రవిని కమ్మేసిన చీకటి

శ్రీకాకుళం
ఆదివారం శ్రీ 9 శ్రీ ఆగస్టు శ్రీ 2026

డీఎస్సీ–2025 అక్రమాలపై సీబీఐతో విచారణ చేపట్టాలని కోరుతూ వైఎస్సార్‌సీపీ ఆధ్వర్యంలో చేపడుతున్న రిలే నిరాహార దీక్షలు శనివారానికి మూడో రోజుకు చేరాయి. –8లో

చీకటి పాలన పరాకాష్టకు చేరింది. అక్రమ అరెస్టుల అరాచకం రాజ్యమేలుతోంది. రెడ్‌ బుక్‌ రాజ్యాంగం ముందు చట్టం చట్టుబండలవుతోంది. మొన్నటికి మొన్న రోడ్డు ప్రమాదం కేసులో మాజీ మంత్రి సీదిరి అప్పలరాజును ఇరికించి జైలుపాలు చేసిన పోలీసులు.. ఇప్పుడు వైఎస్సార్‌సీపీ ఆమదాలవలస సమన్వయకర్త చింతాడ రవికుమార్‌ను అదేరీతిలో చీకటి మాటున అదుపులోకి తీసుకుని అజ్ఞాత ప్రదేశానికి తరలించారు. తనపై నమోదైన అక్రమ కేసులో న్యాయపరంగా పోరాడాలన్న ఉద్దేశంతో పోలీసులకు లొంగిపోయేందుకు వస్తున్న అతన్ని.. దారిలోనే కాపు కాసి అదుపులోకి తీసుకోవడం వేధింపులకు గురి చేయాలన్న కుట్రకు నిదర్శనం.