Srikakulam District News

అరసవల్లి: ప్రసిద్ధ అరసవల్లి సూర్యనారాయణ స్వామివారి ఆలయం ముందు కూటమి ప్రభుత్వం అధికారంలోకి వచ్చీ రాగానే శాశ్వత భవనాలన్నీ కూల్చేసి ‘విజనరీ’ శాల అంటూ రూ.లక్షలాది నిధులతో నిర్మించిన ఒక కొబ్బరి ఆకుల శాల ఇప్పుడు వాలిపోయి కూలిపోయే స్థితికి చేరింది. సరిగ్గా ఏడాదిన్నర కాలం క్రితమే నిర్మించిన ఈ విజనరీ శాల ఇటీవల వర్షాలకు తడిసి ముద్దయ్యి, ప్రసాదాలు తినేందుకు భక్తులు లోపలకి వచ్చేందుకు కూడా భయాందోళనలకు గురిచేసింది. తాజాగా వరుస వర్షాల కారణంగా ఈ శాల మరింతగా వాలిపోయింది. ఏ క్షణాన కూలిపోతుందోననే భయంతో ఇక్కడి ప్రసాదాల విక్రయాల విభాగాన్ని వేరేచోటకు మార్చివేస్తూ ఆలయ ఈవో కేఎన్‌వీడీవీ ప్రసాద్‌ నిర్ణయించారు. అయితే దీన్ని మళ్లీ వినియోగంలోకి తెచ్చేందుకు దీపావళి, కార్తీక దీపారాధనలు అనంతరం కొబ్బరి ఆకులు, గ్రీన్‌ మ్యాట్‌లతో పునర్నిర్మాణం చేసేలా ఆలయ అధికారులు సన్నాహాలు చేస్తున్నారు. ప్రస్తుతానికి శాల పైకప్పు అంతా తొలిగించే పనులను బుధవారం ఉదయం నుంచి మొదలుపెట్టారు. ఎంతైనా ఈ విజనరీ శాల పేరుతో కొందరు జేబులు నిండుతున్నాయనే గుసగుసలు స్థానికంగా చర్చనీయాంశమవుతున్నాయి.

● రైతులకు తప్పని విత్తనాలు, ఎరువుల కష్టాలు ● సున్నావడ్డీ, ఉచిత పంటల బీమా, ఇన్‌పుట్‌ సబ్సిడీకి ఎగనామం ● అన్నదాత సుఖీభవలో కోత ● ధాన్యం కొనుగోళ్లలో అక్రమాలు సాక్షి ప్రతినిధి, శ్రీకాకుళం: చంద్రబాబు అధికారంలోకి వచ్చిన ప్రతిసారీ రైతులకు కష్టాలు తప్పడం లేదు. అయితే అతివృష్టి లేదంటే అనావృష్టి సంభవిస్తోంది. దానికి తోడు మోసపూరిత విధానాలు వెరసీ రైతులకు నష్టాలే మిగులుతున్నాయి. గత చరిత్ర ఎలా ఉందో ఇప్పుడూ అలాగే ఉంది. విత్తనాలు దగ్గరి నుంచి ఎరువుల వరకు, పెట్టుబడి సాయం దగ్గరి నుంచి పంట నష్ట పరిహారం వరకు, సాగు చేసిన దగ్గరి నుంచి ధాన్యం కొనుగోలు చేసేవరకు రైతులకు సమస్యలు వెంటాడుతున్నాయి. అన్నదాత అంటేనే పచ్చ ప్రభుత్వానికి పడదేమో అన్నట్టుగా పరిస్థితి ఉంది. గతం పక్కనబెడితే 2024లో అధికారంలోకి వచ్చిన దగ్గరి నుంచి రైతులకు మోసాలు, ఇక్కట్లు తప్ప అంతకుమించి చేసిందేమి లేదు. రైతులకు మేలు చేసే విషయంలో వైఎస్‌ జగన్‌ ప్రభుత్వం చేసినదానికి, చంద్రబాబు ప్రభుత్వం చేసిన దానిని బేరీజు వేస్తే.. ప్రస్తుత ప్రభుత్వంలో అన్నదాతలు ఎంత ఇబ్బందులు పడుతున్నారో, ఎంత నష్టపోయారో అవగతమవుతుంది.

● సమస్యాత్మక, అతి సమస్యాత్మక ప్రాంతాల్లో ప్రత్యేక నిఘా ● ఎస్పీ కేవీ మహేశ్వరరెడ్డి శ్రీకాకుళం క్రైమ్‌: ఎంపీటీసీ, జెడ్పీటీసీ ఎన్నికల పోలింగ్‌ను ప్రశాంత వాతావరణంలో స్వేచ్ఛాయుతంగా, పారదర్శకంగా జరిపేందుకు జిల్లా పోలీసు యంత్రాంగం పటిష్ట భద్రతా ఏర్పాట్లు చేసిందని, దీనిలో భాగంగా 1800 మంది పోలీసులతో పటిష్ట బందోబస్తు నిర్వహించనున్నట్లు ఎస్పీ కేవీ మహేశ్వరరెడ్డి బుధవారం తెలిపారు. వీరిలో ఇద్దరు అదనపు ఎస్పీలు, ఏడుగురు డీఎస్పీలు, 40 మంది సీఐలు, 65 మంది ఎస్‌ఐలు, ఏఎస్‌ఐలు, హెడ్‌ కానిస్టేబుళ్లు, పీసీలు, హోంగార్డులతో పాటు అనుబంధ విభాగాల పోలీసులున్నారన్నారు. సమస్యాత్మక, అతి సమస్యాత్మక కేంద్రాల్లో అదనపు బలగాలను మోహరించామని పేర్కొన్నారు. డ్రోన్‌ కెమెరాలు, సీసీ కెమెరాలు, వీడియోగ్రాఫర్లు, బాడీ వార్న్‌ కెమెరాల ద్వారా ప్రత్యేక నిఘా ఏర్పాటు చేశామని, దృశ్యాలన్నీ జిల్లా పోలీసు కంట్రోల్‌ రూమ్‌కు అనుసంధానమవుతాయన్నారు. క్షేత్రస్థాయిలో అధికారులు ఎప్పటికప్పుడు పరిస్థితులను సమీక్షిస్తూ తక్షణమే స్పందించేలా ప్రత్యేక బృందాలను సిద్ధంగా ఉంటాయన్నారు. చెక్‌పోస్టుల వద్ద విస్తృత తనిఖీలు అంతర్‌ జిల్లా, అంతర్రాష్ట్ర సరిహద్దులు, ప్రధాన రహదారులపై ఏర్పాటు చేసిన చెక్‌పోస్టుల వద్ద వాహన తనిఖీలను ముమ్మరం చేశారు. అక్రమ నగదు, మద్యం, ఇతర ప్రలోభపరిచే వస్తువుల రవాణాపై నిఘా పెట్టామని, లాడ్జీలు, హోటళ్లలో ఆకస్మిక తనిఖీలు నిర్వహిస్తూ ఇతర ప్రాంతాల నుంచి వచ్చే అనుమానాస్పద వ్యక్తుల కదిలికలపై దృష్టి సారించామన్నారు. పోలీస్‌ యాక్ట్‌ 30, బీఎన్‌ఎస్‌ సెక్షన్‌ 163 (144 సెక్షన్‌) అమలు నేపథ్యంలో ప్రజలు గుంపులుగా ఉండరాదని హెచ్చరించారు. ఎన్నికలకు సంబంధించి సోషల్‌ మీడియాలో తప్పుడు వార్తలు, వదంతులు, విద్వేషపూరిత పోస్టులు ప్రచారం చేస్తే సంబంధిత వ్యక్తులపై కఠిన చర్యలుంటాయని స్పష్టం చేశారు. పోలింగ్‌ ముగిసిన అనంతరం బ్యాలెట్‌ బాక్సులు, ఎన్నికల సామగ్రి నిర్ధేశిత స్ట్రాంగ్‌ రూమ్‌లకు తరలించే సమయంలో ప్రత్యేక భద్రత ఉంటుందన్నారు. జిల్లా పోలీస్‌ కంట్రోల్‌ రూమ్‌ 63099 90933, 112 జిల్లా పోలీస్‌ ఎన్నికల సెల్‌ 63099 90923 శ్రీకాకుళం డీఎస్పీ కార్యాలయం 63099 90804 కాశీబుగ్గ డీఎస్పీ కార్యాలయం 63099 90805 టెక్కలి డీఎస్పీ కార్యాలయం 63099 90811 కంట్రోల్‌ రూమ్‌లు ఏర్పాటు గత ఎన్నికల్లో నేర చరిత్ర కలిగి, ప్రస్తుత ఎన్నికల సమయంలో శాంతిభద్రతలకు విఘాతం కలిగించే అవకాశమున్న వ్యక్తులను గుర్తించి ఇప్పటికే బైండోవర్‌ చర్యలు చేపట్టామని ఎస్పీ తెలిపారు. ఎన్నికల ప్రక్రియకు ఆటంకం కలిగించినా, ఓటర్లను ప్రభావితం చేసినా తద్వారా శాంతిభద్రతలకు విఘాతం కలిగిస్తే కఠిన చర్యలు తప్పవని హెచ్చరించారు. ఎవరైనా అనుమానాస్పద కార్యకలాపాలు చేసినా ఫిర్యాదు చేయాలని కోరారు.

ఎచ్చెర్ల: మండలంలోని కింతలమిల్లు జంక్షన్‌ వద్ద బుధవారం జరిగిన రోడ్డు ప్రమాదంలో 26 మందికి తీవ్రగాయాలయ్యాయి. బైరీ, కరజాడ, సింగుపురం గ్రామాలకు చెందిన కూలీలను కాంట్రాక్టర్లు సాదు గణపతి, పల్లా సూరిబాబులు రోజువారీ పనికి తీసుకెళ్తుంటారు. ఇలా వెళ్లిన వీరంతా తిరిగి వస్తుండగా వ్యాన్‌ బోల్తా పడడంతో 26 మందికి గాయాలయ్యాయి. వీరంతా రిమ్స్‌లో చికిత్స పొందుతున్నారు. వీరిలో కొట్ట పున్నయ్యను జెమ్స్‌ ఆస్పత్రికి తరలించారు. మిగిలినవారు బలగ రామన్న, జయలక్ష్మి, లక్ష్మీనారాయణ, బి.కొండమ్మ, బి.సూరమ్మ, లీలాకుమారి, మెండ కొండమ్మ, సూర్యనారాయణ, కొత్తురు వెంకటలక్ష్మి, కె.పాపమ్మ, బి.ఆదిలక్ష్మి, విజయలక్ష్మి బెవర సోమేశ్వరరావు తదితరులు రిమ్స్‌లో చికిత్స పొందుతున్నారు. విశ్రాంత ఆర్‌ఎంవో సేవలు శ్రీకాకుళం: శ్రీకాకుళం రిమ్స్‌ సర్వజన ఆస్పత్రి ఆర్‌ఎంవోగా పనిచేసి గతనెల 31వ తేదీన పదవీ విరమణ చేసిన డాక్టర్‌ సుభాషిని రిమ్స్‌లో వైద్య సేవలు అందిస్తూనే ఉన్నారు. ఆమె పదవీ విరమణ చేసినప్పటికీ రిమ్స్‌ అధికారులు, సిబ్బంది అభినందన సభ నిర్వహిస్తామని ఉండాలని కోరడంతో రిమ్స్‌లోనే ఉంటున్నారు. బుధవారం ఎచ్చెర్ల సమీపంలో జరిగిన ప్రమాదంలో 26 మందిపైగా గాయపడడంతో ఒక్కసారిగా వారిని రిమ్స్‌కు తరలించారు. విషయం తెలుసుకున్న డాక్టర్‌ సుభాషిని క్యాజువాలిటీ వార్డుకు వచ్చి వైద్య సేవలను అందించారు. ఇలా పదవీ విరమణ అనంతరం సైతం సేవల అందించడంపై పలువురు అభినందనలు తెలిపారు.

పంటల కొనుగోలులో అక్రమాలు గత ఖరీఫ్‌లో పంటల కొనుగోలులో అక్రమాలు ఏ స్థాయిలో చోటు చేసుకున్నాయో అందరికీ తెలిసిందే. క్షేత్రస్థాయిలో రైతుల వద్ద ధాన్యం అలాగే ఉన్నాయి. రికార్డుల్లో మాత్రం కొనుగోలు చేసినట్టు లెక్కలు చూపించారు. రూ.వందల కోట్ల కొనుగోలు సొమ్ము చేతులు మారిపోయింది. చివరికి దళారులకు రైతులు విక్రయించుకోవాల్సి వచ్చింది. దీనితో పాటు జిల్లాకు తొలుత వచ్చిన యూరియాలో 50 శాతం ప్రభుత్వ సంస్థలకు ఇవ్వగా, మిగతా 50 శాతం ప్రైవేటు వ్యాపారులకు ఇచ్చారు. తర్వాత జిల్లాకొచ్చిన యూరియాలో ప్రభుత్వ సంస్థలకు 70 శాతం, ప్రైవేటు వ్యాపారులకు 30 శాతం కేటాయింపులు చేశారు. అయితే ప్రభుత్వ సంస్థలకు కేటాయించిన చాలీచాలని యూరియాపై రాజకీయ నాయకుల పెత్తనం ఎక్కువ కావడంతో అది కూడా పక్కదారి పట్టి ప్రైవేటు వ్యక్తుల చేతిలోకి వెళ్లి, బ్లాక్‌ మార్కెట్‌లో విక్రయించిన పరిస్థితులు చోటు చేసుకున్నాయి. ఫలితంగా రైతులు అధిక ధరలకు కొనుగోలు చేసుకోవాల్సి వచ్చింది. అందని నష్ట పరిహారం అల్పపీడనం, తుఫాన్‌ల దాటికి జిల్లాలో పెద్ద ఎత్తున పంటలకు ముప్పు వాటిల్లింది. మోంథా తుఫాన్‌తో మరింత నష్టం జరిగింది. కానీ ప్రభుత్వం 33 శాతం కన్నా తక్కువ నష్టం ఉందని చాలా నష్టాన్ని జాబితాలో నుంచి తీసేసింది. ఇక పత్తి, మొక్కజొన్న, ఉద్యానవన పంటల నష్టాలకై తే అతీగతి లేదు. ఏమాత్రం నష్టం జరగలేదని తేల్చేసింది. మరోవైపు నష్ట నమోదు చేసిన పొలాలకు సైతం ఎకరాకు రూ.25 వేలకు పైగా పెట్టుబడి పెడితే.. ప్రభుత్వం 2.5 ఎకరాలకు రూ.25 వేలు ఇస్తామని ప్రకటించడం రైతులను మరింత కుంగదీసింది. అదైనా ఇచ్చిందా అంటే ఇంతవరకు ఏమీ లేదు. అలాగే ప్రతి రైతుకు ఏడాదికి రూ.20 వేలు అన్నదాత సుఖీభవ కింద ఇస్తామని చెప్పిన చంద్రబాబు ప్రభుత్వం కొందరికే ఇచ్చింది. 3.22 లక్షల మందికి వైఎస్సార్‌సీపీ ప్రభుత్వంలో రైతు భరోసా ఇస్తే.. చంద్రబాబు ప్రభుత్వం 2.79 లక్షల మందికి ఇచ్చి చేతులు దులుపుకుంది. దీంతో దాదాపు 43 వేల మందికి మొండిచేయి చూపింది. ఇక ఉచిత పంటల బీమా, సున్నావడ్డీ, ఇన్‌పుట్‌ సబ్సిడీ పథకాలను గాలికొదిలేసింది. కనీసం ఈ–క్రాప్‌ కూడా సరిగా చేయలేని అసమర్థ ప్రభుత్వంగా మిగిలిపోయింది. వైఎస్సార్‌సీపీ హయాంలో రైతులకు స్వర్ణయుగం వైఎస్సార్‌ కాంగ్రెస్‌ పార్టీ అధికారంలో ఉన్న 2019–24లో రైతులకు స్వర్ణయుగమే అని చెప్పాలి. అప్పట్లో ప్రతీది రైతు ఇంటి వద్దకే వచ్చేది. విత్తనాలు, ఎరువుల సరఫరా దగ్గర నుంచి ధాన్యం కొనుగోళ్లు వరకు రైతుల వద్దకే జరిగేది. వైఎస్సార్‌సీపీ ప్రభుత్వంలో రైతు ఎంత సాగు చేస్తున్నారో.. వారికెంత ఎరువులు అవసరమో ఈ–క్రాప్‌ ద్వారా ముందే గుర్తించేవారు. విలేజ్‌ అగ్రికల్చర్‌ అసిస్టెంట్లు ఇంటింటికీ వెళ్లి సర్వే చేసి వివరాలు తీసుకునేవారు. ఆ మేరకు రైతులకు సరిపడా ఎరువులు నేరుగా ఇంటికే రైతు భరోసా కేంద్రాల ద్వారా పంపిణీ చేసేవారు. ఎరువుల కోసం ఎవరినీ అడగాల్సిన అవసరం ఉండేది కాదు. వైఎస్‌ జగన్‌మోహన్‌రెడ్డి ప్రభుత్వం జిల్లాలో రైతుల కోసం 642 రైతుభరోసా కేంద్రాలు నిర్మించింది. 7 ఇంటిగ్రేటెడ్‌ ల్యాబ్‌లు నిర్మించారు. వైఎస్సార్‌ ఉచిత పంటల బీమా కింద 87,158 మంది రైతులకు రూ.85.14 కోట్లు అందజేశారు. రూ.424.74 కోట్లతో 2,89,197 క్వింటాళ్ల విత్తనాలను సబ్సిడీ ధరపై అందించింది. 82,745 మెట్రిక్‌ టన్నుల ఎరువులు, పురుగు మందులు.. 5,592 లీటర్ల నానో యూరియా వంటివి ఆర్‌బీకేల ద్వారా అందించింది. రైతుల సాగుకు ఉపయోగపడేవిధంగా వైఎస్సార్‌ యంత్రసేవా పథకం కింద 505 ట్రాక్టర్స్‌, మల్టిపుల్‌క్రాప్‌ ట్రెసర్స్‌, పాడిరేపర్స్‌, రోటావెటర్స్‌, 57 క్లస్టర్లలో వరి కంబైన్డ్‌ హార్వెస్టర్స్‌ వంటివి అందించడం జరిగింది. 10 వేల భూసార పరీక్షలు చేసి.. 27,049 కౌలు రైతులకు గుర్తింపు కార్డులు అందజేసింది. ధాన్యం కొనుగోళ్లు సకాలంలో చేసింది. అక్రమాలకు ఆస్కారం లేకుండా చర్యలు తీసుకుంది. ప్రకృతి వైపరీత్యాలకు పంట నష్టపోయిన రైతులకు ఇన్‌పుట్‌ సబ్సిడీ కింద, వైఎస్సార్‌ సున్నా వడ్డీ కింద సాయం చేసింది. పశువుల వైద్యం కోసం వైఎస్సార్‌ సంచార అంబులెన్స్‌లను జిల్లాకు మంజూరు చేసింది.

టెక్కలి రూరల్‌: స్థానిక ఎన్టీఆర్‌ పార్క్‌ ఆవరణలో బుధవారం యువకుడు గడ్డిమందు తాగి ఆత్మహత్యాయత్నానికి ప్రయత్నించాడు. స్థానికులు తెలిపిన వివరాల మేరకు.. తలగాం గ్రామానికి చెందిన బొమ్మాళి శ్రీను అనే వ్యక్తి బుధవారం మధ్యాహ్నం ఎన్టీఆర్‌ పార్కు సమీపంలో గడ్డిమందు తాగి తీవ్ర అస్వస్థతకు గురయ్యాడు. ఇది గుర్తించిన స్థానికులు హుటాహూటిన టెక్కలి జిల్లా ఆస్పత్రికి తరలించారు. అక్కడ వైద్యులు వైద్య పరీక్షలు నిర్వహించి పరిస్థితి విషమంగా ఉండడంతో మెరుగైన వైద్యం కోసం శ్రీకాకుళం రిమ్స్‌కు తరలించారు. ఈ ఘటనపై స్థానిక పోలీసులకు సమాచారం అందించారు. అయితే ఆత్మహత్యాయత్నానికి గల కారణం తెలియాల్సి ఉంది. ఇతనికి భార్య, పిల్లలు ఉన్నారు. కూలిన ఇంటి గోడ టెక్కలి రూరల్‌: గత కొద్ది రోజులుగా తుఫాన్లు కారణంగా కురిసిన వర్షాలతో మండలంలోని పాత నౌపడ గ్రామంలో ఒక ఇంటి గోడ కూలిపోయింది. స్థానికులు తెలిపిన వివరాలు ప్రకారం.. పాత నౌపడ గ్రామానికి చెందిన గాలి నీలకంఠేశ్వరరావు తన భార్య, పిల్లలతో కలిసి తనకు చెందిన మట్టిగోడలతో ఉన్న రేకుల షెడ్‌ ఇంట్లో నివాసముంటున్నారు. అయితే వర్షాలకు మట్టిగోడలు తడిచిపోవడంతో బుధవారం వేకువజామున ఇంటిగోడ ఒక్కసారిగా కూలిపోయింది. దీంతో కుటుంబ సభ్యులు భయాందోళనకు గురయ్యారు. తమను ప్రభుత్వం ఆదుకోవాలని బాధితులు కోరుతున్నారు. ఏపీఎస్‌ ఆర్టీసీ ప్రత్యేక ఆధ్యాత్మిక యాత్రలు ● పంచారామాలు, శబరిమల యాత్రలకు ప్రత్యేక బస్సులు శ్రీకాకుళం అర్బన్‌: కార్తీక మాసం సందర్భంగా శివభక్తులు, అయ్యప్ప స్వామి భక్తుల సౌకర్యార్థం ఆంధ్రప్రదేశ్‌ రాష్ట్ర రోడ్డు రవాణా సంస్థ శ్రీకాకుళం జిల్లా ఆధ్వర్యంలో ప్రత్యేక ఆధ్యాత్మిక యాత్ర ప్యాకేజీలను ఏర్పాటు చేసినట్లు జిల్లా ప్రజా రవాణా అధికారి సీహెచ్‌ అప్పలనారాయణ తెలిపారు. శ్రీకాకుళం ఆర్టీసీ కాంప్లెక్స్‌ ఆవరణలో ప్రత్యేక యాత్రలకు సంబంధించిన ప్రచార కరపత్రాలను ఆర్టీసీ అధికారులు, సిబ్బంది బుధవారం విడుదల చేశారు. ఈ సందర్భంగా డీపీటీవో అప్పలనారాయణ మాట్లాడుతూ.. కార్తీక మాసాన్ని పురస్కరించుకుని శివభక్తుల కోసం పంచారామ క్షేత్ర దర్శన యాత్రతో పాటు అయ్యప్ప స్వామి భక్తుల కోసం శబరిమల యాత్రకు ప్రత్యేక బస్సు సర్వీసులు ఏర్పాటు చేస్తున్నట్లు తెలిపారు. భక్తుల సౌకర్యార్థం 5 రోజులు, 6, 7 రోజుల యాత్ర ప్యాకేజీలను అందుబాటులోకి తీసుకువచ్చినట్లు పేర్కొన్నారు. ఈ ప్రత్యేక యాత్రల ద్వారా భక్తులు సురక్షితంగా, సౌకర్యవంతంగా పుణ్యక్షేత్రాలను దర్శించుకునే అవకాశం ఉంటుందని తెలిపారు. భక్తులు ఈ అవకాశాన్ని సద్వినియోగం చేసుకోవాలని కోరారు. అనంతరం ఈ కరపత్రాలను ప్రయాణికులు, భక్తులకు ఆర్టీసీ అధికారులు, సిబ్బంది పంపిణీ చేశారు. కార్యక్రమంలో ఆర్టీసీ శ్రీకాకుళం–1, శ్రీకాకుళం–2 డిపోల మేనేజర్లు హనుమంతు అమరసింహుడు, కేఆర్‌ఎస్‌ శర్మ, ఆర్టీసీ ఎస్‌ఎం ఎంపీ రావు, ఎల్‌ఎస్‌ నాయుడు, ఆర్టీసీ అధికారులు ఏఎన్‌ఎస్‌ శ్రీనివాస్‌, ప్రసాద్‌, రాజు తదితరులు పాల్గొన్నారు. అల్లాడ చెరువులో మొసలి? జలుమూరు: అల్లాడ గ్రామ శివారు పెద్ద చెరువులో మొసలి తిరుగుతోందని గ్రామస్తులు ఆందోళన వ్యక్తం చేస్తున్నారు. బుధవారం వేకువజామున సుమారు 10 నుంచి 12 అడుగుల పొడవుతో చెరువు మధ్యలో ఉన్న శివుడి విగ్రహం చుట్టూ తిరిగిందని చెబుతున్నారు. కార్యదర్శి చిన్నారావు సమాచారం మేరకు టెక్కలి అటవీశాఖ అధికారులు, సెక్యూరిటీ బీట్‌ అధికారి ఎస్‌.కృష్ణారావు, అసిస్టెంట్‌ బీట్‌ అధికారి సీహెచ్‌ కృష్ణారావులు వచ్చి పరిశీలించారు. అరగంటకోసారి కళ్లు బయటకు కనిపిస్తున్నా మొసలి మాత్రం కాదని చెబుతున్నారు. పూర్తిగా సమాచారం తెలిసే వరకు ఎవరూ నీటిలో ఎవరూ దిగవద్దని హెచ్చరించారు.

● కూటమి ప్రభుత్వంలో బోడిగుండుల్లా కొండలు ● జిల్లా వ్యాప్తంగా రెచ్చిపోతున్న గ్రావెల్‌ మాఫియా ● అధికారం అడ్డం పెట్టుకుని దర్జాగా తవ్వకాలు ● భారీగా సొమ్ము చేసుకున్న టీడీపీ నాయకులుపై ఉదాహరణలే కాదు రణస్థలం మండలంలోని అక్కయ్యపాలెం కొండ, లావేరు మండలం సూర్యనారాయణపురంలో తామరకొండ, పలాస, కాశీబుగ్గలోని నెమలికొండ, కోటబొమ్మాళికి ఆనుకుని కొత్తపేట కొండ.. ఇచ్ఛాపురం నుంచి రణస్థలం వరకు ఏ కొండనూ తెలుగు తమ్ముళ్లు వదలడం లేదు. అధికారంలోకి వచ్చిన వెంటనే కొండలపై వాలిపోయారు. అధికారం అడ్డం పెట్టుకుని ఎక్కడికక్కడ కొండలను చెరబట్టారు. జిల్లాలో ఎటు చూసినా కొండలు, గుట్టలకు గుండు కొట్టే కార్యక్రమం కొనసాగుతోంది. అధికారులకు

● ఒక్క హామీనీ నెరవేర్చని చంద్రబాబు ప్రభుత్వం ● రెండున్నరేళ్లుగా మాయమాటలతో గారడీ ● పబ్లిసిటీతో ప్రజల కళ్లకు గంతలు లోకేష్‌ ఇలా.. ● కూటమి ప్రభుత్వం వచ్చిన వెంటనే బొంతు, కామేశ్వరిపేట ఎత్తిపోతల పథకాలు పూర్తి, వంశధార ప్రాజెక్టు, పెండింగ్‌లో ఉన్న వనితమండలం వంతెన, ఆమదాలవలస– పోలాకి వంతెన పూర్తి చేస్తామన్నారు. వీటిలో ఒక్కటీ ముందుకు కదల్లేదు. నాగావళి– వంశధార నదిపై పురుషోత్తపురం వద్ద వంతెన నిర్మిస్తామని, ఆమదాలవలసలో ప్రభుత్వ ఇంజనీరింగ్‌ కళాశాల ఏర్పాటు చేస్తామని, జిల్లాలో సెజ్‌ ఏర్పాటు చేస్తామన్నారు. ఏ ఒక్కటీ కార్యరూపం దాల్చలేదు. చంద్రబాబు అలా.. ● అధికారంలోకి రాగానే పాతపట్నం నియోజకవర్గంలో ఐటీడీఏ, ఆమదాలవలస నియోజకవర్గంలో పురుషోత్తపురం వద్ద వంశధార నదిపై, ముద్దాడపేట వద్ద నాగావళి నదిపై వంతెనల నిర్మాణాలు, పలాసలో కేంద్రీయ విద్యాలయం, నరసన్నపేట పరిధిలో ఎత్తిపోతల పథకం, వంశధార– బాహుదా నదుల అనుసంధానం, టెక్కలిలో వైద్య కళాశాల ఏర్పాటు, బుడగట్లపాలెంలో మత్స్యకార జెట్టీ నిర్మాణం.. ఇలా ఒకటా రెండా జిల్లాకు వచ్చిన ప్రతిసారీ హామీల వర్షం కురిపించారు. ఇందులో ఒక్కటంటే ఒక్కటీ అమలు కాలేదు. పల్లెపోరుకు సిబ్బంది సన్నద్ధమయ్యారు. బుధవారం జిల్లా కేంద్రంతో పాటు మండల కేంద్రాలకు పోలింగ్‌ సిబ్బంది చేరుకుని తమకు నిర్దేశించిన బూత్‌లకు సామగ్రితో సహా తరలివెళ్లారు. ఈ క్రమంలో పలుచోట్ల సిబ్బందికి భోజనాలు, ఇతర సౌకర్యాల కల్పనలో ఇబ్బందులు ఎదురయ్యాయి. – సాక్షి నెట్‌వర్క్‌ సాక్షి ప్రతినిధి, శ్రీకాకుళం : సూపర్‌ సిక్స్‌ అన్నారు..అభివృద్ధి అంటే ఏంటో చూపిస్తామన్నారు..రోడ్లను అద్దాల్లా మెరిపిస్తామన్నారు..అయితే అవన్నీ ఓట్లు వరకే అని ప్రజలకు అర్ధం కావడానికి ఎంతో సమయం పట్టలేదు. చంద్రబాబు అంటేనే మోసం అని మరోసారి గుర్తు చేసుకుంటున్నారు. ఇదే మాట జిల్లాలో ఏ ప్రాంతానికి వెళ్లినా చెబుతున్నారు. తాజాగా స్థానిక సంస్థల ఎన్నికల్లోనూ జిల్లాలో కూటమి అభ్యర్థుల నోట మళ్లీ అవే రకమైన హామీలు విని నవ్వుకుంటున్నారు. ఎప్పుడు ఎన్నికలు జరిగినా మోసం, దగాచేయడం తెలుగుదేశం, కూటమి అభ్యర్థులకు అలవాటుగా మారిపోయిందని బహిరంగంగానే వ్యాఖ్యానిస్తున్నారు. నియోజకవర్గాల వారీగా కూటమి హామీల్లో కొన్ని.. టెక్కలి: వైద్య కళాశాల, వంశధార ప్రధాన కాలువకు సిమెంట్‌ లైనింగ్‌, శివారు ప్రాంతానికి సాగునీరు, ఎత్తిపోతల పథకాల నిర్మాణం, ప్రతి ఇంటికీ స్వచ్ఛమైన తాగునీరు, జిల్లా కేంద్రానికి దీటుగా టెక్కలి అభివృద్ధి, భావనపాడు నుంచి విశాఖ వరకు సాగర కారిడార్‌ నిర్మాణం, ఉద్యోగాల కల్పనకు ప్రత్యేక ఎంప్లాయిమెంట్‌ జోన్‌ ఏర్పాటు చేస్తామన్నారు. వీటిలో దేనికీ అతీగతి లేదు. నరసన్నపేట: బొంతు ఎత్తిపోతల పథకం, మడపాం ఎత్తిపోతల పథకం, వంశధార కాలువల అభివృద్ధి, ప్రతి ఇంటికి తాగునీరు, నరసన్నపేట సామాజిక ఆస్పత్రి ఆధునీకరణ, వనితమండలం వంతెన నిర్మాణం, శ్రీముఖలింగం తాగునీటి ప్రాజెక్టు, నరసన్నపేట రాజుల చెరువు అభివృద్ధి, స్టేడియం నిర్మాణం.. ఇందులో దేనికీ మోక్షం కలగలేదు. పలాస: పలాసలో రైతుబజారు, ఇండోర్‌ స్టేడియం, కేటీరోడ్డు నిర్మిస్తామని వదిలేశారు. కిడ్నీ సమస్యలపై పరిశోధనల సంగతి అటుంచితే ఉన్న ఆస్పత్రిపై నిర్లక్ష్యం చూపిస్తున్నారు. జీడికి మద్దతు ధర ఇవ్వలేదు సరికదా ఉన్న ధరలు తగ్గిపోతున్న పరిస్థితి. పేదలకు మూడు సెంట్లు స్థలమని చెప్పి ఒక్కరికీ ఇవ్వలేదు. ఇచ్ఛాపురం: గ్రామాల్లో మూడు సెంట్లు , పట్టణాల్లో రెండు సెంట్ల స్థలం, వంశధార జలాలు ఇచ్ఛాపురం వరకు మళ్లించే ప్రాజెక్టు, ఇంటింటికి తాగునీరు, బాహుదా, మహేంద్రతనయ నదులపై సాగునీటి ప్రాజెక్టులను ఆధునికీకరణ, గంగాసాగరం జలాశయం పనులు, ఐదు ఎత్తిపోతల పథకాలు పునరుద్ధరణ, రూర్బన్‌ నిర్మాణాలు, బెంతొరియా సమస్య.. ఇలా దేనికీ పరిష్కారం చూపలేదు. ఈఏపీ నిధులతో ప్రారంభించిన 64 రహదారులు నిర్మిస్తామన్నా చేసిందేమి లేదు. కొన్నింటికి ప్యాచ్‌ వర్క్‌లతో మమ అనిపించేశారు. ఆమదాలవలస: నారాయణపురం ఆనకట్ట, నాగావళి– వంశధార నదుల అనుసంధానం, బలసలరేవు వంతెన నిర్మాణం, అర్హులందరికీ టిడ్కో ఇళ్లు, రైతు కూలీలకు కార్పొరేషన్‌, ఉద్యోగం చేసే మహిళలకు హాస్టల్‌ వసతి ఏర్పాటు చేస్తామన్నారు. అసలు ప్రతిపాదనలకే నోచుకోలేదు. పాతపట్నం: పాతపట్నంలో 50 పడకల సీహెచ్‌సీ ఆస్పత్రిని 100 పడకల ఆసుపత్రిగా అమలు చేస్తామని హామీ ఇచ్చి తర్వాత మర్చిపోయారు. పాతపట్నంలో మహిళా కళాశాల, పాలిటెక్నిక్‌ కళాశాల, ఫైర్‌ స్టేషన్‌ ఏర్పాటు హామీలు అమలు చేయలేదు. పాతపట్నం ఎర్ర చెరువు అభివృద్ధి, బూరగాం గ్రామం వద్ద మహేంద్రతనయ నదిపై వంతెన నిర్మాణం, కల్లట–జిల్లేడుపేట గ్రామాల మధ్య వంతెన, డిజిటల్‌ గ్రంథాలయాలు, ఐటీడీఎ ఏర్పాటు.. ఇవేవీ కార్యరూపం దాల్చలేదు. నిర్వాసితుల సమస్యలూ అలాగే ఉన్నాయి. ఎచ్చెర్ల: బుడగట్లపాలెంలో ఫిషింగ్‌ హార్బర్‌, జెట్టీ నిర్మాణం పూర్తి చేయకపోగా గత ప్రభుత్వంలో ప్రారంభించిన పనులను నిలిపివేశారు. తోటపాలెంలో ఎత్తిపోతల పథకం, తోటపల్లి కాలువ ద్వారా శివారు రామ్మోహన్‌నాయుడు మాటలు ఇవీ.. ● సైనికులకు ప్రత్యేక కార్పొరేషన్‌ ఏర్పాటు, ప్రముఖ పుణ్యక్షేత్రాలను కలుపుతూ టెంపుల్‌ సర్క్యూట్‌, ప్రధాన రహదారులతో పాటు గ్రామాల నుంచి మండల కేంద్రాలకు వెళ్లే అన్ని రోడ్లను అభివృద్ధి చేస్తామన్నారు. నాగావళి– వంశధార, బాహుదా– మహేంద్రతనయ నదుల అనుసంధానం, మత్స్యకారుల కోసం కోస్టల్‌ కారిడార్‌, శీతల గిడ్డంగులు నిర్మాణం, జిల్లాలో ప్రత్యేక ఎంప్లామెంట్‌ జోన్‌ అంటూ ఊదరగొట్టారు. ఏవీ అమలు కాలేదు. ప్రాంతాలకు సాగునీరు, మడ్డువలస కాలువ, నారాయణపురం కాలువ పనులు, బుడమేరు చెరువును మినీ రిజర్వాయర్‌గా మార్చడం, పరిశ్రమల్లో స్థానిక యువతకు ఉద్యోగాలు కల్పించడం.. ఇలా ఏ ఒక్క హామీ నెరవేర్చలేదు. శ్రీకాకుళం: కోడిరామ్మూరి స్టేడియం, మత్స్యకారుల కోసం మినీ జెట్టీల నిర్మాణం, నగర అభివృద్ధికి ప్రత్యేక ప్రణాళిక అన్నారు. కూల్చివేతలు, పాతపనులపై కొత్త మెరుగులు దిద్దడం తప్ప చేసిందేమి లేదు. పట్టణాల్లో రెండు సెంట్లు, గ్రామాల్లో మూడు సెంట్లు చొప్పున పేదలకు స్థలాలు ఇస్తామన్నారు. దాని ఊసేలేదు. డిసెంబర్‌ 12న లోక్‌ అదాలత్‌ శ్రీకాకుళం పాతబస్టాండ్‌: డిసెంబరు 12న జాతీయ లోక్‌ అదాలత్‌ నిర్వహిస్తున్నట్లు జిల్లా న్యాయ సేవాధికార సంస్థ కార్యదర్శి కె.హరిబాబు బుధవారం తెలిపారు. జిల్లా ప్రధాన న్యాయమూర్తి సునీత కొండబోలు ఆధ్వర్యంలో జిల్లా వ్యాప్తంగా అన్ని మండల న్యాయ సేవాధికార కమిటీల పరిధిలోని న్యాయస్థానాల్లో అదాలత్‌ జరుగుతుందని పేర్కొన్నారు. కక్షిదారులు కేసుల పరిష్కారానికి ముందుకురావాలని కోరారు.

శ్రీకాకుళం క్రైమ్‌ : ఇచ్ఛాపురం, పలాస మున్సిపాలిటీలకు సంబంధించి మంగళవారం నిర్వహించిన ఎన్నికల ఓట్ల లెక్కింపు ప్రక్రియ పోలీసుల పటిష్ట భద్రత నడుమ ఎలాంటి అవాంఛనీయ ఘటనలకు తావులేకుండా ప్రశాంతంగా ముగిసిందని ఎస్పీ కేవీ మహేశ్వర రెడ్డి పేర్కొన్నారు. రెండు కౌంటింగ్‌ కేంద్రాలు, స్ట్రాంగ్‌రూమ్‌లు పరిసర ప్రాంతాల్లో 500 మంది పోలీసు అధికారులు, సిబ్బందితో మూడంచెల భద్రతతో సజావుగా లెక్కింపు సాగిందన్నారు. సీసీ కెమెరాలు, డ్రోన్‌ కెమెరాల ద్వారా నిరంతర పర్యవేక్షణ చేపట్టామని, కౌంటింగ్‌ కేంద్రాల వద్ద ట్రాఫిక్‌ నియంత్రణ, వాహనాల పార్కింగ్‌, కౌంటింగ్‌ ఏజెంట్ల ప్రవే శం పకడ్బందీగా నిర్వహించామన్నారు. ఎన్నికల ఫలితాలు వెలువడటంతో ఎవరూ శాంతిభద్రతలకు విఘాతం కలిగించరాదని, సోషల్‌ మీడియాలో తప్పుడు ప్రచారాలు, విద్వేషపూరిత పోస్టులు పెట్టకూడదన్నారు.

శ్రీకాకుళం అర్బన్‌: జిల్లా వ్యాప్తంగా ఈ నెల 5న జరగనున్న ఎంపీటీసీ, జెడ్పీటీసీ ఎన్నికల నిర్వహణ కోసం ఏపీఎస్‌ ఆర్టీసీ 260 బస్సులు నడపనుందని జిల్లా ప్రజా రవాణా అధికారి సీహెచ్‌ అప్పలనారాయణ తెలిపారు. జిల్లా ఎన్నికల అధికారి, కలెక్టర్‌ స్వప్నిల్‌ దినకర్‌ పుండ్కర్‌ ఆదేశాల మేరకు ఎన్నికల విధులకు ఈ బస్సులను కేటాయించినట్లు పేర్కొన్నారు. శ్రీకాకుళం 1, 2 డి పోలు, టెక్కలి, పలాస తదితర 4 డిపోల నుంచి మొత్తం 260 బస్సులు ఎన్నికల విధులకు కేటాయించినట్లు తెలిపారు. ఈ నెల 4, 5వ తేదీలలో జిల్లా వ్యాప్తంగా గల అన్ని ప్రధాన మార్గాల్లో అనగా శ్రీకాకుళం–విశాఖపట్నం, శ్రీకాకుళం–పలాస, ఇచ్ఛాపురం, శ్రీకాకుళం–పాలకొండ, శ్రీకాకుళం–కొత్తూరు–బత్తిలి, శ్రీకాకుళం–శ్రీముఖలింగం, శ్రీకాకుళం–పాతపట్నం, శ్రీకాకుళం–రాజాం–బొబ్బిలి, శ్రీకాకుళం–చీపురుపల్లి, శ్రీకాకుళం–విశాఖపట్నం మార్గాలలో పల్లె వెలుగు, ఎక్స్‌ ప్రెస్‌ బస్సు స ర్వీసులు పూర్తిగా రద్దు చేశామని పేర్కొన్నారు. దూర ప్రాంతాలకు వెళ్లే సర్వీసులు, అన్ని ప్రధాన మార్గాలలో అతి తక్కువ సర్వీసులు పాక్షికంగా నడుస్తాయని, ప్రయాణికులు గమనించి ప్రత్యామ్యా య ఏర్పాట్లు చేసుకోవాలని సూచించారు. పరిషత్‌ పోలింగ్‌కు స్థానిక సెలవులు శ్రీకాకుళం పాతబస్టాండ్‌: జిల్లాలో 5వ తేదీన జరగనున్న జెడ్పీటీసీ, ఎంపీటీసీ సాధారణ ఎన్నికల పోలింగ్‌ సందర్భంగా ఎన్నికలు జరిగే ప్రాంతాల్లో స్థానిక సెలవులు ప్రకటిస్తూ కలెక్టర్‌, ఎన్నికల అధికారి స్వప్నిల్‌ దినకర్‌ పుండ్కర్‌ మంగళవారం అధికారిక ఉత్తర్వులు జారీ చేశారు. పోలింగ్‌ కేంద్రాలుగా కేటాయించిన ప్రభుత్వ, ప్రైవేటు భవనాలు, విద్యాసంస్థలకు పోలింగ్‌ ముందు రోజైన నవంబర్‌ 4, పోలింగ్‌ రోజైన నవంబర్‌ 5వ తేదీల్లో (రెండు రోజులు) స్థానిక సెలవు ప్రకటించారు. పోలింగ్‌ సామగ్రి పంపిణీ, బూత్‌ల ఏర్పాటుకు అనువుగా ఈ ని ర్ణయం తీసుకున్నారు. ఎన్నికలు జరిగే పరిధిలోని అన్ని ప్రభుత్వ కార్యాలయాలు, స్థానిక సంస్థలు, ఇతర ప్రభుత్వ అనుబంధ సంస్థలకు నవంబర్‌ 5వ తేదీన స్థానిక సెలవు అమల్లో ఉంటుందని కలెక్టర్‌ స్పష్టం చేశారు. జిల్లా పరిధిలోని ప్రభుత్వ, ప్రైవేటు రంగ సంస్థలు, కర్మాగారాలు, వ్యాపార, వాణిజ్య దుకాణాల్లో పనిచే సే ఉద్యోగులు, కార్మికులు తమ ఓటు హక్కు ను వినియోగించుకునేందుకు వీలుగా నవంబర్‌ 5న వేతనంతో కూడిన సెలవు మంజూరు చేయాలని యాజమాన్యాలను ఆదేశించారు. ‘ఓటు కోసం మాట మార్చొద్దు’ సరుబుజ్జిలి: స్థానిక ఎమ్మెల్యే కూన రవికుమార్‌ స్థానిక ఎన్నికల్లో గిరిజనుల ఓట్లు దండుకొనేందుకు కొత్త ఎత్తుగడలు వేస్తున్నారని ఆదివాసీ సంక్షేమ పరిషత్‌ రాష్ట్ర ఉపాధ్యక్షుడు వాబ యో గి విమర్శించారు. ఎన్నికల ప్రచారంలో భాగంగా ఇటీవల ఎమ్మెల్యే వెన్నెలవలస, బక్కిరిపేట గిరిజన గ్రామాల్లో పర్యటించి ప్రభుత్వం ఎ లాంటి థర్మల్‌ ప్లాంట్‌ మంజూరు చేయలేదని గిరిజన నాయకులు, వైఎస్సార్‌సీపీ నేతలు తమపై తప్పుడు ఆరోపణలు చేశారని చెప్ప డం మోసగించడమేనని అన్నారు. సరుబుజ్జిలి, బూర్జ మండలాల్లోని 20 గ్రామాల్లో 5వేల ఎకరాల బీడుభూముల్లో థర్మల్‌ప్లాంట్‌ నిర్మించతలపెట్టారని, ఇప్పుడు ఓట్ల కోసం మాట మారుస్తున్నారని థర్మల్‌ వ్యతిరేక పోరాట కమిటీ కోశాధికారి అత్తులూరి రవికాంత్‌ విమర్శించా రు. 300 ఎకరాల భూములు కలిగిన తాము, తమ భూములు ల్యాండ్‌ సీలింగ్‌ కింద ప్రభుత్వానికి అప్పగిస్తే తాము భూములు ఆక్రమించామని చెప్పడం ఎమ్మెల్యే స్థాయిలో ఉన్న వ్యక్తికి తగదని అన్నారు. కూనవారి పూలతోట పేరుతో అప్పట్లో విప్‌గా ఉన్న ఎమ్మెల్యే 99 ఎకరాల ప్రభుత్వభూమిని లీజు పేరుతో కొట్టేయా ల ని చూడడం అందరికీ తెలిసిందేనని గుర్తు చేశారు. సమావేశంలో థర్మల్‌ పోరాట కమిటీ కార్యదర్శి సవర సింహాచలం, పోరాట కమిటీ కన్వీనర్‌ సురేష్‌దొర, సవర ధర్మారావు, చల్ల యర్రయ్య, సవర కువ్వారి పాల్గొన్నారు. ప్రచార ర్యాలీలు వద్దు: ఎస్పీశ్రీకాకుళం క్రైమ్‌ : ఎంపీటీసీ, జెడ్పీటీసీ ఎన్నికల ప్రచార గడువు ముగిసిన నేపథ్యంలో ఎలాంటి ప్రచారాలు, ర్యాలీలు, ఊరేగింపులు, బహిరంగ సభలు నిర్వహించరాదని ఎస్పీ కేవీ మహేశ్వరరెడ్డి స్పష్టం చేశారు. అనుమానాస్పద కార్యకలాపాలు లేదా నియమావళి ఉల్లంఘనలు గుర్తించినా వెంటనే జిల్లా పోలీస్‌ కంట్రోల్‌ రూమ్‌ 6309990933, జిల్లా పోలీసుల ఎన్నికల సెల్‌ 6309990923, శ్రీకాకుళం డీఎస్పీ 6309990804, కాశీబుగ్గ డీఎస్పీ 6309990805, టెక్కలి డీఎస్పీ 6309990811 నంబర్లకు సమాచారం అందించాలన్నారు.

వజ్రపుకొత్తూరు: ప్రభుత్వ ఆస్పత్రుల్లో ప్రసవాల సంఖ్య పెంచడంతో పాటు గర్భిణులకు మెరుగైన వైద్యసేవలు అందించాలని జిల్లా వైద్య ఆరోగ్య శాఖ అధికారి డాక్టర్‌ ఇ.వి.నరేష్‌కుమార్‌ సిబ్బందిని ఆదేశించారు. మంగళవారం వజ్రపుకొత్తూరు మండలం గోవిందపురం పీహెచ్‌సీని సందర్శించారు. రికార్డులను పరిశీలించి వైద్య సేవలు, సిబ్బంది పని తీరుపై ఆరా తీశారు. గర్భిణులకు ప్రభుత్వ వైద్యసేవలపై నమ్మకం కల్పించి ప్రైవేటు ఆస్పత్రులకు వెళ్లే అవసరం లేకుండా చొరవ తీసుకోవాలన్నారు. క్షయ వ్యాధి నిర్ధారణ పరికరాలు అందుబాటులో ఉన్నందున వాటిని పూర్తి స్థాయిలో వినియోగించుకోవాలని సూచించారు. తుఫాన్‌ ప్రభావం నేపథ్యంలో సీజనల్‌ వ్యాధులు ప్రబలే అవకాశం ఉన్నందున సిబ్బంది అప్రమత్తంగా ఉండాలన్నారు. కార్యక్రమంలో స్థానిక వైద్యాధికారి డాక్టర్‌ వినయ్‌కుమార్‌, ఈఓ సన్యాసిరావు, ఫార్మసిస్ట్‌ సుబ్రహ్మణ్యం, స్టాఫ్‌నర్సులు, ఎల్‌హెచ్‌పీలు, ఏఎన్‌ఎంలు, ఆశ కార్యకర్తలు పాల్గొన్నారు.

● పలాస, ఇచ్ఛాపురంలో కూటమి విజయం కాశీబుగ్గ : పలాస, ఇచ్ఛాపురం మున్సిపల్‌ ఎన్నికల్లో కూటమి అభ్యర్థులు విజయం సాధించారు. పలాస మున్సిపాలిటీలో మొత్తం 36 వార్డుల్లో టీడీపీకి 27, జనసేన మూడింట, బీజేపీ ఒకస్థానం వచ్చాయి. వైఎస్సార్‌సీపీ అభ్యర్థులు నాలుగు చోట్ల గెలుపొందారు. మరో స్థానంలో స్వతంత్ర అభ్యర్థి సత్తా చాటారు. ముందుగా పోస్టల్‌ బ్యాలెట్‌ ఓట్లు లెక్కించగా 11 పోస్టల్‌ బ్యాలెట్లలో ఐదు చెల్లుబాటు కాలేదు. మిగతావాటిలో వైఎస్సార్‌సీపీ చైర్‌ పర్సన్‌ అభ్యర్థికి నాలుగు, టీడీపీకి రెండు పడ్డాయి. అనంతరం ఓట్లు లెక్కించారు. జంట పట్టణాల చైర్‌పర్సన్‌గా టీడీపీ అభ్యర్థిని వజ్జ గంగాభవానీ ప్రత్యర్థి వైఎస్సార్‌సీపీ అభ్యర్థిని తాళాసు శ్రీపద్మపై గెలుపొందారు. ఇచ్ఛాపురంలో.. ఇచ్ఛాపురం: ఇచ్ఛాపురం మున్సిపాలిటీ చైర్‌ పర్సన్‌గా కూటమి అభ్యర్థి ఆశి లీలారాణి వైఎస్సార్‌సీపీ అభ్యర్థి పిలక రాజలక్ష్మి పై విజయం సాధించారు. మొత్తం 28 వార్డులకు ఎన్నిక జరగగా టీడీపీ 14, జనసేన 4, వైఎస్సార్‌సీపీకి 7, ఇండిపెండెంట్లు రెండు స్థానాలు గెలిచారు. ఒకటి ఏకగ్రీవమైంది. గెలిచేశామనుకుంటే.. ఇచ్ఛాపురం రూరల్‌: ఇచ్ఛాపురం మున్సిపల్‌ ఎన్నికల ఫలితాల వెల్లడిలో మంగళవారం ఆసక్తికర పరిణామం చోటు చేసుకుంది. మూడో వార్డులో పట్టణ టీడీపీ అధ్యక్షుడు పత్రి తవిటయ్య తన సమీప వైఎస్సార్‌సీపీ అభ్యర్థి సాలిన బాలాజీపై 78 ఓట్లు మెజారిటీతో గెలిచినట్లు కౌంటింగ్‌ హాల్‌ నుంచి బయటకు వచ్చి ఆయన ప్రకటించారు. దీంతో ఆయన అనుచరులు ఆనందోత్సవాలు జరుపుకున్నారు. కానీ అధికారికంగా ప్రకటించే సరికి సీన్‌ రివర్స్‌ అయ్యింది. వైఎస్సార్‌సీపీ అభ్యర్థి సాలిన బాలాజీ 37 ఓట్లు మెజారిటీతో విజయం సాధించినట్లు అధికారులు ప్రకటించారు.

ఇచ్ఛాపురం రూరల్‌: అర్నబ్‌ తుపాను ప్రభావంతో కురిసిన భారీ వర్షాలు నాలుగు గ్రామాల ప్రజలకు తీరని కష్టాలను మిగిల్చాయి. వరద ఉధృతికి బూర్జపాడు–డొంకూరు గ్రామాల మధ్య భారీ గండి పడడంతో డొంకూరు, శివకృష్ణాపురం, పెద్దలక్ష్మీపురం, చిన్న లక్ష్మీపురం మత్స్యకార గ్రామాలకు రాకపోకలు పూర్తిగా నిలిచిపోయాయి. ఫలితంగా ఈ గ్రామాల ప్రజలు బాహ్య ప్రపంచంతో సంబంధాలు కోల్పోయి తీవ్ర ఇబ్బందులు ఎదుర్కొంటున్నారు. అత్యవసర పనులపై బయటకు వెళ్లాలన్నా, బయట నుంచి గ్రామాలకు రావాలన్నా ఉప్పుటేరు వరద ప్రవాహం అడ్డంకిగా మారింది. ఉపాధ్యాయులకు తప్పని కష్టాలు ఈ నాలుగు గ్రామాల్లోని ఒక ఉన్నత పాఠశాలతో పాటు మూడు ప్రాథమిక పాఠశాలల్లో సుమారు 25 మంది ఉపాధ్యాయులు విధులు నిర్వహిస్తున్నారు. రహదారి తెగిపోవడంతో పాఠశాలలకు చేరుకోవడం వారికి సవాలుగా మారింది. విధులకు హాజరు కావాలంటే ఉప్పుటేరు దాటాల్సిన పరిస్థితి నెలకొంది. వరద ప్రవాహంలో ప్రాణాలకు తెగించి వెళ్లాలా? లేక విధులకు దూరంగా ఉండాలా? అన్న సందిగ్ధంలో ఉపాధ్యాయులు పడుతున్నారు. విద్యార్థుల చదువులపైనా ఈ పరిస్థితి ప్రభావం చూపే ప్రమాదం ఉంది. ఎన్నికల వేళ అధికారులకు పరీక్ష ఒకవైపు స్థానిక సంస్థల ఎన్నికల సందడి నెలకొనగా, మరోవైపు నాలుగు గ్రామాలకు రాకపోకలు నిలిచిపోవడంతో అధికార యంత్రాంగానికి కొత్త సవాలు ఎదురైంది. ఎన్నికల విధుల నిర్వహణ, సిబ్బంది రాకపోకలు, అత్యవసర సేవలు అందజేత ఎలా సాధ్యమన్నది ప్రశ్నగా మారింది. ఇప్పటికై నా అధికారులు స్పందించి తాత్కాలిక రాకపోకల మార్గాన్ని ఏర్పాటు చేయడంతో పాటు, ఉప్పుటేరుపై సురక్షితమైన దాటవేత సౌకర్యం కల్పించాలని గ్రామస్తులు కోరుతున్నారు. శాశ్వతంగా రహదారి మరమ్మతులు చేపట్టి భవిష్యత్‌లో ఇలాంటి పరిస్థితులు పునరావృతం కాకుండా చర్యలు తీసుకోవాలని విజ్ఞప్తి చేస్తున్నారు. గ్రామాల్లో ఎవరికై నా అనారోగ్యం సంభవించినా, గర్భిణులకు ప్రసవ సమయం వచ్చినా, ఇతర అత్యవసర పరిస్థితులు ఎదురైనా ఎలా స్పందించాలన్నది ప్రస్తుతం ప్రశ్నార్థకంగా మారింది. వైద్య సిబ్బంది, రెవెన్యూ అధికారులు సైతం గ్రామాలకు చేరుకోలేని పరిస్థితి నెలకొంది. ప్రభుత్వ సేవలు అందకపోవడంతో ప్రజలు ఆందోళన చెందుతున్నారు. వరద తగ్గే వరకు వేచి చూడడం మినహా మరోమార్గం కనిపించడం లేదని గ్రామస్తులు వాపోతున్నారు. అర్నబ్‌తో నాలుగు మత్స్యకార గ్రామాలు అతలాకుతలం బాహ్య ప్రపంచంతో బంధాలు తెగిన వైనం గ్రామాలకు రాకపోకలు బంద్‌ అవస్థలు పడుతున్న ప్రజలు డొంకూరు ప్రాంతంలో 10 మంది వరకు మహిళా ఉపాధ్యాయులం పాఠశాలల్లో విధులు నిర్వర్తిస్తున్నాం. సుమారు 30 మీటర్లు మేర రోడ్డు కొట్టుకుపోవడంతో మధ్యలో ఉప్పుటేరు దాటితే గానీ పాఠశాలకు వెళ్లలేని పరిస్థితి నెలకొంది. దీంతో ఉపాధ్యాయులమంతా ప్రత్యేక వాహనంలో 15 కిలోమీటర్లు అదనంగా ఒడిశాలోని సుమండి పైనుంచి పాఠశాలలకు రావాల్సి వస్తోంది. ముఖ్యంగా మహిళా ఉపాధ్యాయులకు చాలా కష్టతరంగా ఉంది. – జి.హేమకుమారి, హెచ్‌ఎం, డొంకూరు ఉన్నత పాఠశాల ఆరు రోజులుగా బాహ్య ప్రపంచానికి మా నాలుగు గ్రామాలు దూరంగా ఉన్నాయి. నాలుగు రోజులు గ్రామంలో విద్యుత్‌ లేకపోవడం, ప్రస్తుతం రోడ్డు గండి పడడంతో గ్రామాలకు అధికారులు సైతం రాలేని పరిస్థితి నెలకొంది. అత్యవసర పరిస్థితుల్లో ఒడిశా రాష్ట్రం గుండా రాకపోకలు సాగించాల్సిన పరిస్థితి నెలకొంది. ప్రభుత్వం వెంటనే స్పందించి ప్రత్యామ్నాయ మార్గం చూపాలి – బుడ్డ దేవరాజు, గ్రామస్తుడు, డొంకూరు

సారవకోట : రామకృష్ణాపురం పంచాయతీలో టీడీపీకి చెందిన 50 కుటుంబాలు మంగళవారం వైఎస్సార్‌ సీపీలో చేరాయి. అంబటి అప్పలస్వామి, అంబటి తిరుపతిరావు, ముడిదాన సింహాచలం, ముడిదాన పృథ్వీరాజ్‌, అరియాపల్లి రామారావు, పిల్లల చిన్నారావు, అంబటి చిన్నబాబు, శిమ్మ ఉత్తరరావు, పల్లి భవానిరాజు, రుంకు కృష్ణ, పీసా బాలకృష్ణ, బమ్మిడి రాజారావు, ఆవల తవిటయ్య, ఆవల సింహాచలం తదితరులు మాజీ సర్పంచ్‌ సాధు సతీష్‌ ఆధ్వర్యంలో పార్టీలో చేరారు. వీరికి పార్టీ జిల్లా అధ్యక్షుడు ధర్మాన కృష్ణదాస్‌ కండువాలు వేసి సాదరంగా ఆహ్వానించారు. స్థానిక ఎన్నికల్లో పార్టీ అభ్యర్థులను బలపర్చాలని కోరారు.

శ్రీకాకుళం పాతబస్టాండ్‌: మూడు దశాబ్దాలుగా వైద్యారోగ్య శాఖ నర్సింగ్‌ సిబ్బందిగా పనిచేస్తున్న వారికి అదనపు హెచ్‌ఆర్‌ఏ మంజూరు చేయాలని నర్సింగ్‌ ఉద్యోగులు కోరారు. ఈ మేరకు మంగళవారం ఖజానా శాఖ డీడీ రవికుమార్‌ను ఆయన చాంబర్‌లో కలిసి వినతిపత్రం అందజేశారు. లిమిటేషన్‌ కారణంగా ప్రస్తుతం రూ.2 వేలు మాత్రమే అందుకుంటున్నామని చెప్పారు. ఈ విషయమై అక్టోబర్‌ 3న విడుదలైన సర్క్యులర్‌ మేరకు అదనపు హెచ్‌ఆర్‌ఏను ఎరియర్స్‌తో సహా విడుదల చేయాలని విన్నవించారు. కార్యక్రమంలో సిబ్బంది కె.రోజారాణి, ఎం.భాని, పార్వతి, వెంకటమ్మ, చిన్నమ్మడు, జయలక్ష్మి తదితరులు పాల్గొన్నారు.

శ్రీకాకుళం క్రైమ్‌ : ఆమదాలవలస మున్సిపాలిటీలోని కొత్త కండ్రపేటకు చెందిన కారుణ్య జగదీష్‌ అనే యువకుడిపై పీఐటీ ఎన్డీపీఎస్‌ (ప్రివెన్షన్‌ ఆఫ్‌ ఇల్లిసిట్‌ ట్రాఫిక్‌ ఇన్‌ నార్కోటిక్‌ డ్రగ్స్‌ అండ్‌ సైకోట్రోపిక్‌ సబ్‌ స్టాన్సెస్‌) యాక్ట్‌ నమోదైంది. రాష్ట్ర రెవెన్యూ (ఎకై ్సజ్‌) శాఖ ప్రిన్సిపల్‌ సెక్రటరీ ముఖేష్‌ కుమార్‌ మీనా ఈ మేరకు ముందస్తు నిర్బంధ (సెక్షన్‌ 3(1)) ఉత్తర్వులు జిల్లా ఎస్పీ కె.వి.మహేశ్వరరెడ్డికి మంగళవారం జారీ చేశారు. జగదీష్‌ ఒడిశా నుంచి గంజాయి కొనుగోలు చేసి జిల్లాలోని వివిధ ప్రాంతాలకే కాక ఇతర జిల్లాల్లోని విద్యార్థులకు, కూలీలకు విక్రయిస్తున్నట్లు ఎస్పీ తన విచారణలో తెలుసుకుని ఉన్నతాధికారులకు నివేదిక పంపారు. దీంతో తక్షణమే విశాఖ సెంట్రల్‌ జైల్‌కు తరలించే ఏర్పాట్లు చేయాలని సంబంధిత శాఖ ఈ ఉత్తర్వులు జారీ చేసింది. రివాల్వర్‌తో కాల్చుకుని జవాన్‌ ఆత్మహత్య మెళియాపుట్టి: భారత సైన్యంలో సుదీర్ఘ కాలంగా సేవలందిస్తూ మరికొద్ది నెలల్లో ఉద్యోగ విరమణ చెంది కుటుంబంతో సంతోషంగా గడపాల్సిన ఆర్మీ జవాన్‌ ఆత్మహత్యకు పాల్పడిన విషాద ఘటన మెళియాపుట్టి మండలంలో చోటుచేసుకుంది. చాపర గ్రామానికి చెందిన ఆర్మీ జవాన్‌ నక్క నారాయణరావు(40) ఆదివారం జమ్మూకాశ్మీర్‌లో సర్వీస్‌ రివాల్వర్‌తో కాల్చుకుని ఆత్మహత్య చేసుకున్నాడు. మృతికి గల కారణాలు తెలియలేదు. నారాయణరావుకు భార్య హైమావతి, ఇద్దరు పిల్లలు ఉన్నారు. మంగళవారం చాపర గ్రామంలో అంత్యక్రియలు నిర్వహించారు. బొలెరోను ఢీకొన్న లారీ మందస: బాలిగాం గ్రామ సమీపంలో జాతీయ రహదారిపై సోమవారం రాత్రి అరటి పండ్ల లోడుతో ఆగి ఉన్న బొలెరో వాహనాన్ని ఓ లారీ ఢీకొట్టింది. ఈ ఘటనలో లారీ డ్రైవర్‌, క్లీనర్‌కు స్వల్ప గాయాలయ్యాయి. బొలెరో వాహనం రాజమండ్రి నుంచి ఒడిశాకు వెళ్తుండగా టైరు పంక్చర్‌ కావడంతో రోడ్డు పక్కన ఆపి ఉంచగా ఈ ప్రమాదం చోటుచేసుకుంది. హైవే పోలీసులు ఘటనా స్థలానికి చేరుకుని క్షతగాత్రులను హరిపురం ప్రభుత్వ ఆస్పత్రికి తరలించారు. ఆటో బోల్తాపడి యువకుడు మృతి రణస్థలం: నారువ గ్రామానికి చెందిన నిద్రబంగి రాంబాబు (21) అనే యువకుడు రోడ్డు ప్రమాదంలో మంగళవారం మృతి చెందాడు. పోలీసులు తెలిపిన వివరాల ప్రకారం.. రాంబాబు స్వగ్రామం నుంచి ఆటోలో కోష్టా వస్తుండగా పైడిపేట శివాలయం సమీపంలో ఆటో బోల్తా పడింది. ఈ ఘటనలో రాంబాబుకు బలమైన గాయం కావడంతో రణస్థలం సీహెచ్‌సీకి తరలించారు. అక్కడి నుంచి మెరుగైన చికిత్స నిమిత్తం శ్రీకాకుళం తీసుకెళ్లగా అక్కడ చికిత్స పొందుతూ మృతి చెందాడు. రాంబాబుకు తల్లిదండ్రులు లక్ష్మీ, అసిరయ్య, తమ్ముడు గణేష్‌ ఉన్నారు. జె.ఆర్‌.పురం ఎస్సై వి.సత్యనారాయణ కేసు నమోదు చేసి దర్యాప్తు చేస్తున్నారు.

నందిగాం: అతి సమస్యాత్మక గ్రామమైన కాపుతెంబూరులో తెలుగుదేశం మూకలు బరితెగించాయి. వైఎస్సార్‌ సీపీ ఎంపీటీసీ అభ్యర్థి ఆసపన్న రాజేశ్వరి ఇంటిపై మంగళవారం దాడి చేసి భయభ్రాంతులకు గురి చేశారు. రాజేశ్వరి భర్త జనార్దనరావు గ్రామంలోని కుమ్మరివీధిలో మరొక వ్యక్తితో కలిసి ప్రచారం చేస్తుండగా తెలుగుదేశం కార్యకర్తలు వచ్చి ఇక్కడ ప్రచారం ఎందుకు చేస్తున్నావంటూ గొడవకు దిగారు. భౌతికదాడికి పాల్పడి ప్రచార కరపత్రాలను చించేశారు. అక్కడి నుంచి జనార్దనరావు ఇంటికి వెళ్లిపోగా, టీడీపీ మూకలు మూకుమ్మడిగా ఇంటి వద్దకు వెళ్లి కర్రలు, రాళ్లతో బీభత్సం సృష్టించారు. విషయం తెలుసుకున్న నందిగాం పోలీసులు గ్రామానికి వెళ్లి అందరినీ చెదరగొట్టారు. పోలీస్‌ పికెటింగ్‌ నిర్వహిస్తున్నా ఏ క్షణాన ఏం జరుగుతుందోనని గ్రామస్తులు భయాందోళన చెందుతున్నారు. పోలీసు ఉన్నతాధికారులు ప్రత్యేక దృష్టి సారించకపోతే ఎన్నికలు సజావుగా జరిగే పరిస్థితి కనిపించడం లేదని చెబుతున్నారు. అధికార బలం ఉందని తెలుగుదేశం వర్గీయులు రెచ్చిపోతున్నారు. కుమ్మరి వీధిలో ప్రచారం చేస్తుంటే గుంపుగా వచ్చి దాడి చేశారు. ఓటమి భయంతో మాపై దాడులు చేసి భయపెట్టాలని చూస్తున్నారు. – ఆసపన్న జనార్దనరావు, కాపుతెంబూరు వైఎస్సార్‌సీపీ ఎంపీటీసీ అభ్యర్థి భర్త

నదులను చేతబట్టి మడపాంలో తవ్విన ఇసుకను లోడింగ్‌ చేస్తున్న దృశ్యం అధికారమిచ్చింది వనరుల దోపిడీకా..! సాక్షి ప్రతినిధి, శ్రీకాకుళం: టీడీపీ నేతలకు ఇసుక పంట పండింది. అధికారంలో చేతిలోకి వచ్చిన మరునాటి నుంచే నదులను దోచేయడం మొదలుపెట్టారు. జిల్లాలో దాదా పు రూ.వెయ్యి కోట్లు అక్రమంగా ఆర్జించినట్లు సమాచారం. వంశధార, నాగావళి, బాహుదా నదుల్లో ఎక్కడికక్కడ అక్రమ తవ్వకాలు చేపట్టి, టిప్పర్లతో తరలించి సొమ్ము చేసుకున్నారు. ఈ క్రమంలో పర్యావరణానికి తూట్లు పొడిచారు. నదుల్లో అడ్డగోలు తవ్వకాలతో నదుల గమనం మారిపోయింది.భూగర్భ జలాలు అడుగంటిపోయి నదీ జలాలు కలుషితమయ్యాయి. వరద నీటితో తీర ప్రాంతాలు ముంపునకు గురయ్యాయి. ఇసుక రవాణాతో రోడ్లు శిథిలమయ్యాయి. పట్టణాలు, గ్రామాలు ఇసుక ధూళితో కాలుష్యం బారిన పడ్డాయి. నేతలకు జేబులు నిండగా, ప్రజలకు కష్టాలు వచ్చాయి. జిల్లాలో టీడీపీ నేతల ఆధ్వర్యంలోనే ఇసుక ర్యాంపు లు నడుస్తున్నాయి. ఆమదాలవలస, పాతపట్నం, ఎచ్చెర్ల, శ్రీకాకుళం, నరసన్నపేట, ఇచ్ఛాపురం నియోజకవర్గాల్లో పెద్ద ఎత్తున అనధికార ర్యాంపులు నిర్వహించారు. వంశధార, నాగావళి నదుల్లో తాగునీటి పైపులు, తాగునీటి బావులు, వంతెనలు, పర్యావరణం సమస్యలను చూడకుండా ఇష్టారీతిన ఇసుకను తోడేస్తున్నారు. కొన్నిచోట్ల ప్రజాప్రతినిధులే సూత్రధారులు కాగా, మరికొన్ని చోట్ల వారి అనుయాయులు ఇసుక దోపిడీ సాగిస్తున్నారు. గతంలో రాత్రిపూటే తవ్వకాలు జరిపేశారు. ఇప్పుడు అఽధికారులు తనిఖీలు, నిఘా లేకపోవడంతో పగలు, రాత్రి తేడా లేకుండా నదులను గుల్ల చేసేస్తున్నారు. అక్కడకక్కడా ఉన్న డీసిల్టేషన్‌ పాయింట్ల ముసుగులో మిగతా చోట్ల తవ్వేస్తున్నారు. జిల్లాలో ఇసుక అక్రమ తవ్వకాలతో నిర్వాహకులకు రూ. కోట్లు కుమ్మరిస్తుంటే.. వారికి సహకరిస్తున్న అధికార వర్గాలకు జేబులు నిండుతున్నాయి. దీంతో అక్రమాలు యథేచ్ఛగా సాగిపోతున్నాయి. శ్రీకాకుళంలో ఇలా.. ● వంశధారనదిలో శ్రీకాకుళం మండలం పొన్నాం, బట్టేరు, నైరా, బైరి, కరజాడ, గార మండల కేంద్రంలో జరుగుతున్నాయి. ● నాగావళి నదిలో కిల్లిపాలెంలో ఇసుక అక్రమ తవ్వకాలు జరుగుతున్నాయి. ఆమదాలవలసలో.. ● ఆమదాలవలస మండలంలోని నాగావళి నదిలో నిమ్మ తొర్లువాడ, తొగరాం, ముద్దాడపేట, కొత్తవలస, దూసి, గోపీనగరం, తోటాడ, అక్కివరం యంత్రాలతో ఇసుక అక్రమ తవ్వకాలు జరుగుతున్నాయి. వంశధార నదిలో చవ్వాకులపేటలో ఇసుక అక్రమ తవ్వకాలు జరుగుతున్నాయి. ● సరుబుజ్జిలి మండలంలోని వంశధార నదిలో పురుషోత్తపురంలో రెండు చోట్ల ఇసుక అక్రమ తవ్వకాలు జరుగుతున్నాయి. ● బూర్జ మండలంలోని నాగావళి నదిలో నారాయణపురం, కాఖండ్యాం, అల్లిన గ్రామా ల్లో ఇసుక అక్రమ తవ్వకాలు జరుగుతున్నాయి. ● పొందూరు మండలంలోని నాగావళి నదిలో సింగూరు, బొడ్డేపల్లి గ్రామాల్లో ఇసుక దోపిడీ దర్జాగా సాగిపోతోంది. పాతపట్నంలో.. ● కొత్తూరు మండలం వంశధార నదిలో బంకి, వస ప, ఆకుల తంపర, మాతల, పొన్నుటూరు గ్రామా ల్లో యంత్రాలతో తవ్వకాలు జరుగుతున్నాయి. ● హిరమండలం మండలంలోని వంశధార భగీరధపురం, రెల్లివలస, పిండ్రువాడలో ఇసుక అక్రమ తవ్వకాలు జరుగుతున్నాయి. ● ఎల్‌ఎన్‌పేట మండలంలోని స్కాట్‌పేట, దబ్బపాడులో ఇసుక అక్రమ తవ్వకాలు జరుగుతున్నాయి. ఇచ్ఛాపురంలో.. ● ఇచ్ఛాపురం మండలంలోని బాహుద నదిలో బిర్లంగి, మశాఖపురం, రత్తకన్న, ఈదుపురం, డొంకూరు గ్రామాల్లోని ఇటుక బట్టీల వెనక జేసీబీలతో ఇసుక అక్రమ తవ్వకాలు జరుపుతున్నారు. నరసన్నపేటలో.. ● నరసన్నపేట మండలంలోని వంశధార నదిలో మడపాం, గోపాలపెంట, చేనువలస, బుచ్చిపేట, వెంకటాపురం గ్రామాల్లో యంత్రాలతో ఇసుక అక్రమ తవ్వకాలు జరుగుతున్నాయి. ● జలుమూరు మండలంలోని వంశధార నదిలో పర్లాం, అందవరం, కొమ్మనాపల్లి, దొంపాకలో ఇసుక అక్రమ తవ్వకాలు జరుగుతున్నాయి. అడ్డొస్తే దాడులు.. బెదిరింపులు జిల్లాలో టీడీపీ ఇసుక మూకలు బరితెగించి దాష్టీకానికి దిగుతున్నాయి. ఆమదాలవలస నియోజకవర్గంలోనైతే అక్రమ తవ్వ కాలను అడ్డుకుంటే చంపేస్తామని బెదిరింపులకు సైతం దిగుతున్నారు. నకిలీ బిల్లులతో రవాణా చేస్తున్న ఇసుక లారీలను క్షుణ్ణంగా తనిఖీ చేయకుండా లంచావతారం ఎత్తిన ఓ అధికారి జిల్లా సరిహద్దులను దాటించేసిన వ్యవహారంపై పెద్ద ఎత్తున చర్చ జరిగింది. బూర్జ మండలం ఈ కాఖండ్యాం ఇసుక ర్యాంపులో జరుగుతున్న అక్రమాలపై మైన్స్‌, ఇరిగేషన్‌, రెవెన్యూ, పోలీస్‌ అధికారులందరికీ ఫిర్యాదు చేయడంతో పాటు నేరుగా అడ్డుకుంటున్నారని సురేష్‌ అనే వ్యక్తిపై ఇసుక మాఫియాకు చెందిన టీడీపీ నాయకులు దాడికి పాల్పడ్డారు. ట్రాక్టర్లకు ఇసుక ఉచితమని ప్రభుత్వం ప్రకటించడంతో కొన్ని ట్రాక్టర్ల ఇసుక కోసం వంశధార నది లోని గార డీసిల్టేషన్‌ పాయింట్‌లోకి వెళ్తే నేరుగా సంబంధిత నిర్వాహకులు అ డ్డుకుని భయబ్రాంతులకు గురి చేశారు. ప్రధాన పత్రిక విలేకర్ల బృందం నరసన్నపేట మండలం గోపాలపెంట ఇసుక ర్యాంపులోకి వెళ్లి ఫొటోలు, వీడియోలు తీసేందుకు యత్నించగా అక్కడి ఇసుక మాఫియా దాడికి యత్నించింది. పొందూరు మండలం బొడ్డేపల్లి గ్రామంలో అనధికారికంగా నడుపుతున్న ర్యాంపును పరిశీలించడానికి వెళ్లి వైఎస్సార్‌సీపీ సమన్వయకర్త చింతాడ రవికుమార్‌ అండ్‌ పార్టీ శ్రేణులను టీడీపీ ఇసుక మూకలు అడ్డుకుని దాడికి ప్రయత్నించాయి. వంశధార, నాగావళి, బాహుదాలో అడ్డగోలుగా తవ్వకాలు అక్రమంగా ఇతర జిల్లాలకు రవాణా అడ్డొచ్చిన వారిపై దాడులు, బెదిరింపులు టీడీపీ నేతలకు కోట్లు కురిపిస్తున్న ఇసుక

వజ్రపుకొత్తూరు రూరల్‌: చీపురుపల్లి పంచాయతీ డెప్పూరులో సోమవారం రాత్రి దొంగతనం జరిగింది. బాధిత కుటుంబ సభ్యులు తెలిపిన వివరాల మేరకు.. కాట నారాయణమ్మ వారం రోజుల క్రితం ముంబైలో ఉన్న కుమార్తె వద్దకు వెళ్లింది. ఇంట్లో ఎవరు లేకపోవడాన్ని గుర్తించిన దుండగులు కట్టర్‌ సాయంతో తలుపులను కట్‌ చేసి లోపలికి ప్రవేశించారు. బీరువా తలుపులు పగలుగొట్టి రూ.50 వేలు నగదు, బంగారం గొలుసు పట్టుకుపోయారు. బాధితరాలి తల్లి సీరం లోలాక్షి ఎప్పటిలాగే ఉదయం పూల కోసం కుమార్తె ఇంటి వైపు వచ్చి చూసేసరికి తలుపులు తెరిచి ఉండటాన్ని గమనించింది. ఇంట్లోకి వెళ్లి చూసేసరికి చోరీ జరిగినట్లు గుర్తించింది. అనంతరం పోలీసులకు సమాచారం అందించారు. కేసు నమోదు చేసి దర్యాప్తు చేస్తున్న ఎస్‌ఐ నీహార్‌ తెలిపారు. వివాహిత ఆత్మహత్య పాతపట్నం: తెంబూరు గ్రామంలోని కండ్రవీధికి చెందిన మండల శారద(23) ఈ నెల 2న ఇంట్లో గడ్డిమందు తాగింది. వెంటనే కుటుంబసభ్యులు ఆటోలో టెక్కలి ఆసుపత్రికి తరలించారు. మెరుగైన వైద్యం కోసం శ్రీకాకుళం రిమ్స్‌కు తీసుకెళ్లగా అక్కడ చికిత్స పొందుతూ మంగళవాం సాయంత్రం మృతి చెందినట్లు ఎస్‌ఐ కె.మధుసూదనరావు తెలిపారు. ఈమె భర్త మండల గిరీశ్వరరావు ఉపాధి కోసం విదేశాల్లో పనిచేస్తున్నారు. కుమార్తె మహాన్య, కుమారుడు మహాంత్‌ ఉన్నారు. అత్త పుష్పలత వేధింపులే కారణమంటూ మృతురాలు తల్లి గాయశ్రీ సావిత్రి ఆరోపిస్తున్నా. ఈ మేరకు కేసు నమోదు చేసి దర్యాప్తు చేస్తున్నామని ఎస్‌ఐ తెలిపారు.

● 30 జెడ్పీటీసీలు, 523 ఎంపీటీసీ స్థానాలకు ఎన్నికలు ● జెడ్పీటీసీ బరిలో 95 మంది, ఎంపిటీసీల బరిలో 1222 మంది ● 16,20,965 మంది గ్రామీణ ఓటర్ల కోసం 2004 పోలింగ్‌ కేంద్రాల్లో ఏర్పాట్లు పూర్తి ● 7న డివిజన్ల వారీగా కౌంటింగ్‌కూ ఏర్పాట్లు మొదలు అరసవల్లి: ‘పరిషత్‌’ పోలింగ్‌కు వేళయ్యింది. గురువారం ఉదయం 7 గంటల నుంచి పోలింగ్‌ కేంద్రాల్లో ఓటు హక్కు వినియోగించుకునేందుకు జిల్లాలో గ్రామీణ ఓటర్ల కోసం జిల్లా ఎన్నికల యంత్రాంగం కట్టుదిట్టమైన ఏర్పాట్లు చేసింది. ఎన్నికల విధుల నిర్వహణకై సిబ్బందికి శిక్షణ ఇచ్చి, తగిన సామగ్రితో సిద్ధం చేసింది. జిల్లా లో మొత్తం ఎన్నికల ప్రక్రియ, నిర్వహణ బా ధ్యతలను కట్టుదిట్టంగా నిర్వహించేలా జిల్లా ఎన్నికల అధికారి, కలెక్టర్‌ స్వప్నిల్‌ దినకర్‌, అదనపు ఎన్నికల అధికారి, జిల్లా పరిషత్‌ సీఈఓ ఆర్‌.వెంకటరామన్‌ తదితర బృందం కసరత్తు పూర్తి చేసింది. అలాగే ఎక్కడా శాంతిభద్రతల సమస్యలు తలెత్తకుండా ఎస్పీ మహేశ్వరరెడ్డి ఆధ్వర్యంలో కట్టుదిట్టమైన బందోబస్తు చర్యలను చేపట్టారు. పోలింగ్‌ కేంద్రాలపై గట్టి నిఘా.. పరిషత్‌ ఎన్నికల్లో భాగంగా మొత్తం 2004 పోలింగ్‌ కేంద్రాలను అధికారులు గుర్తించారు. ఇందులో సమస్యాత్మక కేంద్రాలు 449 కాగా, 308 కేంద్రాలు అత్యంత సమస్యాత్మక కేంద్రాలుగా గుర్తించారు. ఇప్పటికే ఆయా కేంద్రాల వద్ద పోలీసులు బందో బస్తు ప్రాథమిక చర్యలు మొదలుపెట్టేశారు. ఈ పోలింగ్‌ కేంద్రాల వద్ద 757 కేంద్రాల్లో వెబ్‌కాస్టింగ్‌ సదుపాయాన్ని కూడా కల్పించారు. పోలింగ్‌ కోసం 3646 పెద్ద సైజు బ్యాలెట్‌ బాక్సులు, 384 మధ్యస్థాయి సైజు బ్యాలెట్‌ బాక్సులు, 146 చిన్నసైజు బ్యాలెట్‌ బాక్సులను సిద్ధం చేశారు. సిబ్బందికి శిక్షణ పూర్తి.. ఈ నెల 5న జరుగనున్న పోలింగ్‌ అలాగే 7న జర గనున్న కౌంటింగ్‌ ప్రక్రియలకు రాష్ట్ర ఎన్నికల సంఘం ఆదేశాల ప్రకారం 264 రూట్లలో 151 జోన్లుగా ప్రకటించారు. ఈ మేరకు పోలింగ్‌తో పాటు కౌంటింగ్‌లకు ప్రత్యేక శిక్షణ తో కూడిన సిబ్బందిని నియమించారు. ఈ మేరకు 31 మంది రిటర్నింగ్‌ అధికా రులు, 33 మంది సహాయ రిటర్నింగ్‌ అధికారులు, 191 జోనల్‌ అధికారులు, 310 మంది మైక్రో అబ్జర్వర్లను ఎన్నికల అధికారులు నియమించారు. వీరితో పాటు 2004 పోలింగ్‌ కేంద్రాల్లో 2220 మంది ప్రిసైడింగ్‌ అధికారులు (పీఓ), 2219 మంది ఏపీఓలు, ఇతర సిబ్బంది 8898 మందిని నియమించారు. అలాగే ప్రత్యేక వాహనాల కేటాయింపు కూడా చేపట్టారు. 7న మూడు డివిజన్‌ కేంద్రాల్లో కౌంటింగ్‌ గురువారం పోలింగ్‌ ప్రక్రియ ముగియగానే కట్టుదిట్టమైన భద్రతల నడుమ బ్యాలెట్‌ బాక్సులను ఆయా రెవెన్యూ డివిజన్ల కేంద్రాల్లో ప్రత్యేక కౌంటింగ్‌ కేంద్రాల్లో భద్రపరిచేలా ఎన్నికల అధికారులు సన్నాహాలు చేయనున్నారు. ● శ్రీకాకుళం డివిజన్‌ (14) పరిధిలో శ్రీకాకుళం, గార, నరసన్నపేట, పోలాకి, జలుమూరు, ఎచ్చెర్ల, రణస్థలం, లావేరు, జి.సిగడాం, ఆమదాలవలస, బూర్జ, సరుబుజ్జిలి, పొందూరులతో పాటు సారవకోట (ప్రత్యేకంగా) మండలాల్లో జెడ్పీటీసీ, ఎంపీటీసీలకు సంబంధించి శ్రీశివాని ఇంజినీరింగ్‌ కళాశాల–చిలకపాలెం వద్ద కౌంటింగ్‌ నిర్వహించనున్నారు. ● టెక్కలి డివిజన్‌ (09) పరిధిలో టెక్కలి, సంతబొమ్మాళి, కోటబొమ్మాళి, నందిగాం, మెళియాపుట్టి, పాతపట్నం, ఎల్‌ఎన్‌.పేట, కొత్తూరు, హిరమండలం తదితర మండలాలకు చెందిన ఓట్లతో కూడిన బ్యాలెట్‌ బాక్సులను ఆదిత్య ఇంజినీరింగ్‌ కళాశాల (ఐతమ్‌) – కె.కొత్తూరు వద్ద భద్రపరిచి కౌంటింగ్‌ నిర్వహించనున్నారు. ● పలాస డివిజన్‌ (07) పరిఽధిలో పలాస, మందస, వజ్రపుకొత్తూరు, ఇచ్ఛాపురం, సోంపేట, కవిటి, కంచిలి తదితర మండలాలకు చెందిన బ్యాలెట్‌ బాక్సులను పలాస పట్టణంలో ప్రభుత్వ జూనియర్‌ కళాశాల– ప్రభుత్వ ఉన్నత పాఠశాల ప్రాంగణంలో బ్యాలట్‌ బాక్సులను భద్రపరిచి ఈనెల 7న కౌంటింగ్‌ను నిర్వహించనున్నారు. తదుపరి ఎన్నికల ఫలితాలను కూడా ఇదే రోజున అధికారికంగా వెల్లడించనున్నారు. 30 జెడ్పీటీసీలు, 523 ఎంపీటీసీల స్థానాలకు.. జిల్లాలో జెడ్పీటీసీ, ఎంపీటీసీ సాధారణ ఎన్నికల్లో భాగంగా మొత్తం 30 మండలాల్లో 30 జెడ్పీటీసీల స్థానాలకు మొత్తం 95 మంది అభ్యర్థులు పోటీపడుతుండగా, మొత్తం 542 ఎంపీటీసీల స్థానా లకు గాను 19 చోట్ల ఏకగ్రీవం కావడంతో మిగిలిన 523 ఎంపీటీసీ స్థానాలకు గాను మొత్తం 1222 మంది అభ్యర్థులు బరిలో ఉన్నా రు. ఇందుకోసం జిల్లాలో గ్రామీణ ఓటర్లు 16,20,965 మంది కాగా ఇందులో మహిళలు 8,16,164, పురుషులు 8,04,745 మంది, ఇతరులు 56 మంది ఉన్నారు. వీరికి ఓటరు స్లిప్పులు పంపిణీ కూడా జరిగినట్లుగా అధికారులు ప్రకటించారు.

టెక్కలి: టెక్కలి–3 వైఎస్సార్‌సీపీ ఎంపీటీసీ అభ్యర్థి సత్తారు ఉషారాణిపై అదే ప్రాదేశికం టీడీపీ అభ్యర్థి ధవళ ఈశ్వరిబాయి మరిది శ్రీను మంగళవారం దాడికి పాల్పడ్డారు. ఈ సంఘటనపై అభ్యర్థి సత్తారు ఉషారాణి, ఆమె భర్త సత్తారు సత్యం, కుమారుడు పృథ్వీతో పాటు పార్టీ పట్టణ అధ్యక్షుడు తమ్మన్నగారి కిరణ్‌ తదితరులు టెక్కలి పోలీసులకు ఫిర్యాదు చేశారు. ఫిర్యాదులో పేర్కొన్న వివరాలు ప్రకారం.. ఎన్నికల ప్రచారానికి చివరి రోజు కావడంతో, ఉషారాణి తన ప్రాదేశికంలో ప్రచారం చేస్తుండగా టీడీపీ అభ్యర్థి మరిది శ్రీను ఆ ప్రాదేశికానికి చేరుకుని ఆమైపె దురుసుగా ప్రవర్తించడంతో పాటు సెల్‌ఫోన్‌, కరపత్రాలను దౌర్జన్యంగా లాక్కున్నారని అంతే కాకుండా భౌతికంగా దాడి చేశారంటూ ఆ ఫిర్యాదులో పేర్కొన్నారు. పోలింగ్‌ సమీపిస్తున్న నేపథ్యంలో వైఎస్సార్‌సీపీ ఎంపీటీసీ అభ్యర్థులు, వారి కుటుంబ సభ్యులపై టార్గెట్‌ చేస్తూ దౌర్జన్యాలకు పాల్పడుతున్నారంటూ ఆమె ఆవేదన వ్యక్తం చేశారు. సుమారు ఐదు సార్లు ఎంపీటీసీగా గెలుపొందిన తనపై మహిళ అనే కనీస మానవత్వం లేకుండా దాడికి పాల్పడ్డారని వాపోయారు. తనపై దాడికి పాల్పడిన వారిపై చర్యలు తీసుకోవాలని ఫిర్యాదులో కోరారు.

ఆమదాలవలస: ప్రస్తుత వాతావరణ పరిస్థితుల్లో వరి పంటలో తెగుళ్ల నివారణకు రైతులు తగిన జాగ్రత్తలు పాటించాలని కృషి విజ్ఞాన కేంద్రం(కేవీకే) శాస్త్రవేత్తలు సూచించారు. కేవీకే, రిలయన్స్‌ ఫౌండేషన్‌ సంయుక్త ఆధ్వర్యంలో 50 మంది రైతులతో మల్టీ లొకేషన్‌ ఆడియో కాన్ఫరెన్స్‌ మంగళవారం నిర్వహించారు. కేవీకే శాస్త్రవేత్త ఎస్‌.కిరణ్‌కుమార్‌ (సస్య పోషణ), ఎస్‌.అనూష (సస్యరక్షణ) హాజరై వరి ఇతర పంటల్లో ప్రస్తుత సమస్యలు, వాటి నివారణ చర్యలను రైతులకు వివరించారు. వరి పొలాల్లో నిల్వ ఉన్న వర్షపు నీటిని వీలైనంత త్వరగా బయటకు పంపించాలని సూచించారు. నీరు తగ్గిన అనంతరం మాగుడు తెగులు వ్యాప్తిని తగ్గించేందుకు ఎకరాకు 400 మి.లీ.హెక్సకోనాజోల్‌ పిచికారీ చేయాలన్నారు. మానిపండు తెగులు నివారణకు ఎకరాకు 200 మి.లీ. ప్రొపికోనాజోల్‌ పిచికారీ చేయాలని సూచించారు. ఆకు ముడత పురుగు నివారణకు ఎకరాకు 400 గ్రాముల కార్టాప్‌ హైడ్రోక్లోరైడ్‌ను 200 లీటర్ల నీటిలో కలిపి పిచికారీ చేయాలన్నారు. కోతకు సిద్ధమైన కంకుల్లో మొలకలు కనిపిస్తే పొలంలోని నీటిని బయటకు పంపిన అనంతరం లీటరు నీటికి 50 గ్రాముల కల్లుప్పు కలిపిన 5 శాతం ఉప్పు ద్రావణాన్ని పిచికారీ చేయాలని సూచించారు. వరి పంటతో పాటు పత్తి మొక్కజొన్న ఆకు కూరగాయల సాగులో రైతులు ఎదుర్కొంటున్న సమస్యలను కూడా శాస్త్రవేత్తలు తెలుసుకుని తగిన సలహాలు, సూచనలు అందించారు. కార్యక్రమాన్ని ఫౌండేషన్‌ ప్రతినిధి తిరుమలరావు, శ్రీకాకుళం సపోర్టర్‌ బి.లక్ష్మణరావు పాల్గొన్నారు.

టెక్కలి : ఏఐసీటీఈ అటల్‌ అకాడమీ ఆధ్వర్యంలో టెక్కలి ఆదిత్య ఇంజినీరింగ్‌ కళాశాలలో డిసెంబర్‌ 14 నుంచి 19 వరకు జాతీయ స్థాయిలో జరగనున్న అధ్యాపకుల ఆన్‌లైన్‌ శిక్షణ కార్యక్రమానికి సంబంధించి మంగళవారం బ్రోచర్‌ను ఆవిష్కరించారు. కంప్యూటర్‌ సైన్స్‌ ఇంజినీరింగ్‌ అధ్యాపకులకుటెక్నాలజీ, పరిశ్రమల్లో సాంకేతిక పరిజ్ఞానం అంశాలపై శిక్షణ ఇవ్వనున్నట్లు కళాశాల డైరెక్టర్‌ వి.వి.నాగేశ్వరరావు తెలిపారు. కార్యక్రమంలో ప్రిన్సిపాల్‌ ఎ.ఎస్‌.శ్రీనివాసరావు, కో–ఆర్డినేటర్‌ యు.డి.ప్రసన్న, టి.రవికుమార్‌, డీన్లు తదితరులు పాల్గొన్నారు.

నరసన్నపేటలో చెరువులు కనుమరుగు నరసన్నపేట నియోజకవర్గంలో రాజుల చెరు వు, నరసన్న చెరువు, రాతికర్ర చెరువు, పాలకర్ర చెరువు ఇప్పటికే ఆక్రమణకు గురవ్వగా తాజాగా సత్యవరం పరిధిలోని సర్వే నంబర్‌ 412/4లో గల 1.55 ఎకరాల విస్తీర్ణం గల వట్టి బసవన్న చెరువును కళ్లముందే చదును చేసి, కబ్జా చేసేస్తున్నారు. జేసీబీతో చెరువును చదును చేయడమే కాకుండా ఆ చెరువుకు ము రుగునీరు, వర్షపు నీరు వచ్చే డ్రైన్‌ మార్గాన్ని కప్పేశారు. అధికారం ఇచ్చింది భూకబ్జాలకా? సాక్షి ప్రతినిధి, శ్రీకాకుళం: చెరువులను మింగేస్తున్నారు..గెడ్డలను తినేస్తున్నారు..దేవదాయ శాఖ భూమి కనబడితే ఎగబడుతున్నారు.. ప్రభుత్వ స్థలాలను సొంత స్థలాల్లా అనుభవిస్తున్నారు. అధికారం అండతో తెలుగు తమ్ముళ్లు రెచ్చిపోతున్నారు. భూ దందాతో వందల కోట్లు సంపాదిస్తున్నారు. అవినీతి అధికారులతో చేతులుకలిపి పత్రాలు మార్చి జనాలను, యజమానులను ఏమారుస్తున్నారు. పలాసలో ముఠాగా ఏర్పడి.. పలాస నియోజకవర్గంలో కొండలు, గుట్టలు, చెరువులను ఆక్రమిస్తున్న టీడీపీ నాయకులు తీర ప్రాంత భూములను కూడా వదలడం లేదు. సీఆర్‌జెడ్‌(కోస్టల్‌ రెగ్యులేషన్‌ జోన్‌) పరిధిలోని భూములను ప్లాట్లుగా విభజన చేసి విక్రయిస్తున్నారు. కొందరికి వేరే సర్వే నంబర్లతో రిజిస్ట్రేషన్లు చేస్తుండగా, మరికొందరికీ క్రయ దస్తావేజులు రాసి మోసగిస్తున్నారు. వజ్రపుకొత్తూరు మండలం మంచినీళ్లపేట సీఆర్‌జెడ్‌ పరిధిలో మరింత ఎక్కువగా జరుగుతున్నాయి. టీడీపీ నాయకులు చిన్నారావు, ధనరాజ్‌, ప్రకాశరావు, మాణిక్యాలరావు తదితరులు ము ఠాగా ఏర్పడి నకిలీ డాక్యుమెంట్లు, స్టాంపులు, ఫోర్జ రీ సంతకాలతో ప్లాట్ల రిజిస్ట్రేషన్‌ చేయిస్తున్నారు. ఎస్‌ఎంపురంలో కొండలకు గుండు ఎచ్చెర్ల మండలం ఎస్‌ఎంపురంలో రెసిడెన్షియల్‌ స్కూల్‌ సొసైటీకి చెందిన సర్వే నంబర్‌ 112 సబ్‌ డివిజన్‌ 635/2లో భూములను ముగ్గురు దర్జాగా చదును చేసి ఆక్రమించారు. ఈ భూములపై కోర్టు తీర్పు ఉన్నా.. ఖాళీగా ఉందని కొందరు, డీ పట్టా భూమి ఉందని మరొకరు అక్రమంగా చదును చేసేశారు. ఎస్‌ఎంపురంలో కొండలన్నీ ఆక్రమించేశారు. ఈ మొత్తం బాగోతంలో టీడీపీ నాయకుల పాత్ర కనిపిస్తూనే ఉంది. చెరువునూ వదల ‘బొమ్మాళి’ కోటబొమ్మాళి మండల కేంద్రంలో మార్కెట్‌కు ఎదురుగా సర్వే నంబర్‌ 91/2 లో సుమారు 28 ఎకరాల 34 సెంట్లు మేర పెద్ద చెరువు ఉంది. రెవెన్యూ రికార్డుల్లో సైతం చెరువు గర్భంగానే నమోదు చేసి ఉంది. అయితే ఇదే స్థలంలో దశాబ్ద కాలం కిందట టీడీపీ నాయకుడు కొంత మేరకు రైస్‌ మిల్లు ని ర్మాణం చేశారు. తాజాగా అధికారంలోకి వచ్చాక మిగతా భూమిని వశం చేసుకున్నాడు. మరికొంత స్థలంలో రేకుల షెడ్లు వేసుకుని అద్దెలకు కూడా ఇచ్చుకున్నాడు. లావేరులో బరితెగింపు లావేరు మండలం బొడతవలస రెవెన్యూ పరిధిలో సర్వే నంబర్లు 113/1, 113/2, 113/3, 113/4, 113/5, 113/7 గల ప్రభుత్వ భూమిని ఒక టీడీపీ నాయకుడు దర్జాగా చదును చేసి ఆక్రమణలకు పాల్పడ్డారు. లావేరు మండలం బుడతవలస, తా మాడ రెవెన్యూ పరిధిలోని ప్రభుత్వ భూములను, రస్తాను, గెడ్డ పోరంబోకును ఆక్రమించినట్టు రెవె న్యూ ఇన్‌స్పెక్టర్‌, వీఆర్‌ఓలు, గ్రామ సర్వేయర్లు తేల్చారు. బుడతవలస రెవెన్యూ పరిధిలో సర్వే నంబర్లు గల 113/1, 113/2, 113/3, 113/4, 113/5లో గతంలో పలువురికి డీ పట్టాలు ఇచ్చారు. వాళ్లు సాగు చేయకపోవడంతో 4.57 ఎకరాల భూ ములను టీడీపీ నాయకుడు అక్రమంగా చదును చేసేసి అనుభవంలోకి తెచ్చుకున్నారు. ఈ భూములకు ఆనుకుని ఉన్న 28 సెంట్లు ప్రభుత్వ రస్తాను కూడా ఆక్రమించి చదును చేసేశారు. తామాడ రెవెన్యూ పరిధిలోని సర్వే నంబర్‌ 105–1లో సాగునీటి కాలువనూ కొందరు ఆక్రమించారు. మఠం భూములపై పచ్చ గద్దలు ఆమదాలవలస–శ్రీకాకుళం మార్గంలో తోటాడ–అక్కివరం రెవెన్యూ పరిధిలో బావాజీ మఠం భూ ములు ఉన్నాయి. సర్వే నంబర్‌ 121లో దాదాపు 400 ఏళ్ల చరిత్ర గల 199ఎకరాల భూముల్ని సదావత్తుకు(అన్నదానం కోసం) అప్పట్లో కేటాయించారు. వీటిని కొందరు టీడీపీ నాయకులు కబ్జా చేసి, ఆ భూముల చుట్టూ ప్రహరీలు కట్టి, అక్రమ నిర్మాణాలు చేపడుతున్నారు. ఇప్పుడక్కడే సుమారు 5 ఎకరాల భూముల్లో అధికార పార్టీకి చెందిన కొందరు ముఠాగా ఏర్పడి ఏకంగా అనధికార లేఅవుట్‌ వేసేశారు. ఏకంగా స్టాంపు పేపర్లపై విక్రయాలు జరుపుతున్నారు. దేవుడి భూములపై కన్ను పొందూరులో దేవుడి భూములపై కన్నేశారు. శాలిహుండం వేణుగోపా లస్వామి ఆలయ భూ ములు, లక్ష్మీపేట లైన్‌ లోని రామలింగేశ్వరస్వా మి ఆలయం భూ ము లు, సోమలింగేశ్వరస్వా మి ఆలయం భూములు, వెంకటేశ్వరస్వామి ఆల య భూములు కూడా పెద్ద ఎత్తున కబ్జాకు గురయ్యాయి. తాజాగా మల్లికార్జున స్వామి ఆలయ భూములను తప్పుడు డాక్యుమెంట్లు చూపించి, విలువైన ఆలయ భూములను కొట్టేసేందుకు ప్లాన్‌ చేశారు. శ్రీకాకుళంలో కబ్జారాయళ్ల పెత్తనం శ్రీకాకుళంలోని కోట్లాది రూపాయల విలువైన భూములను కబ్జా చేశారు. శ్రీకాకుళం రూరల్‌ పరిధిలోనైతే లెక్కకు మించి ఫిర్యాదులు వస్తున్నాయి. అధికారులు సైతం చోద్యం చూస్తున్నారు.ఎచ్చెర్ల మండలం ఫరీద్‌పేటలో ఆక్రమించి, అక్రమంగా చదును చేసిన నాతన్న చెరువు ఫరీద్‌పేటలో చెరువు కబ్జా ఎచ్చెర్ల మండలం ఫరీద్‌పేటలో బీజేపీ, టీడీపీ నాయకులు కుమ్మకై ్క చెరువును కబ్జా చేసేశారు. జాతీయ రహదారి పక్కన టీడీపీ, బీజేపీ ఒక్కటై నాతన్న చెరువును ఆక్రమించారు. చెరువును చదును చేసి మిగతా మట్టి తీసుకువచ్చి జాతీయ రహదారి పక్కన కోయిరాల జంక్షన్‌ సమీపంలోని ఓ ప్రభుత్వ స్థలంలో వేసి చదును చేసేశారు.

‘బ్రేకింగ్‌ న్యూస్‌.. పలాస జెడ్పీటీసీ వైఎస్సార్‌ సీపీ అభ్యర్థి బి.దుర్యోధనరావుకు భారీ షాక్‌. ఎన్నికల కోసం దొడ్డిదారిన తెచ్చిన రూ. 70లక్షలు పట్టివేత. అతని సమీప బంధువు, చినంచల సర్పంచి అభ్యర్థి ఇంట్లో స్వాధీనం. జిల్లాలో హాట్‌ టాపిక్‌.’ అంటూ పలాసకు చెందిన టీడీపీ సోషల్‌ మీడియా పేజీలన్నీ ఊదరగొట్టేశాయి. ఈ సందేశాలు వెలువడిన అరగంట తర్వాత పోలీసులు ముకుందరావు ఇంటికి తనిఖీలకు వెళ్లినట్లు స్థానికులు చెబుతున్నారు. పోలీసులు చెప్పకుండా నగదు ప్రస్తావించడం, తనిఖీలు జరుగుతుండగానే సోషల్‌ మీడియాలో అబద్ధపు పోస్టింగ్‌లు కనిపించడం అనుమానాలకు తావిచ్చింది.

కాశీబుగ్గ, ఇచ్ఛాపురం :పుర సమరంలో నేడే అంతిమ తీర్పు వెలువడనుంది. పురపాలికను ఏలేదెవ్వరన్నది మంగళవారం మధ్యాహ్నానికల్లా తెలిసిపోనుంది. ఎన్నికల ప్రచారంలో హోరాహోరీగా తలపడిన రాజకీయ పక్షాల భవితవ్యాన్ని ఓట్ల లెక్కింపు తేల్చనుంది. పలాస–కాశీబుగ్గ మున్సిపాలిటీలో మొత్తం 34,667 మంది ఓటర్లు ఇచ్చిన తీర్పు బ్యాలెట్‌ పెట్టెల్లో నిక్షిప్తమై ఉంది. మున్సిపాలిటీ చైర్‌పర్సన్‌ పీఠాన్ని ఆశిస్తున్న ఐదుగురు అభ్యర్థులతో పాటు 36 స్థానాలకు పోటీపడుతున్న 73 మంది కౌన్సిలర్‌ అభ్యర్థుల రాజకీయ భవితవ్యం నేడు తేలనుంది. ఇక ఇచ్ఛాపురం మున్సిపాలిటీలో 20,616 మంది ఓట్లు బ్యాలెట్‌ బాక్సుల్లో నిక్షిప్తమై ఉన్నాయి. మున్సిపాలిటీ చైర్‌పర్సన్‌ పీఠానికి నలుగురు పోటీ పడుతుండగా 28 వార్డులకు గాను అభ్యర్థుల భవితవ్యం నేడు తేలనుంది. సాయంత్రం ఐదింటికల్లా స్పష్టత ఉదయం 8 గంటలకు ఓట్లలెక్కింపు ప్రారంభం కానుంది. సాయంత్రం ఐదు గంటల కల్లా ఫలితాలపై స్పష్టత వచ్చే అవకాశం ఉంది. కౌన్సిలర్‌ స్థానాల్లో వచ్చే ఫలితాలు చైర్‌పర్సన్‌ పీఠం విషయంలో కీలకంగా మారనున్నాయి. పలాస, ఇచ్ఛాపురంలలో ఓట్ల లెక్కింపు సాయంత్రం ఐదింటికల్లా ఫలితాలు ఫలితాలపై సర్వత్రా ఉత్కంఠ

అరసవల్లి: బ్రిక్స్‌ సుస్థిర జీవనశైలి వారోత్సవాలను ఈనెల 1 నుంచి 7వ తేది వరకు నిర్వహిస్తున్నట్లుగా జిల్లా వైద్యారోగ్య శాఖాధికారి డాక్టర్‌ నరేష్‌కుమార్‌ తెలియజేసారు. ఈమేరకు సోమవారం స్థానిక డీఎంహెచ్‌ఓ కార్యాలయం వద్ద వారోత్సవాలను ఆయన ప్రారంభించారు. ఈ సందర్భంగా సిబ్బందితో ప్రతిజ్ఞ చేయించి ..ఏడు రోజుల కార్యక్రమ షెడ్యూల్‌ను విడుదల చేశారు. మంగళవారం ఉదయం నుంచి ఇంధన పొదుపు అంశంపై అవగాహన కార్యక్రమాన్ని నిర్వహించనున్నట్లుగా ఆయన ప్రకటించారు. సుస్థిర జీవన శైలిలో ఆచరణలో పెట్టాల్సిన ఏడు అంశాలను ఏడు రోజుల్లో అవగాహన కల్పించేలా షెడ్యూల్‌ను జిల్లాలో అన్ని పీహెచ్‌సీలు, యూపీహెచ్‌సీల్లో అమలు చేయాలని తద్వారా ప్రజలకు అవగాహన కల్పించేలా చర్యలు చేపట్టాలని ఆయన సూచించారు.

కొత్తూరు మండలంలోని సిరుసువాడ– కుంటిభద్ర రోడ్డు పనులను గత ఏడాది మార్చి 27 తేదీన ప్రారంభించారు. ఈ రోడ్డు కోసం రూ.2 కోట్లు అంచనా వేసి రూ.75 లక్షలు ఖర్చు చేశారట. ఏడాదిన్నర తిరిగేసరికి రోడ్డు పరిస్థితి ఇలా ఉంది. రోడ్డు మీద మెటల్‌ తేలిపోవడంతో వాహనాలు రాకపోకలకు ఇబ్బందులు ఎదురవుతున్నాయి. – కొత్తూరు పొగిరి–జి.సిగడాం గ్రామాల మధ్యలో రహదారి జి.సిగడాం నుంచి పలు గ్రామాలకు వెళ్లాలంటే ప్రహసనంలా మారుతోంది. జి.సిగడాం నుండి వెంకయ్యపేట, జాడ నుంచి జగన్నాథవలస సేతుభీమవరం నుంచి గెడ్డకంచరాం, పొగిరి నుంచి జి.సిగడాం గ్రామాల మద్య భారీ గోతులు ఏర్పడ్డాయి. చినుక పడ్డా, చీకటి పడినా ఇటువైపుగా రాలేం. జి.సిగడాం–పొగిరి గ్రామాల సమీపంలో రెండు అడుగుల లోతులో భారీగా గోతులు కావడంతో ఇబ్బందులు తప్పడం లేదు. – జి.సిగడాం ముౖప్పె గ్రామాలకు ప్రధాన రహదారి అయిన నరసన్నపేట–జలుమూరు రోడ్డులో ఓ భాగమిది. నరసన్నపేట నుంచి కంబకాయ వరకు రోడ్డు పూర్తిగా పాడైపోయింది. ఎక్కడికక్కడ గోతులు, రాళ్లు తేలి నడిచేందుకు ఇబ్బందిగా ఉంది. వానలకు రోడ్డు మరింతగా శిథిలమైంది. నిధులు వచ్చాయని చెబుతున్నారు తప్ప పనులు చేసిన దాఖలాలు లేవు. – నరసన్నపేట

● సాయంత్రం 5 తర్వాత ప్రచారాలన్నీ ఆపాల్సిందే ● స్థానికేతరులంతా స్థానిక ప్రాంతాలను వీడివెళ్లాలి ● పోలింగ్‌ ముగిసేంత వరకు మద్యం విక్రయాలకూ బ్రేక్‌ ● జిల్లా ఎన్నికల అధికారి, కలెక్టర్‌ స్వప్నిల్‌ దినకర్‌ పుండ్కర్‌ అరసవల్లి: పల్లెల్లో పరిషత్‌ ఎన్నికల ప్రచారానికి నేటి సాయంత్రంతో గడువు తీరనుంది. జిల్లాలో ఎంపీటీసీ, జెడ్పీటీసీ సభ్యుల స్థానాలకు ఈనెల 5న ఎన్నికలు జరగనున్న నేపథ్యంలో ప్రచారాలకు రాష్ట్ర ఎన్నికల సంఘం నిబంధనల ప్రకారం మంగళవారం సాయంత్రం 5 గంట ల నుంచి తెరపడనుంది. పోలింగ్‌ ముగిసే సమయానికి 48 గంటల ముందు నుంచే ప్రచార గడువు ముగుస్తుందని, ఈ మేరకు ఎన్నికల బరిలో ఉన్న అభ్యర్థులంతా ఈ ఎన్నికల నిబంధనలను కచ్చితంగా పాటించాలని జిల్లా ఎన్నికల అధికారి, కలెక్టర్‌ స్వప్నిల్‌ దినకర్‌ పుండ్కర్‌ ప్రకటించారు. అలాగే జిల్లాలో ఎన్నికలు జరిగే సంబంధిత ప్రాదేశిక నియోజకవర్గాల్లో ఓటు హక్కు లేని రాజకీయ నాయకులు, స్టార్‌ క్యాంపెయినర్లు, ఇతర ప్రాంతాల నుంచి వచ్చిన కార్యకర్తలు మంగళవారం సాయంత్రం 5 గంటల్లోపు ఆయా ప్రాంతాలను విడిచి వెళ్లిపోవాలని ఆదేశించారు. అలాగే మండల కేంద్రాల్లో లాడ్జిలు, కల్యా ణ మండపాలు, కమ్యూనిటీ భవనాలు, పైవేటు వసతి గదుల్లో పోలీసులు, ఫ్లయింగ్‌ స్క్వాడ్స్‌ బృందాలు తనిఖీలు నిర్వహించి, నిబంధనలకు విరుద్ధంగా బయట వ్యక్తులు ఆశ్రయం పొందితే.. వారిపై, అలాగే ఆ యాజమాన్యాలపై కేసులు నమోదు చేస్తామని కలెక్టర్‌ హెచ్చరికలు జారీ చేశారు. అలాగే మంగళవారం సాయంత్రం 5 గంటల తర్వాత ఎట్టి పరిస్థితుల్లోనూ ప్ర చారాలతో పాటు మైకుల వినియోగం, ర్యాలీలు, రోడ్‌షో లపై ఆంక్షలు అమల్లోకి వస్తాయని, ఇలాంటి ప్రచారాలు సైతం ఎన్నికల నిబంధనల అతిక్రమణలోకి వస్తాయని గుర్తుచేశారు. సోషల్‌ మీడియాల్లో ఓటర్లను ప్రలోభ పెట్టే సందేశాలు పంపడంపై సైబర్‌ విభాగం గట్టి నిఘా ఉంచుతుందని పేర్కొన్నారు. ప్రచారాల ముగింపు నుంచి మద్యంపై నిషేధం ఉంటుందన్నారు.

సంతబొమ్మాళి: మండలంలోని చిన్నతుంగాం పంచాయతీ పెద్ద తుంగాం గ్రామానికి చెందిన టీడీపీ నాయకుడు అంగ మోహన్‌రావుతో పాటు సుమారు 50 మంది టీడీపీ కార్యకర్తలు వైఎస్సార్‌సీపీలో సోమవారం చేశారు. వైఎస్సార్‌సీపీ రాష్ట్ర సహాయ కార్యదర్శి, మాజీ జెడ్పీటీసీ పాల వసంతరెడ్డి ఆధ్వర్యంలో వీరందరూ పార్టీ తీర్థం పుచ్చుకున్నారు. జోరువానలో కూడా పార్టీలో చేరికలపై వైఎస్సార్‌సీపీ శ్రేణులు ఆనందం వ్యక్తం చేస్తున్నారు. జగనన్నతోనే అభివృద్ధి, సంక్షేమం సాధ్యమని పార్టీలో చేరినవారు అన్నారు. కార్యక్రమంలో వైఎస్సార్‌సీపీ ఎంపీటీసీ అభ్యర్థి కాని జగ్గారావు, తంగి బాబురావు, కాపు గోదాయవలస మాజీ సర్పంచ్‌ అంగ లక్ష్మి జనార్థన్‌, అంగ మల్లేశు, కె.కిరణ్‌, వెంకటరమణ, బాలక రామారావు తదితరులు పాల్గొన్నారు. టీడీపీ మండలాధ్యక్షుడి భార్య చేరిక ఇచ్ఛాపురం రూరల్‌: మండలంలోని పాయితారి గ్రామ పంచాయతీ మాజీ సర్పంచ్‌, టీడీపీ మండల అధ్యక్షుడు లోపింటి పద్మనాభం భార్య లోపింటి లక్ష్మీ తన అనుచరులతో వైఎస్సార్‌సీపీ తీర్థం పుచ్చుకున్నారు. సోమవారం కొళిగాం వైఎస్సార్‌సీపీ ఎంపీటీసీ అభ్యర్థి లోపింటి భారతీ దీనబందు ఆధ్వర్యంలో బీసీ సెల్‌ రాష్ట్ర కార్యదర్శి నర్తు నరేంద్ర పార్టీ కండువా వేసి లోపింటి లక్ష్మీని పార్టీలోకి ఆహ్వానించారు. కూటమి ప్రభుత్వం అనుసరిస్తున్న విధానాలు, ప్రజావ్యతిరేక కార్యక్రమాలు నచ్చక వైఎస్సార్‌సీపీ పార్టీలో తన అనుచరులతో కలిసి చేరుతున్నట్లు ఆమె తెలిపారు. కార్యక్రమంలో మండల పార్టీ అధ్యక్షుడు ఆశి కృష్ణారెడ్డి, బొబ్బిలి దేవరాజు, వలపల వెంకటమరణ తదితరులు పాల్గొన్నారు. నరసన్నపేట: మండలంలోని నర్శింగరాయుడుపేటకు చెందిన బీజేపీ నాయకుడు ముద్దాడ సింహాచలం వైఎస్సార్‌సీపీలో చేరారు. సోమవారం సాయంత్రం మబగాంలో పార్టీ జిల్లా అధ్యక్షుడు ధర్మాన కృష్ణదాస్‌ సింహాచలంకు కండువా వేసి పార్టీలోకి ఆహ్వానించారు. జెడ్పీటీసీ అభ్యర్థి పంచిరెడ్డి సత్యం ప్రోత్సాహంతో వైఎస్సార్‌సీపీలో చేరుతున్నట్లు ముద్దాడ సింహాచలం ప్రకటించారు. ఈయన చేరికతో కొత్తపోలవలస పంచాయతీలో పార్టీ మరింత బలోపేతం అవుతుందని స్థానిక నాయకులు ఆశాభావం వ్యక్తం చేస్తున్నారు.

ఎల్‌.ఎన్‌.పేట: మండలంలోని స్థానిక సంస్థల ఎన్నికల నిర్వహణ అధికారుల తీరుపై అంగన్‌వాడీ కార్యకర్తలు సోమవారం ఆగ్రహం వ్యక్తం చేశారు. మండలంలోని 61 మంది అంగన్‌వాడీ కార్యకర్తలకు ఓపీఓలుగా ఎన్నికల బాధ్యతలు అప్పగించారు. దీంతో ఆర్డర్‌ కాపీ తీసుకుని పోస్టల్‌ బ్యాలెట్‌ ఓటు వేసేందుకు ఎంపీడీవో కార్యాలయంలో ఆర్వో గది వద్దకు సుమారు 11 గంటలకు చేరుకుని క్యూలైన్‌లో నిల్చున్నామని అంగన్‌వాడీ కార్యకర్తలు తెలిపారు. తమకు తప్ప పోస్టల్‌ బ్యాలెట్‌ కోసం వచ్చిన మిగతా వారందరికీ అక్కడ సిబ్బంది ఓటు వేసేందుకు అవకాశం కల్పిస్తూ లోపలికి పంపించారని అంగన్‌వాడీ కార్యకర్తలు ఆవేదన వ్యక్తం చేశారు. తమకు సరిగ్గా పోస్టల్‌ బ్యాలెట్‌ నింపడం రాదని వేచి ఉంచి, సమయం మించిపోయిందని సాయంత్రం 5 గంటల తర్వాత ఇంటికి వెళ్లిపోయి రేపు రావాలని అధికారులు సూచించడంపై మండిపడ్డారు. తమకు సోమవారం పోస్టల్‌ బ్యాలెట్‌ కోసం సమాచారం వచ్చిందని.. ఎవరో ఒకరికి సహాయకులుగా ఇచ్చి ఒక్క పోస్టల్‌ బ్యాలెట్‌ నింపినా మిగతావి మేము నింపుకునే వారమని ఆగ్రహం వ్యక్తం చేశారు. ఈ విషయాన్ని ఏఆర్వో పైడి శ్రీనివాసరావు వద్ద ప్రస్తావించగా సరిగ్గా పోస్టల్‌ బ్యాలెట్‌ నింపడం రాకపోవడం వలనే సమస్య వచ్చిందని, రేపు వచ్చి పోస్టల్‌ బ్యాలెట్‌ ఓటు వేసుకోవచ్చునని తెలిపారు.

● ఎంపీపీ పదవి తెచ్చిన తంటా ● టీడీపీ ప్రచార వాహనం నిర్బంధంరణస్థలం: టీడీపీలో తెలుగు తమ్ముళ్ల అధిపత్య పోరు రణస్థలంలో తారాస్థాయికి చేరింది. ప్రధానంగా ఇంకా గెలవకముందే ఎంపీపీ పదవికి నేనేంటే నేను అన్నట్లు పోటీ పడుతున్నారు. ఎంపీపీ పదవి కోసం ఎంపీటీసీల నోటిఫికేషన్‌కు ఆర్నెల్ల ముందు నుంచే తమదేనంటూ చెప్పుకున్నారు. చివరకు నామినేషన్ల ప్రక్రియ పూర్తయిన తర్వాత ఎచ్చెర్ల టీడీపీ ఇన్‌చార్జి లంక శ్యామ్‌, ఎమ్మెల్యే ఎన్‌.ఈశ్వరరావుల సమక్షంలో ముగ్గురుకి ఐదేళ్లు పంచిపెట్టారు. రావాడకు చెందిన లంక ప్రభాకర్‌కు రెండేళ్లు, కోష్టకు చెందిన పిషిణి జగన్నాథంకు రెండేళ్లు, రణస్థలంకు చెందిన పిన్నింటి భానోజీనాయుడుకు చివరి ఏడాది అని చెప్పి సర్దుబాటు చేశారు. గెలవక ముందే బెదిరింపులు ఇదిలా ఉండగా ఆదివారం సాయంత్రం పిషిణి జగన్నాథంకు చెందిన ప్రచారం రథం రావాడ గ్రామంలోనికి ప్రచారానికి వచ్చింది. అందులో టీడీపీ ఎంపీపీ అభ్యర్థి పిషిణి జగన్నాథంకు ఓటెయ్యండని గ్రామంలో తిరుగుతుండగా.. స్థానిక రావాడకు చెందిన మరో ఎంపీపీ అభ్యర్థి లంక ప్రభ వర్గీయులు ప్రచార వాహనాన్ని నిలిపివేశారు. మొదట మా నాయకుడు లంక ప్రభాకర్‌కే ఎంపీపీ పదవి వస్తుంటే మీరు ఇక్కడ ఎందుకు ప్రచారం చేస్తున్నారంటూ ప్రచార వాహనం నిలిపివేశారు. స్థానిక జేఆర్‌పురం ఎస్‌ఐ వి.సత్యనారాయణ, పోలీస్‌ సిబ్బంది ప్రచార వాహనం విడిచిపెట్టాలని చెప్పినా.. పంతంతో రాత్రంతా రావాడలోనే వాహనాన్ని నిర్భందించారు. అనంతరం ఉదయం నియోజకవర్గ పెద్దల దగ్గర పంచాయతీ పెట్టి వివాదాన్ని సద్దుమణిగించారు. అప్పటికే ప్రచార వాహనం టైర్లలో గాలి తీసివేశారు. వాహనం కొంతభాగం డ్యామేజీ కూడా చేశారు. దీంతో గెలవకముందే టీడీపీలోనే ఇంత దారుణమైన అరాచకం ఉంటే.. సామన్య ప్రజలను ఎంతగా బెదిరిస్తారో ఉహించుకోవాలని మండల వాసులు ఆరోపిస్తున్నారు. ప్రశాంత ఎన్నికలకు విఘాతం కల్గించే ఇటువంటి అభ్యర్థులను గెలిపిస్తే శాంతి భద్రతలకు విఘాతం కలుగుతుందని రాజకీయ విశ్లేశకులు పేర్కొంటున్నారు.

చంద్రబాబు సర్కారు అసమర్థతకు సాక్ష్యంగా అధ్వాన రోడ్లు● రూ.కోట్లు ఖర్చయినా నెరవేరని లక్ష్యం ● పండుగ నేతలకు.. అవస్థ పల్లెలకు అన్నట్టు దుస్థితి● అడుగుకో గొయ్యి ● ప్రయాణం.. ప్రమాదం ● నిధులు వచ్చినా.. పనులు సాగునా..? లావేరు మండలం బెజ్జిపురం జంక్షన్‌ నుంచి బెజ్జిపురం మీదుగా బుడతవలస వరకు సుమారు 2 కిలో మీటర్ల దూరం బీటీ రోడ్డు నిర్మించారు. కానీ హడావుడి పనుల వల్ల రోడ్డు ఇలా మారిపోయింది. బెజ్జిపురం దేవులవాని చెరువు నుంచి గ్రామం వరకు సీసీ రోడ్డు వేయక పోవడంతో ఈ దారంతా గోతులమయమైంది. – లావేరు

ఆమదాలవలస: ప్రస్తుతం కురుస్తున్న వర్షాల కారణంగా వరి పంట పొలాలకు నష్టం వాటిల్లే ప్రమాదం ఉందని, పొలాల నుంచి వర్షపు నీటిని వెంటనే తొలగించాలని తొగరాం వ్యవసాయ పాలిటెక్నిక్‌ కళాశాల ప్రిన్సిపాల్‌, శాస్త్రవేత్త డాక్టర్‌ నీలవేణి రైతులకు సూచించారు. సోమవారం రిలయన్స్‌ ఫౌండేషన్‌ ద్వారా మల్టీ లొకేషన్‌ ఆడియో కాన్ఫరెన్‌న్స్‌లో కృషి విజ్ఞాన కేంద్రం నుంచి 60 మంది పైగా రైతులకు పంటలపై సలహాలు అందించి వారి సందేహాలు నివృత్తి చేశారు. ప్రస్తుత వాతావరణ పరిస్థితుల్లో వరి పంటలో తీసుకోవాల్సిన జాగ్రత్తలు వివరించారు. నీరు తగ్గిన తర్వాత హెక్సకోనాజోల్‌ 400 మిల్లీమీటర్లు ఎకరాకు పిచికారీ చేయడం ద్వారా మాగుడు తెగులు వ్యాప్తి తగ్గుతుందన్నారు. మానిపండు తెగులు వ్యాప్తి నివారించడానికి ఎకరాకు 200 మిల్లీలీటర్లు ప్రొపీకోనాజోల్‌ పిచికారి చేయాలన్నారు. ఆకు ముడత పురుగు నివారణకు ఎకరాకు కార్టాప్‌ హైడ్రోక్లోరైడ్‌ 400 గ్రాములు 200 లీటర్ల నీటిలో కలిపి పిచికారి చేయాలని సూచించారు.

నరసన్నపేట: మండలంలోని గుండవల్లిపేటలో ఎన్‌హెచ్‌ రోడ్డుకు ఆనుకొని ఉన్న చంద్రమౌళీశ్వరాలయంతో పాటు పక్కనే ఉన్న అమ్మవారి ఆలయంలో సోమవారం వేకువజామున గుర్తు తెలియని వ్యక్తులు చోరీకి పాల్పడ్డారు. ఈశ్వరాలయం వెనుక ఉన్న గదిలో భద్రపరిచిన వివిధ వెండి అలంకరణ వస్తువులు, చిన్న విగ్రహాలు దొంగలించారు. ఈ వస్తువులు అరకేజీ వరకూ ఉంటాయని అంచనా. అలాగే అమ్మవారి ఆలయం ప్రాంగణంలో ఉన్న హుండీలో డబ్బును కొల్లగొట్టారు. ఈ మేరకు అర్చకులు ఇచ్చిన ఫిర్యాదు మేరకు క్లూస్‌ టీం సభ్యులు వచ్చి వేలిముద్రలు సేకరించారు. మల్లన్న ఆలయంలో చోరీ ● ఆలస్యంలో వెలుగులోకి వచ్చిన ఘటన టెక్కలి రూరల్‌: ప్రముఖ పుణ్యక్షేత్రమైన రావివలస ఎండల మల్లిఖార్జున స్వామి దేవాలయంలోని హుండీ చోరీకి గురైనట్లు సోమవారం ఆలయ సిబ్బంది గుర్తించారు. ఆలయంలోని హుండీ గత నెల 29వ తేదీన వర్షం పడుతుండడం వలన విద్యుత్‌ సరఫరా సరిగా లేకపోవడంతో గుర్తు తెలియని వ్యక్తులు హుండీ తాళం విరగొట్టి నగదు చోరీకి పాల్పడి ఉంటారని సిబ్బంది భావిస్తున్నారు. అయితే గత నెల 29వ తేదీన చోరీ జరిగినప్పటికీ ఇంతవరకు దానిని గుర్తించకపోవడం గమనార్హం. ఇదిలా ఉండగా ఆలయంలో సీసీ కెమెరాలు సైతం కొద్దిరోజులుగా పని చేయకపోవడంతో భద్రతపై పలు అనుమానాలు వ్యక్తమవుతున్నాయి. అయితే ఈ చోరీ విషయాన్ని గ్రామస్తులకు సైతం తెలియకుండా గోప్యంగా ఉంచడానికి కారణమేంటని స్థానికులు ప్రశ్నిస్తున్నారు. సత్యనారాయణకు గుర్తింపుశ్రీకాకుళం కల్చరల్‌: శ్రీకాకుళంనకు చెందిన డోలు విద్యాంసుడు ఆచంటి సత్యనారాయణ ఆల్‌ ఇండియా రేడియో సంగీత పరీక్షల్లో (ఆకాశవాణి) ‘ఏ– గ్రేడ్‌’ సర్టిఫికెట్‌ సాధించారు. విజయనగరంలోని సంగీత కళాశాలలో డోలు విద్వాంసునిగా డిప్లొమా పూర్తిచేసి, విశాఖపట్నంలోని కుర్మాపు గోవిందరావు శిక్షణలో శిష్యుడుగా ఉన్నారు. సత్యనారాయణకు సిక్కోలు సంగీత కళాకారులు, కిల్లపాలెం గ్రామ పెద్దలు, ప్రజలు అభినందనలు తెలియజేశారు. సత్తాచాటిన విద్యార్థులుఎచ్చెర్ల: శ్రీకాకుళం ఆర్‌జీయూకేటీలో ప్రతిష్టాత్మకంగా నిర్వహిస్తున్న క్విస్కిట్‌ ఫాల్‌ ఫెస్ట్‌–2026లో భాగంగా హ్యాక్‌థాన్‌ కార్యక్రమాన్ని ఘనంగా సోమవారంతో ముగించారు. దీనిలో వివిధ కళాశాలలకు చెందిన విద్యార్థులు ఉత్సాహంగా పాల్గొన్నారు. ఐదు రోజులు పాటు కొనసాగిన ఈ సాంకేతిక ఉత్సవంలో దేశవ్యాప్తంగా వివిధ ప్రాంతాల నుంచి పలువురు ప్రముఖ వ్యక్తలు, క్వాంటమ్‌ రంగ నిపుణులు పాల్గొని విద్యార్థులకు ప్రత్యేక శిక్షణా తరగతులు, అవగాహన కార్యక్రమాలు నిర్వహించారు. తమ అనుభవాలను పంచుకుంటూ విద్యార్థులను నూతన సాంకేతిక పరిజ్ఞానం క్వాంటమ్‌ టెక్నాలజీ వైపు ప్రోత్సహించారు. ఈ హ్యాకథాన్‌లో ఆర్జీయూకేటీ విద్యార్థులు ప్రథమ, ద్వితీయ, తృతీయ స్థానాలను కై వసం చేసుకొని సత్తాచాటారు. కార్యక్రమంలో డైరెక్టర్‌ ప్రొఫెసర్‌ గిరిధర్‌ మద్రాస్‌, పరిపాలనాధికారి డాక్టర్‌ శివరామకృష్ణ, ఫైనాన్స్‌ అధికారి వాసు, డీన్‌ డాక్టర్‌ శివరామకృష్ణ తదితరులు పాల్గొన్నారు.

శ్రీకాకుళం పాతబస్టాండ్‌: విద్యార్థినులు చట్టాలపై సమగ్ర అవగాహన పెంచుకున్నప్పుడే సమాజంలో ఆత్మవిశ్వాసంతో ముందడుగు వేయగలరని జిల్లా న్యాయ సేవాధికార సంస్థ కార్యదర్శి కె.హరిబాబు అన్నారు. జాతీయ, రాష్ట్ర న్యాయ సేవాధికార సంస్థల ఆదేశాల మేరకు నవంబర్‌ 9న జరిగే న్యాయసేవా దినోత్సవ వారోత్సవాలను పురస్కరించుకుని సోమవారం నగరంలోని ప్రభుత్వ మహిళా జూనియర్‌ కళాశాలలో న్యాయ విజ్ఞాన సదస్సు నిర్వహించారు. ఈ సందర్భంగా ఆయన మాట్లాడుతూ మహిళలు, చిన్నారులు, ఎస్సీ, ఎస్టీలు, నిరుపేదలకు ఉచిత న్యాయ సహాయం అందుతుందని, అవసరమైన వారు 15100 టోల్‌ ఫ్రీ నంబరును సంప్రదించాలని సూచించారు. బాల్య వివాహాలు చేయడం చట్టరీత్యా నేరమని, పోక్సో చట్టం ద్వారా చిన్నారులపై లైంగిక వేధింపులకు పాల్పడేవారికి కఠిన శిక్షలు పడతాయని హెచ్చరించారు. గృహహింస, వరకట్న వేధింపుల నిరోధక చట్టాలు, షీ టీమ్స్‌ సేవలపై వివరిస్తూ, కళాశాలల్లో ర్యాగింగ్‌కు పాల్పడితే కఠిన చర్యలు తప్పవని స్పష్టం చేశారు. సామాజిక మాధ్యమాల్లో అపరిచితులతో అప్రమత్తంగా ఉండాలని, ఎవరికీ ఓటీపీలు, పాస్‌వర్డ్‌లు చెప్పకూడదని హెచ్చరించారు. సైబర్‌ మోసాలు జరిగితే తక్షణమే 1930 నంబర్‌కు ఫిర్యాదు చేయాలని సూచించారు. వివాదాలను రాజీ మార్గంలో వేగంగా, పైసా ఖర్చు లేకుండా పరిష్కరించుకోవడానికి డిసెంబర్‌లో జరిగే జాతీయ లోక్‌ అదాలత్‌ను ప్రజలు సద్వినియోగం చేసుకోవాలని కోరారు. ఆపద సమయాల్లో పోలీసు సహాయం కోసం 100, మహిళా హెల్ప్‌లైన్‌ 181, చిన్నారుల రక్షణకు 1098 నంబర్లను ఉపయోగించుకోవాలని పిలుపునిచ్చారు. కార్యక్రమంలో లీగల్‌ ఎయిడ్‌ డిఫెన్స్‌ కౌన్సిల్‌ చీఫ్‌, ప్యానెల్‌ న్యాయవాది జి.ఇందిరా ప్రసాద్‌, కళాశాల ప్రిన్సిపాల్‌ ఎం.కృష్ణవేణి తదితరులు పాల్గొన్నారు.

సంతబొమ్మాళి: రాజకీయ కక్షను పచ్చని పంట పొలంపై టీడీపీ నాయకుడు చూపించడంపై విమర్శలు వ్యక్తమవుతున్నాయి. వివరాల్లోకి వెళ్తే.. సంతబొమ్మాళి గ్రామానికి చెందిన వైఎస్సార్‌సీపీ కార్యకర్త వాదాల దుర్గారావుకు చెందిన వరిపొలం గట్టును.. అదే గ్రామానికి చెందిన టీడీపీ నాయకుడు నరికివేశాడని బాధితుడు చెబుతున్నాడు. గట్టు తొలగించడంతో ఇటీవల కురిసిన వర్షాలకు మట్టి మొత్తం పక్కనే ఉన్న పచ్చని వరిచేలపైకి చేరి పంటకు నష్టం వాటిళ్లిందని దుర్గారావు ఆవేదన వ్యక్తం చేశారు. గట్టు నరికివేయడంతో ఇబ్బందులు ఎదుర్కొన్న ఆయన కూలీలను పెట్టి బస్తాలతో తాత్కాలికంగా గట్టును పునరుద్ధరించుకున్నారు. అయితే రాజకీయ విభేదాలను వ్యక్తిగతంగా తీసుకుని పంటపొలాలపై కక్ష సాధింపు చర్యలకు పాల్పడడం ఎంతవరకు సమంజసమని ప్రశ్నించారు. రైతుల కష్టాన్ని దెబ్బతీసే ఇలాంటి చర్యలు సభ్య సమాజం తలదించుకునేలా ఉన్నాయని ఆగ్రహం వ్యక్తం చేశారు.

● పార్టీ జిల్లా అధ్యక్షుడు ధర్మాన కృష్ణదాస్‌ కంచిలి: ఇచ్ఛాపురం మున్సిపాలిటీ ఓటర్లు వైఎస్సా ర్‌ కాంగ్రెస్‌ పార్టీకి అనుకూలంగా ఉన్నారని పోలింగ్‌ సరళిని బట్టి అర్థమవుతోందని పార్టీ జిల్లా అధ్య క్షుడు ధర్మాన కృష్ణదాస్‌ అన్నారు. ఆదివారం జరిగిన మున్సిపల్‌ పోలింగ్‌ సరళిని పరిశీలించిన అనంతరం నియోజకవర్గ పార్టీ కార్యాలయంలో విలేకర్లతో మాట్లాడారు. పోలింగ్‌ జరిగిన మున్సిపల్‌ చైర్‌పర్సన్‌తోపాటు 27 వార్డుల్లో అత్యధిక స్థానాలను కై వసం చేసుకుంటామని కృష్ణదాస్‌ ధీమా వ్యక్తం చేశారు. రెండున్నరేళ్ల కూటమి పాలనలో ఎలాంటి అభివృద్ధి, సంక్షేమం జరగలేదని పుర ప్రజలు గమనించారని, ప్రతిపక్ష హోదాలో ఉన్న వైఎస్సార్‌ సీపీ అభ్యర్థులకు పట్టం కట్టబోతున్నారనేది పోలింగ్‌ సరళిలో స్పష్టమైందని జిల్లా పార్టీ పరిశీలకుడు కుంభా రవిబాబు పేర్కొన్నారు. ఈ ఎన్నిక ద్వారా కూటమి పార్టీలకు బుద్ధి చెబుతున్నారని ఎమ్మెల్సీ నర్తు రామారావు ధీమా వ్యక్తం చేశారు. సమావేశంలో పార్టీ నియోజకవర్గ సమన్వయకర్త సాడి శ్యామ్‌ ప్రసాద్‌రెడ్డి, జెడ్పీ మాజీ చైర్‌పర్సన్‌ పిరియా విజయ, మాజీ ఎమ్మెల్యే, సీఈసీ సభ్యుడు పిరియా సాయిరాజ్‌, పార్టీ రాష్ట్ర విభాగం కార్యదర్శి నర్తు నరేంద్రయాదవ్‌, పార్టీ జిల్లా మహిళా విభాగం అధ్యక్షురాలు ఉలాల భారతి దివ్య, మున్సిపల్‌ మాజీ చైర్‌పర్సన్‌ లాభాల స్వర్ణమణి, సీనియర్‌ నేత చాట్ల తులసీదాస్‌, వి.అరుణరెడ్డి పాల్గొన్నారు.

శ్రీకాకుళం క్రైమ్‌ : జిల్లాలోని ఇచ్ఛాపురం, పలాస మున్సిపాలిటీల పరిధిలో కట్టుదిట్టమైన పోలీసుల భద్రత నడుమ ఆదివారం పోలింగ్‌ ప్రక్రియ ముగిసిందని, ఈ నెల 3న నిర్వహించనున్న కౌంటింగ్‌ (ఓట్ల లెక్కింపు) ప్రక్రియకు మూడంచెల భద్రతా ఏర్పాట్లు చేయనున్నామని ఎస్పీ కేవీ మహేశ్వరరెడ్డి పేర్కొన్నారు. ప్రజలు, అభ్యర్థులు, రాజకీయ పార్టీల ప్రతినిధుల సహకారంతో రెవెన్యూ, పోలీస్‌, ఇతర ప్రభుత్వ శాఖల సమన్వయంతో పోలింగ్‌ నిర్వహించామన్నారు. మూడంచెల భద్రత.. ఇచ్ఛాపురం, పలాసలోని నిర్దేశిత కౌంటింగ్‌ కేంద్రా లకు ఎన్నికల సామగ్రిని పటిష్ట భద్రత నడుమ తరలించి భద్రపరుస్తామన్నారు. లెక్కింపు ప్రక్రియను మూడంచెల భద్రతా వ్యవస్థ ఏర్పాటు చేసి పోలీస్‌ యాక్ట్‌ 30, బీఎన్‌ఎస్‌ సెక్షన్‌163 (144 సెక్షన్‌) అమల్లో పెడతామన్నారు. ర్యాలీలకు అనుమతి లేద ని, ఎన్నికల నియమావళి, పోలీసు ఆంక్షలు ప్రజలు, అభ్యర్థులు, రాజకీయ పార్టీల ప్రతినిధులు తప్పనిసరిగా పాటించాలని కోరారు. అంతకుముందు పలాస ఉదయపురం, సూదికొండ, ఇంద్రచౌక్‌, చినబడాం, ఇచ్ఛాపురం రత్తకన్న, బెల్లుపాడు, పురుషోత్తపురం వంటి సమస్యాత్మక ప్రాంతాలను సందర్శించి డ్రోన్‌ విజువల్స్‌తో పోలింగ్‌ సరళిని పరిశీలించారు. భద్రతా ఏర్పాట్లపై అధికారులను ఎప్పటికప్పుడు దిశానిర్దేశం చేశారు. శనివారం రాత్రి లాడ్జీలను పోలీసులు తనిఖీ చేశారు.

ఎల్‌.ఎన్‌.పేట: అనంతపురం జిల్లా రాప్తాడు ప్రభుత్వ పాఠశాలలో విద్యార్థినిపై జరిగిన దాడిని ఖండిస్తున్నట్లు రాష్ట్ర దివ్యాంగ ఉద్యోగుల సంఘం ఆర్గనైజింగ్‌ సెక్రటరీ ఎంకే మిశ్రో ఆదివారం ఒక ప్రకటనలో పేర్కొన్నారు. కిరాతకుడిని కఠినంగా శిక్షించాలని, మరొకరు ఇలాంటి పనులు చేయాలంటే భయపడే విధంగా శిక్ష ఉండాలని ప్రభుత్వానికి విజ్ఞప్తి చేశారు. ప్రభుత్వ పాఠశాలల్లో విద్యార్థులతో పాటు ఉపాధ్యాయులకు రక్షణ కల్పించాల్సిన బాధ్యత ప్రభుత్వంపై ఉందన్నారు. అనధికార మద్యం నిల్వలు ఉంటే చర్యలు సోంపేట: స్థానిక సంస్థల ఎన్నికల నేపథ్యంలో అనధికార మద్యం నిల్వలు కలిగి ఉంటే చర్యలు తప్పవని ఎకై ్సజ్‌ సీఐ జి.వి.రమణ హెచ్చరించారు. సోంపేట మండలంలో ఆదివారం దాడులు నిర్వహించి 8.3 లీటర్ల మద్యం సీసాలు స్వాధీనం చేసుకుని ముగ్గురిపై కేసులు నమోదు చేశామన్నారు. గతంలో వివిధ ఎకై ్సజ్‌ కేసుల్లో ఉన్న 25 మంది నిందితులను తహసీల్దార్‌ ఎదుట బైండోవర్‌ చేశామని పేర్కొన్నారు. బైండోవర్‌ నిబంధనలు ఉల్లంఘిస్తే లక్ష రూపాయల జరిమానా, లేదా సంవత్సరం జైలు శిక్ష పడుతుందన్నారు. దాడుల్లో ఎస్‌ఐ అప్పన్న, సిబ్బంది భానుప్రసాద్‌, అరుణ్‌, ఉమాపతి తదితరులు పాల్గొన్నారు. అంత్యక్రియలకూ అవస్థలే.. టెక్కలి: తొలుసూరుపల్లి పంచాయతీ ధర్మనీలాపురంలో శ్మశాన వాటికకు వెళ్లేందుకు సరైన రహదారి లేక స్థానికులు అవస్థలు పడుతున్నారు. ఆదివారం గ్రామానికి చెందిన సత్తారు శ్రీరాములు అనే వృద్ధుడు మృతి చెందడంతో, మృతదేహాన్ని శ్మశానవాటికకు తరలించేందుకు కుటుంబ సభ్యులు, గ్రామస్తులు ఇబ్బందులు ఎదుర్కొన్నారు. పంట పొలాల మీదుగా మృతదేహాన్ని శ్మశాన వాటికకు తరలించారు. గ్రామంలో ఎవరు మృతి చెందినా ఇబ్బందులు తప్పడం లేదంటూ గ్రామస్తులు ఆవేదన చెందుతున్నారు. పుస్తెలతాడు చోరీ నందిగాం: రాంపురం పంచాయతీ చిన్న లక్ష్మీపురం గ్రామానికి చెందిన కంచరాన రాధ పుస్తెలతాడు చోరీకి గురయ్యింది. నందిగాం ఎస్సై షేక్‌ మహమ్మద్‌ ఆలీ తెలిపిన వివరాల ప్రకారం.. ఆదివారం సాయంత్రం గ్రామ సీసీ రోడ్డుపై ఇద్దరు అపరిచిత వ్యక్తులు ద్విచక్రవాహనంపై వచ్చి అనుమానాస్పదంగా తిరుగుతుండటంతో గమనించిన రాధ తన ఇంటి తలుపులు వేసేసింది. కొంతసేపటి తర్వాత బయటకు వచ్చి ఆరబెట్టిన బట్టలు తీస్తుండగా బైక్‌పై వచ్చిన ఇద్దరిలో ఒకరు రాధను నెట్టేయగా, మరొకరు వచ్చి రెండున్నర తులాల పుస్తెల తాడు తెంచి టెక్కలి మండలం నర్సింగపల్లి వైపు పరారయ్యారు. బాధితురాలు ఇచ్చిన ఫిర్యాదు మేరకు ఎస్సై కేసు నమోదు చేసి దర్యాప్తు చేస్తున్నారు. సరిహద్దులో విస్తృత తనిఖీలు పాతపట్నం: ఎన్నికల కోడ్‌ నేపథ్యంలో మోడల్‌ కోడ్‌ ఆఫ్‌ కండక్ట్‌ అమల్లో ఉన్నందున అక్రమ మద్యం, నగదు రవాణాను అరికట్టేందుకు ఆంధ్ర, ఒడిశా సరిహద్దు ప్రాంతాల్లో విస్తృత తనిఖీలు చేపడుతున్నామని పాతపట్నం సీఐ కిల్లి వెంకటరావు తెలిపారు. ఆదివారం పాతపట్నం సరిహద్దు చెక్‌పోస్టు వద్ద వాహన తనిఖీలు చేపట్టారు. ఈ సందర్భంగా సీఐ మాట్లాడుతూ ఎన్నికల సమయంలో వాహనాల ద్వారా అక్రమంగా మద్యం, నగదు తరలించే అవకాశం ఉన్నందున్న చెక్‌పోస్ట్‌ వద్ద 24 గంటల పాటు నిరంతర వాహన తనిఖీలు చేపడుతున్నట్లు తెలిపారు. తనిఖీల్లో ఎస్‌ఐ కె.మధుసూదనరావు, సిబ్బంది పాల్గొన్నారు.

ఎల్‌.ఎన్‌.పేట : వైఎస్సార్‌ సీపీలో చేరికల పర్వం కొనసాగుతోంది. ఎల్‌.ఎన్‌.పేట మండలం దబ్బపాడులో మాజీ సర్పంచ్‌ ముద్దాడ మోహిణి, లక్ష్మణరావు, ఎంపీటీసీ అభ్యర్థి పల్లి వరలక్ష్మీ ఆధ్వర్యంలో టీడీపీ నుంచి మాజీ ఎంపీటీసీ పల్లి రామారావు, మెయ్యి రామారావుతో పాటు 50 కుటుంబాలు పార్టీ రాష్ట్ర క్రమశిక్షణా కమిటీ సభ్యురాలు, మాజీ ఎమ్మెల్యే రెడ్డి శాంతి సమక్షంలో ఆదివారం చేరారు. పాతపట్నం మాజీ ఎమ్మెల్యే రెడ్డి శాంతి పార్టీ కండువాలు వేసి సాదరంగా ఆహ్వానించారు. పార్టీ అభ్యర్థి గెలుపునకు కృషి చేయాలని ఆమె కోరారు. కార్యక్రమంలో మండల పార్టీ అధ్యక్షుడు పెనుముజ్జి విష్ణుమూర్తి, మాజీ ఎంపీపీ రెడ్డి జ్యోతి లక్ష్మీ, పార్టీ జిల్లా అధికార ప్రతినిధి శిమ్మ సాంబశివరావు, పార్టీ రాష్ట్ర బూత్‌ కమిటీ కార్యదర్శి రెడ్డి రామారావు, ఏఎంసీ మాజీ వైస్‌ చైర్మన్‌ బి.భాస్కరరావు, పల్లి అప్పలనాయుడు తదితరులు పాల్గొన్నారు.

శ్రీకాకుళం (పీఎన్‌ కాలనీ): రాష్ట్రాన్ని అప్పుల పాలు చేస్తున్న చంద్రబాబుకు ఓటు తోనే బుద్ధి చెప్పాలని మాజీ మంత్రి ధర్మాన ప్రసాదరావు పిలుపునిచ్చారు. రూ.3.50 లక్షల కోట్లు అప్పు చేసి అమరావతిలో పెడితే శ్రీకాకుళం వంటి వెనుకబడిన ప్రాంతాల పరిస్థితి ఏమిటని ఆయన సూటిగా ప్రశ్నించారు. పెట్టుబడి అంతా ఒకే చోట పోగు కాకూడదని, హైదరాబాద్‌ వంటి అనుభవం మరోసారి ఎదురు కాకూడదనే ఉద్దేశంతోనే వైఎస్సార్‌సీపీ అధికార వికేంద్రీకరణ ఆలోచన చేసిందన్నారు. శ్రీకాకుళంలో ఆదివారం వైఎస్సార్‌ సీపీ విస్తృత స్థాయి సమావేశం జరిగింది. అదే కార్యక్రమంలో మాజీ ఎమ్మెల్యే గుండ లక్ష్మీదేవి సన్మాన సభ నిర్వహించారు. ధర్మాన మాట్లాడుతూ.. కూటమి వచ్చిన రెండున్నరేళ్లలో కనీసం రూ.వంద కోట్ల పనులైనా శ్రీకాకుళంలో చేశారా అని ప్రశ్నించారు. చంద్రబాబు దాదాపు 20 ఏళ్లు పాలించినా జిల్లాకు ఏం చేశారని నిలదీశారు. అమరావతిలో సామాన్యుడికి ఒక్క ఎకరా అయినా భూమి ఉందా.. రియల్‌ ఎస్టేట్‌ వ్యాపారుల కోసమే పనులు చేస్తున్నారని తెలిపారు. శ్రీకాకుళం జిల్లాకు అన్ని రకాల వనరులున్నా అభివృద్ధికి నోచుకోకపోవడానికి టీడీపీ నేతలే కారణమన్నారు. వైఎస్‌జగన్‌ హయాంలో జిల్లాలోని ఇచ్ఛాపురంలో సుమారు రూ.700 కోట్లతో తాగునీటి ప్రాజెక్టు, ఉద్దానం ప్రాంతంలో రూ.200 కోట్లతో కిడ్నీ పరిశోధన కేంద్రం, ఆస్పత్రి, సుమారు రూ.4వేల కోట్లతో సీ పోర్టు, బుడగట్లపాలెంలో ఫిషింగ్‌ హార్బర్‌ నిర్మాణ పనులకు శ్రీకారం చుట్టామన్నారు. స్వాతంత్య్రం వచ్చిన తర్వాత రాష్ట్రంలో ఒక్క ఫిషింగ్‌ హార్బర్‌ను కూడా నిర్మించలేని పరిస్థితి ఉండేదని, వైఎస్‌ జగన్‌ ఎనిమిది ఫిషింగ్‌ హార్బర్ల నిర్మాణానికి చర్యలు తీసుకున్నారని గుర్తు చేశారు. శ్రీకాకుళం ఎమ్మెల్యే దిగజారి ప్రవర్తిస్తున్నారని, ఇక్కడ లేఅవుట్‌ వేయాలంటే డబ్బులు కావాలి, బిల్డింగ్‌ ప్లాన్‌ మంజూరు చేయాలంటే డబ్బులు ఇవ్వాలి, ఇసుక వ్యవహారాల్లో జోక్యం చేసుకుంటున్నారని విమర్శించారు. ఎమ్మెల్యే అంటే హుందాగా, గౌరవప్రదంగా వ్యవహరించాలన్నారు. రాష్ట్రంలో చంద్రబాబు, లోకేష్‌ల సంపాదన వ్యవహారాలు చూస్తుంటే అవినీతి ఏ స్థాయికి చేరిందో అర్థమవుతోందన్నారు. విశాఖలో ఎకరం 99పైసలకు భూములు కేటాయించడం దారుణమన్నారు. వైఎస్‌ జగన్‌ చేసిన పనులకు రిబ్బన్లు కత్తిరిస్తూ తామే ఆ పనులు చేసినట్లు ప్రచారం చేసుకుంటున్నారని ఎద్దేవా చేశారు. వీటి గురించి చెబితే తప్పుడు కేసులు నమోదు చేస్తున్నారని తెలిపారు. పొందూరులో ఐదుగురు అభ్యర్థులను అక్రమంగా ఏకగ్రీవం చేసినట్లు ఆరోపణలు ఉన్నాయని, ఓటమి భయం ఉంటే ఎన్నికలు నిర్వహించడం ఎందుకని ప్రశ్నించారు. రాష్ట్రంలో ఈరోజు జరుగుతున్న హింసాత్మక ఘటనలు, రక్తపాతం గతంలో ఎప్పుడైనా చూశామా అని సూటిగా ప్రశ్నించారు. రాజ్యాంగ వ్యవస్థలను బలహీనం చేయడం చంద్రబాబుకు బాగా తెలుసని విమర్శించారు. రాష్ట్రంలో జరుగుతున్న అవినీతి, లంచాలు, మోసాలు, ప్రభుత్వ ఆస్తులను కొల్లగొడుతున్న తీరును ప్రజలకు వివరించాలన్నారు. ఈరోజు జరుగుతున్న బ్యాలెట్‌ ఎన్నికల్లో టీడీపీకి వ్యతిరేకంగా ఓటు వేస్తున్న పరిస్థితి కనిపిస్తోంది. శ్రీకాకుళం మేయర్‌ ఎన్నికల్లో గుండ లక్ష్మీదేవిని గెలిపించుకుందామని పిలుపునిచ్చారు. పార్టీ జిల్లా అధ్యక్షుడు ధర్మాన కృష్ణదాస్‌ మాట్లాడుతూ గుండ, ధర్మాన కుటుంబాలు పార్టీలు వేరైనా అంతిమంగా ప్రజలకు మంచి చేయడమే తమ లక్ష్యమని అన్నారు. వైఎస్సార్‌సీపీలో మంచి గౌరవం ఇస్తామని ప్రతి ఒక్కరు లక్ష్మీదేవికి సహకరించాలని కోరారు. మాజీ ఎమ్మెల్యే గుండ లక్ష్మీదేవి మాట్లాడుతూ తాము ఎలాంటి పదవులు ఆశించి పార్టీ మారలేదని, కేవలం ఆత్మ గౌరవం కోసమే వైఎస్సార్‌సీపీలో చేరామని తెలిపారు. తన భర్త గుండ అప్పలసూర్యనారాయణ మృతి చెందాక చంద్రబాబు, లోకేష్‌, టీడీపీ నాయకులు తీవ్ర అవమానాలకు గురిచేశారన్నారు. తన భర్త విగ్రహం ఏర్పాటుకి అనుమతిచ్చినట్లు ఇచ్చి విగ్రహ ఏర్పాటుకి దిమ్మలు తొలగించడం తీవ్ర మానసిక క్షోభకు గురిచేసిందని కన్నీటి పర్యంతమయ్యారు. తోబుట్టువుల్లా ధర్మాన ప్రసాదరావు, కృష్ణదాస్‌లు మనోధైర్యాన్నిచ్చి పార్టీలోకి ఆహ్వానించడం ఎంతో ధైర్యానిచ్చిందన్నారు. మాజీ మంత్రి ధర్మాన ప్రసాదరావు

శ్రీకాకుళం న్యూకాలనీ: జిల్లాస్థాయి స్కూల్‌గేమ్స్‌ కరాటే ఎంపిక పోటీలు ముగిశాయి. జిల్లా స్కూల్‌గేమ్స్‌ ఫెడరేషన్‌ (ఎస్‌జీఎఫ్‌) ఆధ్వర్యంలో ఆదివారం శ్రీకాకుళంలోని ఇంటర్నేషనల్‌ ఢిల్లీ పబ్లిక్‌ స్కూల్‌ వేదికగా జరిగిన ఈ ఎంపికలు ఆద్యంతం హోరాహోరిగా సాగాయి. జిల్లా నలుమూలల నుంచి క్రీడాకారులు/బాలబాలికలు హాజరై ప్రతిభ నిరూపించుకున్నారు. అండర్‌–14, 17, 19 విభాగాల్లో బాలబాలికలకు వేరువేరుగా ఎంపికలు నిర్వహించారు. ప్రతిభ కనబరిచన క్రీడాకారులను రాష్ట్రపోటీలకు ఎంపికచేశారు. డీఈఓ ఎ.రవిబాబు ఆదేశాల మేరకు ఎస్‌జీఎఫ్‌ జిల్లా సెక్రటరీ చల్లా జగదీష్‌ పోటీలను పర్యవేక్షించారు. ఎంపికై న బాలబాలికలను త్వరలో జరిగే రాష్ట్రపోటీలకు పంపిస్తామని జగదీష్‌ పేర్కొన్నారు. కార్యక్రమంలో పీడీ మాధవరావు, కరాటే కోచ్‌ ఢిల్లేశ్వరరావు, పాఠశాల ప్రతినిధులు, ప్రిన్సిపాల్‌ సిబ్బంది పాల్గొన్నారు.

ఎచ్చెర్ల : ప్రపంచ వ్యాప్తంగా ప్రతిష్టాత్మకంగా నిర్వహించే క్వాంటం టెక్నాలజీ వేడుక క్విస్కిట్‌ ఫాల్‌ ఫెస్ట్‌– 2026లో భాగంగా ట్రిపుల్‌ ఐటీ శ్రీకాకుళం క్యాంపస్‌లో 24 గంటల క్వాంటం హ్యాక్‌థాన్‌ ఆదివారం ప్రారంభమైంది. జ్ఞాన్‌ యల్లా సమక్షంలో జరిగిన ఈ కార్యక్రమంలో వివిధ విద్యా విభాగాలు, సాంకేతిక రంగాలకు చెందిన విద్యార్థులు పెద్ద సంఖ్యలో పాల్గొంటున్నారు. క్వాంటం కంప్యూటింగ్‌ ఆధారంగా వాస్తవ ప్రపంచ సమస్యలకు వినూత్న పరిష్కారాలను రూపొందించేందుకు విద్యార్థులు తమ ఆలోచనలు, సాంకేతిక నైపుణ్యాలను ఉపయోగిస్తున్నారని చెప్పారు. విద్యార్థులు బృందాలుగా ఏర్పడి ఆలోచనలు పంచుకుంటూ కోడింగ్‌, సమస్యలు, విశ్లేషణ పరిష్కారాల రూపకల్పనలో ఉత్సాహంగా నిమగ్నమయ్యారు. కార్యక్రమంలో డైరెక్టర్‌ గిరిధర్‌ మద్రాస్‌, పరిపాలనాధికారి డాక్టర్‌ శివరామకృష్ణ, ఫైనాన్స్‌ అధికారి వాసు, డీన్‌ శివరామశాస్త్రి, సిబ్బంది పాల్గొన్నారు.

జలుమూరు: మండలంలో టీడీపీకి కంచుకోటగా ఉన్న గ్రామాల్లోనూ వైఎస్సార్‌సీపీకి జనాదరణ పెరుగుతోంది. ఇటీవలే అల్లాడలో 156 కుటుంబాలు టీడీపీ నుంచి వైఎస్సార్‌సీపీలోకి చేరగా తాజాగా స్థానిక నాయకులు తంగి మురళీకృష్ణ తదితరులు ఆధ్వర్యంలో 25 కుటుంబాలు టీడీపీని వీడి ఆదివారం గొటివాడలో చేరారు. పార్టీలో చేరిన వారిలో దామ అప్పన్న, నేతింటి సింహాచలం, దళిత సంఘ నాయకులు ఎడ్ల కృష్ణారావు, కుణ, ముంజేటి ప్రేమసాగర్‌, బలగ రమణమూర్తి, ఎర్రంనాయడు, యాదవ్‌ సంఘం నాయకుడు పాలిన జగ్గారావు తదితరులు ఉన్నారు. వీరికి పోలాకి మాజీ జెడ్పీటీసీ సభ్యుడు, యువ నాయుకుడు ధర్మాన కృష్ణ చైతన్య పార్టీ కండువాలు వేసి సాదరంగా ఆహ్వానించారు. ఈ సందర్భంగా ఆయన మాట్లాడుతూ పార్టీ బలోపేతానికి అన్ని వర్గాలు కృషి చేయాలన్నారు. ఎంపీటీసీ అభ్యర్థులకు, జెడ్పీటీసీ అభ్యర్థి బగ్గు రామకృష్ణలను గెలిపించాలని కోరారు. నియోజకవర్గంలో అన్ని గ్రామాల నుంచీ విశేష ఆదరణ లభిస్తోందన్నారు. కార్యక్రమంలో వైఎస్సార్‌సీసీ నాయకులు పోతయ్య, పల్లి రమణ, సింహాచలం, బాణ్న వెంకటేశ్‌, త్రినాథ్‌ తదితరులు పాల్గొన్నారు.

శ్రీకాకుళం న్యూకాలనీ: నగరానికి చెందిన యువ బాక్సింగ్‌ క్రీడాకారిణి టీవీ నైషా జాతీయస్థాయిలో మరోసారి తన పంచ్‌ చూపించింది. హర్యానా వేదికగా జరిగిన సీబీఎస్సీ నేషనల్‌ బాక్సింగ్‌ చాంపియన్‌షిప్‌–2026 పోటీల్లో అండర్‌–14 విభాగంలో అద్భుత ప్రతిభ కనబరిచి బంగారు పతకం సాధించింది. దేశంలోని అన్ని జోన్ల నుంచి వచ్చిన 16 మంది అత్యుత్తమ బాక్సర్లు పోటీపడగా, ఫైనల్లో ప్రత్యర్థిని చిత్తుచేసి విజేతగా నిలిచి బంగారు పతకాన్ని అందుకుంది. తండ్రి టీవీ కార్తీక్‌, తల్లి స్వాతి. శ్రీకాకుళంలోని కేంద్రీయ విద్యాలయంలో పూర్తిచేసి ప్రస్తుతం 8వ తరగతి చదువుతున్న నైషాను గజపతి మాస్టార్‌, రాజేష్‌, భాషా, జయమూర్తి తదితరులు ఉన్నతంగా తీర్చిదిద్దుతున్నారు.

ఎచ్చెర్ల : కుప్పిలి కోళ్లఫారంలో పనిచేస్తున్న ఓ యువకుడు విద్యుత్‌ షాక్‌తో దుర్మరణం పాలయ్యాడు. పోలీసులు తెలిపిన వివరాల ప్రకారం..కుప్పిలి గ్రామానికి చెందిన దుంప షణ్ముఖరావు (20) తన బంధువుల ఫారంలో శనివారం రాత్రి ఫెన్సింగ్‌ కడుతుండగా విద్యుత్‌ వైర్లు తగలడంతో అక్కడికక్కడే మృతి చెందాడు. కుమారుడి మృతితో తల్లిదండ్రులు కుప్పేసు, సుబ్బమ్మలు కన్నీరుమున్నీరుగా విలపించారు. మృతదేహానికి రిమ్స్‌లో పోస్టమార్టం నిర్వహించి అనంతరం కుటుంబ సభ్యులకు అప్పగించారు. తండ్రి ఫిర్యాదు మేరకు పోలీసులు కేసు నమోదు చేసి దర్యాప్తు చేస్తున్నారు.

ఎచ్చెర్ల: మండలంలోని ఎస్‌ఎం పురం గ్రామసమీపంలోని ట్రిపుల్‌ ఐటీ కాలేజీ ఆహ్వానం మేరకు గరివిడి లక్ష్మి సినిమా బృందం సభ్యులు ఆదివారం ట్రిపుల్‌ ఐటీ కళాశాలకు వచ్చారు. సినిమా డైరెక్టర్‌ జమ్ము గౌరినాయుడు, ప్రొడ్యూసర్‌ కృతి ప్రసాద్‌, మ్యూజిక్‌ డైరెక్టర్‌ చరణ్‌ అర్జున్‌, అసిస్టెంట్‌ డైరెక్టర్‌ గణేష్‌, గరివిడి లక్ష్మి, రేలారేరేలారే సింగర్‌లు జానకీరామ్‌, రమణ, అప్పలనాయుడు తదితరులు వచ్చారు. వీరంతా సినీ గేయాలతో అలరించారు. కార్యక్రమంలో ట్రిపుల్‌ ఐటీ ఏఓ డాక్టర్‌ శివరామకృష్ణ. ఎఫ్‌ఓ డాక్టర్‌ వాసు, డాక్టర్‌ మునిరామకృష్ణ, పాల్గొన్నారు.

ఆమదాలవలస రూరల్‌: అన్నదాతను అర్నబ్‌ తుఫాన్‌ ప్రభావం ఇంకా వెంటాడుతునే ఉంది. ఎడతెరిపి లేని వర్షాల కారణంగా పలు సాగునీటి కాలువలు పొంగి ప్రవహించటమే కాకుండా పంట పొలాలు నీటిలోనే మునిగి ఉన్నాయి. నాగావళి నది నీటి తీవ్రత పెరగటంతో నారాయణపురం ఆయకట్టు ఎడమ కాలువ పరిధిలో పలు కాలువలు పొంగి ప్రవహించటంతో పంటపొలాలు జలమయమయ్యాయి. ప్రత్యామ్నాయ చర్యలకు అవకాశం లేకపోవడంతో పంట చేజారినట్టేనని అన్నదాతలు గగ్గోలు పెడుతున్నారు. ప్రభుత్వం స్పందించి పరిహారం చెల్లించాలని కోరుతున్నారు. ఆదిత్యుని సన్నిధిలో గోవింద రామానుజ జీయర్‌ స్వామీజీ అరసవల్లి: ప్రసిద్ధ పుణ్యక్షేత్రం అరసవల్లి సూర్యనారాయణ స్వామి ఆలయాన్ని తిరుమల తిరుపతి క్షేత్ర గోవింద రామానుజ జీయర్‌ స్వామీజీ ఆదివారం దర్శించుకున్నారు. ఆలయ ప్రధానార్చకులు ఇప్పిలి శంకరశర్మతో పాటు సూపరింటెండెంట్‌ వెంకటరమణ గౌరవ సాంప్రదాయ స్వాగతం పలికారు.

కంచిలి: జిల్లాలో తీర ప్రాంత రైతులను తుఫాన్ల ముప్పు నుంచి శాశ్వతంగా రక్షణ కల్పించాలని మహాత్మా జ్యోతిరావు ఫూలే రాష్ట్ర బీసీ సంక్షేమ సంఘం అధ్యక్షుడు బీన ఢిల్లీరావు డిమాండ్‌ చేశారు. మండల కేంద్రం కంచిలిలో ఆదివారం ఆయన విలేకర్లతో మాట్లాడారు. తుఫాన్లలో నష్టపోయిన రైతులకు కేవలం పరిహారం ఇవ్వడంతో సరిపెట్టవద్దని, శాశ్వత రక్షణ కల్పించాలని కోరారు. జిల్లాలో తీర ప్రాంతాలను ప్రత్యేక జోన్‌ కింద ప్రకటించి రైతులను కాపాడుకోవాల్సి ఉందన్నారు. తుఫాన్లను పూర్తిగా నివారించడం సాధ్యం కాకపోవచ్చని, కానీ శాసీ్త్రయ ప్రణాళిక, సహజ పర్యావరణ వ్యవస్థల రక్షణ, వ్యవసాయంలో మార్పులు, ముందస్తు హెచ్చరికలు, రైతులకు ఆర్ధిక భద్రత కల్పించడం ద్వారా నష్టాలను గణనీయంగా తగ్గించవచ్చన్నారు. ఈ విలేకర్ల సమావేశంలో సంఘ ప్రధాన కార్యదర్శి పోతనపల్లి కామేశ్వరరావు, సభ్యులు ఎర్ర గిరిబాబు, రైతు నాయకులు గార కృష్ణారావు, మధుబాబు పాల్గొన్నారు.

దోచుకున్న సొమ్ము కొట్టు.. ఓటు పట్టు ● పలాసలో విచ్చలవిడిగా నగదు పంపిణీ ● గెలుపు కోసం అడ్డదారులు ● భూ కబ్జా, సిండికేట్‌ సొమ్ముతో ఓట్ల కొనుగోలు జిల్లాలోని పలాస, ఇచ్ఛాపురం మున్సిపాలిటీల్లో పోలింగ్‌కు అన్ని ఏర్పాట్లు పూర్తయ్యాయి. నేటి ఉదయం 8 గంటల నుంచి సాయంత్రం 5 గంటల వరకు పోలింగ్‌ జరగనుంది. బ్యాలెట్‌పోలింగ్‌ కావడంతో ఇప్పటికే సామగ్రిని ఆయా పోలింగ్‌ కేంద్రాలకు తరలించారు. అన్ని పోలింగ్‌ కేంద్రాల వద్ద సీసీ కెమెరాలు ఏర్పాటు చేయాలని ఆదేశాలు ఉన్నా.. కేవలం సమస్యాత్మక, అతి సమస్యాత్మక కేంద్రాల్లో మాత్రమే కెమెరాలు ఏర్పాటు చేస్తున్నారు. 8ఒకటి క్రైమ్‌కు అడ్డా.. మరొకటి మత్తుపదార్థాల గడ్డ

ఎచ్చెర్ల: డాక్టర్‌ బీఆర్‌ అంబేడ్కర్‌ విశ్వవిద్యాలయం, అనుబంధ బీఈడీ కళాశాలల విద్యార్థులకు ఈ నెల 4, 5వ తేదీల్లో జరగాల్సిన మూడో సెమిస్టర్‌ పరీక్షలను స్థానిక ఎన్నికల కారణంగా ఈ నెల 10, 11వ తేదీలకు వాయి దా వేస్తున్నట్లు ఎగ్జామినేషన్‌ డీన్‌ డాక్టర్‌ యూ. కావ్యజ్యోత్స్న శనివారం ఒక ప్రకటనలో తెలిపారు. వర్సిటీలో రెండు, టెక్కలి ప్రభుత్వ డిగ్రీ కళాశాలల కేంద్రాల్లో జరగాల్సిన ఈ పరీక్షలు అవే కేంద్రాల్లో జరుగుతాయని పేర్కొన్నారు. శ్రీకాకుళం: వైఎస్సార్‌ టీచర్స్‌ అసోసియేషన్‌ జిల్లా అధ్యక్షుడు కణితి తేజేశ్వరరావు మృతిచెందారు. కొద్దిరోజులగా అనారోగ్యంతో బాధపడుతున్న ఆయన శనివారం తుదిశ్వాస విడిచారు. ఈయన శ్రీకాకుళం ప్రభుత్వ ఉన్నత పాఠశాలలో హిందీ ఉపాధ్యాయుడిగా పనిచేస్తున్నారు. తేజేశ్వరరావు అకాల మృతి పట్ల డీఈఓ ఎ.రవిబాబు, హెచ్‌ఎం, డిప్యూటీ ఈఓ ఆర్‌.విజయకుమారి, గెడ్డాపు రాజేంద్రప్రసాద్‌, వైఎస్సార్‌టీఏ జిల్లా ప్రతినిధులు, ఉపాధ్యా యులు, విద్యార్థులు సంతాపం వ్యక్తం చేశారు. శ్రీకాకుళం క్రైమ్‌ : జిల్లా ప్రొహిబిషన్‌ అండ్‌ ఎకై ్సజ్‌ అసిస్టెంట్‌ కమిషనర్‌గా ఎం.మనోహను నియమిస్తూ శనివారం ఉత్తర్వులు విడుదలయ్యాయి. ఇంతకు ముందు ఇన్‌చార్జిగా వ్యవహరించిన విజయనగరం అసిస్టెంట్‌ కమిషనర్‌ రామచంద్రరావు ఆ జిల్లాకే పరిమితం కానున్నారు. శ్రీకాకుళం (పీఎన్‌ కాలనీ): రాష్ట్రంలో రాబంధుల మాదిరిగా చంద్రబాబు పాలన సాగుతోందని మున్సిపల్‌, ఎంపీటీసీ, జెడ్పిటీసీ ఎన్నికల్లో గెలిచే దమ్ములేక నామినేషన్‌కు వెళ్లకుండా పత్రాలు చించేసి దారుణంగా వెన్నుపోటు పార్టీ నేతలు వ్యవహరిస్తున్నాని వైఎస్సార్‌ సీపీ రాష్ట్ర కార్యదర్శి, పలాస నియోజకవర్గ పరిశీలకుడు ఎన్ని ధనుంజయరావు మండిపడ్డారు. శ్రీకాకుళం నగరంలోని ఓ ప్రైవేటు భవనంలో శనివారం విలేకరులతో మాట్లాడారు. ఇచ్ఛాపురం, పలాస మున్సిపాలిటీల్లో వైఎస్సార్‌సీపీ అభ్యర్థులను అత్యధిక మెజార్టీతో గెలిపించాల ని కోరారు. ఈ ఎన్నిక రెండు పార్టీలకు కాదని మంచికి.. మోసానికి మధ్య జరుగుతున్న ఎన్నికలని స్పష్టం చేశారు. ఓటేసే ముందు ప్రతి ఒక్కరూ ఆలోచించుకుని మంచి చేసే జగన్‌మోహన్‌రెడ్డి పార్టీ అభ్యర్థులకే పట్టం కట్టాలని కోరారు. ఉద్దానం ప్రాంతంలో కిడ్నీ బాధితుల ను టీడీపీ ప్రభుత్వం ఏనాడూ ఆదుకోలేదన్నా రు. వైఎస్సార్‌సీపీ ప్రభుత్వం అధికారంలోకి వచ్చిన వెంటనే రూ.700కోట్లుతో ఉద్దానం మంచినీటి ప్రాజెక్టు తీసుకొచ్చి శాశ్వత పరిష్కారానికి శ్రీకారం చుట్టినట్లు గుర్తు చేశారు. కూటమి అధికారంలోకి వచ్చాక అన్ని వర్గాలను దగా చేశారని మండిపడ్డారు. నిత్యావసర సరుకులు ఆకాశాన్నంటుతున్నా ప్రభుత్వం పట్టించుకోవడం లేదన్నారు. శ్రీకాకుళం క్రైమ్‌ : ఇచ్ఛాపురం, పలాస – కాశీబుగ్గ పురపాలక ఎన్నికల పోలింగ్‌ ప్రశాంత వాతావరణంలో జరిగేలా పోలీసు అధికారులు, సిబ్బంది కృషి చేయాలని ఎస్పీ కె.వి.మహేశ్వరరెడ్డి దిశానిర్దేశం చేశారు. ఎన్నికల విధులకు కేటాయించిన ప్రతీ అధికారి, సిబ్బంది అప్పగించిన బాధ్యతలను పూర్తి నిబద్దతతో నిష్పక్షపాతంగా నిర్వర్తించాలన్నారు. ప్రత్యేక దృష్టి సారించి నిరంతర నిఘా ఏర్పాటు చేయాలన్నారు.

మెళియాపుట్టి: బాణాపురం, పెద్దగుమ్మడ, చిన్నగుమ్మడ, పదనాపురం గ్రామాలకు చెందిన 20 కుటుంబాలు శనివారం టీడీపీని వీడి వైఎస్సార్‌ సీపీలో చేరాయి. వారందరికీ మాజీ ఎమ్మెల్యే రెడ్డి శాంతి పాతపట్నం క్యాంపు కార్యాలయంలో కండువాలు వేసి పార్టీలోకి ఆహ్వానించారు. పార్టీలో చేరిన వారిలో పడాల నీలకంఠం, జమ్మాన లోకేష్‌, నిక్కల బాబూరావు, కిరణ్‌, కృష్ణారావు, చిన్నబాబు, అప్పారావు, చినబాబు, గొర్లె కాంతారావు తదితరులు ఉన్నారు. కార్యక్రమంలో మండల కన్వీనర్‌ జయముని రావు, మాజీ సర్పంచ్‌ పెద్దింటి చంద్రరావు, జనపరెడ్డి కన్నబాబు, పరపటి రవికుమార్‌ పాల్గొన్నారు.

కాశీబుగ్గ: పలాస–కాశీబుగ్గలో మున్సిపల్‌ పోరుకు సర్వం సిద్ధమైంది. ప్రత్యేక ఎన్నికల అధికారి శ్రావణ్‌కుమార్‌, ఎన్నికల రిటర్నింగ్‌ అధికారి, మున్సిపల్‌ కమిషనర్‌ శ్రీనివాసులు నేతృత్వంలో శనివారం పలాస జూనియర్‌ కాలేజీ ఆవరణలో పోలింగ్‌ సిబ్బందికి దిశానిర్దేశం చేశారు. ఎన్నికల సామగ్రి అందించి సిబ్బందికి మార్గదర్శనం చేశారు. అలాగే పోలీస్‌ సిబ్బందికి పోలింగ్‌ కేంద్రాల వద్ద వ్యవహరించాల్సిన తీరుతెన్నులపై సీఐ మల్లా అప్పారావు సూచనలు,సలహాలు అందించారు. ●నియోజకవర్గంలో మహిళలే విజేతలను నిర్ణయించనున్నారు. పురుష ఓటర్ల కంటే మహిళా ఓటర్లు 1827మంది అధికంగా ఉన్నారు. ●మొత్తం 67 పోలింగ్‌ కేంద్రాలకు ఎనిమిది అత్యంత సమస్యాత్మక, 12 సమస్యాత్మకమైనవిగా గుర్తించారు. అయితే అన్ని పోలింగ్‌ కేంద్రాల్లో సీసీ కెమెరాలు ఏర్పాటు చేయాల్సి ఉండగా కేవలం ఈ 20 కేంద్రాలకే పరిమితం చేశారు. ●సాధారణ పోలింగ్‌ కేంద్రాల్లో మూడో నేత్రాన్ని ఏర్పాటు చేయలేదు. ఓ వైపు అధికార పార్టీకి వ్యతిరేక పవనాలు వీస్తున్న నేపథ్యంలో సీసీ కెమెరాలు లేనిచోట ఏవైనా అవకతవకలు చోటుచేసుకునే ప్రమాదం ఉందని బరిలో ఉన్న అభ్యర్థులు ఆందోళన వ్యక్తం చేస్తున్నారు. ●అన్ని పోలింగ్‌ కేంద్రాల్లో ఏర్పాట్లు పూర్తి చేశామని, సమస్యాత్మక కేంద్రాల్లో సీసీ కెమెరాలతో పర్యవేక్షిస్తున్నామని, మిగతా సాధారణ కేంద్రాల్లో ఏర్పాటు చేయలేదని మున్సిపల్‌ కమిషనర్‌ శ్రావణ్‌కుమార్‌ తెలిపారు. ●చైర్‌ పర్సన్‌ అభ్యర్థులుగా తాళాసు శ్రీపద్మ(వైఎస్సార్‌సీపీ), వజ్జ గంగా భవానీ(టీడీపీ), కాంగ్రెస్‌ నుంచి బద్రి సీతమ్మ, స్వతంత్రులుగా దువ్వాడ శ్రీజ, మన్యాల రమ్య, లక్ష్మీ ప్రదాన్‌ పోటీ చేస్తున్నారు. ఇచ్ఛాపురం: పుర పోరుకు ఇచ్ఛాపురం సన్నద్ధమైంది. ఎన్నికల నిర్వహణకు అవసరమైన ఏర్పాట్లని సిద్ధం చేసినట్టు మున్సిపల్‌ కమిషనర్‌ ఎన్‌.రమేష్‌ తెలిపారు. శనివారం ఏపీ మోడల్‌స్కూల్‌, పురుషోత్తపురం డిస్ట్రిబ్యూషన్‌ సెంటర్‌ నుంచి ఆదివారం మున్సిపాలిటిలో నిర్వహించే ఎన్నికల నిమిత్తం 39 పోలింగ్‌ కేంద్రాలలో పోలింగ్‌ నిర్వహణకు అవసరమైన సామగ్రిని ఎన్నికల నిర్వహణ సిబ్బందికి అందజేశారు. మున్సిపాలిటీలో మహిళా ఓటర్లు పురుషుల కంటే 1577 మంది అధికంగా ఉన్నారు. వీరే ఈ ఎన్నికల్లో కీలకం కానున్నారు. మున్సిపాలిటీ ఏఎస్‌పేట వద్ద గల 3వ నంబర్‌ గల పోలింగ్‌ కేంద్రం చుట్టూ ఇటీవల కురిసిన వర్షాలకు నీరు చేరి అపరిశుభ్రంగా ఉంది. ఈ పోలింగ్‌ కేంద్రానికి పురుషోత్తపురం చిన్న వీధి దక్షిణ భాగంలో కొంతమేరకు 3వ వార్డులో చేరడంతో అక్కడి ఓటర్లంతా వారి ఓటు హక్కుని వినియోగించుకునేందుకు సమారు రెండు కిలోమీటర్ల దూరంలో ఉన్న 3వ నంబర్‌ గల పోలింగ్‌ కేంద్రానికి రావాల్సి ఉంటుంది మున్సిపాలిటీ ఎన్నికల్లో చైర్‌పర్సన్‌గా నలుగురు అభ్యర్థులు పిలక రాజలక్ష్మి(వైఎస్సార్‌సీపీ), ఆశి లీలారాణి(టీడీపీ), బుడ్డెపు కీరమ్మ(కాంగ్రెస్‌), బచ్చ మంగమ్మ(ఇండిపెండెంట్‌) బరిలో ఉండగా వార్డు కౌన్సిలర్‌ అభ్యర్థులుగా 64 మంది పోటీల్లో ఉన్నారు. మున్సిపాలిటీలో సమస్యాత్మకంగా గుర్తించిన 1, 2, 3, 4, 16, 17, 18 వార్డులకు సంబందించిన పోలింగ్‌ కేంద్రాల్లో 18 సీసీ కెమెరాలు ఏర్పాటుచేసినట్లు సిబ్బంది తెలిపారు.

కిడ్నీ రోగులకు ఆపద్బాంధవుడిగా వైఎస్‌ జగన్‌ ● రూ.700కోట్లతో భారీ మంచినీటి పథకం నిర్మాణం ● పలాసలో కిడ్నీ పరిశోధన కేంద్రం ఏర్పాటు చేసింది ఎవరు..? కిడ్నీ ఆస్పత్రి ఈ ప్రాంతానికి వరం వైఎస్సార్‌ సీపీ హయాంలో నిర్మించిన కిడ్నీ ఆస్పత్రి ఈ ప్రాంతానికి వరం. వేలకు వేలు ఖర్చు పెట్టి రక్త పరీక్షలు, స్కానింగ్‌లుచేసే దుస్థితి రాకుండా ఇక్కడ ఉచితంగా చేస్తున్నారు. జగనన్న ఈ ప్రాంత రోగులకు మహోపకారం చేశారు. – సాహుకారి జానీ, టైలర్‌, జింకిభద్ర నీటి ఇబ్బందులు తొలగాయి వైఎస్సార్‌ సీపీ హయాంలో ఇంటింటికీ కుళాయిలు వేశారు. దీంతో మంచినీటి ఇబ్బందులు తొలిగాయి. అంతకుముందు చాలా ఇబ్బంది పడేవాళ్లం. సుజలధార నీరు రోజూ వస్తోంది. – కంబి లక్ష్మమ్మ, ఇందిరమ్మ కాలనీ, జింకిభద్ర ఉద్దానానికి వంశధార జలాభిషేకం..

ఇచ్ఛాపురం రూరల్‌ : స్థానిక సంస్థల ఎన్నికల నేపథ్యంలో ఆంధ్రా–ఒడిశా సరిహద్దు ప్రాంతంలో అక్రమ మద్యం, నాటుసారా తయారీ, రవాణా నియంత్రణకు ఎకై ్సజ్‌ శాఖ అధికారులు ప్రత్యేక నిఘా ఏర్పాటు చేస్తున్నారు. శనివారం బరంపురంలో ఒడి శా ఎకై ్సజ్‌ అధికారులతో ఇచ్ఛాపురం ఎకై ్సజ్‌ అధి కారులు సమావేశమై సరిహద్దు ప్రాంతాల్లో ఉమ్మ డి దాడులు నిర్వహించేందుకు కార్యాచరణ రూపొ ందించారు. కార్యక్రమంలో శ్రీకాకుళం జిల్లా ఎకై ్సజ్‌ సూపరింటెండెంట్‌ తిరుపతినాయుడు, అసిస్టెంట్‌ ఎకై ్సజ్‌ సూపరింటెండెంట్లు కుమార్‌, మురళీధర్‌, ఇచ్ఛాపురం ఎకై ్సజ్‌ మొబైల్‌ స్క్వాడ్‌ సీఐ జి.వి.రమణ పాల్గొన్నారు.

ఆదివారం శ్రీ 1 శ్రీ నవంబర్‌ శ్రీ 2026ఉద్దానం పల్లెల్లో పగిలిన గాజులు.. ఆ పొలిమేరల్లో తెగిన తాళిబొట్లు.. ఆ దారుల్లో కలిసిపోయిన కన్నీటి బొట్లు.. అక్కడ అలవాటైపోయిన చావు డప్పులు.. వీటిని గుర్తించిన నాయకులెవరు..? కిడ్నీ వ్యాధి కంటే ముందు చికిత్స కోసం చేసిన ఖర్చు చంపేస్తుంటే.. అందుబాటులో ఆస్పత్రి కట్టిందెవరు? సంపాదన అంతా మందులకే అయిపోతుంటే.. రూ.10వేలు పింఛన్‌ ఇచ్చిందెవరు.? వ్యాధికి తాగునీరే కారణమన్న అనుమానం ఉంటే.. హిరమండలం నుంచి నీరు తెచ్చిందెవరు..? అన్నింటికీ ఒకటే సమాధానం వైఎస్‌ జగన్‌మోహన్‌ రెడ్డి. దశాబ్దాలుగా కుర్చీ వదలని నాయకులు చేయలేనిది, విజనరీల ఆలోచనకు కూడా అందనిది ఐదేళ్ల పాలనా కాలంలోనే వైఎస్‌ జగన్‌ చేసి చూపించారు. – సాక్షి ప్రతినిధి, శ్రీకాకుళం

సాక్షి ప్రతినిధి, శ్రీకాకుళం : మద్యం సిండికేట్‌తో రూ.కోట్లు సంపాదించారు. భూ కబ్జాలతో జేబులు నింపుకున్నారు. ఇప్పుడు గద్దెనెక్కడానికి అదే డబ్బును వెదజల్లుతున్నారు. పలాసలో సాగుతున్న రాజకీయమిది. ఏకంగా ఓటుకు రూ.5వేలు ఇచ్చేందుకు టీడీపీ నాయకులు సిద్ధ పడుతున్నారంటే.. ఎంతగా దోపిడీ చేశారో అర్థం చేసుకోవచ్చు. దందాకు పలాసే రోల్‌ మోడల్‌ జిల్లాలో మొట్టమొదట మద్యం సిండికేట్‌ అయ్యింది పలాస–కాశీబుగ్గలోనే. ఎంఆర్‌పీకి మించి విక్రయాలు ప్రారంభించింది ఇక్కడే. బెల్ట్‌షాపులకు దారి చూపింది.. డోర్‌ డోలివరీ చేసినట్టు మందును బెల్ట్‌షాపులకు అందజేతకు శ్రీకారం చుట్టింది కూడా ఇక్కడే. పలాసలో జరిగిన లిక్కర్‌ దందాను రోల్‌ మోడల్‌గా తీసుకుని జిల్లా వ్యాప్తంగా బెల్ట్‌షాపులు, ఎంఆర్‌పీకి మించి విక్రయాలు, కల్తీ మద్యం దోపిడీని కొనసాగించారు. అత్యధిక షాపులు దక్కించుకున్న ‘బాబు’ గుత్తాధిపత్యం వహిస్తూ, సిండికేట్‌కు నాయకత్వం వహించారు. గుడి, బడి లేకుండా షాపులు, బెల్ట్‌షాపులు పెట్టి, ఎంఆర్‌పీకి మించి విక్రయాలు చేపట్టి రూ. కోట్లు సంపాదించారు. ఇప్పుడా సొమ్మును ఓట్ల కోసం ఖర్చు పెడుతున్నారు. ఒక్క మద్యం సిండికేట్‌తోనే కాదు కబ్జా భూములతో సంపాదించిన సొమ్మును కూడా బయటకి తీశారు. ప్రచారంలో ప్రజాదరణ కనిపించకపోవడం, ఓటమి భయం పట్టుకోవడం, సొంత పార్టీ సభ్యులే అభ్యర్థిత్వాన్ని వ్యతిరేకిస్తూ స్వతంత్రంగా బరిలోకి దిగడంతో సిండికేట్‌ ‘బాబు’ ఎంత ఖర్చు పెట్టడానికై నా వెనుకాడడం లేదు. ఎక్కడైనా అవసరమైతే బల్క్‌లో సొమ్ము ఇవ్వడానికి కూడా వెనుకంజ వేయడం లేదు.

నందిగాం: పెద్దలవునిపల్లి పంచాయతీ చిన్నలవునిపల్లి నుంచి 14 కుటుంబాలు తెలుగుదేశం పార్టీని వీడి టెక్కలి నియోజకవర్గ సమన్వయకర్త పేరాడ తిలక్‌ సమక్షంలో వైఎస్సార్‌ సీపీలో శనివారం చేరారు. స్థానిక పార్టీ కార్యాలయంలో వారందరికీ తిలక్‌ పార్టీ కండువాలు వేసి సాదరంగా ఆహ్వానించారు. పార్టీలో చేరిన వారిలో బసవల తరుణ్‌, పాలవలస వైకుంఠరావు, పాలవలస అప్పారావు, కాసి పురుషోత్తం, రోకల హేమసుందరరావు, పాలవలస చక్రధర్‌, సిర్ల ప్రసాద్‌, పాలవలస గిరి, బసవల కృష్ణారావు, బసవల సాంబమూర్తి, అంబోడి జోగారావు, అంబోడి నర్సింహమూర్తి, బసవల బాబూరావు, తెంబూరు సోమేశ్వరరావు తదితరులు పాల్గొన్నారు.

శ్రీకాకుళం (పీఎన్‌ కాలనీ): కూటమి ప్రభుత్వం రెండున్నరేళ్ల పాలనలో ప్రజలకు మోసం, దగాయే తప్ప మేలేమీ చేయలేదని వైఎస్సార్‌సీపీ మాజీ మంత్రి ధర్మాన ప్రసాదరావు అన్నారు. ఇటీవల టీడీపీని వీడి వైఎస్సార్‌సీపీలో చేరిన మాజీ ఎమ్మె ల్యే గుండ లక్ష్మీదేవి, పెద్ద కుమారుడు గుండ శివ గంగాధర్‌ శనివారం జిల్లా పార్టీ కార్యాలయానికి ముహూర్తం ప్రకారం విచ్చేశారు. పార్టీ నగర అధ్యక్షుడు సాధు వైకుంఠరావు అధ్యక్షతన జరిగిన స్వాగ త సమావేశంతో ధర్మానతో పాటు పార్టీ జిల్లా అధ్యక్షుడు కృష్ణదాస్‌ హాజరై శుభాకాంక్షలు తెలిపారు. ఈ సందర్భంగా ధర్మాన ప్రసాదరావు మాట్లాడుతూ గుండ లక్ష్మీదేవి పార్టీలో చేరిన రోజే వైఎ స్సార్‌ సీపీ అధినేత వైఎస్‌ జగన్‌మోహన్‌రెడ్డి శ్రీకాకుళం మేయర్‌ అభ్యర్థిగా ఖరారు చేశారన్నారు. ఆమె విజయాని కి 60 డివిజన్ల ఇన్‌చార్జులు, పార్టీ నాయకులు, కార్యకర్తలు సమష్టిగా, ప్రణాళికాబద్ధంగా పనిచేయాలన్నారు. గత వైఎస్సార్‌సీపీ ప్రభుత్వం అధికారంలో ఉన్నప్పుడు స్థానిక ఎన్నికల్లో పోటీ చేయలేమని టీడీపీ చేతులెత్తేసిందని గుర్తు చేశారు. నేడు మనం పోటీ చేయడమే కాకుండా విజయాన్ని సాధించే స్థాయిలో ప్రజల మద్దతును పొందుతున్నామని చెప్పారు. మరోవైపు అధికార పార్టీ అక్రమాలకు అంతులేకుండా పోతోందన్నారు. పొందూరు మండలంలో ఐదు ఎంపీటీసీ అభ్యర్థుల నామినేషన్లను ఫోర్జరీ సంతకాలతో ఉపసంహరించిన పరిస్థితి ఏర్పడటం దారుణమన్నారు. ప్రజల్లో విశేష ఆదర ణ, జిల్లాలో ప్రత్యేక గుర్తింపు ఉన్న గుండ కుటుంబం వైఎస్సార్‌ సీపీకిలోకి రావడం మన పార్టీకి మరింత బలాన్ని చేకూర్చిందని, ఎవరు ఎన్ని అడ్డంకులు సృష్టించినా శ్రీకాకుళం నగరపాలక సంస్థ ఎన్నికల్లో ఆమె మేయర్‌గా గెలవడం నల్లేరుపై నడకేనన్నారు. అవమానాలు భరించలేకే.. 40 ఏళ్ల చరిత్ర కలిగిన తమ కుటుంబానికి టీడీపీలో తీవ్ర అవమానాలకు గురిచేశారని మాజీ ఎమ్మెల్యే గుండ లక్ష్మీదేవి అన్నారు. టికెట్‌ ఇవ్వకుండా అడుగడుగునా తీవ్ర పరాభవాలు ఎదుర్కొనేలా చేశారన్నారు. వైఎస్సార్‌సీపీలో ఆదరణ బాగుందని, పార్టీ గెలుపుకోసం తనవంతు కృషి చేస్తానన్నారు. సమావేశంలో మాజీ డిప్యూటి సీఎం ధర్మాన కృష్ణదాస్‌, యువనేత ధర్మాన రామ్‌మనోహర్‌నాయుడు, 60 డివిజన్ల ఇన్‌చార్జిలు, నాయకులు, కార్యకర్తలు పాల్గొన్నారు.

టెక్కలి: స్థానిక సంస్థల ఎన్నికల నేపథ్యంలో పోలింగ్‌ సమీపిస్తున్న తరుణంలో వైఎస్సార్‌సీపీ కార్యకర్తలపై వేధింపులు మితిమీరుతున్నాయి. టెక్కలి నియోజకవర్గంలో బైండోవర్‌ పేరుతో వైఎస్సార్‌సీ పీ కార్యకర్తలను పోలీస్‌స్టేషన్‌కు పిలిపించి రోజంతా పడిగాపులు కాయిస్తున్నారు. శనివారం టెక్కలి లో కొంతమంది వైఎస్సార్‌సీపీ కార్యకర్తలను స్టేషన్‌ కు పిలిపించి రోజంతా పడిగాపులు కాయించారు. ఈ క్రమంలో బైండోవర్‌ నమోదు చేయాలని వైఎస్సార్‌సీపీ కార్యకర్త చింతాడ జీవన్‌ను పోలీస్‌స్టేషన్‌ కు పిలిపించారు. తాను తహసీల్దార్‌ కార్యాలయాని కి వచ్చి బైండోవర్‌ నమోదు చేయించుకుంటానని పోలీసులకు చెప్పారు. అనంతరం తహసీల్దార్‌ కార్యాలయానికి వెళ్లగా అక్కడ ఎవరూ లేకపోవడంతో, తిరిగి వెళ్తుండగా కచేరీవీధి సమీపంలో నలుగు రు పోలీసులు జీవన్‌ను అడ్డగించి, నీపై బైండోవర్‌ నమోదు చేసేందుకు సీఐ తీసుకురమన్నారని చెప్పారు. తాను ఆదివారం తహసీల్దార్‌ కార్యాలయానికి వస్తానని చెప్పినా వినలేదు. ఇదే సమయంలో వైఎస్సార్‌సీపీ నియోజకవర్గ సమన్వయకర్త పేరాడ తిలక్‌ చేరుకుని ఉదయం పోలీస్‌స్టేషన్‌కు పంపిస్తానని చెప్పి జీవన్‌ను తనతో పాటు తీసుకువెళ్లిపోయారు.

● నెల్లిమెట్ట వద్ద నీట మునిగిన 50 ఎకరాల వరి ● గగ్గోలు పెడతున్న అన్నదాతలు ఆమదాలవలస రూరల్‌: నెల్లిమెట్ట ప్రాంతంలో నాగావళి నది గట్టుకు గండిపడటంతో సుమారు 50 ఎకరాల్లో వరి పంటపొలాలు నీట మునిగాయి. దీంతో రైతులు లబోదిబోమంటున్నారు. వరదల కారణంగా ముంప్పు కష్టాలు తప్పడం లేదని బాధితులు ఆవేదన వ్యక్తం చేస్తున్నారు. కరకట్టలు నిర్మిస్తామని పాలకులు హామీలు ఇవ్వడమే తప్ప క్షేత్రస్థాయిలో పట్టించుకోవడం లేదని వాపోతున్నారు. పంట పొలాల మీదుగా వరద నీరు ప్రవహిస్తుండటంతో ఆ ప్రాంతానికి వెళ్లే అవకాశం కూడా లేదని రైతులు అంటున్నారు. గండిపడిన ప్రాంతాన్ని స్థానిక నాయకులు ప్రవీణ్‌కుమార్‌, శ్రీరామ్మూర్తి, రామారావు తదితరులు పరిశీలించి పంట నష్టాన్ని అధికారులకు వివరించారు. పంట నష్టం గుర్తిస్తాం.. ఈ విషయమై మండల వ్యవసాయాధికారి అధికారి మెట్ట మోహనరావు మాట్లాడుతూ గండిపడిన విషయం తమ దృష్టికి కూడా వచ్చిందని, ప్రస్తుతం అక్కడికి వెళ్లేందుకు అవకాశం లేదని, పంట నష్టం గుర్తించి జిల్లా అధికారులకు తెలియజేస్తామని చెప్పారు.

● జిల్లాను నిలువునా మోసం చేసిన టీడీపీ ● ఎన్నికల సమయంలో లెక్కలేనన్ని హామీలు ● ఒక్కటీ అమలు చేయని దుస్థితి ● పబ్లిసిటీ తప్ప పనులు చేయని వైనం ఇవి గుర్తున్నాయా..? ● అధికారంలోకి రాగానే పాతపట్నం నియోజకవర్గంలో ఐటీడీఏ, ప్రభుత్వ మహిళా డిగ్రీ కళాశాల, అగ్నిమాపక కేంద్రం, 100 పడకల ఆస్పత్రిని ఏర్పాటు చేస్తామన్నా రు. ఇంతవరకు వాటికి అతీగతి లేదు.. ● ఆమదాలవలస నియోజకవర్గంలో పురుషోత్తపురం వద్ద వంశధార నదిపై, ముద్దాడపేట వద్ద నాగావళి నదిపై వంతెనల నిర్మాణాలు పూర్తి చేస్తామని, నారాయణపురం ఆనకట్ట ఆధునీకరణ పనులు పూర్తి చేస్తామన్నారు. ప్రస్తుతం వాటి ఊసే ఎత్తడం లేదు. ● ఆఫ్‌షోర్‌ ప్రాజెక్టును పూర్తి చేస్తామని, వంశధార కాలువలకు సిమెంట్‌ లైనింగ్‌ పనులు చేస్తామని, ప్రభుత్వం ఏర్పాటు కాగానే వంశధార, నాగావళి నదులను అనుసంధానం చేస్తామని, పలాసలో డిఫెన్స్‌ కోచింగ్‌ సెంటర్‌ ఏర్పాటు చేస్తామని వాగ్దానం చేశారు. వాటిలో ఒక్కదానికి కూడా అతీగతి లేదు. ● నరసన్నపేట పరిధిలో ఎత్తిపోతల పథకం పూర్తి చేస్తామని, వంశధార–బాహుదా నదుల అనుసంధానం చేస్తామని, కళింగ వైశ్యులను ఓబీసీలో చేర్చుతామని, టెక్కలిలో వైద్య కళాశాల ఏర్పా టు చేస్తామని, బుడగట్లపాలెంలో మత్స్యకార జెట్టీ నిర్మాణం చేస్తామని ప్రజల్ని ప్రలోభ పెట్టారు. వీటిలో ఒక్కటంటే ఒక్కటీ అమలు కాలేదు. సూపర్‌సిక్స్‌..మోసం ఫిక్స్‌ ● నిరుద్యోగ భృతికి దర్జాగా ఎసరు పెట్టారు. ఏడాదికి నాలుగు లక్షల ఉద్యోగాల హామీనే మర్చిపోయారు. ● మహిళలు ఆర్థికంగా ఎదిగేందుకు 19 నుంచి 60ఏళ్ల లోపు మహిళలకు నెలకి రూ. 1500 ఇస్తామని చెప్పారు. ఈ మాట పాలకులకు అసలు గుర్తు లేదు. ● 50 ఏళ్లకే పింఛన్‌ ఇస్తామని గత ఎన్నికల ముందు చెప్పారు. కానీ సాధారణ పింఛన్లు సైతం ఒక్కటైనా ఇవ్వలేదు. సీఎం హోదాలో చెప్పినా.. గత ఎన్నికలకు ముందు ఇచ్చిన హామీలు ఎలాగూ గుర్తు లేదు. ఎన్నికల్లో గెలిచాక మూడు సార్లు జిల్లాకు వచ్చిన సీఎం చంద్రబాబు అనేక హామీలు ఇచ్చారు. కానీ వాటి ని సైతం మర్చిపోయారు. ఇచ్ఛాపురం, బుడగట్లపాలెం గ్రామాలకు వచ్చినప్పుడు పలు హామీలు ఇచ్చారు. ● బాహుదాలో గ్రోయిన్స్‌ తదితర మరమ్మతు పనులు కోసం, అరకబద్ర లిఫ్ట్‌ ఇరిగేషన్‌ ఏర్పాటు కోసం రూ. 30 కోట్లు మంజూరు చేస్తున్నామన్నారు. ఇంతవరకు మంజూరు చేయలేదు. ● బెంతొరియాల పేరుతో స్థానికత ఽధ్రువీకరణ పత్రాలు మంజూరు చేస్తామన్నా రు. ఇప్పటికీ ఇవ్వడం లేదు. కానీ ఈ హామీ పేరుతో ఎమ్మెల్యే రెండు సార్లు స న్మానాలు మాత్రం చేయించుకున్నారు. ● ఉద్దానంలో కొబ్బరి పార్కు ఏర్పాటు చేస్తామని చెప్పారు. ఇంతవరకు అమలుకు నోచుకోలేదు. ● అరసవల్లి సూర్య దేవాలయం అభివృద్ధికి రూ.100కోట్ల ప్రాజెక్టు మంజూరు చేస్తానన్నారు. ఇంతవరకు ఒక్క రూపాయి ఇవ్వలేదు. ● పలాస కిడ్నీ ఆస్పత్రికి రూ. 60కోట్లు ఇస్తున్నానని ప్రకటించారు. చేసిందేమీ లేదు. ● బుడగట్లపాలెం గ్రామంలో 18మందికి ఇళ్లు ఇస్తామన్నారు. ఇంతవరకు అతీగతి లేదు. ● బుడగట్లపాలెం ఫిషింగ్‌ హార్బర్‌ నిర్మాణం పూర్తి చేస్తామన్నారు. ఏమీ చేయలేదు సరికదా ఉన్న నిర్మాణ ఎక్విప్‌మెంట్‌ను తరలించేశారు. ● మూలపేట పోర్టు పనులను కావాలనే జాప్యం చేస్తున్నారు. పేటలో ఇచ్చిన మాటలు.. ● స్వర్ణాంధ్ర– స్వచ్ఛాంధ్ర కార్యక్రమం కో సం ఈ ఏడాది మే నెలలో నరసన్నపేటకు వచ్చారు. అక్కడ కూడా నోటికొచ్చిన హామీలిచ్చారు. చేసిందేమీ లేదు గాని ప్రారంభించిన చెత్త సంపద కేంద్రాన్ని గాలికొదిలేశారు. ● నరసన్నపేటలోని రాజుల చెరువును పర్యాటక కేంద్రంగా తీర్చిదిద్దుతానని ప్రకటించారు. విజయవాడ వెళ్లిపోగానే మరిచిపోయారు. ● ఎర్రన్నాయుడు పార్క్‌ విషయంలో కోర్టు క్లియరెన్స్‌ తీసుకొస్తామన్నారు. ఆ బాధ్యతలు ఎంపీకి అప్పగించామన్నారు. అలాగే వదిలేశారు. ఎంతవరకు వచ్చిందో ఎవరికీ తెలియదు. ● శ్రీముఖలింగంలో వేడుకలు రాష్ట్ర పండగగా చేస్తామన్నారు. ఇప్పటివరకు దాని ఊసే లేదు. ● బొంతు ఎత్తిపోతల పథకం, మడపాం, కామేశ్వరిపేటలో ఎత్తిపోతల పథకాలు ప్రకటనకే పరిమితమయ్యాయి.

ఇచ్ఛాపురం రూరల్‌: తుఫాన్‌ ధాటికి పంటను నష్టపోయిన రైతులు తన వద్దకు వస్తే, నమోదు చేసి ప్రభుత్వం తరఫున పరిహారం ఇప్పిస్తానని మండలానికి చెందిన ఓ టీడీపీ నాయకుడు బాధిత రైతులను ప్రలోభాలకు గురి చేస్తున్నాడు. అర్నబ్‌ తుఫాన్‌ ప్రభావానికి కొఠారీ గ్రామానికి చెందిన వందలాది ఎకరాలు ముంపునకు గురయ్యాయి. పంట నష్టాన్ని సంబంధిత వ్యవసాయ అధికారులు క్షేత్రస్థాయిలో నమోదు చేయాల్సి ఉండగా, స్థానిక మాజీ సర్పంచ్‌, ఏఎంసీ మాజీ చైర్మన్‌ సాడి సహదేవ్‌రెడ్డి రెడ్డి మాత్రం పంట నష్టం తనకు నమోదు చేయమన్నారంటూ బాధిత రైతుల వద్ద భూ పత్రాలు సేకరిస్తూ, రాబోయే స్థానిక సంస్థల ఎన్నికల్లో టీడీపీ ఓటు వేసిన వారికి మాత్రమే పరిహారం ఇవ్వడం జరుగుతుందంటూ ప్రలోభాలకు గురిచేస్తున్నాడంటూ రైతులు ఆందోళన వ్యక్తం చేస్తున్నారు. ఎన్నికల కోడ్‌ అమలులో ఉన్నప్పటికీ ఇలా బహిరంగంగా పంట నమోదు పేరిట బాధిత రైతులకు ప్రలోభాలకు గురి చేయడం, హెచ్చరికలు జారీ చేయడం ఎంత వరకు సమంజసమని స్థానికులు ఆగ్రహం వ్యక్తం చేస్తున్నారు.

రణస్థలం: కూటమి పాలనలో ప్రజలకు చేసేందేమీ లేదని, అందుకే అంతా వైఎస్సార్‌సీపీ బాట పడుతున్నారని ఎచ్చెర్ల మాజీ ఎమ్మెల్యే గొర్లె కిరణ్‌కుమార్‌ అన్నారు. రణస్థలం మండల కేంద్రంలోని వైఎస్సార్‌సీపీ నియోజకవర్గ కార్యాలయంలో ఎచ్చెర్ల మండలం బడివానిపేట, భగీరథపురం పంచాయతీలోని మూసవానిపేట, వీరయ్యవలస గ్రామాల నుంచి 70 టీడీపీ కుటుంబాలు శుక్రవారం వైఎస్సార్‌ కాంగ్రెస్‌ పార్టీలో చేరాయి. దోని హరికృష్ణ, బడి తోటయ్య, ఆకల్ల చంద్రమోహన్‌, సూరాడ లక్ష్మయ్య, బడి నర్సింహులు, మోస అప్పారావు, సూరాడ లక్ష్మయ్య, దోని అప్పన్న, నగేష్‌, బడి సత్యంతో పాటు పలువురికి వైఎస్సార్‌సీపీ కండువాలు వేసి సాదరంగా ఆహ్వానించారు. ఈ సందర్భంగా కిరణ్‌ మాట్లాడుతూ పార్టీ బలోపేతానికి ప్రతిఒక్కరూ ఐక్యతతో పని చేయాలని, వైఎస్సార్‌సీపీ అభ్యర్థులను గెలిపించాలని పిలుపునిచ్చారు. కూటమి పార్టీలో వ్యతిరేకత బలంగా ఉందని, ప్రజలకు వ్యతిరేకత స్పష్టంగా తెలియజెప్పాలని సూచించారు. కార్యక్రమంలో పార్టీ జిల్లా ప్రధాన కార్యదర్శి సనపల నారాయణరావు, ఎంపీపీ అభ్యర్థి నేతింటి నీలమప్పడు, మండల పార్టీ అధ్యక్షుడు బోర సాయిరాం రెడ్డి, నాయకులు మూగి శ్రీరాములు, గోవిందరెడ్డి, నక్క కృష్ణమూర్తి, కారి తాతారావు, మారుపల్లి కనకరాజు, కునుకు కన్నప్పడు, గంగు ఎర్రంనాయుడు తదితరులు పాల్గొన్నారు.

నందిగాం: కవిటిఅగ్రహారం వద్ద ఉన్న రైల్వే అండర్‌ ప్యాసేజ్‌లో గ్రామానికి చెందిన కోనారి కల్యాణి అలియాస్‌ జ్యోతి (26) గురువారం రాత్రి పడిపోయి మృతి చెందారు. కుటుంబసభ్యులు, జీఆర్పీ ఎస్‌ఐ దుంపల శ్రీనివాసరావు తెలిపిన వివరాల ప్రకారం కవిటిఅగ్రహారానికి చెందిన రోణగల సన్యాసమ్మ, లచ్చయ్య కుమార్తె కల్యాణిని ఆరేళ్ల కిందట జలుమూరు మండలం సంతలబైరికి చెందిన కోనారి కృష్ణారావుకు ఇచ్చి వివాహం చేశారు. వారికి ఐదేళ్ల కుమారుడు ఉన్నా డు. కల్యాణి దసరాకి కన్నవారి ఇంటికి వచ్చారు. గురువారం రాత్రి 7.30 గంటల సమయంలో బహిర్భూమి కోసం వెళ్లి తిరిగి రాలేదు. శుక్రవారం ఉదయం వర్షపు నీటితో నిండి ఉన్న రైల్వే అండర్‌ పాసేజ్‌లో ఆమె శవమై తేలుతూ కనిపించింది. రైల్వే పో లీసులు వచ్చి పరిశీలించి మృతదేహాన్ని పోస్ట్‌మార్టం కోసం పలాస ఆస్పత్రికి తరలించారు. అనంతరం కుటుంబ సభ్యులకు అప్పగించారు.

నరసన్నపేట: మున్సిపాలిటీల్లో వైఎస్సార్‌సీపీ అభ్యర్థులను అత్యధిక మెజార్టీతో గెలిపించాలని ఆ పార్టీ జిల్లా అధ్యక్షుడు ధర్మాన కృష్ణదాస్‌ కోరారు. గ్రేటర్‌ విశాఖ వైఎస్సార్‌ సీపీ మేయర్‌ అభ్యర్థి గా జిల్లా ఆడ పడుచు వరుదు కల్యాణి పోటీ చేస్తున్నారని, ఫ్యాన్‌ గుర్తుకు అత్యధికంగా ఓట్లు వేసి ఆమెను గెలిపించాలని విన్నవించారు. అలాగే జిల్లాలోని ఇచ్ఛాపురం, పలాసలో వైఎస్సార్‌ సీపీ తరఫున మున్సిపల్‌ చైర్‌ పర్సన్‌ అభ్యర్థులుగా పిలక రాజలక్ష్మి, తాళాసు శ్రీపద్మలు పోటీ చేస్తున్నారని వారిని అధిక మెజారిటీతో గెలిపించాలని విన్నవించారు. కూటమి అన్ని వర్గాలను మోసం చేసిందని, ధరలు విపరీతంగా పెరిగాయని గుర్తు చేశారు. ఈ మేరకు ఆయన శుక్రవారం ఓ వీడియో రిలీజ్‌ చేశారు. వంశధార తగ్గుముఖం హిరమండలం: వంశధార గొట్టా బ్యారేజీ వద్ద నీటి ప్రవాహం తగ్గుముఖం పడుతోంది. గు రువారం ఉదయం నుంచి 48వేల క్యూసెక్కులకు పైగా వరదనీరు వచ్చి చేరింది. క్రమేపీ పెరుగుతూ రాత్రి 10 గంటలకు 78,721 క్యూ సెక్కుల రాగా శుక్రవారం నాటికి తగ్గుముఖం పట్టింది. రాత్రి 7 గంటలకు 64,294 క్యూ సెక్కులకు తగ్గింది. ఓటీపీ లేకుండా గ్యాస్‌ పంపిణీ శ్రీకాకుళం పాతబస్టాండ్‌: అర్నబ్‌ ప్రభావిత జిల్లాల్లో గృహ వినియోగదారులకు ఓటీపీ లేకుండానే గ్యాస్‌ పంపిణీ చేస్తున్నట్లు జాయింట్‌ కలెక్టర్‌ ఫర్మాన్‌ అహ్మద్‌ ఖాన్‌ ఒక ప్రకటనలో తెలిపారు. ఓటీపీ లేకుండా నగదు చెల్లింపు ద్వారా నేరుగా సిలిండర్లను పొంది (కాష్‌–అండ్‌–కారీ) విధానాన్ని అమలు చేస్తామన్నారు. జిల్లాలోనూ ఈ వెసులుబాటు ఉంది.

శ్రీకాకుళం పాతబస్టాండ్‌: ఓటు హక్కును ప్రతిఒక్కరూ బాధ్యతాయుతంగా వినియోగించుకోవాలని కలెక్టర్‌, జిల్లా ఎన్నికల అధికారి స్వప్నిల్‌ దినకర్‌ పుండ్కర్‌ పిలుపునిచ్చారు. ఈ మేరకు రాష్ట్ర ఎన్నికల కమిషనర్‌ అనిల్‌ చంద్ర పునేటా శుక్రవారం నిర్వహించిన ఉన్నత స్థాయి వీడియో కాన్ఫరెన్స్‌లో ఎన్నికల పరిశీలకులు మల్లారపు సూర్యతేజ, జాయింట్‌ కలెక్టర్‌ ఫర్మాన్‌ అహ్మద్‌ ఖాన్‌తో కలిసి పాల్గొన్నారు. ఎన్నికల నిర్వహణ, బందోబస్తు ఏర్పాట్లపై సమీక్షించారు. అనంతరం కలెక్టర్‌ మాట్లాడుతూ, నవంబర్‌ 1న ఇచ్చాపురం, పలాస మున్సిపాలిటీలలో ఉదయం 7 నుంచి సాయంత్రం 5 గంటల వరకు పోలింగ్‌ జరుగుతుందని వెల్లడించారు. నవంబర్‌ 1న పలాస, ఇచ్ఛాపురం మున్సిపల్‌ పరిధిలోని అన్ని ప్రభుత్వ కార్యాలయాలు, స్థానిక సంస్థలకు స్థానిక సెలవుగా ప్రకటించారు. పోలింగ్‌ కేంద్రాలుగా గుర్తించిన ప్రభుత్వ కార్యాలయాలు, విద్యాసంస్థలకు అక్టోబర్‌ 31, నవంబర్‌ 1 సెలవు అమల్లో ఉంటుందని పేర్కొన్నారు. కౌంటింగ్‌ కేంద్రాలుగా ఉన్న ప్రాంగణాలకు నవంబర్‌ 3న సెలవు వర్తిస్తుందని తెలిపారు. వాణిజ్య, వ్యాపార, పారిశ్రామిక సంస్థలు తమ ఉద్యోగులకు నవంబర్‌ 1న వేతనంతో కూడిన సెలవు మంజూరు చేయాలని కలెక్టర్‌ ఆదేశించారు. 1100 మంది పోలీసులతో పటిష్ట బందోబస్తు శ్రీకాకుళం క్రైమ్‌: పలాస–కాశీబుగ్గ, ఇచ్చాపురం పురపాలక పట్టణ స్థానిక సంస్థల ఎన్నికల పోలింగ్‌ను ప్రశాంతంగా, పారదర్శకంగా నిర్వహించేందుకు జిల్లా పోలీసు యంత్రాంగం పటిష్టమైన భద్రతా ఏర్పాట్లు చేపట్టిందని ఎస్పీ కె.వి.మహేశ్వర్‌ రెడ్డి శుక్రవారం తెలిపారు. సుమారు 1100 మంది పోలీసు అధికారులు, సిబ్బందితో కట్టుదిట్టమైన భద్రత కల్పిస్తున్నట్లు చెప్పారు. ఇందులో ఇద్దరు అదనపు ఎస్పీలు, ఐదుగురు డీఎస్పీలు, 20 మంది సీఐలు, 40 మంది ఎస్సైలు, ఏఎస్‌ఐలు, హెడ్‌ కానిస్టేబుళ్లు, పోలీసు కానిస్టేబుళ్లు, హోంగార్డులు ఉంటారని వివరించారు. పోలింగ్‌ కేంద్రాలు, సమస్యాత్మక ప్రాంతాల్లో ఎలాంటి అవాంఛనీయ సంఘటనలు చోటుచేసుకోకుండా డ్రోన్‌ కెమెరాలు, సీసీ కెమెరాలు, వీడియో గ్రాఫర్లు, బాడీ వార్న్‌ కెమెరాల ద్వారా నిరంతర నిఘా ఏర్పాటు చేశామన్నారు. రూట్‌ మొబైల్స్‌, స్ట్రైకింగ్‌ ఫోర్స్‌, స్పెషల్‌ స్ట్రైకింగ్‌ ఫోర్స్‌, క్యూఆర్‌టీ బృందాలు, రిజర్వ్‌ పార్టీలు, ఫ్లయింగ్‌ స్క్వాడ్లు, స్టాటిక్‌ సర్వైలెన్స్‌ టీమ్‌లను అందుబాటులో ఉంచనున్నట్లు తెలిపారు. పోలింగ్‌ పూర్తయిన అనంతరం బ్యాలెట్‌ బాక్సులు/ఎన్నికల సామగ్రిని స్ట్రాంగ్‌ రూమ్‌లకు తరలించే సమయంలో ప్రత్యేక భద్రత కల్పిస్తామన్నారు. ఇన్‌చార్జి జీసీడీఓగా ఉమ శ్రీకాకుళం: శ్రీకాకుళం ఇన్‌చార్జి జీసీడీఓగా ఉమను నియమిస్తూ సమగ్ర శిక్ష అధికారులు శుక్రవారం ఉత్తర్వులు వెలువరించారు. ఈమె అదే శాఖలో సహాయ ఐఈ కో–ఆర్డినేటర్‌గా పనిచేస్తున్నారు. ఇప్పటివరకు జీసీడీఓగా పనిచేసిన మాధవిని సహాయ కో–ఆర్డినేటర్‌గా నియమించారు. రేపటి నుంచి రాష్ట్రస్థాయి సైన్సు సంబరాలు శ్రీకాకుళం: భీమవరం నగరంలోని అల్లూరి సీతారామరాజు సాంస్కృతిక కేంద్రంలో నవంబర్‌ 1 నుంచి 3 వరకు చెకుముకి రాష్ట్ర స్థాయి సైన్సు సంబరాలు నిర్వహిస్తున్నట్లు జన విజ్ఞాన వేదిక రాష్ట్ర కార్యదర్శి గొంటి గిరిధర్‌ శుక్రవారం తెలిపారు. శ్రీకాకుళం జిల్లా నుంచి సోంపేట ఏపీ మోడల్‌ స్కూల్‌ విద్యార్థులు రత్నాల లిఖిత్‌, సుబుద్ధి హరిచరణ్‌, పదుము ఉషశ్రీ, టెక్కలి ఓక్లాండ్‌ ఇంటర్నేషనల్‌ స్కూల్‌ విద్యార్థులు, ఉపాధ్యాయులు, తల్లిదండ్రులు పాల్గొంటారని పేర్కొన్నారు.

కాశీబుగ్గ: తనకు పలాస–కాశీబుగ్గ మునిసిపల్‌ చైర్‌పర్సన్‌గా అవకాశమిస్తే జంట పట్టణాలను అవకాశాల గనిగా మార్చుతానని వైఎస్సార్‌సీపీ చైర్‌పర్సన్‌ అభ్యర్థి తాళాసు శ్రీపద్మ స్పష్టం చేశారు. 36 వార్డులకు ప్రతి వార్డు నుంచి రోడ్లను అనుసంధానించే దిశగా మాస్టర్‌ ప్లాన్‌తో వ్యవహరిస్తానన్నారు. శుక్రవారం ఆమె ‘సాక్షి’తో మాట్లాడుతూ జంట పట్టణాల అభివృద్ధికి భవిష్యత్‌ ప్రణాళికను వివరించారు. యువతకు ఉపాధి.. మహిళలకు స్వయం సమృద్ధే లక్ష్యం ‘సాక్షి’తో పలాస కాశీబుగ్గ వైఎస్సార్‌సీపీ చైర్‌పర్సన్‌ అభ్యర్థి తాళాసు శ్రీపద్మ

సంతబొమ్మాళి: బైండోవర్‌ కేసుల నెపంతో వైఎస్సార్‌సీపీ నాయకులను పోలీస్‌ స్టేషన్‌కు పిలిపించి నిర్బంధించటం తగదని వైఎస్సార్‌సీపీ టెక్కలి నియోజకవర్గ ఇన్‌చార్జి పేరాడ తిలక్‌ అన్నారు. శుక్రవారం సంతబొమ్మాళి పోలీస్‌స్టేషన్‌కు వెళ్లి వైఎస్సార్‌సీపీ నాయకులను పరామర్శించారు. అనంతరం ఆయన మాట్లాడుతూ సంతబొమ్మాళి–2 వైఎస్సార్‌సీసీ ఎంపీటీసీ అభ్యర్థి నిర్మల భర్త రాజు, మాజీ ఎంపీటీసీ కొన్న శ్రీరాములు, చిన్నతుంగాం ఎంపీటీసీ అభ్యర్థి కాని జగ్గారావులను బైండోవర్‌ పేరుతో పోలీస్‌స్టేషన్‌కు పిలిపించి ఉదయం నుంచి రాత్రి వరకు అక్కడే ఉంచడం ఎంత వరకు సమంజమని ప్రశ్నించారు. ఎన్నికల సమయం కావడంతో ప్రచారానికి దూరమవుతున్నారని ఆవేదన వ్యక్తం చేశారు. ఇలాంటి కుయుక్తులను ప్రజలంతా గమనిస్తున్నారని చెప్పారు. ఓటర్లు తగిన సమయంలో బుద్ధి చెబుతారని హెచ్చరించారు. కార్యక్రమంలో నాయకులు, కార్యకర్తలు పాల్గొన్నారు.

ఆమదాలవలస : బూర్జ మండలం చీడివలస పంచాయతీ గంగంపేట గ్రామానికి చెందిన 15 టీడీపీ కుటుంబాలు శుక్రవారం వైఎస్సార్‌ సీపీలో చేరాయి. ఆమదాలవలసలోని పార్టీ కార్యాలయంలో నియోజకవర్గ సమన్వయకర్త చింతాడ రవికుమార్‌ ఆధ్వర్యంలో వీరికి పార్టీ కండువాలు వేసి సాదరంగా ఆహ్వానించారు. ఈ సందర్భంగా వారు మాట్లాడుతూ పార్టీ విధి విధానాలు, సంక్షేమ కార్యక్రమాలు, నాయకత్వంపై విశ్వాసంతో వైఎస్సార్‌ సీపీలో చేరినట్లు తెలిపారు. పార్టీలో చేరిన వారిలో జాగుపల్లి వెంకటేష్‌, పైల మోహన్‌రావు, గొల్లి గోవిందరావు, పోలసరి రాంబాబు, పైల నాగరాజు, బొడ్డ గోవింద, నినగుప్పల పోతయ్య, చొక్కర రాము తదితరులు ఉన్నారు. కార్యక్రమంలో బూర్జ మండల పార్టీ అధ్యక్షుడు ఖండాపు గోవిందరావు, పార్టీ నాయకులు బొడ్డేపల్లి నారాయణరావు, సాకేటి శ్రీను, బొల్లు సాంబమూర్తి, బొల్లు సూరిబాబు, జాగుపల్లి దళినాయుడు, పందిరి వెంకట్రావు, చంద్రపురి నీలం, జాగుపల్లి మధుసూదనరావు, సంభాన వీరాస్వామి, కొబగాన రామకృష్ణ, మామిడి గౌరీనాయుడు, బొత్స లక్ష్మణరావు, చొక్కార జనార్దనరావు, పొలసరి త్రినాథ్‌, పాలవలస దుర్గారావు, మామిడి వెంకటరమణ, బూరి గణేష్‌, గడిదేసి అప్పలనాయుడు, జగ్గుపల్లి ఉమా తదితరులు పాల్గొన్నారు.

సాక్షి ప్రతినిధి, శ్రీకాకుళం: ఎప్పుడూ ప్రశాంతంగా ఉండే పలాసలో కూటమి పాలనలో శాంతిభద్రతలు అదుపు తప్పుతున్నాయి. సాధారణ ఎన్నికల తదనంతర పరిణామాల నుంచి మొదలైన దాడులు నిత్యకృత్యంగా మారి స్థానిక ప్రజలను భయాందోళనలకు గురి చేస్తున్నాయి. దాడులు, భూ ఆక్రమణలు, గ్రావె ల్‌– మట్టి మాఫియా, మహిళలపై జరుగుతున్న అఘాయిత్యాల ఘటనలు పలాస– కాశీబుగ్గ ప్రశాంతతను దెబ్బతీస్తున్నాయి. అధికార పార్టీ కక్ష సాధింపు చర్యల్లో రక్షణ విభాగం బిజీగా ఉంది. ఇక్కడి ప్రముఖ వేంకటేశ్వరస్వామి దేవాలయానికి కనీస బందోబస్తు పెట్టలేని స్థితిలో తొక్కిసలాటలో భక్తులు ప్రాణాలు కోల్పోయిన సంఘటన చోటు చేసుకున్న విషయం విదితమే. అధికారమిస్తే...దోచుకున్నారు ప్రజలకు మేలు చేయమని అధికారమిస్తే దోచుకోవడానికి లైసెన్సుగా మార్చుకున్నారని స్థానికులు తీవ్రంగా విమర్శిస్తున్నారు. ఎక్కడికక్కడ ప్రభుత్వ భూములు కబ్జా చేశారు. కొండలను సైతం కరిగించేశారు. పలాస–కాశీబుగ్గలో సూదికొండ, నెమలికొండను అక్రమంగా తవ్వేసి బోడిగుండు చేశారు. గ్రావెల్‌, కంకర తవ్వి తరలించారు. ఎంఐజీ లేవుట్‌కు రవాణా చేసి, ఆ బిల్లులు పెట్టుకుని రూ.కో ట్లు సంపాదించుకున్నారు. సూదికొండ, నెమలికొండ చుట్టూ ఉన్న ప్రభుత్వ భూములను ఆక్రమించడమే కాకుండా ఎర్రచెరువు కాలువ, జగన్నాథసాగరం, అంబుసోలు చెరువు, కుంకుమ సాగరం తదితర చెరువులను ఆక్రమించారు. సూదికొండ చుట్టూ కబ్జాలు చేసినట్లు ఆరోపణలు వెల్లువెత్తుతున్నాయి. కలకలం రేపుతున్న దాడులు శాంతిభద్రతల వైఫల్యానికి పరాకాష్టగా నియో జకవర్గంలో జరుగుతున్న దాడులు, అత్యాచార యత్నాల ఘటనలు కలకలం రేపుతున్నాయి. బాధితులకు న్యాయం జరగకపోగా అధికార పక్షానికి చెందిన కొందరు కీలక నేతల అండదండలు పుష్కలంగా ఉన్నాయనే ఆరోపణలు ఉన్నా యి. పోలీసు స్టేషన్‌లో ఫిర్యాదు చేయడానికి వెళ్తున్న బాధితులపైన పోలీసుల ఎదుటే దాడులు చేయడమే కాదు ఎదరు కేసులు పెడుతూ వేధింపులకు గురి చేస్తున్న ఉదంతాలు ఉన్నాయి. రాజకీయ పంతాలు, పట్టింపుల మధ్య పలాస జీవనాడి అయిన జీడిపప్పు పరిశ్రమ, స్థానిక వ్యాపారాలు దెబ్బతినే పరిస్థితి ఏర్పడింది. పలాసలో జరిగిన సంఘటనల్లో కొన్ని..● పలాస మండలం నీలావతికి చెందిన పౌర హ క్కుల సంఘం నేత డిల్లీరావు అనుమానాస్పదంగా మృతి చెందారు. బాధ్యుల్ని అరెస్టు చేయాలని నిరసన తెలిపితే... అందులో పాల్గొన్న సీదిరి అప్పలరాజుతో పాటు 16మందిపై విధులకు ఆటంకం కలిగించారంటూ కేసులు నమోదు చేశారే తప్ప అనుమానస్పద మృతికి కారకులైన వారిని పట్టుకోలేదు. ● 2024 అక్టోబరు 27న ఫిర్యాదు చేసేందుకు వెళ్లిన మాజీమంత్రి సీదిరి అప్పలరాజు అనుచరులు అల్లు రమణ, మన్మధలపై కాశీబుగ్గ పోలీస్‌ స్టేషన్‌లోనే టీడీపీ నాయకులు దాడి చేశా రు. పిడిగుద్దులు గుద్ది, షర్టులు చింపేసి రౌడీల్లా వీరంగం సృష్టించారు. ● ప్రస్తుతం చైర్‌పర్సన్‌ అభ్యర్థి శ్రీపద్మ ఇంటిపైకి వెళ్లి టీడీపీ నాయకులు దాడులు చేశారు. ● కళింగ వైశ్య సామాజిక వర్గానికి తూముల శ్రీనివాసరావు ఇంటిపైన దాడి చేశారు. ● ఉత్సవాల్లో డ్యాన్స్‌ చేయను అన్నందున తొమ్మి దో తరగతి చదువుతున్న బాలికపై పలాస మండలం తెలుగు యువత అధ్యక్షులు కిక్కర ఢిల్లీరావు దాడికి పాల్పడ్డాడు. ఆమె తల్లిపైనా దాడికి పాల్పడటం అదీ అర్ధరాత్రి సమయంలో గమనార్హం. ● కాశీబుగ్గ కేంద్రంగా ఇద్దరు బాలికలపై ఇద్దరు యువకులు లైంగిక దాడికి పాల్పడమే కాకుండా మరో యువకుడు వీడియోలు తీయడం రాష్ట్రవ్యాప్తంగా సంచలనమైంది.

కొత్తూరు: సిరుసువాడ గ్రామానికి చెందిన సుమారు 60 కుటుంబాలు శుక్రవారం టీడీపీని వీడి వైఎస్సార్‌ కాంగ్రెస్‌ పార్టీలో చేరాయి. సిరుసువాడకు చెందిన పార్టీ నేత బండారి నారాయణ సమక్షంలో మాజీ ఎమ్మెల్యే రెడ్డి శాంతి పార్టీ కండువాలు వేసి ఆహ్వానించారు. పార్టీలో చేరిన వారిలో కోటిలింగాల మిననారు, జి.రంగారావు, ఏ.జయకృష్ణ తదితర 60 కుటుంబాల వారు ఉన్నారు. కార్యక్రమంలో పార్టీ నేతలు బందారి నారాయణ అర్జున పాత్రో, కోటిలింగాల దీనబందు, పాత్రో భాస్కరరావు, సుభాష్‌, బెహర దాలయ్య, కొవ్వాడ లోకేష్‌, చెంగల వినోద్‌ తదితరులు పాల్గొన్నారు.

నేను కార్పెంటర్‌గా జీవనం సాగిస్తున్నాను. సుమారు రూ.10 లక్షలు విలువైన డిజైనింగ్‌ మిషన్‌ ఇటీవల తెచ్చి కర్ర పనిముట్లు తయారు చేస్తున్నాను. తుఫాన్‌ వరదలు రావడంతో మా షెడ్‌ పూర్తిగా నీటిలో మునిగిపోయింది. రూ.పది లక్షలు విలువైన డిజైన్‌ మిషన్‌ పూర్తిగా పాడై పోగా, రూ.10లక్షలు విలువైన కలప పోయింది. కుటుంబంతో పస్తులున్నాం. – కోటిపల్లి సంతోష్‌, కార్పెంటర్‌, లొద్దపుట్టి తిండి లేదు.. కంటికి కునుకు లేదు మూడు రోజులుగా కడుపుకు తిండి లే దు.. కంటికి కునుకు లేకుండా పోయింది. ఇళ్లలోకి నీరు రావడంతో తిండి గింజలు సైతం తడిసి ముద్దైపోయాయి. మమ్మల్ని ఆదుకోవడానికి ఏ ఒక్క అధికారి కూడా రాలేదు. – బాధితులు, అంబుగాం వీధి, లొద్దపుట్టి

ఎడతెరిపి లేని వానకు వరద తోడు కావడంతో మూలపేట పోర్టు పునరావాస కాలనీ జలమయమైంది. నౌపడలో నిర్మించిన మూలపేట, విష్ణుచక్రం పునరావాస కాలనీల్లోకి వరద నీరు చేరడంతో రహదారులన్నీ చెరువులను తలపించాయి. రెండు రోజుల పాటు విద్యుత్‌ సరఫరా నిలిచిపోవడంతో వంటలు చేసుకునేందుకు కూడా వీలు లేక అవస్థలు పడ్డారు. కనీసం కాలకృత్యాలు తీర్చుకునేందుకు కూడా సరైన సదుపాయం లేని దుస్థితి నెలకొంది. మరోవైపు ఇళ్లనిర్మాణాల కోసం తెచ్చి పెట్టుకున్న ఇసుక, సిమెంట్‌ బస్తాలు వరద నీటికి తడిచిపోయాయి. సొంత గ్రామాల్లో ఎంతో దర్జాగా బతికిన తాము పోర్టు నిర్మాణం కోసం అన్నీ త్యాగం చేసి ఇక్కడకు వచ్చామని, ఇక్కడ కనీస సౌకర్యాలు లేక నిత్యం ఇబ్బందులు పడుతున్నామ ని నిర్వాసితులు ఆవేదన వ్యక్తం చేస్తున్నారు. సంతబొమ్మాళి

పాతపట్నం: ఆంధ్రా–ఒడిశా సరిహద్దులో అక్రమంగా నిర్వహిస్తున్న సారా తయారీ స్థావరాలపై ఆంధ్ర, ఒడిశా ఎకై ్సజ్‌ అధికారులు సంయుక్తంగా శుక్రవారం దాడులు నిర్వహించారు. కొత్తూరు, మెళియాపుట్టి, పలాస మండలాలకు ఆనుకుని ఉన్న ఒడిశా గ్రామాలైన తలా బర్లాండ, ఉప్పర బర్లాండ, పరిసరాల్లో 370 లీటర్ల నాటుసారా, 3,300 లీటర్ల బెల్లపు ఊటలను ధ్వంసం చేసి భారీగా సామగ్రిని స్వాధీనం చేసుకున్నామని, వీటి విలువ రూ.2.5 లక్షలు ఉంటుందని పాతపట్నం ఎకై ్సజ్‌ సీఐ కోట కృష్ణారావు తెలిపారు. ఓ వ్యక్తిని అరెస్ట్‌ చేశామని చెప్పారు. ఎన్నికల నేపథ్యంలో జరిగిన ఈ దాడుల్లో జిల్లా ఎకై ్సజ్‌, గజపతి జిల్లా ఎకై ్సజ్‌, ఎన్‌ఫోర్స్‌మెంట్‌ అధికారులు, సిబ్బంది పాల్గొన్నారు.

హామీలుఅభివృద్ధి ● అభివృద్ధికి ఆమడదూరంలో ఇచ్ఛాపురం మున్సిపాలిటీ ● అమలుకు నోచుకోని టీడీపీ వాగ్దానాలు ● ఎన్నికల వేళ మరోసారి చర్చనీయాంశంఫుల్‌..ఇచ్ఛాపురం రూరల్‌: ఎన్నికలొస్తే హామీల వర్షం.. ఎన్నికలు ముగిశాక వాటి అమలుపై మౌనం! ఇచ్ఛాపురం మున్సిపాలిటీలో ప్రస్తుతం ఇదే చర్చ నడుస్తోంది. స్థానిక సంస్థల ఎన్నికల నేపథ్యంలో స్థానిక ఎమ్మెల్యే బెందాళం అశోక్‌ గతంలో పుర ప్రజలకు ఇచ్చిన హామీలు మరోసారి చర్చనీయాంశంగా మారాయి. పట్టణ అభివృద్ధి, రైతుల సంక్షేమం, తాగునీటి సదుపాయాలు, పేదల ఇళ్ల పంపిణీ వంటి అంశాలపై ఇచ్చిన హామీల అమలు ఎంత వరకు వచ్చిందన్న ప్రశ్నలు ప్రజల్లో వ్యక్తమవుతున్నాయి. బాహుదానదిపై కొత్త వంతెన నిర్మాణం చేపట్టి పూర్తి చేస్తామని ఇచ్చిన హామీకి ఇప్పటికీ మోక్షం కలగలేదు. గత వైఎస్సార్‌సీపీ ప్రభుత్వం కొత్త వంతెనకు తెచ్చిన జీవోను సదరు ఎమ్మెల్యే రద్దు చేసినట్లు విమర్శలు వినిపిస్తున్నాయి. వంతెన నిర్మిస్తే రాకపోకలకు ఎంతో సౌకర్యం కలుగుతుందని ఆశించిన ప్రజలకు పనుల పురోగతిపై స్పష్టత కరువైంది. బెల్లుపడ వద్ద గ్రోయిన్‌ నిర్మాణం చేపట్టి రైతులకు సాగునీరు అందిస్తామని హామీ ఇచ్చారు. వ్యవసాయంపై ఆధారపడిన రైతులకు ఈ నిర్మాణం ఎంతో ఉపయోగకరంగా ఉంటుంది. అయినా ఈ హామీ కార్యరూపం దాల్చలేదు అమృత్‌ 2.0 పథకం కింద సుమారు రూ.68 కోట్లతో మున్సిపాలిటీలో ఇంటింటికి కుళాయి కనెక్షన్లు ఏర్పాటు చేసి తాగునీటి సమస్యకు శాశ్వత పరిష్కారం చూపుతామని హామీ ఇచ్చారు పథకం పనుల పురోగతి, పూర్తయిన, మిగిలిన పనులపై అధికారులు స్పష్టమైన వివరాలు ఇవ్వలేకపోతున్నారు. మున్సిపాలిటీలోని టిడ్కో ఇళ్ల నిర్మాణాన్ని పూర్తి చేసి లబ్ధిదారులకు పంపిణీ చేస్తామని హామీ ఇచ్చారు. సొంతింటి కల నెరవేరుతుందని ఎదురుచూస్తున్న పేద కుటుంబాలకు ఇళ్ల అప్పగింత ఎప్పుడు జరుగుతుందన్నది ఇప్పటికీ ప్రశ్నార్థకంగా మారింది. కేంద్ర మంత్రి కె.రామ్మోహన్‌నాయుడుతో కలిసి ఇచ్ఛాపురం పట్టణంలోని పాతాళేశ్వరస్వామి ఆలయానికి వెళ్లే మార్గంలో రూ.3.8 కోట్లతో, నార్త్‌ కేబిన్‌ వద్ద రూ.2.6 కోట్లతో రైల్వే అండర్‌ పాస్‌ (ఆర్‌యూబీ) నిర్మాణాలకు శంకు స్థాపనలు జరిగి రెండు నెలలు కావస్తున్నా.. ఇంత వరకు పనులు మొదలు పెట్టలేదు. రూ.2,29 కోట్లతో రాజావారి మైదానంలో ఇండోర్‌ స్టేడియం నిర్మాణానికి భూమి పూజ జరిగినా ఇప్పటి వరకు పనులు ఊసే లేకుండా పోయింది. ఎన్నికల సమయంలో ఇచ్చిన హామీలను మరోసారి గుర్తు చేసుకుంటున్న పట్టణ ప్రజలు వాటి అమలుపై సమాధానాలు కోరుతున్నారు. కొత్త హామీలు గుప్పించే ముందు గతంలో ప్రకటించిన అభివృద్ధి పనుల పరిస్థితిని ప్రజలకు వివరించాలన్న డిమాండ్‌ వినిపిస్తోంది.

ఎచ్చెర్ల : డాక్టర్‌ బీఆర్‌ అంబేడ్కర్‌ విశ్వవిద్యాలయం, అనుబంధ డిగ్రీ కళాశాలల్లో 2011–15 మధ్య ఇయర్‌ అండ్‌ (వార్షిక పరీక్షల) విధానం, 2015–19 మధ్య సెమిస్టర్‌ విధానం బీఏ, బీఎస్సీ, బీకాం, బీబీఏ తదితర డిగ్రీ కోర్సులు చదివి ఉత్తీర్ణత సాధించని విద్యార్థులకు స్పెషల్‌ డ్రైవ్‌ పరీక్షలు నిర్వహించేందుకు వర్సిటీ అధికారులు షెడ్యూల్‌ విడుదల చేశారు. అర్నబ్‌ తుఫాన్‌ కారణంగా ఈ నెల 27 నుంచి నవంబర్‌ 6 వరకూ జరగాల్సిన ప్రథమ, ఆరో సెమిస్టర్‌, సంవత్సర కాలవ్యవధిలో మూడో ఏడాది పరీక్షలు మాత్రమే వాయిదా వేశామని ఎగ్జామినేషన్‌ డీన్‌ ఎం.అనూరాధ తెలిపారు. వీటిని డిసెంబర్‌ 15 నుంచి 23 వరకూ నిర్వహిస్తామని, మిగిలిన పరీక్షలు యథాతథంగా జరగుతాయన్నారు. ‘జర్నలిస్టులకు రక్షణ కల్పించాలి’ శ్రీకాకుళం పాతబస్టాండ్‌: కర్నూలు జిల్లా ఆత్మకూరు రూరల్‌ రిపోర్టర్‌ సుబ్బారెడ్డిపై దాడి అమానుషమని, విధుల్లో ఉన్న జర్నలిస్టులకు రక్షణ కల్పించాలని కోరుతూ శుక్రవారం శ్రీకాకుళం కలెక్టరేట్‌ ఏఓ సూర్యనారాయణకు జిల్లాలోని జర్నలిస్టులు వినతి పత్రం అందజేశారు. దాడికి పాల్పడిన వారు ఎంతటి వారైనా వారిని కఠినంగా శిక్షించాలని డిమాండ్‌ చేశారు. వినతి పత్రం అందజేసిన వారిలో శ్రీకాకుళం సాక్షి ఆర్‌సీ ఇన్‌చార్జి వీవీఎన్‌ శ్రీనివాస్‌, రిపోర్టర్లు బగాది అప్పలనాయుడు, ఆర్‌వీ శ్రీనివాస్‌ తదితరులు ఉన్నారు. అలాగే ఎచ్చెర్లలో డెస్క్‌ జర్నలిస్టులు, సిబ్బంది నల్ల రిబ్బన్లు కట్టుకుని విధులు నిర్వహించి నిరసన తెలిపారు.

● పొందూరు రైల్వేస్టేషన్‌లో ఇద్దరు అరెస్టు ● ఒడిశా నుంచి కర్ణాటకకు తరలిస్తుండగా పట్టుకున్న పోలీసులుజి.సిగడాం(పొందూరు): పొందూరు రైల్వేస్టేషన్‌లో శుక్రవారం అక్రమంగా తరలిస్తున్న 31.275 కిలోల గంజాయిని స్వాఽధీనం చేసుకుని కర్ణాటక రాష్ట్రానికి చెందిన ఇద్దరిని అరెస్టు చేసినట్టు ఆమదాలవలస సీఐ సన్యాసినాయుడు, ఎస్‌ఐ రాజేష్‌ తెలిపారు. పట్టుబడిన వారిలో కర్ణాటకకు చెందిన జుబీర్‌ మునాఫ్‌సాబ్‌ హకీమ్‌, సునీల్‌ తల్వార్‌ ఉన్నారని చెప్పారు. వీరి వద్ద నుంచి రూ.లక్షా 95 వేలు విలువ చేసే గంజాయి, మూడు సెల్‌ఫోన్లు, స్వాధీనం చేసుకున్నట్లు వెల్లడించారు. వీరిద్దరూ ఒడిశా రాష్ట్రం రాయగడ నుంచి అక్రమంగా తరలిస్తున్నట్లు తెలిపారు. ఆటో డ్రైవర్‌ సమాచారంతో.. నిందితులు రెండు సూట్‌కేసులతో రైల్వేస్టేషన్‌లో ఆటో కోసం వేసిచూడటంతో ఆటో డ్రైవర్‌కు అనూమానం వచ్చింది. వెంటనే పోలీసులకు సమాచారం అందించడంతో ఈ ముఠా గుట్టు రట్టు అయ్యింది. తహసీల్దార్‌ వెంకటేష్‌ సమక్షంలో గంజాయి విలువ లెక్కించారు. కాగా, పొందూరు రైల్వేస్టేషన్‌ గంజాయి రవాణాకు అడ్డాగా మారుతోందనే విమర్శలు వినిపిస్తున్నాయి. ఇటీవల మహారాష్ట్రకు చెందిన మహిళలు అక్రమంగా గంజాయి తరలిస్తూ ఇక్కడే పట్టుబడ్డారు. దీంతో సామాన్యులు ఇక్కడికి వచ్చి రైలు ప్రయాణం చేయాలంటేనే భయాందోళన చెందుతున్నారు.

● వైఎస్సార్‌సీపీ జిల్లా అధ్యక్షుడు ధర్మాన కృష్ణదాస్‌ నరసన్నపేట: జిల్లాలో తుఫాన్‌ కారణంగా జరిగిన నష్టాలు, రైతులకు వచ్చిన కష్టంపై మాజీ ముఖ్యమంత్రి వైఎస్‌ జగన్‌మోహన్‌రెడ్డి ఆరా తీశారని వైఎస్సార్‌ కాంగ్రెస్‌ పార్టీ జిల్లా అధ్యక్షుడు ధర్మాన కృష్ణదాస్‌ తెలిపారు. గురువారం వీడియో కాన్ఫరెన్స్‌ ద్వారా వివరాలు అడిగి తె లుసుకున్నారని కృష్ణదాస్‌ తెలిపారు. తుఫాన్‌, వరద బాధితులకు అండగా పార్టీ శ్రేణులు ఉండాలని సూచించినట్లు తెలిపారు. అలాగే నిత్యావసర సరుకుల ధరలు పెరుగుదలతో స్థానికులు పడుతున్న ఇబ్బందులు అడిగి తెలుసుకున్నారన్నారు. ప్రభుత్వం ధరల నియంత్రణలో విఫలమైందని విమర్శించారు. వంశధారలో పెరిగిన వరదనీరు హిరమండలం: హిరమండలం వంశధార గొట్టా బ్యారేజీ వద్ద గురువారం వరద నీరు పెరిగింది. ఒడిశా కేచ్‌మెంట్‌ ఏరియాలో పడుతున్న తేలికపాటి వర్షాలకు వంశధారలో వరద నీరు వచ్చి చేరుతోంది. గొట్టా బ్యారేజీ వద్ద 36.73 మీటర్ల నీటిమట్టం ఉంది. గురువారం ఉదయం 6 గంటలకు బ్యారేజ్‌లోకి 48576 క్యూసెక్కులు నీరు వచ్చి చేరింది. దీంతో వంశధార అధికారులు అప్రమత్తమై మొదటి ప్రమా ద హెచ్చరికను జారీ చేశారు. వచ్చిన నీటిని 22 గేట్లు పైకి ఎత్తి దిగువకు విడిచిపెట్టారు. ఉదయం 7 గంటల వరకు 56,272వేల క్యూసెక్కులకు ఇన్‌ఫ్లో వస్తూ క్రమేపిగా పెరుగుతూ ఉంది. మధ్యాహ్నం 12 గంటలకు 73,324 క్యూ సెక్కులకు పెరిగింది. అక్కడి నుంచి సాయంత్రం 6 గంటల వరకు నిలకడగా కొనసాగుతుంది. వచ్చిన నీటిని వచ్చినట్లుగా దిగువకు విడిచిపెడుతున్నట్లు డీఈ సరస్వతి తెలిపారు. విస్తారంగా వానలు శ్రీకాకుళం పాతబస్టాండ్‌: తుఫాన్‌ నేపథ్యంలో జిల్లా అంతటా విస్తారంగా వానలు కురిశాయి. మంగళవారం ఉదయం 8.30 గంటల నుంచి బుధవారం ఉదయం 8.30 వరకు జిల్లా వ్యాప్తంగా 4663.6 మిల్లీమీటర్ల వర్షం సగటున 155.8 మిల్లీమీటర్లు, బుధవారం ఉదయం నుంచి గురువారం ఉదయం వరకు మొత్తం 3167.4 మిల్లీమీటర్లు, సగటున 115.6 మిల్లీమీటర్ల వాన కురిసింది. గురువారం ఉదయం నుంచి సాయంత్రం వరకు జిల్లా వ్యాప్తంగా 252.5 మిల్లీమీటర్ల వర్షం పడింది. సగటున 8.4 మిల్లీమీటర్లుగా నమోదైంది. పంట నష్టం అంచనా శ్రీకాకుళం పాతబస్టాండ్‌: తుఫాన్‌ వల్ల బుధవారం నాటికి జరిగిన నష్టాన్ని అధికారులు ప్రాథమికంగా అంచనా వేశారు. వారి అంచనాల మేరకు.. జిల్లాలో 728 గ్రామాలపై తుఫా న్‌ ప్రభావం చూపింది. సుమారుగా 48,836 మంది రైతులు పంట నష్టం ఎదుర్కొంటున్నారు. వరి పంటకు 21538.64 హెక్టార్లలో నష్టం జరిగింది. సంతబొమ్మాళి, పాతపట్నం, కోటబోమ్మాళి, గార, ఇచ్ఛాపురం, ఎచ్చెర్ల మండలాల్లో నష్టం ఎక్కువ ఉంది. తుఫాన్‌ వానలకు జిల్లాలో 39 ఇళ్లు దెబ్బ తిన్నాయి. 52 హెక్టార్లలో పత్తి దెబ్బ తింది.

బాహుదా నది నుంచి ఉద్ధృతంగా ప్రవహించే వరద నీటిలో ఇద్దరు చిన్నారులు కొట్టుకుపోతుండగా.. రేషన్‌ డీలర్‌ కాపాడిన సంఘటన గురువారం మండలంలో చోటుచేసుకుంది. బాహుదానది వరద నీరు ప్రవహిస్తూ డొంకూరు సముద్రం వద్ద నున్న ఉప్పుటేరులోకి వెళ్తున్న క్రమంలో స్థానికులు చూసేందుకు ఎగబడ్డారు. ఈ సందర్భంలో అదే గ్రామానికి చెందిన ఇద్దరు చిన్నారులు ప్రవాహంలో కొట్టుకుపోవడాన్ని గమనించిన స్థానిక రేషన్‌ డీలర్‌ బుడ్డ లోకనాథం ఎస్‌ఎంసీ చైర్మన్‌ కోడ జానకిరామ్‌ సాయంతో ఈదుకుంటూ వెళ్లి ఇద్దరు చిన్నారులను కాపాడారు. దీంతో స్థానికులు ఊపిరి పీల్చుకున్నారు. - ఇచ్ఛాపురం రూరల్‌

సాక్షి ప్రతినిధి, శ్రీకాకుళం : పలాసలో కులాసాగా దోపిడీ జరుగుతోంది. కాయకష్టం చేసుకుని సా యంత్రానికి ఓ గుక్కెడు మద్యం తాగి కష్టం మర్చిపోదామనుకునే శ్రమజీవిని పాలక వర్గం పీల్చి పిప్పి చేస్తోంది. పైగా గొప్ప మానవతావాది, విశ్వమాత పేరుతో విద్యా సంస్థలను నడుపుతున్న ‘బాబు’ సిండికేట్‌ బాస్‌గా మారి, మద్యం షాపు లతో మందుబాబులను దోచేస్తున్నారు. పలాస నియోజకవర్గంలో మద్యం అమ్మకాలు మూడు ఫుల్లులు, ఆరు బీరులు అన్నట్టుగా విచ్చలవిడిగా సాగుతున్నాయి. ఇక్కడ అన్ని వేళలా మద్యం దొరుకుతుంది. ఇంత జరుగుతున్నా ఎకై ్సజ్‌ అధికారులు పట్టీ పట్టనట్టు వ్యవహరిస్తున్నారు. సిండికేట్‌ ‘బాబు’ ఆధ్వర్యంలో ఇష్టారీతిన ధరలు పెంచేసి విక్రయిస్తున్నారు. సమయం దాటినా లైసెన్సు దుకాణాల వెనక భాగంలో ప్రత్యేక కౌంటర్లు ఏర్పాటు చేసి విక్రయాలు చేస్తున్నారు. అధిక ధరలకు ఆద్యం అక్కడే.. జిల్లాలో ఎంఆర్‌పీకి మించి విక్రయాలు ప్రారంభించిన మొదటి నియోజకవర్గం పలాస నియోజకవర్గమే. దాని తర్వాతే మిగతా ప్రాంతాల్లో ఎంఆర్‌పీకి మించి విక్రయాలు చేపట్టడం మొదలయ్యాయి. మహిళా ఎమ్మెల్యే గౌతు శిరీష ప్రాతినిధ్యం వహిస్తు న్న నియోజకవర్గంలో లైసెన్సు దుకాణాల్లో ఏకంగా కౌంటర్లలోనే క్వార్టర్‌ బాటిల్‌పై రూ. 10నుంచి రూ. 20వరకు అదనంగా విక్రయిస్తున్నారు. ఎవరూ అడ్డుకునే పరిస్థితి లేదు. సిండికేట్‌కు కొమ్ము కాస్తున్నది పెద్దలు కావడమే కారణం. ఒక్కో క్వార్టర్‌ బాటిల్‌పై రూ. 20నుంచి రూ 50 వరకు అదనంగా అమ్ముకాలు చేస్తున్నారు. బెల్ట్‌షాపులకై తే అడ్డూ అదుపు లేకుండా పోయింది. ఇష్టారీతిన విక్రయాలు చేస్తున్నారు. ఇక బెల్టుషాపుల్లోనైతే వ్యాపారి ఇష్టం. డోర్‌ డెలివరీ సదుపాయం కూడా ఉందంటే నమ్మాల్సిందే. పనిలో పనిగా కల్తీ మద్యం ఓ వైపు అధిక ధరలకు మద్యం అమ్ముతూనే మరోవైపు ఆ మద్యాన్ని కల్తీచేసి మందుబాబుల ఒళ్లు గుల్ల చేస్తున్నారు. ఈ నియోజకవర్గంలో ఏ వార్డుకు వెళ్లినా ముందుగా కనిపించేవి మద్యం షాపులు, బెల్ట్‌షాపులే. ఇదే అవకాశంగా తీసుకుని కొందరు కల్తీ మద్యం విక్రయిస్తున్నారన్న ఆ రోపణలు ఉన్నాయి. రహస్య ప్రాంతాల్లో కల్తీ చేసి, ఒడిశా, చత్తీస్‌గఢ్‌ ప్రాంతాల నుంచి మూతలు, సీసాలు తీసుకొచ్చి, గుట్టుగా విక్రయాలు కానిచ్చేస్తున్నారు. మద్యం ప్రియులను పీల్చి పిప్పి చేస్తున్న సిండికేట్‌ ‘బాబు’ ఎమ్మార్పీకి మించి విక్రయాలతో రూ.కోట్లలో అక్రమార్జన క్వార్టర్‌ బాటిల్‌పై లైసెన్సు దుకాణాల్లో రూ. 10నుంచి రూ. 20పెంపు బార్‌లు, బెల్ట్‌షాపుల్లో రూ. 50వరకు చేరిన అదనపు వడ్డన

● వైఎస్‌ జగన్‌ హయాంలో ఇచ్ఛాపురానికి వరాల జల్లు ● కూటమి హయాంలో మొండిచేయి ● హామీలిచ్చి మోసగించిన టీడీపీ నాయకులకు ప్రతికూల పరిస్థితులు వైఎస్‌ జగన్‌ హయాంలో ‘పురం’ అభివృద్ధి ఇలా.. వైఎస్సార్‌ సీపీ హయాంలో ఇచ్ఛాపురం మున్సిపాలిటీ అభివృద్ధికి కేటాయించిన నిధులు గడప గడపకు మన ప్రభుత్వం, సాధారణ నిధులతో చేసిన పనులు : రూ. 1.08 కోట్లు ఇచ్ఛాపురం మున్సిపాలిటీలో మంజూరు చేసిన ఇళ్లు : 2866 వాటి విలువ : రూ. 33కోట్ల 89లక్షల 19వేల 947 బాహుద బ్రిడ్జి విలువ : రూ. 20కోట్లు ఉద్దానం వాటర్‌ ప్రాజెక్టు : రూ. 400కోట్లు ఇచ్ఛాపురం నుంచి పురుషోత్తపురం రోడ్డు : రూ. 5కోట్లు ఇచ్ఛాపురం–కరగాం రోడ్డు : రూ. 10కోట్లు బెల్లుపడ అర్బన్‌ ప్రైమరీ హెల్త్‌ సెంటర్‌ : రూ. 60లక్షలు పురుషోత్తపురం అర్బన్‌ ప్రైమరీ హెల్త్‌ సెంటర్‌ : రూ. 50లక్షలు ఇచ్ఛాపురం మున్సిపాలిటీ, నాలుగు మండలాలు సచివాలయం భవనాలు : రూ. 34కోట్లు మున్సిపాలిటీ, నాలుగు మండలాల రైతు భరోసా కేంద్రాలు : రూ. 18.30కోట్లు మున్సిపాలిటీ నాలుగు మండలాల వెల్‌నెస్‌ సెంటర్లు : రూ. 12.25కోట్లు సంక్షేమ పథకాల రూపంలో మొత్తం నియోజకవర్గ లబ్ధిదారులకు జమ చేసిన మొత్తం : రూ.1473.66 కోట్లు సంక్షేమం, అభివృద్ధి కలగలిపి వైఎస్సార్‌సీపీ హయాంలో ఇచ్ఛాపురంలో చేసిన ఖర్చు : రూ.2698 కోట్లు సాక్షి ప్రతినిధి, శ్రీకాకుళం : ఏటా వస్తున్న వరద ఇచ్ఛాపురం పాలకుల పనితీరును తేటతెల్లం చేస్తూ నే ఉంది. ఈ యేడూ అదే జరిగింది. మహోగ్రంగా ప్రవహించిన బాహుదా టీడీపీ నాయకుల 15 ఏళ్ల పనితీరును జనం కళ్లకు కట్టింది. ఇన్నేళ్లుగా వరద సహాయక చర్యలు చేపట్టడమే గానీ శాశ్వత చర్యలు తీసుకున్న దాఖలా లేవు. ఇవే కావు మున్సిపాలిటీలోనూ చెప్పుకోదగ్గ అభివృద్ధి పని టీడీపీ ఏనాడూ చేయలేదని స్థానికులు విమర్శిస్తున్నారు. స్థానిక ఎన్నికల వేళ అదే వారికి ప్రతికూలమవుతోంది. కూటమి ప్రభుత్వం అధికారంలోకి వచ్చి రెండున్నరేళ్లు దాటుతున్నా.. ఎన్నికల సమయంలో ఇచ్చిన హామీలు, అభివృద్ధి పనుల పురోగతిపై ప్రజల్లో ప్రశ్నలు వ్యక్తమవుతున్నాయి. గత ఎన్నికలకు ముందు ఇచ్చిన సూపర్‌ సిక్స్‌ హామీలు అమలు చేయకపోగా ప్రజల్ని మభ్య పెడుతోంది. దీంతో ఎన్నికల్లో గట్టెక్కేందుకు కూటమి బెదిరింపుల అస్త్రం ప్రయోగిస్తోంది. తమకు ఓటు వేయకపోతే సంక్షేమ పథకాలు ఊడగొడతామంటూ భయబ్రాంతులకు గురి చేస్తున్నారు. కానీ, ప్రజలు వెనక్కి తగ్గడం లేదు. ఊడగొడితే ఎలా సాధించుకోవాలో తెలుసనిఎదురుతిరుగుతున్నారు. నీకిది తగునా బాబూ.. ఉద్దానం కిడ్నీ రోగుల కోసం వైఎస్‌ జగన్‌మోహన్‌ రెడ్డి ఉచితంగా అవసరమైన మందులు అందజేస్తే చంద్రబాబు ప్రభుత్వం వచ్చి కోత పెట్టింది. రోగుల పరిస్థితి మళ్లీ మొదటికొచ్చింది. కిడ్నీ రోగులకు ఆస్పత్రులు నిర్మించిన ఘనత వైఎస్‌ జగన్‌ది అయితే.. ఆ ఆస్పత్రులను నిర్వీర్యం చేసిన ఘనత టీడీపీది. హిరమండలం వంశధార నుంచి శుద్ధ జలాలను వందల కిలోమీటర్లు పైపులు వేసి, ట్యాంకులు నిర్మించి వైఎస్‌ జగన్‌ తీసుకొస్తే.. ఇప్పుడా నీటిని కూడా ఇవ్వలేని దుస్థితిలో ప్రస్తుత పాలకులు ఉన్నారు. గత ప్రభుత్వంలో అర్హులైన వారందరికీ పింఛన్లు ఇస్తే.. కూటమి అధికారంలోకి వచ్చి రెండున్నరేళ్లయినా కొత్తగా ఒక్కరికీ పింఛన్‌ ఇవ్వలేదు. సరికదా ఉన్న ఫించన్లు తీసేసింది.

అర్నబ్‌ ప్రకోపం● ఆగిన రాకపోకలుదారి ఏరయ్యింది! తుఫాన్‌ ప్రభావంతో జిల్లాలో ని దారులన్నీ ఏరులయ్యాయి. ఇచ్ఛాపురం పరిధి కొజ్జిరియా (బెల్లుపడ) టోల్‌గేట్‌ సమీప పేటూరు జాతీయ రహదారిపై బుధవారం అర్ధరాత్రే వరద చేరడంతో ఎస్పీ కేవీ మహేశ్వరరెడ్డి పోలీసు యంత్రాంగాన్ని అప్రమత్తం చేశారు. పలాస సమీప లక్ష్మీపురం టోల్‌గేట్‌ వద్ద వాహనాలను ఆపేయడంతో నందిగాం మండలం కాపుతెంబూరు–పెద్దలవునిపల్లి వరకు 8 కిలోమీటర్ల మేర వాహనాలు నిలిచిపోయాయి. పాతపట్నం పరాలి–చంగొడి రోడ్డు, సీది–కమలకొట్టు జంక్షన్‌, కాపుగోదా యిసు, తిడ్డిమి–పాతపట్నం రోడ్డులపై వరద నీరు చేరడంతో బ్లాక్‌ అయ్యాయి. మందస మండలం చీపి గెడ్డ వరదనీరు రహదారులపై చేరి 30 గ్రామాల రాకపోకలు స్తంభించాయి. -శ్రీకాకుళం క్రైమ్‌

● పొంగి ప్రవహించిన బాహుదా నది ● ప్రమాదకర స్థాయికి చేరడంతో పలు రైళ్లు రద్దు ● మరికొన్ని రైళ్ల రాకపోకలు మళ్లింపు సాక్షి ప్రతినిధి, శ్రీకాకుళం : అర్నబ్‌ తుఫాన్‌ బీభత్సంతో పొంగి ప్రవహించిన వరద నీరు ప్రమాదకర స్థాయికి చేరడంతో శ్రీకాకుళం జిల్లా మీదగా వెళ్లే రైళ్ల రాకపోకలు నిలిచిపోయాయి. ఇచ్ఛాపురం–జాడిపూడి సెక్షన్ల మధ్య బ్రిడ్జి నంబర్‌ 1052 వద్ద బాహుదా నదిలో వరద నీరు ప్రమాదకర స్థాయికి మించి ప్రవహించడంతో రైళ్ల రాకపోకలకు తీవ్ర అంతరాయం ఏర్పడింది. గురువారం, శుక్రవారం, శనివారం బయల్దేరాల్సిన పలు రైళ్లు రద్దు చేయగా, కొన్ని మార్గాల మళ్లింపు, మరికొన్ని సమయం మార్పులు చేశారు. రద్దయిన రైళ్లు 28న బయలుదేరిన రూర్కెలా–గుణుపూర్‌ ఎక్స్‌ప్రెస్‌, 29న గుణుపూర్‌– రూర్కెలా ఎక్స్‌ప్రెస్‌ను మధ్యలో నిలిపివేయగా, గురువారం(29) బయలుదేరాల్సిన విశాఖపట్నం– దిషూ ఎక్స్‌ప్రెస్‌, సికింద్రాబాద్‌– హౌరా ఫలక్‌నామా ఎక్స్‌ప్రెస్‌, సికింద్రాబాద్‌– భువనేశ్వర్‌ న్యూ విశాఖ ఎక్స్‌ప్రెస్‌, జునాఘట్‌– భువనేశ్వర్‌ ఎక్స్‌ప్రెస్‌, గుణపూర్‌– పూరి ఎక్స్‌ప్రెస్‌, కటక్‌– పలాస ప్యాసింజర్‌, విశాఖపట్నం– బ్రహ్మపూర్‌ ఎక్స్‌ప్రెస్‌, విశాఖపట్నం– భువనేశ్వర్‌ న్యూ ఇంటర్‌ సిటీ ఎక్స్‌ప్రెస్‌, విశాఖపట్నం – భువనేశ్వర్‌ వందేభారత్‌, భువనేశ్వర్‌– జగదల్‌పూర్‌ ఎక్స్‌ప్రెస్‌, భువనేశ్వర్‌– విశాఖపట్నం వందేభారత్‌, హౌరా– ఎంజీఆర్‌ చైన్నె కోరమండల్‌ ఎక్స్‌ప్రెస్‌, భువనేశ్వర్‌–బెంగుళూరు ప్రశాంతి ఎక్స్‌ప్రెస్‌, హౌరా– చర్లపలి ఈస్ట్‌కోస్టు ఎక్స్‌ప్రెస్‌, సత్రాగచి– యలహంక ఎక్స్‌ప్రెస్‌, 30న బయలుదేరాల్సిన బ్రహ్మపూర్‌– విశాఖపట్నం ప్యాసింజర్‌, పలాస– కటక్‌ ప్యాసింజర్‌, గుణుపూర్‌– కటక్‌ ప్యాసింజర్‌, భువనేశ్వర్‌– జగ్దల్‌పూర్‌ ఎక్స్‌ప్రెస్‌, 31న బయలుదేరాల్సిన చర్లపల్లి– షాలిమార్‌ ఎక్స్‌ప్రెస్‌ రైళ్లను పూర్తిగా రద్దు చేశారు. మళ్లించిన రైళ్లు 27న బయలుదేరిన అగర్తలా–ఎస్‌ఎంవీ బెంగుళూర్‌ ఎక్స్‌ప్రెస్‌, 28న బయలుదేరిన షాలిమార్‌–సికింద్రాబాద్‌ ఎక్స్‌ప్రెస్‌, హౌరా–ఎంజీఆర్‌ చైన్నె మెయిల్‌ ఎక్స్‌ప్రెస్‌, షాలిమార్‌– నాగర్‌కోయిల్‌ జంక్షన్‌ ఎక్స్‌ప్రెస్‌, మాల్దాటౌన్‌– ఎస్‌ఎంవీ బెంగుళూరు స్పెషల్‌, బాగల్‌పూర్‌– ఎస్‌ఎంవీ బెంగుళూరు ఎక్స్‌ప్రెస్‌, హౌరా– ఎస్‌ఎంవీ బెంగళూరు ఎక్స్‌ప్రెస్‌, షాలిమార్‌– చర్లపల్లి ఈస్ట్‌కోస్ట్‌ ఎక్స్‌ప్రెస్‌, ఎంజీఆర్‌ చైన్నె – హౌరా మెయిల్‌ ఎక్స్‌ప్రెస్‌, హౌరా– యశ్వంత్‌ పూర్‌, షాలిమార్‌– చర్లపల్లి ఎక్స్‌ప్రెస్‌, షాలిమార్‌– సికింద్రాబాద్‌ ఎక్స్‌ప్రెస్‌, చైన్నె సెంట్రల్‌– హౌరా, పుదుచ్చేరి– షాలిమార్‌ ఎక్స్‌ప్రెస్‌, చర్లపల్లి– కామాఖ్య ఎక్స్‌ప్రెస్‌, చైన్నె సెంట్రల్‌– న్యూ జల్పాయిగురి ఎక్స్‌ప్రెస్‌, తిరుచరాపల్లి–న్యూ జగల్పాయిగురి ఎక్స్‌ప్రెస్‌, ఎస్‌ఎంవీ బెంగుళూర– హౌరా ఎక్స్‌ప్రెస్‌, సికింద్రాబాద్‌– ఫలక్‌నామా ఎక్స్‌ప్రెస్‌, కన్యాకుమారి– దిబ్రూగడ్‌ ఎక్స్‌ప్రెస్‌, చర్లపల్లి– షాలిమార్‌ ఎక్స్‌ప్రెస్‌, పుదుచ్చేరి–భువనేశ్వర్‌ ఎక్స్‌ప్రెస్‌ రైళ్లు, 29న బయలుదేరాల్సిన తిరుపతి– పూరి ఎక్స్‌ప్రెస్‌, సికింద్రాబాద్‌– భువనేశ్వర్‌ విశాఖ ఎక్స్‌ప్రెస్‌, ఎస్‌ఎంవీ బెంగుళూరు– హౌరా ఎక్స్‌ప్రెస్‌, పూరి – అహ్మదాబాద్‌ ఎక్స్‌ప్రెస్‌, బెంగుళూరు– భువనేశ్వర్‌ ప్రశాంతి ఎక్స్‌ప్రెస్‌, భువేశ్వర్‌– ఎస్‌ఎంవీటీ బెంగళూరు ఎక్స్‌ప్రెస్‌, బ్రహ్మపూర్‌– ఉద్దన అమృత్‌ భారత్‌ ఎక్స్‌ప్రెస్‌ రైళ్లు వేరే మార్గాల గుండా మళ్లించారు.

హిరమండలం: రోజువారీ పనిచేసుకునే పేదలు మొదలు మధ్య తరగతి కుటుంబాల వరకు నిత్యావసర వస్తువుల ధరల పెరుగుదలతో తీవ్ర ఇబ్బందులు ఎదుర్కొంటున్నారు. ఈ రోజు ఉన్న ధర రేపటికి మారిపోయేంతగా పెరిగిపోతుండటంతో కొనుగోలు భారంగా పరిణమిస్తోంది. ప్రస్తుతం కిలో బియ్యం ధర కనీసం రూ.80కు తక్కువ లేదంటే పరిస్థితి ఎంత దారుణంగా ఉందో అర్ధం చేసుకోవచ్చు. ఇంత జరుగుతున్నా చంద్రబాబు సర్కార్‌ నిత్యావసర వస్తువుల ధరల నియంత్రణను కట్టడి చేస్తున్న దాఖలాలు కనిపించడం లేదు. ఏదో మొక్కుబడిగా సమీక్షలు నిర్వహించి ఆదేశాలు జారీ చేసి చేతులు దులుపుకుంటున్నారు తప్ప క్షేత్ర స్థాయిలో ప్రజలు పడుతున్న అవస్థలను పట్టించుకోవడంలేదు. ఎల్‌నినో ప్రభావంతో ధరలు పెరుగుతున్నాయని ప్రభుత్వం తన బాధ్యత నుంచి తప్పించుకునే ప్రయత్నం చేస్తుండటంతో అన్నివర్గాల ప్రజలు తీవ్ర ఆగ్రహంతో ఉన్నారు. స్థానిక ఎన్నికల వేళ ఈ ప్రభావం ఎక్కడ తమ కొంపముంచుతుందోనని కూటమి నాయకులు భయపడుతున్నారు. ౖపైపెకి ధరలు.. బియ్యంతో పాటు కందిపప్పు ధర కూడా భారీగా పెరిగింది. ఆరు నెలల క్రితం కిలో బియ్యం రూ.60 ఉండగా ఇప్పుడు రూ.80 పైమాటే. కందిపప్పు ధర రూ.110 ఉండగా ప్రస్తుతం రూ.140కిపైగా చేరింది. మినపగుళ్ల ధర రూ.110 నుంచి రూ.140కి, పంచదార రూ.40 నుంచి రూ.75కి, బెల్లం రూ.40 నుంచి రూ.60కి, నూనె ప్యాకెట్‌ రూ.120 నుంచి రూ.170కి పెరిగాయి. నిత్యాసర సరుకులతో పాటు కూరగాయల ధరలు కూడా ఆకాశాన్ని అంటుతున్నాయి. ఆకుకూరలు సైతం ప్రియంగా మారిపోయాయి. ఆకాశాన్నంటుతున్న నిత్యావసర సరుకుల ధరలు నియంత్రణలో విఫలమైన కూటమి ప్రభుత్వం పేద, మధ్య తరగతి వర్గాలపై ఆర్థిక భారం స్థానిక ఎన్నికలపై ప్రభావం తప్పదని కూటమి నేతల ఆందోళన ఆటో నడిపే వ్యక్తి నెలవారి ఆదాయం సగటున రూ.15వేల నుంచి రూ.20 వేల మధ్య ఉంటుంది. భార్య,ఇద్దరు పిల్లలను పోషిస్తూ పిల్లలను చిన్నపాటి పాఠశాలలో చదివించినా పెరిగిపోతున్న సరుకుల ధరలు అతనికి అదనపు భారంగా మారుతున్నాయి. ఇక ప్రభుత్వ శాఖలలో అవుట్‌ సోర్సింగ్‌ పద్ధతిలో పనిచేస్తున్న వారి సంఖ్య సుమారు ఎనిమిదివేల వరకు ఉంది. వీరికి నెలకు రూ.13 వేల నుంచి రూ.18 వేల వరకు జీతం వస్తోంది. కుటుంబాన్ని ఎలా పోషించుకోవాలో తెలియని దిక్కుతోచని పరిస్థితుల్లో వారు ఉన్నారు. కొద్దిపాటి సంపాదన ఉన్నవారికి పరిస్థితి ఇలా ఉంటే ఉద్యోగం లేనివారి పరిస్థితి, కూలీ నాలీ చేసుకునే జీవించేవారి జీవన స్థితిగతులు మరింత దారుణంగా ఉంటున్నాయి. ధరలు ప్రభావం ప్రస్తుతం జరుగుతున్న స్థానిక సంస్థల ఎన్నికలపై పడే అవకాశం ఉందని టీడీపీ, జనసేన, బీజేపీ నాయకులు భయపడుతున్నారు. ఇప్పటికే ఎన్నికల ప్రచారంలో ఉన్న కూటమి అభ్యర్థులను, నాయకులకు గ్రామ స్థాయిలో ప్రజలు ధరలు పెరుగుదలపై ఎక్కడికక్కడ నిలదీస్తున్నారు. దీనికి తోడు సార్వత్రిక ఎన్నికల సమయంలో ఇచ్చిన హామీలు ఇంతవరకు సరిగ్గా అమలుకాకపోవడం వారికి తలనొప్పిగా మారింది. కిలో బియ్యం రూ.75కు ఎలా కొనాలి? నూనె, ఇతర వస్తువుల ధరలు మరీ ఎక్కువగా ఉన్నాయి. ప్రభుత్వం తక్షణ చర్యలు చేపట్టాలి. కరోనాలాంటి క్లిష్ట సమయంలో అప్పటి ప్రభుత్వం నేరుగా ఖాతాల్లో డబ్బులు వేసి ఆదుకుంది. ప్రభుత్వం తక్కువ ధరలకు నిత్యావసర సరుకులు అందించేలా ప్రత్యేక స్టోర్లు ఏర్పాటు చేయాలి – పెనుమజ్జి పద్మావతి, యంబరాం, ఎల్‌ఎన్‌పేట మండలం

కాశీబుగ్గ: పలాస–కాశీబుగ్గ పురపాలక ఓట్ల పండగకు సమయం దగ్గరపడింది. దీంతో కూటమి ఆఖరి అస్త్రాన్ని బయటకు తీసింది. 36 వార్డుల్లో విజయావకాశాలు అంతంతమాత్రమే అన్న ఇంటెలిజెన్స్‌ నివేదిక నేపథ్యంలో ఓటర్లపై నోట్ల వర్షం కురిపించాలనే నిర్ణయానికి వచ్చినట్లు తెలుస్తోంది. ఇందుకు జంట పట్టణ ఓటర్లను రెండుగా విభజించి ఓటుకు రేటు నిర్ణయించారు. కాశీబుగ్గలో టీడీపీపై తీవ్ర స్థాయిలో వ్యతిరేకత ఉన్న నేపథ్యంలో ఒక్కో ఓటరుకు రూ. 5వేలు వరకు ఇవ్వడానికి సిద్ధమయ్యారు. కాశీబుగ్గలో టీడీపీ అభ్యర్థి భర్తపై వ్యాపారులు తీవ్ర అసంతృప్తితో ఉన్నారు. పలాసలో కార్మిక వర్గం ఎక్కువగా ఉండడంతో వీరికి రూ.3వేలు చాల్లే అనే నిర్ణయానికి వచ్చారు. ఆ దిశగా నగదు చేరవేసేలా ఇప్పటికే కార్యాచరణను అమలు చేశారనే చర్చ జోరుగా సాగుతోంది. గురువారం ఉదయం నుంచే క్షేత్రస్థాయిలో బృందాలు రంగంలోకి దిగాయి. వార్డుల్లో వీధికి ఒకరు చొప్పున నమ్మకస్తులైన అనుచరులతో పంపిణీ చేపట్టినట్లు సమాచారం. పలకరింపుల ముసుగులో డబ్బులు చిలకరిస్తున్నారు. కానీ అభ్యర్థి పైస్థాయి నుంచి భారీగానే నిధులు విడుదల చేసినప్పటికీ, క్షేత్రస్థాయిలో పంపిణీ చేసే బృందాల సభ్యులు అందులో చేతివాటం ప్రదర్శిస్తున్నారనే గుసగుసలు వినిపిస్తున్నాయి. రాత్రి బీజేపీ.. పొద్దున్న టీడీపీ రణస్థలం: స్థానిక ఎన్నికల్లో కూటమి అభ్యర్థుల ఎంపీపీ పదవుల పంపకాలు ప్రజాక్షేత్రంలో నవ్వుల పాలవుతున్నాయి. రణస్థలం, లావేరు, ఎచ్చెర్ల మండలాల్లో ఎంపీపీ పదవులు రాత్రి ఒకరికి కేటాయిస్తే పొద్దున్నకల్లా ఆ పేరు మారిపోతోంది. లావేరు మండలానికి చెందిన బీజేపీ నాయకులు ఇజ్జాడ శ్రీనివాసరావు లావేరు ఎంపీపీ అభ్యర్థి అని బుధవారం రాత్రి దుశ్శాలువ కప్పి, తిలకం దిద్ది ప్రకటించారు. గురువారం ఉదయం టీడీపీ నాయకుడు ముప్పిడి సురేష్‌ పేరు ప్రకటించారు. ఐదేళ్లను చెరిసగం పంచుకోవాలని సర్దుబాటు చేశారు. రణస్థలం మండలానికి వచ్చేసరికి టీడీపీ నాయకులైన ముగ్గురికి ఈ ఐదేళ్లు ఎంపీపీ పదవిని పంచారు. మరో ఇద్దరు కలిసి ఐదేళ్లు ఐదుగురికి సరిపోతాయని స్థానికులు హాస్యమాడుకుంటున్నారు. ‘దక్కత’కు దక్కలేదు ఇచ్ఛాపురం రూరల్‌: ఇచ్ఛాపురం ఎంపీపీని ఆశించిన దక్కత ఏకాంబరీదేవికి టీడీపీ మొండి చేయి చూపింది. వాస్తవానికి కూటమి ప్రభుత్వం నుంచి ముగ్గురు జెడ్పీటీసీ అభ్యర్థులుగా పోటీపడగా, ఏకాంబరీదేవి నామినేషన్‌ వేసి ప్రచారం కూడా చేశారు. కానీ ఆఖరుకు జనసేన తరఫున ఇదివరకు పోటీ చేసి ఓడిపోయిన తిప్పన నీలవేణి పేరును ఖరారు చేయడంతో ఏకాంబరీదేవికి నిరాశ తప్పలేదు. అటు ఎంపీటీసీ లేదు, ఎంపీపీ లేదు, చివరకు జెడ్పీటీసీ కూడా దక్కని పరిస్థితి ఏకాంబరీదేవికి ఎదురైందని అనుచరులు ఆవేదన వ్యక్తం చేస్తున్నారు. ఎంపీపీ అభ్యర్థిగా బీటెక్‌ గ్రాడ్యుయేట్‌ సారవకోట: వైఎస్సార్‌ కాంగ్రెస్‌ పార్టీ సారవకోట ఎంపీపీ అభ్యర్థిగా పెద్దలంబ ఎంపీటీసీగా పోటీ చేస్తున్న వరుదు ప్రవీణ మావులమ్మ బరిలో ఉన్నారు. ఈమె బీటెక్‌ కంప్యూటర్‌ సైన్స్‌ పూర్తి చేశారు. ఈమె రాజకీయ నేపథ్యం కలిగిన ప్రముఖ పారిశ్రామికవేత్త వరుదు బాబ్జీరావు కోడలు. భర్త వరుదు వంశీకృష్ణ పార్టీ మండల కమిటీ అధ్యక్షుడిగా బాధ్యతలు నిర్వర్తిస్తున్నారు. తనను ఎంపీపీగా గెలిపిస్తే మండలాన్ని అభివృద్ధి పథంలో నడిపించి గ్రామాల్లో మౌలిక వసతుల కల్పనకు కృషి చేస్తానని చెబుతున్నారు.

ఎచ్చెర్ల : ఽదర్మవరం సమీపంలో తుఫాన్‌ వర్షాల ధాటికి ఇసుక చెరువు నిండిపోవడంతో గురువారం రోడ్డుపైకి నీరు ప్రవహించింది. ఆ సమయంలో ధర్మవరం వైపు వెళ్తున్న కోళ్ల వ్యాన్‌ అదుపుతప్పి బోల్తాపడింది. వరదనీటిలో చిక్కుకుని చాలా కోళ్లు చనిపోయాయి. వ్యాన్‌డ్రైవర్‌, క్లీనర్‌ సురక్షితంగా బయటపడ్డారు. విషయం తెలుసుకున్న తహశీల్దార్‌ బి.గోపాల్‌, ఎస్సై లక్ష్మణరావు, సిబ్బంది చేరుకుని ప్రొక్లెయిన్‌ సహాయంతో వ్యాన్‌ను బయటకు తీశారు. రోడ్డుపైకి వరద నీరు ప్రవహించే చోట ప్రజలు అప్రమత్తంగా ఉండాలని సూచించారు.

శ్రీకాకుళం (పీఎన్‌కాలనీ): పొందూరు మండలంలో ఐదుగురు వైఎస్సార్‌ కాంగ్రెస్‌ పార్టీ ఎంపీటీసీ అభ్యర్థుల నామినేషన్లను వారి సమ్మతి లేకుండానే ఫోర్జరీ సంతకాలతో ఉపసంహరించినట్లు ఆర్‌ఓ ప్రకటించడం దారుణమని వైఎస్సార్‌సీపీ డిజిటల్‌ బుక్‌ చైర్మన్‌ శిమ్మ రాజశేఖర్‌ అన్నారు. ఐదు ఎంపీటీసీ స్థానాలను కూటమి పాలకులు ఫోర్జరీ సంతకాలతో ఏకగ్రీవం చేసుకున్న వ్యవహారంపై వైఎస్సార్‌సీపీ తీవ్ర అభ్యంతరం వ్యక్తం చేస్తున్నట్లు గురువారం ఒక ప్రకటనలో పేర్కొన్నారు. స్థానిక టీడీపీ ఎమ్మెల్యేతో కుమ్మకై ్కన జిల్లా పౌరసరఫరాల అధికారి, పొందూరు మండల రిటర్నింగ్‌ అధికారి గుంట సూర్యప్రకాశరావు వ్యవహార శైలిపై పార్టీ నాయకులు తీవ్ర ఆగ్రహం వ్యక్తం చేసినట్లు తెలిపారు. తమ సంతకాలు కావని సంబంధిత అభ్యర్థులు లిఖితపూర్వకంగా ఫిర్యాదు చేసినప్పటికీ వాటిని పట్టించుకోకుండా నిర్లక్ష్యంగా వ్యవహరించడం సరికాదన్నారు. ఈ వ్యవహారంలో బాధ్యులుగా ఆరోపణలు ఎదుర్కొంటున్న అధికారుల పేర్లను వైఎస్సార్‌ కాంగ్రెస్‌ పార్టీ ఇప్పటికే డిజిటల్‌ బుక్‌లో నమోదు చేసిందన్నారు. రానున్న రోజుల్లో చట్టబద్ధంగా, రాజ్యాంగబద్ధంగా చర్యలు చేపట్టేందుకు న్యాయపోరాటం చేస్తామని స్పష్టం చేశారు. ప్రజాస్వామ్య పద్ధతిలో ఎన్నికల్లో పోటీ చేయాల్సిన అభ్యర్థుల హక్కులను కాలరాస్తూ, ఫోర్జరీ సంతకాలతో నామినేషన్లను ఉపసంహరించినట్లు వచ్చిన ఆరోపణలు అత్యంత తీవ్రమైనవని పేర్కొన్నారు. ఈ వ్యవహారంపై సమగ్ర విచారణ జరిపి, నిజానిజాలను వెలికితీసి, బాధ్యులపై చట్టప్రకారం చర్యలు తీసుకోవాలని డిమాండ్‌ చేశారు. రాజ్యాంగబద్ధంగా, నిష్పక్షపాతంగా వ్యవహరించాల్సిన రిటర్నింగ్‌ అధికారి (ఆర్‌ఓ) రాజకీయ పార్టీలకు కొమ్ముకాయడం ఎంతమాత్రం సమంజసం కాదన్నారు. ప్రజాస్వామ్య వ్యవస్థలో ఎన్నికల ప్రక్రియ పారదర్శకంగా, నిష్పక్షపాతంగా జరగాలని, అభ్యర్థుల సమ్మతి లేకుండా వారి నామినేషన్లను ఉపసంహరించినట్లు తేలితే బాధ్యులు చట్టపరమైన పరిణామాలను ఎదుర్కోవాల్సి ఉంటుందని హెచ్చరించారు.

● వైఎస్సార్‌ సీపీలో 50 కుటుంబాలు చేరిక రణస్థలం: కూటమి పాలనలో ప్రజలు నిత్యం కష్టాలతో సతమతం అవుతున్నారని, అందుకే ప్రజాదరణ ఉన్న వైఎస్సార్‌సీపీలోకి టీడీపీ కార్యకర్తలు చేరుతున్నారని ఎచ్చెర్ల మాజీ ఎమ్మెల్యే గొర్లె కిరణ్‌కుమార్‌ అన్నారు. రణస్థలం మండల కేంద్రంలోని పార్టీ నియోజకవర్గ కార్యాలయంలో లావేరు మండలం లావేటిపాలెం గ్రామానికి చెందిన 50 టీడీపీ కుటుంబాలు గురువారం వైఎస్సార్‌సీపీలో చేరాయి. సకలాబత్తుల వెంకటరావు, సూర్యారావు, జట్లయ్య, బైరి పాపారావు, గంట్లాన రమణ, ఎల్లారావు, రమేష్‌, రాంబాబుతో పాటు ఆ గ్రామానికి చెందిన పలువులు నాయకులు, కార్యకర్తలకు పార్టీ కండువాలు వేసి సాదరంగా ఆహ్వానించారు. ఈ సందర్భంగా కిరణ్‌ మాట్లాడుతూ పార్టీ బలోపేతానికి అందరూ కలిసికట్టుగా పనిచేయాలని సూచించారు. పార్టీలో చేరిన వారు మాట్లాడుతూ మాజీ సీఎం జగన్‌మోహన్‌ రెడ్డి ఆశయాలకు అనుగుణంగా మాజీ ఎమ్మెల్యే కిరణ్‌కుమార్‌ సారథ్యంలో ఐక్యంగా పనిచేసి స్థానిక ఎన్నికల్లో సత్తా చాటుతామని చెప్పారు. కార్యక్రమంలో మాజీ వైస్‌ ఎంపీపీ లుకలాపు శ్రీనివాసరావు, నాయకులు కంది నాని, బూరాడ చిన్నారావు, లంకలపల్లి మహేష్‌, ఇనపకుర్తి సతీష్‌, మాకాన జగదీశ్వరరావు, రౌతు శ్రీనివాసరావు, పడాల పాపారావు ఉన్నారు.

ఆమదాలవలస : గత ప్రభుత్వంలో ప్రజా సంక్షేమం, పథకాల అమలు తీరు గుర్తించే అందరూ వైఎస్సార్‌ సీపీలో చేరుతున్నట్లు పార్టీ ఆమదాలవలస నియోజకవర్గ సమన్వయకర్త చింతాడ రవికుమార్‌ అన్నారు. పొందూరు మండలం మొదలవలస, అచ్చిపోలవలస, బొడ్డేపల్లి పంచాయతీలకు చెందిన 20 టీడీపీ కుటుంబాలు గురువారం వైఎస్సార్‌సీపీలో చేరాయి. పార్టీ కార్యాలయంలో చింతాడ రవికుమార్‌ వీరికి కండువాలు వేసి ఆహ్వానించారు. ఈ సందర్భంగా పార్టీలో చేరిన వారు మాట్లాడుతూ వైఎస్సార్‌సీపీ విధానాలు, ప్రజా సంక్షేమ కార్యక్రమాలు, పార్టీ నాయకత్వంపై విశ్వాసంతో పార్టీలో చేరినట్లు తెలిపారు. పైడి సత్యనారాయణ, పంకు రమేష్‌, పంకు శంకరరావు, పంకు తవిటయ్య, అలికాన వేణుగోపాలరావు, అలికాన సతీష్‌, అలికాన చంద్రరావు, అలికాను మురళి, పంకు పోలారావు, మోతుబారికి నవీన్‌, రెల్ల ఆదినారాయణ, పంకు పైడయ్య, రాము, అలిఖాన తవిటయ్య తమ అనుచరులతో కలిసి పార్టీలో చేరారు. కార్యక్రమంలో పొందూరు మండల పార్టీ నాయకులు మొదలవలస రాజేంద్రరావు, పైడి సన్యాసిరావు(చంద్రమణి), మొదలవలస మురళీధర్‌, గురుగుబెల్లి గిరి, బొడ్డేపల్లి రమణ, గురుగుబెల్లి శేఖర్‌ తదితరులు పాల్గొన్నారు.

హిరమండలం: వంశధార గొట్ట బ్యారేజీ వద్ద బుధవారం స్వల్పంగా నీటిమట్టం పెరిగింది. అర్నబ్‌ ప్రభావంతో గత రెండు రెండు రోజులుగా కురుస్తున్న ఎడతెరిపిలేని వర్షాలకు వరద నీరు వచ్చి చేరుతోంది. గొట్ట బ్యారేజీ వద్ద ప్రస్తుతానికి 34.60 మీటర్ల నీటిమట్టం ఉంది. బ్యారేజీకు ఇన్‌ఫ్లో మంగళవారం నాటికి 6,544 క్యూసెక్యుల నీరు వచ్చి చేరుతుంది. కాస్త పెరుగుతూ బుధవారం సాయంత్రానికి 10,848 క్యూసెక్యుల ఇన్‌ ఫ్లో వస్తోంది. వచ్చిన నీటిని 20 గేట్లు 20 సెంటిమీటర్ల మేరకు పైకి ఎత్తి దిగువకు నీటిని విడిచిపెట్టినట్లు డీఈఈ సరస్వతి, ఏఈ ఆనందరావులు తెలిపారు. కుడి, ఎడమ ప్రధాన కాలువలకు నీటిని విడిచిపెట్టకుండా నిలుపుదల చేసినట్లు వెల్లడించారు.

ఎన్నికలు జరుగుతున్న 523 ఎంపీటీసీ స్థానాల్లో వైఎస్సార్‌సీపీ 523 స్థానాల్లో బరిలో ఉంది. టీడీపీ 478, జనసేన 74, బీజేపీ 24 ఇలా మొత్తం 576 మంది బరిలో నిలవడం కూటమి పొత్తు ధర్మంపై రాజకీయ వర్గాల్లో చర్చ సాగుతోంది. ఇదంతా పార్టీ సింబల్‌ పై జరుగుతున్న పోటీ. ఒక జనసేన పోటీ చేసిన చోట టీడీపీ, టీడీపీ పోటీ చేసిన చోట జనసేన, బీజేపీ పోటీ చేసిన చోట టీడీపీ నాయకులు ఇండిపెండెంట్‌ గా పోటీ చేస్తున్న స్థానాలు చాలానే ఉన్నాయి. సాక్షి ప్రతినిధి, శ్రీకాకుళం: స్థానిక పోరులో కూటమి పార్టీలు ఒక్క తాటిపై నిలవలేకపోయాయి. ఒకవైపు కలిసి పనిచేయాలని చెబుతూనే, మరోవైపు ఎవరికి వారే పోటీ చేసేందుకు బీఫారాలు ఇచ్చాయి. దీంతో ఒకే చోట టీడీపీ, జనసేన వేర్వేరుగా పోటీ చేస్తున్న పరిస్థితులు ఉన్నాయి. టీడీపీ పోటీ చేసిన చోట జనసేన, జనసేన పోటీ చేసిన చోట టీడీపీ, బీజేపీ పోటీ చేసిన చోట టీడీపీ, జనసేన పోటీ పోటీ పడుతున్నాయి. పైగా దీనికి ఇరుపార్టీల అధిష్టానాలు ప్రోత్సహించి, బీ ఫారాలు ఇవ్వడంతో రాజకీయం ఆసక్తికరంగా మారింది. వాస్తవంగా పొత్తులో ఒక పార్టీ పోటీ చేస్తే మరో పార్టీ డ్రాప్‌ అవ్వాలి. కానీ జిల్లాలో అందుకు భిన్నంగా అధిష్టానాలు వ్యవహరించాయి. దీంతో ఆశావహులు టికెట్‌ దక్కలేదన్న ఆవేదనతో ఇండిపెండెంట్‌గా బరిలో ఉన్నారు. టెక్కలి నియోజకవర్గంతో పాటు మరికొన్ని నియోజకవర్గాల్లో టీడీపీ కూటమి ధర్మం పాటించలేదు. జనసేనకు, బీజేపీకి ఒక్క స్థానం కేటాయించలేదు. నరసన్నపేట నియోజకవర్గంలోని అందవరంలో టీడీపీ, బీజేపీ, జనసేన పోటీ చేస్తున్నాయి. మూడు చోట్ల ఆయా పార్టీలు బీ ఫారాలు ఇచ్చాయి. అదేవిధంగా టీడీపీ పోటీ చేస్తున్న మూడు చోట్ల బీజేపీ బీఫారాలతో పోటీలో ఉన్నారు. టీడీపీ పోటీ చేస్తున్న మరో 10చోట్ల జనసేన అభ్యర్థులు బీఫారాలతో బరిలో ఉన్నారు. కంచిలిలో జనసేనకు ఇచ్చిన మూడింటిలో, టీడీపీ వాళ్లకి బీ ఫారాలు ఇచ్చారు. కవిటి మండలంలో జగతి స్థానానికి పొత్తులో భాగంగా బీజేపీకి కేటాయిస్తే టీడీపీ అభ్యర్థి విత్‌డ్రా చేసుకోకుండా ఇండిపెండెంట్‌గా ఉండిపోయారు. కపాసుకుద్దిలో జనసేనకు జనసేన నాయకుడు రెబెల్‌గా ఉన్నారు. ఇచ్ఛాపురం మండలంలో టీడీపీ పోటీ చేస్తున్న తులసీగాం, కేసుపురం, లొద్దపుట్టి, బూర్జపాడులో ఇండిపెండెంట్‌గా జనసేన వాళ్లు ఉన్నారు. నందిగాంలో పెద్ద లవునిపల్లి, సైలాడలో టీడీపీ, జనసేనకి బీ ఫారాలు ఇచ్చారు. దీంతో ఇరువురు ఢీకొట్టుకుంటున్నారు. హరిదాసుపురంలో టీడీపీకి, బీజేపీకి బీ ఫారాలు ఇచ్చారు. సంతబొమ్మాళిలో ఆరు చోట్ల జనసేన బీఫారాలతో, ఒకచోట బీజేపీ బీ ఫారంతో టీడీపీ పోటీ చేసిన చోట బరిలో ఉన్నారు. టెక్కలిలో కూడా టీడీపీ పోటీ చేస్తున్న స్థానాల్లో రెండు చోట్ల జనసేన బీ ఫారాలతో ఇద్దరు, బీజేపీ బీ ఫారాలతో ఒకరు బరిలో ఉన్నారు. కోటబొమ్మాళిలో కూడా టీడీపీ పోటీ చేస్తున్న చోట జనసేన బీ ఫారాలతో ఒకరు, బీజేపీ బీఫారాలతో ఒకరు బరిలో ఉన్నారు. హిరమండలం పిండ్రువాడలో టీడీపీ బరిలో ఉన్న చోట జనసేన బీ ఫారంతో ఒకరు పోటీ చేస్తున్నారు. మెళియాపుట్టిలో బీజేపీకి ఇచ్చిన కరజాడలో జనసేన బీ ఫారంతో ఒకరు పోటీ చేస్తున్నారు. టీడీపీ బరిలో ఉన్న చాపర, కొసమాల, భరణికోటలో జనసేన బీ ఫారాలతో జనసేన నాయకులు పోటీలో ఉన్నారు. పాతపట్నంలో టీడీపీ బరిలో ఉన్న తెంబూరులో బీజేపీ బీ ఫారంతో ఒకరు పోటీలో ఉండగా, టీడీపీ పోటీ చేస్తున్న పాతపట్నం 3లో జనసేన బీ ఫారంతో ఒకరు బరిలో ఉన్నారు. కాగువాడలో టీడీపీతో పాటు జనసేన నాయకులు ఆయా అధిష్టానాలు ఇచ్చిన బీఫారంతో ఢీ కొంటున్నారు. కొత్తూరులో టీడీపీ పోటీ చేస్తున్న చోట ఎనిమిది చోట్ల జనసేన బీఫారాలతో పోటీలో ఉన్నారు. ఎల్‌ఎన్‌పేటలో ఒక ఎంపీటీసీ స్థానానికి టీడీపీ రెబెల్స్‌ ఉన్నారు. రణస్థలం మండలంలో టీడీపీ పోటీ చేస్తున్న జేఆర్‌పురం 1లో జనసేన బీ ఫారంతో ఆ పార్టీ నాయకులు బరిలో ఉన్నారు. అదేవిధంగా మండలంలో మూడు చోట్ల జనసేన నాయకులు ఇండిపెండెంట్‌గా పోటీ చేస్తున్నారు. లావేరు మండలంలోని పాతకుంకాం, కొత్త కుంకాంలలో జనసేన నాయకులు ఇండిపెండెంట్‌గా బరిలో ఉన్నారు. జి.సిగడాంలో గెడ్డ కంచరాంలో బీజేపీ బరిలో ఉండగా టీడీపీ నాయకుడు ఇండిపెండెంట్‌గా పోటీ చేస్తున్నారు. టీడీపీ పోటీ చేస్తున్న జీ.సిగడాం, జాడ, బాతువలో టీడీపీ నాయకులు ఇండిపెండెంట్‌గా పోటీ చేస్తున్నారు. ఆమదాలవలసలో జెడ్పీటీసీకి టీడీపీ నుంచి సనపల సౌమ్య రెబెల్‌గా అభ్యర్ధిగా బరిలో ఉన్నారు. సరుబుజ్జిలిలో మతలబుపేటలో టీడీపీ నాయకుడు ఇండిపెండెంట్‌గా ఉన్నారు. శ్రీకాకుళంలో పెద్ద గనగళ్లవానిపేట, పొన్నాంలో టీడీపీ, జనసేన బీఫారాలతో రెండు పార్టీలు పోటీ చేస్తున్నాయి. రాగోలు, ఎస్‌ఎస్‌ వలస, కల్లేపల్లి, కనుగులవానిపేటలో టీడీపీ నాయకులు ఇండిపెండెంట్‌గా పోటీ చేస్తున్నారు. గార మండలంలో రామచంద్రాపురంలో జనసేన నాయకుడు ఇండిపెండెంట్‌గా ఉన్నారు. టీడీపీ పోటీ చేస్తున్న కళింగపట్నం 2, శ్రీకూర్మం 1లో జనసేన బీఫారాలతో ఆ పార్టీ నాయకులు పోటీకి సై అంటున్నారు. వజ్రపుకొత్తూరు మండలంలో టీడీపీ పోటీ చేస్తున్న చోట జనసేనకు చెందిన నలుగురు స్వతంత్రులుగా ఉన్నారు.

జలుమూరు: ప్రసిద్ధ శైవక్షేత్రం శ్రీముఖలింగం ఆలయంపై బుధవారం ఆకాశ దీపం వెలిగించారు. ఈ ఆలయం పూర్వీకుల నుంచి ఒడిశా సంప్రదాయం ప్రకారం ఆశ్వీయుజ మాసం గౌరీ పౌర్ణమి అనంతరం బహుళ పాఢ్యమి నుంచి కార్తీక పౌర్ణమి వరకూ ఇలా ప్రతిరోజూ అర్చకులు వేద మంత్రాలతో ప్రత్యేక పూజలు నిర్వహించి దీపాన్ని వెలిగిస్తారు. పాఢ్యమి నుంచి కార్తీక పౌర్ణమి వరకూ ఒడిశా నుంచి భక్తుల తాకిడి ఉంటుందని అర్చకులు తెలిపారు. అలాగే ఒడిశా ప్రజలు గౌరీ పౌర్ణమి నుంచి కార్తీక పౌర్ణమి వరకు కార్తీక మాసం పాటించి ఎక్కువగా దైవారాధనలో గడుపుతారు. రైలు కిందపడి గుర్తు తెలియని వ్యక్తి మృతి కంచిలి: సోంపేట నుంచి బారువ రైల్వేస్టేషన్ల మధ్య రైలు పట్టాలపై గుర్తు తెలియని వ్యక్తి మృతదేహాన్ని రైల్వే పోలీసులు బుధవారం గుర్తించారు. మరణించిన వ్యక్తికి సుమారు 50 ఏళ్లు ఉంటాయి. మృతదేహం వద్ద ఎటువంటి గుర్తింపు కార్డులు లభించలేదు. మృతుడు నీలం, నలుపు, తెలుపు రంగులు కలిగిన చెక్‌ షర్ట్‌, నల్లటి ప్యాంటు ధరించి ఉన్నాడు. వివరాలు తెలిసినవారు 92475 85743 నంబర్‌ను సంప్రదించాలని రైల్వే పోలీసులు సూచించారు. దీనిపై కేసు నమోదు చేసి దర్యాప్తు చేసినట్లు వెల్లడించారు. రోడ్డు ప్రమాదంలో ఒకరికి తీవ్రగాయాలు లావేరు: మండలంలోని బొడ్డపాడు వైఎస్సార్‌ కాలనీ వద్ద లావేరు రోడ్డులో బుధవారం జరిగిన రోడ్డు ప్రమాదంలో ఒక వ్యక్తికి తీవ్ర గాయాలైయ్యాయి. పోలీసులు తెలిపిన వివరాల మేరకు.. చీపురుపల్లి గ్రామానికి చెందిన మల్లు రవికుమార్‌ అనే వ్యక్తి సుభద్రాపురం వైపు ద్విచక్ర వాహనంతో వస్తుండగా.. బొడ్డపాడు వైఎస్సార్‌ కాలనీ వద్దకు చేరేసరికి బైక్‌కు కుక్క అడ్డంగా వచ్చింది. దీంతో పడిపోవడంతో బైక్‌పై ప్రయణిస్తున్న రవికుమార్‌కు తీవ్ర గాయాలయ్యాయి. గాయపడిన ఈయనను 108 వాహనంలో చికిత్స నిమిత్తంగా రణస్థలం సీహెచ్‌సీకి తరలించారు. అక్కడ పరిస్థితి విషమించడంతో మెరుగైన చికిత్స కోసం శ్రీకాకుళం రిమ్స్‌కు తరలించారు. అది.. కార్గో షిప్‌ వజ్రపుకొత్తూరు: మండలంలోని మంచినీళ్లపేట సముద్ర తీరానికి చేరుకున్న భారీ ఓడను బుధవారం తాము గుర్తించామని బావనపాడు మైరెన్‌ సీఐ డి.రాము తెలిపారు. విశాఖ నుంచి పారాదీప్‌ వెళ్లే సరుకు రవాణా(కార్గో)షిప్‌ అని ఆయన తెలిపారు. మత్స్యకారులు ఎవరూ ఆందోళన చెందాల్సిన అవసరం లేదన్నారు. పెను తుపాను, ఈదురుగాలులు, వాయుగుండం కారణంగా ఓడను తీరానికి సమీపంలో లంగరు వేశారని వెల్లడించారు. రాత్రివేళ సైరన్‌ మోగిస్తూ.. రెడ్‌లైట్‌ వెలిగిస్తారని, ప్రమాదంలో ఉంటే సమీపంలోని తీర ప్రాంత మత్స్యకారులు, భద్రతా సిబ్బందికి సమాచారం ఇచ్చేందుక వీలుగా అలా చేస్తారన్నారు. ఎవరూ ఆందోళన చెందాల్సిన అవసరం లేదన్నారు. దూసి రైల్వేస్టేషన్‌కు మహర్దశ ఆమదాలవలస: దూసి రైల్వేస్టేషన్‌ అభివృద్ధికి అన్ని చర్యలు తీసుకుంటున్నామని స్టేషన్‌ డవలప్‌మెంట్‌ కమిటీ సభ్యుడు పొన్నాడ రవికుమార్‌ తెలిపారు. దూసి రైల్వేస్టేషన్‌లో గాంధీ స్మృతి వృక్షం పరిసరాలను అభివృద్ధి చేసేందుకు బుధవారం స్థల పరిశీలన చేశారు. అభివృద్ధి పనులకు సంబంధించి సమగ్ర నివేదికను రైల్వే అధికారులకు అందించి, పనులు త్వరగా ప్రారంభించేలా చర్యలు తీసుకుంటామని విశాఖపట్నం సీనియర్‌ సెక్షన్‌ ఇంజినీర్‌ జీవీరాజు తదితరులు తెలిపారు.

కవిటి: గడిచిన మూడు రోజులుగా వాతావరణ శాఖ చేస్తున్న హెచ్చరికలు ఉద్దానం ప్రజలకు కంటిమీద కునుకు లేకుండా చేశాయి. మంగళవారం రాత్రి అమలాపురం సమీపంలో అర్నబ్‌ తీరం దాటిందన్న దశలో ఒకింత మనము సేఫ్‌ అనే ఆలోచనలో ఉద్దానం ప్రజలు సేదతీరారు. కానీ బుధవారం ఉదయం నుంచి భారీవర్షంతో పాటు కవిటి ఉద్దానం ప్రాంతంలో 100 కిలోమీటర్ల ప్రచండ వేగంతో వేచిన భీకరమైన గాలులతో ఉద్దానం కొబ్బరి రైతు కోలుకోలేని విధంగా దెబ్బతిన్నాడు. వాస్తవానికి కవిటి మండలంలో కొబ్బరి చెట్లు నేలకొరిగినవి చాలా తక్కువే.. కానీ నిలబడి ఉన్న చెట్టు కూడా ఈదురుగాలుల దాటికి భారీ స్థాయిలో నష్టాన్ని ఎదుర్కొంది. అయితే ఈ నష్టం తక్షణమే రైతుకు కనిపించకపోయినప్పటికీ, రాబోయే రెండేళ్లలో కొబ్బరి దిగుబడుల్లో తీవ్రమైనటువంటి నష్టాల్ని ఎదుర్కోక తప్పదని కన్నీరు మున్నీరవుతున్నాడు. ప్రభుత్వ లెక్కల్లో చెట్టు నేలకొరిగితేనే నష్టపరిహారం అందించే పరిస్థితుల్లో, తాజాగా అర్నబ్‌ తుఫాన్‌ సృష్టించిన విలయతాండవంతో జరిగిన నష్టాన్ని కొబ్బరి రైతు అనుభవించక తప్పని పరిస్థితి నెలకొంది. కవిటి మండలంలోని బీల ప్రాంతంలో మరో 20 రోజుల్లో వరిపంట చేతికందే దశలో కురిసిన భారీ వర్షాలకు ప్రస్తుతం దారుణంగా దెబ్బతింది. వరదనీరు తగ్గకపోతే భారీగా దిగుబడులు తగ్గే పరిస్థితులు ఉన్నాయి. మండలంలో విద్యుత్‌ శాఖ కూడా భారీ నష్టం చవిచూసింది. ఎక్కడికక్కడ విద్యుత్‌ స్తంభాలు విరిగిపడడం, ట్రాన్స్‌ఫార్మర్లు నేలకొరగడం జరిగింది. జరిగిన నష్టాన్ని సరిదిద్ది విద్యుత్‌ సరఫరాను పునరుద్ధరించడంలో విద్యుత్‌ శాఖ సిబ్బంది తీవ్రంగా చెమటోడుస్తున్నారు. తహసీల్దార్‌ టి.కల్యాణ చక్రవర్తి రెస్క్యూటీంతో కలిసి మండలవ్యాప్తంగా తిరిగి పడిపోయిన చెట్ల తొలగింపు తదితర పనుల్ని దగ్గరుండి పర్యవేక్షించారు. కవిటి వ్యవసాయాధికారి పి.శ్రీదేవి, ఉద్యానశాఖ అధికారి పి.మాధవీలత ఆయా శాఖలకు సంబంధించి పంటల్ని పరిశీలించారు

● పక్కాగా నష్టాల ప్రాథమిక అంచనా ● కలెక్టర్‌ స్వప్నిల్‌ దినకర్‌ పుండ్కర్‌ శ్రీకాకుళం పాతబస్టాండ్‌: తుఫాన్‌ ప్రభావం తగ్గుముఖం పట్టడంతో జిల్లాలో సాధారణ పరిస్థితుల పునరుద్ధరణపై దృష్టి సారించాలని, ఎక్కడా జాప్యం లేకుండా క్షేత్రస్థాయికి వెళ్లి పక్కాగా నష్టాల ప్రాథమిక అంచనాలు రూపొందించాలని అధికారులను కలెక్టర్‌ స్వప్నిల్‌ దినకర్‌ పుండ్కర్‌ ఆదేశించారు. బుధవారం సాయంత్రం కలెక్టరేట్‌ సమావేశ మందిరంలో జేసీ ఫర్మాన్‌ అహ్మద్‌ ఖాన్‌తో కలిసి కంట్రోల్‌ రూమ్‌ అధికారులతో సమీక్షించారు. అంతకుముందు కలెక్టరేట్‌ నుంచి అన్ని మండలాల తహసీల్దార్లు, ఎంపీడీవోలు, ఇతర అధికారులతో కలెక్టర్‌ నేరుగా మాట్లాడారు. తుఫాన్‌ తగ్గిన అనంతరం క్షేత్రస్థాయిలో నెలకొన్న పరిస్థితులు, వర్షాల వల్ల ఎదురైన సమస్యల వివరాలను మండలాల వారీగా అడిగి తెలుసుకున్నారు. ఈ సందర్భంగా కలెక్టర్‌ మాట్లాడుతూ.. తుఫాన్‌ తగ్గినా వర్షాలు కురుస్తున్నాయని, ఇప్పటికే ఈదురుగాలులు, వర్షాల కారణంగా రహదారులపై ఎక్కడైనా చెట్లు కూలడం, రాకపోకలకు అంతరాయం కలగడం వంటివి జరిగి ఉంటే తక్షణమే పునరుద్ధరించాలని స్పష్టం చేశారు. ఆర్‌అండ్‌బీ, పంచాయతీరాజ్‌ అధికారులతో మాట్లాడుతూ.. రోడ్లు, వంతెనలు, ఇతర ప్రభుత్వ ఆస్తులకు వాటిళ్లిన నష్టంపై నివేదికలు సిద్ధం చేయాలన్నారు. వ్యవసాయ, ఉద్యానవన శాఖల అధికారులతో సమీక్షిస్తూ.. జిల్లాలో వరి, అరటి, కొబ్బరి తదితర పంటలకు జరిగిన నష్టాలపై క్షేత్రస్థాయిలో సర్వేను వెంటనే ప్రారంభించి, ఏ ఒక్క రైతూ నష్టపోకుండా పారదర్శకంగా జాబితాలు రూపొందించాలని ఆదేశించారు. మరోవైపు జిల్లాలో ప్రవహిస్తున్న వంశధార, నాగావళి నదులతో పాటు ప్రధాన గెడ్డలు, జలాశయాల నీటి మట్టాలు, ప్రస్తుత వరద ప్రవాహ పరిస్థితిని జలవనరుల శాఖ అధికారులతో సమీక్షించారు. లోతట్టు, ముంపు బారినపడిన గ్రామాల్లో తక్షణమే పారిశుద్ధ్య చర్యలు చేపట్టి, తాగునీటి పథకాలను పునరుద్ధరించి క్లోరినేషన్‌ చేయాలన్నారు. నీటి ప్రవాహం పెరిగే అవకాశం జిల్లాలో తుఫాన్‌ ప్రభావం తగ్గుముఖం పట్టినా, ప్రధాన నదులకు వరద ముప్పు పొంచి ఉన్నందున యంత్రాంగం అప్రమత్తంగా ఉందని కలెక్టర్‌ స్వప్నిల్‌ దినకర్‌ పుండ్కర్‌ తెలిపారు. కలెక్టర్‌ కార్యాలయంలో బుధవారం ఆయన మాట్లాడుతూ జిల్లాలో ముందస్తు చర్యలతో ఎక్కడా ప్రాణనష్టం జరగకుండా నివారించామన్నారు. వంశధార నదికి ప్రస్తుతం 16 వేల క్యూసెక్కుల వరద ఉండగా, ఒడిశా రాష్ట్రం గుణుపూర్‌, రాయగడ ప్రాంతాల్లో కురుస్తున్న వర్షాలకు అది లక్ష క్యూసెక్కులకు చేరే అవకాశం ఉందన్నారు. అలాగే నాగావళికి 50 వేల క్యూసెక్కుల వరద వస్తోందని, ఇది కూడా లక్ష క్యూసెక్కులు దాటే ప్రమాదం ఉండటంతో పరివాహక ప్రాంతాలైన బూర్జ, శ్రీకాకుళం, ఎచ్చెర్ల మండలాల ప్రజలను అప్రమత్తం చేసి, ముందు జాగ్రత్త చర్యలు తీసుకుంటున్నామన్నారు. ఇప్పటివరకు 190 మంది గర్భిణులు, బాలింతలను సురక్షితంగా ఆస్పత్రులకు తరలించామని, జిల్లావ్యాప్తంగా 102 పునరావాస కేంద్రాలు ఏర్పాటు చేసి 120 మందికి ఆశ్రయం కల్పించామన్నారు. లోతట్టు ప్రాంతాల ప్రజలు అప్రమత్తం చేశామని తెలిపారు. జిల్లావ్యాప్తంగా 11 కచ్చా ఇళ్లు కూలిపోగా, సుమారు 5,000 హెక్టార్లలో వ్యవసాయ పంటలు నీటమునిగాయని, 160 హెక్టార్లలో కూరగాయల పంటలకు నష్టం వాటిళ్లిందని వెల్లడించారు. కంచిలి, కవిటి తదితర ఉద్దానం ప్రాంతాల్లో 500 కొబ్బరి చెట్లు నేలకూలాయని అంచనా వేశారు. అలాగే 27 చోట్ల రోడ్లపై పడిన చెట్లను తొలగించి ట్రాఫిక్‌ పునరుద్ధరించామని, విరిగిపడిన 53 విద్యుత్‌ స్తంభాలకు మరమ్మతులు చేపడుతున్నామని చెప్పారు.

ఇచ్ఛాఫురం: మున్సిపాలిటీ పరిధి పురుషోత్తపురం గ్రామానికి చెందిన గర్భిణీకి 108 సిబ్బంది ప్రసవం చేసి ఆదుకున్నారు. కుటుంబ సభ్యులు తెలిపిన వివరాల మేరకు.. పురుషోత్తపురం గ్రామానికి చెందిన మామిడి నాగమ్మకి బుధవారం సాయంత్రం పురుటినొప్పులు ఎక్కువవ్వడంతో కుటుంబ సభ్యులు 108కి సమాచారం ఇచ్చారు. 108 సిబ్బంది ఇంటికి చేరుకునేటప్పటికే నొప్పులు చాలా ఎక్కువ కావడం, బయట తుఫాన్‌ ప్రభావం ఎక్కువగా ఉండడంతో గర్భిణీకి ఇంటివద్దనే పురుడుపోశారు. దీంతో ఆమె కవల పిల్లలు బాబు, పాపకు జన్మనిచ్చింది. అనంతరం స్థానిక ప్రభుత్వ సామాజిక ఆస్పత్రికి తరలించి, అనంతరం మెరుగైన చికిత్స కోసం అదే వాహనంలో బరంపురం తరలించారు. ఇందులో 108 సిబ్బంది ఉప్పర్‌ బాలకృష్ణ, వసంత గోవిందరావు ఉన్నారు.

శ్రీకాకుళం రూరల్‌: శ్రీకాకుళం పరిధిలోని మునసబుపేట గాయత్రీ కాలేజీ జాతీయ రహదారి వద్ద బుధవారం జరిగిన రోడ్డు ప్రమాదంలో ఒక వ్యక్తి దుర్మరణం పాలయ్యాడు. రూరల్‌ పోలీసులు తెలిపిన వివరాల మేరకు.. సరుబుజ్జిలి మండలం పాతపాడు గ్రామానికి చెందిన డోలసాయి శ్రీధర్‌ (30) తన వ్యక్తిగత పనిమీద కారులో శ్రీకాకుళం వస్తుండగా, గురజాడ గాయత్రీ కళాశాల ఫ్లై ఓవర్‌ బ్రిడ్జి వద్ద ఆగివున్న లారీని ఒక్కసారిగా ఢీకొనడంతో అక్కడికక్కడే మృతి చెందాడు. దీంతో ఒక్కసారిగా కారు నుజ్జునుజ్జు అయ్యింది. మృతుడు హైదరాబాద్‌లోని ఒక సాఫ్ట్‌వేర్‌ కంపెనీలో ఉద్యోగం చేస్తున్నాడు. గత కొద్దిరోజులుగా వర్క్‌ఫ్రం హోమ్‌ చేస్తున్నట్లు పోలీసులు వెల్లడించారు. మృతుడికి భార్య, 18 నెలల పాప ఉంది. కుటుంబ సభ్యులు ఇచ్చిన ఫిర్యాదు మేరకు రూరల్‌ ఎస్‌ఐ సురేష్‌ కేసు నమోదు చేసి దర్యాప్తు చేస్తున్నారు.

● పలుమార్లు ఎన్నికల అధికారులు ఇచ్చిన జాబితాల్లో కనిపించని అభ్యర్థుల పేర్లు ● కోటబొమ్మాళి ఆర్వో తీరుపై మండిపడుతున్న అభ్యర్థులు టెక్కలి: ఈ చిత్రంలో కనిపిస్తున్నది కోటబొమ్మాళి మండలం ఎంపీటీసీ అభ్యర్థుల తుది జాబితా. ఇందులో వైఎస్సార్‌సీపీ, టీడీపీ, జనసేన, బీజేపీ అభ్యర్థులతో పాటు స్వతంత్ర అభ్యర్థుల వివరాలతో 41 మంది ఎన్నికల బరిలో ఉన్నట్లు ఎన్నికల అధికారులు బుధవారం విడుదల చేసిన జాబితా. ఈ చిత్రంలో కనిపిస్తున్న జాబితా కూడా అదే కోటబొమ్మాళి మండలం ఎంపీటీసీ అభ్యర్థుల తుది జాబితా. ఇందులో మాత్రం కేవలం వైఎస్సార్‌సీపీ, టీడీపీ, జనసేన, బీజేపీ అభ్యర్ధులతో 34 మంది ఎన్నికల బరిలో ఉన్నట్లు అధికారులు బుధవారం విడుదల చేసిన జాబితా. ఈవిధంగా ఒకే కార్యాలయం నుంచి రెండు వేర్వేరు జాబితాలు విడుదల చేశారు. ఈ రెండు జాబితాలు పోల్చితే కొంతమంది అభ్యర్థుల పేర్లు గల్లంతు కావడంతో ఎన్నికల రిటర్నింగ్‌ అధికారుల తీరుపై సర్వత్రా అనుమానాలు వ్యక్తమవుతున్నాయి. ఆర్వో తీరుపై ఆరోపణలు స్థానిక సంస్థల ఎన్నికల నేపథ్యంలో కోటబొమ్మాళి మండలం ఆర్వో కె.జగన్మోహన్‌రావు తీరుపై ఇప్పటికే పెద్ద ఎత్తున ఆరోపణలు వెల్లువెత్తుతున్నాయి. నామినేషన్ల సమయంలో ఏకపక్షంగా వ్యవహరించారని దుమ్మెత్తిపోస్తున్నారు. మంత్రి అచ్చెన్నాయుడు సొంత శాఖకు చెందిన అధికారి కావడంతో టీడీపీకి అనుకూలంగా నామినేషన్‌ ప్రక్రియ మొత్తం అస్తవ్యస్తంగా చేశారంటూ విమర్శిస్తున్నారు. ఇందులో భాగంగానే పెద్దబమ్మిడి, చిన్నసాన, దంత ప్రాదేశికాల్లో వైఎస్సార్‌సీపీ అభ్యర్థుల నామినేషన్లు తిరస్కరణకు గురయ్యేవిధంగా వ్యవహరించారంటూ ఆయా అభ్యర్థులు దుమ్మెత్తి పోస్తున్నారు. కోటబొమ్మాళి మండలం ఆర్వో జగన్మోహన్‌రావు తీరుపై అనుమానాలు ఉన్నాయి. అచ్చెన్నాయుడు ప్రాతినిధ్యం వహిస్తున్న వ్యవసాయ శాఖకు చెందిన అధికారిని ఎన్నికల అధికారిగా నియమించుకుని వైఎస్సార్‌సీపీ అభ్యర్థుల నామినేషన్లు తిరస్కరణకు గురయ్యే విధంగా చేశారు. ఎన్నికల అధికారి తీరుపై న్యాయస్థానాలను ఆశ్రయించి ఆయన చేసిన తప్పిదాలపై శిక్ష పడేలా చేస్తాం. – దుబ్బ వెంకటరమణరావు, వైఎస్సార్‌సీపీ జెడ్పీటీసీ అభ్యర్థి, కోటబొమ్మాళి మండలం

మట్టి గోలేం..● భక్తుల నమ్మకానికి ప్రతీకగా శ్రీముఖలింగం గర్భగుడిలో గోలేం ● కోరిన కోర్కెలు తీరుతాయని నమ్మకం ● నేటి నుంచి ఒడిశా, చత్తీస్‌ఘడ్‌ రాష్ట్రాలకు కార్తీక మాసం ప్రారంభంజలుమూరు: దక్షిణ కాశీగా పేరుగాంచిన ప్రసిద్ధ శైవక్షేత్రం శ్రీముఖలింగం. ఈ క్షేత్రం కాశీకి తుల్యమైనదిగా అభివర్ణిస్తారు. ఇక్కడ కోటికి ఒక్క లింగం తక్కువ కావడంతో కాశీ అంతటి పుణ్యక్షేత్రం కావాల్సింది.. దక్షిణ కాశీగా మిగిలిపోయిందని చరిత్ర చెబుతోంది. ఎక్కడైనా శివుడు లింగాకారంలో ఉంటాడు. కానీ ఈ క్షేత్రంలో మాత్రం ముఖం దాల్చి ఆవిర్భవించాడు. అందుకే ఈ క్షేత్రానికి శ్రీముఖలిగమని, ఇక్కడ కొలువైన శివుడిని ముఖలింగేశ్వరుడని పిలుస్తారు. కాశీలో లింగం, గంగలో స్నానం.. శ్రీశైలంలో శిఖరం, శ్రీముఖలింగంలో ముఖ దర్శనం చేసుకుంటే మోక్షం సిద్ధిస్తుందని పురాణాలు చెబుతున్నాయి. గోలేం కథ ఇది స్వామివారి గర్భాలయంలో మూలవిరాట్టుకి వెనుక పెద్ద మట్టి గోలేం ఉన్నది. అది ఎంత పెద్ద గోలేమంటే గర్భాలయం ద్వారం పట్టనంత. శ్రీముఖలింగం గ్రామానికి చెందిన కుమ్మరి నాగన్న ఎన్నో ఏళ్లుగా సంతానం లేకుండా బాధపడుతుంటాడు. సంతానం కోసం స్వామివారిని ఎంతో భక్తిశ్రద్ధలతో పూజిస్తుంటాడు. తనకు కుమారుడు పుడితే ఓ పెద్ద మట్టి గోలేం చేసి దాని నిండా ఆవుపాలు పోసి అభిషేకం చేస్తానని మొక్కుకున్నాడు. కొన్నాళ్లకు ఆ పరమేశ్వరుని అనుగ్రహంతో నాగన్నకు ఒక కొడుకు పుట్టాడు. మొక్కు చెల్లించుకోవడానికి ఓ పెద్ద మట్టి గోలేం చేసి దాని నిండా పాలుపోసి దానిని గర్భాలయంలోనికి తీసుకుపోవడానికి ప్రయత్నిస్తాడు. అది గర్భ గుడి ద్వారం పట్టనంత పెద్ద గోలేం అవ్వడంతో గర్భాలయంలోనికి తీసుకెళ్లలేకపోయాడు. దీంతో ఆలయం ముఖమంటపంలోనే విడిచిపెట్టి ఎంతో దుఖిస్తూ గోలేంతోపాటు తనకు ఆ పరమ శివుడు ప్రసాదించిన బిడ్డను కూడా అక్కడే వదిలి ఇంటికి వెళ్లిపోతాడు. మర్నాడు స్వామివారి నిత్యపూజల కోసం అర్చకులు గర్భగుడి తలుపులు తీసి చూడగా ఆ గోలేం మూలవిరాట్టు వెనకాల ఉన్నది. అలాగే నాగన్నకు పుట్టిన బిడ్డ కూడా గోలేం పక్కనే బోసినవ్వులతో ఆడుకుంటున్నాడు. ఇది చూసిన నాగన్నతో సహా గ్రామస్తులంతా ముఖలింగేశ్వరుని మహాత్యాన్ని తెలుసుకొని సుత్తించారు. కోర్కెలు తీర్చే నాగాభరణుడు ఈ గోలేంలో పాలుతో పాటు బియ్యం, వడ్లు(ధాన్యం), మంచినీరు, అన్నం, పండ్లు, బెల్లం ఇలా భక్తుల మొక్కులకు అనుగుణంగా ఆ గోలేం నిండుగా వేసి మొక్కులు తీర్చుకుంటారు. దీనికి ఫలితంగా సంతాన యోగం, గ్రహా దోషాల నివారణ, వివాహాలు, ఉద్యోగాలు, విదేశాల్లో చదువులు ఇతర న్యాయమైన కోర్కెలు తీరుతాయని స్థల పురాణంతో పాటు అర్చకులు చెబుతున్నారు. ఇలా తమ కోర్కెలను తలచుకొని ఆ గోలేంను ముట్టికొని ఆ పరమేశ్వరుడిని నిండు మనుసుతో ప్రార్థిస్తే కోరిన కోర్కెలు కొద్దికాలంలో తీరుతాయన్నది భక్తులు నమ్మకం. కోరిన కోర్కెలు తీర్చే కొంగుబంగారంగా శ్రీముఖలింగం గోలేం వర్థిల్లుతోంది. నేటి నుంచి కార్తీక మాసం మన రాష్ట్రంలోని రాయలసీమతో పాటు ఒడిశా, చత్తీష్‌ఘడ్‌ తదితర రాష్ట్రాలు వారు గౌరీ పౌర్ణమి అనంతరం కార్తీక మాసం పాటిస్తారు. దీంతో వారికి గురువారం నుంచి కార్తీక మాసం ప్రారంభమవుతుంది. ఇదే నెలలో ఎక్కువగా దైవ చింతన, గుడులు, తీర్థయాత్రలు చేయడం వారి సంప్రదాయం. దీనిలో భాగంగా శ్రీముఖలింగానికి ఈనెల రోజులపాటు ఆయా రాష్ట్రాలు, ప్రాంతాల నుంచి భక్తుల తాకిడి ఎక్కువగా ఉంటుంది.

ఇచ్ఛాపురం : ఎగువన ఒడిశా పరివాహక ప్రాంతాల్లో కురుస్తున్న భారీ వర్షాల కారణంగా బగలట్టి డ్యామ్‌ నుంచి భారీగా వరద నీటిని దిగువకు విడుదల చేస్తున్నారు. దీంతో సరిహద్దు ప్రాంతమైన ఇచ్ఛాపురం పరిధిలో బాహుదా నది ఉగ్రరూపం దాల్చింది. బుధవారం రాత్రి 8 గంటల సమయానికి బాహుదా నది వరద ప్రవాహం 58,436 క్యూసెక్కులకు చేరుకుంది. నదీ ప్రవాహం తీవ్రస్థాయికి చేరడంతో అధికారులు మూడో ప్రమాద హెచ్చరిక జారీ చేశారు. పేటూరు, లొద్దపుట్టి, ఇన్నేసుపేట, బిల్లింగి తోటూరు గ్రామాలు ముంపునకు గురికావడంతో ప్రజలను అధికారులు అప్రమత్తం చేశారు.

● ఎన్నికల బరిలో లేకుండా అభ్యర్థులకు తెలియకుండా విత్‌డ్రాలు ● పొందూరు మండలంలో టీడీపీకి లబ్ధి చేకూర్చేలా ఐదు ఎంపీటీసీలు ఏకగ్రీవం ● తమకు తెలియకుండా విత్‌డ్రాలేంటని ప్రశ్నించిన అభ్యర్థులు ● తెల్లమొహం వేసిన ఎన్నికల రిటర్నింగ్‌ అధికారి ● సీసీ పుటేజీలు అడిగితే సీసీ కెమెరాలు లేవంటూ సమాధానం సాక్షి ప్రతినిధి, శ్రీకాకుళం ః మంగళవారం ఉదయం 11.30 గంటలకు వైఎస్సార్‌సీపీ అభ్యర్థులందరి బీ–ఫారాలను రిటర్నింగ్‌ అధికారి తీసుకున్నారు. ఎకనాలెడ్జ్‌మెంటూ ఇచ్చారు. నామినేషన్‌ వేసిన అభ్యర్థులు మళ్లీ ఎంపీడీవో కార్యాలయానికి కనీసం రాలేదు. వారంతా ప్రచారంలో నిమగ్నమయ్యారు. ఏ సమయంలో కూడా విత్‌డ్రా చేసుకోలేదు. కానీ, రాత్రి 8 గంటలకు ఐదు ఎంటీపీసీ స్థానాలను విత్‌ డ్రా చేసుకున్నారని, టీడీపీ అభ్యర్థులు ఏకగ్రీవమైనట్టు ప్రకటించడం వెనక కుట్ర దాగిందని స్పష్టంగా తేటతెల్లమవుతోంది. జిల్లా చరిత్రలో ఇటువంటి ఘటనలు ఎప్పుడూ చోటుచేసుకోలేదు. కూన రవికుమార్‌ సొంత మండలంలో ఇప్పుడు జరగడం వివాదాస్పదంగా మారింది. ఎన్నికల్లో పోటీ చేసి గెలవాలే తప్ప దొంగదెబ్బ తీసి ఏకగ్రీవాలు చేసుకోవడం ఏంటని ప్రజలు తప్పు పడుతున్నారు. సరికొత్త ఫేక్‌ నాటకాలు.. రాష్ట్ర వ్యాప్తంగా వైఎస్సార్‌సీపీ తరఫున టీడీపీ వర్గీయులు ఫేక్‌ నామినేషన్ల ఘటనలు చూశాం. టీడీపీ వర్గీయులు బెదిరించి, బలవంతంగా అభ్యర్థుల చేత విత్‌డ్రాలు చేయించడం చూశాం. కానీ, అభ్యర్థులకు తెలియకుండా, వారి సంతకాల్లేకుండా, సంతకాలు ఫోర్జరీ చేసి, ఫేక్‌ విత్‌డ్రాలు పెట్టి, టీడీపీ అభ్యర్థులను ఏకగ్రీవం చేశారంటే బరి తెగించినట్టే అవుతోంది. రిటర్నింగ్‌ అధికారి ఏ స్థాయిలో టీడీపీతో కుమ్మక్కయ్యారో అర్థం చేసుకోవచ్చు. ఓటమి భయంతోనే.. ఆమదాలవలస నియోజకవర్గం పొందూరు మండలంలో టీడీపీకి ఓటమి భయం పట్టుకుంది. ఎమ్మె ల్యే కూన రవికుమార్‌ సొంత మండలమైన పొందూరులో ప్రాబల్యం కోల్పోతామేమోనని గుబులు రేగుతోంది. దీంతో ఎలాగైనా పట్టు నిలుపుకోవాలనే ఉద్దేశంతోనే ఈ ఫేక్‌ నాటకాలకు దిగారు. సీసీ కెమెరాల్లేవట.. సీసీ ఫుటేజీలు చూపించండంటే సీసీ కెమెరాలే లేవని చెప్పడం ఆశ్చర్యం కల్గిస్తోంది. ఎన్నికల ప్రక్రియ పారదర్శకంగా జరగాలంటే సీసీ కెమెరాలు తప్పనిసరి అని ఎన్నికల సంఘం చెబుతోంది. ఇక్కడ అందుకు విరుద్ధంగా నడిచింది. దీన్ని బట్టి ఇక్కడ ఇంకెన్ని తప్పిదాలు, అక్రమాలు జరిగాయో నామినేషన్లు వేసిన వారికే తెలియాలి. ఎంపీటీసీల నామినేషన్ల పత్రాలపై ఫోర్జరీ సంతకాలు చేయించి విత్‌డ్రా అయినట్లు ప్రకటించిన ఎన్నికల రిటర్నింగ్‌ అధికారి సూర్యప్రకాశరావుపై కఠిన చర్యలు తీసుకోవాలని కోరుతూ బాణాం, కోటిపల్లి, నందివాడ, రాపాక–1, పొందూరు–3 వైఎస్సార్‌ సీపీ ఎంపీటీసీ అభ్యర్థులు పప్పల రాజ్యలక్ష్మి, కూన శోభారాణి, లింగాల అరుణకుమారి, ఎచ్చెర్ల పద్మావతి, కాలెపు శ్రీదేవి బుధవారం పొందూరు పోలీస్‌స్టేషన్‌లో ఫిర్యాదు చేశారు. –జి.సిగడాం(పొందూరు)

నరసన్నపేట: ప్రజాక్షేత్రంలో వైఎస్సార్‌ కాంగ్రెస్‌ పార్టీని ఎదుర్కోలేక కూటమి నాయకులు ఎంపీటీసీ ఎన్నికల్లో ఇష్టారాజ్యంగా వ్యవహరిస్తున్నారని మాజీ డిప్యూటీ సీఎం ధర్మాన కృష్ణదాస్‌ విమర్శించారు. ఈ మేరకు బుధవారం ఒక ప్రకటన విడుదల చేశారు. పొందూరు మండలంలో వైఎస్సార్‌సీపీ అభ్యర్థుల సంతకాలు ఫోర్జరీ చేసి ఐదు చోట్ల ఎంపీటీసీ స్థానాలను ఏకగ్రీవం చేయించుకోవడం ప్రజాస్వామ్యానికి చీకటి రోజని అభివర్ణించారు. ఫోర్జరీ సంతకాలు వెనక ఉన్న అధికారుల పాత్రపై సమగ్ర విచారణ జరిపించాలని డిమాండ్‌ చేశారు. మంత్రి అచ్చెన్నాయుడు ఎంపీటీసీ అభ్యర్థులను ఫోన్‌లో బెదిరించడం దారుణమన్నారు. కాశీబుగ్గ : పలాస–కాశీబుగ్గ పురపాలక ఎన్నికల నేపథ్యంలో ఉద్యోగులు ఓటు వేసేందుకు వీలుగా పోస్టల్‌ బ్యాలెట్‌ సేవలను అందుబాటులోకి తీసుకువచ్చారు. ఈ మేరకు మున్సిపల్‌ కార్యాలయంలో కమిషనర్‌ శ్రీనివాసులు అన్ని రాజకీయ పార్టీల నాయకుల సమక్షంలో పోస్టల్‌ బ్యాలెట్‌ బాక్సుతో పాటు అవసరమైన ఫారం–10ఏ, 10సీలతో ప్రత్యేక కౌంటర్‌ ఏర్పాటు చేశారు. పోలింగ్‌ విధుల్లో ఉన్న ఉద్యోగులు పోస్టల్‌ బ్యాలెట్‌ను అక్టోబరు 31వ తేదీ సాయంత్రం ఐదు గంటల్లోగా వినియోగించుకోవాలని కమిషనర్‌ కోరారు. 3న కాదు..5న పోలింగ్‌.. ● జెడ్పీటీసీ, ఎంపీటీసీ ఎన్నికలకు కొత్త షెడ్యూల్‌ ప్రకటన అరసవల్లి: రాష్ట్ర ఎన్నికల సంఘం తాజాగా విడుదల చేసిన షెడ్యూల్‌ ప్రకారం జెడ్పీటీసీ, ఎంపీటీసీల ఎన్నికలు రెండు రోజులు వాయి దా పడ్డాయి. పాత షెడ్యూల్‌ ప్రకారం వచ్చే నెల 3న జరగాల్సిన పోలింగ్‌ను వచ్చే నెల 5న నిర్వహించేలా, ఓట్ల లెక్కింపు 5వ తేదీకి బదులు 7న నిర్వహించేలా ఆదేశాలు జారీ చేశారు. మున్సిపాలిటీలకు మాత్రం సుప్రీం కోర్టు సూచనల మేరకు వచ్చే నెల 1న పోలింగ్‌, 3న ఓట్ల లెక్కింపు చేపట్టనున్న సంగతి తెలిసిందే. తాజా షెడ్యూల్‌ మేరకు నవంబర్‌ 5న ఉదయం 7 నుంచి సాయంత్రం 5 గంటల వరకు పోలింగ్‌, 6న రీపోలింగ్‌ (అవసరమైతే), 7న ఓట్ల లెక్కింపు అనంతరం ఫలితాల వెల్లడించనున్నారు.

అరసవల్లి: అర్నబ్‌ తుఫాన్‌ ప్రభావం విద్యుత్‌ శాఖపై తీవ్ర ప్రభావం చూపించింది. మంగళవారం నుంచి కురుస్తున్న భారీ వర్షాలతో పాటు ఈదురు గాలుల ధాటికి శ్రీకాకుళం, పలాస, టెక్కలి డివిజన్ల పరిధిలో పలుచోట్ల విద్యుత్‌ స్తంభాలు నేలకూలాయి. కొన్నిచోట్ల భారీ చెట్లు కూలిపోవడంతో స్తంభాలు విరిగిపోయాయి. టెక్కలి, పలాస డివిజన్లలో ఎక్కువగా నష్టం ఉన్నట్లు అంచనా వేస్తున్నారు. బుధవారం సాయంత్రానికి 33 కేవీ ఫీడర్లు సుమారు 70 వరకు, 11 కేవీ ఫీడర్లు 90 వరకు దెబ్బతిన్నాయి. విద్యుత్‌ స్తంభాలు 120కి పైగానే నేలకూలాయి. ట్రాన్స్‌ఫార్మర్లు 25 వరకు దెబ్బతిన్నాయి. నష్టం విలువ సుమారు రూ. 35.60 లక్షల వరకు ఉన్నట్లు అధికారులు అంచనా నివేదికలు సిద్ధం చేశారు. సీఎండీ పృథ్వీతేజ ఆధ్వర్యంలో స్థానిక సర్కిల్‌ ఎస్‌ఈ జీఎన్‌ ప్రసాద్‌, ఆపరేషన్స్‌ ఈఈల ఆదేశాల మేరకు అధికారులు, సిబ్బంది పునరుద్ధరణ పనులు వేగవంతం చేస్తున్నారు.

సమాధానాలేవీ? పొందూరు మండలంలోని పొందూరు 3, రాపాక 1, కోటిపల్లి, బాణాం, నందివాడ ఎంపీటీసీ స్థానాలు పోటీ లేక టీడీపీ ఏకగ్రీవమైనట్టు ప్రకటిస్తూ మంగళవారం రాత్రి 8గంటల సమయంలో ఎన్నికల రిటర్నింగ్‌ అధికారి సూర్యప్రకాశరావు జారీ చేసిన డిక్లరేషన్‌ ఇది. తమ నామినేషన్లు ఉపసంహరించుకున్నట్టు ప్రకటించిన వెంటనే సదరు ఐదు స్థానాల ఎంపీటీసీ మహిళా అభ్యర్థులు ఎంపీడీఓ కార్యాలయానికి చేరుకుని రిటర్నింగ్‌ అధికారి సూర్యప్రకాశరావును నిలదీశారు. అసలు విత్‌డ్రాలు అందించిన వ్యక్తి ఎవరు? ఆయన ఎన్ని గంటలకు వచ్చారు? అభ్యర్థులే కాకుండా విత్‌డ్రాలేంటి? విత్‌డ్రాలు చేయడానికి ఒక వ్యక్తి వచ్చారంటే ఆ వ్యక్తికి సంబంధించిన రుజువులేంటి? సీసీ ఫుటేజీలు తీసి చూపించొచ్చు కదా? ఇలా అభ్యర్థులు అడిగిన ఒక్కప్రశ్నకు కూడా సమాధానం ఇవ్వలేదు.

● ఫోర్జరీ సంతకాలతో విత్‌డ్రా చేసిన ఆర్‌ఓపై చర్యలు తీసుకోవాలి ● విలేకరులతో ఆమదాలవలస వైఎస్సార్‌ సీపీ సమన్వయకర్త చింతాడ రవికుమార్‌ శ్రీకాకుళం (పీఎన్‌ కాలనీ): వైఎస్సార్‌సీపీ ఎంపీటీసీ అభ్యర్థుల నామినేషన్‌ల విత్‌డ్రా ప్రక్రియను అధికారులు, పాలకులు ఓ నాటకంలా మార్చేశారని ఆమదాలవలస నియోజకవర్గ వైఎస్సార్‌ సీపీ సమన్వయకర్త చింతాడ రవికుమార్‌ అన్నారు. ఎమ్మెల్యే కూన రవికుమార్‌ ప్రజాక్షేత్రంలో గెలిచే దమ్ములేక ఫోర్జరీ సంతకాలు చేయించి రిటర్నింగ్‌ అధికారితో తప్పుడు ప్రచారం చేయించి విత్‌డ్రా అయినట్లు చెప్పించడం దారుణమన్నారు. సీఎం చంద్రబాబునాయుడు, కూన రవికుమార్‌లు కలిసి రాజ్యాంగాన్ని, ప్రజాస్వామ్యాన్ని తూట్లు పొడిచిన ఈ నెల 27వ తేదీని చీకటి రోజుగా భావిస్తున్నామన్నారు. శ్రీకాకుళం నగరంలోని వైఎస్సార్‌సీపీ జిల్లా కార్యాలయంలో బాధిత ఎంపీటీసీ మహిళలతో కలిసి బుధవారం విలేకరుల సమావేశం నిర్వహించారు. ఈ సందర్భంగా ఆయన మాట్లాడుతూ పొందూరు మండలం బాణాంలో పప్పల రాజ్యలక్ష్మి, పొందూరు–3లో కాలెపు శ్రీదేవి, రాపాక–1లో ఎచ్చెర్ల పద్మావతి(ఎస్సీ), కోటిపల్లిలో కూన శోభారాణి, నందివాడలో లింగాల అరుణకుమారి(ఎస్సీ) తామెక్కడా సంతకాలు చేయలేదని, విత్‌డ్రా అవ్వలేదని చెప్పినా, ఆధారాలు చూపించాలని ప్రశ్నించినా ఆర్‌ఓ సమాధానం చెప్పలేకపోయారన్నారు. స్వాతంత్య్రానంతరం ఉత్తరాంధ్రలో గానీ, శ్రీకాకుళం జిల్లాలో ఇలాంటి సంస్కృతి ఉందా? అని ప్రశ్నించారు. ఇలాంటి నీచ రాజకీయాలు చేస్తే కూన రవికుమార్‌ పాతాళానికి పోవడం ఖాయమన్నారు. కూన రవికుమార్‌కు ఆర్‌ఓ దాసోహం కావడం సరికాదన్నారు. అసలు ఆమదాలవలస నియోజకవర్గానికి చెందిన వ్యక్తిని రిటర్నింగ్‌ అధికారిగా ఎలా వేస్తారని ప్రశ్నించారు. ఆర్‌ఓ ఆఫీసులో సీసీ కెమెరాలు పెట్టాలని ఈసీ చెప్పినా పట్టించుకోకపోవడంలో ఆంతర్యం ఏంటన్నారు. రిటర్నింగ్‌ అధికారిపై రాష్ట్ర ఎన్నికల కమిషనర్‌కు ఫిర్యాదు చేశామని, హైకోర్టులో స్పెషల్‌ లీవ్‌ పిటిషన్‌ వేస్తున్నామని ప్రకటించారు. 55 ఎంపీటీసీ స్థానాల్లో నామినేషన్లు అడ్డుకోవాలని చూసినా విజయవంతంగా వేయగలిగామన్నారు. రిటర్నింగ్‌ అధికారిపై అట్రాసిటీ కేసు కూడా పెడతామన్నారు. దళిత మహిళా ఎంపీటీసీ అభ్యర్థులకు అన్యాయం చేయడం పట్ల దళిత సంఘ నాయకులంతా స్పందించి అండగా నిలవాలని కోరారు. బాధిత ఎంపీటీసీ అభ్యర్థులు మాట్లాడుతూ తామంతా నామినేషన్‌ వేసి ప్రచారం చేసుకున్నామే తప్ప మళ్లీ ఎంపీడీఓ కార్యాలయం వైపు వెళ్లలేదని స్పష్టం చేశారు. న్యాయం జరిగే వరకు కోర్టుల్లో పోరాడతామన్నారు. సమావేశంలో వైఎస్సార్‌సీపీ నాయకులు సువ్వారి గాంధీ, లోలుగు కాంతారావు, గంట్యాడ రమేష్‌, బాధిత ఎంపీటీసీ అభ్యర్థులు పాల్గొన్నారు.

శ్రీకాకుళం పాతబస్టాండ్‌: అర్నబ్‌ తుఫాన్‌ బీభత్సం సృష్టించింది. భారీ వర్షాలు, ఈదురుగాలులతో తీరని నష్టం మిగిల్చింది. జిల్లావ్యాప్తంగా విద్యుత్‌ స్తంభాలు, చెట్లు నేలకొరిగాయి. అనేక చోట్ల ఇళ్లు దెబ్బతిన్నాయి. వేలాది ఎకరాల్లో వరి, ఇతర పంటలు నీటమునిగాయి. ముఖ్యంగా ఉద్దానం ప్రాంతం చిగురుటాకులా వణికింది. వందలాది కొబ్బరిచెట్లు నేలకొరగడంతో భారీగా నష్టం వాటిల్లింది. సుమారుగా 3,212.41 హెక్టార్లలో వరి, ఇతర పంటకు నష్టం వాటిల్లినట్టు ప్రాథమికంగా అంచనా వేశారు. 3206.41 హెక్టార్లతో వరి, 3 హెక్టార్లలో పెసర, 2 హెక్టార్లలో మినుము, ఒక హెక్టారులో పత్తి నష్టం వాటిల్లినట్లు గుర్తించారు. 174 గ్రామాల పరిధిలో సుమారు 6930 మంది రైతులు నష్టాలకు గురయ్యారు. జిల్లాలో 39 ఇల్లు దెబ్బతిన్నాయి. అందులో నాలుగు పక్కా ఇళ్లు పాక్షికంగా, రెండు కచ్చా ఇల్లు పూర్తిగా, 30 కచ్చా ఇల్లు పాక్షికంగా, మూడు గుడిసెలు నేలకొరిగాయి. ఎచ్చెర్ల మండలం కుప్పిలి గెడ్డ కాలువ ఉప్పొంగడంతో గ్రామ పరిసర ప్రాంతాలు, రహదారులపైకి భారీగా వరదనీరు చేరింది. ఎస్పీ కె.వి.మహేశ్వరరెడ్డి ఆ ప్రాంతాన్ని సందర్శించి సహాయక చర్యలపై ఆరా తీశారు. బుధవారం ఉదయం 8.30 నుంచి సాయంత్రం 4.30 గంటల వరకు జిల్లా వ్యాప్తంగా 30 మండలాల్లో 809 మి.మీ. వర్షం కురిసింది. సగటున 27.0 మి.మీ. వర్షపాతం నమోదైంది. శ్రీకాకుళం: రిమ్స్‌ సర్వజన ఆస్పత్రిలో పలు వార్డుల్లోకి వర్షం నీరు వచ్చేసింది. కిటికీలకు అద్దాలు లేకపోవడంతో ఈ పరిస్థితి తలెత్తింది. ఏఆర్టీ కేంద్రంలో ఎక్కువగా నీరు రావడంతో సిబ్బంది ఇబ్బందులు పడ్డారు. భారీ వర్షాలు, ఈదురుగాలులతో భారీ నష్టం నేలకొరిగిన విద్యుత్‌ స్తంభాలు, చెట్లు నీటమునిగిన పంటలు, దెబ్బతిన్న ఇళ్లు నేడు కూడా విద్యాసంస్థలకు సెలవు

● చిల్డ్రన్స్‌ హోమ్‌కు చల్లవానిపేట అనాథ పిల్లలు ● గతేడాది సాక్షిలో ‘ఎట్టి బతుకులు.. మట్టి మెతుకులు’ శీర్షికతో కథనం ● ఫలించిన సీడీపీవో వంశీ ప్రియ కృషి జలుమూరు: చల్లవానిపేటలో అనాథగా బిక్షాటన చేస్తూ జీవనం సాగిస్తున్న మతిస్థిమితం లేని తల్లి లక్ష్మితోపాటు పిల్లలు పద్మ, బోడెమ్మ, కరువమ్మను సీ్త్ర సంక్షేమ అధికారి సీహెచ్‌ వంశీప్రియతో పాటు స్థానిక అధికారులు ఆదుకున్నారు. అనాథ పిల్లలను అరసవల్లి చిల్డ్రన్‌ హోంకు, తల్లిని రిమ్స్‌కు రెస్క్యూ ఆపరేషన్‌ చేసి తరలించారు. ఈ అనాథ పిల్లలు, మతిస్థిమితం లేని తల్లి జీవనంపై గతేడాది అక్టోబర్‌ 24న సాక్షి దినపత్రికలో ఎట్టి బతుకులు.. మట్టి మెతుకులు అనే శీర్షికతో కథనం ప్రచురితమైంది. దీనిపై కలెక్టర్‌ స్వప్నికల్‌ దినకర్‌ పుండ్కర్‌ స్పందించి సీ్త్ర, శిశు సంక్షేమాధికారులకు వారిని సురక్షిత చోటుకు తరలించి, తల్లికి వైద్యం.. పిల్లలకు విద్య, వసతి కల్పించాలని ఆదేశాలు జారీ చేశారు. అప్పటినుంచి రెవెన్యూ, మెడికల్‌, పోలీసు, సీ్త్ర, శిశు సంక్షేమ అధికారులు ఎన్నో ప్రయత్నాలు చేసినప్పటికి తల్లి లక్ష్మి పిల్లలను తీసుకొని వెళ్లేందుకు ఇష్టపడకపోవడంతో అధికారులు అప్పట్లో కొంత జాప్యం చేశారు. దీంతో మళ్లీ సీడీపీవో దృష్టికి స్థానిక సాక్షి విలేకరి తీసుకెళ్లగా న్యాయస్థానం అనుమతి కావాలని జిల్లా అధికారులు స్పష్టం చేయడంతో కొద్ది రోజులు జాప్యం జరిగింది. అనంతరం న్యాయస్థానం నుంచి పూర్తిస్థాయి అనుమతితో వర్షంలో కూడా అధికారులు రెస్క్యూ అపరేషన్‌ చేసి జిల్లా చైల్డ్‌ వెల్ఫేర్‌ బోర్డు ముందు మంగళవారం ప్రవేశపెట్టారు. తల్లిని స్వధార మహిళ వసతి గృహంనకు తరలించి అవసరమైన చికిత్స రిమ్స్‌లో ఇచ్చే ఏర్పాట్ల చేశారు. సాక్షి కథనంతో అనాథ పిల్లలు, తల్లికి పూర్తిస్థాయి మేలు జరిగిందని సారవకోట సీడీపీవో సీహెచ్‌ వంశీ ప్రియ అన్నారు. కార్యక్రమంలో జిల్లా చైల్డ్‌ ప్రొటెక్షన్‌ అధికారి రమణ, మిషన్‌ కో–ఆర్డినేటర్‌ ఉమ, ఎస్‌ఐ బి.అశోక్‌బాబు తదితరులు పాల్గొన్నారు.

శ్రీకాకుళం క్రైమ్‌: నిత్యావసర సరకుల ధరలు పెరుగుతున్న నేపథ్యంలో కిరాణా షాపుల్లో అవకతవకలు జరగకుండా నిరోధించేందుకు తనిఖీలు చేపట్టాలని రాష్ట్ర విజిలెన్సు డైరెక్టర్‌ హరీష్‌ కుమార్‌ గుప్తా ఆదేశాలివ్వడంతో జిల్లాకేంద్రంలో విజిలెన్సు అండ్‌ ఎన్‌ఫోర్స్‌మెంట్‌, లీగల్‌ మెట్రోలజీ అధికారులు మంగళవారం సంయుక్త దాడులు నిర్వహించారు. గుజరాతీపేటలోని పలు కిరాణా షాపులు, సూపర్‌ మార్కెట్లలో జరిగిన ఈ దాడులు సంబంధిత జిల్లా అధికారి, ఏఎస్పీ సీహెచ్‌ వివేకానంద ఆధ్వర్యంలో దాడులు జరిగాయి. నిబంధనలకు విరుద్ధంగా వ్యవహరించిన కొన్ని షాపులపై లీగల్‌ మెట్రోలజీ యాక్ట్‌ ప్రకారం కేసులు నమోదు చేశారు. ఈ సందర్భంగా ఏఎస్పీ వివేకానంద మాట్లాడుతూ అధిక ధరలకు నిత్యావసర సరకులు అమ్మితే కఠిన చర్యలు తీసుకుంటామని హెచ్చరించారు. తనిఖీల్లో సీఐ సతీష్‌కుమార్‌, ఎస్‌ఐ రామారావు, లీగల్‌ మెట్రోలజీ అధికారులు పాల్గొన్నారు. దరఖాస్తులు ఆహ్వానం శ్రీకాకుళం: ఆంధ్రప్రదేశ్‌ స్టేట్‌ అలైడ్‌ హెల్త్‌ కేర్‌ ప్రొఫెషనల్స్‌ పరిధిలోని 9 రకాల డిప్లొమా కోర్సుల్లో ఖాళీగా ఉన్న 78 సీట్లలో ప్రవేశాలకు అర్హులైన అభ్యర్థుల నుంచి దరఖాస్తులు ఆహ్వానిస్తున్నట్లు శ్రీకాకుళం ప్రభుత్వ వైద్య కళాశాల ప్రిన్సిపాల్‌ ఎస్‌.అప్పలనాయుడు మంగళవారం ఒక ప్రకటనలో తెలిపారు. వైద్య రంగానికి అనుబంధంగా ఉండే ఈ కోర్సుల్లో చేరాలనుకునేవారు అక్టోబరు 27 నుంచి నవంబర్‌ 5వ తేదీ వరకు దరఖాస్తు చేసుకోవచ్చని పేర్కొన్నారు. ప్రతిరోజూ ఉదయం 10.30 గంటల నుంచి సాయంత్రం 4.00 గంటల వరకు దరఖాస్తుల స్వీకరణ ప్రక్రియ కొనసాగుతుందని పేర్కొన్నారు. కోర్సుల పూర్తి వివరాలు, దరఖాస్తు విధానం, అవసరమైన అర్హతల సమాచారాన్ని శ్రీకాకుళం ప్రభుత్వ వైద్య కళాశాల అధికారిక వెబ్‌సైట్‌లో అందుబాటులో ఉంచినట్లు వెల్లడించారు. జిల్లా లోని అర్హులైన అభ్యర్థులు గడువులోగా వెబ్‌సైట్‌ ద్వారా దరఖాస్తు ప్రక్రియ పూర్తి చేయాలని సూచించారు. సందేహాలు ఉంటే కళాశాల కార్యాలయంలో సంప్రదించవచ్చన్నారు. శ్రీకాకుళం రూరల్‌: ఏపీ స్టేట్‌ అలైడ్‌ అండ్‌ హెల్త్‌కేర్‌ ప్రొఫెషనల్స్‌ కౌన్సిల్‌ సెక్రటరీ తరుపున డిప్లొమా అలైడ్‌ హెల్త్‌కేర్‌ కోర్సుల్లో రెండో దశ కౌన్సిలింగ్‌కు దరఖాస్తులు ఆహ్వానిస్తున్నట్లు బొల్లినేని మెడిస్కిల్స్‌ సెంటర్‌ హెడ్‌ డైరక్టర్‌ సీహెచ్‌ నాగేశ్వరరావు మంగళవారం ఒక ప్రకటనలో తెలిపారు. ఇంటర్‌ పాసైన విద్యార్థులు నవంబర్‌ 5లోపు చేరవచ్చునన్నారు. ఈ కోర్సులు పూర్తి చేసిన వారికి ఉద్యోగ అవకాశాలు ఉన్నాయన్నారు. తమ కళాశాలలో కన్వీనర్‌, మేనేజ్‌మెంట్‌ కోటాలో సీట్లు అందుబాటులో ఉన్నాయన్నారు. మరిన్ని వివరాలకు 76809 45357, 79950 13422 నంబర్లను సంప్రదించాలని సూచించారు.

కంచిలి మండలంలోని అంపురం నుంచి ఘాటి ముకుందాపురం వరకు ఉండే ఆర్‌అండ్‌బీ రోడ్డు మార్గంలో జె.బెల్లుపడ నుంచి నారాయణబట్టి గ్రామాల మధ్య ఉన్న రోడ్డులో కల్వర్టు శిథిలావస్థకు చేరింది. ఇక్కడ కల్వర్టుకు రెండువైపులా పెద్ద రంధ్రాలు ఏర్పడ్డాయి. ఈ ప్రదేశం వద్ద ఒకేసారి ఎదురెదురుగా రెండు వాహనాలు వస్తే తప్పించుకునేందుకు వీలుపడని పరిస్థితి ఉంది. రాత్రిపూట ఈ పరిస్థితి ఎదురైనప్పుడు అక్కడ రంధ్రాలు కనిపించక ప్రమాదాలు జరుగుతున్నాయని వాహనచోదకులు వాపోతున్నారు. నిత్యం రద్దీగా ఉండే ఈ మార్గంలో రోడ్డుకు ఇరువైపులా ఇంతటి భయానక పరిస్థితి ఏర్పడినప్పటికీ అధికారులు పట్టించుకోకపోవడంపై ఆందోళన వ్యక్తం చేస్తున్నారు. ఇప్పటికై నా అధికారులు స్పందించి కొత్త కల్వర్టు నిర్మాణానికి అత్యవసర చర్యలు చేపట్టాలని కోరుతున్నారు. – కంచిలి

పలాసలో ..కాశీబుగ్గ : పలాస–కాశీబుగ్గలో ఓ షాడో సామ్రాజ్యం విస్తరిస్తోంది. ‘తెర వెనుక నేత’ కనుసన్న దాటి ఏ పనీ జరగడం లేదనే చర్చ జోరందుకుంటోంది. కాంట్రాక్టులైనా, కాంట్రాక్టు ఉద్యోగాలైనా, ఎన్నికలైనా, ఎంపికలైనా అన్నీ ఆయన మాట మీదుగానే సాగుతున్నాయనే ఆరోపణలు బలంగా వినిపిస్తున్నాయి. ఇంత చేసీ ఆయనది ఈ ఊరు కాదు.. ఈ ప్రాంతం కాదు. అయినా నెత్తినెక్కి పెత్తనం చెలాయిస్తూ ‘విసి’గిస్తుండడంపై పలాస ప్రజలు మండిపడుతున్నారు. అన్నీ తానై నడిపించే ఈ షాడో నేత 2014–2019 మధ్య కాలంలో ప్రతి పనికీ రేటు కట్టిన వైనం నియోజకవర్గంలో చాలా మందికి తెలుసు. తెర వెనుక ఉంటూ నియోజకవర్గాన్ని శాసిస్తున్న ’షాడో ప్రజాప్రతినిధి’గా పలాసలో ఆయన అవతరించారు. ప్రజా బలం లేని ఈ కీలక ప్రజా ప్రతినిధిని ప్రస్తుతం ‘విధేయతకు చెంపదెబ్బ’ అనే ఫార్ములాను ఫాలో అవుతున్నారు. ఇక్కడ చైర్‌ పర్సన్‌ పీఠాన్ని జనరల్‌ మహిళ కేటగిరీకి కేటాయించారు. దీంతో పార్టీ శ్రేణులంతా ‘ఎల్‌కే’కే టికెట్‌ వస్తుందని భావించారు. పార్టీ పుట్టిననాటి నుంచి క్యాడర్‌ను పటిష్టం చేయడంలో ఎల్‌కే కీలక పాత్ర పోషించారు. కాబట్టి టికెట్‌ ఆయనకే దక్కుతుందనుకున్నారు. కానీ నామినేషన్లు ప్రారంభమైన రెండోరోజు అర్ధరాత్రి వేళ మద్యం డాన్‌కు కట్టబెట్టారు. ఈ నిర్ణయం పార్టీ శ్రేణులను నిర్ఘాంత పోయేలా చేసింది. ఎల్‌కే సామాజిక వర్గం వాళ్లయితే కుతకుతలాడిపోయారు. చక్రం తిప్పుతున్న షాడో లీడర్‌ ●పలాస నియోజకవర్గంలో జరిగే చిన్న అభివృద్ధి పని నుంచి పెద్ద కాంట్రాక్ట్‌ వరకు ఆ కీలక ప్రజాప్రతినిధి చేవ్రాలు ఆ దస్త్రంపై కనిపిస్తుంది. ● ఈ షాడో సామ్రాజ్యంలో ఒక విచిత్రమైన సూత్రం నడుస్తోంది. ఇక్కడ పార్టీపై ఉన్న నిబద్ధతకు కానీ, దశాబ్దాల సీనియారిటీకి కానీ ఎలాంటి విలువా లేదు. ప్రతి అంశానికి, ప్రతి పదవికి దాని స్థాయిని బట్టి ‘రేటు’ ఫిక్స్‌ చేస్తారని బయట టాక్‌. ● అభ్యర్థుల ఎంపికలో ప్రజాదరణ కంటే సదరు వ్యక్తి ఆర్థిక బలం ఎంత? ఎంత ఖర్చు పెట్టగలడు? అనేదే ఇక్కడ ప్రాథమిక అర్హత. ● పార్టీని నమ్ముకుని, ఎన్నో ఏళ్లుగా జెండా మోసిన సీనియర్‌ నాయకులను పక్కన పెట్టి, కేవలం డబ్బు సంచులు ఉన్నవారికే పలాస చైర్‌ పర్సన్‌ పీఠం అప్పగించడంపై, పార్టీ ఆవిర్భావం నుంచి నమ్ముకున్న నాయకులు లోలోపల కుమిలిపోతున్నారు. పలాసను శాసిస్తున్న ‘తెర వెనుక నేత’

సాక్షి ప్రతినిధి, శ్రీకాకుళం: విజయనగరం ఆర్టీసీ డీపీటీఓ (డిస్ట్రిక్ట్‌ పబ్లిక్‌ ట్రాన్స్‌పోర్టు ఆఫీసర్‌)లో అడ్డగోలు బాగోతం వెలుగు చూసింది. ఆర్టీసీ కార్మికులకు వైద్యసేవలు అందించే ప్రైవేటు ఆస్పత్రికి చెల్లించాల్సిన బకాయిలను వేరొకరి ఖాతాకు మళ్లించినట్టు సంచలన విషయాలు బయటకొచ్చాయి. విజయనగరంలో ఉన్న డాక్టర్‌ సంజన మల్టీ స్పెషాలిటీ లేజర్‌ డెంటల్‌ క్లినిక్‌ను శ్రీకాకుళానికి చెందిన డాక్టర్‌ ఊడి సంతోష్‌ నడుపుతున్నారు. ఆర్టీసీ కార్మికులకు దంత పరమైన వైద్యసేవలందించేందుకు విజయనగరం ఆర్టీసీ అధికారులతో ఒక ఎంఓయూ చేసుకున్నారు. ఆర్టీసీ కార్మికులకు, వారి కుటుంబ సభ్యులకు అందించే వైద్య సేవలకు గాను టారిఫ్‌ మేరకు చెల్లింపులు చేసేందుకు ఒప్పందం చేసుకున్నారు. అయితే, ఈ వైద్య సేవలకు సంబంధించి ఆయా ఆస్పత్రికి చెల్లించాల్సిన బకాయిలను యాజమాన్యం ఖాతాలో కాకుండా వేరొక వ్యక్తి ఖాతాకు జమ చేశారు. బకాయిలు జమ చేయగానే ఎంఓయూ చేసుకున్న ఆస్పత్రి అసలు యజమానికి మెయిల్‌ వచ్చింది. దీంతో తన ఆస్పత్రి ఖాతాను చూసేసరికి నిధులు జమ కాలేదు. మెయిల్‌ వచ్చింది, నిధులు పడకపోవడమేంటని ఆర్టీసీ అధికారులను సంప్రదించారు. దీంతో ఆర్టీసీ అధికారులు అప్రమత్తమై, పరిశీలించేసరికి అది అసలు ఖాతా కాదని తేలింది. వెంటనే బ్యాంకును ఆర్టీసీ అధికారులు సంప్రదించే ప్రయత్నం చేశారు. ఆ సమయానికి సదరు ప్రైవేటు వ్యక్తులు తమ ఖాతాలో జమ అయిన సొమ్మును విత్‌ డ్రా చేసేశారు. ఆరా తీయడంతో వెలుగులోకి.. శ్రీకాకుళానికి చెందిన కొందరు వ్యక్తులు, ఒక బ్యాంకు ఖాతాను పట్టుకుని విజయనగరం ఆర్టీసీ అధికారుల వద్దకు వెళ్లి, ఆస్పత్రి బ్యాంకు ఖాతా మారిందని, ఇకపై చెల్లింపులు తాము ఇచ్చిన ఖాతాకు జమ చేయాలని కోరడంతో ఆర్టీసీ అధికారులు తమ అకౌంట్స్‌లో ఖాతా నంబర్‌ మార్పు చేసేశారు. ఎలాంటి ముందస్తు వెరిఫికేషన్‌ లేకుండా, ఆస్పత్రి ఫౌండర్‌, డాక్టర్‌ వూడి సంతోష్‌ను సంప్రదించకుండానే ఖాతాను మార్పు చేయడం అనమానాలకు తావిస్తోంది. ఒకే దఫా రూ. 3,11,200 జమ చేసిన మెయిల్‌ ఆధారంగా అప్రమత్తమై, ఆర్టీసీ అధికారులను డాక్టర్‌ సంతోష్‌ సంప్రదించడంతో పాటు ఫిర్యాదు చేయడం వల్ల వ్యవహారం వెలుగు చూసింది. ప్రస్తుతానికి విజిలెన్స్‌ అధికారులు రంగంలోకి దిగారు. ప్రస్తుతం విచారణ చేస్తున్నారు. నిధులు జమ చేయాలని మరో ఖాతా నంబర్‌ ఇచ్చిన వ్యక్తులతో పాటు సంబంధిత ఉద్యోగులు బాధ్యత వహించాల్సిన పరిస్థితి ఏర్పడింది. ఇప్పటికీ ఆర్టీసీ ఉద్యోగులు తాము గుర్తించలేకపోయామని, ఆస్పత్రికి సంబంధించిన వ్యక్తులని చెప్పడంతో మార్పు చేసేశామని, ఇప్పుడు తమ పీక చుట్టుకుందని ఆందోళన చెందుతున్నారు. తమ ఉద్యోగానికి ఎసరొచ్చేలా ఉందని, ఫిర్యాదు వెనక్కి తీసుకోవాలని డాక్టర్‌ వూడి సంతోష్‌ను ప్రాధేయ పడుతుండగా, నిధులు జమ చేసిన ఖాతాకు సంబంధించిన వ్యక్తులను కూడా సంప్రదించి, మీ ఖాతాలో వేసిన నిధులు వెనక్కి ఇచ్చేయండని కోరుతున్నారు. ఆస్పత్రి ఫౌండర్‌ సంతోష్‌ మాత్రం ఖాతాను మార్చడంలో ప్రమేయం ఉన్న వ్యక్తులపై కేసులు పెట్టాలని కోరుతున్నారు. ప్రస్తుతం విజయనగరం ఆర్టీసీకి చెందిన ఉద్యోగులు మంగళవారం శ్రీకాకుళం వచ్చి ఇరువర్గాలను బతిమలాడే పనిలో పడ్డారు. కార్మికుల వైద్యసేవల కోసం సంజన డెంటల్‌ ఆస్పత్రితో ఎంఓయూ టారిఫ్‌ మేర చెల్లింపులు చేసేందుకు డాక్టర్‌ సంతోష్‌తో ఒప్పందం తాజాగా వేరే ఖాతాకు బకాయిలు జమ తప్పు గుర్తించి ఫిర్యాదు చేసిన ఆస్పత్రి నిర్వాహకుడు రంగంలోకి విజిలెన్స్‌

శ్రీకాకుళం క్రైమ్‌ : బంగాళాఖాతంలో ఏర్పడిన తుఫాన్‌ ప్రభావంతో భారీ వర్షాలు, ఈదురుగాలులు వీచే అవకాశం ఉన్నందున జిల్లా పోలీసులు లోతట్టు, నదీ పరివాహక ప్రాంతాల వారిని అప్రమత్తం చేయాలని ఎస్పీ కేవీ మహేశ్వరరెడ్డి ఆదేశించారు. మంగళవారం పోలీసు టెలీ కాన్ఫరెన్స్‌లో అధికారులతో మాట్లాడుతూ నాగావళి, వంశధార, బహుదా, మహేంద్రతనయ నదీ పరివాహక ప్రాంతాలతో పాటు వరద ముప్పు ఉన్న గ్రామాలను ముందుగానే గుర్తించి ప్రజలను అప్రమత్తం చేయాలన్నారు. నాగావళి నదీ పరివాహక ప్రాంతంలో ప్రజలను సురక్షిత ప్రాంతాలకు తరలించేందుకు రెవెన్యూ, విద్యుత్‌, విపత్తు నిర్వహణ, వైద్య తదితర శాఖలతో పోలీసులు సమన్వయం పాటించాలన్నారు. ఎన్డీఆర్‌ఎఫ్‌ బృందాలను సిద్ధంగా ఉంచి అసరమైన రక్షణ సామగ్రిని అందుబాటులో ఉంచాలన్నారు. డయల్‌ 112, 6309990933 పోలీస్‌ కంట్రోల్‌ రూమ్‌నకు అత్యవసర సమాచారంపై తక్షణమే స్పందించాలని, ప్రాణనష్టం జరగకుండా చూడాలన్నారు. తుఫాను హెచ్చరికల నేపథ్యంలో ప్రజలు అనవసర ప్రయాణాలను వాయిదా వేసుకోవాలని, అత్యవసరమైతే తప్ప బయటకు రాకూడదని కోరారు.

ఇచ్ఛాపురం రూరల్‌: కూటమిలో టీడీపీ మిత్ర ధర్మాన్ని తప్పిందని జనసేన అభ్యర్థులు ఆవేదన వ్యక్తం చేస్తున్నారు. ఇచ్ఛాపురం మండలంలోని 15 ప్రాదేశికాలకు సంబంధించి లొద్దపుట్టి–1, కేదారిపురం, కేశుపురం, తులసిగాం ప్రాదేశికాను జనసేనకు కేటాయించారు. సంబంధిత సమన్వయకర్త దాసరి రాజు సైతం అభ్యర్థుల వెంట నామినేషన్‌ దాఖలులో పాల్గొన్నారు. నామినేషన్‌ చివరి క్షణంలో జనసేన అభ్యర్థులంతా తప్పుకొని టీడీపీ అభ్యర్థుల గెలుపునకు పాటుపడాలని అధిష్టానం ఆదేశించడంతో జనసేన అభ్యర్థులు ఆగ్రహం వ్యక్తం చేశారు. బీ ఫారం ఇవ్వకుంటే స్వతంత్య్రంగానైనా పోటీకి దిగుతామని అంటున్నారు. ప్రస్తుతం తులసిగాం, కేశుపురం, లొద్దపుట్టి–1, బూర్జపాడు ప్రాదేశికాల నుంచి జనసేన అభ్యర్థులు టీడీపీ అభ్యర్థులకు రెబల్‌గా మారారు.

ఎచ్చెర్ల: క్వాంటమ్‌ టెక్నాలజీ వలన కొత్త ఆవిష్కరణలకు మార్గం సుగమం అవుతుందని జేఎన్‌టీయూ విజయనగరం ఐటీ విభాగం ప్రొఫెసర్‌ జి.జయసుమ అన్నారు. ఎచ్చెర్లలోని డాక్టర్‌ బీఆర్‌ అంబేడ్కర్‌ వర్సిటీలో ఇన్నోవేటివ్‌ ప్రాంటియర్స్‌ ఇన్‌ సైన్స్‌ అండ్‌ టెక్నాలజీ (ఐఎఫ్‌ఎస్‌టీ)–2026పై జరిగిన రెండు రోజుల అంతర్జాతీయ సదస్సు మంగళవారం ముగించారు. ఈ సందర్భంగా క్వాంటమ్‌ కంప్యూటింగ్‌పై జయసుమ పరిశోధనా పత్రాన్ని సమర్పించారు. క్వాంటమ్‌ టెక్నాలజీ మానవ జీవన ప్రమాణాలపై ఎలాంటి ప్రభావం చూపించనుందో వివరించారు. ముగింపు సదస్సులో కాలిఫోర్నియా ప్రొఫెసర్‌ గంజి పి.నాగరాజు, ఆంధ్ర యూనివర్సిటీ మ్యాథమెటిక్స్‌ ప్రొఫెసర్‌ ఎం.వి.బసవేశ్వరరావులు ప్రసంగించారు. ముగింపు సదస్సుకు డాక్టర్‌ అనూరాధ, ఎన్‌.లోకేశ్వరిలు అధ్యక్షత వహించారు. పీలా సుజాత, స్వప్నవాహినిలు కన్వీనర్లుగా వ్యవహరించారు. యూనివర్సిటీ సైన్స్‌ కాలేజీ ఆధ్వర్యంలో జరిగిన ఈ సదస్సుకు పీఎం–ఉషా ఆర్థిక సహాయం అందించారు. హుండీ ఆదాయం రూ.3.16 లక్షలు జలుమూరు: శ్రీముఖలింగేశ్వరుని ఆలయ హుండీ ఆదాయం గడిచిన 84 రోజలుకు గానూ రూ.3,16,496 వచ్చినట్లు ఈవో కె.ఏడుకొండలు మంగళవారం తెలిపారు. ఆలయ సిబ్బంది, అర్చకులు, భక్తుల ఆధ్వర్యంలో హుండీ ఆదాయం లెక్కించారు. కార్యక్రమంలో పాలక మండలి చైర్మన్‌ శివ ప్రసాద్‌ పాడి, పాలకమండలి సభ్యులు పాల్గొన్నారు. రోడ్డు ప్రమాదంలో రెవెన్యూ ఉద్యోగి మృతి శ్రీకాకుళం రూరల్‌: రోడ్డు ప్రమాదంలో శ్రీకాకుళం పరిధిలోని కొత్తరోడ్‌ జంక్షన్‌ వద్ద నివాసముంటున్న రెవెన్యూ ఉద్యోగి నూనె శేఖర్‌ బాబు (45) మృతి చెందారు. వివరాల్లోకి వెళ్తే.. శేఖర్‌బాబు ఆమదాలవలసలోని రెవెన్యూ కార్యాలయంలో ఏఎస్‌ఓగా విధులు నిర్వహిస్తున్నాడు. ప్రతిరోజు మాదిరిగానే మంగళవారం ఉదయం 9 గంటలకు విధులకు బయల్దేరాడు. అయితే వర్షం తీవ్రత ఎక్కువ కావడంతో స్థానిక చింతాడ పరిసర ప్రాంతంలో తన ద్విచక్ర వాహనం డివైడర్‌ను ఢీకొంది. దీంతో తీవ్రగాయాలతో అక్కడికక్కడే మృతి చెందారు. మృతుడి స్వస్థలం ప్రకాశం జిల్లా చీరాల. ఈయన భార్య వెంకటలక్ష్మి జి.సిగడాంలో స్కూల్‌ అసిస్టెంట్‌గా పనిచేస్తున్నారు. భార్య ఇచ్చిన ఫిర్యాదు మేరకు రూరల్‌ ఎస్‌ఐ సురేష్‌ కేసు నమోదు చేసి దర్యాప్తు చేస్తున్నారు. టెక్కలి రూరల్‌: స్థానిక గోపినాథపురం గ్రామానికి చెందిన కొమరవెల్లి గడ్డయ్యకు చెందిన ఆవు, దూడ మంగళవారం విద్యుత్‌ షాక్‌తో మృతి చెందాయి. స్థానికులు తెలిపిన వివరాల మేరకు.. గడ్డయ్య తన ఆవు, దూడలను తన రేకుల షెడ్డులో ఇనుప రాడ్డుకి కట్టి ఉంచాడు. అయితే తుఫాన్‌ ప్రభావంతో కురిసిన వర్షానికి ఇనుప విద్యుత్‌ స్తంభం నుంచి విద్యుత్‌ వైరు కిందనున్న రేకుల షెడ్డుపై పడడంతో విద్యుత్‌ సరఫరా జరిగి షెడ్డులో ఉన్న ఆవు, దూడ అక్కడికక్కడే మృతి చెందాయి. మృతి చెందిన ఆవు, దూడ సుమారు రూ.40 వేలు విలువ ఉంటుందని రెవెన్యూ అధికారులు అంచనా వేశారు.

శ్రీకాకుళం: రాజస్థాన్‌ రాష్ట్రంలోని జైపూర్‌లో జరిగిన పదో డిస్ట్రిబ్యూషన్‌ యుటిలిటీ మీట్‌–2026 కార్యక్రమంలో కాలిఫోర్నియా ప్రతినిధిగా గుండ శివగంగాధర్‌ పాల్గొన్నారు. దివంగత శ్రీకాకుళం మాజీ ఎమ్మెల్యే గుండ అప్పలసూర్యనారాయణ, లక్ష్మీదేవిల పెద్ద కుమారుడైన శివగంగాధర్‌ కాలిఫోర్నియాలో ఆ రాష్ట్ర ఎనర్జీ కమిషన్‌ వైస్‌ చైర్మన్‌గా పనిచేస్తున్నారు. ఆయనను జైపూర్‌లో పారిశ్రామిక రంగం అభివృద్ధిలో భాగంగా జరుగుతున్న యుటిలిటీ మీట్‌లో ఆ దేశ ప్రతినిధిగా హాజరయ్యేందుకు పంపించారు. రాజస్థాన్‌ రాష్ట్రం విద్యుత్‌ రంగం అభివృద్ధి పురోగతిలో భాగంగా కాలిఫోర్నియా రాష్ట్రంతో కుదుర్చుకున్న ఒప్పందంపై సంతకం చేసేందుకు గాను ఆయన భారతదేశానికి వచ్చారు. మంగళవారం ఈ ఒప్పందంపై రాజస్థాన్‌ రాష్ట్ర విద్యుత్‌ శాఖ మంత్రి, ప్రిన్సిపల్‌ సెక్రటరీలతో కలిసి ఒప్పందాలపై సంతకాలు చేసుకున్నారు. ఈ సందర్భంగా ఆయన మాట్లాడుతూ తాను పుట్టిన దేశానికి కాలిఫోర్నియా ప్రతినిధిగా హాజరు కావడం సంతోషం కలిగించిందని పేర్కొన్నారు. దేశ అభివృద్ధికి వృత్తిరీత్యా తనవంతు సహాయ, సహకారాలు అందిస్తామని చెప్పారు.

శ్రీకాకుళం: బంగాళాఖాతంలో ఏర్పడిన ‘అర్నబ్‌’ తుఫాన్‌ ముప్పు పొంచి ఉన్న నేపథ్యంలో ముందస్తు జాగ్రత్త చర్యగా జిల్లాలోని అన్ని విద్యాసంస్థలకు అంగన్‌వాడి కేంద్రాలతో సహా బుధవారం సెలవు ప్రకటిస్తున్నట్లు కలెక్టర్‌ స్వప్నిల్‌ దినకర్‌ పుండ్కర్‌ ఒక ప్రకటనలో తెలిపారు. జిల్లాలోని ప్రభుత్వ, ప్రైవేటు, ఎయిడెడ్‌ సహా అన్ని యాజమాన్యా ల పరిధిలోని పాఠశాలలు, జూనియర్‌, డిగ్రీ, పీజీ కళాశాలల ప్రధానోపాధ్యాయులు, ప్రిన్సిపాళ్లు, కరస్పాండెంట్లు ఈ ఆదేశాలను తప్పనిసరిగా పాటించాలని స్పష్టం చేశారు. నరసన్నపేట: ఈదురు గాలులకు మేజరు పంచాయతీ పరిధిలోని దేశవానిపేటలో విద్యుత్‌ వైర్లు తెగి పడ్డాయి. నాలుగో సచివాలయం వద్ద ఒక చెట్టు విరగడంతో వైర్లు తెగాయి. వెంటనే అప్రమత్తమైన విద్యుత్‌ శాఖ అధికారులు, ఈఓపీఆర్డీ జగన్‌మోహనరావు పరిశీలించి సరి చేశారు. డోలపేట వద్ద విద్యుత్‌ వైర్లపై చెట్టు కొమ్మలు పడటడంతో విద్యుత్‌ సరఫరాకు కొంత సమయం అంతరాయం ఏర్పడింది. విద్యుత్‌ అధికారులు స్పందించి చెట్టు కొమ్మలను తొలగించారు. వజ్రపుకొత్తూరు: మంచినీళ్లపేట తీరానికి గుర్తు తెలియని ఓడ వచ్చి సంద్రంలో చిక్కుకుంది. సాధారణంగా భారీ ఓడలు తీరానికి దగ్గరగా వచ్చే పరిస్థితి ఉండదు. బంగాళాఖాతంలో వాయుగుండం తీవ్ర రూపం దాల్చడంతో ఆ గాలులకు తట్టుకోలేక తీరానికి అతి సమీపంలోకి వచ్చినట్లు మంచినీళ్లపేట మత్స్యకారులు చెబుతున్నారు. ఉదయం నుంచీ ఓడ ఒకే చోట కదలకుండా ఉందని వారు చెబుతున్నారు. మత్స్యకారులు ఆందోళన వ్యక్తం చేస్తున్నారు.

అరసవల్లి: జిల్లాలో స్థానిక ఎన్నికల ప్రక్రియ కీలక దశకు చేరింది. మొత్తం 30 జిల్లా పరిషత్‌ ప్రాదేశిక సభ్యుల (జెడ్పీటీసీలు) స్థానాలకు మొత్తం 95 మంది అభ్యర్థులు ఎన్నికల్లో బరిలో నిలవనున్నారు. మంగళవారం మధ్యాహ్నం 3 గంటలతో నామినేషన్ల ఉపసంహరణ ప్రక్రియ ముగియడంతో తుది జాబితాను ఎన్నికల సహాయ అధికారి, జెడ్పీ సీఈ ఓ ఆర్‌.వెంకట్రామన్‌ మంగళవారం సాయంత్రం ప్రకటించారు. జిల్లాపరిషత్‌లో నామినేషన్ల ఉపసంహరణ, తుదిజాబితా ప్రకటన అలాగే నమూనాల తయారీ తదితర అంశాలపై జిల్లా ఎన్నికల పరిశీలకుడు, మల్లావరపు సూర్యతేజ మంగళవారం జెడ్పీ సీఈఓతో చర్చించారు. జిల్లాలో 30 జెడ్పీటీసీ స్థానాల్లోనూ వైఎస్సార్‌సీపీ అభ్యర్థులు బరిలో ఉండడంతో ఏకగ్రీవానికి అవకాశాలు లేకుండా పోయాయి. ఏకగ్రీవం కోసం పలు చోట్ల కూటమి ప్రభుత్వ పెద్ద లు విశ్వ ప్రయత్నాలు చేసినప్పటికీ ఫలించలేదు. అయితే కూటమి మిత్ర బంధం కారణంగా 30 జెడ్పీటీసీల్లో 22 చోట్ల టీడీపీ, బీజేపీకి 2, జనసేనకు 6 సీట్లు కేటాయించారు. ఇక వైఎస్సార్‌సీపీ అభ్యర్థు లు బరిలో ఉండడానికి ఫిక్స్‌ కావడంతో 15 మంది కాంగ్రెస్‌ అభ్యర్థులు, సీపీఐ (ఎం)04,సీపీఐ 01తో పాటు 15మంది ఇండిపెండెంట్లు బరిలో నిలిచారు. ఎంపీటీసీలు మొత్తం 542 ఎంపీటీసీ స్థానాలకు గాను 19 చోట్ల ఏకగ్రీవం కాగా.. మిగిలిన 523 స్థానాలకు పోలింగ్‌ జరగనుంది. ఈ మేరకు మొత్తం 1222 మంది పోటీలో నిలిచారు. ఇందులో అత్యధికంగా వైఎస్సా ర్‌ సీపీ అభ్యర్థులు 523 మంది, టీడీపీ 478, జనసే న 74, బీజేపీ 24, కాంగ్రెస్‌ 12, బీఎస్పీ 2, సీపీఐ(ఎం) 7, ఇతరులు 3, ఇండిపెండెట్లు 99 మంది పోటీలో ఉన్నారు. పార్టీలు బరిలో ఉన్న స్థానాలు వైఎస్సార్‌సీపీ అన్ని జెడ్పీటీసీ స్థానాలు బీజేపీ జి.సిగడాం, హిరమండలం జనసేన ఎచ్చెర్ల, ఇచ్ఛాపురం, ఎల్‌ఎన్‌ పేట, మందస, నరసన్నపేట, సరుబుజ్జిలి టీడీపీ ఆమదాలవలస, బూర్జ, గార, జలుమూరు, కంచిలి, కవిటి, కోటబొమ్మాళి, కొత్తూరు, లావేరు, మెళియాపుట్టి, నందిగాం, పలాస, పాతపట్నం, పోలాకి, పొందూరు, రణస్థలం, సంతబొమ్మాళి, సారవకోట, సోంపేట, శ్రీకాకుళం, టెక్కలి, వజ్రపుకొత్తూరు. కాంగ్రెస్‌ ఆమదాలవలస, ఎచ్చెర్ల, జి.సిగడాం, గార, ఇచ్ఛాపురం, జలుమూరు, కంచిలి, కవిటి, లావేరు, నందిగాం, నరసన్నపేట, పొందూరు, రణస్థలం, సరుబుజ్జిలి, సోంపేట. సీపీఐ(ఎం) ఎచ్చెర్ల, మందస, పలాస, టెక్కలి సీపీఐ పలాస ఇండిపెండెంట్లు టెక్కలి (ముగ్గురు అభ్యర్ధులు), ఎచ్చెర్ల (ఇద్దరు), ఆమదాలవలస, బూర్జ, గార, కోటబొమ్మాళి, నందిగాం, నరసన్నపేట, పోలాకి, రణస్థలం, సంతబొమ్మాళి, సారవకోట

సాక్షి ప్రతినిధి, శ్రీకాకుళం: ఎన్నికల రిటర్నింగ్‌ అధికారి.. ప్రజా స్వా మ్యానికి ఊపిరిగా నిలిచే ఎన్నికలను నిష్పక్షపాతంగా, నిజాయితీగా నిర్వహించాల్సిన వ్యక్తి. రాజ్యాంగం ఇచ్చిన అధికారాన్ని పూర్తిస్థాయిలో వినియోగించాల్సిన అధికారి. కానీ కూటమి పాలనలో ఆ ప్రజాస్వామ్య స్ఫూర్తి నవ్వులపాలైంది. ఎన్నికల్లో నిలబడేందుకు అభ్యర్థులు అన్ని ఏర్పాట్లు చేసుకున్నాక.. అడ్డదారిలో వారి నామినేషన్లను విత్‌డ్రా చేశారు. అభ్యర్థులు కార్యాలయానికి వెళ్లకుండా, అసలు సంతకం కూడా చేయకుండా నకిలీ సంతకాలతో వారి నామినేషన్లు విత్‌డ్రా చేశారని అభ్యర్థు లు ఘొల్లుమన్నారు. ప్రజాస్వామ్య వ్యవస్థకు ఇంతకంటే అవమానం ఏముంటుంది. పొందూరులో జరిగిన ఈ ఘటన సిక్కోలు రాజకీయ చరిత్రలోనే ఓ చీకటి అధ్యాయంగా నిలిచిపోనుంది. పొందూరు మండలంలోని పొందూరు 3, రాపాక 1, కోటిపల్లి, బాణాం, నందివాడ ఎంపీటీసీ స్థానాలు టీడీపీకి ఏకగ్రీవమైనట్లు మంగళవా రం రాత్రి 8 గంటలకు రిటర్నింగ్‌ అధికారి ప్రకటించారు. దీంతో వైఎస్సార్‌సీపీ నాయకులు అవాక్కయ్యారు. నామినేషన్లు వేసి బీ ఫారాలు కూడా అందుకుని ప్రచారంలో ఉన్న అభ్యర్థులు ఈ ప్రకటన తో నిశ్చేష్టులయ్యారు. వెంటనే ఎంపీడీఓ కార్యాలయానికి వెళ్లి నిలదీస్తే అధికారి నీళ్లు నమలడం తప్ప సమాధానం చెప్పలేకపోయారు. రిటర్నింగ్‌ అధికా రి తీరు చూసి మండలంలో ఉన్న వారంతా ఆశ్చర్యపోయారు. తాము విత్‌డ్రా చేసుకోలేదని సాక్షాత్తు అభ్యర్థులే చెబుతుంటే.. ఎవరో ఒక వ్యక్తి వచ్చి, విత్‌ డ్రా చేసుకుని వెళ్లిపోయారని సమాధానం ఇచ్చారు. ఆ అదృశ్య వ్యక్తి ఎవరో సీసీ కెమెరా పుటేజీలోనైనా చూపించాలని కోరితే.. అసలు సీసీ పుటేజీలే లేవని, తానేమీ చేయలేనని నిస్సహాయంగా సమాధానమిచ్చారు. ఈ వికృత వైఖరిపై వైఎస్సార్‌సీపీ ఆమదాలవలస సమన్వయకర్త చింతాడ రవికుమార్‌ కలెక్టర్‌కు ఫిర్యాదు చేశారు. ●ఫోర్జరీ సంతకాలతో జరిగిన ఐదు ఏకగ్రీవాల ప్రకటనను తక్షణమే రద్దు చేసి, అభ్యర్థులను తిరిగి పోటీలో ఉంచాలి. ●విత్‌డ్రా పత్రాలు సమర్పించిన సమయంలో కార్యాలయంలో ఉన్న సీసీటీవీ విజువల్స్‌ పరిశీలించి, నకిలీ పత్రాలు తెచ్చిన సూత్రధారులపై క్రి మినల్‌ చర్యలు తీసుకోవాలి. ●అభ్యర్థులు రాకుండా విత్‌డ్రా ఫారాలను అంగీకరించిన ఎన్నికల అధికారిపై విచారణ జరపాలి. ఐదుగురు మహిళా ఎంపీటీసీ అభ్యర్థులు ఆర్వో దగ్గరికి గానీ.. కార్యాలయం కానీ రాకుండా వారి నామినేషన్లు ఎలా ఉపసంహర ణ చేశారు. ఎమ్మెల్యే కూన రవికుమార్‌కి ఆర్వో అమ్ముడుపోయారు. న్యాయ పోరాటం చేస్తాం. – చింతాడ రవికుమార్‌, వైఎస్సార్‌సీపీ ఆమదాలవలస సమన్వయకర్త ఫోర్జరీ ఏకగ్రీవం విషయం మండలమంతా వ్యాపించడంతో పెద్ద ఎత్తున నాయకులు, కార్యకర్తలు తరలి వస్తున్న విషయం తెలుసుకున్న పోలీసు ఉన్నతాధికారులు ప్రత్యేక బలగాలను రప్పించి, ప్రశ్నించే వారి పై ఉక్కుపాదం మోపారు. ఆమదాలవలస సీఐ సన్యాసినాయుడు నాయకులు, కార్యకర్తలపైనే కాకుండా మీడియాపై దురుసుగా ప్రవర్తించారు. మీడియా సమక్షంలో ఉపసంహరణ, ఏకగ్రీవం గుట్టు తేల్చా లని వైఎస్సార్‌సీపీ నాయకులు, కార్యకర్తలు అడిగితే మీడియా బయటకు వెళ్లిపోవాలని రెక్కలు పట్టు కుని బయటికి లాగేశారు. ఎంపీడీఓ కార్యాలయం పరిసర ప్రాంతాల్లో కరెంటు తీసేశారు.

నరసన్నపేట: అర్నబ్‌ తుఫాన్‌ బాధితులకు అండగా నిలవాలని పా ర్టీ శ్రేణులకు వైఎస్సార్‌ సీపీ జిల్లా అధ్యక్షుడు ధర్మాన కృష్ణదాస్‌ పిలుపు నిచ్చారు. ఈ మేరకు మంగళవారం ఓ ప్రకటన చేశారు. అవసరమైన చోట తక్షణ సహాయం చేపట్టాలని పిలుపు నిచ్చారు. తీర ప్రాంతాల గ్రామాలు, నాగావళి, వంశధార నదీ పరివాహక ప్రాంతాల్లోని ప్రజలు వరద ప్రవాహాలు, ఈదురుగాలులపై అత్యంత జాగ్రత్తగా ఉండాలన్నారు. అలాగే అధికారులు స్పందించి పునరావాస కేంద్రాలు ఏర్పాటు చేయాలని ఆహారం, నీరు అత్యవసర మందుల కొరత లేకుండా చూడాలని సూచించారు. టెక్కలి: టెక్కలి–5 ప్రాదేశికంలో వైఎస్సార్‌ సీపీ తరఫున తన భార్య మా ణిక్యం నామినేషన్‌ వేసిందని, కానీ నామినేషన్‌ నుంచి తప్పుకోవాలని తెలుగుదేశం పార్టీ కార్యకర్తలు బెదిరించారని మాణిక్యం భర్త అనంతో తెలిపారు. తనను టెక్కలి పోలీస్‌స్టేషన్‌కు తీసుకువెళ్లి ఉదయం నుంచి రాత్రి వరకు పడిగాపులు కాయించారని, టెక్కలి సీఐ మరీ ఇబ్బందులకు గురి చేశారని తెలిపారు. అయినా నా మినేషన్‌ ఉపసంహరించుకోలేదని తెలిపారు. నరసన్నపేట: మడపాం జనసేన అభ్యర్థి రాపర్తి జానకితో టీడీపీ నాయకులు సుందరరావు, వెంకటరావులు తదితరులు మంగళవారం వా గ్వాదానికి దిగారు. ‘కూటమి పొత్తులో భాగంగా నరసన్నపేట జెడ్పీటీసీ సీటును జనసేనకు ఇచ్చాం.. మీరు మడపాంలో ఎలా పోటీ చేస్తారు.. వెంటనే విరమించుకోవాలి’ అని అదే గ్రామానికి చెందిన టీడీపీ నాయకులు సుందరరావు, నరసన్నపేటకు చెందిన వెంకటరావు తదితరులు ఒత్తిడి చేశారు. దీంతో అటు జనసే న ఇటు టీడీపీ నాయకుల మధ్య వాగ్వాదం జరిగింది. ‘మా పార్టీ మాకు బీ– ఫారం ఇచ్చింది మేము పోటీ చేస్తాం..మా సత్తా చూపిస్తాం.’ అని జానకి అన్నారు.

సిక్కోలుపై అర్నబ్‌ తుఫాన్‌ ప్రభావం చూపుతోంది. జిల్లావ్యాప్తంగా మంగళవారం రోజంతా ఎడ తెరిపి లేకుండా వానలు కురిశాయి. ఉద్దానం ప్రాంతంలో పలు చోట్ల చెట్లు నేలకొరిగాయి. అక్కడే సముద్రం ముందుకు వచ్చి మత్స్యకారులను భయపెట్టింది. మరో రెండు రోజుల పాటు తుఫాన్‌ వానలు రానున్న నేపథ్యంలో నదులకు వరద ముప్పు పొంచి ఉంది. ఈ నేపథ్యంలో తీర, లోతట్టు ప్రాంతాల్లో అధికారులు ముందస్తు జాగ్రత్త చర్యలు చేపడుతున్నారు. ●జిల్లా వ్యాప్తంగా వర్షాలు ●అక్కడక్కడా ఈదురుగాలులు ●రైతు గుండెల్లో ‘అర్నబ్‌’ గుబులు కొత్తూరు: జిల్లాలోని పత్తి రైతుల గుండెల్లో అర్నబ్‌ తుఫాన్‌ ఆందోళన రేకెత్తిస్తోంది. కొత్తూరు, ఎల్‌ఎన్‌పేట, పొందూరుతో పాటు పలు మండలాల్లో పత్తి పంట సాగు చేస్తున్నారు. మంగళవారం వర్షాలు కురవడంతో పత్తి, కాయలు, పిందెలు పాడైపోయే ప్రమాదం ఉంది. పంట అందే సమయంలో తుఫాన్‌ దెబ్బ తీసేలా ఉందని ఆందోళన చెందుతున్నారు.

బుధవారం శ్రీ 28 శ్రీ అక్టోబర్‌ శ్రీ 2026జోరువానలో.. కదిలివచ్చిన సిరులతల్లి విజయనగరం: మంగళ వాయిద్యాలు.. భక్తుల భజనలు... జై పైడిమాంబ.. జై జై పైడిమాంబ జయజయ ధ్వానాల నడుమ విజయనగరం ప్రజల ఇలవేల్పు పైడితల్లి సిరిమాను సంబరం మంగళవారం ప్రశాంతంగా సాగింది. సిరిమాను పూజారి రూపంలో దర్శనమిచ్చిన సిరులతల్లికి భక్తులు ప్రణమిల్లారు. అమ్మవారి ఆశీస్సులు అందుకున్నారు. అర్నబ్‌ తుఫాన్‌ ప్రభావంతో ఉదయం నుంచి కురిసిన జోరువానలోనే సిరిమాను తిరువీధి సాగింది. జిల్లా యంత్రాంగం ముందుస్తుగా నిర్ణయించిన సమ యం ప్రకారం పూజారి బంటుపల్లి వెంకటరావు మధ్యాహ్నం 2.38 గంటలకు సిరిమానును అధిరోహించగా.. 2.55 గంటలకు సిరిమాను రథం కదిలింది. పాలధార ముందు కదలగా తెల్ల ఏనుగు, బెస్తవారి వల, అంజలి రథం సిరిమాను వెంట సాగాయి. అమ్మవారి చుదురుగుడి నుంచి ప్రారంభమైన సిరిమాను తిరువీధి డెంకేషావలీబాబా దర్గా మీదుగా కోటకు చేరుకుని కోట శక్తికి మూడుసార్లు అభివాదం చేసింది. అనంతరం సాయంత్రం 4.45 నిమిషాలకు చేరుకుంది.

హిరమండలం: అర్నబ్‌ తుఫాన్‌ హెచ్చరికలతో రైతులు తీవ్ర ఆందోళన చెందుతున్నారు. ప్రస్తుతం వరి పంట కొన్ని ప్రాంతాల్లో పొట్టదశ, వెన్నుదశకు చేరుకోగా, మరికొన్ని ప్రాంతాల్లో పంటలు పండి కోతలు ప్రారంభ దశలో ఉన్నాయి. పంటకు ఆరుతడి నీరు అందితే సరిపోతుంది. ఇటువంటి తరుణంలో తుఫాన్‌ కారణంగా భారీ వర్షాలు పడే అవకాశాలు ఉన్నట్లు అధికార యంత్రాంగం ప్రకటించడంతో రైతులు ఆందోళన చెందుతున్నారు. వర్షాల ధాటికి పంట నేలకొరిగి నీట మునిగి నష్టాన్ని తెచ్చే పరిస్థితులు కనిపిస్తున్నాయి. తేరుకున్న దశలో.. ఈ ఏడాది ఖరీఫ్‌ సీజన్‌లో సకాలంలో వర్షాలు పడలేదు.అయినప్పటికీ కొన్నిచోట్ల వంశధార కాలువల ద్వారా సాగునీరు అందడంతో వరినాట్లు వేశారు. ప్రస్తుతం పంటలు ఆశాజనకంగానే ఉన్నాయి. ఇటీవల వచ్చిన భారీ వర్షాలకు సైతం నీటమునిగి కూడా తేరుకున్నాయి. పొట్టదశ, కోత దశకు చేరుకున్నాయి. అక్టోబర్‌ అంటేనే గుబులు.. అక్టోబర్‌ వచ్చిందంటే చాలు అన్నదాత గుండెల్లో గుబులు మొదలవుతుంది. గతంలో సూపర్‌సైక్లోన్‌, హుదూద్‌, తిత్లీ, పైలీన్‌, దానా, ముంథా వంటి భారీ తుఫాన్లు రైతులను నట్టేట ముంచేశాయి. ఇప్పుడు కూడా అర్నబ్‌ రూపంలో తుఫాన్‌ ముంచుకొస్తుండటంతో రైతులు కలవరం చెందుతున్నారు. గతంలో అక్టోబర్‌ నెల లోనే ఎక్కువగా తుఫా న్లు వచ్చి తీవ్ర పంట నష్టం మిగిల్చాయి. ఇప్పుడు కూడా అర్నబ్‌ తుఫాన్‌ కారణంగా భారీ వర్షాలు పడితే చేతికి వచ్చే పంట తుఫాన్‌ వస్తే పంట చేజారిపోవడం ఖాయం. – కొవగాపు నవీన్‌, రైతు, గార్లపాడు రానున్న రెండు రోజుల్లో తుఫాన్‌ హెచ్చరికల నేపథ్యంలో రైతులు వరిచేను కోతలను వాయిదా వేసుకోవాలి. వాతావరణ శాఖ తెలిపిన సమాచారం మేరకు ముందుకు సాగాలి. రైతులు అప్రమత్తంగా ఉండాలి. – బి.సంధ్య, వ్యవసాయాధికారి, హిరమండలం అర్నబ్‌ తుఫాన్‌ హెచ్చరికలతో ఆందోళన వరి పంటకు పొంచి ఉన్న ముప్పు వెన్ను దశలో ఉన్న వరిచేను

శ్రీకాకుళం పాతబస్టాండ్‌: ‘అర్నబ్‌’ తుఫాన్‌ తీరం వైపునకు దూసుకువస్తోంది. దీని ప్రభావం జిల్లాలో ఎక్కువగా ఉంటుందని అధికారులు చెబుతున్నా రు. ఇప్పటికే పాఠశాలలకు, కళాశాలలకు, విద్యా సంస్థలకు, అంగన్‌వాడీలకు మంగళవారం సెలవు ప్రకటించారు. తీర ప్రాంతాల మండలాలకు ప్రత్యేకాధికారులను ఏర్పాటు చేశారు. మండల, డివిజన్‌, జిల్లా కేంద్రంలోనూ కంట్రోల్‌ రూం ఏర్పాటు చేశా రు. 24 గంటలు పనిచేసే విధంగా చర్యలు తీసుకుంటున్నారు. తుఫాన్‌ వల్ల జిల్లాలో భారీ వర్షాలు, ఈదురు గాలులు వీచే అవకాశం ఉందని హెచ్చరిస్తున్నారు. తుఫాన్‌ మంగళవారం నాటికి మరింత బలపడి బుధవారం 28వ తేదీ ఉదయం బాపట్ల, విశాఖపట్నం మధ్య, యానాం తీరాలను తాకుతూ తీరం దాటే అవకాశం ఉందని వాతావరణ శాఖ అధికారులు అంచనా వేస్తున్నారు. ఈ సమయంలో తీరం వెంబడి, తీరం దాటిన తర్వాత గరిష్టంగా గంటకు 115–140 కిలోమీటర్ల వేగంతో గాలులు వీచే అవకాశం ఉందని తెలిపారు. తీర ప్రాంతాల ప్రత్యేకాధికారులు మండలం అధికారి ఫోన్‌ నంబర్‌ రణస్థలం పి.సుగుణాకరరావు 79014 02999 ఎచ్చెర్ల కె.రాజగోపాలరావు 99899 32798 శ్రీకాకుళం బి.శైలజ 80742 12678. గార ఆర్‌.స్వరూపారాణి 83414 93877 పోలాకి భారతీ సౌజన్య 90301 92673 సంతబొమ్మాళి మురళీ 80088 03800 కంట్రోల్‌ రూమ్‌ ప్రత్యేకాధికారులు ఆర్‌.వెంకటరామన్‌ 91009 97770 ఆర్‌వీ ప్రసాద్‌ 95027 61199 28 ఉదయం తీరం దాటే అవకాశం జిల్లాకు భారీ వర్ష సూచన సిద్ధమవుతున్న జిల్లా యంత్రాంగం

శ్రీకాకుళం (పీఎన్‌కాలనీ): ఉల్లి ధరలు అమాంతంగా పెరగడంతో కిలో రూ.35కే రైతు బజార్లలో విక్రయిస్తామని సర్కారు అట్టహాసంగా ప్రకటించింది. కానీ ప్రతి బస్తాలో 10 కిలోలకు పైగా కుళ్లిపోయినవి వస్తుంటే, మరికొన్ని బస్తాలయితే మొత్తంగా కుళ్లిపోయి వస్తున్నాయి. దీ నిపై వ్యాపారులు గగ్గోలు పెడుతున్నారు. ప్ర భుత్వం తక్కువ ధరలకు సరఫరా చేయడం కంటే కృత్రిమంగా ఉల్లి డిమాండ్‌ను సృష్టిస్తున్న వారిని నియంత్రించేందుకు చర్యలు చేపడితే బాగుంటుందని ప్రజలు కోరుతున్నారు. రెండు కిలోలు కొంటే కిలో ఉల్లిపాయలు కుళ్లినవే ఇస్తున్నారని చెబుతున్నారు.

● పార్టీ జిల్లా అధ్యక్షుడు ధర్మాన కృష్ణదాస్‌ ఇచ్ఛాపురం రూరల్‌: స్థానిక సంస్థల ఎన్నికల్లో మరోమారు వైఎస్సార్‌సీపీ జెండా ఎగరాలని, కూటమి ప్రభుత్వంపై గెలవాలని వైఎస్సార్‌సీపీ జిల్లా అధ్యక్షుడు ధర్మాన కృష్ణదాసు పిలుపునిచ్చారు. సోమవారం ఆయన పార్టీ కార్యాలయంలో నాలుగు మండలాల ఎంపీటీసీ, ఎంపీపీ, జెడ్పీటీసీలు పోటీ చేస్తున్న అభ్యర్థులతో సమావేశమయ్యారు. ప్రతిపక్షంలో ఉన్నప్పటికీ ప్రస్తుతం కూటమి ప్రభుత్వం అనుసరిస్తున్న విధానాలు, సమాన్య ప్రజల పట్ల వ్యవహరిస్తున్న తీరు. సంక్షేమ పథకాలు అమలులో వైఫల్యాలను ప్రజల వద్ద ఎండగట్టాలని అన్నారు. ఈ సందర్భంగా అభ్యర్థులకు బీ ఫారాలు అందజేశారు. సమావేశంలో పార్టీ జిల్లా పరిశీలకులు, ఎమ్మెల్సీ కుంభా రవిబాబు, ఎమ్మెల్సీ నర్తు రామారావు, నియోజకవర్గ సమన్వయకర్త సాడి శ్యామ్‌ప్రసాద్‌రెడ్డి, జెడ్పీ మాజీ చైర్‌పర్సన్‌ పిరియా విజయ, బీసీసెల్‌ రాష్ట్ర కార్యదర్శి నర్తు నరేంద్ర, మాజీ ఎంపీపీలు బోర పుష్ప, డాక్టర్‌ నిమ్మన దాసు, కడియాల ప్రకాశ్‌, ఇప్పిలి కృష్ణారావు, చాట్ల తులసీదాసురెడ్డి తదితరులు పాల్గొన్నారు. ‘పార్టీకి విజయం అందించండి’ కాశీబుగ్గ: పలాస–కాశీబుగ్గ మున్సిపాలిటీ చైర్‌ పర్సన్‌తోపాటు ప్రాదేశిక, పంచాయతీ ఎన్నికలలో వైఎస్సార్‌సీపీకి విజయం తెచ్చిపెట్టేలా కృషి చేయాలని పార్టీ జిల్లా అధ్యక్షుడు, మాజీ ఉపముఖ్యమంత్రి ధర్మాన కృష్ణదాస్‌ స్పష్టం చేశారు. సోమవారం మాజీ మంత్రి సీదిరి అప్పలరాజు నివాసంలో ఆయన పార్టీ నాయకులతో సమావేశమయ్యారు. ప్రస్తుతం పలాసలో నెలకొన్న రాజకీయ పరిస్థితులపై మాజీమంత్రి సీదిరితో చర్చించారు. 36వార్డుల ప్రజలతో అనునిత్యం మమేకమవ్వాలని ధర్మాన దిశానిర్దేశం చేశారు. సమావేశంలో పలాస, వజ్రపుకొత్తూరు, మందస మండలాలకు చెందిన నాయకులు పాల్గొన్నారు.

శ్రీకాకుళం: బంగాళాఖాతంలో ఏర్పడిన ‘అర్నబ్‌’ తుఫాన్‌ ముప్పు పొంచి ఉన్న నేపథ్యంలో ముందస్తు జాగ్రత్త చర్యగా జిల్లాలోని అన్ని పాఠశాలలకు మంగళవారం సెలవు ప్రకటిస్తున్నట్లు కలెక్టర్‌ స్వప్నిల్‌ దినకర్‌ పుండ్కర్‌ ఒక ప్రకటనలో తెలి పారు. విద్యార్థుల భద్రతను అత్యంత ప్రాధాన్యతగా తీసుకుని, తుఫాన్‌ ప్రభావం వల్ల రాకపోకలకు ఎలాంటి ఇబ్బందులు తలెత్తకుండా ఉండేందుకే ఈ నిర్ణయం తీసుకున్నట్లు ఆయన పేర్కొన్నారు. జిల్లాలోని ప్రభుత్వ, ప్రైవేటు, ఎయిడెడ్‌ సహా అన్ని యాజమా న్యాల పరిధిలోని పాఠశాల లు, జూనియర్‌, డిగ్రీ, పీజీ కళాశాలల ప్రధానోపాధ్యాయులు, ప్రిన్సిపాళ్లు, కరస్పాండెంట్లు ఈ ఆదేశాలను తప్పనిసరిగా పాటించాలని స్పష్టం చేశారు. ఈ సెలవు వల్ల విద్యార్థుల విద్యాక్యాలెండర్‌కు ఆటంకం కలగకుండా, నష్టపోయే పనిదినాన్ని భర్తీ చేయడానికి తగిన ప్రత్యామ్నాయ పనిదినాన్ని కేటాయిస్తూ త్వరలోనే ప్రత్యేక ఉత్తర్వులు జారీ చేస్తామని కలెక్టర్‌ వివరించారు.

● వైఎస్సార్‌సీపీ నామినేషన్ల ఉపసంహరణకు అధికార పార్టీ అడ్డదారులు ● టెక్కలిలో శ్రుతి మించుతున్న వ్యవహారాలు సాక్షి టాస్క్‌ఫోర్స్‌: స్థానిక ఎన్నికల్లో నామినేషన్ల ఉపసంహరణకు టీడీపీ అన్ని అడ్డదారులు తొ క్కుతోంది. టెక్కలి నియోజకవర్గంలో వైఎస్సార్‌సీపీ అభ్యర్థులు, వారికి తోడుగా ఉన్న కార్యకర్తలను ఏకంగా పోలీస్‌స్టేషన్‌కు పిలిపించి మరీ హెచ్చరిస్తున్నారు. మరి కొన్ని చోట్ల వైఎస్సార్‌సీపీ అభ్యర్థులకు చెందిన చిన్నపాటి వ్యాపారాలపై హడావుడిగా విజిలెన్స్‌ దాడులు చేస్తున్నారు. టీడీపీకి చెందిన అభ్యర్థులను ఏకగ్రీవం చేయడానికి ఏకంగా పోలీసులే కార్యకర్తలుగా వ్యవహరించడం విస్మయానికి గురి చేస్తోంది. ముఖ్యంగా టెక్కలి మండలంలో అధికార పార్టీ నుంచి ఎంపీపీ స్థానాన్ని ఆశిస్తున్న అభ్యర్థి నామినేషన్‌ వేసిన ప్రాదేశికాల్లో వైఎస్సార్‌సీపీ అభ్యర్థులను పోలీస్‌స్టేషన్‌కు పిలిపించి తక్షణమే నామినేషన్‌ ఉపసంహరించుకోవాలని బెదిరిస్తున్నారు. ఉదయం నుంచి రాత్రి వరకు పోలీస్‌స్టేషన్‌లో పడిగాపులు కాయిస్తున్నారు. నామినేషన్‌ ఉపసంహరించుకోకపోతే ఇబ్బందులు పడతారంటూ పోలీసులే హెచ్చరించడం ఆశ్చర్యానికి గురి చేస్తోంది. కోటబొమ్మాళి మండలం తాటిపర్తి పంచాయతీలో వైఎస్సార్‌సీపీ కార్యకర్త ఇంటిలో విజిలెన్స్‌ దాడులు చేసి అధికంగా జీడి బస్తాలు ఉన్నాయంటూ అక్రమ కేసులు నమోదు చేశారు. నందిగాం మండలం కాపు తెంబూరు గ్రామంలో ఇదే పరిస్థితి చోటు చేసుకుంది. చిన్నపాటి రైస్‌ మిల్లు పై విజిలెన్స్‌ అధికారులు దాడులు చేసి కేసులు నమోదు చేశారు. పోలీస్‌ స్టేషన్‌ రావాల్సిందేనంటూ ఎంపీటీసీ, జెడ్పీటీసీ అభ్యర్థులకు సైతం హుకుం జారీ చేస్తున్నారు. స్థానిక సంస్థల ఎన్నికల్లో టీడీపీ అభ్యర్థుల గెలుపు కోసం కొంత మంది పోలీస్‌ అధికారు లే కార్యకర్తల అవతారం ఎత్తుతున్నారంటూ స్థాని కంగా విమర్శలు వెల్లువెత్తుతున్నాయి. ఎన్నికల బరిలో ఉన్న వైఎస్సార్‌సీపీ అభ్యర్థులకు భద్రత కల్పించాలని సుప్రీంకోర్టు సైతం స్పష్టమైన ఆదేశాలు జారీ చేసింది. అయితే క్షేత్ర స్థాయిలో మాత్రం కొంత మంది పోలీసులు అధికార పార్టీకి అనుకూలంగా అప్రజాస్వామికంగా వ్యవహరించడంపై విమర్శలు వెల్లువెత్తుతున్నాయి.

చిత్రంలో ఆవేదన పంచుకుంటున్న దివ్యాంగుడి పేరు గాలి కేశవరావు. ఇచ్ఛాపురం మండలం పురుషోత్తపురం గ్రామంలో సోమ వారం వైఎస్సార్‌సీపీ ఎన్నికల ప్రచారం నిర్వహించగా.. పార్టీ జిల్లా అధ్యక్షుడు ధర్మాన కృష్ణదాస్‌తో ఆయన తన బాధ ను పంచుకున్నారు. 2024లో టీడీపీ నిర్వహించిన ర్యాలీకి వెళ్లానని, ఆ సందర్భంలో జరిగిన ప్రమాదంలో రెండు కాళ్లను కోల్పో యానని ఆయన తెలిపారు. పూర్తి వైకల్యంతో బాధపడుతున్నా.. ఇప్పటికీ తనకు దివ్యాంగ పింఛన్‌ ఇవ్వలేదని, టీడీపీ నాయకులు సైతం పట్టించుకోలేదని కన్నీరుమున్నీరయ్యారు. తనను ఆదుకోవాలని కోరారు. – ఇచ్ఛాపురం

పోలాకి: మబగాం చుట్టుపక్కల ప్రాంతాల్లో వైఎస్సార్‌సీపీకి పూర్వవైభవం తీసుకొస్తామని జొన్నాం గ్రామస్తులు స్పష్టం చేశారు. యువ నాయకుడు ధర్మాన కృష్ణచైతన్య ఆధ్వర్వంలో సోమవారం జొన్నాం గ్రామానికి చెందిన 100 మందికి పైగా వైఎస్సార్‌ సీపీలో చేరారు. ఈ సందర్భంగా వారు మాట్లాడుతూ గతంలో ధర్మాన సోదరులు చేసిన అభివృద్ధి తప్ప ఈ కూటమి ప్రభుత్వంలో ఎలాంటి అభివృద్ధి జరగలేదన్నారు. భవిష్యత్‌లో సైతం ఎలాంటి సంక్షేమం ఇవ్వలేరని భావించిన తర్వాతే ఈ నిర్ణయం తీసుకున్నట్లు చెప్పారు. అనంతరం ఎంపీటీసీ, జెడ్పీటీసీ అభ్యర్థులను గ్రామస్తులకు పరిచయం చేశారు. కార్యక్రమంలో మాజీ డీసీసీబీ అధ్యక్షుడు కరిమి రాజేశ్వరరావు, మండల పార్టీ అధ్యక్షుడు కణితి కృష్ణారావు, నాయకులు చింతు రాఘవరావు, కణితి సత్తిబాబు, బోర శ్రీరామమూర్తి తదితరులు పాల్గొన్నారు.

అరసవల్లి: స్థానిక ఎన్నికల్లో భాగంగా జెడ్పీటీసీల నామినేషన్ల ఉపసంహరణ ప్రక్రియకు మంగళవారం మధ్యాహ్నం 3 గంటలతో గడువు ముగియనుంది. జిల్లాలో మొత్తం 30 జెడ్పీటీసీల స్థానాలకు స్క్రూట్నీ అనంతరం మొత్తం 210 నామినేషన్లు వాలిడ్‌గా గుర్తించిన సంగతి తెలిసిందే. అయితే తాజాగా నామినేషన్ల ఉపసంహరణకు ఈ నెల 25 నుంచి అవకాశం ఇవ్వడంతో ఆది, సోమవారాల్లో మొత్తం 22 నామినేషన్లు విత్‌డ్రా అయినట్లుగా జిల్లా పరిషత్‌ సీఈఓ, రిటర్నింగ్‌ అధికారి ఆర్‌.వెంకట్రామన్‌ ప్రకటించారు. కాగా ఎన్నికల షెడ్యూల్‌ ప్రకారం మంగళవారం మధ్యాహ్నం 3 గంటల వరకు మాత్రమే నామినేషన్ల ఉపసంహరణకు గడు వు ఉంది. దీంతో వివిధ రాజకీయ పార్టీల నేతలు, రెబల్స్‌ పోటు తప్పించుకునేందుకు ఆయా నామినేషన్లను విత్‌డ్రా చేసుకునేలా అభ్యర్థులను విజ్ఞప్తి చేస్తున్నారు. పలుచోట్ల బెదిరింపులు, బుజ్జగింపులు, ప్రలోభాల పర్వాలు కొనసాగుతున్నాయి. ఇక గత రెండు రోజులుగా నామినేషన్ల ఉపసంహరణ ప్రక్రియలో వైఎస్సార్‌సీపీ 15, టీడీపీ 07 మంది తమ డమ్మీ నామినేషన్లను ఉపసంహరించుకున్నారు. మంగళవారం మధ్యాహ్నం లోపు మరి న్ని నామినేషన్ల ఉపసంహరణకు అవకాశం ఉన్నందున జిల్లా పరిషత్‌ కార్యాలయంలో ప్రత్యేక విభాగాన్ని ఏర్పాటు చేశారు. అలాగే జిల్లాలో మొత్తం 30 మండలాల్లో ఎంపీటీసీ నామినేషన్ల ఉపసంహరణకు కూడా జరుగుతోంది. వాటికి కూడా మంగళవారమే గడువుగా షెడ్యూల్‌లో పేర్కొన్నారు.

టెక్కలి రూరల్‌: ప్రైవేట్‌ బస్సు సిబ్బంది నిర్లక్ష్యం కారణంగా ఓ విద్యార్థిని బస్సు నుంచి జారిపడి తీవ్రగాయాల పాలైంది. స్థానికులు తెలిపిన వివరాల ప్రకారం.. సంతబొమ్మాళి మండలం శివరాంపురం గ్రామానికి చెందిన ఐలా లలిత రాగోలులో బీఎస్సీ నర్సింగ్‌ చదువుతోంది. సోమవారం ఉదయం తండ్రితో కలిసి కె.కొత్తూరు గ్రామానికి బస్సు ఎక్కేందుకు వచ్చింది. అక్కడి నుంచి శ్రీకాకుళం వెళ్లేందుకు ఓ ప్రైవేట్‌ ట్రావెల్‌ బస్సు ఎక్కించి తండ్రి వెళ్లిపోయాడు. బస్సులో కూర్చునేందుకు స్థలం లేకపోవడంతో ఒక బల్లవేసి దానిపై కూర్చోబెట్టారు. కోటబొమ్మాళి వద్దకు వచ్చేసరికి బస్సు ఒక్కసారిగా మలుపు తిప్పడంతో విద్యార్థిని బస్సు నుంచి కిందపడిపోయింది. తీవ్ర గాయాలు కావడంతో వెంటనే స్థానిక ప్రభుత్వ ఆసుపత్రికి తరలించారు. ఈ ఘటనపై కోటబొమ్మాళి పోలీసులకు సమాచారం అందించారు. పరామర్శకు వెళ్తుండగా.. టెక్కలి రూరల్‌: లచ్చన్నపేట సమీపంలో జాతీయ రహదారిపై సోమవారం జరిగిన రోడ్డు ప్రమాదంలో ద్విచక్ర వాహనదారుడికి తీవ్ర గాయాలయ్యా యి. వజ్రపుకొత్తూరు మండలం బాతుపురం గ్రామానికి చెందిన టి.వెంకటరమణ ద్విచక్రవాహనంపై టెక్కలిలో బంధువుల ఇంటికి పరామర్శకి బయలుదేరాడు. లచ్చన్నపేట సమీపంలోకి వచ్చే సరికి వెనుక నుంచి గుర్తు తెలియని వ్యాన్‌ ఢీకొని వెళ్లిపోయింది. తలకు తీవ్ర గాయాలు కావడంతో స్థానికులు స్పందించి 108లో టెక్కలి జిల్లా ఆసుపత్రికి తరలించారు. ఈ ఘటనపై టెక్కలి పోలీసులకు సమాచారం అందించారు. రైలు ఢీకొని.. టెక్కలి రూరల్‌: కోటబొమ్మాళి మండలం తిలారు రైల్వేస్టేషన్‌ వద్ద సోమవారం రాత్రి రైలు ఢీకొని వృద్ధుడికి తీవ్ర గాయాలనాయి. వింజాంపాడు గ్రామానికి చెందిన హనుమంతు కసవయ్య తిలారు రైల్వేస్టేషన్‌ వద్దకు వెళ్లాడు. రైలు ఎక్కుతుండగా ప్రమాదవశాత్తు జారిపడటంతో అటుగా వచ్చిన రైలు ఢీకొట్టడంతో రెండు కాళ్లు విరిగిపోయాయి. స్థానికులు వెంటనే రైల్వే పోలీసులకు సమాచారం అందించి 108లో శ్రీకాకుళం రిమ్స్‌కు తరలించారు.

శ్రీకాకుళం న్యూకాలనీ: జిల్లాస్థాయి జూనియర్స్‌, సబ్‌ జూనియర్స్‌ పారా అథ్లెటిక్స్‌ క్రీడాకారుల ఎంపిక పోటీలు ఈ నెల 29న నిర్వహిస్తున్నట్లు స్టీఫెన్‌ హాకింగ్‌ పారా స్పోర్ట్స్‌ అసోసియేషన్‌ ఆఫ్‌ శ్రీకాకుళం కార్యదర్శి డి.అచ్యుతరావు, ఉపాధ్యక్షులు ఎన్‌.గిరిధర్‌, సభ్యులు ఎన్‌.స్రవంతి సోమవారం తెలిపారు. శ్రీకాకుళం కోడిరామ్మూర్తి స్టేడియం వేదికగా ఉదయం 9 గంటల నుంచి ఎంపికలు మొదలవుతాయని చెప్పారు. జిల్లాలో ఉన్న (దివ్యాంగ) పారా క్రీడాకారులు అందరూ పాల్గొనాలని కోరారు. ఈ నెల 28లోగా 91776 93836, 97015 38328 నంబర్లకు ఫోన్‌ చేసి పేర్లు నమోదు చేసుకోవాలని సూచించారు. ఇరిగేషన్‌ ఉద్యోగుల సమస్యలు పరిష్కరించాలి శ్రీకాకుళం (పీఎన్‌ కాలనీ): దీర్ఘకాలికంగా ఇరిగేషన్‌ ఉద్యోగులు అనేక సమస్యలతో ఇబ్బంది పడుతున్నారని ఏపీ ఎన్జీవో ఇరిగేషన్‌ కమిటీ నాయకులు సోమవారం ఇరిగేషన్‌ ఏపీ ఎన్జీవో రాష్ట్ర అధ్యక్షుడు శ్రీనివాస్‌కు తెలియజేశారు. ఈ మేరకు విశాఖపట్నం కలెక్టరేట్‌ ఆవరణలో ఎన్జీవో సంఘ కార్యాలయంలో శ్రీకాకుళం జిల్లా ఇరిగేషన్‌ ఏపీఎన్జీవో, శ్రీకాకుళం జిల్లా ఇరిగేషన్‌ కమిటీ సభ్యులు సమస్యలు వివరించారు. శ్రీకాకుళం పాతబస్టాండ్‌ : స్థానిక సంస్థల ఎన్నికల్లో రిటైర్‌మెంట్‌కు దగ్గరలో ఉన్న ఉపాధ్యాయులను, గర్భిణులను, దీర్ఘకాలిక వ్యాధులతో బాధపడుతున్న ఉద్యోగులను విధుల నుంచి మినహాయించాలని యూటీఎఫ్‌ ప్రతినిధులు కోరారు. ఈ మేరకు సోమవారం కలెక్టర్‌ను కలిసి వినతిపత్రం అందించారు. మహిళలకు సొంత మండలం, పక్క మండలంలో మాత్రమే ఎన్నికల విధుల్లో వేయాలని విజ్ఞప్తి చేశారు. కారక్రమంలో యూటీఎఫ్‌ జిల్లా అధ్యక్ష ప్రధాన కార్యదర్శులు లండ బాబూరావు, బమ్మిడి శ్రీరామమూర్తి జిల్లా కార్యదర్శులు బి.రవికుమార్‌, జి.సురేష్‌, రాష్ట్ర కౌన్సిలర్‌ ఎస్‌.నారాయణరావు ఎల్‌.కోదండ రామయ్య, శ్రీరామచంద్రమూర్తి, ఐ.రామారావు తదితరులు పాల్గొన్నారు. గార: ఎస్‌జీటీలకు పోలింగ్‌ ఆఫీసర్‌ బాధ్యతల నుంచి మినహాయించాలని, కేడర్‌ క్రమానుసారం బాధ్యతలు కేటాయించాలని ఆంధ్రప్రదేశ్‌ ఉపాధ్యాయ సంఘం జిల్లా అధ్యక్షుడు దుప్పల శివరామ్‌ప్రసాద్‌ కోరారు. ఈ మేరకు సోమవారం గార ఎన్నికల రిటర్నింగ్‌ అధికారికి వినతి పత్రం అందజేశారు. స్కూల్‌ అసిస్టెంట్లను విడిచిపెట్టి అత్యధిక సంఖ్యలో ఎస్‌జీటీలను పీఓలుగా నియమించడం సరికాదన్నారు. కార్యక్రమంలో ఏపీటీఎఫ్‌ జిల్లా అధ్యక్షుడు బి.వెంకటేశ్వర్లు, ఏపీయూఎస్‌ సభ్యులు కె.శ్రీనివాస్‌, డీజీ మోహనరావు, పి.తారక్‌ తదితరులు పాల్గొన్నారు.

ఎచ్చెర్ల : యువ పరిశోధకులు శాసీ్త్రయ దృక్పథం అలవరుచుకోవాలని డాక్టర్‌ బి.ఆర్‌.అంబేడ్కర్‌ యూనివర్సిటీ వైస్‌ చాన్సలర్‌ కె.ఆర్‌.రజనీ అన్నారు. ఇన్ఫోనేటివ్‌ ఫ్రంటియర్స్‌ ఇన్‌ సైన్స్‌ అండ్‌ టెక్నాలజీ (ఐఎప్‌ఎస్‌టీ)–2026 పేరిట రెండు రోజుల అంతర్జాతీయ సదస్సు సోమవారం వర్సిటీలో ఘనంగా ప్రారంభించారు. ఈ సందర్భంగా ఆమె మాట్లాడుతూ శాస్త్ర సాంకేతిక రంగాల్లో పరిశోధనలకు విద్యా సంస్థలు సహకరించాలని కోరారు. బయో, నానో, క్వాంటమ్‌ టెక్నాలజీ, పరిశోధనలు, ప్రపంచం ఇప్పుడు ఎదుర్కొంటున్న సవాళ్లను పరిష్కరించగలవన్న ఆశాభావం వ్యక్తం చేశారు. ప్రపంచ వ్యాప్తంగా బయోమెడికల్‌ రంగంలో జరుగుతున్న పరిశోధనలను కెనడాలోని మనితోబా యూనివర్సిటీ ప్రొఫెసర్‌ సయ్యద్‌ ఘవామీ వివరించారు. కెనడా మనితోబా యూనివర్శిటీకి చెందిన ప్రొఫెసర్‌ ప్రసేన్‌ చెలికాని, అపోలో చీఫ్‌ సౌంటిఫిక్‌ అధికారి ఎం.వి.శశిధర్‌, ప్రొఫెసర్‌ పీఎస్‌పీ ధనుంజయ్‌, అనీపె శిరీషలు ప్రసంగించారు. అనంతరం అపోలో గ్రూపుతో డాక్టర్‌ బీఆర్‌ఏయూ ఎంఓయూ కుదుర్చుంది. ప్రసేన్‌ చెలికానిని విజిటింగ్‌ ప్రొఫెసర్‌గా నియమిస్తూ ప్రొసీడింగ్‌ విడుదల చేసింది. కార్యక్రమంలో రిజిస్ట్రార్‌ బి.అడ్డయ్య, మాజీ వీసీ భగవత్‌కుమార్‌, డాక్టర్‌ ఉదయభాస్కర్‌, కావ్యజ్యోత్స్న, వివిధ శాఖల అధిపతులు, పరిశోధకులు, విద్యార్థులు పాల్గొన్నారు.

శ్రీకాకుళం క్రైమ్‌ : సమాజంలో అవినీతిని కూకటివేళ్లతో పెకిలించి వేసేందుకు ప్రజలంతా భాగస్వామ్యులు కావాలని, ప్రభుత్వ అధికారి లంచం తీసుకోవడం ఎంత నేరమో ప్రజలు లంచం ఇవ్వడమూ అంతే నేరమని జిల్లా అవినీతి నిరోధక శాఖ (ఏసీబీ) డీఎస్పీ సత్యనారాయణ స్పష్టం చేశారు. ఏసీబీ విజిలెన్సు వారోత్సవాల్లో భాగంగా ఈ నెల 26 నుంచి నవంబరు 1 వరకు సాగే అవగాహన కార్యక్రమాల్లో ‘లంచం వద్దు– నిజాయితీ ముద్దు’ వంటి నినాదాలతో ప్రజలను చైతన్యపరుస్తామన్నారు. ఈ మేరకు సోమవారం జిల్లాకేంద్రంలోని జీటిరోడ్డు మీదుగా ర్యాలీ నిర్వహించి బృందంతో కలిసి నినాదాలు చేశా రు. అంతకుముందు కలెక్టర్‌ స్వప్నిల్‌ దినకర్‌ పుండ్కర్‌ కార్యాలయానికి వెళ్లి ప్రచార పోస్టర్లను ఆవిష్కరించారు. అవినీతిపై ఫిర్యాదు చేసేందుకు శ్రీకాకుళం ఏసీబీ కార్యాలయం(08942–278754), ఏసీబీ డీఎస్పీ (94404 46124), ఇన్‌స్పెక్టర్లు(7382629272, 94913 05632), టోల్‌ఫ్రీ(1064), ఏసీబీ వాట్సాప్‌ (9440440057)లను సంప్రదించవచ్చని పేర్కొన్నారు. అవినీతి రహిత సమాజమే లక్ష్యం శ్రీకాకుళం క్రైమ్‌ : అవినీతి రహిత సమాజ నిర్మాణానికి ప్రతి ఒక్కరూ బాధ్యతాయుతంగా కృషిచేయాలని శ్రీకాకుళం విజిలెన్సు అండ్‌ ఎన్‌ఫోర్స్‌మెంట్‌ అధికారి (ఆర్‌వీఅండ్‌ఈవో), ఏఎస్పీ సీహెచ్‌ వివేకానంద పిలుపునిచ్చారు. విజిలెన్సు అవేర్‌నెస్‌ వీక్‌–2026లో భాగంగా సోమవారం శ్రీకాకుళం రామలక్ష్మణ కూడలి సమీపంలో కార్యాలయంలో సిబ్బందితో ప్రతిజ్ఞ చేయించారు. అవినీతిని నిర్మూలిద్దాం.. లంచం ఏ ప్రభుత్వ అధికారి తీసుకున్నా తక్షణమే ఏసీబీకి ఫిర్యాదు చేద్దాం..అంటూ రూపొందించిన పోస్టర్లను జిల్లా పోలీసు కార్యాలయంలో ఎస్పీ కె.వి.మహేశ్వరరెడ్డిని ఆవిష్కరించారు. కార్యక్రమంలో డిప్యూటీ ఎగ్జిక్యూటివ్‌ ఇంజినీర్‌ సత్యనారాయణ, అసిస్టెంట్‌ రిజిస్ట్రార్‌ ఎస్‌.ఎర్రన్నాయుడు పాల్గొన్నారు. లంచం అడిగితే చెప్పండి: ఎస్పీ శ్రీకాకుళం క్రైమ్‌ : ప్రభుత్వ కార్యాలయాల్లో సేవలను ఉచితంగా పొందడం ప్రజల హక్కు అని, ఎవరైనా ప్రభుత్వ అధికారి చేసే పనికి లంచం డిమాండ్‌ చేస్తే తక్షణమే అవినీతి నిరోధక శాఖ (ఏసీబీ)కు ఫిర్యాదు చేయాలని ఎస్పీ కేవీ మహేశ్వరరెడ్డి ప్రజలకు పిలుపునిచ్చారు. ప్రజలు చేయాల్సిందల్లా ఏసీబీ టోల్‌ఫ్రీ నంబర్‌ 1064 లేదా వాట్సాప్‌ నెంబర్‌ 94404 40057 నంబర్‌కు డయల్‌ చేసి గానీ, నేరుగా జిల్లాకేంద్రంలోని బలగ సమీపంలోని కార్యాలయాన్ని సంప్రదించి గానీ తమ సమస్యను తెలియజేయాలని ఎస్పీ సూచించారు. సోమవారం జిల్లా పోలీసు కార్యాలయంలో ఏసీబీ డీఎస్పీ సత్యనారాయణరావు, సీఐలు భాస్కర్‌, రమణమూర్తి, ఇతర సిబ్బందితో కలసి 1064 ప్రచార ఫ్లెక్సీ, పోస్టర్‌లను ఎస్పీ ఆవిష్కరించారు. అవినీతికి సంబంధించిన సమాచారాన్ని సంబంధిత అధికారుల దృష్టికి తీసుకెళ్లాలని, ఫిర్యాదుదారు వివరాలు గోప్యంగా ఉంచేలా చర్యలు తీసుకుంటారని ఎస్పీ తెలిపారు. వర్సిటీలో తరగతులు రద్దు ఎచ్చెర్ల : అర్నబ్‌ తుపాన్‌ కారణంగా విద్యార్థుల భద్రతను దృష్టిలో ఉంచుకుని ఎచ్చెర్లలోని డాక్టర్‌ బి.ఆర్‌.అంబేడ్కర్‌ యూనివర్సిటీలో ఈ నెల 27 నుంచి 31 వరకు తరగతులు రద్దు చేశారు. వీసీ రజనీ ఆదేశాల మేరకు రిజిస్ట్రార్‌ బి.అడ్డయ్య ఉత్తర్వులు జారీచేశారు. విద్యార్థులు, బోధనా సిబ్బంది ఇళ్లలోనే ఉండాలని సూచించారు. వసతి గృహాల విద్యార్థులు వార్డెన్‌ను సంప్రదిస్తూ వాతావారణ శాఖ జారీచేసిన సూచనలను తప్పనిసరిగా పాటించాలని స్పష్టం చేశారు.

శ్రీకాకుళం రూరల్‌: మండల పరిధిలోని బైరి గ్రామ వాసులను గౌరమ్మకు నందెన్నకు పూజలు చేసుకోనివ్వడం లేదు. సోమవారం కూడా పోలీసు ఆంక్షలు కొనసాగడంతో గౌరీదేవి, నందెన్నలను ఓ ఇంటిలో ఉంచి బయట నుంచే పూజ చేసుకోవాల్సిన పరిస్థితి నెలకొంది. ఈ సందర్భంగా మాజీ ఎంపీపీలు అంబటి నిర్మలా, శ్రీనివాస్‌ విలేకరులతో మాట్లాడారు. గడిచిన పాతికేళ్లుగా గ్రామంలో ఇలాంటి పరిస్థితి లేదని, కూటమి ప్రభుత్వం అధికారంలోకి రావడంతో గ్రామంలోనే కక్ష రాజకీయాలు చోటుచేసుకున్నాయని తెలిపారు. అధికార పార్టీ వారు ఆదివారం రాత్రి గౌరమ్మను ఊరేగించారని, తమ ఇళ్ల వద్ద మాత్రం పోలీసులను మోహరించాలని ఆవేదన వ్యక్తం చేశారు. కేంద్ర మంత్రి రామ్మోహన్‌ నాయుడు తండ్రి పరువు తీస్తున్నారని వారు దుయ్యబట్టారు. ఒక ఎంపీగానూ, కేంద్రమంత్రిగాను ఉంటూ కక్ష రాజకీయాలకు పూనుకోవడం ఏంటని ప్రశ్నించారు. సనాతన ధర్మం పాటిస్తున్నామంటూ కూటమి నేతలు చెబుతున్న పద్ధతి ఇదేనా అంటూ వారు ప్రశ్నించారు. దీనిపై గ్రామస్తులమంతా కలిసి ఎలక్షన్‌ కమిషన్‌ను, అత్యున్నత న్యాయస్థానాన్ని ఆశ్రయిస్తామని హెచ్చరించారు. ఇదే విషయంపై రూరల్‌ ఎస్‌ఐ సురేష్‌ను వివరణ కోరగా ఈ గ్రామంలో అల్లర్లు జరుగుతాయని ముందస్తు సమాచారం మేరకు మరికొద్ది రోజుల్లో ఎలక్షన్‌ ఉన్నందున పోలీసుల భద్రత వలయాన్ని ఏర్పాటు చేసినట్లు ఆయన తెలిపారు. బైరిలో గౌరమ్మకు పూజలు చేసుకోనివ్వని వైనం కొనసాగుతున్న పోలీసు ఆంక్షలు న్యాయ సహాయం కోరుతామంటున్న గ్రామస్తులు

కంచిలి: మండలంలోని జె.భైరిపురం ప్రాదేశికం నుంచి వైఎస్సార్‌ సీపీ తరఫున నామినేషన్‌ దాఖలు చేసిన ధనుంజయ ప్రధాన్‌ అభ్యర్థిత్వం ఆర్డీఓ వద్ద కూడా తిరస్కరణకు గురైందని స్థానిక రిటర్నింగ్‌ అధికారి కె. అప్పలస్వామి తెలిపారు. డోలగోవిందపురం గ్రా మంలో రేషన్‌ డీలర్‌గా విధులు నిర్వర్తిస్తున్న ధనుంజయ ప్రధాన్‌పైన కూటమి ప్రభుత్వం ఏర్పడిన తర్వాత 6ఎ కేసు నమోదవడం, ఆ కేసు నడుస్తున్న విషయమై టీడీపీ సభ్యుడు పూర్ణచంద్ర బిసాయి అభ్యంతరం తెలపడంతో రిటర్నింగ్‌ అధికారి ధనుంజయ ప్రధాన్‌ నామినేషన్‌ను రిజెక్ట్‌ చేశారు. తర్వాత ధనుంజయ ప్రధాన్‌ ఆర్డీఓకు అప్పీల్‌ చేశారు. తాజాగా ధనుంజయ ప్రధాన్‌ నామినేషన్‌ను ఆర్డీఓ కూడా తిరస్కరించారు. సబ్‌ కలెక్టర్‌ కార్యాలయంలోనే ఎన్నికల కోడ్‌ ఉల్లంఘన టెక్కలి: స్థానిక సంస్థల ఎన్నికల నేపథ్యంలో పటిష్టంగా ఎన్నికల కోడ్‌ను అమలు చేస్తున్నామంటూ అధికారులు ప్రకటనలు చేస్తున్నారు. అయితే డివిజన్‌ కేంద్రమైన టెక్కలిలో సాక్షాత్‌ సబ్‌ కలెక్టర్‌ కార్యాలయంలోనే ఎన్నికల కోడ్‌ ఉల్లంఘన చోటు చేసుకుంది. అలాగే సబ్‌ కలెక్టర్‌ కార్యాలయానికి కూత వేటు దూరంలో ప్రభుత్వ బాలికోన్నత పాఠశాలకు కేటాయించిన మైదానం వద్ద, టెక్కలి మండలం గంగాధరపేట, శ్రీనివాసనగర్‌ తదితర ప్రాంతాల్లో యథేచ్ఛగా అధికార పార్టీకి చెందిన శిలా ఫలకాలు, పోస్టర్లు కనిపిస్తున్నాయి. దీంతో ఎన్ని కల కోడ్‌ను పర్యవేక్షించాల్సిన అధికారి కార్యాలయంలోనే ఎన్నికల కోడ్‌ ఉల్లంఘన చోటు చేసుకోవడం విస్మయానికి గురి చేస్తోంది. ఆర్‌ఓ రాక అభ్యర్థుల నిరీక్షణ జలుమూరు: స్థానిక ఎన్నికల్లో భాగంగా సో మవారం ఎంపీటీసీ అభ్యర్థులు విత్‌డ్రాలకు సంబంధిత ఆర్‌ఓ జయంతి ప్రసాద్‌ సమయానికి రాకపోవడంతో మండల పరిషత్‌ కార్యాలయంలో అభ్యర్థులు గంటలు తరబడి నిరీ క్షించారు. ఉదయం పది గంటలకు విత్‌డ్రాలు కోసం పిలిచిన అధికారులు సుమారు 12 గంటలు వరకూ ఆర్వో రాకపోవడంతో అసహనం వ్యక్తం చేశారు.

కవిటి: జాతీయ రహదారిపై శిలగాం ఫ్‌లై ఓవర్‌ సమీపంలో సోమవారం జరిగిన రోడ్డు ప్రమాదంలో ఓ వ్యక్తి దుర్మరణం పాలయ్యాడు. కవిటి ఎస్‌ఐ వి.రవివర్మ తెలిపిన వివరాల ప్రకారం.. కంచిలి మండలం బసవపుట్టుగకు చెందిన దుక్క రామారావు(38) సోమవారం ఉదయం తన ద్విచక్ర వాహనంపై కవిటి మండలం కరాపాడులోని తన అత్తవారింటికి బయలుదేరాడు. శిలగాం జంక్షన్‌ సమీపంలోని ఫ్‌లై ఓవర్‌ చివరకు వచ్చేసరికి పలాస వైపు నుంచి ఇచ్ఛాపురం వైపు వస్తున్న లారీ ఢీకొట్టింది. రామారావు వెనుకచక్రాల కింద నలిగిపోయి అక్కడికక్కడే మృతిచెందాడు. పోలీసులు ఘటనా స్థలానికి చేరుకొని మృతదేహాన్ని పోస్టుమార్టం నిమిత్తం తరలించారు. కేసు నమోదుచేసి దర్యాప్తు చేస్తున్నారు.

● పండగ చేసుకున్న మందుబాబులు ● దసరా, స్థానిక సంస్థల ఎన్నికలే కారణం శ్రీకాకుళం క్రైమ్‌ : జిల్లాలో గత 10 రోజుల్లో మద్యం ప్రియులు ఏకంగా రూ. 39 కోట్ల విలువైన మద్యాన్ని తాగేశారు. ఓ వైపు దసరా పండగ.. మరో వైపు స్థానిక సంస్థల ఎన్నికల నేపథ్యంలో పల్లెలు, పట్టణాల్లో మద్యం బాబులు పండగ చేసుకున్నారు. అక్టోబరు 14 నుంచి 24 వరకు చూసుకుంటే 20,024 బీరు కేస్‌లు(బాక్సులు) అమ్ముడవ్వగా, ఐఎంఎల్‌ (లిక్కర్‌) కేస్‌లు (బాక్సులు) ఏకంగా 53,833 అమ్ముడుపోయినట్లు జిల్లా ఎకై ్సజ్‌ వర్గాలు సోమవారం వెల్లడించాయి. 47 కేసుల్లో 48 మంది అరెస్టు.. స్థానిక సంస్థల ఎన్నికల నేపథ్యంలో ఎకై ్సజ్‌ అండ్‌ ప్రొహిబిషన్‌ శాఖ జిల్లాలో విస్తృతంగా దాడులు నిర్వహించిందని అసిస్టెంట్‌ కమిషనర్‌ పి.రామచంద్రరావు వెల్లడించారు. కోడ్‌ సమయం నుంచి సోమవారం వరకు 47 కేసులు నమోదు చేసి 48 మంది నిందితులను అరెస్టు చేసి 150 లీటర్ల నాటుసారా, 56.87 లీటర్ల అక్రమ మద్యం, 9.28 లీటర్ల ఒడిశా మద్యాన్ని స్వాధీనం చేసుకున్నామని వివరించారు. కవిటి మండలం పెద్దకర్రివానిపాలెంలో గుళ్ల పార్వతి వద్ద నుంచి 600 ఒడిశా సారా ప్యాకెట్లను స్వాధీనం చేసుకుని రిమాండ్‌కు తరలించామన్నారు. ఎవరైనా అక్రమంగా మద్యాన్ని, సారాయిని రవాణా చేసినా, నిల్వలు కలిగివున్నా కఠిన చర్యలు తప్పవని హెచ్చరించారు. కార్యక్రమంలో ఎకై ్సజ్‌ జిల్లా అధికారి సీహెచ్‌ తిరుపతినాయుడు, ఎన్‌ఫోర్స్‌మెంట్‌ ఏఈఎస్‌ పల్లి మురళీధర్‌, సీఐలు ఎం.శ్రీనివాసరావు, రమణమూర్తి, ఎస్‌.సుజాత పాల్గొన్నారు.

● మాట వినని వాడికి భవిష్యత్‌లో ఉంటుంది ● కేడర్‌తో ఫోన్‌ కాన్ఫరెన్స్‌లోఎమ్మెల్యే గొండు శంకర్‌ ఘాటు వ్యాఖ్యలు సాక్షి ప్రతినిధి, శ్రీకాకుళం: ‘కొంతమంది సెంటిమెంట్‌ను వండి పాకం తయారు చేస్తున్నారు. ఆ పాకాన్ని ఎలా తిప్పి కొట్టాలో చూసి, మాట్లాడుకుందాం. కన్ను మిన్ను కానకుండా ఎగిరినోడు.. తర్వాత వాడికి తెలుస్తాది. రాబోయే రోజుల్లో ఏమిటీ జీవితమని.. ఒక్కొక్కడు కొండెక్కి, చెట్టెక్కిపోయి దిగడం లేదు. ఇదే పెద్ద జీవితం లాగా.. మన మాట వినడం లేదు.’ శ్రీకాకుళం ఎమ్మెల్యే గొండు శంకర్‌ తన పార్టీ నాయకులతో జరిపిన ఫోన్‌ కాన్ఫరెన్స్‌లో అన్న మాటలివి. ఎమ్మెల్యే వ్యాఖ్యలు పార్టీలో చర్చనీయాంశంగా మారాయి. శ్రీకాకుళం, రూరల్‌ మండలాల్లో జెడ్పీటీసీ, ఎంపీటీసీ ఎన్నికల్లో టీడీపీ నుంచి టికెట్‌ ఆశించి భంగపడ్డ కొందరు రెబెల్స్‌గా ఉన్నారు. మరికొందరు కేంద్రమంత్రి, ఎమ్మెల్యే ఒత్తిడితో వెనక్కి తగ్గినా అసంతృప్తిగా ఉన్నారు. పార్టీ కోసం పనిచేసే పరిస్థితి కనిపించడం లేదు. అదేవిధంగా జనసేన, బీజేపీ నాయకులు అసంతృప్తిగా ఉన్నారు. ● కల్లేపల్లి ఎంపీటీసీ కోసం సాధు సోదరులు ఆశించారు. కానీ ఎంపీటీసీ మూకల శ్రీనుకి, సర్పంచ్‌గా మూకల జయానంద్‌కు మొగ్గు చూపారు. దీంతో సాధు కామేశ్వరరావు రెబెల్‌గా పోటీ చేశారు. కామేశ్వరరావును డ్రాప్‌ చేయాలని కోరితే, ఆయన ససేమిరా అనడంతో సంగతి చూస్తామంటూ బెదిరిస్తున్నట్టుగా ప్రచారం జరుగుతోంది. ● కనుగులవానిపేటలో టీడీపీ రెబల్‌గా ఒకామె బరిలో ఉన్నారు. ఆమె కూడా వెనక్కి తగ్గడం లేదు. ● సింగుపురం గ్రామంలో నాలుగు ఎంపీటీసీలు ఉండగా, కళింగ వైశ్యులు ఒకటి కోరారు. వారికి ఇవ్వనని చెప్పడంతో తమలో ఒకరు ఇండిపెండెంట్‌గా పోటీ చేస్తామంటే.. వ్యాపారాలు ఎలా చేస్తారో చూస్తానని కూడా బెదిరించినట్టు ప్రచారం జరుగుతోంది. ● తండేంవలస, బెండిపేట ఎంపీటీసీ పరిధిలో ఒక గ్రామానికి చెందిన నాయకులు అసంతృప్తితో గుర్రుగా ఉన్నారు. ● పరిస్థితులు కాస్త వ్యతిరేకంగా ఉండటం, అసంతృప్తులు అలక పూనడం, రెబెల్స్‌ మాట వినకపోవడం వంటి పరిణామాలతో శ్రీకాకుళం నియోజకవర్గం టీడీపీ ఆందోళన చెందుతున్నట్టు ఉంది. అసలుకే ఎసరొచ్చేలా ఉందని భావిస్తూ కేడర్‌తో ఎమ్మెల్యే గొండు శంకర్‌ ఎప్పటికప్పుడు సమావేశమవుతున్నారు. ఇందులో భాగంగా తాజాగా నియోజకవర్గ పరిఽధిలోని 800 మంది నాయకులు, కార్యకర్తలతో నిర్వహించిన ఫోన్‌ కాన్ఫరెన్స్‌లో సీరియస్‌గా మాట్లాడారు. మాట వినని, చెట్టెక్కి కూర్చున్న వారిపై కఠినంగా స్పందించారు. భవిష్యత్‌లో వాళ్లకి తగిన బుద్ధి చెబుతామన్నట్టుగా హెచ్చరికలు జారీ చేశారు. ఎమ్మెల్యే తాజా వ్యాఖ్యలు, హెచ్చరికలు నియోజకవర్గ టీడీపీలో చర్చకు దారితీశాయి. ఎమ్మెల్యే మాట వినని వరకు పరిస్థితి వెళ్లిందంటే ఏదో తేడా ఉన్నట్టుగా ఉందని శ్రేణులు ఆందోళన చెందుతున్నాయి.

● జిల్లాలో కీలక ప్రాజెక్టులు నిర్మించిన వైఎస్సార్‌సీపీ ● వైఎస్సార్‌ హయాంలోనూ పరుగులు పెట్టిన అభివృద్ధి పనులు ● ఎన్నికల ప్రచారంలో వాటినే ప్రస్తావిస్తున్న నాయకులు ● శ్రీకాకుళంలో చంద్రబాబు మార్క్‌ ఎక్కడ అంటూ సూటిగా నిలదీత ఉద్దానం ఆశారేఖ కిడ్నీ వ్యాధికి బలైపోతున్న ఇచ్ఛాపురం, పలాస నియోజకవర్గాలకు అండగా నిలిచిన ప్రాజెక్టు ఇది. పలాసలో రూ. 80కోట్లకు పైగా వ్యయంతో 200 పడకల సూపర్‌ స్పెషాలిటీ ఆస్పత్రి, కిడ్నీ వ్యాధుల రీసెర్చ్‌ సెంటర్‌, అతిపెద్ద డయాలసిస్‌ సెంటర్‌ను నిర్మించారు. ఈ ప్రాజెక్టు ఉద్దానం పాలిట ఆశారేఖగా మారింది. వైఎస్‌ జగన్‌ పాలనకు ఓ మచ్చుతునకగా ఠీవిగా కనిపిస్తోంది. ఈ నీరే సాక్షి.. ఉద్దానం కిడ్నీ వ్యాధులకు తాగునీరు కారణమనే వాదన ఉంది. అందుకే ఉద్దానానికి హిరమండలంలోని వంశధార నుంచి ఉపరితల నీటిని 807 గ్రామాలకు అందించేందుకు రూ.700 కోట్లతో ప్రాజెక్టు నిర్మించారు. సుమారు 5లక్షల 57వేల 633మందికి తాగునీరు అందించడమే లక్ష్యంగా ప్రాజెక్టు చేపట్టి, ప్రారంభోత్సవం చేసి, ప్రజలకు నీరు అందించారు. సిక్కోలుపై వైఎస్‌ జగన్‌ చూపించిన ప్రేమకు ఈ నీరే సాక్ష్యం. లిఫ్ట్‌ ఘనత ఎవరిది.? జిల్లాకు కీలకమైన వంశధార ఫేజ్‌–2లోని స్టేజ్‌–2 పనులు పూర్తి చేయడమే కాకుండా నేరడి కట్టేంత వరకు ఆయకట్టును సస్యశ్యామలం చేసేందుకు లిఫ్ట్‌ ఇరిగేషన్‌ స్కీమ్‌ మంజూరు చేశారు. రూ.176.35 కోట్లు మంజూరు చేయడమే కాకుండా పనులు కూడా చేపట్టారు. ఉద్దానంలోని మహేంద్ర తనయపై నిర్మిస్తున్న ఆఫ్‌షోర్‌ ప్రాజెక్టును పూర్తి చేసేందుకు రూ.852 కోట్లు మంజూరు చేశారు. మడ్డువలస రెండో దశ పనులకు రూ. 26.65కోట్లు మంజూరు చేశారు. పోర్టు.. దశాబ్దాల కల సిక్కోలు దశాబ్దాలుగా కంటున్న కల మూలపేట పోర్టు. వైఎస్‌ జగన్‌ పాలనా కాలంలో రెండేళ్లు కరోనాతో ప్రపంచం ఆగిపోయిన సంగతి అందరికీ తెలిసిందే. అయినా మూలపేట పోర్టును పట్టాలెక్కించి భూ సేకరణ పూర్తి చేసి పనులు ప్రారంభించి దాదాపు ఓ రూపురేఖకు తెచ్చారు. ల్యాండ్‌ లార్డ్‌ మోడల్‌ విధానంలో రూ. 2,949.70కోట్లతో పను లు సాగించారు. ఈ ప్రాజెక్టు పూర్తయితే 25 వేల మందికి ప్రత్యక్షంగా, పరోక్షంగా ఉపాధి లభిస్తోంది. సిక్కోలు కల నెరవేర్చడానికి వైఎస్‌ జగన్‌ ఏం చేశారో చెప్పడానికి ఇదే ఉదాహరణ. జగన్‌ చేపడితే...కూటమి ఆపేసింది మత్స్యకారుల కోసం రూ. 365.81కోట్లతో బుడగట్లపాలెంలో ఫిషింగ్‌ హార్బర్‌కు శ్రీకారం చుట్టారు. తర్వాత అధికారంలోకి వచ్చిన కూటమి ప్రభుత్వం పనులు నిలిపేసి, గాలికొదిలేసింది. మత్స్యకారుల కల నెరవేరకుండా చేశారు. కీలక విద్యా సంస్థలు సరుబుజ్జిలి మండలం వెన్నెలవలసలో వెటర్నరీ పాలిటెక్నికల్‌ కళాశాల మంజూరు చేశారు. దానికి సంబంధించిన తాత్కాలిక క్లాసులు దన్నాన పేట ప్రభుత్వ పాలిటెక్నికల్‌ కళాశాలలో నిర్వహించారు. ఆమదాలవలస మండలం తొగరాంలో అగ్రికల్చరల్‌ పాలిటెక్నికల్‌ కళాశాల ఏర్పా టు మంజూరు చేశారు. తరగతులు కూడా ప్రారంభించారు. బూర్జ మండలం పెద్దపేటలో హార్టిక ల్చర్‌ రీసెర్చ్‌ స్టేషన్‌ మంజూరు చేశారు.

గార: వంశధార కుడి కాలువలో లింగాలవలస, అంపోలు మధ్య 33ఆర్‌ వద్ద కొత్తగా కాలువ తవ్వకం చేపట్టారు. దీంతో శివారు ప్రాంతానికి సాగునీరు కష్టంగా మారుతోందని మెండపేట, చల్లపేట రైతాంగం వంశధార అధికారులు ఫిర్యాదు చేశారు. ఇప్పటికే సాగునీరందడం లేదని, ఇలా ఇష్టానుసారంగా కాలువ తవ్వితే మరింత ఇబ్బందులొస్తాయని శివారు ప్రాంత రైతులు ఆవేదన వ్యక్తం చేశారు. ఈ నేపథ్యంలో ఆదివారం డీఈ బి.సత్యనారాయణ, సిబ్బందితో చేరుకొని పనులు నిలిపివేశారు. అధికారులకు సమాచారం ఇవ్వకుండా కాలువ తవ్వితే కేసు నమోదు చేస్తామని హెచ్చరించారు. అనంతరం కాలువ వద్ద అడ్డుగా గట్టు వేశారు. ఈ సందర్భంగా డీఈ మాట్లాడుతూ అధికారులకు కొత్త కాలువ కోసం దరఖాస్తు చేస్తే సాధ్యాసాధ్యాలను పరిశీలించి ఉన్నతాధికారులు అనుమతిలిస్తారని స్పష్టం చేశారు.

● ఆగి ఉన్న లారీని ఢీకొన్న మరో లారీ ● క్యాబిన్‌లో ఇరుక్కుపోయి డ్రైవర్‌ మృతి టెక్కలి రూరల్‌: కె.కొత్తూరు గ్రామ సమీప జాతీయ రహదారిపై శనివారం అర్ధరాత్రి జరిగిన రోడ్డు ప్రమాదంలో లారీ డ్రైవర్‌ మృతిచెందాడు. స్థానికులు తెలిపిన వివరాల ప్రకారం.. ఉత్తరప్రదేశ్‌ రాష్ట్రం అన్వర్‌ గ్రామానికి చెందిన డ్రైవర్‌ రవియాదవ్‌(27) కంటైనర్‌ లారీతో శ్రీకాకుళం వైపు వస్తుండగా టెక్కలి సమీపంలోని కె.కొత్తూరు గ్రామ సమీపంలోకి వచ్చే సరికి రోడ్డు పక్కన మరమ్మతులకు గురై ఆగి ఉన్న లారీని అతివేగంగా వచ్చి ఢీకొట్టాడు. ఈ ఘటనలో లారీ క్యాబిన్‌ నుజ్జయిపోవడంతో అందులో ఇరుక్కుపోయాడు. స్థానికులు, హైవే సిబ్బందితో చేరుకుని అతి కష్టమ్మీద డ్రైవర్‌ను బయటకు తీసి టెక్కలి జిల్లా ఆస్పత్రికి తరలించారు. అప్పటికే మృతిచెందినట్లు వైద్యులు ప్రకటించారు. రోడ్డు ప్రమాదం కారణంగా ట్రాఫిక్‌ స్తంభించడంతో హైవే సిబ్బంది, అగ్నిమాపక సిబ్బంది, పోలీసులు చేరుకుని ట్రాఫిక్‌ని చక్కదిద్దారు. టెక్కలి పోలీసులు వివరాలు సేకరించి కేసు నమోదు చేసి దర్యాప్తు చేస్తున్నారు.

● అందుకే ఆ పార్టీని నాయకులు, కార్యకర్తలు వీడుతున్నారు ● అల్లాడ సభలో మాజీ డిప్యూటీ సీఎం ధర్మాన కృష్ణదాస్‌ ● టీడీపీ నుంచి 156 కుటుంబాలు వైఎస్సార్‌సీపీలో చేరిక జలుమూరు: వైఎస్సార్‌ సీపీ మరింత బలోపేతానికి అల్లాడ గ్రామమే ఓ పునాది అని మాజీ డిప్యూటీ సీఎం, పార్టీ జిల్లా అధ్యక్షుడు ధర్మాన కృష్ణదాస్‌ అన్నారు. 40 సంవత్సరాలుగా టీడీపీలో ఉంటున్న దుద్దు రాజేశ్వరరావు, ఆయన సోదరుడు నారాయణరావుతోపాటు సుమారు 156 కుటుంబాలు ఆ పార్టీని వీడి వైఎస్సార్‌ సీపీలోకి చేరడం హర్షణీయమని పేర్కొన్నారు. ఆదివారం అల్లాడలో రాజేశ్వరరావు నివాస సమీపంలో పార్టీ చేరికలు జరిగాయి. ఈ సందర్భంగా ఏర్పాటు చేసిన సమావేశంలో కృష్ణదాస్‌ మాట్లాడుతూ టీడీపీలో ఎంతకాలం పనిచేసినా ఎలా నట్టింట ముంచుతారో రాజేశ్వరరావు, నారాయణరావులను చూస్తే అర్ధం అవుతుందన్నారు. విలువైన కాలం, ఆస్తులు అమ్ముకొని నిజాయితీగా సేవలు అందించిన వారిని టీడీపీ నిలువునా మోసం చేసిందన్నారు. పార్టీ అధినేత నుంచి స్థానిక ఎమ్మెల్యే రమణమూర్తి వరకూ టీడీపీ నాయకులు మాయమాటలు చెప్పి అధికారంలోకి వచ్చిన తరువాత జిల్లాకు, నరసన్నపేట నియోజకవర్గానికి చేసిందేంటో చెప్పాలని ప్రశ్నించారు. వంశధార ప్రాజెక్టు, రైతుల కష్టాలు, యూరియా కొరతను పట్టించుకోకుండా చంద్రబాబు నుంచి స్థానిక ఎమ్మెల్యే వరకూ దాచుకో దోచుకో అన్న చందంగా వ్యవహరిస్తున్నారని మండిపడ్డారు. శ్యామలరావు త్యాగం గొప్పది.. వైఎస్సార్‌ సీపీ ఆవిర్భావం నుంచి ధర్మాన కుటుంబంతో అత్యంత సన్నితమైన బంధం కలిగిన స్థానిక సీనియర్‌ నాయకుడు మొజ్జాడ శ్యామలరావు త్యాగం గొప్పదని కృష్ణదాస్‌ కొనియాడారు. తనకు చెందాల్సిన సర్పంచ్‌ పదవిని సైతం వదిలి దుద్దు రాజేశ్వరరావు కుటుంబంతో కలిసి పనిచేసేందుకు అన్ని వర్గాలను కలుపుకొని తీసుకెళ్లడం అభినందనీయమన్నారు. ఈ విషయంలో మాజి ఎంపీపీ బగ్గు రామకృష్ణ, శ్యామలరావులు అలుపెరుగని కృషి చేశారని కొనియాడారు. అల్లాడకు దుద్దు ఉషారాణి, అల్లాడపేటకు కల్యాణం చిన్నమ్మడులను సర్పంచ్‌ అభ్యర్థులుగా ప్రకటించామని, వీరిని గెలిపించేందుకు అన్ని వర్గాల ప్రజలు కలిసి రావాలని పిలుపునిచ్చారు. ప్రశాంతంగా ఉన్న నియోజకవర్గంలో టీడీపీ హత్యా రాజకీయాలను పెంచి పోషిస్తోందని కృష్ణదాస్‌ తీవ్రంగా విమర్శించారు. అల్లాడపేట మాజీ సర్పంచ్‌ కల్యాణం అచ్చెన్న కూడా దశాబ్దాలుగా టీడీపీలో ఉన్న వ్యక్తి అని, ఆ పార్టీ విధానాలు నచ్చక వైఎస్సార్‌సీపీలోకి చేరిన కొద్ది నెలలకే హత్యకు గురికావడం ఎంతో బాధకలిగించిందన్నారు. పార్టీ కార్యకర్తలకు ఏ చిన్న కష్టం కలిగినా తాము అండగా ఉంటామని భరోసా ఇచ్చారు. – నియోజకవర్గ యువ నాయకుడు, పోలాకీ జెడ్పీటీసీ మాజీ సభ్యులు ధర్మాన కృష్ణ చైతన్య మాట్లాడుతూ అల్లాడ గ్రామాన్ని స్పూర్తిగా తీసుకొని మరికొన్ని గ్రామాలు వైఎస్సార్‌సీపీలోకి చేరేందుకు స్వచ్ఛందంగా ముందుకువస్తున్నాయని, అలాంటి వారినరి స్థానిక నాయకత్వం ప్రోత్సహించి పార్టీని మరింత బలోపేతం చేయాలని పిలుపునిచ్చారు. ఈ విషయంలో అల్లాడపేటకు చెందిన కల్యాణం శ్రీనివాసరావు చేసిన ప్రయత్నం అభినందనీయమన్నారు. అనంతరం దుద్దు రమేష్‌, తాబేలు కృష్ణ, రాజబాబు, బుజ్జి, అప్పారావు, తట్ట హరి, గొర్లె ఢిల్లీశ్వరరావు, ధనుంజయ, పాలకొండ ఆదినారాయణ, పూతి చంద్రరావు, రాంబాబు, శ్రీనివాసరావు, జోగి గణేష్‌, శ్రీనివాసరావు, లావేటి శ్రీను, గంగు రంగ, మొగిపులి మహేశ్వరరావు, దాము నారాయణరావుతోపాటు 156 కుటుంబాలు వైఎస్సార్‌ సీపీలో చేరగా వీరందరికీ కృష్ణదాస్‌ పార్టీ కండువాలు వేసి సాదరంగా ఆహ్వానించారు. కార్యక్రమంలో ధర్మాన రామదాస్‌, డీసీసీబీ మాజీ అధ్యక్షుడు కరిమి రాజేశ్వరరావు, ఎంపీపీ అభ్యర్థి ధర్మాన అనిత, జెడ్పీటీసీ అభ్యర్థి బగ్గు రామకృష్ణ, ఎంపీటీసీ అభ్యర్థి మొజ్జాడ భాస్కరరావు, మాజి ఎంపీపీ వాన గోపి, మండల పార్టీ అధ్యక్షుడు కనుసు సీతారాం, పరిసర గ్రామాల నాయకులు, అభిమానులు పాల్గొన్నారు.

● జిల్లాకు జీవదాత అయిన రిమ్స్‌ను వైఎస్సార్‌ మంజూరు చేశారు. మంజూరు ప్రకటన చే యడమే కాకుండా రూ. 119కోట్లు కేటాయించారు. 300పడకల జిల్లా కేంద్ర ఆస్పత్రిని 500 పడకల ఆస్పత్రిగా అభివృద్ధి చేశారు. శంకుస్థాన, ప్రారంభోత్సవం రెండూ ఆయన చేతులు మీదుగానే జరిగాయి. ● వంశధార, నాగావళి నీటిని రైతుల చెంతకు చేర్చేందుకు ప్రాజెక్టులు మొదలుపెట్టారు. 2005మే నెలలో వంశధార స్టేజ్‌ 2, ఫేజ్‌2 ప్రాజెక్టు పనులను ప్రారంభించారు. 20మండలాల్లో 2.55లక్షల ఎకరాలకు సాగునీరందించేందుకు తలపెట్టారు. జిల్లాలోని హిర మండలం వద్ద సుమారు 10వేల ఎకరాల్లో 19టీఎంసీల నీటి నిల్వకోసం రిజర్వాయర్‌ నిర్మాణం చేపట్టారు. ● తోటపల్లి ఫేజ్‌–2 పనుల ఘనత వైఎస్సార్‌కే దక్కుతుంది. సాగునీరు, పలాస పట్టణానికి తాగునీటి సమస్య పరిష్కారం కోసం రూ. 123.25కోట్లతో ఆఫ్‌షోర్‌ ప్రాజెక్టును రూపక ల్పన చేశారు. వంశధార, నాగావళి నదుల అ నుసంధానం పనులు పూర్తయితే 2.55 లక్షల ఎకరాలు సస్యశ్యామలం అవుతాయని వైఎస్సార్‌ అప్పట్లో పనులకు శ్రీకారం చుట్టారు. ● 12500ఎకరాల సాగునీటి కోసం మడ్డువలస ప్రాజెక్టు స్టేజ్‌–1పనులను రూ. 57.87కోట్ల తో చేపట్టారు. నదుల వరద ఉద్ధృతి నుంచి రక్షించేందుకు రూ. 300 కోట్లతో కరకట్టల నిర్మాణాలకు సంకల్పించారు. ● ఎచ్చెర్లలోని బీఆర్‌ అంబేడ్కర్‌ యూనివర్సిటీని 2008 జూలై 25న ఏర్పాటు చేశారు.

చేసిన పనులేసోమవారం శ్రీ 26 శ్రీ అక్టోబర్‌ శ్రీ 2026దాదాపు మూడువేల కోట్ల మూలపేట పోర్టు.. దాదాపు ఎనిమిది వందల కోట్ల సురక్షిత మంచినీటి పథకం.. వంద కోట్ల కిడ్నీ ఆస్పత్రి.. గొట్టా లిఫ్ట్‌ ఇరిగేషన్‌.. ఫిషింగ్‌ హార్బర్‌కు శ్రీకారం.. వెటర్నరీ, అగ్రికల్చరల్‌ పాలిటెక్నిక్‌ వంటి కీలక విద్యాసంస్థలు.. కేవలం ఐదేళ్ల పాలనా కాలంలో వైఎస్సార్‌సీపీ సాధించిన ప్రాజెక్టులు. అందులో రెండేళ్లు కరోనాకే చెల్లిపోయాయి. వైఎస్‌ రాజశేఖర రెడ్డి హయాంలో జరిగిన పనులు కూడా కలుపుకుంటే దాదాపు జిల్లాలోని ప్రతి కీలక ప్రాజెక్టు వైఎస్సార్‌, వైఎస్‌ జగన్‌ రూపకల్పన చేసినవే. వైఎస్సార్‌ పాలనా కాలం కూడా దాదాపు ఆరేళ్లే. మరి పదిహేనేళ్లకుపైగా అధికారంలో ఉన్న టీడీపీ జిల్లాకు చేసిందేమిటని ప్రతిపక్ష నాయకులు సూటిగా ప్రశ్నిస్తున్నారు. ఎన్నికల ప్రచారంలో దీన్నే ఆయుధంగా వాడుతున్నారు. – సాక్షి ప్రతినిధి, శ్రీకాకుళం

● ధర్మానపై కూన ఎగతాళి వ్యాఖ్యలు ● హుందాతనం వీడి అనుచిత ప్రవర్తన ● అధిష్టానం మెప్పు కోసం వీరావేశం సాక్షి ప్రతినిధి, శ్రీకాకుళం : ఆమదాలవలస ఎమ్మె ల్యే కూన రవికుమార్‌ తన వ్యవహార శైలి మార్చుకోలేదు. ఎమ్మెల్యేగా గెలిచినా మాటలో హుందాతనం కనిపించడం లేదు. ఐదు సార్లు ఎమ్మెల్యేగా, నాలు గు పర్యాయాలు మంత్రిగా పనిచేసిన ధర్మాన ప్రసాదరావును పట్టుకుని ‘చేతులు, కాలు, పొట్ట, గిట్ట ఊపుతూ ఏదేదో మాట్లాడుతున్నార’ంటూ హేళన చేస్తూ మాట్లాడడం ప్రస్తుతం చర్చనీయాంశమవుతోంది. ప్రజాస్వామ్యంలో విమర్శలు, ప్రతి వి మర్శలు సహజం. కానీ బాడీ షేమింగ్‌ చేస్తూ అనుచితంగా ప్రవర్తించడం ప్రజాస్వామ్య స్ఫూర్తిని దె బ్బ తీస్తుందని రాజకీయ విశ్లేషకులు అంటున్నారు. మెప్పు కోసం తిప్పలు.. అధిష్టానం మెప్పు కోసం కూన ఎప్పటి నుంచో తిప్పలు పడుతున్నారు. సందర్భం వచ్చిన ప్రతి సారీ ‘పాతి పెడతాం, తరిమికొడతాం, సమాధి చేసేస్తాం, సముద్రంలో కలిపేస్తాం...వెంట తగులుతాం..’ అంటూ వీరావేశం ప్రదర్శిస్తున్నారు. ప్రతిపక్షంలో ఉన్నప్పుడైతే రాయలేని భాషలో విరుచుకుపడేవారు. ఇప్పటికీ ఆ వీడియోలు, వాయిస్‌ రికార్డులు యూట్యూబ్‌ల్లోనూ, సోషల్‌ మీడియాలో ఉన్నాయి. చివరకు సొంత కార్యకర్తలతోనూ, ఉద్యోగులు, మహిళా ఉద్యోగులతోనూ అదే రీతిన ప్రవర్తించారు. పొందూరు కేజీబీవీ ప్రిన్సిపాల్‌గా పనిచేసిన సౌమ్యతో వ్యవహరించిన తీరు జిల్లా అంతా చూసింది. కూన వారి ఆణిముత్యాలివిగో.. ● పోలీసు స్టేషన్‌లో ఫిర్యాదు చేసేందుకు వచ్చిన సమయంలో కోవిడ్‌ నిబంధనల మేరకు కొందరే రావాలని పోలీసు అధికారులు అన్నందుకు ‘జాగ్రత్త.. శంకరిగిరి మాన్యాల్లో ఉంటారు జాగ్రత్త. మీ స్థాయి ఎంత ..మీరు ఎంత’ అని నరసన్నపేట సీఐ, ఎస్‌లను ఉద్దేశించి నోరు పారేసుకున్నారు. ● పొందూరులో టీడీపీ కార్యాలయంగా నడుస్తున్న తన భవనాన్ని ఖాళీ చేయాలని కోరినందుకు ఆ ఇంటి యజమానికి ఫోన్‌లోనే ‘నేను ఖాళీ చేయ ను, నువ్వు మర్యాదగా బీహేవ్‌ చేస్తే ఫరవాలే దు, నువ్వే గానీ అక్కడేమైనా చేస్తే చాలా సీరియస్‌గా ఉంటుంది’ అని బెదిరించారు. ● పింఛన్ల విషయంలో తన మాట వినలేదని మండల కార్యాలయంలోనే సరుబుజ్జిలి ఎంపీడీఓ, ఈఓపీఆర్‌డీకి ‘ఆఫీసులోనే తలుపులు వేసి మరీ బాదేస్తాను. నన్ను ఎవరూ ఆపలేరు. చెట్టుకు కట్టి కాల్చేస్తాను’ అంటూ బెదరించారు. ● పనుల విషయంలో తాను చెప్పినట్టు వినకపోతే ‘కుర్చీలో కూర్చున్నా లాక్కుని వచ్చి తంతాను నా కొడకల్లారా’ అని పంచాయతీ కార్యదర్శులను భయపెట్టారు. ● ఒక బిల్లు విషయంలో సరుబుజ్జిలి ఇన్‌చార్జి ఈఓపీఆర్‌డీపై ‘నీకెంత ఒల్లు బలిసిందిరా నా కొడకా.. నిన్ను గొయ్యి తీసి పాతకపోతే నా పేరు కూన రవికుమారే కాదు. నీ బతుకెంతరా నా కొడకా..’ అంటూ రెచ్చిపోయారు. ● మట్టిని అక్రమంగా తరలించిన వాహనాలు విడిచిపెట్టలేదని పొందూరు తహసీల్దార్‌పై ‘పట్టుకున్న వాహనాలు విడిచి పెట్టకపోతే లంచం డిమాండ్‌ చేశావని నీ మీద కంప్లైంట్‌ చేస్తాను..’ అంటూ శివాలెత్తారు. ● ‘నీ కాళ్లు ఇరగకొట్టక పోతే చూద్దువుగాని.. ఏదైనా ఉంటే రోడ్డుపై చేస్కో.. నీ భుజం మీద యూనిఫాం ఎలా ఉంటాదో చూస్తా.. నీ అంతు చూస్తాను ఏమనుకుంటున్నావో’ అంటూ శ్రీకాకుళం టూటౌన్‌ పోలీసులపై జులుం చూపించారు.

● స్కూల్‌గేమ్స్‌ రైఫిల్‌ షూటింగ్‌, నెట్‌బాల్‌లో ముగిసిన ఎంపికలు ● భారీగా తరలివచ్చిన క్రీడాకారులు శ్రీకాకుళం న్యూకాలనీ: జిల్లాస్థాయి స్కూల్‌గేమ్స్‌ ఎంపిక పోటీలు ఆదివారం ఉత్సాహభరితంగా సాగాయి. జిల్లా స్కూల్‌గేమ్స్‌ ఫెడరేషన్‌ (ఎస్‌జీఎఫ్‌) ఆధ్వర్యంలో రైఫిల్‌ షూటింగ్‌తోపాటు నెట్‌బాల్‌ క్రీడాంశాల్లో సెలక్షన్‌ ట్రయల్స్‌ పూర్తిచేశారు. ఈ ఎంపికలకు క్రీడాకారులు పోటెత్తారు. ముఖ్యంగా నెట్‌బాల్‌ ఎంపికలకు వందలాది మంది క్రీడాకారులు హాజరై ప్రతిభ నిరూపించుకున్నారు. రైఫిల్‌ షూటింగ్‌ ఎంపికలను శ్రీకాకుళంలో నిర్వహించగా, నెట్‌బాల్‌ ఎంపికలను టెక్కలి ప్రభుత్వ డిగ్రీ కళాశాల మైదానం వేదికగా నిర్వహించారు. రాష్ట్ర స్కూల్‌గేమ్స్‌ పోటీలకు ఎంపికై న క్రీడాకారులతో కూడిన జిల్లా జట్లను ఖరారుచేశారు. ఎంపికై న క్రీడాకారులంతా నిర్దేశించిన షెడ్యూల్‌ ప్రకారం రాష్ట్రపోటీలకు సన్నద్ధంకావాల్సి ఉంటుంది. నిరంతర సాధనతో లక్ష్య ఛేదన.. క్రీడాకారులు నిరంతర సాధనతో తాము నిర్దేశించుకున్న లక్ష్యాలను ఛేదించవచ్చని.. క్రీడాకారులు రాష్ట్ర స్థాయిలో రాణించి జిల్లా ఖ్యాతిని చాటాలని స్కూల్‌ గేమ్స్‌ ఫెడరేషన్‌ జిల్లా కార్యదర్శి చల్లా జగదీష్‌ పిలుపునిచ్చారు. శ్రీకాకుళం నగరంలోని హరీష్‌ షూటింగ్‌ అకాడమీ ఆధ్వర్యంలో నిర్వహించిన ఎస్‌జీఎఫ్‌ జిల్లా స్థాయి రైఫిల్‌ షూటింగ్‌ ఎంపికల ప్రారంభోత్సవం సందర్భంగా ఆయన మాట్లాడారు. అనంతరం ఎంపికై న క్రీడాకారుల జాబితాను వెల్లడించారు. రాష్ట్రపోటీలకు మోహిత్‌ కృష్ణ భాస్కర్‌, ఎం.త్రిలోచన్‌, ఎస్‌.లక్ష్మీ చేతన్‌, పి.రస్మిత, ిసీహెచ్‌ తమన్‌ రామసాయి ఎంపికయ్యారని ప్రకటించారు. కార్యక్రమంలో రైఫిల్‌ షూటింగ్‌ అసోసియేషన్‌ జిల్లా అధ్యక్షుడు పి.టి.హరీష్‌కుమార్‌, శిక్షకుడు మల్లారెడ్డి చక్రవర్తి పాల్గొన్నారు. బేస్‌బాల్‌కు పోటెత్తారు.. శ్రీకాకుళం జిల్లా స్కూల్‌ గేమ్స్‌ నెట్‌బాల్‌ ఎంపికలకు క్రీడాకారులు భారీస్థాయిలో పాల్గొన్నారు. టెక్కలి ప్రభుత్వ డిగ్రీ కళాశాల మైదానంలో అండర్‌ –14, అండర్‌ –17, అండర్‌ –19 విభాగాల్లో బాలబాలికలకు వేరువేరుగా ఎంపికలను నిర్వహించారు. ఎస్‌జీఎఫ్‌ జిల్లా అధ్యక్షుడు, డీఈఓ ఎ.రవిబాబు, ఆర్గనైటింగ్‌ సెక్రటరీలు చల్లా జగదీష్‌, జీఎం జ్యోతిరాణి ఆధ్వర్యంలో నిర్వహించిన ఈ ఎంపికలకు 75 పాఠశాలల నుంచి 325 మంది బాలబాలికలు పాల్గొన్నారు. ఆర్గనైజేషన్‌ సెక్రటరీ బాడాన నారాయణరావు, కె.రఘునాథ్‌రావు, ఎన్‌.జనార్దనరావు, కె.కె.రామిరెడ్డి, పర్యవేక్షణలో విభాగాల్లో 72 మందితో కూడిన జిల్లా జట్లను ఎంపికచేశారు. కార్యక్రమంలో ఎస్‌.లక్ష్మణరావు, జి.శ్రీనివాసరావు, ఎన్‌.రమేష్‌, కే.ప్రకాష్‌, వై.వెంకటరమణ, జైకృష్ణ, రఘురామ్‌, జి.నాగరాజు, బీ.టీవెంకటేశ్వరరావు, రామారావు, తిరుపతిరావు, లోకనాథం, జగదీష్‌, శైలజ, ప్రియాంక, నీరజ, ప్రశాంతి, నాగరత్నం, రవణమ్మ, భారతి, సీతయ్య, లోకేశ్వరరావు, అజయ్‌ తదితరులు పాల్గొన్నారు.

ఆమదాలవలస రూరల్‌ : వైఎస్సార్‌ సీపీ ప్రభంజన వరదలో కూటమి పార్టీ కొట్టుకుపోవటం ఖాయమని ఆమదాలవలస నియోజకవర్గ సమన్వయకర్త చింతాడ రవికుమార్‌ అన్నారు. ఆదివారం ఆమదాలవలస మండలం నిమ్మతొర్లివాడలో 20 కుటుంబాలు వైఎస్సార్‌ సీపీలో చేరాయి. ఈ సందర్భంగా ఆయన మాట్లాడుతూ కూటమి నాయకులకు చేరికలు ఎంతో భయం పుట్టిస్తున్నాయని చెప్పారు. మన పార్టీ నాయకులంతా ఐక్యంగా పనిచేయటంతో గెలుపు మనదేనని తేటతెల్లమైందని, అందుకే కూటమి పాలకులు లేనిపోని కుట్రలు చేస్తున్నారని ఆమండిపడ్డారు. టీడీపీ నుంచి అధికంగా వలసలు రావటం వారికి భయం పుట్టిస్తోందని చెప్పారు. ఆమదాలవలస నియోజకవర్గంలో స్థానిక సంస్థల్లో గెలుపు దాదాపు ఖాయమైందన్నారు. పార్టీ కోసం కష్టపడి పనిచేసిన వారికి తగిన గుర్తింపు దక్కుతుందని భరోసా ఇచ్చారు. కూటమి నాయకులు ఎన్ని ఇబ్బందులు పెట్టినా అండగా నిలుస్తానని చెప్పారు. అనంతరం పార్టీలో చేరిన వారికి కండువాలు వేసి ఆహ్వానించారు. కార్యక్రమంలో మాజీ జెడ్పీటీసీ బెండి గోవిందరావు, వైఎస్సార్‌ సీపీ నాయకులు తమ్మినేని శ్రీరామూర్తి, జెడ్పీటీసీ అభ్యర్థి సనపల పద్మావతి, గురుగుబెల్లి శ్రీనివాసరావు తదితరులు పాల్గొన్నారు.

వజ్రపుకొత్తూరు రూరల్‌ : బస్టాండ్‌లో బస్సుల కోసం గంటల తరబడి ఎదురు చూస్తున్నా ఆపకుండా వెళ్లిపోతుండటం, కొన్నిసార్లు గమ్యస్థానాలకు చేరకుండానే దించేస్తుండటం పట్ల మహిళలు అసహనం వ్యక్తం చేస్తున్నారు. ఆదివారం గరుడఖండిలో గ్రామదేవత సంబరాలు జరగగా పాత జాతీయ రహదారిపై అధిక సంఖ్యలో వాహనాలు నిలిచిపోవడంతో ట్రాఫిక్‌ అంతరాయం కలిగింది. పోలీసులు స్పందించి ట్రాఫిక్‌ అంతరాయం లేకుండా చర్యలు చేపట్టారు. అదే సమయంలో టెక్కలి నుంచి పలాస వైపు ప్రయాణిస్తున్న బస్‌లు పలాస, కాశీబుగ్గ బస్టాండ్‌లకు వెళ్లకుండా ప్రయాణికులను అర్థాంతరంగా బెండి గేట్‌ వద్ద దింపేయడంతో పాటు బస్సులను తిరిగి టెక్కలి రహదారిపై మళ్లించారు. ఇదేంటని ఆర్‌టీసీ సిబ్బందిని ప్రశ్నించగా ఇక్కడే దిగిపోండంటూ చెప్పడంతో వారు అవేదన వ్యక్తం చేశారు. దీంతో ప్రైవేట్‌ వాహనాలను ఆశ్రయించాల్సిన పరిస్థితి ఏర్పడిందని వాపోయారు.