్కలు ముక్కలు చేసుకుని ఇద్దరు కుమారులను చదివిస్తోంది. తన కష్టాలను పక్కనపెట్టి, పెద్ద కుమారుడిని ఉన్నతంగా చూడాలని ఎన్నో ఆశలు పెట్టుకుంది. కానీ విధి వక్రించించింది. కష్టపడి పెంచుకున్న పెద్ద కుమారుడు ఇక తిరిగిరాని లోకాలకు వెళ్లిపోయాడన్న వార్త ఆ తల్లిని, అవ్వను కుంగదీసింది. ఘటనా స్థలానికి చేరుకున్న ఆమె కుమారుడి మృతదేహాన్ని చూసి గుండెలవిసేలా రోదించిన తీరు అక్కడున్న వారందరినీ కంటతడి పెట్టించింది.

తిరుపతి అన్నమయ్యసర్కిల్‌: పులివెందుల మున్సిపల్‌ ఎన్నికల సందర్భంగా చోటుచేసుకున్న దాడులు, పోలింగ్‌ ఏజెంట్లను అడ్డుకోవడం, బలవంతంగా బయటకు పంపడం వంటి అంశాలపై తాను చేసిన ఫిర్యాదుకు రాష్ట్ర ఎన్నికల సంఘం స్పందించిందని తిరుపతి ఎంపీ మద్దిల గురుమూర్తి తెలిపారు. ప్రజాస్వామ్యబద్ధంగా, స్వేచ్ఛగా ఎన్నికలు జరగాల్సిన సమయంలో పోలింగ్‌ ఏజెంట్లపై దాడులు జరగడం, పోలింగ్‌ కేంద్రాల్లోకి వారిని అనుమతించకపోవడం, బలవంతంగా బయటకు పంపడం వంటి ఘటనలు ప్రజాస్వామ్య స్ఫూర్తికి విరుద్ధమని పేర్కొన్నారు. పోలింగ్‌ ఏజెంట్లకు రక్షణ కల్పించాలని, పోలింగ్‌ కేంద్రాల్లోకి వారి ప్రవేశానికి ఎలాంటి ఆటంకాలు లేకుండా చూడాలని, జరిగిన ఘటనలపై నిష్పక్షపాతంగా విచారణ జరగాలని కోరినట్లు తెలిపారు. అంతేకాకుండా ఎన్నికలకు సంబంధించిన రికార్డులను భద్రపరచి, బాధ్యులపై చట్టప్రకారం చర్యలు తీసుకోవాలని విజ్ఞప్తి చేశామన్నారు. తన ఫిర్యాదుపై స్పందించిన ఆంధ్రప్రదేశ్‌ రాష్ట్ర ఎన్నికల సంఘం, వైఎస్సార్‌ కడప జిల్లా కలెక్టర్‌, జిల్లా ఎన్నికల అధికారి, జిల్లా ఎస్పీకి ఆదేశాలు జారీ చేసిందన్నారు.

తిరుపతి సిటీ: ఎస్వీయూలో అధికారుల తీరు దారుణంగా ఉందని, ఈ ఏడాది ఫిబ్రవరిలో జరిగిన పీజీ మొదటి సెమిస్టర్‌ పరీక్షల ఫలితాలు 9 నెలలు గడుస్తున్నా విడుదల చేయకపోవడం దారుణమని ఏఐఎస్‌ఎఫ్‌ నేతలు మండిపడ్డారు. ఈ మేరకు వారు సోమవారం వర్సిటీలో ధర్నా నిర్వహించి ఎగ్జామినేషన్‌ డీన్‌ ప్రొఫెసర్‌ సురేంద్రబాబు, రెక్టార్‌ చండ్రాయుడును కలిసి వినతిపత్రం సమర్పించారు. అనంతరం ఏఐఎస్‌ఎఫ్‌ రాష్ట్ర సమతి సభ్యులు చిన్నా, క్యాంపస్‌ అధ్యక్షుడు రవియాదవ్‌ మాట్లాడారు. ఈ విషయంపై రెక్టార్‌ చెండ్రాయుడు స్పందిస్తూ ఈనెల 5వ తేదీ లోపు మొదటి సెమిస్టర్‌ ఫలితాలు, అలాగే రెండో సెమిస్టర్‌ ఫలితాలు 10వ తేదీ లోపు విడుదల చేస్తామని హామీ ఇచ్చారు. ఏఐఎస్‌ఎఫ్‌ నాయకులు వేణు, దినేష్‌, చరణ్‌, సిద్ధు, వంశీ, శివ శంకర్‌ పాల్గొన్నారు. కుస్తీ పోటీల్లో ఎస్పీడబ్ల్యూ విద్యార్థినుల ప్రతిభ తిరుపతి సిటీ: పల్నాడు జిల్లాలో గత నెల 9 నుంచి నాలుగురోజుల పాటు జరిగిన 70వ ఎస్‌జీఎఫ్‌ అంతర్‌ జిల్లాల బాలికల అండర్‌–17 కుస్తీ చాంపియన్‌షిప్‌ పోటీల్లో శ్రీపద్మావతి మహిళా జూనియర్‌ కళాశాల విద్యార్థినులు అత్యుత్తమ ప్రతిభ కనబరిచారు. సోమవారం కళాశాల ప్రిన్సిపల్‌ డాక్టర్‌ భువనేశ్వరి ప్రతిభ చూపిన విద్యార్థినులు లావణ్య, మానస, నాగభవ్యశ్రీ, మునీశ్వరి, జశ్విత, అనంతలక్ష్మిని అభినందించారు. ఈ కార్యక్రమంలో ఫిజికల్‌ డైరెక్టర్‌ సాయిసుమతి, అధ్యాపకులు పాల్గొన్నారు. బస్సు, కారు ఢీ – ఒకరి దుర్మరణం సూళ్లూరుపేట: సూళ్లూరుపేట నుంచి శ్రీహరికోటకి వెళ్లేరోడ్డు ఫ్లైఓవర్‌ బ్రిడ్జి మీద ఆదివారం అర్ధరాత్రి ప్రయివేట్‌ బస్సు, కారు ఎదురెదురుగా ఢీకొన్న ఘటనలో కారులో ఉన్న వ్యక్తి అక్కడికక్కడే మృతిచెందాడు. ఈ ప్రమాద తీవ్రతకు కారు నామరూపాల్లేకుండా ముక్కలైపోయింది. కారు నడుపుతున్న సూళ్లూరుపేటలోని గోల్డెన్‌ జిమ్‌ యజమాని మురళి అక్కడికక్కడే మృతి చెందాడు. రోడ్డుపై చాలాసేపు ట్రాపిక్‌ జామ్‌ అయ్యింది. పోలీసులు ఘటనా స్థలానికి చేరుకుని మృతదేహాన్ని పోస్టుమార్టం నిమిత్తం స్థానిక ప్రభుత్వాస్పత్రికి తరలించారు. రోడ్డుపై చెల్లా చెదురుగా పడివున్న కారు శిథిలాలను తొలగించి ట్రాఫిక్‌ను పునరుద్ధరించారు. కేసు దర్యాప్తులో ఉంది. ఎన్నికల ప్రకటనలపై పరిశీలన తిరుపతి అర్బన్‌: కలెక్టరేట్‌లో ఎన్నికల ప్రకటనలను పరిశీలించి నమోదు చేస్తున్నారు. స్థానిక సంస్థల ఎన్నికల్లో పోటీలో ఉన్న అభ్యర్థులు పలు చానళ్లలో ఇస్తున్న ప్రచార ప్రకటనలను సమాచారశాఖ ఉద్యోగులు లెక్కలు కడుతున్నా రు. ఏ పార్టీకి చెందిన అభ్యర్థులు ఎలాంటి ప్రకటనలు, రోజువారీలో ఎన్నిసార్లు ఇస్తున్నారనే అంశాలపై ప్రత్యేక నిఘా పెట్టారు. ఉదయం నుంచి రాత్రి వరకు ప్రకటనలు ఖర్చుల వ్యవహారాలను నమోదు చేసుకుంటున్నారు. రాష్ట్ర స్థాయి వాలీబాల్‌ పోటీలకు ఎంపిక తొట్టంబేడు (శ్రీకాళహస్తి రూరల్‌): తొట్టంబేడు మండలం, పెద్ద కనపర్తి జిల్లా పరిషత్‌ ఉన్నత పాఠశాలకు చెందిన 9వ తరగతి విద్యార్థిని ఎస్‌కె.షర్మిల అండర్‌ 14 బాలికల విభాగంలో వాలీబాల్‌ క్రీడలో రాష్ట్ర స్థాయికి ఎంపికై నట్టు హెచ్‌ఎం పీ.సుబ్రమణ్యం, వ్యాయామ ఉపాధ్యాయులు ఎం.చంగల్‌రాయులు తెలిపారు. అంజూరు జిల్లా పరిషత్‌ ఉన్నత పాఠశాల క్రీడా ప్రాంగణంలో జరిగిన జిల్లా స్థాయి పోటీల్లో ఆమె ప్రతిభ కనబరిచి రాష్ట్ర స్థాయికి ఎంపికై నట్లు వారు పేర్కొన్నారు. ఎంపికై న విద్యార్థినిని ఉపాధ్యాయులు ప్రసాద్‌, పౌజియా, నాగరాజు, మునుస్వామి, గోపాల్‌ జరీనా, సరిత, స్కూల్‌ కమిటీ చైర్మన్‌ చలపతి అభినందించారు.

తిరుపతి రూరల్‌: శ్రీపద్మావతి మహిళా విశ్వవిద్యాలయంలో సోమవారం నర్సింగ్‌ విద్యార్థినులకు జర్మన్‌ భాషపై శిక్షణ కార్యక్రమాన్ని ప్రారంభించారు. ఆంధ్రప్రదేశ్‌ రాష్ట్ర నైపుణ్యాభివృద్ధి సంస్థ ఆధ్వర్యంలో ఈ శిక్షణ కార్యక్రమాన్ని నిర్వహిస్తున్నారు. ముఖ్య అతిథిగా హాజరైన కర్నూలు ప్రాంతీయ నైపుణ్యాభివృద్ధి సంస్థ శిక్షణశాఖ అధికారి టి.శ్రీనివాస్‌ మాట్లాడుతూ జర్మన్‌ భాషపై నిర్వహించే శిక్షణను సద్వినియోగం చేసుకోవాలన్నారు. విదేశాల్లో ఉన్నత విద్యతో పాటు మెరుగైన ఉద్యోగావకాశాలను అందిపుచ్చుకునేందుకు భాషా నైపుణ్యం ఎంతో అవసరమన్నారు. వీసీ ఆచార్య ఉమ, రిజిస్ట్రార్‌ ఆర్‌.ఉష, డీన్‌ పి.విజయలక్ష్మి, జర్మన్‌ భాష శిక్షకుడు శుభమ్‌సింగ్‌, స్కూల్‌ ఆఫ్‌ నర్సింగ్‌ ప్రిన్సిపల్‌ ప్రొఫెసర్‌ గంగాభవాని పాల్గొన్నారు.

శ్రీకాళహస్తి: అంతర్జాతీయ కరాటే చాంపియన్‌షిప్‌లో శ్రీకాళహస్తికి చెందిన కరాణి రోమిత్‌రెడ్డి, కరాని లోషిత ప్రతిభకనబరిచారు. బెంగళూరులో నిర్వహించిన వరల్డ్‌ కరాటే కాన్ఫడరేషన్‌ చాంపియన్‌షిప్‌ పోటీల్లో వీరు అద్భుత ప్రతిభ చూపి బంగారు పతకాలు కై వశంచేసుకున్నారు. రోమిత్‌రెడ్డి తన కటా విభాగంలో బంగారు పతకాన్ని సొంతం చేసుకున్నాడు. అదేవిధంగా కుమిటే బాలికల విభాగంలో లోషిత ప్రథమ స్థానం సాధించి బంగారు పతకం సాధించింది. వీరికి బాబాయి, పిన్ని అమర్‌నాథ్‌, పూర్ణిమ, మామ మణికయ్‌, జ్యోతి ప్రోత్సాహం అందించి తీర్చిదిద్దారు. వీరు శ్రీకాళహస్తి మండలం, నారాయణపురం ప్రభుత్వ పాఠశాలలో 2, 4 తరగతులు చదువుతున్నట్టు పాఠశాల ఉపాధ్యాయులు తెలిపారు. స్వర్ణపతకాలు సాధించడంపై ప్రధానోపాధ్యాయురాలు శ్వేత, ఉపాధ్యాయులు దామోదర్‌రెడ్డి, రామ, ఉమ, కిరణ్‌ అభినందించారు.

తిరుపతి అర్బన్‌: మురసు తుపాన్‌తో మంగళ, బుధవారాలు జిల్లాలో మోస్తారు నుంచి భారీ వర్షాలు కురిసే అవకాశం ఉందని వాతావరణశాఖ అధికారులు హెచ్చరించారు. సోమవారం జిల్లాలోని పలు ప్రాంతాల్లో తేలికపాటి వర్షాలు నమోదైనట్లు చెప్పారు. అలాగే సోమవారం రాత్రి 11.30 నుంచి తెల్లవారుజామున 4 గంటల మధ్య ఒంగోలు సమీపంలో మురసు తుపాను తీరం దాటే అవకాశం ఉన్నట్టు అంచనా వేశారు. ఈ నేపథ్యంలో గంటకు 100 నుంచి 120 కిలోమీటర్ల వేగంతో గాలులు వీచే అవకాశం ఉందని హెచ్చరించారు. కలెక్టర్‌ ఎస్‌.వెంకటేశ్వర్‌ తుపాన్‌పై ఇప్పటికే జిల్లా అధికారులతో సమీక్షించారు. విద్యుత్‌, రెవెన్యూ, ఆర్‌అండ్‌బీ, పంచాయతీరాజ్‌, అగ్రికల్చర్‌, ఇరిగేషన్‌ విభాగాలకు చెందిన అధికారులను అప్రమత్తం చేశారు. అలాగే మత్స్యకారులను రెండు రోజులుగా వేటకు వెళ్లరాదని సూచించారు. ఆస్తి, ప్రాణ నష్టాలకు తావులేకుండా జాగ్రత్తలు తీసుకోవాలని అధికారులను ఆదేశించారు. ఏ ప్రాంతంలోనైనా ఇబ్బందులు ఉంటే సాయం చేయడానికి కలెక్టరేట్‌లో కంట్రోల్‌ రూమ్‌ 0877 2236007 నంబర్‌ను ఏర్పాటు చేసినట్టు వెల్లడించారు. అత్యవసరం అయితే తప్ప ప్రజలు బయటకు రావొద్దని పేర్కొన్నారు. విద్యుత్‌ శాఖ సిద్ధం తిరుపతి రూరల్‌: మురసు తుపాను నేపథ్యంలో విద్యుత్‌ శాఖ అప్రమత్తమైంది. విద్యుత్‌ సరఫరాలో అంతరాయాలు తలెత్తితే తక్షణమే పునరుద్ధరణ పనులు చేసేందుకు ప్రత్యేక బృందాలను రంగంలోకి దించింది. ముఖ్యంగా తుపాను ప్రభావం అధికంగా ఉండే నెల్లూరు, తిరుపతి జిల్లాలపై ప్రత్యేక దృష్టి సారించినట్టు ఏపీఎస్పీడీసీఎల్‌ సీఎండీ శివశంకర్‌ లోతేటి తెలిపారు. విద్యుత్‌ సరఫరా పునరుద్ధరణ కోసం ఏడు జిల్లాల నుంచి 2,403 మంది అధికారులు, సిబ్బందితో 226 ప్రత్యేక బృందాలను ఏర్పాటు చేశామన్నారు. తమిళనాడు నుంచి మరో 10 బృందాలను నెల్లూరు, తిరుపతి జిల్లాలకు రప్పించినట్టు చెప్పారు. తుపాను నేపథ్యంలో విద్యుత్‌ సిబ్బందికి సెలవులను రద్దు చేశామన్నారు. నెల్లూరు, తిరుపతి సర్కిళ్లతోపాటు కార్పొరేట్‌ కార్యాలయంలో 24 గంటలూ పనిచేసే కంట్రోల్‌ రూమ్‌లను ఏర్పాటు చేశామని చెప్పారు. తుపానుపైనే ఆశలు మురసు తుపానుపైనే అన్నదాతలు ఆశలు పెట్టుకున్నారు. ప్రతి ఏటా నవంబర్‌లో వచ్చే తుపాను వర్షాలతోనే జిల్లాలోని చెరువులు నిండేవని గుర్తుచేస్తున్నారు. ఇటీవల వచ్చిన అర్నబ్‌ తుపాను ప్రభావం పెద్దగా లేకపోవడంతో ఒట్టిపోయిన చెరువలే దర్శనమిస్తున్నాయని, మురసు తుపానుతోనైనా వర్షాలు వస్తాయోలేదోనని ఆశగా ఎదురు చూస్తున్నారు. కంట్రోల్‌ రూమ్‌ నంబర్లు ఇవీ నెల్లూరు జిల్లా: 94408 17468, తిరుపతి జిల్లా: 94408 17412, కార్పొరేట్‌ కార్యాలయం, 87124 80430, టోల్‌ఫ్రీ: 1912, 1800 425 155333, వాట్సాప్‌: 91333 31912లను సంప్రదించాలని సీఎండీ సూచించారు.

తిరుపతి అన్నమయ్యసర్కిల్‌: తిరుపతి మున్సిపల్‌ కార్పొరేషన్‌ పరిధి 36 డివిజన్‌లోని 36/4వ పోలింగ్‌ కేంద్రంలో సోమవారం నిర్వహించిన రీ పోలింగ్‌ ప్రక్రియలో 50.38 శాతం పోలింగ్‌ నమోదైనట్టు ఎన్నికల అధికారులు తెలిపారు. పోలింగ్‌ కేంద్రంలో మొత్తం 925 ఓటర్లకు కాగా 466 ఓట్లు పోలయ్యాయని తెలిపారు. అయితే ఆదివారం జరిగిన పోలింగ్‌ ప్రక్రియలో ఇదే పోలింగ్‌ కేంద్రంలో 515 ఓట్లు పోలయ్యాయి. దీంతో పోలిస్తే రీ పోలింగ్‌లో 49 ఓట్లు తగ్గాయి. కాగా ఉదయం నుంచి వర్షం కురుస్తుండడంతో మందకొడిగా ఓటింగ్‌ ప్రక్రియ ప్రారంభమైంది. ఎస్పీ సుబ్బరాయుడు, మున్సిపల్‌ కమిషనర్‌ జయకృష్ణ, వైఎస్సార్‌సీపీ, టీడీపీ మేయర్‌ అభ్యర్థులతో పాటు కార్పొరేట్‌ అభ్యర్థులు పోలింగ్‌ సరళిని పర్యవేక్షించారు.

తిరుమల: తిరుమలలో సోమవారం భక్తుల రద్దీ సాధారణంగా ఉంది. క్యూకాంప్లెక్స్‌లోని 6 కంపార్టుమెంట్లలో భక్తులు వేచి ఉన్నారు. ఆదివారం అర్ధరాత్రి వరకు 77,010 మంది స్వామివారిని దర్శించుకున్నారు. 22,826 మంది భక్తులు తలనీలాలు అర్పించారు. స్వామివారికి కానుకల రూపంలో హుండీలో రూ.3.84 కోట్లు సమర్పించారు. టైంస్లాట్‌ టిక్కెట్లు కలిగిన భక్తులకు సకాలంలో దర్శనం లభిస్తోంది. దర్శన టిక్కెట్లు లేని వారు స్వామిని దర్శించుకోవడానికి 6 గంటల సమయం పడుతోంది. ప్రత్యేక ప్రవేశ దర్శనం టిక్కెట్లు కలిగిన వారు 3 గంటల్లో స్వామిని దర్శించుకోగలుగుతున్నారు. ఇదిలా ఉంటే సర్వదర్శనం టోకెన్లు కలిగిన భక్తు లు నిర్దేశించిన సమయానికి మాత్రమే క్యూలోకి వెళ్లాలని టీటీడీ విజ్ఞప్తి చేస్తోంది. కేటాయించిన సమయానికంటే ముందు వెళ్లిన వారిని క్యూలోకి అనుమతించరని స్పష్టంచేసింది. సివిల్‌ అసిస్టెంట్‌ సర్జన్‌ పోస్టులకు నోటిఫికేన్‌ తిరుపతి తుడా: టీటీడీ ఆధ్వర్యంలో నడుస్తున్న ఆసుపత్రుల్లో పనిచేసేందుకు సివిల్‌ అసిస్టెంట్‌ సర్జన్‌ ఉద్యోగాలకు దరఖాస్తులు ఆహ్వానిస్తున్న ట్లు టీటీడీ కార్యాలయం తెలిపింది. మొత్తం 14 పోస్టులను భర్తీ చేయనున్నట్లు వెల్లడించింది. అభ్యర్థులు ఈ నెల 5వ తేదీలోపు ఆన్‌లైన్‌లో దర ఖాస్తు చేసుకోవాలని సూచించింది. అర్హత, దర ఖాస్తుతో పాటు మరిన్ని వివరాల కోసం టీటీడీ అధికారక వెబ్‌సైట్‌ను సంప్రదించాలని కోరింది. డిగ్రీ 3వ విడత ప్రవేశాల సీట్ల కేటాయింపు తిరుపతి సిటీ: ప్రభుత్వ, ప్రైవేటు, టీటీడీ డిగ్రీ కళాశాలలో మూడవ విడత ప్రవేశాల కోసం ఓఏఎమ్‌డీసీ ద్వారా రిజిస్ట్రేషన్‌ చేసుకున్న విద్యార్థులకు మెరిట్‌, రిజర్వేషన్ల ప్రాతిపధికన సీట్లు కేటాయించారు. ఈ మేరకు ఇప్పటికే విద్యార్థులకు తమ రిజిస్టర్డ్‌ మొబైల్‌ నంబర్లకు, ఈ మెయిల్స్‌కు అధికారులు సమాచారమందించారు. సీట్లు పొందిన విద్యార్థులు మంగళవారం నుంచి ఈనెల 7వ తేదీలోపు ఆయా కళాశాలల్లో రిపోర్టు చేసి ప్రవేశాలు పొందాల్సి ఉంటుంది. మూడవ విడత ప్రవేశాలు ముగిసిన అనంతరం మిగిలి ఉన్న సీట్ల కోసం స్పాట్‌ అడ్మిషన్లు చేపట్టనున్నారు. 8న ఉచిత ఆల్ట్రాసౌండ్‌ స్కానింగ్‌ పరీక్షలు రద్దు తిరుపతి తుడా: స్విమ్స్‌ రేడియాలజీ విభాగం ఆధ్వర్యంలో ప్రతి ఆదివారం గర్భిణులకు ఉచితంగా నిర్వహించే ఆల్ట్రాసౌండ్‌ స్కానింగ్‌ పరీక్షలు 8వ తేదీ ఆదివారం దీపావళి పండుగ సెలవు కారణంగా రద్దు చేసినట్లు మెడికల్‌ సూపరింటెండెంట్‌ డాక్టర్‌ రామ్‌ తెలిపారు. 15వ తేదీ ఆదివారం నుంచి స్కానింగ్‌ పరీక్షలు యథావిధిగా కొనసాగుతాయని ఆయన పేర్కొన్నారు. తుపాను నేపథ్యంలో ముందస్తు ఏర్పాట్లు తిరుమల: తుపాను ప్రభావంతో వర్షాలు కురుస్తున్న నేపథ్యంలో తిరుమల శ్రీవారి దర్శనానికి వచ్చే భక్తులకు ఎలాంటి అసౌకర్యం కలగకుండా, అన్నప్రసాదాల పంపిణీకి అంతరాయం లేకుండా, క్యూలైన్లు బయటకు రాకుండా ముందస్తు ఏర్పాట్లు చేపట్టినట్లు టీటీడీ అదనపు ఈవో సి.హెచ్‌.వెంకయ్యచౌదరి తెలిపారు. ఈ మేరకు సోమవారం తిరుమలలోని పద్మా వతి అతిథి గృహంలో గల సుధర్మ సమావేశ మందిరంలో టీటీడీలోని వివిధ విభాగాల అధికారులతో ఆయన సమీక్ష సమావేశం నిర్వహించారు. భక్తులకు త్వరితగతిన దర్శనం కల్పించడంతో పాటు, వర్షాల నేపథ్యంలో తీసుకోవాల్సిన జాగ్రత్తలపై అధికారులకు పలు సూచనలు చేశారు. ఘాట్‌ రోడ్లలో వర్షాల కారణంగా చిన్నచిన్న రాళ్లు పడే అవకాశం ఉన్న ప్రాంతాలను గుర్తించి ప్రత్యేక అప్రమత్తతతో వ్యవహరించాలని సూచించారు. సమావేశంలో టీటీడీ చీఫ్‌ ఇంజినీర్‌ మనోహరం, ఎస్‌ఈ వేణుగోపాల్‌, చీఫ్‌ మెడికల్‌ ఆఫీసర్‌ డాక్టర్‌ కుసుమకుమారి, అన్నప్రసాదం డెప్యూటీ ఈవో రాజేంద్ర పాల్గొన్నారు. 15 వరకు గడువు పొడిగింపు తిరుపతి ఎడ్యుకేషన్‌:జాతీయ స్థాయిలో 2026– 27వ విద్యాసంవత్సరానికి సంబంధించి 8వ తరగతి విద్యార్థులకు నిర్వహించే జాతీయ ఉపకార వేతన (ఎన్‌ఎంఎంఎస్‌) పరీక్షకు దరఖాస్తు చేసుకోవడానికి ఈ నెల 15వ తేదీ వరకు గడువు పొడిగించారు. ఆ మేరకు డీఈఓ కేవీఎన్‌.కుమార్‌ ఒక ప్రకటన విడుదల చేశారు. నవంబరు 15వ తేదీన నిర్వహించాల్సిన పరీక్షను అదే నెల 29వ తేదీకి మార్పు చేయడంతో దరఖాస్తు గడువును ఈ నెల 6 నుంచి 15వ తేదీ వరకు పొడిగించినట్లు వెల్లడించారు. స్కాలర్‌షిప్‌పై అవగాహన కల్పించి అర్హత ఉన్న విద్యార్థులందరినీ ఎన్‌ఎస్‌పీ పోర్టల్‌ ద్వారా ఈ పరీక్షకు దరఖాస్తు చేసుకునేలా హెచ్‌ఎంలు చర్యలు తీసుకోవాలని సూచించారు.

సాక్షి టాస్క్‌ ఫోర్స్‌: చంద్రగిరి నియోజకవర్గంలో పచ్చ నేతల ఆగడాలకు అడ్డూఅదుపు లేకుండా పోతోంది. ప్రకృతి సంపదను యథేచ్ఛగా దోచేస్తున్నారు. చంద్రగిరికి చెందిన టీడీపీ నేత, సింగిల్‌ విండో చైర్మన్‌ తన అధికారాన్ని అడ్డం పెట్టుకుని ఎర్రమట్టిని కొల్లగొడుతూ కోట్లు దండుకుంటున్నాడు. ఆయన ధనదాహానికి వాహనదారులు సైతం బలవుతున్నారు. ఇంత జరుగుతున్నా సంబంధిత అధికారులు ఏ ఒక్కరూ అటు వైపు కన్నెత్తి చూడకపోవడం విమర్శలకు తావిస్తోంది. నెలకు రూ.కోటికిపైనే అక్రమార్జన అనుపల్లి – చంద్రగిరి ప్రధాన రహదారిపై నిత్యం గ్రావెల్‌ లోడుతో వెళ్తున్న టిప్పర్లు బీభత్సం సృష్టిస్తున్నాయి. నరసింగాపురం సింగిల్‌ విండో చైర్మన్‌ రాజులగారి వినోద్‌, ఎమ్మెల్యే నాని అండతో తన అధికారాన్ని అడ్డం పెట్టుకుని దందా సాగిస్తున్నారు. రోజుకు 30కి పైగా టిప్పర్లతో మట్టిని తరలిస్తున్నారు. ఒక్కో టిప్పర్‌ మట్టి రూ.10 వేల నుంచి రూ.15 వేల వరకు విక్రయిస్తున్నారు. ఈ లెక్కన రోజుకు రూ.3 లక్షలకు పైగా అక్రమంగా తమ జేబులో వేసుకున్నట్లు తెలుస్తోంది. గత ఆరు నెలలుగా సాగుతున్న ఈ దందాతో సింగిల్‌ విండో చైర్మన్‌ రూ.6 కోట్లపైగా ప్రకృతి సంపదను కొల్లకొట్టినట్టు సమాచారం. అక్రమంగా సాగిస్తున్న ఈ గ్రావెల్‌ దందాలో స్థానిక ఎమ్మెల్యే పులివర్తి నానికి సైతం వాటా వెళ్తున్నట్టు స్పష్టమవుతోంది. ప్రాణాలు తీస్తున్నారు గ్రావెల్‌ను అక్రమంగా తరలించే క్రమంలో టిప్పర్‌ డ్రైవర్లు మద్యం మత్తులో, పరిమితికి మించిన (ఓవర్‌ లోడ్‌) మట్టితో అతివేగంగా వాహనాలు నడుపుతున్నారు. రహదారిపై నిత్యం ప్రమాదాలు చోటు చేసుకుంటున్నాయి. గత శుక్రవారం రాత్రి తిరుమలలో పనిచేస్తున్న ఉద్యోగి త్యాగరాజులు తన విధులు ముగించుకొని ద్విచక్ర వాహనంపై వెళుతుండగా మడంపల్లి సమీపంలో అతివేగంగా వచ్చిన టిప్పర్‌ లారీ ఢీకొని తీవ్ర గాయాలపాలై చావు నుంచి తృటిలో తప్పించుకున్నారు. అదేరోజు ఓ స్కూటీపై టిప్పర్‌ దూసుకుపోవడంతో ద్విచక్ర వాహనం ధ్వంసమైన ఘటన మల్లయ్యపల్లి దగ్గర చోటుచేసుకుంది. అధికారుల మౌనం యథేచ్ఛగా మట్టి తరలిస్తున్నా సంబంధిత రెవెన్యూ, అటవీ, మైనింగ్‌ శాఖల అధికారులు ‘నిమ్మకు నీరెత్తినట్లు’ వ్యవహరించడంపై సమీప గ్రామాల ప్రజలు ఆగ్రహం వ్యక్తం చేస్తున్నారు. అధికారులు ఈ స్థాయిలో మౌనంగా ఉన్నారంటే అక్రమార్కుల నుంచి భారీగానే ముడుపులు అందుతున్నాయనే విమర్శలు వినిపిస్తున్నాయి. అక్రమ దందాల వల్ల పార్టీకి చెడ్డపేరు వస్తోందని స్థానికంగా ఉన్న టీడీపీ నాయకులు, కార్యకర్తలే గుసగుసలాడుతున్నారు. నా దృష్టికి రాలేదు అనుపల్లి పంచాయతీలో సత్రంమిట్ట గుట్టలో జరుగుతున్న గ్రావిల్‌ అక్రమ తరలింపు విషయమై నా దృష్టికి రాలేదు. గ్రామ వీఆర్‌ఓ నా దృష్టికి కూడా చెప్పలేదు. పూర్తి సమాచారం తెలుసుకొని అక్రమార్కులపై చర్యలు తీసుకుంటాం. – మధుసూదన్‌రావు, తహసీల్దార్‌ కొల్లకొడుతున్న సింగిల్‌ విండో చైర్మన్‌

రాపూరు: మండలంలోని గోనుపల్లి గ్రామానికి చెందిన టీడీపీ నాయకుడు ఈగా రాజారెడ్డి తన అనుచరులతో కలసి వైఎస్సార్‌సీపీలో చేరారు. ఆయనతో పాటు మరో వంద కుటుంబాలు వెఎస్సార్‌సీపీ తీర్థం పుచ్చుకున్నాయి. పార్టీలో చేరిన వారిని ఎస్‌ఈసీ సభ్యులు పాపకన్ను మధుసూదన్‌రెడ్డి, మండల కన్వినర్‌ బోడ్డు మధుసూదన్‌రెడ్డి కండువా కప్పి పార్టీలోకి సాదరంగా ఆహ్వానించారు. వైఎస్సార్‌సీపీ ప్రభుత్వంలో వైఎస్‌ జగన్‌మోహన్‌రెడ్డి ప్రజలకు చేసిన మంచి పనులు, ప్రవేశపెట్టిన సంక్షేమ పథకాలకు ఆకర్షితులై వైఎస్సార్‌సీపీలో చేరినట్టు వారు పేర్కొన్నారు. ఎస్‌ఈసీ సభ్యులు పాపకన్ను మధుసూదన్‌రెడ్డి నాయకత్వం పై నమ్మకంతో తాము, తన అనుచరులతో పార్టీ చేరినట్లు రాజారెడ్డి స్పష్టం చేశారు. వైఎస్సార్‌సీపీ వెంకటగిరి నియోజకవర్గ వలంటరీ విభాగం అధ్యక్షుడు నరసింహారెడ్డి, నెల్లూరు గిరిరెడ్డి, బండి పెంచల నరసారెడ్డి తదితరులు పాల్గొన్నారు.

తిరుపతి అర్బన్‌: జెడ్పీటీసీ, ఎంపీటీసీ ఎన్నికల్లో డ్యూటీల కేటాయింపు ప్రకారం ప్రతి ఒక్కరూ హాజరు కావాలని కలెక్టర్‌ ఎస్‌.వెంకటేశ్వర్‌ స్పష్టం చేశారు. సోమవారం ఆయన కలెక్టరేట్‌లో డీఆర్వోలతో ఎన్నికల డ్యూటీలపై చర్చించారు. ఏ ఒక్క అధికారికి, సిబ్బందికి మినహాయింపు లేదని, అంతా పాల్గొనాలని ఆదేశించారు. ఈ నెల 4న తమకు కేటాయించిన డిస్ట్రిబ్యూషన్‌ కేంద్రంలో తప్పనిసరిగా రిపోర్ట్‌ చేయాలని చెప్పారు. అనంతరం 5వ తేదీ పోలింగ్‌ ప్రక్రియలో పాల్గొనాలని సూచించారు. పీవోలు, ఏపీవోలు ఈ అంశాన్ని గుర్తుపెట్టుకోవాలన్నారు. ఎన్నికలు జరిగే ప్రాంతాల్లో ఈ నెల 4, 5 తేదీల్లో ప్రభుత్వ, ప్రయివేటు పాఠశాలలకు సెలవు ప్రకటిస్తున్న పేర్కొన్నారు. నేడు ఆర్చరీ జిల్లా జట్ల ఎంపిక పోటీలు తిరుపతి ఎడ్యుకేషన్‌:స్కూల్‌ గేమ్స్‌ ఫెడరేషన్‌ (ఎస్‌జీఎఫ్‌) ఆధ్వర్యంలో మంగళవారం ఉమ్మడి చిత్తూ రు జిల్లా ఆర్చరీ అండర్‌–14, 17, 19 బాలబా లికల జట్ల ఎంపిక పోటీలను నిర్వహించనున్నా రు. ఈ పోటీలను శ్రీకాళహస్తిలోని ఎస్వీ ఆర్ట్స్‌ కళాశాల మైదానంలో నిర్వహించనున్నట్లు ఎస్‌జీఎఫ్‌ కార్యదర్శులు సాంబశివరావు, అమ్మలు సోమవా రం తెలిపారు. ఆసక్తి గల క్రీడాకారులు తమ సొంత క్రీడాపరికరాలతో ఉదయం 9గంటల్లోపు హాజరవ్వాలని, మరిన్ని వివరాలకు 92905 02041 నంబరులో సంప్రదించాలని వారు కోరారు.

తిరుపతి అర్బన్‌: అధికారుల అనాలోచిత విధానాలు సిబ్బందిని ముప్పుతిప్పలు పెడుతున్నాయి. జిల్లా పరిషత్‌ కార్యాలయాన్ని కలెక్టరేట్‌లో నిర్వహిస్తుండగా.. పరిషత్‌ ఎన్నికలకు సంబంధించిన కార్యకలాపాలు మొత్తం డీఆర్‌డీఏ వద్దే నడుపుతున్నారు. అయితే ఈ సమాచారం రైల్వేకోడూరు నియోజకవర్గంలోని ఐదు మండలాలకు చెందిన నేతలు, కార్యకర్తలకు, అలాగే వాకాడు, చిట్టమూరు, వెంకటగిరి నియోజకవర్గంలోని బాలాయపల్లి, డక్కిలి మండలాలకు చెందిన వారికి సరైన సమాచారం లేకపోవడంతో ముందుగా అంతా కలెక్టరేట్‌లోని జెడ్పీ కార్యాలయానికి వెళుతున్నారు. అక్కడ జెడ్పీ సీఈవో చాంబర్‌కు తాళం వేసి ఉండడంతో.. మళ్లీ డీఆర్‌డీఏకు వస్తున్నారు. ప్రధానంగా అన్ని పార్టీలకు చెందిన వారు ఏజెంట్లుగా పనిచేయడానికి జెడ్పీ కార్యాలయంలో దరఖాస్తులు చేసుకోవాల్సి ఉంది. అలాగే ఎన్నికల సమయంలో వాడే వాహనాలు, ఎన్నికల ప్రచార సామగ్రి తదితర వాటి అనుమతుల కోసం అధికారులను కలవడానికి కలెక్టరేట్‌కు వెళ్లి...ఆ తర్వాత డీఆర్‌డీఏకి వస్తున్నారు. నామినేషన్ల వరకు మాత్రమే డీఆర్‌డీఏ కలెక్టరేట్‌లోని జెడ్పీ కార్యాలయంలో నామినేషన్ల స్వీకరణకు సౌకర్యం లేదని.. దాంతో నామినేషన్ల వరకు మాత్రమే డీఆర్‌డీఏలో నిర్వహిస్తామని గతంలో అధికారులు ప్రకటించారు. అయితే నామినేషన్ల ప్రక్రియ ముగిసినప్పటికీ ఎన్నికల వ్యవాహాలు మొత్తం డీఆర్‌డీఏ నుంచి నడుపుతున్నారు. అలా చేయడంలో తప్పులేదుగానీ అయితే జెడ్పీ అధికారులు తమ కార్యాలయాన్ని ఎక్కడ నిర్వహిస్తున్నారనే సమాచారాన్ని జిల్లా ప్రజలకు తెలియజేయకపోవడంపై పలువురు విమర్శలు ఎక్కుపెడుతున్నారు.

శ్రీకాళహస్తి: శ్రీకాళహస్తి మున్సిపాలిటీలోని 44 వార్డులకు సంబంధించి రిజర్వేషన్లు ఖరారయ్యాయి. చైర్మన్‌ గిరి బీసీ జనరల్‌కు కేటాయించారు. ఎస్టీ, ఎస్సీ, బీసీ, మహిళా జనరల్‌, అనన్‌రిజర్వ్‌డ్‌ విభాగాల వారీగా వార్డులను కేటాయించారు. ఇందులో బీసీలకు అత్యధికంగా 17 స్థానాలు కేటాయించగా, మహిళలకు మొత్తం 22 వార్డులు కేటాయించారు. రిజర్వేషన్ల వివరాలు ఎస్టీ జనరల్‌ కేటగిరీకి ఒక వార్డును కేటాయించారు. 21వ వార్డు ఎస్టీ జనరల్‌కు రిజర్వు చేశారు. ఎస్సీలకు మొత్తం నాలుగు స్థానాలు కేటాయించగా, వాటిలో మహిళలకు రెండు వార్డులు (3, 35), జనరల్‌కు రెండు వార్డులు (1, 4) కేటాయించారు. బీసీలకు మొత్తం 17 స్థానాలు కేటాయించారు. ఇందులో మహిళలకు ఎనిమిది వార్డులు (6, 7, 10, 11, 13, 23, 24, 43), జనరల్‌కు తొమ్మిది వార్డులు (8, 17, 25, 33, 36, 37, 39, 40, 41) కేటాయించారు. మహిళా జనరల్‌ కేటగిరీకి 12 వార్డులు (9, 12, 14, 15, 16, 18, 22, 26, 29, 32, 42, 44) రిజర్వు చేశారు. అనన్‌రిజర్వ్‌డ్‌ కేటగిరీలో పది వార్డులు (2, 5, 19, 20, 27, 28, 30, 31, 34, 38) ఉన్నాయి. రిజర్వేషన్ల కేటాయింపులు పూర్తవడంతో ఆయా వార్డుల్లో పోటీ చేసేందుకు ఆశావహులు తమ వ్యూహాలకు పదును పెడుతున్నారు.

తిరుపతి రూరల్‌: ఎన్నికల్లో పార్టీ అభ్యర్థుల గెలుపు కోసం నిబద్ధతతో పనిచేసే కార్యకర్తలకే భవిష్యత్తులో పదవులు, పనుల్లో ప్రాధాన్యం కల్పిస్తామని వైఎస్సార్‌సీపీ రాష్ట్ర ప్రధాన కార్యదర్శి, చంద్రగిరి మాజీ ఎమ్మెల్యే చెవిరెడ్డి భాస్కర్‌రెడ్డి స్పష్టం చేశారు. స్థానిక ఎన్నికల్లో అభ్యర్థుల గెలుపుకోసం గట్టిగా పనిచేసి భవిష్యత్తులో పెద్ద నాయకులుగా ఎదగాలని సూచించారు. పాకాల, చిన్నగొట్టిగల్లు, ఎర్రావారిపాళెం, రామచంద్రాపురం మండలాల్లో సోమవారం పర్యటించిన ఆయన ఎంపీటీసీ, జెడ్పీటీసీ అభ్యర్థుల విజయానికి అనుసరించాల్సిన వ్యూహంపై నేతలు, కార్యకర్తలకు దిశా నిర్దేశం చేశారు. పాకాలలో రౌడీయిజం లేకుండా చేయాలి పాకాల మండలంలో చిత్తూరు నుంచి వచ్చిన వారు రౌడీయిజాన్ని తీసుకొచ్చారని చెవిరెడ్డి విమర్శించారు. నామినేషన్ల సమయంలో టీడీపీ శ్రేణులు చేసిన దౌర్జన్యాలను ప్రజలకు వివరించాలని సూచించారు. పాకాలలో రౌడీయిజానికి అడ్డుకట్ట వేయాలంటే ఫ్యాన్‌ గుర్తుపై ఓటు వేసి వైఎస్సార్‌సీపీ ఎంపీటీసీ జెడ్పీటీసీ అభ్యర్థులను గెలిపించాలని ప్రజలను కోరారు. మండలంలోని మద్దినాయునిపల్లికి చెందిన మొగరాల హరిప్రసాద్‌రెడ్డి భార్య స్వర్ణకుమారిని వైఎస్సార్సీపీ తరఫున జెడ్పీటీసీ అభ్యర్థిగా బరిలోకి దించేందుకు నామినేషన్‌ వేయిస్తే.. ఓటమి భయంతో టీడీపీ నేతలు అధికారుల ద్వారా ఆమె నామినేషన్‌ను అక్రమంగా తొలగించారని ఆరోపించారు. అయినప్పటికీ వైఎస్సార్‌సీపీ తరఫున మరో యువనేత కఫిలేశ్వర్‌రెడ్డి భార్య శ్రీలేఖ పోటీలో నిలిచారని తెలిపారు. సహదేవరెడ్డికి విజయాన్ని కానుకగా ఇవ్వాలి చిన్నగొట్టిగల్లులో మాజీ డీసీఎంఎస్‌ చైర్మన్‌ సహదేవరెడ్డిని అక్రమ కేసులో అరెస్టు చేసి జైలుకు పంపారని చెవిరెడ్డి ఆరోపించారు. ఆయనకు అండగా నిలిచేలా మండలంలోని కార్యకర్తలు పట్టుదలతో అభ్యర్థుల గెలుపుకు పనిచేయాలని కోరారు. మండలంలోని ఏడు ఎంపీటీసీ స్థానాలతో పాటు జెడ్పీటీసీ అభ్యర్థిని గెలిపించి ఆ విజయాన్ని సహదేవరెడ్డికి కానుకగా అందించాలని సూచించారు. పనిచేసిన వారికే భవిష్యత్తులో ప్రాధాన్యం పార్టీ గుర్తుపై జరుగుతున్న ఎన్నికల్లో ప్రతి అభ్యర్థి గెలుపు కీలకమని చెవిరెడ్డి పేర్కొన్నారు. చిన్న చిన్న విభేదాలతో పార్టీ అభ్యర్థుల విజయానికి ఆటంకం కలిగిస్తే ఉపేక్షించేది లేదన్నారు. వెన్నుపోటు పొడిచిన వారిపై వేటు వేయక తప్పదని హెచ్చరించారు. ఈ నెల 5న జరిగే పోలింగ్‌లో ప్రతి కార్యకర్త జగనన్న సైనికుడిలా పనిచేయాలన్నారు.

వరదయ్యపాళెం: రెక్కాడితే గానీ డొక్కాడని కుటుంబంలో పుట్టడమే ఆ పసివాడి పాలిట శాపమైంది. చదువుకోవాల్సిన వయసులో పొట్టకూటి కోసం కూలికి వెళ్లి, విద్యుత్‌ తీగలకు బలైపోయాడు. వరదయ్యపాళెం మండలం గోవర్దనపురానికి చెందిన గిరిజనుడు సురేష్‌ కుమారుడు మదన్‌ (14) తల్లిదండ్రులకు చేదోడుగా ఉండాలని చిన్న వయసులోనే కూలిలీ పనులకు వెళ్తున్నాడు. సోమవారం గోవర్దనపురం హైస్కూల్‌ దారిలోని ఓ కల్యాణ మండపం వద్ద పెళ్లి లైటింగ్‌ కోసం గుంజలు పాతుతున్నాడు. అంతలోనే రోడ్డు పక్కనే వేలాడుతున్న 11 కేవీ విద్యుత్‌ తీగలు మదన్‌ ప్రాణం తీశాయి. గుంజ తీగకు తగలగానే ఒక్కసారిగా కరెంట్‌ షాక్‌తో అక్కడికక్కడే కుప్పకూలిపోయాడు. స్థానికులు గమనించి ఆస్పత్రికి తరలించేలోపే ప్రాణాలు వదిలాడు. ఈ మేరకు కేసు నమోదు చేసి దర్యాప్తు చేస్తున్నట్లు ఎస్‌ఐ మల్లికార్జున తెలిపారు. విద్యుత్‌ షాక్‌తో యువకుడి మృతి కలువాయి(సైదాపురం): విద్యుత్‌షాక్‌తో ఓ యువకుడు మృతిచెందిన ఘటన కలువాయి మండలంలోని కేసీగోపవరం వద్ద సోమవారం రాత్రి చోటుచేసుకుంది. స్థానికుల కథనం.. మండలంలోని దాచూరు గ్రామానికి చెందిన బైరుపోగు గణేష్‌(27) విద్యుత్‌ స్తంభం ఎక్కి మరమ్మతులు చేస్తుండగా విద్యుత్‌ షాక్‌ గురై పైనుంచి కిందపడి అక్కడికక్కడే మృతిచెందాడు. పోలీసులు ఘటనా స్థలానికి చేరుకుని మృతదేహాన్ని స్వాధీనం చేసుకున్నారు. కేసు దర్యాప్తులో ఉంది. కలెక్టరేట్‌లో 23 చోట్ల సీసీ కెమెరాలు తిరుపతి అర్బన్‌: కలెక్టరేట్‌లో 23 చోట్ల సీసీ కెమెరాల పనితీరును మెరుగుపరిచారు. అలాగే ఎవరు వస్తున్నారు.. ఎవరు వెళుతున్నారు అనే అంశాలపై ప్రత్యేక సిబ్బందితో నిఘా పెట్టారు. ఎన్నికల నేపథ్యంలోనే సీసీ కెమెరాలపై ప్రత్యేక దృష్టి పెట్టినట్లు తెలుస్తోంది. డీఆర్వో చాంబర్‌కు వెళ్లే మార్గంలో ప్రత్యేక కౌంటర్‌ ఏర్పాటు చేసి సీసీ కెమెరాల ద్వారా మొత్తం పరిశీలన చేస్తున్నారు.

తిరుపతి సిటీ: స్థానిక కరకంబాడి రోడ్డులోని ఎస్వీసీఈ కళాశాల మేనేజ్‌మెంట్‌ స్టడీస్‌ విభాగం ఆధ్వర్యంలో డీఎస్‌టీ ప్రాయోజిత మహిళా పారిశ్రామికవేత్తల అభివృద్ధి కార్యక్రమాన్ని నిర్వహించారు. ఔత్సాహిక మహిళా పారిశ్రామికవేత్తలకు అవసరమైన వ్యాపార పరిజ్ఞానం, పారిశ్రామిక నైపుణ్యాలు, ప్రోత్సాహకం వంటి ప్రముఖ అంశాలపై అవగాహన కల్పించడమే లక్ష్యంగా ఈ కార్యక్రమాన్ని నాలుగు వారాల పాటు కొనసాగించనున్నట్లు నిర్వాహకులు తెలియజేశారు. అనంతరం సంస్థాగత సహకారానికి, పారిశ్రామికాభివృద్ధికి అమెరికాలోని ఆస్టిన్‌కు చెందిన సురక్ష సంస్థతో ఎస్వీసీఈ పలు అంశాలపై ఒప్పందం కుదుర్చుకుంది. అలాగే ఎస్వీయూ రూసా ఇన్నోవేషన్‌ అండ్‌ ఇంక్యుబేషన్‌ సెంటర్‌తో ఎల్‌ఓఎల్‌ మార్పిడి చేసుకున్నారు. ప్రిన్సిపల్‌ డాక్టర్‌ చంద్రశేఖర్‌రెడ్డి, రూసా సీఈఓ వంశీకృష్ణ, టాటా ఇన్నోవేషన్‌ హబ్‌ సీఈఓ విజయవంత్‌ మాథూర్‌, సురక్ష సంస్థ వ్యవస్థాపకులు ప్రసాద్‌ జలది, డాక్టర్‌ నీరజ, డాక్టర్‌ సాయిలక్ష్మి, మహిళా పారిశ్రామిక వేత్తలు పాల్గొన్నారు.

తిరుపతి మంగళం : తిరుపతి నగరంలో పదవుల కోసం టీడీపీ గూండా జేబీ.శ్రీనివాస్‌ చేస్తున్న అరాచకాలతో శాంతిభద్రతలకు విఘాతం కలుగుతోందని కర్నూలు, నంద్యాల జిల్లాల వైఎస్సార్‌సీపీ రీజనల్‌ కో– ఆర్డినేటర్‌ భూమన కరుణాకరరెడ్డి ఆగ్రహం వ్యక్తం చేశారు. తిరుపతి పద్మావతిపురంలోని తన నివాసంలో ఆదివారం ఆయన మీడియాతో మాట్లాడారు. మున్సిపల్‌ కార్పొరేషన్‌ ఎన్నికల నోటిఫికేషన్‌ ఇచ్చినప్పటి నుంచి తిరుపతి పవిత్ర నగరంలో మేయర్‌పదవి దక్కించుకోవడం, కూటమి అభ్యర్థులను గెలిపించుకోవడం కోసం జేబీ.శ్రీనివాస్‌ చేస్తున్న అరాచకాలు, దౌర్జన్యాలు, దుర్మార్గాలు, దాడులు లెక్కేలేవన్నారు. నామినేషన్ల సమయంలో వైఎస్సార్‌సీపీ అభ్యర్థులను నామినేషన్లు వేయనీయకుండా పత్రాలను చింపేసి తమ పార్టీ అభ్యర్థులను ఏ విధంగా కొట్టి గాయపరిచారో అందరికీ తెలుసన్నారు. అయితే తిరుపతి నగరంలో ఆదివారం జరిగిన కార్పొరేషన్‌ ఎన్నికల్లో ఎలాగైనా గెలవాలన్న దురాలోచనతో తిరుపతిలో మేయర్‌ అభ్యర్థిగా పోటీ చేస్తున్న గూండా జేబీ శ్రీనివాస్‌ అతని రాచకశక్తులు, బూతులన్నీ ఆక్రమించి రిగ్గింగ్‌కు పాల్పడ్డారని ఆరోపించారు. ప్రజాక్షేత్రంలోకి వెళ్లి గెలవలేమన్న భయంతో నగరంలోని అనేక పోలింగ్‌ బూతులను ఆక్రమించి దొంగ ఓట్లు వేసుకున్నారన్నారు. రీపోలింగ్‌ చేపట్టాలి నగరంలోని పలు వార్డుల్లో ఎన్నికల ప్రక్రియను పూర్తిగా టీడీపీ గూండాల ఆధీనంలోకి తీసుకుని ఇష్టమొచ్చినట్లు రిగ్గింగ్‌కు పాల్పడ్డారని భూమన కరుణాకరరెడ్డి ఆరోపించారు. రిగ్గింగ్‌, వెబ్‌ కెమెరాల తొలగింపు, పోలింగ్‌ కేంద్రాల్లో జరిగిన దౌర్జన్యాల నేపథ్యంలో ప్రభావితమైన వార్డుల్లో ఎన్నికలను రద్దుచేసి, పూర్తి భద్రత, పారదర్శకతతో రీపోలింగ్‌ నిర్వహించాలని ఎన్నికల సంఘాన్ని డిమాండ్‌ చేశారు. పోలింగ్‌ బూతుల్లో టీడీపీ అరాచకశక్తులు రిగ్గింగ్‌ సీసీ కెమెరాలు పీకేశారు ముఖ్యంగా 2. 6, 13, 20, 42, 45, 53, 57, 59, 63వ వార్డుల్లో విపరీతంగా రిగ్గింగ్‌కు పాల్ప డినట్లు భూమన తెలిపారు. దాంతో పాటు 16వ వార్డులో వెబ్‌ కెమెరాలను పీకి పడేసిన ఘటనను తీవ్రంగా ఖండించారు. ఎల్‌బీనగర్‌, అమరావతి నగర్‌ ప్రాంతాల్లో కూడా వెబ్‌ కెమెరాలను తొలగించినట్లు తెలిపారు. విధుల్లో ఉన్న పోలింగ్‌ అధికారులను అసభ్య పదజాలంతో దూషిస్తూ, వారిపై దాడికి ప్రయత్నిస్తూ భయభ్రాంతులకు గురిచేశారని ఆరోపించారు. ఎన్నికల ఏజెంట్లను, అభ్యర్థులను సైతం బలవంతంగా లాగిపడేసి దౌర్జన్యానికి పాల్పడ్డారని మండిపడ్డారు. లోకేష్‌ అనుచరుడిగా చెప్పుకుంటున్న మేయర్‌ అభ్యర్థి జేబీ.శ్రీనివాస్‌ వ్యవహారశైలితో తిరుపతిలో శాంతిభద్రతలకు విఘాతం కలిగించేలా ఉందన్నారు. తిరుపతిలో రక్తపాతం సృష్టించే పరిస్థితులు తీసుకురావద్దని, ప్రజాస్వామ్యాన్ని అపహాస్యం చేసే ఇలాంటి చర్యలను తక్షణమే అరికట్టాలని డిమాండ్‌ చేశారు.

రాష్ట్రంలో నిర్వహించిన మున్సిపల్‌ ఎన్నికలు చంద్రబాబు నియంతృత్వానికి నిదర్శనం. పచ్చమూక దాడులు, దౌర్జన్యాలు ప్రజాస్వామ్య వ్యవస్థకే మాయని మచ్చ. ప్రజలు స్వేచ్ఛగా ఓటు హక్కు వినియోగించుకునే పరిస్థితి లేకుండా చేశారు. ఈ విషయంలో ఎన్నికల కమిషన్‌ పోలీసు యంత్రాంగం సిగ్గుపడాలి. జిల్లాలో ఈ నెల 15 నుంచి 29వ తేదీ వరకు ఏకంగా 61 ఎన్నికల సంబంధిత కేసులు నమోదవడం పరిస్థితి తీవ్రతకు అద్దం పడుతోంది. దొంగ ఓట్లు, రిగ్గింగ్‌పై ఎన్నికల అధికారులు స్పందించి రీపోలింగ్‌కు ఆదేశించాలి. – ఎంపీ గురుమూర్తి ప్రజాస్వామ్యం.. అపహాస్యం తిరుపతి కార్పొరేషన్‌ ఎన్నికలను టీడీపీ గూండాలు తమ అరాచకాలతో ప్రజాస్వామ్యాన్ని అపహాస్యం చేశారు. ఎన్నికలను సజావుగా జరిపించాలని సుప్రీం కోర్టు ఆదేశించినప్పటికీ టీడీపీ నేతలు, ఎన్నికల అధికారులు, పోలీసులు బేఖాతర్‌ చేశారు. ప్రజాక్షేత్రంలో గెలవలేమనే భయంతోనే కూటమి నేతలు నామినేషన్ల పర్వం నుంచి పోలింగ్‌ వరకు దారుణంగా వ్యవహరించారు. ఈ దుర్మార్గాలపై ఎన్నికల అధికారులు చర్యలు తీసుకోవాలి. – ఎమ్మెల్సీ సిపాయి సుబ్రమణ్యం పచ్చమూకలా ఖాకీలు పోలీసులు ఖాకీ యూని ఫామ్‌ వేసుకున్న పచ్చమూకలా వ్యవహరించారు. మున్సిపల్‌ ఎన్నికల్లో పోలీసులు అరాచకాలు సృష్టించారు. టీడీపీ నేతలకు పోలీసులు కొమ్ముకాస్తున్నారు. వైఎస్సార్‌సీపీ అభ్యర్థులను పోలింగ్‌ బూత్‌ల్లోకి రానివ్వకుండా అడ్డుకున్నారు. ఏజెంట్లకు ఫారాలు ఇవ్వకముందే తప్పుడు కేసులు పెట్టి ఇబ్బందిపెట్టారు. పోలింగ్‌కేంద్రాల్లో వెబ్‌కాస్టింగ్‌, సీసీ కెమెరాలను పూర్తిస్థాయిలో ఏర్పాటు చేయలేదు. ప్రజా వ్యతిరేకతను గమనించి, ఓడిపోతామనే భయంతోనే వైఎస్సార్‌సీపీ నేతలను హౌస్‌ అరెస్ట్‌ చేయించారు.. టీడీపీ నేతలు ఎన్ని కుట్రలు పన్నినా, వైఎస్సార్‌సీపీ అభ్యర్థులు అత్యధిక స్థానాల్లో విజయం సాధిస్తారు. – మాజీ ఎమ్మెల్యే కిలివేటి సంజీవయ్య

తిరుపతిలో దొంగ ఓటర్లను అడ్డుకుంటున్న సీపీఎం నేతలుతిరుపతిలో దొంగ ఓటర్లను అడ్డుకుంటున్న నేతపచ్చఖాకీ ఆగడాలపై ఆగ్రహం నాయుడుపేట టౌన్‌ : నాయుడుపేట మున్సిపల్‌ ఎన్నికల సందర్భంగా సీఐ వెంకటరమణ వ్యవహరించిన తీరుపై పలువురు మహిళలు తీవ్రస్థాయిలో మండిపడ్డారు. ఆదివారం పట్టణంలోని ముస్లిం వీధి 14వ వార్డు పరిధిలోని వైఎస్సార్‌సీపీ నేత చెన్నారెడ్డి కిషోర్‌రెడ్డి నివాసం వద్దకు సీఐ వెంటకరమణ వెళ్లి దురుసుగా ప్రవర్తించారు. దీంతో అక్కడ ఉన్న మహిళలు సీఐని నిలదీశారు. ఇష్టారాజ్యంగా వ్యవహరిస్తూ పోలీస్‌ వృత్తినే కించపరిచేలా చేస్తున్నారని ఆగ్రహం వ్యక్తం చేశారు. 2వ వార్డులో వైఎస్సార్‌సీపీ అభ్యర్థి సగుటూరు మాధవితో కూడా సీఐ వెంకటరమణ ఇదే విధంగా వ్యవహరించారని తెలిపారు. 18వ వార్డు కౌన్సిలర్‌ అభ్యర్థి అయిన వేలూరు కన్మణిని సైతం సీఐ వెంకటరమణ లాఠీతో నెట్టడంపై మహిళలు భగుమన్నారు. 9వ వార్డు వైఎస్సార్‌సీపీ అభ్యర్థిని రమాదేవి మాట్లాడుతూ తనతో కూడా పోలీసులు అభ్యంతరకరంగా వ్యవహరించారని ఆరోపించారు. తన భర్త నరసింహనాయుడుతో పాటు పలువురు కుటుంబ సభ్యులను అరెస్టు చేసి పోలింగ్‌ కేంద్రం వద్దకు రాకుండా చేశారని ఆవేదన వ్యక్తం చేశారు. సాక్షి, తిరుపతి : తిరుపతి కార్పొరేషన్‌ సహా జిల్లాలోని నాలుగు మున్సిపాలిటీలలో అధికారపార్టీ నేతలు అక్రమాలకు పాల్పడ్డారు. పోలింగ్‌ కేంద్రాలను తమ ఆధీనంలోకి తీసుకుని వైఎస్సార్‌సీపీ ఏజెంట్లు, అభ్యర్థులను దౌర్జన్యంగా తరిమేశారు. గూండాయిజానికి భయపడిన తిరుపతి ఓటర్లలో అధికులు పోలింగ్‌కు దూరంగానే ఉండిపోయారు. ఇదే అదునుగా టీడీపీ మేయర్‌ అభ్యర్థి జేబీ శ్రీనివాస్‌ అనుచరులు దొంగ ఓట్లు వేసుకున్నారు. రౌడీమూకల హల్‌చల్‌ తిరుపతి కార్పొరేషన్‌లో వైఎస్సార్‌సీపీ సానుభూతి పరులకు ఇవ్వాల్సిన ఓటర్‌ స్లిప్పులను టీడీపీ వారు తీసుకొని దొంగ ఓట్లు వేయించారు. పోలింగ్‌ కేంద్రాల్లో ఉన్న వైఎస్సార్‌సీపీ ఏజెంట్లను బెదిరింపులకు గురిచేశారు, సీసీ కెమెరాలను పక్కకు తిప్పేశారు. మరి కొన్ని చోట్ల ధ్వంసం చేశారు. అనంతరం టీడీపీ గూండాలు ఆ ఓటరు స్లిప్పులతో పోలింగ్‌ కేంద్రాల్లోకి చొరబడి రిగ్గింగ్‌కు పాల్పడ్డారు. తిరుపతి నగరంలో టీడీపీ మేయర్‌ అభ్యర్థి జేబీ శ్రీనివాసులు, శాప్‌ చైర్మన్‌ రవినాయుడు పోలింగ్‌ సెంటర్లలోకి రౌడీమూకలతో వెళ్లి హల్‌చల్‌ చేశారు. మహిళా యూనివర్సిటీ పరిధిలోని పోలింగ్‌ కేంద్రంలోకి భారీగా టీడీపీ శ్రేణులు చొరబడుతున్నా పోలీసులు పట్టించుకోలేదు. వైఎస్సార్‌సీపీ అభ్యర్థిని మాత్రం 100 మీటర్ల అవతలే ఉంచారు. తిరుపతి నగరంలోని 49వ వార్డులో దొంగ ఓట్లు వేసుకున్నారు. తిరుపతి నగరం 36వ వార్డు పరిధిలోని పోలింగ్‌ కేంద్రంలో జనసేన నేత పసుపులేటి హరిప్రసాద్‌ అరాచకం సృష్టించారు. సుమారు 200 మంది అనుచరులతో చొరబడి అరగంట పాటు హల్‌చల్‌ చేశారు. సీసీ కెమెరాలు ధ్వంసం చేశారు. ఆపై అడ్డొచ్చిన వైఎస్సార్‌సీపీ ఏజెంట్లు, అభ్యర్థి ఇమామ్‌పై దాడిచేశారు. 500కు పైగా ఓట్లను పచ్చమూక రిగ్గింగ్‌ చేసుకున్నట్లు ఇమామ్‌ అరోపించారు. 7, 9 వార్డు పరిధిలోని పోలింగ్‌ కేంద్రాల్లో స్థానికేతరులైన మహిళలను తీసుకువచ్చి దొంగ ఓట్లు వేయించారు. తిరుపతి నగరంలోని 22వ వార్డు పరిధిలోని టీపీపీఎం స్కూల్‌ వద్ద ఓటింగ్‌ వచ్చిన స్థానికులను టీడీపీ నాయకులు అడ్డుకున్నారు. విషయం గమనించిన మాజీ మేయర్‌ డాక్టర్‌ శిరీష టీడీపీ నేతల తీరుపై ఆగ్రహం వ్యక్తం చేశారు. ప్రేక్షక పాత్ర పోషిస్తున్న పోలీసుల తీరును తప్పుబట్టారు. తిరుపతిలోని 53వ వార్డు పరిధిలోని పోలింగ్‌ కేంద్రంలో వైఎస్సార్‌సీపీ ఏజెంట్‌గా కూర్చుకున్నందుకు చైతన్యయాదవ్‌పై టీడీపీ గూండాలు దాడి చేసి.. కారుని ధ్వంసం చేశారు. సాయంత్రం 3 గంటలు దాటాక తిరుపతి నగరంలోని 66 డివిజన్లలో టీడీపీ గూండాలు చొరబడి యథేచ్ఛ రిగ్గింగ్‌కు పాల్పడ్డారు. వెంకటగిరిలో... వెంకటగిరి మున్సిపాలిటీలోని 12, 21వ వార్డులో పోలింగ్‌ బూత్‌లలోకి తమను అనుమతించలేదంటూ వైఎస్సార్‌సీపీ అభ్యర్థులు జలగం కామాక్షమ్మ, ఆరిశంకరయ్య ఆందోళన వ్యక్తం చేశారు. విషయం తెలుసు కున్న పార్టీ నియోజకవర్గ ఇన్‌చార్జి నేదురుమల్లి రాంకుమార్‌రెడ్డి ఎన్నికల అధికారులతో మాట్లాడి అభ్యర్థులను అనుమతించేలా చేశారు. అలాగే 17వ వార్డులో ఉన్న వైఎస్సార్‌సీపీ ఏజెంట్‌లను అధికారపార్టీ నేతలు కిడ్నాప్‌ చేయడంపై జనరల్‌ ఏజెంట్‌ కోవ్వూరు ఏకాంబరం ప్రశ్నించగా అతనిపై దాడి చేశారు. గుర్తులు తారుమారు.. పోలింగ్‌కు అంతరాయం వెంకటగిరి పట్టణంలోని 35వ వార్డులో ఉదయం రెండుగంటల పాటు పోలింగ్‌కు అంతరాయం కలిగింది. బ్యాలెట్‌ పేపరలో టీడీపీ అభ్యర్థి పేరు ఎదురుగా వైఎస్సార్‌సీపీ ఫ్యాన్‌ గుర్తు ఉండటంతో ఏజెంట్లు కంగుతిన్నారు. సుమారు రెండు గంటల అనంతరం తప్పులు సవరించిన బ్యాలెట్‌ పేపర్లు తీసుకువచ్చి పోలింగ్‌ను ప్రారంభించారు. నాయుడుపేటలో.. నాయుడుపేట మున్సిపల్‌ ఎన్నికలను టీడీపీ నేతలు పోలీసుల సహకారంతో తమకు అనుకూలంగా మార్చుకున్నారు. మాజీ ఎమ్మెల్యే కిలివేటి సంజీవయ్య మొదలు ముఖ్యమైన వైఎస్సార్‌సీపీ నేతలందరిని హౌస్‌ అరెస్ట్‌ చేశారు. అక్రమ మద్యం కలిగిఉన్నారంటూ వైఎస్సార్‌సీపీ నేతలను సీఐ వెంకటరమణ తీవ్రమైన ఇబ్బందులకు గురిచేశారు. టీడీపీ చైర్‌పర్సన్‌ అభ్యర్థి భర్త రఫీ పోలింగ్‌ బూత్‌ల వద్ద దురుసుగా ప్రవర్తించారు. పుత్తూరులో.. పుత్తూరు మున్సిపాలిటీలో టీడీపీ నేతలు దౌర్జన్యం చేశారు. స్థానిక మెయిన్‌ స్కూలు ప్రాంగణంలోని 33వ వార్డులో వైఎస్సార్‌సీపీ నేత మనోజ్‌రెడ్డిపై టీడీపీ నేతలు దాడి చేశారు. సూళ్లూరుపేటలో.. సూళ్లూరుపేట మున్సిపల్‌ ఎన్నికల్లో వైఎస్సార్‌సీపీ నాయకులను పోలీసులు కట్టడి చేశారు. పోలింగ్‌ బూత్‌ల వద్దకు రాకుండా హౌస్‌ అరెస్టు చేశారు. నిరసన తెలుపుతున్న వైఎస్సార్‌సీపీ అభ్యర్థి బత్తల గీతాయాదవ్‌ ప్రజాస్వామ్య ప్రక్రియలో ఓటింగే కీలకం. ప్రజలు తమ ఓటు హక్కును స్వేచ్ఛగా వినియోగించుకుని నచ్చిన వ్యక్తిని ఎన్నుకుంటారు. అలాంటి పవిత్రమైన ఎన్నికల ప్రక్రియను టీడీపీ నేతలు అపహాస్యం చేశారు. ఓటర్ల అభిప్రాయానికి విలువలేకుండా పోలింగ్‌కు బదులు రిగ్గింగ్‌ చేపట్టి తమ అరాచకాలను కొనసాగించారు.జిల్లా వ్యాప్తంగా పురపోరులో యథేచ్ఛగా రిగ్గింగ్‌ బురఖా వేసుకుని... తిరుపతి కల్చరల్‌: నగరంలోని 41వ వార్డులో టీడీపీ నేతలు పలువురికి బురఖా వేసి దొంగ ఓట్లు వేయించుకున్నారని వైఎస్సార్‌సీపీ కార్పొరేటర్‌ అభ్యర్థి బత్తల గీతా యాదవ్‌ ఆరోపించారు. పోలింగ్‌ బూత్‌ ఎదుట నేలపై పడుకుని నిరసన వ్యక్తం చేశారు. ఆమె మాట్లాడుతూ మున్సిపల్‌ కార్పొరేషన్‌ ఎన్నికల్లో టీడీపీ నేతలు అక్రమాలకు పాల్పడ్డారని వాపోయారు. ఈ వార్డులో రీపోలింగ్‌ నిర్వహించాలని డిమాండ్‌ చేశారు.

రైల్వేకోడూరు అర్బన్‌: జిల్లా పరిషత్‌ ఎన్నికల్లో మాజీ ముఖ్యమంత్రి, వైఎస్సార్సీపీ అధినేత వైఎస్‌.జగన్‌మోహన్‌రెడ్డి తన సొంత నియోజకవర్గం పులివెందులకు వస్తుంటే ఓటర్లు, పార్టీ బూత్‌ ఏజంట్లపై టీడీపీ గూండాలు, పోలీసులు చేసిన గూండాగిరితో ప్రజాస్వామ్యం ఖూనీ అయ్యిందని రాష్ట్ర అధికారప్రతినిధి, రైల్వేకోడూరు మాజీ ఎమ్మెల్యే కొరముట్ల శ్రీనివాసులు ఆదివారం ధ్వజమెత్తారు. పులివెందులలో ఓటు వేయడం వైఎస్‌.జగన్‌మోహన్‌రెడ్డి హక్కని వినియోగించుకోవడానికి వస్తుంటే హెలికాప్టర్‌ ల్యాండ్‌ కాకుండా కుట్రలు చేశారని తెలిపారు. జెడ్‌ప్లస్‌ కేటగిరి ఉన్న వ్యక్తి కాన్వాయ్‌లోకి హంతకుడు దస్తగిరి వాహనం ఎలా వస్తుందని ప్రశ్నించారు. ఇదంతా డీజీపీ కోయప్రవీణ్‌కు తెలియకుండా జరుగుతుందా అని ప్రశ్నించారు. పులివెందులతో పాటు అన్ని ప్రాంతాలలో జరిగిన ఎన్నికల్లో పోలీసులు, ఎన్నికల కమిషన్‌, అధికారులు టీడీపీ, చంద్రబాబు కోసం పని చేసినట్టు ఉందని ఎద్దేవా చేశారు. చంద్రబాబు బానిస అధికారులు కొందరు ప్రజాస్వామ్యబద్ధంగా పనిచేయకపోతే ఆయన ఇంట్లో పని చేసుకోవాలని సూచించారు. ఇలాంటి అధికారులకు గుణపాఠం తప్పదని హెచ్చరించారు. రాష్ట్రంలో ఎన్నికలు జరగ కూడదనే కుట్రతో ఇలాంటి ఘటనలు జరిపి ప్రజలను భయభ్రాంతులకు గురిచేయాలని చూస్తున్నారని తెలిపారు. ఎన్ని చేసినా చివరకు ప్రజల వద్ద దొరకాల్సిందేనని, వంద జంతువులను తిన్న రాబందు ఒక్క గాలీవానతో కొట్టుకు పోయినట్లు ప్రజలు తిరగబడిన రోజు చంద్రబాబుకు, తప్పు చేసిన అధికారులకు శిక్ష తప్పదని హెచ్చరించారు.

తిరుపతి సిటీ: తిరుపతిలోని డాక్టర్‌ అంబేడ్కర్‌ గ్లోబల్‌ లా ఇన్‌స్టిట్యూట్‌ ఆధ్వర్యంలో మూడురోజులుగా ఫియట్‌ జస్టీషియా పేరుతో నిర్వహించిన అంతర్జాతీయ న్యాయ మూట్‌ కోర్టు పోటీలు ఆదివారం ముగిశాయి. ఇందులో వివిధ రాష్ట్రాలకు చెందిన 17 ప్రముఖ విశ్వవిద్యాలయాలు, న్యాయ కళాశాలల విద్యార్థులు పాల్గొన్నారు. కళాశాల చైర్మన్‌ ఆర్‌ తిప్పారెడ్డి మాట్లాడుతూ న్యాయ విద్యార్థుల్లో న్యాయ పరిశోధన, న్యాయపరమైన వాదనా పటిమ, న్యాయ నివేదికల తయారీ, విశ్లేషణాత్మక ఆలోచనా విధానం, న్యాయస్థానాల్లో వాదించే నైపుణ్యాలను పెంపొందించాలనే ఉద్దేశంతో పోటీలు నిర్వహించినట్టు తెలిపారు. అంతర్జాతీయ మానవ హక్కులు, పర్యావరణ పరిరక్షణ, అంతర్జాతీయ ఒప్పందాలు, దేశాల బాధ్యతలు, అంతర్జాతీయ న్యాయ పరిధి తదితర సమకాలీన అంశాలపై మూట్‌ కోర్టు నిర్వహించినట్టు వెల్లడించారు. ఈ పోటీల్లో ప్రతిభ చూపిన విద్యార్థులకు రూ.1,35,000 నగదు బహుమతులు, ట్రోఫీని, ప్రశంసా పత్రాలు అందజేశారు. కార్యక్రమంలో న్యాయమూర్తి వీఆర్‌కే కృష్ణసాగర్‌, విశ్రాంత న్యాయమూర్తి ఆన్సర్‌ బాష, ప్రొఫెసర్‌ టీవీ సుబ్బారావు, సాంబశివరావు, ప్రిన్సిపాల్‌ బిజయ్‌కుమార్‌ బెహెరా పాల్గొన్నారు.

తిరుపతి రూరల్‌ : ప్రశాంతమైన చంద్రగిరి నియోజకవర్గంలో రౌడీరాజ్యం వచ్చిందని మాజీ ఎమ్మెల్యే చెవిరెడ్డి భాస్కర్‌రెడ్డి ఆవేదన వ్యక్తం చేశారు. ఆదివారం తిరుపతి రూరల్‌ మండలంలోని 28 ఎంపీటీసీ సెగ్మెంట్లలో ఆయన విస్తృతంగా పర్యటించారు. చెవిరెడ్డి మాట్లాడుతూ స్థానిక సంస్థల ఎన్నికల్లో గట్టిగా నిలబడిన వారికే భవిష్యత్తులో పదవులు, అభివృద్ధి పనుల్లో ప్రాధాన్యం కల్పిస్తామని స్పష్టం చేశారు. చంద్రగిరి నియోజకవర్గ ప్రజలను తన కుటుంబ సభ్యులుగా భావించి సేవలందించామని చెప్పారు. తాను పదేళ్లు చంద్రగిరి ఎమ్మెల్యేగా ఉన్న సమయంలో ఏనాడూ రాజకీయ కక్ష సాధింపులకు పాల్పడలేదని, పార్టీలకు అతీతంగా అందరినీ గౌరవించామని తెలిపారు. ప్రస్తుతం దాడులు, బెదిరింపుల సంస్కృతి పెరగడం ఆందోళన కలిగిస్తోందన్నారు. బయటి ప్రాంతాల నుంచి కిరాయి గూండాలను తీసుకొచ్చి గ్రామాల్లో గొడవలు సృష్టించడం సరికాదని మండిపడ్డారు. ఎన్నికల్లో ఎవరికి నచ్చిన పార్టీకి వారు స్వేచ్ఛగా ఓటు వేసుకోవాలని సూచించారు. అనంతరం గ్రామాల్లో అందరూ అన్నదమ్ముల్లా కలిసిమెలిసి ఉండాలని కోరారు. పోలింగ్‌ రోజున వైఎస్సార్‌సీపీ కార్యకర్తలకు అండగా ఉంటామని భరోసా కల్పించారు. పార్టీ కోసం కష్టకాలంలోనూ నిబద్ధతతో పనిచేసిన వారిని ఎట్టి పరిస్థితుల్లోనూ విస్మరించబోమని స్పష్టం చేశారు. విభేదాలను పక్కనపెట్టి సమష్టిగా పార్టీ అభ్యర్థుల విజయానికి కృషి చేయాలని పిలుపునిచ్చారు.

పుల్లంపేట : మండలంలోని వత్తలూరు పంచాయతీ దేవసముద్రం గ్రామానికి చెందిన టీడీపీ నేతలు తల్లెం బాలసుబ్రమణ్యంరెడ్డి, పట్టెం సుబ్రమణ్యం వారి అనుచరులు వంద మంది వైఎస్సార్‌సీపీలో చేరారు. ఆదివారం తిరుపతిలో ఎంపీ పెద్దిరెడ్డి మిథున్‌రెడ్డి వారిని సాదరంగా ఆహ్వానించారు. ప్రజా సంక్షేమం జగనన్నతోనే సాధ్యమని భావించి వైఎస్సార్‌సీపీలో చేరినట్లు వెల్లడించారు. నేతలు ముద్దా రంజిత్‌రెడ్డి, మూగ వెంకటరెడ్డి, తల్లెం సుధీర్‌రెడ్డి, పాపిరెడ్డి, వెంకటసుబ్బారెడ్డి, ప్రసాద్‌రెడ్డి, రెడ్డెయ్యరెడ్డి, ప్రహ్లాద్‌రెడ్డి పాల్గొన్నారు.

కడప కార్పొరేషన్‌ : తుపాను కారణంగా భారీ వర్షాలు కురుస్తున్న నేపథ్యంలో విద్యుత్‌ అధికారులు, సిబ్బంది అప్రమత్తంగా వుండాలని ఏపీఎస్‌పీడీసీఎల్‌ చైర్మన్‌ – మేనేజింగ్‌ డైరెక్టర్‌ శివశంకర్‌ లోతేటి ఆదివారం ఒక ప్రకటనలో తెలిపారు. తుపాను ప్రభావం ఎక్కువగా వుండే నెల్లూరు, తిరుపతి జిల్లాల్లో అధికారులు, సిబ్బంది ముందు జాగ్రత్త చర్యలు తీసుకోవాలని ఆదేశించారు. విద్యుత్‌ సరఫరాకు అంతరాయం ఏర్పడిన సందర్భాల్లో విద్యుత్‌ పునరుద్ధరణ పనులను సంబంధిత నోడల్‌ ఆఫీసర్లు నిరంతరం పర్యవేక్షించాలని సూచించారు. భారీ వర్షాలు కురిసే అవకాశం వున్న ప్రాంతాల్లో సంబంధిత సూపరింటెండింగ్‌ ఇంజనీర్లు అప్రమత్తంగా వుండాలన్నారు. భారీ వర్షాల కారణంగా విద్యుత్‌ సరఫరాలో అంతరాయం ఏర్పడిన సందర్భాల్లో సరఫరాను యుద్ధ ప్రాతిపదికన పునరుద్ధరించేందుకు వీలుగా అధికారులు, సిబ్బందితో కూడిన బృందాలను సిద్ధంగా ఉంచుకోవాలన్నారు. సంస్థ పరిధిలో సర్కిల్స్‌, డివిజన్స్‌, సబ్‌–డివిజన్స్‌, సెక్షనన్స్‌ స్థాయిల్లో నోడల్‌ ఆఫీసర్లను నియమించామని, అదే విధంగా కంట్రోల్‌ రూమ్స్‌ను కూడా ఏర్పాటు చేసినట్లు తెలిపారు. భారీ వర్షం కురుస్తున్న సందర్భాల్లో విద్యుత్‌ సరఫరాలో అంతరాయం ఏర్పడే అవకాశం ఉంటుందని, ప్రజలు తమ గృహాల్లో చార్జింగ్‌ లైట్లు, తాగు నీటిని అందుబాటులో ఉంచుకోవాలని సూచించారు. వర్షం కురుస్తున్న సమయంలో ప్రజలు విద్యుత్‌ స్తంభాలను తాకవద్దని, లైన్ల కింద నిల్చోవద్దని సూచించారు. ఎక్కడైనా విద్యుత్‌ స్తంభాలు కూలిపోవడం, లైన్లు తెగిపడడం లాంటి సంఘటనలను గుర్తించినట్లయితే తక్షణమే సమీపంలోని విద్యుత్‌ శాఖ అధికారులు/సిబ్బందికి గానీ లేదా టోల్‌ ఫ్రీ నంబర్లు: 1912 లేదా 1800 425 155333కు కాల్‌ చేసి సమాచారం అందించాలని సూచించారు. అదే విధంగా సంస్థ వాట్సాప్‌ నంబరు: 91333 31912కు చాట్‌ చేయడం ద్వారా విద్యుత్‌ సమస్యలను అధికారుల దృష్టికి తీసుకువచ్చి పరిష్కరించుకోవచ్చని వివరించారు.

తిరుపతి మంగళం : తిరుపతి కార్పొరేషన్‌ ఎన్నికల్లో టీడీపీ, జనసేన దొంగ ఓట్లను వేసుకని గెలిచే గెలుపు గెలుపేనా? అని కర్నూలు, నంద్యాల జిల్లాల వైఎస్సార్‌సీపీ రీజనల్‌ కో–ఆర్డినేటర్‌ భూమన కరుణాకరరెడ్డి తీవ్ర ఆగ్రహం వ్యక్తం చేశారు. ఈ సందర్భంగా వైఎస్సార్‌సీపీ మేయర్‌ అభ్యర్థి వాసుయాదవ్‌తో కలిసి భూమన మీడియాతో మాట్లాడారు. తిరుపతి మున్సిపల్‌ కార్పొరేషన్‌కు జరిగిన ఎన్నికల్లో టీడీపీ, జనసేన గూండాల స్వైరవిహారం, విచ్చలవిడి తనం, వాళ్ల అరాచక ప్రవృత్తితో, వేలాది మందిని బయట ప్రాంతాల నుంచి తీసుకుని వచ్చి దొంగ ఓట్లను వేసుకున్నారని ఆరోపించారు. తిరుపతి నగరంలో 304 బూతులు ఉంటే అందులో 264 బూతులకు పైగా ప్రతి వార్డులోనూ 400 నుంచి 500 దొంగ ఓట్లను వేయించినట్టు ఆరోపించారు. వేలాది మంది బయట ప్రాంత ప్రజలు, ఎర్రచందనం స్మగ్లర్లు, హంతక ముఠాలు, తమ పార్టీ కార్పొరేటర్‌ అభ్యర్థులను, పార్టీ కార్యకర్తలను కొట్టి దౌర్జన్యం చేశారన్నారు. పోలీసులు సమాచారం తెలుసుకుని అక్కడికి వచ్చేసరికే దాడులు చేసి బూతులను ఆక్రమించి 35 వేల దొంగ ఓట్లను వేసుకున్నారని మండిపడ్డారు. ప్రజాభిప్రాయంతో కాకుండా దొంగ ఓట్లతో గెలిచే గెలుపు ఒక గెలుపేనా? అని ప్రశ్నించారు. బూతుల్లో దూరి, ఏజెంట్లను భయపెట్టి దొంగ ఓట్లు వేసుకోవడం, బయట తమ పార్టీ అభ్యర్థులతో పాటు నాయకులు, కార్యకర్తలను కొట్టడం చూస్తుంటే ప్రజాస్వామ్యమా? లేక రౌడీ రాజ్యమా అన్న ఆలోచన కలుగుతోందన్నారు. ప్రజాస్వామ్య విలువలను మంటగలిపిన చంద్రబాబు, లోకేష్‌, పవన్‌కళ్యాన్‌లు సిగ్గుపడాలన్నారు. 35వేల దొంగ ఓట్లు వేసుకున్నా కూడా తిరుపతిలో ఓటింగ్‌ శాతం కేవలం 47 శాతమే అంటే టీడీపీ గూండాలు చేసే దౌర్జన్యాలు, దాడులతో తిరుపతి నగర ప్రజలు ఎంత భయభ్రాంతులకు గురయ్యారో అర్థమవుతోందన్నారు. తిరుపతిలో ఒక పేదవాడు, బడుగు సామాజిక వర్గానికి చెందిన వ్యక్తి, ఫిజియోథరఫీ డాక్టర్‌ అయిన వాసుదేవయాదవ్‌ను వైఎస్సార్‌సీపీ మేయర్‌ అభ్యర్థిగా నిలబెడితే, ఒక పచ్చి గూండాని, రౌడీని, అరాచకశక్తిని, భూకబ్జాదారుడిని, వేలాది మందిని తీసుకుని వచ్చి రిగ్గింగ్‌ చేయాలన్న ఆలోచన కలిగిన ఒక దుర్మార్గుడిని టీడీపీ మేయర్‌ అభ్యర్థిగా చంద్రబాబు, లోకేష్‌లు నిలబెట్టారన్నారు. తిరుమల తిరుపతి పవిత్రతను మంటగలిపిన చంద్రబాబును తిరుపతి నగర ప్రజలంతా ఛీదరించుకుంటున్నారన్నారు.

డక్కిలి : మండలంలోని సంగనపల్లెలో పాలనేత(21) అనే యువకుడు ఆత్మహత్యకు యత్నించి చికిత్సపొందుతూ మృతి చెందాడు. వివరాలు.. గ్రామానికి చెందిన జడపల్లి వెంకటకృష్ణయ్య కుమారుడు పాలనేత్ర సెప్టెంబర్‌ 22వ తేదీన అయ్యప్ప స్వామి మాల ధరించాలని తల్లిదండ్రులకు తెలిపాడు. అయితే ఇప్పటికే పెద్దకుమారుడు రమేష్‌ మాల వేశాడని, ఆర్థిక పరిస్థితి కారణంగా వచ్చే ఏడాది మాల ధరించవవచ్చని పాలనేత్రకు సూచించారు. దీవతో మనస్తాపం చెందిన యువకుడు పురుగుల మందు తాగేశాడు. మెరుగైన వైద్యం కోసం చైన్నెలోని రాజీవ్‌ గాంధీ ప్రభుత్వాస్పత్రికి తరలించగా చికిత్స పొందుతూ శనివారం రాత్రి మరణించాడు. కుటుంబీకుల ఫిర్యాదు మేరకు కేసు నమోదు చేసుకుని దర్యాప్తు చేస్తున్నట్లు డక్కిలి పోలీసులు తెలిపారు. ప్రమాదవశాత్తు వ్యక్తి మృతి సూళ్లూరుపేట రూరల్‌ : మండలంలోని దావాడి గుంట చెరువులో ఆదివారం ప్రమాదవశాత్తు పడి శివ(42) అనే వ్యక్తి మృతి చెందాడు. సమాచారం అందుక్ను పోలీసులు ఘటనాస్థలానికి చేరుకుని మృతదేహాన్ని వెలికితీశారు. ఈ మేరకు కేసు నమోదు చేశారు. టెంపో ఢీకొని రైతుకు గాయాలు రైల్వేకోడూరు అర్బన్‌ : మండలంలోని బయనపల్లెకు చెందిన రవిచంద్ర అనే రైతు ఆదివారం పొలం పనులు చూసుకుని ద్విచక్రవాహనంలో ఇంటికి వస్తుండగా టెంపో ఢీకొంది. క్షతగాత్రుడిని ప్రభుత్వాస్పత్రికి తీసుకెళ్లారు. మెరుగైన వైద్యం కోసం తిరుపతి రుయాకు తరలించారు. ఈ మేరకు పోలీసులు కేసు నమోదు చేశారు. ఇంట్లో చోరీరైల్వేకోడూరు అర్బన్‌ : మండలంలోని వీపీఆర్‌ కండ్రిగ పంచాయతీ కొండయ్యగారిపల్లెకు చెందిన కొండూరు శైలజ తన కుటుంబంతో కలిసి శనివారం తిరుపతిలో ఓ వివాహానికి హాజరయ్యారు. ఆదివారం తిరిగి వచ్చి చూసేసరికి ఇంట్లో చోరీ జరిగింది. దుండగుల తాళాలు పగులగొట్టి 400 గ్రాముల బంగారం, 60 వేల నగదు అపహరించారు. బాధితులు ఈ మేరకు పోలీసులకు ఫిర్యాదు చేశారు. అమ్మవారి సేవలో గోవా మంత్రి చంద్రగిరి: తిరుచానూరు శ్రీపద్మావతి అమ్మవారిని గోవా మంత్రి వావిన్‌ గోడిన్హో కుటుంబ సభ్యులతో కలసి ఆదివారం దర్శించుకున్నారు. ఆలయం వద్దకు చేరుకున్న ఆయనకు ఆలయ అధికారులు స్వాగతం పలికి ప్రత్యేక దర్శన ఏర్పాట్లు చేశారు. ముందుగా ఆలయ ధ్వజస్తంభం వద్ద మొక్కుకుని, అమ్మవారి మూలమూర్తిని దర్శించుకున్నారు. దర్శనానంతరం ఆలయ ఆశీర్వాద మండపంలో వేద పండితులు ఆశీర్వచనం పలుకగా, అధికారులు తీర్థ ప్రసాదాలను అందజేశారు. ఈ కార్యక్రమంలో ఆలయ సూపరింటెండెంట్‌ రమేష్‌తో పాటు సిబ్బంది పాల్గొన్నారు. పోలింగ్‌ కేంద్రాల పరిశీలన తిరుపతి అర్బన్‌ : మున్సిపల్‌ ఎన్నికల నేపథ్యంలో ఎన్నికల వ్యయ పరిశీలకుడు మహబూబ్‌ బాషా ఆదివారం వెంకటగిరి, సూళ్లూరుపేట, నాయుడుపేట ప్రాంతాల్లోని పలు పోలింగ్‌ కేంద్రాలను పరిశీలించారు. ఈ సందర్భంగా పోలింగ్‌ కేంద్రాల్లో ఎన్నికల సంఘం నిర్దేశించిన నిబంధనలు, ఓటర్లకు అందుబాటులో ఉన్న సౌకర్యాలు, పోలింగ్‌ ప్రక్రియకు సంబంధించిన ఏర్పాట్లను పరిశీలించారు. ఎన్నికల ప్రక్రియ పారదర్శకంగా, నిష్పక్షపాతంగా మరియు ప్రశాంత వాతావరణంలో జరిగేలా అధికారులు తీసుకుంటున్న చర్యలను సమీక్షించారు.అలాగే ఎన్నికల వ్యయానికి సంబంధించిన నిబంధనలు కచ్చితంగా అమలయ్యేలా అధికారులు, సిబ్బంది అప్రమత్తంగా వ్యవహరించాలని ఆదేశించారు. ఎన్నికల సంఘం మార్గదర్శకాలను ప్రతి ఒక్కరూ తప్పనిసరిగా పాటించాలని స్పష్టం చేశారు. శ్రీవారి దర్శనానికి 8 గంటలు తిరుమల: తిరుమలలో ఆదివారం భక్తుల రద్దీ ఎక్కువగా ఉంది. క్యూకాంప్లెక్స్‌లోని 19 కంపార్ట్‌మెంట్లు భక్తులతో నిండిపోయాయి. శనివారం అర్ధరాత్రి వరకు 74,239 మంది స్వామివారిని దర్శించుకున్నారు. 28,313 మంది భక్తులు తలనీలాలు అర్పించారు. స్వామివారికి కానుకల రూపంలో హుండీలో రూ.3.76 కోట్లు సమర్పించారు. టైంస్లాట్‌ టిక్కెట్లు కలిగిన భక్తులకు సకాలంలో దర్శనం లభిస్తోంది. దర్శన టిక్కెట్లు లేని వారు స్వామిని దర్శించుకోవడానికి 8 గంటల సమయం పడుతోంది. ప్రత్యేక ప్రవేశ దర్శనం టిక్కెట్లు కలిగిన వారు 3 గంటల్లో స్వామిని దర్శించుకోగలుగుతున్నారు.

తిరుపతి అర్బన్‌ : వైఎస్సార్‌సీపీ నేతలు, కార్యకర్తలతోపాటు స్థానిక సంస్థల ఎన్నికల్లో పోటీలో ఉన్నవారిపై దాడులు, దౌర్జన్యాలు చేయడంతోపాటు భయబ్రాంతులకు గురిచేస్తున్న టీడీపీ నేతల అరాచకాలపై కలెక్టర్‌కు ఫిర్యాదు చేయాలని వైఎస్సార్‌సీపీ నేతలు నిర్ణయించారు. ఆదివారం ఈ మేరకు ఎంపీ గురుమూర్తి, ఎమ్మెల్సీ సిపాయి సుబ్రమణ్యం, మాజీ ఎమ్మెల్యే బియ్యపు మధుసూదన్‌రెడ్డి, వైఎస్సార్‌సీపీ తొట్టంబేడు మండలం జెడ్పీటీసీ అభ్యర్థి ఉన్నం వాసుదేవ నాయుడుతోపాటు ఐదుగురు ఎంపీటీసీ అభ్యర్థులు ముందుగా ఎస్పీ కార్యాలయానికి వెళ్లి రక్షణ కల్పించాలని వినతిపత్రం అందించారు. నంతరం కలెక్టర్‌కు వినతిపత్రం అందించేందుకు కలెక్టరేట్‌కు వెళ్లారు. అయితే కలెక్టరేట్‌ ప్రధాన గేటు వద్ద పోలీసులు వారిని అడ్డుకున్నారు. వీఐపీలను మాత్రమే లోనికి అనుమతి ఇస్తామని, ఎంపీటీసీ అభ్యర్థులను లోపలికి పంపమని స్పష్టం చేశారు. దీంతో పోలీసులతో వైఎస్సార్‌సీపీ నేతలు వాగ్వాదానికి దిగారు. సామాన్యులకు అనుమతి లేదా..? కలెక్టరేట్‌లోకి ఎంపీ, ఎమ్మెల్సీ, మాజీ ఎమ్మెల్యేను మాత్రమే పంపుతామని, జెడ్పీటీసీ, ఎంపీటీసీ అభ్యర్థులను పంపడం కుదరదని పోలీసులు తేల్చిచెప్పడంపై ఎంపీ గురుమూర్తి, మాజీ ఎమ్మెల్యే బియ్యపు మధుసూదన్‌రెడ్డి మండిపడ్డారు. తమకు రక్షణ కల్పించమని కలెక్టర్‌ను కలవడానికి వెళుతుంటే పోలీసులు ఆకాంక్షలు పెట్టడం ఎంటని ఆగ్రహం వ్యక్తం చేశారు. ఇప్పటికే ఎన్నికల్లో అడుగడుగున పోలీసులతో పోరాటం చేయాల్సిన దుస్థితి దాపురించిందని ఆవేదన వ్యక్తం చేశారు. సామాన్యులు, పేదలను పంపడం వీలుకాదని వీఐపీలను మాత్రమే పంపుతామని చెప్పడాన్ని తీవ్రంగా తప్పుపట్టారు. మాజీ ఎమ్మెల్యే బియ్యపు మధుసూదన్‌రెడ్డి మాట్లాడుతూ సామాన్య ప్రజలు, వైఎస్సార్‌సీపీ వాళ్లకు కలెక్టరేట్‌లోకి వచ్చే యోగ్యత లేదా అంటూ నిలదీశారు. అలాంటప్పుడు కలెక్టరేట్‌ ముందు టీడీపీ కార్యాలయం అంటూ బోర్డును ఏర్పాటు చేసుకోవాలని మండిపడ్డారు. అనంతరం ఎంపీ గురుమూర్తి ఫోన్‌లో కలెక్టర్‌తో మాట్లాడి పరిస్థితిని వివరించారు. వెంటనే కలెక్టర్‌ జోక్యం చేసుకోవడంతో పోలీసులు ఎంపీటీసీ అభ్యర్థులను సైతం కలెక్టరేట్‌ లోనికి అనుమతి ఇచ్చారు. అభ్యర్థులకు రక్షణ కల్పించండి వైఎస్సార్‌సీపీ జెడ్పీటీసీ, ఎంపీటీసీ అభ్యర్థులకు రక్షణ కల్పించాలని ఎంపీ గురుమూర్తి, ఎమ్మెల్సీ సిపాయి సుబ్రమణ్యం, మాజీ ఎమ్మెల్యే బియ్యపు మధుసూదన్‌రెడ్డి కలెక్టర్‌కు వినతిపత్రం అందించారు. ఎన్నికలు ప్రశాంతమైన వాతావరణంలో సజావుగా జరిపించాలన్నారు.. కూటమి నేతలు పోలింగ్‌ రోజు దౌర్జన్యాలు, దాడులు చేయడానికి కుట్రలు చేస్తున్నారని ఆరోపించారు. పటిష్టమైన పోలీస్‌ బందోబస్తు కల్పించాలని, ప్రతి ఓటర్‌ నిర్భయంగా తమ ఓటు హక్కును వివియోగించుకునేలా చర్యలు తీసుకోవాలని కోరారు. తప్పకుండా పటిష్టమైన భద్రత ఇస్తామని, ఎన్నికలు సజావుగా జరిపిస్తామని కలెక్టర్‌ వారికి భరోసా ఇచ్చారు.

శ్రీకాలహస్తి: బెంగళూరులోని కోరమంగళ ఇండోర్‌ స్టేడియంలో నిర్వహించిన వరల్డ్‌ కరాటే చాంపియన్‌షిప్‌లో అండర్‌–16 విభాగానికి సంబంధించి శ్రీకాళహస్తికి చెందిన బొద్దులూరు జ్యోతీశ్వర్‌ గోల్డ్‌ మెడల్‌ సాధించాడు. బెంగళూరులోని స్వామినారాయణ గురుకుల్‌ ఇంటర్నేషనల్‌ స్కూల్‌లో 11వ తరగతి చదువుతున్న జ్యోతిశ్వర్‌ తన పోరాట పటిమ అగ్రస్థానంలో నిలిచాడు. ఈ పోటీల్లో జ్యోతిశ్వర్‌ ప్రథమ స్థానంలో నిలవగా, రెండో స్థానంలో కజకిస్తాన్‌, మూడో స్థానంలో రష్యా నిలిచాయి. జ్యోతిశ్వర్‌కు మాస్టర్‌ సంపత్‌ కుమార్‌ ప్రత్యేకంగా అభినందనలు తెలిపారు.

తిరుమల: తిరుమలలో శనివారం భక్తుల రద్దీ సాధారణంగా ఉంది. క్యూకాంప్లెక్స్‌లోని 10 కంపార్ట్‌మెంట్లలో భక్తులు వేచి ఉన్నారు. శుక్రవారం అర్ధరాత్రి వరకు 64,014 మంది స్వామివారిని దర్శించుకున్నారు. 22,010 మంది భక్తులు తలనీలాలు అర్పించారు. స్వామివారికి కానుకల రూపంలో హుండీలో రూ.3.69 కోట్లు సమర్పించారు. టైంస్లాట్‌ టిక్కెట్లు కలిగిన భక్తులకు సకాలంలో దర్శనం లభిస్తోంది. దర్శన టిక్కెట్లు లేని వారు స్వామిని దర్శించుకోవడానికి 08 గంటల సమయం పడుతోంది. ప్రత్యేక ప్రవేశ దర్శనం టిక్కెట్లు కలిగిన వారు 3 గంటల్లో స్వామిని దర్శించుకోగలుగుతున్నారు. ఇదిలా ఉంటే సర్వదర్శనం టోకెన్లు కలిగిన భక్తులు నిర్దేశించిన సమయానికి మాత్రమే క్యూలోకి వెళ్లాలని టీటీడీ విజ్ఞప్తి చేస్తోంది. కేటాయించిన సమయానికంటే ముందు వెళ్లిన వారిని క్యూలోకి అనుమతించరని స్పష్టంచేసింది. తప్పుడు ప్రచారాలు చేస్తే కేసులు తిరుపతి క్రైం : ఎన్నికల సమయంలో తప్పుడు ప్రచారాలు, అసత్య సమాచారంతో ప్రజల్లో భయాందోళనలు సృష్టిస్తే కఠిన చర్యలు తీసుకుంటామని ఎస్పీ ఎల్‌.సుబ్బరాయుడు హెచ్చరించారు. తిరుపతి మున్సిపల్‌ కార్పొరేషన్‌తో పాటు సూళ్లూరుపేట, నాయుడుపేట, వెంకటగిరి, పుత్తూరు మున్సిపాలిటీల ఎన్నికలకు అన్ని ఏర్పాట్లు పూర్తి చేసినట్లు ఆయన వెల్లడించారు. ఎన్నికలను ప్రశాంతంగా, పారదర్శకంగా నిర్వహించేందుకు పటిష్ట పోలీస్‌ బందోబస్తు ఏర్పాటు చేశామన్నారు. శనివారం తిరుపతి ఆర్ట్స్‌ కళాశాల మైదానంలోని ఎన్నికల డిస్ట్రిబ్యూషన్‌ కేంద్రాన్ని ఆయన పరిశీలించారు. ఎన్నికల సిబ్బందికి అవసరమైన సూచనలు చేశారు. సమస్యాత్మక, అత్యంత సమస్యాత్మక ప్రాంతాలపై ప్రత్యేక నిఘా ఏర్పాటు చేసినట్లు వెల్లడించారు. కిడ్నాప్‌ అంటూ తప్పుడు ప్రచారం.. కేసు నమోదు తిరుపతి 39వ వార్డులో ఓ వ్యక్తి కిడ్నాప్‌కు గురయ్యాడంటూ తప్పుడు ప్రచారం చేసి ప్రజల్లో గందరగోళం సృష్టించిన ఘటనపై ఎన్నికల ప్రవర్తనా నియమావళి ఉల్లంఘనందుకుగాను కేసు నమోదు చేసినట్లు ఎస్పీ వెల్లడించారు. పోలీసుల విచారణలో సదరు వ్యక్తి స్వయంగా ఫోన్‌ స్విచ్‌ఆఫ్‌ చేసుకుని వెళ్లినట్లు, ఆయన క్షేమంగా ఉన్నట్లు తేలిందన్నారు. పోలీసుల ఐక్యతా ప్రమాణం తిరుపతి క్రైం : జాతీయ సమైక్యతా దినోత్సవాన్ని పురస్కరించుకుని తిరుపతి జిల్లా పోలీస్‌ శాఖ ఆధ్వర్యంలో శనివారం సమైక్యతా ప్రమాణం నిర్వహించారు. సర్దార్‌ వల్లభాయ్‌ పటేల్‌ 151వ జయంతి సందర్భంగా జిల్లా పోలీస్‌ కార్యాలయ ప్రాంగణంలో ఎస్పీ ఎల్‌.సుబ్బరాయుడు పోలీస్‌ అధికారులు, సిబ్బందితో జాతీయ సమైక్యతా ప్రమాణం చేయించారు. దేశ సమైక్యత కోసం సర్దార్‌ వల్లభాయ్‌ పటేల్‌ చేసిన సేవలను స్మరించుకుంటూ, ఆయన ఆశయాలను ఆదర్శంగా తీసుకోవాలని సూచించారు. కార్యక్రమంలో డీఎస్పీ చంద్రశేఖర్‌ (సాయుధ దళం), ఆర్‌ఐలు, ఆర్‌ఎస్‌ఐలు, పోలీస్‌, టాస్క్‌ఫోర్స్‌ సిబ్బంది పాల్గొన్నారు. పింఛన్ల సాకుతో ప్రలోభాలు రామచంద్రాపురం:అధికార గర్వంతో టీడీపీ నేత లు రెచ్చిపోతున్నారు. గ్రామాల్లో ఎన్నికల కోడ్‌ను తుంగలో తొక్కుతున్నారు. శుక్రవారం రామచంద్రపురం మండలం, నెన్నూరు గ్రామంలో పింఛన్ల పంపిణీని తమ స్వార్థ రాజకీయ ప్రచారానికి వేదికగా మార్చుకున్నారు. కేవలం ప్రభుత్వ అధికారులు, సిబ్బంది మాత్రమే పాల్గొనాల్సి ఉండగా, టీడీపీ నేతలు స్వయంగా బరిలోకి దిగడం కలకలం రేపింది. నడవలూరు గ్రామంలో అధికారులతో కలసి టీడీపీ నేత ప్రభాకర్‌ రెడ్డి లబ్ధిదారులకు పింఛన్లు పంపిణీ చేశారు. అంతటితో ఊరుకోక .. తమ పార్టీకే ఓటు వేయాలంటూ ఓటర్లపై ఒత్తిడి తీసుకొచ్చారు. ‘మా పార్టీకి ఓటేస్తేనే పింఛను కొనసాగుతుంది.. లేకపోతే కోత విధిస్తాం’ అంటూ బెదిరింపులకు దిగడంతో లబ్ధిదారులు భయాందోళనకు గురయ్యారు. చిరుత సంచరిస్తోంది.. జాగ్రత్తతిరుపతి సిటీ:ఎస్వీయూ క్యాంపస్‌ పరిధిలో చిరు త సంచరిస్తోందని విద్యార్థులు, అధ్యాపకులు, బోధనేతర సిబ్బంది, పాదాచారులు అప్రమత్తంగా ఉండాలని రిజిస్ట్రార్‌ ఒక ప్రకటనలో తెలిపారు. ఒంటరిగా వెళ్లకుండా జాగ్రత్తలు పాటించాలని సూచించారు. రాత్రి 7 నుంచి ఉదయం 6గంటల మధ్య వర్సిటీ విద్యార్థులు, పాదాచారు లు తగిన జాగ్రతలతో మెలగాలని తెలిపారు.

తిరుపతి సిటీ:స్థానిక కరకంబాడి రోడ్డులోని ఎస్వీసీఈ ఇంజినీరింగ్‌ కళాశాల ఎన్‌ఎస్‌ఎస్‌ విభాగం ఆధ్వర్యంలో సర్దార్‌ వల్లభాయ్‌ పటేల్‌ జయంతిని పురస్కరించుకుని జాతీయ ఐక్యతా దినోత్సవాన్ని ఘనంగా నిర్వహించారు. ఈ సందర్భంగా శనివారం దత్తత గ్రామం వెంకటాపురంలోని ప్రాథమిక పాఠశాలలో విద్యార్థులకు పలు క్రీడలు, దేశభక్తి గీతాలాపన, సాంస్కృతిక పోటీలను నిర్వహించారు. జాతీయ ఐక్యత, సమగ్రతను పెంపొందించే లక్ష్యంతో విద్యార్థులు, ఉపాధ్యాయులచేత ఐక్యతా ప్రతిజ్ఞ చేయించి గ్రామంలో అవగాహన ర్యాలీ నిర్వహించారు. న్సిపల్‌ డాక్టర్‌ ఓ చంద్రశేఖర్‌రెడ్డి, ఎన్‌ఎస్‌ఎస్‌ ప్రొగ్రామ్‌ ఆఫీసర్‌ డాక్టర్‌ చంద్రయ్య, విద్యార్థులు పాల్గొన్నారు.

● తుపాను ప్రభావిత ప్రాంతాల్లో వ్యవసాయ విశ్వవిద్యాలయ విద్యార్థులు చంద్రగిరి: అర్నబ్‌ తుపాను ప్రభావిత ప్రాంతాల్లో ఆచార్య ఎన్జీ రంగా వ్యవసాయ విశ్వవిద్యాలయం విద్యార్థులు సహాయక చర్యల్లో పాల్గొన్నారు. పశ్చిమగోదావరి జిల్లా, మారుటేరు ప్రాంతంలో ప్రజలకు సహాయ సహకారాలు అందించేందుకు ఆచార్య ఎన్జీ రంగా వ్యవసాయ విశ్వవిద్యాలయ పరిధిలోని ఎస్వీ వ్యవసాయ కళాశాల విద్యార్థులు, అధ్యాపకులు సుమారు 88 మంది తిరుపతి నుంచి తరలివెళ్లారు. మారుటేరు ప్రాంతానికి చేరుకుని, తుపాను కారణంగా ఇబ్బందులు ఎదుర్కొంటున్న ప్రజలకు అవసరమైన సహాయాన్ని అందించేందుకు చర్యలు చేపట్టారు. వైఎస్సార్సీపీలో చేరిక తిరుపతి రూరల్‌: తిరుపతి రూరల్‌ మండలం, కుంట్రపాకం పంచాయతీ, నాగూర్‌ కాలనీకి చెందిన టీడీపీ సీనియర్‌ నేత సుబ్బయ్య శనివారం వైఎస్సార్సీపీలో చేరారు. జెడ్పీటీసీ అభ్యర్థి చెవిరెడ్డి హర్షిత్‌రెడ్డి ఎన్నికల ప్రచారంలో భాగంగా నాగూర్‌ కాలనీకి వెళ్లగా.. ఆ సమయంలో టీడీపీలో సీనియర్‌ నాయకునిగా ఉన్న సుబ్బయ్య పార్టీలో చేరారు. చెవిరెడ్డి కుటుంబం పట్ల అపారమైన అభిమానం, ప్రస్తుత ప్రభుత్వం ప్రజలకు చేసిన మోసాలను తట్టుకోలేకనే సుదీర్ఘ కాలంపాటు కొనసాగిన తెలుగుదేశం పార్టీని విడిచిపెట్టినట్టు ఆయన స్పష్టం చేశారు. చెవిరెడ్డి హర్షిత్‌రెడ్డి ఆయనకు వైఎస్సార్సీపీ కండువా వేసి సాదరంగా పార్టీలోకి ఆహ్వానించారు. అనంతరం స్థానిక వైఎస్సార్సీపీ నేతలతో కలసి ఇంటింటికీ వెళ్లి ప్రచారం నిర్వహించారు. అట్టహాసంగా ముగిసిన ‘మోహన మంత్ర’ చంద్రగిరి: మోహన్‌బాబు యూనివర్సిటీలో రెండు రోజుల పాటు ఉత్సాహభరిత వాతావరణంలో జరిగిన జాతీయ స్థాయి టెక్నో–కల్చరల్‌ ఫెస్ట్‌ ‘మోహన మంత్ర’ శనివారం ఘనంగా ముగిసింది. దేశవ్యాప్తంగా వివిధ రాష్ట్రాల నుంచి వేలాదిమంది విద్యార్థులు తరలివచ్చి ఈ వేడుకను ఆస్వాదించారు. ఈ ఉత్సవాల సందర్భంగా వెలుపలి ప్రాంతాల నుంచి దాదాపు 10 వేలకు పైగా ఎంట్రీలు నమోదు కాగా, పోటీల్లో ప్రతిభ కనబరిచిన విజేతలకు రూ.లక్షకు పైగా నగదు బహుమతులను అందజేశారు.

వెంకటగిరి(సైదాపురం): పట్టణంలోని బొప్పాపురం సమీపంలో ఉన్న కేంద్రియ విద్యాలయంలో ఇంటర్మీడియట్‌ చదువుకుంటున్న ఓ విద్యార్థిని పట్ల ఫిజిక్స్‌ పీజీటీ ఉపాధ్యాయుడు అన్నపురెడ్డి సురేష్‌ లైగింగ వేధింపులకు పాల్పడడం దారుణమని, వెంటనే అత నిపై పోక్సో కేసు నమోదు చేయాలని విద్యార్థి ప్రజాసంఘాల నాయకులు డిమాండ్‌ చేశారు. విద్యార్థినులకు సద రు అధ్యాపకుడు అసభ్యకరమైన సందేశాలు పంపడం, అనుచిత వ్యాఖ్యలు చేయడం వంటి చర్యలకు పాల్పడడంతోపాటు లైగింగ వేధింపులకు గురి చేయడం బాధాకరమన్నారు. గుర్తు తెలియని మహిళ దారుణ హత్య తిరుపతి రూరల్‌: గుర్తుతెలియని మహిళ దారుణ హత్యకు గురైన ఘటన తిరుపతి రూరల్‌ మండలంలో కలకలం రేపింది. సి. మల్లవరం జాతీయ రహదారి సమీపంలోని ఇటుక బట్టీల వద్ద మహిళ మృతదేహం వెలుగుచూసింది. సుమారు 30 నుంచి 35 ఏళ్ల వయస్సు ఉన్న మహిళ మృతదేహాన్ని శనివారం స్థానికులు గుర్తించారు. మహిళ తలపై బండరాయితో మోది చంపడంతో ముఖం గుర్తుపట్టలేని విధంగా ఉంది. మృతురాలికి సంబంధించి ఎలాంటి ఆనవాళ్లు లేక పోవడం, ముఖం గుర్తుపట్టలేని స్థితిలో ఉండడంతో క్లూస్‌ టీంను రంగంలోకి దించారు. సి.మల్లవరం నుంచి తిరుపతి వైపు వెళ్లే మార్గంలో రహదారికి ఎడమవైపున ఉన్న ఇటుక బట్టీల సమీపంలో ఈ ఘటన చోటుచేసుకుంది. అనంతరం మృతదేహాన్ని స్వాధీనం చేసుకుని పోస్టుమార్టం నిమిత్తం రుయా ఆసుపత్రికి తరలించారు.

తిరుపతి అర్బన్‌: ఎంపీటీసీ, జెడ్పీటీసీ ఎన్నికలు ఈ నెల 5న నిర్వహించనున్న నేపథ్యంలో ఏర్పాట్లు వేగవంతం చేయాలని జిల్లా ఎన్నికల అధికారి, కలెక్టర్‌ ఎస్‌.వెంకటేశ్వర్‌ సిబ్బందిని ఆదేశించారు. ఎన్నికల పోలింగ్‌ నేపథ్యంలో ప్రభుత్వ, ప్రైవేటు పాఠశాలలకు ఈ నెల 4, 5 తేదీల్లో సెలవు ఇస్తున్నట్లు పేర్కొన్నారు. ఇస్రో బృందానికి అభినందనలు శ్రీసిటీ (వరదయ్యపాళెం): జీఎస్‌ఎల్‌వీ–ఎఫ్‌18 రాకెట్‌ ప్రయోగం విజయవంతం అయినందుకు శ్రీసిటీ మేనేజింగ్‌ డైరెక్టర్‌ డాక్టర్‌ రవీంద్ర సన్నారెడ్డి హర్షం వ్యక్తం చేశారు. ఈ ప్రయోగం ద్వారా ఎన్‌వీఎస్‌–03 ఉపగ్రహాన్ని విజయవంతంగా కక్ష్యలోకి ప్రవేశపెట్టినందుకు ఇస్రో ఛైర్మన్‌ డాక్టర్‌ వి.నారాయణన్‌, షార్‌ డైరెక్టర్‌ ఎస్‌.ముత్తుచెళియన్‌, ఇతర షార్‌ శాస్త్రవేత్తలు, ఉద్యోగులకు హృదయపూర్వక అభినందనలు తెలిపారు.

జిల్లా సమాచారం నగరపాలక సంస్థ డివిజన్లు/వార్డులు పోలింగ్‌ కేంద్రాలు మొత్తం ఓటర్లు తిరుపతి 66 304 2,90,492 వెంకటగిరి 36 66 44,140 పుత్తూరు 36 70 40,210 నాయుడుపేట 32 64 37,100 సూళ్లూరుపేట 32 55 18,336 మొత్తం 202 559 4,47,461 జిల్లా వ్యాప్తంగా పుర పోరుకు సర్వం సిద్ధమైంది. తిరుపతి కార్పొరేషన్‌తో సహా నాలుగు మున్సిపాలిటీలలో ఆదివారం ఉదయం 7 నుంచి పోలింగ్‌ ప్రారంభం కానుంది. మొత్తం 559 పోలింగ్‌ కేంద్రాల పరిధిలో 4,47,461 మంది తమ ఓటు హక్కును వినియోగించుకోనున్నారు. ఇదిలావుండగా అధికారాన్ని అడ్డం పెట్టుకుని ‘పచ్చ’పన్నాగానికి అధికార పార్టీ సిద్ధమైనట్టు తెలుస్తోంది. ఈ నేపథ్యంలో ఓటర్లు ఎలా తీర్పునిస్తారో ఈ నెల 3వ తేదీ వరకు వేచి చూడాల్సి ఉంది. సాక్షి, తిరుపతి: పురపోరులో కీలక ఘట్టమైన పోలింగ్‌ ప్రక్రియకు సర్వం సిద్ధమైంది. జిల్లాలో ఆదివారం తిరుపతి కార్పొరేషన్‌ సహా పుత్తూరు, నాయుడుపేట, సూళ్లూరుపేట, వెంకటగిరి మున్సిపాలిటీలలో ఆదివారం ఉదయం 7 నుంచి సాయంత్రం 5 గంటల వరకు పోలింగ్‌ జరగనుంది. మొత్తం 559 పోలింగ్‌ కేంద్రాల్లో 110 అత్యంత సమస్యాత్మక, 172 సమస్యాత్మక, 46 సున్నిత పోలింగ్‌ కేంద్రాలుగా పోలీసులు గుర్తించారు. వీటిలో పటిష్టమైన భద్రతా ఏర్పాట్లు చేపట్టినట్టు పోలీసు అధికారులు చెబుతున్నారు. ఓటర్లు నిర్భయంగా తమ ఓటు హక్కును వినియోగించుకోవాలని కలెక్టర్‌ ఎస్‌.వెంకటేశ్వర్‌ ఓటర్లకు పిలుపునిచ్చారు. అందరి దృష్టి తిరుపతిపైనే రాష్ట్ర వ్యాప్తంగా అందరి దృష్టి తిరుపతి కార్పొరేషన్‌పైనే ఉంది. నామినేషన్ల పర్వం మొదలైనప్పటి నుంచి తిరుపతి కార్పొరేషన్‌లో అధికార పార్టీ దౌర్జన్యాలు, దాడులతో అప్రజాస్వామిక పోకడలు పెచ్చుమీరాయి. ఏకంగా దేశ అత్యున్నత న్యాయస్థానం జోక్యం చేసుకొ ని నామినేషన్ల గడువు ముగిసిన తరువాత మరోసారి అవకాశం కల్పిస్తే తప్ప వైఎస్సార్‌సీపీ అభ్యర్థులు నామినేషన్లు వేయలేకపోయారు. మరోవైపు ఇప్పటికే తిరుపతి నగరానికి ఇతర రాష్ట్రాల నుంచి సుమారు 2 వేల మందికి పైగా రౌడీలు, గంజాయి బ్యాచ్‌ వచ్చారన్న సమాచారం నేపథ్యంలో పోలింగ్‌ రోజు ఏం జరుగుతోందో అన్న ఉత్కంఠత అందరిలో నెలకొంది. ఇప్పటికే తమకు పోలింగ్‌ రోజు రక్షణ కల్పించడంతోపాటు ఓటర్లు స్వేచ్ఛగా ఓటు వేసేలా పోలీసులు చర్యలు తీసుకోవాలని వైఎస్సార్‌సీపీ అభ్యర్థులు రాష్ట్రపతి, దేశ ప్రధాని, దేశ, రాష్ట్ర ఎన్నికల సంఘాలకు ఈ–మెయిల్‌ ద్వారా కోరారు. వీటిపై రాష్ట్రపతి కార్యాలయం స్పందించి చర్యలు తీసుకోవాలని రాష్ట్ర ప్రభుత్వాన్ని ఆదేశించిన విషయం తెలిసిందే. తిరుపతి కార్పొరేషన్‌లో 66 డివిజన్ల పరిఽధిలో 304 పోలింగ్‌ కేంద్రాలలో మొత్తం 2,90,492 మంది ఓటర్లున్నారు. పోలీసుల లెక్క ప్రకారం 25 అత్యంత సమస్యాత్మక, 27 సమస్యాత్మక పోలింగ్‌ కేంద్రాలను గుర్తించారు. పోలీసులపైనే భారం ప్రజా బలంతో నెగ్గలేమని గ్రహించిన కూటమి పార్టీలు దౌర్జన్యాలు, దాడులతో గెలవాలని నిర్ణయించుకున్నాయి. ఇందులో భాగంగా ఇప్పటికే నామినేషన్లు, ప్రచార పర్వంలో ప్రతిపక్ష వైఎస్సార్‌సీపీ అభ్యర్థులను తీవ్ర ఇబ్బందులకు గురిచేశారు. కీలకమైన పోలింగ్‌ రోజు అల్లర్లు సృష్టించి ఓటర్లు, ఏజెంట్లను భయాందోళనకు గురిచేసి పోలింగ్‌ బూత్‌లను తమ చేతుల్లోకి తీసుకోవాలని ‘పచ్చ’ పన్నాగానికి సిద్ధమయ్యారు. నాయుడుపేట మున్సిపాలిటీలో గత రెండు మూడు రోజులుగా పోలీసులు పెడుతున్న అక్రమ కేసులు, బెదిరింపులే దీనికి ప్రధాన సాక్ష్యంగా నిలుస్తున్నాయి. తిరుపతి సహా నాలుగు మున్సిపాలిటీల్లో పోలింగ్‌

సత్యవేడు: ‘రాష్ట్రంలో ఏ గ్రామానికి వెళ్లినా.. సచివాలయాలు, విలేజ్‌ హెల్త్‌ క్లినిక్‌లు, ఆర్బీకేలతో పాలనను,సేవలను ఇంటి గడప వద్దకే తీసుకొచ్చి గేమ్‌ చేంజర్‌గా వైఎస్సార్‌సీపీ అధినేత, మాజీ సీఎం వైఎస్‌జగన్‌మోహన్‌రెడ్డి గుర్తింపు తెచ్చుకున్నారు. కూటమి ప్రభుత్వం అధికారంలోకి వచ్చి రెండున్నరేళ్లవుతున్నా.. చెప్పుకోవడానికి ఏముంది’ అంటూ సోషల్‌ మీడియా వేదికగా పలువురు విమర్శలు ఎక్కుపెడుతున్నారు. తానే గేమ్‌ చేంజర్‌గా చెప్పుకునే చంద్రబాబు రాష్ట్రంలో జగనన్న అమలు చేసిన పథకాల పేర్లనే మార్చి కొనసాగించి, నమ్మిన ఓటర్ల మనోభావాలతో ఆడుకున్నారని విమర్శలు గుప్పిస్తున్నారు. వైఎస్‌ జగన్‌ మోహన్‌రెడ్డి హయాంలో తెచ్చిన స్కీమ్‌ల పేర్లను మార్చారే తప్ప కొత్తగా చేసింది లేదని ప్రజలు చర్చించుకుంటున్నారు.

సాక్షి టాస్క్‌ఫోర్స్‌: ఓటర్లు పారా హుషార్‌ అంటూ సోషల్‌ మీడియాలో పోస్టింగ్‌లు.. ఫ్లెక్సీలు హోరెత్తితుతున్నాయి. స్థానిక మున్సిపల్‌ ఎన్నికల్లో టీడీపీ గూండాలు ఓటర్లను స్వేచ్ఛగా ఓట్లు వేయనివ్వకుండా వాళ్లే రిగ్గింగ్‌ చేసుకుంటారని జోరుగా ప్రచారం జరుగుతోంది. తిరుపతి నగరంలో పలుచోట్ల ‘ఎస్పీ సార్‌.. తిరుపతిలో రిగ్గింగ్‌ను అరికట్టండి.. ఇట్లు తిరుపతి ప్రజలు’ అని ఫ్లెక్సీలు ఏర్పాటు చేయడమే ఇందుకు నిదర్శనం. పవిత్రమైన పుణ్యక్షేత్రం తిరుపతి, నాయుడుపేట, సూళ్లూరుపేట, నగరి, కుప్పం మున్సిపల్‌ ఎన్నికలపై జనంలో తీవ్ర ఆందోళన నెలకొంది. నామినేషన్ల సందర్భంగా పెద్ద ఎత్తున వైఎస్సార్‌సీపీ, సీపీఎం, సీపీఐ అభ్యర్థులను అడ్డుకున్న విషయం తెలిసిందే. నామినేషన్‌ పత్రాలు లాగేసుకుని చించివేసిన ఘటనలు అనేకం. ఆ తరువాత కూడా పరిశీలన, ఉప సంహరణలోనూ పోలీసులు, ఆర్వోలు ఏకపక్షంగా వ్యవహరించారనే విమర్శలు వెల్లువెత్తాయి. అందుకు సంబంధించిన వీడియోలు సోషల్‌ మీడియాలో ఇప్పటికీ వైరల్‌ అవుతూనే ఉన్నాయి. సుప్రీం కోర్టు ఆదేశాలతో తిరుపతి నగరంలో నామినేషన్లు వేయలేకపోయిన 18 డివిజన్లకు తిరిగి నామినేషన్లు వేయగలిగారు. ఓటమి భయంతో టీడీపీ గూండాలు తిరుపతిలోని 39వ వార్డు సీపీఐ అభ్యర్థి కుసుమరాయల్‌ భర్తను కిడ్నాప్‌ చేశారనే ఆరోపణలతో నగర ప్రజలు ఉలిక్కిపడ్డారు. నాయుడుపేటలో సాక్షాత్తు పోలీసులే వైఎస్సార్‌సీపీ నాయకుని నివాసంలోకి చొరబడి మద్యం బాటిళ్లు ఉంచి చట్టానికే మాయని మచ్చ తెచ్చిన ఘనత జిల్లా పోలీసులకే దక్కుతుంది. ఇలా తిరుపతి, చిత్తూరు జిల్లాల్లో గత కొద్దిరోజులుగా జరిగిన ఘటనతోనే ఇటువంటి ఫ్లెక్సీలు ఏర్పాటు చేశారని, సోషల్‌ మీడియా వేదికగా వైరల్‌ చేస్తున్నట్లు తెలుస్తోంది. పోలింగ్‌ ప్రారంభమైన వెంటనే లేదా మధ్యాహ్నం భోజనం తరువాత రిగ్గింగ్‌కు పాల్పడేందుకు టీడీపీ నేతలు పక్కా ఏర్పాట్లు చేసుకున్నట్లు ప్రచారం జరుగుతోంది. రిగ్గింగ్‌ జరిగే అవకాశం లేకపోతే బ్యాలెట్‌ పెట్టెలు ఎత్తుకెళ్లేందుకు కూడా పథకం రచించినట్లు నగరంలో జోరుగా చర్చ జరుగుతోంది. రాత్రంతా ప్రలోభాల జోరు ఆదివారం పోలింగ్‌ ఉండడంతో శనివారం రాత్రి నుంచి ఆదివారం వేకువ జాము వరకు కూటమి అభ్యర్థులు ఓటర్లను ప్రలోభాలకు గురిచేసే పనిలో నిమగ్నమయ్యారు. ఓటుకు రూ.వెయ్యి నుంచి రూ.వేల వరకు పంపిణీ జరిగింది. ఇంకా మద్యం, బిరియానీ ప్యాకెట్లు పంపిణీ చేశారు. కూటమికి ఓటు వేయరని అనుమానం ఉన్న వారిని బెదిరింపులకు గురిచేయడం ప్రారంభించారు. డ్వాక్రా గ్రూపులను లీడ్‌చేసే కొంత మంది సభ్యులను కూటమి అభ్యర్థులు నివాసాలకు పిలిపించి.. మరి కొందరు వారి వారి నివాసాలకే వెళ్లి రకరకాల చీరలు, జాకెట్లు, గాజులు పంపిణీ చేయటం గమనార్హం.

సాక్షి, తిరుపతి: బీజేపీ నేత, టీటీడీ బోర్డు సభ్యులు భాను ప్రకాష్‌రెడ్డి బ్రాహ్మణులకు చేసిన అన్యాయాన్ని గుర్తుంచుకొని ఎన్నికల్లో బుద్ధి చెప్పాలని బ్రాహ్మణులు ఆగ్రహం వ్యక్తం చేస్తున్నారు. భానుప్రకాష్‌రెడ్డి కుమారుడు పృథ్విరెడ్డి తిరుపతి 52 డివిజన్‌లో కూటమి తరఫున పోటీ చేస్తున్న సందర్భంలో ఈ ప్రకటనలు రావడం తీవ్ర చర్చకు దారితీశాయి. తమ వర్గానికి జరిగిన ద్రోహాన్ని బ్రాహ్మణులు ఓటు వేసేటప్పుడు ఆలోచించి కమలం గుర్తుకు ఓటు వేయకండి అని బ్రాహ్మణ వాట్సాప్‌ గ్రూప్‌లలో పిలుపునిస్తున్నారు. ఏపీ బ్రాహ్మణ కార్పొరేషన్‌ చైర్మన్‌కు టీటీడీ బోర్డులో ఎక్స్‌ అఫిషియో సభ్యుడిగా అవకాశం ఉండేదని, భాను ప్రకాష్‌రెడ్డి వేసిన పిల్‌ ద్వారా కోర్టు ఉత్తర్వులు రావడంతో టీటీడీలో బ్రాహ్మణ ప్రతినిఽధికి సభ్యత్వం పోయిందని ఆరోపిస్తున్నారు. మరోవైపు 52 వార్డులో బ్రాహ్మణులు పెద్ద సంఖ్యలో ఉన్నా వారికి దక్కాల్సిన అవకాశాన్ని ఏమాత్రం అనుభవం లేని తన కుమారుడికి తెచ్చుకొని తమకు అన్యాయం జరిగిందని వాపోతున్నారు. 52 వార్డులో సుమారు 1,800 మంది బ్రాహ్మణ ఓటర్లు ఉన్నారని, వారికి జరిగిన అన్యాయాన్ని ఓటుతో బుద్ధి చెబుతారని పేర్కొన్నారు. గత వైఎస్సార్‌సీపీ ప్రభుత్వంలో ప్రతిష్టాత్మకంగా నిర్మించిన గరుడ వారధిని అడ్డుకునేందుకు కోర్టులో కేసులు వేసిన భానుప్రకాష్‌ కుమారుడికి ఓటు వేయాలా అంటూ ప్రశ్నిస్తున్నారు. వారసత్వ రాజకీయాలతో టీడీపీలోని సీనియర్‌ నాయకులకు అన్యాయం చేసి సీటు తెచ్చుకున్నారని ఆరోపిస్తున్నారు. బీజేపీకి సైతం భాను చేసింది ఏమీ లేదని సొంతపార్టీ నేతలే వాపోతున్నారని, తానొక్కడే ఎదుగుతూ పార్టీలో ఎవరినీ ఎదగనివ్వడం లేదంటూ తిరుపతిలో పోస్టర్లు వేయడం కలకలం లేపుతోంది.

● రెండున్నరేళ్లుగా పేట్రేగుతున్న దాడులు, దౌర్జన్యాలు ● గత డిప్యుటీ మేయర్‌ ఎన్నికలో రెచ్చిపోయిన పచ్చరౌడీలు ● పట్టపగలే భూ ఆక్రమణలు, ఇళ్ల కూల్చివేతలు ● బాధితులు మొరపెట్టుకున్నా సీఎం, పవన్‌, లోకేష్‌ డోంట్‌ కేర్‌ ● భయంతో బిక్కుబిక్కుమంటున్న తిరుపతి వాసులు సాక్షి టాస్క్‌ఫోర్స్‌:ఆధ్యాత్మిక క్షేత్రమైన తిరుపతిలో కూటమి గూండాల ఆగడాలు శ్రుతిమించుతున్నాయి. అధికారం చేపట్టినప్పటి నుంచి దాడులు, దౌర్జన్యాలు పెచ్చుమీరుతున్నాయి. గత ఏడాది ఫిబ్రవరి 3న జరిగిన తిరుపతి డిప్యుటీ మేయర్‌ ఉప ఎన్నికల సందర్భంగా టీడీపీ గూండాలు రెచ్చిపోయారు. డిప్యుటీ మేయర్‌ ని ఎన్నుకునేక్రమంలో భాగంగా.. ఎంపీ గురుమూర్తి, ఎమ్మెల్సీ సిపాయి సుబ్రమణ్యం, అప్పటి మేయర్‌ డాక్టర్‌ శిరీష, కార్పొరేటర్లు బస్సులో ఎస్వీయూనివర్సిటీకి బయలుదేరారు. రెండు నిముషాల్లో యూనివర్సిటీ ప్రాంగణంలోకి ప్రవేశిస్తారనగా కూటమి గూండా లు రాడ్లు, కర్రలు, రాళ్లతో బస్సును అడ్డుకున్నారు. బస్సు డోర్‌ లాక్‌ చేసినా.. బస్సు అద్దాలు పగులగొట్టి లోనికి చొరబడ్డారు. నలుగురు వైఎస్సార్‌సీపీ కార్పొరేటర్లను కిడ్నాప్‌ చేశారు. బస్సులో ఉన్న మహిళా కార్పొరేటర్ల పట్ల అసభ్యకరంగా ప్రవర్తించారు. టీడీపీ చేసిన అరాచకాలతో డిప్యుటీ మేయర్‌ ఉప ఎన్నిక మరుసటి రోజుకు వాయిదాపడింది. మరుసటి రోజు వైఎస్సార్‌సీపీ ఎమ్మెల్సీ, కార్పొరేటర్ల బంధువులను సైతం కిడ్నాప్‌ చేశారు. టీడీపీ గూండాల నిర్బంధంలో ఉన్న కార్పొరేటర్లను కొట్టి బెదిరింపులకు దిగారు. మే 10న ఎర్రమిట్టలో.. తిరుపతి నగరం నడిబొడ్డున ఉన్న ఎర్రమిట్టలో మే 10న టీడీపీ గూండాలు కోట్ల విలువైన భూమిని ఆక్రమించుకునేందుకు యత్నించారు. అక్కారాంపల్లి సర్వే నం.101/3లోని 1.05 ఎకరాల భూమిలో ఉన్న తులసమ్మ అనే వృద్ధురాలు, మరి కొందరు మహిళలను టీడీపీ గూండాలు లాక్కొచ్చి రోడ్డున పడేశారు. దౌర్జన్యంగా జేసీబీలు దింపి వృద్ధురాలు ఉంటున్న షెడ్డును నిలువునా కూల్చివేశారు. అడ్డొచ్చిన మహిళల పట్ల విచక్షణారహితంగా వ్యవరించిన సంఘటన నగర ప్రజలను భయభ్రాంతులకు గురిచేసింది. నగర ప్రజలు ఆ ఘటనను ఇప్పటికీ తలచుకుని ఉలికిపాటుకు గురవుతున్నారు. దీని వెనుక టీడీపీ, జనసేనకు చెందిన ముఖ్యనాయకుల పాత్ర ఉందని వైఎస్సార్‌సీపీ ఆందోళనలు చేసిన విషయం తెలిసింది. జర్నలిస్టులే లక్ష్యంగా టీడీపీ గూండాల దాడులు జర్నలిస్టులే లక్ష్యంగా టీడీపీ గూండాలు దాడులకు తెగబడుతున్నారు. స్థానిక సంస్థల ఎన్నికల నామినేషన్ల ప్రారంభం రోజు తిరుపతి కొర్లగుంటలో టీడీపీ గూండాలు వైఎస్సార్‌సీపీ అభ్యర్థులపై దాడులకు తెగబడ్డారు. నామినేషన్‌ వేయనివ్వకుండా అడ్డుకుని పత్రాలను చించివేశారు. ఈ ఘటనను కవర్‌చేస్తున్న సాక్షి మీడియా కెమెరామెన్‌ ముఖేష్‌రాయల్‌, రిపోర్టర్‌ మోహన్‌పై దాడులు చేశారు. ముఖేష్‌ రాయల్‌ని రక్తం వచ్చేలా కొట్టారు. కెమెరా లాగేసుకున్నారు. టీవీ ప్రతినిధి ప్రసాద్‌ మొబైల్‌ ఫోన్‌ను లాక్కున్నారు. అంతకు ముందు.. ఇదే ఏడాది ఆగస్టు 6న సాక్షి ఫొటో గ్రాఫర్‌ మోహన్‌కృష్ణపై అక్రమ కేసు నమోదు చేసి జైల్లో పెట్టారు. ప్రస్తుత టీడీపీ తిరుపతి మేయర్‌ అభ్యర్థి జేబీ శ్రీనివాసులు నివాసం ముందు బెల్టు మురళి కుటుంబీకులు ధర్నాకు దిగారు. ఈ కార్యక్రమాన్ని కవర్‌ చేసేందుకు వెళ్లిన సాక్షి ఫొటో గ్రాఫర్‌, యూటూబ్‌ రిపోర్టర్‌ సునీల్‌పై జేబీ అనుచరులు దాడిచేసి తిరిగి బాధితులపైనే అక్రమ కేసులు నమోదు చేసి జైల్లో పెట్టారు. టీడీపీ మాజీ సర్పంచ్‌ భూమిని కబ్జాచేసిన టీడీపీ నేతచంద్రగిరి నియోజకవర్గం రంగంపేట మాజీ సర్పంచ్‌ గోపాల్‌రెడ్డికి చెందిన 80 సెంట్ల స్థలాన్ని టీడీపీ నేత జేబీ శ్రీనివాస్‌ కబ్జాచేశారని మునిరాజమ్మ పలుమార్లు విలేకరుల సమావేశంలో వెల్లడించారు. తిరుపతి– తిరుచానూరు మార్గం మార్కెట్‌ యార్డు సమీపంలోని సర్వే నం.252/2లో 80 సెంట్ల భూమి ఉంది. 2017లో రూ.3.5 కోట్లకు కొనుగోలు చేశామని, అందుకు సంబంధించిన డాక్యుమెంట్లను బయటపెట్టారు. ఆ భూమిని టీడీపీ ఇన్‌చార్జ్‌ జేబీ శ్రీనివాసులు కబ్జాచేశారని ఆమె ఆరోపించారు. ఇదే విషయాన్ని సీఎం చంద్రబాబు, మంత్రి లోకేష్‌, డెప్యూటీ సీఎం పవన్‌కళ్యాణ్‌కి ఫిర్యాదు చేసినట్లు కూడా వెల్లడించారు. ఇదేమిటని ప్రశ్నిస్తే.. చంపేయమని బెదిరించినట్లు ఆమె తిరుపతి ప్రెస్‌క్లబ్‌లో కన్నీటి పర్యంతమయ్యారు. అయితే ఇప్పటి వరకు ఆమె గోడును ఎవ్వరూ పట్టించుకోలేదు.

తిరుపతి మంగళం : తిరుపతిలో ఆదివారం జరగనున్న కార్పొషన్‌ ఎన్నికలను పోలీసులు, ఎన్నికల అధికారులు సజావుగా జరిపిస్తారన్న విశ్వాసంతో ఉన్నామని, రిగ్గింగ్‌ జరక్కుండా అరికట్టాల్సిన బాధ్యత కలెక్టర్‌, ఎస్పీపై ఉందని కర్నూలు, నంద్యాల జిల్లాల వైఎస్సార్‌సీపీ రీజనల్‌ కో–ఆర్డినేటర్‌ భూమన కరుణాకరరెడ్డి స్పష్టం చేశారు. తిరుపతి పద్మావతిపురంలోని పార్టీ కార్యాలయంలో శనివారం ఆయన మీడియాతో మాట్లాడారు. కార్పొరేషన్‌ ఎన్నికల నామినేషన్ల సమయంలో టీడీపీ అరాచకశక్తులు, గూండాలు చేసిన దౌర్జన్యాలు దేశమంతా చూసిందన్నారు. అయితే ఆదివారం జరగనున్న ఎన్నికల పోలింగ్‌ రోజున టీడీపీ అరాచకశక్తులు పోలింగ్‌ బూతుల్లోకి దూరి రిగ్గింగ్‌కు పాల్పడేందుకు కుట్రలు పన్నుతున్నట్లు తెలిసిందన్నారు. అందుకోసం తమిళనాడు నుంచి వేలాది మంది ఎర్రస్మగ్లర్లు, హంతకులు, నేరచరిత్రలు కలిగిన వారిని తిరుపతిలోని లాడ్జీలు, హోంస్టేలలో దింపినట్లు సమాచారం ఉందన్నారు. ఎన్నికల రోజున ఎలాంటి అవాంఛనీయ సంఘటనలు జరిగినా అందుకు పూర్తి బాధ్యత పోలీసులదేనన్నారు. ఎన్నికల అధికారులు వారి ఒత్తిళ్లకు లొంగకుండా ఎన్నికల ప్రక్రియకు విఘాతం కలిగించకుండా నిష్పక్షపాతంగా వ్యవహరించాలన్నారు. ప్రతి బ్యాలెట్‌ పేపర్‌పై ఎన్నికల అధికారి సంతకం ఉండాలని, టీడీపీ గూండాలు ఎన్నికల అధికారుల నుంచి బ్యాలెట్‌ పేపర్లను లాక్కుని వాళ్లకు అనుకూలంగా ఓట్లు వేసుకుంటే అవి చెల్లవని, వెంటనే ఉన్నత స్థాయి అధికారులకు ఫిర్యాదు చేయాలన్నారు. ఎవ్వరో బెదిరిస్తే బెదిరిపోయి సంతకాలు పెట్టవద్దని అధికారులకు విజ్ఞప్తి చేశారు. ఎన్నికల వేళ టీడీపీ చేయనున్న అరాచకాలపై ఇప్పటికే తిరుపతి నగరమంతా చర్చించుకుంటోందన్నారు. దొంగ ఓట్లు, రిగ్గింగ్‌ జరగకుండా జిల్లా కలెక్టర్‌, ఎస్పీలు తగిన చర్యలు తీసుకుని ప్రజాస్వామ్యాన్ని కాపాడుతారన్న నమ్మకంతో ఉన్నామన్నారు. స్వేచ్ఛగా ఓటేసే వాతావరణం కల్పించాలి ‘సుప్రీంకోర్టు ఆదేశాల తర్వాత మా 18 మంది అభ్యర్థులు నామినేషన్లు వేయగలిగారు. తిరుపతిలో ప్రతి ఓటరు ఎలాంటి భయం లేకుండా స్వేచ్ఛగా ఓటు వేసేలా కలెక్టర్‌, ఎస్పీ నిరంతర పర్యవేక్షణ చేపట్టాలి..’ అని భూమన డిమాండ్‌ చేశారు. అదనపు పోలీస్‌ బందోబస్తు ఏర్పాటు చేయండి తిరుపతి క్రైం: తిరుపతి కార్పొరేషన్‌ ఎన్నికల నేపథ్యంలో 34 వార్డుల పరిధిలోని 163 పోలింగ్‌ కేంద్రాలను అత్యంత సున్నితమైనవిగా గుర్తించినట్లు రీజనల్‌ కోఆర్డినేటర్‌ భూమన కరుణాకరరెడ్డి, వైఎస్సార్‌సీపీ జిల్లా అధ్యక్షుడు భూమన అభినయ్‌రెడ్డి తెలిపారు. ఆయా ప్రాంతాల్లో అదనపు పోలీస్‌ బలగాలను మోహరించి, భద్రత కల్పించాలని కోరుతూ శనివారం ఏఎస్పీ రవిమనోహరాచారి వినతిపత్రం సమర్పించారు.

నిబద్ధతతో పని చేసినవారికే..చంద్రగిరి:పార్టీ కష్టకాలంలో ఉన్నపుడు నిబద్ధతతో పనిచేసి, పార్టీకి అండగా నిలిచిన వారికే భవిష్యత్తులో నాయకత్వ అవకాశాలు కల్పిస్తామని చంద్రగిరి మాజీ ఎమ్మెల్యే, ప్రభుత్వ మాజీ విప్‌ చెవిరెడ్డి భాస్కర్‌రెడ్డి స్పష్టం చేశారు. చంద్రగిరిలోని వైఎస్‌ఎంఆర్‌ కల్యాణ మండపంలో శనివారం చంద్రగిరి మండల నాయకు లు, ఎంపీటీసీ, జెడ్పీటీసీ అభ్యర్థులతో ప్రత్యేక సమావేశం నిర్వహించారు. ఈ సందర్భంగా చెవిరెడ్డి మాట్లాడుతూ.. ఎన్నికల సమయంలో పార్టీకి, బరిలో నిలిచిన అభ్యర్థులకు నష్టం కలిగించేలా వ్యవహరిస్తే ఎంతటి వారినైనా ఉపేక్షించేది లేదని తేల్చి చెప్పారు. పార్టీకో సం నిలబడకుండా తప్పించుకు తిరిగే వారికి భవిష్యత్తులో నాయకత్వ బాధ్యతలు ఉండవని తేల్చిచెప్పా రు. నవంబర్‌ 5న జరగనున్న స్థానిక ఎన్నికల్లో పార్టీ అభ్యర్థుల విజయమే లక్ష్యంగా ప్రతి కార్యకర్త కష్టపడి పనిచేయాలని పిలుపునిచ్చారు. ఎన్నికల సమయంలో దోబూచులాడుతూ పార్టీకి, అభ్యర్థులకు నష్టం కలిగించేలా వ్యవహరించే వారిని భవిష్యత్తులో నాయకులు గా గుర్తించే ప్రసక్తే లేదని స్పష్టం చేశారు. చంద్రబాబు సొంత మండలమైన చంద్రగిరిలో గత పాతికేళ్లుగా ఎంపీపీ, జెడ్పీటీసీ స్థానాలను వైఎస్సార్‌సీపీ కైవసం చేసుకుంటూ వస్తోందని, ఈసారి కూడా అదే విజయ పరంపరను కొనసాగించేలా ఎంపీపీ అభ్యర్థి మల్లం దీపికారెడ్డి, జెడ్పీటీసీ అభ్యర్థి కొటాల పద్మజ విజయానికి ప్రతి ఒక్కరూ సమష్టిగా కృషి చేయాలని కోరారు. పోలింగ్‌ రోజున ప్రతి ఒక్కరూ తమకు కేటాయించిన బూత్‌లలో అప్రమత్తంగా ఉండాలని, పార్టీ అభ్యర్థుల విజయానికి కృషి చేయాలని పిలుపునిచ్చారు. ఈ సమావేశంలో మండల పార్టీ ముఖ్య నాయకులు, ఎంపీటీసీ, జెడ్పీటీసీ అభ్యర్థులు పాల్గొన్నారు.

తిరుపతి మంగళం : స్థానిక సంస్థల ఎన్నికల సందర్భంగా రాష్ట్రంలోని పలు ప్రాంతాల్లో జరిగిన హింస, నామినేషన్ల అడ్డగింతలు, అభ్యర్థులకు బెదిరింపులు, పోలీసుల పక్షపాత వైఖరిపై తాను చేసిన ఫిర్యాదులపై రాష్ట్ర ఎన్నికల సంఘం (ఎస్‌ఈసీ) స్పందించిందని తిరుపతి వైఎస్సార్‌సీపీ ఎంపీ మద్దిల గురుమూర్తి తెలిపారు. తాను గవర్నర్‌కు సమర్పించిన ఫిర్యాదులను గవర్నర్‌ కార్యాలయం ఎస్‌ఈసీకి పంపగా, పోలీసు అధికారులపై వచ్చిన ఫిర్యాదులపై సమగ్ర విచారణ జరపి, 24 గంటల్లో నివేదిక ఇవ్వాలని రాష్ట్ర డీజీపీని ఎస్‌ఈసీ ఆదేశించిందని చెప్పారు. ఈమేరకు అక్టోబర్‌ 29న డీజీపీకి లేఖ పంపిందన్నారు. ఈ విచారణ నిష్పక్షపాతంగా జరగాలని, తప్పు చేసినట్లు తేలిన అధికారులపై చట్టప్రకారం కఠిన చర్యలు తీసుకోవాలని డిమాండ్‌ చేశారు. పుంగనూరు, పులివెందుల, కమలాపురం, బద్వేల్‌, రాజంపేట, యరగ్రుంట్ల తదితర ప్రాంతాల్లో జరిగిన హింస, నామినేషన్ల అడ్డగింతలు, అభ్యర్థులను బెదిరించడం వంటి ఘటనలను తన ఫిర్యాదులో తెలిపానన్నారు. ఎన్నికల విధుల్లో ఉన్న కొందరు పోలీసు ఉన్నతాధికారుల రాజకీయ పక్షపాత ధోరణి కారణంగా శాంతిభద్రతల పరిరక్షణలో లోపాలు తలెత్తాయని పేర్కొన్నట్లు వివరించారు. ముఖ్యంగా డీఐజీ డాక్టర్‌ కోయ ప్రవీణ్‌, అన్నమయ్య జిల్లా ఎస్పీ ధీరజ్‌ కనుబిల్లి, కడప జిల్లా ఎస్పీ నచికేత్‌ విశ్వనాథ్‌ తీరుపై తాను లేవనెత్తిన అంశాలను కూడా విచారణ పరిధిలోకి తీసుకోవాలని కోరినట్లు తెలిపారు. ఎన్నికల సమయంలో పోలీసు అధికారుల బదిలీలకు గతంలో జారీ చేసిన నిబంధనలు, 2019లో ఇచ్చిన బదిలీ ఉత్తర్వుల నేపథ్యంలో డీఐజీ కోయ ప్రవీణ్‌ నియామకంపై కూడా సమీక్షించాలని కోరినట్లు తెలిపారు. అంతేకాకుండా, అక్టోబర్‌ 15న ఆంధ్రప్రదేశ్‌ హైకోర్టు జారీ చేసిన ఆదేశాలను అమలు చేయడంలో పోలీసు అధికారులు విఫలమయ్యారని కూడా తెలిపానన్నారు. ఎన్నికలు స్వేచ్ఛగా, నిష్పక్షపాతంగా జరపాల్సిన బాధ్యత ఎన్నికల సంఘం, పోలీసు యంత్రాంగంపై ఉందని అన్నారు. ప్రజాస్వామ్యాన్ని, ప్రజల ఓటు హక్కును కాపాడేందుకు వైఎస్‌ జగన్‌మోహన్‌ రెడ్డి నాయకత్వంలో వైఎస్సార్‌సీపీ నిరంతరం పోరాడుతుందని ఎంపీ మద్దిల గురుమూర్తి చెప్పారు.

తిరుమల : తిరుమల శ్రీవారిని శుక్రవారం పలువురు ప్రముఖులు సేవించుకున్నారు. వీరిలో ఎంపీ గురుమూర్తి, సినీ నటులు ఆది, అశ్విన్‌ బాబు, సంగీత దర్శకుడు తమన్‌ ఉన్నారు. వీరికి ఆలయ అధికారులు ప్రత్యేక దర్శనం ఏర్పాట్లు చేశారు. రంగనాయకుల మండపంలో పండితులు వేద ఆశీర్వచనం ఇచ్చారు. టీటీడీ అధికారులు ఘనంగా లడ్డూ ప్రసాదాలతో సత్కరించారు. మూడో ర్యాండమైజేషన్‌ పూర్తి తిరుపతి అర్బన్‌ : మున్సిపల్‌ ఎన్నికలకు సంబంధించి పోలింగ్‌ సిబ్బంది 3వ ర్యాండమైజేషన్‌ ప్రక్రియను ఎన్నికల సాధారణ పరిశీలకుడు వరప్రసాద్‌ సమక్షంలో పూర్తి చేసినట్లు జేసీ గోవిందరావు తెలిపారు. శుక్రవారం కలెక్టరేట్‌లోమున్సిపల్‌ ఎన్నికల సిబ్బంది, మైక్రో అబ్జర్వర్ల మూడో ర్యాండమైజేషన్‌ ప్రక్రియలో పలు అంశాలను పరిశీలించారు. పింఛన్ల పేరిట నాటకాలు తిరుపతి అర్బన్‌ : సామాజిక భద్రతా పింఛన్లు నవంబర్‌ 1వ తేదీన పంపినీ చేయాల్సి ఉంది. అయితే ఆ రోజు మున్సిపల్‌ ఎన్నికల నేపథ్యంలో శుక్రవారం నుంచే పంపిణీకి శ్రీకారం చుట్టారు. ఇక్కడి వరకు బాగానే ఉన్నప్పటికీ ఎన్నికల్లో లబ్ధి పొందడమే అజెండాగా కూటమి నేతలు రంగంలోకి దిగేశారు. పింఛన్లను తమ జేబులో నుంచి ఇస్తున్న సొమ్ముగా లబ్ధిదారులకు పంపిణీ చేశారు. ఈ క్రమంలో జిల్లా వ్యాప్తంగా 2,59,169 మందికి గాను, 90.27శాతం మందికి పంపిణీ చేశారు. తమ అభ్యర్థులకు ఓటేయాలంటూ లబ్ధిదారులను ఇబ్బందిపెట్టారు. ఇంట్లో చోరీ రైల్వేకోడూరు అర్బన్‌ : పట్టణంలోని సీతారాం నగర్‌కు చెందిన ప్రణీత్‌రెడ్డి నివాసంలో గురువారం అర్ధరాత్రి గుర్తుతెలియని వ్యక్తులు చోరీకి పాల్పడ్డారు. దుండగులు 10 తులాల బంగారం, 3 కేజీల వెండిని అపహరించినట్లు బాధితులు శుక్రవారం ఫిర్యాదు చేశారు.

తిరుమల ఘాట్‌లో శుక్రవారం సుమో బోల్తా పడింది. క్షతగాత్రులను అశ్వని ఆస్పత్రికి తరలించారు.శనివారం శ్రీ 31 శ్రీ అక్టోబర్‌ శ్రీ 2026సాక్షి టాస్క్‌ఫోర్స్‌ : సూళ్లూరుపేట నియోజకవర్గంలో కొందరు పోలీసులు ఖాకీ యూనిఫామ్‌ పరువు తీసేస్తున్నారు. ‘పచ్చ’ పోలీసుల్లా వ్యవహరిస్తున్నారు. టీడీపీ నాయకులకు తొత్తులుగా మారి వైఎస్సార్‌సీపీ నేతలను వేధిస్తూ, కేసులు నమోదు చేస్తూ భయభ్రాంతులకు గురి చేస్తున్నారు. ఎన్నికల కమిషన్‌ ఆదేశాల మేరకు విడుదల చేసిన నియమాళిని ఒక వైపు మైకులు పెట్టి ప్రచారం చేస్తూనే మరోవైపు వారే నిబంధనలను తుంగలో తొక్కేస్తున్నారు. ఎన్నికల సమయంలో పోలీస్‌ వ్యవస్థ ఎలక్షన్‌ కమిషన్‌ కంట్రోల్‌లో పనిచేయాల్సి ఉంది. అయితే పలువురు పోలీసులు మాత్రం అధికారపార్టీ నాయకుల కనుసన్నలలో విధులు నిర్వర్తిస్తున్నారు. ప్రధానంగా నాయుడుపేట డీఎస్పీ చెంచుబాబు ఆధ్వర్యంలో సీఐలు మురళీక్షృష్ణ, వెంకటరమణ, ఎస్‌ఐలు అజయ్‌కుమార్‌, కొండపనాయుడు టీడీపీ కార్యకర్తల్లా పనిచేస్తున్నారు. సూళ్లూరుపేట నియోజకవర్గంలోని వైఎస్సార్‌సీపీ నేతలు, అభ్యర్థులపై దౌర్జన్యాలకు పాల్పడుతున్నారు. సూళ్లూరుపేటలోనూ ఇంతే.. సూళ్లూరుపేటలో వైఎస్సార్‌సీపీ అభ్యర్థులను నామినేషన్‌ వేయనీకుండా పోలీసులను అడ్డుపెట్టుకుని టీడీపీ నేతలు దారుణంగా వ్యవహరించారు. నామినేషన్‌ కేంద్రం పరిధిలో 144 సెక్షన్‌ అమలులో ఉన్నప్పటికీ పచ్చమూక గుంపులు గుంపులుగా చుట్టుముడుతున్నప్పటకీ పోలీసులు పూర్తిగా సహకరించారు. రెండోరోజున నామినేషన్‌ వేయడానికి వైఎస్సార్‌సీపీ నేతలు వస్తే టీడీపీ శ్రేణులపై దాడికి వచ్చారని కలరింగ్‌ ఇచ్చి అరెస్ట్‌ చేశారు. ఈ మేరకు పోలీసులు కుట్రపూరితంగా వ్యవహరించి వైఎస్సార్‌సీపీ మండల కన్వీనర్‌ అల్లూరు అనిల్‌ కుమార్‌ రెడ్డి, నేతలు మీజూరు రామకృష్ణారెడ్డి, జెట్టి వేణుయాదవ్‌, బద్దెపూడి మోహన్‌రెడ్డి, వాకాటి బాబురెడ్డి, చిలకా యుగంధర్‌ను అరెస్ట్‌ చేసి దొరవారిసత్రం పోలీస్‌ స్టేషన్‌కు తరలించారు. ఈ క్రమలోనే సూళ్లూరుపేట మున్సిపల్‌ మాజీ చైర్మన్‌ శ్రీమంత్‌రెడ్డిని హౌస్‌ అరెస్ట్‌ చేశారు. మండలంలోని మొత్తం 9 ఎంపీటీసీ స్థానాల్లో 7 కూటమికి, రెండు వైఎస్సార్‌సీపీ ఇస్తామని పోలీసులే మధ్యస్తానికి రావడం గమనార్హం. ఈ ప్రతిపాదనకు ఒప్పుకోకపోతే నాన్‌ బెయిలబుల్‌ కేసులు నమోదు చేస్తామని భయభ్రాంతులకు గురి చేశారు. అలాగే జెడ్పీటీసీ స్థానానికి సైతం నామినేషన్‌ వేయకూడదని పోలీసులే హుకుం జారీ చేసి ప్రజాస్వామ్యాన్ని అపహాస్యం చేశారు. మాజీ ఎమ్మెల్యే కిలివేటి సంజీవయ్యను నాయుడుపేటలోని క్యాంపు కార్యాలయంలో డీఎస్పీ చెంచుబాబు, సీఐ వెంకటరమణ ఆధ్వర్యంలో హౌస్‌ అరెస్ట్‌ చేశారు. నాయుడుపేట. మండలం పూడేరు సెగ్మెంట్‌కు నామినేషన్‌ వేయడానికి వచ్చిన మాజీ ఎంపీపీ కురుగొండ ధనలక్ష్మి చేతిలోని పత్రాలను టీడీపీ గుండాలు తీసుకుని చించివేస్తుంటే పోలీసులే అండగా నిలిచారు. పెళ్లకూరు మండలం కలవకూరుతో పాటు ఆరు సెగ్మెంట్లకు నామినేషన్‌ దాఖలు చేయడానికి వచ్చిన అభ్యర్థులను బెదిరించి వెనక్కి పంపించేశారు. నామినేషన్‌ కేంద్రాల్లోకి టీడీపీ నేతలు చెప్పిన వారినే పోలీసులు పంపించారు. ఈ తరహాలోనే తడ జెడ్పీటీసీ స్థానానికి పోటీచేసిన కె.ఆర్ముగం, కొళవి మురుగన్‌పాటు వైఎస్సార్‌సీపీ నేతలు కె.నందారెడ్డి, పి.రమేష్‌రెడ్డి, తిరుమలైరెడ్డిని పోలీసులు అక్రమంగా అదుపులోకి తీసుకున్నారు. నాలుగు స్థానాలను మీకు ఇప్పిస్తాం. తొమ్మిది ఎంపీటీసీ స్థానాలను టీడీపీకి ఇచ్చేయండి అంటూ హుకుం జారీ చేశారు. అలాగే జెడ్పీటీసీ నామినేషన్‌లను కూడా ఉపసంహరించుకోకుంటే నాన్‌ బెయిలబుల్‌ కేసులు నమోదు చేస్తామని బెదిరింపులకు పాల్పడ్డారు. ఈ పరిస్థితుల్లో టీడీపీ నేతల కనుసన్నల్లో ‘పచ్చ’పాతంతో పనిచేస్తున్న పోలీసులను ఎన్నికల విధుల నుంచి తప్పించాలని వైఎస్సార్‌సీపీ నేతలు డిమాండ్‌ చేస్తున్నారు. దీనిపై జిల్లా ఎన్నికల అధికారి, కలెక్టర్‌ వెంకటేశ్వర్‌కు సైతం ఫిర్యాదు చేశారు. పెళ్లకూరు మండలం కలవకూరు వద్ద స్వర్ణముఖినదిలో ఇసుక దోపిడీ చేస్తున్నారని మాజీ ఎమ్మెల్యే కిలివేటి సంజీవయ్య, వైఎస్సార్‌సీపీ రాష్ట్ర కార్యదర్శి కామిరెడ్డి సత్యనారాయణరెడ్డి ఆధ్వర్యంలో ఆందోళన చేపట్టారు. క్షేత్రస్థాయిలో ఇసుక అక్రమ రవాణాను అడ్డుకున్నారు. అయితే ఇసుక దొంగలను వదిలేసి అక్రమ రవాణాను అడ్డుకున్న వైఎస్సార్‌సీపీ నేతలనే పోలీసులు అరెస్ట్‌ చేశారు. ఈ క్రమంలోనే ఇటీవల కామిరెడ్డి సత్యనారాయణరెడ్డి తన పొలానికి కంచె వేసుకుంటూ ఉంటే టీడీపీ నేతలు ఘర్షణకు దిగారు. వివాదాలను సృష్టించి గొడవ చేస్తుండగా ఓ వ్యక్తి మరణించాడు. అయితే నేరాలనికి పాల్పడిన పచ్చమూకను వదిలేసి సత్యనారాయణరెడ్డిపై కేసు పెట్టి జైలుకు పంపించారు. నాయుడుపేట సీఐ తురక వెంకటరమణ వ్యవహారశైలి ఆది నుంచి వివాదాస్పదమే. తనను తాను గబ్బర్‌ సింగ్‌ అంటూ చెప్పుకునే వెంకటరమణపై ఈ ఏడాది ఏప్రిల్‌లో సస్పెన్షన్‌ వేటు పడింది. ప్రేమ వివాహం చేసుకున్న చౌడేశ్వరి అనే యువతి మర్డర్‌ను ఆత్మహత్యగా చిత్రీకరించారు. పోస్టుమార్టం రిపోర్టులో సీఐ వెంకటరమణ బండారం బయటపడింది. ఆయనను కావాలనే టీడీపీ నేతలు నాయుడుపేటకు రప్పించి అర్బన్‌ సీఐగా పోస్టింగ్‌ ఇప్పించినట్లు ప్రచారం నడుస్తోంది. ఫిర్యాదు చేసిన వారిపైనే.. నేనే గబ్బర్‌ సింగ్‌ ఖాకీ దుస్తుల విలువను కొందరు పోలీసులు వలిచేస్తున్నారు. అధికార పార్టీ నేతల అడుగులకు మడుగులొత్తుతూ దారుణంగా వ్యవహరిస్తున్నారు. పచ్చమూక పైత్యానికి తమ క్రౌర్యం జతచేస్తున్నారు. అక్రమాలను ప్రశ్నించిన వారిపైనే కేసులు నమోదు చేసి హింసిస్తున్నారు. స్థానిక సంస్థల ఎన్నికల్లో టీడీపీ అభ్యర్థులను గెలిపించేందుకు అడ్డదారులు తొక్కుతున్నారు. పలు సినిమాల్లో చూపించినట్టు పోలీసులే దౌర్జన్యంగా వైఎస్సార్‌సీపీ నేతల ఇంట్లో మద్యం పెట్టి కేసు పెట్టి వేధింపులకు గురిచేస్తున్నారు.

తిరుపతి రూరల్‌ : పద్మావతి మహిళా వర్సిటీ ఆచార్యుడు పి. వెంకటకృష్ణకు అంతర్జాతీయ గుర్తింపు లభించింది. స్టాన్‌ఫోర్డ్‌ విశ్వవిద్యాలయం–ఎల్సెవియర్‌ సంయుక్తంగా ప్రకటించిన ప్రపంచ టాప్‌ 2 శాస్త్రవేత్తల జాబితా 2026లో ఆయన చోటు దక్కించుకున్నారు. ఇన్ఫర్మేషన్‌ అండ్‌ కమ్యూనికేషన్‌ టెక్నాలజీస్‌ విభాగంలో ఆర్టిఫిషియల్‌ ఇంటెలిజెన్స్‌, ఇమేజ్‌ ప్రాసెసింగ్‌ రంగాల్లో ఆయన చేసిన పరిశోధనలకు ఈ గుర్తింపు లభించింది. కెరీర్‌ లాంగ్‌ డేటా ప్రకారం ప్రపంచ స్థాయిలో 4,53,842వ ర్యాంకు, సంబంధిత ఉప విభాగంలో 11,557వ ర్యాంకు సాధించారు. ఆయన హెచ్‌–ఇండెక్స్‌ 27గా నమోదైంది. శుక్రవారం ఈ మేరకు ప్రొఫెసర్‌ వెంకటకృష్ణను వర్సిటీ వీసీ ఆచార్య వి.ఉమ, రిజిస్ట్రార్‌ ఆచార్య ఆర్‌.ఉష అభినందించారు.

పుల్లంపేట : వైఎస్‌ జగన్‌మోహన్‌రెడ్డితోనే ప్రజా సంక్షేమం సాధ్యమని మాజీ ఎంపీపీ కాటాబత్తిన నరసమ్మ, సుబ్బరాయుడు దంపతులు కొనియాడారు. శుక్రవారం పుల్లంపేట మండలం కొత్తపేటలో సుమారు 200 మంది అనుచరులతో కలిసి వైఎస్సార్‌సీపీలో చేరారు. జెడ్పీటీసీ అభ్యర్థి బాబుల్‌రెడ్డి, ఎంపీటీసీ అభ్య ర్థి భీమిశెట్టి కల్యాణి వారికి కండువాలు వేసి సాదరంగా పార్టీలోకి ఆహ్వానించారు. పార్టీ మండల కన్వీనర్‌ ముస్తాక్‌, నేతలు రామనాథం, విజయకుమార్‌రెడ్డి, రంగారెడ్డి, సుదర్శన్‌రెడ్డి, రాంబాబు, నళినీరెడ్డి, వెంకటేశు, చంగయ్య తదితరులు పాల్గొన్నారు.

● పత్రికాస్వేచ్ఛను హరించడమే.. ● విష సంస్కృతి సరికాదు ● జర్నలిస్ట్‌ సంఘాల నేతలు రాష్ట్రవ్యాప్తంగా మీడియా ప్రతినిధులపై తరచూ దాడులకు తెగబడుతున్నారు. స్థానిక సంస్థల ఎన్నికల్లో భాగంగా శుక్రవారం వేకువజామున శ్రీపొట్టిశ్రీరాములు నెల్లూరు జిల్లా ఆత్మకూరు సాక్షి రిపోర్టర్‌ సుబ్బారెడ్డిపై టీడీపీ గుండాలు దాడి చేసి తీవ్రంగా గాయపరిచారు. ఈ దాడిని పలువురు జర్నలిస్టు సంఘాల ప్రతినిధులు ఖండిస్తున్నారు. మీడియాపై దాడి ప్రజాస్వామ్యంపై దాడి చేసినట్లేనని, పత్రిక స్వేచ్ఛకు భంగం కలిగించడమేనని మండిపడుతున్నారు. తిరుపతిలో సైతం గడిచిన మూడు నెలల్లో మీడియా ప్రతినిధులపై వరుస దాడులు జరిగాయి. జర్నలిస్టులపై దాడి చేయడం, కెమెరా లాక్కోవడం, మొబైల్‌ ను ధ్వంసం చేయడం వంటి వాటికి పాల్పడుతున్నారు. తిరుపతి మున్సిపల్‌ కార్పొరేషన్‌ ఎన్నికలలో నామినేషన్‌ రోజు కొర్లగుంటలో ముగ్గురు సాక్షి ప్రతినిధులపై దాడి చేయగా, రెండవ రోజు కార్పొరేషన్‌ కార్యాలయం వద్ద మరో పత్రిక విలేఖరితో గొడవపడ్డారు. తిరుపతిలో కొత్త సంస్కృతికి తెరతీయడంపై జర్నలిస్టులు ఆందోళన వ్యక్తం చేస్తున్నారు. – తిరుపతి తుడా

తిరుపతి తుడా : తిరుపతి కార్పొరేషన్‌ మేయర్‌ ఎన్నిక బీసీల ఆత్మగౌరవానికి పరీక్ష.. వెనుకబడిన వర్గాల ఉనికిని చాటుకునే సమయం.. రౌడీ రాజకీయానికి.. అభివృద్ధికి సమరం.. ప్రధానంగా యాదవుల మనుగడను కాపాడుకునే సమయం.. రెండున్నరేళ్లుగా నగరంలో ఆగిపోయిన అభివృద్ధిని కొనసాగించుకునే తరుణం.. ఇందుకోసం ఆదివారం తిరుపతి కార్పొరేషన్‌ ఎన్నికల్లో వైఎస్సార్‌సీపీ అభ్యర్థులను ఫ్యాన్‌ గుర్తుపై ఓటేసి గెలిపించాలని మేయర్‌ అభ్యర్థి వాసుదేవ యాదవ్‌ పిలుపునిచ్చారు. శుక్రవారం ఈ మేరకు ఆయన సాక్షితో మాట్లాడారు. తిరుపతి తొలి మేయర్‌గా వైఎస్సార్‌సీపీ బీసీ మహిళకు అవకాశం ఇచ్చి గెలిపించింది. రెండో పర్యాయం కూడా బీసీలకే అవకాశం కల్పించింది. బీసీల పార్టీగా చెప్పుకునే చంద్రబాబు తిరుపతిలో ఏనాడూ ఇలాంటి అవకాశం ఇవ్వలేదు. ముఖ్యంగా యాదవ కమ్యూనిటీని మోసం చేస్తూనే వస్తున్నారు. వెనుకబడిన వర్గాలంతా వైఎస్సార్‌సీపీకి అండగా నిలబడాల్సిన అవసరం ఉంది. లేదంటే బీసీల రాజకీయ ఉనికికే ప్రమాదం ఏర్పడుతుంది. బలిజ వర్గంలోనూ అత్యధికులు వైఎస్సార్‌సీపీ వెంటే ఉన్నారు. ఎస్సీ, ఎస్టీ, మైనారిటీలను జగనన్నతోపాటు భూమన కరుణాకరరెడ్డి, అభినయ్‌రెడ్డి తమ కుటుంబీకులుగానే భావిస్తుంటారు. చంద్రబాబు ప్రభుత్వం అధికారంలోకి వచ్చాక తిరుపతిలో అభివృద్ధి నిలిచిపోయింది. 2014లో తిరుపతిని సింగపూర్‌ని చేస్తానని మాయ మాటలు చెప్పారు. స్థానిక ఎన్నికల ముందు తిరుపతి అభివృద్ధికి రూ. 3,222 కోట్లు ఖర్చు చేస్తామని ఆర్భాటంగా ప్రకటించారు. గత వైఎస్సార్‌సీపీ ప్రభుత్వంలో రూ.వందల కోట్లతో తిరుపతిని భూమన కుటుంబం అభివృద్ధి చేసింది. నాడు చేపట్టిన అనేక అభివృద్ధి పనులు రెండున్నరేళ్లుగా ఆగిపోయాయి. మేయర్‌గా గెలిపిస్తే 2024 ఏప్రిల్‌ తర్వాత అభివృద్ధి ఎక్కడ ఆగిందో అక్కడి నుంచే మొదలు పడతా. ప్రతి వార్డులోనూ గ్రీవెన్‌న్స్‌ సెల్‌ ఏర్పాటు చేస్తా. ప్రతి ఇంటికీ రోజూ మంచి నీటిని సరఫరా అందిస్తా. తిరుపతికి ఐకానిక్‌గా నిలపాలని తలపెట్టిన సీఓసీ బిల్డింగ్‌ (కార్పొరేషన్‌ కార్యాలయ నూతన భవనం) ఏడాదిలో నిర్మించి చూపిస్తా. లేకుంటే నా పదవికి రాజీనామా చేసి వెళ్లిపోతాను. స్మార్ట్‌ సిటీ ప్రాజెక్టులో భాగంగా రాష్ట్ర ప్రభుత్వం నుంచి రావాల్సిన రూ. 306 కోట్ల వాటా అప్పును చట్ట ప్రకారం తీసుకొచ్చేలా చర్యలు చేపడతా. మున్సిపల్‌ పాఠశాలల్లో మౌలిక వసతుల కల్పన, శాంతి భద్రతలను కాపాడే బాధ్యతను తీసుకుంటాను. ప్రజలు ప్రశాంతమైన వాతావరణంలో గడిపేలా చర్యలు చేపడతా. కూటమి నేతల్లా నేను మాటలు చెప్పను. చెప్పింది, చెప్పనిది కూడా చేసి చూపించడం భూమన అభినయ్‌ నుంచి నేర్చుకున్నా.

ఓబులవారిపల్లె : పంచాయతీ కార్యాలయానికి చెందిన ట్రాక్టర్‌ శుక్రవారం అదుపు తప్పి బోల్తా పడింది. మద్యం మత్తులో డ్రైవర్‌ వేగంగా తోలడంతోనే ప్రమాదం జరిగింది. వేగంగా బండరాళ్లను ఢీ కొనడంతో గుంతలో పడి ఇంజన్‌ రెండు భాగాలుగా విడిపోయింది. చెత్తను తరలిస్తుండగా ముదినేపల్లి వద్ద ప్రమాదం జరిగింది. అయితే డ్రైవర్‌ సురక్షితంగా తప్పించుకున్నాడు. టిప్పర్‌ ఢీకొని టీటీడీ ఉద్యోగికి గాయాలు చంద్రగిరి: మండలంలోని దోర్నకంబాల సమీపంలో శుక్రవారం ఉదయం త్యాగరాజు అనే టీటీడీ ఉద్యోగిని టిప్పర్‌ ఢీకొంది. ఈ ప్రమాదంలో త్యాగరాజు తీవ్రంగా గాయపడ్డాడు. క్షతగాత్రుడిని 108 వాహనంలో తిరుపతి రుయాకు తరలించారు. గ్రావెల్‌ మాఫియా ప్రజల ప్రాణాలతో చెలగాటమాడుతోందని స్థానికులు మండిపడుతున్నారు. మట్టిని తరలించే టిప్పర్ల కారణంగా తరచూ ప్రమాదాలు జరుగుతున్నాయని ఆగ్రహం వ్యక్తం చేస్తున్నారు. అనుమానాస్పద స్థితిలో యువకుడి మృతి రామచంద్రాపురం : మండలంలోని నడవలూరు దళితవాడకు చెందిన ప్రేమల ప్రదీప్‌ (31) అనుమానాస్పద స్థితిలో మృతి చెందాడు. వివరాలు.. ప్రదీప్‌ మంగళవారం ఉదయం ఇంటి నుంచి బయటకు వెళ్లి తిరిగి రాలేదు. కుటుంబసభ్యులు బుధవారం రామచంద్రపురం పోలీసులకు ఫిర్యాదు చేశారు. ఈ క్రమంలో శుక్రవారం రామాపురం ఆశ్రమం సమీపంలోని ఓబావిలో ప్రదీప్‌ మృతదేహం కనిపించింది. ప్రదీప్‌ మృతిపై కుటుంబసభ్యులు, గ్రామస్తులు పలు అనుమానాలు వ్యక్తం చేస్తున్నారు. మూడేళ్ల క్రితం పక్షవాతం రావడంతో ప్రదీప్‌కు కాళ్లు, చేతులు సరిగా పనిచేయవు. ఎక్కువ దూరం నడవలేని స్థితిలో అంత దూరాలనికి ఎలా వెళతాడని అనుమానిస్తున్నారు.

తిరుపతి అర్బన్‌ : ప్రధానమంత్రి నరేంద్ర మోదీ డిసెంబర్‌ మొదటి వారంలో తిరుపతికి రానున్న నేపథ్యంలో పటిష్టమైన ఏర్పాట్లు చేపట్టాలని కలెక్టర్‌ వెంకటేశ్వర్‌ ఆదేశించారు. శుక్రవారం కలెక్టరేట్‌లో ఐజీ క్రాంతి రాణా టాటా, డీఐజీ విశాల్‌ గున్నీ, ఎస్పీ సుబ్బరాయుడు, జేసీ గోవిందరావు, తిరుపతి కార్పొరేషన్‌ కమిషనర్‌ జయకృష్ణతో కలసి అధికారులతో సమీక్షించారు. కలెక్టర్‌ మాట్లాడుతూ దేశంలోని డీజీపీలు, ఐజీపీల కాన్ఫరెన్స్‌లో పాల్గొనేందుకు వస్తున్న ప్రధాని, ఇతర వీఐపీలకు పకడ్బందీగా వసతి కల్పించాలని కోరారు. ఐజీ క్రాంతి రాణా టాటా మాట్లాడుతూ ప్రధాని పర్యటనకు దేశంలోనే అనేక మంది వీఐపీలు వస్తున్న క్రమంలో జిల్లాలోని ప్రముఖ హోటల్స్‌, హోం స్టేల్లో నందు వసతి ఏర్పాట్లు చేపట్టాలని, అలాగే అదనపు వసతి కోసం గదులను సిద్ధంగా ఉంచుకోవాలని సూచించారు. ఉన్నతాధికారుల కోసం హోటళ్లలో వారి గోప్యత, సౌకర్యానికి ప్రాధాన్యత ఇవ్వాలని కోరారు. పర్యటనకు కండిషన్‌ కలిగిన వాహనాలను సమకూర్చాలన్నారు. డీఆర్‌ఓ నరసింహులు, అదనపు ఎస్పీలు రవి మనోహరాచారి, శ్రీనివాసరావు, శ్రీనివాస్‌, శ్రీలత, రామకృష్ణ, ఆర్డీఓలు రామ్మోహన్‌, భానుప్రకాష్‌ రెడ్డి, డీపీఓ సుశీలదేవి తదితరులు పాల్గొన్నారు. ఐసర్‌లో ఏర్పాట్ల పరిశీలన ఏర్పేడు : ప్రధానమంత్రి నరేంద్రమోడీ డిసెంబర్‌ 5వ తేదీన ఏర్పేడు మండలంలోని తిరుపతి ఐసర్‌(భారతీయ విజ్ఞాన శిక్షణ, పరిశోదన సంస్థ)కు రానున్న నేపథ్యంలో కలెక్టర్‌ వెంకటేశ్వర్‌, ఐజీలు క్రాంతిరాణా టాటా, డీఐజీ విశాల్‌ గున్నీ, ఎస్పీ సుబ్బరాయుడు ఏర్పాట్లను పరిశీలించారు. ఐసర్‌ ప్రాంగణంలో భద్రతా ఏర్పాట్లు, బస సౌకర్యాలపై ఆరా తీశారు. అలాగే ఏ తిరుపతి ఐఐటీలో వీవీఐపీల బస ఏర్పాట్లపై చర్చించారు.

పెనగలూరు : మండలంలోని కొత్త సింగనమలలో శుక్రవారం రాత్రి 60 కుటుంబాలవారు వైఎస్సార్‌సీపీలో చేరారు. కొండూరు అజయ్‌ రెడ్డి వారికి పార్టీ కండువాలు వేసి సాదరంగా ఆహ్వానించారు. కొత్త సింగనమల యువత పార్టీలోకి రావడం అభినందనీయమన్నారు. గ్రామంలోని సమస్యలను పరిష్కారిస్తామని తెలిపారు. స్థానిక ఎన్నికలలో వైఎస్సార్‌సీపీ అభ్యర్థుల విజయానికి ప్రతి ఒక్కరూ కృషి చేయాలని పిలుపునిచ్చారు. జెడ్పీటీసీ మాజీ సభ్యుడు నరసింహులు, నేతలు గుండ్లూరు మల్లికార్జున, పెంచలయ్య, చింతకాయల కృష్ణయ్య, నరసింహులు, వెంకటసుబ్బయ్య, సురేష్‌, సుధాకర్‌ రెడ్డి, శ్రీనివాసులు రెడ్డి, నవీన్‌, గుండాల్‌ రెడ్డి, జనార్ధన్‌ పాల్గొన్నారు. వెంకటగిరి రూరల్‌ : బాలాయపల్లి మండలం జార్లపాడు గ్రామానికి చెందిన టీడీపీ నేత ముత్యంగారి ధనంజయ్య ఆధ్వర్యంలో 15 కుటుంబాలవారు వైఎస్సార్‌సీపీలో చేరారు. పార్టీ మండల అధ్యక్షుడు వెందోటి కార్తీక్‌రెడ్డి కండువాలు వేసి సాదరంగా ఆహ్వానించారు. పిగిలాం సెగ్మెంట్‌ వైఎస్సార్‌సీపీ అభ్యర్ధి చంద్రయ్యను విజయానికి కృషి చేయాలని కోరారు. నేతలు మల్లెల వెంకటేశ్వర్లు, గురునాఽథ్‌, మస్తాన్‌, గోపాల్‌ యాదవ్‌, రమణయ్య తదితరులు పాల్గొన్నారు .

రేణిగుంట : గత వైఎస్సార్‌సీపీ ప్రభుత్వంలో అందించిన సంక్షేమ పథకాలే బలంగా, గెలుపే లక్ష్యంగా ముందుకు సాగుదామని మాజీ ఎమ్మెల్యే బియ్యపు మధుసూదన్‌రెడ్డి, ఎమ్మెల్సీ సిపాయి సుబ్రమణ్యం పిలుపునిచ్చారు. శుక్రవారం మండలంలోని కృష్ణాపురం నుంచి వైఎస్సార్‌సీపీ జెడ్పీటీసీ అభ్యర్థి గంగారి సుజాత, ఎంపీటీసీ అభ్యర్థులు నాగరాజు, హేమలత, దిలీప్‌లతో కలిసి ఎన్నికల ప్రచారం నిర్వహించారు. ఎస్‌యూ పురం, ఆర్‌.మల్లవరం, గుత్తివారిపల్లి, వెదళ్లచెరువు, మామండూరు, చైతన్యపురం, సీఆర్‌ నగర్‌, గుండ్రాల కాలువ, శ్రీనివాసపురం, బీసీ కాలనీ ఇంద్రానగర్‌, దొడ్ల మిట్ట దళితవాడ, రాజీవ్‌ గాంధీ కాలనీ, గొల్లపల్లి, చెంగారెడ్డిపల్లిల్లో ఇటింటి ప్రచారం చేపట్టారు. వైఎస్సార్‌సీపీ అభ్యర్థులను అత్యధిక మెజారిటీతో గెలిపించాలని కోరారు. డీసీసీబీ మాజీ చైర్మన్‌ సిద్ధగుంట సుధాకర్‌ రెడ్డి, జెడ్పీటీసీ మాజీ సభ్యులు తిరుమలరెడ్డి, సంధ్య, మాజీ ఎంపీపీ హరి ప్రసాద్‌ రెడ్డి, నేతలు శ్రీధర్‌ రెడ్డి, ముద్దు రాయలు, రవి, బంగారమ్మ, మహదేవరెడ్డి, బాబ్జీరెడ్డి, శేషారెడ్డి, వెంకట రెడ్డి, గణేష్‌ రెడ్డి, లోకనాథ్‌ రెడ్డి, ధనంజయలు, ముని రెడ్డి, మంజుల, సుబ్రమణ్యం యాదవ్‌, గిరి రెడ్డి, హాజీ బాషా, కడప సాహెబ్‌, తిరుమలేష్‌, ప్రసాద్‌, లోకేష్‌, మునికష్ణ, రాజేంద్ర, మురగయ్య, మునికృష్ణ, చంద్రమౌళి, లక్ష్మీనారాయణ, యుగంధర్‌, పురుషోత్తం, శీను యాదవ్‌, దయాకర్‌ రెడ్డి, యోగేశ్వర్‌ రెడ్డి పాల్గొన్నారు.

తిరుపతి మంగళం : ఎన్నికల్లో ఓటు ద్వారా గూండాలను తరిమికొడదామని వైఎస్సార్‌సీపీ రీజనల్‌ కో–ఆర్డినేటర్‌ భూమన కరుణాకరరెడ్డి పిలుపునిచ్చారు. శుక్రవారం తిరుపతి నగరంలో మేయర్‌ అభ్యర్థి వాసుయాదవ్‌, కార్పొరేటర్‌ అభ్యర్థులు సుశీలాదేవి, వెంకటేష్‌రాయల్‌, కోటూరు ఆంజనేయులు, మార్కెట్‌ గురవారెడ్డి సతీమణి లలితమ్మతో కలిసి ఎన్నికల ప్రచారం నిర్వహించారు. భూమన మాట్లాడుతూ రాష్ట్రంలో అరాచకాలు, దుర్మార్గాలు, దౌర్జన్యాలు, దాడులకు పాల్పడే గూండాలకు ఓటెయ్యొద్దని కోరారు. చంద్రబాబు, లోకేష్‌ గూండాలు, రౌడీలను పెంచిపోషిస్తూ రెడ్‌బుక్‌ రాజ్యాంగాన్ని అమలు చేస్తున్నారని ఆగ్రహం వ్యక్తం చేశారు. తిరుపతి పుణ్యక్షేత్రంలో ప్రజాహితవు, నగర అభివృద్ధిని ఆకాంక్షించే వైఎస్సార్‌సీపీ మేయర్‌ అభ్యర్థితో పాటు కార్పొరేటర్‌ అభ్యర్థులకు ఓట్లు వేస్తారా? లేక తిరుపతిని దోచుకుని, అరాచకాలు, రౌడీయిజం చేసే రౌడీషీటర్లు, హంతకులుగా ముద్ర ఉన్న టీడీపీ అభ్యర్థులకు ఓట్లు వేస్తారో నిర్ణయించుకోవాలని సూచించారు. ప్రశాంత వాతావరణంలో ఉన్న తిరుపతి నగరాన్ని రౌడీయిజం, గూండాగిరి, అరాచకాలు, దాడులతో అప్రతిష్టపాలు చేస్తున్న టీడీపీ మేయర్‌ అభ్యర్థి జేబీ శ్రీనివాస్‌ను కార్పొరేషన్‌ ఎన్నికల్లో ఓడించి తరిమికొడదామని కోరారు. భూ కబ్జాలు, రౌడీయిజం చేసే వ్యక్తి టీడీపీ మేయర్‌ అభ్యర్థి జేబీ శ్రీనివాస్‌ అయితే ప్రజాసేవే లక్ష్యంగా నిరంతరం కృషి చేస్తూ కనీసం సొంత ఇల్లు కూడా లేని పేదవాడు వైఎస్సార్‌సీపీ మేయర్‌ అభ్యర్థి వాసుయాదవ్‌ అని వివరించారు. వైఎస్సార్‌సీపీ నుంచి దాదాపు 80శాతం మంది బడుగు, బలహీన వర్గాలకు చెందిన వారికే టికెట్లు ఇచ్చి కార్పొరేటర్‌ అభ్యర్థులుగా పోటీలో నిలబెట్టామని తెలిపారు. ప్రజాసేవే పరమావధిగా, తిరుపతి నగర అభివృద్దే లక్ష్యంగా భావించే అభ్యర్థులు వైఎస్సార్‌సీపీ వాళ్లు అయితే, ఎన్ని అరాచకాలు చేశాం, ఎన్ని దాడులు చేశాం, ఎంతమందిని కొట్టామన్న వాళ్లతో పాటు 28మంది రౌడీ షీటర్లుగా పోలీస్‌ రికార్డుల్లోకి ఎక్కిన గూండాలకు టీడీపీలో టికెట్లు ఇచ్చారని ఆరోపించారు. చంద్రబాబు ప్రభుత్వం అధికారంలోకి వచ్చిన రెండున్నరేళ్లలో ప్రజాసంక్షేమాన్ని ఏమాత్రం పట్టించకోలేదని విమర్శించారు. ఐదేళ్ల జగనన్న పాలనలో రూ. 3.లక్షల కోట్లను సంక్షేమం రూపంలో పేదలకు అందించారని గుర్తు చేశారు. తిరుపతి కార్పొరేషన్‌ ఎన్నికలలో వైఎస్సార్‌సీపీ అభ్యర్థులను గెలిపించి జగనన్నకు కానుకగా అందిద్దామని కోరారు. ఎన్నికల ప్రచారంలో మాజీ ఎమ్మెల్సీ యండపల్లి శ్రీనివాసులురెడ్డి పాల్గొన్నారు.

సూళ్లూరుపేట : సతీష్‌ ధవన్‌ స్పేస్‌ సెంటర్‌ షార్‌లోని రెండో ప్రయోగవేదిక నుంచి శుక్రవారం రాత్రి 11.51 గంటలకు జీఎస్‌ఎల్‌వీ ఎఫ్‌18 రాకెట్‌ను విజయవంతంగా ప్రయోగించారు. 19.10 నిమిషాల్లోనే 2,232 కిలోలు బరువు కలిగిన నావిక్‌–3 ఉపగ్రహాన్ని కక్ష్యలోకి ప్రవేశపెట్టారు. నిప్పులు చిమ్ముకుంటూ.. కౌంట్‌డౌన్‌ ముగిసిన వెంటనే జీఎస్‌ఎల్‌వీ ఎఫ్‌–16 నిప్పులు చిమ్ముకుంటూ నింగికి ఎగిరింది. 0.00 నిమిషాలకు కోర్‌ అలోన్‌ దశలో 138.1 టన్నుల ఘన ఇంధనం, రాకెట్‌కు చుట్టూ ఉన్న నాలుగు స్ట్రాపాన్‌బూస్టర్లులో నింపిన 170.7 టన్నుల ద్రవ ఇంధనాన్ని మండిచి మొదటిదశను 151.2 సెకెండ్లకు పూర్తి చేశారు. రెండోదశను 149.6 సెకెండ్లకు మండించి 151.2 సెకెండ్లకు పూర్తి చేశారు. ఈ దశలోనే రాకెట్‌ శిఖరభాగంలో ఉపగ్రహాన్ని అమర్చిన హీట్‌షీల్డ్స్‌ 237.42 సెకెండ్లకు విడిపోయాయి. రాకెట్‌లోని మూడోదశ అంటే క్రయోజనిక్‌ దశను 295.68 సెకెండ్లకు మండించి 1135.38 నిమిషాలకు కటాఫ్‌ చేశారు. మళ్లీ 1140.38 సెకెండ్లకు క్రయోజనిక్‌ ఇంజిన్‌ మండించి 1147.38 సెకెండ్లకు) 2,232 కిలోలు బరువు కలిగిన నావిక్‌–3 ఉపగ్రహాన్ని విజయవంతంగా కక్ష్యలోకి ప్రవేశపెట్టారు.

తిరుపతి అర్బన్‌ : అధికారులు ప్రత్యక్షంగా కానీ, పరోక్షంగా కానీ ఏ పార్టీకి సహకరించినా వేటు తప్పదని కలెక్టర్‌ వెంకటేశ్వర్‌ స్పష్టం చేశారు. గురువారం కలెక్టరేట్‌లో ఎస్పీ సుబ్బరాయుడు, జేసీ గోవిందరావు, తిరుపతి కార్పొరేషన్‌ కమిషనర్‌ జయకృష్ణతో కలసి మీడియా సమావేశం నిర్వహించారు. లెక్టర్‌ మాట్లాడుతూ ఓటు హక్కును సద్వినియోగం చేసుకోవడం ప్రతి ఒక్కరి బాధ్యతగా భావించాల్సి ఉందని చెప్పారు. స్వేచ్ఛాయుత వాతావరణంలో ఎన్నికలు జరిపిస్తామని తెలిరారు. శుక్రవారం సాయంత్రానికి మున్సిపల్‌ ఎన్నికల ప్రచారానికి గడువు ముగుస్తుందని చెప్పారు. శనివారం లేదా ఎలక్షన్‌ రోజు ఆదివారం ఎవరైనా ఎన్నికల ప్రచారం చేస్తే క్రిమినల్‌ కేసులు ఉంటాయని హెచ్చరించారు. పోలింగ్‌ రోజు క్యూ వద్దకు వచ్చి ఓట్లు అడిగినా క్రిమినల్‌ కేసులు ఉంటాయని స్పష్టం చేశారు. ప్రతి పోలింగ్‌ బూత్‌లోను సీసీ కెమెరాలు ఏర్పాటు చేశామని తెలిపారు. మొత్తం 3,850 మంది పోలింగ్‌ సిబ్బందిని నియమించినట్లు వివరించారు. ఎస్పీ మాట్లాడుతూ ప్రతి ఓటరు నిర్భయంగా ఓటు హక్కు వినియోగించుకోవాలని సూచించారు. 46 సమస్యాత్మక, 63 అతి సమస్యత్మక కేంద్రాలను గుర్తించామని చెప్పారు. ఆ ప్రాంతాల్లో పోలీస్‌ ఫోర్స్‌ ఎక్కువగా ఉంటుందని తెలిపారు. కలెక్టరేట్‌లో ప్రత్యేక కంట్రోల్‌ రూమ్‌ ఏర్పాటు చేశామని వెల్లడించారు. ఓటుకు వెళ్లకుండా ఎక్కడైనా అడ్డుకుంటే వెంటనే వారిపై క్రిమినల్‌ కేసులు నమోదు చేస్తామని హెచ్చరించారు. పోలింగ్‌ అధికారుల పాత్ర కీలకం స్థానిక సంస్థల ఎన్నికల్లో పీఓలు, ఏపీఓల పాత్ర కీలకమని కలెక్టర్‌ వెంకటేశ్వర్‌ వెల్లడించారు. గురువారం కలెక్టరేట్‌లోఎస్పీ సుబ్బరాయుడు, జేసీ గోవిందరావు, తిరుపతి కమిషనర్‌ జయకృష్ణ, డీఆర్‌ఓ నరసింహులతో కలసి ఎన్నికల అధికారులతో సమీక్షించారు. ఎన్నికల విధులకు నియమితులైన అధికారులు, సిబ్బంది తప్పకుండా హజరుకావాల్సి ఉంటుందని స్పష్టం చేశారు. పోలింగ్‌ ఏర్పాట్ల నుంచి కౌంటింగ్‌ వరకు ప్రతి దశలోనూ అప్రమత్తంగా వ్యవహరించాలని సూచించారు. ఎస్పీ మాట్లాడుతూ ఎన్నికలు ప్రశాంతంగా జరిగేలా పోలీసు అధికారులు ముందస్తు కార్యాచరణతో వ్యవహరించాలని ఆదేశించారు. ప్రధాని పర్యటనకు పటిష్ట ఏర్పాట్లు ప్రధానమంత్రి నరేంద్రమోదీ పర్యటనకు ఇప్పటి నుంచే ప్రణాళికాబద్ధంగా పటిష్టమైన ఏర్పాట్లు చేపట్టాలని కలెక్టర్‌ వెంకటేశ్వర్‌ ఆదేశించారు. గురువారం కలెక్టరేట్‌లో ఎస్పీ సుబ్బరాయుడు, జేసీ గోవిందరావు, తిరుపతి కార్పొరేషన్‌ కమిషనర్‌ జయకృష్ణతో కలసి అఽధికారులతో సమీక్షించారు. కలెక్టర్‌ మాట్లాడుతూ డిసెంబర్‌ మొదటి వారంలోనే తిరుపతిలో డీజీపీలు, ఐజీపీల కాన్ఫరెన్స్‌ ఉందన్నారు. ఈ సమావేశానికి ప్రధానమంత్రి వస్తున్నారని వెల్లడించారు. వీఐపీలకు ప్రభుత్వ అతిథి గృహాల్లో వసతి కల్పించాలని సూచించారు. పైవేటు హోటల్స్‌, హోమ్‌స్టేలను రిజర్వు చేసి పెట్టాలని స్పష్టం చేశారు.డీఆర్‌ఓ నరసింహులు, అదనపు ఎస్పీలు రవి మనోహరాచారి, శ్రీనివాసరావు, శ్రీనివాస్‌, శ్రీలత, రామకృష్ణ, తిరుపతి మున్సిపల్‌ కార్పొరేషన్‌ అసిస్టెంట్‌ కమిషనర్‌ శారదాదేవి, ఆర్‌డీఓలు రామ్మోహన్‌, భానుప్రకాష్‌ రెడ్డి, డీపీఓ సుశీలాదేవి, స్పెషల్‌ డిప్యూటీ కలెక్టర్లు శివశంకర్‌ నాయక్‌, ఎస్పీడీసీఎల్‌ ఎస్‌ఈ చంద్రశేఖర్‌ రావు, ఆర్‌అండ్‌బీ ఎస్‌ఈ రాజా నాయక్‌, పంచాయతీరాజ్‌ ఎస్‌ఈ మధుసూదన్‌, ఐబీ అధికారి శిరీష, సీఐఎస్‌ఎఫ్‌ అధికారి అనురాగ్‌ యాదవ్‌, విమానాశ్రయ డైరెక్టర్‌ భూమినాథన్‌, ఐసర్‌ జాయింట్‌ రిజిస్ట్రార్‌ కొహ్లీ, ఐఐటీ రిజిస్ట్రార్‌ కృష్ణకుమార్‌, ఇండియన్‌ కులినరీ ఇన్‌స్టిట్యూట్‌ అధికారి తిరులోగ్‌ పాల్గొన్నారు.

తిరుపతి తుడా : తిరుపతి నగరపాలక సంస్థ ఎన్నికల నిర్వహణలో భాగంగా పోస్టల్‌ బ్యాలెట్లను, ఓట్ల లెక్కింపు ఏర్పాట్లను పకడ్బందీగా చేపట్టాలని, స్ట్రాంగ్‌ రూములు, రిసెప్షన్‌ సెంటర్లు, కౌంటింగ్‌ కేంద్రాల వద్ద పటిష్టమైన భద్రతా చర్యలు అమలు చేయాలని కలెక్టర్‌ వెంకటేశ్వర్‌ ఆదేశించారు. గురువారం ఆయన ఎస్వీ ఆర్ట్స్‌ కళాశాలలో ఏర్పాటు చేసిన స్ట్రాంగ్‌ రూమ్‌లు, కౌంటింగ్‌ హాళ్లు, భద్రతా ఏర్పాట్లను ఎస్పీ సుబ్బరాయుడు, కమిషనర్‌ జయకృష్ణతో కలసి పరిశీలించారు. కలెక్టర్‌ మాట్లాడుతూ ఓట్ల లెక్కింపు ప్రక్రియ సజావుగా, పారదర్శకంగా జరిగేలా అధికారులు ముందస్తు జాగ్రత్తలు తీసుకోవాలని సూచించారు. స్ట్రాంగ్‌ రూముల వద్ద నిరంతర నిఘా ఉండేలా చూడాలని స్పష్టం చేశారు. కౌంటింగ్‌ కేంద్రాల వద్ద అవసరమైన మౌలిక సదుపాయాలను కల్పించాలని, విధులు నిర్వహించే అధికారులు, సిబ్బందికి ఎలాంటి ఇబ్బందులు తలెత్తకుండా చర్యలు చేపట్టాలని కోరారు. అడిషనల్‌ ఎస్పీలు రవి మనోహరాచారి, ఎలక్షన్‌ డిప్యూటీ కలెక్టర్‌ భరత్‌ నాయక్‌, కార్పొరేషన్‌ డిప్యూటీ కమిషనర్‌ అమరయ్య, తిరుపతి స్మార్ట్‌ సిటీ జనరల్‌ మేనేజర్‌ చంద్రమౌళి పాల్గొన్నారు. పైకప్పు నుంచి పడి ఇద్దరి మృతి రేణిగుంట : మండలంలోని గాజుల మండ్యం పారిశ్రామిక వాడలో పీఆర్‌ రోలింగ్‌ కంపెనీ పైకప్పు నుంచి జారిపడి ఇద్దరు కార్మికులకు మృతి చెందారు. వివరాలు.. రోలింగ్‌ కంపెనీలో ఉత్తరప్రదేశ్‌కు చెందిన అర్మాన్‌ (37), రాజమండ్రికి చెందిన మధమణి వీర వెంకట గోపాల్‌ (29) సుమారు 30 అడుగుల ఎత్తున పైకప్పుపై ఇనుప రేకులు అమరుస్తుండగా రేకులు విరిగిపోవడంతో కింద పడిపోయారు. తీవ్రంగా గాయపడిన వారిని చికిత్స నిమిత్తం తిరుపతి రుయా ఆస్పత్రికి తరలించగా చికిత్స పొందుతూ మరణించారు. కక్షగట్టి.. ఇల్లు కూల్చి! రేణిగుంట : మండలంలోని కరకంబాడి పంచాయతీ చెంగా రెడ్డిపల్లె వద్ద ఆర్‌అండ్‌ఆర్‌ కాలనీలో వైఎస్సార్‌సీపీ కార్యకర్త దిలీప్‌ కుటుంబీలకు చెందిన రేకుల ఇంటిని గుర్తుతెలియని వ్యక్తులు బుధవారం రాత్రి కూల్చేశారు. కక్ష సాధింపు చర్యల్లో భాగంగానే టీడీపీ నేతలు తమ ఇల్లు కూల్చేశారని బాధితులు వాపోతున్నారు. రెవెన్యూ అధికారులను వివరణ కోరగా తాము ఎవరి ఇంటిని పడగొట్టలేదని తెలిపారు.

తిరుమల : తిరుమలలో భక్తుల నీటి అవసరాలకు ఎలాంటి ఇబ్బందులు కలగకుండా టీటీడీ పటిష్ట చర్యలు చేపడుతోంది. అందులో భాగంగా టీటీడీ చైర్మన్‌ బీఆర్‌ నాయుడు, అదనపు ఈఓ వెంకయ్య చౌదరి గురువారం తిరుమలలో డ్యామ్‌లు, నీటి నిల్వలను పరిశీలించారు. టీటీడీ చైర్మన్‌ మీడియాతో మాట్లాడుతూ ప్రస్తుత నీటి నిల్వలు వచ్చే ఏడాది మార్చి, ఏప్రిల్‌ వరకు సరిపోతాయని వెల్లడించారు. ఒకవేళ వర్షాలు కురవని పరిస్థితి ఏర్పడితే ప్రత్యామ్నాయ చర్యలపై ముందస్తు ప్రణాళికలు సిద్ధం చేయాలని అధికారులను ఆదేశించినట్లు తెలిపారు. అధికారులు సమర్పించే నివేదిక ఆధారంగా ప్రభుత్వ దృష్టికి ఈ అంశాన్ని తీసుకెళ్లి తగిన నిర్ణయాలు తీసుకుంటామని చెప్పారు. భవిష్యత్తు అవసరాలను దృష్టిలో ఉంచుకుని కల్యాణి డ్యామ్‌ లేదా ఇతర ప్రత్యామ్నాయ మార్గాల ద్వారా నీటి సరఫరాను మెరుగుపరిచేందుకు యుద్ధప్రాతిపదికన ప్రణాళికలు రూపొందిస్తామని వెల్లడించారు. టీటీడీ అదనపు ఈఓ మాట్లాడుతూ తిరుమలలోని డ్యామ్‌లలో ప్రస్తుతం అందుబాటులో ఉన్న నీటి నిల్వలు రాబోయే 150 రోజులకు సరిపోతాయని వివరించారు. తిరుమలలో రోజువారీ నీటి అవసరం 50 లక్షల గ్యాలన్లు కాగా, ఇందులో 50 శాతం టీటీడీ సొంత డ్యామ్‌ల నుంచి, మిగిలిన 50 శాతం కల్యాణి డ్యామ్‌ నుంచి వినియోగిస్తున్నట్లు తెలిపారు. అన్ని డ్యామ్‌లు నిండితే సుమారు ఏడాదిన్నర పాటు తిరుమలలో నీటి ఎద్దడి ఉండదని వివరించారు. తిరుమలలో నీటి వృథాను అరికట్టి పొదుపుగా వినియోగించేందుకు భక్తులకు వివిధ మాధ్యమాల ద్వారా అవగాహన కల్పిస్తున్నట్లు తెలిపారు. టీటీడీ బోర్డు సభ్యులు నరేష్‌ కుమార్‌, శాంతారామ్‌, ఎస్‌ఈ వేణు గోపాల్‌, ఈ ఈ సుధాకర్‌ పాల్గొన్నారు.

తిరుమలలో నీటి నిల్వల పరిశీలన తిరుమలలోని డ్యామ్‌లలో నీటి నిల్వలను టీటీడీ చైర్మన్‌ బీఆర్‌ నాయుడు, అదనపు ఈఓ వెంకయ్యచౌదరి పరిశీలించారు.పకడ్బందీగా కౌంటింగ్‌ ఏర్పాట్లు కౌంటింగ్‌ సెంటర్లు, స్ట్రాంగ్‌రూమ్‌ల వద్ద పకడ్బందీగా ఏర్పాట్లు చేయాలని కలెక్టర్‌ వెంకటేశ్వర్‌ ఆదేశించారు. సాయంత్రం 5గంటలకు గప్‌చుప్‌ శుక్రవారం శ్రీ 30 శ్రీ అక్టోబర్‌ శ్రీ 2026చంద్రబాబు ప్రభుత్వంలో ప్రజాస్వామ్యం అపహాస్యం పాలవుతోంది. స్వేచ్ఛగా నామినేషన్‌ సైతం వేసుకునే పరిస్థితి లేకుండా పోయింది. ప్రధానంగా వైఎస్సార్‌సీపీ అభ్యర్థులపై టీడీపీ గూండాలు దౌర్జన్యాలకు పాల్పడే దుస్థితి దాపురించింది. పచ్చమూకకు ఎన్నికల అధికారులు.. పోలీసులు సైతం సహకరించడం నియంతృత్వ పాలనకు నిదర్శనంగా నిలుస్తోంది. ఈ క్రమంలోనే పోలింగ్‌ రోజైనా ఓటరు తనకు నచ్చిన అభ్యర్థికి ఓటు వేసుకునే వాతావరణం కల్పించాల్సిన అవసరముంది. నామినేషన్ల పర్వంలో అక్రమాలకు మసకబారిన తిరుపతి ప్రతిష్టను ఇనుమడింపజేయాల్సిన బాధ్యత అధికారులపై ఉంది. వైఎస్సార్‌సీపీ అభ్యర్థులతో కలిసి నిరసన తెలుపుతున్న అభినయ్‌రెడ్డిరిగ్గింగ్‌ జరగకుండా ఆపండి అధికార పార్టీ నాయకుల దౌర్జన్యాలను నామినేషన్ల సమయంలో చూశాం. పోలింగ్‌ రోజున రిగ్గింగ్‌ చేసే ఆస్కారం ఉంది. అభ్యర్థులపై దాడులు జరిగే అవకాశం ఉంది. ఎన్నికల కమిషన్‌ దృష్టి పెట్టి రిగ్గింగ్‌ జరగకుండా చర్యలు తీసుకోవాలి. – షాహీన్‌ ఇమ్రాన్‌, కార్పొరేటర్‌ అభ్యర్థి ప్రజాస్వామ్యాన్ని రక్షించండి పోలింగ్‌ రోజున ప్రజలు స్వేచ్ఛగా ఓటు హక్కు వినియోగించుకునే విధంగా అధికార యంత్రాంగం కట్టుదిట్టమైన చర్యలు తీసుకుని ప్రజాస్వామ్యా న్ని రక్షించాలి. పోలింగ్‌లో రిగ్గింగ్‌ను అరికట్టాలి. అభ్యర్థులు, పోలింగ్‌ ఏజెంట్లు, ఓటర్లకు రక్షణ కల్పించాలి. – గీతాయాదవ్‌, కార్పొరేటర్‌ అభ్యర్ధి తిరుపతి పవిత్రతను కాపాడాలి తిరుపతి పవిత్రతను కాపాడాలి. ప్రజాస్వా మ్యాన్ని పరిరక్షించాలి. స్వేచ్ఛాయుత వాతావరణలో ఎన్నికలు జరిగేలా చూడాలి. పవిత్ర పుణ్యక్షేత్రమైన తిరుపతిలోని ప్రతి ఓటరూ ఎలాంటి భయం లేకుండా తన ఓటు హక్కును వినియోగించుకునే పరిస్థితి కల్పించాలి. – ఉమా అజయ్‌, కార్పొరేటర్‌ అభ్యర్ధి దాడులు జరిగే ప్రమాదం పోలింగ్‌ రోజున రిగ్గింగ్‌, దాడులు జరిగే ప్రమాదం ఉంది. ముందురోజున పరోక్ష బెదరింపులకు దిగే అవకాశం ఉంది. ప్రతి పోలింగ్‌ కేంద్రం వద్ద పటిష్టమైన పోలీసు బందోబస్తు ఏర్పాటు చేయాలి. పోలింగ్‌ ఏజెంట్లు నిర్భయంగా పనిచేసేలా చూడాలి. లైవ్‌ వెబ్‌కాస్టింగ్‌, సీసీ టీవీ నిఘా పెట్టాలి. – ఎం.సిరాజ్‌, కార్పొరేటర్‌ అభ్యర్ధిశ్రీవారి దర్శనానికి 8 గంటలు తిరుమల: తిరుమలలో గురువారం భక్తుల రద్దీ ఎక్కువగా ఉంది. క్యూకాంప్లెక్స్‌లోని 9 కంపార్ట్‌మెంట్లలో భక్తులు వేచి ఉన్నారు. బుధవారం అర్ధరాత్రి వరకు 74,339 మంది స్వామివారిని దర్శించుకున్నారు. 24,836 మంది భక్తులు తలనీలాలు అర్పించారు. స్వామివారికి కానుకల రూపంలో హుండీలో రూ.4.34 కోట్లు సమర్పించారు. టైంస్లాట్‌ టిక్కెట్లు కలిగిన భక్తులకు సకాలంలో దర్శనం లభిస్తోంది. దర్శన టిక్కెట్లు లేని వారు స్వామిని దర్శించుకోవడానికి 8 గంటల సమయం పడుతోంది. ప్రత్యేక ప్రవేశ దర్శనం టిక్కెట్లు కలిగిన వారు 3 గంటల్లో స్వామిని దర్శించుకోగలుగుతున్నారు. ఇదిలా ఉంటే సర్వదర్శనం టోకెన్లు కలిగిన భక్తులు నిర్దేశించిన సమయానికి మాత్రమే క్యూలోకి వెళ్లాలని టీటీడీ విజ్ఞప్తి చేస్తోంది. కేటాయించిన సమయానికంటే ముందు వెళ్లిన వారిని క్యూలోకి అనుమతించరని స్పష్టంచేసింది. విద్యార్థినులకు అభినందన తిరుపతి సిటీ : తిరుపతిలో ఈనెల 12 నుంచి 14వ తేదీ వరకు చేపట్టిన జూడో పోటీలలో ఎస్పీడబ్ల్యూ విద్యార్థినులు అత్యుత్తమ ప్రతిభ కనబరచి జాతీయ స్థాయి పోటీలకు ఎంపికయ్యారు. ప్రతిభ చూపిన విద్యార్థినులు అనిత, లలిత, దీక్షశ్రీకి ప్రిన్సిపల్‌ డాక్టర్‌ భువనేశ్వరి గురువారం అభినందనలు తెలిపారు. కళాశాలలో అకడమిక్‌ విద్యతో పాటు క్రీడలకు ప్రత్యేక ప్రాధాన్యతను కల్పిస్తున్నట్లు తెలిపారు. పీడీ సాయి సుమతిని సైతం ప్రత్యేకంగా అభినందించారు. నేటి నుంచి పింఛన్ల పంపిణీ తిరుపతి అర్బన్‌ : పింఛన్‌ డబ్బులతోనే జీవనం సాగిస్తున్న వేలాది కుటుంబాలు జిల్లాలో ఉన్నాయి. పింఛన్‌ డబ్బులు ఎప్పుడు వస్తాయా...వైద్య ఖర్చులకు వాడుకుందామని ఎదురుచూస్తుంటాయి. ఈ క్రమంలో శుక్రవారం నుంచి సామాజిక భద్రతా పింఛన్లు పంపిణి చేయాల్సి ఉంది. ప్రతి నెలా డీఆర్‌డీఏ పీడీ నేతృత్వంలో పింఛన్ల పంపిణి ప్రక్రియ నిర్వహిస్తుంటారు. అయితే తిరుపతి డీఆర్‌డీఏ పీడీ శోభనబాబును ఈ నెల 11వ తేదీన జిల్లా పరిషత్‌ సీఈఓగా బదిలీ చేశారు. అలాగే చిత్తూరు జిల్లా మెప్మా పీడీ నాగేశ్వరరావును తిరుపతి డీఆర్‌డీఏ పీడీగా నియమించారు. అయితే ఆయన బాధ్యతలు చేపట్టేలోపే ఎన్నికల కోడ్‌ అమల్లోకి రావడంతో చిత్తూరు మెప్మా పీడీ పోస్టులోనే ఉండిపోయారు. ఎన్నికల కోడ్‌ పూర్తి అయిన తర్వాత అంటే డిసెంబర్‌ 2వ తేదీ తర్వాత తిరుపతికి రానున్నట్లు తెలుస్తోంది. ఈ క్రమంలో 30వ తేదీ నుంచి సామాజిక భద్రతా పింఛన్ల పంపిణి ప్రక్రియను ఎవరు పర్యవేక్షిస్తారో ప్రశ్నార్థకంగా మారింది. దీంతో పింఛన్‌దారులకు టెన్షన్‌ తప్పేలా లేదు. పాఠశాలలకు సెలవు రేపు తిరుపతి అర్బన్‌ : మున్సిపల్‌ ఎన్నికల నేపథ్యంలో శనివారం ప్రభుత్వ, ప్రైవేటు పాఠశాలలకు ఎన్నికలు జరిగే చోట సెలవు ప్రకటించినట్లు కలెక్టర్‌ వెంకటేశ్వర్‌ గురువారం తెలిపారు. తిరుపతి కార్పొరేషన్‌తోపాటు వెంకటగిరి, పుత్తూరు, నాయుడుపేట, సూళ్లూరుపేట పట్టణాల్లో బడులు ఉండవని వెల్లడించారు. ఎన్నికలు లేని చోట పాఠశాలల్లో తరగతులు కొనసాగుతాయని స్పష్టం చేశారు. రౌడీ రాజ్యంలో..నామినేషన్ల నుంచే దౌర్జన్యాలు తిరుపతి కార్పొరేషన్‌న్‌ ఎన్నికల్లో 66 డివిజన్లలోనూ టీడీపీ శ్రేణులు దౌర్జన్యాలకు తెగబడ్డారు. నామినేషన్ల కౌంటర్ల వద్ద మూడంచెలుగా రౌడీలు, అల్లరిమూకలతో దిగి వైఎస్సార్‌సీపీ అభ్యర్థుల నామినేషన్‌ పత్రాలను లాక్కుని చించివేశారు. మరోసారి నామినేషన్‌ కేంద్రాల వద్దకు రావాలంటే భయపడేలా దాడులకు పాల్పడ్డారు. మహిళలని చూడకుండా దుశ్సాసనుల్లా ప్రవర్తించారు. ఈ దారుణాలను అడ్డుకోవాల్సిన ఎన్నికల అధికారులు, పోలీసులు అండగా నిలిచారు. రక్షణ కల్పించాలని వైఎస్సార్‌సీపీ అభ్యర్థులు ప్రాధేయపడినా పట్టించుకున్న పాపాన పోలేదు. దీంతో నిస్సహయక స్థితిలో సుప్రీం కోర్టు తలుపుతట్టాల్సి వచ్చింది. సాక్షి, తిరుపతి : ప్రజాస్వామ్యంలో ఎన్నికలు అంటే ప్రజల అభీష్టాన్ని ప్రతిబింబించే ప్రక్రియ. పోటీ చేయాలనుకుంటే నామినేషన్‌ వేసే హక్కు, నచ్చిన అభ్యర్థిని స్వేచ్ఛగా ఎన్నుకునే అవకాశం ప్రతి ఓటరుకు ఉంటుంది. కానీ, తిరుపతి కార్పొరేషన్‌ ఎన్నికల వేళ జరిగిన పరిణామాలు ప్రజాస్వామ్య విలువలకే సవాల్‌గా మారాయి. ప్రతిపక్ష పార్టీల అభ్యర్థులు బరిలోకి దిగకుండా టీడీపీ నేతలు పక్క రాష్ట్రాల నుంచి తెప్పించిన రౌడీలు, గంజాయి బ్యాచ్‌తో అడ్డంకులు సృష్టించారు. ఆడ, మగ అన్న తేడా లేకుండా భౌతికదాడులకు తెగబడి ప్రజాస్వామ్యాన్ని అపహాస్యం చేశారు. పరమ పవిత్రమైన తిరుపతిలో జరిగిన దారుణ దాడులు, రాజకీయ ఒత్తిళ్లపై జాతీయ స్థాయిలో చర్చ జరగింది. చివరకు సుప్రీం కోర్టు జోక్యం చేసుకొని ఎన్నడూ లేనివిధంగా నామినేషన్లకు మరోసారి అవకాశం ఇవ్వాల్సి వచ్చిందంటే పరిస్థితి ఏస్థాయికి చేరిందో అర్థం చేసుకోవచ్చు. అధికార పార్టీ మరోసారి కుట్రలు తెరదీసిందనే వార్తల నేపథ్యంలో ఆదివారం పోలింగ్‌ రోజైనా ఎన్నికల అధికారులు, పోలీసులు నిష్పక్షపాతంగా పనిచేయాలని తిరుపతివాసులు కోరుతున్నారు. దెబ్బతిన్న తిరుపతి ప్రతిష్టను తిరిగి తెచ్చేందుకు ఇదే మంచి అవకాశమని స్పష్టం చేస్తున్నారు. సుప్రీంకోర్టు జోక్యంతోనే మరో అవకాశం... మున్సిపల్‌ ఎన్నికల నేపథ్యంలో జరిగిన హింస, ప్రతిపక్ష పార్టీల నామినేషన్లను అడ్డుకోవడంపై ఆగ్రహం వ్యక్తం చేసిన సుప్రీం కోర్టు.. ఎన్నడూలేనివిధంగా నామినేషన్లకు మరోసారి అవకాశం కల్పించమని ఆదేశాలు జారీ చేసింది. అయితే రాష్ట్ర ఎన్నికల సంఘం తర్జనభర్జన అనంతరం తిరుపతి కార్పొరేషన్‌లో కేవలం 18 డివిజన్లలోనే రీనామినేషన్‌కు అవకాశం కల్పించింది. ఈ పరిణామం ఎన్నికల ప్రక్రియలో తలెత్తిన వివాదానికి ప్రాధాన్యం పెంచింది. మాయని మచ్చ ప్రపంచవ్యాప్తంగా ఆధ్యాత్మిక కేంద్రంగా గుర్తింపు పొందిన తిరుపతి రాజకీయంగానూ ప్రత్యేక ప్రాధాన్యం కలిగిన నగరం. అలాంటి చోట ఎన్నికల వేళ దాడులు, బెదిరింపులు, నామినేషన్ల అడ్డగింత వంటి ఆరోపణలు రావడం నగర ప్రతిష్టపై ప్రభావం చూపిందనే ఆందోళనలు వ్యక్తమవుతున్నాయి. గత ఏడాది ఫిబ్రవరిలో తిరుపతి కార్పొరేషన్‌ డిప్యూటీ మేయర్‌ ఎన్నిక సమయంలో జరిగిన దౌర్జన్యకాండను ప్రజలు ఇప్పటికీ మరువలేదు. మళ్లీ కార్పొరేషన్‌ ఎన్నికల నామినేషన్‌ పర్వంలో పాత కథే పునరావృతం కావడంపై ఆందోళన చెందుతున్నారు. ఓటు అనే వజ్రాయుధంతో అఽధికారపార్టీ ఆగడాలకు బుద్ధి చెప్పేందుకు సిద్ధమవుతున్నారు. అధికారులదే బాధ్యత నామినేషన్ల దశలోనే వివాదాలు చెలరేగిన నేపథ్యంలో పోలింగ్‌ రోజునైనా ఓటర్లు ఎలాంటి భయం, ఒత్తిడి లేకుండా తమ ఓటు హక్కును వినియోగించుకునే పరిస్థితులు కల్పించాలనే డిమాండ్‌ వినిపిస్తోంది. పోలింగ్‌ కేంద్రాల వద్ద భద్రత, ఓటర్ల స్వేచ్ఛ, ఎన్నికల అధికారుల నిష్పక్షపాత వైఖరి కీలకం కానున్నాయి. ప్రజాస్వామ్యంలో గెలుపోటములు సహజం. కానీ, ఎన్నికల ప్రక్రియపై ప్రజలకు నమ్మకం ఉండడమే అసలైన విజయం. తిరుపతిలో ఆ నమ్మకాన్ని నిలబెట్టడం అధికార యంత్రాంగం ముందున్న ప్రధాన బాధ్యత. పుర ప్రచారం.. నేడు సమాప్తంనేడే జీఎస్‌ఎల్‌వీ ప్రయోగంసూళ్లూరుపేట : భారత అంతరిక్ష పరిశోధనా సంస్థ (ఇసో) జీఎస్‌ఎల్‌వీ రాకెట్‌ ప్రయోగాల సిరీస్‌లో 20వ ప్రయోగానికి సిద్ధమైంది. ఇప్పటి వరకు 19 ప్రయోగాలకు గాను 14 రాకెట్‌లను విజయవంతంగా చేపట్టింది. ఈ క్రమంలోనే శుక్రవారం రాత్రి 11.51 గంటలకు నిర్వహించబోయే జీఎస్‌ఎల్‌వీ ఎఫ్‌–18 ఈ సిరీస్‌లో 20వ ప్రయోగం. జీఎస్‌ఎల్‌వీ రాకెట్‌ కావడంతో శాస్త్రవేత్తల్లో కొంత టెన్షన్‌ ఉంటుంది. ఎందుకంటే 2010 ఏప్రిల్‌ 15వ తేదీన స్వదేశీ సాంకేతిక పరిజ్ఞానంతో తయారు చేసిన క్రయోజనిక్‌ దశతో చేసిన జీఎస్‌ఎల్‌వీ డీ3 ప్రయోగం విఫలమైంది. అదే సంవత్సరం డిసెంబర్‌ 25న జీఎస్‌ఎల్‌వీ ఎఫ్‌–6 ప్రయోగం కూడా విఫలమైంది. ఈ రాకెట్‌ నింగివైపునకు వెళ్లే సమయంలో క్రయోజనిక్‌ దశ కిందభాగంలోని స్టడ్‌ విరిగిపోవడంతో మిషన్‌కంట్రోల్‌ రూమ్‌ నుంచి ఆకాశంలోనే బ్లాస్ట్‌ చేశారు. తర్వాత 2010 నుంచి 2014 దాకా జీఎస్‌ఎల్‌వీ ప్రయోగాల జోలికే పోలేదు. క్రయోజనిక్‌ ఇంధనం లిక్విడ్‌ అక్సిడైజర్‌, లిక్విడ్‌ హైడ్రోజన్‌ కలిపి తయారు చేయాల్సి ఉండడంతో ఈ టెక్నాలజీని అందుకోవడంలో ఇస్రో శాస్త్రవేత్తలు తొలినాళ్లలో కాస్త తడబడ్డారు. ఈ రెండింటిని మైనస్‌ 220 డిగ్రీల వాతావరణంలో తయారు చేయాల్సి ఉండడంతో సంక్లిష్టమైన టెక్నాలజీగా భావిస్తారు. తర్వాత ఎన్నో రకాలుగా ప్రయోగాత్మక పరీక్షలు నిర్వహించి దాని సామర్థ్యాన్ని పూర్తిస్థాయిలో నిర్దారించుకుని 12 జీఎస్‌ఎల్‌వీ ప్రయోగాలు, 9 జీఎస్‌ఎల్‌వీ మార్క్‌3 ప్రయోగాలతో వరుస విజయాలను అందుకున్నారు. ఇందులో 2025 జనవరి 29వ తేదీన చేసిన జీఎస్‌ఎల్‌వీ ఎఫ్‌–15 ప్రయోగం సక్సెస్‌పుల్‌గా నిర్వహించి ఉపగ్రహాన్ని కక్ష్యలోకి వదిలిపెట్టారు. కక్ష్య మార్పిడి చేసే సమయంలో శాటిలైట్‌ నుంచి సిగ్నల్స్‌ అందకపోవడంతో ఇది విఫల జాబితాలో చేరింది. ఈ సంక్లిష్టమైన టెక్నాలజీని అందుకోవడానికి మొదట ఒడిదుడుకులు ఎదుర్కొన్న ఇస్రో ఇప్పుడు వరుస విజయాలతో నేడు సగర్వంగా నిలబడింది. తిరుపతి తుడా: జిల్లా వ్యాప్తంగా తిరుపతి నగరపాలక సంస్థతోపాటు పుత్తూరు, వెంకటగిరి, సూళ్లూరుపేట, నాయుడుపేట మున్సిపాలిటీల్లో ఎన్నికల ప్రచారానికి శుక్రవారం సాయంత్రం 5 గంటలకు తెరపడనుంది. అనంతరం ఎన్నికలకు సంబంధించి ఎలాంటి ప్రచారం చేపట్టకూడదని కలెక్టర్‌ వెంకటేశ్వర్‌ ప్రకటించారు. నిబంధనలను అతిక్రమించి ఎవరైనా ప్రచారాలు, ప్రలోభాలకు దిగితే చర్యలు తప్పవని హెచ్చరించారు. ఈ క్రమంలోనే పోలింగ్‌ ప్రక్రియ ఆదివారం ప్రారంభం కానుంది. ఓటు హక్కు ఉన్న ప్రతి ఒక్కరూ తమ ఓటును వినియోగించుకోవాలని అధికారులు కోరారు. రగిలిపోతున్న టీడీపీ సీనియర్లు ఎన్నికల వేళ కూటమి నేతల్లో తీవ్రమైన అసంతృప్తి తలెత్తింది. ముఖ్యంగా టీడీపీలో వర్గ విభేదాలు తెరపైకి వచ్చాయి. ఆ పార్టీ తిరుపతి ఇన్‌చార్జి పదవిని ఆశించి పలువురు భంగపడ్డారు. నాడు టీడీపీలో ఉన్న ప్రణీత్‌తో పాటు మాజీ ఎమ్మెల్యే సుగుణమ్మ, మబ్బు దేవనారాయణ రెడ్డి, కోడూరు బాలసుబ్రమణ్యం, ఊకా విజయ్‌కుమార్‌ ప్రయత్నం చేసి విఫలమయ్యారు. ఈ క్రమంలో తిరుపతి మేయర్‌ ఎన్నికలు వచ్చిపడ్డాయి. కూటమి తరఫున తొలుత మేయర్‌ సీటు జనసేనకి, ఆపై కొన్ని రోజులు బీజేపీకే అంటూ ప్రచారం చేయించారు. ఎవరి ప్రయత్నాలు వారు మొదలు పెట్టక ముందే అనుకున్న ప్రకారం చంద్రబాబు తిరుపతిని టీడీపీకి కేటాయించి బీజేపీ, జనసేనకు ఊహించని ట్విస్ట్‌ ఇచ్చారు. జనసేనకే మేయర్‌ అనే ప్రచారం జరగడంతో టీడీపీలో ఉన్న ఊకా విజయ్‌ కుమార్‌ తన పదవికి రాజీనామా చేశారు. ప్రణీత్‌ హుటాహుటిన వెళ్లి పవన్‌ దగ్గర కండువా కప్పుకున్నారు. చివరిలో తిరుపతి టీడీపీకే అని ప్రకటించారు. ఈ పార్టీలో ఇన్‌చార్జి పదవి బలిజకు వెళ్లడంతో మేయర్‌ సీటు తమకేనని యాదవులు భావించారు. ఆ పార్టీ తిరుపతి ఇన్‌చార్జినే మేయర్‌ అభ్యర్థిగా ప్రకటించడంతో టీడీపీలోని సీనియర్లంతా అవాక్కయ్యారు. ముఖ్యంగా అన్నా అనిత యాదవ్‌, దంపూరి భాస్కర్‌ యాదవ్‌, డాక్టర్‌ గుణశేఖర్‌ యాదవ్‌ మేయర్‌ సీటు కోసం విశ్వ ప్రయత్నం చేసి చివరికి చతికిల పడ్డారు. పదవులు అన్నీ ఒక వర్గానికై నా.. అంటూ పలువురు సీనియర్లు అసంతృప్తితో రగిలిపోతున్నారు. ఈ తరుణంలోనే జనసేనలోని అసంతృప్తి నేతలను ప్రసన్నం చేసుకునేందుకు టీడీపీ మేయర్‌ అభ్యర్థి జేబీ శ్రీనివాస్‌, ఆయన వర్గం ప్రలోభాలకు దిగారు. ఈ క్రమంలో కుల సమీకరణాలకు పాల్పడుతున్నారు. ఇతర పార్టీ అభ్యర్థులు, నేతలను, రెబల్స్‌ను దారికి తెచ్చుకునే పనిలో నిమగ్నమై మంతనాలు ప్రారంభించారు. జిల్లాలోని పురపాలక సమాచారంతిరుపతి సిటీ : ఇంటర్మీడియట్‌ ఫస్ట్‌, సెకండ్‌ ఇయర్‌ జనరల్‌, ఒకేషనల్‌ పబ్లిక్‌ పరీక్షల ఫీజు చెల్లింపు గడువును బోర్డ్‌ ఆఫ్‌ ఇంటర్మీడియట్‌ పొడిగించింది. గురువారంతో ముగిసిన గడువును మళ్లీ అధికారులు పొడిగిస్తూ ఉత్తర్వులు జారీ చేశారు. ఎటువంటి అపరాధ రుసుము లేకుండా నవంబర్‌ 10వ తేదీ వరకు చెల్లించేందుకు అవకాశం కల్పించారు. రూ.1000 అపరాధ రుసుముతో నవంబర్‌ 17వ తేదీని తుదిగడువుగా నిర్ణయించారు. ఈ క్రమంలోనే వచ్చే ఏడాది ఫిబ్రవరి 24వ తేదీ నుంచి ఇంటర్‌ పబ్లిక్‌ పరీక్షలు ప్రారంభం కానున్నాయి.తిరుపతి కార్పొరేషన్‌ ఎన్నికల వేళ అప్రజాస్వామిక పోకడలు తిష్టవేసిన గూండాలు కార్పొరేషన్‌ ఎన్నికల నామినేషన్ల పర్వంలో ప్రతిపక్షపార్టీలను అడ్డుకునేందుకు టీడీపీ నేతలు తమిళనాడు, కర్ణాటక నుంచి సుమారు 2 వేల మంది రౌడీలను నగరానికి రప్పించిన విషయం తెలిసిందే. మున్సిపల్‌ నామినేషన్‌ ప్రక్రియ ముగిసిన వెంటనే ఈ గూండాలను చంద్రగిరి, శ్రీకాళహస్తి నియోజకవర్గాలలో జరిగిన జెడ్పీటీసీ, ఎంపీటీసీ నామినేషన్ల ప్రక్రియలో వాడుకున్నారు. గంజాయి మత్తులో ఉన్న ఈ గ్యాంగ్‌కు ఎదురుగా ఉన్నది ఎంపీనా.. ఎమ్మెల్సీనా అన్నది తేడా లేకుండా దాడులకు తెగబడ్డారు. ఆదివారం కార్పొరేషన్‌ పోలింగ్‌ జరగుతున్న నేపథ్యంలో మరోసారి ఆ రౌడీ గ్యాంగ్‌ను తిరుపతికి రప్పించి ఆరు హోమ్‌స్టేలలో బస ఏర్పాటు చేసినట్టు సమాచారం. పోలింగ్‌ రోజు భయానక వాతావరణ సృష్టించడమే వారి లక్ష్యం. వైఎస్సార్‌సీపీ పోలింగ్‌ బూత్‌ ఏజెంట్లు ఉండకుండా చూసేందుకు ప్రణాళికలు సిద్దం చేస్తున్నారు. ముందుకు వచ్చిన ఏజెంట్లను ఎత్తుకెళ్లి కూటమికి అనుకూలంగా రిగ్గింగ్‌ చేసుకునేందుకు కుట్రలు పన్నుతున్నారని సమాచారం. ఈ క్రమంలోనే వైఎస్సార్‌సీపీ జిల్లా అధ్యక్షుడు భూమన అభినయ్‌ రెడ్డి ఆధ్వర్యంలో పార్టీ కార్పొరేషన్‌ అభ్యర్థులు గురువారం నిరసన తెలిపారు. పోలింగ్‌ రోజు అయినా ప్రజాస్వామ్యాన్ని కాపాడమని కోరారు. తిరుపతి మున్సిపల్‌ కార్పొరేషన్‌ డివిజన్లు : 66 పురుష ఓటర్లు : 1,43,292 మహిళా ఓటర్లు: 1,47,171 ఇతరులు : 29 పోలింగ్‌ కేంద్రాలు : 304 పుత్తూరు మున్సిపాలిటీ వార్డులు : 36 పురుషులు : 19,410 మహిళలు : 20,797 ఇతరులు : 3 పోలింగ్‌ కేంద్రాలు: 70 వెంకటగిరి మున్సిపాలిటీ వార్డులు : 36 పురుషులు : 21,226 మహిళలు : 22,912 ఇతరులు : 2 పోలింగ్‌ కేంద్రాలు : 66 నాయుడు పేట మున్సిపాలిటీ వార్డులు : 32 పురుష ఓటర్లు : 17,648 మహిళా ఓటర్లు : 19,448 ఇతరులు : 4 పోలింగ్‌ కేంద్రాలు : 64 సూళ్లూరు పేట మున్సిపాలిటీ వార్డులు : 32 పురుష ఓటర్లు : 17,178 మహిళా ఓటర్లు : 18,336 ఇతరులు : 5 పోలింగ్‌ కేంద్రాలు: 55

తిరుపతి మంగళం : ఆధ్యాత్మిక క్షేత్రం నుంచి కబ్జాకోరులను తరిమేద్దామని, ఓటు ద్వారా అక్రమార్కుల అంతుచూద్దామని వైఎస్సార్‌సీపీ రీజనల్‌ కో–ఆర్డినేటర్‌ భూమన కరుణాకరరెడ్డి పిలుపునిచ్చారు. గురువారం తిరుపతి జీవకోనలో వైఎస్సార్‌సీపీ మేయర్‌, కార్పొరేటర్‌ అభ్యర్థులతో కలిసి ఇంటింటి ప్రచారం చేపట్టారు. భూమన మాట్లాడుతూ దేశమే గర్వించదగిన సినీనటి శ్రీదేవి చిన్నమ్మ భూమి, టీడీపీలోని సర్పంచ్‌ భూమి, విశ్రాంత ఆర్‌టీఓ భూమితో పాటు అనేక మంది భూములను కబ్జా చేసిన టీడీపీ మేయర్‌ అభ్యర్థి జేబీ శ్రీనివాస్‌కు ఓటు వేస్తారా? లేక అతి సామాన్యుడు, పేదవాడు మీ భూములను పరిరక్షిస్తూ కాపలాదారుడిగా ఉండే వైఎస్సార్‌ సీపీ మేయర్‌ అభ్యర్థి వాసుయాదవ్‌కు ఓటు వేస్తారో నిర్ణయించుకోవాలని కోరా రు. 70 ఏళ్ల తిరుపతి చరిత్రలో ఎన్నడూ లేనివిధంగా టీడీపీ గూండాల అరాచకాలు, దాడులతో ప్రజలు తీవ్రంగా ఇబ్బందులు పడుతున్నారని ఆరోపించారు. జేబీ శ్రీనివాస్‌ గుంటూరు నుంచి తిరుపతికి వలస వచ్చాడని, కబ్జాలకు పాల్పడితే అతడికి చంద్రబాబు, లోకేష్‌ టీడీపీ నగర ఇన్‌చార్జి, మేయర్‌ అభ్యర్థిగా అవకాశం కల్పించి తిరునగర పవిత్రతను మంటగలిపారని విమర్శించారు. చంద్రబాబు, లోకేష్‌ రెడ్‌బుక్‌ రాజ్యాంగం అమలు చేస్తూ జేబీ శ్రీనివాస్‌ లాంటి అక్రమార్కు లను పెంచిపోషిస్తున్నారని మండిపడ్డారు. ఎన్నికల రోజు కూడా రౌడీలను తీసుకొచ్చి రిగ్గింగ్‌ చేసేందుకు కుట్రలు చేస్తున్నట్లు తెలిసిందన్నారు. వైఎస్సార్‌ సీపీ అభ్యర్థులను, ఏజెంట్లను చంపేస్తామంటూ బెదిరిస్తున్నారని మండిపడ్డారు. ప్రజలు బాగా ఆలోచించి భూకబ్జాదారులను ఓటుతో తరిమికొట్టాలని పిలుపునిచ్చారు.

చిత్తూరు కార్పొరేషన్‌: 18 ఏళ్లు నిండిన పౌరుల కు రాజ్యాంగం ఓటు హ క్కు కల్పించింది. భారత ఎన్నికల సంఘం నిబంధనలు, రాజ్యాంగం మేరకు ఓటర్లు తమ ఓటును వినియోగించుకునే పద్ధతులు కూడా ఉన్నాయి. సాధారణ ఓటు: ఈవీఎం, బ్యాలెట్‌తో వేసేది. పోస్టల్‌: ఎన్నికల విధుల్లో పాల్గొనే ప్రభుత్వ ఉద్యోగులు, పోలీసులు, అత్యవసర సేవల సిబ్బంది పోలింగ్‌ రోజున, సొంత నియోజకవర్గంలో ఓటు వేయలేరు. అందువల్ల వీరు ఎన్నికల తేదీకి ముందే పోస్టు, ప్రత్యేక కేంద్రాల ద్వారా ఓటు వేస్తారు. సర్వీస్‌: త్రివిధ దళాల్లో పనిచేసే జవాన్లు, విదేశాల్లోని భారత రాయబార కార్యాలయాల్లో పనిచేసే సిబ్బంది తమ విధుల్లో ఉంటూనే ప్రత్యేకంగా ఎలక్ట్రానికల్లీ ట్రాన్స్‌మిటెడ్‌ పోస్టల్‌ బ్యాలెట్‌ ద్వారా వేసే ఓటు. ప్రాక్సీ: పోలింగ్‌ కేంద్రానికి స్వయంగా రాలేని సర్వీస్‌ ఓటర్లు.. తమ తరఫున ఓటు వేసేందుకు కుటుంబంలో ఒకరిని ప్రతినిధిగా (ప్రాక్సీ) నియమించవచ్చు. ఆ ప్రతినిధి వచ్చి వేసే దాన్ని ప్రాక్సీ ఓటు అంటారు. టెండర్‌: ఓటరు పోలింగ్‌ కేంద్రానికి వెళ్లే సరికి, అతని ఓటును అప్పటికే ఎవరో దొంగ ఓటుగా వేసినట్లయితే.. అసలు ఓటరు తన గుర్తింపును నిరూపించుకుని ప్రత్యేక బ్యాలెట్‌ పేపరు ద్వారా వేసే ఓటు. వీటిని సాధారణ కౌంటింగ్‌లో లెక్కించరు. గెలుపోటములు తేడా తక్కువగా ఉన్నప్పుడు కోర్టు ఆదేశాల మేరకు లెక్కిస్తారు. ఛాలెంజ్‌: పోలింగ్‌ కేంద్రంలో ఓటరు గుర్తింపుపై అక్కడున్న పోలింగ్‌ ఏజెంట్‌కు ఏవైనా అనుమానాలు ఉంటే, వారు నిర్ణీత రుసుం చెల్లించి సవాలు చేయవచ్చు. అప్పుడు పోలింగ్‌ అధికారి విచారణ జరిపి, ఓటరు నిజమైన వారే నిర్ధారిస్తే వేయించే ఓటును ఛాలెంజ్‌ ఓటు అంటారు.

నాయుడుపేట టౌన్‌: నాయుడుపేట మున్సిపల్‌ ఎన్నికల్లో ప్రజాస్వామ్యాన్ని పోలీసులు ఖూనీ చేస్తున్నారని, అర్బన్‌ సీఐ వెంకటరమణ వైఎస్సార్‌సీపీ నాయకులపై గూండాయిజం చేస్తున్నారని మాజీ ఎమ్మెల్యే కిలివేటి సంజీవయ్య మండిపడ్డారు. స్థానికె వైఎస్సార్‌సీపీ క్యాంపు కార్యాలయం వద్ద గురువారం రాత్రి ఆయన విలేకర్లతో మాట్లాడారు. పోలీసులు టీడీపీకి తొత్తులుగా మారి ఎన్నికల బరిలో ఉన్న తమ పార్టీ అభ్యర్థుల బంధువులు, నేతలను తరచూ పోలీస్‌స్టేషన్‌కు పిలిపించి దాష్టీకం ప్రదర్శిస్తున్నారని ఆగ్రహం వ్యక్తం చేశారు. మంత్రి నారా లోకేష్‌, టీడీపీ నేత గంగాప్రసాద్‌ ఆదేశాల మేరకే సీఐ దుర్మార్గంగా వ్యవహరిస్తున్నారని ఆరోపించారు. నామినేషన్లు వేసిన నాటి నుంచే అభ్యర్థుల ఇళ్లకు వెళ్లి దౌర్జన్యకాండ చేస్తూ, వైఎస్సార్‌సీపీ పేరు చెబితే తాట తీస్తానని బెదిరిస్తూ, ఎక్కడా ప్రచారాలు చేయరాదని వార్నింగ్‌ ఇస్తూ భయానక వాతావరణం సృష్టించారన్నారు. పలువురు మహిళా అభ్యర్థుల ఇళ్లకు వెళ్లి దుర్భాషలాడాడని, తమ పార్టీ నేతలపై అక్రమ కేసులు బనాయించి, థర్డ్‌ ప్రయోగిస్తున్నారని ఆరోపించారు. సీఐను తక్షణమే ఎన్నికల విధుల నుంచి తొలగించాలని డిమాండ్‌ చేశారు. సీఐ అరాచకాలు, దౌర్జన్యాలపై ఎన్నికల అధికారులతో పాటు ఎస్పీ, డీఎస్పీ, రిటర్నింగ్‌ అధికారులకు సైతం మొరపెట్టుకున్నా నిమ్మకు నీరెత్తినట్లు వ్యవహరిస్తున్నారని మండిపడ్డారు. గుండాయిజం చేస్తూ నేర చరిత్ర కలిగిన సీఐ విధుల్లో ఉంటే నాయుడుపేటలో స్థానిక సంస్థల ఎన్నికల ప్రశాంతంగా జరగడం ఆసాధ్యమని స్పష్టం చేశారు. ప్రజాస్వామ్యం బతకాలంటే రాష్త్ర ఎన్నికల సంఘం, కలెక్టర్‌, ఎస్పీ స్పందించి సీఐ వెంకటరమణపై చర్యలు చేపట్టాలని డిమాండ్‌ చేశారు. లేకుంటే ఆందోళనకు దిగుతామని హెచ్చరించారు. టీడీపీ దమన కాండను ప్రజలు గమనిస్తున్నారని స్థానిక ఎన్నికల్లో వైఎస్సార్‌సీపీ అభ్యర్థులను గెలిపించి వారికి గుణపాఠం చెబుతారని వెల్లడించారు. వైఎస్సార్‌సీపీ జిల్లా ఆర్గనైజింగ్‌ సెక్రటరీ కామిరెడ్డి రాజారెడ్డి, నేతలు గంధవల్లి సిద్ధయ్య, జలదంకి వెంకటకృష్ణారెడ్డి, పాపారెడ్డి చంద్రారెడ్డి, దారా రవి, కావేరిపాకం అశోక్‌కుమార్‌, కింగ్స్‌వే జిలానీ పాల్గొన్నారు.

మర్యాద చేస్తాం.. రండిప్రచారంలో న్యూ ట్రెండ్‌రానుపోనూ ప్రయాణ ఖర్చులు మేం చూసుకుంటాం. మర్యాదలు చేస్తాం. ఓటుకు నోటు సైతం ఇస్తాం. మన ఊరికి రండి. ఓటు వేయండి... ప్లీజ్‌ అన్నగారూ.. అంటూ రెండు రోజులుగా ఎన్నికలలో బరిలో నిలిచిన అభ్యర్థులు వలస కార్మికులకు ఫోన్లు చేస్తున్నారు. ఇతర రాష్ట్రాలలో పనిచేస్తున్న తమ ఊరివాళ్లను ప్రసన్నం చేసుకునేందుకు మున్సిపల్‌, కార్పొరేషన్‌ ఎన్నికల్లో పోటీ చేస్తున్న అభ్యర్థులు బతిమాలుకుంటున్నారు. హైదరాబాదు, చైన్నె, బెంగళూరులోని తమ ఓటర్లకు స్పెషల్‌ ప్యాకేజీలను సైతం ఆఫర్‌ చేస్తున్నారు. ఏసీ స్లీపర్‌ బస్సులు, రైళ్ల టికెట్లు బుక్‌ చేసి వాట్సాప్‌లో పంపుతున్నారు. ఒకే ప్రాంతానికి చెందిన ఓటర్లు అధికంగా ఉంటే వారికి ప్రత్యేకంగా మినీ బస్సును సైతం ఏర్పాటు చేసి స్వస్థలాలకు తీసుకువచ్చేందుకు ప్రయత్నిస్తున్నారు. ఈ క్రమంలోనే గట్టి పోటీ ఉన్న అభ్యర్థులు విదేశాలలోని తమ బంధువులను సైతం రప్పించేందుకు యత్నిస్తున్నట్లు సమాచారం. – తిరుపతి సిటీ పోస్టర్లు, బ్యానర్లు, కటౌట్‌లు, మైకులు, ఇంటింటి ప్రచారం, కరపత్రాల పంపిణీ, పెయింటింగ్‌ బొమ్మలతో ప్రచారమా పాతమనిషిలా ఉన్నావే.. అది ఓల్డ్‌ గురూ.. ప్రస్తుతం రీల్స్‌, మీమ్స్‌, వాట్సాప్‌, ఇన్‌స్ట్రా, ఫేస్‌బుక్‌, యూట్యూబ్‌, ఎక్స్‌ ఇదీ నయా ట్రెండ్‌. వీటినే ప్రజలు ఆదరిస్తారు అంటూ స్థానిక ఎన్నికలలో న్యూ ట్రెండ్‌ మొదలైంది. డిజిటల్‌ యుగంలో పార్టీల ప్రచారంలోనూ తీరు మారి కొత్తపుంతలు తొక్కుతోంది. యువతను, మహిళలను ఆకట్టుకునేందుకు అభ్యర్థులు సోషల్‌ మీడియాను వినియోగిస్తూ దూసుకుపోతున్నారు. అభ్యర్థులు ఏఐ ద్వారా వివిధ వీడియోలను క్రియేట్‌ చేసి ఓటర్లకు పంపుతున్నారు. ప్రత్యర్థులను విమర్శించే మీమ్స్‌, రీల్స్‌ చేస్తూ ఆకట్టుకుంటున్నారు. తమ పార్టీ ఇచ్చిన హామీలు, నెరవేర్చిన తీరు, భవిష్యత్తులో తాము చేయబోయే అభివృద్ధి వంటి వాటిని కళ్లకు కట్టినట్లు వీడియోలతో ఓటర్లను ప్రసన్నం చేసుకుంటున్నారు. – తిరుపతి సిటీ

తిరుపతి రూరల్‌ : స్థానిక సంస్థల ఎన్నికల్లో పార్టీ అభ్యర్థుల విజయమే లక్ష్యంగా పనిచేద్దామని వైఎస్సార్‌సీపీ చంద్రగిరి నియోజకవర్గం సమన్వయకర్త చెవిరెడ్డి మోహిత్‌ రెడ్డి పిలుపునిచ్చారు. గురువారం ఈ మేరకు ఎర్రావారిపాళెం మండలంలోని శ్రేణులకు దిశానిర్దేశం చేశారు. మోహిత్‌రెడ్డి మాట్లాడుతూ వ్యక్తిగత విభేదాలను పక్కనపెట్టి ఎంపీటీసీ, జెడ్పీటీసీ అభ్యర్థుల గెలుపునకు కృషి చేయాలని సూచించారు. నామినేషన్ల ప్రక్రియ మొదలైనప్పటి నుంచి అప్పీళ్ల వరకు అనేక అడ్డంకులను ఎదుర్కొని టీడీపీ నేతలు, పోలీసులతో యుద్ధం చేయాల్సి వచ్చిందని తెలిపారు. ఈ క్రమంలోనే 50 స్థానాల్లో ఎన్నికలు జరిగే పరిస్థితి ఏర్పడిందన్నారు. ఎన్నో ఇబ్బందులను అధిగమించి నామినేషన్లను నిలబెట్టుకుని ప్రజా క్షేత్రంలోకి వచ్చిన అభ్యర్థుల విజయానికి ప్రతి ఒక్కరూ అండగా నిలవాలని కోరారు. టీడీపీ దౌర్జన్యాలు, అడ్డంకుల కారణంగానే కొన్ని చోట్ల ఎన్నికలు జరగలేదని ప్రజలకు వివరించాలని సూచించారు. ఏకగ్రీవమైన పంచాయతీల్లోనూ జెడ్పీటీసీ ఎన్నికల్లో ఓటు వేసే అవకాశం వైఎస్సార్‌సీపీ కల్పించిందనే విషయాన్ని ఓటర్లకు తెలియజేయాలన్నారు. ప్రజా స్వామ్యబద్ధంగా ఓటు హక్కును వినియోగించుకునేలా అవగాహన కల్పించాలని చెప్పారు. చంద్రగిరి నియోజకవర్గంలో ప్రశాంత వాతావరణానికి భంగం కలిగిందని, పులివర్తి నాని కారణంగా రౌడీ రాజ్యం వచ్చిందని విమర్శించారు. ఎర్రావారిపాళెం మండలంలోని రెండు ఎంపీటీసీ స్థానాలతోపాటు జెడ్పీటీసీ అభ్యర్థి విజయానికి సమన్వయంతో పనిచేయాలని పిలుపునిచ్చారు.

పేదలంటే ప్రేమ.. సమ సమాజ నిర్మాణమే లక్ష్యం.. ఆడపడుచుల ఆర్థికాభివృద్ధి చేయూతనందించాలనే చిత్తశుద్ధిని ప్రతిబింబిస్తూ వైఎస్‌ జగన్‌మోహన్‌రెడ్డి గత వైఎస్సార్‌సీపీ ప్రభుత్వంలో సుపరిపాలన అందించారు. ఇచ్చిన మాటను తప్పకుండా హామీలను అమలు చేశారు. ఇంటింటికీ సంక్షేమ పథకాలను అందజేశారు.బాబు పాలనలో సంక్షేమం, అభివృద్ధి ఊసేలేదు అవినీతి, కుట్రలు, బెదిరింపులు, దాడులు, కక్ష సాధింపులే రెండున్నరేళ్లుగా చంద్రబాబు సాగించిన పాలన. ఎన్నికల సమయంలో ప్రజలను వంచించి అధికారం చేపట్టారు. తర్వాత అలాంటి హామీలే ఇవ్వలేదంటూ వెటకారపు మాటలతో ప్రజలను వెన్నుపోటు పొడిచారు. అభివృద్ధి మాట దేవుడెరుగు ప్రజలకు అందిస్తామన్న సంక్షేమ పథకాల ఊసే ఎత్తడం లేదు. బాబు మాటలు నమ్మి మోసపోయామని సరైన సమయంలో బుద్ధి చెబుతామని జిల్లావాసులు మండిపడుతున్నారు. తిరుపతి సిటీ : వైఎస్సార్‌సీపీ హయాంలో మేనిఫెస్టోను అప్పటి సీఎం వైఎస్‌ జగన్‌మోహన్‌రెడ్డి పవిత్ర గ్రంథంగా భావించారు. పార్టీ, కులం, మతం, వర్గాలు చూడకుండా అర్హతే ప్రామాణికంగా పథకాలను అందించారు. మేనిఫెస్టోను భగవద్గీత, బైబిల్‌, ఖురాన్‌తో సమానంగా భావించి ప్రభుత్వ కార్యాలయాలలోనూ, సచివాలయాల నోటీస్‌ బోర్డులోనూ పథకాలకు సంబంధించిన క్యాలెండర్‌ను అంటించారు. 50 కుటుంబాలకు ఒక వలంటీర్‌ను నియమించి పథకాలను గడపగడపకూ అందజేశారు. ఏడాదిలోనే 90శాతం హామీల అమలు ప్రజలు అధికారం ఇచ్చారని గర్వపడలేదు. ఆర్థిక పరిస్థితి బాగోలేదని కుంటి సాకులు చెప్పలేదు. అండగా నిలబడిన ప్రజలను వంచించి వెన్నుపోటు పొడవలేదు. తాను ఇచ్చిన హామీలలో 90శాతం వరకు ఏడాది పూర్తి కాకుండానే ప్రజలకు అందజేసి ప్రశంసలు అందుకున్నారు. నవరత్నాలను ప్రవేశపెట్టి కుటుంబలో మహిళల పేరు మీదనే పథకాలను అందించారు. జిల్లాలో సుమారు 9.25లక్షల మంది మహిళలకు అమ్మ ఒడి, ఆసరా, సున్నావడ్డీ, చేయూత, చేదోడు, వసతి దీవెన, విద్యాదీవెన వంటి ప్రధాన పథకాల ద్వారా రూ. 8వేల కోట్లకు పైగా ఏడాదిలో అందించడం గమనార్హం. రైతులకు పెట్టుబడి సాయం కింద ఏడాదికి రూ.13,500, ఆర్‌బీకేలు నిర్మించి పంట రుణాలు, ఎరువులు, విత్తనాలు అందించి రైతు పక్షపాతిగా నిలిచారు. జిల్లాలో వార్డు, గ్రామ సచివాలయాలను నిర్మించి ఏడాది తిరగకముందే సుమారు 20వేల మందికి ప్రభుత్వ ఉద్యోగాలు కల్పించారు. తొలి ఏడాదిలోని సుమారు 5లక్షల మందికి ఇంటిపట్టాలను అందజేశారు. వెటకారపు మాటలు ప్రజాస్వామ్యంలో ప్రజలే దేవుళ్లు. అలాంటిది సీఎం హోదాలో ఉన్న చంద్రబాబు ప్రజలను హేళన చేస్తూ వెటకారంగా మాట్లాడడం సర్వత్రా విమర్శలకు తావిస్తోంది. ఎన్నికల సమయంలో సూపర్‌సిక్స్‌ పేరుతో హామీలను బాబు గుప్పించారు. సంక్షేమ పథకాల అమలు చేయాలంటే డబ్బులు లేవు.. సంపద సృష్టించి తర్వాత అందిస్తాం...అలా సంపద సృష్టించే ఐడియాలు ఏమైనా ఉంటే తనకు చెవిలో చెప్పాలంటూ అవహేళనగా నిండు సభలో మాట్లాడిన తీరుతో పథకాల అమలు అసాధ్యమని తేలిపోయింది. బాబు వైఖరిపై అసహనం వ్యక్తం చేస్తున్నారు. జిల్లాలోని ఏడు నియోజకవర్గాలలో సుమారు 10.23లక్షల మంది మహిళలు పలు పథకాల కోసం ఎదురుచూస్తున్నారు. కొత్త పింఛన్లు సుమారు 18వేల మందికి ఇవ్వాల్సి ఉండగా ఆ ఊసే ఎత్తలేదు. నిరుద్యోగభృతి, ఫీజురీయింబర్స్‌మెంట్‌లకు చరమగీతం పాడేశారు. జాబ్‌ క్యాలెండర్‌ ద్వారా ఈ ఏడాదికి 4లక్షల ఉద్యోగాల ప్రకటనను గాలికి వదిలేశారు. ప్రశ్నించిన వారిపై దాడులు, దౌర్జన్యాలు, కేసులు, అరెస్టులు చేస్తూ నిరంకుశత్వంగా పాలన సాగిస్తున్నారు. జగనన్న పాలనలో అందించిన పథకాలు మచ్చుకు కొన్ని... పథకం లబ్ధిదారుల సంఖ్య (మొత్తం రూ.కోట్లలో) రైతుభరోసా 2,90,467 1,060.65 ఇన్‌పుట్‌ సబ్సిడీ 1,87,250 906.70 వైఎస్సార్‌ ఆసరా 3,32,276 2,722.75 వైఎస్సార్‌ సున్నా వడ్డీ(ఎస్‌హెచ్‌జీ) 3,36,998 304.50 వైఎస్సార్‌ కాపు నేస్తం 1,21,085 581.20 వైఎస్సార్‌ ఈబీసీ నేస్తం 1,00,102 805.16 జగనన్న తోడు 55,327 276.60 వైఎస్సార్‌ చేయూత 1,51,750 1,138.10 జగనన్న చేదోడు 1,32,082 940.30 అందరికీ ఇళ్లు 2,57,664 6441.60 వైఎస్సార్‌ కల్యాణమస్తు, షాదీ తోఫా 87,457 65.78 అమ్మ ఒడి 2,57,556 1799.78మేనిఫెస్టోను పవిత్ర గ్రంథంగా భావించిన వైఎస్‌ జగన్‌

వెంకటగిరి(సైదాపురం) : రాష్ట్రంలో నియంత పాలన సాగుతోందని, చంద్రబాబు ప్రభుత్వానికి ప్రజలు బుద్ధి చెప్పే సమయం ఆసన్నమైందని ఎంపీ గురుమూర్తి స్పష్టం చేశారు. బుధవారం వెంకటగిరి పట్టణంలో వైఎస్సార్‌సీపీ నియోజకవర్గ సమన్వయకర్త నేదురుమల్లి రామ్‌కుమార్‌రెడ్డి, మున్సిపల్‌ చైర్‌పర్సన్‌ అభ్యర్థి బొలిగల దీవెన, ఎస్‌ఈసీ సభ్యులు బొలిగల మస్తాన్‌యాదవ్‌, కలిమిలి రాంప్రసాద్‌రెడ్డితో కలసి ఎన్నికల ప్రచారం నిర్వహించారు. 13, 15, 16, 10, 11 వార్డుల్లో విస్తృతంగా పర్యటించారు. ఎంపీ మాట్లాడుతూ చరిత్రలో ఎన్నడూలేని నీచ సంస్కృతికి చంద్రబాబు ప్రభుత్వం తెరతీసిందన్నారు. నామినేషన్లు వేసేందుకు వెళ్లిన అభ్యర్థులను అడ్డుకుని ప్రజస్వామ్యాన్ని అపహాస్యం చేసిందని ఆరోపించారు. చివరకు ఓటు హక్కును వినియోగించుకునేందుకు కూడా కూటమి నేతలు అడ్డుకుంటున్నారని విమర్శించారు. ప్రస్తుతం ఓట్లు లాక్కుంటున్నారని, రేపు ఆస్తులు లాక్కుంటారని మండిపడ్డారు. ప్రజలు ఆలోంచి వైఎస్సార్‌ీసీపీ అభ్యర్థులను బలపరచాలని కోరారు. గత వైఎస్సార్‌సీపీ ప్రభుత్వంలో వెంకటగిరి మున్సిపాలిటీకి అత్యధిక నిధులు కేటాయించారని వెల్లడించారు. నగరవనం, సెంట్రల్‌ లైటింగ్‌ తీసుకొచ్చిన ఘనత కూడా వైఎస్సార్‌సీపీ ప్రభుత్వానిదే అని వివరించారు. రామ్‌కుమార్‌రెడ్డి మాట్లాడుతూ వెంకటగిరి మున్సిపాలిటీకి సమర్ధవంతమైన చైర్‌పర్సన్‌ అభ్యర్థి బొలిగల దీవెనను గెలిపించాలని కోరారు. పార్టీ నియోజకవర్గ పరిశీలకులు కోడూరు కల్పలతరెడ్డి పాల్గొన్నారు. అభ్యర్థులకు గుర్తుల కేటాయింపు తిరుపతి అర్బన్‌ : జెడ్పీటీసీ, ఎంపీటీసీ స్థానాలకు పోటీ చేస్తున్న అన్ని పార్టీల అభ్యర్థులకు వరుస సంఖ్యతో కూడిన గుర్తుల కేటాయింపు ప్రక్రియను పూర్తిచేశామని జెడ్పీ సీఈఓ శోభనబాబు బుధవారం వెల్లడించారు. వైఎస్సార్‌సీపీ, టీడీ పీ, జనసేన, బీఎస్పీ, కాంగ్రెస్‌, సీపీఐ, సీపీఎం పార్టీలకు వారి గుర్తులనే ఇచ్చిన ట్లు వివరించారు. స్వతంత్ర అభ్యర్థులతోపాటు పలువురు పోటీలో ఉన్న వాళ్లకు వరుస సంఖ్యతో కూడిన వివిధ గుర్తుల కేటాయింపు చేసినట్లు స్పష్టం చేశారు. హుండీ లెక్కింపునకు బంగారు ఆభరణాలతో అధికారి శ్రీకాళహస్తి: శ్రీకాళహస్తీశ్వరాలయం, అనుబంధ ఆలయాలకు సంబంధించి బుధవారం నిర్వహించిన హుండీ లెక్కింపునకు ఓ ఉన్నతాధికారి బంగారు ఆభరణాలు ధరించి హాజరు కావడం విమర్శలకు దారితీసింది. సదరు అధికారి ఉంగరాలు, బంగారు బ్రేస్‌లెట్‌, చైన్‌న్‌ ధరించి కౌంటింగ్‌కు వచ్చినట్లు తెలిసింది. హుండీ కౌంటింగ్‌ వంటి కీలకమైన విధుల్లో పాల్గొనే అధికారులు విధివిధానాలు, నిబంధనలను పాటించాల్సి ఉంటుంది. ఇతర ఆలయం నుంచి వచ్చిన సదరు అధికారికి స్థానిక ఉన్నతాధికారులు తగిన సూచనలు చేయాల్సి ఉన్నప్పటికీ, ఈ విషయంలో పట్టించుకోలేదనే విమర్శలు వినిపిస్తున్నాయి. అధికారుల పర్యవేక్షణ లోపం కారణంగానే ఇలాంటి ఘటనలు చోటుచేసుకుంటున్నాయనే అభిప్రాయాలు వ్యక్తమవుతున్నాయి.

తిరుపతి క్రైమ్‌ : జిల్లాలో ప్రశాంతంగా ఎన్నికల నిర్వహణే లక్ష్యంగా చర్యలు చేపట్టినట్లు ఎస్పీ సుబ్బరాయుడు తెలిపారు. బుధవారం ఈ మేరకు తిరుపతిలోని బైరాగిపట్టెడలో పోలీస్‌ ఫ్లాగ్‌ మార్చ్‌ చేపట్టారు. ఎంజీఎం స్కూల్‌ నుంచి ప్రారంభమైన మార్చ్‌ టీవీఎస్‌ షోరూమ్‌, లక్ష్మీపురం సర్కిల్‌ మీదుగా పోస్టల్‌ కాలనీ వరకు కొనసాగింది. స్పెషల్‌ పార్టీ, ఆర్‌మ్డ్‌డ్‌ రిజర్వ్‌, స్థానిక పోలీసులు, బ్లాక్‌ కమాండోలు, ఎస్టీఎఫ్‌ సిబ్బంది పాల్గొన్నారు. ఎస్పీ మాట్లాడుతూ ఎన్నికల విధుల్లో ప్రతి ఒక్కరూ అప్రమత్తంగా, బాధ్యతాయుతంగా వ్యవహరించాలని సూచించారు. ఎన్నికల కమిషన్‌ నిబంధనలను కచ్చితంగా పాటిస్తూ ఎలాంటి పక్షపాతానికి తావులేకుండా విధులు నిర్వహించాలని ఆదేశించారు. సమస్యాత్మక ప్రాంతాలపై ప్రత్యేక నిఘా ఉంచి, అవాంఛనీయ ఘటనలు జరగకుండా ముందస్తు చర్యలు చేపట్టాలని స్పష్టం చేశారు. పోలింగ్‌ కేంద్రాల వద్ద పటిష్ట బందోబస్తు ఏర్పాటు చేయాలని, ఎన్నికల నిబంధనలను ఉల్లంఘించే వారిపై చట్టప్రకారం చర్యలు తీసుకోవాలని కోరారు. ఓటర్లను భయభ్రాంతులకు గురిచేసినా, ప్రలోభ పెట్టినా ఉపేక్షించేది లేదని హెచ్చరించారు. అత్యవసర పరిస్థితులను ఎదుర్కొనేందుకు రూట్‌ మొబైల్స్‌, స్ట్రైకింగ్‌ ఫోర్స్‌లను అందుబాటులో ఉంచాలని సూచించారు. ప్రజలు ఎలాంటి భయాందోళనలకు గురికాకుండా స్వేచ్ఛగా తమ ఓటు హక్కును వినియోగించుకోవాలని, ప్రశాంత ఎన్నికల నిర్వహణకు పోలీస్‌ శాఖకు సహకరించాలని కోరారు. అదనపు ఎస్పీలు శ్రీనివాసులు, రవి మనోహరాచారి, శ్రీనివాసరావు పాల్గొన్నారు.

తిరుపతి సిటీ : ఎస్వీయూ రసాయన శాస్త్ర విభాగంలో అధ్యాపకుడు ప్రొఫెసర్‌ సురేష్‌ రెడ్డి స్కాలర్లీ ఇండెక్స్‌ రూపొందించిన టాప్‌ థౌజండ్‌ పరిశోధకులలో 29వ ర్యాంక్‌ సొంతం చేసుకున్నారు. ఆయన రసాయన శాస్త్ర విభాగంలో అనేక రీసెర్చ్‌ ప్రాజెక్ట్‌లను పొందటమే కాక 47 మంది విద్యార్థుల పీహెచ్‌డీకి పరిశోధకుడిగా వ్యవహరించారు. అదేవిధంగా 353 పరిశోధనా పత్రాలను అత్యుత్తమ జర్నల్స్‌లో పబ్లిష్‌ అయ్యాయి. బుధవారం ఈ సందర్భంగా ప్రొఫెసర్‌ సురేష్‌ రెడ్డిని వీసీ నర్సింగరావు, సైన్స్‌ కళాశాల ప్రిన్సిపాల్‌ ప్రొఫెసర్‌ పద్మావతి, రసాయన శాస్త్ర విభాగాధిపతి ప్రొఫెసర్‌ వైవీ రామిరెడ్డి అభినందించారు.

తిరుపతి క్రైమ్‌ : శిక్షణ పూర్తి చేసుకుని వచ్చిన నూతన కానిస్టేబుళ్లు ఎన్నికల విధుల్లో అప్రమత్తంగా ఉండాలని ఎస్పీ సుబ్బరాయుడు ఆదేశించారు. బుధవారం జిల్లా పోలీస్‌ కార్యాలయంలో 207 మంది నూతన కానిస్టేబుళ్లతో సమావేశం నిర్వహించారు. ఎన్నికల నేపథ్యంలో నూతన సిబ్బందిని అనుభవజ్ఞులైన పోలీసులతో కలిపి బృందాలుగా ఏర్పాటు చేసి విధుల్లో నియమిస్తామని తెలిపారు. ఎన్నికల బందోబస్తులో సమన్వయంతో పనిచేస్తూ శాంతిభద్రతల పరిరక్షణకు కృషి చేయాలన్నారు. శిక్షణలో నేర్చుకున్న అంశాలను క్షేత్రస్థాయిలో అమలు చేస్తూ అంకితభావంతో వ్యవహరించాలని సూచించారు. పోలీస్‌ శాఖ ప్రతిష్టకు భంగం కలిగించేలా ప్రవర్తించకూడదని, సామాజిక మాధ్యమాల వినియోగంలోనూ అప్రమత్తంగా ఉండాలని కోరారు. విధులకు సంబంధం లేని విషయాల్లో జోక్యం చేసుకోకుండా, వ్యక్తిగత జీవితంలోనూ క్రమశిక్షణ పాటించాలని స్పష్టం చేశారు. హెల్మెట్‌ లేకుండా వాహనాలు నడపడం, ర్యాష్‌ డ్రైవింగ్‌ వంటి ప్రమాదకర చర్యలకు దూరంగా ఉండాలన్నారు. నూతన సిబ్బందికి అవసరమైన వసతి, సదుపాయాలు కల్పించాలని సంబంధిత అధికారులను ఆదేశించారు. సిబ్బంది సమస్యలను ఎప్పటికప్పుడు పరిష్కరిస్తూ విధుల నిర్వహణకు అవసరమైన సహకారం అందించాలని సూచించారు. ప్రజలకు మెరుగైన సేవలు అందిస్తూ పోలీస్‌ శాఖపై విశ్వాసాన్ని పెంపొందించేలా పనిచేయాలని కానిస్టేబుళ్లకు స్పష్టం చేశారు. అదనపు ఎస్పీలు శ్రీనివాసులు, శ్రీనివాసరావు, ఏఓ సురేష్‌ బాబు పాల్గొన్నారు.

తిరుపతి మంగళం:టీడీపీని ప్రాణంగా, ఊపిరిగా బావించి 30 ఏళ్లుగా భుజాలు అరిగేలా జెండా మోసిన తమకు జేబీ శ్రీనివాస్‌ పార్టీ నగర ఇన్‌చార్జి అయిన తర్వాత గుర్తింపు లేకుండా పోయిందని టీడీపీ నేత కొండారెడ్డి ఆవేదన వ్యక్తం చేశారు. తిరుపతి 13వ డివిజన్‌ అధ్యక్షుడిగా ఎమ్మార్‌పల్లె ప్రాంతంలో ప్రజలకు అనేక సేవలందించినప్పటికీ తమకు కాకుండా రౌడీలకు కార్పొరేటర్‌ సీట్లు ఇచ్చారని మండిపడ్డారు. దీంతోనే టీడీపీలో మనుగడ సాగించలేక, విలువలు, గుర్తింపు లేనిచోట ఉండలేక వైఎస్సార్‌సీపీలో చేరుతున్నట్లు వెల్లడించారు. బుధవారం ఈ మేరకు పద్మా వతిపురంలోని వైఎస్సార్‌సీపీ జిల్లా కార్యాలయం వద్ద పార్టీ నగర అధ్యక్షుడు మల్లం రవిచంద్రారెడ్డి ఆధ్వర్యంలో కొండారెడ్డి తన అనుచరులతో కలిసి వైఎస్సార్‌సీపీలో చేరారు. పార్టీ రీజనల్‌ కో–ఆర్డినేటర్‌ భూమ న కరుణాకరరెడ్డి, జిల్లా అధ్యక్షుడు అభినయ్‌రెడ్డి కండువాలు కప్పి సాదరంగా ఆహ్వానించారు. వైఎస్సార్‌సీపీ రాష్ట్ర కార్యదర్శి నీలం బాలాజి, మేయర్‌ అభ్యర్థి వాసుయాదవ్‌, నేతలు బ్రహ్మానందరెడ్డి, గోపాల్‌రెడ్డి, మల్లం రవికుమార్‌రెడ్డి, కుమార్‌ పాల్గొన్నారు.

శ్రీకాళహస్తి: సినీనటుడు రామచరణ్‌ సతీమణి కొణిదెల ఉపాసన బుధవారరం జ్ఞానప్రసూనాంబ సమేత శ్రీకాళహస్తీశ్వరస్వామివారిని సేవించుకున్నారు. ఆలయ దక్షిణ గోపురం వద్ద ఆమెకు అధికారులు స్వాగతం పలికారు. ముందుగా ఆమె ప్రత్యేక రాహుకేతు సర్పదోష నివారణ పూజలు చేయించుకున్నారు. అనంతరం స్వామి అమ్మవార్లను దర్శించుకున్నారు. మృత్యుంజయస్వామి సన్నిధి వద్ద వేదపండితులు ఆశీర్వదించి స్వామి అమ్మవార్ల జ్ఞాపిక, తీర్థప్రసాదాలు అందజేశారు. టీడీపీలో ‘ఇంటి’ పోరు – జెడ్పీటీసీ అభ్యర్థులుగా భార్యాభర్తల పోటీ రామచంద్రాపురం: టీడీపీలో అంతర్గత విబేధాలు ఏకంగా పార్టీ మండల అధ్యక్షుడి ఇంట్లోనే కుంపటి రాజేశాయి. ఈ ‘ఇంటి పోరు’ జిల్లా రాజకీయాల్లో కలకలం రేపుతోంది. భార్యాభర్తలు జెడ్పీటీసీ అభ్యర్థులుగా పోటీకి దిగడం స్థానికంగా చర్చనీయాంశంగా మారింది. భర్తకు బీఫామ్‌.. స్వతంత్రంగా భార్య! టీడీపీ మండల అధ్యక్షుడు మేకల తిరుమల రెడ్డి జెడ్పీటీసీ అభ్యర్థిగా అధికారికంగా బీఫామ్‌ అందుకొని బరిలో నిలిచారు. అయితే ఆయన సతీమణి మేకల మాధవి కూడా అదే స్థానానికి స్వతంత్ర అభ్యర్థిగా నామినేషన్‌ వేసి పోటీ పడుతున్నారు. మండల స్థాయిలో పార్టీని నడిపించాల్సిన వ్యక్తి ఇంట్లోనే ముసలం పుట్టడంతో కార్యకర్తలు తలలు పట్టుకుంటున్నారు. ఈ పోరు చివరకు పార్టీ పరువును వీధికి ఈడ్చిందని స్థానిక నేతలు, కార్యకర్తలు మండిపడుతున్నారు. హత్యాయత్నం కేసులో ఒకరికి జైలు నాయుడుపేట టౌన్‌ : హత్యాయత్నం కేసులో నిందితుడు అన్నమేడు గ్రామానికి చెందిన అరుచూరు అనిల్‌కు ఏడేళ్లు సాధారణ జైలు శిక్షతో పాటు రూ 3వేలు జరిమాన విధిస్తూ గూడూరు అసిస్టెంట్‌ సెక్షన్‌ జడ్జి కోర్టు న్యాయమూర్తి తీర్పు చెప్పినట్లు బుధవారం స్థానిక పోలీసులు తెలిపారు. వివరాలు.. 2018 ఏప్రిల్‌లో అన్నమేడు గ్రామ దేవత నాగర్పమ్మ ఆలయ సమీపంలో పట్టుకోట మురళీ మోహన్‌ కూర్చుని ఉండగా పాత కక్షలు మనసులో పెట్టుకుని అనిల్‌ కత్తితో తలపై నరికాడు. బాధితుడి ఫిర్యాదు మేరకు పోలీసులు కేసు నమోదు చేసి దర్యాప్తు చేశారు. నిందితుడిపై నేరం రుజువు కావడంతో జైలు శిక్ష విధిస్తూ న్యాయమూర్తి తీర్పు చెప్పారు. ఈ కేసులో కోర్టు హెడ్‌ కానిస్టేబుల్‌ ఆనందరావు, నరసింహులుతో పాటు ప్రస్తుత సీఐ వెంకటరమణ, అదనపు పబ్లిక్‌ ప్రాసిక్యూటర్‌ సంజీవయ్యను నాయుడుపేట డీఎస్పీ అభినందించారు. ముక్కంటి హుండీ లెక్కింపు శ్రీకాళహస్తి : శ్రీకాళహస్తీశ్వరాలయంలోని హుండీలను బుధవారం కొట్టు మండపంలో లెక్కించారు. ఆలయ ఈఓ బీకే వెంకటేశులు మాట్లాడుతూ ఈ నెల 5వ తేదీ నుంచి ప్రధాన హుండీలతోపాటు పరివార దేవతల వద్ద హుండీల ద్వారా మొత్తం రూ.1,23,34,698 వచ్చినట్లు వెల్లడించారు. అలాగే బంగారం 25 గ్రాములు, వెండి 340.690కిలోలు, విదేశీ కరెన్సీ 86 వచ్చినట్లు వివరించారు. ఎర్ర చందనం పట్టివేత ఏర్పేడు : మండలంలోని చింతలపాలెం ఫారెస్ట్‌ చెక్‌పోస్ట్‌ వద్ద బుధవారం బొలేరో వాహనంలో తరలిస్తున్న ఎర్రచందనం దుంగలను అటవీశాఖ అధికారులు స్వాధీనం చేసుకున్నారు. వెంకటగిరి నుంచి ఏర్పేడు వైపు వెళుతున్న బొలేరోను ఆపి తనిఖీ చేయగా, ఇంటి పాత సామాన్ల కింద 237 కిలోల ఎరచ్రందనం దుంగలు పట్టుబడ్డాయి. వాహనం సీజ్‌ చేసి అందులో ప్రయాణిస్తున్న ముగ్గురు తమిళనాడు వాసులపై కేసు నమోదు చేసినట్లు ఫారెస్ట్‌ అధికారులు తెలిపారు. ఇరువర్గాల ఘర్షణపై ఫిర్యాదు ఏర్పేడు : మండలంలోని పంగూరు వద్ద నిర్వహిస్తున్న ఓ మద్యం దుకాణం ఎదుట మూడు రోజుల కిందట పంగూరు, రాజులపాళెం గ్రామాలకు చెందిన యువకులు ఘర్షణ పడ్డారు. మద్యం మత్తులో ఇరువర్గాల వారు పరస్పరం దాడులు చేసుకోవడంతో కొందరు గాయపడ్డారు. ఈ క్రమంలో బుధవారం ఇరువర్గాల వారు పోలీసులకు ఫిర్యాదు చేశారు. విచారణ చేపట్టి, బాధ్యులపై చర్యలు తీసుకుంటామని సీఐ శ్రీకాంత్‌రెడ్డి తెలిపారు.

రేణిగుంట: వైఎస్సార్‌ సీపీ రేణిగుంట జెడ్పీటీసీ అభ్యర్థి గంగారి సుజాత, ఎంపీటీసీ అభ్యర్థులు నాగరాజు, హేమలత, దిలీప్‌ను ప్రజలు ఆదరించాలని మాజీ ఎమ్మెల్యే బియ్యపు మధుసూదన్‌ రెడ్డి, ఎంపీ గురుమూర్తి, ఎమ్మెల్సీ సిపాయి సుబ్రమణ్యం కోరారు. బుధవారం రేణిగుంటలో వైఎస్సార్‌ సీపీ కార్యకర్తలతో ఎన్నికల సన్నాహక సమావేశం నిర్వహించారు. ఎన్నికలలో అనుసరించాల్సిన విధానాలపై కార్యకర్తలకు దిశా నిర్దేశం చేశారు. వారు మాట్లాడుతూ ముందుగా టీడీపీ నుంచి ఎన్ని ప్రలోభాలు ఎదురైనా ధైర్యంగా నిలబడిన వైఎస్సార్‌సీపీ కుటుంబ సభ్యులందరికీ ధన్యవాదాలు తెలిపారు. స్థానిక సంస్థల ఎన్నికల్లో పార్టీ అభ్యర్థుల విజయానికి ప్రతి కార్యకర్త కృషి చేయాలని పిలుపునిచ్చారు. గత వైఎస్సార్‌ సీపీ ప్రభుత్వంలో జగనన్న ప్రవేశపెట్టిన సంక్షేమ పథకాల గురించి ప్రజలకు వివరించాలని, అలాగే టీడీపీ మోసపూరితమైన సూపర్‌ సిక్స్‌ హామీల విషయాన్ని క్షేత్రస్థాయిలో ఎండగట్టాలని సూచించారు. రాష్ట్రంలో జగనన్న చేసిన మంచే మనకు శ్రీరామ రక్ష అని, పార్టీ కార్యకర్తలంతా ఐక్యంగా ప్రజల్లోకి వెళ్లి మన అభ్యర్థులను అఖండ మెజార్టీతో గెలిపించుకోవాలని కోరారు. డీసీసీబీ మాజీ అధ్యక్షుడు సిద్ధగుంట సుధాకర్‌ రెడ్డి, జెడ్పీటీసీ మాజీ సభ్యుడు తిరుమలరెడ్డి, పార్టీ మండల అధ్యక్షుడు గంగారి రమేష్‌, బాబ్జి రెడ్డి, శ్రీధర్‌ రెడ్డి, గణేష్‌ రెడ్డి, పురుషోత్తం రెడ్డి, జువ్వల దయాకర్‌ రెడ్డి, యోగేశ్వర్‌ రెడ్డి, మునిశేఖర్‌ రెడ్డి, శీను యాదవ్‌, పట్టణ అధ్యక్షుడు ప్రభాకర్‌, మాజీ సర్పంచ్‌ నగేషం, రహీం, శంకర్‌ రెడ్డి, ప్రకాష్‌, రసూల్‌, ఖాదర్‌ బాషా, హాసన్‌ సాహెబ్‌, పర్వీన్‌ బి, రాణి, బుజ్జమ్మ, జాన్‌ బాబు, కుట్టి, ప్రవీణ్‌, శ్రీనివాసులు, శ్రీకాంత్‌, లోహి, రమణ, సరోజమ్మ, సుబ్బమ్మ, తశీన, స్వర్ణలత, షాహిదా, అమ్ములు, రఫీ ఉల్లా, అబ్దుల్‌ ఖాదర్‌, షబ్బీర్‌, ఇరానీ ఖాదర్‌, ధర్మ, రాజేష్‌, శివకుమార్‌, పార్థసారథి పాల్గొన్నారు.

ఏర్పేడు: డల్హౌసీ యూనివర్శిటీతో కలసి ప్రపంచస్థాయి పరిశోధనలను మరిన్ని ఆవిష్కరించే దిశగా అడుగులు వేస్తున్నట్లు తిరుపతి ఐసర్‌ ప్రతినిధులు పేర్కొన్నారు. ఏర్పేడు మండలం జంగాపల్లి సమీపంలోని తిరుపతి ఐసర్‌లో బుధవారం డల్హౌసీ యూనివర్శిటీ ఇన్నోవేషన్‌ ఏవీపీ జెఫ్‌ లారెన్స్‌ పాల్గొని విద్యార్థులతో మాట్లాడారు. ఆవిష్కరణ, పరిశోధన వాణిజ్యకరణలోకి ఆలోచనలను స్కేలబుల్‌ వెంచర్లుగా మార్చడానికి కార్యాచరణ మార్గాలను వివరించారు. డల్హౌసీ యూనివర్శిటీ క్లీన్‌ అగ్రికల్చర్‌ టెక్నాలజీ – ఎనర్జీ ప్రతినిధి డాక్టర్‌ సోనిల్‌ నంద, తిరుపతి ఐసర్‌ ఇంటర్నేషనల్‌ రిలేషన్స్‌ అసోసియేట్‌ డీన్‌ డాక్టర్‌ అన్నపూర్ణ దేవి అల్లు తదితరులు పాల్గొన్నారు.

బుచ్చినాయుడుకండ్రిగ : మండలంలోని పార్లపల్లె దళితవాడలో జరిగిన ఇరువర్గాల ఘర్షణ కేసులో ముగ్గురు నిందితులను అరెస్టు చేసినట్లు శ్రీకాళహస్తి డీఎస్పీ పావని తెలిపారు. బుధవారం ఈ మేరకు బీఎన్‌ కండ్రిగ పోలీస్‌స్టేషన్‌లో నిందితుల అరెస్ట్‌ను చూపారు. డీఎస్పీ కథనం మేరకు.. దళితవాడకు చెందిన బద్రి, జగదీష్‌, కుటుంబ సభ్యులకు, సుబ్రమణ్యం, బాలాజీ, హరి కుటుంబ సభ్యులకు నాలుగు నెలల క్రితం జరిగిన మాతమ్మ కొలువులో గొడవలు జరిగాయి. గ్రామ పెద్దలు సర్ది చెప్పి, రాజీ కుదిర్చారు.. మంగళవారం సుబ్రమణ్యం మామా మరణించడంతో అంత్యక్రియలు అనంతరం మద్యం మత్తులో ఉన్న బద్రి, జగదీష్‌, శ్రీకాళహస్తి చెందిన మునికుమార్‌, సాయిలు సుబ్రమణ్యం, బాలాజీ కుటుంబ సభ్యులపై కత్తులతో దాడి చేశారు. ఈ దాడిలో సుబ్రమణ్యం, బాలాజీ తీవ్రంగా గాయపడ్డారు. బాలాజీ భార్య, మేనకోడలు, మరో ఇద్దరు మహిళలకు స్వల్పగాయాలైయ్యాయి. బాధితులను శ్రీకాళహస్తి ఏరియా ఆస్పత్రికి తరలించారు. ఈ కేసుకు సంబంధించి జగదీష్‌, హేమంత్‌, మునికుమార్‌ను అరెస్టు చేశారు. మరో నిందితుడు బద్రిని అరెస్టు చేయాల్సి ఉంది. సీఐ లక్ష్మీనారాయణ, ఎస్‌ఐ హరిప్రసాద్‌ పాల్గొన్నారు. 5న పరిషత్‌ ఎన్నికలు తిరుపతి అర్బన్‌ : జెడ్పీటీసీ, ఎంపీటీసీ ఎన్నికలను నవంబర్‌ 5వ తేదీన నిర్వహించనున్నట్లు కలెక్టర్‌ వెంకటేశ్వర్‌ బుధవారం వెల్లడించారు. అలాగే ఎక్కడైనా ఇబ్బందులు చోటుచేసుకుంటే రీ పోలింగ్‌ 6న చేపట్టి, 7వ తేదీన కౌంటింగ్‌ ప్రక్రియ పూర్తి చేస్తామని వెల్లడించారు. నవంబర్‌ 3వ తేదీన మున్సిపల్‌ ఎన్నికల కౌంటింగ్‌ ఉండడంతో పరిషత్‌ ఎన్నికల తేదీని మార్చినట్లు వివరించారు.

తిరుపతి మంగళం : తిరుపతిలో మురుగు రాజకీయం నడుస్తోందని, రూ.35 కోట్లతో ప్రారంభించాల్సిన కేంద్ర ప్రభుత్వ అమృత్‌ పథకం పనుల్లో విషం చిమ్ముతున్నారని వైఎస్సార్‌సీపీ రీజనల్‌ కో–ఆర్డినేటర్‌ భూమన కరుణాకరరెడ్డి ఆరోపించారు. బుధవారం తిరుపతి కొర్లగుంటలో చేపట్టిన ఎన్నికల ప్రచారంలో భాగంగా ఆయన మీడియాతో మాట్లాడారు. టెండర్లు పూర్తయి వందరోజులు గడిచినా పర్సెంటేజీలు కుదరక వాటిని తెరవడం లేదని, దాంతో నగర ప్రజలు మురుగు వాసనతో అల్లాడిపోతున్నారని మండిపడ్డారు. మురుగు ట్రీట్మెంట్‌ ప్లాంట్‌ కోసం కేంద్ర ప్రభుత్వ రూ.35కోట్ల పనులకు టెండర్లు విడుదల చేసిందన్నారు. అయితే ఈ టెండర్లలో బెంగుళూరుకు చెందిన కేబీఆర్‌ ఇన్‌ఫ్రా కంపెనీ, జిల్లాకు చెందిన జేఎంసీ, గుంటూరుకు చెందిన రఘురామ్‌ హోమ్‌ పైప్స్‌ కంపెనీలు టెండర్లు వేశాయని తెలిపారు. అయితే బెంగుళూరుకు చెందిన కంపెనీకి అన్ని అర్హతులు ఉండడమే కాకుండా టెండర్‌కు అనుగుణంగా తక్కువకు కోట్‌ చేసిందన్నారు. అయితే ఈ పనులు ప్రారంభించడానికి ఎమ్మెల్యే ఆరణి శ్రీనివాసులు రూ.3.5కోట్లు ఇవ్వాలని బెదిరిస్తున్నట్లు ఆరోపించారు. డ్రైనేజీ నీళ్లను శుద్ధి చేసి పరిశ్రమలకు అందించాలనే ఉద్దేశంతో స్థాపించబోయే ప్రాజెక్టును కమీషన్ల కోసం అడ్డుకోవాలని చూడడం దుర్మార్గమన్నారు. ఈ మురుగు ట్రీట్మెంట్‌ ప్లాంట్‌ వల్ల తిరుపతిలో చాలా వరకు మురుగు శుభ్రం అయ్యే అవకాశం ఉందని వెల్లడించారు. కూటమి దౌర్జన్యం కారణంగా ఇప్పటివరకు టెండర్‌ ఓపెన్‌ కాలేదంటే వారి దాదాగిరి ఏ స్థాయిలో ఉందో అర్థమవుతోందని విమర్శించారు. ప్యాకేజీలకే పవన్‌ ప్రాధాన్యత స్థానిక ఎన్నికల టికెట్ల కేటాయింపుల్లో టీడీపీ, జనసేన పార్టీల మధ్య సమన్వయ లోపంతో కిందస్థాయి శ్రేణుల్లో కుమ్ములాటలు జరుగుతున్నాయని భూమన ఆరోపించారు. జనసేన పార్టీ శ్రేణులకు బీఫామ్‌లు ఇవ్వకుండా ఇబ్బంది పెడుతున్నా, టీడీపీ నాయకులు కొట్టి నామినేషన్‌ పత్రాలను చింపేస్తున్నా పవన్‌కల్యాణ్‌ అవేమీ పట్టించుకోవడం లేదన్నారు. పార్టీ శ్రేణులపై దాడులు జరుగుతున్నా, వారు అసంతృప్తి వ్యక్తంచేస్తున్నా పట్టించుకోకుండా కేవలం చంద్రబాబు ఇచ్చే ప్యాకేజీలకే పవన్‌కల్యాణ్‌ ప్రాధాన్యత ఇస్తున్నారని విమర్శించారు. దీంతో అనేక మంది జనసేన నాయకులు వైఎస్సార్‌సీపీలో చేరడానికి మొగ్గు చూపుతున్నారని వెల్లడించారు.

తిరుపతి అన్నమయ్యసర్కిల్‌: స్థానిక సంస్థల ఎన్నికల్లో పోటీ పడుతున్న వైఎస్సార్‌సీపీ అభ్యర్థులకు భద్రత కల్పించడం అవసరమని మాజీ డిప్యూటీ సీఎం నారా యణస్వామి డిమాండ్‌ చేశారు. బుధవారం తిరుపతి ప్రెస్‌క్లబ్‌లో ఆయన మాట్లాడారు. జెడ్పీటీసీ అభ్యర్థితోపాటు నామినేషన్‌ వేసేందుకు వెళుతున్న సమయంలో తనపై బీగాలు రమేష్‌, అతని కుటుంబ సభ్యులు, పాల జనార్ధన్‌ దాడి చేశారని ఆరోపించారు. ఈ ఘటనకు పాల్పడిన నిందితులను వెంటనే అరెస్టు చేయాలన్నారు. చిత్తూరు వన్‌టౌన్‌ పోలీసుస్టేషన్‌ 127/2026 సెక్షన్‌ కింద కేసు సైతం నమోదైందని తెలిపారు. ఎమ్మెల్యే థామస్‌ తమిళనాడుకు చెందిన రౌడీలను తీసుకొచ్చి తనపై దాడికి పాల్పడ్డారని మండిపడ్డారు. కార్వేటినగరం మండలంలోని బీకేఆర్‌ కల్యాణమండపం, ఎస్‌ఆర్‌ పురంలోని శంకర్‌నాయుడు కల్యాణమండపం, పెనుమూరులో ఇలా పలుచోట్ల తమిళనాడుకు చెందిన రౌడీలను భారీ సంఖ్యలో ఉంచారని వెల్లడించారు. వెదురు కుప్పం గ్యాస్‌ గోడౌన్‌ దగ్గర వైఎస్సార్‌సీపీ నేతలు, కార్యకర్తలపై దాడి చేయించారని మండిపడ్డారు. ఎస్‌ఆర్‌ పురంలో జ్యోతి రెడ్డి దాడి చేసిన వీడియోను మీడియాకు చూపించారు. జీడి నెల్లూరులో మహిళ అభ్యర్ధి మోహన కుమారి వద్ద ఉన్న నామినేషన్‌ చింపి వేయడం, పెనుమూరు జెడ్పీటీసీ నామినేషన్‌ వేసిన నీరోషారెడ్డిపై జెడ్పీ హాల్లోనే దాడి చేశారన్నారు. అల్లగుంటలో వెంకటేష్‌ అనే వ్యక్తి పై దాడి చేశారనే అధారాలను సేకరించామన్నారు. ఎన్నికల్లో జరిగిన ఘటనలపై తమ ప్రభుత్వం వచ్చిన తర్వాత సీబీఐ విచారణ జరిపిస్తామని తెలిపారు. టీడీపీ నేతలు చెప్పిన మాటలు వింటే, భవిష్యత్‌లో అధికారులు ఇబ్బందిపడతారని హెచ్చరించారు. నేతలు హేమసుందర్‌రెడ్డి, పేట ధనుంజయరెడ్డి, గణపతి రెడ్డి తదితరులు పాల్గొన్నారు.

అధికారంలోకి వచ్చిన వెంటనే రాష్ట్రంలో ఖాళీగా ఉన్న 2.50లక్షల ప్రభుత్వ ఉద్యోగాలను భర్తీ చేస్తాం. యువతకు అండగా నిలబడి నిరుద్యోగ సమస్యను పూర్తిగా నిర్మూలిస్తాం అన్నారు. ఆశించిన స్థాయిలో నోటిఫికేషన్లు విడుదల చేయడం లేదు. జిల్లాలో ఎంతో మంది ఉద్యోగాల కోసం బెంగుళూరు, చైన్నె, హైదరాబాదు వంటి నగరాలకు వలస వెళుతున్నారు. – జె.మల్లికార్జున, ఎన్‌ఎస్‌యూఐ రాష్ట్ర ప్రధాన కార్యదర్శి, తిరుపతి ఉద్యోగాలు ఎవరికిచ్చారో.. ఏడాదికి 4లక్షల ఉద్యోగాలు అన్నారు. ఆ ప్రస్తావనే లేదు. జాబ్‌మేళాల పేరుతో అటెండర్‌, సేల్స్‌మెన్‌, సెక్యూరిటీ వంటి ఉద్యోగాలను ప్రైవేటు కంపెనీలలో చూ పించడం అన్యాయం. ప్రభుత్వ శాఖలలో ఖాళీగా ఉన్న అన్ని పోస్టులకు ఏపీపీఎస్సీ ద్వారా నోటిఫికేషన్లు విడుదల చేయా ల్సిందే. లేకుంటే నిరుద్యోగుల ఆగ్రహానికి గురికాకతప్పదు. – లోకేష్‌, పీడీఎస్‌యూ జిల్లా కార్యదర్శి, తిరుపతి మూల్యం చెల్లించకతప్పదు నిరుద్యోగులను మభ్యపెట్టి మోసం చేసిన ఏ ప్రభుత్వాలు మనుగడ సాధించలేవు. యువత ఉద్యోగాల కోసం వెయ్యి కళ్లతో ఎదురు చూస్తున్నారు. రాష్ట్ర వ్యాప్తంగా 60వేలకు పైగా ఉపాధ్యాయ పోస్టులు ఖాళీగా ఉంటే తూతూ మంత్రంగా కేవలం 15వేలు భర్తీ చేసి చేతులు దులుపుకున్నారు. నిరుద్యోగులను మోసం చేస్తే ప్రభుత్వం తగిన మూల్యం చెల్లించుకోక తప్పదు. – అక్బర్‌, ఎస్‌ఎఫ్‌ఐ జిల్లా కార్యదర్శి, తిరుపతి ●

తిరుమల: తిరుమలలో బుధవారం భక్తుల రద్దీ సాధారణంగా ఉంది. క్యూకాంప్లెక్స్‌లోని 10 కంపార్ట్‌మెంట్లలో భక్తులు వేచి ఉన్నారు. మంగళవారం అర్ధరాత్రి వరకు 79,774 మంది స్వామివారిని దర్శించుకున్నారు. 21,886 మంది భక్తులు తలనీలాలు అర్పించారు. స్వామివారికి కానుకల రూపంలో హుండీలో రూ.4.84 కోట్లు సమర్పించారు. టైంస్లాట్‌ టిక్కెట్లు కలిగిన భక్తులకు సకాలంలో దర్శనం లభిస్తోంది. దర్శన టిక్కెట్లు లేని వారు స్వామిని దర్శించుకోవడానికి 8 గంటల సమయం పడుతోంది. ప్రత్యేక ప్రవేశ దర్శనం టిక్కెట్లు కలిగిన వారు 3 గంటల్లో స్వామిని దర్శించుకోగలుగుతున్నారు. ఇదిలా ఉంటే సర్వదర్శనం టోకెన్లు కలిగిన భక్తులు నిర్దేశించిన సమయానికి మాత్రమే క్యూలోకి వెళ్లాలని టీటీడీ విజ్ఞప్తి చేస్తోంది. కేటాయించిన సమయానికంటే ముందు వెళ్లిన వారిని క్యూలోకి అనుమతించరని స్పష్టంచేసింది. స్విమ్స్‌లో కిడ్నీ మార్పిడి శస్త్రచికిత్స తిరుపతి తుడా: రాష్ట్ర ప్రభుత్వ జీవన్‌దాన్‌ పథకం కింద అందిన కిడ్నీలతో స్విమ్స్‌లో విజయవంతంగా ఇద్దరి రోగులకు మూత్రపిండ మార్పిడి శస్త్రచికిత్స నిర్వహించినట్లు డైరెక్టర్‌ డాక్టర్‌ జగదీష్‌ తెలిపారు. నెఫ్రాలజీ, యూరాలజీ, అనస్తీషి యా విభాగాలతో పాటు అవయవ మార్పిడి సమన్వయ బృందం సమష్టి కృషితో శస్త్రచికిత్సలు పూర్తి చేశామని చెప్పారు. రోగులను పరిశీలించిన అనంతరం ఆయన మాట్లాడుతూ నెల్లూరులోని అపోలో ఆస్పత్రిలో బ్రెయిన్‌ డెడ్‌గా నిర్ధారించబడిన దాత నుంచి సేకరించిన కిడ్నీల ను స్విమ్స్‌కు కేటాయించారని వెల్లడించారు. ఈ కిడ్నీలను చిత్తూరు జిల్లా పెనుమూరు మండలానికి చెందిన 33 ఏళ్ల పురుషుడికి, తిరుపతి జిల్లా నాగలాపురం మండలానికి చెందిన 37 ఏళ్ల మహిళకు విజయవంతంగా కిడ్నీ మార్పిడి శస్త్ర చికిత్స నిర్వహించామని వివరించారు. శ్రీవారి సేవలో అపోలో చైర్మన్‌ తిరుమల : తిరుమల శ్రీవారిని అపోలో చైర్మన్‌ ప్రతాప్‌ సి రెడ్డి బుధవారం సేవించుకున్నారు.ఆయనకు ఆలయ అధికారులు ప్రత్యేక దర్శనం ఏర్పాట్లు చేశారు. దర్శనానంతరంరంగనాయకుల మండపంలో పండితులు వేద ఆశీర్వచనం ఇచ్చారు. టీటీడీ అధికారులు ఘనంగా లడ్డూ ప్రసాదాలతో సత్కరించారు.

ఎన్నికల సమయంలో నిరుద్యోగులకు ఇచ్చిన ఒక హామీని కూడా నెరవేర్చలేదు. ప్రభుత్వం ప్రగల్భాలకే పరిమితమైంది. పనితీరు శూన్యం. లక్షల ఉద్యోగాలు ఇస్తామన్నారు. నిరుద్యోగ భృతికి నామం పెట్టేశారు. అధికారం చేపట్టి రెండేళ్లు పూర్తయినా యువగళం పాద యాత్ర హామీల్లో ఒక్కటి కూడా నెరవేర్చకపోవడం దారుణం. – శివశంకర్‌ నాయక్‌, జీఎన్‌ఎస్‌ వ్యవస్థాపక అధ్యక్షుడు, తిరుపతి భృతి భ్రాంతిగానే.. కూటమి సర్కార్‌ ఎన్నికల ముందు ప్రగల్భాలు పలికి నిరుద్యోగ యువతకు భృతి కింద నెలకు రూ.3వేలు చెల్లిస్తామని వంచించి ఓట్లు దండుకుని అధికారం చెపట్టి ప్రస్తుతం ఆ మాటే ఎత్తకపోవడం దారుణం. వేలాది మంది నిరుద్యోగులు భృతికోసం రెండున్నరేళ్లుగా ఎదురు చూస్తున్నారు. తక్షణం బకాయిలతో పాటు పూర్తి స్థాయిలో నిరుద్యోగ భృతిని చెల్లించి ఇచ్చిన హామీని నిలబెట్టుకోవాలి. – ప్రవీణ్‌, ఏఐఎస్‌ఎఫ్‌ జిల్లా కార్యదర్శి, తిరుపతి

ఎన్నికల విధుల్లో నూతన కానిస్టేబుళ్లు అప్రమత్తంగా ఉండాలని ఎస్పీ సుబ్బరాయుడు ఆదేశించారు. ఆదేశించాకే.. ప్రకటించారు జెడ్పీటీసీ, ఎంపీటీసీ స్థానాల అభ్యర్థుల ఫైనల్‌ జాబితా మంగళవారం సాయంత్రానికే వెళ్లడించాల్సి ఉంది. అయితే టీడీపీ, జనసేన అభ్యర్థుల మధ్య పొత్తుల పంచాయితీ తేలకపోవటంతో.. అర్థరాత్రి వరకు ఫైనల్‌ జాబితాను ప్రకటించకుండా అధికారులు వేచి చూశారు. అధికారపార్టీ నాయకులు చెప్పినట్లు ఎన్నికల అధికారులు నడుచుకుంటున్నారన్నదానికి ఇదో నిదర్శనమని ఓ ఉన్నతాధికారి ఆవేదన వ్యక్తం చేశారు. అధికార పార్టీ నాయకులు ఆదేశిస్తే.. ఎన్నికల అధికారులు పాటించడంపై ప్రజాస్వామ్య వాదులు మండిపడతున్నారు.

ఈమె పేరు నన్నం ప్రిస్కిల్లా.. పెళ్లకూరు మండలం నెలబల్లి ఎంపీటీసీ సెగ్మెంట్‌ ఎస్సీ మహిళకు కేటాయించారు. దీంతో నామినేషన్‌ వేసేందుకు తొలిరోజు నుంచి విశ్వ ప్రయత్నాలు చేశారు. కానీ, కూటమి రౌడీమూకలు తొలిరోజు దౌర్జన్యం చేసి నామినేషన్‌ కేంద్రం లోపలకు పోనీకుండా అడ్డుకున్నారు. రెండో రోజు పోలీసులు బందోబస్తు నడుమ నామినేషన్‌ కేంద్రానికి వెళ్లి నామినేషన్‌ సమయంలో సాక్షి సంతకాలు చేయడానికి వచ్చిన మహిళలను లోపలికి అనుమతించలేదు. దాంతో సాక్షి సంతకం స్క్రూటినీ రోజు పెట్టుకోవచ్చని రిటర్నింగ్‌ అధికారి డాక్టర్‌ ధనుంజయులు సూచించడంతో ఒక్క సంతకం మాత్రమే పెట్టి వచ్చేసింది. తర్వాత సాక్షి సంతకం లేదని నామినేషన్‌ తొలగించారు. సాయంత్రం వరకు పడిగాపులు కాచినా పట్టించుకోలేదు. ఆర్‌డీఓకి అప్పీలు చేసుకున్నా ఉపయోగం లేకుండా పోయింది.

ఎన్నికల సమయంలో బాబుగారి హామీలు రెండున్నరేళ్లలో అమలు చేసినవి ఏడాదికి 4లక్షల చొప్పున 20లక్షల ఉద్యోగాలు భర్తీ నిల్‌ ఆడబిడ్డనిధి (నెలకు రూ. 1500) చేతులెత్తేశారు నిరుద్యోగ భృతి (నెలకు రూ.3వేలు) నామం పెట్టేశారు ఫీజు రీయింబర్స్‌మెంట్‌ బకాయిలు విద్యార్థులకు నరకం ప్రతి ఏడాది జాబ్‌ క్యాలెండర్‌ విడుదల తూతూమంత్రమే ఇంటికో పారిశ్రామిక వేత్తను చేస్తాం మాటలకే పరిమతం యువతకోసం ప్రత్యేక మ్యాన్‌ఫ్యాక్చరింగ్‌ యూనిట్స్‌ నిల్‌ ఇతర రాష్ట్రాలకు వెళ్లుతున్న నిరుద్యోగుల వలసను అరికడతాం ప్రగల్బాలకే పరిమితం ఎమ్‌ఎస్‌ఎమ్‌ఈ, ఓబీఎమ్‌ఎమ్‌ఎస్‌, స్టార్టప్స్‌ నిల్‌ సెల్ఫ్‌ ఎంప్లాయిమెంట్‌ స్కీమ్స్‌ అమలు అంతా ఉత్తిదే కాంట్రాక్ట్‌ ఉద్యోగులను పర్మనెంట్‌ చేస్తాం ఊసేలేదు టీటీడీ వంటి ఆధ్యాత్మిక క్షేత్రాలలో ఉద్యోగాల భర్తీ లేదని తేల్చేశారు యూనివర్సిటీలలో బోధన, బోధనేతర సిబ్బంది నియామకాలు నిల్‌ ప్రభుత్వ సంస్థలలో పనిచేసే వారికి ఉద్యోగ భద్రత ఉన్న వాటిని ఊడబెరికారు ప్రతి మండలంలో స్కిల్‌ డెవలప్‌మెంట్‌ హబ్స్‌ మాయమాటలే ఇంటింటా సర్వేతో యువతను గుర్తించి ఉపాధి కల్పిస్తాం నిల్‌ నిరుద్యోగ యువత ఉపాధికి షరతులు లేని రుణాలు మాటలకే పరిమితం ఎమ్‌ఎన్‌సీ, ప్రైవేటు సంస్థలలో ఉద్యోగాలకు రిజర్వేషన్ల అమలు ఉత్తుత్తి మాటలే ఎన్నికలు వస్తే చంద్రబాబు అరచేతిలో వైకుంఠం చూపిస్తారు. అది చేస్తాం.. ఇది ఇచ్చేస్తామంటూ అలవికాని హామీలు గుప్పిస్తారు. అధికారంలోకి వచ్చాక వెంటనే మాట తప్పేస్తారు. నాలుక మడతపెట్టేస్తారు. ఏదీ సక్రమంగా అమలు చేయకుండానే అన్నీ చేసేశామంటూ నాటకాలు మొదలు పెట్టేస్తారు. ఈ క్రమంలో బాబు వైఖరిపై ప్రజలు మండిపడుతున్నారు. ఇచ్చిన హామీలన్నీ అమలు చేయకుంటే తగిన బుద్ధి చెబుతామని హెచ్చరిస్తున్నారు.తిరుపతి సిటీ : హామీలు ఇచ్చి చేతులెత్తేయడం చంద్రబాబుకు వెన్నతో పెట్టిన విద్య. 2024 సార్వత్రిక ఎన్ని కల సమయంలో యువతను, మహిళలను ఆకట్టుకోవడం కోసం అలివికాని హామీలతో ప్రచారం చేసి ఓట్లు దండుకున్నారు. అధికారం చేపట్టిన వెంటనే తాను ప్రజలకు ఇచ్చిన హామీల ఊసే ఎత్తడం లేదు. ఎన్నికల సమయంలో మూడు పర్యాయాలు జిల్లాలో పర్యటించిన బాబు అండ్‌ బ్యాచ్‌ వాగ్దానాలతో హోరెత్తించారు. ప్రతి కుటుంబంలోని ఆడబిడ్డకు నెలకు రూ.1500 ఇస్తామని, నిరుద్యోగ యువతకు ప్రతి నెలా రూ.3వేలను ఉద్యోగం వచ్చేవరకు చెల్లిస్తామని నమ్మబలికారు.యువగళం పాదయాత్రలోనూ ప్రస్తుత మంత్రి లోకేష్‌ యువతకు అండగా ఉంటానని నిరుద్యోగభృతితో పాటు ఏడాదికి 4లక్షల ఉద్యోగాలు, ఐదేళ్లలో 20లక్షలు ఉద్యోగాలు, ఇంటికో పారిశ్రామికవేత్తను చేస్తామన్నారు. ఇచ్చిన ఏ ఒక్క హామీనీ నెరవేర్చకపోగా ఉన్న ఉద్యోగాలను సైతం ఊడగొట్టి రోడ్డుపాలు చేస్తున్నారు. ఫీజు రీయింబర్స్‌మెంట్‌ విషయంలో సైతం చేతులెత్తేశారు. దీంతో పేద బిడ్డలు ఉన్నత చదువులకు దూరమవుతున్నారని విద్యార్థి సంఘాల నేతలు మండిపడుతున్నారు. ఎన్నికల ప్రచారంలో కూటమి నేతలను ఈ హామీలపై నిలదీస్తున్నారు.

ఈమె పేరు చిలకా స్వాతి. సూళ్లూరుపేట మండలం కడపట్ర ఎంపీటీసీ సెగ్మెంట్‌ బీసీ మహిళకు కేటాయించడంతో నామినేషన్‌ చేయడానికి సూళ్లూరుపేట పట్టణంలోని ఎంపీడీఓ కార్యాలయంలో ఏర్పాటు చేసిన నామినేషన్‌ కేంద్రానికి వచ్చారు. అక్కడ కూటమి నేతలు లోపలకు పోనీకుండా ఆడ్డుకున్నారు. ఎస్‌ఐ అజయ్‌కుమార్‌కి ఫిర్యాదు చేసినా ఆయన ఏమాత్రం పట్టించుకోలేదు. 144 సెక్షన్‌ అమలులో ఉన్నప్పటికీ కూటమి నేతలు గుంపులుగానే ఉన్నారు. గతంలో ఇదే పంచాయతీ సర్పంచ్‌గా పనిచేసిన ఆమెకు మళ్లీ ఎంపీటీసీగా అవకాశం వచ్చినా కూటమి రౌడీమూకల కారణంగా బరిలో నిలవలేకపోయారు.

ముక్కంటి హుండీ లెక్కింపు శ్రీకాళహస్తీశ్వరాలయంలో బుధవారం హుండీ లెక్కింపు చేపట్టారు. భక్తులు సమర్పించిన కానుకలను లెక్కించారు. తిరుపతి మంగళం : తిరుపతి కార్పొరేషన్‌ ఎన్నికల్లో అక్రమాలకు పాల్పడితే సహించే ప్రసక్తే లేదని, పారదర్శంగా ప్రక్రియ పూర్తి చేయాలని వైఎస్సార్‌సీపీ రీజనల్‌ కో–ఆర్డినేటర్‌ భూమన కరుణాకరరెడ్డి స్పష్టం చేశారు. బుధవారం తిరుపతి పద్మావతిపురంలోని పార్టీ జిల్లా కార్యాలయంలో ఆయన మాట్లాడారు. వైఎస్సార్‌సీపీ కార్పొరేటర్‌ అభ్యర్థులను నామినేషన్లు వేయనీయకుండా టీడీపీ గూండాలు చేసిన అరాచకాలకు పోలీసులు సహకరించారని మండిపడ్డారు. ఈ క్రమంలోనే కార్పొరేషన్‌ ఎన్నికల్లో టీడీపీ గూండాలు రిగ్గింగ్‌కు పాల్పడితే మళ్లీ కోర్టును ఆశ్రయించి వారికి సహకరించిన పోలీస్‌, ఎన్నికల అధికారులందరినీ న్యాయస్థానం ముందు నిలబెడుతామని హెచ్చరించారు. పోలీసులు, అధికారులు కార్పొరేషన్‌ ఎన్నికలను నిష్పక్షపాతంగా, ప్రశాంతంగా జరిపించాలని, పోలింగ్‌ కేంద్రాల వద్ద సీసీ కెమెరాలు ఏర్పాటు చేయాలని కోరారు. నామినేషన్ల దశలో వైఎస్సార్‌సీపీ అభ్యర్థులు ఎదుర్కొన్న బెదిరింపులు, దౌర్జన్యాలు, మహిళా అభ్యర్థులపై జరిగిన దాడుల నేపథ్యంలో సుప్రీంకోర్టును ఆశ్రయించామన్నారు. న్యాయస్థానం ఆదేశాల అనంతరం నామినేషన్ల ప్రక్రియ ముందుకు సాగిందని వెల్లడించారు. అయినప్పటికీ, ప్రస్తుతం కార్పొరేటర్‌ అభ్యర్థులతో పాటు మేయర్‌ అభ్యర్థిని కూడా కొందరు రాజకీయ ప్రత్యర్థులు భయభ్రాంతులకు గురిచేస్తున్నారని ఆరోపించారు. ఎన్నికలు సజావుగా జరగనివ్వబోమని, ఏకపక్షంగా రిగ్గింగ్‌ చేస్తామని, పోలింగ్‌ ఏజెంట్లను బయటకు పంపిస్తామని, తమను ఎవరూ అడ్డుకోలేరని, పోలీసుల మద్దతు తమకే ఉందని బెదిరింపులకు పాల్పడుతున్నట్లు సమాచారం అందుతోందని వెల్లడించారు. ఇలాంటి చర్యలు ప్రజాస్వామ్యానికి విరుద్ధమైనవని, వీటిపై అధికారులు తక్షణమే స్పందించి తగిన చర్యలు తీసుకోవాలని డిమాండ్‌ చేశారు. పవిత్రమైన తిరుపతి నగరంలో ఎన్నికల సందర్భంగా ఇలాంటి అవాంఛనీయ పరిస్థితులు తలెత్తడం ప్రజాస్వామ్య వ్యవస్థకే మచ్చగా మారుతుందని ఆవేదన వ్యక్తం చేశారు. ప్రతి అభ్యర్థికి సమాన అవకాశాలు కల్పించడం, ప్రజలు ఎలాంటి భయం లేకుండా తమ ఓటు హక్కును వినియోగించుకునేలా చూడడం అధికారుల బాధ్యతని స్పష్టం చేశారు. ప్రతి పోలింగ్‌ కేంద్రంలో సీసీ కెమెరాలను ఏర్పాటు చేసి, ఎన్నికల ప్రక్రియకు సంబంధించిన ఫుటేజీని భద్రపరచేలా చర్యలు తీసుకోవాలని కోరారు.

నగరంలో శిథిలావస్థకు చేరుకుని పొంగిపొర్లుతున్న డ్రైనేజ్‌ వ్యవస్థ తిరుపతి తుడా: 2014 ఎన్నికల్లో తిరుపతిని సింగపూర్‌ని చేస్తానని చంద్రబాబు హామీ ఇచ్చారు. ఆ ఐదేళ్లలో తిరుపతి నగర అభివృద్ధికి చిల్లి గవ్వ విదల్చలేదు. 2024 ఎన్నికల్లోనూ తిరుపతి నగర అభివృద్ధికి చంద్రబాబుతో పాటు పవన్‌కళ్యాణ్‌ సైతం హామీల వర్షం కురిపించారు. అధికారంలోకి వచ్చి రెండన్నరేళ్లు పూర్తి కావస్తున్నా నగర అభివృద్ధికి రాష్ట్ర ప్రభుత్వం వాటాగా ఒక్క రూపాయి కూడా కేటాయించలేదు. తిరుపతి నగర అండర్‌ గ్రౌండ్‌ డ్రైనేజీపై పురపాలక శాఖ మంత్రి నారాయణ అసెంబ్లీలో ప్రస్తావించారు. తిరుపతిలో అండర్‌ గ్రౌండ్‌ డ్రైనేజీ మార్పు అనివార్యమని, అలానే కొత్త లైన్‌ ఏర్పాటు అవశ్యకమని చెబుతూనే కేంద్రం సహకరించకపోతే ఇప్పట్లో యూడీఎస్‌ లైన్‌ కోసం ఒక్క రూపాయి వెచ్చించే పరిస్థితులు లేవని తేల్చి చెప్పేశారు. అసెంబ్లీ సాక్షిగా తిరుపతి యూడీఎస్‌పై రాష్ట్ర ప్రభుత్వం చేతులెత్తేసిందని నగర ప్రజలు మండిపడుతున్నారు. యూడీఎస్‌ మార్పు అనివార్యం తిరుపతిలో 45 ఏళ్ల క్రితం నాటి ప్రజల అవసరానికి అనుగుణంగా అండర్‌ గ్రౌండ్‌ డ్రైనేజీ వ్యవస్థను ఏర్పాటు చేశారు. తిరుపతి దినాభివృద్ధి చెందుతుండడంతో ప్రస్తుతం దాదాపుగా 4.5 లక్షల జనాభా కలిగిన నగరంగా నిలిచింది. ప్రతిరోజూ లక్ష మందికి పైగా యాత్రికులు రాకపోకలు సాగిస్తుంటారు. 50 వేల జనాభా అవసరాలకు ఏర్పాటు చేసిన యూడీఎస్‌ లైన్‌ ఇప్పుడు ఐదు లక్షలకు పైగా జనాభా భారాన్ని మోస్తోంది. దీంతో నగరంలో ఎక్కడ చూసినా యూడీఎస్‌ లైన్‌లు బ్లాస్ట్‌ అవుతున్నాయి. మ్యాన్‌ హోల్‌ ఓవర్‌ ఫ్లో తో నగరంలోని పలు వీధులు రొచ్చుగా మారుతున్నాయి. ఈ క్రమంలో యూడీఎస్‌ వ్యవస్థను కొత్తగా ఏర్పాటు చేసుకోవాల్సిందేనని అనేక సర్వేలు తేల్చాయి. 2014 –19లో చంద్రబాబు ప్రభుత్వం దీనిపై నిర్లక్ష్యంగా వ్యవహరించింది. ఈ క్రమంలో పాత యూడీఎస్‌ వ్యవస్థను తొలగించి కొత్తగా ఏర్పాటు చేసేందుకు గత ప్రభుత్వ హయాంలో 2023లో రూ.450 కోట్ల వ్యయంతో అంచనా వేశారు. ప్రతిపాదనలు, కేంద్ర రాష్ట్ర ప్రభుత్వ సహకారం పై చర్చలు జరిగేసరికి 2024 ఎన్నికలు వచ్చేశాయి. నూతన యూడీఎస్‌ మాటేంటి ప్రస్తుతం జరగనున్న కార్పొరేషన్‌ ఎన్నికల్లో కూటమి నేతలు నగరంలో ఏర్పాటు చేయాల్సిన కొత్త యూడీఎస్‌ పరిస్థితిపై నోరు మెదపడం లేదు. స్థానిక సంస్థల ఎన్నికలను దృష్టిలో ఉంచుకుని ఎన్నికల కోడ్‌కు వారం రోజుల ముందు అర్భాటంగా రూ.3,222 కోట్లతో తిరుపతిని ఇంటిగ్రేటెడ్‌ టూరిజం టౌన్‌షిప్‌ చేసేందుకు ప్రయత్నిస్తున్నమని ప్రగల్భాలు పలికారు. ఎన్నికల స్టంట్‌లో భాగమేనని స్థానిక ప్రజలు ఆగ్రహం వ్యక్తం చేస్తున్నారు. కాగా కొన్ని డివిజన్లలో ప్రచారానికి వస్తున్న కూటమి నేతలను సీనియర్‌ సిటిజన్లు, స్థానిక మహిళలు నూతన యూడీఎస్‌పై ప్రశ్నిస్తున్నట్లు తెలుస్తోంది. కొత్త యూడీఎస్‌పై చేతులెత్తేసిన కూటమి ప్రభుత్వం కొత్త యూడీఎస్‌ ఎప్పటికో తిరుపతి నగరం మొత్తం పాత యూడీఎస్‌ స్థానంలో కొత్తగా యూడీఎస్‌ ఏర్పాటు చేసేందుకు రూ.450 కోట్లు అవసరమని నిర్ధారించారు. ఒకేసారి నగరమంతటా మార్చడం సాధ్యం కాదని భావించిన చంద్రబాబు ప్రభుత్వం 125 కి.మీ మేర అత్యవసరంగా మార్చాల్సిన అవసరం ఉందని ఏడాది క్రితం డీపీఆర్‌ సిద్ధం చేశారు. అప్పటి నుంచి ప్రభుత్వం వద్ద తిరుపతి యూడీఎస్‌ ఫైలు పెండింగ్‌లో ఉంది. ఈ ఏడాది ఫిబ్రవరిలో జరిగిన అసెంబ్లీ సమావేశాల్లో మంత్రి నారాయణ మాట్లాడుతూ తిరుపతిలో కొత్తగా అండర్‌ గ్రౌండ్‌ డ్రైనేజీ నిర్మాణం చేపట్టే ప్రతిపాదన తమ వద్దే లేదని చెప్పడంతో అధికారులు ముక్కున వేలేసుకున్నారు. 408.4 కి.మీ పరిధిలో యూడీఎస్‌ అవసరం ఉందని ఆయన చెప్పుకొచ్చారు. ప్రస్తుతం 284.3 కి.మీ పరిధిలో అండర్‌ గ్రౌండ్‌ డ్రైనేజీ వ్యవస్థ ఉందని, మరో 125 కి.మీ మేర కొత్త లైన్‌ వేయాలని లెక్కలు చెప్పారు. పాత లైన్‌లో అత్యవసరంగా 60 కి.మీ మేర మార్పు అనివార్యమని గుర్తించామని పేర్కొంటూ.. ఆపై చేతులెత్తేశారు. యూడీఎస్‌ పై ముందుకు వెళ్లాలంటే కేంద్ర ప్రభుత్వం సహకరించి నిధులు ఇస్తేనే సాధ్యమవుతుందని ఆయన స్పష్టం చేశారు.

– వ్యక్తి దుర్మరణం నాయుడుపేట టౌన్‌: నాయుడుపేట పట్టణ పరిధిలోని తుమ్మూరు అర్బన్‌హెల్త్‌ క్లినిక్‌ సమీపంలో రహదారిపై సోమవారం అర్ధరాత్రి మోటారు బైక్‌ ఆవును ఢీకొంది. ఈ ప్రమాదంలో చంద్రబాబు కాలనీకి చెందిన మన్నారు విజయ్‌(31) అక్కడికక్కడే మృతిచెందాడు. పోలీసుల కథనం.. చంద్రబాబు కాలనీకి చెందిన విజయ్‌ ఏసీ మెకానిక్‌. సోమవారం రాత్రి బైక్‌పై నాయుడుపేటకు వచ్చి తిరిగి అర్ధరాత్రి సమయంలో స్నేహితుడైన వెంకటేశ్వరుతో కలిసి బయలుదేరాడు. బైక్‌ను వెంకటేశ్వర్లు నడుపుతుండగా విజయ్‌ వెనక కూర్చుని వెళుతున్నాడు. ఒక్కసారిగా ఆవు రహదారికి అడ్డురావడంతో బైక్‌ను అదుపు చేయలేక ఢీకొట్టాడు. వెనుక కూర్చుని ఉన్న విజయ్‌ రోడ్డుపై పడడంతో తలకు తీవ్ర గాయాలై అక్కడికక్కడే మృతిచెందాడు. వెంకటేశ్వర్లు స్వల్పగాయాలతో బయటపడ్డాడు. ఈ మేరకు కేసు నమోదు చేసి దర్యాప్తు చేస్తున్నట్టు హెడ్‌కానిస్టేబుల్‌ వెంకటేశ్వర్లు తెలిపారు.

నాయుడుపేట టౌన్‌: నాయుడుపేట మున్సిపాల్‌ పీఠాన్ని వైఎస్సార్‌ కాంగ్రెస్‌పార్టీ తరఫున చైర్‌పర్సన్‌ అభ్యర్థిని తంబిరెడ్డి రాజేశ్వరమ్మ అధిరోహించడం ఖాయమని తిరుపతి ఎంపీ డాక్టర్‌ మద్దిల గురుమూర్తి ధీమా వ్యక్తం చేశారు. నాయుడుపేట పట్టణంలో మంగళవారం సాయంత్రం సూళ్లూరుపేట మాజీ ఎమ్మెల్యే సంజీవయ్యతో పాటు వైఎస్సార్‌ కాంగ్రెస్‌పార్టీ తరఫున పోటీలో ఉన్న కౌన్సిలర్‌ అభ్యర్థులతో కలిసి ఎన్నికల ప్రచారం చేశారు. పట్టణంలోని సీఎస్‌ తేజ సెంటర్‌ వద్ద నుంచి ఎంపీతో పాటు మాజీ ఎమ్మెల్యేలు, పార్టీ నాయకులు, కార్యకర్తలు, స్థానికులతో కలిసి బేరిపేట, మసీదువీధి, బజారువీధుల్లో ప్రచారాన్ని చేశారు. ఒకవైపు తిరుపతి ఎంపీ, మరోవైపు మాజీ ఎమ్మెల్యే వ్యాపారులు, దుకాణదారులు, గృహ యజమానుల వద్దకు వెళ్లి వారిని పలకరిస్తూ చైర్‌పర్సన్‌తో పాటు వార్డు కౌన్సిలర్‌ అభ్యర్థులకు రెండు ఓట్లు ఫ్యానుగుర్తుపై వేసి గెలిపించాలని అభ్యర్థించారు. ఈ సందర్భంగా ఎంపీతో పాటు ఎమ్మెల్యేలు పలు కూడళ్ల వద్ద మాట్లాడుతూ నాయుడుపేట మున్సిపాలిటీ అభివృద్ధే ప్రధాన అజెండగా చేసుకుని మున్సిపల్‌ బరిలో ఉన్నారన్నారు. రాజేశ్వరమ్మను ప్రజలు ఆధరించి ఆఖండ విజయం చేకూరిస్తే మున్సిపాలిటీలో మౌలి వసతులు కల్పించడంతో పాటు ప్రజాసమస్యల సత్వరపరిష్కారానికి చర్యలు తీసుకుంటామన్నారు. వైఎస్సార్‌ కాంగ్రెస్‌పార్టీ సూళ్లూరుపేట నియోజకవర్గ పరిశీలకులు బిరుదవోలు శ్రీకాంత్‌రెడ్డి, జిల్లా ఆర్గనైజింగ్‌ కార్యదర్శి కామిరెడ్డి రాజారెడ్డి, పట్టణ అధ్యక్షుడు కలికి మాధవరెడ్డి, నాయకులు తంబిరెడ్డి సురేష్‌రెడ్డి, కౌన్సిలర్‌ అభ్యర్థులు జలదంకి వెంకటకృష్ణారెడ్డి, పాపారెడ్డి చంద్రారెడ్డి, వేలూరు కన్మణి, ఆర్కాటి శాంతకుమార్‌, కలపాటి ఇమేలియా స్వర్ణలతతోపాటు నాయకులు చదలవాడ కుమార్‌, గంధవల్లి సిద్ధయ్య, కటకం జయరామయ్య, తేజారెడ్డి, ఆవుల లోకేష్‌ పాల్గొన్నారు.

తిరుపతి మంగళం : కూటమి ప్రభుత్వం అధికారంలోకి వచ్చిన రెండున్నరేళ్లలో ప్రజలకు మంచి చేసుంటే కార్పొరేషన్‌ ఎన్నికల్లో ఓటమి భయమెందుకని కర్నూలు, నంద్యాల జిల్లాల వైఎస్సార్‌సీపీ రీజనల్‌ కో–ఆర్డినేటర్‌ భూమన కరుణాకరరెడ్డి ప్రశ్నించారు. తిరుపతి నగరంలోని 3, 4, 30, 31, 32, 39, 58 వార్డులలో మంగళవారం వైఎస్సార్‌సీపీ మేయర్‌ అభ్యర్థి వాసుయాదవ్‌తో పాటు కార్పొరేటర్‌ అభ్యర్థులు ఉమా అజయ్‌, కిటు, షాహిన్‌ షేక్‌ ఇమ్రాన్‌, మురళీయాదవ్‌, కోదండ, సాయికుమారి, పుల్లయ్యతో కలిసి భూమన, ఎమ్మెల్సీ సిపాయి సుబ్రమణ్యం ఇంటింటా ఎన్నికల ప్రచారం నిర్వహించారు. ఈ సందర్భంగా భూమన కరుణాకరరెడ్డి మాట్లాడుతూ తిరుపతి ఆధ్యాత్మిక నగరం ఎంతో ప్రశాంతంగా ఉండేదని, ఒక గూండాకు తిరుపతి టీడీపీ ఇన్‌చార్జ్‌ పదవితో పాటు మేయర్‌ అభ్యర్థిగా కూడా చంద్రబాబు, లోకేష్‌ టికెట్టు ఇవ్వడంతో అరాచకాలు, దాడులతో నగరం దద్దరిల్లుతోందన్నారు. అందులోనూ ఎవ్వరైతే ఎక్కువ రౌడీయిజం, గూండాగిరి చేసుంటారో అలాంటి రౌడీలకు కార్పొరేటర్‌ అభ్యర్థులుగా టికెట్లు ఇచ్చారని ఆరోపించారు. వైఎస్సార్‌సీపీ పాలనలో ప్రతిపేదవాడికి సంక్షేమ పథకాలు అందించారని, ఆ నమ్మకమే కార్పొరేషన్‌ ఎన్నికల్లో వైఎస్సార్‌సీపీ అభ్యర్థులను గెలిపిస్తాయని ఆశాభావం వ్యక్తం చేశారు.

సూళ్లూరుపేట:ఇస్రో సతీష్‌ ధవన్‌ స్పేస్‌సెంటర్‌ షార్‌ లోని రెండో ప్రయోగవేదిక నుంచి ఈనెల 30న అర్ధరాత్రి 11.51 గంటలకు ప్రయోగించనున్న జియో సింక్రనస్‌ లాంఛింగ్‌ వెహికల్‌ (జీఎస్‌ఎల్‌వీ ఎఫ్‌–18) రాకెట్‌కు సంబంధించి బుధవారం ఎంఆర్‌ఆర్‌ సమవేశాన్ని నిర్వహించనున్నారు. ప్రయోగవేదిక మీదున్న రాకెట్‌కు అన్ని పరీక్షలు నిర్వహించి సిద్ధం చేశారు. మిషన్‌ సంసిద్ధతా సమావేశాన్ని నిర్వహించిన అనంతరం ప్రయోగ పనులను ల్యాబ్‌కు అప్పగించనున్నా రు. ఆధరైజేష్‌ బోర్డు వారు లాంచ్‌ రిహార్స్‌ల్‌ నిర్వహించి కౌంట్‌డౌన్‌ సమయాన్ని బుధవారం రాత్రికి అధికారికంగా ప్రకటించే అవకాశం ఉంది. ఈ ప్రయోగానికి 27.30 గంటల ముందు అంటే 29న రాత్రి 8.21 గంటలకు కౌంట్‌డౌన్‌ ప్రక్రియను ప్రారంభించనున్నట్టు సమాచారం. అయితే ప్రస్తుతం తుపాన్‌ ప్రభావం వల్ల ఏవైనా చిన్న మార్పులు జరిగే అవకాశం లేకపోలేదు. ఈ మూడు దశల రాకెట్‌ ప్రయోగాన్ని 19 నిమిషాల్లో పూర్తి చేసే విధంగా డిజైన్‌ చేశారు.

బుచ్చినాయుడుకండ్రిగ: మండలంలోని పార్లపల్లి గ్రామంలోని అరుంధతివాడలో జరిగిన ఇరువర్గాల ఘర్షణలో ఇద్దరికి తీవ్ర గాయాలయ్యాయి. పోలీసుల కథనం.. మండలంలోని పార్లపల్లి అరుంధతివాడకు చెందిన బద్రి, జగదీష్‌, కుటుంబ సభ్యులకు, సుబ్రమణ్యం, బాలాజీ, హరి కుటుంబ సభ్యులకు నాలుగు నెలల క్రితం జరిగిన మాతమ్మ కొలువులో గొడవలు జరిగాయి. గ్రామ పెద్దలు సర్దిచెప్పి రాజీ కుదిర్చారు. మంగళవారం సుబ్రమణ్యం మామ మరణించడంతో అంత్యక్రియలు అనంతరం మద్యం మత్తులో ఉన్న బద్రి, జగదీష్‌, శ్రీకాళహస్తి చెందిన మునికుమార్‌, సాయిలు సుబ్రమణ్యం, బాలాజీ కుటుంబ సభ్యులపై కత్తులతో దాడి చేశారు. ఈ దాడిలో సుబ్రమణ్యం, బాలాజీకి తీవ్ర గాయాలయ్యాయి. అదేవిధంగా బాలాజీ భార్యకు, మేనకోడలు, మరో ఇద్దరు మహిళలకు స్వల్పగాయాలయ్యాయి. గాయపడిన వారిని శ్రీకాళహస్తి ఏరియా ఆస్పత్రికి తరలించారు. కేసు నమోదు చేసి దర్యాప్తు చేస్తున్నట్టు ఎస్‌ఐ హరిప్రసాద్‌ తెలిపారు.

తిరుపతి సిటీ: కర్నూల్‌ ఆదర్శ జూనియర్‌ కళాశాల వేదికగా ఈనెల 10 నుంచి రెండు రోజుల పాటు జరిగిన 70వ ఎస్‌జీఎఫ్‌ రగ్బీ అండర్‌–19 అంతర్‌ జిల్లా టోర్నమెంట్‌లో శ్రీ పద్మావతి మహిళా జూనియర్‌ కళాశాల విద్యార్థినులు అత్యుత్తమ ప్రతిభ కనబరచి ఓవరాల్‌ చాంపియన్స్‌గా నిలిచారు. ఈ సందర్భంగా మంగళవారం కళాశాల ప్రిన్సిపల్‌ డాక్టర్‌ భువనేశ్వరి ప్రతిభ చూపిన విద్యార్థినులు చైతన్యలక్ష్మి, హారిక, చంద్రకళను ప్రత్యేకంగా అభినందించారు. ఈ సదర్భంగా ఫిజికల్‌ డైరెక్టర్‌ సాయి సుమతిని ప్రిన్సిపల్‌ అభినందించారు. ముక్కంటి సేవలో దత్తపీఠం అవధూత శ్రీకాళహస్తి: జ్ఞానప్రసూనాంబ సమేత శ్రీకాళహస్తీశ్వరస్వామిని మంగళవారం మైసూరుకు చెందిన దత్తపీఠం అవధూత దత్త విజయేంద్ర తీర్థస్వామిజీ దర్శించుకున్నారు. దక్షిణ గోపురం వద్ద ఈవో బీకే వెంకటేశులు, వేదపండితులు ఆయనకు స్వాగతం పలికారు. దర్శనానంతరం మృత్యుంజయస్వామి సన్నిధి వద్ద ఆయనకు ఈవో స్వామి, అమ్మవార్ల జ్ఞాపిక, తీర్థప్రసాదాలు అందజేశారు. గుర్తుతెలియని మహిళ ఆత్మహత్య తిరుపతి క్రైం : నగరంలోని పీకే లేఔట్‌లో గుర్తుతెలియని మహిళ ఆత్మహత్య చేసుకున్న ఘటన మంగళవారం వెలుగుచూసింది. ఈస్ట్‌ పోలీస్‌స్టేషన్‌న్‌ పరిధిలోని ఆంజనేయస్వామి ఆలయం వెనుకవైపు ఉన్న లక్ష్మీనిలయంలో ఈ ఘటన చోటుచేసుకుంది. పోలీసుల వివరాల ప్రకారం.. సదరు మహిళకు సుమారు 35 నుంచి 45 ఏళ్ల వయసు ఉంటుందని అంచనా. నివాసంలోని మేడపైకి వెళ్లే నిచ్చెనకు చీరతో ఉరివేసుకుని మృతి చెందినట్లు గుర్తించారు. మృతురాలు ఆకుపచ్చ రంగు డిజైన్‌ బ్లౌజ్‌, నల్లటి లంగా, ఆకుపచ్చ రంగు డిజైన్‌ చీర ధరించి ఉంది. ఆమె రెండు చేతుల ముంజేతులపై ప్రత్యేకమైన ఆకారాలతో పచ్చబొట్లు ఉన్నాయి. రెండు చేతులకు గాజులు, ముక్కుకు ముక్కుపుడక ధరించి ఉంది. ఆమె ఆచూకీ తెలిసిన వారు తిరుపతి ఈస్ట్‌ పోలీసులను సంప్రదించాలని కోరారు. శ్రీవారి ఆలయం ఎదుట రీల్స్‌ తిరుమల : తిరుమల శ్రీవారి ఆలయం ఎదుట నృత్యం చేస్తూ రీల్స్‌ చిత్రీకరించిన ఘటనపై టీటీడీ స్పందించింది. ఆలయ పవిత్రతకు భంగం కలిగించేలా వ్యవహరించిన వ్యక్తులపై తిరుమల వన్‌ టౌన్‌ పోలీస్‌స్టేషన్‌లో ఫిర్యాదు చేసింది. అదే సమయంలో ఘటన జరిగినప్పుడు విధుల్లో నిర్లక్ష్యం వహించిన సిబ్బందిపై క్రమశిక్షణ చర్యలు తీసుకుంది. తిరుమల శ్రీవారి ఆలయ పరిసరాలతోపాటు మాడ వీధుల్లో రీల్స్‌, వీడియోల చిత్రీకరణ పూర్తిగా నిషేధమని టీటీడీ స్పష్టం చేసింది. యువకుడి మృతి కలువాయి(సైదాపురం): రోడ్డు ప్రమాదంలో కలువాయికి చెందిన గుంజి చందు (23) మృతి చెందారు. ఏసీ టెక్నీషియన్‌గా పనిచేస్తున్న అతను నెల్లూరు నుంచి బైక్‌పై కలువాయి వచ్చే క్రమంలో సోమవారం రాత్రి బైక్‌ గుంతలధాటికి బోల్తా కొట్టింది. ఈ ప్రమాదంతో చందు అక్కడికక్కడే మృతిచెందాడు. తెలుగు తమ్ముళ్లకు చుక్కెదురు రేణిగుంట: బీజేపీ నాయకత్వానికి తలోగ్గిన టీడీపీ అధిష్టానం రేణిగుంట జడ్పీటీసీ స్థానంలో కూటమి తరుపున పోటీ చేసేందుకు బీజేపీ అభ్యర్థి జీపాల్యం తేజోవతికి బీఫాం ఇవ్వడంతో టీడీపీ నాయకులు, కార్యకర్తలు తీవ్ర అసహనానికి గురైనట్లు సమాచారం. టీడీపీ తరపున ఇద్దరు అభ్యర్థులు జడ్పీటీసీ స్థానానికి నామినేషన్లు వేశారు. బీజేపీ తరఫున ఒకరు నామినేషన్‌ వేశారు. అందరూ జడ్పీటీసీగా పోటీ చేసే అవకాశం టీడీపీ అభ్యర్థికి వస్తుందని ఆశగా ఎదురుచూస్తున్న తరుణంలో నామినేషన్ల ఉపసంహరణ చివరి రోజైన మంగళవారం మధ్యాహ్నం టీడీపీ నాయకులకు షాక్‌ ఇస్తూ బీజేపీ తరుపున తేజోవతికి బిఫామ్‌ ఇచ్చారు. దీంతో టీడీపీ తరపున పోటీలో ఉన్న అభ్యర్థులు వారి నామినేషన్లను ఉపసంహరణ చేసుకున్నారు. టీడీపీ మండల స్థాయి నుంచి గ్రామస్థాయి నాయకుల వరకు ఈ నిర్ణయాన్ని తెలుగు తమ్ముళ్లు జీర్ణించుకోలేకపోతున్నారు.

పెళ్లకూరు: కూటమి అక్రమ కేసుల వల్ల జిల్లా కేంద్ర కారాగారంలో ఉన్న వైఎస్సార్‌ కాంగ్రెస్‌ పార్టీ రాష్ట్ర కార్యదర్శి కామిరెడ్డి సత్యనారాయణరెడ్డి జైలు నుంచే పెళ్లకూరు జెడ్పీటీసీ స్థానానికి నామినేషన్‌ దాఖలు చేసి పోటీలో నిలబడ్డారు. ఈ సందర్భంగా ఆయన పోలీసుల అనుమతితో మంగళవారం లేఖ విడుదల చేశారు. అందులో ఏముందంటే.. ‘కూటమి రౌడీమూకలు చేస్తున్న దాడులకు భయపడకుండా మండల అభివృద్ధి కోసం, ప్రజల బంగారు భవిష్యత్తు కోసం ప్రతి ఒక్క ఓటరూ సరైన నిర్ణయం తీసుకోవాలి. కూటమి రౌడీయిజానికి ముగింపు పలకాలి. మండలంలోని ఓటర్లంతా ఓటు వేసే ముందు 40 ఏళ్ల రాజకీయ ప్రస్థానంలో మన ప్రాంతానికి కామిరెడ్డి అందించిన సేవలను గుర్తించుకోండి. 1978 నుంచి రాజకీయ అరగ్రేటం చేసి 1987లో సొసైటీ ప్రసిడెంట్‌గా, 2012లో వ్యవసాయ మార్కెటింగ్‌ చైర్మన్‌గా, 2014, 2019లో మండల పరిషత్‌ అధ్యక్షుడిగా, 2021లో ఉమ్మడి నెల్లూరు జిల్లా కేంద్ర సహకార బ్యాంక్‌ చైర్మన్‌గా కుల, మత, ప్రాంత, రాజకీయాలకు అతీతంగా అందరికీ సేవలందించా. వ్యవసాయ మార్కెటింగ్‌ చైర్మన్‌గా నాయుడుపేటలో రెండు గోదాలు, రెండు ప్లాట్‌ఫాంలు నిర్మించా. నాయుడుపేటలో కమిటీ కార్యాలయం, ఏఎంసీ పరిధిలో పలు అభివృద్ధి పనులు చేశా. పెళ్లకూరు ఎంపీపీగా తెలుగుగంగా సబ్‌ చానల్‌ను అనుసంధానం చేసి 18 గ్రామాలలోని చెరువులన్నింటికీ నీరు సరఫరా చేశా. చిల్లకూరు చెరువు నుంచి శిరసనంబేడు చెరువుకు 2వేల ఎకరాల ఆయకట్టుకు రూ.42 లక్షలతో గంగనీటిని అందించా. మొత్తం 24 పంచాయతీలలో సీసీ రోడ్లు, మురుగు కాలువల అభివృద్ధికి కృషి చేశా. డీసీసీబీ చైర్మన్‌గా నాబార్డు నిధులతో ప్రతి మండలానికీ మూడు చొప్పున ఒక్కొక్కటీ రూ.40 లక్షల వ్యయంతో 140 గోదాములు నిర్మించా. బ్యాంక్‌ పరిధిలో 180 మందికి ఉద్యోగ అవకాశాలు కల్పించా. పార్టీ అధినేత వైఎస జగన్‌మోహన్‌రెడ్డి, మాజీ మంత్రి కాకాణి గోవర్ధన్‌రెడ్డి సహకారంతో రూ.2,500 కోట్ల బ్యాంక్‌ టర్నోవర్‌ సాధించా..’నని తెలిపారు. స్థానిక సంస్థల ఎన్నికలను వెన్నుపోటు పార్టీ కూటమి రౌడీమూకలతో అరాచకాలు సృష్టిస్తున్నట్లు ఆవేదన వ్యక్తం చేశారు. మాట తప్పని, మడం తిప్పని జగనన్న నాయకత్వంలో మండల ప్రజలందరి తరపున జెడ్పీటీసీ బరిలో జైలు నుంచే పోటీ చేస్తున్నట్లు పేర్కొన్నారు. కూటమి అన్యాయానికి జగనన్న న్యాయానికి మధ్య జరుగుతున్న పోరులో ధర్మం వైపు నిలబడి ఫ్యాన్‌ గుర్తుకు ఓటు వేసి గెలిపించాలని లేఖ ద్వారా మండల ఓటర్లకు విజ్ఞప్తి చేశారు.

తిరుపతి ఎడ్యుకేషన్‌ : స్కూల్‌ గేమ్స్‌ ఫెడరేషన్‌ (ఎస్‌జీఎఫ్‌) ఆధ్వర్యంలో మంగళవారం తిరుపతి శ్రీనివాస స్పోర్ట్స్‌ కాంప్లెక్స్‌లోని స్విమ్మింగ్‌ పూల్‌లో ఉమ్మడి చిత్తూరు జిల్లా అండర్‌–14, 17, 19 బాలబాలికల స్విమ్మింగ్‌ జిల్లా జట్ల ఎంపిక పోటీలను నిర్వహించారు. ఆ మేరకు ఎస్‌జీఎఫ్‌ కార్యదర్శులు సాంబశివరావు, లోకానాథం, త్రిలోక సుందరీ ఓ సంయుక్త ప్రకటనలో తెలిపారు. ఈ పోటీలకు ఆయా విభాగాలకు సంబంధించి దాదాపు 150 మంది స్విమ్మర్లు పాల్గొన్నట్లు పేర్కొన్నారు. వీరికి ఆయా కేటగిరి విభాగాల్లో డీఎస్‌ఏ స్విమ్మింగ్‌ కోచ్‌ ఆది పర్యవేక్షణలో బాలబాలికలకు విడివిడిగా పోటీలు నిర్వహించి ప్రతిభ చూపిన 36 మంది స్విమ్మర్లను రాష్ట్ర స్థాయి పోటీలకు ఎంపిక చేశారు. వచ్చే నెల కర్నూలులో నిర్వహించనున్న ఎస్‌జీఎఫ్‌ రాష్ట్ర స్థాయి స్విమ్మింగ్‌ పోటీల్లో వీరు పాల్గొననున్నట్లు తెలిపారు. ఈ కార్యక్రమంలో డీఎస్‌డీఓ శశిధర్‌, మాజీ డీఎస్‌డీఓ జయరామయ్య, పీడీలు విజయకుమారి, శకుంతల, శిరాజ్‌, అన్వర్‌బాషా, సురేంద్రరెడ్డి, స్విమ్మర్లు పాల్గొన్నారు. భూసార పరీక్షలతో దిగుబడులు నారాయణవనం: రైతులు సాగు ఖర్చులను తగ్గించుకుంటూ, భూసారాన్ని పరిరక్షించుకుంటూ అధిక దిగుబడులు సాధించేందుకు శాసీ్త్రయ పద్ధతులను అనుసరించాలని వ్యవసాయ శాస్త్రవేత్తలు సూచించారు. మండలంలోని ఎరికంబట్టులో మంగళవారం రాస్‌ కేవీకే, వ్యవసాయ శాఖ సంయుక్త ఆధ్వర్యంలో రైతు అవగాహన సదస్సు నిర్వహించారు. రాస్‌ శాస్త్రవేత్త శ్రీనివాసులు, ఏడీ శైలజ కుమారి మాట్లాడుతూ భూసార పరీక్షలు చేయించి, నివేదికల ఆధారంగా ఎరువులను సిఫార్సు చేసిన మోతాదులోనే వాడాలని తెలిపారు. అనవసరపు ఖర్చులు తగ్గడమే కాకుండా పంటలకు అవసరమైన పోషకాలు సమతుల్యంగా అంది మంచి దిగుబడులు వస్తాయన్నారు. సేంద్రియ, ప్రకృతి వ్యవసాయ పద్ధతులు, జీవన ఎరువుల వినియోగాన్ని పెంచాలని పిలుపునిచ్చారు. పచ్చిరొట్ట ఎరువుల సాగు ద్వారా నేల ఆరోగ్యాన్ని కాపాడుకోవాలని అన్నారు. ఏవో శోభరాణి, జిల్లా వనరుల కేంద్రం అధికారి శ్రీనివాసులు మాట్లాడుతూ.. రైతు సేవా కేంద్రాల ద్వారా సేవలు, ఇ–పంట నమోదు, ఎరువుల పంపిణీని సద్వినియోగం చేసుకోవాలన్నారు. జిల్లా ఏరువాక కేంద్రం శాస్త్రవేత్త బాల హుస్సేన్‌రెడ్డి రబీ పంటల యాజమాన్య పద్ధతులపై అవగాహన కల్పించారు.

మా కార్యాలయాన్ని మాకు అప్పగించండి తిరుపతి అర్బన్‌: జిల్లా పరిషత్‌ కార్యాలయం కలెక్టరేట్‌లో ఉంది.. అదే చోట జెడ్పీటీసీ నామినేషన్లు, అప్పీళ్లు, ఆమోదం, ఉపసంహరణ తదితర కార్యక్రమాలు చేపట్టాల్సి ఉంది. అయితే జెడ్పీ కార్యాలయం కలెక్టరేట్‌లో ఉన్నప్పటికీ తిరుపతిలోని డీఆర్‌డీఏ(జిల్లా గ్రామీణ అభివృద్ధి సంస్థ) కార్యాలయాన్ని జెడ్పీ నామినేషన్ల కోసం తీసుకున్నారు. ఈ నెల 21 నుంచి 27వ తేదీ వరకు నామినేషన్ల స్వీకరణ, ఉపసంహరణ కోసం వినియోగించారు. ఈ క్రమంలో వారం రోజులుగా డీఆర్‌డీఏ కార్యాలయంలో పనిచేస్తున్న 25 మంది ఉద్యోగులను కార్యాలయంలోకి అనమతించడం లేదు. వారు ఇంటి వద్దే ఖాళీగా ఉండాల్సి వస్తోంది. ఈ నెల 27తో నామినేషన్ల ఉపసంహరణ పూర్తి కావడంతో ఇకమైనా తమ కార్యాలయాన్ని తమకు అప్పగించాలని వారు కోరుతున్నారు. బుధవారం నుంచి అయినా తమ కార్యాలయాన్ని తమకు అప్పగిస్తే డ్యూటీలు చేసుకుంటామని కోరుతున్నారు. సాక్షి ప్రతినిధి, తిరుపతి: యాదవులకు కూటమి వెన్నుపోటు పొడిచింది. తిరుపతి మేయర్‌ పీఠంపై ఆశలు పెట్టి.. తీవ్రంగా అవమానించింది. ఈ మేరకు సోషల్‌ మీడియా వేదికగా కూటమి నేతలు ఆగ్రహం వ్యక్తం చేస్తున్నారు. మరోవైపు తిరుపతి కార్పొరేషన్‌ ఎన్నికల్లో జనసేన, టీడీపీలో ఒకే సామాజిక వర్గానికే పదవులు దక్కుతుండడంపై మిగిలిన వర్గాలు రగిలిపోతున్నాయి. టీడీపీలోని సీనియర్లకు విలువే లేదని పలువురు మండిపడుతున్నారు. ముఖ్యంగా పార్టీని వెంటబెట్టుకొని ఉన్న బీసీలు, అందులోనూ యాదవులకు అడుగడుగునా అవమానాలే ఎదురవుతున్నాయని ఆవేదన చెందుతున్నారు. వైఎస్‌ఆర్‌సీపీ ప్రభుత్వంలో 2021లో మేయర్‌ ఎన్నికలు జరగగా ఆ పార్టీ బీసీలను అత్యున్నత స్థానంలో కూర్చోబెట్టింది. ప్రస్తుత మేయర్‌ ఎన్నికల్లోనూ మాజీ ఎమ్మెల్యే భూమన కరుణాకరరెడ్డి, ఆ పార్టీ జిల్లా అధ్యక్షుడు భూమన అభినయరెడ్డి బీసీలకే అవకాశం కల్పించారు. కానీ టీడీపీ బీసీల బీసీలను ఓటు బ్యాంకుగానే చూస్తోంది. యాదవులకే మేయర్‌ పదవి అని చెప్పుకుంటూ వచ్చిన సీఎం చంద్రబాబు బీసీలను మరోసారి వెన్నుపోటు పొడిచారని పలువురు మండిపడుతున్నారు. ఈ క్రమంలో టీడీపీలో వర్గ విభేదాలు సైతం తారస్థాయికి చేరాయి. కార్పొరేటర్లుగా తమ వర్గానికి సీట్లు ఇప్పించుకోలేకపోవడంతో పలువురు సీనియర్లు తీవ్ర అవమానంగా భావిస్తున్నారు. బీజేపీ, జనసేనకు రెబల్స్‌ ఎఫెక్ట్‌ గుడ్డికన్నా మెల్ల మేలు అన్న చందాన 66 డివిజన్లలో బీజేపీకి ఐదు సీట్లు మాత్రమే కేటాయించారు. అందులో రెండు డివిజన్లలో రెబల్స్‌ను ఓవర్గం పెంచి పోషిస్తోంది. 21వ డివిజన్‌లో బీజేపీ జిల్లా అధ్యక్షుడు సామంచి శ్రీనివాస్‌ పోటీ చేస్తుండగా టీడీపీలో ఓ వర్గం రెబల్‌ అభ్యర్థిగా దొడ్డారెడ్డి రామకృష్ణారెడ్డిని ప్రోత్సహిస్తున్నారు. ఈ వ్యవహారం పట్ల బీజేపీ నేతలు పార్టీ అధిష్టానానికి ఫిర్యాదు చేశారు. తమకు కేటాయించిన డివిజన్‌లో టీడీపీ అభ్యర్థి రెబల్‌గా నిలబడడం పొత్తు ధర్మం కాదని వాపోతున్నారు. అలాగే 42వ డివిజన్‌లో టీడీపీ తరఫున గంజి సుధాకర్‌రెడ్డిని బరిలో దింపగా ఆ పార్టీ సీనియర్‌ నాయకుడు కంకణాల రజినీకాంత్‌ రెబల్‌ అభ్యర్థిగా ఉన్నారు. చివరి నిమిషం వరకు బీ–ఫాం ఇస్తారని భావించిన రజనీకాంత్‌ ఆ అవకాశం లేకపోవడంతో పార్టీలోని కొందరి అండదండలతో రెబల్‌ అభ్యర్థిగా బరిలో ఉన్నారు. నామినేషన్ల ఉపసంహరణ చివరి రోజు వరకు 47వ డివిజన్‌ జనసేనకు కేటాయించినట్లు ప్రకటించారు. అనూహ్యంగా టీడీపీ సీనియర్‌ నాయకుడు ఆర్సీ మునికృష్ణ తనకున్న పలుకుబడితో ఆ డివిజన్‌ ను టీడీపీకి కేటాయించుకునేలా చేశారు. ఎన్నో ఆశలు పెట్టుకున్న జనసేన నేత టి.రాజేష్‌ ఆచారి రెబల్‌ అభ్యర్థిగా బరిలో నిలవాల్సి వచ్చింది. అలాగే మరో ఐదుగురు రెబల్‌ అభ్యర్థులుగా అదే డివిజన్లో పోటీలో ఉన్నారు. వీరందరి లక్ష్యం ఆర్సీ మునికృష్ణను ఓడించడమేనని బహిరంగంగా ప్రకటించారు. ఓ డివిజన్‌ లో కూటమికి చెందిన ప్రజాప్రతినిధి లక్షలు పుచ్చుకొని ఒకరికి హామీ ఇవ్వగా, తనకు కార్పొరేటర్‌ టికెట్టు కూడా ఇవ్వరా? అంటూ పార్టీ సీనియర్‌ నాయకురాలు ఆకేపాటి సుభాషిణి ఎమ్మెల్యే వర్గాన్ని తీవ్రంగా వ్యతిరేకించారు. దీంతో చివరి నిమిషంలో 60వ డివిజన్‌ బీఫారాన్ని ఆకేపాటి సుభాషిని సాధించారు. రెబల్‌ అభ్యర్థిగా ఆదం సుధాకర్‌రెడ్డి జనసేనలోని ముఖ్యవర్గం అండదండలతో బరిలో ఉన్నారు. ఇలా పలు వార్డుల్లో సీనియర్లు, వారివర్గం నేతలు నామినేషన్‌ వేయగా తీవ్ర ఒత్తిళ్లు, హెచ్చరికలతో విత్‌డ్రా చేయించారు. అదేవిధంగా 3, 6, 26 డివిజన్లలోనూ కూటమిలోని పార్టీ నేతల మధ్య వర్గ విభేదాలు తీవ్ర స్థాయిలో ఉన్నాయి. ఇదిలా ఉంటే.. టీడీపీ వ్యవహారంపై బీజేపీ, జనసేన నేతలు ఆగ్రహంగా ఉన్నారు. అదే విధంగా టీడీపీలోనే పలువురు నాయకులు అభ్యర్థుల ఎంపికలో తమను సంప్రదించలేదని గుర్రుగా ఉన్నారు. మేయర్‌ పీఠం ఇస్తామని చెప్పి మోసం చేసిన టీడీపీ

చంద్రగిరి: ఎదురుగా వస్తున్న కారు స్కూటీని ఢీకొన్న ఘటనలో ఓ విద్యార్థి మృతి చెందగా, మరో విద్యార్థి తీవ్రంగా గాయపడిన ఘటన మంగళవారం తిరుపతి–మదనపల్లి జాతీయ రహదారి భాకరాపేట కనుమలో చోటుచేసుకుంది. పోలీసుల వివరాల మేరకు.. మండలంలోని నరసింగాపురం గ్రామానికి చెందితన లక్ష్మీశ్రీనివాస్‌ (21) ఎంబీయూలో బీటెక్‌ చదువుతున్నాడు. తనతో పాటు చదువుతున్న తన స్నేహితుడు సుబహాన్‌తో కలసి స్కూటీలో వారి స్వగ్రామమైన పీలేరుకు వెళ్లారు. ఆపై అక్కడి నుంచి మంగళవారం తిరుగు ప్రయాణమయ్యారు. ఈ క్రమంలో తిరుపతి నుంచి మదనపల్లి వైపుగా వెళ్తున్న కారు భాకరాపేట కనుమలో ఎదురుగా వస్తున్న స్కూటీని ఢీకొంది. ఈ ప్రమాదంలో తీవ్రంగా గాయపడిన లక్ష్మీప్రసాద్‌తో పాటు సుబహాన్‌ని తిరుపతిలోని ఓ ప్రైవేటు ఆస్పత్రికి తరలించారు. అక్కడ చికిత్స పొందుతూ లక్ష్మీప్రసాద్‌ మృతి చెందినట్లు పోలీసులు తెలిపారు. మరో క్షతగాత్రుడు సుబహాన్‌ కాలుకు తీవ్ర గాయం కావడంతో మరో ప్రైవేటు ఆస్పత్రికి తరలించారు. లక్ష్మీశ్రీనివాస్‌ మృతదేహాన్ని తిరుపతి ఎస్వీ మెడికల్‌ కళాశాలకు తరలించారు. ఈ మేరకు కేసు నమోదు చేసి దర్యాప్తు చేస్తున్నట్టు ఎస్‌ఐ అరుణాచలం తెలిపారు.

తిరుమల: తిరుమలలో మంగళవారం భక్తుల రద్దీ ఎక్కువగా ఉంది. క్యూకాంప్లెక్స్‌లోని 31 కంపార్ట్‌మెంట్లు భక్తులతో నిండిపోయాయి. సోమవారం అర్ధరాత్రి వరకు 69,697 మంది స్వామివారిని దర్శించుకున్నారు. 25,781 మంది భక్తులు తలనీలాలు అర్పించారు. స్వామివారికి కానుకల రూపంలో హుండీలో రూ.4.64 కోట్లు సమర్పించారు. టైంస్లాట్‌ టిక్కెట్లు కలిగిన భక్తులకు సకాలంలో దర్శనం లభిస్తోంది. దర్శన టిక్కెట్లు లేని వారు స్వామిని దర్శించుకోవడానికి 8 గంటల సమయం పడుతోంది. ప్రత్యేక ప్రవేశ దర్శనం టిక్కెట్లు కలిగిన వారు 3 గంటల్లో స్వామిని దర్శించుకోగలుగుతున్నారు. ఇదిలా ఉంటే సర్వదర్శనం టోకెన్లు కలిగిన భక్తులు నిర్దేశించిన సమయానికి మాత్రమే క్యూలోకి వెళ్లాలని టీటీడీ విజ్ఞప్తి చేస్తోంది. కేటాయించిన సమయానికంటే ముందు వెళ్లిన వారిని క్యూలోకి అనుమతించరని స్పష్టంచేసింది. సమిష్టి కృషితో నవరాత్రి బ్రహ్మోత్సవాలు విజయవంతం తిరుపతి అన్నమయ్యసర్కిల్‌: సమిష్టి కృషితో తిరుమల శ్రీవారి వార్షిక, నవరాత్రి బ్రహ్మోత్సవాలు విజయవంతమయ్యాయని టీటీడీ ఈవో ముద్దాడ రవిచంద్ర తెలిపారు. మంగళవారం స్థానిక టీటీడీ పరిపాలనా భవనంలో సమీక్ష సమావేశం నిర్వహించారు. ఈ సందర్భంగా ఈవో మాట్లాడుతూ భక్తులకు మెరుగైన సౌకర్యాలు కల్పించడంతోపాటు, స్వామివారి వాహన సేవలు, మూలమూర్తి దర్శనాన్ని సంతృప్తికరంగా అందించడంలో సమన్వయంతో పనిచేసిన ప్రతి ఒక్కరినీ ఆయన అభినందించారు. మార్కెటింగ్‌ విభాగం ముడిసరుకుల కొనుగోలుకు కనీసం 90 రోజుల ముందుగానే ప్రణాళికలు సిద్ధం చేసుకోవాలని ఆదేశించారు. సమావేశంలో టీటీడీలోని అన్ని విభాగాల అధికారులు పాల్గొన్నారు. 30న పింఛన్ల పంపిణీ తిరుపతి అర్బన్‌: సామాజిక భద్రతా పింఛన్లు ఈ నెల 30 నుంచి నవంబర్‌ 5వ తేదీ వరకు పంపిణీ చేయనున్నట్లు డీఆర్‌డీఏ అధికారులు తెలిపారు. ఎన్నికల నేపథ్యంలో వారం రోజుల పాటు పింఛన్లు పంపిణీ చేస్తామన్నారు. బ్రహ్మోత్సవాలకు పటిష్ట ఏర్పాట్లు చంద్రగిరి: తిరుచానూరు శ్రీ పద్మావతి అమ్మవారి వార్షిక బ్రహ్మోత్సవాలకు పటిష్ట ఏర్పాట్లు చేపట్టాలని టీటీడీ జేఈవో డాక్టర్‌ శరత్‌ అధికారులను ఆదేశించారు. డిసెంబర్‌ 5న అంకురార్పణతో ప్రారంభమయ్యే బ్రహ్మోత్సవాలు డిసెంబర్‌ 6 నుంచి 14వ తేదీ వరకు నిర్వహించనున్నట్టు పేర్కొన్నారు. ఈ నేపథ్యంలో మంగళవారం తిరుచానూరులోని ఆలయం, వాహన మండపం, నాలుగు మాడ వీధులు, పార్కింగ్‌ ప్రాంతాలు, క్యూలైన్లు, పుష్కరిణి, ప్రవేశ, నిష్క్రమణ మార్గాలను ఆయన పరిశీలించారు. టీటీడీ సీఈ మనోహరం, డిప్యూటీ ఈవోలు హరీంద్రనాథ్‌, సెల్వం, ఎస్‌ఈ వేంకటేశ్వర్లు, వీజీవో గిరిధర పాల్గొన్నారు. పాల ఉత్పత్తులపై శిక్షణ చంద్రగిరి: నిరుద్యోగ యువతీయువకులతో పాటు ఔత్సాహికులైన రైతులకు ఎస్వీ పశు విశ్వవిద్యాలయం సెంటర్‌ ఫర్‌ కంటిన్యూఇంగ్‌ వెటర్నరీ ఎడ్యుకేషన్‌, కమ్యూనికేషన్‌ ఆధ్వర్యంలో మంగళవారం నుంచి ఐదు రోజుల పాటు పాల ఉత్పత్తులపై శిక్షణ కార్యక్రమాన్ని ప్రారంభించారు. ముఖ్య అతిథిగా వెటర్నరీ యూనివర్సిటీ వీసీ డాక్టర్‌ వైకుంఠరావు పాల్గొని ప్రసంగించారు. మంగళవారం నుంచి 31వ తేదీ వరకు ‘శాసీ్త్రయ పద్ధతులలో పాడి పశువుల పెంపకం, పాల ఉత్పత్తులతో ఉపాధి అవకాశం’ అనే అంశంపైన నిరుద్యోగ, ఔత్సహిక రైతులకు శిక్షణ ఇవ్వనున్నట్టు తెలిపారు. ఈ శిక్షణలో ఏపీ, తెలంగాణలోని వివిధ ప్రాంతాల నుంచి 72 మంది ఔత్సహికులు పాల్గొన్నారన్నారు. డైరెక్టర్‌ శోభమణి, ప్రొఫెసర్‌ సుజాత, రెడ్డివరప్రసాద్‌, గంగరాజు పాల్గొన్నారు.

తిరుపతి మంగళం : చంద్రబాబు పాలనలో లోకేష్‌ అండదండలతో టీడీపీ గూండాలు పేట్రేగిపోతున్నారని కర్నూలు, నంద్యాల జిల్లాల వైఎస్సార్‌సీపీ రీజనల్‌ కో–ఆర్డినేటర్‌ భూమన కరుణాకరరెడ్డి ధ్వజమెత్తారు. ఎప్పుడు ఎన్నికలు వచ్చినా అబద్ధాలు, మోసాలతో ప్రజలను వంచించి ఓట్లు దండుకోవడం చంద్రబాబు నైజమన్నారు. స్థానిక సంస్థల ఎన్నికల్లో చంద్రబాబుకు రాష్ట్ర ప్రజలంతా చరమగీతం పాడనున్నారని చెప్పారు. తిరుపతిలో వైఎస్సార్‌సీపీ మేయర్‌ అభ్యర్థి వాసుయాదవ్‌తో పాటు స్థానిక కార్పొరేటర్లతో కలిసి మంగళవారం ఎన్నికల ప్రచారం నిర్వహించారు. కూటమి ప్రభుత్వం అధికారంలోకి వచ్చిన రెండున్నరేళ్లలో రాష్ట్ర అభివృద్ధి కానీ, రాష్ట్ర ప్రజలకు గానీ చేసిందేమీ లేదన్నారు. గత ఎన్నికల్లో 143 హామీలు గుప్పించి అధికారంలోకి రాగానే విస్మరించారని ఎద్దేవా చేశారు. చంద్రబాబు అధికారంలోకి వచ్చాక అరాచకాలు, దౌర్జన్యాలు, దాడులు, అక్రమ కేసులు తప్ప ప్రజాసంక్షేమం కోసం ఏ ఒక్కటైనా చేశారా? అని ప్రశ్నించారు. చంద్రబాబు, లోకేష్‌ రౌడీలను పెంచిపోషిస్తూ రాష్ట్రాన్ని గూండారాజ్యంగా తయారు చేశారన్నారు. మున్సిపల్‌, కార్పొరేషన్‌ ఓటింగ్‌ సమయంలో విచ్చల విడిగా రిగ్గింగ్‌ చేసుకునేందుకు ప్రణాళికలు సిద్ధం చేసుకున్నారని తెలిపారు. ఎన్నికల్లో ఎలాంటి అవకతవకలు జరిగినా మళ్లీ న్యాయస్థానాన్ని ఆశ్రయిస్తామని హెచ్చరించారు. రెండున్నరేళ్లలో ప్రజలకు చంద్రబాబు చేసిందేమీ లేదు

రేణిగుంట : రాష్ట్ర స్థాయి గ్రాప్లింగ్‌ పోటీలలో రేణిగుంట బాలికల పాఠశాల విద్యార్థులు విశేష ప్రతిభకనబరిచి బంగారు పతకాలు అందుకున్నట్టు పాఠశాల పీడీ గొడుగు చింత పద్మ తెలిపారు. గన్నవరంలో ఈనెల 24, 25 తేదీలలో 4వ ఆంధ్రప్రదేశ్‌ స్టేట్‌ సబ్‌ జూనియర్‌, జూనియర్‌, సీనియర్‌ స్థాయిలో బీచ్‌ గ్రాప్లింగ్‌ చాంపియన్‌ షిప్‌ పోటీలు నిర్వహించగా.. రాష్ట్ర వ్యాప్తంగా 13 జిల్లాల నుంచి వందలాది మంది విద్యార్థులు పాల్గొన్నట్టు వెల్లడించారు. రెండు రోజులపాటు నిర్వహించిన ఈ పోటీలలో రేణిగుంట ప్రభుత్వ బాలికల పాఠశాల, కళాశాల నుంచి మొత్తం 25 మంది విద్యార్థినులు పాల్గొని ప్రతిభ కనబరిచారని తెలిపారు. అండర్‌ –11 విభాగంలో.. ఏడుగురు విద్యార్థినులు అండర్‌ – 11 విభాగంలో పాల్గొనగా అందులో దమరి, రిషి ప్రియ, మహిత, సాహితి, మోక్షిత, హిమశ్రీ (బంగారు), త్రివేణి (సిల్వర్‌) మెడల్‌ సాధించారు. అండర్‌ –13 విభాగంలో.. అండర్‌–13 విభాగంలో స్వాతి, కోమలిరెడ్డి, హరిణి, చైత్ర, కార్తీక, నిషా (బంగారు)పతకాలు సాధించారు. అండర్‌ –15 విభాగంలో 8 మంది విద్యార్థినులు పాల్గొనగా మోక్షిత, కీర్తిప్రియ, శ్రీవళ్లి, భార్గవి, దీక్షిత, పూజ, మేఘన (బంగారు), చరిత సిల్వర్‌ మెడల్‌ సాధించినట్టు వెల్లడించారు. క్యాడెట్స్‌ (ఇంటర్‌ మీడియట్‌ )విభాగంలో... క్యాడెట్స్‌ విభాగంలో నలుగురు గోమతి, యశస్విని, ఉషశ్రీ, గ్రేసీ పాల్గొని బంగారు పతకాలు సాధించారు. రాష్ట్ర స్థాయి గ్రాప్లింగ్‌ పోటీలలో ఆల్రౌండర్‌ ప్రతిభతో పథకాలు సాధించిన 12 మంది రేణిగుంట ప్రభుత్వ బాలికల పాఠశాల విద్యార్థినులు జాతీయ స్థాయి పోటీలకు అర్హత సాధించారు. వారిలో రిషి ప్రియ(6వ తరగతి ), సాహితి(6వ తరగతి), మహిత (6వ తరగతి), కోమలిరెడ్డి (7వ తరగతి ), చైత్ర (7వ తరగతి), మేఘన (7వ తరగతి), హరిణి (8వ తరగతి ), కీర్తిప్రియ (8వ తరగతి ), సి.మోక్షిత (8వ తరగతి ), దీక్షిత (8వ తరగతి ), పూజ (9వ తరగతి), ఉషశ్రీ (ఇంటర్‌ ద్వితీయ ) ఉన్నారు. వీరంతా ఈనెల 28వ తేదీన హరిద్వార్‌లో జరిగే 4వ జాతీయ స్థాయి బీచ్‌ గ్రాప్లింగ్‌ పోటీలలో పాల్గొననున్నట్టు పీడీ తెలిపారు. జాతీయ స్థాయి పోటీలకు ఎంపికై న విద్యార్థినులను హెచ్‌ఎం శ్యామలదేవి అభినందించారు.