Medak District News

డీఈఓ రాజు మెదక్‌ కలెక్టరేట్‌: విద్యార్థుల్లో సృజనాత్మకత, సాంకేతిక నైపుణ్యాలను ప్రోత్సహించేందుకు రాష్ట్ర ప్రభుత్వం ఫ్యూచర్‌ ఇన్నవేటర్స్‌ ఛాలెంజ్‌ కార్యక్రమానికి శ్రీకారం చుట్టిందని డీఈఓ రాజు తెలిపారు. శనివారం డీఈఓ కార్యాలయం నుండి జిల్లాలోని ఎంఈఓలు, ఉన్నత పాఠశాలల హెచ్‌ఎంలతో వర్చువల్‌ పద్ధతిలో సమావేశం నిర్వహించారు. ఈసందర్భంగా డీఈఓ మాట్లాడుతూ.. ఐడియాలను నవంబర్‌ 6వ తేదీలోపు అధికారిక వెబ్‌సైట్‌లో అప్‌లోడ్‌ చేయాలన్నారు. జిల్లాలోని ప్రభుత్వ, స్థానిక సంస్థలు, కేజీబీవీ, తెలంగాణ మోడల్‌ స్కూల్‌, గురుకుల పాఠశాలలకు చెందిన 6 నుంచి 10 తరగతి విద్యార్థులు అర్హులని తెలిపారు. రాష్ట్రస్థాయిలో నిపుణుల కమిటీ ఉత్తమమైన 30 ఐడియాలను ఎంపిక చేస్తుందన్నారు. ఈ ప్రాజెక్టులను నవంబర్‌ 11 లేదా 12వ తేదీన జిల్లాస్థాయిలో ప్రదర్శిస్తామన్నారు. ఇందులో ఉత్తమమైన మూడింటిని ఎంపిక చేసి బహుమతులు ప్రదానం చేస్తారని వివరించారు. మొదటి రెండు స్థానాల్లో నిలిచిన ప్రాజెక్టులను రాష్ట్రస్థాయి ప్రదర్శనకు పంపిస్తామన్నారు. ఉపాధ్యాయులు విద్యార్థులను ప్రోత్సహించాలన్నారు. అదనపు సమాచారం కోసం జిల్లా సైన్స్‌ అధికారి రాజిరెడ్డి (8328599157) నంబర్‌లో సంప్రదించాలని సూచించారు. కార్యక్రమంలో విద్యాశాఖ అకాడమిక్‌ అధికారి సుదర్శనమూర్తి, జిల్లా సైన్స్‌ అధికారి రాజిరెడ్డి పాల్డొన్నారు.

మెదక్‌కలెక్టరేట్‌: మెదక్‌లోని గుల్షన్‌ క్లబ్‌లో సోమవారం సీనియర్‌ మహిళా కబడ్డీ జిల్లా జట్టు ఎంపిక పోటీలు నిర్వహించనున్నట్లు జిల్లా కబడ్డీ అసోసియేషన్‌ ప్రతినిధులు శనివారం ఒక ప్రకటనలో పేర్కొన్నారు. పోటీల్లో పాల్గొనే క్రీడాకారిణులు 75 కిలోల లోపు బరువు కలిగి ఉండాలన్నారు. ప్రతిభ కనబరిచిన వారిని జిల్లా జట్టుకు ఎంపిక చేస్తామ న్నారు. పూర్తి వివరాలకు 8885728286, 9989175382 నంబర్లలో సంప్రదించాలని సూచించారు. నార్సింగి సబ్‌స్టేషన్‌కు రూ.25.87 లక్షల నిధులు టీజీఈఆర్‌సీ సభ్యుడు శశిధర్‌రెడ్డి పాపన్నపేట(మెదక్‌): మండలంలోని నార్సింగి 33/11 కేవీ సబ్‌స్టేషన్‌లో మౌలిక వసతుల కల్పనకు రూ.25.87 లక్షలు మంజారైనట్లు టీజీఈఆర్‌సీ సభ్యుడు శశిధర్‌ రెడ్డి తెలిపారు. శనివారం ఆయన మాట్లాడుతూ.. సబ్‌స్టేషన్‌లో సింగిల్‌ కంట్రోల్‌ రూం, గేట్‌, పిల్లర్లతో కూడిన ఫెన్సింగ్‌, స్విచ్‌యార్డులో మెటల్‌, సైడ్‌ పిల్లర్ల ఎత్తు పెంపు కోసం నిధులు మంజూరైనట్లు వివరించారు. ఇంకుడుగుంతలు తప్పనిసరి కౌడిపల్లి(నర్సాపూర్‌): భూగర్భజలాల అభివృద్ధికి ప్రతి ఒక్కరూ ఇంకుడు గుంతలు నిర్మించుకోవాలని జిల్లా సర్పంచ్‌ల ఫోరం ఉపాధ్యక్షుడు చంద్రం కృష్ణాగౌడ్‌ పిలుపునిచ్చారు. శనివారం ఎంపీఓ రామారావుతో కలిసి కౌడిపల్లి ఉన్నత పాఠశాలలో సామాజిక ఇంకుడుగుంత నిర్మాణ పనులను ప్రారంభించి మాట్లాడారు. ఇంటి అవసరాలకు వినియోగించిన నీరు వృథాగా పోకుండా భూమిలోకి ఇంకేలా చూడాలన్నారు. దీంతో భూగర్భజలాల అభివృద్ధితో పాటు పారిశుద్ధ్యం, దోమల బెడద తప్పుతుందని చెప్పారు. కార్యక్రమంలో ఉపసర్పంచ్‌ శ్వేత, ఏపీఓ పుణ్యదాస్‌, ఈసీ ప్రేమ్‌కుమార్‌, కార్య దర్శి నగేశ్‌, ఎల్లం, నాయకులు సత్యనారాయణగౌడ్‌, శరత్‌, మల్లేశ్‌ తదితరులు పాల్గొన్నారు. నిర్మించారు.. వదిలేశారు నర్సాపూర్‌: మున్సిపల్‌ అధికారులు రూ. లక్షలు వెచ్చించి నిర్మించిన టాయిలెట్స్‌ మూడేళ్లుగా వృథాగా ఉన్నాయి. పట్టణంలో మూడు చోట్ల స్వచ్ఛభారత్‌ పేరిట పురుషులు, మహిళలకు వేర్వేరుగా మూడు స్వచ్ఛ టాయిలెట్లు నిర్మించారు. ఒక్కో టాయిలెట్‌ నిర్మాణానికి రూ.12 లక్షల చొప్పున, మూడింటికి రూ. 36 లక్షలు వెచ్చించారు. అయితే ఎస్‌బీఐ ఎదురుగా ఉన్న టాయిలెట్‌, బస్టాండ్‌లోని టాయిలెట్‌ను కొన్ని నెలల పాటు నిర్వహించి మూసివేశారు. కోమటికుంట వద్ద నిర్మించిన టాయిలెట్‌ను మాత్రం ఇప్పటివరకు ప్రారంభించ లేదు. ఇదే విషయమై మున్సిపల్‌ మేనేజర్‌ మధుసూదన్‌ వివరణ కోరగా.. స్వచ్ఛ టాయిలెట్స్‌ నిర్వహణ మున్సిపాలిటీకి భారం కావడంతో మూసి వేయాల్సి వచ్చిందని తెలిపారు. ఆయా సంస్థలతో చర్చిస్తున్నామని, వారు అంగీకరించగానే మూడు టాయిలెట్స్‌ను వినియోగంలోకి తెచ్చేందుకు చర్యలు తీసుకుంటామని చెప్పారు. పకడ్బందీగా రీ సర్వే: ఆర్డీఓ హవేళిఘణాపూర్‌(మెదక్‌): భూభారతి రీ సర్వేను పకడ్బందీగా నిర్వహించాలని మెదక్‌ ఆర్డీఓ రమాదేవి సిబ్బందికి సూచించారు. శనివారం మండల పరిధిలోని బొగుడభూపతిపూర్‌లో ఆమె సర్వేను ప్రారంభించి రైతులకు అవగాహన కల్పించారు. రైతులకు భూ వివాదాలు లేకుండా, హద్దులను గుర్తించి సమస్యను పరిష్కరించడం కోసం ప్రభుత్వం ఈ కార్యక్రమం చేపట్టిందన్నారు. అధికారులకు సహకరించి భూభారతి సర్వే వేగవంతంగా జరిగేలా చూడాలని కోరారు. కార్యక్రమంలో సర్పంచ్‌ పోశెట్టి, గ్రామ రైతులు పాల్గొన్నారు.

కలెక్టర్‌ ప్రతిమాసింగ్‌మెదక్‌ కలెక్టరేట్‌: అటవీ విస్తీర్ణం పెంపుదల, కలప, జంతువుల స్మగ్లింగ్‌ అరికట్టడమే ధ్యేయమని కలెక్టర్‌ ప్రతిమాసింగ్‌ అన్నారు. శనివారం కలెక్టరేట్‌లో అటవీ, కార్మికశాఖలతో సమీక్ష నిర్వహించారు. అనంతరం హైదరాబాద్‌ నుంచి సీఎస్‌ సంజయ్‌ జాజు నిర్వహించిన పీఎం రాహత్‌ కార్యక్రమంతో పాటు సీసీఎల్‌ఏ కమిషనర్‌ లోకేశ్‌ కుమార్‌ భూ రీసర్వేపై వేర్వేరుగా నిర్వహించిన వీడియో కాన్ఫరెన్స్‌లో పాల్గొన్నారు. ముందుగా జిల్లా అటవీ శాఖ సమావేశంలో కలెక్టర్‌ మాట్లాడుతూ.. జిల్లాలో అడవుల సంరక్షణ, పర్యావరణ సమతుల్యతను కాపాడటానికి అన్నిశాఖలు సమన్వయంతో పనిచేయాలని ఆదేశించారు. జిల్లాలో అటవీ భూములు ఆక్రమణకు గురికాకుండా కఠినమైన నిఘా ఏర్పాటు చేయాలని, సరిహద్దులను జియో–ట్యాగింగ్‌ ద్వారా పర్యవేక్షించాలని నిర్ణయించారు. అటవీ, పోలీస్‌శాఖలు సంయుక్తంగా ప్రత్యేక టాస్క్‌ఫోర్స్‌ బృందాలను ఏర్పాటు చేయాలని ఆదేశించారు. అంతకుముందు వెట్టిచాకిరి నిర్మూలనపై అవగాహన కల్పించేందుకు చేపట్టిన ‘స్వేచ్ఛా రథం’ ప్రచార వాహనాన్ని కలెక్టర్‌ ప్రారంభించా రు. అనంతరం జిల్లాలో ప్రభుత్వ కార్యాలయాల్లో టీ ఫైబర్‌ ఇంటర్నెట్‌ ఏర్పాటు చేయడంపై అధికారులతో సమీక్షించారు. జిల్లాలోని అన్ని ప్రభుత్వ కార్యాలయాల్లో టీ–ఫైబర్‌ సేవలను అందుబాటులోకి తీసుకురావాలని సంబంధిత అధికారులను ఆదేశించా రు. కార్యక్రమంలో డీఆర్‌ఓ అంబదాస్‌ రాజేశ్వర్‌, డీఎఫ్‌ఓ జోజీ, ఎస్టీ వెల్ఫేర్‌ అధికారిణి నీలిమ, ఈడీఎం సందీప్‌, డీఎస్పీ ప్రసన్న కుమార్‌, లేబర్‌ అధికారులు సత్యేంద్ర ప్రసాద్‌, తిరుపతి, సీడబ్ల్యూఏసీ చైర్మన్‌ ఉప్పలయ్య తదితరులు పాల్గొన్నారు.

ఆదివారం శ్రీ 25 శ్రీ అక్టోబర్‌ శ్రీ 2026మెతుకుసీమ అంటేనే వ్యవసాయంతో పాటు పాడి గేదెలు, పశుపోషణకు పెట్టింది పేరు. అయితే కొంతకాలంగా ప్రభుత్వం పశుపోషణపై శీతకన్ను వేసింది. ఏదేని ప్రమాదంతో పాడి గేదెలు, పశువులు, గొర్రెలు మృత్యువాత పడితే వాటికి బీమా కరువైంది. ఫలితంగా పశువులు పెంచాలంటేనే రైతులు జంకుతున్నారు. ఈక్రమంలో కొత్తగా అమూల్‌ పాల చిల్లింగ్‌ పరిశ్రమ జిల్లాలో ఏర్పాటు కాబోతుంది. ఈ తరుణంలో పాడి, పశు పోషకులకు మంచి రోజులొచ్చేనా..? అనే చర్చ మొదలైంది. – మెదక్‌జోన్‌ జిల్లావ్యాప్తంగా 1,52,524 తెల్ల, నల్లజాతి పాడి పశువులు ఉన్నాయి. అలాగే గొర్రెలు, మేకలు 4.50 లక్షలు ఉన్నాయి. 8 ఏళ్లుగా జిల్లాలో మూగజీవాలు, పాడి పశువులకు బీమా లేక పోవటంతో ఏటా వందలాది పశువులు ప్రమాదంలో చనిపోతున్నా పరిహారం రావటం లేదు. ఫలితంగా వాటిపై ఆధారపడి జీవనం సాగించే పోషకులు రోడ్డున పడుతున్నారు. 2018 నుంచి మూగ జీవాలకు బీమా కరువైంది. ఇప్పటి వరకు జిల్లాలో 700 పైచిలుకు మృత్యువాత పడగా ఇక గొర్రెలు, మేకలు 2 వేలకు పైగా మరణించినట్లు అధికారిక లెక్కలు చెబుతున్నాయి. వీటిలో పాడి పశువులు పిడుగుపాటు, కరెంట్‌షాక్‌, గాలికుంటు వ్యాధి తదితర కారణాలతో చనిపోతుంటే.. గొర్రెలు, మేకల మందలపై వీధి కుక్కలు దాడి చేయడం, రైలు ప్రమాదంలో మృత్యువాత పడటం, సీజనల్‌ వ్యాధులు, తదితర కారణాలతో మరణిస్తున్నాయి. అదే వీటికి బీమా చేసేందుకు ప్రైవేట్‌ కంపెనీలు ముందుకు రాకపోవటం, ప్రభుత్వం ఇందుకు సంబంధించి తగు చర్యలు తీసుకోకపోవటంతో పశువుల పెంపకం అంటేనే జంకుతున్నారు. ‘అమూల్‌’తో మంచి రోజులొచ్చేనా? జిల్లాలో అమూల్‌ పాల చిల్లింగ్‌ పరిశ్రమను సుమారు రూ. 4 వేల కోట్లతో తూప్రాన్‌ సమీపంలో నిర్మించనున్నారు. ఈ తరుణంలో ప్రభుత్వాలు పాడి, పశువులకు బీమా సౌకర్యం కల్పించే అవకాశం ఉందా..? అంటూ పలువురు చర్చించుకుంటున్నారు. ముఖ్యంగా ఒక్కో గేదె ధర ప్రస్తుతం రూ. 50 వేల నుంచి రూ. 70 వేల వరకు ఉంటుంది. ఏదేని ప్రమాదంతో చనిపోతే సదరు పాడి రైతు కుటుంబం రోడ్డున పడే అవకాశం ఉంది. 8 ఏళ్లకు ముందు రాష్ట్రంలో పాడి, పశువులతో పాటు గొర్రెలకు బీమా సౌకర్యం ఉంది. వాటి విలువ (ధర)లో 5 శాతం బీమా చెల్లించే వారు. అందులో సగం పశు పోషకులు చెల్లిస్తే మిగితా సగం ప్రభుత్వం చెల్లించేది. దీంతో ప్రమాదంలో మరణిస్తే పాడి గేదెకు రూ. 50 వేలు, గొర్రెకు రూ. 3 వేల చొప్పున బీమా సదరు పోషకుడికి వచ్చేది.ఎనిమిదేళ్లుగా నిరీక్షణ 8 సంవత్సరాలుగా పాడి పశువులతో పాటు గొర్రెలకు ఇన్సూరెన్స్‌ లేక వాటి పశు పోషకులు తీవ్రంగా నష్టపోయారు. తాజాగా రాష్ట్రంలోని రెండు జిల్లాల్లో గొర్రెలకు బీమా చేస్తునట్లు తెలుస్తోంది. అక్కడ పూర్తయ్యాక రాష్ట్రవ్యాప్తంగా అమలు చేసే అవకాశాలు ఉన్నాయని సంబంధిత అధికారులు చెబుతున్నారు. త్వరలో అమలు కొంతకాలంగా పాడి పశువులు, గొర్రెలకు బీమా లేకపోవటంతో పశు పోషకులు నష్టపోతున్నారు. ఇటీవల కరీంనగర్‌, గద్వాల జిల్లాల్లో పైలెట్‌ ప్రాజెక్టుగా గొర్రెలకు ప్రభుత్వం బీమా చేస్తుంది. త్వరలో మెదక్‌లోనూ అమలు కానుంది. – ఆదిత్యవర్మ, జిల్లా వెటర్నరీ అధికారి

నర్సాపూర్‌: తెలంగాణ పబ్లిక్‌ సర్వీస్‌ కమిషన్‌ నిర్వహించిన పరీక్షలు ప్రశాంతంగా ముగిశాయి. పట్టణంలోని బీవీరాజు ఇంజనీరింగ్‌ కాలేజీలో కాలుష్య నియంత్రణ మండలిలో అసిస్టెంట్‌ సైంటిస్టు (అనలిస్ట్‌ గ్రేడ్‌–2), అసిస్టెంట్‌ ఎన్విరాన్‌మెంటల్‌ ఇంజనీర్‌ పోస్టుల భర్తీ కోసం శనివారం రెండు పరీక్షలు నిర్వహించారు. పరీక్షలను తహసీల్దార్‌ శ్రీనివాస్‌ పర్యవేక్షించారు. ఉదయం సెషన్‌కు 85 మంది, మధ్యాహ్నం పరీక్షకు 87 మంది అభ్యర్థులు గైర్హాజరైనట్లు అధికారులు తెలిపారు. ఎస్‌ఐ రంజిత్‌రెడ్డి ఆధ్వర్యంలో పోలీసులు కేంద్రం వద్ద పటిష్ట బందోబస్తు ఏర్పాటు చేశారు.

● ఎమ్మెల్యే సునీతారెడ్డి ఫైర్‌ ● నష్టపోయిన పంటలకు పరిహారం చెల్లించాలని డిమాండ్‌వెల్దుర్తి(తూప్రాన్‌)/కొల్చారం(నర్సాపూర్‌): వ్యవసా యానికి నిరంతర విద్యుత్‌ సరఫరా చేయడంలో ప్రభుత్వం విఫలమైందని ఎమ్మెల్యే సునీతారెడ్డి విమర్శించారు. విద్యుత్‌ కోతలతో చేతికొచ్చిన పంటలు ఎండిపోతున్నాయని ఆరోపిస్తూ మాసాయిపేట మండల కేంద్రంలోని సబ్‌స్టేషన్‌ ఎదుట జాతీయ రహదారి 44పై రైతులు, బీఆర్‌ఎస్‌ నాయకులతో కలిసి ధర్నా చేపట్టారు. సబ్‌స్టేషన్‌ను సందర్శించి వ్యవసాయానికి రోజుకు ఎన్ని గంటలు విద్యుత్‌ సరఫరా చేస్తున్నారనే విషయంపై ఆరా తీశారు. అనంతరం ఎండిపోయిన పంటలను పరిశీలించి రైతులతో మాట్లాడారు. బోరు బావులు, ఇతరత్రా మార్గాన నీరు పుష్కలంగా ఉన్నా అప్రకటిత విద్యుత్‌ కోతల కారణంగా పంటలు ఎండిపోతున్నాయని వాపోయారు. విద్యుత్‌ సరఫరాలో అంతరాయంతో పొలాలకు నీరు అందక పంటలు నష్టపోయే పరిస్థితి ఏర్పడిందని ఆందోళన వ్యక్తం చేశారు. కార్యక్రమంలో నాయకులు మధుసూదన్‌రెడ్డి, నాగరాజు, శ్రీనివాస్‌, పవన్‌ తదితరులు పాల్గొన్నారు. అనంతరం కొల్చారం మండలంలోని పలు గ్రామాల్లో ధాన్యం కొనుగోలు కేంద్రాలను ఎమ్మెల్యే ప్రారంభించారు. పంట నష్టాపోయిన రైతులకు ఎకరాకు రూ.30 వేల నష్ట పరిహారంతో పాటు, క్రాప్‌ హాలిడే కింద మరో రూ.30 వేలు చెల్లించాలని డిమాండ్‌ చేశారు. గత ప్రభుత్వం నియోజకవర్గ అభివృద్ధికి ఎమ్మెల్యేకు రూ. 5 కోట్ల నిధులు మంజూరు చేస్తే, ప్రస్తుత ప్రభుత్వం ఒక్క రూపాయి కూడా మంజూరు చేయలేదన్నారు.

మల్టీజోన్‌ ఐజీ చంద్రశేఖర్‌ రెడ్డితూప్రాన్‌: ఎస్సీ, ఎస్టీ కేసుల్లో బాధితులకు త్వరితగతిన పరిహారం అందేలా సంబంధిత శాఖలతో సమన్వయం చేసుకొని చర్యలు తీసుకోవాలని మల్టీ జోన్‌–1 ఐజీ చంద్రశేఖర్‌రెడ్డి అధికారులను ఆదేశించారు. తూప్రాన్‌ సబ్‌ డివిజన్‌ పోలీస్‌ కార్యాలయాన్ని వార్షిక తనిఖీల్లో భాగంగా శనివారం ఆయన సందర్శించారు. ఈసందర్భంగా ఎస్పీ శ్రీనివాసరావు మొక్కను అందజేసి స్వాగతం పలికారు. పోలీసుల గౌరవ వందనాన్ని స్వీకరించిన ఐజీ, కార్యాలయ ప్రాంగణంలో ‘మియాజాకి’ రకానికి చెందిన మామిడి మొక్కను నాటి కార్యాలయంలోని పెండింగ్‌ కేసుల వివరాలను సమీక్షించారు. ఈసందర్భంగా ఆయన మాట్లాడుతూ.. గ్రేవ్‌ కేసుల్లో నాణ్యమైన దర్యాప్తు చేపట్టి నిందితులకు శిక్షలు పడేలా చూడాలన్నారు. ప్రతి కేసులోనూ నిర్దేశిత ఎస్‌ఓపీలను కచ్చితంగా పాటించాలని స్పష్టం చేశారు. నిర్ణీత గడువులోగా చార్జ్‌షీట్‌ దాఖలు చేయాలన్నారు. డీఎస్పీలు సైతం ప్రతీ నెల తమ డివిజన్‌ పరిధిలో కనీసం రెండు పోలీస్‌స్టేషన్లను తనిఖీ చేయాలన్నారు. గ్రామాల్లో భద్రత కోసం సీసీ కెమెరాల ఏర్పాటును ప్రోత్సహించాలని దిశానిర్దేశం చేశారు. కార్యక్రమంలో అదనపు ఎస్పీ విక్రాంత్‌ కుమార్‌ సింగ్‌, తూప్రాన్‌ డీఎస్పీ నరేందర్‌గౌడ్‌, సీఐలు సైదా, వెంకటరాజాగౌడ్‌, ఎస్‌ఐలు, పోలీస్‌ సిబ్బంది పాల్గొన్నారు.

రామాయంపేట(మెదక్‌): బీసీ–డీలో ఉన్న ముదిరాజ్‌లను బీసీ–ఏలోకి చేర్చాలని సీఎం ప్రకటించడాన్ని నిరసిస్తూ శనివారం రజక సంఘం సభ్యులు రామాయంపేటలో రాస్తారోకో నిర్వహించారు. ముందుగా వారు ఎంపీపీ కార్యాలయం వద్ద నుంచి అంబేడ్కర్‌ చౌరాస్తా వరకు ప్రదర్శన నిర్వహించి రోడ్డుపై బైటాయించారు. ఈసందర్భంగా రజక సంఘం జిల్లా అధ్యక్షుడు సంగు స్వామి, జిల్లా గౌరవాధ్యక్షుడు సిద్దరాంలు మాట్లాడుతూ.. సీఎం నిర్ణయాన్ని తాము తీవ్రంగా వ్యతిరేకిస్తున్నామని పేర్కొన్నారు. ముదిరాజ్‌లను ఏ గ్రూపులో చేరిస్తే, అందులో ఉన్న 57 కులాల పరిస్ధితి ఏమిటని ప్రశ్నించారు. సీఎం వైఖరి కులాల మధ్య చిచ్చు పెట్టే విధంగా ఉందన్నారు. ఎలాంటి అవాంఛనీయ సంఘటనలు చోటు చేసుకున్నా అందుకు సీఎం బాధ్యత వహించాల్సి వస్తుందని హెచ్చరించారు. ఆందోళనకారులను సముదాయించి పోలీసులు పక్కకు తప్పించారు. నిరసనలో నాయీబ్రాహ్మణ, వడ్డెర, గంగపుత్ర సంఘాల ప్రతినిధులు నాయ కులు త దితరులు పాల్గొన్నారు.

అదనపు కలెక్టర్‌ నగేశ్‌చిన్నశంకరంపేట(మెదక్‌): పూరి గుడిసెల్లో నివసిస్తున్న వారికి మొదటి ప్రాధాన్యతగా ఇందిరమ్మ ఇళ్లు మంజూరు చేస్తున్నామని అదనపు కలెక్టర్‌ నగేశ్‌ తెలిపారు. శనివారం మండలంలోని ప్యాటగడ్డలో ఆయన పర్యటించారు. ఈసందర్భంగా లబ్ధిదారులతో నేరుగా మాట్లాడి వెంటనే ఇళ్ల నిర్మాణ పనులు మొదలు పెట్టాలని కోరారు. ప్రభుత్వం అందించే రూ. 5 లక్షలతో ఇంటి నిర్మాణ పనులు పూర్తి చేసుకోవాలని కోరారు. గ్రామంలో 12 మందికి ఇందిరమ్మ ఇళ్లు మంజూరు చేసినట్లు వివరించారు. పిల్లర్లు లేకుండా తక్కువ ఖర్చుతో ఇళ్లు నిర్మించుకోవాలని సూచించారు. కార్యక్రమంలో హౌసింగ్‌ పీడీ మాణిక్యం, ఎంపీఓ వినోద్‌, ఏఈ లోకేష్‌, కార్యదర్శి యోగేశ్వర్‌, సర్పంచ్‌ లావణ్య పాల్గొన్నారు.

మెదక్‌ కలెక్టరేట్‌: జిల్లా పోలీస్‌ ప్రధాన కార్యాలయంలో ఏర్పాటు చేసిన ఓపెన్‌ హౌస్‌ను ఎస్పీ శ్రీనివాసరావు శుక్రవారం ప్రారంభించారు. ఈసందర్భంగా ఆయన మాట్లాడుతూ.. పోలీస్‌శాఖ విధులు, నేరాల నియంత్రణపై అవగాహన కల్పించేందుకు ఓపెన్‌ హౌస్‌ కార్యక్రమాన్ని ఏర్పాటు చేసినట్లు తెలిపారు. విద్యార్థులకు బాంబ్‌ డిస్పోజల్‌ (బీడీ) బృందం వినియోగించే పరికరాలు, అనుమానాస్పద పేలుడు పదార్థాలను గుర్తించడం, ప్రమాదాలను నివారించడంలో వాటి పాత్రను అధికారులు వివరించారు. నేర పరిశోధనలో నిందితుల ఆచూకీ గుర్తించడం, పేలుడు పదార్థాలను గుర్తించడం వంటి విధుల్లో శిక్షణ పొందిన పోలీసు జాగిలాలు అందించే సేవలను తెలియజేశారు. సైబర్‌ నేరాలు, పోక్సో చట్టం, బాలల హక్కులు, సోషల్‌ మీడియా వినియోగంలో తీసుకోవాల్సిన జాగ్రత్తలపై అవగాహన కల్పించారు. సైబర్‌ మోసాలపై అప్రమత్తంగా ఉండాలని సూచించారు. కార్యక్రమంలో అదనపు ఎస్పీ విక్రాంత్‌కుమార్‌సింగ్‌, మెదక్‌ డీఎస్పీ ప్రసన్న కుమార్‌, పోలీసు అధికారులు, సిబ్బంది, విద్యార్థులు పాల్గొన్నారు. ఎస్పీ శ్రీనివాసరావు

మెదక్‌ కలెక్టరేట్‌: జాతీయ ఆయుష్‌ మిషన్‌లో జిల్లాలో వివిధ పోస్టుల భర్తీ కోసం అర్హులైన అభ్యర్థుల నుంచి దరఖాస్తులు ఆహ్వానిస్తున్నట్లు కలెక్టర్‌ ప్రతిమాసింగ్‌ శుక్రవారం ఒక ప్రకటనలో పేర్కొన్నారు. ఆయుష్‌ మెడికల్‌ ఆఫీసర్‌ 3, ఫార్మసిస్ట్‌ 1, సైకో–సోషల్‌ కౌన్సిలర్‌ 1, యోగా ప్రొఫెషనల్‌ 1, మల్టీ పర్పస్‌ వర్కర్‌ 2 పోస్టులు ఖాళీగా ఉన్నట్లు తెలిపారు. అభ్యర్థులు 18 నుంచి 44 సంవత్సరాల వయసు ఉండాలన్నారు. ఆసక్తి, అర్హత గల అభ్యర్థులు ఈనెల 26 నుంచి 31 తేదీలోపు జిల్లా వైద్యాధికారి కార్యాలయంలో దరఖాస్తులు సమర్పించాలని సూచించారు. తూప్రాన్‌: నిర్మల్‌లో జరిగే 12వ రాష్ట్రస్థాయి జూనియర్‌ బాలికల సాఫ్ట్‌బాల్‌ చాంపియన్‌షిప్‌లో పాల్గొనే జిల్లా బాలికల జట్టు ఎంపిక ఈనెల 25న మనోహరాబాద్‌లోని తెలంగాణ క్రీడా ప్రాంగణంలో నిర్వహించనున్నట్లు జిల్లా అసోసియేషన్‌ అధ్యక్షుడు నారాయణగుప్తా తెలిపారు. 2009 జనవరి తర్వాత జన్మించిన క్రీడాకారులు అర్హులన్నారు. క్రీడాకారులు తమ జనన ధ్రువపత్రాలు ఆధార్‌కార్డ్‌తో ఈ నెల 25న ఉదయం 10 గంటలకు హాజరుకావాలన్నారు. పూర్తి వివరాలకు జిల్లా అసోసియేషన్‌ ప్రధాన కార్యదర్శి శ్యాంసుందర శర్మ (7702445543) నంబర్‌లో సంప్రదించాలని సూచించారు. మెదక్‌ కలెక్టరేట్‌: జిల్లాలోని అన్ని ప్రభుత్వ, ప్రైవేట్‌ పాఠశాలల యాజమాన్యాలు పదో తరగతి విద్యార్థుల పరీక్ష ఫీజును ఎలాంటి అపరాధ రుసుము లేకుండా నవంబర్‌ 16వ తేదీ వరకు చెల్లించాలని డీఈఓ రాజు శుక్రవారం ఒక ప్రకటనలో పేర్కొన్నారు. మార్చి– 2027లో జరిగే పదో తరగతి పబ్లిక్‌ పరీక్షల ఫీజు చెల్లింపునకు ప్రభుత్వ పరీక్షల విభాగం ప్రకటన చేసినట్లు తెలిపారు. రూ.50 అపరాధ రుసుముతో డిసెంబర్‌ 1వ తేదీలోగా చెల్లించాల్సి ఉంటుంది. అలాగే రూ.200తో డిసెంబర్‌ 14 వరకు, రూ.500 ఆఖరి అవకాశంగా 28 వరకు చెల్లించవచ్చని వెల్లడించారు. హవేళిఘణాపూర్‌(మెదక్‌): ఎస్‌ఐఆర్‌ను రద్దు చేయాలని డిమాండ్‌ చేస్తూ శుక్రవారం వ్యవసాయ కార్మిక సంఘం ఆధ్వర్యంలో కేంద్ర ఎన్నికల సంఘం అధికారి జ్ఞానేశ్‌కుమార్‌ దిష్టిబొమ్మను దహనం చేశారు. ఈసందర్భంగా సంఘం జిల్లా కార్యదర్శి మల్లేశం మాట్లాడుతూ.. ఎస్‌ఐఆర్‌ పేరుతో ఓట్ల దొంగతనం జరుగుతుందని, తొలగించిన ఓట్లను కొనసాగించాలని డిమాండ్‌ చేశారు. కార్యక్రమంలో దివ్యాంగుల సంఘం జిల్లా నాయకులు దుర్గా, కవిత, అశోక్‌, శంకర్‌, రాములు పాల్గొన్నారు. చిన్నశంకరంపేట(మెదక్‌): భూ రీ సర్వేను వేగవంతం చేయాలని మెదక్‌ ఆర్డీఓ రమాదేవి సిబ్బందిని ఆదేశించారు. శుక్రవారం మండలంలోని కాస్లాపూర్‌లో నిర్వహిస్తున్న సర్వేను పరిశీలించి వివరాలు అడిగి తెలుసుకున్నారు. ఇప్పటివరకు గ్రామంలో 220 ఎకరాలు రీ సర్వే చేసినట్లు తెలిపారు. గ్రామంలో ఎలాంటి సమస్యలు తలెత్తకుండా నిర్వహిస్తున్న రీ సర్వేను పకడ్బందీగా నిర్వహించాలన్నారు. కార్యక్రమంలో తహసీల్దార్‌ మాలతి, ఆర్‌ఐ, జీపీఓ, సర్వేయర్లు పాల్గొన్నారు.

● రూ.3 వేల కోట్లకు పైగా నిధులతో పనులు ● మంత్రి దామోదర రాజనర్సింహ సంగారెడ్డి: ఆందోల్‌ నియోజకవర్గాన్ని అన్ని రంగాల్లో అభివృద్ధి చేయడమే తమ లక్ష్యమని రాష్ట్ర వైద్యారోగ్య శాఖ మంత్రి దామోదర రాజనర్సింహ అన్నారు. శుక్రవారం చౌటుకూరు మండలం తాడ్దాన్‌పల్లిలో నిర్వహించిన అలయ్‌ బలయ్‌ కార్యక్రమంలో పాల్గొని మాట్లాడారు. ప్రజా ప్రభుత్వం అధికారంలోకి వచ్చిన తర్వాత నియోజకవర్గంలో రూ.3 వేల కోట్లకు పైగా నిధులతో వివిధ అభివృద్ధి పనులు చేపట్టినట్లు తెలిపారు. రహదారులు, ఆస్పత్రులు, నర్సింగ్‌ కళాశాల, వసతి గృహాలు, యంగ్‌ ఇండియా సమగ్ర పాఠశాల, కేజీబీవీ విద్యాలయాల నిర్మాణం, పాఠశాల భవనాలు, అదనపు తరగతి గదుల ఏర్పాటు వంటి పనులకు ప్రాధాన్యమిస్తున్నట్లు వివరించారు. సంక్షేమ వసతి గృహాల అభివృద్ధితో పాటు ఆందోల్‌ క్రీడా ప్రాంగణం, గిరిజన న్యాయ కళాశాల నిర్మాణం చేపడుతున్నట్లు వివరించారు. జోగిపేట, ఆందోల్‌ పట్టణాలను అనుసంధానించే వంతెనలు, సింగూరు ప్రాజెక్టు వెను క జలాల పరిసర గ్రామాల్లో అంతర్గత రహదారు లు, రవాణ, పర్యాటక రంగాల అభివృద్ధికి చర్య లు తీసుకుంటున్నట్లు వెల్లడించారు. అలయ్‌ బలయ్‌ తెలంగాణ సంస్కతి, సంప్రదాయాలకు ప్రతీకగా నిలుస్తుందన్నారు. కార్యక్రమంలో జిల్లా కాంగ్రెస్‌ అధ్యక్షుడు చంద్రశేఖర్‌ రెడ్డి, ప్రదేశ్‌ కాంగ్రెస్‌ ఉపాధ్యక్షుడు సంగమేశ్వర్‌, ఇతర నాయకులు, ప్రజాప్రతినిధులు, వివిధ విభాగాల ప్రతినిధులు, కార్యకర్తలు పాల్గొన్నారు.

కార్తీక్‌ను సన్మానిస్తున్న ప్రిన్సిపాల్‌, ఉపాధ్యాయులుకౌడిపల్లి(నర్సాపూర్‌): క్రీడల్లో రాణిస్తే ఉజ్వల భవిష్యత్‌ ఉంటుందని ఎంజేపీ జిల్లా కన్వీనర్‌ హరిబాబు తెలిపారు. తునికి గురుకులంలో గత విద్యా సంవత్సరం ఎంపీసీ పూర్తి చేసిన విద్యార్థి అడెపు కార్తీక్‌ అంతర్జాతీయ రెజ్లింగ్‌ పోటీలకు ఎంపిక కావడంతో శుక్రవారం గురుకులంలో సన్మానించారు. ఈసందర్భంగా ఆయన మాట్లాడుతూ.. క్రీడల్లో రాణిస్తే మంచి గుర్తింపుతో పాటు ఉజ్వల భవిష్యత్తు ఉంటుందన్నారు. ఇక్కడ చదివిన విద్యార్థి స్పోర్ట్స్‌ అథారిటీ ఆప్‌ ఇండియా, ఇండియన్‌ రెస్లింగ్‌ అసోసియేషన్‌ ఆధ్వర్యంలో చండీగఢ్‌లో జాతీయస్థాయిలో నిర్వహించిన పోటీలలో గెలుపొందడంతో అంతర్జాతీయ స్థాయికి ఎంపిక అయినట్లు చెప్పారు. ప్రస్తుతం కార్తీక్‌ సిద్దిపేట ప్రభుత్వ డిగ్రీ కళాశాలలో ప్రథమ సంవత్సరం చదువుతున్నట్లు చెప్పారు. విద్యార్థులు చదువుతో పాటు క్రీడలలో రాణించాలని చెప్పారు. కార్యక్రమంలో ఏటీపీ జ్యోతి, ఉపాధ్యాయులు పాల్గొన్నారు. ఎంజేపీ జిల్లా కన్వీనర్‌ హరిబాబు

మెదక్‌ కలెక్టరేట్‌: ఏళ్ల తరబడి ప్రభుత్వ ఆస్పత్రుల్లో వైద్య సేవలందిస్తున్న తమను వెంటనే రెగ్యులరైజ్‌ చేయాలంటూ జిల్లాలోని జాతీయ ఆరోగ్య మిషన్‌ (ఎన్‌హెచ్‌ఎం) ఉద్యోగులు ఆందోళన బాట పట్టారు. జిల్లా కేంద్రంలోని కలెక్టరేట్‌ ధర్నా చౌక్‌ వద్ద గత 11 రోజులుగా రిలే దీక్షలు కొనసాగిస్తున్నారు. కేంద్ర, రాష్ట్ర ప్రభుత్వాలు తమకు కనీస వేతనాలు ఇవ్వకుండా పనిభారం పెంచుతూ వెట్టి చాకిరి చేయిస్తున్నారని ఆవేదన వ్యక్తం చేస్తున్నారు. ఎలాంటి ఇంక్రిమెంట్లు, ప్రసూతి సెలవులు, టీఏ, డీఏలు ఇవ్వడం లేదని వాపోతున్నారు. ప్రజలందరి ఆరోగ్య సమస్యలు పరిష్కరించే తమకు ప్రభుత్వం హెల్త్‌కార్డులు ఇవ్వడం లేదని ఆరోపిస్తున్నారు. కరోనా సమయంలో ప్రాణాలను సైతం పణంగా పెట్టి సేవలందిస్తే ఇప్పటికీ ఉద్యోగ భద్రత లేదని, మా జీవితాలు గాలిలో దీపంలా మారాయని ఆవేదన వ్యక్తం చేస్తున్నారు. జిల్లాలో ఎన్‌హెచ్‌ఎం విభాగంలో 403 ఉద్యోగులు, సిబ్బంది పని చేస్తున్నారు. ఇందులో 110 మంది డాక్టర్లు, 26 మంది ఈసీ ఏఎన్‌ఎంలు, 267 మంది ఏఎన్‌ఎంలు, ఉద్యోగులు, సిబ్బంది పనిచేస్తున్నారు. డిమాండ్లు ఇవే.. ● ఔట్‌సోర్సింగ్‌ ఏజేన్సీలను రద్దు చేసి ఉద్యోగ భద్రత కల్పించాలి. సుప్రీంకోర్టు గైడ్‌లైన్స్‌ ప్రకారం వందశాతం వేతనం ఇవ్వాలి. ● పీహెచ్‌ఎస్‌, ఈఎస్‌ఐ కల్పించాలి. ప్రతీ నెల 5వ తేదీలోగా ప్రభుత్వం ద్వారా నేరుగా వేతనాలు చెల్లించాలి. ● 8 శాతం ఇంక్రిమెంట్లు, బోనస్‌లు ఇవ్వాలి. ప్రతి మహిళా ఉద్యోగికి 108 రోజులు ప్రసూతి సెలవులు ప్రకటించాలి. ● ప్రమాదవశాత్తు ఉద్యోగి మరణిస్తే రూ.20 లక్షల పరిహారం ఇవ్వాలి. ● జీవో నంబర్‌ 60 ప్రకారం తక్షణమే వేతన బకాయిలు విడుదల చేయాలి. ఎన్‌హెచ్‌ఎం ఉద్యోగుల ఆవేదన చాలీచాలని వేతనంతో సతమతం ఉద్యోగ భద్రత, కనీస వేతనం అమలు చేయాలని విన్నపం జిల్లాలో 452 మంది ఉద్యోగులు

మెదక్‌ కలెక్టరేట్‌: జిల్లాలో ఎల్‌నినో ప్రభావాన్ని ఎదుర్కొనేందుకు అన్నిశాఖల అధికారులు ప్రణాళికలతో సిద్ధం కావాలని కలెక్టర్‌ ప్రతిమాసింగ్‌ ఆదేశించారు. శుక్రవారం కలెక్టరేట్‌లో అధికారులతో సమీక్ష నిర్వహించారు. ఈసందర్భంగా కలెక్టర్‌ మాట్లాడుతూ.. ఎల్‌నినో ప్రభావాన్ని ఎదుర్కొనేందుకు తీసుకోవాల్సిన ముందస్తు చర్యలు, నీటి వనరుల సంరక్షణ, వర్షపు నీటి నిల్వ, భూగర్భజలాల పెంపు, ప్రజలకు అవగాహన కల్పించడం వంటి అంశాలపై సమగ్ర ప్రణాళికలు తయారు చేయాలన్నారు. గ్రామాలు, మండలాలు, మున్సిపాలిటీల వారీగా స్థానిక పరిస్థితులను అంచనా వేసి, అవసరాలకు అనుగుణంగా ప్రత్యేక కార్యాచరణ రూపొందించాలన్నారు. ప్రతి గ్రామంలో ప్రజలకు అవగాహన కార్యక్రమాలు నిర్వహించాలని సూచించారు. నీటి వనరుల సంరక్షణ, చెరువులు, కుంటల్లో నీటి నిల్వ సామర్థ్యం పెంపు, వర్షపు నీటి సంరక్షణ, నీటి వృథాను అరికట్టడం వంటి చర్యలకు ప్రాధాన్యం ఇవ్వాలన్నారు. కార్యక్రమంలో అదనపు కలెక్టర్‌ నగేశ్‌, డీఆర్‌ఓ అంబదాస్‌ రాజేశ్వర్‌, డీఎఫ్‌ఓ జోజి, డీపీఓ యాదయ్య, డీఆర్‌డీఓ పీడీ శ్రీనివాస్‌ రావు, వ్యవసాయ శాఖ అధికారి దేవ్‌కుమార్‌, ఉద్యాన అధికారి ప్రతాప్‌సింగ్‌, డీఈఓ రాజు తదితర శాఖల అధికారులు పాల్గొన్నారు. నీటిని పొదుపుగా వాడుకోవాలి నర్సాపూర్‌ రూరల్‌: ఎల్‌నినో ప్రభావంతో రానున్న రోజుల్లో భూగర్భజలాలు అడుగంటి, నీటి సమస్య తలెత్తనున్నందున ప్రతి ఒక్కరూ నీటిని పొదుపుగా వాడుకోవాలని కలెక్టర్‌ ప్రతిమాసింగ్‌ ప్రజలకు సూచించారు. శుక్రవారం మండలంలోని చిన్నచింతకుంటలో పంట పొలాలతో పాటు గ్రామంలో పర్యటించి ఎల్‌నినోపై అవగాహన కల్పించారు. రైతులు రబీ సీజన్‌లో జాగ్రత్తలు పాటించి, తక్కువ నీటితో పండే ఆరుతడి పంటలు సాగు చేసుకోవాలని సూచించారు. వర్షాకాలంలో ఎండిన పంటలపై రైతులు కలెక్టర్‌తో మొరపెట్టుకున్నారు. కార్యక్రమంలో జిల్లా వ్యవసాయాధికారి దేవ్‌కుమార్‌, ఉద్యాన అధికారి ప్రతాప్‌, సర్పంచ్‌ సరిత, ఎంపీడీఓ భారతి, ఏఓ దీపిక, మహేశ్‌గౌడ్‌, ఆయాశాఖల అధికారులు పాల్గొన్నారు. కలెక్టర్‌ ప్రతిమాసింగ్‌

మెదక్‌ కలెక్టరేట్‌: జిల్లాలో ధాన్యం కొనుగోళ్లు సజావుగా నిర్వహించాలని, కేంద్రాల్లో రైతులకు కనీస వసతులు కల్పించాలని అదనపు కలెక్టర్‌ నగేశ్‌ అధికారులను ఆదేశించారు. శుక్రవారం తన ఛాంబర్‌లో పలు శాఖల అధికారులతో ధాన్యం కొనుగోళ్లపై సమీక్ష నిర్వహించారు. ఈసందర్భంగా ఆయన మాట్లాడుతూ.. రైతులకు ఎలాంటి ఇబ్బందులు కలగకుండా ధాన్యం కొనుగోళ్లను సజావుగా, పారదర్శకంగా నిర్వహించాలని ఆదేశించారు. కొనుగోలు కేంద్రాల్లో రైతులకు అవసరమైన సదుపాయాలు కల్పించాలని, ధాన్యం కొనుగోళ్ల ప్రక్రియలో ఎలాంటి సమస్యలు తలెత్తకుండా ముందస్తు చర్యలు తీసుకోవాలని సూచించారు. అన్ని శాఖల అధికారులు పరస్పర సమన్వయంతో పనిచేస్తూ, రైతులు పండించిన ధాన్యాన్ని సకాలంలో కొ నుగోలు చేసేలా చర్యలు తీసుకోవాలని తెలిపారు. రైతులకు ఎలాంటి ఇబ్బందులు ఎదురైనా వెంటనే స్పందించి సమస్యలను పరిష్కరించాలని అధికారులకు చెప్పారు. కార్యక్రమంలో డీఎస్‌ఓ నిత్యానంద్‌, సివిల్‌ సప్లయ్‌ డీఎం జగదీశ్‌, డీఆర్డీఓపీడీ శ్రీనివాసరావు, డీసీఓ పద్మ తదితరులు పాల్గొన్నారు. అదనపు కలెక్టర్‌ నగేశ్‌

ఎల్‌నినో ప్రభావంతో జిల్లాలో తీవ్ర కరువుఛాయలు అలుముకున్నాయి. భూగర్భజలాలు అడుగంటడంతో పాటు తీవ్రమైన కరెంట్‌ కోతలతో పంటలు ఎండుముఖం పడుతున్నాయి. బోర్లపై ఆధారపడి పంటలు సాగు చేస్తున్న రైతులు కళ్ల ముందే పంటలు ఎండిపోతుండటంతో ఏమి చేయలేని పరిస్థితుల్లో ఆందోళనతో కొట్టుమిట్టాడుతున్నారు. ఇప్పటికే జిల్లా పరిధిలో వెయ్యి ఎకరాల మేర వరి ఎండిపోయే పరిస్థితిలో ఉంది. – రామాయంపేట(మెదక్‌) జిల్లావ్యాప్తంగా వానాకాలం సీజన్‌లో 2.94 లక్షల ఎకరాల్లో రైతుల వరి సాగు చేశారు. వరుస తడులతో రైతులు పంటకు సాగు నీరందిస్తున్నారు. ఈ రెండు, మూడు రోజుల్లో వర్షాలు కురవకపోతే జిల్లాలో వేలాది ఎకరాల్లో పంటలు ఎండిపోయే పరిస్థితి నెలకొంది. చివరి దశలో ఉన్న పంటలను ఎలా కాపాడుకోవాలో తెలియని పరిస్థితుల్లో కొట్టుమిట్టాడుతున్నారు. మూడు నెలల పాటు కంటికి రెప్పలా పంటను కాపాడుకున్న రైతులు వరి పొట్ట దశలో నీరందక అవస్థలు పడుతున్నారు. కళ్ల ముందే పంటలు ఎండిపోతుండటంతో తీవ్ర ఆందోళన చెందుతున్నారు. 25 శాతం లోటు వర్షపాతం ఈసారి జిల్లావ్యాప్తంగా 25 శాతం లోటు వర్షపాతం నమోదైంది. దీంతో ఎండుతున్న పంటలను కాపాడుకోవడానికి కొందరు రైతులు కొత్తగా బోర్లు తవ్విస్తుండగా, మరికొందరు ట్యాంకర్ల ద్వారా నీరు అందించడానికి విఫలయత్నం చేస్తున్నారు. తమ చుట్టుపక్కల బోర్లలో నీరుంటే తడికి ఇంత చొప్పన డబ్బు లు మాట్లాడుకొని నీరు పారించుకునే ప్రయత్నం చేస్తున్నారు. కాగా, జిల్లాలోని 14 మండలాల్లో తీవ్ర కరువు పరిస్థితులు నెలకొన్నట్లు అధికారులు చెబుతున్నారు. ఈమేరకు ప్రభుత్వానికి నివేదిక అందజేసినట్లు తెలిపారు. పశువులకు మేతగా.. చిన్నశంకరంపేట మండలం ఏడిప్పల్‌ కొండాపూర్‌కు చెందిన రైతు ఏగోండ రెండున్నర ఎకరాల్లో వరి సాగు చేశాడు. ఇందులో రెండెకరాలు నీరందక ఎండిపోయింది. దీంతో పంటను పశువుల మేతగా వదిలేశాడు. ఇలా.. జిల్లాలోని పలు మండలాల్లో రైతులు ఎన్నో ఆశలతో సాగు చేసిన వరి పొలాలు నీరు లేక నెర్రెలుబారి పొట్ట దశలో నీరు లేక ఎండిపోయాయి. దీంతో ఏం చేయలేక రైతులు పశువులకు మేతగా వదిలేస్తున్నారు. ఎండిన వరి చేనులో మేకలు మేపుతున్న మహిళ14 మండలాల్లో కరువుఛాయలు జిల్లాలో ఎండుదశలో వెయ్యి ఎకరాలు పశువుల పాలవుతున్న పంటలు ప్రభుత్వానికి నివేదిక సమర్పించిన యంత్రాంగం ప్రభుత్వానికి నివేదించాం ఎల్‌నినో ప్రభావంతో జిల్లా లో ఎండుతున్న పంటల వివరాలను ఉన్నతాధికారులకు నివేదించాం. ఈమేరకు ప్రతి రోజు పంట నష్టానికి సంబంధించిన వివరాలను అధికారుల దృష్టికి తీసుకెళ్తున్నాం. వచ్చే రబీ సీజన్‌లో రైతులు వరి కాకుండా ఆరుతడి పంటలపై దృష్టి సారించాలి. – దేవ్‌కుమార్‌, జిల్లా వ్యవసాయాధికారినాలుగెకరాల్లో వరి సాగు చేశాను. ఇందులో రెండున్నర ఎకరాల మేర పంట ఎండిపోయింది. మిగితా పంట కూడా చేతికి వచ్చే అవకాశం లేదు. తమను ప్రభుత్వమే ఆదుకోవాలి. – రవి, గంగాపూర్‌, హవేళిఘణాపూర్‌

మెదక్‌ పార్లమెంట్‌ కాంగ్రెస్‌ ఇన్‌చార్జి నీలం మధు ముదిరాజ్‌ పటాన్‌చెరు టౌన్‌: తెలంగాణ రాబిన్‌హుడ్‌గా ప్రజల హృదయాల్లో నిలిచిన పండుగ సాయన్న ముదిరాజ్‌ చరిత్రను భావితరాలకు అందించాలని మెదక్‌ పార్లమెంట్‌ కాంగ్రెస్‌ ఇన్‌చార్జి నీలం మధు ముదిరాజ్‌ తెలిపారు. హైదరాబాద్‌లోని రవీంద్రభారతిలో గురువారం రాష్ట్ర ప్రభుత్వం అధికారికంగా నిర్వహించిన 174వ పండుగ సాయన్న జయంతి వేడుకలకు సీఎం రేవంత్‌రెడ్డి హాజరై నివాళులర్పించడం పట్ల ఆయన హర్షం వ్యక్తం చేశారు. ప్రజా పోరాట యోధుల చరిత్రకు గుర్తింపు కల్పించడం అభినందనీయమన్నారు. పండుగ సాయన్న వంటి మహనీయుల జీవితాలను యువతకు పరిచయం చేయడం ద్వారా సామాజిక చైతన్యం, సేవాభావం పెంపొందుతాయని పేర్కొన్నారు. ముదిరాజులను బీసీ–డీ నుంచి బీసీ–ఏ లోకి మార్చడం, ట్యాంక్‌బండ్‌పై పండుగ సాయన్న విగ్రహం ఏర్పాటు చేయాలన్న అంశాల పై సీఎం సానుకూలంగా స్పందించారని తెలిపారు. ఈ సందర్భంగా నీలం మధు అమ్మవారి విగ్రహాన్ని బహూకరించారు. డీఆర్డీఓ పీడీ శ్రీనివాస్‌రావు చేగుంట(తూప్రాన్‌): నీటిని పొదుపుగా వాడుకునేలా ప్రజలకు అవగాహన పెంపొందించాలని డీఆర్డీఓ పీడీ శ్రీనివాస్‌రావు పేర్కొన్నారు. చేగుంట ఎంపీడీఓ కార్యాలయంలో గురువారం పంచాయతీ కార్యదర్శులతో అవగాహన కార్యక్రమం నిర్వహించారు. ఈ సందర్భంగా శ్రీనివాస్‌రావు మాట్లాడుతూ..ఎల్‌నినో ప్రభావంతో భూగర్భ జలాలు ఇంకిపోయే అవకాశం ఏర్పడుతుందని నీటిని పొదుపుగా వాడుకునేలా గ్రామాల్లోని ప్రజలకు అవగాహన పెంపొందించాలన్నారు. అన్ని గ్రామాల్లో ఇంకుడు గుంతలు, ఫాంపండ్‌లు నిర్మించుకుని వర్షం నీరు వృథా కాకుండా నీటి గుంతల్లోకి ఇంకిపోయేలా చూడాలని చెప్పారు. అనంతరం చేగుంటలో నిర్మిస్తున్న మహిళ భవనం, చిన్న శివునూర్‌లో రైతులు నిర్మించుకున్న ఫామ్‌పాండ్‌లను పరిశీలించారు. కార్యక్రమాల్లో ఎంపీడీఓ చిన్నారెడ్డి, ఎంపీఓ ప్రకాశ్‌, ఐకేపీ ఎపీఎం దుర్గాప్రసాద్‌తోపాటు పంచాయతీ కార్యదర్శులు పాల్గొన్నారు. అల్లాదుర్గం(మెదక్‌): నీటి వనరులు పొదుపుగా వాడుతూ పంటలు సాగు చేయాలని మండల వ్యవసాయాధికారి నెలవంక సూచించారు. అల్లాదుర్గం రైతు వేదికలో ఖేత్‌ బచావో అభియాన్‌ కార్యక్రమం నిర్వహించారు. ఈ సందర్భంగా ఆమె మాట్లాడుతూ...రైతులు నేల పరీక్షల ఆధారంగా ఎరువులను వాడి పంట సాగు చేపడితే మంచి ఫలితాలు అధిక దిగుబడి పొందవచ్చన్నారు. పప్పుధాన్యాలు, నూనె గింజల పంటలను సాగు చేస్తే తక్కువ ఖర్చుతో అధిక లాభాలు వస్తాయని ఆమె తెలిపారు. సమతుల్య ఎరువుల వాడకం, ప్రకృతి వ్యవసాయం, పంటల అవశేషాల నిర్వహణ, నీటి సంరక్షణ, సుస్థిర వ్యవసాయ పద్ధతులపై రైతులకు అవగాహన కల్పించారు. కార్యక్రమంలో ఏఈఓ నవీన్‌, ఆత్మ సిబ్బంది కిరణ్‌, రైతులు పాల్గొన్నారు. ఎస్పీని కలిసిన ఏఎస్‌ఐ సంగయ్యటేక్మాల్‌(మెదక్‌): టేక్మాల్‌ పోలీస్‌ స్టేషన్‌లో హెడ్‌కానిస్టేబుల్‌గా పని చేసి ఏఎస్‌ఐగా పదోన్నతి పొందిన సంగయ్య గురువారం జిల్లా ఎస్పీ శ్రీనివాస్‌రావ్‌ను మర్యాదపూర్వకంగా కలిశారు. బాధ్యత పత్రాన్ని అందించడంతోపాటు డ్రెస్‌కు స్టార్‌ను ధరించినట్లు తెలిపారు. తనకు పదోన్నతి కల్పించిన జిల్లా ఎస్పీకి, పదోన్నతికి సహకరించిన అల్లాదుర్గం సీఐ రేణుకారెడ్డి, టేక్మాల్‌ ఎస్‌ఐ అరవింద్‌కుమార్‌లకు ధన్యవాదాలు తెలిపారు.

ఎల్‌నినోను విపత్తును ఎదుర్కొనేందుకు ప్రభుత్వం కార్యాచరణ ప్రారంభించింది. రైతునేస్తం పేరిట గురువారం నుంచి గ్రామ సభలను ప్రారంభించారు. ఈ నెల 22 నుంచి 45 రోజుల పాటూ ప్రతీ గామంలోనూ రైతునేస్తం సభలను నిర్వహించనున్నారు. ‘కేత్‌బచావో అభియాన్‌’కార్యక్రమం ద్వారా ఆరుతడి పంటలను సాగుచేయటంతోపాటు, సేంద్రీయ ఎరువుల వాడకంపై రైతులకు అవగాహన కల్పించనున్నారు. రబీలో వరికి బదులు కేవలం ఆరుతడి పంటలను మాత్రమే సాగు చేయాలంటూ వ్యవసాయ, ఉద్యానవనశాఖల అధికారులు ప్రచారాన్ని ప్రారంభించారు. –మెదక్‌జోన్‌ మెతుకుసీమ వ్యవసాయ ఆధారిత జిల్లా. ఇక్కడ చెప్పుకోదగ్గ సాగునీటి ప్రాజెక్టులు లేకపోయినా బోరుబావుల ఆధారంగానే 90% ప్రజలు వ్యవసాయంపై ఆధారపడి జీవనం సాగిస్తారు. ప్రతీ ఏటా రబీ, వానాకాలంలో 3 లక్షల నుంచి 3.95 లక్షల ఎకరాల్లో వివిధ రకాల పంటలను సాగు చేస్తారు. అందులో ప్రతీ సీజన్‌లో సింహభాగం వరిపంటలనే సాగు చేస్తారు. కాగా, ఈ ఏడాది వానాకాలం నుంచి ఎల్‌నినో కారణంగా వర్షాలు కురవలేదు. దీనికి తోడు కరెంట్‌ కోతలతో రైతులు సతమతమవుతున్నారు. దీంతో ఎల్‌నినోను ఎదుర్కొనేందుకు అధికారులతో అన్నదాతలకు రైతునేస్తం సభలను ఏర్పాటు చేసి వరికి బదులు ఆరుతడి పంటలను మాత్రమే సాగు చేసేవిధంగా ప్రోత్సహించాలని కేంద్ర, రాష్ట్ర ప్రభుత్వాలు అధికారులను ఆదేశించాయి. ఈ నెల 22 నుంచి నవంబర్‌ 30 వరకు జిల్లాలో 45 రోజుల పాటు గ్రామసభలను కొనసాగించనున్నారు. ఆరుతడి పంటలు మాత్రమే...! ఎల్‌నీనో ప్రభావం తీవ్రంగా ఉన్న నేపథ్యంలో ఈ రబీసీజన్‌లో ఆరుతడి పంటలను మాత్రమే సాగు చేయాలని నెలన్నర పాటు కొనసాగే గ్రామ సభల్లో రైతులకు వ్యవసాయ, ఉద్యానవన, ఫిషరీస్‌, వెటర్నరీతోపాటు పలుశాఖల అధికారులు అన్నదాతలకు అవగాహన కల్పించనున్నారు. వ్యవసాయశాఖ ఆధ్వర్యంలో మట్టిపరీక్షల నిర్వహణ, ఆరుతడి పంటలసాగు, సేంద్రీయ ఎరువుల జీవ ఉత్పత్తుల తయారీ, వాటి వినియోగంపై శిక్షణ కార్యక్రమాల నిర్వహణ, ప్రకృతి వ్యవసాయం ప్రోత్సహించటం, నీటిసంరక్షణ, వర్షపు నీటి నిల్వలపై అవగాహన సుస్థిర వ్యవసాయ సాగు పద్ధతులను ప్రోత్సహించటంపై అవగాహన కల్పించనున్నారు. ఉద్యానశాఖ ఆధ్వర్యంలో..! కాగా ఉద్యానవనశాఖ ఆధ్వర్యంలో ఈ రబీసీజన్‌లో 4,262 ఎకరాలలో వివిధ రకాల ఆరుతడి పంటలను సాగు చేసేందుకు ప్రణాళిక సిద్ధం చేసినట్లు తెలిసింది. గతేడాది ఈ శాఖ పరిధిలో 1,130 ఎకరాల్లో ఆయిల్‌ఫాంతో పాటు పలురకాల ఆరుతడి పంటలను సాగు చేయగా ఈ ఏడాది ఏకంగా 4,262 ఎకరాల్లో ఆయిల్‌ఫాంతో పాటు ఇతర పంటలను సాగు చేయనున్నట్లు ఆ శాఖ అధికారులు చెబుతున్నారు. ఈ లెక్కన గతేడాదితో పోల్చితే ఏకంగా 3,132 ఎకరాల్లో ఆరుతడి పంటలు పెరగనున్నాయి. ఇందులో 100 ఎకరాల్లో జామ, మామిడి, బొప్పాయి, నిమ్మ పండ్లతోటలను సాగు చేయనున్నారు. అలాగే 1,485 ఎకరాల్లో కూరగాయలు, 156 ఉల్లి సాగు, 1,897 ఎకరాల్లో ఆయిల్‌ఫాం, మరో 624 ఎకరాల్లో ఇతర ఆరుతడి పంటలు సాగు కానున్నాయని అధికారులు చెబుతున్నారు. ఒక్క ఎకరం వరి నీటితో 5 ఎకరాల్లో ఆరుతడి ఒక్క ఎకరం వరి పంటకు ఉపయోగించే నీటితో ఐదెకరాల్లో ఆరుతడి పంటలను పండించుకునే అవకాశముందని అధికారులు చెబుతున్నారు. కూరగాయలతోపాటు ఆయిల్‌ఫాం, పండ్లతోటలు, ఇతర ఏరకమైన ఆరుతడి పంటలను సాగుచేసుకునే వీలు ఉంటుందని గ్రామ సభల్లో విరివిగా ప్రచారం చేయనున్నారు. ఈ నెల 22నుంచి వచ్చేనెల 30 వరకు సభలు ఆరుతడి పంటలే సాగు చేసేలా అవగాహన ఎల్‌నినోను ఎదుర్కొనేందుకు సిద్ధమైన ప్రణాళిక

● నిందితులను అరెస్టు చేయాలని పలు సంఘాలు కలెక్టరేట్‌ ఎదుట ఆందోళన ● దాడి చేసిన సర్పంచ్‌ను పదవి నుంచి తొలగించాలి మెదక్‌ కలెక్టరేట్‌: జిల్లాలో గ్రామ సర్పంచ్‌ తన అనుచరులతో కలిసి దళితులపై దాడిచేసినా జిల్లా ఇన్‌చార్జి మంత్రి, ఎంపీ స్పందించక పోవడం దారుణమని డీబీఎఫ్‌ జాతీయ కార్యదర్శి శంకర్‌ పేర్కొన్నారు. మనోహరాబాద్‌ మండలం కొనాయిపల్లి గ్రామంలో దళితులపై దాడిచేసిన గ్రామ సర్పంచ్‌ మన్నె కల్యాణ్‌, అతని అనుచరులను అరెస్ట్‌ చేయాలని డిమాండ్‌ చేస్తూ గురువారం కలెక్టరేట్‌ ముందు ధర్నా నిర్వహించారు. ఈ కార్యక్రమంలో బాధితులతోపాటు కేవీపీఎస్‌, డీబీఎఫ్‌, ఎంసీఎఫ్‌, ఏఐఏడబ్ల్యూయూ, సీపీఎం, సీఐటీయూ సంఘాల నాయకులు పాల్గొన్నారు. ఈ సందర్భంగా డీబీఎఫ్‌ జాతీయ కార్యదర్శి శంకర్‌, కేవీపీఎస్‌ రాష్ట్ర ప్రధాన కార్యదర్శి స్కైలాబ్‌ బాబు మాట్లాడుతూ...బతుకమ్మ ఉత్సవాల్లో దళితులపై దాడి జరిగి 4 రోజులు అవుతున్నా ఎందుకు అరెస్ట్‌ చేయలేదని ప్రశ్నించారు. దళితులపై దాడి చేసిన సర్పంచ్‌ను తెలంగాణ పంచాయతీ రాజ్‌ చట్టం సెక్షన్‌ 37 ప్రకారం పదవి నుంచి తొలగించాలని డిమాండ్‌ చేశారు. జిల్లాలోని తుప్రాన్‌ మండలం కిష్టాపూర్‌, మనోహరబాద్‌ మండలం కుచారం, శివ్వంపేట్‌ మండలం నవాబ్‌ పేట్‌ గ్రామాల్లో బతుకమ్మ ఉత్సవాల్లో దళితులపై దాడులు జరిగియని తెలిపారు. కుచారం గ్రామ పంచాయతీ సర్పంచ్‌ పట్ల వివక్షత పాటించారని తెలిపారు. జిల్లా ఇన్‌చార్జి మంత్రిగా ఉన్న వివేక్‌ జిల్లాలో దళితులపై దాడి జరిగినా ఇప్పటివరకు ఎందుకు స్పందించలేదని నిలదీశారు. ఎంపీ రఘునందన్‌ రావుకు దళితులపై జరిగిన దాడి కనిపించడం లేదా అని ప్రశ్నించారు. 48 గంటల్లో నిందితులను అరెస్ట్‌ చేయకుంటే డీజీపీ కార్యాలయం ముట్టడిస్తామని హెచ్చరించారు.

● పంట కొట్టుకుపోయి ఏడాది ● నష్టపోయిన రైతులు భారీ వర్షాలకు కుంటలు కొట్టుకుపోయి రైతుల పంటలు నాశనమై ఏడాది గడిచింది. నష్టపోయిన రైతులకు పరిహారం చెల్లిస్తామని కలెక్టర్‌ చెప్పి ఏడాది గడుస్తున్నా ఇప్పటివరకు పైసా పరిహారం అందలేదు. అధికారులను పలుమార్లు కోరినా ఫలితం లేకుండా పోయింది. పరిహాసం చేస్తున్న నష్టపరిహారం కోసం ఆశగా ఎదురుచూస్తున్న రైతులకు వెక్కిరింతలే మిగులుతున్నాయి తప్ప పరిహారం అందని ద్రాక్షగా మారింది. –అల్లాదుర్గం(మెదక్‌) అల్లాదుర్గంలో ఖరీఫ్‌లో కుంట కొట్టుకుపోయి పంట నష్టపోగా, రబీ సీజన్‌లో పంటలే వేయకుండా రైతులు నష్టపోయారు. అయితే చెరువు కింద రైతులు బోర్లు వేసుకుని పంటలు పండిస్తున్నారు. 2025 ఆగస్టులో భారీ వర్షాలు కురవగా బంటికుంటకు గండిపడటంతో చెరువు కింద రైతులు వేసిన వరి, పత్తి పంట పూర్తిగా కొట్టుకుపోయి సుమారు 20 ఎకరాల్లో పంట నష్టం జరిగింది. రైతుల పొలాల్లో ఇసుక మేటలు పేరుకుపోయాయి. దీంతో రబీ సీజన్‌లోనూ రైతులు పంటలు వేయలేదు. అప్పటి కలెక్టర్‌ ఘటనాస్థలికి చేరుకుని విచారణ చేశారు. పంట నష్టపోయిన రైతుల వివరాలు ఇవ్వాలని వ్యవసాయాధికారులను ఆదేశించారు. నష్టపోయిన రైతులకు పరిహారం చెల్లిస్తామని రైతులకు హామీనిచ్చారు. వ్యవసాయ శాఖ అధికారులు విచారణ జరిపి కలెక్టర్‌కు నివేదించినా ఇప్పటివరకు రైతులకు పరిహారంగా ఒక్క పైసా కూడా విదల్చలేదు. దీంతో పంటనష్టపోయిన రైతులు తీవ్ర ఆర్థిక ఇబ్బందులు ఎదుర్కొంటున్నారు.ఐదెకరాల్లో పంట నష్టం పైసా అందలేదు బట్టి కుంట కింద ఐదెకరాల్లో రెండు బోర్లు వేసుకొని వ్యవసాయం చేస్తున్నాను. భారీ వర్షాలకు బట్టికుంట గండిపడటంతో సాగు చేస్తున్న వరి పంట పూర్తిగా కొట్టుకుపోయింది. పొలాల్లో ఇసుక మేటలు పేరుకుపోవడంతో రబీ సీజన్లో సైతం పంటలు సాగు చేయలేదు. ఏడాది గడుస్తున్నా పైసా ఇవ్వలేదు. వెంటనే పరిహారం చెల్లించాలి. –మున్నూరి సత్యనారాయణ, రైతు అల్లాదుర్గం

తూప్రాన్‌: రైతులకు భవిష్యత్తులో ఎలాంటి భూతగాదాలు, ఇబ్బందులు రాకుండా చూడాలనే లక్ష్యంతోనే ప్రభుత్వం ప్రతిష్టాత్మకంగా భూ సర్వేను నిర్వహిస్తోందని జిల్లా అదనపు కలెక్టర్‌ నగేశ్‌ పేర్కొన్నారు. మనోహరాబాద్‌ మండల కేంద్రంలో కొనసాగుతున్న భూ సర్వే ప్రక్రియను ఆయన గురువారం క్షేత్రస్థాయిలో పర్యటించి పరిశీలించారు. సర్వే రికార్డులను, సరిహద్దుల గుర్తింపును తనిఖీ చేసి అధికారులకు పలు సూచనలు చేశారు. ఈ సందర్భంగా అదనపు కలెక్టర్‌ మాట్లాడుతూ...క్షేత్రస్థాయిలో సర్వే అధికారులు, సిబ్బంది ప్రతి ఒక్కరూ పక్కా వివరాలతో, అత్యంత పారదర్శకంగా సర్వే నిర్వహించాలన్నారు. ఇప్పటివరకు మనోహరాబాద్‌ మండలంలో 1,200 ఎకరాల్లో భూ సర్వే పూర్తి చేసినట్లు ఆయన వెల్లడించారు. ఈ సర్వే పక్కాగా పూర్తి కావడం వల్ల భవిష్యత్తు తరాలకు భూ సమస్యలు ఉండవని, రైతులు నిశ్చింతగా ఉండవచ్చని ధీమా వ్యక్తం చేశారు. సర్వేలో ఎలాంటి పొరపాట్లకు తావివ్వకుండా, రైతుల భాగస్వామ్యంతో పనులు వేగవంతం చేయాలని అధికారులను కోరారు. ఈ క్షేత్రస్థాయి పరిశీలన కార్యక్రమంలో ఆర్డీవో బావయ్య, ల్యాండ్‌ సర్వే ఏడీ కిషన్‌, తహసీల్దార్‌ ఆంజనేయులు, సర్వే సిబ్బంది నాగరాజు, ప్రశాంత్‌ తదితరులు పాల్గొన్నారు.అదనపు కలెక్టర్‌ నగేశ్‌

● జిల్లా వ్యవసాయాధికారి దేవ్‌కుమార్‌ ● ఎల్లుపేటలో రైతులకు అవగాహన టేక్మాల్‌(మెదక్‌)/పాపన్నపేట(మెదక్‌): ఎల్‌నినో ప్రభావాన్ని తట్టుకునేందుకు రైతులు యాసంగిలో ఆరుతడి పంటలను మాత్రమే సాగు చేయాలని జిల్లా వ్యవసాయాధికారి దేవ్‌కుమార్‌ స్పష్టం చేశారు. టేక్మాల్‌ మండలంలోని ఎల్లుపేట రైతువేదికలో సాగు భూమి సంరక్షణ అంశంపై రాష్ట్ర వ్యవసాయాశాఖమంత్రితో వీడియో కాన్ఫరెన్స్‌ పూర్తయిన తర్వాత రైతులకు పలు అంశాలపై అవగాహన కల్పించారు. ఈ సందర్భంగా ఆయన మాట్లాడుతూ...వ్యవసాయ భూముల్లో రసాయన ఎరువులు, పురుగుమందులను అవసరానికి మించి వినియోగించడం వల్ల భూసారం దెబ్బతింటుందన్నారు. రైతులు తప్పనిసరిగా మట్టి పరీక్ష నమూనా చేసుకోవాలని వివరించారు. పంట కోసిన తర్వాత కొయ్యకాళ్లను తగల బెట్టకుండా కలియదున్నడం వలన భూసారం పెంచుకోవాలన్నారు. యాసంగిలో ఎల్‌నినో ప్రభావం వలన రైతులు ఆరుతడి పంటలైన జొన్నలు, శనగలు, తెల్ల కుసుమలు, పొద్దుతిరుగుడు, కూరగాయలు సాగు చేయాలని తెలిపారు. కార్యక్రమంలో డిప్యూటీ డైరెక్టర్‌ ఆఫ్‌ మార్కెటింగ్‌ ప్రసాద్‌రావు, ఏయంసీ వైస్‌ చైర్మన్‌ సత్య నారాయణ, మండల వ్యవసాయాధికారి రామ్‌ప్రసాద్‌, సర్పంచ్‌ మాధవీరెడ్డి, మండల ఎఫ్‌పీఓ సీఈఓ వెంకటేశం, ఏఈఓ సుుభాష్‌, నాయకులు శ్రీనివాస్‌రెడ్డి, అశోక్‌రెడ్డి, నర్సింహరెడ్డి తదితరులు పాల్గొన్నారు. ఎఫ్‌ఎఫ్‌ఎస్‌ యాప్‌ ద్వారానే ఎరువులు ఎరువులను ఎఫ్‌ఎఫ్‌ఎస్‌ యాప్‌ ద్వారా మాత్రమే విక్రయించాలని దేవ్‌కుమార్‌ స్పష్టం చేశారు. పాపన్నపేట మండలంలోని ఎరువుల దుకాణాలను ఆయన తనిఖీ చేసి రికార్డులను పరిశీలించారు. ప్రతీ డీలర్‌ రిజిస్టర్లు తప్పకుండా, స్టాక్‌ వివరాలు నమోదు చేయాలని సూచించారు. నిబంధనలు అతిక్రమిస్తే చర్యలు తీసుకుంటామని హెచ్చరించారు. కార్యక్రమంలో ఏఓ శ్రీనివాస్‌ రాజు,ఏఈఓ సంతోష్‌, ఆసిఫ్‌, డీలర్లు పాల్గొన్నారు.

మెదక్‌జోన్‌: శాంతిభద్రతల పరిరక్షణ కోసం అహర్నిశలు శ్రమిస్తూ, విధి నిర్వహణలో ప్రాణాలర్పించిన పోలీసు అమరవీరుల త్యాగాలు వెలకట్టలేనివని సమాజం ఎల్లప్పుడూ వారికి రుణపడి ఉంటుందని కలెక్టర్‌ ప్రతిమాసింగ్‌ కొనియాడారు. పోలీసు అమరవీరుల సంస్మరణ దినోత్సవం సందర్భంగా బుధవారం ఎస్పీ కార్యాలయంలో నిర్వహించిన పోలీస్‌ అమరవీరుల కార్యక్రమానికి ముఖ్య అథితిగా హాజరై అమరవీరుల స్తూపానికి నివాళులర్పించి మాట్లాడారు. ప్రజల రక్షణ కోసం తమ ప్రాణాలను సైతం లెక్కచేయకుండా విధులు నిర్వహించి అమరులైన పోలీసులను స్మరించుకోవడం, వారి త్యాగాలను గుర్తించడం ప్రతీ ఒక్కరి బాధ్యతన్నారు. అనంతరం ఎస్పీ శ్రీనివాసరావు మాట్లాడుతూ.. మెదక్‌ జిల్లాలో ఇప్పటివరకు 14 మంది పోలీసులు సంఘ విద్రోహ శక్తుల చేతుల్లో ప్రాణత్యాగం చేసి అమరులయ్యారని తెలిపారు. వారు ప్రజల రక్షణ, సమాజంలో శాంతి భద్రతల పరిరక్షణ కోసం చేసిన త్యాగాలు చిరస్మరణీయమని పేర్కొన్నారు. అమరవీరుల ప్రాణత్యాగాల ఫలితంగానే ప్రజలు ప్రశాంతంగా, స్వేచ్ఛగా జీవించగలుగుతున్నారని తెలిపారు. అనంతరం పోలీసు అమరవీరుల కుటుంబాలకు కలెక్టర్‌, ఎస్పీ గిఫ్ట్‌ ప్యాక్‌లను అందజేశారు. పోలీసు అమరవీరుల సంస్మరణ దినోత్సవాన్ని పురస్కరించుకుని నిర్వహించిన వ్యాసరచన పోటీల్లో ప్రతిభ కనబరిచిన విజేతలకు బహుమతులు ప్రదానం చేశారు. కార్యక్రమంలో అదనపు ఎస్పీ విక్రాంత్‌ కుమార్‌ సింగ్‌, సీఐలు, ఎస్‌హెచ్‌ఓలు, ఇతర పోలీసు అధికారులు, సిబ్బంది పాల్గొన్నారు. కలెక్టర్‌ ప్రతిమాసింగ్‌

ఒక్కరోజే రూ.13.43 కోట్ల మద్యం అమ్మకాలుకొల్చారం(నర్సాపూర్‌): దసరా పండుగ సందర్భంగా మద్యం ఏరులై పారింది. పండుగకు ఒక్కరోజు ముందే జిల్లాలోని కొల్చారం మండలం చిన్న గణపురం ఇండియన్‌ మేడ్‌ లిక్కర్‌(ఐఎంఎల్‌)డిపో ద్వారా రూ.13,43,25,999ల మద్యం అమ్మకాలు జరిగాయి. డిపో పరిధిలో 118 మద్యం దుకాణాలు,17 బార్లున్నాయి. వీటన్నిటికీ చిన్నగణపూర్‌ డిపో ద్వారానే మద్యం సరఫరా అవుతుంది. ఈ నెల 19న మద్యం అమ్మకాలను చూస్తే వివిధ రకాల కంపెనీలకు చెందిన రూ.9,82,73,452 విలువైన ఐఎంఎల్‌ కేసులు 12,983, రూ.3,60,52,547 విలువైన 17,952 బీరు కేసులు అమ్ముడయ్యాయి. మొత్తంగా రెండూ కలిపి 30,935 కేసులు అమ్ముడయ్యాయి. అంతకుముందు రెండు రోజులైన 16,17వ తేదీల్లో 11,137 ఐఎంఎల్‌ కేసులు అమ్ముడుకాగా, బీరు 16,250 కేసులు అమ్ముడయ్యాయి. మొత్తంగా పై రెండు తేదీల్లో రూ.11,68,10,667 విలువైన మద్యం అమ్ముడైంది.

ప్రభుత్వానికి కస్టమ్‌ మిల్లింగ్‌ రైస్‌ (సీఎంఆర్‌) బకాయిపడిన మిల్లర్లకు ఎట్టకేలకు జ్ఞానోదయమైంది. సంబంధిత అధికారులు నిరంతరం మిల్లులను తనిఖీలు చేస్తూ ధాన్యం కొరత వచ్చిన వాటిపై అధికారులు కొరడాఝుళిపిస్తూ, కేసులు నమోదు చేస్తుండటంతో బకాయి పడ్డ సీఎంఆర్‌ను తిరిగి చెల్లించేందుకు మిల్లర్లు నడుంబిగించారు. ప్రభుత్వం ప్రకటించిన మద్దతుధరకన్నా రైతుల నుంచి ఎక్కువ ధరకు కొనుగోలు చేస్తున్నారు. ఇప్పటివరకు జిల్లావ్యాప్తంగా 20% ధాన్యాన్ని మిల్లర్లు కొనుగోలు చేశారు. –మెదక్‌జోన్‌ జిల్లావ్యాప్తంగా 2.94 లక్షల ఎకరాల్లో వరి పంటను సాగు చేయగా అందులో సింహభాగం సన్నాలను సాగు చేశారు. కాగా 2014 నుంచి 2024 వరకు పదేళ్ల పాటూ 17 రైస్‌ మిల్లర్లు ప్రభుత్వానికి సీఎంఆర్‌ బకాయిలు పడ్డారు. వాటిని సకాలంలో ఇవ్వకపోవటంతో 25% ఫైన్‌తో కలిపి సుమారు రూ.100 కోట్లు ప్రభుత్వానికి చెల్లించాల్సి ఉంది. దీంతో వారికి నోటీసులు జారీ చేసి డబ్బులు చెల్లించాలని అధికారులు గడువిచ్చారు. అయినా బకాయిలు చెల్లించకపోవటంతో ఆర్‌ఆర్‌ యాక్ట్‌ ప్రకారం డబ్బులు చెల్లించాలని అధికారులు హెచ్చరించారు. అయినప్పటికీ స్పందనలేకపోవటంతో వారిపై కేసులు నమోదు చేశారు. ప్రస్తుతం వారి మిల్లులు బ్లాక్‌లిస్ట్‌ జాబితాలోకి వెళ్తే మిల్లర్లకు జరిగే నష్టం అంతాఇంతా కాదని పలువురు పేర్కొంటున్నారు. దీంతో మిల్లర్లు ప్రభుత్వాన్ని ఎదిరించటం కన్నా ఉన్న బకాయిలు చెల్లించడమే ఉత్తమమని భావిస్తున్నారు. గతేడాది రబీ, ఖరీఫ్‌లోనూ బకాయిలు గత 2025 యాసంగి, వానాకాలంలోనూ కొందరు మిల్లర్లు సీఎంఆర్‌ బకాయిలు పడటంతో వారంతా బకాయిలను క్లియర్‌ చేసుకునే పనిలో నిమగ్నమైనట్లు తెలిసింది. 2025 రబీలో 100 మిల్లర్లకు ధాన్యం ఇవ్వగా నలుగురు మిల్లర్లు మాత్రమే తిరిగి సీఎంఆర్‌ ఇచ్చారు. ఇంకా 96 మంది ప్రభుత్వానికి బకాయి పడ్డారు. 2025 వానాకాలంలోనూ 101 మంది మిల్లర్లకు సీఎంఆర్‌ ఇవ్వగా ఎనిమిదిమంది మాత్రమే బియ్యాన్ని ప్రభుత్వానికి అప్పగించగా ఇంకా 93 మంది మిల్లర్లు బకాయిలు పడ్డారు. వీరి గడువు సైతం దగ్గరికి రావటంతో పాత బకాయిలను చెల్లించాలనే ఆలోచనతో మిల్లర్లు ఉన్నట్లు తెలుస్తోంది. మద్దతు ధరను మించి చెల్లింపులు! ఈ ఏడాది దొడ్డు ధాన్యానికి మద్దతు ధర క్వింటాల్‌కు రూ.2,450 కాగా సన్నాలకు క్వింటాల్‌కు రూ.500 బోనస్‌ కలుపుకుని రూ.2,950 గిట్టుబాటు ధర కల్పించింది. కాగా, మిల్లర్లు సన్నాలను క్వింటాల్‌కు రూ.3,200 నుంచి మొదలుకుని రూ.3,500 వరకు నగదు చెల్లించి కొనుగోలు చేస్తున్నారు. కొనుగోలు కేంద్రాల్లో తేమ 14%తో తూకం వేయాల్సి ఉంటుంది. కానీ రైతుల వద్ద కోయగానే వచ్చి ధాన్యాన్ని అలాగే కొనుగోలు చేస్తున్నారు. దొడ్డు ధాన్యాన్ని సైతం అధిక ధరలు చెల్లించి మిల్లర్లు పోటీ పడి కొనుగోలు చేస్తున్నారు. ఇప్పటివరకు 20% కోతలు కాగా ఆ ధాన్యాన్ని మొత్తం మిల్లర్లే కొంటున్నారు. దీంతో రైతులకు మంచి లాభాలు రావటంతో పాటు వెంటనే నగదు రూపంలో డబ్బులు వస్తున్నాయి. సీఎంఆర్‌ బకాయిలు తీర్చే పనిలో నిమగ్నం రైతుల నుంచి పోటీపడి ధాన్యం కొనుగోలు మద్దతు ధరకన్నా ఎక్కువ చెల్లింపులు ప్రతీ బుధవారం తనిఖీలు సీఎంఆర్‌ కోసం ప్రతీ బుధవారం ప్రధాన కార్యాలయానికి చెందిన పౌరసరఫరాల విభాగం అధికారులు ఆకస్మిక తనిఖీలు చేస్తున్నారు. ధాన్యం కొరత వస్తే వెంటనే మిల్లర్లకు నోటీస్‌లు ఇవ్వటం, కేసులు నమోదు చేసేస్తున్నారు. దీంతో భయోందోళనకు గురైన మిల్లర్లు కొరత ఉన్న ధాన్యాన్ని భర్తీ చేసేందుకు రైతుల నుంచి నేరుగా ధాన్యాన్ని కొనుగోలు చేస్తున్నారు.

● ఎమ్మెల్యే మైనంపల్లి రోహిత్‌రావు ● మెదక్‌ లో ఘనంగా దసరా ఉత్సవాలు మెదక్‌ కలెక్టరేట్‌: చెడుపై మంచి సాధించిన విజయానికి ప్రతీకగా విజయదశమిని జరుపుకుంటామని ఎమ్మెల్యే మైనంపల్లి రోహిత్‌రావు పేర్కొన్నారు. మంగళవారం రాత్రి మెదక్‌ జిల్లా కేంద్రంలోని ప్రభుత్వ బాలుర జూనియర్‌ కళాశాల మైదానంలో విజయ దశమి దసరా ఉత్సవాలు ఘనంగా నిర్వహించారు. మెదక్‌ మున్సిపల్‌ చైర్‌పర్సన్‌ రాధిక, వైస్‌ చైర్మన్‌ నరేశ్‌గౌడ్‌ల ఆధ్వర్యంలో ఈ వేడుకలు నిర్వహించారు. కార్యక్రమానికి ఎమ్మెల్యే రోహిత్‌రావు హాజరై మాట్లాడారు. చెడుపై మంచి సాధించిన విజయానికి ప్రతీకగా విజయదశమిని జరుపుకుంటామన్నారు. మెదక్‌పట్టణ సమగ్రాభివృద్ధికి తమ ప్రభుత్వం కట్టుబడి ఉందని స్పష్టం చేశారు. మెదక్‌ మున్సిపాలిటీ పరిధిలోని 13 వార్డుల పరిధిలో రూ.7.4 కోట్లతో వివిధ మౌలిక వసతుల పనులు ముమ్మరంగా సాగుతున్నాయని తెలిపారు. ప్రధాన ప్రాంతాల్లో అండర్‌ గ్రౌండ్‌ డ్రైనేజీ పనులు శరవేగంగా కొనసాగుతున్నాయి. మెదక్‌ పట్టణాన్ని ఆదర్శవంతమైన మున్సిపాలిటీగా తీర్చిదిద్దడమే తమ లక్ష్యమని పేర్కొన్నారు. వేడుకల్లో భాగంగా భారీ రావణాసురుడి దిష్టిబొమ్మను ఏర్పాటు చేసి దహనం చేశారు. ఈ ఉత్సవాల్లో స్థానిక ప్రజా ప్రతినిధులు, ప్రజలు పెద్ద సంఖ్యలో పాల్గొని ప్రత్యేక పూజలు నిర్వహించారు. మెదక్‌ పట్టణంలోని ఇందిరాపురి కాలనీలోని శమీవృక్షాన్ని, పక్కనే ఉన్న అమ్మవారిని దర్శించుకుని పూజల్లో పాల్గొన్నారు. అనంతరం ప్రజలు ఒకరికొకరు దసరా శుభాకాంక్షలు చెప్పుకుంటూ అలయ్‌ బలయ్‌ తీసుకున్నారు. కార్యక్రమంలో దసరా ఉత్సవ కమిటీ సభ్యులు, మున్సిపల్‌ కౌన్సిలర్లు, కో–ఆప్షన్‌ సభ్యులు, మాజీ ప్రజాప్రతినిధులు, వివిధ పార్టీల నాయకులు, యువజన సంఘాల ప్రతినిధులు, పట్టణ ప్రజలు పాల్గొన్నారు.

● ప్రతీ 800 మంది జనాభాకు ఒక ఎన్యూమరేషన్‌ బ్లాక్‌ ● గుర్తింపు బాధ్యతలు చార్జ్‌ క్లర్కులు, టెక్నికల్‌ అసిస్టెంట్లకు! ● 26 నుంచి అధికారులకు అవగాహన సాక్షిప్రతినిధి, సంగారెడ్డి: జనగణనలో మరో కీలక ప్రక్రియ షురూవైంది. ఇప్పటికే ఇండ్ల గణన (హౌజ్‌ లిస్టింగ్‌ ఆపరేషన్‌)ను విజయవంతంగా పూర్తి కాగా..2027 ఫిబ్రవరిలో ప్రారంభం కానున్న జనగణనకు ముందస్తు ప్రణాళిక రూపకల్పన ప్రారంభమైంది. జనగణన కోసం ప్రతీ 800 మంది జనాభాకు ఒక బ్లాకుగా గుర్తిస్తున్నారు. జనగణన చేసే ఎన్యూమరేటర్లకు భారం కాకుండా ఒక్కో ఎన్యూమరేటర్‌కు 800 మంది జనాభా వివరాలు సేకరించేలా ఈ ప్రణాళికను తయారు చేస్తున్నారు. ఇండ్ల గణన చేసినప్పుడు వచ్చిన గణాంకాల ఆధారంగా ఈ బ్లాకులను గుర్తిస్తున్నారు. ఈ బాధ్యతలు చార్జ్‌క్లర్క్‌లు, టెక్నికల్‌ అసిస్టెంట్లకు అప్పగించారు. రెవెన్యూశాఖకు చెందిన ఆర్‌ఐలు, డీటీలు, సీనియర్‌ అసిస్టెంట్లు చార్జ్‌క్లర్కులుగా వ్యవహరిస్తారు. అలాగే మున్సిపాలిటీల్లో వార్డు ఆఫీసర్లు, ఆ స్థాయి అధికారులు చార్జ్‌క్లర్కులుగా పనిచేస్తారు. వీరికి టెక్నికల్‌ అసిస్టెంట్ల సహాయంతో ప్రత్యేక సాఫ్ట్‌వేర్‌తో ఈ బ్లాకులను గుర్తిస్తున్నారు. ఈ ప్రక్రియపై చార్జ్‌క్లర్కులకు, టీఏలకు ఇటీవల శిక్షణ కూడా ఇచ్చారు. రాష్ట్ర సెన్సెస్‌ ఆపరేషన్‌ డైరెక్టర్‌, సీనియర్‌ ఐఏఎస్‌ ఆఫీసర్‌ భారతీహోలికేరి ఇటీవల జిల్లాకు వచ్చి ఈ ప్రక్రియపై కీలక సమావేశం నిర్వహించారు. జిల్లాలో 37 చార్జ్‌లు.. జిల్లాలో మొత్తం 37 చార్జ్‌లున్నాయి. జనగణన ప్రక్రియలో ఒక మండలాన్ని రూరల్‌ చార్జ్‌గా పిలుస్తారు. మున్సిపాలిటీని అర్బన్‌ చార్జ్‌గా పేర్కొంటారు. జిల్లాలో 11 మున్సిపాలిటీలు ఉండగా 26 రూరల్‌ మండలాలున్నాయి. సంగారెడ్డి జిల్లా పరిధిలో ఉన్న అమీన్‌పూర్‌ మండలంలో జనగణన బాధ్యతలను సీఎంసీ (సైబరాబాద్‌ మున్సిపల్‌ కార్పొరేషన్‌)కు అప్పగించారు. రూరల్‌ మండలంగా ఉన్న జిన్నారం మున్సిపాలిటీగా కావడంతో అర్బన్‌ చార్జ్‌గా గుర్తించారు. కాగా ఇండ్లగణన సందర్భంగా జిల్లాను మొత్తం 2,480 బ్లాకులుగా గుర్తించిన విషయం విదితమే. అయితే ఇప్పుడు జనగణన ప్రక్రియ వచ్చేసరికి ఈ బ్లాకుల సంఖ్యలో మార్పులు ఉండనున్నాయని అధికారులు తెలిపారు. బీహెచ్‌ఈఎల్‌ టౌన్‌షిప్‌ బాధ్యతలు జిల్లాకే.. సీఎంసీ పరిధిలో ఉన్న బీహెచ్‌ఈఎల్‌ టౌన్‌షిప్‌ జనగణన బాధ్యతలను జిల్లా అధికారులకే అప్పగించారు. ఈ నోటిఫైడ్‌ ఏరియాలో జిల్లా అధికారులే జనగణన నిర్వహించనున్నట్లు అధికారులు తెలిపారు. జిల్లాస్థాయి అధికారులకు శిక్షణ జనగణన అనేది కేంద్ర ప్రభుత్వం ప్రతిష్టాత్మక ప్రక్రియ కావడంతో జిల్లా అధికారులకు కూడా కీలకంగా వ్యవహరించనున్నారు. కలెక్టర్‌, అదనపు కలెక్టర్లు, ఆర్డీఓలు, ఇతర జిల్లా ఉన్నతాధికారులతోపాటు, తహసీల్దార్లు, ఎంపీడీఓలకు ఈ నెల 26, 27 తేదీల్లో ప్రత్యేక శిక్షణ కార్యక్రమాలను నిర్వహించనున్నట్లు అధికారులు తెలిపారు.

దసరా ఉత్సవాల్లో ఎమ్మెల్యే సునీతారెడ్డి శివ్వంపేట(నర్సాపూర్‌): రైతులు పాడి పంటలు, ప్రజలు సుఖసంతోషాలతో ఉండాలని ఎమ్మెల్యే సునీతారెడ్డి ఆకాంక్షించారు. దసరా వేడుకలను వారి స్వగ్రామమైన గోమారంలో ఘనంగా జరుపుకున్నారు. మంగళవారం సాయత్రం పాఠశాల వద్ద ఏర్పాటు చేసిన జమ్మిపూజ, రావణదహన కార్యక్రమంలో పాల్గొన్నారు. ఎమ్మెల్యే వెంట బీఆర్‌ఎస్‌ నాయకులు చంద్రగౌడ్‌, హన్మంత్‌రెడ్డి, భిక్షపతిరెడ్డి, మైపాల్‌రెడ్డి, లక్ష్మణ్‌, ముత్యంరెడ్డి, తదితరులున్నారు. రజక సంఘం నేతల హెచ్చరిక మెదక్‌జోన్‌: బీసీ డీలో ఉన్న ముదిరాజ్‌లను బీసీ ఏలో చేర్చేందుకు కేంద్ర, రాష్ట్ర ప్రభుత్వాలు చేస్తున్న కుట్రలను వెంటనే విరమించుకోవాలని మెదక్‌ రజక నేతలు హెచ్చరించారు. బుధవారం పట్టణంలో ఏర్పాటు చేసిన విలేకరుల సమావేశంలో వారు మాట్లాడారు. బీసీ డీలో ఉన్నటు వంటి ముదిరాజ్‌లను బీసీ ఏలోకి మారిస్తే రజక, మంగళి, వడ్డెర, బెస్త తదితర కులాల వారికి తీరని అన్యాయం జరుగుతుందని ఆవేదన వ్యక్తం చేశారు. ఇలాంటి కుట్రలు ఏ పార్టీ నేతలు చేసినా ఉపేక్షించమని, వారి ఇళ్లను ముట్టడించి రాష్ట్రంలో తిరగనివ్వమని హెచ్చరించారు. నిరసన కార్యక్రమంలో చౌదరి సంతోష్‌, శివ, పోచయ్య, నవీన్‌, విజయ్‌ తదితరులు ఉన్నారు. ఎమ్మెల్యే సంజీవరెడ్డి పెద్దశంకరంపేట(మెదక్‌): పేదల ఆరోగ్యానికి ప్రభుత్వం కృషి చేస్తోందని ఖేడ్‌ ఎమ్మెల్యే సంజీవరెడ్డి తెలిపారు. బుధవారం ఎమ్మెల్యే క్యాంపు కార్యాలయంలో పెద్దశంకరంపేట మండలం కమలాపూర్‌ గ్రామానికి చెందిన షేర్పల్లి దుర్గయ్యకు వైద్య చికిత్స కోసం ముఖ్యమంత్రి సహాయనిధి నుంచి మంజూరైన ఎల్‌ఓసీ రూ.5 లక్షల చెక్కును లబ్దిదారుడి కుటుంబ సభ్యులకు అందజేశారు. ప్రభుత్వం ఆరోగ్యశ్రీ ద్వారా పేదల కుటుంబాల సంక్షేమానికి కోట్లాది రూపాయలు ఖర్చుచేస్తుందన్నారు. కార్యక్రమంలో మాజీ సర్పంచ్‌ కుంట్ల రాములు తదితరులున్నారు. ఎంపీ సురేశ్‌ షెట్కార్‌, ఎమ్మెల్యే సంజీవరెడ్డి నారాయణఖేడ్‌: గ్రామీణ ప్రాంతాల అభివృద్ధి, మహిళా సాధికారిత, ప్రజలకు మెరుగైన మౌలిక సదుపాయాల కల్పనే లక్ష్యంగా ప్రజా ప్రభుత్వం ముందుకు సాగుతోందని ఎంపీ సురేశ్‌ షెట్కార్‌, ఎమ్మెల్యే సంజీవరెడ్డి అన్నారు. ఖేడ్‌ మండలం పిప్రీలో రూ.10 లక్షలతో నిర్మించిన మహిళా సమాఖ్య భవనం, రూ.10 లక్షలతో నిర్మించిన సీసీ రోడ్డును బుధవారం వారు ప్రారంభించారు. ఈ సందర్భంగా ఏర్పాటు చేసిన సభలో మాట్లాడుతూ..మహిళల అభ్యున్నతి, సంఘటిత శక్తిని మరింత బలోపేతం చేయడానికి మహిళా సమాఖ్య భవనాలు ఎంతగానో ఉపయోగపడతాయన్నారు. మౌలిక సదుపాయాలతోనే గ్రామాల అభివృద్ధి సాధ్యమని అందువల్లే వాటికి ప్రాధాన్యతనిస్తున్నామని తెలిపారు. సమావేశంలో ఖేడ్‌ మున్సిపల్‌ చైర్మన్‌ నగేశ్‌ షెట్కార్‌, ఐకేపీ ఏపీఎం సాయిలు, ముఖ్యనాయకులు పండరీరెడ్డి, తాహెర్‌ అలీ, షారూక్‌ ఖాన్‌ పాల్గొన్నారు.

కలెక్టర్‌ ప్రతిమాసింగ్‌అధికారులు సమన్వయంతో పనిచేయాలని సూచనమెదక్‌ కలెక్టరేట్‌: టీజీపీఎస్సీ ఆధ్వర్యంలో ఈనెల 24న నిర్వహించనున్న కంప్యూటర్‌ ఆధారిత పరీక్షలకు (సీబీటీ) పకడ్బందీ ఏర్పాట్లు చేస్తున్నట్లు కలెక్టర్‌ ప్రతిమాసింగ్‌ తెలిపారు. పరీక్ష ఏర్పాట్లు, నిర్వహణపై సోమవారం కలెక్టరేట్‌లో ఆయాశాఖల అధికారులతో సమీక్ష నిర్వహించారు. ఈసందర్భంగా ఆమె మాట్లాడుతూ.. జిల్లాలోని నర్సాపూర్‌ బీవీఆర్‌ఐటీలో పరీక్ష కేంద్రాన్ని ఏర్పాటు చేసినట్లు తెలిపారు. ఈ నెల 24న అసిస్టెంట్‌ సైంటిస్ట్‌ (అనలిస్ట్‌ గ్రేడ్‌–2) పోస్టులకు సంబంధించి రెండు సెషన్లలో పరీక్షలు నిర్వహించనున్నట్లు వెల్లడించారు. మొదటి సెషన్‌ ఉదయం 10 నుంచి మధ్యాహ్నం 12.30 గంటల వరకు, రెండో సెషన్‌ మధ్యాహ్నం 2.30 నుంచి సాయంత్రం 5 గంటల వరకు ఉంటుందని తెలిపారు. జిల్లాలో ఈ పరీక్షలకు మొత్తం 200 మంది అభ్యర్థులు హాజరు కానున్నట్లు చెప్పారు. అభ్యర్థులు నిర్ణీత సమయానికి ముందుగానే పరీక్షా కేంద్రానికి చేరుకోవాలని సూచించారు. ఎలాంటి పొరపాట్లకు తావులేకుండా పరీక్షలను పారదర్శకంగా, ప్రశాంత వాతావరణంలో సజావుగా నిర్వహించేందుకు సంబంధిత శాఖల అధికారులు సమన్వయంతో పనిచేయాలని ఆదేశించారు. అంతకుముందు పరీక్షల నిర్వహణపై టీజీపీఎస్‌సీ చైర్మన్‌ వెంకటేశం హైదరాబాద్‌ నుంచి నిర్వహించిన వీడియో కాన్ఫరెన్స్‌లో కలెక్టర్‌ పాల్గొన్నారు. అనంతరం జిల్లా ప్రజలకు విజయ దశమి శుభాకాంక్షలు తెలిపారు. కార్యక్రమంలో కలెక్టరేట్‌ ఏఓ యూనస్‌, నర్సాపూర్‌ తహసీల్దార్‌ శ్రీనివాస్‌ తదితరులు పాల్గొన్నారు.

జిల్లాలో నిరుద్యోగం రోజు రోజుకు పెరిగిపోతుంది. ఇటీవల వైద్యారోగ్యశాఖ పరిధిలోని ఎన్‌హెచ్‌ఎం విభాగంలో 64 పోస్టుల భర్తీకి నోటిఫికేషన్‌ వెలువడగా, వచ్చిన దరఖాస్తులే ఇందుకు నిదర్శనం. పరిమిత సంఖ్యలో ఉన్న పోస్టుల కోసం అప్లికేషన్లు వెల్లువెత్తాయి. మొత్తం 64 కాంట్రాక్టు పోస్టుల భర్తీకి ఏకంగా 2,062 దరఖాస్తులు రావడంతో కాంపిటీషన్‌ ఏ స్థాయిలో ఉందో స్పష్టమవుతోంది. ఒక్కో పోస్టుకు సగటున 32 మందికి పైగా పోటీ పడుతున్నారు. – మెదక్‌ కలెక్టరేట్‌ ప్రభుత్వాలు, పాలకులు మారుతున్న జిల్లాలో ఇప్పటివరకు సరైన సంస్థలు, కంపెనీలు కరువయ్యాయి. యువత పెద్ద పెద్ద చదువులు చదివినా సరైన ఉద్యోగావకాశాలు కరువయ్యాయి. జిల్లాలోని యువత హైదరాబాద్‌కు వలస వెళ్లిపోవాల్సిన దుస్థితి నెలకొంటుంది. ఇలాంటి సమయంలో ఏదో ఒక శాఖలో కాంట్రాక్ట్‌ పద్దతిన పోస్టులకు నోటిఫికేషన్లు వేస్తే వేల సంఖ్యలో దరఖాస్తు చేసుకుంటున్నారు. ఇటీవల జిల్లా వైద్యారోగ్యశాఖ పరిధిలోని జాతీయ ఆరోగ్య మిషన్‌ విభాగంలో 64 పోస్టులు నోటిఫికేషన్‌ వేయగా 2,062 మంది దరఖాస్తు చేసుకున్నారు. ఈ లెక్కన ఒక్కో పోస్టుకు సుమారు 32 చొప్పున అప్లికేషన్లు వచ్చినట్లు సంబంధిత అధికారులు చెబుతున్నారు. అలాగే రెండు నెలల క్రితం జిల్లా కేంద్రంలో మెడికల్‌ కళాశాల ఏర్పాటు సందర్భంగా 156 పోస్టుల భర్తీకి నోటిఫికేషన్‌ విడదల చేయగా, సుమారు 8 వేలకు పైగా దరఖాస్తులు రావడం పెరుగుతున్న నిరుద్యోగానికి అద్ధం పడుతుంది. పోస్టులు ఇలా.. జిల్లా వైద్యారోగ్యశాఖ జాతీయ ఆరోగ్య మిషన్‌ (ఎన్‌హెచ్‌ఎం) విభాగంలో 64 పోస్టులలో స్టాఫ్‌ నర్స్‌ 31 ఉండగా, మొత్తం 855 దరఖాస్తులు వచ్చాయి. అలాగే ల్యాబ్‌ టెక్నీషియన్‌ 5 పోస్టులు ఉండగా 356, మెడికల్‌ ఆఫీసర్‌ (ఎంఎల్‌హెచ్‌పీసీహెచ్‌ఓ)10 పోస్టులకు 231, ఏఎన్‌ఎం–10 పోస్టులకు 381, ఫార్మసిస్టు 5 పోస్టులకు 239 ఇలా.. మొత్తం 64 పోస్టులకు 2,062 అప్లికేషన్లు వచ్చాయి. దరఖాస్తుల స్వీకరణ ప్రక్రియ ఈనెల 14తో ముగిసింది. అలాగే మెడికల్‌ కళాశాలలో ఉద్యోగాల కోసం ఆగస్టు నెలాఖరులో దరఖాస్తులు స్వీకరించారు. కానీ ఇప్పటి వరకు ఎంపిక ప్రక్రియ చేపట్టకపోవడంతో అభ్యర్థులు ఆందోళన చెందుతున్నారు. త్వరితగతిన ఉద్యోగాల భర్తీ చేసి ఆదుకోవాలని కోరుతున్నారు. ఈ విషయమై జిల్లా వైద్యాధికారి గణేశ్వర్‌ను వివరణ కోరేందుకు ఫోన్‌ ద్వారా ప్రయత్నించగా అందుబాటులోకి రాలేదు. ఇప్పటికే ఎన్‌హెచ్‌ఎంలో విధులు నిర్వర్తిస్తున్న వైద్యులు, ఉద్యోగులు తమను రెగ్యులరైజ్‌ చేసి ఉద్యోగ భద్రత కల్పించాలని ఆందోళన బాట పట్టారు. జిల్లాలో ప్రస్తుతం పనిచేస్తున్న 377 మంది ఇటీవల కలెక్టరేట్‌ ఎదుట వారం రోజులుగా రిలే నిరాహార దీక్షలు చేస్తున్నారు. వీరికి పలు పార్టీలు మద్దతు ప్రకటించాయి. ఎన్‌హెచ్‌ఎంలో కాంట్రాక్టు ఉద్యోగాలకు పోటీ తీవ్రం 64 పోస్టులకు 2,062 అప్లికేషన్లు ఒక్కో పోస్టుకు సుమారు 32 మంది కాంపిటీషన్‌

● సగటున 34 నుంచి 55 శాతం తగ్గిన దిగుబడి ● ఎకరానికి ఐదు క్వింటాళ్లు కూడా రావడం లేదంటున్న రైతులు ● ఈ మేరకు ప్రభుత్వానికి నివేదిక ఇచ్చిన వ్యవసాయశాఖ ● పత్తి తీత షురూ సాక్షిప్రతినిధి, సంగారెడ్డి: ఎల్‌నినో ప్రభావంతో ఏర్పడిన వర్షాభావ పరిస్థితుల కారణంగా ఈసారి పత్తి దిగుబడులు భారీగా పడిపోయాయి. సారవంతమైన నల్లరేగడి భూము లో ఎకరానికి 12 క్వింటాళ్ల వరకు వచ్చే పంట ఆరేడు క్వింటాళ్లకే పరిమితమైంది. వ్యవసాయ శాఖ మాత్రం కనిష్టంగా 34 శాతం నుంచి గరిష్టంగా 55 శాతం వరకు తగ్గినట్లు ప్రాథమికంగా నిర్ధారించింది. సాధారంగా వచ్చే దిగుబడి కంటే గరిష్టంగా 4.5 క్వింటాళ్లు దిగుబడి తగ్గినట్లు తేల్చింది. ఎకరానికి సగటున తొమ్మిది క్వింటాళ్లు రావాల్సిన చోట కేవలం నాలుగైదు క్వింటాళ్లకే పరిమితమైందని చెప్పింది. ఎల్‌నినో ప్రభావంతో ఏర్పడిన పంట నష్టంపై ప్రభుత్వం అన్ని జిల్లాల నుంచి నివేదికలు తెప్పించుకుంది. ఆయా మండలాల్లో నమోదైన వర్షపాతం.. వాతావరణ పరిస్థితులను పరిశీలించి ఈ మేరకు దిగుబడులపై ప్రభుత్వానికి నివేదిక ఇచ్చింది. ఈసారి ఎల్‌నినో ప్రభావంతో ఆశించిన మేరకు వర్షాలు సరిగ్గా కురియలేదు. ఎండల తీవ్రతకు పత్తి కాయలు రాలిపోయి దిగుబడులపై ప్రభావం చూపింది. కాగా గత ఏడాది అధిక వర్షాలతో పత్తి రైతులు నష్ట పోగా.. ఈసారి తీవ్ర వర్షాభావ పరిస్థితులతో నష్టాలను మూటగట్టుకోవాల్సిన పరిస్థితి ఏర్పడింది. పత్తి తీత ముమ్మరం రాష్ట్ర వ్యాప్తంగా పత్తిని ఏరడాన్ని రైతులు ముమ్మరం చేస్తున్నారు. వారం రోజులుగా పత్తిని తీస్తున్నారు. గతంలో రెండు పర్యాయాలు పత్తిని తీసే వారు. కొన్ని సంవత్సరాలుగా ఒకేసారికి పరిమితమైంది. పత్తి ఏరేందుకు కూలీలు సరిగా రావడం లేదు. కిలో పత్తి తీస్తే కూలీలకు రూ.12 చొప్పున చెల్లిస్తున్నారు. కూలీల కొరత తీవ్రంగా ఉన్న చోట కిలోకు రూ.20 వరకు చెల్లించాల్సి వస్తోందని రైతులు వాపోతున్నారు. కేవలం పత్తి తీయడానికి క్వింటాల్‌కు రూ.1200 నుంచి రూ.రెండు వేల వరకు ఖర్చు చేయాల్సి వస్తోందని రైతులు వాపోతున్నారు. నాలుగు క్వింటాళ్లే వచ్చింది నాకున్న రెండు ఎకరాలతో పాటు, మరో మూడు ఎకరాలు కౌలుకు తీసుకుని పత్తి పంట వేసుకున్న. మొదట్లో బాగానే ఉంది. ఆగస్టు తర్వాత వర్షాల జాడ లేకపోవడంతో కాత రాలిపోయింది. ఎకరానికి నాలుగు క్వింటాళ్లు మాత్రమే వచ్చింది. –జైరాంలు, పత్తిరైతు. కన్సాన్‌పల్లి, సంగారెడ్డి పెట్టుబడి కూడా వచ్చేలా లేదు గతంలో ఎకరానికి ఎనిమిది క్వింటాళ్ల పత్తి వచ్చేది. ఈసారి సమయానికి వర్షాలు కురియకపోవడంతో దిగుబడి తగ్గింది. ఎకరానికి మూడు క్వింటాళ్లు కూడా రావడం లేదు. ఒక్కో ఎకరానికి రూ.30 వేల వరకు పంట పెట్టుబడి అయింది. పంట అమ్మితే వచ్చే డబ్బులు ఖర్చులకు కూడా సరిపోవు. – పోచారం మల్లేశం, దాదాయపల్లి, మెదక్‌

బాసర: నిర్మల్‌ జిల్లా బాసరలోని జ్ఞాన సరస్వతీ అమ్మవారిని ఎమ్మెల్యే మైనంపల్లి రోహిత్‌రావు సోమవారం దర్శించుకున్నారు. దసరా శరన్నవరాత్రి ఉత్సవాల సందర్భంగా దర్శనానికి వచ్చిన ఆయనకు అధికారులు, అర్చకులు ఆలయ మర్యాదలతో స్వాగతం పలికారు. బాలాలయంలో పూజల అనంతరం సరస్వతీ దేవిని దర్శించుకున్నారు. మెదక్‌ కలెక్టరేట్‌: జిల్లా కేంద్రంలోని ప్రభుత్వ వైద్య కళాశాలలో పారా మెడికల్‌ కోర్సులో ప్రవేశాలకు దరఖాస్తులు ఆహ్వానిస్తున్నట్లు ప్రిన్సిపాల్‌ నితిన్‌కుమార్‌ కబ్రా సోమవారం ఒక ప్రకటనలో పేర్కొన్నారు. 2026–27 విద్యా సంవత్సరానికి సంబంధించి ఇంటర్మీడియెట్‌ ఉత్తీర్ణులైన విద్యార్థుల నుంచి పారా మెడికల్‌ రెండేళ్ల కోర్సులో (డిప్లొమా ఇన్‌ ల్యాబ్‌ టెక్నీషియన్‌, డీఎంఎల్‌టీ, డిప్లొమా ఇన్‌ అనస్థీషియా టెక్నీషియన్‌, డెన్‌ ప్రవేశాలు నిర్వహిస్తున్నట్లు తెలిపారు.

పెద్దశంకరంపేట(మెదక్‌): రాష్ట్ర ప్రభుత్వం ప్రవేశపెట్టిన ఇందిరమ్మ ఇళ్ల పథకం పేదలకు వరమని జహీరాబాద్‌ ఎంపీ సురేశ్‌షెట్కార్‌ అన్నారు. సోమవారం సాయంత్రం మండల పరిధిలోని బుజ్రాన్‌పల్లిలో నూతనంగా నిర్మించిన ఇందిరమ్మ ఇంటిని ఎంపీ ప్రారంభించారు. పేదల సంక్షేమానికి సీఎం రేవంత్‌రెడ్డి కృషి చేస్తున్నారని, ప్రభుత్వ పథకాలను ప్రజలు సద్వినియోగం చేసుకోవాలని సూచించారు. అనంతరం గ్రా మంలో ఏర్పాటు చేసిన అమ్మవారి మండపంలో ప్రత్యేక పూజలు నిర్వహించారు. కార్యక్రమంలో సర్పంచ్‌లు జైపాల్‌గౌడ్‌, రవీందర్‌, సీనియర్‌ నాయకులు మధు, విఠల్‌, మహిపాల్‌గౌడ్‌ తదితరులు పాల్గొన్నారు. కౌడిపల్లి(నర్సాపూర్‌): రైతులను ఆదుకునేలా కాంగ్రెస్‌ ప్రభుత్వానికి మంచి బుద్ధి ప్రసాదించాలని ఎమ్మెల్యే సునీతారెడ్డి అమ్మవార్లును కోరారు. సోమవారం మండలంలోని తునికి నల్లపోచమ్మదేవిని దర్శించుకున్నారు. అలాగే కౌడిపల్లిలోని దుర్గామాత శరన్నవరాత్రి ఉత్సవాల్లో పాల్గొని ప్రత్యేక పూజలు చేశారు. ఈసందర్భంగా ఎమ్మెల్యే మాట్లాడుతూ.. ప్రజలకు బతుకమ్మ, దసరా పండుగ శుభాకాంక్షలు తెలిపారు. అమ్మవారి దయతో ప్రజలు సుఖసంతోషాలతో ఉండాలని కోరుకున్నట్లు చెప్పారు. కాంగ్రెస్‌ ప్రభుత్వ నిర్లక్ష్యం వల్లే రైతులకు కరెంట్‌ కష్టాలు వచ్చాయని తెలిపారు. కార్యక్రమంలో బీఆర్‌ఎస్‌ మండల పార్టీ అధ్యక్షుడు సార రామాగౌడ్‌, మండల సర్పంచ్‌ల ఫోరం అధ్యక్షుడు శ్రీనివాస్‌, సర్పంచ్‌లు పద్మ, ధనలక్ష్మి, మాజీ సర్పంచ్‌లు ఎల్లం, సాయాగౌడ్‌, మాజీ ఎంపీటీసీ ప్రవీణ్‌కుమార్‌, నాయకులు నవీన్‌, సందీప్‌ తదితరులు పాల్గొన్నారు. మెదక్‌ కలెక్టరేట్‌: ప్రజావాణి అర్జీలను తక్షణమే పరిష్కరించాలని అదనపు కలెక్టర్‌ నగేశ్‌ అధికారులను ఆదేశించారు. సోమవారం ప్రజావాణి కార్యక్రమంలో భాగంగా కలెక్టరేట్‌లో వినతులను స్వీకరించారు. ఈసందర్భంగా ఆయన మాట్లాడుతూ.. వినతులను తక్షణమే పరిశీలించి పరిష్కరించాలని, సమస్యలకు శాశ్వత పరిష్కారం చూపాలన్నారు. కార్యక్రమంలో జెడ్పీ సీఈఓ ఎల్లయ్య, ఏఓ యూనస్‌, జిల్లా అధికారులు పాల్గొన్నారు. మెదక్‌జోన్‌: జిల్లా పోలీస్‌ కార్యాలయంలో సోమవారం విజయదశమి పర్వదినాన్ని పురస్క రించుకుని ఆయుధ పూజ నిర్వహించారు. కార్యక్రమంలో ఎస్పీ శ్రీనివాసరావు పాల్గొని ఆయుధాలకు ప్రత్యేక పూజలు నిర్వహించారు. అనంతరం జమ్మి చెట్టుకు పూజలు నిర్వహించి, పోలీసు అధికారులు, సిబ్బందికి జమ్మి అందజేసి విజయదశమి శుభాకాంక్షలు తెలిపారు. అనంతరం పోలీసు వాహనాలకు పూజలు చేశా రు. ఈసందర్భంగా ఎస్పీ విజయదశమి శుభాకాంక్షలు తెలియజేశారు.

దసరా పండుగ వేళ నిత్యావసర వస్తువుల ధరలు ఆకాశానంటుతున్నాయి. ముఖ్యంగా సన్నబియ్యం గడిచిన వారం రోజుల్లోనే క్వింటాల్‌పై రూ. 2 వేల చొప్పున పెరిగింది. అదేబాటలో పప్పులు, చక్కెర, ఆయిల్‌, ఉల్లిపాయలు ఇతరత్ర కిరాణా వస్తువులు ఉన్నాయి. దీంతో పేద, మధ్య తరగతిపై భారం పెరుగుతోంది. – మెదక్‌జోన్‌ జిల్లావ్యాప్తంగా 2011 జానాభా లెక్కల ప్రకారం 7.25 లక్షల మంది ఉన్నారు. ప్రజల ప్రధాన ఆహారం అన్నం కావటంతో బియ్యం ఎక్కువగా అవసరం ఉంటుంది. ఈ ఏడాది ఎల్‌నినో ప్రభావంతో సరైనా వర్షాలు కురవక చెరువులు, కుంటలు నిండలేదు. ఈ క్రమంలోనే బియ్యం ధరలకు ఒక్కసారిగా రెక్కలొచ్చాయి. 10 రోజుల క్రితం సన్నబియ్యం క్వింటాల్‌కు రూ. 6,200 నుంచి రూ.7 వేల వరకు ఉండగా, ప్రస్తుతం క్వింటాల్‌కు రూ. 7,800 నుంచి మొదలుకుని రూ. 8,200కు పెరిగింది. ఈ లెక్కన క్వింటాల్‌పై సుమారు రూ. 2 వేలు పెరిగింది. అవి కూడా రారైస్‌ కాదు. బాయిల్డ్‌ మిల్లులో మరాడించిన స్టీమ్‌ రైస్‌ కావటం గమనార్హం. ఇప్పుడే ఈ పరిస్థితి ఉంటే మున్ముందు మరింతగా బియ్యం ధరలు పెరిగే అవకాశం ఉందని ప్రచారం జరుగుతుంది. దీంతో పేద, మధ్య తరగతి ప్రజలు ఆందోళన చెందుతున్నారు. సన్న బియ్యం నిల్వ ఎల్‌నినో ప్రభావంతో మున్ముందు తీవ్ర వర్షాభావ పరిస్థితులు నెలకొంటాయని అధికారులు చెబుతున్నారు. ఈ నేపథ్యంలో ప్రజలు సన్న బియ్యం నిల్వలు పెట్టుకునేందుకు సిద్ధమవుతున్నారు. ఈ ఏడాది జిల్లావ్యాప్తంగా 3.40 లక్షల ఎకరాల్లో వివిధ రకాల పంటలు సాగు చేయగా, అందులో 3 లక్షల పైచిలుకు ఎకరాల్లో వరి పండించారు. అందులోనూ సన్న సింహభాగం వరి సాగు చేశారు. ప్రభుత్వం సన్నాలకు క్వింటాల్‌పై రూ.500 బోనస్‌ అందనుంది. అయితే ప్రస్తుతం క్వింటాల్‌కు రూ.3,200 చొప్పున నగదు రూపంలో చెల్లించి పచ్చి వడ్లను వ్యాపారులు కొనుగోలు చేస్తున్నారు. ఎల్‌నినో ప్రభావంతో ప్రజలు ఈ ఏడాది పండిన సన్న ధాన్యాన్ని బియ్యం పట్టించి నిల్వ ఉంచుకునే పరిస్థితి జిల్లాలో అధికంగా కనిపిస్తుంది. క్వింటాల్‌పై రూ.2 వేలు పెరుగుదల అదే బాటలో పప్పులు, చక్కెర పేద, మధ్య తరగతి కుటుంబాల బెంబేలు అదే విధంగా పప్పులు, చక్కెర, ఆయిల్‌ ధరలు సైతం అమాంతం పెరిగాయి. వారం రోజుల క్రితం కిలో కంది పప్పు ధర రూ. 110 ఉండగా, ప్రస్తుతం అది రూ. 150కి చేరుకుంది. పెసర, మినుప, శనగ తదితర పప్పులు కిలోపై రూ. 20 నుంచి రూ.35కు పెరిగింది. అలాగే కిలో చక్కెర ధర ఆగస్టులో రూ. 45 ఉండగా, సెప్టెంబర్‌లో ఏకంగా కిలో రూ.70కి పెంచేశారు. అంటే కిలోపై రూ. 25 పెరిగింది. ప్రజల నుంచి వ్యతిరేకత రావటంతో ప్రస్తుతం కిలోకు రూ. 55 చొప్పున విక్రయిస్తున్నారు. అలాగే కిలో ఉల్లిగడ్డ రూ. 70 చొప్పున విక్రయిస్తుండగా, లీటర్‌ ఆయిల్‌ రూ.165 నుంచి రూ. 170 చొప్పున అమ్ముతున్నారు. మొన్నటి వరకు యుద్ధంతో ధరలు పెరుగుతున్నాయని చెప్పిన వ్యాపారులు, నే డు ఎల్‌నినో కారణంగా పెరుగుతున్నాయని చెబుతున్నారు.

పాపన్నపేట(మెదక్‌): దేవి శరన్నవరాత్రి ఉత్సవాల్లోభాగంగా ఏడుపాయల దుర్గమ్మ ఆదివారం దుర్గాదేవి(మహాగౌరి) అలంకారంతో భక్తులకు దర్శనమిచ్చారు. ఉదయం అర్చకులు అమ్మవారిని ఎరుపు రంగు వస్త్రాలతో అలంకరించారు. వివిధ ప్రాంతాల నుంచి తరలివచ్చిన భక్తులు అమ్మవారిని దర్శించుకొని ప్రత్యేక పూజలు చేశారు. తీర్థ ప్రసాదాలు స్వీకరించారు. భక్తులకు ఇబ్బంది కలగకుండా ఈఓ వీరేశం ఏర్పాట్లు చేశారు. కొల్చారం(నర్సాపూర్‌): విద్యుత్‌ సమస్యలతో రైతుల పంటలు ఎండిపోకుండా తక్షణ చర్యలు చేపడుతున్నామని విద్యుత్‌ శాఖ ఎస్‌ఈ నారాయణ నాయక్‌ తెలిపారు. ఆదివారం మండలంలో ఆయన పర్యటించారు. చిన్నఘనాపూర్‌ 33/11కేవీ సబ్‌స్టేషన్‌ను సందర్శించి క్షేత్రస్థాయిలో సిబ్బందితో కలిసి తనిఖీ చేశారు. వ్యవసాయానికి విద్యుత్‌ సరఫరా పరిస్థితులను అంచనా వేసేందుకు వరి గుంతం క్రిటికల్‌ ఫీడర్‌లోని ట్రాన్స్‌ఫార్మర్‌, బోర్‌వెల్‌ స్టార్టర్‌ పాయింట్ల వద్ద ఓల్టేజీలు తనిఖీ చేశారు. ఈసందర్భంగా రైతులతో మాట్లాడి విద్యుత్‌ సమస్యలను అడిగి తెలుసుకున్నారు. రైతుల బోర్లు వాటి సామర్థ్యంపై ఆరా తీశారు. వ్యవసాయానికి నిరంతరాయంగా, నాణ్యమైన విద్యుత్‌ సరఫరా ఉండేలా చర్యలు చేపట్టాలని క్షేత్ర సిబ్బందిని ఆదేశించారు. ఆయన వెంట ఏఈలు, లైన్‌మెన్‌లు ఉన్నారు. మెదక్‌ కలెక్టరేట్‌: ఆర్టీసీని ప్రభుత్వంలో విలీనం చేయడమే మా ధ్యేయమని మన్సిపల్‌ చైర్‌పర్సన్‌ రాధిక, టీడబ్ల్యూయూ రీజియన్‌ ఇన్‌చార్జి ఎంఆర్‌రావు అన్నారు. ఆదివారం మెదక్‌ డిపో ఎదుట సంబురాలు నిర్వహించారు. ఈసందర్భంగా వారు మాట్లాడుతూ.. ఉమ్మడి మెదక్‌ జిల్లా ఆర్టీసీ డిపోలలో కాంగ్రెస్‌ బలపరిచిన తెలంగాణ ఆర్టీసీ వర్కర్స్‌ యూనియన్‌కు గుర్తింపు లభించడం హర్షనీయమన్నారు. ఈనెల 17న శనివారం సాయంత్రం వెలువడిన గుర్తింపు ఎన్నికల ఫలితాల్లో 8 డిపోలలో ఆరింటిలో విజయం సాధించి గుర్తింపును దక్కించుకుందన్నారు. కాంగ్రెస్‌ ఎల్లప్పుడూ కార్మికుల పక్షాన నిలబడుతుందని తెలిపారు. కార్యక్రమంలో సంఘం రాష్ట్ర కార్యదర్శి శాఖయ్య, డిపో ఆర్టీసీ గౌరవ అధ్యక్షుడు గంగాధర్‌, శ్రీనివాస్‌రెడ్డి, సుబ్బారావు, సిబ్బంది తదితరులు పాల్గొన్నారు. దసరా.. జోష్‌ సదాశివపేట(సంగారెడ్డి): మార్కెట్లలో దసరా కొనుగోళ్ల జోష్‌ నెలకొంది. వ్యాపారవర్గాలు గిఫ్ట్‌ ఆఫర్లు, డిస్కౌంట్‌లు అందిస్తున్నాయి. ముఖ్యంగా వస్త్ర దుకాణాల్లో సందడి నెలకొంది. గతంలో హైదరాబాద్‌, పటాన్‌చెరు లాంటి పట్టణాలకు వెళ్లి కొత్త దుస్తులు కొనుగోలు చేసేవారు. ఈసారి స్థానికంగానే బ్రాండెడ్‌ షోరూంలు అందుబాటులోకి రావడంతో ఇక్కడే కొనుగోలు చేస్తున్నారు. దుకాణదారులు పలు రకాల ఆఫర్లతో ఆకట్టుకుంటున్నారు.

ఎమ్మెల్యే సంజీవరెడ్డి కల్హేర్‌(నారాయణఖేడ్‌): ఇంటిగ్రేటెడ్‌ రెసిడెన్షియల్‌ పాఠశాలతో నియోజకవర్గంలోని విద్యార్థులకు మెరుగైన విద్యా అవకాశాలు లభిస్తాయని ఎమ్మెల్యే సంజీవరెడ్డి అన్నారు. ఆదివారం మండలంలోని మహదేవుపల్లిలో ధాన్యం కొనుగోలు కేంద్రాన్ని ప్రారంభించారు. అలాగే సిర్గాపూర్‌ మండలం వాసర్‌లో రూ. 200 కోట్లతో నిర్మిస్తున్న ఇంటిగ్రేటెడ్‌ రెసిడెన్షియల్‌ పాఠశాల నిర్మాణ పనులను పరిశీలించారు. చందర్‌నాయక్‌ తండా పంచాయతీలో సీసీ రోడ్ల నిర్మాణ పనులు ప్రారంభించారు. నల్లవాగు ప్రాజెక్టులో నీటి నిల్వ పరిశీలించి అధికారులతో చర్చించారు. అనంతరం ఎమ్మెల్యే మాట్లాడుతూ.. నాణ్యత పాటించి నిర్మాణ పనులు చేపట్టాలని అధికారులు, కాంట్రాక్టర్‌కు సూచించారు. రైతులకు మద్దతు ధర కల్పించేందుకు ధాన్యం కొనుగోలు కేంద్రాలు ఏర్పాటు చేశామన్నారు. నల్లవాగు ప్రాజెక్టు చివరి ఆయకట్టు వరకు సాగు నీరు అందించాలని అధికారులకు ఆదేశించారు. కార్యక్రమంలో మాజీ సీడీసీ చైర్మన్‌ నర్సింహారెడ్డి, మాజీ ఆత్మ కమిటీ చైర్మన్‌ భాస్కర్‌సేట్‌, సర్పంచ్‌లు శ్రీనివాస్‌రావు, రుక్మిణి, నాయకులు యాదవరెడ్డి, రవీందర్‌రెడ్డి, గోపాల్‌ పాల్గొన్నారు.

నారాయణఖేడ్‌: మండలంలోని పలుగు తండాకు చెందిన నిరుపేద రైతు కూలీలు వాడిత్య యాదునాయక్‌, పాపీబాయి దంపతుల కుమార్తెలు నివేదిత, అఖిల ఎంబీబీఎస్‌ సీట్లు సాధించడంపై మాజీ మంత్రి హరీశ్‌రావు హర్షం వ్యక్తం చేశారు. చదువుల కోసం ఆర్థిక సహాయం అందజేయడమే కాకుండా ఆదివారం ఎక్స్‌ వేదికగా సంతోషాన్ని పంచుకున్నారు. ‘తనను విద్యార్థినులు కుటుంబ సమేతంగా వచ్చి కలవడం ఎంతో సంతోషంగా, గర్వంగా ఉంది. పేదరికం ప్రతిభకు అడ్డంకి కారాదనే బలమైన సంకల్పంతో కేసీఆర్‌ జిల్లాకో మెడికల్‌ కాలేజీని నెలకొల్పారని, నేడు క్షేత్రస్థాయి లో అద్భుత ఫలితాలను ఇస్తోంది’ అని అన్నారు. వా రి తల్లిదండ్రులకు అభినందిస్తూ భవిష్యత్తులో ఉన్నత వైద్యులుగా ఎదిగి, పేదలకు నాణ్యమైన వైద్య సేవలందించాలని ఆకాంక్షించారు. ఎంబీబీఎస్‌ చదువుకు ఆర్థిక ఇబ్బందులు ఉండడంతో చదువు పూర్తయ్యే వరకు తాను ఆర్థిక సహాయం అందిస్తానని మంత్రి వారికి భరోసా ఇచ్చారు. ఎక్స్‌ వేదికగా హరీశ్‌రావు హర్షం

ఎల్‌నినో ప్రభావంతో దసరా పండుగ వేళ కూరగాయల ధరలు అకాశాన్నంటాయి. టమాటా తప్ప ఏ కూరగాయ ముట్టుకున్న భగ్గుమంటోంది. దీంతో సామాన్య, మధ్య తరగతి ప్రజలు ఏం కొనలేక.. ఏం తినలేక ఇక్కట్లు పడుతున్నారు. – సదాశివపేట(సంగారెడ్డి) కిలో ఎల్లిగడ్డ రూ.200, అల్లం రూ. 180, బీన్స్‌, చిక్కుడు ధర కిలో రూ. 90కి విక్రయిస్తున్నారు. మిర్చి కిలో రూ. 100 తగ్గడం లేదు. బెండ, క్యారెట్‌, కాకరకాయ, చామగడ్డ, చింతకాయ, కిలో రూ. 60 నుంచి రూ. 80 వరకు విక్రయిస్తున్నారు. వారానికి సరిపడా కొంటే రూ. 500పైగా ఖర్చువుతోందని ప్రజలు వాపోతున్నారు. ఉల్లిగడ్డ ధర రోజురోజుకూ పెరుగుతుంది. ఒక్క టమాట మాత్రం కిలో రూ. 40 పలుకుతోంది. మిగితా అన్నిరకాల కూరగాయలు కిలో రూ. 80 వరకు విక్రయిస్తున్నారు. అకుకూరల ధరలు అదేస్థాయిలో పెరిగాయి. రూ. 20కి నాలుగు కట్టల చొప్పున పాలకూర, మెంతి, తోటకూర, గొంగూర విక్రయిస్తున్నారు. కొత్తిమీర, పూదిన రూ. 5కు కట్ట చొప్పున విక్రయిస్తున్నారు. ఎల్‌నినో ప్రభావంతో వానలు లేక తోటలు ఎండిపోతున్నాయని, అందుకే కూరగాయల దిగుబడి తక్కువై ధరలు అధికమయ్యాయి. రానున్న రోజుల్లో ధరలు మరింత పెరిగే అవకాశాలున్నాయి. సదాశివపేట పట్టణానికి హైదరాబాద్‌ కూరగాయల మార్కెట్‌ ఇతర ప్రాంతాలను నంచి నిత్యం 10కి పైగా ఆటోలలో సరఫరా అవుతున్నాయి.వంటింటి బడ్జెట్‌కు తిప్పలు కూరగాయల ధరలు పెరగడంతో మధ్య, పేద కుటుంబాలు కొనుగోళ్లలో ఆచితూచి వ్యవహరించాల్సి వస్తోంది. గతంలో ఒకేసారి నాలుగైదు రకాల కూరగాయలు కొనుగోలు చేసిన కుటుంబాలు ప్రస్తుతం ధరలను చూసి తక్కువ కొనుగోలు చేసి సరిపెట్టుకుంటున్నారు. కుటుంబ ఖర్చులను నిర్వహించడం కష్టంగా మారుతోందని వినియోగదారులు ఆవేదన వ్యక్తం చేస్తున్నారు. నిత్యావసర వస్తువులు కూరగాయల ధరలు పెరగడంతో నెలవారీ బడ్జెట్‌ తలకిందులవుతోందని చెబుతున్నారు, ధరలను నియంత్రించేలా చర్యలు తీసుకోవాలని ప్రజలు కోరుతున్నారు. అవసరం మేర లభించని వైనం దసరా వేళ ప్రజలపై ఆర్థిక భారం

కలెక్టర్‌ ప్రతిమాసింగ్‌ మెదక్‌ కలెక్టరేట్‌: జిల్లాలోని రైతులను యాసంగిలో వరికి బదులు ప్రత్యామ్నాయ పంటల సాగుకు ప్రోత్సహించాలని కలెక్టర్‌ ప్రతిమాసింగ్‌ ఆదివారం ఒక ప్రకటనలో వ్యవసాయ అధికారులను ఆదేశించారు. ఎల్‌నినో ప్రభావంతో ఏర్పడే నీటి ఎద్దడి సమస్య తీవ్రంగా ఉందన్నారు. పంటల మార్పిడిపై అవగాహన కల్పించడంతో పాటు అవసరమైన విత్తనాలు, పెట్టుబడి, మార్కెటింగ్‌ సదుపాయాలను రైతులకు ముందుగానే అందుబాటులోకి తీసుకురావాలని సూచించారు. జిల్లాలో వర్షపాతం లోటు, జలాశయాల్లో నీటి నిల్వలు, భూగర్భజలాల లభ్యతను పరిగణనలోకి తీసుకొని పంటల సాగు ప్రణాళికను రూపొందించాలన్నారు. నీటి వనరులు పరిమితంగా ఉన్న గ్రామాల్లో వరి సాగును తగ్గించి, తక్కువ నీటితో పండే పప్పుధాన్యాలు, నూనెగింజలు, చిరుధాన్యాలు, ఇతర ఆరుతడి పంటల సాగును ప్రోత్సహించాలని తెలిపారు. నకిలీ, నాణ్యతలేని, లేబుళ్లు లేని విత్తనాల విక్రయాలను అరికట్టేందుకు సంబంధిత శాఖలతో కలిసి తనిఖీలు నిర్వహించాలని ఆదేశించారు. విత్తనాలు, ఎరువుల విక్రయాల్లో అక్రమాలకు పాల్పడే వారిపై నిబంధనల ప్రకారం చర్యలు తీసుకోవాలని స్పష్టం చేశారు.

రామాయంపేట(మెదక్‌): కలెక్టర్‌ ఆదేశాల మేరకు స్థానికంగా ఉన్న మల్లె చెరువు ఎఫ్‌టీఎల్‌ను శనివారం మెదక్‌ ఆర్డీఓ రమాదేవి పరిశీలించారు. బఫర్‌ జోన్‌ ఆక్రమణకు గురైతే వెంటనే తొలగించాలని ఆమె ఆదేశించారు. రెవెన్యూ, మున్సిపల్‌ అధికారులతో కలిసి చెరువు బఫర్‌ జోన్‌ను ఫిక్స్‌ చేయాలని ఇరిగేషన్‌ ఏఈని ఆదేశించారు. ఆమె వెంట తహసీల్దార్‌ రజని, మున్సిపల్‌ కమిషనర్‌ రవీందర్‌, ఇతర అధికారులున్నారు. అదనపు కలెక్టర్‌ నగేశ్‌ మెదక్‌ కలెక్టరేట్‌: జిల్లాలో రానున్న రోజుల్లో ఎల్‌నినో ప్రభావాన్ని ఎదుర్కొనేందుకు మొదటి ప్రాధాన్యతగా నీటి సంరక్షణ చర్యలు చేపట్టాలని అదనపు కలెక్టర్‌ నగేశ్‌ అన్నారు. శనివారం కలెక్టరేట్‌లో ఎల్‌నినో ప్రభావంపై ఎంపీడీఓలు, గ్రామ కార్యదర్శులు, ఫీల్డ్‌ అసిస్టెంట్లతో సమీక్షించారు. ఈసందర్భంగా అదనపు కలెక్టర్‌ మాట్లాడుతూ.. వీబీజీ రామ్‌జీ ఉపాధి హామీ పథకం కింద గ్రామీణ ప్రాంతాల్లో నీటి సంరక్షణ కోసం నీటి గుంతలు, ఫాంపాండ్‌ల ఏర్పాటు చేయాలన్నారు. కార్యక్రమంలో జిల్లా గ్రామీణ అభివృద్ధి శాఖ అధికారి శ్రీనివాసరావు, సంబంధిత శాఖల అధికారులు తదితరులు పాల్గొన్నారు. హవేళిఘణాపూర్‌(మెదక్‌): రైతుల పంటలు ఎండిపోయిి మానసికంగా, ఆర్థికంగా ఇబ్బంది పడుతున్నా పాలకులు, అధికారులు పట్టించుకోకపోవడం సిగ్గుచేటని తెలంగాణ రక్షణ సేన మెదక్‌ నియోజకవర్గ ఇన్‌చార్జి బట్టి అజయ్‌ అన్నారు. శనివారం మెదక్‌ మండలం గుట్టకిందిపల్లిలో ఎండిపోయిన పంటలను పరిశీలించి రైతులకు మనోధైర్యం కల్పించారు. రైతుల సమస్యల పట్ల కనీసం అవగాహన లేని పాలకులు నియోజకవర్గంలో ఉండడం పట్ల రైతులు అందోళన చెందుతున్నారని వాపోయారు. కనీసం తమ పంటలు ఎండిపోతుంటే అధికారులు వెళ్లి ఆదుకుంటామని హామీ ఇవ్వకుండా నిర్లక్ష్యంగా వ్యవహరించడం సరికాదన్నారు. రైతులకు భరోసానిచ్చేలా చూడాల్సిన అవసరం ఎంతైనా ఉందని అన్నారు. కార్యక్రమంలో రైతులు, టీఆర్‌ఎస్‌ నాయకులు పాల్గొన్నారు. మెదక్‌ కలెక్టరేట్‌: అంగన్‌వాడీ టీచర్‌ పోస్టులకు రోస్టర్‌ విధానం, కేటగిరి రిజర్వేషన్‌ మెరిట్‌ ప్రకారం అభ్యర్థులను ఎంపిక చేస్తున్నట్లు జెడ్పీ సీఈఓ ఎల్లయ్య పేర్కొన్నారు. శనివారం తన కార్యాలయంలో డీపీఓ యాదయ్యతో కలిసి అభ్యర్థుల సర్టిఫికెట్ల పరిశీలించారు. ఈసందర్భంగా ఆయన మాట్లాడుతూ.. జిల్లాలో మొత్తం 69 పోస్టులకు 67 మంది హాజరు కాగా, మరో ఇద్దరు అభ్యర్థులు గైర్హాజరైనట్లు చెప్పారు. ధ్రువపత్రాల పరిశీలన అనంతరం కలెక్టర్‌ ఆదేశాల మేరకు విధుల్లోకి తీసుకుంటామని తెలిపారు.

నర్సాపూర్‌: ప్రజల ప్రాణాలతో హోటళ్ల నిర్వాహకులు చెలగాటం ఆడొద్దని ఎమ్మెల్యే సునీతారెడ్డి హితవు పలికారు. ఇటీవల పట్టణంలోని ఓ హోటల్‌లో కలుషిత ఆహారం తిని అస్వస్థతకు గురై ఆస్పత్రిలో చికిత్స పొందుతున్న బాధితులను శనివారం పరామర్శించారు. ఈసందర్భంగా ఆమె మాట్లాడుతూ.. పండుగ పూట ఇలాంటి ఘటన జరగడం విచారకరమన్నారు. బాధితులంతా త్వరగా కోలుకోవాలని ఆకాంక్షించారు. తినుబండారాల్లో నాణ్యత లేని సరుకులు వాడి ప్రజల ప్రాణాలతో చెలగాటమాడితే ఊరుకోమని హెచ్చరించారు. హోటళ్లలో నాణ్యతా ప్రమాణాలు పాటించేలా ఆయా శాఖల అధికారులు నిరంతరం పర్యవేక్షించాలని, విఫలమైన వారిపై తగిన చర్యలు తీసుకోవాలని ఆదేశించారు. అధికారుల పర్యవేక్షణ లోపం వల్లే ఈ ఘటన జరిగిందని ఆవేదన వ్యక్తం చేశారు. సాయికుమార్‌ కుటుంబానికి ప్రభుత్వం రూ. 10 లక్షల పరిహారం అందజేయాలని డిమాండ్‌ చేశారు.ఎమ్మెల్యే సునీతారెడ్డి

కౌడిపల్లి(నర్సాపూర్‌): జిల్లాలో నేరాల నియంత్రణకు పటిష్ట చర్యలు చేపట్టినట్లు ఎస్పీ డీవీ శ్రీనివాసరావు తెలిపారు. శనివారం వార్షిక తనిఖీలో భాగంగా కౌడిపల్లి పోలీస్‌స్టేషన్‌ను తనిఖీ చేశారు. రికార్డులు పరిశీలించి, కేసుల దర్యాప్తు పురోగతి, సిబ్బంది పనితీరుపై ఆరా తీశారు. ఈసందర్భంగా ఎస్పీ మాట్లాడుతూ.. చోరీలు, నేరాలు తగ్గించేందుకు విలేజ్‌ పోలీస్‌ వ్యవస్థను మరింత పటిష్టం చేసినట్లు చెప్పారు. నేరస్తులకు శిక్ష పడేలా పక్కా ఆధారాలు సేకరించాలన్నారు. రోడ్డు ప్రమాదాల నివారణకు డ్రంకెన్‌ డ్రైవ్‌ తనిఖీలు నిరంతరం చేస్తున్నట్లు చెప్పారు. దొంగతనాల నియంత్రణకు నిఘా పెంచి, రాత్రి పెట్రోలింగ్‌ ముమ్మరం చేసినట్లు వివరించారు. సైబర్‌ నేరాలు, మాదకద్రవ్యాల వినియోగం, అక్రమ రవాణా నియంత్రణపై ప్రత్యేక దృష్టి పెట్టినట్లు తెలిపారు. అసాంఘిక కార్యక్రమాల గురించి ఎవరి దృష్టికై నా వస్తే సమాచారం ఇవ్వాలన్నారు. వారిపేరు గోప్యంగా ఉంచుతామని తెలిపారు. పోలీసులు క్రమశిక్షణతో, బాధ్యతగా విధులు నిర్వర్తించాలని సూచించారు. ఆయన వెంట తూప్రాన్‌ డీఎస్పీ నరేందర్‌గౌడ్‌, సీఐలు రంగాకృష్ణ, సందీప్‌రెడ్డి, ఎస్‌ఐ అమరేందర్‌రెడ్డి పోలీసులు పాల్గొన్నారు.ఎస్పీ డీవీ శ్రీనివాసరావు

ప్రస్తుత ఖరీఫ్‌లో సాగవుతున్న వరి పంటతో గడ్డి, మొక్కజొన్న, జొన్న పంటల నుంచి వచ్చే చొప్ప పశువులకు ఈ ఏడాది డిసెంబర్‌ నెలాఖరు వరకు సరిపోతుంది. ఒకవేళ తీవ్ర కరువు పరిస్థితులు తలెత్తి రబీ పంటలు సాగు కాని పక్షంలో 2027 జనవరి నుంచి పశుగ్రాసం కొరత తీవ్రం అవుతుందని అంచనా వేస్తున్నారు. దీంతో మూగజీవాలను కాపాడుకోవడం రైతులకు కష్టంగా మారుతుంది. ఈ సమస్యను అధిగమించడానికి కార్యాచరణ ప్రణాళికను అమలు చేయాలని ఆ శాఖ భావిస్తోంది. కార్యాచరణ ప్రణాళిక ఇలా.. పాడి రైతులకు సబ్సిడీపై గడ్డి విత్తనాలు సరఫరా చేయడం. ఎకరానికి 20 కేజీల గడ్డి విత్తనాలు అవసరం ఉంటుంది. ఒక్కో పశువుకు రోజుకు ఐదు కేజీల గడ్డి చొప్పున రాష్ట్రంలో ఉన్న పశువుల సంఖ్యను సరిపడా ఈ విత్తనాలు సరఫరా చేయడం, చెరువులు, కుంటల శిఖం భూముల్లో ఉండే తేమతో ఈ పశుగ్రాసం పెరుగుతుంది. ఈ గ్రాసం పెంచడం ద్వారా పశువులకు గ్రాసం కొరతను అధిగమించవచ్చని రైతులకు అవగాహన కల్పించనున్నారు. ● చాప్‌కట్టర్ల యంత్రాలపై రాయితీలు ఇవ్వడం. పరిమితమైన గ్రాసాన్ని చాప్‌ కట్టర్‌లతో కోయడం ద్వారా గ్రాసం వృధాను 50 శాతం నుంచి 95 శాతానికి తగ్గించవచ్చని భావిస్తున్నారు. ● ఎండల తీవ్రతకు పశువులకు పౌష్టికాహార లోపానికి గురికాకుండా.. మినరల్‌ మిక్చర్‌ సబ్సిడీపై అందజేయడం, రోగ నిరోధక శక్తి తగ్గి పశువులు మృత్యువాత పడకుండా పశువులకు టీకాలు వేయడం, పశువులకు హెల్తా క్యాంపులు నిర్వహించడం. పకడ్బందీగా అమలు కరువు కారణంగా సరైన పశుగ్రాసం దొరక్కపోవడం.. పశువుల్లో వ్యాధి నిరోధక శక్తి తగ్గి వ్యాధుల భారిన పడటంతో పశువులను విక్రయించాల్సిన పరిస్థితి ఏర్పడుతుంది. దీంతో అల్లాన.. అల్‌కబీర్‌ వంటి పశు వధశాలలకు ఎక్కువ పశువులు వెళుతుంటాయి. దీన్ని డిస్‌స్ట్రెస్‌ సేల్‌గా భావిస్తారు. కరువుకు ప్రత్యామ్నాయ కార్యాచరణ ప్రణాళికను పకడ్బందీగా అమలు చేయడం ద్వారా ఈ సమస్యను అధిగమించవచ్చని పశుసంవర్థకశాఖ భావిస్తోంది. ప్రణాళిక సిద్ధం చేస్తున్న పశుసంవర్థకశాఖ 2027 జనవరి నుంచి జూన్‌ వరకు అమలు కబే ళాలకు తరలకుండా నివారణ చర్యలు రాష్ట్రంలో పశు సంపద ఇలా..ఎల్‌నినో నుంచి పశు సంపదను కాపాడేందుకు కార్యాచరణఎల్‌నినో ప్రభావంతో వచ్చే కరువు నుంచి పశు సంపదను కాపాడేందుకు అవసరమైన ముందస్తు చర్యలపై పశు సంవర్థకశాఖ దృష్టి సారించింది. 2027 జనవరి నుంచి జూన్‌ నెలాఖరు వరకు అమలు చేయనున్న కార్యాచరణ ప్రణాళికలను తయారు చేయాలని ప్రభుత్వం నుంచి ఆదేశాలు అందాయి. దీంతో అధికారులు ఈ అంశంపై కసరత్తు ప్రారంభించారు. – సాక్షిప్రతినిధి, సంగారెడ్డి

కరువులోనూటీఆర్‌ సెంటర్ల ‘మాయాజాలం’మెదక్‌ టీఆర్‌ సెంటర్‌లో కాలిన ట్రాన్స్‌ఫార్మర్లుమెతుకుసీమలో చెప్పుకోదగ్గ ప్రాజెక్టులు లేకపోవటంతో రైతులు బోరుబావుల ఆధారంగా వ్యవసాయం చేస్తున్నారు. జిల్లావ్యాప్తంగా 1.10 లక్షల పైచిలుకు బోరుబావులుండగా, 26 వేల పైచిలుకు ట్రాన్స్‌ఫార్మర్లు ఏర్పాట్లు చేశారు. వీటి మరమ్మతుల కోసం జిల్లాలోని మెదక్‌, రామాయంపేట, తూప్రాన్‌, నర్సాపూర్‌, పాపన్నపేట మండల కేంద్రాల్లో ట్రాన్స్‌ఫార్మర్‌ రిపేర్‌ (టీఆర్‌) సెంటర్లు ఏర్పాటు చేశారు. ఈ ఐదు టీఆర్‌ సెంటర్లు ప్రైవేట్‌ కాంట్రాక్టుల ఆధీనంలో కొనసాగుతున్నాయి. ఈ ఏడాది ఎల్‌నినో ప్రభావంతో వర్షాభావ పరిస్థితులు నెలకొనడంతో చెరువులు, కుంటల్లోకి చెప్పుకోదగ్గ నీరు చేరలేదు. పంటలు చేతికందాలంటే మరో 20– 25 రోజుల సమయం పడుతుంది. ప్రస్తుతం లోఓల్టేజీ సమస్యతో నిత్యం 50– 60కి పైగా ట్రాన్స్‌ఫార్మర్లు కాలిపోతున్నట్లు అధికారిక లెక్కలు చెబుతున్నాయి. కాలిన ట్రాన్స్‌ఫార్మర్లను రిపేర్‌ సెంటర్‌కు తీసుకురావడంతో షెడ్లలో నాణ్యతలేని మెటీరియల్‌ అమరుస్తున్నారు. సింగిల్‌ ఫేజ్‌ ట్రాన్స్‌ఫార్మర్లకు ఆన్‌ఆఫ్‌లు అమర్చకున్నా అమర్చినట్లు తప్పుడు లెక్కలు రాస్తున్నారు. రాడ్స్‌, బుష్‌లు వేయకున్నా వేసినట్లు రికార్డుల్లో చూపించి బిల్లులు డ్రా చేసుకుంటున్నట్లు సమాచారం. దీంతో కాలిన ట్రాన్స్‌ఫార్మర్‌కు మరమ్మతులు చేసినా అవి ఆరు నెలలు తిరగకుండానే మళ్లీ కాలిపోతున్నాయని రైతులు ఆవేదన వ్యక్తం చేస్తున్నారు. రెండు కాపర్‌ సెంటర్లలో.. జిల్లావ్యాప్తంగా 5 ట్రాన్స్‌ఫార్మర్‌ రిపేర్‌ సెంటర్లు ఉండగా, వాటిలో పాపన్నపేట, నర్సాపూర్‌ సెంటర్లలో మాత్రం (కాపర్‌) వైర్‌ అమర్చుతున్నారు. గతంలో 100 కేవీ ట్రాన్స్‌ఫార్మర్లను తొలగించి మూడు బోరు బావులకు ఒక్క 25 కేవీ ట్రాన్స్‌ఫార్మర్లను అమర్చిన సందర్భంలో ప్రభుత్వం ఆ రెండు టీఆర్‌ సెంటర్లకు కాపర్‌వైర్‌ను ఏర్పాటు చేయించింది. కాగా అల్యూమినియంకు చెందిన 25 కేవీ ట్రాన్స్‌ఫార్మర్‌ కాలిపోతే రూ. 25 వేల ఖర్చు వస్తుండగా, అదే కాపర్‌ వైర్‌ అమరిస్తే రూ. 43 వేల ఖర్చు వస్తోంది. ఈలెక్కన రూ.18 వేల వ్యత్యాసం ఉంటుంది. కిలో అల్యూమినియం వైర్‌ ధర రూ. 350 వరకు ఉండగా, కిలో కాఫర్‌ వైర్‌ ధర రూ. 700 వరకు పలుకుతుండటంతో ఇక్కడ విధులు నిర్వర్తించే అధికారులతో పాటు కాంట్రాక్టర్లకు మరింత ఆదాయం సమకూరుతుందని సమాచారం. రవాణ ఖర్చు రైతులపైనే.. ట్రాన్స్‌ఫార్మర్లు కాలిపోతే నిబంధనల ప్రకారం రైతుల పొలాల వద్దకు తరలించేందుకు ప్రభుత్వ వాహనం ఏర్పాటు చేయాలి. కానీ ఈ ఇవి ఎక్కడా అమలు కావటం లేదు. రైతులే డబ్బులు పోగుచేసుకుని ప్రైవేట్‌ వాహనాలు ఏర్పాటు చేస్తున్నారు. సెంటర్లలో విధులు నిర్వర్తించే అధికారులు మాత్రం వాహనాన్ని పంపినట్లు అందుకు సంబంధించిన డీజిల్‌ బిల్లులు సైతం డ్రా చేసుకుంటున్నట్లు తెలిసింది. కాలిన ట్రాన్స్‌ఫార్మర్లకు నాణ్యతలేని పరికరాలు 6 నెలలు తిరగకుండానే కాలిపోతున్న వైనం రికార్డుల్లో చూపిస్తూ బిల్లులు డ్రా అధికారుల పర్యవేక్షణ కరువు ఎల్‌నినో మోసుకొచ్చిన కరువు కొందరికి కాసులు కురిపిస్తోంది. సరైన వర్షాలు లేక ప్రాజెక్టుల్లో నీటిమట్టం తగ్గిపోవడంతో లోఓల్టేజీ కరెంట్‌ సమస్య తలెత్తుతోంది. దీంతో జిల్లాలో నిత్యం 50 నుంచి 60 ట్రాన్స్‌ఫార్మర్లు కాలిపోయి టీఆర్‌ సెంటర్లకు చేరుతున్నాయి. ఇది అక్రమార్కులకు వరంగా మారింది. వీటికి నాణ్యతలేని పరికరాలు అమర్చి కాంట్రాక్టర్‌, అధికారులు సొమ్ము చేసుకుంటున్నారు. రికార్డుల్లో తప్పుడు లెక్కలు చూపించి డబ్బులు డ్రా చేసుకుంటున్నారు. – మెదక్‌జోన్‌ప్రైవేట్‌ వ్యక్తులతో బిల్లులు టీఆర్‌ సెంటర్లలో అక్రమగా ప్రైవేట్‌ వ్యక్తులను ఏర్పాటు చేసి వారితోనే బిల్లులు చేయిస్తున్నట్లు ఆరోపణలు ఉన్నాయి. సంబంధిత శాఖకు చెందిన ఏఈలు చేయాల్సిన బిల్లులను ప్రైవేట్‌ వ్యక్తులను ఏర్పాటు చేసి అవినీతికి పాల్పడుతున్నట్లు సమాచారం. ఇందుకు ఉన్నతాధికారుల పర్యేక్షణ లేకపోవటమే కారణమని తెలుస్తోంది.టీఆర్‌ సెంటర్లలో ట్రాన్స్‌ఫార్మర్ల మరమ్మతులు పూర్తి చేసికాఫర్‌ వైరున అనంతరం వాటిని చెక్‌ చేసి పంపిస్తాం. ఒక్కసారి మరమ్మతులు చేసి పంపించాక వాటికి ఆరు నెలల వరకు గ్యారంటీ ఉంటుంది. ఆ లోపల కాలిపోతే సంబంధిత సెంటర్‌ కాంట్రాక్టరే భరించాల్సి ఉంటుంది. – వెంకటేశ్వర్లు, ఏఈ, టీఆర్‌ సెంటర్లు

నేడే సద్దుల బతుకమ్మ ● పల్లెలు, పట్టణాల్లో ప్రత్యేక ఏర్పాట్లుమెదక్‌ మార్కెట్‌లో రద్దీసాక్షి, సిద్దిపేట/మెదక్‌జోన్‌: రామా రామా రామా...ఉయ్యాలో... రామనే శ్రీ రామ ఉయ్యాలో... అంటూ తెలంగాణ సంస్కృతి సంప్రదయాలకు అద్దం పట్టే మహిళల సద్దుల బతుకమ్మ వేడుకలకు సర్వసిద్ధమైంది. జిల్లాలో ఆదివారం సద్దుల బతుకమ్మ సంబరాలను ఆడబిడ్డలు జరుపుకోనున్నారు. తీరొక్క పూలతో అందంగా అలంకరించిన రంగురంగుల బతుకమ్మలను తీర్చదిద్దనున్నారు. కొనుగోళ్లతో కూడళ్లు రద్దీగా మారాయి. పెత్ర అమావాస్య నుంచి తొమ్మిది రోజులపాటు జరుపుకుంటారు. చివరి రోజున సద్దుల బతుకమ్మ పండగను నిర్వహిస్తారు. తె లంగాణ సంస్కృతి, సంప్రదాయాలకు ప్రతీక బతుకమ్మ పండుగ నిర్వహణకు ఏర్పాట్లు పూర్తయ్యాయి. వీడ్కోలు పలకనున్న మహిళలు బొడ్డెమ్మతో మొదలు ఎంగిలిపువ్వు బతుకమ్మ, సద్దుల బతుకమ్మ, ఇలా దేని ప్రత్యేకత దానిదే. తొమ్మిది రోజులపాటు కొనసాగే బతుకమ్మలను చెరువులు, నీటి ప్రవాహంలో నిమజ్జనం చేస్తారు. బతుకమ్మ పాటల్లో మహిళల తమ కష్టసుఖాలు, ప్రేమ, స్నేహం, బంధుత్వం, ఆప్యాయతలు ఉంటాయి. ఈ పండుగ వర్షాకాలపు చివరిలో, శీతకాలపు తొలి రోజుల్లో వస్తుంది. ఆడపడుచులు ప్రకృతి సౌ ందర్యాన్ని రంగురంగుల పువ్వులతో కీర్తిస్తూ బతుకమ్మ పండుగను జరుపుకుంటారు. ఉమ్మడి జిల్లాలో అన్ని గ్రామాలు, పట్టణాల్లో బతుకమ్మ వేడుకలకు అన్ని ఏర్పాట్లు చేశారు. మహిళలను ఉత్సాహపరిచేందుకు ప్రత్యేకంగా డీజేలను ఏర్పాటు చేస్తున్నారు.ఉమ్మడి జిల్లాలో సంగారెడ్డి, మెదక్‌, సిద్దిపేట జిల్లా కేంద్రాలతో పాటు పట్టణాల్లో మార్కెట్లు కిటకిటలాడుతున్నాయి. బతుకమ్మ, దసరా పండుగలకు కుటుంబ సమేతంగా నూతన వస్త్రాలు కొనుగోలు చేస్తుంటారు. బతుకమ్మ కోసం పూలను జోరుగా విక్రయిస్తున్నారు. తంగేడు, గునుగు, సీతజడ పలూ ఇలా పలు రకాల పూలు వివిధ ప్రాంతాల నుంచి తీసుకొచ్చి పట్టణాల్లో విక్రయిస్తున్నారు.పెద్ద ఎత్తున పూలను ఆటోలు, వ్యాన్లలు, ట్రాక్టర్లలో తీసుకొచ్చారు. పేపర్లతో తయారు చేసిన బతుకమ్మలను సైతం పలువురు కొనుగోలు చేశారు.

నర్సాపూర్‌ రూరల్‌: గ్లాస్గో కామన్‌ వెల్త్‌ క్రీడల్లో దివ్యాంగుల ప్రతిభ దేశానికే ఆదర్శంగా నిలిచిందని ఎంపీ రఘునందన్‌రావు అన్నారు. శనివారం నర్సాపూర్‌ ఐసీడీఎస్‌ ప్రాజెక్టు పరిధిలోని దివ్యాంగులకు పట్టణంలోని ఓ ఫంక్షన్‌హాల్‌లో కేంద్రం ప్రవేశపెట్టిన ‘సశక్త దివ్యాంగ్‌ జన్‌, సమర్థ భారత్‌’ పథకంలో భాగంగా దివ్యాంగులకు సహాయ పరికరాలను పంపిణీ చేశారు. కార్యక్రమంలో ఎమ్మెల్యే సునీతారెడ్డి, జిల్లా గ్రంథాలయ సంస్థ చైర్‌పర్సన్‌ సుహాసినిరెడ్డి పాల్గొన్నారు. ఈసందర్భంగా ఎంపీ మాట్లాడుతూ.. ఇటీవల జరిగిన గ్లాస్గో కామన్‌ వెల్త్‌ క్రీడల్లో మన దేశ దివ్యాంగులు ప్రపంచస్థాయిలో నాలుగో స్థానంలో నిలిచారని గుర్తుచేశారు. దివ్యాంగులకు సహాయ సహకారాలు అందించాలన్నారు. ఇక నుంచి అంగవైకల్యంతో బాధపడుతున్న దివ్యాంగులను గుర్తించేందుకు మండల కేంద్రాల్లో క్యాంపులు ఏర్పాటు చేయాలని జిల్లా శిశు సంక్షేమ శాఖ అధికారి హేమాభార్గవికి సూచించారు. నర్సాపూర్‌ ప్రాజెక్టు పరిధిలో 123 మంది దివ్యాంగులను గుర్తించి 231 రకాల పరికరాలను అందజేశారు. కార్యక్రమంలో మున్సిపల్‌ చైర్‌పర్సన్‌ లక్ష్మి, వైస్‌ చైర్మన్‌ బుచ్చేశ్‌ యాదవ్‌, జిల్లా బీజేపీ అధ్యక్షుడు వల్దాస్‌ మల్లేశ్‌గౌడ్‌, బీఆర్‌ఎస్‌, కాంగ్రెస్‌, నాయకులు పాల్గొన్నారు.ఎంపీ రఘునందన్‌రావు

పాపన్నపేట(మెదక్‌)/మెదక్‌ కలెక్టరేట్‌: ఎల్‌నినోను ఎదుర్కోవాలంటే భూగర్భజలాలను పరిరక్షించాలని కలెక్టర్‌ ప్రతిమాసింగ్‌ పిలుపునిచ్చారు. శనివారం మండల పరిధిలోని కొత్తపల్లిలో వీబీజీ రాంజీ పథకం పనులను పరిశీలించారు. ఈసందర్భంగా ఆమె మాట్లాడుతూ.. ఫాంపాండ్‌ల నిర్మాణంతో పంటల సాగుకు నీటి కొరత లేకుండా ఉంటుందన్నారు. వీటి నిర్మాణ పనుల్లో ఎక్కువ మంది ఉపాధి కూలీలు పాల్గొనేలా చూడాలని అధికారులకు సూచించారు. సామూహిక ఇంకుడు గుంతలు కూడా ఏర్పాటు చేయాలని చెప్పారు. ప్రతి రోజు ఎంత మంది కూలీలు హాజరవుతున్నారనే విషయాన్ని అధికారులకు తెలపాలని చెప్పారు. చెక్‌ డ్యాంల నిర్మాణం, మరమ్మతులు, ఇతర నీటి సంరక్షణకు సంబంధించిన పనులను నిర్దేశిత గడువులోగా పూర్తి చేయాలని ఆదేశించారు. ఆమె వెంట డీఆర్డీఓ శ్రీనివాస్‌రావు, తహసీల్దార్‌ సతీశ్‌కుమార్‌, ఎంపీడీఓ విష్ణువర్ధన్‌, మాజీ సర్పంచ్‌ జగన్‌, అధికారులు పాల్గొన్నారు. అనంతరం కలెక్టరేట్‌లో గృహనిర్మాణ శాఖ అధికారులతో గూగుల్‌ మీట్‌ సమావేశం నిర్వహించారు. జిల్లాలో ఇప్పటివరకు మొదలు పెట్టని మొదటి, రెండో విడత ఇందిరమ్మ ఇళ్ల నిర్మాణాలు పూర్తి చేయాలన్నారు.కలెక్టర్‌ ప్రతిమాసింగ్‌

ఉమ్మడి జిల్లా నోడల్‌ అధికారి వాణిప్రసాద్‌ జిన్నారం(పటాన్‌చెరు): ఎల్‌నినో ప్రభావంతో లోటు వర్షపాతం, భూగర్భజలాల తగ్గుదల నేపథ్యంలో నీటి ఎద్దడి తలెత్తకుండా ముందస్తు చర్యలు చేపట్టాలని రాష్ట్ర ప్రత్యేక ప్రధాన కార్యదర్శి, ఉమ్మడి జిల్లా నోడల్‌ అధికారి వాణిప్రసాద్‌ అధికారులను ఆదేశించారు. తాగునీటి అవసరాలకు తొలి ప్రాధా న్యం ఇవ్వాలని, నీటి వృథాను అరికట్టి పొదుపుగా వినియోగించేలా ప్రజలకు అవగాహన కల్పించాలని సూచించారు. శుక్రవారం గుమ్మడిదల మండలం కానుకుంటలో అదనపు కలెక్టర్‌ సంగీతతో కలిసి పంటలను పరిశీలించారు. రైతులు ఆరుతడి పంటలు సాగు చేయాలని, పంట పొలాల్లో ఫామ్‌పాండ్స్‌ నిర్మించుకోవాలని సూచించారు. అనంతరం గుమ్మడిదల తహసీల్దార్‌ కార్యాలయంలో సంగారెడ్డి, సిద్దిపేట జిల్లా ల అధికారులతో సమీక్ష నిర్వహించారు.

● దివ్యాంగులు, వృద్ధులకు సాధికారత ● ఉచితంగా కృత్రిమ పరికరాల పంపిణీ ● జిల్లాలో 461 మంది ఎంపిక ఇతరులపై ఆధారపడకుండా స్వశక్తి, ఆత్మగౌరవంతో జీవనం సాగించేందుకు కేంద్రం దివ్యాంగులు, వయో వృద్ధులకు భరోసా కల్పిస్తుంది. ఇప్పటికే జిల్లాలో 461 మందిని గుర్తించి రూ.76 లక్షల విలువ చేసే సహాయ పరికరాలు మంజూరు చేసి లబ్ధిదారులకు అందించింది. – మెదక్‌జోన్‌ జిల్లాలో గతేడాది అలిమోక్‌ సంస్థ సహకారంతో కేంద్ర ప్రభుత్వం మూడు దివ్యాంగుల శిబిరాలను ఏర్పాటు చేసింది. వికలాంగులు, వయో వృద్ధులు స్వశక్తితో నడిచేందుకు అవసరమైన పరికరాలను వైద్యులు గుర్తించి ఎంపిక చేశారు. ఇందులో జిల్లావ్యాప్తంగా 461 మంది లబ్ధిదారులకు గుర్తించారు. వీరికి తక్షణం కావాల్సిన 23 రకాలు గల 850 పరికరాలను ఎంపిక చేశారు. అందుకోసం కేంద్ర ప్రభుత్వం రూ.76 లక్షలు ఖర్చు చేసి ఇటీవల మెదక్‌, రామాయంపేటలో లబ్ధిదారులకు పంపిణీ చేసింది. అంగవైకల్యం, శరీరం సహకరించని వయో వృద్ధులు ఇతరులపై ఆధారపడి జీవించడం భారంగా మారుతుంది. ధనికులైతే పరవాలేదు.. కానీ పేదలకు అలాంటి పరిస్థితి ఎదురైతే వారి బాధ వర్ణణాతీతం. అఅన్ని పనులు పక్కన పెట్టి వారికి సేవ చేయటమంటే ఆ కుటుంబం పస్తులుండాల్సిన పరిస్థితి. అలాంటి వారికి కేంద్రం ఏడీఐపీ పథకం ద్వారా పంపిణీ చేస్తున్న వీల్‌ చైర్లు, నడక కర్రలు, వినికిడి యంత్రాలు, కళ్లద్దాలు, ఇతర 23 రకాల పరికరాలను అందించటం ద్వారా వారు సంతోషకరమైన జీవనం సాగిస్తున్నారు. గొప్ప ఊరట కేంద్ర ప్రభుత్వం వికలాంగులకు, వృద్ధులకు పూర్తిగా ఉచితంగా పంపిణీ చేసే పరికరాల కోసం ఆయా మండలాలకు చెందిన లబ్ధిదారులు శిబి రాలకు సహాయకులతో వస్తున్నారు. వారికి కేటా యించిన పరికరాలు తీసుకొని ఎవరి సహాయం లేకుండా వెళ్లి పోతున్నారు. ఫలితంగా వారికి ఆత్మవిశ్వాసం కలుగుతుంది. ఇలాంటి పథకాలు నిస్సహాయులకు గొప్ప ఊరటనిస్తోంది. నేడు నర్సాపూర్‌లో.. జిల్లావ్యాప్తంగా 3 క్యాంపులను ఏర్పాటు చేసి వైద్యుల ద్వారా లబ్ధిదారులను ఎంపిక చేశారు. ఇందులో మెదక్‌లో 136 మంది రామాయంపేటలో 202, నర్సాపూర్‌లో 123 మంది చొప్పున మొత్తం 461 మంది లబ్ధిదారులను గుర్తించారు. వారిలో ఇప్పటికే మెదక్‌, రామాయంపేటలో పరికరాలు పంపిణీ చేయగా, చివరగా శనివారం నర్సాపూర్‌లో పంపిణీ చేయనున్నారు. ఈ పథకం గొప్పవరం కేంద్ర ప్రభుత్వం ప్రవేశపెట్టిన ఏడీఐపీ పథకం దివ్యాంగులకు, వయోవృద్ధులకు ఎంతగానో ఉపయోగపడుతుంది. ఇందులో పూ ర్తి ఉచితంగా వారికి అవసరమైన 23 రకాల పరికరాలను పంపిణీ చేస్తున్నారు. వీల్‌చైర్లతో పాట వినికిడి, చేతికర్రలు, కృతిమ అవయవాలు అందజేస్తున్నాం. – రఘునందన్‌రావు, ఎంపీ

అదనపు కలెక్టర్‌ నగేశ్‌ నర్సాపూర్‌ రూరల్‌: భూ తగాదాల పరిష్కారం కోసమే రాష్ట్ర ప్రభుత్వం ప్రతిష్టాత్మకంగా భూ రీ సర్వే కార్యక్రమాన్ని ప్రారంభించిందని అదనపు కలెక్టర్‌ నగేశ్‌ అన్నారు. శుక్రవారం మండలంలోని తుల్జారాంపేట, రామచంద్రాపూర్‌ గ్రామాల్లో రీ సర్వేను ప్రారంభించి మాట్లాడారు. భూప్రక్షాళన చేసి ఎలాంటి భూ తగాదాలు లేకుండా ఉండేందుకు ఈ కార్యక్రమాన్ని చేపడుతున్నట్లు వివరించారు. భూ యజమాలతో పాటు సన్న, చిన్నకారు రైతులు సర్వే అధికారులకు సహకరించాలని కోరారు. హద్దులతో పాటు కొత్త సర్వే నంబర్లు ఇస్తామన్నారు. కార్యక్రమంలో సర్పంచ్‌ కవిత, ల్యాండ్‌ సర్వే ఏడీ కిషన్‌, ఆర్డీఓ రామకష్ణ, తహసీల్దార్‌ శ్రీనివాస్‌, ఆర్‌ఐలు ప్రభాకర్‌, సిద్దిరాంరెడ్డి, మండల సర్వేయర్‌ అభిలాష్‌, కిషన్‌ నాయక్‌, సిబ్బంది పాల్గొన్నారు.

● జిల్లాలో ఏడాదిన్నరలో 28 మందికి శిక్ష ● సీరియస్‌గా తీసుకున్న పోలీస్‌శాఖ ● కోర్టులో సరైన సాక్ష్యాధారాల సమర్పణ ● బాధితులకు సత్వర న్యాయం పోక్సో కేసులను జిల్లా పోలీస్‌శాఖ సీరియస్‌గా తీసుకుంది. ఏడాదిన్నర కాలంలో జిల్లాలో 28 మంది నిందితులకు కఠిన కారాగార శిక్ష పడటంలో కీలక పాత్ర పోషించింది. న్యాయస్థానం ఎదుట పక్కా సాక్ష్యాధారాలు సమర్పించి బాధితులకు సరైన న్యాయం జరిగేలా కృషి చేసింది. అంతే కాకుండా పోలీస్‌ అక్కా, షీటీంలతో విస్తృతంగా అవగాహన కల్పించి ఆకతాయిల ఆట కట్టిస్తుంది. – మెదక్‌జోన్‌ జిల్లావ్యాప్తంగా గడిచిన ఏడాదిన్నర కాలంలో 27 పోక్సో కేసుల్లో ఏకంగా 28 మంది నిందితులకు కఠిన కారాగార శిక్షలు పడ్డాయి. ఇందులో పోలీస్‌ల పాత్ర కీలకం. ఒకప్పుడు బాలికలపై అఘాయిత్యాలు జరిగితే మూడో కంటికి తెలియకుండా గ్రామ పెద్దలతో పంచాయితీ పెట్టి జరిమానాలు, చిన్నపాటి శిక్షలు వేసి వదిలేసేవారు. కానీ ఇటీవల పోక్సో చట్టాన్ని పకడ్బందీగా అమలు చేస్తూ బాలికలపై అఘాయిత్యాలు జరిగిన వెంటనే సాక్ష్యాధారాలను పకడ్బందీగా సేకరించి కోర్టు ఎదుట ఉంచుతున్నారు. ఫలితంగా బాధితులకు సరైన న్యాయం జరుగుతుంది. విస్తృతంగా అవగాహన బాలికలకు క్షేత్రస్థాయి నుంచే సరైన అవగాహన కల్పించాలనే ఉద్దేశంతో జిల్లా పోలీస్‌ ఉన్నతాధికారులు ప్రత్యేకంగా ‘పోలీస్‌ అక్కా’ అనే కార్యక్రమాన్ని రూపొందించారు. ఇందులో భాగంగా విద్యార్థినులకు గుడ్‌ టచ్‌, బ్యాడ్‌టచ్‌తో పాటు చట్టాలపై విస్తృతంగా అవగాహన కల్పిస్తున్నారు. ఇందుకోసం ప్రత్యేకంగా మహిళా కానిస్టేబుళ్లను ఎంపిక చేసి వారికి ప్రత్యేక శిక్షణ ఇచ్చారు. ప్రతి పోలీస్‌స్టేషన్‌కు ఒకరి చొప్పున నియమించారు. ఆ పోలీస్‌స్టేషన్‌ పరిధిలోని హైస్కూల్స్‌, ఇంటర్‌, డిగ్రీ కాలేజీలలో ప్రత్యేకంగా అవగాహన సదస్సులు ఏర్పాటు చేసి విద్యార్థినులకు అవగాహన కల్పిస్తున్నారు. అసభ్యంగా తాకడం, మాట్లాడటం సైతం పోక్సో పరిధిలోకి వస్తుందని వివరిస్తున్నారు. ప్రేమ, స్నేహం ముసుగులో లైంగికంగా వేధించినా, దాడి చేసినా వెంటనే ఉన్నతాధికారులకు ఫిర్యాదు చేయాలని సూచిస్తున్నారు. 2 నుంచి 20 ఏళ్ల వరకు పోక్సో కేసులో గత ఏడాదిన్నర కాలంగా 27 కేసుల్లో 28 మంది నిందితులకు కేసు తీవ్రతను బట్టి 2 నుంచి 20 ఏళ్ల వరకు కఠిన కారాగార శిక్షలు పడ్డాయి. అంతే కాకుండా రూ. 10 వేల నుంచి రూ. 2 లక్షల వరకు జరిమానాను న్యాయస్థానం విధించింది. నిందితులకు శిక్ష పడేలా సాంకేతక ఆధారంగా పకడ్బందీ సాక్ష్యాధారాల సేకరణలో పోలీస్‌ సిబ్బంది వ్యవహరించిన తీరు హర్షనీయం. వీరికి జిల్లా పోలీస్‌బాస్‌ ప్రత్యేకంగా రివార్డులు, అవార్డులు అందిస్తూ ప్రోత్సహిస్తున్నారు.

పాపన్నపేట(మెదక్‌): దేవి శరన్నవరాత్రోత్సవాల్లో భాగంగా ఏడుపాయల వన దుర్గమ్మ శుక్రవారం సరస్వతీ దేవి అలంకారంతో భక్తులకు దర్శనమిచ్చారు. అర్చకులు అమ్మవారిని తెలుపు రంగు వస్త్రాలతో అలంకరించి వీణాధారిణిగా తీర్చిదిద్దారు. గోకుల్‌షెడ్‌లో అమ్మవారి ఉత్సవ విగ్రహానికి పూజలు నిర్వహించారు. వివిధ ప్రాంతాల నుంచి తరలివచ్చిన భక్తులు పూజలు నిర్వహించి తీర్థప్రసాదాలు స్వీకరించారు. చిన్నారులకు అర్చకులు అక్షరాభ్యాసం చేయించారు. భక్తులకు ఎలాంటి ఇబ్బందులు కలుగకుండా ఈఓ వీరేశం ఏర్పాట్లు చేశారు. ఎమ్మెల్యే సునీతారెడ్డి నర్సాపూర్‌: రాష్ట్రంలో వ్యవసాయ రంగానికి సరిపడా కరెంటు ఇవ్వలేని అసమర్థ ప్రభుత్వం అధికారంలో ఉందని ఎమ్మెల్యే సునీతారెడ్డి విమర్శించారు. శుక్రవారం ఆమె మాట్లాడుతూ.. పంటలు నష్టపోయిన రైతులను ఆర్థికంగా ఆదుకోవాలని డిమాండు చేశారు. కరెంటు సరిపడా రానందున పంటలు ఎండిపోతున్నాయని విచారం వ్యక్తం చేశారు. రైతులు వ్యవసాయంలో పెట్టిన పెట్టుబడులు వృథా అయ్యే పరిస్థితులు ఏర్పడ్డాయని మండిపడ్డారు. కేసీఆర్‌ హయాంలో భద్రాది, యాదాద్రి థర్మల్‌ విద్యుత్‌ ప్రాజెక్టుల ద్వారా విద్యుత్‌ రంగాన్ని బలోపేతం చేసి అన్నివర్గాల ప్రజలకు సరిపడా కరెంట్‌ సరఫరా చేశారని గుర్తుచేశారు. ముందస్తు ప్రణాళిక లేనందున కరెంటు కొరత ఏర్పడిందన్నారు. సింగరేణిలో జరిగాయన్న ఆరో పణలపై సమగ్ర విచారణ జరిపించాలని డిమాండ్‌ చేశారు. నర్సాపూర్‌: హోటళ్లు, రెస్టారెంట్లలో నాణ్యతా ప్రమాణాలు పాటించాలని మున్సిపల్‌ కమిషనర్‌ సాయికుమార్‌ అన్నారు. శుక్రవారం ఆయన పట్టణంలోని పలు హోటళ్లలో తనిఖీలు చేసి మాట్లాడారు. హోటళ్లలోని కిచెన్‌, స్టోర్‌ రూం, ఇతర గదులు, పరిసరాలు పరిశుభ్రంగా ఉంచుకోవాలని చెప్పారు. నాణ్యమైన పదార్థాలు వినియోగించి వంటలు చేయాలని, లేని పక్షంలో చర్యలు తీసుకుంటామని హెచ్చరించారు. ఆయన వెంట మున్సిపల్‌ ఇన్‌చార్జి సానిటరీ ఇన్‌స్పెక్టర్‌ మురళీమోహన్‌, వార్డు ఆఫీసర్లు ఉదయ్‌, ప్రవీణ్‌, నాగేంద్రబాబు తదితరులు ఉన్నారు. ఇదిలాఉండగా బస్టాండ్‌ ఎదురుగా ఉన్న సిటీ ప్యాలెస్‌లోని వంట గది, పరిసరాలు అపరిశుభ్రంగా ఉండడంతో రూ. 2 వేల జరిమానా విధించి నోటీస్‌ అందచేశారు. రామాయంపేట(మెదక్‌): పట్టణంలోని సన్‌ రిచ్‌ చిల్డ్రన్‌ ఆస్పత్రిలో చికిత్స పొందుతూ బాలిక మృతి చెందిన కేసులో వైద్యాశాఖ అధికారులు శుక్రవారం విచారణ జరిపారు. డీఎంహెచ్‌ఓ ఆదేశాల మేరకు ప్రగతి ధర్మారం పీహెచ్‌సీ వైద్యురాలు హరిప్రియ ఆస్పత్రిలో విచారణ జరిపి, బాలిక చికిత్సకు సంబంధించిన ప్రిస్కిప్షన్‌, మందులను పరిశీలించారు. విచారణలో తేలిన అంశాలను డీఎంహెచ్‌కు నివేదించినట్లు తెలిపారు. ఆమె వెంట ఆస్పత్రి ఉద్యోగులు ఉన్నారు.

కేటీఆర్‌, హరీశ్‌రావుపై జిల్లా ఇన్‌చార్జి మంత్రి వివేక్‌ ఫైర్‌ తూప్రాన్‌: ప్రపంచవ్యాప్తంగా ఎల్‌నినో ప్రభావంతో ఎండల తీవ్రత పెరిగి ప్రజలు ఇబ్బంది పడుతుంటే, రాష్ట్రంలో కాంగ్రెస్‌ ప్రభుత్వం వల్లే ఎండలు పెరిగాయంటూ బీఆర్‌ఎస్‌ నాయకులు హరీశ్‌రావు, కేటీఆర్‌ దుష్ప్రచారం చేస్తున్నారని జిల్లా ఇన్‌చార్జి మంత్రి వివేక్‌ తీవ్ర ఆగ్రహం వ్యక్తం చేశారు. శుక్రవారం తూప్రాన్‌్‌లో పీఏసీఎస్‌ నూతన చైర్మన్‌గా ప్రమాణ స్వీకారం చేసిన ఉమ్మన్నగారి భాస్కర్‌రెడ్డితో పాటు నూతన డైరెక్టర్లను మంత్రి సన్మానించి మాట్లాడారు. తమ రాజకీయ ఆధిపత్యం కోసమే తప్పుడు ప్రచారాలు చేస్తున్నారని మండిపడ్డారు. వారి మాటలు నమ్మి ప్రజలు ఎవరూ మోసపోవద్దని సూచించారు. సీఎం రేవంత్‌ రెడ్డి అసెంబ్లీలో బీఆర్‌ఎస్‌ నాయకుల అవినీతిని ప్రజల ముందు బయటపెట్టిన విషయాన్ని మంత్రి గుర్తు చేశారు. కేవలం కమిషన్ల కక్కుర్తి కోసమే హరీశ్‌రావు సిద్దిపేటలో 1000 పడకల ఆస్పత్రి కట్టారని ఆరోపించారు. మల్లన్నసాగర్‌ బ్యారేజ్‌లో 51 టీఎంసీల నీరు నిల్వ ఉండేలా నిర్మించినా, ప్రస్తుతం కేవలం 20 టీఎంసీలకే పరిమితమైందని విమర్శించారు. ఈ ప్రాజెక్టు నిర్మాణంలో దాదాపు రూ.10 వేల కోట్ల మేర అవినీతి జరిగిందని ఆరోపించారు. నాయకులు, కార్యకర్తలు అంతర్గత విభేదాలు పక్కన పెట్టి కాంగ్రెస్‌ బలోపేతానికి కృషి చేయాలని సూచించారు. రాబోయే రోజుల్లో గజ్వేల్‌ నియోజకవర్గంలో కాంగ్రెస్‌ జెండాను రెపరెపలాడించాలని పిలుపునిచ్చారు. ఇందుకోసం ప్రభుత్వం ప్రతిష్టాత్మకంగా అమలు చేస్తున్న ఆరు గ్యారెంటీలను ప్రజల్లోకి తీసుకెళ్లాలని కేడర్‌కు దిశానిర్దేశం చేశారు. కార్యక్రమంలో కాంగ్రెస్‌ జిల్లా అధ్యక్షుడు ఆంజనేయులు గౌడ్‌, మహిపాల్‌రెడ్డి, వివిధ గ్రామాల ప్రజా ప్రతినిధులు, ముఖ్య నాయకులు పాల్గొన్నారు.

పంచాయతీరాజ్‌, గ్రామీణాభివృద్ధి శాఖల డిప్యూటీ కమిషనర్‌ పీజే వెస్లీనర్సాపూర్‌ రూరల్‌: మండలంలోని ఎల్లారెడ్డిగూడ పంచాయతీని ఆదర్శంగా తీసుకోవాలని ఇతర గ్రామాల సర్పంచ్‌లు, కార్య దర్శులకు పంచాయతీరాజ్‌, గ్రామీణాభివృద్ధి శాఖల డిప్యూటీ కమిషనర్‌ పీజే వెస్లీ సూచించారు. శుక్రవారం గ్రామాన్ని సందర్శించారు. సర్పంచ్‌ బిక్యా నాయక్‌తో పాటు కార్యదర్శి పనితీరు బాగుందన్నా రు. ముందుగా పంచాయతీ పరిధిలోని అన్ని వీధుల్లో పర్యటించి పారిశుద్ధ్య పనులు, చెత్త సేకరణ, డంపింగ్‌ యార్డ్‌లో కంపోస్టింగ్‌ యూనిట్‌, పల్లె ప్రకృతి వనం, నర్సరీ నిర్వహణ వంటి పనులను ప్రత్యక్షంగా పరిశీలించారు. అనంతరం పంచాయతీలో రికార్డుల నిర్వహణ, 15వ ఆర్థిక సంఘం నిధులకు సంబంధించిన చెల్లింపుల ప్రక్రియ, పంచాయతీ సమగ్ర అభివృద్ధి ప్రణాళిక అమలుతో పాటు పంచాయతీ ఆస్తుల పరిరక్షణ, రికార్డుల నిర్వహణను పరిశీలించి అభినందించారు. అనంతరం సర్పంచ్‌ను సన్మానించారు. కార్యక్రమంలో డీపీఓ యాదయ్య, డీఎల్‌పీఓ సురేశ్‌బాబు, ఎంపీఓ హుస్సేన్‌ తదితరులు పాల్గొన్నారు.

మెదక్‌ కలెక్టరేట్‌: తెలంగాణ సంస్కృతి, సంప్రదాయాలకు అద్దం పట్టే బోనాలు, బతుకమ్మ పండుగల ఔనత్యాన్ని భావితరాలకు అందించాలని కలెక్టర్‌ ప్రతిమాసింగ్‌ అన్నారు. శుక్రవారం కలెక్టరేట్‌లో బతుకమ్మ సంబురాలు ఘనంగా నిర్వహించారు. ఈసందర్భంగా ఆయా శాఖలలోని మహిళా ఉద్యో గులు రంగు రంగుల పూలతో అందమైన బతుకమ్మలు తయారు చేసుకొని వచ్చారు. గౌరిమాతకు కలెక్టర్‌ ప్రతిమాసింగ్‌ పూజలు వేడుకలను ప్రారంభించారు. ఈసందర్భంగా కలెక్టర్‌తోపాటు మహిళా ఉద్యోగులు, ఇతర మహిళలు బతుకమ్మ పాటలకనుగుణంగా నృత్యాలతో సందడి చేశారు. అనంతరం కలెక్టర్‌ మాట్లాడుతూ.. మహిళలను శక్తి స్వరూపిణులుగా గౌరవించే గొప్ప సంస్కృతి తెలంగాణ సొంతమన్నారు. అందమైన బతుకమ్మలు తయారు చేసిన డీఆర్డీఓ శాఖకు మొదటి బహుమతి, డీడబ్ల్యూఓకు ద్వితీయ బహుమతి, ఇంటర్మీడియెట్‌ శాఖకు తృతీయ బహుమతి అందజేశారు. కార్యక్రమంలో అదనపు కలెక్టర్‌ నగేశ్‌, డీఆర్డీఓ పీడీ శ్రీనివాసరావు, డీడబ్ల్యూఓ హేమభార్గవి, మెప్మా పీడీ హన్మంతరావుతో పాటు ఆయాశాఖల మహిళా ఉద్యోగులు, మెప్మా సిబ్బంది పాల్గొన్నారు. పూజలు చేసి ఆడిపాడిన కలెక్టర్‌ ప్రతిమాసింగ్‌

మెదక్‌ కలెక్టరేట్‌: జిల్లాలో కేంద్రీయ విద్యాలయం ఏర్పాటు చేసేందుకు అవసరమైన భవనాలు, స్థలాలను గుర్తించే ప్రక్రియ చేపట్టినట్లు అదనపు కలెక్టర్‌ నగేశ్‌ తెలిపారు. ఇందులోభాగంగా బుధవారం మెదక్‌ ప్రభుత్వ బాలికల డిగ్రీ కళాశాలతోపాటు పలు ప్రాంతాలను అదనపు కలెక్టర్‌ నగేశ్‌ జిల్లా విద్యాశాఖ అధికారి రాజు విద్యాశాఖ కో ఆర్డినేటర్‌ రాజు పరిశీలించారు. ఈ సందర్భంగా జిల్లా అదనపు కలెక్టర్‌ నగేశ్‌ మాట్లాడుతూ..మెదక్‌ పట్టణంలోని ధ్యాన్‌చంద్‌ సర్కిల్‌ సమీపంలో ఉన్న ప్రభుత్వ ఆర్ట్‌ డిగ్రీ కళాశాలను సందర్శించామన్నారు. కేంద్రీయ విద్యాలయం ఏర్పాటుకు సంబంధించి అందుబాటులో ఉన్న భవనాలు, స్థలాలను పరిశీలించారు. విద్యార్థులకు నాణ్యమైన విద్యను అందించడంతోపాటు, జిల్లాలో విద్యా అవకాశాలను మరింత విస్తరించేందుకు కేంద్రీయ విద్యాలయం ఏర్పాటు కీలకంగా నిలుస్తుందన్నారు. స్థల పరిశీలన చేసిన అదనపు కలెక్టర్‌

జిల్లా వ్యాప్తంగా పలు రకాల పింఛన్లు 1.5 లక్షలపైచిలుకున్నాయి. వీరికి ప్రతినెలా రూ.24 కోట్లు పంపిణీ చేస్తున్నారు. కాగా, గత 2022లో ఆఖరిసారి పింఛన్ల పథకం మంజూరు చేయగా ఇప్పటికి నాలుగేళ్లవుతున్నా, కొత్త పింఛన్లు మంజూరు చేయటంలేదు. ఈ ఏడాది దసరాకు కొత్తపింఛన్లు ఇస్తామంటూ ప్రభుత్వం ప్రకటించి అర్హులైన వారినుంచి ఆన్‌లైన్‌ ద్వారా దరఖాస్తులను స్వీకరించగా జిల్లావ్యాప్తంగా ఆన్‌లైన్‌ ద్వారా 12,357 మంది దరఖాస్తులు చేసుకోగా, ఆఫ్‌లైన్‌ ద్వారా 175 మంది దరఖాస్తులు చేసుకున్నారు. మొత్తం 12,532 మంది లబ్ధిదారులు నూతన పింఛన్ల కోసం దరఖాస్తులు చేసుకున్నారు. వారిలో వితంతు, ఒంటరి, దివ్యాంగులు, పైలేరియా, బోదకాలు, చేనేత, గీత కార్మికులు కలిపి మొత్తం 7 రకాల పింఛన్‌ దారులు దరఖాస్తులు చేసుకున్నప్పటికీ వారికి ఎప్పటి నుంచి పింఛన్లు మంజూరు చేస్తారనేది తెలియడంలేదు. వృద్ధాప్య పింఛన్‌కు నోఛాన్స్‌! నాలుగేళ్ల నుంచి కొత్తవారికి పింఛన్లు ఇవ్వకపోగా ప్రస్తుతం ఆగస్టు నుంచి సెప్టెంబర్‌ వరకు నెలరోజులపాటు పింఛన్లకు అర్హులైన కొత్తవారు దరఖాస్తులు చేసుకోవాలంటూ ప్రభుత్వం ప్రకటించింది. అందులో వృద్ధాప్య పింఛన్‌దారులకు అవకాశం ఇవ్వకపోవటంతో ఎంతోమంది వృద్ధులు ఆవేదన చెందుతున్నారు. బీఆర్‌ఎస్‌ పాలనలో 2022లో 57 ఏళ్లు నిండిన వారికి వృద్ధాప్య పింఛన్‌ ఇచ్చారు. నాలుగేళ్ల కాలంలో 57 ఏళ్లు నిండిన వారు 15 వేలపైచిలుకు మంది ఉన్నట్లు తెలిసింది. వారందరూ తాము దరఖాస్తు చేసుకునేందుకు అవకాశం ఇవ్వక పోవటం ఎంతవరకు సమంజసమని ఆవేదన చెందుతున్నారు. నాలుగేళ్లుగా ఆసరా, కొత్త పింఛన్ల మంజూరు లేక అర్హులైన ఎంతోమంది లబ్ధిదారులకు ఎదురుచూపులు తప్పటంలేదు. అర్హులందరికీ దసరా నుంచి ఆసరా పింఛన్లు ఇస్తామంటూ ఆగస్టు 15 నుంచి సెప్టెంబర్‌ 15 వరకు నెలరోజుల పాటూ ఆన్‌లైన్‌ దరఖాస్తులకు అవకాశం ఇవ్వగా జిల్లాలో 12 వేల పైచిలుకుమంది దరఖాస్తులు చేసుకోగా, వృద్ధాప్య పింఛన్‌కు అవకాశం ఇవ్వకపోవటంతో ఆందోళన చెందుతున్నారు. దరఖాస్తు దారులకు సైతం పింఛను ఎప్పటి నుంచి మంజూరు చేస్తారనేది స్పష్టతలేదు. – మెదక్‌జోన్‌తమకెలాంటి ఆదేశాలు రాలేదు! జిల్లాలో కొత్తగా 12,532 మంది కొత్తగా పింఛన్‌లకు దరఖాస్తులు చేసుకున్నారు. ఇందులో వృద్ధాప్య పింఛన్‌దారులకు అవకాశం లేదు. కాగా, నూతన దరఖాస్తుదారులకు ఎప్పటి నుంచి పింఛన్లు మంజూరవుతాయనే విషయంపై మాకు సమాచారం లేదు. –భీమయ్య, డీపీఎం దసరా పండక్కి లేనట్టే...! కొత్తగా వచ్చిన దరఖాస్తులు 12,532 వృద్ధాప్య పింఛన్లకు నో అప్లికేషన్‌ నాలుగేళ్లుగా తప్పని ఎదురుచూపులు

పాపన్నపేట(మెదక్‌): దేవీశరన్నవరాత్రోత్సవాల్లో భాగంగా బుధవారం ఏడుపాయల వన దుర్గమ్మ భక్తులకు శ్రీమహాచండీ అలంకారంతో దర్శనమిచ్చారు. అర్చకులు శంకరశర్మ,పార్థివశర్మ అమ్మవారిని ఆకుపచ్చ వస్త్రాలతో అలంకరించారు. గోకుల్‌ షెడ్డులో ఉత్సవ విగ్రహానికి ఉదయం, సాయంత్రం వేద బ్రహ్మణులు పూజలు చేసి భక్తులకు తీర్థ ప్రసాదాలు అందజేశారు. అనంతరం అన్నదానం నిర్వహించారు. భక్తులకు ఇబ్బంది కలుగకుండా ఈఓ వీరేశం ఏర్పాట్లు చేశారు. గురువారం ఉదయం 11 గంటలకు ఏడుపాయల్లో బోనాలు తీయనున్నట్లు ఈఓ తెలిపారు. నర్సాపూర్‌: నర్సాపూర్‌లోని శ్రీ వాసవీ కన్యకాపరమేశ్వరీమాత బుధవారం అన్నపూర్ణ దేవిగా భక్తులకు దర్శనమిచ్చారు. దేవి శరన్నవరాత్రులను పురస్కరించుకుని స్థానిక శ్రీ వాసవీ కన్యకాపరమేశ్వరీమాత ఆలయంలో ప్రత్యేక పూజలు చేస్తున్నారు. పూజలలో భాగంగా శ్రీ అన్నపూర్ణ మాతగా అలంకరించి పూజలు చేశారు.

చేగుంట(తూప్రాన్‌): చివరి దశలో ఉన్న వరికి నీటిని అందించేందుకు నిరంతర విద్యుత్‌ అందించాలని మక్కరాజీపేట గ్రామంలో బుధవారం రైతులు గజ్వేల్‌–చేగుంట రహదారిపై రస్తారోకో చేశారు. ఈ సందర్భంగా రైతులు మాట్లాడుతూ..వ్యవసాయ పొలాలకు ఆరు గంటలే విద్యుత్‌ను అందిస్తుండటంతో చివరి దశలో ఉన్న వరిపంటలు ఎండిపోయే పరిస్థితి ఏర్పడిందన్నారు. ఆరుగంటల విద్యుత్‌ సైతం మధ్యలో అంతరాయమేర్పడుతుండటంతో పొలాలకు నీటిని అందించలేకపోతున్నట్లు తెలిపారు. చేగుంట ఎస్‌ఐ చైతన్యకుమార్‌రెడ్డి సంఘటన స్థలానికి చేరుకుని నిరసన విరమించాలని కోరగా విద్యుత్‌ శాఖ అధికారులు వచ్చేవరకు రాస్తారోకో విరమించేది లేదని రైతులు స్పష్టం చేశారు. విద్యుత్‌ అధికారులు రామాయంపేట ఏడీఏ ఆదయ్య, ఏఈ వెంకటఅప్పారెడ్డి సంఘటన స్థలానికి చేరుకొని ఉన్నతాధికారులతో మాట్లాడి నాణ్యమైన విద్యుత్‌ అందిస్తామని హామీనివ్వడంతో రైతులు నిరసన విరమించారు. కార్యక్రమంలో రైతులు రాజిరెడ్డి, రమేశ్‌, శ్రీనివాస్‌, సత్తిరెడ్డి, శ్రీశైలం, శ్రీనివాస్‌, యాదిరెడ్డితో పాటు గ్రామ రైతులు పాల్గొన్నారు.

మెదక్‌ కలెక్టరేట్‌: జిల్లాలో సహకారశాఖ ఆధ్వర్యంలో 448 వరి ధాన్యం కొనుగోలు కేంద్రాలు ఏర్పాటు చేసినట్లు జిల్లా సహకార శాఖ అధికారి పద్మ వెల్లడించారు. బుధవారం ఆమె విలేకరులతో మాట్లాడుతూ...ఇప్పటికే జిల్లాలో 37 సహకార సంఘాల పరిధిలో కొనుగోలు కేంద్రాలు ప్రారంభించడం జరిగిందన్నారు. జిల్లాలో నెలకొన్న వర్షాభావ పరిస్థితులు, ఎల్‌నినో ప్రభావంతో గతంలోకంటే ఎక్కువగా వరిధాన్యం వచ్చే అవకాశాలు కనిపించడం లేదని తెలిపారు. ప్రస్తుతం రైతులంతా నవరాత్రి ఉత్సవాల్లో నిమగ్నమై ఉన్నారని, దసరా తర్వాత కొనుగోలు కేంద్రాలకు ధాన్యం వస్తుందని తెలిపారు. అన్ని కొనుగోలు కేంద్రాల్లోనూ టార్పలిన్లు, గన్నీ బ్యాగ్స్‌లు సిద్ధంగా ఉంచామని తెలిపారు. అలాగే తూర్పార మిషన్లు కూడా అందుబాటులో ఉంచినట్లు వెల్లడించారు. కొనుగోలు కేంద్రాలకు వచ్చే రైతులకోసం కనీస వసతులు కల్పిస్తున్నట్లు చెప్పారు. ప్రభుత్వం సూచించిన ఏడు రకాల సన్నధాన్యానికి ప్రభుత్వం బోనస్‌ ఇస్తుందని తెలిపారు. సన్నరకం ధాన్యాన్ని గుర్తించేందుకు బీఎస్సీ అగ్రికల్చర్‌ విద్యార్థులకోసం నోటిఫికేషన్‌ వేసినప్పటికీ ఎవరూ రాలేదని తెలిపారు. పీఏసీఎస్‌ పరిధిలో గల సాంకేతిక నిపుణులైన సిబ్బందికి సన్నరకం వరిధాన్యాన్ని గుర్తించే శిక్షణనిస్తున్నట్లు తెలిపారు. వారి ద్వారానే సన్నరకం ధాన్యాన్ని గుర్తించాలని ప్రభుత్వం నిర్ణయించినట్లు చెప్పారు. రైతులు దళారులను నమ్మి మోసపోకుండా కొనుగోలు కేంద్రాల్లోనే ధాన్యాన్ని విక్రయించుకోవాలని సూచించారు. ధాన్యం విక్రయించిన 48గంటల్లోనే డబ్బులు వేసేందుకు ప్రభుత్వం అన్ని రకాల చర్యలు చేపడుతున్నట్లు వివరించారు. జిల్లా సహకారశాఖ అధికారి పద్మ

జిల్లా యువజన క్రీడల శాఖ అధికారి రమేశ్‌ తూప్రాన్‌: పట్టణంలో మినీ స్టేడియం నిర్మాణానికి కేటాయించిన స్థలాన్ని జిల్లా యువజన క్రీడల శాఖ అధికారి గంగాల రమేశ్‌ బుధవారం పరిశీలించారు. జిల్లా కలెక్టర్‌ ప్రతిమాసింగ్‌ ఆదేశాల మేరకు స్థానిక ఆర్డీఓ బావయ్యతో కలిసి ఆయన క్షేత్రస్థాయిలో పర్యటించారు. పట్టణంలోని డబుల్‌ బెడ్రూం ఇళ్ల సమీపంలోని సర్వే నంబర్‌ 325లో మినీ స్టేడియం నిర్మాణం కోసం ప్రభుత్వం గతంలోనే 4.20 ఎకరాల స్థలాన్ని కేటాయించిన విషయాన్ని గుర్తుచేశారు. త్వరలోనే నిర్మాణ పనులకు సంబంధించిన టెండర్ల ప్రక్రియను ప్రారంభించేందుకు అవసరమైన చర్యలు తీసుకుంటామని వెల్లడించారు. నర్సాపూర్‌ పట్టణంలో రూ.2.65 కోట్ల నిధులతో నిర్మించనున్న మినీ స్టేడియానికి సంబంధించిన టెండర్ల ప్రక్రియ ప్రస్తుతం ప్రారంభ దశలో ఉందన్నారు. అలాగే రామాయంపేటలో మినీ స్టేడియం నిర్మాణం కోసం స్థల సేకరణ జరగాల్సి ఉందని వివరించారు. త్వరలోనే జిల్లా వ్యాప్తంగా ఈ మినీ స్టేడియాలు అందుబాటులోకి వస్తే గ్రామీణ ప్రాంత క్రీడాకారులకు ఎంతో మేలు జరుగుతుందని ఆశాభావం వ్యక్తం చేశారు. గ్రామీణ యువతలోని ప్రతిభను వెలికితీసి, వారిని రాష్ట్ర, జాతీయ స్థాయి క్రీడల్లో పాల్గొనేలా తీర్చిదిద్దేందుకు ఈ స్టేడియాలు ఎంతగానో ఉపయోగపడతాయన్నారు.

కలెక్టర్‌ ప్రతిమాసింగ్‌ మెదక్‌ కలెక్టరేట్‌: జిల్లాలో ఈనెల 15, 16 తేదీల్లో ప్రత్యేక ఓటరు నమోదు క్యాంపులు నిర్వహించనున్నట్లు జిల్లా ఎన్నికల అధికారి, కలెక్టర్‌ ప్రతిమాసింగ్‌ బుధవారం ఓ ప్రకటనలో స్పష్టం చేశారు. భారత ఎన్నికల సంఘం ఆదేశాల మేరకు అర్హులైన ప్రతి ఒక్కరికీ ఓటు హక్కు కల్పించే లక్ష్యంతో ఈ కార్యక్రమం చేపడుతున్నట్లు తెలిపారు. ముసాయిదా ఓటరు జాబితాలో పేర్లు లేని అర్హులైన పౌరులు, గతంలో ఓటరు జాబితాలో పేరు నమోదు కాని వారు, తొలిసారిగా ఓటు హక్కు పొందనున్న యువత ఈ అవకాశాన్ని సద్వినియోగం చేసుకోవాలని సూచించారు. బూత్‌స్థాయి అధికారులతోపాటు గుర్తింపు పొందిన రాజకీయ పార్టీల బూత్‌స్థాయి ఏజెంట్లు అందుబాటులో ఉంటారని తెలిపారు. ఓటరు నమోదు ప్రక్రియకు సంబంధించి అవసరమైన మార్గదర్శకాలు, సహాయాన్ని వారు అందిస్తారని పేర్కొన్నారు. ప్రత్యేక క్యాంపులను వినియోగించుకుని ఓటరు జాబితాలో తమ పేర్లను నమోదు చేసుకోవాలని తెలిపారు. నర్సాపూర్‌: ఈనెల 15నాడు డయల్‌ యువర్‌ డీఎం కార్యక్రమం ఏర్పాటు చేసినట్లు స్థానిక ఆర్‌టీసీ డిపో మేనేజర్‌ రాంమోహన్‌ తెలిపారు. గురువారం ఉదయం 11 గంటల నుంచి 12 గంటల వరకు కార్యక్రమం ఉంటుందని చెప్పారు. నర్సాపూర్‌తోపాటు చుట్టు పక్కల ప్రజలు ఆర్‌టీసీకి సంబంధించిన సమస్యలు ఉంటే తన దృష్టికి తేవాలని ఆయన కోరారు. మెదక్‌ కలెక్టరేట్‌: జిల్లా కేంద్రమైన మెదక్‌లోని ప్రభుత్వ ఐటీఐ, ఏటీసీ కేంద్రాల్లో నేడు ఆఖరి దశ అడ్మిషన్లు నిర్వహిస్తున్నట్లు ప్రిన్సిపాల్‌ శ్రీనివాసులు బుధవారం ఒక ప్రకటనలో పేర్కొన్నారు. జిల్లాలోని విద్యార్థులు ఈ అవకాశాన్ని సద్వినియోగం చేసుకోవాలని సూచించారు. విద్యార్థులు 8వ తరగతి లేదా 10వ తరగతి ఉత్తీర్ణత సాధించి ఉండాలన్నారు. అడ్వాన్స్‌ సీఎన్‌సీ మిషనింగ్‌ టెక్నీషియన్‌(1), అడ్వాన్స్‌డ్‌ టూల్స్‌(2), బేసిక్‌ డిజైన్స్‌ అండ్‌ వర్టికల్‌ వెరిఫైర్‌(1), బేసిక్‌ డిజైన్స్‌–(1), మాన్యుఫ్యాక్చరింగ్‌ ప్రాసెస్‌ కంట్రోల్‌ అండ్‌ ఆటోమెషీన్‌(5) సీట్లు ఖాళీగా ఉన్నట్లు పేర్కొన్నారు. జిల్లా అధ్యక్షుడు పూనా రవిచారి మెదక్‌ కలెక్టరేట్‌: ప్రభుత్వం స్వర్ణకార వృత్తిని పరిరక్షణకు చర్యలు చేపట్టాలని స్వర్ణకార సంఘం జిల్లా అధ్యక్షుడు పూనా రవిచారి డిమాండ్‌ చేశారు. బుధవారం మెదక్‌జిల్లా కేంద్రంలో స్వర్ణకారుల సంఘ సమావేశం నిర్వహించారు. ఈ సందర్భంగా పూనరవి మాట్లాడుతూ.. ఈ నెల 24న చేపట్టే స్వర్ణకార శంఖారావం పేరిట హైదరాబాద్‌ భారీ బహిరంగ సభకు జిల్లాలోని స్వర్ణకారులంతా తరలివచ్చి విజయవంతం చేయాలని కోరారు. అలాగే స్వర్ణకారుల సంక్షేమానికి ప్రత్యేక కార్పోరేషన్‌ ఏర్పాటు చేయాలని ప్రభుత్వాన్ని డిమాండ్‌ చేశారు. జీఓ నం 272ను సవరణ చేసి అక్రమ రికవరీలను అరికట్టాలన్నారు. 50 ఏళ్లు నిండిన స్వర్ణకారులకు రూ.5 వేల పెన్షన్‌ ఇవ్వాలన్నారు. అనంతరం స్వర్ణకార శంఖారావం పోస్టర్‌ ఆవిష్కరించారు. సమావేశంలో రాష్ట్ర కోశాధికారి వెంకట్‌చారి, జిల్లా కార్యదర్శి దామోదర చారి, రాష్ట్ర కార్యదర్శి సతీశ్‌చారి, శ్రీనివాస్‌చారి పాల్గొన్నారు.

పెద్దశంకరంపేట(మెదక్‌): గ్రామీణాభివృద్ధి విభాగంలో పనిచేస్తున్న వీబీజీరాంజీ ఫిక్స్‌డ్‌ టెన్యూర్‌ ఎంప్లాయిస్‌(ఎఫ్‌టీఈ)లకు రాష్ట్ర ప్రభుత్వం దసరా కానుక ప్రకటించింది. ఎన్నో ఏళ్లుగా పెండింగ్‌లో ఉన్న గ్రాట్యుటీ సమస్యకు ప్రభుత్వం పరిష్కారం చూపింది. ఈ సమస్యకు ముగింపు పలుకుతూ ఉద్యోగులకు గ్రాట్యుటీ ప్రయోజనాలు వర్తింపజేసేందుకు అనుమతిచ్చింది. ఈ మేరకు ఇటీవలే పంచాయతీరాజ్‌, గ్రామీణాభివృధ్దిశాఖ జీఓ విడుదల చేసింది. ఈ నిర్ణయంతో రాష్ట్రవ్యాప్తంగా 3,800 మంది ఉద్యోగులకు, జిల్లాలో పనిచేస్తున్న 112 మంది ఉద్యోగులకు పదవీవిరమణ సమయంలో ఆర్థిక భరోసా లభించనుంది. గ్రామీణాభివృద్ధి సంస్థ (ఎస్‌ఆర్‌డీఎస్‌) పరిధిలో పనిచేస్తున్న అర్హులైన ఫిక్స్‌డ్‌ టెన్యూర్‌ ఉద్యోగులకు గ్రాట్యుటీ ప్రయోజనాలు లభించనున్నాయి. గతంలో సెర్ప్‌ పరిధిలోని ఎఫ్‌టీఈలకు అందుతున్న ప్రయోజనాలకు అనుగుణంగా ఈ నిర్ణయాన్ని ప్రభుత్వం తీసుకుంది. జిల్లావ్యాప్తంగా 112 మంది ఉద్యోగులు జిల్లావ్యాప్తంగా 21 మండలాల పరిధిలో వీబీజీ రాంజీలో 112 మంది ఉద్యోగులు పనిచేస్తున్నారు. ఇందులో 14 మంది ఏపీఓ(అడిషనల్‌ ప్రోగ్రాం ఆఫీసర్‌)లు, టెక్నికల్‌ అసిస్టెంట్‌లు 58 మంది, ఇంజనీరింగ్‌ కన్సల్టెన్సీ, జీఈ సివిల్‌ 9 మంది, అడిషనల్‌ డీఆర్‌పీ 1, ఏపీడీ 1, హెచ్‌ఆర్‌ 1, ప్లాంటేషన్‌ మేనేజర్‌లు 1, కంప్యూటర్‌ ఆపరేటర్లు 27 మంది పనిచేస్తున్నారు. ఎఫ్‌టీఈ ఉద్యోగులకు ఆర్థిక ప్రయోజనం వీబీజీరాంజీలో పనిచేస్తున్న ఎఫ్‌టీఈలకు రిటైర్మెంట్‌ సమయంలో రూ.4 లక్షల గ్రాట్యుటీ, పదేళ్ల సర్వీసు పూర్తి చేసుకున్న వారికి సుమారు రూ.16 లక్షల మేర ప్రయోజనం చేకూరనుంది. ఎల్‌ఐసీ ఆఫ్‌ ఇండియా లేదా అర్హత కలిగిన బీమా సంస్థల ద్వారా గ్రూప్‌ గ్రాట్యుటీ, గ్రాట్యుటీ ఫండ్‌ ఏర్పాటు చేయాలని జీఓలో వివరించారు. దీనీ కోసం నెలకు రూ.1 కోటి వరకు ఆర్థిక వ్యయం అవుతుందని ప్రభుత్వం అంచనా వేసింది. ఇది రాష్ట్ర ప్రభుత్వ ఉద్యోగులకు ప్రస్తుతం వర్తిస్తున్న ప్రయోజనాలకు అనుగుణంగా ఉండేలా, చట్టపరమైన నిబంధనలకు లోబడి అమలు చేసేలా చర్యలు చేపట్టనున్నారు. ఉద్యోగుల సంక్షేమం, హక్కుల పరిరక్షణ, ఆత్మగౌరవానికి ప్రభుత్వం పెద్దపీట వేయడంతో వీబీజీరాంజీ ఉద్యోగులు హర్షం వ్యక్తం చేస్తున్నారు. ఏళ్ల తరబడి తమ సమస్యలపై వీబీజీరాంజీ ఉద్యోగులు పోరాటం చేస్తున్న సంగతి తెలిసిందే. కాగా, పలు సమస్యలు ప్రభుత్వం పరిష్కరించడంతో వారు ఆనందం వ్యక్తం చేస్తున్నారు. జిల్లావ్యాప్తంగా 112 మంది ఉద్యోగులకు గ్రాట్యుటీతో ఆర్థిక భరోసా సంతోషం వ్యక్తం చేస్తున్న ఉద్యోగులు

శివ్వంపేట(నర్సాపూర్‌): మండల కేంద్రమైన శివ్వంపేటలో నిర్వహిస్తున్న సంతలో సెల్‌ఫోన్లు చోరీకి గురవుతున్న విషయంపై ‘సాక్షి’దినపత్రికలో ప్రచురితమైన కథనానికి పోలీసు అధికారులు స్పందించారు. ఎస్సై మధుకర్‌ రెడ్డి బుధవారం శివ్వంపేటలో నిర్వహించిన సంతలో ఇద్దరు కానిస్టేబుళ్లతో నిఘా ఏర్పాటు చేశారు. శివ్వంపేటతోపాటు గోమారం, కొత్తపేట చౌరస్తా వద్ద నిర్వహిస్తున్న వారంతపు సంతలో సైతం చోరీల నియంత్రణకు ఇద్దరు కానిస్టేబుళ్లతో పర్యవేక్షించేలా చర్యలు తీసుకున్నట్లు ఎస్‌ఐ మధుకర్‌రెడ్డి చెప్పారు. సంతల్లో పోలీస్‌ నిఘాకు కృషి చేసిన ‘సాక్షి’దినపత్రికకు ఈ సందర్భంగా వివిధ గ్రామాల ప్రజలు కృతజ్ఞతలు తెలిపారు.

సంగారెడ్డి జిల్లా న్యాయ సేవాధికార సంస్థ కార్యదర్శి సౌజన్య సంగారెడ్డి టౌన్‌: విద్యహక్కుచట్టంపై బాలికలు తప్పనిసరిగా అవగాహన కలిగి ఉండాలని జిల్లా న్యాయ సేవాధికార సంస్థ కార్యదర్శి సౌజన్య పేర్కొన్నారు. సంగారెడ్డిలోని బాలసదన్‌లో బుధవారం అంతర్జాతీయ బాలికల దినోత్సవ వే డుకలను నిర్వహించారు. ఈ సందర్భంగా ఆమె మాట్లాడుతూ ..బాలికలు వ్యక్తిగత భద్రత పట్ల అప్రమత్తంగా ఉండాలన్నారు. సోషల్‌ మీడియాలో వ్యక్తిగత విషయాలు ఇతరుల తో పంచుకోవద్దని స్పష్టం చేశారు. లక్ష్యాలను నిర్దేశించుకుని క్రమశిక్షణతో వాటిని సాధించాలన్నారు. కార్యక్రమంలో విద్యార్థులు పాల్గొన్నారు.

నర్సాపూర్‌ రూరల్‌: రాష్ట్ర గ్రామీణాభివృద్ధి శాఖ ప్రత్యేక అధికారి జయరాం నర్సాపూర్‌ మండలంలో గుట్టుచప్పుడు కాకుండా పర్యటించడం ఇప్పుడు చర్చనీయాంశంగా మారింది. మండలంలోని గొల్లపల్లి, నారాయణపూర్‌, అచ్చంపేట గ్రామాల్లో ఆయన పర్యటించినట్లు ఆలస్యంగా బుధవారం వెలుగులోకి వచ్చింది. అయితే రాష్ట్రస్థాయి అధికారి పర్యటన విషయాన్ని స్థానిక మండల స్థాయి అధికారులు మీడియాకు, స్థానిక ప్రజాప్రతినిధులకు కూడా సమాచారం ఇవ్వకపోవడం పలు అనుమానాలకు తావిస్తోంది. కేంద్ర, రాష్ట్ర ప్రభుత్వాలు ఎల్‌నినో ప్రభావంతో అడుగంటిన భూగర్భ జలాలను పెంచడంతోపాటు గ్రామీణ ప్రజలకు ఉపాధి కల్పించాలనే సంకల్పంతో వీబీజీ రామ్‌ జీ పథకం కింద కూలీలకు 125 రోజుల పనులు కల్పిస్తున్న సంగతి తెలిసిందే. ఈ పథకంలో భాగంగా కూలీలకు పనులు కల్పించేందుకు వ్యక్తిగత ఇంకుడు గుంతలు, కమ్యూనిటీ సోక్‌ పిట్స్‌, ఫామ్‌ పాండ్స్‌, బోర్‌ రీచార్జ్‌ స్ట్రక్చర్లు, సైడ్‌ డ్రమ్స్‌ వంటి పనులు చేపడుతున్నారు. ఈ ఉపాధి పనుల్లో అవకతవకలు జరిగినందునే అధికారులు ఈ పర్యటనను గోప్యంగా ఉంచారని స్థానికులు, ప్రజాప్రతినిధులు ఆరోపిస్తున్నారు. రాష్ట్రస్థాయి అధికారి పరిశీలనలో ఏం తేలిందో బయటపెట్టాలని వారు డిమాండ్‌ చేస్తున్నారు. ఈ విషయమై ఎంపీడీఓ భారతితోపాటు ఏపీఓ అంజిరెడ్డిని వివరణ కోరగా బిజీగా ఉన్నామని చెప్తున్నారు. పలు అనుమానాలు

● ఎల్‌నినో ప్రభావం తీవ్రంగా ఉంది ● అధికారులకు కలెక్టర్‌ దిశా నిర్దేశం మెదక్‌ కలెక్టరేట్‌: ఎల్‌నినో విపత్తును దృష్టిలో పెట్టుకొని రైతులను అప్రమత్తం చేయాలని కలెక్టర్‌ ప్రతిమాసింగ్‌ అధికారులను ఆదేశించారు. మంగళవారం కలెక్టరేట్‌లో అన్నిశాఖల అధికారులతో సమీక్ష నిర్వహించారు. ఈసందర్భంగా కలెక్టర్‌ మా ట్లాడుతూ.. జిల్లాలో ఎల్‌నినో ప్రభావంతో తాగు, సాగునీటి సమస్య ఉత్పన్నమయ్యే పరిస్థితులు ఉన్నాయని తెలిపారు. ప్రత్యామ్నాయ పంటల సాగును ప్రోత్సహించేందుకు సమగ్ర కార్యాచరణ ప్రణాళికలు రూపొందించాలన్నారు. జిల్లా, మండల, గ్రామ స్థాయిల్లో అమలు చేయాల్సిన ప్రత్యేక కార్యాచరణ ప్రణాళికను రాబోయే రెండు రోజుల్లోగా సిద్ధం చేయాలని ఆదేశించారు. వ్యవసాయ, ఉద్యానవన, పశుసంవర్ధక, నీటిపారుదల తదితర శాఖలు తమ పరిధిలోని పరిస్థితులను క్షేత్రస్థాయి లో పరిశీలించి, అవసరమైన చర్యలతో నివేదికలు అందించాలన్నారు. రైతులకు ఎలాంటి ఇబ్బందులు తలెత్తకుండా క్షేత్రస్థాయిలో అధికారు లు అందుబాటులో ఉండాలని సూచించారు. వేసవిలో మంచినీటి సమస్య రాకుండా సమ్మర్‌ యాక్షన్‌ ప్లాన్‌ తయారు చేయాలన్నారు. సమావేశంలో జిల్లా వ్యవసాయ అధికారి దేవకుమార్‌, డీఆర్డీఓ పీడీ శ్రీనివాసరావు, జెడ్పీ సీఈఓ ఎల్లయ్య, ఉద్యా నవన అధికారి ప్రతాప్‌సింగ్‌తో పాటు ఆయా శాఖల అధికారులు పాల్గొన్నారు.

తూప్రాన్‌: మున్సిపాలిటీ పరిధిలోని పలు వార్డుల్లో పారిశుద్ధ్య నిర్వహణ పూర్తిగా అస్తవ్యస్తంగా మారింది. ప్రభుత్వం ఆర్భాటంగా ప్రారంభించిన తడి, పొడి చెత్త బుట్టల పంపిణీ కేవలం ప్రచారానికే పరిమితమైంది. క్షేత్రస్థాయిలో చెత్త సమస్యను పట్టించుకునేవారే కరువయ్యారని పట్టణ ప్రజలు మండిపడుతున్నారు. బుట్టల పంపిణీ సరే.. మరి రోడ్లపై కుప్పలుగా పేరుకుపోయిన ఈ చెత్త సంగతేంటని మున్సిపల్‌ అధికారులను నిలదీస్తున్నారు. పట్టణంలోని ప్రధాన రహదారులు చెత్తా చెదారంతో నిండిపోతున్నాయి. ముఖ్యంగా గోల్డెన్‌ పార్క్‌ నుంచి అల్లాపూర్‌ వెళ్లే రోడ్డుకు ఇరువైపులా భారీగా చెత్తను పారబోయడంతో ఆ ప్రాంతమంతా దుర్గంధం వెదజల్లుతోంది. అలాగే సివిల్‌ సప్లై గోడౌన్‌ నుంచి ప్రభుత్వ ఆస్పత్రి (సీహెచ్‌సీ) వరకు రోడ్డుకు ఇరువైపులా ఇతర ప్రాంతాల నుంచి తెచ్చి చెత్తను గుమ్మరిస్తున్నారు. దీంతో ఆస్పత్రికి వచ్చే రోగులు, బాటసారులు అవస్థలు పడుతున్నారు. వార్డుల్లో అధ్వానం.. రోగాల భయం పట్టణంలోని 6, 12వ వార్డుల్లో పారిశుద్ధ్య పరిస్థితి మరీ దారుణంగా తయారైంది. వీధుల్లో చెత్త సకాలంలో తీయకపోవడంతో దోమలు, ఈ గలు విపరీతంగా పెరిగిపోయి అంటువ్యాధులు ప్రబలే ప్రమాదం ఉందని కాలనీవాసులు ఆందోళన చెందుతున్నారు. పారిశుధ్య లోపంపై మున్సిపల్‌ అధికారులకు పలుమార్లు ఫిర్యాదు చేసినా పట్టించుకోవడం లేదని ఆగ్రహం వ్యక్తం చేస్తున్నారు. ఇప్పటికై నా ఉన్నతాధికారులు స్పందించి, తక్షణమే చెత్తను తొలగించి సమస్యను పరిష్కరించాలని డిమాండ్‌ చేస్తున్నారు. ఈ విషయమై ‘సాక్షి’ మున్సిపల్‌ కమిషనర్‌ రమేశ్‌కుమార్‌ను ఫోన్‌లో వివరణ కోరేందుకు సంప్రదించగా స్పందించలేదు. రహదారుల వెంట చెత్త కుప్పలు వ్యాపిస్తున్న దుర్గంధం మున్సిపల్‌ అధికారులపై ప్రజలు ఆగ్రహం

హోటళ్లలో నాణ ్యతా ప్రమాణాలు కరువునర్సాపూర్‌: హోటళ్లలో ఫుడ్‌ సేఫ్టీ, మున్సిపల్‌ అధికారులు సరైన తనిఖీలు చేయకపోవడంతో ఆహారంలో నాణ్యత లోపిస్తుందనే ఆరోపణలు వస్తున్నాయి. నాణ్యత లేని వస్తువులతో తిను బండారాలు తయారు చేయడంతో వాటిని తిని అస్వస్థతకు గురై ఆస్పత్రుల చుట్టూ తిరగాల్సి వస్తుందని ప్రజలు ఆవేదన వ్యక్తం చేస్తున్నారు. నర్సాపూర్‌ మున్సిపాలిటీ పరిధిలో హోటళ్లు, తిను బండారాల కేంద్రాలు సుమారు 50 వరకు ఉన్నాయి. వ్యాపారులు రుచి కోసం రసాయనాలు, ఎక్కువ రంగులు కలిపిన వస్తువులు వాడుతున్నారని తెలిసింది. ఆయా శాఖలకు చెందిన కొందరు ఉద్యోగులు వ్యాపారుల నుంచి డబ్బులు తీసుకొని పట్టించుకోవడం లేదని పలువురు ఆరోపిస్తున్నారు. పలువురికి ఫుడ్‌ పాయిజన్‌ నర్సాపూర్‌–మెదక్‌ మార్గంలోని ఓ మండీ హోటల్‌లో పట్టణానికి చెందిన ముగ్గురు యు వకులు సోమవారం రాత్రి భోజనం చేశారు. ఇంటికి వెళ్లిన అనంతరం ఫుడ్‌ పాయిజన్‌తో అస్వస్థతకు గురయ్యారు. వెంటనే స్థానిక ఆస్పత్రుల్లో చేరి వైద్యం పొందుతున్నారు. వీరితో పాటు పట్టణంలోని మరికొందరు సైతం అదే మండీ హోటల్‌లో భోజనం చేసి అస్వస్థతకు గురయ్యారు. ఇదే విషయమై మున్సిపల్‌ కమిషనర్‌ సాయికుమార్‌ను వివరణ కోరగా.. పట్టణంలోని ఓ హోటల్‌లో సోమవారం రాత్రి భోజనం చేసిన వారిలో కొందరికి ఫుడ్‌ పాయిజన్‌ అయిన విషయం తన దృష్టికి వచ్చిందని తెలిపారు. ఇటీవల పని ఒత్తిడితో హోటళ్లలో తనిఖీలు చేయలేకపోయాం. ఇకపై ఆకస్మిక తనిఖీలు చేసి నాణ్యత ప్రమాణాలు పాటించని వారిపై చర్యలు తీసుకుంటామని తెలిపారు.

పాపన్నపేట(మెదక్‌): దేవి శరన్నవరాత్రి ఉత్సవాల్లో భాగంగా మంగళవారం వన దుర్గమ్మ అన్నపూర్ణదేవిగా భక్తులకు దర్శనమిచ్చారు. అమ్మవారిని నీలం రంగు వస్త్రాలతో అలంకరించారు. అర్చకులు పూజా కార్యక్రమాలు నిర్వహించి భక్తులకు తీర్థ ప్రసాదాలు అందజేశారు. వివిధ ప్రాంతాల నుంచి తరలివచ్చిన భక్తులు ప్రత్యేక పూజలు నిర్వహించారు. ఈఓ వీరేశం భక్తులకు ఇబ్బందులు కలగకుండా ఏర్పాట్లు చేశారు. మెదక్‌జోన్‌: పెండింగ్‌ కేసుల దర్యాప్తును వేగవంతం చేసి నిర్ణీత గడువులోగా పూర్తి చేయాలని ఎస్పీ శ్రీనివాసరావు సిబ్బందిని ఆదేశించారు. మంగళవారం జిల్లా పోలీస్‌ కార్యాలయంలో నిర్వహించిన నెలవారీ నేర సమీక్షలో పాల్గొని మాట్లాడారు. గ్రేవ్‌, నాన్‌ గ్రేవ్‌, మిస్సింగ్‌, ఎస్సీ, ఎస్టీ అట్రాసిటీ, పోక్సో తదితర కేసుల దర్యాప్తు పురోగతిపై సమీక్షించారు. కేసులు పెండింగ్‌లో ఉంచకుండా సకాలంలో చార్జిషీట్లు దాఖలు చేయాలన్నారు. గ్రేవ్‌ కేసుల్లో సంఘటనా స్థలంలో లభించే ఆధారాలను పకడ్బందీగా సేకరించాలన్నారు. మిస్సింగ్‌ కేసుల్లో బాధితుల ఆచూకీ కోసం అన్ని కోణాల్లో దర్యాప్తు చేయా లని ఆదేశించారు. నేరాల నియంత్రణకు సీసీ కెమెరాల ఏర్పాటును ప్రోత్సహించాలని సూచించారు. ప్రధాన కూడళ్లు, రద్దీ ప్రాంతాల్లో నిఘా పెంచాలని, రోడ్డు ప్రమాదాల నివారణకు ట్రా ఫిక్‌ నిబంధనలు కచ్చితంగా అమలు చేయాలన్నారు. సమావేశంలో అదనపు ఎస్పీ విక్రాంత్‌ కుమార్‌ సింగ్‌, డీఎస్పీలు ప్రసన్న కుమార్‌, నరేందర్‌గౌడ్‌, సుభాశ్‌ చంద్రబోస్‌, సీఐలు, ఎస్‌ఐలు, ఇతర పోలీసు సిబ్బంది పాల్గొన్నారు. తూప్రాన్‌: మున్సిపాలిటీ పరిధిలోని 7వ వార్డు అల్లాపూర్‌ చెరువు కట్ట వద్ద నిర్మాణంలో ఉన్న బతుకమ్మ ఘాట్‌ పనులను మున్సిపల్‌ చైర్‌పర్సన్‌ రజని మంగళవారం క్షేత్రస్థాయిలో పరిశీలించారు. పనుల పురోగతిని అడిగి తెలుసుకొని నిర్మాణ నాణ్యతపై అధికారులకు పలు సూచనలు చేశారు. బతుకమ్మ పండుగ నాటికి పనులన్నీ పూర్తి కావాలన్నారు. బతుకమ్మలను నిమజ్జనం చేసేందుకు వచ్చే మహిళలకు ఎలాంటి ఇబ్బందులు కలగకుండా తగిన చర్యలు చేపట్టాలని కాంట్రాక్టర్‌, సిబ్బందిని ఆదేశించారు. కార్యక్రమంలో మున్సిపల్‌ కమిషనర్‌ రమేశ్‌కుమార్‌, మాజీ మున్సిపల్‌ చైర్మన్‌ రాఘవేందర్‌ గౌడ్‌, నాయకులు, గ్రామస్తులు పాల్గొన్నారు. ‘ఆడపిల్లను బతకనిద్దాం’ మెదక్‌ కలెక్టరేట్‌: ఆడపిల్ల పుట్టడం భారంగా కాకుండా సంతోషంగా భావించాలని సీఐటీయూ జిల్లా కార్యదర్శి మల్లేశం అన్నారు. మంగళవారం పట్టణంలోని కేవల్‌ కిషన్‌ భవనం వద్ద సీఐటీయూ, ఎన్‌పీఆర్డీ ఆధ్వర్యంలో శ్రామిక బతుకమ్మ సంబరాలు నిర్వహించారు. ఈసందర్భంగా ఆయన మాట్లాడుతూ.. నేటి సమాజంలో మహిళలు అన్ని రంగాల్లో ముందుకు సాగుతున్నప్పటికీ, ఇంకా ఆడపిల్లల పట్ల వివక్ష కొనసాగడం ఆందోళనకరమని ఆవేదన వ్యక్తం చేశారు. బాల్య వివాహాలను అరికట్టి, ప్రతి బాలిక చదువుకునేలా తల్లిదండ్రులు, సమాజం బాధ్యత తీసుకోవాలని కోరారు. మహిళల హక్కులు, గౌరవం, సమానత్వం గురించి చాటిచెప్పేలా శ్రామిక బతుకమ్మ సంబరాలను నిర్వహిస్తున్నామని తెలిపారు. కార్యక్రమంలో సీఐటీయూ జిల్లా అధ్యక్షురాలు బాలమణి, కోశాధికారి నర్సమ్మ, జిల్లా ఉపాధ్యక్షుడు మహేందర్‌రెడ్డి, నాయకులు నాగరాజు, వ్యవసాయ కార్మిక సంఘం జిల్లా కార్యదర్శి మల్లేశం, దుర్గ, కవిత తదితరులు పాల్గొన్నారు.

మెదక్‌ కలెక్టరేట్‌: జాతీయ వైద్యారోగ్యశాఖలో 20 ఏళ్లుగా పనిచేస్తున్న తమను ప్రభుత్వం వెంటనే రెగ్యులరైజ్‌ చేయాలని నేషనల్‌ హెల్త్‌ మిషన్‌ (ఎన్‌హెచ్‌ఎం) ఉద్యోగులు డిమాండ్‌ చేశారు. ఈ మేరకు మంగళవారం కలెక్టరేట్‌ వద్ద గల ధర్నాచౌక్‌లో నిరసన చేపట్టారు. ఈసందర్భంగా వారు మాట్లాడుతూ.. ఏళ్ల తరబడి ఆరోగ్యశాఖలో 377 మంది ఉద్యోగులు, సిబ్బంది పని చేస్తున్నట్లు చెప్పారు. కనీస వేతనం, రెగ్యులరైజ్‌ చేయకుండా ప్రభుత్వం వెట్టి చాకిరి చేయిస్తుందని ఆరోపించారు. సుప్రీంకోర్టు గైడ్‌లైన్స్‌ ప్రకారం వందశాతం వేతనం ఇవ్వాలని, ఔట్‌ సోర్సింగ్‌ ఏజేన్సీలను రద్దు చేయాలన్నారు. మహిళా ఉద్యోగికి ప్రసూతి సెలవులు 108 రోజులు ప్రకటించాలని కోరారు. జీఓ 60 ప్రకారం తక్షణమే వేతన బకాయిలు విడుదల చేయాలని డిమాండ్‌ చేశారు. డిమాండ్లు పరిష్కరించకపోతే సమ్మెను ఉధృతం చేస్తామని హెచ్చరించారు. కార్యక్రమంలో జేఏసీ నాయకులు డాక్టర్‌ ప్రియాంక, సాయి కిరణ్‌, నవీన్‌, అంబదాస్‌, శ్రీలత, ఎన్‌హెచ్‌ఎం, ఉద్యోగులు, సిబ్బంది పాల్గొన్నారు.

చిన్నశంకరంపేట(మెదక్‌): బీడీ కార్మికులకు నెలకు రూ.4,016 జీవన భృతి వెంటనే అందించాలని డిమాండ్‌ చేస్తూ టీయూసీఐ ఆధ్వర్యంలో నార్సింగి మండల కేంద్రంలో మంగళవారం ధర్నా నిర్వహించారు. అనంతరం తమకు ప్రభుత్వం చెప్పిన విధంగా జీవన భృతి పెంచి అందించాలని తహసీల్దార్‌కు వినతిపత్రం అందించారు. ఈసందర్భంగా సీపీఐ(ఎంఎల్‌) మాస్‌లైన్‌ రాష్ట్ర నాయకుడు పిట్ల రామకృష్ణ మాట్లాడుతూ.. ఎన్నికల సమయంలో ఇచ్చిన హామీ మేరకు బీడీ కార్మికులకు నెలకు రూ.4016 జీవన భృతిని అందించాలని డిమాండ్‌ చేశారు. తమ సమస్యలు పరిష్కరించకపోతే ఆందోళన ఉధృతం చేస్తామని హెచ్చరించారు. కార్యక్రమంలో యూనియన్‌ నాయకులు రమేశ్‌, సత్తమ్మ, ప్రకాశ్‌ కిషోర్‌ నాయకులు తదితరులు పాల్గొన్నారు.

చిన్నశంకరంపేట(మెదక్‌): విద్యుత్‌ కోతలకు నిరసనగా సోమవారం బీజేపీ అధ్వర్యంలో మండల కేంద్రంలో ఆందోళన చేపట్టారు. సీఎం రేవంత్‌రెడ్డి శవయాత్రకు ఏర్పాట్లు చేయగా, పోలీస్‌లు భగ్నం చేశారు. దీంతో బీజేపీ జిల్లా అధ్యక్షుడు వాల్దాస్‌ మల్లేశంగౌడ్‌, మాజీ అధ్యక్షుడు గడ్డం శ్రీనివాస్‌, బీజేపీ మండల అధ్యక్షుడు పోగుల రాజు ఆధ్వర్యంలో నాయకులు మెదక్‌– చేగుంట ప్రధాన రహదారిపై రాస్తారోకోకు దిగారు. ప్రభుత్వానికి వ్యతిరేకంగా నినాదాలు చేపట్టారు. చిన్నశంకరంపేట ఎస్‌ఐ శివానందం, తూప్రాన్‌ సీఐ వెంకటరాజంగౌడ్‌ బీజేపీ నాయకులను సముదాయిస్తున్న సమయంలోనే మరికొందరు నాయకులు జంగరాయి క్రాస్‌రోడ్డు వద్ద సీఎం దిష్టిబొమ్మను దహనం చేశారు. మరికొందరు సబ్‌స్టేషన్‌ను ముట్టడించారు. రైతులను పట్టించుకోకుండా సీఎం, ముఖ్య నేతలు ఢిల్లీకి వెళ్లాల్సిన అవసరం ఎం వచ్చిందని మండిపడ్డారు. కార్యక్రమంలో బీజేపీ నాయకులు మల్లారెడ్డి, సురేష్‌గౌడ్‌, నరేందర్‌రెడ్డి, దశరథం తదితరులు పాల్గొన్నారు.

కలెక్టర్‌ ప్రతిమాసింగ్‌ రామాయంపేట(మెదక్‌): ఎల్‌నినో ప్రభావం నేపథ్యంలో రైతులు వరికి బదులుగా ఆరుతడి పంటల సాగు వైపు దృష్టి సారించాలని కలెక్టర్‌ ప్రతిమాసింగ్‌ సూచించారు. సోమవారం స్థానిక రైతు వేదికలో జరిగిన ‘రైతు నేస్తం వీడియో కాన్ఫరెన్స్‌’కు ఆమె హాజరై మాట్లాడారు. వ్యవసాయశాఖ అధికారులు రైతులకు అవగాహన కల్పించడంతో ఈసారి జిల్లాలో 1.94 లక్షల ఎకరాల్లో మాత్రమే వరి సాగు అయిందన్నారు. రైతులు తమకు అందుబాటులో ఉన్న వివిధ సబ్సిడీలను సద్వినియోగం చేసుకొని ప్రత్యా మ్నాయ పంటల సాగుకు ప్రాధాన్యం ఇవ్వాలన్నారు. గతంలో కంటే ఈసారి అధికంగా 28 వేల ఎకరాల్లో అంతర పంటలు సాగు చేస్తున్నారని తెలిపారు. రాబోయే రోజుల్లో వర్షపాతం చాలా తక్కువగా నమోదయ్యే అవకాశం ఉందని, రైతులు ప్రస్తుత వాతావరణ పరిస్థితులను దృష్టిలో ఉంచుకొని సాగు ప్రణాళిక రూపొందించుకోవాలన్నారు. నీటి కొరత తలెత్తితే రైతులు నష్టాలకు గురి కావడంతో పాటు తీవ్ర ఇబ్బందులు ఎదుర్కొవాల్సి వస్తుందని హెచ్చరించారు. సమావేశంలో జిల్లా వ్యవసాయ అధికారి దేవ్‌కుమార్‌, మండల ప్రత్యేక అధికారి సురేశ్‌, మున్సిపల్‌ చైర్‌పర్సన్‌ లావణ్య, వైస్‌ చైర్మన్‌ నవనీత, కౌన్సిలర్లు నాగరాజు, బైరం స్వప్న, డాకి శ్యామల, ప్రవీణ్‌, ఆదర్శ రైతులు అశోక్‌రెడ్డి, రమేశ్‌రెడ్డి, మండల వ్యవసాయ అధికారి ప్రవీణ్‌కుమార్‌ పాల్గొన్నారు.

● అన్నదాతకు అదనపు ఆదాయం ● స్వల్ప వ్యవధిలో పంట చేతికి.. ● జిల్లాలో 5 వేల ఎకరాల్లో సాగు మెదక్‌ కలెక్టరేట్‌: వ్యవసాయం లాభసాటిగా మార్చుకోవడానికి ప్రస్తుత పరిస్థితుల్లో అనేక పద్ధతులు అవలంభించాల్సిన అవసరం ఉంది. జిల్లాలో ఎల్‌నినో ప్రభావంతో ఆందోళనలో ఉన్న రైతులకు ఆయిల్‌పాం సాగు వరంగా మారింది. అందులో ఆరుతడి పంటలతో అధిక లాభాలకు అవకాశం ఉంది. జిల్లాలో ప్రస్తుతం 5 వేలకు పైగా రైతులు ఆయిల్‌పామ్‌ సాగు చేస్తున్నారు. పంట సాగు చేసిన 4 ఏళ్ల తర్వాత ఏటా ఎకరాకు రూ.40 వేల నుంచి రూ.60 వేల వరకు ఆదాయం పొందవచ్చు. ఎల్‌నినో ప్రభావంతో సాగునీటి ఇబ్బందులు పడుతున్న రైతులు ఆయిల్‌పాం సాగువైపు దృష్టి మరుతున్నట్లు వ్యవసాయ అధికారులు చెబుతున్నారు. అధిక సబ్సిడీలు ఆయిల్‌పాం పంట ఒక్కసారి సాగు చేస్తే చాలు 40 ఏళ్లు లాభాలు కురిపిస్తుంది. పంట వేసిన మొదటి మూడేళ్లలో ఫలసాయం ఉండదు. దీనికి కేంద్ర, రాష్ట్ర ప్రభుత్వాలు అధిక మొత్తంలో సబ్సిడీలు అందజేస్తుంది. మొక్కలతో పాటు డ్రిప్‌ ఇరిగేషన్‌, ఇ తర పరికరాలు అందిస్తుంది. అలాగే సాగు చేసిన 4 ఏళ్లపాటు నెలకు ఎకరాకు రూ.4 వేల చొప్పున రైతులకు అందిస్తున్నాయి. ఖాళీ స్థలంలో వివిధ పంటలు అయిల్‌పాం మొక్కలను త్రిభుజాకారపు పద్ధతిలో 9 మీటర్ల దూరంతో నాటుతారు. తోటలోని ఖాళీ స్థలంలో మొదటి మూడేళ్ల వరకు అంతర పంటలు వేసుకోవచ్చు. కూరగాయ, పూల, మొక్కజొన్న మిరప, పత్తి, పొట్టి అరటి, పొగాకు, పశుగ్రాసాలు లాంటి పంటలను అంతర పంటలుగా పండించుకోవచ్చు. వీటి ద్వారా ఎకరాకు రూ. 10 వేల నుంచి రూ.30 వేల వరకు నికర ఆదాయం పొందవచ్చు. అంతర పంటల సాగులో యాజమాన్య పద్ధతులు, జాగ్రత్తలు పాటిస్తే సరిపోతుంది. ప్రస్తుతం జిల్లాలోని చాలా మంది రైతులు వర్షాధారమైన వరి పంటలు సాగు చేశారు. అయితే ఎల్‌నినో ప్రభావంతో సమృద్ధిగా వర్షాలు లేకపోవడంతో పొట్టదశలో ఉన్న వరి పంటకు తాగునీటి సమస్య తీవ్రంగా ఏర్పడుతుంది. వేసవిని తలపిస్తున్న ఎండలతో రైతులంతా ఒకేసారి పంటలకు నీరేందుకు బోర్లపై ఆధారపడుతున్నారు. దీంతో విద్యుత్‌ సమస్య ఏర్పడుతుంది. ఆయిల్‌పాం సాగుకు డ్రిప్‌ ద్వారా సాగు నీరందించండం వల్ల ఎలాంటి సాగునీటి సమస్య ఉండదు.

మెదక్‌ కలెక్టరేట్‌: పటిష్ట ప్రణాళికతో గ్రామాల్లో రీ సర్వే నిర్వహించాలని అదనపు కలెక్టర్‌ నగేశ్‌ అధికారులను ఆదేశించారు. సోమవారం కలెక్టరేట్‌లో సర్వే, రెవెన్యూ అధికారులతో సమావేశం నిర్వహించారు. ఈసందర్భంగా ఆయన మాట్లాడుతూ.. గ్రామాల్లో రైతులకు రీ సర్వేపై అవగాహన కల్పించి, సందేహాలను నివృత్తి చేయాలన్నారు. రీసర్వే నిర్వహించిన గ్రామాల్లో 9 (2) నోటీసులు అందిన వారి అభ్యంతరాలను పరిశీలించి పరిష్కరించాలన్నారు. పటిష్ట ప్రణాళికతో ముందుకు వెళ్లినప్పుడే ప్రజలు అడిగే సందేహాలను నివృత్తి చేయవచ్చని తెలిపారు. కార్యక్రమంలో డీఆర్‌ఓ అంబదాస్‌ రాజేశ్వర్‌, ఏడీ సర్వే కిషన్‌, రెవెన్యూ డిప్యూటీ తహసీల్దార్లు, రెవెన్యూ ఇన్‌స్పెక్టర్లు, సీనియర్‌ అసిస్టెంట్లు తదితరులు పాల్గొన్నారు. మెదక్‌ కలెక్టరేట్‌: ప్రజల సమస్యల పరిష్కారానికి ప్రాధాన్యమిస్తూ ప్రజావాణి అర్జీలను త్వరితగతిన పరిష్కరించాలని డీఆర్‌ఓ అంబదాస్‌ రాజేశ్వర్‌ అధికారులను ఆదేశించారు. సోమవారం కలెక్టరేట్‌లో ప్రజల నుంచి అర్జీలను స్వీకరించారు. జిల్లావ్యాప్తంగా పలు మండలాల నుంచి తరలివచ్చిన ప్రజలు భూ భారతి 33, ఇందిరమ్మ ఇండ్లు 13, పెన్షన్లు 4, ఇతర సమస్యలపై 33 వినతులు వచ్చినట్లు తెలిపారు. కార్యక్రమంలో వివిధ శాఖల జిల్లా అధికారులు పాల్గొన్నారు. ఇదిలా ఉండగా చేగుంట మండలంలో కోతుల బెడద తీవ్రంగా ఉందని, ఇళ్లలోకి చొరబడి దాడులు చేస్తున్నాయని చేగుంట మండల కేంద్రానికి వేణుగోపాల్‌ ప్రజావాణిలో ఫిర్యాదు చేశారు. మెదక్‌జోన్‌: ప్రజావాణి ఫిర్యాదులపై నిష్పక్షపాతంగా విచారణ జరిపి బాధితులకు సత్వర న్యాయం అందించాలని ఎస్పీ శ్రీనివాసరావు అధికారులను ఆదేశించారు. సోమవారం జిల్లా పోలీస్‌ కార్యాలయంలో నిర్వహించిన ప్రజావాణిలో ప్రజల నుంచి వినతులు స్వీకరించారు. ఫిర్యాదుదారులతో నేరుగా మాట్లాడి వారి సమస్యలను తెలుసుకున్నారు. భూ వివాదాలు, కుటుంబ సమస్యలు, ఆర్థిక మోసాలు, వేధింపులకు సంబంధించి వచ్చిన ఫిర్యాదులను పరిశీలించి సంబంధిత అధికారులకు తగిన ఆదేశాలు జారీ చేశారు. ప్రతి ఫిర్యాదుపై సమగ్ర విచారణ చేపట్టి నిబంధనల ప్రకారం చర్యలు తీసుకోవాలని సూచించారు. ఫిర్యాదుల పరిష్కారంలో జాప్యం చేయవద్దన్నారు. ప్రజలకు నాణ్యమైన పోలీస్‌ సేవలు అందించడంతో పాటు సమస్యల పరిష్కారంలో పారదర్శకత, జవాబుదారీతనంతో వ్యవహరించాలని స్పష్టం చేశారు. మెదక్‌ కలెక్టరేట్‌: జిల్లాలో ఎన్‌హెచ్‌ఎం పోస్టుల దరఖాస్తులకు రెండు రోజులే గడువు ఉండటంతో సోమవారం దరఖాస్తుదారులతో కలెక్టరేట్‌, డీఎంహెచ్‌ఓ కార్యాలయం కిటకిటలాడింది. ఈనెల 6వ తేదీ నుంచి ఇప్పటి వరకు 2,050 దరఖాస్తులు వచ్చినట్లు వైద్యారోగ్యశాఖ సూపరింటెండెంట్‌ సుధాకర్‌ తెలిపారు. 64 పోస్టులకు కాంట్రాక్ట్‌ పద్ధతిన దరఖాస్తులు స్వీకరించనున్నట్లు తెలిపారు.

లక్ష్మాపూర్‌ వద్ద రైతుల రాస్తారోకో రామాయంపేట(మెదక్‌): విద్యుత్‌ కోతలకు నిరసనగా చేపట్టిన ఆందోళనలతో శుక్రవారం రామాయంపేట అట్టుడికింది. మండలంలోని లక్ష్మాపూర్‌ స్టేజీ వద్ద రైతులు, బీఆర్‌ఎస్‌ శ్రేణులు రామాయంపేట– మెదక్‌ రోడ్డుపై బైఠాయించి ఆందోళన నిర్వహించారు. బీఆర్‌ఎస్‌ జిల్లా అధ్యక్షురాలు పద్మారెడ్డి ఆధ్వర్యంలో జరిగిన ఈ ఆందోళనలో మాజీ ఎమ్మెల్సీ శేరి సుభాశ్‌రెడ్డి పాల్గొన్నారు. సుమారు రెండు గంటలకు పైగా సాగిన ఈ ఆందోళనతో రోడ్డుకు ఇరువైపులా పెద్ద సంఖ్యలో వాహనాలు నిలిచిపోయాయి. ఈసందర్భంగా పద్మారెడ్డి మాట్లాడుతూ.. రోజుకు నాలుగైదు గంటలకు మించి విద్యుత్‌ సరఫరా కాకపోవడంతో పంటలు ఎండిపోతున్నాయన్నారు. పంటలు చేతికొచ్చే సమయంలో ప్రభుత్వం చేతులెత్తేసిందని మండిపడ్డారు. కేసీఆర్‌ హయాంలో ఎలాంటి కోతలు లేకుండా విద్యుత్‌ సరఫరా చేశారని తెలిపారు. నాణ్యమైన 12 గంటల విద్యుత్‌ సరఫరా చేస్తేనే పంటలు దక్కుతాయన్నారు. ట్రాన్స్‌కో ఏడీ ఆదయ్య నాయకులతో మాట్లాడారు. కోతలు లేకుండా విద్యుత్‌ సరఫరా చేస్తామని హామీ ఇవ్వడంతో ఆందోళన విరమించారు. అలాగే మండలంలోని కోనాపూర్‌ వద్ద రైతులు రాస్తారోకో నిర్వహించారు. సబ్‌స్టేషన్‌ ఎదుట రామాయంపేట– సిద్దిపేట రోడ్డుపై బైఠాయించారు. ట్రాన్స్‌కో ఏఈ తిరుపతిరెడ్డి ఆందోళనకారులతో చర్చలు జరిపారు. రెండు రోజుల్లో సమస్య పరిష్కారానికి కృషి చేస్తానని హామీ ఇవ్వడంతో శాంతించారు. కరెంటు కోతలపై అట్టుడికిన రామాయంపేట లక్ష్మాపూర్‌, కోనాపూర్‌లో అన్నదాతల రాస్తారోకో పాల్గొన్న పద్మారెడ్డి, శేరి సుభాశ్‌రెడ్డి

జిల్లావ్యాప్తంగా ఈ ఏడాది 2.94 లక్షల ఎకరాల్లో వరి సాగు చేశారు. ఇందులో సింహభాగం సన్న వడ్లను పండించారు. దొడ్డురకంతో పోల్చుకుంటే సన్నాలు 20 రోజుల ఆలస్యంగా పంట చేతికందుతుంది. జిల్లాలో చెప్పుకో దగ్గ సాగునీటి ప్రాజెక్టులు లేకపోవటంతో 90 శాతం మంది రైతులు బోరుబావుల ఆధారంగానే పంటలను సాగు చేశారు. జిల్లావ్యాప్తంగా 1.10 లక్షల బోరుబావులు ఉండగా, 26 వేల ట్రాన్స్‌ఫార్మర్లు ఉన్నాయి. ఎల్‌నినో ప్రభావంతో ప్రాజెక్టులు నిండకపోవటంతో విద్యుత్‌ ఉత్పత్తి తగ్గింది. దీంతో రోజుకు 8 నుంచి 9 గంటలు మాత్రమే సరఫరా అవుతుంది. అది కూడా ఎప్పుడు వస్తుందో ఎప్పుడు పోతుందో తెలియని పరిస్థితి నెలకొంది. అయితే పై నుంచే ఈ సమస్య ఉందని సంబంధిత అధికారులు చెబుతున్నారు. జిల్లాలో మెదక్‌, నర్సాపూర్‌, పాపన్నపేట, రామాయంపేట, తూప్రాన్‌లో ట్రాన్స్‌ఫార్మర్‌ రిపేర్‌ (టీఆర్‌) సెంటర్లు ఉండగా, నిత్యం 50 ట్రాన్స్‌ఫార్మర్లు కాలిపోతున్నాయని గతంలో ఇలాంటి పరిస్థితి ఎప్పుడూ ఉత్పన్నం కాలేదని సంబంధిత అధికారులు చెబుతున్నారు. అంతే కాకుండా లోఓల్టేజీతో బోరు మోటార్లు సైతం తరచూ కాలిపోతున్నాయి. దీంతో ట్రాన్స్‌ఫార్మర్లతో టీఆర్‌ రిపేర్‌ సెంటర్లు కిటకిటలాడుతున్నాయి. పంట చేతికందే వరకు మరో 20 రోజుల్లో పంట చేతికందుతుందనగా లో ఓల్టేజీ సమస్యతో తరచూ ట్రాన్స్‌ఫార్మర్లు, బోరు మోటార్లు కాలిపోతున్నాయి. దీంతో నీటితడులు అందక పంటలు ఎండిపోతున్నాయి. బోనస్‌ ఆశతో తలకు మించిన పెట్టుబడులు పెట్టిన రైతులు పంటపై గంపెడాశలు పెట్టుకున్నారు. తీరా అవి చేతికందే సమయంలో ఎండిపోతుండటంతో కర్షకులు ఆందోళన చెందుతున్నారు. నిత్యం 212 మెగావాట్లు అదనం గతేడాది అక్టోబర్‌లో రోజుకు 350 మెగావాట్ల విద్యుత్‌ వినియోగించగా, ప్రస్తుతం 562 పైచిలుకు మెగావాట్ల విద్యుత్‌ వినియోగిస్తున్నట్లు సంబంధిత ట్రాన్స్‌కో అధికారులు చెబుతున్నారు. అంటే నిత్యం 212 మెగావాట్ల విద్యుత్‌ అదనంగా వినియోగిస్తున్నట్లు అధికారుల చెబుతున్నారు. చిలప్‌చెడ్‌(నర్సాపూర్‌): ఎన్నో ఆశలతో సాగు చేసిన వరి కొన్ని రోజుల క్రితం వరకు పచ్చగా కళకళలాడింది. ప్రస్తుతం సాగు నీరు అందక ఎండిపోయింది. దీంతో ఆవేదనకు గురైన రైతు వరి పంటను పశువులకు మేతగా వదిలేశాడు. మండల పరిధిలోని గంగారం తండాకు చెందిన రైతు తనకున్న మూడెకరాల్లో బోరుబావి సహాయంతో వరి సాగు చేశాడు. తీరా పంట చేతికి వచ్చే సమయానికి భూగర్భజలాలు అడుగంటాయి. కరెంట్‌ కోతలతో బోరు సైతం సక్రమంగా నడవకపోవడంతో ఎండిన పొలాన్ని శుక్రవారం పశువులకు మేతగా వదిలేశాడు.ఎల్‌నినో కారణంగా సరైనా వర్షాలు కరువక ప్రాజెక్టులు నిండలేదు. దీంతో విద్యుత్‌ ఉత్పత్తి గణనీయంగా తగ్గింది. కరెంట్‌ సరఫరా తగ్గటంతో లోఓల్టేజీ సమస్య ఉత్పన్నం అవుతుంది. వచ్చిన దాంట్లోనే సర్దుబాటు చేస్తున్నాం. – నారాయణ నాయక్‌, ట్రాన్స్‌కో ఎస్‌ఈ నడవని మోటార్లు.. ఎండుతున్న పంటలు ఆందోళనలో అన్నదాతలు

నర్సాపూర్‌ రూరల్‌: కరెంట్‌ కోతలపై రైతులు కన్నెర్ర చేశారు. నర్సాపూర్‌– మెదక్‌ 765డీ జాతీయ రహదారిలోని రెడ్డిపల్లి వద్ద చిప్పల్‌తుర్తి, జక్కపల్లి, ఆయా గిరిజన తండాల రైతులు పెద్ద ఎత్తున తరలివచ్చి ఆందోళన చేపట్టారు. అలాగే నర్సాపూర్‌– సంగారెడ్డి రహదారిలోని అవంచ వద్ద ఏల్లాపూర్‌, మాడాపూర్‌, అవంచ గ్రామాల రైతులు రాస్తారోకోకు దిగారు. రోడ్లకు ఇరువైపులా పెద్ద ఎత్తున ట్రాఫిక్‌ స్తంభించిపోవడంతో ప్రయాణికులు తీవ్ర ఇబ్బందులు ఎదుర్కొ న్నారు. రైతులకు మద్దతుగా సర్పంచ్‌లు భరత్‌ కుమార్‌, సుధాకర్‌, కరుణాకర్‌, సునీత రాములు నాయక్‌తో పాటు ఆయా గ్రామాల రైతులు, నాయకులు పాల్గొన్నారు.

నర్సాపూర్‌: రైతుల కరెంట్‌ కష్టాలను తీర్చాలన్న సోయి కాంగ్రెస్‌ ప్రభుత్వానికి లేదని ఎమ్మెల్యే సునీతారెడ్డి విమర్శించారు. శుక్రవారం ఆమె పట్టణంలో విలేకరులతో మాట్లాడారు. కేసీఆర్‌ హయాంలో రైతులకు 24 గంటల పాటు మెరుగైన కరెంట్‌ సరఫరా చేశారని గుర్తు చేశారు. ప్రస్తుతం రోజుకు ఐదారు గంటలే ఇస్తున్నారని మండిపడ్డారు. అది కూడా సరిగా ఇవ్వకపోవడంతో బోరు మోటార్లు, ట్రాన్స్‌ఫార్మర్లు కాలిపోతున్నాయని వాపోయారు. సింగరేణి గనుల్లో లభిస్తున్న నాణ్యమైన బొగ్గును ప్రభుత్వం ఇతర రాష్ట్రాలకు అమ్ముకుంటుందన్నారు. నాణ్యత లేని బొగ్గుతో కరెంటు ఉత్పత్తి చేయడంతో లో ఓల్టేజీ సమస్య వస్తుందని ఆరోపించారు. సమావేశంలో బీఆర్‌ఎస్‌ నాయకులు పాల్గొన్నారు. కౌడిపల్లి(నర్సాపూర్‌): విధుల్లో నిర్లక్ష్యం వహిస్తే చర్యలు తప్పవని డీఎల్‌పీఓ సురేశ్‌బాబు హెచ్చరించారు. శుక్రవారం కౌడిపల్లి ఉన్నత పాఠశాలను ఆకస్మికంగా తనిఖీ చేశారు. ఈసందర్భంగా పాఠశాల పరిసరాలతో పాటు మధ్యాహ్న భోజనాన్ని పరిశీలించారు. అనంతరం ఉపాధ్యాయులు, విద్యార్థుల హాజరు తనిఖీ చేశారు. మినరల్‌ వాటర్‌ ప్లాంట్‌ నిర్వహణ లోపంపై ఆగ్రహం వ్యక్తం చేశారు. పనితీరు సరిగా లేదని, ఇటీవల మండల సర్యసభ్య సమావేశంలో ఫిర్యాదులు వచ్చాయని హెచ్‌ఎం లలితాదేవిని హెచ్చరించారు. కార్యక్రమంలో సర్పంచ్‌ చంద్రం కృష్ణాగౌడ్‌, పంచాయతీ కార్యదర్శి నగేశ్‌, ఉపాధ్యాయులు పాల్గొన్నారు. కిక్కిరిసిన బస్టాండ్లు నర్సాపూర్‌: దసరా పండుగను పురస్కరించు కుని ప్రభుత్వం పాఠశాలలు, కాలేజీలకు సెలవులు ప్రకటించింది. దీంతో పట్టణంలోని పలు ప్రభుత్వ, ప్రైవేట్‌ హాస్టళ్ల విద్యార్థులు శుక్రవారం సొంతూళ్లకు ప్రయాణమయ్యారు. దీంతో నర్సాపూర్‌ బస్టాండ్‌ ప్రయాణికులతో రద్దీగా మారింది.

సంగారెడ్డి క్రైమ్‌/హత్నుర (సంగారెడ్డి): తెలంగాణ సంస్కృతీ సంప్రదాయాలను ప్రతిబింబించే అతి పెద్ద పండగ బతుకమ్మ. మహిళలు ఎంతో సంబురంగా జరుపుకునే గొప్ప వేడుక. తొమ్మిది రోజుల పాటు జరిగే ఈ పూల సింగిడి శనివారం నుంచి మొదలు కానుంది. దీంతో పల్లెలు, పట్టణాలు ఆడి పాడనున్నాయి. బతుకమ్మ వచ్చిందంటే ప్రతి ఇంట్లో పూల పరిమళాలు వెదజల్లుతాయి. ఆశ్వయుజ పాడ్యమికి ముందు వచ్చేది పితృ అమావాస్య. ఆ రోజును పెత్తరమాసగా జరుపుకుంటాం. అదే రోజు పేర్చే బతుకమ్మను ఎంగిలిపూల బతుకమ్మ అంటారు. ఈ కాలంలో లభించే వివిధ రకాల గునుగు పూలు, తంగేడు, బంతి, చామంతి, గోరింటా ఇలా తిరోక్కపూలతో బతుకమ్మను పేరుస్తారు. మధ్యలో గౌరవమ్మను పెట్టి అమ్మవారిగా కొలుస్తారు. ఆటపాటలతో గౌరమ్మను కొలుస్తారు. పెరుగన్నం, నువ్వుల అన్నం వంటి ఐదు రకాల వంటకాలను నైవేద్యంగా సమర్పిస్తారు. తొమ్మిది రోజుల విశేషాలు తొలిరోజు ఎంగిలిపూల బతుకమ్మ అంటారు. ముందు రోజు కోసిన పూలను నీళ్లలో వేసి మరునాడు బతుకమ్మ అలంకరణకు వాడడంతో అలా పిలుస్తారు. రెండో రోజు అటుకుల, మూడో రోజు ముద్దపప్పు, నాలుగో రోజు నాన బియ్యం, ఐదో రోజు అట్ల, ఆరో రోజు అమ్మవారు అలకతో ఉంటారని బతుకమ్మ ఆడరు. ఏడో రోజు వేపకాయల, ఎనిమిదో రోజు వెన్నముద్దల, తొమ్మిదో రోజు సద్దుల బతుకమ్మ ఆడతారు. చెరువుల్లో, కుంటల్లో బతుకమ్మలను నిమజ్జనం చేసి ఒకరికొకరు వాయినం ఇచ్చి పుచ్చుకుంటారు. తొమ్మిది రోజుల పాటు బతుకమ్మ సంబురాలు నేడు ఎంగిలిపూలతో మొదలు ఆడిపాడనున్న ఆడబిడ్డలు

సంగారెడ్డి జోన్‌/మెదక్‌ కలెక్టరేట్‌/నర్సాపూర్‌: తెలంగాణ ఆర్టీసీ గుర్తింపు సంఘం ఎన్నికలు ప్రశాంతంగా ముగిశాయి. మెదక్‌ రీజియన్‌ పరిధిలో ఏర్పాటుచేసిన 8 పోలింగ్‌ కేంద్రాల్లో ఉద్యోగులు తమ ఓటు హక్కును వినియోగించుకున్నారు. శుక్రవారం ఉదయం 5 గంటలకు ప్రారంభమైన పోలింగ్‌ ప్రక్రియ సాయంత్రం 6 గంటలకు ముగిసింది. మెదక్‌ రీజియన్‌ పరిధిలో 8 డిపోలు, ఒకటి ఉమ్మడి మెదక్‌ రీజియన్‌ కార్యాలయం ఉంది. మొత్తం 1,805 మంది ఓటర్లు ఉండగా, 1,797 మంది ఉద్యోగులు తమ ఓటు హక్కును వినియోగించుకున్నారు. ఉత్సాహంగా ఓటింగ్‌ పదేళ్ల తర్వాత ఎన్నికలు జరగడంతో ఆర్టీసీ ఉద్యోగులు ఉత్సాహంగా ఓటింగ్‌లో పాల్గొన్నారు. ఆయా డిపోల పరిధిలో ఏర్పాటు చేసిన కేంద్రాల్లో బారులు తీరి ఓటు హక్కు వినియోగించుకున్నారు. గుర్తింపు ఎన్నికల్లో 12 యూనియన్లు బరిలో ఉండగా, మూడు కూటముల మధ్య తీవ్ర పోటీ నెలకొంది. ప్రభుత్వం విడుదల చేసిన ఎన్నికల షెడ్యూల్‌ ప్రకారం ఈనెల 17న గుర్తింపు సంఘం ఎన్నికల ఫలితాలను అధికారికంగా ప్రకటించనుంది. శుక్రవారం జరిగిన పోలింగ్‌ అనంతరం ఓట్ల లెక్కింపు జరిపారు. సంగారెడ్డి, జహీరాబాద్‌తో పాటు మిగితా డిపోలో కాంగ్రెస్‌ మద్దతుతో బరిలో ఉన్న తెలంగాణ వర్కింగ్‌ యూనియన్‌కు అత్యధిక ఓట్లు పోలై, ముందంజలో ఉంది. గుర్తింపు సంఘం ఎన్నికల్లో గెలుపు దిశగా ఉండటంతో ఆ యూనియన్‌ నేతలు సంబరాలు జరుపుకున్నారు. అధికారిక ఫలితం కొరకు ఆశాఖ ఉద్యోగులు ఎంతో ఆసక్తిగా ఎదురుచూస్తున్నారు. మెదక్‌ ఆర్టీసీ గుర్తింపు ఎన్నికల్లో ఎంప్లాయీస్‌ యూనియన్‌ (ఈయూ) ముందంజలో ఉన్నట్లు తెలిసింది. నర్సాపూర్‌ డిపో పరిధిలో టీడబ్ల్యూయూ సంఘానికి భారీ మెజారిటీ దక్కిందని ఆ యూనియన్‌ ఆధ్వర్యంలో సంబరాలు చేసుకున్నారు. సంఘం గౌరవ అధ్యక్షుడు ఆవుల రాజిరెడ్డి డిపో కార్యదర్శి వెంకట్‌గౌడ్‌తో పలువురు నాయకులను సన్మానించారు. మెదక్‌లో 242 మంది కార్మికులు ఓటు హక్కు వినియోగించుకున్నారు, పోస్టల్‌ బ్యాలెట్‌ ద్వారా ఇద్దరు ఓటేశారు. నర్సాపూర్‌ 108 మంది ఓటు హక్కు వినియోగించుకున్నారు. ఓటేసిన 1,797 మందిఉద్యోగులు మెదక్‌లో ఈయూ.. నర్సాపూర్‌లో టీడబ్ల్యూయూ హ వా! 17న అధికారికంగా ఫలితాల ప్రకటన

కలెక్టర్‌ ప్రతిమాసింగ్‌ మెదక్‌ కలెక్టరేట్‌: వృద్ధుల సంక్షేమానికి ప్రతి ఒక్కరూ కృషి చేయాలని, అలాగే వారి అనుభవాలను సమాజాభివృద్ధికి ఉపయోగించాలని కలెక్టర్‌ ప్రతిమాసింగ్‌ అన్నారు. శుక్రవారం కలెక్టరేట్‌లో అంతర్జాతీయ వృద్ధుల దినోత్సవాన్ని ఘనంగా నిర్వహించారు. ఈసందర్భంగా కలెక్టర్‌ మాట్లాడుతూ.. కుటుంబ సభ్యులు వృద్ధులకు తగిన ఆదరణ, ప్రేమాభిమానాలు పంచాలన్నారు. ఆరోగ్య సమస్యలను గుర్తించి వారికి అవసరమైన సహాయ సహకారాలు అందించాలన్నారు. జిల్లా సీనియర్‌ సివిల్‌ జడ్జి రుబినాబేగం మాట్లాడుతూ.. వృద్దుల హక్కుల పరిరక్షణ, వారి గౌరవప్రదమైన జీవనానికి ప్రభుత్వ సంక్షేమ పథకాలు అందేలా కృషి చేయాలన్నారు. అదనపు కలెక్టర్‌ నగేశ్‌ మాట్లాడుతూ వృద్ధుల హక్కులను కాపాడటం ప్రతి ఒక్కరి బాధ్యత అని అన్నారు. అనంతరం భూభారతిపై కలెక్టర్‌ జిల్లా అధికారులతో సమీక్ష నిర్వహించారు. పెండింగ్‌ దరఖాస్తులను తక్షణమే పరిష్కరించాలని ఆదేశించారు. అలాగే జిల్లాలో ఎల్‌నినో ప్రభావం వల్ల ఏర్పడే సమస్యలు, ఇందిరమ్మ ఇండ్లు, వీబీజీరాంజీ, తాగునీటి ఎద్దడి, ధాన్యం కొనుగోలు కేంద్రాల ఏర్పాటు తదితర అంశాలపై అన్ని శాఖల అధికారులతో సమీక్ష నిర్వహించి దిశానిర్దేశం చేశారు. సమావేశంలో జెడ్పీ సీఈఓ ఎల్లయ్య, జిల్లా వైద్యాధికారి గణేశ్వర్‌, జిల్లా గ్రామీణాభివృద్ధి అధికారి శ్రీనివాసరావు, హౌసింగ్‌ పీడీ మాణిక్యం, మెదక్‌ ఆర్డీఓ రమాదేవి, జిల్లా సంక్షేమ శాఖ అధికారి హేమాభార్గవి, జిల్లా అధికారులు, వృద్ధులు పాల్గొన్నారు.

పాపన్నపేట(మెదక్‌): కార్యాలయ సమయ వేళలు ముగియగానే సాధారణంగా ఉద్యోగులు ఇళ్లకు వెళ్తారు. కానీ పాపన్నపేట రెవెన్యూ అధికారులు మాత్రం గురువారం రాత్రి 12.30 గంటలకు ఒక్క ఫోన్‌ కాల్‌తో స్పందించారు. కారు చీకట్లో కాలి నడకన మంజీఱా నదికి వెళ్లి ఇసుక మాఫియా భరతం పట్టారు. అక్రమంగా ఇసుక తోడేస్తున్న వ్యాపారుల చర్యలను అడ్డుకున్నారు. పాపన్నపేట మండలం చిత్రియాల్‌ శివారులోని మంజీరా నదిలో కొన్ని రోజులుగా వ్యాపారులు ట్రాక్టర్లపై అక్రమంగా ఇసుక తోడేస్తున్నారు. ఇదే విషయాన్ని అర్ధరాత్రి కొంత మంది రైతులు రెవెన్యూ అధికారులకు ఫోన్‌ ద్వారా సమాచారం అందించారు. వెంటనే స్పందించిన ఆర్‌ఐ శరత్‌, జీపిఓ సాయిలు, సిబ్బంది కృష్ణ, శివ హుటాహుటిన సంఘటనా స్థలికి వెళ్లి, ఇసుక రవాణను అడ్డుకున్నారు. వాహనాల్లో ఇసుక తరలించకుండా జేసీబీతో కాలువ తవ్వి మార్గం మూసివేశారు. ఈ చర్యను రైతులు హర్షించారు.

సంగారెడ్డి జోన్‌/సంగారెడ్డి టౌన్‌: ఆర్టీసీ గుర్తింపు సంఘం ఎన్నికలకు సర్వం సిద్ధం అయింది. శుక్రవారం ఉదయం 5 గంటల నుంచి సాయంత్రం 6 గంటల వరకు పోలింగ్‌ జరగనుంది. డిపోల వారీగా పోలింగ్‌ నిర్వహణకు కార్మిక శాఖ అధికారులు ఏర్పాట్లు పూర్తి చేశారు. గత నెల 26 నుంచి మెదక్‌ రీజియన్‌ పరిధిలో బరిలో ఉన్న కార్మిక సంఘాల నేతలు పోటాపోటీగా ప్రచారం నిర్వహించారు. దశాబ్ద కాలం తర్వాత ఎన్నికలు జరుగుతుండటంతో గెలుపు, ఓటములపై తీవ్ర ఉత్కంఠ నెలకొంది. సజావుగా ఎన్నికలు నిర్వహించేందుకు డిపోల వారీగా 5 నుంచి 8 మంది సిబ్బందిని నియమించారు. పోలింగ్‌ స్టేషన్‌ల పర్యవేక్షకులుగా కార్మిక శాఖ అసిస్టెంట్‌ లేబర్‌ ఆఫీసర్లను నియమించారు. ప్రతి ఓటరు రెండు ఓట్లు ఆర్టీసీ గుర్తింపు సంఘం ఎన్నికల్లో ప్రతి ఓటరు రెండు ఓట్లు వేయనున్నారు. రాష్ట్రస్థాయిలో ఒక ఓటు, రీజియన్‌ స్థాయిలో మరో ఓటు వేయాల్సి ఉంటుంది. పోలింగ్‌ ముగిసిన వెంటనే ఓట్ల లెక్కింపు నిర్వహిస్తారు. ఫలితాల ప్రకటన మాత్రం ఉండదు. పోలింగ్‌ రోజు విధి నిర్వహణలో ఉండి ఓటు వేయని వారు 14, 15 తేదీల్లో ఓటు వేసేందుకు అవకాశం కల్పించారు. ఈనెల 17న కౌంటింగ్‌ ప్రక్రియ నిర్వహించి ఫలితాలు ప్రకటిస్తారు. 8 డిపోలు.. 1,805 మంది కార్మికులు మెదక్‌ రీజియన్‌ పరిధిలో 8 డిపోలు ఉండగా.. ఒకటి రీజనల్‌ కార్యాలయం ఉంది. అందులో 1,805 మంది కార్మికులు విధులు నిర్వర్తిస్తున్నారు. మెదక్‌ 244, నారాయణఖేడ్‌ 200, సంగారెడ్డి 331, సిద్దిపేట 263, జహీరాబాద్‌ 272, గజ్వేల్‌– ప్రజ్ఞాపూర్‌ 224, దుబ్బాక 126, నర్సాపూర్‌ డిపోలో 109 మంది కార్మికులు ఉండగా, రీజనల్‌ కార్యాలయంలో 36 మంది విధులు నిర్వర్తిస్తున్నారు. వీరందరికీ ఓటు వేసేందుకు ఆయా డిపోలలో పోలింగ్‌ కేంద్రాలు ఏర్పాటు చేశారు. గెలుపుపై ఎవరి ధీమా వారిదే గుర్తింపు సంఘం ఎన్నికల్లో గెలుపుపై ఎవరికి వారు ధీమా వ్యక్తం చేస్తున్నారు. ఆర్టీసీలో నెలకొన్న సమస్యలు పరిష్కరించే దిశగా చర్యలు తీసుకుంటామని హామీ ఇస్తూ ఓట్లను అభ్యర్థించారు. కాగా, ఆర్టీసీ గుర్తింపు సంఘం ఎన్నికల్లో 12 యూనియన్లు బరిలో ఉన్నాయి. ఇందులో టీజేఎంయూ, టీడబ్ల్యూయూ, ఎంప్లాయూస్‌ యూనియన్‌ మధ్య తీవ్ర పోటీ నెలకొంది. ఆర్టీసీని ప్రభుత్వంలో విలీనం చేసే ప్రక్రియ, బకాయి ఉన్న పే రివిజన్‌, అలవెన్స్‌ల చెల్లింపు, ఉద్యోగుల కొరతను అధిగమించడం, పని ఒత్తిడి తగ్గించడం తదితర డిమాండ్లు ఉన్నాయి. ప్రత్యేక సమావేశాలతో పాటు వ్యక్తిగత పరిచయాలతో ఓట్లు అభ్యర్థించారు. సుమారు పదేళ్ల తర్వాత ఆర్టీసీలో గుర్తింపు సంఘం ఎన్నికలు జరుగుతున్నాయి. బరిలో ఉన్న వారందరూ ప్రతిష్టాత్మకంగా తీసుకోవడంతో రాజకీయం వేడెక్కింది. ప్రభుత్వ మద్దతుతో కార్మిక సంఘాలు పోటీ చేస్తున్నాయి. 2018 ఆగస్టుతో పదవీకాలం ముగిసినా, అప్పటి ప్రభుత్వం ఎన్నికలు నిర్వహించలేదు. ఉదయం 5 నుంచి సాయంత్రం 6 గంటల వరకు పోలింగ్‌ హోరాహోరీగా సాగిన ప్రచారం

● ప్రభుత్వానికి రూ.351 కోట్ల బకాయిలు ● ఇప్పటి వరకు రూ.126 కోట్ల చెల్లింపు ● ధాన్యం అమ్ముకున్న కొందరు మిల్లర్లు ● 14 మిల్లులపై కేసులు నమోదు కస్టమ్‌ మిల్లింగ్‌ రైస్‌ (సీఎంఆర్‌)ను అప్పగించడంలో కొందరు మిల్లర్లు మీనమేషాలు లెక్కిస్తున్నారు. ప్రభుత్వం అందజేసిన ధాన్యాన్ని మరాడించి బియ్యంగా మార్చి తిరిగి అప్పగించడంలో తీవ్ర నిర్లక్ష్య ధోరణి అవలంభిస్తున్నారు. పలు సీజన్లకు చెందిన ధాన్యాన్ని కొందరు మిల్లర్లు అమ్ముకొని సొమ్ము చేసుకుంటే, మరికొందరు సకాలంలో ఇవ్వకుండా పెండింగ్‌లో పెట్టారు. – మెదక్‌జోన్‌ జిల్లావ్యాప్తంగా 100 రైస్‌ మిల్లులు ఉండగా, 51 రా రైస్‌.. 49 బాయిల్డ్‌ మిల్లులు ఉన్నాయి. కాగా, పలు సీజన్లకు సంబంధించిన ధాన్యం మిల్లులకు కేటాయించగా, కొందరు అమ్ముకొని సొమ్ము చేసుకున్నారు. మరికొందరు సకాలంలో ఇవ్వకపోవటంతో వారి నుంచి ధాన్యానికి బదులుగా డబ్బులు చెల్లించాలని ప్రభుత్వం నోటీసులు ఇచ్చింది. ఇందుకు సంబంధించి రూ. 351 కోట్లు బకాయి ఉండగా, ఇప్పటివరకు రూ.126 కోట్లు వసూలయ్యాయి. ఈ లెక్కన ఇంకా రూ. 225 కోట్లు ప్రభుత్వానికి చెల్లించాల్సి ఉంది. 14 మిల్లులపై కేసులు ధాన్యం అమ్ముకున్న మిల్లర్లతో పాటు సకాలంలో సీఎంఆర్‌ ఇవ్వని వారికి అధికారులు నోటీస్‌లు ఇచ్చారు. ఇప్పటివరకు 14 మందిపై కేసులు నమోదయ్యాయి. ఈక్రమంలో సీఎంఆర్‌ ఇవ్వని మిల్లులపై విజిలెన్స్‌ అధికారుల దాడులు తీవ్రమయ్యాయి. అనేక మిల్లుల్లో ధాన్యం లోటు వెలుగులోకి వస్తుంది. కేసులు నమోదు చేస్తున్న అధికారులు ఆర్‌ఆర్‌యాక్టు ఉపయోగించి డబ్బులు చెల్లించాలని ఆదేశాలు జారీ చేస్తున్నారు. కొనసాగుతున్న టెండర్ల ప్రక్రియ ధాన్యం తీసుకున్న మిల్లర్లు సకాలంలో బియ్యం తిరిగి ఇవ్వకపోవటంతో ఏళ్ల తరబడి మిల్లులు, ఇతర గోదాంల్లో నిల్వ ఉండటంతో ప్రభుత్వం ఆ ధాన్యా న్ని కొంత కొంతగా టెండర్‌ వేస్తోంది. 2025–26 రబీ సీజన్‌కు సంబంధించి 12 వేల మెట్రిక్‌ టన్నుల ధాన్యాన్ని ప్రభుత్వం వేలం వేసింది. దీంతో ఓ కాంట్రాక్టర్‌ క్వింటాల్‌కు రూ. 2,389 చొప్పున చెల్లించి తీసుకున్నాడు. ఆ ధాన్యానికి మిల్లర్లు క్వింటాల్‌కు రూ. 2,500 చొప్పున చెల్లించి కాంట్రాక్టర్‌ నుంచి కొనుగోలు చేస్తున్నట్లు సమాచారం. ఈ లెక్కన క్వింటాల్‌కు రూ. 111 కాంట్రాక్టర్‌ లాభం పొందుతున్నాడు. ఇదే టెండర్‌ వేయకుంటే ప్రభుత్వానికే ఆదాయం వచ్చేదని పలువురు మిల్లర్లు పేర్కొంటున్నారు. 2022–23 రబీ ధాన్యానికి సంబంధించి జిల్లాలో 80 వేల మెట్రిక్‌ టన్నుల ధాన్యాన్ని ప్రభుత్వం ఓపెన్‌ టెండర్‌ నిర్వహించింది. దీంతో ఓ టెండర్‌దారుడు క్వింటాల్‌కు రూ. 1,900 చొప్పున చెల్లించి స్వాధీనం చేసుకున్నాడు. అయితే ఆ కాంట్రాక్టరు ఆ ధాన్యం తీసుకెళ్లలేదు. దీంతో అదే ధరకు తమకు ఇవ్వాలని జిల్లాలోని 67 మంది మిల్లర్లు కోరారు. క్వింటాల్‌కు రూ. 2,280 చొప్పున ఇస్తామని అధికారులు తెలిపారు. దీనిపై సదరు మిల్లర్లు ప్రభుత్వానికి వ్యతిరేకంగా కోర్టుకెళ్లారు. ప్రస్తుతం న్యాయస్థానంలో కేసు నడుస్తోంది. ఇదిలా ఉండగా ధాన్యం పక్కదారి పట్టించిన మిల్లర్లపై చర్యలు తీసుకుంటే తమకు అభ్యంతరం లేదని, కానీ అందరిపై ఒత్తిడి తెస్తూ కేసులు నమోదు చేస్తున్నారంటూ మిల్లర్లు ఆందోళన వ్యక్తం చేస్తున్నారు. వానాకాలం ధాన్యాన్ని తీసుకోలేమని తేల్చిచెప్పారు. దీంతో రైతుల నుంచి సేకరించిన ధాన్యాన్ని నిల్వ చేసేందుకు అధికారులు గోదాంలు, రైతు వేదికలను సిద్ధం చేస్తున్నారు.

మెదక్‌ కలెక్టరేట్‌: జిల్లా ఎన్‌హెచ్‌ఎం విభాగంలో 64 పోస్టులకు కాంట్రాక్ట్‌ పద్దతిలో దరఖాస్తులు స్వీకరిస్తున్నారు. ఈనెల 6 నుంచి ప్రక్రియ ప్రారంభించారు. గురువారం పలు పోస్టుల కోసం దరఖాస్తు చేసుకునేందుకు తరలివచ్చిన అర్జీదారులతో కలెక్టరేట్‌ కిటకిటలాడింది. కొంతమంది మహిళలు చంటిబిడ్డలతో తరలివచ్చారు. కాగా ఈనెల 14 వరకు దరఖాస్తులు స్వీకరించనున్నారు. మొత్తం 64 పోస్టులు ఉండగా, మూడు రోజుల్లో 550 మంది అప్లై చేసుకున్నారు. ఇందులో స్టాఫ్‌నర్స్‌ 280, ఏఎన్‌ఎం 130, ల్యాబ్‌ టెక్నీషియన్‌ 80, ఎంఎల్‌హెచ్‌పీసీహెచ్‌ఓ 60 దరఖాస్తులు వచ్చినట్లు సూపరింటెండెంట్‌ సుధాకర్‌ తెలిపారు.

చిన్నశంకరంపేట(మెదక్‌): రైతులకు సరైన విద్యుత్‌ అందించకుంటే చూస్తూ ఊరుకోమని దుబ్బాక ఎమ్మెల్యే కొత్త ప్రభాకర్‌రెడ్డి హెచ్చరించారు. గురువారం నార్సింగి సబ్‌స్టేషన్‌ ఎదురుగా బీఆర్‌ఎస్‌ అధ్వర్యంలో ధర్నా నిర్వహించారు. ఈసందర్భంగా ఆయన మాట్లాడుతూ.. బీఆర్‌ఎస్‌ హయాంలో ఒక్క నిమిషం కరెంట్‌ పోలేదన్నారు. కాంగ్రెస్‌ రెండేళ్ల పాలనలో రైతుల ఉసురు తీస్తున్నారని ఆవేదన వ్యక్తం చేశారు. వ్యవసాయం గురించి సీఎం ఒక్క సమీక్ష కూడా చేయడం లేదన్నారు. ఈ ప్రభుత్వంలో రైతులకు యూరియా దొరకడం లేదు, పంటలకు సరైన కరెంట్‌ రావడం లేదన్నారు. ఇప్పటికై నా 15 గంటల విద్యుత్‌ సరఫరా చేయాలని డిమాండ్‌ చేశారు. రైతులను నిండా ముంచుతున్న కాంగ్రెస్‌ ఖతం కావడం ఖాయమన్నారు. అంతకుముందు సబ్‌స్టేషన్‌ లాగ్‌బుక్‌ పరిశీలించి విద్యుత్‌ సరఫరాపై ఆరా తీశారు. ఎస్‌ఈతో ఫోన్‌లో మాట్లాడి రైతులకు మెరుగైన విద్యుత్‌ అందించేందకు చర్యలు తీసుకోవాలని కోరారు. కార్యక్రమంలో మాజీ జెడ్పీటీసీ కృష్ణారెడ్డి, నార్సింగి సర్పంచ్‌ సుజాతగౌడ్‌, బీఆర్‌ఎస్‌ మండల అధ్యక్షుడు మైలారం బాబు, నాయకులు విష్ణువర్దన్‌రెడ్డి, మాజీ వైస్‌ ఎంపీపీలు మల్లేశంగౌడ్‌ తదితరులు పాల్గొన్నారు. కాంగ్రెస్‌ ప్రభుత్వంపై ఎమ్మెల్యే కొత్త ప్రభాకర్‌రెడ్డి ఫైర్‌

● అదనంగా 50 శాతం చార్జీలు! ● ఏర్పాట్లు పూర్తి చేసిన అధికారులు సంగారెడ్డి టౌన్‌: బతుకమ్మ, దసరా పండుగ నేపథ్యంలో సొంతూళ్లకు వెళ్లే వారిని క్షేమంగా గమ్యస్థానాలకు చేరవేసేందుకు ఆర్టీసీ సిద్ధమైంది. అందులో భాగంగా ఉమ్మడి మెదక్‌ జిల్లావ్యాప్తంగా 415 ప్రత్యేక బస్సులు ఏర్పాటు చేసింది. ఈనెల 10 నుంచి 22వ తేదీ వరకు సర్వీసులు అందుబాటులో ఉండనున్నాయి. శనివారం నుంచి పాఠశాలలకు సెలవులు ఉండడంతో ప్రజలు సొంతూరు బాట పట్టనున్నారు. బస్సుల సంఖ్య పెంచడంతో కొంత మేర ప్రయాణికులకు ఇబ్బందులు తప్పనున్నాయి. ప్రతి రోజు 606 బస్సులు తిరుగుతుండగా.. దసరా నేపథ్యంలో అదనంగా 13 రోజుల పాటు ప్రత్యేక బస్సులు ఏర్పాటు చేశారు. అదనపు బస్సులకు 50 శాతం చార్జీలు పెంచే అవకాశాలు ఉన్నాయి.ఉమ్మడి మెదక్‌ జిల్లావ్యాప్తంగా బతుకమ్మ, దసరా సందర్భంగా 415 ప్రత్యేక బస్సులు ఏర్పాటు చేశాం. ప్రతి బస్టాండులో అదనపు సిబ్బందితో పర్యవేక్షిస్తాం. అవసరాన్ని బట్టి బస్సులు పెంచుతాం. ప్రత్యేక బస్సులలో అదనపు చార్జీలు ఉంటాయి. గ్రామాలకు వెళ్లడానికి ప్రత్యేకంగా బస్సులు అవసరం ఉన్నా కూడా ఏర్పాటు చేస్తాం. ఈ అవకాశాన్ని ప్రయాణికులు సద్వినియోగం చేసుకోవాలి. – విజయ్‌భాస్కర్‌, ఆర్‌ఎం

నిజాంపేట(మెదక్‌): విద్యుత్‌ సమస్యలతో రైతులు తీవ్ర ఇబ్బందులు పడుతున్నారని బీఆర్‌ఎస్‌ జిల్లా అధ్యక్షురాలు పద్మారెడ్డి, నియోజకవర్గ ఇన్‌చార్జి కంఠారెడ్డి తిరుపతిరెడ్డి అన్నారు. గురువారం మండల కేంద్రంలోని సబ్‌స్టేషన్‌ ఎదుట ధర్నా నిర్వహించారు. ఈసందర్భంగా వారు మాట్లాడుతూ.. ప్రస్తుతం పంటలు పొట్ట దశలో ఉన్నాయని, ఈ సమయంలో సాగునీరు అందకపోతే ఎండిపోయే ప్రమాదం ఉందన్నారు. కనీసం 15 రోజుల పాటు 12 గంటల విద్యుత్‌ను నిరంతరాయంగా సరఫరా చేయాలని డిమాండ్‌ చేశారు. కాంగ్రెస్‌ ప్రభుత్వం 24 గంటల విద్యుత్‌ ఇస్తామని హామీ ఇచ్చినా, ప్రస్తుతం ఆరు నుంచి ఏడు గంటలు కూడా సక్రమంగా సరఫరా కావడం లేదని ఆరోపించారు. రైతులకు విద్యుత్‌ సమస్య వస్తే స్థానిక ఎమ్మెల్యే, అధికారులు ఎందుకు స్పందించడం లేదని ప్రశ్నించారు. ప్రభుత్వం స్పందించకపోతే రైతుల పక్షాన అందోళనలు తీవ్రతరం చేస్తామని హెచ్చరించారు. కార్యక్రమంలో బీఆర్‌ఎస్‌ నాయకులు, రైతులు పెద్దఎత్తున పాల్గొన్నారు. బీఆర్‌ఎస్‌ జిల్లా అధ్యక్షురాలు పద్మారెడ్డి

ఎల్‌నినోతో వర్షాల జాడ లేకపోవడంతో చి‘వరి’ తడికి నీరందించేందుకు మంజీరా పరీవాహక ప్రాంతాల రైతులు భగీరథ ప్రయత్నం చేస్తున్నారు. నదిలో అక్కడక్కడా నీరు ఉన్న మడుగుల్లో పెద్ద ఎత్తున మోటార్లు ఏర్పాటు చేసి పంటలకు నీరందిస్తున్నారు. ఇసుక తిన్నెల కింద ఉన్న నీటిని పైకి తెచ్చేందుకు పెద్దఎత్తున గుంతలు తవ్వుతున్నారు. ఉన్న కొద్దిపాటి నీటిని తమ పొలాలకు పారిస్తున్నారు. ఇక బోరు బావులు ఉన్న రైతులు పంట చేతికొస్తుందన్న ధీమాతో ఉన్నారు. – కొల్చారం(నర్సాపూర్‌)

కలెక్టర్‌ ప్రతిమాసింగ్‌ మెదక్‌ కలెక్టరేట్‌: ప్రత్యేక అవసరాలు గల పిల్లలకు నాణ్యమైన విద్యనందించాలని కలెక్టర్‌ ప్రతిమాసింగ్‌ సిబ్బందికి సూచించారు. గురువారం జిల్లా కేంద్రంలో విద్యాశాఖ, సమగ్ర శిక్ష ఆధ్వర్యంలో ఏర్పాటుచేసిన పిల్లల తల్లిదండ్రుల సమావేశానికి ఆమె ముఖ్య అతిథిగా హాజరై మాట్లాడారు. జిల్లాలోని 21 భవిత కేంద్రాల్లో 194 మంది ప్రత్యేక అవసరాలు గల పిల్లలు విద్యను అభ్యసిస్తున్నట్లు చెప్పారు. అలిమ్‌కో అలిమ్‌కో క్యాంపుల ద్వారా అవసరమైన ఉపకరణాలను అందిస్తున్నట్లు చెప్పారు. కార్యక్రమంలో డీఈఓ రాజు, ఏఎంఓ సుదర్శన్‌ మూర్తి, సీఎంఓ రాజు, ఇతర అధికారులు, సిబ్బంది పాల్గొన్నారు. ఎస్పీ శ్రీనివాస్‌రావు శివ్వంపేట(నర్సాపూర్‌): కేసుల పురోగతికి సాంకేతిక పరిజ్ఞానాన్ని వినియోగించుకోవాలని ఎస్పీ డీవీ శ్రీనివాసరావు సిబ్బందికి సూచించారు. గురువారం శివ్వంపేట పోలీస్‌స్టేషన్‌ను ఆకస్మికంగా తనిఖీ చేసి రికార్డులు పరిశీలించారు. పెండింగ్‌ కేసులు, దర్యాప్తు పురోగతిపై ఆరా తీశారు. ఈసందర్భంగా ఎస్పీ మాట్లాడుతూ.. మహిళలు, బాలికలపై జరిగే నేరాలకు సంబంధించిన కేసుల్లో దర్యాప్తును నిర్ణీత గడువులోగా పూర్తి చేసి కోర్టులో చార్జిషీట్‌ దాఖలు చేయాలన్నారు. పెండింగ్‌ కేసులపై ప్రత్యేక దృష్టి సారించి దర్యాప్తును వేగవంతం చేయాలని ఆదేశించారు. ఆయన వెంట తూప్రాన్‌ సీఐ వెంకటరాజా గౌడ్‌, ఎస్సై మధుకర్‌రెడ్డి, సిబ్బంది ఉన్నారు. కౌడిపల్లి(నర్సాపూర్‌): వీబీజీరాంజీ పనులతో గ్రామాల్లో అభివృద్ధికి నిధులు ఎక్కువగా మంజూరవుతాయని డీఆర్‌డీఓ పీడీ శ్రీనివాస్‌ అన్నారు. గురువారం మండలంలోని రాజిపేటలో ఫాంపాండ్‌ నిర్మాణ పనులతో పాటు వెంకట్రావుపేటలో ఆసరా పింఛన్ల దరఖాస్తుల వెరిఫికేషన్‌ చేపట్టారు. ఈసందర్భంగా ఆయన మాట్లాడుతూ.. జలసిరి కింద చేపట్టే పనులు వేగవంతం చేయాలన్నారు. ఆయన వెంట ఎంపీడీఓ శ్రీనివాస్‌, సర్పంచ్‌లు దుర్గమ్మ, నాగభూషణం, కుత్‌బొద్దీన్‌, ఏపీఓ పుణ్యదాస్‌, ఫీల్డ్‌ అసిస్టెంట్‌ గంగరాంగౌడ్‌, పంచాయతీ కార్యదర్శి ఇట్యనాయక్‌, నిర్మల, ఉపసర్పంచ్‌ ప్రవీణ్‌ తదితరులు పాల్గొన్నారు. వెల్దుర్తి(తూప్రాన్‌): మండలంలోని హస్తాల్‌పూర్‌ పంచాయతీ టీబీ రహిత గ్రామంగా గుర్తింపు పొందింది. గ్రామంలో ఒక్క టీబీ (క్షయ) పేషెంట్‌ కూడా లేకపోవడంతో కలెక్టర్‌లో గురువారం నిర్వహించిన కార్యక్రమంలో డీఎంహెచ్‌ఓ చేతులమీదుగా సర్పంచ్‌ నర్సింహారెడ్డి ప్రశాంసపత్రం అందుకున్నారు. గ్రా మంలో టీబీ నివారణకు తీసుకున్న చర్యలు, ప్రజల్లో ఆరోగ్యంపై అవగాహన కల్పించడం ఫలితంగా ఈ ఘనత సాధించడంపై గ్రామస్తులు హర్షం వ్యక్తం చేశారు. కౌడిపల్లి(నర్సాపూర్‌): 33 కేవీ లైన్‌ మరమ్మతుల నేపథ్యంలో శుక్రవారం విద్యుత్‌ సరఫరాలో అంతరాయం ఏర్పడుతుందని ఏఈ సాయికుమార్‌ తెలిపారు. మండలంలోని మహమ్మద్‌నగర్‌, వెంకట్రావ్‌పేట, రాజిపేట, సలాబత్‌పూర్‌ సబ్‌స్టేషన్‌ పరిధిలోని గ్రామాల్లో శుక్రవారం ఉదయం 12 గంటల నుంచి సాయంత్రం 5 గంటల వరకు విద్యుత్‌కు అంతరాయం ఉంటుందన్నారు.

చిన్నశంకరంపేట(మెదక్‌): విద్యుత్‌ కోతలతో పంటలు ఎండిపోతున్నాయని రైతులు కన్నెర్ర చేశారు. బుధవారం మండలంలోని గవ్వలపల్లి చౌరస్తాలో రాస్తారోకో చేపట్టారు. వ్యవసాయానికి సరైన విద్యుత్‌ సరఫరా లేక పంటలు ఎండిపోతున్నాయని విద్యుత్‌శాఖ అధికారులపై ఆగ్రహం వ్యక్తం చేశారు. మెదక్‌– చేగుంట ప్రఽ దాన రహదారిపై బైఠాయించడంతో పెద్ద సంఖ్యలో వాహనాలు నిలిచిపోయాయి. విషయం తెలుసుకున్న పోలీస్‌లు రైతులను సముదాయించేందుకు ప్రయత్నించగా, ట్రాన్స్‌కో అధికారులు వచ్చి సరైనా సమాధానం చెప్పేవరకు కదిలేదిలేదని మొండికేశారు. దీంతో ఎస్‌ఐ శివానందం ఫోన్‌లో పరిస్థితి వివరించడంతో ట్రాన్స్‌కో ఏడీ మోహన్‌బాబు, ఏఈ దినకర్‌ వచ్చి రైతులతో మాట్లాడారు. పంటలు ఎడిపోతున్నాయి కనీసం 12 గంటల విద్యుత్‌ అయినా అందించండి సారూ అంటూ చెన్నాయిపల్లికి చెందిన ఓ రైతు ఏడీ మోహన్‌బాబు కాళ్లపై పడి ప్రాధేయపడ్డారు. దీంతో కొంత ఉద్రిక్తత ఏర్పడింది. ఏడీ డౌన్‌ డౌన్‌, సీఎం డౌన్‌ డౌన్‌ అంటూ రైతులు నినదించారు. చివరికి 9 గంటల విద్యుత్‌ సరఫరా నిరంతరం అందిస్తామని ఏడీ, ఏఈ రైతులను చెప్పడంతో రాస్తారోకో విరమించారు. కార్యక్రమంలో బీఆర్‌ఎస్‌ నా యకులు రాజు, కుమార్‌గౌడ్‌, లక్ష్మారెడ్డి, ఉపేందర్‌రెడ్డి, రవీందర్‌రెడ్డి, సర్పంచ్‌ సిద్దిరాములు, మాజీ సర్పంచ్‌ శ్రీనివాస్‌, పోచయ్య, పెద్ద సంఖ్యలో రైతులు పాల్గొన్నారు.

మెదక్‌జోన్‌: సైబర్‌ నేరగాళ్లతో జాగ్రత్తగా ఉండాలని ఎస్పీ శ్రీనివాసరావు ప్రజలకు సూచించారు. బుధవారం ఎస్పీ కార్యాలయంలో సైబర్‌ నేరాలపై అవగాహన వాల్‌పోస్టర్‌ను ఆవిష్కరించి మాట్లాడారు. గుర్తుతెలియని కాల్స్‌, మెసేజ్‌లు, లింకులు, అనుమానాస్పద ఆఫర్లకు స్పందించవద్దని అన్నారు. పార్ట్‌టైం జాబ్‌, లోన్‌ యా ప్‌, ఆన్‌లైన్‌ షాపింగ్‌, పెట్టుబడులు, అధికారుల పేరుతో జరిగే ఇంపర్సనేషన్‌ మోసాల పట్ల అప్రమత్తంగా ఉండాలని తెలిపారు. కార్యక్రమంలో సైబర్‌ క్రైం డీఎస్పీ సుభాశ్‌ చంద్రబోస్‌, ఆర్‌ఐ శైలెందర్‌, సిబ్బంది పాల్గొన్నారు. బీజేపీ రాష్ట్ర కార్యవర్గ సభ్యుడు రాములు రామాయంపేట(మెదక్‌): తీవ్రమైన విద్యుత్‌ కోతలతో రైతులు ఇబ్బందులపాలవుతున్నా ప్రభుత్వం ఎంతమాత్రం పట్టించుకోవడం లేదని బీజేపీ రాష్ట్ర కార్యవర్గ సభ్యుడు రాగి రాములు ఆరోపించారు. బుధవారం విద్యుత్‌శాఖ ఏఈ తిరుపతిరెడ్డికి వినతిపత్రం అందజేసి మాట్లాడారు. కరెంట్‌ కోతలతో పంటలు ఎండిపోతున్నాయని వాపోయారు. అప్పులు చేసి పంట సాగు చేస్తున్న రైతులు తీ వ్ర ఆందోళన మధ్య కొట్టుమిట్టాడుతున్నారని వివరించారు. 12 గంటల పాటు సరఫరా చేస్తున్నామని అధికారులు చెబుతున్నా, వాస్తవానికి 5 గంటలకు మించి సరఫరా కావడం లేద న్నారు. తరచూ సరఫరాలో అవాంతరాలతో తడిపిన మడులే మళ్లీ తడుస్తున్నాయని తెలిపా రు. విద్యుత్‌ సరఫరా మెరుగుపడకపోతే పార్టీ ఆధ్వర్యంలో పెద్ద ఎత్తున ఆందోళన నిర్వహిస్తామని హెచ్చరించారు. కార్యక్రమంలో అక్కన్నపేట సర్పంచ్‌ యాదగిరి, కిసాన్‌ మోర్చా జిల్లా ఉపాధ్యక్షుడు రంగయ్య, జిల్లా నాయకులు అనిల్‌కుమార్‌, యాదగిరి తదితరులు పాల్గొన్నారు. రామాయంపేట(మెదక్‌): పట్టణ శివారులో కొనసాగుతున్న ఆధ్యా గ్రాండ్‌ హోటల్‌ను బుధవారం ఫుడ్‌ సెక్యూరిటీ అధికారులు సీజ్‌ చేశారు. హోటల్‌ లైసెన్స్‌ రిన్యూవల్‌ చేసుకోకపోవడంతో పాటు నిబంధనల మేరకు కొనసాగకపోవడంతో ఫుడ్‌ సెక్యూరిటీ విభాగానికి చెందిన టాస్క్‌ఫోర్స్‌ బృందం తనిఖీలు నిర్వహించింది. వారి ఆదేశాల మేరకు జిల్లా ఫుడ్‌ సెక్యూరిటీ అధికారి స్వదీప్‌కుమార్‌ హోటల్‌ నిర్వాహకులకు నోటీస్‌ అందజేసి సీజ్‌ చేశారు. హవేళిఘణాపూర్‌(మెదక్‌): జిల్లా దిశ కమిటీ మెంబర్‌గా హవేళిఘణాపూర్‌కు చెందిన ఎంఎల్‌రెడ్డిని నియమిస్తూ కేంద్ర గ్రామీణాభివృద్ధి మంత్రి శివరాజ్‌ సింగ్‌ చౌహాన్‌ బుధవారం ఉత్తర్వులు జారీ చేశారు. అలాగే నర్సాపూర్‌కు చెందిన రమేశ్‌గౌడ్‌, స్వప్న, పద్మను సైతం కమిటీ మెంబర్లుగా నియమించారు. తమపై నమ్మకం ఉంచి ఈ బాధ్యత అప్పగించినందుకు ఎంఎల్‌రెడ్డి పార్టీ పెద్దలకు కృతజ్ఞతలు తెలిపారు. కొల్చారం(నర్సాపూర్‌): 2008 స్పెషల్‌ టీచర్లుగా నియామకమైన వారికి ఎస్జీటీ పే స్కేల్‌ వర్తింపజేయాలని టీపీటీఎఫ్‌ రాష్ట్ర కౌన్సిలర్లు సంగయ్య, నజిరొద్దీన్‌ ప్రభుత్వాన్ని డిమాండ్‌ చేశారు. బుధవారం మండలంలోని చిన్నఘనాపూర్‌ ఉన్నత పాఠశాలలో సభ్యత్వ నమోదు కార్యక్రమాన్ని చేపట్టారు. ఈసందర్భంగా వారు మాట్లాడుతూ.. 50 శాతం ఫిట్‌మెంట్‌తో పీఆర్సీ వెంటనే ప్రకటించాలన్నారు. ప్రభుత్వం ప్రతీ నెల విడుదల చేసే రూ.2 వేల కోట్ల బకాయిలు రెండు నెలలుగా విడుదల చేయడం లేదన్నారు. కార్యక్రమంలో సంగం మండల ప్రధాన కార్యదర్శి యాదగిరి తదితరులు పాల్గొన్నారు.

నర్సాపూర్‌ రూరల్‌: వన్యప్రాణులు సంరక్షణ వారోత్సవాల్లో భాగంగా నర్సాపూర్‌ అడవితో పాటు అర్బన్‌ పార్కును బుధవారం ప్రభుత్వ డిగ్రీ కళాశాల విద్యార్థులు సందర్శించారు. అటవీశాఖ అధికారులు విద్యార్థులకు ఔషధ మొక్కలు, వన్య ప్రాణులు, వాటి ఆవాసాలు, సంరక్షణ చర్యల గురించి అవగాహన కల్పించారు. అనంతరం ఎఫ్‌ ఆర్‌ఓ దివ్య మాట్లాడుతూ.. మానవాళి మనుగడతో విడదీయరాని సంబంధం కలిగిన అటవీ, వృక్ష సంపదను కాపాడుకోవాల్సిన అవసరం మనపై ఉందన్నారు. వృక్షాల నరికివేత, జంతువుల వేటను అరికట్టాల్సిన అవసరం ఉందన్నారు. పర్యావరణ పరిరక్షణ, అటవీ, జంతు సంపదను కాపాడడంలో యువత కీలక పాత్ర పోషించాలని పిలుపునిచ్చారు. అనంతరం అటవీ ప్రాంతంలోని వాచ్‌ టవర్‌ వద్ద విద్యార్థులకు వ్యాసరచన పోటీలు నిర్వహించి ప్రతిభ కనబరిచిన విద్యార్థులకు బహుమతులు అందజేశారు. కార్యక్రమంలో ఎన్‌ఎస్‌ఎస్‌ ప్రోగ్రాం అధికారి డాక్టర్‌ సురేశ్‌కుమార్‌, రాజు, కృష్ణ తదితరులు పాల్గొన్నారు.

● చట్టబద్ధతతో చిన్నారులకు కొత్త జీవితం ● రెండేళ్లు అధికారుల పర్యవేక్షణ ● మాతృత్వానికి మరో మార్గం తల్లిదండ్రులు లేని అభాగ్యులు ఆప్యాయత ఒడికి చేరుతున్నారు. అనాధాశ్రమంలో ఉంటూ ప్రేమానురాగాలకు దూరమైన చిన్నారులు దత్తతతో కొత్త జీవితంలోకి అడుగుపెడుతున్నారు. మారుతున్న జీవనశైలి, ఉద్యోగ సాధన తదితర కారణాలతో ఆలస్యంగా వివాహాలు చేసుకొని సంతానం కలగకపోవడంతో పలువురు మనోవేదనకు గురవుతున్నారు. వీరికి సెంట్రల్‌ అడాప్షన్‌ రిసోర్స్‌ అథారిటీ వెసులుబాటు కల్పిస్తుంది. ప్రేమానురాగాలకు దూరమైన చిన్నారులు దత్తతతో కొత్త బంగారు జీవితానికి బాటలు పడుతున్నాయి. – సంగారెడ్డి జోన్‌ వివిధ కారణాలతో మాతృత్వానికి దూరమవుతున్న చిన్నారులకు జిల్లా సంక్షేమ శాఖ ఆశ్రయం కల్పిస్తుంది. అర్హులైన దంపతులకు 2010 నుంచి చట్టబద్ధంగా దత్తత ఇస్తుంది. ఇప్పటివరకు 129 మందికి దత్తత ఇచ్చి, కొత్త జీవితాలను అందించింది. రాష్ట్రంతో పాటు దేశవ్యాప్తంగా వివిధ రాష్ట్రాలకు చెందిన వారు దత్తత తీసుకునేందుకు ఆసక్తి చూపిస్తున్నారు. బాల, బాలికలు తేడా లేకుండా ముందుకు వస్తున్నారని సంక్షేమ శాఖ నిర్వాహకులు చెబుతున్నారు. విదేశీయులు సైతం ఆసక్తి అభాగ్యులకు కొత్త జీవితం అందించేందుకు దేశంలోని వివిధ ప్రాంతాల వారే కాకుండా విదేశీయులు సైతం ఆసక్తి చూపిస్తున్నారు. ఇతర దేశాలలో కూడా ఇక్కడి మాదిరిగానే అనుబంధ సంస్థలను ఏర్పాటు చేశారు. అక్కడి నుంచి ఇక్కడి నిర్వాహకులను సంప్రదించి దత్తత తీసుకుంటున్నారు. ఇప్పటివరకు జిల్లా నుంచి అమెరికా 8 మంది, యూకే, మాల్టా ఒకరు చొప్పున దత్తత పొందారు. మరికొన్ని దేశాల వారు దత్తత తీసుకునేందుకు దరఖాస్తు చేసుకున్నట్లు తెలుస్తోంది. బాలికలే అధికం జిల్లావ్యాప్తంగా దత్తత పొందిన వారిలో అత్యధికంగా బాలికలే ఉన్నారు. గత 17 సంవత్సరాల్లో 129 మందిని దత్తత తీసుకున్నారు. ఇందులో 91 మంది బాలికలు ఉండగా, 38 మంది బాలురు ఉన్నారు. దత్తత పొందిన అనంతరం రెండేళ్ల పాటు పర్యవేక్షిస్తారు. విదేశాల్లో సైతం అక్కడి సిబ్బందితో పర్యవేక్షణ జరుపుతారు.

మెదక్‌ కలెక్టరేట్‌: దేశ అభివృద్ధి లక్ష్యాలతో సాగుతున్న సేవా కార్యక్రమాల్లో ప్రతి ఒక్కరూ భాగస్వాములు కావాలని ఎంపీ రఘునందన్‌రావు పిలుపునిచ్చారు. బీజేపీ ఆధ్వర్యంలో నిర్వహిస్తున్న ‘సేవా సంకల్ప అభియాన్‌’ కార్యక్రమంలో భాగంగా బుధవారం జిల్లా కేంద్రంలోని ఆపార్టీ జిల్లా అధ్యక్షులు మల్లేశ్‌గౌడ్‌ ఆధ్వర్యంలో ‘సేవా జ్యోతి కలశ యాత్ర’ ఘనంగా నిర్వహించారు. కార్యక్రమానికి ముఖ్య అతిథిగా ఎంపీ రఘునందన్‌రావు హాజరై మాట్లాడారు. ప్రధాని నరేంద్ర మోదీ 2001లో గుజరాత్‌ ముఖ్యమంత్రిగా బాధ్యతలు స్వీకరించడం ద్వారా ప్రారంభమై ప్రభుత్వాధినేతగా 25 ఏళ్లు పూర్తి చేసుకున్నారని తెలిపారు. అనంతరం రాందాస్‌ చౌరస్తా నుంచి బీజేపీ నాయకులు, కార్యకర్త లు, ప్రజలు పెద్ద సంఖ్యలో పాదయాత్ర నిర్వహించారు. కార్యక్రమంలో బీజేపీ జిల్లా ఇన్‌చార్జి నరసింహారెడ్డి, జిల్లా ప్రధాన కార్యదర్శి ఈర్ల రంజిత్‌రెడ్డి, సురేశ్‌, పట్టణ అధ్యక్షుడు ప్రసాద్‌తో పాటు నాయకులు తదితరులు పాల్గొన్నారు. ఎంపీ రఘునందన్‌రావు

నర్సాపూర్‌లో ఎండుతున్న వరి ఎల్‌నినో ప్రభావంతో వాన ముఖం చాటేసింది. చెరువుల్లో నీళ్లు ఇంకిపోయాయి. పచ్చని పొలాలు నెర్రెలు వారుతున్నాయి. ఆకాశం వైపు చూసి చూసి అన్నదాత కళ్లు కాయలు కాస్తున్నాయి. బోర్లను నమ్ముకుంటే అప్రకటిత విద్యుత్‌ కోతలు ఇబ్బంది పెడుతున్నాయి. నీరు ఉన్నప్పటికీ పొలాలకు అందకపోవడంతో ఎండుముఖం పడుతున్నాయి. పంటలను కాపాడుకునేందుకు రైతులు అనేక పాట్లు పడుతున్నారు. – నర్సాపూర్‌ జిల్లావ్యాప్తంగా విద్యుత్‌ కోతలతో మోటార్లు సరిగా నడవక సుమారు నలభై శాతం పంటలు ఎండుముఖం పట్టాయి. ఉదయం 7 గంటల నుంచి సాయంత్రం 5 గంటల వరకు త్రీఫేజ్‌ కరెంటు సరఫరా చేయాల్సి ఉన్నా, మధ్యలో 2 నుంచి 3 గంటల పాటు కరెంట్‌ కోత పెడుతున్నారు. సాగుకు 10 గంటలు ఇస్తున్నామని అధికారులు చెబుతున్నా, క్షేత్రస్థాయిలో 6 నుంచి 7 గంటలే వస్తుందని రైతులు చెబుతున్నారు. దీంతో పంటలను కాపాడుకునేందుకు అనేక పాట్లు పడుతున్నారు. ఆర్థిక భారమైన జనరేటర్లు, డీజిల్‌ ఇంజన్లు ఏర్పాటు చేసుకొని పొలాలకు నీరు పెడుతున్నారు. దీంతో రోజుకు వెయ్యి రూపాయల వరకు ఖర్చవుతుందని ఆవేదన వ్యక్తం చేస్తున్నారు. ఎండిపోగా మిగిలిన పంటను కాపాడుకోవాలన్న ఆశతో భారమైనా భరిస్తున్నామని రైతులు వాపోతున్నారు. కాలుతున్న మోటార్లు.. ట్రాన్స్‌ఫార్మర్లు వ్యవసాయానికి తక్కువ సమయం కరెంట్‌ సరఫరా చేయడంతో పాటు లోఓల్టేజీగా వ్యవసాయ బోరు మోటార్లు, ట్రాన్స్‌ఫార్మర్లు కాలిపోతున్నాయని రైతు లు ఆవేదన వ్యక్తం చేస్తున్నారు. వాటిని రిపేరు చేయించేందుకు రూ. రెండు వేల వరకు ఖర్చ చేస్తున్నారు. ప్రస్తుతం వరి పైరు గింజ గట్టిపడే సమయం కావడంతో నీరు ఎక్కువ అవసరం, ఈ సమయంలో మోటార్లు కాలిపోవడం, కరెంటు ఉండకపోవడంతో దిక్కుతోచని స్థితిలో రైతులు కొట్టు మిట్టాడుతున్నారు. పంట చేతికి వచ్చే సమయం వచ్చినందున నాణ్యమైన కరెంటు సరఫరా చేయా లని వేడుకుంటున్నారు. నాలుగెకరాలు ఎండిపోయింది ట్రాక్టర్‌కు డీజిల్‌ ఇంజన్‌ బిగించి దాని నుంచి కరెంటును బోరు మోటారుకు సరఫరా చేస్తూ వరి పంటను కాపాడే ప్రయత్నం చేస్తున్నాం. డీజిల్‌కు రోజుకు రూ. 600 వరకు ఖర్చవుతుంది. తమకు అదనపు భారం అయినప్పటికీ పంటను కాపాడుకోవాలని భరిస్తున్నాం. ఇప్పటికే నాలుగు ఎకరాలు ఎండిపోయింది. మిగిలిన పంటను కాపాడుకోవడానికి పాల్లు పడుతున్నా. – శ్రీపాల్‌, రైతు, నర్సాపూర్‌ సరిపడా నీరందక ఎండుతున్న పొలాలు తీవ్ర వర్షాభావంతో నిండని నీటి వనరులు పంటలను కాపాడుకునేందుకు తప్పని పాట్లు

● తక్కువ లీజుకు తీసుకొని మూడింతల అద్దెకు ● మున్సిపాలిటీకి రూ. లక్షల్లో నష్టం ● చోద్యం చూస్తున్న పాలకులు, అధికారులు మెదక్‌ బల్దియాలో మడిగెల దందా జోరుగా సాగుతోంది. మున్సిపాలిటీ పరిధిలో గల దుకాణాలను కొందరు పాలకవర్గ నేతలు అండదండలతో దశాబ్దాల క్రితం అతి తక్కువ ధరకు అద్దెకు తీసుకున్నారు. అంతకు మూడింతల అద్దె పెంచి సబ్‌ లీజుకు ఇస్తున్నారు. ఫలితంగా మున్సిపల్‌ ఆదాయానికి నెలనెలా లక్షలాది రూపాయల గండిపడుతోంది. ఇదంతా అధికారుల కనుసన్నల్లో జరుగుతుందనే ఆరోపణలు ఉన్నాయి. – మెదక్‌జోన్‌ మున్సిపాలిటీ ఏడు దశాబ్దాల క్రితం ఏర్పాటైంది. దీని పరిధిలో మార్కెట్‌ రోడ్డు, పాతబస్టాండ్‌, పటేల్‌కుంట పరిధిలో 163 షాపులు (మడిగెలు) ఉన్నాయి. వీటికి ఏడాదికి రూ. 66 లక్షల అద్దె వస్తున్నట్లు అధికారిక లెక్కలు చెబుతున్నాయి. వీటిలో చాలా వరకు ఒక్కోదానికి రూ. 3 నుంచి రూ. 4 వేల వరకు మాత్రమే అద్దె చెల్లిస్తున్నారు. కానీ వాటిని అద్దెకు తీసుకున్న వ్యక్తులు ఇతరులకు (సబ్‌) లీజ్‌కు రూ.10 వేలకు పైగా అద్దెకు ఇస్తున్నారు. అంటే మూడు రెట్లు అధికంగా వసూలు చేసుకుంటున్నారు. దీంతో మున్సిపాలిటీకి భారీగా నష్టం వాటిల్లుతోంది. చాలా ఏళ్లుగా ఈ దందా సాగుతున్నా సంబంధిత అధికారులు చోద్యం చూస్తున్నారనే ఆరోపణలు ఉన్నాయి. సిండికేట్‌గా మారి బల్దియాలో దశాబ్దాలుగా ఈ దందా సాగుతుండగా, రెండేళ్ల క్రితం పాతబస్టాండ్‌ సమీపంలో 16 షాపులను ఖాళీ చేయించి ఓపెన్‌ టెండర్‌ నిర్వహించారు. ఇందులో నామమాత్రంగా డిపాజిట్‌ పెట్టగా, కొందరు వ్యక్తులు డిపాజిట్‌ చేసి ఓపెన్‌ టెండర్‌లో పాల్గొన్నారు. ఇందులో ఒక్కో షాపును రూ. 40 వేల నుంచి రూ. 50 వేల వరకు వేలం పాట పాడి దక్కించుకున్నారు. వేలంలో షాపులను కై వసం చేసుకున్న వారు అద్దెకు రాలేదు. ఇదేంటని ప్రశ్నిస్తే అద్దె ఎక్కువగా పాడామని అందుకే రాలేకపోతున్నట్లు చెప్పినట్లు తెలిసింది. ఆ తర్వాత రెండోసారి మళ్లీ టెండర్‌ నిర్వహిస్తే మొదటి సారి రూ. 50 వేలకు వేలం వేసిన షాపులను సిండికేట్‌గా ఏర్పడి రూ. 15 వేల నుంచి రూ. 20 వేలకు మాత్రమే వేలం పాడారు. చేసేది లేక అధికారులు వారికి కట్టబెట్టారు. కాగా, ఒక్క పాతబస్టాండ్‌ వద్ద మాత్రమే పాతవారిని ఖాళీ చేయించి ఓపెన్‌ టెండర్‌ పెట్టిన అధికారులు, మార్కెట్‌ ఏరియాతో పాటు పటేల్‌కుంటలోనూ సబ్‌లీజుకు ఇచ్చిన షాపులను స్వాధీనం చేసుకుంటే మున్సిపాలిటికి రూ. లక్షల ఆదాయం సమకూరుతుందని పలువురు బహిరంగంగానే చెబుతున్నారు. ఖాళీ చేయాలని నోటీసులు పట్టణంలోని పటేల్‌కుంటలో మున్సిపాలిటీకి సంబంధించిన 67 షాపులను కొన్ని దశాబ్దాల క్రితం అద్దెకు ఇచ్చారు. అద్దెకు తీసుకున్న వారి గడువు సైతం ముగిసినట్లు తెలిసింది. కాగా, అవి నిర్మించి ఐదు దశాబ్దాలు గడిచిపోయింది. ప్రస్తుతం అవి శిథిలావస్థకు చేరడంతో వాటిని డిస్మెంటల్‌ చేసి వాటి స్థానంలో నూతనంగా షాపింగ్‌ కాంప్లెక్స్‌ నిర్మించి ఇస్తామని అధికారులు చెప్పారు. అయినా వారు ఖాళీ చేయటం లేదని చెబుతున్నారు. కాంప్లెక్స్‌ నిర్మాణానికి నిధులు మంజూరైన తర్వాతే ఖాళీ చేస్తామని తేల్చి చెప్పినట్లు తెలిసింది.

గతంలో దత్తత తీసుకునేందుకు కఠినతరమైన నిబంధనలు ఉండేవి. కానీ ప్రస్తుతం ప్రభు త్వమే చట్టబద్ధంగా అందించేందుకు మార్గం సులభతరం చేసింది. అవగాహన పెంచేందుకు ప్రతి సోమవారం కలెక్టరేట్‌లో నిర్వహించే ప్రజావాణిలో ప్రత్యేకంగా కౌంటర్‌ను ఏర్పాటు చేశారు. అందుబాటులో ఉన్న కారా వెబ్‌సైట్‌ ద్వారా దరఖాస్తు చేసుకోవాలి. దంపతుల ప్రస్తుత ఫొటో, వయసు, నివాస ధ్రువీకరణ పత్రంతో పాటు ఎలాంటి దీర్ఘకాలిక వ్యాధులు లేవని వైద్యు లు జారీ చేసిన ఫిట్‌నెస్‌ సర్టిఫికెట్‌ కలిగి ఉండాలి. దరఖాస్తు చేసుకునే సమయంలో రూ. 6 వేలు, దత్తత పొందే సమయంలో రూ. 50,000 డీడీ రూపంలో ప్రభుత్వానికి చెల్లించాల్సి ఉంటుంది.

నర్సాపూర్‌: సాక్షి కథనానికి అధికారులు స్పందించారు. మంగళవారం సాక్షిలో వచ్చిన ‘కరుగుతున్న గుట్టలు’ కథనానికి మండల రెవెన్యూ అధికారులు స్పందించారు. పట్టణాన్ని ఆనుకుని ఉన్న 76 సర్వేనంబరులో గల ప్రభుత్వ భూమిలోని గుట్టపైకి వెళ్లేందుకు అక్రమార్కులు ఏర్పాటు చేసిన రోడ్డుకు అడ్డంగా కందకం తవ్వించినట్లు ఆర్‌ఐ ప్రభాకర్‌ తెలిపారు. కందకం తవ్వించడంతో గుట్ట పైకి వాహనాలు వెళ్లడానికి వీలుండదని తెలిపారు. పోలీస్‌స్టేషన్‌లో సైతం ఫిర్యాదు చేశామని ఆయన చెప్పారు. పాపన్నపేట(మెదక్‌): గవర్నర్‌ శివప్రతాప్‌ శుక్లా పీఆర్‌ఓ దశరథం మంగళవారం ఏడుపాయల దుర్గమ్మ దర్శించుకొని ప్రత్యేక పూజలు చేశారు. ఈఓ వీరేశం, సిబ్బంది, ఆయనకు స్వాగతం పలికారు. అర్చకులు శంకరశర్మ, పార్థివ శర్మ అర్చన చేసి, తీర్థ ప్రసాదాలు అందజేశారు. కార్యక్రమంలో మెదక్‌ డీపీఆర్వో రామచంద్రరాజు, దేవ స్థాన సిబ్బంది సూర్య శ్రీనివాస్‌, మధుసుదన్‌రెడ్డి, ప్రతాప్‌రెడ్డి, రవి, రాజు, పాపాగౌడ్‌, వీరేశం, యాదగిరి పాల్గొన్నారు. నర్సాపూర్‌: స్థానిక ఆర్టీసీ డిపోను ఆర్టీసీ రీజనల్‌ మేనేజర్‌ విజయభాస్కర్‌ మంగళవారం తనిఖీ చేశారు. ఉదయం నుంచి రాత్రి వరకు చేపట్టిన తనిఖీలలో డిపో నిర్వహణ, ఆయా రికార్డులను పరిశీలించారు. ఆయన వెంట డిప్యూటీ ఆర్‌ఎం బీవీ రావు ఉన్నారు. కాగా స్థానిక డిపో మేనేజర్‌ మధుసూదన్‌ డిపో నిర్వహణ వివరాలను ఆర్‌ఎంకు అందజేశారు. ఇదిలాఉండగా బుధవారం ఆర్‌టీసీ ఎగ్జిక్యూటివ్‌ డైరెక్టర్‌(ఈడీ) ఖుస్రోషా ఖాన్‌ ఆర్‌టీసీ డిపోను తనిఖీ చేసే అవకాశం ఉందని సమాచారం. ఈడీ తనిఖీ నేపథ్యంలోనే ఉమ్మడి జిల్లాకు చెందిన అధికారులు మంగళవారం స్థానిక డిపోను తనిఖీ చేశారని తెలిసింది. రామాయంపేట(మెదక్‌): రామాయంపేట పట్టణ శివారులో ఉన్న ఆద్యా హోటల్‌లో మంగళవారం రాష్ట్ర ఫుడ్‌ సేఫ్టీ టాస్క్‌ఫోర్స్‌ బృందం ఆకస్మిక తనిఖీలు నిర్వహించింది. ఈసందర్భంగా అధికారులు ఆహార నాణ్యతతోపాటు కిచెన్‌లో సరుకులను తనిఖీ చేశారు. కిచెన్‌, ఇతర చోట్ల పరిశుభ్రత విషయమై పరిశీలించారు. లైసెన్సును తనిఖీ చేసి నోటీసు జారీ చేశారు. నాసిరకం పదార్థాలు విక్రయించినట్లు తేలితే చర్యలు తీసుకుంటామని హెచ్చరించారు. రామచంద్రాపురం(పటాన్‌చెరు): ఉమ్మడి మెదక్‌ జిల్లా రోలర్‌ స్కేటింగ్‌ అసోసియేషన్‌ ఆధ్వర్యంలో జిల్లా రోలర్‌ స్కేటింగ్‌ సెలెక్షన్‌లు ఈ నెల 24,25 తేదీల్లో బీహెచ్‌ఈఎల్‌ స్కేటింగ్‌ గ్రౌండ్‌లో నిర్వహించనున్నట్లు అసోసియేషన్‌ ప్రధాన కార్యదర్శి విఠల్‌ మంగళవారం ఓ ప్రకటనలో వెల్లడించారు. సెలెక్షన్‌కు కావల్సిన అన్ని ఏర్పాట్లను చేస్తున్నట్లు తెలిపారు.

మొక్కలు నాటిన గవర్నర్‌ శివప్రతాప్‌ శుక్లా రామాయంపేట(మెదక్‌): రామాయంపేట– సిద్దిపేట మధ్య నూతనంగా నిర్మించిన 765 డీజీ రహదారికి ఇరువైపులా మొక్కలు నాటే కార్యక్రమాన్ని మంగళవారం రాష్ట్ర గవర్నర్‌ శివప్రతాప్‌ శుక్లా ప్రారంభించారు. ఈ సందర్భంగా గవర్నర్‌తో పాటు మెదక్‌ ఎంపీ రఘునందన్‌రావు, పాఠశాలల విద్యార్థులతో కలిసి జీడి మామిడి మొక్కలు నాటారు. ఈమేరకు 43 కిలోమీటర్ల మేర 35 వేల మొక్కలు నాటనున్నట్లు ఎంపీ రఘునందన్‌రావు తెలిపారు. నాటిన మొక్కల సంరక్షణకు డ్రిప్‌ సిస్టం ఏర్పాటు చేయనున్నామని తెలిపారు. మొక్కలు నాటిన అనంతరం జరిగిన సమావేశంలో గవర్నర్‌తోపాటు ఎంపీ రఘునందన్‌, ప్రభుత్వ ప్రధాన కార్యదర్శి దానకిశోర్‌ ఎమ్మెల్సీ కొమురయ్య పాల్గొన్నారు. గవర్నర్‌ జ్యోతి ప్రజ్వలన అనంతరం మొక్కల నాటే కార్యక్రమాన్ని ప్రారంభించారు. కాగా గవర్నర్‌ పర్యటనకు ఎస్పీ శ్రీనివాసరావు ఆధ్వర్యంలో భారీ బందోబస్తు ఏర్పాటు చేశారు. ఆయన రాక సందర్భంగా పట్టణంలోని సిద్దిపేట దారిలో వ్యాపార సంస్థలను మూసివేయించారు. గవర్నర్‌ మొక్కలు నాటుతున్న సమయంలో రోడ్డును ఇరువైపులా మూసి వేయించారు. సభకు పెద్ద సంఖ్యలో బీజేపీ కార్యకర్తలతోపాటు ప్రజలు తరలివచ్చారు. అనంతరం గవర్నర్‌ను ఎంపీ సన్మానించారు. గవర్నర్‌ పర్యటన సందర్భంగా పోలీసుల అత్యుత్సాహంతో మీడియా మిత్రులు, ప్రజలు ఇబ్బందులు ఎదుర్కొన్నారు.

కొల్చారం(నర్సాపూర్‌): వన్యప్రాణుల సంరక్షణ, అడవులు, జీవవైవిధ్యాన్ని కాపాడుకోవడం ద్వారానే పర్యావరణ సమతుల్యత సాధ్యమవుతుందని కౌడిపల్లి అటవీ రేంజ్‌ అధికారి రవీందర్‌ పేర్కొన్నారు. మంగళవారం మండల కేంద్రంలో వన్యప్రాణి వారోత్సవాల వేడుకల్లో భాగంగా అటవీ రేంజ్‌ ఆధ్వర్యంలో గ్రామస్తులకు వన్యప్రాణుల సంరక్షణపై అవగాహన సదస్సు నిర్వహించారు. ఈ సందర్భంగా రేంజ్‌ అధికారి రవీందర్‌ మాట్లాడుతూ.. భూమిపై ఉన్న ప్రతి జీవికి ప్రకృతిలో ప్రత్యేక స్థానం ఉందని, వాటిని కాపాడుకోవడం మన అందరి బాధ్యత అని అన్నారు. అడవుల నరికివేత వల్ల వన్యప్రాణుల ఆవాసాలు దెబ్బతినకుండా వాటి కారిడార్లను రక్షించాలన్నారు. అడవులు, పర్యాటక ప్రాంతాల్లో ప్లాస్టిక్‌ వాడకాన్ని తగ్గించి వన్యప్రాణులకు ఎలాంటి ముప్పు వాటిల్లకుండా కాపాడాలని కోరారు. సదస్సులో డిప్యూటీ రేంజ్‌ అధికారి పృథ్వీరాజ్‌, సెక్షన్‌ అధికారులు మల్లేశ్‌, ఓం ప్రకాశ్‌, బీట్‌ అధికారులు ధనలక్ష్మి, గబ్బర్‌సింగ్‌, శోభారాణి తదితరులు పాల్గొన్నారు. కౌడిపల్లి అటవీ రేంజ్‌ అధికారి రవీందర్‌

15రోజులేసాక్షిప్రతినిధి, సంగారెడ్డి: రైసుమిల్లులపై విజిలెన్స్‌ ఎన్‌ఫోర్స్‌మెంట్‌ దాడులు..క్రిమినల్‌ కేసుల నమోదు..డిఫాల్టర్‌ మిల్లర్ల ఆస్తుల స్వాధీనం..ఇలా సీఎంఆర్‌ బకాయిల వసూళ్లకు ఉక్కుపాదం మోపుతున్న ప్రభుత్వం..ఈ ఖరీఫ్‌ ధాన్యం కొనుగోలు సీజనులో సీఎంఆర్‌ నిబంధనలను మరింత కఠినం చేసింది. కొనుగోలు కేంద్రాల నుంచి ధాన్యం తీసుకున్న రైసుమిల్లర్లు సీఎంఆర్‌ బియ్యం డెలివరీ చేసేందుకు గడువు 15 రోజులకు కుదించింది. ఇప్పటివరకు ఈ గడువు మూడు నెలలు ఉండేది. అయితే రూ.వందల కోట్లు విలువ చేసే ధాన్యాన్ని తీసుకున్న మిల్లర్లు సీఎంఆర్‌ బియ్యాన్ని సర్కారుకు అప్పగించకుండా ఆ ధాన్యాన్ని ప్రైవేటుగా అమ్ముకుని సొమ్ము చేసుకున్న విషయం విదితమే. దీంతో ఒక్కో జిల్లాలో సీఎంఆర్‌ బకాయిలు రూ.వేల కోట్లకు పెరిగిపోయాయి. కొత్త నిబంధన ప్రకారం ధాన్యం తీసుకున్న మిల్లర్లు 15 రోజుల్లో సీఎంఆర్‌ బియ్యం డెలివరీ ప్రక్రియను ప్రారంభించాలి. ఏమాత్రం జాప్యం చేసినా ఆ ధాన్యాన్ని వెంటనే ఆ మిల్లు నుంచి వేరే మిల్లుకు గానీ, బఫర్‌ గోదాములకు గానీ షిఫ్ట్‌ చేస్తారు. ఇలా 15 రోజుల్లో డెలివరీ ఇస్తామని అగ్రిమెంట్‌ ఇచ్చిన మిల్లర్లకే కేటాయింపులు ఉంటాయని పౌరసరఫరాల శాఖ అధికారులు మిల్లర్లకు స్పష్టం చేస్తున్నారు. ముందస్తుగా గోదాములు లీజుకు కొనుగోలు కేంద్రాల నుంచి వచ్చే ధాన్యం దించుకోవడంలో మిల్లర్లు పేచీలు పెడితే రైతులు ఇబ్బందులు పడే అవకాశాలున్నాయి. ఈ సమస్య రాకుండా ముందు జాగ్రత్త చర్యల్లో భాగంగా ధాన్యాన్ని నిల్వ చేసేందుకు అవసరమైన గోదాములను పౌరసరఫరాల శాఖ సిద్ధం చేసింది. హత్నూర మండలంలో సుమారు 50 వేల మెట్రిక్‌ టన్నుల సామర్థ్యం కలిగిన ఈ గోదామును ముందస్తు ఏర్పాట్లలో భాగంగా లీజుకు తీసుకుంది. కొనుగోలు కేంద్రాల్లో ధాన్యం నిల్వలు పేరుకు పోయి రైతులకు ఇబ్బందులు కలుగకుండా ఎప్పటికప్పుడు ఈ గోదాముల్లో నిల్వ చేసేందుకు ఈ ఏర్పాట్లు చేశారు. ఈ గోదాముల నిర్వహణ బాధ్యతలను ఎస్‌డబ్ల్యూసీ (స్టేట్‌ వేర్‌హౌస్‌ కార్పోషన్‌)కు అప్పగించారు. ఈ మేరకు అగ్రిమెంట్‌ చేసే మిల్లులకే ధాన్యం కేటాయింపులు గతంలో మూడు నెలలు గడువు ఈ సీజను నుంచి సీఎంఆర్‌ నిబంధనలు మరింత కఠినం ఉమ్మడి మెదక్‌ జిల్లాలో ధాన్యం కొనుగోళ్లు ఈ నెలాఖరులోగా ప్రారంభం కానున్నాయి. సంగారెడ్డి జిల్లా హత్నూర, గుమ్మడిదల వంటి మండలాల్లో కోతలు ప్రారంభం కానున్నాయి. ఈ మేరకు కొనుగోళ్లకు అధికారులు ఏర్పాట్లు ప్రారంభించారు. సంగారెడ్డి జిల్లాలో ఈసారి రెండు లక్షల మెట్రిక్‌ టన్నుల ధాన్యం కొనుగోలు చేసేందుకు ఏర్పాట్లు చేశారు. ఇందులో 1.60 లక్షల దొడ్డు రకాలు కాగా, 40 వేల మెట్రిక్‌ టన్నుల సన్న రకాలు కొనుగోలు చేసేలా ఖరీఫ్‌ కొనుగోలు కార్యాచరణ ప్రణాళికను రూపొందించారు. అయితే ఎల్‌నినో ప్రభావం కారణంగా వర్షాలు లేకపోవడం, భూగర్భ జలాలు అడుగంటిపోవడం, కరెంట్‌ కోతలు వివిధ కారణాలతో వరి పంటకు సరిగ్గా నీరు అందడం లేదు. దీంతో దిగుబడులు గణనీయంగా పడిపోతాయని అనుకుంటున్నారు. గతేడాది ఖరీఫ్‌ సీజనులో కొన్న ధాన్యంలో సుమారు 20% నుంచి 30% తగ్గే అవకాశాలున్నాయని అంచనా వేస్తున్నారు. అయితే ఈసారి సన్న ధాన్యం కొనుగోళ్లు రెట్టింపవుతాయని భావిస్తున్నారు. గతేడాది 20 వేల మెట్రిక్‌ టన్నులు కొనుగోలు చేస్తే ఈసారి 40 వేల మెట్రిక్‌ టన్నులు వస్తుందని అంచనా వేస్తున్నాయి. అయితే సన్న బియ్యాన్ని బహిరంగ మార్కెట్‌లో మంచి రేటు ఉండటంతో రైతులు సన్న ధాన్యాన్ని ప్రైవేటు వ్యాపారులకే విక్రయించే అవకాశాలు లేకపోలేదని అధికారులు భావిస్తున్నారు.హత్నూర మండలంలో ముందుగా..

మెదక్‌ కలెక్టరేట్‌: ‘సర్‌’ ప్రక్రియను తక్షణమే రద్దు చేయడంతోపాటు నిరంకుశ ధోరణితో పని చేస్తున్న సీఈసీ జ్ఞానేష్‌ కుమార్‌ను భర్తరఫ్‌ చేయాలని డీసీసీ అధ్యక్షుడు ఆంజనేయులు డిమాండ్‌ చేశారు. మంగళవారం కాంగ్రెస్‌, సీపీఎం ఆధ్వర్యంలో కలెక్టరేట్‌ ఎదుట ధర్నా నిర్వహించారు. ఈ సందర్భంగా డీసీసీ అధ్యక్షుడు ఆంజనేయులు, సీపీఎం జిల్లా కార్యదర్శి నర్సమ్మలు మాట్లాడుతూ కేంద్ర ప్రభుత్వ నిరంకుశ పోకడలను తీవ్రంగా ఖండించారు. సర్‌ పేరుతో దేశంలో అనేక మంది ఓట్లను తొలిగించేస్తోందని విమర్శించారు. ప్రస్తుతం సర్‌ పేరుతో జరుగుతున్న బీజేపీ కుట్రలను ఎండగడతామన్నారు. ధర్నా అనంతరం కలెక్టర్‌ ప్రతిమా సింగ్‌కు వినతి పత్రం సమర్పించారు. కార్యక్రమంలో కాంగ్రెస్‌ పార్టీ నాయకులు గంగాధర్‌, మెదక్‌ మున్సిపల్‌ మాజీ చైర్మన్‌ చంద్రపాల్‌, మల్లేశంగౌడ్‌, రాగి అశోక్‌, మల్లేశం, భూపతిరాజు, మహిపాల్‌ రెడ్డి, లక్ష్మి, సీపీఎం నాయకులు ఏ.మల్లేశం, బాలమణి, బాబు, షౌకత్‌, దుర్గ, వెంకట్‌, కొమరయ్య తదితరులు పాల్గొన్నారు.

● డ్రగ్స్‌ నిర్మూలన అందరి బాధ్యత ● గవర్నర్‌ శివప్రతాప్‌ శుక్లా మెదక్‌జోన్‌: మాదక ద్రవ్యాలకు యువత దూరంగా ఉండాలని, విద్య, క్రీడలు, దేశ సేవకోసం కృషిచేయాలని గవర్నర్‌ శివప్రతాప్‌ శుక్లా అన్నారు. మంగళవారం కలెక్టరేట్‌ ఆవరణలో నషాముక్త్‌ భారత్‌ అభియాన్‌ కార్యక్రమంలో భాగంగా నిర్వహించిన యాంటీ డ్రగ్స్‌ అవగాహన కార్యక్రమానికి ముఖ్య అతిథిగా హాజరయ్యారు. ఈ సందర్భంగా గవర్నర్‌ మట్లాడుతూ ప్రధాని మోదీ నాయకత్వంలో నషాముక్త్‌ భారత్‌ అభియాన్‌ ప్రజా ఉద్యమంలా రూపు దిద్దుకుంటోందన్నారు. మారక ద్రవ్యాల నిర్మూలన కోసం తెలంగాణ పోలీసులు చేస్తున్న కృషి భేష్‌ అన్నారు. విద్యా సంస్థల్లో యాంటీ డ్రగ్స్‌ కమిటీల ద్వారా విద్యార్థులను చైతన్య పరచటం అభినందనీయమన్నారు. పిల్లలపై ఉపాధ్యాయులు, తల్లిదండ్రులు దృష్టి సారించాల్సిన అవసరం ఉందన్నారు. అనంతరం జిల్లా ఇన్‌చార్జి మంత్రి వివేక్‌ మాట్లాడుతూ యువత మత్తుపదార్థాలకు దూరంగా ఉండాలని, తల్లిదండ్రుల ఆశయాలను నెరవేర్చాలని కోరారు. అనంతరం ఎంపీ రఘునందన్‌రావు మాట్లాడుతూ నిషాతో సర్వం నాశనం అవుతుందన్నారు. ఎమ్మెల్యే రోహిత్‌రావు మాట్లాడుతూ, యువత మత్తుకు దూరంగా ఉంటూ సన్మార్గంలో నడవాలని కోరారు. అంతకు ముందు గవర్నర్‌తో పాటూ మంత్రి, ఎంపీ, ఎమ్మెల్యే, కలెక్టర్‌ ప్రతిమా సింగ్‌లు యాంటీ డ్రగ్స్‌పై అవగాహన ఫ్లెక్సీని ఆవిష్కరించారు. గ్రామీణాభి వృద్ధి శాఖ ఆధ్వర్యంలో ఏర్పాటు చేసిన స్టాళ్లను గవర్నర్‌ పరిశీలించారు. రెడ్‌క్రాస్‌ సోసైటీ ఎన్నికల్లో గెలుపొందిన సభ్యులు గవర్నర్‌ను కలిశారు. కార్యక్రమంలో అదనపు కలెక్టర్‌ నగేశ్‌, డీఆర్‌డీఓ శ్రీనివాసరావు తదితరులు పాల్గొన్నారు.

బీజేపీ జిల్లా అధ్యక్షుడు మల్లేశ్‌గౌడ్‌ నర్సాపూర్‌: వృద్ధాశ్రమంలో పనిచేయడమే గొప్ప సేవా కార్యక్రమమని బీజేపీ జిల్లా అధ్యక్షుడు మల్లేశ్‌గౌడ్‌ అన్నారు. ప్రధాని మోదీ పుట్టినరోజును పురస్కరించుకుని బీజేపీ చేపట్టిన నెల రోజుల ‘సేవ సంకల్ప్‌ అభియాన్‌’ కార్యక్రమంలో భాగంగా జిల్లాలో పలు సేవా కార్యక్రమాలు నిర్వహిస్తున్నామని చెప్పారు. అందులో భాగంగా మంగళవారం స్థానిక వృద్ధాశ్రమంలోని వృద్ధులకు పండ్లు పంపిణీ చేసి, వారికి సేవలందిస్తున్న సిబ్బందిని శాలువాలతో ఘనంగా సన్మానించారు. కార్యక్రమంలో మల్లేశ్‌గౌడ్‌ వెంట పార్టీ నాయకులు లక్ష్మీపతి, రమేష్‌గౌడ్‌, ఆంజిగౌడ్‌, నగేష్‌, ప్రేమ్‌కుమార్‌, బాల్‌రాజ్‌, పద్మారావు, రాజిరెడ్డి, ప్రభాకర్‌ తదితరులు పాల్గొన్నారు.

మెదక్‌జోన్‌: రజకులు సంక్షేమానికి తన వంతుగా కృషి చేస్తానని ఎమ్మెల్యే రోహిత్‌రావు అన్నారు. సోమవారం పట్టణంలోని ఓ ఫంక్షన్‌హాల్‌లో ఏర్పాటు చేసిన రజక మహాసభకు ఆయన ముఖ్య అతిథిగా హాజరై మాట్లాడారు. రజకుల కోసం పట్టణ పరిధిలో ఎకరం ప్రభుత్వం స్థలం ఇవ్వడంతో పాటు భవన నిర్మాణానికి నిధులు సమకూర్చుతానని హామీ ఇచ్చారు. కాంగ్రెస్‌ ప్రభుత్వం వచ్చాక అన్నివర్గాల అభివృద్ధికి పెద్దపీట వేస్తోంద ని చెప్పారు. గతంలో 10 ఏళ్ల పాటు అధికారంలో ఉన్న బీఆర్‌ఎస్‌ నేతలు గాలి మాటలు తప్ప చేసిందేమి లేదన్నారు. అనంతరం ఎమ్మెల్సీ బస్వరాజు సారయ్య మాట్లాడుతూ.. సమాజంలో నిస్వార్థ సేవకులు రజకులేనని కొనియాడారు. రజక ఫెడరేషన్‌ చైర్మన్‌ అజయ్‌కుమార్‌ మాట్లాడుతూ.. కులవృత్తిని నమ్ముకుని జీవనం సాగించే వారిలో అత్యంత వెనుకబడిన వారు రజకులేనని అన్నారు. కార్యక్రమంలో సంఘం రాష్ట్ర ఉపాధ్యక్షు డు రమణ, డీసీసీ అధ్యక్షుడు ఆంజనేయులుగౌడ్‌, మున్సిపల్‌ చైర్‌పర్సన్‌ కానుగ రాధిక, వైస్‌ చైర్మన్‌ నరేశ్‌గౌడ్‌, మాజీ మున్సిపల్‌ చైర్మన్‌ చంద్రపాల్‌, రజక సంఘం నేతలు శ్రీనివాస్‌, సంపత్‌, పట్టణ అధ్యక్షుడు మల్లేశం, శివ, వేణు, నవీన్‌ తదితరులు పాల్గొన్నారు. ఎమ్మెల్యే రోహిత్‌రావు

మెదక్‌ కలెక్టరేట్‌: దేశంలోనే మొదటిసారి జాతీయ రహదారి వెంట 35 వేల జీడీ మామిడి మొక్కల ప్లాంటేషన్‌ను గవర్నర్‌ శివప్రతాప్‌ శుక్లా మంగళవారం జిల్లాలో ప్రారంభిస్తారని కలెక్టర్‌ ప్రతిమాసింగ్‌ తెలిపారు. సోమవారం కలెక్టరేట్‌లో ఎస్పీ డీవీ శ్రీనివాసరావు, అధికారులతో సమన్వయ సమావేశం నిర్వహించారు. ఈసందర్భంగా కలెక్టర్‌ మాట్లాడుతూ.. రామాయంపేట– సిద్దిపేట మధ్య జాతీయ రహదారి వెంట భారీ ప్లాంటేషన్‌ కార్యక్రమన్ని గవర్నర్‌, ఎంపీ రఘునందన్‌రావు ప్రారంభిస్తారని తెలిపారు. ఇందుకు సంబంధించిన అన్ని ఏర్పాట్లు పూర్తి అయ్యాయని, అధికారుల సమన్వయంతో గవర్నర్‌ పర్యటనను విజయవంతం చేయాలని అధికారులకు సూచించారు. అలాగే కలెక్టరేట్‌లో వివిధ కార్యక్రమాల్లో గవర్నర్‌ పాల్గొంటారని తెలిపారు. డ్రిప్‌ ద్వారా మొక్కలకు నీరు రామాయంపేట(మెదక్‌): ప్రధాని మోదీ జన్మదినం సందర్భంగా మంగళవారం రామాయంపేటలో మొక్కలు నాటే కార్యక్రమానికి రాష్ట్ర గవర్నర్‌ శివప్రతాప్‌ శుక్లా హాజరవుతారని ఎంపీ రఘునందన్‌రావు తెలిపారు. సోమవారం రామాయంపేటలో ఆయన విలేకరులతో మాట్లాడారు. ‘సేవా సంకల్ప్‌ అభియాన్‌’ పేరిట పలు కార్యక్రమాలు చేపట్టామని వివరించారు. తాము నాటే మొక్కలకు డ్రిప్‌ ద్వారా నీరు అందిస్తామని, ఈమేరకు బోర్లు తవ్వకం పనులు పూర్తయినట్లు వెల్లడించారు. గవర్నర్‌ బహిరంగ సభ నిర్వహణకు గాను కళాశాల మైదానాన్ని ఆర్డీఓ రమాదేవి, తూప్రాన్‌ డీఎస్పీ నరేందర్‌గౌడ్‌, సీఐ సైదా, బీజేపీ రాష్ట్ర కార్యవర్గ సభ్యుడు రాగి రాములు, కౌన్సిలర్‌ శంకర్‌గౌడ్‌ తదితరులతో కలిసి పరిశీలించారు. నేడు గవర్నర్‌ చేతుల మీదుగా ప్లాంటేషన్‌ వివరాలు వెల్లడించిన కలెక్టర్‌ ప్రతిమాసింగ్‌

రామాయంపేట(మెదక్‌): తన నిధులతో మూడు నెలల క్రితం ప్రభుత్వ ఆస్పత్రికి మంజూరు చేయించిన డెంటల్‌ చైర్‌ను వినియోగంలోకి తీసుకొచ్చే విషయమై ఎందుకు తాత్సారం చేశారని మెదక్‌ ఎంపీ రఘునందన్‌రావు వైద్యులపై ఆగ్రహం వ్యక్తం చేశారు. సోమవారం ఆస్పత్రిలో డెంటల్‌ విభాగాన్ని పరిశీలించి మాట్లాడారు. మూడు నెలలుగా ప్రజలకు ఎందుకు సేవలు అందించలేదని జిల్లా ఆస్పత్రుల కోఆర్డినేటర్‌ శివదయాల్‌, స్థానిక ఆస్పత్రి సూపరింటెండెంట్‌ లింబాద్రిని ప్రశ్నించారు. ఆస్పత్రికి డెంటర్‌ చైర్‌ మంజూరైన విషయమై తనకు సమాచారం ఇవ్వకపోవడంలో అంతర్యమేమిటని మండిపడ్డారు. ఆస్పత్రిలో కొత్తగా బాధ్యతలు స్వీకరించిన డాక్టర్లు సక్రమంగా విధులు నిర్వర్తించాలని ఆదేశించారు. ఆస్పత్రికి వచ్చే నిరుపేద రోగులకు మనం న్యాయం చేయకపోతే వ్యవస్థకే చెడ్డపేరు వస్తుందని ఎంపీ హెచ్చరించారు. అనంతరం వైద్యులతో సమావేశమై పలు అంశాలపై చర్చించారు. వైద్యులపై ఎంపీ రఘునందన్‌ ఆగ్రహం

మెదక్‌ కలెక్టరేట్‌: ప్రజావాణి దరఖాస్తులను అధికారులు తక్షణమే పరిష్కరించాలని డీఆర్‌ఓ అంబదాస్‌ రాజేశ్వర్‌ అధికారులను ఆదేశించారు. సోమవారం ప్రజావాణి కార్యక్రమంలో భాగంగా కలెక్టరేట్‌లో అర్జీలను స్వీకరించారు. భూభారతి 24, ఇందిరమ్మ ఇళ్ల కోసం 15, పెన్షన్లు 3, ఇతర 37 మొత్తం 79 అర్జీలు వచ్చాయి. ఈ సందర్భంగా ఆయన మాట్లాడుతూ.. సమస్యలకు శాశ్వత పరిష్కారం చూపించాలన్నారు. కార్యక్రమంలో డీఎఫ్‌ఓ జోజి, డీఆర్డీఓ శ్రీనివాసరావు, ఏఓ యూనస్‌, జిల్లా అధికారులు పాల్గొన్నారు. మెదక్‌ కలెక్టరేట్‌: ఓటుచోరికి బాధ్యత వహిస్తూ కేంద్ర ఎన్నికల కమిషనర్‌ జ్ఞానేశ్‌కుమార్‌ వెంటనే రాజీనామా చేయాలని డీసీసీ అధ్యక్షుడు ఆంజనేయులు గౌడ్‌, సీపీఎం జిల్లా కార్యదర్శి మల్లేశం డిమాండ్‌ చేశారు. సోమవారం జిల్లా కేంద్రంలోని ఎమ్మెల్యే క్యాంపు కార్యాలయంలో ఇండియా కూటమి నాయకులతో కలిసి విలేకరులతో మాట్లాడారు. జ్ఞానేశ్‌ కుమార్‌ నిర్ణయంతో సర్‌ ప్రక్రియ ద్వారా దేశంలో లక్షలాది ఓట్లు తొలగించే కుట్ర జరుగుతుందన్నారు. దీనిని నిరసిస్తూ ఇండియా కూటమి ఆధ్వర్యంలో మంగళవారం కలెక్టరేట్‌ ఎదుట ధర్నా నిర్వహిస్తున్నట్లు చెప్పారు. కార్యక్రమంలో మున్సిపల్‌ చైర్‌పర్సన్‌ రాధిక, వైస్‌ చైర్మన్‌ నరేశ్‌గౌడ్‌, కాంగ్రెస్‌ పట్టణ పార్టీ అధ్యక్షుడు గంగాధర్‌, సీపీఎం నాయకులు షౌకత్‌, మల్లేశం, మహేందర్‌ రెడ్డి, కౌన్సిలర్‌ హరిత, నాయకులు బొజ్జ పవన్‌, శ్రీనివాస్‌ తదితరులు పాల్గొన్నారు. కౌడిపల్లి(నర్సాపూర్‌): నాణ్యమైన విద్యుత్‌ సరఫరా చేయాలని టీజీఎస్‌పీడీసీఎల్‌ సీఎండీ జితీశ్‌ వి పాటిల్‌ తెలిపారు. సోమవారం కౌడిపల్లిలో 132 కేవీ సబ్‌స్టేషన్‌ను తనిఖీ చేసి విద్యుత్‌ సరఫరాను పరిశీలించారు. ఎంత కరెంట్‌ వస్తుంది..? ఎంత సరఫరా అవుతుంది అని అధికారులను అడిగి తెలుసుకున్నారు. అనంతరం ఆయన మాట్లాడుతూ.. సాగుకు, గృహాలకు నాణ్యమైన కరెంట్‌ సరఫరా చేయాలని అధికారులను ఆదేశించారు. సబ్‌స్టేషన్‌లో పనులు చేసేటప్పుడు విధుల పట్ల నిర్లక్ష్యం వహించొద్దని సూచించారు. కార్యక్రమంలో చీఫ్‌ ఇంజనీర్‌ బాలస్వామి, ఎస్‌ఈ నారాయణనాయక్‌, డీఈ రామేశ్వరస్వామి, ఏఈ సాయికుమార్‌, సిబ్బంది పాల్గొన్నారు. హత్నూర(సంగారెడ్డి): వీఓఏలపై అధికారుల వేధింపులు ఆపకుంటే ఆందోళనలు ఉధృతం చేస్తామని యూనియన్‌ రాష్ట్ర అధ్యక్షుడు నగేశ్‌ అన్నారు. సోమవారం హత్నూర ఐకేపీ కార్యాలయం వద్ద పెద్దఎత్తున ఆందోళన నిర్వహించారు. ఈసందర్భంగా ఆయన మాట్లాడుతూ.. హత్నూర మండలం కాసాల వీఓఏపై సీసీ వేధింపులు ఆపాలని డిమాండ్‌ చేశారు. 24 ఏళ్లుగా కష్టపడుతున్న వీఓఏలకు నేటికీ కనీస వేతనం లేదని వాపోయారు. కాంగ్రెస్‌ ప్రభుత్వం ఎన్నికల హామీ ప్రకారం కనీస వేతనాలు ఇవ్వాలన్నారు. ఉద్యోగ భద్రత, చట్టపరమైన సౌకర్యాలు అమలు చేయాలని కోరారు. నల్గొండ జిల్లాలో మాధవిపై అన్యాయంగా దాడి చేసిన మాజీ సర్పంచ్‌ను వెంటనే అరెస్ట్‌ చేయాలని విజ్ఞప్తి చేశారు. అనంతరం ఏపీఎం రాజశేఖర్‌కు వినతిపత్రాన్ని అందజేశారు. కార్యక్రమంలో సీఐటీయూ జిల్లా కార్యదర్శి సాయిలు, యూనియన్‌ నాయకులు మంజుల, ఆంజనేయులు, కిష్టయ్య, లక్ష్మయ్య, నరేందర్‌ గౌడ్‌, కృష్ణ, భాగ్యలక్ష్మి, మల్లయ్య, ప్రవీణ్‌, మల్లారెడ్డి, విజయ తదితరులు పాల్గొన్నారు.

నర్సాపూర్‌: అక్రమ తవ్వకాలతో గుట్టలు కనుమరుగవుతున్నాయి. అక్రమార్కులు ప్రభుత్వ ఆస్తులను కొల్లగొడుతున్నారు. నియోజకవర్గ కేంద్రంలో ఆయాశాఖల అధికారులు ఉన్నా చర్యలకు వెనుకాడుతున్నారు. తాజాగా పట్టణంలోని 76 సర్వే నంబర్‌లోని ప్రభుత్వ భూమిలో ఎలాంటి అనుమతి పొందకుండా మట్టి అక్రమ తవ్వకాలు చేపడుతున్నారని ఆరోపణలు వెల్లువెత్తుతున్నాయి. గుట్టను తవ్వడంతో పెద్ద పెద్ద గుంతలు ఏర్పడ్డాయి. గుట్టపై ఉన్న చెట్లను సైతం కూల్చివేశారు. జేసీబీలతో మట్టిని తవ్వి టిప్పర్ల ద్వారా తరలించి సొమ్ము చేసుకుంటున్నారు. అక్రమ పేలుళ్లు గుట్టను తవ్వే సమయంలో అక్రమార్కులు పెద్ద పెద్ద బండరాళ్లను పేల్చివేస్తున్నారు. తమకు అవసరం ఉన్న సైజులో ముక్కలుగా చేసి విక్రయిస్తున్నారు. ఎలాంటి అనుమతి పొందకుండా అక్రమంగా పేలుడు పదార్థాలు సైతం వినియోగిస్తున్నారు. పోలీసులు ఎలాంటి చర్యలు తీసుకోకపోవడంతో ఇటీవల మండలంలో పేలుడు పదార్థాల వినియోగం సైతం పెరిగిందనే ఆరోపణలు వినిపిస్తున్నాయి. పట్టణం మీదుగా మట్టి రవాణా పట్టణాన్ని ఆనుకొని ఉన్న ప్రభుత్వ భూమిలోని గుట్టను రాత్రి సమయంలో తవ్వి టిప్పర్ల ద్వారా తరలిస్తున్నారు. పలు వీధుగా గుండా మట్టి టిప్పర్లు తిరిగినా అధికారులు పట్టించుకోకపోవడం గమనార్హం. కాగా, గతంలో మున్సిపాలిటీలోని హన్మంతాపూర్‌ శివారులోని అసైన్డ్‌ భూముల నుంచి అక్రమంగా మట్టి తవ్వకాలు జరిగినా ఎలాంటి చర్యలు తీసుకోలేదని విమర్శలు వస్తున్నాయి. దీంతో అక్రమార్కులు ఇష్టానుసారంగా ప్రభుత్వ భూముల్లో మట్టి అక్రమ తవ్వకాలు చేపడుతూ ప్రభుత్వ ఆస్తులను కొల్లగొడుతున్నారని ఆరోపణలు ఉన్నాయి. అడ్డగోలుగా అక్రమ తవ్వకాలు అనుమతి లేకుండా బండరాళ్ల పేల్చివేత చర్యలకు వెనుకాడుతున్న అధికారులు

నర్సాపూర్‌ రూరల్‌: వన్యప్రాణుల సంరక్షణ అందరి బాధ్యతని నర్సాపూర్‌ ఫారెస్ట్‌ రేంజ్‌ అధికారిణి దివ్య అన్నారు. సోమవారం ప్రభుత్వ డిగ్రీ కళాశాలలో వన్యప్రాణుల వారోత్సవాల్లో భాగంగా అటవీశాఖ, కళాశాల జంతుశాస్త్ర విభాగం ఆధ్వర్యంలో జీవవైవిద్య పరిరక్షణ, పర్యావరణ సమతుల్యతపై విద్యార్థులకు అవగాహన కార్యక్రమం నిర్వహించారు. ఈసందర్భంగా ఆమె మాట్లాడుతూ.. వన్యప్రాణులు అడవుల్లో నివసించే జీవులు మాత్రమే కాదని, అవి సమగ్ర పర్యావరణ వ్యవస్థలో కీలకమైన భాగాలని వివరించారు. అడవుల నరికివేత, సహజ ఆవాసాల విధ్వంసం, అక్రమ వేట, కాలుష్యం, ప్లాస్టిక్‌ వ్యర్థాలు, వాతావరణ మార్పుల వంటి కారణాల వల్ల అనేక వన్యప్రాణులు తీవ్ర ముప్పును ఎదుర్కొంటున్నాయని వాపోయారు. ఇతర జీవుల మనుగడకు భంగం కలిగించే పనులు మనుషులు చేయకూడదన్నారు. అనంతరం వ్యాసరచన పోటీల్లో గెలుపొందిన విద్యార్థులకు బహుమతులు అందజేశారు. కార్యక్రమంలో కళాశాల వైస్‌ ప్రిన్సిపాల్‌ డాక్టర్‌ సమీరా నజ్మీన్‌, ఎన్‌ఎస్‌ఎస్‌ ప్రోగ్రాం అధికారి డాక్టర్‌ సురేశ్‌ కుమార్‌, అధ్యాపకులు రుక్మిణి, హేమంత్‌, రాజు, మహేందర్‌ రెడ్డి, విద్యార్థులు పాల్గొన్నారు.

రామాయంపేట(మెదక్‌)/నర్సాపూర్‌ రూరల్‌: సీఎంఆర్‌ బకాయి పడిన జిల్లాలోని రెండు రైస్‌ మిల్లులపై సోమవారం పౌర సరఫరాల శాఖ అధికారులు కేసులు నమోదు చేసి సీజ్‌ చేశారు. రామాయంపేట మండలం లక్ష్మాపూర్‌లో ఉన్న విజయ దుర్గా రైస్‌మిల్లు 2022–23 రబీ సీజన్‌లో 290 మెట్రిక్‌ టన్నుల ధాన్యానికి సంబంధించి సీఎంఆర్‌ ఇవ్వకుండా అమ్ముకున్నారు. ఈమేరకు రైస్‌మిల్లు యజ మాని రూ.65 లక్షల బకాయిలు చెల్లించకపోవడంతో కేసు నమోదు చేసి రైస్‌మిల్లును సీజ్‌ చేశానే. నర్సాపూర్‌ మండలం నారాయణపూర్‌లోని ఏకే ట్రేడర్స్‌ బిన్నీ రైస్‌ మిల్లు 2024–25 ఖరీఫ్‌ సీజన్‌కు సంబంధించి 522 మెట్రిక్‌ టన్నుల ధాన్యం లెక్కలు చూపలేదు. దీంతో విజిలెన్స్‌ అధికారులు తనిఖీలు నిర్వహించి రైస్‌మిల్లును సీజ్‌ చేశారు. ఈ మిల్లు యజమానులు రూ. 1.52 కోట్లు బకాయలు చెల్లించాల్సి ఉన్నట్లు ఆశాఖ అధికారులు తెలిపారు.

కౌడిపల్లి(నర్సాపూర్‌)/శివ్వంపేట: వ్యవసాయానికి సక్రమంగా విద్యుత్‌ ఇవ్వకపోవడంతో వేసిన పంటలు ఎండిపోతున్నాయని, అయినా ప్రభుత్వానికి పట్టింపు లేదని ఎమ్మెల్యే సునీతారెడ్డి ఆరోపించారు. సోమవారం మండలంలోని రాజీపేటలో ఎండిన వరి పంటను పరిశీలించారు. అనంతరం సబ్‌స్టేషన్‌లో విద్యుత్‌ లాగ్‌బుక్‌ను తనిఖీ చేసి మాట్లాడారు. సాగుకు కనీసం అయిదు గంటల త్రీఫేజ్‌ కరెంట్‌ సరఫరా కావడం లేదన్నారు. ఎండిన పంటలకు ఎకరాకు రూ. 25 వేల నష్టపరిహారం ఇవ్వాలని డిమాండ్‌ చేశారు. కార్యక్రమంలో బీఆర్‌ఎస్‌ మండల పార్టీ అధ్యక్షుడు సార రామాగౌడ్‌, మండల సర్పంచ్‌ల ఫోరం అధ్యక్షుడు శ్రీనివాసరావు, నాయకులు ఎల్లం, మహిపాల్‌రెడ్డి, లక్ష్మణ్‌, శివ, మల్లేశం, శివారెడ్డి, బాలకృష్ణ, కుత్‌బొద్దీన్‌, పాష, పోల నవీన్‌, రామాంజనేయులు తదితరులు పాల్గొన్నారు. అలాగే శివ్వంపేట మండల పరిధి గంగాయపల్లిలో ఎండిపోయిన వరి పంటలను పరిశీలించారు. అనంతరం మండల పరిధి గంగాయపల్లి నుంచి పలు గిరిజన తండాలను కలుపుతూ చండీ వరకు బీటీ రోడ్డు పనులను ప్రారంభించారు. కార్యక్రమంలో సర్పంచ్‌లు సాయిలు, నారాయణరావు, ప్రవీణ్‌గౌడ్‌, ఉప సర్పంచ్‌ పవన్‌ కుమార్‌ గుప్తా, బీఆర్‌ఎస్‌ నాయకులు వెంకట్‌ రెడ్డి, శేఖర్‌గౌడ్‌, నర్సింగరావు, లాయక్‌, మహేందర్‌రెడ్డి, కాంతారావు, జగన్‌ రెడ్డి, పెంటాగౌడ్‌, రాజునాయక్‌ తదితరులు పాల్గొన్నారు. ఎమ్మెల్యే సునీతారెడ్డి

మంగళవారం శ్రీ 6 శ్రీ అక్టోబర్‌ శ్రీ 2026పాపన్నపేట(మెదక్‌): వినియోగ వస్తువులు మొదలుకొని మనిషి జీవితం వరకు బీమా ఉంది. కానీ పూర్తిగా ప్రకృతిని నమ్ముకొని సాగు చేస్తున్న పంటలకు మాత్రం బీమా లేకపోవడంతో వ్యవసాయం జూదంలా మారింది. పంట ఇంటిని చేరే వరకు నమ్మకం లేని పరిస్థితి నెలకొంది. ఇటీవల హైదరాబాద్‌లో జరిగిన దక్షిణాది రాష్ట్రాల వ్యవసాయ మంత్రుల సమావేశంలో కేంద్ర మంత్రి శివరాజ్‌ సింగ్‌ విస్మయం వ్యక్తం చేయడంతో రాష్ట్ర ప్రభుత్వం ఆలోచనలో పడింది. వచ్చే యాసంగి నుంచి పంటల బీమా ప్రవేశపెట్టే దిశగా కార్యాచరణ ప్రారంభించింది. ముఖ్యంగా ఎల్‌నినోను ఎదుర్కొనేందుకు ప్రత్యామ్నాయ చర్యగా భావిస్తోంది. ఫసల్‌ బీమాకు రాం రాం 2015 నుంచి 2019 వరకు రాష్ట్రంలో ప్రధాన మంత్రి ఫసల్‌ బీమా పథకం అమల్లో ఉండేది. ఈ పథకంలో 50 శాతం కేంద్రం, మరో 50 శాతం రాష్ట్రం భరించేది. బీమా అమలుకు కంపెనీ ఎంపిక రాష్ట్రం చేతుల్లోనే ఉండేది. కానీ అప్పట్లో పంట నష్ట పరిహారం చెల్లించాలంటే గ్రామాన్ని కాకుండా మండలాన్ని యూనిట్‌గా తీసుకునే వారు. దీంతో ఒక గ్రామంలో పంట మొత్తం నష్టపోయినా, మండలం యూనిట్‌గా తీసుకొని పంట నష్టాన్ని అంచనా వేసే వారు. దీంతో చాలా మంది రైతులకు పరిహారం అందేది కాదు. అధిక ఆర్థిక భారం, క్లెయిం సెటిల్‌మెంట్‌లో జాప్యంతో రైతులకు సాయం అందకపోవడం లాంటి కారణాలతో 2020 ప్రధాన మంత్రి బీమా పథకం నుంచి రాష్ట్రం వైదొలిగింది. కసరత్తు ప్రారంభించిన ప్రభుత్వం ఎల్‌నినో నేపథ్యంలో నెలకొన్న తీవ్ర వర్షాభావం పరిస్థితుల్లో పంట బీమాను ప్రారంభించేందుకు ప్రభుత్వం కసరత్తు మొదలు పెట్టింది. భారత వ్యవసాయ బీమా కంపెనీ సగం ప్రీమిమం చెల్లిస్తే, బీమా అమలు చేసేందుకు ముందుకు రావడంతో ఆదిశగా చర్యలు ప్రారంభించింది. పరిహారం, నిర్వహణ ఖర్చులు పోనూ మిగులు, క్లెయిం చేయని ప్రీమియాన్ని సైతం చెల్లించేందుకు సంస్థ ముందుకు రావడంతో యాసంగి నుంచి పంట బీమా అమల్లోకి రానున్నట్లు తెలుస్తుంది. జిల్లాలో వర్షాకాలంలో 3.68 లక్షల ఎకరాల్లో 3,00,058 రైతులు పంటలు వేశారు. యాసంగిలో ఈ సంఖ్య తగ్గే అవకాశం ఉంది. ఈ విషయమై జిల్లా వ్యవసాయాధికారి దేవ్‌కుమార్‌ను వివరణ కోరగా పంటల బీమా పథకం అమలు దిశగా చర్యలు ప్రారంభమయ్యాయని, ఇంకా పూర్తి వివరాలు వెల్లడి కాలేదని చెప్పారు. హవేళిఘణాపూర్‌ మండలంలో దెబ్బతిన్న వరి పంట (ఫైల్‌ ) ఎల్‌నినోతో రైతులకు ఆసరా యాసంగి నుంచి అమలు ప్రకృతి వైపరీత్యాల నుంచి రక్షణ జిల్లాలో 3,00,058 మంది రైతులు ‘మరో వారం రోజుల్లో చేతికొచ్చే పంటను చూసి అన్నదాత సంబురపడ్డాడు. విరగగాసిన వరి గెలను చూసి ఇక తన కష్టం తీరినట్టే ఆశపడ్డాడు. కానీ ఉన్నట్టుండి ప్రకృతి ఉరిమింది. వడగండ్ల వర్షం కురిసింది. అరగంట వ్యవధిలో ధాన్యపు రాశులు నేల రాలాయి. సుమారు 800 ఎకరాల్లో వరి పంట ధ్వంసమైంది. పాపన్నపేట మండలం కుర్తివాడలో 2016లో చోటు చేసుకున్న ఈ ప్రకృతి ప్రకోపం, వందలాది మంది రైతన్నలకు కన్నీటి కడగండ్లు మిగిలించింది. అప్పటి మంత్రి హరీశ్‌రావు పంట చేలను పరిశీలించి పరిహారం ఇప్పిస్తామని హామీ ఇచ్చినా అవి నీటి మూటలే అయ్యాయి.’

● మంత్రి శ్రీధర్‌బాబు ● తూప్రాన్‌లో ‘సాబర్‌ డెయిరీ’ ప్లాంట్‌కు శంకుస్థాపన తూప్రాన్‌: అంతర్జాతీయ స్థాయి అమూల్‌ సాంకేతికతతో ‘సాబర్‌ డెయిరీ’ ప్లాంట్‌ ఏర్పాటు కావడం శుభపరిణామని రాష్ట్ర ఐటీ, పరిశ్రమల శాఖ మంత్రి దుద్దిళ్ల శ్రీధర్‌బాబు అన్నారు. ఆదివారం తూప్రాన్‌ మండలం బ్రాహ్మణపల్లి పరిధిలోని ఉర్జా పారిశ్రామిక పార్క్‌లో నిర్మిస్తున్న ప్లాంట్‌కు నిర్వహించిన భూమి పూజలో పాల్గొని మాట్లాడారు. రాష్ట్రంలో పరిశ్రమల స్థాపనకు, తద్వారా స్థానిక యువతకు శాశ్వత ఉపాధి కల్పించడానికి తమ ప్రభుత్వం అన్ని విధాలా సహాయ సహకారాలు అందిస్తుందని హామీ ఇచ్చారు. ఈ సరికొత్త ప్లాంట్‌ ద్వారా జిల్లా పరిసర ప్రాంతాల్లోని పాడి రైతులకు అంతర్జాతీయ ప్రమాణాలతో కూడిన మార్కెటింగ్‌, మౌలిక సదుపాయాలు లభిస్తాయని తెలిపారు. గ్రామీణ ఉపాధిని పెంపొందించడంలో డెయిరీ రంగానికి తాము పెద్దపీట వేస్తామని స్పష్టం చేశారు. జిల్లా ఇన్‌చార్జి మంత్రి గడ్డం వివేక్‌ మాట్లాడుతూ.. జిల్లాలో ఇంతటి భారీ పాడి పరిశ్రమ ఏర్పాటు కావడం ఇక్కడి పాడి రైతులకు లభించిన గొప్ప వరమన్నారు. ఈ పరిశ్రమ ద్వారా ముఖ్యంగా గ్రామీణ మహిళలకు పెద్ద ఎత్తున స్వయం ఉపాధి, ఆర్థిక స్వావలంబన లభిస్తుందన్నారు. రైతుల నుంచి సేకరించే పాలకు గిట్టుబాటు ధర దక్కేలా చూడటంతో పాటు, వినూత్న ఉత్పత్తుల తయారీ ద్వారా జిల్లా ఆర్థిక ముఖచిత్రం మారుతుందని అభిప్రాయపడ్డారు. నిత్యం ఐదు లక్షల లీటర్ల పాల ప్రాసెసింగ్‌తో పాటు రోజుకు 200 టన్నుల పెరుగు, మజ్జిగ, లస్సీ, పనీర్‌, ఐస్‌క్రీమ్‌, నెయ్యి వంటి విలువ ఆధారిత ఉత్పత్తులను ఇక్కడ తయారు చేయనున్నారని వివరించారు. కార్యక్రమంలో మెదక్‌ ఎంపీ రఘునందన్‌ రావు, కలెక్టర్‌ ప్రతిమాసింగ్‌, ఎస్పీ శ్రీనివాస్‌రావు, సాబర్‌ డెయిరీ చైర్మన్‌ శ్యామ్‌లాల్‌ జీ పటేల్‌, మున్సిపల్‌ చైర్‌పర్సన్‌ రజని, మార్కెట్‌ కమిటీ చైర్‌పర్సన్‌ కీర్తనరెడ్డి, స్థానిక ప్రజాప్రతినిధులు, ఉన్నతాధికారులు, రైతులు పాల్గొన్నారు. అంతకుముందు గజ్వేల్‌ మాజీ ఎమ్మెల్యే తూంకుంట నర్సారెడ్డి ఆధ్వర్యంలో టోల్‌ ప్లాజా వద్ద మంత్రులకు స్వాగతం పలికారు.

ఎల్‌నినో ముప్పు పొంచి ఉన్న నేపథ్యంలో యాసంగిలో వరి సాగు వద్దని ఉన్నతాధికారుల నుంచి స్పష్టమైన ఆదేశాలు వచ్చినట్లు తెలిసింది. ఇప్పటికే రబీ సీజన్‌కు సంబంధించిన యాక్షన్‌ ప్లాన్‌ను జిల్లా అధికారులు సిద్ధం చేసి పంపించారు. అందులో 3 లక్షల ఎకరాల్లో వరి సాగు ఉండగా, దాన్ని వెంటనే రద్దు చేసినట్లు సమాచారం. ఆరుతడి పంటలపై రైతులకు అవగాహన కల్పించి, అందుకనుగుణంగా ప్రణాళిక సిద్ధం చేయాలని సూచించారు. – మెదక్‌జోన్‌ జిల్లావ్యాప్తంగా సుమారు 4 లక్షల ఎకరాల సాగు భూములు ఉన్నాయి. గత యాసంగిలో 3.29 లక్షల ఎకరాల్లో రైతులు వివిధ రకాల పంటలు సాగు చేశారు. అందులో 3.5 లక్షల ఎకరాల్లో వరి, మిగితా 24 వేల ఎకరాల్లో కూరగాయల సాగుతో పాటు ఇతర ఆరుతడి పంటలు వేశారు. ఈ వానాకాలం నుంచి ఎల్‌నినో ప్రభావంతో జిల్లాలో సాధారణ వర్షపాతం నమోదైంది. చెప్పుకోదగిన వర్షాలు కురవలేదు. ఆరుతడిపై రైతులకు అవగాహన కల్పించాలని ప్రభుత్వ పెద్దలతో పాటు వ్యవసాయ శాస్త్రవేత్తలు, ఆశాఖ ఉన్నతాధికారులు రైతులకు పెద్ద ఎత్తున అవగాహన కల్పించారు. అయినప్పటికీ 2.94 లక్షల ఎకరాల్లో రైతులు వరి పండించారు, 4 వేల ఎకరాల్లో ఆరుతడి సాగు పెరిగింది. జిల్లా యంత్రాంగం సమాయత్తం ప్రతి సంవత్సరం సెప్టెంబర్‌లోనే జిల్లా వ్యవసాయశాఖ అధికారులు రబీకి సంబంధించిన యాక్షన్‌ ప్లాన్‌ సిద్ధం చేసి రాష్ట్ర ఉన్నతాధికారులకు పంపిస్తారు. ఈసారి 3.30 లక్షల ఎకరాల్లో వివిధ రకాల పంటలు సాగు కానుండగా, అందులో సింహభాగం 3.5 లక్షల ఎకరాల్లో వరి సాగు కానుందని నివేదిక పంపినట్లు తెలిసింది. దీంతో ఉన్నతాధికారులు ఆ ప్లాన్‌ వెంటనే రద్దు చేయాలని ఆదేశాలు జారీ చేశారు. ఎల్‌నినో ముప్పు తీవ్ర వర్షాభావ పరిస్థితులు ఏర్పడే అవకాశం ఉందని, ఊరూరా రైతులతో విరివిగా సమావేశాలు నిర్వహించి ఆరుతడి సాగుపై అవగాహన కల్పించాలని సూచించారు. దీంతో ఆ దిశగా జిల్లా యంత్రాంగం సమాయత్తం అవుతోంది. పొంచి ఉన్న ఎల్‌నినో ముప్పు ఆరుతడి పంటలే మేలని సూచన అవగాహన కల్పించాలని జిల్లా అధికారులకు ఆదేశం! ఈ ఏడాది వర్షాకాలంలో సబ్సిడీపై 900 ఎకరాలకు సరిపడా పప్పు దినుసులను రైతులకు అధికారులు పంపిణీ చేశా రు. ఇందులో నర్సాపూర్‌, మనోహరాబాద్‌, నిజాంపేట, శివ్వంపేట, అల్లాదుర్గం, టేక్మాల్‌, పెద్దశంకరంపేట, రేగోడ్‌ తదితర మండలాలకు కందులు, పెసర్లు, మినుములను అందించారు. వీటిలో కొన్ని వందశాతంపై ఇవ్వగా, మరికొన్ని 50 శాతం సబ్సిడీపై అందించారు. ఈ రబీ సీజన్‌లో సైతం సబ్సిడీపై విత్తనాలు ఇచ్చే అవకాశం ఉందని తెలిసింది.

● జాతీయ రహదారులపై నిత్యం ప్రమాదాలు ● కేంద్రం మంజూరైతే సకాలంలో వైద్యం ● ప్రతిపాదనలు పంపిన అధికారులు ప్రతిపాదనలు పంపాం రామాయంపేట, నర్సాపూర్‌లో ట్రామా కేర్‌ సెంటర్ల ఏర్పాటు కోసం గతంలోనే ప్రతిపాదనలు పంపినట్లు తెలిసింది. ఇంకా అధికారికంగా మంజూరు రాలేదు. ఈవిషయమై ఉన్నతాధికారుల దృష్టికి తీసుకెళ్తా. – గణేశ్వర్‌, డీఎంహెచ్‌ఓ జిల్లాలో 44వ నంబర్‌ జాతీయ రహదారి 55 కిలోమీటర్లు, 765 డీజీ రహదారి 35 కిలోమీటర్ల మేర విస్తరించి ఉంది. ముఖ్యంగా 44వ నంబర్‌ జాతీయ రహదారిపై ప్రయాణం ప్రమాదకరంగా మారింది. ఈరోడ్డుపై ప్రతి రోజు పది వేలకు పైగా వాహనాలు ప్రయాణిస్తున్నాయి. ఈరోడ్డుపై ఏ చిన్న ప్రమాదం చోటు చేసుకున్నా మృత్యువులోకి వెళ్లాల్సిందే. జాతీయ రహదారిపై జిల్లా శివారులో ఉన్న రామాయంపేటలో ట్రామాకేర్‌ కేంద్రం మంజూరు చేయిస్తామని గత నాలుగైదేళ్లుగా అధికారులు, ప్రజాప్రతినిధులు ప్రకటనలు చేస్తున్నారే తప్ప ఇప్పటి వరకు మంజూరు లేదు. ట్రామాకేర్‌ కేంద్రం ఉంటే ప్రమాదాల్లో గాయపడేవారికి సకాలలో అత్యవసర వైద్య సేవలు అందే అవకాశం ఉంటుంది. ఈ కేంద్రంలో 24 గంటలూ ప్రత్యేక వైద్య బృందాలతో పాటు అత్యాధునిక పరికరాలు అందుబాటులో ఉంటాయి. నిపుణులైన వైద్య బృందం అందుబాటులో ఉంటుంది. ఆర్థో, న్యూరో, సర్జన్లు అందుబాటులో ఉంటారు. గుండెపోటుకు గురైనవారికి సీపీఆర్‌ చేయడం, ఇతరత్ర చికిత్స కోసం ప్రత్యేక సదుపాయం ఉంటుంది. రోడ్డు ప్రమాదాల్లో తీవ్రంగా గాయపడే వారికి తక్షణమే ఆపరేషన్లు చేయడానికి గాను థియేటర్లు, ఐసీయూ, రోగ నిర్ధారణ పరీక్షా కేంద్రాలు అందుబాటులో ఉంటాయి. ఎల్లవేళలా అంబులెన్స్‌ సదుపాయం ఉంటుంది. రెండు కేంద్రాలు మంజూరయ్యే అవకాశం జిల్లాలో 44వ నంబర్‌ జాతీయ రహదారిపై రామాయంపేట వద్ద, 765డీ జాతీయ రహదారిపై నర్సాపూర్‌ వద్ద ట్రామా కేర్‌ సెంటర్ల ఏర్పాటు కోసం గతంలో వైద్యశాఖ అధికారులు ప్రభుత్వానికి ప్రతిపాదనలు పంపారు. ప్రాధాన్యతాక్రమంలో ఈరెండు మంజూరయ్యే అవకాశం ఉందని తెలిసింది. ఈకేంద్రాలు మంజూరైతే సాధ్యమైనంతమేర ప్రమాదాల్లో గాయపడే వారిని రక్షించే అవకాశం ఉంటుదని వైద్యశాఖ అధికారులు చెబుతున్నారు. కాగా ట్రామా కేంద్రం ఏర్పాటు కోసం స్థానిక ప్రభుత్వ ఆసుపత్రి భవనంలో తగినంత స్థలం అందుబాటులో ఉంది. రోడ్డు ప్రమాదాల్లో క్షత్రగాత్రులకు సకాలంలో వైద్య సేవలు అందక ప్రాణాలు కోల్పోతున్నారు. ప్రమాదం జరిగిన గంటలోపు వారికి వైద్యం అందితే ప్రాణాలు దక్కే అవకాశం ఉంటుంది. జిల్లా పరిధిలో 44, 765 డీజీ జాతీయ రహదారులపై నిత్యం ఎక్కడో ఒక చోట రోడ్డు ప్రమాదాలు జరగుతున్నాయి. గాయపడిన వారికి స్థానిక ఆస్పత్రుల్లో ప్రాథమిక చికిత్స అనంతరం, మెరుగైన వైద్యం కోసం హైదరాబాద్‌ తరలిస్తున్న క్రమంలో మృత్యువాత పడుతున్నారు. – రామాయంపేట(మెదక్‌)

బీఆర్‌ఎస్‌ జిల్లా అధ్యక్షురాలు పద్మారెడ్డి చిన్నశంకరంపేట(మెదక్‌): విద్యుత్‌ సరఫరాలో అంతరాయంతో నీరందక పంటలు ఎండిపోతున్నా ప్రభుత్వం పట్టించుకోవడం లేదని బీఆర్‌ఎస్‌ జిల్లా అధ్యక్షురాలు పద్మారెడ్డి విమర్శించారు. ఆదివారం మండలంలోని కొర్విపల్లిలో ఎండిపోయిన వరి పంటలను పరిశీలించారు. అనంతరం గవ్వలపల్లి సబ్‌స్టేషన్‌లో లాగ్‌బుక్‌ను పరిశీలించారు. కనీసం రోజుకు 7 గంటల విద్యుత్‌ కూడా సరఫరా కావడం లేదన్నారు. తరచూ విద్యుత్‌ ఎందుకు ట్రిప్‌ అవుతుందని సిబ్బందిని ప్రశ్నించారు. 24 గంటల కరెంట్‌ దేవుడెరుగు కనీసం 12 గంటలు సరఫరా చేయాలని డిమాండ్‌ చేశారు. ఇప్పటికై నా ప్రభుత్వం స్పందించకపోతే సబ్‌స్టేషన్లను ముట్టడిస్తామని హెచ్చరించారు. రైతులను మోసం చేస్తుస్తున్న కాంగ్రెస్‌ సర్కారు తగిన మూల్యం చెల్లించక తప్పదన్నారు. ఆమె వెంట బీఆర్‌ఎస్‌ నాయకులు రాజు, నరేందర్‌, లక్ష్మారెడ్డి, యాదగిరి, మల్లేశం, గోపాల్‌ తదితరులు ఉన్నారు.

పని బారెడు..విద్యార్థుల జీవితాల్లో వెలుగులు నింపి వారి బంగారు భవిష్యత్తుకు బాటలు వేస్తున్న పార్ట్‌టైం ఉపాధ్యాయుల జీవితాల్లో వెలుగులు కరువయ్యాయి. చేస్తున్న పనిభారం మేరకు వేతనాలు లేకపోవడం, ఉద్యోగ భద్రత కరువవడంతో మనోవేదనకు గురవుతున్నారు. దినదిన గండంలా కుటుంబాలను నెట్టుకొస్తున్నారు. – నారాయణఖేడ్‌ ఉమ్మడి మెదక్‌ జిల్లావ్యాప్తంగా మైనార్టీ మినహాయిస్తే 96 గురుకులాల్లో 620 పార్ట్‌టైం ఉపాధ్యాయులు ఇబ్బందులు ఎదుర్కొంటున్నారు. మహాత్మా జ్యోతిబాపూలే గురుకులాలు 30 ఉండగా, ఇందులో 250 మంది, 40 సాంఘిక సంక్షేమ గురుకులాల్లో 200, గిరిజన సంక్షేమ గురుకులాలు 26 ఉండగా, అందులో 170 మంది పార్ట్‌టైం ఉపాధ్యాయులు విధులు నిర్వర్తిస్తున్నారు. మైనార్టీ గురుకులాల్లో విధులు నిర్వర్తిస్తున్న పార్ట్‌టైం ఉపాధ్యాయులకు నెలకు రూ.36 వేల వేతనం చెల్లిస్తున్నారు. అదే ఇతర గురుకులాల్లోని టీచర్లకు రూ. 24 వేలు ఇస్తున్నారు. అన్ని గురుకులాల్లోనూ ఉపాధ్యాయులు చేసే విధులు, బోధన ఒకేలా ఉన్నా వేతనంలో వ్యత్యాసం ఉండటంతో మనోవేదనకు గురవుతున్నారు. పెరిగే ధరలు, కుటుంబ పోషణకు వేతనం సరిపడక అవస్థలు పడుతున్నారు. తమకు కూడా సమాన పనికి సమాన వేతనం రూ.36 వేలు చెల్లించాలని కోరుతున్నారు. ఉమ్మడి జిల్లాలో 19 మైనార్టీ గురుకులాలు ఉండగా, ఇందులో 210 మంది పార్ట్‌టైం ఉపాధ్యాయులు విధులు నిర్వర్తిస్తున్నారు. అదనపు భారం గురుకులాల్లోని పార్ట్‌టైం ఉపాధ్యాయులకు ఉద్యోగ భద్రత కరువైంది. వారి స్థానంలో శాశ్వత ఉపాధ్యాయుడు ఎప్పుడు వచ్చినా, ఏదైనా సమస్య వచ్చినా ఉద్యోగం ఊడిపోవడమే. దీంతో వారి కుటుంబ పోషణ ప్రశ్నార్థకంగా మారుతుంది. పార్ట్‌టైం ఉపాధ్యాయులుగా నియమితులైనా బోధనతో పాటు అదనపు విధులు నిర్వర్తిస్తున్నారు. వివిధ విభాగాలైన హౌస్‌మాస్టారు, కాస్మోటిక్స్‌, యూనిఫాం తదితర విభాగాల ఇన్‌చార్జిలుగా పనిచేయడం, పండగలు, ఇతర సమయాలున్నా సెలవులు లేకపోవడం, దీర్ఘకాలికంగా సేవలందిస్తున్న తమకు క్రమబద్ధీకరణకు నోచుకోకపోవడంపై ఆందోళన చెందుతున్నారు. పార్ట్‌టైం ఉపాధ్యాయులు కేటాయించిన సబ్జెక్టుల్లో బోధన, విద్యాప్రమాణాల పెంపునకు అదనపు తరగతుల నిర్వహణ, పరీక్షలకు విద్యార్థులను సిద్ధం చేయడం, సందేహాల నివృత్తి, హోం వర్క్‌, అసైన్‌మెంట్ల పరిశీలన, అవసరమైనప్పుడు విద్యార్థుల విద్యా పురోగతిపై ఇతర ఉపాధ్యాయులతో సమన్వయం చేసుకోవడం, గురుకుల వాతావరణానికి అనుగుణంగా విద్యార్థుల క్రమశిక్షణ, అభ్యసనంలో సహకరిస్తుంటారు. వేతనాల చెల్లింపుల్లోనూ వ్యత్యాసం కరువైన ఉద్యోగ భద్రత కుటుంబ పోషణకు తీవ్ర ఇబ్బందులు పార్ట్‌టైం ఉపాధ్యాయుల్లో ఆందోళన

చేగుంట(తూప్రాన్‌): మండలంలోని చిట్టోజిపల్లిలో భూములు సాగు చేసుకుంటున్న రైతులకు పట్టాలందించాలని తెలంగాణ వ్యవసాయ కార్మిక సంఘం రాష్ట్ర అధ్యక్షుడు నాగయ్య డిమాండ్‌ చేశారు. ఆదివారం వ్యవసాయ పొలాలను సందర్శించి మాట్లాడారు. గ్రామంలో భూదాన్‌ బోర్డు పట్టాలు తీసుకున్న 184 మంది రైతులు వ్యవసాయం చేసుకుంటూ జీవనం సాగిస్తున్నారని, వారికి పట్టాలందించాలని డిమాండ్‌ చేశారు. గ్రామ శివారులోని భూములకు సంబంధించిన రికార్డులు మార్చి ప్రైవేట్‌ పరిశ్రమకు కేటాయించారని ఆరోపించారు. జిల్లాలో 62 వేల ఎకరాల సీలింగ్‌ భూములున్నాయని, వాటిని పేదలకు పంచాలని కోరారు. కార్యక్రమంలో వ్యవసాయ కార్మిక సంఘం నాయకులు పద్మ, అడివయ్య, గౌరయ్య, మల్లేశం లక్ష్మీనర్సయ్య, రైతులు తలారి నరేశ్‌, మహేశ్‌, రాజు, స్వామి తదితరులు ఉన్నారు. ‘సేవా సేతు’కు 60 దరఖాస్తులు మెదక్‌ కలెక్టరేట్‌: ‘ప్రధాన మంత్రి సూర్య ఘర్‌ ముఫ్త్‌ బిజిలీ యోజన’ పథకాన్ని ప్రజలంతా సద్వినియోగం చేసుకోవాలని విద్యుత్‌శాఖ చీఫ్‌ ఇంజనీర్‌ బాలస్వామి పిలుపునిచ్చారు. గత మూడు రోజులుగా జిల్లా కేంద్రంలోని విద్యుత్‌శాఖ కార్యాలయం వద్ద నిర్వహించిన సేవాసేతు కార్యక్రమం ఆదివారం ముగిసింది. ముగింపు కార్యక్రమానికి ముఖ్య అతిథిగా బాలస్వామి హాజరై మాట్లాడారు. మూడు రోజుల్లో 60 దరఖాస్తులు రావడం హర్షనీయమన్నారు. కేంద్ర ప్రభుత్వం అందిస్తున్న సబ్సిడీలను ప్రజలు సద్వినియోగం చేసుకుంటూ తమ తమ ఇళ్లపై రూఫ్‌ టాప్‌ సోలార్‌ ఏర్పాటు చేసుకోవాలని సూచించారు. కార్యక్రమంలో విద్యుత్‌శాఖ ఎస్‌ఈ నారాయణనాయక్‌, డీఈ రామేశ్వర్‌, డీటీ టెక్నికల్‌ శ్రీనివాస్‌, ఏడీ మోహన్‌బాబు, ఏఈ నవీన్‌, సోలార్‌ వెండర్‌ దయాకర్‌రెడ్డి తదితరులు పాల్గొన్నారు. జహీరాబాద్‌ టౌన్‌: నిరుద్యోగ యువత కోసం పట్టణంలో ఉచిత కోచింగ్‌ ప్రారంభిస్తున్నట్లు ఎస్‌ఐ లవకుమార్‌ తెలిపారు. ఆదివారం పోలీస్‌స్టేషన్‌లో మాట్లాడుతూ.. ఆసక్తి గల అభ్యర్థులు ఈనెల 7 తేదీ వరకు పోలీస్‌స్టేషన్‌లో దరఖాస్తు చేసుకోవాలన్నారు. 10వ తేదీ నుంచి కోచింగ్‌ ప్రారంభిస్తామన్నారు. అభ్యర్థులకు అవసరమైన స్టడీ మెటీరియల్‌ సైతం ఉచితంగా అందజేస్తామన్నారు. నిరుద్యోగ యువత ఈ అవకాశాన్ని సద్వినియోగం చేసుకోవాలని సూచించారు.

మెదక్‌ కలెక్టరేట్‌: ఇండియన్‌ రెడ్‌క్రాస్‌ సొసైటీ శాఖ మేనేజింగ్‌ కమిటీ ఎన్నికలు ఆదివారం ప్రశాంతంగా నిర్వహించినట్లు మెదక్‌ ఆర్డీఓ డాక్టర్‌ రమాదేవి తెలిపారు. జిల్లా శాఖ మేనేజింగ్‌ కమిటీ ఎన్నికల్లో మొత్తం 688 మంది ఓటర్లకు గాను 295 మంది తమ ఓటు హక్కును వినియోగించుకున్నట్లు చెప్పారు. 42.88 శాతం పో లింగ్‌ నమోదైనట్లు వెల్లడించారు. పోలైన ఓట్లలో 22 చెల్లని ఓట్లుగా గుర్తించామన్నారు. బరిలో ఉన్న అభ్యర్థులలో 19 మందిలో 15 మంది మేనేజింగ్‌ కమిటీ సభ్యులుగా ఎన్నికై నట్లు వివరించారు. ఎన్నికల ప్రక్రియను నిబంధనల ప్రకారం పారదర్శకంగా నిర్వహించినట్లు చెప్పారు. చైర్మన్‌గా మెదక్‌ పట్టణానికి చెందిన పిల్లల వైద్యుడు తిరుమలేశ్‌ ఎన్నికయ్యారు.

● అనంతగిరి బస్సు ప్రమాదంలో ముగ్గురి మృతి ● బంధువు అంత్యక్రియలకు వెళ్తుండగా దుర్ఘటన పటాన్‌చెరు టౌన్‌: సంగారెడ్డి జిల్లా పటాన్‌చెరు మండలం క్యాసారం కన్నీటి సంద్రమైంది. వికారాబాద్‌ జిల్లా అనంతగిరి వద్ద జరిగిన బస్సు ప్రమాదంలో గ్రామానికి చెందిన ముగ్గురు మృతి చెందడం తీవ్ర విషాదాన్ని నింపింది. వివరాల్లోకి వెళ్తే.. వికారాబాద్‌ జిల్లా దారూర్‌ మండలం చింతకుంటకు చెందిన నారాయణరెడ్డి నడుంనొప్పి భరించలేక శుక్రవారం ముత్తంగి (పటాన్‌చెరు మండలం) వద్ద పురుగు మందు తాగి ఆత్మహత్య చేసుకున్నాడు. పోస్టుమార్టం అనంతరం మృతదేహాన్ని స్వగ్రామానికి తరలించారు. అంత్యక్రియల కోసం క్యాసారం గ్రామానికి చెందిన బంధువులు ప్రైవేట్‌ బస్సులో చింతకుంటకు శనివారం ఉదయం బయలుదేరారు. ఈ క్రమంలో అనంతగిరి ఘాట్‌రోడ్డులో బస్సు అదుపుతప్పి బోల్తా పడింది. ప్రమాద సమయంలో బస్సులో 52 మంది ఉన్నారు. రంగారెడ్డి జిల్లా శంకర్‌పల్లికి చెందిన ప్రమీల (52), క్యాసారం గ్రామానికి చెందిన అత్తెల్లి యాదమ్మ (52), పద్మ (55), బీరంగూడం పద్మమ్మ (50) మృతిచెందగా.. 32 మంది తీవ్రంగా గాయపడి చికిత్స పొందుతున్నారు. పటాన్‌చెరు ఎమ్మెల్యే గూడెం మహిపాల్‌రెడ్డి, ఎమ్మెల్సీ అంజిరెడ్డి వికారాబాద్‌ ప్రభుత్వ ఏరియా ఆస్పత్రికి చేరుకొని మృతుల కుటుంబాలను ఓదార్చారు. బాధితులకు ఎమ్మెల్యే అండ బస్సు ప్రమాదంలో గాయపడి వికారాబాద్‌లోని ఈషా ప్రైవేట్‌ ఆస్పత్రిలో చికిత్స పొందుతున్న క్యాసారం గ్రామానికి చెందిన క్షతగాత్రులను ఎమ్మెల్యే మహిపాల్‌ రెడ్డి పరామర్శించారు. వైద్యులతో మాట్లాడి బాధితుల ఆరోగ్య పరిస్థితిని అడిగి తెలుసుకున్నారు. మెరుగైన వైద్యం అందించేందుకు ఆస్పత్రి యాజమాన్యానికి రూ.2 లక్షలు చెల్లించారు. బాధితులకు అవసరమైన వైద్య ఖర్చులను తానే భరిస్తానని కుటుంబ సభ్యులకు హామీ ఇచ్చారు.

తూప్రాన్‌: మున్సిపాలిటీ పరిధిలోని బ్రహ్మణపల్లి రైల్వే గేట్‌ సమీపంలో నూతనంగా నిర్మించనున్న అమూల్‌ డెయిరీ భూమి పూజకు సంబంధించి నిర్వాహకులు అన్ని ఏర్పాట్లు పూర్తి చేశారు. ఈ కార్యక్రమానికి కేంద్ర హోంశాఖ మంత్రి అమిత్‌ షా హాజరుకావాల్సి ఉండగా, చివరి నిమిషంలో ఆయన పర్యటన రద్దయింది. ముందుగా నిర్ణయించిన షెడ్యూల్‌ ప్రకారం ఆదివారం ఉదయం 11 గంటలకు పరిశ్రమ ఏర్పాటుకు భూమి పూజ నిర్వహించనున్నారు. ముఖ్య అతిథులుగా కేంద్ర మంత్రి కిషన్‌రెడ్డి, ఎంపీ రఘునందన్‌రావు హాజరుకానున్నారు. వీరితో పాటు రాష్ట్ర ప్రభుత్వం తరఫున పరిశ్రమల శాఖ మంత్రి శ్రీధర్‌ బాబు, జిల్లా ఇన్‌చార్జి మంత్రి వివేక్‌ తదితర ప్రముఖులు పాల్గొంటారని పరిశ్రమ నిర్వాహకులు వెల్లడించారు. ఈ డెయిరీ ఏర్పాటుతో స్థానికంగా ఉపాధి అవకాశాలు పెరగడంతో పాటు పాడి రైతులకు ఎంతో మేలు జరుగుతుందని భావిస్తున్నారు. అమూల్‌ సహకార నమూనాతో ఈ నూతన డెయిరీ ప్లాంట్‌ను సుమారు రూ.500 కోట్లతో ఇక్కడ ఏర్పాటు చేస్తున్నారు. విద్యుత్‌శాఖ ఎస్‌ఈ నారాయణ్‌నాయక్‌ మెదక్‌ కలెక్టరేట్‌: కేంద్ర ప్రభుత్వం సబ్సిడీతో అందిస్తున్న పీఎం సూర్యఘర్‌ ముప్త్‌ బిజీలి యోజన పథకాన్ని జిల్లా ప్రజలు సద్వినియోగం చేసుకోవాలని విద్యుత్‌ శాఖ ఎస్‌ఈ నారాయణ్‌నాయక్‌ సూచించారు. జిల్లా కేంద్రంలోని ఫ్యూజ్‌ ఆఫ్‌ కాల్‌ సెంటర్‌ వద్ద శనివారం రెండోరోజు సేవా సేతు అభియాన్‌ కార్యక్రమం నిర్వహించారు. ఈసందర్భంగా ఎస్‌ఈ మాట్లాడుతూ.. ప్రతి ఇంటికి సోలార్‌ ప్లాంట్‌ ఏర్పాటు చేయాలన్న లక్ష్యంతో కేంద్ర ప్రభుత్వం ఈ పథకాన్ని ప్రవేశపెట్టిందని తెలిపారు. ఇందుకోసం భారీగా సబ్సిడీ అందిస్తుందని వివరించారు. కాగా, రెండోరోజు కార్యక్రమానికి 22 మంది వినియోగదారులు సోలార్‌ప్లాంట్ల కోసం దరఖాస్తు చేసుకున్నట్లు చెప్పా రు. ఈ విషయమై గ్రామాల్లో విస్తృత ప్రచారం కల్పిస్తున్నట్లు తెలిపారు. ఆదివారం కూడా సేవా సేతు కార్యక్రమం ఉంటుందని వెల్లడించారు. కార్యక్రమంలో విద్యుత్‌ శాఖ డీఈ రామేశ్వర్‌, డీటీ టెక్నికల్‌ శ్రీనివాస్‌, ఏడీ మోహన్‌బాబు, ఏఈ నవీన్‌, ఏఐ సోలార్‌ వెండర్‌ దయాకర్‌రెడ్డి తదితరులు పాల్గొన్నారు. అల్లాదుర్గం(మెదక్‌): చిన్న చిన్న కేసులను ఇరువర్గాలు రాజీతోనే పరిష్కరించుకోవాలని జూనియర్‌ సివిల్‌ కోర్టు జడ్జి సుచరిత అన్నారు. శనివారం మండల పరిధిలోని మాందాపూర్‌లో న్యాయ విజ్ఞాన సదస్సు నిర్వహించారు. ఈసందర్భంగా ఆమె మాట్లాడుతూ.. కోర్టులో న్యాయ సేవాధికారత ద్వారా ఉచితంగా న్యాయ సేవలు అందిస్తామని తెలిపారు. బాల్య వివాహాలు చట్టరీత్యా నేరమన్నారు. బాలల హక్కులను కాపాడాల్సిన బాధ్యత అందరిపై ఉందన్నారు. చట్టపరమైన మార్గంలో సమస్యలు పరిష్కరించుకోవాలని సూచించారు. కార్యక్రమంలో సర్పంచ్‌ రమ్య, ఉపసర్పంచ్‌ కృష్ణ, పోలీస్‌ అధికారులు, గ్రామస్తులు పాల్గొన్నారు. దరఖాస్తుల ఆహ్వానం వెల్దుర్తి(తూప్రాన్‌): ప్రత్యేక అవసరాలు గల విద్యార్థులకు విద్యాబోధన అందించేందుకు స్పెషల్‌ గెస్ట్‌ ఎడ్యుకేటర్లను నియమించనున్నట్లు వెల్దుర్తి పీఎం శ్రీ జిల్లా పరిషత్‌ ఉన్నత పాఠశాల హెచ్‌ఎం సాంబయ్య తెలిపారు. అర్హత, ఆసక్తి కలిగిన అభ్యర్థుల నుంచి దరఖాస్తులు ఆహ్వానిస్తున్నట్లు చెప్పారు. స్పెషల్‌ బీఎడ్‌ అర్హత కలిగి, ఆసక్తి ఉన్న అభ్యర్థులు అక్టోబర్‌ 7వ తేదీలోగా దరఖాస్తు చేసుకోవాలన్నారు. నవంబర్‌ 2026 నుంచి ఐదు నెలల పాటు విధులు నిర్వర్తించాల్సి ఉంటుందన్నారు.

రిజిస్ట్రేషన్‌ మాత్రం 1.39 లక్షల ఎకరాలకే.. జిల్లావ్యాప్తంగా ఈ ఏడాది మొత్తం 3,40,342 ఎకరాల్లో రైతులు వివిధ రకాల పంటలు సాగు చేశారు. అందులో 2,08,459 ఎకరాల్లో సన్నాలు పండించారు. కాగా, ఈ వానాకాలం సీజన్‌లో ప్రభుత్వం 7 రకాల సన్నాలకు మాత్రమే రూ.500 బోనస్‌ ఇస్తామని పేర్కొంది. ఆ విత్తనాలను కొనుగోలు చేసిన డీలర్ల వద్ద ఆన్‌లైన్‌ రిజిస్ట్రేషన్‌ చేసుకోవాలని సూచించింది. కాగా, జిల్లావ్యాప్తంగా సెల్ఫ్‌ డిక్లరేషన్‌ ఇచ్చింది మొత్తం కలిపి 1,39,771 ఎకరాలు మాత్రమే రికార్డుల్లో నమోదైంది. ఈ లెక్కన ఇంకా 68,688 ఎకరాలు తక్కువగా వస్తోంది. బోనస్‌ అందేనా..? ప్రభుత్వం సన్నవడ్లకు బోనస్‌ ఇస్తుందనే ఆశతో రైతులు సన్న వడ్లను సాగు చేశారు. అయితే ఈ సీజన్‌లో నారుమళ్లు (తుకాలు) పోశాకనే 7 రకాలు సాగు చేసిన సన్నవడ్లకు మాత్రమే బోనస్‌ ఇస్తామంటూ ప్రభుత్వం ప్రకటించింది. అప్పటికే 70 శాతం మంది నారుమల్లు పోశారు. వర్షాకాలం జూన్‌లో ప్రారంభం అవుతుండగా, జూలై 2వ వారంలో ఈ విషయాన్ని ప్రభుత్వం ఆలస్యంగా ప్రకటించింది. అప్పటికే పుణ్యకాలం కాస్తా గడిచిపోయింది. పెట్టుబడి అధికం దొడ్డురకం వరితో పోలిస్తే సన్నాల సాగుకు అన్నిరకాల పెట్టుబడులు అధికమనే చెప్పాలి. దొడ్డురకం 120 రోజుల్లో పంట చేతికందితే, సన్నాలు 145–150 రోజులు అవుతుంది. నీటితడులు అధికంగా పెట్టాలి. విత్తన ధరలు అధికమే, తెగుళ్లు సైతం అధికంగా వస్తాయి. దీంతో మందులను 3–4 సార్లు పిచికారీ చేయాల్సి వస్తోంది. ఇన్నిరకాల ఇబ్బందులు తట్టుకొని సన్నవడ్లను సాగు చేస్తే తీరా పంట చేతికందే సమయంలో బోనస్‌ వస్తోందో లేదోనని రైతులు ఆందోళన చెందుతున్నారు. గుర్తింపునకు సిబ్బంది ప్రభుత్వం ప్రకటించిన 7 రకాల సన్న ధాన్యాన్ని గుర్తించేందుకు ప్రభుత్వం బీఎస్సీ, డిప్లొమా అగ్రికల్చర్‌ చదివిన అభ్యర్థులను రెండు నెలల కాలానికి ఔట్‌సోర్సింగ్‌ పద్ధతిన ఎంపిక చేస్తున్నారు. జిల్లావ్యాప్తంగా 518 కొనుగోలు కేంద్రాలను ఏర్పాటు చేస్తుండగా, ఒక్కో కేంద్రానికి ఒక్కో వ్యక్తికి నియమించేందుకు ఎంపిక చేస్తున్నారు. వారు నిర్ధారిస్తేనే రూ.500 బోనస్‌ అందుతుందని అధికారులు చెబుతున్నారు. చందాపూర్‌లో సన్న వరి సాగు జిల్లాలో 2.8 లక్షల ఎకరాల్లో పంట గందరగోళంగా సన్నాల సాగు ఆందోళనలో అన్నదాతలు రికార్డులకెక్కని మరో 69 వేల ఎకరాలు ఈఏడాది సన్నాల సాగు గందరగోళంగా మారనుందా..? అంటే అధికారిక లెక్కలు చూస్తుంటే అవుననే చెప్పాలి. ప్రభుత్వం ప్రకటించిన 7 రకాల సన్నాలతో పాటు సెల్ఫ్‌ డిక్లరేషన్‌ ఇచ్చిన వాటికి మాత్రమే రూ.500 బోనస్‌ లభిస్తోందని అధికారులు చెబుతున్నారు. కానీ జిల్లాలో 2.8 లక్షల ఎకరాల్లో సన్నాలు సాగు చేయగా, విత్తన డీలర్లు రిజిస్ట్రేషన్‌ చేసిన 7 రకాల సన్నాలతో పాటు రైతులు ఇచ్చిన సెల్ఫ్‌ డిక్లరేషన్‌ కలిపి 1.39 లక్షల మాత్రమే రికార్డుల్లో ఉంది. ఈలెక్కన మరో 69 వేల ఎకరాలకు బోనస్‌ అందడంపై అనుమానాలు వ్యక్తం అవుతున్నాయి. – మెదక్‌జోన్‌

సాక్షిప్రతినిధి, సంగారెడ్డి: మున్సిపాలిటీలకు చెందిన విలువైన భూములు.. లేఅవుట్లలోని 10 స్థలాలపై కమిషనర్‌, డైరెక్టర్‌ మున్సిపల్‌ అడ్మినిస్ట్రేషన్‌ (సీడీఎంఏ) దృష్టి సారించింది. ప్రధానంగా ము న్సిపాలిటీల నుంచి అనుమతులు పొందిన లేఅవుట్లలో ప్రజా అవసరాల కోసం కేటాయించిన 10 శాతం భూములపై ఆరా తీసింది. ఈ మేరకు మున్సిపాలిటీలకు చెందిన భూములు, భవనాలు, ఇతర స్థిరాస్తుల వివరాలను పంపాలని సీడీఎంఏ నుంచి జిల్లాలోని అన్ని మున్సిపాలిటీలకు ఆదేశా లు అందాయి. ప్రత్యేక ఫార్మాట్‌లో ఆయా మున్సిపాలిటీల అధికారులు ఈ స్థిరాస్తుల వివరాలను పంపారు. రూ.కోట్లు విలువ చేసే స్థలాలు జిల్లాలో మొత్తం 11 మున్సిపాలిటీలు ఉన్నాయి. ఇస్నాపూర్‌, ఇంద్రేశం, గడ్డపోతారం, గుమ్మడిదల, జిన్నారంలు గతంలో గ్రామ పంచాయతీలు ఉండగా, వాటిని ప్రభుత్వం మున్సిపాలిటీలుగా ప్రకటించింది. మెదక్‌ జిల్లాలో మూడు బల్దియాలు ఉన్నాయి. ఆయా పట్టణాల్లో మున్సిపాలిటీలకు రూ.కోట్లు విలువ చేసే స్థలాలు ఉన్నాయి. అలాగే లేఅవుట్లలో పార్కులు, ఆరోగ్య కేంద్రాలు, బడులు, గుడులు వంటి వాటి కోసం కేటాయించాల్సిన 10 శాతం భూములు కూడా చాలా ఉన్నాయి. అయితే ఈ స్థలాలు చాలా మట్టుకు అన్యాక్రాంతమయ్యాయి. నేతలు, అధికారులు కలిసి పార్కుల స్థలాలను కబ్జాలకు పాల్పడ్డారు. చాలా చోట్ల పార్కులు ఆనవాళ్లు కోల్పోయాయి. మరోవైపు ఆయా లేఅవుట్లలోని ప్రజా అవసరాల కోసం వదిలేసిన విలువైన స్థలాలను కూడా కబ్జాలకు పాల్పడ్డారు. అలాగే మున్సిపాలిటీ స్థలాలను కొందరు నేతలు, వారి బీనామీలు లీజుకు తీసుకున్నారు. నామమాత్రపు మొత్తాన్ని చెల్లించి దశాబ్దాల తరబడి ఈ విలువైన స్థలాల్లో వాణిజ్య, వ్యాపార కార్యకలాపాలు కొనసాగిస్తూ రూ.కోట్లు దండుకుంటున్నారు. కొన్ని స్థలాలనైతే రెవెన్యూ అధికారులకు పెద్ద మొత్తంలో ముడుపులు ముట్టజెప్పి తమ పేర్ల మీదికి మార్చుకున్నారు. ఇప్పుడు సీడీఎంఏ ఈ స్థలాలపై దృష్టి సారించింది. లేఅవుట్లలో ప్రజావసరాలకు కేటాయించిన స్థలాలు లీజుకు ఇచ్చిన భూములపై ఆరా డీజీపీఎస్‌ సర్వేకు సీడీఎంఏ శ్రీకారం వివరాలు పంపాలని మున్సిపాలిటీలకు ఆదేశం శాటిలైట్‌ మ్యాపులతో అనుసంధానం ఈ స్థలాలపై ఆధునిక సాంకేతిక పరిజ్ఞానంతో కూడిన సర్వే చేపట్టాలని నిర్ణయించింది. డీజీపీఎస్‌ విధానంలో సర్వే చేసి మ్యాపులు, వాటి వివరాలను ఆన్‌లైన్‌లో నమోదు చేస్తారు. శాటిలైట్‌ మ్యాపులతో అనుసందిస్తారు. తద్వారా ఎంత విస్తీర్ణంలో లీజుకు ఇచ్చారు. ఎంత విస్తీర్ణంలో కబ్జాలు ఉన్నాయనేది తేల్చాలని సీడీఎంఏ భావిస్తోంది. కోర్టు వివాదాల్లో ఉంటే.. మున్సిపాలిటీలకు చెందిన కొన్ని విలువైన స్థలాలు కోర్టు వివాదాల్లో ఉన్నాయి. లీజుదారులతో అధికారులు కుమ్ముకై ్క కోర్టుల్లో బలమైన సాక్షాలను చూపించి.. లీజుదారులను తొలగించడంలో కావాలని నిర్లక్ష్యం చేస్తున్నారు. ఈ వ్యవహరంలో అధికారులకు, పాలకవర్గాల ప్రజాప్రతినిధులకు పెద్ద మొత్తంలో ముడుపులు అందుతున్నాయి. దీంతో దశాబ్దాల తరబడి రూ.కోట్లు విలువ చేసే ఈ స్థలాలను స్వాధీనం చేసుకోలేకపోతున్నారు. ఇప్పుడు ఇలాంటి వివాదాలు ఉన్న స్థలాలపైనా సీడీఎంఏ ఆరా తీసింది. సీడీఎంఏ నుంచి వచ్చిన ఆదేశాల మేరకు మున్సిపల్‌ స్థలాల వివరాలను పంపామని సంగారెడ్డి, ఇంద్రేశం టౌన్‌ప్లానింగ్‌ అధికారి విశాల్‌ ‘సాక్షి’ ప్రతినిధితో తెలిపారు.

రామాయంపేట(మెదక్‌): కరెంట్‌ కోతలకు నిరసనగా రైతులు రోడ్డెక్కారు. శనివారం స్థానిక విద్యుత్‌ సబ్‌స్టేషన్‌ ఎదురుగా రామాయంపేట– మెదక్‌ రోడ్డుపై బైఠాయించి నిరసన వ్యక్తం చేశా రు. దీంతో రోడ్డుకు ఇరువైపులా వాహనాలు నిలిచిపోయాయి. అనంతరం రైతులు మాట్లాడుతూ.. ప్రతి రోజు నాలుగు గంటలు కూడా సక్రమంగా విద్యుత్‌ సరఫరా కావడం లేదని ఆరోపించారు. ఈవిషయమై పలుమార్లు విద్యుత్‌ శాఖ అధికారులకు మొరపెట్టుకున్నా ఫలితం లేదన్నారు. దీంతో పంటలు ఎండుముఖం పడుతున్నాయని వాపోయారు. అలాగే తరచూ కరెంట్‌ ట్రిప్‌ అవుతుండటంతో పారిన మడి మళ్లీ పారుతుందని ఆవేదన వ్యక్తం చేశారు. ఈవిషయమై అధికారులు వెంటనే చర్యలు తీసుకోకపోతే పెద్ద ఎత్తున ఆందోళన చేపడుతామని హెచ్చరించారు. ఎస్‌ఐ బాల్‌రాజు రైతులకు నచ్చజెప్పి ఆందోళన విరమింపజేశారు. రామాయంపేటలో రోడ్డెక్కిన రైతులు

● గ్యాస్‌ అక్రమ దందాపై ఉక్కుపాదం ● జిల్లాలో 605 ఎల్‌పీజీ సిలిండర్లు స్వాధీనం ● 4,669 క్వింటాళ్ల పీడీఎస్‌ రైస్‌ పట్టివేత మెదక్‌ కలెక్టరేట్‌: జిల్లాలో సివిల్‌ సప్లై అధికారులు దూకుడు పెంచారు. గ్యాస్‌ అక్రమ దందా, పీడీఎస్‌ అక్రమ రవాణ అరికట్టేందుకు చర్యలు చేపట్టారు. ఇందులో భాగంగా గత మూడు నెలల్లో 605 అక్రమంగా నిల్వ చేసిన ఎల్పీజీ గ్యాస్‌ సిలిండర్లను స్వాధీనం చేసుకున్నారు. దీనికి సంబంధించి ఎనిమిది మందిపై కేసు నమోదు చేశారు. మరోవైపు సివిల్‌ సప్లై విజిలెన్స్‌ అధికారులు రైస్‌ మిల్లుల్లో దాడులు చేస్తూ అక్రమాలను వెలికి తీస్తున్నారు. ఇదే సమయంలో పీడీఎస్‌ రైస్‌ అక్రమ తరలింపును అడ్డుకునేందుకు విస్తృతంగా తనిఖీలు చేస్తూ అక్రమార్కులను పట్టుకుంటున్నారు. ఇప్పటివరకు 23 మందిపై కేసు నమోదు చేశారు. ఆరుగురు డీలర్లపై కేసులు రేషన్‌ బియ్యంలో అక్రమాలకు పాల్పడుతున్న ఆరుగురు డీలర్లపై కేసులు నమోదు చేశారు. 4,669 క్వింటాళ్ల పీడీఎస్‌ రైస్‌ను స్వాధీనం చేసుకున్నారు. ఇటీవల వెల్దుర్తి మండల కేంద్రంలో అక్రమంగా తరలిస్తున్న పీడీఎస్‌ రైస్‌ను స్వాధీనం చేసుకున్నారు. మరోవైపు జిల్లాలో ఎక్కడా అక్రమంగా ఎల్పీజీ గ్యాస్‌ రీఫిల్లింగ్‌ జరగకుండా కఠిన చర్యలు చేపడుతున్నారు. ఇందులో భాగంగా మనోహరాబాద్‌ మండలం కాళ్లకల్‌లోఇటీవల 269 ఎల్‌పీజీ గ్యాస్‌ సిలిండర్లను స్వాధీనం చేసుకున్నారు. ఇందుకు సంబంధించి ఎనిమిది మందిపై కేసు నమోదు చేశారు. గత నెల 28న చిన్నశంకరంపేట మండల కేంద్రంలో 7 సిలిండర్లను పట్టుకున్నారు. అలాగే ఇటీవల జిల్లా కేంద్రంలోని హోటళ్లపై దాడులు నిర్వహించి 240 గ్యాస్‌ సిలిండర్లను స్వాధీనం చేసుకున్నారు. విజిలెన్స్‌ దూకుడు మరోవైపు సివిల్‌ సప్లై విజిలెన్స్‌ అధికారులు జిల్లాలోని రైస్‌ మిల్లుల్లో ఆకస్మిక తనిఖీలు చేపడుతూ మిల్లర్ల అక్రమాలను బయటపెడుతున్నారు. ఇందులో భాగంగా కొల్చారం మండల కేంద్రంలో నిర్వహించిన తనిఖీల్లో రూ.7 కోట్ల విలువైన ధాన్యం గల్లంతైనట్లు గుర్తించారు. ఇటీవల చిన్నశంకరంపేట మండలంలోని రైస్‌మిల్లులో తనిఖీలు చేపట్టి రూ.3 కోట్ల విలువైన ధాన్యం మాయం అయినట్లు గుర్తించారు. ఈ మేరకు ఆయా మిల్లుల యజమానులపై కేసులు నమోదు చేయడంతో పాటు రీకవరీ చేసేందుకు ఆర్‌ఆర్‌యాక్ట్‌ అమలు చేయనున్నారు. అధికారుల ఆకస్మిక తనిఖీలతో రైస్‌ మిల్లర్లలో భయాందోళన నెలకొంది. అక్రమాలను అరికడతాం జిల్లాలో అక్రమంగా ఎల్‌పీ జీ గ్యాస్‌ విక్రయాలు, పీడీఎస్‌ అక్రమ రవాణను అరికట్టడమే లక్ష్యంగా ముందుకు సాగుతున్నాం. ఇందులో భాగంగా జిల్లాలో విస్తృతంగా దాడులు, తనిఖీలు చేస్తున్నాం. అలాగే రైస్‌ మిల్లుల్లో జరుగుతున్న అక్రమాలను విజిలెన్స్‌ అధికారుల ద్వారా అరికడుతున్నాం. – నిత్యానంద్‌, జిల్లా సివిల్‌ సప్లై అధికారి

● మాజీ మంత్రి హరీశ్‌రావు ● ఎల్‌నినోపై ప్రభుత్వానికి ముందుచూపులేదని విమర్శ నర్సాపూర్‌ రూరల్‌: రాష్ట్రంలో కాంగ్రెస్‌తోనే కరువొచ్చిందని మాజీ మంత్రి హరీశ్‌రావు విమర్శించారు. శనివారం మండలంలోని కాగజ్‌మద్దూర్‌లో ఆయా గ్రామాలకు చెందిన కాంగ్రెస్‌, బీజేపీ నాయకులు బీఆర్‌ఎస్‌లో చేరగా, వారికి బీఆర్‌ఎస్‌ కండువా కప్పి పార్టీలోకి ఆహ్వానించారు. ఈసందర్భంగా ఆయన మాట్లాడుతూ.. ఎల్‌నినోపై కాంగ్రెస్‌ ప్రభుత్వానికి ముందుచూపు లేదన్నారు. విద్యుత్‌ సరఫరా కోసం ముందస్తు ప్రణాళిక లేక రైతుల ఉసురు తీస్తున్నారని మండిపడ్డారు. థర్మల్‌ విద్యుత్‌ కోసం కావాల్సిన 40 వేల మెట్రిక్‌ టన్నుల బొగ్గులు మాయం చేశారన్నారు. సీఎం రేవంత్‌రెడ్డి తన వారి భూముల ధరలు పెంచుకునేందుకే ఫ్యూచర్‌ సిటీకి రోడ్ల కోసం రూ.10 వేల కోట్లు మంజూరు చేరన్నారు. మంత్రుల నియోజకవర్గాల్లో కూడా రోడ్లు సరిగా లేవని, కాగజ్‌ మద్దూర్‌ రోడ్డు గుంతలమయంగా ఉందని ఆగ్రహం వ్యక్తం చేశారు. ఎన్నికల సమయంలో ఇచ్చిన హామీలను ఇప్పటికీ అమలు చేయలేదన్నారు. సాగుకు కేవలం 5 గంటల విద్యుత్‌ మాత్రమే వస్తుందన్నారు. దేవాదుల, కల్వకుర్తి, శ్రీశైలం, సమ్మక్క–సారలమ్మ, మేడిగడ్డ ప్రాజెక్టుల్లో నీరు ఉన్నా ఎత్తిపోయడం లేదన్నారు. పింఛన్లు, ఫీజు రీయింబర్స్‌మెంట్‌ ఇవ్వడం లేదని మండిపడ్డారు. అనంతరం ఎమ్మెల్యే సునీతారెడ్డి మాట్లాడుతూ.. కేసీఆర్‌ హయాంలో జరిగిన అభివృద్ధిని గుర్తు చేశారు. పార్టీలో చేరిన ప్రతి ఒక్కరికి సముచిత గౌరవం ఇస్తామని హామీ ఇచ్చారు. నిరుద్యోగులకు లక్ష్మారెడ్డి ట్రస్టు ద్వారా పోటీ పరీక్షలకు ఉచితంగా శిక్షణ ఇప్పిస్తామన్నారు. ఇందుకోసం యాప్‌ను ఏర్పాటు చేయించి హరీశ్‌రావుతో ప్రారంభింపజేశారు. కార్యక్రమంలో మాజీ ఎస్సీ, ఎస్టీ కమిషన్‌ చైర్మన్‌ ఎర్రోళ్ల శ్రీనివాస్‌, బీఆర్‌ఎస్‌ నియోజకవర్గ ఇన్‌చార్జి దేవేందర్‌రెడ్డి, జిల్లా మాజీ గ్రంథాలయ సంస్థ చైర్మన్‌ చంద్రగౌడ్‌, మాజీ మున్సిపల్‌ చైర్మన్‌ అశోక్‌గౌడ్‌, మాజీ జిల్లా కో ఆప్షన్‌ సభ్యుడు మన్సూర్‌, నాయకులు భోగ శేఖర్‌, పంబల భిక్షపతి, బాల్‌రెడ్డి, నయీమ్‌, శ్రీనివాస్‌రెడ్డి, అశోక్‌గౌడ్‌, వెంకటయ్య, రాజు, జితేందర్‌రెడ్డి, మధుకర్‌ రెడ్డి తదితరులు పాల్గొన్నారు. మహ్మదాబాద్‌ సర్పంచ్‌ బిందు, ఉప సర్పంచ్‌ సాలి, కాగజ్‌మద్దూర్‌ వార్డు సభ్యులతో పాటు పలువురు నాయకులు బీఆర్‌ఎస్‌లో చేరిన వారిలో ఉన్నారు.

పాడి రైతులకు మంచి రోజులు రానున్నాయి. దక్షిణ భారతదేశంలోనే మొట్టమొదటి సారిగా జిల్లాలో అతిపెద్ద పాల పరిశ్రమ ‘అమూల్‌’ ఏర్పాటు కానుంది. దీనికి ఆదివారం కేంద్ర మంత్రి అమిత్‌ షా భూమి పూజ చేయనున్నారు. ఇందుకోసం తూప్రాన్‌ మండలం బ్రాహ్మణపల్లి సమీపంలో అధికారులు ఏర్పాట్లు చేస్తున్నారు. పరిశ్రమ ఏర్పాటుతో స్థానికులకు ఉపాధి అవకాశాలు దక్కనున్నాయి. – మెదక్‌జోన్‌ జిల్లావ్యాప్తంగా 3.90 లక్షలకు పైగా రైతులు ఉండగా, పాడి పశువులు 1.52 లక్షలు ఉన్నాయి. వాటిలో నల్లజాతి (గేదెలు) 1.3 లక్షలు ఉండగా, తెల్లజాతి (ఆవులు) 49 వేలు ఉన్నాయి. అయితే పాడి రైతులకు ప్రోత్సాహం అంతంత మాత్రంగానే ఉంది. వ్యవసాయ అనుబంధ రంగమైన పశు పోషణపై రైతులు పెద్దగా ఆసక్తి చూపించడం లేదు. ఈ క్రమంలో నిత్యం 5 లక్షల లీటర్ల చిల్లింగ్‌ కెపాసిటీతో అమూల్‌ పాల పరిశ్రమను ఏర్పాటుచేస్తున్నారు. ఇప్పటికే రాష్ట్రవ్యాప్తంగా ఈ సంస్థకు 20 వేల మంది రైతులు పాలు విక్రయిస్తున్నట్లు సమాచారం. జిల్లాలో దీనిని రూ.400 కోట్ల పెట్టుబడితో ప్రారంభించి ఐదేళ్లలో రూ. 2 వేల కోట్లకు విస్తరించే విధంగా అమూల్‌ సంస్థ చర్యలు తీసుకుంటున్నట్లు తెలిసింది. ఇందులో రెగ్యులర్‌ ఉద్యోగులు 250 మంది కాగా, 2 వేలకు పైగా తాత్కాలిక సిబ్బంది పనిచేయనున్నారు. స్థానికులకే 90 శాతం ఉద్యో గాలు లభించనున్నట్లు సమాచారం. సబ్సిడీపై పాడి గేదెలు, ఆవులు వ్యవసాయానికి అనుబంధంగా పాడి పరిశ్రమను ప్రోత్సహించి రైతులను ఆర్థికంగా బలోపేతం చేయాలన్న ఉద్దేశంతో అమూల్‌ కంపెనీని బ్రాహ్మణపల్లిలో ఏర్పాటు చేస్తున్నారు. కంపెనీ కోఆపరేటివ్‌ సొసైటీ ఆధ్వర్యంలో కొనసాగనుంది. సంస్థకు వచ్చే లాభాల్లో 83 శాతం రైతులకు, 17 శాతం లాభాలను కంపెనీ నిర్వహణకు, అభివృద్ధికి వినియోగించనున్నారు. ఇందులో రోజుకు 5 లక్షల లీటర్ల పాలు కొనుగోలు చేసి ప్యాకింగ్‌ చేసే సామర్థ్యంతో కంపెనీ నిర్మించనున్నారు. ఈ సంస్థ ఆధ్వర్యంలో సబ్సిడీపై పాడి గేదెలు, ఆవులతో పాటూ దాణా అందించనున్నట్లు తెలిసింది. ముఖ్యంగా దేశీయ ఆవులు, గేదెలు, ముర్రాజాతి పశు పోషణకు అధికంగా ప్రాధాన్యం ఇవ్వ నున్నారు. పాలకు మద్దతు ధర ఇవ్వటంతో పాటు రైతులకు ప్రత్యేక తరగతులు ఏర్పాటు చేసి ఆర్థికంగా ఎదిగే విధంగా అవగాహన కల్పించనున్నట్లు తెలిసింది. రూ.400 కోట్లతో భారీ ప్రాజెక్టుకు ‘అమూల్‌’ శ్రీకారం నిత్యం 5 లక్షల లీటర్ల చిల్లింగ్‌ కెపాసిటీ కంపెనీ ఏర్పాటుకు సన్నాహాలు రేపు కేంద్ర మంత్రి అమిత్‌షా చేతుల మీదుగా భూమిపూజ లాభాల్లో 83 శాతం రైతులకు వాటా స్థానికులకు ఉద్యోగ అవకాశాలు మొదటిసారి పాల పరిశ్రమ ఉమ్మడి మెదక్‌ జిల్లాలోని సంగారెడ్డి, సిద్దిపేట, మెదక్‌ జిల్లాలోని పటాన్‌చెరు, గుమ్మడిదల, సిద్దిపేట, తూప్రాన్‌, చేగుంట, చిన్నశంకరంపేట, శివ్వంపేట, నర్సాపూర్‌తో పాటు పలు మండలాల్లో వేలాది పరిశ్రమలు ఏర్పాటయ్యాయి. వాటిలో స్థానికులకు కొంత ఉపాధి అవకాశాలు లభించినప్పటికీ వాటి నుంచి వెలువడే రసాయనాలతో ప్రజలు అనేక ఇబ్బందులు పడుతున్నారు. ఈక్రమంలో బ్రాహ్మణపల్లిలో మొదటిసారిగా పాడి రైతుల కోసం అమూల్‌ పరిశ్రమ ఏర్పాటు కానుండటంతో ఉమ్మడి జిల్లావ్యాప్తంగా రైతులు మేలు జరుగనుంది.

● నిధులకు ‘ఈ కేవైసీ’ రక్షణ ● పక్కదారి పట్టకుండా పకడ్బందీ చర్యలు ● ‘లోకస్‌ యాప్‌’లో వివరాల నమోదు జహీరాబాద్‌ టౌన్‌: మహిళల ఆర్థికాభివృద్ధి కోసం ప్రభుత్వాలు ఎన్నో పథకాలు అమలు చేస్తున్నాయి. సంక్షేమ ఫలాలు అర్హులకే అందాలని భావిస్తున్నా యి. స్వయం సహాయ సంఘాల (ఎస్‌హెచ్‌జీ)కు విరివిగా రుణాలు మంజూరు చేస్తూ పెద్దపీట వేస్తున్నాయి. బ్యాంక్‌ లింకేజీ, శ్రీనిధి రుణాల ద్వారా ప్రభుత్వం రూ. కోట్లు మంజూరు చేస్తూ మహిళా సాధికారతకు బాటలు వేస్తుంది. దీనిని ఆసరా చేసుకొని కొందరు బోగస్‌ సంఘాలను ఏర్పాటు చేసి, బ్యాంకర్లతో కుమ్మకై రుణాలు తీసుకొని ఎగవేస్తున్నా రు. ఈక్రమంలో నిధులు దుర్వినియోగం కాకుండా ఖాతా వివరాల్లో పూర్తి పారదర్శకత పెంచేందుకు ప్రభుత్వం ప్రతి సభ్యురాలికి ఈ– కేవైసీ తప్పనిసరి చేసింది. ఎస్‌హెచ్‌జీ సభ్యుల సమగ్ర సమాచారం జాతీయ స్థాయిలో అందుబాటులో ఉంచేందుకు ‘లోకస్‌’ యాప్‌తో అనుసంధాన్నిస్తున్నారు. నిజమైన లబ్ధిదారులను గుర్తించి, అనర్హులను తొలగించడమే లక్ష్యంగా వీఓఏలు ఈ పనుల్లో నిమగ్నమయ్యారు. ప్రస్తుతం ప్రతి సభ్యురాలి ఈ–కేవైసీని పూర్తి చేస్తున్నారు. ఇప్పటివరకు 46 శాతం పూర్తి జిల్లావ్యాప్తంగా 1,50,784 మంది స్వయం సహాయక సంఘాల సభ్యులు ఉన్నారు. ప్రతి సభ్యురాలికి ఈ–కేవైసీని గ్రామ సమాఖ్య సహాయకులు చేస్తున్నారు. ఆగస్టు నెలాఖరు వరకు జిల్లాలో 69,587 మంది సభ్యుల ఈ–కేవైసీ ప్రక్రియ పూర్తయింది. 46 శాతం లక్ష్యం నమోదు చేశామని అధికారులు చెబుతున్నారు. ఇప్పటికే సంఘాల వారీగా రుణాలు, చెల్లించిన వాయిదాలు, వడ్డీ రాయితీ, చేస్తున్న బిజినెస్‌ సమాచారం సెర్ప్‌ వెబ్‌సైట్‌లో పొందుపరుస్తున్నారు. ఈ–కేవైసీ పూర్తికావడం వల్ల నిధుల అవకతవకలకు అడ్డుకట్ట పడనుంది. వివరాలు మ్యాచ్‌ అయితేనే.. ఆధార్‌ సమాచారం సరిగా లేకపోతే ఈ–కేవైసీ కావడం లేదని తెలిసింది. ఫోన్‌ నంబర్‌కు ఆఽధార్‌ లింక్‌ అయి ఉండాలి, ఫొటో కూడా సరిపోవాలి. ఆధార్‌లో ఉన్న ఐరీష్‌తో మ్యాచ్‌ అయితేనే ప్రక్రియ పూర్తివుతుంది. ఈ విధానంతో బోగస్‌ సభ్యులు ఉండే అవకాశం ఇకపై ఉండదు. అంతేకాకుండా ఒకరి స్థానంలో మరొకరు ఉండడం కూడా కుదరదు. సభ్యురాలిగా ఉన్నవారు మాత్రమే ఈ–కేవైసీ చేయించుకోవాల్సి ఉంటుంది. సాంకేతిక సమస్యలను అధిగమించి ఈ కేవైసీ ప్రక్రియను వేగవంతం చేయాలని జిల్లా గ్రామీణాభివృద్ధి శాఖ అధికారులు వీఓఏలను ఆదేశించారు.

నర్సాపూర్‌: ప్రధాని నరేంద్ర మోదీ పుట్టిన రోజును పురస్కరించుకొని గత నెల 17 నుంచి ఈనెల 17వ తేదీ వరకు సేవా సంకల్ప్‌ అభియాన్‌ కార్యక్రమం చేపడుతున్నామని మెదక్‌ ఎంపీ రఘునందన్‌రావు తెలిపారు. బీజేవైఎం ఆధ్వర్యంలో శుక్రవారం పార్టీ కార్యాలయంలో ఏర్పాటు చేసిన రక్తదాన శిబిరాన్ని ఆయన ప్రారంభించి మాట్లాడారు. మెదక్‌ పార్లమెంట్‌ పరిధిలోని అన్ని జిల్లా కేంద్రాల్లో సేవా జ్యోతి కార్యక్రమాలు చేపట్టేందుకు ఏర్పాట్లు చేస్తున్నామన్నారు. పార్టీ నాయకులు పాల్గొని విజయవంతం చేయాలని ఎంపీ పిలుపునిచ్చారు. ఇదిలాఉండగా ఈనెల 4న తూప్రాన్‌ మండలం బ్రాహ్మణపల్లి వద్ద అమూల్‌ పాల కంపెనీ నిర్మాణానికి కేంద్ర హోం మంత్రి అమిత్‌ షా భూమి పూజ చేస్తారని వెల్లడించారు. కంపెనీతో రైతులకు ఆర్థికంగా భరోసా ఏర్పడుతుందని అన్నారు. ఆయన వెంట బీజేపీ జిల్లా అధ్యక్షుడు మల్లేశ్‌గౌడ్‌, జిల్లా ఇన్‌చార్జి నర్సింహారెడ్డి, పార్టీ నాయకులు తదితరులు పాల్గొన్నారు. నర్సాపూర్‌ రూరల్‌: మండలంలోని కాగజ్‌మద్దూర్‌ గ్రామానికి శనివారం మాజీ మంత్రి హరీశ్‌రావు రానున్నారు. పలు గ్రామాలకు చెందిన ఆయా పార్టీల కార్యకర్తలు, నాయకులు ఆయన సమక్షంలో పార్టీలో చేరనున్నారు. కార్యక్రమానికి ఎమ్మెల్యే సునీతారెడ్డి సైతం హాజరుకానున్నారు. బీఆర్‌ఎస్‌ కార్యకర్తలు, నాయకులు పెద్దఎత్తున తరలిరావాలని పార్టీ నేతలు కోరారు. రేగోడ్‌(మెదక్‌): గ్రామీణ ప్రాంతాల్లో కూలీలకు ఉపాధి కల్పించడంతో పాటు, అభివృద్ధికి ఉపాధి హామీ పథకం ఎంతగానో ఉపయోగపడుతుందని జెడ్పీ సీఈఓ ఎల్లయ్య అన్నారు. మండలంలోని గజ్వాడలో శుక్రవారం నిర్వహించిన గ్రామసభకు ఆయన ముఖ్య అతిథిగా హాజరై మాట్లాడారు. వీబీజీ రాంజీ పథకం ద్వారా 375 రకాల పనులు చేపట్టే అవకాశం ఉందని తెలిపారు. గ్రామీణ ప్రాంతాల నుంచి పట్టణాలకు వలస వెళ్లకుండా స్థానికంగానే ఉపాధి అవకాశాలు కల్పించడం ఈ పథకం ప్రధాన లక్ష్యమని వివరించారు. ప్రతి ఇంటి వద్ద ఇంకుడు గుంత నిర్మించుకోవాలని సూచించారు. కార్యక్రమంలో పీసీసీ సభ్యుడు మున్నూరు కిషన్‌, ఎంపీడీఓ శ్రీనివాస్‌, ఎపీఓ జగన్మోహన్‌సింగ్‌, ఏఈఓ అంబిక, కార్యదర్శి రమేశ్‌ తదితరులు పాల్గొన్నారు. కౌడిపల్లి(నర్సాపూర్‌): గ్రామాల అభివృద్ధికి ‘వీబీజీరాంజీ’ పథకం ద్వారా ముమ్మరంగా పనులు చేయాలని జిల్లా సర్పంచ్‌ల ఫోరం ఉపాధ్యక్షుడు చంద్రం కృష్ణాగౌడ్‌ తెలిపారు. శుక్రవారం కౌడిపల్లి రైతు వేదికలో నిర్వహించిన గ్రామసభలో పాల్గొని మాట్లాడారు. కూ లీలు ఎంత ఎక్కువగా పనులు చేస్తే గ్రామాభివృద్ధికి అంతే ఎక్కువగా నిధులు వస్తాయని చెప్పారు. ఇందులో జలసిరి పను లు, ఇంటింటికీ ఇంకుడుగుంతలు, ఫాంపాండ్ల నిర్మాణంతో పాటు మట్టిరోడ్లు, కట్టుకాల్వల పునరుద్ధరణ తదితర పనులు చేపట్టవచ్చన్నారు. అనంతరం స్మార్ట్‌రేషన్‌ కార్డులు, సీఎంఆర్‌ఎఫ్‌ చెక్కులను పంపిణీ చేశారు. కార్యక్రమంలో ఉప సర్పంచ్‌ శ్వేత, పంచాయతీ కార్యదర్శి నగేశ్‌, వార్డు సభ్యులు ప్రశాంత్‌, మురళి, దేవేందర్‌, రమేశ్‌, నాయకులు పోల నవీన్‌, సంగప్ప, హరీశ్‌, అశోక్‌ గ్రామస్తులు త దితరులు పాల్గొన్నారు.

మూలనపడ్డ తాగునీటి పథకాలకు కొత్తరూపు ఇస్తారా? పాపన్నపేట(మెదక్‌): మూలనపడిన తాగు నీటి పథకాలకు కొత్తరూపు నిస్తే.. తరుముకొస్తున్న తాగు నీటి గండం గట్టెక్కే అవకాశం కనిపిస్తుంది. మరో రెండు నెలల్లో మూత బడుతుందనుకుంటున్న మిషన్‌ భగీరథకు ప్రత్యామ్నాయంగా వృథాగా ఉన్న పథకాలకు మరమ్మతులు చేయాల్సిన అవసరం ఉంది. దీంతో పాపన్నపేట మండలంలో కొంత మేర దాహం తీరే అవకాశముందని భావిస్తున్నారు. మంజీరా నదిలో నిర్మించిన పొడిచన్‌పల్లి, కొత్తపల్లి, కుర్తివాడలో తాగు నీటి పథకాలను వినియోగంలోకి తేవాలని స్థానికులు కోరుతున్నారు. 30 ఏళ్ల క్రితం పంప్‌హౌస్‌ నిర్మాణం పాపన్నపేట మండలం చుట్టూరా మంజీరా నది ప్రవహిస్తుండటంతో గతంలో 30 ఏళ్ల క్రితం కొత్తపల్లి వద్ద పంప్‌హౌస్‌ నిర్మించి, అనంతుని గుట్టపై ఓవర్‌ హెడ్‌ ట్యాంకుతో సుమారు 11 గ్రామాలకు తాగునీరు అందించారు. మిషన్‌ భగీరథ వచ్చిన తర్వాత పథకం మూలన పడింది. దీంతో అక్కడ ఉన్న రెండు 40 హెచ్‌పీల కరెంట్‌ మోటార్లు పని చేయకుండా పోయాయి. మరో మోటార్‌ బాగానే ఉన్నట్లు తెలుస్తుంది. ట్రాన్స్‌ఫార్మర్‌, ప్యానల్‌ బోర్డులకు మరమ్మతులు అవసరం. అలాగే విద్యుత్‌ కనెక్షన్‌ సరిచేసి, అక్కడక్కడా పైప్‌లైన్లకు మరమ్మతులు చేస్తే, కొన్ని గ్రామాలకు తాగు నీరు అందే అవకాశం ఉంది. పొడిచన్‌పల్లి వద్ద మంజీరా నదిలో నిర్మించిన తాగు నీటి పథకం ద్వారా ఏడుపాయలతో పాటు 11 గ్రామాలకు తాగు నీరు అందించే వారు. కమాన్‌ వద్ద నిర్మించిన ఇన్‌టెక్‌ వెల్‌ ద్వారా ఏడుపాయల భక్తులకు తాగు నీరు అందేది. మిషన్‌ భగీరథ పథకం రావడంతో అది మూలన పడింది. ఈ పథకంలో ఒక్క విద్యుత్‌ మోటార్‌ మాత్రమే పని చేస్తున్నట్లు తెలుస్తుంది. కుర్తివాడ వద్ద 2016లో మంజీరా నదిలో బావి ఏర్పాటు చేసి, మిన్‌పూర్‌ వద్ద నిర్మించిన ఓవర్‌ హెడ్‌ ట్యాంక్‌ ద్వారా 9 గ్రామాలకు తాగు నీరు అందించాలని అనుకున్నారు. ఈ మేరకు మిన్‌పూర్‌ ట్యాంకు వరకు ట్రయల్‌ రన్‌ నిర్వహించారు. కానీ అదే సమయంలో మిషన్‌ భగీరథ వినిమోగంలోకి రావడంతో పథకం ప్రారంభోత్సవానికి నోచుకోకుండానే మూలన పడింది. వీటికి మరమ్మతులు చేస్తే కొంత మేర మండలంలో దాహార్తి తీరే అవకాశం ఉంది.

మెదక్‌ కలెక్టరేట్‌: సూర్యశక్తితో ప్రతి ఇంటికి ఉచితంగా విద్యుత్‌ అందించేందుకు ప్రధాని నరేంద్ర మోడీ ‘పీఎం సూర్యఘర్‌ ముప్త్‌ బిజీలి యోజన’ పథకం ప్రవేశపెట్టారని ఉమ్మడి మెదక్‌ జిల్లా రెడ్‌కో డీఎం రవీందర్‌చౌహన్‌ తెలిపారు. జిల్లా కేంద్రంలోని ఫ్యూజ్‌ ఆఫ్‌ కాల్‌ సెంటర్‌ వద్ద శుక్రవారం సేవా సేతు అభియాన్‌ కార్యక్రమం నిర్వహించారు. విద్యుత్‌ ఎస్‌ఈ నారాయణ నాయక్‌ ఆధ్వర్యంలో చేపట్టిన కార్యక్రమానికి ముఖ్య అతిథిగా డీఎం హాజరై మాట్లాడారు. కరోనాతో ఈ పథకం ముందుకు సాగలేకపోయిందన్నారు. ఇటీవల పథకాన్ని విస్తృతంగా ప్రజల్లోకి తీసుకెళ్లే కార్యక్రమాలు చేపట్టినట్లు తెలిపారు. ప్రజలు 3 కిలో వాట్ల సోలార్‌ ప్యానల్‌ ఏర్పాటు చేసుకుంటే రూ.2 లక్షల ఖర్చు అవుతుందన్నారు. ఇందులో రూ.78 వేలు ప్రభుత్వం సబ్సిడీగా ఇస్తుండగా, మిగితా డబ్బులను బ్యాంకుల ద్వారా రుణం పొందే అవకాశం ఉంటుందన్నారు. సుమారు 25 ఏళ్ల వరకు ఎలాంటి కరెంట్‌ బిల్లు కట్టాల్సిన అవసరం ఉండదని వివరించారు. కాగా మొదటిరోజు నిర్వహించిన సేవాసేతు కార్యక్రమానికి 16 దరఖాస్తులు వచ్చినట్లు వెల్లడించారు. కార్యక్రమంలో డీఈ రామేశ్వర్‌, డీటీ టెక్నికల్‌ శ్రీనివాస్‌, ఏడీ మోహన్‌బాబు, ఏఈ నవీన్‌, ఏఐ సోలార్‌ వెండర్‌ దయాకర్‌రెడ్డి తదితరులు పాల్గొన్నారు. రెడ్‌కో ఉమ్మడి జిల్లా డీఎం రవీందర్‌ చౌహన్‌

మహేశ్వరీ దీనగాథకు స్పందించిన అధికారులు స్పందనకౌడిపల్లి(నర్సాపూర్‌): ఇల్లు లేక గుడిసెలో ఉంటూ జీవితం గడుపుతున్న కుటుంబానికి ఎట్టకేలకు ప్రభుత్వం ఇందిరమ్మ ఇల్లు మంజూరు చేసింది. మండలంలోని వెల్మకన్నకు చెందిన కాయిత మహేశ్వరీ, శ్రీను దంపతులకు ఇద్దరు పిల్లలు. సొంత ఇల్లు లేక పోవడంతో టాపర్లతో వేసుకున్న గుడిసెలో ఉంటున్నారు. తనకు ఇందిరమ్మ ఇల్లు మంజూరు చేయాలని మహేశ్వరీ దరఖాస్తు చేసుకోగా, మొదటి విడతలో మంజూరు కాలేదు. దీంతో గత మార్చిలో గ్రామానికి కలెక్టర్‌ ప్రతిమాసింగ్‌ రావడంతో ఇల్లు మంజూరు చేయాలని వేడుకుంది. ఆ సమయంలో బాధితురాలి బాధను పరిశీలించిన ‘సాక్షి’ ‘ఇందిరమ్మ ఇల్లు మంజూరు చేయండి’ అంటూ ప్రత్యేక కథనం ప్రచురించింది. ఈక్రమంలోనే గ్రామానికి ఎమ్మెల్యే సునీతారెడ్డి రావడంతో సమస్యను వివరించి వేడుకుంది. దీంతో అధికారులు, నాయకులు ఎట్టకేలకు స్పందించి ఇల్లు మంజూరు చేశారు. శుక్రవారం పంచాయతీ సిబ్బంది, నాయకులు మహేశ్వరీ ఇంటికి ముగ్గు వేసి ఇంటి పనులను ప్రారంభించారు. ఈసందర్భంగా ‘సాక్షి’కి ప్రత్యేక కృతజ్ఞతలు తెలిపారు. కార్యక్రమంలో మాజీ వైస్‌ ఎంపీపీ నవీన్‌గుప్త, సర్పంచ్‌ శివలీల, ఉప సర్పంచ్‌ ప్రభు, నాయకులు నాగభూషనం, వెంకటేశం తదితరులు పాల్గొన్నారు.

ఎస్పీ డీవీ శ్రీనివాస్‌రావుతూప్రాన్‌: కేంద్ర హోంమంత్రి అమిత్‌ షా ఈనెల 4న మండలంలోని బ్రహ్మణపల్లిలో పర్యటించనున్న నేపథ్యంలో భద్రతా ఏర్పాట్లపై తూప్రాన్‌ మున్సిపల్‌ కార్యాలయంలో శుక్రవారం ఏఎస్‌ఎల్‌ సమావేశం నిర్వహించారు. పర్యటనకు సంబంధించిన భద్రతా ప్రణాళిక, బందోబస్తు, రూట్‌, ట్రాఫిక్‌ నియంత్రణ తదితర అంశాలపై సంబంధిత శాఖల అధికారులతో సమగ్రంగా సమీక్షించారు. ఎస్పీ డీవీ శ్రీనివాసరావు, జిల్లా పోలీస్‌ అధికారులు, రెవెన్యూ, వైద్యారోగ్య శాఖ, ఫుడ్‌ సేఫ్టీ, ఆర్‌అండ్‌బీ, ఐఎస్‌డబ్ల్యూ, సీఆర్‌పీఎఫ్‌ తదితర శాఖల అధికారులు పాల్గొన్నారు. ఈసందర్భంగా ఎస్పీ మాట్లాడుతూ.. కేంద్ర హోంమంత్రి పర్యటన నేపథ్యంలో భద్రతా ఏర్పాట్లలో ఎలాంటి లోటుపాట్లకు తావులేకుండా ముందస్తు ప్రణాళికతో పకడ్బందీ చర్యలు చేపట్టాలని సూచించారు. పర్యటనకు సంబంధించిన ప్రతి అంశాన్ని క్షుణ్ణంగా పరిశీలించి, క్షేత్రస్థాయిలో పరిస్థితులను ముందుగానే అంచనా వేసి అవసరమైన ఏర్పాట్లు పూర్తి చేయాలని అధికారులను ఆదేశించారు. శాఖల మధ్య నిరంతర సమాచార మార్పిడి ఉండాలని, పర్యటనకు సంబంధించిన ప్రతి అంశంపై పరస్పర సమన్వయంతో ముందుకు సాగాలన్నారు. సమావేశంలో వివిధ శాఖల జిల్లా అధికారులు పాల్గొన్నారు.

కలెక్టర్‌ ప్రతిమాసింగ్‌ మెదక్‌ కలెక్టరేట్‌: మహాత్మగాంధీ ఆశయాలు అందరికి ఆదర్శ ప్రాయమని కలెక్టర్‌ ప్రతిమాసింగ్‌ అన్నారు. శుక్రవారం గాంధీ జయంతిని పురస్కరించుకొని క్యాంపు ఆఫీస్‌లో గాంధీ చిత్రపటానికి పూలమాల వేసి నివాళులర్పించారు. ఈసందర్భంగా కలెక్టర్‌ మాట్లాడుతూ.. దేశ స్వాతంత్య్ర కోసం మహాత్మా గాంధీ అహింస, సత్యాగ్రహ మార్గాలను అనుసరించి ప్రజలను ఏకతాటిపైకి తీసుకువచ్చారని కొనియాడారు. కార్యక్రమంలో కలెక్టరేట్‌ ఏఓ యూనస్‌, సిబ్బంది పాల్గొన్నారు. అలాగే మెదక్‌ పట్టణంలోని రాందాస్‌ చౌరస్తాలో భారత్‌ స్కౌట్‌ ఆధ్వర్యంలో విద్యార్థులు గాంధీ విగ్రహానికి పూలమాల వేసి నివాళులర్పించారు.

జహీరాబాద్‌: జిల్లాలోని ఆయా చక్కెర కర్మాగారాల్లో 2026–27 సీజన్‌కు గాను చేపట్టాల్సిన క్రషింగ్‌ అంశంపై అధికారులు కసరత్తు చేస్తున్నారు. ఈ సీజన్‌లో జహీరాబాద్‌లోని ట్రైడెంట్‌ చక్కెర కర్మాగారంలో క్రషింగ్‌ ప్రారంభించే అవకాశం ఉన్నట్లు తెలుస్తోంది. జహీరాబాద్‌లోని ట్రైడెంట్‌ చక్కెర కర్మాగారంలో డిసెంబర్‌లో క్రషింగ్‌ మొదలు పెట్టే అవకాశమున్నట్లు అధికారులు చెబుతున్నారు. క్రషింగ్‌ కోసం అవసరమైన టర్బైన్స్‌తోపాటు సుమారు రూ.5 కోట్లకు పైగా విలువ చేసే పలు రకాల యంత్రాలను సమకూర్చుకున్నట్లు పేర్కొన్నారు. ఉన్నతాధికారులు సైతం కర్మాగారంలో అందుబాటులో ఉన్నట్లు సమాచారం. అక్టోబర్‌ 6 నుంచి కర్మాగారంలో పూర్తిస్థాయి మరమ్మతులు చేపట్టనున్నట్లు అధికార వర్గాలు చెబుతున్నాయి. కర్మాగారానికి జహీరాబాద్‌, మొగుడంపల్లి మండలాలను కేటాయించే అవకాశముంది. రాయికోడ్‌లోని గోదావరి–గంగా చక్కెర కర్మాగారంలో ఈ నెల 25న క్రషింగ్‌ ప్రారంభించేందుకు సన్నాహాలు జరుగుతుండగా..సంగారెడ్డిలోని గణేశ్‌ చక్కెర కర్మాగారంలో మాత్రం నవంబర్‌ 10న క్రషింగ్‌ను చేపట్టే అవకాశం ఉన్నట్లు కేన్‌ అధికారులు చెబుతున్నారు. లేబర్‌ అందుబాటులో మహారాష్ట్రలోని బీడ్‌ ఏరియాలో వర్షాభావం వల్ల పంటలు దెబ్బతిన్నాయి. దీంతో అక్కడి కూలీలు చెరుకు పంట నరికేందుకు జహీరాబాద్‌ ప్రాంతానికి వచ్చేందుకు ఆసక్తి చూపుతున్నారు. దీంతో కూలీల సమస్య తీరనుంది. ఇది రైతులకు సంతోషకరమైన విషయం. ఇప్పటికే కర్ణాటకలోని బరూర్‌లో క్రషింగ్‌ ప్రారంభించారు. టన్నుకు రూ.3వేలు ధర చెల్లించి, చెరుకు కోత, రవాణ ఖర్చులు వారే భరించేందుకు ముందుకు వస్తున్నారు. ఆర్థికంగా ఇబ్బందుల్లో ఉన్న రైతులు వారిని ఆశ్రయించేందుకు ఆసక్తి చూపుతున్నారు. తగ్గనున్న పంట దిగుబడులు ఈ ఏడాది ఎల్‌నినో ప్రభావంతో చెరుకు పంట దిగుబడులు పడిపోనున్నాయి. గతేడాది ఎకరానికి సగటున 36 టన్నులు రాగా, ఈ ఏడాది మాత్రం 28 టన్నులు మాత్రమే వచ్చే అవకాశముందని అధికారులు అంచనా వేస్తున్నారు. పంట సాగు విస్తీర్ణం పెరిగినా గతేడాది కంటే ఉత్పత్తులు తగ్గనున్నాయి. గతేడాది 9.75లక్షల టన్నుల చెరుకు ఉత్పత్తి అయింది. ఈ ఏడాది మాత్రం 7.50 లక్షల టన్నులు మాత్రమే ఉత్పత్తి అయ్యే అవకాశమున్నట్లు అంచనా. ట్రైడెంట్‌ చక్కెర కర్మాగారంలో గానుగ ప్రారంభం ! లక్ష్యంగా 7.50 లక్షల టన్నుల చెరుకు 25న గోదావరి–గంగా, నవంబర్‌ 10న గణపతి ఫ్యాక్టరీల్లో క్రషింగ్‌ రైతులకు చెరుకు ధర టన్నుకు రూ.4వేల వరకు వచ్చే అవకాశముంది. రైతులు మాత్రం రూ.4,500 చెల్లించాలని డిమాండ్‌ చేస్తున్నారు. ఈ ఏడాది పంట సాగు విస్తీర్ణం పెరిగినా ఎల్‌నినో ప్రభావంతో గతేడాది కంటే దిగుబడులు రెండు లక్షల టన్నుల వరకు తగ్గే అవకాశముంది. ఎఫ్‌ఆర్‌సీ మేరకు యాజమాన్యాలు ధర చెల్లించనున్నారు. డ్రైటెండ్‌ యాజమాన్యం క్రషింగ్‌కు సిద్ధమవుతోంది. –రాజశేఖర్‌, కేన్‌ అసిస్టెంట్‌ కమిషనర్‌–సంగారెడ్డి

ఎమ్మెల్యే సంజీవరెడ్డి పెద్దశంకరంపేట(మెదక్‌): గ్రామాల్లో తాగునీటి ఎద్దడి పరిష్కారానికి చర్యలు తీసుకోవాలని నారాయణఖేడ్‌ ఎమ్మెల్యే సంజీవరెడ్డి అధికారులకు సూచించారు. పెద్దశంకరంపేట మండల సమీక్ష సమావేశంతోపాటు మండల పరిధిలోని రామోజీపల్లి, కొత్తపేటలో ఎన్‌ఆర్‌ఈజీఎస్‌ నిధులతో చేపట్టిన మహిళా సమాఖ్య భవనాలు, నారాయణపల్లిలో పాఠశాల ప్రహరీలను ప్రారంభించారు. అనంతరం స్థానిక రైతువేదికలో ఆయా గ్రామాలకు చెందిన లబ్ధిదారులకు రేషన్‌ స్మార్ట్‌కార్డులను అందజేశారు. గ్రామాల అవసరాలను గుర్తించి అభివృద్ధి పనులను చేపడుతూ గ్రామాలను అన్ని రంగాల్లో అభివృద్ధి చేసేలా కృషి చేస్తున్నామన్నారు. కార్యక్రమంలో మండల ప్రత్యేకాధికారి జగదీశ్‌, తహసీల్దార్‌ నారాయణ, ఇన్‌చార్జి ఎంపీడీఓ షాకీర్‌అలీ, హౌసింగ్‌ డీఈ విజయ, మిషన్‌భగీరథ డీఈలు బాలకృష్ణ, హరీశ్‌ నాయకులు నారాగౌడ్‌, మధు, మురళీ పంతులు, సంగమేశ్వర్‌, పెరుమాండ్లుగౌడ్‌ తదితరులున్నారు.

● నిర్మాణ ప్రక్రియను వేగవంతం చేయండి ● కలెక్టర్‌ ప్రతిమాసింగ్‌ ● విధుల్లో ఉన్న 15 రోజుల వేతనం కోత ● ఆగ్రహించిన ఉపాధ్యాయ, దళిత సంఘాల నాయకులు మెదక్‌ కలెక్టరేట్‌: జిల్లాలో రెండో విడత ఇందిరమ్మ ఇళ్ల పథకం లక్ష్యాలను త్వరితగతిన పూర్తిచేయాలని కలెక్టర్‌ ప్రతిమాసింగ్‌ అధికారులను ఆదేశించారు. కలెక్టరేట్‌ నుంచి గృహ నిర్మాణ, రెవెన్యూ, గ్రామీణాభివృద్ధి శాఖల అధికారులతో వీడియో కాన్ఫరెన్స్‌ నిర్వహించారు. ఈ సందర్భంగా కలెక్టర్‌ ప్రతిమాసింగ్‌ మాట్లాడుతూ...రెండో విడతలో ఇంకా మిగిలిన అర్హులైన వారిని గుర్తించి దరఖాస్తుల పరిశీలన పూర్తి చేయాలన్నారు. మొదటి విడతలో మంజూరై నిర్మాణంలో ఉన్నవాటిని వేగంగా పూర్తి చేసుకునేలా లబ్ధిదారులకు అవగాహన కల్పించాలని సూచించారు. అనంతరం జిల్లాలోని ప్రభుత్వ, ప్రైవేట్‌ ఆస్పత్రులు, వైద్య సంస్థల ప్రతినిధులతో కలెక్టర్‌ ప్రతిమాసింగ్‌ వీడియో సదస్సు నిర్వహించారు. వైద్య సంస్థలు తప్పనిసరిగా నిబంధనలను అమలు చేసేలా చర్యలు తీసుకోవాలని సంబంధిత అధికారులను ఆదేశించారు. ఆస్పత్రుల్లో రోగుల భద్రతకు అత్యధిక ప్రాధాన్యతనివ్వాలన్నారు. కార్యక్రమంలో హౌసింగ్‌ పీడీ మాణిక్యం, జిల్లా వైద్యాధికారి జ్ఞానేశ్వర్‌, జెడ్పీ సీఈఓ ఎల్లయ్య, డీఆర్డీఓ పీడీ శ్రీనివాసరావు, తహసీల్దార్లు, హౌసింగ్‌ ఏఈ,డిఈలు తదితరులు పాల్గొన్నారు. అమిత్‌ షా పర్యటనకు భద్రతా ఏర్పాట్లు ఏర్పాట్లను పరిశీలించిన అదనపు ఎస్పీ విక్రాంత్‌కుమార్‌సింగ్‌ తూప్రాన్‌: కేంద్ర హోంమంత్రి అమిత్‌ షా అక్టోబర్‌ 4న బ్రాహ్మణపల్లిలో పర్యటించనున్న నేపథ్యంలో పోలీసులు కట్టుదిట్టమైన భద్రతా ఏర్పాట్లు చేస్తున్నారు. ఇందులోభాగంగా అదనపు ఎస్పీ విక్రాంత్‌కుమార్‌సింగ్‌ ఐపీఎస్‌ గురువారం బ్రాహ్మణపల్లిలో పర్యటించి భద్రతా ఏర్పాట్లను క్షేత్రస్థాయిలో పరిశీలించారు. అమూల్‌ మిల్క్‌ బల్క్‌ యూనిట్‌ శంకుస్థాపన ప్రదేశం, బహిరంగ సభా వేదిక, హెలీప్యాడ్‌, వీవీఐపీ కాన్వాయ్‌ మార్గాలను పరిశీలించి బందోబస్తుపై అధికారులతో సమీక్షించారు. పర్యటన సజావుగా జరిగేలా ముందస్తు భద్రతా చర్యలను పకడ్బందీగా అమలు చేయాలని సూచించారు. సభకు వచ్చే ప్రజలు, ప్రజాప్రతినిధుల వాహనాలకు ప్రత్యేక పార్కింగ్‌ ప్రాంతాలు ఏర్పాటు చేయడంతోపాటు ట్రాఫిక్‌ నియంత్రణకు సమర్థవంతమైన చర్యలు చేపట్టాలని ఆదేశించారు. బందోబస్తులో పాల్గొనే సిబ్బంది సమన్వయంతో పనిచేస్తూ అప్రమత్తంగా ఉండాలని సూచించారు. కార్యక్రమంలో డీఎస్పీ నరేందర్‌గౌడ్‌, సీఐ వెంకటరాజాగౌడ్‌, ఎస్‌ఐలు, పోలీసు, రెవెన్యూ శాఖల అధికారులు, అమూల్‌ యాజమాన్య ప్రతినిధులు పాల్గొన్నారు. మహిళా టీచర్‌పై ఎంఈఓ వేధింపులు చిన్నశంకరంపేట(మెదక్‌): స్పెషల్‌ ఎడ్యుకేషన్‌ టీచర్‌గా పనిచేస్తున్న ఓ మహిళా ఉపాధ్యాయురాలిని లక్ష్యంగా చేసుకుని పనిచేస్తున్న ప్రదేశం నుంచి మరో పాఠశాలకు డిప్యూటేషన్‌పై వెళ్లాలంటూ ఎంఈఓ పెడుతున్న వేధింపులు అఖిలపక్ష సమావేశం సాక్షిగా గురువారం బహిర్గతమయ్యాయి. గురువారం జరిగిన ఉపాధ్యాయ అఖిలపక్ష సమావేశంలో ఎంఈఓను సదరు మహిళా ఉపాధ్యాయురాలు నిలదీశారు. 15 రోజుల పాటు విధులు నిర్వహించినా వేతనంలో కోతపెట్టడంపై బాధిత టీచర్‌ కడిగిపారేశారు. తాను చెప్పుకోలేని విధంగా ఎంఈఓ వేధిస్తున్నారని కన్నీటి పర్యంతమయ్యారు. తనకు తరుచూ డిప్యూటేషన్‌ వేస్తూ కొంతకాలంగా వేధిస్తున్న స్కూల్‌ కాంప్లెక్స్‌ హెచ్‌ఎం, ఇన్‌చార్జి ఎంఈఓ దీప్లారాథోడ్‌పై సదరు మహిళా టీచర్‌ డీఈఓకు ఫిర్యాదు చేశారు. అయితే తాను నిబంధనల ప్రకారమే వేతనంలో కోత పెట్టానని చెబుతూ సమావేశంలో నుంచి ఎంఈఓ బయటకు వెళ్లిపోయారు. దీంతో ఉపాధ్యాయ సంఘాలు, అక్కడికి చేరుకున్న దళిత సంఘాల నాయకులు ఎంఈఓ వైఖరిపై తీవ్ర ఆగ్రహం వ్యక్తం చేశారు. మహిళా టీచర్‌ను ఎందుకు వేధిస్తున్నారని ప్రశ్నించారు. మహిళ టీచర్‌కు న్యాయం చేయాలని, వెంటనే వేతనం అందించేందుకు చర్యలు చేపట్టాలని దళిత సంఘాల నాయకులు ఎంఈఓను పాఠశాల నుంచి బయటకు వెళ్లకుండా అడ్డుకున్నారు. ఉపాధ్యాయ సంఘాల నాయకులు కూడా ఎంఈఓను గట్టిగా నిలదీయండంతో వేతనం అందించేందుకు చర్యలు తీసుకుంటానని ఎంఈఓ దిగివచ్చారు.

చిలప్‌చెడ్‌(నర్సాపూర్‌): మండలంలో శీలాంపల్లి గేటు నుంచి అంతారం గేటు వరకు హైదరాబాద్‌ వెళ్లే ప్రధాన రహదారి సుమారు 9 కిలోమీటర్ల రోడ్డు పనులకు ప్రధానమంత్రి గ్రామీణ సడక్‌ యోజన పథకంలో రూ. 6.70 కోట్లు మంజూరు అయ్యాయి. ఆరేళ్ల క్రితం అప్పటి ఎమ్మెల్యే, నాయకుల మధ్య, పనుల ప్రారంభానికి శీలాంపల్లి గేటు వద్ద భారీగా శంకుస్థాపన చేశారు. కాగా పనులు మాత్రం శీలాంపల్లి గేటు నుంచి కాకుండా, అంతారం గేటు నుంచి పనులు ప్రారంభించారు. పనులు ప్రారంభించిన గుత్తేదారు, ముందున్న పాత బీటీ రోడ్డును పూర్తిగా తవ్వించి, శీలాంపల్లి గ్రామం వరకు మాత్రమే రోడ్డు వేయించి, మంజూరైన నిధుల్లో జీఎస్టీ రూపంలో షాక్‌ తగలడం, అంచనాకు మించి ఖర్చులు ఎక్కువ కావడంతో నిధులు సరిపోవడం లేదని కిలోమీటరు రోడ్డు పనులు అలాగే వదిలేశాడు. దాంతో ఆ కాస్త రోడ్డులో ప్రయాణించేందుకు ప్రయాణికులు తీవ్ర ఇబ్బందులకు గురవుతున్నారు. ఈ రోడ్డుపై వాహనాలు ప్రయాణిస్తున్న సమయంలో శీలాంపల్లి గ్రామస్థులు తీవ్ర ఇబ్బందులకు గురవుతున్నారు. వర్షాకాలంలో రోడ్డంతా బురద, చలికాలంలో విపరీతమైన దుమ్ముతో గ్రామ ప్రజలు ఇబ్బంది పడుతున్నారు. దాంతో సర్పంచ్‌ రాజేందర్‌రెడ్డి సొంత ఖర్చులతో పలుమార్లు మట్టి పోయించినప్పటికీ, వర్షం కురిస్తే ఇబ్బంది తప్పడం లేదు. మిగిలిపోయిన రోడ్డు పనులకు మోక్షం కల్పించాలని స్థానికులు కోరుతున్నారు. 9 కి.మీ రోడ్డు పనులకు రూ.6.7 కోట్లు మంజూరు నిధులు సరిపోక కిలోమీటరు రోడ్డు పనులు వదిలేసిన కాంట్రాక్టర్‌ ఐదేళ్లుగా ఇబ్బందులకు గురవుతున్న ప్రయాణికులు

నర్సాపూర్‌: గ్రామంలో కల్లు, మద్యం దుకాణాలు అడ్డగోలుగా ఏర్పాటు చేసి అమ్ముతున్నారని శివ్వంపేట మండలం సికింద్లాపూర్‌ గ్రామానికి చెందిన పలువురు ఎకై ్సజ్‌ సీఐ కార్యాలయంలో ఇచ్చిన వినతిపత్రంలో కోరారు. గ్రామానికి చెందిన వినోద్‌కుమార్‌, ప్రశాంత్‌, బాబు తదితరులు గురువారం స్థానిక సీఐ కార్యాలయంలో వినతిపత్రం అందజేశారు. తమ గ్రామంలో నిబంధనలకు విరుద్ధంగా కల్లు దుకాణం, బెల్టుషాప్‌లు ఏర్పాటు చేస్తున్నారని ఆవేదన వ్యక్తం చేశారు. కాగా తమ గ్రామ పరిధిలోని ప్రముఖ ఆలయం సమీపంలో కల్లు, మద్యం దుకాణాలు ఏర్పాటు చేసినా పట్టించుకోవడం లేదని వారు విచారం వ్యక్తం చేశారు. కాగా, నిబంధనలకు విరుద్ధంగా ఏర్పాటు చేసి అమ్మకాలు చేపడుతున్న కల్లు, మద్యం దుకాణాలపై విచారణ చేసి అదుపు చేసేందుకు చర్యలు తీసుకోవాలని వారు కోరారు. బీసీ సంక్షేమ శాఖ జిల్లా అధికారి ఉపేందర్‌ వెల్దుర్తి(తూప్రాన్‌): వసతిగృహాల్లోని విద్యార్థులకు నాణ్యమైన భోజనం అందించాలని జిల్లా వెనుకబడిన తరగతుల సంక్షేమాధికారి ఉపేందర్‌ స్పష్టం చేశారు. ఈ మేరకు వెల్దుర్తి బీసీ హాస్టల్‌ను ఆయన ఆకస్మికంగా సందర్శించి తనిఖీ చేశారు. ఈ సందర్భంగా వసతి గృహంలోని రికార్డులు, వంటశాల, తరగతి గదులు, మరుగుదొడ్లు, స్నానపు గదులు, విద్యార్థుల గదులను పరిశీలించారు. వసతి గృహంలో 24 గంటలు సిబ్బంది అందుబాటులో ఉండేలా చర్యలు తీసుకోవాలని వార్డెన్‌ సుజాతకు సూచించారు. విద్యార్థుల వసతి, భోజనం, పరిశుభ్రత విషయంలో జాగ్రత్తలు తీసుకోవాలని సూచించారు. పంచాయతీ రాజ్‌ జాయింట్‌ కమిషనర్‌ శ్రీలక్ష్మి కల్హేర్‌(నారాయణఖేడ్‌): కులీలకు ఉపాధి పనులు కలించేందుకు కేంద్ర ప్రభుత్వం వీబీజీ–రాంజీ పథకం అమలు చేస్తుందని పంచాయతీ రాజ్‌ జాయింట్‌ కమిషనర్‌ శ్రీలక్ష్మి తెలిపారు. సిర్గాపూర్‌ మండలం కడ్పల్‌, పోచాపూర్‌లో గురువారం కేంద్ర బృందం అధికారులు పర్యటించారు. వీబీజీ–రాంజీ పథకం కింద జరుగుతున్న పనులు పరిశీలించడంతోపాటు పనులు చేసే విధానం, డబ్బులు చెల్లింపు, తదితర అంశాలపై చర్చించారు. కూలీలు పనులు సద్వినియోగం చేసుకోవాలని కోరారు. కొలతల ప్రకారం డబ్బులు చెల్లించడం జరుగుతుందని, నిబంధనలు పాటించాలని తెలిపారు. కార్యక్రమంలో అదనపు డీఆర్‌డీఓ బాలరాజు, ఏపీడీ శ్రీదేవి, ఎంపీడీఓ అండలమ్మ, ఏపీఓ నర్సింహులు పాల్గొన్నారు. వట్‌పల్లి(అందోల్‌): మండల పరిధిలోని ఖాదిరాబాద్‌ ఉన్నత పాఠశాలకు చెందిన విద్యార్థులు రాష్ట్రస్థాయి కుస్తీ పోటీలకు ఎంపికయ్యారు. సంగారెడ్డిలో జరిగిన ఎస్‌జీఎఫ్‌ ఉమ్మడి జిల్లా స్థాయి కుస్తీ పోటీల్లో అండర్‌–17 విభాగంలో పాఠశాలకు విద్యార్థులు ఉత్తమ ప్రతిభ కనబరిచారు. జి.ఆంజనేయులు. పి.అభిలాష్‌ స్వర్ణ పతకాలు సాధించి రాష్ట్రస్థాయి కుస్తీ పోటీలకు ఎంపికవగా, జి.నాగరాజు,ఎం.హరీశ్‌, జి.చరణ్‌రాజ్‌, యండి.హైమద్‌ రజత పతకాలు సాధించారు. ఈ మేరకు పాఠశాల ప్రధానోపాధ్యాయుడు దిగంబర్‌రావు తెలిపారు. విద్యార్థులతో పాటు వారికి శిక్షణనిచ్చిన పీఈటీ సంగ్రామ్‌ను అభినందించారు.

భద్రతా ఏర్పాట్లను పరిశీలించిన ఎస్పీ శ్రీనివాస్‌రావుతూప్రాన్‌: కేంద్ర హోంమంత్రి అమిత్‌షా పర్యటన నేపథ్యంలో ఎస్పీ డీవీ శ్రీనివాసరావు భద్రతా ఏర్పాట్లను సమీక్షించారు. అక్టోబర్‌ 4న తూప్రాన్‌ మున్సిపాలిటీ పరిధిలోని బ్రహ్మణపల్లి రైల్వేగేట్‌ సమీపంలో అమూల్‌ పాల పరిశ్రమకు కేంద్ర మంత్రి భూమి పూజ చేయనున్నారు. ఈనేపథ్యంలో బుధవారం సభా ప్రాంగణం, హెలిప్యాడ్‌, పార్కింగ్‌ ఏరియాలను పరిశీలించారు. ఈసందర్భంగా ఆయన మాట్లాడుతూ. వీవీఐపీల పర్యటనకు ఎలాంటి ఆటంకాలు కలగకుండా ముందస్తు భద్రతా చర్యలు చేపట్టాలని పోలీస్‌ అధికారులను ఆదేశించారు. ముఖ్యంగా ట్రాఫిక్‌ నియంత్రణకు ప్రత్యేక ప్రణాళికలు రూపొందించాలని, ప్రజలకు ఎలాంటి ఇబ్బందులు కలగకుండా చూడాలన్నారు. పరిసర ప్రాంతాలపై నిరంతర నిఘా ఉంచాలని, అనుమానాస్పద వ్యక్తులు, వస్తువుల పట్ల సిబ్బంది అత్యంత అప్రమత్తంగా ఉండాలని ఎస్పీ సూచించారు. కార్యక్రమంలో డీఎస్పీ నరేందర్‌గౌడ్‌, సీఐలు సందీప్‌రెడ్డి, రంగాకృష్ణ, ఆర్‌ఐ శైలేందర్‌, ఎస్‌ఐలు గంగరాజు, సుభాష్‌గౌడ్‌ ఇతర పోలీస్‌ సిబ్బంది పాల్గొన్నారు.లాభాల్లో మహమ్మద్‌నగర్‌ సొసైటీ కౌడిపల్లి(నర్సాపూర్‌): మండలంలోని మహమ్మద్‌నగర్‌ సొసైటీ లాభాల బాటలో నడుస్తుందని చైర్మన్‌ గోవర్ధన్‌రెడ్డి తెలిపారు. బుధవారం సొసైటీలో మహజన సభ నిర్వహించారు. ఈసందర్భంగా ఆయన మాట్లాడుతూ.. సొసైటీలో 3,526 మంది రైతులకు సభ్యత్వం ఉండగా, రూ 1.1 కోట్ల షేర్‌ అమౌంట్‌ ఉందన్నారు. 1,187 మంది రైతులకు రూ 9.38 కోట్ల సాగు రుణాలు, 45 మంది రైతులకు రూ. 37 లక్షల దీర్ఘకాలిక రుణాలు ఇచ్చామన్నారు. 2025–26 సంవత్సరం ఆడిట్‌రిపోర్ట్‌ ప్రకారం రూ. 52,97 లక్షల లాభాలు వచ్చినట్లు చెప్పారు. గత రబీ సీజన్‌లో 14 కొనుగోలు కేంద్రాల ద్వారా 4.48 లక్షల బస్తాల ధాన్యం కొనుగోలు చేసినట్లు చెప్పారు. అనంతరం మూడు తీర్మానాలు చేశారు. ఇదిలాఉండగా ఇటీవల సొసైటీలో ధాన్యం కొనుగోలులో అక్రమాలకు పాల్పడి రూ.లక్షలు దో చుకున్న వారిని కఠినంగా శిక్షించాలని గ్రామస్తులు, రైతులు డిమాండ్‌ చేశారు. కార్యక్రమంలో సర్పంచ్‌ రవియాదవ్‌, డీసీసీబీ మేనేజర్‌ వేణుగోపాల్‌, ఇన్‌చార్జి సీఈఓ విష్ణు, డైరెక్టర్లు రాయగిరి, నర్సింలు, నాయకులు మహిపాల్‌రెడ్డి, వీరారెడ్డి, నర్సింలు తదితరులు పాల్గొన్నారు. సేంద్రియ సాగుతో లాభాలు హవేళిఘణాపూర్‌(మెదక్‌): రైతు ఉత్పత్తి సేవా కేంద్రాలను అభివృద్ధి చేసుకోవాలని డీఏఓ దేవ్‌కుమార్‌, డీసీఓ పద్మ రైతులకు సూచించారు. బుధవారం మండల పరిధిలోని తొగిట రైతు ఉత్పత్తి సేవా సంఘం సర్వసభ్య సమావేశానికి హాజరై మాట్లాడారు. రైతులు ప్రస్తుతం పంటలు బాగానే పండిస్తున్నా, అందులో కల్తీ అధికమై రోగాల బారిన పడుతున్నారన్నారు. అందుకోసం ప్రతీ ఒక్కరూ విడతల వారీగా సేంద్రియ వ్యవసాయం చేసే దిశగా ఉత్పత్తి కేంద్రాలపై ఆసక్తి చూపాల్సిన అవసరం ఉందన్నారు. ఆ దిశగా ప్రతీ రైతు ఆలోచించాలన్నా రు. కార్యక్రమంలో చైర్మన్‌ శ్యాంసుందర్‌, వైస్‌ చైర్మన్‌ నరేందర్‌రెడ్డి, మాణిక్యరెడ్డి, సర్పంచ్‌ సౌమ్య, కృషి విజ్ఞాన కేంద్రం శాస్త్రవేత్త సంబాజీ, ఏఓ బాల్‌రెడ్డి, మాణిక్యరెడ్డి, ఎఫ్‌డీఓ డైరెక్టర్లు, సర్పంచ్‌ సాయిలు, రమేశ్‌, రైతులు త దితరులుపాల్గొన్నారు. డీఏఓ దేవ్‌కుమార్‌

చేగుంట(తూప్రాన్‌): మండల కేంద్రంలోని మల్టీపర్పస్‌ ఇండోర్‌ స్టేడియంలో ఖేలో ఇండియా జిల్లాస్థాయి రగ్బీ పోటీలు నిర్వహించారు. ఉమ్మడి మెదక్‌ జిల్లా నుంచి 16 టీంలు, 200 మంది క్రీడాకారులు పాల్గొన్నారు. అండర్‌–15 బాలికల విభాగంలో చేగుంట స్పోర్ట్స్‌ స్కూల్‌ మొదటి స్థానం సాధించగా, టీజీఆర్‌ఎస్‌ మెదక్‌ రెండో స్థానం, ట్రైబల్‌ స్కూల్‌ నర్సాపూర్‌ మూడో స్థానం సాధించాయి. అండర్‌ –18 బాలికల విభాగంలో చేగుంట ప్రభుత్వ జూనియర్‌ కాలేజ్‌ జట్టు మొదటి స్థానం, టీజీఆర్‌ఎస్‌ మెదక్‌ జట్టు రెండో స్థానం, టీజీటీడబ్ల్యూఆర్‌డీ మూడో స్థానం సాధించాయని జిల్లా రగ్బీ అసోసియేషన్‌ అధ్యక్షుడు గణేశ్‌ రవికుమార్‌, ప్రధాన కార్యదర్శి మల్లేశ్వరి తెలిపారు. పోటీలకు తెలంగాణ రగ్బీ అసోసియేషన్‌ డెవలప్‌మెంట్‌ మేనేజర్‌ శేషుబాబు, రిఫరీలుగా శ్రీధర్‌ నాయక్‌, మధునాయక్‌, రితీష్‌, రాకేష్‌, ఉమారాణి వ్యవహరించారు. కార్యక్రమంలో పీడీలు శారద, ప్రవీణ్‌, రజిత, దిలీప్‌, నర్సింలు, సౌందర్య, నిర్మల తదితరులు పాల్గొన్నారు.

● ముగ్గురు కొడుకులున్నా.. అనాథలుగానే జీవనం ● నారాయణఖేడ్‌ మండలంలో విషాదాంతం నారాయణఖేడ్‌: నవమాసాలు పెంచి.. పోషించి.. ఉన్నతంగా తీర్చిదిద్ది.. కడుపు కట్టుకొని సంపాదించిన ఆస్తిని సైతం పంచి ఇచ్చినా.. వృద్ధాప్యంలో పట్టెడు మెతుకులు పెట్టకపోవడంతో ఆ దంపతులు విలవిల్లాడారు. కన్నపేగులు కనికరం చూపకపోవడంతో తీవ్ర మనస్తాపానికి గురయ్యారు. చేసేదిలేక ఆ వృద్ధదంపతులు చావే శరణ్యంగా భావించి.. బావిలో దూకి బలవన్మరణానికి పాల్పడ్డారు. ఈ హృదయ విదారక ఘటన చూపరులను కలిచి వేసింది. ఈ ఘటనతో సంగారెడ్డి జిల్లా నారాయణఖేడ్‌ మండలం చాప్టా(కె) గ్రామం గొల్లు మంది. కోట్ల విలువగల ఆస్తులు సంపాదించినా చివరకు బుక్కెడు బువ్వకు నోచుకోని ఆ ముసలి ప్రాణాలు ఎంత విలవిల్లాడాయో అంటూ కంట తడిపెట్టారు. కడుపు కట్టుకొని ఆస్తులు కూడబెట్టి.. చాప్టా (కె) గ్రామంలో ముంగే నర్సారెడ్డి (88), ముంగే అంజమ్మ (85)లు వ్యవసాయం చేస్తూ జీవిస్తున్నారు. ఈ దంపతులకు సిద్దారెడ్డి, కిష్టారెడ్డి, సంగారెడ్డి సంతానం. సిద్దారెడ్డి, సంగారెడ్డి గ్రామంలో వ్యవసాయం చేస్తూ జీవిస్తుండగా రెండో కుమారుడు కిష్టారెడ్డి హైదరాబాద్‌కు వలసవెళ్లాడు. వృద్ధ దంపతులకు పెద్దల ద్వారా 12 ఎకరాల ఆస్తి రాగా వీరిద్దరూ కష్టించి వ్యవసాయం చేసి మరో 18 ఎకరాల వరకు కొనుగోలు చేసి మొత్తం 30 ఎకరాల భూమిని పోగు చేశారు. ప్రస్తుతం ఈ మొత్తం భూమి విలువ రూ.12 కోట్ల పైమాటే. రెండో కుమారుడు కిష్టారెడ్డి గ్రామంలో ప్రేమ వివాహం చేసుకోవడంతో అది నచ్చని తండ్రి ఆస్తిలో ఇతనికి వాటా ఇవ్వకుండా ఇద్దరు కుమారులకే చెరిసగం ఆస్తి ఇచ్చాడని గ్రామస్తులు తెలిపారు. కొన్నాళ్ల తర్వాత బాధపడ్డ తల్లిదండ్రులు రెండో వాడికి కూడా ఇస్తి ఇవ్వాలని కోరినా ఇద్దరు కొడుకులు ససేమిరా అంటూ మొండికేశారు. కానీ ఇంత ఆస్తి సంపాదించినా చివరకు వృద్ధులు బుక్కెడు బువ్వకు కరువయ్యారు. అధికారులకు చెప్పినా.. తమను కొడుకులు పోషించడంలేదని, ఆస్తి తిరిగి తనకు ఇప్పించాలని, లేదా పోషించేలా చూ డాలని జిల్లా ఉన్నతాధికారుల నుంచి మొదలు కొని స్థానిక ఆర్డీఓ, పోలీసులకు రెండేళ్ల నుంచి పలుమార్లు నర్సారెడ్డి, అంజమ్మలు ఫిర్యా దు చేశారు. అధికారులు, పోలీసులు కొడుకులకు నచ్చచెప్పి కౌన్సెలింగ్‌ చేసి పంపించారు. అయినా తిరిగి వారు తీరు మారకపోవడంతో వృద్ధులకు జీవనం కష్టంగా మారింది. వచ్చే వృద్ధాప్య పింఛన్‌తోపాటు బంధువులు, పాఠశాల వద్ద మధ్యాహ్న భోజనం, తెలిసిన వారి వద్ద తింటూ కాలం వెల్లదీశారు. నర్సారెడ్డి, అంజమ్మలు సోమవారం నుంచి కనిపించకుండా పోయారు. ఎవరైనా బంధువుల వద్దకు వెళ్లారేమోనని గ్రామస్తులు భావించారు. బుధవారం చిన్నకుమారుడు సంగారెడ్డి తన వ్యవసాయ భూమికి వెళ్లడంతో బావిలో తల్లి శవం తేలుతూ కన్పించడంతో గ్రామస్తులకు విషయం తెలిపారు. అంజమ్మకు కొన్నాళ్ళ క్రితం పక్షవాతానికి గురవడంతో పనులు చేసుకోవడానికి ఇబ్బంది పడేది. నర్సారెడ్డికి వయస్సు పైబడటంతో ఏమీ పనులు చేసుకోలేకపోయేవారు. ఇద్దరు కొడుకులు సాకక పోవడంతో దాయాదులు ఇచ్చిన ఓ ఇంట్లో ఉంటూ జీవిస్తున్నారు.

ఎస్పీ శ్రీనివాసరావు మెదక్‌జోన్‌: జిల్లాలో గురువారం నుంచి పోలీస్‌యాక్ట్‌ అమలులో ఉంటుందని, ఈనెల 31 వరకు ముందస్తు అనుమతి లేకుండా రాస్తారోకోలు, ర్యాలీలు తీయవద్దని ఎస్పీ శ్రీనివాసరావు ఒక ప్రకటనలో పేర్కొన్నారు. ఆందోళనలు, నిరసనలతో ప్రజా, ప్రభుత్వ ఆస్తులకు నష్టం కలిగిస్తే కఠిన చర్యలు తప్పవన్నారు. ప్రజల సాధారణ రాకపోకలు, శాంతిభద్రతలకు విఘాతం కలిగించే కార్యక్రమాలకు అనుమతి ఉండదన్నారు. నిబంధనలు ఉల్లంఘించే వారిపై చట్టప్రకారం చర్యలు తీసుకుంటామని హెచ్చరించారు. నర్సాపూర్‌ రూరల్‌: జాతీయస్థాయి అథ్లెటిక్స్‌ పోటీలకు మండలంలోని మోడల్‌ స్కూల్‌ విద్యార్థినిని వై.గీతిక ఎంపికై నట్లు ప్రిన్సిపాల్‌ ఫర్హాన, పీడీ అశోక్‌ తెలిపారు. బుధవారం వారు మాట్లాడుతూ.. ఇటీవల మెదక్‌లో జరిగిన జిల్లాస్థాయి అథ్లెటిక్స్‌ పోటీల్లో 14 సంవత్సరాల విభాగంలో గీతిక 60 మీటర్స్‌ లాంగ్‌జంప్‌లో ప్రథమ స్థానం సాధించి జాతీయస్థాయి పోటీలకు ఎంపికై నట్లు చెప్పారు. ఈసందర్భంగా అధ్యాపక బృందం ఘనంగా సన్మానించారు. మెదక్‌ కలెక్టరేట్‌: కొనుగోలు కేంద్రాల్లో పనిచేసేందుకు అభ్యర్థులు దరఖాస్తు చేసుకోవాలని కలెక్టర్‌ ప్రతిమాసింగ్‌ ఒక ప్రకటనలో పేర్కొన్నారు. గురువారం నుంచి ప్రారంభమవుతున్న ఖరీఫ్‌ ధాన్యం కొనుగోలు కేంద్రాల్లో సన్నరకం ధాన్యాన్ని గుర్తించేందుకు బీఎస్సీ అగ్రికల్చర్‌ డిప్లొమా చేసిన అభ్యర్థులు అప్లై చేసుకోవాలని తెలిపారు. రెండు నెలలు పనిచేయాల్సి ఉంటుందన్నారు. ఆసక్తి గల అభ్యర్థులు కలెక్టరేట్‌లోని వ్యవసాయ శాఖ కార్యాలయంలో సంప్రదించాలని సూచించారు. ఎస్‌ఈ నారాయణనాయక్‌ మెదక్‌ కలెక్టరేట్‌: ప్రధానమంత్రి సూర్యఘర్‌, ముప్త్‌ బిజిలీ యోజన, ఎంఎన్‌ఆర్‌ఈ పథకాలను ప్రజలు సద్వినియోగం చేసుకోవాలని విద్యుత్‌ శాఖ ఎస్‌ఈ నారాయణ నాయక్‌ బుధవారం ఒక ప్రకటనలో పేర్కొన్నారు. ఈనెల 2, 3, 4 తేదీల్లో జిల్లా కేంద్రంలోని సేవాసేతు క్యాంపు నిర్వహిస్తున్నట్లు తెలిపారు. ఉదయం 10 గంటల నుంచి సాయంత్రం 5 గంటల వరకు కార్యక్రమం నిర్వహిస్తామన్నారు. అలాగే పథ కం ద్వారా లభించే ప్రయోజనాలు, దరఖాస్తు విధానం, సబ్సిడీ వివరాలు, బ్యాంకు వారిచే ఆర్థిక సహాయం, సోలార్‌ ప్యానెల్ల ఏర్పాటుకు సంబంధించి వినియోగదారులకు అవగాహన కల్పించినున్నట్లు తెలిపారు. రామాయంపేట(మెదక్‌): పదేళ్ల బీఆర్‌ఎస్‌ పాలనలో మాజీ ఎమ్మెల్యే పద్మారెడ్డి ఎలాంటి అభివృద్ధికి పాటుపడలేదని కౌన్సిలర్లు నాగరాజు, రంజిత్‌, సందీప్‌, పార్టీ మండలాధ్యక్షుడు మహేందర్‌రెడ్డి ఆరోపించారు. బుధవారం వారు ఎమ్మెల్యే క్యాంపు కార్యాలయంలో విలేకరులతో మాట్లాడారు. బీఆర్‌ఎస్‌ హయాంలో అభివృద్ధి పనుల పేరిట విలువైన స్థలాలను అన్యాక్రాంతం చేశారని ఆరోపించారు. వెజ్‌, నాన్‌వెజ్‌ మార్కెట్‌, తహసీల్దార్‌ కార్యాలయ భవనాల నిర్మాణం, మినీ ట్యాంక్‌బండ్‌ పనులు అసంపూర్తిగా నిలిచిపోయాయన్నారు. ఎన్నికల ముందు బీఆర్‌ఎస్‌ నాయకులు రాజకీయ లబ్ధి కోసం రెవెన్యూ డివిజన్‌ కార్యాలయం మంజూరు చేయించి చేతులు దులుపుకున్నారని ఆరోపించారు. ఎమ్మెల్యే రోహిత్‌ రామాయంపేట అభివృద్ధికి ప్రత్యేకంగా కృషి చేస్తున్నారన్నారు. సమావేశంలో మార్కెట్‌ కమి టీ మాజీ అధ్యక్షుడు సరాపు యాదగిరి, కా ంగ్రెస్‌ జిల్లా ఉపాధ్యక్షుడు గణేశ్‌, జిల్లా నాయకులు డాకి స్వామి, కార్యదర్శి చింతల యాదగిరి, పట్టణాధ్యక్షుడు చింతల స్వామి, కోఆప్షన్‌ సభ్యులు యాదగిరి, గౌస్‌ పాల్గొన్నారు.

వెనుక బడిన మెతుకు సీమకు కేంద్రం నిధులు వరంగా మారాయి. మెదక్‌–చేగుంట రహదారిపై రైల్వేట్రాక్‌ ఆర్వోబీ పనులు చకచకా జరుగుతుండగా 44వ జాతీయరహదారి రామాయంపేటవద్ద తరుచూ ప్రమాదాలు జరిగేచోటా ఫ్లైఓవర్‌ బ్రిడ్జి పనులు జరుగుతున్నాయి. మెదక్‌–ఎల్కతుర్తి జాతీయరహదారికి ఇరువైపులా వేలాది మొక్కలతో పచ్చదనం పరుచుకోనుంది. కేజీబీవీలో గల తాగునీటి, విద్యుత్‌ సమస్య తీరింది.ఇలా ఎంపీ రఘునందన్‌రావు చొరవతో కొన్ని సమస్యలు పరిష్కారం అవుతున్నాయి. –మెదక్‌జోన్‌ మెదక్‌ జిల్లా అన్నిరంగాల్లో వెనుకబాటుకు గురైంది. పేరుకే ఇది జిల్లాగా కొనసాగినప్పటికీ పాలనంతా సంగారెడ్డి కేంద్రంగా సాగింది. హైదరాబాద్‌కు సంగారెడ్డి దగ్గరగా ఉండటంతో గత పాలకులు ఈ ప్రాంతాన్ని పట్టించుకోలేదన్న విమర్శలున్నాయి. 2016లో ప్రత్యేక జిల్లా ఏర్పాటయ్యాక కొంత అభివృద్ధికి నోచుకుంది. కాగా, మెదక్‌–చేగుంట ప్రధాన రహదారికి చేగుంట రైల్వేగేటు అడ్డుగా ఉండటంతో ప్రయాణికులు అనేక ఇబ్బందులు పడుతున్నారు. రైలు వచ్చిన ప్రతీసారి 10 నిమిషాలకుపైగా గేటు వేయటంతో ప్రయాణికులు ఆగిపోవటం, కొన్ని సందర్భాల్లో 108–104 అంబులెన్స్‌లు సైతం ఆగిపోయి ప్రాణనష్టం జరిగిన ఘటనలున్నాయి. ఈ ప్రాంతంలో ఆర్‌ఓబ్రిడ్జి నిర్మించాలని చాలాకాలంగా డిమాండ్‌ ఉంది. ఇటీవలే కేంద్రం రూ.47 కోట్లు మంజూరు చేయగా ప్రస్తుతం పనులు ప్రారంభమయ్యాయి. ఇక ప్రయాణికుల సమస్య తొలగిపోనుంది. అలాగే తూప్రాన్‌ మండలం బ్రాహ్మణపల్లి రైల్వేగేట్‌ వద్ద సైతం ఆర్వోబీ, ఆర్‌యూబీ బిడ్జ్రిల నిర్మాణం కోసం రూ.50 కోట్లను కేంద్రం మంజూరు చేసింది. త్వరలోనే పనులు ప్రారంభం కానున్నాయి. 44వ జాతీయ రహదారి జిల్లాలోని కాళ్లకల్‌ నుంచి రామాయంపేట వరకు సుమారు 50 కిలోమీటర్ల పరిధి విస్తరించి ఉంది. కాగా, రామాయంపేట సమీపంలోని అడియాస్‌ హోటల్‌వద్ద వై జంక్షన్‌ ప్రాంతంలో తరుచూ ప్రమాదాలు జరిగేవి. దీంతో వారంలో ఒకరిద్దరు మృత్యువాత పడేవారు. ఇక్కడ ఫ్లైఓవర్‌ బ్రిడ్జి నిర్మాణం కోసం రూ.44 కోట్లు మంజూరు కాాగా పనులు ప్రారంభమయ్యాయి. జాతీయరహదారిపై మొక్కలు...! మెదక్‌–ఎల్కతుర్తి జాతీయరహదారి రామాయంపేట నుంచి సిద్దిపేట 43 కిలో మీటర్లు ఉండగా రోడ్డుకిరువైపులా 30 వేల బాదం మొక్కలు నాటేందుకు గుంతలు సైతం తీశారు. ఇప్పటి వరకు 18 బోర్లు తవ్వించారు. ఇందుకోసం డ్రిప్పు వేయనున్నారు. దీనిని త్వరలో గవర్నర్‌ చేతుల మీదుగా ప్రారంభించనున్నట్లు తెలిసింది. దీన్ని ఐదేళ్లపాటు ఓ ప్రైవేట్‌ ఏజెన్సీకి అప్పగించనున్నారు. మెదక్‌ రింగ్‌రోడ్డుసైతం...! బాలనగర్‌–వయా నర్సాపూర్‌ మీదుగా మెదక్‌ వరకు 765(డీజీ) జాతీయరహదారిని నాలుగు లైన్లు రోడ్డు మంజూరైంది. ఇది మెదక్‌ మండలం మంబోజిపల్లి నుంచి హల్దీవాగు మీదుగా భారీ బ్రిడ్జిని నిర్మించి బోధన్‌ రోడ్డు వరకు 14 కిలోమీటర్ల వరకు రింగ్‌రోడ్డు మంజూరైంది. దీనికి సంబంధించి డీపీఆర్‌ సైతం పూర్తి అయినట్లు తెలిసింది. కాగా, చేగుంట మీదుగా మెదక్‌ రింగ్‌ రోడ్డుకు మాత్రం తర్వాత మంజూరు కానున్నట్లు తెలిసింది. ఏళ్లుగా పేరుకుపోయిన సమస్యలకు పరిష్కారం మెదక్‌–చేగుంట ఆర్వోబ్రిడ్జితో సమస్యకు చెక్‌ 44వ జాతీయరహదారిపై ఫ్లైఓవర్‌ బ్రిడ్జి జిల్లా కేంద్రంలోగల కేజీబీవీలో విద్యుత్‌, నీటిసమస్యకు పరిష్కారం మెదక్‌–ఎల్కతుర్తి జాతీయరహదారిపై 30 వేల మొక్కలు నాటే కార్యక్రమం మెదక్‌ జిల్లా కేంద్రంలో కస్తూర్భా గాంధీ బాలికల విద్యాలయం, కాలేజీ తోపాటు ఆర్వో వాటర్‌ప్లాంట్‌కు సైతం విద్యుత్‌ కనెక్షన్‌ ఒకే మీటర్‌నుంచి ఏర్పాటు చేయటంతో లోవోల్టేజీ సమస్య ఏర్పడి కనీసం బోరుమోటర్‌ నడవక పోవటం, ఫ్యాన్లు తిరగకపోవటంతోపాటు, నీటి సమస్యతో స్నానాలు చేయలేని పరిస్థితి నెలకొంది. ఎంపీ తన సొంత నిధులతో స్వయంగా కేజీబీవీకి మరో విద్యుత్‌ మీటర్‌ను ఏర్పాటు చేయించడంతోపాటు బోరును తవ్వించారు. 320 మంది బాలికలకు సరిపడ మరుగుదొడ్లు, బాత్‌రూములు నిర్మిస్తానని హామీనిచ్చారు.

చుట్టూ పచ్చని చెట్లు, పొలాల మధ్యలో ఓ వేప చెట్టు ఎండిపోయి మోడు వారింది. మోడు వారిన చెట్టు కొమ్మలపైనే పలు కొంగలు వాలి సేదతీరాయి. నర్సాపూర్‌ సంగారెడ్డి మార్గం నుంచి తుల్జరాంపేటకు వెళ్లే దారి పక్కన పచ్చని పొలాలు, గట్లపై ఉన్న చెట్లన్నీ పచ్చగా కళకళలాడుతున్నాయి. వాటన్నిటి మధ్యలో ఓ వేప చెట్టు పూర్తిగా ఎండిపోయింది. చెట్టు ఎండి పోతేనేం..ఆ చెట్టు కొమ్మలే తమకు ఆధారమన్నట్లుగా పలు కొంగలు కొమ్మలపై వాలి సేదతీరాయి. కొమ్మలు ఎండి పోవడంతో నల్లగా మారాయి. చుట్టు పచ్చని పరిసరాల మధ్య ఎండి నల్లగా మారిన చెట్టు చిటారు కొమ్మలపై వాలిన కొంగలు నలుపు తెలుపు రంగుల్లో కొంచెం మెరుస్తుండగా చెట్టు వెనుకాల కన్పిస్తున్న నీలి ఆకాశంలో అక్కడక్కడా తెల్లటి మేఘాలు సూర్యుని కాంతికి మెరుస్తూ కనిపించాయి. –నర్సాపూర్‌