Srikakulam District Latest News

కాశీబుగ్గ/ఇచ్ఛాపురం: స్థానిక సంస్థల ఎన్నికల్లో భాగంగా పలాస–కాశీబుగ్గ, ఇచ్ఛాపు రం మున్సిపాలిటీల్లో పోటీ చేసే అభ్యర్థుల ను వైఎస్సార్‌సీపీ అధిష్టానం గురువారం ఖరారు చేసింది. పలాస–కాశీబుగ్గ పురపాలక చైర్‌పర్సన్‌ అభ్యర్థినిగా తాళాసు శ్రీపద్మ పేరు ఖరారైంది. ఈమె భర్త పి.వి.సతీష్‌ వ్యవసాయ మార్కెట్‌ కమిటీ చైర్మన్‌గా గత ప్రభుత్వ హయాంలో సేవలందించారు. వైశ్య సామాజిక వర్గానికి చెందిన వీరికి జంట పట్టణాల్లో బలమైన సామాజికవరంగా పేరుంది. ఇచ్ఛాపురం పురపాలక చైర్‌పర్సన్‌ అభ్యర్థినిగా పిలక రాజలక్ష్మి పేరు ఖరారైంది. వైఎస్సార్‌ సీపీ తరఫున ఈమె 2014 నుంచి 2026 వరకు రెండు సార్లు మున్సిపల్‌ చైర్‌పర్సన్‌గా సేవలందించారు.

● డీఈఓ నేతృత్వంలో నిర్ణయించిన ఎస్‌జీఎఫ్‌ ప్రతినిధులు, కమిటీ సభ్యులు ● నరసన్నపేట మండలం సత్యవరం వేదికగా నిర్వహణ శ్రీకాకుళం న్యూకాలనీ: జిల్లా ఆతిథ్యంలో ఈ ఏడాది మొదటి స్టేట్‌మీట్‌కు రంగం సిద్ధమైంది. రాష్ట్రస్థాయి స్కూల్‌గేమ్స్‌ పోటీల్లో భాగంగా మొదటి ఫేజ్‌లో యోగా క్రీడాంశంలో పోటీలను నిర్వహించాలని నిర్ణయించారు. నరసన్నపేట మండలం సత్యవరం జిల్లా పరిషత్‌ ఉన్నత పాఠశాల వేదికగా నవంబర్‌ 5 నుంచి 7వ తేదీ వరకు పోటీలు జరిపించేందుకు షెడ్యూల్‌ను ఖరారు చేశారు. ఈ మేరకు జిల్లా స్కూల్‌గేమ్స్‌ ఫెడరేషన్‌ అధ్యక్షుడు, జిల్లా విద్యాశాఖాధికారి ఎ.రవిబాబు నేతృత్వంలో గురువారం జిల్లా ఎస్‌జీఎఫ్‌ కార్యాలయంలో జరిగిన కీలక సమావేశంలో పలు నిర్ణయాలు తీసుకున్నారు. ఈ సందర్భంగా డీఈఓ మాట్లాడుతూరాష్ట్రస్థాయి పోటీలను అత్యంత ప్రతిష్టాత్మకంగా తీసుకోవాలని సూచించారు. వివిధ జిల్లాల నుంచి పోటీలకు హాజరయ్యే క్రీడాకారులకు ఎలాంటి అసౌకర్యం కలగకుండా పకడ్బందీగా ఏర్పాట్లు చేయాలన్నారు. జిల్లా స్కూల్‌గేమ్స్‌ ఫెడరేషన్‌ ప్రతినిధులు, జిల్లా పీడీ–పీఈటీ సంఘ నాయకులు సమష్టిగా పనిచేసి పోటీలను విజయవంతం చేసేలా ప్రణాళికాబద్ధంగా ముందుకు వెళ్లాలని సూచించారు. జిల్లా నుంచి 10 మంది చొప్పున.. ఈ పోటీలకు జిల్లా నుంచి పది మంది(ఐదుగురు బాలురు, ఐదుగురు బాలికలు) చొప్పున ఈ పోటీలకు క్రీడాకారులు హాజరవుతారని జిల్లా స్కూల్‌గేమ్స్‌ ఫెడరేషన్‌ కార్యదర్శులు చల్లా జగదీష్‌, జీఎం జ్యోతిరాణి తెలిపారు. 13 జిల్లాల నుంచి మొత్తం 130 మంది బాలబాలికలు పోటీలకు హాజరవుతారని చెప్పారు. సత్యవరం జిల్లా పరిషత్‌ ఉన్నత పాఠశాల వేదికగా జరిగే ఈ పోటీలకు హాజరయ్యే బాలబాలికలకు అక్కడే వసతి, భోజన ఏర్పాట్లు కల్పిస్తున్నట్టు చెప్పారు. ఈ పోటీల అనంతరం శ్రీకాకుళం జిల్లా ఆతిథ్యంలో చెస్‌, అండర్‌–14 బాలుర క్రికెట్‌ టోర్నీలను సైతం నిర్వహించాలని ప్రతిపాదించినట్టు వారు గుర్తుచేశారు. సమావేశంలో ఒలింపిక్‌ అసోసియేషన్‌ జిల్లా ప్రధాన కార్యదర్శి మెంటాడ సాంబమూర్తి, గ్రిగ్స్‌ సెక్రటరీ టి.శ్రీనివాసరావు, కె.మాధవరావు, సాదు శ్రీనివాసరావు, సతీష్‌రాయుడు, గురుగుబెల్లి రాజశేఖర్‌, ఈశ్వరరావు, రెడ్డ రవి, ఇమ్రాన్‌ బేగ్‌, రేణుక, సుశీల, మండల స్పోర్ట్స్‌ కో–ఆర్డినేటర్లు పాల్గొన్నారు.

హిరమండలం : జిల్లాలో మార్కెట్‌ కమిటీల పరిస్థితి దయనీ యంగా మారింది. మార్కెటింగ్‌ శాఖ ఆదాయం పెరగడం లేదు. ఆ శాఖలో అవినీతికి చెక్‌ పెట్టేందుకు ప్రవేశపెట్టిన విధానాలు సక్రమంగా అమలు కావడం లేదు. ఫలితంగా ఈ ఆర్థిక సంవత్సరంలో తొలి ఆరు నెలలు పూర్తయినా కనీస స్థాయిలో కూడా లక్ష్యానికి చేరువ కావడం లేదు. జిల్లాలో 12 వ్యవసాయ మార్కెట్‌ కమిటీల పరిధిలో రూ.22.96 కోట్ల వసూలు లక్ష్యంకాగా.. ఇప్పటివరకూ కేవలం రూ.3.27 కోట్లు మాత్రమే వసూలు కావడం గమనార్హం. కొన్ని వ్యవసాయ మార్కెట్‌ కమిటీల పరిధిలో అనుకున్న స్థాయిలో సిబ్బంది లేకపోవడంతో వసూళ్లలో వెనుకబాటు కనిపిస్తోంది. జిల్లాలో ఇచ్ఛాపురం, కంచిలి, పలాస, కోటబొమ్మాళి, నరసన్నపేట, జలుమూరు, శ్రీకాకుళం, ఎచ్చెర్ల, పొందూరు, ఆమదాలవలస, పాతపట్నం, హిర మండలంలో వ్యవసాయ మార్కెట్‌ కార్యాలయాలు ఉన్నాయి. వ్యవసాయ ఉత్పత్తుల రవాణాకుగాను పన్నులు, గోదాముల్లో నిల్వలు ఉంచడం ద్వారా వచ్చే రుసుం మార్కెటింగ్‌ శాఖకు ఆదాయం సమకూరేది. మాన్యువల్‌ విధానంలోనే ఆయా పన్నుల వసూలు ప్రక్రియ జరిగేది. ఈ క్రమంలో పాత తేదీలు వేయడం, తనిఖీ కేంద్రాల్లో సిబ్బంది చేతివా టం ప్రదర్శించడం వంటి అక్రమాలు జరిగేవి. సెస్సు బకాయిలు సైతం పేరుకుపోయాయి. వీటికి చెక్‌ పెట్టేందుకు కూటమి ప్రభుత్వం ఈ–ట్రాన్స్‌పోర్టు పర్మిట్‌ విధానాన్ని జూలై నుంచి అమల్లోకి తెచ్చింది. కానీ వసూళ్లలో బాగా వెనుకబడింది. ఏప్రిల్‌, మే నెలలో మాన్యువల్‌ విధానంలో రూ. 2.18 కోట్ల ఆదాయం సమకూరింది. ఈ–పర్మిట్‌ అమల్లోకి వచ్చిన తరువాత జూలై, ఆగస్టు, సెప్టెంబ రు నెలల్లో కేవలం రూ.1.09 కోట్లు మాత్రమే వసూలైంది. ఆర్థిక సంవత్సరంలో మరో ఆరు నెలలు మాత్రమే గడువు ఉండటంతో లక్ష్యానికి చేరుకోగలరా? లేదా? అనే సందేహం కలుగుతోంది. కొత్త విధానానికి సాంకేతిక సమస్యలు ఎదురవుతు న్నాయి. దీంతో ఏంచేయాలో తెలియక అధికారులు తలలు పట్టుకుంటున్నారు. ప్రధానంగా అవసరమ య్యే ఈ–పాస్‌ యంత్రాలను ఇంతవరకూ అందించలేదు. జిల్లా వ్యాప్తంగా అన్ని ఏఎంసీలకు 30 వర కూ ఈ–పాస్‌ యంత్రాలు అవసరం. ఇంతవరకూ అందకపోవడంతోనే కొత్త విధానంలో ఈ వసూళ్లు మొదలు కాలేదు. పాత విధానంలోనే వసూళ్లు చేపడుతుండడంతో కొంత ఇబ్బందులు ఉన్నాయి. జిల్లా వ్యాప్తంగా తనిఖీ కేంద్రాలు, సెస్‌ వసూళ్లలో పాత విధానమే అమలవుతోంది. ఫలితంగా ఇంకా చేతివాటం కొనసాగుతోంది. ఆపై పన్నుల వసూలు లక్ష్యంపై కూడా ప్రభావం చూపుతోంది. ఇప్పటికై నా ప్రభుత్వం ఈ–పర్మిట్‌ విధానంలో సాంకేతిక సమస్యలు పరిష్కరించడంతో పాటు ఈపాస్‌ యంత్రాలను అందించాల్సిన అవసరం ఉంది. సాంకేతిక కారణాలతో జాప్యం జరగడం వాస్తవమే. ఈ నెల 15 నాటికి ఈపాస్‌ యంత్రాలు అందుబాటులోకి తెచ్చేందుకు అన్ని ఏర్పాట్లు జరిగాయి. కానీ సాంకేతిక కారణాలు వెంటాడాయి. ఈ ట్రాన్స్‌ఫోర్టు పర్మిట్‌ విధానం వచ్చిన తరువాత ఆన్‌లైన్‌లో పర్మిట్లు జారీ, ఫీజులు చెల్లింపులతో రవాణా ప్రక్రియ పారదర్శకంగా మారింది. ఈ విధానంపై సిబ్బందికి శిక్షణ ఇచ్చాం. సిబ్బంది వారి మొబైల్‌ ద్వారా ఈ పర్మిట్‌ యాప్‌లోనే అన్ని పనులు జరుగుతన్నాయి.వసూళ్లలో లక్ష్యానికి చేరుకుంటాం. – బి.రవికిరణ్‌, మార్కెటింగ్‌ శాఖ ఏడీ, శ్రీకాకుళం

● మురికికాలువలో పసికందు ● మొగిలిపాడులో ఘటన కాశీబుగ్గ: పలాసలో కలకలం రేగింది. మురికికాలువలో ముక్కుపచ్చలారని పసికందు మృతదేహం కనిపించడంతో విషాదం అలముకుంది. పలాస శివారు మొగిలిపాడు జాతీయ రహదారికి ఆనుకొని ఉన్న జంక్షన్‌లో చికెన్‌ దుకాణం చెంత మురికి కాలువలో అనుమానాస్పదంగా కనిపించడంతో స్థానికులు తొలుత బొమ్మలా ఉందని భావించారు. దగ్గరికి వెళ్లిచూడగా పసికందు కనిపించడంతో ఒక్కసారిగా షాక్‌కు గురయ్యారు. వెంటనే సమాచారాన్ని పోలీసులకు అందించారు. ఘటనాస్థలికి చేరుకున్న పోలీసులు పసికందు మృతదేహం అక్కడికి ఎలా వచ్చింది? ఎవరు వదిలి వెళ్లారనే కోణంలో దర్యాప్తు చేపట్టారు.

అరసవల్లి: అరసవల్లి సూర్యనారాయణ స్వామి ఆలయంలో ఇటీవల వింతపోకడలు ఎక్కువయ్యాయి. ఆలయ అభివృద్ధికి భక్తుల సౌకర్యాలకు సేవ చేయండని పాలకమండలి సభ్యుని(ధర్మకర్త)గా నియమిస్తే.. సదరు ధర్మకర్త సేవ పేరిట డబ్బులు దండుకుంటున్న వైనం గురువారం వెలుగులోకి వచ్చింది. ఇతర ప్రాంతాల నుంచి వచ్చిన ఓ ఎనిమిది మంది భక్తుల సమూహానికి అంతరాలయ దర్శనం చేయిస్తానంటూ తన హోదా ప్రదర్శించి రూ.1500 వరకు దర్శన ఖర్చులు పేరిట దండుకున్నారంటూ చర్చ జోరందుకుంది. ఽగతంలో ఎన్నడూ లేనివిధంగా ధర్మకర్తల హోదాలో ఉంటూ ఇలా దర్శనాలు చేయిస్తామంటూ డబ్బులు వసూళ్లు చేయడంపై స్థానికులు, భక్తులు విమర్శలు గుప్పిస్తున్నారు. కూటమి ప్రభుత్వంలో ఇలాంటి చేష్టలపై మండిపడుతున్నారు. ఇదిలావుంటే తాము బయట ఓ వ్యక్తికి అంతరాలయ దర్శనం కోసం డబ్బులిచ్చామంటూ ఆలయ పరిసరాల్లో సిబ్బందితో చిన్నపాటి వాదనతో ఈ వ్యవహారం బయటపడిందని విశ్వసనీయంగా తెలుస్తోంది. తాజా ఘటనతో ధర్మకర్తా..ఇది తగునా..?అంటూ స్థానికులు మండిపడుతున్నారు. ఆలయ దర్శనాలు సౌకర్యవంతంగా సజావుగా జరిగేలా చేయాల్సిన ఆలయ ఈవో..ఇవేవీ పట్టకుండా కేవలం భూముల బదలాయింపు, టెండర్లు తదితర ఆర్థిక వ్యవహారాలపై మాత్రమే శ్రద్ద వహించడంతోనే ఇలాంటి డబ్బుల దర్శనాలు ఎక్కువయ్యాయనే విమర్శలు వినిపిస్తున్నాయి. మెళియాపుట్టి: గొడ్డ గ్రామానికి వెళ్లే రహదారిలో నిత్యం మురుగునీరు ప్రవహిస్తుండటంతో వాహనచోదకులు ఇబ్బందులు పడుతున్నారు. ఇదే పరిస్థితి మండలంలోని పలు గ్రామాల రహదారుల్లో నెలకొంది. ఇప్పటికైనా సంబంధిత అధికారులు స్పందించి కాలువల నిర్మాణం చేపట్టాలని స్థానికులు కోరుతున్నారు.

● ఎంపీటీసీ, సర్పంచ్‌ల రిజర్వేషన్ల తాత్సారంపై విమర్శలు ● అభ్యర్థుల గుండెల్లో స్థానిక గుబులు ● అధికార యంత్రాంగం తీరుపై అనుమానాలు సాక్షి ప్రతినిధి, శ్రీకాకుళం: ఎన్నికల షెడ్యూల్‌ రావడానికి ముందే రిజర్వేషన్లను ఖరారు చేయడం చట్టపరమైన నిబంధనల తప్పనిసరి ప్రక్రియ. ఎన్నికల నిర్వహణలో రిజర్వేషన్ల ప్రక్రియ పూర్తయిన తర్వాతే అధికారిక ఎన్నికల షెడ్యూల్‌ విడుదల చేస్తారు. జిల్లాలో మాత్రం పరిస్థితి అందుకు విరుద్ధంగా ఉంది. ఎంపీటీసీ, సర్పంచ్‌ల ఎన్నికల షెడ్యూల్‌ వచ్చేసినా.. ఇంతవరకు జిల్లాలో అధికారికంగా రిజర్వేషన్లు ఖరారు చేయలేదు. దీని వెనక ఉన్న గూడు పుఠాణి ఏంటో అర్థం కావడం లేదు. ఎవరి కోసం తాత్సారం చేస్తున్నారో తెలియడం లేదు. అధికార యంత్రాంగంపై అనుమానాలు నెలకొన్నాయి. సిద్ధమయ్యేది ఎలా.. ఏ స్థానం ఏ వర్గానికి రిజర్వు అయిందో ముందే తెలిస్తేనే, రాజకీయ పార్టీలు, స్వతంత్ర అభ్యర్థులు తమ పోటీపై ఒక నిర్ణయాని కి రాగలరు. షెడ్యూల్‌ వచ్చి రెండు మూడు రోజులైనంత వరకు అధికారికంగా ప్రకటించకపోతే అభ్యర్థులు ఎలా సిద్ధమవుతార న్నది ప్రశ్నార్థకంగా మారింది. జెడ్పీటీసీ, ఎంపీపీలతో పాటు ఎంపీటీసీ, సర్పంచ్‌లకు సంబంధించి రిజర్వేషన్‌ రూల్స్‌ గెజిట్‌ను ఈ నెల 13న ప్రభుత్వం అధికా రికంగా విడుదల చేసింది. షెడ్యూల్‌ వచ్చేలోపే కలెక్టర్‌ ఆధ్వర్యంలో ఆయా స్థానాల రిజర్వేషన్లు అధికారికంగా ప్రకటించాల్సి ఉంది. కానీ, ఇంతవరకు ఎంపీపీ, జెడ్పీటీసీల రిజర్వేషన్లు తప్ప ఎంపీటీసీ, సర్పంచ్‌ల రిజర్వేషన్లు ఖరారు కాలేదు. అంతా హడావుడే.. గత కొన్ని రోజులుగా ఎన్నికల నిర్వహణపై తీవ్రమైన హడావుడి కనిపిస్తోంది. ఎన్నికల నిర్వహణకు సిద్ధమని అధికార వర్గాలు ప్రకటనలు గుప్పించా యి. అయితే, మొత్తం ప్రక్రియలో కీలకమైన గ్రామ పంచాయతీ సర్పంచ్‌, ఎంపీటీసీ స్థానాల అధికారిక క్షేత్రస్థాయి రిజర్వేషన్ల జాబితా పూర్తిస్థాయిలో స్ప ష్టంగా అభ్యర్థులకు అందుబాటులోకి రాకపోవడంపై తీవ్ర విమర్శలు వ్యక్తమవుతున్నాయి. షెడ్యూల్‌ ప్రకటనకు చూపించిన ఉత్సాహం..రిజర్వేషన్లను క్షేత్రస్థాయిలో ప్రజల్లోకి తీసుకెళ్లడంతో కన్పించడం లేదనే ఆరోపణలు వస్తున్నాయి. సర్పంచ్‌, ఎంపీటీ సీ స్థానాలు ఎవరికి కేటాయించారో ముందు తెలిస్తే నే అభ్యర్థులు రంగంలోకి దిగడానికి అవకాశం ఉంటుంది. అలా దించితే ఇబ్బంది అనుకుంటున్నారో.. ఎవరికి మేలు చేయాలనుకుంటున్నారో తెలియదు గానీ రిజర్వేషన్ల జాబితా విడుదలలో కావాలనే గోప్యత పాటిస్తున్నారా? వ్యూహాత్మక తాత్సా రం చేస్తున్నారా? అనే అనుమానాలు రాజకీయ వర్గాల్లో వ్యక్తమవుతున్నాయి. సాధారణంగా రిజర్వేషన్లు ముందే ఖరారైతే తప్ప అభ్యర్థులు తమ ప్రచా రాన్ని, ఖర్చులను ప్లాన్‌ చేసుకో లేదు. ప్రస్తుత పరిస్థితులు చూస్తుంటే నామినేషన్ల సమయం వరకు అభ్యర్థులను సస్పెన్స్‌లో ఉంచి, చివరి నిమిషంలో తమకు అనుకూలమైన సమీకరణాల ప్రకారం జాబితాలను బయటపెట్టే వ్యూహం కన్పిస్తుందనే ఆరోపణ లు వ్యక్తమవుతున్నాయి. షెడ్యూ ల్‌ వచ్చిన తర్వాత కూడా రిజర్వేషన్లపై పూర్తిస్థాయి స్పష్టత రాకపోతే నామినేషన్‌ పత్రాలు ఎలా సిద్ధం చేసుకోవాలి? కార్యాలయాల చుట్టూ తిరిగి కుల, ఆదాయ ధ్రువీకరణపత్రాలు ఎలా తెచ్చుకోవాలన్న ప్రశ్న ఉత్పన్నమవుతోంది.

వన్‌టౌన్‌(విజయవాడపశ్చిమ): దసరా శరన్నవరాత్రి మహోత్సవాల వేళ శ్రీకాకుళం పట్టణానికి చెందిన కుటుంబం గురువారం విజయవాడ ఇంద్రకీలాద్రిపై కొలువున్న దుర్గమ్మకు బంగారు కిరీటం కానుకగా సమర్పించింది. రూ.75 లక్షల వ్యయంతో ఎరుపు, నీలం, తెలుపు, పచ్చ రాళ్లతో సుందరంగా తయారు చేయించిన 494 గ్రాముల బరువు గల నవరత్న కచిత బంగారు కిరీటాన్ని శ్రీకాకుళానికి చెందిన భక్తుడు కూర్మినాయుడు, పద్మావతమ్మ దంపతుల కుమారుడు కె.దుర్గా శ్రీనివాస్‌ అమ్మవారికి సమర్పించారు. ఆలయ ఈఓ కె.శీనానాయక్‌, దసరా చీఫ్‌ ఫెస్టివల్‌ ఆఫీసర్‌ వి.త్రినాథరావు సంయుక్తంగా ఈ కానుకను స్వీకరించారు. అనంతరం దాత కుటుంబసభ్యులకు అంతరాలయంలో అమ్మ వారి ప్రత్యేక దర్శనం కల్పించారు. వేద పండితులు ఆశీర్వచనం అనంతరం అమ్మవారి శేషవస్త్రం, ప్రసాదాలను అందజేసి సత్కరించారు. ఈ సందర్భంగా భక్తుడు దుర్గా శ్రీనివాస్‌ మాట్లాడుతూ దుర్గమ్మ దయవల్లే తాము ఈ కానుకను సమర్పించుకోగలి గామన్నారు.

శ్రీకాకుళం పాతబస్టాండ్‌: ఎన్నికల విధుల నిర్వహణలో లోపాలు జరగరాదని కలెక్టర్‌, జిల్లా ఎన్నికల నిర్వహణ అధికారి స్వప్నిల్‌ దినకర్‌ పుండ్కర్‌ అధికారులను ఆదేశించారు. జిల్లాలో పలాస, ఇచ్ఛాపురం మునిసిపాలిటీలకు సంబంధించి ఎన్నికల నిర్వహణకు అవసరమైన ముందస్తు ఏర్పాట్లలో భాగంగా గురువారం కలెక్టర్‌ సమావేశ మందిరంలో కమిషనర్లు, రిటర్నింగ్‌ అధికారులు, తహసీల్దార్లతో ఫేజ్‌–1 ఎన్నికల నిర్వహణపై శిక్షణ సమావేశం వీడియో ప్రదర్శన ద్వారా నిర్వహించారు. ఈ సందర్భంగా కలెక్టర్‌ మాట్లాడుతూ ఎన్నికల నిర్వహణలో సంబంధిత అధికారులు తమకు కేటాయించిన విధులను సమర్థంగా, బాధ్యతాయుతంగా నిర్వహించాలని సూచించారు. ఎన్నికల నిబంధనలు, మార్గదర్శకాలపై పూర్తి అవగాహన కలిగి ఉండాలని, ఎన్నికల ప్రక్రియను పారదర్శకంగా, ప్రశాంత వాతావరణంలో నిర్వహించేందుకు సమన్వయంతో పనిచేయాలన్నారు. నియమ నిబంధనలపై పూర్తి అవగాహన కలిగి ఉండాలన్నారు. ఫారం –బి, ఫారం–7 పరిశీలనలో పొలిటికల్‌ పార్టీ కేటగిరీ వారీగా పరిశీలించి, ఎన్నికల ప్రక్రియలో ఎలాంటి పొరపాట్లకు తావు లేకుండా ముందస్తు ప్రణాళికతో చర్యలు చేపట్టాలని, హెల్ప్‌డెస్క్‌ ఏర్పాటు చేసుకోవాలని సూచించారు. సమావేశంలో పలాస, ఇచ్ఛాపురం మున్సిపల్‌ కమిషనర్లు, శ్రీనివాసరావు, రమేష్‌, జిల్లా రెవెన్యూ అధికారి వి.విశ్వేశ్వరావు, సమగ్ర శిక్ష ఏపీసీ వేణుగోపాలరావు, సంబంధిత అధికారులు పాల్గొన్నారు.

రణస్థలం: రసాయనిక ఔషధ తయారీ పరిశ్రమలు పర్యావరణ నిబంధనలను పక్కాగా అమలు చేయాలని ఏపీ కాలుష్య నియంత్రణ మండలి మెంబర్‌ సెక్రటరీ ఎస్‌.శరవణ్‌ ఆదేశించారు. విశాఖప ట్నం జోనల్‌ కార్యాలయ జోనల్‌ సీనియర్‌ కాలుష్య నియంత్రణ ఇంజనీర్లు ఎస్‌ఈఈ టి.సుదర్శన్‌, ఎ. రామారావు నాయుడు, ఈఈ పి.శ్రీనివాసరావు, సీనియర్‌ సైంటిస్ట్‌ వీరేంద్రకుమార్‌ల బృంద సభ్యు లు పైడిభీమవరంలోని ఆరోయాక్టివ్‌ ఫార్మా యూనిట్‌–4, డాక్టర్‌ రెడ్డీస్‌ పరిశ్రమలను పరిశీలించారు. ముఖ్యంగా ఆరోయాక్టివ్‌ ఫార్మా ప్రైవేటు లిమిటెడ్‌ వ్యర్థ జలాల శుద్ధి ప్లాంట్‌ పనితీరును, పరిశ్రమ నుంచి శుద్ధి చేసిన నీటిని సముద్రంలోకి విడిచిపెట్టే మైరన్‌ పైపుల పంపింగ్‌ వ్యవస్థను క్షేత్రస్థాయిలో పరిశీలించారు. డాక్టర్‌ రెడ్డీస్‌ ప్లాంట్‌ను సందర్శించి, జీరో లిక్విడ్‌ డిశ్చార్జ్‌ ప్లాంట్‌ పనితీరును నిశితంగా పరిశీలించారు. కార్యక్రమంలో ప్రాంతీయ కాలుష్య నియంత్రణ అధికారి ఈఈ బి.కరుణశ్రీ, అసిస్టెంట్‌ ఏఈఈఈ వి.వంశీ పాల్గొన్నారు. శ్రీకాకుళం పాతబస్టాండ్‌: జైళ్లల్లో సుదీర్ఘకాలంగా మగ్గుతున్న అర్హులైన విచారణ ఖైదీలకు చట్టప్రకారం త్వరితగతిన బెయిల్‌ మంజూరయ్యేలా చూడటంతో పాటు నిరుపేద ఖైదీలకు ఉచిత న్యాయ సహాయం అందించడంలో అధికారులు సమర్థంగా వ్యవహరించాలని జిల్లా ప్రధాన న్యాయమూర్తి, జిల్లా న్యాయ సేవాధికార సంస్థ అధ్యక్షురాలు సునీత కొండబోలు ఆదేశించారు. జిల్లా కోర్టు సముదాయంలో గురువారం అండర్‌ ట్రయల్‌ రివ్యూ కమిటీ సమావేశం నిర్వహించారు. సమావేశంలో జిల్లా న్యాయ సేవాధికార సంస్థ కార్యదర్శి కె.హరిబాబు, అడిషనల్‌ ఎస్పీ పి.శ్రీనివాసరావు, జిల్లా జైలు సూపరింటెండెంట్‌ జి.మధుబాబు, ప్రాసి క్యూషన్‌ డిప్యూటీ డైరెక్టర్‌, చీఫ్‌ లీగల్‌ ఎయిడ్‌ డిఫెన్స్‌ కౌన్సిల్‌, తదితరులు పాల్గొన్నారు.

శుక్రవారం శ్రీ 16 శ్రీ అక్టోబర్‌ శ్రీ 2026వ్యవసాయ మార్కెట్‌ కమిటీలు లక్ష్యానికి ఆమడదూరంలో ఉంటున్నాయి. ఈ–పర్మిట్‌ విధానం సరిగ్గా అమలు కాకపోవడమే కారణం. స్థానిక సంస్థల ఎన్నికల నేపథ్యంలో కూటమి పార్టీల్లో కుమ్ములాటలు మొదలయ్యాయి. దశాబ్దాలుగా పార్టీనే నమ్ముకుని పనిచేస్తున్న తమకే సీట్లు కేటాయించాలని తెలుగు తమ్ముళ్లు పట్టుబడుతుండగా.. పార్టీ పరంగా బలోపేతం కావడానికి ఇదే మంచి సమయమని జన సైనికులు భీష్మించుకుని కూర్చుంటున్నారు. మరోవైపు మిత్రధర్మం పాటించాలంటూ బీజేపీ నాయకులు కోరుతున్నారు. తాజాగా శ్రీకాకుళం మున్సిపల్‌ కార్పొరేషన్‌ మేయర్‌ సీటును జనసేనకు కేటాయించడంతో తెలుగుదేశం పార్టీలో అసమ్మతి జ్వాలలు మొదలయ్యాయి.

ఇచ్ఛాపురం/కాశీబుగ్గ: ఎన్నికల షెడ్యూల్‌ మేరకు ఇచ్ఛాపురం మున్సిపల్‌ కార్యాలయంలో శుక్రవారం నుంచి పురపాలక చైర్‌పర్సన్‌, వార్డు కౌన్సిలర్ల అభ్యర్థుల నుంచి నామినేషన్లు స్వీకరించనున్నట్లు మున్సిపల్‌ కమిషనర్‌ ఎన్‌.రమేష్‌ తెలిపారు. ఈ నెల 18వ తేదీ వరకు ప్రతిరోజూ ఉదయం 11 నుంచి సాయంత్రం 3 గంటల వరకు కొనసాగుతుందన్నారు. నామినేషన్లు వేయడానికి వచ్చిన అభ్యర్థితో పాటు ఇద్దరిని మాత్రమే కార్యాలయంలోకి అనుమతిస్తామని స్పష్టం చేశారు. ఈ నెల 19న నామినేషన్ల పరిశీలన, 21న ఉపసంహరణ, అభ్యర్థుల జాబితా వివరాలు ప్రకటన ఉంటుందని తెలిపారు. ఈ మేరకు ఏర్పాట్లు పూర్తిచేసినట్లు కమిషనర్‌ తెలిపారు. పలాస –కాశీబుగ్గ మున్సిపల్‌కార్యాలయంలోనూ ఇదే మాదిరిగా నామినేషన్ల స్వీకరణ జరగనుంది. శ్రీకాకుళం క్రైమ్‌ : స్థానిక సంస్థల ఎన్నికల సన్నద్ధతపై విశాఖపట్నం రేంజి ఐజీ గోపినాథ్‌ జెట్టి ఆరు జిల్లాల ఎస్పీలతో గురువారం వీడియో కాన్ఫరెన్సు ద్వారా సమీక్ష నిర్వహించారు. జిల్లాలో 606 మంది రౌడీషీటర్లు, 750 సస్పెక్టు షీటర్లు, 12 మంది కేడీ షీటర్లు, ఆరుగురు డీసీ షీటర్లపై బైండోవర్‌ కేసులు నమోదు చేస్తున్న ట్లు ఎస్పీ కె.వి.మహేశ్వరరెడ్డి ప్రకటించారు.

టీడీపీ నేతలకు పొత్తు షాక్‌ ఇచ్చింది. జనసేనకు శ్రీకాకుళం నగర పాలక సంస్థ కేటాయించింది. శ్రీకాకుళం నగర పాలక సంస్థ కోసం కోటి ఆశలు పెట్టుకున్న వరం కుటుంబానికి నిరాశే ఎదురైంది. మేయర్‌ పీఠం ఇస్తామన్న హామీతో టీడీపీలోకి చేరిన అంధవరపు వరం కుటుంబ సభ్యులు జయంతి, ప్రసాద్‌, సంతో ష్‌లకు కోలుకోలేని దెబ్బ తగిలింది. ఇప్పటికే ఎన్నో వ్యయ ప్రయాసలకు లోనైన వీరి ఆశలు గల్లంతయ్యాయి. అధిష్టానం ఇచ్చిన మాట నిలబెట్టుకోలేదు. టీడీపీ తన సహజ ధోరణి మరోసారి నిరూపించుకుంది. నమ్మించి మో సం చేయడం అలవాటైన వ్యవహారంగా తాజా నిర్ణయంతో తేటతెల్లం చేసింది. ఒక్క అంధవరపు వరం ఫ్యామిలీకే కాదు ఎన్నో ఆశలు పెట్టుకున్న మిగతా నేతలకు మొండిచేయి చూపింది. ఎందుకంటే జనసేన మేయర్‌ గా పోటీ చేస్తే... వారు కోరుకున్నట్టే డివిజన్లు కేటాయించాల్సి వుంటుంది. అదే జరిగితే మొదటి నుంచి టీడీపీ కోసం పని చేసిన వారికి భంగపాటు తప్పదు.

శ్రీకాకుళం (పీఎన్‌కాలనీ): సామాన్య కుటుంబంలో పుట్టి ఉన్నత చదువులు చదివి మిస్సైల్‌ హీరోగా అంతర్జాతీయ గుర్తింపు పొందిన మహానుభావుడు మాజీ రాష్ట్రప్రతి అబ్దుల్‌ కలాం అని వైఎస్సార్‌సీపీ మాజీ మంత్రి ధర్మాన ప్రసాదరావు అన్నారు. ఉమ్మడి రాష్ట్రంలో మంత్రిగా ఉన్నప్పుడు రాష్ట్రపతి హోదాలో అబ్దుల్‌ కలాం హైదరాబాద్‌ వచ్చారని, రాష్ట్ర ప్రభుత్వం తరఫున ఆయనకి స్వాగత సత్కారాలు చేయడంతో పాటు రోజంతా ఆయనతో ఉన్న అదృష్టం మరిచిపోలేనిదన్నారు. వైఎస్సార్‌సీపీ జిల్లా కార్యాలయం టౌన్‌హాల్‌లో గురువారం అబ్దుల్‌ కలాం జయంతి పురస్కరించుకుని ఆయన చిత్రపటానికి జిల్లా మైనార్టీ సెల్‌ అధ్యక్షులు ఎంఏ బేగ్‌ అధ్యక్షతన మైనార్టీ సెల్‌ రాష్ట్ర ప్రధాన కార్యదర్శి ఎంఏ రఫీ ఆధ్వర్యంలో ధర్మాన పూలమాలలు వేసి నివాళర్పించారు. ఈ సందర్భంగా ధర్మాన మాట్లాడుతూ అబ్దుల్‌కలాంను నేటి తరం ఆదర్శంగా తీసుకోవాలన్నారు. అనంతరం వైఎస్సార్‌సీపీ సీఈసీ సభ్యుడు అంధరవరపు సూరిబాబు అబ్దుల్‌ కలాం జీవిత చరిత్ర పుస్తకాలను పంపిణీ చేశారు. కార్యక్రమంలో మైనార్టీ మత పెద్దలు హాజీ షాన్వాజ్‌, ముజీబుర్‌ రెహ్మాన్‌, సలీం సాబ్‌, ఎంఏ బాషా, సుకుర్‌ ఖాన్‌, ఎస్‌ఏ బేగ్‌, సర్ఫరాజ్‌ భ య్యా, వైఎస్సార్‌సీపీ నాయకులు మామిడి శ్రీకాంత్‌, ఎన్ని ధనుంజయరావు, రౌతు శంకరరావు, పొన్నాడ రుషి, బుక్కురు ఉమామహేశ్వరరావు, గద్దిబోయిన కృష్ణయాదవ్‌, కోట గోవిందరావు, గుజ్జల శాంతేశ్వరరావు, పీస గోపి, తంగుడు నాగేశ్వరరావు తదితరులు పాల్గొన్నారు.

ఈ ఫొటోలో ఉన్నది డీసీసీబీ మాజీ చైర్మన్‌ డోల జగన్‌. ఈయన గత ఎన్నికల్లో ఎమ్మెల్యే బగ్గు రమణమూర్తి సమక్షంలో చంద్రబాబు టీడీపీ కండువా వేసి పార్టీలోకి చేర్చుకున్నారు. సాధారణ ఎన్నికల్లో కూటమి పార్టీల కోసం పనిచేశారు. ఇప్పుడాయన జనసేనలో చేరారు. దీన్నేమనాలి. టీడీపీ నుంచి జనసేనలో చేరా రని చెప్పాలి. కానీ, జనసేన తమ పార్టీ ఎక్స్‌లో వైఎస్సార్‌సీపీ నుంచి చేరినట్టు పోస్టు చేశారు. దానిని పట్టుకుని ఎల్లో మీడియా, కూటమి పార్టీల అనుకూల సోషల్‌ మీడియాలో అదే ప్రచారం చేస్తున్నారు. సాక్షి ప్రతినిధి, శ్రీకాకుళం: స్థానిక ఎన్నికల నేపథ్యంలో కూటమిలోనే ఒక పార్టీ నుంచి మరో పార్టీలోకి నాయకులు చేరుతున్నారు. వాటిని వైఎస్సార్‌సీపీ ఖాతాలో వేస్తున్నారు. చేరినవారంతా వైఎస్సార్‌ సీపీ నాయకులే అంటూ కుట్రలకు దిగుతున్నారు. వ్యవస్థీకృత దుప్ప్రచారానికి తెరలేపారు. నరసన్నపేట నియోజకవర్గానికి చెందిన డోల జగన్‌ ఈ నెల 14న పవన్‌ కల్యాణ్‌ సమక్షంలో జనసేనలో చేరారు. ఆ విషయాన్ని జనసేన తన పార్టీ ఎక్స్‌లో వైఎస్సార్‌ సీపీ నాయకుడు డోల జగన్‌ చేరినట్టు పోస్టు చేశారు. వాస్తవంగా, ఆయన టీడీపీలో ఉన్నారు. గత ఎన్నికలకు ముందు చంద్రబాబు సమక్షంలో టీడీపీలో చేరారు. టీడీపీ కోసం ఎన్నికల్లో పనిచేశారు. ఈ వ్యక్తి టీడీపీ నుంచి జనసేనలో చేరితే వైఎస్సార్‌ సీపీ నుంచి చేరినట్టు జనసేన పార్టీ ఎలా ప్రకటించుకుందో అర్థం కావడం లేదు. ఎక్స్‌లో ఎలా పోస్టు చేసిందో తెలియడం లేదు. చేరిన వ్యక్తి ఏ పార్టీ వారు అని కూడా తెలియకుండా పార్టీలో చేర్చుకుంటుందా? ఏమీ తెలియకుండానే పవన్‌ కల్యాణ్‌ కండువాలు వేసేస్తున్నారా? అన్న సందేహాలు నెలకొంటున్నాయి. అదొక్కటే కాదు.. జిల్లాలో కూడా టీడీపీలో పనిచేస్తున్న వారికే కండువాలు వేసి వైఎస్సార్‌సీపీ నుంచి చేరినట్టు, జనసేన నుంచి టీడీపీలో చేరితే.. వైఎస్సార్‌సీపీ నుంచి చేరినట్టు ప్రచారం చేసుకోవడం విచిత్రంగా ఉంది. ఎన్నికల వేళ మైలేజ్‌ పొందేందుకు బురద జల్లే ప్రయత్నాలు చేస్తున్నారు. జనసేనలో వైఎస్సార్‌సీపీ నేత డోల జగన్‌ చేరినట్టు ఆ పార్టీ ఎక్స్‌లో చేసిన పోస్టు

కంచిలి: దసరా ఉత్సవాల్లో భాగంగా మండల కేంద్రం కంచిలిలో కొలువై ఉన్న కంచమ్మతల్లి అమ్మవారు నిజరూపంలో గురువారం భక్తుల కు దర్శనమిచ్చారు. ఉదయం నుంచే భక్తులు అధిక సంఖ్యలో తరలివచ్చి అమ్మవారిని దర్శించుకున్నారు. భక్తుల కు ఎటువంటి అసౌకర్యం కలగకుండా ఆలయ అభివృద్ధి కమిటీ సభ్యులు ఏర్పాట్లు చేశారు. వజ్రపుకొత్తూరు రూరల్‌ : ెపద్దబొడ్డపాడు పంచాయతీ పరిధిలో ఉన్న సీతాపురంలో కొంతకాలంగా ఉన్న భూ వివాదం రెవెన్యూ, పోలీసుల అధికారుల చొరవతో పరిష్కారమైంది. తరతరాలుగా వస్తున్న భూమి హద్దుల విషయంలో బంధువుల మధ్య జరుగుతున్న ఈ వివాదంపై బాధితురాలైన బి.శ్రావణి ఇటీవల జిల్లా కలెక్టర్‌, ఎస్పీ నిర్వహించిన గ్రీవెన్స్‌లో ఫిర్యాదు అందించారు. ఈ మేరకు రెవెన్యూ, పోలీసు అధికారులు గురువారం సంఘటన స్థలానికి చేరుకొని ఇరువర్గాలతో మాట్లాడి సమస్యను సద్దుమణిగించారు. ఈ సందర్భంగా ఏఎస్‌ఐ కె.ఢిల్లీరావు మాట్లాడుతూ భూ వివాదాలతో ప్రశాంతంగా ఉన్న గ్రామాల్లో శాంతిభద్రతలకు విఘాతం కలిగించరాదన్నారు. పాతపట్నం : ప్రజలకు మెరుగైన వైద్యసేవలు అందించాలని జిల్లా వైద్య ఆరోగ్యశాఖ అధికారి డాక్టర్‌ ఈ.ఎన్‌.వి.నరేష్‌కుమార్‌ వైద్య సిబ్బందికి సూచించారు. పాతపట్నం మండ లం గంగువాడ పీహెచ్‌సీని గురువారం సందర్శించారు. ఫార్మసీ, లేబొరేటరీ, ఔట్‌ పేషెంట్‌ (ఓపీ) విభాగాలను పరిశీలించారు. రికార్డుల ను తనిఖీ చేశారు. ఈ సందర్భంగా డీఎంహెచ్‌ఓ మాట్లాడుతూ ప్రజలకు మెరుగైన వైద్యసేవలు అందేలా సిబ్బందితో డాక్టర్లు సమన్వయం చేసుకోవాలన్నారు. పీహెచ్‌సీలో ప్రసవాల సంఖ్యను పెంచేందుకు ప్రత్యేక దృష్టి సారించాలన్నారు. కార్యక్రమంలో డాక్టర్‌ హిమశ్రీ, వైద్య సిబ్బంది పాల్గొన్నారు. టెక్కలి రూరల్‌: అనంతపురం జిల్లా తాడిపత్రిలో ఈ నెల 12, 13, 14వ తేదీలలో స్కూల్‌ గేమ్స్‌ ఫెడరేషన్‌ ఆధ్వర్యంలో జరిగిన 70వ జాతీయ స్థాయి తైక్వాండో పోటీల్లో టెక్కలి ఎన్టీఆర్‌ క్రీడా వికాస కేంద్రానికి చెందిన క్రీడాకారులు ప్రతిభ కనబరిచారు. 14 ఏళ్ల బాలికల 35 కిలోల విభాగంలో మెండ తపస్వి, బాలుర విభాగంలో గిన్ని దీపక్‌ రెడ్డి, 17 ఏళ్ల విభాగంలో జనపాన వాగ్‌దేవి అక్షయలు బంగారు పతకాలు సాధించారు. వీరంతా హిమాచల్‌ప్రదేశ్‌, శ్రీనగర్‌లో జరగనున్న జాతీయ స్థాయి పోటీల్లో పాల్గొంటారని కోచ్‌ నర్శిపురం శేఖర్‌ గురువారం తెలిపారు. గిన్ని దిలీప్‌రెడ్డి రజత పతకం సాధించినట్లు చెప్పారు. గార : వాడాడ గ్రామానికి చింతనిప్పుల లలిత (24) అనుమానాస్పదంగా మృతిచెందింది. పోలీసులు తెలిపిన వివరాల ప్రకారం.. లలిత గురువారం ఉదయం తన ఇంట్లో ఫ్యాన్‌కు ఉరేసుకొని చనిపోయిందని కుటుంబ సభ్యులకు పెద్దమామ ఫోన్‌లో సమాచారమిచ్చాడు. వెంటనే తల్లిదండ్రులు వాడాడ వచ్చేసరికి లలిత మృతదేహం మంచంపై ఉండటంతో మృతిపై అనుమానాలు వ్యక్తం చేశారు. లలిత భర్త రమేష్‌కు వివాహేతర సంబంధం ఉందని, పెద్ద మనుషుల సమక్షంలో తగువులు కూడా జరిగాయని, భర్తే ఏదైనా చేసి ఉంటాడని అనుమానంగా ఉందని తండ్రి దుర్గయ్య పోలీసులకు ఫిర్యాదు చేశాడు. విషయం తెలుసుకున్న ఒకటో పట్టణ సీఐ వై.రామకృష్ణ, ఎస్‌ఐ సీహెచ్‌.గంగరాజు, క్లూస్‌ టీం ఘటనా స్థలానికి చేరుకొని వివరాలు సేకరించారు. లలితకు రిషి అనే కుమారుడు ఉండగా, ప్రస్తుతం మూడు మాసాల గర్భిణి. తండ్రి దుర్గయ్య ఇచ్చిన ఫిర్యాదు మేరకు కేసు నమోదు చేసి దర్యాప్తు చేస్తున్నామని ఎస్‌ఐ గంగరాజు తెలిపారు.

నరసన్నపేట : స్థానిక సంస్థల ఎన్నికలకు షెడ్యూల్‌ వెలువడటంతో కోడ్‌ వెంటనే అమల్లోకి వచ్చింది. దీంతో గురువారం ఉదయం నుంచే గ్రామాల్లో రాజకీయ నాయకుల ఫ్లెక్సీలు, బ్యానర్లను సిబ్బంది తొలగించారు. నరసన్నపేట టౌన్‌లో పంచాయతీ ఇన్‌చార్జి ఈఓ జగన్‌మోహనరావు ఆదేశాలతో సిబ్బంది మెయిన్‌ రోడ్డుతో పాటు ఇతర రహదారుల వెంబడి ఉన్న ఫ్లెక్సీలను తొలగించారు. అధికారు లు ఎటువంటి పక్షపాతం లేకుండా అన్ని రాజకీయ పార్టీల ఫ్లెక్సీలు, బ్యానర్లు తొలగించాలని స్థానికులు కోరుతున్నారు.

● మద్యం మత్తులో యువకుడి దుశ్చర్య ● విలపించిన భక్తులుఇచ్ఛాపురం రూరల్‌: ఆంధ్రా–ఒడిశా సరిహద్దు గ్రామం చీకటి బలరాంపురం గ్రామదేవత బోదమ్మతల్లి విగ్రహాన్ని మద్యం మత్తులో ఓ వ్యక్తి ధ్వంసం చేశాడు. ఈ దుశ్చర్య స్థానికంగా కలకలం రేపింది. వివరాల్లోకి వెళితే.. శరన్నవరాత్రులు సందర్భంగా బోదమ్మ అమ్మవారి ఆలయం వద్ద గ్రామ మహిళలు భవానీమాలలు ధరించి పూజలు నిర్వహిస్తున్నారు. బుధవారం రాత్రి యధావిధిగా పూజలు చేసి ఇంటికి వెళ్లిపోయారు. ఇంతలో ఒడిశా ప్రాంతానికి చెందిన ఓ యువకుడు ఆలయంలోకి చొరబడ్డాడు. హుండీ పగలగొట్టేందుకు ప్రయత్నించిన క్రమంలో అమ్మవారి విగ్రహాన్ని ధ్వంసం చేస్తుండగా స్థానికులు గమనించారు. దుండగుడిని అదుపులోకి తీసుకొని దేహశుద్ధి చేశారు. విగ్రహం ధ్వంసం కావడంతో భవానీమాల దీక్షలో ఉన్న మహిళలు కన్నీరుమున్నీరుగా విలపించారు. ఆలయం చుట్టుపక్కల ఒడిశా సారా ప్యాకెట్లు, మద్యం అమ్మకాలు చేస్తుండటంతో మద్యం మత్తులో ఇటువంటి ఇటువంటి దుశ్చర్యలకు పాల్పడుతున్నారని భక్తులు ఆవేదన వ్యక్తం చేస్తున్నారు.

కోడ్‌కు ముందే.. సాక్షి ప్రతినిధి, శ్రీకాకుళం: ఇప్పటివరకు గుర్తుకు రాని అభివృద్ధి పనులు ఎన్నికల వేళ శిలాఫలకాలుగా మారిపోయాయి. ఎన్నికల నియమావళి అమల్లోకి రావడానికి ముందే పునాదిరాళ్లు వేసేందుకు మంత్రులు, ఎమ్మెల్యేలు పోటీపడ్డారు. ఈ హడావుడి వెనుక ప్రజా ప్రయోజనం కంటే స్థానిక ఎన్నికల్లో ఓటర్లను మభ్యపెట్టి రాజకీయ లబ్ధిపొందాలనే వ్యూహమే స్పష్టంగా కనిపించింది. టెండర్లు పిలవకుండానే.. సాధారణంగా ఏదైనా పని జరగాలంటే దానికి పరిపాలన అనుమతులు రావాలి. నిధులు మంజూరు కావాలి. ఆపై టెండర్ల ప్రక్రియ పూర్తి కావాలి. కానీ ఎన్నికల షెడ్యూల్‌ విడుదలకు ముందు శంకుస్థాపన జాతరలో ఈ ప్రాథమిక సూత్రాలన్నీ గాల్లో కలిసిపోయాయి. టెండర్లు కూడా ఖరారు కాని పనులకు, కొన్నిచోట్ల ప్రతిపాదనల దశలో ఉన్న వాటికి సైతం కొబ్బరికాయలు కొట్టేశారు. పనులు ఎప్పు డు మొదలవుతాయో, ఎప్పటికి పూర్తవుతాయో తెలియదు గానీ తమ పేరుతో శిలాఫలకం పడిపోవాలనే ఆరాటం మాత్రం ఇక్కడ కనిపించింది. కోడ్‌ కూస్తుందేమోనన్న ఆత్రుతతో.. ఎన్నికల కోడ్‌ అమల్లోకి వస్తే ఎలాంటి కొత్త పథకాలు, శంకుస్థాపనలు చేయడానికి వీలుండదు. అందుకే కోడ్‌ రాకముందే ‘మేము ఈ పనులు మంజూరు చేసేశాం’ అని ఓటర్ల ముందుకు వెళ్లడానికి ఈ హడావుడి కార్యక్రమాలు చేపట్టారు. కేంద్రమంత్రి కింజరాపు రామ్మోహన్‌నాయుడు, రాష్ట్ర మంత్రి కింజరాపు అచ్చెన్నాయుడు, కూటమి ఎమ్మెల్యేలు ప్రతి రోజూ జిల్లాలోని ఏదో ఒక మూల కొబ్బరికాయలు కొడుతూ బిజీగా కన్పించారు. గ్రామాలు, వార్డుల్లో దశాబ్దాలుగా పెండింగ్‌లో ఉన్న డ్రైనేజీలు, రోడ్లు, తాగునీటి సమస్యలను ఒక్కరోజులోనే పరిష్కరించేసినట్లు కలర్‌ ఫుల్‌ ఫ్లెక్సీలు పూజా కార్యక్రమాలతో ఓటర్లను మభ్యపెట్టే ప్రయత్నం చేశారు. ప్రజలకు అభివృద్ధి భ్రమలు కల్పించారు. కొన్నిచోట్ల కనీసం కాంట్రాక్టర్‌ ఎవరో తెలియకుండానే, పనులు ఎవరు చేస్తారనే స్పష్టత లేకుండానే శంకుస్థాపనలు జరగడం గమనార్హం. షెడ్యూల్‌ విడుదలకు ముందు ఇలా.. టెక్కలి మండలం లింగాలవలస పంచాయతీ పరిధిలో ఈ నెల 11న రోడ్లు, డ్రైన్లు, హెల్త్‌ క్లినిక్‌, బస్సు షెల్టర్‌ తదితర రూ.7.89 కోట్ల పనులకు హడావుడిగా శంకుస్థాపనలు చేశారు. టెక్కలి– తెంబూరు రహదారిలో రూ.2.6 కోట్లతో రహదారి విస్తరణ పనులకు, సీతారాంపురంలో రూ.4 లక్షలతో బస్‌ షెల్టర్‌, రూ.14.30 లక్షలకు హెల్ల్‌ క్లినిక్‌, మెట్టపేటలో రూ.43 లక్షలతో రోడ్డు, సతివాడలో రూ.90 లక్షలతో రెండు బీటీ రోడ్లు, సవర సొర్లిగాంలో రూ.47.50 లక్షలతో సీసీ రోడ్లు, డ్రైనేజీ పనులకు శంకుస్థాపనలు చేశారు. ఇలా అన్ని నియోజకవర్గాల్లో శంకుస్థాపనలు జోరుగా జరిగాయి. గత శంకుస్థాపనలకు కలగని మోక్షం అధికారంలోకి వచ్చిన తర్వాత వేసిన శంకుస్థాపనల పునాది రాళ్లు ఇప్పటికీ ముళ్లపొదల్లో దర్శనమిస్తున్నాయి. శిలాఫలకాలు వేసిన తర్వాత సదరు కాంట్రాక్టర్లు బిల్లులు రాకనో, అసలు నిధులే విడుదల కాకనో పనులు నిలిచిపోయాయి. కొన్ని చోట్ల పనులే ప్రారంభం కాలేదు. జిల్లాలో నిర్మాణంలో ఉన్న ఇళ్లకు ప్రభుత్వ గ్రాంట్‌ ఒక్క రూపాయి కూడా రాలేదు. కొత్తగా ఒక్కరికీ పింఛను ఇవ్వలేదు. పల్లె పండగ పేరుతో చేపట్టిన పనులు ముందుకు సాగలేదు. జిల్లాలో రూ.వంద కోట్లకు అంచనా వ్యయంతో 281 రోడ్లు వేసేందుకు శంకుస్థాపనలు చేస్తే ఇప్పటివరకు రూ.20 కోట్ల విలువ రోడ్లు కూడా పడలేదు. పంట నష్ట పరిహారాలు అందించలేదు. తుఫాన్లకు ధ్వంసమైన రోడ్లు, చెరువులు, కాలువల పనులు చేపట్టలేదు. చంద్రబాబు హామీలకే దిక్కులేదు.. ముఖ్యమంత్రి హోదాలో చంద్రబాబు జిల్లాకొచ్చినప్పుడు ఇచ్చిన హామీలు ఒక్కటి కూడా అమలుకు నోచుకోలేదు. దీపం–2 ఉచిత గ్యాస్‌ సిలిండర్ల పథకం ప్రారంభోత్సవానికి 2024 నవంబర్‌ 1న ఇచ్ఛాపురం మండలానికి వచ్చినప్పుడు ఇచ్చిన హామీలదీ అదే దారి. 2025 ఏప్రిల్‌ 26న మత్స్యకార భరోసా ప్రారంభించేందుకు ఎచ్చెర్ల మండలం బుడగట్లపాలెం వచ్చినప్పుడు ఇచ్చిన హామీలకు అతీగతి లేదు. ఈ ఏడాది మే 9న మీ భూమి– మీ హక్కు కార్యక్రమంలో పాల్గొనేందుకు జలుమూరు మంలం అక్కురాడ గ్రామానికి వచ్చినప్పుడు, చివరిగా స్వర్ణాంధ్ర–స్వచ్ఛాంధ్ర పర్యటనలో భాగంగా ఈ ఏడాది మే 16న నరసన్నపేట మండలం తామరాపల్లిలో పర్యటించినప్పుడు ఇచ్చిన హామీలు అడుగు కూడా కదల్లేదు. ఓటర్లను మభ్యపెట్టేందుకు శంకుస్థాపనల జాతర టెండర్ల ముచ్చట లేదు..నిధుల ఊసే లేదు.. కూటమి నేతల తీరుపై విస్తుపోతున్న జనం

పంచాయతీ ఎన్నికలకు సన్నద్ధం IIలోవజ్రపుకొత్తూరు : ఉద్దానం, తీర ప్రాంత గ్రామాల్లో ఐసీఎంఆర్‌ ఆమోదంతో విశాఖపట్నం కేజీహెచ్‌ ఆస్పత్రి నిపుణల బృందం రక్త నమూనాలు సేకరిస్తోంది. బుధవారం వజ్రపుకొత్తూరు మండలంలోని కొత్తపేట, కొమరల్తాడ, సైనూరు, యూఆర్‌కేపురం తదితర గ్రామాల్లో దాదాపు 120 మంది నుంచి రక్త నమూనాలు సేకరించి వాటిని ల్యాబ్‌లో రీసెర్చ్‌ చేస్తున్నట్లు టెక్నికల్‌ సపోర్టు టీమ్‌ హెడ్‌ సాయికుమార్‌ తెలిపారు. ఇప్పటికే ఇచ్ఛాపురం, కవిటి, కంచిలి, సోంపేట, మందసతో పాటు ఏడు మండలాల్లో 5వేలు పైచిలుకు రక్త నమూనాలు సేకరించి పరిశోధిస్తున్నట్లు చెప్పారు. కిడ్నీ వ్యాధి సంక్రమణ, ప్రజల ఆహారపు అలవాట్లను సైతం పరిశీలిస్తున్నామని తెలిపారు. ఇప్పటివరకు ఉన్న వ్యాధిగ్రస్తుల వ్యాధి తీవ్రత తగ్గించేందుకు ప్రయత్నాలు చేస్తున్నామన్నారు. ప్రాజెక్టుకు డాక్టర్‌ టి.రవిరాజ్‌ మెంటార్‌గా, డాక్టర్‌ జి.ప్రసాద్‌ ప్రిన్సిపాల్‌ ఇన్వెస్ట్‌గేటర్‌గా వ్యవహరిస్తున్నారని పేర్కొన్నారు. సేకరణ కార్యక్రమం చివరి దశకు వచ్చిందని తెలిపారు.కొత్తపేటలో రక్త నమూనాలు సేకరిస్తున్న బృందం

శ్రీకాకుళం కల్చరల్‌: ఆమదాలవలసకు చెందిన నారా ఇందులక్ష్మి (62) మృతి చెందడంతో ఆమె నేత్రాలను దానం చేసేందుకు కుటుంబ సభ్యులు ముందుకొచ్చారు. జిల్లా రెడ్‌క్రాస్‌ సమన్వయంతో మగటపల్లి కళ్యాణ్‌ నేత్ర సేకరణ కేంద్రం ఐ టెక్నీషియన్లు పూతి సుజాత, బి.మనుకుమార్‌లు కార్నియాలను సేకరించి ఎల్‌.వి.ప్రసాద్‌ ఐ ఇన్‌స్టిట్యూట్‌ నేత్ర సేకరణ కేంద్రానికి తరలించారు. నేత్రదానానికి సహకరించిన కుటుంబ సభ్యులకు జిల్లా రెడ్‌క్రాస్‌ చైర్మన్‌ పి.జగన్మోహనరావు, కార్యదర్శి బి.మల్లేశ్వరరావు, కోశాధికారి కె.దుర్గా శ్రీనివాస్‌ కృతజ్ఞతలు తెలిపారు. నేత్రదానం చేయాలనుకునే వారు 78426 99321 నంబరును సంప్రదించాలని కోరారు.

సారవకోట : బొంతు గ్రామ సమీపంలో కొండ వద్ద మంగళవారం రాత్రి నక్కను కొండచిలువ మింగడాన్ని స్థానికులు గుర్తించారు. బుధవారం తెల్లవారుజాము వరకు చుట్టుకునే ఉండటం గమనార్హం. ఆ తర్వాత కొండ ప్రాంతానికి వెళ్లిపోయిందని స్థానికులు తెలిపారు. టెక్కలి రూరల్‌: శాసనం గ్రామ సమీపంలో జాతీయ రహదారిపై బుధవారం జరిగిన రోడ్డు ప్రమాదంలో వృద్ధుడికి తీవ్ర గాయాలయ్యాయి. కొండతెంబూరు గ్రామానికి చెందిన టి.జంగమయ్య నడుచుకుంటూ గ్రామ సమీపంలోని చెరువు వద్దకు స్నానానికి వెళ్తుండగా వెనుక నుంచి గుర్తు తెలియని వాహనం ఢీకొనడంతో ఈ ప్రమాదం చోటుచేసుకుంది. రోడ్డు పక్కన పడి ఉన్న వృద్ధుడిని గుర్తించిన స్థానికులు వెంటనే 108లో టెక్కలి జిల్లా ఆస్పత్రికి తరలించారు. ఈ ఘటనపై టెక్కలి పోలీసులకు సమాచారం అందించారు. ద్విచక్ర వాహనాల చోరీపై దర్యాప్తు శ్రీకాకుళం క్రైమ్‌ : రెండు ద్విచక్ర వాహనాలను చోరీ చేసిన నలుగురు మైనర్లను ఒకటో పట్టణ పోలీసులు బుధవారం అదుపులోకి తీసుకున్నారు. వాంబేకాలనీకి చెందిన టేకు మాధవ్‌, సంతోష్‌ల నివాసగృహాల ముందు పార్కింగ్‌ చేసిన టీవీఎస్‌ ఎక్స్‌ఎల్‌, హీరో ప్లెజర్‌ ద్విచక్రవాహనాలను మైనర్లు మంగళవారం దొంగిలించారు. బాధితులు ఫిర్యాదు చేయడంతో పోలీసులు బుధవారం విజుబుల్‌ పోలీసింగ్‌లో భాగంగా తనిఖీలు చేపట్టగా ఒకటో పట్టణ పరిధిలోనే దొంగిలించిన బైక్‌లపై వెళ్తూ మైనర్లు తారసపడ్డారు. దీంతో స్టేషన్‌కు తీసుకెళ్లి పోలీసులు విచారణ చేపట్టారు. నలుగురూ మైనర్లు కావడంతో ఉన్నతాధికారుల దృష్టిలో పెట్టి వారి సూచనల మేరకు దర్యాప్తు చేస్తామని పోలీసులు తెలిపారు. కొత్తమ్మ తల్లి ఆలయానికి అప్పన్న రథం సింహాచలం: కోటబొమ్మాళిలో జరుగుతున్న కొత్తమ్మతల్లి శతాబ్ది ఉత్సవాలకు సింహాచలంలోని వరాహ లక్ష్మీనృసింహస్వామి దేవస్థానానికి చెందిన ప్రచార రథం బుధవారం తరలివెళ్లింది. దేవస్థానం సీనియర్‌ అసిస్టెంట్‌ పి.సూరిబాబు పర్యవేక్షణలో వైదికులు, సిబ్బంది రథంతో పాటు బయల్దేరారు. ఉత్సవాల్లో భాగంగా జరిగే శోభాయాత్రలో ప్రచార రథం పాల్గొననుంది. రథంలోని స్వామివారి మూలవిరాట్‌, ఉత్సవమూర్తులను భక్తులు దర్శించుకోనున్నారు.

మెళియాపుట్టి : మెళియాపుట్టి మండల కేంద్రంలో కోతుల బెడద కొనసాగుతోంది. బుధవారం రాజావీధి, భాగ్యనగర్‌ వీధి, ఎగువ వీధి, సవర వీధుల్లో కోతులు తిరుగుతూ ప్రజల్ని భయభ్రాంతులకు గురిచేశాయి. పలువురిని గాయపరిచాయి. ఆహారం ఇవ్వడానికి ప్రయత్నించినా దాడులు చేస్తున్నాయని స్థానికులు ఆవేదన వ్యక్తం చేస్తున్నారు. కోతులను తరలించడానికి అధికారులు చర్యలు తీసుకోవాలని కోరుతున్నారు. నేడు నిద్దాంలో ఉచిత గుండె పరీక్షల శిబిరం జి.సిగడాం: నిద్దాం గ్రామంలో గురువారం ఉదయం తొమ్మిది గంటల నుంచి పేదల కోసం ఉచిత గుండె, ఊపరితిత్తుల వైద్యశిబిరాలు నిర్వహిస్తున్నట్టు మాజీ వైస్‌ ఎంపీపీ మీసాల సాద్వీమణి తెలిపారు. ఈ మేరకు బుధవారం ఓ ప్రకటన విడుదల చేశారు. ఈ అవకాశాన్ని ప్రజలు సద్వినియోగం చేసుకోవాలని కోరారు.

శ్రీకాకుళంగురువారం శ్రీ 15 శ్రీ అక్టోబర్‌ శ్రీ 2026సాక్షి ప్రతినిధి, శ్రీకాకుళం: స్థానిక సంగ్రామానికి నగారా మోగింది. జిల్లాలో ఎన్నికల కోడ్‌ అమల్లోకి వచ్చేసింది. కానీ, శ్రీకాకుళం నగరపాలక సంస్థ ఎన్నికలకు మాత్రం బ్రేక్‌ పడింది. అదే తరహాలో ఆమదాలవలస మున్సిపాల్టీ కూడా ఎఫెక్ట్‌ అయింది. విలీన పంచాయతీల వివాదాన్ని హైకోర్టు కొట్టేయడంతో కొందరు సుప్రీం కోర్టును ఆశ్రయించడంతో మళ్లీ ఎన్నికలు ఇరకాటంలో పడ్డాయి. తదుపరి తీర్పుకు లోబడి వ్యవహరించాలని ప్రభుత్వానికి నోటీసు జారీ చేయడంతో రాష్ట్ర ఎన్నికల సంఘం పునరాలోచనలో పడి శ్రీకాకుళం కార్పొరేషన్‌, ఆమదావలస మున్సిపాల్టీలను పక్కన పెట్టి షెడ్యూల్‌ విడుదల చేసింది. మున్సిపల్‌, జెడ్పీటీసీ, ఎంపీటీసీ, గ్రామ పంచాయతీ ఎన్నికల సుదీర్ఘ షెడ్యూల్‌తో ఒకేసారి పల్లెలు, పట్టణాలు ఎన్నికల మూడ్‌లోకి వచ్చేశాయి. ఎన్నికల ప్రవర్తనా నియమావళి(మోడల్‌ కోడ్‌ ఆఫ్‌ కాండక్ట్‌) సైతం అమల్లోకి రావడంతో రాజకీయ సమీకరణాలు జోరందుకున్నాయి. ఎన్నికల సందడి.. జిల్లాలోని పలాస, ఇచ్ఛాపురం మున్సిపాల్టీలతో పాటు 30 జెడ్పీటీసీ స్థానాలు, 542 ఎంపీటీసీ స్థానాలకు ఎన్నికల షెడ్యూల్‌ వచ్చేసింది. 910 పంచాయతీలకు కూడా షెడ్యూల్‌ విడుదలైంది. ఎంపీటీసీ, జెడ్పీటీసీ, పంచాయతీల రిజర్వేషన్లు కూడా విడుదలయ్యాయి. ఒకదాని తర్వాత ఒకటి ఎన్నికలు జరగనుండటంతో జిల్లాలో రాజకీయం హీటెక్కనుంది. అర్బన్‌, పల్లె పోరు అత్యంత ఆసక్తికరంగా మారనుంది. శ్రీకాకుళం, ఆమదాలవలసకు విలీన గండం.. మూడు దశల్లో గ్రామ పంచాయతీ ఎన్నికలుశ్రీకాకుళం నగరపాలక సంస్థకు, ఆమదాలవలస మున్సిపాల్టీకి ఎన్నికల గండం నుంచి ఇంతవేగంగా బయటపడే అవకాశం కన్పించడం లేదు. ఇటీవల విలీన పంచాయతీల నుంచి వేసిన పిటీషన్లను హైకోర్టు కొట్టివేసినప్పటికీ సుప్రీంకోర్టులో అప్పీలుకు వెళ్లడంతో వివాదం మళ్లీ మొదటకొచ్చింది. ఎన్నికల ప్రక్రియ ఒకవైపు జరుగుతుండగానే, మరోవైపు సుప్రీంకోర్టు నుంచి వచ్చిన ఆదేశాలతో బ్రేక్‌ పడింది. విలీనం పంచాయతీల విషయంలో జోక్యం చేసుకోలేమని హైకోర్టు స్పష్టం చేయడంతో పాటు సుప్రీంకోర్టులో నెల రోజుల్లోపు అప్పీలు చేసుకోవచ్చని తీర్పు ఇచ్చింది. దీంతో ఈనెల 8న కుశాలపురం పంచాయతీకి చెందిన కొందరు సుప్రీంకోర్టులో పిటీషన్‌ వేశారు. అత్యున్నత న్యాయస్థానం ఆ పిటీషన్‌ను స్వీకరించింది. ఈ నేపథ్యంలో గ్రామ పంచాయతీల విలీనం అంశానికి సంబంధించి రాష్ట్ర ప్రభుత్వానికి సుప్రీంకోర్టు నోటీసు జారీ చేసింది. న్యాయస్థానం ఇచ్చే తుది తీర్పునకు లోబడి పంచాయతీల విలీనం ఉండాలని స్పష్టం చేసింది. గ్రామ పంచాయతీలో గ్రామసభ తీర్మానం లేకుండా ఏకగ్రీవంగా విలీనం చేసినట్టు కుశాలపురం పంచాయతీకి చెందిన వారు సుప్రీంకోర్టు ఆశ్రయించిన దానిపై నోటీసు జారీ చేసింది. ఇదే సూత్రం ఆమదాలవలస మున్సిపాల్టీకీ వర్తించనుండటంతో రాష్ట్ర ఎన్నికల సంఘం శ్రీకాకుళం నగరపాలక సంస్థ, ఆమదాలవలస పురపాలక సంస్థ ఎన్నికల జోలికి పోకుండా షెడ్యూల్‌ విడుదల చేసింది. జిల్లాలో స్థానిక సంగ్రామం అమల్లోకి ఎన్నికల కోడ్‌ పలాస, ఇచ్ఛాపురం మున్సిపాల్టీలకు ఈ నెల 28న ఎన్నికలు శ్రీకాకుళం మున్సిపల్‌ కార్పొరేషన్‌, ఆమదాలవలస మున్సిపాలిటీలకు బ్రేక్‌ జెడ్పీటీసీ, ఎంపీటీసీలకు నవంబర్‌ 3న ఎన్నికలు పంచాయతీలకు మూడు విడతల్లో ఎన్నికలునోటిఫికేషన్‌ విడుదల అక్టోబర్‌ 14 ఎన్నికల నోటీసు అక్టోబర్‌ 16 నామినేషన్ల స్వీకరణ అక్టోబర్‌ 18 పరిశీలన అక్టోబర్‌ 19 ఉప సంహరణ అక్టోబర్‌ 21 ఎన్నికలు అక్టోబర్‌ 28 ఫలితాలు అక్టోబర్‌ 30 నామినేషన్ల ఉపసంహరణ అక్టోబర్‌ 27 ఎన్నికలు నవంబర్‌ 3 రీపోలింగ్‌ నవంబర్‌ 4 ఎన్నికల ఫలితాలు నవంబర్‌ 5 ఎన్నికల నోటిఫికేషన్‌ అక్టోబర్‌ 19 ఎన్నికల నోటీసు అక్టోబర్‌ 21 నామినేషన్ల స్వీకరణ అక్టోబర్‌ 23 పరిశీలన అక్టోబర్‌ 24 అభ్యంతరాల స్వీకరణ అక్టోబర్‌ 25 అభ్యంతరాల పరిష్కారం అక్టోబర్‌ 26 ఎంపీటీసీ, జెడ్పీటీసీ ఎన్నికల షెడ్యూల్‌ ఫేజ్‌–1 ఎన్నికల నోటిఫికేషన్‌ నవంబర్‌ 13 ఎన్నికల నోటీసు నవంబర్‌ 15 నామినేషన్ల స్వీకరణ నవంబర్‌ 17 పరిశీలన నవంబర్‌ 18 నామినేషన్ల అభ్యంతరాలు స్వీకరణ నవంబర్‌ 19 అభ్యంతరాల పరిష్కారం నవంబర్‌ 20 నామినేషన్ల ఉపసంహరణ నవంబర్‌ 21 ఎన్నికలు నవంబర్‌ 26 ఫేజ్‌–2 ఎన్నికల నోటిఫికేషన్‌ నవంబర్‌ 16 ఎన్నికల నోటీసు నవంబర్‌ 18 నామినేషన్ల స్వీకరణ నవంబర్‌ 20 పరిశీలన నవంబర్‌ 21 నామినేషన్ల అభ్యంతరాల స్వీకరణ నవంబర్‌ 22 అభ్యంతరాల పరిష్కారం నవంబర్‌ 23 నామినేషన్ల ఉపసంహరణ నవంబర్‌ 24 ఎన్నికలు నవంబర్‌ 29 ఫేజ్‌–3 ఎన్నికల నోటిఫికేషన్‌ : నవంబర్‌ 19 ఎన్నికల నోటీసు నవంబర్‌ 21 నామినేషన్ల స్వీకరణ నవంబర్‌ 23 పరిశీలన నవంబర్‌ 24 నామినేషన్ల అభ్యంతరాల స్వీకరణ నవంబర్‌ 25 అభ్యంతరాల పరిష్కారం నవంబర్‌ 26 నామినేషన్ల ఉపసంహరణ నవంబర్‌ 27 ఎన్నికలు డిసెంబర్‌ 2

శ్రీకాకుళం న్యూకాలనీ: స్కూల్‌గేమ్స్‌ రాష్ట్రస్థాయి పోటీల్లో బాక్సింగ్‌ క్రీడాంశంలో శ్రీకాకుళం జిల్లా క్రీడాకారులు పతకాల పంట పండించారు. ప్రకాశం జిల్లా ఒంగోలు వేదికగా ఈనెల 12 నుంచి 14 వరకు 70వ ఏపీ రాష్ట్రస్థాయి స్కూల్‌గేమ్స్‌ అండర్‌–14, అండర్‌–17 బాలబాలికల బాక్సింగ్‌ ఛాంపియన్‌షిప్‌ పోటీల్లో జిల్లా క్రీడాకారులు మొత్తం 12 పతకాలతో మోత మోగించారు. వీటిలో రెండు బంగారు, ఐదు రజత, మరో ఐదు కాంస్య పతకాలు ఉన్నాయి. పతకాలు సాధించిన క్రీడాకారులను డీఈవో రవిబాబు, ఎస్‌జీఎఫ్‌ సెక్రటరీలు చల్లా జగదీష్‌, జీఎం జ్యోతిరాణి, బాక్సింగ్‌ అసోసియేషన్‌ జిల్లా ప్రధాన కార్యదర్శి బలగ అనంతలక్ష్మణ్‌దేవ్‌ (అను), వంగా మహేష్‌, బాక్సింగ్‌ కోచ్‌లు ఉమామహేశ్వరరావు, రాజీవ్‌, అప్పలరాజు, ఒలింపిక్‌, పీడీ–పీఈటీ సంఘ ప్రతినిధులు, సీనియర్‌ క్రీడాకారులు అభినందించారు.

ప్రమాదం సృష్టించి..● బెదిరించి నగదు బదిలీ చేయించిన ఇద్దరు అరెస్ట్‌ కాశీబుగ్గ : రోడ్డు ప్రమాదంగా సృష్టిస్తారు.. ఆపై తప్పునీదే అంటూ బెదిరిస్తారు.. వినకపోతే దాడి చేస్తారు.. చివరికి బలవంతంగా ఆన్‌లైన్‌లో నగదు బదిలీ చేయించుకుంటారు.. చెడు వ్యసనాలకు బానిసలై , అడ్డదారులు తొక్కుతూ అడ్డంగా దొరికిపోయిన ఇద్దరు దొంగమిత్రుల వైనాన్ని కాశీబుగ్గ పోలీసులు ఛేదించారు. వారిద్దరినీ బుధవారం అరెస్ట్‌ చేశారు. నిందితుల నుంచి ఆటో, ద్విచక్ర వాహనం, మూడు స్మార్ట్‌ ఫోన్లు, రూ.18,550 నగదు స్వాధీనం చేసుకున్నారు. కాశీబుగ్గ డీఎస్పీ జి.వి.రమణ బుధవారం విలేకరులకు వివరాలు వెల్లడించారు. బెదిరించి రూ.88,500 బదిలీ.. ఈ నెల 11వ తేదీ తెల్లవారుజామున 3.15 గంటల సమయంలో పలాస మండలం రామకృష్ణాపురం సమీపంలోని జాతీయ రహదారిపై ఇచ్ఛాపురం నుంచి శ్రీకాకుళం వైపు ఓ వ్యక్తి ద్విచక్ర వాహనంపై వెళున్నాడు. ఇంతలో ఓ ఆటో అతడిని ఢీకొట్టింది. అనంతరం ఆ ఆటోలోని వ్యక్తులు అతడిపై దాడి చేసి, సెల్‌ఫోన్‌తో పాటు ద్విచక్ర వాహనాన్ని లాక్కున్నారు. అనంతరం బాధితుడిని బెదిరించి, ఫోన్‌ పే నుంచి ఓ నిందితుడి ఖాతాకు రూ.80,000, మరో నిందితుడి ఖాతాకు రూ.8,550 బదిలీ చేయించుకున్నారు. ఈ ఘటనపై బాధితుడి ఫిర్యాదు మేరకు పోలీసులు దర్యాప్తు చేపట్టారు. ఇందులో భాగంగా ఈ నెల 13న నిందితులను పురుషోత్తపురంలో పోలీసులు పట్టుకుని అరెస్టు చేశారు. వీరిలో ఒకరిని పురుషోత్తపురానికి చెందిన కె.సాయికృష్ణ, కొత్తవూరుకు చెందిన గొర్లె రవితేజగా గుర్తించారు. చెడు వ్యసనాలకు బానిసలై నేరానికి పాల్పడినట్లు ప్రాథమిక దర్యాప్తులో వెల్లడైందని పోలీసులు తెలిపారు.

ఫిట్‌నెస్‌ కేంద్రాల్లో..● వాహనదారుల నుంచి అక్రమ వసూళ్లు ● బండికో రేటు చొప్పున అదనంగా చెల్లించాల్సిందే ● దృష్టి సారించని రవాణాశాఖ అధికారులు శ్రీకాకుళం రూరల్‌ : శ్రీకాకుళం పరిధిలో కిమ్స్‌ ఆసుపత్రి, వ్యవసాయ కార్యాలయానికి వెళ్లే దారిలో ఏర్పాటు చేసిన వాహనాల తనిఖీ కేంద్రం ఆటోమేటిక్‌ టెస్టింగ్‌ స్టేషన్‌(ఫిట్‌నెస్‌ సెంటర్‌)లో దోపిడి దందా సాగుతోంది. ఏదైనా కొత్త వాహనం రెండేళ్లు పరిమితి దాటితే దాన్ని రెన్యువల్‌ చేసేందుకు అన్నీ ఫిట్‌గా ఉన్నప్పటికీ ఏదో ఒక వంకతో ఫిట్‌నెస్‌ కేంద్రం యాజమాన్యం డబ్బులు లాగేస్తోందని వాహనదారులు ఆరోపిస్తున్నారు. చలానా కట్టినా.. ఫిట్‌నెస్‌ సర్టిఫికెట్‌ కోసం ప్రభుత్వానికి చలానా కడితే నేరుగా వాహనాన్ని తీసుకెళ్లి ఫిట్‌నెస్‌ చేయించుకోవాలి. దీనికి గాను వాహన యజమాని లేజర్‌ కోడ్‌ ఎంట్రీ చేయగానే ఓటీపీ వెళ్తుంది. డేట్‌, టైమ్‌తో వాహనాన్ని నేరుగా కేంద్రానికి తీసుకెళ్లవచ్చు. అక్కడకు వెళ్లగానే ముందుగా రిఫ్‌లెక్టర్స్‌ రిబ్బన్ల పేరిట లారీ, బస్సు, కారు ఇలా వాహనం ఏదైనా అదనంగా రూ.800 కట్టాలి. వారు ఇచ్చే నాశిరకం రిబ్బన్లు వాహనానికి ఏర్పాటు చేయాలి. రిబ్బర్లు పేరిట వసూలు చేసిన సొమ్ములో కొంత భాగం ఫిట్‌నెస్‌ కేంద్రం యాజమాన్యానికి వెళ్తుంది. ఈ రిబ్బన్‌ కూడా రెండు మూడు నెలలకే కలర్‌ మారిపోతుంది. రిటైర్డ్‌ ఉద్యోగి కనుసన్నల్లోనే దందా.. ఫిట్‌నెస్‌ కేంద్రంలోని దందా అంతా గతంలో రవాణా శాఖలోనే ఎంవీఐగా పనిచేసిన ఓ రిటైర్డ్‌ ఉద్యోగి కనుసన్నల్లో జరుగుతోందనే ఆరోపణలు వినిపిస్తున్నాయి.కూటమి ప్రభుత్వం అధికారంలోకి వచ్చాక జిల్లాలో రవాణాశాఖ కార్యాలయానికి సంబంధం లేకుండానే వాహనాలకు సంబంధించి అధిక రుసుం వసూలు చేస్తున్నారన్న వాదనలు వినిపిస్తున్నాయి. అదనపు వసూళ్లు ఇలా.. ఏదైనా వాహనానికి సంబంధించి ప్రభుత్వానికి కట్టిన చలానా తక్కువ అయినప్పటికీ ఫిట్‌నెస్‌ కేంద్రంలో మాత్రం అదనపు వసూళ్లు వాహనదారులకు నడ్డి విరుస్తున్నాయి. ట్రాన్స్‌పోర్టు వాహనాలకు అదనంగా రూ.1000, 10 టైర్లకు, 12 టైర్లకు రూ.3,500, 16, 14 టైర్లకు, బస్సులకు రూ.5,500, ఆటోలకు రూ.1500, బస్సులు, కారు, ఎల్‌పీజీ వాహనాలకు రూ.2000 చొప్పున అదనంగా వసూలు చేస్తున్నట్లు ఆరోపణలు వినిపిస్తున్నాయి. ఫిట్‌నెస్‌ కేంద్రంలో వాహనదారుల నుంచి అక్రమంగా అదనపు వసూలు చేస్తే చర్యలు తీసుకుంటాం. ఇప్పటికే ఫిట్‌నెస్‌ కేంద్రంపై పలు ఫిర్యాదులు వస్తున్నాయి. ప్రభుత్వ నిబంధనలకు వ్యతిరేకంగా పనిచేస్తే చర్యతు తప్పవు. త్వరలోనే ఆ సెంటర్‌ను విజిట్‌ చేస్తా. – విజయసారధి, శ్రీకాకుళం డీటీసీ ప్రతి వాహనం నుంచి ఫిట్‌నెస్‌ కేంద్రంలో అదనంగా డబ్బులు వసూలు చేస్తున్నారు. వాహనానికో రేటు చొప్పున ముందుగా డబ్బులు కడితేనే ఫిట్‌నెస్‌ సర్టిఫికెట్‌ జారీ చేస్తున్నారు. ఇక్కడ నిబంధనలు పాటించడం లేదు. గతంలో రవాణాశాఖ అధికారులు బండిని పర్యవేక్షించి ఫిట్‌నెస్‌ సర్టిఫికెట్‌ ఇచ్చేవారు. ఇక్కడ మాత్రం సాంకేతిక అర్హత లేని వారితో తనిఖీలు చేస్తూ వాహన యజమానులపై దందా చేస్తున్నారు. – బి.శేషగిరి, నమతా మోటార్‌ ట్రక్కర్‌ అసోసియేషన్‌ కార్యదర్శి

● మూడు విడతల్లో పోలింగ్‌కు షెడ్యూల్‌ విడుదల ● డివిజన్ల వారీగా నిర్వహించేలా ఉత్తర్వుల జారీ అరసవల్లి: జిల్లాలో గ్రామ పంచాయతీ ఎన్నికలకు రంగం సిద్ధమైంది. ఈ మేరకు రాష్ట్ర ఎన్నికల సంఘం బుధవారం సాయంత్రం ఎన్నికల షెడ్యూల్‌ విడుదల చేసింది. జిల్లాలో శ్రీకాకుళం, టెక్కలి, పలాస రెవెన్యూ డివిజన్ల పరిధిలో ఉన్న 910 గ్రామ పంచాయతీలకు మూడు విడతల్లో పోలింగ్‌ నిర్వహించేలా ఉత్తర్వులు జారీ అయ్యాయి. తొలి విడతగా నవంబర్‌ 26న 8 మండలాల్లో 232 గ్రామ పంచాయతీలకు 2262 పోలింగ్‌ స్టేషన్లలో, రెండో విడతగా నవంబర్‌ 29న 11 మండలాల్లో 347 పంచాయతీలకు 3248 పోలింగ్‌ స్టేషన్లలో, మూడో విడతగా డిసెంబర్‌ 2న మిగిలిన 11 మండలాల్లో 331 గ్రామ పంచాయతీలకు 3254 పోలింగ్‌ కేంద్రాల్లో పోలింగ్‌ ప్రక్రియ నిర్వహించేందుకు నోటిఫికేషన్‌ విడుదల చేశారు. ఈ మేరకు జిల్లా పంచాయతీ అధికారి స్వరూపారాణి ఆధ్వర్యంలో పోలింగ్‌ చర్యలకు ఏర్పాట్లు సిద్ధమవుతున్నాయి. ఇప్పటికే మంగళ, బుధవారాల్లో పంచాయతీ సర్పంచ్‌లు, వార్డు సభ్యుల రిజర్వేషన్ల ప్రక్రియను అధికారులు పూర్తి చేశారు. బుధవారం కలెక్టర్‌ రిజర్వేషన్‌ ప్రక్రియపై గెజిట్‌ విడుదల చేశారు. మొత్తం పంచాయతీలు 347 శ్రీకాకుళం 23 గార 25 నరసన్నపేట 34 పోలాకి 31 సారవకోట 35 జలుమూరు 40 ఎల్‌ఎన్‌ పేట 22 కొత్తూరు 43 మెళియాపుట్టి 37 హిరమండలం 23 పాతపట్నం 34 మొత్తం పంచాయతీలు 331 టెక్కలి 27 కోటబొమ్మాళి 38 సంతబొమ్మాళి 34 నందిగాం 37 పలాస 19 మందస 41 వజ్రపుకొత్తూరు 37 ఇచ్ఛాపురం 21 కంచిలి 31 కవిటి 23 సోంపేట 23 మొత్తం పంచాయతీలు 232 ఎచ్చెర్ల 26 జి.సిగడాం 31 లావేరు 31 రణస్థలం 34 ఆమదాలవలస 30 బూర్జ 30 పొందూరు 29 సరుబుజ్జిలి 21

ఎచ్చెర్ల : ఎచ్చెర్లలోని యూనియన్‌ బ్యాంక్‌ గ్రామీణ స్వయం ఉపాధి శిక్షణా సంస్థలో ఈ నెల 22 నుంచి ఉమ్మడి శ్రీకాకుళం జిల్లా నిరుద్యోగ మహిళలకు బ్యూటీ పార్లర్‌ నిర్వహణలో ఉచిత శిక్షణ తరగతులు ప్రారంభం కానున్నాయని సంస్థ డైరెక్టర్‌ రామ్‌జీ ఒక ప్రకటనలో తెలిపారు. శిక్షణ కాలంలో ఉచిత వసతి, భోజన సదుపాయాలు కల్పిస్తామని పేర్కొన్నారు. పూర్తి వివరాలకు 9553418809 నంబర్‌ను సంప్రదించాలని కోరారు. బస్‌షెల్టర్‌ కూల్చివేత రణస్థలం: జీరుపాలెం కూడలిలో ప్రభుత్వ బస్‌ షెల్టర్‌ను ఇద్దరు వ్యక్తులు జేసీబీతో కూల్చివేశారు. పక్కన ఉన్న వాణిజ్య దుకాణాలకు అడ్డుగా ఉందన్న నెపంతో ఇలా కూల్చివేశారని జీరుపాలెం గ్రామస్తులు ఆరోపిస్తున్నారు. ప్రభుత్వ అధికారులు స్పందించి శాఖాపరమైన చర్యలు తీసుకోవాలని కోరుతున్నారు. మద్యం దొంగతనం కేసులో ముగ్గురికి జైలుశిక్ష కొత్తూరు : నివగాం గ్రామంలోని వైన్‌ షాపులో మద్యం దొంగతనం కేసులో నేరం రుజువు కావడంతో ముగ్గురు నిందితులకు రెండేళ్ల ఆరు నెలలు చొప్పున జైలు శిక్ష, ఒక్కొక్కరికి రూ. 20 వేలు జరిమానా విధిస్తూ స్థానిక జూనియర్‌ సివిల్‌ జడ్జి కోర్టు జూనియర్‌ సివిల్‌ జడ్జి కందికట్ల రాణి బుధవారం తీర్పు చెప్పినట్లు కొత్తూరు ఎస్‌ఐ కె.వెంకటేష్‌ తెలిపారు. 2019 ఏడాది ఫిబ్రవరి 11వ తేదీ రాత్రి రూ.33,600 విలువైన మద్యం బాక్సులను సీతంపేట మండలం నారాయణగూడకు చెందిన సవర రామకృష్ణ, హిరమండలం మండలం గుర్రాలమెట్టకు చెందిన సవర సూర్యం, సవర రవి చోరీ చేశారు. శ్రీకాకుళం వన్‌టౌన్‌ సీఐగా రామకృష్ణ శ్రీకాకుళం క్రైమ్‌ : శ్రీకాకుళం ఒకటో పట్టణ సర్కిల్‌ ఇన్‌స్పెక్టర్‌గా యెన్ని రామకృష్ణను నియమిస్తూ విశాఖ రేంజి ఐజీ గోపినాథ్‌ జెట్టి బుధవారం ఉత్తర్వులు జారీ చేశారు. ప్రస్తుత సీఐ కె.పైడపునాయుడును అనకాపల్లి రూరల్‌ సీఐగా బదిలీ చేసినట్లు ఉత్తర్వుల్లో పేర్కొన్నారు. ప్రశాంత వాతావరణంలో ఎన్నికలు కవిటి: రానున్న స్థానిక సంస్థల ఎన్నికలను ప్రశాంత వాతావరణంలో సజావుగా నిర్వహించేందుకు పకడ్బందీగా చర్యలు చేపట్టాలని ఎస్పీ కె.వి.మహేశ్వరరెడ్డి సూచించారు. బుధవారం కాశీబుగ్గ డీఎస్పీ గంటా వెంకటరమణతో కలిసి కవిటిలో స్ట్రాంగ్‌రూం, డిస్ట్రిబ్యూషన్‌ సెంటర్లను తనిఖీ చేశారు. ఇచ్ఛాపురం సర్కిల్‌ ఇనస్పెక్టర్‌ మీసాల చిన్నంనాయుడు, కవిటి ఎస్‌ఐ వి.రవివర్మలతో మాట్లాడి సమస్యాత్మక పోలింగ్‌ కేంద్రాలపై ఆరాతీశారు. ఎటువంటి సమస్యలు లేకుండా పటిష్టమైన భద్రతా చర్యలు చేపట్టాలని ఆదేశించారు.

మంద వెనుక.. హిరమండలం: జిల్లాలో ప్రతిఏటా ఇలా మూగజీవాలు మృత్యువాత పడుతునే ఉన్నాయి. రోడ్డు ప్రమాదాలు, పిడుగుపాటు, కుక్కలు, అటవీ జంతువుల దాడిలో మృత్యువాత పడుతున్నాయి. పెంపకందారులకు లక్షల్లో నష్టం వాటిల్లుతోంది. ఇలా ప్రమాదాలు, నష్టాలు జరిగినప్పుడు హడావుడి చేసే అధికారులు, ప్రభుత్వం తర్వాత పట్టించుకోవడం లేదు. పశుబీమా ఉన్నా పరిహారం దక్కని పరిస్థితి వారిది. జిల్లాలో గత రెండేళ్లుగా 500 వరకు గొర్రెలు, మేకలు మృత్యువాతపడినా.. పరిహారం మాత్రం అందలేదు. అదే సమయంలో గొర్రెలు, మేకల పెంపకందారులకు మూగజీవాలను మేపేందుకు అనుకూల పరిస్థితి జిల్లాలో లేదు. కొండలు, ప్రభుత్వ భూములు లీజుల రూపంలో ప్రైవేటు వ్యక్తులకు కట్టబెడుతుండడంతో మూగజీవాలు మేపేందుకు సరైన సదుపాయాలు లేవు జిల్లాలో ఇదీ పరిస్థితి జిల్లాలో 10 లక్షల వరకు గొర్రెలు, మేకలు ఉంటాయని గణాంకాలు చెబుతున్నాయి. దీంతో గొర్రెలు, మేకల మందల ద్వారా ఉపాధి పొందుతున్న కుటుంబాలు లక్షల్లోనే ఉంటాయి. వాటిని పెంచడం ద్వారా మాత్రమే కాదు.. మందల రూపంలో పొలాలు, తోటల్లో ఉంచితే రాత్రికి కొంత మొత్తం నగదును రైతులు చెల్లిస్తుంటారు. సేంద్రియ సాగు విధానంలో భాగంగా రైతులు ఎక్కువగా గొర్రెలు, మేకల మందలను ఆశ్రయిస్తుంటారు. అయితే ఏటా వేసవి నుంచి ఉరుములు, మెరుపులు అధికంగా ఉంటాయి. ఆ సమయంలో పిడుగుపాటుకు మూగజీవాలతో పాటు పెంపకందారులు సైతం ప్రాణాలు కోల్పోయిన సందర్భాలు ఉన్నాయి. వర్షాకాలంలో అయితే చిగురుటాకులా వణికిపోతుంటారు. ఇక ఖరీఫ్‌లో రైతులు వరి సాగుచేస్తుండడంతో పొలాలు ఖాళీగా ఉండవు. ఆ సమయంలో జిల్లాలో 200 కిలోమీటర్ల ఉన్న రైల్వేలైన్‌, అంతే దూరం ఉండే జాతీయ రహదారిని ఎక్కువగా ఆశ్రయిస్తుంటారు. ఆ సమయంలో ఎక్కువగా ప్రమాదాలు జరిగి మూగజీవాలు మృత్యువాత చెందుతుంటాయి. బీమా భారమే.. ప్రభుత్వం ప్రవేశపెట్టిన పశువుల బీమా పథకం ఎందుకూ అక్కరకు రాకుండా పోతోంది. ప్రభుత్వం గొర్రెలు, మేకలకు సైతం పశువుల బీమా పరిహారం వర్తింపజేసింది. అయితే ఒక్కొ గొర్రె/మేకకు లైఫ్‌టైమ్‌ రూ.27లు కట్టాల్సి ఉంటుంది. ఇది చాలా ఎక్కువ. 100 గొర్రెలు ఉండే రైతు ఏడాదికి రూ.2,700లు కట్టడం తలకు మించిన భారం. ప్రమాదంలో మృతిచెందితే కేవలం రూ.6 వేల బీమా వస్తుంది. జిల్లాలో గొర్రెలు 6.23 లక్షలు, మేకలు 2.77 లక్షలు ఉన్నట్టు గణాంకాలు చెబుతున్నాయి. అయితే పశుబీమా కట్టిన పెంపకందారుల సంఖ్య చాలా తక్కువ. ప్రమాదాలు జరిగినప్పుడు గొర్రెలు మృతి చెందిన సమయంలో పశుబీమా గురించి అడుగుతున్నారు అధికారులు. కట్టలేదని చెప్పడంతో తామేమీ చేయలేమని చేతులెత్తేస్తున్నారు. దీంతో ఏటా పశువుల పెంపకందారులకు నష్టం తప్పడం లేదు. అందుకే ఎక్కువ మంది గొర్రెలు/మేకలను విక్రయించి ప్రత్యామ్నాయ ఉపాధి మార్గాలను చూసుకుంటున్నారు. ఇప్పటికై నా గొర్రెల పెంపకందారుల విషయంలో ప్రభుత్వం ప్రత్యేకంగా దృష్టిపెట్టాల్సిన అవసరం ఉంది. మూగజీవాలకు తరచూ ప్రమాదాలు, విపత్తులు వందలాదిగా మృతి చెందుతున్న గొర్రెలు, మేకలు తీవ్రంగా నష్టపోతున్న పెంపకందారులు ప్రభుత్వ బీమా కూడా దక్కని వైనం ఈనెల 3వ తేదీన పలాస సమీపంలో జాతీయ రహదారిపై లారీ ఢీకొని 32 గొర్రెలు మృతి చెందాయి. ఉదయం వేళలో గొర్రెల మంద రోడ్డు దాటుతుండగా గుర్తు తెలియని లారీ ఢీకొని మూగజీవాలు మృత్యువాతపడ్డాయి. దీంతో రూ.లక్షల్లో నష్టం జరగడంతో గొర్రెల పెంపకందారులు కన్నీరుమున్నీరయ్యారు. గత నెల 27న హిరమండలం మండలంలో వంశధార రిజర్వాయర్‌ ఎగువ ప్రాంతంలో 35 గొర్రెలు మృతి చెందాయి. సరుగుడు తోటలో పురుగు మందు వేయగా తెలియక మంద అటువైపుగా ప్రవేశించింది. అక్కడ పచ్చగడ్డి మేయడంతో ఒక్కసారిగా మూగజీవాలు కుప్పకూలిపోయాయి. ఈ ఏడాది మే 3న బూర్జ మండలంలోని కొరగాంలో 12 గొర్రెలు మృత్యువాత పడ్డాయి. పొలంలో గొర్రెల మంద వేయగా వీధి కుక్కలు దాడిచేశాయి. మరికొన్నింటికి గాయాలయ్యాయి. దాదాపు రూ.3 లక్షల వరకు నష్టం జరిగింది. గతేడాది డిసెంబర్‌ 2న పొందూరు మండలం కొంచాడ గ్రామంలో 40 గొర్రెలు మృతి చెందాయి. పొలంలో మంద వేసి ఉండగా వీధి కుక్కలు దాడిచేశాయి. దీంతో పెంపకందారులకు తీవ్రంగా నష్టం వాటిల్లింది. గొర్రెలు, మేకలు, పందులతో పాటు ఆవులు, గేదెలు తదితర పశువుల పెంచే పాడి రైతులు పశుబీమాను సద్వినియోగం చేసుకోవాలి. గొర్రె, మేక, పందికి ఒక్కో సంవత్సరానికి రూ.27లు చెల్లించి వాటికి ట్యాగ్‌ వేయించుకోవాలి. ప్రమాదంలో చనిపోయిన వాటికి బీమా సంస్థ రూ.6 వేల బీమా వర్తింపజేస్తుంది. పాడి రైతులు ప్రమాద బీమాను సద్వినియోగం చేసుకోవాలి. – జి.కవిత, పశువైద్యాధికారి, ఎల్‌ఎన్‌పేట ఏటా మాకు ఇబ్బందులు తప్పవు. వర్షాకాలంలో అయితే చిగురుటాకులా వణికిపోతాం. ఉరుములు, మెరుపులు, పిడుగులు పడే సమయంలో సైతం చాలా ఇక్కట్లు పడతాం. గొర్రెల పెంపకందారులు రానురాను తగ్గిపోతుండడానికి ఇదే కారణం. ప్రభుత్వాల ప్రోత్సాహం కూడా అంతంతమాత్రమే. – బి.లక్ష్మీనారాయణ, గొర్రెల పెంపకందారుడు, కొరసవాడ

● జల్లువలసలో టీడీపీ నాయకుల అండతో నిర్మాణం ● వత్తాసుగా నిలిచిన పోలీసులు గార : గార పంచాయతీ జల్లువలస గ్రామంలో ఓ వీధికి ఉన్న గ్రావెల్‌ రోడ్డుపై అడ్డంగా గోడ నిర్మించడమే కాకుండా మిగిలిన స్థలంలో సొంతింటి నిర్మాణాన్ని ఓ వ్యక్తి చేపట్టాడు. ఇతనికి టీడీపీ నాయకుడి అండదండలు ఉండటంతో ఏకంగా 50 మంది పోలీసులు రక్షణగా నిలిచారు. ఈ వ్యవహారంపై సర్వత్రా విమర్శలు వ్యక్తమవుతున్నాయి. జల్లువలస గ్రామం నుంచి యాతవీధికి ప్రభుత్వ పోరంబోకు మీదుగా నడక దారి ఉంది. ఆ దారి స్థలాన్ని పుల్లటి నర్సునాయుడు అనే వ్యక్తి ఆక్రమణ చేయడంతో పాటు హైకోర్టుకు వెళ్లడంతో వాస్తవ నిర్ధారణ జరపాలని ఆదేశించింది. అప్పటి పంచాయతీ అధికారి ఆ స్థలం పోరంబోకుదని నివేదికివ్వడంతో రోడ్డు నిర్మాణం చేయాలని ఆదేశాలిచ్చింది. అనంతరం పంచాయతీలో చర్చించి 2023లో గ్రావెల్‌ రోడ్డు నిర్మాణం చేపట్టారు. టీడీపీ ప్రభుత్వం నర్సునాయుడు టీడీపీ నాయకుల అండదండలతో ఏకంగా రోడ్డుకు అడ్డంగా గోడ నిర్మాణం చేపట్టారు. అంతేకాక ఇంటి నిర్మాణం కోసం శరవేగంగా పునాదులు జరుపుకుంటున్నాడు. దీనిపై యాతవీధి వాసులు గార పోలీస్‌స్టేషన్‌కు వెళ్లి ఫిర్యాదు ఇచ్చినా ఎస్‌ఐ తీసుకోలేదని వారంతా ఆవేదన వ్యక్తం చేస్తున్నారు. దౌర్జన్యానికి అంతు లేదా..? యాత వీధి వాసుల పరిస్థితి తెలుసుకున్న వైఎస్సార్‌ సీపీ యువనేత ధర్మాన రామ్‌మనోహర్‌నాయుడు మంగళవారం జల్లువలస వెళ్లి పరిస్థితిని పరిశీలించారు. 20 కుటుంబాలను భయభ్రాంతులకు గురి చేసి, 10 అడుగులున్న రోడ్డును ధ్వంసం చేయడం సరికాదన్నారు. ఇంత దర్జాగా రోడ్డుకు అడ్డంగా గోడ నిర్మించడంతో పాటు వారికే పోలీసులు రక్షణగా ఉండటం బాధాకరమన్నారు. పాలనలో బాధితులకు న్యాయం జరగడం లేదని, తప్పు చేసిన వారికే అండదండగా ఉండటం సిగ్గు చేటన్నారు. దీనిపై న్యాయపరంగా ఎదుర్కోవడానికి సిద్ధంగా ఉన్నామన్నారు. కార్యక్రమంలో మాజీ ఎంపీపీ గొండు రఘురామ్‌, పుల్లటి నాగేశ్వరరావు, మండల పార్టీ అధ్యక్షుడు పీస గోపి, మార్పు దుర్గా పృథ్వీరాజ్‌, ముంజేటి కృష్ణమూర్తి, పీస శ్రీహరిరావు, ఆరంగి రమణమూర్తి, శిమ్మ ధర్మరాజు, చింతల గడ్డెయ్య, కోట రామారావు, వైఎస్సార్‌ సీపీ నాయకులు పాల్గొన్నారు.

గార : నిత్యం మద్యం తాగి వస్తుండటంతో కుటుంబ భవిష్యత్‌ ఏమవుతుందని భార్య నిలదీయడంతో ఓ వ్యక్తి మనస్థాపంతో కలుపు మందు తాగి ఆత్మహత్య చేసుకున్నాడు. పోలీసులు తెలిపిన వివరాల ప్రకారం.. సతివాడ పంచాయతీ యాళ్లపేట గ్రామానికి చెందిన యాళ్ల షణ్ముఖరావు (42) మూడేళ్లుగా మద్యానికి బానిసయ్యాడు. ఈ నెల 6న గ్రామంలో వారాలు జరుగుతుండగా మద్యం మత్తులో ఇంటికి రావడంతో భార్య మందలించింది. ఆ తర్వాత కాసేపటికే వాంతులు చేసుకోవడంతో గమనించగా, పారాపెట్‌ అనే కలుపు మందును తాగినట్లు గుర్తించారు. వెంటనే రిమ్స్‌కు తరలించారు. చికిత్స పొందుతూ సోమవారం రాత్రి మరణించాడు. షణ్ముఖరావుకు భార్య, ఇద్దరు కుమార్తెలు, కుమారుడు ఉన్నారు. భార్య సరస్వతి ఇచ్చిన ఫిర్యాదు మేరకు కేసు నమోదు చేసి దర్యాప్తు చేస్తున్నామని హెచ్‌సీ రవిబాబు తెలిపారు.

శ్రీకాకుళం క్రైమ్‌ : శ్రీకాకుళం సబ్‌ డివిజన్‌కు రెండేళ్లుగా డీఎస్పీగా సేవలందించి ఇటీవలే శ్రీకాకుళం ప్రాంతీయ విజిలెన్సు అండ్‌ ఎన్‌ఫోర్స్‌మెంట్‌ విభాగ అధికారి (ఆర్‌వీఅండ్‌ఈవో)గా నియమితులైన సీహెచ్‌ వివేకానంద అడిషనల్‌ సూపరింటెండెంట్‌ ఆఫ్‌ పోలీస్‌ (ఏఎస్‌పీ)గా ఉద్యోగోన్నతి పొందారు. ఈ మేరకు మంగళగిరిలోని రాష్ట్ర డీజీపీ కార్యాలయం నుంచి మంగళవారం ఉత్తర్వులు వెలువడ్డాయి. ఏఎస్పీ వివేకానంద మంగళగిరి పోలీస్‌ ప్రధాన కార్యాలయానికి రిపోర్టింగ్‌ అవ్వాలని ఉత్తర్వుల్లో పేర్కొన్నారు. అనంతరం ఈయన శ్రీకాకుళం ఆర్‌వీఅండ్‌ఈవోగానే కొనసాగనున్నారు.

శ్రీకాకుళం రూరల్‌ : నిరుద్యోగ యువతకు ఉపాధి కోర్సుల్లో శిక్షణ ఇచ్చి ఉద్యోగ అవకాశాలు కల్పిస్తున్న రాగోలు జెమ్స్‌లో బొల్లినేని మెడిస్కిల్స్‌ మరింత మందికి ఉద్యోగాలు కల్పించే దిశగా విశాఖలోని స్కిల్‌ డెవలప్‌మెంట్‌ ఇన్‌స్టిట్యూట్‌తో నూతన కోర్సులకు ఎంవోయూ ఒప్పందం కుదుర్చుకుందని సంస్థ ఎగ్జిక్యూటివ్‌ డైరెక్టర్‌ సీహెచ్‌ నాగేశ్వరరావు మంగళవారం తెలిపారు. జనరల్‌ డ్యూటీ అసిస్టెంట్‌, ప్రొడక్షన్‌ ఎక్విప్‌మెంట్‌ ఆపరేటర్‌, జూనియర్‌ బ్యూటీ థెరపిస్ట్‌, అసోసియేట్‌ కోర్సుల్లో మూడు నెలల ఉచిత శిక్షణకు అవగాహన ఒప్పందం కుదుర్చుకున్నట్లు పేర్కొన్నారు. విశాఖ, శ్రీకాకుళం జిల్లాల్లో సుమారు 800 మందికి ఈ ఏడాది ఉద్యోగాలు కల్పిస్తామన్నారు. పదో తరగతి, ఇంటర్‌, పాలిటెక్నిక్‌, ఐటీఐలు చదివి 18 నుంచి 27 ఏళ్లలోపు యువతీ యువకులు అర్హులని పేర్కొన్నారు. కార్యక్రమంలో ఎస్‌డీఐ (హెచ్‌పీసీఎల్‌) సీఈఓ అండ్‌ సెక్రటరీ పి.విజయ్‌కుమార్‌, చీఫ్‌ మేనేజర్‌ కల్యాణి పాల్గొన్నారు.

శ్రీకాకుళం అర్బన్‌/శ్రీకాకుళం కల్చరల్‌: పెన్షనర్ల సమస్యలు పరిష్కరించడమే ధ్యేయంగా ఏపీ స్టేట్‌ గవర్నమెంట్‌ రిటైర్డ్‌ ఎంప్లాయీస్‌ అసోసియేషన్‌ కృషి చేస్తోందని సంఘ గౌరవాధ్యక్షుడు బలివాడ మల్లేశ్వరరావు అన్నారు. ఏపీ స్టేట్‌ గవర్నమెంట్‌ రిటైర్డ్‌ ఎంప్లాయీస్‌ అసోసియేషన్‌ 43వ ఆవిర్భావ దినోత్సవ వేడుకలను శ్రీకాకుళం ఎన్జీవో కార్యాలయంలో మంగళవారం నిర్వహించారు. ఈ సందర్భంగా ఆయన మాట్లాడుతూ 1984లో సంఘం ఏర్పాటైందని, నేడు 43వ ఆవిర్భావ దినోత్సవం జరుపుకుంటున్నామని చెప్పారు. కార్యక్రమంలో సంఘ అధ్యక్షుడు కె.సోమసుందరరావు, రాష్ట్ర సంఘ కార్యదర్శి పి.నరసింహమూర్తి, సిటీ బ్రాంచ్‌ అధ్యక్షులు బి.జానకి, ఏపీ స్టేట్‌ గవర్నమెంట్‌ రిటైర్డ్‌ ఎంప్లాయీస్‌ అసోసియేషన్‌ సభ్యులు పాల్గొన్నారు. పోలీసులు నిర్లక్ష్య వైఖరి వీడాలి టెక్కలి: నందిగాం మండలం జడ్యాడ గ్రామంలో దళితులపై దాడి చేసిన వారిపై చర్యలు చేపట్టకుండా పోలీసులు నిర్లక్ష్యంగా వ్యవహరిస్తున్నారని దళిత సంఘాల నాయకులు మండిపడ్డారు. దళిత సంఘాల జేఏసీ ఆధ్వర్యంలో మంగళవారం టెక్కలి అంబేడ్కర్‌ భవన్‌ వద్ద రౌండ్‌ టేబుల్‌ సమావేశం నిర్వహించారు. ఈ సందర్భంగా కేఎన్‌పీఎస్‌ రాష్ట్ర అధ్యక్షుడు మిస్క కృష్ణయ్య మాట్లాడుతూ జడ్యాడ గ్రామంలో దళితులపై దాడి చేసిన వారిపై చర్యల విషయంలో పోలీసులు ఎందుకు తాత్సారం చేస్తున్నారని మండిపడ్డారు. తక్షణమే వారిపై చర్యలు తీసుకోవాలని డిమాండ్‌ చేశారు. కార్యక్రమంలో జేఏసీ నాయకులు చల్లా రామారావు, బి.ప్రభాకర్‌, కోత ధర్మారావు, కె.దమయంతి, కె.కామేశ్వరరావు, ఎస్‌.దామోదర్‌, కె.దాలయ్య, జె.బాబూరావు, వై.గోపి, ఎ.మాధవరావు, బి.గోవింద్‌, ఆర్‌.ఈశ్వరరావు, సురేష్‌, ఆర్‌.ఆదిలక్ష్మి, జయలక్ష్మి, వి.రామయ్య, సవరయ్య, ఆర్‌.రామ్ముర్తి, సుబద్రమ్మ, టి.మల్లేష్‌ తదితరులు పాల్గొన్నారు.

● ఆదిత్యాలయ భూముల బదలాయింపులో ‘చేతివాటం’ ● విలువైన భూములను ముందే చక్కబెట్టేసిన వైనం ● ప్రాధాన్యతా క్రమంలో ‘నందల’ స్థలం కేటాయింపుపై అసంతృప్తి ● ఉన్నతాధికారులకు ఫిర్యాదు చేస్తామంటున్న బాధితులు అరసవల్లి: అరసవల్లి ఆదిత్యాలయ భూముల వ్యవహారం ఇప్పుడు నగరంలో హాట్‌టాపిక్‌గా మారింది. ఆలయ అభివృద్ధిలో భాగంగా ఆలయానికి ఎదురుగా ఉన్న పలు స్థలాలను ల్యాండ్‌ టు ల్యాండ్‌ విధానంలో తీసుకుని ఆలయానికి చెందిన విలువైన స్థలాలను ప్రైవేటు యజమానులకు కట్టబెడుతున్నారు. అయితే ఇదైనా సక్రమంగా జరుగుతోందా అంటే...అంతా అక్రమ మార్గమేనని బాధితులు అభ్యంతరాలను వ్యక్తం చేస్తున్నారు. అరసవల్లి ఆలయానికి ఎదురుగా కీలకమైన ఓ ఇంటిని వదిలేసి.. పక్కనున్న ఇళ్లకు రేట్లు ఫిక్స్‌ చేసి నచ్చినోళ్లకు నచ్చినచోట స్థలాలను కేటాయించడంలో ఆలయ ఈవో కె.ఎన్‌.వి.డి.వి. ప్రసాద్‌ చక్రం తిప్పినట్లుగా తీవ్ర ఆరోపణలు వచ్చిన సంగతి తెలిసిందే. అయితే ఆలయానికి దాదాపుగా అన్ని విలువైన స్థలాలే అయినప్పటికీ రోడ్డుకు వెడల్పు అధికంగా ఉండే కమర్షియల్‌ స్థలాలను కేటాయించడమనే విషయంలోనే ‘అధిక మొత్తంలో డబ్బులు చేతులుమారినట్లు స్థానికంగా చర్చజోరందుకుంది. ఉన్నతాధికారుల పేషీకి ఇవ్వాలంటూ ఆలయ ఈవో నేరుగా ప్రైవేటు భూ యజమానుల నుంచి డబ్బులు వసూళ్లకు పాల్పడేలా ప్రణాళిక సిద్ధం చేసినట్లుగా ఓ భూ యజమాని చెప్పుకొచ్చారు. దీంతో అరసవల్లి ల్యాండ్‌ టు ల్యాండ్‌ విధానంలో అవకతవకలు, అక్రమాలపై జిల్లా వ్యాప్తంగా చర్చ సాగుతోంది. అన్నీ ఇచ్చేస్తే మిగిలేదెక్కడ? ఆదిత్యాలయానికి ఎదురుగా ఉన్న రెండు భవనాల సేకరణలో అధికారులు ద్వంద్వ వైఖరి ప్రదర్శించడం విమర్శలకు తావిస్తోంది. ఇందులో ఒకరికి విలువైన (నందలు తయారీ స్థలం) స్థలం కేటాయించడం ఇప్పుడు వివాదాస్పదమైంది. మరొక యజమాని రమణమ్మకు చెందిన ఇల్లే అత్యంత కీలమైనప్పటికీ, వారికి కేటాయిస్తున్న బదలాయింపు స్థలాలపై ఇప్పుడు పెద్ద చర్చ సాగుతోంది. భూబదలాయింపు విధానంలో భాగంగా స్థానికులైన సలుగు శేఖర్‌కు చెందిన 12 సెంట్ల భూమికి బదులుగా మెయిన్‌ రోడ్డులో ఉన్న సర్వే నంబర్‌ 485/2లో 9.50 సెంట్లు (నందల తయారీ స్థలం) ఇవ్వడానికి నిర్ణయించారు. అయితే తాము ఆరుగురు వాటాదారులమని, మాకు పూర్తిగా నందల తయారి స్థలంలోనే కేటాయించాలంటూ బాధితులు అధికారులను కోరుతున్నారు. ఇక్కడే పెద్ద సమస్య తలెత్తింది. ముందుగా అనుకున్నట్లుగా నచ్చిన వారికి అత్యంత విలువైన భూములను కేటాయించేశారని విమర్శిస్తున్నారు. మిగిలిన భూముల విషయానికొస్తే.. పెద్దింటి పూర్ణ, బమ్మిడి కృష్ణారావులకు చెందిన 46 సెంట్లను తీసుకుని వారికి సర్వే నంబర్‌ 89/6లోని 37 సెంట్ల భూమితో పాటు వప్పంగి గ్రామ పరిసరాల్లో ఉన్న 592 గజాల స్థలాలను బదలాయింపుగా ఇచ్చేలా నిర్ణయించారు. అలాగే మద్దుల సూర్యనారాయణ, రమేష్‌చక్రవర్తిలకు చెందిన 18 సెంట్ల స్థలానికి బదులుగా ఆలయానికి చెందిన చిన్నతోటలోని 14 సెంట్లను, అలాగు గంగు రామన్న కుటుంబానికి చెందిన 46 సెంట్ల స్థలానికి బదులుగా పెద్దతోటలోని 40 సెంట్లను బదలాయింపుగా ఇచ్చేసేలా దేవదాయ శాఖ కమిషనర్‌ నుంచి ఉత్తర్వులు కూడా వచ్చేశాయి. అయితే ప్రైవేటు వాళ్ల నుంచి మొత్తం 1.22 ఎకరాల భూములను ఆలయానికి చెందనుండగా...ఆలయానికి చెందిన 1.10 ఎకరాల విలువైన భూములు ఆయా ప్రైవేటు భూయజమానుల చేతుల్లోకి వెళ్లనున్నాయి. ప్రైవేటు యజమానులతో ముందస్తుగా ‘డీల్‌’ కుదుర్చుకున్న సదరు అధికారి వ్యవహారంపై విచారణ చేపడితే అసలు వాస్తవాలు బయటకు వస్తాయని స్థానికులు, బాధితులు డిమాండ్‌ చేస్తున్నారు. ఆలయ అభివృద్ధికి అందరూ సహకరిస్తున్నారని, అయితే లోపాయికారి ఒప్పందాలతో మిగిలిన వారికి నష్టం చేకూరుతుందనే అభిప్రాయాలు వ్యక్తమవుతున్నాయి. దీనిపై ఉన్నతాధికారులకు కూడా ఫిర్యాదులు చేస్తారని తెలుస్తోంది.

ఇచ్ఛాపురం రూరల్‌: తేలుకుంచి గ్రామానికి ప్రతి ఏటా వస్తున్న విదేశీ పక్షుల సంరక్షణకు కృషి చేస్తానని ఫారెస్ట్‌ రేంజ్‌ ఆఫీసర్‌ ఎం.మురళీకృష్ణ అన్నారు. ఫారెస్ట్‌ రేంజ్‌ ఆఫీసర్‌గా బాధ్యతలు స్వీకరించిన అనంతరం తొలిసారిగా మంగళవారం తేలుకుంచి విదేశీ పక్షుల విడిది కేంద్రాన్ని సందర్శించారు. ఈ సందర్భంగా ఆయన మాట్లాడుతూ పక్షులు గుడ్లు పొదిగే సమయంలో ప్రత్యేకంగా తయారు చేసిన గూళ్లు ఏర్పాటు చేస్తామన్నారు. ప్రకృతి వైపరీత్యాల సమయంలో పక్షి పిల్లలను సంరక్షించేందుకు, మృత్యుబారిన పడకుండా చర్యలు తీసుకుంటామని చెప్పారు. తేలుకుంచి గ్రామాన్ని పర్యాటక ప్రాంతంగా మార్చేందుకు ఉన్నతాధికారుల దృష్టికి తీసుకువెళ్తానన్నారు. ఆయన వెంట ఫారెస్ట్‌ అధికారులు టి.దేవరాజు, భానుమూర్తి, సురేష్‌ తదితరులు ఉన్నారు.

పోలాకి: మండలంలో తీరప్రాంత గ్రామాల ప్రజలు జ్వరాల బారిన పడుతున్నారు. గత నెలలో కురిసిన వర్షాల తర్వాత వాతావరణ పరిస్థితిలో వచ్చిన మార్పులు కారణంగా వ్యాధుల తీవ్రత పెరిగిందని వైద్యులు చెబుతున్నారు. ఇన్‌ఫెక్షన్ల కారణంగా చిన్నారులు, వృద్ధులతోపాటు, ఇమ్యునిటీ తక్కువగా ఉన్న వ్యక్తుల్లో ప్లేట్‌లెట్స్‌ తగ్గిపోయి విషజ్వరాలు ప్రాణాంతకంగా మారుతున్నాయి. ముఖ్యంగా గుప్పెడుపేట ప్రాథమిక ఆరోగ్యకేంద్రం పరిధిలో గుల్లవానిపేట, కొత్తరేవు, జోగంపేట, గుప్పెడుపేట, రాజపురం, బెలమర, కోడూరు, డీఎల్‌పురం, మగత పాడు గ్రామాల్లో జ్వరపీడితులు ఎక్కువగా ఉన్నారు. ప్రైవేటు ఆస్పత్రులకు పరుగులు.. తీరప్రాంత గ్రామాల నుంచి నేటికీ పదుల సంఖ్యలో జ్వరపీడితులు నరసన్నపేట, శ్రీకాకుళం పట్టణాల్లోని ప్రైవేటు క్లినిక్‌లు, ఆస్పత్రుల్లో చికిత్సపొందుతున్నారు. గుప్పెడుపేట పీహెచ్‌సీ వైద్యాధికారి తీరుపై ఇప్పటికే స్థానికుల నుంచి విమర్శలు రావడంతో శాఖాపరమైన విచారణ జరుగుతుందని సమాచారం. పోలాకి మండల కేంద్రంలో రిటైర్డ్‌ ఉద్యోగి సేవలు చేస్తేగానీ అక్కడి సిబ్బంది పట్టించుకోరని ప్రజల విమర్శలున్నాయి. ఇటీవల ఓ చిన్నారికి చేసిన వైద్యం ఇందుకు నిదర్శనంగా చెప్పుకోవచ్చు. జోగంపేట గ్రామంలో నెలరోజుల వ్యవధిలో మురబంద ప్రభావతి(45), గుంటు అంకమ్మ(50), పుక్కళ్ళ గురమ్మ(35) అనే మహిళలు మృతి చెందడం కలకలం రేపుతోంది. సదరు మహిళలు జ్వరంతో బాధపడుతూ మృతిచెందినట్లు కుటుంబసభ్యులు చెబుతుంటే, ఇతర అనారోగ్య కారణాలతో మృతిచెందారని వైద్యసిబ్బంది తేల్చేస్తున్నారు. విషజ్వరాలతో వణుకుతున్న పోలాకి మండల ప్రజలు జోగంపేటలో నెల రోజుల వ్యవధిలో ముగ్గురు మహిళలు మృతి ప్రతి గ్రామంలో పదుల సంఖ్యలో జ్వరపీడితులు

● ఎమ్మెల్సీ నర్తు రామారావు కంచిలి: బీసీల అభ్యున్నతి కోసం మాట్లాడే అర్హత టీడీపీకి లేదని జిల్లా స్థానిక సంస్థల ఎమ్మెల్సీ నర్తు రామారావు అన్నారు. కంచిలిలోని ఆయన కార్యాలయంలో స్థానిక వైఎస్సార్‌ కాంగ్రెస్‌ పార్టీ నేతలతో కలిసి విలేకరుల సమావేశం సోమవారం నిర్వహించారు. ఈ సందర్భంగా ఆయన మాట్లాడుతూ.. ముఖ్యమంత్రి చంద్రబాబు మొదటినుంచి బీసీలను అవసరానికి వాడుకోవడం జరుగుతోందన్నారు. వైఎస్సార్‌సీపీ హయాంలోనే బీసీలకు మేలు జరిగిందని పేర్కొన్నారు. నియోజకవర్గంలో ఎవరి ప్రభుత్వంలో అభివృద్ధి జరిగిందో తెలిపేందుకు బహిరంగ చర్చకు సిద్ధమా అని టీడీపీ నేతలకు సవాల్‌ విసిరారు. ఉమ్మడి శ్రీకాకుళం జిల్లాలో ముగ్గురు బీసీ నాయకులకు వైఎస్‌ జగన్‌మోహన్‌రెడ్డి హయాంలో ఎమ్మెల్సీ పదవులు ఇచ్చారని తెలిపారు. అలాగే ఇచ్ఛాపురం నియోజకవర్గం నుంచి మూడు కార్పొరేషన్‌ చైర్మన్లు, ఒక ఎమ్మెల్సీ, ఎంపీపీలు, జెడ్పీటీసీలు, మున్సిపల్‌ చైర్‌పర్సన్‌, ఇక్కడి నుంచి జిల్లా పరిషత్‌ చైర్‌పర్సన్‌, డీసీఎంఎస్‌ ఇలా ఎన్నో పదవులను కేటాయించారన్నారు. వెనుకబడిన తరగతులకు చెందిన యాదవులకు గతంలో కాంగ్రెస్‌, ప్రస్తుతం వైఎస్సార్‌సీపీ జిల్లాలో గుర్తించిందని గుర్తు చేశారు. సమావేశంలో బీసీ నాయకుడు, ఏఎంసీ మాజీ అధ్యక్షుడు కొల్లి ఈశ్వరరావు, కంచమ్మ తల్లి కమిటీ చైర్మన్‌ వంజరాన కేశవరావు, పీఏసీఎస్‌ మాజీ అధ్యక్షుడు గుమ్మడి రామదాసు, మాజీ ఎంపీటీసీ సభ్యుడు బొండాడ వైకుంఠరావు, దుబ్బ లోకనాథం, డొక్కరి దాలయ్య, మట్ట తేజం, కుణితి తిరుపతిరావు, రామారావు, దుబ్బ జనార్ధన పాల్గొన్నారు.

ఆమదాలవలస మున్సిపాలిటీలో వార్డుల పునర్విభజన ప్రక్రియలో భాగంగా అభ్యంతరాలు స్వీకరిస్తున్నారు. ఇవి కొలిక్కివచ్చాక రిజర్వేషన్ల తుది జాబితా వెల్లడిస్తారు. ఆమదాలవలస మున్సిపాలిటీ 1987లో ఏర్పాటైంది. తొలి ఎన్నికల్లో జనరల్‌కు రిజర్వు అయింది. ఆ ఎన్నికల్లో బొడ్డేపల్లి సత్యవతి చైర్‌పర్సన్‌గా ఎన్నికయ్యారు. 2014 ఎన్నికల్లో బీసీ మహిళకు రిజర్వు అయ్యింది. ఆ ఎన్నికల్లో తమ్మినేని గీత ఎన్నికయ్యారు. ఈ మున్సిపాలిటీకి ఇదే చివరి ఎన్నిక. వివిధ కారణాల రీత్యా చాలా సార్లు ఎన్నికలు జరగలేదు. తాజాగా జరగనున్న ఎన్నికలకు జనరల్‌ మహిళ రిజర్వేషన్‌ ఖరారైంది.

జిల్లా కేంద్రంలోని నానుబాల వీధిలో విజయదుర్గా ఆలయంలో జరుగుతున్న శరన్నవరాత్రి ఉత్సవాల సందర్భంగా అమ్మవారిని సోమవారం బాలా త్రిపుర సుందరిగా అలంకరించారు. భక్తులు పెద్ద ఎత్తున తరలివచ్చి అమ్మవారిని దర్శించుకున్నారు. – శ్రీకాకుళం కల్చరల్‌ రెజ్లింగ్‌ పోటీల్లో పతకాల పంట శ్రీకాకుళం న్యూకాలనీ: స్కూల్‌గేమ్స్‌ రాష్ట్రస్థాయి పోటీల్లో శ్రీకాకుళం విజయాల పరంపర కొనసాగుతోంది. ఇప్పటికే అనేక క్రీడాంశాల్లో విజయబావుటా ఎగురవేసిన జిల్లా క్రీడాకారులు తాజాగా రెజ్లింగ్‌, వెయిట్‌లిఫ్టింగ్‌ తదితర క్రీడాంశాల్లో సత్తాచాటారు. పల్నాడు జిల్లా కారెంపూడి వేదికగా ఈ నెల 10 నుంచి 12వ తేదీ వరకు జరిగిన 70వ ఏపీ రాష్ట్రస్థాయి స్కూల్‌గేమ్స్‌ చాంపియన్‌షిప్‌ పోటీల్లో మురళీకృష్ణ(ఆమదాలవలస) బంగారు పతకం, ఎస్‌.అపర్ణ (జెడ్పీహెచ్‌ స్కూల్‌ కంచరాం) రజత పతకం, కె.లావణ్య (జెడ్పీహెచ్‌ స్కూల్‌ ఎందువ) కాంస్య పతకం, జె.జయరాం, పి.చాందిని కాంస్య పతకాలు సాధించారు. వీరిలో ఆమదాలవలసకు చెందిన మురళీకృష్ణ ఢిల్లీలో త్వరలో జరిగే జాతీయస్థాయి స్కూల్‌గేమ్స్‌ చాంపియన్‌షిప్‌ పోటీలకు ఎంపికయ్యాడు. విజేతలను డీఈఓ ఎ.రవిబాబు, ఎస్‌జీఎఫ్‌ కార్యదర్శులు చల్లా జగదీష్‌, జీఎం జ్యోతిరాణి, పీఈటీ సంఘ నాయకులు ఎం.వి.రమణ, పి.తవిటయ్య, ఒలింపిక్‌ సంఘ జిల్లా కార్యదర్శి ఎం.సాంబమూర్తి, రెజ్లింగ్‌ అసోసియేషన్‌ ప్రతినిధులు హర్షం వ్యక్తం చేశారు. అగ్రిగోల్డ్‌ బాధితుల బాండ్ల సేకరణ తేదీలు ఖరారు శ్రీకాకుళం క్రైమ్‌ : జిల్లాలో అగ్రిగోల్డ్‌ బాధితుల నుంచి ఒరిజనల్‌ బాండ్ల సేకరణ కార్యక్రమానికి మండలాల వారీగా తేదీలను ఖరారు చేశామని సీఐడీ డీఎస్పీ ఎన్‌.కాళిదాస్‌ ఒక ప్రకటనలో తెలిపారు. అక్టోబర్‌ 13, 14, 15 తేదీల్లో ఎల్‌.ఎన్‌.పేట, జి.సిగడాం మండలాలు, అక్టోబర్‌ 16, 17, 19, 21 తేదీల్లో లావేరు మండలాలకు చెందిన బాధితుల నుంచి సేకరణ జరుగుతుందని పేర్కొన్నారు. హాజరుకాలేని వారికోసం మరో తేదీని నిర్ణయించి తెలియజేస్తామన్నారు, మిగిలిన మండలాల వారికోసం మరోసారి తేదీలను ప్రకటిస్తామన్నారు. జిల్లా పరిషత్‌ కార్యాలయం సమీపంలోని మహిళా పోలీస్‌ స్టేషన్‌ ఆవరణలో, ఎస్సీ, ఎస్టీ భవనంపై కౌన్సిలింగ్‌ హాల్‌లో కేంద్రంలోనూ బాండ్లు సేకరిస్తామని తెలిపారు. సందేహలున్నవారు సీఐడీ డీఎస్పీ కాళిదాస్‌ 7036228899 నంబర్‌ను సంప్రదించవచ్చని పేర్కొన్నారు. ఎర్ర చందనం వస్తోందంటూ..! శ్రీకాకుళం రూరల్‌: శ్రీకాకుళం రూరల్‌ పోలీస్టేషన్‌ పరిధిలో జాతీయ రహదారిపై సోమవారం రాత్రి విస్తృతంగా వాహనాల తనిఖీ చేపట్టారు. విశాఖపట్నం నుంచి ఎర్రచందనం స్మగ్లింగ్‌ వాహనం శ్రీకాకుళం జాతీయ రహదారి మీదుగా వస్తోందన్న విశ్వసనీయ సమాచారం మేరకు జిల్లా పోలీసులు జల్లెడపట్టారు. పెదపాడు రూరల్‌ పోలీస్టేషన్‌ నుంచి సుమారు రెండు కిలోమీటర్లు వరకూ వాహనాలను నిలుపుదల చేస్తూ తనిఖీలు చేశారు. స్మగ్లర్లు ఫోన్లు స్విచాఫ్‌ చేయడంతో చేసేదేమీ లేక మిగిలిన వాహనాలను తనిఖీ చేస్తూ పంపేశారు.

దసరా ముందర..ఇచ్ఛాపురం రూరల్‌: దసరాకు ఇంకా వారం రోజుల సమయం ఉండగానే ఆంధ్రా–ఒడిశా సరిహద్దు గ్రామాల్లో అప్పుడే పండుగ సందడి మొదలైపోయింది. దేశమంతా విజయదశమి కోసం ఎదురుచూస్తుంటే..ఈ సరిహద్దు పల్లెల్లో మాత్రం సంప్రదాయానికి పెద్దపీట వేస్తూ మందస్తూ దసరా సంబరాలు జరుపుకోవడం విశేషం. ‘దొంగ దసరా’ పేరుతో పిలిచే ఈ వేడుకలు తరతరాలుగా కొనసాగుతున్నాయి. ప్రాంతీయ సంస్కృతి, కుటుంబ అనుబంధాలు, పెద్దలు ఏర్పాటు చేసిన ఆచారాలకు ఈ పండుగ అద్దం పడుతోంది. రెండు సందర్భాల్లో వేడుకలు.. పోలాల అమావాస్య తర్వాత వచ్చే మంగళవారం, సాధారణ దసరా పండుగ ముగిసిన తర్వాత వచ్చే మంగళవారం ఈ వేడుకలు నిర్వహించడం ఇక్కడి ప్రత్యేకత. గ్రామాల్లో తరతరాలుగా వస్తున్న ఈ ఆచారం ప్రకారం ఆయా సందర్భాల్లో గ్రామస్తులు కుటుంబ సమేతంగా పండుగ జరుపుకుంటారు. కొత్త వస్త్రాలు..సంబరాలు.. దొంగ దసరా సందర్భంగా అమ్మవారికి మొక్కులు చెల్లించుకుంటారు. కొత్త దుస్తులు ధరించి కుటుంబ సభ్యులు, బంధుమిత్రులతో కలసి వేడుకలు జరుపుకుంటారు. స్థానిక ఆచారాల ప్రకారం కోళ్లు, మేకలు సమర్పిస్తూ సంప్రదాయాన్ని కొనసాగిస్తారు. దసరా పండుగకు ఆదనంగా మరోసారి అందరూ కలసి ఆనందంగా గడపడం ఈ వేడుకల ప్రత్యేకత. తరతరాలుగా... కాలం మారుతున్నా సరిహద్దు గ్రామాల్లో ఈ సంప్రదాయం కొనసాగుతూనే ఉంది. ఈ నెల 13న మండపల్లి, బుడ్డేపుపేట, భవానీపురం, ఎం.తోటూరు, దేవులమద్రి, లక్ష్మీపురం, మునిభద్ర గ్రామాల్లో ముందస్తు దసరా వేడుకలు జరుపతగా, అక్టోబర్‌ 27న రత్తకన్న, లొద్దపుట్టి, అయ్యవారిపేట, జగన్నాథపురం గ్రామాల్లో దసరా వేడుకలు జరుపుకుంటారు. ఈ వేడుకలు కుటుంబ బంధాలను బలోపేతం చేస్తూ, గ్రామీణ సంస్కృతిని కాపాడుతున్న ‘దొంగ దసరా’ వేడుకలు ఈ ప్రాంత ప్రత్యేకతను చాటుతున్నాయి. పెళ్లయిన ఆడపడులు దసరా సందర్భంగా పుట్టింటికి వెళ్లడం, కోడల్లు తమ కన్నవారి ఇంటికి వెళ్లడం సాధారణంగా జరిగే విషయమే. ఇదే సమయంలో అత్తవారింట్లోనూ పండుగ ఉండటంతో కుటుంబ సభ్యులంతా ఒకచోట చేరడం కష్టమవుతోంది. దీంతో ఆడపడుచులు, కోడళ్లు లేని ఇళ్లు బోసిపోయినట్లవుతాయని గ్రామ పెద్దలు భావించారు. అందరూ కలిసి పండుగ చేసుకునేలా దసరాకు ముందు లేదా తర్వాత మరో మంగళవారం వేడుకలు నిర్వహించే సంప్రదాయం ఏర్పడిందని గ్రామస్తులు చెబుతున్నారు. ఆంధ్రా – ఒడిశా సరిహద్దు గ్రామాల్లో ప్రత్యేకంగా ‘దొంగ దసరా’ తరతరాలుగా కొనసాగుతున్న వినూత్న ఆచారం అమ్మవారికి బోనాలు, మొక్కుబడులు

● కలెక్టర్‌ స్వప్నిల్‌ దినకర్‌ పుండ్కర్‌ ● పీజీఆర్‌ఎస్‌కు 160 ఫిర్యాదులు శ్రీకాకుళం (పీఎన్‌కాలనీ): ప్రజల అర్జీలను వేగవంతంగా పరిష్కరించాలని కలెక్టర్‌ స్వప్నిల్‌ దినకర్‌ పుండ్కర్‌ ఆదేశించారు. స్థానిక జిల్లా పరిషత్‌ సమావేశ మందిరంలో పీజీఆర్‌ఎస్‌ను సోమవారం నిర్వహించారు. మొత్తం 160 వినతులు వచ్చినట్లు అధికారులు వెల్లడించారు. ఫిర్యాదుల్లో అత్యధికంగా రెవెన్యూ శాఖ వినతులు 84, పంచాయతీ రాజ్‌శాఖ 17, విద్యుత్‌ శాఖ 7, పంచాయతీరాజ్‌ ఇంజినీరింగ్‌కు సంబంధించి 6, జలవనరుల శాఖ 6, బీసీ వెల్ఫేర్‌ 2, శ్రీకాకుళం కార్పొరేషన్‌ డివిజన్ల పునర్విభజనకు సంబంధించి 10, పలు శాఖలకు సంబంధించిన వినతులు వచ్చినట్లు తెలిపారు. కార్యక్రమంలో జేడీ ఫర్మాన్‌ అహ్మద్‌ఖాన్‌, ట్రైనీ కలెక్టర్‌, డీఆర్‌వో తదితరులు పాల్గొన్నారు. పలు వినతులు పరిశీలిస్తే... కబ్జాదారుల నుంచి కాపాడండి ఎచ్చెర్ల మండలం ఫరీదుపేట గ్రామ పరిధిలో తమ్మినేని చెల్లన్న పేరుమీద ఉన్న 75 సెంట్ల భూమిని ఎచ్చెర్ల నియోజకవర్గానికి ప్రాతినిధ్యం వహిస్తున్న నాయకులు కబ్జా చేశారని చెల్లన్న వారసులు తమ్మినేని అజయ్‌కుమార్‌, వెంకటరావు, అమ్మినాయుడు, పాపారావు, చంద్రరావులు ఆవేదన వ్యక్తం చేశారు. గ్రామ సర్పంచ్‌ కొత్తకోట పూర్ణచంద్రరావు, పైడి వేణుగోపాలరావు, పైడి రామారావులతో పాటు మరికొంతమంది దౌర్జన్యం చేసి తమ భూమిని కబ్జా చేస్తున్నారని, దీనిపై చర్యలు తీసుకోవాలని కోరారు. మోసాలు అరికట్టాలి ఆర్మీ కాలింగ్‌ సెంటర్‌ డైరెక్టర్‌ బసవ రమణ ఆగడాలు ఇంకా కొనసాగుతూనే ఉన్నాయని శ్రీకాకుళం రూరల్‌ మండలం సింగుపురం గ్రామస్తుడు పాలిశెట్టి కొండలరావు అన్నారు. ఉద్యోగం ఇప్పిస్తానని అక్షరాలా రూ.5.50 లక్షలు తీసుకుని మోసం చేశాడని కలెక్టర్‌కి విన్నవించారు. రమణపై తక్షణమే చర్యలు తీసుకుని తమకు న్యాయం చేయాలని కోరారు. ఆదుకోండయ్యా సీనియర్‌ జర్నలిస్ట్‌ పైల శ్రీనివాసరావు గత కొంతకాలంగా కాలేయానికి సంబంధించిన వ్యాధితో బాధపడుతున్నారు. వైద్యుల సలహా నిమిత్తం పూర్తిగా కాలేయం మార్పిడి చేయడానికి రూ.35 లక్షలు ఖర్చవుతుంది. దీంతో తమకు సాయం చేయాలని శ్రీనివాసరావు భార్య, పిల్లలు కలెక్టర్‌కి విన్నవించారు. దీనికి కలెక్టర్‌ సానుకూలంగా స్పందించి తన వంతు సాయమందిస్తానని భరోసానిచ్చారు. దివ్యాంగత్వం తగ్గించేశారు ఆమదాలవలస మండలం అక్కులపేటకు చెందిన యాళ్ల లింగరాజుకి దివ్యాంగత్వం 75 శాతంగా 2018లో సర్టిఫికేట్‌ జారీచేసి ఉన్నారు. అయితే ఇప్పుడు కూటమి నాయకుల ఒత్తిళ్లతో డాక్టర్లు పూర్తిగా దివ్యాంగత్వం లేదని చూపించడం అన్యాయమని లింగరాజు జిల్లా పరిషత్‌ కార్యాలయం వద్ద మండుటెండలో బోరున విలపించాడు. కలెక్టర్‌ స్పందించి తనను ఆదుకోవాలని కోరారు. పాస్‌ పుస్తకంలో నమోదు చేయాలి సోంపేట మండలంలోని రుషికుడ్డ గ్రామంలో రైతులకు బీడీఆర్‌ భూములు సర్వే చేసి పాస్‌ పుస్తకంలో నమోదు చేయాలని సీపీఎం పార్టీ జిల్లా కార్యదర్శి డి.గోవిందరావు, జిల్లా కమిటీ సభ్యుడు సంగారు లక్ష్మీనారాయణ డిమాండ్‌ చేశారు. ప్రభుత్వం సర్వే చేసి పాస్‌ పుస్తకంలో నమోదు చేయకపోవడం వల్ల అన్నదాత సుఖీభవ, ఇన్‌పుట్‌ సబ్సిడీ, ఇతర సంక్షేమ పథకాలు అమలు జరక్క రైతులకు తీవ్ర అన్యాయం జరుగుతుందని ఆవేదన వ్యక్తం చేశారు. కలెక్టర్‌ని కలిసినవారిలో రుషికుడ్డ భూ పరిరక్షణ పోరాట కమిటీ నాయకులు, మాజీ సర్పంచ్‌లు కె.కామేశ్వరరావు, సంధి రాజు, సంధి దామోదరం, సంధి మధుసూదన, తప్పల జానకిరావు, గేదెల సూర్యనారాయణ, లక్ష్మీనారాయణ తదితరులు పాల్గొన్నారు. కుశాలపురంలోనే కొనసాగించాలి శ్రీకాకుళం మున్సిపల్‌ కార్పొరేషన్‌లో డివిజన్ల పునర్విభజనలో భాగంగా యాతపేటను కుశాలపురం నుంచి విడగొట్టకుండా చూడాలని కలెక్టర్‌కి వినతిపత్రం అందించారు. తమ డివిజన్‌తో సంబంధం లేని దూర ప్రాంతంలో సుమారు 5 కిలోమీటర్లు దాటి సచివాలయం, రేషన్‌, స్కూల్స్‌కి వెళ్లాల్సి వస్తుందని.. దీనిని పరిశీలించి న్యాయం చేయాలని కోరారు. జగనన్న కాలనీల్లో మౌలిక వసతులు కల్పించకుండా కూటమి నాయకులు కక్షసాధింపు చర్యలకు పాల్పడడం సరికాదని వైఎస్సార్‌సీపీ యువనేత డాక్టర్‌ ధర్మాన కృష్ణచైతన్య అన్నారు. నరసన్నపేట పట్టణంలోని జగనన్న కాలనీలో మౌలిక సదుపాయాలు కల్పించాలని కోరుతూ పీజీఆర్‌ఎస్‌లో సోమవారం వినతి అందజేశారు. ఈ సందర్భంగా కృష్ణ చైతన్య మాట్లాడుతూ నరసన్నపేట పట్టణంలోని జగనన్న కాలనీలో నివసిస్తున్న ప్రజలు తాగునీరు, డ్రైనేజీ వ్యవస్థ, రహదారులు, విద్యుత్‌ దీపాలు, శ్మశానవాటికలో కనీస వసతులు లేక తీవ్ర ఇబ్బందులు ఎదుర్కొంటున్నారని తెలిపారు. కాలనీలో నివసిస్తున్న కుటుంబాల సమస్యలను ప్రభుత్వం గుర్తించి, వారికి అవసరమైన కనీస సదుపాయాలు కల్పించాల్సిన బాధ్యత ఉందన్నారు. కలెక్టర్‌ని కలిసినవారిలో వైఎస్సార్‌సీపీ కాళింగ కుల బీసీ విభాగం అధ్యక్షుడు ఆరంగి మురళీధర్‌, పార్టీ రాష్ట్ర ఎస్సీ సెల్‌ కార్యదర్శి బూరల్లి శంకర్‌రావు, నియోజకవర్గ యూత్‌ అధ్యక్షుడు దండి జయప్రకాష్‌, నియోజకవర్గ పంచాయతీ రాజ్‌ అధ్యక్షుడు బగ్గు రమణయ్య, పట్టణ అధ్యక్షుడు పొట్నూరు సాయి ప్రసాద్‌, మండల విద్యార్థి విభాగం అధ్యక్షుడు పాగోటి భరత్‌ కుమార్‌, మండల ఉపాధ్యక్షుడు నేతింటి రాజేశ్వరరావు, మాజీ ఎంపీటీసీ మార్పు విజయ్‌కుమార్‌, నాగవంశపు డేవిడ్‌, జిల్లా మహిళా కార్యదర్శి సవర శైలజ, మండల మహిళా కార్యదర్శి మరువాడ సుధారాణి తదితరులు ఉన్నారు.

సాక్షి ప్రతినిధి, శ్రీకాకుళం: సిక్కోలు సొమ్ము సరిహద్దు దాటిపోతోంది. హైప్రొఫైల్‌ జూదరులు వలసపోయి పక్కనున్న ఒడిశాలో పేకాట కింగ్‌లవుతున్నారు. జిల్లాలోని కొందరు బడాబాబులు, ప్రభుత్వ ఉద్యోగులు సొంత ఊళ్లలో దొరికిపోతామన్న భయంతో సేఫ్‌ జోన్‌ కోసం పక్క రాష్ట్రం వైపు రూటు మార్చారు. ఇక్కడి నుంచి కోట్లలో నగదు మూటలను సర్దుకుని, గుట్టు చప్పుడు కాకుండా సరిహద్దులు దాటి ఒడిశాలోని పర్లాకిమిడి అడ్డాలకు చేరుకుంటున్నారు. అక్కడ కూడా మన వాళ్లే చక్రం తిప్పుతున్నారు. తాజాగా పర్లాకిమిడి శివార్లలోని దేవిది గ్రామం సమీపంలో ఉన్న జై మాతా దీ కల్యాణ మండపంలో గజపతి జిల్లా పోలీసులు జరిపిన మెరుపు దాడిలో శ్రీకాకుళం జిల్లాకు చెందిన వారితో పాటు ఉత్తరాంధ్ర పరిధిలోని మిగతా జిల్లాలకు చెందిన వారు కూడా రెడ్‌ హ్యాండెడ్‌గా దొరికిపోవడం ప్రస్తుతం హాట్‌ టాపిక్‌. పర్లాకిమిడే ఎందుకు.. ● శ్రీకాకుళం, పలాస, టెక్కలి, పాతపట్నం, ఇచ్ఛాపురం వంటి సరిహద్దు ప్రాంతాల నుంచి పర్లాకిమిడికి వెళ్లడం చాలా సులువు. ● జిల్లాలో ఇటీవల కాలంలో పోలీసులు దాడులు ఎక్కువ కావడంతో జూదరులంతా సేఫ్‌ గేమ్‌ కోసం ఒడిశా వైపు మొగ్గు చూపారు. ● పర్లాకిమిడి శివార్లలోని ఓ ఫంక్షన్‌ హాల్‌ను ఏకంగా అక్రమ క్యాసినో అడ్డాగా మార్చేశారు. స్థానిక నిర్వాహకులతో చేతులు కలిపిన శ్రీకాకుళం కింగ్‌ పిన్లు.. ఇక్కడి నుంచి జూదరులను కార్లలో చేరవేసి నెట్‌వర్క్‌ను నడుపుతున్నారు. ప్లాస్టిక్‌ టోకెన్లుగా నగదు మార్పిడి... ● ఈ అక్రమ క్యాసినో నిర్వాహకులు క్రిమినల్‌ మైండ్‌తో వ్యవహరిస్తున్నారు. ● నేరుగా డబ్బులు పెట్టి ఆడితే పోలీసులకు దొరికిపోతామనే భయంతో శ్రీకాకుళం నుంచి వెళ్లే జూదరుల వద్ద ముందుగానే డబ్బులు వసూలు చేసి, వాటికి బదులుగా నంబర్లు ఉన్న ప్రత్యేక ప్లాస్టిక్‌ టోకెన్లు ఇస్తున్నారు. ● ఆట ముగిసిన తర్వాత ఆ టోకెన్లను మళ్లీ నగదులా మార్చుకునేలా ప్లాన్‌ చేశారు. ● శ్రీకాకుళం ఏజెంట్ల సిఫార్సు, ప్రత్యేక కోడ్‌ వర్డ్‌ ఉంటేనే లోపలికి రానిస్తున్నారు. ● పక్కా ప్లాన్‌తో నిర్వహిస్తున్న జూద శిబిరంపై పోలీసులు కూడా పక్కా వ్యూహంతో దాడి చేయడంతో జూదరుల గుట్టురట్టు అయ్యింది. స్క్రీనింగ్‌ చేశాకే అనుమతి..శ్రీకాకుళం, పలాస, టెక్కలి, ఆమదాలవలస, కోట బొమ్మాళి, పాతపట్నం ప్రాంతాల నుంచి కొంతమంది ఏజెంట్లు ఈ మాఫియా వెనక చక్రం తిప్పుతున్నారు. పలాసకు చెందిన కొందరు జీడి వ్యాపారులు, ఆమదాలవలస, కోటబొమ్మాళి ప్రాంతాలకు చెందిన రియల్‌ ఎస్టేట్‌ వ్యాపారులు, శ్రీకాకుళంకు చెందిన కొందరు ఉద్యోగుల, వ్యాపారులు గ్రూపులుగా ఏర్పడి వెళ్లారు. వెళ్లిన ప్రతి కస్టమర్‌ ఐడెంటిటీని ఇక్కడి సబ్‌ ఏజెంట్లు స్క్రీనింగ్‌ చేశాకే లోపలికి అనుమతించినట్టు తెలిసింది. ఆ ఏజెంట్లు ఎవరో..? పర్లాకిమిడి అడ్డాలో దొరికిన 70 మందిలో శ్రీకాకుళం జిల్లాకు చెందిన వారే అత్యధికులు. ఈ వ్యవహారాన్ని తీవ్రంగా పరిగణించిన జిల్లా పోలీసులు రంగంలోకి దిగారు. ఒడిశా పోలీసుల నుంచి సమాచారాన్ని రాబడుతున్నారు. జిల్లాలో ఉంటూ జూదరులను పక్క రాష్ట్రాలకు తరలిస్తున్న ఆ లైన్‌ ఏజెంట్లు ఎవరు? ఫైనాన్స్‌ వెనక ఉన్న కింగ్‌ పిన్స్‌ ఎవరు? అనే కోణంలో లోకల్‌ క్రైమ్‌ బ్రాంచ్‌ ఆరాతీస్తోంది. జూదాన్ని వ్యసనంగా మార్చుకుని, కుటుంబాలను రోడ్డున పడేసే ఇలాంటి తెల్ల చొక్కాల వెనక ఉన్న అసలు రంగు బయటపెట్టాల్సిన అవసరం ఎంతైనా ఉంది. పర్లాకిమిడి క్యాసినో నెట్‌వర్క్‌పై పోలీసుల మెరుపుదాడి పట్టుబడిన 70 మంది జూదరులు అత్యధికులు శ్రీకాకుళం జిల్లాకు చెందిన వారే జాబితాలో రౌడీషీటర్లు కూడా సీక్రెట్‌ కోడ్స్‌...ప్లాస్టిక్‌ టోకెన్స్‌తో దందా పర్లాకిమిడిలోని కల్యాణ మండపంలో పేకాట శిబిరంపై పోలీసులు దాడులు చేసిన దృశ్యంజూదరులను వాహనంలో తరలిస్తూ..పట్టుబడిన 70 మంది గజపతి జిల్లా పోలీసులు ఆదివారం అర్ధరాత్రి జరిపిన దాడిలో పట్టుబడిన 70 మందిలో అత్యధికులు శ్రీకాకుళం జిల్లాకు చెందిన వారే ఉన్నారు. పలాస, శ్రీకాకుళం నగరానికి చెందిన పలువురు రియల్‌ ఎస్టేట్‌, జీడిపప్పుడు వ్యాపారవేత్తలు ఉన్నారు. జిల్లాకు చెందిన కొందరు ప్రభుత్వ ఉద్యోగులు పండుగ సెలవుల సాకుతో ఇక్కడ వచ్చి పోలీసులకు దొరికిపోయారు. రౌడీ షీటర్లు కూడా ఉన్నారు. టేబుల్స్‌ కింద దాచి ఉంచిన బ్యాగుల నుంచి రూ.12లక్షలపైబడి నగదును సీజ్‌ చేశారు. ఘటనా స్థలంలో 9 లగ్జరీ కార్లు, 12 మోటార్‌ సైకిళ్లు పట్టుబడ్డాయి. సీజ్‌ చేసిన కార్లలో మెజారిటీ వాహనాలు ఏపీ 30 రిజిస్ట్రేషన్‌తో ఉన్నవే కావడం గమనార్హం.

సంతబొమ్మాళి: అధికారుల నిర్లక్ష్యంతో ప్రభుత్వ భూములను కొంతమంది యథేచ్ఛగా కబ్జా చేస్తున్నారు. మండలంలో పోతునాయుడుపేట రెవెన్యూ పరిధిలోని హనుమంతునాయుడుపేట గ్రామంలో సర్వే నంబర్లు 334, 335లో ఉన్న సుమారు 70 సెంట్ల ప్రభుత్వ భూమిని టీడీపీకి చెందిన మాజీ ఉప సర్పంచ్‌ కబ్జా చేశారు. ప్రస్తుతం మార్కెట్‌ విలువ ప్రకారం ఈ భూమి విలువ రూ.కోటి పైగా ఉంటుంది. గతంలో ఈ ప్రభుత్వ భూమిని జగనన్న కాలనీ నిర్మాణానికి కేటాయించారు. సరిహద్దులు కూడా పోల్చారు. అయితే స్థానిక నాయకుల మధ్య సమన్వయం లేకపోవడంతో ముందుకు సాగలేదు. దీంతో ఖాళీగా ఉన్న ఈ భూమిపై టీడీపీ నాయకుడి కన్ను పడింది. సదరు భూమిని ఆక్రమించి జీడి మామిడి మొక్కలు నాటారు. ప్రభుత్వ భూమి ఆక్రమణపై సంబంధిత రెవెన్యూ అధికారులకు పలుమార్లు ఫిర్యాదు చేసినప్పటికీ చర్యలు తీసుకోలేదని గ్రామస్తులు ఆరోపిస్తున్నారు. ప్రభుత్వ భూమిని గుర్తించి హద్దులు ఏర్పాటు చేసి ఆక్రమణను తొలగించాలని కోరుతున్నారు. ఇప్పటికై నా అధికారులు స్పందించకపోతే కలెక్టర్‌కు ఫిర్యాదు చేస్తామని గ్రామస్తులు తెలిపారు. ప్రభుత్వ భూమిని కాపాడి, ఆక్రమమణకు పాల్పడిన వారిపై చర్యలు తీసుకోవాలని డిమాండ్‌ చేస్తున్నారు. దీనిపై వీఆర్వో సాయిని అడగగా తన దష్టికి రాలేదని, ఫిర్యాదు వస్తే క్షేత్రస్థాయిలో పరిశీలిస్తానన్నారు.

వార్డులవారీగా రిజర్వేషన్లు మొత్తం వార్డులు 28 ఎస్టీ జనరల్‌ 1 ఎస్సీ జనరల్‌ 1 బీసీ జనరల్‌ 6 బీసీ మహిళ 6 జనరల్‌ మహిళ 8 అన్‌రిజర్వ్‌ 6 1986లో 3వ గ్రేడ్‌ మున్సిపాలిటీగా ఇచ్ఛాపురం ఏర్పాటైంది. ఈ మున్సిపాల్టీకి తొలిసారిగా 1987లో ఎన్నికలు జరిగాయి. జనరల్‌ మహిళ రిజర్వేషన్‌లో పిలక పద్మావతి మొట్టమొదటి చైర్‌పర్సన్‌గా ఎన్నికయ్యారు. 1995లో జనరల్‌ మహిళ రిజర్వేషన్‌ మహిళ కాగా, 2014లో జనరల్‌ కింద రిజర్వు అయింది. చివరిగా జరిగిన 2021 ఎన్నికల్లో బీసీ మహిళకు రిజర్వు అయింది. ఆ ఎన్నికల్లో పిలక రాజలక్ష్మీ చైర్‌పర్సన్‌గా ఎన్నికయ్యారు. తాజాగా జరగనున్న ఎన్నికలకు బీసీ మహిళ రిజర్వేషన్‌ ఖరారయ్యింది.

వార్డులవారీగా రిజర్వేషన్లు మొత్తం వార్డులు 36 బీసీ జనరల్‌ 7 బీసీ మహిళలు 6 ఎస్సీ మహిళలు 2 ఎస్సీ జనరల్‌ 2 అన్‌ రిజర్వ్‌డ్‌ 8 జనరల్‌ (మహిళలు) 10 ఎస్టీ 01 1996లో పలాన నగర పంచాయతీగా ఏర్పాటైంది. 2000–2002లో పలాస –కాశీబుగ్గ కంబైండ్‌ మున్సిపాలిటీ(సెకండ్‌ గ్రేడ్‌)గా ఏర్పాటైంది. 2002లో జరిగిన మొదటి ఎన్నికల్లో జనరల్‌ కేటగిరీ కింద రిజర్వు కాగా, మొదటి చైర్మన్‌గా వజ్జ బాబూరావు పనిచేశారు. 2007 ఎన్నికల్లో జనరల్‌ మహిళ రిజర్వేషన్‌ కాగా, 2014లో జనరల్‌ కేటగిరి కింద, 2021లో జనరల్‌ కేటగిరి కింద రిజర్వు అయింది. చివరి ఎన్నికల్లో బల్ల గిరిబాబు చైర్మన్‌గా ఎన్నికయ్యారు. తాజాగా జరగనున్న ఎన్నికలకు జనరల్‌ మహిళ రిజర్వేషన్‌ ఖరారైంది.

● జిల్లాలో ‘పుర’ పీఠాలు మహిళలకే ● రిజర్వేషన్లలో అన్నీ వారికే కేటాయింపు ● రిజర్వేషన్ల లెక్కలతో అంచనాలు తలకిందులు మహిళలకు రాజ్యాధికారంలో, రాజకీయ అధికారంలో సముచిత ప్రాతినిధ్యం కల్పించాలన్న డిమాండ్‌ ఎట్టకేలకు సాకారం అవుతున్నది. వైఎస్సార్‌ సీపీ హయాంలో బీజం పడిన ఈ సంకల్పానికి ప్రస్తుత కూటమి ప్రభుత్వం కూడా అనుసరించక తప్పలేదు. 2021లో జరిగిన స్థానిక సంస్థల ఎన్నికల్లోనే అప్పటి వైఎస్‌ జగన్‌ ప్రభుత్వం పార్టీపరంగాను, చట్టపరంగాను అత్యధిక సీట్లు కేటాయించి స్థానిక ప్రభుత్వాల్లో వారి భాగస్వామ్యం గణనీయంగా పెంచింది. అదే సంప్రదాయాన్ని కొనసాగిస్తూ ప్రభుత్వం త్వరలో జరగనున్న మున్సిపల్‌ ఎన్నికలకు ఖరారు చేసిన రిజర్వేషన్లలో మహిళలకు తగిన వాటా ఇవ్వకతప్ప లేదు. తాజా రిజర్వేషన్ల ప్రకారం జిల్లాలో ఒక నగరపాలక సంస్థ మేయర్‌, మూడు మున్సిపల్‌ చైర్మన్‌ పీఠాలపై మహిళా నేతలు కొలువుతీరనున్నారు. శ్రీకాకుళం కార్పొరేషన్‌ 2015లో ఏర్పాటైంది. ఇంతవరకు ఎన్నికలు జరగలేదు. అంతకు ముందు మున్సిపాలిటీగా ఉండేది. శ్రీకాకుళం మున్సిపాలిటీ 1856లో ఏర్పాటైంది. బ్రిటీష్‌ ఇండియా పరిపాలన కాలంలో ఏర్పాటైన మున్సిపాల్టీగా, దేశంలో అత్యంత పురాతనమైన మున్సిపాలిటీగా రికార్డుల్లో నిలిచింది. రిజర్వేషన్‌ రొటేషన్‌లో భాగంగా 1981లో జనరల్‌కు రిజర్వు కాగా, 1995లో బీసీకి రిజర్వు అయింది. 2000, 2005 ఎన్నికల్లో జనరల్‌ మహిళకు రిజర్వు అయింది. చివరిగా జరిగిన ఎన్నికలో ఎం.వి.పద్మావతి చైర్‌పర్సన్‌గా ఎన్నికయ్యారు. ఆ తర్వాత నుంచి ఎన్నికలు జరగలేదు. కార్పొరేషన్‌ ఏర్పాటు కావడంతో విలీన పంచాయతీల వివాదం నేపథ్యంలో బంతి కోర్టులో ఉండిపోయింది. తాజాగా జరగనున్న ఎన్నికల్లో జనరల్‌ మహిళ రిజర్వేషన్‌ ఖరారైంది. శ్రీకాకుళం మున్సిపల్‌ కార్పొరేషన్‌లో వార్డుల పునర్విభజన ప్రక్రియలో భాగంగా అభ్యంతరాలు స్వీకరిస్తున్నారు. ఇవి కొలిక్కివచ్చాక రిజర్వేషన్ల తుది జాబితా వెల్లడిస్తారు. సాక్షి ప్రతినిధి, శ్రీకాకుళం: ఎప్పుడెప్పుడా అని ఎదురు చూసిన మున్సిపల్‌ రిజర్వేషన్లు వచ్చేశాయి. పట్టణాలకు, నగరానికి ఎన్నికల సందడిని తెచ్చేశాయి. జిల్లాలోని కార్పొరేషన్‌కు, మూడు మున్సిపాల్టీలకు మహిళా రిజర్వేషన్లే ఖరారయ్యాయి. పురపాలక, నగరపాలక సంస్థల పీఠాలను అతివలే అధిరోహించనున్నారు. ఇందులో ప్రధానమైన శ్రీకాకుళం మున్సిపల్‌ కార్పొరేషన్‌ జనరల్‌ మహిళకు రిజర్వు అయింది. దీంతో అందరి దృష్టి కార్పొరేషన్‌పై పడింది. ఎవరా మహిళా? ఎవరికా అదృష్టం? అనే దానిపై చర్చ మొదలైంది. మిగతా మూడు మున్సిపాల్టీలు కూడా మహిళల ఖాతాలో పడనున్నాయి. మహిళలకే చైర్‌పర్సన్‌ పీఠాలు.. జిల్లాలో అన్ని నగర పాలక, పురపాలక సంస్థల్లో మహిళలకే పట్టం కట్టనున్నారు. ఆ మేరకు రిజర్వేషన్లు ఖరారయ్యాయి. ఎన్నో ఆశలు పెట్టుకున్న పురుషులకు నిరాశే ఎదురైంది. ఇప్పుడంతా ఆ మహిళా నాయకుల కోసం అన్వేషణ చేయాల్సిన పరిస్థితి ఏర్పడింది. ఇంట్లో మహిళలనే పెడదామా? మరొకరిని ఎంపిక చేయాలా? అన్నదానిపై ఆలోచనలో పడ్డారు. ప్రధాన రాజకీయ పక్షాలు ఎత్తుకు పైఎత్తులు వేసే పనిలో ఉన్నాయి. ఎవరైతే బాగుంటారు? ఎవరైతే గెలుస్తారు? ఎవరిని పెడితే అనుకూలగా ఉంటుంది? ప్రతికూలమయ్యే పరిస్థితులేంటి అన్నదానిపై తర్జన భర్జనలు పడుతున్నారు. కూటమిలో త్రిముఖ చర్చ.. ప్రతిపక్షం వైఎస్సార్‌సీపీలో ఒక్కటే నిర్ణయం కానుంది. పార్టీ అధిష్టానం ఎవరిని డిసైడ్‌ చేస్తే వారే అభ్యర్థి కానున్నారు. ఆ దిశగా మంతనాలు జరుగుతున్నాయి. కానీ, కూటమిలో పరిస్థితి భిన్నంగా ఉంది. శ్రీకాకుళం కార్పొరేషన్‌ దగ్గరి నుంచి మున్సిపాల్టీల వరకు ఇదే గందరగోళం నెలకొంది. శ్రీకాకుళం కార్పొరేషన్‌పై టీడీపీ ఇప్పటికే బోలెడు ఆశలు పెట్టుకుంది. కానీ, జనసేన, బీజేపీ కూడా అడుగుతున్నాయి. మిగతా మున్సిపాల్టీల్లో కూడా పోటీ పడుతున్నాయి. ఈ పంచాయతీ తేల్చుకున్నాకనే కూటమిలో స్పష్టత రానుంది. అంతవరకు ఎవరి ఆశలు వారివే. .. శ్రీకాకుళం మున్సిపల్‌ కార్పొరేషన్‌ జనరల్‌ మహిళ ఇచ్ఛాపురం మున్సిపాలిటీ బీసీ మహిళ పలాస, కాశీబుగ్గ మున్సిపాలిటీ జనరల్‌ మహిళ ఆమదాలవలస మున్సిపాలిటీ జనరల్‌ మహిళ రిజర్వేషన్లు

శ్రీకాకుళం రూరల్‌: శ్రీకాకుళం రూరల్‌ పోలీస్‌స్టేషన్‌ పరిధిలో ఈనెల 8వ తేదీన వృద్ధురాలి మెడలో చైన్‌ స్నాచింగ్‌ చేసిన మహిళను రూరల్‌ పోలీసులు అరెస్టు చేశారు. మహిళ వద్ద నుంచి రూ.5.50 లక్షల విలువైన 38.0 గ్రాముల బంగారు గొలును స్వాధీనం చేసుకున్నట్లు రూరల్‌ ఎస్‌ఐ సురేష్‌ సోమవారం తెలిపారు. వివరాల్లోకి వెళ్తే.. వృద్ధురాలు యడ్ల వరలక్ష్మి గోవిందనగర్‌లో ఒంటరిగా నివాసముంటోంది. దీంతో ఇల్లు అద్దెకు కావాలంటూ ముందస్తు ప్లాన్‌ ప్రకారం ఇందిరానగర్‌ కాలనీలో నివాసముంటున్న రౌతు నీరజ అలియాస్‌ సుష్మ ఆమె వద్దకు వెళ్లింది. సుష్మ స్వస్థలం విజయనగరంలో జిల్లాలోని రాజాం మండలంలో కంచరాం గ్రామం. మూడు రోజులు ముందుగా రెక్కి నిర్వహించి ఇల్లు కావాలంటూ వృద్ధురాలిని పరిచయం చేసుకుంది. అనంతరం 8వ తేదీన ఇంట్లోకి చొరబడి వృద్ధురాలితో మాటలు కలిపి కంట్లో కారం కొట్టి బలవంతంగా వృద్ధురాలి మెడలోంచి బంగారు గొలుసు లాక్కెళ్లిపోయింది. సీసీ ఫుటేజీ ఆధారంగా... రూరల్‌ పోలీసులు సీసీ ఫుటేజీ ఆధారంగా జల్లెడపట్టారు. దొంగతనం చేసిన సమయం నుంచి ఎలా వెళ్లిది, ఎక్కడ ఆగింది అన్న విషయాలను పిన్‌ టు పిన్‌ కూపీ లాగారు. దీంతో ఆమె ఆనవాళ్లు ఇందిరానగర్‌ కాలనీలోనే చూపించాయి. రూరల్‌ ఎస్‌ఐ సిబ్బందితో కలిసి సోమవారం ఆమెను ఇందిరానగర్‌ కాలనీ పట్టుకొని అరెస్టు చేసి రిమాండ్‌కు తరలించారు. ఆమె వద్దనున్న బంగారు చైన్‌ను స్వాధీనం చేసుకున్నారు. దీంతో రూరల్‌ పోలీసుల పనితీరును ఎస్పీ మహేశ్వరరెడ్డి, డీఎస్సీ ధనుజంయ నాయుడు, టౌన్‌ సీఐ పైడపునాయుడు అభినందనలు తెలిపారు. ఐఎన్‌టీయూసీ జిల్లా అధ్యక్షుడిగా మల్లేశ్వరరావు శ్రీకాకుళం అర్బన్‌: ఇండియన్‌ నేషనల్‌ ట్రేడ్‌ యూనియన్‌ కాంగ్రెస్‌(ఐఎన్‌టీయూసీ)జిల్లా అధ్యక్షుడిగా ఎం.మల్లేశ్వరరావు నియామకమయ్యారని జిల్లా కాంగ్రెస్‌ కమిటీ అధ్యక్షుడు సనపల అన్నాజీరావు తెలిపారు. సోమవారం శ్రీకాకుళంలోని ఇందిరా విజ్ఞాన భవన్‌లో ఐఎన్‌టీయూసీ జిల్లా అధ్యక్షునిగా మల్లేశ్వరరావు పదవీ స్వీకారం జరిగింది. ఇండియన్‌ నేషనల్‌ ట్రేడ్‌ యూనియన్‌ కాంగ్రెస్‌ జిల్లా అధ్యక్షుడిగా మల్లేశ్వరరావు నియామకాన్ని రాష్ట్ర పీసీసీ అధ్యక్షురాలు వైఎస్‌ షర్మిలరెడ్డి ధ్రువీకరించారని వెల్లడించారు. కార్యక్రమంలో డీసీసీ ఉపాధ్యక్షుడు దేశెల్ల గోవింద మల్లిబాబు, పట్టణ కాంగ్రెస్‌ అధ్యక్షుడు రెల్ల సురేష్‌, కాంగ్రెస్‌ నాయకులు ఇజ్జురోతు రమణ, పిన్నింటి పారం నాయుడు తదితరులు పాల్గొన్నారు. క్రీడల్లో రాణిస్తే గుర్తింపు నూజివీడు: క్రీడల్లో రాణించడం ద్వారా సమాజంలో మంచి గుర్తింపు లభిస్తుందని నూజివీడు మాజీ ఎమ్మెల్యే మేకా వెంకట ప్రతాప్‌ అప్పారావు అన్నారు. ఏపీ కబడ్డీ అసోసియేషన్‌ ఆధ్వర్యంలో ఎల్‌ఆర్‌డీ స్పోర్ట్స్‌ అండ్‌ డిఫెన్స్‌ అకాడమీ నిర్వహించిన అండర్‌–16 బాలబాలికల ఇంటర్‌ డిస్ట్రిక్ట్‌ కబడ్డీ పోటీలు నూజివీడులో ముగిశాయి. ఈ పోటీల విజేతలకు నిర్వహించిన బహుమతుల ప్రదానోత్సవ కార్యక్రమంలో ఆయన ముఖ్య అతిథిగా పాల్గొని ప్రసంగించారు. నూజివీడులో రాష్ట్రస్థాయి కబడ్డీ టోర్నమెంట్‌ను విజయవంతంగా నిర్వహించడం గర్వకారణమని ఆయన కొనియాడారు. తల్లిదండ్రులు తమ పిల్లలను చదువుతో పాటు క్రీడల్లో కూడా ప్రోత్సహించాలని కోరారు. విద్యార్థులకు ఏ క్రీడపై ఆసక్తి ఉందో కోచ్‌లు, పీడీ, పీఈటీలు గుర్తించి, వారికి సరైన శిక్షణ ఇచ్చి జాతీయ స్థాయి క్రీడాకారులుగా తీర్చిదిద్దాలని సూచించారు. కార్యక్రమంలో ఎల్‌.రామదాసు, కబడ్డీ అసోసియేషన్‌ నాయకులు, నిర్వాహకులు, క్రీడాకారులు తదితరులు పాల్గొన్నారు. బాలికల విభాగం: శ్రీకాకుళం (ప్రథమ స్థానం), కర్నూలు (ద్వితీయ స్థానం), చిత్తూరు (తృతీయ స్థానం) బాలుర విభాగం: బాపట్ల (ప్రథమ స్థానం), నెల్లూరు (ద్వితీయ స్థానం), తిరుపతి (తృతీయ స్థానం)

● నేటి నుంచి మూడు రోజుల పాటు కోటబొమ్మాళిలో ఉత్సవాలు ● లక్షలాది మంది భక్తులు వచ్చే అవకాశం టెక్కలి : ఉత్తరాంధ్ర ప్రజల ఆరాధ్య దైవం, కోరిన కోర్కెలు తీర్చే కల్పవల్లి కోటబొమ్మాళి కొత్తమ్మతల్లి అమ్మవారి 101వ వార్షిక ఉత్సవాలకు ఏర్పాట్లు పూర్తయ్యాయి. ఈ నెల 13 నుంచి 15వ తేదీ వరకు జరగనున్న ఈ ఉత్సవాలకు లక్షలాది మంది భక్తులు తరలివచ్చే అవకాశం ఉంది. ఈ నేపథ్యంలో కలెక్టర్‌ స్వప్నిల్‌ దినకర్‌ పుండ్కర్‌ పర్యవేక్షణలో టెక్కలి ఆర్డీఓ ఎం.కృష్ణమూర్తి ఆధ్వర్యంలో దేవదాయ ధర్మాదాయ శాఖాధికారులు ఏర్పాట్లు పూర్తి చేశారు. అమ్మవారి దర్శనానికి జిల్లాతో పాటు ఇతర ప్రాంతాల నుంచి వివిధ ప్రజాప్రతినిధులు, రాజకీయ నాయకులు, వివిధ రంగాలకు చెందిన వీఐపీలు, అధిక సంఖ్యలో భక్తులు వచ్చే అవకాశం ఉండటంతో ఆలయ ప్రాంగణాన్ని సర్వాంగ సుందరంగా తీర్చిదిద్దారు. ఎటువంటి ఘటనలు జరగకుండా పోలీసులు ప్రత్యేక బందోబస్తు నిర్వహించనున్నారు. ప్రత్యేక కార్యక్రమాలు... హెలికాప్టర్‌ రైడింగ్‌, అమ్మవారి చరిత్ర తెలిపే డ్రోన్‌ షో వంటి విభిన్న కార్యక్రమాలు జరగనున్నాయి. మంగళవారం సంగిడి పోటీలు, వినీత్‌ ఈవెంట్స్‌ ఆధ్వర్యంలో మెగా మ్యూజికల్‌ నైట్‌, 14న ఉలవల బస్తాలు ఎత్తే పోటీలు, రాత్రి మెగా డ్యాన్స్‌ బేబీ డ్యాన్స్‌ పోటీలు, అమ్మవారి శోభాయాత్ర, డ్రోన్‌ షో, 15న శ్రీరామాంజనేయ యుద్ధం, గయోపాఖ్యానం, సత్యహరిశ్చంద్ర, బాణసంచా కాల్చడం, కబడ్డీ పోటీలు తదితర కార్యక్రమాలు నిర్వహించనున్నారు. తరలిరానున్న భక్తజనం.. ప్రతి ఏడాది పోలాల అమావాస్య తర్వాత వచ్చే నవరాత్రులలో కొత్తమ్మ తల్లి సంబరాలు చేయడం ఆనవాయితీగా వస్తోంది. కమ్మకట్టు కుటుంబీకులు అమ్మవారికి పూజలు నిర్వహించిన తర్వాత ఉత్సవాలు ప్రారంభమవుతాయి. మొదట గ్రామానికే పరిమితమైన అమ్మవారి విశిష్టత కాల క్రమేణ జిల్లాలు దాటి నేడు ఆంధ్రా, తెలంగాణా, ఒడిశా, ఛత్తీస్‌గఢ్‌, తమిళనాడు తదితర రాష్ట్రాల నుంచి సైతం భక్తులు పెద్ద ఎత్తున వచ్చి అమ్మవారిని దర్శించుకుంటారు. 800 మందితో భారీ బందోబస్తు శ్రీకాకుళం క్రైమ్‌ : కోటబొమ్మాళి కొత్తమ్మ తల్లి ఉత్సవాల నేపథ్యంలో శాంతిభద్రతల పరిరక్షణలో భాగంగా 800 మంది పోలీసులతో పటిష్ట బందోబస్తు ఏర్పాటు చేయనున్నామని ఎస్పీ జిల్లా ఎస్పీ కె.వి.మహేశ్వరరెడ్డి సోమవారం స్పష్టం చేశారు. ఓ అదనపు ఎస్పీ, ఇద్దరు డీఎస్పీలు, 15 మంది సీఐలు, 40 మంది ఎస్‌ఐలు, స్పెషల్‌ పార్టీ, రోప్‌ పార్టీ, హోంగార్డుల బృందాలు విధులు నిర్వహించనున్నారని ఎస్పీ తెలిపారు. సీసీ కెమెరాలు, లైవ్‌ డ్రోన్ల ద్వారా నిరంతర నిఘా ఏర్పాటు చేస్తు న్నట్లు చెప్పారు. ఎల్‌ఈడీ తెరలతో ప్రత్యేక కంట్రోల్‌ రూమ్‌ ఏర్పాటు చేసి రద్దీ ప్రాంతాల్లో పరిస్థితులను ఎప్పటికప్పుడు సమీక్షించనున్నట్లు తెలిపారు. విద్యుద్దీపాలంకరణలో కోటబొమ్మాళి కొత్తమ్మ తల్లి ఆలయం

శ్రీకాకుళం క్రైమ్‌: జిల్లా పోలీసు కార్యాలయంలో సోమవారం నిర్వహించిన ప్రజా ఫిర్యాదుల స్వీకరణ, పరిష్కార వేదిక (గ్రీవెన్సు)లో బాధితుల నుంచి 74 ఫిర్యాదులు అందాయి. ఎస్పీ కేవీ మహేశ్వరరెడ్డి ఫిర్యాదులను స్వీకరించి బాధితులతో ముఖాముఖి మాట్లాడారు. ఫిర్యాదులు ఎక్కువ శాతం భూ కబ్జాలు, ఆర్థిక లావాదేవీలు అంశాలపైనే ఉండడం విశేషం. ● సంతబొమ్మాళి మండలం దండుగోపాలపురానికి చెందిన కుమ్మరి మోహన కృష్ణ అనే దివ్యాంగుడు తన ఇంటి స్థలాన్ని ఆక్రమించుకోవదానికి అదే గ్రామానికి చెందిన చీడివలస అప్పన్న, చీడివలస లక్ష్మణరావు, చీడివలస యల్లమ్మలు యత్నిస్తున్నారని, కొట్టి చంపడానికి చూశారని ఫిర్యాదు చేశారు. చీడివలస లక్ష్మణరావు అతని వెనుక కింజరాపు అచ్చెన్నాయుడు ఉన్నాడని భయపెడుతున్నాడని వాపోయాడు. ● బంగారం తనఖా పెట్టి రుణం తీసుకున్నాక అధిక వడ్డీ డబ్బులు వేయడమే కాకుండా.. ఆరు నెలలైనా నిండకముందే వేలానికి వేస్తామని కాశీబుగ్గలోనున్న కీర్తన ఫిన్‌సెర్వ్‌ లిమిటెడ్‌ మేనేజర్‌ బెదిరిస్తున్నారని పద్మనాభపురం కాలనీకి చెందిన అలజింగి దీక్ష ఫిర్యాదు చేశారు. ● రణస్థలం మండలం మక్కపేట గ్రామ బౌండరీలో తన పేరున ఉన్న 2.45 ఎకరాల భూమిని తన కుమార్తె హరిలక్ష్మి, అల్లుడు మక్క అప్పలసూరి దొంగతనంగా రాయించేసుకున్నారని విజయనగరం జిల్లా, మండలం బుచ్చన్న కోనేరుగట్టు గ్రామానికి చెందిన దుంప లక్ష్మి ఫిర్యాదు చేశారు.

లావేరు: మండలంలోని బొడ్డపాడు వద్దనున్న మాతాశ్రమం సమీప తోటల్లో గంజాయి సేవిస్తున్న 12 మందిని లావేరు పోలీసులు ఆదివారం సాయంత్రం అదుపులోకి తీసుకుని సోమవారం అరెస్టు చేశారు. ఈ మేరకు స్థానిక పోలీసుస్టేషన్‌లో జేఆర్‌పురం సీఐ అవతారం, లావేరు ఎస్‌ఐ సందీప్‌కుమార్‌ వివరాలు వెల్లడించారు. మాతాశ్రమం సమీపంలో ఆదివారం సాయంత్రం కొంతమంది వ్యక్తులు గంజాయి సేవిస్తున్నారని, అలాగే వారి వద్ద కొంత మేరకు గంజాయి ఉందని పోలీసులకు సమాచారం వచ్చింది. దీంతో గంజాయి సేవిస్తున్న ఘటనా స్థలానికి లావేరు ఎస్‌ఐ వి.సందీప్‌ కుమార్‌ కొంతమంది పోలీసులు వెళ్లగా.. వీరిని చూసి నలుగురు వ్యక్తులు అక్కడినుంచి పరారయ్యారు. మరో 12 మంది ఘటనా స్థలంలోనే పోలీసులకు పట్టుబడ్డారు. అరైస్టెనవారిలో మహతా రాజు, మహతా ముఖేష్‌ (పైడిభీమవరం), కోలా హర్షవర్ధన్‌ (లావేరు మండలం బెజ్జిపురం), సురావరపు వరప్రసాద్‌(జేఆర్‌పురం), పిన్నింటి చంటి (జేఆర్‌పురం) సీరపు కాసిక్‌ (ఎచ్చెర్ల మండలం జరజాం), సవలాపురపు వంశీ (ఎచ్చెర్ల మండలం ఫరీద్‌పేట), పెద్ది దుర్గా ప్రసాద్‌(ఎచ్చెర్ల), ధర్మాన నరేంద్రం నాయుడు(నరసన్నపేట), లోలుగు గోవిందరాజు(లావేరు మండలం మురపాక), పొట్నూరు అమృత రాజు (ఎచ్చెర్ల మండలం ముద్దాడ), కందుకూరి కిషోర్‌ (లావేరు మండలం పెదరావుపల్లి) ఉన్నారు. వీరి వద్దనుంచి 2 కేజీల 300 గ్రాముల గంజాయిని స్వాధీనం చేసుకున్నారు. రణస్థలం మండలం పైడిభీమవరం వద్ద బీహార్‌ జార్ఖాండ్‌ దాబాను బీహార్‌కు చెందిన అన్నదమ్ములు మహతా రాజు, మహతా ముఖేష్‌లు నడుపుతున్నారు. వీరు ఆ దాబాకు తరుచుగా వచ్చిపోయే లారీ డ్రైవర్ల వద్ద గంజాయి తీసుకొని యువతకు అమ్మకం చేపట్టేవారని పోలీసులు తెలిపారు. ఆరైస్టెనవారిలో ఇప్పటికే కొంతమందిపై గతంలోనూ గంజాయి కేసులు ఉన్నాయని సీఐ చెప్పారు. అలాగే 5 మంది వరకు బీటెక్‌ చదువుకున్న విద్యార్థులు ఉన్నారని వెల్లడించారు.

జి.సిగడాం: మైనింగ్‌ పేరుతో పచ్చని పంట భూముల్లో సర్వేలు చేస్తున్నారని, ఊరిని నాశనం చేయడానికి చర్యలు తీసుకుంటున్నారని పున్నాం గ్రామ వాసులు ఆందోళన వ్యక్తం చేస్తున్నారు. పున్నాంతో పాటు చుట్టు పక్కల గ్రామాల ప్రజల భూముల్లో భారీ యంత్రాల ద్వారా 500 నుంచి 800 లోతు తవ్వడానికి ప్రయత్నాలు జరుగుతున్నాయని వారు చెబుతున్నారు. ఈ మైనింగ్‌ కంపెనీ పెడితే పర్యావరణానికి దెబ్బ తగులుతుందని, పేదల భూములు వేదాంత కంపెనీకి అప్పగిస్తే విధ్వంసం జరుగుతుందని అంటున్నారు. గ్రామంలో ఉన్న వారంతా ఎకరా, రెండు ఎకరాలు సాగు చేస్తున్న సన్న కారు రైతులేనని, వారికి చెప్పకుండా సర్వే చేసే అధికారం ఎవరు ఇచ్చారని ప్రశ్నిస్తున్నారు. ప్రభుత్వం తక్షణం ఈ ఆదేశాలు వెనక్కి తీసుకోవాలని వారం రోజుల నుంచి నాయకులు, అధికారుల చుట్టూ ఊరి వారు తిరుగుతూనే ఉన్నారు. ఏడాదికి మూడు పంటలు పండే భూమిని ప్రభుత్వం, ఉన్నతాధికారులు కలిపి మైనింగ్‌ కంపెనీకి ఇవ్వడం సబబు కాదంటున్నారు. గ్రామ సమీపంలో 152 ఎకరాల భూమిలో మైనింగ్‌ ఉందని, రైతుల అనుమతి లేకుండా నేరుగా వేదాంత కంపెనీ సిబ్బంది వచ్చి సర్వే చేస్తున్నారని ఆవేదన వ్యక్తం చేస్తున్నారు. ప్రశాంతంగా ఉన్న మా ఊరిని సర్వశానం చేయడానికి అధికారులు, నాయకులు కంకణం కట్టుకున్నారు. ఎట్టి పరిస్థితుల్లోనూ మా భూములు కాపాడుకుంటాం. – కోట్లు భువనేశ్వరి, పున్నాం, జి.సిగడాం మండలం మా తాతలు ఇచ్చింది ఎకరా, రెండు ఎకరాలు భూమి మాత్రమే. మీరు లక్షలు పెట్టి కట్టుకున్న బంగ్లాలు ఇమ్మంటే ఇస్తారా..? మరి మా భూములు ఎందుకు ఇవ్వాలి. – కూనిబిల్లి ఉత్తర, పున్నాం, గ్రామం మా తాతలు ఇచ్చిన భూములపైకి ఎవరు వస్తారో చూస్తాం. ప్రాణాలకు తెగించి మా ఊరిని కాపాడుకుంటాం. – సాయి, పున్నాం పున్నాం గ్రామంలో వేదాంత కంపెనీ ద్వారా మైనింగ్‌ పనుల కోసం చర్యలు తీసుకున్నారు. ఈ పనులను నిలుపుదల చేయకపోతే ప్రజల పక్షాన పోరాటాలు చేస్తాం. రైతుల ఆమోదం లేకుండా భూములను తీసుకుని ఈ ప్రాంతాల్లో పర్యావరణానికి ఆటంకం కలిగించాలని చూస్తున్నారు. – గొర్లె కిరణ్‌కుమార్‌, మాజీ ఎమ్మెల్యే

టెక్కలి రూరల్‌: అయోధ్యపురం పంచాయతీ కూర్మనాథపురం సమీపంలో ఆదివారం గుర్తు తెలియని వ్యక్తి మృతదేహాన్ని స్థానికులు గుర్తించి పోలీసులకు సమాచారం అందించారు. మృతుడి వయస్సు సుమారు 70 ఏళ్లు ఉంటుందని భావిస్తున్నారు. తెలుపు షర్టు, నీలం లుంగీ, తువ్వాలు ధరించి ఉన్నాడు. మృతుడు మోదుగవలసకు చెందిన సంపతిరావు జనార్దన రావు(70)గా పోలీసులు గుర్తించారు. రిమ్స్‌లో రక్తదానం శ్రీకాకుళం : అత్యవసర సమయాల్లో ప్రాణాలు కాపాడేందుకు ప్రతి ఒక్కరూ స్వచ్ఛందంగా రక్తదానం చేయాలని శ్రీకాకుళం ప్రభుత్వ సర్వజన ఆసుపత్రి ఇన్‌చార్జి సూపరింటెండెంట్‌ డాక్టర్‌ ఎల్‌.ప్రసన్నకుమార్‌ పిలుపునిచ్చారు. ఆల్‌ ఇండియా పయామ్‌ ఇ ఇన్సానియత్‌ ఫోరమ్‌ శ్రీకాకుళం శాఖ ఆధ్వర్యంలో ఆదివారం రిమ్స్‌లో రక్తదాన శిబిరం నిర్వహించారు. ఆల్‌ ఇండియా పయామ్‌ ఇ ఇన్సానియత్‌ ఫోరమ్‌ హైదరాబాద్‌ ప్రతినిధి జనాబ్‌ ముస్లిముద్దీన్‌, ఉత్తరాంధ్ర కన్వీనర్‌ జనాబ్‌ అబ్దుల్‌ కలామ్‌, శ్రీకాకుళం ప్రతినిధి జనాబ్‌ షేక్‌ సయీమ్‌, వైద్యాధికారులు డాక్టర్‌ ఎం.షామిల, డాక్టర్‌ ఎల్‌.పద్మప్రియ, డాక్టర్‌ పి.ప్రకాష్‌రావు పాల్గొన్నారు.

శ్రీకాకుళం (పీఎన్‌ కాలనీ): అక్రమ అరెస్టులు, నిర్బంధాలతో ఉద్యమాలు ఆపలేరని, కేంద్ర ప్రభుత్వం దుర్మార్గం నశించాలని సీపీఎం జిల్లా కార్యదర్శి డి.గోవిందరావు, జిల్లా కార్యదర్శివర్గ సభ్యులు భవిరి కృష్ణమూర్తి, జి.సింహాచలం, పి.తేజేశ్వరరావులు అన్నారు. సీఈసీ జ్ఞానేశ్‌కుమార్‌ను తొలగించాలని పోరాటం చేస్తున్న వారిపై ఢిల్లీలో పోలీస్‌ నిర్బంధాన్ని, అక్రమ అరెస్టులను నిరసిస్తూ ఆదివారం శ్రీకాకుళం అంబేడ్కర్‌ జంక్షన్‌ వద్ద సీపీఎం ఆధ్వర్యంలో ధర్నా నిర్వహించారు. ఈ సందర్భంగా వారు మాట్లాడుతూ ఢిల్లీని మోదీ ప్రభుత్వం పోలీస్‌ రాజ్యంగా మార్చేసిందన్నారు. ఇంతగా మోదీ ప్రభుత్వం భయపడుతుందంటే ఓట్ల అక్రమాలు జరిగాయని స్పష్టమవుతుందన్నారు. ఎన్నికల ప్రధాన అధికారి జ్ఞానేశ్వర్‌కుమార్‌ వెంటనే రాజీనామా చేయాలని డిమాండ్‌ చేశారు. ఎస్‌ఐఆర్‌ ప్రక్రియను నిలిపివేసి, ఓటర్ల జాబితా నుంచి తొలగించిన అర్హులకు ఓటు హక్కులను పునరుద్ధరించాలని డిమాండ్‌ చేశారు. కార్యక్రమంలో సీపీఎం జిల్లా కమిటీ సభ్యులు సీహెచ్‌ అమ్మన్నాయుడు, కార్మిక, ప్రజా సంఘాలు నాయకులు కొత్తకోట అప్పారావు, గోవర్ధన్‌రావు ఎం.ఆదినారాయణమూర్తి, ఖగేష్‌, డి.చందు, పి.దివ్య, బి.వందన, అల్లు సోమశేఖర్‌, గణేష్‌ కిరణ్‌ జ్యోతిశ్వరరావు బి.సింహాచలం, ఎల్‌.రామప్పడు, సత్యన్నారాయణ తదితరులు పాల్గొన్నారు.

● 13 మంది స్టార్‌ అథ్లెట్స్‌తో కూడిన జాబితా వెల్లడి ● నవంబర్‌ 14 నుంచి 16 వరకు హైదరాబాద్‌లో టోర్నీ శ్రీకాకుళం న్యూకాలనీ: డైరెక్ట్‌ నేషనల్స్‌ అథ్లెటిక్స్‌ మీట్‌కు సిక్కోలు బృందం ఖరారైంది. ఈ మెగా టోర్నీకి నెలరోజుల ముందే జిల్లా క్రీడాకారుల జాబితాను జిల్లా అథ్లెటిక్స్‌ అసోసియేషన్‌ ప్రకటించింది. నవంబర్‌ 14 నుంచి 16వ తేదీ వరకు హైదరాబాద్‌లో జరగనున్న 20వ జాతీయ అంతర్‌జిల్లాల జూనియర్‌ అథ్లెటిక్స్‌ మీట్‌(ఎన్‌ఐడిజేఏఎం)కు శ్రీకాకుళం జిల్లా నుంచి 13 మంది అథ్లెటిక్స్‌ క్రీడాకారులను ఎంపికచేశారు. ఈ నెల 10న శ్రీకాకుళం కోడిరామ్మూర్తి స్టేడియం వేదికగా జరిగిన జిల్లాస్థాయి అథ్లెటిక్స్‌ ఎంపిక పోటీల్లో మెరుగైన ట్రాక్‌ రికార్డులు కలిగిన అథ్లెట్లను ఈ మెగా మీట్‌కు ఎంపికచేశారు. అథ్లెటిక్స్‌ అసోసియేషన్‌ ఏపీ రాష్ట్ర చైర్మన్‌, జిల్లా చైర్మన్‌ కొన్న వెంకటేశ్వరరావు (వాసు) సూచనల మేరకు ఎంపికై న ఈ 13 మందిని జాతీయ పోటీల కోసం తీర్చిదిద్దాలని నిర్ణయించారు. వారు చదువుతున్న పాఠశాలలు/సమీప పాఠశాలల్లో పీడీలు, కోచ్‌ల సమక్షంలో పూర్తిస్థాయిలో శిక్షణ అందించనున్నారు. ఎంపికై న వారు జనన ధ్రువీకరణ పత్రం, మున్సిపల్‌/తహసీల్దార్‌ అధికారులు ఇచ్చిన బర్త్‌ సర్టిఫికెట్‌, ఆధార్‌కార్డు, ఏఎఫ్‌ఐ యుఐడీ, పాస్‌ఫోటోలు సిద్ధం చేసుకోవాలని అథ్లెటిక్స్‌ అసోసియేషన్‌ రాష్ట్ర అధ్యక్షుడు, జిల్లా అధ్యక్షుడు కొన్న మధుసూదనరావు, కార్యదర్శి మెంటాడ సాంబమూర్తి పేర్కొన్నారు. వీరి ఎంపిక కావడం పట్ల ఒలింపిక్‌ అసోసియేషన్‌ జిల్లా అధ్యక్షుడు ధర్మాన కృష్ణదాస్‌, సలహాదారు పి.సుందరరావు, నౌపడ విజయ్‌కుమార్‌, వాండ్రంగి శ్రీనివాసరావు, కె.మాధవరావు, బీవీ రమణ, కె.హరిబాబు, టి.శ్రీనివాసరావు, చల్లా జగదీష్‌, డీఎస్‌డీఓ ఎ.మహేష్‌బాబు, పీఈటీ సంఘ నాయకులు ఎంవీ రమణ, పి.తవిటయ్య తదితరులు హర్షం వ్యక్తంచేశారు. ఎంపికై న క్రీడాకారులు వీరే: ● అండర్‌–14 విభాగానికి ఎస్‌.దీక్షిత్‌ (ట్రైయాథ్లెన్‌–ఏ), జి.గౌతమ్‌కుమార్‌ (ట్రైయాథ్లెన్‌–సి), ఎల్‌.కీర్తి (ట్రైయాథ్లెన్‌–ఏ), ఎస్‌.ధరాగ్నిస్మి (ట్రైయాథ్లెన్‌–సి) ఎంపికయ్యారు. ● అండర్‌–16 విభాగానికి బి.కార్తీక్‌ (600 మీటర్ల పరుగు), టి.విష్షు (80మీటర్ల హార్డిల్స్‌), బి.కార్తీక్‌ (600మీటర్ల పరుగు), కె.శ్రీధర్‌ (హైజంప్‌), బి.భరత్‌చంద్ర (షాట్‌పుట్‌), జి.కేదారనాథ్‌ (పెంటాథ్లెన్‌), ఆర్‌.ఝాన్సీ (60మీటర్ల పరుగు), పి.సోనాక్షి (600 మీటర్ల పరుగు), సమీర బిసాయి (జావెలిన్‌త్రో) ఎంపికై నవారిలో ఉన్నారు.

శ్రీకాకుళంభూమిని కాపాడుకుంటాంతమ భూమిని కాపాడుకుంటామని పున్నాం గ్రామస్తులు అన్నారు. వారు ఆందోళనలు చేస్తున్నారు. –8లోసోమవారం శ్రీ 12 శ్రీ అక్టోబర్‌ శ్రీ 2026సాక్షి ప్రతినిధి, శ్రీకాకుళం : అస్సోంకు చెందిన విద్యార్థిని హిమశ్రీ బోరో మృతిపై జిల్లా పోలీసులతో పాటు రైల్వే పోలీసులు వివిధ కోణాల్లో దర్యాప్తు ముమ్మరం చేశారు. రాష్ట్ర డీజీపీ హరీష్‌కుమార్‌ గుప్తా, రైల్వే ఐజీ రాజకుమారి, ఫోరెన్సిక్‌ సైన్స్‌ లాబొరేటరీ (ఎఫ్‌ఎస్‌ఎల్‌) డైరెక్టర్‌ మార్గదర్శక ఆదేశాలతో ఆదివారం శ్రీకాకుళం ఎస్పీ కేవీ మహేశ్వరరెడ్డి ఆధ్వర్యంలోని జిల్లా పోలీసులే కాక విశాఖపట్నం రైల్వే డీఎస్‌ఆర్‌పీ కె. ప్రదీప్‌, కె.ప్రమోద్‌లు రైలు నుంచి హిమశ్రీ బోరో పడిన తీరుపై తమ బృందాలతో కలసి శాసీ్త్రయ అనుకరణ ప్రయోగం నిర్వహించారు. ఈ నెల 7న విశాఖలో రైలెక్కిన ఆమె శ్రీకాకుళం జిల్లా దూసి– పెనుబర్తి గ్రామాల మధ్య రైలు పట్టాల పక్కన శవమై తేలడం, రైలులో ఉన్నప్పుడే ‘నా చుట్టూ చాలామంది మగవాళ్లున్నారు.. నాకు భయంగా ఉంది..’ అంటూ కుటుంబసభ్యులకు ఆమె చివరి సందేశం పంపడం, ఘటన వెనుక నేర కోణం జరిగిందన్న భావనలో అస్సోంలో విద్యార్థుల ఆందోళనలతో దేశవ్యాప్తంగా ఈ అంశం సంచలనంగా మారిన విషయం తెలిసిందే. ప్రయోగ ఉద్దేశమిదే.. కదులుతున్న రైలు నుంచి ఆమె ఏ పరిస్థితుల్లో పడిపోయి ఉండవచ్చనే అంశాన్ని శాసీ్త్రయంగా పరిశీలించేందుకు వివిధ పరిస్థితుల్లో ఉపయోగించిన వస్తువుల కదలికలు, అవి పడిన విధానాన్ని పరిశీలించి అంశాలను నమోదు చేసి ఇతర ఆధారాలు, ఫోరెన్సిక్‌ నివేదికలు, దర్యాప్తులో సేకరించిన సమాచార విశ్లేషణలతో పోల్చి అంచనా వేయడమే ఈ ప్రయోగం ముఖ్య ఉద్దేశమని రైల్వే విశాఖ డీపీఆర్‌సీ పేర్కొన్నారు. ఇలా చేశారు.. ఈ ప్రయోగంలో రెండు మానవ నమూనాలు (మేనిక్విన్స్‌), రెండు రాళ్లను ఉపయోగించి వివిధ పరిస్థితుల్లో అవి కదులుతున్న రైలు నుంచి పడినప్పుడు వాటి కదలికలు, పతన పథం (ట్రాజెక్టరీ) ఎలా ఉంటాయో పరిశీలించి నమోదు చేశారు. మృతురాలి శరీర బరువు ఉండేలా మానవ నమూనాలను సిద్ధం చేశారు. రాళ్ల కదలికలు, అవి పడిన విధానాన్ని సులభంగా గుర్తించి పరిశీలించేందుకు వాటికి వేర్వేరు రంగుల పెయింటింగ్‌ పూసి పరిస్థితులను పరిశీలించేందుకు 4 బృందాలను ఏర్పాటు చేశారు. అస్సోం యువతి హిమశ్రీ బోరో మృతిపై వివిధ కోణాల్లో దర్యాప్తు రైలు నుంచి పడిన తీరుపై శాసీ్త్రయ అనుకరణ ప్రయోగం రాష్ట్ర డీజీపీ, రైల్వే ఐజీ ఆదేశాలతో రైల్వే, జిల్లా పోలీసులు, సంయుక్తంగా ఘటనాస్థలిలో ప్రయోగ నిర్వహణ

● రోడ్డు ప్రమాదంలో మృతి చెందిన యువకుడు గార: పుట్టిన రోజు నాడే ఆ యువకుడిని మృత్యు దేవత తీసుకెళ్లిపోయింది. జన్మది నం నాడు స్నేహితులతో ఎంతో సరదాగా గడుపుదామనుకున్న ఆ కుర్రవాడిని రోడ్డు ప్రమాదం రూపంలో మృత్యువు కబళించింది. పోలీసులు తెలిపిన వివరాలు ప్రకారం.. పొందూరు మండలం బి.కంచరాం గ్రామానికి చెందిన మీసాల రాజశేఖర్‌(20) ఎచ్చెర్లలో ఐటీఐ రెండో సంవత్సరం చదువుతున్నాడు. ఆదివారం పుట్టిన రోజు కావడంతో తన స్నేహితులతో కళింగపట్నం బీచ్‌కు వెళ్లేందుకు బైక్‌లపై బయల్దేరారు. తూలుగు పంచాయతీ ఉప్ప రిపేట కల్వర్టు వద్దకు వచ్చేసరికి మలుపు వద్ద ఎదురుగా వస్తున్న కారును బలంగా ఢీకొట్టాడు. వెంటనే రాజశేఖర్‌ రోడ్డుకు తల బలంగా తగలడంతో తీవ్ర గాయమైంది. స్నేహితురాలికి చేతికి బలమైన గాయమైంది. 108 వాహనం ద్వారా రిమ్స్‌ తరలించగా, అప్పటికే మృతి చెందినట్టు వైద్యులు ధ్రువీకరించారు. తండ్రి రామారావు ఇచ్చిన ఫిర్యాదు మేరకు కేసు నమోదు చేసి దర్యాప్తు చేస్తున్నామని ఏఎస్‌ఐ తెలుగు చంద్రమోహన్‌ తెలిపారు.

శ్రీకాకుళం పాతబస్టాండ్‌: ‘కౌశలం’ ద్వారా నిర్వహిస్తున్న ఉద్యోగ మేళాను జిల్లాలోని నిరుద్యోగ యువత సద్వినియోగం చేసుకోవాలని కలెక్టర్‌ స్వప్నిల్‌ దినకర్‌ పుండ్కర్‌ పిలుపునిచ్చారు. ఈ నెల 14వ తేదీ (బుధవారం) శ్రీకాకుళం పట్టణంలోని జిల్లా ప్రజా పరిషత్‌ సమావేశ మందిరంలో ఉదయం 9 గంటల నుంచి ఈ నియామకాల ప్రక్రియ ప్రారంభమవుతుందని ఆదివారం విడుదల చేసిన ఓ ప్రకటనలో తెలియజేశారు. ప్రముఖ ఇండో యంఐయం సంస్థ ప్రతినిధులు హాజరై అర్హులైన అభ్యర్థులను ఎంపిక చేస్తారని, వార్షిక వేతనం రూ.3 లక్షల నుంచి రూ.4 లక్షల వరకు ఉంటుందని స్పష్టం చేశారు. అర్హత కలిగిన కోర్సులు డిప్ల మా (మెకానికల్‌ ఇంజినీరింగ్‌–బీఈ, బీటెక్‌ మెకానికల్‌) ట్రేడ్లు కలిగిన వారు అర్హులని తెలిపారు. ఎలాంటి పూర్వ అనుభవం లేని వారు కూడా నియామక ప్రక్రియలో పాల్గొనవచ్చని పేర్కొన్నారు. ఎంపికై న అభ్యర్థులు తిరుపతి సమీపంలోని సంస్థలో పని చేయాల్సి ఉంటుందని తెలిపారు. బెండిలో 20 మేకలు చోరీవజ్రపుకొత్తూరు రూరల్‌: వజ్రపుకొత్తూరు మండలం బెండి గ్రామంలో శనివారం రాత్రి ముడిమించి రాజారావుకు చెందిన 20 మేకలు చోరికి గురైనట్లు బాధితుడు తెలిపారు. గొర్రెలు,మేకలను పెంచుకుంటూ జీవనోపాధి సాగిస్తున్నానని, తమ వద్ద ఉన్న చిన్న,పెద్ద అంతా కలిపి 46 మేకలు, గొర్రెలను ఇంటి పక్కన ఉన్న పశువుల శాలలో రాత్రి పూట ఉంచామని తెలిపా రు. అయితే రాత్రి సమయం కావడంతో దుండగులు ఈ దొంగతనానికి పాల్పడ్డారని ఆవేదన వ్యక్తం చేశారు. దొంగతనానికి గురైన మేకల విలువ సుమారు రూ.2.30 లక్షలు ఉంటుందని తెలిపారు. స్థానిక పోలీసు స్టేషన్‌లో ఫిర్యాదు అందించానని పేర్కొన్నారు. రాష్ట్ర స్థాయి రగ్బీ పోటీలకు జిల్లా జట్టు పయనం టెక్కలి: కాకినాడ స్పోర్ట్స్‌ అథారిటీ ఆధ్వర్యంలో ఈ నెల 12 నుంచి 14 వరకు జరగనున్న రాష్ట్ర స్థాయి స్కూల్‌ గేమ్స్‌ పోటీలకు జిల్లా రగ్బీ జట్టు ఆదివారం టెక్కలి నుంచి బయల్దేరింది. అండర్‌–17 విభాగంలో జరగనున్న ఈ పోటీలకు జిల్లా జట్టుకు కె.అయ్యప్ప, ఎస్‌.శైలజ తదితర వ్యాయామ ఉపాధ్యాయులు కోచ్‌గా వ్యవహరించనున్నారు. ఈ సందర్భంగా రాష్ట్ర స్థాయి పోటీల్లో ఉత్తమ ప్రతిభ చూపాలని అసోసియేషన్‌ ప్రతినిధులు బి.నారాయణరావు, కె.రఘనాథరావు, లోకనాథం ఆకాంక్షించారు.

అరసవల్లి : ప్రత్యక్ష దైవం అరసవల్లి సూర్యనారాయణ స్వామి ఆలయంలో ఆదివారం భక్తులు పలు అవస్థలు పడ్డారు. ఉదయం నుంచే భానుడి ప్రతాపం అధికంగా ఉండటంతో భక్తులు తీవ్ర ఉక్కబోతకు గురయ్యారు. మంచినీటిని ఎక్కడికక్కడ ఏర్పాటు చేసినప్పటికీ పరిశుభ్రత పాటించకపోవడంతో ఇబ్బందులు పడ్డారు. ఎండ తాకిడికి వృద్ధులు, చిన్నారులు తీవ్ర అవస్థలు పడ్డారు. ఆలయం ముందు టెంట్లు చేయకపోవడంపై తీవ్ర విమర్శలు వ్యక్తమయ్యాయి. ప్రసాదాల విక్రయాల విషయంలో కూడా ఆన్‌లైన్‌ సేవలు మొరాయించాయి. ఒక్కసారిగా విక్రయాల విభాగంపై ఒత్తిడి రావడంతో సిబ్బంది కూడా ఇబ్బందులు పడ్డారు. బౌద్ధారామాల సందర్శన గార: శాలిహుండంలోని బౌద్ధారామాలను కాశీబుగ్గ పీఎంశ్రీ జిల్లా పరిషత్‌ ఉన్నత పాఠశాల విద్యార్థులు ఆదివారం సందర్శించారు. పర్యాటక ప్రాంతాల సందర్శనలో భాగంగా ఇక్కడికి వచ్చి శాలిహుండంలో బౌద్ధం వ్యాప్తి చెందిన విశేషాలను, అప్పటి కట్టడాలు, ఆరామాల చరిత్రను తెలుసుకున్నారు. ప్రధానోపాధ్యాయుడు వై.చిన్నంనాయుడు, ఉపాధ్యాయులు పాల్గొన్నారు. గట్కా పోటీల్లో జిల్లా జట్టు ప్రతిభ నరసన్నపేట: స్కూల్‌ గేమ్స్‌లో భాగంగా కృష్ణా జిల్లా జగ్గయ్యపేటలో ఈ నెల 9, 10 తేదీల్లో నిర్వహించిన గట్కా పోటీల్లో జిల్లా జట్టు ప్రతిభ చూపి ఓవరాల్‌ చాంపియన్‌షిప్‌ను కై వసం చేసుకున్నారు. ఈ పోటీల్లో ఏకంగా 23 మంది బాలబాలికలు బంగారు పతకాలు, ఒకరు రజత పతకం సాధించారు. దీంతో రాష్ట్ర స్థాయిలో ఓవరాల్‌ చాంపియన్‌షిప్‌ కూడా జిల్లా జట్టుకు లభించిందని స్కూల్‌ గేమ్స్‌ ఫెడరేషన్‌ జిల్లా కార్యదర్శి ఎం.జ్యోతిరాణి తెలిపారు. స్థానిక గట్కా కోచ్‌ ఖగేశ్వరరావు ఆధ్వర్యంలో 32 మంది బాలబాలికలు ఈ పోటీల్లో పాల్గొన్నారు. మాస్టర్‌ అథ్లెటిక్స్‌ పోటీల్లో పతకాల పంట శ్రీకాకుళం న్యూకాలనీ: రాష్ట్రస్థాయి మాస్టర్స్‌ అథ్లెటిక్స్‌ పోటీల్లో సిక్కోలు వెటరన్‌ అథ్లెట్స్‌ పతకాల పంట పండించారు. గుంటూరులోని ఆచార్య నాగార్జునా యూనివర్సిటీ వేదికగా శని, ఆదివారాల్లో జరిగిన 45వ ఆంధ్రప్రదేశ్‌ మాస్టర్స్‌ అథ్లెటిక్స్‌ చాంపియన్‌షిప్‌–2026 పోటీల్లో శ్రీకాకుళం మాస్టర్‌ అథ్లెట్స్‌ 35 పతకాలు సాధించి సత్తాచాటారు. ఇందులో 13 బంగారు, ఏడు రజత, మరో 15 కాంస్య పతకాలు ఉన్నాయి. సత్తాచాటిన ఈశ్వరరావు శ్రీకాకుళం న్యూకాలనీ : నగరానికి చెందిన స్టార్‌ వెటరన్‌ అథ్లెట్‌, లాంగ్‌ రేసర్‌ అన్నెపు ఈశ్వరరావు మరోసారి సత్తాచాటారు. తమిళనాడులోని కాల్మ్‌బటూర్‌ వేదికగా ఈనెల 7 నుంచి 11వ తేదీ వరకు జరిగిన 5వ జాతీయస్థాయి వెటరన్స్‌ స్పోర్ట్స్‌ గేమ్స్‌ చాంపియన్‌షిప్‌–2026 పోటీల్లో ఈ విశ్రాంత వార్డెన్‌ రెండు పతకాలతో మెరిశారు. 10కిలో మీటర్ల పరుగులో ద్వితీయస్థానంలో నిలిచి రజత పతకం సాధించగా, 5 కిలోమీటర్ల నడకలో తృతీయస్థానంలో నిలిచి శభాష్‌ అనిపించారు.

కంచిలి : ప్రకృతి వినాశనానికి పాల్పడితే సహించేది లేదని సీపీఐ సీనియర్‌ నాయకుడు చాపర సుందరలాల్‌ అన్నారు. నువాగడ గ్రామంలో హరిచంద్ర అధ్యక్షతన ప్రకృతి సంరక్షణ సమావేశం ఆదివారం నిర్వహించారు. ఈ సందర్భంగా సుందరలాల్‌ మాట్లాడుతూ ప్రభుత్వాలు మొక్కలు నాటమని చెబుతూనే మరోవైపు కార్పొరేట్లకు మైనింగ్‌ కోసం అడవులను, కొండలను లీజుకు పర్మిషన్లు ఇవ్వడం దారుణమన్నారు. స్థానికులను సంప్రదించకుండా కొండను తవ్వడానికి రావడం సరికాదన్నారు. పార్టీ జిల్లా కార్యవర్గ సభ్యుడు సాలిన నారాయణస్వామి మాట్లాడుతూ ఈ ప్రాంతంలో కొండలనే కాకుండా ఇక్కడి భూములపై కూడా రాజకీయ నాయకుల కన్ను పడిందన్నారు. గిరిజనులకు ఆధారమైన కొండలను తవ్వడం వల్ల ఉపరితల జలాలతోపాటు భూగర్భ జలాలు కూడా కలుషితమై నీరు దొరకని పరిస్థితులను సృష్టిస్తున్నారని మండిపడ్డారు. సమావేశంలో జిల్లా సహాయ కార్యదర్శి లండ వెంకటరావు, మండల పార్టీ నేత అయినింటి లోకనాథం, స్థానికులు జైరాం, లిమ్మ, బొబ్బి, తొబిరో, ఈశ్వర్‌, గణేష్‌, నాలుగు గ్రామాల ప్రజలు పాల్గొన్నారు.

ఇచ్ఛాపురం: బాహుదానదిపై కొత్త వంతెన నిర్మాణాన్ని తక్షణమే చేపట్టాలని వైఎస్సార్‌ సీపీ ఇచ్ఛాపురం నియోజకవర్గ సమన్వయకర్త సాడి శ్యామ్‌ప్రసాద్‌రెడ్డి ప్రభుత్వాన్ని డిమాండ్‌ చేశారు. కొత్తవంతెన నిర్మాణం కోరుతూ ఆదివారం పార్టీ నాయకులతో కలిసి బ్రిడ్జిపై ధర్నా చేపట్టారు. ఈ సందర్భంగా ఆయన మాట్లాడుతూ నియోజకవర్గ కేంద్రమైన ఇచ్ఛాపురం పట్టణానికి చుట్టపక్కల గ్రామాలను అనుసంధానం చేసే బ్రిడ్జి 2023 మే 3న కూలిపోయిందన్నారు. అప్పటి వైఎస్సార్‌సీపీ ప్రభుత్వం కొద్దిరోజుల వ్యవధిలోనే రూ.40లక్షలు కేటాయించి ప్రత్నామ్నాయ ఏర్పాట్లు చేసిందని, అక్కడికి కేవలం మూడు నెలల వ్యవధిలో నూతన వంతెన నిర్మాణానికి రూ.20 కోట్లు కేటాయించిందని గుర్తు చేశారు. వంతెన నిర్మాణానికి అవసరమైన సాయిల్‌ టెస్ట్‌లు కూడా పూర్తిచేశారని తెలిపారు. కూలిన బ్రిడ్జిని పరిశీలించిన అప్పటి ఎమ్మెల్యే అశోక్‌బాబు,ఎంపీ రామ్మోహన్‌న్నాయుడు తామ అధికారంలోనికి వచ్చిన ఆరునెలల్లోనే బ్రిడ్జి నిర్మాణాన్ని పూర్తిచేస్తామని ఇచ్చిన మాటను నిలబెట్టుకోవాలని డిమాండ్‌ చేశారు. ఇప్పుడు మాత్రం అందుకు విరుద్ధంగా వంతెన నిర్మాణ పనులను రద్దు చేసిందన్నారు. మున్సిపల్‌ ఎన్నికలు వస్తున్నందన ప్రజలను మభ్యపెట్టడానికే రూ..19 కోట్లు కేటాయిస్తున్నట్లు ఎమ్మెల్యే ప్రకటించారని, అవి ఏ పనులకు కేటాయించారో తెలియజేయాలన్నారు. కార్యక్రమంలో జిల్లా పార్టీ ఉపాధ్యక్షుడు పైల దేవదాస్‌రెడ్డి, జిల్లా మహిళా విభాగం అధ్యక్షురాలు ఉలాల భారతిదివ్య, మాజీ మున్సిపల్‌ చైర్‌పర్సన్‌ పిలక రాజలక్ష్మి, ఎంపీపీ బోరపుష్ప, పట్టణ, మండల అధ్యక్షుడు ప్రకాషరావు పట్నాయక్‌, ఆశి కృష్ణారెడ్డి, పార్టీ నాయకులు ప్రత్తి అన్వేష్‌, పిలక యాదవరెడ్డి, ఉలాల కోదండరామ్‌, చాట్ల తులసీదాస్‌రెడ్డి, కారింగి మోహన్‌రావు, పిలక దేవరాజ్‌, సాలిన గాంధీ, కాళ్ల సత్యం, సుగ్గు ప్రేమ్‌కుమార్‌, సాడి దుర్యోధనరెడ్డి, సీహెచ్‌ తిరుపతి, సీహెచ్‌ లోహిదాస్‌, పి.తేజ, కాళ్ల మదన్‌, ఎండీ షఫీ, రెయ్యి నారాయణ, ధర్మతేజ, వంశీ పాల్గొన్నారు.

సరుబుజ్జిలి: విద్యార్థుల్లో ఎంతటి ప్రతిభ ఉన్నా ఆర్థిక స్థోమత లేక ఎంతోమంది ఉన్నత విద్యకు దూరమవుతున్నారు. ఇలాంటి ప్రతిభ గల పేద విద్యార్థుల కోసం కేంద్ర ప్రభుత్వం నేషనల్‌ మీన్స్‌ కమ్‌ మెరిట్‌ స్కాలర్‌షిప్‌(ఎన్‌ఎంఎంఎస్‌) పథకా న్ని ప్రవేశపెట్టింది. దీని ద్వారా ఎంతో మంది ప్రతిభావంతులైన విద్యార్థులు ఉన్నత చదువులకు బాటలు వేసుకుంటున్నారు. ఈ పథకంలో ఎంపికై న విద్యార్థికి నాలుగు సంవత్సరాలు పాటు ఏడాదికి రూ.12 వేలు చొప్పున ఉపకార వేతనం అందుతుంది. 8వ తరగతి నుంచి ఇంటర్మీడియెట్‌ వరకు ఏడాదికి రూ.12 వేలు చొప్పున నాలుగేళ్లపాటు రూ.48 వేల స్కాలర్‌షిప్‌ దక్కుతుంది. నవంబర్‌లో జరగనున్న ప్రవేశపరీక్షకు విద్యార్థులు ఆన్‌లైన్‌లో దరఖాస్తు చేసుకొనే అవకాశం ప్రభుత్వం కల్పించింది. ఈ ఏడాది 8వ తరగతి చదువుతున్న విద్యార్థులు మాత్రమే పరీక్షకు అర్హులు. 7వ తరగతిలో 55 శా తం మార్కులు, ఎస్సీ, ఎస్టీ విద్యార్థులు 50 శాతం మార్కులు సాధించి ఉంటే పరీక్షకు అర్హులు. ప్రవేశ పరీక్ష 180 మార్కులకు ఉంటుంది. రీజనింగ్‌, అర్థమెటిక్‌, గణితం, సోషల్‌, సైన్సుపై ప్రశ్నలు ఉంటా యి. జనరల్‌, బీసీ విద్యార్థులు 100 రూపాయలు, ఎస్సీ, ఎస్టీ, దివ్యాంగులు 50 రూపాయలు పరీక్ష ఫీజు చెల్లించాల్సి ఉంటుంది. ప్రతిభ ఆధారంగా ఎంపిక జరుగుతుంది. 2008– 09 సంవత్సరం నుంచి నిరాటంకంగా పథకం అమ లవుతోంది. ప్రతి ఏటా 8వ తరగతి చదివిన విద్యార్థులకు నవంబర్‌లో ప్రవేశపరీక్షలు నిర్వహించి ఎంపికలు చేస్తారు. గతంలో 9వ తరగతి నుంచి ఇంటర్మీడియెట్‌ వరకు ఏడాదికి రూ.6వేలు వంతు న రూ.24 వేలు అందేవి. ప్రస్తుతం రూ.48వేలకు పెంచారు. దీంతో విద్యార్థుల్లో హర్షాతిరేకాలు వ్యక్తమవుతున్నాయి. ఎంపికై న విద్యార్థులకు ఏటా నేరుగా వారి వ్యక్తిగత బ్యాంకు ఖాతాలకు నగదు జమ చేస్తారు. ఈ ఏడాది నవంబర్‌ 15న జరిగే ప్రవేశ పరీక్షకు ఇప్పటికే విద్యార్థులు సన్నద్ధమవుతున్నారు.

● తెగేసి చెప్పిన చినగురుదాసుపురం గ్రామస్తులు ● గ్రామసభలో ముక్తకంఠంతో తీర్మానం కాశీబుగ్గ : తమ ఊరి కూడలిలో మద్యం దుకాణం వద్దే వద్దంటూ చిన్న గురుదాసుపురం గ్రామస్తులు తేల్చి చెప్పారు. ఆదివారం చిన్న గురుదాసుపురం, కొబ్బరి చెట్లూరు, చిన్న మామిడిమెట్టు, రంగోయి, గురుదాసు పురం, నీలావతి మాకన్నపల్లి, గొల్ల మాకనపల్లి గ్రామాలకు చెందిన ప్రజలు చిన్న గురు దాసుపురంలో సమావేశమయ్యారు. మద్యం దుకాణాలకు వ్యతిరేకంగా తమ గళాన్ని వినిపించారు. ఉద్దానం ప్రాంతంలో మద్యం దుకాణాలకు తావు ఉండకూడదని, మద్యపానాన్ని ప్రోత్సహించే చర్యలకు ఎవరూ మద్దతు ఇవ్వకూడదని ఏకగ్రీవంగా తీర్మానించారు. గురుదాసుపురం గ్రామ పంచాయతీ మాజీ సర్పంచ్‌ రూపవతి సమావేశానికి అధ్యక్షత వహించారు. ప్రజల ఆరోగ్యం, కుటుంబాల సంక్షేమం, గ్రామీణ యువత భవిష్యత్‌ దృష్ట్యా ఈ దుకాణాన్ని ఏర్పాటు చేయకూడదని ముక్తకంఠంతో స్పష్టం చేశారు. దుకాణం ఏర్పాటుకు స్థలం ఇవ్వబోం మద్యపాన దుకాణం ఏర్పాటుకు ఎవరూ స్థలం, దుకాణం అద్దెకు ఇవ్వకూడదని సభలో ఏకగ్రీవ తీర్మానం చేశారు. ‘గ్రామాల కూడలిలో మద్యపాన దుకాణం వద్దు–మా ప్రజల ఆరోగ్యం, కుటుంబాల భవిష్యత్తే ముఖ్యం’ అంటూ సభలో పాల్గొన్న వారంతా నినదించారు.

శ్రీకాకుళం: జిల్లాలోని వైద్య ఆరోగ్యశాఖలో కాంట్రాక్ట్‌ పద్ధతిన పనిచేస్తున్న ఉద్యోగులు తమ ఆందోళనను తాత్కాలికంగా విరమిస్తున్నట్లు ప్రకటించారు. ఈ నెల 6 నుంచి విధులను బహిష్కరించి ధర్నా చేస్తున్న సంగతి తెలిసిందే. ఆదివారం సైతం ధర్నా నిర్వహించిన వారు ఆందోళనను తాత్కాలికంగా విరమిస్తున్నామని వైద్య ఆరోగ్య కాంట్రాక్ట్‌ ఉద్యోగ జేఏసీ నాయకులు వేదవతి, లక్ష్మీబాయి, అశోక్‌, వెంకటరమణ విలేకరులకు తెలిపారు. రాష్ట్ర నాయకత్వం తమకు తెలియకుండా, చర్చించకుండా సమ్మె విరమణపై సంతకాలు చేశారని ఆవేదన వ్యక్తం చేశారు. స్థానిక సంస్థల ఎన్నికల షెడ్యూల్‌ వెలువడి ఎన్నికల కోడ్‌ త్వరలో అమలు కానున్న దృష్ట్యా జిల్లా నాయకత్వాలు సైతం ఆందోళనను తాత్కాలికంగా విరమించాలని నిశ్చయించుకున్నట్లు చెప్పారు. ఎన్నికలు పూర్తయి కోడ్‌ ముగిసిన తర్వాత ప్రభుత్వం తమకు ఇచ్చిన హామీలను నెరవేర్చకుంటే మళ్లీ ఇదే ఐక్యమత్యంతో పోరాటాన్ని కొనసాగిస్తామని స్పష్టం చేశారు. తమ పోరాటానికి మద్దతు తెలిపిన ఎన్జీవో సంఘాలు, రెవెన్యూ సంఘాలతో పాటు రాజకీయ పార్టీలకు కృతజ్ఞతలు తెలిపారు

● అస్సోం యువతి మృతితో రైలు ప్రయాణాల్లో భద్రతపై అనుమానాలు ● నిత్యం కిక్కిరిసిన రైళ్లలో ఇబ్బందులు పడుతున్న ప్రయాణికులు సాక్షి ప్రతినిధి, శ్రీకాకుళం : అస్సోం యువతి మరణం.. రైలు ప్రయాణాల్లో భద్రతను ప్రశ్నార్థకం చేసింది. కిక్కిరిసిన రైళ్లలో ఇబ్బందులు పడుతూ ప్రయాణాలు, రిజర్వేషన్‌ బోగీల్లోనూ పరిమితికి మించి ప్రయాణాలు, ఏఓబీలో రైళ్లలోనే గంజాయి అక్రమ రవాణాలు, అక్కడక్కడా మందు బాబుల విన్యాసాలు వంటివి ప్రయాణికులను నిత్యం భయపెడుతూనే ఉన్నాయి. మనం సేఫేనా..? రైలు ప్రయాణాల్లో మహిళలకు వేధింపులు జిల్లాలో సంఖ్యాపరంగా తక్కువే కానీ ఇచ్ఛాపురం, పలాస వంటి రైల్వే స్టేషన్లను చాలా మంది గంజాయి అక్ర మ రవాణాకు అడ్డాగా వాడుకుంటున్నారు. వారి వల్ల ఎప్పటికై నా ప్రమాదం పొంచే ఉంది. మరీ ముఖ్యంగా ఒడిశా నుంచి పశ్చిమ బెంగాల్‌, అస్సోం వంటి సుదూర ప్రాంతాలకు వెళ్లే రైళ్లలో స్లీపర్‌, జనరల్‌ కోచ్‌లు అధ్వానంగా ఉంటున్నా యనే వాదన ఎప్పటి నుంచో ఉంది. మద్యపాన ప్రియులు, ఆకతాయిలు ఎక్కువగా ఉంటున్నారనే ఫిర్యాదులు చాలాకాలంగా వినిపిస్తూనే ఉంటున్నాయి. వీటిపై చర్యలు తీసుకున్న దాఖలాలేవీ లేవు. ఇక జనరల్‌ బోగీల్లో పరిస్థితి నానాటికీ మరీ దిగజారుతోంది. కనీసం నిలబడేందుకై నా చోటు లేని బోగీల్లో ఎప్పటికప్పుడు గొడవలు, తగాదాలు జరుగుతూనే ఉన్నాయి. ఈ బోగీలు మరీ పరిమితంగా ఉన్న పరిస్థితుల్లో సామాన్యులు ఈ అవస్థలు పడుతూనే ప్రయాణం సాగించాల్సి వస్తోంది. అవగాహన ఉందా..? రైల్‌ మదద్‌ వంటి యాప్‌లు రైల్వే టోల్‌ ఫ్రీ నంబర్ల గురించి జిల్లా ప్రయాణికులకు అంతగా అవగా హన కల్పించడం లేదు. అస్సోం యువతి విషయంలో యాప్‌లో ఫిర్యాదు చేసినా కాపాడలేకపోయారు. దీనిపై రైల్వే పోలీసులు చొరవ తీసుకుని అవగాహన కల్పించాల్సిన అవసరం ఉంది. ఊళ్లలో బెల్టు షాపుల వల్ల ఇబ్బడిముబ్బడిగా దొరుకుతున్న మద్యం వల్ల చాలా మంది తాగి ప్రయాణాలు చేస్తున్నారు. మద్యం తాగుతున్నప్పుడు అధికారులు పట్టుకుంటే కేసు అవుతుందని తెలిసి కూడా ఈ తప్పు చేస్తున్నారు. రైల్వే స్టేషన్ల బయట లెక్కకు మిక్కిలి షాపులు ఉండడంతో బయటే పని కానిచ్చేసి చక్కగా రైలెక్కుతున్నారు. ఈ వైఖరి మహిళలకు ఎప్పటికై నా అపాయకరమే.

బుర్రకథలంటే ఆరోజుల్లో ఎంతో ఆదరణ ఉంది. మేము ప్రదర్శనకు వస్తే గ్రామాల్లో ఎంతో ఆదరించేవారు. నా పదహారో ఏట నేను మొదటి సారిగా స్టేజి ఎక్కి ప్రదర్శన చేశాను. నేను వచనంతో పాటు గా సెంటర్‌ కథ కూడా చెప్పేదాన్ని. 1500 వరకు ప్రదర్శనలు చేశాను. మా పేద పరిస్థితిని బట్టి నేను ఒక పక్క చదువుతూ మరో ప్రక్క ప్రదర్శనలకు వెళ్లేదాన్ని. దానిద్వారా వచ్చిన డబ్బుతో ఫీజులు, పుస్తకాలు కొనుక్కొని చదివాను. ప్రముఖ కళాకారిణి గరివిడి లక్ష్మి గ్రూపు తో సమానంగా ప్రదర్శనలు ఇచ్చేదాన్ని. గ్రామాల్లో నోట్ల దండలతో మమ్మల్ని సత్కరించేవారు. గరివిడి లక్ష్మి సినిమాగా రావడం గర్వంగా ఉంది. నేడు బుర్రకథల ప్రదర్శనలలో ఆశ్లీలత కనిపిస్తోంది. ట్రూపులో ఎంత మంది యువతులు ఉన్నారో అడిగి ప్రదర్శన బుక్‌ చేస్తున్నారు. ఇది తగదు. – అలిగి రమాదేవి, బుర్రకథ కళాకారిణి, శ్రీకాకుళం ప్రాచీన జానపద కళారూపమైన బురక్రథకు మళ్లీ ప్రాణ ప్రతిష్ట చేస్తున్న గరివిడి లక్ష్మి చిత్రం విజయ వంతం కావాలి. ఒక్క బురక్రథ కాదు జముకుల పాట, పందిరి పాట, తూర్పు భాగవతం, పులి వేషధారణలు, వీరణం, బిందెల నృత్యాలు ఇవన్నీ కూ డా మన ప్రాచీన కళారూపాలే. వీటిని కాపాడాలి. – వి.జగన్నాథంనాయుడు, ఇంటాక్‌ అదనపు కన్వీనర్‌

జి.సిగడాం: కూటమి ప్రభుత్వం పచ్చని పొలాలను వేదాంత గ్రూపునకు అప్పగించి చిచ్చు పెడుతోందని శ్రీకాకుళం జిల్లా ఎచ్చెర్ల మాజీ ఎమ్మెల్యే గొర్లె కిరణ్‌కుమార్‌ విమర్శించారు. జి.జిగడాం మండలంలోని పున్నాం గ్రామంలో వేదాంత మైనింగ్‌ కంపెనీకి వ్యతిరేకంగా ఆ గ్రామస్తులు శనివారం ర్యాలీ నిర్వహించారు. ఈ సందర్భంగా మాజీ ఎమ్మెల్యే మాట్లాడుతూ రైతులకు తెలియకుండా పొలాల్లో సర్వేలు చేశారని తెలిపారు. వేదాంత కంపెనీకి ఇచ్చి న ఆదేశాలను తక్షణం వెనక్కి తీసుకోవాలని కోరా రు. ఏటా మూడు పంటలు పండే భూములు వేదాంత గ్రూపునకు ఇవ్వడం సరికాదన్నారు. 150 ఎకరా ల భూమిలో మైనింగ్‌ కోసం రైతులకు తెలియకుండా కంపెనీ సిబ్బంది ఎలా సర్వే చేస్తారని ప్రశ్నించారు. రైతుల పక్షాన తాము పోరాడుతామని స్పష్టం చేశారు.

ద్రోణ ఉదయం 5.45 గంటలకు లేచి కాలకృత్యాదులు తీర్చుకుని రన్నింగ్‌, వాకింగ్‌ వ్యాయామా లు చేస్తుంది. ప్రతి రోజూ ఉద యం 8 గంటలకు 250 గ్రాము ల రాయల్‌ కైనెన్‌ ఫుడ్‌ పెడతా రు. మళ్లీ సాయంత్రం 6 గంటలకు 250 గ్రాములు పెడతారు. వారంలో ఓ రోజు ఉడకేసిన మటన్‌ అరకిలో, చికెన్‌ అరకిలో ఏదో రోజులో పెడతారు. రైస్‌తో పాటు క్యా రెట్‌, బీట్‌రూట్‌, ఆనపకాయ వంటివి పసుపు కలిపి ఉడకబెట్టినవి ఇస్తారు. బాగా వేడిచేసిన సందర్భంలో పెరుగు ఇస్తారు. లాంగ్‌జర్నీలో కొబ్బరి, పెరుగు కలిపి ఇస్తారు. కెనాల్‌లోకి రాత్రి 7కు వెళ్లిపోయి దాదాపు 8 నుంచి 9 గంటలు నిద్రపోతాయి. రాణి, మున్నా, దియా, బ్యూటీలకు కూడా సుమారుగా దినచర్య ఇలాగే ఉంటుంది.

● స్థానిక ఎన్నికల్లో బీసీ రిజర్వేషన్ల కేటాయింపులపై సర్కార్‌ నిర్ణయం ● జిల్లాలో మొదలైన ‘స్థానిక’ రిజర్వేషన్ల లెక్కలు అంచనాలు అరసవల్లి: బీసీలపై కూటమి ఒలకబోస్తున్న ప్రే మ నాటకమేనని సుప్రీం సాక్షిగా తేలిపోయింది. దీంతో అత్యవసర క్యాబినెట్‌ మీటింగ్‌లో బీసీలకు రానున్న స్థానిక ఎన్నికల్లో రానున్న కేటా యించనున్న సీట్ల ఖరారుపై అంచనాకు వచ్చా రు. రాజీవ్‌ రంజన్‌ మిశ్రా కమిషన్‌ ఆధారంగా వివిధ కేటగిరిల్లో బీసీలకు దక్కనున్న రిజర్వేషన్‌ కేటాయింపులపై శనివారం స్పష్టత ఇచ్చింది. రాష్ట్ర క్యాబినెట్‌ నిర్ణయం మేరకు వివరాల్లోకి వెళితే.. రాష్ట్రం యూనిట్‌గా బీసీలకు పదవుల విషయంలో పంచాయతీ వార్డు సభ్యుని నుంచి మండల పరిషత్‌, జిల్లా పరిషత్‌ చైర్‌పర్సన్‌ వరకు కేటగిరిల వారీగా రిజర్వేషన్‌ శాతాలను దక్కే సీట్లను ఖరారు చేయనున్నారు. పంచాయతీ వార్డులు– 26.73 శాతం, సర్పంచులు–27.95 శాతం, జెడ్పీటీసీలు–24.60 శాతం, జెడ్పీ చైర్‌పర్సన్లు–23.08 శాతం, ఎంపీటీసీలు–25.55 శాతం, ఎంపీపీలు– 24.60 శాతం బీసీలకు సీట్లు దక్కనున్నట్లుగా ప్రకటించింది. ఈ ప్రకారం ‘స్థానిక’ జిల్లాలో బీసీ లెక్కల ప్రకారం రిజర్వేషన్లు, దక్కనున్న పదవుల స్థానాల పరిస్థితులను పరిశీలిస్తే..

ఎల్‌.ఎన్‌.పేట: కేంద్ర ప్రభుత్వం హిట్‌ అండ్‌ రన్‌ మోటారు యాక్సిడెంట్స్‌ పథకం కింద పరిహారం అందజేస్తోంది. మృతి చెందిన వారి కుటుంబానికి రూ.2 లక్షలు, క్షతగాత్రులకు రూ.50 వేలు పరిహారం చెల్లిస్తోంది. దీని గురించి చాలా మందికి తెలియదు. దరఖాస్తు చేసుకుంటే సంబంధిత అధికారులు పరిశీలించి ప్రభుత్వ పరంగా పరిహారం ఇప్పిస్తారు. దరఖాస్తు ఇలా.. ●ఈ పథకం ద్వారా లబ్ధి పొందడానికి కలెక్టర్‌కు దరఖాస్తు చేసుకోవాలి. ఫారం–1 లో వ్యక్తిగత వివరాలు, ప్రమాదం తీరు, ప్రాంతం, సమయం, గాయాల తీవ్రత, ఎఫ్‌ఐఆర్‌ పత్రం, ఆధార్‌ కార్డు, బ్యాంకు ఖాతా జిరాక్స్‌ జతచేయాలి. ●బాధితుడు మృతి చెందితే భార్య లేదా కుటుంబ సభ్యుల బ్యాంకు ఖాతా, మరణ ధ్రువీకరణ పత్రం, పోస్టుమార్టం నివేదికను పోలీసు, రెవెన్యూ అధికారులకు తెలియజేయాలి. ●క్షతగాత్రులు ఫారం–4 ద్వారా దర ఖాస్తు చేసుకోవాలి. వైద్య చికిత్సకు సంబంధించిన బిల్లులను జత చేయాలి. ●ప్రమాదానికి కారణమైన వాహనాన్ని గుర్తించే అవకాశం లేదని పోలీసులు రిపోర్టు ఇవ్వాల్సి ఉంటుంది. ఎఫ్‌ఐఆర్‌తో పాటు పూర్తి వివరాలను పోలీసులు నివేదిక రూపంలో అందించాలి. ●ఆర్డీఓ పరిశీలన అనంతరం కలెక్టర్‌కు అందజేస్తారు. ●పోలీసులు నివేదిక అందిన తర్వాత 15 రోజుల్లో తుది ఉత్తర్వులు ఇస్తారు. ఈ ప్రక్రియ పూర్తయితే సంబంధీకుల బ్యాంకు ఖాతాల్లో పరిహా రం జమవుతుంది. ●హిట్‌ అండ్‌ రన్‌ కేసుల్లో మరణించినా, గాయపడినా కేంద్ర ప్రభుత్వం పరిహారం అందిస్తుంది. దీని కోసం దరఖాస్తు చేసుకుంటే నివేదికను ఆర్డీఓకు అందజేస్తామని సరుబుజ్జిలి ఎస్‌ఐ ఎస్‌.చిరంజీవి తెలిపారు.

● కళ కోల్పోయిన బుర్రకథ కళాకారులు●‘గరివిడి లక్ష్మి’ సినిమా రాకతో మళ్లీ బుర్రకథ చర్చలు వారి గొంతున మాటలు పాటలై ప్రవహిస్తాయి.. వారి పలుకుల్లో అచ్చ తెలుగు పదాలు రథాలు కట్టి పరుగులు తీస్తాయి.. అచ్చమైన ఉత్తరాంధ్ర యాసలో వినిపించే కథలు శ్రవణానందంగా ప్రతిధ్వనిస్తాయి. వారే బుర్రకథ కళాకారులు. బుర్ర నిండా గేయాలు.. వారి కథలన్నీ గాయాలు అన్నట్టు కొనసాగుతున్నారు. కాలం ఈ కళను మరుగున ఉంచేసింది. సినిమాలు, టీవీలు, తాజాగా రీల్స్‌ ప్రభావంతో బుర్రకథ కళ తప్పింది. అంతటి మహత్తరమైన కళాకారులు నిశ్శబ్దమైపోయారు. గరివిడి లక్ష్మి సినిమా రాకతో మళ్లీ ఇన్నాళ్లకు వారిపై చర్చ జరుగుతోంది. – శ్రీకాకుళం కల్చరల్‌ కళ కాలమ్‌

● ఎమ్మెల్సీ నర్తు రామారావు ఇచ్ఛాపురం రూరల్‌: చంద్రబాబు ఓట్ల నాట కం మరోసారి బట్టబయలైందని ఎమ్మెల్సీ నర్తు రామారావు యాదవ్‌ మండిపడ్డారు. శనివారం ఆయన విలేకరులతో మాట్లాడుతూ.. న్యాయస్థానం నుంచి సానుకూల తీర్పు రాదని తెలిసినా స్థానిక సంస్థల ఎన్నికలలో బీసీల నుంచి వ్యతిరేకత రాకూడదనే ఉద్దేశంతో చంద్రబాబు సుప్రీంకోర్టుకు వెళ్లినట్లు స్పష్టంగా తెలుస్తోందని విమర్శించారు. గత వైఎస్సార్‌సీపీ పాలనకు, ప్రస్తుత కూటమి పాలనకు నక్కకు నాకలోకానికీ ఉన్నంత వ్యత్యాసం కనిపిస్తోందని ఎద్దేవా చేశారు. వైఎస్‌ జగన్‌మోహన్‌రెడ్డి హయాంలో చట్టసభలు, స్థానిక సంస్థలతో పాటు నామినేటెడ్‌ పదువులు, కాంట్రాక్టు పనుల్లో 50 శాతం బీసీ, ఎస్సీ, ఎస్టీ మైనారిటీలకు కేటాయించారని ఈ సందర్భంగా గుర్తు చేశారు. జెడ్పీ చైర్మన్‌, మేయర్‌, మున్సిపల్‌ చైర్‌పర్సన్‌, ఎంపీపీ, జెడ్పీటీసీ పదవుల్లోనూ బీసీలకే పెద్దపీట వేశారన్నారు. ప్రత్యేకంగా బీసీ కార్పొరేషన్‌లు ఏర్పాటు చేసి ప్రతి సామాజిక వర్గానికి గుర్తింపునిచ్చారని తెలిపారు. రాబోయే రోజుల్లో ప్రభుత్వంపై బీసీలు ప్రత్యక్ష పోరాటానికి దిగుతారని, తమ రాజకీయ చైతన్యాన్ని చూపేందుకు బీసీలు సిద్ధంగా ఉన్నారని ఈ సందర్భంగా ప్రభుత్వాన్ని ఆయన హెచ్చరించారు.

ఆదివారం శ్రీ 11 శ్రీ అక్టోబర్‌ శ్రీ 20261,50,000అన్ని రకాలు రుచి చూపించే వంటకం ఇది. మటన్‌, చికెన్‌, రొయ్యలతో పాటు అధిక సంఖ్యలో గుడ్లను పగలగొట్టి ఆమ్లెట్‌ మాదిరిగా వేసి అందులో బిర్యానీని పొట్లాంను పోలి ఉండేలా వడ్డించడమే దీని ప్రత్యేకత. హాట్‌ ఫేవరెట్‌ ప్లేస్‌ ● నార్తర్న్‌ సిర్కార్స్‌, 80 ఫీట్‌ రోడ్‌ ● హోటల్‌ గ్రాండ్‌, రామ్‌లక్ష్మణ్‌ జంక్షన్‌ అన్నీ మాంసాహారులకేనా శాకాహారుల ఆకలి కూడా తీరుస్తానంటోందీ ఈ బలవర్ధక ఆహారం. కూరగాయలన్నింటిని కలిపి దమ్‌లో వేసి ఉడికిస్తే ఆల్‌మిజ్‌ మిక్స్‌ బిర్యానీ సిద్ధం. హాట్‌ ఫేవరెట్‌ ప్లేస్‌ ● హోటల్‌ దక్షిణ్‌, సింహద్వారం సమీపంలో.. ● బిర్యానీస్‌● మామిడికాయ చికెన్‌ బిర్యానీ, చింతచిగురు మటన్‌, చికెన్‌ బిర్యానీలు, గోంగూర చికెన్‌, మటన్‌ బిర్యానీలు సీజన్‌ బట్టీ తయారు చేస్తున్నారు. ● శుభకార్యాల్లో పనస బిర్యానీని వడ్డించడం ఈ మధ్య కాలంలో ఆనవాయితీగా మారింది. రోజూ బిర్యానీ తయారీకి వినియోగించే బాస్మతీ బియ్యం 1000కేజీలు ఆది, మంగళవారం 7000 బిర్యానీ మాస్టర్‌ నెల జీతం రూ.25,000 నుంచి రూ. 60,000 వరకు (హోటల్‌ స్థాయిని బట్టీ) జిల్లా వ్యాప్తంగా నెలలో బిర్యానీ అమ్మకాలుఅంకెల్లో బిర్యానీ (సుమారు)పరమ పవిత్ర క్షేత్రం.. వేల ఏళ్ల నాటి శిల్పాలు.. అనాదిగా పూజలందుకుంటున్న కూర్మనాథుని విగ్రహ రూపం.. శ్రీకూర్మ శ్రీక్షేత్రంలో వీటితో పాటు మరో ‘స్టార్‌’ అట్రాక్షన్‌ ఉంది. అవే నక్షత్ర తాబేళ్లు. శ్రీకూర్మనాథుని మూలవిరాట్‌ తాబేలు రూపంలో ఉండటంతో ఈ ఆలయంలో నక్షత్ర తాబేళ్ల పెంపకం ఎప్పటి నుంచో ఉంది. వన్యప్రాణి ప్రేమికులు గతంలో కో ర్టును ఆశ్రయించగా, భక్తుల మనోభావాలు దృష్టిలో ఉంచుకొని ఆలయంలో తాబేళ్లను ఉంచ వచ్చని, అయితే నిపుణుల పర్యవేక్షణలో ప్రత్యే క గదితో పాటు సంరక్షణ ఉండేలా దేవదాయ శాఖ చర్యలు చేపట్టాలని సూచించడంతో ఇక్కడ తాబేళ్లను పెంచుతున్నారు. –గారకహానీ నేడు వరల్డ్‌ బిర్యానీ డే సిక్కోలులో అత్యధికంగా విక్రయించే వంటకం బిర్యానీ ఈ బిర్యానీ కోసం ఎంత చెప్పినా తక్కువే. హైదరాబాద్‌ నుంచి సిక్కోలుకు చేరింది ఈ వంటకం. పొగలు కక్కే బిర్యానీని ఆరగిస్తుంటే చెమటలు కక్కాల్సిందే. చక్క గా ఉడికి నోటిలోకి చేరగానే కరిగిపోయేలా ఉండే ఈ బిర్యానీ నగరవాసుల స్పెషల్‌ చాయిస్‌. ఇందులో చికెన్‌ మటన్‌ రుచిలో దేనికవే ప్రత్యేకం. హాట్‌ఫేవరెట్‌ ప్లేస్‌ ● మినర్వా, డే అండ్‌ నైట్‌ జంక్షన్‌ ● జేఎంఆర్‌, టూ టౌన్‌ పోలీస్‌ స్టేషన్‌ ఎదురుగాఉడుకుతున్న బియ్యాన్ని మసాలా మచ్చిక చేసుకుంటే.. ఆ మిశ్రమంతో మాంసం చుట్టరికం కలిపితే.. ఇక జిహ్వపై విస్ఫోటనమే. ఆ నేస్తరికం మాంసంతోనే కాదు.. పన్నీరు నుంచి పుట్టగొడుగు వరకు ఏది కలిపినా రుచి మహత్తరమే. అదీ బిర్యానీ గొప్పదనం. పర్షియా లోని రాజుల వంటశాల నుంచి మన కంచం వరకు బిర్యానీ కహానీ చాలా గొప్పది. విందు ఏదైనా పళ్లెంలో బిర్యానీ లేకపోతే వెలితి. పార్టీ ఎవరిదైనా బిర్యానీ కనిపించకుంటే నోటికి లేదు రుచి. – శ్రీకాకుళం, శ్రీకాకుళం కల్చరల్‌, శ్రీకాకుళం పీఎన్‌ కాలనీనాతో కూడా బిర్యానీ వండి వార్చవచ్చంటున్నాయి జలపుష్పాలు. బోన్‌లెస్‌ ఫిష్‌తో బ్రహ్మాండమైన బిర్యానీని నగరంలోని వివిధ హోటళ్లు వడ్డిస్తున్నాయి. బాషా అనే సముద్రం రకం చేపను వినియోగిస్తున్నారు. హాట్‌ ఫేవరెట్‌ ప్లేస్‌ జీషాన్‌, రామ్‌లక్ష్మణ్‌ జంక్షన్‌ ● నగరంలో రూ.100 నుంచి రూ.150 వరకు ధరల్లో వివిధ ప్రాంతాల్లో బిర్యానీలను విక్రయిస్తున్నారు. సామాన్యులు వీటిని కొనుగోలు చేసేందుకు ఆసక్తి చూపుతున్నారు. సేల్‌ పాయింట్స్‌: పాలకొండ రోడ్‌, చిన్నబజార్‌ రోడ్‌, సెవెన్‌ రోడ్‌ జంక్షన్‌, డీఎస్పీ ఆఫీస్‌ సమీపంలో, రైతు బజార్‌ సమీపంలో.. రోజువారీ అమ్మకాలు 11

శ్రీకాకుళం అర్బన్‌: దసరా సందర్భంగా ఆర్టీసీ ప్రత్యే క సర్వీసులు నడపనుంది. సాధారణ చార్జీలతో ఈ బస్సులు నడవనున్నాయి. శ్రీకాకుళం–1, శ్రీకాకు ళం–2, టెక్కలి, పలాస తదితర నాలుగు డిపోల నుంచి 224 ప్రత్యేక బస్సులను నడపనుంది. ఈనెల 9వ తేదీ నుంచి అక్టోబరు 19వ తేదీ వరకూ ఈ సర్వీసులు నడపనున్నారు. దూరప్రాంత ప్రయాణికుల సౌకర్యం కోసం ఆర్టీసీ అధికారులు ప్రాధాన్యత ఇస్తున్నారు. ప్రత్యేక బస్సుల పూర్తి వివరాలను ఆన్‌లైన్‌లో పెట్టారు. శ్రీకాకుళం జిల్లా నుంచి దూరప్రాంతమైన హైదరాబాద్‌కు 2 బస్సులు, విజయవాడకు 34 బస్సులు, విశాఖపట్టణానికి 120 బస్సులు నడపనున్నారు. ఎప్పటిలాగే టెక్కలి నుంచి రాజమండ్రికి 5బస్సులు, కాకినాడ నుంచి పాతపట్నంకు 2 బస్సు లు, టెక్కలి నుంచి అమలాపురానికి 3 బస్సులు నడుస్తున్నాయి. అలాగే శ్రీకాకుళం నుంచి విశాఖపట్టణంకు 25 ఆల్ట్రాడీలక్స్‌, 11 అల్ట్రా పల్లెవెలుగులు, 8 పల్లెవెలుగు బస్సులు తిరుగుతున్నాయి. ప్రస్తుతం శ్రీకాకుళం నుంచి విశాఖపట్టణంకు ప్రతి 5 నిమిషాలకు ఒక నాన్‌స్టాప్‌ బస్సు అందుబాటులో ఉండగా ప్రత్యేక బస్సులతో కలిపి ప్రతి 2 నిమిషాలకు ఒక నాన్‌స్టాప్‌ బస్సు నడవనున్నాయి. 10 శాతం రాయితీ ఏపీఎస్‌ ఆర్టీసీ ప్రయాణికులకు ఎప్పటిలాగే బంపర్‌ ఆఫర్‌ ప్రకటించింది. దసరా పండగ సందర్భంగా ఆర్టీసీ ప్రత్యేక బస్సుల్లో ప్రయాణించే ప్రయాణికులకు ముందస్తుగా రాను, పోను టికెట్‌ రిజర్వేషన్‌ చేయించుకుంటే ప్రయాణ చార్జీలో 10 శాతం రాయితీ ఇస్తున్నారు. ప్రత్యేక బస్సుల్లో కూడా ప్రయాణించే ప్రయాణికులు రాను, పోను టికెట్‌కు 10 శాతం రాయితీ ఇస్తున్నారు.

శ్రీకాకుళం న్యూకాలనీ: జిల్లా స్థాయి అథ్లె టిక్స్‌ చాంపియన్‌షిప్‌ పోటీలు ఆదివారం ఉత్సాహభరితంగా సాగాయి. శ్రీకాకుళం నగరంలోని కోడిరామ్మూర్తి స్టేడియం వేదికగా అండర్‌–14, అండర్‌–16 వయో విభాగాల్లో బాలబాలికలకు వేర్వేరుగా ఈ పోటీలను నిర్వహించారు. జిల్లా నలుమూలల నుంచి 400 మందికిపైగా బాలబాలికలు హాజరయ్యారు. ఆద్యంతం హోరాహోరీగా సాగిన ఈ పోరులో పలు వురు అథ్లెటిక్స్‌ క్రీడాకారులు సత్తాచాటారు. విజేతలకు అథ్లెటిక్స్‌ అసోసియేషన్‌ రాష్ట్ర అధ్యక్షుడు, జిల్లా అధ్యక్షుడు కొన్న మధుసూదనరావు, రాష్ట్ర సలహాదారు నౌపడ విజయ్‌కుమార్‌, జిల్లా ప్రధాన కార్యదర్శి మెంటాడ సాంబమూర్తి విజేతలకు పతకాలు, ప్రశంసా పత్రాలను అందజేశారు. అంతకుముందు ఈ అథ్లెటిక్స్‌ పోటీలను ఒలింపిక్‌ సంఘ జిల్లా ముఖ్య సలహాదారు పి.సుందరరావు మాస్టారుతో కలిసి అథ్లెటిక్స్‌ సంఘ ముఖ్య ప్రతినిధులు ప్రారంభించారు. ఇక్కడ విజేతలుగా నిలిచి, మెరుగైన ట్రాక్‌రికార్డులు కలిగిన అథ్లెట్స్‌ను జాతీయ, రాష్ట్ర స్థాయి అథ్లెటిక్స్‌ చాంపియన్‌షిప్‌ పోటీలకు పంపించనున్నట్టు కొన్న మధుసూదనరావు తెలిపారు.

ఎచ్చెర్ల: విపత్తుల నిర్వహణలో విద్యార్థుల భాగస్వామ్యం అత్యంత కీలకమని కలెక్టర్‌ స్వప్నిల్‌ దినకర్‌ పుండ్కర్‌ తెలిపారు. శనివారం శివానీ ఇంజినీరింగ్‌ కాలేజీలో ఇండియన్‌ రెడ్‌క్రాస్‌ శ్రీకాకుళం చాప్టర్‌ ఆధ్వర్యంలో మూడు రోజులు పాటు నిర్వహించే రాష్ట్రస్థాయి జూనియర్‌ రెడ్‌ క్రాస్‌ స్టడీ కమ్‌ ట్రైనింగ్‌ ప్రొగ్రాంలో ఆయన ముఖ్య అతిథిగా పాల్గొన్నారు. ఇండియన్‌ రెడ్‌క్రాస్‌ సోసైటీ రాష్ట్రశాఖ చైర్మన్‌ పైడి రామారావు మాట్లాడుతూ రాష్ట్ర విభజన తర్వాత తొలిసారిగా జూనియర్‌ రెడ్‌ క్రాస్‌ తరఫున ఇలాంటి కార్యక్రమం నిర్వహిస్తున్నామన్నారు. టెట్‌కు పకడ్బందీ ఏర్పాట్లు శ్రీకాకుళం పాతబస్టాండ్‌: జిల్లాలో ఈ నెల 11వ తేదీ నుంచి 15వ తేదీ వరకు నిర్వహించనున్న ఆంధ్రప్రదేశ్‌ ఉపాధ్యాయ అర్హత పరీక్ష (టెట్‌) ప్రత్యేక కంప్యూటర్‌ ఆధారిత పరీక్షలను ప్రశాంత వాతావరణంలో పకడ్బందీగా నిర్వహించా లని కలెక్టర్‌ స్వప్నిల్‌ దినకర్‌ పుండ్కర్‌ ఆదేశించారు. శనివారం నిర్వహించిన టెలి కాన్ఫరెన్స్‌ లో అధికారులతో ఆయన మాట్లాడారు. పరీక్ష ల కోసం జిల్లా పరిధిలో ఐదు కేంద్రాలను ఏ ర్పాటు చేశామని, అభ్యర్థులకు ఎలాంటి అ సౌ కర్యం కలగకూడదని తెలిపారు. అప్రెంటిస్‌షిప్‌నకు దరఖాస్తుల ఆహ్వానం శ్రీకాకుళం అర్బన్‌: ఐటీఐ పాస్‌ అయిన అభ్య ర్థులకు ఆర్టీసీలో అప్రెంటిస్‌షిప్‌ కోసం దరఖాస్తులను ఆహ్వానిస్తున్నట్లు జిల్లా ప్రజారవాణా అధికారి సీహెచ్‌ అప్పలనారాయణ తెలిపారు. ఈ మేరకు శనివారం ఓ ప్రకటనలో పేర్కొన్నా రు. శ్రీకాకుళం జిల్లాలో డీజిల్‌ మెకానిక్‌, మో టార్‌ మెకానిక్‌, ఎలక్ట్రీషియన్‌, వెల్డర్‌, డ్రాఫ్ట్‌ మన్‌ సివిల్‌, ఐటీఐ పాస్‌ అయిన అభ్యర్థులు డబ్ల్యూడబ్ల్యూడబ్ల్యూ.అప్రెంటిస్‌షిప్‌ఇండియా.జీఓవీ.ఇన్‌ వెబ్‌సైట్‌లో ఈనెల 11వ తేదీ నుంచి 26వ తేదీ లోపు అప్రెంటిస్‌షిప్‌ కోసం, వారి పేర్లను రిజిస్టర్‌ చేసుకోవాలని అప్పలనారాయణ పేర్కొన్నారు. రిజిస్ట్రేషన్‌ చేసుకున్న శ్రీకాకుళం జిల్లా అభ్యర్థులు ఈనెల 30వ తేదీన సర్టిఫికెట్స్‌ వెరిఫికేషన్‌ కోసం, ఒరిజినల్‌ సర్టిఫికెట్లతో ఉదయం 10 గంటలకు ఆర్టీసీ జోనల్‌ స్టాఫ్‌ ట్రైనింగ్‌ కాలేజీ, వీటీ అగ్రహారం, విజయనగరంలో హాజరు కావాలని తెలిపారు. శ్రీకాకుళం క్రైమ్‌ : జిల్లాలో మిగిలిన 12 మద్యం దుకాణాల లైసెన్సులకు ప్రభుత్వం మరోమా రు నోటిఫికేషన్‌ జారీ చేసింది. ఈ నెల 19న దరఖాస్తుల స్వీకరణ గడువు అని, 21న లాటరీ ప్రక్రియ జరుగుతుందని జిల్లా ఎకై ్సజ్‌ వర్గాలు పేర్కొన్నాయి గర్భం దాల్చిన హాస్టల్‌ విద్యార్థిని టెక్కలి: టెక్కలిలోని ఓ బాలికల వసతి గృహానికి చెందిన విద్యార్థిని గర్భం దాల్చిన విష యం శనివారం బహిర్గతమైంది. కొన్నాళ్ల కిందట సెలవులకు ఇంటికి వెళ్లిన విద్యార్థిని హాస్ట ల్‌కు చేరుకున్నాక నెలసరి రాకపోవడంతో వార్డెన్‌ ఇంటికి కబురు పంపించారు. వారు యువతిని ఇంటికి తీసుకెళ్లిపోయారు. ఓ యువకుడితో వివాహం జరిపించే క్రమంలో ఇరువురికి విభేదాలు రావడంతో ఈ విషయం బహిర్గతమైంది.

నందవ.. మెళియాపుట్టి మండలంలో ఓ మారుమూల పల్లె. కానీ ఈ పల్లె నుంచి బిర్యానీ వాసన వచ్చిందంటే తిండి ప్రియులు లొట్టలేసుకుంటూ ఊరికి దారి కడతారు. పర్లాకిమిడి–పలాస దారిలో హీరాపురం గ్రామం నుంచి నాలుగు కిలోమీటర్ల దూరంలో మారుమూలలో ఉంటుందీ గ్రామం. గ్రామానికి చెందిన సవర అప్పన్న 15 ఏళ్లుగా పూడి గుడిసెలో కట్టెల పొయ్యిపై చికెన్‌ బిర్యానీ వండి వడ్డిస్తున్నాడు. ఓ ముద్ద బిర్యానీ ఆస్వాది స్తూ ఆ పక్కనే అదే అప్పన్న చేసే చికెన్‌ పకోడీ నంజుకుంటే ఇక ఆ పూటకు స్వర్గమే. –మెళియాపుట్టి

అరసవల్లి: స్థానిక సంగ్రామానికి రంగం సిద్ధమవుతోంది. స్థానిక సంస్థల ఎన్నికల్లో బీసీలకు 34 శాతం రిజర్వేషన్ల పెంపు ప్రక్రియపై ఏపీ ప్రభుత్వం సుప్రీంకోర్టులో వేసిన స్పెషల్‌ లీవ్‌ పిటీషన్‌ను డిస్మిస్‌ చేయడంతో రాష్ట్రంలో ఒక్కసారిగా ‘స్థానిక’ ఎన్నికల ప్రక్రియకు మార్గం సుగమమైంది. రాష్ట్ర ప్రభుత్వానికి ‘సుప్రీం’ నిర్ణయం చెంపపెట్టు కాగా.. తాజాగా ఈ నిర్ణయంతో ఒక్కసారిగా ‘స్థానిక’ వేడి మొదలైంది. ఎప్పుడు నోటిఫికేషన్‌ వచ్చినా ఎన్నికల నిర్వహణకు సన్నద్ధంగా ఉన్నామంటూ జిల్లాలో ఎన్నికల అధికారులు ప్రకటిస్తున్నారు. ఏర్పాట్లు సిద్ధం రాష్ట్ర ఎన్నికల సంఘం సూచనల మేరకు ఇప్పటికే పంచాయతీరాజ్‌ శాఖ ఉన్నతాధికారులు జిల్లాలో పంచాయతీలు, ఎంపీటీసీలు, జెడ్పీటీసీల ఎన్నికలకు సంబంధించి క్షేత్ర స్థాయి సమాచారాన్ని సిద్ధం చేసుకున్నారు. జిల్లా ఎన్నికల అధికారి హోదాలో కలెక్టర్‌ స్వప్నిల్‌ దినకర్‌, సహాయ ఎన్నికల అధికారి హోదాలో జిల్లా పరిషత్‌ సీఈఓ ఆర్‌.వెంకట్రామన్‌, జిల్లా పంచాయతీ అధికారి స్వరూపారాణి బృందం ఎన్నికల ప్రక్రియకు ప్రాథమిక ఏర్పాట్లు సిద్ధం చేశారు. ఎన్నికల విధులు, పోలింగ్‌ స్టేషన్లు, ఓటర్లు జాబితా, పోలింగ్‌ స్టేషన్లకు రూట్లు, జోన్లు తదితర అంశాలతో సిద్ధంగా ఉన్నారు. దీంతో పాటు ఈ ఏడాది ఏప్రిల్‌ 2వ తేదితో గ్రామ పంచాయతీల సర్పంచ్‌ల కాలపరిమితి పూర్తికాగా, గత నెల 23తో మండల పరిషత్‌లు, 24తో జిల్లా పరిషత్‌ పాలకవర్గాలకు కూడా కాలపరిమితి ముగిసింది. దీంతో జిల్లా వ్యాప్తంగా అన్ని స్థానిక పరిపాలన వ్యవస్థ అంతా ప్రస్తుతానికి ప్రత్యేకాధికారుల పాలనలోనే కొనసాగుతోంది. దీంతో స్థానిక ఎన్నికల సన్నద్ధ చర్యలకు పెద్దగా ఇబ్బందులు తలెత్తలేదు. రెండున్నరేళ్ల పాలన అనంతరం కూటమిపై తీవ్ర వ్యతిరేకత వ్యక్తమవుతోంది. ‘స్థానిక’ ఎన్నికల్లో ఈ ప్రభావం అధికంగా కనిపించే అవకాశాలున్నాయి. అయితే రాష్ట్ర ఎన్నికల సంఘం ఆధ్వర్యంలో ముందుగా గ్రామాల్లో పంచాయతీల ఎన్నికలకు తర్వాత మండల పరిషత్‌, జిల్లా పరిషత్‌లకు ఎన్నికలను నిర్వహించాలనే దిశగా అడుగులు వేస్తున్నట్లుగా తెలుస్తోంది. పంచాయతీల్లో ముఖ్యంగా రాజకీయ పార్టీ గుర్తులపై జరగని ఎన్నికలైనప్పటికీ కూటమికి కచ్చితంగా ఛీత్కారమే ఎదురవుతుందనే అనుమానాలు అధికార పార్టీ కార్యకర్తల్లోనే వ్యక్తమవుతున్నాయి. దీంతో అధికార పక్ష నేతలు గ్రామ స్థాయి స్థానిక ఎన్నికలపై గందరగోళ పరిస్థితుల్లో ఉన్నారు. జనసేన పార్టీ ఈ సారి ‘స్థానిక’ ఎన్నికల్లో అత్యధిక చోట్ల పోటీ అవకాశాలపై గంపెడాశలు పెట్టుకుంది. అయితే అసెంబ్లీలో మీకు సహకరించాం.. ఇప్పుడు స్థానికంలో మాకు సహకరించాలన్న సూత్రంపైనే జనసేన ముందుకు సాగుతున్నారు. దీంతో కూటమిలో లుకలుకలకు స్థానిక ఎన్నికలు ఓ వేదిక కానున్నాయి. వైఎస్సార్‌సీపీ అధ్యక్షుడు ఎక్కడా ఏకగ్రీవం కాకూడదని, కచ్చితంగా పోటీ చేయాలని పిలుపునివ్వడంతో పార్టీ క్యాడర్‌లో ఉత్సాహం రెట్టింపైంది. ఉమ్మడి శ్రీకాకుళం జిల్లాలో ఉన్న 38 మండలాల్లో పాలకొండ నియోజకవర్గంలోని నాలుగు మండలాలను పార్వతీపురం మన్యం జిల్లా పరిషత్‌లో, రాజాం నియోజకవర్గాన్ని విజయనగరం జిల్లా పరిషత్‌లో కలిపేశారు. దీంతో ప్రస్తుతం శ్రీకాకుళం జిల్లాలో ఉన్న 30 మండలాల్లోనే ‘స్థానిక’ ఎన్నికలను రెండు మూడు విడతల్లో పోలింగ్‌ జరిగేలా రాష్ట్ర ఎన్నికల సంఘం నిర్ణయించనుంది. ఈ మేరకు 30 మండలాల్లో మొత్తం 910 గ్రామ పంచాయతీలు, 8638 వార్డు స్థానాల్లో ఎన్నికలు నిర్వహించనున్నారు. అలాగే జిల్లాలో మొత్తం గ్రామీణ ఓటర్లు 16,20,967 మంది ఉండగా ఎన్నికల ప్రక్రియకు కోసం మొత్తం 8764 పంచాయతీ పోలింగ్‌ స్టేషన్లు సిద్ధం చేశారు. ఇక ‘పరిషత్‌’ల విషయానికొస్తే జిల్లాలో మొత్తం 30 మండలాల్లో 30 జెడ్పీటీసీలు, 542 ఎంపీటీసీల స్థానా లకు ఎన్నికలు నిర్వహించనున్నారు. ఇందుకోసం జిల్లాలో 2004 పోలింగ్‌ స్టేషన్లు, 3134 బ్యాలెట్‌ బాక్సులు సిద్ధం చేశారు. బీసీ రిజర్వేషన్ల కేసును ‘సుప్రీం’ డిస్మిస్‌ చేయడంతో వేగంగా మారుతున్న సమీకరణాలు నోటిఫికేషన్‌ ఎప్పుడొచ్చినా సిద్ధమంటున్న అధికారులు ముందుగా పంచాయతీలకు.. ఆ తర్వాతే మండలాలకు ఎన్నికలు

● రైలు ఢీకొని 140 గొర్రెలు మృతి కాశీబుగ్గ : రైలు పట్టాలపై మూగజీవాల మృత్యుఘోష వినిపించింది. పూండి–రౌతుపురం రైల్వే స్టేషన్‌, నందిగాం మండలం దేవాడ పరిధి రైలు పట్టాల కు ఆనుకుని ఉన్న పరిసరాల్లో 140 గొర్రెలను కొందరు పెంపకందారులు మేతకు తీసుకువచ్చారు. సా యంత్రం 4.30 గంటల సమయంలో ట్రాక్‌ పైనుంచి జీవాలను దాటిస్తుండగా విశాఖ వైపు వెళ్లే ఎక్స్‌ప్రెస్‌ రైలు వాటిపై నుంచి దూసుకెళ్లింది. మొత్తం 140 జీవాలు మృతి చెందాయి. క్షణాల్లో జరిగిన ఘోరాన్ని చూసి పెంపకందారులైన లండ తిరుపతిరావు తదితరులు కుప్పకూలారు. లబోదిబోమంటూ విలపించారు. మృతి చెందిన జీవాల విలువ రూ. 14లక్షలకుపైగానే ఉంటుందని బాధితులు తెలిపారు.

● వైఎస్సార్‌ సీపీ జిల్లా అధ్యక్షుడు ధర్మాన కృష్ణదాస్‌ నరసన్నపేట: స్థానిక సంస్థల ఎన్నికల్లో బీసీలకు 34 శాతం రిజర్వేషన్లపై సుప్రీంకోర్టు తీర్పును సాకుగా చూపిస్తూ కూటమి ప్రభుత్వం భజన రాజకీయాలు చేస్తోందని వైఎస్సార్‌ కాంగ్రెస్‌ పార్టీ జిల్లా అధ్యక్షుడు, మాజీ డిప్యూటీ సీఎం ధర్మాన కృష్ణదాస్‌ ధ్వజమెత్తారు. చట్టబద్ధత లేని జీఓలు ఇచ్చి న్యాయస్థానాల్లో నిలబడదని తెలిసి కూడా ప్రభుత్వం కావాలనే బీసీలను మోసం చేసిందని మండి పడ్డారు. ఈ మేరకు శుక్రవారం సాయంత్రం ఓ ప్రకటన విడుదల చేశారు. ఈ నాటకాలు అన్నీ స్థానిక సంస్థల ఎన్నికల్లో ఓట్ల కోసమేనని ప్రభుత్వ వైఖరిని తీవ్రంగా ఖండించారు. సుప్రీం కోర్టు తీర్పుల ప్రకారం 50 శాతం పరిమితి దాటాలంటే ప్రత్యేక డెడికేటెడ్‌ కమిషన్‌ ద్వారా సమగ్ర వివరాలు సేకరించాలని, అది పక్కన పెట్టి యూనిఫైడ్‌ ఫ్యామిలీ సర్వే ఆధారంగా జీఓలు ఇచ్చి కోర్టుల్లో కొట్టివేసేలా కుట్రలు చేశారని వివరించారు. ఇప్పుడు కోర్టు తీర్పును సాకుగా చూపిస్తూ ప్రభుత్వం తమ తప్పును కప్పి పుచ్చుకోవడానికి భజన చేస్తోందని కృష్ణదాస్‌ అన్నారు. వైఎస్‌ జగన్‌ హయాంలో క్యాబినేట్‌, జెడ్పీ పీఠాలు, నామినేటెడ్‌ పదవుల్లో బీసీలకు సింహభాగం దక్కిందని గుర్తు చేశారు. వెన్నుపోటు చంద్రబాబు నైజం చంద్రబాబు తన రాజకీయ జీవితం మొత్తం బీసీలకు వెన్నుపోటు పొడిచారు. పదవి కోసం బీసీలను పావులుగా వాడుకుని ఆ తర్వాత కోలుకోలేని వెన్ను పోటు పొడుస్తారు. ఎన్నికల్లో రిజర్వేషన్ల విషయంలో 34 శాతం సాధ్యం కాదని తెలిసి మరీ బీసీలను మభ్యపెట్టడానికే చంద్రబాబు డ్రామాలు ఆడారు. – జీవీ రెడ్డి మాస్టారు, మేధావుల ఫోరం అధ్యక్షుడు, బీసీ విభాగం ప్రతినిధి, టెక్కలి చంద్రబాబునాయుడు పెద్ద డ్రామా చేస్తున్నారు. డెడికేటెడ్‌ నివేదిక బయటకు ఇవ్వకుండా రిజర్వేషన్లు పెంచుతూ జీఓలు ఇవ్వడంపై కోర్టు సీరియస్‌ గా స్పందించింది. – పేడాడ శ్రీరామమూర్తి, బీసీ నాయకుడు, దవళపేట జి.సిగడాం

జి.సిగడాం: ‘మేమంతా కుటుంబాలతో కలిసిమెలిసి ఉంటున్నాం.. రాజకీయాల కోసం బలికాబోం. చేతులు ఎత్తితే మనస్పర్థలు వస్తాయి.. నేరుగా బ్యాలెట్‌ ద్వారా ఓట్లు నిర్వహించండి.. లేకపోతే తిరిగి వెళ్లిపోతాం..’ అంటూ జి.సిగడాం మండలం ఆనందపురం ప్రాథమికోన్నత పాఠశాల విద్యార్థులు తేల్చిచెప్పారు. దీంతో అదే విధంగా ఎన్నిక నిర్వహించి చైర్మన్‌గా డోల రాంబాబు, వైస్‌ చైర్మన్‌గా చిత్తిరి విజయలక్ష్మిలను ఎన్నుకున్నారు. ఎంఈఓలు అరసాడ రవి, ముళ్లు శ్రీనివాసరావు పర్యవేక్షణలో జరిగిన ఈ కార్యక్రమంలో ఎస్‌ఐ కొండపల్లి అప్పలసూరి, కోరుకొండ రామకృష్ణారావు, లక్ష్మణరావు తదితరులు పాల్గొన్నారు.

● చంద్రబాబు మార్క్‌ రాజకీయం ● కోర్టుల సాకుతో బీసీలకు టీడీపీ వెన్నుపోటు ● చెల్లవని తెలిసే జీఓలతో మభ్యపెట్టిన చంద్రబాబు ప్రభుత్వం సాక్షి ప్రతినిధి, శ్రీకాకుళం: బీసీ ఓటు బ్యాంకు కోసం చంద్రబాబు ఆడిన రిజర్వేషన్ల జూదం న్యాయస్థానాల వేదికగా బట్టబయలైంది. చట్టపరమైన మద్దతు లేకుండా కేవలం ప్రచార ఆర్భాటాల కోసమే జీఓలు ఇచ్చారనేది తేటతెల్లమైంది. రాజకీయ అవసరాల కోసం బీసీలను ఏ విధంగా వాడుకుందో స్థానిక సంస్థల ఎన్నికల రిజర్వేషన్ల ఉదంతం కళ్లకు కడుతోంది. ఎన్నికల ప్రచారంలో బీసీలకు 34 శాతం రిజర్వేషన్లు ఇస్తామని ఆకాశమే హద్దుగా హామీలు గుప్పించిన టీడీపీ నాయకులు, అధికారంలోకి వచ్చాక కోర్టుల్లో ఏ మాత్రం నిలబడని జీఓలు తెచ్చారు. ముందే తెలిసినప్పటికీ రాజకీయ మైలేజ్‌ కోసం జీఓలు జారీ చేసి, కోర్టుల్లో ఎదురు దెబ్బ తగలగానే తప్పును ఇతరులపై నెట్టేసేందుకు సిద్ధమయ్యారు. డ్రామా నడిపించారా..! స్థానిక సంస్థల ఎన్నికల్లో బీసీలకు 34శాతం రిజర్వేషన్లు కల్పిస్తూ ప్రభుత్వం జారీ చేసిన జీఓలు హైకోర్టు, సుప్రీంకోర్టులో వీగిపోవడం వెనక చంద్రబాబు మార్క్‌ ముందస్తు వ్యూహం ఉందని తేలిపోయింది. చట్టబద్ధత లేని, నిలకడలేని జీఓలు ఇచ్చి, తీరా కోర్టులు కొట్టేయగానే మేము ఇవ్వాలనుకున్నా కోర్టులు, విపక్షాలు అడ్డుకున్నాయని సాకు చెప్పేందుకు ఈ డ్రామా నడిపించారనే చర్చ జోరందుకుంది. చటబద్ధత చేశారా..? బీసీల సామాజిక, రాజకీయ వెనుకబాటు తనాన్ని శాసీ్త్రయంగా అధ్యయనం చేయడానికి 2026 ఫిబ్రవరి 19న రాజీవ్‌ రంజన్‌ మిశ్రా నేతృత్వంలో డెడికేటేడ్‌ కమిషన్‌ను ఏర్పాటు చేశారు. ఈ కమిషన్‌ సుదీర్ఘ అధ్యయనం చేసిన తర్వాత ఆగస్టు 14న రాష్ట్ర ప్రభుత్వానికి సమగ్ర నివేదికను సమర్పించింది. నిజంగా బీసీలపై ప్రేమ ఉంటే, ఆ నివేదికను తక్షణమే అసెంబ్లీలో ప్రవేశపెట్టి, చట్టబద్ధమైన తీర్మానం చేసి, రిజర్వేషన్లు పెంచే ఆర్డినెన్స్‌ తేవాలి. కానీ, ప్రభుత్వం ఆ నివేదికను బయటపెట్టకుండా , కేబినెట్‌ ఆమోదం లేకుండానే కేవలం జీఓల ద్వారా 34శాతం రిజర్వేషన్లు ప్రకటిస్తూ అప్పటికప్పుడు హడావుడి చేసింది. చట్టపరమైన పునాది లేని ఇలాంటి జీఓలు న్యాయస్థానాల్లో ఒక్క నిమిషం కూడా నిలబడవని తెలిసి కూడా నిర్ణయం తీసుకోవడం వెనక బీసీలను మభ్యపెట్టే వ్యూహం స్పష్టంగా కన్పిస్తుందని బీసీ సంఘాలు అభిప్రాయపడుతున్నాయి. కోర్టుల్లో జీఓలు రద్దయిన వెంటనే ముఖ్యమంత్రి చంద్రబాబు కొత్త పల్లవి అందుకున్నారు. కోర్టులు అడ్డుకున్నా.. పార్టీ పరంగా బీసీలకు 34శాతం సీట్లు ఇస్తాం అని ప్రకటించడంపై బీసీ సంఘాలు తీవ్రంగా మండిపడుతున్నాయి. తమకు కావాల్సింది చట్టబద్ధమైన రిజర్వేషన్‌ హక్కు, పార్టీ దయాదాక్షిణ్యాల మీద ఇచ్చే టిక్కెట్లు కాదని అంటున్నాయి. రేపు ఎన్నికల్లో బీసీ జనాభా ఎక్కువగా ఉన్న స్థానాల్లో బలమైన అభ్యర్థులను నిలబెట్టి, ఇతర వర్గాలను గెలిపించుకునే కుతంత్రం దాగి ఉందనే వాదన వినిపిస్తోంది.

● గెలుపొందిన వైఎస్సార్‌సీపీ సానుభూతిపరులు పోలాకి: ఈదులవలస ప్రభుత్వ ఆదర్శ పాఠశాలలో అధికార పార్టీ ప్రయోగించిన కుయుక్తులేవీ పనిచేయలేదు. విద్యాకమిటీ ఎన్నిక రాజకీయం చేయటంపై విద్యార్థుల తల్లిదండ్రులు అసహనం వ్యక్తం చేశారు. పోలీసుల మోహరింపు, తల్లిదండ్రులకు తాయిళాలు ఆశచూపటం వంటివి చేసినా తల్లిదండ్రులు మాత్రం విచక్షణతో ఓటేశారు. గతసారి కోరం లేకపోవటంతో వాయిదాపడిన ఎన్నిక శుక్రవారం 333 మంది తల్లిదండ్రుల హాజరుతో ఎన్నిక నిర్వహించారు. ప్రిన్సిపల్‌ పి.ప్రవీణ ఆధ్వర్యంలో జరిగిన ఎన్నికలో 15మంది సభ్యులకు గాను 13 మంది వైఎస్సార్‌సీపీ సానుభూతిపరులు గెలుపొందటం విశేషం. ఇద్దరు ఏకగ్రీవంగా ఎన్నికకాగా, ఐదుగురు ఎక్స్‌అఫీషియో సభ్యులను ఎన్నుకుని చైర్మన్‌గా మెండ తాతమ్మ, వైస్‌ చైర్మన్‌గా కొంగరాపు గణేష్‌లు అధ్యక్షతన తొలి కమిటీ సమావేశం సైతం నిర్వహించారు. వీరిని మాజీ డిప్యూటీ సీఎం ధర్మాన కృష్ణదాస్‌ అభినందించారు. అంతకుముందు చైర్మెన్‌, వైస్‌ చైర్మెన్లు ఈదులవలస గ్రామపెద్ద ముద్దాడ భాస్కరనాయుడు ఆశీస్సులు తీసుకున్నారు. కార్యక్రమంలో మాజీ మండలపరిషత్‌ సలహాదారు ముద్దాడ భైరాగినాయుడు, వైఎస్సార్‌సీపీ మండల అధ్యక్షుడు కణితి కృష్ణారావు, యువజన నాయకుడు బోర హాటకేసం(బుజ్జి), ఎస్సీసెల్‌ అధ్యక్షుడు కల్లేపల్లి లక్ష్మణరావు పాల్గొన్నారు.

శ్రీకాకుళం క్రైమ్‌ : జిల్లా పోలీసు సిబ్బంది ఉద్యోగరీత్యా, వ్యక్తిగతంగా ఎదుర్కొంటున్న సమస్యలను నేరుగా డయల్‌ యువర్‌ ఎస్పీ కార్యక్రమం ద్వారా తెలియజేసి పరిష్కారం పొందాలని ఎస్పీ కె.వి.మహేశ్వరరెడ్డి సూచించారు. జిల్లా పోలీసు కార్యాలయంలో శుక్రవారం మధ్యాహ్నం 2 నుంచి 4 గంటల వరకు పోలీస్‌ గ్రీవెన్సు (డయల్‌ యువర్‌ ఎస్పీ) నిర్వహించారు. పలువురు పోలీసులు తమ లీవులు, సర్వీసు అంశాలు, ఇబ్బందులను ఎస్పీ దృష్టికి తీసుకొచ్చారు. జాతీయ బాక్సింగ్‌ పోటీలకు ఎంపిక ఎచ్చెర్ల : ఆల్‌ ఇండియా యూనివర్సిటీ స్థాయి బాక్సింగ్‌ పోటీలకు డాక్టర్‌ బీఆర్‌ అంబేడ్కర్‌ యూనివర్శిటీ తరఫున ప్రాతినిధ్యం వహించే జట్లను శుక్రవారం ఎంపిక చేశారు. బాలురు విభాగంలో 20 మంది, బాలికల విభాగంలో ముగ్గురు పాల్గొన్నారు. బాలుర విభాగంలో ఈ నెల 30 నుంచి నవంబర్‌ 6 వరకు నోయిడాలో గల్గోసియా యూనివర్శిటీలో, బాలికల విభాగంలో రాజస్థాన్‌ రాష్ట్రం ఉదయపూర్‌లో మోహన్‌లాల్‌ సుఖాడియా యూనివర్శిటీలో వచ్చే ఏడాది జనవరి 18 నుంచి 24 వరకు పోటీలు జరుగుతాయి. కార్యక్రమంలో రిజిస్ట్రార్‌ బి.అడ్డయ్య, అంకెం భాస్కర్‌, ఎం.శ్రీనివాసరావు, ఉమామహేశ్వరరావు పాల్గొన్నారు. బాలికపై వృద్ధుడి లైంగిక దాడి బూర్జ: మండలంలోని ఓ గ్రామానికి చెందిన పదో తరగతి విద్యార్థినిపై అదే గ్రామానికి చెందిన 62 ఏళ్ల వృద్ధుడు మాయమాటలు చెప్పి లైంగిక దాడికి పాల్పడ్డాడు. నిందితుడు వరుసకు మనవరాలు అవుతుందని సమాచారం. ప్రస్తుతం బాలిక గర్భం దాల్చడంతో శ్రీకాకుళం ప్రభుత్వ సర్వజన ఆస్పత్రిలో చేర్చారు. పోలీసులు దర్యాప్తు చేస్తున్నారు. ఏఆర్‌ డీఎస్పీ బాధ్యతల స్వీకరణ శ్రీకాకుళం క్రైమ్‌ : ఇటీవల పదోన్నతి పొంది సాధారణ బదిలీల్లో భాగంగా మంగళగిరి పోలీసు ప్రధాన కార్యాలయం నుంచి జిల్లా ఆర్మ్‌డ్‌ రిజర్వు (ఏఆర్‌) విభాగానికి నూతన డీఎస్పీగా నియమితులైన ఎన్‌.వెంకటరమణ ఎచ్చెర్లలోని ఏఆర్‌ విభాగ చాంబరులో శుక్రవారం బాధ్యతలు స్వీకరించారు. అనంతరం జిల్లా పోలీసు కార్యాలయంలో ఎస్పీ కె.వి.మహేశ్వరరెడ్డిని మర్యాదపూర్వకంగా కలిశారు. బీసీలకే అవకాశం కల్పిస్తాంశ్రీకాకుళం: రానున్న స్థానిక సంస్థల ఎన్నికల్లో కోర్టులు రిజర్వేషన్‌ పెంపును కాదన్నప్పటికీ అభ్యర్థుల ఎంపికలో 34 శాతం కంటే ఎక్కువగా బీసీలకే అవకాశం కల్పిస్తామని తమ నాయకుడు ఇప్పటికే ప్రకటించారని కేంద్ర రాష్ట్ర మంత్రులు కింజరాపు రామ్మోహన్‌ నాయుడు, కింజరాపు అచ్చెన్నాయుడు అన్నారు. శ్రీకాకుళంలోని కేంద్ర మంత్రి కార్యాలయంలో శుక్రవారం వారు విలేకరులతో మాట్లాడుతూ రాష్ట్రంలో బీసీలకు ఎన్నికల్లో రిజర్వేషన్‌ కల్పించిన ఘనత తెలుగుదేశందేనని స్పష్టం చేశారు. సమావేశంలో ఎమ్మెల్యే గొండు శంకర్‌, పార్టీ నాయకులు పాల్గొన్నారు.

● తమకు అనుకూలంగా ఎన్నిక నిర్వహించాలన్న కోరం లేని సభ్యులు ● ఎస్‌ఎంసీ ఎన్నికల మినిట్స్‌ పుస్తకాలు చించివేత ● మరోసారి ఎస్‌ఎంసీ ఎన్నికలు వాయిదా టెక్కలి: కోటబొమ్మాళి మండలం దంత ప్రాథమికోన్నత పాఠశాలలో శుక్రవారం నిర్వహించిన స్కూల్‌ మేనేజ్‌మెంట్‌ ఎన్నికల్లో కోరం లేని సభ్యులు బరితెగించారు. తమకు అనుకూలంగా ఎన్నికలు నిర్వహించాలని ఉపాధ్యాయులతో వాగ్వాదానికి దిగారు. ఈ క్రమంలో ఎస్‌ఎంసీ మినిట్స్‌ పుస్తకాలను చించేశారు. అక్కడే పోలీసులు ఉన్నప్పటికీ ప్రేక్షత పాత్రకే పరిమితమయ్యారు. గత నెల 29న ఇదే పాఠశాలలో ఎన్నికలు నిర్వహించగా కోరం లేని సభ్యులు తమకు అనుకూలంగా ఎన్నికలు నిర్వహించాలని పట్టుబట్టడం, మిగిలిన వారువ్యతిరేకించడంతో చివరి నిమిషంలో ఎన్నికలను వాయిదా వేసిన సంగతి తెలిసిందే. తాజాగా ఎన్నికలోనూ అదే సీన్‌ రిపీట్‌ అయ్యింది. ప్రధానోపాధ్యాయుడు తవిటినాయుడు పర్యవేక్షణలో ఎన్నికల ప్రక్రియ ఆరంభించారు. రెండో సారి ఎన్నికలు జరుగుతున్నా కనీసం మండల స్థాయి అధికారులు హాజరుకాకపోవడం పలు సందేహా వ్యక్తమవుతున్నాయి. కోరం లేని సభ్యులు మినిట్స్‌ పుస్తకాలను చించేసినా కోటబొమ్మాళి ఎస్‌ఐ వి.సత్యనారాయణ, సిబ్బంది కట్టడి చేయకపోవడంపై విమర్శలు వ్యక్తమయ్యాయి. ఎన్నికలను మరోసారి వాయిదా వేయడంతో మెజారిటీ కోరం కలిగిన సభ్యులు విస్తుపోయారు.

నందిగాం: నర్సిపురం పంచాయతీ కోమటూరుకు చెందిన విశ్రాంత ఆర్మీ ఉద్యోగి ఇప్పిలి షణ్ముఖరావు(39) గురువారం రాత్రి జరిగిన రోడ్డు ప్రమాదంలో మృతి చెందారు. పోలీసులు తెలిపిన వివరాల ప్రకారం.. కోమటూరుకు చెందిన జనార్దనరావు, జయలక్ష్మీ దంపతులకు షణ్ముఖరావు ఒక్కడే కుమారుడు. ఆర్మీలో పనిచేసి ఆరు నెలల క్రితం ఉద్యోగ విరమణ పొందారు. గ్రామంలో పొట్టేళ్ల ఫారమ్‌ ఏర్పాటు చేసుకొని జీవనం సాగిస్తున్నాడు. గురువారం రాత్రి 9 గంటలకు పొట్టేళ్ల మేత కోసం ద్విచక్ర వాహనంపై టెక్కలి వెళ్లి తిరిగి 11.45 గంటల ప్రాంతంలో వస్తుండగా టెక్కలి మండలం శాసనాం వద్ద గుర్తు తెలియని వాహనం ఢీకొట్టింది. తల మీదుగా చక్రం వెళ్లడంతో అక్కడికక్కడే మృతి చెందాడు. షణ్ముఖరావుకు భార్య దివ్య, ఇంటర్‌ చదువుతున్న ఇద్దరు కుమార్తెలు, 8వ తరగతి చదువుతున్న కుమారుడు ఉన్నారు. దివ్య ఇచ్చిన ఫిర్యాదు మేరకు నందిగాం ఎస్సై షేక్‌ మహమ్మద్‌ ఆలీ కేసు నమోదు చేసి దర్యాప్తు చేస్తున్నారు.

వేంసూరు: ఖమ్మం – దేవరపల్లి గ్రీన్‌ఫీల్డ్‌ హైవే మీదుగా అక్రమంగా తరలిస్తున్న పేలుడు పదార్థాలను ఖమ్మం జిల్లా వేంసూరు పోలీసులు గురువారం అర్ధరాత్రి స్వాధీనం చేసుకున్నారు. ఏపీలోని శ్రీకాకుళం జిల్లా టెక్కలి నుంచి హైదరాబాద్‌కు భారీగా పేలుడు పదార్థాలు, నగదు తరలిస్తున్నారనే సమాచారంతో టాస్క్‌ఫోర్స్‌, వేంసూరు పోలీసులు తనిఖీ చేపట్టారు. ఈ సందర్భంగా వాహనంలో తరలిస్తున్న 200 కిలోల జిలెటిన్‌ స్టిక్స్‌తో పాటు రూ.30 లక్షల నగదు స్వాధీనం చేసుకున్నట్లు తెలిసింది. అయితే, పట్టుబడినవి అసలు నోట్లా, నకిలీ నోట్లా అనేది తేలాల్సి ఉంది. ఈమేరకు పోలీసులు విచారణ చేపడుతుండగా, వాహనాన్ని శుక్రవారం సాయంత్రం పెనుబల్లిలోని సీఐ కార్యాలయానికి తరలించారు. ఈ విషయమై పూర్తి వివరాలను పోలీసులు శనివారం వెల్లడించే అవకాశముంది.

బీసీ రిజర్వేషన్ల అంశంలో చంద్రబాబు డ్రామా ముగిసింది. డెడికేటెడ్‌ కమిషన్‌ నివేదిక బయట పెట్టకుండానే రిజర్వేషన్లు పెంచుతూ జీఓలు ఇవ్వడంపై కోర్టు సీరియస్‌గా స్పందించింది. కూటమి ప్రభుత్వం అధికారంలోకి వచ్చిన తర్వాత బీసీలకు ఒరిగిందేమిటో తేలిపోయింది. – వజ్జ మృత్యుంజయరావు, మకరాంపురం, కంచిలి మండలంబీసీలపై కపట ప్రేమ వెన్నుపోటు పార్టీ ఎప్పుడు అధికారంలో ఉన్నా బీసీలపై కపట ప్రేమ ఒలకబోస్తుంది. ఇచ్చిన పదవులు తక్కువ.. చెప్పుకునే గొప్పలు ఎక్కువ. 34 శాతం రిజర్వేషన్ల వ్యవహారం అంతా జిమ్మిక్కే.. డెడికేటెడ్‌ కమిషన్‌ నివేదిక బయట పెట్టకుండానే రిజర్వేషన్లు పెంచుతూ జీఓ ఇచ్చారు. – పాగోటి రాజారావు, వెలమ సంక్షేమ సంఘం అధ్యక్షుడు, నరసన్నపేట బీసీలకు నిజంగా రాజ్యాధికారం ఇవ్వాలనుకుంటే అసెంబ్లీలో తీర్మానం చేసి పార్లమెంట్‌లో చట్టం చేయాలి. అలా కాకుండా తనకు నచ్చినట్లు జీఓలు చేయడం బీసీ వర్గాలను మభ్యపెట్టడమే. ఆ జీఓలు నిరుప యోగమని తెలిసి కూడా డ్రామాలు ఆడుతున్నారు. – పతివాడ గిరీశ్వరరావు, ఆలిండియా తూర్పుకాపు సంక్షేమ సంఘం జాతీయ గౌరవ అధ్యక్షుడు బీసీలను సీఎం మోసం చేశారు స్థానిక సంస్థల్లో 34 శాతం రిజర్వేషన్ల పేరుతో సీఎం చంద్రబాబునాయుడు వెనుకబడిన వర్గాలను మోసం చేశారు. చంద్రబాబునాయుడు ప్రభుత్వం తీసుకువచ్చిన అసంబద్ధ జీఓలను సుప్రీం కోర్టు కొట్టివేయడంతో టీడీపీ ప్రభుత్వ వైఖరి బట్టబయలైంది. – పాతిర్ల రాజశేఖరరెడ్డి, బీసీ సంఘ నాయకుడు, ఇచ్ఛాపురం మండలం

సారవకోట: మహాశింగి పంచాయతీ రేగులపాడు గ్రామంలో విద్యార్థులకు చెట్టు కింద పాఠాలు బోధిస్తున్నారు. ఇక్కడున్న పాఠశాల భవనం శిథిలం కావడంతో ఇటీవల కూలగొట్టారు. దీంతో ఉపాధ్యాయుని హరిత గ్రామంలోని ఓ ఇంటి వద్ద తరగతులు ప్రారంభించారు. రెండు రోజుల కిందట భవానీ, అయ్యప్పదీక్షలు వేసేందుకు సిద్ధం కావడంతో ఇంటిని అప్పాజెప్పాలని యజమాని సూచించడంతో ఉపాధ్యాయుని అదే ఇంటి బయట ఉన్న చెట్టు కింద పాఠాలు బోధిస్తున్నారు. నేటి నుంచి జూనియర్‌ కాలేజీలకు దసరాల సెలవులు శ్రీకాకుళం న్యూకాలనీ: ఇంటర్మీడియెట్‌ కోర్సులను అందిస్తున్న అన్ని యాజమాన్యాల జూనియర్‌ కళాశాలలకు ప్రభుత్వం శనివారం నుంచి ఈ నెల 20వ తేదీ వరకు దసరా సెలవులు ప్రకటించింది. మరళా ఈ నెల 21న తరగతులు పునఃప్రారంభంకానున్నాయని పేర్కొంది. సెలవుల్లో ప్రత్యేక క్లాసులు, శిక్షణ అంటూ తరగతులు నిర్వహిస్తే శాఖాపరమైన చర్యలు తప్పవని ఇంటర్‌బోర్డు జిల్లా ఆర్‌ఐఓ రేగ సురేష్‌కుమార్‌ స్పష్టం చేశారు. ‘సాంకేతికతతో తపాలా సేవలు సులభతరం’ శ్రీకాకుళం అర్బన్‌: మారుతున్న కాలానికి అనుగుణంగా తపాలా సేవలను సులభతరం చేస్తూ ప్రజలకు అత్యుత్తమ సేవలు అందించడమే లక్ష్యమని శ్రీకాకుళం డివిజన్‌ పోస్టల్‌ సూపరింటెండెంట్‌ వి.హరిబాబు తెలిపారు. శుక్రవారం శ్రీకాకుళంలోని తపాలా సూపరింటెండెంట్‌ కార్యాలయంలో ఏర్పాటు చేసిన విలేకరుల సమావేశంలో ఆయన మాట్లాడారు. భారత తపాలా శాఖ ఆధ్వర్యంలో డివిజన్‌ పరిధిలో అక్టోబరు 9వ తేదీ నుంచి 15వ తేదీ వరకు జాతీయ తపాలా వారోత్సవాలను ఘనంగా నిర్వహిస్తున్నట్లు పేర్కొన్నారు. ప్రపంచ తపాలా దినోత్సవం సందర్భంగా ఒకే తపాలా నెట్‌వర్క్‌–అనంతమైన అవకాశాలు అనే ప్రధాన అంశంతో ఈ వేడుకలు సాగుతాయని స్పష్టం చేశారు. 12న తపాలా బిళ్లల సేకరణపై అవగాహన దినోత్సవం, 13న ఆర్థిక సమ్మేళితత్వం, పౌర కేంద్రీకృత సేవల దినోత్సవం, 14న మెయిల్స్‌, పార్సిళ్ల దినోత్సవం, 15న సాంకేతికత, ఆవిష్కరణల దినోత్సవాలను నిర్వహిస్తున్నట్లు వివరించారు.

సరుబుజ్జిలి: సరుబుజ్జిలి జిల్లా పరిషత్‌ ఉన్నత పాఠశాల ఎస్‌ఎంసీ ఎన్నికల్లో అధికార యంత్రాంగం అధికార పక్షానికి కొమ్ముకాసినట్లు విద్యార్థుల తల్లిదండ్రులు ఆరోపించారు. గతంలో కోరం సభ్యులు ఉన్నప్పటికీ అధికార పక్షం బలపరిచిన అభ్యర్థి ఓడిపోతాడన్న ఉద్దేశంతో గలాటా సృష్టించి ఎన్నిక వాయిదా వేయించారని గుర్తుచేశారు. ఇప్పుడు 80 శాతం మహిళలు ఓటింగ్‌లో ఉండాలని చెప్పడం ఏకపక్ష ధోరణికి నిదర్శనమని వైఎస్సార్‌ సీపీ బలపరిచిన అభ్యర్థి ఇల్లాకుల శ్రీనివాసరావు ఆరోపించారు. ఏకపక్ష ఎన్నిక విషయంలో న్యాయస్థానాన్ని ఆశ్రయిస్తామని స్పష్టం చేశారు.

శరన్నవరాత్రి శోభపాతపట్నం నీలమణి దుర్గమ్మ ఆలయం ఉత్సవాలకు సిద్ధమైంది. 11 నుంచి దసరా ఉత్సవాలు జరగనున్నాయి. –8లో ఎన్నాళ్లని మభ్యపెడతారు..బీసీలపై చంద్రబాబుది కపట ప్రేమ. రిజర్వేషన్లీ కలిపి 50 శాతం దాటకూడదన్న నిబంధన ఉన్నా.. కేవలం కపట నాటకాలతో చంద్రబాబు మభ్యపెట్టే ప్రయత్నం చేశారు. వైఎస్‌ జగన్‌ హయాంలో 56 కుల కార్పొరేషన్‌ చైర్మన్లు, 76 రాష్ట్రస్థాయి కార్పొరేషన్‌ పదవులు, 11 మంది మంత్రులు, 4 రాజ్యసభ పదవులు, 9 మంది మేయర్లు, 52 మంది మునిసిపల్‌ చైర్మన్లు, 76 వ్యవసాయ మార్కెట్‌ కమిటీ చైర్మన్ల పదవులు బీసీలకు ఇచ్చారు. – రెడ్డి శాంతి, మాజీ ఎమ్మెల్యే బీసీలకు వెన్నుపోటు బీసీలకు 34 శాతం రిజర్వేషన్ల పేరుతో తెలుగుదేశం పార్టీ డ్రామాలాడుతోంది. రెండు రోజులపాటు ఢిల్లీలో పర్యటించిన సీఎం చంద్రబాబు ప్రధాని మోదీ, హోంమంత్రి అమిత్‌ షాలతో భేటీ అయ్యి కనీసం బీసీల రిజర్వేషన్‌పై వినతిపత్రం ఇవ్వలేదు. కేంద్రాన్ని ఒప్పించి షెడ్యూల్‌ 9 లో చేర్చాలన్న బీసీ సంఘాల డిమాండ్‌ను అమలుచేయలేదు. చెల్లని జీఓలు ఇచ్చి పాలాభిషేకాలు చేయించుకున్నారు. – శిష్టు గోపి, వైఎస్సార్‌సీపీ పలాస–కాశీబుగ్గ మున్సిపాలిటీ పట్టణ అధ్యక్షుడు చెల్లని జీఓలు..

పోలాకి: ఈదులవలస గ్రామానికి చెందిన పలువురు టీడీపీ కార్యకర్తలు శుక్రవారం మాజీ డిప్యూటీ సీఎం ధర్మాన కృష్ణదాస్‌ సమక్షంలో వైఎస్సార్‌సీపీలో చేరారు. గ్రామానికి చెందిన తండ్యాల మల్లేసు, దేశిల్లి దాలినాయుడు, పొన్నాపు రమణ, గేదెల శాంతారావులు గ్రామస్తులు, తమ అనుచరులతో కలిసి పార్టీ కండువాలు ధరించారు. శుక్రవారం జరిగిన విద్యాకమిటీ ఎన్నికలను అధికార పార్టీ రాజకీయం చేయటం నచ్చలేదని, అందుకే వారికి వ్యతిరేకంగా పనిచేసి పాఠశాల అభివృద్ధికి దోహదపడే వ్యక్తులను గెలిపించుకున్నామని తెలిపారు. పార్టీలో చేరడంతోనే విజయం తీసుకొచ్చారని, రానున్న స్థానిక సంస్థల ఎన్నికల్లో కూడా పార్టీ అభ్యర్థుల గెలుపునకు కృషిచేయాలని కృష్ణదాస్‌ సూచించారు. కార్యక్రమంలో మాజీ మండల పరిషత్‌ సలహాదారు ముద్దాడ భైరాగినాయుడు, మండల పార్టీ అధ్యక్షుడు కణితి కృష్ణారావు, ఎస్సీసెల్‌ అధ్యక్షుడు కె.లక్ష్మణరావు, ఉపాధ్యక్షుడు రావాడ అప్పన్నరాజు, పార్టీ నాయకులు ముద్దాడ శ్రీనివాస్‌, బోర హాటకేశం(బుజ్జి), బొజ్జ జగన్నాథం తదితరులు పాల్గొన్నారు.

● దసరా ఉత్సవాలకు సిద్ధమైన పాతపట్నం నీలమణిదుర్గ ఆలయం ● 11 నుంచి రోజుకొక అవతారంలో దర్శనం ● దసరా రోజు వాహనాలకు ప్రత్యేక పూజలు ఉత్సవాలకు ఏర్పాట్లు.. దసరా ఉత్సవాలను వైభవంగా నిర్వహించడానికి దేవదాయశాఖ తరఫున అన్ని ఏర్పాట్లు చేస్తున్నాం. క్యూలైన్‌తో కూడిన స్టీల్‌ గేట్లు సిద్ధం చేశాం. పాతపట్నం సీఐ కల్లి వెంకటరావు ఆధ్వర్యంలో గట్టి బందోబస్తు కోసం పాతపట్నం, మెళియాపుట్టి పోలీస్‌ స్టేషన్‌ నుంచి పోలీసులను విధులు అందించనున్నారు. – టి.వాసుదేవరావు, కార్యనిర్వాహణాధికారి, నీలమణి దుర్గ ఆలయం పాతపట్నం పాతపట్నం: ఆంధ్రా, ఒడిశా సరిహద్దు పట్టణమైన పాతపట్నంలో వెలసిన నీలమణిదుర్గ అమ్మవారు కోర్కెలు తీర్చే కల్పవల్లిగా విలసిల్లుతున్నారు. జిల్లావాసులతో ఒడిశా, పశ్చిమబెంగాల్‌ తదితర రాష్ట్రాలకు చెందిన భక్తులతో నిత్యం పూజలందుకుంటున్నారు. నీలమణిదుర్గ అమ్మవారికి 400 ఏళ్ల చరిత్ర ఉంది. అప్పట్లో ఈ ప్రాంతం దట్టమైన అటవీ ప్రాంతంగా ఉండేది. 1674లో పర్లాకిమిడిని పరిపాలిస్తున్న గజపతి మహారాజుకు చెందిన కూలీలు పొలం దున్నేటప్పుడు అమ్మవారి విగ్రహం నాగలికి తగిలి బయటపడిందని స్థానికంగా ఓ కథనం ప్రాచుర్యంలో ఉంది. అనంతరం అమ్మవారు మహారాజు కలలో కనిపించి ఆలయాన్ని నిర్మించాలని సూచించడంతో ఇక్కడ ఆలయాన్ని నిర్మించారని ప్రతీతి. అమ్మవారికి ప్రత్యేక పూజలు.. ఈ నెల 11 నుంచి 20 వరకు ప్రతి రోజు అమ్మవారు తొమ్మిది రోజులు, రోజుకొక అవతారంలో కనిపిస్తారు. తొలి రోజు ఆదివారం ఉదయం 9.05 గంటలకు వర్థనీ కలశస్ధాపన, విఘ్నేశ్వర పూజ, దేవపుణ్యాహవచనం, పంచగవ్య ప్రాశన, యాగశాల ప్రవేశం, అఖండదీపస్థాపన, దీక్షా కంకణ దారణ, రుత్విగ్వరుణ, పరిషత్‌ ప్రాయశ్చిత్తం, కర్కరీ స్థాపన, మండల మంటపావాహనలు, పంచాయతన దేవత ఆవాహనలు, సర్వోతో భద్ర మండలార్చనలు, షోడశ స్తంభ దేవతార్చనలు, ధ్వజారోహణ, అగ్ని ప్రతిష్ఠ, దిగ్బలి, మహారాజ భోగాలు, నీరాజన మంత్రపుష్పములు, వేదస్వస్తి నిర్వహించనున్నారు. ప్రతి రోజు ఉదయం 8 గంటలకు కుంకుమపూజ, కలశపూజ, అష్టోత్తర శతనామ పూజలు జరుగుతాయని, సాయంత్రం 3 గంటలకు సహస్రనామపూజ, కుంకుమపూజ ఉంటాయని ఆలయ కార్యనిర్వాహణ అధికారి టి.వాసుదేవరావు తెలిపారు. రోజుకో అలంకరణ.. 11న బాలాత్రిపు సుందరిదేవిగా, 12న గాయిత్రి దేవి, 13న అన్నపూర్ణదేవి, 14న మహాచండీ దేవి, 15న లలిత త్రిపుర సుందరి దేవి, 16న సరస్వతి దేవి (మూలనక్షత్రం), 17 మహాలక్ష్మిదేవి, 18న దుర్గాదేవి(దుర్గాష్టమి), 19న మహిషాసురమర్థిని, 20న రాజరాజేశ్వరిగా నీలమణిదుర్గను అలంకరిస్తారు. కొత్తగా కొనుగోలు చేసిన వాహనాలతో పాటు ఇంత వరకు కలిగిఉన్న వాహనాలకు గుడి వద్ద దసరా రోజు ప్రత్యేక పూజలు నిర్వహిస్తారు. సాంస్కృతిక కార్యక్రమాలు.. 11న సాయంత్రం ఆరు గంటలకు బొమ్మిక గ్రాామస్తులతో సంగీత విభావరి, 12న పురాణ విజయలక్ష్మి హరికథ, 13న భక్తీ సంగీత విభావరి, 14న శాసీ్త్రయ సంగీత కచేరి, 16న సినీభక్తి సంగీత విభావరి, 17న భారత నాట్యం, కూచిపూడి నృత్యం విభావరి, 18న భక్తి సంగీత విభావరి, సాయంత్రం 5.30 గంటలకు అమ్మవారి తిరువీది, బాణాసంచా, కాళికా వేషాలు, మేళతాళాలతో నిర్వహించనున్నారు.

కొత్తూరు: మండల కేంద్రంలో కొన్ని రోజులుగా రూ.500ల నకిలీ నోట్లు చెలామణిలో ఉన్నాయి. కొత్తూరు గ్రామం ఒడిశాకు ఆను కుని ఉన్నందున ఒడిశా నుంచి వస్తున్నాయా లేదా కొత్తూరు సరిసర ప్రాంతాలకు చెందిన వ్యక్తులు ఈ విధంగా చెలామణీ చేస్తున్నారా అన్నది తెలియాల్సి ఉంది. త్వరలో స్థానిక సంస్థల ఎన్నికలు వస్తున్నందున ఈ నోట్లపై దృష్టి సారించాలని స్థానికులు కోరుతున్నారు. 14 కిలోల గంజాయితో ఇద్దరు అరెస్ట్‌ ఇచ్ఛాపురం: ఒడిశా నుంచి సూరత్‌కు అక్రమంగా 14.100 కిలోల గంజాయిని తరలించేందు కు ప్రయత్నించిన ఒడిశా గంజాం జిల్లా కొడల పీఎస్‌కి చెందిన రీనాపరిడా అనే ఒక మహిళ, సితూప్రదాన్‌లను పట్టణ పోలీసులు అదుపులోకి తీసుకున్నారని సీఐ మీసాల చిన్నంనాయుడు తెలిపారు. సీఐ కార్యాలయంలో శుక్రవారం ప్రెస్‌మీట్‌ నిర్వహించారు. సీఐ తెలిపిన వివరాల మేరకు.. గంజాంజిల్లా కొడ ల పోలీస్‌స్టేషన్‌ పరిధి తలమ్రాపల్లి గ్రామానికి చెందిన రీనాపరిడా కొడల గ్రామానికి చెందిన సితూప్రధాన్‌ అనే వ్యక్తిని ప్రేమించింది. వారి అవసరాలకు డబ్బు సంపాదన కోసం గంజాయి వ్యాపారి లక్ష్మికాంత్‌ గౌడ అలియాస్‌ టిట్టు అనే వ్యక్తిని కలిశారు. ఒడిశా నుంచి గంజాయిని సూరత్‌ తీసుకెళ్లి అక్కడ వారికి అందజేస్తే రూ.6వేలు ఇస్తానని ఒప్పందం కుదుర్చుకున్నారు. ఈ విధంగా ఒడిశా నుంచి సూరత్‌కి పలుసార్లు గంజాయిని నిందితులు తరలించినట్లు పోలీసులు పేర్కొన్నారు. ఇదే క్రమంలో శుక్రవారం 14.100 కిలోల గంజాయిని తీసుకొని ఇచ్ఛాపురం రైల్వేస్టేషన్‌కి ద్విచక్రవాహనం పై చేరుకున్నారు. ఇచ్ఛాపురం రైల్వేస్టేషన్‌ నుంచి రైలులో సూరత్‌ వెళ్లేందుకు సిద్ధమవుతుండగా స్థానిక రైల్వేస్టేషన్‌ వద్ద తనిఖీలు నిర్వహిస్తున్న పట్టణ పోలీసులకు పట్టుబడ్డారు. నిందితుల వద్ద నుంచి గంజాయితో పాటు ఒక సెల్‌ఫోన్లు, ద్విచక్రవాహనాన్ని పోలీసులు స్వాధీనం చేసుకొని ఇద్దరినీ అరెస్ట్‌ చేసి కేసు నమోదు చేశారు. విదేశీయుల వివరాలు నమోదు చేయాలి: ఎస్పీ శ్రీకాకుళం క్రైమ్‌ : జిల్లాకు వివిధ పనుల నిమిత్తం వచ్చే విదేశీయులకు వసతి కల్పించే హోటళ్లు, గృహ యజమానులు, ఆస్పత్రులు, సత్రాలు, విద్యాసంస్థలు, తదితర సంస్థల యాజమాన్యాలు తమ వద్ద బస చేసే విదేశీయుల పూర్తి వివరాలు 24 గంటల్లోగా ఆన్‌లైన్‌లో నమోదు చేయాలని ఎస్పీ కేవీ మహేశ్వరరెడ్డి తెలిపారు. ఎఫ్‌ఆర్‌ఆర్‌ఓ (ఫారినర్స్‌ రీజనల్‌ రిజిస్ట్రేషన్‌ ఆఫీస్‌) / ఎఫ్‌ఆర్‌ఓ (ఫారినర్స్‌ రిజిస్ట్రేషన్‌ ఆఫీసర్‌) అధికారులకు నమోదు చేసిన విషయాన్ని తెలియజేయాలని ఎస్పీ శుక్రవారం ఓ ప్రకటనలో తెలిపారు. ది ఇమ్మిగ్రేషన్‌ అండ్‌ ఫారినర్స్‌ చట్టం – 2025 సెక్షన్‌ 8 ప్రకారం విదేశీయుల వివరాలను ఫారం–సి ద్వారా ఆన్‌లైన్‌లో నమోదు చేయాలని, ఇందుకోసం అధికారిక వెబ్‌సైట్‌ ద్వారా వివరాలను సమర్పించాలన్నారు. నిర్ణీత సమయంలో నమోదు చేయకుండా నిబంధనలు ఉల్లంఘించే సంస్థల యాజమాన్యాలపై ది ఇమ్మిగ్రేషన్‌ అండ్‌ ఫారినర్స్‌ చట్టం –2025. సెక్షన్‌ 23(బి) ప్రకారం జరిమానా లేదా జైలు శిక్ష పడుతుందన్నారు. విదేశాల్లో స్థిరపడిన ఓసీఐ (ఓవర్‌సీస్‌ సిటిజన్‌ ఆఫ్‌ ఇండియా) కార్డు కలిగిన భారతీయులు భారత దేశ ఎన్నికల్లో పోటీ చేయడం, ఓటు వేయడం, వ్యవసాయ భూముల కొనుగోలు వంటి అంశాల్లో అమలులో ఉన్న చట్టపరమైన నిబంధనలు పాటించాలని ఎస్పీ కోరారు.

ఎచ్చెర్ల : కుప్పిలి పంచాయితీ యాతపేటకు చెందిన ముంత గీత (17) అనే బాలిక శుక్రవారం ఇంట్లో ఫ్యాన్‌కు ఉరివేసుకుని ఆత్మహత్య చేసుకుంది. ఎచ్చెర్ల ఎస్సై జి.లక్ష్మణరావు, గ్రామస్తులు తెలిపిన వివరాల ప్రకారం.. గీత తండ్రి ఎర్రయ్య ఉపాధి నిమిత్తం చేపల వేటకు గుజరాత్‌ వెళ్లాడు. తల్లి రమణమ్మ కూలి పనిచేస్తూ జీవనం సాగిస్తోంది. వీరికి ముగ్గురు బిడ్డలు. పెద్ద కుమార్తెకు వివాహం కాగా, చిన్న కుమారుడు స్థానిక జెడ్పీ ఉన్నత పాఠశాలలో చదువుతున్నాడు. రెండో కుమార్తె గీత పదో తరగతి చదివి ఇంటి వద్దే ఉంటోంది. ఈ క్రమంలో లావేరు మండలం కేశవరాయునిపాలెం గ్రామానికి చెందిన ఓ యువకుడితో పరిచయం ఏర్పడింది. వీరిని చూసి తల్లి మందలించింది. దీంతో గీత మనస్థాపానికి గురై ఉరి వేసుకుంది. తల్లి వచ్చి చూసేసరికి ఫ్యాన్‌కు వేలాడుతుండటంతో ఇరుగుపొరుగు వారికి చెప్పింది. అప్పటికే మృతి చెందినట్లు గుర్తించిన స్థానికులు పోలీసులకు సమాచారం అందించారు. ఘటనా స్థలానికి చేరుకున్న పోలీసులు మృతదేహాన్ని పోస్టుమార్టం నిమిత్తం రిమ్స్‌కు తరలించారు. తల్లి ఫిర్యాదుమేరకు ఎచ్చెర్ల ఎస్సై కేసు నమోదు చేసి దర్యాప్తు చేస్తున్నారు.

వైఎస్‌ జగన్‌ హయాంలో.. సచివాలయాల ఏర్పాటు ద్వారా ఒకే సారి 7880 మందికి ప్రభుత్వ ఉద్యోగాలను కల్పించారు. ఇందులో అత్యధికులు బీసీలే. జిల్లా వైద్యారోగ్య శాఖ ద్వారా ప్రతి పీహెచ్‌సీకి అదనంగా ఒక్కో డాక్టర్‌ను నియమించారు. వారంతా దాదాపు వెనకబడిన వర్గాల వారే. వివిధ రకాల హోదాల్లో పీహెచ్‌సీల్లో, 108, 104 వాహనాల్లో కొత్తగా పనిచేసేందుకు కొత్తగా 2199 మందిని నియమించారు. అత్యధికమంది అట్టడుగు వర్గాల వారే. పెండింగ్‌లో ఉన్న 1998 డీఎస్సీ, 2008 డీఎస్సీకు చెందిన 780మందికి టీచర్‌ పోస్టులను ఇచ్చారు. 24 మందిని జేఎల్‌గా నియమించారు. అలాగే, 2018 డీఎస్సీ అభ్యర్థులకు ఉన్న న్యాయపరమైన చిక్కులు పరిష్కరించి, అత్యంత పారదర్శకంగా 300వరకు ఉపాధ్యాయ పోస్టుల నియామకాలు చేపట్టారు. వీరిలో బీసీలే అధికం.చంద్రబాబు హయాంలో 2024–25 డీఎస్సీలో 543 టీచర్‌ పోస్టులు ఇచ్చారు. కోర్టు కేసులు క్లియర్‌ కావడంతో 84 మందికి పోలీసు ఉద్యోగాలు ఇచ్చారు. ఇంతకు మించి ఒక్క పోస్టు కూడా ఇవ్వ లేదు. ఉద్యోగాలు ఇచ్చామని పబ్లిసిటీ చేసుకోవడం తప్ప నిరుద్యోగుల కలలు సాకారం చేయలేదు. పైగా ఉద్యోగం కల్పించేంతవరకు నిరుద్యోగ భృతి ఇస్తామని చెప్పి మోసగించారు.

జి.సిగడాం(పొందూరు): పొందూరు –దూసి గ్రామాల మధ్య పెనుబర్తి రైల్వే ట్రాక్‌ సమీపంలో ఓ యువతి మృతదేహాన్ని స్థానికులు గురువారం గుర్తించారు. ఆధార్‌ కార్డు ఆధారంగా మృతురాలు అసోం రాష్ట్ర కామ్‌రూప్‌ మెట్రో పారాజ్యోష్‌పూర్‌ జిల్లాకు చెందిన హిమాంశీబోరో (20)గా రైల్వే పోలీసులు గుర్తించారు. ఈ నెల 6న విశాఖ నుంచి అసోంకు బ్యాంకు పరీక్షల నియమిత్తం వెళ్తుండగా కాలుజారి మృతి చెందిందా..ఎవరైనా రైలు నుంచి తోసేశారా? అనే విషయమై రైల్వేపోలీసులు దర్యాప్తు చేస్తున్నారు. మృతదేహాన్ని పోస్టుమార్టం నిమిత్తం శ్రీకాకుళం రిమ్స్‌ ఆస్పత్రికి తరలించారు. కేసు నమోదు చేసి దర్యాప్తు చేస్తున్నామని రైల్వేపోలీసులు తెలిపారు. విషయం తెలుసుకున్న ఎస్పీ మహేశ్వరరెడ్డి హుటాహుటిన ఘటనా స్థలానికి చేరుకున్నారు. ఈయనతోపాటు ఎస్‌ఐ రాజేష్‌ ఉన్నారు.

శ్రీకాకుళం క్రైమ్‌ : అగ్రిగోల్డ్‌ డిపాజిటర్లు, బాధితులకు త్వరితంగా న్యాయం చేయడమే లక్ష్యంగా.. జిల్లాలో బాండ్ల పరిశీలన ప్రక్రియను ప్రారంభించనున్నట్లు సీఐడీ డీఎస్పీ ఎన్‌.కాళిదాస్‌ గురువారం ఓ ప్రకటనలో తెలిపారు. దీనికి సంబంధించి డిపాజిటర్లు, బాధితు లు, నామినీలు లేదా చట్టబద్ధ వారసులు, ఏజెంట్లు సంబంధిత ధ్రువీకరణ పత్రాలతో శ్రీకాకుళం జిల్లా పరిషత్‌ కార్యాలయ సమీపంలోని మహిళా పోలీస్‌స్టేషన్‌ ఆవరణలో ఉన్న ఫ్యామిలీ కౌన్సిలింగ్‌ కేంద్రం హాల్‌లో ప్రత్యేక పరిశీలన కేంద్రాన్ని ఏర్పాటు చేసినట్లు వెల్లడించారు. డిపాజిటర్‌ మరణిస్తే డెత్‌ సర్టిఫికెట్‌, లీగల్‌హెయిర్‌ సర్టిఫికెట్‌ తప్పనిసరని పేర్కొన్నారు. పరిశీలన కేంద్రం.. ఫ్యామిలీ కౌన్సిలింగ్‌ సెంటర్‌, ఎస్సీ /ఎస్టీ సెల్‌ భవనం, దండి వీధి, ట్రాఫిక్‌ పోలీస్‌ స్టేషన్‌, కలెక్టర్‌ బంగ్లా రోడ్డు, సంతోషిమాత ఆలయ సమీపంలో, శ్రీకాకుళం. నేటి నుంచే.. అగ్రిగోల్డ్‌ బాండ్ల పరిశీలన ప్రక్రియ శుక్రవారం నుంచి ప్రారంభమవుతుంది. ప్రభుత్వ సెలవు దినాల్లో పరిశీలన ప్రక్రియ నిర్వహిస్తారు. ప్రతి రోజూ ఉదయం 10 గంటల నుంచి సాయంత్రం 5 వరకు కొనసాగుతుంది. 9, 10 తేదీల్లో లక్ష్మీనర్సుపేట (ఎల్‌ఎన్‌పేట), గంగువారి సిగడాం (జి.సిగడాం), మండలాలకు చెందిన బాధితుల బాండ్లను పరిశీలిస్తారు. మిగిలిన మండలాలకు చెందిన బాధితుల బాండ్ల పరిశీలన తేదీల వివరాలు తర్వాత వెల్లడిస్తారు. సమర్పించాల్సిన ధ్రువీకరణ పత్రాలు ● ఒరిజినల్‌ బాండ్‌ / నగదు రశీదు / ఇతర సంబంధిత పత్రాలు. ● స్వయంసంతకం చేసిన ఒరిజినల్‌ బాండ్‌ కలర్‌ జిరాక్స్‌–1 ప్రతి. ● ఆధార్‌కార్డు లేదా ఇతర గుర్తింపు కార్డు ఒరిజినల్‌ చూపించి జిరాక్స్‌ ఇవ్వాలి. ● పాన్‌కార్డు జిరాక్స్‌, బ్యాంకు పాస్‌బుక్‌ మొదటి పేజీ జిరాక్స్‌, ఖాతాదారు పేరు, ఖాతా నంబర్‌, ఐఎఫ్‌ఎస్‌సీ కోడ్‌ కనిపించేలా స్పష్టంగా ఉండాలి. ● ఇటీవల తీసుకున్న పాస్‌పోర్ట్‌ సైజ్‌ ఫొటో ఒకటి, డిపాజిటర్‌ మొబైల్‌ నంబర్‌, బ్యాంకు ఖాతాకు అనుసంధానమైన మొబైల్‌ నంబర్‌, ఏజెంట్‌ పేరు, మొబైల్‌ నంబర్‌ ఉండాలి.

● ప్రముఖుల పేరిట తపాలా కవర్ల ముద్రణ ● చారిత్రక, ఆధ్యాత్మిక ప్రదేశాలపై స్టాంప్‌లు శ్రీకాకుళం అర్బన్‌: సిక్కోలు ముద్రలను తపాలా శాఖ భద్రంగా ఉంచింది. మన చరిత్రను, చారిత్రక ఆనవాళ్లను, ప్రముఖులను స్టాంపుల రూపంలో నిక్షిప్తం చేసింది. నేడు తపాలా దినోత్సవం. సిక్కోలును కష్టజీవుల ఇలాకాగా.. ఆధ్యాత్మిక పరిమళా లు వెదజల్లే ప్రాంతంగా.. చారిత్రాక ఘటనలకు వేదికగా నిలిచిన ప్రాంతంగా ప్రజల్లోకి తీసుకెళ్లేందుకు తన వంతు ప్రయత్నం చేస్తోంది పోస్టల్‌ శాఖ. రూ.25 వేలు చెల్లించాలి ఏదైనా విశిష్టతలకు సంబంధించిన ప్రత్యేక కవర్‌ విడుదల చేసేందుకు పోస్టల్‌ శాఖకు రూ.25 వేల వరకు చెల్లించాలి. ముందుగా విశిష్టతలను వివరిస్తూ పోస్టల్‌ శాఖకు దరఖాస్తు చేసుకోవాల్సి ఉంటుందని, ఉన్నతాధికారులు పర్యవేక్షణ అనంతరం అర్హతలను బట్టి అనుమతి లభిస్తుందని శ్రీకాకుళం పోస్టల్‌ సూపరింటెండెంట్‌ వి.హరిబాబు వివరించారు. ఆవిష్కరణ సభ పోస్టాఫీస్‌ పరిసరాల్లో నిర్వహిస్తే రూ.12,500 చెల్లిస్తే సరిపోతుందన్నారు. మనకు నచ్చిన ప్రాంతాల్లో నిర్వహించాలంటే మాత్రం రూ.25 వేలు చెల్లించాలని వివరించారు. శతాబ్దాల చరిత్ర గలిగిన శ్రీకూర్మం, అరసవల్లి దేవాలయాల చిత్రాలను 2013లో స్టాంప్‌ రూపంలో తీసుకొచ్చింది. వాటి విశిష్టతలను ప్రపంచానికి మరోసారి తెలియజెప్పింది. నేడు తపాలా దినోత్సవం

● అద్దెకు దిగుతానని వచ్చి బంగారం దోచుకెళ్లిన యువతి ● జిల్లా కేంద్రంలో ఘటన శ్రీకాకుళం రూరల్‌ : ఇంటిని అద్దెకు ఇవ్వడానికి పెట్టిన టూ–లెట్‌ బోర్డు ఓ వృద్ధురాలి పాలిట శాపంలా మారింది. ఇంటిలో అద్దెకు దిగుతానని వచ్చిన ఓ యువతి ఇంటి యజమాని కంటిలో కారం కొట్టి బంగారం దోచుకెళ్లిన ఘటన శ్రీకాకుళం నగరంలో గోవిందనగర్‌కాలనీలో చోటు చేసుకుంది. మూడు రోజుల పాటు మాటలు కలిపి అన్నీ తెలుసుకుని పక్కా ప్లానింగ్‌తో ఈ దోపిడీ జరిగింది. స్థానికులు, పోలీసులు తెలిపిన వివరాల్లోకి వెళితే.. కాలనీకి చెందిన ఎడ్ల వరలక్ష్మి తనకున్న అపార్ట్‌మెంట్‌లో పై పోర్షన్‌ అద్దెకు ఇస్తామంటూ టూ–లెట్‌ బోర్డు పెట్టారు. ఆ బోర్డుని చూసి పాతికేళ్ల యువతి మూడు రోజుల కిందట వచ్చి ఇంటిని పరిశీలించింది. తనతో పాటు నలుగురం ఉంటామని చెప్పింది. ఇంటిలో ఎవరూ ఉండర న్న విషయం నిర్ధారించుకున్నాక ప్లాన్‌ ప్రకారం గురువారం మధ్యాహ్నం మూడు గంటల సమయంలో ఇంటిలోకి వెళ్లి వృద్ధురాలితో మాట కలిపింది. అంతలోనే తన వెంట తెచ్చుకున్న కారంపొడిని తీసి ఒక్కసారిగా కంటిలో కొట్టింది. వృద్ధ మహిళ కేకలు వేసేలోపే మెడలో నుంచి మూడు తులాల బంగారు పుస్తెల తాడును తెంపుకుపోయింది. చుట్టుపక్కల వాళ్లు వచ్చేలోపే పారిపోయింది. ఈ విషయం తెలుసుకున్న రూరల్‌ పోలీసులు సంఘటన స్థలం చేరుకుని చుట్టుపక్కల సీసీ ఫుటేజీలను పరిశీలించారు. రూరల్‌ ఎస్‌ఐ రాము కేసు నమోదు చేసి దర్యాప్తు చేస్తున్నారు. శ్రీకాకుళం క్రైమ్‌ : శ్రీకాకుళం ప్రాంతీయ విజిలెన్స్‌ అండ్‌ ఎన్‌ఫోర్స్‌మెంట్‌ అధికారి (ఆర్‌వీ అండ్‌ ఈవీ)గా సీహెచ్‌ వివేకానంద గురువారం పూర్తి బాధ్యతలు స్వీకరించారు. జిల్లా కేంద్రం సమీపంలోని గ్రాండ్‌ హోటల్‌ పై అంతస్తులో ఉన్న సంబంధిత కార్యాలయ చాంబర్‌లో ఆయన విధుల్లో చేరారు. ఇప్పటివరకు ఈ పోస్టులో ఇన్‌చార్జిగా కొనసాగుతున్న విశాఖపట్నం ఓఎస్‌డీ, ఆర్‌వీఈవీ కింజరాపు ప్రభాకర్‌ ఇక విశాఖకే పరి మితం కానున్నారు. ఈ సందర్భంగా వివేకానంద విలేకరులతో మాట్లాడు తూ శాఖాపరంగా ప్రభుత్వానికి రావాల్సిన ఆదాయవనరులపై పూర్తి దృష్టిసారిస్తానన్నారు. తన పరిధిలో శ్రీకాకుళంతో పాటు విజయనగరం, పార్వతీపురం–మన్యం జల్లాలు ఉన్నాయన్నారు. అనంతరం జిల్లా పోలీసు కార్యాలయంలో ఎస్పీ కేవీ మహేశ్వరరెడ్డిని మర్యాదపూర్వకంగా వెళ్లి కలిశారు.

● దరఖాస్తుల ద్వారా ప్రభుత్వానికి రూ.3.60 కోట్ల ఆదాయం శ్రీకాకుళం క్రైమ్‌ : జిల్లాలో మిగిలిపోయిన మద్యం దుకాణాల లైసెన్సు దారుల ఎంపికకు సంబంధించి గురువారం లాటరీ ప్రక్రియ ముగిసింది. 27 మద్యం దుకాణాలకు సంబంధించి ఏడాదికి గాను ఆర్‌ఈటీ ఇన్‌స్టాల్‌మెంట్‌ ఫీ(లైసెన్సు ఫీజు) కింద 1/3 పద్ధతిలో రూ.4,68,87,500 రాగా ఆర్‌ఈటీ పర్మిట్‌ రూం ఫీజు కింద రూ. 62,50,000 లు, దరఖాస్తుల ఫీజు కింద రూ. 3.60 కోట్లు ఆదాయం ప్రభుత్వానికి సమకూరినట్లు జిల్లా ఎకై ్సజ్‌ వర్గాలు పేర్కొన్నాయి. 27 షాపులకు మొత్తంగా 347 దరఖాస్తులు ఎన్‌రోల్‌ అవ్వగా 122 దరఖాస్తులు తుదిదశకు అర్హత పొందాయన్నారు. జిల్లాకేంద్రంలోని అంబేడ్కర్‌ ఆడిటోరియంలో జిల్లా ఎకై ్సజ్‌ అండ్‌ ప్రొహిబిషన్‌ ఇన్‌చార్జి డిప్యూటీ కమిషనర్‌ సుర్జీత్‌సింగ్‌, సూపరింటెండెంట్‌ సీహెచ్‌ తిరుపతి నాయుడు ఆధ్వర్యంలో వంశధార ప్రాజెక్టు అధికారి, స్పెషల్‌ గ్రేడ్‌ డిప్యూటీ కలెక్టర్‌ జోసెఫ్‌ జయదేవి డ్రాకు సంబంధించిన అభ్యర్థుల టోకెన్లు తీశారు. ఈ సందర్భంగా ఆమె మాట్లాడు తూ కలెక్టర్‌ స్వప్నిల్‌ దినకర్‌ పుండ్కర్‌ ఆదేశాలతో డ్రా ప్రక్రియ సజావుగా జరిగిందన్నారు. జిల్లా ఎకై ్సజ్‌ సూపరింటెండెంట్‌ తిరుపతినాయుడు మాట్లాడుతూ 39 షాపుల్లో 27 షాపులకు లైసెన్సుదారుల ఎంపిక డ్రా ద్వారా జరిగిందని, మిగిలిన 12 షాపులకు కమీషనర్‌ నుంచి షెడ్యూల్‌ విడుదల అవ్వాల్సి ఉందన్నారు. 27 షాపుల్లో అత్యధికంగా మెండ త్రినాధరావు (కోటబొమ్మాళి, నందిగాం, సంతబొమ్మాళి) దక్కించుకున్నారన్నారు. కార్యక్రమంలో శ్రీకాకుళం ఎకై ్సజ్‌ స్టేషన్‌ సీఐ ఎం.శ్రీనివాసరావుతో పాటు పలు స్టేషన్ల సీఐలు, ఎస్‌ఐలు పాల్గొన్నారు.

అరసవల్లి: ప్రత్యక్ష దైవం అరసవల్లి సూర్యనారాయణ స్వామి ఆలయంలో మాసశివరాత్రి సందర్భంగా గురువారం ఉదయం అనివెట్టి మండపంలో మహాలింగార్చన నిర్వహించారు. ఆలయ అర్చకులు ఇప్పిలి సాందీప్‌ శర్మ ఆధ్వర్యంలో శివపంచాయతన సహిత మహాలింగార్చన శాస్త్రోక్తంగా జరగగా..స్థానిక భక్తులు పాల్గొన్నారు. ఆలయ సూపరింటెండెంట్‌ వెంకటేశ్వరరావు తదితరులు పాల్గొన్నారు. శ్రీకాకుళం అర్బన్‌ : కోటబొమ్మాళి కొత్తమ్మ తల్లి అమ్మవారి జాతరకు ఆర్టీసీ ప్రత్యేక బస్సులు నడపనున్నట్లు జిల్లా ప్రజారవాణా అధికారి సీహెచ్‌.అప్పలనారాయణ గురువారం తెలిపా రు. ఈ నెల 13 నుంచి 15వ తేదీ వరకు జరిగే అమ్మవారి జాతరకు 15 ప్రత్యేక బస్సులు ఏర్పాటు చేశామని చెప్పారు. శ్రీకాకుళం–1, 2వ డిపోల నుంచి టెక్కలికి 6 బస్సులు, పలా స డిపో నుంచి పూండి– కొత్తపేట –కోటబొమ్మాళికి 3 బస్సులు, టెక్కలి డిపో నుంచి బోరుభద్ర మీదుగా కోటబొమ్మాళికి 3 బస్సులు, టెక్కలి డిపో నుంచి పిన్నింటిపేటకి 3 బస్సులు నడుపుతామని వివరించారు. ప్రత్యేక బస్సుల్లోనూ ‘సీ్త్ర శక్తి పథకం వర్తిస్తుందని తెలిపారు. జలుమూరు: పల్లిపేట–పాతపట్నం నేషనల్‌ హైవే(326ఏ)లో తిలారు జంక్షన్‌ వద్ద గురువా రం మధ్యాహ్నం ఫ్లైఓవర్‌ స్లాబ్‌ పెచ్చులూడి విరిగిపడటంతో చిన్నదూగాం గ్రామానికి చెందిన గొండు రామారావుకు తీవ్రగాయాలయ్యాయి. స్థానికులు స్పందించి బాధితుడిని నరసన్నపేట ఆస్పత్రికి తరలించారు. బస్సు, ఆటోల కోసం ఈ ప్రాంతంలో జనాలు నిత్యం వేచి ఉంటారు. అయితే గోడలు, స్లాబ్‌ పైకప్పు బీటలు వారి ప్రమాదకరంగా మారాయి. తరచూ పెచ్చులు ఊడిపడటంతో స్థానికులు భయాందోళన చెందుతున్నా రు. అధికారులు స్పందించి పటిష్టంగా నిర్మాణాలు చేపట్టాలని వారు కోరుతున్నారు. కాశీబుగ్గ: రానున్న రెండేళ్లలో కాశీబుగ్గ నుంచి తాళ్లభద్ర మీదుగా వెళ్లే రైలు మార్గంపై మరో ఆర్‌వోబీ (రైలు ఓవర్‌ బ్రిడ్జి) నిర్మిస్తామని కేంద్రమంత్రి కె.రామ్మోహన్‌నాయుడు ప్రకటించా రు. గురువారం కాశీబుగ్గ ఆర్‌వోబీ ప్రారంభంతోపాటు అమృత్‌ 2.0, సుడా అభివృద్ధి పనుల కు మంత్రి అచ్చెన్నాయుడు, స్థానిక ఎమ్మెల్యే గౌతు శిరీషతో కలిసి శంకుస్థాపన చేశారు. అనంతరం కాశీబుగ్గ కేటీరోడ్డు కూడలిలో జరిగిన బహిరంగ సభలో ఆయన మాట్లాడారు. రాష్ట్రానికి పోలవరం ఎలా పలు అవరోధాల ను అధిగమించిందో, జంట పట్టణాలకు ఈ ఫ్‌లైఓవర్‌ అనేక అడ్డంకులను ఎదుర్కొందన్నారు. పలాస నియోజకవర్గ అభివృద్ధికి తనవంతు బాధ్యతగా కృషి చేస్తానన్నారు. పలాసకు జిల్లా హోదా అవసరం లేదు.. పలాసకు జిల్లా హోదా అవసరం లేదని వ్యవసాయమంత్రి కె.అచ్చెన్నాయుడు వ్యాఖ్యానించారు. పలాసను జిల్లా కేంద్రంగా ప్రకటించాలంటూ కొందరు అలవికాని డిమాండ్లతో నినాదాలు చేయడం సరికాదన్నారు. దసరా నాటికి ఫ్‌లైఓవర్‌పై రాకపోకలు ప్రారంభమవుతాయ ని చెప్పారు. కార్యక్రమంలో జాయింట్‌ కలెక్టర్‌ ఫర్మాన్‌ అహ్మద్‌ ఖాన్‌, మున్సిపల్‌ కమిషనర్‌ శ్రీనివాసులు, ఆర్‌డీఓ అప్పలరాజు, మాజీ ఎమ్మెల్యే జి.శ్యామసుందర శివాజీ పాల్గొన్నారు. జి.సిగడాం (పొందూరు): నందివాడ గ్రామానికి చెందిన ముల్లు సత్యం(70) ఫ్యాన్‌కు ఉరి వేసుకుని ఆత్మహత్య చేసుకున్నాడు. కుటుంబ సభ్యులు తెలిపిన వివరాల ప్రకారం.. సత్యం కొద్దిరోజులుగా అనారోగ్యంతో బాధపడుతున్నాడు. ఈ నెల 7వ తేదీ రాత్రి కడుపు నొప్పి రావడంతో కోడలు సుశీల దగ్గరలో ఉన్న ఆర్‌ఎంపీ వైద్యున్ని తీసుకురావడానికి వెళ్లింది. ఇంతలోనే సత్యం ఫ్యాన్‌కు ఉరివేసుకుని ఆత్మహత్య చేసుకున్నాడు. విశాఖలో తాపీమేసీ్త్రగా పని చేస్తున్న సూర్యారావు గ్రామానికి చేరుకుని పోలీసులకు ఫిర్యాదు చేశారు.

శ్రీకాకుళం పాతబస్టాండ్‌: జాయింట్‌ కలెక్టర్‌ ఫర్మాన్‌ అహ్మద్‌ ఖాన్‌కు బదిలీ అయ్యింది. ఈ మేరకు రాష్ట్ర ప్రభుత్వం ఉత్తర్వులు విడుదల చేసింది. ఫర్మాన్‌ అహ్మద్‌ ఖాన్‌ 2024 జూలై 26వ తేదీన జిల్లాకు జేసీగా వచ్చి బాధ్యతలు చేపట్టారు. ఆయనను ప్రస్తుతం ఆర్థిక శాఖ లో ప్రభుత్వ ఉప కార్యదర్శిగా నియమించారు. ఫర్మాన్‌ అహ్మద్‌ ఖాన్‌ జిల్లాలో భూ సేకరణను సమర్థంగా నిర్వహించిన పేరు గడించారు. రాజ కీయ ఒత్తిళ్లకు దూరంగా ఉన్నారు. ఆర్‌వోఆర్‌ కేసుల పరిష్కారం, సివిల్‌ సప్లై విధుల్లో ఆయన ప్రత్యేక ముద్రను వేసుకున్నారు.

బీసీలంటే చులకన: తమ్మినేని చంద్రబాబు, ఆయన అనుచరులకు బీసీలంటే చులకన భావమని మాజీ స్పీకర్‌ తమ్మినేని సీతారాం అన్నారు. బలహీన వర్గాలమైనా బలహీనులం కాదని గతంలోనే నిరూపించామని, వెన్నుపోటు రాజకీయాలపై బీసీలంతా గళం విప్పాలని పిలుపునిచ్చారు. 20 ఏళ్ల పాలనలో అన్యాయం: బూడి చంద్రబాబు ఉమ్మడి, విభజిత ఆంధ్రప్రదేశ్‌లో సుమారు 20 ఏళ్లు పాలించినా బీసీలకు తీవ్ర అన్యాయం చేశారని మాజీ డిప్యూటీ సీఎం బూడి ముత్యాలనాయుడు విమర్శించారు. 2014లో ఇచ్చిన హామీలను అమలు చేయకుండా, 2024లోనూ మరోసారి బీసీలను మోసం చేశారని అన్నారు. టీడీపీ బీసీల పార్టీ కాదని, వంచించిన పార్టీ అని ధ్వజమెత్తారు. సంఘటిత శక్తిగా ఎదగాలి: ధర్మాన కృష్ణదాస్‌ బీసీలకు జరుగుతున్న అన్యాయంపై ప్రజల్లో చైతన్యం తీసుకురావాలని మాజీ డిప్యూటీ సీఎం ధర్మాన కృష్ణదాస్‌ అన్నారు. బీసీలకు 34 శాతం రిజర్వేషన్లు సాధ్యం కాదని తెలిసినా చంద్రబాబు జీఓలు ఇచ్చి మరోసారి మోసం చేస్తున్నారని విమర్శించారు. స్థానిక ఎన్నికల్లో ఈ కుట్రలను తిప్పికొట్టాలని పిలుపునిచ్చారు. బీసీలను చైతన్యపరచాలి: సీదిరి వైఎస్సార్‌సీపీ ప్రభుత్వంలో బీసీ, ఎస్సీ, ఎస్టీ, మైనారిటీలకు చట్టసభల్లో 50 శాతానికి పైగా ప్రాతినిధ్యం కల్పించామని మాజీ మంత్రి సీదిరి అప్పలరాజు తెలిపారు. కూటమి ప్రభుత్వంలో బీసీలకు జరిగిన అన్యాయాన్ని సోషల్‌ మీడియా ద్వారా ప్రజలకు వివరించాలని కోరారు. సాక్షి, విశాఖపట్నం: కూటమి ప్రభుత్వ ‘వెన్నుపోటు’ రాజకీయాన్ని, బీసీలకు జరిగిన వంచనను ఎండగట్టేందుకు ఈ నెల 16న విశాఖలో నిర్వహించనున్న ‘బీసీ గర్జన’ను విజయవంతం చేయాలని వైఎస్సార్‌సీపీ నేతలు పిలుపునిచ్చారు. ఉత్తరాంధ్ర జోన్‌–1 పరిధిలో బీసీ గర్జన సన్నాహక సమావేశాన్ని గురువారం ఎండాడలోని వైఎస్సార్‌సీపీ కార్యాలయంలో పార్టీ బీసీ సెల్‌ రాష్ట్ర అధ్యక్షుడు, ఎమ్మెల్సీ రమేష్‌ యాదవ్‌ ఆధ్వర్యంలో నిర్వహించారు. ఉత్తరాంధ్రలోని బీసీ నేతల నుంచి సూచ నలు, సలహాలు స్వీకరించారు. రాష్ట్రంలోని 139 బీసీ కులాల సమస్యలను తెలుసుకుని, వాటిని ప్రజల్లోకి తీసుకెళ్లే అంశాలపై చర్చించారు. ఎన్నికలకు ముందు కూటమి ఇచ్చిన హామీలు, అధికారంలోకి వచ్చిన తర్వాత బీసీలకు జరిగిన అన్యా యం, వైఎస్సార్‌సీపీ ప్రభుత్వంలో బీసీలకు అందిన సంక్షేమాన్ని ప్రజలకు వివరించాలని నేతలు సూచించారు. కార్యక్రమంలో జెడ్పీ మాజీ చైర్‌పర్సన్‌ పిరియా విజయ, ఎమ్మెల్సీ నర్తు రామారావు, మెంటాడ స్వరూప్‌, బొడ్డేపల్లి పద్మజ, మామిడి శ్రీకాంత్‌, అంధవరపు సూరిబాబు, ఎన్ని ధనుంజయ్‌, తదితరులు పాల్గొన్నారు. మోసాలను ప్రజల్లోకి తీసుకెళ్లాలి: ధర్మాన ప్రసాదరావు బీసీల పార్టీగా చెప్పుకొనే టీడీపీ.. బీసీలకు చేసింది మోసం, దగా తప్ప మరేమీ లేదని మాజీ మంత్రి ధర్మాన ప్రసాదరావు అన్నారు. వైఎస్సార్‌సీపీ ప్రభుత్వంలో బీసీలకు అనేక సంక్షేమ పథకాలు అమలు చేశామని, వాటిని ప్రజల్లోకి తీసుకెళ్లాల్సిన బాధ్యత బీసీ నాయకులు, కార్యకర్తలపై ఉందన్నారు. ప్రభుత్వ భూములను కారుచౌకగా కేటాయిస్తున్నారని, విశాఖలో ఇటీవల 16 హోటళ్లకు ప్రభుత్వ భూములు కేటాయించిన అంశాన్ని ప్రజలకు వివరించాలన్నారు. బీసీలకు విద్య, వైద్యం అందని పరిస్థితి నెలకొందని విమర్శించారు. స్థానిక సంస్థల ఎన్నికల్లో పార్టీని బలోపేతం చేసి, బీసీల హక్కుల కోసం ఐక్యంగా పోరాడాలని పిలుపునిచ్చారు. మేలు కన్నా మోసమే ఎక్కువ: బొత్స నాలుగు దఫాలుగా ముఖ్యమంత్రిగా పనిచేసిన చంద్రబాబు బీసీలకు చేసిన మేలు కన్నా మోసమే ఎక్కువని శాసనమండలి విపక్ష నేత బొత్స సత్యనారాయణ విమర్శించారు. ఐదేళ్లు అధికారంలో ఉన్న వైఎస్‌ జగన్‌మోహన్‌రెడ్డి బీసీలకు చారిత్రాత్మక మేలు చేశారని అన్నారు. 2019లో బీసీ గర్జనలో ఇచ్చిన హామీలను మేనిఫెస్టోలో చేర్చి అమలు చేశామని గుర్తుచేశారు. సర్పంచ్‌ స్థాయి నుంచి జిల్లా స్థాయి వరకు బీసీ కమిటీలను సమన్వయం చేసుకుని గర్జనను విజయవంతం చేయాలని కోరారు. హామీలతో మభ్యపెట్టి.. అధికారంలోకి వచ్చాక మోసం వైఎస్సార్‌సీపీ హయాంలోనే బీసీలకు పెద్దపీట వైఎస్సార్‌సీపీ బీసీ నేతలు బొత్స, ధర్మాన 16వ తేదీన విశాఖలో ఉత్తరాంధ్ర జోన్‌–1 బీసీ గర్జన

కాశీబుగ్గ: ప్రభుత్వం ప్రతిష్టాత్మకంగా చేపట్టిన వన సంరక్షణ, హరితహారం ‘నగరవనం’ పథకాలు క్షేత్రస్థాయిలో అటవీశాఖ అధికారుల నిర్లక్ష్యంతో నీరుగారిపోతున్నాయి. ఒకవైపు పచ్చదనాన్ని పెంపొందించడానికి కోట్ల రూపాయలు వెచ్చిస్తుంటే.. మరోవైపు కొందరు అధికారుల నిర్లక్ష్యంగా వ్యవహరిస్తూ లక్ష్యానికి తూట్లు పొడుస్తున్నారు. ఇందుకు కాశీబుగ్గ ఫారెస్ట్‌ రేంజ్‌ కార్యాలయంలో అధికారుల తీరే అద్దం పడుతోంది. నగరవనం నిధులేమైనట్లు? కాశీబుగ్గ రేంజ్‌ పరిధిలో ‘నగరవనం’ కింద ప్రభుత్వం ప్రత్యేకంగా నిధులు కేటాయించింది. ఈ నిధులతో ఏకంగా 5 వేల మొక్కలు నాటేందుకు ప్రభుత్వం నిధులు విడుదల చేసింది. కానీ, ఆ మొక్కలు ఎక్కడ నాటారు? వాటి రక్షణ పరిస్థితి ఏమిటి? అని స్థానికులు లేదా బాధ్యులైన అధికారులను ప్రశ్నిస్తే ఎవరి నోటా సరైన సమాధానం రావడం లేదు. సుమారు 5 వేల మొక్కల కొనుగోలు, గుంతల తవ్వకం, నాటే ప్రక్రియ అంతా కాగితాలకే పరిమితమైందా? లేదా నిధులు మాత్రమే డ్రా చేసుకొని క్షేత్రస్థాయిలో మొక్కలను గాలికి వదిలేశారా? అనేదానిపై తీవ్రస్థాయిలో విమర్శలు వ్యక్తమవుతున్నాయి. అధికారుల్లో అవగాహన లోపం.. గడిచిన ఏడాది కాలంలో వన సంరక్షణ, నగరవనం కింద చేపట్టిన కార్యక్రమాలపై కనీస సమాచారంపై ఏ ఒక్క అధికారికీ అవగాహన లేకపోవడం విస్మయానికి గురి చేస్తోంది. రేంజ్‌ పరిధిలో అమలవుతున్న కార్యక్రమాలపై ఫారెస్ట్‌ సెక్షన్‌ అధికారి రాజు (ఎఫ్‌ఎస్‌ఓ) వద్ద ‘సాక్షి’ ప్రస్తావించగా తన దగ్గర వివరాలు లేవని చెబుతున్నారు. ఇప్పటికై నా జిల్లా స్థాయి ఉన్నతాధికారులు జోక్యం చేసుకుని, కాశీబుగ్గ ఫారెస్ట్‌ రేంజ్‌ కార్యాలయంపై సమగ్ర విచారణ చేపట్టాలని, ’నగరవనం’ నిధుల ఖర్చు, నాటిన మొక్కల వాస్తవ పరిస్థితిపై బహిరంగ విచారణ జరపాలని డిమాండ్‌ చేస్తున్నారు. అధికారుల్లో సమన్వయలోపం.. బెండిగేటు నుంచి ఇచ్ఛాపురం వరకు కాశీబుగ్గ రేంజ్‌ పరిధిలోకి వస్తుంది. ఈ పరిధిలో మొత్తం 17వేల హెక్టార్ల అటవీ విస్తీర్ణం ఉంది. మొత్తం ఐదుగురు ఫారెస్ట్‌ సెక్షన్‌ ఆఫీసర్లు, తొమ్మిదిమంది బీట్‌ ఆఫీసర్లు పనిచేస్తున్నారు. తొమ్మిదిమంది అసిస్టెంట్‌ బీట్‌ ఆఫీసర్లకు కేవలం ఒక్కరు మాత్రమే ఉన్నారు. కాగా ప్రస్తుతం ఎవరు విధుల్లో ఉన్నారో తెలియని అయోమయ పరిస్థితి నెలకొంది. కాశీబుగ్గ ఫారెస్ట్‌ రేంజ్‌ కార్యాలయాన్ని సంప్రదించాలంటే 9440810208 అనే నంబరుకు ఫోన్‌ చేయాల్సిందిగా అధికారికంగా సూచించారు. కానీ ఆ నంబరుకు ఫోన్‌ చేస్తే పనిచేయని పరిస్థితి. ట్రూ కాలర్‌లో మాత్రం ఫారెస్ట్‌ రేంజ్‌ ఆఫీస్‌, కాశీబుగ్గ అని సూచిస్తోంది. కార్యాలయానికి సంబంధించిన ఫోన్‌ పనిచేస్తుందో? లేదో? తెలుసుకోలేని పరిస్థితి నెలకొనడంపై సర్వత్రా విమర్శలు వ్యక్తమవుతున్నాయి.

టెక్కలి: కోటబొమ్మాళి కొత్తమ్మ తల్లి ఉత్సవాలను అందరి సమన్వయంతో విజయవంతంగా నిర్వహించాలని మంత్రి కె.అచ్చెన్నాయుడు కోరారు. ఈ నెల 13 నుంచి 15 వరకు నిర్వహిస్తున్న కొత్తమ్మతల్లి ఉత్సవాలకు సంబంధించి గురువారం ఆలయ ప్రాంగణంలో వాల్‌ పోస్టర్లను ఆవిష్కరించారు. ఎంతో వైభవంగా 101 వార్షిక ఉత్సవాలను నిర్వహిస్తున్నట్లు గుర్తు చేశారు. ఈ ఉత్సవాల్లో సామాన్య భక్తులకు ఎలాంటి ఇబ్బందులు లేకుండా అన్ని రకాల సదుపాయాలు కల్పించాలన్నారు. కార్యక్రమంలో ఆర్డీఓ ఎం.కృష్ణమూర్తి, దేవదాయ శాఖాధి కారి ప్రసాద్‌పట్నాయక్‌, డీఎస్పీ డి.లక్ష్మణరావు, ఆలయ చైర్మన్‌ కోరాడ గోవిందరావు, ఆలయం ఈఓ వి.రాధాకృష్ణ, స్థానిక నాయకులు కె.హరివరప్రసాద్‌, బి.గోవిందరాజులు పాల్గొన్నారు. గురుకులంలో వంటల పరిశీలన బూర్జ: కొల్లివలస డాక్టర్‌ బీఆర్‌ అంబేడ్కర్‌ గురుకులంలో డీసీఓ వై.యశోదలక్ష్మి గురువారం తనిఖీలు నిర్వహించారు. ముందుగా విద్యార్థుల వసతి గృహాలు, అక్కడ సౌకర్యాలు, భోజన శాల పరిశీలించి అక్కడ ఏర్పాట్ల గురించి అడిగి తెలుసుకున్నారు. అనంతరం ఇంటర్‌ విద్యార్థులతో మాట్లాడారు. తర్వాత అధ్యాపకులు, ఉపాధ్యాయులతో సమావేశం నిర్వహించారు. టెక్కలి: టెక్కలి మండలం రావివలస ఎండల మల్లికార్జునస్వామి ఆలయంలో 128 రోజులకు సంబంధించి భక్తుల నుంచి సుమారు రూ.1,68,910 ఆదాయం వచ్చినట్లు ఈఓ జి.గురునాథ రావు తెలిపారు. ఈ మేరకు గురువారం ఆలయ ప్రాంగణంలో హుండీ ఆదా యం లెక్కింపు నిర్వహించారు. అలాగే టెక్కలిలో గల సంతోషిమాత ఆలయంలో చేపట్టిన హుండీ లెక్కింపులో భాగంగా 139 రోజులకు సుమారు రూ.29,616ల ఆదాయం వచ్చినట్లు ఈఓ టీపీ మనస్వి తెలిపారు. పంచాయతీ ఎన్నికల నిర్వహణకు సిద్ధం: కలెక్టర్‌ శ్రీకాకుళం పాతబస్టాండ్‌: జిల్లాలో గ్రామ పంచాయతీ ఎన్నికలను ప్రశాంతంగా, పారదర్శక వాతావరణంలో నిర్వహించడానికి జిల్లా యంత్రాంగంతో పాటు పోలీసు శాఖ పూర్తిస్థాయిలో సిద్ధంగా ఉందని కలెక్టర్‌ స్వప్నిల్‌ దినకర్‌ పుండ్కర్‌ స్పష్టం చేశారు. గురువారం కలెక్టరేట్‌ సమావేశ మందిరం నుంచి రాష్ట్ర ఎన్నికల కమిషనర్‌ అనిల్‌ చంద్ర పునేఠా నిర్వహించిన స్థానిక సంస్థల ఎన్నికల సన్నద్ధత వీడియో కాన్ఫరెన్స్‌లో ఎస్పీ కేవీ మహేశ్వర్‌ రెడ్డి, జాయింట్‌ కలెక్టర్‌ ఫర్మాన్‌ అహ్మద్‌ ఖాన్‌లతో కలిసి ఆయన పాల్గొన్నారు. ఈ సందర్భంగా కలెక్టర్‌ మాట్లాడుతూ జిల్లాలో పోలింగ్‌ నిర్వహణకు అవసరమైన సామగ్రి, బ్యాలెట్‌ బాక్సుల లభ్యతలో ఎలాంటి ఇబ్బందులు లేవని వివరించారు. బ్యాలెట్‌ పేపర్ల ముద్రణకు సంబంధించి ప్రింటింగ్‌ ప్రెస్‌ల గుర్తింపు సహా అన్ని రకాల సాంకేతిక ప్రక్రియలను ఇప్పటికే పూర్తి చేశామని పేర్కొన్నారు. మొదటి విడతలో పోలింగ్‌ జరగనున్న పంచాయతీల జాబితాను ఇప్పటికే సరిచూశామని, ఏవైనా స్వల్ప మా ర్పులు ఉంటే తదుపరి 24 గంటల్లోగా తుది నివేదికను రాష్ట్ర ఎన్నికల సంఘానికి పంపుతామని కలెక్టర్‌ వెల్లడించారు. క్షేత్రస్థాయిలో ఎలాంటి లోటుపాట్లు లేకుండా ఎన్నికల ప్రక్రియను ప్రణాళికాబద్ధంగా పూర్తి చేసేందుకు అధికారులు సమన్వయంతో ముందుకు సాగుతున్నారని తెలిపారు. శ్రీముఖలింగం ఆలయ సమీపంలో గొయ్యి ఏర్పాటు జలుమూరు: శ్రీముఖలింగం ఆలయ సమీపంలో గొయ్యి ఏర్పాటు చేశారు. స్వామితోపాటు ఇతర దేవతా విగ్రహాలకు పూజలు అనంతరం పూలు,పత్రి తదితర పూజా ద్రవ్యాలను పవిత్రంగా ఈ గొయ్యిలో వేసి అనంతరం వాటిని మొక్కలకు వినియోగిస్తామని ఆలయ చైర్మన్‌ శివ ప్రసాద్‌ పాడి గురువారం తెలిపారు. మంగళవారం ‘సాక్షి’లో ‘మహాదేవునికి అపచారం’ అన్న శీర్షికన ప్రచురితమైన కథనానికి ఆయన స్పందించి యంత్రాలతో ఆలయ సమీపంలో గొయ్యి ఏర్పాటు చేశారు. ఆలయ సమీపంలో ఏర్పాటు చేస్తున్న గొయ్యి

శ్రీకాకుళం క్రైమ్‌ : జిల్లా కేంద్రంలోని డేఅండ్‌నైట్‌ సమీపంలో నాగావళి నదీ గర్భంలో ర్యాంపుపై గురువారం మధ్యాహ్నం ఓ వ్యక్తి మృతదేహం తేలియాడింది. దీనికి సంబంధించి శ్రీకాకుళం రెండో పట్టణ పోలీస్‌స్టేషన్‌ ఎస్‌ఐ–2 బి.హైమావతి వివరా లు వెల్లడించారు. హిరమండలం మండలం చొర్లంగి గ్రామానికి చెందిన వాడవలస కూర్మారావుకు (34) భార్య పావని, 11 ఏళ్ల కుమార్తె, 8 ఏళ్ల కుమా రుడున్నారు. ఈయన విశాఖలో కారు డ్రైవర్‌గా పనిచేస్తున్నాడు. ఇటీవల కుమార్తె రజస్వల ఫంక్షన్‌ జరిగింది. తనకు నచ్చని బంధువులను కుటుంబసభ్యులు పిలిచారని మనస్థాపం చెందిన కూర్మారావు ఈ నెల 6న ఆమదాలవలస మండలం దూసి సమీపంలో నాగావళిలో దూకేశాడు. గురువారం నదీ గర్భంలో శవమై తేలియాడటంతో స్థానికులు గుర్తించి పోలీసులకు సమాచారం అందించారు. జాలర్ల సాయంతో మృతదేహాన్ని ఒడ్డుకు తీసుకురాగా కుటుంబసభ్యులు కూర్మారావుగా గుర్తించా రు. పోస్టుమార్టం నిమిత్తం రిమ్స్‌కు తరలించామని ఎస్‌ఐ హైమావతి పేర్కొన్నారు.

శ్రీకాకుళం అర్బన్‌ : ఎన్నికల సంఘంలో జరిగిన అంతర్గత కుంభకోణం, సర్‌ ఓటర్ల జాబితాలో ఏకపక్ష నిర్ణయాలు, ఓట్ల అక్రమ మార్పులకు పాల్పడి న కేంద్ర ప్రధాన ఎన్నికల కమిషనర్‌ జ్ఞానేష్‌కుమార్‌ను అరెస్టు చేయకుండా కాలయాపన చేయడం భారత ప్రజాస్వామ్యంలో చీకటి రోజు అని కేంద్ర మాజీ మంత్రి కిల్లి కృపారాణి అన్నారు. కాంగ్రెస్‌ జిల్లా అధ్యక్షులు సనపల అన్నాజీరావు ఆధ్వర్యంలో ఇండియా మిత్రపక్ష పార్టీలు ఓట్‌ చోరీకి నిరసనగా శ్రీకాకుళం నగరంలోని మున్సిపల్‌ కార్యాలయం వద్ద గురువారం భారీ ర్యాలీ, నిరసన కార్యక్రమం నిర్వహించారు. కార్యక్రమంలో వివిధ పార్టీల నాయకులు డి.గోవింద్‌, తాండ్ర ప్రకాష్‌, బైబిల్‌ కృష్ణమూర్తి, శ్రీనివాసరావు, గోవర్దన్‌రావు, ఆదినారాయణమూర్తి, చందు, కృష్ణవేణి, సంతోష్‌, డాక్టర్‌ దువ్వాడ జీవితేశ్వరరావు, కిల్లి రామ్మోహన్‌రావు, పేడాడ పరమేశ్వరరావు, రెల్ల సురేష్‌, అంబటి కృష్ణారావు, మంత్రి నరసింహమూర్తి, డి.గోవింద మల్లిబాబు తదితరులు పాల్గొన్నారు.

కాశీబుగ్గ: పలాస రైల్వే స్టేషన్‌, పరిసర ప్రాంతాల్లో విశాఖపట్నం డివిజన్‌ డివిజనల్‌ రైల్వే మేనేజర్‌ (డీఆర్‌ఎం) లలిత్‌ బోహ్రా గురువారం విస్తృత తనిఖీలు నిర్వహించారు. రైల్వే స్టేషన్‌, రైల్వే కాలనీ, రైల్వే ఆసుపత్రి, ఆర్‌పీఎఫ్‌ బ్యారక్‌, రన్నింగ్‌ రూమ్‌ తో పాటు లెవల్‌ క్రాసింగ్‌ గేట్‌ నంబర్‌–362ను తనిఖీ చేశారు. ఆయా ప్రాంతాల్లో మౌలిక సదుపాయాలు, పారిశుద్ధ్యం, ప్రయాణికుల సౌకర్యాలు, సిబ్బంది, వసతులు భద్రతా అంశాలను పరిశీలించారు. సమస్యలను గుర్తించి తక్షణమే పరిష్కరించా లని సంబంధిత అధికారులను ఆదేశించారు. పెండింగ్‌లో ఉన్న పనులను కూడా వేగవంతంగా పూర్తి చేసి, ప్రయాణికులకు మెరుగైన సౌకర్యాలు అందే లా చర్యలు తీసుకోవాలన్నారు. ఈ తనిఖీలో కమర్షియల్‌, ఇంజినీరింగ్‌, ఎలక్ట్రికల్‌ తదితర విభాగాల అధికారులు పాల్గొన్నారు.

శ్రీకాకుళం న్యూకాలనీ: శ్రీకాకుళం జిల్లా సెపక్‌తక్రా క్రీడకు కేరాఫ్‌ అడ్రస్‌గా నిలుస్తున్నందుకు గర్వకారణంగా ఉందని సెపక్‌తక్రా అసోసియేషన్‌ జిల్లా చైర్మన్‌ ఎమ్మెస్సార్‌ కృష్ణమూర్తి అన్నారు. దశాబ్దంన్నర కాలంగా జిల్లా క్రీడాకారులు సాధిస్తున్న ప్రగ తి, ఫలితాలు అందుకు నిదర్శనంగా నిలుస్తున్నా యని చెప్పారు. జిల్లా సెపక్‌తక్రా అసోసియేషన్‌ ఆధ్వర్యంలో గురువారం శ్రీకాకుళం నగరంలోని ఎన్టీఆర్‌ మున్సిపల్‌ హైస్కూల్‌ క్రీడామైదానం వేదిక గా జిల్లా సీనియర్స్‌ సెపక్‌తక్రా సీనియర్స్‌ పురుషు లు, మహిళల జట్ల ఎంపికలు జరిగాయి. జిల్లా నలుమూలల నుంచి క్రీడాకారులు హాజరయ్యారు. మెరుగైన ప్రతిభ కనబర్చిన క్రీడాకారులను జిల్లా జట్లకు ఎంపిక చేశారు. వీరిని కోనసీమ జిల్లా అమ లాపురం వేదికగా ఈ నెల 10, 11 తేదీల్లో జరగనున్న 36వ ఏపీ రాష్ట్రస్థాయి సీనియర్స్‌ సెపక్‌తక్రా చాంపియన్‌షిప్‌–2026 పోటీలకు పంపిస్తామని నిర్వాహకులు తెలిపారు. ఈ సందర్భంగా ఎమ్మెస్సార్‌ మాట్లాడుతూ గత రెండు సీజన్లలో జిల్లా మహిళల జట్లు విజేతగా నిలుస్తూ బంగారు పతకా లు సాధిస్తున్న విషయాన్ని గుర్తుచేస్తు.. ఈ ఏడాది కూడా విజేతగా నిలిచి హ్యాట్రిక్‌ నమోదు చేయాలని పిలుపునిచ్చారు. జిల్లా సెపక్‌తక్రా అసోసియేషన్‌ కార్యదర్శి, కోచ్‌ జి.అర్జున్‌రావురెడ్డి, ఉపాధ్యక్షులు పైడి శ్రీనివాసరావు, ట్రాఫిక్‌జామ్‌ శ్రీనివాస్‌, బి.సోములు, జి.కొర్లయ్య, పద్మావతి పాల్గొన్నారు.

శ్రీకాకుళం (పీఎన్‌ కాలనీ): శ్రీకాకుళం మున్సిపల్‌ కార్పొరేషన్‌లో 50 డివిజన్లను 60 డివిజన్లుగా పున ర్విభజన చేసేందుకు కార్పొరేషన్‌ అధికారులు మల్లగుల్లాలు పడి గురువారం రాత్రి 10 గంటలకు పూర్తిచేశారు. తక్కువ సమయం ఇచ్చి డివిజన్ల పునర్విభజన చేయడంతో ఏ ప్రాతిపదికన చేశారో.. ఎలా చేశారో.. ఎవరికి నష్టం జరుగుతుందో.. ఎవరికి లాభం చేకూరుతుందో తెలియని పరిస్థితి నెలకొంది. వీటిపై అభ్యంతరాలుంటే ఈ నెల 14లోగా లిఖితపూర్వకంగా తెలియజేయవచ్చని అధికారులు ప్రకటించారు. జీవో ఎంఎస్‌ నెంబర్‌ 64 ప్రకారం 2026 మార్చి 24ను అనుసరించి కమిషనర్‌ అండ్‌ డైరెక్టర్‌ ఆఫ్‌ మున్సిపల్‌ అడ్మినిస్ట్రేషన్‌ వారి సర్క్యులర్‌ ప్రకారం 50 డివిజన్లను 60 డివిజన్లగా మార్చే ప్రక్రియ చేపట్టినట్లు కమిషనర్‌ జి.శ్రవణ్‌కుమార్‌ తెలిపారు. శ్రీకాకుళం ఆర్డీవో, మండల తహశీల్దార్‌ కార్యాలయం, శ్రీకాకుళం, ఎచ్చెర్ల, మండల పరిషత్‌ అధికారి, శ్రీకాకుళం సబ్‌ రిజిస్ట్రార్‌ ఆఫీస్‌, కలెక్టర్‌ కార్యాలయం వద్ద పునర్విభజన కాపీలు అందుబాటులో ఉంటాయని, అభ్యంతరాలు ఉంటే ఆయా అధికారులకు తెలియజేయవచ్చని పేర్కొన్నారు. కార్యక్రమంలో ఏసీపీ జానకి, వెంకటేశ్వరరావు, ఎంఈ రవిశర్మ, టీపీపీఓ స్వరూప్‌ పాల్గొన్నారు.

రిహాసం..!ఇచ్ఛాపురం రూరల్‌: ప్రకృతి ప్రకోపానికి పంటలు నేలపాలై.. రైతులు నష్టాల ఊబిలో కూరుకుపోతున్నా పరిహారం కోసం ఎదురుచూపులు తప్పడం లేదు. వర్షాలు కారణంగా వందల ఎకరాల్లో పంటలు నష్టపోతున్నారు. అధికారులు క్షేత్రస్థాయిలో నష్టం అంచనాలు వేసి నివేదికలు సిద్ధం చేస్తున్నప్పటికీ.. పరిహారం ఎప్పుడు అందుతుందనే దానిపై స్పష్టత లేకపోవడంతో బాధిత రైతులు అందోళన వ్యక్తం చేస్తున్నారు. నష్టపోయిన రైతులకు వేగవంతంగా పరిహారం అందించి ఆదుకోవాలని కోరుతున్నారు. ఇటీవల వాయుగుండం ప్రభావంతో కురిసిన భారీ వర్షాలకు మండలం పరిధిలో 155.26 హెక్టార్లలో పంటలకు నష్టం వాటిళ్లిగా.. 991 మంది రైతులు ప్రభావితమయ్యారు. ఇందులో తులసిగాం పంచాయతీ పరిధిలోనే అధికంగా పంట నష్టం జరిగినట్లు తెలుస్తోంది. అయితే ఈ నష్టాలకు పరిహారం అందించే విషయంలో మాత్రం స్పష్టత కొరవడడంతో అన్నదాతల్లో ఆందోళన నెలకొంది. సర్వేలకే పరిమితమా..? భారీ వర్షాలకు పంటలు దెబ్బతిన్నప్పుడు అధికారులు క్షేత్రస్థాయిలో పర్యటించి నష్టాన్ని అంచనా వేస్తున్నారు. ఎన్ని ఎకరాల్లో పంట దెబ్బతింది..? ఎంతమంది రైతులు నష్టపోయారనే వివరాలను సేకరిస్తున్నారు. అయితే సర్వేలు పూర్తవుతున్నా.. రైతులకు పరిహారం అందుతుందా..? అందితే ఎప్పుడు అందుతుంది అనే ప్రశ్నలకు సమాధానం లేకపోవడంతో రైతులు నిరాశ చెందుతున్నారు. పెట్టుబడి కోసం చేసిన అప్పులు తీర్చయడం ఎలాగో తెలియక ఆవేదన వ్యక్తం చేస్తున్నారు. 2025 అక్టోబర్‌ 28న వచ్చిన మోంథా తుఫాన్‌ ప్రభావంతో కురిసిన భారీ వర్షాలకు ఇచ్ఛాపురం మండలంలో పెద్ద ఎత్తున పంటలు దెబ్బతిన్నాయి. వరద నీటితో 98.19 హెక్టార్లలో పంట ముంపునకు గురయ్యిందని, 555 మంది రైతులు పంట నష్టపోయారని అప్పట్లో వ్యవసాయాధికారులు సర్వే చేసి తేల్చారు. నష్టం వివరాలను నమోదు చేసి దాదాపు ఏడాది పూర్తయినప్పటికీ బాధిత రైతులకు పరిహారం అందడంలో మాత్రం జాప్యం కొనసాగుతోంది. దీంతో సాయం అందజేయడం ప్రభుత్వం మరిచిపోయిందని రైతులు వాపోతున్నారు. గతేడాది మోంథా తుఫాన్‌ నష్టానికి సంబంధించిన పరిహారమే అందని పరిస్థితిలో.. తాజా నష్టానికి పరిహారం ఎప్పుడు వస్తుందోనని ఆవేదన చెందుతున్నారు. ఇప్పటికై నా గతేడాది తుఫాన్‌ నష్టానికి సంబంధించిన పరిహారంపై స్పష్టత ఇవ్వడంతో పాటు.. తాజాగా వర్షాల ప్రభావంతో పంట నష్టానికి కూడా సత్వరమే ఆర్థిక సాయం అందించాలని కోరుతున్నారు. ఇటీవల కురిసిన వర్షాలకు నాకు చెందిన రెండు ఎకరాల 70 సెంట్ల పంట పూర్తిగా దెబ్బతింది. గత మోంథా తుఫాన్‌లోనూ ఇదేవిధంగా నష్టపోయాను. అప్పట్లో అధికారులు వచ్చి సర్వే చేసి వివరాలు నమోదు చేశారు. కానీ ఇంత వరకు ఒక్క రూపాయి పరిహారం కూడా అందలేదు. సర్వేలు చేయడం కాదు.. నష్టపోయిన నాలాంటి వందలాది మంది రైతులకు వెంటనే పరిహారం అందించి ఆదుకోవాలి. – ఇసురు రాజారావు రెడ్డి, రైతు, ఇన్నేశుపేట ఇటీవల కురిసిన భారీ వర్షాలకు మండలంలోని తులసిగాం, లొద్దపుట్టి, రత్తకన్న, మండపల్లి, ధర్మపురం ప్రాంతాల్లో 382 ఎకరాల్లో 991 మందికి చెందిన రైతుల పంట పోయినట్లు సర్వేలో తేల్చాము. నివేదికను ఉన్నతాధికారులకు పంపించడం జరిగింది. గతేడాది మోంథా తుఫాన్‌ ధాటికి నష్టపోయిన రైతులు వివరాలు నమోదు చేసి అప్పుడు సమర్పించడం జరిగింది. పంట నష్ట పరిహారం అనేది జిల్లాస్థాయి ఉన్నతాధికారుల చేతుల్లో ఉంటుంది. – పీపీవీవీ అజయ్‌కుమార్‌, వ్యవసాయాధికారి, ఇచ్ఛాపురం

నరసన్నపేట: స్థానిక సాయి నగర్‌ కాలనీలో బుధవారం వేకువజామున దొంగలు హల్‌చల్‌ చేశారు. తాళం వేసి ఉన్న సడగాన సావిత్రి ఇంటి తాళాలు విరగ్గొట్టి లోపలికి ప్రవేశించి బీరువా, ఇతర సామాగ్రిని చిందరవందర చేశారు. ఆ ఇంటి పక్కనే ఉంటున్న సాయికుమార్‌కు చెందిన ద్విచక్ర వాహనం ఎత్తుకుపోయారు. దీంతో స్థానికులు ఆందోళన వ్యక్తం చేస్తున్నారు. సావిత్రి తన కుమారుడు, కుమార్తె హైదరాబాద్‌లో ఉండడంతో వినాయక చవితి అనంతరం వెళ్లారు. కాగా ఈ చోరీలపై ఫిర్యాదు రాలేదని, ముందు జాగ్రత్త చర్యగా క్లూస్‌ టీమ్‌ను పిలిపించి వేలిముద్రలు సేకరించినట్లు నరసన్నపేట ఎస్‌ఐ బి.గణేష్‌ తెలిపారు. ఎల్‌.ఎన్‌.పేట: మండలంలో కోవిలాం కాలనీలోని జావాపు సింహాచలం, వెంకట్రావుకు సంబంధించిన ఇంటి తాళాలను దొంగలు పగలగొట్టారు. స్థానికులు తెలిపిన వివరాల మేరకు జావాపు సింహాచలం, వెంకట్రావులు జీవనోపాధి కోసం కొద్ది నెలలుగా విజయవాడలో ఉంటున్నారు. బంధువులు చనిపోయారని బుధవారం ఇంటికి వచ్చి చూడగా గేటు, తలుపు తాళాలు పగులగొట్టి ఉన్నాయన్నారు. రెండు ఇళ్లను పరిశీలించగా వెంకటరావు ఇంట్లోని వెండి దీపం కుద్దులు రెండు దొంగతానానికి గురైనట్లు బాధితులు తెలిపారు. దీనిపై సరుబుజ్జిలి పోలీసులు ఎటువంటి ఫిర్యాదు అందలేదని చెప్పారు.

● తప్పుల తడకగా రీసర్వే ● అనేకచోట్ల తప్పుడు వివరాలు నమోదు ● గోకర్ణపురంలో లబోదిబోమంటున్న రైతులు కంచిలి: రెవెన్యూ శాఖ ఆధ్వర్యంలో పూర్తి పారదర్శకంగా చేపట్టాల్సిన భూముల రీసర్వేలో చాలాచోట్ల రైతుల వివరాలు తప్పుల తడకగా నమోదు చేశారు. దీంతో రెవెన్యూ సిబ్బంది చేసిన తప్పులకు భూయజమానులు బలవుతున్నారు. క్షేత్రస్థాయిలో ఆయా భూముల వివరాలు నమోదు చేసే సమయంలో రైతులకు అవగాహన లేకపోవడంతో పాటు పలుచోట్ల అందుబాటులో లేనప్పుడు తప్పుడు వివరాలతో నమోదులు జరిగాయి. అవి ఇప్పుడు పాస్‌బుక్‌లలో తప్పుగా ప్రింట్‌ అయ్యి వచ్చిన తర్వాత సరిచేయడానికి అనేక అవస్థలు పడాల్సి వస్తోంది. రీసర్వే జరిగిన గ్రామాల్లో ఈ పరిిస్థితి కనిపిస్తుంటే.. వాటిని సరిచేసేందుకు మ్యుటేషన్లు పెట్టుకోమని అధికారులు సూచిస్తున్నారు. గోకర్ణపురంలో 80 శాతం తప్పులు కంచిలి మండలంలోని గోకర్ణపురంలో పరిస్థితి దారుణంగా ఉంది. గ్రామంలో 80 శాతం మంది భూయజమానులకు ఇచ్చిన పట్టాదారు పాస్‌బుక్‌లు తప్పుగా నమోదయ్యాయి. దీనికి కారణం రీసర్వే సమయంలో అక్కడ విధులు నిర్వహించిన గ్రామ సర్వేయర్‌ చేసిన పొరపాట్లేనని తేలింది. వాటన్నింటినీ పర్యవేక్షించాల్సిన అధికారులు ఆ తప్పులు కనిపెట్టకపోవడంతో ఇప్పుడు పెద్ద సమస్యగా పరిణమించింది. రీసర్వే ప్రక్రియ పూర్తవ్వడంతో ఈ పంచాయతీ పరిధిలో 912.58 ఎకరాల జిరాయితీ భూములకు సంబంధించి 784 మంది రైతులకు తాజాగా పట్టాదారు పాస్‌ పుస్తకాలు విడుదల చేశారు. ఇందులో 80 శాతం పాస్‌ పుస్తకాల్లో విస్తీర్ణం ఎక్కువ ఉన్న వాళ్లకు తక్కువగా, ఒకరికి బదులు మరొకరు ఫొటోల ముద్రణ, ఆధార్‌ కార్డు నంబర్లు, ఫోన్‌ నంబర్లు తప్పుగా నమోదు చేయడం దర్శనమిచ్చాయి. దీంతో గ్రామస్తులు సమస్యను మండల స్థాయి అధికారుల దృష్టికి తీసుకెళ్లినప్పుటికీ పరిష్కారం కాలేదు. ఇక చేసేదేమీలేక కలెక్టర్‌ గ్రీవెన్స్‌లో ఫిర్యాదు చేశారు. ఈ మేరకు పలాస ఆర్డీవో అప్పలరాజు బుధవారం గ్రామానికి విచ్చేసి ఇక్కడ సమస్య తీవ్రతను స్వయంగా పరిశీలించారు. ఈ తప్పిదాలకు కారణంగా గుర్తించిన అప్పటి గ్రామ సర్వేయర్‌ సుందర్‌పైన అప్పటి ఆర్డీవో క్రమశిక్షణా చర్యలు చేపట్టారని తహసీల్దార్‌ ఎన్‌.రమేష్‌కుమార్‌ వివరించారు. తర్వాత పక్క సచివాలయాల నుంచి సిబ్బందితో మిగతా పనులు చేపట్టామని తెలిపారు. ఏది ఏమైనప్పటికీ ఇక్కడ జరిగిన తప్పులను వెంటనే సరిచేయాలని ఆదేశించారు. రైతులతో మాట్లాడి జరిగిన తప్పులన్నింటినీ విచారించారు. పరిష్కారానికి త్వరితగతిన కసరత్తు చేయాలని అధికారులను ఆదేశించారు. ఈ మేరకు స్థానిక మాజీ ఎంపీటీసీ సభ్యుడు, వైఎస్సార్‌సీపీ నేత దుర్గాసి మాధవరావు మాట్లాడుతూ.. పాస్‌బుక్‌లలో తప్పులు సరిచేసి, భవిష్యత్‌లో ఎటువంటి సమస్యలు తలెత్తకుండా చర్యలు చేపట్టాలని కోరారు. మాకు చెందిన 5 ఎకరాల భూమిని మా తల్లి శీర పద్మతోపాటు అన్నదమ్ములు శీర ప్రకాశం, నాగేశ్వరరావులకు వాటాలుగా వేసుకున్నాం. కానీ మాకు వేర్వేరుగా వచ్చిన పాస్‌బుక్‌లలో విస్తీర్ణాలు తప్పుగా నమోదయ్యాయి. పైగా నా తల్లి పద్మ ఫొటోకు బదులుగా వేరే మగవ్యక్తి ఫొటోను ముద్రించారు. దీనివలన ఆందోళన చెందుతున్నాం. – శీర ప్రకాశం, రైతు, గోకర్ణపురం నాకు రెండుచోట్ల ఉన్న భూమిలో తక్కువగా విస్తీర్ణాలు నమోదు చేశారు. ఒకచోట 17 సెంట్లు, మరోచోట 13 సెంట్లు తక్కువగా పాస్‌ పుస్తకంలో ప్రింట్‌ చేశారు. అదేవిధంగా నా కుమారునికి ఇచ్చిన పాస్‌బుక్‌లలో కూడా తక్కువ విస్తీర్ణాలు నమోదయ్యాయి. వాటన్నింటినీ సరిచేయాలి. – టెంక పురుషోత్తం,రైతు, గోకర్ణపురం

జిల్లా మాజీ సైనికుల సమాఖ్యను స్థాపించిన పి.ఈశ్వరరావు భారతీయ వైమానిక దళంలో గ్రూప్‌ కెప్టెన్‌గా పనిచేశారు. 1984లో ఐఏఎఫ్‌లో పైలట్‌ ఆఫీసర్‌గా చేరిన ఈయన ఫీల్డ్‌ యూనిట్లలో ఢిల్లీ ప్రాంతానికి చీఫ్‌ ఆపరేషన్స్‌ ఆఫీసర్‌గా, ఈశాన్య ప్రాంతంలో సు–30 ఎయిర్‌ బేస్‌కు చీఫ్‌ అడ్మినిస్ట్రేటివ్‌ ఆఫీసర్‌గా సేవలందించారు. ఆపరేషన్‌ పరాక్రమ్‌, కార్గిల్‌ ఆపరేషన్ల సమయంలో మూడు ఎయిర్‌ డిఫెన్షనల్‌ ఆపరేషనల్‌ యూనిట్లకు కమాండ్‌గా వ్యవహరించారు. అలస్కా, అమెరికా, భారతదేశంలో జరిగిన మొదటి ఇండో–ఫ్రెంచ్‌ అంతర్జాతీయ సంయుక్త వైమానిక విన్యాసంలో పాల్గొన్నారు.

● బీసీలకు నిజమైన సాధికారత కల్పించింది వైఎస్సార్‌ సీపీనే ● అంకెలు చూసైనా నిజాలు ఒప్పుకోవాలి ● విలేకరులతో మాజీ డిప్యూటీ సీఎం ధర్మాన కృష్ణదాస్‌ నరసన్నపేట : స్థానిక సంస్థల్లో బీసీ రిజర్వేషన్లపై మంత్రి అచ్చెన్నాయుడు చేసిన వ్యాఖ్యలు పూర్తి అవాస్తవాలని, ప్రజలను తప్పుదోవ పట్టించేలా ఉన్నాయని వైఎస్సార్‌ కాంగ్రెస్‌ పార్టీ జిల్లా అధ్యక్షుడు, మాజీ డిప్యూటీ సీఎం ధర్మాన కృష్ణదాస్‌ అన్నారు. బీసీల సంక్షేమం, రాజకీయ సాధికారితపై మాట్లాడే హక్కు టీడీపీకి లేదని స్పష్టం చేశారు. వైఎస్సార్‌ సీపీ ప్రభుత్వ హయాంలో బీసీలకు లభించిన పదవులు లెక్కలను చూస్తే ఎవరికి చిత్తశుద్ధి ఉందో స్పష్టమవుతుందని పేర్కొన్నారు. వైఎస్సార్‌ కాంగ్రెస్‌ ప్రభుత్వ హయాంలో బీసీలకు లభించిన పదవుల వివరాలను అంకెలతో సహా బుధవారం మబగాంలో విలేకరులకు వెల్లడించారు. వైఎస్సార్‌ సీపీ పాలనలో రాష్ట్ర మంత్రి వర్గంలోని 25 మంది మంత్రుల్లో 11 మందికి కేబినేట్‌ హోదాతో మంత్రి పదవులు లభించాయని చెప్పారు. వీరిలో ముగ్గురిని ఉప ముఖ్యమంత్రులుగా చేసిన ఘనత వైఎస్సార్‌ సీపీకే దక్కిందన్నారు. 13 జిల్లా పరిషత్‌ అధ్యక్షుల్లో ఏడు జెడ్పీ చైర్మన్‌ పదవులు బీసీలకే కట్టబెట్టారన్నారు. మున్సిపల్‌ కార్పొరేషన్‌ మేయరు పదవుల్లో 9 మందికి బీసీలకే ఇచ్చారని గుర్తు చేశారు. 86 మున్సిపాల్టీల్లో 45 స్థానాలకు పైగా బీసీ అభ్యర్థులకు చైర్మన్లుగా అవకాశం వచ్చిందన్నారు. ఇక రాజ్యసభ స్థానాల్లో ఏకంగా నలుగురు బీసీ వ్యక్తులను నియమించి ఎగువ సభకు పంపినట్లు తెలిపారు. నామినేటెడ్‌ కార్పొరేషన్‌ పదవుల్లో రాష్ట్ర స్థాయిలో ప్రత్యేకంగా బీసీల కోసం 56 కార్పొరేషన్లు ఏర్పాటు చేశారని గుర్తు చేశారు. సుప్రీం, హైకోర్టు ఉత్తర్వుల ప్రకారం రిజర్వేషన్లు 50 శాతానికి మించకూడదన్న చట్టబద్ధమైన నిబంధనల వల్లే నాటి ప్రభుత్వం నిర్ణయం తీసుకోవాల్సి వచ్చిందే తప్ప బీసీల పదవులు తగ్గించాలని కాదని స్పష్టం చేశారు. చట్టపరమైన ఇబ్బందులను ఎదర్కొంటూనే ప్రతి నామినేటెడ్‌ రాజకీయ పదవుల్లో 50 శాతానికి పైగా బీసీ, ఎస్సీ, ఎస్టీ, మైనారిటీలకు అవకాశాలు కల్పించిన ఏకై క నాయకుడు వైఎస్‌ జగన్‌మోహనరెడ్డి అని కృష్ణదాస్‌ స్పష్టం చేశారు. కూటమి ప్రభుత్వం ఎన్నికల ముందు ఇచ్చిన హామీలను నెరవేర్చలేక, సుప్రీం కోర్టు పరిధిలోని అంశాలను సాకుగా చూపిస్తూ వైఎస్సార్‌సీపీపై నిందలు వేయడం హాస్యాస్పదంగా ఉందన్నారు. మంత్రి అచ్చెన్నాయుడు ఇప్పటికై నా అసత్య ప్రచారాలు మానుకుని, బీసీలకు ఇచ్చిన హామీ ప్రకారం 34 శాతం రిజర్వేషన్లు తక్షణమే అమలు చేసి చిత్తశుద్ధి నిరూపించుకోవాలని డిమాండ్‌ చేశారు.

సాక్షి ప్రతినిధి, శ్రీకాకుళం: జిల్లాలో మద్యం వ్యాపారం సిండికేట్ల చేతుల్లోకి వెళ్లిపోయింది. కూటమి ప్రభుత్వం అనుసరిస్తున్న తీరుతో మందుబాబులు దోపిడీకి గురవుతున్నారు. అక్రమాలను అరికట్టాల్సిన ఎకై ్సజ్‌ శాఖ ముడుపుల మత్తులో తూగడంతో అక్రమ వ్యాపారం అప్రతిహితంగా సాగుతోంది. అక్రమాలను అరికట్టాల్సిన రక్షకులే.. భక్షకులుగా మారడంతో శ్రీకాకుళం జిల్లాలో మద్యం వ్యాపారం సరికొత్త రికార్డులను సృష్టిస్తోంది. నిబంధనలను తుంగలోకి తొక్కి, ఎంఆర్‌పీకి మించి విక్రయాలు చేపట్టి, ఇష్టారీతిన బెల్ట్‌షాపులు నడుపుతూ ఎకై ్సజ్‌ అధికారులు తమ గుప్పెట్లో వ్యక్తులుగా సిండికేట్లు చూపిస్తున్నారు. ఒకవైపు సిండికేట్లు నుంచి నెల వారీ ముడుపులు, మరోవైపు అక్రమాలకు గేట్లెత్తి, ఎంఆర్‌పీకి మించి అమ్మాలని ఒత్తిళ్లు, అమ్మకాలు పెంచేందుకు టార్గెట్లు పెట్టడంతో మద్యం అక్రమ బాగోతం బ్రేకుల్లేని వాహనంలా ముందుకు సాగిపోతోంది. విచ్చలవిడిగా బెల్ట్‌షాపులు.. ప్రతి ప్రధాన వైన్‌షాపు పరిధిలో వందల కొద్దీ బెల్ట్‌షాపులు పుట్టుకొస్తున్నాయి. కిరాణా కొట్టు, టీ బంకు, ఆఖరికి పాన్‌ షాపుల్లోనూ మద్యం ఏరులై పారుతోంది. బెల్ట్‌షాపుల ఏర్పాటుకు ఎకై ్సజ్‌ అధికారులే స్వయంగా సహకరిస్తున్నారనే ఆరోపణలు వెల్లువెత్తుతున్నాయి. సమాంతర మద్యం సామ్రాజ్యం నడవడానికి వెనక భారీ ఎత్తున ‘మూమూళ్ల’ పంపిణీ జరుగుతున్నట్టు తెలుస్తోంది. క్షేత్రస్థాయి సిబ్బంది నుంచి అధికారుల వరకు నెలవారీగా భారీ మొత్తంలో ముడుపులు అందుతుండటం వల్లే ఎమ్మార్పీకి మించి విక్రయాలు, బెల్ట్‌షాపులు యథేచ్ఛగా కొనసాగుతున్నట్టు రుజువవు తోంది. ప్రజారోగ్యం గాలికి.. ప్రజల ఆరోగ్యం, శాంతిభద్రతల కంటే ప్రభుత్వానికి ఆదాయం పెంచడం, ఎకై ్సజ్‌ శాఖకు టార్గెట్ల్‌ రీచ్‌ అవ్వడమే ముఖ్యం అన్నట్టుగా వ్యవహరిస్తున్నారు. విక్రయాలు ఎంత పెరిగితే, కమీషన్లు అంతగా పెరుగుతాయనే వ్యాపార సూత్రాన్ని ఇక్కడ పక్కాగా అమలు చేస్తున్నారు. శ్రీకాకుళం, ఎచ్చెర్ల నియోజకవర్గంలోని పలు ప్రాంతాల్లో వ్యాపార పోటీ దృష్ట్యా ఎంఆర్‌పీకి మించి కొందరు వ్యాపారులు విక్రయించకపోవడంతో వారిపై కూడా సిండికేట్‌ చెప్పినట్టు నడుచుకోవాలని ఒత్తిళ్లు చేయడం ప్రాధాన్యత సంతరించుకుంది. మీరు డబ్బులు తినండి.. మాకు కొంత పెట్టండి అన్నట్టు ప్రధాన వైన్‌షాపుల యజమానులను ప్రోత్సహించడం చర్చనీయాంశంగా మారింది. ఇప్పటికే ప్రధాన వైన్‌షాపుల నుంచి బెల్ట్‌షాపులకు మద్యం నేరుగా పంపిణీ అవుతోంది. ఇంటింటికి పంపిణీ చేసినట్టు మద్యం షాపులే బెల్ట్‌షాపులకు మద్యం సరఫరా చేస్తున్నాయి. ఇదంతా ఎకై ్సజ్‌ శాఖ కనుసన్నల్లోనే నడుస్తోంది. ఏ షాపు పరిధిలో బెల్ట్‌షాపులు ఆ షాపునకు చెందిన మద్యమే తెచ్చుకోవాలని, బయట నుంచి తీసుకొచ్చి అమ్మితే చర్యలు ఉంటాయని పరోక్షంగా బెదిరించిన సంఘటనలు కూడా ఉన్నాయి. ఆ స్థాయిలో బెల్ట్‌షాపులను ప్రోత్సహిస్తున్న పరిస్థితులు ఉన్నాయి. జిల్లాలో సాగుతున్న ఈ నయా మద్యం దందాకు అడ్డూఅదుపూలేకుండా పోతోంది. సందట్లో సడేమియాగా కల్తీ మద్యం కూడా సరఫరా అవుతోంది. ఇప్పటికే ఈ విషయం పలుచోట్ల వెలుగు చూసింది. ఇచ్ఛాపురం, పలాస దగ్గరి నుంచి ఆమదాలవలస, ఎచ్చెర్ల వరకు కల్తీ దందా నడుస్తోంది. ఈ మొత్తం దందా ఎలా సాగుతోంది? జిల్లాలో సిండికేట్‌పై పెత్తనం ఎవరిది? సూత్రధారులు ఎవరు? అధికారుల్లో ఎవరి పాత్ర ఎంత? నెలవారీగా ఎవరికెంత ముడుపులు అందుతున్నాయి? నేతలకు ముడుతున్నదెంత? అన్న వివరాలను మరో కథనంలో స్పృశిద్దాం. అమలుకాని ఎంఆర్‌పీ.. ప్రభుత్వం నిర్ణయించిన గరిష్ట విక్రయ ధర(ఎంఆర్‌పీ) జిల్లాలో ఎక్కడా అమలు కావడం లేదు. ప్రతి క్వార్టర్‌ బాటిల్‌పైనా రూ.20 నుంచి రూ.50 వరకు అదనంగా విక్రయిస్తున్నారు. లీజు షాపు దగ్గరి నుంచి బెల్ట్‌షాపు వరకు దోపిడీ జరుగుతోంది. ఇచ్ఛాపురం నుంచి రణస్థలం వరకు దందా సాగుతోంది. అక్రమ వసూళ్లను అడ్డుకోవాల్సిన ఎకై ్సజ్‌ సిబ్బంది, సిండికేట్లకు వత్తాసు పలుకుతూ దోపిడీని మరింత ప్రోత్సహిస్తున్నారు. జిల్లాలో ఎంఆర్‌పీ కంటే అధికంగా విక్రయాలు మందుబాబుల జేబులకు చిల్లు ఎకై ్సజ్‌ అండతో దోపిడీకి పచ్చజెండా బెల్ట్‌షాపులకు డైరెక్షన్‌

● జేసీ ఫర్మాన్‌ అహ్మద్‌ ఖాన్‌ ఆమదాలవలస రూరల్‌: భూ రీసర్వేకు సంబంధించి రైతులకు అన్యాయం జరగకుండా చూడాలని జేసీ ఫర్మాన్‌ అహ్మద్‌ ఖాన్‌ అధికారులను ఆదేశించారు. మండలంలోని కలివరం గ్రామంలో పంట పొలాలను బుధవారం ఆయన పరిశీలించారు. ఈ సందర్భంగా మాట్లాడుతూ భూసర్వేకు సంబంధించి రైతులకు ఎటువంటి ఇబ్బందులు కలగకుండా తగిన చర్యలు తీసుకోవాలన్నారు. అనంతరం సాగునీటి సమస్య, ఎరువుల కొరత తదితర అంశాలపై రైతులను అడిగి తెలుసుకున్నారు. నారాయణపురం ఎడమ కాలువ ద్వారా తగిన సాగునీరు అందకపోవడంతో అనేక ఇబ్బందులు పడుతున్నామని రైతులు మొరపెట్టుకున్నారు. దీంతో నీటిపారుదల శాఖ అధికారులపై జేసీ ఆగ్రహం వ్యక్తం చేశారు. తదుపరి తహసీల్దార్‌ కార్యాలయానికి చేరుకొని పలు రికార్డులను పరిశీలించారు. కార్యక్రమంలో మండల తహసీల్దార్‌ బి.సత్యం, వ్యవసాయశాఖ అధికారి మెట్ట మోహనరావు, మండల సర్వేయర్‌ బొడ్డేపల్లి గోపి, మండల రీసర్వే ఉప తహసీల్దార్‌ పప్పల గోవిందరావు తదితరులు పాల్గొన్నారు.

సర్కారు డప్పు మోసం కాదా.. మాకు 5000 కాదు రూ.10000 జీతం ఇస్తామని హామీ ఇచ్చిన కూటమి నాయకులు అధికారంలోకి వచ్చాక మోసం చేశారు. గత ప్రభుత్వంలో ప్రజలకు ఎన్నో సేవలను అందించాం. మమ్మల్ని గుర్తించకుండా కూటమి ప్రభుత్వం ఇప్పుడు ప్రచారం కోసం ఇన్‌ఫ్లూయెర్స్‌కు డబ్బులు చెల్లించడం బాధాకరం. – ఢిల్లీ ప్రధాన్‌, మాజీ వలంటీర్‌, మెళియాపుట్టి ఎగతాళి చేశారు.. అధికారంలోకి వస్తే వలంటీర్లకు రూ.10 వేలు గౌరవ వేతనం చెల్లిస్తామని చెప్పారు. తర్వాత మాట తప్పారు. మేం నేరుగా ప్రభుత్వ పథకాలను ప్రజల వద్దకు తీసుకెళ్తే ఎగతాళి చేశారు. ఇప్పుడు డబ్బులు పంచి సోషల్‌ మీడియా ప్రతినిధులకు ఎలా ప్రభుత్వ ధనాన్ని పంచిపెడతారు? – పోళ్ల అనిత, మాజీ వలంటీర్‌, శ్రీకాకుళం రూరల్‌

అరసవల్లి: పీఎం సూర్యఘర్‌ పథకంపై వినియోగదారులకు అవగాహన కల్పించేందుకు స్థానిక విద్యుత్‌ సర్కిల్‌ కార్యాలయం వద్ద బుధవారం సేవ సేతు క్యాంపు నిర్వహించారు. ఈ సందర్భంగా స్థానిక ఎమ్మెల్యే గొండు శంకర్‌ మాట్లాడుతూ.. గృహ విద్యుత్‌ వినియోగదారులు సోలార్‌ విద్యుత్‌ కనెక్షన్‌ వినియోగిస్తే.. విద్యుత్‌ వినియోగ బిల్లు జీరో వస్తుందన్నారు. అందుకే వినియోగదారులు సోలార్‌ విద్యుత్‌ను వినియోగించుకోవాలని సూచించారు. సర్కిల్‌ ఎస్‌ఈ జీఎన్‌ ప్రసాద్‌ మాట్లాడుతూ సేవసేతు ప్రమోషన్‌లో భాగంగా జిల్లాలో గత నెల 17 నుంచి అన్ని విద్యుత్‌ సబ్‌ డివిజనల్‌ కార్యాలయాల వద్ద ప్రత్యేక కౌంటర్లు నిర్వహిస్తున్నామన్నారు. వీటిని ఈనెల 17 వరకు అందుబాటులో ఉంచుతామని.. ఆసక్తి ఉన్నవారు సంప్రదించాలని కోరారు. అంతకుముందు సేవసేతు ప్రమోషన్‌ ర్యాలీ చేపట్టారు. కార్యక్రమంలో టెక్నికల్‌ ఈఈ బయ్యన్నాయుడు, ఆపరేషన్స్‌ ఈఈ పైడి యోగేశ్వరరావు, విష్ణుమూర్తి, డిప్యూటీ ఈఈ చల్లా వెంకటేశ్వరరావు, ఏఈలు సురేష్‌కుమార్‌, జయరాం, కమల్‌హాసన్‌ తదితరులు పాల్గొన్నారు.

● ముక్తకంఠంతో నినదించిన మూడు గ్రామాల ప్రజలు కాశీబుగ్గ : తమ పంచాయతీ పరిధిలో ఇకపై మద్యం దుకాణాలు నడపరాదంటూ పలాస మండలం గురుదాసుపురం పంచాయతీకి చెందిన గురుదాసుపురం, కొబ్బరిచెట్టూరు, చిన్నమామిడిమెట్టు గ్రామస్తులు ముక్తకంఠంతో నినదించారు. గ్రామ కూడళ్ల వద్ద బెల్ట్‌ షాపులు, ప్రభుత్వ మద్యం దుకాణాలను ఇకపై నడపడానికి వీల్లేందంటూ ఆయా గ్రామాలకు చెందిన యువత, మహిళలు స్పష్టం చేశారు. ఈ మేరకు బుధవారం కాశీబుగ్గ ఎకై ్సజ్‌ ఇన్‌స్పెక్టర్‌ కె.మల్లికార్జునరావుకు వినతిపత్రం అందజేశారు. భయాందోళనలతో బడికి.. చిన్న గురుదాసుపురం గ్రామానికి సుమారు కిలోమీటర్‌ దూరంలో జిల్లా పరిషత్‌ ఉన్నత పాఠశాల ఉంది. ఈ పాఠశాలకు ప్రధాన రహదారి మీదుగా సుమారు ఎనిమిది ఊళ్లకు చెందిన విద్యార్థులు రాకపోకలు సాగిస్తున్నారు. ఈ ప్రాంతంలో మద్యం దుకాణాలు ఏర్పాటు చేయడం వల్ల విద్యార్థులు భయాందోళనలకు లోనవుతున్నారు. అధికారులు స్పందించి చిన్న గురుదాసుపురం జంక్షన్‌తో పాటు పరిసర ప్రాంతాల్లో మద్యం దుకాణాలు ఏర్పాటు చేయకుండా చర్యలు తీసుకోవాలని గ్రామస్తులు కోరారు. కార్యక్రమంలో గ్రామ కమిటీ అధ్యక్షులు, కార్యదర్శి కే.తేజేశ్వరరావు, జి.దేవదాస్‌, పాతిని జానకిరావు, జినగ శ్రీధర్‌, డొక్కరి మాధవరావు, జె.వినోద్‌, జె.సుధీర్‌, ఎం.వినోద్‌ కుమార్‌ పాల్గొన్నారు. నేడు మద్యం దుకాణాల లాటరీ శ్రీకాకుళం క్రైమ్‌ : జిల్లాలో మిగిలిన 39 మద్యం షాపులకు ఏడాదిపాటు లైసెన్సు మంజూరు కోసం గురువారం లాటరీ తీస్తామని జిల్లా ఎౖకై ్సజ్‌ అండ్‌ ప్రొహిబిషన్‌ సూపరింటెండెంట్‌ సీహెచ్‌ తిరుపతినాయుడు తెలిపారు. శ్రీకాకుళం ఆర్ట్స్‌ కళాశాల మార్గంలోని అంబేడ్కర్‌ ఆడిటోరియంలో కలెక్టర్‌ స్వప్నిల్‌ దినకర్‌ పుండ్కర్‌ సమక్షంలో లాటరీ ప్రక్రియ ద్వారా లైసెన్సుదారులను ఎంపిక చేస్తామని పేర్కొన్నారు. దరఖాస్తుదారులు ఉదయం 8 గంటల్లోగా చేరుకోవాలన్నారు.

శ్రీకాకుళం: జిల్లాలోని వైద్యారోగ్య కాంట్రాక్ట్‌ ఉద్యోగులు బుధవారం నుంచి ఎమర్జెన్సీ సేవలను సైతం బహిష్కరించారు. వీరు మంగళవారం నుంచి ఆందోళన బాట పట్టిన విషయం తెలిసిందే. ప్రభుత్వం ఎటువంటి చర్యలు తీసుకోకపోవడంతో ఆందోళనను ఉధృతం చేస్తూ రెండోరోజున ఎమర్జెన్సీ సేవలను సైతం బహిష్కరించారు. వీరంతా రిమ్స్‌ వైద్య కళాశాల ఆవరణలో ధర్నాను నిర్వహించారు. వీరి ఆందోళనకు పెన్షనర్ల సంఘం రాష్ట్ర కన్వీనర్‌ చౌదరి పురుషోత్తంనాయుడు, ఎన్జీవోల సంఘం రాష్ట్ర ఉపాధ్యక్షుడు రాయి వేణుగోపాల్‌, జిల్లా కార్యదర్శి చల్లా శ్రీనివాసరావులు సంఘీభావం తెలిపారు. ఈ సందర్భంగా సంఘీభావం తెలిపిన వీరంతా మాట్లాడుతూ కాంట్రాక్టు ఉద్యోగుల న్యాయమైన డిమాండ్లను పరిష్కరించాలని ప్రభుత్వానికి విజ్ఞప్తి చేశారు. కార్యక్రమంలో వైద్యారోగ్య కాంట్రాక్ట్‌ ఉద్యోగుల జేఏసీ నాయకురాలు వేదవతి, జిల్లా నాయకుడు అశోక్‌ తదితరులు పాల్గొన్నారు. మరోవైపు కాంట్రాక్ట్‌ ఉద్యోగులు ఆందోళన బాటపట్టడంతో రోగులు పడుతున్న అవస్థలు వర్ణనాతీతంగా ఉన్నాయి. ఓపీ రిజిస్ట్రేషన్‌ కోసం గంటల తరబడి నిరీక్షించాల్సి వస్తోందని రోగులు ఆవేదన వ్యక్తం చేస్తున్నారు. కాగా ఆందోళన చేస్తున్న ఉద్యోగులను భయపెట్టి విరమింపజేసేలా ప్రభుత్వం యోచిస్తోంది. దీనిలో భాగంగా ఆందోళనకు నాయకత్వం వహిస్తున్న వేదవతి, వెంకటరమణలకు తొలుత షోకాజ్‌ నోటీసులు జారీ చేసింది.

వమరవెల్లి గ్రామానికి చెందిన ఏ.వి.జగన్మోహనరావు వాయుసేనలో సార్జంట్‌ విధులు నిర్వర్తించారు. 18 ఏళ్లు సేవలు అందించాక 1983లో పదవీ విరమణ చేశారు. అనంతరం భారతీయ స్టేట్‌ బ్యాంక్‌లో సీనియర్‌ అసిస్టెంట్‌గా 22 ఏళ్లు పనిచేసి 2005లో పదవీ విరమణ చేసి ప్రస్తుతం శ్రీకాకుళంలో నివాసం ఉంటున్నారు. ఎయిర్‌ఫోర్స్‌లో టెక్నికల్‌ గ్రేడ్‌–1 గా ఎయిర్‌క్రాఫ్ట్‌లో ఎక్కువకాలం పనిచేశారు. జీఎన్‌ఏటీ ఫైటర్‌ జెట్‌, ఏ748, విమానం(వీఐపీ), చేతక్‌ హెలికాఫ్టర్‌లో ట్రైనింగ్‌ పొందారు. 1971 యుద్ధంలో ప్రత్యక్షంగా పాల్గొన్నారు.

జిల్లా మాజీ సైనికుల సంక్షేమ సంఘంలో చురుగ్గా పాల్గొంటున్న డాక్టర్‌ బొంతు ఈశ్వరప్రసాద్‌ 1985లో భారత వైమానిక దళంలో మెడికల్‌ అసిస్టెంట్‌గా చేరారు. ఆపరేషన్‌ రెడ్‌ అలర్ట్‌ సమయంలో పాకిస్తాన్‌ సరిహద్దులో ఎడారి ప్రాంతాల్లో విధులు నిర్వహించి సైనికులకు వైద్య సేవలు అందించారు. తీవ్రంగా గాయపడిన సైనికులను హెలికాప్టర్ల ద్వారా ప్రధాన సైనిక ఆస్పత్రులకు తరలించడంలో కీలకపాత్ర పోషించారు. గోరఖ్‌పూర్‌ మిలిటరీ ఆసుపత్రిలో పనిచేస్తూ భారత సైనికులతో పాటు నేపాల్‌ ఆర్మీ సిబ్బందికి కూడా ప్రాణాపాయ పరిస్థితుల్లో చికిత్స అందించారు.

నరసన్నపేట: న్యూ చండీఘడ్‌లో ఈనెల 11వ తేదీ నుంచి నిర్వహించనున్న అండర్‌–16 ఇంటర్నేషనల్‌ క్రికెట్‌ టోర్నమెంట్‌కు రాష్ట్ర జట్టును క్రికెట్‌ అసోసియేషన్‌ ప్రకటించింది. దీంట్లో నరసన్నపేట క్రికెట్‌ సబ్‌ సెంటర్‌కు చెందిన శిమ్మ సాత్విక్‌కు స్థానం లభించింది. ఇప్పటికే పలు మ్యాచ్‌ల్లో సాత్విక్‌ ఆల్‌ రౌండ్‌ ప్రతిభ కనబర్చాడు. రాష్ట్ర క్రికెట్‌ జట్టులో తనకు స్థానం లభించడంపై సాత్విక్‌ హర్షం వ్యక్తం చేశాడు. కాగా బుధవారం సాత్విక్‌ విజయనగరం చేరుకొని అక్కడ నుంచి న్యూ చండీఘడ్‌కు పయనమవ్వనున్నాడు. సాత్విక్‌ను స్థానిక వైఎంసీఏ ప్రతినిధి గొద్దు చిట్టిబాబు, సబ్‌ సెంటర్‌ కోచ్‌ శ్రీనివాస్‌లు అభినందించారు. ఆర్మీ జవాన్‌కు ఘన సన్మానం సంతబొమ్మాళి: భారత సైన్యంలో 24 ఏళ్లపాటు సేవలందించి ఉద్యోగ విరమణ పొంది సొంత గ్రామం కాపుగోదాయవలస విచ్చేసిన జవాన్‌ వాడరేవు రాజు(హవల్దార్‌)ను గ్రామస్తులు బుధవారం ఘనంగా సన్మానించారు. రాజకీయాలకు అతీతంగా గ్రామంలోని హెల్పింగ్‌ హ్యాండ్స్‌ గ్రూప్‌ సభ్యులు, గ్రామ పెద్దలు, గ్రామస్తులు ఘనంగా స్వాగతం పలికారు. కార్యక్రమంలో మాజీ సర్పంచ్‌ అంగ లక్ష్మి జనార్దన్‌ తదితరులు పాల్గొన్నారు. పనులు నిలుపుదల చేయండి జి.సిగడాం: మండలంలోని పున్నాం పంచాయతీలో మైనింగ్‌ పేరుతో వేదంతా గ్రూపు సంస్థ సిబ్బంది లేనిపోని సర్వేలు చేస్తుండడం వలన ప్రజలంతా భయాందోళనకు గురవుతున్నారని, తక్షణమే వేదంతా కంపెనీ ఎటువంటి పనులు జరపకుండా చర్యలు తీసుకోవాలని పంచాయతీ పరిధిలోని బూటుపేట, ఎల్లయ్యపేట, ఉల్లివలస, డీఆర్‌వలస గ్రామస్తులు కోరారు. ఈ మేరకు ఎచ్చెర్ల ఎమ్మెల్యే నుడకుదిటి ఈశ్వరరావు, విజయనగరం ఎంపీ కలిశెట్టి అప్పలనాయుడులను బుధవారం కలిసి వినతిపత్రాలు అందించారు. తాము వ్యవసాయం చేసుకుంటూ జీవనం సాగిస్తున్నామని, ఆ భూమి పోతే ఎలా జీవించాలని ఆవేదన వ్యక్తం చేశారు. ఇప్పటికే కలెక్టర్‌కు కూడా వినతిపత్రం అందించామన్నారు. అగ్ని ప్రమాదంలో షాపు దగ్ధం సంతబొమ్మాళి: మండలంలోని నౌపడ గ్రామంలో బుధవారం జరిగిన అగ్ని ప్రమాదంలో దివ్యాంగుడు కర్రి నాగరాజుకు చెందిన షాపు దగ్ధమై సుమారు రూ.2 లక్షల మేర నష్టం సంభవించింది. ప్రమాదంలో ఆయన దాచుకున్న నగదుతో పాటు బడ్డీలోని సామగ్రి పూర్తిగా కాలిపోయింది. వివరాల్లోకి వెళ్తే.. ఒంటరిగా జీవిస్తున్న కర్రి నాగరాజు ఇంటి వద్దనే షాపు ఏర్పాటు చేసుకున్నాడు. అయితే బుధవారం జరిగిన అగ్ని ప్రమాదంలో షాపులోని సామగ్రితో పాటు తాను దాచుకున్న రూ.1.20 లక్షల నగదు అగ్నికి ఆహుతైంది. దీంతో దాదాపు రూ.2 లక్షల మేర నష్టం జరిగిందని కన్నీరుమున్నీరు అవుతున్నాడు. ప్రభుత్వం తనను ఆదుకోవాలని కోరుతున్నాడు. విషయం తెలుసుకున్న పంచాయతీ కార్యదర్శి ఉమాపతి, వీఆర్వో జోగారావు సంఘటనా స్థలాన్ని పరిశీలించి వివరాలు సేకరించారు. 37 గొర్రెలు, మేకలు మాయం మందస: మండలంలోని బాలాజీపురం గ్రామంలో దొంగలు బుధవారం వేకువజామున 37 గొర్రెలు, మేకలు ఎత్తుకుపోయారు. గ్రామానికి చెందిన తనగాన బాలరాజు తన ఇంటి దగ్గరలోని పశువుశాలలో మంగళవారం సాయంత్రం మేకలు, గొర్రెలు ఉంచి తన ఇంటికి వెళ్లాడు. పశువుల శాల చుట్టూ ఇనుప కంచి వేసి జీవాలను ఉంచారు. అయితే బుధవారం ఉదయం లేచి చూసేసరికి మందలో 37 మేకలు, గొర్రెలు కనిపించకపోయే సరికి బాలరాజు కన్నీటి పర్యంతమయ్యాడు. ఈ మేరకు స్థానిక పోలీస్‌స్టేషన్‌కు వెళ్లి ఫిర్యాదు చేశాడు. పోలీసులు కేసు నమోదు చేసి దర్యాప్తు చేస్తున్నారు. దరఖాస్తులు ఆహ్వానం శ్రీకాకుళం రూరల్‌: ఏపీ స్టేట్‌ ఎలైడ్‌ అండ్‌ హెల్త్‌కేర్‌ ప్రొఫెషన్స్‌ కౌన్సిల్‌ సెక్రటరీ వారు డిప్లమో ఎలైడ్‌ హెల్త్‌కేర్‌ కోర్సులకు దరఖాస్తులను ఆహ్వానిస్తున్నట్లు బొల్లినేని మెడిస్కిల్స్‌ ఎగ్జిక్యూటివ్‌ డైరక్టర్‌ సీహెచ్‌ నాగేశ్వ్‌రరావు బుధవారం ఒక ప్రకటనలో తెలిపారు. ఇంటర్‌ పూర్తి చేసిన విద్యార్థులు ఈనెల 14వ తేదీ వరకు దరఖాస్తులు చేసుకోవచ్చునన్నారు. ఈ కోర్సు పూర్తి చేసిన వారికి ఉద్యోగ అవకాశాలు వస్తాయన్నారు. మరిన్ని వివరాలకు 76809 45357, 79950 13422 నంబర్లను సంప్రదించాలన్నారు.

కంచిలి: కంచిలి మండలం శాసనాం–సోంపేట మండలం శారదాపురం గ్రామాల మధ్యలో రామకృష్ణాపురం గ్రామానికి చెందిన సవర వెంకటరావు(25) యువకుడు అనుమానాస్పద స్థితిలో మృతిచెందాడు. ఈ విషయం మంగళవారం రాత్రి బయటపడింది. యువకుడు ద్విచక్ర వాహనం కంచిలి మండలం నువాగడ ప్రాంతంలో పార్కింగ్‌ చేసి ఉండటంతో ఏం జరిగిందో తెలియని పరిస్థితి నెలకొంది. ముగ్గురు స్నేహితులతో కలిసి వేటకు వెళ్లి అక్కడ వన్యమృగాలకోసం ఏర్పాటు చేసిన విద్యుత్‌ వైర్లను తాకడంతో షాక్‌కు గురై మృతిచెంది ఉంటాడని స్థానికులు భావిస్తున్నారు. అయితే, మృతదేహం ఒకచోట, బైక్‌ మరోచోట ఉండటం మిస్టరీగా మారింది. కంచిలి ఎస్‌ఐ పి.పారినాయుడు కేసు నమోదు చేశారు.

శ్రీకాకుళం : రాష్ట్ర ప్రభుత్వం డిస్ట్రిక్ట్‌ సెలక్షన్‌ కమిటీ ద్వారా ఎంపిక చేసిన కాంట్రాక్ట్‌ ఉద్యోగులను తక్షణం రెగ్యులర్‌ చేయాలని శ్రీకాకుళం ఉద్యోగ సంఘాల జేఏసీ చైర్మన్‌ హనుమంతు సాయిరాం డిమాండ్‌ చేశారు. రిమ్స్‌ ఆసుపత్రిలో కాంట్రాక్ట్‌ ఉద్యోగులు మంగళవారం విధులను బహిష్కరించి వైద్య కళాశాల ఆవరణలో ధర్నా నిర్వహించారు. వీరికి సంఘీభావం తెలిపిన సాయిరాం మాట్లాడుతూ సమస్యలు పరిష్కరించకపోతే ఆందోళనబాట పడతామని హెచ్చరిస్తున్నా ప్రభుత్వం కాంట్రాక్ట్‌ ఉద్యోగుల విషయంలో నిర్లక్ష్యంగా వ్యవహరించిందని, అందుకే వారంతా రోడ్డు ఎక్కాల్సిన పరిస్థితి ఏర్పడిందన్నారు. మెడికల్‌ అండ్‌ హెల్త్‌ కాంట్రాక్ట్‌ ఎంప్లాయీస్‌ జాయింట్‌ యాక్షన్‌ కమిటీ జిల్లా అధ్యక్షురాలు వేదవతి లక్ష్మీబాయి మాట్లాడుతూ ప్రభుత్వం మూడుసార్లు రాష్ట్ర నాయకులతో చర్చలు జరిపిందని, ప్రతిసారి ఆర్థికపరమైన విషయాలు మాట్లాడవద్దని చెప్పడం సరికాదన్నారు. జేఏసీ జిల్లా నాయకుడు అశోక్‌ మాట్లాడుతూ రిమ్స్‌ రోగులు ఇబ్బందులు కలగకూడదన్న ఉద్దేశంతో ఎమర్జెన్సీ సేవలకు హాజరవుతున్నామని, ప్రభుత్వం ఇదే మొండివైఖరిని అవలంబిస్తే ఎమర్జెన్సీ సేవలను సైతం బహిష్కరిస్తామని స్పష్టం చేశారు. నిరసన కార్యక్రమంలో మెడికల్‌ అండ్‌ హెల్త్‌ కాంట్రాక్ట్‌ ఉద్యోగుల జేఏసీ నాయకులతో పాటు 500 మందికిపైగా ఉద్యోగులు పాల్గొన్నారు రోగులకు అవస్థలు.. కాంట్రాక్ట్‌ ఉద్యోగులంతా ఆందోళన బాట పట్టడంతో రిమ్స్‌క వచ్చిన రోగులు తీవ్ర ఇబ్బందులు పడ్డారు. ఓపీ సేవల దగ్గర నుంచి పరీక్షలు జరిపే వరకు ఇబ్బందులు పడాల్సి వచ్చింది. కొందరు రోగులు నిరీక్షించలేక ప్రైవేట్‌ ఆస్పత్రుల బాట పట్టారు. వార్డుల్లో కూడా ఇన్‌పేషెంట్లకు ఇబ్బందులు ఎదురయ్యాయి.

● తల్లీబిడ్డ మృతి ● చికిత్స పొందుతున్న మరొక చిన్నారి ఇద్దరు బిడ్డలకు గడ్డి మందు తాగించి తానూ ఆత్మహత్యాయత్నానికి పాల్పడిన తల్లిఎచ్చెర్ల: చిలకపాలెం కన్నీరు పెట్టింది. ఓ తల్లి తన బిడ్డల పాలిట రాసిన మరణ శాసనం ఊరిని ఉలిక్కిపడేలా చేసింది. మతిస్థిమితం సరిగా లేని కారణంగా అమ్మ చేసిన పని బిడ్డ ఉసురు తీసింది. స్థానికులు, పోలీసులు తెలిపిన వివరాల్లోకి వెళితే.. మండలంలోని చిలకపాలెం గ్రామానికి చెందిన తొణంగా మీన (శారద) (29), జగదీష్‌ దంపతులు. వీరికి ఏడు నెలల వయసు గల కులదీప్‌, మూడేళ్ల వయసు గల గాయత్రి అనే ఇద్దరు బిడ్డలు ఉన్నారు. మీన చాలాకాలంగా మానసికంగా ఇబ్బంది పడుతోంది. కలలు రావడం, నిద్ర పట్టకపోవడం, తనకు ఏదో జరిగిపోతోందని భ్రమపడడం వంటి సమస్యలతో సతమతమవుతోంది. ఇదే విషయాన్ని కుటుంబ సభ్యులకు చెబితే ఓ ఆర్‌ఎంపీ వద్ద కు తీసుకెళ్లి చూపించారు. కానీ ఆమె సమస్య మాత్రం పరిష్కారం కాలేదు. మంగళవారం వేకువజామున ఆమె ఈ మానసిక వేదన తట్టుకోలేక ఇంటిలో ఉన్న గడ్డి మందు తాగేయడంతో పాటు ఇద్దరు బిడ్డలకు కూడా ఇచ్చేశారు. గమనించిన కుటుంబ సభ్యులు వెంటనే వారిని శ్రీకాకుళం రిమ్స్‌కు తరలించారు. కానీ ముందు బాబు కులదీప్‌ ఊపిరి వదిలేయగా.. తర్వాత 4 గంటల సమయంలో తల్లి మీన కూడా మృతి చెందారు. పాప గాయత్రి చికిత్స పొందుతోంది. ఎచ్చెర్ల పోలీసులు కేసు నమోదు చేసి దర్యాప్తు చేస్తున్నారు. మృతురాలి స్వగ్రామం హిరమండలం వద్ద కొండ రాగోలు. మృతి చెందిన తల్లీబిడ్డలు మీన, కులదీప్‌

అరసవల్లి: విలేజ్‌ హెల్త్‌ క్లినిక్‌ల ద్వారా గ్రామీణ ప్రజలకు మరింత మెరుగైన వైద్యం అందించే అవకాశాలున్నాయని కలెక్టర్‌ స్వప్నిల్‌ దినకర్‌ పుండ్కర్‌ అన్నారు. జిల్లా పరిషత్‌ సమావేశ మందిరంలో మంగళవారం విలేజి హెల్త్‌ క్లినిక్‌ల రాష్ట్ర వ్యాప్త వర్చువల్‌ ప్రారంభోత్సవ కార్యక్రమంలో ఆయన మాట్లాడారు. 24 జిల్లాల్లో 267 విలేజి హెల్త్‌ క్లినిక్‌లను రాష్ట్ర వైద్య శాఖామంత్రి సత్యకుమార్‌ వర్చువల్‌గా ప్రారంభించిన సందర్భంగా నిర్వహించిన ప్రత్యేక కార్యక్రమంలో జి.సిగడాం మండలం శేతు భీమవరం, సారవకోట మండలం కిన్నెరవాడ, గార మండలం చల్లపేట, శ్రీకూర్మం–2, ఎస్‌.మత్స్యలేశం, నరసన్నపేట పట్టణం–3లో ఎన్‌ఆర్‌ఈజీఎస్‌ నిధులతో పాటు ఎన్‌హెచ్‌ఎం నిధులతో పంచాయతీరాజ్‌ ఇంజినీరింగ్‌ అధికారులచే నిర్మాణాలు పూర్తి చేసుకుని ప్రజలకు అందుబాటులోకి వచ్చాయని వివరించారు. కార్యక్రమంలో ఎమ్మెల్యేలు గొండు శంకర్‌, బగ్గు రమణమూర్తి, డీఎంహెచ్‌వో డాక్టర్‌ నరేష్‌కుమార్‌ తదితరులు పాల్గొన్నారు.

శ్రీకాకుళం రూరల్‌ : వాళ్లేమీ శత్రువులు కారు.. ప్రాణాలు తీసేంత వైరమేమీ లేదు.. కానీ మద్యం మత్తు వారిని బద్ద విరోధుల్లా మార్చేసింది. ఒంటిని కమ్మేసిన నిషా ఒకరిని హంతకుడిగా మార్చగా.. మరొకరి ప్రాణాలను బలికొంది. ఓ చిన్న సంభాషణ గొడవకు దారి తీయడం.. తాగిన మైకంలో తగాదాకు దిగడం.. ఆ గొడవలో ఒకరు మృతి చెందడంతో శ్రీకాకుళం రూరల్‌ మండల పరిధిలోని వప్పంగి వణికిపోయింది. వివరాల్లోకి వెళితే.. గార మండలం శిమ్మపేటకు చెందిన శిమ్మ మోహనరావు (46) షీట్‌ సెంట్రింగ్‌ మేసీ్త్రగా పనిచేస్తున్నాడు. సోమవారం రాత్రి 7 గంటల సమయంలో వప్పంగి పరిధిలో గల వైన్‌షాపు వద్దకు వెళ్లాడు. అక్కడ మద్యం తాగాక వప్పంగి ప్రధాన రహదారిలో గల ఫాస్ట్‌పుడ్‌ సెంటర్‌కు వెళ్లాడు. అక్కడ ఇద్దరు వ్యక్తులు వారి ద్విచక్ర వాహనంపై కూర్చుని ఫోన్‌లో మాట్లాడుతున్నారు. ఈలోగా మోహనరావు అక్కడకు వచ్చి కాస్త మెల్లగా మాట్లాడండిరా.. అని గట్టిగా చెప్పడంతో ఇరువురి మధ్య వాగ్వాదం జరిగింది. అక్కడే ఉన్న స్థానికులు సర్ది చెప్పి పంపించేశారు. ఆ ఇద్దరు కూడా మద్యం సేవించినట్లు సమాచారం. ఈ క్రమంలో రాత్రి 9 గంటల సమయంలో వప్పంగి నుంచి మోహనరావు తన ఇంటికి వెళ్తుండగా అంతకు ముందు ఆయనతో వాగ్వాదానికి దిగిన వప్పంగికి చెందిన నీలప్పడు, రాయగడకు చెందిన ప్రవీణ్‌లు ఆయనను వెంబడించారు. వప్పంగి పరిధిలో గల ఓ మిల్లు జంక్షన్‌ వద్ద మోహనరావును ఆపి ముఖం, గుండైపె పిడిగుద్దులు కురిపించారు. దీంతో మోహనరావు అక్కడే అమాంతం కుప్పకూలిపోయారు. తలకు బలమైన గాయం కావడంతో మోహనరావుతో ఉన్న శిమ్మ శ్రీనుతో పాటు మరో వ్యక్తి కలిసి 108లో రిమ్స్‌కు తరలించా రు. కానీ దారిలోనే మోహనరావు మృతి చెందాడు. మృతుడికి భార్య ముగ్గురు పిల్లలు ఉన్నారు. భార్య లక్ష్మి ఇచ్చిన ఫిర్యాదు మేరకు సీఐ పైడపు నాయుడు కేసు నమోదు చేశారు. సీసీ పుటేజ్‌ ఆధారంగా దర్యాప్తు రూరల్‌ పోలీసులకు మంగళవారం ఉదయం స్థానికంగా మద్యం షాపు వద్ద, రైస్‌మిల్లు వద్ద లభించిన సీసీ ఫుటేజ్‌లను పరిశీలించారు. వాటి ఆధారంగా ఇద్దరు అనుమానితులను అదుపులోకి తీసుకొని దర్యాప్తు చేస్తున్నారు. మద్యం మత్తులో దాడి అక్కడికక్కడే వ్యక్తి మృతి పోలీసుల అదుపులో అనుమానితులు

● వరల్డ్‌ సమ్మిట్‌ ఏఐ వేదికపై ప్రసంగించనున్న సిక్కోలు వాసి విశ్వతేజ్‌ సాక్షి ప్రతినిధి, శ్రీకాకుళం : నెదర్లాండ్‌ రాజధాని ఆమ్‌స్టర్‌డామ్‌లో నేడు 10వేల మందికి ప్రతినిధులతో జరగనున్న వరల్డ్‌ సమ్మిట్‌ ఏఐ వేదికపై ఉత్తరాంధ్రకు చెందిన విశ్వతేజ్‌ శీల ప్రసంగించనున్నారు. ఈ వేదికపై 215 మంది వక్తలు ప్రసంగించనుండగా ఇందులో భారత సంతతికి చెందిన ఐదుగురు ఉన్నారు. వారిలో ముగ్గురు మాత్రమే ఇండియా నుంచి హాజరవుతున్నారు. గార్డియన్స్‌ ఆఫ్‌ టుమారో: షేపింగ్‌ ది న్యూ ఏఐ పారడైమ్‌( రేపటి సంరక్షకులు, నూతన ఏఐ నమూనానా రూపొందించడం) అనే అంశంపై చర్చించనున్నారు. ఏఐ ఏజెంట్ల మూల్యాంకనంపై కేంద్రీకృతంగా ప్రసంగం చేయనున్నారు. విశాఖపట్నంలో పెరిగిన వ్యక్తికి అంతర్జాతీయ ఏఐ సదస్సులో చోటు దక్కడం వృత్తిపరమైన మైలురాయిగా నిలిచింది. మెళియాపుట్టి మండలం చాపర గ్రామం నుంచి వలస పోయి విశాఖపట్నంలో స్థిరపడ్డ మాలారావు, ఉషశ్రీ దంపతుల సంతానమైన విశ్వతేజ్‌ శీల ప్రస్తుతం వాంగార్డ్‌లో సీనియర్‌ డేటా సైంటిస్ట్‌గా పనిచేస్తున్నారు. 2019లో అమృత విశ్వవిద్యాలయంలో బీటెక్‌ చేసిన విశ్వతేజ్‌ శీల 2022లో బిజినెస్‌ అనలిటిక్స్‌లో మాస్టర్‌ డిగ్రీ కోసం అమెరికా వెళ్లి, యూనివర్సిటీ ఆఫ్‌ టెక్సాస్‌ అట్‌ ఆస్టిన్‌లో ఉన్నత విద్య పూర్తి చేశారు. అమెరికాలోని నార్త్‌ కరోలినా రాష్ట్రంలోని షార్లెట్‌ లో నివాసముంటున్న విశ్వతేజ్‌ శీల ఏఐ వ్యవస్థలు కస్టమర్లతో నేరుగా సంభా షించే స్థాయికి చేరుకునే ముందు అవి వాస్తవ ప్రపంచ పరిస్థితులను ఎదుర్కొనేందుకు సిద్ధంగా ఉన్నాయో లేదో ఎలా నిర్దారించాలనే ప్రత్యేక సమస్యపై పరిశోధనలు చేశారు. ఆయన పని ప్రధానంగా ఏజెంటిక్‌ ఏఐపై కేంద్రీకృతమై ఉంది. వాన్‌గార్డ్‌ కోసం ఆయన జనరేటివ్‌ ఏఐ ఆధారిత వాయిస్‌ అసిస్టెంట్‌ను కూడా రూపొందించారు. సాంకేతిక పరిశోధనలో పలు అంశాలపై పరిశోధన పత్రాలను ప్రచురించారు. ఏఐలో ప్రతిభ కనబరుస్తున్న విశ్వతేజ్‌ శీల ఈనెల 7న ఆమ్‌స్టర్‌ డామ్‌లో జరగనున్న వరల్డ్‌ సమ్మిట్‌లో ఒక ఏఐ ఏజెంట్‌ నిజమైన కస్టమర్‌తో మాట్లాడే ముందు వాస్తవ పరిస్థితులను పోలిన సందర్బాల్లో దాన్ని సంస్థలు ఎలా పరీక్షించాలి? అనే ప్రశ్నను చర్చించనున్నారు. తనకు ఇదొక అత్యుత్తమ సందర్భమని, తనకు లభించిన ప్రతిభతో కూడిన గౌరవమని విశ్వతేజ్‌ శీల ఆనందం వ్యక్తం చేశారు. తన కుమారుడు ప్రపంచ వేదికపై ప్రసంగించనుండటం తమకు గర్వ కారణంగా ఉందని విశ్వతేజ్‌ శీల తల్లిదండ్రులు మాలారావు, ఉషశ్రీ సంతోషం వ్యక్తం చేశారు.

శ్రీకాకుళం అర్బన్‌: ప్రజాస్వామ్య విలువలను తుంగలో తొక్కి ఓటు చోరీకి పాల్పడిన చీఫ్‌ ఎలక్షన్‌ కమిషనర్‌ జ్ఞానేశ్వర్‌ని తక్షణమే ఆ పదవి నుంచి తొలగించాలని కేంద్ర మాజీ మంత్రి డాక్టర్‌ కిల్లి కృపారాణి డిమాండ్‌ చేశారు. శ్రీకాకుళంలోని ఇందిరా విజ్ఞాన భవన్‌లో ఇండియా కూటమి నాయకుల ఆధ్వర్యంలో మంగళవారం రౌండ్‌ టేబుల్‌ సమావేశం నిర్వహించారు. ముందుగా డీసీసీ అధ్యక్షుడు సనపల అన్నాజీరావు మాట్లాడుతూ ఓటు చోరీకి పాల్పడిన విధానాన్ని నిరసిస్తూ ఏఐసీసీ ఆదేశాల మేరకు అక్టోబర్‌ నుంచి ఎనిమిది వరకు జిల్లాలో ఇండియా కూటమి పార్టీల నాయకులతో కలిసి నిరసన కార్యక్రమాలు చేపట్టాలని నిర్ణయించినట్లు తెలిపారు. అక్టోబర్‌ 8న ఓటు బచావో.. దేశ్‌ బచావో నినాదంతో శ్రీకాకుళం నగరంలో భారీ ర్యాలీ నిర్వహించనున్నామని తెలిపారు. సమావేశంలో ఇండియా కూటమి నాయకులు కిల్లి రామ్మోహనరావు, రెల్ల సురేష్‌, అంబటి కృష్ణ, తాండ్ర ప్రకాష్‌, ఎస్‌.కృష్ణవేణి, డి.గోవింద మల్లిబాబు, కోత మధుసూదనరావు, కొత్తకోట సింహాద్రి నాయుడు, కేవీఎల్‌ఎస్‌ ఈశ్వరి, విద్యారతు రమణ, డాక్టర్‌ కవిటి గోపాలకృష్ణ, కొత్తకోట లక్ష్మి, కూరాకుల వెంకటరావు, చాన్‌ బాషా, జి.రామారావు, గొల్లపల్లి బాలయ్య పాల్గొన్నారు.

● ౖవెఎస్సార్‌ సీపీ జిల్లా అధ్యక్షుడు ధర్మాన కృష్ణదాస్‌ శ్రీకాకుళం (పీఎన్‌కాలనీ): వైఎస్సార్‌సీపీ అనుబంధ విభాగాలన్నీ సమష్టిగా పనిచేస్తేనే పార్టీ మరింత బలోపేతమవుతుందని వైఎస్సార్‌సీపీ జిల్లా అధ్యక్షుడు, మాజీ డిప్యూటీ సీఎం ధర్మాన కృష్ణదాస్‌ అన్నారు. పార్టీలో అనుబంధ విభాగాలదే కీలక పాత్ర అని అన్నారు. శ్రీకాకుళం నగరంలోని జిల్లా పార్టీ కార్యాలయం టౌన్‌హాల్‌లో మంగళవారం అనుబంధ విభాగాల జిల్లా అధ్యక్షులతో ఆయన సమావేశం నిర్వహించారు. ఈ సందర్భంగా కృష్ణదాస్‌ వారితో మాట్లాడుతూ అన్ని విభాగాలకు సంబంధించి నియోజకవర్గ, మండల, గ్రామస్థాయిలో అన్ని పదవులకు అభ్యర్థులను ఎంపిక చేసే ప్రక్రి య మరింత వేగవంతం చేయాలన్నారు. ఈ నెల 10 వతేదీ నాటికి పూర్తిచేసి పూర్తిస్థాయి జాబితా అందించాలని సూచించారు. స్థానిక సంస్థలు, కార్పొరేషన్‌, మున్సిపల్‌ ఎన్నికల్లో వైఎస్సార్‌సీపీ శ్రేణులంతా కలసికట్టుగా పనిచేసి విజయం సాధించాలన్నారు. జెడ్పీటీసీ, ఎంపీటీసీ, సర్పంచ్‌లను గెలిపించేందుకు అనుబంధ విభాగాల నాయకులు కీలకంగా వ్యవహరించాలని తెలిపారు. కూటమి నేతల మోసాలు, అబద్ధాలు, వైఫల్యాలను ప్రతి ఒక్కరికీ తెలిసేలా స్థానిక సంస్థల ఎన్నికల్లో ప్రచారంలో చెప్పాలని, వైఎస్సార్‌సీపీ హయాంలో ప్రజలకు అందించిన సంక్షేమ, అభివృద్ధిని గుర్తు చేయా లని సూచించారు. సమావేశంలో యువ నాయకుడు ధర్మాన కృష్ణచైతన్య, అనుబంధ విభాగాల కో–ఆర్డినేటర్‌ సన పల నారాయణరావు, యువజన డాక్టర్స్‌ విభాగం అధ్యక్షులు చింతాడ వరుణ్‌, విభాగం జిల్లా అధ్యక్షుడు మార్పు పృథ్వీ, విద్యార్థి విభాగం జిల్లా అధ్యక్షుడు ముత్తా విజయ్‌కుమార్‌, బీసీ విభాగం అధ్య క్షుడు మార్పు అశోక్‌చక్రవర్తి, మహిళా విభాగం జిల్లా అద్యక్షురాలు ఉలాల దివ్యభారతి, మైనార్టీ సెల్‌ అధ్యక్షులు ఎం.ఏ భేగ్‌, ఎస్సీసెల్‌ విభాగం ముంజేటి కృష్ణమూర్తి, వలంటీర్‌ విభాగం అధ్యక్షులు గంట్యాడ రమేష్‌, వైఎస్సార్‌టీఎఫ్‌ జల్లు బలరామనాయుడు, ఎంప్లాయీస్‌ అండ్‌ పెన్షనర్స్‌ విభాగం అధ్యక్షులు పప్పల రాధాకృష్ణ, గ్రీవెన్స్‌సెల్‌ అధ్యక్షులు రౌతు శంకరరావు, ఐటీ విభాగం అధ్య క్షుడు ఉప్పాడ విజయ్‌కుమార్‌రెడ్డి, లీగల్‌సెల్‌ విభా గం అధ్యక్షులు ఆరంగి లక్ష్మీపతి, వైఎస్సార్‌ టీయూ సీ అధ్యక్షుడు డొప్ప రాము. ఆర్టీసియన్‌ అధ్యక్షులు నాగవరపు సత్యం, ఎస్టీసెల్‌ అధ్యక్షులు సవర దంబురు తదితరులు పాల్గొన్నారు. పార్టీ అనుబంధ వి భాగాల కో–ఆర్డినేటర్‌గా నూతనంగా నియమితు లైన సనపల నారాయణరావును సన్మానించారు.

అరసవల్లి సూర్యనారాయణ స్వామి మూలవిరాట్టుకు సాధారణ రోజుల్లో అలంకరణకు వినియోగిస్తున్న వెండి ఆభరణాలతో పాటు మకరతోరణం ఇతరత్రా వస్తువులన్నింటికీ ఏకంగా సుమారు రూ.2.50 కోట్ల విలువైన బంగారంతో తాపడం చేయించారు. భాద్రపద ఏకాదశి పర్వది నం మంగళవారం ఉదయం గర్భాలయంలోని మూలవిరాట్టుకు ఉన్న అన్ని వెండి వస్తువులన్నీ బంగారమయ్యాయి. అలాగే శ్రీ ఉషా పద్మిని ఛాయాదేవేరులతో శ్రీసూర్యనారాయణ స్వామి వారి ఉత్సవమూర్తులకు ఉన్న వెండి కిరీటాలు తదితర ఆభరణాలన్నీ బంగారు తాపడం చేయించడంతో అద్భుత వెలుగులతో భక్తులకు స్వర్ణాదిత్యుని దర్శనభాగ్యం కలిగింది. బెంగళూరుకు చెందిన ఓ దాత దంపతులు మంగళవారం ఆలయానికి విచ్చే సి స్వామి దర్శనం చేసుకుని తాము చేయించిన బంగారు తాపడ వస్తువులను, ఆభరణాలను ఆలయానికి సమర్పించారు. అంతకుముందు వారికి ఆల య సంప్రదాయం ప్రకారం ఆలయ ఈఓ కేఎన్‌వీడీవీ ప్రసాద్‌, ప్రధానార్చకులు ఇప్పిలి శంకరశర్మలు గౌరవ స్వాగతం పలికి అంతరాలయంలో దర్శనం చేయించారు. స్వామికి ఇంతకుముందే అన్ని పూర్తి బంగారు ఆభరణాలున్న సంగతి విదితమే. ఇప్పుడు వెండిపై బంగారు తాపడం చేయించిన ఆభరణాలతో మంగళవారం ఉదయం నుంచి సాయంత్రం వరకు ఆలయ అధికారులు తగిన భద్రతల నడుమ దర్శనాన్ని కలిగించారు. – అరసవల్లి

శ్రీకాకుళం న్యూకాలనీ: జిల్లాస్థాయి సీనియర్స్‌ పురుషులు, మహిళల సెపక్‌తక్రా జట్ల ఎంపికలు ఈ నెల 8న జరగనున్నాయని జిల్లా సెపక్‌తక్రా అసోసియేషన్‌ చైర్మన్‌ ఎమ్మెస్సార్‌ కృష్ణమూర్తి తెలిపారు. శ్రీకాకుళం ఎన్టీఆర్‌ మున్సిపల్‌ హైస్కూల్‌ క్రీడా మైదానం వేదికగా గురువారం ఉదయం 9 గంటలకు మొదలవుతాయని చెప్పారు. ఇక్కడ ఎంపికై న జిల్లా జట్లను ఈ నెల 10, 11 తేదీల్లో కోనసీమ జిల్లా అమలాపురం వేదికగా జరగనున్న 36వ ఏపీ రాష్ట్రస్థాయి సీనియర్స్‌ పురుషులు, మహిళల సెపక్‌తక్రా చాంపియన్‌షిప్‌–2026 పోటీలకు పంపిస్తామని పేర్కొన్నారు. పూర్తి వివరాలకు సెపక్‌తక్ర అసోసియేషన్‌ జిల్లా కార్యదర్శి, కోచ్‌ జి.అర్జున్‌రావురెడ్డి (9949291288)ని సంప్రదించాలని కోరారు.

చిల్పూరు: జనగామ జిల్లా చిల్పూరు మండలం గార్లగడ్డ తండా పంచాయతీ పరిధిలోని మల్లన్నగండి రిజర్వాయర్‌లో ఆదివారం సాయంత్రం ఏపీలోని శ్రీకాకుళం జిల్లాకు చెందిన పడాల కల్యాణ్‌ (26) గల్లంతయ్యాడు. ఆయన సికింద్రాబాద్‌లో సాఫ్ట్‌వేర్‌ ఉద్యోగిగా పని చేస్తున్నాడు. ఆ రోజు రాత్రి, సోమవారం రెస్క్యూటీం రిజర్వాయర్‌లో గాలించినా ఫలితం లేకుండా పోయింది. మంగళవారం ఉదయం జలాశయంలో మృతదేహం తేలినట్లు సర్పంచ్‌ మాలోత్‌ నవీన్‌నాయక్‌కు గ్రామస్తులు తెలపడంతో ఆయన పోలీసులకు సమాచారం అందించారు. వారు మృతదేహాన్ని బయటకు తీశారు. తల్లిదండ్రుల ఫిర్యాదు మేరకు శవ పంచనామా నిర్వహించి పోస్టుమార్టం నిమిత్తం జనగామ ఏరియా ఆస్పత్రికి తరలించారు. టెక్కలి: టెక్కలి వైఎస్సార్‌ జంక్షన్‌ సమీపంలో శ్మశాన వాటికకు వెళ్లే మార్గంలో కాలువపై ఎట్టకేలకు సిమెంట్‌ పలకలను అమర్చారు. శ్మశాన వాటికకు వెళ్లే దారిలో కాలువ పైకప్పులు లేకపోవడంతో అంత్యక్రియలు చేసేందుకు కుటుంబ సభ్యులు అవస్థలు పడుతున్నారంటూ మంగళవారం ‘సాక్షి’లో ‘చివరి మజిలీకి చిక్కులు’ అనే కథనం వెలువడిన సంగతి విదితమే. దీనిపై పంచాయతీ యంత్రాంగం స్పందించి కాలువ పైకప్పులను అమర్చారు. విద్యుత్‌ షాక్‌తో కార్మికుడు మృతి టెక్కలి రూరల్‌: కోటబొమ్మాళి మండలం యలమంచలి పంచాయతీ రాయపాడు గ్రామానికి చెంది తాపీమేసీ్త్ర పైల సూర్యనారాయణ(50) విద్యుత్‌ షాక్‌తో మృతిచెందాడు. స్థానికులు తెలిపిన వివరాల ప్రకారం.. సూర్యనారాయణ మంగళవారం తన గ్రామంలో ఓ ఇంటి నిర్మాణ పనులకు వెళ్లాడు. రెండో ఫ్లోర్‌లో పనులు చేస్తుండగా 12కేవీ విద్యుత్‌ లైన్‌ తగలడంతో షాక్‌కు గురై అక్కడికక్కడే మృతిచెందాడు. ఈ ఘటనపై కోటబొమ్మాళి పోలీసులకు సమాచారం అందించారు.అనంతరం మృతదేహాన్ని శవపంచనామా నిమిత్తం కోటబొమ్మాళి ప్రభుత్వ ఆస్పత్రికి తరలించారు. సూర్యనారాయణకు భార్య ఉత్తరమ్మ, ఇద్దరు కుమార్తెలు ఉన్నారు. నాయీబ్రాహ్మణుల సమస్యలు పరిష్కరించాలి శ్రీకాకుళం (పీఎన్‌ కాలనీ): స్వాతంత్రం వచ్చి 80 ఏళ్లయినా ఇప్పటికీ నాయీ బ్రాహ్మణులు అనేక సమస్యలతో సతమతమవుతున్నారని, గ్రామాల్ని విడిచి పట్టణాల్లో కూలి పనులు చేసుకోవాల్సిన పరిస్థితి ఏర్పడిందని, దీనికి కారణం పాలకవర్గాలే అని నాయీబ్రాహ్మణ సంక్షేమ సంఘం జిల్లా గౌరవ అధ్యక్షుడు కొరుపూరు గజపతిరావు అన్నారు. శ్రీకాకుళం నగరంలో జ్యోతిరావుపూలే కాలనీ (కంపోస్టు) నాయీబ్రాహ్మణ కుల సంఘ కార్యాలయంలో నాయిబ్రాహ్మణ కుల కార్పొరేషన్‌ చైర్మన్‌ ఆర్‌.సదాశివంను మంగళవారం కలిసి వినతిపత్రం అందించారు. ఈ సందర్బంగా గజపతి మాట్లాడుతూ వెనుకబడిన చాలా కులాలకు 50 ఏళ్లకే పెన్షన్‌ ఇస్తున్నా తమకు ఎందుకు వర్తింపజేయడం లేదో తెలియడం లేదన్నారు. కలెక్టర్‌తో ఏపీఆర్‌ఎస్‌ఏ జిల్లా కార్యవర్గం భేటీ శ్రీకాకుళం పాతబస్టాండ్‌: ఆంధ్రప్రదేశ్‌ రాష్ట్ర రెవెన్యూ సర్వీసుల సంఘం 2026–2029 కాలపరిమితికి రాష్ట్ర కార్యవర్గంలో శ్రీకాకుళం జిల్లా తరఫున రణస్థలం తహసీల్దార్‌ సనపల కిరణ్‌కుమార్‌ రాష్ట్ర కార్యదర్శిగా ఎన్నికయ్యారు. అదే విధంగా, గ్రామ రెవెన్యూ అధికారుల సంఘం రాష్ట్ర కార్యవర్గం 2026–2029లో ప్రచార కార్యదర్శిగా సరుబుజ్జిలి వీఆర్వో గంగు డిల్లేశ్వరరావు ఎన్నికయ్యారు. ఈ నేపథ్యంలో జిల్లా కార్యవర్గ సభ్యులతో కలిసి కలెక్టర్‌, జాయింట్‌ కలెక్టర్‌, అసిస్టెంట్‌ కలెక్టర్‌ (ట్రైనీ)లను రెవెన్యూ సర్వీసుల సంఘం ప్రతినిధులు మంగళవారం మర్యాదపూర్వకంగా కలిశారు.

టెక్కలి: టెక్కలి ఆదిఆంధ్రావీధి సమీపంలో ఎత్తిపోతల పథకం నిర్మాణంపై మంత్రి అచ్చెన్నాయుడు ఎందుకు స్పందించడం లేదని సీపీఎం నాయకులు నిలదీశారు. మంగళవారం టెక్కలి ఆదిఆంధ్రావీధిలో జిల్లా నాయకులు పర్యటించారు. ఈ సందర్భంగా వారు మాట్లాడుతూ 2019లో ఎత్తిపోతల పథకానికి మంత్రి అచ్చెన్నాయుడు శిలాఫలకం వేశారని, తర్వాత పట్టించుకోవడం మానేశారన్నారు. నిర్మాణం పూర్తయితే ఆదిఆంధ్రావీధి, చింతామణి, నువ్వుగుడ్డి, ఆంజనేయపురం, గోపాలపురం, చిన్నకేదారి, వెంకటాపురం తదితర గ్రామాల్లో సుమారు 1500 ఎకరాలకు సాగు నీరు అందుతుందన్నారు. దీనితో పాటు మరికొన్ని సమస్యలపై ఈ నెల 9న ఆదిఆంధ్రావీధి అంబేడ్కర్‌ విగ్రహం వద్ద నిరసన కార్యక్రమం చేపడతామన్నారు. కార్యక్రమంలో సీపీఎం జిల్లా నాయకులు డి.గోవిందరావు, ఎన్‌.షణ్ముఖరావు, వి.సింహాచలం, టి.వైకుంఠరావు, కె.ఎల్లయ్య, హెచ్‌.ఈశ్వరరావు, యు.లక్ష్మణరావు, ఉత్తరాంధ్ర అభివృద్ధి కమిటీ ప్రతినిధులు పి.ధర్మారావు, వై.వెంకట్రావు, పి.రామారావు, డి.వైకుంఠరావు, ఎస్‌.దాలయ్య, జె.శంకర్రావు, చంద్రరావు, దానయ్య, మల్లయ్య, డి.నాగరాజు తదితరులు పాల్గొన్నారు.

● కొరత లేదంటున్న ప్రభుత్వం ● విచ్చలవిడిగా జిల్లాకొస్తున్న ఒడిశా యూరియా ● ఎక్కడికక్కడ బ్లాక్‌ మార్కెట్‌ దందా ● రైతులకు అధిక ధరలకు విక్రయం ఒడిశా యూరియా.. సాక్షి ప్రతినిధి, శ్రీకాకుళం : రాష్ట్రంలో యూరియా కొరత లేదని, రైతులు భయాందోళన చెందనక్కర్లేదని ప్రభుత్వం ప్రకటిస్తోంది. జిల్లాలోని రైతులందరికీ ఎరువులు అందిస్తున్నామని, అందిస్తామని అధికార యంత్రాంగం చెబుతోంది. కానీ జిల్లాలో పరిస్థితి భిన్నంగా ఉంది. ఒడిశా నుంచి జిల్లాకు యూరియా దిగుమతి అవుతోంది. 45 కిలోల యూరియా రూ.267.50 కాగా, జిల్లాలో రూ. 600నుంచి రూ. 700 విక్రయిస్తున్నారు. టన్నులకు టన్నులకు ఒడిశా నుంచి జిల్లాకు వచ్చేస్తోంది. యూరియాను ఇదివరకులా రైతులకు ఇవ్వ డం లేదు. నిబంధనల పేరుతో బోలెడు పరిమితులు పెట్టారు. దీంతో ఒడిశా యూరియా పేరుతో అక్రమ దందా సాగుతోంది. యూరియా కొరత లేదని అధికారుల రికార్డులు చెబుతుండగా, రబీ మొక్కజొన్న కోసం, జీడితోటల్లో వినియోగం కోసం రైతుల్లో డిమాండ్‌ ఎక్కువగా వుంది. దీన్ని ఆసరాగా తీసుకుని కొందరు వ్యాపారులు, దళారీలు నేరుగా ఒడిశా నుంచి యూరియా తీసుకు వచ్చి ఇక్కడ అమ్ముకుని సొమ్ము చేసుకుంటున్నా రు. కేంద్ర ప్రభుత్వం నిర్దేశించిన ఇంటిగ్రేటెడ్‌ ఫెర్టిలైజర్‌ మేనేజ్‌మెంట్‌ సిస్టం(ఐఫ్‌ఎంఎస్‌) అన్ని రాష్ట్రాల్లో ఉన్నప్పటికీ అక్కడ లేని కొరత మన జిల్లాకు ఎందుకొస్తుందో తెలియడం లేదు. యూరియా అక్రమ దిగుమతి గత వారం రోజులుగా ఒడిశా నుంచి జోరుగా యూరియా దిగుమతి అవుతోంది. పర్లాఖిముడి–పాతపట్నం–నరసన్నపేట రోడ్డులో మీదుగా వచ్చి న యూరియాను పట్టుకున్న కేసులు ఇప్పటికే రెండు నమోదయ్యాయి. రైతులకు అవసరమైనంత యూరియా మీరు సరఫరా చేయకపోవడం వల్ల బ్లాక్‌ మార్కెట్‌లో కొనుగోలు చేసుకోవాల్సి వస్తోందని రైతు సంఘాల నాయకులు అంటున్నారు. ప్రభుత్వమే సరఫరా చేసి ఉంటే ఒడిశా నుంచి వచ్చిన యూరియా కొనుగోలు చేయాల్సిన అవసరం ఏముంటుందని ప్రశ్నిస్తున్నారు. మొక్కజొన్న రైతులే టార్గెట్‌గా.. మొక్కజొన్న రైతులే ప్రధాన వనరుగా అక్రమ వ్యాపారులు, దళారులు రెచ్చిపోతున్నారు. ముఖ్యంగా పోలాకి, నరసన్నపేట, గార, లావేరు, పాతపట్నం, సరుబుజ్జిలి, ఎల్‌ఎన్‌పేట, ఆమదాలవలస, పొందూరు, రణస్థలం, జలుమూరు మండలాల్లో మొక్కజొన్న సాగు ఎక్కువగా ఉంది. అటు రైతుల అవసరాలు, వ్యాపారులు, దళారుల ప్రయోజనాలను దృష్టిలో ఉంచుకుని టన్నుల కొద్దీ యూరియాను ఒడిశా నుంచి అక్రమంగా తెచ్చి, అధిక ధరకు విక్రయిస్తున్నారు. ఒడిశా యూరియా ముసుగులో నకిలీ.. జిల్లాలో నెలకున్న కృత్రిమ కొరతతో ప్రభుత్వం తెచ్చిన కొరతో పక్కన పెడితే సరిహ ద్దు ప్రాంతాల నుంచి పెద్ద ఎత్తున యూరియా దిగుమతి చేసి, అధిక ధరలకు విక్రయించడం ఒకటైతే, ఒడిశా యూరియా ముసుగులో నకిలీ యూరియా దిగుమతి అవుతున్నట్టు తెలుస్తోంది. ఒడిశాలోని బార్బిల్‌ వంటి ప్రాంతాల్లో నకి లీ యూరియా తయారు చేస్తూ పట్టుబడిన కేసులు ఉన్నాయి. అక్కడి నుంచి వస్తున్న నకిలీ యూరియా సబ్సిడీ ఎరువులో కలిపి జిల్లాకు దిగుమతి చేస్తున్నట్టు అనుమానాలు ఉన్నాయి. అదే జరిగితే రైతులకు అధిక ధరలకు కొనుగోలు చేసి నష్టపోవడమే కాకుండా నకిలీ యూరియాతో మోసపోయే అవకాశం ఉంది. వంద బస్తాల యూరియా సీజ్‌ నరసన్నపేట: ఒడిశాలో తక్కువ ధరకు కొనుగోలు చేసి శ్రీకాకుళం ప్రాంతంలో అధిక ధరలకు అమ్మకాలు చేసేందుకు వీలుగా అక్రమంగా తరలిస్తున్న యూరియాను విజిలెన్స్‌ ఎన్‌ఫోర్స్‌మెంట్‌ అధికారులు పట్టుకున్నారు. తమకు అందిన సమాచారం మేరకు విజిలెన్స్‌ ఎస్‌ఐ రామారావు తన సిబ్బంది, వ్యవసాయ శాఖ అధికారులు మంగళవారం జమ్ము కూడలి వద్ద కాపు కాయగా పర్లాకిమిడి నుంచి వస్తున్న బొలేరో లగేజీ వ్యానును పరిశీలించి తనిఖీలు చేయగా ఎలాంటి రశీదులు లేకుండా తరలుతున్న ఒడిశాకు చెందిన వంద బస్తాల యూరియాను గుర్తించారు. వ్యాన్‌ డ్రైవర్‌ను ప్రశ్నించగా శ్రీకాకుళానికి చెందిన పి.విజయకుమార్‌ ఆదేశాల మేరకు పర్లాకిమిడి పట్టణంలో యూరియా కొనుగోలు చేసినట్లు అంగీకరించాడని అధికారులు తెలిపారు. సోమవారమే చల్లపేట వద్ద వంద బస్తాల యూరియా దొరికింది. అంతలోనే మరో వంద బస్తాలు దొరకడం కలకలం రేపింది.

శ్రీకాకుళం (పీఎన్‌ కాలనీ): రానున్న స్థానిక సంస్థల ఎన్నికలు, శాంతిభద్రతల పరిరక్షణ, నేరాల నియంత్రణకు ముందస్తు నివారణ చర్యలకు ప్రాధాన్యమివ్వాలని ఎస్పీ కె.వి.మహేశ్వరరెడ్డి పోలీస్‌ అధికారులను ఆదేశించారు. జిల్లాలో నేరాల నియంత్రణ, రానున్న స్థానిక సంస్థల ఎన్నికల దృష్ట్యా శాంతిభద్రతల పరిరక్షణ, ప్రజల భద్రతకు సంబంధించి సీఐలు, ఎస్సైలతో మంగళవారం జిల్లా పోలీసు కార్యాలయంలో సమీక్ష నిర్వహించారు. సమస్యాత్మక గ్రామాలు, ప్రాంతాలు, వ్యక్తులను ముందుగానే గుర్తించి ప్రత్యేక నిఘా ఏర్పాటు చేయాలన్నారు. తరచూ గంజాయి అక్రమ రవాణా, క్రయవిక్రయాలకు పాల్పడే వారిని గుర్తించి చట్టం ప్రకారం కేసులు నమోదు చేయాలన్నారు. సమావేశంలో డీఎస్పీ డి.లక్ష్మణరావు, డీసీఆర్‌బీ ఇన్‌స్పెక్టర్‌ శ్రీనివాస్‌, సీఐలు అవతారం, విజయ్‌కుమార్‌, శ్రీనివాసరావు, చిన్నంనాయుడు, మంగరాజు, తిరుపతిరావు, ప్రసాదరావు, వెంకటరావు, ఎస్సైలు పాల్గొన్నారు.

● అరసవల్లి ఆదిత్యాలయంలో ఘటన ● మండిపడుతున్న భక్తులు అరసవల్లి: అరసవల్లి సూర్యనారాయణ స్వామి వారి క్షేత్రంలో చిత్రవిచిత్ర ఘటనలు చోటుచేసుకుంటున్నాయి. మొన్నటికి మొన్న మిగిలినపోయిన అన్నప్రసాదాలను ఆవులకు తినిపించడంతో రెండు గోవులు డయేరియాతో మృత్యువాత పడగా, నిన్న ప్రసాదాల విక్రయాల్లో జిగురు కారుతున్న లడ్డూలను భక్తులకు అమ్మేసి ఆలయ అధికారులు తీవ్ర విమర్శలు పాలయ్యారు. తాజాగా నిత్యం ఆలయ పరిసరాలను చీపురు పట్టుకుని తుడిచే స్వీపర్లతో గత కొన్నిరోజులుగా పవిత్రమైన ఉచిత ప్రసాదాలను భక్తులకు పంపిణీ చేయిస్తున్నారు. మంగళవారం ఉదయం ఎదురైన ఈఘటనతో ఒక్కసారిగా భక్తులు తీవ్ర ఆగ్రహం వ్యక్తం చేశారు. దినసరి వేతనం కింద పనిచేస్తూ జీవనాన్ని గడుపుతున్న స్వీపర్లకు వారి విధులతో పాటుగా అదనంగా ఉచిత ప్రసాదాల పంపిణీ విధులను అప్పగించడంపై సర్వత్రా విమర్శలు వినిపిస్తున్నాయి. భక్తుల మనోభావాలకు దెబ్బతినేలా ఇలాంటి చర్యలతో ఆలయ ప్రతిష్టకు భంగం కలుగుతుందనే ఆందోళన స్థానికుల్లో వ్యక్తమవుతోంది. గతంలో ఇదే ఆలయంలో ఉచిత ప్రసాదాలను బ్రాహ్మణ సిబ్బందికి లేదా సేవ సంఘ సభ్యులకు అప్పగించేవారు. ఇప్పుడు పరిస్థితి పూర్తిగా భిన్నంగా ఉంది. స్వీపర్లకు, పారిశుద్ధ్య కార్మికులకు ప్రసాదాల పంపిణీ బాధ్యతలను అప్పగించడంపై సర్వత్రా అసహనం వ్యక్తమవుతోంది. ‘తమకేమీ తెలియదని..అధికారులు ఏం చెప్తే అది చెయ్యడమే మా పని అంటూ...’ కొందరు తమ అభిప్రాయాలను వ్యక్తం చేస్తున్నారు. ఇప్పటికై నా ఆలయ అధికారులు ఈ విషయంపై ప్రత్యేక దృష్టి సారించి తగిన చర్యలు చేపట్టాలని స్థానికులు కోరుతున్నారు.

సర్కారు డప్పు రోడ్డున పడేశారు ఎన్నికల ప్రచారంలో వలంటీర్లను ఆకాశానికి ఎత్తారు. గెలిచిన తర్వా త రోడ్డున పడేశారు. ఇప్పుడు ప్రచారానికి జనం డబ్బు ఖర్చు పెడుతున్నారు. – జి.శ్రీనివాసరావు, మాజీ వలంటీర్‌, కోదూరు, పాతపట్నం మండలం నమ్మించి గొంతు కోశారు రూ.పది వేలు జీతం ఇస్తామని వలంటీర్లను కూటమి నేతలు నమ్మించారు. అధికారం దక్కాక గొంతు కోశారు. – జి.పావని, మాజీ వలంటీర్‌, తంప, హిరమండలం

కాశీబుగ్గ: పలాస – కాశీబుగ్గ జంట పట్టణాల్లో కొన్ని లాడ్జిల నిర్వహణ తీరుపై విమర్శలు వ్యక్తమవుతున్నాయి. ఎలాంటి వారొస్తున్నారు..? వారి నేపథ్యమేంటి..? అనే వివరాలను ఆరా తీయడాన్ని నిర్వాహకులు విస్మరిస్తున్నారు. ఉన్న గదులన్నీ కస్టమర్లతో నిండి తమకు డబ్బులు వస్తే చాలనే ధోరణి అవలంబిస్తున్నారు. వీటిపై నిరంతర నిఘాతో పర్యవేక్షించాల్సిన పోలీసు శాఖ నామమాత్రంగా వ్యవహరిస్తోంది. అనుకోని సంఘటనలు, అసాంఘిక కార్యకలాపాలు చోటు చేసుకునే సందర్భంలో మాత్రం హడావుడిగా చర్యలు చేపట్టడం, ఆ వాతావరణం చల్లారాక మిన్నకుండిపోతున్నారనే విమర్శలు వెల్లువెత్తుతున్నాయి. ఆదాయార్జనే ధ్యేయంగా..? జంట పట్టణాల్లో ప్రధానంగా ఐదు లాడ్జిలున్నాయి. ఇవన్నీ జన సమ్మర్థ ప్రాంతాల మధ్యే ఉన్నాయి. వీటిలో బస చేసేవారిని చూస్తే ఒడిశా, పశ్చిమ బెంగాల్‌తోపాటు ఇతర రాష్ట్రాల వాళ్లే తారసపడుతుంటారు. మన రాష్ట్రానికి చెందినవారు అరుదుగా కనిపిస్తుంటారు. అప్పుడప్పుడు సెటిల్మెంట్‌ దందాలు, మధ్యవర్తిత్వ తగాదాలకు పరిష్కార వేదికలవుతుంటాయి. ముఖ్యంగా ఇతర రాష్ట్రాల వాళ్లు ఏ ఉద్దేశంతో బస చేస్తున్నారు..? అందుకు కారణాలేంటో నిర్వాహకులు తెలుసుకోవడం లేదు. నిరంతరం పర్యవేక్షించాల్సిన పోలీసులు నామమాత్రపు తనిఖీలతో కాలం నెట్టుకొస్తున్నారు. తగిన సిబ్బంది లేకపోవడంతో పాటు పలు కారణాలతో తనిఖీలను కానిచ్చేస్తున్నారు. ఇంకొందరు అధికారులు నెలవారీ మామూళ్ల మత్తులో జోగుతున్నారనే విమర్శలు వినిపిస్తున్నాయి. లాడ్జిలకు సంబంధిత మున్సిపల్‌, స్థానిక సంస్థల నుంచి లైసెన్స్‌, అగ్నిమాపక శాఖ నుంచి నిరభ్యంతర ధ్రువీకరణ పత్రం అవసరం. అలాగే పర్యాటక శాఖనుంచి సైతం రిజిస్ట్రేషన్‌ పొందాలి. కానీ పర్యాటక శాఖ నుంచి చాలా లాడ్జిలకు రిజిస్ట్రేషన్‌ లేదన్నది అక్షర సత్యం. ప్రభుత్వ నిబంధనల ప్రకారం ఒక లాడ్జి నిర్వహణకు అవసరమైన అన్ని లైసెన్సుల్లో ఏ ఒక్కటి లేకున్నా భారీగా జరిమానా విధించాలి. పలాస–కాశీబుగ్గ జంట పట్టణాల్లో ఉన్నవాటిలో సరిగా తనిఖీలు చేపడితే చాలావరకు జరిమానాలు వేయాల్సిందే. కానీ ఆ దిశగా సంబంధిత అధికారులు చర్యలు చేపట్టడం లేదు. హత్య జరిగిన కాశీబుగ్గలోని ఒక లాడ్జి హత్యకు గురైన మహిళ(ఫైల్‌) అఘాయిత్యాలకు కేరాఫ్‌ అడ్రస్‌లుగా పలు లాడ్జిలు తరచూ వివాదాలు మామూళ్ల మత్తులో అధికారులు నామమాత్రపు తనిఖీలతో నిఘా కరువు ఇటీవల సెప్టెంబర్‌ 30న జరిగిన హత్యోదంతం నేపథ్యాన్ని పరిశీలిస్తే.. లాడ్జిల నిర్వాహకులు కేవలం డబ్బులొస్తే చాలన్నట్లుగా వ్యవహరించినట్లు ప్రస్ఫుటమవుతోంది. హతురాలిని తీసుకొచ్చిన అగంతకుడిపై సరైన నిఘా వేసి ఉంటే ఓ నిండు ప్రాణాన్ని కాపాడే అవకాశం ఉండేది. కానీ ఆ దిశగా చర్యలు తీసుకోలేదు. ఫలితంగా భారీ మూల్యం చెల్లించుకోవాల్సి వచ్చింది. ఐదుగురు పిల్లలకు తల్లిలేని లోటును మిగిల్చింది. అరకొర వివరాలతో గదిచ్చారు గది తీసుకునేందుకు వచ్చిన వారిలో ఎవరిదో ఒకరిది మాత్రమే గుర్తింపు కార్డు తీసుకుంటున్నారు. అలాకాకుండా ఇద్దరు.. అంతకంటే ఎక్కువమంది వచ్చేటప్పుడు అందరి గుర్తింపు కార్డులను తీసుకోవాలి. ముఖ్యంగా మహిళలతో వచ్చే పురుషుల విషయంలో ఈ జాగ్రత్తలు పాటించాలి. కానీ ఈ అఘాయిత్యంలో లాడ్జి నిర్వాహకులు హంతకుడి ఆధార్‌ తీసుకోలేదు. హతురాలి ఆధార్‌తో సరిపెట్టారు. తన ఆధార్‌ ఇమ్మంటే లేనిపోని సాకులతో తప్పించుకున్నాడు. అలాంటప్పుడే నిలదీసి ఉంటే ఈ ఘాతుకానికి ఆస్కారం ఉండేది కాదు. అలాగే లాడ్జి ఆవరణలో క్షణక్షణం ఏం జరుగుతుందనే కదలికలపై సీసీ టీవీతో పర్యవేక్షించాలి. వాస్తవానికి లాడ్జిలో సీసీ టీవీ ఉంది. కానీ నిందితుడు మహిళను వెంటబెట్టుకొని మాస్కుతో వచ్చాడు. ఆ సమయంలో అక్కడున్న సిబ్బంది ఆ మాస్కును తొలగించమనలేదు. పైగా ప్లాన్‌ ప్రకారం మహిళను మట్టుబెట్టి ఉదయం 11 గంటల ప్రాంతంలో తిరిగి మాస్కుతోనే బయటికి వచ్చి పరారయ్యాడు. ఆ సమయంలోనైనా మాస్కును తొలగించమని లాడ్జి నిర్వాహకులు అడగలేదు.

శ్రీకాకుళం న్యూకాలనీ: బ్యాడ్మింటన్‌లో శ్రీకాకుళం దినదినాభివృద్ధి చెందుతోంది. రాష్ట్రస్థాయి అఫీషియేటింగ్‌ క్వాలిఫైయింగ్‌ పరీక్షల్లో జిల్లా నుంచి రికార్డు స్థాయి లో నలుగురు ఎంపికయ్యా రు. ఈ ఫలితాలు మంగళవారం వెలువడ్డాయి. ఎంపికై నవారిలో తమ్మినేని సతీష్‌ (తురకలకోట హైస్కూల్‌ పీడీ), ఇమ్రాన్‌ బేగ్‌ (బుడుమూరు హైస్కూల్‌ పీడీ), మెట్ట రాహుల్‌ మణికృష్ణ, చింతాడ ప్రదీప్‌స్వామి ఉన్నారు. వీరంతా ఏపీ రాష్ట్ర బ్యాడ్మింటన్‌ అసోసియేషన్‌ అంపైర్‌ పరీక్షల్లో ఉత్తీర్ణులయ్యారు. వీరు టాప్‌ ర్యాంకులు సాధించడం సంతోషంగా ఉందని జిల్లా బ్యాడ్మింటన్‌ అసోసియేషన్‌ అధ్యక్షుడు కిల్లంశెట్టి సాగర్‌, ప్రధాన కార్యదర్శి మెట్ట అశోక్‌కుమార్‌ తెలిపారు. వీరిని థియరీ, ప్రాక్టికల్‌ పరీక్షలకు అనుగుణంగా తీర్చిదిద్దిన సీఈఓ ఎస్‌.సూరిబాబు సేవలను ప్రశంసించారు. అయిన వారికే ‘పట్టా’భిషేకం!టెక్కలి: కోటబొమ్మాళి మండలం కురుడు పంచాయతీ ఎరకయ్యపేట గ్రామంలో ఇళ్ల పట్టాల వ్యవహారం రచ్చకెక్కుతోంది. గత వైఎస్సార్‌సీపీ హయాంలో గ్రామంలో సాంఘిక సంక్షేమ శాఖకు చెందిన సుమారు ఎకరాకు పైగా స్థలా న్ని కొనుగోలు చేసి అప్పట్లో జగనన్న లేఅవుట్‌ వేశారు. అంతే కాకుండా అక్కడే సుమారు 23 మంది లబ్ధిదారులకు ఇళ్ల స్థలాలతో పాటు పట్టాలను పంపిణీ చేశారు. ఇంటి నిర్మాణాల కోసం లబ్ధిదారులంతా స్థలాలను ఖాళీగా విడిచిపెట్టారు. ఈ క్రమంలో ఎన్నికలు రావడం, కూటమి ప్రభుత్వం అధికారంలో రావడంతో, ప్రస్తుతం ఖాళీగా ఉన్న ఆయా స్థలాలపై అధికార పార్టీకి చెందిన కార్యకర్తల కన్ను పడింది. దీంతో దిగువ స్థాయి రెవెన్యూ అధికారులపై ఒత్తిడి చేయించి మరీ వెరిఫికేషన్‌ ఇతర కార ణాలను సాకుగా చూపించి 23 మంది లబ్ధిదారుల నుంచి పట్టాలను వెనక్కి తీసుకున్నారు. పట్టాలు వెనక్కి తీసుకున్న తర్వాత సీన్‌ ఒక్క సారిగా రివర్స్‌ అయ్యింది. 23 పట్టాలకు చెందిన స్థలాలను రెట్టింపు స్థలాలకు మార్చుకుని అధికార పార్టీకి చెందిన కార్యకర్తలు వాటిని పంచుకునే ప్రయత్నాలు చేసినట్లు తెలుస్తోంది. ఈ నేపథ్యంలో ఆయా స్థలాల్లో హద్దుల రాళ్లను సైతం పాతుకున్నారు. ఇళ్ల పట్టాలు ఇస్తామంటూ గతంలో ఉన్న లబ్ధిదారుల నుంచి వసూళ్ల కు సైతం పాల్పడినట్లు తెలుస్తోంది. విషయాలన్నీ బయటపడుతుండడంతో మండల స్థాయి నుంచి జిల్లా స్థాయి అధికారులకు ఫిర్యాదులు చేశారు.

● ఆపరేషన్‌ వికటించడం వల్లేనంటున్న కుటుంబ సభ్యులు నరసన్నపేట : ఆపరేషన్‌ వికటించడం వల్ల బాలింత మృతి చెందిందంటూ కుటుంబ సభ్యులు, బంధువులు ఆందోళన చేపట్టారు. బాధిత కుటుంబ సభ్యులు తెలిపిన వివరాల ప్రకారం.. శ్రీకాకుళం రూరల్‌ మండలం బైరివానిపేటకు చెందిన బుద్దల దివ్య(24) రెండో కాన్పు కోసం నరసన్నపేట ఏరియా ఆసుపత్రిలో ఈ నెల ఒకటో తేదీన జాయిన్‌ చేశారు. అదే రోజు ఆపరేషన్‌ చేశారు. సీ్త్ర వైద్య నిపుణురాలు కృషి పక్కనే ఉండి పీజీ చేస్తున్న వైద్యులతో ఈ ఆపరేషన్‌ చేయించారు. ఆపరేషన్‌ వికటించడంతో గర్భంలోనే రక్తం ధారలుగా పోయింది. అప్పటికప్పుడు మూడు ప్యాకెట్ల రక్తం ఎక్కించారు. అయినా పరిస్థితి మారకపోవడంతో వైద్యుల సూచన మేరకు రిమ్స్‌కు రెండో తేదీన తరలించగా మళ్లీ అక్కడ ఆపరేషన్‌ చేశారు. ఈ క్రమంలో దివ్య మృతి చెందింది. దివ్య మృతికి ఆపరేషన్‌ వికిటించడమేనని కుటుంబ సభ్యులు, గ్రామస్తులు ఆరోపిస్తూ మంగళవారం ఆందోళనకు దిగారు. దివ్య కన్నవారి ఊరు బుడితి వద్ద అవలింగి కావడంతో మొదటి కాన్పు నుంచీ ప్రభుత్వ ఆసుపత్రి వైద్యురాలు కృషి వద్దే చికిత్స చేయిస్తున్నామని, రెండో కాన్పుకూ ఇక్కడికే తీసుకురావడం తమ కొంప ముంచిందని కుటుంబ సభ్యులు అంటున్నారు. ప్రైవేటు క్లినిక్‌ వద్ద ఉద్రిక్తత.. బైరివానిపేటకు చెందిన దివ్య బంధువులు, కుటుంబ సభ్యులు మంగళవారం ఉదయానికే ప్రభుత్వ ఆసుపత్రి వైద్యురాలు నిర్వహించే ప్రైవేటు క్లినిక్‌ వద్దకు చేరుకున్నారు. ఆస్పత్రి సిబ్బందితో వాగ్వాదానికి దిగారు. సమాచారం తెలుసుకున్న నరసన్నపేట ఎస్‌ఐ బి.గణేష్‌, పోలాకి ఎస్సై రంజిత్‌, సిబ్బంది వచ్చి బంధువులకు నచ్చచెప్పారు. అనంతరం స్థానిక టీడీపీ నాయకులు మధ్యవర్తిత్వం నడిపి నష్టపరిహారం ఇప్పించేందుకు సంప్రదింపులు చేసినా బెడిసికొట్టినట్లు సమాచారం. అప్పుడప్పుడు జరుగుతుంటాయి. వంద కేసుల్లో ఒకటో రెండో ఇలా జరుగుతుంటాయని, అలాగని వైద్యులపై నిందలు వేయడం, ఆందోళనకు దిగడం సరికాదని ఏరియా ఆసుపత్రి సూపరింటెండెంట్‌ శ్రీనుబాబు అన్నారు. డాక్ట కృషి సీనియర్‌ వైద్యురాలని, ఇకపై తగిన జాగ్రత్తలు తీసుకుంటామని పేర్కొన్నారు.

● ఆందోళన చెందుతున్న పున్నాం గ్రామస్తులు జి.సిగడాం: తమ అనుమతి లేకుండా తమ భూముల్లో మాంగనీస్‌ ఖనిజానికి పరీక్షలు కోసం వేదాంత మైనింగ్‌ కంపెనీ సిబ్బంది ప్రత్యేక సర్వేలు చేస్తోందని పున్నాం గ్రామస్తులు ఆందోళన చెందుతున్నారు. ఆ భూమి లేకపోతే తమ జీవనం కష్టమవుతుందని తహసీల్దార్‌ కార్యాలయం వద్ద సోమవారం నిరసన తెలిపారు. పున్నాం గ్రామ సమీపంలో సుమారుగా 152 ఎకరాల భూమిలో మైనింగ్‌ ఉందని, రైతుల అనుమతి లేకుండా నేరుగా వేదాంత కంపెనీ సిబ్బంది ప్రత్యేక సర్వే చేస్తున్నారని, వాటిని తక్షణమే నిలుపుదల చేయాలని కోరుతూ పున్నాం, బూటుపేట గ్రామస్తులంతా సోమవారం తహసీల్దార్‌ కార్యలయం వద్ద నిరసన తెలిపారు. తమ భూముల్లో ఎలాంటి అనుమతులు లేకుండా సర్వే చేయడం ఎంత వరకు న్యాయమన్నారు. ఇలా చేస్తే పోరాటాలు చేస్తామన్నారు. ఇప్పటికే చుట్టుపక్కల గ్రామాలన్నీ కలుషితమైపోయాయని, మైనింగ్‌ కంపెనీ పెడితే తమ జీవితాలు నాశనమవుతాయని తెలిపారు. అనంతరం డిప్యూటీ తహసీల్దార్‌ నాయుడుగారు నిర్మలకు వినతి పత్రం అందించారు. అలాగే సోమవారం పీజీఆర్‌ఎస్‌లోనూ ఫిర్యాదు చేశారు.

సంతబొమ్మాళి: దేశ సరిహద్దుల్లో జవాన్‌గా విధులు నిర్వహిస్తున్నా.. సొంతూరులో న్యాయం కోసం పోరాడాల్సి వ స్తోందని సంతబొమ్మాళి మండలం మూలపేట గ్రామానికి చెందిన జవాన్‌ దీర్ఘాశి చిట్టయ్య ఆవేదన వ్యక్తం చేశారు. మూలపేట పోర్టు నిర్మాణానికి సానుకూలంగా స్పందించి గ్రామాన్ని, భూములను త్యాగం చేసిన తమకు పరిహారం విషయంలో అన్యాయం చేశారంటూ జమ్మూ కశ్మీర్‌ నుంచి వీడియో ద్వారా సోమవారం తన అవేదన వ్యక్తం చేశారు. రూ.50లక్షల వ్యయంతో ఇల్లు నిర్మించినప్పటికీ పోర్టు యాజమాన్యం, అధికారులు కేవ లం రూ. 25లక్షలకే ఎస్టిమేషన్‌ వేశారని చిట్టయ్య తెలిపారు. దీనిపై న్యాయం చేయా లని కోరుతూ రీ ఎస్టిమేషన్‌ వేయాలని కలెక్టర్‌, టెక్కలి ఆర్డీఓ కృష్ణమూర్తి, తహసీల్దార్‌ హేమ సుందర్‌రావుకు వినతి పత్రాలు అందజేసినట్లు చెప్పారు. వినతి పత్రం ఇచ్చి దాదాపు రెండేళ్లు కావస్తున్నా అధికారులు పట్టించుకోలేదని ఆవేదన వ్యక్తం చేశారు. మరోవైపు మూలపేట గ్రామానికి, తమ ఇంటికి వారం రోజులుగా విద్యుత్‌ సరఫరా నిలిపివేశారని చిట్టయ్య తెలి పారు. ఎందుకని ప్రశ్నిస్తే టెక్కలి ఆర్డీఓ కృష్ణమూర్తి నిలిపివేయాలని చెప్పినట్లు సమాధానం ఇచ్చారని తెలిపారు. పోర్టు నిర్మాణం కోసం ఇంత త్యాగం చేసిన తమకు కనీసం న్యాయం చేయకపోవడం బాధాకరమన్నారు. నిర్వాసితుల సమస్యలను పరిష్కరించాల్సిన అధికారులు తమ సమస్యలను పట్టించుకోకపోవడం ఆవేదన కలిగిస్తోందన్నారు. అన్యాయాన్ని సీఎం చంద్రబాబునాయుడు, డిప్యూటీ సీఎం పవన్‌కల్యాణ్‌, మంత్రి నారా లోకేష్‌లకు సోషల్‌ మీడియా వేదికగా వీడియో రూపంలో పంపినట్లు జవాన్‌ చిట్టయ్య తెలిపారు. 16 కిలోల గంజాయితో ఇద్దరు అరెస్టు ఇచ్ఛాపురం: ఒడిశా నుంచి బీహార్‌కి అక్రమంగా 16 కిలోల గంజాయిని తరలించేందుకు ప్రయత్నించిన బీహార్‌కు చెందిన సునీల్‌కుమార్‌ అలియాస్‌ మోహిత్‌ జైస్వాల్‌, ఒడిశాకు చెందిన సూర్యనారాయణ గౌడ అలియాస్‌ సిల్లుగౌడ అనే ఇద్దరు వ్యక్తులు పట్టణ పోలీసులకు పట్టుబడ్డారని సీఐ మీసాల చిన్నంనాయుడు తెలిపారు. సీఐ కార్యాలయంలో సో మవారం ప్రెస్‌మీట్‌ నిర్వహించారు. సీఐ తెలిపిన వివరాల మేరకు.. బీహార్‌కు చెందిన సునీల్‌కుమార్‌ ఆర్థిక పరిస్థితి బాగులేక డబ్బులు సంపాదన కోసం బీహార్‌లో గంజాయి వ్యాపారం చేసే అమిత్‌ని కలిశాడు. అమిత్‌ ఒడిశా నుంచి గంజాయిని తీసుకు రావడంలో తనకి సహకరిస్తే రూ.పదివేలు ఇస్తానన్నాడు. దీనికి అంగీకరించిన సునీల్‌ అమిత్‌తో కలసి ఒడిశాలో లక్ష్మికాంత్‌ గౌడ అనే వ్యక్తి వద్ద నుంచి గంజాయి కొనుగోలు చేసి చాలా సార్లు బీహార్‌ తీసుకెళ్లారు. ఈ క్రమంలో మళ్లీ 16 కిలోల గంజాయిని కొనుగోలు చేసి సూర్యనారాయణ గౌడతో కలిసి బైక్‌పై బరంపురం రాగా.. అక్కడ పోలీసు తనిఖీలు ఉండడంతో ఇచ్ఛాపురం రైల్వేస్టేషన్‌కు వ చ్చారు. ఇక్కడ పోలీసుల తనిఖీలో ఇద్దరూ దొరికిపోయారు. నిందితుల వద్ద నుంచి గంజాయితో పాటు రెండు సెల్‌ఫోన్లు, ద్విచక్రవాహనాన్ని పోలీసులు స్వాధీనం చేసుకొని ఇరువురి అరెస్ట్‌ చేసి కేసు నమోదు చేశారు. 100 బస్తాల యూరియా పట్టివేత జలుమూరు: మండల పరిధి చల్లవానిపేట, గుగ్గిలి వద్ద విజిలెన్స్‌ అధికారులు దాడులు చేసి 100 బస్తాలు యూరియా, ఐదు టన్నుల బియ్యంను సోమవారం సీజ్‌ చేశారు. చల్లవానిపేట వద్ద తనిఖీలు చేయగా ఒడిశా రాష్ట్రం పర్లాఖిముడి నుంచి వ్యాన్‌తో పోలాకి మండలం డోల గ్రామానికి చెందిన డోల రమణ మూర్తి 4.5 మెట్రిక్‌ టన్నుల యూరియా తరలిస్తుండగా వాహనాన్ని ఆపి తనిఖీలు చేసి 100 బస్తాలు యూరియా గుర్తించామని విజిలెన్స్‌ అధికారి రామారావు తెలిపారు. ఎలాంటి ప త్రాలు లేనందున యూరియాను చల్లవానిపేట పీఏసీఎస్‌లో భద్రపరిచి వాహనాన్ని జలుమూ రు పోలీస్‌స్టేషన్‌కు తరలించి కేసు నమోదు చేశామన్నారు. గుగ్గిలిలో రేషన్‌ బియ్యం పట్టివేత గుగ్గిలి వద్ద విజిలెన్స్‌ అధికారులు తనిఖీలు నిర్వహించగా అదే గ్రామానికి చెందిన కోరాడ గోవిందరావు ఆటోలో పీడీఎస్‌ బియ్యం తరలిస్తున్నట్లు గుర్తించారు. పరిసర గ్రామాల్లోని రే షన్‌ కార్డు దారుల నుంచి బియ్యం కొనుగోలు చేసి పర్లాఖిముండి తరలిస్తున్నట్లు తెలిపారు.

దివ్యాంగులకు నాసిరకం ట్రైసైకిళ్లు● కేంద్రమంత్రి రామ్మోహన్‌నాయుడు చేతులు మీదుగా ఆదివారం పంపిణీ ● పంపిణీ చేసిన రోజే విరిగిన ఓ దివ్యాంగుడి ట్రైసైకిల్‌ ● ఆ దివ్యాంగుడికి తప్పిన ప్రమాదం సాక్షి ప్రతినిధి, శ్రీకాకుళం: కేంద్ర మంత్రి చేతుల మీదుగా తీసుకున్న ట్రైసైకిల్‌ ఎక్కిన దివ్యాంగుడికి ప్రమాదం తప్పింది. పంపిణీ చేసిన రోజునే ఈ ట్రైసైకిల్‌ విరిగిపోయింది. ఎయిర్‌పోర్ట్‌ అథారిటీ ఆఫ్‌ ఇండియా రూ.కోటిన్నర సీఎస్‌ఆర్‌ నిధులతో తయారు చేసిన ట్రైసైకిళ్లలో నాణ్యత లోపాలున్నాయా? వీటి వెనక చేతివాటం ప్రదర్శించారా? అన్న అనుమానాలు వ్యక్తమవుతున్నాయి. 130 మంది దివ్యాంగులకు ట్రైసైకిళ్లు, 100 మంది వయో వృద్ధులకు ఎయిర్‌పోర్టు అథారిటీ ఆఫ్‌ ఇండియా సీఎస్‌ఆర్‌ నిధుల సాయంతో కేంద్ర మంత్రి కింజరాపు రామ్మోహన్‌ నాయుడు, కలెక్టర్‌ స్వప్నిల్‌ దినకర్‌ పుండ్కర్‌ చేతులమీదుగా ఆదివారం సైకిళ్లు పంపిణీ చేశారు. ఇప్పుడా ట్రైసైకిళ్ల నాణ్యత ప్రశ్నార్థకంగా మారింది. జలుమూరు మండలం చల్లవానిపేటకు చెందిన ఢిల్లీరాజు అనే దివ్యాంగుడికి ఆదివారం కేంద్రమంత్రి అందజేసిన ట్రైసైకిల్‌ ఇంటికి తెచ్చిన రోజే విరిగిపోయింది. ఇంట్లో అలా కూర్చోగానే ఒక చక్రం విరిగిపోయింది. ఇంట్లో జరగడం వల్ల ప్రమాదం తప్పింది. దాని చార్జర్‌ కూడా పనిచేయడం లేదు. దివ్యాంగులకు ఎంతో నాణ్యమైన పరికరాలు అందజేయాలి. నాణ్యతా ప్రమాణాలను పక్కాగా చూసుకుని, అన్నీ పరిశీలించాక పంపిణీ చేయాలి. నిర్మాణ కంపెనీ జాగ్రత్తలు తీసుకోవాలి. కానీ, పంపిణీ చేసిన రోజునే ఆ ట్రైసైకిల్‌ విరిగిపోయిందంటే ఎక్కడో లోపాలు ఉన్నాయన్నది విచారణ చేయాల్సిన బాధ్యత అధికారులపై ఉంది. ఆలోచిస్తేనే భయమేసింది నాసిరకం ట్రైసైకిళ్లతో ఎంత మంది ఇబ్బంది పడుతున్నారో ఆలోచిస్తే భయంగా ఉంది. ఇంటి ఆవరణలో జరిగింది కాబట్టి సరిపోయింది. రోడ్డు మీద, ఇంకెక్కడైనా జరిగితే ప్రమాదకరం. దయచేసి మున్ముందు జరక్కుండా, సరిచేసి లేదా కొత్తది ఇవ్వాల్సిందిగా కోరుతున్నాను. – ఢిల్లీరాజు, దివ్యాంగుడు, చల్లవానిపేట, జలుమూరు

● శ్రీముఖలింగంలో చెత్త బండిలో పూజాద్రవ్యాల తరలింపుజలుమూరు: శ్రీముఖలింగంలో మహాదేవునికి మరోసారి అపచారం జరిగింది. గత నెలలో ఓ శునకం శివలింగం పానపట్టం మీద నిద్రించడంపై ‘సాక్షి’లో కథనం వచ్చిన వెంటనే దేవదా య శాఖ అధికారులు స్పందించి ఆలయ సంప్రోక్షణ, శుద్ధి చేసి ప్రత్యేక పూజలు నిర్వహించారు. ఇప్పుడు స్వామికి సమర్పించిన పూజా ద్రవ్యాలను చెత్తతో కలిపి నిబంధనలకు విరుద్ధంగా ట్రాక్టర్‌తో తరలించడంపై భక్తులు తీవ్రంగా మండిపడుతున్నా రు. ప్రధాన దేవాలయంతోపాటు ఆలయ పరిసరా ల్లో ఉన్న శివలింగాలు, ఇతర దేవతా విగ్రహాలు, అష్టగణపతులకు భక్తులు చేసిన పూజలు అనంతరం పూలు, పత్రి, ఇతర పూజా సామగ్రిని పక్కనే ఉన్న వంశధార నదిలో గానీ, ఆలయం చెంతనే ఉన్న ఓ గోతిలో పవిత్రంగా నిమజ్జనం చేయాలి. కానీ ఏకంగా పంచాయతీ చెత్త బండిలో పూజాద్రవ్యాలను ఉంచి ఇళ్ల నుంచి సేకరించిన చెత్త, మాంసం వ్యర్థాలతో కలిపి పారబోస్తున్నారు. భక్తులు స్వామికి సమర్పించిన మారేడు, నేరేడు పత్రి, స్వామి పూ ల దండలతోపాటు సుగంధ ద్రవ్యాలను ఇలా తరలించడాన్ని భక్తులు జీర్ణించుకోలేకపోతున్నారు. దీనిపై ఆలయ ఈఓ కె.ఏడుకొండలును వివరణ కోరగా తన దృష్టికి వచ్చిందని, ఇక నుంచి అలా జరగకుండా చూస్తామన్నారు. మనోభావాలు దెబ్బ తింటాయి ఎంతో విశ్వాసంతో దూర ప్రాంతాల నుంచి భక్తులు వస్తుంటారు. ఇలా చేస్తుంటే దేవదాయ శాఖ ఏంచేస్తోంది. ఇది భక్తుల మనోభావాలు దెబ్బ తీయ డమే. – ఎన్‌.రమణమూర్తి, ధనలక్ష్మి, భక్తులు,విశాఖపట్నం

ఎచ్చెర్ల: ఆంధ్రప్రదేశ్‌ రాష్ట్ర నైపుణ్యాభివృద్ధి సంస్థ ఆధ్వర్యంలో ఎచ్చెర్లలోని ప్రభుత్వ ఐటీఐ స్కిల్‌ హబ్‌ సెంటర్‌లో దివీస్‌ ల్యాబరేటరీస్‌ ఆధ్వర్యంలో ఉపాధి అవకాశాలు కల్పించేందుకు బుధవారం ఇంటర్వ్యూలు నిర్వహించనున్నట్లు కళాశాల ప్రిన్సిపాల్‌ సుధాకర్‌ సోమవారం ఒక ప్రకటనలో తెలిపారు. దీనికి పదో తరగతి, ఇంటర్మీడియట్‌, ఐటీఐ అర్హత కలిగినవారు హాజరవ్వాలని సూచించారు. 18 నుంచి 30 సంవత్సరాల్లోపు యువకులు అర్హులని పేర్కొన్నారు. ఆసక్తి కలిగిన అభ్యర్థులు తమ బయోడేటా, సర్టిఫికెట్లు, ఆధార్‌ జిరాక్స్‌, పాస్‌పోర్ట్‌ సైజ్‌ ఫోటోలతో హాజరవ్వాలన్నారు. చేపల మృత్యువాతపై అధికారుల పరిశీలన రణస్థలం: మండలంలోని నారువ, మెంటాడ పంచాయతీల పరిధి అక్కయ్యపాలెం దగ్గరలోని కందివలస గెడ్డలో చేపలు మృత్యువాత పడిన విషయం తెలిసిందే. దీనిపై స్పందించిన కాలుష్య నియంత్రణ అధికారులు గెడ్డలోని నీటిని సేకరించారు. ల్యాబ్‌కు పంపించి నివేదిక వచ్చిన తర్వాత తదుపరి చర్యలు తీసుకుంటామని కాలుష్య నియంతణ ఏఈ హరీష్‌ తెలిపారు. ఆటో డ్రైవర్‌కు 6 నెలల జైలు శిక్ష సారవకోట: పాలకొండ గ్రామానికి చెందిన శైలా మన్మధరావుకు సోమవారం పాతపట్నం జూనియర్‌ సివిల్‌ జడ్జ్‌ ఎం.రోషిణి ఆరు నెలల జైలు శిక్ష విధించినట్లు ఎస్‌ఐ అనిల్‌ కుమార్‌ తెలిపారు. 2022లో సారవకోట గ్రామానికి చెందిన కూన పొట్టెమ్మను ఆటోతో ఢీకొని ఆమె మృతికి కారణమయ్యాడు. దీనిపై అప్పటి ఎస్‌ఐ లావణ్య కేసు నమోదు చేసి చార్జిషీటు వేశారు. దీనిపై వాదోపవాదనలు జరిగిన తర్వాత సోమవారం శైలా మన్మధరావుకు ఆరు నెలలు సాధారణ జైలు శిక్ష విధించినట్లు ఆయన తెలిపారు. నేడు అరసవల్లిలో సహస్ర ఘటాభిషేకం అరసవల్లి: ప్రసిద్ధ పుణ్యక్షేత్రం అరసవల్లి సూర్యనారాయణ స్వామి ఆలయంలో దేవదాయ శాఖ ఆధ్వర్యంలో సహస్ర ఘటాభి షేక సహిత వరుణయాగం, జపమహోత్సవ కార్యక్రమం నిర్వహిస్తున్నట్లుగా ఆలయ ఈఓ కేఎన్‌వీడీవీ ప్రసాద్‌, ప్రధానార్చకులు ఇప్పిలి శంకరశర్మ ప్రకటించారు. మంగళవారం ఉదయం 6 గంటల నుంచి క్షేత్ర పాలకులైన శ్రీభువనేశ్వరి సహిత రామలింగేశ్వర స్వామి వారి ఆలయంలో లోకకళ్యాణార్థం, వర్షాలు కురవాలని కోరుతూ ఈ అభిషేకాన్ని నిర్వహస్తున్నట్లుగా ప్రకటించారు. మానసిక దివ్యాంగురాలిపై అత్యాచారం హిరమండలం: మండలంలోని ఒక గ్రామంలో మానసిక దివ్యాంగురాలైన యువతిపై అదే గ్రామానికి చెందిన ఒక వ్యక్తి అత్యాచారానికి పాల్పడినట్లు వచ్చిన ఫిర్యాదు మేరకు కేసు నమోదు చేసినట్లు ఎస్‌ఐ మధుసూదనరావు తెలిపారు. ఎస్‌ఐ తెలిపిన వివరాల ప్రకారం.. పువ్వల దామోదరావు అనే వ్యక్తి ఇంటింటికీ వెళ్లి కరెంట్‌ బిల్లులు తీస్తుంటాడు. ఎప్పటిలాగే ఈనెల 4వ తేదీన మధ్యాహ్నం ఒక గ్రామంలోని ఒక ఇంటికి బిల్లు తీసేందుకు వెళ్లాడు. ఆ సమయంలో ఒక ఇంట్లో మానసిక దివ్యాంగురాలైన యువతిపై దామోదరావు అత్యాచారం చేసినట్లు ఎస్‌ఐ తెలిపారు. బాధితురాలు తల్లి ఇచ్చిన ఫిర్యాదు మేరకు కేసు నమోదు చేసి, దర్యాప్తు చేస్తున్నామన్నారు. ‘కరువు జిల్లాగా ప్రకటించాలి’ శ్రీకాకుళం (పీఎన్‌కాలనీ): జిల్లాను కరువు జిల్లాగా ప్రకటించి కరువు సహాయక చర్యలు చేపట్టాలని ఆంధ్రప్రదేశ్‌ రైతు సంఘం ఉపాధ్యక్షులు కె.మోహన్‌రావు, జిల్లా అధ్యక్షులు పొందూరు చంద్రరావు, కౌలు రైతు సంఘం జిల్లా కార్యదర్శి వెలమల రమణ డిమాండ్‌ చేశారు. శ్రీకాకుళం నగరంలో సుందరయ్య భవన్‌లో సోమవారం విలేకరుల సమావేశం నిర్వహించారు. ఈ సందర్భంగా వారు మాట్లాడుతూ తీవ్ర వర్షాభావ పరిస్థితుల నేపథ్యంలో సాగునీటి వనరులు లేని మండలాలను కరువు మండలాలుగా ప్రకటించకపోవడం రైతులకు ద్రోహం చేయడమేనన్నారు. పలాస, వజ్రపుకొత్తూరు, నందిగాం మండలాల్లోనూ లోటు వర్షపాతంతో పాటు ఈ భూములకు వంశధార నీరు కూడా అందిన పరిస్థితి లేదన్నారు. వ్యవసాయ శాఖ మంత్రి అచ్చెన్నాయుడికి కరువు పరిస్థితి పట్టడం లేదని విమర్శించారు. జిల్లాలో కరువు మండలాలు ప్రకటించడంలో శాసీ్త్రయత లోపించిందని, ఇది రాజకీయ ప్రకటనగా ఉందని విమర్శించారు. లోటు వర్షపాతం ఉన్న మందస, ఇచ్ఛాపురం, కవిటి లాంటి మండలాలను కరువుగా ప్రకటించకపోవడం ఏంటని ప్రశ్నించారు. తక్షణం జిల్లాను కరువు జిల్లాగా ప్రకటించి సహాయక చర్యలు, రాయితీలు ప్రకటించాలని డిమాండ్‌ చేశారు.

సర్కారు డప్పువలంటీర్ల పొట్ట కొట్టారు అధికారంలోకి వస్తే రూ. పది వేలు ఇస్తామని వలంటీర్లను నమ్మించారు. ఓట్లు పడ్డాక ఆ ఊసే ఎత్తలేదు. వలంటీర్ల పొట్ట కొట్టారు. – గేదెల సుధీర్‌, మాజీ వలంటీర్‌, తాయిమాంబాపురం, ఎల్‌ఎన్‌ పేట ప్రజాధనం దుర్వినియోగం ప్రభుత్వ పథకాల ప్రచారానికి ఇన్‌ఫ్లుయెన్సర్లకు డబ్బులివ్వడం ప్రజాధనాన్ని దుర్వినియోగం చేయడమే. టీడీపీ నేతలకు ఇది సరికాదు. – నరసింహారావు, మాజీ వలంటీర్‌, ఓండ్రుజోల, ఎల్‌ఎన్‌పేట