ఇంటర్‌ ఫలితాలు విడుదలైనా సింగిల్‌, డబుల్‌ మేజరంటూ విద్యార్థులను మభ్యపెట్టి, ఎట్టకేలకు డిగ్రీ ప్రవేశాలకు నోటిఫికేషన్‌ విడుదల చేసినా అందులోనూ అంతా అయోమయే. ఆన్‌లైన్‌ దరఖాస్తుల ప్రక్రియ విద్యార్థులకు శాపంగా మారింది. ఆఫ్‌లైన్‌లో దరఖాస్తు చేసుకున్నా ఆయా కళాశాలలు మళ్లీ ఆన్‌లైన్‌ చేయాల్సి ఉంటుందంటూ మెలిక పెట్టడం దారుణం. – భగత్‌ రవి, ఎస్‌ఎఫ్‌ఐ జిల్లా కార్యదర్శి, తిరుపతి అదృష్టం ఉండాల్సిందేనా? డిగ్రీ ప్రవేశాలకు ఏర్పాటు చేసిన ఆన్‌లైన వెబ్‌సైట్‌ విద్యార్థులకు నరకం చూపిస్తోంది. దరఖాస్తు చేసుకోవాలంటే అదృష్టం ఉండాల్సిదే. సాఫ్ట్‌వేర్‌లో లోపాలు స్పష్టంగా కనిపిస్తున్నాయి. ఒక కోర్సుకు దరఖాస్తు చేస్తే మరో కోర్సుకు దరఖాస్తు చేసుకున్నట్లు కనిపిస్తోంది. ఉన్నత విద్యామండలి అసమర్థత స్పష్టంగా కనిపిస్తోంది. – ప్రవీణ్‌ కుమార్‌, ఏఐఎస్‌ఎఫ్‌ జిల్లా కార్యదర్శి, తిరుపతి

తిరుపతి తుడా: ప్రజలకు అవసరమైన మౌలిక సదుపాయాల కల్పనకు అధికారులు ప్రాధాన్యత ఇచ్చి పూర్తి చేస్తున్నారని రాష్ట్ర పురపాలక, పట్టణాభివృద్ధి శాఖ మంత్రి డాక్టర్‌ పీ నారాయణ అన్నారు. సోమ వారం తుడా కార్యాలయంలో నగరపాలక సంస్థ ,తుడా అధికారులతో అభివృద్ధి పనులు, ప్రజలకు కల్పించాల్సిన వసతులపై మంత్రి నారాయణ సమీక్షించారు. తుడా టవర్స్‌, ప్లాట్స్‌, దుకాణాలపై వచ్చే అదాయ, వ్యయాలపై తుడా చైర్మన్‌ దివాకర్‌రెడ్డి, వీసీ, జాయింట్‌ కలెక్టర్‌ శుభం బన్సల్‌, నగరపాలక సంస్థలో పారిశుద్ధ్యం, సీసీ రోడ్లు, డ్రైనేజీ కాలువలు, కార్మికులకు కల్పించాల్సిన వసతులపై కమిషనర్‌ ఎన్‌ మౌర్య వివరించారు. మంత్రి మాట్లాడుతూ టౌన్‌ షిప్‌లను అభివృద్ధి చేసి తుడా ఆదాయాన్ని పెంచాలని అధికారులను ఆదేశించారు. తుడా ప్రాజెక్ట్‌ నిర్మాణ పనుల్లో వేగం పెంచాలని, త్వరలో శెట్టిపల్లి భూముల సమస్యకు పరిష్కారం లభిస్తుందన్నారు. నగరపాలక సంస్థ పరిధిలో జరుగుతున్న అభివృద్ధి పనుల్లో వేగం పెంచాలని, పక్కా ప్రణాళికతో ముందుకెళ్లి లక్ష్యాన్ని చేరుకోవాలని అధికారులకు సూచించారు. ప్రభుత్వాన్ని తప్పుదారి పట్టించే నివేదికలను ఇవ్వకుండా వాస్తవాలను వివరించి, ప్రజల సమస్యలు పరిష్కరించాలని, నెల్లూరు తరహాలో తిరుపతిలో కూడా రోడ్ల శుభ్రతకు స్వీపింగ్‌ మిషన్లను వినియోగించాలని ఆదేశించారు. ఈ సమావేశంలో రాష్ట్ర గ్రీనరీ అండ్‌ బ్యూటిఫికేషన్‌ చైర్మన్‌ సుగుణమ్మ, డిప్యూటీ కమిషనర్‌ అమరయ్య, తుడా సెక్రటరీ డాక్టర్‌ శ్రీకాంత్‌, సూపరింటెండెంట్‌ ఇంజినీర్లు కృష్ణారెడ్డి, శ్యాంసుందర్‌ పాల్గొన్నారు.

గత వైఎస్సార్‌ సీపీ ప్రభుత్వ హయాంలో 90 శాతం వికలత్వం ఉండేది. దాంతో రూ.6 వేలు ఫించన్‌ ఇచ్చేవారు. తాజాగా కూటమి ప్రభుత్వంలో చేపట్టిన రీవెరిఫికేషన్‌లో 58 శాతం వి కలత్వం చూపించా రు. ఎంబీఏ చదువుకున్న నేను రిజర్వేషన్‌ కోల్పోతాను. 70 శాతం కంటే తక్కువ వికలత్వం ఉంటే ప్రభుత్వ పథకాలు అందవు. నాకు న్యాయం చేయాలని సోమవారం జరిగిన ధర్నాలో పాల్గొని, అధికారులకు మొరపెట్టుకున్నారు. – భువనేశ్వర్‌రెడ్డి, దివ్యాంగుడు, యర్రావారిపాళెం మండలం 15 వేలు నుంచి 6 వేలకు తగ్గింపు అనారోగ్యంతో బాధప డుతున్న నాకు 90 శాతం వైకల్యం ఉండడంతో రూ.15 వేలు పింఛన్‌ ఇ చ్చేవారు. అయితే రీవె రి ఫికేషన్‌లో 75 శాతం వైక ల్యం ఉన్నట్టు సర్టిఫికెట్‌ ఇచ్చారు. దీంతో రూ.15 వేలు పింఛన్‌ను రూ.6 వేలకు తగ్గించారు. రూ.15 వేలు ఇస్తేనే వైద్య ఖర్చులకు చాలడం లేదు. రూ.6 వేలు ఎక్కడికి సరిపోతాయి. ఇక నాకు అగచాట్లు తప్పవు. – గోపీనాథ్‌, దివ్యాంగుడు, నారాయణవనం ఇది న్యాయం కాదు పాతికేళ్లుగా పింఛన్‌ తీసుకుంటున్నాను. గతంలో ఉమ్మడి ఆంధ్రప్రదేశ్‌ సీ ఎంగా రాజశేఖరరెడ్డి ఉ న్నప్పుడు రూ.200 పింఛను ఇవ్వగా ఆ సమయంలో పింఛనుకు దర ఖాస్తు చేసుకున్నాను. అ ప్పటి నుంచి పింఛన్‌ పొందుతున్నాను. కూటమి నేతలు తమ ప్రభుత్వం వస్తే మరింత మేలు చేస్తామని చెబితే నమ్మి ఓటు వేశాను. ఆ సర్కారు కొలువుదీరిన ఏడాదికే నా పింఛన్‌ తగ్గించేస్తోంది. రెండు కాళ్లు పనిచేయక నడవలేని స్థితిలో ఉన్న నాకు రీవెరిఫికేషన్‌లో 55 శాతం మాత్రమే వైకల్యం ఉన్నట్టు నిర్ధారించారు. ఇది న్యాయం కాదు. – శ్రీనివాసులు, దివ్యాంగుడు, తాతయ్యగుంట, తిరుపతి

తిరుపతి తుడా: శెట్టిపల్లి భూ సమస్యను పరిష్కరించాలని డిమాండ్‌ చేస్తూ బాధితులు సోమవారం మంత్రి నారాయణ సమావేశం నిర్వహిస్తున్న తుడా చైర్మన్‌ చాంబర్‌ను చుట్టుముట్టారు. ఈ సందర్భంగా తుడా చైర్మన్‌ డాలర్‌ దివాకర్‌ రెడ్డి, వైస్‌ చైర్మన్‌ శుభం భన్సల్‌ శెట్టిపల్లె భూ బాధితులను బుజ్జగించే ప్రయత్నం చేశారు. భూ సమస్యను పరిష్కరించేందుకు తాము ప్రభుత్వానికి నివేదికలు పంపామని, మూడు నెలల్లోపు పరిష్కరించేందుకు కృషి చేస్తానని దివాకర్‌ రెడ్డి హామీ ఇవ్వడంతో వెనుతిరిగారు. తెరపైకి స్కావెంజర్స్‌ కాలనీ వ్యవహారం తిరుపతి స్కావెంజర్స్‌ కాలనీలోని అందరూ సహకరిస్తే స్థలాన్ని ఖాళీ చేయించి బహుళ అంతస్తుల భవన నిర్మాణాన్ని కట్టించి ఇస్తానని మంత్రి నారాయణ విలేకరుల సమావేశంలో చెప్పారు. గతంలోనూ ఈ ప్రతిపాదన చేశామని, అయితే కొందరు ఈ విషయాన్ని వివాదాస్పదం చేశారని మంత్రి చెప్పుకొచ్చారు . తాను తాటాకుల గుడిసెలోనే చదువుకుని, ట్యూషన్లు చెప్పుకుని ఈ స్థాయికి వచ్చానని గుర్తు చేశారు. గుడిసెల్లో ఉండే బాధలు తనకు తెలుసు కాబట్టి అందరూ సహకరిస్తే మంచి బహుళ అంతస్తుల భవనాన్ని కట్టించి బాధితులు అందరికీ అప్పగించేందుకు సిద్ధంగా ఉన్నానని చెప్పారు.

కోట: మండలంలోని కర్లపూడి దళితవాడలో నివాసం ఉంటున్న వైఎస్సార్‌సీపీ మండల ప్రధాన కార్యదర్శి పాముల సురేంద్రకు చెందిన ప్రహరీ గోడను సోమవారం కొందరు దౌర్జన్యంగా కూల్చివేశారు. దీనిపై బాధితుడు సురేంద్ర కుటుంబ సభ్యులతో కలసి గూడూరు డీఎస్పీ గీతాకుమారికి ఫిర్యాదు చేశారు. ఆయన కథనం మేరకు.. కర్లపూడి దళితవాడలో పాముల సురేంద్ర పదేళ్ల క్రితం ప్రహరీ గోడ నిర్మించుకున్నారు. ఇంట్లో తాము లేని సమయంలో ఆ గ్రామానికి చెందిన పుచ్చలపల్లి క్రిష్ణయ్య, శ్రీనివాసులు, బైనా చిన్నయ్య ఇంట్లోకి చొరబడి గోడను కూల్చివేశారు. గ్రామానికి చెందిన టీడీపీ నాయకుడు పేర్నాటి ఆనందరెడ్డి, ఎస్‌ఐ పవన్‌కుమార్‌ అక్కడే ఉండి గోడను కూల్చివేయమని చెప్పినట్లు బాధితుడు వాపోయాడు. ఇంతలోనే వారు అక్కడకు చేరుకుని ప్రశ్నించగా టీడీపీ నాయకుడు ఆనందరెడ్డి తనతో పాటు కుటుంబ సభ్యులందరినీ కులం పేరుతో దూషిస్తూ ‘మాకే ఎదురు తిరుగుతార్రా.. మీకు తగిన శాస్తి చేస్తాం.’ అని బెదిరించాడని పాముల సురేంద్ర తెలిపారు. దీనిపై విచారణ జరిపి దళితులమైన తమకు రక్షణ కల్పించి, వారిపై అట్రాసిటీ కేసు నమోదు చేయాలని కోరారు. విచారణ జరిపించి న్యాయం చేస్తానని డీఎస్పీ వారికి తెలిపారు.

రేణిగుంట : బస్టాండ్‌ సమీపంలోని ఏడు దుకాణాలను ఆదివారం అర్ధరాత్రి కూల్చివేశారు. గత వైఎస్సార్‌సీపీ ప్రభుత్వంలో పంచాయతీ నుంచి స్థానికులు స్థలం లీజుకు తీసుకుని గదులు నిర్మించుకుని దుకాణాలు నిర్వహించుకుంటున్నారు. అయితే కూటమి ప్రభుత్వం వచ్చిన తర్వాత షాపులను ఖాళీ చేయించారు. అక్కడితో ఆగకుండా జేసీబీతో ఏడు షాపులను నేలమట్టం చేసేశారు. పంచాయతీ, రెవెన్యూ, ఆర్‌టీసీ అధికారులు ఈ పని చేశారా..? లేదా టీడీపీ నేతల నిర్వాకమా..? అర్థం కావడం లేదని స్థానికులు అనుమానం వ్యక్తం చేస్తున్నారు. దీనిపై పంచాయతీ ఈఓను సంప్రదించేందుకు యత్నించగా అందుబాటులోకి రాలేదు. పంచాయతీ తీర్మానం ప్రకారమే తొలగించాము బస్టాండ్‌ వద్ద ఖాళీగా ఉన్న గదులను గతంలో తొల గించాలని పంచాయతీ తీర్మానం చేసింది. అందులో భాగంగా గత రాత్రి సిబ్బంది ఆ గదులను తొలగించారు. – మాధవి పంచాయతీ ఈవో రేణిగుంట

రేణిగుంట: మీ ఉద్యోగాలు మీకు ఇస్తామని పరిశ్రమ యాజమాన్యం నమ్మించి మోసం చేసిందని యాజమాన్యంపై చీటింగ్‌ కేసు నమోదు చేయాలని కోరుతూ 205 మంది ఉద్యోగులు ఏర్పేడు పోలీస్‌ స్టేషన్లో ఫిర్యాదు చేశారు. రేణిగుంట అంతర్జాతీయ విమానాశ్రయం సమీపంలోని ఈఎంసీ–2 క్లస్టర్‌కు చెందిన వింగ్‌ టెక్‌ మొబైల్‌ కమ్యూనికేషన్‌ కంపెనీకి చెందిన 205 మంది ఉద్యోగులు సోమవారం ఉదయం కంపెనీ ప్రధాన ద్వారానికి ఎదురుగా బైఠాయించి నిరసన తెలిపారు. సంఘటన స్థలానికి రూరల్‌ సీఐ మంజునాథరెడ్డి, ఎస్‌ఐ సుధాకర్‌ చేరుకుని ఉద్యోగులతో చర్చించారు. చర్చల అనంతరం ఉద్యోగులు ఏర్పేడు పోలీస్‌ స్టేషన్‌కు చేరుకుని తమను మోసం చేశారంటూ వింగ్‌ టెక్‌, లెక్చర్‌ కంపెనీల యాజమాన్యంపై ఫిర్యాదు చేశారు. చీటింగ్‌ కేసు నమోదు చేసి తమకు న్యాయం చేయాలని కోరారు. అనంతరం ఉద్యోగులు తిరుపతి కలెక్టరేట్‌ చేరుకుని పీజీఆర్‌ఎస్‌లో తమ సమస్యలపై వినతి పత్రం అందజేశారు. ఉద్యోగులకు సీఐటీయూ నాయకులు మద్దతు తెలిపారు.

నేను 90 శాతం అంగవైకల్యంతో బాధపడుతున్నాను. రెండు కాళ్లు పనిచేయవు.. మూడు చక్రాల బండికి పరిమితమయ్యాను. పుట్టుకతోనే కాళ్లు పనిచేయకున్నా ఎన్నడూ బాధపడలేదు. ఈ ప్రభుత్వంలో రీవెరిఫికేషన్‌ చేసి 60 శాతం మాత్రమే వైకల్యం వున్నట్టు ధ్రువీకరణ పత్రం ఇవ్వడంతో బాధపడుతున్నాను. అంగవైకల్యంతో బాధపడుతున్న నన్ను బాధపెట్టే ఏ ప్రభుత్వమైనా బాధపడాల్సిందే.. పింఛన్లు తగ్గించుకోవడం కోసం ఇంతలా దిగజారాల్సిన పనిలేదు. – ఖాదర్‌సాహెబ్‌, దివ్యాంగుడు, జీవకోన, తిరుపతి చేతులు లేని నేను ఎలా బతకాలి 13 ఏళ్ల వయస్సులో విద్యుత్‌ షాక్‌కు గురై రెండు చేతులు పో గొట్టుకున్నా. దివ్యాంగ పింఛన్‌ తీసుకుంటు న్నాను. ఏ ప్రభుత్వం వచ్చినా నా పింఛన్‌ తీయలేదు. ఎందుకంటే కళ్లతో చూడగానే నాకు చేతులు లేవని 100 శాతం వైకల్యం ఉన్నట్టు వైద్యులు కూడా నిర్ధారణ చేశారు. రీ వెరిఫికేషన్‌కు వచ్చిన వైద్యులు నా పరిస్థితిని కళ్లారా చూసి 40 శాతం కంటే తక్కువగా వైకల్యం ఉందని నిర్ధారణ చేశారు. నా పింఛను కూడా రద్దు చేస్తామని సచివాలయం ఉద్యోగులు చెప్పారు. రెండు చేతులు లేని నేను ఏ పనిచేసుకుని బతకాలో ప్రభుత్వ పెద్దలు చెప్పాలి. – దక్షిణాదిబాబు, దివ్యాంగుడు, నక్కలకాలనీ, తిరుచానూరు

గత వారంలో ఉద్యోగులమంతా నిరసన తెలిపాం. యాజమా న్యం ప్రతి నిధులను పంపించి, మాతో చర్చించి న్యాయం చేస్తామని హామీ ఇచ్చింది. కానీ ఇంతవరకు ఎటువంటి న్యాయం చేయలేదు. యాజమాన్యంపై చర్యలు తీసుకుని మాకు న్యాయం చేయండి. – చంద్రకళ, ఉద్యోగిని, వింగ్‌ టెక్‌ పరిశ్రమ మాకు ఉద్యోగ భద్రత కల్పించాలి గతంలో మేము ఉద్యోగాల్లో చేరేటప్పుడు శాశ్వత ఉద్యోగులుగా మిమ్మల్ని తీసుకుంటున్నామని చెప్పారు. కానీ ఇప్పుడు పరిశ్రమ మరొకరి చేతికి వెళ్లడంతో వాళ్లు మాకు సంబంధం లేదంటున్నారు. రెండు పరిశ్రమల యాజమాన్యం ఉద్యోగుల భవితవ్యంతో ఆడుకుంటున్నారు. ప్రభుత్వం చొరవ చూపి, మాకు న్యాయం చేయాలి. – బాలాజీ, ఉద్యోగి, వింగ్‌టెక్‌ పరిశ్రమ ప్రభుత్వం జవాబు చెప్పాలి గతంలో చంద్రబాబు సమక్షంలో పదివేల మందికి ఉ ద్యోగాలు ఇస్తామని వింగ్‌టె క్‌ ఒప్పందం కుదుర్చు కుంది. కానీ పది వేల మంది మా ట అటుంచితే ప్రస్తుతం పనిచేస్తున్న 200 మందిని తీసివేయడం దారుణం. దీనికి కచ్చితంగా ప్రభుత్వమే బాధ్యత వహించాలి. పరిశ్రమలు తెచ్చి యువతకు ఉద్యోగాలు కల్పిస్తున్నామని ప్రజలను మోసం చేస్తోందనడానికి ఇదే ఉదాహరణ. – బాలసుబ్రమణ్యం సీఐటీయూ జిల్లా అధ్యక్షుడు

తిరుపతి మంగళం : కూటమి ప్రభుత్వం ఎన్నికల హామీలను అమలు చేయకుండా ప్రజలను వంచించడాన్ని చూడలేక వైఎస్సార్‌సీపీలో చేరామని టీడీపీ నాయకులు రాజేంద్రరాయల్‌, పురుషోత్తంనాయుడు పేర్కొన్నారు. తిరుపతి పద్మావతిపురంలోని పార్టీ కార్యాలయం వద్ద సోమవారం తిరుపతి 33వ డివిజన్‌కు చెందిన టీడీపీ అధ్యక్షులు రాజేంద్రరాయల్‌, పురుషోత్తం నాయుడుతోపాటు 50 మందికి పైగా వారి అనుచురులు వైఎస్సార్‌సీపీలో చేరారు. వైఎస్సార్‌సీపీ చిత్తూరు, తిరుపతి జిల్లాల అధ్యక్షుడు భూమన కరుణాకరరెడ్డి, తిరుపతి నియోజకవర్గ సమన్వయకర్త భూమన అభినయ్‌రెడ్డి వారికి కండువాలు కప్పి సాదరంగా పార్టీలోకి ఆహ్వానించారు. ఈ సందర్భంగా వారు మాట్లాడుతూ కూటమి పాలనలో ప్రజలకు మేలు జరుగుతుందని ఎంతో ఆశించామన్నారు. అయితే కూటమిలో ఎవరికి వారే యమునాతీరే అన్నట్లుగా ఉంటూ ప్రజల సంక్షేమాన్ని, ప్రజాసమస్యల పరిష్కారాన్ని పూర్తిగా గాలికి వదిలేశారన్నారు. తాము టీడీపీ నాయకులుగా వార్డుల్లో తిరగాలంటే ముఖం చెల్లడంలేదన్నారు. చంద్రబాబు అధికారం కోసం మోసపూరిత వాగ్దానాలు చేసి, ప్రజలను ఇంతగా మోసగిస్తారనుకోలేదన్నారు. ఏడాదన్న కాలంలోనే కూటమి ప్రభుత్వం ప్రజావ్యతిరేకతను మూటకట్టుకుందని చెప్పారు. గతంలో ఏ రాజకీయపార్టీకి ఇంతగా వ్యతిరేకత రాలేదని, అలాంటి టీడీపీలో ఉంటే ప్రజలతో ఛీ కొట్టించుకోవడం తప్ప ప్రజల మన్ననపొందలేమన్నారు. ప్రతి పేదవాడికి అనేక సంక్షేమ పథకాలు అందించిన ఏకై క నాయకుడు జగనన్న మాత్రమేనన్నారు. జగనన్న లాంటి నాయకుడే రాష్ట్రానికి ఎంతో అవసరమన్నారు. తిరుపతిలో భూమన కరుణాకరరెడ్డి, భూమన అభినయ్‌రెడ్డిలు చేసిన అభివృద్ధి గత 40ఏళ్ల చరిత్రలో ఏ రాజకీయ నాయకుడు చేయలేదన్నారు. ఈ కార్యక్రమంలో పార్టీ నగర అధ్యక్షుడు మల్లం రవిచంద్రారెడ్డి, పార్టీ సీనియర్‌ నాయకులు సాకం ప్రభాకర్‌, పోలిరెడ్డి నాగిరెడ్డి, సయ్యద్‌ షఫీ, అహ్మద్‌ఖాదరీ, లవ్లీ వెంకటే ష్‌, గోవిందరెడ్డి, వైఎస్సార్‌సీపీ గ్రీవెన్‌సెల్‌ జిల్లా అధ్యక్షులు మద్దాలి శేఖర్‌, ప్రచార కమిటీ నగర అధ్యక్షుడు రమణారెడ్డి, పార్టీ నాయకులు పడమటి కుమార్‌, వెంకటేష్‌రాయల్‌, సుధాకర్‌, పద్మజ, విజయలక్ష్మి, రాధ, ఉష తదితరులు పాల్గొన్నారు.

తిరుపతి క్రైం : తిరుపతి నగరంలో ప్రజా భద్రత, నేర నిరోధక చర్యలను మరింత బలోపేతం చేయడానికి సిటీ విజిటర్‌ ఇన్ఫర్మేషన్‌ అండ్‌ రికవరీ మేనేజ్‌మెంట్‌ సిస్టం(సీవీఐఆర్‌ఎంఎస్‌)ను అమలు చేస్తున్నట్టు జిల్లా ఎస్పీ హర్షవర్ధన్‌ రాజు తెలిపారు. ఆయన సోమవారం తన కార్యాలయంలో విలేకరులతో మాట్లాడారు. ఈ వ్యవస్థను హోటళ్లు, లాడ్జీలు, పీజీ సెంటర్లలో అమలుచేస్తున్నట్టు తెలిపారు. అక్కడ చేరేవారు తమ వివరాలకు సంబంధించి గుర్తింపు కార్డులు నమోదు చేయగానే పోలీసు రికార్డులతో అనుసంధానం అవుతాయని తెలిపారు. నేర చరిత్ర కలిగిన వ్యక్తులు వస్తే వెంటనే అలర్ట్‌ వచ్చే విధంగా ఈ వ్యవస్థను ఏర్పాటు చేస్తామన్నారు. భద్రతపై ప్రత్యేక దృష్టి పెట్టామని, ఇప్పటి వరకు 664 హోటళ్లు, హోమ్‌ స్టేలలో సిస్టంను ఏర్పాటు చేశామన్నారు. మిగిలిన వాటిల్లోనూ పూర్తి చేస్తామన్నారు. ఇందులో ఆధార్‌ ఐ కనెక్ట్‌ను కూడా తీసుకుంటామన్నారు. ఇకమీదట ఈ సిస్టం పోలీసు స్టేషన్లో అమలు అవుతుందని వెల్లడించారు. కార్యక్రమంలో ఎస్పీ వెంకట్రావు, సిబ్బంది పాల్గొన్నారు.

రేణిగుంట : ఎయిర్‌పోర్టు సమీపంలోని బీజీఎస్‌ నేషనల్‌ పబ్లిక్‌ స్కూల్‌ బస్‌లో విద్యార్థుల భద్రత ప్రశ్నార్థకంగా మారింది. డ్రైవర్‌ వ్యవహారశైలితో పిల్లలు భయాందోళనకు గురవుతున్నారు. రహదారి భద్రతా నియమాలను బేఖాతర్‌ చేస్తూ అత్యంత వేగంగా వా హనం నడుపుతున్నాడు. దీంతో విద్యార్థులు ప్రాణాలు అరచేతిలో పెట్టుకుని విధిలేని పరిస్థితుల్లో స్కూల్‌ బస్‌లో రాకపోకలు సాగిస్తున్నారు. ఈ క్రమంలోనే సో మవారం సైతం పాత చెక్‌పోస్టు వద్ద ఇష్టారాజ్యంగా బస్‌ నడిపి స్థానికులను ఢీకొట్టినంత పనిచేశాడు. పైగా ప్రశ్నించిన వారితో దురుసుగా ప్రవర్తించాడు. దిక్కు న్న చోట చెప్పుకోండంటూ వెళ్లిపోయాడు. ర వాణా శాఖ అధికారులు దీనిపై తగు చర్యలు చేపట్టాలని, పా ఠశాల యాజమాన్యం డ్రైవర్‌ పనితీరును పర్యవేక్షించాలని విద్యార్థులు, స్థానికులు కోరుతున్నారు.

చిల్లకూరు : వాతావరణ కాలుష్యం నిర్మూలించేందుకు ముందుగా ప్లాస్టిక్‌ తయారీని అరికట్టాలని, ఈ మేరకు ఆయా పరిశ్రమలను మూసివేయాలని మాజీ ఎమ్మెల్సీ విఠపు బాలసుబ్రమణ్యం సూచించారు. ఆదివారం గూడూరు పట్టణంలోని విశ్రాంత ఉద్యోగుల భవనంలో జన విజ్ఞాన వేదిక మహా సభలకు ఆయన ముఖ్య అతిథిగా విచ్చేశారు. మూడ నమ్మకాలపై ప్రజలను అప్రమత్తం చేయడంలో జేవీవీ పాత్ర కీలకమన్నారు. విద్యార్ధులను చైతన్యవంతం చేసి వారి ద్వారా మరింత ప్రచారం చేపట్టాలని కోరారు. కార్యక్రమంలో మున్సిపల్‌ కమిషనర్‌ వెంకటేశ్వర్లు, జేవీవీ పట్టణ అధ్యక్షుడు వేగూరు రాజేంద్రప్రసాద్‌, నాగరాజు, చెంచు నారాయణ, సుమన్‌రెడ్డి, ఇబ్రహీం, శర్మ, అశోక్‌ పాల్గొన్నారు.

తిరుపతి సిటీ : రాష్ట్రంలో క్రీడలను ప్రొత్సహించడమే ప్రభుత్వ లక్ష్యమని క్రీడా శాఖ మంత్రి రాంప్రసాద్‌ రెడ్డి, తెలిపారు. ఆదివారం తిరుపతి తారకరామా స్టేడియంలో అమరావతి చాంపియన్‌ షిప్‌–2025 రాష్ట్రస్థాయి క్రీడాపోటీలను ప్రారంభించారు. వారు మాట్లాడుతూ విద్యార్థులను క్రీడలవైపు ప్రొత్సహించి వారి భవిష్యత్తును ఉన్నతంగా తీర్చిదిద్దుతామని వెల్లడించారు. జిల్లా నుంచి ఎంతో మంది క్రీడాకారులు జాతీయ, అంతర్జాతీయ స్థాయిలో రాణించడం అభినందనీయమన్నారు. తిరుపతిలో క్రీడారంగం అభివృద్ధికి 30ఎకరాలు కేటాయించామని చెప్పారు. అమరావతిలో అంతర్జాతీయ ప్రమాణాలతో స్టేడియం నిర్మించనున్నట్లు వివరించారు. మెగా డీఎస్సీతో సుమారు 450 అభ్యర్థులకు ఉద్యోగాలు దక్కడం సంతోషంగా ఉందని తెలిపారు. అమరావతి చాంపియన్‌ షిప్‌లో ఆర్చరీ, వెయిట్‌ లిఫ్టింగ్‌, బాక్సింగ్‌, అథ్లెటిక్స్‌, వాలీబాల్‌, బాస్కెట్‌ బాల్‌, హాకీ , కబడ్డీ, ఖోఖో, షటిల్‌ తదితర క్రీడలు నిర్వహిస్తున్నట్లు వెల్లడించారు. కార్యక్రమంలో కలెక్టర్‌ వెంకటేశ్వర్‌, శాప్‌ ఎండీ గిరీష్‌ కుమార్‌, శాప్‌ చైర్మన్‌ రవినాయుడు, తుడా చైర్మన్‌ దివాకర్‌రెడ్డి, సినీ నటుడు నారా రోహిత్‌, యాదవ కార్పొరేషన్‌ చైర్మన్‌ నరసింహయాదవ్‌, జాతీయ స్థాయి క్రీడాకారిణి రజని, డీఎస్‌సీఓ శశిధర్‌ పాల్గొన్నారు.

వెంకటగిరి రూరల్‌ : చదరంగం ఆడడం ద్వారా మేధో సంపత్తి పెరుగుతుందని వెంకటగిరి రాజ కుటుంబీకులు సర్వజ్ఞ కుమార యాచేంద్ర తెలిపారు. ఆదివారం పట్టణంలోని శ్రీచైతన్య పాఠశాలలో ఆల్‌ ఇండియా ఓపెన్‌ చెస్‌ పోటీలను ఆయన ప్రారంభించారు. మన రాష్ట్రంతోపాటు తెలంగాణ, ఉత్తర ప్రదేశ్‌, కర్ణాటక, మహారాష్ట్ర, తమిళనాడు, కేరళ నుంచి సుమారు 280 మంది చెస్‌ క్రీడాకారులు పాల్గొన్నారు. ఆయన మాట్లాడుతూ ఒక్కప్పుడు రాజాల వరకే పరిమితమైన క్రీడా పోటీలు నేడు మారుమూల గ్రామాల సైతం విస్తరించాయన్నారు. క్రీడలపై యువత మక్కువ పెంచుకోవాలని సూచించారు. అనంతరం విజేతలకు నగదు బహుమతులు పంపిణీ చేశారు. కార్యక్రమంలో చెస్‌ అకాడమీ నిర్వాహకుడు నర్రా వినయ్‌కుమార్‌ పాల్గొన్నారు.

ఏర్పేడు: తిరుపతి ఐఐటీలో మానవీయ శాస్త్రాలు, సామాజిక శాస్త్రాల విభాగం సంయుక్తంగా గుజరాత్‌లోని వడోదర ఎంపీ డాక్టర్‌ హేమాంగ్‌ జోషితో మాస్టర్‌ ఆఫ్‌ పబ్లిక్‌ పాలసీపై విద్యార్థులతో ఇంటరాక్టివ్‌ సెషన్‌ నిర్వహించారు. ప్రజాస్వామ్యం, పాలన, ప్రజా విధానం డైనమిక్స్‌పై చర్చలో ఆయన పాల్గొన్నారు. విద్యార్థులు, అధ్యాపకులు, విధాన ఔత్సాహికులకు సూచనలు ఇచ్చారు. ఐఐటీ డైరెక్టర్‌–ఇన్‌–చార్జ్‌ ప్రొఫెసర్‌ శశిధర్‌ గుమ్మా పాల్గొని యువతకు సాధికారత కల్పించడంలో కేంద్ర ప్రభుత్వం చొరవ చూపిందని కొనియాడారు. రెండు బైక్‌లు ఢీ : ఒకరి మృతి పెళ్లకూరు : నాయుడుపేట–పూతలపట్టు జాతీయ రహదారిపై చిల్లకూరు సమీపంలో ఆదివారం రాత్రి రెండు మోటారుబైక్‌లు ఢీకొన్నాయి. ఈ ప్రమాదంలో చిల్లకూరు వడ్డిపాళెం గ్రామానికి చెందిన చమర్తి కృష్ణయ్య(39) మృతి చెందగా, కోటకు చెందిన చీరా రోశయ్య గాయపడ్డాడు. పోలీసులు ఘటనా స్థలానికి చేరుకుని మృతదేహాన్ని పోస్టుమార్టం నిమిత్తం నాయుడుపేట ప్రభుత్వాస్పత్రికి తరలించారు. మృతుడికి భార్య మోహనమ్మ, కుమార్తెలు చంద్రలేఖ, ప్రవీణ, కుమారుడు శ్రీనాథ్‌ ఉన్నారు. ఈమేరకు పోలీసులు కేసు నమోదు చేసి దర్యాప్తు చేస్తున్నారు. ఎరువుల దుకాణాల్లో తనిఖీలు తిరుపతి క్రైమ్‌ : వ్యవసాయ, పోలీస్‌ శాఖ సమన్వయంతో ఆదివారం తిరుపతిలోని ఎరువుల షాపులపై దాడులు నిర్వహించారు. యూరియా, నానో యూరియా నిల్వలను తనిఖీ చేశారు. రైతులకు నాన్‌ యూరియా అందుబాటులో ఉందని చెప్పారు. నానో యూరియా ఎకరానికి అర లీటర్‌ పిచికారీ చేసుకున్నట్లయితే సాధారణ యూరియాతో పోల్చుకుంటే అధిక శాతం నత్రజని పంటకు లభిస్తుందని, డీలర్లు, రైతులకు అవగాహన కల్పించారు. 45 కేజీల యూరియా బస్తా అర లీటర్‌ నానో యూరియాతో సమానమని వెల్లడించారు. తనిఖీల్లో ఈస్ట్‌ సిఐ శ్రీనివాసులు, వ్యవసాయ శాఖ సిబ్బంది పాల్గొన్నారు.

చంద్రగిరి : సనాతన ధర్మం పరిరక్షణే లక్ష్యమని చెప్పుకుంటున్న కూటమి ప్రభుత్వంలో రహదారి నిర్మాణం పేరిట ఆలయం కూల్చేందుకు యత్నించారు. ఆదివారం ఈ మేరకు స్థానికులు అడ్డుకున్నారు. తిరుపతి రూరల్‌ మండలం తిరుచానూరు పంచాయతీ పరిధిలోని నేతాజీ నగర్‌లో వినాయస్వామివారి ఆలయాన్ని కాలనీ వాసులే నిర్మించుకున్నారు. స్వామివారికి కై ంకర్యాలను నిర్వహించుకుంటున్నారు. మరో నాలుగు రోజుల్లో వినాయక చవితి ఉత్సవాలు ప్రారంభంకానున్న తరుణంలో ఆలయ అలంకరణకు సన్నద్ధమయ్యారు. సన్నాహాలు చేస్తున్నారు. రహదారి పేరిట కుట్ర తిరుచానూరు సమీపంలోని ఓరియన్‌ హోటల్‌ నుంచి పద్మావతిపురం వరకు సుమారు రూ.4కోట్ల టీటీడీ నిధులతో తుడా ఆధ్వర్యంలో రహదారి నిర్మాణానికి పూనుకున్నారు. అయితే శిల్పారామం వెనుక చెరువు కట్టపై ఈ పనులు చేపట్టారు. అయితే రహదారి విస్తరణలో భాగంగా చెరువు పక్కన ఉన్న శ్రీవినాయక స్వామి ఆలయాన్ని కూల్చివేసేందుకు కొంతమంది అధికారులు, నేతలు యత్నించారు. దీంతో ఆదివారం స్థానికులు ఘటన స్థలానికి చేరుకుని పనులను అడ్డుకున్నారు. స్వార్థరాజకీయాల కోసం గుడిని కూల్చివేయాలని చూడడం దారుణమని మండిపడ్డారు. చెరువు స్థలం ఉన్నప్పటికీ, గుడిని తొలగించేందుకు యత్నిస్తున్నారని ఆగ్రహం వ్యక్తం చేశారు. ఆలయాలను ధ్వంసం చేయడం చేస్తే కఠినంగా వ్యవహరిస్తామని ఎస్పీ హెచ్చరించినా, కూటమి ప్రభుత్వంలో దాడులు మాత్రం ఆగడం లేదని వాపోతున్నారు. అయితే సోమవారం మరోసారి అధికారులు రోడ్డు నిర్మాణానికి సంబంధించి పరిశీలనకు రానున్నట్లు తెలిసింది.

పెళ్లకూరు : మండలంలోని పాలచ్చూరు గ్రామంలో రామ్‌కో ఎన్విరో ఇంజినీరింగ్‌ పరిశ్రమ నుంచి విడుదలవుతున్న వ్యర్థ జలాలను తాగడంతో ఆదివారం నాలుగు ఆవులు మృత్యువాత పడ్డాయి. రామ్‌కో ఎన్విరో ఇంజినీరింగ్‌ పరిశ్రమ నిర్వాహకులు నిర్లక్ష్యంగా వ్యర్థ జలాలు వదిలేస్తున్నారు. అటుగా వెళ్లిన మూగజీవాలు వ్యర్థ జలాలను తాగి మృతి చెందుతున్నాయి. బాధితులు కాటూరు గోవర్ధన్‌, బట్టా వెంకటసుబ్బయ్య, బట్టా రమేష్‌ మాట్లాడుతూ తమ ఆవులు మరణించడంతో రూ.2లక్షలకు పైగా నష్టం వాటిల్లినట్లు ఆవేదన వ్యక్తం చేశారు. దీనిపై అధికారులకు ఫిర్యాదు చేసినట్లు వెల్లడించారు. అనారోగ్యంతో జీవితఖైదీ..తిరుపతి క్రైం: అనారోగ్యంతో జీవిత ఖైదీ మృతి చెందిన ఘటన ఆదివారం స్విమ్స్‌ ఆస్పత్రిలో చోటు చేసుకుంది. వెస్ట్‌ సీఐ మురళీమోహన్‌ కథనం.. నెల్లూరులోని మైపాడుకు చెందిన షేక్‌కాలేశా(64) ఓ వ్యక్తిని హత్య చేసి నెల్లూరు సెంట్రల్‌ జైల్లో జీవిత ఖైదు అనుభవిస్తున్నాడు. అయితే గత కొద్దిరోజులుగా అనారోగ్యంగా ఉండడంతో నెల్లూరు జైలు పోలీసులు సిమ్స్‌ హాస్పిటల్‌కు తీసుకొచ్చారు. ఇక్కడ చికిత్స పొందుతూ షేక్‌కాలేశా మృతి చెందాడు. 29న పోలీస్‌ సమన్వయ కమిటీ సమావేశం తిరుపతి క్రైం: తిరుపతిలో ఈనెల 29వ తేదీన దక్షిణాది ప్రాంతీయ పోలీస్‌ సమన్వయ కమిటీ సమావేశం తాజ్‌ హోటల్‌లో జరగనుంది. ప్రధాని ఆదేశాల మేరకు దక్షిణాది రాష్ట్రాలైన ఎనిమిది మంది డీజీపీలు సమావేశం కానున్నారు. ఇందులో కీలకమైన పోలీసింగ్‌ అంశాలపై, అంతర్రాష్ట్ర సహకార సమన్వయ బలోపేతం పై చర్చించునున్నారు.

తొట్టంబేడు: శ్రీకాళహస్తిలో ఇసుక మాఫియా రెచ్చిపోతోంది. తొట్టంబేడు మండలం మీదుగా వెళుతున్న స్వర్ణముఖి నదిలో భారీగా ఇసుక దందా సాగిస్తోంది. పెద్దపెద్ద ప్రొకై ్లన్ల సాయంతో టిప్పర్లు, ట్రాక్టర్లకు నింపి రాత్రి, పగలు తేడాలేకుండా తరలించేస్తోంది. భూగర్భ జలాలు అడుగంటుతున్నాయని నదీ పరివాహక ప్రాంత రైతులు ఆందోళన చెందుతున్నారు. లక్షల ఎకరాల మేర బీడు భూములుగా మారే పరిస్థితి ఉందని ఆవేదన చెందుతున్నారు. అధికారులు మామూళ్ల మత్తులో జోగుతూ పట్టించుకోవడం లేదని ఆరోపిస్తున్నారు. మండలంలోని విరూపాక్షపురం గ్రామ పరిసరాల్లో ఎలాంటి అనుమతులు లేకుండానే అధికారుల అండతో ఇసుకను తరలిస్తున్నట్టు పేర్కొంటున్నారు. అధికారులు స్పందించి ఇసుక అక్రమ రవాణాకు అడ్డుకట్ట వేయాలని పలువురు రైతులు కోరుతున్నారు.

సత్యవేడు: డీఎస్సీ ఫలితాల్లో స్కూల్‌ అసిస్టెంట్‌ తెలుగుకు సంబంధించి సత్యవేడు మండలం నీలితొట్టికండ్రిగకు చెందిన ఎస్‌.విజయ్‌ అత్యుత్తమ ప్రతిభ కనబరిచారు. 87.01907 మార్కులతో జిల్లాస్థాయి మొదటి ర్యాంకు సాధించారు. అలాగే టీజీటీలోనూ 80.70 మార్కులతో జోనల్‌ స్థాయి నాలుగో ర్యాంకు పొందారు. డిగ్రీ దరఖాస్తులకు రేపే ఆఖరి గడువు తిరుపతి సిటీ : జిల్లాలోని ప్రభుత్వ, ప్రైవేటు కళాశాలల్లో పలు డిగ్రీ కోర్సులలో ప్రవేశాలకు దరఖాస్తుల గడువు మంగళవారంతో ముగియనుంది. ఇప్పటికి వరకు జిల్లాలోని అన్ని డిగ్రీ కళాశాలలో 21 విభాగాలకు సంబంధించి సుమారు 23వేలకు పైగా దరఖాస్తులు వచ్చినట్లు అధికారులు తెలిపారు. టీచర్లకు ఇంగ్లిష్‌ స్కిల్స్‌పై శిక్షణ తిరుపతి అర్బన్‌: ప్రభుత్వ పాఠశాలల్లో ఇంగ్లిష్‌ మీడియం అమలు చేస్తున్న నేపథ్యంలో టీచర్లకు ఆంగ్లంపై పూర్తి పరిజ్ఞానం ఉండాల్సిన అవసరముందని విల్‌ టూ కెన్‌ ఇన్‌స్టిట్యూట్‌ ఆఫ్‌ ఇంగ్లిష్‌ (హైదరాబాద్‌) సంస్థ డైరెక్టర్‌ రామేశ్వర్‌ గౌడ్‌ తెలిపారు. ఆదివారం తిరుచానూరు జెడ్పీ హైస్కూల్లో 100 మంది టీచర్లకు ఆన్‌లైన్‌లో ఇంగ్లిష్‌ స్కిల్స్‌పై ఉచిత శిక్షణ ఇచ్చారు. గౌడ్‌ మాట్లాడుతూ ప్రతిరోజూ సాయంత్రం 6 నుంచి 7 గంటల వరకు తరగతులు నిర్వహిస్తున్నట్లు వెల్లడించారు. డీఈఓ కేవీఎన్‌ కుమార్‌, సమగ్రశిక్ష అడిషన్‌ ప్రాజెక్టు కో–ఆర్డినేటర్‌ గౌరీశంకర్‌రావు మాట్లాడుతూ ఇంగ్లిష్‌లో మెలకువలను నేర్చుకుంటే విద్యార్థులకు చక్కగా బోధించవచ్చని సూచించారు. సెక్టోరియల్‌ అధికారులు సారథి, చంద్రశేఖర్‌ నాయుడు పాల్గొన్నారు.

తిరుపతి రూరల్‌ : వినాయకచవితి పర్వదినం వస్తోందంటే చాలు.. అందరి కళ్లు తుమ్మలగుంట వైపు చూస్తుంటాయి. గత పాతికేళ్లుగా చెవిరెడ్డి కుటుంబీకులు విభిన్న ఆకృతులతో గణపతి ప్రతిమను తయారు చేయించి 9 రోజుల పాటు ప్రత్యేక పూజలు నిర్వహిస్తుంటారు. ఈ క్రమంలోనే 10 అడుగుల ఎత్తు, 7 అడుగుల వెడల్పుతో తుంబుర వినాయకుడి ప్రతిమను సిద్ధం చేయిస్తున్నారు. పరమేశ్వరుని ఒడిలో కూర్చుని తుంబుర చేతబట్టుకుని ధ్యానం చేస్తున్నట్టుగా గణేశుడి విగ్రహం కొలువుదీరనుంది. పర్యావరణ హితంగా చిట్టి, రాజ్‌ కుమార్‌ ఆధ్వర్యంలో 10 మంది కార్మికులు నాలుగు రోజులుగా శ్రమించి ప్రతిమను తీర్చిదిద్దారు. చెవిరెడ్డి మోహిత్‌రెడ్డి, హర్షిత్‌రెడ్డి నిరంతరం పర్యవేక్షిస్తున్నారు. 27వ తేదీ ఉదయం కల్యాణ వెంకన్న ఆలయంలోని కల్యాణ మండపంలో గణపతిని కొలువుదీర్చి భక్తులకు దర్శనభాగ్యం కల్పించనున్నారు.

రేణిగుంట : రేణిగుంట పంచాయతీ పరిధిలోని వివేకానంద కాలనీలో నివాసం ఉంటున్న సెల్వరాజ్‌ కుమారుడు రాజు (24) ఇంట్లో ఎవరూ లేని సమయంలో ఉరి వేసుకుని ఆత్మహత్యకు పాల్పడ్డాడు. గుర్తించిన కుటుంబ సభ్యులు చికిత్స నిమిత్తం రేణిగుంట ప్రాథమిక ఆరోగ్య కేంద్రానికి తీసుకొచ్చారు. అప్పటికే రాజు మృతి చెందినట్లు వైద్యాధికారులు నిర్ధారించారు. రేణిగుంట అర్బన్‌ పోలీసులకు సమాచారం అందడంతో ట్రైనీ ఎస్‌ఐ స్వాతి సిబ్బందితో కలిసి సంఘటన స్థలానికి చేరుకున్నారు. మృతదేహాన్ని స్వాధీనం చేసుకుని పోస్టుమార్టం నిమిత్తం తిరుపతి ఎస్వీ మెడికల్‌ కళాశాలకు తరలించారు. అర్బన్‌ పోలీసులు కేసు నమోదు చేసి దర్యాప్తు చేస్తున్నారు. ఆత్మహత్యకు గల కారణాలు తెలియాల్సి ఉంది. 25న చిల్లకూరు, చిట్టేడులో పింక్‌బస్‌ శిబిరాలు తిరుపతి తుడా : స్విమ్స్‌ ఆధ్వర్యంలో ఈనెల 25న సోమవారం చిల్లకూరు మండల కేంద్రంలోని పీహెచ్‌సీ, కోట మండలంలోని చిట్టేడు పీహెచ్‌సీలో పింక్‌ బస్‌ శిబిరాలు నిర్వహించనున్నట్లు వైద్యాధికారులు డాక్టర్‌ షాలోమ్‌ అరాఫత్‌, డాక్టర్‌ నాగరాజు శనివారం ఒక ప్రకటనలో తెలిపారు. ఈ శిబిరాల్లో క్యాన్సర్‌ వ్యాధితో పాటు బీపీ, షుగర్‌, పరీక్షలు ఉచితంగా నిర్వహించనున్నట్లు తెలిపారు. వ్యక్తి ఆత్మహత్య సత్యవేడు : మండలంలోని కొత్తమారికుప్పం పంచాయతీ గిరిజన కాలనీలో అద్దె ఇంట్లో ఉంటున్న సంపత్‌ కుమార్‌(34) రెండు రోజుల కిందట ఉరివేసుకొని ఆత్మహత్యకు పాల్పడ్డాడు. శనివారం ఇంటి నుంచి దుర్వాసన రావడంతో సమీప ఇళ్లలో ఉంటున్న వారు పోలీసులకు సమాచారం అందించారు. ఎస్‌ఐ రామస్వామి సంఘటనా స్ధలానికి వెళ్లి మృతుడి తల్లిదండ్రులకు సమాచారం అందించారు. సంపత్‌ కుమార్‌ పాలగుంటలోని కాఫ్రికాన్‌ కంపెనీలో డ్రైవర్‌గా పనిచేస్తున్నాడు. అతడి స్వగ్రామం కృష్ణసముద్రంగా గుర్తించారు. మృతదేహాన్ని పోస్టుమార్టం చేసి కుటుంబ సభ్యులకు అందజేశారు. కుటుంబ కలహాలతో ఆత్మహత్యకు పాల్పడినట్లు పోలీసులు చెబుతున్నారు. మృతుడికి భార్య, ఇద్దరు పిల్లలు ఉన్నారు. బార్‌ పాలసీపై అపోహలు వద్దు తిరుపతి క్రైమ్‌ : ప్రభుత్వం ఇటీవల విడుదల చేసిన బార్‌ పాలసీ పై అపోహలు వద్దని ప్రొహిభిషన్‌ అండ్‌ ఎకై ్సజ్‌ సూపరింటెండెంట్‌ నాగమల్లేశ్వర్‌రెడ్డి తెలిపారు. 2025–28వ సంవత్సరానికి కొత్త బార్‌ పాలసీని ఇటీవల ప్రభుత్వం ప్రకటించింది. ఇందులో 29 ఓపెన్‌ క్యాటగిరి, మూడు రిజర్వేషన్‌ కేటగిరి కల్లుగీత కార్మికులకు కేటాయించిందన్నారు. ఇవీ లాటరీ విధానం ద్వారా కేటాయించినట్లు చెప్పారు. ప్రతి దరఖాస్తుదారుడు రూ.5 లక్షలు, 10,000 ప్రాసెసింగ్‌ ఫీజు సమర్పించాలన్నారు. నాలుగు కన్నా తక్కువ దరఖాస్తులు వస్తే ఆ బార్‌ లైసెనన్స్‌కు లాటరీ జరగదని తెలిపారు.

తిరుపతి కల్చరల్‌ : హథీరాంజీ మఠం ఆస్తులు అన్యాక్రాంతం కాకుండా రక్షించాలని హథీరాం బావాజీ పరిరక్షణ కమిటీ అధ్యక్షుడు సీతారాం నాయక్‌, గౌరవాధ్యక్షుడు డీటీ నాయక్‌ డిమాండ్‌ చేశారు. శనివారం ప్రెస్‌క్లబ్‌లో వారు మాట్లాడారు. గాంధీ రోడ్డులోని హథీరాంజీ మఠం భవనం కూల్చివేయకుండా చర్యలు తీసుకోవాలని కోరారు. ఈమేరకు సమన్వయ సమావేశం నిర్వహణతో నిర్ణయం తీసుకుంటామని కలెక్టర్‌ వెంకటేశ్వర్‌ చెప్పడం శుభపరిణామమని వెల్లడించారు. గిరిజన భవన్‌ చైర్మన్‌ వెంకటరమణ నాయక్‌, పరిరక్షణ కమిటీ జాతీయ ప్రధాన కార్యదర్శి శివానాయక బాబురావు చౌహాన్‌, కృష్ణ నాయక్‌ పాల్గొన్నారు.

వెంకటగిరి రూరల్‌ : రూ.5 కే పేదలకు అన్నం పెడుతున్న అన్న క్యాంటీన్‌లో అన్నం పంపిణీలో నాణ్యతా ప్రమాణాలు పాటించాలని వెంకటగిరి జూనియర్‌ సివిల్‌ జడ్జి విష్ణువర్మ పేర్కొన్నారు. పట్టణంలోని మండల పరిషత్‌ కార్యాలయం సమీపం వద్ద ఉన్న అన్న క్యాంటీన్‌ను శనివారం ఆయన తనిఖీ చేశారు. రూ.5 టోకెన్‌ కొనుగోలు చేసి భోజనం రుచి చూశారు. ఈ సందర్భంగా న్యాయమూర్తి మాట్లాడుతూ.. నాణ్యత పాటించడంలేదని ఫిర్యాదు మేరకు తనిఖీ నిర్వహించగా అన్నంలో నాణ్యత కొరవడినట్లు సూచించారు. ఈ మేరకు చర్యలు తీసుకోవాలని ఆదేశించినట్లు తెలిపారు. కార్యక్రమంలో న్యాయవాదులు రాజేష్‌, రాజారాం, కిషోర్‌ పాల్గొన్నారు.

చిట్టమూరు : తాను ప్రభుత్వ అధికారి అని మరిచి మండల సర్వేయర్‌ వీధి రౌడీలా వ్యవహరించాడని చిట్టమూరు మండలంలోని కోగిలి పంచాయతీ సోమసముద్రం గ్రామస్తులు శనివారం తహసీల్దార్‌ కార్యాలయాన్ని ముట్టడించి నిరసన తెలిపారు. గ్రామస్తుల వివరాల మేరకు.. సోమసముద్రం గ్రామంలో దళితులు, బీసీలకు గతంలో ప్రభుత్వం కొంత స్థలాన్ని శ్మశానానికి కేటాయించారని పేర్కొన్నారు. అయితే చిట్టమూరు గ్రామానికి చెందిన అధికార పార్టీ నేతకు ఒక ఎకరా పొలం శ్మశానం పక్కనే ఉండేదన్నారు. అయితే అధికార పార్టీ నేత తనకున్న ఎకరా పొలంతో కలిపి 5 ఎకరాలు పట్టా చేయించుకున్నాడని ఆరోపించారు. ఆ భూమిని సర్వే చేసి అధికార పార్టీకి చెందిన నేతకు అప్పగించాలని మండలస్థాయి అధికార పార్టీ నేత ఒకరు హుకుం జారీ చేయడంతో తహసీల్దార్‌తో కలసి సర్వేయర్‌ సర్వే చేసి హద్దులు ఏర్పాటు చేస్తున్నట్లు తెలుసుకుని సోమసముద్రం గ్రామస్తులు అడ్డుకున్నారు. దీంతో అధికార పార్టీ నేత అండ దండలతో సర్వేయర్‌ రెచ్చిపోయి వీధి రౌడీలా గ్రామస్తులపై తిరగబడి మహిళలు అని కూడా చూడకుండా బూతులు తిడుతూ వీరంగం చేశాడన్నారు. సదరు సర్వేయర్‌ అధికార పార్టీ గల్లీ నేత నుంచి ముడుపులు తీసుకుని గ్రామస్తులకు కనీస సమాచారం ఇవ్వకుండా తన ఇష్టానుసారం ప్రభుత్వ భూమిని అధికార పార్టీ నేతకు అప్పనంగా కట్టబెట్టేందుకు పూనుకోవడం దారుణమన్నారు. దీంతో గ్రామస్తులు తమ గ్రామం నుంచి శనివారం భారీ ర్యాలీగా బయలుదేరి తహసీల్దార్‌ కార్యాలయానికి చేరుకుని నిరసన వ్యక్తం చేశారు. వెంటనే సర్వేయర్‌ను విధుల నుంచి తొలగించాలని డిమాండ్‌ చేశారు. కార్యాలయానికి వచ్చిన తహసీల్దార్‌ను అడ్డుకుని తమకు న్యాయం జరిగే వరకు ఇక్కడి నుంచి కదిలే ప్రసక్తే లేదని తెగేసి చెప్పారు. పోలీసులు రంగ ప్రవేశం చేసి గ్రామస్తులతో మాట్లాడారు. ఈ సందర్భంగా తహసీల్దార్‌ సతీష్‌ కుమార్‌ గ్రామస్తులకు న్యాయం చేస్తామని హామీ ఇవ్వడంతో గ్రామస్తులు శాంతించారు. తమకు న్యాయం చేయక పోతే ఉద్యమం చేపడుతామని హెచ్చరించారు.

సైదాపురం : నెల్లూరు, తిరుపతి జిల్లాలకు వరప్రదాయినిగా ఉన్న కండలేరు జలాశయంలోకి రోజురోజుకూ నీటి మట్టం పెరుగుతుండడంతో అన్నదాతల ఆశలన్నీ కండలేరు జలాశయంపైనే ఉన్నాయి. ప్రధానంగా నాన్‌ డెల్టా రైతుల ఆశలు మరింత చిగురిస్తున్నాయి. కండలేరు జలాశయంలో ఇప్పటికే 30 టీఎంసీల నీటి నిల్వలు ఉండడంతో ఈ సీజన్‌ సాగుకు డోకా లేదని రైతులు భావిస్తున్నారు. నెల్లూరు జిల్లాతో పాటు తిరుపతి జిల్లాలోని కొన్ని మండలాలకు కండలేరు జలాశయం ద్వారా సాగు నీరును కూడా విడుదల చేశారు. పెరుగుతున్న వరద ప్రధానంగా కండలేరు జలాశయంలో నేడు 30 టీఎంసీలు చేరాయి.దీనికి తోడు ప్రతి రోజు సోమశిల జలాశయం నుంచి 9400 క్యూసెక్కుల నీరు వచ్చి చేరుతోంది. దీంతో సెప్టెంబర్‌ నెలాఖరుకు 50 టీఎంసీలు నీరు చేరు అవకాశం ఉందని అధికారులతో పాటు రైతులు ఆశాభావం వ్యక్తం చేస్తున్నారు. కండలేరు జలాశయంలో పుష్కలంగా నీరు ఉండటంతో ఆయకట్టు రైతులకు రబీపై మరింత భరోసా కలిగింది. ఆగస్టులో డెడ్‌స్టోరేజ్‌.. గత ఆగస్టు నెలలో కండలేరు డెడ్‌ స్టోరేజీకి చేరుకుంది.సోమశిల జలాశయం నుంచి వరద నీరు వచ్చి చేరుతుండటంతో ప్రస్తుతం 30 టీఎంసీలు జలాశయంలో నీరు నిల్వ ఉంది. ప్రధానంగా సర్వేపల్లి, వెంకటగిరి, శ్రీకాళహస్తి , సత్యవేడు, గూడూరు నియోజకవర్గాలకు చెందిన రైతులకు కండలేరు జలాశయం నుంచి వచ్చే నీటిని ఆధారం చేసుకుని రబీ పంటల సాగువుతున్నాయి. చెరువులకు సాగునీరు కండలేరు నుంచి సత్యసాయి గంగ కాలువకు 1600 క్యూసెక్కులు, పిన్నేరు కాలువకు 30 క్యూసెక్కులు ,లోలెవల్‌ కాలువకు 20 క్యూసెక్కులు ,మొదటి బ్రాంచ్‌ కాలువకు 85 క్యూసెక్కులు వంతున నీరు విడుదల చేస్తున్నారు. దీంతో కండలేరు నుంచి చెరువులకు సాగునీరు అందే అవకాశం ఉంది. అవసరం ఇలా... కండలేరు జలాశయం పరిధిలో సుమారు 3 లక్షల ఎకరాల ఆయకట్టు ఉంది. ఈ ఆయకట్టు ద్వారా నెల్లూరు, తిరుపతి జిల్లాలో ప్రస్తుతం రబీ సీజన్‌లో సాగునీటి అవసరాలకు విడతల వారీగా నీటిని విడుదల చేస్తున్నారు. రైతులకు ఇబ్బందులు తలెత్తకుండా రబీ సీజన్‌కు రైతుల ఆశలు తీరనున్నాయ్‌. నాన్‌డెల్టా ప్రాంత రైతులు రబీ సీజన్‌లో పంటలు పండించుకునే అవకాశం ఏర్పడింది. అధికారులు రైతులకు ఇబ్బందులు తలెత్తకుండా సాగునీటిని సరఫరా చేయాల్సి ఉంది. – రాంగోపాల్‌రెడ్డి, గులించెర్ల, సైదాపురం మండలం కై వల్యానదికి గంగనీరు ఈ ఏడాది సాగు నీటి కోసం పడరాని పాట్లు పడ్డాం. కాని ఎగువ ప్రాంతాల్లో వర్షాలు కురవడంతో కండలేరు జలాశయానికి 30 టీఎంసీలు నీరు నిల్వ ఉంది. దీంతో కండలేరు నుంచి కై వల్యానదికి నీరును విడుదల చేయడంతో ఈ ప్రాంత రైతులకు సాగునీరు ఇబ్బందులు లేకుండా ఉన్నాయి. – శివకుమార్‌ ,సైదాపురం

పెళ్లకూరు : జీవిత ఖైదీ శ్రీకాంత్‌కు గూడూరు, నెల్లూరు రూరల్‌ ఎమ్మెల్యేలు పాశం సునీల్‌కుమార్‌, కోటంరెడ్డి శ్రీధర్‌రెడ్డి పెరోల్‌కు రెకమండ్‌ చేస్తూ లెటర్‌ ఇవ్వడం దుర్మార్గమని వైఎస్సార్‌సీపీ రైతు విభాగం రాష్ట్ర కార్యదర్శి చిందేపల్లి మధుసూదన్‌రెడ్డి విమర్శించారు. శనివారం ఆయన సాక్షితో మాట్లాడుతూ.. ఎమ్మెల్యేలు రెకమండ్‌ చేసిన లేఖపై హోంమంత్రి అనిత సంతకం చేయడం దారుణమని విమర్శించారు. పెరోల్‌ లెటర్‌ను జైలుశాఖ అధికారులు గతనెల 16న తిరస్కరించినప్పటికీ ఎమ్మెల్యేలు, మంత్రి కలిసి పట్టు వదలకుండా జీవితఖైదీకి వంద రోజులు పెరోల్‌ ఇప్పించడం టీడీపీ పాలనా విధానానికి తార్కాణం అన్నారు. జీవిత ఖైదీకి పెరోల్‌ ఇప్పించడం వెనుక ఉన్న రహస్యాన్ని రాష్ట్ర ప్రజలందరికీ చెప్పాల్సిన బాధ్యత హోం మంత్రికి ఉందన్నారు. ఈ విషయంపై ప్రశ్నించిన మీడియా ప్రతినిధులపై హోంమంత్రి అనుచరులు దాడులకు పాల్పడడం శోచనీయమన్నారు. ముఖ్యమంత్రి ఈ విషయంలో స్పందించి హోంమంత్రి, ఎమ్మెల్యేలకు ఏ స్థాయిలో ముడుపులు అందాయో నిగ్గు తేల్చాలన్నారు. తక్షణమే ఎమ్మెల్యేలపై వేటు వేసి హోం మంత్రి పదవికి రాజీనామా చేయించేలా ముఖ్యమంత్రి చర్యలు తీసుకోవాలని ఆయన డిమాండ్‌ చేశారు.

కూటమి ప్రభుత్వం మెగా డీఎస్సీ ప్రక్రియను పకడ్బందీగా నిర్వహిస్తున్నామని ఎంతో ఆర్భాటం చేస్తోంది. అయితే ఈ కసరత్తులో పలుసార్లు తప్పిదాలు చోటు చేసుకుంటున్నాయి. తాజాగా విడుదలైన డీఎస్సీ తుది మెరిట్‌ జాబితాలో పలువురు అభ్యర్థుల ఫలితాల్లో తప్పిదాలు చోటు చేసుకున్నాయి. రాష్ట్ర విద్యాశాఖ అధికారులు మొదట్లో విడుదల చేసిన ఫలితాల్లో కొంత మంది అభ్యర్థులు అర్హత సాధించారు. ఇప్పుడేమో తాజాగా విడుదల చేసిన ఫలితాల్లో అనర్హత సాధించినట్లు పేర్కొన్నారు. ఈ ఫలితాలను చూసిన అభ్యర్థులకు పలు అనుమానాలు కలుగుతున్నాయి. మొదట్లో అర్హత రావడం....ఇప్పుడు అనర్హత రావడం ఏమిటని ప్రశ్నిస్తున్నారు. ఇలాంటి సమస్యతో ఉమ్మడి చిత్తూరు జిల్లాలో చాలా మంది అభ్యర్థులు ఇబ్బందులు ఎదుర్కొంటున్నారు. సమస్యలు పరిష్కరించుకునేందుకు రాష్ట్ర వెబ్‌సైట్‌లో ఏర్పాటు చేసిన హెల్ప్‌డెస్క్‌ను అభ్యర్థులు సంప్రదిస్తున్నారు. అయితే ఆ హెల్ప్‌డెస్క్‌ నంబర్లు పనిచేయడం లేదని అభ్యర్థులు వాపోతున్నారు. తుది ఫలితాలు విడుదలైన సమయంలో హెల్ప్‌డెస్క్‌ నంబర్లు పనిచేయకపోవడంపై అభ్యర్థుల్లో పలు అనుమానాలు తలెత్తుతున్నాయి.

ప్రభుత్వాసుపత్రుల్లో చికిత్సతో పాటు టైప్‌–1 డయాబెటీస్‌కు ఇన్సులిన్‌ ఉచితంగా అందించాల్సి ఉంది. అయితే జిల్లా కేంద్రంలోని ప్రధాన ప్రభుత్వ ఆసుపత్రులలో అరకొరగా ఇన్సులిన్‌ అందిస్తున్నారు. మండల కేంద్రాలలోని పీహెచ్‌సీలు, సీహెచ్‌సీలలోనూ ఇన్సులిన్‌ పూర్తిగా అందుబాటులో లేకపోవడంతో వ్యయ ప్రయాసల కోర్చి బాధిత చిన్నారుల తల్లిదండ్రులు పట్టణ ప్రాంతాలలోని ప్రైవేటు హాస్పిటళ్లను ఆశ్రయిస్తున్నారు. ఒక్కో చిన్నారికి వ్యాధి తీవ్రతను బట్టి నెలకు సుమారు రెండు నుంచి నాలుగు ఇన్సులిన్‌ ఇంజెక్షన్లు ఇవ్వాల్సి ఉంటుంది. దీంతో నెలకు సుమారు రూ. 5 వేల నుంచి రూ. 6 వేల వరకు ఖర్చు అవుతోందని పేదలు ఆవేదన వ్యక్తం చేస్తున్నారు. నొప్పి తక్కువగా ఉండే ఇన్సులిన్‌ పెన్నుల ద్వారా ఇంజెక్షన్‌ వేస్తున్నారు. వీటి ఖరీదు సాధారణ ఇన్సులిన్‌ కంటే రెండు రెట్లు అధికంగా ఉంటుంది.

తిరుపతి అర్బన్‌ : ఏపీపీఎస్సీ డిపార్ట్‌మెంటల్‌ సర్వేయర్ల పరీక్షలకు పటిష్టమైన ఏర్పాట్లు చేపట్టాలని డీఆర్వో నరసింహులు పేర్కొన్నారు. కలెక్టరేట్‌లో ఆయన శనివారం పరీక్షల నిర్వహణపై అధికారులతో సమీక్షించారు. ఈ సందర్భంగా ఆయన మాట్లాడుతూ.. ఆదివారం తిరుపతి నగరంలో 3 పరీక్షా కేంద్రాల్లో 1450 మంది అభ్యర్థులు హాజరు కానున్నారని వెల్లడించారు. పరీక్షల నిర్వహణలో భాగంగా డిప్యూటీ తహసీల్దార్‌ లైజన్‌ అధికారిగా ఉంటారని చెప్పారు. పరీక్షలు తిరుపతిలోని వెస్ట్‌ చర్చి రోడ్డు, బాలాజీ కాలనీలోని శ్రీ పద్మావతి బాలికల ఉన్నత పాఠశాల (405) , శ్రీ పద్మావతి ఉమెన్స్‌ జూనియర్‌ కళాశాల (వింగ్‌–ఏ)(406, శ్రీ పద్మావతి ఉమెన్స్‌ జూనియర్‌ కళాశాల(వింగ్‌–ఏ)(407) నందు నిర్వహిస్తున్నట్లు స్పష్టం చేశారు. కార్యక్రమంలో ఏపీపీఎస్సీ నుంచి అసిస్టెంట్‌ సెక్రటరీ టీఎస్‌ రాజ్‌గోపాల్‌, అసిస్టెంట్‌ సెక్షన్‌ ఆఫీసర్లు జగదీష్‌, యోగేష్‌ పాల్గొన్నారు. డీఎస్సీ హిందీ పండిట్‌లో జిల్లా టాప్‌ రాపూరు : డీఎస్సీ–25 ఫలితాల్లో స్కూల్‌ అసిస్టెంట్‌ హిందీ విభాగంలో రాపూరు పంచాయతీ నవాబుపేటకు చెందిన విద్యార్థిని సయ్యద్‌ షబనాజ్‌ నెల్లూరు జిల్లాలో ప్రథమ స్థానం సాధించింది. ఉపాధ్యాయుల నియామకం కోసం చేపట్టిన డీఎస్సీ–25లో రాపూరు మసీదుపేటకు చెందిన సయ్యద్‌ సిరాజ్‌అహ్మద్‌, సయ్యద్‌ నర్తాజ్‌ కుమార్తె అయిన షబనాజ్‌ 84.65 మార్కులు సాధించి నెల్లూరు జిల్లాలో ప్రథమ స్ధానం సాధించింది. డీఎస్సీలో మెరిసిన పేదింటి కుసుమాలు చిట్టమూరు: మండలానికి చెందిన పేదింటికి చెందిన ఇద్దరు యువకులు డీఎస్సీలో రాష్ట్ర స్థాయిలో మొదటి ర్యాంకులు సాధించి సత్తా చాటారు. చిట్టమూరు మండలం కోగిలి పంచాయతీలోని గొల్లపాళెంకు చెందిన రాయి సాయి కోటి అనే యువకుడు ఫిజికల్‌ ఎడ్యుకేషన్‌ శిక్షణ పూర్తి చేసుకుని డీఎస్సీ–25 పరీక్షకు హాజరయ్యాడు. శుక్రవారం విడుదల చేసిన ఫలితాల్లో 93 మార్కులతో రాష్ట్ర స్థాయిలో మొదటి స్థానంలో నిలిచాడు. ఎస్‌ఏ తెలుగులో మొదటి ర్యాంకు చిట్టమూరు మండలం యల్లసిరి దళితవాడకు చెందిన మైలారీ శ్రీకాంత్‌ 2025 డీఎస్సీ పరీక్షలకు హాజరయ్యాడు. రాష్ట్ర స్థాయిలో స్కూల్‌ అసిస్టెంట్‌ తెలుగు విభాగంలో మొదటి ర్యాంకు సాధించాడు. పేదింటి పిల్లలు రాష్ట్ర స్థాయిలో రెండు విభాగాల్లో మొదటి ర్యాంకులు సాధించడంతో చిట్టమూరు మండలానికి గుర్తింపు తీసుకొచ్చారు. ఒకేసారి 5 టీచర్‌ ఉద్యోగాలు ఎర్రవారిపాళెం(చంద్రగిరి):మెగా డీఎస్సీ ఫలితా ల్లో ఎర్రవారిపాళెం మండలానికి చెందిన యువకుడు సత్తా చాటాడు. ఒకటి కాదు రెండు కాదు ఏకంగా 5 ఉద్యోగాలకు అర్హత సాధించాడు. ఎర్రవారిపాళెం మండలం ఓస్‌ గొల్లపల్లికి చెందిన ముండ్రే శేషాద్రి డీఎస్సీ పరీక్షలను రాశారు. అయితే శుక్రవారం వచ్చిన ఫలితాల్లో ఎస్‌ఏ సోషియల్‌లో 5.63 మార్కులతో 9వ ర్యాంకు, ఎస్‌జీటీలో 86.33 మార్కులతో 53వ ర్యాంకు, ఎస్‌ఏ తెలుగులో 73.05 మార్కులతో 42వ ర్యాంకు, టీజీటీ తెలుగులో 71.00 మార్కులతో 127వ ర్యాంకు, టీజీటీ సోషియల్‌లో 70.93 మార్కు లతో 82వ ర్యాంకు సాధించి 5 ఉద్యోగాలకు అర్హత సాధించాడు. ఒకేసారి వెలువడిన ఫలితాల్లో అద్భుత విజయం సాధించిన శేషాద్రిను గ్రామస్తులతో పాటు పలువురు అభినందించారు. తిమ్మనాయుడుపాళెం యువకుడికి 3 ఉద్యోగాలు.. కోట:మండలంలోని తిమ్మనాయుడుపాళెం గ్రామానికి చెందిన కావలి సాయినాఽథ్‌ డీఎస్సీ పరీక్ష పలితాల్లో మూడు ఉద్యోగాలు సాధించి ఔరా అనిపించాడు. పీజీటీ సోషల్‌ జోన్‌– 3లో 22వ ర్యాంక్‌, ఎస్‌ఏ సోషల్‌ నెల్లూరు జిల్లాలో 23వ ర్యాంక్‌, టీజీటీ సోషల్‌ జోన్‌ 3లో 59వ ర్యాంక్‌ సాధించాడు. తల్లిదండ్రులు నరసయ్య, రమణమ్మ వ్యవసాయ కూలీలు. ప్రస్తుతం రైల్వేలో ట్రాక్‌ మెయింటనర్‌గా దొరవారిసత్రంలో పనిచేస్తున్నాడు.

కోవిడ్‌ తర్వాత టైప్‌–1 డయాబెటీస్‌ రోగుల సంఖ్య పెరుగుతోంది. గతంలో ఈ వ్యాధి గ్రస్తులు కేవలం 3 నుంచి 5 శాతం మాత్రమే ఉండేది. ఇప్పడు అది 10 నుంచి 15శాతానికి పెరిగింది. కోవిడ్‌ వైరస్‌ నేరుగా బీటా కణాలపై దాడి చేయడమే ఇందుకు కారణంగా చెప్పవచ్చు. చిన్నారుల్లో వచ్చే టైప్‌–1 మధుమేహం ఇన్సులిన్‌తో మాత్రమే చికిత్స అందుబాటులో ఉంది. ఆయాసం, కడుపునొప్పి, వాంతుల లక్షణాలతో చిన్న పిల్లలను తల్లిదండ్రులు ఆసుపత్రికి తీసుకువస్తుంటారు. పరీక్షల నిర్వహించి డయాబెటీస్‌ నిర్ధారణ అయ్యాక చికిత్స ప్రారంభిస్తాం. వ్యాధి భారిన పడిన పిల్లలకు ఇన్సులిన్‌తో పాటు ఆహార నియమావళి తప్పనిసరిగా పాటించాలి.–డాక్టర్‌ వెంకటేశ్వర్‌రెడ్డి, చిన్నపిల్లల వైద్య నిపుణుడు, తిరుపతి●తిరుపతి తుడా : జిల్లాలో టైప్‌–2 డయాబెటీస్‌తో పోటీపడుతూ టైప్‌–1 డయాబెటీస్‌ వెంటాడుతోంది. పుట్టకతోనే సంక్రమిస్తూ వేల మంది చిన్నారుల జీవితాలతో ఆడుకుంటోంది. శరీరంలోని క్లోమ గ్రంధిలో ఇన్సులిన్‌ హర్మోన్‌ ఉత్పత్తి అవుతుంది. అయితే కొన్ని కారణాలతో ఈ గ్రంధిలో ఇన్సులిన్‌ను ఉత్పత్తి చేసే బీటా కణాలను శరీరంలోని రోగ నిరోధక వ్యవస్థ నాశనం చేస్తుంది. దీని కారణంగా రక్తంలో చక్కెర స్థాయి పెరుగుతుంది. దీన్ని టైప్‌–1గా మధుమేహంగా పిలుస్తారు. సాధారణంగా పిల్లలు, యువతలో ఈ పరిస్థితి ఎక్కువగా కనిపిస్తోంది. అయితే కొన్ని సార్లు బీటా కణాలను రోగ నిరోధక వ్యవస్థ నిర్వీర్యం చేయడం కాకుండా క్లోమగ్రంధికి ఏదైనా వ్యాధి సోకినప్పుడు, గాయం అయినప్పుడు బీటా కణాలు నిర్వీర్యమవుతాయి. దీని బారీన పడిన వారికి క్రమం తప్పకుండా ఇన్సులిన్‌ ఇవ్వాల్సి ఉంటుంది. ఇది కొంత మందికి వంశపారంపర్యంగా సంక్రమించవచ్చు. మరికొంత మందికి పలు రకాల ఇన్ఫెక్షన్లు, వైరల్‌ వ్యాధులు, ఇతర ప్రమాదకర అనారోగ్యాల కారణంగా ఈ పరిస్థితి ఏర్పడవచ్చు. ఆహారం, జీవనశైలి అలవాట్లు టైప్‌–1 డయాబెటీస్‌కు కారణాలు కావు. 30 శాతం బాధితులే జిల్లాలో కోవిడ్‌ తర్వాత టైప్‌–1 మధుమేహం విజృంభణ ఎక్కువైంది. జిల్లాలో 30 శాతం మధుమేహ బాధితులు ఉండటం గమనార్హం. ఇందులో టైప్‌–2 డయాబెటిక్‌ బాధితులు 90శాతం ఉండగా టైప్‌–1 బాధితులు 15శాతం ఉన్నట్లు సమాచారం. ఈ లెక్కన టైప్‌–1 డయాబెటిక్‌ వ్యాధిగ్రస్తులు సుమారు 25 వేల మందికి పైగా ఉన్నట్లు అంచనా వేస్తున్నారు. మధుమేహం మహమ్మారి విజృంభిస్తోంది. పెద్దలనే కాకుండా చిన్నారులపై తన ప్రతాపం చూపుతూ వేధిస్తోంది. పుట్టకతోనే పసికూనలపై దాడి చేస్తోంది. దీంతో జీవితాంతం సూదిపోటు తప్పడం లేదు. అల్లారుముద్దుగా పెంచుకున్న కన్నబిడ్డలను తల్లిదండ్రులే స్వయంగా ఆసుపత్రులకు తీసుకెళ్లి ఇన్సులిన్‌ ఇప్పిస్తుండడం కన్నవాళ్లకు కన్నీళ్లు తెప్పిస్తున్నాయి. ఇలాంటి బాధితుల సంఖ్య జిల్లాలో రోజురోజుకూ పెరుగుతుండడం అందరిలోనూ ఆందోళన కలిగిస్తోంది.

సర్వేయర్‌ను సస్పెండ్‌ చేయాలి సర్వేయర్‌ను సస్పెండ్‌ చేయాలని శనివారం చిట్టమూరు మండలంలోని సోమసముద్రం గ్రామస్తులు నిరసన చేపట్టారు.తిరుపతి మంగళం : గతంలో ఏ ప్రభుత్వంలో జరగని విధంగా దివ్యాంగులకు వస్తున్న పింఛన్లు తొలగించి వారిని మరింతగా బాధపెడుతున్న కూటమి ప్రభుత్వంపై దివ్యాంగుల ఆగ్రహ జ్వాలలు ఎగిసిపడుతున్నాయి. గత వైఎస్సార్‌సీపీ ప్రభుత్వంలో అర్హత కలిగిన ప్రతి దివ్యాంగుడికి పెన్షన్‌ కల్పిస్తే కూటమి ప్రభుత్వం అధికారంలోకి వచ్చాక రాష్ట్ర వ్యాప్తంగా లక్షల దివ్యాంగుల పెన్షన్లను తొలగించారు. ఈ నేపథ్యంలో తిరుపతిలో దివ్యాంగులకు అండగా వైఎస్సార్‌సీపీ నిలబడింది. రెండు రోజుల కిందట తిరుపతి కలెక్టరేట్‌ కార్యాలయం వద్ద దివ్యాంగులు చేపట్టిన ధర్నాకు వైఎస్సార్‌సీపీ నియోజకవర్గ సమన్వయకర్త భూమన అభినయ్‌రెడ్డి పార్టీ శ్రేణులతో కలిసి మద్దతు తెలిపి ధర్నా చేపట్టారు. శనివారం తిరుపతి నగరంలోని 50 డివిజన్‌లలో సచివాలయ సెక్రటరీలకు పింఛన్లు పునరుద్ధరించాలంటూ భూమన అభినయ్‌రెడ్డితో పాటు ఆయా వార్డు కార్పొరేటర్లు, పార్టీ శ్రేణులు వినతిపత్రాలను సమర్పించారు. తిరుపతి 3వ డివిజన్‌లో భూమన అభినయ్‌రెడ్డి వినతిపత్రం సమర్పించారు. కూటమి ప్రభుత్వం చేసిన తప్పిదాన్ని తెలుసుకుని దివ్యాంగుల పెన్షన్లను తిరిగీ పునరుద్ధరించాలని భూమన అభినయ్‌రెడ్డి డిమాండ్‌ చేశారు. తిరుపతి జిల్లాలో సుమారు 7,425 పింఛన్లు తొలగించారని, తిరుపతి నగరంలో 436 పెన్షన్లను తొలగించారని తెలిపారు. కూటమి ప్రభుత్వం అధికారంలోకి వచ్చాక ఎన్నికల్లో ఇచ్చిన హామీలను చంద్రబాబు నెరవేర్చకుండా దివ్యాంగులకు వస్తున్న పెన్షన్లను రద్దు చేయడం దుర్మార్గమన్నారు. రద్దు చేసిన పింఛన్‌లను వెంటనే పునరుద్ధరించాలన్నారు. లేని పక్షంలో వైఎస్సార్‌సీపీ ఆధ్వర్యంలో పెద్ద ఎత్తున ఉద్యమాలు చేపడుతామని హెచ్చరించారు.

ఉమ్మడి చిత్తూరు జిల్లా వ్యాప్తంగా మెగా డీఎస్సీ పరీక్షలో అర్హత సాధించిన అభ్యర్థులకు కాల్‌లెటర్లు అందగానే సర్టిఫికెట్ల పరిశీలన చేయనున్నారు. ఇందుకు చిత్తూరు జిల్లా విద్యాశాఖ అధికారులు పకడ్బందీగా కసరత్తు చేస్తున్నారు. పరిశీలనకు హాజరయ్యే బృందాలకు ప్రత్యేక శిక్షణ ఇచ్చి సూచనలు జారీ చేశారు. ఈ ప్రక్రియకు చిత్తూరు జిల్లా కేంద్రానికి సరిహద్దులో ఉండే అపోలో యూనివర్సిటీ, ఎస్వీ సెట్‌ ఇంజినీరింగ్‌ కళాశాలలను పరిశీలన కేంద్రాలుగా ఎంపిక చేశారు. ఈ కేంద్రాల్లో ఉమ్మడి చిత్తూరు జిల్లా పరిధిలో డీఎస్సీ పరీక్షలో అర్హత సాధించిన 1,478 అభ్యర్థుల సర్టిఫికెట్లను పరిశీలించనున్నారు. ఆయా అభ్యర్థులకు కాల్‌లెటర్‌లో సూచించే తేదీలు, సమయంలో సర్టిఫికెట్ల పరిశీలన చేపట్టనున్నారు.

పెళ్లకూరు : జీవిత ఖైదీ శ్రీకాంత్‌కు గూడూరు, నెల్లూరు రూరల్‌ ఎమ్మెల్యేలు పాశం సునీల్‌కుమార్‌, కోటంరెడ్డి శ్రీధర్‌రెడ్డి పెరోల్‌కు రెకమండ్‌ చేస్తూ లెటర్‌ ఇవ్వడం దుర్మార్గమని వైఎస్సార్‌సీపీ రైతు విభాగం రాష్ట్ర కార్యదర్శి చిందేపల్లి మధుసూదన్‌రెడ్డి విమర్శించారు. శనివారం ఆయన సాక్షితో మాట్లాడుతూ.. ఎమ్మెల్యేలు రెకమండ్‌ చేసిన లేఖపై హోంమంత్రి అనిత సంతకం చేయడం దారుణమని విమర్శించారు. పెరోల్‌ లెటర్‌ను జైలుశాఖ అధికారులు గతనెల 16న తిరస్కరించినప్పటికీ ఎమ్మెల్యేలు, మంత్రి కలిసి పట్టు వదలకుండా జీవితఖైదీకి వంద రోజులు పెరోల్‌ ఇప్పించడం టీడీపీ పాలనా విధానానికి తార్కాణం అన్నారు. జీవిత ఖైదీకి పెరోల్‌ ఇప్పించడం వెనుక ఉన్న రహస్యాన్ని రాష్ట్ర ప్రజలందరికీ చెప్పాల్సిన బాధ్యత హోం మంత్రికి ఉందన్నారు. ఈ విషయంపై ప్రశ్నించిన మీడియా ప్రతినిధులపై హోంమంత్రి అనుచరులు దాడులకు పాల్పడడం శోచనీయమన్నారు. ముఖ్యమంత్రి ఈ విషయంలో స్పందించి హోంమంత్రి, ఎమ్మెల్యేలకు ఏ స్థాయిలో ముడుపులు అందాయో నిగ్గు తేల్చాలన్నారు. తక్షణమే ఎమ్మెల్యేలపై వేటు వేసి హోం మంత్రి పదవికి రాజీనామా చేయించేలా ముఖ్యమంత్రి చర్యలు తీసుకోవాలని ఆయన డిమాండ్‌ చేశారు.

పట్టుదలే తోడుగా.. చిత్తూరు కలెక్టరేట్‌ : ఎప్పుడెప్పుడా అని ఎదురు చూస్తున్న డీఎస్సీ అభ్యర్థులకు తుది ఫలితాలు శుక్రవారం అర్ధరాత్రి విడుదలయ్యాయి. సంవత్సరాల తరబడి ఆచార్య కొలువునకు శిక్షణ పొంది, సన్నద్ధం అయిన అభ్యర్థుల కలలు నెరవేరాయి. ఉమ్మడి చిత్తూరు జిల్లా వ్యాప్తంగా డీఎస్సీ పరీక్షలు రాసిన అభ్యర్థుల్లో ప్రతిభ చాటిన వారికి ప్రభుత్వ ఉపాధ్యాయ కొలువులు దక్కాయి. రాష్ట్ర విద్యాశాఖ అధికారులు ఎట్టకేలకు డీఎస్సీ అభ్యర్థుల తుది మెరిట్‌ జాబితాను సబ్జెక్టుల వారీగా విడుదల చేశారు. సంబంధిత జాబితాలను రాష్ట్ర విద్యాశాఖ డీఎస్సీ వెబ్‌సైట్‌తో పాటు, డీఈఓ వెబ్‌సైట్‌లో నమోదు చేశారు. సబ్జెక్టుల వారీగా పరీక్షలు రాసిన డీఎస్సీ అభ్యర్థులు తమ మెరిట్‌ జాబితాలను పరిశీలించుకునే వెసులుబాటు కల్పించారు. ర్యాంకుల వారీగా అభ్యర్థులు సాధించిన ఫలితాలను మెరిట్‌ జాబితాల్లో పేర్కొన్నారు. ఆ మెరిట్‌ ర్యాంకుల ఆధారంగా అభ్యర్థులు టీచర్‌ పోస్టులకు ఎంపికై న అభ్యర్థులు సంతోషంగా సంబరాలు జరుపుకున్నారు. ఉమ్మడి చిత్తూరు జిల్లాలో 1,478 పోస్టుల భర్తీ ఉమ్మడి చిత్తూరు జిల్లాలో 1,478 టీచర్‌ పోస్టులు భర్తీ చేయనున్నారు. ఈ పోస్టుల భర్తీకి సంబంధించి మెగా డీఎస్సీలో అర్హత సాధించిన అభ్యర్థుల తుది ఫలితాలను ర్యాంకుల వారీగా పేర్కొన్నారు. జూన్‌ 5వ తేదీ నుంచి జూలై 3వ తేదీ వరకు ఉమ్మడి చిత్తూరు జిల్లాలో మెగా డీఎస్సీ పరీక్షలు నిర్వహించారు. ప్రస్తుతం విడుదల చేసిన తుది మెరిట్‌ జాబితా ఆధారంగా పోస్టులు భర్తీ చేయనున్నారు. రాష్ట్ర విద్యాశాఖ అధికారులు అర్హత సాధించిన అభ్యర్థుల డీఎస్సీ వ్యక్తిగత లాగిన్‌లో కాల్‌లెటర్లను పంపనున్నారు. ఆ కాల్‌లెటర్ల ఆధారంగా అభ్యర్థులు నిర్దేశించిన కేంద్రంలో సర్టిఫికెట్ల పరిశీలనకు హాజరుకావాల్సి ఉంటుంది. పట్టుదలకు శ్రమ తోడైతే విజయం సొంతమవుతుందని నిరూపించారు. మెగా డీఎస్సీ పరీక్షల్లో వేలాది మంది అభ్యర్థులను అధిగమించి ముందంజలో నిలిచారు. దొరికిన సమయాన్ని సద్వినియోగం చేసుకుని అహర్నిశలు శ్రమించారు. ప్రభుత్వ కొలువులు దక్కడమే గగనమైనే నేటి పరిస్థితుల్లో ఆచార్య కొలువులకు ఎంపికై తమ సత్తా చాటారు. శుక్రవారం అర్ధరాత్రి విడుదలైన ఫలితాలు చూసుకుని సంబరాలు చేసుకున్నారు.

తిరుపతి అర్బన్‌ : 40 శాతం అంతకంటే ఎక్కువ వికలత్వం ఉన్నట్లు తాత్కాలిక సదరం సర్టిఫికెట్‌ ఉన్న దివ్యాంగులకు పింఛన్లు యథావిధిగా సెప్టెంబర్‌లో అందిస్తారని కలెక్టర్‌ వెంకటేశ్వర్‌ శుక్రవారం ఒక ప్రకటనలో వెల్లడించారు. మరోవైపు ఇటీవల సచివాలయ ఉద్యోగుల ద్వారా అందించిన నోటీసులను తిరిగీ కార్యదర్శులు తీసుకోవడం జరుగుతుందని వివరించారు. ఆ మేరకు ప్రభుత్వం ఆదేశాల ఇచ్చిందని స్పష్టం చేశారు. అలాగే తాము అర్హులం అయినప్పటికీ రీవెరిఫికేషన్‌లో అనర్హులుగా గుర్తించి నోటీసులు అందుకున్న దివ్యాంగులు తమ పరిధిలోని ఎంపీడీవో, మున్సిపల్‌ కమిషనర్‌ కార్యాలయంలో 30 రోజుల్లో అప్పీలు చేసుకోవాలని కలెక్టర్‌ వెల్లడించారు.

చంద్రగిరి: తిరుచానూరు శ్రీపద్మావతి అమ్మవారు శుక్రవారం సాయంత్రం బంగారు తిరుచ్చిపై భక్తులను అనుగ్రహించారు. తొలుత శుక్రవారం తెల్లవారిజామున అమ్మవారిని సుప్రభాత సేవతో మేల్కొలిపి నిత్య కై ంకర్యాలను నిర్వహించారు. అనంతరం అమ్మవారిని వజ్ర వైఢూర్యాలతో శోభాయమానంగా అలంకరించి, భక్తులకు దర్శనం కల్పించారు. ఆ తర్వాత ఆలయ శ్రీకృష్ణ ముఖ మండపం వద్ద కల్యాణోత్సవాన్ని పాంచరాత్ర ఆగమోక్తంగా నిర్వహించారు. సాయంత్రం అలంకార మండపంలో ఉయ్యాలసేవలో స్వామి అమ్మవార్లు సేదదీరారు. ఆలయ అధికారులు, సిబ్బంది పాల్గొన్నారు.

దివ్యాంగుల బతుకుల్లో వెలుగులు నింపాల్సిన కూటమి ప్రభుత్వం వారిని మరింత కష్టాల్లోకి నెట్టింది. సాయంలేక నడవలేని అభాగ్యులు, సచ్చుబడిన కాళ్లతో తడబడుతూ వచ్చే దివ్యాంగులకు ఊతమివ్వకపోగా రీవెరిఫికేషన్‌ పేరుతో నోటికాడికి వచ్చే పింఛన్‌ను లాగేస్తున్నారు. ఎన్నో ఏళ్లుగా వస్తున్న పింఛన్‌ను ఉన్న ఫలంగా తీసేస్తే దానిమీదే ఆధారపడిన బతుకులు తలకిందులవుతున్నాయి. పేరుకు పింఛన్‌ పెంచి..మరోవైపు రీవెరిఫికేషన్‌ పేరుతో తొలగిస్తుండడంపై దివ్యాంగులు కన్నీరుమున్నీరవుతున్నారు. నేత కార్మికుడిగా పింఛన్‌ సాకు చూపి.. ఈమె పేరు శశిరేఖ, వయస్సు 65 సంవత్సరాలు. నారాయణవనం పద్మావతీ నగర్‌లో ఉంటోంది. రెండు కళ్ల చూపు పూర్తిగా లేకపోవడంతో 75 శాతం వైకల్యంతో సదరన్‌ సర్టిఫికెట్‌ను ప్రభుత్వం అందజేసింది. దీంతో రూ. 6 వేల పింఛను పొందుతోంది. ఈమె భర్త వీరస్వామి(91) నేత కార్మికుడిగా నెలకు 4 వేల పింఛను అందుకుంటున్నాడు. వీరి ఒకానొక కుమారుడు మృతి చెందడంతో కుటుంబ పోషణ భారం కావడంతో ఏడాదిగా కార్వేటినగరంలోని వృద్ధాశ్రమంలో ఉంటోంది. సదరన్‌ సర్టిఫికెట్‌ రీవెరిఫికేషన్‌తో ఈమె వైకల్యాన్ని 30 శాతానికి తగ్గించడమే కాకుండా, భర్తకు పింఛను వస్తోందన్న కారణంతో ఈమె పింఛను రద్దు చేశారు. – నారాయణవనంపింఛన్‌ తొలగింపుతో ఆధారం పోయింది ఈయన పేరు ఉదయ్‌ భాస్క ర్‌. తిరుపతికి చెందిన వ్యక్తి. పోలియో బాధితుడు. 2018లో జరిగిన రోడ్డు ప్ర మాదంలో నడవలేని స్థితి. రెండు కాళ్లు, నడుము దెబ్బ తినడంతో పైకి లేవలేని స్థితిలో ఉన్నాడు. గతంలో పింఛన్‌ కోసం వైద్య పరీక్షలు నిర్వహించగా 90 శాతం వైకల్యంతో సదరం సర్టిఫికెట్‌ ఇచ్చారు. దాని ఆధారంగా ఏడేళ్లుగా పింఛన్‌ తీసుకుంటున్నాడు. పింఛను నగదుపై ఆధారపడి జీవిస్తున్నాడు. ఈయన భార్య పుష్పలత ఉద్యోగానికి వెళితే ఉదయ్‌ భాస్కర్‌ను చూసుకునే వారు లేదు. ఇటీవల వెరిఫికేషన్‌ పేరుతో అర్హత లేకుండా చేశారు. నా భర్తను ఎలా పోషించాలి అంటూ పుష్పలత ఆవేదన వ్యక్తం చేస్తున్నారు. –తిరుపతి తుడాకన్నులేకున్నా కనికరించలే.. అతడి పేరు తీరాశెటి చిన్న బాలయ్య. ఓజిలి మండలంలోని కురుగొండ. ఎడమ కన్ను లేదు. గత ప్రభుత్వంలో అధికారులు 45 శాతం కంటే ఎక్కువగా అంధత్వం ఉందని ధ్రువీకరణ పత్రం ఇవ్వడంతో రూ.6 వేలు పింఛన్‌ ఇస్తుండేవారు. ప్రస్తుత ప్రభుత్వం 40 శాతం ఉందని గుర్తించి ఆరు వేలు వస్తున్న పింఛన్‌ను 4 వేలకు తగ్గించారు. కన్ను లేకున్నా కనికరం లేకుండా పింఛన్‌ను తగ్గించడం మంచి పద్ధతి కాదని విలపిస్తున్నాడు. – ఓజిలి

సాక్షి టాస్క్‌ఫోర్స్‌: చిత్తూరు మండలం తమిళనాడు సరిహద్దుకు ఆనుకుని ఉంది. మండలం మీదుగా రాకపోకలు సులభతరంగా ఉంటాయి. బంగారెడ్డిపల్లి గ్రామం వద్ద ఎంట్రీ ఇస్తే.. బీఎన్‌ఆర్‌పేట మీదుగా జిల్లా సరిహద్దును 15 నుంచి 20 నిమిషాల వ్యవధిలో దాటేయొచ్చు. తమిళనాడు సరిహద్దులోకి చేరుకుంటే పొన్నై, సోలింగరం, తిరుత్తణి మీదుగా చైన్నైకి దూసుకెళ్లవచ్చు. మళ్లీ చిత్తూరు మండలం నుంచి గుడిపాల మండలం మీదుగా తమిళనాడుకు చేరుకోవచ్చు. లేకుంటే కమ్మతిమ్మపల్లి మీదుగా తమిళనాడులో అడుగుపెట్టవచ్చు. అలాగే జీడీనెల్లూరు మండలం మీదుగా వస్తే..తూగుండ్రం నుంచి పొన్నైకు చేరుకుని బండిని చైన్నెకి తిప్పొచ్చు. దీనికి తోడు దొడ్డిదారులను అక్రమార్కులు ఎంచుకుని సరిహద్దులు దాటిస్తున్నారు. ఇక్కడి నుంచే వ్యాపారం గూడూరు కేంద్రంగా ఇసుక వ్యాపారం జోరందుకుంటోంది. నెల్లూరు జిల్లాలోని పెన్నానదిలో తవ్వకాలు చేసి గూడూరులో డంప్‌ చేసుకుంటున్నారు. అలాగే గూడూరు పరిధిలోని స్వర్ణముఖి నదిలో కూడా ఇసుక తవ్వకాలు చేపడుతున్నారు. ఇక్కడ లారీలో ఇసుక నింపి.. పుష్పారేంజ్‌లో ఇసుకను తమిళనాడుకు చేర్చే ప్ర యత్నం చేస్తున్నారు. వరిపొట్టు, వరి, కూరగాయలు, బియ్యం, నిత్యావసర సరుకులు తదితర పేర్లతో వేబిల్లులు వేసుకుని చిత్తూరు మండలం, జీడీనెల్లూరు, గుడిపాల మీదుగా తమిళనాడు చేరుస్తున్నారు. తమిళనాడు వ్యక్తులతోనే వ్యాపారం గూడూరులో జరిగే ఇసుక తవ్వకాల్లో తమిళనాడుకు చెందిన వ్యక్తులే కీలకంగా పనిచేస్తున్నారు. లారీకి ఇసుక నింపడం నుంచి తమిళనాడు రాష్ట్రంలో ఇసుక దింపే వరకు ఆ రాష్ట్ర వాసులే దగ్గరుండి పనిచేస్తున్నారు. కూటమి నేతలు తమిళనాడు కూలీలను నమ్మకంగా పెట్టుకుంటున్నారు. వీళ్లు తమిళనాడులోని ఇసుక దందాదారులతో చేతులు కలిపి అమ్మకాలు చేస్తున్నారు. లారీ ఇసుక రూ.లక్ష నుంచి రూ.2లక్షల వరకు విక్రయిస్తున్నట్లు తెలుస్తోంది. వీరందరికీ నెల్లూరులోని ఓ కూటమి నేత బాస్‌గా వ్యవహరిస్తున్నట్టు సమాచారం. నిఘా ఏదీ? చిత్తూరు, గుడిపాల, జీడీనెల్లూరు మండలాల మీదుగా జరుగుతున్న ఈ ఇసుక దందాను అరికట్టడంలో అధికారులు పూర్తిగా విఫలమవుతున్నారు. క్షేత్ర స్థాయిలోని గ్రామస్తులు పట్టిస్తే తప్ప అధికారులు కదలడం లేదు. సరిహద్దు ప్రాంతాల్లో కూడా నిఘా లేదు. దీనికారణంగా అక్రమార్కులు రెచ్చిపోతున్నారు. ఒక వేళ పట్టుకున్నా కేసులు.. జరిమానాలతో సర్దేస్తున్నారు. ఇక ఇసుక పట్టుకుంటే బడా కూటమి నేతల నుంచి అధికారులకు ఫోన్లు వస్తున్నాయి. కొందరైతే ఏకంగా బెదిరింపులకు దిగుతున్నారు. ఈ క్రమంలో అధికారులు ఇసుక లారీలను వదిలిపెట్టాల్సి వస్తోంది...జిల్లాలో ఇలాంటివి నిత్యకృత్యంగా మారా యి. అధికార మదంతో కూటమి నేతలు అందినకాడికి ఇసుక తరలించేస్తున్నారు. సరిహద్దులు దాటించి జేబులు నింపుకుంటున్నారు. పోలీసులు కేసులు, జరిమానాలతో చేతులు దులుపుకుంటున్నారు. కానీ ఎవరిపైనా చర్యలకు ఉపక్రమించే ధైర్యం చేయలేకపోతున్నారని పలువురు ఆరోపిస్తున్నారు. పుష్ప రేంజ్‌లో కూటమి నేతల ఇసుక వ్యాపారం రెండు జిల్లాల అధికారుల సహకారంతోనేనా..? ఈ అక్రమ ఇసుక వ్యాపారానికి తిరుపతి, చిత్తూరు జిల్లాల అధికారులు పూర్తి సహాయసహకారాలు అందిస్తున్నట్టు సమాచారం. అందులో భాగంగానే ఈ అక్రమ వ్యాపారం గూడూరు నుంచి తమిళనాడుకు విస్తరించింది. ఇసుకాసురులుగా అవతామెత్తిన కూటమి నేతలకు తమిళనాడు రాష్ట్ర వ్యాప్తంగా పెద్ద నెట్‌వర్క్‌ ఉంది. ఈ నెట్‌వర్క్‌తోనే ఈ అక్రమ వ్యాపారాన్ని జోరుగా నడిపిస్తున్నారు.

తిరుపతి సిటీ : మరుగున పడుతున్న జానపద విజ్ఞానాన్ని కాపాడుకోవాలని వీసీ అప్పారావు, రిజిస్ట్రార్‌ భూపతి నాయుడు పిలుపునిచ్చారు. ప్రపంచ జానపద విజ్ఞాన దినోత్సవాన్ని శుక్రవారం ఎస్వీయూలోని శ్రీనివాస ఆడిటోరియంలో స్టూడెంట్‌ వెల్ఫేర్‌ అండ్‌ కల్చరల్‌ అఫైర్స్‌ కోఆర్డినేటర్‌ డాక్టర్‌ పత్తిపాటి వివేక్‌ ఆధ్వర్యంలో ఘనంగా నిర్వహించారు. ఈ కార్యక్రమానికి ముఖ్య అతిథిగా విచ్చేసిన వీసీ మాట్లాడుతూ.. ప్రాచీనమైన ఎన్నో జానపద కళలు అంతరిస్తున్నాయన్నారు. సరైన ఆదరణ లేకపోవడమే జానపద కళలు అంతరించడానికి ప్రధాన కారణమని అభిప్రాయపడ్డారు. జానపద కళలను రాబోయే తరానికి అందించాలని సూచించారు. రిజిస్ట్రార్‌ భూపతి నాయుడు మాట్లాడుతూ.. జానపద కళల్లో ఎన్నో విజ్ఞానదాయక విషయాలు దాగి ఉన్నాయని పేర్కొన్నారు. అనంతరం విద్యార్థులు ప్రదర్శించిన నాటికలు, నృత్యాలు వీక్షకులను ఆకట్టుకున్నాయి. కార్యక్రమంలో అధ్యాపకులు విద్యార్థులు పాల్గొన్నారు, ప్రభుత్వ పాఠశాలలు దత్తత నాయుడుపేటటౌన్‌ : మండల పరిధిలోని గిరిజన కాలనీల్లో ఉన్న 8 ప్రభుత్వ ప్రాథమిక పాఠ శాలలను దత్తత తీసుకుంటామని రోటరీ క్లబ్‌ అధ్యక్షుడు అదవరం నాగూరయ్య వెల్లడించారు. పట్టణంలోని ట్రీనీటి వైద్యశాలకు సంబంధించి వైద్యుల ఆధ్వర్యంలో పాఠశాలలో చదువుతున్న గిరిజన విద్యార్థులతో పాటు తల్లిదండ్రులకు ఉచితంగా వైద్య సేవలను అందించ డం జరుగుతుందన్నారు. ఈ కార్యక్రమాన్ని మొదటగా మండల పరిధిలోని మందబైలు గిరిజన కాలనీలో ప్రభుత్వ వైద్యశాల వద్ద శుక్రవారం విద్యార్ధులతో పాటు తల్లిదండ్రులకు అవగాహన కలిగించారు. ప్రతి నెలా ట్రీనిటి శిశు సంజీవిని పేరుతో దత్తత తీసుకున్న ప్రభుత్వ పాఠశాలలో ఉచితంగా అన్ని రకాల వైద్య చికిత్సలు చేసి మందులు అందిస్తామన్నారు. ప్రభుత్వ పాఠశాలలో విద్యార్థులకు వైద్యంతో పాటు విద్యాపరంగా తమ వంతు సహకారం ఉంటుందన్నారు. ఈ సందర్భంగా అదవరం అలైనా ప్రిషా విద్యార్థులకు విద్యాసామగ్రిని పంపిణీ చేశారు. కార్యక్రమంలో ఎంఈఓ మునిరత్నం, వైద్యులు ఆదవరం సందీప్‌, దీప్తి, అనుదీప్‌, నీలిమ, లతీఫ్‌, ఆదవరం పవని, జువ్వలపాళెం సర్పంచ్‌ తొప్పని రమణయ్య, హెచ్‌ఎం మస్తానయ్య, ఎస్‌ఎంసీ చైర్మన్‌ సుగుణమ్మ పాల్గొన్నారు. శ్రీవారి దర్శనానికి 24 గంటలు తిరుమల : తిరుమలలో భక్తుల రద్దీ అధికంగా ఉంది. క్యూ కాంప్లెక్స్‌లో కంపార్ట్‌మెంట్లు నిండాయి. క్యూ లైన్‌ కృష్ణతేజ అతిథి గృహం వద్దకు చేరుకుంది. గురువారం అర్ధరాత్రి వరకు 65,112 మంది స్వామి వారిని దర్శించుకోగా 27,331 మంది భక్తులు తలనీలాలు సమర్పించారు. స్వామి వారికి కానుకల రూపంలో హుండీలో రూ.3.49 కోట్లు సమర్పించారు. టైంస్లాట్‌ టిక్కెట్లు కలిగిన భక్తులకు సకాలంలోనే దర్శనమవుతోంది. దర్శన టిక్కెట్లు లేని భక్తులకు 24 గంటల్లో దర్శనం లభిస్తోంది. ప్రత్యేక ప్రవేశ దర్శనం టిక్కెట్లు కలిగిన భక్తులకు 3 గంటల్లో దర్శనమవుతోంది. ఇదిలా ఉంటే సర్వదర్శనం టోకెన్లు కలిగిన భక్తులు నిర్దేశించిన సమయానికి క్యూలోకి వెళ్లాలని టీటీడీ విజ్ఞప్తి చేసింది.

తిరుపతి రూరల్‌ : చంద్రగిరి నియోజకవర్గం వైఎస్సార్‌సీపీ ఇన్‌చార్జి, తుడా మాజీ చైర్మన్‌ చెవిరెడ్డి మోహిత్‌రెడ్డి శుక్రవారం తిరుపతి కోర్టుకు హాజరయ్యారు. గత సార్వత్రిక ఎన్నికల సమయంలో శ్రీ పద్మావతీ మహిళా యూనివర్సిటీ వద్దనున్న కౌటింగ్‌ సెంటర్‌ వద్ద జరిగిన గొడవల్లో అక్రమంగా 36 మంది వైఎస్సార్‌సీపీ నాయకులు, కార్యకర్తలపై పోలీసులు హత్యాయత్నం కేసు పెట్టారని, అందులో 37వ నిందితుడిగా చెవిరెడ్డి మోహిత్‌రెడ్డిని చేర్చినట్టు ఆయన వివరించారు. అక్రమంగా పెట్టిన కేసులో న్యాయస్థానం ముందు హాజరుకావడం జరిగిందన్నారు. అక్రమంగా పెట్టిన కేసులో తనతో పాటు 37 మంది కోర్టుకు రావాల్సి వచ్చిందని, ప్రతిపక్షంలో ఉన్నందున ఈ అక్రమ కేసులు ఎదుర్కోక తప్పదన్నారు. తనతో పాటు కోర్టుకు వచ్చిన వారందరికీ ధైర్యం చెప్పిన చెవిరెడ్డి మోహిత్‌రెడ్డి అందరికీ అండగా నిలబడతానని హామీ ఇచ్చారు. కారు దగ్ధం శ్రీకాళహస్తి : పట్టణంలోని పురపాలక కార్యాలయం సమీపంలో ఓ కారు శుక్రవారం రాత్రి దగ్ధమైంది. ఓ మెకానిక్‌ షాప్‌లో వెల్డింగ్‌ చేస్తుండగా నిప్పు రవ్వలు ఎగిసి పడటంతో మంటలు అంటుకున్నాయి. దీంతో కారు దగ్ధమైంది. అగ్నిమాపక సిబ్బంది అక్కడికి చేరుకుని మంటలను అదుపు చేశారు. మట్టి వినాయకున్ని పూజిద్దాం నగర పాలక సంస్థ మేయర్‌ డాక్టర్‌ శిరీష పిలుపు తిరుపతి కల్చరల్‌: తిరుపతి ప్రజలు వినాయక చవితి వేడుకల్లో మట్టి వినాయకునికి పూజలు చేయాలని తద్వారా పర్యావరణ పరిరక్షణకు దోహదపడాలని తిరుపతి నగర పాలక సంస్థ మేయర్‌ డాక్టర్‌ శిరీష, ఎమ్మెల్సీ డాక్టర్‌ సిపాయి సుబ్రమణ్యం పిలుపునిచ్చారు. తిరుపతి శ్రీవరసిద్ధి వినాయక నిమజ్జన మహోత్సవ కమిటీ కార్యాలయంలో శుక్రవారం పోస్టర్లను నిర్వాహకులతో కలిసి ఆవిష్కరించారు. మేయర్‌ మాట్లాడుతూ, చవితి ఉత్సవ, నిమజ్జన కార్యక్రమాల విషయంలో నగర పాలక సంస్థ తరఫున అన్ని ఏర్పాట్లు చేస్తామన్నారు. ఎమ్మెల్సీ మాట్లాడుతూ, ప్రతి ఒక్కరూ సాంప్రదాయబద్ధంగా చవితి వేడుకలు జరుపుకోవాలని కోరారు. అలాగే, ఈస్ట్‌ పోలీస్టేషన్‌ డీఎస్పీ భక్తవత్సలం వినాయక కమిటీ కమిటీ సభ్యులతో చర్చించారు. కార్యక్రమంలో కమిటీ కన్వీనర్‌ సామంచి శ్రీనివాస్‌, కార్పొరేటర్‌ రామస్వామి వెంకటేశ్వర్లు, కమిటీ సభ్యులు గుండాల గోపినాథ్‌రెడ్డి, కరాటే శ్రీనివాసులురెడ్డి, బాబు, కిరణ్‌, చెంగారెడ్డి, సుబ్రమణ్యంరెడ్డి, సుబ్బరామయ్య, రవిప్రసాద్‌, ఆనంద్‌ పాల్గొన్నారు.

తిరుపతి అర్బన్‌ : ఈనెల 25 నుంచి 33వ బ్యాచ్‌కి హెవీ డ్రైవింగ్‌ లెసెన్స్‌ కోసం శిక్షణ ప్రారంభిస్తామని అలిపిరి డ్రైవింగ్‌ స్కూల్‌ ప్రిన్సిపల్‌, అలిపిరి ఆర్టీసీ డీఎం హరిబాబు వెల్లడించారు. శుక్రవారం ఆయన మాట్లాడుతూ.. ఈ నెల 23వ తేదికి 32వ బ్యాచ్‌ శిక్షణ పూర్తి అవుతుందని చెప్పారు. తర్వాత రెండు రోజుల అంతరం 33వ బ్యాచ్‌ ప్రారంభం అవుతుందని తెలిపారు. మరోవైపు జిల్లాలో 10 మంది ఎస్సీ, ఎస్టీలకు హెవీ డ్రైవింగ్‌ లైసెన్స్‌ శిక్షణ ఉచితంగా ఇవ్వడానికి ఆదేశాలు రానున్నాయని చెప్పారు. ఎస్పీ కార్పొరేషన్‌ ద్వారా వారిని ఎంపిక చేస్తారని వెల్లడించారు. ఎంపిక చేసిన వారికి ఉచితంగా శిక్షణ ఇవ్వడానికి సిద్ధంగా ఉన్నట్లు స్పష్టం చేశారు. అలిపిరి డిపోలో హెవీ డ్రైవింగ్‌ లైసెన్స్‌ పొందడం కోసం శిక్షణ తీసుకున్న వారిలో 60శాతం మందికి స్థానికంగానే ఉద్యోగ అవకాశాలు లభించాయని వివరించారు. నేటితో ముగియనున్న డీఫార్మసీ దరఖాస్తులు తిరుపతి సిటీ : ఎస్వీ ప్రభుత్వ పాలిటెక్నిక్‌ కళాశాలలో డీఫార్మసీ కోర్సులో ప్రవేశాలకు శనివారంతో ముగియనున్నట్లు ప్రిన్సిపల్‌ ఒక ప్రకటనలో తెలిపారు. ఈ మేరకు ఇప్పటికే సాంకేతిక విద్యామండలి నుంచి తమకు ఆదేశాలు అందినట్లు తెలిపారు. విద్యార్థులు ఈ అవకాశాన్ని సద్వినియోగం చేసుకోవాలని సూచించారు, సత్యవేడు: ప్రభుత్వ బాలుర ఉన్నత పాఠశాలలో 10వ తరగతిలో పరీక్షల్లో టాపర్లుగా మార్కులు పొందిన విద్యార్ధినీవిద్యార్థులకు పూర్వ విద్యార్థుల సంఘం ఆధ్వర్యంలో నగదు ప్రోత్సాహకాలు అందజేశారు. గురువారం పూర్వవిద్యార్థుల సంఘం ప్రధాన కార్యదర్శి జె.పాండురంగయ్య ఆధ్వర్యంలో సంఘం నాయకులు బి.బాలసుందరంరెడ్డి, డి.రవి, బండారు మోహన్‌బాబు, ఆనంద్‌ కలసి రూ.10 వేలు, కె.పావని రూ.6వేలు, ఎం.దర్శిని, ఎం.అంకిత గ్రేస్‌ రూ.4 వేలు నగదు బహుమతులను అందజేశారు. ఈ కార్యక్రమంలో హెచ్‌ఎం మాధవీలత తదితరులు పాల్గొన్నారు.

మండలంలోని రోసనూరు గ్రామం కేంద్రంగా గత ఐదు దశాబ్దాలుగా ఓ రేరాజు చీకటి రాజ్యాన్ని ఏలుతున్నారు. ఏ పార్టీ అధికారంలో ఉంటే ఆపార్టీ కండువా కప్పుకుని సామాన్య జనాన్ని మభ్యపెట్టి గ్రావెల్‌, మట్టి అక్రమ తవ్వకాలు జోరుగా సాగిస్తూ ధనార్జనే లక్ష్యంగా దూసుకెళుతున్నారు. గ్రామానికి సమీపంలోని అటవీ భూములు, చెరువులు, తెలుగుగంగ పొర్లుకట్టలపై మట్టిని యంత్రాలతో తవ్వి, లారీలు, టిప్పర్లతో దొరవారిసత్రం, నాయుడుపేటలో లేఅవుట్లకు అక్రమంగా తరలించి సొమ్ము చేసుకుంటున్నారు. రాజుపాళెం, రోసనూరు, కృష్టప్పకండ్రిగ గ్రామాల్లో ఒక షాడో ప్రజాప్రతినిధిగా వ్యవహ రిస్తూ గ్రావెల్‌, మట్టి తవ్వకాలు జోరుగా సాగిస్తున్నారు. అయినా అటువైపు అధికారులు కన్నెత్తి కూడా చూడడం లేదు. రాజుపాళెం చెరువుకట్ట అభివృద్ధి, జంగిల్‌ క్లియరెన్స్‌ పేరుతో కట్టపై ఉన్న రూ.లక్షలు విలువ చేసే చెట్లను నరికి, విక్రయించి సొమ్ము చేసుకున్నారు. తెలుగుగంగ కాలువ గట్టు, గ్రామ సమీపంలో ఉన్న ఫారెస్ట్‌ భూములు, గిరిజన కాలనీ సమీపంలోని చెరువు, దళిత కాలనీ దిగువ ప్రాంతంలో ఉన్న చెరువు, గ్రామ సమీపంలోని భూపతీశ్వర కొండ తదితర ప్రాంతాల్లో భారీ యంత్రాలతో మట్టి, గ్రావెల్‌ అక్రమంగా తవ్వి, ఇతర ప్రాంతాలకు తరలించి సొమ్ము చేసుకుంటున్నారు.

మూగ, చెవుడుతో బాధపడుతున్నాను. ప్రతి నెల రూ.6వేలు దివ్యాంగుల పింఛన్‌ ఇస్తున్నారు. 80 శాతం వికలత్వం ఉన్నట్లు గతంలో సర్టిఫికెట్‌ ఇచ్చారు. తాజా సర్వేలో 75శాతం వికలత్వం ఉన్నట్లు సదరం సర్టిఫికెట్‌ ఇచ్చారు. దీంతో పింఛన్‌ తొలగించడంతో తండ్రితో కలసి న్యాయం కోసం కలెక్టరేట్‌లో జరిగిన ధర్నాలో పాల్గొన్నాను. – భువనశ్రీ, తిరుచానూరువైకల్యశాతం తగ్గించి..పింఛన్‌ తొలగించారునాకు పింఛన్‌ ఎంతో ఆధారంగా ఉండేది. దాన్ని తొలగించారు. డాక్టర్లు 51 శాతం వైకల్యం ఉన్నట్లు సదరం సర్టిఫికెట్‌ ఇచ్చారు. డాక్టర్లు అడ్డదిడ్డంగా సదరం సర్టిఫికెట్లను జారీ చేశారు. దాంతో రూ.6 వేలు పింఛన్‌ తొలగించారు. ఏళ్ల తరబడి పింఛన్‌ తీసుకుంటున్నాను. ప్రస్తుతం తొలగిస్తే ఎలా బతకాలి. ప్రభుత్వం దివ్యాంగులకు అన్యాయం చేస్తోంది. –జ్యోతీశ్వర్‌బాబు, పాకాల

తిరుపతి సిటీ : రాష్ట్ర ప్రభుత్వం సహకరిస్తే ఆంధ్రప్రదేశ్‌లో ఎన్‌సీసీని మరింత విస్తరిస్తామని డిప్యూటీ డైరెక్టర్‌ జనరల్‌ ఎయిర్‌ కమాండర్‌ నర్సింగ్‌ సైలానీ తెలిపారు. ఆయన గురువారం ఎన్‌సీసీ నగర్‌లో మీడియాతో మాట్లాడారు. ఆధ్మాత్మిక పుణ్యక్షేత్రం తిరుపతి ఎన్‌సీసీ గ్రూపును తొలిసారి సందర్శించడం సంతోషంగా ఉందన్నారు. విద్యార్థులకు క్రమశిక్షణ, దేశభక్తి లక్ష్యంగా ఎన్‌సీసీలో శిక్షణ ఇస్తున్నామని తెలిపారు. తిరుపతి ఎన్‌సీసీ గ్రూపు ఆధ్వర్యంలో క్యాడెట్లకు మెరుగైన శిక్షణ ఇస్తున్నారని పేర్కొన్నారు. ఎన్‌సీసీ క్యాడెట్లను సాంఘిక సంక్షేమ కార్యక్రమాల వైపు నడిపిస్తూ ఉత్తమ పౌరులుగా సమాజానికి అందిస్తుండడం అభినందనీయమన్నారు. గణతంత్ర దినోత్సవాల్లో తిరుపతి గ్రూపు నుంచి పెద్ద సంఖ్య లో పాల్గొనేందుకు కఠోర శిక్షణ ఇవ్వడంతో పాటు పోటీతత్వాన్ని ఎదుర్కొనే ధైర్యాన్ని నింపే ప్రయ త్నం చేయడం శుభపరిణామనన్నారు. ఆంధ్రప్రదేశ్‌, తెలంగాణా విడిపోయిన అనంతరం ఆంధ్రప్రదేశ్‌లో ప్రత్యేక ఎన్‌సీసీ కమాండ్‌ కంట్రోల్‌ ప్రధాన కార్యాలయం ఏర్పాటుకు కృషి చేస్తున్నామని తెలిపా రు. రాష్ట్రంలో గ్రామీణ ప్రాంతాలలోని ప్రభుత్వ పాఠశాలలు, కళాశాలల్లో ఎన్‌సీసీ సేవలు మరింత పెంచేందుకు రాష్ట్ర ప్రభుత్వం సహాయ సహకారాలు అవసరమన్నారు. తల్లిదండ్రులు, విద్యాసంస్థల యాజమాన్యాలు విద్యార్థులను ఎన్‌సీసీ వైపు ప్రోత్సహించాల్సిన అవసరం ఉందన్నారు. విద్యార్థి భవిష్యత్తును దృష్టిలో పెట్టుకుని ఉన్నత చదువులు, ప్రభుత్వ ఉద్యోగ అవకాశాల్లో ఎన్‌సీసీ ధ్రువీకరణ పత్రాలు ప్రధాన భూమిక పోషిస్తున్నాయని తెలిపారు. సమావేశంలో తిరుపతి గ్రూప్‌ కమాండర్‌ కల్నల్‌ సతీందర్‌ దాహియా పాల్గొన్నారు.

షార్‌లో ఒకేసారి పది రాకెట్‌లను ట్రాకింగ్‌ చేయగలిగిన సామర్థ్యంతో నిర్మించిన మల్టీ అబ్జెక్టి ట్రాకింగ్‌ రాడార్‌ కేంద్రంసూళ్లూరుపేట: భారత అంతరిక్ష పరిశోధనా సంస్థ (ఇస్రో) సుదీర్ఘ అంతరిక్ష ప్రయాణంలో ఎన్నో శ్లాఘనీయమైన విజయాలు సాధించింది. నాటి ఆర్యభట్ట నుంచి నేటి గగన్‌యాన్‌ వరకు అంతరిక్షయాత్ర నిరాటంకంగా కొనసాగిస్తోంది. ఇప్పటివరకు ఇస్రో సొంతంగా 102 ప్రయోగాలను చేసి ఎన్నో మైలురాళ్లును అధిగమించింది. 2008లో చంద్రయాన్‌–1, 2013లో మంగళ్‌యాన్‌– 1, 2019లో చంద్రయాన్‌–3, 2023లో చంద్రయాన్‌–3, సూర్యయాన్‌–1 పేర్లతో ఐదు గ్రహాంతర ప్రయోగాలు, ఈ ఏడాది గగన్‌యాన్‌ ప్రయోగానికి సిద్ధమవుతోంది. 1963 నవంబర్‌ 21 తేదీన ఇస్రో మొట్టమొదటిసారి రెండు దశలతో కూడిన సౌండింగ్‌ రాకెట్‌ను కేరళలోని తుంబా ఈక్విటోరియల్‌ రాకెట్‌ కేంద్రం నుంచి ప్రయోగించి విజయం సాధించారు. అమెరికా, రష్యా, జపాన్‌, పశ్చిమ జర్మనీ, ప్రాన్స్‌ దేశాలు సహాయ సహకారాలతో నైక్‌ ఆపాచీ రాకెట్‌ను ప్రయోగించారు. ఆ తరువాత డాక్టర్‌ విక్రమ్‌ సారాభాయ్‌ ఆధ్వర్యంలో తుంబాలో సౌండింగ్‌ రాకెట్‌ కేంద్రాన్ని ఏర్పాటు చేసుకుని, 1967 నవంబర్‌ 20న రోహిణి–75 అనే సౌండింగ్‌ రాకెట్‌ను పూర్తి స్వదేశీ సాంకేతిక పరిజ్ఞానంతో రూపొందించి విజయం సాధించారు. ఆ తరువాత ఇండియన్‌ నేషనల్‌ కమిటీ ఫర్‌ స్పేస్‌ రీసెర్చి సంస్థను 1969లో భారత అంతరిక్ష పరిశోధన సంస్థగా పేరు మార్చారు. 1970లో డిపార్ట్‌మెంట్‌ స్పేస్‌ కమిషన్‌ను ఏర్పాటు చేశారు. 1963లో తుంబా నుంచి వాతావరణ పరిశీలన కోసం సౌండింగ్‌ రాకెట్‌ ప్రయోగాలతో మన అంతరిక్ష ప్రయోగాల వేట మొదలైంది. తూర్పు తీర ప్రాంతంలో.. తుంబా రాకెట్‌ కేంద్రం పెద్ద ప్రయోగాలకు అనువుగా లేదని భారతదేశానికి మంచి రాకెట్‌ కేంద్రాన్ని సొంతంగా ఏర్పాటు చేసుకోవాలనే కృత నిశ్చయంతో డాక్టర్‌ విక్రమ్‌ సారాభాయ్‌, అప్పటి ప్రధానమంత్రి ఇందిరాగాంధీ 1969లో తొలుత పడమటి తీరం అంటే అరేబియా సముద్ర తీరప్రాంతంలో స్థలాన్వేషణ చేశారు. ముందుగా గుజరాత్‌లో ఏర్పాటు చేయాలని అనుకుని, అక్కడ గ్రావిటీ పవర్‌ ఎక్కువగా ఉండడంతో తూర్పు తీరం అంటే బంగాళాఖాతం తీరప్రాంతంలో స్థలాన్వేషణ చేశారు. తూర్పు తీరాన పులికాట్‌ సరస్సుకు బంగాళాఖాతానికి మధ్యలో 44 చదరపు కిలో మీటర్లు విస్తరించిన శ్రీహరికోట దీవి ప్రాంతం గుర్తించారు. ఈ దీవి భూమధ్య రేఖకు 13 డిగ్రీల అక్షాంశంలో ఉండడం, గ్రావిటీ పవర్‌ తక్కువగా ఉండడంతో రాకెట్‌ ప్రయోగాలకు అనువుగా ఉందని శ్రీహరికోటను ఎంపిక చేశారు. భవిష్యత్తు రాకెట్‌ ప్రయోగాలను దృష్టిలో పెట్టుకుని వాతావరణ పరిశోధనకు సుమారు 1,161 సౌండింగ్‌ రాకెట్లు ప్రయోగించిన తరువాత పెద్ద ప్రయోగాలకు శ్రీకారం చుట్టారు. శ్రీహరికోట రాకెట్‌ కేంద్రం నుంచి ఇప్పటివరకు 102 ప్రయోగాలు చేయగా 92 విజయవంతం అయ్యాయి. ఆరు రకాల రాకెట్‌ల ద్వారా 132 స్వదేశీ ఉపగ్రహాలు, 18 విద్యార్థులు తయారు చేసిన ఉపగ్రహాలు, 433 విదేశీ ఉపగ్రహాలు, 9 రీ ఎంట్రీ మిషన్లు, రెండు ప్రైవేట్‌ అంతరిక్ష సంస్థలకు చెంది ఉపగ్రహాలను ప్రయోగించి ప్రపంచంలోనే రెండోస్థానంలోకి చేరడం విశేషం. ఆర్యభట్టతో తొలి అడుగు బెంగళూరులో శాటిలైట్‌ తయారీ కేంద్రంలో 1975లో ఆర్యభట్ట ఉపగ్రహాన్ని తయారు చేసుకుని రష్యా నుంచి ప్రయోగించి అంతరిక్ష ప్రయోగాల వేటను ఆరంభించారు. అనంతరం శ్రీహరికోట రాకెట్‌ కేంద్రం పూర్తిస్థాయిలో నిర్మించిన తరువాత మొదటి ప్రయోగవేదిక నుంచి 1979 ఆగస్టు 10 ఎస్‌ఎల్‌వీ–3 ఇ1 పేరుతో రాకెట్‌ ప్రయోగాలకు శ్రీకారం చుట్టారు. దురదృష్ట వశాత్తూ ఆ ప్రయోగం విఫలం కావడంతో నాటి శాస్త్రవేత్తలు కుంగిపోయారు. ఒక అపజయం మున్ముందు విజయాలకు నాంది అన్నట్టుగా నాటి శాస్త్రవేత్తలు మొక్కవోని ధైర్యంతో 1980 జులై 18న చేసిన ఎస్‌ఎల్‌వీ ప్రయోగాన్ని విజయవంతంగా నిర్వహించారు. దీంతో మన శాస్త్రవేత్తలు మరో అడుగు ముందుకేసి ఏఎస్‌ఎల్‌వీ, పీఎస్‌ఎల్‌వీ జీఎస్‌ఎల్‌వీ, ఎల్‌వీఎం–3, ఎస్‌ఎస్‌ఎల్‌వీ, హెచ్‌ఆర్‌ఎల్‌వీ లాంటి భారీ ప్రయోగాలు చేసేస్థాయికి ఎదిగారు. కమ్యూనికేషన్‌ శాటిలైట్స్‌ (సమాచార ఉపగ్రహాలు) రిమోట్‌ సెన్సింగ్‌ శాటిలైట్స్‌ (దూరపరిశీలన ఉపగ్రహాలు), ఇండియన్‌ రీజనల్‌ నావిగేషన్‌ శాటిలైట్‌ సిస్టం (భారత క్షేత్రియ దిక్చూచి ఉపగ్రహాలు), వాతావరణ పరిశోధనా ఉపగ్రహాలు, గ్రహంతర ఉపగ్రహాలు (చంద్రయాన్‌–1, మంగళ్‌యాన్‌–1, చంద్రయాన్‌–2, చంద్రయాన్‌–3, సూర్యయాన్‌–1) లాంటి భారీ ఉపగ్రహాలను అత్యంత తక్కువ వ్యయంతో మొదటి ప్రయత్నంలోనే ఎన్నో విజయాలు సాధించారు. 2023 జులై 14న ప్రయోగించిన చంద్రయాన్‌–3 గత ఏడాది ఆగస్టు 23న చంద్రుడి ఉపరితలం దక్షిణ ధృవంపై ల్యాండర్‌ దించి రోవర్‌తో చంద్రుడిపై పరిశోధనలు చేశారు. ఆరోజును ప్రధానమంత్రి నరేంద్రమోదీ జాతీయ సైన్స్‌ దినోత్సవం (నేషనల్‌ స్పేస్‌ డే)గా ప్రకటించి, ఈ నెల 23న జాతీయ అంతరిక్ష దినోత్సవాన్ని నిర్వహించుకోనున్నారు.ఆర్యభట్ట ఉపగ్రహంతో తొలి అడుగు శ్రీహరికోటలో అత్యాధునిక సౌకర్యాలు

చిల్లకూరు:భవిష్యత్తు తరాల వారికి జిల్లాలో ఉద్యోగావకాశాలు పుష్కలంగా ఉంటాయని జిల్లా కలెక్టర్‌ వెంకటేశ్వర్‌ తెలిపారు. గూడూరు ప ట్టణంలోని దువ్వూరు రమణమ్మ మ హిళా కళాశాలలో గురువారం రా ష్ట్ర నైపుణ్యాభివృద్ధి సంస్థ ఆధ్వర్యంలో జాబ్‌ మేళా కార్యక్రమం నిర్వహించారు. ఈ సందర్భంగా కలెక్టర్‌ మాట్లాడుతూ 18 బహుళ సంస్థల ప్రతినిధులు పాల్గొన్న ఈ మేళాకు 414 మంది అభ్యర్థులు హాజరు కాగా 278 మందిని ఉద్యోగాలకు ఎంపిక చేసి, నియామక పత్రాలు అందజేశారు. స్థానిక ఎమ్మెల్యే పాశం సునీల్‌కుమార్‌, గూడూరు సబ్‌ కలెక్టర్‌ రాఘవేంద్రమీనన్‌, గూడూరు డీఎస్పీ గీతాకుమారి, నైపుణాభివృద్ధి అధికారి లోకనాథం, కళాశాల కరస్పాండెండెంట్‌ మోహర్మణి, కళాశా ల కార్యదర్శి విద్యాసాగర్‌, ఎంపీడీఓ మధుసూదన్‌రావు, మున్సిపల్‌ కమిషనర్‌ వెంకటేశ్వర్లు పాల్గొన్నారు. రూ.7 కోట్లతో బ్యారేజ్‌ మరమ్మతుకు ప్రతిపాదనలు వాకాడు: స్వర్ణముఖి బ్యారేజ్‌ మరమ్మతులకు రూ.7 కోట్లతో ప్రతిపాదనలు తయారు చేసి ప్రభుత్వానికి పంపామని జిల్లా కలెక్టర్‌ వెంకటేశ్వర్‌ పేర్కొన్నారు. గురువారం ఆయన ఇరిగేషన్‌ అధికారులతో కలసి వాకాడు–స్వర్ణముఖి బ్యారేజ్‌ని పరిశీలించారు. కలెక్టర్‌ మాట్లాడుతూ ఇకపై ఏటా బ్యారేజ్‌ పరికరాల నిర్వాహణకు జిల్లా నుంచి రూ.12 లక్షలు కేటాయించడం జరుగుతుందన్నారు. అనంతరం కలెక్టర్‌ వెంకటేశ్వర్‌ వాకాడులోని ప్రభుత్వాస్పత్రిని తనిఖీ చేశారు. కలెక్టర్‌ వెంట ఇరిగేషన్‌ ఎస్‌ఈ రాధాకృష్ణ, ఈఈ బాబు, డీఈలు, ఎంపీడీఓ శ్రీనివాసులు ఉన్నారు. సాగరమాల సర్వీసు రోడ్ల సమస్యలపై పరిశీలన నాయడుపేటటౌన్‌: సాగరమాల సర్వీసు రోడ్ల సమస్యలపై గురువారం కలెక్టర్‌ వెంకటేశ్వర్‌, ఆర్డీఓ కిరణ్మ యి, ఎన్‌హెచ్‌ అధికారులు, తహసీల్దార్‌ రాజేంద్ర పరిశీలించారు. మండలంలోని నరసారెడ్డికండ్రిగ సమీపంలో సాగరమాల రహదారి వద్ద కలెక్టర్‌ రైతులతో మాట్లాడి, వారి సమస్యలను తెలుసుకున్నారు. సాగరమాల రహదారి నిర్మాణ పనులతో పొలాలకు ఇరువైపుల సర్వీసు రోడ్లు లేకుండా చేస్తున్న విషయం రైతు సంఘం నాయకులు జిల్లా కలెక్టర్‌ దృష్టికి తీసుకెళ్లారు. సర్వీసు రోడ్లు ఏర్పాటు చేయాలని కోరారు. ఇందుకు కలెక్టర్‌ సానూకులంగా స్పందించారు. రైతుల సంఘం నాయకులు జలదంకి వెంకటకృష్ణారెడ్డి, సన్నారెడ్డి హ రినాఽథ్‌రెడ్డి, కామిరెడ్డి మధుసూదన్‌ రెడ్డి, విజయసా రథి రెడ్డి, మచ్చా భాస్కర్‌, శిరిష్‌ రెడ్డి పాల్గొన్నారు.

బుచ్చినాయుడుకండ్రిగ: పొలంలో గుప్తునిధుల కోసం తవ్వకాలు జరిపిన కేసులో ఏడుగురు నిందితులను అరెస్టు చేసి, జేసీబీని స్వాధీనం చేసుకున్నట్లు సీఐ తిమ్మయ్య, ఎస్‌ఐ విశ్వనాథనాయుడు తెలిపారు. గురువారం స్థానిక పోలీసుస్టేషన్‌లో వారు విలేకరులతో మాట్లాడారు. ఆలత్తూరు గ్రా మానికి చెందిన చిల్లకూరి ఉమామహేశ్వర్‌రెడ్డి బావమరిది ధనంజయరెడ్డికి 30 ఎకరాల పొలం ఉంది. ఈ పొలంలో పురాతన తులసీకోట ఉండ డంతో, తులసీకోట కింద నిధులున్నాయనే అను మానంతో ఈ నెల 18వ తేదీన కొందరు రాత్రి జేసీబీతో తవ్వకాలు జరిపారు. దీంతో స్థానిక పో లీసు స్టేషన్‌లో తవ్వకాలపై ఉమామహేశ్వర్‌రెడ్డి ఫిర్యాదు చేశారు. దీనిపై విచారణ చేపట్టిన పోలీసులు రెడ్డిగుంటబాడవ గ్రామానికి చెందిన ఎ.గురవయ్య, బీ.గురవయ్య, ఓజిలి మండలం హరివరం గ్రామానికి చెందిన చంద్రశేఖర్‌, హరీష్‌, ఆశోక్‌, అనిల్‌, శేఖర్‌ను నిందితులుగా గుర్తించి, వారిపై కేసు నమోదు చేసి, అరెస్టు చేశారు. తవ్వకానికి ఉపయోగించిన జేసీబీని స్వాధీనం చేసుకున్నారు. ఈ కార్యక్రమంలో పీఎస్‌ఐ సుధీర్‌రెడ్డి పాల్గొన్నారు. శ్రీరామలో ఘనంగా ఓరియెంటేషన్‌ డేతిరుపతి సిటీ:స్థానిక కరకంబాడి రోడ్డులోని శ్రీరా మ ఇంజినీరింగ్‌ కాలేజ్‌లో గురువారం మొదటి సంవత్సరం ఇంజినీరింగ్‌ కోర్సుల్లో అడ్మిషన్లు తీ సుకున్న విద్యార్థుల కోసం ఓరియెంటేషన్‌ డే ఘ నంగా నిర్వహించారు. కళాశాల చైర్మన్‌ మన్నెం రా మిరెడ్డి మాట్లాడుతూ తమ కళాశాలలో విద్యార్థులకు అవసరమైన అన్ని వసతులున్నాయని తెలిపారు. విద్యార్థులు తమ లక్ష్య సాధనకు అధ్యాపకులు సహాయ సహకారాలు అందిస్తారని పేర్కొన్నారు. ఆధునాతన టెక్నాలజీని అందుపుచ్చుకుని ఉన్నత లక్ష్యం వైపు అడుగులు వేయాలని సూచించారు. ఇక్కడ విద్యనభ్యసించిన ఎంతో మంది విద్యార్థులు దేశ, విదేశాల్లో ఉన్నత స్థానాల్లో రాణిస్తున్నారని చెప్పారు. కార్యక్రమంలో ఐఐటీ ప్రొఫె సర్‌ వాసుదేవరావు, డైరెక్టర్‌ మన్నెం అరవింద్‌కుమార్‌రెడ్డి, సెక్రటరీ మన్నెం రామసుబ్బారెడ్డి, ప్రిన్సిపాల్‌ డాక్టర్‌ జయచంద్ర, అధ్యాపకులు, విద్యార్థులు పాల్గొన్నారు. నేడు సాంఘిక సంక్షేమశాఖ ప్రాంతీయ సదస్సు తిరుపతి అర్బన్‌: రాయలసీమ జిల్లాల సాంఘిక సంక్షేమశాఖ అధికారులతో శుక్రవారం ప్రాంతీ య సదస్సు తిరుపతిలోని కచ్చపి ఆడిటోరియంలో నిర్వహించనున్నారు. ఉదయం 10 నుంచి మధ్యాహ్నం 2.30 గంటల వరకు సమావేశం జరపనున్నారు. ఉమ్మడి చిత్తూరు, నెల్లూరు, అనంతపురం, కర్నూలు జిల్లాల్లోని సాంఘిక సంక్షేమ శాఖ అధికారులతో నిర్వహించే రీజినల్‌ కాన్ఫరెన్స్‌లో రాష్ట్ర సాంఘిక సంక్షేమ శాఖా మంత్రి డో లా శ్రీబాల వీరంజనేయస్వామి పాల్గొననున్నా రు. మధ్యాహ్నం 3 గంటలకు ఆయన బైరాగిపట్టెడలోని నర్సింగ్‌ విద్యార్థులకు జర్మన్‌ భాష ఉచిత శిక్షణ ప్రారంభించనున్నారు.

డక్కిలి: వైఎస్సార్‌సీపీ జెడ్పీటీసీ సభ్యురాలు కలిమిలి రాజేశ్వరి కుటుంబాన్ని వైఎస్సార్‌ సీపీ రాష్ట్ర కోఆర్డినేటర్‌ సజ్జల రామకృష్ణారెడ్డి, మాజీ ఉప ముఖ్యమంత్రి నారాయణస్వామి గురువారం పరామర్శించారు. ఇటీవల జెడ్పీటీసీ రాజేశ్వరి అనారోగ్యంతో మృతి చెందిన విషయం తెలిసిందే. కాగా గురువారం డక్కిలి మండలం చాపలపల్లి గ్రామంలో ఆమె ఉత్తర క్రియలు జరిగాయి. ఈ సందర్భంగా సజ్జల రామకృష్ణారెడ్డి కుటుంబ సభ్యులతో కలిసి చాపలపల్లికి వచ్చారు. అనంతరం రాజేశ్వరి చిత్రపటానికి పుష్పాంజలి ఘటించారు. తరువాత రాజేశ్వరి భర్త, వైఎస్సార్‌సీపీ సీనియర్‌ నాయకుడు కలిమిలి రామ్‌ప్రసాద్‌రెడ్డి, కుమార్తెలను పలకరించి కొంతసేపు వారితో మాట్లాడారు. ఆయన వెంట నెల్లూరు జెడ్పీ చైర్మన్‌ ఆనం అరుణమ్మ, జెడ్పీ మాజీ చైర్మన్‌ బొమ్మిరెడ్డి రాఘవేంద్రరెడ్డి, మాజీ ఎమ్మెల్యే కొమ్మి లక్ష్మయ్య నాయుడు, పెంచలకోన ఆలయ మాజీ చైర్మన్‌ నెల్లూరు రవీంద్రారెడ్డి, వైఎస్సార్‌సీపీ నేతలు కొడవలూరు ధనుంజయరెడ్డి, పేర్నాటి శ్యామ్‌ప్రసాద్‌రెడ్డి, బొలిగర్ల మస్తాన్‌ యాదవ్‌, ఎంపీపీలు తనూజరెడ్డి, గోను రాజశేఖర్‌, గూడూరు భాస్కర్‌రెడ్డి, గ్రంథాలయ సంస్థ మాజీ చైర్మన్‌ దొంతు శారద, కలువాయి జెడ్పీటీసీ సభ్యుడు అనిల్‌కుమార్‌రెడ్డి తదితరులు పాల్గొన్నారు.

చిల్లకూరు: మండలంలోని కమ్మవారిపాళెం సమీపంలోని చీమల తిప్ప వద్ద ఓ వ్యక్తి అనుమానాస్పదస్థితిలో మృతి చెంది ఉన్నట్లు స్థానికులు గుర్తించి, పోలీసులకు సమాచారం అందించారు. దీంతో పోలీసులు గురువారం సంఘటనా స్థలానికి చేరుకుని వివరాలు సేకరించారు. మృతదేహం కాలి పోయి గుర్తు పట్టలేని విధంగా ఉండడంతో పోలీసులు పలు కోణాలలో విచారణ చేపట్టగా మృతుడు కోట పట్టణంలోని నల్లపరెడ్డి చంద్రశేఖరరెడ్డి కాలనీకి చెందిన చర్లగుంట హరిప్రసాద్‌(43)గా గుర్తించారు. అతడు ఎందుకు ఈ ప్రాంతంలోకి వచ్చి మృతి చెందాడనే విషయం తెలియడం లేదని, మృతదేహం కాలిపోయి గుర్తు పట్టలేని విధంగా ఉండడంతో అతను ఆత్మహత్యకు పాల్పడ్డాడా?, ఎవరైనా చంపి ఇక్కడకు తీసుకుని వచ్చి కాల్చి వేశారా? అన్న కోణంలో విచారణ జరుపుతున్నట్లు పోలీసులు తెలిపారు.

రాపూరు/సైదాపురం: ఎమ్మెల్సీ మేరిగ మురళీధర్‌ను వైఎస్సార్‌సీపీ రాష్ట్ర కోఆర్డినేటర్‌ సజ్జల రామకృష్ణారెడ్డి పరామర్శించారు. ఎమ్మెల్సీ మేరిగ మురళీధర్‌ తండ్రి మేరిగ ఆనందరావు ఇటీవల మృతి చెందిన విషయం విదితమే. ఈ క్రమంలో గురువారం వైఎస్సార్‌ సీపీకి చెందిన అగ్రనేతలు రాపూరులోని లక్ష్మీపురంలోని మేరిగ నివాసంలో మురళీధర్‌ తండ్రి ఆనందరావు చిత్రపటానికి పూలమాలలు వేసి నివాళులర్పించారు. అనంతరం మురళీధర్‌ కుటుంబ సభ్యులను పరామర్శించారు. అలాగే అక్రమ కేసులు, దౌర్జన్యాలపై సజ్జల రామకృష్ణారెడ్డి ఆరా తీశారు. అనంతరం మాజీ ఉప ముఖ్య మంత్రి నారాయణస్వామి, జెడ్పీ మాజీ చైర్మన్‌ బొమ్మిరెడ్డి రాఘవేంద్రరెడ్డి, రాష్ట్ర కార్యదర్శి పేర్నాటి శ్యాంప్రసాద్‌రెడ్డి తదితరులు ఆనందరావు చిత్ర పటం వద్ద నివాళులర్పించారు. మాజీ మంత్రి, జిల్లా కోఆర్డినేటర్‌ కారుమూరి వెంకట నాగేశ్వరావు, ఎమ్మెల్సీపర్వతరెడ్డి చంద్రశేఖర్‌రెడ్డి, వెంకటగిరి నియోజకవర్గ సమన్వయకర్త నేదురుమల్లి రామ్‌కుమార్‌రెడ్డి, జిల్లా నేత లు ఆనం విజయ్‌కుమార్‌రెడ్డి కలిసి రాపూరుకు చేరుకు ని మురళీధర్‌ను పరామర్శించారు. కార్యక్రమంలో రాపూరు,సైదాపురం, బాలాయపల్లి, డక్కిలి మండలా లకు చెందిన పార్టీ కన్వీనర్లు మధుసూధన్‌రెడ్డి, ఎం.రవికుమార్‌యాదవ్‌, వెందోటి కార్తీక్‌రెడ్డి, శ్రీనివాసులురెడ్డి, వైఎస్సార్‌సీపీ రైతు సంఘం రాష్ట్ర కార్యదర్శి బత్తి న పట్టాభిరామిరెడ్డి, జిల్లా ప్రధాన కార్యదర్శి పాపకన్ను మధుసూదన్‌రెడ్డి,మండల కన్వీనర్‌ బోడ్డు మధు సూదన్‌రెడ్డి, జిల్లా కార్యనిర్వాహక కార్యదర్శి దందోలు లక్ష్మీనారాయణరెడ్డి,వలంటరీ విగ్‌ అధ్యక్షులు దుగ్గిరెడ్డి నరసింహరెడ్డి, నలమారు రామ్‌గోపాల్‌రెడ్డి, సొసైటీ మాజీ అధ్యక్షుడు మోహన్‌రావు తదితరులున్నారు.

దివ్యాంగులకు కూటమి ప్రభుత్వం వికలత్వాన్ని తగ్గించడం చాలా ప్రమాదం. పింఛను పోవడమే కాదు. భవిష్యత్తులో యువకులైన దివ్యాంగులకు కళాశాలల్లో ఉన్నత చదువులకు సీట్లు దక్కవు. ఉద్యోగాలు రావు. ప్రభుత్వ పథకాలు అన్నింటికి అనర్హులుగా మిగిలిపోయే ప్రమాదం ఉంది. దివ్యాంగుల జీవితాలు అంధకారం చేయనున్నారు. న్యాయం కోసం పెద్ద ఎత్తున పోరాటాలు చేస్తాం. – మురళీగౌడ్‌, దివ్యాంగుల సేవా సమితి వ్యవస్థాపకుడు ప్రాణాలు పోయేవరకు పోరాడుతాం ఒకటి కాదు రెండు కాదు వేల సంఖ్యలో దివ్యాంగుల పింఛన్లు తొలగించారు. మా జీవనం ప్రశ్నార్థకంగా మారింది. దివ్యాంగులకు ఈ ప్రభుత్వం అన్యాయం చేస్తోంది. తొలగించిన అందరి పింఛన్లు తిరిగి ఇవ్వాలి. లేదంటే ప్రాణాలు పోయోవరకు పోరాటాలు చేస్తాం. – శ్రీనివాసులు, దివ్యాంగుల సేవా సమతి జిల్లా అధ్యక్షుడు

తిరుపతి మంగళం : ప్రకాశం జిల్లా గిద్దలూరు ఫారెస్ట్‌ డివిజన్‌లో ముగ్గురు స్మగ్లర్లను అరెస్టు చేసి వారి నుంచి 26 ఎరచ్రందనం దుంగలు, ఒక మోటారు సైకిల్‌ను గురువారం తిరుపతి టాస్క్‌ఫోర్స్‌ పోలీసులు స్వాధీనం చేసుకున్నారు. టాస్క్‌ఫోర్స్‌ డీఎస్పీ ఎండీ షరీఫ్‌ ఆధ్వర్యంలో కడప సబ్‌ కంట్రోల్‌ ఆర్‌ఎస్‌ఐ పీ.నరేష్‌ బృందం బుధవారం రాత్రి నుంచి ప్రకాశం జిల్లా గిద్దలూరు ఫారెస్ట్‌ రేంజ్‌లోని బెస్తవారిపేట అటవీ పరిధిలో కూంబింగ్‌ చేపట్టారు. వీరు గుంతపల్లి బీటుకు చేరుకునేసరికి అక్కడ ఒక మోటారు సైకిల్‌ వద్ద కొంతమంది వ్యక్తులు గుమికూడి కనిపించారు. వారిని సమీపించడంతో, పోలీసులను చూసి పారిపోయే ప్రయత్నం చేశారు. వారిని వెంబడించిన టాస్క్‌ఫోర్స్‌ సిబ్బంది ముగ్గురిని పట్టుకున్నారు. వారిని విచారించి, అక్కడే కల్వర్టు కింద దాచి ఉంచిన 26 ఎరచ్రందనం దుంగలను స్వాధీనం చేసుకున్నారు. పట్టుబడిన వారు ప్రకాశం జిల్లా వాసులుగా గుర్తించారు. వారిని దుంగలతోపాటు మోటారు సైకిల్‌ను తిరుపతి టాస్క్‌ఫోర్స్‌ పోలీసు స్టేషన్‌కు తరలించారు. ఈ మేరకు హెడ్‌ కానిస్టేబుల్‌ సుబ్రమణ్యం రాజు కేసు నమోదు చేసి దర్యాప్తు చేస్తున్నారు. ఎంఈఏ 2025 అసోసియేషన్‌ ప్రారంభం తిరుపతి రూరల్‌: పద్మావతి మహిళా విశ్వవిద్యాలయంలోని స్కూల్‌ ఆఫ్‌ ఇంజినీరింగ్‌ అండ్‌ టెక్నాలజీలో మెకానికల్‌ ఇంజినీరింగ్‌ డిపార్ట్‌మెంట్‌ అసోసియేషన్‌ (ఎంఈఏ) ప్రారంభోత్సవం గురువారం ఘనంగా జరిగింది. ఇండియన్‌ రైల్వే సర్వీస్‌ ఆఫ్‌ మెకానికల్‌ ఇంజినీరింగ్‌ చీఫ్‌ వర్క్‌షాప్‌ మేనేజర్‌ అకాసి దేవసహాయం ముఖ్యఅతిథిగా హాజరయ్యారు. అనంతరం ఆయన మాట్లాడారు. ఈ కార్యక్రమంలో స్కూల్‌ ఆఫ్‌ ఇంజినీరింగ్‌ టెక్నాలజీ డైరెక్టర్‌ ప్రొఫెసర్‌ పి.మల్లికార్జున, అసోసియేషన్‌ అధ్యక్షురాలు డాక్టర్‌ పి.స్నేహలత, ఉపాధ్యక్షురాలు పి.వింధ్య, కార్యదర్శి పి.హర్షిత, సహాయ కార్యదర్శులు ఎస్‌.రమ్యశ్రీ, ఇ.కీర్తి పాల్గొన్నారు.

వేంకటేశ్వరస్వామి దివ్యాంగులను కాపాడాలని వేడుకుంటున్నాం. ఈ కూటమి ప్రభుత్వం మాకొద్దు. ఓట్లు వేసి గెలిపిస్తే.. దివ్యాంగులను రోడ్లపై కుర్చోబెట్టారు. 4 గంటల పాటు ఎండలో ధర్నా చేసి పలువురు రోగులు నానా ఇబ్బందులు పడ్డారు. అయినా అధికారులకు కనికరం లేదు. కూటమి ప్రభుత్వం దివ్యాంగులపై కక్షకట్టినట్లు భావిస్తున్నాం. న్యాయం కోసం పెద్ద ఎత్తున పోరాటాలు చేస్తాం. – చంద్రశేఖర్‌, దివ్యాంగుల జేఏసీ రాష్ట్ర అధ్యక్షుడు దివ్యాంగుల జీవితాలు అంధకారం అనేక ఆరోగ్య సమస్యలతో అవస్థలు పడుతున్న దివ్యాంగుల జీవితాలను కూటమి ప్రభుత్వం అంధకారంలోకి నెట్టేస్తోంది. అయినా కనికరం లేకుండా ఫించన్లు తొలగించారు. మేమంతా ఏ పార్టీకి చెందినవాళ్లం కాదు. మా జీవనమే కష్టంగా ఉంది. ఏ పార్టీకి చెందిన ముఖ్యమంత్రులు ఇలా దివ్యాంగుల పింఛన్లు తొలగించలేదు. చంద్రబాబునాయుడు ప్రభుత్వం ఇలా చేయడం న్యాయం కాదు. – మధులత, దివ్యాంగుల సేవా సమితి జిల్లా మహిళా అధ్యక్షురాలు

రేణిగుంట : రేణిగుంట విమానాశ్రయం సమీపంలోని ఇంటర్నేషనల్‌ ఇన్‌స్టిట్యూట్‌ ఆఫ్‌ డిజిటల్‌ టెక్నాలజీస్‌లో ఏర్పాటు చేసిన రతన్‌ టాటా ఇన్నోవేషన్‌ సెంటర్‌ను బుధవారం రాష్ట్ర ముఖ్యమంత్రి చంద్రబాబు అమరావతి నుంచి వర్చువల్‌ విధానంలో ప్రారంభించారు. స్థానిక ఎమ్మెల్యే బొజ్జల సుధీర్‌ రెడ్డి, కలెక్టర్‌ డాక్టర్‌ వెంకటేశ్వర్‌ జ్యోతి ప్రజ్వలన చేసి శిలాఫలకాన్ని ఆవిష్కరించారు. కార్యక్రమంలో తిరుపతి ఎస్వీ యూనివర్సిటీ వైస్‌ చాన్సలర్‌ ఆచార్య అప్పారావు, జాయింట్‌ కలెక్టర్‌ శుభం బన్సల్‌, ట్రైనీ కలెక్టర్‌ సందీప్‌ రఘువంశీ, ఆర్డీవో భానుప్రకాష్‌, తహసీల్దార్‌ చంద్రశేఖర్‌ రెడ్డి, పరిశ్రమల యాజమాన్యాలు, అధికారులు పాల్గొన్నారు. అయితే టాటా ఇన్నోవేషన్‌ సెంటర్‌ ప్రారంభోత్సవం సందర్భంగా ఏర్పాటు చేసిన సమావేశంలో పాల్గొన్న ఓ ఉద్యోగికి ఫిట్స్‌ రావడంతో అధికారులు ఆందోళన చెందారు. అతడిని పోలీసు వాహనంలో ఆస్పత్రికి తరలించారు.

తిరుపతి సిటీ : స్థానిక ఎయిర్‌ పాస్‌ రోడ్డులోని ఆకాష్‌ ఎడ్యుకేషన్‌ సర్వీసెస్‌ ఆధ్వర్యంలో ఆంథే–2025 పేరుతో విద్యార్థులకు స్కాలర్‌ షిప్‌ పరీక్ష నిర్వహించనున్నట్లు స్టేట్‌ అకడమిక్‌ ఆపరేషన్‌ హెడ్‌ ఆర్‌వీఎస్‌ఎన్‌ మూర్తి తెలిపారు. బుధవారం ఆకాష్‌ సంస్థలో ఏర్పాటు చేసిన మీడియా సమావేశంలో ఆయన మాట్లాడుతూ.. ఆర్థికంగా వెనుకబడిన విద్యార్థులకు, మెరిట్‌ విద్యార్థులు తమ ప్రతిభను నిరూపించుకుని రూ.కోట్లలో స్కాలర్‌ షిప్‌లు పొందుతూ సంస్థలో ఐఐటీ, జేఈఈ, నీట్‌ పరీక్షలకు ఉచిత కోచింగ్‌ పొందేందుకు సంస్థ అవకాశం కల్పించిందన్నారు. ఆన్‌లైన్‌లో అక్టోబర్‌ 4వతేదీ నుంచి 12 వరకు, ఆఫ్‌లైన్‌ ద్వారా అక్టోబర్‌ 5వ, 12వ తేదీలలో పరీక్ష నిర్వహిస్తామని తెలిపారు. విద్యార్థులకు కేవలం రూ.150తో రిజిస్ట్రేషన్‌ చేసుకోవాలని సూచించారు. రిజిస్ట్రేషన్‌ చేసుకున్న ప్రతి విద్యార్థికి రూ.5వేల విలువగల ఆన్‌లైన్‌ స్టడీమెటీరియల్‌ అందిస్తామని తెలిపారు. సమావేశంలో రీజనల్‌ సేల్స్‌ హెడ్‌ నిశాంత్‌ మిశ్రా, సీనియర్‌ అసిస్టెంట్‌ డైరెక్టర్‌ సీహెచ్‌ విజయ్‌ కుమార్‌, రీజినల్‌ మార్కెటింగ్‌ హెడ్‌ నరసింహులు, బ్రాంచ్‌ మేనేజర్‌ సుబ్రమణ్యం పాల్గొని ఆంథే స్కాలర్‌ షిప్‌కు సంబంధించిన పోస్టర్‌ను విడుదల చేశారు.రైలు ఢీకొని టీటీడీ కాంట్రాక్ట్‌ ఉద్యోగి మృతిపుత్తూరు: స్థానిక రైల్వేస్టేషన్‌ సమీపంలో మంగళవారం రాత్రి రైలు ఢీకొని ఎం.శ్రావణ్‌కుమార్‌(31) అనే యువకుడు మృతి చెందాడు. స్థానిక లక్ష్మీనగర్‌ కాలనీలో నివాసము న్న శ్రావణ్‌కుమార్‌ నాగలాపురంలోని వేదనారా యణస్వామి ఆలయంలో నాదస్వర విద్వాన్‌గా కాంట్రాక్ట్‌ బేసిక్‌పై పనిచేస్తున్నాడు. బహిర్భూమికి వెళ్లి ప్రమాదవశాత్తు మృతి చెందినట్లు కుటుంబ సభ్యులు తెలిపారు. రైల్వే పోలీసులు పోస్టుమార్టం అనంతరం మృతదేహాన్ని బంధువులకు అప్పగించారు. మృతుడికి భార్య, కుమారుడు ఉన్నారు.

చిల్లకూరు:రైల్వేస్టేషన్లను అత్యాధునికంగా అభివృద్ధి చేసేందుకు రైల్వేశాఖ ప్రణాళిక సిద్ధం చేస్తున్నట్లు రైల్వే డీఆర్‌ఎం మోహిత్‌ తెలిపారు. బుధవారం గూడూరు రైల్వేస్టేషన్‌ను ఆయన తనిఖీ చేశారు. డీఆర్‌ఎం మాట్లాడుతూ ప్రయాణికులకు పకడ్బందీగా మౌలిక వసతులు కల్పిస్తున్నట్లు వెల్లడించారు. గూడూరు రైల్వేజంక్షన్‌ ఆధునికీకరణకు చర్యలు చేపట్టనున్నట్లు వివరించారు. ప్లాట్‌ఫామ్‌పై క్యాంటిన్‌లతోపాటు రైల్వే ట్రాక్‌లను పరిశుభ్రంగా తీర్చిదిద్దాలని అధికారులను ఆదేశించారు. రెండో పట్టణం వైపు సైతం టికెట్‌ కౌంటర్‌ను త్వరలోనే ప్రారంభించనున్నట్లు తెలిపారు. అనంతరం కృష్ణపట్నం పోర్టుకు వెళ్లే రైల్వే మార్గం తనిఖీ చేశారు. స్టేషన్‌ మేనేజర్‌ వెంకటేశ్వరరావు పాల్గొన్నారు. గాయపడ్డ లారీ డ్రైవర్‌ మృతి నాయుడుపేట టౌన్‌ : పట్టణ పరిధిలోని అంబేడ్కర్‌ విగ్రహం సమీపంలో రహదారిపై మంగళవారం రాత్రి జరిగిన రోడ్డు ప్రమాదంలో తీవ్రంగా గాయపడి చికిత్స పొందుతున్న లారీ డ్రైవర్‌ మస్తానయ్య(56) బుధవారం మృతి చెందినట్లు పోలీసులు తెలిపారు. పోలీసులు తెలిపిన మేరకు వివరాలు.. కసుమూరు గ్రామానికి చెందిన మస్తానయ్య లారీలో ధాన్యం లోడింగ్‌ కోసం నాయుడుపేటకు వచ్చాడు. మంగళవారం రాత్రి మరో ఇద్దరు డ్రైవర్లతో కలిసి అంబేడ్కర్‌ విగ్రహం సమీపంలోని రహదారిపై నడిచి వస్తున్నారు. ఈ క్రమంలో ఓజిలి మండలం కర్రబల్లవోలు గ్రామానికి చెందిన ఆటో డ్రైవర్‌ అంకయ్య ఆటోను వేగంగా ముగ్గురిని ఢీకొన్నాడు. దీంతో ఆటో అంకయ్యపై పడడంతో తీవ్రంగా గాయపడ్డాడు. పరిస్థితి విషమంగా ఉండడంతో నెల్లూరుకు తరలించారు. అక్కడ చికిత్స పొందుతూ బుధవారం మృతి చెందాడు. దీంతో పోలీసులు కేసు నమోదు చేశారు.

తిరుపతి తుడా : ప్రపంచ దోమల నివారణ దినోత్సవంలో భాగంగా జిల్లా వైద్య ఆరోగ్య శాఖ ఆధ్వర్యంలో దోమల నివారణపై అవగాహన ర్యాలీ నిర్వహించారు. బుధవారం జిల్లా వైద్య శాఖ కార్యాలయం నుంచి ప్రారంభమైన ర్యాలీలో డాక్టర్‌ శైలజ, జిల్లా మలేరియా అధికారి డాక్టర్‌ జీకే రూప్‌కుమార్‌ పాల్గొన్నారు. ఈ సందర్భంగా వారు మాట్లాడుతూ.. దోమలు లేని గ్రామం, దోమలు లేని నగర నిర్మాణానికి ప్రతి వ్యక్తి కృషి చేయాలని సూచించారు. ఈ కార్యక్రమంలో డాక్టర్‌ శ్రీనివాసులు, డాక్టర్‌ మురళీకృష్ణ, డాక్టర్‌ రెడ్డి ప్రసాద్‌, డాక్టర్‌ మధు, ఆరోగ్యశాఖ అధికారులు, వైద్యులు, సిబ్బంది పాల్గొన్నారు.

నాయుడుపేట పట్టణంలోని మూకాంబిక ఆలయం వీధిలో నివా సం ఉంటున్నాం. పిల్లలకు వివాహాలు చేశాం. భార్యతో కలిసి ఇద్దరమే ఉంటున్నాం. నాకు బ్రెయిన్‌ స్టోక్‌ రావడంతో మంచానికే పరిమితం అయ్యాను. దాంతో సదరం సర్టిఫికెట్‌ 95 శాతం వికలత్వం ఇచ్చారు. రూ.15 వేలు పింఛన్‌ తీసుకుంటున్నాను. అయితే రెండు రోజుల క్రితం నా ఫించన్‌ రూ.4 వేలకు తగ్గించామని చెప్పారు. రూ.15 వేలు వైద్య ఖర్చులకు చాలడం లేదు. అప్పులు చేస్తున్నాం. అయితే ప్రస్తుతం పింఛన్‌ రూ.4 వేలు చేస్తే ఎలా బతకాలి. – తుమ్మూరు శ్రీరాములు, నాయుడుపేట

తిరుపతి ఎడ్యుకేషన్‌ : తపాలా బిళ్లలు సేకరించేలా విద్యార్థులను ప్రోత్సహించేందుకు భారత ప్రభుత్వం దీన్‌దయాళ్‌ స్పర్స్‌ యోజన్‌ పథకాన్ని ప్రవేశపెట్టినట్లు తిరుపతి డివిజన్‌ పోస్టాఫీసుల సీనియర్‌ సూపరింటెండెంట్‌ తెలిపారు. ఈ పథకం విద్యార్థులు తమ హాబీని అభివృద్ధి చేసుకోవడమే కాకుండా చరిత్ర, సంస్కృతి, విజ్ఞాన శాస్త్రం, భూగోళ శాస్త్రం వంటి విభాగాలపై అవగాహన పెంచుకోవడానికి దోహదపడుతుందని పేర్కొన్నారు. 6 నుంచి 9వ తరగతి చదివే విద్యార్థులకు నెలకు రూ.500 చొప్పున ఏడాది వరకు రూ.6 వేలు నగదును స్కాలర్‌షిప్‌గా వారి పోస్టల్‌ ఖాతాలో జమచేయనున్నట్లు తెలిపారు. అర్హత కలిగిన విద్యార్థులు సెప్టెంబరు 16వ తేదీలోపు దరఖాస్తులను సీనియర్‌ సూపరింటెండెంట్‌ ఆఫ్‌ పోస్టాఫీసెస్‌, తిరుపతి డివిజన్‌, తిరుపతి – 517501 చిరునామాకు స్పీడు పోస్ట్‌ ద్వారా పంపించాలని, స్పీడ్‌ పోస్టు రుసుమును ఫిలాటెలి స్టాంపుల రూపంలో కవరకు అంటించాలని తెలిపారు. మరిన్ని వివరాలకు సమీపంలోని పోస్టాఫీసును సంప్రదించాలని తెలిపారు. ఎంపిక ఇలా.. అర్హతలు ఇవే..

తిరుపతి ఎడ్యుకేషన్‌ : ఉమ్మడి చిత్తూరు జిల్లా నుంచి క్రికెటర్లు ఇండియాకు ఆడాలన్నదే లక్ష్యమని చిత్తూరు జిల్లా క్రికెట్‌ అసోసియేషన్‌ అధ్యక్షుడు, ఏసీఏ జాయింట్‌ సెక్రటరీ విజయ్‌కుమార్‌ తెలిపారు. తిరుపతిలోని ఓ హోటల్‌లో నిర్వహించిన విలేకర్ల సమావేశంలో ఆయన మాట్లాడారు. ఉమ్మడి చిత్తూరు జిల్లాతో పాటు రాష్ట్రంలో క్రికెట్‌ను అన్ని విధాలుగా అభివృద్ధి చేయడానికి కృషి చేస్తానని పేర్కొన్నారు. అన్ని కేటగిరిల్లో క్రికెటర్లకు మ్యాచులు నిర్వహించి వారి ప్రతిభను నిరూపించుకునేందుకు అవకాశాలు కల్పిస్తున్నట్లు తెలిపారు. అనంతరం ఇటీవల కడపలో నిర్వహించిన రాష్ట్ర స్థాయి పోటీల్లో ఛాంపియన్స్‌గా నిలిచిన అండర్‌–16 బాయ్స్‌ జట్టు, అలాగే అనంతపురంలో నిర్వహించిన సౌత్‌ జోన్‌ ఛాంపియన్స్‌ పోటీల్లో ఛాంపియన్స్‌గా నిలిచిన అండర్‌–23 సీనియర్స్‌ ఉమెన్స్‌ జట్టు సభ్యులను సన్మానించారు. కార్యక్రమంలో సీడీసీఏ కార్యదర్శి రవి, కోశాధికారి గిరి ప్రకాష్‌, ఉపాధ్యక్షుడు శ్రీనివాసమూర్తి, శ్రీధర్‌, జాయింట్‌ సెక్రటరీ సతీష్‌ యాదవ్‌, సభ్యులు, క్రికెటర్లు పాల్గొన్నారు.

ఏర్పేడు : ఏర్పేడు సమీపంలోని తిరుపతి ఐఐటీలో బుధవారం ఐఐటీ డైరెక్టర్‌ డాక్టర్‌ కేఎన్‌ సత్యనారాయణ ఆధ్వర్యంలో బ్యూరో ఆఫ్‌ ఇండియన్‌ స్టాండర్డ్స్‌ సహకారంతో హాఫ్‌–డే ఫ్యాకల్టీ సెన్సిటైజేషన్‌ కార్యక్రమాన్ని నిర్వహించారు. ఈ కార్యక్రమం అధ్యాపకులు, పరిశోధనా పండితులు, విద్యార్థులలో ప్రామాణీకరణ కీలక పాత్ర, ప్రస్తుతం అందుబాటులో ఉన్న సహకార అవకాశాల గురించి అవగాహన కల్పించారు. ఐఐటీ డైరెక్టర్‌ మాట్లాడుతూ.. సివిల్‌ ఇంజినీరింగ్‌ అధ్యయనాల సమయంలో భారతీయ ప్రమాణాలను ఉపయోగించడంలో తన వ్యక్తిగత అనుభవాన్ని పంచుకున్నారు. అధ్యాపకులు, విద్యార్థులు ప్రామాణీకరణ పర్యావరణ వ్యవస్థకు తోడ్పడాలన్నారు. బ్యూరో ఆఫ్‌ ఇండియన్‌ స్టాండర్డ్స్‌తో ఐఐటీ డైరెక్టర్‌ కేఎన్‌ సత్యనారాయణ, శాస్త్రవేత్త, డైరెక్టర్‌ చిన్మయ్‌ ద్వివేదితో భాగస్వామ్య ఒప్పందం కుదుర్చుకున్నారు. కార్యక్రమంలో నోడల్‌ ఆఫీసర్‌ డాక్టర్‌ శ్రీధర్‌ చిమలకొండ, నేహా యాదవ్‌, ధరమ్‌సోత్‌ సంతోష్‌ పాల్గొన్నారు.

తిరుపతి సిటీ: కేంద్ర ప్రభుత్వం ప్రవేశపెట్టిన నూతన విద్యావిధానంతో సత్వర దేశాభివృద్ధి చెందుతుందని ఎస్వీయూ వీసీ అప్పారావు తెలిపారు. ఏబీఆర్‌ఎస్‌ఎం, వాయిస్‌ ఆఫ్‌ తిరుపతి అకడమీషియన్స్‌ సంయుక్తంగా ఎన్‌ఈపీ–2020 విధానాన్ని ప్రవేశపెట్టి ఐదేళ్లు పూర్తయిన సందర్భంగా ఎస్వీయూ సెనేట్‌ హాల్‌లో బుధవారం ఎన్‌ఈపీ – 2020 ఎట్‌ ది రేట్‌ ఫైవ్‌ ఇయర్స్‌, పాలసీ, ప్రాక్టీస్‌ అండ్‌ ప్రోగ్రెస్‌ అన్న అంశంపై సదస్సు నిర్వహించారు. ఇందులో ఆయన ముఖ్యఅతిథిగా పాల్గొన్నారు. ఆయన మాట్లాడుతూ కేంద్రం 2020లో నూతన విద్యావిధానాన్ని ప్రారంభించిందని తెలిపారు. గత ఐదేళ్లుగా కేజీ టూ పీజీ వరకు ఎన్‌ఈపీని అమలు చేస్తున్నారని తెలిపారు. ఏబీఆర్‌ఎస్‌ఎం జాతీయ సహ సంఘటనా కార్యదర్శి గుంతా లక్ష్మణ్‌ మాట్లాడుతూ చైనా, జపాన్‌, జర్మనీ వంటి దేశాలు ఎంతో అభివృద్ధి చెందుతున్నాయని తెలిపారు. అక్కడ ప్రాథమిక స్థాయి నుంచి ఉన్నత విద్య వరకు అంతా మాతృభాషలోనే జరుగుతుందని తెలిపారు. భారతదేశంలో విద్యార్థి అభిరుచికి అనుగుణంగా మాతృభాషలోనే విద్యను బోధించే అవకాశాన్ని నూతన జాతీయ విద్యా విధానం కల్పిస్తుందని తెలిపారు. దేశంలో వున్న అన్ని పాఠశాలల్లో మౌలిక వసతుల కోసం బడ్జెట్లో కేటాయిస్తున్న జీడీపీ కనీసం 6 శాతం పెంచాలని కేంద్ర, రాష్ట్ర ప్రభుత్వాలకు విజ్ఞప్తి చేశారు. బోధన, బోధనేతర ఖాళీలను భర్తీ చేయాలని, తరగతి గదులను ఆధునీకరించాలని తెలిపారు. కార్యక్రమంలో ఏబీఆర్‌ఎస్‌ఎం రాష్ట్ర అధ్యక్షులు వైవీ రామిరెడ్డి, ఉపాధ్యక్షురాలు ప్రొఫెసర్‌ సి.వాణి, కన్వీనర్‌ ప్రొఫెసర్‌ ఎం రాజశేఖర్‌, అదనపు ప్రధాన కార్యదర్శి డాక్టర్‌ జి రాజశేఖర్‌ , డాక్టర్‌ రమేష్‌ బాబు, డాక్టర్‌ ఎన్‌ బాలసుబ్రమణ్యం, ప్రొఫెసర్‌ రంజని, డాక్టర్‌ శ్రీలత, డాక్టర్‌ సంధ్య, హైదరాబాద్‌ వర్సిటీ మాజీ వీసీ ప్రొఫెసర్‌ అప్పారావు, వాయిస్‌ ఆఫ్‌ తిరుపతి అకడమిషియన్స్‌, పెద్ద సంఖ్యలో అధ్యాపకులు, 300 మంది విద్యావేత్తలు పాల్గొన్నారు.

దొరవారి సత్రం మండలంలోని కుప్పరెడ్డిపాలెం ఎస్సీ కాలనీలో నివాసం ఉంటున్నా. నాకు పక్షవాతంతో రెండు చేతులు పనిచేయడం లేదు. నాకు రూ.6 వేలు పింఛన్‌ ప్రతి నెలా వస్తోంది. పేద కుటుంబానికి చెందిన వాళ్లం. అయితే ప్రస్తుతం నా పింఛన్‌ తొలగించారు. నా పరిస్థితి ఎంతో దారుణంగా ఉంది. నాకు న్యాయం చేయండి. అధికారులు మరోసారి వచ్చి పరిశీలన చేయండి. – తిరుమల్లి పాపయ్య, దొరవారిసత్రం మండలం●తిరుపతి అర్బన్‌ : వ్యాధిగ్రస్తులు, దివ్యాంగులు, వృద్ధులు తీసుకుంటున్న పింఛన్లను తనిఖీ పేరుతో తొలగిస్తున్నారు. సెప్టెంబర్‌లో వృద్ధుల పింఛన్‌ రీవెరిఫికేషన్‌కు సన్నద్ధం అవుతున్నట్లు తెలుస్తోంది. ఒక్కో పింఛన్‌దారుడిది ఒక్కో ఆవేదన, ముందే పింఛన్ల డబ్బులు వైద్యం ఖర్చులకు సరిపోకపోవడంతో తిప్పలు పడుతుంటే...ఆ బాధలు చాలవంటూ పింఛన్ల తొలగింపు, మార్పుపై ఆందోళన చెందుతున్నారు. అనారోగ్యంతో బాధపడుతుంటే ఇలా ఆఫీసుల చుట్టూ తిరగమని చెప్పడం ఎంత వరకు న్యాయం అంటూ పింఛన్‌దారులు వాపోతున్నారు. ప్రస్తుతం రూ.15 వేలు పింఛన్‌ తీసుకునే రోగులు జిల్లాలో 1199 మంది కిడ్నీ, గుండె, లివర్‌ తదితర తీవ్రమైన అనారోగ్యంతో బాధపడుతున్న నేపథ్యంలో వారికి రూ.10 వేల నుంచి రూ.15 వేల పింఛన్లు ఇస్తున్నారు. అయితే ఇటీవల పింఛన్ల రీ వెరిఫికేషన్‌ చేసిన సంగతి తెలిసిందే. రూ.15 వేలు తీసుకుంటున్న వారిలో 477 మందిని రూ.6 వేలు పింఛన్లకు , అలాగే 28 మందిని రూ. 4 వేలు పింఛన్‌కు మార్పు చేశారు. 592 మందిని మాత్రమే రూ.15 వేలకు అలానే ఉంచారు.102 మంది పింఛన్లను పూర్తిగా రద్దు చేశారు. రూ.6 వేలు పింఛన్‌ తీసుకుంటున్న దివ్యాంగులు ప్రస్తుతం రూ.6 వేలు తీసుకునే దివ్యాంగులు 21,570 మంది మిగిలారు. రూ. 6 వేలు పింఛన్లు తీసుకుంటున్న దివ్యాంగులు జిల్లాలో 31,069 మంది ఉన్నారు. వారిలో 21,570 మందిని అలానే ఉంచారు. 1708 మందిని రూ.4 వేలకు మార్పు చేశారు. మిగిలిన 7,791 మంది పింఛన్లు తొలగించారు. మూగ, చెవుడు ఉన్నా పింఛన్‌ కోత పెట్టారు.. నాకు మూగ, చముడు ఉండడంతో దివ్యాంగుల పింఛన్‌ ఇస్తున్నారు. అయితే ఇప్పుడు పింఛన్‌ తొలగించినట్లు నోటీసులు ఇచ్చారు. ఎందుకు తొలగించారో తెలియడం లేదు. పింఛన్‌ డబ్బు ప్రతి నెలా రూ.6 వేలు వస్తుంది. దాంతో మా కుటుంబం సభ్యులు నన్ను బాగా చూసుకునే వారు. సెప్టెంబర్‌ నుంచి నా జీవనం నాకే అర్థం కావడం లేదు. నాకు పింఛన్‌ ఇప్పించి , న్యాయం చేయండి. – సోడవరం చంద్రశేఖర్‌, బాలాయపల్లి మండలం పరిశీలన కోసం మరో నోటీసు ఇస్తాం దివ్యాంగులు, వివిధ వ్యాధులతో బాధపడుతున్న రోగులు పింఛన్లు తొలగిస్తున్నట్లు నోటీసులు ఇచ్చిన నేపథ్యంలో రూరల్‌ ప్రాంతంలోని వారు ఎంపీడీవో ఆఫీస్‌, అర్బన్‌ ప్రాంతంలోని వారు మున్సిపల్‌ ఆఫీస్‌లో సంప్రదించాలి. ఓ అర్జీని అధికారులకు ఇవ్వండి. పింఛన్లు తొలగించిన వారికి మరో నోటీసు ఇస్తాం. ఆ నోటీసులో తిరిగీ మళ్లీ ఆస్పత్రిలో తనిఖీ కోసం రావాల్సి ఉంటుంది. ఏ ఆస్పత్రికి రావాల్సి ఉంటుందని అనే వివరాలను త్వరలో తెలియజేస్తాం. లేదా సచివాలయంలో తెలుసుకోవచ్చు. – వెంకటేశ్వర్‌, జిల్లా కలెక్టర్‌, తిరుపతి రెండేళ్ల నుంచి దివ్యాంగుల పింఛన్‌ వస్తోంది మాది వరదయ్యపాళెం మండలం, సిద్దాపురం గ్రామం. రెండేళ్ల క్రితం రోడ్డు ప్రమాదంలో కాలు విరిగింది. దాంతో దివ్యాంగుడయ్యాను. అప్పటి నుంచి దివ్యాంగుల పింఛన్‌ ఇస్తున్నారు. నాకు 65 శాతం వికలత్వం ఉంది. అయితే తాజాగా చేసిన సర్వేలో నాకు 40 శాతమే వికలత్వం ఉందని సదరం సర్టిఫికెట్‌ ఇచ్చారు. దీంతో పింఛన్‌ తొలగించారు. నాకు న్యాయం చేయా లని కోరుతున్నా. – హెచ్‌.లోకయ్య, వరదయ్యపాళెం మండలంఒక చెయ్యి పూర్తిగా పనిచేయదు మాది బాలాయపల్లి మండలం కడగుంట గ్రామం. పదేళ్లుగా నాకు ఒక చెయ్యి పనిచేయడం లేదు. దీంతో దివ్యాంగుల పింఛన్‌ ఇస్తున్నారు. ఇప్పటికీ ఒక చెయ్యి పనిచేయదు. అయితే నాకు పింఛన్‌ తొలగించా రు. వచ్చే నెల నుంచి నేను ఎలా జీవనం సాగించాలో తెలియడం లేదు. ఇలా చేయడం ఎంత వరకు న్యాయమో ప్రభుత్వం ఆలోచన చేయాలి. తిరిగి నా పింఛన్‌ ఇప్పించాలని వేడుకుంటున్నా. – కంచి పార్వతమ్మ, బాలాయపల్లి మండలం వృద్ధుల పింఛన్లు 12,211 తగ్గింపు కూటమి ప్రభుత్వం అధికారంలోకి వచ్చిన తర్వాత ప్రతి నెలా ఎన్టీఆర్‌ సామాజిక భద్రత పింఛన్ల కోత కొనసాగుతూనే ఉంది. గత ఏడాది జూన్‌లో 2,71,183 మందికి పింఛన్లు అందించారు. ఈ ఏడాది ఆగస్టులో 2,58,972 మందికి పింఛన్లు ఇవ్వనున్నారు. కూటమి సర్కారు అధికారంలోకి వచ్చి 14 నెలలు గడుస్తోంది. ఇప్పటి వరకు 12,211 పింఛన్లు తగ్గించారు. పింఛన్ల సంఖ్య ఎందుకు తగ్గుతున్నాయని డీఆర్‌డీఏ అధికారులను ప్రశ్నిస్తే వారంతా మృతి చెందారని సమాధానం ఇస్తున్నారు. అంటే కూటమి ప్రభుత్వం వచ్చాక 14 నెలల్లో పింఛన్లు తీసుకుంటున్న వారు 12,211 మంది మృతి చెందారా..? అంటూ అంతా చర్చించుకుంటున్నారు.రూ.6 వేలు పింఛన్‌ రద్దయింది.. నేను ప్రతి నెలా రూ.6 వేలు పింఛన్‌ తీసుకుంటున్నా. అయితే నా పింఛన్‌ తొలగించారు. నాకు చెవుడు ఉంది. చిల్లకూరు మండలంలోని పొన్నవోలు గ్రామంలో ఉంటున్నాం. నా వయస్సు 65 ఏళ్లు, దివ్యాంగులకు ఇస్తు న్న రూ.6 వేలు పింఛన్‌ తొలగిస్తే కనీసం రూ.4 వేలు వృద్ధులకు ఇచ్చే పింఛన్‌ కూడా ఇవ్వలేదు. ఇది ఎంత వరకు న్యాయం. – తమ్మిశెట్టి వెంకటరమణయ్య, చిల్లకూరు మండలం పింఛన్‌తోనే జీవనం సాగిస్తున్నా.. మాది తిరుపతి రూరల్‌లోని వడ్డ్పిల్లి గ్రామం. ఏళ్ల తరబడి దివ్యాంగుల పింఛను తీసుకుంటున్నా. అయితే ఇటీవల సచివాలయ ఉద్యోగులు నోటీసు ఇచ్చారు. వచ్చే నెల నుంచి పింఛన్లు ఇవ్వడం లేదని చెప్పారు. కలెక్టరేట్‌ కార్యాలయంలోనూ న్యాయం కోసం అర్జీ ఇచ్చా. కేవలం పింఛన్‌తో జీవనం సాగిస్తున్నా. పింఛన్‌ నాకు తిరిగి ఇప్పించండి. – ఆర్ముగం, తిరుపతి రూరల్‌

తిరుపతి సిటీ : నగరంలోని సీకామ్‌ డిగ్రీ కళాశాలలో విద్యార్థులకు వైల్డ్‌లైఫ్‌ ఫొటోగ్రఫీపై ఇంటర్నేషనల్‌ బుక్‌ ఆఫ్‌ రికార్డ్స్‌ హోల్డర్‌ ఇనేష్‌ సిద్ధార్థ అవగాహన కల్పించారు. బుధవారం ఈ మేరకు ఆయన మాట్లాడుతూ బేసిక్స్‌, మాక్రో ఫొటోగ్రఫీ, ప్రొడక్ట్‌ ఫొటో గ్రఫీ, ఫుడ్‌ ఫొటోగ్రఫీ, న్యూబార్న్‌ ఫొటోగ్రఫీ తదితర అంశాల్లో మెలకువలను నేర్పించారు. దివ్యాంగులకు ఉచిత శిక్షణ తిరుపతి అర్బన్‌ : జిల్లాలోని నిరుద్యోగ దివ్యాంగ యువతకు ఉచితంగా కంప్యూటర్‌ , కమ్యూనికేషన్‌ స్కిల్స్‌లో శిక్షణ ఇస్తామని యూత్‌ 4 జాబ్స్‌ ఫౌండేషన్‌ సంస్థ నిర్వాహకులు మీరా షైనీ బుధవారం ఒక ప్రకటనలో పేర్కొన్నారు. గురువారం సాయంత్రం వరకు అవకాశం ఉందని ఆసక్తి ఉన్నవారు హాజరు కావాలని కోరారు. ప్రధానంగా శారీరక దివ్యాంగులు, మూగ, చెవుడు లోపాలు ఉన్న వారికి ప్రాధాన్యం ఉంటుందని చెప్పారు. 10వ తరగతి, ఇంటర్‌, డిగ్రీ, పీజీ, ఐటీఐ, డిప్లొమా చేసిన వారు 19–34 ఏళ్ల వయస్సు ఉన్నవారు మాత్రమే అర్హులుగా పేర్కొన్నారు. అదనపు సమాచారం కోసం 9347411952, 93929 23884 నంబర్‌ను సంప్రదించాలని సూచించారు. పది మంది ఆటో డ్రైవర్లకు జైలు తిరుపతి లీగల్‌ : అధిక మోతాదులో మద్యం తాగి తిరుపతిలో నిర్లక్ష్యంగా ఆటోలు నడుపుతున్న పది మంది డ్రైవర్లకు ఒక్కొక్కరికి మూడు రోజులు చొప్పున జైలు శిక్ష, ఒక్కొక్కరికి పదివేల రూపాయల చొప్పున జరిమానా విధిస్తూ తిరుపతి నాల్గవ అదనపు జూనియర్‌ సివిల్‌ జడ్జ్‌ గ్రంధి శ్రీనివాస్‌ బుధవారం తీర్పు చెప్పారు. తిరుపతి జిల్లా ఎస్పీ ఆదేశాల మేరకు తిరుపతి ట్రాఫిక్‌ పోలీసులు నగరంలో తనిఖీలు నిర్వహించారు. అలాగే స్వల్ప మోతాదులో మద్యం తాగి వాహనాలు నడుపుతున్న 11 మందికి ఒక్కొక్కరికి పదివేల రూపాయల చొప్పున జరిమానా విధిస్తూ న్యాయమూర్తి తీర్పు చెప్పారు. రేపు జర్మన్‌ భాషపై శిక్షణ ప్రారంభంతిరుపతి అర్బన్‌ : జర్మన్‌ భాషపై ఉచిత శిక్షణ కార్యక్రమాన్ని శుక్రవారం తిరుపతిలోని శ్రీబాబు జగ్జీవన్‌ భవనంలో మధ్యాహ్నం 3 గంటలకు ప్రారంభిస్తున్నట్లు బుధవారం ఎస్సీ సంక్షేమ సాధికారిత అధికారి విక్రమకుమార్‌రెడ్డి ఒక ప్రకటనలో వెల్లడించారు. కార్యక్రమానికి సాంఘిక సంక్షేమ శాఖ మంత్రి డోలా బాలావీరాంజనేయస్వామి, సాంఘికశాఖ సంచాలకులు లావణ్య వేణి హాజరు కానున్నారని చెప్పారు. ఎస్సీలు 25 మంది, ఎస్టీలు 25 మంది మహిళలకు ఉచిత వసతితో పాటు జర్మన్‌ భాషపై శిక్షణ ఉంటుందని చెప్పారు. సాంఘిక సంక్షేమశాఖతో పాటు గిరిజన సంక్షేమశాఖ, జిల్లా నైపుణ్యాభివృద్ధి సంస్థ సంయుక్తంగా ఈ కార్యక్రమాన్ని నిర్వహిస్తారని వివరించారు. ఆటో చోరీ కేసులో జైలు తిరుపతి లీగల్‌: ఆటో చోరీ కేసులో వైఎస్సార్‌ కడప జిల్లా, పెండ్లిమర్రి మండలం, తుమ్మలూరుకు చెందిన అనిల్‌కుమార్‌కు రెండు నెలల జైలు శిక్ష, వంద రూపాయల జరిమానా విధిస్తూ తిరుపతి రెండవ అదనపు జూనియర్‌ సివిల్‌ జడ్జి కోటేశ్వరరావు బుధవారం తీర్పు చెప్పారు. ఈ ఏడాది మే 22వ తేదీ తిరుపతి, గాంధీపురం, జగ్జీవన్‌ రావు పాఠశాల వద్ద కిషోర్‌ కుమార్‌ తన ఆటోను నిలిపాడు. మరుసటి రోజు వెళ్లి చూడగా ఆటో కనపడలేదు. పోలీసులు కేసు దర్యాప్తు చేసి నిందితుడు అనిల్‌ కుమార్‌ను అరెస్టు చేసి కోర్టులో హాజరు పరిచారు. కేసు పరిశీలించిన న్యాయమూర్తి అనిల్‌ కుమార్‌కు శిక్ష విధిస్తూ తీర్పు చెప్పారు. యథేచ్ఛగా ఇసుక అక్రమ రవాణా నాగలాపురం: మండలంలో ఇసుక అక్రమ రవాణా యథేచ్ఛగా సాగుతోంది. కొంతమంది కూట మి నేతలు అధికారం అండతో రాత్రి, పగలు తేడా లేకుండా ఇసుకను తవ్వి తమిళనాడుకు తరలిస్తున్నారు. ఈ క్రమంలో నాగలాపురం మండలంలోని చిన్నాపట్టు వద్దనున్న అరణియార్‌ నదిలో మంగళవారం అర్ధరాత్రి ఇసుక తవ్వకాలు చేసి ట్రాక్టర్లతో తరలిస్తున్నట్టు పోలీసులకు సమాచారం అందింది. వారు వెంటనే అక్కడికి చేరుకుని దాడి చేశారు. మూడు ట్రాక్టర్లను స్వాధీనం చేసుకుని స్టేషన్‌కు తరలించారు. తర్వాత ఏమి జరిగిందో కాని కేసులు నమోదు చేయకుండా యజమానులకు నామమాత్రంగా జరిమానా విధించి ట్రాక్టర్లను వదిలేశారు. అధికార పార్టీ నాయకుల ఒత్తిడితోనే ట్రాక్టర్లను వదిలేశారని, జిల్లా ఉన్నతాధికారులు ఇసుక అక్రమ రవాణాను అరికట్టాలని స్థానిక ప్రజలు కోరుతున్నారు.

జిల్లాలోని డిగ్రీ కళాశాలల సమాచారం ప్రభుత్వ డిగ్రీ కళాశాలలు 17 ప్రైవేటు డిగ్రీ కళాశాలలు 104 టీటీడీ డిగ్రీ కళాశాలు 5 విభాగాలు 21 అందుబాటులో ఉన్న మొత్తం సీట్ల సంఖ్య 26,755జిల్లాలో 126 కళాశాలలో అడ్మిషన్లు జిల్లాలో ప్రభుత్వ, ప్రైవేటు, టీటీడీ డిగ్రీ కళాశాలల్లో ఎట్టకేలకు ప్రవేశాలకు ప్రారంభం కావడంతో విద్యార్థులు, తల్లిదండ్రులు ఆన్‌లైన్‌లో దరఖాస్తు చేసుకునేందుకు నెట్‌ సెంటర్లను ఆశ్రయిస్తున్నారు. ఉమ్మడి చిత్తూరు జిల్లాలోని సుమా రు 126 డిగ్రీ కళాశాలల్లో 21 విభాగాలలో సింగిల్‌ మేజర్‌ సబ్జెక్ట్‌తో దాదాపు 26,755 సీట్లు భర్తీకి ఉన్నత విద్యామండలి అనుమతించింది. అడ్మిషన్ల ప్రక్రియ దాదాపు నాలుగు నెలలు పాటు ఆలస్యం కావడంతో ప్రైవేటు కళాశాలల యాజమాన్యాలు కనీసం 50శాతం ప్రవేశాల మార్కు దాటేనా అంటూ అంటూ ఆలోచనలో పడ్డాయి. ఇక ప్రభుత్వ డిగ్రీ కళాశాలలో గత ఏడాది 50 శాతం అడ్మిషన్లు సైతం కాకపోవడం ఈ ఏడాది 30శాతం ప్రవేశాలు జరిగేనా అంటూ ఆయా కళాశాలల ప్రిన్సిపాళ్లు ఆత్రుతతో ఎదురు చూస్తున్నారు. తిరుపతి సిటీ : గత నాలుగు నెలలుగా డిగ్రీ ప్రవేశాల కోసం జిల్లాలో సుమారు 30 వేల మంది విద్యార్థుల నిరీక్షణకు ఉన్నత విద్యామండలి ఎట్టకేలకు నోటిఫికేషన్‌ విడుదల చేయడంతో ఊపిరి పీల్చుకున్నారు. ఇంటర్‌ ఫలితాలు ఏప్రిల్‌ మాసంలో విడుదలైనా సింగిల్‌, డబుల్‌ మేజర్‌ అంటూ కమిటీని నియమించి కాలయాపన చేసి ఉన్నత విద్యామండలి బుధవారం నోటిఫికేషన్‌ విడుదల చేసింది. గత ప్రభుత్వం ప్రవేశపెట్టిన సింగిల్‌ మేజర్‌ సబ్జెక్ట్‌నే యూజీలో కొనసాగిస్తూ ప్రవేశాలకు దరఖాస్తు చేసుకోవాలని నోటిఫికేషన్‌లో పేర్కొంది. కాగా పీజీసెట్‌, లాసెట్‌, ఐసెట్‌ కౌన్సెలింగ్‌ ప్రక్రియపై ఇప్పటి వరకు ఎటువంటి సమాచారం అందకపోవడంతో అడ్మిషన్లు ఎప్పుడు జరుగుతాయో అంటూ విద్యార్థులు ఆవేదన వ్యక్తం చేస్తున్నారు. 24 నుంచి వెబ్‌ ఆప్షన్లకు అవకాశం డిగ్రీ ప్రవేశాలకు ఈనెల 26వ తేదీలోపు విద్యార్థులు ఆన్‌లైన్‌ అడ్మిషన్స్‌ మోడ్యుల్‌ ఫర్‌ డిగ్రీ కాలేజెస్‌ (ఓఏఎమ్‌డీసీ) వెబ్‌సైట్‌లో ఆన్‌లైన్‌ పద్ధతిలో తమకు అనుకూలమైన కళాశాలలో డిగ్రీ ప్రవేశాలకు ధరఖాస్తు చేసుకోవాల్సి ఉంటుంది. 24వ తేదీ నుంచి 28 వరకు వెబ్‌ ఆప్షన్లకు అవకాశం ఇచ్చిన ఉన్నత విద్యామండలి 29వ తేదీన వెబ్‌ ఆప్షన్ల మార్పునకు వెసులుబాటు కల్పించింది. 31వ తేదీన మెరిట్‌, రిజర్వేషన్ల ప్రాతిపదికన సీట్ల కేటాయింపు చేయనున్నారు. సెప్టెంబర్‌ 1వ తేదీన ఆయా కళాశాలలో సీట్లు సాధించిన విద్యార్థులు రిపోర్టు చేసి అదే రోజు తరగతులకు హాజరు కావాల్సి ఉంటుంది. హెల్ప్‌డెస్క్‌లు ఏర్పాటు డిగ్రీలో ప్రవేశాల కోసం ఇప్పటికే ఆప్‌లైన్‌ ద్వారా దరఖాస్తు చేసుకున్న విద్యార్థుల అప్లికేషన్లను ప్రత్యేక హెల్ప్‌లైన్‌ డెస్క్‌లను ఏర్పాటు చేసి ఆయా కళాశాలల అధ్యాపకులు ఆన్‌లైన్‌ చేయనున్నట్లు తెలిసింది. ఆఫ్‌లైన్‌లో దరఖాస్తు చేసుకోని అభ్యర్థులు నేరుగా ఆన్‌లైన్‌లో దరఖాస్తు చేసుకోవచ్చని అధికారులు వెల్లడించారు. దరఖాస్తు చేసుకునే క్రమంలో సమస్యలు ఎదురైనా, తెలియకపోయినా సమీపంలోని ప్రభుత్వ డిగ్రీ కళాశాలల్లోని హెల్ప్‌డెస్క్‌ను సంప్రదించి సందేహాలు నివృత్తి చేసుకోనే అవకాశం కల్పించారు. చంద్రగిరి : ఎంపీ పెద్దిరెడ్డి మిథున్‌రెడ్డిని అక్రమంగా అరెస్టు చేసి జైలులో పెట్టడంతో ఆయనకు త్వరగా బెయిల్‌ రావాలంటూ ఆయన అభిమానులు తిరుమల వెంకన్నకు మొక్కుకున్నారు. ఈ మేరకు మూడు రోజుల క్రితం వైఎస్సార్‌సీపీ రాష్ట్ర ప్రచార కమిటీ అధ్యక్షుడు హరిప్రసాద్‌ రెడ్డి ఆధ్వర్యంలో పీలేరు నుంచి తిరుమలకు పాదయాత్రను చేపట్టారు. ఈ క్రమంలో మంగళవారం వారిని పోలీసులు అక్రమంగా అడ్డుకుని, స్టేషన్‌లో నిర్భందించారు. రాత్రి వరకు స్టేషన్‌లోనే ఉంచుకుని ఆపై సొంత పూచీకత్తుపై విడుదల చేశారు. అనంతరం బుధవారం ఉదయం హరిప్రసాద్‌ రెడ్డితో పాటు అభిమానులు శ్రీవారిమెట్టుకు చేరుకున్నారు. ముందుగా అక్కడి స్వామివారికి కొబ్బరికాయలు కొట్టి తిరుమలకు పాదయాత్రను కొనసాగించారు. తిరుమలకు చేరుకున్న వారు శ్రీవారిని దర్శించుకుని, తమ అభిమాన నేత ఎంపీ మిఽథున్‌ రెడ్డికి త్వరగా బెయిల్‌ మంజూరు కావాలని ప్రార్థించినట్లు తెలిపారు. కూటమి ప్రభుత్వంలో రాష్ట్రంలో రాక్షస పాలన సాగిస్తోందన్నారు. శాంతియుతంగా చేస్తున్న పాదయాత్రను అక్రమంగా అడ్డుకుని, నిర్భదించడం దీనికి ఉదాహరణ అన్నారు. కార్యక్రమంలో వైఎస్సార్‌సీపీ విద్యార్థి విభాగం నాయకులు, కార్యకర్తలు, అభిమానులు పాల్గొన్నారు.కాలినడకన తిరుమలకు చేరుకున్న హరిప్రసాద్‌ రెడ్డి బృందంప్రవేశాలకు గ్రీన్‌సిగ్నల్‌ టీటీడీ డిగ్రీ కళాశాలల వివరాలు కళాశాల కళాశాల కోడ్‌ విభాగాలు మొత్తం సీట్లు పద్మావతి డిగ్రీ కళాశాల 18195 21 1550 ఎస్వీ ఆర్ట్స్‌ కళాశాల 20132 20 1417 ఎస్‌జీఎస్‌ కళాశాల 17656 19 1068 ఎస్వీ ఓరియెంటల్‌ కళాశాల 20185 6 300 సికింద్రాబాద్‌ ఎస్వీవీవీఎస్‌ 25519 3 60అటానమస్‌ హోదాలో రెండవ ఏడాది టీటీడీ ఆధ్వర్యంలో నడుస్తున్న ఎస్పీడబ్ల్యూ, ఎస్‌జీఎస్‌, ఎస్వీ ఆర్ట్స్‌, ఓరియంటల్‌ డిగ్రీ కళాశాలల్లో బుధవారం నుంచి అడ్మిషన్ల కోసం రిజిస్ట్రేషన్‌ ప్రక్రియ ప్రారంభమైంది. దీంతో పాటు సికింద్రాబాద్‌లో టీటీడీ ఆధ్వర్యంలో నడుస్తున్న ఎస్వీవీవీఎస్‌ డిగ్రీ కళాశాలల్లో సైతం అడ్మిషన్లుకు రిజిస్ట్రేషన్‌ ప్రారంభించారు. ఎస్పీడబ్ల్యూ, ఎస్వీ ఆర్ట్స్‌, ఎస్‌జీఎస్‌ కళాశాలలు గత ఏడాది అటానమస్‌ హోదా పొందాయి. 2025–26 విద్యా సంవత్సరానికి ప్రస్తుతం అడ్మిషన్లు జరగనున్నాయి. టీటీడీ కళాశాలల్లో సీట్లు సాధించిన విద్యార్థులకు మెరిట్‌, రిజర్వేషన్ల ప్రాతిపదికన ఉచిత భోజన వసతి కల్పించనున్నారు.

చంద్రగిరి : కూటమి ప్రభుత్వం సదరం రీ అసైన్మెంట్‌ పేరుతో అర్హులైన దివ్యాంగుల పింఛన్ల ఏరివేత కొనసాగుతున్న నేపథ్యంలో ప్రభుత్వ తీరుకు నిరసనగా గురువారం ధర్నా కార్యక్రమాన్ని నిర్వహించనున్నట్లు జిల్లా వికలాంగుల జేఏసీ నేతలు తెలిపారు. ఈ మేరకు ధర్నాకు అనుమతి కోరుతూ బుధవారం తిరుచానూరు సీఐ సునీల్‌ కుమార్‌కు వినతి పత్రాన్ని అందజేశారు. గురువారం ఉదయం 10 గంటలకు తిరుపతి కలెక్టరేట్‌ ఎదుట జిల్లా వికలాంగుల ఐకాస (జేఏసీ) ఆధ్వర్యంలో ధర్నా నిర్వహించడం జరుగుతుందన్నారు. ప్రభుత్వం అర్హులైన పింఛనుదారులను తొలగించడం దారుణమన్నారు. వచ్చే నెల నుంచి పింఛన్లను నిలిపివేస్తున్నట్లుగా ఇప్పటికే అర్హులకు నోటీసులు ఇచ్చారని తెలిపారు. ప్రభుత్వం అవలంబిస్తున్న వైఖరికి నిరసనగా ఈ ధర్నా కార్యక్రమాన్ని చేపట్టడం జరుగుతోందన్నారు. ప్రతి ఒక్కరూ తప్పకుండా ఈ ధర్నా కార్యక్రమానికి హాజరై విజయవంతం చేయాలని పిలుపునిచ్చారు.శ్రీవారి సేవలో రైల్వే జీఎం తిరుమల: రైల్వే జీఎం సంజయ్‌ కుమార్‌ శ్రీవాస్తవ బుధవారం తిరుమల శ్రీవారిని దర్శించుకున్నారు. వీరికి ఆలయ అధికారులు ప్రత్యేక దర్శన ఏర్పాట్లు చేశారు. శ్రీవారి దర్శనం అనంతరం ఆలయ రంగనాయకుల మండపంలో పండితుల వేద ఆశీర్వచనాలు అందించగా.. టీటీడీ అధికారులు లడ్డూ ప్రసాదాలతో సత్కరించారు.శ్రీవారి దర్శనానికి 12 గంటలుతిరుమల: తిరుమలలో భక్తుల రద్దీ అధికంగా ఉంది. క్యూకాంప్లెక్స్‌లో 30 కంపార్ట్‌మెంట్లు నిండాయి. క్యూలైన్‌ సేవా సదన్‌ వద్దకు చేరుకుంది. శుక్రవారం అర్ధరాత్రి వరకు 76,033 మంది స్వామిని దర్శించుకున్నారు. 26,905 మంది భక్తులు తలనీలాలు సమర్పించారు. స్వామివారికి కానుకల రూపంలో హుండీలో రూ.5.30 కోట్లు సమర్పించారు. టైంస్లాట్‌ టిక్కెట్లు కలిగిన భక్తులకు సకాలంలోనే దర్శనమవుతోంది. దర్శన టిక్కెట్లు లేని భక్తులకు 12 గంటల్లో దర్శనం లభిస్తోంది. ప్రత్యేక ప్రవేశ దర్శనం టిక్కెట్లు కలిగిన భక్తులకు 3 గంటల్లో దర్శనమవుతోంది.

తిరుపతి సిటీ:తిరుపతి ఎన్‌సీసీ గ్రూప్‌ ప్రధాన కార్యాలయాన్ని ఎన్‌సీసీ డిప్యూటీ డైరెక్టర్‌ జనరల్‌ ఎయిర్‌ కమాండర్‌ నర్సింగ్‌ సైలానీ బుధవారం సందర్శించారు. ఈ సందర్భంగా ఆయనకు ఎన్‌సీసీ క్యాడెట్లు గౌరవ వందనంతో స్వాగతం పలికారు. గౌరవ వందనం అందుకున్న అనంతరం ఆయన మాట్లాడుతూ.. క్రమశిక్షణ, దేశభక్తి ప్రధానాంశాలుగా బాధ్యతాయుతమైన పౌరులను దేశానికి అందించుటలో ఎన్‌సీసీ కీలక పాత్ర పోషిస్తోందని కొనియాడారు. ఎన్‌సీసీ క్యాడెట్ల కు నాణ్యమైన శిక్షణ, నైపుణ్యాల బలోపేతం, సాహస కార్యక్రమాలలో పాల్గొనేలా కృషి చేయాలని పిలుపు నిచ్చారు. తిరుపతి గ్రూప్‌ క్యాడెట్లు జాతీయ శిబిరాలు, సాంఘిక సంక్షేమ కార్యక్రమాలలో పాల్గొనడం అభినందనీయమన్నారు. కార్యక్రమంలో తిరుపతి గ్రూప్‌ కమాండర్‌ కల్నల్‌ సతీందర్‌ దాహియా, ఎన్‌సీసీ అధికారులు పాల్గొన్నారు.

● నేడు కలెక్టరేట్‌ వద్ద ధర్నా ● న్యాయం జరిగే వరకు పోరాటం చేస్తాం ● దివ్యాంగుల జేఏసీ స్టేట్‌ ప్రెసిడెంట్‌ చంద్రశేఖర్‌ తిరుపతి అర్బన్‌: దివ్యాంగుల పింఛన్ల తొలగింపు దారుణమని దివ్యాంగుల జేఏసీ స్టేట్‌ ప్రెసిడెంట్‌ చంద్రశేఖర్‌ పేర్కొన్నారు. ఆయన బుధవారం విలేకరులతో మాట్లాడుతూ ఏ పనీ చేయలేక పింఛనుపైనే ఆధారపడి జీవిస్తున్న వారిపై కూటమి ప్రభుత్వం కన్నెర్ర చేయడం దారుణమన్నారు. ప్రతి జిల్లాలోనూ 7 వేల నుంచి 10 వేల మంది పింఛన్లు తొలగించారని ఆవేదన చెందారు. ఏ రాష్ట్రంలోనూ దివ్యాంగుల పింఛన్లను ఈ స్థాయిలో తొలగించలేదని చెప్పారు. రాష్ట్ర వ్యాప్తంగా దివ్యాంగులు మనోవేదనకు గురవుతున్నారని ఆవేదన చెందారు. దివ్యాంగులు శారీరక, మానసిక సమస్యలతో సతమతం అవుతున్నారని, అలాంటి వారి పింఛన్లను తొలగించడం నీచమైన చర్యగా పేర్కొన్నారు. పింఛన్లు ఇవ్వకుంటే వారి జీవనం ప్రశ్నార్థకంగా మారుతుందన్నారు. ఆ గోడు కూటమి సర్కార్‌కు తగులుతుందని గుర్తుచేశారు. రీవెరిఫికేషన్‌ పేరుతో ప్రభుత్వం ఇలా దివ్యాంగులను టార్గెట్‌ చేయడం దురదృష్టకరంగా భావించాల్సి ఉంటుందని తెలియజేశారు. ఈ క్రమంలో జిల్లా దివ్యాంగుల ఐక్య కార్యాచరణ కమిటీ ఆధ్వర్యంలో గురువారం ఉదయం 10.30 గంటలకు తిరుపతి జిల్లా కలెక్టరేట్‌ వద్ద ధర్నా చేపట్టనున్నట్టు తెలిపారు. తొలగించిన అన్ని పింఛన్లు తిరిగి ఇవ్వాలని డిమాండ్‌ చేశారు. న్యాయం చేయకుంటే రాష్ట్ర స్థాయిలో ఉద్యమాలు తప్పవని హెచ్చరించారు.

రేణిగుంట : రేణిగుంట అంతర్జాతీయ విమానాశ్రయం సమీపంలోని ఈఎంసీ–2 క్లస్టర్‌కు చెందిన వింగ్‌ టెక్‌ మొబైల్‌ కమ్యూనికేషన్‌ కంపెనీకి చెందిన 250 మంది కార్మికులు బుధవారం సాయంత్రం కంపెనీ ప్రధాన ద్వారానికి ఎదురుగా బైఠాయించి నిరసన తెలిపారు. 2017–18లో స్థాపించిన కంపెనీలో 1000 మంది కంపెనీ ఉద్యోగులు కాగా, 1400 మంది కాంట్రాక్ట్‌ ఉద్యోగులు ఉన్నారు. వారిలో 750 మంది పర్మినెంట్‌ ఉద్యోగులను తీసివేశారు. అలాగే 1400 మంది కాంట్రాక్ట్‌ ఉద్యోగులను తొలగించారు. మిగిలిన 250 మంది పరిస్థితి ఏంటని కార్మికులు ప్రశ్నిస్తున్నారు. అయితే ఉన్నఫలంగా కంపెనీ యాజమాన్యం అందుబాటులో లేకుండా వెళ్లిపోయింది. దీంతో ఒక్కసారిగా అవాకై ్కన కార్మికులు ఇప్పుడొచ్చిన కొత్త కంపెనీ లెక్‌ షేర్‌ యాజమాన్యం మీరు మా ఉద్యోగులు కారని అంటున్నారని పలువురు కార్మికులు వాపోయారు. కార్మికులు చేస్తున్న నిరసనకు సీఐటీయూ నాయకులు మద్దతు తెలిపి వారితో పాటు బైఠాయించారు. ఆర్డీవో భాను ప్రకాష్‌ రెడ్డి సంఘటన స్థలానికి చేరుకొని కార్మికులతో చర్చించారు. పూర్తి సమాచారాన్ని తెలుసుకొని కార్మికులకు న్యాయం చేస్తామని ఆర్డీఓ హామీ ఇచ్చారు.

● 108 సిబ్బంది ప్రాణం పోశారు తొట్టంబేడు : శ్రీకాళహస్తి ప్రభుత్వ ఆస్పత్రి వైద్యులు వైద్యం చేయలేమని చేతులెత్తేశారు. అయితే 108 సిబ్బంది చిన్నారికి ప్రాణం పోశారు. వివరాలు ఇలా.. మంగళవారం రాత్రి పెళ్లకూరు మండలం అర్ధమాల గ్రామం నుంచి వెంకటరమణమ్మ ప్రసవ నొప్పులతో బాధపడుతుండటంతో భర్త వేణు రాత్రి 10.30 గంటల సమయంలో ప్రభుత్వాస్పత్రికి తీసుకొచ్చాడు. అయితే అక్కడ విధుల్లో ఉన్న వైద్యులు పరిస్థితి క్లిష్టంగా ఉందని తిరుపతికి రెఫర్‌ చేశారు. దీంతో విధిలేని పరిస్థితుల్లో 108 వాహనం ద్వారా తిరుపతికి వెళుతుండగా మార్గమధ్యలో ఏర్పేడు మండలం మేర్లపాక వద్ద ప్రసవ నొప్పులు ఎక్కువ కావడంతో 108 సిబ్బంది ప్రసవం చేసి పండటి బిడ్డకు ప్రాణం పోశారు. ఇక పుత్తూరు నుంచి చైతన్య అనే మహిళ ప్రసవ నొప్పులతో బాధపడుతూ శ్రీకాళహస్తి ప్రభుత్వ ఏరియా ఆస్పత్రికి భర్త గోవర్థన్‌తో కలిసి సోమవారం వచ్చారు. మంగళవారం శస్త్రచికిత్స చేస్తామని వైద్యులు పరీక్షించి తెలిపారు. అన్ని ఏర్పాట్లు చేశారు. అయితే ఏమైందో ఏమో కాని తిరుపతికి రెఫర్‌ చేశారు. తాము వెళ్లలేమని చెబుతున్నా బలవంతంగా తిరుపతికి రెఫర్‌ చేశారు. గతంలో ఈ ఆస్పత్రిలో నెలకు సుమారు 150 నుంచి 200 ప్రసవాలు జరిగేవి. అయితే ఏడాది కాలంగా ఆసుపత్రి వైద్యసేవలు నానాటికి తీసికట్టు మారుతున్నాయి. ప్రస్తుతం నెలకు 30 కాన్పులు జరిగేవి కూడా కష్టంగా ఉంది. జిల్లా వైద్యాధికారులు స్పందించి ఆస్పత్రి వైద్యుల పనితీరుపై ప్రత్యేక దృష్టిసారించాలని పలువురు కోరుతున్నారు.

తిరుపతి సిటీ : ఎస్వీయూలో తొలగించబడిన తాత్కాలిక అధ్యాపకులు పెద్ద ఎత్తున నిరసన కార్యక్రమం చేపట్టారు. మంగళవారం వర్సిటీ పరిపాలనా భవనం ఎదుట బైఠాయించి వర్సిటీ అధికారుల తీరును ఎండగట్టారు. అధ్యాపకులు నిరసన కార్యక్రమానికి విద్యార్థి సంఘాల నాయకులు హాజరై మద్దతు పలికారు. ఈ సందర్భంగా తొలగించిన అధ్యాపకులు మాట్లాడుతూ.. అన్ని అర్హతులు ఉన్నా కక్ష సాధింపు చర్యలో భాగంగా వర్సిటీ అధికారులు 43 మంది అకడమిక్‌ కన్సల్టెంట్లను తొలగించి రోడ్డున పడేశారని ఆవేదన వ్యక్తం చేశారు. పాలకమండలిని మభ్యపెట్టి.... పాలక మండలికి అకడమిక్‌ కన్సల్టెంట్ల తొలగింపుపై పూర్తి సమాచారం ఇవ్వకుండా చర్చించకుండా ఇంటర్వ్యూలు నిర్వహించారని ఆవేదన వ్యక్తం చేశారు. దీనిపై ఓ పాలకమండలి సభ్యురాలు తనకు అవగాహన లేకపోవడంతో ఆమోదం తెలిపానని బహిరంగంగా వీసీకి లేఖ రాశారంటే అధికారుల తీరు ఎలా ఉందో అర్థం చేసుకోవచ్చని చెప్పారు. అనంతరం వీసీ అప్పారావును కలసి వారు వినతిపత్రం సమర్పించారు. కార్యక్రమంలో అకడమిక్‌ కన్సల్టెంట్స్‌ అసోసియేషన్‌ ప్రెసిడెంట్‌ కల్లూరి కిషోర్‌కుమార్‌రెడ్డి, సభ్యులు, వైఎస్సాఆర్‌సీపీ ఎస్వీయూ విద్యార్థి విభాగం అధ్యక్షులు ప్రేమ్‌ కుమార్‌, ఎస్‌ఎఫ్‌ఐ కార్యదర్శి రవి, వినోద్‌, ఉపాధ్యాక్షులు అశోక్‌, బీడీవీఎస్‌ నాయకులు యుగంధర్‌, సుకుమార్‌, విద్యార్థి సంఘాల నాయకులు ముని హేమంత్‌, భరత్‌, తాత్కాలిక అధ్యాపకులు పాల్గొన్నారు. న్యాయపోరాటానికి సన్నద్ధం వర్సిటీ అధికారులు నిబంధనలకు విరుద్ధంగా తాత్కాలిక అధ్యాపకులను తొలగించడంపై న్యాయపోరాటానికి సిద్ధమవుతున్నాం. ఇప్పటికే ఈ విషయంపై ఉన్నత స్థాయి అధికారులకు తెలియజేశాం. న్యాయవాదుల సలహాలు తీసుకున్నాం. ఈ విషయంపై వెనకడుగు వేసేదేలేదు. డిప్యూటీ సీఎం దృష్టికి సైతం ఈ విషయాన్ని తీసుకెళ్లేందుకు ప్రయత్నిస్తున్నాం. – తొలగించిన తాత్కాలిక అధ్యాపకులు, ఎస్వీయూ

తిరుపతి రూరల్‌: తిరుపతి రూరల్‌ మండలం జాతీయ గ్రామీణ ఉపాధి హామీ పథకం కింద 2024 – 2025 ఏడాదిలో పూర్తి చేసిన పనులపై మండల పరిషత్‌ కార్యాలయం ఆవరణలో మంగళవారం 19వ విడత బహిరంగ విచారణ జరిగింది. ఈ విచారణకు డ్వామా పీడీ శ్రీనివాస ప్రసాద్‌ విచారణ అధికారిగా హాజరయ్యారు. సామాజిక తనిఖీల్లో భాగంగా పేరూరు చెరువుకు సంబంధించి రూ.1.50 కోట్లు మేరకు గుంతలు తీసినట్టుగా బిల్లులు చేసుకున్నట్టు తమ దృష్టికి వచ్చిందన్నారు. దానిపై సమగ్ర విచారణ జరపాలని కోరుతూ ఎంపీపీ మూలం చంద్రమోహన్‌రెడ్డి డ్వామా పీడీ శ్రీనివాసప్రసాద్‌కు వినతి పత్రం అందించారు. సమగ్ర విచారణ చేసి పది రోజుల్లో నివేదికను సమర్పించాలని ఎంపీడీఓ రామచంద్ర, ఏపీడీ రెడ్డెప్ప విజిలెన్స్‌ అధికారులను పీడీ ఆదేశించారు. అలాగే దుర్గసముద్రం పరిధిలో ఒక్క కూలీ కూడా పనులు చేయకుండానే 57 మంది పనులకు హాజరైనట్టుగా నమోదు చేయడం జరిగిందని, దానిపై కూడా విచారణ చేయాలని ఎంపీపీ మూలం చంద్రమోహన్‌రెడ్డి కోరగా దానిపై శాఖా పరమైన విచారణ చేయాలని ఎపీఓ జ్యోతిశ్రీని ఆదేశించారు. పలువురు ఫీల్డు అసిస్టెంట్లు చేసిన తప్పిదాలు బయటకు రావడంతో వారి నుంచి రూ.48 వేలు వరకు రికవరీ చేయాలని ఆదేశించారు. పెరుమాళ్లపల్లికి చెందిన ఫీల్డు అసిస్టెంట్‌ పుష్పవల్లి పని చేయలేకుంటే ఆమె చేత రాజీనామా తీసుకుని వేరొకరికి అవకాశం కల్పించాలన్నారు. సమావేశంలో వైస్‌ ఎంపీపీ విడుదల మాదవరెడ్డి, జడ్పీటీసీ రత్నమ్మ, ఏపీడీ రెడ్డెప్ప, డీఆర్‌డీఓ ప్రభావతి, ఎస్‌ఆర్‌పీ లోకేష్‌, ఎపీఓలు జ్యోతిశ్రీ, మమత, టెక్నికల్‌ అసిస్టెంట్‌ హరి పాల్గొన్నారు.

చంద్రగిరి : శాంతియుతంగా పాదయాత్ర చేస్తున్న వైఎస్సార్‌సీపీ నేతలను పోలీసులు అక్రమంగా అరెస్టు చేయడంపై చంద్రగిరిలో ఉద్రిక్తత చోటు చేసుకుంది. రాజంపేట ఎంపీ మిథున్‌ రెడ్డి అక్రమ అరెస్టు నుంచి త్వరగా బయటకు రావాలని, వైఎస్సార్‌సీపీ రాష్ట్ర ప్రచార విభాగం అధ్యక్షుడు హరిప్రసాద్‌ రెడ్డి ఆధ్వర్యంలో తిరుమలకు పాదయాత్రను చేపట్టారు. అయితే కూటమి ప్రభుత్వంలో రెడ్‌బుక్‌ రాజ్యాంగాన్ని అమలు చేస్తూ పోలీసులు మంగళవారం శ్రీవారిమెట్టు వద్ద అడ్డుకున్నారు. శ్రీవారిమెట్టు నుంచి తిరుమలకు వెళ్తున్న వారిని అక్రమంగా అడ్డుకోవడంతో పాటు బలవంతంగా అదుపులోకి తీసుకున్నారు. అభిమానులను ఈడ్చుకొంటూ స్టేషన్‌కు తరలించారు. దీంతో తిరుమలకు వెళ్తున్న భక్తులు సైతం తీవ్ర భయాందోళనకు గురయ్యారు. సుమారు 4 గంటల పాటు స్టేషన్‌లో.. పాదయాత్ర చేస్తున్న హరిప్రసాద్‌ రెడ్డితో పాటు సుమారు 17 మందిని చంద్రగిరి డీఎస్పీ ఆధ్వర్యంలో పోలీసులు స్టేషన్‌కు తరలించారు. సాయంత్రం 4 గంటల నుంచి రాత్రి వరకు పోలీసు స్టేషన్‌లోనే అక్రమంగా నిర్భంధించారు. హరిప్రసాద్‌ రెడ్డిను అరెస్టు చేశారని తెలుసుకున్న పార్టీ శ్రేణులు భారీగా పోలీసు స్టేషన్‌ వద్దకు చేరుకున్నారు. చంద్రగిరి పోలీసు స్టేషన్‌ వద్దకు చేరుకున్న వైఎస్సార్‌సీపీ శ్రేణులు అరాచక పాలన సుమారు 4 గంటల పాటు పోలీసు స్టేషన్‌లో నిర్భంధించిన నేతలను పోలీసులు సొంత పూచీకత్తుపై రాత్రి విడుదల చేశారు. తిరుమల పాదయాత్రలో ఎలాంటి గొడవలు జరగకుండా ముందస్తుగా అరెస్టు చేసి, విడిచిపెట్టినట్లు పోలీసులు తెలిపారు. టీటీడీ చైర్మన్‌ ఆదేశాలతోనే అక్రమంగా అరెస్టు చేశారంటూ వైఎస్సార్‌సీపీ విద్యార్థి విభాగం రాష్ట్ర ప్రధాన కార్యదర్శి మురళీధర్‌ ఆరోపించారు. శాంతియుతంగా చేస్తున్న పాదయాత్రను అడ్డుకోవడం ఏమిటంటూ మండిపడ్డారు. తిరుమలకు వెళ్లాలంటే కూటమి ప్రభుత్వంలో పాస్‌పోర్టు, వీసా కావాలా అంటూ ఆయన ప్రశ్నించారు. చంద్రగిరిలో ఉద్రిక్తత..! మీడియాపై డీఎస్పీ చిందులు వైఎస్సార్‌సీపీ శ్రేణుల అక్రమ అరెస్టు తెలుసుకున్న జర్నలిస్టులు పోలీసు స్టేషన్‌కు వెళ్లడంతో పోలీసులు అడ్డుకున్నారు. పోలీసు స్టేషన్‌లోకి ఎలా వస్తారంటూ చంద్రగిరి డీఎస్పీ ప్రసాద్‌ చిందులు వేశారు. జర్నలిస్టుగా వచ్చామని, అరెస్టుకు సంబంధించి వివరాలు తెలపాలని కోరడంతో ఆయన ఆంక్షల పేరుతో చిందులు వేయడంపై పాత్రికేయులు మండిపడ్డారు.

నాయుడుపేటటౌన్‌ : మండల పరిధిలోని అయ్యప్పరెడ్డి పాళెం గ్రామ సమీపంలో జాతీయ రహదారిపై మంగళవారం నాలుగు వాహనాలు ఒకదానికి ఒకటి అదుపు తప్పి ఢీకొన్నాయి. ఈ ప్రమాదంలో రెండు కార్లు బాగా దెబ్బతిన్నాయి. రెండు కార్లలో ఉన్న ఏడుగురికి స్వల్ప గాయాలయ్యాయి. పోలీసులు తెలిపిన మేరకు వివరాలు. ఒడిస్సా నుంచి బెంగళూరు వెళుతున్న లారీ మార్గ మధ్యలో అయ్యప్పరెడ్డి పాళెం జాతీయ రహదారి కూడలి సమీపంలో అదుపు తప్పి ముందు వెళుతున్న కారును ఢీకొంది. ఆ కారు ముందు వెళుతున్న మరో కారును ఢీకొంది. ఈ ప్రమాదంలో రెండు కార్లు బాగా దెబ్బతిన్నాయి. ఓజిలి ప్రాంతానికి చెందిన ఫ్రాంక్లీన్‌, మల్లికార్జున రెడ్డి, షేక్‌ రఫీ, బన్నీ , మరో కారులో ఉన్న మద్ది వీరయ్య, సునీత, సాయిలకు గాయాలయ్యాయి. ప్రమాదానికి కారణమైన లారీని పోలీసులు స్వాధీనం చేసుకుని కేసు నమోదు చేసి దర్యాప్తు చేస్తున్నారు. విద్యుదాఘాతంతో ఇల్లు దగ్ధం డక్కిలి : విద్యుదాఘాతంతో ఇల్లు దగ్ధమయింది. ఈ ఘటన మండలంలోని ఆల్తూరుపాడులో మంగళవారం రాత్రి చోటు చేసుకుంది. అగ్నిమాపకశాఖ అధికారి ఆదినారాయణ కథనం మేరకు ఆల్తూరుపాడు గ్రామానికి చెందిన కటకం రమణయ్య పూరి గుడిసెలో నివాసం ఉంటున్నారు. ఇంట్లో విద్యుత్‌ వైర్లు షార్ట్‌ సర్క్యూట్‌ కావడంతో ఒక్కసారిగా మంటలు వ్యాప్తి చెందాయి. ఆ సమయంలో ఇంట్లో ఉన్న గ్యాస్‌ సిలిండర్‌ పేలింది. దీంతో ఆందోళన చెందిన స్థానికులు అగ్నిమాపకశాఖ అధికారులకు సమాచారం అందించారు. ఘటనా స్థలానికి వారు చేరుకొని మంటలను అదుపు చేశారు. బాధితుడికి రూ.లక్ష ఆస్తి నష్టం జరిగి ఉండవచ్చునని భావిస్తున్నట్లు తెలిపారు. ప్రొఫెసర్‌ దేవపస్రాదరాజుకు పత్రిష్టాత్మక పురస్కారం తిరుపతి సిటీ: ఎస్వీయూ ఫిజిక్స్‌ విభాగాధిపతి ప్రొఫెసర్‌ బి దేవప్రసాద రాజు ప్రతిష్టాత్మక పురస్కారం పొందారు. రేర్‌ ఎర్త్‌ రంగంలో చేసిన పరిశోధనా కృషికి గుర్తింపుగా రేర్‌ ఎర్త్‌ అసోసియేషన్‌ ఈ పురస్కారాన్ని అందజేసింది. గురువారం భువనేశ్వర్‌లో జరిగిన ప్రత్యేక కార్యక్రమంలో నీతి అయోగ్‌ సభ్యుడు డాక్టర్‌ వీకే సరస్వత్‌ చేతుల మీదుగా ఆయన పురస్కారాన్ని అందుకున్నారు. 16 ఏళ్లుగా ఎస్వీయూలో ఎన్నో పేరొందిన పరిశోధనలు చేపట్టిన ఆయన 5 జాతీయ, 3 అంతర్జాతీయ సదస్సులు, పరిశోధనా ప్రాజెక్టులను సమర్థవంతంగా నిర్వహించారు. అంతర్జాతీయ స్థాయి జర్నల్స్‌లో ఆయన రూపొందించిన 125 పరిశోధనా వ్యాసాలు ప్రచురితమయ్యాయి. 13 పీహెచ్‌డీ డిగ్రీలు పర్యవేక్షకులుగా వ్యవహరించారు. ఈ సందర్భంగా రేర్‌ ఎర్త్‌ అసోసియేషన్‌ కార్యదర్శి డాక్టర్‌ ఎంఎల్‌పీ రెడ్డి, ఎస్వీయూ రిటైర్డు ప్రొఫెసర్‌ సీకే జయశంకర్‌, సైన్స్‌ కాలేజ్‌ ప్రిన్సిపల్‌ ప్రొఫెసర్‌ పద్మావతి పురస్కారం పొందిన ఆయనను అభినందించారు.

ఎన్‌ఆర్‌ఐల భూములకేసాక్షి ప్రతినిధి, తిరుపతి : కూటమి ప్రభుత్వంలో ఎన్‌ఆర్‌ఐలకు చెందిన భూములు, స్థలాలకు రక్షణ కరువైందని డాక్టర్‌ సునీత ఆరోపించారు. ఆక్రమించిన భూముల్లో సీఎం చంద్రబాబు, డిప్యూటీ సీఎం పవన్‌ కళ్యాణ్‌, మంత్రి నారా లోకేష్‌ ఫొటోలతో ఫ్లెక్సీలు ఏర్పాటు చేసి బెదిరింపులకు దిగుతున్నట్లు ఆధారాలతో బయటపెట్టారు. తిరుపతి ప్రెస్‌క్లబ్‌లో మంగళవారం ఏర్పాటు చేసిన విలేకరుల సమావేశంలో ఎన్‌ఆర్‌ఐకి చెందిన డాక్టర్‌ సునీత మాట్లాడుతూ.. 2003లో తిరుపతి నగర పరిధిలోని కై కాల చెరువు వద్ద వేసిన ప్రగతి నగర్‌ వెంచర్‌లో సర్వే నంబర్‌1లో కోట్ల రూపాయలు విలువ చేసే ఏడు ప్లాట్లను కొనుగోలు చేసినట్లు అందుకు సంబంధించిన పత్రాలను విలేకరుల ముందు బయటపెట్టారు. తాము కొనుగోలు చేసిన కొంత కాలం తరువాత ఈ ప్లాట్లు తమవే నంటూ టీడీపీ నేత, బాలాజీ టింబర్‌ డిపో అధినేత కంచి రాము ఇబ్బందులు పెట్టడం ప్రారంభించారని వెల్లడించారు. ప్లాట్లకు దారి లేకుండా ప్రహరీ గోడ, తాత్కాలిక షెడ్లు నిర్మించాడని వివరించారు. ఆ తరువాత సర్వే నంబర్‌ 1/1బి పేరుతో రికార్డులు సృష్టించుకున్నట్లు ఆరోపించారు. ఆ సర్వే నంబర్లను రద్దు చేశారని, ఆ తరువాత రోడ్ల కోసం వదిలిన స్థలాల పేరుతో రూ.60 కోట్లు విలువచేసే టీడీఆర్‌ బాండ్లు తీసుకున్నట్లు తెలిపారు. టీడీపీ నేత రాము సృష్టించిన సర్వే నంబర్‌ బోగస్‌ అని రెవెన్యూ అధికారులే చెబుతున్నారన్నారు. గతంలో జేసీగా పనిచేసిన బాలాజీ సైతం ఆ భూమి తమకు చెందినదేనని జడ్జిమెంట్‌ ఇచ్చినట్లు స్పష్టం చేశారు. తమ ప్లాట్లు ఆక్రమించాడని గత ఏడాది తిరుపతి ఈస్ట్‌ పోలీస్టేషన్‌లో ఫిర్యాదు చేసినట్లు తెలిపారు. ప్రస్తుతం ఆ స్థలంలో సీఎం చంద్రబాబు, డిప్యూటీ సీఎం పవన్‌ కళ్యాణ్‌, మంత్రి లోకేష్‌ బాబు ఫొటోలతో ఫ్లెక్సీలు ఏర్పాటు చేసి తమలను బెదిరిస్తూ భయపెడుతున్నారని ఆందోళన వ్యక్తం చేశారు. ఈ విషయంపై గతంలో సీఎం చంద్రబాబు దృష్టికి తీసుకెళ్లినట్లు వెల్లడించారు. ఆస్ట్రేలియాకు చెందిన సునీతకు అన్యాయం జరిగిందని సీఎం చంద్రబాబే స్వయంగా చెప్పినా ఇంత వరకు న్యాయం జరగలేదని ఆమె ఆరోపించారు. ఎన్‌ఆర్‌ఐలకు చెందిన భూములకు రక్షణ కల్పించాలని డిప్యూటీ సీఎం పవన్‌ కళ్యాణ్‌ ప్రగల్బాలు పలికినా.. ఆచరణకు నోచుకోలేదని ఆవేదన వ్యక్తం చేశారు. తమకు సంబంధించిన స్థలంతో పాటు పరిసర ప్రాంతంలోని అనేక మంది టీడీపీ నేతల కారణంగా తీవ్ర ఇబ్బందులు ఎదుర్కొంటున్నట్లు వెల్లడించారు. అయినా ప్రభుత్వం అతడిపై చర్యలు తీసుకోలేదని ఆవేదన వ్యక్తం చేశారు.

తిరుపతిలోని కర్నాల వీధిలో నివాసిస్తున్నా. పూర్తిగా దివ్యాంగురాలిని. ఒక్క అడుగు కూడా పెట్టలేను. గతంలో 75శాతం వైకల్యంతో సదరం సర్టిఫికెట్‌ ఇచ్చా రు. ఇప్పుడు 40శాతానికి కుదించారు. దీంతో సచివాలయ సిబ్బంది నన్ను పింఛన్‌ జాబితా నుంచి తొలగించారు. నాకు తల్లిదండ్రులు లేరు. కేవలం పింఛన్‌ సొమ్ముతోనే జీవిస్తున్నా. మళ్లీ నాకు పింఛన్‌ ఇప్పించాలని కోరుతున్నా. – కుప్పచ్చి అరుణ, తిరుపతి పొట్టకొడుతున్నారు నాకు చెవుడు, మరుగుజ్జుని కావడంతో వివాహం కాలేదు. ఒంటరి మహిళను. సుమారు పదేళ్లుగా పింఛన్‌ డబ్బులతోనే బతుకుతున్నా. ఇప్పుడు కూటమి ప్రభుత్వంలో నా పొట్టకొడుతున్నారు. సెప్టెంబర్‌ నుంచి పింఛన్‌ ఇవ్వమని సచివాలయ ఉద్యోగులు నోటీసు ఇచ్చారు. ఏం చేయాలో తెలియడం లేదు. మాలాంటి వారితో ప్రభుత్వం ఆడుకోవడం సరికాదు. మాకు న్యాయం చేయండి. – సుబ్బమ్మ, వేముగుంటపాళెం, నాయుడుపేట మండలం కనికరం చూపండి నాకు ఒక కన్ను పూర్తిగా పోయింది. ఇంకోటి సరి గా కనపడదు. అంధురాలిగా అష్టకష్టాలు పడుతు న్నా.2010 నుంచి దివ్యాంగ పింఛన్‌ ఇస్తున్నారు. ఆ డబ్బులతోనే బతుకుతున్నా. ఇప్పుడు నా పింఛన తొలగిస్తున్నట్లు సచివాలయ ఉద్యోగులు స్పష్టం చేశారు. నా భర్త కస్తూరయ్య ఆరోగ్యం సరిగా లేదు. ఈ పరిస్థితుల్లో పింఛన్‌ తొలగిస్తే మేం బతికేదెట్టాగో కూడా తెలియడం లేదు. కనికరం చూపండి అని అధికారులను వేడుకున్నా. – సాని కోటమ్మ, మడిపల్లం, నాయుడుపేట

తిరుపతి సిటీ : ఎస్వీయూలో అధికారుల అత్యుత్సాహంతో వీధినపడిన 43 మంది తాత్కాలిక అధ్యాపకుల విషయంలో ఈసీ మెంబర్లు పునరాలోచించినట్లు తెలుస్తోంది. అందులో భాగంగా పాలకమండలి సభ్యులు ఒక్కొక్కరూ తమ తిరుగుబాటు స్వరం వినిపిస్తున్నారు. సుమారు 15ఏళ్ల నుంచి 20ఏళ్ల పాటు వర్సిటీకి సేవలందించిన అకడమిక్‌ కన్సల్టెంట్లను ఫెర్ఫార్మెన్స్‌ రివ్యూ పేరుతో ఇంటర్వ్యూలు నిర్వహించిన వర్సిటీ అధికారులు ఒక్కో ఈసీ మెంబర్‌పై ఒత్తిడి తెచ్చి ఆమోదపు పత్రాలను తెప్పించుకున్నారు. నిబంధనల ప్రకారం ఈసీ మీటింగ్‌ నిర్వహించి తాత్కాలిక అధ్యాపకుల ఇంటర్వ్యూల నిర్వహణపైన, తొలగింపు ప్రక్రియపైనా ఈసీ ఆమోదం పొందాల్సి ఉంది. వర్సిటీ అధికారులు చాకచక్యంగా వారిని మభ్యపెట్టి తొలగింపు ప్రక్రియపై పూర్తి వివరాలను అందించకుండా ఈసీ ఆమోదం పొందినట్లు ప్రకటించారు. వెంటనే క్షణం ఆలస్యం చేయకుండా అర్హులైన అధ్యాపకులను సైతం రోడ్డున పడేశారు. అవగాహన లేకనే...ఆమోదం తెలిపా... ఎస్వీయూలో 43 మంది కాంట్రాక్ట్‌ అధ్యాపకులను తొలగించడం బాధాకరమని, ఈ మేరకు తాను సమ్మతి తెలుపుతూ పంపిన లేఖను ఉపసంహరించుకుంటున్నానని పాలకమండలి సభ్యులు వి.జ్యోతి తెలిపారు. సోమవారం ఈ మేరకు వీసీ అప్పారావుకు వినతిప్రతం సమర్పించారు. తాను అవగాహన లోపంతో ఆమోదం తెలపానని పేర్కొన్నారు. అధికారులు తక్షణం పాలకమండలి సమావేశం ఏర్పాటు చేసి సరైన నిర్ణయం తీసుకోవాలని కోరారు.

తిరుపతి రూరల్‌: మండలంలోని తనపల్లెకు ఆనుకుని ఉన్న పద్మగిరి కొండను కాపాడండి సార్‌.. కలెక్టర్‌ గారూ.. అంటూ ఆలయ కమిటీ సభ్యులు విజయసింహారెడ్డి కుమారుడు హేమంత్‌కుమార్‌రెడ్డి వినతిపత్రం అందించారు. సోమవారం కలెక్టర్‌ను కలసిన ఆయన ఈ నెల 16వ తేదీన శ్ఙ్రీగుట్టుగా గుట్టమీద పాగా!శ్రీశ్రీఅన్న శీర్షికన సాక్షిలో కథనం ప్రచురితమైంది. పద్మగిరిని చెరబట్టారని పలు వార్తా పత్రికల్లో వచ్చిన కథనాలను కలెక్టర్‌ దృష్టికి తీసుకువెళ్లి ఆక్రమణల వల్ల కోట్లు ఖర్చు పెట్టి కొండపైకి నిర్మించిన రహదారి కుంగిపోయే ప్రమాదముందని వివరించారు. ఆ మేరకు స్పందించిన కలెక్టర్‌ వెంకటేశ్వర్‌ తిరుపతి రూరల్‌ తహసీల్దారుకు రెండు సార్లు ఫోన్‌ చేయగా ఆయన ఫోన్‌ పనిచేయలేదు.. దీంతో వీళ్లు పనిచేయరు.. వీళ్ల ఫోను పనిచేయదు.. అంటూ అసహనం వ్యక్తం చేస్తూ సదరు అర్జీపై తక్షణం చర్యలు తీసుకోవాలని ఆదేశిస్తూ సంతకం చేశారు. ఆ కాపీని తహసీల్దారును కలసి అందజేయాలని అర్జీదారు హేమంత్‌కుమార్‌రెడ్డికి కలెక్టర్‌ సూచించడంతో ఆయన తహసీల్దారు కార్యాలయానికి చేరుకున్నారు. అయితే కార్యాలయంలో తహసీల్దారు రామాంజులు నాయక్‌ అందుబాటులో లేకపోవడంతో వెనుదిరగాల్సి వచ్చింది.

తిరుపతి సిటీ: నేషనల్‌ స్పోర్ట్స్‌ డేని పురస్కరించుకుని సోమవారం ఎస్వీయూ తారకరామా స్టేడియంలో జోనల్‌ స్థాయి పోటీలను శాప్‌ చైర్మన్‌ రవినాయుడు ప్రారంభించారు. సుమారు 8 జిల్లాల నుంచి విచ్చేసిన 1700 మంది క్రీడాకారులు ఈ పోటీల్లో పాల్గొననున్నారు. ఆయన మాట్లాడుతూ జిల్లా, జోనల్‌, రాష్ట్ర స్థాయిలో పోటీల్లో విజేతలైన క్రీడాకారులకు ఈ నెల 29న జరిగే స్పోర్ట్స్‌ డే కార్యక్రమంలో సీఎం చేతుల మీదుగా నగదు, ప్రశంసాపత్రాలు, పతకాలు అందించనున్నట్లు తెలిపారు. క్రీడలను ప్రోత్సహించేందుకు ప్రతి పాఠశాలలో ఆటస్థలాలను అభివృద్ధి చేస్తున్నామని చెప్పారు. ఇందుకోసం రూ.30 వేల నిధులు పాఠశాలలకు ఖర్చుచేస్తున్నామని తెలిపారు. ఈ కార్యక్రమంలో యాదవ కార్పొరేషన్‌ చైర్మన్‌ నరసింహయాదవ్‌, డీఎస్డీఓలు శశిధర్‌, బాలాజీ, ఉదయ్‌, రాజు, జగన్‌, పెద్ద సంఖ్యలో కోచ్‌లు, క్రీడాకారులు పాల్గొన్నారు.టీటీడీ ఉద్యోగి ఇంట్లో చోరీ తిరుపతి క్రైమ్‌ : తిరుపతిలోని బైరాగిపట్టెడలో పద్మావతి పార్క్‌ ఎదురుగా టీటీడీ ఉద్యోగి ఇంట్లో చోరీ జరిగిన ఘటన సోమవారం వెలుగుచూసింది. క్రైమ్‌ సీఐ ప్రకాష్‌ కథనం మేరకు.. టీటీడీలో వైకుంఠం క్యూ కాంప్లెక్స్‌ సూపరింటెండెంట్‌ శ్రీనివాసులు ఈనెల 14వ తేదీన సొంత పనుల నిమిత్తం హైదరాబాద్‌ వెళ్లారు. సోమవారం వేకువజామున తిరిగి ఇంటికి వచ్చారు. మెయిన్‌ గేటు, తలుపులు పగులగొట్టి ఉండడంతో వెంటనే పోలీసులకు సమాచారం అందించారు. ఇంట్లో 207 గ్రాముల బంగారం, 460 గ్రాముల వెండి అపహరణకు గురైనట్లు గుర్తించారు. బాధితుడి ఫిర్యాదు మేరకు పోలీసులు కేసు నమోదు చేశారు. క్లూస్‌ టీమ్‌ ద్వారా ఆధారాలు సేకరించారు. పాత నేరస్తులే చోరీకి పాల్పడినట్లు ప్రాథమికంగా నిర్ధారించామని, దర్యాప్తు కొనసాగుతోందని సీఐ వెల్లడించారు.క్రీడల్లో విద్యార్థుల ప్రతిభగూడూరురూరల్‌ : సౌత్‌జోన్‌ ఆర్చరీ పోటీల్లో లిటిల్‌ ఏంజెల్స్‌ పబ్లిక్‌ స్కూల్‌ విద్యార్థి కె.చరిత్‌ ప్రతిభను కనబరచినట్లు కరస్పాండెంట్‌ బి.శ్రీకాంత్‌రెడ్డి సోమవారం తెలిపారు. అలాగే ఆదివారం ఒంగోలులో నిర్వహించిన ఆలిండియా కరాటే ఓపెన్‌ చాంపియన్‌ షిప్‌లో గూడూరులోని సాయి విద్యానికేతన్‌ పాఠశాల విద్యార్థులు మోక్షిత్‌, గృశ్నేశ్వర్‌ ద్వితీయ పొందినట్లు హెచ్‌ఎం దయాకర్‌ తెలిపారు.

‘మహిళలకు ఉచిత బస్సు ప్రయాణం అంటూ మా పొట్టలు కొట్టడం న్యాయమేనా’ అంటూ చిట్టమూరు మండలంలో సోమవారం ఆటోడ్రైవర్లు నిరసన తెలిపారు. చిట్టమూరు మండలం కొత్తగుంటలో సోమవారం ఆటోడ్రైవర్లు ఆర్టీసీ బస్సును అడ్డుకున్నారు. ఈ సందర్భంగా మాట్లాడుతూ మహిళలకు ఉచిత బస్సు ప్రయాణమంటూ పల్లె వెలుగు బస్సులను ప్రవేశ పెట్టారని, దీనివల్ల పల్లెల్లో ప్రయాణికులను ఇతర ప్రాంతాలకు తీసుకెళ్లే ఆటోవాలాల పరిస్థితి అగమ్యగోచరంగా మారిందన్నారు. గత ప్రభుత్వంలో ఆటోడ్రైవర్లకు ఏడాది రూ.10 వేలు ఇచ్చేవారని, ప్రస్తుతం అది కూడా లేకపోవడంతో తమ బతుకులు దుర్భరంగా మారాయని వాపోయారు. ప్రభుత్వం ఆటో వాలాలపై దృష్టి సారించి న్యాయం చేయాలని కోరారు. – చిట్టమూరు

భాకరాపేట : అక్రమంగా అరెస్ట్‌ చేసి వైఎస్సార్‌సీపీ నేతలను అణగదొక్కలేరని, పెద్దిరెడ్డి కుటుంబీకులను భయపెట్టాలనుకోవడం మూర్ఖత్వమని పార్టీ రాష్ట్ర ప్రచార కమిటీ వర్కింగ్‌ ప్రెసిడెంట్‌ హరిప్రసాద్‌రెడ్డి స్పష్టం చేశారు. ఎంపీ మిథున్‌రెడ్డి అరెస్ట్‌కు నిరసనగా, పెద్దిరెడ్డి కుటుంబానికి సంఘీభావంగా సోమవారం పీలేరు నుంచి తిరుమలకు పాదయాత్ర చేపట్టారు. ఈ సందర్భంగా ఆయన మాట్లాడుతూ చంద్రబాబు తన ఆత్మసంతృప్తి కోసమే మిథున్‌రెడ్డిని అరెస్ట్‌ చేయించారని మండిపడ్డారు. ఇలాంటి పనికిమాలిన రాజకీయాలు మానుకోవాలని, లేకుంటే ప్రజలే తగిన బుద్ధి చెబుతారని హెచ్చరించారు. డీసీఎంఎస్‌ మాజీ చైర్మన్‌ సహదేవ రెడ్డి మాట్లాడుతూ పెద్దిరెడ్డి కుటుంబాన్ని ఇబ్బంది పెట్టినందుకు భవిష్యత్తులో తగిన మూల్యం చెల్లించుకుంటారన్నారు. దశాబ్దాలుగా పెద్దిరెడ్డి రామచంద్రారెడ్డిని ఎదుర్కోలేక ఆయన కుమారుడిని అరెస్ట్‌ చేసి కుంగదీయాలనుకోవడం హాస్యాస్పదమని తెలిపారు. ఈ వేధింపులకు పెద్దిరెడ్డి ఏమాత్రం భయపడరని, మరింత ఉత్సాహంగా పనిచేస్తారని వెల్లడించారు. మందుల విక్రయానికి ప్రత్యేక రిజిస్టర్‌ చిల్లకూరు : మెడికల్‌ షాపు యజమానులు మందుల విక్రయానికి ప్రత్యేక రిజిస్టర్‌ నిర్వహించాలని, ప్రధానంగా వైద్యులు సూచించిన మత్తు ఇచ్చే మెడిసిన్‌ల వివరాలను నమోదు చేయాలని డ్రగ్‌ ఇన్‌స్పెక్టర్‌ శాంతి ఆదేశించారు. సోమవారం గూడూరులోని సీఆర్‌రెడ్డి కల్యాణ మండపంలో మందుల షాపుల యజమానులు, ఏరియా ఆస్పత్రి వైద్యులు, పోలీసులతో సమావేశం నిర్వహించారు. ఆమె మాట్లాడుతూ మందు షాపుల యజమానులు మత్తు కలిగించే వాటిని కొనుగోలు చేసే సమయంలో పక్కాగా రశీదులు తీసుకోవాలని స్పష్టం చేశారు. వైద్యులు రమేష్‌, ఎస్‌ఐ షాజహాన్‌, మందుల షాపు యజమానుల సంఘం అధ్యక్షుడు బత్తిన సుధాకర్‌, కార్యదర్శి సుభాన్‌ పాల్గొన్నారు. దాడి కేసులో ఒకరి అరెస్ట్‌ చిల్లకూరు : మండలంలోని మోమిడిలో ఈ నెల 7వ తేదీన జరిగిన దాడి కేసులో ఒకరిని అరెస్టు చేసినట్లు పోలీసులు తెలిపారు. గ్రామంలో మత్స్యకారులకు , ఓ ముస్లిం కుటుంబానికి బోట్ల విషయంలో ఘర్షణ జరిగింది. ఈ క్రమంలో 8 మంది తమపై దాడి చేశారని ముస్లింలు ఫిర్యాదు చేశారు. ఈ కేసులో ఏడో నిందితుడు వేమారెడ్డి కుమారస్వామిరెడ్డిని సోమవారం అదుపులోకి తీసుకున్నారు. జర్మనీ భాషపై ఉచిత శిక్షణ తిరుపతి అర్బన్‌ : ఎస్సీ, ఎస్టీ మహిళలకు జర్మనీ భాషపై ఉచితంగా ఆఫ్‌లైన్‌లో శిక్షణ ఇస్తామని జిల్లా నైపుణ్యాభివృద్ధి అధికారి ఆర్‌. లోకనాథం సోమవారం ఓ ప్రకటనలో తెలిపారు. ఇతర కులాల వారికి ఆన్‌లైన్‌లో ఉచిత శిక్షణ ఇస్తామని వెల్లడించారు. బీఎస్సీ నర్సింగ్‌ పూర్తి చేసి 6 నెలల క్లినికల్‌ అనుభవం, జీఎన్‌ఎం నర్సింగ్‌ పూర్తి చేసి 2 ఏళ్ల క్లినికల్‌ అనుభవం గల 35ఏళ్లలోపువారు అర్హులని చెప్పారు.ఆసక్తిగలవారు ఈ నెల 21వ తేదీలోపు పేర్లునమోదు చేయించుకోవాలని కోరారు. ఈనెల 22 నుంచి తొలి బ్యాచ్‌ ప్రారంభిస్తారని పేర్కొన్నా రు. బైరాగిపట్టెడ ప్రభుత్వ గిరిజన సంక్షేమ బాలికల వసతి గృహంలో శిక్షణ ఉంటుందన్నారు. వివరాలకు 9160912690 నంబర్‌లో సంప్రదించాలని సూచించారు.

తిరుపతి మంగళం : శేషాచల జీవవైవిధ్య అభయారణ్యంలో అంతరించిపోతున్న మూషిక జింక, బంగారు బల్లి, దేవాంగ పిల్లి, రంగుల ఉడుత, పసుపు గొంతు పిగిలి పిట్ట వంటి అరుదైన జంతు జాతుల పరిరక్షణ అందరి బాధ్యతని, ఈ మేరకు కేంద్ర ప్రభుత్వం ఎలాంటి చర్యలు తీసుకుంటోందో తెలిపాలని ఎంపీ మద్దిల గురుమూర్తి ప్రశ్నించారు. సోమవారం ఆయన పార్లమెంటులో మాట్లాడారు. వన్యప్రాణుల రక్షణ, వేటగాళ్ల నిరోధం, ప్రజల భాగస్వామ్యం వంటి చర్యల కోసం నిధులు కేటాయిస్తున్నారా? అని ప్రశ్నించారు.కేంద్ర పర్యావరణ, అటవీ, వాతావరణ మార్పుల శాఖ సహాయ మంత్రి కీర్తి వర్ధన్‌ సింగ్‌ సమాధానమిస్తూ ‘వన్యప్రాణుల నివాసాల అభివృద్ధి’ పథకం కింద రాష్ట్రానికి ఆర్థిక సహాయం అందిస్తున్నామని వెల్లడించారు. రూ.121.63 కోట్లు మంజూరు చేశామని వెల్లడించారు. అనంతరం ఎంపీ గురుమూర్తి మాట్లాడుతూ శ్రీకాళహస్తి మండలం సింహాచలకండ్రిగలో 125 ఎకరాల రక్షిత అటవీ భూమిని టీడీపీ ప్రజాప్రతినిధి స్వాహా చేసేందుకు యత్నిస్తున్నారని ఆందోళన వ్యక్తం చేశారు. రక్షిత అటవీ భూములను కాపాడడం సంబంధిత అధికారుల బాధ్యతని గుర్తు చేశారు. ప్రభుత్వం స్పందించకుంటే ఆందోళనలను తీవ్రతరం చేస్తామని హెచ్చరించారు.

తిరుపతి రూరల్‌:కూటమి ప్రభుత్వం వచ్చిన తర్వాత విద్యారంగం అంధకారంలోకి వెళ్లిపోయిందని వైఎస్సార్‌సీపీ చిత్తూరు, తిరుపతి జిల్లా విద్యార్థి విభాగం అధ్యక్షుడు చెవిరెడ్డి హర్షిత్‌రెడ్డి ఆరోపించారు. విద్యార్థి సంఘాల అణచివేతకు ప్రభుత్వం జారీ చేసిన జీఓలకు వ్యతిరేకంగా సోమవారం ఎస్వీయూ ప్రధాన ద్వారం ఎదుట కళ్లకు గంతలు కట్టుకుని నిరసన తెలిపారు. హర్షిత్‌రెడ్డి మాట్లాడుతూ అక్రమ జీఓలను ఉపసంహరించుకోకుంటే ఆందోళనను ఉధృతం చేస్తామని హెచ్చరించారు. విద్యార్థి సంఘాలను నిర్వీర్యం చేసేందుకే ప్రభుత్వం కుయుక్తులు పన్నుతోందన్నారు. విద్య రంగంపై ఏ మాత్రం అవగాహనలేని నారా లోకేష్‌కు ఆ శాఖ అప్పగించడంతోనే ఇలాంటి అనాలోచిత నిర్ణయాలు తీసుకుంటున్నారని విమర్శించారు. విద్యార్థి సంఘాలపై నిషేధం విధించిన మంత్రి నారా లోకేష్‌ తక్షణం తన పదవికి రాజీనామా చేయాలని డిమాండ్‌ చేశారు. అనంతరం జీఓ ప్రతులను చించివేసి నిరసన తెలిపారు. వైఎస్సార్‌సీపీ విద్యార్థి విభాగం రాష్ట్ర ప్రధా న కార్యదర్శి వల్లం రాజేంద్రప్రసాద్‌, ఉపాధ్యక్షుడు ఓబుల్‌రెడ్డి, నేతలు చెంగల్‌రెడ్డి, యశ్వంత్‌రెడ్డి, రఫీ, ప్రదీప్‌, భానుప్రకాష్‌రెడ్డి, వినోద్‌, రాజేంద్ర, నరేష్‌, మునిరాజ, ప్రేమ్‌కుమార్‌, హరినాథ్‌, పార్థసారధి, యుగంధర్‌, సుధాకర్‌, ముని, ప్రభు, శేషరెడ్డి, వెంకట్‌ రమణ నాయక్‌, వీర నాగేంద్ర, హరిబాబు, నవీన్‌రెడ్డి, దినేష్‌కుమార్‌ పాల్గొన్నారు.

అలసత్వం వహిస్తూ..● కలెక్టరేట్‌లో 10గంటలకు గ్రీవెన్స్‌ ● 12 గంటలకు వచ్చిన అధికారులు ● అర్జీదారులను పట్టించుకోని సిబ్బంది తిరుపతి అర్బన్‌ : ప్రజా సమస్యల పరిష్కార వేదిక నిర్వహణలో అధికారులు అలసత్వం వహిస్తున్నారు. కలెక్టర్‌ హాజరైతే ఒక లెక్క.. ఆయన లేకుంటే ఒక లెక్క అన్నట్లు వ్యహరిస్తున్నారు. తలకోన సిద్ధేశ్వరస్వామి ఆలయ పునర్నిర్మాణ పనుల ప్రారంభోత్సవంలో కలెక్టర్‌ వెంకటేశ్వర్‌ పాల్గొని సోమవారం నిర్వహించిన గ్రీవెన్స్‌కు ఆలస్యంగా వచ్చారు. ఇదే అదునుగా ఉన్నతాధికారులు సైతం వినతుల స్వీకరణకు నింపాదిగా తరలివచ్చారు. ఉదయం 10 గంటలకు గ్రీవెన్స్‌ మొదలైతే మధ్యాహ్నం 12 గంటల వరకు ఒక్కొక్కరుగా చేరుకున్నారు. అయితే 12.15 గంటలకు కలెక్టర్‌ వచ్చేసరికి మాత్రం జిల్లా అధికారులందరూ హాజరుకావడం గమనార్హం. కలెక్టర్‌ లేరని అధికారులు ఆలస్యంగా రావడంపై అర్జీదారులు అసంతృప్తి వ్యక్తం చేశారు. పైగా కనీస వసతులు సైతం కల్పించకుండా కలెక్టరేట్‌ సిబ్బంది నిర్లక్ష్యం వహించారని వాపోయారు. దాహంతో అలమటిస్తున్నప్పటికీ తాగునీటి సౌకర్యం కూడా కల్పించలేదని ఆవేదన వ్యక్తం చేశారు. వినతుల వెల్లువ ప్రజా సమస్యల పరిష్కార వేదికకు మొత్తం 238 అర్జీలు వచ్చినట్లు కలెక్టరేట్‌ అధికారులు వెల్లడించారు. ఈ క్రమంలో ప్రతి వినతిని నిశితంగా పరిశీలించి, పరిష్కారం చూపాలని కలెక్టర్‌ ఆదేశించారు. కార్యక్రమంలో జేసీ శుభం బన్సల్‌ పాల్గొన్నారు. పోలీస్‌ గ్రీవెన్స్‌కు 72 అర్జీలు తిరుపతి క్రైమ్‌: జిల్లా పోలీసు కార్యాలయంలో సోమవారం నిర్వహించిన ప్రజా సమస్యల పరిష్కార వేదికకు 72 ఫిర్యాదులు అందినట్టు ఎస్పీ హర్షవర్ధన్‌న్‌రాజు తెలిపారు. ఆయా అర్జీలను పరిశీలించి త్వరితగతిన పరిష్కరించాలని సంబంధిత అధికారులను ఆదేశించారు.

తిరుపతి క్రైమ్‌ : తిరుమలలో ఈ నెల 15వ తేదీన గుండెపోటుకు గురైన శ్రీనివాస్‌(60) అనే భక్తుడికి సకాలంలో సీపీఆర్‌ చేసి ప్రాణాలు కాపాడిన కానిస్టేబుల్‌ గుర్రప్పకు ఎస్పీ హర్షవర్ధన్‌రాజు సోమవారం రివార్డు అందించారు. గుర్రప్ప స్ఫూర్తితో ప్రతి ఒక్కరూ సేవాభావంతో నడుచుకోవాలని ఎస్పీ సూచించారు.పింఛన్ల తొలగింపుపై ఆందోళన కలువాయి(సైదాపురం) : పింఛన్‌ తొలగిస్తున్నట్లు నోటీసుల అందిన నేపథ్యంలో పలువురు దివ్యాంగులు సోమవారం ఎంపీడీఓ కార్యాలయం ఎదుట ఆందోళనకు దిగారు. మండలంలో దాదాపు 92 మందికి పింఛన్ల నిలిపివేస్తుండడంపై ఆవేదన వ్యక్తం చేశారు. పక్షవాతంతో మంచాన పడిన వారికి సైతం పెన్షన్‌ తీసివేయడంపై మండిపడ్డారు. కూటమి ప్రభుత్వం వచ్చిన తర్వాత కనీసం మాత్రం కనికరం కూడా లేకుండా దివ్యాంగుల ఉసురు పోసుకుంటున్నారని ఆగ్రహం వ్యక్తం చేశారు. ఉన్నతాధికారులు స్పందించి తమకు తగు న్యాయం చేయాలని కోరారు.మీసేవ నిర్వాహకుడిపై విచారణకలువాయి(సైదాపురం): అక్రమంగా నగదు వసూళ్లకు పాల్పడుతున్న కలువాయి మీసేవ కేంద్రం నిర్వాహకుడు వెంకటరత్నంపై డీఎల్‌పీఓ రమణయ్య సోమవారం విచారణ చేపట్టారు. 1బీ అండగల్‌, పాస్‌బుక్‌ అప్లై చేసేందుకు అధిక మొత్తంలో నగదు తీసుకున్నాడని విశ్రాంత ఉపాధ్యాయుడు కాకివాయి గోపాల్‌రెడ్డి ఫిర్యాదు మేరకు విచారణ చేపట్టినట్లు డీఎల్‌పీఓ రమణయ్య వెల్లడించారు.270 ఆటోలకు జరిమానాతిరుపతి క్రైమ్‌ : రోడ్డు ప్రమాదాల నివారణే లక్ష్యంగా ఈ నెల 12వ తేదీ నుంచి చేపట్టిన స్పెషల్‌ డ్రైవ్‌లో 270 ఆటోలకు జరిమానా విధించినట్లు ట్రాఫిక్‌ డీఎస్పీ రామకృష్ణ ఆచారి తెలిపారు. సోమవారం సైతం తనిఖీలు నిర్వహించామని, ఇప్పటి వరకు 27 ఆటోలను సీజ్‌ చేశామని వెల్లడించారు. డ్రైవ్‌ కొనసాగుతుందని స్పష్టం చేశారు.

తిరుపతి అర్బన్‌ : జిల్లా నైపుణ్యాభివృద్ధి సంస్థ ఆధ్వర్యంలో ఈ నెల 21వ తేదీన గూడూరు డీఆర్‌డబ్ల్యూ డిగ్రీ కళాశాలలోజాబ్‌ మేళా నిర్వహించనున్నారు. సోమవారం కలెక్టరేట్‌లో ఈ మేరకు కలెక్టర్‌ వెంకటేశ్వర్‌ పోస్టర్‌ ఆవిష్కరించారు. 10వ తరగతి నుంచి ఇంటర్‌, డిగ్రీ, డిప్లొమా తదితర కోర్సుల పూర్తి చేసిన మేళాకు అర్హులుగా పేర్కొన్నారు. 20వ తేదీ వరకు పేర్లు నమోదు చేసుకునేందుకు అవకాశం కల్పించారు. అదనపు సమాచారం కోసం 9985056929, 8639835953,9988853335 నంబర్లను సంప్రదించాలని సూచించారు. నైపుణ్యాభివృద్ధి సంస్థ జిల్లా అధికారి లోకనాథం పాల్గొన్నారు. అనంతరం ఈ నెల 20న ప్రపంచ దోమల నివారణ దినోత్సవం సందర్భంగా డీఎంహెచ్‌ఓ బాలకృష్ణ నాయక్‌ ఆధ్వర్యంలో కలెక్టర్‌ చేతుల మీదుగా పోస్టర్‌ ఆవిష్కరించారు.

తిరుపతి సిటీ : సాక్షాత్తు భగవంతుడు ఉపదేశించినవి వేదాలని, వాటి సదృశ్యాలే ఆగమ శాస్త్రాలని మైలాపురం సంస్కృత కళాశాల ప్రిన్సిపల్‌ డాక్టర్‌ ఎస్‌.అరుణసుందరం తెలిపారు. సంస్కృత వర్సిటీలో నిర్వహిస్తున్న చతురాగమ జాతీయ సదస్సుకు సోమవారం ఆయన ముఖ్యఅతిథిగా విచ్చేశారు. అరుణసుందరం మాట్లాడుతూ వేదాలు భారతీయ సంస్కృతికి దర్పణాలని చెప్పారు. వైఖానస, పాంచారాత్ర, శైవ, తంత్రసార ఆగమాలు వేద సదృశ్యాలేనని వివరించారు. ఆగమోక్త అంశాలపై పరిశోధనలు చేపట్టాలని కోరారు. అనంతరం వీసీ జీఎస్‌ఆర్‌ కృష్ణమూర్తి మాట్లాడుతూ ఆగమశాస్త్ర సంరక్షణ,, గ్రంథాల ముద్రణకు వర్సిటీ కృషి చేస్తోందన్నారు. త్వరలోనే ఆగమ ప్రదర్శనశాల ఏర్పాటు చేయనున్నట్లు, ఈ మేరకు చర్యలు చేపడుతున్నట్లు వెల్లడించారు. టీటీడీ ఎస్వీ వేదపాఠశాల ప్రిన్సిపల్‌ కుప్పా శివ సుబ్రమణ్య అవధాని, ఆగమ విభాగ అధ్యక్షుడు విష్ణుభట్టాచార్యులు, డీన్‌ రజనీకాంత్‌ శుక్లా పాల్గొన్నారు. ఘాట్‌లో టీటీడీ ఈఓ తనిఖీలుతిరుమల:తిరుమల రెండో ఘాట్‌ రోడ్డులో టీటీడీ ఈఓ శ్యామలారావు సోమవారం ఆకస్మికంగా తనిఖీలు చేపట్టారు. అవసరమైన చోట మరమ్మతుల పనులను త్వరితగతిన పూర్తి చేయాలని ఇంజినీరింగ్‌ అధికారులను ఆదేశించారు. ఘాట్‌ రోడ్డులో తగినంత సిబ్బందిని నియమించి తరచూ శుభ్రత కార్యక్రమాలు చేపట్టాలని హెల్త్‌ విభాగం అధికారులకు సూచించారు. పోలీసు కుటుంబాలకు ఆర్థిక సాయం తిరుపతి క్రైమ్‌ : విధి నిర్వహణలో మరణించిన పోలీసులకు సంబంధించి వారి కుటుంబాలకు ఎస్పీ హర్షవర్ధన్‌ రాజు సోమవారం రూ.లక్ష చొప్పున ఆర్థిక సాయం అందించారు. అందులో హెడ్‌ కానిస్టేబుల్‌ కామరాజు సతీమణి లక్ష్మి, కానిస్టేబుల్‌ అశోక్‌ తండ్రి గోపాల్‌కు చెక్కులను పంపిణీ చేశారు. ఆస్పత్రిలో చికిత్స పొందుతున్న హెడ్‌కానిస్టేబుల్‌ రోశయ్యకు వెల్ఫేర్‌ ఫండ్‌ కింద రూ.లక్ష వడ్డీ లేని రుణం మంజూరు చేశారు.

నగరి/చిల్లకూరు : అనంతపురం అర్బన్‌ ఎమ్మెల్యే దగ్గుపాటి వెంకటేశ్వర ప్రసాద్‌ జూనియర్‌ ఎన్టీఆర్‌పై చేసిన వ్యాఖ్యలు తీవ్ర దుమారం రేపడంపై మాజీ మంత్రి ఆర్‌కే రోజా స్పందించారు. ఆదివారం మీడియాతో ఆమె మాట్లాడుతూ టీడీపీ ఎమ్మెల్యే చేసిన వ్యాఖ్యలను తప్పుబట్టారు. తెలుగు చలనచిత్ర పరిశ్రమ, జూనియర్‌ ఎన్టీఆర్‌ కుటుంబం అంటే తెలుగుదేశం పార్టీకి ఎప్పటికీ చిన్నచూపే అన్నారు. జూనియర్‌ ఎన్టీఆర్‌ సినిమా ప్రదర్శనను ఆపాలనుకోవడం అంటే అరచేతిని అడ్డుపెట్టి సూర్యుడిని ఆపినట్టే అవుతుందని రోజా వ్యాఖ్యానించారు. జూనియర్‌ ఎన్టీఆర్‌ సినిమాలను ప్రతి ఒక్కరూ ఇష్టపడతారని, ప్రజల్లో మాస్‌ ఇమేజ్‌ ఉన్న హీరో సినిమాను అడ్డుకోవాలనుకోవడం హాస్యాస్పదమన్నారు. సినిమా బాగుంటే ఎవరూ అడ్డుకోలేరని, బాగోలేకపోతే ఎవరూ దాన్ని ఆడించలేరని స్పష్టం చేశారు. ఈ విషయం ఉప ముఖ్యమంత్రి పవన్‌ కల్యాణ్‌ హీరోగా నటించిన హరిహర వీరమల్లు సినిమాతో నిరూపితమైందన్నారు. టీడీపీ–జనసేన ఎమ్మెల్యేలు తలకిందులుగా తపస్సు చేసి, టికెట్లు ఫ్రీగా ఇచ్చినా కూడా హరిహర వీరమల్లు సినిమాను ఆడించలేకపోయారని గుర్తుచేశారు. సినిమా ఫంక్షన్లల్లో మాజీ ముఖ్యమంత్రి వైఎస్‌ జగన్‌మోహన్‌ రెడ్డిని తిట్టడం, సవాళ్లు చేయడం వంటివి జరిగితే గేమ్‌ ఛేంజర్‌ గానీ, హరిహరవీరమల్లు లాంటి సినిమాలు ఏమయ్యాయో మనం కళ్లారా చూశామన్నారు. జూనియర్‌ ఎన్టీఆర్‌ రాజకీయాల్లో లేడని, ఆయన సినిమాలు చేసుకుంటున్నాడని, ఆయన అంతర్జాతీయ స్థాయిలో అవార్డులు సొంతం చేసుకుంటున్న విషయం మనం చూస్తున్నామన్నారు.

తిరుపతి సిటీ : జిల్లాలోని అన్ని మండల కేంద్రాలలో సోమవారం నుంచి మూడు రోజుల పాటు విద్యారంగ సమస్యలపై నిరసన కార్యక్రమాలు చేపట్టాలని ఎస్‌ఎఫ్‌ఐ పిలుపునిచ్చింది. ఈ మేరకు ఆదివారం ఎస్‌ఎఫ్‌ఐ కార్యాలయంలో నిర్వహించిన సమావేశంలో తీర్మానించింది. ఎస్‌ఎఫ్‌ఐ జిల్లా అధ్యక్ష, కార్యదర్శులు అక్బర్‌, భగత్‌ రవి మాట్లాడుతూ తిరుపతి నగరంలో ప్రభుత్వ డిగ్రీ, జూనియర్‌ కళాశాల లేకపోవడం సిగ్గుచేటన్నారు. వసతి గృహాల్లో పిల్లలు వసతులులేక ఇబ్బందిపడుతున్నప్పటికీ అధికారులు పట్టించుకోవడం లేదని ఆరోపించారు. విద్యారంగంలో విప్లవం తీసుకువస్తామని మంత్రి లోకేష్‌ చెప్పిన మాటలు నీటిమూటలుగా మిగిలాయని ఆవేదన వ్యక్తం చేశారు. రూ.6,400కోట్ల స్కాలర్‌షిప్‌, ఫీజు రీయింబర్స్‌మెంట్‌ బకాయిలు చెల్లించకపోవడం దుర్మార్గమని మండిపడ్డారు. ప్రభుత్వం మెడలు వంచేలా విద్యార్థులు నిరసన కార్యక్రమాలలో పాల్గొనాలని పిలుపునిచ్చారు. ఎస్‌ఎఫ్‌ఐ జిల్లా ఉపాధ్యక్షులు అశోక్‌, వినోద్‌, తేజ, సభ్యులు శ్రీనివాస్‌, రవీంద్ర పాల్గొన్నారు.

నాగలాపురం–చిన్న పాండూరు రోడ్డు దుస్థితిని మాటల్లో చెప్పలేం. రాకపోకలకు పడుతున్న కష్టాలు వర్ణనాతీతం. తక్షణమే రోడ్డు నిర్మించాలి. ఈ మేరకు ప్రభుత్వం చొరవ చూపాలి. – దానివేలు, బీరకుప్పం నిధులు మంజూరు చేయాలి రోడ్డు నిర్మాణానికి ప్రభుత్వం వెంటనే నిధులు మంజూరు చేయాలి. సాధ్యమైనంత త్వరగా ప్రజలకు అందుబాటులోకి తీసుకురావాలి. ఇందుకోసం అధికారులు కృషి చేయాలి. – ఈశ్వర్‌, కడివేడు లారీల తాకిడికి ధ్వంసం చిన్నపాండూరుకు వెళ్లే రోడ్డు పొడవునా బావులను తలపించే గుంతలు ఉన్నాయి. ప్రధానంగా చమర్తకండ్రిగ వరకు కంకర లారీల తాకిడికి రోడ్డు పూర్తిగా ధ్వంసమైంది. రాత్రి వేళల్లో తరచూ ప్రమాదాలు జరుగుతున్నాయి. – మురళీరెడ్డి, సిద్ధాపురం ●వరదయ్యపాళెం : సత్యవేడు నియోజకవర్గంలోని నాగలాపురం నుంచి టీపీకోట మీదుగా చిన్న పాండూరుకు వెళ్లే ప్రధాన రోడ్డు అధ్వానంగా మారింది. కఈ మార్గంలో పలుచోట్ల మట్టి రోడ్డుగా దర్శనమిస్తోంది. ఒకప్పుడు తారురోడ్డుగా ఉన్న ఈ ప్రాంతం పూర్తిగా రూపురేఖలు కోల్పోయింది. దీంతో ప్రజలు రాకపోకలకు పడుతున్న కష్టాలు వర్ణనాతీతమే. రోడ్డు పొడవునా బావులను తలపించేలా గుంతలు ఏర్పడ్డాయి. దీంతో బస్సులు, కార్లు, లారీలు సైతం ఆ మార్గంలో వెళ్లడం కష్టతరంగా మారింది. ఇక ద్విచక్ర వాహనదారులు తరచూ ప్రమాదాలకు గురవుతున్నారు. ఇలాంటి దుస్థితిలో సుమారు 20 గ్రామాలకు పైగా ప్రజల రాకపోకలకు పడుతున్న కష్టాలు అన్నీఇన్నీ కావు. రూ. 71కోట్లతో ప్రతిపాదనలు నాగలాపురం–చిన్న పాండూరు రోడ్డుఅభివద్ధి కోసం రూ. 71కోట్లతో ఆర్‌అండ్‌బీ అధికారులు ప్రతిపాదనలను భుత్వానికి నివేదించారు. అయితే నిధులు మంజూరు చేయడంలో ప్రభుత్వం మీనమేషాలు లెక్కించడం గమనార్హం. గత వైఎస్సార్‌సీపీ ప్రభుత్వంలో 19 కిలోమీటర్ల మేర రోడ్డు అభివద్ధి కోసం రూ. 49కోట్లు మంజూరు చేశారు. ఎన్నికల నోటిఫికేషన్‌ రావడంతో నిర్మాణ పనులు నిలిచిపోయాయి. కూటమి ప్రభుత్వం అధికారంలోకి వచ్చాక అంచాన వ్యయం పెంచి రూ. 71కోట్లకు ప్రతిపాదనలు సిద్ధం చేశారు. పాదిరికుప్పం వద్ద .. మట్టి రోడ్డును తలపిస్తూ..

● నదిలో యథేచ్ఛగా ఇసుక తవ్వకాలు ● నిర్మాణంలోని ఇళ్ల ముందు డంపింగ్‌ ● ట్రాక్టర్లతో తమిళనాడుకు తరలింపు సూళ్లూరుపేట రూరల్‌ : కూటమి నేతల అధికారం అండతో రెచ్చిపోతున్నారు. యథేచ్ఛగా ఇసుక స్మగ్లింగ్‌కు పాల్పడుతున్నారు. ఇందుకోసం కాళంగి నదిని కన్నీరు పెట్టిస్తున్నారు. యంత్రాల సాయంతో ఇష్టారాజ్యంగా తవ్వేసి ఇసుకను సమీప గ్రామాల్లో నిర్మిస్తున్న ఇళ్ల ముందు డంప్‌ చేసుకుంటున్నారు. రాత్రివేళల్లో ట్రాక్ట ర్ల ద్వారా ఇసుకను అక్రమంగా తరలించేస్తున్నారు. డిమాండ్‌ అధికం తడ, సూళ్లూరుపేట, దొరవారిసత్రం మండలాల్లో విస్తరించిన కాళంగి నదిలో నాణ్యమైన ఇసుక ఉంది. దీనికి ఇతర ప్రాంతాల్లో డిమాండ్‌ అధికంగా ఉంది. ఇది గుర్తించిన ఇసుకాసురులు నదిని తోడేస్తున్నారు. ప్రధానంగా ఇలుపూరు గ్రామం వద్ద నది పొర్లు కట్టను తవ్వి దారి ఏర్పాటు చేసుకుని ఇసుకను అక్రమంగా తరలిస్తున్నారు. రోజూ వందలాది ట్రాక్టర్లతో.. ఇలుపూరు గ్రామం నుంచి రోజూ వందలాది ట్రాక్టర్లతో ఇసుక తరలిస్తున్నారు. టీడీపీ నేతల కనుసన్నల్లో అక్రమార్కులు ఇసుకను యథేచ్ఛగా సరిహద్దులు దాటించి తమిళనాడుకు చేరుస్తున్నారు. దర్జాగా ఇసుక ట్రాక్టర్లును హైవేపైనే వెళుతుండడం గమనార్హం. కళ్ల ఎదుటే ఇసుక ట్రాక్టర్లు వెళుతున్నా హైవే పెట్రోలింగ్‌ సిబ్బంది సైతం చూసీ చూడనట్లు వ్యవహరిస్తుండడం కొసమెరుపు.

దయనీయం.. తిరుపతి సిటీ : విశ్వవిద్యాలయాల్లోని తాత్కాలిక అధ్యాపకుల పరిస్థితి దయనీయంగా మారింది. ఉద్యోగ భద్రతలేని అయోమయంలో కొట్టుమిట్టాడే దుస్థితి దాపురించింది. ఈ క్రమంలోనే వర్సిటీ అధికారుల నిరంకుశ ధోరణపై నోరు మెదపలేని పరిస్థితి. వాస్తవానికి విద్యార్థులు, పరిశోధకులకు తోడ్పాటు అందిస్తోంది తాత్కాలిక అధ్యాపకులే. అయినా వారిని ఉన్నత విద్యామండలి, వర్సిటీల అధికారులు చిన్నచూపు చూస్తున్నారు. డిసిగ్నేషన్‌ ఏదీ..? తాత్కాలిక అధ్యాపకులకు డెసిగ్నేషన్‌ కూడా లేదు. పక్క రాష్ట్రాల్లో, కేంద్రీయ విశ్వవిద్యాలయాల్లో తాత్కాలిక అధ్యాపకులకు ‘అసిస్టెంట్‌ ప్రొఫెసర్‌‘ హోదా కల్పించారు. మన రాష్ట్రంలో మాత్రం వారిని మూడు నెలలకు ఒకసారి కాంట్రాక్టులు రెన్యువల్‌ చేస్తూ, వేతనాలు కూడా సకాలంలో ఇవ్వడం లేదు. వర్సిటీలలోఅన్యాయాలపై ఎవరు గళం విప్పినా వేతనాలు నిలిపివేస్తారు. ప్రతి మూడు నెలలకు ఉద్యోగం ఉంటుందో లేదో అనే ఆందోళన వల్ల బోధన, పరిశోధన సక్రమంగా చేయలేక అనేక ఆరోగ్య సమస్యలను ఎదుర్కొంటున్నారు. శాశ్వత అధ్యాపకుల నియామకాలు లేనట్టేనా? గత వైఎస్సార్‌సీపీ ప్రభుత్వంలో అన్ని వర్సిటీలలో ఖాళీగా ఉన్న అధ్యాపకుల పోస్టుల భర్తీకి నోటిఫికేషన్‌ విడుదల చేశారు. కూటమి ప్రభుత్వం అధికారం చేపట్టిన వెంటనే ఆ నోటిఫికేషన్‌ను రద్దు చేసి నిరుద్యోగులకు శఠగోపం పెట్టేసింది. ఏళ్ల తరబడి నోటిఫికేషన్‌ కోసం ఎదురు చూసి, రూ.లక్షలు వెచ్చించి కోచింగ్‌ తీసుకున్న అభ్యర్థుల ఆశలపై నీళ్లు చల్లింది. ప్రస్తుతం వందల సంఖ్యలో వర్సిటీలలో ఖాళీగా ఉన్న అధ్యాపక పోస్టుల నియామకాలు చేపట్టేందుకు కూటమి ప్రయత్నం మొగ్గు చూపకపోవడం దారుణమని విద్యార్థులు, మేధావులు ఆగ్రహం వ్యక్తం చేస్తున్నారు. ఉన్నత విద్యామండలి చొరవ చూపాలి తాత్కాలిక అధ్యాపకులకు అసిస్టెంట్‌ ప్రొఫెసర్లుగా హోదా కల్పించాలి. ఈ విషయంపై ఉన్నత విద్యామండలి చొరవ చూపాలి. వర్సిటీ అధికారులతో చర్చించి వారికి డిసిగ్నేషన్‌ కల్పించే ప్రయత్నం చేయాలి. శాశ్వత అధ్యాపకుల నియామకాలకు ప్రభుత్వం వెంటనే నోటిఫికేషన్‌ విడుదల చేయాలి. తొలగించిన అధ్యాపకులను వెంటనే విధుల్లోకి తీసుకోవాలి. – విద్యార్థి సంఘాల నేతలు, ఎస్వీయూ వీధిన పడేయడం దారుణం తాత్కాలిక అధ్యాపకుల పరిస్థితి రోజు రోజుకి దారుణంగా తాయారవుతోంది. ప్రభుత్వాలు మారినప్పుడల్లా ఉద్యోగం ఉంటుందో.. పోతుందో అనే భయంతో జీవిస్తున్నారు. ఇటీవల కూటమి ప్రభుత్వం ఏర్పడిన తర్వాత, పెర్ఫార్మెన్స్‌ రివ్యూ‘ పేరుతో అనేకమందిని తొలగించారు. ఏళ్ల తరబడి సేవలందించిన అధ్యాపకులను సైతం వీధుల్లో పడేశారు.

డీఎస్సీ పరీక్షలు రాసిన అభ్యర్థులకు నార్మలైజేషన్‌ రూపంలో పెద్ద గండం ఎదురైంది. నార్మలైజేషన్‌తో ఉదయం షిఫ్ట్‌లో పరీక్ష రాసిన వారికి ప్రశ్నపత్రం సులువుగా, రెండవ షిఫ్ట్‌లో పరీక్షలు రాసిన వారికి కష్టంగాను రావడంతో ప్రతిభను కొలవలేం. – సుధాకర్‌రెడ్డి, రిటైర్డ్‌ ఉపాధ్యాయులు, తిరుపతి ఆన్‌లైన్‌ విధానంతోనే తిప్పలు ఆఫ్‌లైన్‌ విధానంలో పరీక్షల నిర్వహణ జరిపి ఉండాల్సింది. ప్రస్తుతం నార్మలైజేషన్‌ ప్రక్రియలో విద్యార్థుల మార్కల గణనలో తేడాలు రావడంతో అయోమయం నెలకొంది. ఈ విషయాన్ని ప్రభుత్వ పరిగణలోనికి తీసుకోవాలి. – సావిత్రమ్మ, ప్రైవేటు విద్యాసంస్థ అధ్యాపకురాలు, తిరుపతి అందరికీ న్యాయం చేయాలి డీఎస్సీ అభ్యర్థులు ఎన్నో ఏళ్లు గా కష్టపడి పరీక్షలు రాశా రు. మార్కుల గణనలో నార్మలైజేషన్‌ ప్రక్రియతో చాలా మంది ప్రతిభగల అభ్యర్థులు నష్టపోయే ప్రమాదం ఉంది. ఒక షిఫ్ట్‌లో పరీక్షలు రాసినవారే ఎక్కువ మంది ఉద్యోగాలు పొందే అవకాశం ఉంది. పరిశీలించి అందరికీ న్యాయం చేయాలి. – సుదర్శన్‌ రావు, విశ్రాంత అధ్యాపకులు, తిరుపతి

అహంకారతో ఎమ్మెల్యేలు ఎలా పడితే అలా మాట్లాడుతున్నారు. ఇలా మాట్లాడడం వల్ల లోకేష్‌ మెప్పు పొందవచ్చని అనుకుంటున్నారు. గతంలో టీడీపీ వ్యవస్థాపకులు నందమూరి తారక రామారావును అనరాని మాటలు అన్న రోజులు నేటికీ కూడా ప్రతి ఒక్కరికీ గుర్తున్నాయి. ఇప్పుడు కూడా అదే బాటలో టీడీపీ ఎమ్మెల్యేలు పయనిస్తున్నారు. జూనియర్‌ ఎన్టీఆర్‌ను రాయలేని భాషలో తిట్టడం శోచనీయం. కూటమి ప్రభుత్వం అధికారం చేట్టిన తర్వాత అహంకారంతో నోటికి ఏది వస్తే అది మాట్లాడుతున్నారు. ఎన్టీఆర్‌ను ఇలా అనరాని మాటలు అనడం సరైన పద్ధతి కాదు. – మేరిగ మురళీధర్‌, ఎమ్మెల్సీ, వైఎస్సార్‌సీపీ గూడూరు నియోజకవర్గ

పుంగనూరు: ప్రతి గ్రామంలోనూ రామాలయాలు, గంగమ్మ ఆలయాలు నిర్మించి, ఆధ్యాత్మికత వైపు పల్లెలు పయనిస్తుండడం అభినందనీయమని మాజీ మంత్రి పెద్దిరెడ్డి రామచంద్రారెడ్డి తెలిపారు. ఆదివారం సాయంత్రం మండలంలోని బాగేపల్లె గ్రామంలో గ్రామస్తులు నిర్మిస్తున్న నూతన గంగమ్మ ఆలయ ప్రారంభోత్సవ కార్యక్రమంలో ఆయన పాల్గొని ప్రత్యేక పూజలు చేశారు. ఈ సందర్భంగా గ్రామస్తులు పెద్దిరెడ్డికి మంగళ హారతులు పట్టి స్వాగతం పలికారు. ఈ సందర్భంగా ఆయన గ్రామస్తులతో సరదాగా గడిపారు. అనంతరం ఆయన మాట్లాడుతూ గ్రామీణ ప్రాంతాల్లో ప్రజలు భక్తిమార్గంలో పయనిస్తున్నారని కొనియాడారు. గంగమ్మ తల్లి ప్రజలందరినీ చల్లగా చూడాలని, సకాలంలో వర్షాలు కురిసి, పంటలు పండి ప్రజలంతా అభివృద్ధి చెందాలని కోరారు. ఎంపీపీ అక్కిసాని భాస్క ర్‌రెడ్డి, వైఎస్సార్‌సీపీ నాయకులు రామమోహన్‌రెడ్డి, రాజారెడ్డి, జయరామిరెడ్డి తదితరులు పాల్గొన్నారు.

సాక్షి టాస్క్‌ఫోర్స్‌ : గ్రామ కంఠం, ప్రభుత్వ భూములు, స్థలాలపై టీడీపీ నేతలు కన్నేశారు. ఆయా ప్రాంతాల్లో రెవెన్యూ అధికారుల సహకారంతో ఆక్రమించుకుంటున్నారు. అనంతరం సదరు భూములు పదేళ్లుగా తమ అనుభవంలో ఉన్నట్లు నకిలీ పత్రాలు సృష్టించి రెగ్యులరైజ్‌ చేయించుకుంటున్నారు. నివాస స్థలాలకు అనువుగా ఉండే భూములే లక్ష్యంగా టీడీపీ నేతలు బరితెగిస్తున్నారు. అందులో ఏర్పేడు మండల శ్రీనివాసపురం రెవెన్యూ పరిధిలో ఆక్రమణకు గురైన గ్రామ కంఠం భూమి ఒకటి. సర్వే నంబర్‌ 327లో 10.30 ఎకరాల గ్రామం కంఠం భూములు ఉన్నాయి. ఏర్పేడు– వెంకటగిరి రహదారికి సమీపంలో ఉండడం, గ్రామం పక్కనే ఐజర్‌ వంటి కేంద్రీయ విద్యా సంస్థలు ఉండడంతో ఆ భూములకు భారీగా డిమాండ్‌ పెరిగింది. కూటమి ప్రభుత్వం వచ్చిన వెంటనే స్థానిక ఎమ్మెల్యే అనుచరుడు అని చెప్పుకుని తిరిగే వ్యక్తి ఒకరు శ్రీనివాసపురం పరిధిలోని గ్రామం కంఠం భూములపై కన్నేశాడు. ముందస్తుగా జంగాలపల్లె–శ్రీకాళహస్తికి వెళ్లే మార్గంలోని శివగిరిపల్లె వద్ద ఉన్న విలువైన రెండెకరాల భూమిని ఆక్రమించుకున్నాడు. గ్రామస్తులు నోరెత్తకుండా ఉండేందుకు కొందరితో రాయబారాలు గ్రామానికి రూ.2 కోట్లు ముట్టజెబుతామని ప్రలోభపెట్టాడు. అధికారం ప్రయోగంతో గ్రామస్తులను ఒప్పించాడు. గ్రామ కంఠం భూమిలో రియల్‌ ఎస్టేట్‌ వ్యాపారం చేస్తామని, ఎవరూ అడ్డుకోకూడదని, అభ్యంతరం చెప్పకూడదని అల్టిమేటం జారీ చేశాడు. ముందుగా రెండెకరాలను ఆక్రమించి ప్లాట్లు వేసి అమ్మకానికి పెట్టేశాడు. ప్రస్తుతం మార్కెట్‌ ధర ప్రకారం రెండెకరాల విలువ సుమారు రూ.6 కోట్లు ఉంటుందని స్థానికులు చెబుతున్నారు. పద్మగిరి వద్ద తన స్థలంలోకి దారి కోసం టీడీపీ నేత ధ్వంసం చేసిన ప్రహరీ గోడఅడిగేదెవరు? ఆపేదెవరు?

జిల్లా సమాచారం బయాలజీ, సోషియల్‌లో డీఎస్సీ రాసిన అభ్యర్థులు జిల్లాలో స్కూల్‌ అసిస్టెంట్‌ బయాలజీ పోస్టుల సంఖ్య 63 స్కూల్‌ అసిస్టెంట్‌ సోషియల్‌ సబ్జెక్ట్‌ పోస్టుల సంఖ్య 130 బయాలజీ సబ్జెక్ట్‌తో పరీక్షలకు హాజరైన అభ్యర్థులు 3,450 సోషియల్‌ సబ్జెక్ట్‌తో పరీక్షలకు హాజరైన అభ్యర్థులు 6,955డీఎస్పీ కోసం ఏళ్ల తరబడి నిరీక్షణ నిరాశనే మిగులుస్తోంది. రాత్రింబవళ్లు చదివినా రిక్త హస్తమే ఎదురవుతోంది. కష్టపడి పరీక్ష రాసినా ఫలితం శూన్యంగానే మారుతోంది. ప్రభుత్వం తీసుకువచ్చిన నార్మలైజేషన్‌ విధానం అభ్యర్థుల ఆశలను తారుమారు చేస్తోంది. ప్రధానంగా బయాలజీ.. సోషియల్‌ సబ్జెక్టులను ఎంచుకున్నవారికే అధికంగా నష్టం జరుగుతోంది. అందులోనూ ఆన్‌లైన్‌ ఎగ్జామ్‌ తొలి సెషన్‌కు హాజరైన వారే బాధితులుగా మారే దుస్థితి దాపురించింది. అందరికీ సమన్యాయం చేయాలి రెండవ షిఫ్ట్‌లో తెలుగు మీడియంతో పాటు ఇంగ్లీషు, ఉర్దూ, తమిళ, ఒడిశా, కన్నడ మీడియం అభ్యర్థులు కలిసి పరీక్షలకు హాజరయ్యారని, వారందరినీ కలిపి నార్మలైజేషన్‌ చేయడం వలన ఉదయం షిఫ్ట్‌లో పరీక్షలు రాసిన వారికి తీవ్ర అన్యాయం జరుగిందన్నారు. జిల్లాలో పదుల సంఖ్యలో మాత్రమే బయాలజీ పోస్టులు ఉన్నందున్న ప్రతిభ గల అభ్యర్థులు ఉద్యోగాన్ని కోల్పోయే పరిస్థితి నెలకొందని ఆవేదన వ్యక్తం చేస్తున్నారు. సోషియల్‌ విభాగంలో పరీక్షలు రాసిన అభ్యర్థులు సైతం ఇదే సమస్య ఎదుర్కొంటున్నట్లు సమాచారం. వెంటనే ప్రభుత్వం నార్మలైజేషన్‌ విషయంలో రెండు షిఫ్ట్‌లలో పరీక్షలు రాసిన అభ్యర్థులకు సమన్యాయం చేయాలని డిమాండ్‌ చేస్తున్నారు. ఫలితాలను సవరిస్తే ప్రతిభ గల అభ్యర్థులు ఉద్యోగాలకు ఎంపికవుతారని ప్రభుత్వానికి విన్నవిస్తున్నారు.

శ్రీకాళహస్తి : అక్రమంగా మద్యం విక్రయిస్తున్న తులకనం హిమకిషోర్‌ (30)ను శనివారం అరెస్టు చేసినట్లు ఎకై ్సజ్‌ సీఐ లావణ్య తెలిపారు. పట్టణంలోని ముత్యాలమ్మగుడి వీధికి చెందిన హిమకిషోర్‌ ప్రభుత్వ ఆస్పత్రికి వెళ్లే మార్గంలోని అయ్యలనాడు చెరువు కట్టపై అక్రమంగా మద్యం విక్రయిస్తుండగా స్వాధీనం చేసుకుని, నిందితుడిని అరెస్టు చేసినట్లు సీఐ లావణ్య చెప్పారు. పెట్రోల్‌ బంకులో తనిఖీలు తిరుపతి క్రైమ్‌ : తిరుపతి విజిలెన్స్‌ అండ్‌ ఎన్‌ఫోర్స్‌మెంట్‌ ఎస్పీ కరిముల్లా ఆదేశాల మేరకు శనివారం తిరుపతి నగరంలోని అక్కారంపల్లి సర్కిల్‌ సమీపంలోని వెంకటసాయి ఫిల్లింగ్‌ స్టేషన్‌ను తనిఖీ చేశారు. వారితో పాటు సివిల్‌ సప్లయి డీటీ గంగయ్య, లీగల్‌ మెట్రాలజీ ఇన్‌స్పెక్టర్‌ ప్రసాద్‌ ఉన్నారు. అయితే ఫిల్లింగ్‌ స్టేషన్‌లోని 7 పంపుల్లో రెండు నాజల్స్‌లో కొలతల అంశంలో తేడాలు ఉన్నట్లు గుర్తించారు. దీంతో ఆ మేరకు రెండు నాజల్స్‌ను సీజ్‌ చేయడంతో పాటు కేసు నమోదు చేసినట్లు అధికారులు వెల్లడించారు. డిస్టెన్స్‌లో ఆ కోర్సులకు మంగళం! తిరుపతి సిటీ : ఉన్నత విద్యా సంస్థలు, యూనివర్సిటీ ఆధ్వర్యంలో నడుస్తున్న దూరవిద్య, సార్వత్రిక విద్యా కేంద్రాలలో పలు కోర్సులకు ప్రవేశాలు చేపట్టరాదని యూజీసీ ఆదేశించినట్లు తెలుస్తోంది. డిస్టెన్స్‌ ఎడ్యుకేషన్‌ బ్యూరో సిఫార్సుల మేరకు త్వరలో ఆయా వర్సిటీలకు యూనివర్సిటీ గ్రాంట్‌ కమిషన్‌ ఆదేశాలు జారీ చేయనుంది. ఈ విద్యా సంవత్సరం నుంచే సంబంధిత కోర్సులపై నిషేధం విధించనుంది. ఇందులో ప్రధానంగా సైకాలజీ, మైక్రో బయాలజీ, ఫుడ్‌ అండ్‌ న్యూట్రీషియన్‌ సైన్స్‌, బయో టెక్నాలజీ, క్లినికల్‌ న్యూట్రీషియన్‌ వంటి ఆరోగ్య సంరక్షణ కోర్సులను దూర విద్య ద్వారా అందించరాదని నిషేధం విధించనుంది.

మాట్లాడుతున్న ఎమ్మెల్సీ సిపాయి సుబ్రమణ్యం, మాట్లాడుతున్న జెడ్పీ ౖచైర్మన్‌ శ్రీనివాసులు, జేసీ విద్యాదరి పక్కన సీఈఓ రవికుమార్‌నాయుడు చిత్తూరు కార్పొరేషన్‌: జెడ్పీ సర్వసభ్య సమావేశం తూతూమంత్రంగా సాగింది. శనివారం జెడ్పీ 4వ సర్వసభ్య సమావేశం చైర్మన్‌ శ్రీనివాసులు అధ్యక్షతన, సీఈఓ రవికుమార్‌నాయుడు ఆధ్వర్యంలో నిర్వహించారు. జేసీ విద్యాదరి హాజరయ్యారు. ఇక సత్యవేడు, పూతలపట్టు ఎమ్మెల్యేలు ఆదిమూలం, మురళీమోహన్‌, ఎమ్మెల్సీ సిపాయి సుబ్రమణ్యం మినహా ఉమ్మడి జిల్లాకు చెందిన ఎమ్మెల్యేలు, ఎంపీలు హాజరు కాలేదు. సమావేశం ఉదయం 11 గంటలకు ప్రారంభించగా మధ్యాహ్నం 1.30కు ముగించేశారు. అజెండాలో 11 అంశాలపై చర్చ జరపాల్సి ఉండగా.. తూతూమంత్రంగా కానిచ్చేశారు. తిరుపతి, అన్నమయ్య జిల్లాల నుంచి పలు శాఖల అధికారులు హాజరు కాలేదు. సభ్యుడు కానీ టీడీపీ జిల్లా అధ్యక్షుడు రాజన్‌ సమావేశానికి హాజరవ్వడం గమనార్హం. 50 ఏళ్లుగా ఇలాంటి పాలన చూడలేదు ప్రజాప్రతినిధులంటే దిష్టిబొమ్మల్లా అధికారులకు కనపడుతున్నట్టు సత్యవేడు ఎమ్మెల్యే ఆదిమూలం ఆవేదన వ్యక్తం చేశారు. గత 50 ఏళ్లుగా రాజకీయాల్లో ఉన్నానని, ఇలాంటి పిచ్చి తుగ్లక్‌ పాలన చూడలేదని విమర్శించారు. అన్నదాత సుఖీభవ కార్యక్రమంలో తన చేతులమీదుగా ఇచ్చిన చెక్‌ను మరోసారి కార్యక్రమం పెట్టి ఇంకొకరి చేతుల మీదుగా వ్యవసాయశాఖాధికారులు ఇప్పించారన్నారు. ప్రొటోకాల్‌ పాటించని అధికారుల పై స్పీకర్‌, ప్రివిలేజ్‌ కమిటీకి ఫిర్యాదు చేస్తానని హెచ్చరించారు. గత పాలనలో రోడ్ల అభివృద్ధి పనులు నియోజకవర్గంలో బాగా జరిగాయన్నారు. ప్రస్తుతం 36 రోడ్లు అధ్వాన్నంగా ఉన్నాయని వాపోయారు. ఆర్‌అండ్‌బీ బైపాస్‌ రోడ్డు మంజూరైనా పనులు చేయలేదని, సీకేపొడి, నాగలాపురం– శ్రీసిటీ, నాగలాపురం–టీపీకోట రోడ్డు చాలా అధ్వాన్నంగా ఉందన్నారు. చాలా రోడ్లపై కనీసం ఆర్టీసీ బస్సులు కూడా వెళ్లలేని పరిస్థితి నెలకొందన్నారు. కేవీపురం మండలం, ఎగవ పూడిబ్రిడ్జి, నారాయణవనంలోని తంబూరు, పాలమంగళం బ్రిడ్జిలు దెబ్బతిన్నాయన్నారు. నాగలాపురం–సురటపల్లెకు వెళ్లే మార్గంలో మూడు కిలోమీటర్లు రోడ్డు వేయాల్సి ఉందన్నారు. జెడ్పీ గెస్ట్‌హౌస్‌లో కనీసం ఫర్నిచర్‌ కూడా లేదన్నారు. 108 వాహనాలు లేవు పలు ప్రభుత్వాస్పత్రుల్లో 102, 104, 108 వాహనాలు అందుబాటులో లేవని ఎమ్మెల్సీ సిపాయి సుబ్రమణ్యం ఆరోపించారు. అత్యవసర కేసులను సమీపంలో ఉండే నెట్‌వర్క్‌ ఆస్పత్రులకు పంపాలన్నారు. సమస్యలు ఏకరువు

నారాయణవనం: స్థానిక పద్మావతీ సమేత కల్యాణ వేంకటేశ్వరస్వామి ఆలయంలో శనివారం గోకులాష్టమి ఆస్థానం ఘనంగా నిర్వహించారు. ఉదయం సుప్రభాత సేవతో నిత్యపూజా కార్యక్రమాలు పూర్తి చేసి, దూప, దీప నైవేద్యాలను సమర్పించారు. సాయంత్రం ఆస్థాన మండపంలో బాలగోలుడిని పీఠంపై కొలువుదీర్చారు. వేద మంత్రాలు, మంగళ వాయిద్యాల నడుమ బాలగోపాలుడికి ఆస్థానం నిర్వహించారు. ఈ సందర్భంగా ఆస్థాన మండపాన్ని నేతి దీపాలతో సుందరంగా అలంకరించారు. ఈ సందర్భంగా ఆలయ ప్రధాన అర్చకులు శ్రీధరభట్టాచార్యులు మాట్లాడుతూ ఆదివారం ఆలయంలో గోకులాష్టమి ఉత్సవం నిర్వహించనున్నట్లు తెలిపారు. ఉదయం శ్రీకృష్ణుడి మాడవీధి ఊరేగింపు, సాయంత్రం సన్నిధి వీధిలో ఊట్లోత్సవం నిర్వహిస్తున్నట్లు తెలిపారు.

తిరుపతి సిటీ : రాష్ట్రీయ ఇండియన్‌ మిలిటరీ కాలేజ్‌లో 2026 విద్యా సంవత్సరానికి గాను 8వ తరగతిలో ప్రవేశాలకు నోటిఫికేషన్‌ విడుదలైందని కోచింగ్‌ ఫెడరేషన్‌ ఆఫ్‌ ఇండియా రాష్ట్ర ఉపాద్యక్షుడు, విశ్వం విద్యా సంస్థల అధినేత డాక్టర్‌ ఎన్‌.విశ్వనాథ్‌ రెడ్డి ఒక ప్రకటనలో తెలిపారు. జాతీయ స్థాయిలో 7వ తేదీ డిసెంబర్‌లో ప్రవేశ పరీక్ష నిర్వహించబడుతుందని పేర్కొన్నారు. ప్రవేశ పరీక్షకు 2వతేదీ జూలై 2013 నుంచి 01 జనవరి 2015 మధ్య జన్మించిన విద్యార్థులు అర్హులు అని, ప్రవేశ పరీక్ష విధానం, దరఖాస్తులు వంటి సమాచారం కోసం 9399976999/ 8688888802/03 ఫోన్‌ నంబర్లలో గాని వరదరాజనగర్‌ లోని విశ్వం సైనిక్‌ అండ్‌ మిలిటరీ పోటీ పరీక్షల సమాచార కేంద్రంను సంప్రదించాలని సూచించారు. వైఎస్సార్‌సీపీ రాష్ట్ర బీసీ ప్రధాన కార్యదర్శిగా గంగాధర్‌ యాదవ్‌ తిరుపతి అన్నమయ్య సర్కిల్‌ : వైఎస్సార్‌సీపీ అధ్యక్షుడు వైఎస్‌ జగన్‌మోహన్‌రెడ్డి ఆదేశాల మేరకు ఆ పార్టీ రాష్ట్ర బీసీ విభాగం ప్రధాన కార్యదర్శిగా తిరుపతికి చెందిన నల్లబోయిన గంగాధర్‌ యాదవ్‌ నియమితులయ్యారు. ఈ మేరకు శనివారం పార్టీ కేంద్ర కార్యాలయం నుంచి ఉత్తర్వులు విడుదల చేశారు. తిరుమల ఘాట్‌లో ప్రమాదం తిరుమల : తిరుమల డౌన్‌ ఘట్‌ రోడ్డులో ప్రమాదం జరిగింది. స్కూటర్‌పై వస్తున్న ఇద్దరు మహిళల్లో, ఒకరికి ఫిట్స్‌ రావడంతో వాహనం అదుపుతప్పి ఇద్దరూ కిందపడ్డారు. ఈ ప్రమాదంలో ఇద్దరు మహిళలకు తీవ్ర గాయాలయ్యాయి. వెంటనే తోటి వాహనదారులు స్పందించి వారిని తిరుపతి స్విమ్స్‌కు తరలించారు. గాయపడిన మహిళ టీటిడీ ఉద్యోగి సతీమణిగా గుర్తించారు. బంగారు కమ్మల మేళా – తిరుపతి ఎగ్జిబిషన్‌ సేల్‌ నేటితో ముగింపు తిరుపతి అర్బన్‌ : తిరుపతి నగరం రామానుజు సర్కిల్‌ సమీపంలోని ఏకాంత బ్లిస్‌లో శనివారం బంగారు కమ్మల మేళాను శ్రీకాళహస్తికి చెందిన మాధురీ గోల్డ్‌ షాపు వారు నిర్వహించారు. ఆదివారంతో ఈ మేళా కార్యక్రమాన్ని ముగించనున్నారు. బంగారు కమ్మల మేళాలో వందకుపైగా మోడల్స్‌ను ప్రదర్శించారు. అందర్నీ ఆకట్టుకునేలా మేళాలో వివిధ మోడల్స్‌ను చూపడంతో పలువురు ఆకర్షితులయ్యారు. ప్రతి గ్రామంపై 501 తగ్గింపు ప్రకటించడంతో ఆదరణ లభించిందని మాధురీ గోల్డ్‌ ప్రొపరైటర్‌ సునీల్‌కుమార్‌ వెల్లడించారు. ఈ అవకాశాన్ని సద్వినియోగం చేసుకోవాలని ఆయన కోరారు.

రేణిగుంట : విమానాశ్రయం సమీపంలోని ప్రైవేట్‌ కార్పొరేట్‌ పరిశ్రమల్లో పనిచేస్తున్న వేల మంది కార్మికులు కార్పొరేట్‌ సంస్థ చేతుల్లో కీలుబొమ్మలుగా మారి విలవిలలాడుతున్నారు. చదువుకొని ఉద్యోగం రాక ఇబ్బంది పడుతున్న నిరుద్యోగులు పరిశ్రమలు పెట్టే నిబంధనలను గత్యంతరం లేని పరిస్థితుల్లో ఒప్పుకుంటూ అగ్రిమెంట్లపై సంతకాలు చేసి ఉద్యోగాల్లో చేరుతున్నారు. దాన్ని ఆసరాగా చేసుకుంటున్న పరిశ్రమలు ఏజెన్సీలతో కుమ్మకై ్క తాము ఇచ్చిందే జీతం, పెట్టిందే భోజనం అనే విధంగా వ్యవహరిస్తున్నారు. ఈ బాధలు పడలేక రెండు రోజుల క్రితం రెండు పరిశ్రమలోని సుమారు 1500 మంది పైగా రెండు విడుతలుగా పరిశ్రమ ముందు కార్మికులు బైఠాయించి నిరసన తెలిపారు. వారికి రెండు రోజుల్లో సమస్యలను పరిష్కారం చూపుతామని నచ్చజెప్పారు. కానీ అక్కడే పరిశ్రమ వారి ఈగో హర్ట్‌ అయింది.. కార్మికులకు కొత్త నిబంధనలు పెట్టి వేధింపులు మొదలుపెట్టారు. పోలీస్‌ క్లియరెన్స్‌ కావాలంటూ మెలిక ఎన్నో ఏళ్లుగా పరిశ్రమలో విధులు నిర్వహిస్తున్న కార్మికులు ప్రస్తుతం నూతనంగా చేరుతున్నట్లు అప్లికేషన్‌ రాసి పోలీస్‌ క్లియరెనన్స్‌ , హెల్త్‌ క్లియరెన్స్‌ సర్టిఫికెట్లు జత చేసి ఇవ్వాలంటూ పరిశ్రమల యాజమాన్యం మెలిక పెట్టింది. ఇప్పటికే పనిచేస్తున్నా మళ్లీ ఇవన్నీ ఎందుకని ప్రశ్నించిన కార్మికులను ఇలా ఇస్తే ఇవ్వండి లేదా మీ ఇష్టం అంటూ పరిశ్రమ అధికారులు నిర్లక్ష్యంగా సమాధానం ఇస్తున్నారు. ఏజెన్సీల శ్రమ దోపిడీ బాగా చదువుకొని ఉద్యోగం రాక ఇబ్బంది పడుతున్న యువతీ, యువకులు ఏజెన్సీల మత్తులో పడుతున్నారు. ఏజెన్సీల ద్వారా ప్రైవేట్‌ పరిశ్రమల్లో చేరుతున్న కార్మికులు శ్రమ దోపిడీకి గురవుతున్నారు. 30 రోజులపాటు శ్రమించి జీతం నాటికి ఎంత వస్తుందో, ఎప్పుడు వస్తుందో తెలియక కార్మికులు మదన పడుతున్నారు. పరిశ్రమ వారిని అడిగితే ఏజెన్సీని అడగమని ఏజెన్సీ వారిని అడిగితే పరిశ్రమ వారిని అడగమని చెబుతూ కాలయాపన చేస్తున్నారని కార్మికులు వాపోతున్నారు. లేబర్‌ అధికారులు ప్రత్యేక చొరవ చూపి ఏజెన్సీల ద్వారా ఇబ్బందులు పడుతున్న కార్మికులకు న్యాయం చేయాలని పలువురు కోరుతున్నారు. కార్మికుల సమస్యలపై సీఐటీయూ నాయకులు పోరాటాన్ని కొనసాగిస్తున్నారు. కాంట్రాక్టర్ల నుంచి కార్మికులకు రక్షణ కల్పించండి అంటూ కరపత్రాలను ప్రచురించి కలెక్టర్‌కు ఫిర్యాదు చేసేందుకు సిద్ధమయ్యారు.

తిరుపతి అర్బన్‌ : పోరాట యోధుడు గౌతు లచ్చన్నగా కలెక్టర్‌ వెంకటేశ్వర్‌ కీర్తించారు. శనివారం కలెక్టరేట్‌లో విప్లవ నాయకుడు ‘ డాక్టర్‌ సర్దార్‌ గౌతు లచ్చన్న 116వ జయంతి సందర్భంగా లచ్చన్న చిత్రపటానికి పూలమాలలు వేసి నివాళి అర్పించారు. ఈ సందర్భంగా కలెక్టర్‌ మాట్లాడుతూ.. ప్రముఖ స్వాతంత్య్ర సమరయోధుడు, బడుగు బలహీన వర్గాల ఆశాజ్యోతి, రైతు బాంధవుడు ప్రజల సంక్షేమం కోసం జీవితాంతం పనిచేశారని కొనియాడారు. స్ఫూర్తిదాయక జీవితం, అందరికి ఆదర్శమని, వారి త్యాగాలను మరవకుండా తప్పక స్మరించుకోవాల్సిన బాధ్యత ప్రతి ఒక్కరిపై ఉందని గుర్తుచేశారు. కార్యక్రమంలో జిల్లా గౌడ్‌ కార్పొరేషన్‌ డైరెక్టర్‌ తుమ్మల చంగయ్య, అసిస్టెంట్‌ బీసీ వెల్ఫేర్‌ అధికారి జ్యోత్స్న, జిల్లా సమాచార పౌర సంబంధాల అధికారి గురుస్వామి శెట్టి, కలెక్టరేట్‌ కార్యాలయ ఏవో రమేష్‌ బాబు, తిరుపతి జిల్లా బీసీ సంక్షేమ సంఘం ప్రెసిడెంట్‌ నాగరాజు, సంఘం నాయకులు కిరణ్‌, వెంకట మణిబాబు, మనుశేఖర్‌,మల్లికార్జున, రామారావు తదితరులు పాల్గొన్నారు. ఎస్పీ కార్యాలయంలో వేడుకలు తిరుపతి క్రైం : నిస్వార్థ రాజకీయ నాయకుడిగా గుర్తింపు తెచ్చుకున్న డాక్టర్‌ సర్దార్‌ గౌతు లచ్చన్న జయంతిని జిల్లా ఎస్పీ హర్షవర్ధన్‌ రాజు ఘనంగా నిర్వహించారు. శనివారం ఎస్పీ కార్యాలయంలో ఆయన చిత్రపటానికి పూలమాల వేసి నివాళి అర్పించారు. గౌతు లచ్చన్న తెలుగు ప్రజల గుండెల్లో చిరస్థాయిగా నిలిచిపోయారని తెలిపారు. నిజాయతీ పరుడైన రాజకీయ నాయకుడని అందుకే పలుమార్లు లోకసభకు ఎన్నికయ్యారన్నారు.

పరిశ్రమల్లో పనిచేస్తున్న వేల మంది కార్మికులు యాజమాన్యాలు పెట్టే నిబంధనలకు ఒప్పుకొని విలవిల్లాడుతున్నారు.●ఆదివారం శ్రీ 17 శ్రీ ఆగస్టు శ్రీ 2025అమ్మా.. ఆగండి పసుపు రంగు ఉండే బస్సులనే చూసి ఎక్కండి.. అంటూ ఆర్టీసీ అధికారులు మహిళలకు సూచిస్తున్నారు. అదేంది..ఎన్నికల్లో ఏ బస్సు అయినా ఎక్కడి నుంచి ఎక్కడికై నా ఉచితం అని చెప్పారు.. మరి ఈ కండీషన్లు ఏంటని మహిళలు ప్రశ్నిస్తున్నారు. మరోవైపు కొన్ని రూట్‌లలో బస్సులు లేకపోవడంతో తిరుపతి బస్టాండ్‌తో పాటు అన్ని మార్గాల్లోనూ ప్రయాణికులు అవస్థలు పడ్డారు. గంటల కొద్దీ బస్టాండ్లలో నిరీక్షించారు. జిరాక్స్‌ కాపీలు బస్సుల్లో అనుమతించకపోవడంతో మహిళలు పలుచోట్ల కండక్టర్లతో వాగ్వాదానికి దిగినట్లు తెలుస్తోంది. ఉచిత ప్రయాణంపై అధికారులకే స్పష్టత లేకపోవడంపై కొంత సందిగ్ధం నెలకొంది. కొత్తగా 136 రూట్లలో ఆర్టీసీ అంటూ సిస్టమ్‌ పెట్టడంతో బస్సుల కొరతతో తిరుపతి బస్టాండ్‌లో పడిగాపులు కాస్తున్న ప్రయాణికులుఅధికారుల లెక్కలు ఇలా.. ఆర్టీసీ బస్సులు జిల్లా వ్యాప్తంగా నడుపుతున్న రూట్ల అంశంలో అధికారులు కాకి లెక్కలు చెబుతున్నారనే విమర్శలు వినిపిస్తున్నాయి. జిల్లాలో 11 డిపోల పరిధిలో 855 బస్సులు 177 రూట్లలో(మార్గాల్లో) నడుస్తున్నాయి. రోజుకు సుమారుగా 3.39 లక్షల కిలోమీటర్లు తిరుగుతున్నాయి. దీంతో రోజు వారీగా 2.70 లక్షల మంది ప్రయాణికులు ప్రయాణం చేయడంతో రూ.1.70 కోట్ల రాబడి వస్తుంది. అయితే 177 రూట్లలో 136 మార్గాల్లో ఉచిత బస్సులను ఏర్పాటు చేసినట్లు అధికారులు లెక్కలు చూపుతున్నారు. దీంతో ఇతర మార్గాల్లో బస్సులు లేకపోవడంతో తిరుపతి బస్టాండ్‌తో పాటు అన్ని మార్గాల్లోనూ ప్రయాణికులకు తిప్పలు తప్పడం లేదు. గంటల కొద్ది బస్టాండ్లలో వేచి ఉంటున్నారు. పడిగాపుల70 శాతం సీట్లు మహిళలకే చెప్పడం సరికాదు పల్లె వెలుగు, అల్ట్రా పల్లె వెలుగు, సాధారణ ఎక్స్‌ప్రెస్‌ల్లో 70 శాతం సీట్లు మహిళలకు వదిలిపెట్టాలని చెప్పడం సరికాదు. మహిళలకు అయితే ఉచితంగా ప్రయాణం చేయవచ్చు. పురుషులు అయితే టిక్కెట్‌ తీసుకుంటారు. అక్కడి వరకు ఓకే. అంతేతప్ప 70 శాతం సీట్లు వదిలిపెట్టాలని చెప్పడం మంచి పద్ధతి కాదని భావిస్తున్నాం. – అత్తిరాల సురేష్‌, వరదయ్యపాళెం అన్ని బస్సుల్లో అవకాశం ఇవ్వాలి ఆర్టీసీకి చెందిన అన్నీ బస్సుల్లో అవకాశం ఇవ్వా లని కోరుతున్నాం. ఎన్నికల సమయంలో ఇలా మూడు బస్సుల్లోనే ఉంటుందని చెప్పలేదు. అలా గే రాష్ట్రంలోని అన్ని ప్రాంతాలకు అవకాశం కల్పించాలి. విజయవాడకు తిరుపతి మహిళలు వెళ్లాలంటే పల్లె వెలుగులో 10 బస్సులు మారాల్సి ఉంటుంది. నాలుగు రోజులు సమయం పడుతుంది. – యశోధ, తిరుపతి కొర్లగుంట ఒరిజనల్‌ కార్డులు చూపించాలి గుర్తింపు కార్డు విషయంలో ఒరిజనల్స్‌ కార్డులను కండక్టర్లకు చూపాల్సి ఉంది. శనివారం శ్రీకాళహస్తి, కాణిపాకం, రాయచోటి తదితర కొన్ని మార్గాల్లోనే ప్రయాణికులు బస్సుల కోసం కొంత సమయం వేచి ఉన్నారు. బస్సుల కొరత లేకుండా ప్రయాణికులకు ఇబ్బంది లేకుండా జాగ్రత్తలు తీసుకుంటాం. 33 శాతం సీట్లు మాత్రం పురుషులు కూర్చోడానికి వీలులేదు. కూర్చున్నా మహిళలు వస్తే లేయాల్సిందే. వాటికి మాత్రమే పసువు రంగు వేశాం. – జగదీష్‌, జిల్లా ప్రజా రవాణా అధికారితిరుపతి అర్బన్‌ : పసువు రంగు ఉండే సర్వీసుల్లోనే మహిళలకు ఉచితమంటున్నారు ఆర్టీసీ పెద్దలు. కాస్త చూసి ఎక్కండి అంటూ సలహాలు ఇచ్చేస్తున్నారు. కూటమి సర్కారు ప్రకటించిన పల్లెవెలుగు, ఆల్ట్రా పల్లెవెలుగు, సాధారణ ఎక్స్‌ప్రెస్‌లకు పసుపు రంగులు వేయించారు. మరోవైపు అనుమతి లేని సర్వీసులకు బస్సుపైన సీ్త్రశక్తి పథకం వర్తించదు అంటూ స్టిక్కర్లు వేయిస్తున్నారు. ఆ మేరకు స్టిక్కర్లు రెండు రోజుల్లో...ఉచిత బస్సుకు అనుమతులు లేని అన్నీ సర్వీసుల్లోపైన ఉండాలంటూ జిల్లా ఆర్టీసీ ఆధికారులు జిల్లాలలోని 11 డిపోల మేనేజర్లుకు ఆదేశాలు ఇచ్చేశారు. ఇంకోవైపు ఉచితం కోసం కేటాయించిన బస్సుల్లో 70 శాతం మహిళలకే అవకాశం ఇస్తున్నట్లు చెబుతున్నారు. దీంతో పురుషులు మండిపడుతున్నారు. ఉచిత బస్సు స్కీమ్‌ శుక్రవారం సాయంత్రం 4 గంటల నుంచి అమలు చేస్తున్నట్లు వెల్లడించారు. రాత్రి 12 గంటల వరకు 2,826 మంది ఉచిత బస్సు పథకాన్ని మహిళలు వినియోగించుకున్నట్లు అధికారులు లెక్కలు చెబుతున్నారు. శుక్రవారం ఉదయం నుంచి రాత్రి 12 గంటల వరకు 1,70,894 మంది ప్రయాణికులు ఆర్టీసీలో జర్నీ చేసినట్లు ప్రకటించారు. మొత్తంగా చూస్తే ఒక్కో రోజు ఒక్కో రూల్స్‌ పెడుతున్నారు. జిల్లా స్థాయిలోని ఆర్టీసీ అధికారులకు సీ్త్రశక్తి స్కీమ్‌పై స్పష్టత రావడం లేదు. ఒరిజనల్‌ గుర్తింపు కార్డులు చూపాలి.. ఆధార్‌, రేషన్‌, ఓటరు కార్డు ఇలా ఏదై నా ఒరిజనల్‌ కార్డును మహిళలు చూపిస్తేనే ఉచితంగా ప్రయాణం చేయడానికి అనుమతి ఇస్తామని కండక్టర్లు చెబుతున్నారు. దీంతో శనివారం పలు మార్గా ల్లో వివాదాలు చోటు చేసుకున్నాయి. బస్టాండ్‌లో బస్సుల కోసం ప్రయాణికుల నిరీక్షణబస్టాండ్లలో ప్రయాణికుల నిరీక్షణ పారిశుద్ధ్య కార్మికులకు న్యాయం చేయండి ఏళ్ల తరబడి తిరుమలలో పారిశుద్ధ్య కార్మికులుగా పనిచేస్తున్నాం. మాకు వచ్చే జీతాల్లో 50 శాతం బస్సు చార్జీలకే సరిపోతుంది. అయితే ఎన్నికల సమయంలో మహిళలకు ఉచితం అంటూ హామీ ఇచ్చారు. ఇప్పుడు తిరుమలకు లేదంటే...మేము చార్జీలు చెల్లించి తిరుమలకు వెళుతున్నాం. ఇది ఎక్కడ న్యాయమో చెప్పాలి. – సులోచన, పారిశుద్ధ్య కార్మికురాలు, తిరుపతి ప్రయాణికురాలు జిరాక్స్‌ పత్రాలకు అనుమతి ఇవ్వాలి ఆర్టీసీ అధికారులు పసుపు రంగు చూసి..బస్సు ఎక్క మని చెబుతున్నారు. గుర్తింపు కార్డులు ఒరిజనల్‌ కార్డు లు ఇవ్వాలని అడుగుతున్నా రు. మొబైల్స్‌ చూపినా, జిరా క్స్‌ ఇచ్చినా చెల్లవని చెప్పడం సరికాదు. ఒకసారి ప్రయాణానికే ఆధార్‌ కార్డును పోగొట్టుకుంటున్నారు. తర్వాత మళ్లీ ఆధార్‌కార్డు కోసం రూ.100 చెల్లించి తీసుకుంటున్నాం. పోన్లులో చూపించినా, జిరాక్స్‌లు చూపించినా అవకాశం కల్పించాలని కోరుతున్నాం. –చెంగయ్య, వాకాడు

తిరుపతిలోని హథీరాంజీ మఠం అధికారికి టీడీపీకి చెందిన పెద్దబ్బగా పిలుచుకునే నాయకుడు వార్నింగ్‌ ఇచ్చాబడు. తమ అనుమతి లేకుండా గుత్తేదారులు భవనం కూల్చడానికి వీల్లేదంటూ తీవ్ర స్ధాయిలో హెచ్చరించినట్లు అధికారులు ఆందోళన వ్యక్తం చేస్తున్నారు. ● మఠం అధికారికి టీడీపీ నేత వార్నింగ్‌ ● హథీరాంజీ మఠం భవనం కూల్చివేతకు ముగిసిన టెండర్‌ ప్రక్రియ ● టెండర్‌ దక్కించుకున్న పుత్తూరు పైనీర్‌ స్టిల్స్‌ తిరుపతి అన్నమయ్య సర్కిల్‌ :తిరుపతి గాంధీ రోడ్డులో శిథిలావస్థకు చేరిన హథీరాం బావాజీకి చెందిన మఠం భవనం కూల్చివేతకు సంబంధించిన టెండర్ల స్వీకరణ ప్రక్రియ శనివారం నిర్వహించారు. ఎండోమెంట్‌ కమిషనర్‌, నగరపాలక సంస్థ కమిషనర్‌ నోటీసులతో మఠం పరిపాలనాధికారి బాపిరెడ్డి కూల్చివేత ప్రక్రియకు సంబంధించి టెండర్ల ఆహ్వానిస్తూ ప్రకటన జారీ చేశారు. ఈ ప్రక్రియకు సంబంధించి కాకినాడ, రాజమండ్రి, విజయవాడ, పుత్తూరు, తిరుపతి వివిధ ప్రాంతాలకు సంబంధించి ఆన్‌లైన్‌లో బిడ్‌ దాఖలు చేసిన ఐదుగురితో పాటుగా 27 మంది ఆఫ్‌లైన్‌లో మొత్తం కలిపి 32 మంది ఈ టెండర్‌ నిర్వహణలో పాల్గొన్నారు. మఠం భవనం కూల్చివేసే సమయంలో అక్కడి మెటీరియల్‌కు సంబంధించి నిర్వహించిన టెండర్‌ ప్రక్రియలో మొదటగా ఆన్‌లైన్‌లో రూ.37 లక్షల రూపాయలకు బిడ్‌ దాఖలు కావడంతో, మఠం అధికారులు రూ.37 లక్షల నుంచి వేలం పాటను ప్రారంభించగా పుత్తూరుకు సంబంధించిన పైనీర్‌ స్టిల్స్‌ వారు రూ.97 లక్షలా20 వేల రూపాయలకు హెచ్చు పాటను నమోదు చేశారు. అలాగే భవనం కూల్చివేతకు సంబంధించి నిర్వహించిన వేలం పాటలో రూ.లక్షా 50 వేల రూపాయలను హెచ్చు పాటగా నమోదు చేయడంతో వీరికి రెండు టెండర్లను ఇస్తున్నట్లుగా మఠం అధికారులు ప్రకటించారు. రీటెండర్‌ నిర్వహించాలి శ్రీ స్వామి హథీరాంజీ మఠం మండువా భవనం కూల్చివేతకు సంబంధించి శనివారం జరిగిన టెండర్‌ ప్రక్రియ వాస్తవ పరిస్థితులకు విరుద్ధంగా జరిగిందని రాజమండ్రికి చెందిన గుత్తేదారు నూర్‌ షరీఫ్‌ ఆందోళన వ్యక్తం చేశారు. ఐఐటీ నివేదిక ప్రకారం మఠం మండువా భవనం ప్రాంతంలో ఎక్కడ నుంచి ఎక్కడి వరకు కూల్చివేతలు నిర్వహిస్తారనే అంశంపై ఎటువంటి స్పష్టత ఇవ్వకుండా టెండర్లు నిర్వహించడం సమంజసం కాదన్నారు. జిల్లా కలెక్టర్‌ ఈ టెండర్‌ ప్రక్రియలో జోక్యం చేసుకొని రిటెండరింగ్‌ నిర్వహిస్తే మరింతగా వేలంపాట నగదు పెరిగే అవకాశం ఉందనే వాదన వినిపించారు. ఈ విషయాలను పరిగణలోకి తీసుకుని కలెక్టర్‌ మఠం భవనం కూల్చివేతకు సంబంధించి రీటెండరింగ్‌కు చర్యలు తీసుకోవాలని కోరారు. నిరసన నినాదాలు.. దుకాణదారులు మఠం ప్రారంభ ద్వారం వద్ద మఠం అధికారుల నిర్ణయాలను వ్యతిరేకిస్తూ నినాదాలు చేశారు. కాగా దుకాదారులకు మద్దతుగా నిలిచిన టీడీపీ నాయకుడు మఠం అధికారిని ఉద్దేశించి తమ మాటను కాదని భవనం కూల్చివేతకు అడుగేస్తే ఎదురయ్యే శాంతి భద్రతలకు సమస్య కారణం అవుతారంటూ పరోక్షంగా చేసిన హెచ్చరికలు భయోందోళనలకు దారితీసినట్లయింది.

టెండర్‌ నిర్వహిస్తున్న సమయంలో మఠం ముందున్న దుకాణదారులు టీడీపీ నేతను రంగంలోకి దించారు. మరికొందరు రాజకీయ నాయకులతో కలిసి పరిపాలన అధికారి బాపిరెడ్డితో వాదించడం వంటి పరిణామాలు చోటు చేసుకున్నాయి. దుకాణదారులకు ప్రత్యామ్నాయ ఏర్పాటు చేసి టెండరు ప్రక్రియ నిర్వహించాలంటూ చేసిన హెచ్చరికలు టెండర్‌ ప్రక్రియకు హాజరైన వారిని ఆలోచనలో పడేశాయి. దీంతో తాము కట్టిన డబ్బులను మాకు తిరిగి ఇవ్వాలని అడిగారు. ఒకవేళ టెండర్‌ దక్కించుకున్న తర్వాత పనులు జరగనివ్వకుండా అడ్డుపడితే తాము కట్టిన డబ్బుకు, అప్పుడు ఎదురయ్యే పరిస్థితికి ఎవరు సమాధానం చెబుతారని భయాందోళన టెండర్‌ దారుల్లో వ్యక్తమైంది. పరిపాలన అధికారి బాపిరెడ్డి కలగజేసుకొని వారికి నచ్చజెప్పి టెండర్‌ ప్రక్రియను సజావుగా సాగేలా కృషి చేశారు.

● ఆనందగిరి, పద్మగిరి క్షేత్రాలకు పట్టువస్త్రాలు ● చెవిరెడ్డి మోహిత్‌రెడ్డి, హర్షిత్‌రెడ్డి సమర్పణ తిరుపతి రూరల్‌ : ఆడికృత్తిక మహోత్సవాలను పురస్కరించుకుని పాకాల, తిరుపతి రూరల్‌ మండలాల్లో సుబ్రమణ్యస్వామి ఆలయాలకు చంద్రగిరి మాజీ ఎమ్మెల్యే చెవిరెడ్డి భాస్కర్‌రెడ్డి కుటుంబీకులు సారెను సమర్పించారు. ఏటా ఆడికృత్తిక ఉత్సవాలకు సారెను సమర్పించడం ఆనవాయితీగా వస్తోంది. ఈ మేరకు తుమ్మలగుంట కల్యాణ వేంకటేశ్వరస్వామి ఆలయం నుంచి పట్టువస్త్రాలు, పూలు, పండ్లు, పసుపు, కుంకుమలతో సారెను తీసుకువెళ్లి సమర్పించారు. తుడా మాజీ చైర్మన్‌ చెవిరెడ్డి మోహిత్‌రెడ్డి, జిల్లా వైఎస్సార్‌సీపీ విద్యార్థి విభాగం అధ్యక్షుడు చెవిరెడ్డి హర్షిత్‌రెడ్డి సారెను తీసుకువెళ్లగా వారి వెంట పార్టీ నేతలు, కార్యకర్తలు వెళ్లారు. ముందుగా పాకాల మండలం ఊట్లవారిపల్లి వద్దనున్న ఆనందగిరి శ్రీ సుబ్రమణ్యేశ్వరస్వామి వారికి పట్టువస్త్రాలను అందించారు. పద్మగిరి కొండపై పూర్ణకుంభ స్వాగతం పద్మగిరిపై వెలసిన బాలజ్ఞాన దండాయుధపాణి ఆలయానికి పట్టు వస్త్రాలను తుడా మాజీ చైర్మన్‌, వైఎస్సార్‌సీపీ చంద్రగిరి నియోజక వర్గం ఇన్‌చార్జి చెవిరెడ్డి మోహిత్‌రెడ్డి అందజేశారు. ఆలయం వద్ద పూర్ణకుంభంతో స్వాగతం పలికి దర్శనానంతరం వేద పండితుల ఆశీస్సులు అందించారు. కార్యక్రమంలో ఆలయ కమిటీ సభ్యులు, తిరుపతి రూరల్‌ మండలం వైఎస్సార్‌సీపీ నాయకులు, కార్యకర్తలు పాల్గొన్నారు.

విశ్వవేదికలపై మన క్రీడాకారులు గెలిచిన వేళ..పిడికిలి బిగించి విజయ చిహ్నంగా మన జాతీయజెండా ఎగురవేసిన వేళ.. మన క్రీడాకారులను చూసిన సమయంలో నా బిడ్డా అంతటిస్థాయికి ఎదగాలని తల్లిదండ్రులు.. నేనూ అలాంటి స్థాయికి చేరుకోవాలని విద్యార్థులు కలలు కంటారు. ఆ దిశగా అడుగులు పడాలంటే నిరంతర క్రీడా సాధన అవసరం. అందుకు కాలు మోపే మైదానాలుండాలి. క్రీడా పునాదికి పాఠశాలల్లో తప్పనిసరిగా ఆట స్థలాలు ఉండాలి. జిల్లాలో పరిస్థితి భిన్నంగా ఉంది. బాల్యం తరగతి గదిలో బందీ అవుతున్నా..పాలకులు, అధికారులు మిన్నకుంటున్నారు. తిరుపతి సిటీ: నేటితరం విద్యార్థులు క్రీడలకు దూరమవుతున్నారు. విద్యార్థి దశ నుంచే క్రీడలను ప్రోత్సహించాల్సిన పాఠశాలలు ఆ ఊసే ఎత్తడం లేదు. ప్రైవేటు పాఠశాలల్లో, కళాశాలలోనూ క్రీడా మైదానాలే కానరావడం లేదు. ఆ విద్యాసంస్థల్లో చదివే విద్యార్థులకు గల్లీ క్రికెట్‌ తప్ప తమకు ఏ క్రీడలు తెలియవని చెబుతుండడం ఆశ్చర్యకరం. జిల్లాలో అధికారులకు ముడుపులు చెల్లించి మౌలిక వసతులు లేకపోయినా ధనార్జనే ధ్యేయంగా అధికార, ధన బలంతో ఇప్పడిముబ్బడిగా వీధికి ఒక ప్రైవేటు పాఠశాలు ఏర్పాటు చేసుకున్నారు. నిబంధనలను తుంగలో తొక్కి ఒక్కోక్క పాఠశాలలకు అనుమతులు లేకపోయినా రెండు, మూడు బ్రాంచ్‌లను నడుపుతూ విద్యార్థుల జీవితాలతో ఆడుకుంటూ రూ.కోట్లు కూడబెట్టుకుంటున్నారు. ప్రైవేటు విద్యాసంస్థలో చదివే విద్యార్థులు జిల్లా, రాష్ట్ర, జాతీయ స్థాయి క్రీడల్లో అధిక సంఖ్యలో పాల్గొనకపోవడంపై ఓ ప్రైవేటు సంస్థ చేసిన సర్వేలో పలు కీలక అంశాలు తెరపైకి వచ్చాయి. భవనాలు.. అపార్ట్‌మెంట్లలో విద్యాసంస్థలు జిల్లాలోని సుమారు 90 శాతం ప్రైవేటు, కార్పొరేట్‌ విద్యాసంస్థలలో కనీస వసతులు లేవు. ఆట స్థలాలు ఊసే లేదు. కుటుంబాలు అద్దెకు ఉండే భవనాలు, అపార్ట్‌మెంట్లలో విద్యాసంస్థలను నడుపుతూ రూ.కోట్లు వెనకేసుకుంటున్నారు. విద్యార్థులను క్రీడల వైపు ప్రోత్సహించే ప్రక్రియ ఖర్చుతో కూడుకున్న వ్యవహారంగా భావించి, అధికారులతో యాజమాన్యాలు చేతులు కలిపి అనుమతులు పొందుతున్నారు. క్రీడా మైదానం లేకపోయినా యాజమాన్యాలు అధికారుల చేయితడిపి అన్ని సౌకర్యాలున్నట్లు అనుమతులు పొంది పక్కా రికార్డులు తయారు చేసుకుని తమ పనికానిచ్చేస్తున్నారు. అడిగే నాథుడు లేకపోవడంతో ప్రైవేటు యాజయాన్యాలు ఇష్టారాజ్యాంగా వ్యవహరిస్తున్నాయి. పీఈటీలు, పీడీల నియామకాలు నిల్‌ ప్రైవేటు పాఠశాలలు, కళాశాలల్లో మైదానాల మాట దేవుడెరుగు. కనీసం పీఈటీ, ఫిజికల్‌ డైరెక్టర్‌ పోస్టుల నియామకాల ఊసే లేదు. 10 శాతం పాఠశాలల్లో పీఈటీలున్నా తగిన అర్హతలు, సమర్థులైన వ్యాయామ ఉపాధ్యాయులు ఉండడం లేదు. ఇంటర్‌, డిగ్రీ చదివిన వారిని నియమించుకుని కాలం వెళ్లదీస్తున్నారు. అలాగే మరికొన్ని కార్పొరేట్‌ విద్యాసంస్థలు పీడీ పోస్టు నియామకం జరిపినట్లు ఇతరుల ఫేక్‌ ధ్రువపత్రాలతో అనుమతులు పొందిన విద్యాసంస్థలు కోకొల్లలు. అధికారులకు రూ.లక్షలలో ముడుపులు చెల్లించి, విద్యార్థుల భవిష్యత్తును సర్వనాశనం చేస్తున్నారు. ప్రభుత్వ పాఠశాలలో మాత్రమే కాస్తో కూస్తో మైదానాలు, పీఈటీలు ఉన్నారు. దీంతో అడపదడపా జిల్లా స్థాయికి పాఠశాలల నుంచి కొందరు ఎంపిక అవుతున్నారు. స్వతహాగా తల్లిదండ్రులే శిక్షణ ఇప్పిస్తున్నారు ప్రైవేటు విద్యాసంస్థల్లో చదివే పిల్లలకు క్రీడలపై ఆసక్తి ఉన్నా యాజమాన్యాలు అవకాశం ఇవ్వకపోవడంతో తల్లిదండ్రులు స్వతహాగా ప్రైవేటు కోచింగ్‌ సెంటర్ల ద్వారా శిక్షణ ఇప్పిస్తున్నారు. చదువుతోపాటు క్రీడల్లో రాణించాలనే ఉద్దేశంతో పిల్లలకు ఆసక్తి ఉన్న క్రీడలను ఎంపిక చేసుకునుని, నెలకు రూ.5 వేల నుంచి రూ.15 వేల వరకు ఖర్చు చేస్తున్నారు. ప్రైవేటు విద్యాసంస్థలు ప్రవేశాల సమయంలో ఏవేవో కథలు చెప్పి జాతీయ, అంతర్జాతీయ స్థాయి క్రీడల్లో పిల్లలకు శిక్షణ ఇస్తామని ప్రగల్భాలు పలికి రూ.లక్షల్లో ఫీజలు వసూలు చేసి, ఆ తర్వాత కనీసం పట్టించుకున్న పాపాన పోలేదని తల్లిదండ్రులు ఆవేదన వ్యక్తం చేస్తున్నారు. దీంతో తామే ఉదయం, సాయంత్రం ప్రైవేటు కోచింగ్‌ సెంటర్లకు తీసుకెళ్లి శిక్షణ ఇప్పిస్తున్నామని చెబుతున్నారు.త్వరలో యాజమాన్యాలతో చర్చిస్తాం జిల్లాలోని ప్రైవేటు పాఠశాలల్లో చదువుతున్న పిల్లలను యాజమాన్యాలు క్రీడల వైపు ప్రోత్సహించాలి. ప్రతి పాఠశాలకు ప్రత్యేక క్రీడా మైదానం తప్పకుండా ఉండాల్సిందే. అందులోనూ అర్హులైన పీఈటీలను నియమించుకోవాలి. నిబంధనలు అతిక్రమించిన పాఠశాలలపై చర్యలు తీసుకుంటాం. త్వరలో అన్ని ప్రైవేటు యాజమాన్యాలతో ప్రత్యేక సమావేశం ఏర్పాటు చేసి, క్రీడల ప్రాధాన్యతను తెలియజేస్తాం. –కేవీఎన్‌ కుమార్‌, డీఈఓ, తిరుపతి జిల్లా ప్రతి కళాశాలకూ ఆట స్థలం ఉండాల్సిందే! జిల్లాలోని అన్ని ప్రైవేటు కళాశాలలో క్రీడా మైదనాలు ఉండాల్సిందే. లేని పక్షంలో చర్యలు తప్పవు. అలాగే ప్రతి కళాశాలలో విద్యార్థుల సంఖ్య ఆధారంగా ఫిజికల్‌ డైరెక్టర్ల నియామకం జరపాలి. అందులోనూ సమర్థులైన పూర్తి స్థాయి అర్హతగలిగిన అభ్యర్థులనే ఎంపిక చేయాలి. ప్రతి రోజూ క్రీడలకు సంబంధించి ప్రత్యేక పీరియడ్‌ను టైంటేబుల్‌లో ఉంచి తీరాలి. –రాజశేఖర్‌రెడ్డి, ఆర్‌ఐఓ, తిరుపతి సొంతంగా కోచింగ్‌ ఇప్పిస్తున్నాం మా అమ్మాయి నగరంలోని ఓ పేరొందిన ప్రైవేటు విద్యాసంస్థలో ఆరో తరగతి చదువుతోంది. క్రీడల ఊసే ఉండదు. కానీ మా అమ్మాయికి బ్యాడ్మింటన్‌పై ఆసక్తి ఉండడంతో నగరంలోని ఓ ప్రైవేట్‌ కోచ్‌ వద్ద నెలకు రూ. 6 వేలు చెల్లించి సొంతంగా కోచింగ్‌ ఇప్పిస్తున్నాం. ఇప్పటివరకు నాకు తెలిసి తిరుపతి జిల్లాలోని ఒక ప్రైవేటు పాఠశాలలోనూ క్రీడలను ప్రోత్సహించే యాజమాన్యాలు లేవు. ఇది మరి దారుణం. –పద్మావతి, విద్యార్థిని తల్లి, తిరుపతి అధికారుల ఉదాశీనతతోనే.. విద్యాశాఖాధికారులు పట్టించుకోకపోవడంతోనే ప్రైవే టు విద్యాసంస్థలు ఇష్టారా జ్యంగా వ్యవహరిస్తున్నా యి. అధికారులకు ముడుపు లు చెల్లించి క్రీడా మైదానాలున్నట్లు అనుమతులు పొందుతున్నాయి. మా అబ్బాయి ఓ ప్రైవేటు పాఠశాలలో చదువుతున్నాడు. అతడి రోజువారీ టైంటేబుల్‌ చూస్తే పీఈటీ కోసం పీరియడ్‌ ఉండదు. ఎందుకంటే ఆ పాఠశాలల్లో పీఈటీ లేరు. పిల్లలకు వ్యాయమం తగ్గి, అనారోగ్యం పాలు కావడానికి ఇదో కారణం. –స్వర్ణలత, విద్యార్థిని తల్లి, తిరుపతి

నాయుడుపేటటౌన్‌: మండలంలోని తన్నమాల సమీపంలో రహదారిపై శుక్రవారం ధాన్యం లోడ్‌తో వెళుతున్న లారీ అదుపు తప్పి బోల్తా పడింది. స్థానికుల కథనం మేరకు.. తన్నమాల గ్రామ పరిసర ప్రాంతాల్లో ధాన్యం సేకరించుకుని బస్తాలు నింపుకున్న లారీ నాయుడుపేటకు బయలు దేరింది. తన్నమాల సమీపంలో ఓ మలుపు వద్ద వేగంగా వస్తున్న లారీ అదుపు తప్పి బోల్తా పడింది. లారీ డ్రైవర్‌ మద్యం సేవించి ఉండడంతోనే ఈ ప్రమాదం జరిగినట్లు స్థానికులు తెలిపారు. లారీ డ్రైవర్‌ అక్కడ నుంచి పరారయ్యాడు .ధాన్యం బస్తాలను మరో వాహనంలో తరలించారు.

నాగలాపురం : ఆడికృత్తిక పర్వదినాన్ని పురస్కరించుకుని పిచ్చాటూరు మండలం రామగిరి సుబ్రమణ్యస్వామి ఆలయ ప్రాంగణం హరోంహర నామస్మరణలతో మారుమోగింది. శ్రీవళ్లి,దేవసేన సమేత సుబ్రమణ్యస్వామి ఆలయంలో భరణి తెప్పోత్సవాలు శుక్రవారం వేడుకగా ప్రారంభమయ్యాయి. స్వామివారి మూలవర్లకు అర్ఛకులు భరణి అభిషేకం చేసి, వివిధ రకాల పుష్పాలతో సుందరంగా అలంకరించి భక్తులకు దర్శనభాగ్యం కల్పించారు. ఉదయం నుంచి వేలాది మంది భక్తులు ఆలయానికి చేరుకుని పుష్కరణిలో కావళ్లు చెల్లించి, స్వామి అమ్మవార్లను దర్శించుకున్నారు. ఆలయానికి వచ్చిన భక్తులకు అన్నదానం చేశారు. సాయంత్రం శ్రీ వళ్లి,దేవసేన సమేత సుబ్రమణ్యస్వామి ఉత్సవమూర్తులకు ప్రత్యేక అభిషేకం చేసి, విశేషాలంకరణ చేసి తిరుచ్చిపై కొలువుదీర్చారు. స్వామి అమ్మవార్లను ఆలయం నుంచి ఊరేగింపుగా పుష్కరిణి వద్దకు వేంచేపు చేసి, తెప్పోత్సవం నిర్వహించారు. ఈ తెప్పోత్సవాన్ని తిలకించిన భక్తజనం రాత్రంతా ఆలయ ప్రాంగణలో జాగారం చేశారు. భక్తుల కాలక్షేపం కోసం భక్త మార్కండేయ హరికథగానం చేశారు. భరణి అభిషేక ఉభయదారులుగా పళ్లికొండేశ్వర స్వామి ఆలయ మాజీ చైర్మన్‌ ఏవీఎం బాలాజీరెడ్డి, కుటుంబ సభ్యులు వ్యవహరించారు. ఆలయ ఈఓ ముత్తం శెట్టి రామచంద్రరావు ఏర్పాట్లు పర్యావేక్షించారు. పోలీసులు బందోబస్తు ఏర్పాటు చేశారు. పుత్తూరు డీఎస్పీ రవి కుమార్‌ పర్యవేక్షణలో ఇద్దరు సీఐలు, ఆరుగురు ఎస్‌ఐలు, కానిస్టేబుళ్లతో కలిపి మొత్తం 130 మంది పోలీసు బందోబస్తులో పాల్గొన్నట్లు పిచ్చాటూరు ఎస్‌ఐ వెంకటేశ్వర్లు తెలిపారు. నేటి నుంచి రాజనాలబండ జాతరచౌడేపల్లె : సత్య ప్రమాణాలకు నిలయమైన రాజనాలబండ శ్రీ లక్ష్మినరసింహస్వామి ,శ్రీ వీరాంజనేయస్వామి ఆలయం వద్ద నేటి నుంచి రెండు రోజులపాటు వైభవంగా జాతర జరగనుంది. టీటీడీ ఆధ్వర్యంలో సంప్రదాయ రీతిలో తిరుణాల జరగనుందన్నారు. ఏటా పూర్వీకుల నుంచి శ్రావణమాస చివరి శనివా రం రోజున రాజనాలబండపై వెలసిన స్వామి వారికి ప్రత్యేక పూజలతో పాటు పక్కనే ఉన్న ఎత్తైన శ్రీలక్ష్మినరసింహస్వామి కొండపై భక్తులు తరలివెళ్లి పూజలు చేయడం ఆనవాయితీ. అదే రోజు రాత్రి కొండపై గల రాతి స్తంభంపై దీపం వెలిగించి అఖండ దీపారాధన చేస్తారు. స్వామి వార్ల ఉత్సవ విగ్రహాలను గ్రామాల్లో ఊరేగింపు చేపడుతారు.

రాపూరు: స్థానిక సంస్థల ఎమ్మెల్సీ, వైఎస్సార్‌సీపీ గూడూరు నియోజకవర్గ సమన్వయకర్త మేరిగ మురళీధర్‌ను పలువురు పరామర్శించారు. మురళీధర్‌ తండ్రి మేరిగ ఆనందరావు (89) గురువారం మృతి చెందిన విషయం తెలిసిందే. కొంతకాలంగా అనారోగ్యంతో బాధపడుతున్న ఆనందరావు చికిత్స పొందుతూ మృతి చెందాడు. రాపూరులోని లక్ష్మీపురంలోని ఆయన నివాసంలో ఆనందరావు భౌతిక కాయాన్ని సందర్శించిన పలువురు నాయకులు మేరిగ మురళీధర్‌ను పలకరించి, సంతాపం తెలిపారు. ఈ క్రమంలో వైఎస్సార్‌సీపీ వెంకటగిరి నియోజకవర్గ సమన్వయకర్త నేదురుమల్లి రామ్‌కుమార్‌రెడ్డి, సూళ్లూరుపేట మాజీ ఎమ్మెల్యే కిలివేటి సంజీవయ్య, మాజీ ఉప ముఖ్యమంత్రి నారాయణస్వామి, నెల్లూరు జిల్లా వైఎస్సార్‌సీపీ అధ్యక్షుడు, ఉపాధ్యాయ ఎమ్మెల్సీ పర్వతరెడ్డి చంద్రశేఖరరెడ్డి, వైఎస్సార్‌సీపీ జోన్‌–4 వర్కింగ్‌ ప్రెసిడెండెంట్‌ కాకాణి పూజితమ్మ, వైఎస్సార్‌సీపీ నాయకులు బత్తిన పట్టాభిరామిరెడ్డి, పాపకన్ను మధుసూదన్‌రెడ్డి, మండల కన్వీనర్‌ బోడ్డు మధుసూదన్‌రెడ్డి, దందోలు నారాయణరెడ్డి, మస్తాన్‌యాదవ్‌, వైఎస్సార్‌సీపీ నాయకులు ఎల్లసిరి గోపాల్‌రెడ్డి తదితరులు శుక్రవారం ఆనందరావు భౌతిక కాయానికి పూలమాలలు వేసి, నివాళులర్పించారు. అనంతరం మేరిగ మురళీధర్‌ను పరామర్శించి, తమ ప్రగాఢ సంతాపం తెలిపారు.

తిరుపతి అర్బన్‌: అధికారంలోకి వచ్చిన ఏడాది కాలంలోనే కూటమి సర్కార్‌ ఎన్నికల్లో ఇచ్చిన సూపర్‌సిక్స్‌ పథకాలను 99 శాతం అమలు చేసిందని దేవాదాయశాఖా మంత్రి ఆనం రామనారాయణరెడ్డి తెలిపారు. శుక్రవారం ఆయన తిరుపతి బస్టాండ్‌ వద్ద సీ్త్రశక్తి పథకంలో భాగంగా ఉచిత బస్సు జిల్లా కార్యక్రమాన్ని ప్రారంభించారు. ఈ సందర్భంగా ఆయన మొదటి టికెట్‌ను తిరుపతి కార్పొరేషన్‌ కమిషనర్‌ నారపురెడ్డి మౌర్యకు కండక్టర్‌ నుంచి ఇప్పించారు. ఆ తర్వాత రెండో టికెట్‌ కలెక్టర్‌ వెంకటేశ్వర్‌ చేతుల మీదుగా మరో మహిళకు అందించారు. స్థానిక ఎమ్మెల్యే ఆరణి శ్రీనివాసులు, జాయింట్‌ కలెక్టర్‌ శుభం బన్సల్‌తోపాటు తుడా చైర్మన్‌ దివాకర్‌రెడ్డి పలువురు పార్టీ నేతలు హాజరయ్యారు. ఈ కార్యక్రమంలో ట్రైనీ కలెక్టర్‌ రఘు, ఆర్టీసీ డీపీటీఓ జగదీష్‌, డిప్యూటీ సీటీఎం విశ్వనాథం, డిప్యూటీ మెకానిక్‌ ఇంజినీర్‌ బాలాజీ తదితరులు తదితరులు పాల్గొన్నారు. వివాహ పరిచయ వేదిక రేపు తిరుపతి కల్చరల్‌: రాయల్‌ బలిజ సంఘం ఆధ్వర్యంలో ఈనెల 17వ తేదీ ఉదయం 8 గంటలకు గాంధీరోడ్డులోని ఏజీకే బిల్డింగ్‌లో పద్మావతి వివాహ పరిచయ వేదిక నిర్వహిస్తున్నట్లు ఆ సంఘం అధ్యక్షుడు సుబ్రమణ్యం తెలిపారు. శుక్రవారం ప్రెస్‌క్లబ్‌లో ఏర్పాటు చేసిన విలేకరుల సమావేశంలో ఆయన మాట్లాడారు. బలిజ కులానికి చెందిన అమ్మాయిలు, అబ్బాయిలు వారి తల్లిదండ్రులు పాల్గొని, తమ పిల్లలకు తగిన సంబంధాలను కుదుర్చుకునేందుకు ఈ వివాహ పరిచయ వేదిక చక్కటి వేదికగా దోహదపడుతుందని తెలిపారు. ఇందులో పాల్గొనే వారి తల్లిదండ్రులు పెళ్లి కుమారుడు, కుమార్తె పోస్ట్‌ కార్డు సైజు ఫొటోలు, బయోడేటాను తీసుకుని రావాలని కోరారు. రాష్ట్రంలోని అన్ని జిల్లాలకు చెందిన బలిజలు ఈ అవకాశాన్ని సద్వినియోగం చేసుకోవాలన్నారు. మరిన్ని వివరాలకు 8712233082లో సంప్రదించాలని తెలిపారు. ఈ సమావేశంలో బలిజ సంఘ నేతలు గుట్టా నాగరాజ రాయల్‌, సుబ్బరామయ్య, ఏవీ.ప్రతాప్‌, మనోజ్‌, దిలీప్‌, సాయిప్రకాష్‌ తదితరులు పాల్గొన్నారు. మూడు హోటళ్లు సీజ్‌ చిత్తూరు అర్బన్‌ : చిత్తూరు నగరంలో స్వాతంత్య్ర దినోత్సవ నిబంధనలు ఉల్లంఘించి మాంసాహార భోజనాలు విక్రయిస్తున్న హోటల్‌ను అధికారులు సీజ్‌ చేశారు. శుక్రవారం నగరంలోని పలమనేర్‌ రోడ్డు లోని హోటల్‌ తో పాటు మరో రెండు హోటళ్లలో మాంసాహారం విక్రయిస్తున్నట్లు మున్సిపల్‌ కమిషనర్‌ నరసింహ ప్రసాద్‌కు ఫిర్యాదులు అందాయి. కమిషనర్‌ ఆదేశాలతో ప్రజారోగ్య శాఖ అధికారులు నగరంలోని మూడు హోటళ్లను సీజ్‌ చేశారు.

తిరుపతిలో ఈ నెల 17వ తేదీన వివాహ పరిచయ వేదిక జరగనున్నట్టు ఆ సంఘం అధ్యక్షుడు సుబ్రమణ్యం తెలిపారు.సాంకేతిక పరంగా భారత్‌ గ్లోబల్‌ మ్యాప్‌లోకి.. సూళ్లూరుపేట: భారత అంతరిక్ష పరిశోధనా సంస్థ (ఇస్రో) చేస్తున్న ప్రయోగాల పరంపరతో దేశంలో ప్రతి ఒక్కరికీ అత్యంత ఆధునిక సాంకేతిక పరిజ్ఞానాన్ని అందుబాటులోకి తెచ్చి నేడు గ్లోబల్‌ మ్యాప్‌లో భారత్‌కు ఒక ప్రత్యేక గుర్తింపును తీసుకొచ్చామని షార్‌ డైరెక్టర్‌ ఈఎస్‌ పద్మకుమార్‌ పేర్కొన్నారు. షార్‌లోని స్పేస్‌ సెంట్రల్‌ స్కూల్‌ మైదానంలో 79వ స్వాతంత్య్ర దిన వేడుకలను శుక్రవారం ఘనంగా నిర్వహించారు. షార్‌ డైరెక్టర్‌ ఈఎస్‌ పద్మకుమార్‌ మన జాతీయజెండా త్రివర్ణ పతాకాన్ని ఎగురవేసి వందనం సమర్పించారు. ఈ సందర్బంగా సీఐఎస్‌ఎఫ్‌ కమాండెంట్‌ సందీప్‌కుమార్‌ ఆధ్వర్యంలో భద్రతా దళాలు గౌరవ వందనం సమర్పించారు. షార్‌లో మువ్వన్నెల జాతీయజెండాను ఎగురవేస్తున్న షార్‌ డైరెక్టర్‌ ఈఎస్‌ పద్మకుమార్‌

తిరుపతి సిటీ: జిల్లాలో ప్రభుత్వ, ప్రైవేటు డిగ్రీ, పీజీ కళాశాలలు విద్యార్థుల సంఖ్య ఆశించిన స్థాయిలో లేకపోవడంతో స్వాతంత్య్ర దిన వే డుకలు చెప్పుకోదగ్గ రీతిలో ఆకట్టుకున్నట్లు కనిపించలేదని అధ్యాపకులు చర్చించుకోవడం గమనార్హం. వరుసగా మూడు రోజుల సెలవు లు రావడంతో హాస్టల్‌ విద్యార్థులు తమ స్వస్థలాలకు వెళ్లారు. దీంతోపాటు డిగ్రీ, పీజీ మొదటి ఏడాది కోర్సుల్లో ప్రవేశాలు చేపట్టకపోవడం మరో కారణమని తెలుస్తోంది. అన్ని కళాశాలలోనూ కేవలం ఎన్‌సీసీ క్యాడెట్లతోనే స్వాతంత్య్ర వేడుకలు తూతూ మంత్రంగా జరుపుకోవడం విశేషం. అవయవదానం నాగలాపురం: మండలంలోని వినోభానగర్‌ గ్రామానికి చెందిన గంగన్‌(55) శుక్రవారం బ్రైయిన్‌ డెడ్‌ అయినట్లు చైన్నె ప్రభుత్వాస్పత్రిలో వైద్యులు నిర్ధారించారు. దీంతో మృతుని అవయవాలను దానం చేయడానికి అతని భార్య మంజుల అంగీకారం తెలిపింది. దీంతో వైద్యులు రెండు కిడ్నీలు, ఓ ఎముకను ఆపరేషన్‌ చేసి, తీసుకున్నట్లు కుటుంబ సభ్యులు తెలిపారు. 15వ జాతీయ హాకీ పోటీలకు గూడూరు విద్యార్థి చిల్లకూరు: గూడూరు పట్టణం చర్చివీధికి చెందిన దేవతా య శ్వంత్‌ అనే ఇంటర్‌ విద్యార్థి 15వ జాతీ య స్థాయి జూనియర్‌ హాకీ పోటీలకు ఎంపికై నట్లు హాకీ కోచ్‌ ఆకాష్‌దీపక్‌ శుక్రవారం తెలిపారు. ఈ క్రీడాకారుడు పంజాబ్‌ రాష్ట్రంలోని జలందర్‌లో ఈ నెల 12 నుంచి 22వ తేదీ వరకు జరిగే జూనియర్‌ నేషనల్‌ చాంపియన్‌ షిప్‌ పోటీల్లో రాష్ట్ర జట్టులో సభ్యుడిగా పాల్గొంటారని కోచ్‌ తెలిపారు. ఈ నెల 18న జరిగే పోటీలో పాల్గొంటున్నట్లు తెలిపారు. విద్యార్థి జాతీయ స్థాయి పోటీలకు ఎంపిక కావడంతో శ్రీలక్ష్మి చారిబుల్‌ట్రస్టు నిర్వాహకులు శ్రీలక్ష్మి, పీఎంరావు తమవంతు ఆర్థిక సహకారం అందించారు. ఇతడి ఎంపికపై హాకీ అసోసియేషన్‌ తిరుపతి అధ్యక్షుడు టీ స్పర్జన్‌రాజు తదితరులు అభినందనలు తెలిపారు. విచ్చలవిడిగా మద్యం.. మాంసం విక్రయాలు రేణిగుంట: మండలంలో స్వాతంత్య్ర దినోత్సవం రోజున మద్యం, మాంసం విక్రయాలు యథేచ్ఛగా సాగాయి. మందు బాటిల్‌పై రూ.50 అధికంగా వసూలు చేస్తూ తమ వ్యా పారం కొనసాగించారు. కరకంబాడిలో ప్రధా న రహదారిపైనే చికెన్‌ దుకాణాలు తెరిచి అధిక ధరతో అమ్మకాలు కొనసాగిస్తున్నారు. అరికట్టాల్సిన ఎకై ్సజ్‌ శాఖ, పంచాయతీ, పోలీస్‌శాఖ అధికారులు మాత్రం మాకు ఎటువంటి సంబంధం లేదనేలా వ్యవహరించడం తీవ్ర విమర్శలకు తావిస్తోంది. శ్రీవారి సర్వదర్శనానికి 24 గంటలు తిరుమల: తిరుమలలో భక్తుల రద్దీ అధికంగా ఉంది. క్యూకాంప్లెక్స్‌లో కంపార్ట్‌మెంట్లు అన్నీ నిండాయి. క్యూ శిలాతోరణం వద్దకు చేరింది. గురువారం అర్ధరాత్రి వరకు 66,530 మంది స్వామివారిని దర్శించుకోగా 32,478 మంది భక్తులు తలనీలాలు సమర్పించారు. స్వామివారికి కానుకల రూపంలో హుండీలో రూ.4.66 కోట్లు సమర్పించారు. టైంస్లాట్‌ టికెట్లు కలిగిన భక్తులకు సకాలంలోనే దర్శనమవుతోంది. దర్శన టికెట్లు లేని భక్తులకు 24 గంటల్లో దర్శనం లభిస్తోంది. ప్రత్యేక ప్రవేశ దర్శనం టికెట్లు కలిగిన భక్తులకు 3 గంటల్లో దర్శనం లభిస్తోంది. ఇదిలా ఉండగా సర్వదర్శనం టోకెన్లు కలిగిన భక్తులు నిర్దేశించిన సమయానికి క్యూలోకి వెళ్లాలని టీటీడీ విజ్ఞప్తి చేసింది. కేటాయించిన సమయాన్ని కంటే ముందు వెళ్లిన భక్తులను క్యూలోకి అనుమతించబోరని స్పష్టం చేసింది.

అందని జీతం..●తిరుమల శ్రీవారి సేవా పరివారంలో స్థానం.. టీటీడీ విద్యాసంస్థల్లో ఉద్యోగం.. తాత్కాలిక ప్రాతిపదికనే అయినా అపురూపమైన వరం.. వేలాది మంది పేద విద్యార్థులకు పాఠ్యాంశాలు బోధించే అద్భుత అవకాశం.. దేవదేవుని పాదాల చెంత గురువులుగా విధులు నిర్వర్తించే మహద్భాగ్యం.. అయితే దేవుడు వరమిచ్చినా పూజారి కనికరించని చందంగా తయారైంది కాంట్రాక్ట్‌ అధ్యాపకుల పరిస్థితి. వేతనం కోసం పడిగాపులు కాయల్సిన దుస్థితి దాపురించింది. అధికారుల నిర్లక్ష్యం కారణంగా మూడు నెలలుగా జీతాలు అందక.. అప్పులు చేసి జీవనం సాగించాల్సి వస్తోంది. తిరుపతి సిటీ : తిరుపతిలోని టీటీడీ విద్యాసంస్థలలో కాంట్రాక్టు ప్రాతిపదికన కొన్నేళ్లుగా 330 మంది ఉపాధ్యాయులు, అధ్యాపకులు పనిచేస్తున్నారు. అధికారుల తీరుతో ఉద్యోగ భద్రత దేవుడెరుగు కనీసం జీతాలకు నోచుకోక అలమటిస్తున్నారు. జూన్‌ నుంచి వేతనాల ఊసేలేక పోవడంతో దిక్కుతోచక కొట్టుమిట్టాడుతున్నారు. ఒక వైపు పిల్లల స్కూల్‌ ఫీజులు చెల్లించలేక, మరో వైపు కుటుంబావసరాలను తీర్చుకోలేక దయనీయస్థితిలో బతుకీడుస్తున్నారు. కొందరు ఈఎంఐలు కట్టలేక అపరాధ రుసుంతో అప్పు చేసి చెల్లిస్తుండగా, మరికొందరు ఇంట్లోని బంగారు వస్తువులను తాకట్టు పెట్టి జీవనం సాగిస్తున్నారు. జీతాలు ఎప్పుడు జమ చేస్తారో తెలియని అయోమయంలో అధ్యాపకులు నలిగిపోతున్నారు. పెరుమాళ్లకే ఎరుక! టీటీడీ ఆధ్వర్యంలో మూడు జూనియర్‌ కళాశాలల్లో పనిచేస్తున్న 51మందికి రెన్యువల్‌ ఉత్తర్వులు అందినా వేతనాలు పడలేదు. డిగ్రీ కళాశాలలోని 161 మంది తాత్కాలిక అధ్యాపకులకు ఇప్పటి వరకు రెన్యువల్‌ ఉత్తర్వులే అందలేదు. ఈ పరిస్థితుల్లో ఇక జీతాలు ఎప్పుడు వేస్తారో పెరుమాళ్లకే ఎరుకని వారు ఆవేదన వ్యక్తం చేస్తున్నారు. అలాగే టీటీడీ ఆధ్వర్యంలోని ప్రాథమిక, ఉన్నత పాఠశాల్లో సుమారు 110 మందికి పైగా తాత్కాలిక ఉపాధ్యాయులు విధులు నిర్వర్తిస్తున్నారు. వీరి పరిస్థితి మరీ దారుణంగా తయారైంది. మూడు నెలలుగా వేతనాలు ఇవ్వకపోవడంతో ఆర్థికంగా కుంగిపోయి మానసికంగా ఒత్తిడికి లోనవుతున్నారు. అధికారుల నిర్లక్ష్యం వేతనాల ఫైల్‌ను సంబంధిత అధికారులకు పంపించడంలో కిందిస్థాయి ఉద్యోగులు నిర్లక్ష్యం వహిస్తున్నారనే ఆరోపణలు వెల్లువెత్తుతున్నాయి. అధికారులు సైతం వేతనాల ఫైల్‌ను తమ వద్దకు తెప్పించుకుని పరిశీలించడంలో మనకేందుకులే...అంటూ అలసత్వాన్ని ప్రదర్శిస్తున్నట్లు విమర్శలు వినిపిస్తున్నాయి. అధికారులు మాత్రం ప్రతి నెలా ఒకటో తారీఖున జీతాలను అందుకుంటూ కుటుంబాలను సాఫీగా నడుపుకుంటున్నారు. తాత్కాలిక ఉద్యోగులపై ఎందుకీ వివక్ష అంటూ అధ్యాపకులు మండిపడుతున్నారు. సెప్టెంబర్‌, అక్టోబర్‌లో అయినా వేతనాలు చేతికందేనా అంటూ ఏడుకొండలవైపు చూస్తున్నారు. కుటుంబాలు గడవడం కష్టంగా ఉంది గత మూడు నెలలుగా వేతనాలు రాకపోవడంతో కుటుంబాలు గడవడం కష్టంగా ఉంది. నిత్యావసరాలకు సమీపంలోని షాపులలో అప్పులు పెడుతున్నాం. జీతాలు జమ కాకపోవడంతో చేతిలో చిల్లిగవ్వ లేకుండా పండుగలు, ఫంక్షన్లకు దూరంగా ఉంటున్నామంటే అతిశయోక్తి కాదు. పిల్లల స్కూల్‌ ఫీజులు, ఈఎమ్‌ఐలు కట్టేందుకు అవస్థలు పడుతున్నాం. టీటీడీ అధికారులు మా దయనీయ స్థితిని అర్థం చేసుకుని త్వరగా వేతనాలు అందించాలని వేడుకుంటున్నాం. – టీటీడీ విద్యాసంస్థల్లోని తాత్కాలిక అధ్యాపకులు

తిరుపతి మంగళం: స్వాతంత్య్రం వచ్చి 79 ఏళ్లు అవుతోందని, అయితే రాష్ట్రం స్వాతంత్య్రం కోల్పోయి ఏడాదిన్నర అవుతోందని వైఎస్సార్‌సీపీ రాష్ట్ర అధికార ప్రతినిధి భూమన కరుణాకరరెడ్డి ఆవేదన వ్యక్తం చేశారు. రాష్ట్రంలో కూటమి ప్రభుత్వం అనుసరిస్తున్న తీరును ఖండిస్తూ శుక్రవారం తిరుపతి పద్మావతిపురంలోని జిల్లా పార్టీ కార్యాలయంలో భూమన కరుణాకరరెడ్డి మీడియాతో మాట్లాడారు. రాష్ట్రంలో కూటమి ప్రభుత్వం ప్రజల హక్కులను పూర్తిగా హరించివేస్తోందన్నారు. రాష్ట్రంలోని ప్రజలు వాక్‌ స్వాతంత్య్రాన్ని కోల్పోతున్నామని, ప్రశ్నించే పరిస్థితులు లేకుండా పోతున్నాయని, ప్రజాస్వామ్యాన్ని అణచివేస్తున్నారని మండిపడ్డారు. రాష్ట్రంలో ఎక్కడ చూసినా అరాచకం, అవినీతి రాజ్యమేలుతోందని, ప్రశ్నించే వారిపై నిందారోపణలు మోపి, హింసలకు పాల్పడే వారిగా చిత్రీకరించి, కేసులు బనాయించి జైళ్లల్లోకి కుక్కి ప్రజస్వామ్యమనేది లేకుండా చేస్తోందని మండిపడ్డారు. ఏడాదిన్నర కిందట జరిగిన ఆంధ్రప్రదేశ్‌ ఎన్నికలు మొత్తం ఈవీఎంలన్నీ ట్యాపరింగ్‌ చేశారన్న విషయం దేశమే కోడై కూస్తోందన్నారు. ప్రజాస్వామ్యంగా పరిపాలించి రాష్ట్రంలోని పేదల ప్రజలకు సంక్షేమ రూపంలో రూ. 2.50 లక్షల కోట్లను పేద ప్రజలకు అందించిన గొప్ప నాయకుడైన వైఎస్‌. జగన్‌మోహన్‌రెడ్డి అన్నారు. ఎన్నికల తర్వాత కూటమి ప్రభుత్వాన్ని ఎవరు ప్రశ్నించినా వారిని జైళ్లల్లోకి కుక్కే ప్రయత్నాలు నిరంతరం జరుగుతున్నాయన్నారు. ఈ రాష్ట్రంలో హక్కులు లేవు, భావప్రకటన స్వేచ్ఛ లేదు, ప్రశ్నించే మనుషులకు సంకెళ్లు పడుతున్నాయని ఆరోపించారు. ఈ కూటమి అరాచకాలపై ప్రజలంతా ఉద్యమించాల్సిన అవసరం ఎంతైనా ఉందని పిలుపునిచ్చారు. దేశ వ్యాప్తంగా 79వ స్వాతంత్య్ర దినోత్సవం జరుపుకుంటున్నామే తప్ప రాష్ట్రంలో మాత్రం స్వాతంత్య్రం కోల్పోయామని ఆవేదన వ్యక్తం చేశారు. ఈ సమావేశంలో తిరుపతి మేయర్‌ శిరీష, పార్టీ నగర అధ్యక్షులు మల్లం రవిచంద్రారెడ్డి పాల్గొన్నారు.

కేవీబీపురం : రాష్ట్ర ప్రభుత్వం ప్రతిష్టాత్మకంగా శుక్రవారం నుంచి అమలు చేసిన ఉచిత బస్సు పథకానికి ఆదరణ కరువైంది. కనీసం కార్యక్రమం ప్రారంభానికి కూడా మహిళలు బస్సుల దగ్గరకు చేరడం లేదు. కండక్టర్లు గొంతులు పోయేలా ఉచిత బస్సు , ఫ్రీ బస్సు అని అరుస్తున్నా మహిళలు పట్టించుకోవడం లేదు. ఈ ఫొటోలో కనిపిస్తున్న దృశ్యం కేవీబీపురం మండల కేంద్రంలోనిది. ఈ బస్సులో ఉన్నవారు కూడా స్థానికులే అక్కడే ఎక్కించుకుని, పోలీస్‌ స్టేషన్‌ దాటి దింపేశారు. కూటమి ప్రభుత్వం తీసుకున్న ఈ నిర్ణయంపై మహిళల నుంచి విభిన్న మాటలు వినిపిస్తున్నాయి.

ఉచిత బస్సు ప్రయాణం బాగానే ఉంది. నేను విజయవాడ దుర్గమ్మ గుడికి వెళ్లి రావాలంటే పల్లె వెలు గు బస్సులో వెళ్లి ఎప్పుడు రావాలి? ఆ పల్లె వెలుగు బస్సులు ఎన్ని మారాలి? ఇది అయ్యే పనేనా నాయనా? కాణిపాకం వెళ్లి రావాలన్నా పల్లె వెలుగు బస్సులో ఎప్పుడు వెళ్లి రావాలి? – సరోజమ్మ, తిరుపతి ఉపాధి అవకాశాలు కల్పించండి మా తల్లిదండ్రులు పెద్ద చదువులు చదివించలేకపోయారు. చదివిన చదువుతో ఉద్యోగాలు దొరకడం లేదు. అప్పు చేసి ఆటో కొనుగోలు చేశా. ఆటో నడుపుకుంటూ కుటుంబాన్ని పోషిస్తున్నా. మహిళలకు ఉచిత బస్సు ప్రయాణం అంటున్నారు. ఇస్తే ఇవ్వండి.. కానీ మాకు ఉపాధి అవకాశాలు కల్పించండి. ఉపాధి లేకపోతే మా పరిస్థితేంటి.? – జ్ఞానశేఖర్‌, ఆటోడ్రైవర్‌ , చిత్తూరు

తిరుపతి అర్బన్‌ : ప్రభుత్వ లక్ష్యం మేరకు కార్యక్రమాలను అమలు చేయడంలో పురోగతి చూపాలని ఇన్‌చార్జి జోనల్‌ ఆఫీసర్‌, రాష్ట్ర వైద్య ఆరోగ్య , కుటుంబ సంక్షేమశాఖ చీఫ్‌ సెక్రటరీ ఎంటీ కృష్ణబాబు వెల్లడించారు. కలెక్టరేట్‌లో ఆయన గురువారం కలెక్టర్‌ వెంకటేశ్వర్‌, జేసీ శుభం బన్సల్‌, తిరుపతి కార్పొరేషన్‌ కమిషనర్‌ మౌర్య, అడిషనల్‌ ఎస్పీ రవిమనోహరాచారి, ట్రైనీ కలెక్టర్‌ సందీప్‌ రఘువాన్షి, డీఆర్వో నరసింహులతో కలసి ప్రభుత్వ కార్యక్రమాల అమలుపై అధికారులతో సమీక్షించారు. ఈ సందర్భంగా ఆయన మాట్లాడుతూ.. స్వర్ణాంధ్ర..స్వచ్ఛాంధ్ర, పీ4 కార్యక్రమాల పనితీరును తెలుసుకున్నారు. జిల్లాల వారీగా ర్యాంకింగ్‌ ఉంటుందని హెచ్చరించారు. నిర్లక్ష్యంగా వ్యవహరిస్తే చట్టపరమైన చర్యలు తప్పవని స్పష్టం చేశారు. అలాగే వ్యవసాయ, ఉద్యానశాఖ అభివృద్ధికి పనిచేయాలని చెప్పారు. కొత్త ఆలోచనలతో జిల్లాను అభివృద్ధి దిశగా తీసుకుపోవాలని ఆయన సూచించారు. అనంతరం కలెక్టర్‌ మాట్లాడుతూ.. ప్రభుత్వ లక్ష్యాలను అధిగమించడానికి ప్రతి మూడు నెలలకు ఒకసారి సమీక్షించి పురోగతిని చూపుతామని చెప్పారు. అలాగే వ్యవసాయ, ఉద్యానశాఖల అభివృద్ధికి కృషి చేస్తామన్నారు.

చిత్తూరు కార్పొరేషన్‌ : ప్రజాసమస్యల పరిష్కారానికి జిల్లా పరిషత్‌ సర్వసభ్య సమావేశం చక్కటి వేదిక. ఇందులో అనేక సమస్యలు పరిష్కరించడమే కాకుండా అభివృద్ధి పనులు, కొత్త నిర్ణయాల అమలు పట్ల చర్చించవచ్చు. అయితే ప్రతి సారీ ఉమ్మడి చిత్తూరు జిల్లా పరిధిలో నిర్వహిస్తున్న ఈ సర్వసభ్య సమావేశం తూతూమంత్రంగా సాగుతోంది. ఈ సమావేశం చిత్తూరు, తిరుపతి, అన్నమయ్య జిల్లా పరిధిలో నిర్వహిస్తారు. ఈ మూడు జిల్లాల కలెక్టర్లు, ఆయా శాఖల అధికారులు హాజరైతే ఎన్నో సమస్యలు పరిష్కారమవుతాయి. అయితే ఇప్పటి వరకు తిరుపతి, అన్నమయ్య జిల్లాల కలెక్టర్లు హాజరు కాలేదు. ఆయా జిల్లాల అధికారులు సైతం గైర్హాజరవుతున్నారు. దీంతో ఆయా జిల్లాల పరిధిలోని జెడ్పీటీసీలు సమావేశానికి హాజరై సమస్యలు మొరపెట్టుకుంటున్నా ఫలితం లేకుండా పోతోంది. ప్రతిసారీ అజెండాలో తప్పిదాలే జిల్లా పరిషత్‌ సర్వసమావేశానికి అందజేసే అజెండాలో అన్ని శాఖల పరిధిలో అమలవుతున్న సంక్షేమ, అభివృద్ధి పథకాల సమాచారం పొందుపరచాలి. అయితే అనేక శాఖల అధికారులు అజెండాలో తమ శాఖకు చెందిన సమాచారమే ఇవ్వడం లేదు. ఈ ఏడాది ఏప్రిల్‌ 29న నిర్వహించిన సర్వసభ్య సమావేశానికి అందజేసిన అజెండాలో కేవలం 11 శాఖల సమాచారమే పొందుపరిచారు. ఆ సమాచారంలోనూ అనేక తప్పిదాలున్నాయి. చివరి నిమిషంలో పలు శాఖలు సమాచారం అందజేస్తుండడంతో చాలా తప్పిదాలు చోటు చేసుకుంటున్నాయి. జాడలేని ఆర్థిక సంఘం నిధులు కేంద్ర ప్రభుత్వం విడుదల చేసిన 15వ ఆర్థిక సంఘం నిధులను రాష్ట్ర ప్రభుత్వం ఇవ్వకుండా వేధిస్తోంది. జెడ్పీ, పంచాయతీలకు కలిపి రూ.85 కోట్లు ఇవ్వగా వాటిని పల్లె పాలనకు కేటాయించాల్సి ఉంది. ఆ డబ్బులు మంజూరు చేయకుండా సతాయిస్తోందని సర్పంచ్‌లు ఆగ్రహం వ్యక్తం చేస్తున్నారు. పల్లె పండుగ కింద పంచాయతీరాజ్‌ పరిధిలో రూ3.కోట్ల బిల్లులు రావాల్సి ఉంది. సెస్‌ బకాయిలు రూ.36.4 కోట్లు జిల్లాలోని గ్రంథాలయాలకు నగరపాలక, పంచాయతీల నుంచి వచ్చే సెస్‌ చెల్లించకుండా కూటమి ప్రభుత్వం వేధిస్తోంది. ప్రతినెలా ఉద్యోగుల జీతాలు, నిర్వహణ కలిపి మొత్తం రూ.80 లక్షలు అవుతుంది. ఉమ్మడి జిల్లా పరిధిలో సెస్‌ బకాయిలు రూ.36.40 కోట్లు రావాల్సి ఉంది. నూతన విద్యుత్‌ సర్వీసులకు మీనమేషాలు ఉమ్మడి జిల్లాలో డబ్బులు కట్టించుకొని విద్యుత్‌ ఇవ్వాల్సిన సర్వీసులు 4 వేలకు పైగా ఉన్నాయి. శాఖా పరంగా కట్టిన డబ్బులకంటే పలుకుబడి, అధికారులకు మామూళ్లు ఇచ్చుకున్నవారికే సర్వీసులు జిల్లా స్టోర్స్‌ నుంచి త్వరగా విడుదలవుతున్నాయి. అత్యవసర కోటా కింద పరికరాలు తీసుకునే వెసులుబాటు ఉన్నా అవి ఇచ్చిన దాఖలాలు లేవు. ఆరోగ్యశ్రీ బకాయిలు రూ.260 కోట్లు ఉమ్మడి జిల్లాలో ఆరోగ్యశ్రీ బకాయిలు పేరుకుపోతున్నాయి. ఇప్పటివరకు రూ.260 కోట్లకుపైగా ప్రయివేటు ఆస్పత్రులకు చెల్లించాల్సి ఉంది. విద్యుత్‌ బకాయిలు రూ.500 కోట్లు పలు ప్రభుత్వ శాఖలు, పంచాయతీల పరంగా రూ.500 కోట్ల మేర విద్యుత్‌ శాఖకు రావాల్సి ఉంది. ఇలాంటి మొండి బకాయిలపై అసలు దృష్టి పెట్టడం లేదు. వీటికి తోడు ఓ వైపు ప్రీపెయిడ్‌ మీటర్ల ఏర్పాటు జోరుగా సాగుతోంది. కాలనీల్లో మౌలిక వసతులు కరువు ఉమ్మడి చిత్తూరు జిల్లా వ్యాప్తంగా వేలాదిగా జగనన్న కాలనీలను గత వైఎస్సార్‌సీపీ ప్రభుత్వం ఏర్పాటు చేసింది. ప్రస్తుతం అధికారంలోకి వచ్చిన కూటమి ప్రభుత్వం ఆ కాలనీల్లో మౌలిక వసతులను కల్పించడంలో అలసత్వం వహిస్తోంది. ఆ కాలనీల వైపు కన్నెత్తి కూడా చూడని పరిస్థితులున్నాయి. వేతనాల కోసం ధర్నా చేస్తున్న గ్రీన్‌అంబాసిడర్లు(ఫైల్‌) పరిష్కారం కాని అన్నదాత కష్టాలు జిల్లాలో అన్నదాతలు కష్టాల కడలిలో కొట్టుమిట్టాడుతున్నారు. జిల్లాకు 40,338 క్వింటాళ్ల వేరుశనగ విత్తనాలు అవసరం కాగా 26,350 క్వింటాళ్లు మాత్రమే కేటాయించింది. వ్యవసాయ రుణాలు రెన్యూవల్‌ చేసుకోవాలంటే అప్పటి వరకు ఉన్న మొత్తాన్ని పూర్తిగా చెల్లించాలని కొత్తగా మెలిక పెట్టారు. జిల్లాలో వేలాది మంది రైతులు వివిధ బ్యాంకుల్లో రూ.3,341 కోట్ల రుణం తీసుకుని అవస్థలు ఎదుర్కొంటున్నారు. మొక్కుబడిగా జెడ్పీ సర్వసభ్య సమావేశం ప్రజాప్రతినిధుల జీతాలకే దిక్కులేదు ఉమ్మడి చిత్తూరు జిల్లా పరిధిలో జెడ్పీటీసీ, సర్పంచ్‌ల జీతాలకు దిక్కులేదు. ఉమ్మడి జిల్లాలోని 65 మండలా జెడ్పీటీసీలకు నెలకు రూ.6వేల చొప్పున గౌరవ వేతనం ఇవ్వాల్సి ఉంది. కానీ అనేక నెలలుగా ఇవి పెండింగ్‌లో ఉండగా ఇప్పటికి రూ.1.7 కోట్లు రావాల్సి ఉంది. అలాగే సర్పంచ్‌లకు ఇవ్వాల్సిన రూ.3వేల గౌరవ వేతనం కూడా ఇవ్వడం లేదు. వారికి రూ.1.72 కోట్ల బకాయిలు పేరుకుపోయాయి. మామూళ్ల మత్తులో ఇంజినీరింగ్‌ శాఖ ఇంజినీరింగ్‌ శాఖ అధికారులు మామూళ్ల మత్తులో జోగుతున్నారు. జిల్లా ఆర్‌అండ్‌బీ పరిధిలో 15 ఏఈలకుగాను ముగ్గురే ఉన్నారు. వీరే అన్ని నియోజకవర్గాలను పర్యవేక్షించాల్సి ఉంది. ప్రతి పనికీ పైసలు ఇవ్వనిదే చేయడం లేదని కాంట్రాక్టర్లు బహిరంగంగా చెబుతున్నారు. సంవత్సరాల కాలంగా ఆర్‌డబ్ల్యూఎస్‌, పీఆర్‌ శాఖలకు ఇన్‌చార్జి ఎస్‌ఈలే దిక్కుగా మారారు. ఆర్‌డబ్ల్యూఎస్‌లో 50 మంది ఏఈలకు 34 మందే ఉన్నారు. ఇక పంచాయతీరాజ్‌లోనూ ఇన్‌చార్జ్‌ల పాలన సాగుతోంది. ఇక్కడ డీఈలు 15 మందికి గాను ఐదుగురు, 62 మంది ఏఈలకు గాను 37 మంది, ఇంజినీర్‌ సహాయకులు 504కు గాను 90 మంది కొరత ఉన్నారు. ట్రాన్స్‌కోలోనూ 40 మంది ఏఈలకు గాను దాదాపు 12 మంది తక్కువగా ఉన్నారు. ఫలితం శూన్యం జెడ్పీ సమావేశాలంటే పలు శాఖల అధికారులకు లెక్క లేకుండా పోయింది. దీనిపై జెడ్పీ చైర్మన్‌, జెడ్పీటీసీలు హెచ్చరించినా ఫలితం లేకుండా పోతోంది. ముఖ్యంగా ఎన్‌హెచ్‌ఎఐ, అటవీశాఖ, విద్యుత్‌శాఖ, డ్వామా, డీఆర్‌డీఎ, డీఎంఅండ్‌హెచ్‌, విద్యశాఖ అధికారులు రావడం లేదు. సోషల్‌ మీడియా కోసం రీల్స్‌ పెట్టడానికి కొందరు వీడియోలు చేస్తూ హడావిడి చేస్తున్నారు.

చంద్రగిరి : స్వాతంత్య్ర దినోత్సవాన్ని పురస్కరించుకుని చంద్రగిరిలోని బ్లూమింగ్‌ బడ్స్‌ పాఠశాల విద్యార్థులు ఎంఈఓ లలిత ఆధ్వర్యంలో భారీ జాతీయ జెండాతో గురువారం ర్యాలీ నిర్వహించారు. సుమా రు 1500 అడుగుల భారీ జాతీ య జెండాతో చంద్రగిరి పురవీధుల్లో ర్యాలీ చేపట్టారు. కార్యకమ్రంలో పాఠశాల చైర్మన్‌ హితేంద్రనాథ్‌ రెడ్డితో పాటు ప్రిన్సిపల్‌ వేణుగోపాల్‌ పాల్గొన్నారు. 20న రుణమేళాపై అవగాహన తిరుపతి కల్చరల్‌ : జిల్లా పరిశ్రమల కేంద్రం, ఎంఎస్‌ఎంఈ ఛాంబర్‌ ఆఫ్‌ కామర్స్‌ సంయుక్త ఆధ్వర్యంలో ఈనెల 20వ తేదీన రామానుజ సర్కిల్లోనున్న రెగాలియా హోటల్లో రుణమేళా, కేంద్ర ప్రభుత్వ రాయితీ పథకాలపై అవగాహన కార్యక్రమం నిర్వహించనున్నట్లు ఆ సంస్థ జిల్లా కో ఆర్డినేటర్‌ వెంకటేష్‌ ఒక ప్రకటనలో తెలిపారు. కార్యక్రమానికి వివిధ బ్యాంకుల ప్రతినిధులు హాజరువుతారని, అర్హత కలిగిన ఔత్సాహిక పారిశ్రామిక వేత్తలను గుర్తించి వారికి తక్షణమే రుణాలు మంజూరు చేసేందుకు చర్యలు తీసుకోనున్నట్లు తెలిపారు. ఈ రుణ మేళాలకు హాజరయ్యే వారు ఈనెల 19వ తేదీలోపు తమ పేర్లను నమోదు చేసుకోవాలని కోరారు. మరిన్ని వివరాలకు 9490190498, 7995915450 నంబర్లను సంప్రదించాలని తెలియజేశారు. తిరుమలలో దొంగల చేతివాటంతిరుమల : పార్కింగ్‌ లో ఉంచిన కారు అద్దాలు పగులకొట్టి గుర్తుతెలియని దండగులు చోరీకి పాల్పడిన సంఘటన గురువారం వెలుగు చూసింది. తిరుమల టూ టౌన్‌ పీఎస్‌ సీఐ శ్రీరాముడు తెలిపిన వివరాల మేరకు తమిళనాడు రాష్ట్రం, వేలూరుకు చెందిన నిత్యవేలు కుటుంబ సభ్యులతో కలిసి కారులో బుధవారం తిరుమలకు చేరుకున్నారు. స్థానిక నారాయణగిరి పార్కింగ్‌లో కారును ఉంచి శ్రీవారి దర్శనానికి వెళ్లారు. తిరిగీ గురువారం ఉదయం వచ్చి చూడగా కారు వెనుక అద్దాలు పగులకొట్టి ఉన్నాయి. కారులోని బ్యాగులో ఉంచిన రెండు జతల కమ్మలు చోరీకి గురైనట్లు గుర్తించారు. పోలీసుల సంఘటనా స్థలానికి చేరుకుని క్లూస్‌ టీం రప్పించి ఆధారాలు సేకరించారు. చోరీపై భక్తుల ఫిర్యాదు మేరకు కేసును నమోదు చేసి దర్యాప్తు చేస్తున్నట్లు సీఐ తెలిపారు. స్కూళ్లను తనిఖీ చేయండి : కలెక్టర్‌ తిరుపతి అర్బన్‌: కార్యాలయాలకే పరిమితం కాకుండా స్కూళ్లను తనిఖీ చేయాలని కలెక్టర్‌ వెంకటేశ్వర్‌ ఆదేశించారు. ఉప విద్యాశాఖాధికారిగా బాధ్యతలు స్వీకరించిన ఇందిరాదేవి గురువారం కలెక్టర్‌ వెంకటేశ్వర్‌ను కలెక్టరేట్‌లో మర్యాదపూర్వకంగా కలిశారు. ఈ సందర్భంగా ఆమెకు కలెక్టర్‌ మార్గదర్శనంచేశారు. మెనూ ప్రకారం స్కూళ్లలో మధ్యాహ్నం భోజనం పెట్టేలా చూడాలని, నాణ్యమైన విద్య అందేలా చూడాలని ఆదేశించారు.

● సెల్‌ ఫోన్లు చోరీ చేసి బ్యాంకు ఖాతాల్లో నగదు హాంఫట్‌ ● ముగ్గురు నిందితుల అరెస్ట్‌ ● 46 సెల్‌ఫోన్లు, రూ.2.8లక్షలు స్వాధీనం ● నిందితులు హైదరాబాద్‌, అన్నమయ్య జిల్లా, నెల్లూరు వాసులు తిరుపతి క్రైమ్‌: సెల్‌ ఫోన్లు చోరీ చేసి ఆ సెల్‌ ఫోన్‌ ద్వారా బాధితుల బ్యాంకు ఖాతాలోని నగదు హాంఫట్‌ చేస్తున్న కేటుగాళ్లను పోలీసులు అరెస్ట్‌ చేశారు. గురువారం తిరుపతి డీఎస్పీ భక్తవత్సలం ఈస్ట్‌ పోలీస్‌ స్టేషన్‌ విలేకరులకు తెలిపిన వివరాలు..హైదరాబాద్‌కు చెందిన హరికృష్ణ, అన్నమయ్య జిల్లాకు చెందిన అశోక్‌, నెల్లూరు జిల్లాకు చెందిన గడ్డం కసిరెడ్డి ఓ ముఠాగా ఏర్పడి నగరంలో సెల్‌ఫోన్ల చోరీకి పాల్పడేవారు. అలా చోరీ చేసిన మొబైల్‌ ఫోన్లలో ఆ వ్యక్తుల ఫోన్‌ పే, గూగుల్‌ పేను పరిశీలించి అందులో నగదును సరికొత్త ఎత్తుగడలతో కొట్టేసేశారు. ఏటీఎం సెంటర్‌ వద్ద కాపు కాసి, అక్కడ వచ్చే వారికి తమ వారు హాస్పిటల్లో ఉన్నారని, డబ్బులు చాలా అవసరమని ఫోన్‌ పే చేస్తామని, కావాలంటే కమిషన్‌ కూడా ఇస్తామని వారిని నమ్మిస్తారు. ఇలా కహానీలు చెప్పి వీరంతా 49 సెల్‌ ఫోన్లు దొంగతనం చేసి 3.6లక్షలు కాజేసినట్లు ప్రాథమిక విచారణలో తేలింది. హరికృష్ణ నుంచి రూ.లక్ష, 40 సెల్‌ ఫోన్లు, అశోక్‌ నుంచి రూ.90 వేలు, 6 సెల్‌ ఫోన్లు, కసిరెడ్డి నుంచి రూ.90 వేలు, మూడు సెల్‌ ఫోన్లు స్వాధీనం చేసుకున్నారు. ఈ కేసును ఛేదించడంలో ఈస్ట్‌ సీఐ శ్రీనివాసులు, ఎస్‌ఐ హేమాద్రి, సిబ్బంది కృషి చేశారని డీఎస్పీ వారిని అభినందించారు.

వాకాడు : పులివెందుల, ఒంటిమిట్ట జడ్పీటీసీ ఉప ఎన్నికల్లో ప్రజాస్వామ్యాన్ని ఖూనీ చేశారని వైఎస్సార్‌సీపీ వెంకటగిరి నియోజకవర్గం సమన్వయకర్త నేదురుమల్లి రామ్‌కుమార్‌రెడ్డి మండిపడ్డారు. ఈ సందర్భంగా ఆయన గురువారం వాకాడులో పర్యటించి మాట్లాడుతూ.. అధికార కూటమి ప్రభుత్వం తన గూండాల చేత ఎన్నికలను ఏక పక్షంగా రిగ్గింగ్‌ చేసుకుందని ఆరోపించారు. ప్రజాబలం లేకున్నా తన అధికారం అండతో పులివెందుల జడ్పీటీసీ ఉప ఎన్నికలో కూటమి ప్రభుత్వం సాగించిన దౌర్జన్యం, దుర్మార్గాన్ని ప్రజలంతా గమనించారని, తప్పకుండా వారికి బుద్ధి చెప్పి తీరుతారన్నారు. కూటమి ప్రభుత్వం చేస్తున్న దౌర్జాన్యాలకు చంద్రబాబు, వారి నాయకులు తగిన మూల్యం చెల్లించుకోక తప్పదన్నారు. రాజ్యాంగానికి తూట్లు పొడవడంలో.. ప్రజాస్వామ్యాన్ని చెరబట్టడంలోనూ.. తాను బ్రాండ్‌ అంబాసిడర్‌నని చంద్రబాబు మరోమారు నిరూపించారన్నారు. కూటమి ప్రభుత్వానికి ముగింపు పలికే రోజులు దగ్గరపడ్డాయన్నారు. ప్రజలంతా వైఎస్సార్‌సీపీ పక్షాన ఉన్నారని రామ్‌కుమార్‌రెడ్డి పేర్కొన్నారు.

చిల్లకూరు : స్థానిక సంస్థల ఎమ్మెల్సీ, గూడూరు నియోజకవర్గ వైఎస్సార్‌సీపీ సమన్వయకర్త మేరిగ మురళీధర్‌కు పితృవియోగం కలిగింది. రాపూర్‌నకు చెందిన మేరిగ ఆనందరావు (89) కొంత కాలంగా అనారోగ్యంతో బాధపడుతూ చికిత్స పొందుతున్నాడు. ఈ క్రమంలో గురువారం ఆయన అకస్మాత్తుగా చివరి శ్వాస విడిచారు. ఆయన భౌతిక కాయాన్ని రాపూరులోని ఆయన స్వగృహానికి నెల్లూరు నుంచి తరలించారు. అంతిమ యాత్ర శుక్రవారం మధ్యాహ్నం ఒంటి గంటకు ఇంటి వద్ద నుంచి బయలుదేరుతుందని కుటుంబ సభ్యులు తెలిపారు. ఆనందరావు వ్యవసాయ కుటుంబంలో జన్మించినప్పటికీ కొంత రాజకీయ పరిణితి ఉన్నవాడు కావడంతో చదువుతోనే దానిని సాధిచగమని గుర్తించి తన ఐదుగురి సంతానంలో ముగ్గురు కుమారులను వైద్యవృత్తిని చేయించారు. ఈ క్రమంలోనే మేరిగ మురళీధర్‌ను ఉన్నత చదువులు చదివించిన తరువాత ఆయనకు ఇష్టమైన రాజకీయాలలోకి పంపి నేడు ఉన్నతమైన స్థానంలో ఉండేలా ప్రోత్సహించారు. ఆనందరావు మృతి చెందిన విషయం తెలుసుకున్న పలువురు మేరిగ మురళీధర్‌కు తమ ప్రగాఢ సంతాపం తెలియజేశారు.

చంద్రగిరి : వెటర్నరీ యూనివర్శిటీలో జరుగుతున్న అన్యాయాలపై ప్రశ్నిస్తే బీసీ విద్యార్థులపై అగ్ర కులాలకు చెందిన కొంత మంది దౌర్జన్యాలు చేయడంపై బీసీ సంఘం విద్యార్థులు మండిపడ్డారు. వెటర్నరీ యూనివర్సిటీలోని నకుల హాస్టల్లో విద్యార్థులకు అందించే అల్పాహారంలో పురుగులు రావడంతో ఓబీసీ విద్యార్థి సంక్షేమం సంఘం జాతీయ అధ్యక్షుడు నాగేశ్వర్‌రావు వార్డెన్‌ తిరుపతిరెడ్డి దృష్టికి తీసుకెళ్లాడు. అయితే వార్డెన్‌తో మాట్లాడుతున్న క్రమంలో కొంత మంది విద్యార్థులు నాగేశ్వర్‌రావుపై దౌర్జన్యానికి యత్నించడంతో బీసీ విద్యార్థులు మండిపడ్డారు. అనంతరం విద్యార్థి సంఘం నేతలు యూనివర్సిటీ వీసీకి ఫిర్యాదు చేశారు. బీసీ, ఎస్సీ, ఎస్టీ సామాజిక వర్గానికి చెందిన విద్యార్థులతో కొంత మంది అగ్ర కులాలకు చెందిన వారు బెదిరింపులకు పాల్పడటం, గొడవలకు రావడం దారుణమన్నారు. వార్డెన్‌కు చెందిన కొంత మంది విద్యార్థి సంఘం నేత నాగేశ్వర్‌రావుపై దౌర్జన్యానికి పాల్పడటం దారుణమన్నారు. ఇలాంటి ఘటనలపై చర్యలు తీసుకోకపోతే పెద్ద ఎత్తున బీసీ విద్యార్థి సంఘాలతో నిరసనకు దిగుతామని వీసీ ఎదుట స్పష్టం చేశారు. వీసీ కేవీ.రమణ మాట్లాడుతూ.. సోమవారం ఈ విషయమై విచారణ జరిపి బాధ్యులపై చర్యలు తీసుకుంటామని విద్యార్థి సంఘ నేతలకు వివరించారు.

తిరుపతి తుడా : ఎస్వీ వైద్య కళాశాలలో నీట్‌–2025 తొలి విడత ఎంబీబీఎస్‌ ప్రవేశాలు ప్రారంభమయ్యాయి. ఈ మేరకు గురువారం ఉత్తమ ర్యాంక్‌ సాధించిన తిరుపతికి చెందిన గుణ భూషణ్‌కు ప్రిన్సిపల్‌ డాక్టర్‌ రవిప్రభు తొలి అడ్మిషన్‌ ధ్రువపత్రాన్ని అందించారు. ఉత్తమ టీచర్ల ఎంపికకు ఇంటర్వ్యూలు తిరుపతి సిటీ : జిల్లాలో రాష్ట్ర స్థాయి ఉత్తమ ఉపాధ్యాయుల ఎంపిక కోసం ఇంటర్వ్యూలు గురువారం జిల్లా విద్యాశాఖాధికారి కార్యాలయంలో నిర్వహించారు. సెప్టెంబర్‌ 5వ తేదీ టీచర్స్‌డే సందర్భంగా విజయవాడ కేంద్రంగా రాష్ట్ర స్థాయిలో ఉత్తమ ఉపాధ్యాయుల అవార్డులను అందించనున్నారు. ఇందులో భాగంగా జిల్లా నుంచి 41 మంది ఉపాధ్యాయుల నుంచి దరఖాస్తులు అందాయి. డీఈఓ కేవీఎన్‌ కుమార్‌ ఆధ్వర్యంలోని కమిటీ ఇంటర్వ్యూలు నిర్వహించి ఇద్దరు ప్రధానోపాధ్యాయులు, నలుగురు స్కూల్‌ అసిస్టెంట్లు, ఇద్దరు సెకండరీ గ్రేడ్‌ టీచర్లను మొత్తం ఎనిమిది మందిని ఎంపిక చేసి రాష్ట్ర ప్రభుత్వానికి పంపనుంది. ఇందులో నుంచి నలుగురుని ఉత్తమ ఉపాధ్యాయులుగా ప్రభుత్వం ఎంపిక చేసి సెప్టెంబర్‌ 5న అవార్డులను అందించనుంది. రాష్ట్రస్థాయి జూడో పోటీల్లో విద్యార్థినికి పతకం ఏర్పేడు : ఈనెల 8, 9వ తేదీలలో గుంటూరు జిల్లాలో జరిగిన రాష్ట్ర స్థాయి జూడో పోటీలలో ఉమ్మడి చిత్తూరు జిల్లా జూడో జట్టుకు ప్రతినిధ్యం వహించిన ఏర్పేడు మండలం పాపానాయుడుపేట జెడ్పీ ఉన్నత పాఠశాల విద్యార్థిని యామిని 40 కేజీల విభాగంలో కాంస్య పతకం సాధించినట్లు హెచ్‌ఎం మారయ్య తెలిపారు. జూడో పోటీలలో ప్రతిభ కనబరిచిన ఆమెను పాఠశాల ఉపాధ్యాయులు అభినందించారు.

కోట : గూడలిలోని కామాక్షీదేవి సమేత సంగమేశ్వర స్వామి దేవస్థానం బ్రహ్మోత్సవాల అనంతరం సంగమేశ్వరుని సన్నిధిలోని హుండీ చోరీకి గురైనట్లు గ్రామస్తులు తెలిపారు. గ్రామపెద్దలు ఈ విషయమై చర్చించేందుకు గురువారం ఆలయం వద్ద సమావేశమయ్యారు. దేవాదాయశాఖ ఈఓ శశాంక్‌, ఆలయ అర్చకుడు కార్తీక్‌పై వారు ఆరోపణలు చేశారు. బ్రహ్మోత్సవాల సందర్భంగా భక్తులు స్వామి వారి హుండీలో నగదు, కానుకలు వేశారని, మే 3వ తేదీ రాత్రి ప్రధాన ద్వారం తలుపు తాళాలు పగులగొట్టి ఉన్నట్లు వాచ్‌మెన్‌ గుర్తించి పూజారి, ఈఓకు ఫిర్యాదు చేశారని, అయితే వారు చోరీ విషయాన్ని బయటపెట్టకుండా దాచి ఉంచారని గ్రామస్తులు తెలిపారు. స్వామి వారి హుండీలో ఉన్న రూ.లక్షల రూపాయలు మాయం అయ్యాయన్నారు. దీనిపై ఉన్నతాధికారులు విచారణ జరిపాలన్నారు. పీఠం కదిలిందా..కదిలించారా.. కామాక్షీదేవి సమేత సంగమేశ్వర స్వామి దేవస్థానంలో అమ్మవారి పీఠం కదిలిందని ఈనెల 10 నుంచి మూడు రోజులు ప్రతిష్ఠా మహోత్సవాలు నిర్వహించారు. దీనిపై గ్రామపెద్దలు అనుమానం వ్యక్తం చేస్తున్నారు. గుప్త నిధి కోసం పీఠాన్ని కదిలించారన్న అనుమానం వ్యక్తం చేశారు. ఉప సర్పంచ్‌ విజయసారఽథిరెడ్డి, షనీల్‌రెడ్డి, సత్యనారాయణ, వెంకటక్రిష్ణారెడ్డి, దేవేంద్రరెడ్డి, రఘునాథరెడ్డి పాల్గొన్నారు.

తిరుపతి తుడా: స్విమ్స్‌ వర్సిటీ ఆధ్వర్యంలో నడుస్తున్న పద్మావతి మహిళా వైద్య కళాశాలలో 2025–26 విద్యా సంవత్సరానికి సంబంధించి ఎంబీబీఎస్‌ కోర్సులో ప్రవేశాలు ప్రారంభమయ్యాయి. నీట్‌–2025 ఆల్‌ ఇండియా కోటాలో విద్యార్థులు సాధించిన ర్యాంకుల ఆధారంగా గురువారం తొలివిడత ప్రవేశాలకు పూనుకున్నారు. కర్నూలుకు చెందిన సాయి శ్రీనిత్య జాతీ య స్థాయిలో 14,255 ర్యాంకు సాధించి తొలి అడ్మిషన్‌ పొందారు. వీసీ డాక్టర్‌ ఆర్వీ కుమార్‌ అడ్మిషన్‌ ధృవ పత్రాన్ని విద్యార్థినికి అందజేశారు. జాలర్లకు ఇళ్ల స్థలాలు తడ : మండలంలోని దీవి గ్రామం ఇరకంలో నివసిస్తున్న జాలర్లకు పూడి గ్రామం వద్ద ఏడాది క్రితం తయారు చేసిన జగనన్న లే అవుట్‌లో 172 మందికి కేటాయించిన ఇళ్ల స్థలాలను కలెక్టర్‌ వెంకటేశ్వర్‌, ఎమ్మెల్యే నెలవల విజయశ్రీ చేతుల మీదుగా గురువారం ఇళ్ల స్థలాల పట్టాలు పంపిణీ చేశారు. తడలోని ఓ ప్రైవేటు హోటల్‌లో ఏర్పాటు చేసిన కార్యక్రమంలో లక్కీడిప్‌ ద్వారా పట్టాల నంబర్లు అందించారు. ఈ సందర్భంగా కలెక్టర్‌ మాట్లాడుతూ.. ఇరకం దీవిలోని ప్రజలు పడుతున్న ఇబ్బందులను గుర్తించి పట్టాలు త్వరితగతిన మంజూరు చేశామన్నారు. గ్రామంలో మిగిలిన ఎస్సీ, ఎస్టీ కుటుంబాలకు కూడా ఇళ్ల స్థలాలు ఇస్తామని తెలిపారు. కార్యక్రమంలో భాగంగా ప్రభుత్వం తరఫున ఏర్పాటు చేసిన ఫ్లెక్సీల్లో తిరుపతి ఎంపీ గురుమూర్తి ఫొటో లేకపోవడంతో అభ్యంతరం వ్యక్తం చేశారు. ఎన్నికల కోడ్‌ అమల్లోకి రావడంతో వైఎస్సార్‌సీపీ ప్రభుత్వంలో పట్టాల పంపిణీ నిలిచిపోయింది. దానిని ఇప్పుడు టీడీపీ నాయకులు పంపిణీ చేశారు. కార్యక్రమంలో సూళ్లూరుపేట ఆర్డీఓ కిరణ్మయి, మాజీ ఎంపీ నెలవల సుబ్రమణ్యం నాయకులు పాల్గొన్నారు.

చిత్తూరు కలెక్టరేట్‌ : కూటమి ప్రభుత్వం అధికారంలోకి వచ్చాక రెవెన్యూ సమస్యలను పరిష్కరించకపోగా కొత్త సమస్యలను సృష్టిస్తోంది. ఎన్నో సంవత్సరాలుగా సజావుగా రైతులకు ఇబ్బందులు లేకుండా కొనసాగుతున్న మీ భూమి, భూ నక్షత్ర పోర్టల్‌లో కూటమి ప్రభుత్వం మార్పులు తీసుకొచ్చింది. గత నెల రోజులుగా కూటమి ప్రభుత్వం మీ భూమి పోర్టల్‌ లో తెచ్చిన కొత్త మార్పులతో రైతులు, ప్రజలు తీవ్ర ఇబ్బందులు ఎదుర్కొంటున్నారు. సజావుగా సాగుతున్న మీ భూమి పోర్టల్‌కు ఓటీపీ లాగిన్‌ను ఏర్పాటు చేయడంతో క్షేత్రస్థాయిలో సమస్యలు అధికమవుతున్నాయి. రైతులు, ప్రజలు తమ భూముల వివరాలను మీ భూమి పోర్టల్‌ లో తెలుసుకోలేక అవస్థలు పడుతున్నారు. ఈ సమస్యను చిత్తూరు, తిరుపతి జిల్లాల్లోని ఉన్నతాధికారులకు మొరపెట్టుకుంటున్నప్పటికీ తమ చేతుల్లో ఏమీ లేదంటూ చేతులెత్తేస్తున్నారు. నెట్‌ స్పీడు లేకున్నా మొరాయింపే చిత్తూరు, తిరుపతి జిల్లాల్లోని అన్ని నియోజకవర్గాల్లో ఉన్న మండలాల్లో నెట్‌ వేగం అంతంత మాత్రమే. నగరాల్లో మాత్రమే 5 జీ నెట్‌వర్క్‌ అందుబాటులో ఉంటుంది. గ్రామాల్లో నెట్‌వర్క్‌ సౌకర్యం సరిగ్గా లేకపోవడంతో ఇంటర్‌నెట్‌ సౌకర్యం అంతంత మాత్రంగానే ఉండే పరిస్థితి. ఈ క్రమంలో గ్రామాల్లో మీ భూమి వెబ్‌సైట్‌ లో వివరాలు పొందేందుకు రైతులు ఓటీపీ నమోదు చేశాకే వెబ్‌ల్యాండ్‌ ఓపెన్‌ అవుతోంది. నెట్‌ స్పీడు లేకపోయినా మీ భూమి పోర్టల్‌ ఓపెన్‌ అవ్వని పరిస్థితి క్షేత్రస్థాయిలో చోటు చేసుకుంటున్నాయి. గ్రామాల్లో మీ భూమి పోర్టల్‌ లో భూ వివరాలు పొందేందుకు రైతులు అష్టకష్టాలు పడాల్సిన దుస్థితి ఏర్పడింది. కూటమి ప్రభుత్వం మీ భూమి పోర్టల్‌కు లాగిన్‌ ఆప్షన్‌ పెట్టడంతోనే ఈ కొత్త కష్టాలు రైతులకు మొదలయ్యాయి. పోర్టల్‌లో సమస్యలు కూటమి ప్రభుత్వం మార్పులు చేసిన మీ భూమి పోర్టల్‌ లో వింత సమస్యలు ఎదురవుతున్నాయి. గత మీ భూమి పోర్టల్‌ ను పూర్తిగా తొలగించడంతో అందులోని సమగ్ర వివరాలు మాయమయ్యాయి. ప్రస్తుతం చాలా వరకు భూముల వివరాలు మీ భూమి పోర్టల్‌ లో కనిపించడం లేదు. ఈ సమస్యలు చిత్తూరు, తిరుపతి జిల్లాలు మొత్తం ఉన్నాయి. ఇదే సమయంలో పోర్టల్‌ మొరాయింపుతో రైతులకు అవసరమైన భూ పత్రాలు పొందలేక పోతున్నారు. రైతులు తమకు అవసరమైన పత్రాలు సకాలంలో బ్యాంకులలో ఇవ్వలేకపోతుండటంతో రుణాలు పొందలేక నష్టపోతున్నారు. రైతులు నెట్‌ సెంటర్‌ల వద్ద రోజంతా నిరీక్షిస్తున్నప్పటికీ తమకు అవసరమైన భూ పత్రాలను పొందలేకపోతున్నారు. కూటమి ప్రభుత్వం రైతుల పట్ల కక్ష సాధింపుతోనే ఇలాంటి నిర్ణయాలు తీసుకుంటోందని విమర్శలు వెలువెత్తుతున్నాయి. మీ భూమి పోర్టల్‌ ను పాత పద్ధతిలోనే అమలు చేయాలని రైతులు డిమాండ్‌ చేస్తున్నారు. అవసరమైన పత్రాలు పొందలేకపోతున్నా నాకు 1బీ, ఎఫ్‌ఎంబీ పత్రాలు అవసరం పడ్డాయి. ఈ పత్రాల కోసం 20 రోజులుగా తిరుగుతున్నా. ప్రతి రోజు నెట్‌ సెంటర్ల వద్దకు వెళ్తున్నా. ప్రస్తుత ప్రభుత్వం మీ భూమి పోర్టల్‌కు ఓటీపీ విధానం అని కొత్తగా పెట్టిందంట. మొదట్లో ఆ ఓటీపీ చెప్పాలంటే భయమేసింది. తర్వాత చేసేదేమిలేక ఆ ఓటీపీ ని కూడా చెప్పాను. అయినప్పటికీ నాకు అవసరమైన భూ పత్రాలను పొందలేకపోయాను. సజావుగా సాగుతున్న మీ భూమి పోర్టల్‌ లో ఇలాంటి అనాలోచిత నిర్ణయాలు తీసుకుని రైతులను ఇబ్బందులు పెడుతున్నారు. పూర్వపు విధానమే అమలు చేయాలి. – నాగభూషణం, రైతు, చిత్తూరు జిల్లా పాత పద్ధతినే అమలు చేయాలి అసలే భూ సమస్యలు ఎక్కువగా ఉన్నాయి. ఈ క్రమంలో వాటిని పరిష్కరించేందుకు చర్యలు చేపట్టాలి. అంతే కాని రైతులపై కక్ష సాధింపునకు పాల్పడే విధంగా కొత్త నిర్ణయాలు అమలు చేయడం సబబు కాదు. మీ భూమి పోర్టల్‌ లో తెచ్చిన మార్పులపై క్షేత్రస్థాయిలో రైతులు ఇబ్బందులు పడుతున్నారు. సకాలంలో అవసరమైన భూ పత్రాలు పొందలేకపోతున్నారు. ఎందుకు ఇలాంటి అనాలోచిత నిర్ణయాలు అమలు చేస్తున్నారో అర్థం కావడం లేదు. పాత పద్ధతిలోనే మీ భూమి పోర్టల్‌ ను కొనసాగించాలి. – గోవర్ధన్‌, రైతు, చిత్తూరు జిల్లా గతంలో భూములకు సంబంధించి 1బీ తీయాలన్నా.. అడంగల్‌ కావాలన్నా...ఎఫ్‌ఎంబీ అవసరం ఉన్నా ఆన్‌లైన్‌ సెంటర్‌కు వెళ్లి నిమిషాల్లో మీ భూమి పోర్టల్‌ లో పొందేందుకు అవకాశం ఉండేది. కూటమి ప్రభుత్వం పుణ్యాన ప్రస్తుతం వాటిని పొందడం అంత సులభం కాదు. మీ భూమి పోర్టల్‌ను ఓపెన్‌ చేయాలంటే ముందుగా ఫోన్‌ నంబర్‌ నమో దు చేయాలి. ఆ తరువాత క్యాప్‌చా వస్తుంది. అది ఎంటర్‌ చేసిన తర్వాత ఫోన్‌ నంబర్‌కు ఓటీపీ వస్తుంది. ఆ ఓటీపీ ఎంటర్‌ చేస్తేనే వివరాలు ఓపెన్‌ అవుతా యి. ఈ తతంగం అంతా చేసేందుకు గంటల సమ యం పడుతుంది. ఓటీపీ నమోదు చేసి వివరాలన్ని నమోదు చేశాక ఓకే నొక్కితే సర్వర్‌ మొరాయిస్తూ సైట్‌ ఓపెన్‌ కాకుండా పోతోంది. ఇలా మూడు సార్లు ఓటీపీ నమోదు చేశాక ఆ తర్వాత ఆ రోజుకి ఇక పై అవకాశం లేనట్టే. ఒకవేళ లాగిన్‌ అయిన కాసేపటికే సర్వర్‌ బిజీ వస్తుంది. ఈ సమస్యలతో రైతులు క్షేత్రస్థాయిలో తీవ్ర ఇబ్బందులు ఎదుర్కొంటున్నారు.

కర్మాగారం ముందు బైఠాయించిన ఽ నైట్‌ షిఫ్టు కార్మికులు ‘‘నాలుగు పరిశ్రమలు మా ప్రాంతంలో నెలకొల్పితే ఉద్యోగం, ఉపాధి దొరుకుతుందని సంబరపడ్డాం. అయితే కంపెనీల యాజమాన్యం నిరంకుశ వైఖరిని చూస్తే దిక్కుతోచక నివ్వెరబోతున్నాం. రోజూ 12 గంటల పాటు శ్రమదోపిడీకి పాల్పడుతుంటే మౌనంగా భరిస్తున్నాం. కనీస వసతులు కల్పించకపోయినా నోరెత్తకుండా పనిచేశాం. ఇక తట్టుకోలేక ఇన్నేళ్లకి తిరగబడ్డాం. వెట్టిచాకిరీ చేస్తున్నా వేతనంలో కోత విధించడం దారుణం. ప్రశ్నించినందుకు సెక్యూరిటీ సిబ్బందితో దాడి చేయించడం దుర్మార్గం’’ అంటూ రేణిగుంటలోని కార్బన్‌, నియో లింక్‌ పరిశ్రమ కార్మికులు మండిపడ్డారు. కంపెనీ తీరుపై ఆగ్రహం వ్యక్తం చేశారు. రేణిగుంట : తిరుపతిని ఎలక్ట్రానిక్‌ మ్యానుఫాక్చరింగ్‌ హబ్‌గా గుర్తించి రేణిగుంట విమానాశ్రయ రహదారిలో ఈఎంసీ1, సీఎంసీ–2లో పదుల సంఖ్యలో కంపెనీలు వెలిశాయి. ఆయా పరిశ్రమల యాజమాన్యాలు స్థానిక యువతను అన్‌స్కిల్డ్‌ కింద కూలీలుగా పనిలో పెట్టుకుని శ్రమదోపిడీకి పాల్పడుతున్నాయి. ఏళ్ల తరబడి వెట్టి చాకిరీ చేసిన యువత జీతంలో కూడా కోత పెట్టడంతో వారిలో ఆగ్రహం కట్టలు తెంచుకుంది. రోడ్డెక్కి కంపెనీకి వ్యతిరేకంగా నినాదాలు చేశారు. కార్మిక సంక్షేమ చట్టాలు, కనీస వేతన చట్టాలను అమలు చేయాలని డిమాండ్‌ చేశారు. పొట్ట పోషణకు వస్తే రేణిగుంటలోని కార్బన్‌, నియో లింక్‌ పరిశ్రమలో దారుణాలు చోటు చేసుకుంటున్నాయి. కుటుంబ పోషణ కొరకు పొట్ట చేత పట్టుకొని చుట్టుపక్కల ఉన్న పారిశ్రామిక వాడల్లో చిరు ఉద్యోగులుగా స్థానిక యువత వారి జీవితాలను దగా చేస్తున్నాయి. అయితే బుధవారం నియో లింక్‌ పరిశ్రమలో తాము ఎదుర్కొంటున్న ఇబ్బందులపై వందల మంది కార్మికులు రోడ్డెక్కారు. విధులను బహిష్కరించి నిరసన గళం వినిపించారు. లేబర్‌ చట్టాల ప్రకారం రూ.23 వేల కనీస వేతనం చెల్లించాల్సి ఉండగా ఆ సంస్థ 8 గంటల పని కాకుండా అదనంగా 12 గంటలు పని చేయించుకుంటూ కేవలం రూ.10వేల నుంచి రూ.13 వేలు మాత్రమే చెల్లింస్తోందని కార్మికులు వాపోయారు. మహిళలకి సైతం మౌలిక వసతులు కూడా కల్పించడంలో కంపెనీ విఫలమైందని ఆగ్రహం వ్యక్తం చేశారు. ప్రశ్నించిన వారిపై దాడి చేయించి, ఐడీ కార్డు బలవంతంగా తీసుకొని విధుల నుంచి తొలగిస్తున్నారని ఆరోపించారు. ఎదురు తిరిగితే సెక్యూరిటీ దారుణంగా దాడి చేస్తున్నారని ఆందోళన వ్యక్తం చేశారు. ఈ క్రమంలో బుధవారం ఉదయం, రాత్రి రెండు విడతలగా కార్మికులు రోడ్డుపై బైఠాయించి నిరసన తెలిపారు. సీఐ జయ చంద్ర, ఎస్‌ఐ సుధాకర్‌ హుటాహుటిన కంపెనీ వద్దకు చేరుకుని కార్మికులతో మాట్లాడారు. అనంతరం కార్బన్‌ యాజమాన్యం రంగంలోకి దిగి కార్మికులకు న్యాయం చేస్తామని హామీ ఇచ్చింది. లేబర్‌ కమిషన్‌ క్షేత్రస్థాయిలో విచారణ చేపట్టి కార్మికులకు సమస్యలు పరిష్కరించాలని వామపక్ష నేతలు డిమాండ్‌ చేశారు. కంపెనీ ఎదుట డే షిఫ్ట్‌ కార్మికులు కార్బన్‌–నియోన్‌ కంపెనీ శ్రమ దోపిడీపై ఆందోళన సెక్యూరిటీ సిబ్బందితో దాడి చేయించడంపై ఆగ్రహం 12 గంటలు పనిచేయించుకోవడంపై ఆవేదన

శ్రీసిటీ (వరదయ్యపాళెం) : శ్రీసిటీ ఫౌండేషన్‌ సహకారంతో శ్రీసిటీలోని చార్ట్‌–వీఆర్‌వీ పరిశ్రమ సామాజిక బాధ్యతలో భాగంగా వరదయ్యపాళెం మండలం నాగానందపురం ప్రభుత్వ ప్రాథమిక పాఠశాలలో విద్యా వసతులు సమకూర్చింది. సుమారు రూ.31 లక్షల వ్యయంతో తరగతి గదులు, మరుగుదొడ్లు, వంట గది నిర్మాణాలను పూర్తిచేసింది. స్కూల్‌ ఆవరణ చుట్టూ ప్రహరీ గోడ నిర్మించింది. మొక్కలు నాటి, స్కూల్‌ మొత్తానికి రంగులు వేయించింది. ఈ మేరకు బుధవారం శ్రీసిటీ డైరెక్టర్‌ నిరీషా సన్నారెడ్డి సమక్షంలో చార్ట్‌ ఇండస్ట్రీస్‌ ఎండీ పర్వేశ్‌ మిట్టల్‌, డైరెక్టర్‌ యామిని సిన్హా చేతులమీదుగా నూతన వసతులను ప్రారంభించారు. వీఆర్‌ హెచ్‌ఆర్‌ మేనేజర్‌ కందస్వామి, ఎంఈఓ–2 గున్నయ్య పాల్గొన్నారు.

రేణిగుంట : నడివీధి గంగమ్మ దర్శనానికి పెద్దసంఖ్యలో భక్తులు తరలివచ్చారు. బుధవారం ఉదయం నుంచే ఆలయం వద్ద బారులు తీరారు. అమ్మవారిని సేవించుకుని పరవశించారు. ఈ క్రమంలో వేకువనే పసుపుతో చేసిన అమ్మవారి ప్రతిమను ఊరేగింపు తీసుకువచ్చి వేపాకు పందిరి కింద కొలువుదీర్చారు. ప్రత్యేక క్యూల ద్వారా భక్తులు ఎలాంటి ఇబ్బందులు లేకుండా గంగమ్మను దర్శించుకున్నారు. డీఎస్పీ శ్రీనివాసరావు, సీఐ జయచంద్ర ఆధ్వర్యంలో పోలీసులు గట్టి బందోబస్తు చేపట్టారు. భారీగా కుంభం సాయంత్రం అమ్మవారికి కుంభం పెట్టి మొక్కు లు తీర్చుకునేందుకు భక్తులు పెద్దసంఖ్యలో చేరుకున్నారు. భైరాగి వేషాలతో దిష్టి కుండలను నెత్తి న పెట్టుకుని మహిళలు, చిన్నారులు సమూహాలు గా నడివీధి గంగమ్మను సేవించుకున్నారు. ఆల య కమిటీ చైర్మన్‌ సోలా మల్లికార్జునరెడ్డి నేతృత్వంలో భక్తులకు వసతులు కల్పించారు. అర్ధరాత్రి తర్వాత అమ్మవారి ప్రతిమను ఊరేగించారు. అనంతరం నిమజ్జనంతో జాతరను పరిపూర్ణం చేశారు. అమ్మవారి దర్శనానికి పోటెత్తిన భక్తులు ముగిసిన రేణిగుంట నడివీధి గంగమ్మ జాతర

కలువాయి(సైదాపురం) : కలువాయి మండలం చిన్నగోపరం గ్రామానికి చెందిన బాలిక (17) ఈనెల 5వ తేదీన అదృశ్యమైనట్లు బాలిక తండ్రి పోలీసులకు బుధవారం ఫిర్యాదు చేశారు. కూలి పనులకు వెళ్లి తిరిగి ఇంటికి వచ్చే సరికి చిన్న కుమార్తె కనపడలేదని, స్థానికుల సాయంతో గాలింపు చర్యలు చేపట్టినా ఆచూకీ దొరకలేదని పేర్కొన్నారు. ఈ మేరకు కేసు నమోదు చేసి దర్యాప్తు చేస్తున్నట్లు ఎస్‌ఐ కోటయ్య తెలిపారు. కాలువలో పడి వ్యక్తి మృతి వెంకటగిరి రూరల్‌ : తెలుగు గంగ కాలువలో ప్రమాదవశాత్తు పడి ఓ వ్యక్తి మృతి చెందిన ఘటన బుధవారం వెలుగు చూసింది. వివరాలు.. బంగారుపేటలోని పల్లెవీధికి చెందిన వేలూరు పెంచలయ్య(45) మంగళవారం మధ్యాహ్నం బహిర్భూమి కోసం తెలుగుగంగ కాలువ వద్దకు వెళ్లాడు. తిరిగి ఇంటికి రాకపోవడంతో కుటుంబీకులు గాలింపు చర్యలు చేపట్టారు. కాలువ గట్టు మీద పెంచలయ్య మోటార్‌సైకిల్‌, చెప్పులను గుర్తించారు. అప్పటికే చీకటి పడిపోవడంతో బుధవారం ఉదయం కాలువలో గాలించి మృతదేహాన్ని వెలికి తీశారు. పోస్టుమార్టం నిమిత్తం వెంకటగిరి ప్రభుత్వాస్పత్రికి తరలించారు. ఈ మేరకు పోలీసులు కేసు నమోదు చేసి దర్యాప్తు చేస్తున్నారు. చెక్‌బౌన్స్‌ కేసులో నిందితుడికి జైలు తిరుపతి లీగల్‌ : చెక్‌బౌన్స్‌ కేసులో తిరుపతి పద్మావతిపురానికి చెందిన మహేష్‌ నాయుడు అనే నిందితుడికి 6 నెలల జైలు శిక్ష , రూ.5వేల జరిమానా విధిస్తూ తిరుపతి రెండో అదనపు జూనియర్‌ సివిల్‌ జడ్జి కోటేశ్వరరావు బుధవారం తీర్పు చెప్పారు. రెండు ప్రైవేట్‌ ట్రావెల్‌ బస్సుల సీజ్‌ – రూ.6లక్షల జరిమానా తిరుపతి మంగళం : జిల్లా రవాణాశాఖ అధికారులు బుధవారం చేపట్టిన వాహన తనిఖీల్లో పర్మిట్‌ లేకుండా తిరుగుతున్న రెండు ప్రైవేట్‌ ట్రావెల్‌ బస్సులను సీజ్‌ చేశారు. రెండు బస్సులకు రూ.6లక్షల జరిమానా విధించారు. సకాలంలో ట్యాక్స్‌ చెల్లించకుండా వాహనాలను తిప్పితే సీజ్‌ చేస్తామని జిల్లా రవాణాశాఖ అధికారి కొర్రపాటి మురళీమోహన్‌ హెచ్చరించారు. నిబంధనలు అతిక్రమించినా చర్యలు తప్పవని స్పష్టం చేశారు. ఈ మేరకు జిల్లావ్యాప్తంగా వాహన తనిఖీలను ముమ్మరం చేసినట్లు వెల్లడించారు.

● రాజకీయ గురువు పాడె మోసిన మాజీ ఎమ్మెల్యే బియ్యపు మధుసూదన్‌రెడ్డి శ్రీకాళహస్తి: మాజీ ఎమ్మెల్యే తాటిపర్తి చెంచురెడ్డికి అభిమానులు కన్నీటి వీడ్కోలు పలికారు. బుధవారం ఈమేరకు అంతిమయాత్రలో మాజీ ఎమ్మెల్యే బియ్యపు మధుసూదన్‌రెడ్డి పాల్గొన్నారు. తన రాజకీయ గురువు పాడే మోశారు. కార్యక్రమంలో శ్రీకాళహస్తీశ్వరాల కమిటీ మాజీ అంజూరు తారక శ్రీనివాసులు, వైఎస్సార్‌సీపీ ఉమ్మడి చిత్తూరు జిల్లా ప్రధాన కార్యదర్శి ఉన్నం వాసుదేవ నాయుడు, నేతలు పగడాల రాజు, కొత్తపాటి శ్రీనివాసులురెడ్డి, ఉత్తరాజి శరవణ కుమార్‌, శ్రీవారి సురేష్‌, మున్నా రాయల్‌, జయశ్యామ్‌ రాయల్‌, పులి రామచంద్ర, కంఠా ఉదయ్‌ కుమార్‌, యుగంధర్‌ రెడ్డి, నాగరాజు రెడ్డి, చెంచయ్య నాయుడు, చిందేపల్లి మధుసూదన్‌రెడ్డి, మధు రెడ్డి, దిలీప్‌, రంగయ్య, జీవీకే రెడ్డి, జై కష్ణారెడ్డి, అట్ల రమేష్‌, యాకూబ్‌, సురేష్‌, దినేష్‌ పాల్గొన్నారు.

తిరుపతి తుడా : తిరుపతి మున్సిపల్‌ కార్పొరేషన్‌ పరిధిలోని వార్డు సచివాలయ సెక్రటరీలకు వేధింపులు తప్పడం లేదు. అధికారులు కక్షపూరితంగా వ్యవహరిస్తున్నారన్న ఆరోపణలు వెల్లువెత్తుతున్నాయి. వివిధ సర్వేలు, టెలి కాన్ఫరెన్స్‌లతో ముప్పు తిప్పలు పెడుతున్నారు. ఈ క్రమంలో మంగళవారం నగరంలో నిర్వహించిన హర్‌ ఘర్‌ తిరంగా ర్యాలీకి హాజరు కాలేదంటూ 281 మంది సచివాలయ సెక్రటరీలకు మెమోలు జారీ చేశారు. దీనిపై సచివాలయ ఉద్యోగులు మండిపడుతున్నారు. సర్కులర్‌ లేకుండానే.. తిరుపతి నగరంలో మంగళవారం ఉదయం 6 గంటలకే హర్‌ గర్‌ తిరంగా ర్యాలీ చేపట్టారు. ఈ కార్యక్రమానికి సచివాలయ సెక్రటరీలు హాజరుకావాలని ఎలాంటి సర్కులర్‌ జారీ చేయలేదు. కనీసం వాట్సాప్‌ గ్రూప్‌ల్లో సైతం మెసేజ్‌ కూడా పెట్టలేదు. కేవలం సోమవారం రాత్రి నిర్వహించిన పీ4 సర్వే టెలీ కాన్ఫరెన్స్‌తో కార్యదర్శులందరూ ర్యాలీకి రావాలని ఓ మాట చెప్పి చేతులు దులిపేసుకున్నారు. అయినప్పటికీ కొంతమంది హాజరయ్యారు. అయితే అధికారులు తమ తప్పిదం మరచి సెక్రటరీలకు మెమోలు జారీ చేసేశారు. ఎక్కువమంది మహిళలే ఉదయం ఆరు గంటలకు నిర్వహించిన హర్‌ గర్‌ తిరంగా ర్యాలీకి ఎక్కువమంది మహిళా సెక్రటరీలు హాజరు కాలేకపోయారు . మెమోలు జారీ చేసిన 281 మందిలో దాదాపు 190 మంది మహిళ సెక్రటరీలే ఉండడం గమనార్హం. ఇంట్లో పనులు పూర్తి చేసుకుని ఉదయం 6 గంటలకే ర్యాలీకి హాజరు కావాలంటే మహిళలకు ఎంత ఇబ్బందో కూడా అధికారులు గమనించకపోవడంపై విమర్శలు వెల్లువెత్తుతున్నాయి. ప్రధానంగా పీ4 సర్వే సచివాలయ కార్యదర్శుల పాలిట శాపంగా మారింది. ప్రతి ఒక్కరూ ఐదు కుటుంబాలను పీ4లో చేర్పించాలని అధికారులు ఒత్తిడి చేస్తుండడం ఇబ్బందిగా తయారైంది. వేళాపాళా లేకుండా టెలీకాన్ఫరెన్స్‌లు పెడుతుండడం సరికాదని కార్యదర్శులు వాపోతున్నా రు. అధికారులు చేయాల్సిన పనులు కూడా తమపై రద్దుతూ వేధిస్తున్నారని ఆవేదన వ్యక్తం చేస్తున్నారు. రోజూ 16 గంటలపాటు పనిచేయిస్తున్నారని, పైగా తీవ్రంగా ఒత్తిడికి గురి చేస్తున్నారని ఆరోపిస్తున్నారు. సెక్రటరీలకు జారీ చేసిన మెమో తిరంగా ర్యాలీకి రాలేదంటూ 281 మందికి మెమోలు

తిరుపతి సిటీ : ఎస్వీయూ అర్థశాస్త్ర విభాగంలో ఒక పరిశోధక విద్యార్థి అవమానకర పరిస్థితిని ఎదుర్కొన్నారు. పీహెచ్‌డీ చేసేందుకు విభాగానికి వచ్చిన ఆ విద్యార్థి కూర్చోవడానికి గది లేక కాలేజీ వరండాలో నేలపై కూర్చొని నోట్సు రాసుకుంటున్నారు. ఇది గమనించిన ఎస్‌ఎఫ్‌ఐ ఎస్వీయూ కార్యదర్శి వినోద్‌కుమార్‌ తక్షణమే ఈ విషయాన్ని కాలేజీ వైస్‌ ప్రిన్సిపల్‌ భాస్కర్‌ రెడ్డి దృష్టికి తీసుకెళ్లారు. అనంతరం ఆయన మాట్లాడుతూ విశ్వవిద్యాలయానికి శాసీ్త్రయ, మేధోపర అభివృద్ధికి ఆయువుపట్టుగా ఉన్న పరిశోధక విద్యార్థులకు గదులు కేటాయించకపోవడం అత్యంత దారుణమన్నారు. నేటికీ కొంతమంది ప్రొఫెసర్లు ఉద్యోగ విరమణ పొందినా వారి చాంబర్లను వీడకపోవడం విచారకమని మండిపడ్డారు. పలు విభాగాలలో అనేక గదులు ఖాళీగా ఉన్నప్పటికీ పరిశోధకులకు గదులు కేటాయించకపోవడంలో ఆంతర్యమేమిటో అర్థంకావడం లేదని ఆవేదన వ్యక్తం చేశారు. అలాగే కొంతమంది అధ్యాపకులు పరిశోధకులను అకడమిక్‌ పనుల కంటే తమ వ్యక్తిగత, ఇంటి పనులకు వాడుకోవడం, వెట్టిచాకిరి చేయించడం దుర్మార్గమన్నారు. దీనిపై ఎస్‌ఎఫ్‌ఐ ఆధ్వర్యంలో పరిశోధక విద్యార్థులతో కలిసి సంబంధిత విభాగాల ఎదుట నిరసనకు దిగనున్నట్లు హెచ్చరించారు. ఈ క్రమంలో వెంటనే అధికారులు స్పందించి సమస్యను పరిష్కరించారు.

తిరుపతి సిటీ:జవహర్‌ నవోదయ విద్యాలయాల్లో 6వ తరగతి ప్రవేశ పరీక్ష దరఖాస్తు గడువును ఈనెల 27 వరకు పొడిగించారు. వరదరాజ నగర్‌ లోని విశ్వం పోటీ పరీక్షల సమాచార కేంద్రంలో దరఖాస్తుల సమాచారం పొందవచ్చని కోచింగ్‌ ఫెడరేషన్‌ ఆఫ్‌ ఇండియా రాష్ట్ర ఉపాధ్యక్షుడు డాక్టర్‌ ఎన్‌.విశ్వనాథ్‌ రెడ్డి తెలిపారు. ఇతర వివరాలకు 8688888802, 9399976999 నంబర్లలో సంప్రదించాలని సూచించారు. రేపు స్విమ్స్‌లో ఓపీ, ఓటీలకు సెలవు తిరుపతి తుడా : స్విమ్స్‌ ఆస్పత్రిలో శుక్రవారం స్వాతంత్ర దినోత్సవం సందర్భంగా ఓపీ, ఓటీలకు సెలవు ప్రకటించినట్లు డైరెక్టర్‌ డాక్టర్‌ ఆర్‌వీ కుమార్‌ బుధవారం ఒక ప్రకటనలో తెలిపారు. అత్యవసర వైద్య సేవలు మాత్రం కొనసాగుతాయని పేర్కొన్నారు. ప్రజలు సహకరించాలని కోరారు. తారకరామా స్టేడియంలో ’జెండా పండుగ’ తిరుపతి అర్బన్‌ : స్వాతంత్య్ర దినోత్సవం సందర్భంగా ఈ నెల 15వ తేదీన జిల్లాస్థాయి వేడుకలను తిరుపతిలోని తారకరామా స్టేడియంలో నిర్వహించనున్నట్లు కలెక్టర్‌ వెంకటేశ్వర్‌ బుధవారం ఓ ప్రకటనలో తెలిపారు. ఏటా పోలీస్‌ పరేడ్‌ గ్రౌండ్‌లో జెండా పండుగ జరిగేదని, అయితే వర్షాల నేపథ్యంలో మార్పు చేసినట్లు పేర్కొన్నారు. డీవైఈఓగా ఇందిరాదేవి తిరుపతి అర్బన్‌ : తిరుపతి డివిజన్‌ ఉప విద్యాశాఖాధికారి (డీవైఈఓ)గా ఇందిరా దేవి బుధవారం కలెక్టరేట్‌లోని తన చాంబర్‌లో బాధ్యతలు స్వీకరించారు. రేణిగుంట ఎంఈఓగా పనిచేస్తున్న ఆమెకు ఇన్‌చార్జి డీవైఈఓ బాధ్యతలు అప్పగించారు. ఇప్పటి వరకు ఇన్‌చార్జిగా విధులు నిర్వర్తించిన బాలాజీని తిరుపతి అర్బన్‌ ఎంఈఓ విధులు కేటాయించారు. జ్ఞానానికి సంస్కృతమే గమ్యం తిరుపతి సిటీ : జ్ఞాన సంపదకు, సంస్కృతికి గమ్యస్థానం సంస్కృతమేనని కేరళలోని చిన్మయ్‌ విశ్వ విద్యాపీఠం ప్రో వైస్‌ చాన్సలర్‌ ప్రొఫెసర్‌ గీర్వాణి తెలిపారు. బుధవారం జాతీయ సంస్కృత వర్సిటీలో నిర్వహించిన సంస్కృత వారోత్సవాల ముగింపు కార్యక్రమానికి ఆమె ముఖ్యఅతిథిగా విచ్చేశారు. గీర్వాణి మాట్లాడుతూ దైవభాషగా వెలుగొందుతున్న సంస్కృతాన్ని నేటి యువత అభ్యసించాల్సిన అవసరముందన్నారు. అనంతరం వీసీ జీఎస్‌ఆర్‌ కృష్ణమూర్తి మాట్లాడుతూ సంస్కృతంతోనే భారతీయ సంస్కృతి రక్షింపబడుతోందన్నారు. భాష ప్రాముఖ్యతను ఆధునిక సమాజానికి మరింత చేరువ చేయాలని సూచించారు. రిజిస్ట్రార్‌ కేవీ నారాయణరావు, డీన్‌ రజనీకాంత్‌ శుక్లా, స్టూడెంట్స్‌ వెల్ఫేర్‌ డీన్‌ ప్రొఫెసర్‌ ఎస్‌.దక్షిణామూర్తి శర్మ, ప్రొఫెసర్‌ రంగనాథన్‌, డాక్టర్‌ భరత్‌ భూషన్‌ రథ్‌, డాక్టర్‌ ప్రదీప్‌కుమార్‌ బాగ్‌ పాల్గొన్నారు. ల్యాబ్‌ టెక్నీషియన్‌ పోస్టుకు దరఖాస్తులు తిరుపతి తుడా: స్విమ్స్‌ వైరాలజీ విభాగంలో కాంట్రాక్ట్‌ ప్రాతిపదికన ల్యాబ్‌ టెక్నీషియన్‌ పోస్టుకు దరఖాస్తులు ఆహ్వానిస్తున్నట్లు రిజిస్ట్రార్‌ డాక్టర్‌ అపర్ణ బిట్లా బుధవారం ఒక ప్రకటనలో తెలిపారు. అర్హులైన అభ్యర్థులు సెప్టెంబర్‌ 6వ తేదీన స్విమ్స్‌లోని పాత డైరెక్టర్‌ కార్యాలయంలోని కమిటీ హాల్‌లో వాక్‌ ఇన్‌ఇంటర్వ్యూకు హాజరు కావాలని సూచించారు. ఇతర వివరాలకు స్విమ్స్‌ అధికారిక వెబ్‌సైట్‌ను సందర్శించాలని కోరారు. పోక్సో చట్టంపై అవగాహన తిరుపతి రూరల్‌: బాలికలపై జరుగుతున్న లైంగికదాడులు, అఘాయిత్యాలను నియంత్రించే క్రమంలో కేంద్ర, రాష్ట్ర ప్రభుత్వాలు కొత్తగా తీసుకొచ్చిన పొక్సో చట్టం గురించి శ్రీ పద్మావతీ మహిళా వర్సిటీ న్యాయ శాస్త్ర విభాగం తరఫున అవగాహన సదస్సు నిర్వహించారు. పేరూరులోని ప్రాథమిక పాఠశాలలో పిల్లలు, వారి తల్లిదండ్రులకు చట్టం గురించి వివరించారు. విశ్వవిద్యాలయ పీఎం ఉష, కమిటీ సభ్యులు ప్రొఫెసర్‌ కె. అనురాధ, న్యాయశాస్త్ర విభాగాధిపతి డా. సీతాకుమారి, అసోసియేట్‌ ప్రొఫెసర్‌ డా. మాధురి పరదేశి, అసిస్టెంట్‌ ప్రొఫెసర్‌ డా.సునీత కాణిపాకం, అసిస్టెంట్‌ ప్రొఫెసర్‌ డా.ఇందిరా ప్రియదర్శిని పాల్గొన్నారు.

తిరుపతి రూరల్‌ : అడవులు, వన్యప్రాణుల సంరక్షణను బాధ్యతగా తీసుకుని ఫారెస్ట్‌ సిబ్బంది విధులు నిర్వర్తించాలని కలెక్టర్‌ వెంకటేశ్వర్‌ ఆదేశించారు. బుధవారం ఎర్రావారిపాళెం మండలం తలకోనలోని అటవీశాఖ అతిథిగృహంలో జిల్లా అటవీ, వన్యప్రాణి సంరక్షణ కమిటీ సమావేశం నిర్వహించారు. కలెక్టర్‌ మాట్లాడుతూ అడవుల సంరక్షణకు ప్రత్యేకంగా మియావకీ ప్లాంట్లను అభివృద్ధి చేయాలన్నారు. వన్యప్రాణులను ఎవరైనా వేటాడితే నాన్‌బెయిలబుల్‌ సెక్షన్ల కింద కేసులు పెట్టి జైలుకు పంపాలని స్పష్టం చేశారు. ఏనుగుల దాడిలో పంట నష్టపోయిన రైతులకు సకాలంలో పరిహారం అందించాలని సూచించారు. అటవీ భూముల ఆక్రమణకు యత్నిస్తే కేసులు నమోదు చేయాలని కోరారు. అనంతరం అటవీ అధికారులు తయారు చేసిన అజెండాలోని అంశాల వారీగా సమీక్షించారు. ప్రధాన అంశాలు ఇవీ... ● ఏనుగులు, చిరుతల వివరములను ఎప్పటికప్పుడు సమీక్షించుకోవాలి. ● ఎలిఫెంట్‌ అటాక్‌ ఫోర్స్‌ను మరింత అప్రమత్తం చేయాలి. ● ఏనుగుల దాడిలో పంట నష్టపోయిన వారికి పరిహారం కింద సుమారు రూ. 60లక్షల చెల్లింపులకు ఆమోదం తెలిపారు. ● పెండింగ్‌లోని రెవెన్యూ, అటవీ భూ వివాదాలపై ప్రత్యేక దృష్టి సారించి, త్వరితగతిన పరిష్కరించాలి. ● అటవీ, వన్యప్రాణి సంరక్షణ కమిటీ సమావేశాన్ని సెప్టెంబర్‌లో సత్యవేడు రేంజ్‌ పరిధిలోని ఉబ్బలమడుగు కమ్యూనిటీ బేస్ట్‌ ఎకో టూరిజం సెంటర్‌లో నిర్వహించాలని నిర్ణయించారు. సమావేశంలో అటవీ సంరక్షణాధికారి సెల్వం, జిల్లా అటవీశాఖ అధికారి వివేక్‌, జాయింట్‌ కలెక్టర్‌ శుభం బన్సల్‌, గూడూరు సబ్‌కలెక్టర్‌ రాఘవేంద్రమీనా, డీఆర్‌ఓ నరసింహులు, ఆర్డీఓలు రామ్మోహన్‌, భానుప్రకాష్‌రెడ్డి, కిరణ్మయి, డివిజనల్‌ అటవీ అధికారి శ్రీనివాసులు, సర్వే అండ్‌ ల్యాండ్‌ రికార్డ్స్‌ ఏడీ అరుణ్‌కుమార్‌, చంద్రగిరి డీఎస్పీ ప్రసాద్‌ పాల్గొన్నారు.

తిరుపతి సిటీ : ఎస్వీయూలో డ్రోన్‌ ఎకోసిస్టమ్‌ అభివృద్ధికి కృషి చేస్తున్నామని వీసీ సీహెచ్‌ అప్పారావు తెలిపారు. డైరెక్టరేట్‌ జనరల్‌ ఆఫ్‌ సివిల్‌ ఏవియేషన్‌ ఆధ్వర్యంలో బుధవారం వర్సిటీలో రిమోట్‌ ఫైలెట్‌ ట్రైనింగ్‌ ఆర్గనైజేషన్‌ మంజూరు కోసం పలు సౌకర్యాలను పరిశీలించారు. అనంతరం వీసీ మాట్లాడుతూ ప్రభుత్వ సూచనల మేరకు స్పేస్‌ టెక్నాలజీ, డ్రోన్‌న్‌– స్పేస్‌ టెక్‌, క్వాంటమ్‌ కంప్యూటింగ్‌, వర్చువల్‌ ప్రొడక్షన్‌, సెమీ కండక్టర్స్‌ వంటి సాంకేతికతలకు టెక్నాలజీ లెర్నింగ్‌ సెంటర్స్‌ ఆఫ్‌ ఎక్సలెన్స్‌ శిక్షణ వసతులను ఏర్పాటు చేయబోతున్నట్లు వెల్లడించారు. ఈ మేరకు డ్రోన్‌ సిమ్యులేటర్‌ సాఫ్ట్‌వేర్‌తో ప్రాక్టీస్‌, క్లాస్‌ రూమ్‌ సౌకర్యాల కోసం గ్రౌండ్‌ను తనిఖీ చేసినట్లు వివరించారు. రిజిస్ట్రార్‌ భూపతినాయుడు, డ్రోన్‌ డైరెక్టరేట్‌ ప్రణవ్‌, ఏరోస్పేస్‌ లిమిటెడ్‌ డైరెక్టర్‌ అంజలి, డిప్యూటీ డైరెక్టర్‌ ఆపరేషన్స్‌ కుంజలత, చేతల్‌ సింగ్‌, మెకానికల్‌ ఇంజినీరింగ్‌ కో–ఆర్డినేటర్‌ ఆచార్య ధర్మారెడ్డి, రుసా సీఈఓ వంశీకృష్ణ పాల్గొన్నారు.

తిరుపతి రూరల్‌ : మండలంలోని వేమూరులో రైతు అయ్యప్ప నాయుడుకు చెందిన ప్రకృతి వ్యవసాయ క్షేత్రాన్ని బుధవారం రాయలసీమ రీజియన్‌ బయో ఇన్పుట్స్‌ రిసోర్స్‌ సెంటర్‌ (బీఆర్‌సీ) ప్రతినిధులు 40 మంది సందర్శించారు. తిరుపతి రాస్‌ కృషి విజ్ఞాన కేంద్రంలో నేషనల్‌ మిషన్‌ ఆన్‌ నేచురల్‌ ఫామింగ్‌ కార్యక్రమం చేపట్టారు. అందులో భాగంగా రాష్ట్ర రైతు సాధికార సంస్థ జిల్లా ప్రాజెక్టు మేనేజర్‌ షణ్ముగం ఆధ్వర్యంలో వ్యవసాయ క్షేత్రానికి వెళ్లారు. ఏటీఎం మోడల్‌లో విత్తనాలు, దేశీయ పద్దతుల్లో నారు నాటారు. అనంతరం బ్రహ్మాస్త్రం, అగ్నిఅస్త్రం, దశపర్ని కషాయాలతో పాటు పంచగవ్య తయారీ విధానాలను అధ్యయనం చేశారు. చెరుకు సాగులో వినూత్నంగా ఆకుకూరలు, కూరగాయలు విత్తనాలు నాటారు. బీడు భూముల్లో పీఎండీఎస్‌ విత్తనాలను చల్లారు. పూర్తిస్థాయిలో కషాయాల తయారీ విధానాలను రైతు అయ్యప్ప నాయుడు క్షుణ్ణంగా వివరించారు. ప్రాజెక్టు అడిషనల్‌ డీపీఎం పట్టాభిరెడ్డి, ఏపీఎం సత్యనారాయణ, జిల్లా రిసోర్స్‌ పర్సన్లు నాగరాజు, నరేంద్ర పాల్గొన్నారు.

తిరుపతి అర్బన్‌ : స్వర్ణ నారావారిపల్లె ప్రాజెక్టును విజయవంతంగా పూర్తి చేయడంలో కలెక్టర్‌ వెంకటేశ్వర్‌, బృందం కృషికి స్కోచ్‌ పురస్కారం దక్కనుంది. బుధవారం ఈ మేరకు స్కోచ్‌ గ్రూప్‌ సంస్థ మేనేజింగ్‌ డైరెక్టర్‌ దీపక్‌ దలాల్‌ అవార్డును ప్రకటించారు. సెప్టెంబర్‌ 20వ తేదీన న్యూఢిల్లీలో కలెక్టర్‌ వెంకటేశ్వర్‌ అవార్డును అందుకోనున్నారు. ‘సీకామ్‌’కు అటానమస్‌ హోదా తిరుపతి సిటీ:తిరుపతి అన్నమయ్య సర్కిల్‌లోని సీకామ్‌ డిగ్రీ కళాశాలకు యూజీసీ అటానమస్‌ హోదా కల్పించిందని ఎస్వీయూ రిజిస్ట్రార్‌ భూపతినాయుడు బుధవారం ఒక ప్రకటనలో తెలిపారు. ఈ మేరకు కళాశాల యాజమాన్యానికి అధికారిక ఉత్తర్వులు అందించారు. కళాశాలకు ఐదేళ్ల పాటు అటానమస్‌ హోదా వర్తిస్తుందని పేర్కొన్నారు. 8 టిప్పర్ల సీజ్‌ తడ: తమిళనాడుకు అక్రమంగా గ్రావెల్‌ తరలిస్తున్న 8 టిప్పర్లను బీవీపాళెం సరిహద్దు ఉమ్మడి తనిఖీ కేంద్రం వద్ద పోలీసులు బుధవారం సీజ్‌ చేశారు. మట్టి స్మగ్లింగ్‌కు కూటమి నేతల అండదండలున్నట్లు తెలిసింది. వారిలో విభేదాల కారణంగానే టిప్పర్లలో గ్రావెల్‌ తరలుతున్న విషయం అధికారులకు గుట్టుగా సమాచారం అందించినట్లు తెలుస్తోంది. రైలు కిందపడి వ్యక్తి ఆత్మహత్య తిరుపతి క్రైమ్‌ : తిరుపతి రైల్వేస్టేషన్‌ 3వ నంబర్‌ ప్లాట్‌ఫామ్‌ వద్ద కదులుతున్న రైలు కింద పడి గుర్తుతెలియని వ్యక్తి ఆత్మహత్యకు పాల్పడిన ఘటన బుధవారం జరిగింది. వివరాలు.. ఉదయం 11:30 గంటల సమయంలో ఓ వ్యక్తి అకస్మాత్తుగా పరిగెత్తుకెళ్లి బయలుదేరుతున్న రైలు కింద పడిపోయాడు. ఆత్మహత్యకు కారణాలు తెలియాల్సి ఉందని రైల్వేపోలీసులు తెలిపారు. దీనిపై కేసు నమోదు చేశామని, మృతదేహాన్ని పోస్టుమార్టం నిమిత్తం ఎస్వీ మెడికల్‌ కళాశాలకు తరలించాలని వెల్లడించారు. మృతుడి వివరాలు తెలిసిన వారు 9440352765 నంబర్‌కు తెలియజేయాలని కోరారు.

తిరుపతి అర్బన్‌: హెచ్‌ఐవీ పట్ల అందరికీ అవగాహన కల్పించాలని కలెక్టర్‌ వెంకటేశ్వర్‌ తెలిపారు. మంగళవారం కలెక్టరేట్‌ కార్యాలయంలో కలెక్టర్‌, జాయింట్‌ కలెక్టర్‌ శుభం బన్సల్‌తో పాటు వైద్యాధికారులతో కలసి హెచ్‌ఐవీని గురించి చర్చిద్దాం..హెచ్‌ఐవీని నివారిద్దాం అనే పోస్టర్‌ను ఆవిష్కరించారు. ఈ సందర్భంగా కలెక్టర్‌ వారికి హెచ్‌ఐవీ వ్యాప్తి చెందకుండా చేపట్టాల్సిన అంశాలపై పెద్ద ఎత్తున అవగాహన కల్పించాలని సూచించారు.ఆ మేరకు అందరికి కరపత్రాలను అందించాలని సూచించారు. జీవితాలను విచ్ఛిన్నం చేసుకోవద్దు తిరుపతి తుడా: జిల్లా వైద్య ఆరోగ్య శాఖ కార్యాలయంలోని జిల్లా ఎయిడ్స్‌ నియంత్రణ సంస్థ అధికారి వారి ఆధ్వర్యంలో మంగళవారం హెచ్‌ఐవీ ఎయిడ్స్‌, మాదకద్రవ్య వ్యసనాలపై యువతకు అవగాహన కార్యక్రమం నిర్వహించారు. ఈ సందర్భంగా డీఎంహెచ్‌ఓ డాక్టర్‌ బాలకృష్ణనాయక్‌ జెండా ఊపి ప్రారంభించారు. అంనతరం క్లస్టర్‌ ప్రోగ్రాం మేనేజర్‌ కోటి రెడ్డి మాట్లాడుతూ యువత మత్తు పదార్థాలకు బానిసలై జీవితాల ను విచ్ఛినం చేసుకోవద్దన్నారు. ర్యాలీలో మెడిక ల్‌, స్వచ్చంద సేవ సంస్థల సిబ్బంది, యువత, నర్సింగ్‌ కాలేజీ విద్యార్థులు పాల్గొన్నారు.

వైభవంగా రేణిగుంట గంగమ్మ జాతర ● పొంగళ్లు సమర్పించిన మహిళలు ● పోటెత్తిన భక్తజనం రేణిగుంట: కాపాడరావమ్మా.. గంగమ్మా అంటూ గ్రామదేవత గంగమ్మను భక్తజనం కొలిచారు. మంగళవారం రేణిగుంట గంగ జాతర సందర్భంగా సూర్యోదయానికి ముందు అమ్మవారికి విశేష అభిషేకాలు నిర్వహించారు. అనంతరం శోభాయమానంగా అలంకరించి భక్తులకు అమ్మవారి దర్శనభాగ్యం కల్పించారు. ఆలయ ధర్మకర్త సోల మల్లికార్జున్‌ రెడ్డి తొలి హారతి పట్టి జాతరను ప్రారంభించారు. నూతనంగా అమ్మవారికి బహూకరించిన బంగారు పూత వెండి కవచాన్ని అలంకరించడంతో ఈ సంవత్సరం ప్రత్యేక ఆకర్షణగా నిలిచింది. ఆలయ ఆవరణలో సింహ వాహనంపై అమ్మవారి ప్రతిమను అధిష్టింపజేసి చేపట్టిన విశేష పుష్పాలంకరణ విశేషంగా ఆకట్టుకుంది. ఉదయం నడివీధి గంగమ్మ త్రిశూలం వద్ద గంగమ్మ తల్లికి రాగి అంబలి పోసి భక్తులు మొక్కులు తీర్చుకున్నారు. అనంతరం మహిళలు గంగమ్మ ఆలయ ఆవరణలో పొంగళ్లు పెట్టి అమ్మవారికి నైవేద్యాలు సమర్పించారు. రేణిగుంట డీఎస్పీ శ్రీనివాస రావు ఆధ్వర్యంలో ప్రత్యేక బందోబస్తు నిర్వహించారు. కార్యక్రమంలో ఆలయ కమిటీ సభ్యులు, గ్రామస్తులు, భక్తులు పాల్గొన్నారు. గంగమ్మకు సారెగంగమ్మ జాతర సందర్భంగా ఉమ్మడి చిత్తూరు జిల్లా ఎమ్మెల్సీ డాక్టర్‌ సిపాయి సుబ్రహ్మణ్యం మంగళవారం గంగమ్మ తల్లికి సారె సమర్పించారు. ముందుగా వైఎస్సార్‌ విగ్రహం వద్ద ఎమ్మెల్సీకి ఆలయ మర్యాదలతో కమిటీ సభ్యులు ఘనంగా స్వాగతం పలికారు. అక్కడి నుంచి ఆలయం వరకు ఊరేగింపుగా వెళ్లి అర్చకులకు సారెను అందించి, అమ్మవారిని దర్శించుకున్నారు. అర్చకులు ఆయనకు అమ్మవారి తీర్థ ప్రసాదాలను అందించారు. ఈ సందర్భంగా ఎమ్మెల్సీ సిపాయి మాట్లాడుతూ ముందుగా గత 20 ఏళ్లుగా గంగజాతరలో పాల్గొంటున్నానని తెలిపారు. వైఎస్సార్‌సీపీ పట్టణ అధ్యక్షుడు ప్రభాకర్‌, సర్పంచ్‌ నగేశం, ముస్లిం మైనార్టీ పట్టణ అధ్యక్షుడు షేక్‌ రఫీ ఉల్లా, వీఆర్‌ రావణ, వన్నెకుల సంఘం నాయకులు దాము, లక్ష్మయ్య పాల్గొన్నారు.

తిరుపతి సిటీ: విద్యార్థుల్లో రక్తహీనతను తగ్గించి ఆరోగ్యాన్ని మెరుగు పరచడమే లక్ష్యంగా నులిపురుగుల మాత్రలు ప్రభుత్వం అందిస్తోందని కలెక్ట వెంకటేశ్వర్‌ తెలిపారు. జాతీయ నులిపురుగుల నిర్మూలన దినోత్సవం సందర్భంగా మంగళవారం తిరుపతి అర్బన్‌ కొర్లగుంటలోని డాక్టర్‌ సర్వేపల్లి రాధాకృష్ణన్‌ మునిసిపల్‌ కార్పొరేషన్‌ ఉన్నత పాఠశాలలో జరిగిన ప్రత్యేక కార్యక్రమానికి ఆయన ముఖ్యఅతిథిగా హాజరై విద్యార్థులకు ఆల్బెండజోల్‌ మాత్రలు మింగించారు. అనంతరం ఆయన మాట్లాడుతూ జిల్లాలో 1 నుంచి 19 ఏళ్ల వయసు కలిగిన 4,97, 511 మంది విద్యార్థులకు ఈ మాత్రలు అందిస్తున్నట్లు తెలిపారు. జిల్లా వైద్య ఆరోగ్య శాఖాధికారి డాక్టర్‌ బాలకృష్ణ నాయక్‌ మాట్లాడుతూ పిల్లలకు ఆల్బెండజోల్‌ మందు బిళ్లలను మింగించడమే లక్ష్యంగా జిల్లాలోని అంగన్‌వాడీ కేంద్రాలు, పాఠశాలలు, కళాశాలల్లో ఆశా కార్యకర్తలు, ఏఎన్‌ఎంలు, స్కూల్‌ టీచర్లు, అంగన్‌వాడీ కార్యకర్తల సమన్వయంతో ఈ కార్యక్రమాన్ని నిర్వహిస్తున్నారని తెలిపారు. డీఈఓ కేవీఎన్‌ కుమార్‌, ప్రోగ్రాం స్టేట్‌ నోడల్‌ ఆఫీసర్స్‌ డాక్టర్‌ శ్రీనివాస వర్మ, డాక్టర్‌ సౌజన్య లక్ష్మీ, డీపీఎంఓ డాక్టర్‌ శ్రీనివాసరావు, ఆర్బీఎస్‌కే ప్రోగ్రాం ఆఫీసర్‌ డాక్టర్‌ రెడ్డి ప్రసాద్‌, మెడికల్‌ ఆఫీసర్‌ డాక్టర్‌ సింధు పాల్గొన్నారు. ర్యాగింగ్‌కు పాల్పడితే కఠిన చర్యలు తిరుపతి రూరల్‌: ర్యాగింగ్‌ వల్ల ఎంతోమంది అమాయకులు మానసిక వేదన అనుభవిస్తారని యూనివర్సిటీ వీసీ ఆచార్య వి.ఉమ తెలిపారు. మంగళవారం శ్రీపద్మావతి మహిళా విశ్వవిద్యాలయంలో నేషనల్‌ యాంటీ ర్యాగింగ్‌ డే సదస్సు నిర్వహించారు. ఈ సందర్భంగా ఆమె మాట్లాడుతూ సీనియర్‌ విద్యార్థినులకు యాంటీ ర్యాగింగ్‌పై అవగాహన కల్పించారు. అంతేకాక ర్యాగింగ్‌కు పాల్పడిన వారిపై తీసుకునే కఠిన చర్యలు ఉంటాయన్నారు. డీన్‌ ఆఫ్‌ స్టూడెంట్‌ అఫైర్స్‌ డైరెక్టర్‌ ప్రొఫెసర్‌ కె.ఉషారాణి, హాస్టల్‌ వార్డెన్‌ ప్రొఫెసర్‌ జి.సావిత్రి, ఎన్‌ఎస్‌ఎస్‌ కోఆర్డినేటర్‌ ప్రొఫెసర్‌ ఐవీ లలితకుమారి ర్యాగింగ్‌ నియంత్రణకు నిత్యం పర్యవేక్షించేలా చర్యలు చేపట్టాలని సూచించారు. లీగల్‌ ఆఫీసర్‌ ప్రొఫెసర్‌ టి.సీతాకుమారి మాట్లాడుతూ జూనియర్‌ విద్యార్థినులకు స్నేహాన్ని పంచి ప్రశాంతమైన వాతావరణంలో వారు చదువుకునేలా అవకాశం కల్పించాలని సీనియర్‌ విద్యార్థినులను కోరారు. కార్యక్రమంలో ఇంజినీరింగ్‌ కాలేజీ డైరెక్టర్‌ ప్రొఫెసర్‌ టి.మల్లికార్జున రావు, విద్యార్థినులు పాల్గొన్నారు. విద్యార్థిని భార్గవికి అభినందనలుతిరుపతి రూరల్‌ : శ్రీపద్మావతీ మహిళా విశ్వవిద్యాలయంలోని న్యాయశాస్త్ర విభాగంలో చదువుతున్న విద్యార్థిని భార్గవి నూకతోటి అమెరికాలో జరిగిన న్యాయ విజ్ఞాన సదస్సులో పాల్గొన్నారు. ఐదు వారాల శిక్షణతో పాటు అంతర్జాతీయ స్థాయిలో జరిగిన సదస్సుకు హాజరై భారత దేశంలోని చట్టాలు, న్యాయ వ్యవస్థ గురించి సమగ్రంగా వివరించారు. ఈ సదస్సుకు భారతదేశంతో పాటు దక్షిణ కొరియా, శ్రీలంక, మలేషియా, బోస్నియా, హెర్జెగోవినా, జాంబియా, కజకిస్తాన్‌ నుంచి 19 మంది న్యాయశాస్త్ర విద్యార్థులు పాల్గొన్నారు. తిరిగి యూనివర్సిటీకి చేరుకున్న విద్యార్థిని భార్గవిని వీసీ ఆచార్య ఉమ, రిజిస్ట్రార్‌ ఆచార్య రజినితో పాటు సెంటర్‌ ఫర్‌ ఇంటర్నేషనల్‌ రిలేషనన్స్‌ డీన్‌ ప్రొఫెసర్‌ విజయలక్ష్మి అభినందించారు. న్యాయశాస్త్ర విభాగాధిపతి, ఫ్యాకల్టీ సభ్యుల ప్రోత్సాహానికి భార్గవి నూకతోటి ప్రత్యేకంగా కృతజ్ఞతలు తెలిపారు.

శ్రీకాళహస్తి: జిల్లాలో సీనియర్‌ పొలిటీషియన్‌, శ్రీకాళహస్తి మాజీ ఎమ్మెల్యే తాటిపర్తి చెంచురెడ్డి పార్థివదేహానికి పలువురు నేతలు నివాళులు అర్పించారు. మంగళవారం ఆయన స్వగృహంలో మృతదేహాన్ని సందర్శనార్థం ఉంచారు. అన్ని పార్టీల నాయకులు, స్నేహితులు, బంధువులు, ప్రజలు, భారీగా తరలివచ్చి ఆయన పార్థి వ దేహానికి పూలమాల వేసి నివాళులర్పించారు. ఈ సందర్భంగా తిరుపతి, చిత్తూరు జిల్లాల వైఎస్సార్‌ సీపీ అధ్యక్షుడు భూమన కరుణాకరరెడ్డి, మాజీ డిప్యూటీ సీఎం కళత్తూరు నారాయణస్వామి, ఎమ్మెల్సీ సిపాయి సుబ్రమణ్యం, శ్రీకాళహస్తి మాజీ ఎమ్మెల్యే బియ్యపు మధుసూదన్‌ రెడ్డి, దేవస్థానం మాజీ చైర్మన్‌ అంజూరు తారక శ్రీనివాసులు, గుమ్మడి బాలకృష్ణయ్య, ఉమ్మడి చిత్తూరు జిల్లా ప్రధాన కార్యదర్శి ఉన్నం వాసుదేవ నాయుడు, సిద్ధగుంట సుధాకర్‌ రెడ్డి, శ్రీకాళహస్తి మండల అధ్యక్షుడు చెవిరెడ్డి మధుసూదన్‌ రెడ్డి, నియోజకవర్గ మైనారిటీ సెల్‌ ప్రెసిడెంట్‌ పఠాన్‌ ఫరీద్‌, యువజన విభాగం అధ్యక్షుడు శ్రీవారి సురేష్‌, దేవస్థానం మాజీ బోర్డు మెంబర్లు మున్నా రాయల్‌, బుల్లెట్‌ జయశ్యామ్‌ రాయల్‌ తదితరులు ఉన్నారు. అలాగే శ్రీకాళహస్తి ఎమ్మెల్యే సుధీర్‌రెడ్డి కూడా మాజీ ఎమ్మె ల్యే చెంచురెడ్డి మృతదేహానికి నివాళి అర్పించారు.

తిరుపతి గాంధీరోడ్డు: తిరుపతిలో బీజేపీ రాష్ట్ర అధ్యక్షుడు మాధవ్‌ మంగళవారం ఉదయం చాయ్‌ పే చర్చ కార్యక్రమం ఉదయం 7.30 గంటలకు బాబు జగ్జీవన్‌ రావు పార్క్‌ వద్ద నిర్వహించారు. ఈ సందర్భంగా ఆయన కార్యకర్తలు, ప్రజలతో మమేకమై సలహాలు, సూచనలు చేశారు. అనంతరం ఉదయం 9 గంటలకు శంకరంబాడికి పూలమాల వేసి నివాళులు అర్పించారు. అనంతరం లీలామహల్‌ కూడలి నుంచి శోభాయాత్రగా కచ్ఛపి ఆడిటోరియానికి చేరుకున్నారు. అనంతరం కార్యకర్తలతో సమావేశమయ్యారు. తరువాత సాయత్రం 5 గంటలకు మీడియాతో చిట్‌చాట్‌ నిర్వహించారు. అనంతరం చాంబర్‌ ఆఫ్‌ కామర్స్‌ నాయకులతో సమావేశమయ్యారు.

తిరుపతి సిటీ: జిల్లాలో రెండేళ్ల కాలవ్యవధితో స్కూల్‌ గేమ్స్‌ సెక్రటరీ పోస్టు నియామకాలకు సంబంధించి అర్హులైన స్కూల్‌ అసిస్టెంట్‌ (ఫిజికల్‌ ఎడ్యుకేషన్‌), పీఈటీల నుంచి దరఖాస్తులను ఆహ్వానిస్తునట్లు డీఈఓ కేవీఎన్‌ కుమార్‌ సోమవారం ఒక ప్రకటనలో తెలిపారు. ప్రభుత్వ పాఠశాలలో కనీసం 10 ఏళ్ల సర్వీసు కలిగి అర్హులైన ఉపాధ్యాయులు ఈనెల 20వ తేదీలోపు జిల్లా విద్యాశాఖ కార్యాలయంలో దరఖాస్తులను అందజేయాలని సూచించారు. పోలీస్‌ గ్రీవెన్స్‌కు 85 అర్జీలు తిరుపతి క్రైం: తిరుపతి జిల్లా ఎస్పీ కార్యాలయంలో సోమవారం నిర్వహించిన ప్రజా సమస్యల పరిష్కార వేదికకు 85 ఫిర్యాదులు అందినట్టు ఎస్పీ హర్షవర్ధన్‌ రాజు తెలిపారు. ఇందులో దొంగతనాలు, ఆస్తి తగాదాలు, ఆర్థికపరమైన లావాదేవీలు ఉన్నాయన్నారు. వెంటనే సంబంధిత అర్జీ లు పరిష్కరించాలని సిబ్బందిని ఆదేశించారు. శ్రీవారి దర్శనానికి 8 గంటలు తిరుమల: తిరుమలలో భక్తుల రద్దీ సాధారణంగా ఉంది. క్యూకాంప్లెక్స్‌లో 3 కంపార్ట్‌మెంట్లు నిండాయి. ఆదివారం అర్ధరాత్రి వరకు 80,628 మంది స్వామివారిని దర్శించుకోగా 30,505 మంది భక్తులు తలనీలాలు సమర్పించారు. స్వామివారికి కానుకల రూపంలో హుండీలో రూ.3.73 కోట్లు సమర్పించారు. టైంస్లాట్‌ టిక్కెట్లు కలిగిన భక్తులకు సకాలంలోనే దర్శనమవుతోంది. దర్శన టిక్కెట్లు లేని భక్తులకు 8 గంటల్లో దర్శనం లభిస్తోంది. ప్రత్యేక ప్రవేశ దర్శనం టిక్కెట్లు కలిగిన భక్తులకు 3 గంటల్లో దర్శనం లభిస్తోంది. డీ–ఫార్మసీ కోర్సుకు దరఖాస్తుల ఆహ్వానం తిరుపతి సిటీ: ఎస్వీ ప్రభుత్వ పాలిటెక్నిక్‌ కళాశాలలో 2025–26 విద్యా సంవత్సరానికి గానూ డీఫార్మసీ రెండేళ్ల కాలవ్యవధి గల కోర్సులో ప్రవేశాలకు దరఖాస్తులు ఆహ్వానిస్తున్నట్లు ప్రిన్సిపల్‌ డాక్టర్‌ వై.ద్వారకనాథ రెడ్డి ఒక ప్రకటనలో తెలిపారు. ఇంటర్మీడియట్‌ బైపీసీ, ఎంపీసీ రెగ్యులర్‌ లేదా ఓపెన్‌లో ఉత్తీర్ణులైన విద్యార్థులు ఈ కోర్సుకు అర్హులన్నారు. విద్యార్థులు httpr://apsbtet.in/pharmacy వెబ్‌సైట్‌లో దరఖాస్తు చేసుకోవాలని సూచించారు. దరఖాస్తు ప్రతిని తిరుపతి ఎస్వీ ప్రభుత్వ పాలిటెక్నిక్‌ కళాశాలలోని ఫార్మసీ విభాగంలో ఈనెల 19వ తేదీలోపు అందజేయాలని తెలిపారు. లేదా 9908857585, 9966761446, 9963541557, 9550690007,9059698747 నంబర్లకు వాట్సాప్‌ ద్వారా పంపవచ్చన్నారు. నేటి నుంచి ఉచిత విద్యకు దరఖాస్తులు తిరుపతి అర్బన్‌: ప్రైవేటు అండ్‌ ఎయిడెడ్‌ పాఠశాలల్లో పేద పిల్లలకు అందించాల్సిన 25 శాతం సీట్లకు సంబందించి ఉచిత విద్య కోసం మంగళవారం నుంచి ఈ నెల 20 వరకు దరఖాస్తులు చేసుకోవాలని సమగ్రశిక్ష కమ్యూనిటీ మొబలైజేషన్‌ అధికారి సురేష్‌ సోమవారం ఓ ప్రకటనలో తెలిపారు. సచివాలయంలో లేదా డబ్యూడబ్యూడబ్యూ.సీఎస్‌ఈ.ఏపీ.జీవోవీ.ఇన్‌ వెబ్‌సైట్‌ ద్వారా దరఖాస్తు చేసుకోవాలని చెప్పారు. అనంతరం ఈ నెల 25న ఎంపికై న విద్యార్థుల ఫలితాలను వెల్లడిస్తామని, 31 నుంచి పాఠశాలల్లో ప్రవేశాలు ఉంటాయని స్పష్టం చేశారు. హెల్ప్‌లైన్‌ కోసం 1800–4258599 నంబరుకు ఉదయం 9గంటల నుంచి సాయంత్రం 7 గంటల వరకు సంప్రదించవచ్చన్నారు. లాటరీ పద్ధతిలో ఎంపిక ఉంటుందని వెల్లడించారు. దివ్యాంగులు, హెచ్‌ఐవీ బాధితుల పిల్లలు, అనాథలు, వీధి పిల్లలకు ప్రాధాన్యత ఉంటుందని చెప్పారు. ఆర్థికంగా వెనుకబడిన వర్గాలవారు మాత్రమే అర్హులుగా పేర్కొన్నారు. టాటా కేర్‌ ఫౌండేషన్‌తో ఎంఓయూ తిరుపతి తుడా: స్థానిక జూపార్క్‌ రోడ్డులోని ఎస్వీ ఇన్‌స్టిట్యూట్‌ ఆఫ్‌ క్యాన్సర్‌ కేర్‌ అండ్‌ అడ్వాన్డ్‌స్‌ రీసెర్చ్‌ (స్వీకార్‌)లో సోమవారం టాటా కేర్‌ ఫౌండేషన్‌తో ఫెరడల్‌ బ్యాంక్‌ పలు అంశాలపై ఒప్పందం కుదుర్చుకుంది. ప్రధానంగా సంజీవినీ ప్రొగ్రాంలో భాగంగా క్యాన్సర్‌ డయాగ్నిస్టిక్‌ టెస్ట్‌లు, చికిత్స అవసరమైన అర్హులైన రోగులకు ఆర్థిక సహాయ సహకారాలను అందించడమే ఎంఓయూ లక్ష్యమని బ్యాంక్‌ అధికారులు తెలిపారు. అలాగే అస్సాం రాష్ట్ర క్యాన్సర్‌ కేర్‌ ఫౌండేషన్‌తోనూ ఇదే అంశాలపై అవగాహన కుదుర్చుకున్నట్లు తెలియజేశారు. కార్యక్రమంలో ఫెడరల్‌ బ్యాంక్‌ ఎగ్జిక్యూటివ్‌ డైరెక్టర్‌ అండ్‌ సీఎఫ్‌ఓ ఎం.వెంకట్రామన్‌, టాటా క్యాన్సర్‌ సీఎఫ్‌ఓ కుమార్‌ నందుల, అస్సాం క్యాన్సర్‌ కేర్‌ ఫౌండేషన్‌ సీఓఓ డాక్టర్‌ జైప్రకాష్‌ ప్రసాద్‌ పాల్గొన్నారు.

తిరుపతి అర్బన్‌: కూటమి ప్రభుత్వం మహిళలకు ఈనెల 15 నుంచి ఉచిత బస్సు ప్రయాణ సౌకర్యాన్ని కల్పించేందుకు సిద్ధమైంది. సీ్త్రశక్తి పేరుతో కల్పించాలని ఆర్టీసీ అధికారులకు సోమవారం ఉత్తర్వులను జారీచేసింది. అయితే పల్లెవెలుగు, ఆల్ట్రాపల్లెవెలుగు, ఎక్స్‌ప్రెస్‌లు, మెట్రో సర్వీసులు, సిటీ సర్వీసులకు మాత్రమే అనుమతులు ఇస్తున్నట్లు ఉత్తర్వుల్లో వెల్లడించింది. ఇక జిల్లాలో మెట్రో సర్వీసులు, సిటీ సర్వీసులు లేకపోవడంతో మూడు రకాల సర్వీసులకు మాత్రమే అనుమతి ఉంటుంది.వీటిల్లో అనుమతి లేదుజిల్లాలో సప్తగిరి ఎక్స్‌ప్రెస్‌లే అధికం. వాటిలో మహిళలకు ఉచిత ప్రయాణానికి అనుమతి లేదు. అంతేకాకుండా తిరుమలకు వెళ్లే సర్వీసుల్లోనూ, నాన్‌ స్టాప్‌ సర్వీసుల్లో, ఏసీ బస్సులతో పాటు ఇతర సర్వీసుల్లో అనుమతి లేదు. అదే విధంగా జిల్లా వ్యాప్తంగా మొత్తం 855 సర్వీసులు ఉండగా.. వాటిల్లో 356 సర్వీసులకు మాత్రమే అనుమతి ఇచ్చారు. అందులో పల్లెవెలుగు 274, సాధారణ ఎక్స్‌ప్రెస్‌లు 77, అల్ట్రా పల్లెవెలుగు 5 సర్వీసులకు మాత్రమే అనుమతిచ్చారు.జిల్లాలో 16.5 లక్షల మంది మహిళలుజిల్లాలో 16.50 లక్షల మంది మహిళలు ఉన్నారు. వీరి కోసం 356 సర్వీసులకు అనుమతిచ్చారు. ఎన్నికల సమయంలో మాత్రం ఆర్టీసీ సర్వీసుల్లో మహిళలకు ఉచిత ప్రయాణం అంటూ ఊదరగొట్టారు. తీర 14 నెలలు తర్వాత పథకాన్ని అమలు చేసే క్రమంలో అనేక మెళికలు పెట్టారు. దీంతో మహిళలు తీవ్ర అసంతృప్తి వ్యక్తం చేస్తున్నారు.15 నుంచి అమలు చేస్తున్నాంమహిళలకు ఉచిత బస్సు ప్రయాణం పథకాన్ని సీ్త్రశక్తి పేరుతో అమలు చేయడానికి ప్రభుత్వం నుంచి ఉత్తర్వులు వచ్చాయి. ఆ మేరకు డీఎంలతో సమావేశం నిర్వహించి ఆదేశాలిచ్చాం. జిల్లాలో 356 బస్సులకు మాత్రమే అనుమతి ఉంది. పల్లెవెలుగు, అల్ట్రా పల్లె వెలుగు, సాధారణ ఎక్స్‌ప్రెస్‌లకు అవకాశం కల్పిస్తున్నాం. మరోవైపు పాఠశాలకు వెళ్లే బాలికలు ఇకపై బస్సు పాస్‌ తీసుకోవాల్సిన అవసరం లేదు. వారికి పైన తెలిన మూడు సర్వీసుల్లో ఉచితంగా ప్రయాణం చేయడానికి వీలుంటుంది.– జగదీష్‌, జిల్లా ప్రజారవాణా అధికారి

పంచాయతీల అభివృద్ధి గురించి కూటమి ప్రభుత్వం గాలికొదిలేసింది. ప్రస్తుతం సర్పంచులుగా ఉన్న వారు పూర్తిగా వైఎస్సార్‌సీపీ మద్దతుదారులు కావడంతో వివక్ష చూపుతోంది. పంచాయతీల అభివృద్ధికి కేంద్రం విడుదల చేసే 15వ ఆర్థిక సంఘం నిధులను పక్కదారి పట్టిస్తోంది. దీంతో పంచాయతీల నిర్వహణ భారంగా మారుతోంది. కనీస అవసరాలైన తాగునీరు, వీధిలై ట్లు, పారిశుద్ధ్య పనులు చేపట్టేందుకు ముప్పుతిప్పలు పడుతున్నారు.వరదయ్యపాళెం : కూటమి ప్రభుత్వం గ్రామ పంచాయతీలకు కేటాయించే నిధుల్లో కోత పెడుతుండటంతో సర్పంచులు, అధికారులు ఏ పని చేయాలన్నా ఆలోచించాల్సిన పరిస్థితి నెలకొంది. పంచాయతీలు 15వ ఆర్థిక సంఘం, స్టాంప్‌ డ్యూటీ, వృత్తి పన్నుల పైనే ఆధారపడి ఉన్నాయి. పంచాయతీల్లో నిర్వహణ ఖర్చులు అమాంతంగా పెరిగిపోవడంతో వచ్చిన నిధులు పారిశుద్ధ్య కార్మికుల వేతనం, మైనర్‌ రిపేర్ల ఖర్చులకు కూడా సరిపోవడం లేదు. కొన్ని పంచాయతీల్లో పారిశుద్ధ్య కార్మికులు వేతనాలు అందక ఇబ్బందులు పడుతున్నారు. దీంతో పంచాయతీలో ఏ పని చేయాలన్నా నిధుల కొరతతో ముందడుగు వేయలేకపోతున్నారు.పెరిగిన నిర్వహణ ఖర్చులుతిరుపతి జిల్లాలో 34 మండలాల్లో 774 గ్రామ పంచాయతీలు ఉన్నాయి. వాటి పరిధిలో 9,09,555 మంది జనాభా ఉన్నారు. పంచాయతీల్లో ట్రై సైకిళ్ల నిర్వహణ, విద్యుత్‌ బకాయిలు, పైపులైన్‌ సమస్యలు, ఓవర్‌ హెడ్‌ ట్యాంకులు, పారిశుద్ధ్య పనులు పెరిగిపోయాయి. దీంతో చేసిన పనులకే దిక్కులేకుండా పోగా, అధికారులు నిత్యం పంచాయతీలను తనిఖీ చేసి సమస్యలను పరిష్కరించాలని ఆదేశిస్తుండటంతో అదనపు ఖర్చులు పెరిగిపోతున్నాయని వాపోతున్నారు.అసలే వర్షాకాలంవర్షాకాలం ప్రారంభ నేపథ్యంలో పంచాయతీల్లో ప్రధానంగా పారిశుద్ధ్య సమస్యలు పుట్టుకొస్తాయి. తద్వారా వివిధ రకాల వ్యాధులు ప్రబలే అవకాశం ఉంది. అయితే ప్రధానంగా పారిశుద్ధ్య పనులు చేపట్టాలి. వ్యాధుల నియంత్రణకు క్లోరినేషన్‌ చేయాలి. ఈ పరిస్థితుల్లో పంచాయతీల ఖజానా ఖాళీగా ఉండడంతో సర్పంచులు తలలు పట్టుకుంటున్నారు. దీంతో సర్పంచులు ఏమీ చేయలేక నిస్సహాయ స్థితిలో ఉన్నారు. ఆదాయ వనరులు ఉండే మేజర్‌ పంచాయతీలను మినహాయిస్తే మిగిలిన 90శాతం గ్రామ పంచాయతీలను నిధుల కొరత వెంటాడుతోంది.పది నెలలుగా నిధుల కొరత2024–25 సంవత్సరానికి సంబంధించి కేంద్ర ప్రభుత్వం పంచాయతీలకు విడుదల చేసే 15వ ఆర్థిక సంఘం నిధులను మొదటి విడత కింద సెప్టెంబర్‌ 3వ తేదీన విడుదల చేశారు. ఆ నిధులతోనే కాలం నెట్టుకొస్తున్నారు. రెండో విడత నిధులను కూడా కేంద్రం విడుదల చేసినప్పటికీ రాష్ట్ర ప్రభుత్వం వాటిని విడుదల చేయలేదనే విమర్శలున్నాయి. ఒక్కో పంచాయతీలో దాదాపుగా పారిశుద్ధ్య కార్మికులకు నెలకు రూ.25 వేలు ఖర్చు వస్తోంది. ప్రస్తుతం కార్మికులు వేతనం అందకపోవడంతో ఇబ్బందులు పడుతున్నారు.స్వాతంత్య్ర వేడుకులకు ఉత్తి చేతులే..కూటమి ప్రభుత్వం అధికారంలోకి వచ్చిన తర్వాత ప్రచార ఆర్భాటాలకే ప్రాధాన్యం ఇస్తోంది. అధికారంలోకి వచ్చిన వెంటనే పంచాయతీలో స్వాతంత్య్ర వేడుకలు ఘనంగా నిర్వహించాలని డిప్యూటీ సీఎం పవన్‌ కళ్యాణ్‌ తెలిపారు. అయితే వేడుకలకు నిధులు అందిస్తారని అందరూ భావించగా.. పంచాయతీల నుంచే వాడుకోవాలని జీఓ జారీ చేయడంపై సర్పంచులు ఆవేదన చెందుతున్నారు. చేతిలో చిల్లిగవ్వలేకుండా వేడుకలు ఎలా చేయాలో తెలియక ఆందోళన చెందుతున్నారు.రూ.60 కోట్ల నిధులు పెండింగ్‌గ్రామ పంచాయతీకి జనాభా ప్రాతిపదికన ఆర్థిక సంఘ నిధులను కేంద్ర ప్రభుత్వం మంజూరు చేస్తుంది. ఆ దిశగా తిరుపతి జిల్లాలోని 774 పంచాయతీలకు సంబంధించి ఒక విడతకు రూ. 45 కోట్ల నుంచి రూ. 60 కోట్ల వరకు 15వ ఆర్థిక సంఘ నిధులు జమ కావాల్సి ఉంది. అలాగే వైద్యఆరోగ్యశాఖ నుంచి ఏటా రెండు విడతల్లో పంచాయతీలకు రూ. 10 వేలు చొప్పున మొత్తంగా రూ. 20 వేలు జమ కావాలి. ఈ నిధులు కొన్ని సంవత్సరాలుగా పంచాయతీలకు జమ కావడం లేదు. ఈ విధంగా పంచాయతీలకు రావాల్సిన నిధులను సకాలంలో విడుదల చేయకుండా పంచాయతీల అభివృద్ధిని కూటమి నీరుగారుస్తోంది.నిధులు కేటాయించకుండా కాలయాపనకూటమి ప్రభుత్వం పంచాయతీల అభివృద్ధికి నిధులు కేటాయించకుండా కాలయాపన చేస్తున్నారు. గత ప్రభుత్వం పంచాయతీ నిధులను పక్కదారి పట్టిస్తోందని గగ్గోలు పెట్టిన సీఎం చంద్రబాబు, ఉప ముఖ్యమంత్రి పవన్‌ కళ్యాణ్‌ ప్రస్తుతం చేస్తున్నదేమిటి?. కేంద్ర ప్రభుత్వం విడుదల చేసిన ఆర్థిక సంఘ నిధులను సంక్షేమ పథకాలకు మళ్లించి పంచాయతీల అభివృద్ధిని గాలికొదిలేశారు. – దుడ్డు వేణు, సర్పంచ్‌, సీఎల్‌ఎన్‌పల్లివీధి దీపాల మరమ్మతులకు ఇబ్బందులే..కేంద్ర ప్రభుత్వం విడుదల చేసిన 15వ ఆర్థిక సంఘ నిధులను పక్కదారి పట్టిస్తుండడంతో గ్రామ పంచాయతీల్లో అభివృద్ధి కుంటుపడుతోంది. కనీసం వీధి లైట్ల ఏర్పాటు, పంచాయతీ ప్రజలకు తాగునీటి అవసరాలు తీర్చేందుకు తీవ్ర ఇబ్బందులు పడుతున్నాం. నిధులు విడుదల కానిదే ఏ పనులు చేపట్టలేం. – చంద్రారెడ్డి, సర్పంచుల సంఘం అధ్యక్షుడు, వరదయ్యపాళెం మండలం