SPSR Nellore District Latest News

దుత్తలూరు(ఉదయగిరి): మండలంలోని నందిపాడు జెడ్పీ ఉన్నత పాఠశాలలో శుక్రవారం నిర్వహించాల్సిన ఎస్సెమ్సీ ఎన్నికను కోరం లేక వాయిదా వేశారు. తాజాగా జరిపిన ప్రక్రియలో 200 మంది తల్లిదండ్రులకు గానూ 105 మంది హాజరయ్యారు. వైఎస్సార్‌ కాంగ్రెస్‌ పార్టీ మద్దతుదారుకు 62.. టీడీపీ తరఫు వారికి 35 ఓట్లొచ్చాయి. దీంతో పచ్చ పార్టీ వర్గీయులు ఒక్కసారిగా ఎన్నిక జరుగుతున్న హాల్లోకి ప్రవేశించడంతో తీవ్ర ఉద్రిక్తత నెలకొంది. ఎలక్షన్‌ జరగనీయకుండా అడ్డుకునేందుకు సైకిల్‌ శ్రేణులు యత్నించడం.. దీనికి వైఎస్సార్‌ కాంగ్రెస్‌ పార్టీ నేతలు అభ్యంతరం చెప్పడంతో ఇరువర్గాల మధ్య వాగ్వాదం చోటుచేసుకుంది. పోలీసులు జోక్యం చేసుకొని సర్దిచెప్పేందుకు యత్నించారు. ఏమి జరుగుతోందో అర్థం కాక తల్లిదండ్రులు అక్కడ్నుంచి వెళ్లిపోయారు. దీంతో ఎన్నికను వాయిదా వేశారు. పోలీసుల తీరుపై నిరసన ఎన్నికల గది ఉద్రిక్తంగా ఉన్న నేపథ్యంలో నందిపాడు ఎస్సీ కాలనీకి చెందిన వెంకటేశ్వర్లు.. అందులోకి వెళ్తుండగా, పోలీసులు చేయిచేసుకోవడంతో పరిస్థితి తీవ్రమైంది. ఎస్సై మహేంద్ర తీరును నిరసిస్తూ యువకుడి మద్దతుదారులు బైఠాయించారు. స్థానిక పెద్దలు జోక్యం చేసుకొని రాజీ చేశారు.

నెల్లూరు(వీఆర్సీసెంటర్‌): నెల్లూరు రూరల్‌ నియోజకవర్గ పరిధిలోని 24వ డివిజన్‌ సుందరయ్య కాలనీ, సీ డీ బ్లాక్‌లలో ప్రభుత్వం ఇచ్చిన బీఫామ్‌ పట్టాలకు బదులుగా రిజిస్ట్రేషన్‌ పట్టాలు, అర్హులైన వారికి స్థలాలు కేటాయించి, ఇళ్లు నిర్మించి ఇవ్వాలని సీపీఎం జిల్లా కార్యదర్శి వర్గ సభ్యుడు మాదాల వెంకటేశ్వర్లు, పెంచలనరసయ్య డిమాండ్‌ చేశారు. సుందరయ్యకాలనీ సచివాలయం వద్ద శనివారం స్థానిక ప్రజలతో కలిసి వారు ధర్నా చేపట్టారు. ఈ సందర్భంగా మాట్లాడుతూ దశాబ్దాల తరబడి నివాసం ఉంటున్న పేద, మధ్య తరగతి ప్రజలకు రిజిస్ట్రేషన్‌ పట్టాలిచ్చేందుకు పాలకులు, అధికారులు మీనమేషాలు లెక్కి స్తున్నారని మండిపడ్డారు. కూటమి ప్రభుత్వం ఇచ్చిన హామీ మేరకు రిజిస్ట్రేషన్‌ పట్టాలు ఇవ్వాలని డిమాండ్‌ చేశారు. లేకుంటే ఆందోళనలు ఉధృతం చేస్తామని హెచ్చరించారు. కార్యక్రమంలో సీపీఎం, ప్రజానాట్య మండలి నాయకులు వీర్ల శ్రీనివాసులు, సురేష్‌, సుధీర్‌, షాహినాబేగం, సుధాకర్‌, మల్లికార్జున, అభిషేక్‌, స్థానిక ప్రజలు పాల్గొన్నారు.

● కలెక్టర్‌ను కోరిన ఎమ్మెల్సీ పర్వతరెడ్డి నెల్లూరురూరల్‌: స్థానిక సంస్థల ఎన్నికల్లో అధికార పార్టీ కుట్రలు, దౌర్జన్యాలకు పాల్పడే అవకాశం ఉందని, వాటికి అడ్డుకట్ట వేయాలని వైఎస్సార్‌సీపీ నగర నియోజకవర్గ ఇన్‌చార్జి, ఎమ్మెల్సీ పర్వతరెడ్డి చంద్రశేఖర్‌రెడ్డి కలెక్టర్‌ హిమాన్షు శుక్లాను కోరారు. ఈ మేరకు శనివారం వైఎస్సార్‌సీపీ నేతలతో కలిసి కలెక్టరేట్‌లో ఎన్నికలకు సంబంధించిన పలు అంశాలను కలెక్టర్‌కు వివరించారు. అనంతరం మీడియా సమావేశం నిర్వహించారు. స్థానిక సంస్థల ఎన్నికల్లో ఎలాగైనా గెలవాలనే ఉద్దేశంతో అధికార పార్టీ కుతంత్రాలకు పాల్పడుతోందన్నారు. ఇష్టారీతిన ఓటర్ల జాబితాలను రూపొందించి కొంతమంది ఓటర్లను జాబితా నుంచి తొలగిస్తున్నారని విమర్శించారు. పోలీసు, రెవెన్యూ యంత్రాంగాన్ని ఉపయోగించుకుని ఎన్నికల్లో పైచేయి సాధించేందుకు ప్రయత్నాలు జరుగుతున్నాయని ఆరోపించారు. ప్రతిపక్ష నేతల అక్రమ అరెస్టులు, నిర్బంధాల విషయాన్ని కూడా కలెక్టర్‌ దృష్టికి తీసుకెళ్లినట్లు తెలిపారు. ఎన్నికలు స్వేచ్ఛగా, నిష్పక్షపాతంగా జరిగేలా చర్యలు తీసుకోవాలని కోరినట్లు చెప్పారు. పోలింగ్‌ రోజున కూడా అధికార పార్టీ బెదిరింపులు, దౌర్జన్యాలకు పాల్పడే అవకాశం ఉందని, వాటిని అడ్డుకోవాలని కోరారు. బీసీలను మోసం చేస్తున్న ప్రభుత్వం బీసీల రిజర్వేషన్లపై ప్రభుత్వం మోసం చేస్తోందని పర్వతరెడ్డి విమర్శించారు. రిజర్వేషన్లపై 50 శాతం పరిమితిపై సుప్రీంకోర్టు తీర్పు ఉన్న నేపథ్యంలో జీఓలు జారీ చేయడం, వాటిని హైకోర్టు కొట్టివేసిన తర్వాత మళ్లీ సుప్రీంకోర్టును ఆశ్రయిస్తామని చెప్పడం బీసీలను మరోసారి మోసం చేయడమేనన్నారు. బీసీల ఓట్ల కోసమే ఇలాంటి నాటకాలు ఆడుతున్నారని దుయ్యబట్టారు. బీసీలు ఇప్పటికైనా ఆలోచించి ఇలాంటి కుట్రలను తిప్పుకొట్టాలని కోరారు. వైఎస్సార్‌, జగనన్న హయాంలోనే న్యాయం అప్పట్లో వైఎస్సార్‌, మొన్న జగన్‌మోహన్‌రెడ్డి హయాంలోనే బీసీలకు మంచి జరిగిందని పర్వతరెడ్డి గుర్తు చేశారు. జనరల్‌ సీట్లలో కూడా బీసీలకు ఇచ్చారంటే వారి గురించి జగన్‌మోహన్‌రెడ్డి ఎంతగా ఆలోచించారో అర్థం చేసుకోవాలన్నారు. అధికార పార్టీ ఆగడాలను అడ్డుకునేందుకు వైఎస్సార్‌సీపీ మరింత దూకుడుగా ముందుకు సాగుతుందని చెప్పారు. తమ ప్రభుత్వం అధికారంలోకి వచ్చిన వెంటనే ప్రస్తుత ప్రభుత్వ హయాంలో జరిగిన అవినీతి, అక్రమాలను వెలికితీసి న్యాయస్థానాల ముందుంచుతామని హెచ్చరించారు. కార్యక్రమంలో పార్టీ నాయకులు, కార్యకర్తలు పాల్గొన్నారు.

నెల్లూరు(పొగతోట): కాలుష్య నిబంధనలను రైస్‌ మిల్లర్లు తప్పనిసరిగా పాటించాలని కాలుష్య నియంత్రణ మండలి ఈఈ అశోక్‌కుమార్‌ అన్నారు. నగరంలోని రైస్‌ మిల్లర్స్‌ అసోసియేషన్‌ కార్యాలయంలో శనివారం నిర్వహించిన అవగాహన కార్యక్రమంలో ఈఈ మాట్లాడారు. నగర పరిధిలోని 64 రైస్‌ మిల్లుల యజమానులు నిబంధనలను తప్పక పాటించాలన్నారు. కాలుష్యాన్ని నివారించాల్సిన బాధ్యత అందరిపై ఉందన్నారు. ప్రజలకు ఇబ్బందులు కలిగించకుండా పరిశ్రమలు ఏర్పాటు చేసుకోవాలన్నారు. రైస్‌ మిల్లుల నుంచి వస్తున్న కాలుష్యం వల్ల ఇబ్బందులు తలెత్తుతున్నాయని ప్రజాప్రతినిధులు ఉన్నతాధికారుల దృష్టికి తీసుకొచ్చారన్నారు. నగర పరిధిలో 33 రైస్‌ మిల్లుల్లో మాత్రమే కాలుష్యాన్ని అరికట్టే విధంగా యంత్రాలను ఏర్పాటు చేసుకున్నారని, మిగిలిన మిల్లుల్లోనూ కాలుష్యాన్ని అరికట్టే యంత్రాలను ఏర్పాటు చేయాలని సూచించారు. దుమ్మును నివారించే పరికరాలు ఏర్పాటు చేసేంత వరకు బ్రాయిలర్లను నడపవద్దన్నారు. కార్యక్రమంలో రైస్‌ మిల్లర్స్‌ అసోసియేషన్‌ నాయకులు సుబ్రహ్మణ్యంరెడ్డి, రంగయ్యనాయుడు, కోటేశ్వరరావు, రైస్‌ మిల్లర్లు పాల్గొన్నారు.

● ఎస్సెమ్సీ ఎన్నికల వేళ రౌడీయిజం ● సౌత్‌మోపూరులో కుట్రలకు తెరదీసి.. ● ఆత్మకూరులో అంతా గోప్యం ● దుత్తలూరులో దాష్టీకం నెల్లూరు సిటీ: గత సార్వత్రిక ఎన్నికల సమయంలో ఈవీఎంల పనితీరుపై అనుమానాలు నేటికీ కొనసాగుతున్న వేళ.. ఇదే ఫార్ములాను ఎస్సెమ్సీ ఎలక్షన్ల సందర్భంగా తమ్ముళ్లు ఉపయోగించారు. ఈ ఉదంతానికి నెల్లూరు రూరల్‌ మండలంలోని సౌత్‌మోపూరు హైస్కూల్‌ వేదికై ంది. వాస్తవానికి గురువారం నిర్వహించిన స్కూల్‌ మేనేజ్‌మెంట్‌ కమిటీ ఎన్నికల్లో అక్రమాలు జరిగాయని ఆరోపిస్తూ.. పారదర్శకంగా నిర్వహించాలని వైఎస్సార్‌ కాంగ్రెస్‌ పార్టీ, సీపీఐ ఆందోళన చేశాయి. ఈ తరుణంలో మరోసారి శనివారం నిర్వహించగా, టీడీపీ నేతలు అత్యుత్సాహాన్ని ప్రదర్శించారు. తమ వారినే ఎన్నుకోవాలంటూ అధికారులపై హుకుం జారీ చేశారు. దీంతో ఆఫీసర్లు సైతం చేసేదిలేక సైకిల్‌ పార్టీ అభ్యర్థే విజయం సాధించారని ప్రకటించారు. నిజానికి గురువారం జరిపిన ఎలక్షన్లలో వైఎస్సార్‌ కాంగ్రెస్‌ పార్టీ, సీపీఐ ఉమ్మడి అభ్యర్థి కాశీవిశ్వనాథ్‌కు 66.. టీడీపీ అభ్యర్థి విజయకుమార్‌కు 64 ఓట్లొచ్చాయి. అయితే ఫలితాన్ని తారుమారు చేశారు. ప్రతిపక్షాలు తీవ్ర అభ్యంతరం తెలిపి ప్రక్రియను బహిష్కరించాయి. టీడీపీ రూరల్‌ కార్యాల యం నుంచి వచ్చిన ఆదేశాలను అధికారులు తూచా తప్పకుండా పాటించారు. కోరం లేక ఐదు పాఠశాలల్లో నిలిచిన వైనం నెల్లూరు (టౌన్‌): వెంకటగిరి జాతర కారణంగా 224, కోరం లేక 22 పాఠశాలలు.. ఇలా మొత్తం 246 చోట్ల స్కూల్‌ మేనేజ్‌మెంట్‌ కమిటీ ఎన్నికలను శనివారం నిర్వహించారు. వీటిలో ఐదు చోట్ల కోరం లేక ఎన్నికలు నిలిచిపోయాయి. తదుపరి ఎప్పుడు నిర్వహించనున్నారో విద్యాశాఖ అధికారులు ప్రకటించనున్నారు. ఎన్నికలేదైనా తమకే విజయం దక్కాలనే కాంక్షతో టీడీపీ నేతలు చెలరేగిపోతున్నారు. గతంలో పలు సందర్భాల్లో ఇలానే వ్యవహరించి ఏదో సాధించామని ఫీలైన తమ్ముళ్లు తాజాగా స్కూల్‌ మేనేజ్‌మెంట్‌ కమిటీ ఎలక్షన్లలోనూ బరితెగించారు. పలు చోట్ల గురువారం నిర్వహించాల్సిన ప్రక్రియను శనివారానికి వాయిదా వేశారు. అయితే పచ్చ నేతల దాష్టీక పర్వం ఏ మాత్రం ఆగకపోగా, మరింత శ్రుతిమించింది. ఫలితాలను తారుమారు చేయడం.. వైఎస్సార్‌ కాంగ్రెస్‌ పార్టీ మద్దతుదారులు గెలిస్తే వారి పేర్లను ప్రకటించకుండా జాప్యం చేస్తుండటం.. మరోచోట ఓడిపోయినా పోస్ట్‌పోన్‌ చేయించి ప్రజాస్వామ్యాన్ని పరిహాసం చేస్తున్నారు. ఇలాంటి చిన్న ఎలక్షన్లోనూ వీరిలా వ్యవహరిస్తుండటంపై జిల్లా వాసులు భగ్గుమంటున్నారు.

నెల్లూరు(పొగతోట): గ్రామ పంచాయతీ ఎన్నికలకు సంబంధించి త్వరలో నోటిఫికేషన్‌ వచ్చే అవకాశం ఉన్నందున ప్రక్రియను పూర్తి చేసి సిద్ధంగా ఉండాలని డీపీఓ వెంకటరామన్‌ మండలాధికారులను ఆదేశించారు. ఆయన జిల్లా పంచాయతీ అధికారి కార్యాలయం నుంచి స్థానిక ఎన్నికలకు సంబంధించి మండలాధికారులతో శనివారం టెలి కాన్ఫరెన్స్‌ జరిపారు. పోలింగ్‌ బూత్‌లు, ఓటర్ల జాబితాలు సిద్ధంగా ఉన్నాయన్నారు. ఎన్నికల కమిషన్‌ ఉత్తర్వులిచ్చిన వెంటనే పంచాయతీల వారీగా రిజర్వేషన్ల ప్రక్రియను పూర్తి చేసేలా చర్యలు తీసుకున్నామన్నారు. ఎన్నికల ప్రక్రియలో ఎలాంటి లోటుపాట్లు లేకుండా సక్రమంగా నిర్వహించేలా చర్యలు చేపట్టాలని సూచించారు. పంచాయతీల రిజర్వేషన్ల ప్రక్రియ నిర్వహించే సమయంలో ప్రత్యేక శ్రద్ధ తీసుకోవాలన్నారు. ఎన్నికల నిర్వహణకు సంబంధించిన మెటీరియల్‌ అందుబాటులో ఉంచుకోవాలన్నారు. పోలింగ్‌ బూత్‌ల్లో అవసరమైన మౌలిక సదుపాయాలు కల్పించాలని తెలిపారు. ఘనంగా జిల్లాస్థాయి క్రీడా ఎంపికలు నెల్లూరు (టౌన్‌): నగరంలోని ఏసీ సుబ్బారెడ్డి స్టేడియంలో నిర్వహిస్తున్న స్కూల్‌ గేమ్స్‌ ఫెడరేషన్‌ జిల్లాస్థాయి క్రీడా ఎంపికలు శనివారం ఘనంగా జరిగాయి. అండర్‌–17 అథ్లెటిక్స్‌లో, అండర్‌–14, 17 ఫుట్‌బాల్‌లో, అండర్‌–19 సాఫ్ట్‌బాల్‌లో బాల, బాలికలకు ఎంపికలు నిర్వహించారు. ఈ సందర్భంగా ఎస్జీఎఫ్‌ జిల్లా కార్యదర్శి మల్లికార్జునరావు మాట్లాడుతూ స్కూల్‌ గేమ్స్‌ ఫెడరేషన్‌ క్రీడలు విజయవంతం చేసిన వ్యాయామ ఉపాధ్యాయులకు ధన్యవాదాలు తెలిపారు. ఈనెల 5వ తేదీ జరగాల్సిన వివిధ రకాల క్రీడా ఎంపికలను ఇంటర్‌, హైస్కూల్‌ విద్యార్థులకు పరీక్షల నేపథ్యంలో వాయిదా వేసినట్లు చెప్పారు. క్రీడలు ఎప్పుడు నిర్వహిస్తారన్న దానిపై త్వరలో ప్రకటిస్తామన్నారు. నిత్యాన్నదానానికి రూ.లక్ష విరాళం రాపూరు: మండలంలోని పెంచలకోనలో వెలసిన పెనుశిల లక్ష్మీనరసింహస్వామి నిత్యాన్నదాన పథకానికి శనివారం బద్వేల్‌కు చెందిన చాటకొండు నరసింహులు రూ.1,00,116లు అందించినట్లు ఏసీ జనార్దన్‌రెడ్డి తెలిపారు. దాతలకు మూడు ఆలయాల్లో ప్రత్యేక దర్శనాలు కల్పించి, తీర్థప్రసాదాలు, శేష వస్త్రం అందించినట్లు వివరించారు. అర్జీలను గడువులోగా పరిష్కరించాలి ● డీఆర్వో విజయ్‌కుమార్‌ నెల్లూరురూరల్‌: ప్రజా సమస్యల పరిష్కార వేదిక (పీజీఆర్‌ఎస్‌) ద్వారా అందిన అర్జీలను నిర్ణీత గడువులోగా పరిష్కరించాలని జిల్లా రెవెన్యూ అధికారి, పీజీఆర్‌ఎస్‌ నోడల్‌ ఆఫీసర్‌ విజయకుమార్‌ అధికారులను ఆదేశించారు. ఈ మేరకు శనివారం ఆయన ఒక ప్రకటన విడుదల చేశారు. అధికారులు తమ లాగిన్‌లో పెండింగ్‌లో ఉన్న అర్జీలతో పాటు నేరుగా అందిన అర్జీలను కూడా ప్రతిరోజూ పరిశీలించాలన్నారు. అర్జీదారులకు సంతృప్తికరమైన పరిష్కారం అందేలా చర్యలు తీసుకోవాలన్నారు. నిర్లక్ష్యం వహిస్తే సంబంధిత అధికారులే బాధ్యత వహించాల్సి ఉంటుందని స్పష్టం చేశారు. చికెన్‌ వేస్ట్‌ నిర్వాహకుల బెదిరింపులువెంకటాచలం: చికెన్‌ వ్యర్థాలను ఎక్కడికి తరలిస్తున్నారని ప్రశ్నించిన వారిపై నిర్వాహకులు బెదిరింపులకు పాల్పడిన ఘటన వెంకటాచలం టోల్‌ప్లాజా వద్ద శుక్రవారం రాత్రి జరిగింది. గూడూరు వైపు నుంచి నెల్లూరు వైపు చికెన్‌ వ్యర్థాలతో బొలెరో వాహనం వెళ్తోంది. ఈవిషయాన్ని అటుగా వెళ్లే ప్రయాణికులు గుర్తించి టోల్‌ప్లాజా వద్ద ఆపి ఎక్కడికి వ్యర్థాలను తరలిస్తున్నారని ప్రశ్నించారు. అయితే బొలెరో డ్రైవర్‌ ఈ విషయాన్ని వ్యర్థాలను తరలించే వారికి తెలియజేయడంతో నిర్వాహకులు ప్రశ్నించిన వారిని ఫోన్‌లో బెదిరించారు. ఈ విషయంపై వెంకటాచలం పోలీసులకు బాధితులు శుక్రవారం రాత్రి ఫిర్యాదు చేశారు. కేసు దర్యాప్తు చేస్తామని పోలీసులు తెలిపారు.

నెల్లూరు సిటీ: ఎనిమిదేళ్ల క్రితం అదృశ్యమైన వివాహిత ఆచూకీని ఏహెచ్‌టీయూ బృందం గుర్తించింది. నగరంలోని మహిళా పోలీస్‌స్టేషన్‌ డీఎస్పీ వేమారెడ్డి తన కార్యాలయంలో శనివారం విలేకరుల సమావేశం నిర్వహించారు. నెల్లూరు రూరల్‌ మండలంలోని సౌత్‌రాజుపాళెంలో దంపతులు నివాసం ఉంటున్నారు. ఈ క్రమంలో 2018లో వారి మధ్య విభేదాలు రావడంతో భర్తపై అలిగి ఇంటి నుంచి వెళ్లిపోయింది. అప్పట్లో పోలీస్‌స్టేషన్‌లో తన భార్య కనిపించడం లేదని ఫిర్యాదు చేశారు. అయితే ఎనిమిదేళ్ల తరువాత శ్రీకాళహస్తి ఆలయ ప్రాంగణంలో ఆమె ఉన్నట్లు ఏహెచ్‌టీయూ బృందం గుర్తించింది. అనంతరం రూరల్‌ పోలీసులకు ఆమెను అప్పగించారు. కార్యక్రమంలో మహిళా పోలీస్‌స్టేషన్‌ సీఐ సుబ్బారావు, ఎస్సై భాస్కర్‌, ఏఎస్సై శ్రీహరి తదితరులు పాల్గొన్నారు.

● ట్రాక్టర్‌పై నుంచి పడి గిరిజన కూలీ మృతి మనుబోలు: పొట్టకూటి కోసం కూలి పనులకు వెళ్లిన ఓ గిరిజనుడు ప్రమాదవశాత్తు ట్రాక్టర్‌పై నుంచి పడి చికిత్స పొందుతూ శనివారం రాత్రి మృతిచెందాడు. పోలీసుల కథనం మేరకు వివరాలిలా ఉన్నాయి. మండలంలోని సంగమేశ్వర కాలనీకి చెందిన యనమల శేషయ్య అలియాస్‌ ఆకాష్‌(28) కూలి పనుల్లో భాగంగా శనివారం ఉదయం ట్రాక్టర్‌లో బద్దెవోలు గ్రామానికి వెళ్లి అక్కడ ఇటుకలు దించి తిరిగి వస్తున్నాడు. చేపల గుంతల మలుపు వద్ద ట్రాక్టర్‌ కుదుపులకు గురవడంతో వెనుక భాగంలో కూర్చుని ఉన్న శేషయ్య కింద పడి తీవ్రంగా గాయపడ్డారు. చికిత్స నిమిత్తం అతన్ని వెంటనే ఆస్పత్రికి తరలించారు. అక్కడ చికిత్స పొందుతూ మృతిచెందినట్లు పోలీసులు తెలిపారు. కేసు నమోదు చేసి దర్యాప్తు చేస్తున్నారు. మృతుడికి భార్య వెంకటరమణమ్మ, మూడేళ్ల కుమారుడు సతీష్‌ ఉన్నారు. ఇంటికి ఆధారంగా ఉన్న వ్యక్తి చనిపోవడంతో కుటుంబ సభ్యులు కన్నీరుమున్నీరుగా విలపించారు.

● డీఅడిక్షన్‌ కేంద్ర సిబ్బందికి ఆరునెలలుగా వేతనాల్లేవు ● పట్టించుకోని రాష్ట్ర ప్రభుత్వం మద్యం, గంజాయి వంటి మత్తు పదార్థాలకు బానిసలైన వారిని మంచి పౌరులుగా తీర్చిదిద్దాల్సిన ప్రక్రియకు ప్రభుత్వ విధానాలతో గండి పడుతోంది. నగరంలోని ప్రభుత్వ సర్వజన ఆస్పత్రి డీఅడిక్షన్‌ సెంటర్‌ (మత్తు విముక్తి కేంద్రం)లో పనిచేసే డాక్టర్‌, ఇతర సిబ్బందికి ఆరు నెలలుగా జీతాలు ఇవ్వని దుస్థితి నెలకొంది. దీంతో వారు ఆకలితో జీవిస్తూ అప్పుల పాలవుతున్నా వారి జీతాల గురించి ఎవరూ పట్టించుకోవడం లేదు. నెల్లూరు(అర్బన్‌): మద్యం, గంజాయి, గుట్కా లాంటి మత్తు పదార్థాలకు బానిసలైన వారిని మళ్లీ మామూలు మనిషిని చేసేందుకు నగరంలోని సర్వజన ఆస్పత్రిలో సైకియాట్రి విభాగం ఆధ్వర్యంలో డీఅడిక్షన్‌ సెంటర్‌ను ప్రభుత్వం గతంలో ఏర్పాటు చేసింది. అందులో పని చేసేందుకు గత మార్చి నెలలో ఒక మెడికల్‌ ఆఫీసర్‌(డాక్టర్‌), ప్రాజెక్టు ఆఫీసర్‌, కౌన్సిలర్‌, స్టాఫ్‌ నర్సు, ఎంఎన్‌ఓ, అటెండర్‌, చౌకీదార్‌, వార్డ్‌బాయ్‌, ప్రీ–ఎడ్యుకేటర్‌లను ఒక్కో పోస్టుకు ఒక్కరు చొప్పున అవుట్‌ సోర్సింగ్‌ పద్ధతిలో నియమించారు. నియామక పత్రాలిచ్చి విధుల్లో చేర్చుకుని ఆరు నెలలు గడిచినా జీతాలు మాత్రం ఇవ్వడం లేదు. జీతాలిలా.. ఒక్క మెడికల్‌ ఆఫీసర్‌కు మాత్రం రూ.60 వేలు, కౌన్సిలర్‌కు రూ.17,500, ప్రాజెక్టు కో ఆర్డినేటర్‌కు రూ.12,500, అటెండర్‌కు రూ.12,000, స్టాఫ్‌ నర్సుకు రూ.15 వేలు, ఎంఎన్‌ఓకు రూ.12 వేలు, ప్రీఎడ్యుకేటర్‌, చౌకీదార్‌, వార్డు బాయ్‌లకు రూ.10 వేల చొప్పున జీతాలు ఇస్తారు. జీతం బెత్తెడు.. చాకిరి బారెడు ఇక్కడ పనిచేస్తున్న వారికి అతి తక్కువ వేతనాలు ఇస్తున్నారు. ప్రభుత్వ ఉద్యోగం అనే ఆశతో వీరంతా పని చేస్తున్నారు. మత్తు మందులకు బానిసైన వారికి వీరు వైద్యం చేయాలి. మత్తుకు బానిసైన వారికి ప్రత్యేక వార్డు కేటాయించారు. వార్డుకు గంజాయి బ్యాచ్‌లాంటి పేషెంట్లు వస్తున్నారు. వీరితో మంచిగా మాట్లాడటం, వైద్యం చేయడం చాలా కష్టం. అయినా వీరంతా ఉదయం నుంచి రాత్రి వరకు మత్తుకు బానిసైన వారిని మామూలు మనుషులుగా మార్చేందుకు విశ్వప్రయత్నం చేస్తారు. మద్యం మానేసేటప్పుడు వచ్చే వణుకు, నిద్రలేమి వంటి వాటికి మందులిస్తారు. మనస్సును నియంత్రించేందుకు యోగా, మెడిటేషన్‌ నేర్పిస్తారు. మత్తు పదార్థాల వల్ల కలిగే నష్టాలను వివరిస్తారు. అలాగే ఎలా వైద్యం చేస్తున్నారో.. ఎంతెంత డోసు మాత్రలు, ఇంజెక్షన్‌లు ఇస్తున్నారో వివరంగా రికార్డుల్లో రాయాలి. ఇంత చేసినా వైద్యసిబ్బంది బతుకులు జీతం బెత్తెడు... చాకిరి బారెడు అనే చందంగా తయారైంది. చాలీచాలని జీతాలతో కుటుంబాలను పోషించుకోలేక అల్లాడుతున్నారు. అప్పుల పాలవుతున్నారు ఆరు నెలలుగా జీతాలు లేకపోవడంతో సిబ్బంది అప్పులు తెచ్చుకుని కుటుంబాలను పోషించుకుంటున్నారు. అర్ధాకలితో అలమటిస్తున్నారు. విధులకు వచ్చేందుకు కూడా చేతిలో చిల్లిగవ్వకూడా లేదని ఆవేదన వ్యక్తం చేస్తూ తమకు జీతాలు ఇప్పించాలని ఆస్పత్రి సూపరింటెండెంట్‌ డాక్టర్‌ మాధవి, అడ్మినిస్ట్రేషన్‌ అధికారి ఏడుకొండలు చుట్టూ తిరుగుతున్నారు. మానసిక, మత్తు పదార్థాల పేషెంట్లకు వైద్యం చేస్తూ.. మరోపక్క మానసికంగా వేదనను అనుభవిస్తున్నారు. వెంటనే జీతాలివ్వాలి ఇప్పటికైనా అధికారులు స్పందించి ప్రతినెలా 1వ తేదీన తమకు జీతాలిచ్చేలా చర్యలు చేపట్టాలని, ఆరునెలల జీతాన్ని ఒకే దఫా విడుదల చేయాలంటూ డిమాండ్‌ చేస్తున్నారు. ఈ విషయమై ఆస్పత్రి అడ్మినిస్ట్రేషన్‌ అధికారి(ఏడీ) ఏడుకొండలును వివరణ కోరగా విషయాన్ని డీఎంఈ దృష్టికి తీసుకెళ్తామన్నారు.

● స్థానిక ఎన్నికల్లో గెలుపే లక్ష్యంగా పనిచేయాలి ● మాజీ మంత్రి కాకాణి గోవర్ధన్‌రెడ్డి పొదలకూరు: స్థానిక సంస్థల ఎన్నికల్లో విజయమే లక్ష్యంగా వైఎస్సార్‌ కాంగ్రెస్‌ పార్టీ శ్రేణులు ఐకమత్యంతో పనిచేయాలని.. ప్రజల విశ్వాసాన్ని కూటమి ప్రభుత్వం కోల్పోయిందని మాజీ మంత్రి, పార్టీ జిల్లా అధ్యక్షుడు కాకాణి గోవర్ధన్‌రెడ్డి పేర్కొన్నారు. పట్టణంలోని ఓ కల్యాణ మండపంలో 14 పంచాయతీలకు చెందిన పార్టీ శ్రేణులతో సమావేశాన్ని మహిళా విభాగ రాష్ట్ర వర్కింగ్‌ ప్రెసిడెంట్‌ పూజితతో కలిసి కాకాణి శనివారం నిర్వహించారు. పంచాయతీల వారీగా ప్రత్యేకంగా సమావేశమై స్థానిక ఎన్నికలపై దిశా నిర్దేశం చేసిన అనంతరం ఆయన మాట్లాడారు. సర్వేపల్లి నియోజకవర్గానికి రాష్ట్రంలో ప్రత్యేక గుర్తింపు రావాలంటే స్థానిక ఎన్నికల్లో అత్యధిక పంచాయతీలు, ఎంపీటీసీలు, జెడ్పీటీసీ స్థానాలను గెలుచుకోవాలని పిలుపునిచ్చారు. ప్రభుత్వంపై వ్యతిరేకతను ప్రజల్లోకి తీసుకెళ్లి ధైర్యంగా పోరాడి విజయం సాధించాలని కోరారు. అవసరమైతే తాను ఎంతదూరమైనా వస్తానని.. ఎవరూ అధైర్యపడొద్దని భరోసా ఇచ్చారు. కరువు జిల్లాగా ప్రకటించాలి నెల్లూరును కరువు జిల్లాగా ప్రకటించాలని డిమాండ్‌ చేశారు. చంద్రబాబు తనకున్న టెక్నాలజీతో ఆకాశం నుంచి జిల్లాను పరిశీలించి పచ్చగా ఉందంటూ కరువు జిల్లాల నుంచి మినహాయించారని విమర్శించారు. ప్రకటించకపోతే ఉద్యమాన్ని తమ పార్టీ చేయనుందని ప్రకటించారు. వర్షపాతాన్ని బట్టి కరువు మండలాలను ప్రకటిస్తారని.. అయితే చంద్రబాబు అశాసీ్త్రయంగా నిర్ధారించారని దుయ్యబట్టారు. తొలి పంటను పండించుకునేందుకు నీళ్లెక్కడా లేవని, జిల్లాలో ఎండలు మండిపోతున్నాయని తెలిపారు. కరువు చంద్రబాబుతోనే వచ్చిందని, ఆయన ఎప్పుడు గద్దెనెక్కినా ఇది విలయతాండ వం చేస్తుందని గుర్తుచేశారు. మదనపల్లెలో నిర్వహించి న సభలో అబద్ధాలనే వల్లెవేశారని మండిపడ్డారు. ఆత్మ పరిశీలన ఎవరు చేసుకోవాలి..? పొదలకూరు మండల పర్యటనకు వచ్చినప్పుడల్లా నీతి వ్యాఖ్యాలను సోమిరెడ్డి వల్లిస్తుంటారని పేర్కొన్నారు. ఆత్మ పరిశీలనను ఎవరు చేసుకోవాలో ప్రజలు చెప్పుకొంటున్నారని తెలిపారు. లేఅవుట్ల యజమానుల వద్ద డబ్బులు దండుకున్నందుకా లేక గ్రావెల్‌, ఇసుక, మట్టిని అక్రమంగా తరలిస్తున్నందుకా ఆత్మపరిశీలన చేసుకోవాలని ప్రశ్నించారు. ఎవరి హయాంలో అభివృద్ధి జరిగిందో చర్చించేందుకు తాను సిద్ధంగా ఉన్నానని చెప్తున్నా, ముందుకు రావడంలేదన్నారు. గోగిరెడ్డి గోపాల్‌రెడ్డి, పెదమల్లు రమణారెడ్డి, బచ్చల సురేష్‌కుమార్‌రెడ్డి, వాకాటి శ్రీనివాసులురెడ్డి, నేతలు కోనం చినబ్రహ్మయ్య, వూకోటి లక్ష్మీనారాయణ, లక్ష్మీకల్యాణి, రావుల ఇంద్రసేన్‌గౌడ్‌, అంజద్‌, వేణుగోపాల్‌రెడ్డి, భారతమ్మ తదితరులు పాల్గొన్నారు. మాట్లాడుతున్న కాకాణి గోవర్ధన్‌రెడ్డి

● రెండు క్యాన్ల పాలు పారబోత వెంకటాచలం: పాలల్లో ప్యాట్‌ శాతం పెరిగేందుకు వంట నూనె కలిపి కల్తీ పాలను తయారు చేసి డెయిరీలకు సరఫరా చేస్తున్న కేంద్రంపై ఫుడ్‌ కంట్రోల్‌ అధికారులు శనివారం దాడులు చేశారు. మండలంలోని తిక్కవరప్పాడుకు చెందిన పంబా యేసుదాసు రైతుల నుంచి పాలను సేకరిస్తున్నాడు. తన ఇంట్లో మరికొంచెం కల్తీ పాలను తయారు చేసి డెయిరీకి సరఫరా చేస్తున్నట్లు సమాచారం అందుకున్న అసిస్టెంట్‌ ఫుడ్‌ కంట్రోలర్‌ జి.వెంకటేశ్వరరావు తన సిబ్బందితో కలిసి దాడులు చేశారు. యేసుదాసు నివాసంలోని ఓ గదిలో ఉన్న రెండు క్యాన్లలోని పాలను తనిఖీ చేయగా ఫ్రీడం సన్‌ ప్లవర్‌ ఆయిల్‌తో కల్తీ పాలను తయారు చేసినట్లు గుర్తించారు. కల్తీ చేసిన పాలలో ప్యాట్‌ కంటెంట్‌ తనిఖీ చేయగా 8 శాతం ఉన్నట్లు నిర్ధారణ కావడంతో రెండు కాన్లలోని కల్తీ పాలను ధ్వంసం చేశారు. అసిస్టెంట్‌ ఫుడ్‌ కంట్రోలర్‌ జి.వెంకటేశ్వరరావు మాట్లాడుతూ పాలను సేకరించే డెయిరీ యజమాన్యం కూడా నిత్యం పాలను తనిఖీ చేయాలని ఆదేశించారు. తాము డెయిరీల్లో కూడా తనిఖీ చేస్తామని, కల్తీ ఉన్నట్లు నిర్ధారణ అయితే వాటిని కూడా ధ్వంసం చేస్తామని హెచ్చరించారు. ఈ కల్తీ పాలలో నుంచి శాంపిల్స్‌ను ఎఫ్‌ఎస్‌ఎస్‌ఏఐ నోటిఫైడ్‌ ల్యాబొరేటరీకి పంపి, కల్తీ పాలు తయారు చేసిన పంబా యేసుదాసుపై కేసు నమోదు చేసి తదుపరి చర్యలు చేపడతామన్నారు. ఆయన వెంట ఫుడ్‌ సేప్టీ అధికారిణి ఎం.ప్రణతి, వీఆర్వో సుమలత ఉన్నారు.

వాతావరణ పరిస్థితులు ప్రస్తుతం అనుకూలంగా లేక.. వర్షాలు పడక వ్యవసాయ పనులు సాగడం లేదు. కొనుగోలు చేసి తీసుకొచ్చిన మినుములను పొలాల్లో వెదజల్లే అవకాశం లేకుండాపోయింది. విత్తనాలను గత ప్రభుత్వ హయాంలో రాయితీపై అందించేవారు. అయితే ప్రస్తుతం ఇదేమీ లేదు. అధిక ధరలకు బయట వ్యాపారుల వద్ద కొనుగోలు చేయాల్సి వస్తోంది. – దగ్గుమాటి శ్రీనివాసులురెడ్డి, చంద్రారెడ్డిపాళెం, కలిగిరి మండలం ఖరీఫ్‌లో వరి సాగు కోసం ఐదెకరాలను కౌలుకు తీసుకున్నా. చివరి దశలో తెలుగుగంగ నీటిని కాలువల వదలితే పంట పండుతుందని ఆశపడ్డా. అయితే చుక్క నీటిని సైతం అధికారులు విడుదల చేయకపోవడంతో భూగర్భ జలాలు అడుగంటి బోర్లు పూర్తిగా ఎండిపోయాయి. పంట ఎండిపోవడంతో తీవ్రంగా నష్టపోయా. – వెంకటేశ్వర్లు, కౌలు రైతు, చిట్టమూరు మండలం సాక్షి ప్రతినిధి, నెల్లూరు: జిల్లా రైతాంగంపై ప్రకృతిని మించి.. సర్కారు పగబట్టింది. వ్యవసాయ ఆధారిత జిల్లాపై ‘ఎల్లో’ నినో కరువు పంజా విసిరింది. జిల్లాలో 36కు 35 మండలాల్లో తీవ్ర లోటు వర్షపాతం నెలకొంది. ఇది ప్రకృతి సృష్టించిన విపత్తు అయితే.. కరువు మండలాల జాబితా నుంచి పూర్తిగా జిల్లాను తొలగించడం ద్వారా చంద్రబాబు సర్కారు ‘మహావిపత్తు’ను సృష్టించింది. రాష్ట్రంలో 388 మండలాలను కరువు ప్రాంతాలుగా ప్రకటిస్తూ జాబితా ప్రకటించింది. వాస్తవానికి జిల్లాలో 20 మండలాల్లో 59.9 శాతం వరకు లోటు వర్షపాతం నమోదు కాగా.. మరో 13 మండలాల్లో 19 శాతం లోటు వర్షాభావం నెలకొంది. జిల్లాలోని 35 మండలాల్లో తీవ్ర లోటు వర్షపాతం ఉన్నట్లు గణాంకాలు చెబుతుంటే.. అధికారులు మాత్రం 31 మండలాల్లోనే కరువు ఉన్నట్లు ప్రభుత్వానికి నివేదికలు పంపారు. వరికుంటపాడులో ఏకంగా 61.6 శాతం, అనంతసాగరంలో 68.4 శాతం లోటు వర్షపాతం నమోదవడం పరిస్థితి తీవ్రతకు అద్దం పడుతోంది. అయితే ప్రభుత్వం మాత్రం కనీసం ఒక్క మండలాన్ని కూడా కరువు జాబితాలో పెట్టకపోవడం దారుణమని రైతాంగం మండిపడుతోంది. సింహపురిలో దుర్భిక్ష ఛాయలు జిల్లాలో 78 టీఎంసీల సామర్థ్యమున్న సోమశిల, 69 టీఎంసీల కండలేరు వంటి భారీ జలనిధులతోపాటు మరో 50 నుంచి 60 టీఎంసీలు నిల్వ సామర్థ్యం కలిగిన పలు చెరువులు, జలవనరులు ఉన్నాయి. జిల్లాలో వరుణుడు పగబట్టడంతో తీవ్ర వర్షాభావ పరిస్థితులు నెలకొన్నాయి. నైరుతి రుతుపవనాలు వచ్చినా.. చినుకు జాడ కరువైంది. ఇలాంటి విపత్తు పరిస్థితుల్లో శ్రీశైలం జలాశయంలో సమృద్ధిగా ఉన్న నీటిని తరలించి.. కరువును తరిమి కొట్టే అవకాశం ఉన్నప్పటికీ ప్రభుత్వం నిర్లక్ష్యంగా వ్యవహరించడంతో జలాశయాలు, జలవనరులు బావురుమంటున్నాయి. ఇది ‘ఎల్లో’ నినో సృష్టించిన ‘మహాదుర్భిక్షం’గా చెప్పొచ్చు. రైతాంగంపై ఎందుకీ నిర్లక్ష్యం జిల్లాలో అందుబాటులో ఉన్న నీటి వనరులను అంచనా వేసి 4 లక్షల ఎకరాలకుపైగా వరి సాగుకు నీరందిస్తామని ఐఏబీ సమీక్షలో అధికారులు, పాలకులు బాహాటంగా ప్రకటించారు. అయితే ఆదిలోనే నీటి విడుదలలో జాప్యం కారణంగా చివరి ఆయకట్టు ప్రాంతాల్లో నారుమడులు దెబ్బతినడంతో సాగునీటిపై ఆశలు వదిలేసుకున్న రైతులు సాగుకు దూరంగా మిగిలిపోయారు. దాదాపు 3.70 లక్షల ఎకరాల్లో వరి సాగు జరిగితే.. చివరకు 1.80 లక్షల ఎకరాలకు మాత్రమే నీరందించి చేతులు దులుపుకొన్నారు. ఈ ఏడాది ఏప్రిల్‌ 22 నాటికి సోమశిలలో 58 టీఎంసీలు, కండలేరులో 35 టీఎంసీలు కలిపి ఏకంగా 93 టీఎంసీల మేర నీరు అందుబాటులో ఉంది. అయితే సరైన నిర్వహణ, కార్యాచరణ లేకపోవడంతో సుమారు 64 టీఎంసీల నీటిని వృథా చేశారనే ఆరోపణలు వినిపిస్తున్నాయి. క్రాప్‌ ఇన్సురెన్స్‌ రాదు.. రుణాల రీ షెడ్యూల్‌ జరగదు జిల్లాలో కరువు పరిస్థితులను దృష్టిలో పెట్టుకుని 2500 మంది రైతులు క్రాప్‌ ఇన్సురెన్స్‌ చెల్లించారు. అయితే ప్రస్తుతం ప్రకటించిన కరువు మండలాల జాబితాలో నెల్లూరు జిల్లాను పూర్తిగా పక్కనబెట్టేయడంతో రైతులు తీవ్రంగా నష్టపోయా రు. అదే కరువు మండలాలు ప్రకటించి ఉంటే.. కనీసం ఆ కొందరికై నా నష్టపరిహారం లభించేది. బ్యాంకుల్లో తీసుకున్న రుణాలను రీషెడ్యూల్‌ చేసుకునే వెసులుబాటు ఉండేది. ఈ అవకాశాలను రైతులు కోల్పోయారు. కరువు జాబితాలో జిల్లా ఉంటే.. రైతులకు సబ్సిడీపై విత్తనాల సరఫరాకు ఎగనామం పెట్టడానికే కూటమి కుట్రపూరితంగా వ్యవహరిస్తుందంటూ రైతులు, రైతు సంఘాలు మండిపడుతున్నాయి. కరువు జాబితాలో నెల్లూరు అవుట్‌ జిల్లాలో 36కు 35 మండలాల్లో తీవ్ర దుర్భిక్ష పరిస్థితులు 31 మండలాల్లో కరువు ఉన్నట్లు జాబితా పంపించిన వ్యవసాయ శాఖ జిల్లాలో 3.70 లక్షల ఎకరాల్లో ఖరీఫ్‌ సీజన్లో వరి సాగు కొంత వరకూ పంటలు మొదటి దశలోనే ఎండిపోయిన వైనం కరువు ప్రకటించకపోవడంతో క్రాప్‌ ఇన్సురెన్స్‌ చెల్లించిన రైతులకు తీవ్ర నష్టం రుణాల రీ షెడ్యూల్‌కు అవకాశం లేని పరిస్థితి నేటికీ అందని నష్టపరిహారం నష్టపోయా.. నీటిని విడుదల చేయలేదు వరి సాగు చేపట్టగా, బోర్లలో నీరు అడుగంటింది. స్వర్ణముఖి బ్యారేజీకి నీటిని విడుదల చేస్తారని ఆశించినా, అలా జరగలేదు. చివరి దశలో నీటిని పూర్తిస్థాయిలో అందించలేకపోయా. పంట దిగుబడి ఆశించినంత స్థాయిలో రాలేదు. కరువు జాబితా నుంచి జిల్లాను తొలగించడం దారుణం. – ఇనమాల జయరామయ్య, గొల్లపాళెం, వాకాడు మండలం చినుకు జాడేదీ..? ఖరీఫ్‌ సీజన్లో వేసిన పంట పూర్తిగా ఎండిపోయింది. అక్టోబర్‌ వచ్చినా, చినుకు జాడ కరువైంది. ఇలాంటి పరిస్థితి ఏర్పడిన సమయంలో కరువు జిల్లాగా ప్రకటించి రైతులను ఆదుకోవాల్సి ఉన్నా, అలా చేయకపోవడం దారుణం. ఇలా అయితే సామాన్య రైతులెలా బతుకుతారు..? – మాతయ్య, కౌలు రైతు, చిల్లకూరు ఆత్మకూరు: వడగండ్ల వానతో వరి పైరు దెబ్బతిని రైతులు నష్టపోయినా, పరిహారం నేటికీ అందలేదు. ప్రస్తుతం కొన్ని చోట్ల వరి కోతలు జరుగుతున్నాయి. ఆత్మకూరులో 1600 హెక్టార్లలో వరి సాగవుతుండగా, 32 హెక్టార్లకే ఇన్సురెన్స్‌ చేయించుకున్నారు. సంగంలో 15 వేల ఎకరాలకు గానూ 125 ఎకరాలకే పంట బీమా చేయించారు. అనంతసాగరంలో 400.. చేజర్లలో 1600.. అనుమసముద్రంపేటలో 380.. మర్రిపాడులో 300 ఎకరాల్లో వరి సాగవుతుండగా, ఇక్కడ బీమాను అసలు చేయించుకోనేలేదు. పొదలకూరు: సర్వేపల్లి నియోజకవర్గంలో 19 వేల ఎకరాల్లో వరి.. 830 ఎకరాల్లో వేరుశనగ సాగు చేపట్టారు. అయితే పంట బీమాను చేయించుకుంది 90 మంది రైతులే. కరువు కోరల్లో.. ఉదయగిరి: ఉదయగిరి నియోజకవర్గంలో 48 శాతం లోటు వర్షపాతం నమోదైంది. దీంతో ఖరీఫ్‌ సీజన్లో మినుము, వరి, జొన్న, సజ్జ, కంది తదితర పంటల సాగు విస్తీర్ణం బాగా తగ్గిపోయింది. జలదంకి మండంలో సోమశిల ఉత్తర కాలువ ద్వారా నీరు రావడంతో వరి పంట రైతుల చేతికి అందింది. అయితే ఉదయగిరి, వరికుంటపాడు, వింజమూరు, దుత్తలూరు, సీతారామపురం, కలిగిరి, కొండాపురం మండలాల్లో మినుము, కంది ఇతర మెట్ట పంటలు సాగు కాలేదు. సుమారు 15 వేల ఎకరాలకు గానూ మూడు వేల ఎకరాల్లోనూ పంటలను వేయలేదు. సాగులో ఉన్న పైర్లకు ఐదుగురు రైతులే పంట బీమా చేయించుకున్నారని అధికారులు తెలిపారు. గత వైఎస్సార్‌ కాంగ్రెస్‌ పార్టీ ప్రభుత్వ హయాంలో సర్కారే పూర్తిస్ధాయిలో నగదును చెల్లించి బీమా చేసేది. అయితే ప్రస్తుతం ఈ పరిస్థితే లేదు. ఇన్సురెన్స్‌ చేయించాలి రైతులకు ముందే క్రాప్‌ ఇన్సురెన్స్‌ను వ్యవసాయాధికారులు చేయిస్తే, ప్రకృతి విపత్తులకు నష్టపోయిన సమయంలో కొంతవరకై నా ఊరట లభిస్తుంది. గత ప్రభుత్వ హయాంలో బీమాను సర్కారే చేయించేది. అయితే ప్రస్తుతం ఈ విషయాన్ని విస్మరించారు. రూ.లక్షల్లో పెట్టుబడులు పెట్టి సాగు చేసిన పంట దెబ్బతింటే కోలుకోవడం కష్టం. – కొండారెడ్డి, రైతు, గుంపర్లపాడు, ఏఎస్‌పేట మండలం నష్టపరిహారాన్ని ఇప్పటికీ ఇవ్వలేదు గతేడాది అక్టోబర్‌లో కౌలుకు తీసుకొని ఎనిమిదెకరాల్లో సాగు చేశా. అప్పు చేసి పెట్టుబడి పెట్టా. పంట బాగా పండింది. మార్చిలో వరి కోత కోసే ముందు రోజు వడగండ్ల వాన కురిసి పంట మొత్తం దెబ్బతింది. అప్పట్లో హామీ ఇచ్చిన అధికారులు, నేతలు నేటికీ నష్టాన్ని చెల్లించలేదు. ఇన్సురెన్స్‌ చేయించాల్సిన వ్యవసాయాధికారులు ఆ విషయాన్నే పట్టించుకోలేదు. – దుత్తల రమేష్‌, రైతు, గోవిందమ్మపల్లి, అనంతసాగరం మండలం

● యథేచ్ఛగా మద్యం విక్రయాలు ఉదయగిరి: గాంధీ జయంతిని పురస్కరించుకుని మద్యం విక్రయాలను నిషేధించినప్పటికీ ఉదయగిరి నియోజకవర్గంలో శుక్రవారం పలుచోట్ల యథావిధిగా అమ్మకాలు సాగాయి. అధికారికంగా మద్యం దుకాణాలను మూసివేసినప్పటికీ, ముందుగానే పెద్ద మొత్తంలో ఇతర ప్రాంతాల్లో నిల్వ చేశారు. ఎంపిక చేసిన ప్రాంతాల్లోని కూల్‌డ్రింక్‌ షాపుల్లో విక్రయించారు. గ్రామీణ ప్రాంతాల్లో బెల్ట్‌ షాపుల ద్వారా మద్యం విక్రయాలు సాధారణ రోజుల మాదిరిగానే కొనసాగించారు. నిషేధం అమలయ్యేలా చర్యలు తీసుకోవాల్సిన అధికారులు వీటిపై పెద్దగా దృష్టి సారించలేదని స్థానికులు ఆరోపిస్తున్నారు. లారీని ట్రావెల్స్‌ బస్సు ఢీకొని.. ● ఒకరి దుర్మరణం కావలి: కావలి మండలం రుద్రకోట సమీపంలో జాతీయ రహదారిపై శుక్రవారం తెల్లవారుజామున జరిగిన రోడ్డు ప్రమాదంలో ఓ వ్యక్తి మృతిచెందాడు. రూరల్‌ పోలీసుల కథనం మేరకు.. విజయవాడ వైపు వెళ్తున్న ట్రావెల్స్‌ బస్సు లారీని ఓవర్‌టేక్‌ చేయబోయి ఢీకొట్టింది. దీంతో లారీ డ్రైవర్‌ మహేష్‌ (27) అక్కడికక్కడే మృతిచెందాడు. సమాచారం అందుకున్న పోలీసులు ఘటనా స్థలానికి చేరుకుని పరిశీలించారు. మృతదేహాన్ని పోస్టుమార్టం నిమిత్తం కావలి ఏరియా వైద్యశాలకు తరలించారు. కేసు నమోదు చేశారు. మృతుడిని కర్ణాటక రాష్ట్రంలోని కోలార్‌ వాసిగా గుర్తించారు. రెగ్యులర్‌ చేసే వరకూ పోరాటం ఆగదు నెల్లూరు(అర్బన్‌): తమను రెగ్యులర్‌ చేసే వరకూ పోరాటం ఆపే ప్రసక్తి లేదని ఏపీ కాంట్రాక్ట్‌ స్టాఫ్‌ నర్సెస్‌ అండ్‌ అల్లాయిడ్‌ హెల్త్‌ కేర్‌ ఫ్రొఫెషనల్స్‌ జేఏసీ రాష్ట్ర నాయకురాలు రూత్‌ గ్రేస్‌ స్పష్టం చేశారు. శుక్రవారం నెల్లూరు దర్గామిట్టలోని సర్వజన ఆస్పత్రి (పెద్దాస్పత్రి) నుంచి గాంధీబొమ్మ వరకు సైకిల్‌ ర్యాలీ నిర్వహించారు. అనంతరం గాంధీ విగ్రహం వద్ద వినతిపత్రం ఉంచారు. ప్రభుత్వానికి తమను రెగ్యులర్‌ చేసేలా మంచి బుద్ది ప్రసాదించాలని వేడుకున్నారు. రూత్‌ గ్రేస్‌ మాట్లాడుతూ 20 ఏళ్లుగా కాంట్రాక్ట్‌ పద్ధతిలో అతి తక్కువ జీతంతో పని చేస్తున్నామన్నారు. రెగ్యులర్‌ వారిలా సెలవులు ఇవ్వడం లేదని, డీఏలు లేవని ఆవేదన వ్యక్తం చేశారు. సుప్రీం కోర్టు కూడా సమాన పనికి సమాన వేతనం ఇవ్వాలని తీర్పు ఇచ్చినప్పటికీ ప్రభుత్వాలు పట్టించుకోకపోవడం అన్యాయమన్నారు. తమ బిడ్డల భవిష్యత్‌ కోసమే పోరాడుతున్నామన్నారు. రెగ్యులర్‌ చేసేంత వరకు 100 శాతం గ్రాస్‌ శాలరీ ఇవ్వాలన్నారు. ప్రభుత్వం కోరడంతో కొంత గడువు ఇచ్చామన్నారు. ఇప్పటికై నా తమను రెగ్యులర్‌ చేసి ఆదుకోవాలని లేదంటే పూర్తిస్థాయి సమ్మె చేస్తామన్నారు. కార్యక్రమంలో జేఏసీ చైర్మన్‌ శరత్‌బాబు, భావన, లక్ష్మి తదితరులు పాల్గొన్నారు. పోలేరమ్మ జాతరలో రూ.59 లక్షల రాబడి వెంకటగిరి రూరల్‌: వెంకటగిరిలో అత్యంత వైభవంగా నిర్వహించిన పోలేరమ్మ జాతరలో రూ.59,02,903 లక్షల రాబడి వచ్చినట్లు ఈఓ వెంకట శ్రీనివాసులురెడ్డి తెలిపారు. శుక్రవారం ఆయన వివరాలు వెల్లడించారు. రూ.300 దర్శన క్యూలైన్‌ ద్వారా రూ.24,01,200 లక్షలు, రూ.100 క్యూలైన్‌ ద్వారా రూ.10,29,600 లక్షలు వచ్చాయన్నారు. భక్తులు హుండీలో రూ.24,72,103లను కానుకల రూపంలో సమ ర్పించారన్నారు. ఇంకా బంగారం, విదేశీ కరెన్సీ, వెండి వచ్చాయన్నారు. లెక్కింపు కార్యక్రమంలో తిరుపతి జిల్లా దేవదాయ శాఖ జూనియర్‌ సహాయకుడు దినేష్‌, సేవా కమిటీ చైర్మన్‌ గొల్లగుంట మురళి, భక్తులు పాల్గొన్నారు.

నెల్లూరు(లీగల్‌): అఖిల భారత న్యాయవాదుల సంఘం (ఐలు) 13వ రాష్ట్ర మహాసభలు శని, ఆదివారాల్లో నెల్లూరులోని కస్తూర్బా కళాక్షేత్రంలో నిర్వహించనున్నట్లు రాష్ట్ర, జిల్లా నాయకులు తెలిపారు. మహాసభలకు పెద్ద సంఖ్యలో న్యాయవాదులు హాజరై విజయవంతం చేయాలని కోరారు. కస్తూర్బా కళాక్షేత్రంలో శుక్రవారం జరిగిన విలేకరుల సమావేశంలో ఐలు వ్యవస్థాపకుల్లో ఒకరైన న్యాయవాది బీవీ రమణారెడ్డి మాట్లాడారు. న్యాయవాదుల సమస్యలతోపాటు ప్రజల హక్కులు, ప్రజాస్వామ్యం, రాజ్యాంగ పరిరక్షణ కోసం ఐలు పనిచేస్తోందన్నారు. 1997లో నెల్లూరులో ఒకసారి రాష్ట్ర మహాసభలు నిర్వహించామని, దాదాపు మూడు దశాబ్దాల అనంతరం అదే వేదికగా 13వ రాష్ట్ర మహాసభలు నిర్వహించడం సంతోషంగా ఉందన్నారు. వీటికి సుప్రీంకోర్టు సీనియర్‌ న్యాయవాదులు, హైకోర్టు రిటైర్డ్‌ న్యాయమూర్తులు, ఐలు కేంద్ర, రాష్ట్ర నాయకులు ముఖ్య అతిథులుగా హాజరవుతారని తెలిపారు. ఐలు రాష్ట్ర కోశాధికారి రమేష్‌, నాయకులు చుక్క రమేష్‌, గుంజి దయాకర్‌ తదితరులు మాట్లాడారు. సమావేశంలో రాష్ట్ర ఉపాధ్యక్షుడు రాజారత్నం, రాష్ట్ర కమిటీ సభ్యులు కృష్ణుడు, రేఖారాణి, కిరణ్‌, దీక్షిత్‌, సుదీర్‌, ప్రియాంక, సునీల్‌ తదితరులు పాల్గొన్నారు.

వెంకటాచలం: ౖఖెదీల్లో పరివర్తన తీసుకొచ్చే కేంద్రంగా జిల్లా కేంద్ర కారాగారాన్ని తీర్చిదిద్దాలని జిల్లా ప్రధాన న్యాయమూర్తి నరసింహమూర్తి, కలెక్టర్‌ హిమాన్షు శుక్లా పేర్కొన్నారు. గాంధీ జయంతిని పురస్కరించుకొని మండలంలోని చెముడుగుంట వద్ద గల జిల్లా కేంద్ర కారాగారంలో శుక్రవారం నిర్వహించిన ఖైదీల సంక్షేమ దినోత్సవానికి హాజరైన కలెక్టర్‌ మాట్లాడారు. పుట్టుకతోనే ఎవరూ నేరస్తులు కారని.. సామాజిక, ఆర్థిక, ఎదురైన పరిస్థితులు వారి జీవితాలపై ప్రభావం చూపుతాయని చెప్పారు. నేరానికి దారితీసిన పరిస్థితులను అర్థం చేసుకొని, ఖైదీల్లో సానుకూల మార్పును తీసుకురావాలని సూచించారు. కారాగారాలను శిక్ష అనుభవించే ప్రదేశాలు కాకుండా, వ్యక్తుల్లో పరివర్తన తీసుకొచ్చే సంస్కరణల కేంద్రాలుగా భావించాలని కోరారు. ఉత్పత్తులను ఖైదీలు తయారు చేస్తుండటాన్ని అభినందించారు. ప్రభుత్వ పాఠశాలలకు అవసరమైన బెంచీలతో సహా ఇతర ఉత్పత్తులను వీరి నుంచి సమకూర్చుకునే అవకాశాలను పరిశీలిస్తామని తెలిపారు. దీంతో పని కల్పించడంతో పాటు వారి నైపుణ్యాలను అభివృద్ధి చేయొచ్చని పేర్కొన్నారు. జిల్లాలో పరిశ్రమలు విస్తరిస్తున్న తరుణంలో ఖైదీలకు వెల్డింగ్‌, ప్లంబింగ్‌, ఎలక్ట్రికల్‌ వంటి వృత్తి నైపుణ్యాల్లో శిక్షణను అందించాలని సూచించారు. అనంతరం నరసింహమూర్తి మాట్లాడారు. గత తప్పులపై ఆత్మపరిశీలన చేసుకొని మంచి మార్గంలో పయనించాలని సూచించారు. జైల్లో ఉంటూ విద్యనభ్యసించి టెన్త్‌, ఇంటర్‌, డిగ్రీ పూర్తి చేసుకున్న ఖైదీలను అభినందించారు. అనంతరం ధ్రువపత్రాలను అందజేశారు. జిల్లా న్యాయసేవాధికార సంస్థ చైర్మన్‌ శ్రీనివాస్‌, ఏఎస్పీ సౌజన్య తదితరులు పాల్గొన్నారు.

లోటు వర్షపాతం మండలాల సంఖ్య 19 శాతం తక్కువ 13 59.9 శాతం తక్కువ 20 99.9 శాతం తక్కువ 2 20 శాతం కంటే ఎక్కువ 1 నెల కురిసింది కురవాల్సింది లోటు జూన్‌ 58.4 51.6 + 6.8 జూలై 56.9 82.8 – 31.3 ఆగస్టు 36.0 82.1 – 56.2 సెప్టెంబరు 63.3 66.9 – 5.4

● జేసీ మొగిలి వెంకటేశ్వర్లు నెల్లూరురూరల్‌: మహాత్మా గాంధీ ఆశయాలను స్ఫూర్తిగా తీసుకుని ప్రభుత్వ ఉద్యోగులు నిజాయితీ, నిబద్ధతతో విధులు నిర్వహిస్తూ ప్రజలకు అంకితభావంతో సేవలందించాలని జాయింట్‌ కలెక్టర్‌ మొగిలి వెంకటేశ్వర్లు పిలుపునిచ్చారు. నెల్లూరు కలెక్టరేట్‌లో శుక్రవారం జేసీ, డీఆర్‌ఓ విజయ్‌కుమార్‌, జిల్లా సమాచార పౌర సంబంధాల శాఖ డీడీ వేణుగోపాల్‌రెడ్డి తదితరులు గాంధీ విగ్రహానికి పూలమాలలు వేసి నివాళులర్పించారు. ఈ సందర్భంగా జేసీ మాట్లాడుతూ సత్యం, అహింస, శాంతి, సేవ వంటి గాంధీజీ ఆదర్శాలు నేటికీ సమాజానికి మార్గదర్శకమన్నారు. ఉద్యోగులు క్రమశిక్షణ, బాధ్యతతో విధులు నిర్వహిస్తూ ప్రజల సమస్యలను సానుకూల దృక్పథంతో పరిష్కరించాలని సూచించారు. అర్హులైన ప్రతి ఒక్కరికీ ప్రభుత్వ సేవలు సమర్థవంతంగా అందేలా కృషి చేయాలని కోరారు. కార్యక్రమంలో కలెక్టరేట్‌ ఉద్యోగులు, సిబ్బంది పాల్గొన్నారు.

వాకాడు: ప్రభుత్వ భూములకు రక్షణ కల్పించాల్సిన యంత్రాంగం నిఘా కొరవడటంతో ఆక్రమణలు పెరుగుతున్నాయి. వాకాడు, చిట్టమూరు మండలాల పరిధిలోని అటవీ, వన్యప్రాణి సంరక్షణకు సంబంధించిన భూముల్లో కొందరు అక్రమంగా ప్రవేశించి భూములను చదును చేసి సాగుకు వినియోగిస్తున్నారన్న విమర్శలున్నాయి. కొందరు అధికార పార్టీ నేతలు నిబంధనలకు విరుద్ధంగా భూములను చదును చేయించి సాగుకు వినియోగిస్తున్నా సంబంధిత అధికారులు పట్టించుకోవడంలేదనే విమర్శలు వెల్లువెత్తుతున్నాయి. తీర ప్రాంత భూములపై కన్ను తీర ప్రాంతానికి ఆనుకుని ఉన్న ప్రభుత్వ అటవీ భూములపై కొందరు కన్నేసినట్లు స్థానికులు చెబుతున్నారు. వాటిని చదును చేసి సాగు చేసుకోవడంతోపాటు హద్దులను మార్చే ప్రయత్నాలు జరుగుతున్నాయని ఆరోపిస్తున్నారు. ఒకసారి ఆక్రమణకు గురైన భూములను తిరిగి ప్రభుత్వ ఆధీనంలోకి తీసుకురావడంలో అధికారులు విఫలమవుతున్నారన్న విమర్శలున్నాయి. నిబంధనల పేరుతో వసూళ్లా? అటవీ, వన్యప్రాణి భూముల్లో పనులు చేపట్టే విషయంలో నిబంధనలు, అనుమతుల పేరుతో కొందరు వ్యక్తులు డబ్బులు వసూలు చేస్తున్నారని ప్రచారం జరుగుతోంది. అనుమతులు లేకుండానే భూముల్లో పనులు జరుగుతున్నా చర్యలు తీసుకోవడం లేదని స్థానికులు ప్రశ్నిస్తున్నారు. ఈ వ్యవహారంపై ఉన్నతాధికారులు సమగ్ర విచారణ చేపట్టాలని కోరుతున్నారు. 35 ఎకరాల భూమిపై వివాదం సుమారు 35 ఎకరాల ఉప్పుటేరు భూములపై నిడిగుర్తి మాజీ సర్పంచ్‌, టీడీపీ నేత డేగ కన్ను పడింది. గిరిజనుల పేరు చెప్పి ఆ భూములను చదును చేస్తూ చాప కింద నీరులా కబ్జాకు ప్రయత్నం చేస్తున్నారని గిరిజనులు ఆరోపిస్తున్నారు. అధికారులు అక్రమార్కుల నుంచి భారీగా ముడుపులు తీసుకుని పట్టించుకోవడం లేదని స్థానికులు చెబుతున్నారు. ప్రస్తుతం ఆ భూములకు సంబంధించి వివాదం ఉంది. కళ్లముందే కనిపిస్తున్నా.. వాకాడు, చిట్టమూరు మండలాల్లో దాదాపు 14.5 వేల ఎకరాల అటవీ, వైల్డ్‌ లైఫ్‌ భూములున్నాయి. అందులో సుమారు 89 ఎకరాల వరకు కబ్జాకు గురైనట్లు తెలుస్తోంది. సదరు భూములున్న ప్రాంతాల్లో నిబంధనలు అడ్డం పెట్టుకుని కొందరు అటవీ అధికారులు వసూళ్లకు పాల్పడున్నారు. అటవీ, రెవెన్యూ శాఖలు సంయుక్తంగా సర్వే నిర్వహించి భూముల హద్దులను నిర్ధారించాలనే డిమాండ్‌ జనం నుంచి వినిపిస్తోంది. ఉన్నతాధికారుల నిఘా అవసరం వాకాడు, చిట్టమూరు మండలాల్లోనే ప్రభుత్వ అటవీ భూములపై ప్రత్యేక దృష్టి సారించి ఆక్రమణలపై సమగ్ర విచారణ జరపాల్సిన అవసరం ఉంది. అక్రమాలకు అడ్డుకట్ట వేయకపోతే భవిష్యత్‌లో మరెన్ని ప్రభుత్వ భూములు అన్యాక్రాంతమయ్యే ప్రమాదముంది. కళ్లముందే జరుగుతున్నా చర్యలు శూన్యం వాకాడు, చిట్టమూరు మండలాల్లో యఽథేచ్ఛగా సాగు నిబంధనల పేరుతో వసూళ్లు

● మాజీ మంత్రి కాకాణి గోవర్ధన్‌రెడ్డి నెల్లూరు రూరల్‌: మహాత్మా గాంధీ కలలుగన్న గ్రామ స్వరాజ్య సాధనే లక్ష్యంగా వైఎస్సార్‌ కాంగ్రెస్‌ పార్టీ ప్రభుత్వం పనిచేసిందని మాజీ మంత్రి, పార్టీ జిల్లా అధ్యక్షుడు కాకాణి గోవర్ధన్‌రెడ్డి పేర్కొన్నారు. గాంధీ, లాల్‌బహదూర్‌ శాస్త్రి జయంతులను పురస్కరించుకొని నగరంలోని పార్టీ జిల్లా కార్యాలయంలో వీరి చిత్రపటాలకు పూలమాలలేసి శుక్రవారం నివాళులర్పించిన అనంతరం ఆయన మాట్లాడారు. తమ ప్రభుత్వ హయాంలో గ్రామ సచివాలయాలు, వలంటీర్ల వ్యవస్థను ఏర్పాటు చేసి, పాలనను ప్రజల ముంగిటకు తీసుకెళ్లామని, గాంధీ గ్రామ స్వరాజ్య ఆలోచనలకు అనుగుణంగా ఇది ఉందని చెప్పారు. పార్టీ మహిళా విభాగ రాష్ట్ర వర్కింగ్‌ ప్రెసిడెంట్‌ కాకాణి పూజిత తదితరులు పాల్గొన్నారు.

బుచ్చిరెడ్డిపాళెం: స్కూల్‌ మేనేజ్‌మెంట్‌ కమిటీ (ఎస్‌ఎంసీ) ఎన్నికల సందర్భంగా చోటుచేసుకున్న తోపులాట, దాడుల ఆరోపణలు దామరమడుగులో ఉద్రిక్తతకు దారితీశాయి. ఎన్నికల సమయంలో తమపై దాడి చేసి, కులం పేరుతో దూషించారని కొందరు బాధితులు ఆరోపిస్తూ.. బాధ్యులపై కఠిన చర్యలు తీసుకోవాలని డిమాండ్‌ చేశారు. శుక్రవారం కొందరు గ్రామస్తులు దామరమడుగు బాంబే హైవే సెంటర్‌లో టీడీపీ నేత బెజవాడ జగదీశ్‌ దిష్టిబొమ్మను దహనం చేశారు. కొద్దిసేపు ఉద్రిక్త పరిస్థితి నెలకొంది. సమాచారం అందుకున్న పోలీసులు అక్కడికి చేరుకుని ఆందోళనకారులను చెదరగొట్టి పరిస్థితిని అదుపులోకి తీసుకొచ్చారు. బాధితులకు వైఎస్సార్‌సీపీ నేతల మద్దతు మాజీ మంత్రి, పీఏసీ సభ్యుడు నల్లపరెడ్డి ప్రసన్నకుమార్‌రెడ్డి ఆదేశాల మేరకు దామరమడుగు వైఎస్సార్‌సీపీ నాయకుడు షేక్‌ దస్తగిరి బాషా స్పందించారు. దాడికి గురైన సీపీఎం నాయకుడు సురేష్‌కు మద్దతు తెలిపారు. శాంతియుతంగా జరగాల్సిన ఎస్‌ఎంసీ ఎన్నికల్లో దౌర్జన్యం, దాడులకు పాల్పడటం సరికాదన్నారు. కాగా పోలీసుల జోక్యంతో పరిస్థితి సద్దుమణిగింది. ఎస్‌ఎంసీ ఎన్నికల సందర్భంగా జరిగిన తోపులాట, దాడుల ఆరోపణలపై కేసు నమోదు చేసి దర్యాప్తు చేస్తున్నట్లు పోలీసులు తెలిపారు. కార్యక్రమంలో గరికపాటి నాగార్జున, గరికపాటి శ్రీనివాసులు, నవీన్‌కుమార్‌, చంద్రకుమార్‌, గోవిందు, వెంకటేశ్వర్లు, అహ్మద్‌బాషా తదితరులు పాల్గొన్నారు.

ఇందుకూరుపేట: పల్లిపాడులోని గాంధీ ఆశ్రమాన్ని మరింత అభివృద్ధి చేయనున్నామని కలెక్టర్‌ హిమాన్షు శుక్లా పేర్కొన్నారు. మండలంలోని గాంధీ ఆశ్రమంలో శుక్రవారం నిర్వహించిన గాంధీ జయంతి వేడుకలకు ముఖ్యఅతిథిగా హాజరైన ఆయన మాట్లాడారు. ఆశ్రమాభివృద్ధి, నిర్వహణ కోసం కమిటీని ఏర్పాటు చేసి పునరుద్ధరణ పనులను చేపట్టామని వివరించారు. భావితరాలకు అందించే స్ఫూర్తిదాయక కేంద్రంగా తీర్చిదిద్దేందుకు అందరూ భాగస్వాములు కావాలని కోరారు. తొలుత గాంధీ, స్థలదాత పొణకా కనకమ్మ విగ్రహాలకు పూలమాలలు, ఖాదీవస్త్రాలను వేసి నివాళులర్పించారు. ఆశ్రమంలో ఏర్పాటు చేసిన గాంధీ జీవిత చిత్రపటాలను వీక్షించారు. చిన్నారుల సాంస్కృతిక కార్యక్రమాలు అలరించాయి. అవనిగడ్డ ఎమ్మెల్యే మండలి బుద్ధప్రసాద్‌, తెలంగాణ మాజీ స్పీకర్‌ మధుసూదనాచారి, జేసీ మొగిలి వెంకటేశ్వర్లు, డీఆర్వో విజయ్‌కుమార్‌ తదితరులు పాల్గొన్నారు. మాస్టర్‌ అథ్లెటిక్స్‌ ఎంపికలు రేపునెల్లూరు (టౌన్‌): నగరంలోని ఏసీ సుబ్బారెడ్డి స్టేడియంలో మాస్టర్‌ అథ్లెటిక్స్‌ చాంపియన్‌షిప్‌ ఎంపికలను ఆదివారం ఉదయం పది గంటలకు నిర్వహించనున్నామని వెటరన్‌ మాస్టర్‌ అథ్లెటిక్స్‌ అసోసియేషన్‌ జిల్లా అధ్యక్షుడు గోపీకృష్ణ, కార్యదర్శి బసవయ్య శుక్రవారం ఒక ప్రకటనలో పేర్కొన్నారు. 30 నుంచి 80 ఏళ్లు వయస్సు గల పురుషులు, మహిళలు పాల్గొనవచ్చని చెప్పారు. 100, 200, 400, 800, 1500, ఐదు వేల మీటర్ల పరుగు పందెం, హై, లాంగ్‌జంప్‌, షాట్‌పుట్‌, డిస్కస్‌, జావెలిన్‌, హ్యామర్‌ త్రో, ఐదు కిలోమీటర్ల నడక పోటీలను నిర్వహించనున్నామని వివరించారు. ఆసక్తి గల వారు వయస్సు ధ్రువీకరణ పత్రం, పాస్‌పోర్ట్‌ సైజ్‌ ఫొటోను తీసుకురావాలని సూచించారు. శ్రీవారి దర్శనానికి 18 గంటలుతిరుమల: తిరుమలలో భక్తుల రద్దీ శుక్రవారం ఎక్కువగా ఉంది. క్యూ కాంప్లెక్స్‌లోని 31 కంపార్ట్‌మెంట్లు నిండిపోయి.. శిలాతోరణం వద్దకు క్యూలైన్‌ చేరుకుంది. స్వామివారిని 78,026 మంది గురువారం అర్ధరాత్రి వరకు దర్శించుకున్నారు. తలనీలాలను 31,166 మంది అర్పించారు. కానుకల రూపంలో హుండీలో రూ.5.12 కోట్లను సమర్పించారు. టైమ్‌ స్లాట్‌ టికెట్లున్న వారికి సకాలంలో దర్శనం లభిస్తోంది. ఇవి లేని వారికి 18 గంటల సమయం పడుతోంది. ప్రత్యేక టికెట్లున్న వారు మూడు గంటల్లోనే దర్శించుకోగలుగుతున్నారు. పోలీస్‌ శిక్షణ కేంద్రంలో పరిశీలననెల్లూరు సిటీ: చెముడుగుంటలోని పోలీస్‌ శిక్షణ కేంద్రాన్ని జిల్లా ప్రధాన న్యాయమూర్తి నరసింహమూర్తి శుక్రవారం పరిశీలించారు. కేంద్రంలోని కార్యాలయం, క్వార్టర్స్‌, కంప్యూటర్‌ ల్యాబ్‌ను పర్యవేక్షించారు. ప్రాంగణంలోని వినాయకుడి ఆలయంలో ప్రత్యేక పూజలు చేశారు. ఏఎస్పీ సౌజన్య తదితరులు పాల్గొన్నారు. వైన్‌ షాపుల రెన్యువళ్ల దరఖాస్తు గడువు పొడిగింపు నెల్లూరు సిటీ: జిల్లాలో వైన్‌షాపులను రెన్యువల్‌ చేసుకోని వారు దరఖాస్తు చేసుకునే గడువును పొడిగిస్తూ ఉత్తర్వులను రాష్ట్ర ప్రభుత్వం జారీ చేసింది. ఆరో తేదీ రాత్రి 12 గంటల వ రకు అవకాశమిచ్చారు. దరఖాస్తులను ఎకై ్సజ్‌ అధికారులు ఏడున పరిశీలించి.. కలెక్టర్‌ ఆధ్వర్యంలో లాటరీ పద్ధతిన ఎనిమిదిన కేటాయించనున్నారు. కాగా జిల్లాలోని 49 వైన్‌షాపుల రెన్యువల్‌కు దరఖాస్తులను ప్రభుత్వం ఆహ్వానించగా, తొమ్మిదింటికే దరఖాస్తులందాయి. వీటికి 36 అప్లికేషన్లే రావడంతో కొన్ని మార్పులను ప్రభుత్వం చేసింది.

నెల్లూరు(వేదాయపాళెం): యానాదులకు ప్రత్యేక కార్పొరేషన్‌ ఏర్పాటు చేస్తామని కూటమి ప్రభుత్వం ఇచ్చిన హామీని వెంటనే నెరవేర్చాలని యానాదుల సంక్షేమ సంఘం రాష్ట్ర అధ్యక్షుడు కేసీ పెంచలయ్య డిమాండ్‌ చేశారు. యానాదులకు ఎస్టీ వర్గీకరణ, ప్రత్యేక కార్పొరేషన్‌ ఏర్పాటు చేయాలనే డిమాండ్లతో శుక్రవారం నెల్లూరులోని సుబేదారుపేటలోని వెన్నెలకంటి రాఘవయ్య భవన్‌ నుంచి గాంధీ విగ్రహం వరకు సంఘం ఆధ్వర్యంలో భారీ ర్యాలీ నిర్వహించారు. అనంతరం గాంధీ విగ్రహానికి పూలమాలలు వేసి నివాళులర్పించారు. పెంచయ్య మాట్లాడుతూ ఎన్నికల సమయంలో కూటమి పార్టీ ల నేతలు యానాదులకు ఇచ్చిన హామీలను విస్మ రించారని విమర్శించారు. తమ న్యాయమైన డిమాండ్లను వెంటనే పరిష్కరించకపోతే నవంబర్‌లో రాష్ట్రవ్యాప్తంగా ధూమ్‌ధామ్‌ కార్యక్రమం నిర్వహిస్తామని హెచ్చరించారు. యానాదులకు ఎస్టీ వర్గీకరణ కోసం ప్రత్యేక కమిషన్‌ను ఏర్పాటు చేసి, ఆ కమిషన్‌ నివేదిక ఆధారంగా వర్గీకరణ ప్రక్రియను వెంటనే చేపట్టాలని డిమాండ్‌ చేశారు. గాంధీ మాస్కులు ధరించి.. ‘ఎస్టీ వర్గీకరణ చేపట్టాలి’, ‘మహాత్మా.. మీరైనా కరుణించండి’ అంటూ నినాదాలు చేశారు. కార్యక్రమంలో ఆ సంఘం జిల్లా అధ్యక్షుడు మానికల మురళి, రాపూరు కృష్ణయ్య, చెంబేటి ఉష, తిరివీధి సతీష్‌, యల్లంపల్లి రమేష్‌, బిట్ర ప్రసాద్‌, కల్లూరు పెంచలప్రసాద్‌, రేపల్లె మధు, చలంచర్ల చినసుబ్బయ్య, వేణు, ప్రసాద్‌, రవి, శ్రీను, గోపీ, వరలక్ష్మి, కలుగోళమ్మ, తిరుపతమ్మ, సుధాకర్‌, రవీంద్ర పాల్గొన్నారు.

నీటిలో తేలుతున్న బొజ్జ గణపయ్య విగ్రహం వినాయక చవితి సందర్భంగా భక్తిశ్రద్ధలతో పూజించిన విగ్రహాలను నెల్లూరులోని స్వర్ణాల చెరువులో నిమజ్జనం చేశారు. అయితే కొన్ని విగ్రహాలు పూర్తిగా కరగకపోవడంతో వాటి అవశేషాలు చెరువులో దర్శనమిస్తున్నాయి. దీంతో నీటి పరిశుభ్రతపై స్థానికుల్లో ఆందోళన వ్యక్తమవుతోంది. విగ్రహాల రంగులు, ఇతర వ్యర్థాలు నీటిలో కలవకుండా నిమజ్జన ప్రాంతాన్ని ఎప్పటికప్పుడు శుభ్రం చేయాలని నగరవాసులు కోరుతున్నారు. చెరువు నీటిపై ఆధారపడే మూగజీవాలకు ఇబ్బంది కలగకుండా అధికారులు తగిన చర్యలు చేపట్టాలని విజ్ఞప్తి చేస్తున్నారు. – సాక్షి ఫొటోగ్రాఫర్‌, నెల్లూరు

రాపూరు: జిల్లాలోని ప్రముఖ పుణ్యక్షేత్రమైన పెంచలకోనలోని పెనుశిల లక్ష్మీనరసింహస్వామి, ఆదిలక్ష్మీదేవి, ఆంజనేయస్వామిని శుక్రవారం కర్ణాటక హైకోర్టు జడ్జి సుమలత, కుటుంబ సభ్యులతో కలిసి దర్శించుకుని ప్రత్యేక పూజలు నిర్వహించారు. ఆమెకు దేవస్థాన అధికారులు పూర్ణకుంభంతో స్వాగతం పలికి మూడు ఆలయాల్లో ప్రత్యేక పూజలు నిర్వహించారు. ఏసీబీ డీఎస్పీ బదిలీ నెల్లూరు సిటీ: నెల్లూరు ఏసీబీ డీఎస్పీ పి.రామకృష్ణుడిని కడప ఎస్‌డీపీఓగా బదిలీ చేస్తూ డీజీపీ హరీష్‌కుమార్‌ గుప్తా శుక్రవారం ఉత్తర్వులు జారీ చేశారు. వెయిటింగ్‌లో ఉన్న టి.వెంకటేశులును ఆత్మకూరు డీఎస్పీగా నియమిస్తూ ఉత్తర్వులు జారీ చేశారు. నెల్లూరు ఏసీబీ డీఎస్పీగా ఎవరిని నియమించలేదు.

● ఇంట్లో దోపిడీకి పాల్పడి హత్య చేసి ఉంటారనే అనుమానాలు ● బాకీ డబ్బులు ఎగ్గొట్టేందుకే హత్య జరిగిందా? ● టీడీపీ నేత ప్రమేయంపై అనుమానాలు కావలి: పట్టణంలో ఓ వృద్ధురాలు గురువారం అనుమానాస్పద స్థితిలో మృతిచెందిన ఘటన కలకలం సృష్టిస్తోంది. వివరాల్లోకి వెళ్తే.. కావలి తుఫాన్‌ నగర్‌ ట్యాంక్‌ సమీపంలో నివాసముంటున్న ఆ వృద్ధురాలి ఒంటిపై నగలు మాయం కావడం, బీరువా తెరచి ఉండడం వంటి అంశాలు పలు అనుమానాలకు తావిస్తున్నాయి. ట్యాంక్‌ వెనుక భాగంలో పొంగూరు విజయలక్ష్మి (65) తన నివాసంలో ఉంటున్నారు. ఆమె వడ్డీ వ్యాపారం చేస్తుంటారని ఆ ప్రాంత వాసులు చెబుతున్నారు. ఇటీవల నగదు తీసుకున్న వారు తిరిగివ్వడం లేదని పలువురు మహిళల వద్ద ఆమె విచారం వ్యక్తం చేసినట్లు తెలుస్తోంది. ఆమె వద్ద భారీగా అప్పు తీసుకున్న ఓ మహిళ ఇటీవల మృతురాలితో గొడవ పడినట్లు సమాచారం. కాగా గురువారం మధ్యాహ్నం వరకు అందరితో మాట్లాడిన విజయలక్ష్మి సాయంత్రం వేళ ఇంటి పని చేసేందుకు వచ్చిన వ్యక్తి తలుపు తట్టినా స్పందించలేదు. దీంతో పక్కింటి మహిళ ఎందుకు తలుపులు కొడుతున్నావు? అని ప్రశ్నించగా.. పనికి పిలిచిందని, అందుకే వచ్చానని ఆ వ్యక్తి సమాధానం ఇచ్చినట్లు తెలుస్తోంది. అనుమానం వచ్చిన ఇద్దరూ కలిసి తలుపులు తెరచి చూడగా విజయలక్ష్మి వంట గది వద్ద నిర్జీవంగా పడి ఉండటాన్ని గమనించారు. వెంటనే మహిళ ఈ విషయాన్ని ఆమె బంధువులకు ఫోన్‌లో సమాచారం అందించింది. బంధువులు పోలీసులకు సమాచారం అందించారు. రెండో పట్టణ ఎస్సైలు గోపీచంద్‌, వెంకటేశ్వర్లు, కావలి రూరల్‌ ఎస్సై తిరుమలరెడ్డి ఘటనా స్థలానికి చేరుకున్నారు. డీఎస్పీ రమణకుమార్‌ పరిశీలించారు. ఆమె ఒంటిపై ఎలాంటి గాయాల్లేవు. దిండు పెట్టి ఊపిరి ఆడకుండా చేసి హత్య చేసినట్లు అనుమానిస్తున్నారు. పోస్టుమార్టం నివేదిక, పోలీసుల దర్యాప్తు అనంతరం మాత్రమే ఘటనకు సంబంధించిన పూర్తి వివరాలు వెలుగులోకి వచ్చే అవకాశం ఉంది. ఆర్థిక లావాదేవీల్లో టీడీపీ నేత? మృతురాలు విజయలక్ష్మి వద్ద అధికార పార్టీకి చెందిన ఓ నేత భారీ మొత్తంలో అప్పు తీసుకుని బాకీ పడ్డారని, ఇటీవల నగదు చెల్లింపు విషయంలో ఆ నేతను నిలదీయడంతో గొడవ పడినట్లు ప్రచారం జరుగుతోంది. బాకీ అడిగిన సందర్భంలో ఆ నేత దురుసుగా మాట్లాడినట్లు.. అప్పటి నుంచి విజయలక్ష్మి విచారంతో ఉన్నారని స్థానికులు చెబుతున్నారు. ఇలా పలువురు ఆమెకు బాకీ ఉన్నారని, ఈ ఘటనకు ఆర్థిక లావాదేవీలకు ఏమైనా సంబంధం ఉందా? అనే కోణాల్లో పోలీసులు విచారణ చేపడితే వాస్తవాలు బయటపడతాయని స్థానికులు చెబుతున్నారు.

దుత్తలూరు(ఉదయగిరి): గొర్రెల కాపరిగా ఉంటున్న బాలుడిని అధికారులు తల్లిదండ్రుల చెంతకు చేర్చారు. వైఎస్సార్‌ కడప జిల్లా బ్రహ్మంగారిమఠానికి చెందిన ఊసా ఆశీర్వాదం, ఎస్తేరమ్మ దంపతులు జీవనం గడవక కుమారుడు రామయ్యను ప్రకాశం జిల్లా మద్దిపాడు మండలంలో ఓ రైతు వద్దకు గొర్రెల కాపరిగా పంపారు. ఆ బాలుడు తన కష్టాలు చెబుతూ కన్నీటిపర్యంతమైన వీడియో సోషల్‌ మీడియాలో బుధవారం వైరలైంది. గురువారం అధికారులు బాలుడి ద్వారా సమాచారం తెలుసుకుని దుత్తలూరు మండలం నర్రవాడలో ఉన్న తల్లిదండ్రులతో మాట్లాడారు. ఇద్దరు పిల్లల్లో నాలుగేళ్ల చిన్నారి గుండె సంబంధిత వ్యాధితో బాధపడుతోందని, వైద్యం కోసం నగదు లేకపోవడంతో కుమారుడిని గొర్రెల కాపరిగా ఉంచామని వివరించారు. డీఆర్‌డీఏ పీడీ నాగరాజకుమారి, ఐసీడీఎస్‌ పీడీ శైలజ, బాలల సంరక్షణాధికారి సురేష్‌ బాలుడిని తల్లిదండ్రులకు అప్పగించారు. ఆ కుటుంబానికి ఇంటి స్థలంతోపాటు గుండె శస్త్రచికిత్సకు అవసరమైన ఆర్థిక సాయం, పొదుపు సంఘం ద్వారా రుణం, రామయ్యకు విద్య అందేలా చర్యలు తీసుకుంటామని తెలిపారు. అనంతరం బాలుడిని ఐసీడీఎస్‌ ఆధ్వర్యంలోని బాలల సంరక్షణ కేంద్రానికి తరలించారు. ఆ కుటుంబానికి నిత్యావసర సరుకులను స్థానికులు అందజేశారు.

స్థానిక సంస్థల ఎన్నికల్లో బీసీలకు 34 శాతం రిజర్వేషన్లను కల్పిస్తూ రాష్ట్ర ప్రభుత్వం జారీ చేసిన జీఓలను హైకోర్టు కొట్టేయడం తీవ్ర నిరాశను కలిగించింది. సుప్రీంకోర్టు నిర్దేశించిన రిజర్వేషన్ల పరిమితి, న్యాయపరమైన నిబంధనలను పరిగణనలోకి తీసుకోకుండా జీఓలను ప్రభుత్వం జారీ చేయడంతోనే ఈ పరిస్థితి ఏర్పడింది. బీసీల హక్కుల విషయంలో ఇప్పటికై నా చిత్తశుద్ధితో ముందుకెళ్లాలి. – కొండూరు అనిల్‌బాబు, వైఎస్సార్సీపీ కోవూరు నియోజకవర్గ పరిశీలకుడు

● వెంకటగిరి జాతరకు పోటెత్తిన భక్తులు ● క్యూలైన్లలో నలిగిపోయిన సామాన్య భక్తులు ● కూటమి నేతల సిఫార్సులకే ప్రాధాన్యంజై పోలేరు.. జైజై పోలేరు..! పోలేరు తల్లీ కరుణించి కాపాడు తల్లీ..! అంటూ భక్తులు ఆధ్యాత్మిక చింతనలో మునిగితేలారు. వెంకటగిరి గ్రామశక్తి పోలేరమ్మను దర్శించి తన్మయత్వం పొందారు. తల్లి దీవెనల కోసం బారులు తీరారు. గంటల తరబడి క్యూల్లో వేచి ఉండి మరీ అమ్మవారిని దర్శించి మొక్కులు తీర్చుకున్నారు. లక్షల మంది భక్తులు తరలిరావడంతో వెంకటగిరి కిక్కిరిసిపోయింది. పోలేరమ్మ నామస్మరణ తో మార్మోగింది. నగరోత్సవంలో బాణసంచా ఆకట్టుకుంది. సామాన్య భక్తులు క్యూల్లో నలిగిపోగా.. కూటమి నేతల సిఫార్సులకే అధికారులు ప్రాధాన్యతనివ్వడం విమర్శలకు తావిచ్చింది.వెంకటగిరి(సైదాపురం): వెంటగిరి పోలేరమ్మ జాత ర గురువారం అట్టహాసంగా ముగిసింది. 2023లో జాతరను అప్పటి వైఎస్సార్‌సీపీ ప్రభుత్వం రాష్ట్ర పండగగా ప్రకటించడంతో ప్రాధాన్యం ఏర్పడింది. వివిధ రాష్ట్రాలతోపాటు దేశ విదేశాల నుంచి భక్తులు పెద్ద సంఖ్యలో తరలివచ్చారు. పోలేరమ్మను దర్శించుకునేందుకు క్యూల్లో గంటల తరబడి నిరీక్షించారు. ఉన్నతాధికారుల పర్యవేక్షణలో.. పోలేరమ్మ జాతర రాష్ట్ర పండగ కావడంతో కలెక్టర్‌ ఎస్‌.వెంకటేశ్వర్‌, ఎస్పీ సుబ్బారాయుడుతోపాటు అధికారుల పర్యవేక్షణలో సాగింది. సుమారు నాలుగు లక్షల మందికిపైగా భక్తులు వచ్చినట్టు సమాచారం. అమ్మవారి దర్శనం కోసం భక్తులు నానా ఇబ్బందులు పడ్డారు. కూటమి నేతల సిఫార్సులకే పోలీసులు సై అనడంతో సామాన్య భక్తులకు దర్శన భ్యాగం గగనమైపోయింది. ఎటువంటి ప్రొటోకాల్‌ లేని కూటమి నేతలకు రాజమార్గంలో దర్శన ఏర్పాట్లు చేయడం విమర్శలకు తావిచ్చింది. మెట్టినింట్లో కొలువుదీరి.. జాతరలో భాగంగా బుధవారం అర్ధరాత్రి మెట్టునిల్లు అయిన జీనుగుల వారి వీధి నుంచి వేకువజామున నాలుగు గంటలకు అమ్మవారిని ఊరేగింపుగా తీసుకొచ్చి పోలేరమ్మ గుడి వద్ద ప్రత్యేకంగా నిర్మించిన చలువ పందిరిలో కొలువుదీర్చారు. తెల్లవారుజామున నుంచి దర్శనభాగ్యం కల్పించారు. గురువారం ఎర్రటి ఎండను సైతం లెక్కచేయకుండా భక్తులు క్యూల్లో బారులు దీరారు. ఉచిత దర్శనం, రూ.100, రూ.300 టికెట్లు కొనుగోలు చేసిన భక్తులు పాత బస్టాండ్‌ మీదుగా క్యూలైన్‌ను అనుమతించారు. అయితే ఈ ప్రాంతాల్లో కనీస సౌకర్యాలు కల్పించ లేదు. వెంకటగిరి రాజా కుటుంబీకుల సర్వజ్ఞకుమార యాచేంద్రతోపాటు పలువురు అమ్మవారికి సంప్రదాయం బద్ధంగా సారె సమర్పించారు. నగరోత్సాహం అమ్మవారికి సంప్రదాయ బద్ధంగా దున్నపోతును బలిచ్చారు. ఆ తర్వాత గ్రామ పొలిమేర వద్ద పొలి కార్యక్రమం చేపట్టారు. తదనంతరం ప్రత్యేకంగా అలంకరించిన పూల రఽథంపై పోలేరమ్మ తల్లి ఆశీనులై నగరోత్సవానికి బయల్దేరారు. అమ్మవారి ఆలయ మండపం నుంచి ప్రారంభమైన నగరోత్సవం రాజావీధి, కాశీపేట సెంటర్‌, పాత శివాలయంవీధి మీదుగా మల్లమ్మగడి ప్రాంతం, అమ్మవారి నిష్కమణ మండపం వరకు సాగింది. ఈ ఏడాది ఊరేగింపు నిదానంగా సాగడంతో భక్తులు అమ్మవారిని తనివి తీరా దర్శించుకున్నారు. ● దేవదాయ శాఖ మంత్రి ఆనం రామనారాయణరెడ్డి అమ్మవారికి పట్టు వస్త్రాలు సమర్పించారు. ఈఓ శ్రీనివాసులురెడ్డి పర్యవేక్షణలో ఆలయ మర్యాదలతో ఘన స్వాగతం పలికారు. ● జాతరకు వచ్చిన భక్తులకు కష్టాలు తప్పలేదు. ఎక్కడ చూసినా వాహనాలను నిలిపివేయడంతో ట్రాఫిక్‌ ఎక్కడికక్కడ స్తంభించింది. గంటల తరబడి వాహనాలు రోడ్డుపైనే నిలిచిపోయాయి. పోలీసులు చేపట్టిన ముందస్తు చర్యలు ఫలించకుండా పోయాయి. ● జాతరలో మద్యం ఏరులై పారింది. షాపులు బుధవారం రాత్రే మూసివేయాల్సి ఉంది. కానీ అధికారులు అవేవీ పట్టించుకోలేదు. గురువారం తెల్లవారుజామువరకు విక్రయాలు సాగాయి. ● పోలేరమ్మ తల్లిని కర్ణాటక హైకోర్టు జడ్జి సుమలత, నెల్లూరు ఎంపీ వేమిరెడ్డి ప్రభాకర్‌రెడ్డి, శ్రీకాళహస్తి, వెంకటగిరి, కోవూరు ఎమ్మెల్యేలు బొజ్జల సుధీర్‌రెడ్డి, కురుగొండ్ల రామకృష్ణ, ప్రశాంతిరెడ్డి, మాజీ మంత్రి ఆర్‌కే రోజా, ఎస్‌ఈసీ సభ్యులు బొల్లిగర్ల మస్తాన్‌యాదవ్‌ దర్శించుకున్నారు. ఏఎస్పీ రవి మనోహరాచారి, జాయింట్‌ కలెక్టర్‌ గోవిందరాజు, డీఎస్పీ చెంచుబాబు, శ్రీకాశహస్తి ఆర్డీఓ భానుప్రకాష్‌ రెడ్డి తదితరులు ఏర్పాట్లను పర్యవేక్షించారు.

చిట్టమూరు: మండల పరిధిలోని మల్లాం గ్రామంలో కొలువైన వల్లీదేవసేన సమేత సుబ్రహ్మణ్యేశ్వర స్వామి బ్రహ్మోత్సవాల్లో భాగంగా గురువారం వసంతోత్సవాన్ని వైభవంగా నిర్వహించారు. బుధవారం స్వామి, అమ్మవార్ల కల్యాణం నిర్వహించిన అనంతరం మరుసటి రోజు వసంతోత్సవం నిర్వహించడం ఆనవాయితీగా వస్తోంది. ఇందులో భాగంగా స్వామి, అమ్మవార్లను ప్రత్యేకంగా అలంకరించి గ్రామోత్సవం నిర్వహించారు. గ్రామంలోని చిన్నా, పెద్దా తేడా లేకుండా ఒకరిపై ఒకరు రంగులు చల్లుకున్నారు. రాత్రి ధ్వజావరోహణను నిర్వహించారు. కాలుష్య నియంత్రణపై నిర్లక్ష్యం వద్దు ● ఏపీపీసీబీ చైర్మన్‌ కృష్ణయ్య నెల్లూరు(అర్బన్‌): పరిశ్రమల్లో కాలుష్యాన్ని నియంత్రించాలని, నిబంధనలు ఉల్లంఘిస్తే కఠిన చర్యలు తీసుకుంటామని ఏపీపీసీబీ చైర్మన్‌, రిటైర్డ్‌ ఐఏఎస్‌ అధికారి డా.పి.కృష్ణయ్య అన్నారు. గురువారం జిల్లాలోని పలు పరిశ్రమలను ఆయన ఆకస్మికంగా తనిఖీ చేశారు. ప్రధానంగా జీఆర్‌ఐ టవర్స్‌, సెంటిని పైప్స్‌, వయోనా ఎనర్జీ తదితర పరిశ్రమలను పరిశీలించారు. వాటిల్లో ఏర్పాటు చేసిన కాలుష్య నియంత్రణ వ్యవస్థల పనితీరును తనిఖీ చేశారు. ఘన వ్యర్థాల నిర్వహణ, గ్రీన్‌బెల్ట్‌ అభివృద్ధి, ఫ్యూజిటివ్‌ ఎమిషన్స్‌ నియంత్రణతోపాటు పర్యావరణ పరిరక్షణకు చేపడుతున్న చర్యలను ఆరాతీశారు. గ్రీన్‌బెల్ట్‌ అభివృద్ధికి సమగ్ర ప్రణాళిక రూపొందించి అమలు చేయాలని సూచించారు. తనిఖీల్లో ఎస్‌ఆర్‌ఎస్పీ జిల్లా కాలుష్య నియంత్రణ మండలి అధికారి అశోక్‌ తదితరులు పాల్గొన్నారు. మద్యం అక్రమంగా తరలిస్తుండగా.. ● రూ.1.50 లక్షల విలువైన బాటిళ్ల పట్టివేత పొదలకూరు: మండలంలోని మర్రిపల్లి సమీపంలో గురువారం తెల్లవారుఝామున అక్రమంగా మద్యం తరలిస్తుండగా పోలీసులు పట్టుకున్నారు. బెల్టుషాపులకు తీసుకెళ్తుండగా పోలీసులు పెట్రోలింగ్‌ చేస్తూ గుర్తించారు. ఎస్సై శివరాకేష్‌ ఆధ్వర్యంలో 900 బాటిళ్లు ఉన్న కేసులను స్వాధీనం చేసుకున్నట్టు తెలిసింది. వాటిని పొదలకూరు ప్రొహిబిషన్‌ అండ్‌ ఎకై ్సజ్‌ శాఖకు అప్పగించారు. పంచనామా నిర్వహించి కేసు నమోదు చేస్తామని ఎకై ్సజ్‌ సీఐ వెంకటేశ్వర్లు వెల్లడించారు. విలువ సుమారు రూ.1.50 లక్షలు ఉంటుందని అంచనా వేస్తున్నారు. ఏ మద్యం షాపు నుంచి బెల్టుషాపులకు తరలిస్తున్నది పూర్తి వివరాలు తెలియాల్సి ఉంది.

రిజర్వేషన్ల పేరుతో బీసీలను సీఎం చంద్రబాబు మోసం చేస్తున్నారు. స్థానిక సంస్థల్లో 34 శాతం రిజర్వేషన్లు చెల్లవని తెలిసినా, జీఓ ఇవ్వడం బీసీలను అవమానించడమే. గత వైఎస్సార్‌ కాంగ్రెస్‌ పార్టీ ప్రభుత్వ హయాంలో అప్పటి సీఎం జగన్‌మోహన్‌రెడ్డి.. 34 శాతం రిజర్వేషన్లు కల్పించే యత్నంలో భాగంగా జనరల్‌ సీట్లలో బీసీ అభ్యర్థులను నిలబెట్టి న్యాయం చేశారు. రాజ్యాంగబద్ధంగా రిజర్వేషన్లు 50 శాతానికి మించకూడదని సుప్రీంకోర్టు గతంలో తీర్పిచ్చిన విషయం చంద్రబాబుకు తెలిసినా, మరోసారి ఇప్పుడు జీఓలివ్వడం మోసగించడమే అవుతుంది. – డేగా వంశీ, బీసీ సెల్‌ జిల్లా అధ్యక్షుడు

● జెడ్పీ చివరి సమావేశానికి అధికారులు రాకపోవడం దారుణం ● కాకాణి పూజితనెల్లూరురూరల్‌: జెడ్పీ చివరి సాధారణ సమావేశానికి అధికారులు, ప్రజాప్రతినిధులు హాజరు కాకపోవడంపై వైఎస్సార్‌సీపీ మహిళా విభాగ రాష్ట్ర వర్కింగ్‌ ప్రెసిడెంట్‌ కాకాణి పూజిత ఆగ్రహం వ్యక్తం చేశారు. నెల్లూరులోని పార్టీ జిల్లా కార్యాలయంలో మహిళా నేతలతో కలిసి విలేకరుల సమావేశంలో గురువారం ఆమె మాట్లాడారు. స్థానిక సంస్థల్లో ప్రజలు ఎన్నుకున్న మహిళా ప్రజాప్రతినిధులకు కనీస గౌరవమివ్వకపోవడం బాధాకరమని చెప్పారు. జెడ్పీ చైర్‌పర్సన్‌గా ఆనం అరుణమ్మ ఐదేళ్ల కాలంలో నిబద్ధతతో పనిచేశారని కొనియాడారు. మంత్రులు, అధికార పార్టీ నేతలు రాజకీయ కారణాలతో సమావేశానికి దూరంగా ఉంటే దాన్ని వారి విజ్ఞతకే వదిలేస్తామని, అయితే కలెక్టర్‌, జెడ్పీ సీఈఓతోపాటు సంబంధిత అధికారులు సైతం రాకపోవడం తీవ్రంగా బాధించిందని తెలిపారు. మహిళా ప్రజాప్రతినిధిపై ప్రభుత్వానికి, అధికార యంత్రాంగానికి ఉన్న గౌరవం ఈ ఘటనతో స్పష్టమైందని విమర్శించారు. మాటల్లో కాదు.. ఆచరణలో చూపండి స్థానిక సంస్థల్లో 50 శాతం మహిళా రిజర్వేషన్ల ఉద్దేశాన్ని దెబ్బతీసేలా వ్యవహరించొద్దని పూజిత సూచించారు. మహిళా సాధికారతపై మాట్లాడే నేతలు.. క్షేత్రస్థాయిలో ప్రజల కోసం పనిచేస్తున్న మహిళలకు ప్రోత్సాహం, గౌరవమివ్వాలని కోరారు. మహిళా సాధికారతను ఆచరణలో చూపాలని హితవు పలికారు. మంత్రి వ్యాఖ్యలకు ఖండన సీటు వదలడం ఇష్టం లేక పదవిలో ఆనం అరుణమ్మ కొనసాగుతున్నారంటూ మంత్రి రామనారాయణరెడ్డి చేసిన వ్యాఖ్యలను పూజిత ఖండించారు. తమ ప్రభుత్వ హయాంలో టీడీపీకి చెందిన మహిళా నేతలు, మహిళా ప్రజాప్రతినిధులను అవమానించేలా మాట్లాడలేదని గుర్తుచేశారు. అధికారముందని ఏది మాట్లాడినా చెల్లుబాటవుతుందని భావించడం సరికాదని సూచించారు. రాష్ట్ర జోనల్‌ మహిళాధ్యక్షురాలు మొయిళ్ల గౌరి, జిల్లా మహిళాధ్యక్షురాలు లక్ష్మీసునంద, అంగన్‌వాడీ విభాగ రాష్ట్ర కార్యదర్శి వెంకటజ్యోతి, జిల్లా అధ్యక్షురాలు లావణ్య, జిల్లా మహిళా ఉపాధ్యక్షురాలు కృష్ణవేణి, అంగన్‌వాడీ విభాగ నెల్లూరు నగరాధ్యక్షురాలు మహేశ్వరి, నెల్లూరు రూరల్‌, సర్వేపల్లి నియోజకవర్గ మహిళాధ్యక్షులు రమాదేవి, సంధ్యారాణి, మాజీ ఎంపీపీలు సుగుణమ్మ, వజ్రమ్మ, పొదలకూరు ఎంపీటీసీ లక్ష్మీకల్యాణి తదితరులు పాల్గొన్నారు.

సాక్షిప్రతినిధి, నెల్లూరు: బీసీలంటే.. బ్యాక్‌వర్డ్‌ క్లాస్‌ కాదని, బ్యాక్‌బోన్‌ క్లాస్‌ అని వైఎస్‌ జగన్‌మోహన్‌రెడ్డి చాటుతూ ఆ వర్గాలకు రాజ్యాధికారంలో పట్టాభిషేకం చేస్తే.. కపట చంద్రబాబు.. బీసీ నాటకంతో మరోసారి వెన్నుపోటు పొడిచిన తీరుపై జిల్లాలోని బీసీ వర్గాలు మండిపడుతున్నాయి. ఆది నుంచి బీసీలను ఓటు బ్యాంక్‌గా వాడుకుంటూ అధికారాన్ని దక్కించుకుంటున్న చంద్రబాబు పదవుల కల్పనలో మాత్రం ఎప్పుడూ మోసం చేస్తూనే ఉన్నారు. వైఎస్సార్‌సీపీ ప్రభుత్వంలో జిల్లాకు చెందిన బీసీ నేత పోలుబోయిన అనిల్‌కుమార్‌యాదవ్‌కు మంత్రివర్గంలో పట్టం కడితే.. మరో బీసీ నేత బీద మస్తాన్‌రావును రాజ్యసభకు పంపించిన ఘనత వైఎస్‌ జగన్‌మోహన్‌రెడ్డికే దక్కుతుందని బీసీ సామాజిక వర్గాలు విస్పష్టం చేశాయి. ఇంకో బీసీ నేత కొండూరు అనిల్‌బాబును ఆఫ్కాఫ్‌ చైర్మన్‌ను, మరో బీసీ మహిళ పొట్టేళ్ల శిరీషను జిల్లా పరిషత్‌ వైస్‌ చైర్‌పర్సన్‌గా, రాష్ట్ర సంగీత అకాడమీ చైర్‌పర్సన్‌గా చేసిన చిత్తశుద్ధి వైఎస్‌ జగన్‌దేనని స్పష్టం చేస్తున్నారు. తాజాగా ముగిసిన జెడ్పీ పాలక వర్గంలో సైతం మరో ఇద్దరు మహిళలను జిల్లా పరిషత్‌ వైస్‌ చైర్‌పర్సన్లుగా పట్టం కట్టిన ఘనత వైఎస్సార్‌సీపీదేనని ఆ సామాజిక వర్గీయులు గుర్తు చేస్తున్నారు. ఇక పంచాయతీ, మండల పరిషత్‌, జిల్లా పరిషత్‌, మున్సిపాలిటీ, కార్పొరేషన్‌ పదవుల్లోనూ బీసీలకే అత్యధిక ప్రాధాన్యత ఇచ్చిన చరిత్ర వైఎస్సార్‌సీపీదేనని ఆ పార్టీ నేతలు వ్యాఖ్యానిస్తున్నారు. రాష్ట్రంలోని 136 బీసీ కులాలకు సంబంధించి 56 కార్పొరేషన్లు ఏర్పాటు చేసి చైర్మన్లు, డైరెక్టర్లుగా పదవులు ఇచ్చారు. బాబు పాలనలో బీసీలకు ప్రాధాన్యత ఏదీ? చంద్రబాబు అధికారంలో ఉన్న కాలంలో బీసీలకు ఏనాడు రాజ్యాధికారంలో భాగస్వామ్యం చేసిన, పదవులు కల్పించిన దాఖాల్లేవని ఆ పార్టీ నేతలే వ్యాఖ్యానించిన సందర్భాలు ఉన్నాయి. తన రాజకీయ స్వప్రయోజనాల కోసం కులాల మధ్య చిచ్చుపెట్టడం, లబ్ధి పొందడం తప్పించి.. ఏనాడు వారికి రాజకీయంగా ప్రాధాన్యం కల్పించలేదని బీసీలు మండిపడుతున్నాయి. ఆయా కుల వృత్తిదారులకు ఆదరణ పథకం పేరుతో నాయీ బ్రాహ్మణులు, రజకులు, విశ్వబ్రాహ్మణులు, చేనేత కార్మికులు, వడ్డెర, గీత కార్మికులు, ఇతర వెనుకబడిన తరగతుల కుల వృత్తులకు సంబంధించి అవసరమైన పనిముట్లను అందజేసి.. కులవృత్తికే పరిమితం చేశారు. జిల్లాలో 50 శాతం బీసీ జనాభానే.. జిల్లాను పునర్విభజన చేసిన తర్వాత సుమారు 24 లక్షల జనాభా ఉంది. అందులో 12 లక్షల మంది బీసీ జనాభా ఉన్నారు. బీసీలకు 34 శాతం రిజర్వేషన్‌ అంటే జిల్లాలో 4 లక్షల కుటుంబాలకు నేరుగా లాభం జరిగేది. ఇప్పుడు జీఓ కొట్టివేయడంతో పాత చట్టబద్ధత ప్రకారం 20 శాతం మాత్రమే అమలు జరుగుతుంది. బీసీ వర్గాల ఓట్లన్ని గంపగుత్తగా పొందాలని చంద్రబాబు ఆడిన డ్రామా ఇప్పుడు బెడిసి కొట్టింది. రాష్ట్రంలో బీసీలకు 34 శాతం రిజర్వేషన్‌ కల్పి స్తూ ప్రభుత్వం ఇచ్చిన జీఓలను హైకోర్టు గురువారం కొట్టివేయడంతో ముఖ్యమంత్రి చంద్రబాబు ప్రభుత్వం కపట నాటకం మరోసారి బట్టబయలైంది. స్థానిక సంస్థల ఎన్నికల్లో బీసీల ఓట్లు సంపాదించేందుకు ప్రభుత్వం జీఓ ఇచ్చిందే తప్ప.. చట్టబద్ధత లేదని స్పష్టమైంది. రిజర్వేషన్లకు సంబంధించి న్యాయపరమైన పరిమితులు, సుప్రీం కోర్టు తీర్పులను పట్టించుకోకుండా నేరుగా జీఓ జారీ చేయడంతోనే బీసీలపై చంద్రబాబు ప్రభుత్వానికి ఉన్న చిత్తశుద్ధి ఏమిటో స్పష్టమైంది. రాజ్యాంగం నిర్దేశించిన పరిధి దాటి రిజర్వేషన్లు కల్పించాలంటే ముందుగా రాజ్యాంగాన్ని సవరించాల్సిన అవసరం ఉందని, అయినా జీఓల పేరుతో బీసీలను పక్కాగా కావాలనే మోసం చేసిందని ఆయా సంఘాల నాయకులు ఆగ్రహాన్ని వ్యక్తం చేస్తున్నారు. సుప్రీం కోర్టు గతంలో ఇచ్చిన తీర్పు ప్రకారం మొత్తం రిజర్వేషన్లు 50 శాతం మించకూడదు. ఇది తెలిసీ, న్యాయపరంగా ఈ జీఓలు వీగిపోతాయని తెలిసి కూడా చంద్రబాబు చట్టానికి విరుద్ధంగా జీఓలు జారీ చేశారంటూ మండిపడుతున్నారు.

నెల్లూరు (టౌన్‌): స్కూల్‌ మేనేజ్‌మెంట్‌ కమిటీ ఎన్నికల్లో రాజకీయ పార్టీల నేతలు జోక్యం చేసుకోరాదంటూ విద్యాశాఖ మంత్రి లోకేశ్‌ చెప్పినా, క్షేత్రస్థాయిలో అదంతా బోగస్‌ అనే విషయం స్పష్టమైంది. జిల్లాలో గురువారం నిర్వహించిన ఎలక్షన్లలో కూటమి పార్టీ నేతలు సాగించిన రౌడీయిజమే దీనికి చక్కటి ఉదాహరణగా నిలిచింది. ఇతరులకు పోటీ చేసే అవకాశాన్ని కల్పించకుండా బెదిరింపులు, దౌర్జన్యాలకు తెగబడ్డారు. మరికొన్ని చోట్ల నేరుగా బాహాబాహీకి దిగి రణరంగాన్ని సృష్టించారు. జిల్లాలోని అధిక బడుల్లో కూటమి పార్టీలకు చెందిన మద్దతుదారులను ఏకగ్రీవం చేసేందుకు రకరకాల మార్గాలను అన్వేషించారు. భయభ్రాంతులకూ గురిచేశారు. కొన్ని చోట్ల అధికార పార్టీ నేతలకు మద్దతుగా ఎలక్షన్లను హెచ్‌ఎంలు నిర్వహించారు. అసలు ఓటే లేని వారు ప్రవేశించి అలజడి సృష్టించారు. మొత్తం 2197 విద్యాలయాల్లో.. జిల్లాలోని 2443 పాఠశాలల్లో స్కూల్‌ మేనేజ్‌మెంట్‌ కమిటీ ఎన్నికలను నిర్వహించేందుకు జిల్లా విద్యాశాఖ అధికారులు నిర్ణయించారు. అయితే ఇందులో 2197 చోటే జరిగాయి. కమిటీ చైర్మన్‌తో పాటు వైస్‌ చైర్మన్‌, సభ్యులను ఎన్నుకున్నారు. వెంకటగిరిలో నిర్వహిస్తున్న పోలేరమ్మ జాతర కారణంగా రాపూరు, సైదాపురం, కలువాయి మండలాల్లోని 224 బడుల్లో ఎన్నికలను వాయిదా వేశారు. కోరం లేదనే కారణాన్ని చూపి 22 చోట్ల పోస్ట్‌పోన్‌ చేశారు. వాయిదా పడిన చోట ఎలక్షన్లను శనివారం నిర్వహించనున్నారు. జిల్లాకూ పాకిన బెంగాల్‌ పోకడలు.. జిల్లాలో ఏ ఎన్నికలైనా సాధారణంగా ప్రశాంతంగానే జరుగుతాయి. అయితే కూటమి ప్రభుత్వం కొలువుదీరిక ఎక్కడో బెంగాల్‌లో ఉండే రౌడీయిజం రాజకీయాలు ఇక్కడికీ వ్యాపించాయి. ఇతర పార్టీల మద్దతుదారులపై టీడీపీ శ్రేణులు దాడులకు దిగడమే ఈ వాదనకు బలాన్ని చేకూరుస్తోంది. ● రాష్ట్ర పొల్యూషన్‌ కంట్రోల్‌ బోర్డు చైర్మన్‌, రిటైర్డ్‌ ఐఏఎస్‌, సీఎం ముఖ్య అనుచరుడు పీర్ల కృష్ణయ్య స్వగ్రామం కొడవలూరు మండలం వెంకన్నపురంలోని పాఠశాలలో జరిగిన ఎన్నికల్లో వైఎస్సార్‌ కాంగ్రెస్‌ పార్టీ మద్దతుదారు విజయం సాధించారు. దీన్ని అధికార పార్టీ నేతలు తట్టుకోలేకపోయారు. ఎలక్షన్‌ ప్రక్రియను రద్దు చేసి పాత కమిటీనే కొనసాగించాలంటూ వాగ్వాదానికి దిగారు. మీ పిల్లలు బడిలోనే లేనప్పుడు.. మీకేంటి సంబంధమని ప్రశ్నించిన వైఎస్సార్‌ కాంగ్రెస్‌ పార్టీ మద్దతుదారు ప్రియాంకపై దాడికి పాల్పడ్డారు. ఆమెను ఆస్పత్రిలో చేర్చి చికిత్సను అందిస్తున్నారు. ● కోవూరు మండలంలోని దామరమడుగు పాఠశాలలో సీపీఎం నేతలపై అధికార పార్టీకి చెందిన కొందరు దాడులకు పాల్పడ్డారు. ఓటేసేందుకు వచ్చిన తల్లిదండ్రులను భయభ్రాంతులకు గురిచేశారు. ● దగదర్తిలోని జెడ్పీ ఉన్నత పాఠశాలలో జరిగిన ఎలక్షన్లలో ఎమ్మెల్యే కృష్ణారెడ్డి అనుచరులు.. అధికార పార్టీకి చెందిన మాలేపాటి వర్గీయులు ఘర్షణకు దిగారు. దీంతో ఓటేసేందుకు వచ్చిన తల్లిదండ్రులు ఆందోళన చెందారు. ● బుచ్చిరెడ్డిపాళెం మండలం పెనుబల్లిలో హెడ్‌మాస్టర్‌ ఏకపక్షంగా వ్యవహరించారంటూ కొందరు ఆందోళన చేపట్టారు. ● సీతారామపురంలోని జెడ్పీ ఉన్నత పాఠశాలలో చైర్‌పర్సన్‌ బొజ్జ శ్వేత ఎన్నికపై కోరం లేదని పలువురు అభ్యంతరాలు వ్యక్తం చేశారు. ఒకసారి ఎన్నిక జరిపి చైర్‌పర్సన్‌ అభ్యర్థిని డిక్లర్‌ చేశాక కోరం లేదని అభ్యంతరాలు తెలపడం సరైన పద్ధతి కాదని వైఎస్సార్‌ కాంగ్రెస్‌ పార్టీ మద్దతుదారులు పేర్కొన్నారు. ● జిల్లాలోని ఇతర ప్రాంతాల్లోనూ ఇదే పరిస్థితి నెలకొంది. అసలు ఓటే లేని వారు స్కూళ్లకొచ్చి అధికార పార్టీ తరఫున బరిలో ఉన్న వారికే వేయాలంటూ బెదిరింపులకు పాల్పడ్డారనే ఆరోపణలు వినిపిస్తున్నాయి. ఎస్సెమ్సీ ఎన్నికల్లో అధికార పార్టీ దాష్టీకం జిల్లాలోని పలుచోట్ల ఘర్షణలు, ఉద్రిక్తతలు వైఎస్సార్సీపీ మద్దతుదారులపై దాడులు అధికార పక్షానికి కొందరు హెచ్‌ఎంల వత్తాసు బలవంతంగా ఏకగ్రీవాలు చేయించిన తెలుగుదేశం గ్రామ పెద్దలు వెంకటాచలం, సీతారామపురంలో ఎన్నిక పూర్తయ్యాక కోరం లేదని వాయిదా వెంకటాచలంలోని జెడ్పీ ఉన్నత పాఠశాలలో 15 మంది సభ్యులకు ఎన్నికలను నిర్వహించగా, అందులో పదింట్లో వైఎస్సార్‌ కాంగ్రెస్‌ పార్టీ.. ఐదింట్లో టీడీపీ మద్దతుదారులు గెలుపొందారు. అనంతరం చైర్మన్‌ ఎన్నికలో వైఎస్సార్‌ కాంగ్రెస్‌ మద్దతుదారులు విజయం సాధించారు. అయితే అధికారులపై టీడీపీ నేతలు ఒత్తిడి తెచ్చి డిక్లరేషన్‌ ఫారం ఇవ్వకుండా ప్రధానోపాధ్యాయురాలు లతను బలవంతంగా బయటకు తీసుకెళ్లి.. కోరం లేదని ప్రకటించి వాయిదా వేశారు. అధికార మదం తలకెక్కిన టీడీపీ నేతలు ప్రజాస్వామ్యాన్ని అపహాస్యం చేస్తున్నారు. ఖాకీలను తమ చెప్పుచేతల్లో పెట్టుకొని రెడ్‌బుక్‌ రాజ్యాంగాన్ని అమలు చేస్తున్న సైకిల్‌ పార్టీ పెద్దలు.. చివరికి స్కూల్‌ మేనేజ్‌మెంట్‌ కమిటీ (ఎస్సెమ్సీ) ఎన్నికలనూ వదల్లేదు. పాఠశాలల అభివృద్ధి, నిధుల వినియోగం తదితరాలకు సంబంధించి నిర్వహించాల్సిన ప్రక్రియలో దూరి గూండాగిరి చేశారు. గతంలో ఎన్నడూ లేని విధంగా జిల్లాలోని పలు చోట్ల ఘర్షణలు, ఉద్రిక్తతలను సృష్టించారు. వైఎస్సార్‌ కాంగ్రెస్‌ పార్టీ మద్దతుదారులపై దాడులకూ తెగబడ్డారు. ఎలక్షన్‌ను పారదర్శకంగా నిర్వహించాల్సిన హెచ్‌ఎంలలో కొందరు అందుకు భిన్నంగా తెలుగుదేశానికి మద్దతు పలికారు. ఆ పార్టీ గ్రామ పెద్దలు దగ్గరుండి ఏకగ్రీవాలు చేయించారు. బడుల సర్వతోముఖాభివృద్ధికి పనిచేయాల్సిన ఈ కమిటీల్లోనూ తమ్ముళ్లు రంగప్రవేశం చేయడంపై జిల్లా వ్యాప్తంగా విస్మయం వ్యక్తమవుతోంది.

నెల్లూరు (టౌన్‌): అంబేడ్కర్‌ ఓపెన్‌ వర్సిటీలో 2026 – 27 విద్యా సంవత్సరంలో డిగ్రీ కోర్సుల్లో ప్రవేశాలకు దరఖాస్తులను ఆహ్వానిస్తున్నామని నెల్లూరు రీజినల్‌ సెంటర్‌ కో ఆర్డినేటర్‌ పిచ్చయ్య గురువారం ఒక ప్రకటనలో తెలిపారు. ఇంటర్‌, డిప్లొమా, ఐటీఐ ఉత్తీర్ణత సాధించిన వారు డిగ్రీలో చేరొచ్చని చెప్పారు. ఆసక్తి గల వారు ఈ నెల 13లోపు దరఖాస్తు చేసుకోవాలని, వివరాలకు 73829 29611, 94931 69101 నంబర్లను సంప్రదించాలని సూచించారు. జెడ్పీకి నూతన సీఈఓ..? నెల్లూరు(పొగతోట): జెడ్పీకి నూతన సీఈఓను నియమించనున్నారని సమాచారం. దీనికి సంబంధించిన ఉత్తర్వులు రెండ్రోజుల్లో రానున్నాయని తెలుస్తోంది. సీఈఓ శ్రీధర్‌రెడ్డి ఉద్యోగ విరమణ పొందిన నాటి నుంచి ఈ బాధ్యతలను వసుమతి నిర్వర్తిస్తున్నారు. అయితే ఆమె జిల్లాకు చెందిన వారు కావడంతో నూతన సీఈఓను నియమించనున్నారు. తిరుపతి డీడీఓగా పనిచేస్తున్న సుశీల, నెల్లూరు డీఆర్డీఏ పీడీ నాగరాజకుమారి, పశ్చిమ గోదావరి డ్వామా పీడీగా విధులు నిర్వర్తిస్తున్న మధుసూదన్‌ పేర్లు వినిపిస్తున్నాయి. కాగా ఫైల్‌ రాష్ట్ర పీఆర్‌ అధికారుల వద్ద ఉందని తెలుస్తోంది. అక్టోబర్‌లో నారుమడులు వేయొద్దు నెల్లూరు(వేదాయపాళెం): కాలువలు, బోర్లపై ఆధారపడి అక్టోబర్‌లో రబీ సీజన్‌కు సంబంధించిన నారుమడులను వేయొద్దని జిల్లా వ్యవసాయాధికారి సత్యవాణి గురువారం ఒక ప్రకటనలో కోరారు. భూగర్భ జలాలు తగ్గుతున్న నేపథ్యంలో నీటి లభ్యతను అనుసరించి అపరాలు, పీఎమ్డీఎస్‌, పశుగ్రాస పంటలను వేసుకోవాలని సూచించారు. 35 శాతం సబ్సిడీపై 4900 క్వింటాళ్ల శనగ విత్తనాలు అందుబాటులో ఉన్నాయన్నారు. ఆత్మనిర్భర్‌ పథకం ద్వారా 450 క్వింటాళ్ల మినుమును 80 శాతం సబ్సిడీపై రైతులకు అందజేయనున్నామని వెల్లడించారు. రబీ పంట కాలానికి గానూ బీమా చేయించుకోవాలని సూచించారు. పింఛన్ల పంపిణీ @ 92.41 శాతం నెల్లూరు(పొగతోట): సామాజిక పింఛన్ల నగదు పంపిణీ ప్రక్రియ జిల్లా వ్యాప్తంగా గురువారం ప్రారంభమైంది. 92.41 శాతం మంది లబ్ధిదారులకు నగదును అందజేశారు. మిగిలిన వారికి అందజేయనున్నామని డీఆర్డీఏ పీడీ నాగరాజకుమారి తెలిపారు.

పెద్దవి : రూ.125 సన్నవి : రూ.90 పండ్లు : రూ.40 మన్నించు బాపూ.. ● గాంధీ విగ్రహానికి కర్ర, కళ్లజోడు మాయం నెల్లూరులోని గాంధీ బొమ్మ సెంటర్‌లో ఉన్న మహాత్మా గాంధీ విగ్రహం నిర్వహణపై నిర్లక్ష్యం కనిపిస్తోంది. చేతికర్ర, కళ్లజోడు కనిపించకపోవడంతో మహాత్ముడి విగ్రహం కళావిహీనంగా దర్శనమిస్తోంది. శుక్రవారం గాంధీ జయంతి. ఈ సందర్భంగా అధికార యంత్రాంగం విగ్రహాన్ని సక్రమంగా నిర్వహించడంతోపాటు పరిసరాలను పరిశుభ్రంగా ఉంచాలని నగరవాసులు కోరుతున్నారు. – సాక్షి ఫొటోగ్రాఫర్‌, నెల్లూరు

● స్థానిక ఎన్నికల్లో విజయం సాధిస్తాం ● మాజీమంత్రి కాకాణి మనుబోలు: బీసీలకు రాజ్యాధికారం పేరుతో సీఎం చంద్రబాబు డ్రామాలాడుతున్నారని మాజీ మంత్రి, వైఎస్సార్‌సీపీ జిల్లా అధ్యక్షుడు కాకాణి గోవర్ధన్‌రెడ్డి విమర్శించారు. బుధవారం మండలంలోని పలు గ్రామాల్లో పర్యటించిన కాకాణి మీడియాతో మాట్లాడుతూ ప్రస్తుతం బీసీ జపం చేస్తున్న చంద్రబాబు ప్రభుత్వం బీసీలకు 34 శాతం రిజర్వేషన్‌ కల్పిస్తామని అసెంబ్లీలో బిల్లు పెట్టి చేతులు దులుపుకుందని గుర్తు చేశారు. చంద్రబాబుకు ఎన్నికలప్పుడు మాత్రమే పేదలు గుర్తుకు వస్తారని ఎద్దేవా చేశారు. ఓట్ల కోసమే ప్రస్తుతం పింఛన్ల పేరుతో ప్రచారార్భాటం చేస్తున్నారని మండిపడ్డారు. వీబీజీరామ్‌జీ పేరుతో రూ.11 వేల కోట్లు ఖర్చు చేస్తున్నామని చెబుతూ కార్యక్రమాలు, ఈవెంట్లకు రూ.46 కోట్లు దుబారా చేశారని మండిపడ్డారు. సాగునీటిని ఈ ప్రభుత్వం వృథా చేయడం వల్లే ప్రస్తుతం రైతులు ఇబ్బందులు పడుతున్నారని తెలిపారు. గతంలో స్థానిక ఎన్నికల్లో అభ్యర్థులు దొరక్క చంద్రబాబు అస్త్ర సన్యాసం చేశారని, అయితే ప్రస్తుతం వైఎస్‌ జగన్‌మోహన్‌రెడ్డి నాయకత్వంలో పోరాడేందుకు తాము సిద్ధంగా ఉన్నామన్నారు. స్థానిక ఎన్నికల్లో అన్ని స్థానాల్లో పోటీ చేయడమే కాకుండా అత్యధిక స్థానాలు సాధించి సత్తా చాటుతామని ధీమా వ్యక్తం చేశారు. దీనికి ముందు మనుబోలులో పార్టీ నాయకుడు గిద్దంటి రమణయ్య సోదరుడు రఘురామయ్య, బీసీ కాలనీలో కార్యకర్త నవకుమార్‌ తల్లి, అంబేడ్కర్‌నగర్‌లో కార్యకర్త బళ్ల శ్రీనివాసులు మృతి చెందిన నేపథ్యంలో ఆయా కుటుంబాలను పరామర్శించారు. వారికి తన ప్రగాఢ సానుభూతిని తెలియజేశారు. ధైర్యంగా ఉండాలని భరోసా ఇచ్చారు. కాగితాలపూరులో ఇద్దరి కుటుంబాలను పరామర్శించారు. పార్టీ నాయకులు బొమ్మిరెడ్డి హరగోపాల్‌రెడ్డి, ముంగర రవీంధర్‌రెడ్డి, కడివేటి చంద్రశేఖర్‌రెడ్డి, గుమ్మడి వెంకటసుబ్బయ్య, ఆవుల తులసీరామ్‌, గుంజి రమేష్‌, చిట్టమూరు అజయ్‌రెడ్డి, దాసరి భాస్కర్‌గౌడ్‌, దువ్వూరు సుధాకర్‌రెడ్డి, కేవీఆర్‌గౌడ్‌, కోటేశ్వరగౌడ్‌, వజ్రమ్మ, గిరి తదితరులున్నారు.

● సంఘం అధ్యక్షుడు సుధీర్‌రెడ్డికి సన్మానం తోటపల్లిగూడూరు (పొదలకూరు): మండలంలోని పొట్లపూడి గ్రామానికి చెందిన రైతు, పాల సొసైటీ అధ్యక్షుడు చిల్లకూరు సుధీర్‌రెడ్డి విజయ డెయిరీ పాల ఉత్పత్తిదారుల అధ్యక్షుడు, డైరెక్టర్‌గా, జిల్లా డెయిరీ చైర్మన్‌గా మంచి గుర్తింపు పొందారు. గత ప్రభుత్వంలో మాజీ మంత్రి, వైఎస్సార్‌సీపీ జిల్లా అధ్యక్షుడు కాకాణి గోవర్ధన్‌రెడ్డి సహకారంతో ఏపీ డెయిరీ బాధ్యతలు నిర్వహించి ప్రత్యేక గుర్తింపు తెచ్చుకున్నారు. ఈ క్రమంలో పోట్లపూడి పరస్పర పాల ఉత్పత్తిదారుల సహకార సంఘం ద్వారా విజయ డెయిరీకి అత్యధికంగా పాలు పోసినందుకు బుధవారం డెయిరీలో సంఘం అధ్యక్షుడు చిల్లకూరు సుధీర్‌రెడ్డిని ఘనంగా సన్మానించారు. పోట్లపూడి పాల సొసైటీ ద్వారా విజయ డెయిరీకి అత్యధికంగా 1.75 లక్షల లీటర్ల పాలను పోసి ప్రథమ స్థానంలో నిలిచారు. ఫలితంగా సొసైటీ అధ్యక్షుడిని విజయ డెయిరీ సర్వసభ్య సమావేశంలో సన్మానించారు.

సైదాపురం: మండలంలోని గిద్దలూరు గ్రామ సమీపంలో ఉన్న రాధాకృష్ణ మైకా గనిని బుధవారం రాష్ట్ర డైరెక్టర్‌ ఆఫ్‌ మైన్స్‌ ఆఫ్‌ జియాలజీ అధికారి డబ్ల్యూబీ చంద్రశేఖర్‌ ఆకస్మికంగా తనిఖీ చేశారు. ముందుగా ఆయన జిల్లాలోని సంగం ప్రాంతంలో ఉన్న ఇసుక క్వారీలను చూశారు. రాధాకృష్ణ గనిలో జరుగుతున్న పనులను క్షేత్రస్థాయిలో డీఎంజీ పరిశీలించారు. అక్కడి నుంచి గూడూరు సమీపంలో ఉన్న సిలిగా మైన్‌కు వెళ్లినట్లు తెలిసింది. ఆయన వెంట నెల్లూరు జిల్లా డీఎంజీఓ కె.శ్రీనివాసరావు, గూడూరు ఏడీఏంజీ టి.సుబ్బరాయుడు, మినరల్‌ రెవెన్యూ అధికారి సురేష్‌ కుమార్‌, సూపర్‌వైజర్‌ ఎన్‌.సుధాకర్‌, ఆర్‌ఐ వెంకటేశ్వరరావు ఉన్నారు. తేనెటీగల దాడిలో వ్యక్తి మృతి కోట: తేనెటీగలు కుట్టడంతో తాటితోపు గ్రామానికి చెందిన సూళ్లూరు గురవయ్య (56) మృతిచెందినట్లు కుటుంబ సభ్యులు తెలిపారు. వారి కథనం మేరకు.. గురవయ్య గూడలిలో మామిడితోట వద్ద కాపలాదారుడిగా పనిచేస్తున్నాడు. బుధవారం తోట వద్ద ఉండగా తేనెటీగలు దాడి చేసి కుట్టినట్లు తెలిపారు. అపస్మారక స్థితిలో ఉన్న అతడిని కోటలోని ఓ ప్రైవేట్‌ హాస్పిటల్‌కు తరలించగా అప్పటికే మృతిచెందినట్లు డాక్టర్లు నిర్ధారించారు. మృతుడికి భార్య, పిల్లలున్నారు. ఈ ఘటనపై పోలీసులకు ఫిర్యాదు అందలేదు.

సాక్షి ప్రతినిధి, నెల్లూరు: అత్యంత ప్రామాణికాలతో వైఎస్సార్‌సీపీ ప్రభుత్వం అమలు చేసిన ‘గోరు ముద్ద’ను.. కూటమి ప్రభుత్వం ‘ఘోర ముద్ద’గా మార్చేసింది. ‘డొక్కా సీతమ్మ’ పేరుతో అమలు చేస్తున్న మధ్యాహ్న భోజన పథకంతో పేద పిల్లలు ‘డొక్కలు మాడ్చుతున్నారు’. ప్రభుత్వ విద్యా సంస్థల్లో విద్యార్థులకు అందజేస్తున్న భోజనం నాసిరకంగా ఉంటుంది. విద్యార్థులకు నాణ్యత, పౌష్టికాహారంతో కూడిన భోజనాన్ని అందించాల్సిన కూటమి ప్రభుత్వం పట్టించుకోవడం లేదు. కేజీబీవీలు, పాఠశాలల హాస్టల్స్‌ల్లో ఉండే విద్యార్థుల పరిస్థితి మరింత దారుణంగా మారింది. నిత్యావసర సరుకుల ధరలు పెరిగినా విద్యార్థులకు అందజేసే మెనూ చార్జీలు పెంచకుండా చోద్యం చూస్తోంది. కేజీబీవీలతోపాటు పాఠశాలల్లో అందజేస్తున్న డొక్కా సీతమ్మ మధ్యాహ్న బడి భోజన పథకం మరింత నాసిరకంగా మారింది. కోడిగుడ్లు, చిక్కీల్లో నాణ్యత లోపించడం, కాలం చెల్లిన వాటిని అందజేస్తుండడంతో విద్యార్థులు అనారోగ్య బారిన పడుతున్న సందర్భాలు ఉంటున్నాయి. ప్రధానంగా కేజీబీవీల్లో నాసిరకం భోజనంపై ఎవరైనా విద్యార్థులు ప్రశ్నిస్తే వారికి ఛీదరింపులు, బెదిరింపులు తప్పడం లేదు. కేజీబీవీ నిర్వాహకులు మెనూ సక్రమంగా అమలు చేయకుండా నాణ్యత లోపించిన భోజనాన్ని పెడుతున్నారు. ఇటీవల కలిగిరిలోని కేజీబీవీలో విద్యార్థులకు పురుగులు పట్టిన అల్పహారాన్ని అందజేశారు. దీనిపై విద్యార్థులతోపాటు తల్లిదండ్రులు కేజీబీవీ ప్రిన్సిపల్‌, వంట మనుషులను ప్రశ్నించారు. ఇటీవల నందిపాడులోని కేజీబీవీలో కుళ్లిన కోడిగుడ్లును విద్యార్థులకు అందజేశారు. వారానికి ఒకసారి గుడ్లను సరఫరా చేయాల్సిన కాంట్రాక్టర్‌ 15 లేదా 20 రోజులకు ఒకసారి సరఫరా చేయడంతో గుడ్లు కుళ్లి పోతున్నట్లు చెబుతున్నారు. కేజీబీవీలు, మధ్యాహ్న భోజన పథకం అమలుపై ఎన్ని ఫిర్యాదులు వస్తున్నా కూటమి ప్రభుత్వం పట్టించుకుంటున్న దాఖలాలు లేవు. గత వైఎస్సార్‌సీపీ ప్రభుత్వ హయాంలో కేజీబీవీలు, పాఠశాలల్లో నాణ్యతతో కూడి పౌష్టికాహార భోజనాన్ని అందించే వారు. నాణ్యత ఎక్కడ లోపించకుండా ప్రధానోపాధ్యాయులు పర్యవేక్షించే వారు. కేజీబీవీల్లో నాసిరక భోజనం జిల్లాలో 7 కేజీబీవీలు ఉన్నాయి. వాటిల్లో కొండాపురం, కలిగిరి, నందిపాడు, ఏఎస్‌పేట, మర్రిపాడు, సీతారామపురం, కావలి ప్రాంతాల్లో కేజీబీవీలు ఉన్నాయి. ఆయా కేజీబీవీల్లో మొత్తం 1960 మంది విద్యార్థినులు ఉన్నారు. ఒక్కో విద్యార్థినికి నెలకు రూ.1600 కేటాయిస్తున్నారు. ప్రతి రోజు ఉదయాన్నే బెల్లం, పాలతో రాగిజావ, బ్రేక్‌ పాస్ట్‌ తరువాత పూరీ, ఆలు బఠాని కుర్మా, పల్లీల చట్నీ, మధ్యాహ్న భోజనంలో అన్నం, గోంగూర పప్పు, గుడ్డు పొరుటు, రసం, మజ్జిగ, సాయంత్రం స్నాక్స్‌ సగ్గుబియ్యం, బెల్లం పాయసం, రాత్రి భోజనంలో అన్నం, వంకాయ కూర, సాంబారు, మజ్జిగ అందించాల్సి ఉంది. భోజనం తరువాత ప్రతి రోజు అరటి పండు ఇవ్వాల్సి ఉంటుంది. స్నాక్స్‌ సమయంలో బూస్ట్‌ కలిపిన పాలు, స్వీట్‌ కార్న్‌, బొబ్బర్లు, మరమరాలు, ఉడకబెట్టిన పచ్చి బఠాని, బిస్కెట్లు, ఉడకబెట్టిన శనగలు వీటిల్లో ఏవైనా రెండు అందించాల్సి ఉంటుంది. అయితే ఈ మెనూ ప్రతి రోజూ మారుతూ ఉంటుంది. కేజీబీవీల్లో మెనూ ప్రకారం భోజనం అందించడం లేదని విద్యార్థులు చెబుతున్నారు. ప్రధానంగా కోడిగుడ్లు, చిక్కీలు నాసిరకంగా ఉంటున్నాయని విద్యార్థులు వాపోతున్నారు. కేజీబీవీల్లో నాణ్యత లేని భోజనం, నాసి రకంతో కూడిన కోడిగుడ్లు, చిక్కీలపై ఫిర్యాదులు వస్తున్నా.. అధికారులు, కూటమి ప్రభుత్వం పట్టించుకోవడం లేదని విద్యార్థుల తల్లిదండ్రులు మండిపడుతున్నారు. 1,73,847 మందికి మధ్యాహ్న భోజనం ప్రభుత్వ పాఠశాలల్లో విద్యార్థులకు నాణ్యత లేని భోజనం అందజేస్తున్నారన్న విమర్శలు వెలువెత్తుతున్నాయి. జిల్లా వ్యాప్తంగా 2033 ప్రాథమిక, 256 ప్రాథమికోన్నత, 287 ఉన్నత పాఠశాలల్లో 1,73,847 మంది విద్యార్థులకు డొక్కా సీతమ్మ మధ్యాహ్న భోజనం అందిస్తున్నారు. నెల్లూరు అర్బన్‌ పరిధిలోని 91 పాఠశాలల్లో ఇస్కాన్‌ సంస్థ, వెంకటాచలం, మనుబోలు, ముత్తుకూరు, మండలాల్లోని 204 పాఠశాలల్లో అక్షయ పాత్ర, 2,228 పాఠశాలల్లో ఏజెన్సీ నిర్వాహకులు మధ్యాహ్న భోజనాన్ని విద్యార్థులకు అందజేస్తున్నారు. 1 నుంచి 5వ తరగతి వరకు చదువుతున్న విద్యార్థులకు రూ.6.19, 6 నుంచి 10వ తరగతి వరకు విద్యార్ధులకు రూ.9.69 భోజనం కోసం ఖర్చు చేస్తున్నారు. ఉడకని అన్నం, నీళ్లు సాంబారు ప్రభుత్వ పాఠశాలల్లో ఉడకని అన్నం, నీళ్లు సాంబారు విద్యార్థులకు అందజేస్తున్నారన్న విమర్శలు వెలువెత్తుతున్నాయి. ఇటీవల కాలంలో నిత్యావసర సరుకులు ధరలు విపరీతంగా పెరిగాయి. అందుకనుగుణంగా మధ్యాహ్న భోజన చార్జీలు పెంచలేదు. దీంతో భోజన నిర్వాహకులు నాసిరకంతో కూడిన భోజనాన్ని వడ్డిస్తున్నారని విద్యార్థులు ఆవేదన వ్యక్తం చేస్తున్నారు. సోమవారం రైస్‌, కూరగాయల సాంబారు, ఎగ్‌ ఫ్రై, చిక్కీ, మంగళవారం లెమన్‌ రైస్‌, టమోటా లేదా పుదీనా చట్నీ, ఫ్రైడ్‌ ఎగ్‌, రాగిజావ, బుధవారం రైస్‌, మిక్సిడ్‌ విజిటేబుల్‌ కర్రీ (4 కూరగాయలకు తగ్గకుండా), ఎగ్‌ఫ్రై, చిక్కీ, గురువారం విజిటేబుల్‌ రైస్‌ లేదా పులావు, ఆలూ కుర్మా, బాయిల్డ్‌ ఎగ్‌, రాగిజావ, శుక్రవారం రైస్‌, ఎగ్‌ కర్రీ, చిక్కీ, శనివారం రైసు, టమోటో పప్పు లేదా పప్పు చారు, స్వీట్‌ పొంగల్‌, రాగిజావను ఇవ్వాల్సి ఉంటుంది. జిల్లాలోని పలు పాఠశాలలను ‘సాక్షి’ బృందం పరిశీలించింది. మెనూ సక్రమంగా అమలు చేయడం లేదు. భోజనం సమయంలో చిక్కీలు ఇవ్వడం లేదు. దీనిపై అడిగితే మధ్యాహ్నం తర్వాత తరగతి గదిలో ఇస్తున్నట్లు ఉపాధ్యాయులు చెబుతున్నారు. కోడిగుడ్లును అడిగిన విద్యార్థులకు మాత్రమే ఇస్తున్నారు. రైస్‌తోపాటు కూరలు అధ్వానంగా ఉంటున్నాయని విద్యార్థులు ఆవేదన వ్యక్తం చేస్తున్నారు. ఇంటి దగ్గర నుంచే క్యారేజీలు ప్రభుత్వ పాఠశాలల్లో చదువుతున్న విద్యార్థులకు 60 శాతం పైగా విద్యార్థులకు ఇంటి దగ్గర నుంచి క్యారేజీలు తెచ్చుకుంటున్న పరిస్థితి ఉంది. కొంతమంది పాఠశాలకు వచ్చే సమయంలో తెచ్చుకుంటే మరి కొంత మందికి మధ్యాహ్న సమయంలో తల్లిదండ్రులు క్యారేజీని తీసుకు వస్తున్నారు. క్యారేజీలు ఎందుకు తెచ్చుకుంటున్నారని విద్యార్థులను ప్రశ్నిస్తే పాఠశాలలో పెట్టే భోజనం బాగలేదని, అందుకే ఇంటి దగ్గర నుంచి తెచ్చుకుంటున్నామని చెబుతున్నారు. నిత్యావసర సరుకులు ధరలు, పెరిగినందున ఇంతకంటే భోజనం పెట్టలేమని నిర్వాహకులు చెబుతున్న మాట. మధ్యాహ్న భోజన పథకంపై పర్యవేక్షించాల్సిన జిల్లా విద్యాశాఖాధికారులకు కార్యాలయాలకే పరిమితవుతున్నారు. ఆయా పాఠశాలల్లో మధ్యాహ్న భోజనం తక్కువ మంది తిన్నా 90 శాతం మంది తిన్నట్లు లెక్కలు చూపి హెడ్‌మాస్టర్లు, మధ్యాహ్న భోజన పర్యవేక్షకులు, భోజన నిర్వాహకులు కలిసి దోచుకుంటున్నారని తెలిసింది. కేజీబీవీలో బాధ్యులకు మెమోలు జారీ చేశాం కలిగిరి కేజీబీవీలో ఇటీవల విద్యార్థులకు పురుగులు పట్టిన అల్పహారాన్ని అందించిన ఘటనలో ఇద్దరు వంట ఉద్యోగులు, ప్రిన్సిపల్‌కు మెమోలు జారీ చేశాం. విద్యార్థులకు నాణ్యతతో కూడిన భోజనాన్ని అందించాలి. దీన్ని ఎవరైనా ఉపేక్షిస్తే ఊరుకునేది లేదు. మెనూ ప్రకారం భోజనాన్ని అందించాలి. – వెంకటసుబ్బయ్య, ఏపీసీ, సమగ్రశిక్ష కలిగిరిలోని కస్తూర్బా గాంధీ బాలికల విద్యాలయంలో ఉపాధ్యాయులు, సిబ్బంది వర్గాలు విడిపోయారు. ఆ ప్రభావం విద్యాలయంలోని విద్యార్థినులపై పడుతుంది. ఇటీవల విద్యాలయంలో ఆహారంలో తరచు పురుగులు వస్తున్నాయని, వసతులు సక్రమంగా ఉండడం లేదని కొంతమంది విద్యార్థినులు వారి తల్లిదండ్రుల దృష్టికి తీసుకువెళ్లారు. దీంతో పాఠశాల వద్ద విద్యార్థినుల తల్లిదండ్రులు ఆందోళన చేపట్టారు. విచారణ చేపట్టిన డీఈఓ బాలాజీరావు, ఏపీసీ వెంకటసుబ్బయ్య కూడా అల్పాహారంలో పురుగులు వచ్చిన విషయాన్ని నిర్ధారించారు. ఈ విషయం రచ్చకెక్కడంతో ప్రిన్సిపల్‌తోపాటు కొంతమంది ఉపాధ్యాయులు ప్రతి తరగతికి వెళ్లి ఇకపై విద్యాలయంలో జరుగుతున్న విషయాలను తల్లిదండ్రుల దృష్టికి, మీడియా దృష్టికి తీసుకెళ్లకుండా కఠినంగా చర్యలు చేపట్టాలని హెచ్చరించినట్లు సమాచారం. ఉపాధ్యాయులు, సిబ్బంది వర్గాలు విడిపోయి ఒకరిపై ఒకరు ఆరోపణలు చేసుకుంటున్నారు. వారు వర్గాలు విడిపోయి ఎవరికి వారు విద్యార్థినుల కూడా తమపై తిప్పుకోవాలని ప్రయత్నాలు చేస్తున్నారు.

వెంకటగిరి(సైదాపురం): వెంకటగిరి పట్టణం భక్తజన సంద్రంగా మారింది. ప్రభుత్వం రాష్ట్ర పండుగగా ప్రకటించిన నాలుగో ఏడాది సైతం జాతర కనుల పండువగా నిర్వహిస్తున్నారు. దేశ విదేశాల్లో స్థిరపడిన వెంకటగిరి వాసులు భారీ సంఖ్యలో జనజాతరకు హాజరయ్యారు. వేడుకను ప్రత్యక్షంగా తిలకించి ఆనవాయితీ ప్రకారం మొక్కులు తీర్చుకున్నారు. పోలేరమ్మ తల్లి దీవెనల కోసం పట్టణానికి ఇసుక కేస్తే రాలనంతగా భక్తులు తరలివస్తున్నారు. తొలుత పుట్టింటి నుంచే.. పోలేరమ్మ తల్లికి పుట్టినిల్లు అయిన కుమ్మరివీధిలోని ఇంటి వద్ద మహిమాన్విత ప్రతిమను తయారు చేసి బుధవారం రాత్రి 7:30 గంటల సమయంలో భక్తుల దర్శనార్థం కొలువుదీర్చారు. ఈ సందర్భంగా వెంకటగిరి రాజకుటుంబీకులు సర్వజ్ఞ కుమార కృష్ణ యాచేంద్ర సంప్రదాయం ప్రకారం అమ్మవారికి పట్టువస్త్రాలు సమర్పించారు. ఆ వస్త్రాలనే అపూర్వ తేజంతో విరాజిల్లుతున్న పోలేరమ్మతల్లికి అలంకరించి భక్తులకు దర్శనభాగ్యం కల్పించారు. అమ్మవారి ప్రతిమను తయారు చేసిన వెంటనే దర్శించుకుంటే ఆ ఏడాదంతా మంచి జరుగుతుందనే నమ్మకంతో పెద్దసంఖ్యలో భక్తులు తరలివచ్చారు. పుట్టినిల్లు కుమ్మరింట్లో అమ్మవారికి కళ్లు, బుగ్గచుక్క పెట్టకపోవడం ఆనవాయితీ. భక్తులు పుట్టినింటిలో పోలేరమ్మను దర్శించుకున్న అనంతరం ప్రత్యేక రథంపై అమ్మవారిని కొలువుదీర్చి ఊరేగింపుగా జీనిగలవారి వీధికి తీసుకెళ్లారు. భక్తిశ్రద్ధలతో కళ్లు.. బుగ్గచుక్క జీనిగలవారి వీధిలో అమ్మవారిని ప్రతిష్టించి సంప్రదాయబద్ధంగా గాలి గంగులకు పూజలు నిర్వహించారు. వెంటనే కోడిని బలి ఇచ్చి అమ్మవారికి కళ్లు, బుగ్గ చుక్కను అత్యంత భక్తిశ్రద్ధలలో తీర్చిదిద్దారు. అనంతరం పోలేరమ్మను విశేషంగా అలంకరించి ప్రత్యేక రథంపై కొలువుదీర్చారు. జీనుగలవారి వీధి నుంచి ఊరేగింపుగా పాతకోట ఆంజనేయస్వామి గుడి మీదుగా పోలేరమ్మ ఆలయం వద్దకు తీసుకొచ్చారు. పవిత్ర ఆలయం వద్ద వేపఆకులతో ప్రత్యేకంగా ఏర్పాటు చేసిన మండపంలో గ్రామదేవతను అధిష్టింపజేశారు. గురువారం వేకువజాము నుంచే పోలేరమ్మ తల్లిని దర్శించుకునేందుకు భక్తులు పోటెత్తారు. భక్తుల నినాదాలతో.. జన జాతరలో భాగంగా వెంకటగిరిలోని ప్రతివీధి కళకళలాడుతోంది. పోలేరమ్మకు మడి భిక్షం పెట్టండి.. పోతురాజుకు టెంకాయ కొట్టండి.. అంటూ భక్తుల నినాదాలతో హోరెత్తుతోంది. పురవీధుల్లో చిన్నా పెద్ద తేడా లేకుండా మడి భిక్షాటన చేపట్టారు. ప్రతి ఇంట్లో పసుపు ప్రతిమను తయారు చేసి పూజలు నిర్వహించారు. అంబలిని నైవేద్యంగా సమర్పించారు. నేడు నగరోత్సవం జాతరలో భాగంగా గురువారం వేకువజామున అమ్మవారి నిలుపుతో జన జాతర మొదలైంది. సాయంత్రం వరకు భక్తుల దర్శనార్థం పోలేరమ్మ ఆలయం వద్ద ప్రత్యేక మండపంలోనే ఉంచుతారు. అనంతరం ప్రత్యేక రథంపై కొలువుదీర్చి అత్యంత వైభవంగా నగరోత్సవం నిర్వహిస్తారు. ఊరేగింపు తర్వాత విరూప మండపం వద్ద గ్రామదేవత నిష్క్రమణ కార్యక్రమాలను పూర్తి చేస్తారు. జాతర సందర్భంగా పోలీసులు కట్టుదిట్టంగా బందోబస్తు ఏర్పాటు చేశారు. డీఎస్పీ చెంచుబాబు, సీఐ రోశయ్య ఎప్పటికప్పుడు పర్యవేక్షించారు. పార్కింగ్‌ స్థలాలు జాతర సందర్భంగా పట్టణంలోని వాహనాల పార్కింగ్‌కు ఏడు స్థలాలను ఏర్పాటు చేశారు. విశ్వోదయ క్రీడా ప్రాంగణం, కుమ్మరిగుంట, ఈఎస్‌ఎస్‌ డిగ్రీ కళాశాల ఎదురుగా, హెచ్‌పీ పెట్రోల్‌బంక్‌ సమీపంలో స్థలాలను సిద్ధం చేశారు. 1,200 మంది పోలీసులతో బందోబస్తు జాతరకు 1,200 మంది పోలీసులతో బందోబస్తు నిర్వహిస్తున్నట్లు డీఎస్పీ చెంచుబాబు వెల్లడించారు. సీసీ కెమెరాలతో కట్టుదిట్టంగా నిఘా పెట్టినట్లు తెలిపారు. సామాన్య భక్తులకు సైతం అమ్మవారి దర్శనభాగ్యం కల్పించేలా చర్యలు చేపట్టినట్లు వివరించారు. 106 ప్రత్యేక బస్సులు జాతరకు తిరుపతి, రాజంపేట, శ్రీకాళహస్తి, నెల్లూరు, గూడూరు, రాపూరు డిపోల నుంచి వెంకటగిరికి ప్రత్యేకంగా 106 బస్సులను గురువారం నడపనున్నట్లు ఆర్టీసీ అధికారులు వెల్లడించారు. యథేచ్ఛగా మద్యం విక్రయాలు వెంకటగిరిలో నిబంధనలకు విరుద్ధంగా బుధవారం మద్యం విక్రయాలు సాగాయి. గతంలో అమ్మవారి జాతర సందర్భంగా బుధ, గురువారాల్లో వైన్‌ షాపులకు సీల్‌ వేసేవారు. ప్రస్తుతం యథేచ్ఛగా మద్యం అమ్ముతుండటంపై భక్తులు ఆగ్రహం వ్యక్తం చేస్తున్నారు.వెంకటగిరిలో పోలేరమ్మ జాతర వైభవంగా ప్రారంభించారు. గ్రామదేవతకు అట్టహాసంగా రథోత్సవం నిర్వహించారు. చలువ పందిరి నీడన అమ్మవారిని కొలువుదీర్చారు. రాష్ట్ర పండగలో పాలుపంచుకునేందుకు దేశవిదేశాల్లో స్థిరపడిన పట్టణవాసులు పెద్దసంఖ్యలో తరలివచ్చారు. సంప్రదాయబద్ధంగా మహోత్సవం జరుపుకొంటూ మొక్కులు చెల్లించుకున్నారు. వైభవంగా ప్రారంభమైన పోలేరమ్మ జాతర వేప మండల చలువ పందిరిలో కొలువుదీరిన గ్రామదేవత కనులపండువగా రథోత్సవం భక్త జనసంద్రంగా మారిన వెంకటగిరి పట్టణం నేడు నగరోత్సవం.. నిమజ్జనం

● రోడ్డు విస్తరణ పేరుతో భారీ వృక్షాల తొలగింపు ● కలపకు బహిరంగ వేలం వేయకుండా తరలింపు కావలి: రోడ్డు విస్తరణ పేరుతో కావలి ట్రంక్‌రోడ్డుకు ఇరువైపులా ఏళ్ల తరబడి పచ్చదనం, చల్లదనాన్ని పంచిన భారీ వృక్షాలను తొలగించడంపై స్థానికుల్లో ఆందోళన వ్యక్తమవుతున్న వేళ.. నరికిన చెట్ల మొద్దులు, కలపను అనామత్తుగా తరలింపుపై కొత్త ప్రశ్నలు తెరపైకి వస్తున్నాయి. రోడ్డుకు ఇరువైపుల ఉన్న భారీ వృక్షాల నుంచి లభించిన కలప ప్రభుత్వ ఆస్తిగా పరిగణించాల్సి ఉంది. అయితే రోడ్డు కాంట్రాక్టర్‌తోపాటు మున్సిపాలిటీ, అటవీశాఖ అధికారులు కుమ్మక్కై.. అత్యంత విలువైన కలపను నిబంధనలకు విరుద్ధంగా నరికివేయడంతోపాటు అక్రమంగా తరలించారనే ఆరోపణలు వెల్లువెత్తుతున్నాయి. కలప విలువ నిర్ధారణ, విక్రయ ప్రక్రియపై పారదర్శకత లేకపోవడంతో స్థానికుల్లో అనుమానాలు రేకెత్తుతున్నాయి. బుధవారం మొద్దులు, కలప లారీల్లో తరలిస్తుండడంతో వాటిని ఎక్కడికి తరలిస్తున్నారు? ఎవరి ఆధ్వర్యంలో తరలిస్తున్నారనే విషయాలపై స్పష్టత లేకపోవడం చర్చనీయాంశంగా మారింది. అనుమానాలకు తావెందుకు? నరికిన చెట్ల కలప విలువ తక్కువేమీ కాదని, భారీ స్థాయిలో కలప తరలిపోతున్న నేపథ్యంలో సంబంధిత అధికారులు పూర్తి వివరాలు వెల్లడించకపోవడం అనుమానాలకు తావిస్తోందని స్థానికులు పేర్కొంటున్నారు. కలప తరలింపులో అధికార పార్టీకి చెందిన కొందరి ప్రమేయం ఉన్నట్లు పట్టణంలో చర్చ జరుగుతోంది. ప్రభుత్వ ఆస్తికి సంబంధించిన వ్యవహారంలో ఎలాంటి సందేహాలకు తావు లేకుండా పూర్తి పారదర్శకత పాటించాల్సిన బాధ్యత అధికారులపై ఉందంటున్నారు. చెట్ల తొలగింపు నుంచి కలప తరలింపు వరకు జరిగిన మొత్తం ప్రక్రియపై ఉన్నతాధికారులు సమగ్రంగా విచారణ చేపట్టి.. వాస్తవాలను ప్రజల ముందుంచాలని వారు కోరుతున్నారు.

నెల్లూరు(బృందావనం): వాహనదారులు రోడ్డు భద్రత నిబంధనలు పాటించాలని రవాణా శాఖ అధికారులు సూచించారు. రాపిడో కెప్టెన్లకు రోడ్డు భద్రతపై పురమందిరంలో బుధవారం అవగాహన సదస్సు నిర్వహించారు. ద్విచక్ర వాహన ప్రమాదాల్లో తలకు తీవ్రగాయాల కారణంగా ప్రాణాలు కోల్పోతున్న ఘటనలను తగ్గించేందుకు డ్రైవర్‌తోపాటు ప్రయాణికుడు హెల్మెట్‌ ధరించాలని అధికారులు సూచించారు. రాంగ్‌రూట్‌ డ్రైవింగ్‌, అతివేగం, నిర్లక్ష్య డ్రైవింగ్‌, పరిమితికి మించి ప్రయాణికులను తీసుకెళ్లడంపై కలిగే ప్రమాదాలపై అవగాహన కలిగించారు. ప్రమాద సమయంలో గాయపడిన వారిని సకాలంలో ఆస్పత్రికి తరలించి ప్రాణాలను కాపాడే ‘రహవీర్‌’ కార్యక్రమం గురించి వివరించారు. ప్రమాదం జరిగిన వెంటనే స్పందించి గోల్డెన్‌ అవర్‌లో వైద్యసహాయం అందేలా చూడడం ద్వారా విలువైన ప్రాణాలను కాపాడవచ్చన్నారు. మోటార్‌ వెహికల్‌ ఇన్‌స్పెక్టర్లు బాలమురళీకృష్ణ, మమహ్మద్‌ రఫీ, కార్తీక్‌ పవన్‌కుమార్‌, ఏఎంవీఐలు స్వప్నీల్‌ రెడ్డి, రఘువర్ధన్‌రెడ్డి, మల్లికార్జున్‌రెడ్డి, జిల్లా ఎన్‌ఫోర్స్‌మెంట్‌ ఇన్‌స్పెక్టర్‌ సంధ్య, రాపిడో సంస్థ జోనల్‌ హెడ్‌ శ్రీనివాస్‌, నెల్లూరు సిటీ మేనేజర్‌ దిలీప్‌ తదితరులు పాల్గొన్నారు.

చిట్టమూరు: మల్లాం గ్రామంలోని వల్లీ దేవసేన సమేత సుబ్రహ్మణ్యేశ్వరస్వామి బ్రహ్మోత్సవాల్లో భాగంగా బుధవారం కల్యాణోత్సవాన్ని కనులపండువగా నిర్వహించారు. ఆలయ ప్రాంగణంలోని నూతన కల్యాణ మండపంలో స్వామి, అమ్మవార్ల ఉత్సవ విగ్రహాలను వేంచేపు చేశారు. ఆలయ ప్రధానార్చకుడు మూలం భానుప్రకాశ్‌ శర్మ ఆధ్వర్యంలో వేడుకలు జరిగాయి. మండపాన్ని వివిధ రకాల పుష్పాలతో శోభాయమానంగా అలంకరించారు. భక్తులు అధిక సంఖ్యలో రావడంతో మల్లాం ప్రధాన వీధులు భక్తులతో కిక్కిరిసిపోయాయి. తమిళనాడు, హైదరాబాద్‌ తదితర సుదూర ప్రాంతాల నుంచి కూడా తరలివచ్చారు. ● సుబ్రహ్మణ్యేశ్వరస్వామివారి సన్నిధిలో వివాహం చేసుకుంటే శుభాలు కలుగుతాయని భక్తుల విశ్వాసం. దీంతో స్వామి కల్యాణంతోపాటు సుమారు 40 మంది నూతన వధూవరులు ఆలయ ప్రాంగణంలో వివాహాలు చేసుకున్నారు. భక్తుల రద్దీతో ఆలయ ప్రాంగణం కిక్కిరిసిపోవడంతో కొందరు ఆలయం వెలుపల కూడా వివాహాలు నిర్వహించుకున్నారు.

● వ్యక్తి దుర్మరణం నెల్లూరు సిటీ: రూరల్‌ మండలం మట్టెంపాడు క్రాస్‌రోడ్డు సమీపంలో పొదలకూరు – నెల్లూరు రహదారిపై మంగళవారం సాయంత్రం జరిగిన రోడ్డు ప్రమాదంలో ఓ వ్యక్తి మృతిచెందాడు. పోలీసుల కథనం మేరకు.. ఆమంచర్ల గ్రామంలోని సేవాజ్యోతి కాలనీకి చెందిన ఇట్టా వెంకటేశ్వర్లు (44) మోటార్‌బైక్‌పై తన ఇంటికి వెళ్తున్నాడు. పొదలకూరు వైపు నుంచి నెల్లూరు వైపు వేగంగా వస్తున్న గుర్తుతెలియని కారు వెంకటేశ్వర్లు బైక్‌ను ఢీకొట్టింది. దీంతో అతను రోడ్డుపై పడిపోవడంతో తీవ్ర గాయాలయ్యాయి. 108 అంబులెన్స్‌ సిబ్బంది వచ్చి పరిశీలించి అప్పటికే అతను చనిపోయినట్లుగా నిర్ధారించారు. మృతుడి భార్య జ్యోతి రూరల్‌ పోలీసులకు ఫిర్యాదు చేయగా కేసు నమోదు చేశారు.రైల్లోంచి జారిపడి వ్యక్తి మృతి నెల్లూరు సిటీ: రైల్లోంచి జారిపడి ఓ వ్యక్తి మృతిచెందిన ఘటన బుధవారం చోటుచేసుకుంది. రైల్వే పోలీసుల కథనం మేరకు.. వేదాయపాళెం – వెంకటాచలం రైల్వేస్టేషన్ల మధ్య హౌసింగ్‌ బోర్డు కాలనీ సమీపంలో రైలు నుంచి ఓ వ్యక్తి జారిపడి మృతిచెందాడు. మృతుడి వయసు, ఇతర వివరాలు తెలియరాలేదు. బిస్కెట్‌ కలర్‌ హాఫ్‌ హ్యాండ్‌ టీషర్ట్‌, బ్లూ కలర్‌ ప్యాంట్‌ ధరించి ఉన్నాడు. కుడిచేతిపై మనీష్‌ అని పచ్చబొట్టు ఉంది. మృతుడి వద్ద ఎలాంటి ఆధారాలు లభించలేదు. ఈ ఘటనపై రైల్వే పోలీసులు కేసు నమోదు చేసి దర్యాప్తు చేస్తున్నారు. మృతుడి వివరాలు తెలిసిన వారు 92475 75628 నంబర్‌కు సమాచారం ఇవ్వాలని కోరారు. విద్యుత్‌ స్తంభం పైనుంచి పడి.. ● వ్యక్తికి తీవ్ర గాయాలు వింజమూరు(ఉదయగిరి): వింజమూరులోని ఎంఎస్‌ఆర్‌ డిగ్రీ కళాశాల సమీపంలో విద్యుత్‌ స్తంభాలకు లైట్లు బిగించే క్రమంలో షాక్‌కు గురై పంచాయతీకి చెందిన ఎలక్ట్రీషియన్‌ బండి చంద్ర కిందపడి తీవ్రంగా గాయపడ్డాడు. 11 కేవీ లైన్‌కు విద్యుత్‌ సరఫరా ఉండటంతో లైట్లు బిగించే క్రమంలో పొరపాటున చేయి లైనుకు తగలడంతో బుధవారం ఈ ప్రమాదం చోటుచేసుకుంది. స్థానికులు అతడిని సామాజిక ఆరోగ్య కేంద్రానికి తరలించారు. ప్రథమ చికిత్స అనంతరం మెరుగైన వైద్యం కోసం నెల్లూరుకు తీసుకెళ్లారు. చెరువులో పడి.. ● గుర్తుతెలియని వ్యక్తి మృత్యువాత గూడూరురూరల్‌: రూరల్‌ పరిధిలోని శారదా నగర్‌ సమీపంలో ఉన్న ఎల్‌ఏపీ స్కూల్‌ వెనుకవైపున ఉన్న గూడూరు చెరువులో పడి ఓ వ్యక్తి మృతిచెందాడు. రూరల్‌ పోలీసుల కథనం మేరకు.. బుధవారం ఉదయం నీటిలో మృతదేహాన్ని స్థానికులు గుర్తించి పోలీసులకు సమాచారం అందించారు. ఎస్సై తిరుపతయ్య సిబ్బందితో కలిసి ఘటనా స్థలానికి చేరుకుని పరిశీలించారు. మృతదేహాన్ని వెలికి తీయించారు. ఎలాంటి ఆధారాలు లభించలేదు. మృతదేహాన్ని పోస్టుమార్టం నిమిత్తం గూడూరు ప్రభుత్వ ఏరియా ఆస్పత్రికి తరలించి కేసు నమోదు చేశారు. మృతుడి వివరాలు తెలిసిన వారు రూరల్‌ పోలీస్‌స్టేషన్‌లో సంప్రదించాలని ఎస్సై కోరారు. కండలేరులో 17.19 టీఎంసీలు రాపూరు: కండలేరు జలాశయంలో బుధవారం నాటికి 17.19 టీఎంసీల నీరు నిల్వ ఉన్నట్లు జలాశయం ఈఈ గజేంద్రరెడ్డి తెలిపారు. కండలేరు నుంచి సత్యసాయి గంగ కాలువకు 105, లోలెవల్‌ కాలువకు 10, పిన్నేరు కాలువకు 5, మొదటి బ్రాంచ్‌ కాలువకు 45 క్యూసెక్కుల నీటిని విడుదల చేస్తున్నట్లు వెల్లడించారు.నిమ్మ ధరలు (కిలో) పెద్దవి : రూ.125 సన్నవి : రూ.90 పండ్లు : రూ.40

● స్థానిక సంస్థల ఎన్నికలు కీలకం ● కార్యకర్తలు ప్రతిష్టాత్మకంగా తీసుకోవాలి ● మాజీ మంత్రి కాకాణి గోవర్ధన్‌రెడ్డి పొదలకూరు: నిరంకుశంగా వ్యవహరిస్తున్న కూటమి ప్రభుత్వంపై పోరాడి స్థానిక సంస్థల ఎన్నికల్లో విజయం సాధిద్దామని.. మీ జోలికెవరొచ్చినా అండగా తాను నిలిచి పోరాటంలో పాల్గొంటానని మాజీ మంత్రి, వైఎస్సార్‌ కాంగ్రెస్‌ పార్టీ జిల్లా అధ్యక్షుడు కాకాణి గోవర్ధన్‌రెడ్డి పేర్కొన్నారు. మండలంలోని విరువూరులో మాజీ సర్పంచ్‌, పార్టీ సర్వేపల్లి బూత్‌ లెవల్‌ కన్వీనర్‌ బచ్చల సురేష్‌కుమార్‌రెడ్డి అధ్యక్షతన సమావేశాన్ని మంగళవారం నిర్వహించారు. ఎన్నికల కార్యాచరణపై పంచాయతీల వారీగా నేతలతో ప్రత్యేకంగా సమావేశమైన కాకాణి మాట్లాడారు. ఎన్నికల్లో విజయమే లక్ష్యంగా పనిచేయాలని పిలుపునిచ్చారు. గ్రామాల వారీగా పరిస్థితిని సమీక్షించి.. శ్రేణులకు దిశానిర్దేశం చేయనున్నామని వివరించారు. ఎంపీటీసీ, జెడ్పీటీసీ, సర్పంచ్‌, మున్సిపల్‌.. ఎలాంటి ఎన్నికలొచ్చినా సంసిద్ధంగా ఉండాలని సూచించారు. చంద్రబాబు తరహాలో ఓటమికి భయపడి పారిపోయే మనస్తత్వం తమ పార్టీ అధినేత జగన్‌మోహన్‌రెడ్డికి లేదని చెప్పారు. ఓడిపోతామనే గత స్థానిక ఎన్నికలకు చంద్రబాబు దూరంగా ఉన్నారని విమర్శించారు. ఎన్నికల షెడ్యూల్‌ వారంలో విడుదలయ్యే అవకాశముందన్నారు. బెదిరింపులకు భయపడబోం తమ పార్టీ శ్రేణులను ప్రభుత్వం బెదిరించి ఎన్నికల్లో విజయం సాధించేందుకు యత్నిస్తోందని, దీనికి భయపడేదిలేదని తేల్చిచెప్పారు. ఓట్లేయకపోతే పింఛన్లను నిలిపేస్తామనే దుర్మార్గమైన ఆలోచనలో ఉందని మండిపడ్డారు. పల్లె పండగ.. కూటమి దండగగా మారిందని.. తనకున్న బలం చాలక పవన్‌ కల్యాణ్‌ను చంద్రబాబు వెంటబెట్టుకొని జిల్లా పర్యటనకు వచ్చారని పేర్కొన్నారు. అభివృద్ధి పేరుతో మోసం చేస్తున్నారని.. రోడ్లను నిర్మించకపోగా ఎమ్మెల్యే సోమిరెడ్డి ధనదాహానికి ఉన్న రహదారులు నాశనమవుతున్నాయని మండిపడ్డారు. భారీ ఇసుక లారీలు విరువూరు నుంచి పొదలకూరు మీదుగా అక్రమంగా వెళ్తూ రోడ్లను ధ్వంసం చేస్తున్నాయని ధ్వజమెత్తారు. డబుల్‌ గేమ్‌ ఆడేవారిని రానివ్వం పార్టీ శ్రేణులు ఎలాంటి ఆలోచనలకు తావివ్వొద్దని.. డబుల్‌ గేమ్‌ ఆడే నేతలను అధికారంలోకి వస్తే గడప కూడా తొక్కనిచ్చేది లేదని చెప్పారు. ఎమ్మెల్యేగా రెండుసార్లు, మంత్రిగా పనిచేశానని, మరోసారి శాసనసభ్యుడ్నైతే లెక్కలను సరిచేస్తానని తెలిపారు. ఇప్పుడు ఇబ్బందులు పడుతున్న పార్టీ శ్రేణులకు సాయమందించి ఆదుకుంటానని ప్రకటించారు. భగవంతుడ్ని తాను ఇదొక్కటే కోరుకుంటున్నానని పేర్కొన్నారు. పార్టీ శ్రేణులను ఇబ్బందులు పెడుతున్న టీడీపీ నేతలను తర్వాత ఎవరు కాపాడతారని.. వారికి వత్తాసు పలుకుతున్న అధికారులు పదింతల బాధలు పడక తప్పదని స్పష్టం చేశారు. నేతలు గోగిరెడ్డి గోపాల్‌రెడ్డి, హరిశ్చంద్రారెడ్డి, నారాయణరెడ్డి, బాలకొండారెడ్డి, ఆనంద్‌రెడ్డి, శ్రీహరి, ఇంద్రసేన్‌గౌడ్‌, దశకంఠాద్రిశర్మ తదితరులు పాల్గొన్నారు.

కావలి: ఫైనాన్షియర్ల వేధింపులను తాళలేక యువకుడు ఆత్మహత్యాయత్నానికి పాల్పడిన ఘటన పట్టణంలోని ఇందిరానగర్‌లో మంగళవారం చోటుచేసుకుంది. బాధితుల కథనం మేరకు.. ఇందిరానగర్‌కు చెందిన దేవరకొండ రాజా పట్టణంలోని వీల్స్‌ మార్ట్‌లో ఫైనాన్స్‌లో ద్విచక్ర వాహనాన్ని తీసుకున్నారు. అయితే కొద్ది రోజులకే అందులో ఇబ్బంది ఏర్పడటంతో కంపెనీ వారిని సంప్రదించి మరో వెహికల్‌ను కావాలని కోరారు. దీనికి సమ్మతించిన వారు మరో వాహనాన్ని అందజేసి, అదనంగా కొంత మొత్తం ఇవ్వాలనే షరతును విధించారు. ఆ తర్వాత పది రోజులకు ఈ మొత్తం కోసం రాజా కుమారుడు సంజయ్‌ను వారు సంప్రదించారు. తాము ప్రస్తుతం ఇబ్బందుల్లో ఉన్నామని, కొంత వ్యవధి కావాలని ఆయన కోరగా, దానికి అంగీకరించకుండా వేధింపులకు గురిచేశారు. దీంతో మనస్తాపం చెందిన సంజయ్‌.. పెయింట్‌లో కలిపే టిన్నర్‌ను సేవించారు. గమనించిన తల్లిదండ్రులు హుటాహుటిన ఏరియా వైద్యశాలకు తరలించారు. కాగా వాహనాన్ని తాను తీసుకుంటే తన కుమారుడ్ని వేధింపులకు గురిచేయడమేమిటని రాజా ప్రశ్నించారు. ఏదైనా జరిగితే ఫైనాన్స్‌ వారే బాధ్యత వహించాల్సి ఉంటుందని స్పష్టం చేశారు. న్యాయవాదుల విధుల బహిష్కరణ రేపు నెల్లూరు (లీగల్‌): కోర్టు విధులను న్యాయవాదులు గురువారం బహిష్కరించనున్నారని బార్‌ అసోసియేషన్‌ అధ్యక్ష, ఉపాధ్యక్షులు అయ్యప్పరెడ్డి, జల్లి పద్మాకర్‌ బుధవారం ఒక ప్రకటనలో తెలిపారు. నెల్లూరు బార్‌ అసోసియేషన్‌ సభ్యుడు, జూనియర్‌ న్యాయవాది శ్రీదుర్గ సాయిపై వేదాయపాళెం ఎస్సై ప్రసాద్‌రెడ్డి దురుసు ప్రవర్తనకు నిరసనగా ఈ నిర్ణయాన్ని తీసుకున్నామని చెప్పారు. న్యాయమూర్తులు, న్యాయవాదులు సహకరించాలని కోరారు. 2న కబడ్డీ జిల్లా జట్ల ఎంపికలు సంగం: రాష్ట్రస్థాయి అంతర్‌ జిల్లాల జూనియర్స్‌ బాలురు, బాలికల కబడ్డీ చాంపియన్‌ షిప్‌ పోటీలకు సంబంధించిన జిల్లా జట్టును నెల్లూరులోని సర్వోదయ కళాశాల గ్రౌండ్స్‌ లో శుక్రవారం ఉదయం ఎనిమిది గంటలకు ఎంపిక చేయనున్నామని కబడ్డీ అసోసియేషన్‌ జిల్లా అధ్యక్షుడు హరీష్‌, జనరల్‌ సెక్రటరీ సతీష్‌బాబు తెలిపారు. ఈ మేరకు మండలంలోని దువ్వూరులో విలేకరులతో మంగళవారం మాట్లాడారు. బాలుర విభాగంలో గరిష్ట బరువు 75 కిలోలుండాలని.. 2006, నవంబర్‌ 4న లేదా ఆ తర్వాత జన్మించిన వారు అర్హులని తెలిపారు. బాలికల విభాగంలో గరిష్ట బరువు 65 కిలోలుండాలని, 2006 నవంబర్‌ 29న లేదా ఆ తర్వాత జన్మించిన వారు అర్హులని పేర్కొన్నారు. క్రీడాకారులు తమ ఆధార్‌ కార్డు, జనన ధ్రువీకరణ పత్రాన్ని వెంట తీసుకురావాలని కోరారు. మ్యాట్‌ షూస్‌ తప్పనిసరని తెలిపారు. మార్కాపురంలో రాష్ట్ర స్థాయి పోటీలను అక్టోబర్‌ 16 నుంచి 18 వరకు నిర్వహించనున్నారని వివరించారు. వివరాలకు 72785 55777 నంబర్‌ను సంప్రదించాలని సూచించారు. శ్రీవారి దర్శనానికి 24 గంటలు తిరుమల: తిరుమలలో భక్తుల రద్దీ మంగళవారం ఎక్కువ గా ఉంది. క్యూ కాంప్లెక్స్‌లోని కంపార్ట్‌మెంట్లన్నీ నిండిపోయాయి. స్వామివారిని 84,171 మంది సోమవారం అర్ధరాత్రి వరకు దర్శించుకున్నారు. తలనీలాలను 36,671 మంది అర్పించారు. కానుకల రూపంలో హుండీలో రూ.4.16 కోట్లను సమర్పించారు. టైమ్‌ స్లాట్‌ టికెట్లున్న వారికి సకాలంలో దర్శనం లభిస్తోంది. ఇవి లేని వారికి 24 గంటల సమయం పడుతోంది. ప్రత్యేక టికెట్లున్న వారు మూడు గంటల్లోనే దర్శించుకోగలుగుతున్నారు.

నెల్లూరు(వీఆర్సీసెంటర్‌): భవన నిర్మాణ సంక్షేమ బోర్డులో ఉన్న రూ. 4,500 కోట్ల నిధులను కార్మికుల సంక్షేమానికి అందించాలని డిమాండ్‌ చేస్తూ వచ్చేనెల 8వ తేదీన నిర్వహించనున్న ‘చలో కలెక్టరేట్‌’ కార్యక్రమాన్ని విజయవంతం చేయాలని సీఐటీయూ జిల్లా కార్యదర్శి గోగుల శ్రీనివాసులు పిలుపునిచ్చారు. నెల్లూరులోని సీఐటీయూ కార్యాలయంలో మంగళవారం నిర్వహించిన భవన నిర్మాణ కార్మికుల సంఘం సమావేశంలో ఆయన పాల్గొని మాట్లాడారు. దేశంలో 7 కోట్ల మంది కార్మికులు ఉన్నారన్నారు. రాష్ట్రంలో ఉన్న భవన నిర్మాణ కార్మికులను ఎలాంటి పథకాలు అందడం లేదన్నారు. ప్రమాదవశాత్తు మృతిచెందినా, అంగవైకల్యానికి గురైనా ప్రమాద బీమా కింద రూ.10 లక్షలు ఇవ్వాలని డిమాండ్‌ చేశారు. సంక్షేమ బోర్డులోని రూ.4,500 కోట్ల నిధులను ప్రభుత్వం దారి మళ్లిస్తోందని ఆరోపించారు. చలో కలెక్టరేట్‌ కార్యక్రమంలో కార్మికులు పెద్ద సంఖ్యలో పాల్గొనాలని కోరారు. కార్యక్రమంలో ఆవుల పెంచలయ్య, రఫీ, మహేష్‌, అఫ్రోజ్‌, హరి, చిరంజీవి తదితరులు పాల్గొన్నారు. గేదెలను ఢీకొన్న కారుసీతారామపురం: మండలంలోని చిన్నాగంపల్లి చెరువుకట్టపై మంగళవారం రాత్రి కారు గేదెలను ఢీకొట్టింది. ఈ ఘటనలో కారు ముందు భాగం దెబ్బతినగా నాలుగు గేదెలు తీవ్రంగా గాయపడ్డాయి. స్థానికుల కథనం మేరకు వివరాలిలా ఉన్నాయి. పల్లె పండగ కార్యక్రమంలో భాగంగా వరికుంటపాడు మండలంలో విధులకు హాజరైన పోలీసులు వైఎస్సార్‌ కడప జిల్లా పోరుమామిళ్లకు వెళ్తుండగా మార్గమధ్యలో చిన్నాగంపల్లి చెరువు కట్టపై అడ్డొచ్చిన నాలుగు గేదెలను ఢీకొట్టారు. కారులో ప్రయాణిస్తున్న ముగ్గురు పోలీసులు సురక్షితంగా బయటపడ్డారు. నిమ్మ ధరలు (కిలో)పెద్దవి : రూ.125 సన్నవి : రూ.90 పండ్లు : రూ.40

నెల్లూరు సిటీ: నెల్లూరు రూరల్‌ పరిధిలోని ఆకుతోట దళితవాడ సమీపంలో సాయి అపార్ట్‌మెంట్‌ వద్ద ఓ యువకుడు అనుమానాస్పద స్థితిలో మృతిచెందిన ఘటన మంగళవారం వెలుగులోకి వచ్చింది. పోలీసుల కథనం మేరకు.. అపార్ట్‌మెంట్‌లో నివసించే మేకల అఖిల్‌కుమార్‌ (25) వ్యాన్‌ డ్రైవర్‌గా పనిచేస్తున్నాడు. సోమవారం నెల్లూరులో వ్యాన్‌ రిపేర్‌ పనులు ముగించుకుని రాత్రి 9:40 గంటలకు ఇంటికి చేరుకున్నాడు. 11 గంటల వరకు మేనల్లుడితో ఉన్నాడు. అనంతరం మద్యం తాగేందుకు తన అపార్ట్‌మెంట్‌ కిందకు వెళ్లాడు. 11:45 గంటల సమయంలో అపార్ట్‌మెంట్‌ గేటు సమీపంలో కుక్కలు మొరుగుతుండగా విన్న అఖిల్‌ మేనమామ అరవ మణి కిందకు వెళ్లి చూశాడు. అఖిల్‌ కుమార్‌ కింద పడిపోయి ఉన్నాడు. అతని నుదుటిపై గీసుకుపోయిన గాయం, ఎడమ కంటి కింద రక్తగాయాలు కనిపించాయి. ముక్కు నుంచి రక్తం వస్తున్నట్లు గుర్తించారు. వెంటనే కుటుంబ సభ్యులు అఖిల్‌ను రామచంద్రారెడ్డి ఆస్పత్రికి తరలించారు. అక్కడి వైద్యులు పరీక్షించి అప్పటికే చనిపోయినట్లు నిర్ధారించారు. మద్యం మత్తులో అపార్ట్‌మెంట్‌ గేటు సమీపంలో పడిపోవడంతోనే తన కుమారుడు మృతిచెంది ఉండొచ్చని, లేదా మరేదైనా కారణం ఉంటుందని తల్లి మేకల సువర్చల అనుమానం వ్యక్తం చేశారు. ఘటనపై రూరల్‌ పోలీసులకు ఫిర్యాదు చేయగా కేసు నమోదు చేశారు. కండలేరులో 17.21 టీఎంసీలు రాపూరు: కండలేరు జలాశయంలో మంగళవారం నాటికి 17.21 టీఎంసీల నీరు నిల్వ ఉన్నట్లు జలాశయం ఈఈ గజేంద్రరెడ్డి తెలిపారు. కండలేరు నుంచి సత్యసాయి గంగ కాలువకు 130, లోలెవల్‌ కాలువకు 10, పిన్నేరు కాలువకు 5, మొదటి బ్రాంచ్‌ కాలువకు 10 క్యూసెక్కుల నీటిని విడుదల చేస్తున్నట్లు వెల్లడించారు.

● రాష్ట్ర పండగగా గుర్తింపుతో భారీ ఏర్పాట్లు ● నేటి నుంచి పోటెత్తనున్న భక్తజనంవెంకటగిరి(సైదాపురం): వెంకటగిరి శక్తి స్వరూపిణి పోలేరమ్మ తల్లి అమ్మవారి జాతరకు సర్వం సిద్ధమైంది. రాష్ట్ర పండగ హోదాలో బుధ, గురువారాల్లో జరిగే జనజాతరకు అధికారులు అన్ని ఏర్పాట్లు పూర్తిచేశారు. బుధవారం రాత్రి అమ్మవారు జీనుగుల వారి వీధి నుంచి ప్రత్యేక రథంపై నగరోత్సవంగా ఆలయం వద్ద కొలువుదీరనున్నారు. అనంతరం భక్తులకు దర్శనమివ్వనున్నారు. ఈ మేరకు కలెక్టర్‌ వేంకటేశ్వర్‌, ఎస్పీ సుబ్బరాయుడు, శ్రీకాళహస్తి ఆర్డీఓ భానుప్రకాష్‌రెడ్డి, ఆలయ ఈఓ శ్రీనివాసులురెడ్డి, పోలేరమ్మ తల్లి పాలకవర్గ సభ్యులు ప్రత్యేక ఏర్పాట్లు చేపట్టారు. గత ఆదివారం ఘటోత్సవంతో ఆరంభమైన జాతర ఐదురోజుల పాటు కనులల పండుగగా సాగుతోంది. నేడు భిక్షాటన బుధవారం వెంకటగిరి పట్టణంలో చిన్నారులు, మహిళలు, మడిభిక్షాలతో సందడి చేయనున్నారు. వేపాకు తోరణాలు నడుముకు కట్టుకుని వేయి కళ్లు దుత్తలు తలపై పెట్టుకుని ఆసాదుల తప్పెట్ల తాళాల మధ్య ఇంటింటా తిరుగుతూ భిక్షాటన చేయనున్నారు. ఇప్పటికే వివిధ ప్రాంతలకు చెందిన భక్తులు పెద్ద సంఖ్యలో వెంకటగిరి చేరుకున్నారు. కుమ్మరింట ఆడపడుచుగా భావించే పోలేరమ్మ తల్లిని బుధవారం కుమ్మరీలు వెంకటగిరి రాజాల వద్ద నుంచి సాంగ్యం తెచ్చుకు అమ్మవారి విగ్రహం తయారీకి అనుమతి తీసుకుంటారు. సిద్ధమైన తర్వాత కుమ్మరివారి మొదటి పూజ నిర్వహిస్తారు. అదేరోజు రాత్రి 7 నుంచి రాత్రి 11 గంటల్లోపు భక్తుల దర్శనార్థం కొలువుదీరనున్నారు.

రాపూరు: ఏర్పేడు – రాపూరు జాతీయ రహదారిపై మోటార్‌బైక్‌ను వెనుక నుంచి కోళ్ల వ్యాన్‌ ఢీకొనడంతో ఒకరు మృతిచెందగా, మరొకరికి తీవ్ర గాయాలయ్యాయి. ఈ ఘటన మండలంలోని బండేపల్లి వద్ద మంగళవారం చోటుచేసుకుంది. స్థానికులు, పోలీసుల కథనం మేరకు.. రాపూరు మండలం తాతిపల్లి నుంచి డక్కిలి మండలం పలుగోడుకు ఇద్దరు వ్యక్తులు బైక్‌పై వెళ్తున్నారు. రాపూరు నుంచి వెంకటగిరి వైపు వెళ్తున్న కోళ్ల వ్యాన్‌ వెనుక నుంచి బైక్‌ను ఢీకొట్టింది. దీంతో ఇద్దరూ తీవ్రంగా గాయపడ్డారు. స్థానికులు సమాచారం అందించడంతో 108 సిబ్బంది నాగరాజు, అబ్దుల్‌ ఖాదర్‌ ఘటనా స్థలానికి చేరుకుని క్షతగాత్రులను రాపూరు ప్రభుత్వ వైద్యశాలకు తరలించారు. వారిని రాపూరు మండలం చెల్లటూరుకు చెందిన శివారెడ్డి (35), తాతిపల్లికి చెందిన గోపాల్‌గా గుర్తించారు. శివారెడ్డి పరిస్థితి విషమంగా ఉండటంతో 108 సిబ్బంది ఆక్సిజన్‌ అందిస్తూ నెల్లూరుకు తరలిస్తుండగా చనిపోయాడు. గోపాల్‌కు ప్రథమ చికిత్స అనంతరం మెరుగైన వైద్యం కోసం నెల్లూరుకు తీసుకెళ్లారు. పోలీసులు కేసు నమోదు చేశారు.

సాక్షి ప్రతినిధి, నెల్లూరు: ఏటా కేంద్రం మంజూరు చేసే ‘వీబీజీ రామ్‌జీ’ (ఉపాధి హామీ) పథకం నిధులతో చంద్రబాబు, పవన్‌కల్యాణ్‌ తమ ఘనతగా డప్పుకొట్టుకునే ‘పల్లె పండగ’ కార్యక్రమాన్ని నెల్లూరు జిల్లా నుంచి ప్రారంభించారు. వరికుంటపాడు మండలం రామాపురంలో సరికొత్త ఈవెంట్‌కు శ్రీకారం చుట్టారు. బీజేపీ రాష్ట్ర అధ్యక్షుడు మాధవ్‌ను పక్కన పెట్టుకుని అబద్ధాలు.. తప్పుడు ప్రచారంతో ఈవెంట్‌ను రక్తి కట్టించారు. కేంద్ర ప్రభుత్వం ఈ ఆర్థిక సంవత్సరానికి రాష్ట్ర ప్రభుత్వ భాగస్వామ్యంతో రూ.11080 కోట్ల నిధులు కేటాయించింది. ఇది తన ఘన కార్యమన్నట్లు గొప్పలు చెప్పుకుంటూ పంచాయతీ ఎన్నికలకు సిద్ధంగా ఉండమంటూ ఈవెంట్‌ పేరుతో రూ.46 కోట్ల ప్రజాధనాన్ని దుబారా చేయడంతోపాటు రాష్ట్ర వ్యాప్తంగా ప్రజలకు రెండు రోజులుగా నరకం చూపించారు. ఈ ఈవెంట్‌కు జనాన్ని తరలించేందుకు ఉమ్మడి నెల్లూరు, ప్రకాశం, చిత్తూరు, వైఎస్సార్‌ కడప జిల్లాలతోపాటు సమీప జిల్లాల్లోని డిపోల నుంచి కూడా 2500 ఆర్టీసీ బస్సులను ఇక్కడికి మళ్లించారు. ఉపాధి కూలీలు, పొదుపు మహిళలను బెదిరించి, భయపెట్టి సభకు తరలించడంతో ఇబ్బందులు పడ్డారు. ఆయా డిపోల పరిధిలో నిత్యం రాకపోకలు సాగించే సామాన్యులు తమ గమ్యస్థానాలకు బస్సుల్లేక నానా అగచాట్లు పడ్డారు. అబద్ధాలు.. పొగడ్తలు పల్లెపండగ పేరుతో చంద్రబాబు, పవన్‌కల్యాణ్‌ నిర్వహించిన ఈవెంట్‌లో స్థానిక సంస్థల ఎన్నికల నేపథ్యంలో కళ్లకు కనిపించే అభివృద్ధిని సైతం కళ్లార్పకుండా అబద్ధాలను వల్లివేయడంతో ఇద్దరూ పోటీ పడ్డా రు. చంద్రబాబు బద్ధాలు ఆడడంతో దిట్టని మరోసారి రుజువైంది. సార్వత్రిక ఎన్నికల వేళ చెప్పిన సూపర్‌ సిక్స్‌ పథకాలన్నీ నిరుద్యోగ భృతి, ఆడబిడ్డ నిధి ఇవ్వకపోయినా అమలు చేస్తున్నట్లు బుకాయించడతో సభికులు ఆశ్చర్యపోయారు. గత వైఎస్సార్‌సీపీ ప్రభుత్వంలో అభివృద్ధే జరగలేదంటూ చెప్పడంతోపాటు, ఈ రెండేళ్ల కాలంలోనే 9 వేల కి.మీ. రోడ్లు వేశామని కాకి లెక్కలు చెప్పుకొచ్చారు. పంచాయతీల్లో సచివాలయాలు, ఆర్బీకేలు, విలేజ్‌ హెల్త్‌ క్లినిక్‌లు, గ్రంథాలయాలు, నాడు–నాడు స్కూళ్లు అభివృద్ధి ఎప్పుడు జరిగిందంటూ సభికులు చెవులు కొరుక్కోవడం గమనార్హం. నాలుగు సార్లు సీఎం అన్ని చెప్పుకున్న బాబు రాష్ట్రంలో సమస్యలన్ని ఈ రెండేళ్లనే తీర్చేశానంటూ చెప్పుకొచ్చారు. వెలిగొండ ప్రాజెక్ట్‌ తానే నిర్మించానంటూ మరోసారి క్రిడెట్‌ చోరీకి పాల్పడ్డాడు. ఉదయగిరి రూపురేఖలు మార్చేస్తానంటూ, దగదర్తి విమానాశ్రయం, సోమశిల హైలెవల్‌ కెనాల్‌ నిర్మించేస్తానంటూ గతంలో చెప్పిన హామీలే మళ్లీ మళ్లీ వల్లివేశారు. ఉపాధి నిధులతో పల్లె పండగ ఈవెంట్‌ రూ.46 కోట్ల ప్రజాధనం దుబారా ఉపాధి కూలీలు, పొదుపు మహిళలను భయపెట్టి సభకు తరలింపు ఉమ్మడి నెల్లూరు, ప్రకాశం, చిత్తూరు, వైఎస్సార్‌ కడప జిల్లాల్లోని డిపోల నుంచి 2500 ఆర్టీసీ బస్సుల్లో జనసమీకరణ రాష్ట్ర అప్పుల విషయంలో సీఎం, డిప్యూటీ సీఎం అంకెల గారడీ కళ్లార్పకుండా చంద్రబాబు అబద్ధాల వల్లెవేత సూపర్‌సిక్స్‌ పథకాలన్నీ ఇచ్చేశామంటూ బుకాయింపు ఈ రెండన్నరేళ్లలోనే అభివృద్ధి చేశానంటూ మళ్లీ మళ్లీ క్రెడిట్‌ చోరీ రాష్ట్ర అప్పులపై చెరో లెక్క రాష్ట్రంలో గత ప్రభుత్వం అప్పుల విషయమై సీఎం చంద్రబాబు, డీసీఎం పవన్‌కల్యాణ్‌లు చెప్పిన గణాంకాలకు సభికులు నోరెళ్లబెట్టారు. రూ.2 లక్షల కోట్లు అప్పు చేశారని పవన్‌ కల్యాణ్‌ చెప్పగా, చంద్రబాబు మాత్రం రూ.10 లక్షల కోట్లు అప్పు చేశారని మరోసారి అబద్ధాలను కుండబద్ధలు కొట్టినట్లు చెప్పారు. రాష్ట్రంలో రెండేళ్ల కాలంలోనే రూ.22 లక్షల కోట్లు పెట్టుబడులు వచ్చాయని బాబు బుకాయించారు. కానీ ఇటీవలే పార్లమెంట్‌ సాక్షిగా రూ.6 వేల కోట్లే పెట్టుబడులుగా వచ్చాయని స్పష్టమైతే.. చంద్రబాబు మాత్రం యథా ప్రకారం కాకి లెక్కలు చెప్పడంపై సభికులు పెదవి విరిచారు.

నెల్లూరు(టౌన్‌): జిల్లా స్థాయి యోగా పోటీలను వచ్చే నెల 2వ తేదీన నిర్వహించనున్నట్లు జిల్లా యోగా క్రీడా అసోసియేషన్‌ అధ్యక్షుడు నిర్మల నరసింహారెడ్డి తెలిపారు. మంగళవారం నెల్లూరులోని నిర్మల సౌధలో పోటీలకు సంబంధించిన పోస్టర్లను విడుదల చేశారు. ఆయన మాట్లాడుతూ అన్నమయ్య సర్కిల్లోని ఓవెల్‌ స్కూల్లో ఉదయం 9 నుంచి మధ్యాహ్నం 12 గంటల వరకు పురుషులు, మహిళలకు పోటీలు నిర్వహించనున్నట్లు తెలిపారు. 8 నుంచి 60 ఏళ్ల వయస్సు వారు పాల్గొనవచ్చన్నారు. విజేతలు వచ్చే నెల 10, 11 తేదీల్లో కావలిలో నిర్వహించనున్న రాష్ట్రస్థాయి యోగా పోటీల్లో పాల్గొంటారని పేర్కొన్నారు. వివరాలకు 88856 68752 నంబర్‌ను సంప్రదించాలని సూచించారు. కార్యక్రమంలో అసోసియేషన్‌ కార్యదర్శి ప్రసన్నకుమార్‌, సభ్యులు హేమంత్‌కుమార్‌రెడ్డి, అబిదా సుల్తానా పాల్గొన్నారు.

● పల్లె పండగ సభకు 220 ఆర్టీసీ బస్సులు ● తీవ్ర ఇబ్బందులు పడిన ప్రయాణికులు ● ప్రైవేట్‌ వాహనదారుల దోపిడీనెల్లూరు సిటీ: కూటమి ప్రభుత్వ తీరుతో ప్రయాణికులు తీవ్ర ఇబ్బందులు ఎదుర్కొన్నారు. ఉదయగిరి నియోజకవర్గం వరికుంటపాడు మండలం రామాపురంలో మంగళవారం పల్లె పండగ సభ జరిగింది. దీనికి జిల్లాకు చెందిన 220 ఆర్టీసీ బస్సులను అధికారులు తరలించారు. దూరప్రాంతాలకు వెళ్లేందుకు ప్రయాణికులు గంటల తరబడి బస్టాండ్లలో వేచిచూడాల్సి వచ్చింది. అరకొరగా వచ్చిన బస్సులు ఎక్కేందుకు పరుగులు పెట్టారు. ఆర్టీసీ బస్సుల రాకపోకలు లేకపోవడంతో బస్టాండ్‌ ఖాళీగా దర్శనమిచ్చింది. కాగా ప్రైవేట్‌ వాహనాలు, ఆటోలను అనేకమంది ఆశ్రయించారు. వారు దీనిని అదనుగా తీసుకుని ఎక్కువ మొత్తం డిమాండ్‌ చేశారు. దీంతో తప్పని పరిస్థితుల్లో అనేకమంది గమ్యస్థానాలకు వెళ్లేందుకు అధిక నగదు చెల్లించారు. ప్రభుత్వ తీరుపై ప్రయాణికులు తీవ్ర అసహనం వ్యక్తం చేశారు.

● అధికారులకు బాధ్యతల కేటాయింపు ● ఎండలో ఇబ్బంది పడిన ప్రజలు ● తాగునీరు, భోజనం లేక విలవిల వరికుంటపాడు: మండలంలోని రామాపురంలో మంగళవారం నిర్వహించిన పల్లె పండగ – 3.0 కార్యక్రమానికి జసమీకరణ కోసం అధికారులు నానా అవస్థలు పడ్డారు. రాజకీయ నేతలు చేయాల్సిన పనులను సచివాలయ సిబ్బందికి అధికారులు అప్పగించారు. ఫలితంగా గ్రామాల్లో వీరు బసచేసి జనాలను తరలించే పనిలో నిమగ్నమయ్యారు. గ్రామాల్లోని పొదుపు గ్రూపు సభ్యులను తరలించే బాధ్యతను వీఆర్వోలు, పొదుపు గ్రూపుల లీడర్లు తీసుకున్నారు. ఉపాధి పథకానికి సంబంధించిన కూలీలను క్షేత్ర సహాయకులు బలవంతం చేసి ప్రభుత్వం సమకూర్చిన ఆర్టీసీ బస్సుల్లోకెక్కించారు. కొన్ని నియోజకవర్గాల్లో రూ.200 నుంచి రూ.400 చొప్పున నగదుతో పాటు భోజనం, మద్యం బాటిళ్లను అందజేశారు. భోజన బాధ్యతను సివిల్‌ సప్లయ్స్‌ అధికారులు తీసుకోగా, సభా ప్రాంగణంలో ఇది అందక చాలా మంది ఆకలితో అలమటించారు. ఎండ తీవ్రతను తట్టుకోలేక.. సమీప ప్రాంతాల్లో నిలిచేందుకు నీడ లేక అనేక మంది అవస్థ పడ్డారు. కొంతమంది మహిళలు, వృద్ధులు సొమ్మసిల్లారు. కూలీలకు బెదిరింపులు కార్యక్రమానికి వచ్చే ఉపాధి కూలీలకు మస్తర్లేసుకునే అవకాశాన్ని కల్పిస్తామని, లేకపోతే పనులకు రానీయమంటూ క్షేత్ర సహాయకులు బెదిరించారనే ఆరోపణలు వినిపించాయి. ఆర్టీసీ బస్సులతో పాటు ప్రైవేట్‌ పాఠశాలల వాహనాలనూ సభకు పంపారు. ఏపీఎంలు, ఏపీఓలకు టార్గెట్లిచ్చి జనాలను తరలించారు. సమావేశం సాయంత్రం ఐదు గంటలకు ముగియడంతో తిరిగెళ్లేందుకు ప్రజలు నానా ఇబ్బందులు పడ్డారు. మొత్తమ్మీద పల్లె పండగ సభను సక్సెస్‌ చేసేందుకు అధికార యంత్రాంగం పడిన తిప్పలను చూసి ప్రజలు అయ్యో.. పాపం అంటూ నిట్టూర్చారు. తాగునీటి కోసం ఎగబడుతూ..

రెప్పపాటులో జరిగిన రోడ్డు ప్రమాదాలు రెండు కుటుంబాల్లో తీరని విషాదాన్ని మిగిల్చాయి. మరోవైపు గాయపడిన పలువురు ఆస్పత్రుల్లో చికిత్స పొందుతున్నారు.రాంగ్‌రూటే మృత్యుపాశమైంది కొడవలూరు: రాంగ్‌రూట్‌ ప్రయాణం మృత్యుపాశమైంది. వేగంగా వెళ్లిన మోటార్‌బైక్‌ ఎదురుగా వచ్చిన మరో బైక్‌ను ఢీకొట్టింది. ఈ ప్రమాదంలో ఒకరు అక్కడికక్కడే మృతిచెందగా మరో ఇద్దరు తీవ్రంగా గాయపడ్డారు. ఈ ఘటన మండలంలోని నార్తురాజుపాళెం మజరా టపాతోపు హైవే క్రాసింగ్‌ వద్ద మంగళవారం చోటుచేసుకుంది. పోలీసుల కథనం మేరకు.. విడవలూరు మండలం అన్నారెడ్డిపాళేనికి చెందిన తాతా శ్రీహరి (35) బైక్‌పై మరో వ్యక్తిని ఎక్కించుకొని నెల్లూరు నుంచి స్వగ్రామానికి బయలుదేరి.. టపాతోపు హైవే క్రాసింగ్‌ మూసివేసి ఉండటంతో రామన్నపాళెం హైవే క్రాసింగ్‌ నుంచి రాంగ్‌రూట్‌లో వెళ్లారు. నార్తురాజుపాళెం నుంచి ఒడిశాకు చెందిన రాజు, అతని సోదరి బోరోజునాలీ బైక్‌పై నెల్లూరు వైపు వస్తున్నారు. రాంగ్‌రూట్‌లో వేగంగా వెళ్లిన శ్రీహరి ఎదురుగా వస్తున్న రాజు బైక్‌ను ఢీకొట్టాడు. ఈ ప్రమాదంలో శ్రీహరి తలకు తీవ్ర గాయమై అక్కడకక్కడే మృతిచెందాడు. రాజు, బోరోజునాలీకి తీవ్రగాయాలయ్యాయి. శ్రీహరి బైక్‌పై వెనుకనున్న వ్యక్తి ప్రమాదం జరగడంతో స్వల్పంగా గాయపడి పారిపోయాడు. క్షతగాత్రులకు 108 ఈఎంటీ జార్జ్‌, పైలట్‌ సునీల్‌ ప్రాథమిక చికిత్స అందించి నెల్లూరు ప్రభుత్వాస్పత్రికి తరలించారు. వారి పరిస్థితి విషమంగా ఉందని వైద్యులు తెలిపారు. శ్రీహరికి భార్య, ఇద్దరు పిల్లలున్నారు. అతడి మృతి విషయం తెలుసుకున్న కుటుంబ సభ్యులు ఘటనా స్థలానికి చేరుకుని మృతదేహం వద్ద బోరున విలపించడం చూపరులను కలచివేసింది. పోలీసులు కేసు నమోదు చేశారు. క్రాసింగ్‌ మూసివేతతో సమస్య టపాతోపు హైవే క్రాసింగ్‌ను రెండు నెలల క్రితం మూసివేయడంతో నార్తురాజుపాళెం, కొడవలూరు, విడవలూరు, అల్లూరు మండలాల వైపు వెళ్లే వాహనదారులు అదనంగా సుమారు రెండు కిలోమీటర్లు ప్రయాణించాల్సి వస్తోంది. దీంతో కొందరు రామన్నపాళెం క్రాసింగ్‌ నుంచి రాంగ్‌రూట్‌లో ప్రయాణిస్తున్నారు. క్రాసింగ్‌ మూసివేసిన తర్వాత రాంగ్‌రూట్‌ ప్రయాణాల కారణంగా ముగ్గురు మృతిచెందగా, పలువురు గాయపడ్డారు. గతంలో ఈ ప్రాంతంలో ఇంత తరచుగా ప్రమాదాలు జరగలేదు. రాంగ్‌రూట్‌ ప్రయాణాలను అరికట్టేందుకు రామన్నపాళెం క్రాసింగ్‌ వద్ద పోలీసులను ఏర్పాటు చేసినప్పటికీ.. సిబ్బంది పరిమితంగా ఉండటంతో కొందరు నిబంధనలు ఉల్లంఘిస్తున్నారు. ప్రమాదాల నివారణకు ప్రత్యామ్నాయంగా వినియోగంలో లేని అండర్‌పాస్‌ను అందుబాటులోకి తీసుకురావాలని స్థానికులు కోరుతున్నారు. హైవే క్రాసింగ్‌ మూసివేతకు ప్రత్యామ్నాయ ఏర్పాట్లు చేసి రాంగ్‌రూట్‌ ప్రయాణాలను అరికట్టాలని డిమాండ్‌ చేస్తున్నారు. తీవ్రంగా గాయపడిన రాజు, బోరోజునాలీ

జిల్లాలోని పంచాయతీల్లో అవినీతి తిమింగలాల దందా విచ్చలవిడిగా సాగుతోంది. ప్రత్యేకాధికారుల పాలన నడుస్తుండటం.. వారి పర్యవేక్షణ అంతంతమాత్రంగా ఉండటంతో ఇక తమకు తిరుగేదనే భావన ఇక్కడి వారిలో నెలకొంది. ఫలితంగా చేయని పనులకు బిల్లులు సృష్టించడం.. ఆపై నిధులను తమ కుటుంబసభ్యులు, స్నేహితుల బ్యాంక్‌ ఖాతాల్లో జమచేసి స్వాహా పర్వానికి తెరలేపారు. ఒక్క కలువాయిలోనే రూ.90 లక్షల మేర గోల్‌మాల్‌ జరగడం విస్మయాన్ని కలిగిస్తోంది. నెల్లూరు(పొగతోట): గ్రామ పంచాయతీల్లో నిధులను సక్రమంగా ఖర్చు చేసి ప్రజల సమస్యలను పరిష్కరించాల్సిన అధికారులు అందుకు భిన్నంగా రూ.లక్షలను ఆరగించే పనిలో నిమగ్నమయ్యారు. చేయని పనులకు బిల్లులు పెట్టి కుటుంబసభ్యులు, స్నేహితుల బ్యాంక్‌ ఖాతాల్లో నిధులను జమచేసి అధికార దుర్వినియోగానికి పాల్పడుతున్నారు. అందరూ కుమ్మకై ్క..! కలువాయి మేజర్‌ పంచాయతీలో సుమారు రూ.90 లక్షల 15వ ఆర్థిక సంఘ, సాధారణ నిధులను బొక్కేశారనే ఆరోపణలు వినిపిస్తున్నాయి. పంచాయతీ కార్యదర్శి, అక్కడ పనిచేసే ఉద్యోగి కుమ్మకై ్క స్వాహా పర్వానికి తెరలేపారు. చేయని వర్కులను చేసిన విధంగా చూపి నిధులను ఆరగించారు. కంప్యూటర్‌ ఆపరేటర్‌ కాని వ్యక్తి నిధులను కొల్లగొట్టి అందులో వాటాలను మండలాధికారులకూ అందిస్తున్నారు. ఫలితంగా ఈ అంశాలు వెలుగులోకి రావడంలేదు. అంతా సవ్యమట..! నిధుల దుర్వినియోగంపై జిల్లా అధికారులకు ప్రజలు ఇటీవల ఫిర్యాదు చేశారు. ఈ అంశమై విచారణ చేపట్టిన ఆఫీసర్లకు భారీగా నగదును ముట్టజెప్పడంతో అంతా సవ్యంగా ఉందనే నివేదికలను అందించారని తెలుస్తోంది. ఆడిట్‌ ఆఫీసర్లు సైతం ఇలానే వ్యవహరించారని సమాచారం. గ్రామ పంచాయతీల్లో ప్రత్యేకాధికారుల పాలన ప్రస్తుతం నడుస్తోంది. అయితే పర్యవేక్షణ లేకపోవడంతో నిధులు పక్కదారి పడుతున్నాయి. కలువాయి, కోవూరు, రాపూరు, ఆత్మకూరు, వింజమూరు, కావలి, అల్లూరు, ఇందుకూరుపేట తదితర మండలాల్లో నిధులు దుర్వినియోగమవుతున్నాయని తెలుస్తోంది. డీజిల్‌ పేరుతో లూటీ జిల్లాలోని ముత్తుకూరు, తదితర మండలాల్లో గల ఆరు పంచాయతీల్లో లీటర్‌ డీజిల్‌ను రూ.లక్షలకు కొనుగోలు చేశారు. ఒక్క ఈ మండలంలోని రెండు పంచాయతీల్లో 26 లీటర్ల డీజిల్‌కు రూ.21 లక్షలను వెచ్చించడం కలకలం రేపుతోంది. విషయాన్ని పరిశీలించి నివ్వెరపోవడం పంచాయతీరాజ్‌ కమిషనర్‌ వంతైంది. అసలీ మొత్తంతో చమురును కొనుగోలు చేశారా.. లేక బంగారాన్ని కొన్నారాననే అంశం అర్థం కాక తికమకపడ్డారు. ఈ వ్యవహారంలో సంబంధిత పంచాయతీ కార్యదర్శులపై చర్యలకు పీఆర్‌ కమిషనర్‌ ఆదేశించినా, నేటికీ అతీగతీ లేదు. నిధులను కొందరు ప్రత్యేకాధికారులు స్వాహా చేస్తూ అందులో వాటాలను జిల్లా అధికారులకు ఇస్తున్నారనే ఆరోపణలూ లేకపోలేదు. భారీ స్థాయిలో మామూళ్లు అందుతుండటంతో ఇటీవల పనిచేసిన ఓ ఉన్నతాధికారి తన పోస్ట్‌ను కాపాడుకునేందుకు శతవిధాలా యత్నించారు. దీనికి సంబంధించి కూటమి నేతలు, మంత్రులు, అధికారులతో సిఫార్సు చేయించినా ప్రయోజనం లభించలేదు. లీటర్‌ డీజిల్‌కు రూ.లక్షలు చేయని పనులకు బిల్లులు భారీగా నిధుల స్వాహా కుటుంబసభ్యులు, స్నేహితుల బ్యాంక్‌ ఖాతాల్లో జమ కలువాయిలో రూ.90 లక్షల గోల్‌మాల్‌ విచారణ జరిపి చర్యలు చేపడతాం గ్రామ పంచాయతీలకు కేటాయించిన నిధులను సక్రమంగా వెచ్చించాలి. నిధులను దుర్వినియోగం చేస్తే చర్యలు తప్పవు. విచారణ జరిపి.. ఈ అంశం తేలితే యాక్షన్‌ తీసుకుంటాం. – వెంకటరామన్‌, డీపీఓ

● మాజీ ఎమ్మెల్సీ విఠపు బాలసుబ్రహ్మణ్యం ● కలెక్టరేట్‌ ఎదుట మహాధర్నానెల్లూరు(బృందావనం): పెన్షనర్లు, సీనియర్‌ సిటిజన్ల హక్కులు, ప్రయోజనాలను కాలరాసే చట్టాలు అమలు కాకుండా ఉండేందుకు సంఘటితంగా ఉద్యమించాల్సిన అవసరం ఉందని మాజీ ఎమ్మెల్సీ విఠపు బాలసుబ్రహ్మణ్యం అన్నారు. స్టేట్‌ గవర్నమెంట్‌ పెన్షనర్స్‌ అసోసియేషన్‌ నెల్లూరు జిల్లా శాఖ అధ్యక్ష, ప్రధాన కార్యదర్శులు ఎస్‌ఎం.గౌస్‌, ఎస్పీవీఎన్‌ మూర్తి ఆధ్వర్యంలో మంగళవారం నెల్లూరులోని కలెక్టర్‌ కార్యాలయం వద్ద రాష్ట్ర ప్రభుత్వ, ఫ్యామిలీ పెన్షనర్లు, సీనియర్‌ సిటిజన్స్‌ న్యాయమైన హక్కులు,ప్రయోజనాల పరిరక్షణ కోసం మహాధర్నా నిర్వహించారు. ఈ సందర్భంగా బాలసుబ్రహ్మణ్యం మాట్లాడుతూ పెన్షన్‌ వాలిడేషన్‌ చట్టం పెన్షనర్స్‌కు శరాఘాతం వంటిదన్నారు. అందుకు భవిష్యత్‌లో మరిన్ని పోరాటాలు తప్పవన్నారు. ఉపాధ్యాయ ఉద్యమ నేత పి.బాబురెడ్డి కూటమి ప్రభుత్వాల వైఖరిని తూర్పాబట్టారు. ఆ సంఘం రాష్ట్ర ఉపాధ్యక్షుడు ఎ.రమణయ్య పెన్షనర్లు, సీనియర్‌ సిటిజన్ల న్యాయమైన 12 డిమాండ్లను వివరించారు. ఎస్‌ఎం గౌస్‌ మాట్లాడుతూ ఇదే స్ఫూర్తితో న్యాయమైన హక్కుల సాధనకోసం సంఘటితంగా ముందుకుసాగాలని పిలుపునిచ్చారు. ధర్నా అనంతరం అసోసియేషన్‌ నేతలు వినతిపత్రాన్ని కలెక్టర్‌ కార్యాలయంలో అధికారులకు అందజేశారు. అసోసియేట్‌ అధ్యక్షులు ఎన్‌.శ్రీనాథ్‌, ఫయాజ్‌ అహ్మద్‌, ఉపాధ్యక్షుడు గురునాథరావు, కోశాధికారి జె.హజరత్తయ్య, జిల్లాలోని వివిధ మండలాలు, తాలూకాలకు చెందిన నేతలు రవికుమార్‌, వసుంధరాదేవి, ఎ.శ్రీరాములు, కోటేశ్వరరావు, బి.సుధాకర్‌, ఎస్‌.మాల్యాద్రి, ఎం.మస్తానయ్య, కె.సుబ్బారావు, డి.గోపాల్‌ తదితరులు మాట్లాడారు. కేంద్ర, రాష్ట్ర ప్రభుత్వాల విధానాలను నిరసించారు.

● విధులు బహిష్కరించి ఆందోళన ● బారాషహీద్‌ గ్రౌండ్స్‌ నుంచి భారీ ర్యాలీ ● కార్పొరేషన్‌ కార్యాలయం వద్ద నిరసన నెల్లూరు(బారకాసు): నెల్లూరు నగరపాలక సంస్థలో పనిచేస్తున్న పారిశుద్ధ్య కార్మికులు ప్రభుత్వ తీరుపై కన్నెర్ర చేశారు. ప్రజాప్రతినిధులు, అధికారులు నిర్లక్ష్య ధోరణి వీడి సమస్యల పరిష్కారానికి తక్షణ చర్యలు చేపట్టాలని ఏపీ మున్సిపల్‌ వర్కర్స్‌ అండ్‌ ఎంప్లాయీస్‌ యూనియన్‌ (సీఐటీయూ) ఆధ్వర్యంలో సోమవారం విధులు బహిష్కరించి ఆందోళన చేపట్టారు. తొలుత బారాషహీద్‌ దర్గా వద్దకు చేరుకుని అక్కడి నుంచి భారీ ర్యాలీ నిర్వహించారు. ర్యాలీని ఎన్‌ఎంసీ కార్యాలయం వరకు కొనసాగించి, కార్యాలయంలోకి వెళ్లి పెద్ద ఎత్తున నినాదాలు చేస్తూ నిరసన తెలిపారు. ఈ సందర్భంగా యూనియన్‌ నెల్లూరు నగర గౌరవాధ్యక్షుడు కత్తి శ్రీనివాసులు, రూరల్‌ కార్యదర్శులు పెంచల నరసయ్య, నాగేశ్వరరావు మాట్లాడుతూ పదవులు, అధికారంపై ఉన్న శ్రద్ధ కష్టపడి పనిచేసే కార్మికులపై లేకపోవడం సిగ్గుచేటన్నారు. చెత్తాచెదారం, మలినాల మధ్య పనిచేస్తూ కార్మికులు తమ ఆరోగ్యాలను పణంగా పెట్టి ప్రజల ఆరోగ్యాలను కాపాడుతున్నారని, అటువంటి వారి సమస్యల పరిష్కారంలో నిర్లక్ష్యంగా వ్యవహరించడం దారుణమన్నారు. 60 సంవత్సరాల వయసు నిండిందనే నెపంతో నిర్దాక్షిణ్యంగా విధుల నుంచి తొలగిస్తున్నారని విమర్శించారు. గ్రాట్యుటీ చట్టం ప్రకారం ఎన్ని సంవత్సరాలు పనిచేస్తే అన్ని నెలల జీతాలు ఇవ్వాలని చట్టం చెబుతున్నప్పటికీ, రిటైర్మెంట్‌ బెనిఫిట్స్‌ లేకుండా పనిలో నుంచి తొలగిస్తున్నారని చెప్పారు. మృతిచెందిన కార్మికుల వారసులకు ఉద్యోగాలు ఇచ్చే ఆనవాయితీని నిలిపివేశారని పేర్కొన్నారు. పీఆర్సీ ప్రకారం ఆప్కాస్‌ ఉద్యోగులకు జీతాలు పెరగడం లేదన్నారు. అవుట్‌ సోర్సింగ్‌ ఉద్యోగి జీతం ఇస్తున్నారని, సచివాలయం వెబ్‌సైట్‌లో ప్రభుత్వ ఉద్యోగిగా నమోదు చేయడం వల్ల ఎలాంటి ప్రభుత్వ సంక్షేమ పథకాలు అందడం లేదని ఆవేదన వ్యక్తం చేశారు. చాలీచాలని జీతాలతో పస్తులతో, అప్పులతో జీవితాలు గడుపుతున్నామని వాపోయారు. అనంతరం కమిషనర్‌ నందన్‌కు వినతిపత్రం అందజేశారు. కార్యక్రమంలో మున్సిపల్‌ వర్కర్స్‌ యూనియన్‌ నాయకులు ఆరం సునీల్‌కుమార్‌, మట్టిపాటి శ్రీనివాసులు, సుజాతమ్మ, వజ్రమ్మ, రాంబాబు, మాలకొండయ్య, షబ్బీర్‌, మరియన్న, తాళ్లూరి రమేష్‌, నాగేశ్వరరావు, శివ, షఫీ, లోకేష్‌, పందల శ్రీనివాసులు, భాగ్యమ్మ, కొండమ్మ, సలోమి, చంద్రమ్మ, యోహాను, జయకుమార్‌ తదితరులు పాల్గొన్నారు.

ఉదయగిరి: వరికుంటపాడు మండలంలోని రామాపురంలో మంగళవారం నిర్వహించనున్న పల్లె పండగ – 3.0 సభకు భారీ స్థాయిలో జనాన్ని తరలించేందుకు అధికారులపై తీవ్ర ఒత్తిడి తెస్తున్నారని సమాచారం. ముఖ్యంగా ఉపాధి కూలీలను తరలించే బాధ్యతను ఆయా మండలాల ఎంపీడీఓలకు అప్పగించారు. అంగన్‌వాడీ కార్యకర్తలూ రావాల్సిందిగా ఆ శాఖకు చెందిన అధికారులు మౌఖిక ఆదేశాలిచ్చారు. ఉదయగిరి, వరికుంటపాడు, కలిగిరి, దుత్తలూ రు మండలాల్లోని పలు పాఠశాలకు సెలవును ప్రకటించారు. సమీపంలోని హైస్కూళ్లను పోలీసులు, ఇతర అధికారుల బసకు కేటాయించడంతో బడులను సోమ, మంగళవారం మూసేయ డంపై తల్లిదండ్రులు తీవ్ర అసంతృప్తిని వ్యక్తం చేస్తున్నారు. నెల్లూరు, ప్రకాశం, వైఎస్సార్‌ కడప జిల్లాల నుంచి దాదాపు లక్ష మందిని సభకు తరలించనున్నారని సమాచారం. పల్లె పండగ పేరుతో కోట్లాది రూపాయల ప్రజాధనాన్ని వృథా చేయడమేమిటని పలువురు ప్రశ్నిస్తున్నారు. కేజీబీవీలో రహస్య విచారణ కలిగిరి: కలిగిరిలోని కేజీబీవీలో రహస్యంగా విచారణను ఏపీసీ వెంకటసుబ్బయ్య సోమవారం చేపట్టారు. విద్యాలయంపై తీవ్ర స్థాయిలో ఆరోపణలొస్తున్న తరుణంలో విద్యార్థినుల తల్లిదండ్రులు, మీడియాకు కూడా సమాచారమివ్వకుండా సిబ్బందిని విచారించారు. వీరితో వేర్వేరుగా మాట్లాడి వివరాలను సేకరించారు. ఇష్టానుసారంగా వ్యవహరిస్తే చర్యలు తప్పవని హెచ్చరించారని సమాచారం. విద్యాలయంలో జరుగుతున్న పూర్తి సమాచారంతో డీఈఓ కార్యాలయానికి బుధవారం రావాల్సిందిగా ప్రిన్సిపల్‌ సుప్రియను సూచించారు. సీఎం పర్యటన నేడు నెల్లూరు రూరల్‌: జిల్లా పర్యటనకు సీఎం చంద్రబాబు, డిప్యూటీ సీఎం పవన్‌ కల్యాణ్‌ మంగళవారం రానున్నారు. వరికుంటపాడు మండలం రామాపురానికి మధ్యాహ్నం 2.15కు చేరుకోనున్నారు. కాకొల్లువారిపల్లిలో బీటీ రోడ్డును పరిశీలించి, ఉపాధి హామీ కూలీలతో కలిసి శ్రమదానంలో పాల్గొననున్నారు. రామాపురంలో జరిగే కార్యక్రమంలో పాల్గొని సాయంత్రం 5.30కు తిరిగి బయల్దేరనున్నారు. శ్రీవారి దర్శనానికి 18 గంటలు తిరుమల: తిరుమలలో భక్తుల రద్దీ సోమవారం ఎక్కువగా ఉంది. క్యూ కాంప్లెక్స్‌లోని కంపార్ట్‌మెంట్లన్నీ నిండిపోయి.. శిలాతోరణం వద్దకు క్యూ చేరుకుంది. స్వామివారిని 83,578 మంది ఆదివారం అర్ధరాత్రి వరకు దర్శించుకున్నారు. టైమ్‌ స్లాట్‌ టికెట్లున్న వారికి సకాలంలో దర్శనం లభిస్తోంది. ఇవి లేని వారికి 18 గంటల సమయం పడుతోంది.

సాక్షి ప్రతినిధి, నెల్లూరు: జిల్లాలో టీడీపీ అధికారంలోకి వచ్చినప్పటి నుంచి మంత్రులు, ఎమ్మెల్యేలు మాఫియాలుగా అవతరించారు. ఇసుక, గ్రావెల్‌, మట్టితో వేల రూ.కోట్లు దోచుకుంటున్నారు. ఒక్క ఇసుక తవ్వకాలతోనే ఏకంగా నెలకు రూ.వెయ్యి కోట్ల దోపిడీ జరుగుతోందంటే అతిశయోక్తి లేదు. పెన్నానదిలో సోమశిల నుంచి ఇందుకూరుపేట వరకు సుమారు 20 అనధికార రీచ్‌లు కొనసాగుతున్నాయి. ప్రతి రీచ్‌లో నెలకు సగటున రూ.50 కోట్ల మేర ఇసుక తవ్వకాలు జరుగుతున్నాయి. పర్యావరణ నిబంధనల మేరకు అక్టోబరు 15వ తేదీ పెన్నానదిలో ఇసుక తవ్వకాలకు అనుమతి లేకపోయినప్పటికీ.. నెల్లూరు పెన్నాబ్యారేజీ, సంగం బ్యారేజీ వద్ద డీలిస్టింగ్‌ పేరుతో అనుమతులు తీసుకుని యంత్రాలు పెట్టా తవ్వేస్తున్నా.. అధికార యంత్రాంగం మౌనంగా వ్యవహరిస్తోంది. గడిచిన 28 నెలలుగా ఎన్‌జీటీ అనుమతులు లేకుండానే.. డీసిల్టింగ్‌ అనుమతులతో పెన్నానదిని విధ్వంసం చేస్తున్నారు. నెల్లూరు రూరల్‌, నెల్లూరు నగర పరిధి పొట్టేపాళెంతోపాటు పెన్నాపోర్టుకట్ల, భగత్‌సింగ్‌కాలనీ, దిగువ ప్రాంతాల్లో నిత్యం ట్రాక్టర్లతో ఇసుక తవ్వకాలు యథేచ్ఛగా సాగుతున్నాయి. ఇక సర్వేపల్లి, ఆత్మకూరు, గూడూరు, ఉదయగిరి, కావలి నియోజకవర్గాల్లో దాదాపు రూ.100 నుంచి రూ.150 కోట్లకు పైబడి వ్యవసాయ భూములు, కమర్షియల్‌ స్థలాలు ఆక్రమించారు. రెవెన్యూ రికార్డుల్లో పేర్లను మార్పులు చేసుకున్నారు. సర్వేపల్లి, నెల్లూరు, ఉదయగిరి, ఆత్మకూరు నియోజకవర్గాల్లో సాగునీటి కాలువల్లో పూడిక తీత, వరద ప్రభావిత ప్రాంతాల్లో తాత్కాలిక రిపేర్లతో సుమారు రూ.120 కోట్ల మేర దోచుకుతిన్నారు. ఆయా పనులను టెండర్లు లేకుండా టీడీపీ నేతలతో చేయించేందుకు ఏకంగా నిబంధనలనే మార్చేశారు. నామినేటెడ్‌ పేరుతో పనులు కట్టబెట్టి.. పనులు చేయకుండానే దిగమింగేశారు. సోమశిల ప్రాజెక్ట్‌ చైర్మనే ఏకంగా కాలువల్లో పూడికి తీత, ఫ్లడ్‌ డ్యామేజ్‌ పనుల పేరుతో పైసా పనులు చేయకుండానే ఏకంగా రూ.10 కోట్లు స్వాహా చేసిన ఆరోపణలు వెల్లువెత్తుతున్నాయి. దీనిపై విజిలెన్స్‌ విచారణ జరుగుతుండడంతో దోపిడీకి అద్దం పడుతోంది. నెల్లూరు నగరంలో వివిధ అభివృద్ధి పనులు, పారిశుధ్యం, పచ్చదనం, ఉపాది కల్పన తదితర పేర్లతో రూ.వందల కోట్ల కాజేస్తున్నారు. ఇసుక, గ్రావెల్‌, భూముల దోపిడీలో ఆత్మకూరు పోటీ భూ ఆక్రమణలు, పెన్నానది నుంచి అక్రమంగా ఇసుక తరలింపు, గ్రావెల్‌ దోపిడీలో ఆత్మకూరు నియోజకవర్గ టీడీపీ నేతలు పోటీపడుతున్నారు. ఆత్మకూరు మండలం అప్పారావుపాళెం పెన్నానది ఇసుక రీచ్‌లో 80 వేల మెట్రిక్‌ టన్నుల తవ్వకాలకు అనుమతులు ఉండగా నిత్యం 5 వేల నుంచి 6 వేల మెట్రిక్‌ టన్నులు తవ్వేసి తరలిస్తున్నారు. ఈ లెక్కన నెలకు 1.50 లక్షల నుంచి 1.80 లక్షల మెట్రిక్‌ టన్నులు తరలించి సొమ్ము చేసుకుంటున్నారు. ● నియోజకవర్గంలోని అనంతసాగరం మండలం పడమటికంభంపాడు పెన్నానది ఇసుక రీచ్‌కు ఎలాంటి అనుమతులు లేకపోయినా నిత్యం వందకుపైగా లారీలు, టిప్పర్లతో ఇసుకను బద్వేల్‌ మీదుగా దూర ప్రాంతాలకు తరలిస్తున్నారు. తాజాగా అనంతసాగరం మండలం ఉప్పలపాడు వద్ద అనధికారికంగా ఇసుక రీచ్‌ను ప్రారంభించేందుకు ప్రయత్నించగా సమీప గ్రామాల రైతులు, స్థానికులు గట్టిగా వ్యతిరేకించడంతో తాత్కాలికంగా నిలిపివేశారు. ● చేజర్ల మండలం మడపల్లి, పెరుమాళ్లపాడు, సంగం, అనుమసముద్రంపేట మండలం కొండమీదకొండూరు గ్రామాల్లో విచ్చలవిడిగా గ్రావెల్‌ తవ్వకాలు జరుగుతూనే ఉన్నాయి. ● మర్రిపాడు మండలంలోని పలు గ్రామాల్లో వందల ఎకరాలు ప్రభుత్వ, అసైన్డ్‌ భూములను స్థానిక టీడీపీ నాయకులు యథేచ్ఛగా ఆక్రమించి జామాయిల్‌, సరుగుడు మొక్కలను సాగు చేస్తున్నారు. వీటి విలువ సుమారు రూ.5 కోట్లకు పైనే ఉంటుందని అంచనా. చేజర్ల మండలం పెళ్లేరులో వందలాది ఎకరాలు భూములను ఆక్రమించారు. వీటి విలువ రూ.2 కోట్లకుపైగా ఉంటుంది. ఆత్మకూరు మండలం రామస్వామిపల్లి, బోయలచిరివెళ్ల అటవీ ప్రాంతాల్లో భూములను ఆక్రమించి సాగుకు సిద్ధం చేస్తున్నారు. వీటి విలువ సుమారు రూ.2 కోట్లు ఉంటుంది. ఇసుక, సిలికా దోపిడీ.. భూ ఆక్రమణలు గూడూరు నియోజకవర్గంలో ప్రకృతి సంపద ఇసుక, సిలికా, మట్టి దోపిడీ అప్రతిహతంగా సాగుతోంది. ఇక గూడూరు పట్టణంలోని రూ.కోట్లు విలువైన ప్రభుత్వ స్థలాలతోపాటు చిల్లకూరు, చిట్టమూరుల్లో వ్యవసాయ, తీర ప్రాంతం భూములు ఆక్రమణలకు గురయ్యాయి. వీటి విలువ మార్కెట్‌ ధర ప్రకారం సుమారు రూ.30 నుంచి రూ.40 కోట్ల వరకు ఉంటుందని అంచనా. కోట మండలం గూడలిలో ప్రభుత్వం ఇసుక రీచ్‌ను అనుమతించింది. దీంతో కోట మండలం గూడలి నుంచి చిట్టమూరు మండలం మెట్టు వరకు స్వర్ణముఖిలో అక్రమంగా తవ్వకాలు చేస్తున్నారు. ప్రతి రోజు కనీసం 100 టిప్పర్ల వరకు ఇతర రాష్ట్రాలకు ఇసుక తరలివెళ్తున్నాయి. గ్రావెల్‌ అక్రమ తవ్వకాలు జాతీయ రహదారుల నిర్మాణాలు వరంలా మారడంతో అధికార పార్టీ నాయకులు గూడూరు మండలంలో చెమ్మర్తి గొల్లపల్లి గ్రావెల్‌, చెన్నూరు చుట్టుపక్కల ప్రాంతాల్లోని చెరువుల్లో మట్టి తవ్వకాలు చేపడుతున్నారు. నిత్యం 50 టిప్పర్లకు తక్కువ లేకుండా అక్రమంగా రవాణా చేస్తున్నారు. చిల్లకూరు మండలంలోని పలు గ్రామాల్లో ప్రభుత్వ పేదల భూముల్లోని గ్రావెల్‌ను సాగరమాల ప్రాజెక్టుకు రోజుకు 100 నుంచి 150 టిప్పర్ల వరకు తరలించి సొమ్ము చేసుకుంటున్నారు. చిటమూరు మండలం ఏకశిరి, చిట్టమూరు తదితర గ్రామాల్లో ప్రతి రోజు కనీసం 70 నుంచి 100 టిప్పర్ల మట్టి, గ్రావెల్‌ తరలిస్తున్నారు. రూ.కోట్ల విలువైన భూములు.. చిల్లకూరు మండలం కడివేడులో రూ.కోట్ల విలువైన సుమారు 50 ఎకరాల వరకు జాతీయ రహదారికే ఆనుకొని ఉన్న భూములు ఆక్రమించి.. ఏకంగా రెవె న్యూ రికార్డుల్లో పేర్లను మార్చుకున్నారు. చిట్టమూరు మండలం తీర ప్రాంతంలో సుమారు 100 ఎకరాల వరకు భూములు ఆక్రమణలకు గురయ్యాయి. డీసిల్టింగ్‌ పేరుతో.. కోవూరులో డీసిల్టింగ్‌ పేరుతో కొంత.. పోతిరెడ్డిపాళెం, జమ్మిపాళెం, వేగూరు, బుచ్చిరెడ్డిపాళెం మినగల్లు, విడవలూరు మండలం ముదివర్తి, ఇందుకూరుపేట మండలంలోని పల్లిపాడు తదితర ప్రాంతాల నుంచి ఇసుక అక్రమ రవాణా యథేచ్ఛగా జరుగుతోంది. ఆయా ప్రాంతాల నుంచి రోజుకు దాదాపు 100 టిప్పర్ల వరకు ఇసుక తరలిస్తున్నట్లు సమాచారం. చెరువుల్లో గ్రావెల్‌ మాఫియా ఉదయగిరి నియోజకవర్గంలోని వింజమూరు, కలిగిరి, జలదంకి మండలాల్లోని పలు చెరువుల్లో గ్రావెల్‌ మాఫియా రెచ్చిపోతూ అక్రమార్జనకు పాల్పడుతోంది. ఎలాంటి అనుమతులు లేకుండా పచ్చ నేతలు రేయింబవళ్లు గ్రావెల్‌, మట్టి తరలిస్తూ రూ.కోట్లు ఆర్జిస్తున్నారు. ఈ వ్యవహారం వెనుక అధికార పార్టీకి చెందిన ముఖ్య నేతల ప్రమేయం ఉండడంతో పోలీసు, ఇరిగేషన్‌ అధికారులు పట్టించుకోవడం లేదు. ఉదయగిరి నియోజకవర్గంలోని సీతారామపురం, ఉదయగిరి, వరికుంటపాడు, దుత్తలూరు, కొండాపురం మండలాల పరిధిలో ప్రవహిస్తున్న పిల్లాపేరు పరీవాహక ప్రాంతంలో ఇసుక రవాణా యథేచ్ఛగా సాగుతోంది. టీడీపీ @ తమ్ముళ్ల దోపిడీ పార్టీ కొల్లగొట్టుతున్న ఇసుక, గ్రావెల్‌, మట్టి రూ.100 కోట్ల నుంచి రూ.150 కోట్లకు పైబడి ప్రభుత్వ, వ్యవసాయ, కమర్షియల్‌ భూముల కబ్జా రేషన్‌ బియ్యంతో రూ.కోట్ల సంపాదన ఇరిగేషన్‌ వర్కుల్లో పైసా పనిచేయకుండానే రూ.కోట్లు స్వాహా అభివృద్ధి పనుల పేరిట విచ్చలవిడిగా దోపిడీ ప్రకృతి సంపద దోపిడీలో సర్వేపల్లి టాప్‌ సర్వేపల్లి నియోజకవర్గంలోని వెంకటాచలం, పొదలకూరు, మనుబోలు మండలాల్లో అధికార పార్టీ నాయకులు అక్రమంగా గ్రావెల్‌ను తరలిస్తున్నారు. వెంకటాచలం మండలంలో అక్రమంగా గ్రావెల్‌ రూ.కోట్లలో నిర్వహిస్తున్నారు. సర్వేపల్లి పంచాయతీ నాగబొట్లకండ్రికలో స్వయంగా ప్రధాన నాయకుడు కనుసన్నల్లో అక్రమంగా గ్రావెల్‌ను తరలించి సొమ్ము చేసుకుంటున్నారు. పొదలకూరు మండలం చిట్టేపల్లితిప్ప నుంచి అనుమతుల పేరుతో విచ్చలవిడిగా పట్టపగలే గ్రావెల్‌ను తరలిస్తున్నారు. మనుబోలు మండలం వీరంపల్లి, బద్వేల్‌ నుంచి తరచుగా తరలిస్తున్నారు. పొదలకూరు మండలం సూరాయపాళెం వద్ద పెన్నానదిలో నిబంధనలకు విరుద్ధంగా డ్రెడ్జింగ్‌ చేయకుండా నేరుగా నదీగర్భం నుంచే ఇసుకను తోడి అక్రమంగా తరలిస్తున్నారు. విరువూరు రీచ్‌కు యార్డు అనుమతులు ఉన్నా.. ఇక్కడ సైతం నిబంధనలను తుంగలో తొక్కి ఇసుకను తోడేస్తున్నారు. రెండు రీచ్‌ల నుంచి ప్రతి నిత్యం రేయింబవళ్లు సుమారు 50 నుంచి 60 టిప్పర్లలో ఇసుకను తరలిస్తున్నారు. భూకబ్జాల్లోనూ తగ్గేదేలే.. వెంకటాచలం మండలంలో ముఖ్యనేత కనుసన్నల్లోనే కబ్జాల పర్వం కొనసాగుతున్నట్లు ఆరోపణలు వెల్లువెత్తుతున్నాయి. తాజాగా జాతీయ రహదారి అనుకుని ఉన్న రూ.కోట్లు విలువైన భూమిలో అధికార పార్టీకు చెందిన నాయకులు వినాయకుడి విగ్రహం ఏర్పాటు చేసి కబ్జా చేసేందుకు యత్నిస్తున్నారు. మండలంలో దేవాలయ భూములను సైతం వదలడం లేదు. సర్వే నంబరు 118/1లో దేవస్థానానికి చెందిన 25 సెంట్ల స్థలం, చెముడుగుంటలో 118/2లో శివాలయం భూములు 1.66 ఎకరాలను ఆక్రమించి పాట్లు, రోడ్లు వేస్తున్నారు. కసుమూరులో సుమారు రూ.20 కోట్లు విలువైన భూములను కబ్జా చేసేందుకు రంగం సిద్ధం చేశారు. ప్రభుత్వ భూములను చదును చేస్తున్న అధికార పార్టీ నాయకులు ఆక్రమించి సొమ్ము చేసుకునేందుకు ప్రయత్నిస్తున్నారు. కావలి నియోజవకర్గంలో గ్రావెల్‌ దోపిడీ అప్రతిహతంగా జరుగుతోంది. కావలి మండలం ఆముదాలదిన్నె చెరువు నుంచి ఓ టీడీపీ లీడర్‌ గ్రావెల్‌ను తాను వేస్తున్న లే అవుట్‌కు రేయింబవళ్లు విచ్చలవిడిగా తరలిస్తున్నారు. ట్రిప్పు గ్రావెల్‌కు రూ.7 వేలు, మట్టికి రూ.5 వేలు వసూలు చేస్తున్నట్లు సమాచారం. సర్వాయపాళెం పంచాయతీ ఆనెమడుగు చెరువు నుంచి ఓ టీడీపీ నేత, రియల్టర్‌ గ్రావెల్‌ను నిర్విరామంగా తరలిస్తున్నారు. చెన్నాయపాళెం, రుద్రకోట, ఆర్‌సీపాళెం, అడవిరాజుపాళెం, సిరిపురం తదితర గ్రామాల నుంచి గ్రామాల చెరువులను గ్రావెల్‌, మట్టి దోపిడీతో ఖాళీ చేశారు.

వెంకటాచలం: స్థానిక సంస్థల ఎన్నికల్లో వైఎస్సార్‌ కాంగ్రెస్‌ పార్టీ అభ్యర్థుల విజయమే లక్ష్యంగా పోరాడతామని మాజీ మంత్రి, పార్టీ జిల్లా అధ్యక్షుడు కాకాణి గోవర్ధన్‌రెడ్డి పేర్కొన్నారు. మండలంలోని సర్వేపల్లిలో పార్టీ శ్రేణులతో సమావేశాన్ని సోమవారం నిర్వహించారు. స్థానిక సంస్థల ఎన్నికలపై దిశానిర్దేశం చేసిన అనంతరం ఆయన మాట్లాడారు. ఎన్నికలను ఏకపక్షంగా మార్చేందుకు చంద్రబాబు నేతృత్వంలో అనేక అక్రమ మార్గాలను ప్రయోగిస్తున్నారని ఆరోపించారు. తమ పార్టీ శ్రేణులపై రౌడీ షీట్లు తెరవడం.. ఆస్తులను ధ్వంసం చేయడం.. పొలాల రీ సర్వే పేరుతో ఇతరుల పేర్లు నమోదు చేయడం.. గ్రామాల్లో ఉద్రిక్తతలు సృష్టించడం లాంటి కుతంత్రాలకు కూటమి నేతలు పాల్పడుతున్నారని మండిపడ్డారు. పీడీ యాక్ట్‌లను బనాయించి జైలుకు పంపేందుకు కుట్రలు సాగిస్తున్నారని, వీటికి భయపడే ప్రసక్తే లేదని తేల్చిచెప్పారు. తాము జగన్‌మోహన్‌రెడ్డికి కరుడుగట్టిన అభిమానులమనే విషయాన్ని గుర్తుంచుకోవాలని హితవు పలికారు. చంద్రబాబు, లోకేశ్‌, సోమిరెడ్డి మాటలు విని అధికారులు తప్పులు చేయడం మంచిదికాదని, అధికారం మారాక వీరెవరూ కాపాడలేరనే విషయాన్ని గుర్తుంచుకోవాలని సూచించారు. రాజ్యాంగబద్ధంగా జరగాలి ఎన్నికలు రాజ్యాంగబద్ధంగా జరిగేలా కలెక్టర్‌, ఎస్పీ చర్యలు చేపట్టాలని కోరారు. అధికార పార్టీ చెప్పినట్లు చేస్తే ఊరుకునేదిలేదని స్పష్టం చేశారు. తన పాలనపై చంద్రబాబుకు నమ్మకం లేక స్థానిక సంస్థల ఎన్నికల్లో ఎలాగైనా గెలవాలని కుట్రలకు పాల్పడుతున్నారని ఆరోపించారు. టీడీపీ తీవ్ర సంక్షోభంలో ఉండటంతో, పోటీ చేసేందుకు అభ్యర్థుల్లేక ఎన్నికలను గతంలో బహిష్కరిస్తున్నామని ప్రకటించిన అంశాన్ని గుర్తుచేశారు. తమ పార్టీ శ్రేణులను ఎన్ని ఇబ్బందులు పెట్టేందుకు కుట్రలు చేస్తున్నా, లెక్కచేయకుండా అభ్యర్థులను బరిలోకి దించేందుకు తమ పార్టీ అధినేత సిద్ధంగా ఉన్నారని చెప్పారు. శ్రీశైలం జలాల విషయంలో రాష్ట్ర ప్రయోజనాలను చంద్రబాబు పక్కనబెట్టారని ఆరోపించారు. ఎల్‌నినో ప్రభావంతో రాష్ట్రంలో సాగు, తాగునీటికి ఇబ్బందులు పడుతుంటే.. తెలంగాణకు సంబంధించిన పవర్‌ జనరేషన్‌, లిఫ్ట్‌ ఇరిగేషన్‌ పేరిట రకరకాలుగా నిత్యం ఆరు టీఎంసీలను దోచుకుపోతున్నా, పట్టించుకోవడంలేదని దుయ్యబట్టారు. సర్వేపల్లిలో దందాల రాజ్యం రాష్ట్రంలో ఎక్కడా లేని విధంగా సర్వేపల్లి నియోజకవర్గంలో దందాల రాజ్యం నడుస్తోందని ఆరోపించారు. లేఅవుట్లు వేస్తే రూ.ఐదు లక్షలు, గ్రావెల్‌ టిప్పర్‌ లోడుకు రూ.పది వేలు, ప్రభుత్వ భూముల విక్రయాల్లో రూ.20 లక్షలను డిమాండ్‌ చేసి వసూళ్లకు పాల్పడుతున్నారని మండిపడ్డారు. కాకుటూరు శివాలయ భూములను విక్రయించిన వ్యవహారంలో పాత్రపై సోమిరెడ్డి స్పష్టతనివ్వకపోవడమేమిటని ప్రశ్నించారు. కసుమూరులో పట్టాభిరామస్వామి ఆలయ భూము లు, ఎర్రగుంట వద్ద విలువైన ప్రభుత్వ స్థలంలో వినాయకుడి విగ్రహాన్ని ఏర్పాటు చేసి ఆక్రమించడం, కాగితాలపూరు రోడ్డు వద్ద ప్రభుత్వ భూమిని కొట్టేసేందుకు యత్నించడంపై ప్రజలు తీవ్రస్థాయిలో మండిపడుతున్నారని చెప్పారు. భూ ఆక్రమణలపై ప్రశ్నించే వారిపై దాడులు చేయించడం దారుణమన్నారు. పొదలకూరు మండలం చిట్టేపల్లి తిప్ప వద్ద గ్రావెల్‌ను అక్రమంగా తరలిస్తుంటే టీడీపీ నేతలే అడ్డుకున్నారని, మీ అవినీతిని సొంత మనుషులే ప్రశ్నిస్తుంటే ఎమ్మెల్యేగా కొనసాగేందుకు అర్హుడివేనానని ప్రశ్నించారు. వైస్‌ ఎంపీపీ కనుపూరు కోదండరామిరెడ్డి, పార్టీ జిల్లా ఉపాధ్యక్షుడు మందల వెంకటశేషయ్య, మండల కన్వీనర్‌ కొణిదెన మోహన్‌నాయుడు, ఎంపీటీసీ వేమారెడ్డి రఘునందన్‌రెడ్డి, నేతలు ఆరుగుంట ప్రభాకర్‌రెడ్డి, ఈపూరు రజనీకాంత్‌రెడ్డి తదితరులు పాల్గొన్నారు. రాష్ట్ర ప్రజల ప్రయోజనాలను పక్కనబెట్టిన చంద్రబాబు భూ ఆక్రమణలపై ప్రశ్నిస్తే దాడులు చేయిస్తారా..? మాజీ మంత్రి కాకాణి గోవర్ధన్‌రెడ్డి

● సీఎం వస్తున్నారని గ్రీవెన్స్‌ రద్దుఅర్జీలిచ్చేందుకు వచ్చి.. సెక్యూరిటీ గార్డును అడుగుతూ.. తిక్కన ప్రాంగణం ఎదుట తొలగించిన షామియానా వివిధ ప్రాంతాల నుంచి వచ్చి ఎదురు చూస్తున్న అర్జీదారులు ప్రజా సమస్యల పరిష్కార వేదికలో తమ కష్టాలు చెప్పుకునేందుకు సోమవారం వృద్ధులు, మహిళలు నెల్లూరు కలెక్టరేట్‌లోని తిక్కన ప్రాంగణం వద్దకు వచ్చారు. అయితే అక్కడ వారి సమస్యలు వినేందుకు ఒక్క అధికారి కూడా అందుబాటులో లేకపోవడంతో నిరాశతో వెనుదిరగాల్సి వచ్చింది. మంగళవారం సీఎం చంద్రబాబు, డిప్యూటీ సీఎం పవన్‌ కల్యాణ్‌ జిల్లా పర్యటన నేపథ్యంలో గ్రీవెన్స్‌ కార్యక్రమాన్ని రద్దు చేశారు. పర్యటన ఏర్పాట్లలో అధికార యంత్రాంగం నిమగ్నం కావడంతో సమస్యలు చెప్పేందుకు వచ్చిన అర్జీదారులు ఆవేదన చెందారు. వినతిపత్రాలు తీసుకునే వారులేక చెట్ల కింద కూర్చొని గంటల తరబడి ఎదురు చూశారు. ముఖ్యుల పర్యటనల సమయంలో ప్రజా సమస్యల పరిష్కారానికి సంబంధించిన కార్యక్రమాలు రద్దు చేయడంపై విమర్శలు వ్యక్తమయ్యాయి. – సాక్షి ఫొటోగ్రాఫర్‌, నెల్లూరు

● డీఎంహెచ్‌ఓ సుజాత నెల్లూరు(అర్బన్‌): రేబిస్‌ వ్యాధిపై ప్రజలు అవగాహన పెంచుకుని తగిన జాగ్రత్తలు తీసుకోవాలని డీఎంహెచ్‌ఓ సుజాత సూచించారు. ప్రపంచ రేబిస్‌ దినోత్సవం సందర్భంగా సోమవారం నెల్లూరులోని జిల్లా వైద్యశాఖ కార్యాలయంలో అధికారులతో కలిసి వాల్‌పోస్టర్లను ఆవిష్కరించారు. ఈ సందర్భంగా ఆమె మాట్లాడుతూ రేబిస్‌ ప్రాణాంతక వ్యాధి అని తెలిపారు. ఇది సోకిన కుక్కలు, కోతులు, ఇతర జంతువులు కరిచినప్పుడు వ్యాధి సోకే అవకాశం ఉందన్నారు. జంతువు కరిచిన వెంటనే గాయాన్ని శుభ్రం చేసుకుని సమీపంలోని వైద్యుడిని సంప్రదించాలని సూచించారు. ప్రభుత్వ ఆస్పత్రుల్లో రేబిస్‌ నివారణకు అవసరమైన వ్యాక్సిన్లు అందుబాటులో ఉన్నాయని, కుక్కలు లేదా ఇతర జంతువులు కరిచిన వారు ఆలస్యం చేయకుండా వ్యాక్సిన్‌ తీసుకోవాలని తెలిపారు. కార్యక్రమంలో వ్యాధి పర్యవేక్షణ అధికారి డాక్టర్‌ భాస్కర్‌, ఎన్‌సీడీ ప్రోగ్రాం అధికారి డాక్టర్‌ అన్షుధర్‌, డెమో అధికారి కనకరత్నం తదితరులు పాల్గొన్నారు. అడ్డగించి.. కళ్లలో కారం కొట్టి.. ● రూ.3 లక్షలు దోపిడీ మనుబోలు: కంట్లో కారంకొట్టి వైన్‌ షాపు క్యాషియర్‌ నుంచి రూ.3 లక్షలు దోచుకెళ్లిన ఘటన మండల పరిధిలోని బండేపల్లి క్రాస్‌ రోడ్డు సమీపంలో ఆదివారం రాత్రి జరిగింది. బాధితుడు రమేష్‌ సోమవారం పోలీసులకు ఫిర్యాదు చేశాడు. వివరాలిలా ఉన్నాయి. కాగితాలపూరు రోడ్డు పక్కనున్న మద్యం దుకాణంలో చల్లి రమేష్‌ క్యాషియర్‌గా పనిచేస్తున్నాడు. రాత్రి షాపు మూసి మేనేజర్‌ గోపీతో కలిసి బైక్‌పై స్వగ్రామమైన మడమనూరుకు బయలుదేరాడు. బండేపల్లి క్రాస్‌రోడ్డు వద్ద నలుగురు గుర్తుతెలియని వ్యక్తులు రెండు మోటార్‌బైక్‌లపై వచ్చి వారిని అడ్డగించారు. రమేష్‌ కంట్లో కారం చల్లడంతో అతను పడిపోయాడు. ఆపై దాడి చేసి ఆరోజు కలెక్షన్‌ నగదు రూ.3 లక్షలు తీసుకుని పరారయ్యారు. బాధితుడు ఆస్పత్రిలో చికిత్స పొందుతున్నాడు. పోలీసులు కేసు నమోదు చేశారు. కాలువలోకి దూసుకెళ్లిన బైక్‌ ● వ్యక్తికి తీవ్ర గాయాలు చిల్లకూరు: మోటార్‌బైక్‌పై వెళ్తున్న ఓ వ్యక్తి అదుపుతప్పి రోడ్డు పక్కనే ఉన్న కాలువలోకి దూసుకెళ్లడంతో తీవ్రంగా గాయపడిన ఘటన మండలంలోని కడివేడు – కమ్మవారిపాళెం గ్రామాల మధ్య సోమవారం చోటుచేసుకుంది. స్థానికుల వివరాల మేరకు.. కోట మండలం విద్యానగర్‌ ప్రాంతానికి చెందిన వెంకటయ్య బైక్‌పై గూడూరు వైపు వెళ్తున్నాడు. ఈ క్రమంలో ఏమి జరిగిందో తెలియదు కానీ బైక్‌ అదుపుతప్పి రోడ్డు పక్కనే ఉన్న కాలువలోకి దూసుకెళ్లి పడిపోయింది. అటుగా వెళ్తున్న వారు కాలువలో బైక్‌ ఉండటాన్ని గుర్తించారు. 108కు సమాచారం అందించారు. ఘటనా స్థలానికి చేరుకున్న అంబులెన్స్‌ సిబ్బంది అతడికి ప్రథమ చికిత్స అందించారు. షాక్‌ నుంచి తేరుకున్న వెంకటయ్య తాను ఎక్కడ ఉన్నానని ప్రశ్నించడంతో జరిగిన విషయాన్ని వివరించారు. అనంతరం అతని బంధువుల ఫోన్‌ నంబర్లు తెలుసుకుని వారికి సమాచారమిచ్చారు. వెంకటయ్యను చికిత్స నిమిత్తం గూడూరు ఏరియా ఆస్పత్రికి తరలించారు. అనంతరం మెరుగైన వైద్యం కోసం నెల్లూరుకు తీసుకెళ్లారు. ఈ ఘటనపై పోలీసులకు సమాచారం అందలేదు.

● ఏళ్లుగా పూర్తి కాని ప్రాజెక్ట్‌ ● మెట్ట ప్రాంత వాసుల సాగునీటి కల సాకారమయ్యేదెప్పటికో..? ● పట్టించుకోని టీడీపీ ప్రభుత్వం ఉదయగిరి: ఉదయగిరి నియోజకవర్గంలోని వరికుంటపాడు, దుత్తలూరు, ఉదయగిరి, ఆత్మకూరు నియోజకవర్గంలోని మర్రిపాడు మండలాలకు సాగు, తాగునీరందించే వెలిగొండ ప్రాజెక్ట్‌లో అంతర్భాగమైన పెద్దిరెడ్డిపల్లి రిజర్వాయర్‌ పనులు ఏళ్లుగా నిలిచిపోయాయి. 2004లో దివంగత సీఎం వైఎస్సార్‌ హయాంలో నిధులను మంజూరు చేశారు. ఈ క్రమంలో శంకుస్థాపనను అప్పటి ఎంపీ మేకపాటి రాజమోహన్‌రెడ్డి చేపట్టారు. ఆ సమయంలో ప్రాజెక్ట్‌ పనులు పరుగులు పెట్టాయి. అయితే వైఎస్సార్‌ మరణానంతరం దీని గురించి పట్టించుకునే నాథుడే కరువయ్యారు. ఎక్కడేసిన గొంగళి అక్కడే.. అప్పటి కాంగ్రెస్‌ ప్రభుత్వం, ఆ తర్వాతి టీడీపీ సర్కార్‌ సైతం ఈ ప్రాజెక్ట్‌పై కన్నెత్తి చూసిన దాఖలాల్లేవు. దీంతో ఎక్కడేసిన గొంగళి అక్కడే అనే చందంగా పరిస్థితి మారింది. ఫలితంగా ప్రాజెక్ట్‌ చిల్లచెట్లతో అసంపూర్తిగా మిగిలిపోయింది. వాస్తవానికి ఆరు టీఎంసీల సామర్థ్యంతో ప్రాజెక్ట్‌కు రూపకల్పన చేశారు. 3.98 కిలోమీటర్ల ఉపకాలువల ద్వారా నాలుగు మండలాల్లోని 65 వేల ఎకరాలకు సాగునీటిని అందించాలని లక్ష్యంగా నిర్ణయించారు. పనులు ముందుకుసాగేలా గత వైఎస్సార్‌ కాంగ్రెస్‌ పార్టీ ప్రభుత్వ హయాంలో అప్పటి సీఎం జగన్‌మోహన్‌రెడ్డి సంకల్పించారు. అయితే కోవిడ్‌ తదనంతర పరిస్థితులు, వివిధ అడ్డంకులతో నిలిచిపోయాయి. ఏదీ ప్రయోజనం..? వెలిగొండ ప్రాజెక్ట్‌ నుంచి టన్నెల్‌ ద్వారా నల్లమల సాగర్‌కు నీటిని చంద్రబాబు ఇటీవల విడుదల చేశా రు. అయితే ఇక్కడ ప్రధాన కాలువ పూర్తి కాకపోవడంతో పెద్దిరెడ్డిపల్లి రిజర్వాయర్‌కు నీరొచ్చే అవకాశం లేకుండా పోయింది. వెలిగొండ ప్రాజెక్ట్‌కు నీటిని విడుదల చేసినా, ఉదయగిరి ప్రాంత ప్రజలకు చేకూరే ప్ర యోజనమేమీ లేదు. నిధులను మంజూరు చేసే దిశగా ఆయన ఎలాంటి చొరవ చూపడంలేదు. ఇప్పటికై నా ప్రభుత్వం స్పందించాల్సిన అవసరం ఎంతైనా ఉంది.

నెల్లూరు(టౌన్‌): విజయనగరంలోని రామనారాయణపురం దేవాలయం మైదానంలో ఈనెల 27 నుంచి 28వ తేదీ వరకు నిర్వహించిన 46వ ఎన్‌టీపీసీ జూనియర్‌ రికర్వ్‌ రౌండ్‌ ఆర్చరీ చాంపియన్‌షిప్‌ పోటీల్లో గూడూరుకు చెందిన ఎస్‌ఎస్‌ స్పోర్ట్స్‌ అకాడమీ క్రీడాకారులు సత్తా చాటారు. నలుగురు క్రీడాకారులు పతకాలు సాధించి జాతీయ పోటీలకు ఎంపికై నట్లు ఆర్చరీ అసోసియేషన్‌ అధ్యక్ష, కార్యదర్శులు పల్లంరెడ్డి శ్రీహర్ష, పావురాల వేణు సోమవారం తెలిపారు. తరుణీష్‌ జాత్యా ప్రథమ స్థానంలో నిలిచి బంగారు పతకం సాధించగా, కె.చరిత ద్వితీయ స్థానంతో రజత పతకం, ఆర్‌.సాయి మౌర్య, రాజేష్‌ తృతీయ స్థానంలో నిలిచి కాంస్య పతకాలు సాధించారన్నారు. రాజస్థాన్‌లోని జైపూర్‌లో వచ్చే నెల 21 నుంచి 28వ తేదీ వరకు జరిగే 46వ ఎన్‌టీపీసీ జూనియర్‌ ఆర్చరీ చాంపియన్‌షిప్‌ పోటీల్లో వీరు పాల్గొంటారని పేర్కొన్నారు. క్రీడాకారులను తీర్చిదిద్దిన జిల్లా ఆర్చరీ అధ్యక్షుడు, ప్రధాన కార్యదర్శి, కోచ్‌ శివకుమార్‌, మేనేజర్‌ భరద్వాజ్‌ను అభినందించారు.

వాకాడు: సాధారణంగా నీలిరంగులో కనిపించే సముద్రం రెండు రోజులుగా ఆకుపచ్చ ఛాయలో కనిపించడంతో తీర ప్రాంత ప్రజల్లో చర్చ జరుగుతోంది. సముద్ర స్వరూపంలో మార్పులు కనిపిస్తుండటంపై కొంత ఆందోళన కూడా వ్యక్తమవుతోంది. సాధారణంగా కెరటాలు తీరాన్ని తాకే సమయంలో తెల్లటి నురగతో ఉధృతంగా ఎగసిపడుతుంటాయి. ప్రస్తుతం అలల తాకిడి కొంత తగ్గి తీరానికి చేరువలో నీరు ఆకుపచ్చ ఛాయలో కనిపిస్తుండటంతో స్థానికుల్లో చర్చకు దారితీసింది. ఇలాంటి పరిస్థితి మునుపెన్నడూ కనిపించలేదని చెబుతున్నారు. వాతావరణ ప్రభావంతో ఇటీవల బంగాళాఖాతంలో గాలులు, అలల ఉధృతిలో మార్పులు చోటు చేసుకున్నాయి. ప్రస్తుతం ఉత్తరాంధ్ర తీరంలో సముద్ర ఉష్ణోగ్రతలకు సంబంధించి మోస్తరు స్థాయి మైరెన్‌ హీట్‌వేవ్‌ నమోదైనట్లు ఇండియన్‌ నేషనల్‌ సెంటరఫర్‌ ఓషన్‌ ఇన్ఫర్మేషన్‌ సర్వీసెస్‌ (ఇన్‌కాయిస్‌) సమాచారం పేర్కొంటోంది. ఉష్ణోగ్రతల్లో మార్పులా, సముద్రంలో భారీగా కలిసి వ్యర్థాల వల్లా.. వీటిలో ఏది కారణమో తెలియడం లేదని తీర వాసులు భయాందోళనలు వ్యక్తం చేస్తున్నారు.

● ఎన్నికల ప్రక్రియపై రౌండ్‌ టేబుల్‌ సమావేశం నెల్లూరు(వీఆర్సీసెంటర్‌): దేశ ప్రధాన ఎన్నికల కమిషనర్‌ జ్ఞానేశ్‌ కుమార్‌ తన పదవికి వెంటనే రాజీనామా చేయాలని పలువురు రాజకీయ నాయకులు డిమాండ్‌ చేశారు. నెల్లూరులోని జెట్టి శేషారెడ్డి విజ్ఞాన కేంద్రంలో సోమవారం నిర్వహించిన రౌండ్‌ టేబుల్‌ సమావేశంలో వివిధ పార్టీల నాయకులు హాజరయ్యారు. సీపీఐ జిల్లా నాయకులు ఆంజనేయులు అధ్యక్షతన జరిగిన ఈ కార్యక్రమంలో పాల్గొన్న సీపీఎం జిల్లా సెక్రటేరియట్‌ సభ్యుడు మోహన్‌రావు, సీపీఐ ఎంఎల్‌ న్యూడెమోక్రసీ నాయకుడు రాంబాబు, సీపీఎం, సీఐటీయూ నాయకులు చండ్ర రాజగోపాల్‌, టీవీవీ ప్రసాద్‌ మాట్లాడారు. ఎస్‌ఐఆర్‌ ప్రక్రియను వెంటనే రద్దు చేయాలన్నారు. 18 సంవత్సరాల వయసు నిండిన ప్రతి ఒక్కరికీ ఓటు హక్కు కల్పించాలని డిమాండ్‌ చేశారు. ప్రధానమంత్రి నరేంద్రమోదీ, హోంశాఖ మంత్రి అమిత్‌షాకు తొత్తుగా వ్యవహరించి లక్షల ఓట్లను తొలగించి, ఎన్నికల ప్రక్రియను అపహాస్యం చేసేలా వ్యవహరించిన జ్ఞానేశ్‌ కుమార్‌కు ఎన్నికల కమిషనర్‌గా అధికారంలో ఉండే నైతిక హక్కు లేదని, వెంటనే రాజీనామా చేయాలని డిమాండ్‌ చేశారు. అక్టోబర్‌ 2వ తేదీ వరకు జిల్లాలోని అన్ని మండలాలు, పట్టణ కేంద్రాల్లో రౌండ్‌టేబుల్‌ సమావేశాలు, నిరసన ప్రదర్శనలు, ధర్నాలు వంటి కార్యక్రమాలు నిర్వహిస్తున్నామని తెలిపారు. గాంధీ జయంతి సందర్భంగా నగరంలోని వీఆర్సీ హైస్కూల్‌ మైదానం నుంచి అంబేడ్కర్‌ విగ్రహం వరకు ప్రదర్శన నిర్వహిస్తామన్నారు. ఈ కార్యక్రమాల్లో ప్రజలు పెద్ద సంఖ్యలో పాల్గొని విజయవంతం చేయాలని పిలుపునిచ్చారు. సమావేశంలో రైతు సంఘం, కౌలు రైతు సంఘం, సీపీఎం నాయకులు మూలి వెంగయ్య, తుళ్లూరు గోపాల్‌ తదితరులు పాల్గొన్నారు.

రాపూరు: కండలేరు జలాశయంలో సోమవారం నాటికి 17.21 టీఎంసీల నీరు నిల్వ ఉన్నట్లు జలాశయం ఈఈ గజేంద్రరెడ్డి తెలిపారు. కండలేరు నుంచి సత్యసాయి గంగ కాలువకు 130, లోలెవల్‌ కాలువకు 10, పిన్నేరు కాలువకు 5, మొదటి బ్రాంచ్‌ కాలువకు 10 క్యూసెక్కుల నీటిని విడుదల చేస్తున్నట్లు వెల్లడించారు.మందుల కొనుగోలుకు వెళ్లి.. ● గేదెను ఢీకొట్టిన బైక్‌ ● వ్యక్తి మృతి కోవూరు: రోడ్డు ప్రమాదంలో ఓ వ్యక్తి మృతిచెందిన ఘటన పోతిరెడ్డిపాళెం చంద్రశేఖర్‌పురం గిరిజన కాలనీ మార్గంలో ఆదివారం రాత్రి చోటు చేసుకోంది. స్థానికులు, పోలీసుల కథనం మేరకు.. చంద్రశేఖరపురానికి చెందిన నెల్లూరు వెంకయ్య (55)కు ఆస్తమా ఉంది. ఈ నేపథ్యంలో మందులు కొనుగోలు చేసేందుకు మోటార్‌బైక్‌పై వారధి సెంటర్‌లోని మెడికల్‌ షాపునకు వెళ్లాడు. తిరిగి ఇంటికి బయలుదేరాడు. శనైశ్చరస్వామి ఆలయ సమీపంలో గేదెను ఢీకొట్టాడు. దీంతో బైక్‌ అదుపుతప్పి రోడ్డుపై పడిపోయాడు. తీవ్రంగా గాయపడిన వెంకయ్య అక్కడికక్కడే మృతిచెందాడు. సోమవారం పోలీసు లు కేసు నమోదు చేశారు.

● విద్యుదాఘాతానికి గురై వ్యక్తి మృతి వాకాడు: వీధిలైట్లు ఏర్పాటు చేస్తుండగా విద్యుదాఘాతానికి గురై ఓ వ్యక్తి మృతిచెందిన ఘటన మండలంలోని కొండూరుపాళెంలో సోమవారం చోటు చేసుకుంది. స్థానికుల కథనం మేరకు.. సోలా రమేష్‌ (40) గ్రామంలోని బంధువుల ఇంటికి వచ్చాడు. ఊరిలో వీధి దీపాలు ఏర్పాటు చేసేందుకు 20 అడుగుల ఎత్తైన విద్యుత్‌ స్తంభం ఎక్కాడు. లైట్లు అమర్చే క్రమంలో ప్రమాదవశాత్తు పక్కనే ఉన్న 11 కేవీ విద్యుత్‌ తీగ తగలడంతో షాక్‌కు గురైన రమేష్‌ పైనుంచి కింద పడిపోయాడు. స్థానికులు వెంటనే అతడిని వాకాడు ప్రభుత్వాస్పత్రికి తరలించారు. పరిస్థితి విషమంగా ఉండటంతో మెరుగైన వైద్యం నిమిత్తం గూడూరు ప్రభుత్వాస్పత్రికి తీసుకెళ్లేలోపు చనిపోయాడు. రమేష్‌కు భార్య, ముగ్గురు పిల్లలున్నారు. అతడిది తమిళనాడు రాష్ట్రం. ఆరునెలల క్రితం తన భార్యతో గొడవపడి కొండూరుపాళెంలోనే ఉంటున్నట్లు చెబుతున్నారు.

● మాజీ మంత్రి కాకాణి గోవర్ధన్‌రెడ్డి పెళ్లకూరు: అక్రమ కేసులు పెట్టి.. నెలల తరబడి జైల్లో నిర్బంధించి భయపెట్టాలనుకోవడం కూటమి నేతల మూర్ఖత్వమేనని.. జగనన్న సైన్యం బ్లడ్‌లోనే భయం లేదని మాజీ మంత్రి, వైఎస్సార్‌ కాంగ్రెస్‌ పార్టీ జిల్లా అధ్యక్షుడు కాకాణి గోవర్ధన్‌రెడ్డి స్పష్టం చేశారు. మండలంలోని చిల్లకూరులో గల పార్టీ రాష్ట్ర కార్యదర్శి కామిరెడ్డి సత్యనారాయణరెడ్డి నివాసానికి ఆదివారం వెళ్లి ఆయన సతీమణి కామిరెడ్డి ప్రభావతమ్మ, కుటుంబసభ్యులను సూళ్లూరుపేట మాజీ ఎమ్మెల్యే కిలివేటి సంజీవయ్యతో కలిసి ఆదివారం పరామర్శించిన అనంతరం కాకాణి మాట్లాడారు. ఇప్పటికి సుమారు 20కుపైగా ఆక్రమ కేసులను సత్యనారాయణరెడ్డిపై పెట్టి జైలుకు మూడుసార్లు పంపడం కూటమి నియంతృత్వ పాలనకు నిదర్శనమని విమర్శించారు. అధికార పార్టీ నేతలతో కలిసి కొందరు పోలీసులు సాగిస్తున్న చట్ట వ్యతిరేక విధానాలను ప్రజలు గమనిస్తున్నారని చెప్పారు. అధికారం ఏ ఒక్కరికీ శాశ్వతం కాదని, ఇది మారాక కూటమి నేతలతో పాటు పోలీస్‌ అధికారులపై చట్టపరమైన చర్యలు తప్పవని స్పష్టం చేశారు. స్వర్ణముఖి నదిలో యంత్రాలతో ఇసుక అక్రమ తవ్వకాలను గతంలో అడ్డుకున్నందుకు గానూ సత్యనారాయణరెడ్డిని 97 రోజులు జైల్లో పెట్టి పైశాచికానందాన్ని పొందిన అంశాన్ని గుర్తుచేశారు. తాజాగా ఇప్పుడు వ్యవసాయ భూముల్లో పనులు చేసుకుంటుండగా టీడీపీ రౌడీమూకలెళ్లి అడ్డుకొని పోలీసుల సాక్షిగా దాడులకు పాల్పడ్డారని ఆరోపించారు. ఇదే సమయంలో ఘటన స్థలానికి వెళ్తున్న ఓ టీడీపీ కార్యకర్త.. పోలీసులు, రెవెన్యూ, ఇరిగేషన్‌ అధికారులు చూస్తుండగానే అనారోగ్య సమస్యతో కుప్పకూలి మృతి చెందారని, అయితే దాన్నీ రాజకీయం చేస్తూ.. తప్పుడు కేసులను నమోదు చేసి సత్యనారాయణరెడ్డిని మళ్లీ జైలుకు పంపడం దుర్మార్గమన్నారు. అక్రమ కేసులకు సత్యనారాయణరెడ్డి భయపడే రకం కాదని చెప్పారు. ఖాకీల తీరుపై ఆగ్రహం అధికార పార్టీ నేతల ఒత్తిళ్లతో సత్యనారాయణరెడ్డిపై పోలీస్‌ యంత్రాంగం అక్రమ కేసులు పెట్టడం, పలుమార్లు అరెస్ట్‌ చేసి జైలుకు పంపడంపై ఆగ్రహం వ్యక్తం చేశారు. కూటమి ప్రభుత్వమెన్ని కేసులు పెట్టినా చట్టపరంగా పోరాటం చేస్తామని చెప్పారు. అధికార పార్టీ నేతలు సాగిస్తున్న అన్యాయాలను ప్రశ్నించే గొంతులను పోలీసుల ద్వారా నొక్కేయాలనుకోవడాన్ని పనికిమాలిన చర్యగా అభివర్ణించారు. సత్యనారాయణరెడ్డి, ఆయన కుటుంబానికి తమ పార్టీ అధినేత జగన్‌మోహన్‌రెడ్డితో పాటు పార్టీ మొత్తం అండగా ఉంటుందని భరోసా ఇచ్చారు. పార్టీ జిల్లా ఉపాధ్యక్షుడు మద్దాల సోమశేఖర్‌రెడ్డి, మాజీ జెడ్పీటీసీ ప్రిస్కిల్లా, పార్టీ మండలాధ్యక్షుడు వెంకటరత్నం, సుబ్రహ్మణ్యంరెడ్డి, నేతలు మోహన్‌, జనార్దన్‌రెడ్డి, పట్టాభిరెడ్డి, కిశోర్‌యాదవ్‌, గిరిరెడ్డి, వెంకటరాఘవరెడ్డి, రఘునాయుడు తదితరులు పాల్గొన్నారు.

నిబంధనలకు విరుద్ధంగా వెలుస్తున్న రొయ్యల ప్రాసెసింగ్‌ ప్లాంట్లు కాలుష్య కాసారాలుగా మారుతున్నాయి. తమను ఎవరడుగుతారనే ధీమాతో ఇక్కడ వెలువడే వ్యర్థాలను కాలువల్లోకి యథేచ్ఛగా వదులుతున్నారు. ఫలితంగా నీరు కలుషితమై దుర్గంధం వెదజల్లుతుండటంతో పాటు భూములు చౌడుగా మారుతున్నాయి. ఇంత అపార నష్టం సంభవిస్తున్నా, చేష్టలుడిగి చూడటం కాలుష్య నియంత్రణ మండలి వంతవుతోంది. పరిస్థితి ఇదే తరహాలో కొనసాగితే రానున్న రోజుల్లో సమస్య మరింత తీవ్రమయ్యే అవకాశముందని స్థానికులు ఆందోళన వ్యక్తం చేస్తున్నారు. కొడవలూరు: మండలంలో రొయ్యల ప్రాసెసింగ్‌ ప్లాంట్లు ఇబ్బడిముబ్బడిగా వెలిశాయి. ప్రధాన వరద నీటి కాలువలైన మలిదేవి, పైడేరు వెంటే వీటిని నెలకొల్పారు. అయితే ఇక్కడ అంతులేని నిర్లక్ష్యాన్ని ప్రదర్శిస్తూ.. వ్యర్థాలతో కూడిన దుర్గంధభరిత నీటిని కెనాల్స్‌లోకి వదిలేస్తున్నారు. ఫలితంగా పంట దిగుబడి తగ్గుతుండటంతో పాటు నేల చౌడుబారుతోంది. ఈ జలాలను తాగిన పశువులు, గొర్రెలు ఈసుకుపోయి పిల్లలు పుట్టడంలేదు. దుర్వాసనతో సమీప గ్రామాల వారు నరకయాతనను అనుభవిస్తున్నారు. 800 ఎకరాల ఆయకట్టు కొడవలూరు మండలంలో మలిదేవి, పైడేరు కాలువలు ప్రవహిస్తున్నాయి. ఇవి హైవేను దాటి సముద్ర తీరం వరకు పారుతాయి. మలిదేవి కాలువ నీటిని రామన్నపాళెం, మానేగుంటపాడు, ఆలూరుపాడు, మోడేగుంట గ్రామాల్లోని సుమారు 500 ఎకరాల్లో సాగుకు వినియోగిస్తారు. సమీప గ్రామాల వారు తమ పశువులు, గొర్రెలను కాలువ సమీపంలోని పొలాల్లో మేపుతారు. పైడేరు కాలువలోని నీటిని అల్లూరు మండలం నార్తుమోపూరులో 300 ఎకరాల ఆయకట్టుకు వినియోగిస్తారు. ఐదు ప్లాంట్లు నార్తురాజుపాళెం అభివృద్ధి చెందిన గ్రామం కావడం, ఇక్కడికి సమీపంలోనే మలిదేవి కాలువ ఉండటంతో ఐదు రొయ్యల ప్రాసెసింగ్‌ ప్లాంట్లు వెలిశాయి. ఇందులో రొయ్యలను నీటితో శుభ్రపర్చి ఎగుమతి చేస్తుంటారు. ఆపై వచ్చే వ్యర్థాలతో కూడిన దుర్గంధభరితమైన నీటిని తిరిగి కాలువలోకే వదిలేస్తున్నారు. పైడేరు కాలువ పక్కనే గండవరం, పెయ్యలపాళెం మధ్య ఒక ఫ్యాక్టరీని నిర్మించారు. ఇక్కడ సైతం ఇదే సమస్య నెలకొంది. నియంత్రణ చర్యలేవీ..? ఫ్యాక్టరీల ద్వారా వచ్చే కాలుష్యంపై పొల్యూషన్‌ కంట్రోల్‌ బోర్డుకు ఆయా గ్రామాల ప్రజలు పలుమార్లు ఫిర్యాదు చేశారు. అయినా వీరి నుంచి ఎలాంటి స్పందన లభించడంలేదనే ఆవేదన వీరి నుంచి వ్యక్తమవుతోంది. ఏదైనా సందర్భాల్లో పత్రికల్లో కథనాలు ప్రచురితమైన సమయాల్లో ఫ్యాక్టరీలను వీరు సందర్శించి.. ఆపై మిన్నకుండిపోతున్నారని ఆరోపిస్తున్నారు. ఇప్పటికై నా వీటిపై కఠిన చర్యలు చేపట్టి తమ కష్టాలను తీర్చాలని గ్రామస్తులు కోరుతున్నారు. రొయ్యల ప్రాసెసింగ్‌ పేరిట విషాన్ని వదులుతూ.. పైడేరు, మలిదేవి కాలువల్లోకి యథేచ్ఛగా వ్యర్థాలు చౌడు బారుతున్న సాగు భూములు స్పందించని కాలుష్య నియంత్రణ మండలి ఈ కాలువల్లోని నీటిని వరి సాగుకు ఉపయోగించడంతో నేల చౌడు బారుతూ.. దిగుబడులు గణనీయంగా తగ్గుతున్నాయని రైతులు ఆవేదన వ్యక్తం చేస్తున్నారు. పశువులు, గొర్రెలు ముందే మృత్యువాత పడుతున్నాయని వాపోతున్నారు. మలిదేవి కాలువ పక్కనున్న ఫ్యాక్టరీల నుంచి వచ్చే దుర్గంధం కారణంగా నార్తురాజుపాళెం, రామన్నపాళెం, రెడ్డిగుంట, నందులగుంట గ్రామస్తులు విలవిల్లాడుతున్నారు.

● సచివాలయ సిబ్బందికి ఏఐటీయూసీ మద్దతు నెల్లూరు(వీఆర్సీసెంటర్‌): తమ న్యాయమైన డిమాండ్ల సాధన కోసం శాంతియుతంగా నిరసన కార్యక్రమం చేస్తున్న వార్డు, గ్రామ సచివాలయ సిబ్బందిపై పోలీసులు లాఠీచార్జ్‌ చేసి, అక్రమ అరెస్టులు చేయడం మంచిది కాదని ఏఐటీయూసీ జిల్లా ప్రధాన కార్యదర్శి యామాల మధు అన్నారు. నెల్లూరులోని ఏఐటీయూసీ జిల్లా కార్యాలయంలో ఆదివారం ఏర్పాటు చేసిన విలేకరుల సమావేశంలో ఆయన మాట్లాడారు. శాంతియుతంగా కార్యక్రమాన్ని నిర్వహిస్తామని, అందుకు అనుమతి ఇవ్వాలని పోలీసులను అడిగినా అనుమతి ఇవ్వకుండా, నిరసన కార్యక్రమానికి వస్తే క్రిమినల్‌ కేసులు పెడతామని సచివాలయ సిబ్బందిని బెదిరించడం సరికాదన్నారు. ధర్నాచౌక్‌కు వస్తున్న వారిని పోలీసులు రైల్వేస్టేషన్లలో, బస్టాండ్లలో నిర్బంధించి గుర్తుతెలియని ప్రాంతాలకు తరలించడం దారుణమన్నారు. ఎన్ని అవరోధాలు కల్పించినప్పటికీ వేలాది మంది సచివాలయ సిబ్బంది ధర్నాచౌక్‌కు చేరుకోవడంతో జీర్ణించుకోలేని ప్రభుత్వం.. పోలీసులను ఉసిగొల్పి వారిపై లాఠీచార్జ్‌ చేసి, కేసులు పెట్టడం కూటమి ప్రభుత్వానికి మంచిది కాదన్నారు. సచివాలయ సిబ్బంది పోరాటాలకు ఏఐటీయూసీ పూర్తి మద్దతు ఇచ్చి ప్రత్యక్షంగా ఆందోళనలు చేస్తామని హెచ్చరించారు. సమావేశంలో సీపీఐ, ఏఐటీయూసీ నాయకులు నందిపోగు రమణయ్య, సిరాజ్‌, షాన్‌వాజ్‌, షాజహాన్‌, మున్వర్‌ తదితరులు పాల్గొన్నారు.

● ప్రాజెక్ట్‌ చైర్మన్‌పై క్రిమినల్‌ కేసు పెట్టాలి ● వ్యవసాయ కార్మిక సంఘం డిమాండ్‌ నెల్లూరు(వీఆర్సీసెంటర్‌): సోమశిల దక్షిణ కాలువ పనుల్లో రూ.10 కోట్ల ఎఫ్‌డీఆర్‌ నిధుల గోల్‌మాల్‌పై సమగ్ర విచారణ జరిపించి, బాధ్యుడైన సోమశిల ప్రాజెక్టు చైర్మన్‌ కేశవ చౌదరిని వెంటనే తొలగించి ఆయనపై క్రిమినల్‌ కేసు నమోదు చేయాలని ఆంధ్రప్రదేశ్‌ వ్యవసాయ కార్మిక సంఘం జిల్లా అధ్యక్షుడు లీలామోహన్‌ డిమాండ్‌ చేశారు. నెల్లూరు సంతపేటలోని సీపీఐ జిల్లా కార్యాలయంలో ఆదివారం జరిగిన విలేకరుల సమావేశంలో ఆయన మాట్లాడారు. నిధులను స్వాహా చేసినట్లు వస్తున్న ఆరోపణల నేపథ్యంలో కేశవ చౌదరిని విధుల నుంచి తొలగించి సమగ్ర దర్యాప్తు చేపట్టాలని డిమాండ్‌ చేశారు. ప్రభుత్వం రైతులకు సాగునీరు అందించేందుకు విడుదల చేస్తున్న నిధులను వినియోగించాల్సిన అధికారులు, ఉన్నత పదవుల్లో ఉన్న వారు నిర్లక్ష్యంగా వ్యవహరిస్తూ గోల్‌మాల్‌ చేయడంపై పూర్తిస్థాయి విచారణ జరిపించి వాస్తవాలను ప్రజలకు తెలియచేయాల్సిన అవసరం ఉందన్నారు. రాష్ట్ర మంత్రి ఆనం రామనారాయణరెడ్డి నియోజకవర్గంలోని కాలువల పరిస్థితి ఇలా ఉంటే మిగిలిన ప్రాంతాల పరిస్థితి ఏవిధంగా ఉంటుందో అర్థం చేసుకోవచ్చన్నారు. జిల్లాలోని పొదలకూరు, కలువాయి, చేజర్ల మండలాల్లో కాలువల పరిస్థితి దారుణంగా ఉందని, వాటి అభివృద్ధికి, మరమ్మతులకు కేటాయిస్తున్న నిధులు సక్రమంగా వినియోగించకపోవడంతో రైతులు తీవ్ర ఇబ్బందులు పడుతున్నారని తెలిపారు. సాగునీటి కోసం ఎదురుచూస్తున్న రైతులకు న్యాయం చేయాలని డిమాండ్‌ చేశారు. ప్రభుత్వం విచారణ చేసేందుకు విజిలెన్స్‌ అధికారులకు ఆదేశాలు ఇచ్చారన్న సమాచారం అందుకున్న సోమశిల ప్రాజెక్టు చైర్మన్‌ కేశవచౌదరి, ఆయన స్వగ్రామమైన నాగులవెళ్లటూరులో జేసీబీలతో కాలువ పనులు చేస్తున్నట్లు హడావుడి చేయడం జరిగిందని ఆరోపించారు. సమావేశంలో ఏపీ రైతు సంఘం జిల్లా నాయకులు షాన్‌వాజ్‌, సుబ్రహ్మణ్యం, జనార్దన్‌, పమజుల వెంకటేశ్వర్లు పాల్గొన్నారు.

కోట: స్థానిక డీడీ మాల్లోని రెడీమేడ్‌ వస్త్ర దుకాణంలో ఆదివారం ఉదయం అగ్నిప్రమాదం చోటుచేసుకుంది. దుకాణం లోపలి నుంచి పొగలు వస్తుండటాన్ని గుర్తించిన యజమాని ప్రభాకర్‌రెడ్డి వెంటనే ఫైర్‌స్టేషన్‌కు సమాచారం అందించారు. విద్యుత్‌ షార్ట్‌సర్క్యూట్‌ కారణంగా ప్రమాదం జరిగినట్లు ప్రాథమికంగా గుర్తించారు. మంటల్లో దుస్తులు, సామగ్రి కాలిపోయాయి. సమాచారం అందుకున్న ఫైర్‌ సిబ్బంది అక్కడికి చేరుకుని మంటలను అదుపు చేశారు. ఈ ప్రమాదంలో సుమారు రూ.30 లక్షల వరకు నష్టం వాటిల్లినట్లు యజమాని తెలిపారు. విద్యుత్‌ అధికారుల నిర్లక్ష్యం కారణంగానే ఇలాంటి ప్రమాదాలు జరుగుతున్నాయని, లోఓల్టేజీ, హైఓల్టేజీ సమస్యలను గుర్తించి పరిష్కరించడంలో అధికారులు నిర్లక్ష్యం వహిస్తున్నారని ఆయన ఆరోపించారు. జర్నలిస్ట్‌ అవార్డుల దరఖాస్తుల గడువు పొడిగింపు నెల్లూరు(రూరల్‌): 2025 సంవత్సరానికి సంబంధించిన ఉత్తమ జర్నలిస్టు అవార్డుల దరఖాస్తుల గడువును అక్టోబర్‌ 5వ తేదీ సాయంత్రం 5 గంటల వరకు పొడిగించినట్లు సమాచార పౌరసంబంధాల శాఖ సంచాలకుడు కేఎస్‌ విశ్వనాథన్‌ ఆదివారం ఒక ప్రకటనలో తెలిపారు. ప్రభుత్వం 12 విభాగాల్లో అవార్డులు ప్రకటించిందన్నారు. అర్హులైన జర్నలిస్టులు 2025లో ప్రచురితమైన లేదా ప్రసారమైన కనీసం ఐదు వార్తా కథనాలు, వ్యాసాలు, ఫొటోలు, కార్టూన్లు లేదా వీడియో క్లిప్పింగ్స్‌తో దరఖాస్తులను విజయవాడలోని సమాచార పౌరసంబంధాల శాఖ కార్యాలయానికి పంపాలని తెలిపారు. కుక్క అడ్డురావడంతో.. ● అదుపు తప్పిన బైక్‌ ● ఒకరి మృతి, మరొకరికి తీవ్రగాయాలుకలిగిరి: మండలంలోని అయ్యప్పరెడ్డిపాళెం సెంటర్‌ సమీపంలోని జాతీయ రహదారిపై శనివారం అర్ధరాత్రి జరిగిన రోడ్డు ప్రమాదంలో యర్రగుంట్ల మాధవ్‌ (35) అనే వ్యక్తి మృతిచెందాడు. యర్రగుంట్ల బాలాజీ తీవ్రంగా గాయపడ్డాడు. స్థానికులు, పోలీసుల కథనం మేరకు.. ఏఎస్‌పేట మండలం అబ్బాసాహెబ్‌పేట ఎస్సీ కాలనీకి చెందిన బాలాజీ తన అత్త ఊరైన కావలి సమీపంలోని బుడమగుంటకు మాధవ్‌తో కలిసి మోటార్‌బైక్‌పై వెళ్లాడు. అక్కడ పనులు ముగించుకుని ఇద్దరూ తిరిగి కలిగిరికి బయలుదేరారు. అయ్యప్పరెడ్డిపాళెం సెంటర్‌లోని ఎస్టీ కాలనీ వద్దకు చేరుకోగానే బైక్‌కు కుక్క అడ్డుగా వచ్చింది. దానిని ఢీకొనడంతో అదుపు తప్పింది. ఈ ప్రమాదంలో వెనుక కూర్చున్న మాధవ్‌ తల రోడ్డుకు బలంగా తగలడంతో తీవ్రగాయాలై అక్కడికక్కడే మృతిచెందాడు. బాలాజీకి కూడా తీవ్రగాయాలయ్యాయి. ప్రస్తుతం కలిగిరిలోని ఓ ప్రైవేట్‌ వైద్య శాలలో చికిత్స పొందుతున్నాడు. మాధవ్‌ కలిగిరిలోని ఓ హోటల్లో వంట మాస్టర్‌గా పనిచేస్తూ, బయట జరిగే కార్యక్రమాలకు కూడా వంట పనులు చేస్తుంటాడు. మృతుడికి భార్య, రెండేళ్ల కుమార్తె ఉన్నారు. అతని మృతితో అబ్బాసాహెబ్‌పేటలో విషాదం నెలకొంది. సమాచారం అందుకున్న ఏఎస్‌ఐ రామచంద్రయ్య ఘటనా స్థలానికి చేరుకుని వివరాలు సేకరించి కేసు నమోదు చేశారు. మృతదేహాన్ని పోస్టుమార్టం నిమిత్తం ఆదివారం ఆత్మకూరులోని ప్రభుత్వ వైద్యశాలకు తరలించారు. గుండెపోటుతో సీబీసీఐడీ ఎస్సై మృతి సింగరాయకొండ: మండలంలోని సోమ రాజుపల్లి పంచాయతీ టీపీనగర్‌కు చెందిన నెల్లూరు జిల్లా సీబీసీఐడీ ఎస్సై చేవూరి ప్రభాకరరావు (57) గుండెపోటుతో మృతిచెందారు. ఆదివారం స్వగ్రామంలో పోలీస్‌ లాంఛనాలతో అంత్యక్రియలు నిర్వహించారు. ప్రభాకరరావు ఒంగోలులో నివాసం ఉంటూ నెల్లూరు సీబీసీఐడీ ఎస్సైగా విధులు నిర్వర్తిస్తున్నారు. శనివారం సాయంత్రం నెల్లూరు నుంచి ఒంగోలుకు రైలులో వస్తుండగా గుండెలో నొప్పి రావడంతో చికిత్స నిమిత్తం ఒంగోలులోని ప్రైవేట్‌ ఆస్పత్రికి తరలించారు. అక్కడ చికిత్స పొందుతూ చనిపోయారు. ఒంగోలు డీఎస్పీ రాయపాటి శ్రీనివాసరావు, సీఐ పి.శ్రీహరి మృతదేహానికి నివాళులర్పించి కుటుంబసభ్యులను పరామర్శించారు. నిజాయితీ కలిగిన అధికారిగా ప్రభాకరరావుకు గుర్తింపు ఉంది. కేసులను ఛేదించడంలో అతడికి ఉన్న ప్రతిభ కారణంగా ఉన్నతాధికారులు ఏరికోరి నెల్లూరులోని సీబీసీఐడీ శాఖకు బదిలీ చేసుకున్నారు. మృతుడికి భార్య, కుమార్తె, కుమారుడు ఉన్నారు.

నెల్లూరు రూరల్‌: నగరంలోని కలెక్టరేట్లో ఈ సోమవారం నిర్వహించాల్సిన ప్రజా సమస్యల పరిష్కార వేదికను రద్దు చేస్తున్నామని కలెక్టర్‌ హిమాన్షు శుక్లా ఆదివారం ఒక ప్రకటనలో తెలిపారు. సీఎం, డిప్యూటీ సీఎం జిల్లా పర్యటన నేపథ్యంలో ఈ నిర్ణయాన్ని తీసుకున్నామని చెప్పారు. నెల్లూరు(వీఆర్సీసెంటర్‌): నగరంలోని జిల్లా పోలీస్‌ కార్యాలయంలో సోమవారం నిర్వహించాల్సిన ప్రజా సమస్యల పరిష్కార వేదికను రద్దు చేశామని ఎస్పీ అజిత వేజెండ్ల ఒక ప్రకటనలో తెలిపారు. ముఖ్యమంత్రి, ఉప ముఖ్యమంత్రి పర్యటన ఏర్పాట్లలో పోలీస్‌ శాఖ నిమగ్నమైన కారణంగా ఈ నిర్ణయం తీసుకున్నామని, ప్రజలు గమనించాలని కోరారు. నీటి సమస్యను పరిష్కరించకపోతే పోరాటాలు ఉదయగిరి: వెలిగొండ ప్రాజెక్ట్‌లో అంతర్భాగమైన పెద్దిరెడ్డిపల్లి రిజర్వాయర్‌ పనులను పూర్తి చేసి మెట్ట ప్రాంత ప్రజల సాగు, తాగునీటి సమస్యను పరిష్కరించకపోతే పోరాటాలను చేపట్టనున్నామని రైతు సంఘ రాష్ట్ర అధ్యక్షుడు కృష్ణయ్య స్పష్టం చేశారు. స్థానిక పంచాయతీ కార్యాలయ ఆవరణలో రైతు సంఘ జిల్లా సహాయ కార్యదర్శి కాకు వెంకటయ్య అధ్యక్షతన ఆదివారం నిర్వహించిన రైతు సదస్సులో ఆయన మాట్లాడారు. వెలిగొండ ప్రాజెక్ట్‌ రెండో దశ నిర్మాణాలకు రూ.వెయ్యి కోట్లను కేటాయించాలని డిమాండ్‌ చేశారు. వరికుంటపాడు మండలంలోని రామాపురం వద్ద మంగళవారం నిర్వహించనున్న బహిరంగ సభలో ఈ విషయమై సీఎం చంద్రబాబు ప్రకటన చేసేలా ప్రజాప్రతినిధులు చొరవ చూపాలని కోరారు. పెద్దిరెడ్డిపల్లి రిజర్వాయర్‌ పనులు పూర్తయితే బీడు భూములు సాగులోకి వచ్చి వలసలు తగ్గుతాయన్నారు. పేదలకు చెందాల్సిన ప్రభుత్వ భూములను ప్రైవేట్‌ కంపెనీలకు ప్రభుత్వాలు ధారాదత్తం చేయడం దారుణమని చెప్పారు. నేతలు వెంగయ్య, రాజగోపాల్‌, జనార్దన్‌, ప్రసాద్‌, బయన్న, హరినారాయణ, వెంకటేశ్వర్లు, దస్తగిరి అహ్మద్‌, కోడె రమణయ్య, నాయబ్‌ పాల్గొన్నారు. నేటి నుంచి ఎస్జీఎఫ్‌ జిల్లా స్థాయి ఎంపికలునెల్లూరు (టౌన్‌): స్కూల్‌ గేమ్స్‌ ఫెడరేషన్‌ జిల్లా స్థాయి ఎంపికలను సోమవారం నుంచి నిర్వహించనున్నామని ఎస్జీఎఫ్‌ జిల్లా సెక్రటరీ మల్లికార్జునరావు ఆదివారం ఒక ప్రకటనలో తెలిపారు. ● 28న వుషు (అండర్‌ – 17, 19), బాక్సింగ్‌, తైక్వాండో, చెస్‌, ఘట్కా, టెన్నిస్‌ (అండర్‌ – 14, 17, 19), క్రికెట్‌ (అండర్‌ – 14, 19) బాలబాలికల ఎంపికలను ఏసీ స్టేడియంలో నిర్వహించనున్నామని వివరించారు. హ్యాండ్‌బాల్‌ (అండర్‌ – 14, 17, 19) పోటీలను పొదలకూరులోని డీఎన్నార్‌ స్కూల్లో జరపనున్నామని చెప్పారు. ● 29న జూడో, టేబుల్‌ టెన్నిస్‌, బాస్కెట్‌బాల్‌ (అండర్‌ – 14, 17, 19).. వెయిట్‌ లిఫ్టింగ్‌, రెజ్లింగ్‌ (అండర్‌ – 14, 17), క్రికెట్‌ (అండర్‌ – 17) ఎంపికలను ఏసీ స్టేడియంలో నిర్వహించనున్నామన్నారు. రగ్బీ (అండర్‌ – 14, 17, 19) ఎంపికలను పొదలకూరులోని డీఎన్నార్‌ స్కూల్లో జరపనున్నామని పేర్కొన్నారు. ● అక్టోబర్‌ మూడున అథ్లెటిక్స్‌ (అండర్‌ – 17), ఫుట్‌బాల్‌ (అండర్‌ – 14, 17).. ఐదున ఫుట్‌బాల్‌ (అండర్‌ – 19) సెలక్షన్స్‌ను ఏసీ సుబ్బారెడ్డి స్టేడియంలో నిర్వహించనున్నామని ప్రకటించారు. ఉద్యోగుల సమస్యలపై చర్చ ఒంగోలు సిటీ: ఇంటర్మీడియట్‌ ఎడ్యుకేషన్‌ ఎంప్లాయీస్‌ సర్వీస్‌ అసోసియేషన్‌ ఆధ్వర్యంలో జోన్‌ – 3 సర్వసభ్య సమావేశాన్ని ఒంగోలులోని ఏబీఎం జూనియర్‌ కళాశాలలో ఉమ్మడి ప్రకాశం, గుంటూరు, నెల్లూరు జిల్లాల సభ్యులతో ఆదివారం నిర్వహించారు. ఇంటర్మీడియట్‌ ఎడ్యుకేషన్‌ ఎంప్లాయీస్‌ సర్వీస్‌ అసోసియేషన్‌ ఏర్పడి ఏడాది పూర్తవుతున్న సందర్భంగా వార్షికోత్సవాన్ని ఏ విధంగా నిర్వహించాలనే అంశంపై సభ్యుల నుంచి సలహాలు, సూచనలను స్వీకరించారు. ఉద్యోగోన్నతుల ప్రక్రియను ఎలాంటి ఇబ్బందుల్లేకుండా పారదర్శకంగా నిర్వహించినందుకు గానూ ఆర్జేడీ పద్మకు కృతజ్ఞతలను తెలియజేశారు.

చిట్టమూరు: వుల్లాంలో కొలువైన వల్లీ దేవసేన సమేత సుబ్రహ్మణ్వేశ్వరస్వామి బ్రహ్మోత్సవాల్లో భాగంగా రథోత్సవాన్ని నేత్రపర్వంగా ఆదివారం నిర్వహించారు. స్వామి, అమ్మవార్లను రథంపై కొలువుదీర్చి వివిధ పుష్పాలతో అలంకరించి గ్రామ వీధుల్లో ఊరేగించారు. కొబ్బరికాయలు కొట్టి మొక్కులను చెల్లించుకున్నారు. ఉభయకర్తగా ఆలయ కమిటీ మాజీ చైర్మన్‌, వైఎస్సార్‌ కాంగ్రెస్‌ పార్టీ నేత చిల్లకూరు కోదండరామిరెడ్డి వ్యవహరించారు. సాంస్కృతిక కార్యక్రమాల్లో భాగంగా కూచిపూడి, భరతనాట్యాన్ని రాత్రి ప్రదర్శించారు. వాకాడు సీఐ హుస్సేన్‌బాషా, ఎస్సై నాగరాజు తదితరులు పర్యవేక్షించారు.

● చుక్కలనంటుతున్న నిత్యావసర సరుకుల ధరలు ● బెంబేలెత్తుతున్న వినియోగదారులు ● పెళ్లిళ్ల సీజన్లో ఖర్చులు తడిచిమోపెడు పొదలకూరు: నిత్యావసర సరుకుల ధరలు నానాటికీ ఎగబాకుతున్నాయి. కొనబోతే కొరివి.. అమ్మబోతే అడవి అనే చందంగా పరిస్థితి మారుతోంది. దీనికి తోడు గోరుచుట్టుపై రోకటిపోటులా కూరగాయల ధరలు దిగిరావడం లేదు. ఫలితంగా ఏం కొనలేం.. ఏం తినలేం అనే పరిస్థితికి సామాన్యులొస్తున్నారు. అన్నీ ౖపైపెకి.. పశ్చిమాసియాలో యుద్ధమంటూ వంట నూనైపె దిగుమతి సుంకాన్ని అమాంతం పెంచడంతో నిత్యం వినియోగించే నూనె ప్యాకెట్ల ధరలకు రెక్కలొచ్చాయి. బియ్యం క్వింటాల్‌కు రూ.300 నుంచి రూ.500 వరకు పెరిగింది. కందిపప్పు రూ.150 నుంచి రూ.185కు.. పెసరపప్పు రూ.120 నుంచి రూ.130కు.. మినపప్పు రూ.100 నుంచి రూ.125కు.. ఉల్లి ధరలు రూ.70 వరకు అమ్ముతున్నారు. వెల్లుల్లి కిలో రూ.300.. ఎండు మిర్చి రూ.400 పలుకుతోంది. బెల్లం రూ.60 నుంచి రూ.100కు ఎగబాకింది. రేట్లు పెంచేసిన కేటరింగ్‌ నిర్వాహకులు శుభముహూర్తాలొస్తున్న నేపథ్యంలో అక్టోబర్‌లో వివాహాలు ఎక్కువగా ఉన్నాయి. దీంతో మధ్య తరగతి వారిలో టెన్షన్‌ మొదలైంది. పెళ్లిళ్ల సందర్భంగా బంధుమిత్రులకు భోజనాల ఏర్పాటులో నిత్యవసర సరుకులే కీలకం. ఈ తరుణంలో భోజనాల రేట్లను కేటరింగ్‌ నిర్వాహకులు సైతం పెంచేశారు. గ్రామీణ ప్రాంతాలు, పట్టణాల్లో కేటరింగ్‌ నిర్వహించే వారు ఇప్పటి వరకు మనిషికి రూ.125 నుంచి రూ.130 వరకు వసూలు చేసేవారు. అయితే ప్రస్తుతం దీన్ని రూ.150కు పెంచేశారు. ధరలు దిగొస్తేనే మధ్యతరగతి వారు ఊపిరి పీల్చుకునే అవకాశముంది. మరోవైపు హోటళ్ల నిర్వాహకులు సైతం భోజనాల ధరలను పెంచేసి ఆ మేరకు బోర్డులను ఏర్పాటు చేస్తున్నారు.

దుత్తలూరు మండలంలోని ఏపీ మోడల్‌ స్కూల్‌ నెల్లూరు(పొగతోట): ప్రభుత్వ పాఠశాలల్లో ప్రహరీల నిర్మాణాలకు సంబంధించి రూ.కోట్లను స్వాహా చేసిన అధికారులపై చర్యలకు రంగం సిద్ధమైంది. ఈ వ్యవహారంలో ఆఫీసర్లు, సిబ్బందిపై క్రిమినల్‌ కేసులను నమోదు చేయనున్నారు. ఈ ఉదంతంపై సీరియస్‌గా ఉన్న కలెక్టర్‌ హిమాన్షు శుక్లా.. బాధ్యులపై చర్యలకు నోటీసులివ్వాలని ఆదేశించారని తెలుస్తోంది. జరిగిందిదీ.. జిల్లా వ్యాప్తంగా 300 ప్రభుత్వ పాఠశాలల్లో ప్రహరీల నిర్మాణాలకు ప్రణాళికలను సమగ్ర శిక్ష అధికారులు సిద్ధం చేశారు. అయితే ఇందులోనే అక్రమాలకు తెరలేపారు. గతంలో నిర్మించిన వాటికే రెండోసారి బిల్లులను చెల్లించేలా స్కెచ్చేశారు. ఇలా రూ.15 కోట్లకుపైగా కేటాయించేలా చర్యలు చేపట్టారు. వింజమూరు, రాపూరు, మనుబోలు, దగదర్తి, ఉదయగిరి తదితర మండలాల్లో దాదాపు రూ.రెండు కోట్ల మేర బిల్లులను కాంట్రాక్టర్ల బ్యాంక్‌ ఖాతాల్లో జమ చేశారు. వాస్తవానికి వర్కులను సమగ్ర శిక్ష అధికారులు, ఇంజనీరింగ్‌ అధికారుల పర్యవేక్షణలో చేపట్టి.. ఆపై కంప్లీట్‌ చేయాల్సి ఉంది. రూ.24 లక్షల బిల్లుల చెల్లింపులకు సంబంధించిన ఫైల్‌ను డ్వామా పీడీ శ్రీనివాసప్రసాద్‌ ఆన్‌లైన్లో పరిశీలించారు. లోతుగా గమనించగా, సమగ్ర సమాచారం లేకపోవడంతో బిల్లును నిలిపేశారు. విషయాన్ని కలెక్టర్‌ దృష్టికి తీసుకెళ్లగా, విచారణకు ఆదేశాలివ్వడంతో సమగ్ర శిక్ష అవినీతి బాగోతం బయటపడింది. అంతా గందరగోళం తొమ్మిది మండలాల్లో ప్రహరీలను నిర్మించకుండానే చెల్లింపులు చేశారు. వీటికి సంబంధించిన అంచనాలను సిద్ధం చేసి, రికార్డు చేయడం, చెక్‌ మెజర్మెంట్‌, వెండార్‌ను ఎంపిక చేయడం తదితరాలను సమగ్ర శిక్ష అధికారుల ఆధ్వర్యంలో చేపట్టారు. అయితే ఈ అంశాలను పక్కనబెట్టి డ్వామా సిబ్బందిని బాధ్యులను చేస్తున్నారు. బిల్లులను చివర్లో అప్‌లోడ్‌ చేసి పేమెంట్లు చేసేలా డ్వామా సిబ్బంది చర్యలు చేపట్టారు. చేసిన పొరపాటుకు సిబ్బంది నుంచి నగదును రికవరీ చేస్తున్నారు. ఇప్పటి వరకు సుమారు రూ.1.25 కోట్లను కాంట్రాక్టర్ల నుంచి రికవరీ చేశారని సమాచారం. అయితే అక్రమాలకు పాల్పడిన ప్రభుత్వోద్యోగులను రక్షించేందుకు యత్నిస్తున్నారని తెలుస్తోంది. ప్రహరీల అక్రమాలపై లోతుగా విచారణ క్రిమినల్‌ కేసుల నమోదుకు రంగం సిద్ధం ఫోర్జరీ చేశారంటూ తాజాగా ప్రచారం ఫోర్జరీ చేశారంటూ.. ఎస్టిమేషన్స్‌, ఎంబుక్స్‌ తదితరాల్లో తమ సంతకాలను ఫోర్జరీ చేశారని అధికారులు ఆరోపిస్తున్నారు. పనులు జరిగిన అన్ని మండలాల్లో ఇలా ఎలా జరిగిందో పైవాడికే ఎరుక. సమగ్ర శిక్షలో పనిచేస్తున్న అవుట్‌సోర్సింగ్‌ సిబ్బంది చేతివాటం ప్రదర్శించగా, దీనికి ఆ శాఖ అధికారుల సహాయ, సహకారాలు మెండుగా ఉన్నాయనే ఆరోపణలూ వినిపిస్తున్నాయి.

● శ్రావణ్‌ అరెస్ట్‌పై భార్య, తల్లి ఆవేదన నెల్లూరు రూరల్‌: పేద బ్రాహ్మణులపై కక్షసాధింపు చర్యలకు పాల్పడటం తగదని ఫోర్త్‌ ఎస్టేట్‌ ఛానల్‌ సీఈఓ, వైఎస్సార్‌ విద్యార్థి విభాగ మాజీ జిల్లా అధ్యక్షుడు గొల్లపూడి శ్రావణ్‌కుమార్‌ తల్లి జయశ్రీ పేర్కొన్నారు. నగరంలోని జర్నలిస్ట్‌ భవన్‌లో ఆదివారం నిర్వహించిన విలేకరుల సమావేశంలో భార్య షర్మిల, తల్లి జయశ్రీ కన్నీటి పర్యంతమయ్యారు. తన భర్తపై ఎంపీ వేమిరెడ్డి ప్రభాకర్‌రెడ్డి, కోవూరు ఎమ్మెల్యే వేమిరెడ్డి ప్రశాంతిరెడ్డి అక్రమ కేసులు పెట్టి వేధిస్తున్నారని షర్మిల ఆరోపించారు. ఒక కేసులో బెయిలొచ్చే సమయంలో, మరో కేసును నమోదు చేస్తూ ఇబ్బందులు పెడుతున్నారని చెప్పారు. ఎలాంటి తప్పూ చేయకపోయినా తన భర్తను జైలుకు పంపారని ఆవేదన వ్యక్తం చేశారు. తమ కుమారుడికి పుట్టు వెంట్రుకలు తీయించే సమయంలో శ్రావణ్‌ను అరెస్ట్‌ చేయడంతో తండ్రి లేకుండానే కార్యక్రమాన్ని నిర్వహించాల్సి వచ్చిందన్నారు. తండ్రి కోసం పిల్లలు ఎదురుచూస్తున్నారని, వీరి పరిస్థితిని చూసైనా విడుదల చేయాలని కోరారు. అనంతరం జయశ్రీ మాట్లాడారు. శ్రావణ్‌పై ఆధారపడి తాము జీవిస్తున్నామని తెలిపారు. తన కుమారుడు భోజనం చేస్తుంటే మధ్యలో తీసుకెళ్లడం మహాపాపమన్నారు. డబ్బులకు ఆశపడే వ్యక్తి శ్రావణ్‌ కాదని, ఆయన్ను విడుదల చేయాలని వేడుకున్నారు.

● ప్రారంభమైన వెంకటగిరి జనజాతర ● వైభవంగా ఘటోత్సవం సైదాపురం/వెంకటగిరిరూరల్‌: రాష్ట్ర పండగైన వెంకటగిరి పోలేరమ్మ తల్లి జాతర అశేష జనసందోహం నడుమ ఆదివారం అట్టహాసంగా ప్రారంభమైంది. జాతరలో మొదటి ఘట్టంగా భావించే ఘటోత్సవం వైభవంగా జరిగింది. అమ్మవారికి బలి ఇచ్చే దున్నపోతును ఘటం వెంటే ప్రత్యేక వాహనంలో ఊరేగింపుగా తీసుకొచ్చారు. రాజాల ఇంటి వద్ద తొలి పూజలు అందుకునే సమయంలో తొలుత అమ్మవారి దున్నపోతుకు పూజల అనంతరం ఘటం కుండలకు పూజలు చేయాల్సి ఉంది. కానీ ఈ ఏడాది తొలుత ఘటం కుండలకు పూజలు చేసి అమ్మవారి దున్నపోతును వాహనం దించకుండానే కార్యక్రమాన్ని పూర్తిచేశారు. అంతకుముందు కాంపాళెంలో దున్నపోతుకు ప్రత్యేక పూజలు చేశారు. ● పట్టణంలోని గాలిగంగుల దేవస్థానంలో ప్రత్యేక పూజలతో ఘటోత్సవాన్ని ప్రారంభించారు. మధ్యాహ్నం 2:30 గంటల ప్రాంతంలో జీనిగల వారి వీధిలో ఉన్న చాకలి మండపంలో ప్రత్యేక పూజలు నిర్వహించి ప్రారంభించారు. మొదటగా పత్తివారి సాంగ్యాన్ని ఘటం కుండలకు సమర్పించి పూజలు చేశారు. జీనిగల వారివీధి వద్ద ప్రారంభమైన ఘటోత్సవం ఆంజనేయస్వామి గుడివీధి మీదుగా పోలేరమ్మ దేవస్థానం వద్దకు చేరుకుంది. అనంతరం పోలేరమ్మ వీధిగండా రాజావీధి, రాజానగరి వెనుక వైపు గల పత్తివారి ఇంటికి ఘట్టం చేరుకుంది. రాజాల అనుచరులు ఘటానికి ప్రత్యేక పూజలు నిర్వహించారు. ఆ సమయంలో భక్తుల మధ్య ఒక్కసారిగా తోపులాట జరిగింది. పోలీసులు అప్రమత్తమైన లాఠీచార్జి చేయాల్సి వచ్చింది. ● జాతరలో భాగంగా సంప్రదాయబద్ధంగా వస్తున్న ఆచారాలకు పెద్దపీట వేశారు. ఆ రోజుల్లో వెంకటగిరి సంస్థానాధీశుల దగ్గర పనిచేసే తాడిపత్రి వెంకట్రాయులను ఉద్దేశించి ఏమైనా ఆస్తులు, సంపద కోరుకోవాలని సూచించగా.. ఆయన అందుకు ప్రతిగా ‘నాకేమీ వద్దు. పోలేరమ్మ తల్లి జాతరలో ఘటంకు ముందుగా మీ ఇంట పూజలు నిర్వహించిన అనంతరం మా ఇంట రెండో పూజ జరిగేలా చూడాలి’ అని కోరుకోవడంతో అప్పటి నుంచి అదే సంప్రదాయం కొనసాగుతోంది. నాయుడుపేట డీఎస్పీ చెంచుబాబు, ఆలయ ఈఓ శ్రీనివాసులురెడ్డి, సీఐలు రోశయ్య, సంగమేశ్వరరావులు, పోలేరమ్మతల్లి జాతర కమిటీ నిర్వాహకులు ఏర్పాట్లను పర్యవేక్షించారు.

నెల్లూరు(అర్బన్‌): మూడు దశాబ్దాల క్రితం వరకు సమాజంలో గుండెపోటు కేసులు తక్కువగా నమోదయ్యేవి. 60 ఏళ్లు దాటిన వారిలోనే అక్కడక్కడా గుండెపోటు సంభవించేది. ప్రస్తుతం 20 నుంచి 30 ఏళ్లలోపు యువత కూడా హార్ట్‌ స్ట్రోక్‌కు గురవుతున్న ఘటనలు ఆందోళన కలిగిస్తున్నాయి. ఈ నేపథ్యంలో గుండె ఆరోగ్యంపై ప్రజల్లో అవగాహన కల్పించేందుకు ప్రపంచ ఆరోగ్య సంస్థ సెప్టెంబర్‌ 29వ తేదీని వరల్డ్‌ హార్ట్‌ డేగా ప్రకటించింది. ఇందులో భాగంగా జిల్లాలో వైద్యశాఖ ఆధ్వర్యంలో మంగళవారం గుండెను కాపాడుకుందాం అంటూ అవగాహన కార్యక్రమాలు నిర్వహించనున్నారు. జీవనశైలి మార్పుతో.. గతానికి భిన్నంగా మారిన జీవనశైలే ప్రస్తుతం గుండెకు ప్రధాన శత్రువుగా మారింది. జంక్‌ఫుడ్‌, ఫాస్ట్‌ఫుడ్‌ అధికంగా తీసుకోవడం, రాత్రి ఆలస్యంగా నిద్రపోవడం, ఒత్తిడి, వ్యాయామం లేకపోవడం, పొగతాగడం, మద్యం సేవించడం, షుగర్‌, బీపీ, కొలెస్ట్రాల్‌ను నిర్లక్ష్యం చేయడం వల్ల చిన్న వయసులోనే రక్తనాళాలు కుచించుకుపోయే పరిస్థితులు ఏర్పడుతున్నాయి. దీంతో గుండైపె భారం పెరుగుతోంది. ఆందోళనకరంగా.. జిల్లాలో గతంతో పోలిస్తే గుండె జబ్బులు పెరుగుతున్నాయని ఐఎంఏ వైద్యులు పేర్కొంటున్నారు. శీతాకాలంలో గుండెపోటు కేసులు ఎక్కువగా నమోదవుతున్నట్లు అధ్యయనాలు వెల్లడిస్తున్నాయి. కరోనా తర్వాత కూడా కేసులు క్రమంగా పెరుగుతున్నాయని వైద్యులు చెబుతున్నారు. చిన్నారులు, యువత, పెద్దలు అనే తేడా లేకుండా గుండెపోటు రావడం కలవరపరుస్తోంది. గతంలో వింజమూరు మండల కేంద్రంలో ఓ హైస్కూల్‌ విద్యార్థి తరగతి గదిలోనే హార్ట్‌ స్ట్రోక్‌తో కుప్పకూలిన ఘటన చోటుచేసుకుంది. మరోచోట 20 ఏళ్ల యువతి చనిపోయింది. జిల్లాలో సుమారు 3.5 లక్షల మంది ప్రజలు ఏదో ఒక రకమైన జబ్బుతో బాధపడుతున్నట్లు అంచనా. రోజూ సుమారు 1,200 మంది గుండె సంబంధిత సమస్యలతో జిల్లాలోని వైద్యులను సంప్రదిస్తున్నారు. ముందు హెచ్చరికలు ఛాతి మధ్యలో బరువుగా, పిండేసినట్లు నొప్పి రావడం, అది ఎడమ భుజం నుంచి చేతికి, మెడకు, దవడకు పాకడం. కొందరిలో విపరీతంగా చెమటలు పట్టడం, వికారం, తలతిరగడం. కొద్దిగా నడిచినా ఆయాసం, గుండెదడ రావడం. అకారణంగా అలసట, రాత్రిపూట దగ్గు వంటి లక్షణాలు కనిపించడం. ఇలాంటి లక్షణాలను ఏమాత్రం నిర్లక్ష్యం చేయకుండా సమీప వైద్యుడిని సంప్రదించి ఆరోగ్య పరీక్షలు చేయించుకోవాలి. జిల్లాలో పెరుగుతున్న వ్యాధిగ్రస్తులు సుమారు 3.5 లక్షల మంది బాధితులు మారిన జీవనశైలే ప్రధాన కారణం వరల్డ్‌ హార్ట్‌ డే రేపు ఆరోగ్యంగా ఉండాలంటే.. అధిక ఉప్పు, నూనె, మైదా, చక్కెరను తగ్గించాలి. ఆకుకూరలు, తాజా పండ్లు, మొలకలు, గింజలు, చేపలను ఆహారంలో ఎక్కువగా తీసుకోవాలి. రెడ్‌మీట్‌ను తగ్గించాలి. రోజూ కనీసం 30 నుంచి 45 నిమిషాలు వేగంగా నడవాలి. యోగా, ప్రాణాయామం చేయాలి. రోజుకు 7 నుంచి 8 గంటలు నిద్రపోవాలి. పొగతాగడం, మద్యం సేవించడం మానేయాలి. 30 ఏళ్లు దాటిన ప్రతి ఒక్కరూ క్రమం తప్పకుండా బీపీ, షుగర్‌, లిపిడ్‌ ప్రొఫైల్‌ (కొలెస్ట్రాల్‌), ఈసీజీ వంటి పరీక్షలు చేయించుకోవాలి. యువత జిమ్‌లో అతిగా శ్రమించడం, స్టెరాయిడ్లు వాడటం, ఎనర్జీ డ్రింక్స్‌ అధికంగా తీసుకోవడం, రాత్రంతా ఫోన్‌ చూడటం వంటి అలవాట్లకు దూరంగా ఉండాలి. ఫిట్‌నెస్‌ పేరుతో గుండైపె అనవసరమైన ఒత్తిడి పెంచుకోకూడదు. గుండె నొప్పిని గ్యాస్ట్రిక్‌ సమస్యగా భావించి నిర్లక్ష్యం చేయకుండా వెంటనే ఆస్పత్రికి వెళ్లి ఈసీజీ పరీక్ష చేయించుకోవాలి. గుండెపోటు వచ్చిన సందర్భంలో వీలైనంత త్వరగా వైద్య చికిత్స అందించడం కీలకమని వైద్యులు సూచిస్తున్నారు.అవగాహన, అప్రమత్తతతో గుండె జబ్బులకు చెక్‌ మారిన జీవనశైలి నేపథ్యంలో వయసుతో సంబంధం లేకుండా గుండె జబ్బులు ఎక్కువగా వస్తున్నాయి. గుండె జబ్బులపై ప్రజలు అవగాహన పెంచుకుని అప్రమత్తంగా ఉండాలి. ఒత్తిడి తగ్గించుకోవాలి. రాత్రి వేళ భోజనాన్ని ముందుగానే పూర్తి చేసుకునేలా ప్రణాళిక చేసుకోవాలి. ఛాతిలో నొప్పి, మంట, ఆయాసం, చెమటలు పట్టడం వంటి లక్షణాలు కనిపిస్తే నిర్లక్ష్యం చేయకుండా సమీపంలోని వైద్యుడిని సంప్రదించాలి. గుండె సంబంధిత సమస్య ఉన్నా కంగారుపడాల్సిన అవసరం లేదు. సకాలంలో చికిత్స అందిస్తే ఆరోగ్యాన్ని కాపాడుకోవచ్చు. – డాక్టర్‌ కె.నాగేంద్రప్రసాద్‌, గుండెవ్యాధుల నిపుణుడు, ఎనెల్‌ మల్టీస్పెషాలిటీ ఆస్పత్రి

రాపూరు: పెంచలకోనలోని పెనుశిల లక్ష్మీనరసింహస్వామి ఆలయంలో నిర్వహిస్తున్న పవిత్రోత్సవాలు శనివారం వైభవంగా ముగిశాయి. పెనుశిల లక్ష్మీనరసింహస్వామి, ఆదిలక్ష్మీదేవి, చెంచులక్ష్మీదేవి అమ్మవార్ల ఆలయాల్లో నిత్యం చేసే సేవల్లో తెలిసీ తెలియక కలిగిన దోషాల నివారణ కోసం పవిత్రోత్సవాలు నిర్వహించడం ఆనవాయితీ. ఇందులో భాగంగా శనివారం ఉదయం శ్రీవారి క్రేన్‌ మండపంలో స్వామివారికి స్నపన తిరుమంజనం, చతుస్థానార్చన, వేద, దివ్య, ప్రబంధ పారాయణం, మహా పూర్ణాహుతి, పవిత్రాల విసర్జన కార్యక్రమాలు చేపట్టారు. అనంతరం శేష వాహనంపై స్వామి, అమ్మవార్ల ఉత్సవ విగ్రహాలను కొలువుదీర్చి వివిధ రకాల పుష్పాలు, ఆభరణాలతో శోభాయమానంగా అలంకరించి పెంచలకోన మాడవీధుల్లో క్షేత్రోత్సవం నిర్వహించారు.

● హడావుడిగా కాలువ పనులు ● సాక్షి కథనంతో దిగొచ్చిన సర్కార్‌ చేజర్ల: సోమశిల దక్షిణ కాలువ ఆధునికీకరణ కోసం ప్రభుత్వం సుమారు రూ.10 కోట్ల నిధులు మంజూరు చేసింది. ప్రాజెక్ట్‌ చైర్మన్‌ వేలూరు కేశవచౌదరి ఇతర కూటమి నాయకులు ఈ పనులను చేయకుండానే ఎంబుక్‌లలో రికార్డ్‌ చేసి నిధులు దుర్వినియోగం చేశారనే ఆరోపణలున్నాయి. నీటి పారుదల శాఖ కూడా కాంట్రాక్టర్లకు బిల్లులు చెల్లించిందని గత నెల ఆగస్టు 30వ తేదీన సాక్షి దినపత్రికలో ‘రూ.కోట్లు కేశవాయ స్వాహా’ అనే శీర్షికన కథనం ప్రచురించింది. రాష్ట్ర అధికారులకు ఫిర్యాదు టీడీపీలోని ఓ వర్గం దీనిని సోషల్‌ మీడియాలో పెద్ద ఎత్తున ప్రచారం చేసింది. అంతటితో ఆగకుండా రాష్ట్ర ప్రభుత్వానికి ఆధారాలతో సహా ఫిర్యాదు చేయడంతో ఎట్టకేలకు సర్కార్‌ దిగొచ్చి సోమశిల దక్షిణ కాలువ ఆధునికీకరణ పనులపై విజిలెన్స్‌ విచారణకు ఆదేశించింది. ఆదివారం లేదా సోమవారం అధికారులు క్షేత్రస్థాయి పరిశీలన నిమిత్తం వస్తున్నారని తెలిసింది. కాలువ పనులు చేయకుండానే నిధులు స్వాహా చేసిన విషయం ఎక్కడ బయటపడుతుందోనని హడావుడిగా ప్రాజెక్ట్‌ చైర్మన్‌ కేశవ చౌదరి తన స్వగ్రామం నాగుల వెల్లటూరు ప్రధాన రహదారి వెంబడి ఉన్న దక్షిణ కాలువ పనులను శనివారం రెండు జేసీబీల సాయంతో ౖపైపె మెరుగులు దిద్దే పనిలో పడ్డారు. ఓ వైపు కాలువలో నీటి ప్రవాహం ఉన్నప్పటికీ కాలువ పనులు చేపట్టడంపై పలువురు విమర్శలు గుప్పిస్తున్నారు. మరికొన్ని బిల్లుల కోసం.. దక్షిణ కాలువ 6ఎల్‌ పనులకు రూ.9.80 లక్షలు, అదే పనికి రెండో విడతగా మరో రూ.9.80 లక్షలు.. అలాగే 3ఎల్‌ కాలువకు రూ.7.60 లక్షల పని పూర్తికాకుండానే బిల్లులు మూడు నెలల క్రితం ఎంబుక్‌లలో సహా పే అండ్‌ అకౌంట్స్‌ ఆఫీసులో పెండింగ్‌లో ఉంది. పలు ఆరోపణల నేపథ్యంలో పనులకు సంబంధించి క్షేత్రస్థాయి పరిశీలన ఉండటంతో హడావుడిగా పనులు చేపట్టడం కూటమి ప్రభుత్వ డొల్లతనానికి నిదర్శనం. నిధులు భోం చేసిన కాంట్రాక్టర్లందరూ మంత్రి ఆనం ప్రధాన అనుచరులేననే విమర్శలున్నాయి. ఆయనకు తెలిసే అవినీతి తంతు జరిగిందని రైతు సంఘాల నాయకులు ఆరోపిస్తున్నారు.సాక్షిలో ప్రచురితమైన కథనం కాలువలో పారుతున్న నీటిలోనే చేపడుతున్న పనులు

● తెడ్డుపాడులో దొంగల హల్‌చల్‌ దుత్తలూరు(ఉదయగిరి): మండలంలోని తెడ్డుపాడు బీసీ కాలనీలో శుక్రవారం అర్ధరాత్రి దొంగలు హల్‌చల్‌ చేశారు. దీనిపై గ్రామస్తులు ఎస్సై సుభాషిణికి సమాచారం తెలిపినా సీఎం కార్యక్రమంలో బిజీగా ఉన్నామని, తర్వాత చూస్తామని చెప్పినట్లు గ్రామస్తులు తెలిపారు. వారి వివరాల మేరకు.. కాలనీలో పోతులూరి వెంకటేశ్వర్లు ఇంట్లోకి గుర్తుతెలియని వ్యక్తులు చొరబడేందుకు ప్రయత్నించగా కుటుంబ సభ్యులు మేల్కొని కేకలు వేశారు. దీంతో వారు అక్కడి నుంచి పరారయ్యారు. అనంతరం హైస్కూల్లో చొరబడిన దుండగులు వంటసామగ్రిని అపహరించుకుని ఆటోలో పరారయ్యారు. సబ్‌ కలెక్టర్‌ కార్యాలయ గోడలపై మద్యం టెండర్లు ● ఎకై ్సజ్‌ అధికారులపై ఆర్డీఓ ఆగ్రహం చిల్లకూరు: మద్యం దుకాణాలకు సంబంధించిన టెండర్‌ నోటీసులను సబ్‌ కలెక్టర్‌ కార్యాలయ ముఖద్వారం గోడలకు ఎక్సైజ్‌ అధికారులు అంటించారు. దీనిని ఆర్డీఓ అరుణకుమారి దృష్టికి శనివారం పలువురు విలేకరులు తీసుకెళ్లడంతో ఎకై ్సజ్‌ అధికారుల తీరుపై ఆమె తీవ్ర ఆగ్రహం వ్యక్తం చేశారు. దీంతో వారు కార్యాలయానికి వచ్చి అంటించిన నోటీసులను తొలగించారు. చెరువు ఆక్రమణలపై తహసీల్దార్‌ పరిశీలన అల్లూరు: మండలంలోని సింగపేట పరిధిలో రామన్నచెరువు కబ్జాపై సాక్షిలో ప్రచురించిన కథనంపై తహసీల్దార్‌ నవీన్‌కుమార్‌ శనివారం స్పందించారు. క్షేత్రస్థాయిలో పరిశీలించారు. ఈ సందర్భంగా ఆయన మాట్లాడుతూ ఆక్రమణలపై వస్తున్న ఆరోపణలు గల ప్రాంతం తమ రెవెన్యూ పరిధిలోకి రాదని, అయినప్పటికీ మండల సర్వేయర్లతో సర్వే చేయిస్తామని, ఏమైనా ఆక్రమణలు జరిగినట్లు తేలితే కఠిన చర్యలు తీసుకుంటామని స్పష్టం చేశారు. త్వరలోనే సర్వే చేయించి తమ పరిధి వరకు బౌండరీలను గుర్తిస్తామన్నారు. ఆయన వెంట రెవెన్యూ అధికారులు ఉన్నారు. కండలేరులో 17.25 టీఎంసీల నీరు రాపూరు: కండలేరు జలాశయంలో శనివారం నాటికి 17.25 టీఎంసీల నీరు నిల్వ ఉన్నట్లు జలాశయం ఈఈ గజేంద్రరెడ్డి తెలిపారు. కండలేరు నుంచి సత్యసాయిగంగ కాలువకు 130, లోలెవల్‌ కాలువకు 10, పిన్నేరు కాలువకు 5, మొదటి బ్రాంచ్‌ కాలువకు 10 క్యూసెక్కుల నీటిని విడుదల చేస్తున్నట్లు వివరించారు. నిమ్మధరలు(కిలో) పెద్దవి: రూ.150 సన్నవి: రూ.100 పండ్లు: రూ.50

చిట్టమూరు: మల్లాం గ్రామంలోని వల్లీదేవసేన సమేత సుబ్రహ్మణ్వేశ్వరస్వామి బ్రహ్మోత్సవాల్లో భాగంగా శనివారం స్వామివారికి ఫలాభిషేకం నేత్రపర్వంగా నిర్వహించారు. ఆలయ ప్రాంగణంలోని శత స్తంభ కల్యాణ మండపంలో విఘ్నేశ్వరుడు, వల్లీదేవసేన, సుబ్రహ్మణ్వేశ్వరస్వామి, చండికేశ్వరుడు, శివపార్వతులు తదితర దేవతామూర్తుల విగ్రహాలను ప్రతిష్టించారు. ముందుగా పాలు, నెయ్యి, పెరుగు, తేనెతో అభిషేకించారు. అనంతరం అరటి, బత్తాయి, యాపిల్‌, ద్రాక్ష తదితర ఫలాలతో అర్చకుడు భానుప్రకాష్‌శర్మ అభిషేకం గావించారు. ఈ సందర్భంగా స్వామి, అమ్మవార్లు చందనాలంకరణలో భక్తులకు దర్శనమిచ్చారు. రాత్రి నందిసేవ విశేషంగా జరిగింది.

● గ్రామాల్లో వీస్తున్న వైఎస్సార్సీపీ గాలి ● గతంలో ఓటమి భయంతో తప్పుకొన్న టీడీపీ ● మాజీ మంత్రి కాకాణి గోవర్ధన్‌రెడ్డి తోటపల్లిగూడూరు(పొదలకూరు): వైఎస్సార్‌ కాంగ్రెస్‌ పార్టీకి స్థానిక సంస్థల ఎన్నికలు ప్రతిష్టాత్మకమని.. గ్రామాల్లో తమ పార్టీ గాలి వీస్తోందని.. ఎలక్షన్లను శ్రేణులు ధైర్యంగా ఎదుర్కొని విజయం సాధించాలని మాజీ మంత్రి, పార్టీ జిల్లా అధ్యక్షుడు కాకాణి గోవర్ధన్‌రెడ్డి పేర్కొన్నారు. మండలంలోని నరుకూరు రిషి గ్రాండ్‌లో పార్టీ శ్రేణులతో శనివారం నిర్వహించిన విస్తృత స్థాయి సమావేశంలో ఆయన మాట్లాడారు. గతంలో స్థానిక ఎన్నికల్లో పోటీ చేసే ధైర్యం లేక టీడీపీ తప్పుకొందని చెప్పారు. ఎన్నికల వేళ ప్రజలు గుర్తుకొచ్చి పింఛన్లను మంజూరు చేస్తామని ప్రకటించారని విమర్శించారు. తమ పార్టీపై ప్రజల్లో ఆదరణ బాగా పెరిగిందని, గత ప్రభుత్వం.. ప్రస్తుత సర్కార్‌పై బేరీజేసుకుంటున్నారని చెప్పారు. ఈ సమావేశానికి పెద్ద సంఖ్యలో కార్యకర్తలు హాజరుకావడమే ఉదాహరణగా చెప్పొచ్చన్నారు. పోరాడే సత్తా, ధైర్యం టీడీపీకి లేదని, పోలీసులను అడ్డుపెట్టుకొని ఎన్నికలను నిర్వహించేందుకు పన్నాగం పన్నుతోందని ఆరోపించారు. కార్యకర్తల జోలికి ఖాకీలొస్తే ఊరుకునేది లేదని, వారిని న్యాయస్థానాల్లో నిలబెడతామని స్పష్టం చేశారు. అన్ని స్థానాల్లో పోటీ చేయాలి గెలుపోటములతో సంబంధం లేదని, స్థానిక ఎన్నికల్లో అన్ని స్థానాల్లో పోటీ చేయాల్సిందేననే జగన్‌మోహన్‌రెడ్డి ఆదేశాలను కాకాణి గుర్తుచేశారు. దమ్మున్న నేత కావడంతోనే ఇలాంటి ఆదేశాలను పార్టీ నేతలకు ఇచ్చారని పేర్కొన్నారు. చంద్రబాబు తరహాలో అస్త్రసన్యాసం చేయలేదని, ప్రతిపక్షంలో ఉన్నా ఎన్నికలను ధైర్యంగా ఎదుర్కొంటున్నామని తెలిపారు. బూటకపు వాగ్దానాలిచ్చి అధికారంలోకి వచ్చారని, దీనికి సంబంధించి చంద్రబాబు, పవన్‌ కల్యాణ్‌ కలిసి సంతకాలు పెట్టిన హామీ పత్రాలున్నాయని చెప్పారు. అభివృద్ధిపై చర్చకు సిద్ధం సర్వేపల్లి అభివృద్ధిపై బహిరంగ చర్చకు తాను సిద్ధంగా ఉన్నానని సోమిరెడ్డికి సవాల్‌ విసిరారు. ప్రజల సమస్యలు పట్టించుకోకుండా రాజకీయాలు చేస్తున్నారని విమర్శించారు. 27 నెలల్లో ఏ మేరకు అభివృద్ధి చేశారని.. నియోజకవర్గంలోని ఏ గ్రామానికి రమ్మన్నా వచ్చేందుకు సిద్ధంగా ఉన్నానని స్పష్టం చేశారు. అభివృద్ధెక్కడా జరగలేదని.. ఇసుక, మట్టి, బూడిద, గ్రావెల్‌ అక్రమ తరలింపుతో రూ.కోట్లను గడిస్తున్నారని ఆరోపించారు. అనంతరం మండల, గ్రామ కమిటీ బాధ్యుల ఐడీ కార్డులను పార్టీ మండల కన్వీనర్‌ ఉప్పల శంకరయ్యగౌడ్‌, రాష్ట్ర కార్యదర్శి చిల్లకూరు సుధీర్‌రెడ్డికి అందజేశారు.

నెల్లూరు(బారకాసు): మున్సిపల్‌ కార్మికుల పట్ల పాలకుల నిర్లక్ష్య ధోరణి వీడాలని, తక్షణమే పరిష్కారానికి చర్యలు చేపట్టాలని మున్సిపల్‌ వర్కర్స్‌ యూనియన్‌ నాయకులు పందల శ్రీనివాసులు, తాళ్లూరి రమేష్‌, చంద్రమ్మ, భాగ్యమ్మ డిమాండ్‌ చేశారు. ఏపీ మున్సిపల్‌ వర్కర్స్‌ అండ్‌ ఎంప్లాయీస్‌ యూనియన్‌ (సీఐటీయూ) నగర కమిటీ ఆధ్వర్యంలో పాత మున్సిపల్‌ ఆఫీస్‌ ఎదురుగా ఉన్న వెహికల్‌ షెడ్‌ వద్ద పారిశుద్ధ్య కార్మికులు, డ్రైవర్లు ధర్నా చేపట్టారు. అనంతరం వారు మాట్లాడుతూ 60 ఏళ్లు నిండిన వారికి రిటైర్మెంట్‌ బెనిఫిట్స్‌ లేవని, వారసులకు ఉద్యోగం ఇవ్వడం లేదన్నారు. సచివాలయాల్లో ప్రభుత్వ ఉద్యోగులుగా నమోదు చేయడం వల్ల సంక్షేమ పథకాలు కూడా కార్మికులకు వర్తించడం లేదని వాపోయారు. ఇప్పటికై నా పాలకులు సమస్యల పరిష్కారానికి చర్యలు చేపట్టాలని డిమాండ్‌ చేశారు. లేకుంటే ఆందోళనను ఉధృతం చేస్తామని, రాబోయే స్థానిక ఎన్నికల్లో తగిన బుద్ధి చెబుతామని హెచ్చరించారు. యూనియన్‌ నగర గౌరవాధ్యక్షుడు కత్తి శ్రీనివాసులు, నాయకులు ఎం.అశోక్‌, శ్రీనివాసులు, లోకేష్‌, నాగేశ్వరరావు, శివ, షఫీ పాల్గొన్నారు.

మద్యం, పొగతాగే వారు, షుగర్‌, బీపీ, అధిక కొలెస్ట్రాల్‌ ఉన్న వారికి రక్తనాళాలు క్రమేపి పూడుకుపోతుంటాయి. ఇలాంటి వారు ముందు జాగ్రత్తలుగా సంవత్సరానికి ఒక దఫా వాస్కులర్‌ సర్జన్‌ను సంప్రదించి పరీక్ష చేయించాలి. లక్షణాలు లేనివారికి ఎలాంటి స్కానింగ్‌లు అవసరం లేదు. నాడి పట్టుకుని పరిశీలించి రక్తనాళాల్లో రక్త ప్రసరణ సరిగా ఉందో లేదో చెప్పగలరు. ఇప్పటికే లక్షణాలతో బాధపడుతుంటే వాస్కులర్‌ సర్జన్‌ చేసే చికిత్స ద్వారా కాళ్లను కోల్పోయే ప్రమాదం నుంచి బయటపడవచ్చు. రక్తప్రసరణ సరిగా జరిగేందుకు వారానికి ఐదు రోజులు, రోజుకు అర్ధగంట వ్యాయామం చేయాలి. ధూమపానం ఆపేయాలి. ఒత్తిడిని తగ్గించుకోవాలి. జంక్‌ఫుడ్స్‌ను దూరంగా పెట్టాలి. – డాక్టర్‌ వై.సుదర్శన్‌రెడ్డి, వాస్కులర్‌ అండ్‌ ఎండో వాస్కులర్‌ సర్జన్‌, నెల్లూరు

వింజమూరు(ఉదయగిరి): రీవ్యాంప్డ్‌ డిస్ట్రిబ్యూషన్‌ సెక్టార్‌ స్కీమ్‌(ఆర్డీఎస్‌ఎస్‌) ద్వారా ఉమ్మడి నెల్లూరు జిల్లాలో 75 శాతం పనులు పూర్తిచేసి రాష్ట్రంలోనే ముందంజలో ఉన్నట్లు సూపరింటెండెంట్‌ ఇంజినీర్‌ పి.సుధాకర్‌ తెలిపారు. ఆయన శనివారం వింజమూరు మండలం చంద్రపడియలో జరుగుతున్న ఆర్డీఎస్‌ఎస్‌ పనులను పరిశీలించి విలేకరులతో మాట్లాడారు. ఉమ్మడి జిల్లాలో రూ.832 కోట్ల నిధులతో విద్యుత్‌ మౌలిక సదుపాయాల అభివృద్ధి పనులు చేపట్టినట్లు తెలిపారు. ఇప్పటివరకు 75 శాతం పనులు పూర్తికాగా మరో 25 శాతం పనులను 20 ప్రత్యేక బృందాల ద్వారా యుద్ధప్రాతిపదికన పూర్తి చేసేందుకు కృషి చేస్తున్నామన్నారు. ప్రస్తుతం 21,280 కిలోమీటర్ల కండక్టర్‌, రెండు లక్షల విద్యుత్‌ పోల్స్‌తో పనులు చేపట్టామన్నారు. పారిశ్రామిక అభివృద్ధి కోసం ప్రతి గ్రామానికి త్రీఫేజ్‌ విద్యుత్‌ అందుబాటులోకి తెచ్చేందుకు ప్రయత్నిస్తున్నట్లు తెలిపారు. ఆయన వెంట కన్‌స్ట్రక్షన్‌ ఎగ్జిక్యూటివ్‌ ఇంజినీర్‌ కె.పరంధామయ్య ఉన్నారు.

వెంకటాచలం: ప్రజల రక్షణలో పోలీసుల పాత్ర చాలా కీలకమని.. విధి నిర్వహణలో సేవాభావం, విలువలు, క్రమశిక్షణ, నిబద్ధతతో పనిచేయా లని మంత్రి ఆనం రామనారాయణరెడ్డి పేర్కొన్నారు. మండలంలోని చెముడుగుంటలో గల జిల్లా పోలీస్‌ శిక్షణ కేంద్రంలో ట్రెయినింగ్‌ను పూర్తి చేసుకున్న 176 మంది పోలీస్‌ కానిస్టేబుళ్లకు పాసింగ్‌ అవుట్‌ పరేడ్‌ను శనివారం నిర్వహించారు. ప్రతిభ చూపిన వారికి మెడళ్లు, జ్ఞాపికలను అందజేశారు. ఎస్పీ అజిత వేజెండ్ల, ఏఎస్పీ, శిక్షణ కళాశాల ప్రిన్సిపల్‌ సౌజన్య, డీఎస్పీ, వైస్‌ ప్రిన్సిపల్‌ గిరిధర్‌రావు తదితరులు పాల్గొన్నారు. ఎస్సెమ్సీ ఎన్నికలు ఒకటికి వాయిదా నెల్లూరు (టౌన్‌): స్కూల్‌ మేనేజ్‌మెంట్‌ కమిటీ (ఎస్సెమ్సీ) ఎన్నికలను అక్టోబర్‌ ఒకటికి వాయిదా వేశామని డీఈఓ బాలాజీరావు, సమగ్రశిక్ష ఏపీసీ వెంకటసుబ్బయ్య శనివారం ఒక ప్రకటనలో తెలిపారు. తొలుత దీన్ని మంగళవారం నిర్వహించేందుకు నిర్ణయించామని, అయితే పరిపాలన కారణాల రీత్యా వాయిదా వేశామని చెప్పారు. ఎన్నికలను పారదర్శకంగా, నిష్పక్షపాతంగా నిర్వహించడంతో పాటు అన్ని ఏర్పాట్లను చేయాలని సూచించారు. 29న ట్రాఫిక్‌ మళ్లింపు వరికుంటపాడు: మండలంలోని రామాపురం పంచాయతీలో ఈ నెల 29న నిర్వహించనున్న జీరామ్‌జీ పల్లె పండగ – 3.0 కార్యక్రమానికి సీఎం చంద్రబాబు, డిప్యూటీ సీఎం పవన్‌ కల్యాణ్‌ హాజరుకానున్న నేపథ్యంలో ట్రాఫిక్‌ను మళ్లించనున్నామని ఉదయగిరి సీఐ అంకమరావు పేర్కొన్నారు. ఈ మేరకు శనివారం ఆయన మాట్లాడారు. కార్యక్రమం జరిగే రోజున 565వ జాతీయ రహదారిపై రాకపోకలను పూర్తిగా నిలిపేయనున్నామని చెప్పారు. విజయవాడవైపు వెళ్లే వాహనాలను దుత్తలూరు నుంచి కావలి మీదుగా ఒంగోలు వెళ్లాలని పేర్కొన్నారు. పామూరు వైపు వెళ్లే వాహనాలు ఉదయగిరి, సీతారామపురం, సీఎస్‌పురం మీదుగా వెళ్లాలని సూచించారు. ఎస్సై మధుసూదన్‌రావు పాల్గొన్నారు. రేపటి పీజీఆర్‌ఎస్‌ రద్దు నెల్లూరు రూరల్‌: నగరంలోని కలెక్టరేట్లో ఈ సోమవారం నిర్వహించాల్సిన ప్రజా సమస్యల పరిష్కార వేదికను రద్దు చేశామని కలెక్టర్‌ హిమాన్షు శుక్లా తెలిపారు. ఈ మేరకు ఒక ప్రకటనను శనివారం విడుదల చేశారు. శ్రీవారి దర్శనానికి 20 గంటలు తిరుమల: తిరుమలలో భక్తుల రద్దీ శనివారం ఎక్కువగా ఉంది. క్యూ కాంప్లెక్స్‌లోని కంపార్ట్‌మెంట్లు నిండిపోయి.. శిలాతోరణం వద్దకు క్యూ చేరుకుంది. స్వామివారిని 66,014 మంది శుక్రవారం అర్ధరాత్రి వరకు దర్శించుకున్నారు. టైమ్‌ స్లాట్‌ టికెట్లున్న వారికి సకాలంలో దర్శనం లభిస్తోంది. ఇవి లేని వారికి 20 గంటల సమయం పడుతోంది.

నెల్లూరు(అర్బన్‌): కలెక్టర్‌ ఆదేశించినా కనికరం చూపకుండా జియావుల్‌ హక్‌ అనే వ్యక్తికి కారుణ్య నియామకం ఇవ్వలేదని ఆవాజ్‌ అసోసియేషన్‌ నాయకులు శనివారం దర్గామిట్టలోని ఆర్‌అండ్‌బీ కార్యాలయం వద్ద నిరసన చేశారు. ఈ సందర్భంగా ఆవాజ్‌ జిల్లా కార్యదర్శి రషీద్‌ మాట్లాడుతూ ఆర్‌అండ్‌బీ శాఖలో ఓ సీనియర్‌ అసిస్టెంట్‌ 24 ఏళ్లుగా ఇక్కడే విధులు నిర్వర్తిస్తూ ఆశాఖను శాసిస్తోందన్నారు. ఆమె చెప్పినట్లు ఎస్‌ఈ కూడా వినడం దారుణమన్నారు. కారుణ్య నియామకం కింద ఎందుకు ఉద్యోగం ఇవ్వలేదని ఎస్‌ఈని ప్రశ్నిస్తే సీనియర్‌ అసిస్టెంట్‌ సుధామాలిని సంతకం పెట్టడం లేదని చెప్పడం సిగ్గు చేటన్నారు. సీనియర్‌ అసిస్టెంట్‌కు ఎస్‌ఈ భయపడటం దారుణమన్నారు. ప్రభుత్వం స్పందించి విచారణ జరపాలని కోరారు. కార్యక్రమంలో బాధితుడు జియావుల్‌ హక్‌తో పాటు మైనార్టీ నాయకులు పాల్గొన్నారు. ఇంట్లో వైర్లు బిగిస్తుండగా..● విద్యుత్‌ షాక్‌తో వ్యక్తి మృతి సంగం: ఇంట్లో విద్యుత్‌ వైర్లు బిగిస్తుండగా ప్రమాదవశాత్తు విద్యుత్‌ షాక్‌ తగిలి కల్లుగీత కార్మికుడు మృతిచెందిన ఘటన మండలంలోని మర్రిపాడు గ్రామంలో శనివారం జరిగింది. వివరాలిలా ఉన్నాయి. కల్లుగీత పనులు చేసుకుంటూ జీవిస్తున్న పి.మహేంద్ర (40)కు భార్య, ఇద్దరు కుమారులున్నారు. ఈ క్రమంలో ఇంట్లో విద్యుత్‌ వైర్లు బిగిస్తుండగా ప్రమాదవశాత్తు విద్యుత్‌ షాక్‌ తగిలింది. తీవ్రంగా గాయపడిన మహేంద్రను కుటుంబ సభ్యులు ఆస్పత్రికి తరలించే ప్రయత్నం చేసినప్పటికీ అప్పటికే మృతిచెందారు. ఇంటికి పెద్ద దిక్కుగా ఉన్న మహేంద్ర మృతితో కుటుంబ సభ్యులు కన్నీరుమున్నీరుగా విలపించారు. ఈ ఘటనతో మర్రిపాడు గ్రామంలో విషాదఛాయలు అలుముకున్నాయి. సమాచారం అందుకున్న ఎస్సై భోజ్యానాయక్‌ ఘటనా స్థలానికి చేరుకుని కేసు నమోదు చేసి దర్యాప్తు చేస్తున్నారు.

● హైకోర్టు న్యాయమూర్తి జస్టిస్‌ సుబ్బారెడ్డి నెల్లూరు(లీగల్‌): కోర్టుల్లో పెండింగ్‌ కేసులను త్వరితగతిన పరిష్కరించేందుకు చొరవ చూపాలని హైకోర్టు న్యాయమూర్తి, జిల్లా న్యాయపాలన వ్యవహారాల న్యాయమూర్తి జస్టిస్‌ సుబ్బారెడ్డి సూచించారు. జిల్లా కోర్టు కాంప్లెక్స్‌లోని సమావేశ మందిరంలో న్యాయమూర్తులకు జిల్లా స్థాయి శిక్షణ కార్యక్రమాన్ని శనివారం నిర్వహించారు. జస్టిస్‌ సుబ్బారెడ్డి అధ్యక్షత వహించగా, నోడల్‌ ఆఫీసర్‌గా జిల్లా ప్రధాన న్యాయమూర్తి నరసింహమూర్తి వ్యవహరించారు. తొలుత జ్యోతి ప్రజ్వలన చేశారు. జూనియర్‌ సివిల్‌ జడ్జిలుగా జిల్లాలో నూతనంగా నియమితులైన కిశోర్‌ భూషణ బోయిన, యజ్ఞశ్రీ, గౌతమి, శ్రావణిరెడ్డి, మృదులతో ప్రమాణం చేయించారు. పలు అంశాలను నెల్లూరు స్పెషల్‌ మొబైల్‌ కోర్టు న్యాయమూర్తి సాయిరామ్‌, గూడూరు, ఉదయగిరి ప్రిన్సిపల్‌ జూనియర్‌ సివిల్‌ జడ్జీలు మధుబాబు, సత్యకాంత్‌కుమార్‌ వివరించారు. అదనపు జిల్లా జడ్జిలు శరత్‌బాబు, గీత, సుధ, శుభవాణి, జానీబాషా, శైలజ, నిఖిత ఓరా, కే శైలజ, జిల్లా న్యాయసేవాధికార సంస్థ కార్యదర్శి పద్మశ్రీ తదితరులు పాల్గొన్నారు. ఘన స్వాగతం హైకోర్టు జడ్జి, జస్టిస్‌ సుబ్బారెడ్డికి జిల్లా ప్రధాన న్యాయమూర్తి, అదనపు న్యాయమూర్తులు ఘన స్వాగతం పలికారు. అనంతరం పోలీసుల గౌరవవందనాన్ని స్వీకరించి, కోర్టు ఆవరణలో మొక్కలు నాటారు.

● రక్తనాళాల్లో అడ్డంకులతో కాళ్లకు చేరని రక్తం ● చికిత్స ఆలస్యమైతే కాలు తీసేయాల్సిన పరిస్థితి ● కాళ్లకు రక్త ప్రసరణపై అవగాహన మాసోత్సవంగా సెప్టెంబర్‌ ●నెల్లూరు(అర్బన్‌): మన శరీరంలో గుండె నుంచి కాళ్లకు రక్తాన్ని తీసుకెళ్లే దమనులు, తిరిగి గుండెకు రక్తాన్ని తీసుకొచ్చే సిరలు సక్రమంగా పనిచేయకపోవడాన్ని రక్తప్రసరణ లోపం అంటాం. వైద్య భాషలో పెరిపెరల్‌ ఆర్టరీ డిసీజ్‌(పీఏడీ)గా పేర్కొంటాం. 40 ఏళ్లు దాటిన వారిలో.. బీపీ, షుగర్‌ ఉన్న వారిలో ఈ సమస్య ఎక్కువగా వస్తుంది. చికిత్స ఆలస్యమైతే కాళ్లకు రక్త ప్రసరణ సరిగా అందక పుండ్లు పడుతాయి. అవి మానడం కష్టం. పైగా ఇన్‌ఫెక్షన్‌ సోకి ప్రమాదంగా మారుతున్న నేపథ్యంలో కాళ్లనే తొలగించాల్సిన పరిస్థితి ఏర్పడుతుంది. ప్రజల్లో దీనిపట్ల పూర్తిస్థాయిలో అవగాహన కల్పించేందుకు వాస్కులర్‌ సొసైటీ కృషి చేస్తోంది. ప్రభుత్వం సెప్టెంబర్‌ మాసాన్ని కాళ్లకు రక్తప్రసరణపై అవగాహన మాసంగా ప్రకటించి చైతన్య కార్యక్రమాలు చేపడుతోంది. నిర్లక్ష్యం చేయొద్దు కాళ్లలో నొప్పి వస్తోంది.. నడిచేటప్పుడు పిక్కలు పట్టేస్తున్నాయి.. కాసేపు విశ్రాంతి తీసుకుంటే తగ్గిపోతుందంటూ చాలా మంది పట్టించుకోరు. అయితే ఈ లక్షణాలు రక్తప్రసరణ తగ్గిపోవడానికి తొలి సంకేతాలు కావచ్చు. రక్తనాళాల్లో కొవ్వు పేరుకుపోవడం వల్ల కాళ్లలోని కణజాలానికి రక్త ప్రసరణ అందదు. పరిస్థితి ముదిరితే పుండ్లు ఏర్పడి, అవి గాంగ్రిన్‌(కుళ్లడం)కు దారి తీయవచ్చు. కాళ్లకు రక్తప్రసరణపై ప్రజల్లో అవగాహన కల్పించేందుకు ఈనెలలో నిర్వహిస్తున్న అవగాహన కార్యక్రమాల నేపథ్యంలో వైద్యనిపుణులు ముందస్తు జాగ్రత్తలపై దృష్టి సారిస్తున్నారు. గమనించాల్సిన లక్షణాలు నడిచేటప్పుడు పిక్కలు, తొడలు, పాదాల్లో నొప్పి రావడం.. పాదాలు తిమ్మిరిగా ఉండటం, మొద్దుబారడం, పాదాలు చల్లగా ఉండటం పాదం లేదా వేళ్ల రంగు నీలం లేదా నలుపుగా మారుతాయి. అలాగే కాళ్లపై వెంట్రుకలు తగ్గడం, గోళ్లు నెమ్మదిగా పెరగడం, చిన్నగాయాలు, పుండ్లు ఆలస్యంగా మానడం, రాత్రివేళ పాదాల్లో తీవ్రమైన నొప్పి రావడం వంటివి దీని ప్రధాన లక్షణాలు. తొలిదశలో గుర్తిస్తే మేలు ప్రతి రక్త ప్రసరణ సమస్యకు కాలు తొలగించాల్సిన అవసరం లేదు. తొలిదశలో జబ్బును గుర్తిస్తే మందులు, జీవనశైలి మార్పులు, అవసరమైతే యాంజియోప్లాస్టి లేదా ఇతర రక్తనాళాల చికిత్సలతో రోగాన్ని నియంత్రించవచ్చు. కణ జాలం పూర్తిగా దెబ్బతిని గాంగ్రిన్‌ ఏర్పడినప్పుడు మాత్రమే కాలును తొలగించాల్సి ఉంటుంది. 14 శాతం మంది బాధితులు కాళ్లకు రక్తప్రసరణ తగ్గడం వల్ల ప్రపంచ వ్యాప్తంగా 12 నుంచి 14 శాతం ప్రజలు బాధపడుతున్నారు. నిమిషానికి ఇద్దరు వంతున ఈ సమస్యతో కాళ్లను పోగొట్టుకుంటున్నారు. బీపీ, షుగర్‌, కొలెస్ట్రాల్‌ ఉన్నవారు, పొగతాగేవారికి ఇలాంటి సమస్యలు ఎక్కువ.

నెల్లూరు(టౌన్‌): జిల్లాలో క్రికెట్‌ జట్ల ఎంపికలో పారదర్శకత లోపిస్తోందనే ఆరోపణలు వినిపిస్తున్నాయి. గతంలో చోటుచేసుకున్న పలు ఉదంతాలు ఈ అంశాలను తేటతెల్లం చేస్తున్నాయి. ప్రతిభ లేని క్రీడాకారులను ఎంపిక చేశారంటూ గతంలో విమర్శలు వ్యక్తమయ్యాయి. ఎన్డీసీఏలో తెరవెనుక ఓ వ్యక్తి చక్రం తిప్పుతున్నారనే ప్రచారమూ లేకపోలేదు. క్రికెట్‌కు సంబంధించి ఏ నిర్ణయం తీసుకోవాలన్నా, ఈయన కనుసన్నల్లోనే జరుగుతోందని కొందరు వ్యాఖ్యానిస్తున్నారు. ఎంత మంది నమోదు చేసుకున్నారో..? అండర్‌ – 14 జిల్లా జట్టుకు సంబంధించిన రిజిస్ట్రేషన్‌ ప్రక్రియను ఈ నెల 16 నుంచి 23 వరకు చేపట్టారు. 2012, సెప్టెంబర్‌ ఒకటి నుంచి 2014, ఆగస్ట్‌ 31 మధ్య జన్మించిన వారు దీనికి అర్హులని ప్రకటించారు. దీనికి గానూ నెల్లూరు, కావలి, గూడూరు సబ్‌ సెంటర్‌, వెంకటగిరిలో పేర్లు నమోదు చేసుకోవాలని సూచించారు. నగరంలోని ఏసీ సుబ్బారెడ్డి స్టేడియంలో గల క్రికెట్‌ క్రీడా ప్రాంగణంలో ఎంపికలను ఆదివారం నిర్వహించనున్నారు. జిల్లా వ్యాప్తంగా వంద మందికిపైగా క్రీడాకారులు రిజిసే్ట్రషన్‌ చేసుకున్నారని తెలిసింది. ఇదే విషయమై హెడ్‌ కోచ్‌ జుల్కర్‌కు శనివారం రెండు సార్లు ఫోన్‌ చేసినా స్పందించలేదు. వాస్తవానికి వివరాలను శుక్రవారమే చెప్తానన్న ఈయన తాజాగా ఫోన్‌ ఎత్తకపోవడం పలు అనుమానాలకు తావిస్తోంది. ఈ విషయంలో ఇంత గోప్యతను ఎందుకు పాటిస్తున్నారో అంతుచిక్కడంలేదు. సమావేశం నేడు నెల్లూరు డిస్ట్రిక్ట్‌ క్రికెట్‌ అసోసియేషన్‌ సమావేశాన్ని ఏసీ స్టేడియం ప్రాంగణంలో ఆదివారం నిర్వహించనున్నారు. మెన్స్‌ అండర్‌ – 19, ఉమెన్స్‌ అండర్‌ – 15 జట్ల రివ్యూ.. అండర్‌ – 15, 19 ఉమెన్స్‌ జట్ల క్యాంపుల నిర్వహణ.. వాటర్‌ కూలర్‌ కొనుగోలు.. ఇలా మరో రెండు, మూడు అంశాలపై చర్చించనున్నారు. నిధుల్లో రూ.1.5 కోట్ల గోల్‌మాల్‌.. క్రీడాకారులు, తల్లిదండ్రులతో అసభ్య ప్రవర్తన.. ప్రతిభ కనబర్చని వారిని జట్టులోకి ఎంపిక చేయడం లాంటివి చోటుచేసుకున్నాయని, దీనికి సంబంధించిన అసోసియేషన్‌ సెక్రటరీపై చర్యలు చేపట్టాలంటూ అసోసియేషన్‌ అధ్యక్షులకు కొంతమంది తాజా, మాజీ సభ్యులు, అభిమానులు లేఖ రాశారు. ఈ అంశమై అసోసియేషన్‌ ప్రెసిడెంట్‌గా వ్యవహరించిన రాజశేఖర్‌రెడ్డిని గతంలో సంప్రదించగా, విచారణ జరిపి నివేదికను ఇవ్వాల్సిందిగా బాధ్యతను కొందరికి అప్పగించామన్నారు. ఈ వ్యవహారాలపై కలెక్టర్‌ దృష్టి సారించాలని పలువురు కోరుతున్నారు. ఏసీ స్టేడియంలోని క్రికెట్‌ ప్రాంగణం ఎంపికలను ఏ ప్రాతిపదికన నిర్వహిస్తారో.. న్యాయనిర్ణేతలుగా ఎవరు వ్యవహరిస్తారో.. ఇలా ప్రతి అంశంలోనూ గోప్యతే వీరి నుంచి సమాధానమవుతోంది. గతంలో జరిగిన సెలక్షన్లలోనూ వయస్సు తేడా.. ప్రతిభ లేని వారికి ప్రాధాన్యమిచ్చారని ఆరోపిస్తూ ఆంధ్రా క్రికెట్‌ అసోసియేషన్‌కు కొందరు క్రీడాకారుల తల్లిదండ్రులు ఫిర్యాదు చేశారు.

సోమశిల: సోమశిల జలాశయంలో శుక్రవారం సాయంత్రానికి 17.39 టీఎంసీల నీరు నిల్వ ఉంది. ఎగువ ప్రాంతాల నుంచి 10,504 క్యూసెక్కుల ప్రవాహం వస్తోంది. శనివారం శ్రీ 26 శ్రీ సెప్టెంబర్‌ శ్రీ 2026జీరో దందాతో జిల్లాలోని కొందరు వ్యాపారులు కోట్లకు పడగలెత్తుతున్నారు. పన్నులను చెల్లించకుండా ఇతర ప్రాంతాల నుంచి వస్తువులను గుట్టుచప్పుడు కాకుండా దిగుమతి చేసుకొని వినియోగదారులకు అంటగడుతూ భారీగా ఆర్జిస్తున్నారు. ఈ అక్రమాలపై దాడులు జరిపి ప్రభుత్వాదాయాన్ని పెంచాల్సిన అధికారులు అందుకు భిన్నంగా వ్యవహరిస్తూ, తమ జేబులు నింపుకోవడంపైనే ధ్యాస పెడుతున్నారు. నెల్లూరు(టౌన్‌): జిల్లాలోని వ్యాపార రంగంలో జీరో దందా నడుస్తోంది. కొందరు వ్యాపారులు మాఫియాగా ఏర్పడి ఇతర రాష్ట్రాల నుంచి ఎలాంటి వే బిల్లుల్లేకుండా వివిధ వస్తువులను భారీగా తీసుకొచ్చి విక్రయాలను సాగిస్తున్నారు. ఇలా ప్రతి నెలా రూ.కోట్లల్లో వ్యాపారం జరుగుతోంది. ప్రధానంగా బంగారం, వెండి ఆభరణాలను పెద్ద మొత్తంలో తీసుకొస్తున్నారు. బెంగళూరు, చైన్నె, ముంబై, ఢిల్లీ, సూరత్‌ తదితర ప్రాంతాల నుంచి ఎలక్ట్రానిక్స్‌, ఎలక్ట్రికల్స్‌, రకరకాల దుస్తులనూ తరలిస్తూ పెద్ద ఎత్తున విక్రయాలు సాగిస్తున్నారు. ఇందులో 80 శాతానికిపైగా వస్తువులకు బిల్లులే ఉండవని వ్యాపారులే చెప్తున్నారు. వస్తువులను ప్రతి నెలా భారీగా విక్రయిస్తున్నా, జీఎస్టీ అధికారులకు మాత్రం మొక్కుబడిగా రూ.వేలల్లో వ్యాపారం జరుగుతోందని చూపుతున్నారు. జిల్లాలో ఇలా.. జిల్లా పరిధిలో 17 వేల మందికిపైగా రెగ్యులర్‌.. 3500 మందికిపైగా కాంపోజిషన్‌ పన్ను చెల్లింపుదారులున్నారు. ఏడాదికి రూ.20 లక్షల నుంచి రూ.50 లక్షల్లోపు వ్యాపారం చేసే డీలర్లు ప్రతి మూడ్నెల్లకోసారి.. రూ.50 లక్షలకుపైగా వ్యాపారం చేసే డీలర్లు.. రిటర్న్స్‌ను ప్రతి నెలా చూపాల్సి ఉంది. ప్యాక్‌ చేసిన ఆహార పదార్థాలు, నెయ్యి, వెన్న, సోపులు, షాంపులు, టూత్‌పేస్ట్‌, రూ.2500లోపుండే దుస్తులుకు ఐదు శాతం జీఎస్టీని చెల్లించాలి. సిమెంట్‌, టీవీలు, ఏసీలు, రెఫ్రిజిరేటర్లు, కంప్యూటర్లు, మొబైళ్లు, ల్యాప్‌టాప్‌లు ఇతర ఎలక్ట్రానిక్స్‌, ఎలక్ట్రికల్స్‌, సాధారణ మోటార్‌ వాహనాలకు 18.. ఖరీదైన లగ్జరీ కార్లు, పొగాకు ఉత్పత్తులు, సిగరెట్లు, పాన్‌ మసాలా, కూల్‌డ్రింక్స్‌ తదితరాలపై 40.. బంగారం, వెండిపై మూడు శాతం జీఎస్టీని చెల్లించాలి. నిద్రావస్థలో.. జిల్లాలో దుకాణాదారుల ఆగడాలపై తనిఖీలను విజిలెన్స్‌ అధికారులే చేపడుతున్నారు. వాస్తవానికి వే బిల్లుల్లేకపోయినా.. జీఎస్టీని చెల్లించకపోయినా.. అధిక ధరలకు విక్రయిస్తున్నా.. డూప్లికేట్‌, నాసిరకం వస్తువులను అమ్ముతున్నా, తనిఖీలు చేయాల్సింది జిల్లా వాణిజ్య పన్నుల శాఖ అధికారులు. అయితే వీరికి ఏ మాత్రం పట్టడంలేదనే విమర్శలు వినిపిస్తున్నాయి. జిల్లాలోని వ్యాపారుల నుంచి మామూళ్లను పుచ్చుకొని కార్యాలయాలకే పరిమితమవుతున్నారనే ఆరోపణలూ లేకపోలేదు. వ్యాపారం ఎంత జరిగినా.. వ్యాపారి చెల్లించినంత జీఎస్టీకే పచ్చజెండా ఊపుతున్నారు. విజిలెన్స్‌ అధికారులు గుర్తిస్తున్న అక్రమాలను.. వాణిజ్య పన్నుల అధికారులు ఎందుకు నిగ్గుతేల్చలేకపోతున్నారనేదే అంతుచిక్కని ప్రశ్నగా మిగిలింది. ఫలితంగా ప్రభుత్వాదాయానికి భారీగా గండిపడుతోంది. కాగా జీఎస్టీ ఎగవేతపై వాణిజ్య పన్నుల శాఖ జేసీ కిరణ్‌ను సంప్రదించగా, ఆయన అందుబాటులోకి రాలేదు. ఇతర ప్రాంతాల నుంచి బంగారం, ఎలక్ట్రానిక్స్‌ జిల్లాకు రాక విక్రయాలు రూ.లక్షల్లో.. లెక్కల్లో చూపేది రూ.వేలల్లో జీఎస్టీకి భారీగా ఎగనామం ఒరిజినల్స్‌ స్థానంలో డూప్లికేట్‌ను విక్రయిస్తూ.. విజిలెన్స్‌ అధికారుల తనిఖీల్లో వెలుగుచూస్తున్న ఎగవేతలు మామూళ్లతో సరిపుచ్చుకుంటున్న ఆఫీసర్లు ప్రభుత్వాదాయానికి భారీగా గండి ఎలక్ట్రికల్స్‌, ఎలక్ట్రానిక్స్‌ రంగంలో డూప్లికేట్‌ వస్తువులను తీసుకొచ్చి, వాటికి ఆయా కంపెనీల బ్రాండ్ల స్టిక్కర్లను అతికించి వినియోగదారులకు అధిక మొత్తానికి అంటగడుతున్నారు. ఉదాహరణకు ఎలక్ట్రికల్‌ ఒరిజినల్‌ వైర్లకు సంబంధించి క్యూఆర్‌ కోడ్‌ ఉండాలి. అయితే ఇవేవీ లేకుండానే అమ్ముతున్నారు. బిల్లులను అడిగితే తెల్ల కాగితంపై ధరేసి ఇస్తున్నారు. జీఎస్టీ నంబర్‌తో ఉన్న ఒరిజినల్‌ బిల్లును ఎక్కడా ఇవ్వడం లేదు. ఒక వేళ అడిగితే వస్తువు ధర పెరుగుతుందనే సమాధానమొస్తోంది. మరోవైపు రూ.300కుపైగా ఉన్న ప్రతి వస్తువుకూ బిల్లును తప్పక ఇవ్వాలనే నిబంధన ఉన్నా, జిల్లాలో ఎక్కడా అమలు కావడంలేదు.

నెల్లూరు(పొగతోట): జెడ్పీ ప్రత్యేకాధికారిగా బాధ్యతలను కలెక్టర్‌ హిమాన్షు శుక్లా శుక్రవారం స్వీకరించారు. వరికుంటపాడులోని ఎంపీడీఓ కార్యాలయంలో నిర్వహించిన కార్యక్రమంలో జెడ్పీ సీఈఓ వసుమతి, పీఆర్‌ ఎస్‌ఈ కోటేశ్వరరావు పాల్గొన్నారు. అకడమిక్‌ ఇన్‌స్ట్రక్టర్ల పోస్టులకు దరఖాస్తు చేసుకోండి నెల్లూరు (టౌన్‌): జిల్లాలోని పాఠశాలల్లో అకడమిక్‌ ఇన్‌స్ట్రక్టర్లుగా పనిచేసేందుకు దరఖాస్తులను ఆహ్వానిస్తున్నామని డీఈఓ బాలాజీరావు శుక్రవారం ఒక ప్రకటనలో తెలిపారు. 23 ఖాళీలున్నాయని, ఎస్జీటీ పోస్ట్‌కు ఇంటర్‌, డీఎల్‌ఈడీ కోర్సులను చదివి ఉండాలని చెప్పారు. స్కూల్‌ అసిస్టెంట్‌ పోస్ట్‌కు సంబంధిత సబ్జెక్ట్‌లో డిగ్రీ, బీఈడీతో పాటు టెట్‌లో అర్హత సాధించి ఉండాలన్నారు. పూర్తిస్థాయి అర్హత గల అభ్యర్థులు లభ్యం కాని సందర్భంలో ఇంటర్‌ చదివిన వారిని ఎస్జీటీ పోస్ట్‌కు.. డిగ్రీ చదివిన వారిని స్కూల్‌ అసిస్టెంట్‌ పోస్ట్‌కు ఎంపిక చేసే వెసులుబాటుందని వివరించారు. వివరాలకు ఎంఈఓను సంప్రదించాలని సూచించారు. వింజమూరులో జాబ్‌ మేళా నేడు నెల్లూరు(పొగతోట): వింజమూరులోని నేతాజీ డిగ్రీ కళాశాలలో జాబ్‌మేళాను ఏపీఎస్సెస్డీసీ, ఎంప్లాయ్‌మెంట్‌ ఆఫీస్‌, సీడాప్‌ ఆధ్వర్యంలో శనివారం ఉదయం తొమ్మిది నుంచి మధ్యాహ్నం రెండు వరకు నిర్వహించనున్నామని జిల్లా నైపుణ్యాభివృద్ధి అధికారి అబ్దుల్‌ ఖయ్యూం శుక్రవారం ఒక ప్రకటనలో పేర్కొన్నారు. 16 కంపెనీల ప్రతినిధులు హాజరుకానున్నారని చెప్పారు. పదో తరగతి, ఇంటర్‌, ఐటీఐ, డిప్లొమా, ఏదైనా డిగ్రీ, పీజీ, బీటెక్‌ చదివిన వారు ఈ అవకాశాన్ని సద్వినియోగం చేసుకోవాలని, వివరాలకు 91778 24585, 99888 53335 నంబర్లను సంప్రదించాలని సూచించారు. ఏడు వరకు అంగన్‌వాడీ ఉత్సవాలు నెల్లూరు(పొగతోట): సేవా సంకల్ప్‌ అభియాన్‌ అమల్లో భాగంగా అంగన్‌వాడీ కేంద్రాల్లో అంగన్‌వాడీ ఉత్సవాలను వచ్చే నెల ఏడు వరకు నిర్వహించాలని ఐసీడీఎస్‌ పీడీ నాగశైలజ శుక్రవారం ఒక ప్రకటనలో పేర్కొన్నారు. పౌష్టికాహారం, తల్లీబిడ్డ ఆరోగ్యం, చిన్నారుల ఎదుగుదల, విద్యా తదితర సేవలను అర్హులైన కుటుంబాలకు చేరువ చేయడమే కార్యక్రమ ప్రధాన ఉద్దేశమని చెప్పారు. తల్లులు, గర్భిణులు, పిల్లలు, స్థానిక ప్రజల భాగస్వామ్యంతో కార్యక్రమాలను ఉత్సహంగా నిర్వహించేలా సీడీపీఓలు, సూపర్‌వైజర్లు, ఏఎన్‌ఎంలు, ఆశ కార్యకర్తలు చర్యలు చేపట్టాలని సూచించారు. ఇంటర్‌ పరీక్ష ఫీజును అక్టోబర్‌లోపు చెల్లించొచ్చు నెల్లూరు(టౌన్‌): జిల్లాలోని అన్ని జూనియర్‌ కళాశాలల్లో చదువుతున్న ఇంటర్‌ ప్రథమ, ద్వితీయ సంవత్సర విద్యార్థులు 2026 – 27 విద్యా సంవత్సరానికి సంబంధించిన పరీక్ష ఫీజును అక్టోబర్‌ 29లోపు చెల్లించాలని ఆర్‌ఐఓ వరప్రసాదరావు శుక్రవారం ఒక ప్రకటనలో తెలిపారు. రూ.వెయ్యి అపరాధ రుసుముతో నవంబర్‌ పదిలోపు చెల్లించొచ్చని చెప్పారు. విద్యార్థులు సకాలంలో ఫీజు చెల్లించేలా సంబంధిత కళాశాలల ప్రిన్సిపల్స్‌ చర్యలు చేపట్టాలని కోరారు.

● మాజీ మంత్రి కాకాణి గోవర్ధన్‌రెడ్డి ముత్తుకూరు(పొదలకూరు): స్థానిక సంస్థల ఎన్నికల్లో వైఎస్సార్‌ కాంగ్రెస్‌ పార్టీ శ్రేణులు సత్తాచాటి అత్యధిక స్థానాలను సాధించేలా కృషి చేయాలని మాజీ మంత్రి, పార్టీ జిల్లా అధ్యక్షుడు కాకాణి గోవర్ధన్‌రెడ్డి పిలుపునిచ్చారు. ముత్తుకూరులో శుక్రవారం నిర్వహించిన మండల కార్యకర్తల విస్తృత స్థాయి సమావేశంలో ఆయన మాట్లాడారు. గత ప్రభుత్వ హయాంలో అప్పటి సీఎం జగన్‌మోహన్‌రెడ్డి మంజూరు చేసిన పింఛన్లనే టీడీపీ నేతలు ప్రస్తుతం అందజేస్తున్నారని చెప్పారు. కొత్త వాటిని కూటమి ప్రభుత్వం నేటికీ మంజూరు చేయలేదని ఆరోపించారు. ఎన్నికల సమయంలోనే చంద్రబాబుకు ప్రజలు గుర్తుకొస్తారని.. ఓట్లను కొల్లగొట్టేందుకు బూటకపు హామీలిస్తుంటారని విమర్శించారు. వైఎస్సార్‌ కాంగ్రెస్‌ పార్టీకి మద్దతుగా నిలిస్తే పింఛన్లను ఎగ్గొడతారేమోననే అభిప్రాయాన్ని ప్రజల్లో టీడీపీ నేతలు కల్పిస్తున్నారని దుయ్యబట్టారు. గతంలో రుణ మాఫీ చేస్తానని చెప్పి.. హామీ పత్రాలను అందజేసి మోసగించిన అంశాన్ని గుర్తుచేశారు. నాడు మత్స్యకారేతర ప్యాకేజీ అమలు తమ ప్రభుత్వ హయాంలో ముత్తుకూరు మండలంలో మత్స్యకారేతర ప్యాకేజీను అందజేశామని పేర్కొన్నారు. ప్యాకేజీ కింద ఒక్కో కుటుంబానికి రూ.25 వేల చొప్పున అందజేశామని, అయితే ఎన్నికల కోడ్‌తో అప్పట్లో కొద్ది మందికి అందించలేకపోయామని చెప్పారు. అప్పట్లో విమర్శలు చేసిన సోమిరెడ్డి.. ఇప్పుడెందుకు మౌనం వహించారని ప్రశ్నించారు. మిగిలిపోయిన మత్స్యకారేతర కుటుంబాలకు బకాయిలను అందజేయాలని డిమాండ్‌ చేశారు. నేలటూరు వద్ద ఫిషింగ్‌ జెట్టీ పనులను నిలిపేశారని.. అదానీ కృష్ణపట్నం పోర్టు యాజమాన్యమే దీన్ని పూర్తి చేసేలా అప్పట్లో పునాది రాయిని వేశారని తెలిపారు. పనులను అర్ధాంతరంగా నిలిపేసి అదనపు నిధుల పేరుతో మత్స్యకారుల ప్రయోజనాలను దెబ్బతీసేలా ప్రవర్తిస్తున్నారని ఆరోపించారు. జెట్టీ పనులను 70 శాతం పూర్తి చేస్తే.. కూటమి ప్రభుత్వం ఏర్పడి 28 నెలలు కావస్తున్నా, ఇప్పటి వరకు మిగిలిన వాటిని ప్రారంభించలేదని విమర్శించారు. అంకితభావంతో పనిచేశారు.. ఎస్‌ఐఆర్‌ కార్యక్రమంలో తమ పార్టీ కార్యకర్తలు అంకితభావంతో పనిచేశారని చెప్పారు. బూత్‌ లెవల్‌ ఏజెంట్లు, నేతలను అభినందించారు. సర్వేపల్లిలో సీఎస్సార్‌ నిధులు దుర్వినియోగమవుతున్నాయని, సోలార్‌ లైట్ల కుంభకోణం జరిగిందని ఆరోపించారు. ఇప్పటికే పెద్ద లైట్లున్న వాటి మధ్యలో సోలార్‌ లైట్లేశారని దుయ్యబట్టారు. పార్టీ కమిటీలు, అనుబంధ కమిటీల బాధ్యుల గుర్తింపు కార్డులను మండల కన్వీనర్‌ మెట్టా విష్టువర్ధన్‌రెడ్డికి అందజేశారు. నేతలు నెల్లూరు శివప్రసాద్‌, గండవరం సుగుణ, దువ్వూరు విశ్వమోహన్‌రెడ్డి, ఈదూరు రామ్‌ప్రసాద్‌రెడ్డి, కోదండరామిరెడ్డి, ఆలపాక శ్రీనివాసులు, రాగా వెంకటేశ్వర్లు, ఎల్లంగారి సాయి, వెంకటేశ్వర్లు, నవీద్‌బాషా, చెంగారెడ్డి, సురేష్‌, అశోక్‌రెడ్డి తదితరులు పాల్గొన్నారు.

నెల్లూరు(క్రైమ్‌): జిల్లాలో 51 మద్యం దుకాణాలకు దరఖాస్తులను ఆహ్వానిస్తున్నామని ప్రొహిబిషన్‌ అండ్‌ ఎకై ్సజ్‌ డిప్యూటీ కమిషనర్‌ శంకరయ్య పేర్కొన్నారు. బీవీనగర్‌లోని ఎకై ్సజ్‌ కార్యాలయంలో వివరాలను శుక్రవారం ఆయన వెల్లడించారు. జిల్లాలో 198 మద్యం దుకాణాలకు గానూ 154 షాపుల లైసెన్స్‌లు రెన్యువల్‌ అయ్యాయని చెప్పారు. వీటికి నోచుకోని 44 షాపులతో పాటు గతంలో వివిధ కారణాలతో రద్దు చేసిన ఏడు దుకాణాలతో కలిపి 51కి నోటిఫికేషన్‌ను విడుదల చేశామన్నారు. దాఖలుకు తుది గడవు అక్టోబర్‌ ఒకటి అర్థరాత్రి 12 వరకు అని, ఒక్కో దరఖాస్తుకు రూ.మూడు లక్షల నాన్‌ రీఫండబుల్‌ ఫీజు, ప్రాసెసింగ్‌ ఫీజుగా రూ.వెయ్యిని చెల్లించాల్సి ఉంటుందని తెలిపారు. ఒక్కో వైన్‌ షాపునకు పది దరఖాస్తులొస్తేనే డ్రాను తీయనున్నామని వెల్లడించారు. ఆసక్తి గల వారు ఆఫ్‌లైన్‌, ఆన్‌లైన్‌, హైబ్రిడ్‌ విధానంలో దరఖాస్తులను దాఖలు చేయొచ్చని చె ప్పారు. అక్టోబర్‌ మూడున పరిశీలన.. కలెక్టర్‌ సమక్షంలో లా టరీ డ్రాను ఐదున తీసి ఎంపికై న వారికి లైసెన్స్‌లను జారీ చే యనున్నామని ప్రకటించారు. జిల్లా ప్రొహిబిషన్‌ అండ్‌ ఎకై ్సజ్‌ అధికారి శ్రీనివాసులునాయుడు, నెల్లూరు – 1 ఇన్‌స్పెక్టర్‌ రమేష్‌బాబు తదితరులు పాల్గొన్నారు.

నెల్లూరురూరల్‌: డీఎస్సీ నియామక ప్రక్రియలో అక్రమాలు జరిగాయని, దీనిపై సీబీఐ విచారణ జరిపించాలని వైఎస్సార్‌టీయూసీ జిల్లా అధ్యక్షుడు బోడి లింగాలపాడు జయకుమార్‌రెడ్డి డిమాండ్‌ చేశారు. శుక్రవారం నెల్లూరులోని ఆ పార్టీ జిల్లా కార్యాలయంలో నిర్వహించిన విలేకరుల సమావేశంలో ఆయన, వైఎస్సార్‌ టీయూసీ రాష్ట్ర ఉపాధ్యక్షుడు రాజేష్‌కుమార్‌ మాట్లాడారు. దీనిని ‘మెగా డీఎస్సీ కాదు.. దగా డీఎస్సీ’గా అభివర్ణించారు. ఎన్నికల సమయంలో హామీ ఇచ్చిన 20 లక్షల ఉద్యోగాలు, నెలకు రూ.3 వేల నిరుద్యోగ భృతి హామీల అమలుపై ప్రభుత్వం స్పష్టత ఇవ్వాలని డిమాండ్‌ చేశారు. కాంట్రాక్ట్‌, అవుట్‌ సోర్సింగ్‌ ఉద్యోగుల సమస్యలను పరిష్కరించాలని కోరారు. విజయవాడలో నిరసన సందర్భంగా నిరుద్యోగులు, వైఎస్సార్‌ టీయూసీ రాష్ట్ర అధ్యక్షుడు పూనూరు గౌతమ్‌రెడ్డిపై పోలీసులు లాఠీచార్జ్‌ చేశారన్న ఆరోపణలపై విచారణ జరిపించాలన్నారు. గాయపడిన వారికి నష్టపరిహారం అందించాలని కోరారు. క్రీడా కోటా, డీఎస్సీ నియామకాలపై నిష్పాక్షిక విచారణ జరిపి అభ్యర్థులకు న్యాయం చేయాలని, ఆర్టీసీ, మున్సిపల్‌ పారిశుద్ధ్య కార్మికులు, ఆశా వర్కర్ల సమస్యలను పరిష్కరించాలని ప్రభుత్వాన్ని కోరారు. సమావేశంలో నవీన్‌కుమార్‌రెడ్డి, ప్రసాద్‌రెడ్డి, వంశీ తదితరులు పాల్గొన్నారు.

● డీఎంహెచ్‌ఓ సుజాత ● 4.97 లక్షల మంది పిల్లలకు ఆల్‌బెండజోల్‌ మాత్రలునెల్లూరు(అర్బన్‌): పిల్లల ఆరోగ్యం అందరి బాధ్యత అని నెల్లూరు మేయర్‌ దేవరకొండ సుజాత, డీఎంహెచ్‌ఓ సుజాత పేర్కొన్నారు. జాతీయ నులిపురుగుల నివారణ దినోత్సవాన్ని పురస్కరించుకుని శుక్రవారం జిల్లాలోని పాఠశాలలు, కళాశాలలు, అంగన్‌వాడీ కేంద్రాల్లో కార్యక్రమాలు నిర్వహించారు. ఇందులో భాగంగా 1 నుంచి 19 ఏళ్లలోపు పిల్లలకు ఆల్‌బెండజోల్‌ మాత్రలను పంపిణీ చేసి మింగించారు. నెల్లూరులోని మూలాపేట డీఎస్‌ఆర్‌ ప్రభుత్వ హైస్కూల్లో నిర్వహించిన కార్యక్రమాన్ని మేయర్‌, డీఎంహెచ్‌ఓ ప్రారంభించారు. ఈ సందర్భంగా వారు మాట్లాడుతూ నులిపురుగుల నివారణతో పిల్లల్లో జీర్ణశక్తి మెరుగుపడటంతోపాటు ఉత్సాహంగా ఉండేందుకు, చదువులో రాణించేందుకు దోహదపడుతుందన్నారు. నులిపురుగుల కారణంగా రక్తహీనత, పోషకాహార లోపం ఏర్పడి పిల్లలు నీరసంగా మారే అవకాశం ఉందన్నారు. 93.25 శాతం లక్ష్యం పూర్తి జిల్లాలో 1 నుంచి 19 ఏళ్లలోపు 5,33,793 మంది పిల్లలు ఉండగా, వారిలో 4,97,762 మందికి తొలిరోజు మాత్రలు పంపిణీ చేసినట్లు డీఎంహెచ్‌ఓ తెలిపారు. దీంతో 93.25 శాతం లక్ష్యం పూర్తయిందన్నారు. శనివారం మిగిలిన పిల్లలకు కూడా మాత్రలు మింగించి వందశాతం లక్ష్యాన్ని సాధిస్తామని పేర్కొన్నారు. కార్యక్రమంలో రాష్ట్ర పరిశీలకుడు, జాయింట్‌ డైరెక్టర్‌ డాక్టర్‌ శ్రీనివాసవర్మ, ఐసీడీఎస్‌ పీడీ శైలజ, ఎన్‌సీడీ ప్రోగ్రామ్‌ ఆఫీసర్‌ డాక్టర్‌ అన్శుదర్‌, రాష్ట్ర కన్సల్టెంట్‌ రామ్మోహన్‌, డెమో అధికారి కనకరత్నం, జిల్లా ఫ్లోరోసిస్‌ కన్సల్టెంట్‌ డాక్టర్‌ దివ్య, పాఠశాల హెచ్‌ఎం పద్మావతి తదితరులు పాల్గొన్నారు.

● అడ్డుకున్న గ్రామస్తులు ● తమ్ముళ్ల మధ్య వాగ్వాదం పొదలకూరు: పట్టణానికి సమీపంలోని చిట్టేపల్లి తిప్ప సర్వే నంబర్‌ – 707లో గ్రావెల్‌ తవ్వకాలు, తరలింపుపై పెద్ద ఎత్తున రగడ జరిగింది. పొక్లయిన్‌తో తవ్వకాలు సాగిస్తూ టిప్పర్లకు గ్రావెల్‌ను ఎత్తుతుండగా గ్రామస్తులు అడ్డుకున్నారు. ఈ నేపథ్యంలో అధికార పార్టీకి చెందిన వారి మధ్యే వాగ్వాదం చోటుచేసుకుంది. తిప్పకు సమీపంలోనే ఉన్న చిట్టేపల్లి గ్రామస్తులు, నేతలు.. గ్రావెల్‌ తవ్వకాలు సాగిస్తున్న ప్రాంతానికెళ్లి అనుమతుల్లేకుండా ఎలా తరలిస్తారంటూ అడ్డుకున్నారు. అయితే అదే పార్టీకి చెందిన కొందరు తమ వద్ద అన్ని రకాల అనుమతులున్నాయని.. పొల్యూషన్‌, మై నింగ్‌ తదితర శాఖ ల నుంచి పర్మిష న్లు పొందామని ఉత్తర్వులున్నాయని చూపేందుకు యత్నించారు. దీంతో ఇరువర్గాల మధ్య కొద్దిసేపు వాగ్వాదం నెలకొంది. గ్రావెల్‌ను ఇక్కడ్నుంచి తరలించేందుకు ఎట్టి పరిస్థితుల్లో వీల్లేదని గ్రామస్తులు స్పష్టం చేశారు. ఇప్పటికే కొండ కరిగిపోయిందని తెలిపారు. ఈ నేపథ్యంలో గ్రావెల్‌ తరలింపు వివాదాస్పదంగా మారింది. ఈ ప్రాంతాన్ని మాజీ మంత్రి, వైఎస్సార్‌ కాంగ్రెస్‌ పార్టీ జిల్లా అధ్యక్షుడు కాకాణి గోవర్ధన్‌రెడ్డి ఇటీవల పరిశీలించారు. చిట్టేపల్లి తిప్ప నుంచి ఎలాంటి అనుమతుల్లేకుండా గ్రావెల్‌ను తరలిస్తున్నారని అప్పట్లోనే ఆయన ఆరోపించారు.

● పీడీఎస్‌యూ రాష్ట్ర అధ్యక్షుడు భాస్కర్‌ నెల్లూరు(టౌన్‌): విద్యారంగంలో, నిరుద్యోగ సమస్యల పరిష్కారానికి కేంద్ర, రాష్ట్ర ప్రభుత్వాల విధానాలకు వ్యతిరేకంగా ఉద్యమించాలని పీడీఎస్‌యూ రాష్ట్ర అధ్యక్షుడు భాస్కర్‌, ప్రధాన కార్యదర్శి వినోద్‌కుమార్‌ పిలుపునిచ్చారు. పీడీఎస్‌యూ 17వ మహాసభల సందర్భంగా శుక్రవారం నెల్లూరులోని వీఆర్సీ సెంటర్‌ నుంచి సర్వోదయ కళాశాల వరకు ప్రదర్శన నిర్వహించారు. అనంతరం జరిగిన సభలో వారు మాట్లాడారు. కేంద్ర ప్రభుత్వం నూతన జాతీయ విద్యా విధానాన్ని అమలు చేస్తూ విద్యా వ్యవస్థను కాషాయీకరణ చేస్తోందని ఆరోపించారు. నిరుద్యోగులకు ఏడాదికి రెండు కోట్ల ఉద్యోగాలు కల్పిస్తామని హామీ ఇచ్చి, ఉన్న ఉద్యోగాలను తొలగిస్తోందని విమర్శించారు. యువగళం పాదయాత్ర సందర్భంగా జీఓ నంబర్‌ 77ను రద్దు చేస్తామని ఇచ్చిన హామీని ప్రభుత్వం అమలు చేయాలని డిమాండ్‌ చేశారు. రాష్ట్రవ్యాప్తంగా పెండింగ్‌లో ఉన్న రూ.6,400 కోట్ల ఫీజు రీయింబర్స్‌మెంట్‌, స్కాలర్‌షిప్‌ బకాయిలను వెంటనే విడుదల చేయాలని కోరారు. మెడికల్‌ విద్య ప్రైవేటీకరణను నిలిపివేసి పీపీపీ విధానాన్ని రద్దు చేయాలని డిమాండ్‌ చేశారు. జీఓ నంబర్‌ 102ను రద్దు చేసి పాత జీఓ నంబర్‌ 151 ప్రకారం మెడికల్‌ కౌన్సెలింగ్‌ నిర్వహించాలని కోరారు. రాష్ట్రంలో ఖాళీగా ఉన్న 3,400 ప్రొఫెసర్‌ పోస్టులను భర్తీ చేయాలని డిమాండ్‌ చేశారు. కార్యక్రమంలో పీడీఎస్‌యూ రాష్ట్ర ఉపాధ్యక్షుడు రాజశేఖర్‌, సహాయ కార్యదర్శి లోకేశ్‌, జిల్లా అధ్యక్షుడు సునీల్‌, నాయకులు ఆశీర్‌, సుభాన్‌, శ్రావణ్‌, సాయిచరణ్‌, వసీం, చరణ్‌ తదితరులు పాల్గొన్నారు.

కలిగిరి: స్థానిక కస్తూర్బా గాంధీ బాలికల విద్యాలయంలో విద్యార్థినులకు పురుగులు పట్టిన అల్పహారాన్ని అందించిన ఘటనపై విచారణను జీసీడీఓ శాంతకుమారి శుక్రవారం చేపట్టారు. విద్యార్థినులు, తల్లిదండ్రులతో మాట్లాడారు. అల్పాహారంలో వాడిన బన్సీ రవ్వలో పురుగులొచ్చాయనే అంశాన్ని డీఈఓ బాలాజీరావు, ఏపీసీ వెంకటసుబ్బయ్య విచారణలో సిబ్బంది అంగీకరించారు. ఈ నేపథ్యంలో ఆరోపణలు చేస్తున్న విద్యార్థినుల తల్లిదండ్రులను జీసీడీఓ పిలిచి మాట్లాడి.. వారి నుంచి వివరాలను నమోదు చేసుకున్నారు. మధ్యాహ్న భోజనాన్ని పరిశీలించారు. ఆహార విషయంలో అప్రమత్తంగా ఉండాలని సిబ్బందికి సూచించారు. నివేదికను ఉన్నతాధికారులకు అందజేయనున్నామని వెల్లడించారు. ప్రిన్సిపల్‌ సుప్రియ తదితరులు పాల్గొన్నారు.

నెల్లూరు(క్రైమ్‌): జిల్లాలో శాంతిభద్రతలు అదుపుతప్పాయి. పోలీసుల నిఘా, నేరనియంత్రణ చర్యలు ఆశించిన స్థాయిలో లేకపోవడంతో ఘటనలు వరుసగా చోటుచేసుకుంటున్నాయి హత్యలు, హత్యాయత్నాలు, దోపిడీలు, ఘర్షణలు ప్రజలను కలవరపెడుతున్నాయి. చిన్నపాటి వివాదాలు సైతం తీవ్రరూపం దాల్చి ప్రాణాలు తీసే స్థాయికి చేరుతున్నాయి. రెండు నెలల వ్యవధిలో ఏడు హత్యలు జరగడం పరిస్థితి తీవ్రతకు అద్దం పడుతోంది. హత్యాయత్నాలు, దాడులు పదుల సంఖ్యలో చోటుచేసుకున్నాయి. నేర నియంత్రణకు పటిష్ట చర్యలు తీసుకుంటున్నామని పోలీసులు చెబుతున్నప్పటికీ క్షేత్రస్థాయిలో పరిస్థితులు అందుకు భిన్నంగా ఉన్నాయి. రాత్రివేళల్లోనే కాకుండా పగటిపూట కూడా నేరాలు చోటుచేసుకుంటుండటంతో ప్రజల భద్రతపై ప్రశ్నలు రేకెత్తుతున్నాయి. మత్తు.. నేరాలకు ఊతం మద్యం, గంజాయి తదితర మత్తు పదార్థాల వినియోగం కొన్ని నేరాలకు నేపథ్యంగా మారుతోంది. మత్తులో నేరాలు అధికమవుతున్నాయి. నిషాకు బానిసైన కొందరు, పాతనేరస్తులు కొందరు తమ అవసరాలకు నగదు కోసం రాత్రివేళల్లో ఒంటరిగా వెళ్లేవారిని లక్ష్యంగా చేసకుంటున్నారు. కత్తులతో బెదిరించి నగదు, సెల్‌ఫోన్లను దోచుకుంటున్న ఘటనలు తరచూ చోటుచేసుకుంటున్నాయి. ఏఎస్‌పేటలో ఓ వ్యక్తిని కత్తితో చంపుతామని బెదిరించి రూ.2 వేల నగదు దోచుకెళ్లారు. నెల్లూరు నగరంలో రౌడీషీటర్లు ఓ యువకుడిని, ఓ వ్యాపారిని కత్తితో చంపుతామని బెదిరించి నగదు దోచుకున్నారు. కలిగిరిలో మద్యం మత్తులో ఓ వృద్ధుడిని హత్య చేశారు. వరుస ఘటనలు పాతకక్షలు, ఆర్థిక లావాదేవీలు, వివాహేతర సంబంధాలు తదితర కారణాలతో హత్యలు, హత్యాయత్నాలు తరచూ జరుగుతున్నాయి. నెల్లూరు నగరంలోని ఆర్టీఓ కార్యాలయం సమీపంలో పాతకక్షల నేపథ్యంలో ఓ రౌడీషీటర్‌ హత్యకు గురయ్యాడు. నెల్లూరు రూరల్‌ మండలం అశోక్‌ నగర్‌ లండన్‌ లేఅవుట్‌లో ఓ యువకుడిని తెలిసినవారే చంపారు. పొట్టేపాళెం సమీపంలోని ఓ లేఅవుట్‌లో మరో యువకుడిని హత్య చేశారు. వివాహేతర సంబంధాల నేపథ్యంలో ఇద్దరు మహిళలు హత్యకు గురయ్యారు. తాజాగా నెల్లూరు నగరంలో గురువారం పట్టపగలు ఇద్దరు యువకులు పాతకక్షలతో రౌడీషీటర్‌ ప్రదీప్‌ కళ్లలో కారం కొట్టి గొంతుకోసి పరారయ్యారు. ఈ ఘటన నగరంలో తీవ్ర కలకలం రేపింది. కొరవడిన నిఘా నేర చరిత్ర కలిగిన వ్యక్తులు ప్రస్తుతం ఏం చేస్తున్నారు?, ఎవరెవరిని కలుస్తున్నారు?, ఏవైనా వివాదాల్లో జోక్యం చేసుకుంటున్నారా?, వారి కదలికలు ఎలా ఉన్నాయి? వంటి అంశాలపై పోలీసుల నిరంతర పర్యవేక్షణ ఉండాలి. అయితే ఈ ప్రక్రియ నామమాత్రంగా మారిందన్న విమర్శలున్నాయి. నేరం జరిగిన తర్వాత నిందితులను అరెస్ట్‌ చేయడం కంటే నేరానికి దారితీసే పరిస్థితులు ముందుగానే గుర్తించి అడ్డుకోవడంలో పోలీసులు విఫలమమ్యారన్న విమర్శలున్నాయి. ఏం చేయాలంటే.. పాతనేరస్తుల వివరాలను స్టేషన్‌ల వారీగా ఎప్పటికప్పుడు సమీక్షించాలి. వారి ప్రస్తుత కార్యకలాపాలు, ఎవరిని కలుస్తున్నారు, ప్రత్యర్థి వర్గాలతో ఏమైనా విభేదాలున్నాయా, ఇటీవల ఏవైనా గొడవలు జరిగాయా వంటి అంశాలపై సమాచారం సేకరించాలి. సమస్యాత్మక వ్యక్తుల కదలికలపై ముందస్తు సమాచారం ఉంటే నేరాలకు ముందుగానే అడ్డుకట్టవేసే అవకాశం ఉంటుంది. శాంతిభద్రతల పరిరక్షణలో లా అండ్‌ ఆర్డర్‌ పోలీసులతోపాటు స్పెషల్‌ బ్రాంచ్‌, క్రైమ్‌ బ్రాంచ్‌ విభాగాలు పనిచేయాలి. ఒక ప్రాంతంలో నేరచరిత్ర ఉన్న వ్యక్తుల కదలికలకు సంబంధించిన సమాచారం అందినప్పుడు సంబంధిత పోలీసు విభాగాలు పరస్పరం పంచుకుని ముందస్తు చర్యలు చేపట్టాలి. అవసరమైన సందర్భాల్లో చట్టపరమైన చర్యలు తీసుకోవడంతోపాటు సమస్యాత్మక వ్యక్తులకు కౌన్సెలింగ్‌ ఇవ్వడం, పాత వివాదాలను గుర్తించడం, ఘర్షణలకు దారితీసే పరిస్థితులను ముందుగానే అంచనా వేయడం ద్వారా నేరాలను నియంత్రించే అవకాశం ఉంది. సింహపురిలో హత్యలు, దాడులు రెండు నెలల వ్యవధిలో ఏడు మర్డర్లు వరుస నేరాలతో ఆందోళన కట్టడికి పటిష్ట నిఘా ఏదీ? పాతనేరస్తులపై నిఘా కరువు

● పేదలపై రెవెన్యూ అధికారుల ప్రతాపం చిల్లకూరు: చెరువు పోరంబోకు భూమిలో ఎన్నో సంవత్సరాలుగా పేదలు మామిడి, కొబ్బరి చెట్లు సాగు చేసుకుంటుండగా ఆక్రమించారంటూ రెవెన్యూ అధికారులు రెచ్చిపోయారు. శుక్రవారం చెట్లు తొలగించారు. మండలంలోని బూదనంలో దళితులు కొన్ని సంవత్సరాలుగా గ్రామ చెరువు పోరంబోకు భూమిలో గడ్డి వాములు వేసుకోవడం, పండ్ల మొక్కల సాగు చేపట్టారు. ఇటీవల చెరువుకు దగ్గరగా గ్రామానికి చెందిన టీడీపీ నాయకుడు ఓ పరిశ్రమను ఏర్పాటు చేస్తున్నాడు. అతను రెవెన్యూ అధికారులపై ఒత్తిడి తెచ్చాడు. పరిశ్రమకు చెందిన ఫెన్సింగ్‌ చెరువు పోరంబోకు భూమిలోకి వస్తున్నప్పటికీ దానిని పట్టించుకోలేదు. దీనిపై దళితులు అధికారులను ప్రశ్నిస్తే మాకు తెలుసంటూ చెట్లను తొలగించారు. ఇలా గతంలో కూడా ఓ పర్యాయం చెట్ల తొలగింపునకు చర్యలు చేపట్టే సమయంలో దళితులు లోక్‌ అదాలత్‌లో ఫిర్యాదు చేయగా విచారణ జరుగుతోంది. అయినప్పటికీ రెవెన్యూ అధికారులు టీడీపీ నాయకుడికి ఇబ్బంది కలగకూడదని ఆక్రమణలను తొలగిస్తున్నామని యంత్రాలతో చెట్లను పూర్తిగా తొలగించారు. బాధితులు గూడూరులోని ఆర్డీఓ అరుణకుమారిని కలిసి తమ గోడు చెప్పుకొంటే ఆమె రెవెన్యూ అధికారులను ఫోన్‌లో మందలించినప్పటికీ తమ పని తాము చేసేదే అనే రీతిలో వ్యవహరించారు.

● కట్టలు పోసి చేపల గుంతలు ఏర్పాటు ● కూటమి నాయకులు అండదండలతోనే.. ● గుంతలకు అక్రమంగా విద్యుత్‌ సరఫరా ● నిషేధిత చేపల పెంపకం ● కలుషితమవుతున్న చెరువు నీరుఅల్లూరు: కూటమి నేతల అండదండలతో మండలంలోని సింగపేట పంచాయతీలో ఉన్న రామన్న చెరువును కొందరు ఆక్రమించారు. ఏకంగా కట్టలను ఏర్పాటు చేసి చేపల గుంతల సాగుకు శ్రీకారం చుట్టారు. నిషేధిత ఫంగస్‌ చేపలను పెంచుతూ ప్రజల ఆరోగ్యాలతో చెలగాటమాడుతున్నారు. ఇంత జరుగుతున్నా అధికారులు ముడుపులు తీసుకుని తమకేమి పట్టనట్లు ఉన్నారని స్థానికులు ఆరోపిస్తున్నారు. వందల ఎకరాల్లో.. రామన్న చెరువు సుమారు 1,420 ఎకరాల వరకు ఉంటుంది. ఇందులో వందల ఎకరాల్లో పలువురు మట్టిని తవ్వి కట్టలుగా పోసి చేపల గుంతలను ఏర్పాటు చేశారు. గుంతలకు విద్యుత్‌ సరఫరా ఇచ్చారంటే ఏ స్థాయిలో కూటమి నేతల అండదండలు ఉన్నాయో అర్థం చేసుకోవచ్చు. గుంతల్లో నిషేధిత క్యాట్‌ ఫిష్‌ తదితర చేపలను పెంచుతున్నారు. మేతగా కోళ్ల వ్యర్థాలను, కుళ్లిన గుడ్లను తదితరాలు వినియోగిస్తున్నట్లు తెలుస్తోంది. ఇలా పెరిగిన చేపల్ని తిన్నవారు అనారోగ్యానికి గురయ్యే ప్రమాదముంది. అలాగే చెరువు నీరు కలుషితమయేఅవకాశం ఉంది. చెరువు ద్వారా.. చెరువు ద్వారా అల్లూరు మండలం పరిధిలోని సింగపేట పంచాయతీ, దగదర్తి మండలంలోని ఉలవపాళ్ల, బోగోలు మండలంలోని అల్లిమడుగ, అగ్రహారం, తిప్ప, తెల్లగుంట గ్రామాల్లోని దాదాపు 8 వేల ఎకరాలకు సాగునీరు, తాగునీరు అందుతుంది. చేపల గుంతల సాగుతో నీటి నిల్వ సామర్థ్యం తగ్గి పంటలకు నీరందే పరిస్థితి ఉండదని రైతులు, ప్రజలు ఆందోళన వ్యక్తం చేస్తున్నారు. రామన్న చెరువులో అక్రమంగా ఏర్పాటు చేసిన చేపలు గుంతలు చెరువును పరిశీలిస్తున్న ఇరిగేషన్‌ ఏఈ సుధీర్‌

నెల్లూరురూరల్‌: వైఎస్సార్‌సీపీ అధినేత వైఎస్‌ జగన్‌మోహన్‌రెడ్డి ఆదేశాల మేరకు కోవూరు నియోజకవర్గానికి చెందిన పలువురిని జిల్లా అనుబంధ విభాగాల కమిటీల్లో వివిధ హోదాల్లో నియమిస్తూ శుక్రవారం పార్టీ కేంద్ర కార్యాలయం ప్రకటన విడుదల చేసింది. క్రిస్టియన్‌ మైనారిటీ సెల్‌ జిల్లా జనరల్‌ సెక్రటరీలుగా కునాసి భాస్కర్‌రావు, ఎస్సీ సెల్‌ సెక్రటరీలుగా పైనా ఇజ్రాయిల్‌, పచ్చా శివకుమార్‌, సాడేపల్లి ఏషోబు, ఈదూరు వెంకటరమణయ్య, రైతు విభాగ సెక్రటరీలుగా మనుబోలు సుధీర్‌రెడ్డి, దావూరు ప్రసాద్‌, ఐటీ వింగ్‌ సెక్రటరీగా పాలిచెర్ల శ్రావణ్‌కుమార్‌, యూత్‌ సెక్రటరీగా పిన్నాక రజనీకుమార్‌, బీసీ సెల్‌ సెక్రటరీలుగా వంకి శ్రీనివాసులు, ముంగర వెంకటేశ్వర్లు, అన్నం రామచంద్రయ్య, పంచాయతీరాజ్‌ వింగ్‌ సెక్రటరీలుగా దాసరి శ్రీను, ఉప్పాల సుధాకర్‌, మైనారిటీ సెల్‌ సెక్రటరిగా షేక్‌ గౌస్‌బాషా నియమితులయ్యారు. రేపు చేనేత కార్మిక సంఘం మహాసభనెల్లూరు(వీఆర్సీసెంటర్‌): ఈనెల 27వ తేదీన జరిగే ఆంధ్రప్రదేశ్‌ చేనేత కార్మిక సంఘం 14వ జిల్లా మహాసభను జయప్రదం చేయాలని సీపీఐ జిల్లా కార్యదర్శి అరిగెల నాగేంద్రసాయి, ఏపీ చేనేత కార్మిక సంఘం జిల్లా ప్రధాన కార్యదర్శి పముజుల హరి పిలుపునిచ్చారు. నెల్లూరులోని సంతపేటలో ఉన్న సీపీఐ జిల్లా కార్యాలయంలో శుక్రవారం నిర్వహించిన విలేకరుల సమావేశంలో వారు మాట్లాడారు. ఆరోజు సంతపేటలోని రామకోటయ్య భవన్‌లో పముజుల దశరథరామయ్య ప్రాంగణంలో సభ నిర్వహించనున్నట్లు తెలిపారు. చేనేత రంగం ఎదుర్కొంటున్న సమస్యలపై చర్చించి భవిష్యత్‌ కార్యాచరణ రూపొందిస్తామన్నారు. చేనేత వృత్తిని కాపాడటంతోపాటు కార్మికుల జీవన ప్రమాణాలను మెరుగుపరిచేందుకు ప్రభుత్వం తక్షణ చర్యలు చేపట్టాలని డిమాండ్‌ చేశారు. సభకు ఏపీ చేనేత కార్మిక సంఘం రాష్ట్ర ఇన్‌చార్జి జేవీ సత్యనారాయణమూర్తి, రాష్ట్ర ప్రధాన కార్యదర్శి నాగేశ్వరరావు, రాష్ట్ర సహాయ కార్యదర్శి గొట్టుముక్కల బాలాజీతోపాటు పలువురు రాష్ట్ర నాయకులు హాజరవుతారని తెలిపారు. చేనేత కార్మికులు, చేనేత సంఘాల ప్రతినిధులు, ప్రజలు పెద్ద సంఖ్యలో హాజరై మహాసభలను విజయవంతం చేయాలని కోరారు. సమావేశంలో రాంబాబు, జిలానీ, ఆదినారాయణ తదితరులు పాల్గొన్నారు.కార్ల విక్రయం పేరుతో రూ.18 లక్షల మోసం● నిందితుడిపై కేసు నమోదు నెల్లూరు(క్రైమ్‌): సీజ్‌ చేసిన కార్లను విక్రయిస్తానని నమ్మించి ఓ వ్యక్తి నుంచి రూ.18 లక్షలు తీసుకుని మోసగించిన వ్యక్తిపై పోలీసులు కేసు నమోదు చేశారు. వారి కథనం మేరకు.. నెల్లూరు జెండావీధి ప్రాంతానికి చెందిన జహీర్‌కు కడపకు చెందిన అభిల్‌ అహ్మద్‌తో పరిచయమైంది. సీజ్‌ చేసిన నాలుగు కార్లు అమ్ముతానని నమ్మించి జహీర్‌, అతని స్నేహితుల ఖాతాల నుంచి రూ.12 లక్షలను బ్యాంక్‌ ఖాతాలో, మరో రూ.6 లక్షలను నేరుగా తీసుకున్నాడు. అనంతరం కార్లను ఇవ్వకుండా అభిల్‌ అహ్మద్‌ కాలయాపన చేస్తూ ఫోన్‌ స్విచ్ఛాఫ్‌ చేశాడు. జహీర్‌ స్నేహితుడి ఖాతాలో రూ.1.66 లక్షలు జమచేసినా ఆ ఖాతాతోపాటు మరో రెండు ఫ్రీజ్‌ అయ్యాయి. తనను మోసగించిన అభిల్‌ అహ్మద్‌పై చర్యలు తీసుకోవాలని బాధితుడు శుక్రవారం చిన్నబజారు పోలీసులకు ఫిర్యాదు చేయగా కేసు దర్యాప్తు చేస్తున్నారు.

● జిల్లాలో రైతులకు సాగునీటి తిప్పలు ● శ్రీశైలంలో నీరున్నా సోమశిలకు విడుదలలో నిర్లక్ష్యం ● మాజీమంత్రి కాకాణి గోవర్ధన్‌రెడ్డి తోటపల్లిగూడూరు(పొదలకూరు) : కూటమి ప్రభు త్వం దుష్ట పాలన కారణంగా జిల్లాలో రైతాంగానికి కన్నీటి వేదన మిగిలిందని మాజీమంత్రి, వైఎస్సార్‌సీపీ జిల్లా అధ్యక్షుడు కాకాణి గోవర్ధన్‌రెడ్డి అన్నారు. రైతుల విషయంలో చంద్రబాబు సర్కారు అత్యంత దయనీయంగా వ్యవహరిస్తుందని దుయ్యబట్టారు. సాగు నుంచి ఎరువులు, పంటలకు గిట్టుబాటు ధరలు కల్పించే వరకు రైతులను వేధింపులకు గురి చేస్తున్నారన్నారు. శ్రీశైలంలో సమృద్ధిగా నీరున్నా సోమశిలకు నీటిని విడుదల చేయకపోవడం రైతులకు శాపంగా మారిందన్నారు. తోటపల్లిగూడూరు మండలం నరుకూరు సౌత్‌అములూరు గ్రామాల్లో కాకాణి గురువారం పర్యటించారు. ఈ సందర్భంగా మీడియాతో మాట్లాడుతూ సీఎం చంద్రబాబు జిల్లాకు సాగునీటిని విడుదల చేయించకపోవడం వల్లనే తీవ్ర కష్టాలు ఏర్పడినట్టు ధ్వజమెత్తారు. సోమశిలకు నీటిని విడుదల చేయించమని పదేపదే విజ్ఞప్తి చేసినా పట్టించుకోలేదన్నారు. నీటి యాజమాన్య హక్కులు కలిగి ఉన్న నెల్లూరు డెల్టా రైతులకు సైతం సాగునీటి కష్టాలు తప్పడం లేదన్నారు. చిన్నపాటి అంశంపై గొంతు చించుకుని అరిచే అధికార పార్టీ నాయకులు సాగునీటి వ్యవహారంలో ఎందుకు మౌనం వీడడం లేదని ప్రశ్నించారు. శ్రీశైలం నుంచి సోమశిలకు నీటిని తరలించడంలో ఎందుకు విఫలం అయ్యారో రైతులకు సమాధానం చెప్పాలని డిమాండ్‌ చేశారు. డెల్టా రైతులకు సంబంధించి రైపేరియన్‌ హక్కుల ప్రకారం నీళ్లు ఇవ్వాలని అడిగేందుకు వెళితే నెల్లూరు బ్యారేజీ వద్దకు వెళ్లనీయకుండా అడ్డుకున్నట్టు విమర్శించారు. క్రాప్‌ హాలిడే ప్రకటించే పరిస్థితులు రైతులు ఆరుగాలం కష్టపడి పండించిన సమయంలో ధరలు పాతాళంలో ఉంటే.. దళారులు, మిల్లర్లు దగ్గర నిల్వలు పెంచుకున్నాక.. అమాంతంగా పెరుగుతున్నాయన్నారు. మార్కెట్లో పుట్టి ధాన్యం రూ.35 వేలు ధరలు ఉంటే.. రైతుల దగ్గర రూ.20 వేల నుంచి రూ.22 వేలకే కొనుగోలు చేస్తున్నారని, ఇలాంటి సమయంలో రైతులు క్రాప్‌ హాలిడే ప్రకటించాల్సిన పరిస్థితి ఏర్పడుతుందన్నారు. దీనికి ప్రభుత్వమే కారణమని ఆరోపించారు. 28 నెలల తర్వాత చంద్రబాబు కొత్త పింఛన్లను మంజూరు చేస్తామని ప్రజలను మోసగిస్తున్నట్టు తెలిపారు. పింఛన్లను ఇస్తామని ఆశ చూపించి అభాగ్యులను టీడీపీలోకి చేర్చుకునేందుకు నాటకాలకు తెరలేపినట్టు విమర్శించారు. ఏదోక విధంగా ప్రలోభాలకు గురి చేసి స్థానిక ఎన్నికల్లో విజయం సాధించాలని చంద్రబాబు కుట్రలు పన్నుతున్నట్టు ఆరోపించారు. అభివృద్ధి, సంక్షేమం లేదని, గ్రామాల్లో మద్యం బెల్టు షాపులు మాత్రం విచ్చలవిడిగా ఉన్నాయన్నారు. స్థానిక సంస్థల ఎన్నికల్లో వైఎస్సార్‌సీపీ విజయం సాధిస్తుందని కార్యకర్తలు, నాయకులు మనోధైర్యంతో పోరాటం చేసి విజయం సాధించడం ఖామన్నారు. కాకాణి పర్యటలో భాగంగా జెడ్పీటీసీ సభ్యురాలు ఎంబేటి శేషమ్మ మనుమడు తాడి బాలరాజు–సౌమ్య వివాహ వేడుకల్లో పాల్గొని ఆశీర్వదించారు. సౌత్‌ఆములూరుకు చెందిన శశికుమార్‌ ఇటీవల రోడ్డు ప్రమాదంలో మృతి చెందడంతో ఆయన కుటుంబాన్ని పరామర్శించారు. కాకాణి వెంట చిల్లకూరు సుధీర్‌రెడ్డి, పార్టీ నాయకులు, కార్యకర్తలు ఉన్నారు.

● అందరి సహాయ, సహకారాలతో ఐదేళ్లు పూర్తి ● ప్రజలకు అందుబాటులో ఉంటా ● మాజీ చైర్‌పర్సన్‌ ఆనం అరుణమ్మ నెల్లూరు(పొగతోట): జెడ్పీ యాజమాన్య పరిధిలో పారదర్శక పాలనను ఐదేళ్లు అందించామని తాజా మాజీ చైర్‌పర్సన్‌ ఆనం అరుణమ్మ పేర్కొన్నారు. కార్యాలయంలోని ఆమె చాంబర్‌లో జెడ్పీటీసీలు, అఽధికారులు, ఉద్యోగులు, ఉద్యోగ సంఘ నేతలు గురువారం కలిసి కృతజ్ఞతలను తెలియజేశారు. ఈ సందర్భంగా ఆమె మాట్లాడారు. ప్రజలు, అధికారులు, ప్రజాప్రతినిధుల సహకారంతో పాలనను విజయవంతంగా అందించామని వివరించారు. సభ్యుల సమస్యలను అధికారుల దృష్టికి తీసుకెళ్లి వాటిని పరిష్కరించేలా చర్యలు చేపట్టామని చెప్పారు. అందుబాటులో ఉన్న నిధులతో అన్ని ప్రాంతాలకు పనులను మంజూరు చేసి సకాలంలో పూర్తి చేశామని వెల్లడించారు. తనకు ఈ అవకాశాన్ని గత సీఎం జగన్‌మోహన్‌రెడ్డి కల్పించారని కొనియాడారు. ఆయన చెప్పిన విధంగా ముందుకు సాగుతామని వెల్లడించారు. ప్రజలకు ఎల్లవేళలా అందుబాటులో ఉంటానని ప్రకటించారు. గడిచిన ఐదేళ్లలో జెడ్పీ సాధారణ నిధులు రూ.37.82 కోట్లతో 955.. ఆర్థిక సంఘ నిధులు రూ.59.16 కోట్లతో 1255.. రూ.62 కోట్లతో 237 పనులను పూర్తి చేశామని పేర్కొన్నారు. గ్రామీణ ప్రాంతాల్లో తాగునీటి సమస్యలు, అంగన్‌వాడీ కేంద్ర భవనాల మరమ్మతులు, డ్రైనేజీలకు నిధులను అత్యంత ప్రాధాన్య క్రమంలో మంజూరు చేశామని తెలిపారు. జెడ్పీ ఆస్తులు అన్యాక్రాంతం కాకుండా ప్రత్యేక చర్యలు చేపట్టామన్నారు. పదో తరగతి విద్యార్థుల కోసం విజయదీపిక స్టడీ మెటీరియళ్లను అందజేశామని వివరించారు. 258 మందికి ఉద్యోగోన్నతులు.. జెడ్పీ యాజమాన్య పరిధిలో విధులు నిర్వర్తిస్తూ మరణించిన ఉద్యోగుల కుటుంబసభ్యులు 123 మందికి కారుణ్య నియామకాలను కల్పించామన్నారు. బదిలీల ప్రక్రియను పారదర్శకంగా పూర్తి చేశామని తెలిపారు. స్థానిక సంస్థల ఎన్నికల్లో మహిళలకు 50 శాతానికిపైగా అవకాశం కల్పించిన జగన్‌మోహన్‌రెడ్డికి కృతజ్ఞతలను తెలియజేశారు. ముగిసిన పదవీ కాలం జెడ్పీటీసీల పదవీ కాలం గురువారంతో ముగిసింది. ఉమ్మడి జిల్లాలో 46 మండలాల్లో జెడ్పీటీసీలందరూ వైఎస్సార్‌ కాంగ్రెస్‌ పార్టీకి చెందిన వారే. నూతన జెడ్పీ మేరకు 35 మండలాలు ఏర్పడ్డాయి. కాగా జెడ్పీ ఎన్నికల నిర్వహణకు మండలాల వారీగా ప్రత్యేకాధికారులను నియమించారు.

● సమస్యతో పిల్లల ఎదుగుదలకు ఆటంకం ● రక్తహీనత, పౌష్టికాహార లోపానికి కారణం ● 5.94 లక్షల డోసులను సిద్ధం చేసిన వైద్యశాఖ అధికారులు ● విద్యార్థులకు ఆల్బెండాజోల్‌ మాత్రల పంపిణీ ● డీ వార్మింగ్‌ డే నేడు ● బహిరంగ మల, మూత్ర విసర్జన చేయకూడదు. పరిశుభ్రమైన టాయ్‌లెట్స్‌ను వినియోగించాలి. ● ఆహారం తినే ప్రతిసారి చేతులను సబ్బుతో కడగాలి ● బయటకొచ్చినప్పుడు, టాయ్‌లెట్లను వినియోగించేటప్పుడు పాదరక్షలను తప్పక ధరించాలి ● స్వచ్ఛమైన తాగునీటిని వినియోగించాలి. మూతేసి ఉంచిన ఆహార పదార్థాలనే తీసుకోవాలి ● పండ్లు, కూరగాయలను తినేటప్పుడు శుభ్రంగా కడగాలి ● వ్యక్తిగత, పరిసరాల పరిశుభ్రతను పాటించాలి. నెల్లూరు(అర్బన్‌): పిల్లల ఆరోగ్యాన్ని లోలోపల నులిపురుగులు దెబ్బతీస్తాయి. పేగుల్లో చేరిన ఇవి మనం తినే ఆహారాన్ని, పోషకాలను తినేస్తాయి. ఫలితంగా పిల్లల్లో రక్తహీనత, ఆకలి తగ్గడం, బరువు పెరగకపోవడం, ఎదుగుదల మందగించడం తదితర సమస్యలొస్తాయి. దీంతో విద్యార్థులు తమ చదువుపై ధ్యాసను కోల్పోతారు. ఇతరులకంటే వెనుకబడిపోతారు. నీరసంగా ఉంటూ ఏ పనిలో ముందుకు సాగలేరు. ఈ విషయాన్ని పరిశీలించిన కేంద్ర ప్రభుత్వం ఏటా ఆర్నెల్లకోసారి జాతీయ నులిపురుగుల దినోత్సవాన్ని నిర్వహిస్తోంది. విద్యార్థులతో ఆల్బెండాజోల్‌ మాత్రలను మింగించేలా చర్యలు చేపడుతోంది. ఒక్క మాత్రతో నులిపురుగులను నివారించొచ్చు. దీనికి సంబంధించిన ఏర్పాట్లను వైద్యశాఖ అధికారులు చేపట్టారు. కార్యక్రమాన్ని జిల్లాలో పెద్ద ఎత్తున శుక్రవారం చేపట్టనున్నారు. 5,94,213 మాత్రలను సిద్ధం చేశారు. నోటి ద్వారా పొట్టలోకి.. పరిశుభ్రత లోపించడం, చేతులు కడుక్కోకుండా ఆహారం తీసుకోవడం, కలుషితమైన నీటిని తాగడం, శుభ్రంగా కడగని కూరగాయలు, పండ్లు తినడం తదితరాలతో కొన్ని రకాల నులిపురుగుల గుడ్లు నోట్లో నుంచి పొట్టలోకి చేరుతాయి. ఇవి పేగుల్లో పిల్లలుగా మారుతాయి. ఎక్కువగా మట్టిలో ఆడుకుంటూ సక్రమంగా శుభ్రం చేసుకోని చేతుల ద్వారా నులిపురుగుల గుడ్లు శరీరంలోకి చేరిపోతున్నాయి. ఒక్క మాత్రతో నివారణ ఒక్క ఆల్బెండాజోల్‌ మాత్రను చప్పరించడం లేదా నమిలి మింగడం ద్వారా కొంకి పురుగులు, బద్దెపురుగులు లాంటి నులిపురుగులను నివారించొచ్చు. ఒకటి నుంచి రెండేళ్లలోపు పిల్లలకు పొడిచేసిన మాత్రను నీటిలో కలిపి ఇవ్వనున్నారు. మూడు నుంచి 19 ఏళ్లలోపు పిల్లలకు పూర్తి మాత్రను మింగించనున్నారు. లక్షణాలిలా.. నులిపురుగులు కడుపులో ఉంటే పొట్ట నొప్పి, కడుపుబ్బరం వస్తుంది. ఆకలి తగ్గిపోతుంది. బరువు పెరగకపోగా, తగ్గిపోతారు. రక్తహీనత, బలహీనత, నీరసం, ఆహారం జీర్ణమవడంలో ఇబ్బందులు, విరేచనాలు, చిరాకు, నిద్రలో అసౌకర్యం కలుగుతాయి. నివారణకేమి చేయాలి..?

వెంకటాచలం: రైలు కిందపడి గుర్తుతెలియని వ్యక్తి ఆత్మహత్యకు పాల్పడిన ఘటన వెంకటాచలం రైల్వేస్టేషన్‌ సమీపంలో గురువారం తెల్లవారుజామున చోటుచేసుకుంది. రైల్వే పోలీసుల వివరాల మేరకు.. సుమారు 35 ఏళ్ల వయస్సు గల వ్యక్తి వెంకటాచలం రైల్వేస్టేషన్‌ సమీపంలో డౌన్‌ లైన్లో వెళ్తున్న రైలు కిందపడి తీవ్రంగా గాయపడి అక్కడికక్కడే మృతి చెందారు. విషయాన్ని రైల్వే సిబ్బంది గుర్తించి రైల్వే పోలీసులకు సమాచారమివ్వడంతో ఘటన స్థలానికి చేరుకున్నారు. పోస్ట్‌మార్టం నిమిత్తం మృతదేహాన్ని నెల్లూరు తరలించారు. కేసు దర్యాప్తు చేస్తున్నారు. పేకాట స్థావరంపై దాడులు మర్రిపాడు: మండలంలోని అల్లంపాడులో పేకాట స్థావరంపై దాడులను ఎస్సై బలరామ్‌రెడ్డి గురువారం చేపట్టారు. పేకాటాడుతున్న ముగ్గుర్ని అదుపులోకి తీసుకొని వారి నుంచి రూ.19,650ను స్వాధీనం చేసుకున్నారు. కేసు నమోదు చేశారు. పేకాట, జూదం వంటి అసాంఘిక కార్యకలాపాలకు పాల్పడితే కఠిన చర్యలు తప్పవని ఎస్సై స్పష్టం చేశారు. ‘అపోలో’లో మహిళకు అరుదైన శస్త్రచికిత్సనెల్లూరు(అర్బన్‌): అత్యంత క్లిష్టమైన పరిస్థితులను అధిగమించి బైకార్నుయేట్‌ సమస్యతో బాధపడుతున్న ఓ మహిళకు అరుదైన ఆపరేషన్‌ చేసి తల్లీబిడ్డను తమ ఆస్పత్రిలో కాపాడామని అపోలో ఆస్పత్రి సీనియర్‌ గైనకాలజిస్ట్‌ లక్ష్మీదుర్గ పేర్కొన్నారు. దీనికి సంబంధించిన వివరాలను ఆస్పత్రిలో గురువారం ఆమె తెలియజేశారు. నగర శివారు ప్రాంతానికి చెందిన 28 ఏళ్ల మహిళ 25 వారాల గర్భంతో తీవ్రమైన నడుము నొప్పి, ఉమ్మనీరు లీకవడం, వాంతులతో రెండు వారాల క్రితం తమ ఆస్పత్రికి వచ్చారని వివరించారు. తాము పరీక్షలు చేయగా, పుట్టుకతోనే రెండు భాగాలుగా ఉండే అరుదైన బైకార్నుయేట్‌ యుటెరస్‌ (గర్భాశయం) కలిగి ఉందనే అంశాన్ని గుర్తించామని చెప్పారు. గర్భం దాల్చిన వారికి ఇది అత్యంత ప్రమాదకరమైన పరిస్థితి అన్నారు. తాము అత్యవసరంగా ఆపరేషన్‌ చేసి ఆడ శిశువుకు పురుడు పోశామని తెలిపారు. అయితే నవజాత శిశువు 700 గ్రాముల బరువే ఉండటంతో నియోనేటల్‌ ఐసీయూలో ఉంచి చికిత్సను అందించామని వెల్లడించారు. చిన్నారి క్రమంగా కోలుకొని బరువు పెరిగిందని, దీంతో వీరిని డిశ్చార్జి చేస్తున్నామని తెలిపారు. డాక్టర్లను ఆస్పత్రి యూనిట్‌ హెడ్‌ విశ్వేశ్వరరెడ్డి, డైరెక్టర్‌ ఆఫ్‌ మెడికల్‌ సర్వీసెస్‌ శ్రీరామ్‌సతీష్‌ అభినందించారు. చిన్నపిల్లల వైద్యులు రాజశేఖర్‌రెడ్డి, రఫీ తదితరులు పాల్గొన్నారు.

నెల్లూరు (బారకాసు): నెల్లూరు నగర కార్పొరేషన్‌ ఎన్నికల్లో అధికార పార్టీకి తొత్తుగా కమిషనర్‌ రబ్బర్‌ స్టాంప్‌గా వ్యవహరిస్తున్నారని ఎమ్మెల్సీ, వైఎస్సార్‌సీపీ నెల్లూరు సిటీ నియోజకవర్గ ఇన్‌చార్జి పర్వతరెడ్డి చంద్రశేఖర్‌ రెడ్డి ఆరోపించారు. గురువారం వైఎస్సార్‌సీపీ కార్పొరేటర్లు, పార్టీకి చెందిన పలు డివిజన్ల ఇన్‌చార్జిలతో కలిసి ఎన్‌ఎంసీ కార్యాలయంలోని కమిషనర్‌ నందన్‌ను ఎమ్మెల్సీ పర్వతరెడ్డి పలు అభ్యంతరాలను తెలియజేశారు. అధికార పార్టీ నేతలు డివిజన్లలో అభ్యర్థుల రిజర్వేషన్‌కు సంబంధించి లీకులిస్తూ ప్రజలను గందరగోళానికి గురి చేస్తున్నారన్న విషయంపై ఎమ్మెల్సీ నిలదీశారు. ఎన్నికలకు సంబంధించి కొన్ని ముఖ్యమైన సమాచారాలను ప్రతిపక్ష వైఎస్సార్‌సీపీకి చేరకముందే.. కొన్ని వాట్సాప్‌ గ్రూపుల్లో సర్కులేట్‌ అవడంపై ఆగ్రహం వ్యక్తం చేశారు. అనంతరం ఎమ్మెల్సీ మీడియాతో మాట్లాడుతూ కమిషనర్‌ అధికార పార్టీకి అడ్డగోలుగా పని చేస్తున్నారని ఆరోపించారు. డాక్టర్‌ బీఆర్‌ అంబేడ్కర్‌ రచించిన రాజ్యాంగ విలువలను అపహాస్యం చేసేలా కూటమి పార్టీల నేతలు సీట్ల రిజర్వేషన్స్‌కు సంబంధించి గందరగోళానికి గురి చేస్తున్నారన్నారు. ఇప్పటి వరకు కార్పొరేషన్‌లోనే ఏ డివిజన్‌కు ఏ రిజర్వేషన్‌ వస్తుందనే ప్రాథమిక సమాచారం లేదని, అక్టోబర్‌ మొదటి వారంలో రిజర్వేషన్లు ఖరారయ్యే అవకాశం ఉందన్నారు. కార్పొరేషన్‌కు సంబంధించి అనేక అంశాలపై కమిషనర్‌ని అడిగినప్పుడు సమాచారాన్ని దాటవేస్తున్న తీరు తీవ్ర అభ్యంతరకరమన్నారు. నామినేషన్ల విషయంలో కూడా ప్రతిపక్ష పార్టీ నేతలను బెదిరించి, దాడులు చేయించి నామినేషన్‌ విత్‌ డ్రా చేయించే దిశగా అధికార పార్టీ దుర్మార్గాలకు పాల్పడే ఆలోచన చేస్తున్నట్లు అర్థమవుతుందన్నారు. అలాంటి చర్యలకు అధికార పార్టీ పాల్పడితే ఏ మాత్రం ఉపేక్షించబోమన్నారు. ప్రజల్లో మార్పు వచ్చిందని, కచ్చితంగా కూటమి పార్టీలకు తగిన బుద్ధి చెబుతారన్నారు. ప్రజలు ఒకటే నిర్ణయించుకొని ఉన్నారని, ఈ వెన్నుపోటు పార్టీని ఎప్పుడు తరిమికొట్టాలా మళ్లీ ఈ రాష్ట్రానికి జగన్‌మోహన్‌రెడ్డిని ముఖ్యమంత్రిగా చేసుకోవాలన్న దృఢ సంకల్పంతో ప్రజలు ఉన్నారని తెలిపారు. ఈ కార్యక్రమంలో పలువురు వైఎస్సార్‌సీపీ కార్పొరేటర్లు, పార్టీ నాయకులు కార్యకర్తలు, పాల్గొన్నారు. మండిపడ్డ ఎమ్మెల్సీ పర్వతరెడ్డి చంద్రశేఖర్‌రెడ్డి రిజర్వేషన్లపై గందరగోళానికి గురిచేస్తున్న అధికార పార్టీ నేతలు పలు అభ్యంతరాలపై వైఎస్సార్‌సీపీ కార్పొరేటర్లు, పార్టీ డివిజన్‌ ఇన్‌చార్జిలతో కలిసి ఫిర్యాదు

నెల్లూరు (టౌన్‌): విద్యారంగ సమస్యలను పరిష్కరించాలని పీడీఎస్‌యూ రాష్ట్ర మాజీ అధ్యక్షుడు గనిరాజు డిమాండ్‌ చేశారు. పీడీఎస్‌యూ నెల్లూరు నగర 17వ మహాసభలను పురస్కరించుకొని నగరంలోని వీఆర్సీ సెంటర్‌ నుంచి సర్వోదయ కళాశాల వరకు గురువారం నిర్వహించిన మహా ప్రదర్శనలో ఆయన మాట్లాడారు. కార్పొరేట్‌, ప్రైవేట్‌ విద్యాసంస్థల దోపిడీని అరికట్టడంతో పాటు రాష్ట్రంలో పెండింగ్‌లో ఉన్న రూ.6450 కోట్ల ఫీజు రీయింబర్స్‌మెంట్‌, స్కాలర్‌షిప్‌ బకాయిలను వెంటనే విడుదల చేయాలని డిమాండ్‌ చేశారు. ఎన్నికలకు ముందు ఇచ్చిన హామీలను అమలు చేయాలని పేర్కొన్నారు. సీపీఐ ఎమ్మెల్‌ న్యూ డెమోక్రసీ జిల్లా కార్యదర్శి పోలయ్య, పీడీఎస్‌ యూ జిల్లా ప్రధాన కార్యదర్శి షారూఖ్‌, అరుణోద య రాష్ట్ర సహాయ కార్యదర్శి శ్రీను, రాష్ట్ర నేతలు ర జియా, నాగలక్ష్మి, నేతలు హర్షవర్ధన్‌రెడ్డి, సంతోష్‌, యశ్వంత్‌, విష్ణు, బాషా తదితరులు పాల్గొన్నారు.

సాక్షి ప్రతినిధి, నెల్లూరు: ప్రజారోగ్యాన్ని, పర్యావరణాన్ని పణంగా పెట్టి కొందరు కూటమి నేతలు చికెన్‌ వేస్ట్‌ మాఫియాగా రూ.కోట్లల్లో దోచుకుంటున్నారు. చేపల సాగులో చికెన్‌ వేస్ట్‌ను ఫీడ్‌గా సరఫరా చేస్తూ టీడీపీ నేతలు కాసులు పిండు కుంటున్నారు. ప్రజారోగ్యం దెబ్బతిన్నా మా జేబులు నిండితే చాలన్నట్లుగా తమ్ముళ్లతోపాటు పోలీసులు, మత్స్యశాఖ అధికారులు బరి తెగిస్తున్నారు. చికెన్‌ వేస్ట్‌ మురుగు జలాలతో ప్రజల దాహార్తిని తీర్చే పెన్నానదిని సైతం కలుషితం చేస్తున్నారు. చేపలు సాగు చేసే పరిసరాల్లోనే భూగర్భ జలాలు సైతం కలుషితంగా మారుతున్నాయి. చికెన్‌ వేస్ట్‌ కారణంగా పర్యావరణం కూడా దెబ్బతింటుంది. జిల్లాలో 2 వేల ఎకరాలకుపైగా సాగు జిల్లాలో ఆత్మకూరు, సంగం, కోవూరు, ఇందుకూరుపేట, విడవలూరు, ముత్తుకూరు, తోటపల్లిగూడూ రు, బుచ్చిరెడ్డిపాళెం, సంగం ప్రాంతాల్లో 2 వేల ఎకరాల్లో చేపల పెంపకం జరుగుతోంది. అయితే చేపలకు వినియోగించే ఫీడ్‌ (ఆహారం) ఖరీదు కావడంతో వీటి పోషణ రైతులకు భారంగా మారింది. సాధారణంగా చేపలు ఒక కేజీ పైబడి పెరగడానికి ఆరు నెలల నుంచి ఎనిమిది నెలలు పడుతోంది. ఇందు కోసం రెండు కేజీల బ్రాండెడ్‌ ఫీడ్‌ వినియోగించాల్సి ఉంటుంది. అదే చేపల మేతగా బ్రాండెడ్‌ ఫీడ్‌కు బదులు, ప్రత్యామ్నాయంగా అతి తక్కువ ఖర్చుతో కూడిన కోళ్ల వ్యర్థాలను చేపలకు ఆహారంగా వినియోగిస్తున్నారు. వీటితో నాలుగు నెలలకే కేజీ, అంతకు మించిన బరువు పెరుగుతున్నాయి. ఖర్చు తక్కువ.. రాబడి ఎక్కువ ఒక ఎకరంలో చేపల సాగుకు ఆరు టన్నుల ఫీడ్‌ అవసరం కాగా, ప్రస్తుతం టన్ను బ్రాండెడ్‌ ఫీడ్‌ రూ.35 వేల వరకు ఉంది. ఈ లెక్కన ఒక ఎకరానికి రూ.2.10 లక్షలు ఖర్చు అవుతుంది. అదే చికెన్‌ వేస్ట్‌ అయితే.. కేజీ చేప పెరగడానికి నాలుగు కేజీలు వినిగిస్తున్నారు. ఈ లెక్కన ఎకరంలో చేపల సాగుకు 12 టన్నుల చికెన్‌ వేస్ట్‌ అవసరం కాగా, టన్ను రూ.15 వేలు ఉంది. ఈ లెక్కన ఎకరానికి ఎకరానికి రూ.1.80 లక్షల ఖర్చు అవుతుంది. చికెన్‌ వేస్ట్‌ను ఫీడింగ్‌గా వినియోగించే చేపలు కేవలం 4 నెలల్లోనే కేజీ నుంచి కేజీన్నర వరకు పెరుగుదల ఉండడంతో రైతులకు లాభసాటిగా ఉంటుంది. ఈ లెక్కన కేజీ–కేజీన్నర చేప పెరుగుదలకు రూ.40 నుంచి రూ.60 ఖర్చు అవుతుంది. ప్రస్తుతం కేజీకి పైబడిన చేపలు అయితే కేజీ రూ.120లకు, ముప్పావు నుంచి కేజీ వరకు ఉంటే కేజీ రూ.104లకే రైతుల నుంచి కొనుగోలు చేస్తున్నారు. నాలుగు నెలల సీజన్‌లో రూ.24 కోట్ల రాబడులు కోవూరు, బుచ్చిరెడ్డిపాళెం, సంగం, సర్వేపల్లి నియోజ కవర్గంలోని పలు ప్రాంతాలకు చెందిన టీడీపీ నేతలు చికెన్‌ వేస్ట్‌ మాఫియాగా తయారయ్యారు. మత్స్యశాఖ, పోలీసులకు నెలకు రూ.లక్షల్లో మామూళ్లు ఇచ్చుకుంటూ రూ.కోట్లల్లో దోచు కుంటున్నారు. పర్యావరణ పరిరక్షణలో భాగంగా కేంద్ర ప్రభుత్వం జారీ చేసిన ఆదేశాలకు అనుగుణంగా తమిళనాడు, కేరళ, కర్ణాటక మహా నగరాల్లో వేస్ట్‌గా నిర్వీర్యం చేసే కోళ్ల వ్యర్థాలను సేకరించి జిల్లాకు తెచ్చి ఈ మాఫియా విక్రయాలు చేస్తోంది. అక్కడ కేజీకి ఐదారు రూపాయలకు కొనుగోలు చేసి ఇక్కడ రూ.15లకు విక్రయిస్తున్నారు. జిల్లాలో సాగవుతున్న చేపలకు నెలకు సగటున 6 వేల మెట్రిక్‌ టన్నులు, నాలుగు నెలలకు సుమారు 24 వేల మెట్రిక్‌ టన్నుల చికెన్‌ వేస్ట్‌ను వినియోగిస్తున్నారు. ఈ లెక్కన కేజీకి రూ.10 వంతున రూ.24 కోట్ల ఆదాయాన్ని పొందుతున్నారు.చేపల సాగు గుంతలో తేలిన చికెన్‌ వేస్ట్‌ కేన్సర్‌, జీర్ణాశయం, గుండె, కిడ్నీ సంబంధిత వ్యాధులు వస్తాయని వైద్యుల హెచ్చరిక జిల్లాలో 2 వేల ఎకరాలకుపైగా చేపల సాగు, వీటికి చికెన్‌ వేస్టే ఫీడింగ్‌ ఒక్క ఎకరాకు 12 టన్నుల లెక్కన 24 వేల మెట్రిక్‌ టన్నుల వినియోగం కోవూరు, ఆత్మకూరు, సర్వేపల్లిల్లో విచ్చలవిడిగా వినియోగం ఇంత పెద్ద అధికార యంత్రాంగం ఉండీ కట్టడి చేయలేకపోతున్న వైనం నెలకు రూ.6 కోట్ల ఆదాయం శాసిస్తున్న చికెన్‌ వేస్ట్‌ మాఫియా ప్రాణాంతక వ్యాధులు ఆయా రాష్ట్రాల్లో సేకరించిన చికెన్‌ వేస్ట్‌ను రెండు.. మూడు రోజులు నిల్వ ఉంచడంతో కుళ్లి, పురుగులు పట్టి దుర్గంధం వెదజల్లుతోంది. ఇటువంటి కుళ్లిన చికెన్‌ను తెచ్చి నేరుగా చేపల సాగు చేసే చెరువుల్లో పోస్తున్నారు. వీటిని ఆహారంగా తిని పెరిగిన చేపలను తినడం వల్ల ఈకోలి బ్యాక్టీరియా కారణంగా ప్రాణాంతకమైన కేన్సర్‌, జీర్ణాశయం, గుండె, కిడ్నీ సంబంధిత వ్యాధులు వస్తాయని వైద్యులు చెబుతున్నారు. కుళ్లిన చికెన్‌ వేస్ట్‌ను అర్ధరాత్రి తర్వాతనే వాహనాల్లో జిల్లాకు తరలిస్తున్నారు. ఆ సమయంలో తనిఖీలకు అవకాశం ఉండదనే ఉద్దేశంతో విచ్చలవిడిగా తరలిస్తున్నారు. ఆ వాహనం వచ్చినంత దూరం దుర్గంధం వెదజల్లుతోంది. ఇలాంటి వాహనాలు నేరుగా టోల్‌గేట్లు దాటి వస్తున్నా.. గుర్తించి వాటిని పట్టుకునే చర్యలు తీసుకోకపోవడంతో అడ్డూ అదుపు ఉండడం లేదు. చికెన్‌ వేస్ట్‌ మాఫియా భారీ ఎత్తున నెల మామూళ్లు ఇస్తుండడంతో చూసీచూడనట్లు వ్యవహరిస్తున్నారనే ఆరోపణలు వినిపిస్తున్నాయి. అడపాదడపా ఒకటీ.. అర పట్టుకుని నిఘా పెట్టాము.. కట్టడి చర్యలు తీసుకుంటున్నామంటూ అధికారులు కంటితుడుపుగా పనిచేస్తున్నారనే విమర్శలు లేకపోలేదు. టాస్క్‌ఫోర్స్‌ కమిటీలు ఏర్పాటు చేశాం జిల్లాలో చేపల చెరువుల్లో చికెన్‌ వేస్ట్‌ వినియోగంపై ఇప్పటికే రైతులను హెచ్చరించడం జరిగింది. అన్ని మండలాల్లో తహసీల్దారు, ఎస్‌ఐతోపాటు రవాణా శాఖ, ఫిషరీస్‌ అధికారులతో టాస్క్‌ఫోర్స్‌ కమిటీలు ఏర్పాటు చేశాం. ఎప్పటికప్పుడు సమాచారం అందితే తనిఖీ చేపట్టి వాటిని నిర్వీర్యం చేసేందుకు చర్యలు తీసుకుంటున్నాం. కొన్ని సందర్భాల్లో కళ్లుగప్పి వచ్చిన వాహనాలను సైతం చేపల గుంతల వద్ద పట్టుకుంటున్నాం. – లక్ష్మణ్‌రావు, ఫిషరీస్‌ జేడీ

● కళ్లలో కారం చల్లి, గొంతుకోసిన వైనం ● గంటల వ్యవధిలోనే నిందితుల అరెస్ట్‌ నెల్లూరు(క్రైమ్‌): తమ అన్నను చంపాడనే కక్షతో ఓ రౌడీషీటర్‌పై హత్యాయత్నానికి ఇద్దరు పాల్పడిన ఘటన నవాబుపేటలోని మహాలక్ష్మమ్మగుడి ఎదురుగా గురువారం చోటుచేసుకుంది. పోలీసుల వివరాల మేరకు.. కుసుమ దళితవాడకు చెందిన మర్లపాటి ప్రదీప్‌పై నెల్లూరు రూరల్‌ పోలీస్‌స్టేషన్లో రౌడీషీట్‌ ఉంది. భార్య, పిల్లల నుంచి విడిపోయిన ఈయన కొన్నేళ్లుగా పొర్లుకట్టలో తల్లి రమణమ్మతో కలిసి ఉంటూ ఆటో నడుపుకొని జీవనం సాగిస్తున్నారు. దాదాపు 15 రోజుల క్రితం శివదీక్షను చేపట్టారు. తనకు తెలిసిన వ్యక్తి మృతి చెందడంతో మాలను తీసేసి తన ఆటోలో కుసుమ దళితవాడకు వెళ్లారు. అక్కడ అదే ప్రాంతానికి చెందిన సోదరులు సాయి, సునీల్‌తో గొడవపడి.. ఆటోలో ఇంటికి బయల్దేరారు. వెంబడించిన సాయి, సునీల్‌.. మహాలక్షమ్మ గుడి వద్ద ఆటోలో ఎక్కారు. ఆపై ప్రదీప్‌ కళ్లలో కారం చల్లి కత్తితో గొంతుకోసి పరారయ్యారు. సమాచారం అందుకున్న నవాబుపేట ఇన్‌స్పెక్టర్‌ వేణుగోపాల్‌రెడ్డి తన సిబ్బందితో కలిసి ఘటన స్థలానికి వెంటనే చేరుకున్నారు. తీవ్రంగా గాయపడిన ప్రదీప్‌ను 108లో జీజీహెచ్‌కు.. మెరుగైన వైద్యం నిమిత్తం కిమ్స్‌ వైద్యశాలకు తరలించారు. తల్లి రమణమ్మ ఫిర్యాదు మేరకు హత్యాయత్నం కేసును నమోదు చేశారు. నవాబుపేట ఇన్‌స్పెక్టర్‌తో పాటు నగర ఇన్‌స్పెక్టర్లు శ్రీనివాసరావు, సోమయ్య, కల్యాణరాజు, కోటేశ్వరరావు, సాంబశివరావు ఆధ్వర్యంలోని ప్రత్యేక బృందాలు నిందితుల కోసం గాలింపు చర్యలు చేపట్టాయి. గంటల వ్యవధిలోనే పాత చెక్‌పోస్ట్‌ సమీపంలోని పెన్నా బ్రిడ్జి వద్ద అరెస్ట్‌ చేశారు. నవాబుపేట పోలీస్‌స్టేషన్లో కేసు పూర్వాపరాలను ఏఎస్పీ దీక్ష వెల్లడించారు. అన్నను చంపాడనే కక్షతోనే.. కుసుమ దళితవాడకు చెందిన ప్రదీప్‌, మోషే స్నేహితులు. ఓ మహిళ విషయమై వీరి మధ్య విభేదాలు పొడచూపాయి. ఈ నేపథ్యంలో 2022లో మోషే హత్యకు గురయ్యారు. ఆ కేసులో ప్రదీప్‌ను పోలీసులు అరెస్ట్‌ చేశారు. అప్పటి నుంచి మోషే తమ్ముళ్లు సాయి, సునీల్‌.. ప్రదీప్‌పై కక్ష పెంచుకొని అదను కోసం వేచిచూడసాగారు. కుసుమ దళితవాడ నుంచి ఇంటికెళ్తుండగా, హత్యాయత్నానికి నిందితులు పాల్పడ్డారని తెలిపారు.

నెల్లూరు(బారకాసు): మున్సిపల్‌ కార్మికుల సమస్యలను పరిష్కరించాలని మున్సిపల్‌ వర్కర్స్‌ యూనియన్‌ నెల్లూరు నగర గౌరవాధ్యక్షుడు కత్తి శ్రీనివాసులు, ఉపాధ్యక్షుడు చిన్న మాలకొండయ్య డిమాండ్‌ చేశారు. తమ సమస్యలను పరిష్కరించాలని కోరుతూ నగరంలోని ఏసీనగర్‌ సెంటర్‌లో గురువారం చేపట్టిన నిరసన కార్యక్రమంలో వీరు మాట్లాడారు. కార్మికుల ఇబ్బందులను పట్టించుకోకుండా అభివృద్ధి అని చెప్పడం ఎంత మేరకు సమంజసమని ప్రశ్నించారు. వీటిపై దృష్టి సారించకపోతే ఎన్నికల్లో బుద్ధి చెప్తామని స్పష్టం చేశారు. సమస్యలను పరిష్కరించే దిశగా ప్రభుత్వం చర్యలు చేపట్టకపోతే ఉద్యమాన్ని ఉధృతం చేయనున్నామని స్పష్టం చేశారు. నేతలు మట్టిపాటి శ్రీనివాసులు, కామాక్షమ్మ, అశోక్‌, లోకేష్‌, రావమ్మ, దయామణి, శ్రీనివాసులు, రమేష్‌ తదితరులు పాల్గొన్నారు.

పొదలకూరు : మాజీ సీఎం వైఎస్‌ జగన్‌మోహన్‌రెడ్డిని విమర్శించే అర్హత సోమిరెడ్డికి లేదని, నైతిక విలువలు లేని ఆయన డీఎస్సీపై అవగాహన లేకుండానే మాట్లాడుతున్నాడని మాజీ మంత్రి, వైఎస్సార్‌సీపీ జిల్లా అధ్యక్షుడు కాకాణి గోవర్ధన్‌రెడ్డి అన్నారు. పొదలకూరు మండలం చెన్నారెడ్డిపల్లి, వెంకటాచలం మండలం తిరుమలమ్మపాళెం గ్రామాల్లో కాకాణి బుధవారం పర్యటించారు. చెన్నారెడ్డిపల్లిలో కోడూరు సుందరరామిరెడ్డి భౌతికాయాన్ని సందర్శించి కాకాణి నివాళులర్పించారు. తిరుమలమ్మపాళెంలో ఇటీవల మృతి చెందిన ముంగర వెంకటసుబ్బయ్య కుటుంబాన్ని పరామర్శించారు. ఈ సందర్భంగా కాకాణి మాట్లాడుతూ స్పోర్ట్స్‌ కోటా అక్రమాలపై విచారణకు వెనుకాడుతూ కూటమి ప్రభుత్వం డైవర్షన్‌ పాలిటిక్స్‌కు పాల్పడుతోందని విమర్శించారు. చదువు, సంధ్య లేని సోమిరెడ్డి డీఎస్సీ ఉద్యోగాలపై మాట్లాడడం విడ్డూరంగా ఉందన్నారు. డీఎస్సీలో అక్రమాలు జరిగినట్టు కళ్లకు కట్టినట్టు కనిపిస్తున్నా జగన్‌మోహన్‌రెడ్డిని సోమిరెడ్డి విమర్శించడం ఆయన అవగాహనా రాహిత్యానికి నిదర్శనమన్నారు. లోకేశ్‌ రాజీనామా చేయకుండా ఇష్టారాజ్యంగా వ్యవహరిస్తున్నాడని, ప్రశ్నించిన వారిపై గుండాలతో దాడులకు పాల్పడుతూ రాజ్యాంగాన్ని అపహాస్యం చేస్తున్నాడని ధ్వజమెత్తారు. పేదల గృహ నిర్మాణాలు, రీసర్వే అంశాలతో పాటు స్థానిక సంస్థల ఎన్నికల నేపథ్యంలో కూటమి ప్రభుత్వం అడ్డగోలు చర్యలకు పాల్పడుతోందని ఆరోపించారు. స్థానిక సంస్థల ఎన్నికలు సమీపిస్తుండడంతో సోమిరెడ్డి కొత్త నాటకాలకు తెరలేపుతున్నాడని, ఎన్నికల్లో రాజకీయ లబ్ధి కోసం పేదల గృహాలు, రీసర్వే అంశాలను ప్రస్తావిస్తున్నారని విమర్శించారు. న్యాయపరంగా ఎదుర్కొంటాం తమ ప్రభుత్వ హయాంలో పేదలకు మంజూరు చేసిన ఇళ్లను సోమిరెడ్డి నిర్మించుకోనీయకుండా ఇబ్బందులకు గురిచేస్తున్నారని కాకాణి ఆరోపించారు. అధికారులు సైతం పేదల ప్లాట్లను రద్దు చేసి టీడీపీ వారికి అందజేసేందుకు సహకరిస్తున్నారన్నారు. దీనిపై న్యాయపరంగా ఎదుర్కొనేందుకు సిద్ధంగా ఉన్నామని తెలిపారు. పట్టాలు పొందిన లబ్ధిదారులకు గృహ నిర్మాణ శాఖ అధికారులు కాలనీ మంజూరు పత్రాలు అందజేయకుండా అడ్డుకుంటున్నారని ఆరోపించారు. భూముల రీసర్వే లోపభూయిష్టంగా మారిందని, వీఆర్వోలు, తహసీల్దార్లు సర్వే రికార్డుల్లో పేర్లు మారుస్తున్నారని ఆగ్రహం వ్యక్తం చేశారు. భవిష్యత్తులో రీసర్వే అక్రమాలపై పూర్తిస్థాయిలో విచారణ చేయిస్తామన్నారు. గ్రామాల్లో వైఎస్సార్‌సీపీ నాయకులు సొంత నిధులతో అభివృద్ధి పనులు చేయిస్తున్నారని, వారి సామాజిక బాధ్యతను అభినందిస్తున్నామని తెలిపారు. గ్రామాల్లో తమ పార్టీ నాయకులు చేస్తున్న సేవలను చూసి ప్రభుత్వ పెద్దలు సిగ్గుపడాలన్నారు. నాయకులు కోడూరు ఆనంద్‌రెడ్డి, నోటి బాలకొండారెడ్డి, నీలం మాల్యాద్రిరెడ్డి, వి.లింగారెడ్డి, ఎం.వెంకటశేషయ్య తదితరులు ఉన్నారు. డీఎస్సీపై అవగాహన లేకుండానే జగన్‌పై విమర్శలా స్పోర్ట్స్‌ కోటా అక్రమాలపై డైవర్షన్‌ రాజకీయాలు పేదల స్థలాల జోలికొస్తే ఉద్యమం చేపడతాం మాజీ మంత్రి కాకాణి గోవర్ధన్‌రెడ్డి

నెల్లూరురూరల్‌: తాడేపల్లిలోని నివాసంలో వైఎస్సార్‌సీపీ అధినేత, మాజీ సీఎం వైఎస్‌ జగన్‌ మోహన్‌రెడ్డిని ఆ పార్టీ నెల్లూరు సిటీ నియోజకవర్గ ఇన్‌చార్జి, ఎమ్మెల్సీ పర్వతరెడ్డి చంద్రశేఖర్‌రెడ్డి బుధవారం మర్యాదపూర్వకంగా కలిశారు. వైభవంగా సుబ్రహ్మణ్యస్వామి గ్రామోత్సవం చిట్టమూరు: మండలంలోని మల్లాంలో జరుగుతున్న వల్లీదేవసేన సమేత సుబ్రహ్మణ్య స్వామి వార్షిక బ్రహ్మోత్సవాల్లో భాగంగా బుధవారం గ్రామోత్సవాన్ని వైభవంగా నిర్వహించారు. స్వామి, అమ్మవార్ల ఉత్సవమూర్తులను ప్రత్యేకంగా అలంకరించి రథంపై కొలువుదీర్చి గ్రామోత్సవం జరిపారు. బ్రహ్మోత్సవాల్లో భాగంగా ఈ నెల 26వ తేదీ సోమవారం సాయంత్రం నాలుగు గంటలకు ఫలాభిషేకం, నందిసేవ, రాత్రి మల్లాసుర, కొల్లాసుర యుద్ధం నిర్వహించనున్నట్లు నిర్వాహకులు తెలిపారు. కసురుపై సముద్రం చిల్లకూరు: బంగాళాఖాతంలో ఏర్పడిన తీవ్రవాయుగుండం ప్రభావంతో మండలంలోని తీరప్రాంతంలో సముద్రం కసురు మీద ఉంది. బుధవారం మధ్యాహ్నం నుంచి వాతావరణంలో ఒక్కసారిగా మార్పులు చోటు చేసుకుని పెనుగాలులు వీస్తూ అలలు ఉవ్వెత్తున ఎగిసిపడుతున్నాయి. దీంతో గుమ్మళ్లదిబ్బ, మిద్దెరేవు, తీగపాళెం గ్రామాల మత్స్యకారులు వేటను నిలిపివేసి తమ పడవలను, వలలను సురక్షిత ప్రాంతంలో భద్రపరుచుకున్నారు. సిలికా మైనింగ్‌కు ప్రజాభిప్రాయ సేకరణ చిల్లకూరు: మండలంలోని మోమిడిలో సిలికా మైనింగ్‌కు సంబంధించి ప్రజాభిప్రాయ సేకరణను రెవెన్యూ, పర్యావరణ శాఖల సంయుక్త ఆధ్వర్యంలో బుధవారం చేపట్టారు.తొలుత జాయింట్‌ కలెక్టర్‌ మొగిలి వెంకటేశ్వర్లు మాట్లాడుతూ మోమిడిలోని సర్వే నంబర్‌ 696లోని సుమారు 8.693 హెక్టార్లలో సిలికా తవ్వకాల కోసం సప్తగిరి మినరల్‌ యాజమాన్యం ప్రభుత్వానికి దరఖాస్తు చేసుకుందని తెలిపారు. అందుకు సంబంధించి ప్రజాబిప్రాయ సేకరణ చేపడుతున్నామని చెప్పారు. స్థానికులు, ఎన్‌జీఓ అభిప్రాయాలను ఆడియో, వీడియోల రూపంలో రికార్డు చేసి కేంద్ర పర్యావరణ శాఖ అధికారులకు అందజేస్తామని తెలిపారు. అనంతరం స్థానికులు తమ అభిప్రాయాలను తెలియజేస్తూ సిలికా తవ్వకాలకు కేటాయిస్తున్న భూమి రిజర్వు ఫారెస్ట్‌ కాగా, దానిని రికార్డుల్లో జంగిల్‌ పోరంబోకుగా మార్చి సిలికా తవ్వకాలకు దరఖాస్తు చేసుకున్నారని ఆరోపించారు. సిలికా తవ్వకాలకు అనుమతులు ఇస్తే రిజర్వు ఫారెస్ట్‌ పూర్తిగా కనుమరుగవుతుందని ఆవేదన వ్యక్తం చేశారు. తమ జీవాలు, పశువులను ఎక్కడ మేపుకోవాలని ప్ర శ్నించారు. గతంలో కొందరు సిలికా తవ్వకాలకు అనుమతులు ఇవ్వొద్దని కోర్టును ఆశ్రయించి ఉన్నారని తెలిపారు. ఇటీవల గూడూరుకు చెందిన నానుమునీంద్రరెడ్డి కోర్టుకు వెళ్లగా కలెక్టర్‌ను పరిశీలించి నివేదిక ఇవ్వాలని ఆదేశించిందన్నారు. అయినా అధికారులు ప్రజాభిప్రాయసేకరణ చేపట్టడం చూస్తుంటే పెద్దలే మైనింగ్‌కు అప్పగించేలా వ్యవహరిస్తున్నారని అసంతృప్తిని వ్యక్తం చేశారు. గూడూరు ఆర్డీఓ అరుణకుమారి, తహసీల్దార్‌ గోపినాథ్‌రెడ్డి, రెవెన్యూ సిబ్బంది పాల్గొన్నారు.

● మంత్రి నారాయణకు ఎమ్మెల్సీ పర్వతరెడ్డి సవాల్‌ నెల్లూరురూరల్‌: చెత్త తొలగింపు అంశంపై మంత్రి నారాయణ చేస్తున్న ఆరోపణలు అవాస్తవమని ఎమ్మెల్సీ పర్వతరెడ్డి చంద్రశేఖర్‌ రెడ్డి ఖండించారు. బుధవారం ఆయన ఒక ప్రకటన విడుదల చేశారు. మంత్రి నారాయణ రెండున్నరేళ్లుగా గత వైఎస్సార్‌సీపీ ప్రభుత్వం 83 లక్షల టన్నుల చెత్తను రాష్ట్రంలో వదిలివెళ్లిందని ఆరోపణలు చేస్తున్నారన్నారు. కూటమి ప్రభుత్వం 1.63 లక్షల టన్నుల చెత్తను తొలగించిందని పేర్కొంటున్నారని అన్నారు. చెత్త తొలగింపు పేరుతో సుమారు రూ.1,200 కోట్ల అవినీతి జరిగిందని తాను ఆరోపిస్తున్నానని తెలిపారు. నెల్లూరు నగరంలో పన్నుల రూపంలో ప్రజల నుంచి వసూలు చేసిన నిధులను సంబంధిత వ్యక్తులకు కట్టబెట్టిన అంశంపై వాస్తవాలను ఆధారాలతో సహా వెల్లడించేందుకు తాను సిద్ధంగా ఉన్నానన్నారు. తాను చేసిన ఆరోపణలను నిరూపించలేకపోతే మంత్రి నారాయణకు బహిరంగ క్షమాపణ చెప్పడంతో పాటు రాజకీయాల నుంచి శాశ్వతంగా తప్పుకుంటానని పర్వతరెడ్డి తెలిపారు. అదే సమయంలో తన ఆరోపణలు నిజమని నిరూపితమైతే మంత్రి నారాయణ ప్రజలకు బహిరంగ క్షమాపణ చెప్పి రాజకీయాల నుంచి తప్పుకుంటారా అని ప్రశ్నించారు. తాను చెప్పిన అంశాలపై ఎక్కడైనా, ఎప్పుడైనా బహిరంగ చర్చకు సిద్ధమని, మంత్రి నారాయణ చర్చకు రావాలని సవాల్‌ విసిరారు. చర్చకు రాకపోయినా సంబంధిత వాస్తవ ఆధారాలను త్వరలో మీడియా ద్వారా ప్రజల ముందుంచుతామని తెలిపారు.

● చెర్లోపల్లిలో దళితుల ఆందోళన మనుబోలు: మండలంలోని చెర్లోపల్లికి చెందిన దళిత యువకుడు అభిషేక్‌పై అక్రమ కేసులు పెట్టి వేధించడంపై పలువురు దళితులు బుధవారం ఆందోళన వ్యక్తం చేశారు. ఈ సందర్భంగా వ్యవసాయ కార్మిక సంఘం మండల కార్యదర్శి తలారి దేవదానం మాట్లాడుతూ గత ప్రభుత్వ హయాంలో కొందరు మద్యం సేవించి ఇంటిపైకి గొడవకు వచ్చి దళిత యువకుడిని కొట్టారని ఆరోపించారు. అప్పట్లో బాధితులు కేసు పెట్టగా కొట్టిన వారిని చట్ట ప్రకారం శిక్షించారని తెలిపారు. అప్పుడు శిక్ష పడిన వారు కొంత కాలం కనిపించకుండా పోయి టీడీపీ ప్రభుత్వం వచ్చాక ప్రతీకారానికి తెరలేపారన్నారు. అందులో భాగంగా దళిత యువకుడిపై తప్పుడు కేసులు పెట్టి, రౌడీషీట్లు తెరిచి మూడు నెలలు జైలుకు పంపారని తెలిపారు. ఇటీవల శిక్ష అనుభవించి బయటకు రాగా మళ్లీ గంటల వ్యవధిలోనే పీడీ యాక్ట్‌ కింద పోలీసులు అరెస్ట్‌ చేశారని చెప్పారు. అధికారాన్ని అడ్డం పెట్టుకుని ఇలా చేయడం దుర్మార్గమన్నారు. ఉన్నతాధికారులు స్పందించి అభిషేక్‌పై అక్రమ కేసులు ఎత్తివేయాలని, లేదంటే దళిత సంఘాలను కలుపుకొని ఆందోళన చేస్తామని హెచ్చరించారు.

జిల్లాలో సర్కారు జూనియర్‌ కళాశాలల పరిస్థితి దారుణంగా ఉంది. రెగ్యులర్‌ అధ్యాపకుల కొరత తీవ్రంగా వేధిస్తోంది. కూటమి ప్రభుత్వం కొత్తగా నియామకాలు చేపట్టక కాంట్రాక్ట్‌, గెస్ట్‌ లెక్చర్లలతోనే బోధన సాగిస్తోంది. దీంతో పేద విద్యార్థులకు నాణ్యమైన విద్య అందని దుస్థితి నెలకొంది. ఫిజికల్‌ డైరెక్టర్ల పోస్టులను కూడా భర్తీ చేయకపోవడంతో విద్యార్థులు క్రీడలకు సైతం దూరమవుతున్నారు. ఎలాంటి ఆటంకం లేదు ప్రభుత్వ జూనియర్‌ కళాశాలల్లో బోధనకు ఎలాంటి ఆటంకం లేదు. పూర్తి స్థాయిలో అధ్యాపకులు ఉన్నారు. ఉద్యోగ విరమణ పొందిన అధ్యాపకుల స్థానంలో గెస్ట్‌ లెక్చరర్లను నియమిస్తున్నాం. రెగ్యులర్‌ అధ్యాపకుల నియామకం కూడా ప్రభుత్వం చేపట్టనుంది. జూనియర్‌ కళాశాలల్లో పీడీలు లేని మాట వాస్తవమే. ఈ విషయాన్ని రాష్ట్ర ప్రభుత్వ దృష్టికి తీసుకెళ్లాం. – రాజశేఖరరెడ్డి, జిల్లా వృత్తి విద్యాశాఖ అధికారి నెల్లూరు (టౌన్‌) : ప్రభుత్వ విద్యకు కూటమి ప్రభుత్వం తిలోదకాలు ఇస్తుందన్న విమర్శలు వెలువెత్తుతున్నాయి. పేద, మధ్య తరగతి విద్యార్థులు చదవుకునే ప్రభుత్వ జూనియర్‌ కళాశాలలను పట్టించుకోవడం లేదన్న ఆరోపణలు వినిపిస్తున్నాయి. నాణ్యమైన విద్యను అందించాల్సి ఉన్నా ఆ దిశగా చర్యలు చేపట్టడం లేదు. ప్రభుత్వ జూనియర్‌ కళాశాలల్లో రెగ్యులర్‌ అధ్యాపకుల సంఖ్య ప్రతి ఏడాది తగ్గిపోతోంది. రెగ్యులర్‌ అధ్యాపకుల స్థానంలో కాంట్రాక్ట్‌, గెస్ట్‌ లెక్చరర్లను నియమించి కూటమి ప్రభుత్వం చేతులు దులుపుకొంటుందన్న విమర్శలు వెలువెత్తుతున్నాయి. దీంతో పాటు క్రీడా రంగానికి పెద్ద పీట వేస్తున్నామని ఓ వైపు ప్రకటనలు గుప్పిస్తూ మరోవైపు జూనియర్‌ కళాశాలల్లో ఫిజికల్‌ డైరెక్టర్ల నియామకానికి పూర్తిగా మంగళం పాడింది. జిల్లాలోని 25 ప్రభుత్వ యాజమాన్య జూనియర్‌ కళాశాలల్లో ఒక్క ఫిజికల్‌ డైరెక్టర్‌ మాత్రమే ఉండడం అందుకు నిదర్శనం. కాంట్రాక్ట్‌, గెస్ట్‌ఫ్యాకల్టీలతోనే.. జిల్లాలో 25 ప్రభుత్వ జూనియర్‌ కళాశాలల ఉన్నాయి. అందులో 22 ప్రభుత్వ, 3 ఎయిడెడ్‌, 1 మున్సిపల్‌ జూనియర్‌ కళాశాలలు ఉన్నాయి. ఈ కళాశాలల్లో 325 అధ్యాపక పోస్టులు ఉండగా, 112 మంది రెగ్యులర్‌, 161 మంది కాంట్రాక్ట్‌, 52 మంది గెస్ట్‌లెక్చరర్లు పనిచేస్తున్నారు. జిల్లాలోని ప్రభుత్వ యాజమాన్య జూనియర్‌ కళాశాలల్లో ప్రథమ, ద్వితీయ సంవత్సరం కలిపి 6,910 మంది విద్యార్థులు చదువుతున్నారు. వీరికి నాణ్యమైన విద్య అందాలంటే క్వాలిఫైడ్‌ రెగ్యులర్‌ అధ్యాపకులు అవసరం. అయితే కూటమి ప్రభుత్వం ఇవేమి పట్టించుకోకుండా రెగ్యులర్‌ అధ్యాపకుల స్థానంలో కాంట్రాక్ట్‌, గెస్ట్‌లెక్చరర్లను నియమించి బోధన సాగిస్తోంది. రెగ్యులర్‌ అధ్యాపకులకు రూ.లక్షల్లో జీతాలు ఇవ్వాల్సి వస్తుంది. అదే కాంట్రాక్ట్‌, గెస్ట్‌ లెక్చరర్లకు వేతనం రూ.30 వేల నుంచి రూ.40వేలు మాత్రమే ఉంటుంది. ప్రస్తుతం కాంట్రాక్ట్‌ అధ్యాపకులను కూడా పక్కన బెట్టి గెస్ట్‌లెక్చరర్లును నియమిస్తున్నారు. వీరికి గంటకు రూ.375 చొప్పున నెలకు 72 పిరియడ్ల బోధనకు రూ.27 వేలు మాత్రమే వేతనంగా ఇస్తున్నారు. అది కూడా 11 నెలలు మాత్రమే చెల్లిస్తున్నారు. జిల్లాలో ఒక్కరే ఫిజికల్‌ డైరెక్టర్‌ జిల్లాలోని 25 ప్రభుత్వ జూనియర్‌ కళాశాలలకు కలిపి ఒక్కరే ఫిజికల్‌ డైరెక్టర్‌ ఉన్నారు. నగరంలోని కేఏసీ జూనియర్‌ కళాశాలలో ఫిజికల్‌ డైరెక్టర్‌గా పనిచేస్తున్న పీ వేణుగోపాల్‌రెడ్డి కూడా వచ్చే ఏడాది సెప్టెంబరులో ఉద్యోగ విమరణ పొందనున్నారు. ఆ తరువాత జూనియర్‌ కళాశాలల్లో పీడీలు లేని జిల్లాగా మారనుంది. కూటమి ప్రభుత్వం మాత్రం క్రీడా రంగానికి అధిక ప్రాధాన్యత ఇస్తున్నామని ప్రకటనలు గుప్పిస్తోంది. ఉద్యోగ నియామకాల్లో క్రీడాకారులకు 3 శాతం రిజర్వేషన్లు ప్రకటించామని గొప్పలు చెప్పుకుంటోంది. పాఠశాల స్థాయిలో క్రీడారంగంలో రాణించిన క్రీడాకారులు జూనియర్‌ కళాశాలలకు వచ్చే సరికి క్రీడలకు పూర్తిగా దూరమవుతున్నారు. ఫిజికల్‌ డైరెక్టర్లు లేకపోవడంతో కార్పొరేట్‌ జూనియర్‌ కళాశాలల్లో విద్యార్థులు ఎదుర్కొంటున్న పరిస్థితి ప్రభుత్వ జూనియర్‌ కళాశాలల్లో కూడా ఉంది. గతంలో పాఠశాలల్లో పీఈటీలుగా పనిచేస్తున్న వారికి పదోన్నతి కల్పించి పీడీలుగా నియామకం చేసేవారు. కూటమి ప్రభుత్వం వచ్చాక పీడీ పోస్టులను భర్తీ చేయకపోవడంతో పాఠశాల స్థాయిలోనే పీఈటీలు ఉద్యోగ విరమణ పొందుతున్న పరిస్థితి ఉంది. చదువుతో పాటు క్రీడల్లో రాణించి ప్రభుత్వ ఉద్యోగం సాధిద్దామని ఆశపడుతున్న విద్యార్థులు నిరాశ, నిస్పృహల్లో ఉన్నారు. ఇప్పటికై నా పేద విద్యార్థులు చదువుతున్న ప్రభుత్వ జూనియర్‌ కళాశాలల్లో పూర్తి స్థాయిలో రెగ్యులర్‌ అధ్యాపకులు, ఫిజికల్‌ డైరెక్టర్లను నియమించాలని విద్యార్థులతో పాటు తల్లిదండ్రులు కోరుతున్నారు. ప్రభుత్వ జూనియర్‌ కళాశాలల్లో రెగ్యులర్‌ అధ్యాపకుల కొరత నియామకాలపై దృష్టి సారించని ప్రభుత్వం కాంట్రాక్ట్‌, గెస్ట్‌ లెక్చరర్లతోనే బోధన విద్యార్థులకు అందని నాణ్యమైన విద్య జిల్లాలోని 25 జూనియర్‌ కళాశాలలకు ఒక్కరే పీడీ ఆయన కూడా వచ్చే ఏడాదిలో ఉద్యోగ విరమణ క్రీడా రంగానికి ప్రాధాన్యత ప్రభుత్వ ప్రకటనలకే పరిమితం ప్రభుత్వ జూనియర్‌ కళాశాలల్లో పనిచేస్తున్న 25 మంది రెగ్యులర్‌ అధ్యాపకులకు డిగ్రీ కళాశాలల అధ్యాపకులుగా ఈ ఏడాది జూలైలో పదోన్నతి కల్పించారు. అయితే ఈ ఏడాది విద్యా సంవత్సరం ప్రారంభం కావడంతో పదోన్నతి పొందిన అధ్యాపకులు జూనియర్‌ కళాశాలల్లోనే పనిచేస్తున్నారు. వచ్చే ఏడాది వీరంతో డిగ్రీ కళాశాలలకు వెళ్లనున్నారు. వీరి స్థానంలో గెస్ట్‌ లెక్చరర్లును నియమించనున్నారు.

నెల్లూరు(పొగతోట): ఐదేళ్ల పాలనలో జరగని అవమానం జెడ్పీటీసీలకు చివరి రోజుల్లో జరిగింది. ప్రజాప్రతినిధులు, అధికారులు అందుబాటులోనే ఉన్నా అందరూ పథకం ప్రకారమే జెడ్పీ చివరి సర్వసభ్య సమావేశానికి మూకుమ్మడిగా గైర్హాజరయ్యారు. గౌరవంగా వీడ్కోలు పలకాల్సిన సభలో జెడ్పీటీసీలను ఘోరంగా అవమానపరిచారు. జెడ్పీ చైర్‌పర్సన్‌ ఆనం అరుణమ్మ అందరికీ సమన్యాయం చేశారు. అందుబాటులో ఉన్న నిధులతో అభివృద్ధి పనులు, సంక్షేమ కార్యక్రమాలు అమలు చేశారు. చివరి సమావేశంలో మండలాల్లోని సమస్యలను జిల్లా అధికారుల దృష్టికి తీసుకొచ్చి పరిష్కరించేందుకు చర్యలు తీసుకోవాలని కోటి ఆశలతో జెడ్పీటీసీలు సమావేశానికి హాజరయ్యారు. అయితే జిల్లా అధికారులు, జెడ్పీ అధికారులు సమావేశానికి హాజరుకాకుండా వ్యవహరించిన తీరుకు జెడ్పీటీసీలు నివ్వెరపోయారు. రాష్ట్రంలో ఎక్కడా ఇటువంటి ఘటనలు జరిగి ఉండవు. జెడ్పీ చరిత్రలో ఇది ఒక చీకటి రోజుగా నిలిచింది. ముందుగానే అనుమతి తీసుకున్నా.. జెడ్పీలో నిర్వహించే స్థాయీ సంఘాల, సర్వసభ్య సమావేశాల నిర్వహణను జెడ్పీ చైర్‌పర్సన్‌, జెడ్పీ అధికారులు కలిసి నిర్ణయం తీసుకుంటారు. ఈ నెల 17న నిర్వహించ తలపెట్టిన సర్వసభ్య సమావేశానికి జిల్లా మంత్రులు, ఇన్‌చార్జి మంత్రి, ఎమ్మెల్సీలు, ఎమ్మెల్యేలు, కలెక్టర్‌ అనుమతి 20 రోజుల కిందట తీసుకున్నారు. ఆ రోజు సమావేశం జరుగుతుందని అందరికీ ముందుగానే సమాచారం ఇచ్చారు. అందరూ జిల్లాలోనే అందుబాటులో ఉన్నా సమావేశానికి కావాలనే గైర్హాజరయ్యారు. ఈ నెల 22న అత్యవసర సమావేశం నిర్వహించాలని ఉత్తర్వులు ఇచ్చిన అధికారులు వాటిని పట్టించుకోలేదు. ఇప్పటి వరకు 30 మంది జెడ్పీ చైర్మన్లుగా పనిచేశారు. ఏ పాలకవర్గానికి ఇంతగా అవమానం జరగలేదు. 31వ చైర్‌పర్సన్‌ను ఉద్దేశపుర్వకంగానే అవమానించిట్లుగా సమాచారం. కలెక్టర్‌ అందుబాటులో లేకపోతే జాయింట్‌ కలెక్టర్‌ అయినా సమావేశానికి హాజరయ్యే వారు. కలెక్టర్‌ అందుబాటులో ఉన్నా సమావేశానికి హాజరకాలేదు. ఉమ్మడి నెల్లూరు జిల్లాకు సంబంధించి 46 మండలాల జెడ్పీటీసీలు అందరూ వైఎస్సార్‌సీపీకి చెందిన వారే. ఈ విషయం మింగుడుపడని కూటమి నేతలు కావాలనే చివరి సమావేశానికి హాజరుకాలేదనే విమర్శలు వినిపిస్తున్నాయి. జెడ్పీ సీఈఓ ఈ రోజు వరకు విధులకు హాజరుకాలేదు. కలెక్టరేట్‌ ఉద్యోగులు విధులకు అలస్యంగా వస్తున్నారని కలెక్టరేట్‌ గేటుకు తాళాలు వేయించారు. అటువంటిది జెడ్పీ సీఈఓ ఇన్ని రోజులు విధులకు హాజరుకాకపోవడం అనే విషయం జిల్లా అధికారికి తెలుసా..తెలియదా..? జెడ్పీకీ సంబంధించి జెడ్పీ సీఈఓ సెలవు పెడితే డిప్యూటీ సీఓఓకు ఇన్‌చార్జి బాధ్యతలు అప్పగిస్తారు. డిప్యూటీ సీఈఓ సెలవులో ఉన్నారు. వారిద్దరు సెలవులో ఉన్నప్పుడు డీపీఓ లేదా ఇతర జిల్లా అఽధికారులకు ఎవరికై నా ఇన్‌చార్జి బాధ్యతలు అప్పగించవచ్చు. అటువంటిది ఏమిలేకుండా అధికారులు 46 మంది జెడ్పీటీసీలను ఘోరంగా అవమానించారు. వారిలో 24 మంది మహిళలు ఉన్నారు. 46 మంది ఎంపీపీల్లో 31 మంది మహిళలు ఉన్నారు. అందరిని కావాలనే అవమానించారు. ఈ నెల 24తో జెడ్పీటీసీల పదవీ కాలం ముగియనుంది. 25 నుంచి జెడ్పీ అధికారులందరూ విధులకు హాజరవుతున్నట్లు సమాచారం. రేపటి నుంచి ప్రత్యేక పాలన జెడ్పీటీసీల పదవీ కాలం గురువారంతో ముగియనుంది. శుక్రవారం నుంచి ప్రత్యేకాఽధికారులు పాలనలో జెడ్పీ కార్యక్రమాలు నిర్వహించనున్నారు. జెడ్పీకి జిల్లా కలెక్టర్‌ ప్రత్యేక అధికారిగా వ్యవహరించనున్నారు. మండలాలకు ప్రత్యేక కలెక్టర్లు, డివిజన్‌ స్థాయి అధికారులను ప్రత్యేకాధికారులుగా నియమించారు. జెడ్పీకి ఎన్నికల ప్రక్రియ పూర్తయి నూతన పాలకవర్గం ఏర్పడే వరకు ప్రత్యేకాధికారుల పాలన కొనసాగనుంది. అందుబాటులోనే అధికారులు, ప్రజాప్రతినిధులు అయినా జెడ్పీటీసీలకు వీడ్కోలు పలకని వైనం నేటితో ముగియనున్న జెడ్పీటీసీలు, ఎంపీటీసీల పదవీ కాలం రేపటి నుంచి ప్రత్యేకాధికారుల పాలన జెడ్పీకి ప్రత్యేకాధికారిగా కలెక్టర్‌ హిమాన్షు శుక్లా

● రూ.8 కోట్ల విలువైన వెండి, బంగారం స్వాధీనం గూడూరు: పట్టణంలోని బంగారు, కుదవ దుకాణాలపై వాణిజ్య పన్నుల శాఖ, విజిలెన్స్‌ అధికారులు బుధవారం దాడులు జరిపారు. ఈ దాడుల్లో లెక్కల్లో చూపని రూ.8 కోట్ల విలువైన 5.29 కేజీల బంగారం, 17.4 కేజీల వెండి స్వాధీనం చేసుకున్నారు. వ్యాపారులకు ఒక వారం రోజులు గడువు ఇస్తున్నామని, ఆలోగా బంగారం, వెండికి సంబంధించిన ఆధారాలతో కూడిన బిల్లులను చూపితే అందుకు సంబంధించి పన్నును లెక్కకట్టి అందజేస్తామని తెలిపారు. వారంలోగా సరైన ఆధారాలు చూపకపోతే సంబంధిత దుకాణాల యజమానులపై చట్టపరమైన చర్యలు తీసుకుంటామన్నారు. ఈ దాడుల్లో విజిలెన్స్‌ సీఐ నరసింహారావు,జీఎస్టీ అధికారి విష్ణు, శాంతిభూషణ్‌, సిబ్బంది పాల్గొన్నారు.

● అభివృద్ధి, సంక్షేమంలో పోటీ పడగలను ● అవినీతిలో సోమిరెడ్డితో పోటీ పడలేను ● మాజీ మంత్రి కాకాణి గోవర్ధన్‌రెడ్డి పొదలకూరు : సర్వేపల్లి నియోజకవర్గంలో అంతులే ని అవినీతి చోటు చేసుకుందని, సోమిరెడ్డితో అభివృద్ధి, సంక్షేమంలో మాత్రమే తాను పోటీ పడగలని, అవినీతి కార్యకలాపాల్లో పోటీ పడలేని మాజీ మంత్రి, వైఎస్సార్‌సీపీ జిల్లా అధ్యక్షుడు కాకాణి గోవర్ధన్‌రెడ్డి అన్నారు. పొదలకూరు మండలం విరువూరు, ముత్తుకూరు మండలం దువ్వూరువారిపాళెం గ్రామాల్లో మంగళవారం ఆయన పర్యటించారు. ఈ సందర్భంగా కాకాణి మాట్లాడుతూ సోమిరెడ్డి, ఆయన కొడుకు, అల్లుడు కూటమిగా ఏర్పడి సర్వేపల్లిని నిలువునా దోపిడీ చేస్తున్నారన్నారు. దేవాలయ, ప్రభుత్వ భూములను ఆక్రమించుకుని అమ్ముకోవడం, ఇరిగేషన్‌లో దొంగ బిల్లులు చేసుకుని ప్రజాధనం లూటీ చేయడం, సహజ సంపదను కొల్ల గొట్టడం, రియల్‌ ఎస్టేట్‌లో వాటాలు వేసుకుని దోచుకుంటున్నారని ఆరోపించారు. తాను ఎమ్మెల్యేగా, మంత్రిగా ఉన్న సమయంలో గ్రామాల్లో శాంతి నెలకొల్పాలని ప్రయత్నించానన్నారు. కేసులు పెట్టించి రౌడీషీట్లు ఓపెన్‌ చేయించలేదన్నారు. ప్రజ లు సుఖ సంతోషాలతో ఉండాలని ఆకాక్షించానన్నా రు. సోమిరెడ్డిలా లేఅవుట్ల యజమానుల వద్ద డబ్బు లు దండుకోలేదని, మట్టి, గ్రావెల్‌, ఇసుక, బూడిదలను వదలకుండా సొమ్ము చేసుకోలేదన్నారు. విరువూరు గ్రామానికి వెళుతుంటే రోడ్లు దారుణంగా ఉన్నాయన్నారు. ఇసుక టిప్పర్లు ఇష్టానుసారంగా వెళ్లడం వల్లనే రోడ్లు గుంతలమయంగా మారాయ న్నారు. రేయింబళ్లు ఇసుకను తోలుతున్నారని, అవినీతి స్వార్థప్రయోజనాల కోసం ప్రయాణికులను ఇబ్బందులకు గురిచేస్తున్నారని ధ్వజమెత్తారు. గ్రామాల్లో ఎక్కడికి వెళ్లిన తన మార్కు అభివృద్ధి కనిపిస్తోందని, సోమిరెడ్డి చేసిన అభివృద్ధిని చూపాలని డిమాండ్‌ చేశారు. ఆయన వెంట నాయకులు బచ్చల సురేష్‌కుమార్‌రెడ్డి, ఎం వెంకటశేషయ్య, మెట్టా విష్ణువర్ధన్‌రెడ్డి, ఉడతా రమేష్‌, నెల్లూరు శివప్రసాద్‌, దశకంఠాద్రిశర్మ, తదితరులు ఉన్నారు.

● సీపీఎం కేంద్ర కమిటీ సభ్యులు ఉదయగిరి రూరల్‌: రాష్ట్ర ప్రభుత్వం కరువు మండలాల్లో సహాయక చర్యలు చేపట్టాలని సీపీఎం కేంద్ర కమిటీ సభ్యుడు లోకనాథం, జిల్లా కార్యదర్శి మూల రమేష్‌ డిమాండ్‌ చేశారు. మంగళవారం ఆ పార్టీ బృంద సభ్యులు మండలంలోని నేలటూరు, సర్వరాబాదు గ్రామాలను సందర్శించారు. రైతులతో మాట్లాడి కరువు పరిస్థితులను అడిగి తెలుసుకున్నారు. అలాగే వరికుంటపాడు మండలంలో అసంపూర్తిగా ఉన్న పెద్దిరెడ్డిపల్లి రిజర్వాయర్‌ను, గండిపాళెం జలాశయాన్ని సందర్శించారు. అనంతరం ఉదయగిరి సీపీఎం కార్యాలయంలో ఏర్పాటుచేసిన విలేకరుల సమావేశంలో మాట్లాడారు. ఉదయగిరి ప్రాంతంలో ఎక్కువగా ప్రజలు పాడి పరిశ్రమపై ఆధారపడి జీవిస్తున్నారన్నారు. నేలటూరులో పశువులు, జీవాల మేత కష్టాలను తీరుస్తున్న గ్రామ సమీపంలోని సుమారు 263 ఎకరాల భూమిని రిలయన్స్‌ కంపెనీకి అప్పజెప్పడం దారుణమన్నారు. ఎల్‌నినో ప్రభావం కారణంగా ప్రస్తుతం రైతులు సాగుచేసిన పంటలు చేతికందక నష్టపోయారన్నారు. అరకొరగా పండిన పంటలకు గిట్టుబాటు ధర కల్పించడంలో ప్రభుత్వం విఫలమవడంతో అన్నదాతల పరిస్థితి దారుణంగా ఉందన్నారు. రాష్ట్రంలో నిత్యావసర ధరలు ఆకాశాన్ని తాకడంతో పేద, మధ్యతరగతి ప్రజలకు తిండి కరువై ఇబ్బందులు పడుతున్నారన్నారు. వ్యాపారస్తులు నిత్యావసర సరుకులను గోదాముల్లో నిల్వ ఉంచుకొని కృత్రిమ కొరత సృష్టిస్తూ ధరలు పెంచుతున్నా ప్రభుత్వం నిమ్మకు నీరెత్తినట్లు వ్యవహరించడం సిగ్గుచేటన్నారు. ఉపాధి పనులు కల్పించడంలో ప్రభుత్వ అధికారి యంత్రాంగం పూర్తిగా విఫలమవడంతో వలసలు పెరిగిపోతున్నాయన్నారు. వెలిగొండలో అంతర్భాగమైన పెద్దిరెడ్డిపల్లి రిజర్వాయర్‌కు రూ.3 వేల కోట్లు కేటాయించి నిర్మాణ పనులు పూర్తి చేసి మెట్ట ప్రాంత ప్రజల సాగు తాగునీటి కష్టాలు తీర్చాలన్నారు. ప్రభుత్వం ప్రజా సమస్యలు పరిష్కరించకపోతే సీపీఎం ఆధ్వర్యంలో ఆందోళన కార్యక్రమాలు చేపడతామని హెచ్చరించారు. కార్యక్రమంలో జిల్లా నాయకులు మోహన్‌రావు, వెంగయ్య, ప్రసాద్‌, గోపాల్‌, వెంకటయ్య, పుల్లయ్య, రమణయ్య తదితరులు పాల్గొన్నారు.

● డప్పు వాయిస్తూ విన్నవించిన కళాకారుడు ఆత్మకూరు: ఆయన వృత్తి డప్పు వాయించడం.. జీవనాధారం కూడా అదే. ప్రభుత్వం డప్పు కళాకారులకు పింఛన్‌ మంజూరు చేస్తుందని ఆశపడ్డాడు. అవసరమైన పత్రాలన్నీ అందజేశాడు. అయినా పింఛన్‌ వస్తుందో.. రాదో అన్న సందేహం వెంటాడింది. దీంతో తన కళే తనకు సాక్ష్యమని భావించి డప్పు భుజాన వేసుకుని మున్సిపల్‌ కార్యాలయం బాట పట్టాడు. ప్రభుత్వం ఇటీవల డప్పు కళాకారులకు సెల్ఫ్‌ డిక్లరేషన్‌తో పెన్షన్‌ మంజూరు చేసేలా జీఓ ఇచ్చింది. అయితే దానిని సచివాలయ సిబ్బంది పట్టించుకోలేదు. దీంతో పట్టణానికి చెందిన డప్పు కళాకారుడు రామచంద్రయ్య పింఛన్‌ మంజూరు చేయాలని కోరుతూ మంగళవారం తన ఇంటి వద్ద నుంచి మున్సిపల్‌ కార్యాలయం వరకు డప్పు వాయిస్తూ తన సమస్య అందరికి తెలిసేలా ప్రదర్శనగా చేరుకున్నాడు. అక్కడ ఉన్న సిబ్బంది ఎందుకిలా డప్పు వాయిస్తున్నాని ప్రశ్నించగా తనకు సంబంధించిన అన్ని పత్రాలను అందజేసి పెన్షన్‌ మంజూరవుతుందా లేదా అన్న అనుమానం నెలకొన్నట్లు చెప్పాడు. దీంతో స్వయంగా డప్పు వాయించుకుంటూ వచ్చినట్లు పేర్కొన్నాడు. దీంతో సచివాలయ సిబ్బంది అతనికి సంబంధించిన పత్రాలు తీసుకున్నామని, ఆన్‌లైన్‌లో నమోదు చేశామని, ఇక ప్రభుత్వ నిర్ణయం మేరకు పెన్షన్‌ మంజూరవుతుందని చెప్పారు.వచ్చేనెలలో లాయర్స్‌ యూనియన్‌ మహాసభలు ● ఏపీ బార్‌ కౌన్సిల్‌ సభ్యుడు సత్తు అంకయ్య నెల్లూరు(లీగల్‌): ఆలిండియా లాయర్స్‌ యూనియన్‌ ఆధ్వర్యంలో అక్టోబర్‌ 3, 4 తేదీల్లో నిర్వహించనున్న రాష్ట్ర మహాసభలను జయప్రదం చేయాలని ఏపీ బార్‌ కౌన్సిల్‌ సభ్యుడు సత్తు అంకయ్య పిలుపునిచ్చారు. మంగళవారం నెల్లూరులోని జిల్లా కోర్టు ఆవరణలోని న్యాయవాదుల సమావేశ మందిరంలో యూనియన్‌ నాయకులు ఏర్పాటు చేసిన కార్యక్రమంలో ఆయన పాల్గొని మహాసభల పోస్టర్లను ఆవిష్కరించారు. ఈ సందర్భంగా మాట్లాడుతూ నెల్లూరులోని కస్తూర్బా కళాక్షేత్రంలో రెండురోజులపాటు సభలు నిర్వహించనున్నట్లు తెలిపారు. వీటికి హైకోర్టు రిటైర్డ్‌ న్యాయమూర్తులు, సుప్రీంకోర్టు సీనియర్‌ న్యాయవాదులు ముఖ్య అతిథులుగా హాజరవుతారని పేర్కొన్నారు. రాష్ట్రవ్యాప్తంగా సుమారు 1,000 మంది న్యాయవాదులు పాల్గొంటారని తెలిపారు. కార్యక్రమంలో బార్‌ అసోసియేషన్‌ ఉపాధ్యక్షుడు జల్లి పద్మాకర్‌, గుంజి దయాకర్‌, ఐవీ రామశాస్త్రి, బాలసుబ్రహ్మణ్యం, వి.రంగారావు, ఆరిఫ్‌ మాలిక్‌, సద్విన్‌ కుమార్‌, వెంకటరామయ్య, సాయికుమార్‌ తదితరులు పాల్గొన్నారు.

● ఆగి ఉన్న లారీని ఢీకొన్న ఆటో ● ఇరుక్కున్న డ్రైవర్‌, అరగంట తర్వాత వెలికితీత ● శ్రమించిన పోలీసులు, హైవే, 108 సిబ్బంది ● డ్రైవర్‌ సహా ఇద్దరికి తీవ్ర గాయాలుకొడవలూరు: అంత్యక్రియల సామగ్రి తీసుకుని స్వగ్రామానికి తిరిగి వెళ్తున్న ఆటో ఆగి ఉన్న లారీని ఢీకొన్న ఘటనలో డ్రైవర్‌ తీవ్రంగా గాయపడ్డాడు. ఆటోలోనే ఇరుక్కుపోగా సుమారు అరగంటపాటు పోలీసులు, హైవే మొబైల్‌ సిబ్బంది, 108 సిబ్బంది శ్రమించి ఆయన్ను బయటకు తీశారు. ఈ ఘటన మండలంలోని నార్తురాజుపాళెం హైవేపై ఆంజనేయస్వామి ఆలయ సమీపంలో మంగళవారం చోటుచేసుకుంది. పోలీసులు, స్థానికుల కథనం మేరకు.. మండలంలోని పాతవంగల్లుకు చెందిన వి.రమేష్‌ (38) ఆటో డ్రైవర్‌గా పనిచేస్తున్నాడు. అతని పెద్దమ్మ సోమవారం రాత్రి మృతిచెందారు. మంగళవారం అంత్యక్రియలు నిర్వహించేందుకు అవసరమైన పూలు, ఇతర సామగ్రి తీసుకొచ్చేందుకు సమీప బంధువు గోపాల్‌ను వెంటబెట్టుకుని ఆటోలో నెల్లూరుకు వెళ్లాడు. సామగ్రి తీసుకుని తిరిగి స్వగ్రామానికి బయలుదేరారు. నార్తురాజుపాళెం హైవేపై ఆంజనేయస్వామి ఆలయం సమీపంలో ఆగి ఉన్న లారీని ఆటో ఢీకొంది. దీంతో ఆటో ముందు భాగం నుజ్జునుజ్జయింది. రమేష్‌కు తీవ్ర గాయాలై రెండు కాళ్లు వాహనంలో ఇరుక్కుపోయాయి. గోపాల్‌కు కూడా తీవ్ర గాయాలయ్యాయి. రమేష్‌ను బయటకు తీసేందుకు హైవే మొబైల్‌ సిబ్బంది, పోలీసులు, 108 అంబులెన్స్‌ సిబ్బంది అరగంటపాటు శ్రమించారు. ఇనుప గొలుసులతో ఆటోను ఒకవైపు అంబులెన్స్‌కు, మరోవైపు కంటైనర్‌ వాహనానికి కట్టి ఇరువైపులా లాగి బయటకు తీశారు. అప్పటి వరకు ఆటోలో ఇరుక్కుపోయిన రమేష్‌ తీవ్ర వేదన అనుభవించాడు. గాయపడిన ఇద్దరికీ 108 అంబులెన్స్‌ ఈఎంటీ విజయ్‌ ప్రాథమిక చికిత్స అందించి నెల్లూరులోని ఓ ఆస్పత్రికి తరలించారు. వారికి ప్రాణాపాయం లేదని వైద్యులు తెలిపారు. రమేష్‌ను సురక్షితంగా బయటకు తీసిన 108, పోలీసు, హైవే మొబైల్‌ సిబ్బంది చొరవను స్థానికులు అభినందించారు. ఘటనపై బాధితుల నుంచి ఫిర్యాదు అందాల్సి ఉందని ఎస్సై సీహెచ్‌ కోటిరెడ్డి తెలిపారు.

నెల్లూరు(లీగల్‌): పాతకక్షలతో ఓ వ్యక్తిపై కత్తులు, ఇనుపరాడ్లతో దాడి చేసి హత్యాయత్నానికి పాల్పడ్డారని నమోదైన కేసులో నేరం రుజువు కావడంతో నెల్లూరులోని వివిధ ప్రాంతాలకు చెందిన సయ్యద్‌ ముజుమిల్‌, బత్తల నారాయణ, తలపనేని విష్ణు, కాసరం సుబ్రహ్మణ్యంకు శిక్ష పడింది. ఒక్కొక్కరికి ఐదేళ్ల జైలు, రూ.5 వేల వంతున జరిమానా విధిస్తూ నెల్లూరు మొదటి అదనపు అసిస్టెంట్‌ సెషన్స్‌ జడ్జి ఎస్‌.శ్రీనివాస్‌ మంగళవారం తీర్పు చెప్పారు. కాగా ఇదే కేసులో షేక్‌ రియాజ్‌ అనే వ్యక్తిపై ఆరోపణలు రుజువు కాకపోవడంతో కేసు కొట్టేశారు. ప్రాసిక్యూషన్‌ కథనం మేరకు.. నెల్లూరు పరమేశ్వరి నగర్‌కు చెందిన షేక్‌ జాకీర్‌, నిందితులకు వ్యక్తిగతంగా పాతకక్షలుండేవి. ఈ నేపథ్యంలో నిందితులు జాకీర్‌పై దాడికి అవకాశం కోసం ఎదురుచూశారు. 2024 ఫిబ్రవరి 4వ తేదీన రాత్రి 11:30 గంటల సమయంలో ఫిర్యాది సోహైల్‌ తన మామ జాకీర్‌తో కలిసి మోటార్‌బైక్‌పై మెక్లిన్స్‌ రోడ్డు ప్రాంతంలో వెళ్తున్నారు. నిందితులు వారిని దౌర్జన్యంగా ఆపారు. వెంటనే జాకీర్‌ను ముజుముల్‌ కత్తితో పొడవుగా మిగిలిన వారు కత్తులు, రాడ్లతో దాడి చేశారు. దీంతో జాకీర్‌కు తీవ్ర రక్తగాయాలయ్యాయి. అడ్డుకోబోయిన సోహైల్‌పై కూడా దాడి చేయగా గాయాలయ్యాయి. చుట్టుపక్కల వారు రావడంతో దాడి తర్వాత నిందితులందరూ పరారయ్యారు. ఈ ఘటనలో ప్రత్యక్ష సాక్షిగా ఉన్న సోహైల్‌ చిన్నబజారు పోలీస్‌స్టేషన్‌లో ఫిర్యాదు చేశాడు. దీనిపై సమగ్ర దర్యాప్తు అనంతరం పోలీసులు కోర్టులో నిందితులపై చార్జిషీట్‌ దాఖలు చేశారు. విచారణలో నేరం రుజువు కావడంతో నలుగురికి పైమేరకు శిక్ష, జరిమానా విధిస్తూ న్యాయమూర్తి తీర్పు చెప్పారు. ప్రాసిక్యూషన్‌ తరఫున ఇన్‌చార్జి పీపీ ఎం.చెంచుకృష్ణ కేసు వాదించారు. మున్సిపల్‌ ఉద్యోగి దాదాగిరి● రోజువారి మామూళ్లు ఇవ్వలేదని దాడి కావలి(అర్బన్‌): ఓ యువకుడు తోపుడు బండిపై పండ్లు విక్రయిస్తూ వచ్చిన డబ్బుతో జీవితం గడుపుతున్నాడు. అతను రోజువారి మామూళ్లు ఇవ్వలేదని మున్సిపల్‌ ఉద్యోగి దాడి చేసిన అమానుష ఘటన సోమవారం కావలి పట్టణ ఐకాన్‌ సమీపంలో చోటుచేసుకుంది. మంగళవారం ఈ విషయం సోషల్‌ మీడియాలో వైరలైంది. దీంతో ప్రజలు సదరు ఉద్యోగి తీరుపై ఆగ్రహం వ్యక్తం చేస్తున్నారు. వివరాలిలా ఉన్నాయి. పట్టణానికి చెందిన అల్లాభక్షు అనే నిరుపేద యువకుడు తోపుడు బండిపై పండ్ల వ్యాపారం చేసుకుంటున్నాడు. 7, 8, 9 వార్డుల శానిటేషన్‌ మేస్త్రి రసూల్‌ రోజువారి మామూళ్లు కింద అల్లాభక్షు నుంచి పండ్లు తీసుకుంటాడు. సోమవారం వ్యాపారం జరగక పండ్లు ఇవ్వలేనని చెప్పడంతో ఒక్కసారిగా రసూల్‌కు కోపం కట్టలు తెంచుకుంది. అల్లాభక్షు చొక్కా పట్టుకుని ఇష్టానుసారంగా కొట్టాడు. ఇది గమనించిన ఓ వ్యక్తి వారించే ప్రయత్నం చేయగా కనికరించని రసూల్‌ మరింత రెచ్చిపోయి కింద పడవేసి కాలితో తొక్కి గాయపరిచాడు. అదేమని ప్రశ్నిస్తే దిక్కున్న చోటు చెప్పుకో.. నా సంగతి నీకు తెలియదంటూ వేలు చూపిస్తూ వెళ్లాడని చెబుతున్నారు. ఈ దౌర్జన్యకాండపై సంబంధిత అధికారులు విచారించి తగిన చర్యలు తీసుకోవాలని, ఇలాంటి ఘటనలు పునరావృతం కాకుండా చూడాలని ప్రజలు కోరుతున్నారు. వచ్చేనెల 6న జిల్లా యువజనోత్సవాలునెల్లూరురూరల్‌: జిల్లా యువజనోత్సవాలను అక్టోబర్‌ 6వ తేదీన నెల్లూరులోని డీకేడబ్ల్యూ కళాశాలలో నిర్వహించనున్నట్లుగా సెట్నెల్‌ ముఖ్య కార్యనిర్వహణాధికారి నాగేశ్వరరావు మంగళవారం ఒక ప్రకటనలో తెలిపారు. ఆరోజు ఉదయం 9 గంటలకు కార్యక్రమం ప్రారంభమవుతుందన్నారు. 15 నుంచి 29 ఏళ్లలోపు యువత పోటీల్లో పాల్గొనవచ్చన్నారు. జానపద నృత్యం, జానపద గీతం, వీధి నాటకం, చిత్రలేఖనం, కవితా రచన విభాగాల్లో పోటీలు జరుగుతాయన్నారు. ప్రథమ, ద్వితీయ స్థానాలు సాధించిన వారు రాష్ట్ర స్థాయి పోటీలకు, అక్కడ విజేతలు జాతీయ స్థాయి పోటీలకు అర్హత సాధిస్తారన్నారు. ఆసక్తి ఉన్న యువత అక్టోబర్‌ 2వ తేదీలోపు దరఖాస్తు చేసుకోవాలని సూచించారు. వివరాలకు 94407 84755 నంబర్‌ను సంప్రదించాలన్నారు.

● పొగాకు బోర్డు ఆర్‌ఎం జీఎల్‌కే ప్రసాద్‌ మర్రిపాడు: పొగాకు రైతులు సాగు విస్తీర్ణాన్ని క్రమంగా తగ్గించుకుని ప్రత్యామ్నాయ పంటల సాగుపై దృష్టి సారించాలని పొగాకు బోర్డు రీజినల్‌ మేనేజర్‌ జీఎల్‌కే ప్రసాద్‌ సూచించారు. డీసీపల్లి పొగాకు బోర్డులో పొగాకు రైతులకు ప్రత్యామ్నాయ పంటల సాగుపై మంగళవారం అవగాహన సదస్సు నిర్వహించారు. ఈ సందర్భంగా ఆర్‌ఎం మాట్లాడుతూ వచ్చే ఏడాది పొగాకు డిమాండ్‌ను దృష్టిలో ఉంచుకుని ఒక బ్యారెన్‌కు 21 క్వింటాళ్ల ఉత్పత్తికి మాత్రమే అనుమతి ఇవ్వనున్నట్లు తెలిపారు. రైతులు డిమాండ్‌కు మించి ఉత్పత్తి చేస్తే మార్కెట్‌లో తగిన ధర లభించక నష్టపోయే అవకాశం ఉందన్నారు. నెల్లూరు కేవీకే శాస్త్రవేత్త కిరణ్‌కుమార్‌రెడ్డి మాట్లాడుతూ నేల స్వభావం, నీటి వసతి, మార్కెట్‌ డిమాండ్‌ను పరిగణనలోకి మిరప, కంది,పెసర, మినుము, ఉలవ, అలసంద, వేరుశనగ, పొద్దుతిరుగుడు, నువ్వులు, రాగి, జొన్న, మొక్కజొన్న, ధనియాలు తదితర ప్రత్యామ్నా య పంటలను సాగు చేసుకోవాలని సూచించారు. నవంబరు మొదటి వారం జొన్న పంట సాగుకు అనుకూలమని, నంద్యాల తెల్లజొన్న 5 రకాన్ని సాగుచేస్తే ఎకరాకు 20 నుంచి 30 క్వింటాళ్ల వరకు దిగుబడులు వచ్చే అవకాశం ఉందని తెలిపారు. ఉద్యాన శాఖ అధికారి రాజశేఖర్‌ పండ్ల తోటలు, కూరగాయలు, ఆయిల్‌పామ్‌ సాగుకు ప్రభుత్వం అందిస్తున్న సబ్సిడీలపై అవగాహన కల్పించారు. ఆక్షన్‌ సూపరింటెండెంట్‌ జీ రాజశేఖర్‌, పొగాకు బోర్డు వేలం నిర్వహణాధికారి చంద్రశేఖర్‌ పాల్గొన్నారు.

నెల్లూరు(వేదాయపాళెం): జెడ్పీ సర్వసభ్య, అత్యవసర సమావేశాలకు అధికారులు, అధికార పార్టీ ప్రతినిధులు హాజరుకాకుండా జెడ్పీటీసీలను అవమానించడం అంటే వారికి ఓట్లేసి గెలిపించిన ప్రజలను అగౌరవ పరచడమేనని జెడ్పీ చైర్‌పర్సన్‌ ఆనం అరుణమ్మ పేర్కొన్నారు. ప్రస్తుతం జిల్లాలో నెలకొన్న కరువు పరిస్థితులపై చర్చించి పరిష్కరించేందుకు జెడ్పీలో మంగళవారం అత్యవసర సమావేశం నిర్వహించారు. ఈ సమావేశానికి అధ్యక్షత వహించిన జెడ్పీ చైర్‌పర్సన్‌ మాట్లాడుతూ ఈ నెల 17న నిర్వహించిన సర్వసభ్య సమావేశానికి సైతం అధికార పార్టీ మంత్రులు, ఎమ్మెల్యేలు, ఇతర ప్రజాప్రతినిధులు హాజరుకాకపోగా అధికారులను సైతం అడ్డుకుని జెడ్పీటీసీలను ఘోరంగా అవమానించారన్నారు. జెడ్పీటీసీలు జిల్లా నలుమూలల నుంచి ప్రజాసమ్యలను పరిష్కరించేందుకు వస్తారని, అటువంటి వారిని అవమానించి నిరుత్సాహపరచడం మంచిపద్ధతి కాదని హితువుపలికారు. అనంతరం ఈ సమావేశానికి అతిథిగా హాజరైన ఎమ్మెల్సీ పర్వతరెడ్డి చంద్రశేఖర్‌రెడ్డి మాట్లాడుతూ జెడ్పీ సమావేశాల్లో ప్రజాపతినిధులు, అధికారులు ప్రజాసమస్యలపై చర్చించి తీర్మానాలు చేసుకుంటే ప్రజలకు మేలు జరుగుతుందన్నారు. కానీ అధికార పార్టీ నాయకులు ఆ దిశగా ప్రయత్నాలు చేయకపోగా చిత్తశుద్ధితో ప్రజాసేవ చేస్తున్న వైఎస్సార్‌సీపీ నాయకులకు అడ్డుతగిలి అవమానించడం దారుణమన్నారు. జిల్లాకు చెందిన ఒక మంత్రి మాట్లాడుతూ అరుణమ్మ కుర్చీని కాపాడుకునేందుకు ప్రయత్నిస్తోందని వ్యాఖ్యానించడం అత్యంత బాధాకరమన్నారు. జెడ్పీ చైర్‌పర్సన్‌ ఆనం అరుణమ్మ ఆధ్వర్యంలో జెడ్పీటీసీలు ప్రజల కోసం పరితపించి తమ పదవీకాలంలోని చివరి నిమిషం వరకు నిస్వార్థం, నిజాయతీ, అంకితభావంతో పనిచేశారని కొనియాడారు. పలువురు జెడ్పీటీసీలు మాట్లాడుతూ ఆనం అరుణమ్మ తమకు తల్లి వంటి వారని, గత రెండున్నరేళ్లుగా కూటమి ప్రభుత్వం ఎన్ని ఇబ్బందులకు గురిచేసినా ఎంతో ఓర్పు,సహనం, సంయమనంతో జిల్లా ప్రజలు, జెడ్పీటీసీలకు సహకారం అందించారని కొనియాడారు. కూటమి ప్రభుత్వం అధికారంలోనికి వచ్చిన తరువాత చైర్‌పర్స్‌న్‌ను పదవి నుంచి దించేందుకు ఎన్నో కుటిల యత్నాలు చేశారని ఆరోపించారు. అయితే వారి కుయుక్తులు, ప్రలోభాలకు లొంగి టీడీపీకి అమ్ముడుపోయేవాళ్లు, పార్టీని వీడే వారు ఎవరూ లేరని ధీటుగా జెడ్పీటీసీలు బదులిచ్చారని తెలిపారు. అరుణమ్మ ఆధ్వర్యంలో పార్టీలకతీతంగా ప్రజలకు సేవ చేశామనే సంతృప్తి తమకు లభించిందని పేర్కొన్నారు. ఈ సందర్భంగా సమావేశంలో రెండు తీర్మాలను ప్రవేశపెట్టారు. వర్షాభావ పరిస్థితుల నేపథ్యంలో జిల్లాలో నెలకొన్న సాగు, తాగునీటి ఎద్దడి నివారణకు అవసరమైన చర్యలు యుద్ధప్రాతిపదికన చేపట్టాలని, జెడ్పీ సభ్యులు, జెడ్పీ సమావేశాల నిర్వహణ పట్ల నిర్లక్ష్యంగా వ్యవహరిస్తూ గైర్హాజవుతున్న సీఈఓను సస్పెండ్‌ చేసి చట్టపరమైన చర్యలు తీసుకోవాలని తీర్మానాలు ప్రవేశపెట్టగా సభ్యులందరూ ఏకగ్రీవంగా ఆమోదం తెలిపారు. అనంతరం చైర్‌పర్సన్‌ అనం అరుణమ్మ, ఎమ్మెల్సీ చంద్రశేఖర్‌రెడ్డిని సభ్యులు గజమాలతో ఘనంగా సత్కరించారు. జెడ్పీ చైర్‌పర్సన్‌ ఆనం అరుణమ్మ అధ్యక్షతన అత్యవసర సమావేశం కరువు పరిస్థితులపై చర్చకు అధికారులు డుమ్మా అధికార పార్టీ ఒత్తిళ్లకు తలొగ్గి ప్రజాసమస్యలను విస్మరించడం తగదు ముక్తకంఠంతో నినదించిన జెడ్పీటీసీలు

ప్రకృతి పగకు.. సర్కారు నిర్లక్ష్యం తోడై సింహపురిలో దుర్భిక్ష ఛాయలు అలముకున్నాయి. ధాన్యపు సిరికి, డెల్టా ప్రాంతంగా పేరున్న జిల్లాపై ‘ఎల్లో’ నినో సృష్టించిన కరువు పంజా విసిరింది. జలసిరికి నెలవైన సింహపురి కరువు కోరల్లో చిక్కుకుందనడానికి ప్రస్తుత పరిస్థితులే నిదర్శనంగా నిలుస్తాయి. ఒక వైపు లోటు వర్షపాతం వెంటాడుతుంటే.. మరో వైపు అందుబాటులో ఉన్న జలవనరులను సద్వినియోగం చేసుకోవడంలో ప్రభుత్వ నిర్లక్ష్యం రైతన్నల పాలిట శాపంగా మారిందన్న విమర్శలు వెల్లువెత్తుతున్నాయి. శ్రీశైలంలో నీటి నిల్వలు సమృద్ధిగా ఉండడంతో కృష్ణా జలాలను జిల్లాకు తరలించే అవకాశాలున్నా.. జలాశయాలను నింపేందుకు ప్రభుత్వం తగిన చర్యలు చేపట్టలేదనే ఆరోపణలు వినిపిస్తున్నాయి. సాక్షి ప్రతినిధి, నెల్లూరు: అపార జలసంపద, ధాన్యపు సిరులతో అన్నపూర్ణగా ప్రసిద్ధి చెందిన నెల్లూరు.. కరువు కోరల్లో చిక్కుకుంది. డెల్టా ప్రాంతంలో సైతం కరువు కమ్ముకున్నట్లు అధికా రిక గణాంకాలు స్పష్టం చేస్తున్నాయి. జిల్లాలోని 36 మండలాల్లో 35 మండలాల్లో లోటు వర్షపాతం నెలకొంది. ఇది ప్రకృతి సృష్టించిన విపత్తు అయితే.. శ్రీశైలం జలాశయంలో సమృద్ధిగా ఉన్న నీటిని తరలించి.. కరువును తరిమి కొట్టే అవకాశం ఉన్నప్పటికీ ప్రభుత్వం నిర్లక్ష్యంగా వ్యవహరించడంతో జలాశయాలు, జలవనరులు బావురుమంటున్నాయి. ఇది ‘ఎల్లో’ నినో సృష్టించిన ‘మహావిపత్తు’గా చెప్పొచ్చు. జిల్లాలో 78 టీఎంసీల సామర్థ్యమున్న సోమశిల, 69 టీఎంసీల కండలేరు వంటి భారీ జలనిధులతో పాటు మరో 50 నుంచి 60 టీఎంసీలు నిల్వ సామర్థ్యం కలిగిన పలు చెరువులు, జలవనరులు ఉన్నా.. దుర్భిక్ష పరిస్థితులు తీవ్రంగా నెలకొన్నాయి. వరికుంటపాడులో ఏకంగా 61.6 శాతం, అనంతసాగరంలో 68.4 శాతం లోటు వర్షపాతం నమోదవడం పరిస్థితి తీవ్రతకు అద్దం పడుతోంది. 20 మండలాల్లో 20 నుంచి 59.9 శాతం వరకు లోటు వర్షపాతం నమోదు కాగా.. మరో 13 మండలాల్లో 19 శాతం లోటు వర్షాభావం నెలకొంది. జిల్లాలోని 35 మండలాల్లో తీవ్ర లోటు వర్షపాతం ఉన్నట్లు గణాంకాలు చెబుతుంటే.. అధికారులు మాత్రం 31 మండలాల్లోనే కరువు ఉన్నట్లు ప్రభుత్వానికి నివేదికలు పంపారు. అడుగంటిన నిల్వలు జిల్లాలో సోమశిల, కండలేరు ప్రధాన ప్రాజెక్ట్‌లతో పాటు కనిగిరి, సర్వేపల్లి రిజర్వాయర్లు, నెల్లూరు, సంగం బ్యారేజీలు కలిపి దాదాపు 200 టీఎంసీల మేర నీటిని నిల్వ చేసుకునే విస్తృత సదుపాయం ఉంది. ఈ ఏడాది ఏప్రిల్‌ 22 నాటికి సోమశిలలో 58 టీఎంసీలు, కండలేరులో 35 టీఎంసీలు కలిపి ఏకంగా 93 టీఎంసీల మేర నీరు అందుబాటులో ఉంది. అయితే సరైన నిర్వహణ, కార్యాచరణ లేకపోవడంతో కేవలం 1.80 లక్షల ఎకరాలకు మాత్రమే నీరందించి, సుమారు 64 టీఎంసీల నీటిని వృథా చేశారు. శ్రీశైలం జలాశయం నుంచి పోతిరెడ్డిపాడు హెడ్‌ రెగ్యులేటర్‌ ద్వారా సోమశిల, కండలేరుకు కృష్ణా నీటిని తరలించే సాంకేతిక సౌలభ్యం ఉన్నప్పటికీ ఆ ప్రయత్నాలు జరగకపోవడం సంక్షోభాన్ని మరింత తీవ్రతరం చేసింది. ప్రస్తుతం సోమశిల, కండలేరు డెడ్‌ స్టోరేజ్‌ మినహాయిస్తే వాడుకకు కేవలం 5 నుంచి 6 టీఎంసీల నీరు మాత్రమే అందుబాటులో ఉంటుంది. రాయలసీమ ఎత్తిపోతల పూర్తయినా.. రాయలసీమ ఎత్తిపోతల పథకం పూర్తయి ఉంటే.. తెలంగాణతో సమానంగా కాకపోయినా.. కొంత మేరైనా నెల్లూరుతోపాటు రాయలసీమ జిల్లాలకు నీటిని తరలించి కరువు వేళ సైతం సస్యశ్యాలం చేసే అవకాశం ఉంది. మాజీ ముఖ్యమంత్రి వైఎస్‌ జగన్‌మోహన్‌రెడ్డి భవిష్యత్‌ పరిణామాలను దృష్టిలో ఉంచుకుని దూరదృష్టితో రాయలసీమ ఎత్తిపోతల పథకానికి శ్రీకారం చుట్టారు. శ్రీశైలంలో 800 అడుగుల నీటి మట్టం ఉన్నా.. ఎత్తిపోతల పథకం ద్వారా రోజుకు 3 టీఎంసీలు తరలించే అవకాశం ఉండేది. దాదాపు 85 శాతానికి పైగా పూర్తయిన రాయలసీమ ఎత్తిపోతల పథకాన్ని చంద్రబాబు సర్కారు ఆపేయడంతో శ్రీశైలంలో జల హక్కులు ఉన్నా.. వినియోగించుకోలేని దుస్థితి ఏర్పడింది. అడుగంటిన కండలేరు జలాశయంశ్రీశైలం నీటిపైనే నెల్లూరు ఆశలు జిల్లాలో సగటున 40 శాతం లోటు వర్షపాతం కారణంగా దుర్భిక్ష పరిస్థితులు నెలకొన్నాయి. తీవ్ర వర్షాభావ పరిస్థితులు, ఎల్‌నినో ప్రభావానికి తోడు నీటి నిర్వహణ లోపంతో తీవ్ర జల సంక్షోభం ఏర్పడింది. జిల్లా జలనిధులు సోమశిల, కండలేరు జలాశయాల్లో నీటి నిల్వలు అడుగంటిపోవడంతో, ఇప్పుడు ఎగువనున్న కృష్ణా జలాలు తరలివస్తే తప్ప జిల్లా గట్టెక్కే పరిస్థితి కనిపించడం లేదు. శ్రీశైలం నుంచి నీటిని మళ్లించడంలో జరుగుతున్న జాప్యం ఇలాగే కొనసాగితే జిల్లా వ్యవసాయ రంగం ఎడారిగా మారే ప్రమాదం పొంచి ఉంది. శ్రీశైలం జలాశయంలో ప్రస్తుతం 871 అడుగుల నీటి మట్టం ఉంది. ఈ తరుణంలో పోతిరెడ్డిపాడు హెడ్‌రెగ్యులర్‌ కాలువ ద్వారా సోమశిల, కండలేరు జలాశయాలకు నీటిని విడుదల చేసే అవకాశం ఉన్నా.. చంద్రబాబు సర్కారు నిర్లక్ష్యంగా వ్యవహరిస్తోంది. శ్రీశైలంలో 841 అడుగుల కంటే నీటి మట్టం పెరిగితే.. రోజుకు 44 వేల క్యూసెక్కులు తరలించుకునే వెసులుబాటు ఉంది. ఈ లెక్కన రోజుకు కనీసం 4 టీఎంసీలు నీటిని పోతిరెడ్డిపాడు హెడ్‌రెగ్యులేటర్‌ గ్రావిటీ ద్వారా జిల్లాలోని జలాశయాలను నింపే అవకాశం ఉంది. మరో వైపు తెలంగాణ సర్కారు 800 అడుగుల నీటి మట్టంలోనే శ్రీశైలం జలాలను తరలించుకుని పోతున్నా.. కూటమి ప్రభుత్వం కట్టడి చేయడం లేదు. శ్రీశైలంలో గరిష్ట స్థాయిలో నీటి నిల్వలు ఉన్నప్పుడైనా జిల్లా జలాశయాలు నింపే ఆలోచనను అధికార పార్టీ మంత్రులు, ఎమ్మెల్యేలు చేయకపోవడంతో దుర్భిక్ష పరిస్థితులు నెలకొన్నాయి. ధాన్యపు సిరి.. సింహపురి డెల్టా ప్రాంతంగా ప్రసిద్ధి 78 టీఎంసీల సోమశిల, 69 టీఎంసీల కండలేరు వంటి జలనిధులు సమృద్ధిగా వర్షాలు కురిస్తే 50 టీఎంసీల వరకు నీటిని నిల్వ చేసే జలవనరులు శ్రీశైలంలో సమృద్ధిగా నీటి నిల్వలు ఉన్నా.. జిల్లాలోని జలనిధులు నింపని సర్కారు నిర్లక్ష్యం రాయలసీమ ఎత్తిపోతల పథకం సిద్ధమైనా.. అపార జల సంపద కేవలం చంద్రబాబు సృష్టించిన ’ఎల్లో’ నినో కారణంగానే కరువు జిల్లాలో 36 మండలాల్లో 35 మండలాల్లో కరువు పరిస్థితులు 31 మండలాల్లోనే కరువున్నట్లు వ్యవసాయ శాఖ నిర్ధారణ వరికుంటపాడులో 61.6, అనంతసాగరం 68.4 శాతం లోటు వర్షపాతం లోటు వర్షపాతం మండలాల సంఖ్య 19 శాతం తక్కువ 13 20– 59.9 శాతం తక్కువ 20 60– 99.9 శాతం తక్కువ 2 20 శాతం కంటే ఎక్కువ 1

పాల్గొన్న నాయకులు, కార్యకర్తలుమాట్లాడుతున్న మేకపాటి రాజగోపాల్‌రెడ్డి, చిత్రంలో నేతలు● ఉదయగిరి సమన్వయకర్త మేకపాటి రాజగోపాల్‌రెడ్డి వింజమూరు(ఉదయగిరి): ‘చంద్రబాబు పాలనలో ఎప్పుడూ చూసినా కరువు విలయతాండవం చేస్తుంది. అరాచకాలు జరుగుతాయి. అవినీతి, అక్రమాలు, దోపిడీకి అంతు ఉండదు’ అని వైఎస్సార్‌సీపీ ఉదయగిరి నియోజకవర్గ సమన్వయకర్త మేకపాటి రాజగోపాల్‌రెడ్డి అన్నారు. వింజమూరులోని వీఆర్‌ ఫంక్షన్‌ ప్లాజాలో మంగళవారం పార్టీ మండల కన్వీనర్‌ ఆర్‌.శ్రీనివాసరెడ్డి అధ్యక్షతన విస్తృత స్థాయి సమావేశం జరిగింది. ఈ సందర్భంగా మేకపాటి మాట్లాడుతూ చంద్రబాబు పాలనకు, వైఎస్సార్‌ కుటుంబీకుల పాలనకు ఎంతో తేడా ఉందన్నారు. పేదల బాగోగుల కోసం వైఎస్‌ రాజశేఖరరెడ్డి, వైఎస్‌ జగన్‌మోహన్‌రెడ్డి కృషి చేశారన్నారు. చంద్రబాబు పాలనంతా ధనవంతులకే తప్ప, సామాన్యులకు ఒరిగిందేమీ లేదన్నారు. టీడీపీ పాలనలో ఎక్కువ కాలం కరువు కాటకాలేని గుర్తుచేశారు. గత వైఎస్సార్‌సీపీ పాలనలో ప్రజలకు ఎన్నో అభివృద్ధి, సంక్షేమ పథకాలు అందాయన్నారు. నేడు ఆ పరిస్థితి లేదన్నారు. పేదలు తీవ్ర ఇబ్బంది పడుతున్నారన్నారు. ఎన్నికల్లో ఇచ్చిన హామీలు నెరవేర్చకుండా ప్రజలను మభ్యపెట్టే కార్యక్రమం నేడు రాష్ట్రంలో చూస్తున్నామని తెలిపారు. డీఎస్సీలో అక్రమాలు నిలదీసే వారిపై దౌర్జన్యం చేస్తున్నారని, దీనికి మూల్యం చెల్లించక తప్పదన్నారు. ఎన్నికల్లో కలిసి పనిచేయాలి స్థానిక సంస్థల ఎన్నికలు ఎప్పుడు జరిగినా ప్రతి కార్యకర్త పార్టీ అభ్యర్థుల విజయం కోసం పనిచేయాలని రాజగోపాల్‌రెడ్డి అన్నారు. అధికార పార్టీ దౌర్జన్యాలను, అక్రమాలను నిలదీయాలన్నారు. ఎన్నికల్లో గెలుపు గుర్రాలనే ఎంపిక చేయాలన్నారు. మండల, గ్రామ స్థాయి నేతలు సమన్వయంతో పార్టీ అభ్యర్థుల విజయం కోసం పనిచేయాలన్నారు. నియోజకవర్గ పరిశీలకుడు కూనం సుధాకర్‌రెడ్డితోపాటు పలువురు నేతలు ఎన్నికల్లో విజయం కోసం అనుసరించాల్సిన వ్యూహాలు గురించి వివరించారు. అనంతరం మండల, గ్రామ కమిటీల సభ్యులకు గుర్తింపుకార్డులు అందజేశారు. కార్యక్రమంలో నేతలు పల్లాల కొండారెడ్డి, మద్దూరి బాబు, నారాయణరెడ్డి, డేగా వంశీ, రొడ్డ కొండయ్య, మలిరెడ్డి విజయరెడ్డి, గణపం రమేష్‌, చిన్నికృష్ణ, కాలేషా, కొండపల్లి రమేష్‌ తదితరులు పాల్గొన్నారు. ఈ సందర్భంగా పలువురు పార్టీ నేతలు, కార్యకర్తలు రాజగోపాల్‌రెడ్డిని ఘనంగా సన్మానించారు.

● బుచ్చి చైర్మన్‌ అభ్యర్థిగా కడివేటి శ్రీనివాసులురెడ్డి ● మాజీ ఎమ్మెల్యే నల్లపరెడ్డి ప్రసన్నకుమార్‌రెడ్డిబుచ్చిరెడ్డిపాళెం: బుచ్చిరెడ్డిపాళెం మున్సిపాలిటీలో ప్రతి వార్డులో వైఎస్సార్‌సీపీ అభ్యర్థుల విజయమే లక్ష్యంగా పనిచేయాలని మాజీ మంత్రి నల్లపరెడ్డి ప్రసన్నకుమార్‌రెడ్డి తెలిపారు. మంగళవారం బుచ్చిరెడ్డిపాళెంలోని ఇసుకపాళెంలో మండల స్థాయి విస్తృత సమావేశం జరిగింది. ఈ సందర్భంగా ఆయన మాట్లాడుతూ ప్రతి వార్డులో పార్టీ బలాన్ని పెంచుకోవాలని సూచించారు. పార్టీ కోసం కష్టకాలంలో నిలిచిన ముగ్గురు కౌన్సిలర్లను తిరిగి గెలిపించుకోవాల్సిన బాధ్యత ప్రతి ఒక్కరిపై ఉందన్నారు. పార్టీని నమ్ముకుని ఉన్న వారికి గుర్తింపు ఇవ్వడమే తమ విధానమని చెప్పారు. కష్టకాలంలో పనిచేసిన వారిని పక్కనపెట్టి ఎన్నికల సమయంలో వచ్చే వారికి ప్రాధాన్యత ఇవ్వడం సరికాదన్నారు. మున్సిపాలిటీ చైర్మన్‌ అభ్యర్థిగా కడివేటి శ్రీనివాసులురెడ్డిని ఎంపిక చేసినట్లు ప్రకటించారు. ఆయన సౌమ్యుడని, ప్రతి ఒక్కరూ ఆశీర్వదించాలని కోరారు. అభ్యర్థి ఎంపిక విషయంలో అన్ని అంశాలను పరిగణనలోకి తీసుకున్నామని చెప్పారు. ఎన్నికల సమయంలో కూటమి నేతలు డబ్బులు తీసుకుని వచ్చే అవకాశం ఉందన్నారు. ఓటు మాత్రం ఫ్యాన్‌ గుర్తుకే వేయాలని పిలుపునిచ్చారు. ప్రజలను డబ్బుతో ప్రభావితం చేయడం కంటే గతంలో జరిగిన అభివృద్ధి, సంక్షేమ కార్యక్రమాలను వివరించి మద్దతు కోరాలని సూచించారు. టీడీపీకి చెందిన కొంతమంది నాయకులు ఇప్పటికే వైఎస్సార్‌సీపీ నాయకులకు ఫోన్లు చేసి టికెట్లు అడుగుతున్నారని పేర్కొన్నారు. ఇలాంటి పరిణామాలను పార్టీ శ్రేణులు గమనించాలని సూచించారు. పార్టీ కోసం నిలిచిన వారికే గుర్తింపు ప్రస్తుతం పార్టీతో ఉన్నవారే అసలైన నాయకులు, కార్యకర్తలని ప్రసన్నకుమార్‌రెడ్డి అన్నారు. ఎన్నికలు సమీపించినప్పుడు వచ్చేవారు, రాజకీయంగా వివిధ రకాలుగా వ్యవహరించే వారు వస్తారు.. పోతారని వ్యాఖ్యానించారు. అభ్యర్థుల ఎంపికలో పార్టీకి విధేయత, ప్రజలతో సంబంధాలు, వార్డు స్థాయిలో ఉన్న పరిచయాలను పరిగణనలోకి తీసుకోవాలని సూచించారు. బుచ్చిరెడ్డిపాళెం ప్రాంతానికి సుమారు రూ.230.44 కోట్ల విలువైన అభివృద్ధి, సంక్షేమ కార్యక్రమాలు అందించామన్నారు. గతంలో జరిగిన అభివృద్ధిని ప్రజలకు గుర్తుచేస్తూ ప్రతి వార్డులో ఓటర్లను కలవాలని చెప్పారు. కార్యక్రమంలో ముఖ్య నాయకులు వీరి చలపతిరావు, కొండూరు అనిల్‌బాబు, కన్వీనర్లు షాహుల్‌, సతీష్‌రెడ్డి, కోడూరు మధుసూదన్‌రెడ్డి, కాటంరెడ్డి నవీన్‌రెడ్డి, షకీలా బేగం, మోర్ల జయంతి, బిట్రగుంట ప్రమీలమ్మ, గొల్లపల్లి విజయ్‌కుమార్‌, విల్సన్‌, ప్రవళ్లిక తదితరులు పాల్గొన్నారు.

● నోట్లో గడ్డి పెట్టుకుని వినూత్నంగా ఐద్వా మహిళల నిరసన నెల్లూరు(వీఆర్సీసెంటర్‌): పెరిగిన నిత్యావసర వస్తువుల ధరలను వెంటనే తగ్గించాలని కోరుతూ నెల్లూరు నగర ఐద్వా కమిటీ ఆధ్వర్యంలో 15,16 డివిజన్లకు చెందిన మహిళలు మంగళవారం వినూత్నంగా నిరసన తెలిపారు. పెరిగిన నిత్యావసరాల ధరలతో ఏమి కొనలేకున్నామని, గడ్డి తిని బతకాల్సిన పరిస్థితి నెలకొందని నోట్లో గడ్డిపెట్టుకుని బాలాజీనగర్‌లోని సీపీఎం జిల్లా కార్యాలయం నుంచి పూలే విగ్రహం వరకు నిరసన ప్రదర్శన చేపట్టారు ఈ సందర్భంగా ఐద్వా జిల్లా, నగర అధ్యక్ష, కార్యదర్శులు మస్తాన్‌బీ, కత్తి పద్మ, సుబ్బమ్మ మాట్లాడుతూ రాష్ట్రంలో కూటమి ప్రభుత్వం అధికారంలోకి వచ్చిన తరువాత నిత్యావసర వస్తువుల ధరలు ఎన్నడూ లేని విధంగా పెరిగిపోయాయని ఆరోపించారు. కిలో బియ్యం రూ.70కు చేరడంతో పాటు పప్పు ధాన్యాలు, నిత్యావసర సరుకుల ధరలు చుక్కలను చూస్తుండడంతో పేద, మధ్య తరగతి కుటుంబాల పరిస్థితి దయనీయంగా మారిందన్నారు. గత ఎన్నికల సమయంలో తాముఽ అధికారంలోకి వస్తే రేషన్‌ దుకాణాల ద్వారా 12 రకాల నిత్యావసర సరుకులు పంపిణీ చేస్తామని హామీలు గుప్పించిన కూటమి నాయకులు అధికారంలోకి వచ్చాక బియ్యం, చక్కెర మాత్రమే ఇస్తున్నారని విమర్శించారు. రాష్ట్ర ప్రభుత్వం స్పందించిన పెరిగిన నిత్యావసర వస్తువుల ధరలు తగ్గించాలని, రేషన్‌ దుకాణాల్లో నిత్యావసర వస్తువులు పంపిణీ చేయాలని డిమాండ్‌ చేశారు.

● జగన్‌, ప్రజల ఆశీస్సులతో పనిచేశా ● జెడ్పీ చైర్‌పర్సన్‌ ఆనం అరుణమ్మనెల్లూరు(వేదాయపాళెం): ‘కూటమి ప్రభుత్వం అధికారం చేపట్టిన నాటి నుంచి నన్ను పదవి నుంచి తప్పించేందుకు చేయని ప్రయత్నం లేదు. అధికార పార్టీకి చెందిన నాయకులు ఎన్ని కుట్రలు చేసినా వైఎస్సార్‌సీపీ జెడ్పీటీసీ సభ్యులు ప్రలోభాలకు లొంగకుండా నాకు అండగా నిలిచి ముందుకు నడిపించారు’ అని జెడ్పీ చైర్‌పర్సన్‌ ఆనం అరుణమ్మ తెలిపారు. సహచర జెడ్పీటీసీ సభ్యులతో మంగళవారం నెల్లూరులోని వైఎస్సార్‌సీపీ జిల్లా కార్యాలయంలో విలేకరుల సమావేశంలో మాట్లాడారు. వైఎస్సార్‌సీపీ అధినేత వైఎస్‌ జగన్‌మోహన్‌రెడ్డి, ప్రజల ఆశీస్సులతో ఐదేళ్లపాటు నిర్విరామంగా చైర్‌పర్సన్‌గా పనిచేశానని వెల్లడించారు. రాగద్వేషాలు, పార్టీలకతీతంగా ప్రజల ఆకాంక్షల మేరకు పనిచేయగలిగాననే సంతృప్తి లభించిందన్నారు. తాను కుర్చీని కాపాడుకునేందుకు ప్రయత్నిస్తున్నానని ఇటీవల మంత్రి ఆనం రామనారాయణరెడ్డి చేసిన వ్యాఖ్యలు తనను బాధించాయన్నారు. ఆనం వారి కోడలుగా, గృహిణిగా ఉన్న తనను ప్రజాసేవ కోసం వైఎస్సార్‌సీపీ ప్రోత్సహించిందని పేర్కొన్నారు. పదవులపై ఆసక్తి లేదని తెలిపారు. ఎవరు అధికారంలో ఉంటే ఆ పార్టీ కండువా కప్పుకొని, ఆదరించి, పునర్జన్మనిచ్చిన పార్టీకి వెన్నుపోటు పొడవడం వంటి విద్యలు తనకు తెలియదని ఆమె తేల్చిచెప్పారు. ప్రజలు గుణపాఠం చెబుతారు కాకాణి గోవర్ధన్‌రెడ్డి జెడ్పీ చైర్మన్‌గా ఉన్న సమయంలో రామనారాయణరెడ్డి మంత్రిగా ఉండి ఇబ్బంది పెట్టారని అరుణమ్మ గుర్తుచేశారు. నేడు మంత్రిగా ఉండి తనను ఇబ్బందులకు గురిచేస్తున్నారని వివరించారు. ఈనెల 17న నిర్వహించిన జెడ్పీ సర్వసభ్య సమావేశం, మంగళవారం నిర్వహించిన అత్యవసర సమావేశాలకు అధికారులు, ఎమ్మెల్యేలు, మంత్రులు హాజరుకాకుండా అడుగడుగునా అడ్డుతగిలిన వారికి ప్రజలే తగిన గుణపాఠం చెప్తారని పేర్కొన్నారు. జెడ్పీలో ప్రస్తుతం రూ.4 కోట్ల నిధులుంటే వాటిలో రూ.కోటి అభివృద్ధి పనులను తాము ఆమోదిస్తే, వాటిని అడ్డుకుని గ్రామీణ ప్రజలకు కనీస వసతులు అందకుండా చేస్తున్న నాయకులకు రానున్న ఎన్నికల్లో పరాజయం తప్పదన్నారు. గడిచిన రెండేళ్లలో సీఈఓ, అధికారులు సహకరించకపోయినా సభ్యుల సహకారంతో తనకు అప్పగించిన బాధ్యతను శక్తివంచన లేకుండా నిర్వర్తించినట్లు చెప్పారు. అరుణమ్మ పదవి కోసం, కుర్చీ కోసం బాధపడుతోందని రామనారాయణరెడ్డి చేసిన వ్యాఖ్యలను జెడ్పీటీసీ సభ్యులందరూ ముక్తకంఠంతో ఖండించారు, మంత్రి వ్యాఖ్యల పట్ల తీవ్ర ఆగ్రహం వ్యక్తం చేస్తూ మాట్లాడారు. సమావేశానికి ముందుగా పార్టీ జిల్లా అధ్యక్షుడు, మాజీ మంత్రి డాక్టర్‌ కాకాణి గోవర్ధన్‌రెడ్డిని చైర్‌పర్సన్‌తోపాటు సభ్యులందరూ మర్యాదపూర్వకంగా కలిశారు. అనంతరం కార్యాలయ ప్రాంగణంలో ఉన్న దివంగత ముఖ్యమంత్రి వైఎస్‌ రాజశేఖరరెడ్డి విగ్రహానికి పూలమాలలు వేసి నివాళులర్పించారు.

చిట్టమూరు: మండలంలోని మల్లాంలో కొలువైన వల్లీ దేవసేన సమేత సుబ్రహ్మణ్యేశ్వర ఆలయంలో వార్షిక బ్రహ్మోత్సవాల్లో భాగంగా మంగళవారం ధ్వజారోహణ కార్యక్రమాన్ని వైభవంగా నిర్వహించారు. ఆలయ అర్చకులు ధ్వజస్తంభం వద్ద మయూర ఆగమశాస్త్ర ప్రకారం ప్రత్యేక పూజలు నిర్వహించి బ్రహ్మోత్సవాలకు ముక్కోటి దేవతలను ఆహ్వానిస్తూ ధ్వజాన్ని ఎగురవేశారు. అనంతరం సంతానం లేని మహిళలకు కొడిముద్దల ప్రసాదాన్ని పంపిణీ చేశారు. ఈ కార్యక్రమానికి చెన్నారెడ్డి చెంచురాఘవరెడ్డి ఉభయకర్తగా వ్యవహరించారు. కళ్లకు గంతలతో వీఆర్‌ఏల నిరసన సంగం: తమ సమస్యలను పరిష్కరించాలని కోరుతూ సంగం తహసీల్దార్‌ కార్యాలయం వద్ద వీఆర్‌ఏలు వారం రోజులుగా ధర్నాను కొనసాగిస్తున్నారు. అయినా ప్రభుత్వం పట్టించుకోకుండా నిర్లక్ష్యంగా వ్యవహరిస్తుండడంతో మంగళవారం కళ్లకు గంతలు కట్టుకుని వినూత్నంగా నిరసన తెలిపారు. తమ సమస్యలను పరిష్కరించే వరకు ఆందోళనను కొనసాగిస్తామని వారు స్పష్టం చేశారు. భూ కబ్జాపై ఉన్నతాధికారుల ఆరా వెంకటాచలం: మండలంలోని కసుమూరులోని సర్వే నంబరు 118–1లోని 1.66 ఎకరాలు, 118–2లోని 0.25 సెంట్ల ప్రభుత్వ, దేవాలయ భూముల కబ్జాపై ‘సాక్షి’లో ‘కన్నేశారు..కబ్జా చేశారు’ శీర్షికన మంగళవారం కథనం ప్రచురితమైన విషయం తెలిసిందే. రూ.20 కోట్ల విలువ భూముల కబ్జాపై జిల్లా ఉన్నతాధికారులు స్పందించి మండల రెవెన్యూ అధికారులను ఆరా తీశారు. క్షేత్రస్థాయిలో సమగ్ర విచారణ జరిపి నివేదిక పంపాలని ఆదేశించినట్లు సమాచారం. మూడు డైరెక్టర్ల స్థానాలు ఏకగ్రీవం నెల్లూరు(వేదాయపాళెం): జిల్లా పాల ఉత్పత్తిదారుల పరస్పర సహాయ సహకార సమితిలో రొటేషన్‌ పద్ధతిలో ఖాళీ అయిన మూడు డైరెక్టర్‌ స్థానాలు ఏకగ్రీవమయ్యాయి. డైరెక్టర్ల స్థానాల భర్తీకి సోమవారం నామినేషన్లు స్వీకరించగా రెండు స్థానాలకు రెండేసి, ఒక స్థానానికి ఒకటి చొప్పున ఐదు నామినేషన్లు దాఖలయ్యాయి. మంగళవారం ఉపసంహరణ గడువు ముగిసే సమయానికి ఇద్దరు అభ్యర్థులు తమ నామినేషన్లను ఉపసంహరించుకున్నారు. దీంతో మూడు డైరెక్టర్‌ స్థానాలకు మూడు నామినేషన్లు మాత్రమే మిగలడంతో ఏకగ్రీవంగా ఎన్నిక జరిగినట్లు ఎన్నికల అధికారి బీ హరిబాబు ప్రకటించారు. కాగా ఏకగ్రీవంగా ఎన్నికై న డైరెక్టర్లు అక్టోబర్‌ 1న బాధ్యతలు స్వీకరించనున్నారు. వృద్ధురాలిపై లైంగిక దాడి కేసులో వ్యక్తికి పదేళ్ల జైలు నెల్లూరు (లీగల్‌): 98 ఏళ్ల వృద్ధురాలిపై మద్యం మత్తులో లైంగికదాడికి పాల్పడినట్లు నమోదైన కేసులో నెల్లూరుకు చెందిన వల్లూరు పెంచలయ్య అలియాస్‌ గుణ (19)కు పదేళ్ల కఠిన కారాగార శిక్ష, రూ.1,000 జరిమానా విధిస్తూ 8వ అదనపు జిల్లా కోర్టు న్యాయమూర్తి ఏఎన్‌ శైలజ మంగళవారం తీర్పు చెప్పారు. వివరాలు..నెల్లూరులోని సుందరయ్యనగర్‌, పొర్లుకట్ట ప్రాంతంలో మంచానికి పరిమితమైన 98 ఏళ్ల వృద్ధురాలు ఒంటరిగా గుడిసెలో ఉంటోంది. అదే ప్రాంతనికి పెంచలయ్య 2017 ఆగస్ట్‌ 26 వేకువజామున 3 గంటల సమయంలో వృద్ధురాలి గుడిసెలోకి ప్రవేశించి ఆమెను చంపుతానని బెదిరించి లైంగికదాడికి పాల్పడ్డాడు. ఈ ఘటనపై పరువు మర్యాదలకు భయపడిన వృద్ధురాలి బంధువులు పోలీసులకు ఫిర్యాదు చేయలేదు. అయితే వృద్ధురాలు అధిక రక్తస్రావంతో బాధ పడుతుండగా బంధువులు ఆమెను నెల్లూరు ప్రభుత్వాస్పత్రికి తరలించారు. అక్కడి నుంచి అందిన సమాచారం, బాధితురాలి వాంగ్మూలం మేరకు సంతపేట పోలీసులు కేసు నమోదు చేశారు. నిందితుడ్ని అరెస్ట్‌ చేసి కోర్టులో చార్జిషీట్‌ దాఖలు చేశారు. కోర్టులో నేరం రుజువు కావడంతో నిందితుడికి పై మేరకు శిక్ష, జరిమానా విధిస్తూ న్యాయమూర్తి తీర్పు చెప్పారు. ప్రాసిక్యూషన్‌ తరుపున పబ్లిక్‌ ప్రాసిక్యూటర్‌ బీ బ్రహ్మయ్య కేసు వాదించారు.

● గిరిజన సంక్షేమ శాఖ డైరెక్టర్‌ సదా భార్గవి నెల్లూరు(వేదాయపాళెం): ఆధార్‌ కార్డుల్లేని 20 వేల మంది గిరిజనులను గుర్తించామని, స్వీయ అఫిడవిట్‌ ఆధారంగా ఇప్పటికే 15,500 మందికి వాటిని మంజూరు చేసినట్లుగా గిరిజన సంక్షేమశాఖ డైరెక్టర్‌ సదా భార్గవి తెలిపారు. గిరిజనులకు అమలవుతున్న వివిధ పథకాలపై సోమవారం నెల్లూరులోని ఐటీడీఏ కార్యాలయంలో సంబంధిత శాఖల అధికారులతో సమీక్ష నిర్వహించారు. అనంతరం విలేకరుల సమావేశంలో ఆమె మాట్లాడారు. ఆధార్‌ కార్డుల కోసం మిగిలిన వారు దరఖాస్తు చేసుకుంటే మంజూరు చేయించేలా చర్యలు తీసుకుంటామన్నారు. ముఖ్యంగా యానాదులకు పుట్టిన తేదీ, నివాస ధ్రువీకరణ పత్రాలు లేకపోవడంతో ఆధార్‌ కార్డులు, తద్వారా ప్రభుత్వ పథకాలు పొందడంలో ఇబ్బందులు ఎదురవుతున్నాయని తెలిపారు. ఈ సమస్యలను పరిష్కరించేందుకు ఐటీడీఏతోపాటు ఇతర శాఖలు సమన్వయంతో పనిచేయాలని సూచించారు. పదో తరగతి అనంతరం గిరిజన విద్యార్థులకు ఉన్నత విద్య అందేలా చర్యలు తీసుకోవాలన్నారు. సమావేశంలో ట్రైకార్‌ ఎండీ ఆనంద్‌ మణికుమార్‌, ఐటీడీఏ నెల్లూరు ప్రాజెక్ట్‌ అధికారి కె.శ్రీనివాసరావు, సర్వేపల్లి ఎమ్మెల్యే సోమిరెడ్డి చంద్రమోహన్‌రెడ్డి తదితరులు పాల్గొన్నారు.

నెల్లూరు(క్రైమ్‌): నెల్లూరులోని జిల్లా పోలీస్‌ కార్యాలయంలో సోమవారం నిర్వహించిన ప్రజా సమస్యల పరిష్కార వేదిక కార్యక్రమానికి వినతులు వెల్లువెత్తాయి. జిల్లా వ్యాప్తంగా 181 మంది తమ సమస్యలను వినతుల రూపంలో ఎస్పీ అజిత వేజెండ్లకు అందజేశారు. వాటిని పరిశీలించిన ఎస్పీ సమస్యలను చట్టపరిధిలో పరిష్కరించాలని ఆయా ప్రాంత పోలీస్‌ అధికారులను ఆదేశించారు. ప్రధానంగా పెళ్లి చేసుకుంటానని నమ్మించి మోసగించారని, ఉద్యోగాల పేరుతో మోసాలకు పాల్పడ్డారని, కన్నబిడ్డలు పట్టించుకోవడం లేదని, కేసుల్లో నిందితులను అరెస్ట్‌ చేయాలని, అదనపుకట్నం కోసం వేధిస్తున్నారని తదితర సమస్యలను ప్రజలు అధికారుల దృష్టికి తీసుకెళ్లారు. కార్యక్రమంలో నగర ఏఎస్పీ దీక్ష, దర్గామిట్ట, మహిళా పోలీస్‌స్టేషన్‌ ఇన్‌స్పెక్టర్‌లు బి.కల్యాణరాజు, టీవీ సుబ్బారావు తదితరులు పాల్గొన్నారు.వచ్చేనెల 23 నుంచి నాటకోత్సవాలు నెల్లూరు(బృందావనం): సాహితి సాంస్కృతిక సంస్థ హైదరాబాద్‌కు చెందిన కిన్నెర ఆర్ట్స్‌ థియేటర్‌ ఆధ్వర్యంలో, ఆంధ్రప్రదేశ్‌ నాటక అకాడమీ సౌజన్యంతో అక్టోబర్‌ 23 నుంచి 25వ తేదీ వరకు నెల్లూరులోని పురమందిరంలో నాటకోత్సవాలు నిర్వహించనున్నట్లు వై.శేషగిరీశం సోమవారం ఒక ప్రకటనలో తెలిపారు. మద్దాళి రఘురామ్‌ ఆధ్వర్యంలో జరిగే ఈ ఉత్సవాల్లో రోజూ సాయంత్రం 6 గంటలకు సాంఘిక నాటికలను ప్రదర్శించనున్నట్లు పేర్కొన్నారు. జిల్లాలోని నాటికల సమాజాల వారు నాటకోత్సవాలకు సంబంధించిన వివరాలకు 94402 66476 నంబర్‌ను సంప్రదించాలని కోరారు.రాష్ట్ర స్థాయి పోటీలకు విద్యార్థుల ఎంపిక నెల్లూరు(టౌన్‌): నెల్లూరు దర్గామిట్టలోని జిల్లా పరిషత్‌ బాలికల హైస్కూల్లో సోమవారం ఇండియన్‌ ఎనర్జీ బాస్కెట్‌ 2047 (ప్రాస్‌పెక్ట్స్‌ అండ్‌ ఛాలెంజెస్‌) ఇతివృత్తంతో జిల్లా స్థాయి సైన్స్‌ సెమినార్‌ పోటీలను నిర్వహించారు. వీటికి 25 మండలాల నుంచి మండలానికి ఇద్దరు చొప్పున విద్యార్థులు విచ్చేశారు. కోట మండలం చిట్టేడు ఎన్‌సీఆర్‌ జెడ్పీ హైస్కూల్‌ విద్యార్థి బి.రక్షిత ప్రథమ స్థానం, వీఆర్‌ఎంసీ స్కూల్‌ నుంచి జె.నేత్ర ద్వితీయ స్థానంలో నిలిచారు. వీరిని రాష్ట్ర స్థాయి పోటీలకు పంపనున్నారు. ఈ సందర్భంగా డీఈఓ బాలాజీరావు, సమగ్రశిక్ష ఏపీసీ వెంకటసుబ్బయ్య మాట్లాడుతూ రాష్ట్ర స్థాయిలో కూడా రాణించి జిల్లాకు మంచి పేరు తీసుకరావాలని ఆకాంక్షించారు. కార్యక్రమంలో డిప్యూటీ డీఈఓ వెంకటేశ్వరనాయక్‌, ఎంఈఓ మురళి, సీనియర్‌ డైట్‌ లెక్చరర్‌ రాధారాణి, విజయచంద్ర, సంపూర్ణ, జిల్లా సైన్స్‌ అధికారి మూర్తి పాల్గొన్నారు. డ్రైవర్‌ పోస్టులకు దరఖాస్తుల స్వీకరణ నెల్లూరు సిటీ: నగరంలోని డిపో–1 పరిధిలో ఆన్‌కాల్‌ డ్రైవర్లుగా రోజూవారీ వేతనంతో నియామకానికి దరఖాస్తులు స్వీకరిస్తున్నట్లుగా డిపో మేనేజర్‌ గోవర్ధన్‌ సోమవారం ఒక ప్రకటనలో తెలిపారు. పాసింజర్‌ బస్సు, డిపార్ట్‌మెంట్‌ గూడ్స్‌ వెహికల్‌ డ్రైవర్‌ల నియామకం జరుగుతోందన్నారు. హెవీ డ్రైవింగ్‌ లైసెన్స్‌, 18 నెలల అనుభవం కలిగి వయసు 45 సంవత్సరాల్లోపు ఉండాలన్నారు. ఆసక్తి గల వారు ఆధార్‌, డ్రైవింగ్‌ లైసెన్స్‌ జెరాక్స్‌లు తీసుకునివాలని సూచించారు.మొబైల్‌ ఫోరెన్సిక్‌ యూనిట్‌ ప్రారంభం నెల్లూరు(క్రైమ్‌): నేర పరిశోధనలో శాసీ్త్రయ ఆధారాల సేకరణను మరింత వేగవంతం చేసేందుకు జిల్లా పోలీస్‌ శాఖకు మొబైల్‌ ఫోరెన్సిక్‌ యూనిట్‌ (వ్యాన్‌) అందుబాటులోకి వచ్చింది. సోమవారం నెల్లూరులోని జిల్లా పోలీస్‌ కార్యాలయంలో ఆ వ్యాన్‌ను ఎస్పీ అజిత వేజెండ్ల ప్రారంభించారు. నేర స్థలంలో ఆధారాలను గుర్తించడం, సేకరించడం, భద్రపరచడం, డాక్యుమెంటేషన్‌ వంటి అనేక సేవలను అందించేలా ఈ వాహనాన్ని రూపొందించారు. కార్యక్రమంలో ఏఆర్‌ డీఎస్పీ చంద్రమోహన్‌, ఫింగర్‌ ప్రింట్‌ అండ్‌ క్లూస్‌టీమ్‌ ఇన్‌స్పెక్టర్‌ పి.శరత్‌బాబు పాల్గొన్నారు. నిమ్మ ధరలు (కిలో) పెద్దవి : రూ.210 సన్నవి : రూ.150 పండ్లు : రూ.80

● సీపీఎం జిల్లా కార్యదర్శి మూలం రమేష్‌ నెల్లూరు(వీఆర్సీసెంటర్‌): ప్రభుత్వం వెంటనే జిల్లాలో కరువు మండలాలను ప్రకటించి సహాయక చర్యలు చేపట్టాలని సీపీఎం జిల్లా కార్యదర్శి మూలం రమేష్‌, జిల్లా కార్యవర్గ సభ్యుడు మాదాల వెంకటేశ్వర్లు డిమాండ్‌ చేశారు. నెల్లూరులోని బాలాజీ నగర్‌లో ఉన్న సీపీఎం జిల్లా కార్యాలయంలో సోమవారం జరిగిన విలేకరుల సమావేశంలో వారు మాట్లాడారు. నేడు జిల్లాలోని అనేక మండలాల్లో కరువు అధికంగా ఉందన్నారు. గతంలో ఎన్నడూ లేనివిధంగా వర్షాభావ పరిస్థితులు నెలకొనడంతో చెరువుల్లో నీరు లేక రైతులు, గ్రామీణ ప్రజలు తీవ్ర ఇబ్బందులు పడుతున్నారన్నారు. దీనికితోడు గ్రామాల్లో ఉపాధి హామీ పనులు పెంచడం లేదన్నారు. ఎల్‌నినో ప్రభావం ఉంటుందని శాస్త్రవేత్తలు ముందుగా హెచ్చరించినా ప్రభుత్వం ఎలాంటి ముందస్తు చర్యలు తీసుకోకపోవడం దారుణమన్నారు. సమీక్షలు, ప్రచార ఆర్భాటాలకే నేటి ప్రభుత్వం పరిమితమైందని విమర్శించారు. సీఎం కరువు ప్రాంతాల్లో పర్యటించి సహాయక చర్యలు చేపట్టాలని డిమాండ్‌ చేశారు. సమావేశంలో ఆ పార్టీ నగర కార్యదర్శి కత్తి శ్రీనివాసులు, నాయకులు మోహన్‌రావు, వన్నూరు భాస్కరయ్య తదితరులు పాల్గొన్నారు.

● రూ.12 లక్షలు తీసుకున్నారని ఆరోపణ ● బాధితుడికి న్యాయం చేయాలని సీపీఐ నేతల డిమాండ్‌ గూడూరు: హోంగార్డు ఉద్యోగాలు ఇప్పిస్తానని చెప్పి నిరుద్యోగ యువకుల కుటుంబం నుంచి రూ.12 లక్షలు తీసుకుని మోసం చేసినట్లు ఆరోపణలు ఎదుర్కొంటున్న హెడ్‌ కానిస్టేబుల్‌పై చట్టపరమైన చర్యలు తీసుకుని బాధితుడికి న్యాయం చేయాలని సీపీఐ నాయకుడు శశికుమార్‌ డిమాండ్‌ చేశారు. సోమవారం గూడూరులోని ఆ పార్టీ కార్యాలయంలో నిర్వహించిన విలేకరుల సమావేశంలో బాధితుడు వెంకటరమణయ్య మాట్లాడారు. తిక్కవరం గ్రామానికి చెందిన జి.మస్తానయ్య నెల్లూరులో హెడ్‌ కానిస్టేబుల్‌గా పనిచేస్తున్నట్లు చెప్పారు. ఉన్నతాధికారులతో మాట్లాడి కుమారులకు హోంగార్డు ఉద్యోగాలు ఇప్పిస్తానని నమ్మించి, ఖర్చుల పేరుతో విడతల వారీగా రూ.12 లక్షలు తీసుకున్నారని ఆరోపించారు. ఏడాది గడిచినా ఉద్యోగాలు ఇప్పించకపోవడంతోపాటు తీసుకున్న డబ్బులు కూడా తిరిగి ఇవ్వకుండా పొంతన లేని సమాధానాలు చెబుతున్నారని తెలిపారు. శశికుమార్‌ మాట్లాడుతూ పోలీస్‌ శాఖలో బాధ్యతాయుతమైన విధుల్లో ఉన్న వ్యక్తిపై ఇలాంటి ఆరోపణలు రావడం ఆందోళనకరమన్నారు. ఈ వ్యవహారంపై స్థానిక అధికారులు ఉదాసీనంగా వ్యవహరించడం శోచనీయమని ఆవేదన వ్యక్తం చేశారు. ఉన్నతాధికారులు తక్షణమే స్పందించి సమగ్ర విచారణ చేపట్టి, బాధితుడికి న్యాయం చేయాలని కోరారు. సమావేశంలో బాధితుడు వెంకటరమణయ్య, ఆయన కుటుంబ సభ్యులు పాల్గొన్నారు.

ఉదయగిరి: చంద్రబాబు పాలనలో కూటమి నేతలు సహజ వనరుల దోపిడీకి తెగబడుతున్నారు. ఇసుక, మట్టి, తెల్లరాయి, బైరెటీస్‌ తదితర ప్రకృతి సంపదను కొల్లగొడుతూ రూ.కోట్లకు పడగలెత్తుతున్నారు. వీరి అక్రమాలను ఎవరైనా ప్రశ్నిస్తే వారిపై అక్రమ కేసులు పెడుతూ బరితెగిస్తున్నారు. ప్రధానంగా చెరువులను కుళ్లబొడిచి మట్టి అక్రమంగా తరలిస్తూ సొమ్ము చేసుకుంటున్నారు. దీనిని ఆరికట్టాల్సిన ఇరిగేషన్‌ అధికారులు మామూళ్ల మత్తులో జోగుతూ అధికార పార్టీ నేతలకు వత్తాసు పలుకుతూ మౌనవ్రతం పాటిస్తున్నారనే విమర్శలు వినిపిస్తున్నాయి. అడ్డూ అదుపు లేకుండా.. ఉదయగిరి నియోజకవర్గంలో కూటమి నేతల కనుసన్నల్లో మట్టి మాఫియా రెచ్చిపోతోంది. చెరువులను చెరబట్టి కుళ్లబొడిచేస్తున్నారు. నియోజకవర్గంలోని అనేక మండలాల్లో మట్టి తవ్వకాలు సాగుతున్నా.. కలిగిరి, వింజమూరు మండలాల్లో ఈ దోపిడీకి అడ్డూ అదుపు లేకుండా పోయింది. చెరువుల్లో యంత్రాలను ఏర్పాటు చేసి టిప్పర్లు, ట్రాక్టర్ల ద్వారా రేయింబవళ్లు మట్టిని తరలిస్తున్నారు. కలిగిరి మండల కేంద్రంలో అధికార పార్టీకి చెందిన ఓ మాజీ మండలాధ్యక్షుడు స్థానికంగా ఉన్న చెరువులు, సోమశిల ఉత్తర కాలువ కట్టల మట్టిని గృహల పునాదులు, రోడ్లు, రియల్‌ ఎస్టేట్‌ వెంచర్లు, ప్లాట్లకు అక్రమంగా తరలిస్తూ రెండు చేతుల సంపాదిస్తున్నారనే ఆరోపణలు స్థానికంగా వినిపిస్తున్నాయి. వింజమూరు మండల కేంద్రంలోని పాతూరు, యర్రబల్లిపాళెం, మలపరాజు వాగుతో పాటు ఇరిగేషన్‌ డొంక భూములు విద్యుత్‌ సబ్‌స్టేషన్‌ పక్కనున్న ప్రభుత్వ భూముల్లో గ్రావెల్‌ తవ్వకాలు జోరుగా సాగుతున్నాయి. ఈ తంతు ఎమ్మెల్యే కార్యాలయ సిబ్బంది ప్రమేయంతోనే స్థానిక నేతలు నడిపిస్తున్నారనే ఆరోపణలు ఉన్నాయి. నిబంధనలకు వ్యతిరేకంగా.. కలిగిరి పెద్ద చెరువులో యంత్రాలతో 10 నుంచి 15 అడుగుల మేర గోతులు తీసి మట్టి తరలిస్తున్నారు. నిబంధనలకు వ్యతిరేకంగా తవ్వకాలు చేస్తున్నారనే విషయం తెలిసినా అధికారులు నోరు మెదపడం లేదు. దుత్తలూరు మండలం ముత్తరాశిపల్లి, నందిపాడు చెరువుల్లోనూ మట్టి తరలింపుతో భారీ గోతులు ఏర్పడ్డాయి. దుత్తలూరు నుంచి ఉదయగిరి వెళ్లే మార్గంలో జాతీయ రహదారి పక్కన ఉన్న ప్రభుత్వ, అటవీ భూముల్లో సైతం భారీ గోతులు తీసి గ్రావెల్‌ను తరలిస్తున్నారు. ఉదయగిరి, వెంకట్రావుపల్లి, చెరువుపల్లి చెరువుల్లో కూడా అక్రమ మట్టి తవ్వకాలు జోరుగా సాగుతున్నాయి. వింజమూరు మండంలోని పలు చెరువుల్లోని అక్రమ తవ్వకాలకు సాక్ష్యంగా పెద్దపెద్ద గుంతలు నిలుస్తున్నాయి. వీటిల్లో వర్షపు నీరు చేరి ప్రమాదకరంగా మారాయి. అభివృద్ధి పనుల పేరుతో.. ఉదయగిరి నియోజకవర్గంలో జరుతున్న పలు అభివృద్ధి పనులు పేరుతో గ్రావెల్‌ దోపిడీ పెద్దఎత్తున సాగుతోంది. ముఖ్యంగా సీతారామపురం గ్రీన్‌ీఫీల్డ్‌ హైవే, వివిధ జాతీయ రహదారులు అభివృద్ధికి అవసరమైన గ్రావెల్‌ అధికార పార్టీ నేతల కనుసన్నల్లోనే రవాణా జరుగుతోంది. కావలి–సీతారామపురం జాతీయ రహదారి నిర్మాణానికి జలదంకి నుంచి సీతారామపురం వరకు రోడ్డు వెంట ఉన్న అనేక చెరువుల్లో గ్రావెల్‌ దోపిడీ సాగింది. దీంతో అనేక చెరువులు గోతులతో నిండాయి. ప్రస్తుతం చేపడుతున్న కలిగిరి–కొండాపురం రోడ్డు నిర్మాణ పనులకు కూడా రావులకొల్లు చెరువు నుంచి అక్రమంగా మట్టి తరలించడంలో అఽధికార పార్టీ నేతల ప్రమేయం ఉన్నదనే ఆరోపణలు ఉన్నాయి.ఉదయగిరిలో రెచ్చిపోతున్న మట్టి మాఫియా వింజమూరు, కలిగిరి మండలాల్లో పెద్ద ఎత్తున తవ్వకాలు కూటమి నేతలే సూత్రధారులు మామూళ్ల మత్తులో అధికార యంత్రాంగం అక్రమార్కులకు అండగా అధికారులు మట్టి అక్రమ రవాణా తంతు పట్టపగలే జాతీయ రహదారి మీదుగానే జరుగుతున్నా ఏ శాఖ అధికారి పట్టించుకోవడం లేదు. ఇరిగేషన్‌, రెవెన్యూ, పోలీసు అధికారులు మామూళ్లు తీసుకుంటూ వదిలి వేస్తున్నారనే ఆరోపణలు వినిపిస్తున్నాయి. పేదవాడు ఇళ్లు కట్టుకునేందుకు ట్రాక్టర్‌ మట్టి చెరువుల నుంచి తోలుకుంటుంటే ఆగమేఘాలపై అక్కడ వాలిపోయి హడావుడి చేసి వాహనాలు సీజ్‌ చేసి జరిమానాలు విధించే అధికార యంత్రాంగం మట్టి మాిఫియా వైపు కన్నెత్తి చూడడం లేదు. స్థానికులు అక్రమాలపై ఫిర్యాదు చేసినా కూడా అధికార యంత్రాంగం స్పందించడం లేదనే ఆరోపణలు ఉన్నాయి. దీనికి కారణం ఈ వ్యవహారంలో పచ్చనేతల ప్రమేయం ఉండడమేనని ప్రజలు బాహాటంగానే చెబుతున్నారు.

● కలెక్టర్‌ కార్యాలయంలో ‘ప్రజా సమస్యల పరిష్కార వేదిక’ ● పోలీస్‌ శాఖలో పోస్టులు భర్తీ చేయాలని ఏఐవైఎఫ్‌ డిమాండ్‌నెల్లూరురూరల్‌: ‘అయ్యా సమస్య చెప్పుకునేందుకు దూర ప్రాంతాల నుంచి అవస్థలు పడుతూ వచ్చాం. మీరు ఆలకించి న్యాయం చేయండి’ అని అర్జీదారులు కోరారు. సోమవారం నెల్లూరు కలెక్టరేట్‌లోని తిక్కన ప్రాంగణంలో ప్రజా సమస్యల పరిష్కార వేదిక (పీజీఆర్‌ఎస్‌) కార్యక్రమం జరిగింది. ఇందులో జేసీ మొగిలి వెంకటేశ్వర్లు, డీఆర్వో విజయకుమార్‌, ప్రజల నుంచి వినతులు స్వీకరించారు. ఈ సందర్భంగా జేసీ మాట్లాడుతూ ఫిర్యాదుదారుల విజ్ఞప్తులను సంబంధిత అధికారులు క్షేత్రస్థాయిలో క్షుణ్ణంగా పరిశీలించి, పారదర్శకంగా విచారణ నిర్వహించి తప్పనిసరిగా పరిష్కరించాలని ఆదేశించారు. కార్యక్రమంలో వివిధ శాఖల జిల్లా అధికారులు, తదితరులు పాల్గొన్నారు. రామన్న చెరువులో రొయ్యల గుంతలు అల్లూరు మండలం సింగపేట ప్రాంతానికి చెందిన కొందరు రైతులు రామన్న చెరువులో అక్రమంగా రొయ్యలు, చేపల గుంతలు ఏర్పాటు చేస్తున్నారని పలువురు దళిత సంఘర్షణ సమితి జిల్లా అధ్యక్షుడు ఎస్‌.మల్లి ఆధ్వర్యంలో జేసీకి వినతిపత్రం అందజేశారు. చెరువు పైభాగంలో సుమారు రూ.4 కోట్ల వ్యయంతో గుంతలు, రొయ్య పిల్లల హేచరీ నిర్మిస్తున్నారని తెలిపారు. ఇప్పటికే దాదాపు 100 ఎకరాల్లో గుంతలు ఏర్పాటు చేసి రొయ్య పిల్లలను వదిలారన్నారు. రాజకీయ పలుకుబడితో చెరువు భూమిని ఆక్రమించి గుంతలు నిర్మిస్తున్నారని తెలిపారు. దీంతో సింగపేటతోపాటు పరిసర గ్రామాలకు చెందిన చిన్న, సన్నకారు రైతుల పొలాలకు సాగునీరు అందక పంటలు దెబ్బతింటున్నాయని ఆవేదన వ్యక్తం చేశారు. చెరువును పరిశీలించి ఆక్రమణలను తొలగించి, సాగునీరు అందేలా చర్యలు తీసుకోవాలని కోరారు. సంగం బస్టాండ్‌లో వసతుల కొరత సంగం బస్టాండ్‌ వద్ద బస్‌ షెల్టర్‌, మూత్ర విసర్జన సౌకర్యాలు లేకపోవడంతో ప్రయాణికులు తీవ్ర ఇబ్బందులు పడుతున్నారని ఆ ప్రాంతానికి చెందిన అన్నెం వెంకట సుబ్బయ్య తెలిపారు. సంగం మీదుగా రోజుకు సుమారు 100 బస్సులు రాకపోకలు సాగిస్తున్నాయని, బస్టాండ్‌లో కనీస సౌకర్యాలు లేకపోవడంతో ప్రయాణికులు, ముఖ్యంగా మహిళలు అవస్థలు ఎదుర్కొంటున్నారని తెలిపారు. సంగంలో ఆర్టీసీ బస్టాండ్‌ నిర్మాణానికి కలెక్టర్‌ ఇప్పటికే మంజూరు చేసినప్పటికీ స్థల సేకరణలో సమస్యలు ఉన్నాయని తెలిపారు. 11 వేల పోలీస్‌ పోస్టులు భర్తీ చేయాలి రాష్ట్రంలో ఖాళీగా ఉన్న పోలీస్‌ పోస్టులను భర్తీ చేయాలని ఏఐవైఎఫ్‌ జిల్లా కార్యదర్శి షేక్‌ మున్నా డిమాండ్‌ చేశారు. జేసీకి వినతిపత్రం అందజేశారు. ఈ సందర్భంగా ఆయన మాట్లాడుతూ పోలీస్‌ శాఖలో సుమారు 20 వేల పోస్టులు ఖాళీగా ఉన్నాయన్నారు. 11,639 కానిస్టేబుల్‌, ఎస్సై పోస్టుల భర్తీకి అనుమతులిస్తామని ప్రభుత్వం గతంలో ప్రకటించిందన్నారు. అయితే ప్రస్తుతం కేవలం 2,050 పోస్టులకు మాత్రమే నోటిఫికేషన్‌ ఇవ్వడం నిరుద్యోగ యువతకు అన్యాయం చేయడమేనన్నారు. ఎస్సై, కానిస్టేబుల్‌ అభ్యర్థుల వయోపరిమితిని 35 సంవత్సరాలకు పెంచాలని డిమాండ్‌ చేశారు. ప్రభుత్వ శాఖల్లో ఖాళీ పోస్టులపై స్పష్టమైన సమాచారం ప్రకటించి, అన్నింటి భర్తీకి నోటిఫికేషన్‌ విడుదల చేయాలని కోరారు. డిమాండ్లను పరిష్కరించకపోతే నిరుద్యోగులను ఏకతాటిపైకి తెచ్చి పెద్ద ఎత్తున ఉద్యమిస్తామని హెచ్చరించారు. కార్యక్రమంలో అహ్మద్‌, మీరాముద్దీన్‌, జాకీర్‌, అఖిల్‌, మస్తాన్‌, మనోహర్‌ తదితరులు పాల్గొన్నారు.

నెల్లూరు సిటీ: ఏపీఎస్‌ ఆర్టీసీలో సిబ్బంది నియామకానికి చర్యలు చేపట్టాలని ఏపీ పీటీడీ నేషనల్‌ మజ్దూర్‌ యూనిటీ అసోసియేషన్‌ రాష్ట్ర అధ్యక్షుడు వై.శ్రీనివాసరావు డిమాండ్‌ చేశారు. నెల్లూరులోని జిల్లా విస్తృత స్థాయి సమావేశం ఏపీ ఎన్జీఓ హోంలో సోమవారం జరిగింది. ఈ సందర్భంగా ఆయన మాట్లాడుతూ ఎలక్ట్రిక్‌ బస్సులు ప్రభుత్వం ద్వారా కాకుండా ఆర్టీసీ సిబ్బంది చేత నడిపించాలన్నారు. కొత్త బస్సులు కొనుగోలు చేసి ప్రయాణికుల అవసరాలు తీర్చాలన్నారు. సిబ్బందిపై ప్రయాణికుల దాడులను అరికట్టేలా మేనేజ్‌మెంట్‌ చర్యలు తీసుకోవాలన్నారు. అక్టోబర్‌లో జరిగే కో ఆపరేటివ్‌ సొసైటీ ఎన్నికలకు నాయకులు, సిబ్బందిని సమాయాత్తం చేయడం జరిగిందన్నారు. సీసీఎస్‌ ఎన్నికల్లో 16 డెలిగేట్స్‌ని గెలిపించుకుని జిల్లాలో ఎన్‌ఎంయూ ఉనికిని చాటాల్సిందిగా పిలుపునిచ్చారు. కార్యక్రమంలో రాష్ట్ర సంయుక్త కార్యదర్శి రాజేష్‌ కుమార్‌, జిల్లా అధ్యక్షుడు గాదెరాజు రామకృష్ణ, రాష్ట్ర కార్యదర్శి అనిల్‌, రాష్ట్ర కార్యదర్శి చెంచులయ్య, రాష్ట్ర ఆర్గనైజింగ్‌ సెక్రటరీ దయాబాబు, రాష్ట్ర కార్యదర్శి రమణరాజు, నాయకులు పాల్గొన్నారు.

● మాజీ మంత్రి నల్లపరెడ్డి ప్రసన్నకుమార్‌రెడ్డి బుచ్చిరెడ్డిపాళెం: కార్యకర్తలే వైఎస్సార్‌సీపీకి బలమైన పునాది అని, గ్రామస్థాయి నుంచి పార్టీని బలోపేతం చేయడంలో వారి పాత్ర కీలకమని రాష్ట్ర పీఏసీ సభ్యుడు, మాజీ ఎమ్మెల్యే నల్లపరెడ్డి ప్రసన్నకుమార్‌రెడ్డి అన్నారు. బుచ్చి రూరల్‌ మండల పరిధిలో పార్టీ కార్యకర్తలకు గుర్తింపు కార్డుల పంపిణీ కార్యక్రమాన్ని సోమవారం నిర్వహించారు. ఈ సందర్భంగా ప్రసన్న మాట్లాడుతూ పార్టీలో ప్రతి కార్యకర్తకు ప్రత్యేక గుర్తింపు, గౌరవం కల్పించాలనే ఉద్దేశంతో వైఎస్‌ జగన్‌మోహన్‌రెడ్డి ఐడీకార్డుల పంపిణీకి శ్రీకారం చుట్టారని తెలిపారు. బుచ్చి రూరల్‌ పరిధిలో సుమారు 5 వేల మంది కార్యకర్తలకు కార్డులు అందజేస్తున్నట్లు చెప్పారు. ఐడీ కార్డును కేవలం గుర్తింపు పత్రంగా కాకుండా పార్టీ తమకు కల్పించిన గౌరవంగా భావించాలని సూచించారు. నాయకత్వం తీసుకునే కార్యక్రమాలను ప్రజల్లోకి తీసుకెళ్లడంతోపాటు ఐక్యంగా పనిచేయాలని పిలుపునిచ్చారు. కార్యక్రమంలో స్థానిక వైఎస్సార్‌సీపీ నాయకులు పెద్ద సంఖ్యలో పాల్గొన్నారు.

● బైరెడ్డి సిద్ధార్థరెడ్డి నెల్లూరురూరల్‌: వైఎస్సార్‌సీపీ అధికారంలోకి వచ్చిన వెంటనే డీఎస్సీ నియామకాలపై తొలి విచారణ చేపడతామని వైఎస్సార్‌సీిపీ రాష్ట్ర యువజన విభాగంఅధ్యక్షుడు, మాజీ శాప్‌ చైర్మన్‌ బైరెడ్డి సిద్ధార్థరెడ్డి తెలిపారు. సోమవారం ఆయన జిల్లా సెంట్రల్‌ జైలులో రిమాండ్‌లో ఉన్న యూట్యూబ్‌ చానల్‌ నిర్వాహకుడు, మాజీ మంత్రి అనిల్‌ అనుచరుడు శ్రావణ్‌ను ములాఖాత్‌ ద్వారా కలిసి పరామర్శించారు. అనిల్‌ ను ఎదుర్కోలేక శ్రావణ్‌పై అక్రమ కేసులు బనాయించడం దారుణమ ని, అండగా ఉంటామని భరోసా ఇచ్చారు. ఈ సందర్భంగా జైలు వద్ద ఆయన మీడి యాతో మాట్లాడారు. క్రీడల పేరుతో బ్యాకప్‌ సర్టిఫికెట్లు లేకుండానే ఉద్యోగాలు పొందిన వారి వివరాలను సేకరించి ఉన్నామని తెలిపారు. నిబంధనలకు విరుద్ధంగా ఉద్యోగాలు పొందిన వారిపై విచారణ జరిపి వాస్తవాలను బయటకు తీస్తామన్నారు. పరీక్షలు రాయకుండానే ఉద్యోగాలు ఇచ్చేలా జీఓ జారీ చేసినప్పుడే ఈ వ్యవహారంలో అక్రమాలకు బీజం పడిందని ఆరోపించారు. దీనికి తోడు స్పోర్ట్స్‌ కోటాను రెండు నుంచి మూడు శాతానికి పెంచడం కూడా అందులో భాగమేనని విమర్శించారు. ఈ నిర్ణయాలపై లోకేశ్‌కు కూడా సమాధానం చెప్పాల్సిన బాధ్యత ఉందన్నారు. అక్రమ మార్గాల్లో ఉద్యోగాలు పొందిన వారిని మీడియా ముందుకు తీసుకురాకుండా మెరిట్‌ ఆధారంగా ఉద్యోగాలు సాధించిన వారితో ఇంటర్వ్యూలు ఇప్పిస్తూ ప్రజలను తప్పుదోవ పట్టించే ప్రయత్నం చేస్తున్నారని ఆరోపించారు. డీఎస్సీ నియామకాలపై సమగ్ర విచారణ జరిగితే అసలు వాస్తవాలు వెలుగులోకి వస్తాయన్నారు. శాప్‌ కార్యాలయం ముట్టడికి శాంతియుతంగా వెళ్తున్న వారిని అడ్డుకునేందుకు పోలీసులను ప్రయోగించడం సరికాదన్నారు. పోలీసులను అడ్డుపెట్టి ఉద్యమాలను ఆపలేరని, ప్రజల తరఫున ప్రశ్నించే హక్కును ఎవరూ అడ్డుకోలేరన్నారు.

● అక్రమంగా తరలిస్తున్నారని అడ్డుకున్న ఓ వర్గం టీడీపీ నాయకుడు ● నిబంధనల మేరకే పంపిణీ చేస్తున్నామన్న పీఏసీఎస్‌ చైర్మన్‌ ● టీడీపీలో బయటపడ్డ వర్గవిభేదాలు జలదంకి (కలిగిరి): జలదంకి పీఏసీఎస్‌లో యూరియా పంపిణీ విషయంలో అధికార టీడీపీలో ఉన్న వర్గ విభేదాలు సోమవారం బయటపడ్డాయి. జమ్మలపాళెంలో గోదాము నుంచి రామవరప్పాడుకు సుమారు 300 బస్తాల యూరియాను తరలిస్తున్న వాహనాన్ని స్థానిక టీడీపీ నాయకుడు వర్ధినేని మురళి అడ్డుకున్నాడు. పీఏసీఎస్‌ చైర్మన్‌ అప్పలనాయుడు రామవరప్పాడులోని తన వర్గానికి చెందిన రవి, అతనికి చెందిన రైతులకు నిబంధనలకు విరుద్ధంగా యూరియాను పంపిణీ చేస్తున్నారని ఆరోపించారు. ఇంతకు ముందే సుమారు 200 బస్తాలను తరలించారని, మళ్లీ 300 బస్తాలు తరలిస్తే మిగిలిన రైతులు ఏం చేయాలని ప్రశ్నించారు. అనంతరం దీనిపై అప్పలనాయుడు విలేకరుల సమావేశాన్ని ఏర్పాటు చేసి ఆన్‌లైన్‌ నిబంధనల మేరకు యూరియాను సరఫరా చేస్తున్నామని తెలిపారు. కాగా తాను వాహనాన్ని ఆపిన అనంతరమే పీఏసీఎస్‌ సిబ్బందితో కొంతమంది రైతుల పేర్లను అన్‌లైన్‌లో నమోదు చేయించారని మురళి ఆరోపించారు. ఒక దశలో ఇరు వర్గాలకు చెందిన నాయకుల మధ్య తీవ్రస్థాయిలో వాదనలు జరగాయి. ఈ నేపథ్యంలో జలదంకి పీఏసీఎస్‌ పరిధిలో జరిగిన యూరియా పంపిణీపై ఉన్నతాధికారులు విచారణ జరపాలని పలువురు కోరుతున్నారు. 143 మద్యం దుకాణాల లైసెన్సులు రెన్యువల్‌ ● రేపటి వరకు గడువు పొడిగింపు నెల్లూరు(క్రైమ్‌): జిల్లాలోని 193 మద్యం దుకాణాల్లో సోమవారం సాయంత్రం నాటికి 143 మద్యం దుకాణాల లైసెన్సులు రెన్యువల్‌ అయ్యాయి. బుధవారం వరకు రెన్యువల్‌ గడువును పొడిగిస్తూ ఎకై ్సజ్‌శాఖ ఉత్తర్వులు జారీచేసింది. జిల్లాలోని 193 మద్యం దుకాణాల లైసెన్సుల గడువు ఈ నెల 30తో ముగియనుంది. లైసెన్సుల పునరుద్ధరణకు ఈ నెల 12న ఎకై ్సజ్‌ అధికారులు నోటిఫికేషన్‌ విడుదల చేశారు. సోమవారం సాయంత్రం ఐదు గంటల వరకు రెన్యువల్‌కు గడువు విధించగా, 143 మంది మద్యం వ్యాపారులు తమ దుకాణాల లైసెన్సులను రెన్యువల్‌ చేసుకున్నారు. గడువును పొడిగించడంతో మిగిలిన దుకాణాల లైసెన్సులు రెన్యువల్‌ అయ్యే అవకాశం ఉందని అధికారులు భావిస్తున్నారు. అప్పటికి రెన్యువల్‌ కాని దుకాణాలకు నోటిఫికేషన్‌ జారీచేసి లాటరీ విధానంలో కేటాయించనున్నారు. భూముల ఆన్‌లైన్‌ బాగోతంపై బహిరంగ విచారణ సీతారామపురం : మండలంలోని దేవమ్మ చెరువు గ్రామంలో రీసర్వే తర్వాత జరిగిన భూముల ఆన్‌లైన్‌ బాగోతంపై ఆత్మకూరు ఆర్డీఓ కార్యాలయ డీఏఓ సుజన్‌కుమార్‌ సోమ వారం బహిరంగ విచారణ చేపట్టారు. ఈ నెల 10న సాక్షిలో ‘దేవమ్మ చెరువులో భూచోళ్లు’ శీర్షికన వెలువడిన కథనంపై ఆత్మకూరు ఆర్డీఓ బీ పావని స్పందించారు ప్రత్యేక బృందాన్ని దేవమ్మ చెరువుకు పంపి క్షేత్రస్థాయిలో విచారణ చేపట్టాలని ఆదేశించారు. ఈ మేరకు అధికారుల బృందం గ్రామంలో గ్రామసభ నిర్వహించి రీసర్వే తర్వాత డీఎల్‌ఆర్‌లో ఉన్న అన్ని పేర్లను వరుసగా గ్రామస్తులకు చదివి వినిపించారు. అందులోని పదహారు పేర్లపై స్థానికులు అభ్యంతరం వ్యక్తం చేశారు. రెవెన్యూ రికార్డులను క్షుణ్ణంగా పరిశీలించి ఇతరుల పేర్లు ఎలా ఎక్కించారనే విషయంపై వాస్తవాలు వెలికితీసి తుది నివేదికను ఆర్డీఓకు అందజేయనున్నట్లు దర్యాప్తు బృందం అధికారులు తెలిపారు. ఆర్డీఓ కార్యాలయ సిబ్బంది, తహసీల్దార్‌ షేక్‌ ఫజిహా, ఆర్‌ఐ సుభాని, సర్వేయర్‌ శ్రీకాంత్‌, తదితరులు పాల్గొన్నారు.

● అధైర్యపడొద్దు.. అండగా ఉంటా ● చంద్రబాబుపై వ్యతిరేకత పెరిగింది ● కలిసికట్టుగా పనిచేస్తే గెలుపు మనదే ● మాజీ మంత్రి కాకాణి గోవర్ధన్‌రెడ్డి పొదలకూరు : ‘త్వరలో జరగనున్న స్థానిక సంస్థల ఎన్నికల్లో పోరాడి విజయం సాధిద్దాం. కార్యకర్తలు, నాయకులు ఎవరూ అధైర్య పడొద్దు అండగా నేనుంటాను’ అని మాజీ మంత్రి, వైఎస్సార్‌సీపీ జిల్లా అధ్యక్షుడు కాకాణి గోవర్ధన్‌రెడ్డి అన్నారు. పొదలకూరులో ఓ కల్యాణ మండపంలో మండల వైఎస్సార్‌సీపీ విస్తృత స్థాయి సమావేశాన్ని సోమవారం నిర్వహించారు. ఈ సమావేశానికి కాకాణి హాజరై పార్టీ మండల, గ్రామ కమిటీల బాధ్యులకు గుర్తింపు కార్డులను అందజేశారు. అనంతరం స్థానిక సంస్థల ఎన్నికలపై దిశా నిర్దేశం చేశారు. రానున్న స్థానిక ఎన్నికల్లో ఐక్యంగా పోరాటం చేస్తే విజయం మనదేనన్నారు. వైఎస్‌ జగన్‌మోహన్‌రెడ్డి 2.0లో భాగంగా గ్రామస్థాయి నుంచి పార్టీను బలోపేతం చేసేందుకు కమిటీల నియామకం చేపట్టడం జరిగిందన్నారు. కార్యకర్తలను భుజాలపై మోసేందుకు సిద్ధంగా ఉన్నారని భరోసా కల్పించారు. బూటకపు హామీలతో అధికారంలోకి వచ్చిన చంద్రబాబు ఏ ఒక్క హామీని సక్రమంగా అమలు చేయలేదన్నారు. కార్యకర్తలు ఇదే అంశాలను జనాల్లోకి తీసుకుని వెళ్లాలన్నారు. త్వరలో గ్రామాల వారీగా నాయకులతో మాట్లాడుతామన్నారు. ఎస్సీ, ఎస్టీ, బీసీ, మైనార్టీ, జనరల్‌ మహిళా అభ్యర్థులను ముందుగానే ఒక అవగాహనకు వచ్చి ఎంపిక చేసుకోవాలని సూచించారు. ఆర్యవైశ్యుల అరెస్ట్‌లను వక్రీకరిస్తున్న సోమిరెడ్డి పట్టణంలోని ఆర్యవైశ్యుల అరెస్ట్‌పై సోమిరెడ్డి వాసవీ కన్యకాపరమేశ్వరి అమ్మవారి సాక్షిగా పచ్చి అబద్ధాలు చెప్పారని కాకాణి ధ్వజమెత్తారు. ఎవరి హయాంలో వారిని అరెస్ట్‌ చేశారో చెప్పాలన్నారు. ఎమ్మెల్యే స్థాయిలో వాస్తవాలు మాట్లాడాలన్నారు. 2014–19 మధ్యకాలంలో ఎవరి ప్రభుత్వం ఉందో అందరికీ తెలుసునని, అప్పటి ఎమ్మెల్సీగా సోమిరెడ్డి, కలెక్టర్‌గా జానకి ఉన్నారని గుర్తుచేశారు. అదే సమయంలో ఆర్యవైశ్యులను అన్యాయంగా జైలుపాలు చేశారన్నారు. తమ పార్టీ ఐదేళ్ల పాలనలో వారికి పూర్తి రక్షణ కల్పించడం జరిగిందన్నారు. కూటమి ప్రభుత్వంలో అక్రమ కేసులు పెడుతున్నారని కార్యకర్తలు ధైర్యంగా ముందుకు నడవాల్సిందిగా సూచించారు. పార్టీ నాయకులు గోగిరెడ్డి గోపాల్‌రెడ్డి, పెదమల్లు రమణారెడ్డి, బచ్చల సురేష్‌కుమార్‌రెడ్డి, తెనాలి నిర్మలమ్మ, వాకాటి శ్రీనివాసులురెడ్డి, ఎస్‌కే అంజాద్‌ ,కోనం చినబ్రహ్మయ్య, రావుల ఇంద్రసేన్‌గౌడ్‌, వూకోటి లక్ష్మీ నారాయణ, భారతమ్మ, జీ వేణుగోపాల్‌రెడ్డి, జీ లక్ష్మీకల్యాణి, గుంటి శ్రీనివాసులు పాల్గొన్నారు.

రాపూరు: కండలేరు జలాశయంలో సోమవారం నాటికి 17.33 టీఎంసీల నీరు నిల్వ ఉన్నట్లు జలాశయం ఈఈ గజేంద్రరెడ్డి తెలిపారు. కండలేరు నుంచి సత్యసాయి గంగ కాలువకు 115, లోలెవల్‌ కాలువకు 10, పిన్నేరు కాలువకు 5, మొదటి బ్రాంచ్‌ కాలువకు 35 క్యూసెక్కుల నీటిని విడుదల చేస్తున్నట్లు వెల్లడించారు. గురజాడకు ఘన నివాళి నెల్లూరురూరల్‌: గురజాడ అప్పారావు జయంతిని కలెక్టరేట్‌లోని తిక్కన ప్రాంగణంలో సోమవారం నిర్వహించారు. ఆయన చిత్రపటానికి జేసీ వెంకటేశ్వర్లు, డీఆర్వో విజయకుమార్‌ పూలమాలలు వేసి నివాళులర్పించారు. జేసీ మాట్లాడుతూ గురజాడ రచనలు సామాజిక దురాచారాలను ప్రశ్నిస్తూ ప్రజల్లో చైతన్యం కలిగించాయన్నారు. ‘కన్యాశుల్కం’ నాటకం ద్వారా ఆనాటి సామాజిక సమస్యలను ఎత్తిచూపారని పేర్కొన్నారు. గురజాడ స్ఫూర్తితో సమాజంలో సమానత్వం, చైతన్యం, మానవతా విలువల పెంపునకు ప్రతి ఒక్కరూ కృషి చేయాలని కోరారు. కార్యక్రమంలో సెట్నెల్‌ సీఈఓ నాగేశ్వరరావు, టూరిజం అధికారి ఎస్‌కే అలీ, మెప్మా పీడీ కిరణ్‌కుమార్‌, సంగీత కళాశాల ప్రిన్సిపల్‌ పినాకపాణి, ఏఓ చంద్రశేఖర్‌ తదితరులు పాల్గొన్నారు.

● కూటమి ప్రభుత్వంపై యుద్ధం ఎప్పుడో మొదలైంది ● వైఎస్సార్‌సీపీ కావలి ఇన్‌చార్జి రామిరెడ్డి ప్రతాప్‌కుమార్‌రెడ్డిఅల్లూరు: రానున్న స్థానిక ఎన్నికల్లో సత్తా చాటి వైఎస్సార్‌సీపీ జెండాను రెపరెపలాడించాలని మాజీ ఎమ్మెల్యే, ఆ పార్టీ కావలి నియోజకవర్గ ఇన్‌చార్జి రామిరెడ్డి ప్రతాప్‌కుమార్‌రెడ్డి నాయకులు, కార్యకర్తలకు పిలుపునిచ్చారు. ఆదివారం అల్లూరు మండల విస్తృత స్థాయి సమావేశాన్ని స్థానిక కన్యకా పరమేశ్వరి కల్యాణ మండపంలో నిర్వహించారు. ముందుగా అల్లూరు ఇస్కపల్లి క్రాస్‌రోడ్డు నుంచి వైఎస్సార్‌ విగ్రహం వరకు భారీ బైక్‌ ర్యాలీ నిర్వహించారు. రాజన్న విగ్రహానికి పూలమాలలు వేసి నివాళులర్పించారు. అనంతరం సభలో రామిరెడ్డి మాట్లాడుతూ రెండున్నరేళ్ల కూటమి పాలనలో జరిగిన మోసాలు, వైఫల్యాలు, నేతల అక్రమాలను ప్రజల్లోకి బలంగా తీసుకెళ్లాలన్నారు. ఆడబిడ్డ నిధి, నిరుద్యోగ భృతి ఇలాంటి పథకాలు ఎప్పుడిస్తారో తెలియదన్నారు. ట్రూఅప్‌ చార్జీల పేరుతో కరెంట్‌ బిల్లులు పెంచారన్నారు. గత ప్రభుత్వ హయాంలో స్మార్ట్‌ మీటర్లు పెడుతున్నారంటూ నారా లోకేశ్‌ తీవ్ర స్థాయిలో విరుచుకుపడ్డారని, ప్రస్తుతం అవే మీటర్లు పెడుతున్నా నోరు మొదపడం లేదని విమర్శించారు. కొత్త పెన్షన్ల మంజూరుకు అనేక నిబంధనలు పెడుతూ ప్రజలను ఇబ్బందులకు గురి చేస్తున్నారన్నారు. కూటమి నాయకులు ప్రజలకు ఇచ్చిన హామీలను నెరవేర్చకుండా కాలయాపన చేస్తున్నారన్నారు. 2029లో తిరిగి ముఖ్యమంత్రిగా వైఎస్‌ జగన్‌మోహన్‌రెడ్డిని గెలిపించుకునేందుకు ప్రతి ఒక్కరూ కష్టపడి పనిచేయాలని సూచించారు. కేసులకు భయపడొద్దు చంద్రబాబు చరిత్రలో ఇప్పటి వరకు కేవలంలో ఒక్కసారి మాత్రమే స్థానిక సంస్థల ఎన్నికలు పెట్టారని రామిరెడ్డి అన్నారు. ఇప్పుడు కూడా పెడతారో లేదో నమ్మకం లేదన్నారు. ఒకవేళ ఎన్నికలు పెడితే అందరూ సిద్ధంగా ఉండాలన్నారు. ఎన్నికల వేళ కూటమి నాయకుల నుంచి ప్రలోభాలు వస్తాయన్నారు. కేసులు పెడతామని బెదిరిస్తారని, వాటిని ఎవరూ లెక్క చేయొద్దన్నారు. వైఎస్సార్‌సీపీ నాయకులు, కార్యకర్తలకు తాను అండగా ఉంటానని హామీ ఇచ్చారు. ఎన్నికలంటే ఎప్పుడైనా అధికార పార్టీ నాయకుల సిద్ధంగా ఉంటారని కానీ ఇప్పుడు ప్రతిపక్షంలో ఉన్న వైఎస్సార్‌సీపీ పోటీ చేసేందుకు సిద్ధంగా ఉండటంతో కూటమి నేతలకు భయం పట్టుకుందన్నారు. మండల పరిధిలో ఎక్కడ కూడా ఏకగ్రీవాలకు తావివ్వకుండా గెలుపో.. ఓటమో ఏదైనా తేల్చుకునేందుకు సిద్ధంగా ఉండాలన్నారు. కార్యక్రమంలో ఆఫ్కాఫ్‌ మాజీ చైర్మన్‌ కొండూరు అనిల్‌బాబు, వియజ డెయిరీ మాజీ చైర్మన్‌ కొండ్రెడ్డి రంగారెడ్డి, వైఎస్సార్‌సీపీ జిల్లా ప్రధాన కార్యదర్శి నీలం సాయికుమార్‌, రూరల్‌ అధ్యక్షుడు బీద రమేష్‌, నాయకులు ఉస్మాన్‌ షరీఫ్‌, పాండు రంగారెడ్డి, చెంతాటి కరుణాకర్‌, మేడా మాధవ్‌, పరిశినేటి రాజేష్‌, గండ్ల హర్ష, తాండ్ర మల్లీ, మధురెడ్డి, షేక్‌ జంషీర్‌, సురేష్‌, కొండూరు శీనయ్య, పవన్‌రెడ్డి, రమేష్‌రెడ్డి, నరసింహారావ్‌, పాటి రంజిత్‌ తదితరులు పాల్గొన్నారు.

● వేర్వేరు రోడ్డు ప్రమాదాల్లో ముగ్గురి మృతి ● ఇద్దరికి తీవ్ర గాయాలు వరికుంటపాడు: మండలంలోని వరికుంటపాడు పంచాయతీ వెంకటేశ్వర స్వామి ఆలయ సమీపంలో ఆదివారం బొలెరో, మినీ వ్యాన్‌ ఎదురుగా ఢీకొన్నాయి. ఒకరు అక్కడికక్కడే, మరొకరు మార్కాపురం జిల్లా పామూరు ప్రభుత్వ వైద్యశాలలో చికిత్స పొందుతూ చనిపోయారు. స్థానికులు, పోలీసుల కథనం మేరకు.. ఒంగోలు నుంచి మదనపల్లికి బొలెరో వాహనం వెళ్తోంది. చైన్నె క్రోసూరు నుంచి మార్కాపురం జిల్లా పెదచెర్లపల్లి మండలానికి మినీ వ్యాన్‌ బయలుదేరింది. ఇందులోని వారు పెళ్లిచూపుల కార్యక్రమ నిమిత్తం వెళ్తున్నారు. ఈ రెండు వాహనాలు ఎదురెదురుగా ఢీకొన్నాయి. ఈ ప్రమాదంలో మినీ వ్యాన్‌లో ప్రయాణిస్తున్న లక్ష్మీనారాయణ (50), ప్రకాశం (40) మృతిచెందారు. కారులో ప్రయాణిస్తున్న మరో ఇద్దరికి తీవ్ర గాయాలయ్యాయి. వారిని పామూరు ప్రభుత్వ వైద్యశాలకు తరలించారు. క్షతగాత్రులను మెరుగైన వైద్యం కోసం ఒంగోలుకు తీసుకెళ్లారు. సమాచారం అందుకున్న వరికుంటపాడు ఎస్సై కె.మధుసూదన్‌రావు ఘటనా స్థలానికి చేరుకుని వివరాలు సేకరించారు. అనంతరం కేసు నమోదు చేశారు. బైక్‌ ఢీకొని.. కలిగిరి: మండలంలోని కావలి ముస్తాపురం పంచాయతీ దంటుపాళెం వద్ద ప్రధాన రహదారిపై టీవీఎస్‌ మోపెడ్‌పై వెళ్తున్న పాజర్ల మాలకొండయ్య అలియాస్‌ మారేష్‌ (55) అనే వ్యక్తిని వెనుక నుంచి బైక్‌ ఢీకొనడంతో మృతిచెందాడు. స్థానికులు, పోలీసుల కథనం మేరకు.. దంటుపాళేనికి చెందిన మాలకొండయ్య కలప కొనుగోలు చేసి కొట్టి అమ్మకునే వ్యాపారం చేస్తుంటాడు. ఆదివారం గుంపర్లపాడు సెంటర్‌కు వెళ్లి చికెన్‌ తీసుకుని తిరిగి టీవీఎస్‌ మోపెడ్‌పై ఇంటికి బయలుదేరాడు. ప్రధాన రహదారి నుంచి ఊరిలోకి వెళ్తుండగా గుంపర్లపాడు నుంచి కలిగిరికి వేగంగా వెళ్తున్న బైక్‌ ఢీకొట్టింది. దీంతో మాలకొండయ్యకు తీవ్రగాయాలయ్యాయి. బంధువులు 108 అంబులెన్స్‌లో వింజమూరు ప్రభుత్వ వైద్యశాలకు తరలిస్తుండగా మృతిచెందాడు. కలిగిరి పోలీసులు వింజమూరులోని ప్రభుత్వ వైద్యశాలకు వెళ్లి వివరాలు సేకరించారు. కేసు నమోదు చేశారు. మృతదేహాన్ని పోస్టుమార్టం నిమిత్తం ఆత్మకూరు ప్రభుత్వ వైద్యశాలకు తరలించారు. మృతుడికి భార్య, ఒక కుమారుడు, ఇద్దరు కుమార్తెలున్నారు.రహదారులు రక్తసిక్తమవుతున్నాయి. వేర్వేరు మండలాల్లో జరిగిన ప్రమాదాల్లో ముగ్గురు వ్యక్తులు మృతిచెందారు.