Bollywood

ముంబై: ప్రముఖ బాక్సర్, ఒలింపిక్ పతక విజేత మేరీ కోమ్ ‘బిగ్ బాస్ 20’(హిందీ) హౌస్ నుండి ఎలిమినేట్ అయ్యారు. దీనితో ఈ రియాలిటీ షోలో ఆమె ఏడు వారాల పాటు సాగిన ప్రయాణం ముగిసింది. ‘వీకెండ్ కా వార్’ ఎపిసోడ్‌కు ప్రముఖ దర్శకుడు రోహిత్ శెట్టి అతిథి హోస్ట్‌గా విచ్చేశారు. రెండు లైఫ్‌లైన్‌లను కోల్పోయిన మేరీ కోమ్ ఎలిమినేషన్‌ను ఆయన ప్రకటించారు.షో నుండి బయటకు వస్తూ మేరీ కోమ్ తన అనుభవాన్ని మీడియాతో పంచుకున్నారు. ఇన్ని రోజులు ఆడగలిగానని, ఎంతో అనుభవం సంపాదించానని ఆమె తెలిపారు. ఇ‍ప్పుటు హౌస్‌లోని అందరూ తనను మిస్ అవుతారని అనుకుంటున్నానని, మిగతా కంటెస్టెంట్లు మంచిగా ఆడి తమ వ్యక్తిత్వాన్ని నిరూపించుకోవాలని ఆమె ఆకాంక్షించారు. అంతేకాకుండా, సరదాగా ‘రింగ్‌లో అయితే నేను ఎవరినీ వదిలిపెట్టను’ అని చమత్కరించారు.మేరీ కోమ్ ఎలిమినేషన్ హౌస్‌లోని తోటి కంటెస్టెంట్లను భావోద్వేగానికి గురిచేసింది. ఆమె వీడ్కోలు సమయంలో ఆమ్రపాలి దూబే కంటతడి పెట్టుకున్నారు. అందరూ కలిసి ఏకకంఠంతో ‘యూ ఆర్ ఎ ఛాంపియన్’ పాటను పాడుతూ ఆమెకు ఘనంగా వీడ్కోలు పలికారు. దీంతో మేరీ ముఖంలో చిరునవ్వు విరిసింది. బాక్సింగ్ రింగ్‌లో తన విజయాలతో గుర్తింపు పొందిన మేరీ కోమ్, 'బిగ్ బాస్ 20' లోనూ అత్యంత ప్రజాదరణ పొందిన కంటెస్టెంట్లలో ఒకరుగా నిలిచారు. కిచెన్ విశేషాలు, తోటి కంటెస్టెంట్లతో కలిసి చేసిన వర్కౌట్లు, సరదా సంభాషణలతో ఆమె ఈ సీజన్‌లో ప్రత్యేక ఆకర్షణగా నిలిచారు. సల్మాన్ ఖాన్ హోస్ట్ చేస్తున్న ఈ ‘బిగ్ బాస్ 20’ షో సెప్టెంబర్ 6న ప్రారంభమైంది. ఈ షో రాత్రి 9 గంటలకు జియోహాట్‌స్టార్‌లో , రాత్రి 10:30 గంటలకు కలర్స్ ఛానెల్‌లో ప్రసారమవుతోంది.ఇదీ చదవండి: సెర్బియా విద్యార్థి ఉద్యమం.. 14 ఏళ్ల పూచిక్‌ పాలన అంతం!

ఒక సినిమా విడుదలకు ముందు సెన్సార్‌ సర్టిఫికెట్‌ తప్పనిసరి. ఇందుకోసం చిత్ర నిర్మాతలు సమర్పించే కీలక పత్రాలే ఇప్పుడు బహిర్గతం కావడం కలకలం రేపుతోంది. సెంట్రల్‌ బోర్డ్‌ ఆఫ్‌ ఫిల్మ్‌ సర్టిఫికేషన్‌ (CBFC)కు సంబంధించిన భారీ డేటా లీక్‌ వ్యవహారం వెలుగులోకి వచ్చింది. 500లకు పైగా సినిమాలకు సంబంధించిన ధ్రువీకరణ రికార్డులు బయటకు వచ్చినట్లు జాతీయ మీడియా కథనాలు వస్తున్నాయి.(చదవండి: నేను చేసిన పెద్ద తప్పు అదే.. ‘నో’చెప్పలేకపోయా: అనుపమ)ఈ డేటా లీక్‌లో కేవలం సినిమా సర్టిఫికేషన్‌ వివరాలే కాకుండా.. థియేటర్లలో విడుదలకు అనుమతి పొందేందుకు నిర్మాతలు సమర్పించిన స్క్రిప్టులు, కట్‌ ఆర్డర్లు, ఇతర కీలక పత్రాలు కూడా ఉన్నట్లు సమాచారం. దీంతో ఈ వ్యవహారం చిత్ర పరిశ్రమలో చర్చనీయాంశంగా మారింది. పోర్టల్‌ నుంచే లీక్‌?సినిమాల ధ్రువీకరణ ప్రక్రియను డిజిటలైజ్‌ చేయడంలో భాగంగా సీబీఎఫ్‌సీ సుమారు పదేళ్ల క్రితం ఇ-సినీప్రమాణ్‌ (eCinepramaan) అనే ఆన్‌లైన్‌ పోర్టల్‌ను ప్రారంభించింది. నిర్మాతలు, చిత్ర నిర్మాణ సంస్థలు సినిమా సర్టిఫికేషన్‌ కోసం దరఖాస్తు చేసుకునే సమయంలో అవసరమైన పత్రాలను ఈ పోర్టల్‌లోనే అప్‌లోడ్‌ చేస్తారు. అయితే ఈ పోర్టల్‌కు సంబంధించిన రికార్డులే ఇప్పుడు బహిర్గతమైనట్లు వార్తలు వస్తున్నాయి.ఇంటర్నెట్‌ ఆర్కైవ్‌ నుంచి అందుబాటులోకి..ఆన్‌లైన్‌ సమాచారాన్ని భద్రపరిచే లాభాపేక్షలేని డిజిటల్‌ లైబ్రరీ అయిన ఇంటర్నెట్‌ ఆర్కైవ్‌ ద్వారా ఈ రికార్డులు డౌన్‌లోడ్‌ చేసుకునేందుకు అందుబాటులోకి వచ్చాయి. ఈ విషయం వెలుగులోకి వచ్చిన తర్వాత సంబంధిత మెటీరియల్‌ను తొలగించినట్లు ఇంటర్నెట్‌ ఆర్కైవ్‌ వెల్లడించింది. అంతేకాకుండా ఈ ఘటనపై సైబర్‌ అధికారులకు ఫిర్యాదు చేసినట్లు తెలిపింది.ఎలాంటి ఆధారాలు లభించలేదు: సీబీఎఫ్‌సీఈ డేటా లీక్‌ వ్యవహారంపై సీబీఎఫ్‌సీ స్పందించింది. అనధికారిక యాక్సెస్‌కు సంబంధించిన ఆరోపణలపై సమీక్ష చేపట్టినట్లు వెల్లడించింది. ప్రస్తుతం ఈ ఘటనపై దర్యాప్తు కొనసాగుతోందని, పోర్టల్‌ భద్రతను అంచనా వేసేందుకు సెక్యూరిటీ ఆడిట్‌ నిర్వహిస్తున్నామని తెలిపింది.అయితే బహిర్గతమైన పత్రాలను ఇతరులు యాక్సెస్‌ చేసినట్లు ఇప్పటివరకు ఎలాంటి ఆధారాలు లభించలేదని సీబీఎఫ్‌సీ స్పష్టం చేసింది. అలాగే ఏ ఒక్క చిత్ర నిర్మాత ఖాతా హ్యాక్‌ అయినట్లు కూడా కనిపించడం లేదని పేర్కొంది. దర్యాప్తు పూర్తయిన తర్వాత మరిన్ని వివరాలు వెల్లడిస్తామని తెలిపింది.

తెలుగులో ఆదిపురుష్ మూవీతో క్రేజ్ తెచ్చుకున్న బాలీవుడ్ బ్యూటీ కృతి సనన్. ఈ ఏడాది రాఖీ పౌర్ణమి సందర్భంగా వార్తల్లో నిలిచింది. రక్షాబంధన్‌ సందర్భంగా ఓ కంపెనీ యాడ్ చేసిన ఈ ముద్దుగుమ్మ ఊహించని విధంగా వివాదంలో చిక్కుకుంది. అందులో కుక్కకు రాఖీ కట్టడంతో పాటు ఆమె ధరించిన డ్రెస్‌పై పెద్దఎత్తున వివాదానికి దారితీసింది. ఆ తర్వాత ఆ యాడ్‌ను కంపెనీ పూర్తిగా తొలగించింది.తాజాగా ఈ వివాదంపై కృతి సనన్ స్పందించింది. కరీనా కపూర్ ఖాన్ చాట్ షోలో పాల్గొన్న ఆమె తనపై వచ్చిన ట్రోల్స్‌ గురించి ప్రస్తావించింది. సోషల్ మీడియాలో తనను ట్రోల్‌ చేసిన వారే తమ ఫ్యామిలీని అసభ్యంగా ట్రోల్ చేశారని తెలిపింది. భారతీయ సంస్కృతిని పరిరక్షిస్తామని చెప్పుకునే వాళ్లే సోషల్ మీడియాలో తన తల్లిదండ్రులు, సోదరిపై అసభ్యకర కామెంట్స్ చేశారని ఆమె వెల్లడించింది.కృతి మాట్లాడుతూ.. 'నేను నా పోస్టుల కింద వచ్చే కామెంట్లను చదవను. కానీ కొన్నిసార్లు ప్రజలు చాలా నీచంగా ప్రవర్తిస్తారని నాకు అనిపిస్తుంది. సంస్కృతి, గౌరవం గురించి మాట్లాడేవారే నా తల్లిదండ్రులు, సోదరి పోస్టులపై అత్యంత నీచమైన, దుర్భాషలతో కామెంట్ చేశారు. ఆ తర్వాత నా కామెంట్లను ఆఫ్ చేయమని నా సోదరి చెప్పింది. కానీ మహిళలు తమ కోసం తాము నిలబడటం చాలా ముఖ్యం అని నేను భావించా. ఈ వ్యక్తులకు కామెంట్ చేసే హక్కు ఎవరు ఇచ్చారు. ఆ రాఖీ ప్రకటన వివాదం నా గురించి కాదని, అది చాలా పెద్ద సమస్య అని నేను భావించా. మహిళలు ప్రతిదానికీ నిరంతరం నిశితంగా పరిశీలనలో ఉంటారని నాకు అనిపిస్తుంది. చిన్న చిన్న విషయాలకే మహిళలను లక్ష్యంగా చేసుకుంటున్నారు. నువ్వు ఏమి ధరించాలనుకుంటున్నావు. ఆమె మరీ పొట్టిగా లేదా పొడవుగా ఉంది. ఓహ్ ఆమె గర్భవతిగా ఉందా? అని చర్చించుకుంటారు. నటీనటులు సులభమైన లక్ష్యాలుగా మారతారు. మేము కూడా మనుషులమే.. ఇది మమ్మల్ని కూడా ప్రభావితం చేస్తుంది. లింగ అసమానత గురించి.. లోతుగా పాతుకుపోయిన పితృస్వామ్యం గురించి మహిళలు చాలా బలంగా పోరాడాలి. అది బద్దలవ్వాలంటే మనం దానిని చాలాసార్లు బద్దలు కొట్టాలి' అని అన్నారు.ఇక సినిమాల విషయానికొస్తే 'కాక్‌టెయిల్ 2'లో కృతి సనన్ చివరిసారిగా కనిపించింది. ఈ చిత్రంలో షాహిద్ కపూర్, రష్మిక మందన్న కీలక పాత్రల్లో నటించారు. ఈ చిత్రం 2026, జూన్ 19న థియేటర్లలో విడుదలైంది.

వారం క్రితం బాలీవుడ్ హీరో టైగర్ ష్రాఫ్‌పై దుండగులు కాల్పులు జరిపారు. ముంబైలోని జుహు ప్రాంతంలోని ఓ ఫుట్‌బాల్ గ్రౌండ్ నుంచి కారులో వెళ్తుండగా ఈ సంఘటన జరిగింది. ఈ నటుడికి స్వల్ప గాయాలు కాగా డ్రైవర్, ఉమేశ్ అనే అభిమాని మాత్రం తీవ్రంగా గాయపడ్డారు. ఈ ఘటన నుంచి కోలుకుంటున్న టైగర్ ఇప్పుడు సంచలన నిర్ణయం తీసుకున్నాడు.(ఇదీ చదవండి: టైగర్ ష్రాఫ్ రోజూ తాగే నీరు ఖర్చు రూ.3,600)ముంబైలోని తన అపార్ట్‌మెంట్‌ని టైగర్ ష్రాఫ్ రూ.9 కోట్లకు అమ్మేశాడు. అక్టోబర్ 18న ఇతడిపై కాల్పులు జరగ్గా సరిగ్గా నాలుగు రోజుల తర్వాత అంటే 22వ తేదీన ఈ ఫ్లాట్ లావాదేవీ రిజిస్ట్రేషన్ పూర్తయింది. అయితే దుండగులు తొలుత మరో బాలీవుడ్ స్టార్‌ని టార్గెట్ చేశారని, అక్కడ భద్రత ఎక్కువగా ఉండటంతో ప్లాన్ మార్చి టైగర్‌పై దాడికి పాల్పడ్డారని పోలీసుల విచారణలో తేలింది.(ఇదీ చదవండి: రూ.100 కోట్ల ఇల్లు కట్టిన కమెడియన్.. వీడియో వైరల్)

సినీ సెలబ్రిటీల లైఫ్‌స్టైల్‌ ఎప్పుడూ అభిమానుల్లో ఆసక్తిని రేకెత్తిస్తుంటుంది. ముఖ్యంగా వారి ఆహారపు అలవాట్లు, ఫిట్‌నెస్‌ రొటీన్‌తో పాటు వారు ఉపయోగించే వస్తువుల గురించి కూడా తెలుసుకోవాలని చాలామంది ఆసక్తి చూపిస్తారు. తాజాగా బాలీవుడ్‌ హీరో టైగర్‌ ష్రాఫ్‌ తాగే వాటర్‌ బాటిల్‌ ధర సోషల్ మీడియాలో చర్చనీయాంశంగా మారింది.టైగర్‌ ష్రాఫ్‌ టేబుల్‌పై కనిపించిన బాటిల్‌ ప్రముఖ ఇటాలియన్‌ బ్రాండ్‌ శాన్‌ పెల్లెగ్రినోకు చెందినదిగా ప్రచారం జరుగుతోంది. ఈ బ్రాండ్‌ ప్రపంచవ్యాప్తంగా ప్రసిద్ధి చెందినది. 750 మిల్లీలీటర్ల ఈ స్పార్క్లింగ్‌ వాటర్‌ బాటిల్‌ ధర సుమారు రూ.600గా పేర్కొంటున్నారు.టైగర్‌ ష్రాఫ్‌ రోజుకు ఆరు లీటర్ల నీరు తాగితే.. ఇదే ధరతో లెక్కించినప్పుడు రోజువారీ నీటి ఖర్చు రూ.3,600 అవుతుంది. అయితే ఒక్కో బాటిల్‌ ధర, కొనుగోలు చేసే ప్రాంతాన్ని బట్టి ఖర్చు మారవచ్చు.సెలబ్రిటీలు ఆరోగ్యం, ఫిట్‌నెస్‌ కోసం ప్రత్యేకమైన ఉత్పత్తులను ఎంచుకోవడం సాధారణమే. అయితే ఖరీదైన నీటిని తాగడమే ఆరోగ్యానికి ఎక్కువ ప్రయోజనాలు ఇస్తుందని భావించకూడదు. టైగర్‌ ష్రాఫ్‌ వాటర్‌ బాటిల్‌ ధరపై జరుగుతున్న చర్చ మరోసారి సెలబ్రిటీల విలాసవంతమైన జీవనశైలిని తెరపైకి తెచ్చింది.అయితే తాగునీరు విషయంలో విరాట్ కోహ్లితో పోలిస్తే, టైగర్ ఖర్చు చేసేది చాలా తక్కువనే చెప్పాలి. విరాట్, షారూక్, కత్రినా లాంటి స్టార్లు కేవలం తాగే నీటి కోసం రోజుకు 10వేల రూపాయలకు పైగా ఖర్చు చేస్తున్నారు.

రెబల్‌ స్టార్ ప్రభాస్ పుట్టినరోజు సందర్భంగా అభిమానులకు చిత్రబృందం అదిరిపోయే కానుక అందించింది. దర్శకుడు హను రాఘవపూడి తెరకెక్కిస్తున్న ‘ఫౌజీ’ సినిమా నుంచి స్పెషల్ గ్లింప్స్‌ను విడుదల చేసింది. ఇందులో నేతాజీ సుభాష్ చంద్రబోస్ ప్రస్తావనతో పాటు ప్రభాస్ పవర్‌ఫుల్ లుక్, అదిరిపోయే డైలాగ్స్, బ్యాక్‌గ్రౌండ్ మ్యూజిక్ అభిమానులను ఆకట్టుకుంటున్నాయి.రెండో ప్రపంచ యుద్ధం నేపథ్యంలో సాగిన ఈ గ్లింప్స్‌లో నేతాజీ.. బ్రిటిష్ వారిని ఎదుర్కొనే ఓ వీర సైనికుడిగా ప్రభాస్ పాత్రను పరిచయం చేయడం గ్లింప్స్‌కు ప్రత్యేక ఆకర్షణగా నిలిచింది. ‘ఇండియాస్ బిగ్గెస్ట్ రెబల్ సోల్జర్’ అంటూ వచ్చే ఎలివేషన్, భారీ రైఫిల్‌తో ప్రభాస్ కనిపించే సన్నివేశాలు, బ్రిటిష్ వారిని హెచ్చరిస్తూ చెప్పే డైలాగ్స్ ఆకట్టుకుంటున్నాయి. చివర్లో ప్రభాస్‌ను రెండు విభిన్న రూపాల్లో చూపిస్తూ బర్త్‌డే విషెస్ చెప్పడం మరో హైలైట్‌గా నిలిచింది.ఇక గ్లింప్స్‌కు ముందు విడుదల చేసిన పోస్టర్‌లో పాతకాలపు బంగారు నాణెంపై యూనిఫాంలో ఉన్న ప్రభాస్ రూపాన్ని చూపించారు. ప్రస్తుతం ‘ఫౌజీ’ గ్లింప్స్ సోషల్ మీడియాలో వైరల్‌గా మారగా, అభిమానులు సినిమాపై భారీ అంచనాలు పెంచుకుంటున్నారు.

పచ్చ కామెర్లు వచ్చినవాడికి లోకమంతా పచ్చగానే కనిపిస్తుందంటారు. అలాగే సినీ తారల్లో తప్పులే వెతికేవారికి వాళ్లు చేసే ప్రతి పనిలోనూ నెగెటివిటీనే కనిపిస్తుంది. చిన్న విషయాన్ని సైతం పెద్దది చేస్తూ సోషల్‌ మీడియాలో ట్రోలింగ్‌కు దిగుతుంటారు. అలా రష్మిక విషయంలోనూ జరుగుతోంది. ఆమె యాసను హేళన చేస్తూ ట్రోల్‌ చేస్తున్నారు. హిందీ సినిమాల్లో దక్షిణాది యాసతో మాట్లాడుతుందని హేళన చేస్తూ పోస్టులు పెడుతున్నారు. తాజాగా ఈ ట్రోలింగ్‌పై రష్మిక స్పందించింది. తను దక్షిణాది నుంచి వచ్చిన అమ్మాయిని కాబట్టి..సహజంగానే తనలో ఆ యాస ఉంటుందని చెప్పింది. తాజాగా భర్త విజయ్‌ దేవరకొండతో కలిసి ‘కాఫీ విత్‌ కరణ్‌’ టాక్‌ షోలో పాల్గొన్న ఆమె.. తన యాసపై వచ్చిన ట్రోల్‌ గురించి మాట్లాడుతూ.. ‘ఇలాంటి విమర్శలను తాను ఎన్నో చూశానని.. వాటి కారణంగా తనను తాను ఎప్పుడూ హద్దులు విధించుకోవాలని ఆలోచించలేదని చెప్పింది.(ఇదీ చదవండి: పెళ్లి చేసుకోమని 100 సార్లు అడిగితే.. అప్పుడు ఓకే చేశా: విజయ్‌ దేవరకొండ)‘నేను సౌత్‌ యాసలో మాట్లాడుతున్నానని ట్రోల్‌ చేస్తున్నారు. అది నిజమే.. నేను దక్షిణాది నుంచి వచ్చాను. అందుకే నాలో ఆ యాస సహజంగానే ఉంటుంది. అలా కాకుండా మరోలా మాట్లాడాలనుకోవడం సమంజసం కాదు. ఇలాంటి ట్రోల్‌ నాకు కొత్తేమి కాదు. సినిమా ఇండస్ట్రీలోకి వచ్చినప్పటి నుంచి ఏదో రకంగా నన్ను ట్రోల్‌ చేస్తూనే ఉన్నారు. నా మాట, నటన, యాస..ఇలా దేనిని వదలడం లేదు. కానీ నేను వాటిని పట్టించుకోను. వారి కోసం నాకొచ్చిన అవకాశాలను మిస్‌ చేసుకోవాలనుకోలేదు’ అని రష్మిక అన్నారు.

ప్రముఖ నటి ప్రియాంక చోప్రా విజయదశమి పర్వదినాన్ని సంప్రదాయబద్ధంగా నిర్వహించుకున్నారు. లాస్‌ ఏంజెలెస్‌లోని తన నివాసంలో భర్త, హాలీవుడ్‌ నటుడు నిక్‌ జోనాస్‌, కుమార్తె మాలతీ మేరీ చోప్రా జోనాస్‌తో కలిసి పూజలు నిర్వహించారు. ఈ సందర్భంగా చిన్నారి మాలతీ ఫొటోలను ప్రియాంక సోషల్‌ మీడియాలో పంచుకున్నారు. ఈ చిత్రాలు అభిమానులను ఆకట్టుకుంటున్నాయి.విదేశాల్లో నివసిస్తున్నప్పటికీ ప్రియాంక చోప్రా, నిక్‌ జోనాస్‌ 2018లో జోధ్‌పుర్‌లో వివాహ బంధంలోకి అడుగుపెట్టారు. 2022లో సరోగసీ ద్వారా వీరికి కుమార్తె మాలతీ జన్మించింది. విదేశాల్లో నివసిస్తున్నప్పటికీ భారతీయ పండగలు, సంప్రదాయాలకు ప్రియాంక ఎంతో ప్రాధాన్యం ఇస్తుంటారు. హిందూ సంస్కృతి, సంప్రదాయాలను నిక్‌ గౌరవిస్తారని, ఆ పరస్పర గౌరవమే తమ బంధాన్ని మరింత బలోపేతం చేసిందని ప్రియాంక గతంలో ఓ సందర్భంలో పేర్కొన్నారు.ఇక సినిమాల విషయానికొస్తే.. ప్రియాంక ప్రస్తుతం దర్శకధీరుడు ఎస్‌.ఎస్‌. రాజమౌళి తెరకెక్కిస్తున్న ‘వారణాసి’లో నటిస్తున్నారు. సూపర్‌స్టార్‌ మహేశ్‌బాబు కథానాయకుడిగా నటిస్తున్న ఈ చిత్రంపై ఇప్పటికే భారీ అంచనాలు నెలకొన్నాయి. అంతర్జాతీయ స్థాయిలో గుర్తింపు తెచ్చుకున్న ప్రియాంక.. ఈ సినిమాతో భారతీయ ప్రేక్షకులకు మరింత చేరువ కానున్నారు.(ఇదీ చదవండి: ఫౌజీ అప్‌డేట్‌.. ఆ హారర్‌ సినిమాకి వెళ్లి చూడచ్చు: నిర్మాత) View this post on Instagram A post shared by Priyanka (@priyankachopra)

ఇప్పుడంతా రకరకాల పేర్లు పెట్టడం ట్రెండ్ అయిపోయింది. ఒకప్పటిలా అందంగా ఉండే దేవుడి పేర్లు పెట్టడం జనాలు బాగా తగ్గించేశారు. బాలీవుడ్ స్టార్ హీరోయిన్ దీపికా పదుకొణె-రణ్‌వీర్ సింగ్ దంపతులు మాత్రం తమ రెండో కూతురికి మంచి పేరు పెట్టారు. దసరా సందర్భంగా ఆ విషయాన్ని బయటపెడుతూ పోస్ట్ పెట్టారు.(ఇదీ చదవండి: టాలీవుడ్ హీరోల పెళ్లి వార్తలు.. ఇద్దరూ నవంబరులోనే!)కెరీర్ పరంగా రణ్‌వీర్, దీపిక స్టార్‌డమ్ ఎంజాయ్ చేస్తున్నారు. గతంలో కలిసి పద్మావత్, రామ్ లీల్ సినిమాలు చేసిన వీళ్లిద్దరూ ప్రేమించి పెద్దల్ని ఒప్పించి 2018లో పెళ్లి చేసుకున్నారు. రెండేళ్ల క్రితం కూతురు పుట్టగా దువా అని పేరు పెట్టుకున్నారు. ఈ ఏడాది సెప్టెంబరు 19న మళ్లీ కూతురు పుట్టింది. ఆ పాపకు 'దేవి పదుకొణె సింగ్' అని పేరు పెట్టినట్లు వెల్లడించారు. ఈ పోస్టుకి బాలీవుడ్ స్టార్స్ అందరూ కామెంట్స్ పెడుతూ విషెస్ చెబుతున్నారు.రణ్‌వీర్ సింగ్ విషయానికొస్తే.. మంచి నటుడే కానీ కొన్నాళ్ల ముందు వరకు హిట్స్, ఫ్లాప్స్ ఉండేది. కానీ రీసెంట్ టైంలో 'ధురంధర్' రెండు సినిమాలతో దేశవ్యాప్తంగా మంచి గుర్తింపు తెచ్చుకున్నాడు. ప్రస్తుతం 'ప్రళయ్' అని ఓ మూవీ చేస్తున్నాడు. మరోవైపు దీపిక.. కల్కి, స్పిరిట్ చిత్రాల నుంచి బయటకొచ్చేసిన తర్వాత ప్రస్తుతం హిందీలో షారుఖ్ 'కింగ్', తెలుగులో అల్లు అర్జున్ 'రాకా'లో హీరోయిన్‌గా చేస్తోంది.(ఇదీ చదవండి: ఏకంగా ముఖ్యమంత్రికి తెగ నచ్చేసిన మమిత బైజు ప్రేమకథా సినిమా) View this post on Instagram A post shared by दीपिका पादुकोण (@deepikapadukone)

బోలో తా రా రా, హో జాయేగీ బల్లే బల్లే లాంటి హిట్ పాటలతో 90ల్లో గుర్తింపు తెచ్చుకున్న పంజాబీ సింగర్ దలేర్ మెహందీ ఊహించని వివాదంలో చిక్కుకున్నారు. దుర్గాదేని నవరాత్రుల సందర్భంగా ఉత్తరాఖండ్ ప్రభుత్వం నిర్వహించిన ఓ ఈవెంట్‌లో ఈయన మందు తాగి స్టేజీపై పాటలు పాడారా? అనేది ఇప్పుడు చర్చనీయాంశంగా మారింది. రాష్ట్రమంత్రి ఈ ఆరోపణలు చేయడమే దీనికి కారణం.(ఇదీ చదవండి: ఓటీటీలోకి మలయాళ టైమ్ లూప్ ‍థ్రిల్లర్.. తెలుగులోనూ స్ట్రీమింగ్)ఇంతకీ అసలేం జరిగింది?ఆదివారం రాత్రి ఉత్తరాఖండ్‌లోని న్యూ తెహ్రీలో చారిత్రాత్మక సిద్ధపీఠ్ మా కుంజాపురి పర్యాటక, అభివృద్ధి జాతర జరిగింది. ఇందులోని పాటల కార్యక్రమంలో దలేర్ మెహందీ ఫెర్ఫార్మెన్స్ ఇచ్చాడు. అయితే ఈ గాయకుడు పాడుతున్న టైంలో స్టేజీపైకి వచ్చిన రాష్ట్రమంత్రి సుభోద్ ఉనియాల్.. మీరు సరిగా మాట్లాడలేకపోతున్నారు. నిలబడేందుకు కూడా ఇబ్బందిపడుతున్నారు. మందు కొట్టి వచ్చారా? పెదవులు కదిలిస్తూ ప్రేక్షకుల్ని ఫుల్స్ చేస్తున్నారా? అని ప్రశ్నించాడు. దీంతో వివాదం చెలరేగింది.దలేర్ మెహందీకి సపోర్ట్ చేస్తూ మికా సింగ్, పలాష్ సేన్ తదితరులు మాట్లాడారు. దలేర్ మెహందీ ఒకవేళ మద్యపానం చేసుంటే తాను సింగింగ్ కెరీర్ వదిలేస్తానని మికా సింగ్ ఛాలెంజ్ చేశారు. ఇక తన వ్యాఖ్యల్ని సమర్థించుకున్న మంత్రి సుభోద్.. ఏఎన్ఐతో మాట్లాడుతూ ఆయన(దలేర్ మెహందీ) ఒక గొప్ప కళాకారుడు. అలాంటి వ్యక్తి తన కళకు న్యాయం చేయకపోతే ఎలా? వేదికపై ఆయన అయోమయంగా కనిపించారు. నిలబడటానికి కూడా ఇబ్బంది పడుతున్నట్లు అనిపించింది. తన పాటలకు పెదవులు మాత్రమే కదుపుతున్నారు. ఆయన ఒక గొప్ప కళాకారుడని, తన కళకు న్యాయం చేయాలని నేను చెప్పాను. ప్రదర్శన ఇవ్వడానికి ఆయనకు రూ.35 లక్షలు ఆఫర్ చేశారు. కానీ ఆయన పాటలు కూడా పాడటం లేదు. అందుకే నేను నా అసంతృప్తిని వ్యక్తం చేశాను అని చెప్పుకొచ్చారు.(ఇదీ చదవండి: 'ఆదర్శ కుటుంబం' కొత్త రిలీజ్ డేట్.. ఈసారైనా వస్తారా?)A video from the Kunjapuri Mela in Narendranagar, Tehri Garhwal, is drawing attention, showing Cabinet Minister and local MLA Subodh Uniyal objecting on stage during a performance by Punjabi singer Daler Mehndi. In the video, Uniyal can be heard telling him, “Bol toh jaa nahi raha, gaana kya gaoge?”— Kumaon Jagran (@KumaonJagran) October 19, 2026

బాలీవుడ్ నటుడు టైగర్ ష్రాఫ్‌పై జరిగిన హత్యాయత్నం కేసులో ముంబై పోలీసులు దర్యాప్తు వేగవంతం చేశారు. ఈ దర్యాప్తునకు సంబంధించిన కీలక విషయాలను వెల్లడించారు. ఈ కేసులో ఇప్పటికే ముగ్గురు నిందితులను అరెస్టు చేసిన పోలీసులు తమ విచారణలో వెలుగులోకి వచ్చిన వివరాలను తెలిపారు.గ్యాంగ్‌స్టర్ అనిల్ పండిట్ అతనిపై దాడికి పథకం పన్నాడని, ఇందుకు సంబంధించి ముగ్గురు నిందితులకు కలిపి రూ. 50 వేలు అడ్వాన్స్‌గా ఇచ్చినట్టుగా దర్యాప్తు అధికారులు వెల్లడించారు. అంతేకాదు అపరేషన్‌ విజయవంతంగా ముగిసిన తర్వాత మరింత డబ్బు ఇస్తామని వాగ్దానం చేశారని, విదేశాలకు పంపిస్తామని కూడా నమ్మబలికారని పోలీసులు తెలిపారు. ఈ ఆఫర్లతో అతడిని నేరానికి ప్రలోభ పెట్టినట్లు దర్యాప్తులో గుర్తించామని వివరించారు.ఆపరేషన్ పూర్తయిందిటైగర్ ష్రాఫ్‌పై కాల్పులు జరిపిన అనంతరం నిందితులు తమ హ్యాండ్లర్లకు "ఆపరేషన్ పూర్తయింది" అంటూ సమాచారం అందించినట్లు పోలీసులు తేల్చారు. అలాగే ఈ దాడికి ముందు నిందితులు ఫుట్‌బాల్ గ్రౌండ్‌లో టైగర్ ష్రాఫ్ ఆడుతున్న వీడియోను సుపారీ గ్యాంగ్‌కు పంపారు. ఆ తర్వాతే వారు కాల్పులకు గ్రీన్ సిగ్నల్ ఇచ్చినట్లు దర్యాప్తులో తేలింది. గుండు కొట్టించుకున్నాడునిందితుడు హృతిక్ కుమార్ అలియాస్ రోషన్, తనను ఎవరు గుర్తు పట్టకుండా ఉండడానికి పట్టుబడకుండా తప్పించుకోవడానికి, గుండు చేయించు కున్నాడు. అద్దె ఇంటిని పదేపదే మార్చుకోవడం వరకు అనేక ప్రయత్నాలు చేశాడని దర్యాప్తు అధికారులు వెల్లడించారు. ఈ దాడికి దాదాపు రెండు నెలల ముందే తన రూపాన్ని మార్చుకోవడం ప్రారంభించాడన్నారు.ఈ ఘటనకు సంబంధించి బిహార్‌లోని బెగుసరాయ్‌కి చెందిన హ్రితిక్ అలియాస్ రోషన్ (22), హర్యానాకు చెందిన రెహాన్ (18), ఫూల్ సింగ్ (18) అనే ముగ్గురు నిందితులను రాజస్థాన్‌లోని కోటాలో పోలీసులు అరెస్ట్ చేశారు. అలాగే టైగర్‌ ష్రాఫ్‌ పై దాడి జరిగిన ఘటనా స్థలం నుంచి ఐదు ఖాళీ తూటాలు, రెండు లైవ్ కార్ట్రిడ్జ్‌లను ముంబై పోలీసులు స్వాధీనం చేసుకున్నారు. నిందితుల నుంచి మొబైల్ ఫోన్లు, బట్టలను స్వాధీనం చేసుకుని ఫోరెన్సిక్ పరీక్షలకు పంపనున్నారు.ఇదీ చదవండి: హాట్‌ టాపిక్‌ : ధనుష్‌ పొలిటికల్‌ ఎంట్రీపై టీవీకే స్పందనలారెన్స్ బిష్ణోయ్ గ్యాంగ్ లింక్స్‌పై ఆరా ఈ కుట్ర వెనుక జైలులో ఉన్న గ్యాంగ్‌స్టర్ లారెన్స్ బిష్ణోయ్ అనుచరుడు అనిల్ పండిట్ ఉన్నట్లు పోలీసులు అనుమానిస్తున్నారు. దాడి తర్వాత సల్మాన్ ఖాన్‌తో సంబంధం ఉన్నవారు ఎవరైనా సరే లక్ష్యంగా చేసుకుంటామనే బెదిరింపులతో అనిల్ పండిట్, హర్మాన్ సంధూ పేర్లతో సోషల్ మీడియాలో ఒక ఆడియో క్లిప్ వైరల్ అయింది. ఈ కేసుకు సంబంధించిన పూర్తి వివరాలు తెలియాలంటే, పోలీసుల దర్యాప్తు పూర్తయ్యేవరకు వెయిట్‌ చేయాల్సిందే. ఇదీ చదవండి: నర్సు దారుణ హత్య : సీఎం విజయ్‌పై స్టాలిన్‌ మండిపాటు

బాలీవుడ్ నటుడు టైగర్ ష్రాష్‌ఫై హత్యాయత్నం ఘటన దిగ్భ్రాంతి రేపింది. ముంబైలోని జుహూ ప్రాంతంలో జరిగిన ఈ కాల్పుల ఈ ఘటనకు పోలీసులు ప్రాథమిక వివరాలను వెల్లడించారు. కాల్పుల ఘటనలో దుండగులు మొత్తం 7 రౌండ్లు కాల్పులు జరపగా, ఘటనా స్థలంలో రెండు పూర్తి కార్ట్రిడ్జ్‌లు (Full cartridges), 5 ఖాళీ షెల్స్‌ను స్వాధీనం చేసుకున్నట్టు పోలీసులు వెల్లడించారు.అయితే ఆయుధం సరిగ్గా పోవడంవల్లే ఆయనకు పెద్ద ప్రమాదం తప్పినట్టు భావిస్తున్నారు. సీసీటీవీ ఫుటేజీ ప్రకారం ఒక దుండగుడు టైగర్ ష్రాఫ్ బీఎండబ్ల్యూ కారుపై వరుసగా కాల్పులు జరుపుతుండగా, నటుడు కూర్చున్న ప్యాసింజర్ వైపు ఉన్న రెండవ దుండగుడు తన తుపాకీని కాల్చడానికి ఇబ్బంది పడ్డాడు. అతను తుపాకీని రెండు చేతులతో మారుస్తూ కాల్చడానికి ప్రయత్నించినప్పటికీ షాట్ పేలలేదు. ఈ నేపథ్యంలో తుపాకీ జామ్ అయి ఉంటుందని పోలీసులు భావిస్తున్నారు. ఈ దాడిలో టర్కీలో తయారైన 'జిగానా' (Zigana) పిస్టల్‌ను ఉపయోగించారా అనే కోణంలోనూ దర్యాప్తు చేస్తున్నారు. ఈ కార్ట్రిడ్జ్‌లు 7.62 మి.మీ కాలిబర్‌కు చెందినవి. ఒక దుండగుడి తుపాకీలో సాంకేతిక లోపం తలెత్తడం వల్ల పూర్తిగా ఉన్న కార్ట్రిడ్జ్ బయటపడి ఉంటుందని పోలీసులు అనుమానిస్తున్నారు.ముంబై పోలీసుల సమాచారంతో రాజస్థాన్‌లోని కోటాలో రాజస్థాన్ యాంటీ గ్యాంగ్‌స్టర్ టాస్క్ ఫోర్స్, కోటా సిటీ పోలీసులు సంయుక్తంగా జరిపిన ఆపరేషన్‌లో ముగ్గురు నిందితులను అదుపులోకి తీసుకున్నారు.వీరిలో ఒక మైనర్‌ కూడా ఉన్నాడు. పుణె-జైపూర్ సూపర్‌ఫాస్ట్ ఎక్స్‌ప్రెస్‌లో కోటా చేరుకున్న హర్యానాకు చెందిన 17 ఏళ్ల బాలుడు, రెహాన్, అలాగే బిహార్‌కు చెందిన హ్రితిక్ కుమార్‌లను అరెస్ట్ చేశారు. మహారాష్ట్ర-గుజరాత్ సరిహద్దు ప్రాంతానికి చెందిన ఒకరితో పాటు మరో ఇద్దరిని కూడా అదుపులోకి తీసుకున్నారు. నిందితులపై హత్యాయత్నం కింద కేసు నమోదు చేసి, దర్యాప్తును ముంబై క్రైమ్ బ్రాంచ్‌కు బదిలీ చేశారు. ఇదీ చదవండి: టీవీకేకు రూ.13.3 కోట్ల విరాళాలు, 99 శాతం ఆ ఇద్దరి నుంచే!కాగా ఆదివారం సాయంత్రం ముంబైలోని జుహూలో ఫుట్‌బాల్ మ్యాచ్ ముగించుకుని కారులో వెళుతున్న 36 ఏళ్ల టైగర్ ష్రాఫ్‌పై దుండగులు కాల్పులు జరిపారు. ఈ ఘటనలో టైగర్ ష్రాఫ్ తృటిలో ప్రాణాలతో బయటపడ్డారు. అయితే ఆయన డ్రైవర్ ఫిర్దౌస్, ఆటో డ్రైవర్ చౌహాన్ గాయపడ్డారు. ఈ దాడిని మహారాష్ట్ర ముఖ్యమంత్రి దేవేంద్ర ఫడ్నవీస్ తీవ్రంగా ఖండించారు. బాధ్యులైన వారిపై కఠిన చర్యలు తప్పవని హచ్చరించారు. అయితే ఈ కాల్పులకు లారెన్స్ బిష్ణోయ్ గ్యాంగ్ బాధ్యత వహించింది. అంతేకాకుండా బాలీవుడ్ నటుడు సల్మాన్ ఖాన్‌తో పనిచేస్తున్న వారికి గ్యాంగ్ నుండి హెచ్చరికలు జారీ అయ్యాయి.ఇదీ చదవండి: నీటి బుడగ జీవితం గురించి బోధిస్తుండగానే ప్రాణం పోయింది!

ఓటీటీలో ‘ఇది చూడొచ్చు’ అనే ప్రాజెక్ట్స్‌ చాలా ఉంటాయి. ప్రస్తుతం స్ట్రీమ్‌ అవుతున్న వాటిలో హిందీ చిత్రం ‘బేబీ డూ డై డూ’ ఒకటి. నెట్‌ఫ్లిక్స్‌లో స్ట్రీమ్‌ అవుతున్న ఈ చిత్రం గురించి తెలుసుకుందాం.సినిమా అంటేనే లాజిక్కు లేని మాజిక్కు. పైగా ఆ మాజిక్కుకు ఎమోషన్‌ జోడిస్తే ఇక అది ఊహకందని క్రియేటివిటీ అవుతుంది. అదే క్రియేటివిటీని టైటిల్‌ కార్డు నుండి శుభం కార్డు వరకు చూడాలనుకుంటే ఈ సినిమానే చూడాలి. అదే ‘బేబీ డూ డై డూ’. ఈ సినిమా ఆలోచనే సామాన్య ప్రేక్షకులకు ఔరా అనిపిస్తుంది. అంతేకాదు... ఈ సినిమా ఓ సాహసమనే చెప్పాలి. బాలీవుడ్‌ దర్శకుడు నచికేత్‌ సామంత్‌ మంచి హోం వర్క్‌తో లాజిక్కు లేని మాజిక్కుని ప్రేక్షకులు నమ్మేట్టే చేశారు. ఈ సినిమా ప్రధాన పాత్రలో హ్యుమా ఖురేషి అద్భుతంగా నటించి, మెప్పించారు. మరి... ఈ ‘బేబీ డూ డై డూ’ సినిమా కథ ఏంటంటే... ఓ పేద కుటుంబానికి చెందిన ఇద్దరు అక్కాచెల్లెళ్ళు ఆడుకుంటూ ఓ పాడుబడ్డ బంగ్లాలోకి చేరుకుంటారు. ఆ ఇద్దరిలో ఒక అమ్మాయికి వినబడదు, మాట్లాడలేదు. అలా ఆ బంగళా లోపలికి వెళ్ళిన ఆ పిల్లలు ఓ ముసుగు వ్యక్తిని చూస్తారు. ఆ ముసుగు వ్యక్తి మరో వ్యక్తిని చంపుతూ ఉంటాడు. ఇంతలో ఈ పిల్లలు చేసిన అలికిడి వల్ల వీళ్ళిద్దరినీ వెంబడిస్తాడు. ఆ సమయంలో ఇద్దరిలో అన్నీ బావున్న అమ్మాయి ఆ ముసుగు వ్యక్తికి చిక్కుతుంది. అతను ఆ అమ్మాయిని చంపేస్తాడు. మూగ, చెవుడు ఉన్న అమ్మాయి మాత్రం తప్పించుకుంటుంది. ఆ పాప పేరే బేబీ. తాను తప్పించుకునే ముందు బేబీ తన సోదరిని ఆ ముసుగు వ్యక్తి చంపడాన్ని చూసి అతని పై పగ పెంచుకుంటుంది. బేబీ పెరిగే కొద్దీ అతని మీద తన పగ కూడా పెంచుకుంటుంది. పుట్టు మూగ, చెవుడు ఉన్న బేబీ పాపా అనే వ్యక్తి దగ్గర శిక్షణ తీసుకుని ఓ హిట్‌ ఉమెన్‌గా తయారవుతుంది. పాపా చెప్పిన వ్యక్తులను ప్రత్యేకంగా తయారు చేసిన గొడుగు తుపాకీ సాయంతో చంపేస్తూ ఉంటుంది. పైకి ఓ సాదా సీదా అమ్మాయిలా కనిపించే బేబీ లోపల కరడుగట్టిన హంతకురాలిలా తయారవుతుంది. మరి... ఈ జర్నీలో బేబీకి ఆ ముసుగు వ్యక్తి దొరుకుతాడా? లేదా అన్నది మాత్రం నెట్‌ ఫ్లిక్స్‌లో స్ట్రీమ్‌ అవుతున్న ‘బేబీ డూ డై డూ’లోనే చూడాలి. ఇదో మంచి థ్రిల్లర్‌. సినిమా ఆఖర్లో వచ్చే ట్విస్టులు ఊహకందనివి. ఓ మంచి టైమ్‌పాస్‌ సినిమా. – హరికృష్ణ ఇంటూరు

బాఘీ, బాఘీ 2, వార్ సినిమాల ఫేమ్ బాలీవుడ్ స్టార్ హీరో టైగర్ ష్రాఫ్‌పై ముగ్గురు దుండగులు కాల్పులు జరిపారు. ముంబైలోని ఆదివారం సాయంత్రం జరిగిన ఈ సంఘటన కలకలం రేపింది. ఈ దాడిలో టైగర్ ష్రాఫ్ కారు డ్రైవర్‌ తీవ్రంగా గాయపడగా పరిస్థితి విషమంగా ఉంది. ఈ సంఘటనలోనే మరో వ్యక్తి గాయపడ్డాడు. ఇప్పుడీ విషయం బాలీవుడ్‌లో షాకింగ్‌గా మారింది.ఈ దాడి చేసింది తామేనని లారెన్స్ బిష్ణోయ్ గ్యాంగ్ ప్రకటించుకున్నట్లు వార్తలొస్తున్నాయి. గతంలో వీళ్లు సల్మాన్ ఖాన్‌పై కూడా కాల్పులు జరిపారు. మరోవైపు జుహు పరిధిలో జరిగిన ఈ కాల్పుల ఘటనలో టైగర్ ష్రాఫ్ క్షేమంగా ఉన్నారని డీసీపీ మోహిత్ గార్గ్ స్పష్టం చేశారు.ఈ దాడికి లారెన్స్ బిష్ణోయ్ గ్యాంగ్ బాధ్యత వహించినట్లు లేదా వారి ప్రమేయం ఉన్నట్లు పోలీసులు ఇప్పటివరకు అధికారికంగా ఎక్కడా ధ్రువీకరించలేదు. బైక్‌పై వచ్చిన గుర్తుతెలియని దుండగులని గుర్తించేందుకు, దాడి వెనుక ఉన్న అసలు కారణాలను తేల్చేందుకు ప్రత్యేక బృందాలు సీసీటీవీ ఫుటేజ్ ఆధారంగా విచారణను కొనసాగిస్తున్నాయి. ఈ ఘటనపై స్పందించిన ముఖ్యమంత్రి ఫడ్నవీస్.. విచారణకు ఆదేశించారు.Multiple shots fired by unknown gunmen at Tiger Shroff and his driver. Tiger is reportedly safe! But what could be the motive? He doesn’t seem to be involved in any major controversy. More details awaited.#TigerShroff https://t.co/qql4qni4TN— Nikhil saini (@iNikhilsaini) October 18, 2026Firing on Actor Tiger Shroff car : A firing incident has been reported under #Juhu Police Station. Actor #TigerShroff is safe and has not sustained any gunshot injuries. Further investigation is underway: Mumbai Police. #Mumbai https://t.co/AmNIKxEpp9— Sonu Kanojia (@NNsonukanojia) October 18, 2026

బాలీవుడ్‌లో ఎక్కువగా యాక్షన్‌ సినిమాలు వస్తుంటాయి. అయితే ఇటీవలి కాలంలో మైథాలజీ, హారర్‌ జానర్‌లో సినిమాలు ఎక్కువగా ప్రేక్షకుల ముందుకు వచ్చాయి. తాజాగా కొందరు బాలీవుడ్‌ స్టార్స్‌ ‘ఇట్స్‌ థ్రిల్లింగ్‌ టైమ్‌’ అంటూ థ్రిల్లర్‌ జానర్‌ వైపు మొగ్గు చూపుతున్నారు. ఈ జానర్‌లో రానున్న కొన్ని సినిమాలపై ఓ లుక్‌ వేద్దాం. విలన్‌ కింగ్‌ యాక్షన్‌ థ్రిల్లర్‌ సినిమాలు చేయడం షారుక్‌ ఖాన్‌కు కొత్త కాదు... ఎప్పటి చిత్రాలో ఎందుకు? ఇటీవలి కాలంలో ఆయన హీరోగా నటించిన ‘పఠాన్‌’ (2023), ‘జవాన్‌’ (2023) చిత్రాలు మంచి యాక్షన్‌ థ్రిల్లర్స్‌గా ప్రేక్షకులను అలరించాయి. ఏ స్థాయిలో అంటే... ఈ రెండు చిత్రాలూ రూ. 1000 కోట్లకు పైగా కలెక్షన్స్‌ సాధించాయి. తాజాగా ‘కింగ్‌’ అనే మరో యాక్షన్‌ థ్రిల్లర్‌ సినిమా చేస్తున్నారు షారుక్‌ ఖాన్‌. ఈ సినిమా ప్రత్యేకత ఏంటంటే... ఇందులో షారుక్‌ ఖాన్‌ క్యారెక్టర్‌లో నెగటివ్‌ షేడ్స్‌ ఉంటాయి. ఓ హంతకుడు పాత్రలో ఆయన కనిపిస్తారట.(చదవండి: ‘రణబాలి’పై సందీప్‌ రెడ్డి వంగా రివ్యూ) ‘పఠాన్‌’ సినిమాతో షారుక్‌ ఖాన్‌కు హిట్‌ ఇచ్చిన సిద్ధార్థ్‌ ఆనంద్‌ ఈ ‘కింగ్‌’ సినిమాకు దర్శకత్వం వహిస్తున్నారు. షారుక్‌ ఖాన్‌ తనయ సుహానా ఖాన్‌ ఈ చిత్రంలో మరో లీడ్‌ రోల్‌ చేయగా, దీపికా పదుకోన్, అభిషేక్‌ బచ్చన్, రాణీ ముఖర్జీ, అనిల్‌ కపూర్‌ ఇతర ప్రధాన ప్రాతల్లో నటిస్తున్నారు. ఈ చిత్రంలో షారుక్‌ ఖాన్‌ – సుహానా ఖాన్‌ గురుశిష్యుల పాత్రల్లో నటిస్తున్నారు. గౌరీ ఖాన్, సిద్ధార్థ్‌ ఆనంద్, మమతా ఆనంద్‌ నిర్మించిన ‘కింగ్‌’ ఈ ఏడాది డిసెంబరు 24న విడుదల కానుంది. ఈ సంగతి ఇలా ఉంచితే... థియేట్రికల్‌గా సుహానా ఖాన్‌కు ఇది తొలి చిత్రం కావడం విశేషం. విదేశాల్లో థ్రిల్‌ అక్షయ్‌ కుమార్‌ సరికొత్త జానర్‌లోకి ఎంట్రీ అయ్యారు. ఏలియన్‌ సర్వైవల్‌ యాక్షన్‌ థ్రిల్లర్‌గా రానున్న ‘సమూక్‌’ సినిమాలో అక్షయ్‌ కుమార్‌ నటిస్తున్నారు. గతంలో యాక్షన్, థ్రిల్లర్‌ జానర్స్‌లో సినిమాలు చేసినప్పటికీ కథలో గ్రహాంతరవాసుల ప్రస్తావన మిళితమైన చిత్రంలో అక్షయ్‌ కుమార్‌ నటించలేదు. ఈ విషయాన్నే ఇటీవల అక్షయ్‌ కుమార్‌ కూడా ప్రస్తావించారు. ‘సమూక్‌’ తనకొక సరికొత్త జానర్‌ అని, యాక్టర్‌గా కొత్తగా నటించబోతున్నానని పేర్కొన్నారు. ఈ సినిమా విశేషం ఏంటంటే... దాదాపు 70 శాతం షూటింగ్‌ లండన్‌లో జరుగుతుంది. మిగిలిన పది శాతం చిత్రీకరణ ముంబైలో ప్లాన్‌ చేశారు. ఆల్రెడీ లండన్‌లో ఈ సినిమా చిత్రీకరణ ప్రారంభమైంది. ఈ చిత్రంలో వివాన్‌ అహుజా పాత్రలో నటిస్తున్నారు అక్షయ్‌ కుమార్‌. మిలి టరీ రియలిజమ్, సర్వైవల్‌ హారర్, ఏలియన్‌ మైథాలజీ అంశాల మేళవింపుతో ఈ సినిమా ఉంటుంది. విపుల్‌ అమృత్‌లాల్‌ షా నిర్మిస్తున్న ‘సమూక్‌’ వచ్చే ఏడాది రిలీజ్‌ కానుంది. ప్రళయ్‌ ‘ధురంధర్, ధురంధర్‌: ది రివెంజ్‌’ వంటి బ్లాక్‌బస్టర్‌ సినిమాల తర్వాత రణ్‌వీర్‌ సింగ్‌ మరో కమర్షియల్‌ మూవీ చేస్తారేమో అనే టాక్‌ బాలీవుడ్‌లో బలంగా వినిపించింది. కానీ రణ్‌వీర్‌ సింగ్‌ డిఫరెంట్‌గా ఆలోచించారు. సర్వైవల్‌ థ్రిల్లర్‌ జానర్‌లో ఓ ప్రయోగాత్మక సినిమా చేస్తున్నారు. ఆల్రెడీ ఈ సినిమా చిత్రీకరణ ప్రారంభమైందని తెలిసింది. ఈ చిత్రానికి జై మెహతా దర్శకత్వం వహిస్తుండగా, కళ్యాణీ ప్రియదర్శన్‌ హీరోయిన్‌గా నటిస్తున్నారు. ఈ సినిమాకు ‘ప్రళయ్‌’ అనే టైటిల్‌ను పరిశీలిస్తున్నారని బాలీవుడ్‌ సమాచారం. అనన్య బిర్లా, హన్సల్‌ మెహతా, సాహిల్‌ సైగల్, రణ్‌వీర్‌ సింగ్‌ ఈ సినిమాను దాదాపు రూ. 300 కోట్ల బడ్జెట్‌తో నిర్మిస్తున్నారని సమాచారం. తొలి షూటింగ్‌ షెడ్యూల్‌ను మేకర్స్‌ ఆస్ట్రేలియాలో ప్లాన్‌ చేశారు. కానీ కొన్ని కారణాల వల్ల షూటింగ్‌ ముంబైలోనే మొదలైంది. ప్రపంచం అంతమయ్యే సమయంలో సర్వైవల్‌ కోసం భార్యభర్తలు చేసే పోరాటం నేపథ్యంలో ఈ సినిమా కథనం సాగుతుందనే ప్రచారం వినిపిస్తోంది. కన్‌ఫ్యూజన్‌ గురు బాలీవుడ్‌లో యాక్షన్‌ హీరోగా పేరున్న జాన్‌ అబ్రహాం సైకలాజికల్‌ థ్రిల్లర్‌ జానర్‌లో ఓ సినిమా చేస్తున్నారు. ఈ చిత్రానికి ‘గురు’ అనే టైటిల్‌ అనుకుంటున్నారు మేకర్స్‌. ఈ చిత్రానికి రిబుదాస్‌ గు΄్తా దర్శకత్వం వహిస్తున్నారు. ఆల్రెడీ లండన్‌లో షూటింగ్‌ ్ర΄ారంభమైందని తెలిసింది. ఈ చిత్రంలో కొంత కన్‌ఫ్యూజన్‌తో కూడిన క్యారెక్టరైజేషన్‌లో నటిస్తున్నారట జాన్‌ అబ్రహాం. అంటే... తన చుట్టూ ఉన్నవారిపై అతనికి నమ్మకం ఉండదు... అలాగే పదే పదే జ్ఞాపకాలను గుర్తు చేసుకుంటూ ప్రస్తుతంలో ఇబ్బంది పడుతుంటాడు. చె΄్పాలంటే... ‘గజిని’ చిత్రంలో సూర్య క్యారెక్టర్‌లా ‘గురు’ సినిమాలో జాన్‌ అబ్రహాం క్యారెక్టర్‌ ఉంటుందట. వచ్చే ఏడాది ఈ సినిమా రిలీజ్‌ కానుంది. మైథాలజీ థ్రిల్లర్‌ దాదాపు ఎనిమిది సంవత్సరాల క్రితం ఎలాంటి అంచానలు లేకుండా ప్రేక్షకుల ముందుకు వచ్చిన హారర్‌ ఫ్యాంటసీ థ్రిల్లర్‌ సినిమా ‘తుంబాడ్‌’ బాక్సాఫీస్‌ వద్ద సూపర్‌ హిట్‌గా నిలిచింది. 2024లో ‘తుంబాడ్‌’ సినిమా రీ రిలీజైతే, ఈ చిత్రానికి దాదాపు రూ. 35 కోట్ల కలెక్షన్స్‌ వచ్చాయి. రిలీజైనప్పటి కంటే రీ రిలీజ్‌లో ఈ ‘తుంబాడ్‌’ చిత్రానికి అత్యధిక కలెక్షన్స్‌ రావడం విశేషం. ఇంత క్రేజ్‌ ఉన్న ‘తుంబాడ్‌’ను మేకర్స్‌ క్యాష్‌ చేసుకోకుండా ఉండరు. అందుకే సీక్వెల్‌గా ‘తుంబాడ్‌ 2’ను ప్రకటించారు. ‘తుంబాడ్‌’లో నటించిన సోహమ్‌ షా సీక్వెల్‌లోనూ లీడ్‌ రోల్‌ చేస్తున్నారు. ఆలియా భట్, నవాజుద్దీన్‌ సిద్ధిఖీ ఇతర ప్రధాన పాత్రల్లో నటిస్తున్నారు. అయితే సీక్వెల్‌కు మాత్రం దర్శకుడు మారారు. తొలి భాగానికి రాహి అనిల్‌ బర్వే దర్శకత్వం వహించగా, మలి భాగాన్ని మాత్రం ఆదేశ్‌ ప్రసాద్‌ తెరకెక్కిస్తున్నారు. ఇప్పటికే ఈ సినిమా చిత్రీకరణ ప్రారంభమైంది. సోహమ్‌ షా, జయంతిలాల్‌ గడా నిర్మిస్తున్న ఈ సినిమా వచ్చే ఏడాది డిసెంబరు 3న విడుదల కానుంది. ఇలా బాలీవుడ్‌లో థ్రిల్లర్‌ జానర్‌లో రూపొందుతున్న సినిమాలు మరికొన్ని ఉన్నాయి.

ఏఐ టెక్నాలజీ అందుబాటులోకి వచ్చాక ఏది నిజమైన ఫొటో.. ఏది నకిలీ వీడియోనో గుర్తించడం కష్టంగా మారుతోంది. ముఖ్యంగా సినీ తారలను టార్గెట్‌ చేస్తూ కొందరు ఏఐతో అసభ్యకరమైన ఫొటోలు, వీడియోలు సృష్టించి సోషల్‌ మీడియాలో వైరల్‌ చేస్తున్నారు. ఇప్పటికే ఇలాంటి ఘటనలపై జాన్వీ కపూర్‌తో పాటు పలువురు నటీమణులు తీవ్ర ఆగ్రహం వ్యక్తం చేశారు. తాజాగా నటి నేహా శర్మ కూడా ఈ వ్యవహారంపై స్పందించింది. (చదవండి: ‘రణబాలి’పై సందీప్‌ రెడ్డి వంగా రివ్యూ)తన ఫొటోలు, వీడియోలను మార్ఫింగ్‌ చేస్తున్నవారికి గట్టి హెచ్చరిక జారీ చేసింది.సోషల్‌ మీడియాలో ఇప్పటికే అలాంటి అసభ్యకర కంటెంట్‌ పోస్ట్‌చేసిన వారు వెంటనే డిలీట్‌ చేయాలని..లేదంటే తివ్ర ఇబ్బందులు ఎదుర్కొంటారని వార్నింగ్‌ ఇచ్చారు. ఈ మేరకు తన ఇన్‌స్టాగ్రామ్‌ ఖాతాలో ఓ పోస్ట్‌ పెట్టారు.‘నా అనుమతి లేకుండా ఏఐ సాయంతో ఫోటోలు, వీడియోలు క్రియేట్‌ చేస్తున్నవారికి సీరియస్‌ వార్నింగ్‌ ఇస్తున్నా. వెంటనే ఆపేయండి. నా ప్రతిష్ఠకు భంగం కలిగించేలా ఉండే ఫోటోలను, వీడియోలను క్రియేట్‌ చేస్తున్నవారితో పాటు షేర్‌ చేసిన వాళ్లను కూడా వదిలిపెట్టను. దీని వెనుక ఉన్న ప్రతి ఒక్కరిపై చట్టపరమైన చర్యలు తీసుకుంటాను. ఫేక్ అకౌంట్ల వెనుక దాక్కున్నా సరే ఎవరూ తప్పించుకోలేరు’ అని నేహాశర్మ రాసుకొచ్చింది.

బాలీవుడ్ నటుడు అజయ్ దేవ్‌గన్‌కు భారీ ఎదురు దెబ్బ తగిలింది. ముంబైలోని జుహులోని తన బంగ్లాలో మున్సిపల్ అనుమతి లేకుండా అనధికారిక నిర్మాణాలు చేపట్టారనే ఆరోపణలతో ముంబై మున్సిపల్ కార్పొరేషన్ (BMC) ఆ భాగాలను కూల్చివేసింది.జుహులోని కపోల్ కో-ఆపరేటివ్ హౌసింగ్ సొసైటీలో ఉన్న 7,802 చదరపు అడుగుల బంగ్లాలో అంతర్గత మార్పులు, విభజన గోడల నిర్మాణం, కిటికీల మార్పులు వంటి పనులను మున్సిపల్ అనుమతులు లేకుండా చేపట్టారంటూ ఇప్పటికే కొన్నినోటీసులు బీఎంసీ తాజా చర్యలు చేపట్టింది. ముంబై మున్సిపల్ కార్పొరేషన్ చట్టంలోని సెక్షన్ 354ఏ కింద సెప్టెంబర్ 10న బీఎంసీ నోటీసు జారీ చేసింది. పనులు తక్షణమే నిలిపివేయాలని, సరైన పత్రాలు సమర్పించాలని ఆదేశించింది. నోటీసులు లెక్కచేయకుండా నిర్మాణాలు కొనసాగించడంతో, బీఎంసీ అధికారులు రంగంలోకి దిగి ఆ అనధికార భాగాలను సుత్తులతో కూల్చివేశారు.కాగా అజయ్ దేవగన్ క్రైమ్ థ్రిల్లర్ ఫ్రాంచైజీ 'దృశ్యం-3' మూవీ ప్రపంచవ్యాప్తంగా బాక్సాఫీస్ వద్ద రూ. 400 కోట్ల క్లబ్‌లో చేరింది. అషేక్ పాఠక్ దర్శకత్వంలో అక్టోబర్ 2న విడుదలైన ఈ సినిమాకు మంచి ప్రేక్షకాదరణ లభించింది.ఇదీ చదవండి: నమ్మించి ఏకంగా రూ. 9.6 కోట్లు కొట్టేసిన నర్స్‌. కట్‌ చేస్తే!

సూపర్ స్టార్ రజనీకాంత్ హీరోగా వచ్చిన లేటేస్ట్ యాక్షన్‌ మూవీ జైలర్-2. గతంలో రిలీజైన జైలర్‌కు సీక్వెల్‌గా ఈ మూవీని ప్రేక్షకుల ముందుకు తీసుకొచ్చారు. నెల్సన్ దిలీప్‌ కుమార్ ఈ మూవీకి దర్శకత్వం వహించారు. దసరా కానుకగా ఈనెల 15న థియేటర్లలోకి వచ్చిన ఈ మూవీ బాక్సాఫీస్ వద్ద సందడి చేస్తోంది.అయితే ఈ చిత్రంలో బాలీవుడ్‌ స్టార్‌ హీరో హృతిక్‌ రోషన్‌ అయిదు నిమిషాల అతిథి పాత్రలో మెరిశారు. ఈ సినిమాలో నటించడానికి ఎంత పారితోషికం తీసుకున్నారనే ఆసక్తి నెలకొంది. రెండు రోజుల షూటింగ్‌ కోసం భారీ పారితోషికం అందుకున్నట్లు తెలుస్తోంది. కేవలం అయిదు నిమిషాల నిడివి కోసం ఆయన ఏకంగా 20 కోట్లకు పైగా రెమ్యునరేషన్‌ తీసుకున్నారట. ఇదే నిజమైతే అతి తక్కువ స్ట్రీన్‌ టైమ్‌కు ఈ స్థాయిలో ఇంత పారితోషికం తీసుకున్న వ్యక్తుల్లో హృతిక్‌ రోషన్‌ నిలివనున్నాడు. అయితే అధికారిక ప్రకటన రావాల్సి ఉంది. సినిమా విషయానికి వస్తే.. కాగా ఈ చిత్రంలో రజనీకాంత్‌ ప్రధాన పాత్రలో నటించగా.. రమ్యకృష్ణ, యోగిబాబు కీలక పాత్రల్లో కనిపించారు. మిథున్‌ చక్రవర్తి, మోహన్‌లాల్‌, శివరాజ్‌కుమార్‌ తదితరులు ఈ చిత్రంలో భాగమయ్యారు. ఈ చిత్రాన్ని సన్‌ పిక్చర్స్‌ నిర్మించింది. అనిరుధ్‌ రవిచందర్‌ సంగీతాన్ని అందించారు. వివిధ సినీ పరిశ్రమలకు చెందిన ప్రముఖ నటులు ఈ సినిమాలో భాగం కావడంతో తమిళంతో పాటు ఇతర భాషల ప్రేక్షకుల్లోనూ ఆసక్తి పెరిగింది. (ఇదీ చదవండి: ‘గరివిడి లక్ష్మి’మూవీ రివ్యూ అండ్‌ రేటింగ్‌ )

ఒకే అబ్బాయిని ఇద్దరు అమ్మాయిలు అమితంగా ప్రేమిస్తే, ఆ అబ్బాయి పరిస్థితి ఏంటి? అనే కథాంశంతో హిందీలో ఓ సినిమా తెరకెక్కుతోంది. ఈ చిత్రంలో సిద్ధార్థ్‌ గుత్తా, జాన్వీ కపూర్, శ్రీలీల లీడ్‌ రోల్స్‌లో నటిస్తున్నారు. ఉమేష్‌ బిస్ట్‌ దర్శకత్వం వహిస్తున్న ఈ ట్రయాంగిల్‌ లవ్‌స్టోరీ చిత్రీకరణ ఉత్తరాఖండ్‌లోని నైనిటాల్‌లో ప్రారంభమైంది. ఏక్తా కపూర్, గునీత్‌ మోంగా నిర్మిస్తున్న ఈ సినిమా వచ్చే ఏడాది విడుదల కానుంది.

బాలీవుడ్ నటుడు మనోజ్‌ బాజ్‌పేయీ నటించిన లేటేస్ట్ సస్పెన్స్ థ్రిల్లర్ గజబ్ రాత్. ఈ మూవీకి నీరజ్‌ పాండే, రితేశ్‌ షా సంయుక్త దర్శకత్వం వహిస్తున్నారు. ఈ సినిమా అక్టోబర్‌ 23న నేరుగా నెట్‌ఫ్లిక్స్‌ వేదికగా స్ట్రీమింగ్‌ కానుంది. ఈ నేపథ్యంలో తాజాగా ట్రైలర్‌ రిలీజ్ చేశారు మేకర్స్. ఈ మూవీలో పోలీస్‌ అధికారిగా మనోజ్‌ భాజ్‌పేయి అభిమానులను మెప్పించనున్నారు.ట్రైలర్ చూస్తుంటే ఈ మూవీ క్రైమ్ అండ్ సస్పెన్స్ థ్రిల్లర్‌గానే తెరకెక్కించినట్లు తెలుస్తోంది. ట్రైలర్‌లో సీన్స్‌ ఈ మూవీపై అంచనాలు పెంచేస్తున్నాయి. కాగా.. మొదట ఈ సినిమాకు ఘూసఖోర్‌ పండత్‌ అనే పేరును ఖరారు చేశారు. ఆ టైటిల్‌తోనే కొన్ని ప్రచార చిత్రాలనూ విడుదల చేశారు. ఆ తర్వాత సినిమా పేరు, మనోజ్‌ పాత్రపై తీవ్ర వివాదానికి దారితీసింది. మూవీ టైటిల్, స్టోరీ లైన్‌ తమ వర్గాన్ని కించపరిచేలా ఉందని దర్శకులపై బ్రాహ్మణసంఘం ఫిర్యాదు చేసింది. ఈ సినిమా విడుదలను నిలిపివేయాలని కోరుతూ ఆ సంఘం కోర్టును ఆశ్రయించింది. దీంతో మేకర్స్ సినిమా పేరును వెంటనే మార్చేశారు. గజబ్‌ రాత్‌గా ఈ మూవీ ఓటీటీలో స్ట్రీమింగ్ కానుంది. ఈ చిత్రంలో నుష్రత్ భరుచ్చా, సాకిబ్ సలీమ్, దివ్యా దత్తా, కికు శారదా, శ్రద్ధా దాస్ కీలక పాత్రల్లో నటించారు.

గతేడాది డిసెంబరు, ఈ ఏడాది మార్చిలో రిలీజైన 'ధురంధర్' సినిమాలు దేశవ్యాప్తంగా ఎలాంటి సంచలనం రేకెత్తించాయో ప్రత్యేకంగా చెప్పనక్కర్లేదు. మరీ ముఖ్యంగా ఈ చిత్ర ప్రభావం వల్ల పాక్ పోలీసులు.. తమ దేశంలో నిజంగా గూఢచారులు ఉన్నారేమోనని తెగ వెతికేశారు. అయితే సీరియస్‌గా ఉన్న ఈ మూవీని ఒకవేళ కామెడీగా తీస్తే ఎలా ఉంటుందనేది కూడా ఓ సినిమా తీశారు. అదే 'ఉడ్తా తీర్'.(ఇదీ చదవండి: రజనీ 'జైలర్ 2'కే కండీషన్ పెట్టిన సీనియర్ నటుడు మిథున్ చక్రవర్తి)ఆయుష్మాన్ ఖురానా, సారా అలీఖాన్ హీరోహీరోయిన్లుగా నటించిన ఈ చిత్రం.. ఈ నెల 23న థియేటర్లలో రిలీజ్ కానుంది. ఈ క్రమంలోనే తాజాగా ట్రైలర్స్ విడుదల చేశారు. వీటి బట్టి చూస్తే పాకిస్తాన్‌కి చెందిన ఓ గూఢచారి.. మిషన్‌లో భాగంగా భారతదేశానికి వస్తాడు. ఓ ప్రమాదంలో గతం మర్చిపోయి మన దేశానికి వీరభక్తుడు అయిపోతాడు. తర్వాత ఏం జరిగింది? అనేదే స్టోరీ.ట్రైలర్ అయితే చూసేందుకు చాలా బాగుంది. కామెడీ కూడా వర్కౌట్ అయింది. 'ధురంధర్' తరహా కథని కామెడీగా తీస్తే ఎలా ఉంటుందో ఈ మూవీలో చూపించబోతున్నారు. మరి ఇది బాక్సాఫీస్ దగ్గర ఏ మేరకు వర్కౌట్ అవుతుందనేది చూడాలి?(ఇదీ చదవండి: నేరుగా ఓటీటీలోకి క్రేజీ సినిమా.. మహిళలు తప్పక చూడాలి)

బాలీవుడ్‌ స్టార్‌ హీరో సల్మాన్‌ ఖాన్‌.. ప్రముఖ దర్శక నిర్మాత కరణ్‌ జోహార్‌ హోస్ట్‌గా వ్యవహరిస్తున్న ‘కాఫీ విత్‌ కరణ్‌’ షోలో సందడి చేయనున్నారు. ఈ షో తొమ్మిదో సీజన్‌ అక్టోబర్‌ 14 నుంచి జియో హాట్‌స్టార్‌ వేదికగా స్ట్రీమింగ్‌ కానుంది. ఇదే చివరి సీజన్‌ కావడంతో తొలి ఎపిసోడ్‌పై ఆసక్తి నెలకొంది. తాజాగా విడుదలైన టీజర్‌ సోషల్‌ మీడియాలో వైరల్‌గా మారింది.సల్మాన్‌ను ఆటపట్టించిన కరణ్‌‘కాఫీ విత్‌ కరణ్‌’ షోలో సెలబ్రిటీలను తనదైన శైలిలో ప్రశ్నలతో ఇరుకున పెట్టడం కరణ్‌ జోహార్‌కు అలవాటు. ఈసారి కూడా సల్మాన్‌ ఖాన్‌ను పాత ప్రశ్నతో ఆటపట్టించారు. గతంలో అడిగిన ప్రశ్ననే మళ్లీ ప్రస్తావిస్తూ.. ‘మీరు ఇప్పటికీ వర్జినేనా?’ అని అడిగారు. దీనికి సల్మాన్‌ ‘కంట్రోల్‌.. బ్రదర్‌.. కంట్రోల్‌’ అంటూ బదులివ్వడం టీజర్‌లో నవ్వులు పూయిస్తోంది.సల్మాన్‌ కామెంట్స్‌ఈ షో చివరి సీజన్‌ కావడంపై సల్మాన్‌ సరదాగా స్పందించారు. సెలబ్రిటీలను షోకు రప్పించేందుకు కరణ్‌ ఇదో కొత్త ప్లాన్‌ వేసినట్లుందని చమత్కరించారు. అయితే, ‘కాఫీ విత్‌ కరణ్‌’ ముగిసిపోవడం తనకు ఇష్టం లేదని కూడా చెప్పుకొచ్చారు. దీంతో ఈ ఎపిసోడ్‌లో మరిన్ని ఆసక్తికరమైన సంభాషణలు ఉండనున్నాయని అభిమానులు భావిస్తున్నారు.(ఇదీ చదవండి: సినిమా ఆఫర్‌కోసం ఆ డైరెక్టర్‌ నన్ను పడుకోమన్నాడు: స్టార్‌ నటి) View this post on Instagram A post shared by Karan Johar (@karanjohar)

సూపర్‌స్టార్ రజనీకాంత్ పక్కన నటించే ఛాన్స్ వస్తే చిన్న నటుడు నుంచి పెద్ద నటీనటుల వరకు ఎవరైనా సరే అంగీకరిస్తారు. ఎందుకంటే ఆయనకున్న క్రేజ్ అలాంటిది. కానీ సీనియర్ నటుడు మిథున్ చక్రవర్తి.. ఓ కండీషన్ పెట్టాడు. దానికి ఒప్పుకొంటేనే నటిస్తానని అన్నాడు. స్వయంగా రజనీ ఈ విషయం బయటపెట్టడంతో ఇదికాస్త అందరికీ తెలిసింది.(ఇదీ చదవండి: ఈ వారం ఓటీటీల్లోకి 26 సినిమాలు.. ఆ ఐదు మిస్ అవ్వొద్దు)హిందీలో హీరోగా, సహాయ నటుడిగా ఎన్నో సినిమాలు చేసి గుర్తింపు తెచ్చుకున్న మిథున్ చక్రవర్తి ప్రస్తుతం ఆచితూచి మూవీస్ చేస్తున్నారు. అలా ప్రస్తుతం ప్రభాస్ 'ఫౌజీ'తో పాటు రజనీకాంత్ 'జైలర్ 2'లో చేశారు. అయితే రజనీతో నటించే అవకాశం అనగానే వెంటనే ఓకే చెప్పలేదు.తను చేసిన పాత్రని రజనీకాంత్ చేసిన పాత్ర కొట్టడం గానీ షూట్ చేయడం కానీ చేయకూడదు. అలా అయితేనే నటిస్తానని మిథున్ చక్రవర్తి కండీషన్ పెట్టాడు. దీంతో తొలుత ఈ టాపిక్ గురించి రజనీ-మిథున్ మాట్లాడుకున్నారు. అనంతరం రజనీ.. దర్శకుడు నెల్సన్‌కి ఈ కండీషన్ గురించి చెప్పి ఒప్పించాడు. రీసెంట్‌గా 'జైలర్ 2' ప్రమోషన్ల సందర్భంగా రజనీ ఇదంతా చెప్పుకొచ్చారు.2023లో వచ్చిన తొలి భాగానికి కొనసాగింపుగా వచ్చిన 'జైలర్ 2'లో మోహన్ లాల్, శివరాజ్ కుమార్ తదితరులతో పాటు సూరజ్ వెంజరమూడు, విద్యాబాలన్, మిథున్ చక్రవర్తి లాంటి స్టార్స్ ఆయా పాత్రలు చేశారు. బాలీవుడ్ హీరో హృతిక్ రోషన్ కూడా అతిథి పాత్రలో కనిపించనున్నాడని అంటున్నారు. దీనిపై క్లారిటీ రావాల్సి ఉంది.(ఇదీ చదవండి: దసరా మూవీస్ 'జైలర్ 2', 'రణబాలి'.. హైప్ ఎలా ఉంది?)

నటి ఆకృతి అగర్వాల్‌.. క్రికెటర్‌ పృథ్వీషాతో ఎంగేజ్‌మెంట్‌ బ్రేకప్ చేసుకున్నారు. ఈ నిర్ణయాన్ని ప్రకటించి అందరికీ షాకిచ్చారు. తాజాగా నటి ఆకృతి తన ఫ్యాన్స్‌కు మరో బిగ్‌ ట్విస్ట్ ఇచ్చింది. తామిద్దరం మళ్లీ కలవబోతున్నామంటూ సోషల్ మీడియా వేదికాగా ప్రకటించింది. ఈ విషయాన్ని ఆకృతి ఇన్‌స్టాగ్రామ్‌ వేదికగా పోస్ట్ చేసింది. దీంతో ఈ జంట త్వరలోనే పెళ్లి పీటలు ఎక్కనుంది. సెప్టెంబర్ 17న బ్రేకప్ ప్రకటించి షాకిచ్చిన ఆకృతి.. నెల రోజుల్లోపే తన నిర్ణయం మార్చుకుంది. తన నిర్ణయంతో అతడికి కలిగిన బాధకు బాధ్యత వహిస్తున్నట్లు ఆమె రాసుకొచ్చింది.ఆకృతి తన ఇన్‌స్టాలో మాట్లాడుతూ..'ఇటీవల ఇద్దరం మాట్లాడుకున్నాం. పరస్పరం అర్థం చేసుకున్న తర్వాత మళ్లీ కలవాలని నిర్ణయించుకున్నాం. మా పర్సనల్‌ లైఫ్‌ను రెస్పెక్ట్ చేయండి. మా నిర్ణయంపై రూమర్స్ ప్రచారం చేయొద్దని' అభిమానులను కోరింది. పృథ్వీ షా సైతం ఆమె పోస్టును రీ షేర్‌ చేశాడు. కాగా.. టాలీవుడ్ నటి ఆకృతి అగర్వాల్‌తో మార్చి 8న పృథ్వీ షా ఎంగేజ్‌మెంట్ చేసుకున్న సంగతి తెలిసిందే. View this post on Instagram A post shared by AKRITI AGARWAL (@akritiagarwal7)

‘గాతా రహే మేరా దిల్‌’‘మేరే దిల్‌ మే ఆజ్‌ క్యా హై’‘ఓ మేరే దిల్‌... కే చౌన్‌’వంటి మధుర గీతాలెన్నో పాడిన కిషోర్‌ కుమార్‌ దివంగతులై దశాబ్దాలు గడచినా ఆయన స్వరం మాత్రం ప్రతి రోజు వినబడుతూ రసానుభూతి అందిస్తుంది. ఆయన ప్రేమ మొదలు వేదాంతం వరకు ఎన్నో వైవిధ్యభరితమైన పాటలు పాడినప్పటికీ దిల్‌ (మనసు) మీద పాడిన పాటలు మనసు లేని వారి మనసుల్ని కూడా కదిలిస్తాయన్నది అక్షర సత్యం.హిందీ సినీ సాహిత్యంలో దిల్‌ అంటే కేవలం హృదయమనే కాదు, అది ప్రేమ, విరహం,ఆశ, నిరాశ, వేదాంతం వంటి అనేక భావాలకు కేంద్రం!→ ‘ముఖద్దర్‌’ (1950) లో ‘బల్మా హై దియా తుఝ్‌ కో’ అనే పాట ద్వారా కిషోర్‌ దా దిల్‌ పాటల శకం మొదలైందని చెప్పవచ్చు. తరువాత ‘దిల్‌ దిల్‌ పె మిలాకార్‌ దేఖో’, (‘మేమ్‌ సాబ్‌’ 1956) అనే పాటను పాడి యవతను ఆకట్టుకొన్నారు. ‘గాతా రహే మేరా దిల్‌‘ (‘గైడ్‌’ 1965) కిషోర్‌ దాకు సింగర్‌గా హీరో వర్షిప్‌ తెచ్చింది. ఇందులో ‘జల్నే వాలే చాహే జల్‌–జల్‌ మరేంగే’ అన్నపుడు ధిక్కార స్వరం ‘ఓ మేరే హమ్రాహీ’ అని పాడినపుడు ప్రేమికుడి ఆర్ద్రతను వ్యక్తం చేశారు.→ ‘యే దిల్‌ నా హోతా బేచారా’ (‘జువెల్‌ థీఫ్‌’ 1967) పాటను దేవ్‌ ఆనంద్‌ నటనకు తగ్గట్లు పాడినట్లే, కిషోర్‌ దా తెరపై హీరోగా ‘బడా బద్మాష్‌ హై యే దిల్‌’ (‘దో దూని చార్‌’ 1968) అని హషారుగా పాడారు.→ 1970 దశకంలో దిల్‌ గీతాలకు కిషోర్‌ దా కేరాఫ్‌ చిరునామా అయ్యారు... ఆయన పాడిన ‘ఓ మేరే దిల్‌ కే చైన్‌’ (‘మేరే జీవన్‌ సాథీ’ 1972) పాట ప్రేమికుడి హృదయ వేదనకు అద్దం పడుతుంది. → కిషోర్‌ దా దిల్‌ గీతాలలో ప్రేమే కాదు తాత్వికత కూడా ఉంటుంది. ‘సచ్చా ఝూటా’ (1970)లో రాజేశ్‌ ఖన్నాకు పాడిన ‘దిల్‌ కో దేఖో చెహరా న దేఖో’ అందుకు ఓ ఉదాహరణ. ‘బ్లాక్‌మెయిల్‌’ (1973) లోని ‘పల్‌ పల్‌ దిల్‌ కే పాస్‌’ ఒక ఆపాత మధురం... యాక్షన్‌ హీరోగా పేరున్న ధర్మేంద్రకు ఈ పాటను లలితంగా పాడటం విశేషం. ‘మేరే దిల్‌ మే ఆజ్‌ క్యా హై (‘దాగ్‌’ 1973) పాటలో ‘ముఝే దేవతా బనాకర్, తేరీ చాహతో నే పూజా..’ అని ప్రేమను దేవతతో ΄ోల్చి, ఎవర్‌ గ్రీన్‌ మెలోడీగా మార్చారు.→ ‘జూలీ’ (1975)లో ‘దిల్‌ క్యా కరే జబ్‌ కిసీకో’ పాటను ప్రేమికుల మధ్య సహజంగా సాగే గుస గుసలాడే రీతిలో పాడారు. మనసుకు గాయం అయినపుడు ప్రేమికుని వేదనను ‘దిల్‌ ఐసా కిసీ నే మేరా తోడా’ (‘అమానుష్‌’ 1975) అనే పాటలో పాడారు. ఈ చిత్రం రీమేక్‌ ‘ఎదురీత’లో ‘ఎదురీతకు అంతం లేదా’ అని ఎస్పీ బాలూతో పాడించారు.→ ‘దూర్‌ కా రాహి’ (1971) చిత్రంలో కిషోర్‌ దా, సులక్షణ పండిట్‌లు ‘బే ఖరార్‌ దిల్‌ తూ గాయేగా’ అని మనసును ఉద్దేశించి పాడిన పాట మన హృదయాలను కదిలిస్తుంది. ఈ చిత్రానికి కిషోర్‌ దా రచన, సంగీతం దర్శకత్వంతో పాటు హీరోగా నటించడం ఆయన బహు ముఖీన ప్రతిభకు నిదర్శనం!!ఇవన్నీ కేవలం ఉదాహరణలు మాత్రమే... నిజానికి కిషోర్‌ దా దిల్‌ గీతాలు ఒక పరిశోధనాంశం... రఫీ సాబ్‌ కూడా దిల్‌ పాటలను అద్భుతంగా పాడారు. కానీ కిషోర్‌ దా హీరోలను బట్టి గాత్రాన్ని మలచారు. రాజేశ్‌ ఖన్నాకు సున్నితంగా, దేవ్‌ ఆనంద్‌కు లలిత గంభీరంగా ధర్మేంద్ర, అమితాబ్‌లకు బేస్‌ వాయిస్‌తో పాడటం వలన తెరపై నిజంగా ఆయా హీరోలే పాడుతున్నారనే భావన ప్రేక్షకులకు కలిగేది. రఫి దిల్‌ పాటల్లో క్లాసిజం ఎక్కువ... కిషోర్‌ దా పాటల్లో మాగ్నెటిజం ఎక్కువ. అందుకే ఎన్ని తరాలు మారినా ఆయన స్వరం ఎల్లప్పుడూ ‘పల్‌ పల్‌ దిల్‌ కే పాస్‌ తుమ్‌ రహతీ హో’ అన్నట్లుగా అందరి హృదయాలకు దగ్గరగానే ఉంటుంది.– డా. వి.వి. రామారావు రచయిత, గాయకుడు, వ్యాఖ్యాత

బాలీవుడ్ బిగ్‌బీ అమితాబ్ బచ్చన్ తన బర్త్ డే సందర్భంగా అభిమానులకు అభివాదం చేశారు. తన ఇంటి బయట నిలబడి ఫ్యాన్స్‌కు నమస్కరించాడు. ఆదివారం తన పుట్టినరోజు కావడంతో ఎప్పటిలాగే ఫ్యాన్స్‌కు పలకరించేందుకు వచ్చారు. అయితే అదే సమయంలో ఓ మహిళ అభిమాని అమితాబ్‌తో కరచాలనం చేసేందుకు యత్నించింది. కానీ అమితాబ్‌ ఆమెను పట్టించుకోలేదు. దీనికి సంబంధించిన వీడియో సామాజిక మాధ్యమాల్లో వైరల్‌గా మారింది.ఇది చూసిన నెటిజన్స్ సోషల్ మీడియాలో భిన్నంగా కామెంట్స్ చేస్తున్నారు. కొందరేమో ఆ అభిమాని అభ్యర్థనను మన్నించి కరచాలనం చేయాల్సిందని అభిప్రాయం వ్యక్తం చేస్తున్నారు. మరికొందరు ఆయన వ్యక్తిగత గోప్యతను గౌరవించాలని సూచిస్తున్నారు. ఆ అభిమాని ఎన్నో ఆశలతో అమితాబ్‌కు షేక్ హ్యాండ్ ఇచ్చేందుకు వస్తే నిరాశపరిచిడాని ఓ నెటిజన్స్ రాసుకొచ్చారు. ఆమెతో చేయి కలిపితే ఏం జరుగుతుంది? మరో నెటిజన్స్ ప్రశ్నించాడు. ఒకరు ఆయన అలా చేయాల్సిన అవసరం లేదనగా..ఈ మనుషులకు ఏమైంది? ఆయన కూడా ఒక మనిషే కదా అని మరో నెటిజన్‌ అన్నారు.ఇక సినిమాల విషయానికొస్తే అమితాబ్ ప్రస్తుతం నాగ్ అశ్విన్ దర్శకత్వంలో తెరకెక్కుతున్న 'కల్కి 2898 ఏడీ' సీక్వెల్‌లో అశ్వత్థామ పాత్రలో కనిపించనున్నారు. ఈ చిత్రంలో ప్రభాస్, కమల్ హాసన్ నటిస్తున్నారు. ఇటీవలే అమితాబ్‌ కల్కి-2 షూటింగ్‌లో పాల్గొన్నారు. View this post on Instagram A post shared by Abhishek Manjrekar 🧿 (@bollywood_videographer)

అజయ్ దేవగణ్ హీరోగా వచ్చిన లేటేస్ట్ మూవీ దృశ్యం-3. గతంలో రెండు పార్టులు సూపర్ హిట్ కావడంతో దృశ్యం 3: ది కంక్లూజన్ పేరుతో రిలీజ్ చేశారు. ప్రస్తుతం ఈ సినిమా బాక్సాఫీస్ వద్ద సందడి చేస్తోంది. ఈ మూవీ కలెక్షన్స్ పరంగా ఓ రేంజ్‌లో దూసుకెళ్తోంది. ఈ సినిమా విడుదలైన 10 రోజుల్లోనే ప్రపంచవ్యాప్తంగా రూ. 480 కోట్ల మార్కును దాటేసింది.తాజాగా ఈ సినిమా మరో ఘనత సాధించింది. ఈ ఏడాది బాలీవుడ్‌లో అత్యధిక వసూళ్లు సాధించిన రెండో సినిమాగా ఘనత సొంతం చేసుకుంది. ఈ జాబితాలో మొదటిస్థానంలో దురంధర్-2 కొనసాగుతోంది. ఇదే క్రమంలో హనుమాన్ అన్ష్(రూ.431 కోట్లు), బోర్డర్ -2 (రూ.464 కోట్లు) చిత్రాలను అధిగమించింది. ఈ సినిమాకు ప్రపంచవ్యాప్తంగా రూ.480.40 కోట్లకు పైగా గ్రాస్ వసూళ్లు రాగా.. దేశవ్యాప్తంగా రూ.371.40 కోట్లకు పైగా గ్రాస్ కలెక్షన్స్ రాబట్టింది. ఈ సినిమాకు అభిషేక్ పాఠక్ దర్శకత్వం వహించారు. కాగా.. ఈ చిత్రంలో జైదీప్ అహ్లావత్, శ్రియా సరన్, ఇషితా దత్తా, టబు, రజత్ కపూర్, ప్రకాష్ రాజ్, మృణాల్ జాదవ్ కీలక పాత్రల్లో నటించారు. ఈ మూవీ అక్టోబర్ 2న థియేటర్లలో విడుదలైంది.

బాలీవుడ్ భామ విద్యాబాలన్ నటించిన సూపర్ హిట్ అండ్ బోల్డ్ మూవీ ది డర్టీ పిక్చర్. ఈ మూవీ ఆమె కెరీర్‌లో ఎప్పటికీ గుర్తుండిపోతుంది. 2011లో విడుదలైన ఈ చిత్రం బాక్సాఫీస్ వద్ద బ్లాక్‌బస్టర్‌గా నిలిచింది. ఈ చిత్రాని టాలీవుడ్ నటి సిల్క్ స్మిత జీవితం ఆధారంగా తెరకెక్కించారు. తాజాగా ఈ మూవీకి సీక్వెల్‌ రానుందని నిర్మాత ఏక్తా కపూర్ ప్రకటించారు. దాదాపు 15 ఏళ్ల తర్వాత ఈ మూవీ సీక్వెల్‌ను అనౌన్స్ చేయడంతో అభిమానుల్లో ఆసక్తి నెలకొంది. గతంలో రిలీజైన ది డర్టీ పిక్చర్ సినిమాలో సిల్క్ స్మిత జీవితంతో ప్రేరణ పొందిన కథ ప్రేక్షకులను ఆకట్టుకుంది. అయితే ఈసారి లీడ్‌ రోల్ ఎవరు చేస్తారనే విషయాన్ని వెల్లడించలేదు. విద్యాబాలన్ ఈ పాత్రను మరోసారి చేస్తుందా? లేదంటే కొత్త వారిని తీసుకుంటారా? అనే విషయం తెలియాల్సి ఉంది. ఈ మూవీ కూడా ఒక వ్యక్తి జీవితం చుట్టూనే తిరుగుతుందని ఏక్తా కపూర్ తెలిపింది. కానీ అయితే ఆ వ్యక్తి ఎవరో మాత్రం ఆమె వెల్లడించలేదు.ఏక్తా కపూర్ మాట్లాడుతూ..'నేను చేస్తున్న చాలా పెద్ద సినిమాలలో 'ది డర్టీ పిక్చర్ 2'ఒకటి. దాదాపు 15 సంవత్సరాల తర్వాత ప్లాన్ చేస్తున్నా. 'ది డర్టీ పిక్చర్' సిల్క్ స్మిత జీవితంపై తీశాం. నేను ఆమెను ఎప్పుడూ బాధితురాలిగా చూడలేదు. నేను ఆమెను తన లైంగికతను ఆస్వాదించే వ్యక్తిగా చూశా. అందుకే ఆ సినిమా చాలా బాగా ఆడింది." అని అన్నారు. కాగా.. ది డర్టీ పిక్చర్' చిత్రంలో విద్యా బాలన్, నసీరుద్దీన్ షా, ఇమ్రాన్ హష్మీ, తుషార్ కపూర్ కీలక పాత్రల్లో నటించారు. ఈ చిత్రంలో తన నటనకు గాను విద్యా బాలన్ ఉత్తమ నటిగా జాతీయ చలనచిత్ర పురస్కారాన్ని గెలుచుకున్నారు.కాగా.. టాలీవుడ్ నటి, ఐటమ్ సాంగ్స్ ఫేమ్ సిల్క్ స్మిత తన 18 ఏళ్ల కెరీర్‌లో 450కి పైగా చిత్రాలలో నటించారు. ఆమె 35 ఏళ్ల వయసులో చెన్నైలోని తన ఇంట్లో ఆత్మహత్య చేసుకుని మరణించారు.

బాలీవుడ్‌ సూపర్‌స్టార్ హీరో రణ్‌వీర్ సింగ్ (Ranveer Singh) కలల కార్ల జాబితాలోకి మరో సరికొత్త లగ్జరీ కారు వచ్చి చేరింది. ఇటీవల రెండో బిడ్డకు స్వాగతించిన రణ్‌వీర్‌ , దీపికా పడుకోన్‌ దంపతులు ప్రముఖ జర్మన్ ఆటోమొబైల్ దిగ్గజం BMW విడుదల చేసిన సరికొత్త BMW i7 ఎలక్ట్రిక్ సెడాన్‌ను ఆయన కొనుగోలు చేశారు.సరికొత్త BMW i7 కారును డెలివరీ తీసుకుంటున్న వీడియోలు సోషల్ మీడియాలో వెలుగులోకి వచ్చాయి. రూ. 1.95 కోట్లకు పైగా (ఎక్స్-షోరూమ్) విలువైన ఈ ఎలక్ట్రిక్ కారును కొనుగోలు చేసినట్లు తెలుస్తోంది. ఇటీవలే బీఎండబ్ల్యూ ఇండియా సంస్థ తమ కొత్త 7-సిరీస్ , ఎలక్ట్రిక్ కార్ల లాంచ్ కోసం రణ్‌వీర్ సింగ్‌ను బ్రాండ్ అంబాసిడర్‌గా ప్రకటించింది. View this post on Instagram A post shared by Pankaj Jadhav (@vee16.in) రణ్‌వీర్ సింగ్ షోరూమ్‌కు వెళ్లి తన సరికొత్త BMW i7 కారును డెలివరీ తీసుకుంటున్న వీడియోలు ప్రస్తుతం సోషల్ మీడియాలో వైరల్ అవుతున్నాయి. ఇది పవర్‌ఫుల్‌ ఫీచర్లు, అద్భుతమైన డ్రైవింగ్ రేంజ్ , అత్యాధునిక టెక్నాలజీతో లాంచ్‌ అయింది కాగా ఇప్పటికే రణ్‌వీర్ సింగ్ గ్యారేజ్‌లో ఇప్పటికే పలు హై-ఎండ్ లగ్జరీ కార్లు ఉన్నాయి. ముఖ్యంగా GMC హమ్మర్ EV (Hummer EV) ,లంబోర్గిని ఉరస్ (Lamborghini Urus)మెర్సిడెస్-మేబ్యాచ్ GLS 600,రేంజ్ రోవర్ (Range Rover) ,ఆస్టన్ మార్టిన్ రాపిడ్ ఎస్ లాంటివి రణ్‌వీర్‌ సొంతం.

బాలీవుడ్ నటి తనుశ్రీ దత్తా షాకింగ్ కామెంట్స్ చేసింది. ఇటీవల కన్నూమూసిన దిగ్గజ నటుడు నానా పటేకర్‌ను ఉద్దేశించిన సంచలన వ్యాఖ్యలు చేసింది. తన జీవితాన్ని నరకప్రాయంగా మార్చాడని ఆవేదన వ్యక్తం చేసింది. నా లైఫ్‌లో నానా పటేకర్ ఓ పెద్ద భూతమని ఆరోపించింది. ఇప్పుడు ఆ భూతం చనిపోయిందని.. ఆయన చనిపోయాక ఆన్‌లైన్‌లో తనపై నెగెటివిటీ పెరిగిందని తనుశ్రీ దత్తా వెల్లడించారు. నానా లైంగికంగా వేధించిన విషయాన్ని బయటపెట్టినప్పటి నుంచే లైఫ్‌ నరకప్రాయంగా మారిపోయిందన్నారు. నానా పటేకర్‌ మరణించాక తనపై వచ్చిన విద్వేషపూరిత వ్యాఖ్యలపై ఈ విధంగా స్పందించారు. కాగా.. 2018లో మీ టూ ఉద్యమంలో భాగంగా నానా పటేకర్‌పై తనుశ్రీ లైంగిక వేధింపుల కేసు పెట్టిన సంగతి తెలిసిందే. అయితే తగిన సాక్ష్యాలు లేవన్న కారణాలతో ఆ కేసులో నానాకు క్లీన్‌చిట్‌ లభించింది.తనుశ్రీ మాట్లాడుతూ..'కొందరు మనుషులు ఇంత మూర్ఖంగా ఉంటారనుకోలేదు. ఓ వ్యక్తితో ప్రపంచానికి ఉన్న అనుభవాలు భిన్నంగా ఉండొచ్చు.. కానీ ఆ వ్యక్తి వల్ల నాకెదురైన చేదు అనుభవాలు ఇవీ. అతడు నన్ను ఒంటరిగా వేధించలేదు, కొందరితోగ్రూపు ఏర్పాటు చేసి మరి హింసించాడు. ఓ వ్యక్తి మరణించినంత మాత్రాన అతడు జీవితంలో చేసిన నేరాలు, వేధింపులన్నీ మాఫీ అవుతాయా? దేవుడు కూడా క్షమించమని అడగనివారిని ఉపేక్షించడు. ముందు చేసిన నేరం అంగీకరించి క్షమాపణ కోరాలి. ఒకరి లైఫ్‌ను సర్వనాశనం చేశామని ఒప్పుకోవాలి. కానీ అలా జరగలేదు. అందుకే ఆయన చనిపోతే ఈవిల్ డెడ్ అని అభివర్ణించా.'అని చెప్పుకొచ్చింది. ప్రస్తుతం ఆమె చేసిన కామెంట్స్ బాలీవుడ్‌లో చర్చనీయాశంగా మారాయి.

స్టార్ హీరోయిన్ కత్రినా కైఫ్.. హీరో విక్కీ కౌశల్‌ని పెళ్లి చేసుకున్న తర్వాత సినిమాలు దాదాపుగా పక్కనబెట్టేసింది. గతేడాది నవంబరులో ఓ మగబిడ్డని కన్న తర్వాత బయట కనిపించలేదు. అయితే గత నెలలో అంబానీ ఇంట జరిగిన వినాయక చవితి వేడుకల్లో పాల్గొనగా.. ఈమె శరీరాకృతిపై దారుణమైన విమర్శలు, ట్రోల్స్ వచ్చాయి. ఇదంతా జరిగి చాలా రోజులైపోయింది. తాజాగా లండన్‌లో ఓ ఫ్యాషన్ ఈవెంట్‌లో పాల్గొన్న ఈమె.. తనపై జరిగిన బాడీ షేమింగ్ గురించి స్పందించింది.'ఇతరుల కామెంట్స్‌కు అతిగా ప్రాధాన్యమిస్తే మన నిర్ణయాలు, జీవితంపై ప్రతికూల ప్రభావం పడుతుంది. సోషల్ మీడియాలో ప్రతి ఒక్కరి అభిప్రాయానికి స్పందిస్తూ పోతే మన లక్ష్యాలపై దృష్టి తగ్గుతుంది. ఇతరుల మాటల ప్రభావానికి లోనవకుండా, మన ఆలోచనలకు అనుగుణంగా ముందుకు సాగాలి. కొన్ని సమయాల్లో అందరూ మిమ్మల్ని అభినందిస్తారు. మరికొన్ని సమయాల్లో మీకు మీరే అతిపెద్ద ప్రోత్సాహకులుగా ఉండాలి' అని కత్రినా కైఫ్ తన అభిప్రాయాన్ని చెప్పుకొచ్చింది.తన బ్యూటీ బ్రాండ్‌ ట్యాగ్‌లైన్‌ వెనకున్న ఆలోచనని వివరించిన కత్రినా.. మనల్ని మనం అంగీకరించుకోవాలి. ప్రస్తుతం ఎలా ఉన్నామో అలా మనల్ని మనం ప్రేమించుకోవాలి. జీవితంలోని పలు దశల్లో మనలో మార్పులొస్తుంటాయి. కొన్నిసార్లు అన్ని విషయాల్లోనూ విజయం సాధిస్తున్నట్లు.. మరికొన్ని సందర్భాల్లో ఏదీ సరిగ్గా చేయలేకపోతున్నామనే అనిపిస్తుంది. మరికొన్నిసార్లు మన రూపం, మనసు రెండూ చాలా బాగున్నట్లు అనిపిస్తాయి. ఇంకొన్ని సందర్భాల్లో ఆ స్థాయికి చేరుకునేందుకు ప్రయత్నిస్తుంటాం. జీవితాన్ని తేలికగా తీసుకోవాలి. ప్రతి విషయాన్నీ మరీ సీరియస్‌గా తీసుకోకూడదు' అని పేర్కొంది.Oh my baby she indirectly replied to the troll she faced 😢 but with grace and confidence #Katrinakaif 🫶🌟 https://t.co/pJik0umhJ3— Miri Miri (@KatrinauniqueD) October 8, 2026

విద్యాబాలన్‌ ప్రధాన పాత్రధారిగా ఆర్‌. బాల్కీ దర్శకత్వంలో ఓ తమిళ సినిమా తెరకెక్కుతోంది. ఈ సినిమా చిత్రీకరణ ఇటీవలే ప్రారంభమైంది. అయితే ఈ సినిమా ఓ ప్రముఖ గాయని బయోపిక్‌ అని కొంతకాలంగా ప్రచారం సాగుతోంది. తాజాగా ఈ అంశంపై దర్శకుడు ఆర్‌. బాల్కీ స్పందించారు. ‘‘ప్రచారంలో ఉన్నట్లు ఇది బయోపిక్‌ సినిమా కాదు. నిజానికి మేం ఒక ఫన్‌ స్టోరీపై వర్క్‌ చేస్తున్నాం’’ అని పేర్కొన్నారు.ఇదిలా ఉంటే... అమితాబ్‌ బచ్చన్, అభిషేక్‌ బచ్చన్, విద్యాబాలన్‌ లీడ్‌ రోల్స్‌లో నటించి, 2009లో విడుదలైన ‘పా’ సినిమాకు దర్శకత్వం వహించారు ఆర్‌. బాల్కీ. మళ్లీ ఇప్పుడు అంటే... దాదాపు 17 సంవత్సరాల తర్వాత విద్యా బాలన్, బాల్కీ కాంబినేషన్‌లో సినిమా రూపొందుతుండటం విశేషం.

భారతీయ సినీ పరిశ్రమలో అద్భుతమైన, సహజమైన నటనతో ప్రేక్షకుల్లో తనకంటూ ప్రత్యేక గుర్తింపు తెచ్చుకున్న ప్రముఖ నటుడు నానా పాటేకర్‌ (75) ఇకలేరు. గోవాలోని డోనా పౌలాలో ఉన్న తన నివాసంలో అపస్మారక స్థితిలో కనిపించిన ఆయన్ని వెంటనే మణిపాల్‌ ఆసుపత్రికి తీసుకెళ్లారు. ఆయన్ని కాపాడేందుకు వైద్యులు సీపీఆర్‌ చేసినప్పటికీ ఆ ప్రయత్నాలు ఫలించలేదు. నానా పాటేకర్‌కి దాదాపు 45 నిమిషాలు సీపీఆర్‌ చేసినప్పటికీ ఆయన నుంచి ఎలాంటి స్పందన రాలేదని, ఉదయం 5:20 గంటల సమయంలో కార్డియాక్‌ అరెస్ట్‌ (గుండెపోటు) కారణంగానే తుది శ్వాస విడిచారని మణిపాల్‌ హాస్పిటల్‌ ఆంకాలజీ విభాగం చీఫ్‌ శేఖర్‌ సల్కర్‌ తెలిపారు. నానా పాటేకర్‌ 1951 జనవరి 1న జన్మించారు. ఆయన అసలు పేరు విశ్వనాథ్‌ పాటేకర్‌. ముజాఫర్‌ అలీ దర్శకత్వం వహించిన ‘గమన్‌’ అనే హిందీ సినిమాతో ఆయన చిత్ర పరిశ్రమలోకి అడుగుపెట్టారు. హిందీతో పాటు మరాఠీ సినిమాల్లో ఎన్నో గుర్తుండిపోయే పాత్రలు పోషించారాయన. ‘పరిందా, ప్రహార్, అంగార్, తిరంగా, క్రాంతివీర్, ఖామోషి’ వంటి చిత్రాలు ఆయన కెరీర్‌లో ప్రత్యేకమైనవిగా నిలిచాయి. 1978లో మరాఠీ సినీ నటి, నిర్మాత నీల్‌కాంతిని నానా పాటేకర్‌ పెళ్లి చేసుకున్నారు. వీరిద్దరి మధ్య తలెత్తిన విభేదాల కారణంగా ఇద్దరూ విడివిడిగా ఉంటున్నప్పటికీ విడాకులు తీసుకోలేదు. వీరికి ఇద్దరు కుమారులు కాగా ఒక అబ్బాయి పుట్టిన రెండేళ్లకే అనారోగ్య కారణాలతో చనిపోయాడు. మరో అబ్బాయి మల్హర్‌ అసిస్టెంట్‌ డైరెక్టర్‌గా పని చేస్తున్నారు. ఇదిలా ఉంటే... నానా పాటేకర్‌ మృతిపై పోలీసులు మెడికో లీగల్‌ కేసు నమోదు చేసినట్లు తెలుస్తోంది. ఆయన ఆకస్మిక మరణం పట్ల పలువురు సినీ ప్రముఖులు, రాజకీయ నాయకులు తమ సంతాపం తెలిపారు. స్నేహితుడికి చివరి సందేశం... నానా పాటేకర్‌ బుధవారం అర్ధరాత్రి దాటిన తర్వాత సుమారు 2:30 గంటల ప్రాంతంలో ‘నాకు ఆరోగ్యం ఏమాత్రం బాగాలేదు’ అంటూ తన మిత్రుడుకి సందేశం పంపించారు. అయితే ఆ టైమ్‌లో గాఢమైన నిద్రలో ఉండడంతో ఆలస్యంగా ఆ మెసేజ్‌ చూసుకున్న స్నేహితుడు కంగారుగా తెల్లవారుజామున 4 గంటల సమయంలో ఆయన నివాసానికి చేరుకున్నారు. అప్పటికే నానాకు విపరీతంగా చెమటలు పడుతున్నాయని, ఆయన నెమ్మదిగా స్పృహ కోల్పోవడం గమనించి, వెంటనే కేర్‌ టేకర్‌కు సమాచారం ఇచ్చారు. ఆ తర్వాత ఆస్పత్రి ఎమర్జెన్సీ బృందానికి ఫోన్‌ చేశారు. సమాచారం అందుకున్న వెంటనే మెడికల్‌ టీమ్‌ నానా పాటేకర్‌ నివాసానికి చేరుకుంది. కానీ, అప్పటికే ఆయన శరీరం నుంచి ఎలాంటి స్పందన లేదు. దీంతో ప్రాథమిక చికిత్స అందిస్తూనే అత్యవసర వైద్యం కోసం గోవాలోని మణిపాల్‌ ఆస్పత్రికి తరలించారు.ముంబైలో ఒక ప్రొడ్యూసర్‌ నానా పాటేకర్‌ ఇంటికి వచ్చాడు. సినిమాలో వేషం ఉందని చెప్పాడు. ‘కోటి రూపాయలు ఇస్తే చేస్తాను’ అన్నాడు నానా పాటేకర్‌. ‘కోటి రూపాయలా?’... క్యారెక్టర్‌ ఆర్టిస్ట్‌కు అంత ఇవ్వడం అసంభవం. కాని ఆ క్యారెక్టర్‌ నానా వేస్తేనే పండుతుంది. ప్రొడ్యూసర్‌ కాసేపు గుటకలు మింగి ‘సరే నానా’ అన్నాడు. ‘వెరీగుడ్‌. నీకు కంచాలు కడగడం వచ్చా?’ అని అడిగాడు నానా. ‘ఎందుకు?’ అన్నాడు ప్రొడ్యూసర్‌. ‘అన్నం వండుతాను. కలిసి భోంచేద్దాం. తర్వాత నీ కంచం నువ్వు కడిగి పెట్టి వెళ్లాలి’.... కోట్లు పెట్టి సినిమా తీస్తున్న సంగతి మర్చి కంచం కడగడానికి ఉపక్రమించాడు ఆ నిర్మాత. హిందీ సినిమాల్లో క్యారెక్టర్‌ ఆర్టిస్టులకు రెమ్యూనరేషన్‌ పెంచినవాళ్లు ఇద్దరే... ఒకరు గబ్బర్‌ సింగ్‌ అను అంజాద్‌ ఖాన్‌. మరొకరు నానా పాటేకర్‌. ఇలాగే నానా పాటేకర్‌ ఇంటికి మరో ప్రొడ్యూసర్‌ వచ్చి కోట్లు, లక్షల వ్యవహారం మాట్లాడుతున్నాడు. నానా తల్లి వచ్చి ‘పిండి గిర్నీ నుంచి పిండి తీసుకురా పోరా’ అంది. నానా ప్రొడ్యూసర్‌తో ‘ఒక నిమిషం ఉండు’ అని వీధి చివర పిండి గిర్నీకి వెళ్లి పిండి తీసుకొచ్చి తల్లికి ఇచ్చి మళ్లీ మాటల్లో పడ్డాడు. ‘ఏంటి నానా ఇది’ అనడిగితే ‘అవునయ్యా... ఇంట్లో మా అమ్మ, నేను ఉంటాం. ఆమె నాకు కాకపోతే పని ఎవరికి చెప్తుంది?’ అన్నాడతడు. నానా అన్ని మంచి గుణాలు ఉన్న వ్యక్తి. అనేక అసంబద్ధతలు ఉన్న వ్యక్తి కూడా. నానాది మహారాష్ట్రలోని రాయ్‌గఢ్‌ జిల్లా మురుద్‌–జంజీరా అనే తీర్రపాంత గ్రామం. నానా అక్కడే ఏడో క్లాస్‌ వరకూ చదువుకున్నాడు. తండ్రి ముంబైలో చిన్న వ్యాపారం చేసేవాడు. తల్లి, పిల్లలు ఊళ్లో ఉండేవారు. నానా అందరిలోకి చిన్నవాడు. చామన ఛాయ. తన రంగు కారణంగా తండ్రి తనను ప్రేమించడం లేదనే సందేహం నానాలో ఉండేది. ఆ ప్రేమ రాహిత్యం వల్ల క్లాసులో బాగా అల్లరి చేసేవాడు. తను స్కూల్‌ నాటకంలో పాత్ర వస్తే తండ్రి ముంబై నుంచి ప్రత్యేకంగా వచ్చి చూసి మెచ్చుకున్నాడు. తండ్రి ప్రేమ పొందడానికి నాటకం ఒక మార్గం అని నానా చిన్నారి మనసులో ముద్రపడింది. నానా తండ్రి వ్యాపారం నానా ఎనిమిదో క్లాసు వచ్చేసరికి దివాలా తీసింది. కుటుంబం ఊరు ఖాళీ చేసి ముంబైలోని దాదర్‌లో తల దాచుకుంది. 13 ఏళ్ల వయసున్న నానా ఒకవైపు చదువుకుంటూ మరో వైపు స్కూల్‌ నుంచి వచ్చి ఇంటికి 8 కిలోమీటర్ల దూరంలో ఉన్న ఇటుక బట్టీలో పని చేసేవాడు. నెలకు 35 రూపాయల జీతం, రాత్రి భోజనం పెట్టేవారు. ఆ రోజుల్లో ఆ 35 రూపాయలు నానా కుటుంబాన్ని నిలబెట్టాయి. నానా మంచి ఆర్టిస్ట్‌. లెటరింగ్, బ్రష్‌ వర్క్‌ బాగా చేస్తాడు. అందువల్ల సిటీలో జీబ్రా క్రాసింగ్‌కి రంగులు వేసే పని వచ్చేది. రాత్రంతా ఆ పని చేసి డబ్బు సంపాదించేవాడు. ఎస్‌ఎస్‌ఎల్‌సి తర్వాత ముంబై జెజె స్కూల్‌ ఆఫ్‌ ఆర్ట్స్‌లో నాలుగేళ్ల డిగ్రీలో చేరాడు నానా. 120 రూపాయల ఫీజు కట్టడానికి డబ్బు ఉండేది కాదు. నాటకాల్లో నటిస్తే చిల్లర డబ్బులు దొరికేవి. డిగ్రీ అయ్యాక వెంటనే అడ్వర్‌టైజ్‌మెంట్‌ కంపెనీలో మంచి ఉద్యోగం దొరికినా నాటకం కోసం వదిలేసి చాలీచాలని జీవితంవైపు వచ్చాడు. అతని భార్య నీల్‌కాంతి నాటకాలు వేసేది. అయితే ఆమెకు అది హాబీ. ఆమె బ్యాంక్‌ ఆఫీసర్‌. ‘నువ్వు నాటకాల్లో వెళ్లు. నేను సంపాదిస్తాను’ అని చెప్పింది. వాళ్లు పెళ్లి చేసుకున్నారు. అలా నానా నాటకం కొనసాగింది. నానా పాటేకర్‌కు మొదటి అవకాశం ఇచ్చిన వాడు దర్శకుడు ముజఫర్‌ అలీ (ఉమ్రావ్‌జాన్‌ ఫేమ్‌). సినిమా పేరు ‘గమన్‌’. ఆ సినిమాలో స్మితా పాటిల్‌ ఉంది. ఆమె ఇతడి ప్రతిభను గుర్తించి బి.ఆర్‌. చోప్రా కొడుకు రవి చోప్రా తీస్తున్న ‘ఆజ్‌ కి ఆవాజ్‌’లో విలన్‌ వేషం ఇప్పించింది. ఆ తర్వాత దర్శకుడు ఎన్‌. చంద్ర ‘అంకుశ్‌’ తీయడంతో నానా కొద్దిగా తెలిశాడు. అదే ఎన్‌.చంద్ర మన ‘ప్రతిఘటన’ రీమేక్‌ ‘ప్రతిఘాత్‌’లో నానాకు సుత్తి వేలు వేషం ఇచ్చాడు. 1988లో ‘సలామ్‌ బాంబే’ వచ్చింది. 1990లో ‘పరిందా’తో నానా పాటేకర్‌ మొత్తం దేశానికి తెలిసిపోయాడు. ‘పరిందా’లో నానా వేసిన ‘అన్నా’ పాత్ర నానా జీవితాన్నే కాదు భారతీయ సినిమాను కూడా మలుపు తిప్పింది. పార్లల్‌ సినిమాలు దేశంలో మొదలై నసీరుద్దీన్‌ షా, ఓంపురి, షబానా ఆజ్మీ, స్మితా పాటిల్‌... వీళ్లంతా ఒక బృందంగా సినిమాలు చేస్తూ ఉన్నా నానా వీళ్లలో కలవలేదు. ‘నా దారి వేరే’ అన్నట్టుగా ఉండిపోయాడు. అతడు తయా రైంది పూణె యాక్టింగ్‌ స్కూల్‌లో కాదు. స్టేజ్‌ మీద. మరాఠీ నాటకం విస్తృతంగా చేశాడు. ‘పురుష్‌’ అనే నాటకాన్ని తెలుగులో ‘రక్తకన్నీరు’లాగా 1600 ప్రదర్శనలు ఇచ్చాడు. ముంబైలోని నాటక దిగ్గజం విజయ మెహతా అతడికి నాటకాల్లో అవకాశం ఇవ్వడమే కాదు తల్లిలా ఆదరించింది. నిజానికి నానా కేవలం నాటకాల్లోనే ఉండిపోదామనుకున్నాడు. అయితే సినిమాయే అతణ్ణి వెతుక్కుంది.బాలీవుడ్‌లో ‘యాంగ్రీ యంగ్‌మేన్‌’ అంటే అమితాబ్‌ బచ్చన్‌. కోపంగా ఉండే హీరోగా మొదట ‘జంజీర్‌’లో కనిపించాడు. అతడి హవా కొనసాగుతూ ఉండగానే నానా పటేకర్‌ మరో యాంగ్రీ యంగ్‌మేన్‌గా తెర మీదకు వచ్చాడు. సమాజంలోని సమస్త అడ్డదిడ్డాల మీద అసహనం వ్యక్తం చేసే హీరోగా, నటుడిగా నానా ముద్ర వేయగలిగాడు. 1993లో వచ్చిన ‘తిరంగా’లో నానా పోషించిన ఇన్‌స్పెక్టర్‌ శివాజీరావ్‌ పాత్రే దీనికి నిదర్శనం. ఈ సినిమాలో నానా తన పాత్రను నిలబెట్టుకోవడమే కాదు.. అదే సినిమాలో ఉన్న సీనియర్‌ నటుడు రాజ్‌కుమార్‌ తనను మింగేయకుండా కాపాడుకున్నాడు. రాజ్‌ కుమార్‌ను ఢీ కొడుతూ నటించాడంటే వీడెంత మొనగాడు... అనుకున్నారు జనం. 1992 డిసెంబర్‌లో ముంబై అల్లర్లు జరిగాయి. దాని కొనసాగింపుగా 1993 పేలుళ్లు జరిగాయి. రెండూ నానా పటేకర్‌ను బాగా డిస్ట్రబ్‌ చేశాయి. హిందూ ముస్లింల మధ్య అభద్రత ఉన్న ఆ సందర్భంలో నానా తన జీప్‌లో ఒక్కడే తిరుగుతూ సామరస్యం కోసం ప్రయత్నించాడు. అనేక రాత్రిళ్లు పక్కన ఒక వాటర్‌ బాటిల్‌ పెట్టుకుని తిరిగేవాడు. పోలీసులు కూడా అతణ్ణి ఏమీ అనేవారు కాదు. అప్పుడు గమనించిన విషయాలన్నీ అతడు ‘క్రాంతివీర్‌’ సినిమాలో ఆవేశంగా చెప్పాడు. ప్రజలతో ఆడుకునే స్వార్థ రాజకీయాల వల్లే ఇదంతా అని ఆగ్రహంతో అరిచి అరిచి చెప్పాడు. ఆ సినిమాలో నానా మాట్లాడే ప్రతి మాట సూపర్‌హిట్‌ అయ్యింది. దీని కొనసాగింపుగా వచ్చిన ‘అగ్నిసాక్షి’ (1996), ‘ఖామోషి’ (1996), ముస్తఫా (1997) సూపర్‌హిట్స్‌గా నిలిచాయి. ‘యశ్వంత్‌’లో నానా చెప్పిన ‘సాలా... ఏక్‌ మచ్ఛర్‌ ఆద్మీకో హిజ్‌డా బనాదేతా హై’... మాస్‌లో పంచ్‌ డైలాగ్‌లా మిగిలింది. నానా మన తెలుగు దర్శకులతో పని చేశాడు. రామ్‌గోపాల్‌ వర్మ ‘అబ్‌ తక్‌ చప్పన్‌’ నానాకు చాలా పేరే తెచ్చింది. అదే రామ్‌గోపాల్‌ వర్మ తీసిన ‘ది అటాక్స్‌ ఆఫ్‌ 26/11’లో పోలీస్‌ ఆఫీసర్‌గా నటించాడు. కృష్ణవంశీ ‘అంతఃపురం’ హిందీలో ‘శక్తి’గా రీమేక్‌ అయితే ప్రకాశ్‌ రాజ్‌ పాత్రను నానా పోషించాడు. 2007లో వచ్చిన ‘వెల్‌కమ్‌’ నానా ఇమేజ్‌ను పూర్తిగా మార్చేసింది. ‘మంచి ఇమేజ్‌’ కోసం పాకులాడే డాన్‌గా ఆ సినిమాలో ఆయన నటన జనాన్ని తెగ నవ్వించింది. ఆ పాత్రను కాపీ చేస్తూ తెలుగులో అనేక సినిమాలు వచ్చాయి. నానా పాటేకర్‌ నటించిన ‘ట్యాక్సీ నంబర్‌ 9211’ తెలుగులో మోహన్‌బాబు, విష్ణుల కాంబినేషన్‌లో ‘గేమ్‌’గా రిలీజ్‌ అయ్యింది. రజనీకాంత్‌ హీరోగా వచ్చిన ‘కాలా’లో నానా విలన్‌గా నటించడమే కాదు తమిళంలో డబ్బింగ్‌ చెప్పారు. ‘హౌస్‌ఫుల్‌ 5’ ఆయన నటించిన భారీ ఆఖరు సినిమా. నానా పాటేకర్‌ మరాఠిలో నటించిన ‘నటసామ్రాట్‌’ నానా ఎందుకు నటసామ్రాటో నిరూపిస్తుంది. మరాఠీలో చాలాకాలంగా నాటకంగా ప్రసిద్ధమైన ఈ కథను దర్శకుడు మహేశ్‌ మంజ్రేకర్‌ నానా పాటేకర్‌తో మరాఠీలో తీస్తే సూపర్‌ డూపర్‌ హిట్‌ అయ్యింది. నాటక రంగం నుంచి నిష్క్రమించిన గొప్ప నటుడు జీవన నాటక రంగంలో చేష్టలుడిగి, డైలాగుల్లేని పాత్రగా ఎలా మిగిలాడో ఈ సినిమా చూపుతుంది. సినిమా మొదలైనప్పటి నుంచి ముగిసే వరకూ నానా విశ్వరూపం చూడొచ్చు. ఈ సినిమా తెలుగులో ‘రంగమార్తాండ’గా కృష్ణవంశీ రీమేక్‌ చేశారు. చూడండి తమాష. అంతఃపురంలో ప్రకాశ్‌ రాజ్‌ చేసిన పాత్రను హిందీలో నానా చేస్తే మరాఠీలో నానా చేసిన పాత్రను తెలుగులో ప్రకాశ్‌ రాజ్‌ చేశాడు. నిజానికి ఇప్పుడే నానా చేయాల్సిన పాత్రలు పెరిగాయి. ఈ లోపే ఆయన మనకు దిగ్భ్రాంతి మిగిల్చాడు. నానాకు నటనలో ఎంత పట్టు ఉందో క్రికెట్, రైఫిల్‌ షూటింగ్‌ల్లోనూ అంతే గ్రిప్‌ ఉంది. నానా మంచి ‘ఆఫ్‌స్పిన్‌’ బౌలర్‌. రైఫిల్‌ షూటింగ్‌లో నేషనల్‌ రైఫిల్‌ అసోసియేషన్‌ ఆఫ్‌ ఇండియా నుండి ఋరెనౌండ్‌ షాట్‌’గా గుర్తింపు ఉంది. ఆర్థిక ఇబ్బందుల వల్ల వెనుకబడుతున్న ఎంతోమంది యువ షూటర్ల శిక్షణా వ్యయాలను నానా తన సొంత డబ్బుతో ప్రోత్సహించాడు. తెరపై విప్లవాలు మాట్లాడటం వేరు... తెర వెనుక మానవీయమూర్తిగా ఉండటం వేరు. 2015లో మహారాష్ట్రలోని విదర్భా, మరాఠ్వాడా ప్రాంతాలు కరువు బారిన పడి ఆత్మహత్యలకు నిలయాలుగా మారాయి. వర్షాలు లేక అన్నదాతలు ప్రాణాలు విడుస్తుంటే, వారి వెనుక మిగిలిన కుటుంబాల దిక్కుతోచని స్థితి నానా గుండెను మెలిపెట్టింది. ఆయన కేవలం సంతాప సందేశాలతో సరిపెట్టుకోలేదు. తన మిత్రుడు మకరంద్‌ అనాస్పురేతో కలిసి ‘నామ్‌ ఫౌండేషన్‌’ స్థాపించి ఒక నిశ్శబ్ద కారుణ్య విప్లవానికి తెరతీశాడు. ఆత్మహత్య చేసుకున్న 500 మంది రైతుల భార్యలకు తండ్రిలా, అన్నలా అండగా నిలిచాడు. ఛత్రపతి శంభాజీనగర్‌ (ఔరంగాబాద్‌)లోని కార్పొరేట్‌ ఆసుపత్రులతో స్వయంగా మాట్లాడి, ఆ కుటుంబాలకు పూర్తిగా వైద్యసేవలు అందేలా చూశాడు. అంతటితో ఆగకుండా, ఆ రైతు బిడ్డల చదువుల బాధ్యతను భుజాలపై వేసుకున్నాడు. తెరపై మిలటరీ దుస్తులు వేసి డైలాగులు చెప్పే నటులను చూశాం... కానీ దేశం కోసం నిజంగానే తుపాకీ పట్టి, బంకర్లలో పడుకుని, ప్రాణాలకు తెగించి సరిహద్దుకు వెళ్లిన ఏకైక నటుడు నానా పాటేకర్‌!1999లో కార్గిల్‌ యుద్ధం జరుగుతున్న సమయం... దేశమంతా రేడియోలు, టీవీల ముందు కూర్చుని సరిహద్దుల్లో ఏం జరుగుతుందోనని ఆందోళన చెందుతోంది. ఆ సమయంలో నానా పాటేకర్‌ మాత్రం ఏమాత్రం ఆలోచించకుండా యుద్ధంలో దూకాడు. సివిలియన్‌కు ప్రవేశం లేదు అని మిలటరీ నిరాకరించినా ఏకంగా రక్షణ శాఖా మంత్రి జార్జ్‌ ఫెర్నాండెజ్‌తో చెప్పించి బయల్దేరి వెళ్లాడు. అప్పటికే ‘ప్రహార్‌’ సినిమా కోసం మూడు సంవత్సరాల పాటు కఠినమైన ఆర్మీ శిక్షణ తీసుకుని, టెరిటోరియల్‌ ఆర్మీలో గౌరవ కెప్టెన్ గా ఉన్న నానా దాదాపు రెండున్నర నెలల పాటు కార్గిల్‌లో ‘క్విక్‌ యాక్షన్‌ టీమ్‌’లో పని చేశాడు. ‘75 కేజీల బరువుతో వెళ్లి 55 కిలోల బరువుతో తిరిగి వచ్చాను’ అని తెలిపాడాయన. నానా చుట్టూ ఎన్నో వివాదాలున్నాయి. దర్శకులు విధు వినోద్‌ చోప్రా , సంజయ్‌ లీలా బన్సాలీ లాంటి వాళ్లతోనే సెట్‌లో పేచీ పడ్డాడు. చాలామంది నటీనటులతో నానాకు పడదు. నానాకు అవార్డులు రాకుండా చూసే పెద్ద పటాలమే ఈ కారణంగా తయారై ఉంది. నానా వ్యక్తిగత జీవితంలో కూడా సమస్యలు ఉన్నాయి. అతని మొదటి కొడుకు శారీరక అవకరాలతో పుట్టడం నానాను బాగా డిస్ట్రబ్‌ చేసింది. ‘నా కొడుకు ఇలా పుట్టడమా’ అని షాక్‌లో ఆ పిల్లాణ్ణి దగ్గరకే తీయలేదు. ఆ తర్వాత తీసినా రెండేళ్ల వయసులోనే ఆ బాబు చనిపోయాడు. ఆ తర్వాత మళ్లీ కొడుకు పుట్టాడు. అతని పేరు మల్హార్‌. అయితే ‘ఖామోషీ’, ‘అగ్నిసాక్షి’ చేస్తుండగా మనీషా కొయిరాలాతో ఏర్పడిన బంధం నానాను భార్యకు దూరం చేసిందని అంటారు. కొడుకు తల్లితో వెళ్లిపోయాడు. ఆ తర్వాత ఆయేషా జుల్కాతో రిలేషన్‌ వల్ల మనీషాతో కూడా తెగదెంపులయ్యాయని కథనం. 2008 నాటి ‘హార్న్‌ ఓకే ప్లీజ్‌’ సినిమా పాట చిత్రీకరణ సమయంలో నానా తన పట్ల అసభ్యంగా ప్రవర్తించారని నటి తనుశ్రీ దత్తా ఆరోపించింది. అయితే నానా ఈ ఆరోపణలను పూర్తిగా ఖండించారు. నానా రైతులా బతకడానికి ఇష్టపడ్డాడు. ‘నాకు నా పల్లెటూరే ప్రశాంతతను ఇస్తుంది. నేను ఇప్పుడు పల్లెటూరి వాడినే’ అని తరచూ చెబుతుండేవాడు. పుణే సమీపంలోని ఖడక్‌వాస్లాలో నిర్మించుకున్న 27 ఎకరాల ఫామ్‌హౌస్‌ కట్టుకున్నాడు. వీకెండ్‌లో సరదాగా గడపడానికి కాకుండా నానా ఇక్కడే ఉంటూ వ్యవసాయం చేసేవాడు. స్థానిక రైతులతో కలిసి ఈ 27 ఎకరాల్లో వరి, గోధుమలు, సజ్జలు, ఉల్లిపాయలు, వెల్లుల్లి పండించేవాడు. వ్యవసాయం ద్వారా వచ్చే ఆదాయాన్ని పొలంలో పని చేసే పేద కూలీలకు, స్థానిక రైతులకు సమానంగా పంచేసేవాడు. లాక్‌డౌన్‌ సమయంలో ఆయన ఇక్కడే గడిపాడు. ఫామ్‌హౌస్‌లో పెంచుకునే కుక్కలు, ఆవులు, రెండు ఎడ్ల బండ్లు ఆయనకు తోడుగా ఉండేవి. తెరపై నానా ఒక ప్రశ్న. జవాబు దొరకని ప్రశ్న. నిజ జీవితంలో కూడా మన జీవనంలోని నిజాయితీని, విలువలు, మనలోని నిష్క్రియను ప్రశ్నించిన గొంతు. ఆయన లేకున్నా ఆయ గొంతు మనల్ని వెంటాడుతుంది.అవార్డులు అరల్లో ఉంటాయి. సినిమాలు యూట్యూబ్‌లో ఉంటాయి. కానీ కార్గిల్‌ బంకర్‌లో జవాన్ల పక్కన తుపాకీ పట్టుకున్న నటుడు, మరాఠ్వాడా పొలాల్లో రైతు భుజం మీద చేయి వేసిన మనిషి – తెరపై కాదు, జనం గుండెల్లో బతుకుతాడు.నానా పాటేకర్‌ చనిపోలేదు. అలాంటి మనుషులు చనిపోరు. తెర దించి పునఃయశస్సుకు ఆరంభం పలుకుతారు.

దిగ్గజ నటుడు నానా పటేకర్ (Vishwanath Nana Patekar) హఠాన్మరణం యావత్‌ సినీలోకాన్ని తీవ్ర దిగ్బ్రాంతికి గురిచేసింది. తీవ్ర గుండెపోటు కారణంగా ఆయను గోవాలోని మణిపాల్ ఆసుపత్రికి తరలించారు. వైద్యులు సుమారు 45 నిమిషాల పాటు నిరంతరం సీపీఆర్ (CPR) చేసినప్పటికీ చివరికి అసువులు బాశారు. అయితే ఒక సభలో ఆయన చేసిన చివరి ప్రసంగం వైరల్‌గా మారింది. యాదృచ్చికంగా ఆయన చేసిన ప్రసంగం పలువురి కంట కన్నీళ్లు తెప్పిస్తోంది. స్నేహితుడికి చివరి మెసేజ్‌అంతేకాదు గోవాలోని తన నివాసంలో మరణించడానికి కొన్ని గంటల ముందు, అంటే గురువారం తెల్లవారుజామున 3:30 గంటల సమయంలో నానా తనకు అనారోగ్యంగా ఉన్నట్లు ఒక స్నేహితుడికి సందేశం పంపారట. వెంటనే ఆయన స్పందించిన కేర్‌టేకర్‌తో కలిసి నివసిస్తున్న పటేకర్ అపార్ట్‌మెంట్‌కు పరుగెత్తుకెళ్లినా లాభంలేకపోయింది. Nana Patekar last video😢 RIP legend💐 https://t.co/7PuM4sKdho— War Talkz (@WarTalkz) October 8, 2026పీటీఐ పంచుకున్న ఒక పోస్ట్‌ ప్రకారం పద్మశ్రీ పురస్కార గ్రహీత నానా పటేకర్‌ మరణానికి కొద్దిరోజుల ముందు (అక్టోబర్ 4న) ఆయన గోవాలోని డోనా పౌలాలో జరిగిన సామ్రాట్ క్లబ్ ఇంటర్నేషనల్, స్టేట్-1 ప్రమాణ స్వీకార కార్యక్రమానికి హాజరయ్యారు. ఆ కార్యక్రమంలో తెల్లటి కుర్తా, తెల్లటి స్కార్ఫ్ (గమ్చా) ధరించి నిండుగా కనిపించారు. ఈ సందర్బంగా ఆయన గుండెలు ద్రవించేలా మాట్లాడిన మాటలు పలువురి కంట కన్నీళ్లు తెప్పిస్తున్నాయి. ‘‘ప్రతి ఒక్కరూ ఏదో ఒక రోజు వెళ్ళిపోవాల్సిందే, నేను రేపు ఇక్కడ ఉంటానో లేదో నాకు తెలియదు. ప్రతి వ్యక్తి జీవితంలో చివరికి ఆ దశ వస్తుంది. కానీ అది జరగకముందు, నేను చేయాలనుకున్నది చేయగలనా అని నన్ను నేను ప్రశ్నించుకోవాలి" అని ఆ కార్యక్రమంలో సభికులను ఉద్దేశించి మరాఠీలో వ్యాఖ్యానించారు. ఇదీ చ‌ద‌వండి: నానా పటేకర్‌తో అదే చివరి సంభాషణగంభీరమైన స్వరం, తనదైన ప్రత్యేక నటన, నిశ్శబ్దంతోనే విలనిజాన్ని పండించగల సామర్థ్యంలోపాటు, ఉద్వేగభరితమైన డైలాగ్ డెలివరీతో ఎన్నో అద్భుతమైన పాత్రలు పోషించారు. సీరియస్, యాక్షన్ పాత్రలతో పాటు 'వెల్కమ్' చిత్రంలో ఆయన పోషించిన 'ఉదయ్ శెట్టి' కామెడీ పాత్ర ప్రేక్షకులను విశేషంగా ఆకట్టుకుంది. గమన్ (1978) ద్వారా హిందీ తెరంగేట్రం చేసిన ఆయన, పరిందా, క్రాంతివీర్, తిరంగ, అబ్ తక్ ఛప్పన్,రాజనీతి వంటి ఎన్నో విజయవంతమైన చిత్రాల్లో నటించారు. భారతీయ సినిమాకు ఆయన అందించిన సేవలకు గాను 2013లో ప్రతిష్టాత్మక పద్మశ్రీ పురస్కారంతో పాటు, మూడు జాతీయ చలనచిత్ర అవార్డులను అందుకున్నారు.#WATCH: Nana Patekar’s Last Appearance at an Event in Panaji The last time veteran actor Nana Patekar participated in an event in Panaji, Goa. #RIPNanaPatekar #NanaPatekar #NanaPatekarDeath #NanaPatekarNoMore #Bollywood #IndianCinema #RIP https://t.co/5OUOdFrrxd— upuknews (@upuknews1) October 8, 2026కేవలం నటుడిగానే కాకుండా, నామ్ ఫౌండేషన్ ద్వారా మహారాష్ట్రలోని కరువు ప్రాంతాల రైతులకు సహాయం చేస్తూ, సామాజిక కార్యక్రమాల్లోనూ ఆయన ఎప్పుడూ ముందుండే వారు. ఆయన ఇక లేరన్న వార్త టాలీవుడ్‌, బాలీవుడ్, మరాఠీ సినీ పరిశ్రమతో పాటు కోట్లాదిమంది అభిమానులను తీవ్ర దిగ్భ్రాంతికి గురిచేసింది.

‘రామాయణ’ సినిమా విడుదలకు సరిగ్గా నెల రోజుల ముందు నిర్మాత నమిత్‌ మల్హోత్రాకు చెందిన సంస్థలపై ఆదాయపు పన్ను శాఖ సోదాలు కలకలం రేపుతున్నాయి. ముంబైలోని ప్రైమ్‌ ఫోకస్‌ లిమిటెడ్‌ కార్యాలయాలతో పాటు సంస్థకు సంబంధించిన ఆర్థిక సలహాదారులు, చార్టర్డ్‌ అకౌంటెంట్‌ కార్యాలయాల్లోనూ గురువారం ఉదయం నుంచి ఐటీ అధికారులు తనిఖీలు చేపట్టారు.కాగా, విదేశీ రెమిటెన్సులు, విదేశాలకు నిధుల బదిలీలకు సంబంధించిన లావాదేవీలను అధికారులు పరిశీలిస్తున్నట్లు సమాచారం. అయితే సోదాలకు సంబంధించిన పూర్తి కారణాలు, ఏవైనా అవకతవకలు బయటపడ్డాయా అనే విషయంపై ఐటీ శాఖ నుంచి అధికారిక ప్రకటన వెలువడలేదు. ఐటీ తనిఖీల పరిణామం స్టాక్‌ మార్కెట్‌పైనా ప్రభావం చూపింది. ప్రైమ్‌ ఫోకస్‌ షేర్‌ ధర సుమారు 8 శాతం వరకు పడిపోయినట్లు పలు నివేదికలు పేర్కొన్నాయి.ఇక నమిత్‌ మల్హోత్రా నిర్మిస్తున్న ‘రామాయణ’పై భారీ అంచనాలు ఉన్నాయి. నితేశ్‌ తివారీ దర్శకత్వంలో రణ్‌బీర్‌ కపూర్‌, సాయిపల్లవి, యశ్‌, సన్నీ డియోల్‌ తదితరులు నటిస్తున్న ఈ రెండు భాగాల చిత్రానికి సుమారు రూ.4,000 కోట్ల బడ్జెట్‌ అని ప్రచారం జరుగుతోంది. తొలి భాగం దీపావళి సందర్భంగా నవంబర్‌ 5, 2026న విడుదలకు సిద్ధమవుతోంది.The Income Tax Department’s search operation is underway at premises linked to Namit Malhotra, producer of the upcoming epic film ‘Ramayana’, sources said on Wednesday. Shares of Prime Focus Ltd, headed by Malhotra, fell nearly 8 per cent in Wednesday’s trade following reports of the search operation at the company’s Mumbai offices. The Nitesh Tiwari directorial ‘Ramayana’, starring Ranbir Kapoor, Yash and Sai Pallavi, is slated for a Diwali release. Producer Namit Malhotra has earlier said the ambitious project is being mounted on a reported budget of around Rs 4,000 crore, making it one of the most expensive Indian film projects ever. #BollywoodNews #Taxes— Jaideep Pandey (@PandeyJaideep) October 7, 2026ఇదీ చదవండి: నానా పటేకర్ మృతి.. ఎన్టీఆర్‌ ఎమోషనల్ పోస్ట్

నటుడిగా నానా పటేకర్‌ గురించి అందరికీ తెలిసిందే. ప్రత్యేకంగా చెప్పనక్కర్లేదు. తెరపై ఆయన చెప్పే పవర్‌ఫుల్ డైలాగ్స్‌, పోషించే విభిన్న పాత్రలు ప్రేక్షకులపై చెరగని ముద్ర వేశాయి. అయితే సినిమాలకు అవతల నానా పటేకర్‌లో మరో కోణం ఉందని కొంతమందికే తెలుసు. దేశ సైనికులంటే ఆయనకు అపారమైన గౌరవం ఉండేది. మరో పక్క రైతుల సమస్యలపై కూడా అంతే స్థాయిలో స్పందించేవారు. నటుడిగా సంపాదించిన గుర్తింపును మించి.. ఓ మనిషిగా తన బాధ్యతను నెరవేర్చేందుకు ఆయన చేసిన ప్రయత్నాలు ప్రత్యేకంగా నిలిచాయి.కార్గిల్‌ యుద్ధ సమయంలో ఆర్మీతో..భారత్‌-పాకిస్థాన్‌ మధ్య 1999లో జరిగిన కార్గిల్‌ యుద్ధ సమయంలో నానా పటేకర్‌ ఆర్మీతో కలిసి పనిచేశారు. అప్పటి రక్షణ మంత్రి జార్జ్‌ ఫెర్నాండెజ్‌ అనుమతి తీసుకుని సైనికులతో కలిసి ఉండేందుకు వెళ్లారు. దాదాపు 60 రోజుల పాటు క్విక్‌ రియాక్షన్‌ టీమ్‌తో ఉన్నట్లు నానా పటేకర్‌ స్వయంగా గతంలో తెలిపారు. అంతేకకుండా ఆర్మీపై ఆయనకున్న గౌరవం సినిమాల్లోనూ కనిపించింది. ‘ప్రహార్‌: ది ఫైనల్‌ అటాక్‌’లో ఆర్మీ అధికారి పాత్ర కోసం నానా పటేకర్‌ కఠినమైన సైనిక శిక్షణ తీసుకున్నారు.(ఇదీ చదవండి: 13 ఏళ్లకే పెళ్లి.. 14 ఏళ్లకే తల్లి.. భర్త వదిలేశారు.. ఈ నటి జీవితంలో..)రైతుల కోసం ‘నామ్‌ ఫౌండేషన్‌’నానా పటేకర్‌ జీవితంలో మరో ముఖ్యమైన అధ్యాయం రైతుల కోసం చేసిన సేవ అనే చెప్పాలి. మహారాష్ట్రలో కరువు, రైతుల ఆత్మహత్యలు, నీటి కొరత వంటి సమస్యలను చూసి చలించిన ఆయన.. నటుడు మకరంద్‌ అనాస్పురేతో కలిసి 2015లో ‘నామ్‌ ఫౌండేషన్‌’ను ప్రారంభించారు. రైతులకు ఆర్థిక సహాయం అందించడంతో పాటు నీటి సంరక్షణ, గ్రామాల అభివృద్ధి, రైతుల కుటుంబాలకు అండగా నిలవడం వంటి కార్యక్రమాలను ఈ సంస్థ చేపట్టింది. రైతులకు మానసికంగా అండగా ఉండేందుకు నామ్‌ ఫౌండేషన్‌ ద్వారా కార్యక్రమాలు చేపట్టారు. నీటి సంరక్షణ, ఎండిపోయిన బావులను పునరుద్ధరించడం, గ్రామాల్లో నీటి నిర్వహణ వంటి పనులపై కూడా దృష్టి పెట్టారు. ‘రైతు దేశానికి అన్నం పెడతాడు’..రైతుల పరిస్థితిపై నానా పటేకర్‌ చాలా సందర్భాల్లో తీవ్రంగా స్పందించారు. 2024లో నాసిక్‌లో జరిగిన రైతు సమావేశంలో మాట్లాడుతూ.. ‘ రైతులు పండించే పంటకు సరైన ధర ఇవ్వాలి. దేశం మొత్తానికి ఆహారం అందించే రైతుల సమస్యలను పట్టించుకోవాల్సిన అవసరం ఉంది’ అని అన్నారు. సమస్య ఎంత పెద్దదైనా ప్రాణాలు తీసుకోవద్దని, అందరూ కలిసి పరిస్థితులను మార్చేందుకు ప్రయత్నించాలి’ అని పిలుపునిచ్చారు. ఇలా సినిమాలో నటుడిగా కనిపించిన నానా పటేకర్‌.. నిజ జీవితంలో మాత్రం సైనికుడి పట్ల గౌరవం, రైతు పట్ల బాధ్యత ఉన్న మనిషిగా తనదైన ముద్ర వేశారు.(ఇదీ చదవండి: మాధురీపై మనసు పారేసుకున్న నానా పటేకర్‌..) @JaikyYadav16 🚨Actor Nana Patekar served the Indian Army during the 1999 Kargil War. He did patrolling, hospital duty, and was part of the Quick Reaction Team. He lost 20 kg in 2 months but never spoke about it until a recent interview with The Lallantop. https://t.co/NJO23FSC3s— Prashant (@prashant10gaur) May 16, 2025

బాలీవుడ్‌ నటుడు నానా పాటేకర్‌ గుండెపోటుతో కన్నుశారు. తన విలక్షణ నటనతో ప్రేక్షకులను అలరించిన నానాపటేకర్‌ తన జీవితంలో అనేక ఎత్తుపల్లాలను చూశారు. ఒక సందర్భంలో ఆయన బాలీవుడ్‌ ‘థక్‌థక్‌ గర్ల్‌’ మాధురీ దీక్షిత్‌ను తనవైపు నుంచి ప్రేమించానని తెలిపారు. గతంలో ‘ఆప్‌ కీ అదాలత్‌’ అనే కార్యక్రమంలో నానా పటేకర్‌ తనకు మాధురీపై ఉన్న ప్రేమ గురించి తెలియజేశారు. నానా పటేకర్‌, మాధురీ దీక్షిత్‌ కలిసి నటించిన ‘వజూద్‌’ సినిమా అప్పట్లో ప్రేక్షకులను అమితంగా ఆకట్టుకుంది. ఈ చిత్రంలో నానా పటేకర్‌ పోషించిన మల్హార్‌ పాత్ర అందరి అభినందనలు అందుకుంది.‘వజూద్‌’ సినిమాలో తనది మాధురిపై వన్‌సైడెడ్‌ లవ్‌ అని నానా పటేకర్‌ చెప్పారు. ‘నా వైపు నుంచి ప్రేమ ఉంది. ఆమె వైపు నుంచి ఉండే అవకాశం లేదు’ అంటూ సరదాగా వ్యాఖ్యానించారు. మాధురితో ఆ సినిమాలో తాను చెప్పిన మాటలను ఎప్పటికీ మర్చిపోలేనని నానా పాటేకర్‌ పేర్కొన్నారు. ఇదే కార్యక్రమంలో ఆయన మాధురీని ఉద్దేశించి ఓ భావోద్వేగభరిత షాయరీని వినిపించారు. తన హృదయంలో ఆమె స్థానం ఏమిటనేది ఎలా చెప్పాలో తెలియడం లేదంటూ.. తన హృదయ స్పందన, జీవితం, వెలుగు, తాజాదనం, ఆనందం అన్నీ ఆమెతోనే ముడిపడి ఉన్నట్లుగా ఆ షాయరీలో వర్ణించారు. తన కళ్లలో, జ్ఞాపకాల్లో, కలల్లో ఆమెనే కనిపిస్తుందని పేర్కొన్నారు. తన ప్రతి మాటలో, పగలు-రాత్రిలో, ఉదయం-సాయంత్రంలో ఆమె ఉంటుందని నానా పటేకర్‌ చెప్పారు. నానా పటేకర్‌, మాధురీ దీక్షిత్‌ కలిసి నటించిన చిత్రాల్లో ‘వజూద్‌’తో పాటు ‘మొహ్రా’ అందరినీ అలరించాయి. ఇదీ చదవండి: సినీ పరిశ్రమలో విషాదం.. నటుడు నానా పటేకర్‌ మృతి..

ఈ ఏడాది పెద్ది మూవీతో టాలీవుడ్ అభిమానులను అలరించిన బ్యూటీ జాన్వీ కపూర్. ఈ బీటౌన్ ముద్దుగుమ్మ.. రామ్ చరణ్ సరసన హీరోయిన్‌గా ఆకట్టుకుంది. రూరల్ స్పోర్ట్స్ బ్యాక్‌డ్రాప్‌లో వచ్చిన ఈ చిత్రం బాక్సాఫీస్ వద్ద ఫర్వాలేదనిపించింది. ప్రస్తుతం ఈ బ్యూటీ బాలీవుడ్‌లో బిజీగా ఉంది.తాజాగా పారిస్ ఫ్యాషన్ వీక్‌లో మెరిసింది జాన్వీ. ఈ ఈవెంట్‌లో స్పెషల్ ‍అట్రాక్షన్‌గా నిలిచింది. ఈ సందర్భంగా తనలోని టాలెంట్‌ను బయటపెట్టింది. ఓ రిపోర్టర్‌ అడిగిన ప్రశ్నకు ఇప్పటి వరకు చూపించని టాలెంట్‌ను అభిమానులకు పరిచయం చేసింది. తనలో దాగి ఉన్న ఈ విచిత్రమైన టాలెంట్ గురించి సోషల్ మీడియా వేదికగా బయటపెట్టేసింది.ఆమెను హిడెన్ టాలెంట్ ఏంటని అడగ్గా.. 'నా నాలుకను 360 డిగ్రీలు తిప్పగలను. అయితే ఇది పెద్దగా ఉపయోగపడని టాలెంట్.. అంటూ జాన్వీ సరదాగా చెప్పుకొచ్చారు. ఈ ట్రిక్‌ను తాను స్కూల్లో ఉన్నప్పుడే నేర్చుకున్నానని జాన్వీ కపూర్ వెల్లడించారు. ఈ టాలెంట్ చూసిన నెటిజన్లు చాలా భిన్నంగా స్పందిస్తున్నారు. ఇదేం టాలెంట్? దీనికంటే యాక్టింగ్‌పై ఫోకస్ చేస్తే ఇంకా బాగుంటుందని ట్రోల్‌ చేస్తున్నారు. మరికొందరు మాత్రం ఆమెను సరదా కోసమే అలా చేస్తుందని అభిప్రాయపడుతున్నారు. జాన్వీ ‘హిడెన్ టాలెంట్’.. నెటిజన్ల ట్రోలింగ్. పారిస్ ఫ్యాషన్ వీక్‌లో సందడి చేస్తున్న బాలీవుడ్ హీరోయిన్ జాన్వీ కపూర్.. తనలో దాగి ఉన్న ఓ విచిత్రమైన టాలెంట్ గురించి చెప్పి సోషల్ మీడియాలో వైరల్‌గా మారారు. తన హిడెన్ టాలెంట్ ఏంటని అడగ్గా.. “నా నాలుకను 360 డిగ్రీలు తిప్పగలను. అయితే ఇది పెద్దగా ఉపయోగపడని టాలెంట్” అంటూ జాన్వీ సరదాగా చెప్పుకొచ్చారు. ఈ ట్రిక్‌ను తాను స్కూల్లో ఉన్నప్పుడే నేర్చుకున్నానని వెల్లడించారు. అయితే జాన్వీ చెప్పిన ఈ ‘టాలెంట్’పై నెటిజన్లు భిన్నంగా స్పందిస్తున్నారు. “ఇదేం టాలెంట్?”, “దీనికంటే యాక్టింగ్‌పై ఫోకస్ చేస్తే బాగుంటుంది”, “నెపో కిడ్స్‌కు ఇవే టాలెంట్స్” అంటూ కొందరు కామెంట్స్ చేస్తుండగా.. మరికొందరు మాత్రం ఆమెను సరదాగా ట్రోల్ చేస్తున్నారు. #JanhviKapoor #Bollywood #ViralNews #ViralVideo #TeluguNews #Tupaki Follow 👉 @tupaki_official https://t.co/pRwfY32ELk— Tupaki (@tupaki_official) October 7, 2026

స్టార్ హీరోయిన్ కియారా అడ్వాణీ శుభవార్త చెప్పింది. తాను మరోసారి తల్లి కాబోతున్న సంగతి బయటపెట్టింది. ఈ మేరకు ఓ ఫొటోని సోషల్ మీడియాలో పంచుకుంది. దీంతో తోటి నటీనటులు కియారాకు శుభాకాంక్షలు తెలియజేస్తున్నారు.(ఇదీ చదవండి: 'ప్యారడైజ్' ఎఫెక్ట్.. చిరుతో సినిమాపై నాని కామెంట్స్)హిందీ సినిమాలతో కెరీర్ ప్రారంభించిన కియారా అసలు పేరు ఆలియా.. ఇప్పటికే ఆలియా భట్ ఇండస్ట్రీలో ఉండటంతో తన పేరుని కియారాగా మార్చుకుంది. 2014లో 'ఫగ్లీ' సినిమాతో నటిగా కెరీర్ ప్రారంభించింది. అనంతరం 'ధోని' బయోపిక్‌లో నటించి గుర్తింపు తెచ్చుకుంది. 'భరత్ అనే నేను'తో తెలుగులోకి ఎంట్రీ ఇచ్చింది. వినయ విధేయ రామ, గేమ్ ఛేంజర్ మూవీస్ ఇక్కడ చేసింది.హిందీలో అర్జున్ రెడ్డి రీమేక్ 'కబీర్ సింగ్', సిద్ధార్థ్ మల్హోత్రాతో కలిసి చేసిన 'షేర్షా' చిత్రాలతో ఈమెకు సక్సెస్ తెచ్చిపెట్టాయి. అయితే హీరో సిద్ధార్థ్ మల్హోత్రాని ప్రేమించిన కియారా.. పెద్దల్ని ఒప్పించి 2023లో పెళ్లి చేసుకుంది. ఈ జంటకు గతేడాది జూలై 15న కూతురు పుట్టింది. ఆ పాపకు సరాయా అని పేరు పెట్టారు. ఇది జరిగి ఏడాది అయిందో లేదో ఇంతలోనే మరోసారి ప్రెగ్నెంట్ ‍అయినట్లు బయటపెట్టిన కియారా.. శుభవార్త చెప్పేసింది.(ఇదీ చదవండి: అప్పుడు భయపెట్టాడు.. ఇప్పుడు తెగ నవ్వించాడు) View this post on Instagram A post shared by KIARA (@kiaraaliaadvani)

‘డాడీ కూల్‌’ సాంగ్‌ కోసం సౌతాఫ్రికా వెళ్తున్నారట కరీనా కపూర్‌. షారుక్‌ ఖాన్‌ హీరోగా సిద్ధార్థ్‌ ఆనంద్‌ దర్శకత్వంలో రూపొందుతున్న హిందీ చిత్రం ‘కింగ్‌’. ఈ సినిమా షూటింగ్‌ తుది దశకు చేరుకుంది. ఇందులోని ఓ స్పెషల్‌ సాంగ్‌ కోసం కరీనా కపూర్‌ను సిద్ధార్థ్‌ ఆనంద్‌ సంప్రదించగా, ఆమె గ్రీన్‌ సిగ్నల్‌ ఇచ్చారని సమాచారం. వచ్చే నెలలో సౌతాఫ్రికాలో షారుక్, కరీనాలపై ఈ ప్రత్యేక పాటను చిత్రీకరిస్తారని, ‘డాడీ కూల్‌..’ అంటూ ఈ పాట సాగుతుందని బాలీవుడ్‌ భోగట్టా. షారుక్‌ కుమార్తె సుహానా ఖాన్, దీపికా పదుకోన్, అభిషేక్‌ బచ్చన్, అనిల్‌ కపూర్‌ ‘కింగ్‌’లోని ప్రధాన పాత్రల్లో నటిస్తున్నారు. ఈ చిత్రం డిసెంబరు 24న విడుదల కానుంది.

కొన్నిసార్లు నటీనటులు తమ చర్యలతో షాకిస్తుంటారు. తెలుగు, తమిళంలో పలు సినిమాల్లో విలన్‌గా చేసి గుర్తింపు తెచ్చుకున్న బాలీవుడ్ నటుడు విద్యుత్ జామ్వాల్ ఇప్పుడు అలానే చేశాడు. ఏకంగా 16 నిమిషాల పాటు ఊపిరి తీసుకోకుండా ధ్యానం చేసి వైరల్ అయిపోయాడు. ఇంతకీ ఎందుకిలా చేశాడు?(ఇదీ చదవండి: 'బెస్ట్ మూవీ ఆఫ్ ద ఇయర్'.. 'బత్తా' లేటెస్ట్ సెన్సేషన్)ఇప్పటివరకు మన దేశంలోని పలు భాషల్లోని సినిమాల్లో నటించిన విద్యుత్ జామ్వాల్.. హాలీవుడ్‌లోకి 'స్ట్రీట్ ఫైటర్' మూవీతో ఎంట్రీ ఇస్తున్నాడు. వచ్చే శుక్రవారం(అక్టోబర్ 16) ఈ చిత్రం భారతీయ ప్రాంతీయ భాషల్లోనూ రిలీజ్ కానుంది. దీని ప్రమోషనల్ ఈవెంట్.. ముంబైలో సోమవారం జరిగింది. ఇందులో భాగంగానే వేదికపై నిలబడిన విద్యుత్.. ఏకంగా 15 నిమిషాల పాటు శ్వాసని నిలిపి ధ్యానం చేస్తూ తన యోగ సాధనని ప్రదర్శించాడు. దీంతో అక్కడున్నవాళ్లంతా షాక్‌లో ఉండిపోయారు.ధ్యానం అనంతరం విద్యుత్ మాట్లాడుతూ.. తాను పతంజలి యోగసూత్రాల్లోని ప్రత్యేకమైన ఓ సాధనా పద్ధతిని అనుసరించానని చెప్పాడు. ఈ ప్రాక్టీస్ తన జీవితంలో ఎన్నో విజయాలని సాధించేందుకు ఉపయోగపడిందని, యువతకు కూడా ఈ పద్ధతి నేర్పిస్తున్నానని చెప్పాడు.(ఇదీ చదవండి: నాన్న బయోపిక్‌ భగవద్గీతలా ఉంటుంది)ऐसा टैलेंट हर किसी के बस की बात नहीं🔥😳 . . . #vidyutjammwal #instantbollywood #at https://t.co/8u5xaj7loy— SourabhNaidu (@SourabhNaidu988) October 6, 2026

రీసెంట్‌గా హీరోయిన్ రకుల్ ప్రీత్ సింగ్ మామ వాసు భగ్నానీ, భర్త జాకీ భగ్నానీకి సంబంధించిన నిర్మాణ సంస్థ ఆఫీసులపై ఐటీశాఖ దాడులు చేసింది. అయితే వీటితో తనని లింక్ చేస్తుండటంపై రకుల్ ఆగ్రహం వ్యక్తం చేసింది. ఈ మేరకు సోషల్ మీడియాలో సుధీర్ఘ పోస్ట్ పెట్టింది. ఆ వార్తల్లో ఎలాంటి నిజం లేదని, ఆ సోదాలకు తనకు ఎలాంటి సంబంధం లేదని స్ప‌ష్టం చేసింది.(ఇదీ చదవండి: బిగ్‌బాస్ 10: సృష్టి ఎలిమినేట్.. నాలుగు వారాలకు రెమ్యునరేషన్ ఎంతంటే?)'నా గురించి వస్తున్న వార్తలన్నీ పూర్తిగా అబద్ధం. నేను ఆర్మీ నేపథ్యం నుంచి వచ్చాను. ఇండస్ట్రీలో నాకు ఎలాంటి గాడ్‌ఫాదర్ లేరు. కష్టపడి, బాధ్యతాయుతమైన పౌరురాలిగా, 20 ఏళ్ల వయసు నుంచే క్రమం తప్పకుండా పన్నులు చెల్లిస్తున్నాను. ఏ నిర్మాణ సంస్థ తరఫున చట్టవిరుద్ధమైన విదేశీ నగదు లావాదేవీలకు పాల్పడలేదు. దేశంలో కానీ, విదేశాల్లో కానీ ఎవరి తరఫునా నాకు ఎలాంటి బినామీ ఆస్తులు లేవు. ఎవరూ నాకు ఎప్పుడూ ఎలాంటి ఆస్తి బహుమతిగా ఇవ్వలేదు. ఇలాంటి ఖరీదైన బహుమతులు స్వీకరించడం నా రూల్స్‌కి విరుద్ధం. నాపై తప్పుడు కథనాలు ప్రచురించిన మీడియా సంస్థలు వాటిని తీసేసి నిజాలు చెప్పాలి. మీడియా సంస్థలకు ఒత్తిళ్లు ఉంటాయని అర్థం చేసుకోగలను. కానీ వాటి కోసం నిజాల్ని త్యాగం చేయకూడదు. ఒక వ్యక్తి ప్రతిష్ఠ, జీవనోపాధిని దెబ్బతీసేలా వ్యవహరించడం సరికాదు' రకుల్ ప్రీత్ సింగ్ సీరియస్ అయింది.(ఇదీ చదవండి: ఈ వారం ఓటీటీల్లోకి 23 సినిమాలు.. ఆ నాలుగు మిస్ కావొద్దు) View this post on Instagram A post shared by Rakul Singh (@rakulpreet)

బాలీవుడ్ హీరో అజయ్ దేవగణ్ నటించిన లేటేస్ట్ మూవీ దృశ్యం-3..ది కంక్లూజన్. ఈ సిరీస్‌ సినిమాలకు ఆడియన్స్‌లో విపరీతమైన క్రేజ్ ఉంది. గతంలో వచ్చిన రెండు పార్ట్స్‌ బాక్సాఫీస్ వద్ద సూపర్‌హిట్‌గా నిలిచాయి. ఈనె 2న విడుదలైన దృశ్యం-3 సైతం బాక్సాఫీస్ వద్ద అదరగొడుతోంది. కేవలం మూడు రోజుల్లోనే భారతదేశ వ్యాప్తంగా రూ. 176.50 కోట్ల నెట్‌ వసూళ్లు రాబట్టింది. ప్రపంచవ్యాప్తంగా చూస్తే రూ. 272.80 గ్రాస్‌ వసూళ్లు సాధించింది.ఈ మూవీ ఇండియాలోనే రూ. 211.80 కోట్లకు పైగా గ్రాస్ సాధించింది. ఇదే జోరు కొనసాగితే ప్రపంచవ్యాప్తంగా రూ. 300 కోట్ల మార్కును దాటేలా కనిపిస్తోంది. ప్రముఖ ట్రేడ్ వెబ్‌సైట్ శాక్‌నిల్క్ ప్రకారం ఈ మూవీ రూ. 61 కోట్ల నికర వసూళ్లు రాబట్టింది. ఈ మూవీ గతంలో రిలీజైన దృశ్యం (రూ. 23.05 కోట్లు), దృశ్యం 2 (రూ. 64.14 కోట్లు) రికార్డులను అధిగమించింది. కాగా.. ఈ చిత్రానికి అభిషేక్ పాఠక్ దర్శకత్వం వహించారు. ఈ మూవీలో శ్రియా సరన్ టబు, ఇషితా దత్తా, ప్రకాష్ రాజ్, జైదీప్ అహ్లావత్, రజత్ కపూర్, సౌరభ్ శుక్లా, కమలేష్ సావంత్ కీలక పాత్రల్లో నటించారు.

'ధురంధర్' ఫ్రాంచైజీ నుంచి వచ్చిన రెండు సినిమాలు ఎంతలా సెన్సేషన్ సృష్టించాయో ప్రత్యేకంగా చెప్పనక్కర్లేదు. దీని దెబ్బకు దర్శకుడు ఆదిత్య ధర్ పేరు పాన్ ఇండియా లెవల్లో మార్మోగిపోయింది. ఇతడు నెక్స్ట్ ఏ హీరోతో ఎలాంటి మూవీ చేస్తాడా అని అంతా ఎదురుచూస్తున్నారు. సరిగ్గా ఇలాంటి టైంలో ఇతడు, తన భార్యతో కలిసి షాకిచ్చే నిర్ణయం తీసుకున్నట్లు తెలుస్తోంది.(ఇదీ చదవండి: సుకుమార్ ఇంటిచుట్టూ మూడేళ్లు తిరిగితే చివరకు: డైరెక్టర్ శ్రీకాంత్ ఓదెల)ఆదిత్య ధర్‌ది న్యూఢిల్లీ కాగా యామీ గౌతమ్‌ది హిమాచల్ ప్రదేశ్. బాలీవుడ్ సినిమాల్లో పనిచేసేందుకు వేర్వేరుగా ముంబై వచ్చారు. అలా కలిసి పనిచేసిన టైంలో వీళ్లిద్దరూ ఒకరికి ఒకరు పరిచయం. స్నేహం నుంచి మొదలై ప్రేమగా మారి పెళ్లి చేసుకున్నారు. 2021లో వీరి వివాహం.. హిమాచల్ ప్రదేశ్‌లోని యామీ ఇంటిలోనే జరిగింది. ఇప్పుడు అక్కడికే పూర్తిగా మకాం మార్చేయాలని ఈ జంట దాదాపుగా ఫిక్స్ అయ్యారట.వీరిద్దరూ ముంబై కంటే హిమాచల్‌ ప్రదేశ్‌లోని తమ సొంతింటిలోనే ప్రస్తుతం ఎక్కువ సమయం గడుపుతున్నట్లు తెలుస్తోంది. యామీకి హిమాచల్‌ ప్రదేశ్‌తో ప్రత్యేక అనుబంధం ఉంది. పెళ్లికి ముందే ఆమె మండిలోని గోహర్‌ ప్రాంతంలో 100 ఏళ్ల నాటి పురాతన ఇంటితో పాటు దాదాపు 25 ఎకరాల భూమిని కొనుగోలు చేసింది. చెక్క, రాళ్లతో నిర్మించిన ఈ ఇంటి చుట్టూ సేంద్రియ పద్ధతిలో సాగుచేసే తోటలు ఉన్నాయి. వీటిలోనే యాపిల్స్, బంగాళా దుంపలు, ప్లమ్స్, అల్లం లాంటి పంటలను పండిస్తున్నట్లు తెలుస్తోంది.ఇన్నాళ్లూ సినిమా కెరీర్ వల్ల ముంబైలోనే ఎక్కువగా ఉండాల్సి వచ్చింది. ఇప్పుడు మాత్రం ఆదిత్య-యామీ.. పూర్తిగా సొంతూరికి షిఫ్ట్ అయిపోవాలని ఫిక్స్ అయ్యారనమాట. ఒకవేళ అదే జరిగితే షూటింగ్స్ ఉన్న టైంలోనే ముంబైలో, లేదంటే హిమాచల్ ప్రదేశ్‌లో ఉంటారేమో!(ఇదీ చదవండి: వెంకీ-త్రివిక్రమ్ 'ఆదర్శ కుటుంబం'.. మరీ ఇలానా?)

తమ కలలను సాకారం చేసుకునేందుకు ప్రతీ ఏడాది ఎంతోమంది యువతీ యువకులు సిటీ ఆఫ్‌ డ్రీమ్స్‌ ముంబైకి క్యూ కడతారు. కానీ ఆ కలలను సాకారం చేసుకుని, ప్రతిభతో సక్సెస్‌ అయ్యేది మాత్రం కొందరే ఉంటారు. అలాంటి వారిలో ఒకరు స్టాండప్‌ కమెడియన్ షారన్ వర్మ (Sharon Verma) ఒకరు. ముంబై మహా నగరానికి తాను ఎలా వచ్చిందీ, గత నాలుగేళ్లలో జరిగిన విషయాలన్నింటినీ ఆమె ఇటీవల ఇన్‌స్టాగ్రామ్ ద్వారా పంచుకున్నారు."ఖచ్చితంగా నాలుగేళ్ల క్రితం, హాట్‌స్టార్‌లో రైటింగ్ ఉద్యోగం రావడంతో నేను ముంబైకి వచ్చాను. నా జేబులో కేవలం రూ. 100 మాత్రమే ఉండేవి, మిగిలిన రూ. 1.2 లక్షలు బ్యాంకు ఖాతాలో పొదుపుగా ఉండేవి," అని ఆమె తన పోస్ట్‌లో రాసుకొచ్చారు. View this post on Instagram A post shared by prime video IN (@primevideoin) నాలుగు సంవత్సరాల క్రితం హాట్‌స్టార్‌లో రైటింగ్ ఉద్యోగం రావడంతో షారన్ ముంబైకి వెళ్లారు. అప్పుడు ఆమె దగ్గర జేబులో కేవలం రూ. 100, బ్యాంకు ఖాతాలో రూ. 1.2 లక్షల పొదుపు మాత్రమే ఉన్నాయి. తన కరియర్‌ ప్రారంభంలో ముంబైలో రణబీర్ కపూర్, విక్కీ కౌశల్, నవాజుద్దీన్ సిద్ధిఖీ, రవీనా టాండన్ వంటి ప్రముఖ నటుల కోసం ఆమె పనిచేశారు. లోకల్ రైలు ప్రయాణాలు తనకు ఇబ్బందిగా అనిపించినప్పటికీ, ఆఫీసు నుండి కనిపించే ముంబై స్కైలైన్ దృశ్యాలు ఆ కష్టాన్ని మరిపించేవట. అంతేకాదు విద్యా బాలన్ తన పట్ల ఎంతో దయతో ఉండేవారని కూడా ఆమె పేర్కొన్నారు. ప్రస్తుతం స్టాండప్‌ కమెడియన్‌గా తనను తాను నిరూపించుకుంటోంది. ఇదీ చదవండి: కస్టడీ పోరు : నాలుగేళ్లపాపను కాల్చి చంపి, ఆత్మహత్యస్టాండప్ కామెడియన్‌గా2024లో ఓపెన్-మైక్ షోలలో ప్రదర్శనలు ఇవ్వడం ప్రారంభించిన ఆమె, ఫిబ్రవరి 2025 నాటికి ఫుల్ టైమ్ ఉద్యోగాన్ని వదిలేసి పూర్తిస్థాయిలో స్టాండప్ కామెడీపై దృష్టి పెట్టారు. సమయ్ రైనా హోస్ట్ చేసిన 'ఇండియాస్ గాట్ లేటెంట్' సీజన్ 1లో వీక్‌ ఇండిపెండెంట్‌ విమెన్‌ అంటూవ్యాఖ్యలు సోషల్ మీడియాలో విపరీతంగా వైరల్ అయ్యాయి. ఆమె ఈ షోలో న్యాయనిర్ణేతలలో ఒకరిగా కనిపించారు. ఈ షో తరువాత షారన్ గణనీయమైన ప్రజాదరణ పొందింది. "బలహీనమైన స్వతంత్ర మహిళ"గా ఆమె షోస్‌ ఆకట్టుకున్నాయి. జనాల్ని కట్టిపడేసేలా సమయస్ఫూర్తి, హాస్య చతురత, ఆమె పంచ్‌ డైలాగ్స్‌, స్మార్ట్‌నెస్ ఉండేవి. షారన్ వర్మ 1998 ఏప్రిల్ 8, 1998న బిహార్‌లోని పాట్నాలో జన్మించింది. ప్రాథమిక విద్యను పాట్నాలోని ఢిల్లీ పబ్లిక్ స్కూల్‌లో అభ్యసించింది. పాఠశాల రోజుల్లోనే రచనపై ఆసక్తి ఉండేది. తరువాత షారన్ ఢిల్లీ విశ్వవిద్యాలయం పరిధిలోని హన్స్‌రాజ్ కళాశాలలో ఆంగ్ల సాహిత్యాన్ని అభ్యసించింది. ఇదీ చదవండి: 12 ఏళ్ల కొడుకు గొంతు నులిమి? కష్టాల్లో ప్రముఖ నటి

ఓటీటీలో ‘ఇది చూడొచ్చు’ అనే ప్రాజెక్ట్స్‌ చాలా ఉంటాయి. ప్రస్తుతం స్ట్రీమ్‌ అవుతున్న వాటిలో హిందీ సిరీస్‌ ‘షక్‌... ట్రస్ట్‌ నో వన్‌’ ఒకటి. నెట్‌ ఫ్లిక్స్‌లో స్ట్రీమ్‌ అవుతున్న ఈ సిరీస్‌ గురించి తెలుసుకుందాం.ఎవరి జీవితంలోనైనా ఏదైనా అనుకోని అవాంతరం జరిగితే అప్పుడు పుట్టుకొస్తుంది అనుమానం. ఆ క్షణంలో దగ్గర, దూరం అనే భేదం లేకుండా మరీ పక్కనున్నవారిని కూడా అనుమానించే పరిస్థితి వస్తుంది. అందుకే అంటారు కాబోలు అనుమానం పెనుభూతం అని. అదే నేపథ్యంలో రూపొందిన ఇన్వెస్టిగేటివ్‌ నెట్‌ ఫ్లిక్స్‌ సిరీస్‌ ‘షక్‌... ట్రస్ట్‌ నో వన్‌’(Shaque: No One Trust ). రెన్సిల్‌ డి సిల్వా తాను రాసుకున్న కథను తానే తెరకెక్కించిన విధానం అభినందనీయం. ఏడు భాగాలతో స్ట్రీమ్‌ అవుతున్న ఈ ‘షక్‌’ సిరీస్‌ ఊహకందని ట్విస్టులతో మొదటి భాగం నుండి చివరకు కలిపే ప్రతి సన్నివేశం ప్రేక్షకులను కట్టిపడేస్తుందనే చెప్పాలి. పరిణీతి చోప్రా ఈ సిరీస్‌ ప్రధాన పాత్రధారిగా ఆ పాత్రకు న్యాయం చేశారు. సిరీస్‌ కథామూలం తెలియగానే ఎట్టి పరిస్థితిల్లోనైనా సరే చూడాలనుకుంటారు. అంతలా ఏముందీ సిరీస్‌ కథలో ఓసారి చూద్దాం. అన్విత, అలోక్‌కి పెళ్ళై చాలా ఏళ్ళైనా పిల్లలు కలగరు. కానీ చాలా కాలం తరువాత అన్విత గర్భవతై, పండంటి పాపకు జన్మనిస్తుంది. పుట్టిన ఆ బిడ్డకు ‘ఆపేక్ష’ అని పేరు పెట్టుకుంటారు ఆ దంపతులు. పుట్టిన బిడ్డ, అన్విత ఇంకా హాస్పిటల్‌లో ఉండగానే ఓ రాత్రి ఆపేక్షను ఎవరో ఎత్తుకెళతారు. లేకలేక పుట్టిన బిడ్డ కనుమరుగవడంతో అన్విత, ఆలోక్‌లు బావురుమంటారు. ఎంత వెతికినా ఆపేక్ష జాడ కనిపించదు. అన్విత అలుపు లేకుండా ఆపేక్ష కోసం వెతుకుతూనే ఉంటుంది. ఎనిమిదేళ్ళు గడిచినా ఆపేక్ష ఆచూకీ అందదు. కాకపోతే ప్రతి ఏటా ఆపేక్ష పుట్టినరోజు నాడు కిడ్నాపర్‌ అన్వితకు ఆపేక్ష ఫొటో పంపిస్తూ ఉంటాడు. దాంతో అన్విత పిచ్చిదానిలా ప్రవర్తిస్తూ, ప్రతి ఒక్కరినీ అనుమానిస్తూ ఉంటుంది. మరి... అన్వితకు ఆపేక్ష దొరుకుతుందా? అసలు ఆపేక్షను ఎత్తుకెళ్ళిన వాళ్ళు ఎవరు? అలాగే ఆపేక్ష ఫొటోలు ఎవరు పంపుతున్నారు? ఇలాంటి ప్రశ్నలన్నిటికీ సమాధానం ‘షక్‌’ సిరీస్‌లోనే చూడాలి. దీని మాతృక హిందీ అయినా నెట్‌ఫ్లిక్స్‌లో తెలుగులోనూ లభ్యమవుతోంది. ఊహకందని ట్విస్టులు, ఆసక్తికరమైన సన్నివేశాలతో ఈ సిరీస్‌ సాగుతుంది. మరీ ముఖ్యంగా ఇన్వెస్టిగేటివ్‌ థ్రిల్లర్స్‌ ఇష్టపడేవారికి ఓ కన్నులపండగ. ఇంకెందుకాలస్యం... అనుమానం లేకుండా ఈ సిరీస్‌ని వీకెండ్‌లో చూసేయండి. – హరికృష్ణ ఇంటూరు

ప్రముఖ బాలీవుడ్ హీరోయిన్ నుస్రత్ బరుచాకు రోడ్డు ప్రమాదం జరిగింది. ఇండోనేషియాలోని బాలి వెళ్లిన ఆమె వెన్నెముక ఫ్రాక్చర్ అయినట్లు తెలుస్తోంది. ప్రస్తుతం ఆమె ఆస్పత్రిలో చికిత్స పొందుతున్నారు. అయితే ప్రమాదం ఎలా జరిగిందనే విషయంపై ఇంకా క్లారిటీ రావాల్సి ఉంది.మెరుగైన వైద్యం కోసం ఎయిర్ అంబులెన్స్ ద్వారా ముంబయికి తరలించి, అక్కడ సర్జరీ చేయనున్నట్లు ఆమె టీమ్ తెలిపింది. శస్త్రచికిత్స అవసరమని ధృవీకరిస్తూ ఆమె బృందం ఒక ప్రకటన విడుదల చేసింది. ఆమెకు మద్దతుగా నిలిచిన అభిమానులు, శ్రేయోభిలాషులకు ధన్యవాదాలు తెలిపింది. కాగా.. నుస్రత్ వారం క్రితమే తన బాలి పర్యటన ఫోటోలను సోషల్ మీడియాలో పంచుకుంది. అంతలోనే ఇలా ప్రమాదానికి గురైంది.కాగా.. నుస్రత్ 2006లో 'జై సంతోషి మా' చిత్రంతో బాలీవుడ్‌లో అడుగుపెట్టింది. ఆ తర్వాత నుస్రత్ తెలుగులోనూ సినిమాలు చేసింది. తాజ్‌ మహల్ చిత్రంలో హీరోయిన్‌గా కనిపించింది. అలాగే బాలీవుడ్‌లో ‘సోను కే టిటు కి స్వీటీ’, ‘ఛత్రపతి’ రీమేక్, 'లవ్ సెక్స్ ఔర్ ధోకా, ప్యార్ కా పంచనామా', 'ప్యార్ కా పంచనామా 2' వంటి చిత్రాల్లో మెప్పించింది. ఆమె ప్రస్తుతం టైగర్ ష్రాఫ్ హీరోగా నటిస్తున్న ఒక యాక్షన్ చిత్రంలో కనిపించనుంది. టైగర్ ష్రాఫ్‌తో కలిసి నటించడం ఇదే మొదటిసారి కావడం విశేషం.

తను వెడ్స్ మను’, ‘రాంజనా’ వంటి సినిమాలతో బాలీవుడ్‌లో తనకంటూ గుర్తింపు తెచ్చుకున్న బ్యూటీ స్వర భాస్కర్. ఆ తర్వాత పెళ్లి చేసుకున్న ముద్దుగమ్మ 2023లో ఓ ఆడబిడ్డకు జన్మనిచ్చింది. ప్రస్తుతం రైజ్ అండ్ ఫాల్ సీజన్-2 రియాలిటీ షోలో సందడి చేశారు. ఆమె తొలి ఎపిసోడ్‌కు హాజరయ్యారు. ఈ సందర్భంగా తన కెరీర్‌కు సంబంధించిన పలు ఆసక్తికర విషయాలు పంచుకున్నారు. తాజాగా తన కెరీర్‌లో ఎదురైన చేదు అనుభవాన్ని ఆమె పంచుకున్నారు. 'తను వెడ్స్ మను' సినిమా విజయం తర్వాత దురదృష్టకర సంఘటన జరిగిందని చెప్పుకొచ్చారు. ఒక దర్శకుడు మా ఇద్దరిని కలిసి ఒక రొమాంటిక్ సన్నివేశానికి రిహార్సల్ చేయమని ఇబ్బందికి గురిచేశాడని తెలిపింది. దర్శకుడు, సినిమాటోగ్రాఫర్ అప్పటికే సగం బాటిల్ తాగేసి కనిపించారు. మద్యం తాగుతున్న వాళ్లముందు 20 ఏళ్ల యువతి రిహారస్ ఎలా చేయాలని భయమేసిందని వెల్లడించింది. ఎలాగోలా అక్కడి నుంచి పరుగెత్తుకుంటూ వచ్చేశానని స్వర భాస్కర్ తెలిపింది.అయితే ఇది అక్కడితో ముగియలేదని స్వర భాస్కర్ తెలిపింది. ఆ డైరెక్టర్‌ రాత్రి మద్యం సేవించి తన గది వద్దకు వచ్చారని వెల్లడించింది. నన్ను కౌగిలించుకుంటావా? అని అడిగాడని చేదు అనుభవాన్ని పంచుకుంది. అప్పుడు నేను చేయలేను సార్.. దయచేసి ఇక్కడి నుంచి వెళ్లండి.. నాకు చాలా భయంగా ఉందని చెప్పానని తెలిపింది. ఆ సమయంలో తాను తీవ్ర అసౌకర్యానికి గురిచేశాడని స్వర భాస్కర్ తన బాధ వ్యక్తం చేసింది.'తను వెడ్స్ మను' తర్వాత తాను ఒక పెద్ద ప్రాజెక్ట్ చేసే సమయంలో దర్శకుడి నుంచి తనకు సందేశాలు, కవిత్వం రావడం మొదలయ్యాయని స్వర భాస్కర్ పేర్కొంది. ఒక దర్శకుడు నటుడిని ప్రేమించాలని పదేపదే నొక్కి చెప్పేవారని ఆమె తెలిపింది.

దృశ్యం సిరీస్ సినిమాలకు ఉన్న క్రేజే వేరు. ఇప్పటికే వచ్చిన దృశ్యం చిత్రాలు ఆడియన్స్‌కు విపరీతంగా ఆకట్టుకున్నాయి. ఇప్పుడు బాలీవుడ్‌లో దృశ్యం- ది కంక్లూజన్ రిలీజ్‌కు అంతా సిద్ధమైంది. ఈ మూవీలో అజయ్ దేవగణ్ హీరోగా నటించారు. ఈ మూవీ అక్టోబర్ 2న థియేటర్లలో విడుదల కానుంది. ఇప్పటికే అడ్వాన్స్ బుకింగ్స్ ఓపెన్ కాగా.. టికెట్స్ హాట్ కేకుల్లా అమ్ముడవుతున్నాయి. ఈ జోరు చూస్తుంటే ఇండియాలో మొదటి రోజే రూ. 50 కోట్ల నెట్ వసూళ్లు సాధించేలా కనిపిస్తోంది.ఈ చిత్రానికి అభిషేక్ పాఠక్ దర్శకత్వం వహించారు. అడ్వాన్స్ బుకింగ్స్‌లో 'ధురందర్ 2' తర్వాత రెండవ అతిపెద్ద హిందీ చిత్రంగా నిలిచేలా కనిపిస్తోంది. ఈ ఏడాది 'మిర్జాపూర్: ది మూవీ' (రూ. 28.11 కోట్లు), 'బోర్డర్ 2' (రూ. 32.10 కోట్లు) లాంటి సినిమాలను అధిగమించనుంది. శుక్రవారం నాడు 5.35 లక్షలకు పైగా టిక్కెట్లను అమ్మగా.. రూ. 19.75 కోట్ల అడ్వాన్స్ అమ్మకాలను నమోదు చేసింది. ప్రముఖ ట్రేడ్ వెబ్‌సైట్ శాక్‌నిల్క్ ప్రకారం.. భారతదేశంలో అడ్వాన్స్ బుకింగ్‌ల ద్వారా రూ. 36.25 కోట్ల స్థూల వసూళ్లను రాబట్టనుంది. ఓవర్‌సీస్‌లో ఇప్పటికే రూ. 3 కోట్లకు పైగా వసూలు చేసింది. వారాంతపు అడ్వాన్స్ బుకింగ్స్‌ కలిపితే రూ. 5 కోట్లు దాటనుంది. ఓవరాల్‌గా చూస్తే ప్రపంచవ్యాప్తంగా థియేటర్లలోకి రాకముందే రూ. 50 కోట్లకు పైగా రాబట్టనుంది. ఈ చిత్రం ఇప్పటికే దృశ్యం 2 అడ్వాన్స్ అమ్మకాల రికార్డును దాటేసింది.కాగా.. ఈ చిత్రంలో అజయ్ దేవ్‌గన్.. తన కుటుంబ రహస్యాలను కాపాడటానికి ఏదైనా చేసే ఒక కుటుంబ పెద్ద అయిన విజయ్ సాల్గావ్‌కర్ పాత్రలో కనిపించనున్నారు. ఈ మూవీలో పాటు శ్రియా శరన్, ఇషితా దత్తా, టబు, జైదీప్ అహ్లావత్, మృణాల్ జాదవ్ కీలక పాత్రల్లో నటిస్తున్నారు.

బాలీవుడ్‌ నటుడు అమితాబ్‌ బచ్చన్‌ ‘కౌన్‌ బనేగా కరోడ్‌పతి’ (కేబీసీ )షూటింగ్‌లో గాయపడ్డారు. ప్రస్తుతం ఈ కార్యక్రమం 18వ సీజన్‌ కొనసాగుతోంది. తాజాగా జరిగిన షూటింగ్‌లో తాను జారి పడటంతో మోకాలికి గాయమైందని బిగ్‌బీ వెల్లడించారు. దీంతో ఎప్పటిలా నిల్చొని కాకుండా ఈ సారి కూర్చొనే కార్యక్రమాన్ని ప్రారంభించారు.నిలబడటం ఇబ్బందిగా ఉందని..సాధారణంగా కేబీసీ ప్రారంభంలో వేదిక మధ్యలో నిల్చొని పోటీదారులను అమితాబ్‌ బచ్చన్‌ ఆహ్వానించేవారు. అయితే మోకాలికి గాయం కావడంతో నిలబడటంలో కొంత ఇబ్బంది ఎదురవుతోందని ఈ సందర్భంగా ప్రేక్షకులకు వివరించారు. పోటీదారులను ఆహ్వానించే సమయంలో మాత్రం తన సీటు వద్దే నిలబడతానని చెప్పారు. ప్రారంభంలో కంటెస్టెంట్‌ల వద్దకు వెళ్లి నిలబడటం మాత్రం కాస్త ఇబ్బందిగా ఉందని తెలిపారు.అయితే తన గాయం గురించి అభిమానులు ఆందోళన చెందాల్సిన అవసరం లేదని అమితాబ్‌ భరోసా ఇచ్చారు. కాగా ఆయన గాయం గురించి తెలుసుకున్న అభిమానులు త్వరగా కోలుకోవాలని సామాజిక మాధ్యమాల వేదికగా ఆకాంక్షిస్తున్నారు.83 ఏళ్ల వయసులోనూ..83 ఏళ్ల వయసులోనూ అమితాబ్‌ బచ్చన్‌ వరుసగా సినిమాలు, టీవీ కార్యక్రమాలు చేస్తూ ప్రేక్షకులను అలరిస్తున్నారు. ఇటీవల ‘సెక్షన్‌ 84’లో కనిపించిన ఆయన.. ప్రస్తుతం నాగ్‌ అశ్విన్‌ దర్శకత్వంలో తెరకెక్కుతున్న ‘కల్కి’ సీక్వెల్‌తో బిజీగా ఉన్నారు. ఈ చిత్ర షూటింగ్‌ను వచ్చే ఏడాది జూన్‌ నాటికి పూర్తి చేయనున్నట్లు సమాచారం.ఇదీ చదవండి: అశ్లీల సీన్స్‌.. ఇప్పుడైతే అలాంటి వాటిలో నటించను: అమలాపాల్‌

కాజల్ అగర్వాల్ లీడ్‌ రోల్లో వచ్చిన మేసేజ్ ఓరియంటేడ్‌ మూవీ ద ఇండియా స్టోరీ. ఈ చిత్రంలో శ్రేయాస్‌ తల్పాడే కీలకపాత్ర పోషించారు. కల్తీ కాన్సెప్ట్‌తో ఈ మూవీ ప్రేక్షకుల ముందుకు తీసుకొచ్చారు. చేతన్‌ డీకే దర్శకత్వం వహించిన ఈ చిత్రం జూలై 24న థియేటర్లలో విడుదలైంది. అయితే బాక్సాఫీస్ ఆడియన్స్‌ను ఆకట్టుకోవడంలో విఫలమైంది.ఈ మూవీ సెప్టెంబర్ 18న ఓటీటీకి వచ్చేసింది. జియో హాట్‌స్టార్ వేదికగా హిందీలో మాత్రమే అందుబాటులోకి వచ్చింది. ప్రస్తుతం తెలుగు, తమిళం భాషల్లోనూ స్ట్రీమింగ్ అవుతోంది. ఈ రోజు నుంచే తెలుగు వర్షన్ కూడా ఓటీటీలో అలరిస్తోంది.(ఇది చదవండి: సరికొత్త ఓటీటీ ఫ్లాట్‌ఫామ్.. ఉచితంగానే మలయాళ థ్రిల్లర్‌ మూవీస్..!)ది ఇండియా స్టోరీ కథేంటంటే..దేశ సరిహద్దుల్లో సైనికుడిగా పనిచేసిన ఓ వ్యక్తి ఏడేళ్ల కూతురు క్యాన్సర్‌తో చనిపోతుంది. అయితే తన కుమార్తెని అన్యాయంగా చంపేశారని చెప్పి సదరు తండ్రి.. న్యాయస్థానాన్ని ఆశ్రయిస్తాడు. ఓ లాయర్‌తో కలిసి క్రిమి సంహారకాలు తయారు చేసే కంపెనీలు, కల్తీ చేసే సంస్థలపై పోరాటానికి దిగుతాడు. ఈ ప్రయాణంలో ఎలాంటి సవాళ్లు ఎదుర్కొన్నాడు? ఓ మహిళా లాయర్‌తో కలిసి ఏం చేశాడు? రైతులు వీళ్లిద్దరిపై ఎందుకు తిరగబడ్డారు? అనేదే స్టోరీ. 📢 Streaming Alert ▶️ #TheIndiaStory (Hindi)Now streaming on JioHotstar in Tamil & Telugu also🍿 #OTT_Trackers https://t.co/wpwADa1HCW pic.twitter.com/ojAQUA6O2Q— OTT Trackers (@OTT_Trackers) September 30, 2026

బాలీవుడ్ నిర్మాత కరణ్ జోహార్‌ తన 22 ఏళ్ల టాక్‌ షోకు గుడ్ బై చెప్పనున్నారు. దాదాపు రెండు దశాబ్దాలక పైగా సాగి ఈ టాక్‌ షోకు కరణ్ హోస్ట్‌గా వ్యవహరిస్తున్నారు. ఈ పాపులర్ సెలబ్రిటీ టాక్ షోలో ఎన్నో కాంట్రవర్సీలు, ఆసక్తికరమైన కామెంట్లు, వైరల్ మూమెంట్లకు కేరాఫ్ అడ్రస్‌గా నిలిచింది. అయితే, ఇప్పుడు ఈ షో ప్రయాణానికి ముగింపు పలకనున్నట్లు కరణ్ జోహార్ తాజాగా ప్రకటించారు. ఈ మేరకు ఆయన ఎమోషనల్ వీడియోను పంచుకున్నారు. ఈ టాక్‌ షోతో తనకున్న అనుబంధాన్ని గుర్తుచేసుకున్నారు.కరణ్‌ వీడియోలో మాట్లాడుతూ..'2004లో నేను సెలబ్రిటీల టాక్‌ షో ప్రారంభించాలని మా నాన్నతో చెప్పా. అప్పుడాయన చాలా కంగారు పడ్డారు. ఇలా చేస్తే నీకు డబ్బులు ఎక్కడనుంచి వస్తాయన్నారు. అదే నెలలో ఆయన కన్నుమూశారు. ఆయనతో చివరిసారిగా చర్చించిన ప్రాజెక్ట్‌ ఇదే. కొన్ని ప్రయాణాలను మనం ముగించాలని అనుకోం. కానీ, వాటికి కూడా ఎండ్‌కార్డు వేసే సమయం వస్తుంది. కాఫీ విత్‌ కరణ్‌ నా జీవితంలో ఎంతో ముఖ్యం. నాకు ఎన్నో జ్ఞాపకాలను ఇచ్చింది. ఈ టాక్‌షోపై వివాదాలు వచ్చినప్పటికీ.. ఆదరణ మాత్రం ఎప్పుడూ తగ్గలేదు. నేను బయట కనిపించినప్పుడు నా సినిమాల అప్‌డేట్‌ల కంటే.. ఈ టాక్‌ షో తర్వాతి సీజన్‌ ఎప్పుడనే అందరూ అడుగుతారు. అలాంటి ఈ గొప్ప షోను ఇక ముగిస్తున్నా' అంటూ ఎమోషనల్ అ‍య్యారు. ఈ షో చివరి సీజన్‌ అక్టోబర్‌ 14 నుంచి జియో హాట్‌స్టార్‌లో స్ట్రీమింగ్ కానుందని వెల్లడించారు. ఇప్పటిదాకా ఈ షోలో 8 సీజన్‌లు, 161 ఎపిసోడ్‌లు సక్సెస్‌ఫుల్‌గా పూర్తైనట్లు కరణ్‌ వెల్లడించారు. View this post on Instagram A post shared by Karan Johar (@karanjohar)

మనలో ఎంత టాలెంట్ ఉన్నాసరే దానికంటూ ఓ టైమ్ రావాల్సి ఉంటుంది. బాలీవుడ్ నటుడు అక్షయ్ ఖన్నా విషయంలో ఇదే జరిగిందని చెప్పొచ్చు. ఎందుకంటే గతంలో హీరోగా, సహాయ నటుడిగా పలు సినిమాలు చేసినప్పటికీ హిందీ వరకే ఇతడి పేరు తెలుసు. ఎప్పుడైతే 'ధురంధర్'లో విలన్‌గా చేశాడో ఇతడి దశ తిరిగిపోయింది. ఓవర‌నైట్ స్టార్‌డమ్ వచ్చేసింది. ప్రస్తుతం పలు పాన్ ఇండియా చిత్రాల్లో నటిస్తున్న ఇతడు.. ఇప్పుడు కోట్లాది రూపాయలు విలువ చేసే ఇ‍ల్లు కొన్నాడు. ఇప్పుడీ విషయం ఇండస్ట్రీలో హాట్ టాపిక్ అయిపోయింది.(ఇదీ చదవండి: ఓటీటీలోకి 'అక్క'.. లేడీ గ్యాంగ్‌స్టర్‌గా కీర్తి సురేశ్)ముంబైలోని అత్యంత ఖరీదైన ప్రాంతాల్లో ఒకటైన మలబార్ హిల్‌లో అక్షయ్ ఖన్నా.. ఓ లగ్జరీ అపార్ట్‌మెంట్‌ కొనుగోలు చేశాడు. దీని విలువ రూ.33.26 కోట్లు. ఈ నెలలోనే రిజిస్ట్రేషన్ అంతా పూర్తయింది. మలబార్ హిల్ రోడ్డులోని 30 లిటిల్ గిబ్స్‌లో ఈ అపార్ట్‌మెంట్ ఉంది. మరి ఇన్ని కోట్లు పెట్టి కొన్ని దీనిలో స్పెషల్ ఏంటి అని అంటారా?దక్షిణ ముంబైలోని అత్యంత ప్రతిష్ఠాత్మక నివాస ప్రాంతాల్లో మలబార్ హిల్ కూడా ఒకటి. సముద్రం కనిపించేలా ఫేసింగ్, చాలామంది సెలబ్రిటీలు, సంపన్నులకు ఇది ఫేవరెట్ రెసిడెన్షియల్ లొకేషన్ ఇది. మెరైన్ డ్రైవ్, నరీమన్ పాయింట్, కొలాబా లాంటి ప్రాంతాలకు ఇది దగ్గరగా ఉంటుంది. అందుకే ఇంత ధర అని తెలుస్తోంది.అక్షయ్ ఖన్నా విషయానికొస్తే.. దిగ్గజ నటుడు వినోద్ ఖన్నా కొడుకు. దిల్ చాహ్తా హై, హమ్‌రాజ్, హుల్చుల్, గాంధీ, మై ఫాదర్, రేస్, దృశ్యం తదితర సినిమాల్లో డిఫరెంట్ పాత్రలు చేసి గుర్తింపు తెచ్చుకున్నాడు. రీసెంట్ టైంలో అయితే ఛావా, ధురంధర్ సినిమాలతో వావ్ అనిపించాడు. ప్రశాంత్ వర్మ దర్శకత్వం పర్యవేక్షణలో తీస్తున్న 'మహాకాళి'లో అసురగురువు శుక్రాచార్యగా కనిపించబోతున్నాడు. వచ్చే ఏడాది జనవరి 8న ఈ మూవీ రిలీజ్ కానుంది. ఇకపోతే ఇతడు ప్రస్తుతం ఒక్కో సినిమాకు రూ.20 కోట్ల రెమ్యునరేషన్ డిమాండ్ చేస్తున్నాడట.(ఇదీ చదవండి: 'బిగ్‌బాస్'కి పోటీగా కొత్త రియాలిటీ షో.. లాంచింగ్ ప్రోమో)

రెబల్‌ స్టార్‌ ప్రభాస్‌ హీరోగా నటించిన పాన్‌ ఇండియన్‌ ఫిల్మ్‌ ‘కల్కి 2898 ఏడీ’కి సీక్వెల్‌గా ‘కల్కి 2898 ఏడీ 2’ రూపొందనున్న సంగతి తెలిసిందే. ‘కల్కి 2898 ఏడీ’ సినిమాలో మళయాళ హీరో దుల్కర్ సల్మాన్ కనిపించాడు. ప్రభాస్ ఫ్లాష్‌బ్యాక్ ఎపిసోడ్‌లో కొద్దిసేపు కనిపించే ఆయన పాత్ర.. ఆ తర్వాత కథలో ఎక్కడా పెద్దగా కనిపించదు. అయితే ఇప్పుడు ఈ పాత్రను ‘కల్కి 2’లో మళ్లీ తీసుకురాబోతున్నారనే వార్తలు వినిపిస్తున్నాయి. పార్ట్-2లో అమితాబ్ బచ్చన్, ప్రభాస్, కమల్ హాసన్ పాత్రల చుట్టూనే కథ ప్రధానంగా సాగనున్నట్లు తెలుస్తోంది. కల్కిలో అత్యంత కీలకమైన సుమతి పాత్ర కోసం దీపికా పదుకోన్ స్థానంలో వేరే హీరోయిన్‌ను కూడా తీసుకోవడం లేదు. మిగితా పాత్రలతోనే కథను ముందుకు తీసుకెళ్తామని ఈ చిత్ర దర్శకుడు నాగ్ అశ్విన్ ఇప్పటికే ప్రకటించిన సంగతి తెలిసిందే.ఈ క్రమంలో స్క్రీన్‌ప్లేలో చేసిన మార్పుల కారణంగా దుల్కర్ పాత్రను కీలకమైన సమయంలో మళ్లీ కథలోకి తీసుకురానున్నారని సమాచారం. అయితే ఇది వైజయంతీ మూవీస్‌కు దుల్కర్‌పై ఉన్న సెంటిమెంట్‌లో భాగమా? లేక ఈ సినిమా కథకు అవసరమైన మార్పుల్లో భాగమా? అనేది తెలియాల్సి ఉంది. అయితే ప్రస్తుతానికి దుల్కర్ ‘కల్కి 2’లో నటిస్తున్నారనే వార్తకు ఎలాంటి అధికారిక ప్రకటన రాలేదు. రానున్న రోజుల్లో ఈ విషయంపై అధికారిక ప్రకటన వస్తుందేమో చూడాలి.

బిగ్‌బాస్ బ్యూటీ సోషల్ మీడియా ఇన్‌ఫ్లుయెన్సర్ దివ్య షిండేను పోలీసులు అరెస్ట్ చేశారు. దాదాపు 65 ఏళ్లు రిటైర్డ్ మెడికల్ ఆఫీసర్‌పై దాడి చేసి రూ.5 లక్షల దోపీడీ చేశారని ఆమెపై కేసు నమోదు కావడంతో అదుపులోకి తీసుకున్నారు. అరెస్టు అనంతరం.. ఆమెను కోర్టులో హాజరుపరచగా సెప్టెంబర్ 30 వరకు పోలీసు కస్టడీ విధించింది. కాగా.. దివ్య షిండే బిగ్ బాస్ మరాఠీ సీజన్- 6లో కంటెస్టెంట్‌గా పాల్గొన్నారు.బిగ్‌బాస్ షోలో పాల్గొన్న తర్వాతే ఆమెకు ఒక్కసారిగా ఫేమ్ వచ్చింది. ఆ తర్వాతే ఆమెకు ఇన్‌స్టాగ్రామ్ ఫాలోవర్స్ సంఖ్య 1.1 మిలియన్లకు పైగా చేరింది. దీంతో ప్రమోషన్స్ చేస్తూ ఫుల్ బిజీ అయిపోయింది. ‍అలా డాక్టర్ విద్యాధర్ గైక్వాడ్ ఆయన ఎన్జీవో ఈవెంట్‌ను దివ్య సోషల్ మీడియాలో ప్రచారం చేసినందుకు రూ. 5 లక్షలు డిమాండ్ చేసింది. ఆ డబ్బులు ఇవ్వకపోవడంతో వైద్యునిపై దాడికి పాల్పడినట్లు తెలుస్తోంది. ఆయన ఫిర్యాదు చేయడం వల్లే దివ్య షిండేను పోలీసులు అదుపులోకి తీసుకున్నారు.

సాక్షి,ముంబై : ముంబైలోని బాలీవుడ్ నటి రకుల్ ప్రీత్ సింగ్ అత్తింటివారిపై ఆదాయపన్నుశాఖ దాడులు అలజడి రేపాయి. రకుల్‌ మామ, ప్రముఖ నిర్మాత వాషు భగ్నానీ, పనోరమా స్టూడియోస్‌తో సంబంధం ఉన్న పలు ప్రాంతాల్లో ఆదాయపు పన్ను శాఖ (ఇన్‌కమ్ ట్యాక్స్) సోదాలు కొనసాగుతున్నాయి. సినిమా సంబంధిత నిధులలో జరిగిన అవకతవకలపై జరుగుతున్న విచారణ నేపథ్యంలో, సెప్టెంబర్ 28, సోమవారం ఈ ఆపరేషన్ మొదలైంది.ముంబై ఆదాయపు పన్నుశాఖ నిర్వహిస్తున్న ఈ సోదాలు సినిమా ప్రాజెక్టులకు ఫైనాన్సింగ్ పేరుతో పంపినట్లు ఆరోపణలున్న డబ్బుకు సంబంధించిన ఆర్థిక అవకతవకలతో ముడిపడి ఉన్నట్టు తెలుస్తోంది. ముంబైలోని 12 ప్రదేశాలలో ఈదాడులు మొదలయ్యాయి. అయితే ఆరోపించబడిన లావాదేవీలు, ఇతర వివరాలు ఇప్పటివరకు వెల్లడి కాలేదు. భగ్నానీ కుటుంబం పూజా ఎంటర్‌టైన్‌మెంట్‌తో సంబంధం కలిగి ఉండగా, పనోరమా స్టూడియోస్ సంస్థను కుమార్ మంగత్ నిర్వహిస్తున్నారు. పనోరమా స్టూడియోస్ నిర్మించిన 'దృశ్యం: ది కన్క్లూజన్' చిత్రం అక్టోబర్ 2న విడుదల కానుంది. ఈ సోదాలకు సంబంధించి ఎలాంటి ఆర్థిక లావాదేవీలు జరిగాయి, ఎంత మొత్తం అనే వివరాలను ఐటీ అధికారులు అధికారికంగా వెల్లడించలేదు. ఈ ఆరోపణలపై దర్యాప్తు ఇంకా కొనసాగుతోంది. తాజా దాడులపై మరిన్ని వివరాలు తెలియాల్సి ఉంది.ఇదీ చదవండి: పెళ్లైన 5 నెలలకే టెకీ ఆత్మహత్యనిధుల మళ్లింపు ఆరోపణలుసినిమా ప్రాజెక్ట్‌ల ఫైనాన్సింగ్ పేరుతో నిధులను విదేశాలకు అక్రమంగా తరలిస్తున్నారనే (Funds routed abroad) అనుమానాలతో ముంబై ఐటీ శాఖ అధికారులు 12 ప్రాంతాల్లో ఈ సోదాలు చేపట్టారు. ఐటీ శాఖకు చెందిన పలు బృందాలు డాక్యుమెంట్లు, ఆర్థిక రికార్డులు మరియు విదేశీ లావాదేవీల వివరాలను క్షుణ్ణంగా పరిశీలిస్తున్నాయి.ఇదీ చదవండి: యూనివర్శిటీ విద్యార్థిని మృతి, లవ్‌ జిహాద్‌ ఆరోపణలు కలకలంరకుల్ సోదరుడి డ్రగ్స్ కేసు నేపథ్యంరకుల్ ప్రీత్ సింగ్, వాషు భగ్నానీ కుమారుడైన నిర్మాత జాకీ భగ్నానీని పెళ్లాడారు. కాగా గత ఏడాది డిసెంబర్ 19 న ముంబైలో జరిగిన ఓ డ్రగ్స్ కేసులో రకుల్ ప్రీత్ సింగ్ తమ్ముడు అమన్‌ప్రీత్ సింగ్ ప్రమేయం ఉన్నట్లు ఆరోపణలు వచ్చాయి. ఈ కేసులో ఈగల్ ఫోర్స్, వెస్ట్ జోన్ పోలీసులు ఇద్దరు వ్యాపారులను అరెస్ట్ చేసి, వారి వద్ద నుంచి కొకైన్, ఎండీఎంఏ (MDMA) స్వాధీనం చేసుకున్నారు. అమన్‌ప్రీత్ ఆ డ్రగ్స్ పెడ్లర్ల నుంచి ఐదుసార్లు డ్రగ్స్ కొనుగోలు చేసినట్లు పోలీసులు అనుమానించారు.

హీరోయిన్ తాప్సీ పన్ను ఇటీవల గాంధారి మూవీతో ప్రేక్షకులను పలకరించింది. బాలీవుడ్‌లో వచ్చిన ఈ సినిమా నేరుగా ఓటీటీలో స్ట్రీమింగ్‌కు వచ్చేసింది. ప్రస్తుతం ఈ సినిమా ఓటీటీలో అందుబాటులో ఉంది. ఈ నేపథ్యంలో తాప్సీ వరుస ఇంటర్వ్యూలకు హాజరవుతోంది. ఈ సందర్భంగా తన కెరీర్‌ గురించి పలు ఆసక్తికర విషయాలను పంచుకుంది. వ్యక్తిగత జీవితాన్ని చాలా గోప్యంగా ఉంచే తాప్సీ.. తాజాగా రివీల్ చేసింది. తన భర్త మథియోస్ బోతో డేటింగ్ ఎప్పుడు మొదలైందనే విషయాన్ని వెల్లడించింది.ప్రొఫెషనల్ బ్యాడ్మింటన్ క్రీడాకారుడు, ప్రముఖ కోచ్ మథియాస్ బోతో పెళ్లై మూడేళ్లయినా సందర్భంగా ఈ విషయాన్ని పంచుకుంది. ఇద్దరికీ ఒకరిపై ఒకరికి అపారమైన గౌరవం ఉందని వెల్లడించింది. బాలీవుడ్‌లో అడుగుపెట్టిన అదే ఏడాదిలో అతనితో డేటింగ్ చేయడం మొదలుపెట్టానని తెలిపింది.. ఇన్నేళ్లుగా అతను నా హృదయానికి దగ్గరగా ఉన్నాడని.. ఎందుకంటే ఇంతకంటే మంచి వ్యక్తి నాకు దొరకడని నేను భావించానని పేర్కొంది. నా జీవితంలో నేను తీసుకున్న అత్యుత్తమ నిర్ణయం ఇదేనని అనుకుంటున్నానని తెలిపింది. ‍అయితే నా వృత్తి కూడా పూర్తిగా నా ఇష్టంతో ఎంచుకున్నది కాదు.. అది యాదృచ్ఛికంగా జరిగింది.. కాబట్టి భర్త ఎంపికలో చాలా గర్వపడుతున్నట్లు తాప్సీ ఆనందం వ్యక్తం చేసింది.(ఇది చదవండి: రూ.2 కోట్లు పెడితే రూ.400 కోట్లు వచ్చాయి..!)తాప్సీ మాట్లాడుతూ..'మేము 13 ఏళ్లుగా కలిసి ఉన్నాం. మా మధ్య అపారమైన భద్రతా భావం ఉంది. అన్నింటికన్నా ముఖ్యంగా ఒకరిపై ఒకరికి చాలా గౌరవం ఉంది. అది కూడా చాలా ఎక్కువ. ఆ తర్వాతే ప్రేమ వస్తుంది. ఒక బంధానికి గౌరవం కాకపోతే, ఆ బంధం ఎక్కువ కాలం నిలవదు. సినీ పరిశ్రమలోనే వృత్తితో సంబంధం లేకుండా ప్రేమను పొందాలనుకునే నా సహచరులను చాలా మందిని నేను చూస్తున్నా. ఎందుకో నాకు అర్థం కావడం లేదు, మనం తాత్కాలిక ఆనందానికే ఎక్కువ విలువ ఇస్తున్నామా అనిపిస్తోంది. కానీ నా అనుభవం దీనికి పూర్తిగా భిన్నమైనది.” అని అన్నారు.కాగా.. తాప్సీ 2013లో డేవిడ్ ధావన్ దర్శకత్వం వహించిన 'చష్మే బద్దూర్' అనే కామెడీ చిత్రంతో బాలీవుడ్‌లో అడుగుపెట్టింది. ఆ తర్వాత తెలుగులోనూ పలు సూపర్ హిట్ చిత్రాల్లో నటించింది. బాలీవుడ్‌లో 'పింక్', 'బేబీ', 'నామ్ షబానా', 'థప్పడ్', 'మన్మర్జియాన్' సినిమాలతో పరిశ్రమలో తనకంటూ ఒక ప్రత్యేక స్థానాన్ని సంపాదించుకుంది. ఇటీవల 'అస్సీ', 'గాంధారి' చిత్రాలలో కనిపించింది.

ఎలాంటి అంచనాలు లేకుండా వచ్చిన చిన్న సినిమా బాక్సాఫీస్ వద్ద ప్రభంజనం సృష్టిస్తోంది. కేవలం రూ.2 కోట్ల బడ్జెట్‌తో తెరకెక్కించిన ఈ మూవీ మరో మైలురాయి చేరుకుంది. ఈ చిత్రం రిలీజైన 52 రోజుల్లోనే ప్రపంచవ్యాప్తంగా రూ. 400 కోట్లకు పైగా వసూళ్లు సాధించింది. నాని నటించిన 'ది ప్యారడైజ్', సిద్ధార్థ్ మల్హోత్రా, తమన్నా భాటియా నటించిన 'ది వాన్ - ఫోర్స్ ఆఫ్ ది ఫారెస్ట్' వంటి పెద్ద చిత్రాలు విడుదలైనా వసూళ్లను నమోదు చేసింది.ట్రేడ్ వెబ్‌సైట్ శాక్‌నిల్క్ ప్రకారం ఇప్పటివరకు భారతదేశ రూ. 307.03 కోట్ల నెట్ వసూళ్లు రాబట్టింది. గ్రాస్ పరంగా చూస్తే రూ. 362.70 కోట్లకు పైగా సాధించింది. ఓవర్‌సీస్‌లో రూ. 38.50 కోట్ల గ్రాస్ వసూళ్లు రాగా.. ఓవరాల్‌గా ప్రపంచవ్యాప్త రూ. 401.20 కోట్ల గ్రాస్ వసూళ్లు రాబట్టింది. ఇప్పటికే 50 రోజులు దాటినా కూడా హనుమాన్ అన్ష్ బాక్సాఫీస్ వద్ద తన హవా కొనసాగిస్తోంది. కాగా.. ఈ సినిమాకు విశాల్ చతుర్వేది దర్శకత్వం వహించారు. నీమ్ కరోలి బాబా జీవితం ఆధారంగా ఈ చిత్రాన్ని తెరకెక్కించారు. ఈ చిత్రంలో చందన్ కె ఆనంద్, నిఖిల్ దుబే, అనిల్ రస్తోగి, సుగంధ మల్హోత్రా కీలక పాత్రల్లో నటించారు.

బాలీవుడ్ హీరో సిద్ధార్థ్ మల్హోత్రా, మిల్కీ బ్యూటీ తమన్నా జంటగా వచ్చిన లేటేస్ట్ థ్రిల్లర్ మూవీ ది వాన్. ఈ చిత్రానికి దీపక్ కుమార్ మిశ్రా దర్శకత్వం వహించారు. ఈ చిత్రాన్ని బాలాజీ టెలిఫిల్మ్స్ బ్యానర్‌పై శోభా కపూర్, ఏక్తా కపూర్ నిర్మించారు. సెప్టెంబర్ 25న ప్రపంచవ్యాప్తంగా థియేటర్లలో రిలీజైన ఈ మూవీ బాక్సాఫీస్ వద్ద అదరగొడుతోంది.ఈ మూవీ రిలీజైన రెండు రోజుల్లోనే రూ.23 కోట్లకు పైగా వసూళ్లు సాధించింది. ఈ విషయాన్ని హీరోయిన్ తమన్నా సోషల్ మీడియా వేదికగా పంచుకుంది. గ్రామీణ నేపథ్యంలోనే హారర్‌ థ్రిల్లర్‌గా తెరకెక్కించిన ఈ సినిమా బాక్సాఫీస్ వద్ద ఊహించని విధంగా రాణిస్తోంది. కాగా.. ఈ చిత్రంలో సునీల్ గ్రోవర్, మనీష్ పాల్, శ్వేతా తివారీ, అనూప్ సోని కీలక పాత్రల్లో నటించారు. The roar is getting louder 🔱🔥#THEVVAANInCinemasNowBook your tickets: https://t.co/tkU4uutXBi@SidMalhotra @WhoSunilGrover @ManishPaul03 #ShwetaTiwari @soniiannup #ShobhaKapoor @EktaaRKapoor @ArunabhKumar @nirajkothari #DeepakMishra @balajimotionpic @TheViralFever… pic.twitter.com/BAcXPWawCz— Tamannaah Bhatia (@tamannaahspeaks) September 27, 2026

రణ్‌బీర్ కపూర్, సాయిపల్లవి సీతారాములుగా వస్తోన్న మూవీ రామాయణ. ఈ చిత్రానికి నితీశ్ తివారీ దర్శకత్వం వహిస్తున్నారు. ఈ మూవీని భారీ బడ్జెట్‌తో నిర్మిస్తున్నారు. ఈ సినిమాలో కేజీఎఫ్ హీరో యశ్.. రావణాసురుడి పాత్రలో కనిపించనున్నారు. ఇటీవలే ఈ మూవీ నుంచి జయ జయ రామ్‌ అనే సాంగ్ రిలీజ్‌ చేశారు.తాజాగా ఈ మూవీ ట్రైలర్‌ రిలీజ్ చేశారు మేకర్స్. రామాయణ కథ అందరికీ తెలిసిందే. ఈ ట్రైలర్‌లో విజువల్స్ అభిమానులను ఆకట్టుకుంటున్నాయి. రాముడిగా రణ్‌బీర్‌ కపూర్‌ లుక్‌ అదిరిపోయింది. ఈ చిత్రంలో కేజీఎఫ్ హీరో యశ్ రావణాసురుడిగా కనిపించనున్నారు. కాగా.. రెండు భాగాలుగా తెరకెక్కుతున్న ఈ చిత్రంలోని తొలి భాగం దీపావళి సందర్భంగా ప్రేక్షకుల ముందుకు రానున్నట్లు తెలుస్తోంది. ఈ మూవీలో శూర్పణఖగా హీరోయిన్ రకుల్ ప్రీత్ సింగ్ కనిపించనుంది.

రణ్‌బీర్ కపూర్, సాయిపల్లవి సీతారాములుగా వస్తోన్న మూవీ రామాయణ. ఈ చిత్రానికి నితీశ్ తివారీ దర్శకత్వం వహిస్తున్నారు. ఈ మూవీని భారీ బడ్జెట్‌తో నిర్మిస్తున్నారు. ఈ సినిమాలో కేజీఎఫ్ హీరో యశ్.. రావణాసురుడి పాత్రలో కనిపించనున్నారు.ఇటీవలే ఈ మూవీ నుంచి సాంగ్ రిలీజ్‌ చేశారు. జయ జయ రామ్‌ అనే పాట హిందీ వర్షన్ విడుదల చేశారు. తాజాగా తెలుగు వర్షన్ కూడా వచ్చేసింది. ఈ సాంగ్‌లో రాముడిగా రణ్‌వీర్‌ కపూర్‌.. సీతగా సాయి పల్లవి అలరించారు. ఈ పాటకు రాకేందు మౌళి లిరిక్స్‌ అందించగా.. ఏఆర్‌ రెహమాన్‌, హన్స్ జిమ్మర్‌ కంపోజ్ చేశారు. ఈ సాంగ్‌ను దీపాలి, రాఘవ్‌ కౌశిక్‌ ఆలపించారు. కాగా.. రెండు భాగాలుగా తెరకెక్కుతున్న ఈ చిత్రంలోని తొలి భాగం దీపావళి సందర్భంగా ప్రేక్షకుల ముందుకు రానున్నట్లు తెలుస్తోంది.

రణ్‌బీర్‌ కపూర్, ఆలియా భట్, విక్కీ కౌశల్‌ ముఖ్య తారలుగా నటిస్తున్న చిత్రం ‘లవ్‌ అండ్‌ వార్‌’. సంజయ్‌ లీలా భన్సాలీ దర్శకత్వంలో ఈ చిత్రం రూపొందుతోంది. ఈ సినిమా నుంచి రణ్‌బీర్‌ కపూర్‌ ఫస్ట్‌ లుక్‌ను గురువారం విడుదల చేశారు. ‘‘సంజయ్‌ లీలా భన్సాలీ తెరకెక్కిస్తున్న ప్రతిష్ఠాత్మక చిత్రం ‘లవ్‌ అండ్‌ వార్‌’ కోసం ప్రేక్షకులు ఎంతో ఆసక్తిగా ఎదురు చూస్తున్నారు.రణ్‌బీర్, ఆలియా, విక్కీ వంటి ముగ్గురు స్టార్స్‌ కలిసి నటిస్తున్న ఈ సినిమాపై ఇప్పటికే ఇండస్ట్రీలో భారీ అంచనాలున్నాయి. రణ్‌బీర్‌ ఇప్పటివరకు కనిపించని కొత్త పాత్రలో కనిపించడం సినిమాపై ఆసక్తిని మరింత పెంచింది. సంజయ్‌ లీలా సినిమాల్లో కనిపించే గ్రాండ్‌ విజువల్స్, రిచ్‌నెస్‌ ఈ సినిమాలోనూ స్పష్టంగా కనిపిస్తాయి. సంగీతం విషయంలోనూ భన్సాలీ మార్క్‌ మరోసారి కనిపిస్తుంది. ఈ సినిమాని 2027 జనవరి 21న హిందీతో పాటు తెలుగు, తమిళ భాషల్లో విడుదల చేస్తాం’’ అని చిత్రయూనిట్‌ పేర్కొంది.

ఇటీవల విడుదలైన బాక్సాఫీస్ వద్ద సెన్సేషన్ క్రియేట్ చేస్తోన్న చిన్న సినిమా హనుమాన్ అంశ్. కేవలం రూ.2 కోట్ల బడ్జెట్‌తో నిర్మించిన ఈ మూవీ ఇప్పటికే రూ.350 కోట్ల మార్క్ ‍దాటేసింది. నాలుగొందల మార్క్ దిశగా దూసుకెళ్తోంది. ఓవర్‌సీస్‌లోనూ ఈ ఏడాది అత్యధిక వసూళ్లు సాధించిన చిత్రాల జాబితాలో రెండో స్థానంలో నిలిచింది. చిన్న సినిమా అయినప్పటికీ కంటెంట్‌ పరంగా హిట్‌ కావడంతో అదరగొడుతోంది.తాజాగా ఈ మూవీ మరో రికార్డ్ సొంతం చేసుకుంది. భారీ బడ్జెట్‌ చిత్రం టాక్సిక్‌ లాంగ్‌రన్ వసూళ్లను దాటేసింది. యశ్ హీరోగా వచ్చిన టాక్సిక్ ప్రపంచవ్యాప్తంగా రూ.339 కోట్లకు పైగా వసూళ్లు సాధించగా.. హనుమాన్ అంశ్ ఇప్పటికే ఆ రికార్డ్‌ అధిగమించింది. రూ.360 కోట్లకు పైగా కలెక్షన్స్‌తో దూసుకెళ్తోంది. ఈ సినిమాకు విశాల్ చతుర్వేది దర్శకత్వం వహించగా.. ఎటువంటి అంచనాలు లేకుండానే వచ్చి బాక్సాఫీస్ వద్ద సరికొత్త ట్రెండ్‌ క్రియేట్ చేసింది. ప్రస్తుతం ఈ చిత్రం 2026 సంవత్సరానికి అత్యధిక వసూళ్లు సాధించిన టాప్-3 భారతీయ చిత్రాల జాబితాలో చేరింది.ఇప్పటికే హనుమాన్ అన్శ్‌ చిత్రం విజయ్ నటించిన 'జన నాయగన్' (రూ.324 కోట్లు), యశ్ 'టాక్సిక్' (రూ.341 కోట్లు), రామ్ చరణ్ 'పెద్ది' (రూ.342 కోట్లు) పాన్-ఇండియా చిత్రాల లైఫ్‌టైమ్ బాక్సాఫీస్ వసూళ్లను అధిగమించింది. ఈ ఏడాది రిలీజైన చిత్రాల్లో ప్రపంచవ్యాప్తంగా రూ.450 కోట్లకు పైగా వసూలు చేసిన బాలీవుడ్ మూవీ 'బోర్డర్-2'... హనుమాన్ అంశ్ కంటే ముందుంది.

Kartik Aaryan success బాలీవుడ్ నటుడు కార్తీక్ ఆర్యన్‌ 'చందూ చాంపియన్' (Chandhu Champion) చిత్రంలోని నటనకు బెస్ట్‌ యాక్టర్‌గా ప్రతిష్టాత్మకమైన తొలి జాతీయ అవార్డు అందుకున్నారు. ఈ సందర్భంగా ఆ పాత్రకోసం తనను తాను మలచుకున్న తీరు గురించి ఆయన సోషల్‌ మీడియా నెట్టింట విశేషంగా నిలుస్తోంది. ఈ పాత్ర కోసం తాను పడిన కష్టాన్ని ఇన్‌స్టాలో గుర్తు చేసుకున్న కార్తీక్‌ ఎమోషనల్‌ అయ్యారు.2024లో పారాలింపిక్స్ గోల్డ్ మెడల్ సాధించిన మురళీకాంత్ పెట్కర్ జీవిత చరిత్ర ఆధారంగా తెరకెక్కిన ఈ చిత్రంలో నటించేందుకు కార్తీక్ ఏకంగా 18 కిలోల బరువు తగ్గారు. ఇందుకోసం భారీ కసరత్తులే చేశారు. కఠినమైన ఫిట్‌నెస్, జీవనశైలి విధానాలను అనుసరించానన్నారు. సినిమా విడుదలై రెండేళ్లు పూర్తయిన సందర్భంగా, కార్తీక్ ఆ అనుభవాన్ని గుర్తుచేసుకుంటూ... ఆ ప్రయాణంలో తాను పొందిన వాటితో పోలిస్తే కోల్పోయిన బరువు చాలా చిన్నదని, అలా ఆ పాత్రలో జీవించానని కార్తీక్ తెలిపారు. ఈ ప్రయాణంలో తాను సంపాదించుకున్న అనుభవమే గొప్పదని ఆయన పేర్కొన్నారు.ఇదీ చదవండి: సీఈసీ జ్ఞానేష్ కుమార్‌పై టీఎంసీ ఎంపీ మహువా ఫిర్యాదు View this post on Instagram A post shared by KARTIK AARYAN (@kartikaaryan) తన జీవితంలోనే అత్యంత ప్రత్యేకమైన చిత్రం 'చందూ ఛాంపియన్' అంటూ ఈ పాత్ర కోసం సిద్ధమయ్యే క్రమంలో ఎదురైన శారీరక , మానసిక సవాళ్లను గుర్తుచేసుకున్నారు. ముర్లికాంత్ పెట్కార్‌గా నటించడానికి, తాను ఇంతకు ముందెన్నడూ లేని విధంగా మారాల్సి వచ్చిందని తెలిపారు. ప్రతి ఉదయం వేళ, ఒలికిన ప్రతి చెమట చుక్క, సెట్‌లో కలిగిన ప్రతి సందేహం.. ఇవన్నీ కేవలం నటన కాదు, అది నిజమైన జీవనం," అని ఆయన రాశారు. అంతేకాదు ప్రతికూలతలు, పట్టుదలతో రూపుదిద్దుకున్న ఒక అథ్లెట్ పాత్రను పోషించడానికి అవసరమైన క్రమశిక్షణను, మనస్తత్వాన్ని కూడా అతను అలవర్చుకోవలసి వచ్చింది. గాయాలే పతకాలుగా, ఎదురుదెబ్బలే పునరాగమనాలుగా మారతాయని ఈ మూవీ ద్వారా తెలిసి వచ్చిందన్నారు.ఇదీ చదవండి: జీవిత ఖైదు : కాంబోడియా ప్రియురాలితో గ్యాంగ్‌స్టర్‌ పెళ్లికి పెరోల్‌కాగా గుజరాత్‌లోని కేవడియాలో బుధవారం జరిగిన కార్యక్రమంలో రాష్ట్రపతి ద్రౌపది ముర్ము చేతుల మీదుగా కార్తీక్ ఈ జాతీయ అవార్డును అందుకున్నారు. సాంప్రదాయకంగా ఢిల్లీలోని విజ్ఞాన్ భవన్‌లో జరిగే ఈ వేడుక, ఈసారి తొలిసారిగా గుజరాత్‌లో నిర్వహించారు.ఇదీ చదవండి: గ్రానైట్‌ బారన్‌, వీరమణి బాగోతం : మీడియా చేతికి షాకింగ్‌ వీడియోలు

సంజయ్ లీలా భన్సాలీ దర్శకత్వంలో రణ్‌బీర్‌ కపూర్‌ హీరోగా నటిస్తున్న తాజా చిత్రం లవ్‌ అండ్‌ వార్‌. అలియా భట్, విక్కీ కౌశల్ కీలక పాత్రలు పోషిస్తున్నారు. ప్రస్తుతం చిత్రీకరణ దశలో ఉన్న ఈ మూవీ విడుదల తేదీని మేకర్స్‌ తాజాగా ప్రకటించారు. వచ్చే ఏడాది జనవరి 21న ఈ చిత్రం ప్రేక్షకుల ముందుకు రానుంది. రణ్‌బీర్ పూర్తిగా కొత్త లుక్‌లో కనిపిస్తూ ఆకట్టుకుంటున్నారు. సంజయ్ లీలా భన్సాలీ సినిమాల్లో కనిపించే గ్రాండ్ విజువల్స్, రిచ్‌నెస్ ఇందులోనూ ఉంటుందని ప్రచార చిత్రం చూస్తే అర్థమవుతోంది. హిందీతో పాటు తెలుగు, తమిళ భాషల్లోనూ ‘లవ్‌ అండ్‌ వార్‌’ను విడుదల చేయనున్నారు.ఇక రణ్‌బీర్‌ విషయానికొస్తే.. చివరిగా 2023లో ‘యానిమల్’తో పలకరించారు. సందీప్‌వంగా దర్శకత్వంలో వచ్చిన ఆ మూవీ బాక్సాఫీస్‌ వద్ద ఘన విజయాన్ని అందుకుంది. ఆ తర్వాత ‘రామాయణ’తో రణ్‌బీర్‌ బిజీ అయ్యారు. ఇది రెండు భాగాలుగా ప్రేక్షకుల ముందుకు రానుంది. ఇప్పటికే పార్ట్‌-1 చిత్రీకరణ పూర్తి కాగా, తుది మెరుగులు దిద్దుకుంటోంది. దీపావళి కానుకగా ఈ ఏడాది నవంబరులో ఈ మూవీ విడుదల కానుంది.సాయిపల్లవి సీతగా నటిస్తున్న ఈ చిత్రానికి నితేశ్‌ తివారీ దర్శకత్వం వహించారు. ఇక, జనవరి 21న ‘లవ్‌ అండ్‌ వార్‌’ రానుంది. మళ్లీ వచ్చే ఏడాది దీపావళికి ‘రామాయణ: పార్ట్‌2’ను తీసుకురానున్నారు. దానికి సంబంధించిన చిత్రీకరణ చాలా వరకూ పూర్తయింది. మిగిలిన షూటింగ్‌ను కూడా త్వరలోనే పూర్తి చేసి, పోస్ట్‌ ప్రొడక్షన్‌ పనులకు ఎక్కువ సమయం కేటాయించనున్నారు. అంటే ఏడాది కాలంలో మూడు సినిమాలతో రణ్‌బీర్‌ అలరించనున్నారు.

బోల్డ్ పాత్రలు, బోల్డ్ కామెంట్స్‌తో ఎప్పటికప్పుడు వార్తల్లో నిలిచే బ్యూటీ రాధిక ఆప్టే. లెజెండ్, లయన్ తదితర తెలుగు సినిమాల్లోనూ హీరోయిన్‌ చేసిన ఈమె.. తర్వాత పూర్తిగా హిందీకే పరిమితమైంది. రీసెంట్ టైంలో ఈమె 'లస్ట్ స్టోరీస్ 3' సిరీస్‌లో నటించింది. దీని ప్రమోషన్లలో భాగంగా తనకు గతంలో ఎదురైన చేదు అనుభవాన్ని పంచుకుంది. తన ఇంటిమేట్ సీన్ లీకైన కారణంగా నరకం అనుభవించానని చెప్పుకొచ్చింది.'ఓసారి నేను నటించిన ఇంటిమేట్ సీన్ లీక్ కావడంతో నాలుగురోజుల పాటు ఇంటి గుమ్మం దాటలేకపోయాను. ఇరుగుపొరుగు వాళ్లు నా వీడియో చూస్తున్నారని తెలిసి నరకం అనుభవించాను. నా కారు డ్రైవర్, ఇంటి వాచ్‌మన్ పదేపదే ఆ వీడియో చూశారు. నేను చేసిన సీన్ చూసిన బయటవాళ్లు ఎక్కడ నా ఇంటికి వచ్చేస్తారోనని భయపడ్డాను. ఆ అనుభవం భద్రత విషయంలో నన్ను భయపెట్టింది. ఈ వీడియోలో నటించిన టైంలో ఒంటరిగా నివసిస్తుండడంతో నా డ్రైవర్, నా వ్యక్తిగత సిబ్బందితో మాట్లాడాలని నిర్ణయించుకున్నాను. వాళ్లకు ఫోన్ చేసి పరిస్థితి వివరించాను. ఆ క్లిప్ చూశారా? ఒకవేళ చూసినా మీరు నాతో కలిసి పనిచేయడానికి రెడీగా ఉంటేనే రండి అని చెప్పాను. నా పరిస్థితి అర్థం చేసుకున్న వాళ్లు నాకు అండగా ఉంటామని భరోసా ఇచ్చారు''అలానే ఓసారి యాక్షన్ సీన్ చేసేటప్పుడు షర్ట్ గుండీలు తీసి నటిస్తారా? అని నన్ను అడిగారు. యాక్షన్ సీక్వెన్స్‌లో శరీరాన్ని వేగంగా కదిలిస్తాం కాబట్టి కుదరదని చెప్పాను. అయినా సరే ఆ వ్యక్తి నన్ను వినిపించుకోకుండా కనీసం లో దుస్తులైన ధరించి ఆ సీన్ చేయమని ఒప్పించే ప్రయత్నం చేశాడు. నేను ఒప్పుకోలేదు. సినిమాని హిట్ చేయడం కోసం మహిళలని వారి పరిధి దాటేలా ఒత్తిడి చేయడం కరెక్టా?' అని రాధిక ఆప్టే ఆవేదన వ్యక్తం చేసింది.

ఓటీటీల్లో థ్రిల్లర్ సినిమాలకు ప్రత్యేకమైన ఆదరణ ఉంటోంది. ఆడియన్స్‌ అభిరుచికి తగ్గట్టుగానే ప్రతివారం కొత్త థ్రిల్లర్ మూవీస్ సందడి చేస్తుంటాయి. ఇటీవల రిలీజై బాక్సాఫీస్ వద్ద మెప్పించిన డార్క్ క్రైమ్ యాక్షన్ థ్రిల్లర్‌ బేబీ డూ డై డూ. ఈ మూవీలో బాలీవుడ్ భామ హ్యూమా ఖురేషీ కీలక పాత్రలో కనిపించారు.తాజాగా ఈ సినిమా ఎలాంటి హడావుడి లేకుండానే ఓటీటీకి వచ్చేసింది. ఈ రోజు నుంచే నెట్‌ఫ్లిక్స్ వేదికగా స్ట్రీమింగ్ అవుతోంది. ఈ చిత్రానికి నచికేత్ సమంత్ దర్శకత్వం వహించారు. ఈ చిత్రాన్ని ఒక మూగ, చెవిటి అమ్మాయి జీవితం ఆధారంగా తెరకెక్కించారు. చిన్నతనంలో తన కళ్ల ముందే దారుణంగా హత్యకు గురైన తన ట్విన్ సిస్టర్ చావుకు పగ తీర్చుకునే కథే ఈ మూవీ. ఈ చిత్రాన్ని థియేటర్లలో మిస్సయినవారు ఎంచక్కా ఓటీటీలో చూసేయండి. ఈ చిత్రంలో సికందర్ ఖేర్, చుంకీ పాండే కీలక పాత్రల్లో నటించారు. #BabyDoDieDo (Hindi)Now streaming on Netflix 🍿!!#OTT_Trackers pic.twitter.com/HKDD1IxhDD— OTT Trackers (@OTT_Trackers) September 23, 2026

బాలీవుడ్‌లో గోవిందా- సునీత ఎపిసోడ్‌ ఇంకా నడుస్తూనే ఉంది. ఇప్పటికే తన భర్తపై తీవ్రస్థాయిలో విమర్శలు చేసిన సునీతా.. తాజాగా తన కామెంట్స్‌తో మరోసారి వార్తల్లో నిలిచింది. బాలీవుడ్ గోవిందా తన సహనటి రాణి స్వర్ణకర్‌తో గత కొన్ని రోజులుగా చెట్టాపట్టాలేసుకుని తిరుగుతన్నారు. వీరిద్దరిని చూసిన ప్రతిసారి సునీతా విమర్శలు చేస్తూనే ఉంది. తాజాగా గోవిందా తన గర్ల్‌ఫ్రెండ్‌గా భావిస్తోన్న రాణి స్వర్ణకర్‌తో కలిసి ముంబైలోని లాల్‌బాగ్‌చా వినాయకుడిని దర్శించుకున్నారు. ఈ వీడియోలు సమాజిక మాధ్యమాల్లో వైరల్‌గా మారాయి.ఇది జరిగిన ఒకరోజు వ్యవధిలోనే ఆయన భార్య సునీతా అహుజా స్పందించారు. గోవిందా పేరు ప్రస్తావించకుండానే పరోక్షంగా కౌంటరిచ్చారు. ఈ కాలం మనుషులు పెద్ద మోసగాళ్లని విమర్శించింది. మీరు మానవులను ఎంతగా ప్రేమించినా ప్రయోజనం లేదని పేర్కొంది. అందుకే మనుషులను ప్రేమించడం ఆపేసి.. జంతువులను ప్రేమించాలని ప్రజలను కోరింది. అవే ఎల్లప్పుడూ మీకు అండగా ఉంటాయని సునీతా వెల్లడించింది.అయితే నటుడు గోవిందా గానీ.. కోమల్ గానీ తాము రిలేషన్‌షిప్‌లో ఉన్నామని ఎక్కడా ధృవీకరించలేదు. వీరిద్దరు కలిసి నటించిన 'రూపా' సినిమా విడుదలకు సిద్ధమైంది. సినిమా కోసమే వీరిద్దరు జంటగా కనిపిస్తూ సందడి చేశారు. ఆ తర్వాత వీరిపై రూమర్స్‌ వస్తూనే ఉన్నాయి. వీరిని ‍‍సన్నిహితంగా ఉండడం చూసిన సునీతా తన భర్తపై విమర్శలు చేస్తూ వార్తల్లో నిలుస్తోంది. View this post on Instagram A post shared by Viral Bhayani (@viralbhayani)

కంటెంట్ ఉంటే చాలు ఎంత చిన్న సినిమా అయినా సరే కాసుల వర్షం కురిపిస్తుంది. కేవలం రూ.2 కోట్లతో వచ్చిన ఈ మూవీ బాక్సాఫీస్‌ వద్ద రికార్డులతో దూసుకెళ్తోంది. ఇప్పటికే రూ.360 కోట్లకి పైగా వసూళ్లతో ఈ ‍సినిమా బాక్సాఫీస్‌ను షేక్ చేసింది. నీమ్ కరోలి బాబా జీవితం ఆధారంగా తెరకెక్కించిన హనుమాన్ అంశ్ ఇప్పటికే పలు రికార్డులు సాధించింది.తాజాగా ఈ చిత్రం మరో ఘనత సొంతం చేసుకుంది. ఈ ఏడాది ఓవర్‌సీస్‌లో అత్యధిక వసూళ్లు సాధించిన చిత్రాల జాబితాలో రెండోస్థానంలో నిలిచింది. ఓవర్‌సీస్‌లో విడుదలైన 12 రోజుల్లోనే ఈ ఘనత సొంతం చేసుకుంది. ఇప్పటి వరకు 3.5 మిలియన్ డాలర్ల వసూళ్లతో ఈ రికార్డ్ సాధించింది. ఆగస్టు 7న భారతదేశంలో విడుదలైన హనుమాన్ అంశ్.. విదేశాల్లో సెప్టెంబర్ 11న రిలీజ్ చేశారు. హోంబలే ఓవర్సీస్, ఫార్స్ ఫిల్మ్‌తో కలిసి విదేశాల్లో విడుదల చేశారు.ఇండియాలో ఇప్పటి వరకు రూ.280.93 కోట్ల నెట్ వసూళ్లు రాగా.. 47 రోజుల్లోనే ప్రపంచవ్యాప్తంగా రూ.366.45 గ్రాస్ వసూళ్లు రాబట్టింది. ఉత్తర అమెరికాలో ఆరు రోజుల్లోనే 1 మిలియన్ డాలర్ల మార్కును దాటేసింది. ఈ ఏడాది ఉత్తర అమెరికాలో అత్యధిక వసూళ్లు సాధించిన టాప్-10 బాలీవుడ్‌ చిత్రాల జాబితాలో చేరింది.HANUMAN ANSH GOES GLOBAL! 🌎🔥#HanumanAnsh has crossed the $3.5 MILLION+ mark overseas in just 12 days, emerging as the 2nd Highest Overseas Grosser of 2026, as per the makers.Read Here On #CellebIndia👇https://t.co/DE4BAvxklq pic.twitter.com/UBWdxlJX9h— Celleb India (@CellebIndia) September 23, 2026

లవ్ ఆజ్ కల్, రాక్ స్టార్, హైవే, మై వాపస్ ఆవుంగా తదితర భగ్న ప్రేమకథా సినిమాలతో గుర్తింపు తెచ్చుకున్న బాలీవుడ్ స్టార్ డైరెక్టర్ ఇంతియాజ్ అలీ శుభవార్త చెప్పేశాడు. తన కూతురు ఇదా అలీకి ముంబైలో మంగళవారం సాయంత్రం నిశ్చితార్థం జరిగిన సంగతి సోషల్ మీడియా వేదికగా వెల్లడించాడు. కాబోయే వధూవరుల్ని ఆశీర్వదించాలని కోరాడు.(ఇదీ చదవండి: నిజానికి మోసపోయింది నేనే: నటి అంబిక)ఇదా అలీ కూడా తండ్రి అడుగుజాడల్లోనే ఇండస్ట్రీలోకి వచ్చింది. దర్శకురాలిగా షార్ట్ ఫిల్మ్స్ చేసింది. ఈమె గత కొన్నేళ్లుగా కృష్ణ్ అగర్వాల్‌ అనే కుర్రాడితో ప్రేమలో ఉంది. ఈ ఏడాది జూలై 01న నార్వేలోని ఓ బీచ్ దగ్గర క్రిష్ మోకాళ్లపై కూర్చుని ఇదాకు ప్రపోజ్ చేశాడు. తర్వాత వజ్రాల ఉంగరం తొడిగాడు. అప్పుడు ప్రపోజ్ చేయగా.. ఇప్పుడు పెద్దలు, సన్నిహితుల సమక్షంలో నిశ్చితార్థం జరిగింది. త్వరలోనే పెళ్లి కూడా చేసుకునే అవకాశముంది.(ఇదీ చదవండి: బిగ్‌బాస్ 10: అన్యాయం చేసిన ముకేశ్.. కుమిలి కుమిలి ఏడ్చిన దేబ్జానీ) View this post on Instagram A post shared by Ida Ali (@idaali11)

ఎలాంటి అంచనాలు లేకుండా వచ్చిన బాలీవుడ్ మూవీ హనుమాన్ అంశ్. ఈ సినిమా బాక్సాఫీస్ వద్ద భారీ వసూళ్లతో దూసుకెళ్తోంది. ఈ మూవీ ఇప్పటికే రూ.350 కోట్లకు పైగా వసూళ్లు సాధించింది. దాదాపు విడుదలై ఎనిమిది వారాలైన ఇప్పటికీ బాక్సాఫీస్ వద్ద కలెక్షన్స్ రాబడుతోంది. కేవలం రూ.2 కోట్ల బడ్జెట్‌తో ఈ మూవీని తెరకెక్కించారు.అయితే బాలీవుడ్‌లో సూపర్‌ హిట్‌ అయిన ఈ చిత్రాన్ని తెలుగు రిలీజ్ చేసేందుకు ప్రయత్నించారు. ఈ నెల 18న విడుదల చేయాలని నిర్ణయించారు. ఈ మూవీ రిలీజ్ హక్కులను టాలీవుడ్ డైరెక్టర్ త్రివిక్రమ్ తీసుకున్నారు. కానీ ఆ తర్వాత ఏమైందో తెలియదు కానీ.. ఆయన తప్పుకున్నారని టాక్ వినిపించింది. దీంతో టీజర్ రిలీజ్ కూడా వాయిదా పడింది. అయితే ఈ మూవీ తెలుగు రిలీజ్‌పై ఎలాంటి టాక్ వినిపించడం లేదు. దీంతో ఈ చిత్రాన్ని తెలుగులో విడుదల చేస్తారా? లేదా? అనే విషయంతో సస్పెన్స్ నెలకొంది. ఎలాంటి అప్‌డేట్స్ లేకపోవడంతో ఇక తెలుగులో రిలీజ్‌ లేనట్టే కనిపిస్తోంది. అదే జరిగితే ఈ సూపర్ హిట్ చిత్రాన్ని కేవలం ఓటీటీలో చూడాల్సిందే. కాగా.. ఈ చిత్రానికి విశాల్ చతుర్వేది దర్శకత్వం వహించగా.. శోబినా సత్య ప్రధాన పాత్రలో నటించారు.

బాలీవుడ్ స్టార్ హీరోయిన్ రాణి ముఖర్జీ ఇంట్లో తీవ్ర విషాదం చోటుచేసుకుంది. ఈమె తల్లి కృష్ణ ముఖర్జీ (75) చనిపోయారు. మంగళవారం మధ్యాహ్నం తుదిశ్వాస విడిచినట్లు కుటుంబ సభ్యులు అధికారికంగా వెల్లడించారు. క్లిష్ట సమయంలో తమ కుటుంబానికి ప్రైవసీ ఇవ్వాలని విజ్ఞప్తి చేశారు.(ఇదీ చదవండి: 'రక్తం ‍అమ్ముకుంటానని అన్నారు': మెగాస్టార్ చిరంజీవి)'అత్యంత భారమైన మనసుతో మా అమ్మ కృష్ణ ముఖర్జీ కన్నుమూశారనే వార్తని పంచుకుంటున్నాం. ఈ సమయంలో మీ ప్రేమ, ప్రార్థనలు, మద్ధతుకు కృతజ్ఞత తెలుపుతూ.. మాకు తగిన గోప్యత ఇవ్వాలని కోరుతున్నాం' అని కుటుంబ సభ్యులు ఓ నోట్ పంచుకున్నారు.రాణి ముఖర్జీకి తల్లితో మంచి అనుబంధముంది. మూడేళ్ల క్రితం అంటే 2023లో రిలీజైన 'మిసెస్ ఛటర్జీ వర్సెస్ నార్వే' సినిమాలో బెంగాలీ తల్లి పాత్రలో నటించడానికి తన తల్లే స్ఫూర్తి అని రాణి గతంలో చెప్పింది. ఇకపోతే కృష్ణ ముఖర్జీకి ఇండస్ట్రీతో సంబంధముంది. ఈమె నేపథ్య గాయనిగా గుర్తింపు తెచ్చుకుంది. ఈమె భర్త, రాణి తండ్రి రామ్ ముఖర్జీ.. ఫిల్మాలయ స్టూడియోస్ సహ వ్యవస్థాపకులు. 2017లో ఈయన కన్నుమూశారు.(ఇదీ చదవండి: కన్నతల్లి 'ఆవేదన'.. ఓటీటీ సినిమా తెలుగు రివ్యూ)

ప్రతిష్టాత్మక ఆస్కార్ బరిలో ఇండియా నుంచి మరో చిత్రం నిలిచింది. ఇటీవల మరాఠీ మూవీ గోంధల్ ఎంపికైనట్లు అఫీషియల్‌గా ప్రకటించారు. మనదేశం నుంచి ఈ మూవీని ఎంపిక చేశారు. అయితే ఈ రేసులో మరో సినిమా ఎంపికైంది. నాగాలాండ్‌లో తెరెకెక్కించిన అంగ్ నేరుగా ఆస్కార్‌కు నామినేషన్స్‌కు ఎంపికైంది. ఇండియా నేరుగా సెలెక్ట్ చేయకపోయినప్పటికీ.. ఆస్కార్ బరిలో నిలిచింది.అయితే ఈ ఆస్కార్‌ పోటీకి అధికారికంగా పంపే ఎంపిక ప్రక్రియను ఫిలిం ఫెడరేషన్‌ ఆఫ్‌ ఇండియానే చేపట్టనుంది. ఈ ఏడాది ఫెడరేషన్‌ తుది జాబితాలో నిలిచిన మూడు సినిమాల్లో గోంధల్‌తో పాటు అంగ్ కూడా ఉంది. అయితే ఆ సినిమా ఇంకా ఇండియాలో విడుదల కాలేదని పక్కనపెట్టినట్లు ఫెడరేషన్‌ ఇటీవల వెల్లడించింది. టొరంటో అంతర్జాతీయ చలనచిత్రోత్సవంలో ప్లాట్‌ఫామ్ ప్రైజ్‌ను గెలుచుకోవడంతో ఆస్కార్‌ రేసులోకి వచ్చేసింది. నాగాలాండ్ నుంచి ఈ గౌరవాన్ని అందుకున్న మొదటి చిత్రంగా అంగ్ నిలిచింది.ఈ సెప్టెంబర్ 20న టోరండో ఇంటర్నేషనల్‌ ఫిల్మ్ ఫెస్టివల్‌లో 'ఆంగ్' ప్లాట్‌ఫామ్ ప్రైజ్‌ను గెలుచుకుంది. ఈ ఏడాది 12 చిత్రాలు పోటీపడిన ప్లాట్‌ఫామ్ పోటీలో ఉన్న ఏకైక భారతీయ చిత్రం ఇదే కావడం మరో విశేషం. ఈ చిత్రాన్ని జ్యూరీ ప్రశంసించడంతో పాటు.. దర్శకుడి దార్శనికత, సాహసం, ధైర్యాన్ని అభినందించింది.ఈ సినిమాకు తేజ రియో ​​దర్శకత్వం వహించారు. ఈ సినిమా నాగాలాండ్ సినీ చరిత్రలో ఒక ముఖ్యమైన ఘట్టాన్ని సూచిస్తుంది. 1960వ దశకంలో రాష్ట్రంలో జరిగే ఈ కథ ఒక అమెరికన్ మిషనరీ రాకతో వారి సాంప్రదాయ జీవన విధానం ఒత్తిడికి గురవుతున్న ఒక వృద్ధ కోన్యాక్ గ్రామ పెద్ద, అతని కుమారుడి చుట్టూ తిరుగుతుంది. ఈ చిత్రం ప్రధానంగా కోన్యాక్ భాషలో ఉంటుంది. ఇందులో బాఫ్టా-విజేత, నటుడు డగ్లస్ హెన్‌షాల్‌తో పాటు ఆదివాసీ నాగా వర్గాలకు చెందిన నటులు కూడా నటించారు. ఈ సినిమా కోసంగ్రామాలకు వెళ్లి.. వీధుల్లోనే నటీనటులను ఎంపిక చేయాల్సి వచ్చిందని దర్శకుడు తేజ రియో తెలిపారు. ఈ చిత్రాన్ని 16 ఎంఎం ఫార్మాట్‌లో చిత్రీకరించడం ప్రత్యేకమైన దృశ్య గుర్తింపును మరింత పెంచింది. ఈ చిత్రానికి పనిచేసినందుకు సినిమాటోగ్రాఫర్ ఆడమ్ పీట్‌కివిచ్.. వెరైటీ ఆర్టిసన్ అవార్డు పొందారు.

Mithu Mukherjee Passes away ప్రముఖ బెంగాలీ సీనియర్ నటి మిథు ముఖర్జీ (71) కన్నుమూశారు. 1970, 1980 దశకాలలో నటిగా ప్రజాదరణ పొందిన మిథు దాదాపు ఏడాది పాటు క్యాన్సర్‌తో బాధపడుతూ ముంబైలోని ఒక ప్రైవేట్ ఆసుపత్రిలో ఆదివారం రాత్రి తుదిశ్వాస విడిచారు. ఉత్తమ్ కుమార్, సౌమిత్ర ఛటోపాధ్యాయ , రంజిత్ మల్లిక్ వంటి బెంగాలీ చిత్ర పరిశ్రమకు చెందిన పలువురు అగ్రశ్రేణి నటులతో ఆమె నటించారు. దాదాపు రెండు దశాబ్దాల పాటు బెంగాలీ చిత్ర పరిశ్రమను ఏలిన మిథు ముఖర్జీ అస్తమయంపై పలువురు నటీనటులు, ఇతర సినీ ప్రముఖులు సంతాపం వెలిబుచ్చారు. నటుడు, నిర్మాత ప్రోసేన్‌జిత్ ఛటర్జీ ఎక్స్‌ వేదికగా ఆమె మృతికి సంతాపం తెలిపారు. మిథు ముఖోపాధ్యాయ మరణం అత్యంత బాధాకరం. ఆమె జ్ఞాపకాలు , ఆమె చేసిన కృషి మన మధ్య ఎప్పటికీ నిలిచి ఉంటాయంటూ నివాళులర్పించారు. ఆల్ ఇండియన్ సినీ వర్కర్స్ అసోసియేషన్ (AICWA) కూడా సోషల్‌ మీడియా ద్వారా ఈ దిగ్గజ నటికి హృదయపూర్వక నివాళులు అర్పించింది.মিঠু মুখোপাধ্যায়ের প্রয়াণের খবর অত্যন্ত বেদনাদায়ক। তাঁর স্মৃতি ও তাঁর কাজ আমাদের মধ্যে চিরকাল বেঁচে থাকবে। গভীর শ্রদ্ধা। pic.twitter.com/IUNbvHnXC1— Prosenjit Chatterjee (@prosenjitbumba) September 21, 2026 1955లో కోల్‌కతాలో జన్మించిన మిథు ముఖర్జీ, 1972లో చిత్తా బోస్ దర్శకత్వం వహించిన 'షేష్ పర్బా' (Shesh Parba) చిత్రంతో 17 ఏళ్ల వయసులో సినీ పరిశ్రమలోకి అడుగుపెట్టారు. ఈ చిత్రంలో ఆమె షమిత్ భంజా సరసన నటించారు. అయితే, దినెన్ గుప్తా దర్శకత్వంలో వచ్చిన 'మార్జినా అబ్దుల్లా' (Marjina Abdulla) మూవీ ఆమెను టాప్‌స్టార్‌గా నిలబెట్టింది. బెంగాలీ సినిమాలతో పాటు 'ఖాన్ దోస్త్', 'సఫేద్ ఝూట్',', 'దిల్లగి', 'దో లడ్కే దోనో కడ్కే' వంటి హిందీ చిత్రాల్లో కూడా నటించారు. 1990లో వచ్చిన చంద్ర బారోట్ చిత్రం 'ఆశ్రిత' ఆమె కెరీర్‌లో చివరి సినిమా. ఆ తర్వాత ఆమె సినిమాలకు దూరంగా ప్రైవేట్ జీవితాన్ని గడిపారు. ఇదీ చదవండి: లగ్జరీ హోటల్‌లో ‘ ‘రోచీ’: పరువుపోయింది, తుకారం ముండే కాస్త చూస్తారా?

జపాన్‌లో జరుగుతున్న ప్రతిష్టాత్మక ఆసియా క్రీడల్లో స్టార్‌ హీరో కుమారుడు పోటీ పడుతున్నారు. ఈ విషయాన్ని హీరోనే స్వయంగా వెల్లడించారు. బాలీవుడ్ హీరో, నటుడు ఆర్ మాధవన్ తన కుమారుడు స్విమ్మింగ్‌లో పోటీ పడుతున్నారని తెలిపారు. ఈ విషయాన్ని సోషల్ మీడియాలో పంచుకున్నారు. కాగా.. ఆర్ మాధవన్ కుమారుడైన వేదాంత్.. స్విమ్మింగ్‌ ఫ్రీస్టైల్ విభాగంలో పోటీకి రెడీ అయ్యారు. కాగా.. ఆర్ మాధవన్ కుమారుడు వేదాంత్ మాధవన్ స్విమ్మింగ్‌ పోటీల్లో ఎన్నో రికార్డులు సాధించారు. పలు అంతర్జాతీయ ఈవెంట్స్‌లో ఇప్పటికే ఎన్నో పతకాలు సాధించారు. మలేషియన్ ఓపెన్‌లో ఐదు స్వర్ణాలు, డానిష్ ఓపెన్‌లో ఒక స్వర్ణం, ఒక రజతం గెలుపొందారు. లాత్వియన్, థాయ్‌లాండ్ ఓపెన్ టోర్నీల్లో కాంస్య పతకాలు సొంతం చేసుకున్నారు. కామన్వెల్త్ యూత్ గేమ్స్‌లో ఐదో స్థానంలో నిలిచి తన టాలెంట్‌ నిరూపించుకున్నారు. భారత్ తరపున స్విమ్మింగ్‌లో అత్యుత్తమ ప్రదర్శన చేస్తోన్న యువ క్రీడాకారుల్లో వేదాంత్ ఉన్నారని ఒలింపిక్స్ అధికారిక వెబ్‌సైట్ ప్రశంసించింది.

సోషల్‌ మీడియాలో సెలబ్రిటీలపై బాడీ షేమింగ్‌, ఏజ్‌ షేమింగ్‌, వ్యక్తిగత విమర్శలు రోజురోజుకూ పెరుగుతున్నాయి. ముఖ్యంగా హీరోయిన్ల శరీరాకృతిపై నెటిజన్లు చేసే కామెంట్స్‌ తరచూ చర్చనీయాంశంగా మారుతున్నాయి. తాజాగా ఈ ధోరణిపై బాలీవుడ్‌ స్టార్‌ హీరో సల్మాన్‌ ఖాన్‌ తీవ్రంగా స్పందించారు. ఇటీవల తన బాడీపై వచ్చి ట్రోల్స్‌కు హిందీ బిగ్‌బాస్‌ షోలో కౌంటరిచ్చారు.నేను ముసలివాణ్ని అయిపోయానా..‘నేను ముసలివాణ్ని అయిపోయాను అంటున్నారు’ అని షర్ట్‌ విప్పి బాడీ చూపించారు. మొఖానికి ఉన్న మేకప్‌ సైతం చెరిపేశారు.‘దమ్ముంటే ఇప్పుడు నన్ను ట్రోల్‌ చేయండి’ అన్నట్టుగా సవాల్‌ విసిరారు. తనను విమర్శించే ముందు ఎవరికి వాళ్లు వారి మొఖాలు, బాడీ చూసుకోవాలని తెలిపారు. సల్మాన్‌ ఖాన్‌ వ్యాఖ్యలకు సంబంధించిన వీడియో ప్రస్తుతం సోషల్‌ మీడియాలో చర్చనీయాంశంగా మారింది.ఇదీ చదవండి: ఒకేసారి రెండు ఓటీటీల్లోకి హారర్‌ థ్రిల్లర్‌.. డోంట్‌ మిస్‌కత్రినాపై బాడీ షేమింగ్‌..కత్రినా కైఫ్‌ బాడీ షేమింగ్‌కు గురైన విషయాన్ని ట్రోలర్స్‌కు తనదైన శైలిలో గట్టి కౌంటర్‌ ఇచ్చారు. మహిళల శరీరంలో గర్భధారణ సమయంలో అనేక మార్పులు రావడం సహజమేనని, బిడ్డకు జన్మనిచ్చిన వెంటనే వారు మునుపటి శరీరాకృతికి తిరిగి రావాలని ఆశించడం సరికాదని స్పష్టం చేశారు. సెలబ్రిటీలను వారి శరీరాకృతి, వయసు లేదా వ్యక్తిగత విషయాల ఆధారంగా విమర్శించడం సరికాదనే సందేశాన్ని సల్మాన్‌ తన వ్యాఖ్యల ద్వారా ఇచ్చారు. ముఖ్యంగా తల్లులుగా మారిన హీరోయిన్ల విషయంలో శరీరంలో వచ్చే మార్పులను అర్థం చేసుకోవాలని సూచించారు. సినిమాల్లోకి తిరిగి వచ్చినప్పుడు వారు తమకు అనుకూలమైన సమయంలో ఫిట్‌నెస్‌పై దృష్టి పెడతారని చెప్పారు.ఇదీ చదవండి: కొత్త బిజినెస్‌లోకి చిరంజీవి.. ప్రపంచ రికార్డ్‌ బద్దలయ్యేలా ప్లాన్! STANDING OVATION!#SalmanKhan took off his T-shirt, showed his body and challenged if you want to troll, go ahead and do it.​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​He just shut the haters up again. He doesn’t care about trolling #BiggBoss20 pic.twitter.com/YGbVM8X9om— Devil V!SHAL (@VishalRC007) September 19, 2026

తెలుగులో బాలయ్య సరసన మెప్పించిన బ్యూటీ రాధికా ఆప్టే. ప్రస్తుతం ఈ ముద్దుగుమ్మ బాలీవుడ్‌లో సినిమాలు చేస్తోంది. ఇటీవలే లస్ట్ స్టోరీస్-3 వెబ్‌ సిరీస్‌తో ప్రేక్షకులను పలకరించింది. గతంలో బోల్డ్ పాత్రలకు కేరాఫ్ అడ్రస్‌గా నిలిచిన ఈ బ్యూటీ.. ప్రస్తుతం అలాంటి పాత్రలు చేయడం లేదని అంటోంది. తాజాగా ఓ ఇంటర్వ్యూకు హాజరైన ఈ నటి.. బోల్డ్ సీన్స్‌ ఎంపిక, కథకు అవసరాలపై మాట్లాడింది. కొందరు కథకు అవసరం లేకపోయినా తనతో ముద్దు సీన్లు చేయించేందుకు యత్నించారని రాధికా ఆప్టే షాకింగ్ కామెంట్స్ చేసింది. గతంలో తాను చేసిన బోల్డ్ పాత్రల వల్ల అలానే చేస్తానని అడిగారని గుర్తు చేసుకుంది. తనను కేవలం లోదుస్తులతో ఓ యాక్షన్ సన్నివేశంలో నటించాలని కూడా కోరారని రాధికా తెలిపింది. కొందరైతే ఓ 15 సెకన్లు ఏదో అలా ముద్దు సీన్ కవర్ చేసేయండి చాలా సింపుల్‌గా అడుగుతున్నారని చెప్పుకొచ్చింది. ఆ సీన్ చేయడానికి అంగీకరించలేదని వెల్లడించింది. అయితే ఆ సీన్ నన్ను చేయమని అడిగిన వ్యక్తి పేరు చెబితే మీరంతా ఆశ్చర్యపోతారని పేర్కొంది.రాధికా మాట్లాడుతూ..' నా కెరీర్ ప్రారంభంలో కొన్ని సినిమాల్లో నగ్నంగా నటించా. కానీ అదంతా అప్పుడు చేశా. అది చూసే నన్ను సులభంగా ఓకే చెబుతుందిలే అనుకుంటున్నారు. కానీ ఇప్పుడు నేను పూర్తిగా మారిపోయా. అలాంటి సీన్స్ చేయడం లేదు. తానే చేసే మూవీలో బోల్డ్ సీన్స్ చేయడానికి కారణం చెప్పాలని అడుగుతున్నానని' పేర్కొంది. కాగా.. రాధికా ఆప్టే నటించిన లస్ట్ స్టోరీస్-3 ప్రస్తుతం నెట్‌ఫ్లిక్స్‌లో స్ట్రీమింగ్ అవుతోంది.

బాలీవుడ్ స్టార్ హీరోయిన్ దీపికా పదుకొణె పండంటి బిడ్డకు జన్మనిచ్చింది. తనకు కూతురు పుట్టిన విషయాన్ని సోషల్ మీడియా వేదికగా షేర్ చేసింది. రణ్‌వీర్‌ సింగ్‌ను పెళ్లాడిన ఈ భామకు ఇప్పటికే ఓ దువా అనే కూతురు ఉన్నారు. రెండో సారి కూడా కూతురే పుట్టడంతో ఈ జంట ఆనందం మరింత రెట్టింపైంది. ఈ విషయం తెలుసుకున్న అభిమానులు తమ స్టార్ జంటకు అభినందనలు చెబుతున్నారు. కాగా.. ఈ బాలీవుడ్ జంట 2018లో పెళ్లిబంధంలోకి అడుగుపెట్టారు. వీరిద్దరి పెళ్లి వేడుక ఇటలీలో గ్రాండ్‌గా జరిగింది. వీరికి 2024లో మొదటిసారి కూతురు జన్మించగా.. దువా అనే పేరు పెట్టారు. తాజాగా మరోసారి ఈ దంపతులకు కూతురు జన్మించడంతో ఆనందంలో మునిగిపోయారు. ఇక సినిమాల విషయానికొస్తే రణ్‌వీర్ సింగ్‌ దురంధర్‌ చిత్రాలతో బ్లాక్‌బస్టర్స్ అందుకున్నారు. View this post on Instagram A post shared by दीपिका पादुकोण (@deepikapadukone)

కేవలం రూ.2 కోట్ల బడ్జెట్‌తో తెరకెక్కించిన మూవీ 'హనుమాన్ అన్ష్'. ఈ సినిమా మౌత్ టాక్‌తోనే కాసుల వర్షం కురిపిస్తోంది. ఈ సినిమా రిలీజై ఏడు వారాలైనప్పటికీ వసూళ్లపరంగా ఇంకా రాణిస్తోంది. ఈ చిత్రం ఇప్పటివరకు ప్రపంచవ్యాప్తంగా రూ.316 కోట్లకు పైగా వసూళ్లు సాధించింది. కేవలం ఇండియాలో రూ. 293 కోట్లకు పైగా గ్రాస్‌ సాధించిన ఈ మూవీ.. రూ.248 కోట్లకు పైగా నెట్ కలెక్షన్స్ రాబట్టింది. ఈ మూవీ 43వ రోజున సైతం 18 శాతం ఆక్యుపెన్సీని నమోదు చేసింది. సెప్టెంబర్ 18న రూ. 6.25 కోట్ల వసూళ్లు రాబట్టింది.ఈ సినిమాకు విశాల్ చతుర్వేది దర్శకత్వం వహించారు. ఈ చిత్రాన్ని తెలుగులోనూ రిలీజ్ చేయడానికి ప్రయత్నాలు జరుగుతున్నాయి. ఈ చిత్రంలో శోభినవ్ సత్య, చందన్ ఆనంద్ ప్రధాన పాత్రల్లో నటించారు. అనిల్ రస్తోగి, సుగంధ మల్హోత్రా, భగవందాస్ పటేల్, నేహా పరంజపే, విహాన్ షెడ్గే ముఖ్య పాత్రలు పోషించారు. స్వాతంత్ర్యానికి పూర్వం తల్లి మరణానంతరం ఆధ్యాత్మిక యాత్రకు బయలుదేరిన లక్ష్మీ నారాయణ్ అనే యువకుడి జీవితం ఆధారంగా ఈ మూవీని తెరకెక్కించారు. దేవుడి అన్వేషణలో ఉత్తర భారతదేశమంతటా పర్యటించిన అతడు.. చివరికి నీమ్ కరోలి బాబాగా మారుతాడు.

ప్రముఖ నటి సంయుక్త హెగ్డే (Samyuktha Hegde) తన ఫిట్‌నెస్‌తో మరోసారి అభిమానులకు ఆకట్టుకున్నారు. సాంప్రదాయ కేరళ కసవు చీరకట్టులో కేవలం ఒక గంటలోనే 106 పుల్-అప్స్ తీసి ఇంటర్నెట్‌లో సంచలనం సృష్టించారు. 'వరల్డ్ పుల్ అప్ డే' (World Pull Up Day) సందర్భంగా ఆమె ఈ అద్భుతమైన ఫీట్‌ను చేసి ఫ్యాన్స్‌ను మెస్మరైజ్‌ చేశారు.జిమ్‌లోని పుల్-అప్ బార్ కింద చీరలో కసరత్తులు చేయడం సంయుక్తకు కొత్తేమీ కాదు. కానీ చీరకట్టులో గంటలో ఏకంగా 106 పుల్-అప్స్ తీయడం విశేషం. ఫిట్‌నెస్‌ , జిమ్‌ కేవలం పురుషులు మాత్రమే కాదు, మహిళలు కూడా తమ శారీరక సామర్థ్యాన్ని నిరూపించుకోగలరని చాటిచెప్పడమే తన ఉద్దేశమని సంయుక్త పేర్కొన్నారు.తొలి పుల్-అప్ నేర్చుకోవడానికే తనకు దాదాపు రెండేళ్ల సమయం పట్టిందని, నిరంతర పట్టుదల ఉంటే మహిళలు ఏదైనా సాధించగలరనే ఇన్‌స్టాగ్రామ్‌ వేదికగా పంచుకున్నారు. View this post on Instagram A post shared by Samyuktha Hegde (@samyuktha_hegde) అంతేకాదు ‘‘మహిళలు పురుషులను అధిగమించాలనో, ఓడించాలనో జిమ్‌కు వెళ్లరు; తమ సొంత భయాలను జయించడానికే వెళ్తారు. అందుకే, ఒక మహిళ 'పుల్-అప్' (pull-up) చేయడం చూసినప్పుడు, నాకది కేవలం ఒక వ్యాయామంలా మాత్రమే కనిపించదు. దాన్ని చూస్తూ, 'బహుశా నేను కూడా అలా చేయగలనేమో' అని ఆలోచిస్తున్న వేలాది మంది మహిళలు నాకు కనిపిస్తారు." అంటూ మహిళలకు స్ఫూర్తినివ్వడం విశేషం. ఈ వీడియోపై నెటిజన్లు ఆమెను "విమెన్‌ - జిమ్ ఎడిషన్" అంటూ ప్రశంసల వర్షం కురిపిస్తున్నారు.పుల్-అప్స్ అత్యంత కష్టమైన బాడీవెయిట్ వ్యాయామాలలో ఒకటి అంటారు నిపుణులు. ఇది భుజాలు, వెన్నెముక, చేతులు, కోర్, గ్రిప్ స్ట్రెంత్ వంటి అనేక భాగాలపై ఒకేసారి పనిచేస్తుంది. అయితే సోషల్‌ మీడియా ట్రెండ్స్‌ చూసిన బిగినర్స్‌ సరైన బలం పెంచుకోకుండా నేరుగా ఫుల్ పుల్-అప్స్ ప్రయత్నిస్తే టెండాన్ స్ట్రెయిన్, భుజాల నొప్పులు వచ్చే అవకాశం ఉంది. అందువల్ల రెసిస్టెన్స్ బ్యాండ్స్, అసిస్టెడ్ పుల్-అప్స్ లేదా ఇన్‌క్లైన్ పుల్-అప్స్‌తో క్రమంగా ప్రాక్టీస్ మొదలుపెట్టాల్సి ఉంటుందని గమనించాలి. ఇదీ చదవండి: ప్రాణం తీసిన చాట్‌జీపీటీ : ఐఐటీ బొంబాయి బెదిరింపులు?

సినీ ప్రేక్షకుల గుండెల్లో సూపర్ హిట్‌గా నిలిచిపోయిన సిరీస్‌ మీర్జాపూర్. ఈ సిరీస్‌ మూడు సీజన్లు ఆడియన్స్‌ను ఆకట్టుకున్నాయి. బాలీవుడ్‌లో తెరకెక్కించినప్పటికీ ఇతర భాషల్లో సత్తా చాటింది. దీంతో ఈ వెబ్ సిరీస్‌లను మూవీ రూపంలో ప్రేక్షకుల ముందుకు తీసుకొచ్చారు. మీర్జాపూర్ ది మూవీ పేరుతో రిలీజ్ చేశారు.అయితే వెబ్ సిరీస్‌కు లభించినంత ఆదరణ ఈ సినిమాకు లభిస్తుందని మేకర్స్ భావించారు. కానీ బాక్సాఫీస్ వద్ద అందుకు భిన్నమైన పరిస్థితి కనిపిస్తోంది. పంకజ్ త్రిపాఠి, దివ్యెందు శర్మ, అలీ ఫజల్ ప్రధాన పాత్రల్లో వచ్చిన ఈ సినిమా పెద్దగా ఆకట్టుకోలేకపోతోంది. తెలుగులో అయితే ఈ సినిమాకు ఆదరణ కరువైంది. ప్రమోషన్స్ పెద్దగా చేయకపోవడంతో తెలుగులో కొద్దిపాటి వసూళ్లకే పరిమితమైంది.హిందీలో మాత్రం..దక్షిణాది భాషల్లో లభించని ఆదరణ బాలీవుడ్‌లో మాత్రం దక్కుతోంది. హిందీ మార్కెట్‌లో ఈ మూవీకి రూ.150 కోట్లకి పైగా నెట్ వసూళ్లు వచ్చాయి. హనుమాన్ అంశ్ లాంటి మూవీ పోటీ ఉన్నప్పటికీ మీర్జాపూర్ మాత్రం కలెక్షన్స్‌తో అదరగొడుతోంది. హిందీలో వసూళ్లు ఫర్వాలేదనిపిస్తోంది. ఇదే జోరు కొనసాగితే రూ.200 కోట్ల వసూళ్లు సాధించేలా కనిపిస్తోంది. రాబోయే రోజుల్లో ఈ ఫీట్ అందుకుంటుందేమో తెలియాలంటే మరికొన్ని రోజులు వేచి చూడాల్సిందే.

సినిమాల్లో నవరసాలకు ప్రత్యేక స్థానం ఉంటుంది. యాక్షన్‌, ఎమోషన్‌, కామెడీతో పాటు రొమాంటిక్‌ సన్నివేశాలు కూడా కథలో భాగంగా ఉంటాయి. కొన్ని చిత్రాల్లో కథను బట్టి ఇంటిమేట్‌ సీన్లు కూడా కనిపిస్తుంటాయి. అయితే తెరపై ఎంతో సహజంగా కనిపించే ఇలాంటి సన్నివేశాలను నిజానికి ఎలా చిత్రీకరిస్తారనే ఆసక్తి ప్రేక్షకుల్లో చాలామందికి ఉంటుంది. నటీనటులు ఇబ్బందికి గురికాకుండా, వారి వ్యక్తిగత పరిమితులను గౌరవిస్తూ ఈ సీన్లను చిత్రీకరించేందుకు ప్రత్యేక పద్ధతులను పాటిస్తుంటారు. తాజాగా హాలీవుడ్‌ నటి సారా షాహి అలాంటి ఓ ఆసక్తికరమైన ట్రిక్‌ గురించి వెల్లడించారు. నెట్‌ఫ్లిక్స్‌ సిరీస్‌ ‘సెక్స్/లైఫ్‌’లో బోల్డ్‌ సన్నివేశాల్లో నటించి గుర్తింపు తెచ్చుకున్న సారా షాహి.. ఇంటిమేట్‌ సీన్ల చిత్రీకరణపై మాట్లాడారు. ఇలాంటి సన్నివేశాల్లో నటీనటులు సౌకర్యంగా ఉండేందుకు చిత్రబృందాలు కొన్ని ప్రత్యేక జాగ్రత్తలు తీసుకుంటాయని తెలిపారు.ఓ ఇంటర్వ్యూలో సారా షాహి చెప్పిన వివరాల ప్రకారం.. ఇంటిమేట్‌ సన్నివేశాలను చిత్రీకరించే సమయంలో ఇద్దరు నటీనటుల మధ్య గాలి తీసేసిన చిన్న యోగా బాల్‌ను ఉంచుతారు. సన్నివేశంలో కదలికలు ఉన్నప్పటికీ.. ఎదుటి నటుడు వాస్తవానికి ఆ బాల్‌ను మాత్రమే తాకేలా ఈ ఏర్పాటు చేస్తారు.ఈ పద్ధతి వల్ల సన్నివేశంలో నటిస్తున్న సమయంలో ప్రత్యక్ష శారీరక స్పర్శను తగ్గించవచ్చని సారా షాహి వివరించారు. తాను ఆ సమయంలో ఎదుటి నటుడి స్పర్శకు బదులుగా యోగా బాల్‌ తాకిడినే అనుభవిస్తానని చెప్పారు. దీంతో నటీనటులు తమకు అసౌకర్యంగా అనిపించే శారీరక స్పర్శలను ఎదుర్కోవాల్సిన అవసరం ఉండదని తెలిపారు.ఇంటిమేట్‌ సన్నివేశాలను చిత్రీకరించేటప్పుడు నటీనటుల వ్యక్తిగత పరిమితులు, సౌకర్యాన్ని పరిగణనలోకి తీసుకోవడం ముఖ్యమని సారా షాహి చెప్పిన విషయాలు స్పష్టం చేస్తున్నాయి. తెరపై సహజంగా కనిపించే సన్నివేశాల వెనుక.. నటీనటుల సౌకర్యం, భద్రత కోసం ఇలాంటి ప్రత్యేక పద్ధతులు కూడా ఉపయోగిస్తుంటారని ఆమె వెల్లడించారు.

ప్రముఖ నిర్మాత, వ్యాపారవేత్త, అక్కినేని నాగార్జున మేనకోడలు సుప్రియ యార్లగడ్డకు సెంట్రల్ బోర్డ్ ఆఫ్ ఫిల్మ్ సర్టిఫికేషన్ (CBFC)లో చోటు దక్కింది. CBFCని పునర్వ్యవస్థీకరిస్తూ కేంద్ర సమాచార, ప్రసారాల మంత్రిత్వ శాఖ 18 మంది సభ్యులతో కొత్త బోర్డును ప్రకటించింది.ఛైర్మన్‌గా శశి శేఖర్ వేంపటి కొనసాగనుండగా, సుప్రియతో పాటు బాలీవుడ్‌ నటి ప్రీతి జింటా, పల్లవి జోషి, రూపాలీ గంగూలీ, బాలీవుడ్‌ నటుడు సునీల్ శెట్టి, పంకజ్ త్రిపాఠి, ప్రియదర్శన్, రిక్కీ కేజ్ తదితర సినీ, కళారంగ ప్రముఖులకు సభ్యులుగా అవకాశం కల్పించారు.

బాలీవుడ్ హీరో సిద్ధార్థ్ మల్హోత్రా, మిల్కీ బ్యూటీ తమన్నా జంటగా వస్తోన్న లేటేస్ట్ థ్రిల్లర్ మూవీ ది వాన్. ఈ చిత్రానికి దీపక్ కుమార్ మిశ్రా దర్శకత్వం వహిస్తున్నారు. ఈ మూవీని బాలాజీ టెలిఫిల్మ్స్ బ్యానర్‌పై శోభా కపూర్, ఏక్తా కపూర్ నిర్మించారు. ఇప్పటికే షూటింగ్ పూర్తయిన ఈ చిత్రం సెప్టెంబర్ 25న రిలీజ్ కానుంది.ఈ నేపథ్యంలోనే ది వాన్ ట్రైలర్ రిలీజ్ చేశారు మేకర్స్. ఈ ట్రైలర్ చూస్తుంటే గ్రామీణ నేపథ్యంలోనే తెరకెక్కించినట్లు తెలుస్తోంది. ఓ గ్రామ సమీపంలోని ఫారెస్ట్‌లో ఈ కథను రూపొందించారు. ట్రైలర్‌లో అడవిలోని సన్నివేశాలు ఈ మూవీపై ఆసక్తిని పెంచేస్తున్నాయి. ఈ చిత్రంలో సునీల్ గ్రోవర్, మనీష్ పాల్, శ్వేతా తివారీ, అనూప్ సోని కీలక పాత్రల్లో నటించారు.

బాలీవుడ్ స్టార్ ర్యాపర్ బాద్ షా ఈ ఏడాది మార్చిలో నటి ఇషా రిఖీని పెళ్లాడారు. అంతకుముందే జాస్మిన్‌ అనే యువతిని ప్రేమించి పెళ్లి చేసుకున్న ర్యాపర్.. ఆమెతో విభేధాలు రావడంతో ఆరేళ్ల క్రితం విడాకులు తీసుకొన్నారు. ఈ జంటకి ఓ కూతురు కూడా ఉంది. ఆ తర్వాత నటి ఇషా రిఖితో డేటింగ్‌ చేసిన బాద్‌షా ఈ ఏడాది పెళ్లిబంధంలోకి అడుగుపెట్టారు.అయితే నటి ఇషా రిఖితో రెండో పెళ్లి కూడా ఆర్నెళ్లకే పెటాకులైంది. ఇటీవలే ఈ జంట విడిపోతున్నట్లు అఫీషియల్‌గా ప్రకటించారు. ఈ సందర్భంగా నటి ఇషా రిఖి.. తన పెళ్లి జీవితానికి సంబంధించి పలు షాకింగ్ విషయాలు పంచుకుంది. బాద్‌షాతో పెళ్లయ్యాక తీవ్రమైన వేధింపులకు గురయ్యానని వెల్లడించింది. తాను శారీరకంగా, మానసికంగా, సామాజిక పరంగా మోసపోయానని తెలిపింది. బాద్‌షా తనను అన్ని రకాలుగా మోసం చేశాడని ఆరోపించింది. ప్రస్తుతం బిగ్‌బాస్ షోలో ఉన్న ఇషా తన వైవాహిక జీవితం గురించి మాట్లాడింది.ఒక వ్యక్తి గురించి ఇతరులు చెప్పేది తాను నమ్మనని స్పష్టం చేసింది. తాను స్వయంగా చూసేంత వరకు నమ్మనని పేర్కొంది. కానీ కొన్ని నెలలకే తనను మోసం చేశారని గ్రహించానని చెప్పింది. బాద్‌షా తనను కేవలం కొద్దిమందికి మాత్రమే పరిచయం చేశారని..వాస్తవానికి దూరంగా తనలోని వికృత రూపాన్నిచూపించారని వాపోయింది. ఈ రిలేషన్‌లో తనకు అనుమానాలు కలిగినప్పటికీ.. అన్ని విషయాలను స్వయంగా చూసేంత వరకు నమ్మకూడదని నిర్ణయించుకున్నట్లు ఇషా వెల్లడించింది.

బాలీవుడ్‌ హీరోయిన్లు కంగనా రనౌత్‌–రాఖీ సావంత్‌ మధ్య పచ్చగడ్డి వేస్తే భగ్గుమనేలా మాటల యుద్ధం జరుగుతోంది. ఇటీవల ఢిల్లీలో జరిగిన జెన్‌ జీ విద్యార్థుల నిరసనలు, యూత్‌ వ్యవహారశైలిపై బీజేపీ ఎంపీ, హీరోయిన్‌ కంగనా రనౌత్‌ చేసిన వ్యాఖ్యలు వివాదాస్పదమైన సంగతి తెలిసిందే. దీనిపై రాఖీ సావంత్‌ తన ఇన్‌స్టాగ్రామ్‌ వేదికగా కంగనాపై తీవ్ర స్థాయిలో విమర్శలు చేస్తూ ఓ వీడియోను షేర్‌ చేశారు. అదే విధంగా గతంలో కంగనా రనౌత్‌ ఎదుర్కొన్న పలు వివాదాలను కూడా ప్రస్తావిస్తూ రాఖీ తనదైన స్టైల్‌లో మండిపడ్డారు. యూట్యూబర్‌ సమయ్‌ రైనా నిర్వహించిన ‘ఇండియాస్‌ గాట్‌ లేటెంట్‌’ కార్యక్రమంలో పాల్గొన్న రాఖీ సావంత్‌... ప్రధానమంత్రి నరేంద్ర మోదీ, కేంద్ర మంత్రి స్మృతి ఇరానీ, ఎంపీ కంగనా రనౌత్‌పై చేసిన వ్యాఖ్యలు సోషల్‌ మీడియాలో వైరల్‌ అయ్యాయి. దీనిపై కంగనా రనౌత్‌ ఇటీవల స్పందించి, ‘‘విజయవంతమైన మహిళలను టార్గెట్‌ చేయడం వెనుక అసూయ, అహం, వ్యక్తిగత వైఫల్యాలు ఉండొచ్చు. తరచుగా నాపై జరిగే వ్యక్తిగత విమర్శలకు ప్రతిసారీ వివరణ ఇవ్వాల్సిన అవసరం లేదు’’ అని పేర్కొన్న సంగతి తెలిసిందే. అయితే తాజాగా మరోసారి రాఖీ సావంత్‌ లక్ష్యంగా కంగనా చేసిన ఘాటు వ్యాఖ్యలు ఇప్పుడు మరింత వైరల్‌ అవుతున్నాయి. ‘‘స్వీపర్‌ ఉద్యోగం చేయడానికి కూడా ప్రతిభ ఉండాలి. నీకు అది కూడా రాదు. నా రీల్స్‌ చూస్తూ ఏడవడం తప్ప నువ్వు ఏమీ చేయలేవు’’ అంటూ కంగనా రనౌత్‌ పేర్కొనడం చర్చనీయాంశంగా మారింది. అయితే పై విషయాల్లో కొందరు నెటిజన్లు కంగనాకు సపోర్ట్‌ చేస్తుంటే... మరికొందరు రాఖీకి మద్దతుగా నిలుస్తున్నారు.

బాలీవుడ్‌ బాద్‌షా షారుఖ్‌ ఖాన్‌ గురించి ప్రత్యేకంగా పరిచయం అవసరం లేదు. నేడు ఆయన దేశంలోనే అత్యంత పాపులర్‌ హీరోల్లో ఒకరు. అయితే ఈ స్థాయికి చేరుకోకముందు ఎన్నో కష్టాలను ఎదుర్కొన్నారు. సినిమాల్లో నిలదొక్కుకునేందుకు ప్రయత్నిస్తున్న సమయంలో తన తల్లితో కలిసి అజ్మీర్‌ షరీఫ్‌ దర్గాను సందర్శించారు. అప్పుడే జరిగిన ఓ ఆసక్తికర ఘటనను షారుఖ్‌ ఖాన్‌ గతంలో స్వయంగా వెల్లడించారు. ఇప్పుడీ వీడియో వైరల్‌ అవుతోంది. రూ.500 కోట్లు సంపాదిస్తావని..2014లో ‘హ్యాపీ న్యూ ఇయర్‌’ సినిమా ప్రమోషన్స్‌లో భాగంగా మాట్లాడిన షారుఖ్‌.. తన తల్లితో కలిసి అజ్మీర్‌ షరీఫ్‌కు వెళ్లిన విషయాన్ని గుర్తుచేసుకున్నారు. అప్పట్లో తన తల్లి దర్గాకు వెళ్లారట. చాదర్‌ సమర్పించేందుకు వెళ్తున్న సమయంలో తన తల్లి రూ.5 వేల నగదును షారుఖ్‌కు ఇచ్చారట. అయితే కొంతసేపటి తర్వాత ఆ డబ్బు కనిపించకుండా పోయిందట. షారుఖ్‌ దానిని వెతుకుతుండగా అక్కడే ఉన్న ఓ ఫకీర్‌ ఆయనను పిలిచి ఏదైనా పోగొట్టుకున్నావా? అని అడిగారట. షారుఖ్‌ అవునని చెప్పడంతో.. ఎంత డబ్బు పోయిందని కూడా ఆ ఫకీర్‌ చెప్పడంతో ఆయన ఆశ్చర్యపోయారట. ఆ తర్వాత ఆ ఫకీర్‌ చెప్పిన మాటలు షారుఖ్‌ జీవితంలో నిజమైనట్టే అనిపించాయట. ‘నువ్వు ఇక్కడికి వచ్చావు. ఖాళీ చేతులతో వెళ్లవు. రూ.5 వేలు పోగొట్టుకున్నావు.. కానీ రూ.500 కోట్లు సంపాదిస్తావు’ అని ఫకీర్‌ చెప్పారట. (ఇదీ చదవండి: ఇరుముడి సక్సెస్‌.. చిన్నారి నక్షత్రకు సర్‌ప్రైజ్‌) షారుఖ్‌ పెద్దగా నమ్మలేదట..అప్పట్లో ఈ మాటలను షారుఖ్‌ పెద్దగా నమ్మలేదట. కానీ ఆ ఘటన మాత్రం ఆయన మనసులో నిలిచిపోయింది. తర్వాత బాలీవుడ్‌లో అగ్ర హీరోగా ఎదిగి కోట్లాది అభిమానులను సంపాదించుకున్నారు. భారీ స్థాయిలో సంపద కూడా కూడబెట్టారు. అయితే ఈ ఘటనను కేవలం డబ్బుతో ముడిపెట్టడం సరికాదని షారుఖ్‌ తెలిపారు. (ఇదీ చదవండి: షాలినీపై నరేశ్‌ తీవ్ర వ్యాఖ్యలు.. బిగ్‌బాస్‌ బ్యూటీ స్ట్రాంగ్‌ కౌంటర్‌)షారుఖ్‌ తల్లి లతీఫ్‌ ఫాతిమా ఖాన్‌..షారుఖ్‌ తల్లి లతీఫ్‌ ఫాతిమా ఖాన్‌ 1991లో కన్నుమూశారు. ఆ తర్వాత ఏడాదికే ‘దీవానా’ సినిమాతో షారుఖ్‌ బాలీవుడ్‌లో హీరోగా అడుగుపెట్టారు. తన తల్లి తన విజయాన్ని చూడాలని ఎంతో కోరుకున్నానని ఆయన పలు సందర్భాల్లో చెప్పుకొచ్చారు. తల్లి అనారోగ్యంతో ఉన్న సమయంలోనే తొలిసారి ప్రార్థించానని షారుఖ్‌ గతంలో గుర్తుచేసుకున్నారు. ఆమె చివరి క్షణాల్లో ఆసుపత్రిలో ఉన్నప్పుడు తాను ఎంతో భావోద్వేగానికి గురయ్యానని తెలిపారు.అజ్మీర్‌ షరీఫ్‌ దర్గా సూఫీ సాధువు ఖ్వాజా మొయినుద్దీన్‌ చిష్తీకి అంకితం చేసిన ప్రముఖ పుణ్యక్షేత్రం. అన్ని మతాలకు చెందిన భక్తులు ఇక్కడికి వచ్చి ప్రార్థనలు చేస్తుంటారు. షారుఖ్‌ కూడా తన జీవితంలో పలుమార్లు ఈ దర్గాను సందర్శించారు.

అంబానీ ఇంట గణపతి పూజోత్సవరం అంగరంగ వైభవంగా జరిగింది. వినాయకుడికి ప్రత్యేక పూజలు నిర్వహించిన ఈ వేడుకకు బాలీవుడ్‌కు చెందిన పలువురు సినీ ప్రముఖులు హాజరై సందడి చేశారు. సంప్రదాయ దుస్తుల్లో తారలు మెరిసిపోవడంతో వేడుకకకు మరింత కళ వచ్చింది. ప్రస్తుతం ఈ వేడుకకకు సంబంధించిన ఫొటోలు సోషల్‌ మీడియాలో వైరల్‌గా మారాయి. ముఖ్యంగా సెటబ్రిటీల లక్స్‌, వారి సందడి నెటిజన్లును ఆకట్టుకుంటున్నాయి. మరి ఎవరెవరు హాజరయ్యారో ఒకసారి చూద్దాం రండి. View this post on Instagram A post shared by Pallav Paliwal (@pallav_paliwal) View this post on Instagram A post shared by Pallav Paliwal (@pallav_paliwal)

బాలీవుడ్ నటుడు గోవిందా అమెరికా నుంచి తిరిగి వచ్చిన అనంతరం అర్ధరాత్రి సమయంలో కుటుంబ సభ్యులతో కలిసి వినాయక చవితి వేడుకల్లో పాల్గొన్నారు. కుమార్తె టీనా అహూజా, కుమారుడు యశ్వర్ధన్ అహూజాలతో కలిసి గణపతి దర్శనం చేసుకున్న ఆయన ప్రత్యేక పూజలు నిర్వహించారు. అయితే కుటుంబంతో కలిసి ఫొటోలకు పోజిచ్చిన సమయంలో ఆయన భార్య సునీతా అహూజా ఎక్కడా కనిపించలేదు.పిల్లల భవిష్యత్తు కోసం ప్రార్థనలుగణపతి ఆశీస్సులు తీసుకున్న గోవిందా.. తన కుమారుడు యశ్వర్ధన్‌కు మంచి భవిష్యత్తు రావాలిని కోరుకున్నారు. కుటుంబంలో గణపతి వేడుకల సంప్రదాయం తన తల్లి నుంచే ప్రారంభమైందని ఆయన తెలిపారు. కొన్నేళ్లుగా తాను ఈ సంప్రదాయాన్ని కొనసాగిస్తున్నానని, ఇప్పుడు యశ్వర్ధన్ కూడా దానిని ముందుకు తీసుకెళ్తున్నారని చెప్పారు. కుమారుడికి విజయాలు, సిరిసంపదలు కలగాలని గణపతిని ప్రార్థించినట్లు పేర్కొన్నారు.మీడియాతో మాట్లాడిన అనంతరం గోవిందా తన పిల్లలు టీనా, యశ్వర్ధన్‌లతో కలిసి ఫొటోలకు పోజిచ్చారు. అయితే ఆ సమయంలో సునీతా అహూజా ఫొటోలో కనిపించలేదు. అంతకుముందు సునీతా అహూజా తన పిల్లలతో కలిసి ఉత్సాహంగా గణపతి వేడుకలను ప్రారంభించారు. సాధారణంగా గోవిందా లేదా యశ్వర్ధన్ గణపతిని ఇంటికి తీసుకొస్తారని, ఈసారి తానే పాటలు, నృత్యాలతో గణపతిని ఇంటికి తీసుకొచ్చానని ఆమె తెలిపారు. గత ఏడాది వినాయకుడు తనకు ఎంతో పేరు, విజయాన్ని అందించారని చెప్పారు. అందుకే ఈసారి స్వయంగా గణపతిని తీసుకురావాలని నిర్ణయించుకున్నట్లు వెల్లడించారు. కాగా వేడుకల ఫొటోల్లో సునీత కనిపించకపోవడంతో మరోమారు గోవిందా వార్తల్లో నిలిచారు. ఇదీ చదవండి: అంబానీ గణేశ్‌ పూజకు.. ‘డీప్‌ నెక్‌’లో హీరోయిన్‌.. ఏకిపారేస్తున్న నెటిజన్లు!

ముంబై: గణేశ్‌ చతుర్థి సందర్భంగా ముకేశ్‌ అంబానీ నివాసం ‘యాంటీలియా’లో సెప్టెంబర్‌ 14న నిర్వహించిన ప్రత్యేక పూజకు పలువురు బాలీవుడ్‌ ప్రముఖులు హాజరయ్యారు. నటి దిశా పటానీ కూడా ఈ వేడుకలో పాల్గొన్నారు. అయితే ఆమె ధరించిన దుస్తులపై సామాజిక మాధ్యమాల్లో విమర్శలు వెల్లువెత్తాయి. ఆమె ఎరుపు రంగు లెహంగా చోళీలో హాజరయ్యారు. లెహంగాతో పాటు డీప్‌ నెక్‌ బ్రాలెట్‌ తరహా బ్లౌజ్‌ ధరించారు. ఈ దుస్తుల డిజైన్‌ ఎక్కువగా రివీలింగ్‌గా ఉందంటూ పలువురు నెటిజన్లు ఆమెను ట్రోల్‌ చేశారు. పండుగ పూట, అదికూడా పూజ లాంటి సంప్రదాయ కార్యక్రమాలకు ఇలాంటి దుస్తులతో వస్తారా అంటూ పలువురు ఆమెను ‍ఎద్దేవా చేస్తున్నారు.ఈ వేడుకకు హాజరైన పలువురు సెలబ్రిటీలు సంప్రదాయ దుస్తుల్లో కనిపించడంతో దిశా పటానీ లుక్‌ మరింత చర్చనీయాంశమైంది. సామాజిక మాధ్యమాల్లో కొందరు ఆమె వస్త్రధారణను ఇతర నటీమణుల దుస్తులతో పోల్చారు. రివీలింగ్‌ దుస్తుల విషయంలో దిశా పటానీ గతంలోనూ సామాజిక మాధ్యమాల్లో విమర్శలు ఎదుర్కొన్నారు. గత ఏడాది గణపతి పూజకు కూడా ఇలాంటి దుస్తులతో హాజరైనప్పుడు ట్రోలింగ్‌ జరిగింది.అంబానీ ఇంట జరిగిన గణేశ్‌ చతుర్థి వేడుకలో సల్మాన్‌ ఖాన్‌, కరీనా కపూర్‌-సైఫ్‌ అలీ ఖాన్‌, ఆలియా భట్‌-రణ్‌బీర్‌ కపూర్‌, కత్రినా కైఫ్‌-విక్కీ కౌశల్‌, సిద్ధార్థ్‌ మల్హోత్రా-కియారా అద్వాణీ, రేఖ, కాజోల్‌, రణ్‌వీర్‌ సింగ్‌, కరణ్‌ జోహార్‌ తదితరులు పాల్గొన్నారు. పండుగలు, ప్రత్యేక కార్యక్రమాల్లో సినీ ప్రముఖులు ధరించే దుస్తులపై సామాజిక మాధ్యమాల్లో తరచూ చర్చ జరుగుతోంది. సంప్రదాయ వేడుకల్లో ఆధునిక లేదా బోల్డ్‌ లుక్‌ విషయంలో భిన్నాభిప్రాయాలు వ్యక్తమవుతున్నాయి. ఒకవైపు ఫ్యాషన్‌ స్వేచ్ఛకు మద్దతు లభిస్తుండగా, మరోవైపు సంస్కృతి, సంప్రదాయాలను ప్రస్తావిస్తూ విమర్శలు వస్తున్నాయి. ఇదీ చదవండి: మేయర్‌ ఇంట్లో.. రెండో తరగతి పిల్లాడి వినాయకుడు! View this post on Instagram A post shared by Manav Manglani (@manav.manglani)

చిత్ర పరిశ్రమలో కొన్ని సార్లు అద్భుతాలు జరుగుతుంటాయి. ఎలాంటి అంచనాలు లేకుండా రిలీజ్‌ అయిన చిత్రాలు బ్లాక్‌ బస్టర్‌ హిట్‌గా నిలుస్తుంటాయి. రూ. కోట్లల్లో కలెక్షన్స్‌ రాబట్టి నిర్మాతలకు భారీ లాభాలు తెచ్చిపెడతాయి. హనుమాన్‌ అంశ్‌ అనే చిత్రం కూడా ఆ కోవలోకి చెందినదే. రూ. 2 కోట్ల బడ్జెట్‌తో తెరకెక్కిన ఈ చిత్రం ఇటీవల థియేటర్స్‌లోకి వచ్చి, రూ. 200 కోట్లకు పైగా వసూళ్లను సాధించింది. తొలి రోజు కేవలం రూ. 10 లక్షల కలెక్షన్స్‌ మాత్రమే వచ్చాయి. రెండు వారాల తర్వాతే ఈసినిమాకు భారీ కలెక్షన్స్‌ రావడం ప్రారంభమైంది. ఇప్పటి వరకు రూ. 235 కోట్లకు పైగా వసూళ్లను సాధించి రికార్డు సృష్టించింది. ఈ చిత్రం ఇంకా ఓవర్సీస్‌లో విడుదల కాలేదు. అయినప్పటికీ ప్రపంచ వ్యాప్తంగా భారీ వసూళ్లను రాబట్టింది. ఇక తెలుగులో ఈ నెల 18న విడుదల కానుంది.(ఇదీ చదవండి: ఇది 'సీఎం విజయ్' వినాయకుడు.. ఫొటోలు వైరల్)ఇలాంటి తరుణంలో ఈ చిత్రానికి సంబంధించిన ఓ క్రేజీ రూమర్‌ నెట్టింట చక్కర్లు కొడుతోంది. త్వరలోనే ఈ చిత్రం ఓటీటీలోకి రానుందని.. ఈ మేరకు రూ. 100 కోట్లతో ప్రముఖ ఓటీటీ సంస్థ ఒప్పందం కూడా చేసుకున్నట్లు సోషల్‌ మీడియాలో ఓ వార్త వైరల్‌ అవుతుంది. తాజాగా దీనిపై చిత్ర నిర్మాత అనుప్రియ నాగర్ స్పందిస్తూ ఆ వార్తలు అవాస్తవం అని ఖండించారు. ‘సినిమా తెరకెక్కించేటప్పుడు బాక్సాఫీస్ కలెక్షన్ల గురించి నేను కలలో కూడా ఆలోచించలేదు. నీమ్ కరోలి బాబా దివ్య సందేశాన్ని నేటి యువతరానికి అందించాలనేదే నా ఏకైక లక్ష్యం. నాకింకా 21 ఏళ్లే.. ఇంత భారీ మొత్తంలో డబ్బు వస్తుందని ఊహించలేదు, అసలు ఈ డబ్బును ఏం చేసుకోవాలో కూడా నాకు అర్థం కావడం లేదు’ అని అనుప్రియ నాగర్ చెప్పుకొచ్చింది. అంతేకాదు ఈ చిత్రం నిర్మాణంలో తాను ఒక్కదానినే పాల్గొనలేదని..పూర్తి బడ్జెట్‌తో మూడో వంతు మాత్రమే నేను పెట్టానని..మిగతాది ఇతరులు షేర్‌ చేసుకున్నారని చెప్పింది.హనుమాన్‌ అంశ్‌ సినిమా విషయానికొస్తే.. ప్రముఖ ఆధ్యాత్మిక గురువు నీమ్ కరోలి బాబా జీవిత చరిత్ర ఆధారంగా రూపొందిన చిత్రమిది. విశాల్ చతుర్వేది దర్శకత్వం వహించిన ఈ చిత్రంలో శోభినవ్‌ సత్య ప్రధాన పాత్ర పోషించాడు.

రణ్‌బీర్ కపూర్, సాయిపల్లవి జంటగా నటించిన భారీ బడ్జెట్ డివోషనల్ సినిమా 'రామాయణ'. దీపావళి సందర్భంగా థియేటర్లలో రిలీజ్ కానుంది. దాదాపు నెల క్రితం ట్రైలర్ వదిలారు. దానికి మిశ్రమ స్పందన వచ్చింది. కానీ ఇప్పుడు వినాయక చవితి సందర్భంగా 'జై జై రామ్' అంటూ సాగే తొలి పాటని విడుదల చేశారు. ఇది వినసొంపుగా ఉంటూ అలరిస్తోంది.సీత కోసం స్వయంవరంలో పాల్గొనడం, ఇద్దరి పరిణయం తదితర సన్నివేశాలు ఈ గీతంలో చూపించారు. ఏఆర్ రెహమాన్ సంగీతమందించిన ఈ పాటని శ్రేయా ఘోషల్, ఆర్జిత్ సింగ్ పాడారు. నితీష్ తివారీ ఈ చిత్రానికి దర్శకుడు. రాముడిగా రణ్‌బీర్, సీతగా సాయిపల్లవి చేయగా.. రావణుడిగా యష్ కనిపించబోతున్నాడు. ఇతర పాత్రల్లో వివేక్ ఒబెరాయ్, కాజల్ అగర్వాల్, సన్నీ డియోల్ లాంటి స్టార్ దర్శనమివ్వబోతున్నారు.

ట్రోల్స్‌కి కాదేది అనర్హం అన్నట్లుగా మారిపోయింది నేటి సోషల్‌ మీడియా పరిస్థితి. ముఖ్యంగా సినీ తారల విషయంలో ఈ ట్రోలింగ్‌ మరింత ఎక్కువగా కనిపిస్తోంది. వారి సినిమాలు, నటన మాత్రమే కాదు.. నడక, మాట తీరు, శరీరాకృతి, దుస్తులు ఇలా ప్రతీ విషయాన్నీ టార్గెట్‌ చేస్తూ బాడీ షేమింగ్‌కు దిగుతున్నారు. తాజాగా బాలీవుడ్‌ నటి నీనా గుప్తా కూడా ఇలాంటి ట్రోలింగ్‌కు గురయ్యారు. చీర కట్టుకున్న సమయంలో ఆమె పొట్ట కాస్త ఎక్కువ కనిపించడంతో గర్భవతి అంటూ కొందరు నెటిజన్లు ట్రోల్‌ చేశారు. ఈ ఘటనపై తాజాగా స్పందించిన నీనా గుప్తా.. ట్రోలర్స్‌కు తనదైన శైలిలో సమాధానం ఇచ్చారు.గర్భవతి అనే చెప్పమన్నా.. తాజాగా జాతీయ మీడియా సంస్థ సీఎన్‌ఎన్‌ న్యూస్‌ 18తో నీనా గుప్తా మాట్లాడుతూ.. బాడీ షేమింగ్‌పై స్పందించారు. ‘ట్రోలింగ్‌ చేయడం ఇప్పుడు కామన్‌ అయిపోయింది. ఎలా ఉన్నా ట్రోలింగ్‌ చేస్తున్నారు. బాడీ షేమింగ్‌ చేస్తూ పోస్టులు పెడుతున్నారు. ఆ మధ్య నేను చీరకట్టుకొని ఓ ఫంక్షన్‌కి వెళ్లా. చీర కాస్త బరువుగా ఉండడంతో సర్దుకునే క్రమంలో నా పొట్ట కాస్త లావుగా కనిపించింది. దాంతో 67 ఏళ్ల వయసులో గర్భవతి అయ్యారని ట్రోల్‌ చేశారు. (ఇదీ చదవండి: రోజుకి రెండే చపాతీలు తింటా.. ఇదే నా డైట్)బాడీ షేమింగ్‌ చేస్తూ సోషల్‌ మీడియాలో పోస్టులు పెట్టారు. ఇవన్నీ నా టీమ్‌ నా దగ్గరకు తీసుకోచ్చారు. చూసి నవ్వుకొని.. ‘నేను నిజంగానే ప్రెగ్నెంట్‌ అని చెప్పండి’ అని నా టీమ్‌కి చెప్పా. బాడీ షేమింగ్‌ ఎదుర్కొంటున్నవాళ్లకు నేను ఇచ్చే సలహా ఏంటంటే.. ‘లావుగా అయిందని అంటే.. ప్రెగ్నెంట్‌ అయ్యానని చెప్పండి’ అని ఆమె అన్నారు. అలాగే ‘పెళ్లి ఎప్పుడు?’ అని వ్యక్తిగత ప్రశ్నలు అడిగే వారిని ఎలా ఎదుర్కొంటారని అడగ్గా.. ‘నేను మీపై ఆధారపడి బతకడం లేదు కదా? మీ సమస్య ఏంటి? ఇంతకీ మీకు పెళ్లి అయిందా? అని తిరిగి ప్రశ్నిస్తానని నీనా చెప్పుకొచ్చింది.వెండితెర పైనే కాకుండా బుల్లితెర వేదిక గానూ ప్రేక్షకులను అలరించారు నటి నీనా గుప్తా. ‘ఇష్క్‌’, ‘ఎలోన్‌’, ‘ముల్క్‌’, ‘83’, ‘డయల్‌ 100’, ‘గుడ్‌బై’ వంటి చిత్రాల్లో నీనా కీలక పాత్రలు పోషించారు. సినిమాల్లో రాణిస్తోన్న తరుణంలోనే ఆమె ధారావాహికల్లోనూ నటించి ప్రేక్షకులను మెప్పించారు. ‘లస్ట్‌ స్టోరీస్‌ 2’ వెబ్‌సిరీస్‌లోనూ నటించారు. ఆమె నటించిన కామెడీ-డ్రామా సిరీస్ ' చుంబక్' సెప్టెంబర్ 11న విడుదలైంది.

సాక్షి,ముంబై : బాలీవుడ్‌ నటి అమీషా పటేల్ కుటుంబానికి భారీ ఎదురు దెబ్బ తగిలింది. అమీషా పటేల్ తల్లిదండ్రుల చర్చిగేట్ (ముంబై) నివాసం నుండి , బంగారు, వజ్రాల ఆభరణాలు చోరీకి గురయ్యాయి. ఇంటి పనిమనిషే ఈ చోరీకి పాల్పడినట్టు ప్రాథమికంగా పోలీసులు అనుమానిస్తున్నారు. నటి తల్లి ఆశా పటేల్ ఫిర్యాదు మేరకు నిందితురాలు సీమా ఘాటేను అరెస్ట్ చేసిన పోలీసులు విచారణ చేపట్టారు.పోలీసుల కథనం ప్రకారం జనవరి 2026లో ఒక గాజు చోరీకి గురైంది. దీనిపై సీమాను అనుమానించిన ఆశా పటేల్, తప్పు ఒప్పుకుని, పోయిన ఆభరణాన్ని తిరిగి ఇచ్చేయాలని ఆమె కోరారు.అయితే, ఆ గాజును తిరిగి ఇవ్వకపోవడంతో, ఆశా పోలీసులను ఆశ్రయించి అధికారికంగా ఫిర్యాదు చేశారు.దీంతో పాలఘర్‌కు చెందిన 40 ఏళ్ల సీమా ఘాటే అనే ఇంటి పనిమనిషిని మెరైన్ డ్రైవ్ పోలీసులు అదుపులోకి తీసుకున్నారు. చోరీకి గురైన ఆభరణాల విలువ రూ 5 లక్షలకు పైమాటే. వీటిల్లో డైమండ్‌గాజులు కూడా ఉన్నట్టు తెలుస్తోంది. గత ఒకటిన్నర సంవత్సరాలుగా ఆ ఇంట్లో గృహ కార్మికురాలిగా పని చేస్తోంది.ఇదీ చదవండి: కలకలం : భార్య, ముగ్గురు కుమార్తెల్ని హత్య చేసి పరార్‌దీనిపై అమీషా పటేల్ తల్లి ఆశా పటేల్, పనిమనిషి ఘాటేపై అనుమానం వ్యక్తం చేస్తూ మెరైన్ డ్రైవ్ పోలీసులను ఆశ్రయించారు. విచారణ చేపట్టిన పోలీసులు విరార్‌లో ఘాటేను అదుపులోకి తీసుకున్నారు. ఆమె వద్ద నుంచి ఎలాంటి రికవరీ చేయలేదు.నిందితురాలు సీమ నేర చరిత్ర, సహచరులు ప్రాతను పోలీసులు ఎంక్వయిరీ చేస్తున్నారు. మరోవైపు ఆమెకు సెప్టెంబర్ 15 వరకు మూడు రోజుల జ్యుడీషియల్ కస్టడీ విధించింది కోర్టు.ఇదీ చదవండి: కాబోయే భార్యని ఇంప్రెస్‌ చేద్దామని, ఏఐతో ఏకంగా..!

బిగ్ బాస్‌ హౌస్‌లోకి బాక్సింగ్‌ ఛాంపియన్‌ మేరీకోమ్‌ ప్రవేశించిన నాలుగు రోజులకే ఆమె మాటతీరు, వైఖరిపై సోషల్‌ మీడియాలో చర్చ మొదలైంది. తన కష్టం, తన విజయాలు, తన బలం గురించి మేరీకోమ్‌ తరచూ ప్రస్తావించడం కొంతమంది ప్రేక్షకులకు అసహనం కలిగిస్తోందనే మాట వినిపిస్తోంది. ఆమె సంభాషణల్లో ‘నేను’ అనే భావన ఎక్కువగా కనిపిస్తోందంటూ పలువురు యూజర్లు వ్యాఖ్యానిస్తున్నారు.రీతి తివారితో జరిగిన సంభాషణలో మేరీకోమ్‌ ‘ప్రపంచమంతా నన్ను గుర్తుపడుతుంది. మీరు ఎవరో నాకు తెలియదు’ అని వ్యాఖ్యానించడంపై చర్చ చెలరేగుతోంది. ఈ వ్యాఖ్య సోషల్‌ మీడియాలో వైరల్‌గా మారింది. ఒకరి గుర్తింపును ప్రశ్నించడం కంటే, ఆ మాట చెప్పిన తీరు కొంతమంది ప్రేక్షకులకు అహంకారంగా అనిపించింది. షోలో మేరీకోమ్‌ తన ఫిట్‌నెస్‌, శారీరక బలం గురించి కూడా మాట్లాడింది. రింగ్‌లో తనతో పోటీ పడటం అంత సులభం కాదని, తనతో ఎవరూ సరిపోలరని ఆమె చెప్పింది. తన విజయాలకు కఠోర శ్రమే కారణమని, ఎవరినైనా ఎత్తి విసిరేయగల శక్తి తనకు ఉందని ఆమె చెప్పినట్లు తెలిపింది.తన పిల్లలు కూడా తనలా మారడం అంత సులభం కాదని మేరీకోమ్‌ వ్యాఖ్యానించింది. దీంతో ‘నా లాంటి వారు ఎవరూ లేరు’ అనే భావన ఆమె మాటల్లో కనిపిస్తోందంటూ కొంతమంది ప్రేక్షకులు అసంతృప్తి వ్యక్తం చేస్తున్నారు. మేరీకోమ్‌ దేశానికి ఎన్నో టైటిళ్లు సాధించిన బాక్సింగ్‌ ఛాంపియన్‌. ఆమె విజయాలు, కృషిపై దేశవ్యాప్తంగా గౌరవం ఉంది. అయితే బిగ్‌ బాస్‌ వేదికపై విజయాలతో పాటు ప్రవర్తన కూడా ముఖ్యమేనని పలువురు అంటున్నారు. ప్రస్తుతం ఆమె వైఖరిని కొంతమంది యూజర్లు ‘అహంకార భావన’తో ముడిపెడుతున్నారు. రానున్న ‘వీకెండ్‌ కా వార్‌’లో ఈ అంశంపై ఎలాంటి స్పందన వస్తుందో చూడాలి.ఇదీ చదవండి: ‘ఫస్ట్‌లుక్‌’లో లాల్‌బాగ్చా రాజా.. జనం ‍క్యూ..

సన్ పిక్చర్స్ అధినేత, 'DC' చిత్ర నిర్మాత కళానిధి మారన్ తన ఉదారతతో అందరి మనసులను గెలుచు కున్నారు. రూ. 100 కోట్లకు పైగా వసూళ్లను సాధించిన ఘనవిజయాన్ని పురస్కరించుకుని స్టార్ డైరెక్టర్ లోకేశ్ కనగరాజ్ టర్న్డ్‌ నటుడు లోకేష్ కనగరాజ్, దర్శకుడు అరుణ్ మాథేశ్వరన్, సంగీత దర్శకుడు అనిరుధ్ రవిచందర్‌లకు ఖరీదైన 'BMW iX1 LWB' కార్లను బహుమతిగా అందించారు. నిర్మాత్‌ ఇచ్చిన ఈ సర్‌ప్రైజ్‌కు సంబంధించిన వీడియో ఇప్పుడు నెట్టింట వైరల్‌గా మారింది. మరోవైపు సినిమా విజయంలో కీలకమైన తన పాత్రకు 100 శాతం న్యాయం చేసిన వామికా గబ్బికి గిప్ట్‌ ఇవ్వకపోవడంపై సోషల్‌ మీడియాలో తీవ్ర చర్చ నడుస్తోంది.సుమారు రూ. 25 కోట్ల బడ్జెట్‌తో తెరకెక్కిన ఈ తమిళ యాక్షన్ చిత్రం ప్రపంచవ్యాప్తంగా రూ. 100 కోట్లకు పైగా గ్రాస్ వసూలు చేసి బ్లాక్‌బస్టర్‌గా నిలిచింది. దీంతో నిర్మాత కళానిధి మారన్ ఈ ముగ్గురికీ అందించిన BMW కార్ల మొత్తం విలువ రూ. 1.5 కోట్లకు పైగానే ఉంటుంది. ఒక్కో కారు ఆన్-రోడ్ ధర సుమారు రూ. 49 లక్షల నుండి రూ. 55.81 లక్షల వరకు ఉంది.మరి వామికా గబ్బికి ఏది?ఒకవైపు నెటిజన్లు కళానిధి మారన్ చేసిన ఈ పనిని ప్రశంసిస్తుంటే, మరొకవైపు సోషల్ మీడియాలో ఒక వర్గం ప్రశ్నలు గుప్పిస్తోంది. సినిమాలో కథానాయికగా 'చంద్ర' పాత్రలో అద్భుతంగా నటించిన వామికా గబ్బికి ఎందుకు కారు బహుమతిగా ఇవ్వలేదని నెటిజన్లు ప్రశ్నిస్తున్నారు. "వామికా గబ్బికి న్యాయం చేయాలి", "చంద్ర పాత్రకు కూడా ఈ బహుమతి దక్కాల్సిందే" అంటూ పలువురు కామెంట్లు చేశారు. నటులతో సమానంగా, అంతకంటే మెరుగ్గా నటించి ప్రేక్షకులను థియేటర్లకు రప్పించడంలో కీలక పాత్ర పోషించిన మహిళా నటీమణుల గుర్తించి, వామికాకు కూడా కారును గిఫ్ట్‌గా ఇవ్వాలని ఎక్స్ (ట్విటర్) లో ఒక యూజర్ కోరారు. View this post on Instagram A post shared by Citifox Media (@citifoxmedia) కాగా అరుణ్ మాథేశ్వరన్ దర్శకత్వంలో దర్శకుడు లోకేష్ కనగరాజ్ నటుడిగా అరంగేట్రం చేసిన ఈ చిత్రంలో వామికా గబ్బి, సంజనా కృష్ణమూర్తి, ముఖ్య పాత్రల్లో నటించారు. ఇదీ చదవండి: కాబోయే భార్యని ఇంప్రెస్‌ చేద్దామని, ఏఐతో ఏకంగా..!

బాలీవుడ్‌ మెగాస్టార్‌ అమితాబ్‌ బచ్చన్‌ అభిమానులకు షాకింగ్‌ న్యూస్‌ చెప్పినట్లు తెలుస్తోంది. ఎంతోకాలంగా తనను బుల్లితెర ప్రేక్షకులకు మరింత చేరువ చేసిన ‘కౌన్‌ బనేగా కరోడ్‌పతి’ (KBC) కార్యక్రమానికి గుడ్‌బై చెప్పే ఆలోచనలో ఉన్నట్లు పరోక్షంగా వెల్లడించారు. ప్రస్తుతం ఈ షో 18వ సీజన్‌కు హోస్ట్‌గా వ్యవహరిస్తున్న ఆయన.. తాజాగా రాసిన బ్లాగ్‌లో ఆసక్తికర వ్యాఖ్యలు చేశారు.ఇదీ చదవండి: బిగ్‌బాస్‌లో రాంప్రసాద్‌, చరణ్‌లకు షాక్‌! ఎలిమినేట్‌ అవుతారా? కొనసాగించడం కష్టంగా మారుతోందికార్యక్రమానికి వచ్చే కొందరు కంటెస్టెంట్ల వ్యక్తిగత జీవితాల్లోని విషాదకర ఘటనలు తనను తీవ్రంగా కలచివేస్తున్నాయని అమితాబ్‌ పేర్కొన్నారు. వాళ్లు పడిన బాధలను పంచుకుంటున్నప్పుడు నా భావోద్వేగాలను అదుపు చేసుకోవడం నాకు కష్టంగా ఉంటోంది. హోస్ట్‌గానూ ఈ కార్యక్రమాన్ని కొనసాగించడం కష్టంగా మారుతోంది. ఇక నేను రిటైర్‌ కావాలనుకుంటున్నా.. ఇప్పటికే ఆలస్యమైంది.’ అంటూ తన బ్లాగ్‌లో రాసుకొచ్చారు. దీంతో అమితాబ్‌ ఇక KBC నుంచి తప్పుకోనున్నారా? అనే చర్చ మొదలైంది.ఇదీ చదవండి: మీ దగ్గర టాలెంట్‌ ఉంటే.. నాదగ్గరికి రండి: ఉదయభాను2000లో ప్రారంభమైన KBCకి తొలి సీజన్‌ నుంచి అమితాబ్‌ బచ్చనే హోస్ట్‌గా వ్యవహరిస్తున్నారు. మూడో సీజన్‌కు మాత్రం షారుక్‌ ఖాన్‌ వ్యాఖ్యాతగా వ్యవహరించారు. గతంలోనూ అమితాబ్‌ KBC నుంచి తప్పుకోనున్నారనే వార్తలు వచ్చినప్పటికీ.. అవి నిజం కాలేదు. ఇప్పుడు కూడా అధికారిక ప్రకటన రావాల్సి ఉంది. ( విజయ్‌ దేవరకొండ ‘రణబాలి’ టీజర్‌ చూశారా..)

జమ్ము కశ్మీర్‌లో తొలి అంతర్జాతీయ ఫిల్మ్‌ ఫెస్టివల్‌ ప్రారంభమైంది. సెప్టెంబరు 7 నుంచి సెప్టెంబరు 10 వరకు నాలుగు రోజుల పాటు ఇంటర్‌నేషనల్‌ ఫిల్మ్‌ ఫెస్టివల్‌ ఆఫ్‌ జమ్ము కశ్మీర్‌ (ఐఎఫ్‌ఎఫ్‌జేకే) వేడుక జరుగుతుంది. సెప్టెంబరు 7న జమ్ము కశ్మీర్‌ ముఖ్యమంత్రి ఒమర్‌ అబ్దుల్లా ఈ చిత్రోత్సవాలను శ్రీనగర్‌లో ప్రారంభించారు. నేషనల్‌ ఫిల్మ్‌ డెవలప్‌మెంట్‌ కార్పొరేషన్‌ (ఎన్‌ఎఫ్‌డీసీ) సహకారంతో జమ్ము కాశ్మీర్‌ ప్రభుత్వానికి చెందిన డిపార్ట్‌మెంట్‌ ఆఫ్‌ ఇన్ఫర్మేషన్‌ అండ్‌ పబ్లిక్‌ రిలేషన్స్‌ (డీఐపీఆర్‌) విభాగం ఈ ఫిల్మ్‌ ఫెస్టివల్‌ను నిర్వహిస్తోంది. ‘రంగ్‌–ఎ–సినిమా’ అనేది ఈ ఫిల్మ్‌ ఫెస్టివల్‌ థీమ్‌. ఉత్తమ చిత్రానికి రూ. 25లక్షల రివార్డు ఈ ఫిల్మ్‌ ఫెస్టివల్‌లో ప్రధానంగా తొమ్మిది అవార్డులను అందించనున్నారు. ఈ అవార్డుల కోసం రూ. 96 లక్షల ప్రైజ్‌ మనీని కేటాయించగా, ఉత్తమ చిత్రానికి రూ. 25 లక్షల నగదును అందించనున్నారు నిర్వాహకులు. ప్రముఖ సినిమాటోగ్రాఫర్‌–డైరెక్టర్‌ సంతోష్‌ శివన్‌ జ్యూరీ అధ్యక్షుడిగా బాధ్యతలు నిర్వర్తిస్తున్నారు. ‘‘దాదాపు 80కి పైగా దేశాలకు చెందిన 1100 సినిమాలను పరిశీలించి, 41 దేశాలకు సంబంధించిన 135 చిత్రాలను ఈ ఫిల్మ్‌ ఫెస్టివల్‌కు షార్ట్‌ లిస్ట్‌ చేశాం. భారతదేశం నుంచి 64 సినిమాలు షార్ట్‌ లిస్ట్‌ అయ్యాయి. టర్కీ, జర్మనీ, రష్యా, సౌత్‌ కొరియా, తైవాన్‌ వంటి విదేశీ చిత్రాలను కూడా ఈ ఫిల్మ్‌ ఫెస్టివల్‌లో ప్రదర్శిస్తాం’’ అని ఫిల్మ్‌ఫెస్టివల్‌ నిర్వాహక ప్రతినిధుల్లో ఒకరు పేర్కొన్నారు. ఇంటర్నేషనల్‌ పనోరమా, భారత్‌ పనోరమా, సినిమా ఆఫ్‌ ది వరల్డ్‌... ఇలా ఏడు విభాగాల్లో ఈ 135 సినిమాలను ప్రదర్శించనున్నారు. జమ్ము కశ్మీర్‌లోని అద్భుతమైన ప్రకృతి సౌందర్యాన్ని, పర్యాటక రంగ ప్రాధాన్యతను ప్రపంచ దేశాల చలనచిత్ర నిర్మాతలకు ఈ ఫిల్మ్‌ ఫెస్టివల్‌తో పరిచయం చేయడం ద్వారా ఫిల్మ్‌ టూరిజంను ప్రోత్సహించడం అనేది ఈ ఫిల్మ్‌ఫెస్టివల్‌ ముఖ్య ఉద్దేశమని నిర్వాహకులు తెలిపారు. డెడ్‌ డాగ్‌తో ప్రారంభం లెబనాన్‌ దేశానికి చెందిన ‘డెడ్‌ డాగ్‌’ సినిమాతో ఈ ఫిల్మ్‌ ఫెస్టివల్‌ ప్రారంభమైంది. లేడీ డైరెక్టర్‌ సారా ఫ్రాన్సిస్‌ తెరకెక్కించిన ఎమోషనల్‌ డ్రామా నేపథ్యంలో ఈ సినిమా కథనం సాగుతుంది. ఐదా, వాలిద్‌ భార్యాభర్తలు. వృత్తి రీత్యా వాలిద్‌ విదేశాల్లో ఉంటాడు. భార్య తన సొంతూరులో ఉంటుంది. అయితే వాలిద్‌ ఎవరికీ చెప్పకుండా స్వదేశంలోని తన పాత ఇంటికి వస్తాడు. కానీ అక్కడికి వెళ్లి తన భర్త వాలిద్‌కు ఐదా సర్‌ప్రైజ్‌ ఇస్తుంది. ఆ తర్వాత ఈ దంపతులు ఆ ఇంట్లోనే నాలుగు రోజులు ఉండాల్సి వస్తుంది. కానీ సుదీర్ఘకాలం దూరంగా ఉండటం వల్ల ఈ దంపతుల మధ్య ఏర్పడిన భావోద్వేగ దూరం, ఒకరిపై ఒకరికి ఉన్న అపనమ్మకాలు ఈ నాలుగు రోజుల్లో ఒక్కొక్కటిగా బయటపడుతుంటాయి. తాను ఆర్థిక ఇబ్బందుల్లో ఉన్న విషయాన్ని వాలిద్‌ తన భార్యకు చెప్పడు. తాము ఎంతో ప్రేమగా పెంచుకున్న ‘పెట్‌ డాగ్‌’ చని΄ోయిందనే నిజాన్ని ఐదా తన భర్తకు చెప్పకుండా దాచడానికి ప్రయత్నిస్తుంది. మరి... ఆ తర్వాత ఏం జరిగింది? అన్న అంశాల నేపథ్యంలో ఈ సినిమా కథనం సాగుతుంది. ఇక తొలి రోజు ప్రారంభ వేడుకల్లో బాలీవుడ్‌ నటి ఫాతిమా సనా షేక్, నటుడు తహా షా బదు షా, దర్శకుడు విధు వినోద్‌ చోప్రా తదితర ప్రముఖులు చిత్రోత్సవాలకు హాజరయ్యారు.

బాలీవుడ్‌ స్టార్‌ జంట రణ్‌వీర్‌ సింగ్‌, దీపికా పదుకొణె మరోసారి తమ కుమార్తె దువాను సోషల్‌ మీడియా వేదికగా పరిచయం చేశారు. దువా రెండో పుట్టినరోజు సందర్భంగా ఆమె ఫొటోలను అభిమానులతో పంచుకున్నారు. ఈ సందర్భంగా తమ కుటుంబంలోకి మరో కొత్త సభ్యుడు రాబోతున్న విషయాన్ని కూడా వెల్లడించారు.ఇదీ చదవండి: దీపావళి బరిలో నయనతార కొత్త సినిమా!‘మా చిన్నారి దువా.. నిన్ను ఇలా చూస్తుంటే చాలా ఆనందంగా ఉంది. థ్యాంక్యూ ఫర్‌ యువర్‌ బ్లెస్సింగ్స్‌’ అంటూ రణ్‌వీర్‌ ఇన్‌స్టాగ్రామ్‌లో పోస్ట్‌ చేశారు. దీంతో ఈ పోస్ట్‌ సోషల్‌ మీడియాలో వైరల్‌గా మారింది. దువాను చూసిన అభిమానులు, సినీ ప్రముఖులు ఈ స్టార్‌ జంటకు శుభాకాంక్షలు చెబుతున్నారు.ఇదీ చదవండి: ‘నాతో పెట్టుకోవద్దు!’.. ఆటో రాంప్రసాద్‌ వార్నింగ్‌కాగా.. రణ్‌వీర్‌, దీపికా 2024లో తల్లిదండ్రులయ్యారు. తమ కుమార్తెకు ‘దువా’ అనే పేరు పెట్టిన విషయం తెలిసిందే. ఇప్పుడు మరోసారి తల్లిదండ్రులు కాబోతున్న నేపథ్యంలో దువా త్వరలో అక్క కానుంది.

బాలీవుడ్‌ బాక్సాఫీస్‌ వద్ద ప్రస్తుతం రెండు సినిమాల గురించి ఆసక్తికరమైన చర్చ జరుగుతోంది. ఒకటి ఇప్పటికే ఓటీటీలో భారీ ఆదరణ పొందిన ‘మిర్జాపూర్‌’ ఫ్రాంచైజీకి కొనసాగింపుగా వచ్చిన ‘మిర్జాపూర్‌: ది మూవీ’ కాగా.. మరొకటి పెద్దగా అంచనాలు లేకుండా థియేటర్లలోకి వచ్చి క్రమంగా ప్రేక్షకాదరణ సొంతం చేసుకున్న ‘హనుమాన్‌ అంశ్‌’. ఈ రెండు సినిమాలు విజయవంతమైనప్పటికీ వాటి బాక్సాఫీస్‌ వద్ద మాత్రం పూర్తి భిన్నంగా ఉన్నాయి. ఒక సినిమా ఫ్రాంచైజీ క్రేజ్‌తో తొలి రోజుల్లోనే దుమ్మురేపితే.. మరో సినిమా ప్రేక్షకుల మౌత్‌ టాక్‌తో నెమ్మదిగా పుంజుకుని భారీ విజయాన్ని అందుకుంది. మూడు రోజుల్లోనే రూ.90 కోట్లకు..గుర్మీత్‌ సింగ్‌ దర్శకత్వంలో పంకజ్‌ త్రిపాఠి, అలీ ఫజల్‌, దివ్యేందు, రవికిషన్‌ ప్రధాన పాత్రల్లో నటించిన ‘మిర్జాపూర్‌: ది మూవీ’ సెప్టెంబర్‌ 4న ప్రేక్షకుల ముందుకొచ్చింది. సాక్‌నిల్క్‌ గణాంకాల ప్రకారం తొలి రోజే ఈ చిత్రం సుమారు రూ.25.75 కోట్ల నెట్‌ వసూళ్లు సాధించింది. రెండో రోజు రూ.32 కోట్లు, మూడో రోజు రూ.36 కోట్లు రాబట్టింది. దీంతో మూడు రోజుల్లోనే భారత్‌లో రూ.93.75 కోట్ల నెట్‌ కలెక్షన్లు సాధించింది. ప్రపంచవ్యాప్తంగా రూ.132 కోట్లకు పైగా గ్రాస్‌ వసూళ్లు రాబట్టినట్లు సమాచారం.నెమ్మదిగా మొదలై.. భారీ వసూళ్లు‘హనుమాన్‌ అంశ్‌’ పరిస్థితి ఇందుకు పూర్తి భిన్నం. విశాల్‌ చతుర్వేది దర్శకత్వంలో తెరకెక్కిన ఈ భక్తిరస ప్రధాన చిత్రం ఆగస్టు 7న విడుదలైంది. తొలివారం కేవలం రూ.1.08 కోట్ల నెట్‌ వసూళ్లు సాధించింది. రెండో వారంలోనూ రూ.0.40 కోట్లకే పరిమితమైంది. అయితే మూడో వారం నుంచి సినిమా వసూళ్లు జోరు అందుకున్నాయి.ఇదీ చదవండి: చైనాలో విరిసిన ‘పౌర్ణమి’.. వీడియో వైరల్‌మూడో వారంలో రూ.10.40 కోట్లు సాధించిన ఈ చిత్రం.. ఆ తర్వాతి వారాల్లోనూ జోరు కొనసాగించింది. 29వ రోజుకు భారత్‌లో రూ.82.88 కోట్ల నెట్‌ వసూళ్లు రాబట్టింది. ఐదో శనివారం ఏకంగా రూ.16.50 కోట్లు, 31వ రోజు రూ.22.75 కోట్లు వసూలు చేసింది. దీంతో 31 రోజుల్లోనే రూ.122.13 కోట్ల నెట్‌ కలెక్షన్లను అందుకుంది. 32వ రోజు నాటికి ఈ మొత్తం సుమారు రూ.122.53 కోట్లకు చేరినట్లు సాక్‌నిల్క్‌ తాజా గణాంకాలు చెబుతున్నాయి. ( వినాయకుడు ఫైర్‌.. దద్దరిల్లిన బిగ్‌బాస్‌ హౌస్‌)ప్రేక్షకుల ఆదరణతో..‘మిర్జాపూర్‌: ది మూవీ’ ఫ్రాంచైజీ క్రేజ్‌తో విడుదలైన వెంటనే భారీ ఓపెనింగ్‌ సాధించింది. మరోవైపు ‘హనుమాన్‌ అంశ్‌’ మొదట్లో తక్కువ వసూళ్లు సాధించినప్పటికీ.. ప్రేక్షకుల ఆదరణతో క్రమంగా మంచి వసూళ్లు సాధించింది. ఒక సినిమా ఫ్రాంచైజీ క్రేజ్‌తో తొలి రోజుల్లోనే దుమ్మురేపితే.. మరో సినిమా ప్రేక్షకుల మౌత్‌ టాక్‌తో నెమ్మదిగా పుంజుకుని భారీ విజయాన్ని అందుకుంది. బాక్సాఫీస్‌ వద్ద విజయానికి ఒక్కో సినిమాది ఒక్కో దారి అని ఈ రెండు చిత్రాలు నిరూపిస్తున్నాయి.

Delhi building collapse ఢిల్లీలోని సత్యనికేతన్ ప్రాంతంలో ఐదంతస్తుల భవనం కుప్పకూలిన ఘటనపై బాలీవుడ్ నటుడు సోనూ సూద్ (Sonu Sood)స్పందించారు. ఏడుగురు విద్యార్థులు ప్రాణాలు కోల్పోవడంపై తీవ్ర సంతాపం వ్యక్తం చేశారు. దేశవ్యాప్తంగా వివిధ ప్రాంతాలనుండి చదువుకోవడానికి వచ్చే విద్యార్థులకు సురక్షితమైన వసతి సౌకర్యాలను కల్పించాలని ఈ సందర్భంగా సోనూ సూద్‌ ప్రభుత్వానికి విజ్ఞప్తి చేశారు.Every year, lakhs of students leave their homes to chase a dream in another city. But are we giving them a safe place to live?In Delhi, around 7 lakh students are enrolled, while hostel capacity is barely 30,000 — just 1 in 31 gets a hostel.Why not identify vacant government…— sonu sood (@SonuSood) September 8, 2026ఢిల్లీ యూనివర్సిటీ సౌత్ క్యాంపస్ సమీపంలోని భవనంలో సరైన నిబంధనలు పాటించకుండా ఇరుకైన స్థలాల్లో నిర్మించిన ప్రైవేట్ హాస్టల్స్‌ విద్యార్థుల ప్రాణాలకు ముప్పుగా పరిణమిస్తున్న తీరుకు ఈ ఘటన నిదర్శనంగా నిలుస్తోంది. ఈ సందర్భంగా హాస్టళ్ల కొరత, విద్యార్థుల వసతి సౌకర్యాలపై సోనూ సూద్ ఆందోళన వ్యక్తం చేశారు. దీనికి సంబంధించిన గణాంకాలతో ఎక్స్‌లో ఒక పోస్ట్‌ పెట్టారు. ప్రతీ ఏడాది లక్షల మంది విద్యార్థులు తమ కలల సాకారం కోసం ఇళ్లను వదిలి వేరే నగరానికి తరలిపోతున్నారు. కానీ మనం వారికి భద్రమైన జీవితాన్నికల్పించలేకపోతున్నామంటూ ఆవేదన వ్యక్తం చేశారు.ఢిల్లీలో సుమారు 7 లక్షల మంది విద్యార్థులు చదువుతుంటే, అందుబాటులో ఉన్న హాస్టల్ సీట్లు కేవలం 30,000 మాత్రమే. అంటే ప్రతి 31 మంది విద్యార్థులలో ఒక్కరికి మాత్రమే హాస్టల్ సౌకర్యం లభిస్తోంది. విశ్వవిద్యాలయాల సమీపంలో ఉన్న ఖాళీ ప్రభుత్వ భూములను గుర్తించి విద్యార్థులకు సురక్షితమైన, తక్కువ ధరలోని హాస్టళ్లను నిర్మించాలని ఆయన సూచించారు. క్యాంపస్ పరిధిలోనే మరిన్ని వసతి గృహాలు కట్టడానికి విశ్వవిద్యాలయాలకు ప్రత్యేక అనుమతులు ఇవ్వాలన్నారు.ఇదీ చదవండి: Delhi building collapse జస్ట్‌ 15 నిమిషాలు.. నల్లా నీళ్లే కాపాడాయ్‌!విద్యార్థులకు భద్రత, తల్లిదండ్రులకు మనశ్శాంతి లభిస్తుంది. విశ్వవిద్యాలయాలు, ప్రభుత్వాలు ఆదాయాన్ని పొందుతాయి. అన్నింటికన్నా ముఖ్యంగా, మనం బిడ్డల ప్రాణాలు భద్రంగా ఉంటాయని ట్వీట్‌ చేశారు. చిన్న విధానపరమైన మార్పులు అనేకమంది విద్యార్థుల ప్రాణాలను, వారి కలలను కాపాడగలవని ఆయన పేర్కొన్నారు.ఇదీ చదవండి: సౌండ్‌ వద్దు అన్నందుకు మ్యుజీషియన్‌ను కొట్టి చంపేశారుకాగా ఈ ఘటన దేశ వ్యాప్తంగా తీవ్రదిగ్భ్రాంతిరేపింది. ప్రమాదానికి కారణమైన భవన యజమాని హరిరామ్ గుప్తా, ఆయన భార్య ఊర్మిళ గుప్తాకు కోర్టు 14 రోజుల జ్యుడీషియల్ కస్టడీ విధించింది. వారి కుమారుడు మహేష్ గుప్తాను రెండు రోజుల పోలీసు కస్టడీకి పంపారు. ప్రమాదం జరిగిన భవనానికి ఆనుకుని ఉన్న మరొక భవనం కూడా ప్రమాదకరంగా మారిందని, దానిని కూల్చివేయనున్నామని ఢిల్లీ ముఖ్యమంత్రి రేఖా గుప్తా వెల్లడించారు.ఇదీ చదవండి: నో జిమ్‌, సోషల్‌ మీడియాను ఊపేస్తున్న కొత్త ఫిట్‌నెస్ ట్రెండ్‌?

బిగ్‌బాస్‌(హిందీ) 20వ సీజన్‌ ప్రారంభమైంది. సల్మాన్‌ ఖాన్‌ వ్యాఖ్యాతగా వ్యవహరిస్తున్న ఈ సీజన్‌లో నటులు, గాయకులు, ఇన్‌ఫ్లుయెన్సర్లు, వివిధ రంగాలకు చెందిన ప్రముఖులు పాల్గొంటున్నారు. బాక్సింగ్‌ ఛాంపియన్‌ మేరీ కోమ్‌, గాయకుడు ఖాజీ తౌకీర్‌ కూడా పోటీదారులుగా ఉన్నారు. తొలి రోజే ఇంట్లో వాదోపవాదాలు మొదలయ్యాయి.సింగిల్‌ బెడ్‌ కోసం పోటీరియాలిటీ టీవీలోకి తొలిసారి అడుగుపెట్టిన మేరీ కోమ్‌.. మొదటి రోజే తన ఉనికిని చాటుకున్నారు. బిగ్‌బాస్‌ ఇంట్లో సింగిల్‌, డబుల్‌ బెడ్లు ఉన్నాయి. ఒక సింగిల్‌ బెడ్‌ విషయంలో మేరీ కోమ్‌, ఖాజీ తౌకీర్‌ మధ్య వాగ్వాదం చోటుచేసుకుంది. వయసు, క్రీడా రంగంలో తనకున్న గుర్తింపు దృష్ట్యా సింగిల్‌ బెడ్‌ తనకే ఇవ్వాలని మేరీ వాదించినట్లు సమాచారం. వెన్నునొప్పి ఉందని, ఒంటరిగా పడుకుంటే సౌకర్యంగా ఉంటుందని ఆమె పేర్కొన్నట్లు తెలుస్తోంది.ఖాజీ మాత్రం వెనక్కి తగ్గలేదుఅయితే ఖాజీ తౌకీర్‌ ఆ బెడ్‌ను వదులుకోవడానికి నిరాకరించారు. మరో బెడ్‌ను ఎంచుకోవాలని మేరీకి సూచించినట్లు సమాచారం. డబుల్‌ బెడ్‌ను మరో పోటీదారుతో పంచుకోవడం తనకు ఇబ్బందిగా ఉంటుందని ఆయన వివరించినట్లు తెలుస్తోంది.చర్చలోకి అరిష్ఫా ఖాన్‌వీరి మధ్య జరిగిన వాగ్వాదం ఇతర హౌస్‌మేట్స్‌ దృష్టిని ఆకర్షించింది. ఈ సందర్భంగా తనను తాను లెజెండ్‌గా పేర్కొంటూ సింగిల్‌ బెడ్‌ ఎందుకు కావాలో మేరీ వివరించినట్లు సమాచారం. అందరికీ సమానంగా వ్యవహరించాల్సిందేనని అరిష్ఫా ఖాన్‌ స్పందించారు. ఈ చర్చ ప్రీమియర్‌ ఎపిసోడ్‌లో ప్రధాన అంశంగా మారింది.‘నువ్వు నా శత్రువు’చివరకు ఖాజీ సింగిల్‌ బెడ్‌ను వదులుకోలేదు. దీంతో మేరీ అక్కడి నుంచి వెళ్లిపోయారు. వెళ్తూ.. ‘నాకు నువ్వంటే ఇష్టం లేదు.. నువ్వు నా శత్రువు’ అని ఖాజీతో చెప్పినట్లు సమాచారం. సరదాగా సాగిన ఈ వాగ్వాదం తొలి ఎపిసోడ్‌లో మరింత ఆసక్తిని పెంచింది.తొలి రోజే మొదలైన రచ్చబిగ్‌బాస్‌ ఇంట్లో క్రమశిక్షణ, పోటీ తత్వాన్ని తీసుకురావాలని మేరీ గతంలో చెప్పిన నేపథ్యంలో తొలి రోజే జరిగిన ఈ ఘటన ఆసక్తి రేపుతోంది. సెప్టెంబరు 6, 2026న ప్రారంభమైన బిగ్‌బాస్‌ 20లో మేరీ కోమ్‌, ఖాజీ తౌకీర్‌, అమ్రపాలి దూబే, మహి విజ్‌, అరిష్ఫా ఖాన్‌, ఆసిఫ్‌ ఖాన్‌, కనికా మాన్‌ తదితరులు పాల్గొన్నారు. మరి ఈ బెడ్‌ వివాదం శాశ్వత వైరంగా మారుతుందా? లేక సీజన్‌ ఆరంభంలో చోటుచేసుకున్న ఓ గుర్తుండిపోయే ఘటనగానే మిగిలిపోతుందా అనేది చూడాలి. ఇది కూడా చదవండి: పేరులో తేడా.. పద్మశ్రీకి గ్రహీతకూ ‘సర్‌’ నోటీసు!

మెగా పవర్ స్టార్ రామ్ చరణ్, సుకుమార్ కాంబినేషన్‌లో తెరకెక్కనున్న ‘RC17’పై ఆసక్తికరమైన అప్డేట్ వినిపిస్తోంది. తాజా సమాచారం ప్రకారం.. సుకుమార్ సినిమా ఫైనల్ స్క్రిప్ట్‌ను పూర్తి చేసి కథను లాక్ చేసినట్లు తెలుస్తోంది.త్వరలోనే రామ్ చరణ్‌కు ఫైనల్ నెరేషన్ ఇవ్వనున్నారట. నెరేషన్ పూర్తయిన తర్వాత ప్రీ-ప్రొడక్షన్ పనులు వేగం పుంజుకోనున్నాయి. అన్నీ అనుకున్నట్లు జరిగితే 2026 డిసెంబర్‌లో ‘RC17’ రెగ్యులర్ షూటింగ్ ప్రారంభించేలా మేకర్స్ ప్లాన్ చేస్తున్నట్లు సమాచారం. ‘రంగస్థలం’ లాంటి ఇండస్ట్రీ హిట్ తర్వాత వీరిద్దరి కాంబోలో వస్తున్న సినిమా ఇదే కావడం విశేషం. ఈ క్రేజీ ప్రాజెక్ట్‌పై అనౌన్స్‌మెంట్ వచ్చినప్పటి నుంచే అభిమానుల్లో, సినీ వర్గాల్లో భారీ అంచనాలు నెలకొన్నాయి. చాలా కాలంగా స్క్రిప్టింగ్ దశలోనే ఉన్న ఈ ప్రాజెక్ట్, ఇప్పుడు ప్రీ-ప్రొడక్షన్ పనుల దిశగా వేగంగా అడుగులు వేస్తోంది.ఇక ఈ సినిమాలో హీరోయిన్‌గా రష్మికని అనుకుంటున్నట్టు వార్తలు వస్తున్నాయి. సుకుమార్ ఇప్పటివరకు చాలానే సినిమాలు చేశాడు గానీ ఒకసారి పనిచేసిన హీరోయిన్‌తో మళ్లీ పనిచేయలేదు. 'పుష్ప' రెండు భాగాలు అయినప్పటికీ అది ఒక ప్రాజెక్ట్ కిందనే వస్తుంది. ఒకవేళ ఇప్పుడు చరణ్ సరసన రష్మికని తీసుకుంటే సుక్కు సెంటిమెంట్ బ్రేక్ అవుతుంది. అయితే చరణ్-రష్మికది ఫ్రెష్ కాంబో కాబట్టి ప్రేక్షకుల్లోనూ కాస్త ఆసక్తి పెరిగే అవకాశముంటుంది. ఇందులో భాగంగానే హీరోయిన్‌గా రష్మికని అనుకుంటున్నట్లు వార్తలు వస్తున్నాయి. సుకుమార్ ఇప్పటివరకు చాలానే సినిమాలు చేశాడు గానీ ఒకసారి పనిచేసిన హీరోయిన్‌తో మళ్లీ పనిచేయలేదు. 'పుష్ప' రెండు భాగాలు అయినప్పటికీ అది ఒక ప్రాజెక్ట్ కిందకే వస్తుంది. ఒకవేళ ఇప్పుడు చరణ్ సరసన రష్మికని తీసుకుంటే సుక్కు సెంటిమెంట్ బ్రేక్ అవుతుంది. అదే టైంల చరణ్-రష్మికది కూడా ఫ్రెష్ కాంబో కాబట్టి. ప్రేక్షకుల్లోనూ కాస్త ఆసక్తి పెరిగే అవకాశముంటుంది.సుకుమార్ ఇప్పటివరకు చాలానే సినిమాలు చేశాడు గానీ ఒకసారి పనిచేసిన హీరోయిన్‌తో మళ్లీ పనిచేయలేదు. 'పుష్ప' రెండు భాగాలు అయినప్పటికీ అది ఒక ప్రాజెక్ట్ కిందకే వస్తుంది. ఒకవేళ ఇప్పుడు చరణ్ సరసన రష్మికని తీసుకుంటే సుక్కు సెంటిమెంట్ బ్రేక్ అవుతుంది. అదే టైంల చరణ్-రష్మికది కూడా ఫ్రెష్ కాంబో కాబట్టి. ప్రేక్షకుల్లోనూ కాస్త ఆసక్తి పెరిగే అవకాశముంటుంది.

దుబాయ్‌: ప్రముఖ మలయాళీ గాయకుడు నిసార్ వయనాడ్ (Nisar Wayanad) దుబాయ్‌లోని ఒక ఆసుపత్రిలో అకస్మాత్తుగా కన్నుమూశారు. అజ్మాన్‌లో జరగాల్సిన ఒక సంగీత విభావరి (షో)కి కొన్ని గంటల ముందే ఆయన తుదిశ్వాస విడవడం యూఏఈలోని మలయాళీ కమ్యూనిటీని, ఆయన అభిమానులను తీవ్ర దిగ్భ్రాంతికి గురిచేసింది. లైవ్‌ కన్సర్ట్‌ కాస్తా సంతాప సభగా మారిపోయింది.ఆయన గత నెలలో ఒక సంగీత కార్యక్రమం కోసం దుబాయ్‌కి వచ్చారు. జ్వరం రావడంతో వైద్య చికిత్స తీసుకున్నారు. రాబోయే రోజుల్లో దుబాయ్, సౌదీ అరేబియాలో పలు కార్యక్రమాల్లో ఆయన ప్రదర్శన ఇవ్వాల్సి ఉంది. మలయాళ సినిమాల్లో పాటలు పాడేందుకు ఒప్పందాలు చేసుకున్నారు. ఇంతలోనే ఆయన ఆకస్మిక మరణం కుటుంబ సభ్యులను, స్నేహితులను, అభిమానులను దిగ్భ్రాంతికి గురి చేసింది. నిసార్‌ గొంతు ప్రముఖ బాలీవుడ్ గాయకుడు ఉదిత్ నారాయణ్ గాత్రాన్ని పోలి ఉండటంతో సంగీత కార్యక్రమాల వేదికలపై ఆయనకు విశేష ప్రజాదరణ ఉండేది.గత కొన్ని రోజులుగా తీవ్ర జ్వరంతో బాధపడుతున్న నిసార్, సాధారణ పారాసిటమాల్ మాత్రలు వాడుతున్నారు. శనివారం మధ్యాహ్నంపరిస్థితి విషమించడంతో దుబాయ్ ఆసుపత్రిలో చేర్పించగా, చికిత్స పొందుతూ సాయంత్రం మరణించారు. సెప్టిసీమియా (రక్తంలో తీవ్రమైన ఇన్ఫెక్షన్) వల్ల అవయవాలు విఫలమై, బాడీలో అసిడోసిస్ పెరగడం వల్ల మృతి చెందినట్లు వైద్యులు ధృవీకరించారు.శనివారం అర్ధరాత్రి వేళ ఆయన మరణవార్త తెలిసిన వెంటనే సుమారు 300 మందికి పైగా అభిమానులు, మిత్రులు తుది వీడ్కోలు పలికేందుకు తరలివచ్చారు. రికార్డు స్థాయిలో కేవలం 4 గంటల్లోనే రాత్రి 3 గంటల ప్రాంతంలో జనాజా ప్రార్థనలు పూర్తి చేసి, పార్థివ దేహాన్ని కేరళలోని ఆయన స్వగ్రామానికి తరలించేందుకు ఏర్పాట్లు చేశారు.దుబాయ్‌లోని కల్చరల్ ఈవెంట్లలో తన గాత్రంతో అభిమానులను సంపాదించుకున్న నిసార్‌ కేరళలోని వయనాడ్ జిల్లాకు చెందిన వారు. నిసార్ అసలు పేరు నిస్సార్ అరోత్ ఇబ్రహీం. హిందీ, మలయాళ పాటలతో పాటు ఉదిత్ నారాయణ్, అర్జిత్ సింగ్, అతీఫ్ అస్లామ్ పాటలను అద్భుతంగా పాడేవారు. ఆయనకు భార్య షహానా నిసార్, ఇద్దరు కుమార్తెలు (సింబ్రీనా, అంబ్రీనా) ఉన్నారు.ఇదీ చదవండి: రూ. 1,470 కోట్ల లాటరీ, సగం దానమిచ్చేసిన టీచరమ్మ!ప్రముఖుల సంతాపంఆయన అకాల మరణం పట్ల ఆర్జే మిథున్ రమేష్, ప్లేబ్యాక్ సింగర్ అఫ్సల్, ఇతర యూఏఈ ఈవెంట్ నిర్వాహకులు తీవ్ర విచారాన్ని వ్యక్తం చేశారు.ఇదీ చదవండి : పవిత్ర గంగలో మూడు మునకలు: అనుభూతిని పంచుకున్న జపాన్‌ రాయబారి

బాలీవుడ్‌లో ఇటీవల విడుదలై అనూహ్య విజయాన్ని అందుకున్న చిత్రాల్లో ‘హనుమాన్‌ అంశ్‌’ ఒకటి. పెద్దగా అంచనాలు లేకుండా థియేటర్లలోకి వచ్చిన ఈ సినిమా.. ప్రేక్షకుల ఆదరణతో క్రమంగా వసూళ్లను పెంచుకుంటూ దూసుకెళ్లింది. ప్రస్తుతం రూ.100 కోట్లకు పైగా వసూళ్లను రాబెట్టింది. ప్రముఖ ఆధ్యాత్మిక గురువు, హనుమాన్‌ భక్తుడు నీమ్‌ కరోలి బాబా జీవితం, ఆయన బోధనల ఆధారంగా ఈ సినిమాను తెరకెక్కించారు విశాల్‌ చతుర్వేది.ఎక్కువమంది చదివింది: స్నేహితులుగా ఎంట్రీ.. బిగ్‌బాస్‌లో ప్రత్యర్థులవుతారా..?సంప్రదాయ వస్త్రధారణలో అయితే ఈ చిత్రాన్ని చూసేందుకు ప్రేక్షకులు థియేటర్ల వద్ద క్యూ కడుతున్నారు. తాజాగా ఈ సినిమాని చేసేందుకు ఓ పాఠశాల విద్యార్థులు ఢిల్లీలోని పీవీఆర్‌కు వెళ్లారు. సంప్రదాయ వస్త్రధారణలో పంచెకట్టుతో థియేటర్‌కు వెళ్లారు. ప్రస్తుతం ఈ వీడియో సోషల్‌ మీడియాలో వైరల్‌గా మారింది.కాగా ఈ సినిమా మంచి విజయం సాధించడంతో ఇటీవలే ఈ సినిమా కోసం పడిన కష్టాలను డైరెక్టర్‌ విశాల్‌ వివరించారు. సినిమా విడుదలైన సమయంలో షోలు, థియేటర్ల సంఖ్య భారీగా తగ్గిపోయిందని.. ఆ సమయంలో బాలీవుడ్‌ నుంచి ఆశించిన స్థాయిలో మద్దతు లభించలేదని ఆయన పేర్కొన్నారు.ఇదీ చదవండి: ‘సినిమా హిట్‌ అయ్యాకే బాలీవుడ్‌ నన్ను గుర్తించింది’ हनुमान अंश ने सिनेमाघरों को सच में मंदिर बना दिया ❤️🚩PVR में गुरुकुल के युवा ब्रह्मचारियों ने जब #HanumanAnsh देखी, तो उनके चेहरों की चमक देखने लायक थी। 🙏यह सिर्फ फिल्म नहीं, हमारी संस्कृति, संस्कार और प्रभु हनुमान की भक्ति से जुड़ने का अनुभव है। 🇮🇳🚩#आ_गया_है_अवतार pic.twitter.com/fNVGglsGrh— Divya Singh (@DivyaSi51590883) September 7, 2026

నీట్‌ నిరసనల సందర్భంగా వైరల్‌గా మారిన ఇన్‌ఫ్లుయెన్సర్‌, నటి రియా అహిర్‌కు ‘బిగ్‌బాస్‌ 20’లో నిరాశ ఎదురైంది. ముంబైలోని శివాజీ పార్క్‌లో జరిగిన విద్యార్థుల ఆందోళన సమయంలో విద్యార్థులతో కూడిన పోలీసు వ్యాన్‌ను ఆపేందుకు రియా ఒంటరిగా దాని ముందు నిలబడ్డారు. ఇందుకు సంబంధించిన ఫొటోలు, వీడియోలు సామాజిక మాధ్యమాల్లో వైరల్‌ కావడంతో పలువురు ఆమె ధైర్యాన్ని ప్రశంసించారు.ఈ నేపథ్యంలో రియాకు ‘బిగ్‌బాస్‌ 20’లో పాల్గొనే అవకాశం లభించింది. అయితే ఆమెను షోలోకి పంపాలా? వద్దా? అనే నిర్ణయాన్ని నిర్వాహకులు ప్రేక్షకులకే అప్పగించారు. రియాతో పాటు పంజాబీ నటి లవ్‌ గిల్‌ పోటీలో నిలిచారు. వీరిద్దరిలో ఒకరిని షోలోకి పంపేందుకు ప్రేక్షకులు ఓటు వేయాల్సి వచ్చింది. ప్రజాభిప్రాయంలో లవ్‌ గిల్‌ విజయం సాధించారు. అధిక ఓట్లు రావడంతో ఆమె సల్మాన్‌ ఖాన్‌ షోలోకి ప్రవేశించారు. రియా మాత్రం నిరాశతో స్టేజ్‌ నుంచే తిరిగి వెళ్లాల్సి వచ్చింది.అయితే ఫలితం వెల్లడికాకముందే రియా, లవ్‌ గిల్‌ మధ్య వేదికపైనే వాగ్వాదం చోటుచేసుకుంది. సల్మాన్‌ ఖాన్‌ సమక్షంలో ఇద్దరూ పరస్పరం సవాళ్లు విసురుకున్నారు. బస్సును ఆపేంత ధైర్యం ఉందా అంటూ లవ్‌ చేసిన వ్యాఖ్యపై రియా స్పందిస్తూ.. తాను ఆపింది బస్సు కాదని, వ్యాన్‌ అని స్పష్టం చేశారు. డ్రైవర్‌ ఆపకపోతే రియా పరిస్థితి మరోలా ఉండేదని లవ్‌ వ్యాఖ్యానించారు. తన జీవిత ఉద్దేశం అక్కడే నెరవేరేదని రియా బదులిచ్చారు. ఇద్దరి మధ్య వాగ్వాదాన్ని సల్మాన్‌ ఖాన్‌ చూస్తూ ఉండిపోయారు. ఎవరికీ మద్దతు ఇవ్వకుండా తటస్థంగా ఉన్నారు. చివరకు రియాకు ప్రేక్షకుల మద్దతు లభించలేదు. రెండు నిమిషాల్లోనే ఆమె షో నుంచి బయటకు వెళ్లాల్సి వచ్చింది.ఇది కూడా చదవండి: బిగ్‌బాస్‌ హౌస్‌లోకి బాక్సింగ్‌ దిగ్గజం.. వణికిపోతున్న పోటీదారులు!

బాక్సింగ్‌ దిగ్గజం మేరీ కోమ్‌ ‘బిగ్‌బాస్‌ 20’(హిందీ)లోకి అడుగుపెట్టారు. సల్మాన్‌ ఖాన్‌ వ్యాఖ్యాతగా వ్యవహరిస్తున్న ఈ రియాలిటీ షో కొత్త సీజన్‌లో ఆమె పాల్గొనడం అత్యంత ఆసక్తికరంగా మారింది. మేరీ కోమ్‌ బిగ్‌బాస్‌ ప్రయాణం ప్రారంభించిన అనంతరం నటి ప్రియాంక చోప్రా ఆమెకు శుభాకాంక్షలు తెలిపారు. షోలో మేరీ కోమ్‌ తన ఆటను ఎలా కొనసాగిస్తారో చూసేందుకు ఎంతో ఆసక్తిగా ఎదురుచూస్తున్నానని ఆమె అన్నారు.మేరీ కోమ్‌, ప్రియాంక చోప్రాల మధ్య ప్రత్యేక అనుబంధం ఉంది. 2014లో తెరకెక్కిన చిత్రం ‘మేరీ కోమ్‌’లో ప్రియాంక చోప్రా.. మేరీ కోమ్‌ పాత్రను పోషించారు. ఆమె క్రీడా ప్రయాణంలోని కీలక ఘట్టాలను ఈ చిత్రం అందరికీ తెలియజెప్పింది. మేరీ కోమ్‌ కథను వెండితెరపై ఆవిష్కరించిన కొన్నేళ్ల తర్వాత.. ఇప్పుడు ఆమె బిగ్‌బాస్‌ హౌస్‌లోకి అడుగుపెడుతున్నారు. దీనిలో ఆమె విభిన్న టాస్క్‌లను ఎదుర్కొనబోతున్నారు.బాక్సింగ్‌ రింగ్‌లో ప్రత్యర్థులను ఎదుర్కొనేందుకు అలవాటుపడిన మేరీకి బిగ్‌బాస్‌ హౌస్‌ పూర్తిగా భిన్నమైన పరీక్షలను పెట్టనుంది. కెమెరాల నిరంతర నిఘాలో ఇతర కంటెస్టెంట్లతో కలిసి జీవిస్తూ, టాస్కులు, నామినేషన్లు, స్నేహాలు, విభేదాలు మొదలైనవాటిని ఎదుర్కోవాల్సి ఉంటుంది. ఒత్తిడిని ఎదుర్కొంటూ క్రమశిక్షణతో పోటీపడిన మేరీ కోమ్‌ క్రీడా నేపథ్యం ఆమె బిగ్‌బాస్‌ ప్రయాణాన్ని మరింత ఆసక్తికరంగా మార్చనుంది. బిగ్‌బాస్‌ 20 ప్రారంభానికి ముందు నుంచే మేరీ కోమ్‌ పాల్గొంటారనే ఊహాగానాలు సాగాయి. పలువురు కంటెస్టెంట్ల పేర్లతో పాటు ఆమె పేరు కూడా వినిపించింది.పలుమార్లు ప్రపంచ ఛాంపియన్‌గా నిలిచి, ఒలింపిక్‌ పతక విజేత అయిన మేరీ కోమ్‌.. బిగ్‌బాస్‌ కంటెస్టెంట్ల జాబితాలో భిన్నమైన నేపథ్యంతో నిలిచారు. రింగ్‌లో సాధించిన విజయాలకు అతీతంగా ఆమె వ్యక్తిగత కోణాన్ని తెలుసుకునే అవకాశం ఇప్పుడు ప్రేక్షకులకు లభించనుంది. మేరీ ఆటను చూసేందుకు ఆసక్తిగా ఉన్నట్లు ప్రియాంక వెల్లడించడంతో.. బిగ్‌బాస్‌ ఇంట్లో ఆమె ఎలా కలిసిపోతారన్నదానిపై ఇప్పుడు అందరి దృష్టి నెలకొంది.ఇది కూడా చదవండి: చెరకు తోటల్లోనే పుట్టి, చెరుకు తోటల్లోనే పెరిగి..

హీరోయిన్ తాప్సీ పన్ను ఇటీవలే గాంధారి మూవీతో ప్రేక్షకుల ముందుకొచ్చింది. ఈ సినిమా నేరుగా నెట్‌ఫ్లిక్స్‌లో స్ట్రీమింగ్‌కు వచ్చేసింది. ఈ చిత్రానికి దేవాశిష్‌ మఖీజా దర్శకత్వం వహించారు. ఫీమేల్ ఓరియంటెడ్‌ జానర్‌లో ఈ మూవీని ప్రేక్షకుల ముందుకు తీసుకొచ్చారు. జాయ్‌పుర్రా అనే కల్పిత పట్టణం నేపథ్యంలో సాగే కథగా రూపొందించారు.అయితే ఈ మూవీ రిలీజ్ తర్వాత తాప్సీ షాకింగ్ కామెంట్స్ చేసింది. ఆలియా భట్ ఫీమేల్ ఓరియంటెడ్ మూవీ ఆల్ఫా డిజాస్టర్ కావడంతో ఆ ప్రభావం మాపై కూడా పడుతుందని తెలిపింది. ఇలా జరిగితే మహిళ నేపథ్యంలో వచ్చే సినిమాలకు నిర్మాతలు ముందుకు రారంటూ మాట్లాడింది. మా సినిమాలన్నీ నిలిచిపోయే పరిస్థితి వస్తుందని తెలిపింది. దీంతో తాప్సీ కామెంట్స్ ప్రస్తుతం సోషల్ మీడియాలో వైరల్‌గా మారాయి.జాయ్‌పుర్రా అనే కల్పిత పట్టణం నేపథ్యంలో సాగే ఈ చిత్రంలో.. తన కుమార్తె అదృశ్యమైన తర్వాత ఓ అంధ తల్లి సాగించే పోరాటం ఆధారంగా తీర్చిదిద్దారు. ఈ మూవీలో ఇష్వాక్‌ సింగ్‌, జతిన్‌ సర్నా, స్వస్తికా ముఖర్జీ, మితా వశిష్ఠ్‌, ఛాయా కదమ్‌ తదితరులు కీలక పాత్రల్లో నటించారు.

మీర్జాపూర్‌ సిరీస్‌ ‍సినీ ప్రియులను విపరీతంగా ఆకట్టుకుంది. అన్ని సీజన్స్‌ ప్రేక్షకులను ఆకట్టుకున్నాయి. అలా సూపర్ హిట్ అయిన ఈ సిరీస్‌లను సినిమాగా ప్రేక్షకుల ముందుకు తీసుకొచ్చారు. మీర్జాపూర్: ది మూవీ పేరుతో రిలీజ్ చేశారు. ఈ మూవీ సైతం బాక్సాఫీస్ వద్ద రాణిస్తోంది. ఈ చిత్రం రిలీజైన రెండు రోజుల్లోనే ప్రపంచవ్యాప్తంగా రూ.78 కోట్లకు పైగా గ్రాస్ వసూళ్లు సాధించింది. ఇండియా వ్యాప్తంగా చూస్తే రూ. 68.20 కోట్లకు పైగా కలెక్షన్స్ రాబట్టింది. రెండు రోజుల్లోనే రూ. 56.75 నెట్ వసూళ్లు సాధించింది. ఈ సినిమాకు గుర్మీత్ సింగ్ దర్శకత్వం వహించారు. ఈ చిత్రంలో పంకజ్ త్రిపాఠి, అలీ ఫజల్, దివ్యేందు కీలక పాత్రల్లో నటించారు. అభిషేక్ బెనర్జీ, రసిక దుగల్, షీబా చద్దా, రాజేష్ తైలాంగ్, శ్రియా పిల్‌గావ్‌కర్, హర్షిత శేఖర్ గౌర్ ముఖ్యపాత్రల్లో కనిపించారు. ఈ మూవీ సెప్టెంబర్ 4, 2026న సినిమా థియేటర్లలో విడుదలైంది.

దశాబ్దానికి పైగా టాలీవుడ్‌లో తన నటన, సౌందర్యంతో లేడీ సూపర్ స్టార్‌గా ఏకచక్రాధిపత్యం వహించింది నటి అనుష్క శెట్టి. ఆమె కథానాయిక ప్రాధాన్యమున్న సినిమాలతో బాక్సాఫీస్ వద్ద రికార్డులు తిరగరాసిన విషయం తెలిసిందే. అయితే గత కొంతకాలంగా వెండితెరకు దూరంగా ఉండటం అనుష్క అభిమానుల్లో తీవ్ర నిరాశను నింపుతోంది. 'బాహుబలి'తో అనుష్క పాన్‌ ఇండియా స్టార్ హీరోయిన్ స్థానాన్ని సంపాదించుకుంది. అనుష్క శెట్టి సినిమాలకు దూరమవుతున్నారా? ప్రస్తుతం టాలీవుడ్‌లో ఇదే చర్చ నడుస్తోంది. ఆమె చివరి చిత్రం ఘాటీ విడుదలై ఇప్పటికే 365 రోజులు పూర్తయ్యాయి. ఇప్పటివరకు మరో తెలుగు సినిమాను అనుష్క ప్రకటించలేదు. క్రేజ్ ఉన్నప్పటికీ వరుస సినిమాలు చేయకుండా.. నచ్చిన కథ, పాత్ర కోసం మాత్రమే ఎదురుచూడటం అనుష్క స్టైల్. అయితే ఇంత సుదీర్ఘ గ్యాప్ రావడంతో ఆమె ఇక సినిమాలు చేయరనే ప్రచారం మొదలైంది. అయితే అనుష్కపై ఇలాంటి ఊహాగానాలు ఇప్పటివి కావు. కొన్నేళ్లుగా ఆమె వ్యక్తిగత జీవితంపై, సినిమాలపై రకరకాల పుకార్లు వస్తూనే ఉన్నాయి. పాన్‌ ఇండియా స్టార్‌ హీరో ప్రభాస్‌తో లింక్ చేస్తూ అప్పట్లో ఆమెపై వచ్చిన కథనాలకు కొదవ లేదు. ఆ తర్వాత కొన్నాళ్ల పాటు, ఆమె సినిమాలకు దూరమైందనే ప్రచారం కూడా నడిచింది.అయితే దీనిపై అనుష్క నుంచి ఎలాంటి అధికారిక ప్రకటన లేదు. దీంతో ఆమె నిజంగానే సినిమాలకు గుడ్‌బై చెప్పారా? లేక మరో క్రేజీ ప్రాజెక్ట్‌తో సర్‌ప్రైజ్ చేస్తారా? అనేది ఆసక్తికరంగా మారింది. సాధారణంగా ఓ హీరో ఏడాది గ్యాప్ తీసుకున్నా పర్వాలేదు. కానీ అదే హీరోయిన్ తీసుకుంటే అంతే సంగతులు. ఇక అనుష్క లాంటి నటిని ఇలాంటి గ్యాప్స్ ఏం చేయలేవు. మరో క్రేజీ ప్రాజెక్ట్‌తో వచ్చి మరో సూపర్‌ హిట్‌ కొడితే ఈ రూమర్స్‌ అన్నీ రూమర్స్‌గానే మిగిలిపోతాయి. అయితే ఇండస్ట్రీలో చాలామంది నుంచి మాత్రం ఇక ఆమె సినిమాలు చేయదనే టాక్‌ నడుస్తోంది. దీనిపై అనుష్క టీమ్‌ నుంచి ఏదైనా స్పందన వస్తుందేమో చూడాలి.

సినీనటి, బీజేపీ ఎంపీ కంగనా రనౌత్‌ పండుగలు, ప్రత్యేక సందర్భాల్లో తన ఇంటికి సంబంధించిన ఫొటోలు, వీడియోలను పంచుకుంటారు. జన్మాష్టమి సందర్భంగా కంగనా ఆన్‌లైన్‌లో ఓ వీడియోను పోస్ట్‌ చేశారు. తాను మనాలీలోని తన ఇంట్లో ఉన్నానని, పండుగ సందర్భంగా ప్రత్యేక భోగ్‌ తయారు చేస్తున్నానని ఆ వీడియోలో వెల్లడించారు. ఈ వీడియో ఆన్‌లైన్‌లో వైరల్‌ అయింది. దీనిపై ఎక్స్‌లో ఓ వ్యక్తి స్పందిస్తూ.. కంగనా వంట చేస్తున్న పాత్ర నల్లగా ఉన్నప్పటికీ, ఆమె గ్యాస్‌ వెలిగించలేదని వ్యాఖ్యానించారు. దీనిని గమనించిన కంగనా వెంటనే ఆ వ్యక్తికి కామెంట్‌లోనే ఘాటుగా సమాధానం ఇచ్చారు.కంగనా ఏమన్నారు?కంగనా వంట చేస్తున్న పాత్ర అప్పటికే నల్లగా ఉన్నప్పటికీ, గ్యాస్‌ స్టవ్‌ వెలిగించడం మర్చిపోయారని ఎక్స్‌లో ఓ వ్యక్తి వ్యాఖ్యానించారు. దీనికి కంగనా స్పందిస్తూ.. “ఇది హల్వా కాదు, భోగ్‌. ఇందులో చాలా పదార్థాలను విడివిడిగా తయారు చేసి, ఈ దశలో అన్నింటినీ కలుపుతారు. ఆ తర్వాత దాన్ని సెట్‌ చేసి ముక్కలుగా కోస్తారు. తల్లిదండ్రులకు, ఈ గ్రహానికి భారంగా ఉన్న వ్యక్తుల నుంచి వంట నైపుణ్యాలను ఆశించలేం. మీరు తినడంపైనే దృష్టి పెట్టండి. వంట గురించి ఆందోళన చెందాల్సిన అవసరం లేదు” అని పేర్కొన్నారు. Gas तो जला लो टंगना ड्रामेबाज़ 😁ओर कड़ाई देखो कितना काला है 😂🤣🤣 pic.twitter.com/OOWzM7lvjs— Queen 👸 (@Queen510619151) September 4, 2026కంగనా ఇటీవల చేసిన వ్యాఖ్యలు వైరల్‌కంగనా ఇటీవల ఏసిన వ‍్యాఖ్యలు కొంతమంది యువ హిందూ మహిళలు బాధ్యత లేకుండా స్వేచ్ఛను ప్రదర్శిస్తున్నారని కంగనా వ్యాఖ్యానించారు. వారిని ‘జనరేషన్‌ గట్టర్‌’ అని పేర్కొనడం వివాదానికి దారితీసింది. ఈ వ్యాఖ్యలపై యోగా గురువు స్వామి రామ్‌దేవ్‌ విమర్శలు చేశారు. ఇది ‘చెడిపోయిన మనస్తత్వానికి’ నిదర్శనమని ఆయన వ్యాఖ్యానించినట్లు సమాచారం. దీనిని కంగనా తీవ్రంగా తప్పుబట్టారు. తనపై ఉన్న ఎస్సీ కేసును గమనించాలని రామ్‌దేవ్‌కు సూచించారు.రాఖీ సందర్భంగా వీరిద్దరి మధ్య బహిరంగ వివాదం ముగిసింది. ఇన్‌స్టాగ్రామ్‌ స్టోరీస్‌లో కంగనా రామ్‌దేవ్‌ విలేకరులతో మాట్లాడుతున్న వీడియోను పంచుకున్నారు. తనతో ఉన్న వివాదాన్ని ముగించి, దాన్ని సంభాషణగా మార్చుకోవాలని కోరుకుంటున్నట్లు రామ్‌దేవ్‌ అందులో చెప్పారు. రాఖీ సందర్భంగా తనకు వద్ద ఓ బహుమతి ఉందని, శుభదినాన ఫోన్‌ చేసి శుభాకాంక్షలు చెబుతానని కూడా ఆయన తెలిపారు.కంగనా పోస్ట్‌ చేస్తూ.. “పండుగ రోజు.. తప్పులు, పొరపాట్లన్నింటినీ క్షమించేందుకు ఉద్దేశించినది. నా సోదరుడు బాబా రామ్‌దేవ్‌ జీ వివాదం కాదు, సంభాషణ ఉండాలని చెప్పడం చాలా మంచిగా అనిపించింది” అని చెప్పారు. ఆమె రామ్‌దేవ్‌ ఆప్యాయతను స్వీకరిస్తూ.. “ఈ రక్షాబంధన్‌ రోజున ఆయన పంపిన స్వీట్లు, పెద్ద సోదరుడి ప్రేమ రెండింటినీ స్వీకరిస్తున్నాను. చాలా ధన్యవాదాలు. భగవంతుడు మీకు దీర్ఘాయువు ప్రసాదించాలి” అని పేర్కొన్నారు.కంగనా గతంలో కృతి సనన్‌, ఆమె వైరల్‌ అయిన ప్రకటనపై కూడా విమర్శలు చేశారు. ఇన్‌స్టాగ్రామ్‌లో పోస్ట్‌ చేస్తూ.. “మహిళగా ఉండటానికి ఇది అద్భుతమైన సమయం. మన అలమారాల్లో అనేక రకాల దుస్తులు ఉన్నాయి. నేటి మహిళ ప్రపంచ మహిళ. కాక్‌టెయిల్‌ డ్రెస్‌ల నుంచి లెహంగా చోళీల వరకు, జీన్స్‌ నుంచి చీరల వరకు, బికినీల నుంచి సల్వార్‌ కమీజ్‌ వరకు.. ఈ రోజు మనకు అందుబాటులో ఉన్న ఇన్ని ఆప్షన్లలో మీ సోదరుడికి బికినీ లేదా లోదుస్తులతో రాఖీ ఎందుకు కట్టాలి? మీకు ఉన్న అన్ని స్టైలింగ్‌ ఆప్షన్లు ఏమయ్యాయి? హా హా.. ఆ ప్రకటన ఉద్దేశపూర్వకంగానే అసహజంగా కనిపిస్తోంది” అని విమర్శించారు.

టీచర్‌ అంటే క్లాస్‌ రూమ్‌లో పాఠాలు చెప్పడం, స్ట్రిక్ట్‌గా ఉండటం మాత్రమే కాదు... విద్యను వ్యాపారంగా మార్చాలనుకుంటే నిలదీస్తాం అంటున్నారు సిల్వర్‌ స్క్రీన్‌ టీచర్స్‌. నేడు ఉపాధ్యాయ దినోత్సవం సందర్భంగా త్వరలో తెరకు రానున్న కొన్ని టీచర్‌ క్యారెక్టర్స్‌ గురించి తెలుసుకుందాం.ప్రొఫెసర్‌ పాఠాలు యాక్షన్‌ మోడ్‌లో స్క్రీన్‌ పై ప్రభాస్‌ ఎలా కనిపిస్తారో చాలా సినిమాల్లో చూశాం. కానీ ‘మిర్చి, మిస్టర్‌ పర్‌ఫెక్ట్‌’ వంటి సినిమాల్లో ప్రభాస్‌ క్లాస్‌గానూ కనిపించారు. తాజా సినిమా ‘స్పిరిట్‌’లో కూడా కొన్ని సీన్స్‌లో క్లాస్‌గా కనిపిస్తారట. ఈ చిత్రంలో ప్రభాస్‌ పోలీస్‌ ఆఫీసర్, డాన్, కాలేజీ ప్రొఫెసర్‌... ఇలా మూడు డిఫరెంట్‌ షేడ్స్‌లో కనిపిస్తారట. ఆ మధ్య హైదరాబాద్‌లోని ఓ ప్రముఖ కాలేజీలో ప్రభాస్‌ పాల్గొనగా కీలక సన్నివేశాలను తీశారు. ప్రొఫెసర్‌గా ప్రభాస్‌ నటించిన సన్నివేశాలనే ఆ షెడ్యూల్‌లో చిత్రీకరించారనే ప్రచారం జరుగుతోంది. సందీప్‌ రెడ్డి వంగా దర్శకత్వంలో రూపొందుతున్న ఈ సినిమా వచ్చే ఏడాది మార్చి 5న రిలీజ్‌ కానుంది. త్రిప్తి దిమ్రి హీరోయిన్‌గా నటిస్తున్న ఈ సినిమాలో వివేక్‌ ఓబెరాయ్, ఐశ్వర్యా దేశాయ్‌ కీలక పాత్రల్లో నటిస్తున్నారు. తండ్రి గురువు... కుమార్తె శిష్యురాలు నిజ జీవితంలో తండ్రీ కూతుళ్ళు అయిన షారుక్‌ ఖాన్‌ –సుహానా ఖాన్‌లు ‘కింగ్‌’ సినిమాలో గురు–శిష్యులుగా కనిపించనున్నారని తెలిసింది. కాకపోతే ఈ చిత్రంలో గురువుగా సుహానాకు షారుక్‌ కాలేజీ పాఠాలు చెప్పరు. జీవిత పాఠాలు నేర్పుతారు. తనకు అన్యాయం చేసిన వారి భరతం పట్టే పాత్రలో సుహానా నటిస్తున్నారని తెలిసింది. ఈ చిత్రంలో ఆమె కొన్ని రిస్కీ యాక్షన్‌ సీక్వెన్స్‌లు చేయాల్సి ఉంది. ఆన్‌సెట్స్‌లో ఈ రిస్కీ ఫైట్స్‌ చేయడానికి షారుక్‌ సహాయం చేస్తున్నారట. అలాగే సినిమాలోనూ యాక్షన్‌ గురువుగా కనిపిస్తారని టాక్‌. ఈ సినిమా డిసెంబరు 24న విడుదల కానుంది. సిద్ధార్థ్‌ ఆనంద్‌ దర్శకత్వం వహిస్తున్న ఈ సినిమాలో అభిషేక్‌ బచ్చన్, దీపికా పదుకోన్‌ ప్రధాన పాత్రల్లో నటిస్తున్నారు. చాక్‌పీస్‌... తుపాకీ ‘హిస్టరీ లెసన్స్‌ మరింత ఉత్కంఠభరితంగా ఉండబోతున్నాయి’ అంటూ ఆ మధ్య ‘టీచర్‌’ చిత్రాన్ని ప్రకటించారు దర్శకుడు బాలు శర్మ. ఈ సినిమా టైటిల్‌ లోగోలో చాక్‌పీస్‌ మాత్రమే కాదు... తుపాకీ కూడా కనిపించడం చర్చనీయాంశమైంది. యాక్షన్‌ నేపథ్యంలో ఈ సినిమా ఉంటుందని ఊహించవచ్చు. టీచర్‌గా ప్రముఖ నటి సిమ్రాన్‌ నటిస్తున్నారు. క్లాస్‌ రూమ్‌లో పాఠాలు చెప్పడంతో పాటు దుష్టుల పని పట్టే టీచర్‌గా ఆమె కనిపించనున్నారని కోలీవుడ్‌ టాక్‌. ఈ ఏడాదే ఈ చిత్రం విడుదల కానుంది. దబాంగ్‌ టీచర్‌ ఆమె కోటీశ్వరురాలు... కానీ ఆ విషయాన్ని దాచిపెట్టి, టీచర్‌గా చేరుతుందట. అది కూడా ట్రైనీ టీచర్‌గా... ‘దబాంగ్‌ టీచర్‌’ పేరుతో రూపొందుతున్న సిరీస్‌లో కనికా కపూర్‌ ఈ పాత్రను చేస్తున్నారు. ఆత్మవిశ్వాసం, న్యాయం కోసం పోరాటం, విలక్షణమైన వ్యక్తిత్వాన్ని ప్రతిబింబించే టీచర్‌ నైనా పాత్ర కోసం తాను సుష్మితా సేన్, ఆలియా భట్‌లను స్ఫూర్తిగా తీసుకున్నానని, వారి బాడీ లాంగ్వేజ్‌ టీచర్‌ క్యారెక్టర్‌కి తగ్గట్టుగా ఉంటుందని కనికా పేర్కొన్నారు. షకేబ్‌ సయ్యద్‌ దర్శకత్వం వహిస్తున్న ఈ సిరీస్‌ డిజిటల్‌ వేదికగా త్వరలో వీక్షకుల ముందుకు రానుంది.

యంగ్ టైగర్ ఎన్టీఆర్, దర్శకుడు ప్రశాంత్ నీల్ కాంబినేషన్‌లో తెరకెక్కుతున్న ‘డ్రాగన్’ సినిమాపై రోజురోజుకూ ఆసక్తి పెరుగుతోంది. ఇప్పటికే అనీల్ కపూర్ కీలక పాత్రలో నటిస్తున్న ఈ సినిమాలోకి మరో బాలీవుడ్ స్టార్ ఎంట్రీ ఇచ్చినట్లు టాక్ వినిపిస్తోంది.తాజా సమాచారం ప్రకారం.. బాలీవుడ్ స్టార్ హీరో షాహిద్ కపూర్ ‘డ్రాగన్’లో పవర్‌ఫుల్ విలన్‌గా కనిపించనున్నాడట. అలాగే బాలీవుడ్ స్టార్ హీరోయిన్‌ అలియా భట్ కూడా సినిమాలో కీలక పాత్ర పోషించనున్నట్లు వార్తలు జోరందుకున్నాయి. నిజానికి డ్రాగన్ సినిమాలోకి అలియాను తీసుకుంటారనే ప్రచారం ఏడాది కిందటే నడిచింది. అయితే ఈ విషయంపై మేకర్స్ నుంచి అధికారిక ప్రకటన రావాల్సి ఉంది.ఇక ఈ సినిమా షూటింగ్ మరో రెండు వారాల్లో కొత్త షెడ్యూల్ ప్రారంభం కానుంది. ఎలాంటి బ్రేకులు లేకుండా షూటింగ్ పూర్తి చేసి, వచ్చే ఏడాది ఫిబ్రవరి నాటికి చిత్రీకరణను ముగించాలని మేకర్స్ ప్లాన్ చేస్తున్నారు. ఈ చిత్రం వచ్చే ఏడాది జూన్ 11న ప్రేక్షకుల ముందుకు రానుంది. ప్రస్తుత సమాచారం ప్రకారం ‘డ్రాగన్’ను రెండు భాగాలుగా కాకుండా ఒకే సినిమాగా తెరకెక్కిస్తున్నారు. ఈ చిత్రంలో కాంతార బ్యూటీ రుక్మిణి వసంత్ హీరోయిన్‌గా కనిపించనుంది. ఈ సినిమాను మైత్రీ మూవీ మేకర్స్ బ్యానర్‌లో భారీ బడ్జెట్‌తో నిర్మిస్తున్నారు. నందమూరి కల్యాణ్‌రామ్, నవీన్‌ యేర్నెని, వై. రవిశంకర్, కొసరాజు హరికృష్ణ నిర్మాతలుగా వ్యవహరిస్తున్నారు.

సాక్షి, ముంబై: Disha Salian's Death Case దివంగత నటుడు సుశాంత్ సింగ్ రాజ్‌పుత్ మాజీ మేనేజర్ దిశా సాలియాన్ అనుమానాస్పద మరణం కేసు మరోసారి వార్తల్లో నిలిచింది. ఎఫ్‌ఐఆర్ నమోదు చేసి, సమగ్ర దర్యాప్తు చేపట్టాలని బాంబే హైకోర్టు బుధవారం సెంట్రల్ బ్యూరో ఆఫ్ ఇన్వెస్టిగేషన్ (CBI)ని ఆదేశించింది. దర్యాప్తు అధికారికి ఎవరిపైనైనా తగిన ఆధారాలు లభిస్తే తప్ప, వారిని నిందితులుగా పరిగణించ కూడదని కోర్టు స్పష్టం చేసింది. కుటుంబ సభ్యులు హత్య అనుమానాలు వ్యక్తం చేసినప్పటికీ ఎఫ్.ఐ.ఆర్ నమోదు చేయకుండా కేవలం ప్రమాదవశాత్తు మృతి (ADR) గా మాత్రమే ఎందుకు పరిగణించారని న్యాయస్థానం ప్రశ్నించింది. అలాగే, ఐదేళ్లు గడుస్తున్నా పోస్టుమార్టం నివేదికను కుటుంబానికి అందజేయక పోవడంపై తీవ్ర ఆందోళన వ్యక్తం చేసింది.ఈ కేసులో బీఎన్ఎస్ కింద కేసు నమోదు చేయాలని కూడా బాంబే హైకోర్టు ఆదేశించింది.దిశ తండ్రి సతీష్ సాలియాన్ తన పిటిషన్‌లో తీవ్రమైన ఆరోపణలు చేశారు. తన కుమార్తె దిశపై అత్యాచారం చేసి హత్య చేశారని ఆయన పేర్కొన్నారు. ఈ ఆధారంగా, కేసు నమోదు చేసి, నిష్పక్షపాతంగా దర్యాప్తు చేయాలని ఆయన డిమాండ్ చేశారు. ఈ పిటిషన్‌ను విచారించిన బాంబే హైకోర్టు తాజా ఆదేశాలిచ్చింది. ఈ కేసు విచారణ సందర్భంగా, ధర్మాసనం పోలీసుల ప్రవర్తనపై దృష్టి సారిస్తూ ఈ క్రింది ముఖ్యమైన అంశాలను లేవనెత్తింది.రాజకీయ నాయకులపై వచ్చిన ఫిర్యాదులు లేదా రాజకీయ ఆరోపణలతో తమకు ఎలాంటి సంబంధం లేదని స్పష్టం చేసింది. నిస్సహాయుడైన ఒక తండ్రి మనోభావాలను, న్యాయాన్ని పరిగణనలోకి తీసుకుని, ఈ విషయంపై చట్టబద్ధమైన, శాసనబద్ధమైన, పారదర్శకమైన విచారణ జరిపి, సరైన ముగింపు ఇవ్వడం అవసరమని పేర్కొంది. ఇదీ చదవండి : లక్షల్లో జీతం, హెచ్‌1 బీ వీసా : తిరిగి ఇండియాకు, ఎందుకు?మాల్వాణి పోలీసు స్టేషన్ పరిధిలోని సంబంధిత కేసు రికార్డులన్నింటినీ సీబీఐకి అప్పగించాలని కోర్టు స్పష్టం చేసింది. సరిపడా ఆధారాలు లభించే వరకు ఎవరినీ నిందితులుగా పరిగణించవద్దని, ఆధారాలు లభించిన వారిపైనే చర్యలు తీసుకోవాలని స్పష్టం చేసింది. ఒకవేళ సీబీఐ నెగెటివ్‌ రిపోస్ట్‌ ఇస్తే, దానిపై అభ్యంతరం వ్యక్తం చేస్తూ 'ప్రోటెస్ట్ పిటిషన్' దాఖలు చేసే హక్కు పిటిషనర్‌కు ఉంటుందని తెలిపింది.కాగా నటుడు సుశాంత్ సింగ్ రాజ్‌పుత్ వద్ద మేనేజర్‌గా పనిచేసిన సెలబ్రిటీ మేనేజర్‌ దిశ సాలియాన్, 2020 జూన్ 8న అనుమానాస్పద స్థితిలో మృతి చెందింది. ముంబైలోని మలాడ్ ప్రాంతంలోని నివాస భవనం 14వ అంతస్తు నుండి కిందపడి కన్నుమూసింది. ఆమె మరణించిన ఆరు రోజులకే (2020, జూన్14న) సుశాంత్ సింగ్ రాజ్‌పుత్ కూడా తన నివాసనంలో అనుమానాస్పదంగా మరణించడం దేశవ్యాప్తంగా సంచలనం సృష్టించిన సంగతి తెలిసిందే. ఈ అంశం 2022 నాటి మహారాష్ట్ర శాసనసభలో ప్రకంపనలు రేపింది. ఈ కేసులో, నితేష్ రాణే ఆదిత్య థాకరేకు నార్కో పరీక్ష చేయాలని కూడా షిండే వర్గం డిమాండ్ చేసింది.

ఇటీవల బాక్సాఫీస్ వద్ద విచిత్రమైన పరిస్థితి కనిపిస్తోంది. కంటెంట్ ఉన్న చిన్న సినిమాలు సత్తా చాటుతున్నాయి. ఇటీవల రిలీజైన టాక్సిక్‌ ఒక్క రోజుకే బాక్సాఫీస్ వద్ద కనిపించకుండా పోయింది. భారీ బడ్జెట్‌, తారాగణం ఉన్నప్పటికీ కంటెంట్ పరంగా మెప్పించలేకపోయింది. అలాంటి ఈ టైమ్‌లో ఇరుముడి సూపర్‌ టాక్‌తో దూసుకెళ్తోంది. అంతేకాకుండా మలయాళ చిన్న సినిమా బెత్లెహమ్ ఫ్యామిలీ యూనిట్ సైతం అదరగొడుతోంది.ఇదిలా ఉంటే ఎప్పుడో 19 ఏళ్ల క్రితం వచ్చిన మూవీకి సీక్వెల్‌గా ఆవారాపన్-2 ప్రేక్షకుల ముందుకు తీసుకొచ్చారు. 2007లో ఇమ్రాన్‌ హష్మి, శ్రియా శరణ్‌ జంటగా ఆవారాపన్ డిజాస్టర్‌గా నిలిచింది. అయితే ఈ మూవీకి సీక్వెల్‌గా వచ్చిన ఈ సినిమా మాత్రం బాక్సాఫీస్ వద్ద అదరగొడుతోంది. ఏకంగా రూ.200 కోట్లకు పైగా వసూళ్లు సాధించింది. ఈ చిత్రంలో ఇమ్రాన్‌ హష్మి, దిశా పటానీ జంటగా కనిపించారు. ఈ చిత్రాన్ని నితిన్‌ కక్కర్‌ దర్శకత్వంలో తెరకెక్కించారు.అప్పట్లో ఫ్లాప్ అయిన సినిమా సీక్వెల్‌కు ఇప్పుడు వసూళ్లు రావడంపై బాలీవుడ్‌లో చర్చ మొదలైంది. ఆగస్టు 14న విడుదలై ఇప్పటివరకూ ప్రపంచవ్యాప్తంగా రూ.210 కోట్లు సాధించింది. ఈ మూవీ సూపర్‌హిట్‌గా నిలవడంపై ఇమ్రాన్‌ హష్మి ఎమోషనల్ అయ్యారు.

ఆపదలోఉన్నవారిని ఆదుకునేందుకు ఎప్పుడూ ముందుండే బాలీవుడ్‌ నటుడు సోనూ సూద్. తాజాగా నేపల్‌ విలయం సమయంలో కూడా మరోసారి తన మంచి మనసు చాటుకున్నారు. నేపాల్‌ వరద బాధితులను ఆదుకునేందుకు ముందడుగు వేశారు. కష్టకాలంలో ఉన్న నేపాల్‌ ప్రజలకు సాయం అందించేందుకు రానున్న కాలంలో కూడా పనిచేస్తానని చెప్పారు. దీనికి సంబంధించిన వీడియో నెట్టింట వైరల్‌గా మారింది.నేపాల్ వరద బాధితులకు సహాయం అందించేందుకు సోనూ సూద్ ఖాఠ్మండు చేరుకున్నారు. ఈ సందర్భంగా ఆయన మాట్లాడుతూ వరద బాధితులను కలిసి, వారికి సహాయక సామగ్రిని పంపిణీ చేయడానికి ఇక్కడి వచ్చామన్నారు. వారు తిరిగి సామాన్య జీవితాన్ని గడిపేలా తమ వంతు సాయం అందిస్తామని హామీ ఇచ్చారు. పెద్ద మొత్తంలో దుప్పట్లు, ఆహారాన్ని బాధితులకు అందించేందుకు తీసుకొచ్చామని చెప్పారు. రాబోయే నెలల్లో కూడా నేపాల్‌కు సహాయం అందేలా చూసేందుకు కృషి చేస్తామని హామీ ఇవ్వడం విశేషం.Nepal, you are not alone. We are coming with food, shelter and the strength to help you rebuild. 🇳🇵❤️— sonu sood (@SonuSood) August 26, 2026నేపాల్‌లో ప్రకృతి విపత్తు గురించి తెలిసిన వెంటనే సోషల్ మీడియా ద్వారా తన విచారాన్ని వ్యక్తం చేసిన సోనూ సూద్‌ సాయం చేస్తానని అప్పుడే మాట ఇచ్చారు. "నేపాల్, నీవు ఒంటరివి కావు.. మీకు అండగా నిలిచి, తిరిగి కోలుకోవడంలో సహాయపడేందుకు ఆహారం, ఆశ్రయం మరియు ధైర్యంతో వస్తున్నాం అంటూ ట్విట్‌ చేయడం గమనార్హం. #WATCH | Bollywood actor Sonu Sood arrives in Kathmandu to distribute relief to Nepali flood victimsHe says, "We are here to meet flood victims and to distribute relief material to them. We will try to build their lives again. We have brought a lot of blankets and food… pic.twitter.com/6rONSZfxjD— ANI (@ANI) September 1, 2026 > ఇదీ చదవండి: లక్షల్లో జీతం, హెచ్‌1 బీ వీసా : తిరిగి ఇండియాకు, ఎందుకు? కాగా భారతదేశంలో కోవిడ్ మహమ్మారి పంజా విసిరిన సమయంలో సోనూసూద్‌ ఎంతోమందికి అండగా నిలబడ్డారు. లాక్‌డౌన్‌ కాలంలో విదేశాల్లో చిక్కుకుపోయిన వారిని సురక్షితంగా స్వదేశానికి తీసుకొచ్చేలా కృషి చేశారు. ఇదే కాలంలో స్మార్ట్‌ఫోన్‌ లేక ఆన్‌లైన్‌ తరగతులకు హాజరు కాలేని పేద విద్యార్థులకు నేను ఉన్నానంటూ భరోసా ఇచ్చారు. అంతేకాదు సాయం చేయాలని సోషల్‌ మీడియా ద్వారా అర్థించిన ఎంతోమందికి సాయం చేసిన కోట్లాది మంది అభిమానులను సంపాదించుకున్న సంగతి తెలిసిందే. ఇదీ చదవండి : 6 రోజుల్లొ 100 రెస్క్యూ ఆపరేషన్లు: ఎవరీ ప్రియా అధికారి?

సినిమా ఇండస్ట్రీలో డేటింగ్, పెళ్లి, విడాకులు అనే మాటలు తరచుగా వినిపిస్తూనే ఉంటాయి. అందుకు తగ్గట్లే సెలబ్రిటీలు ఒకటికి మించి వివాహాలు చేసుకుని వార్తల్లో నిలుస్తుంటారు. అదే టైంలో సడన్‌గా విడిపోయి షాకులిస్తుంటారు. ఇప్పుడు అలానే ప్రముఖ సింగర్, ర్యాపర్ బాద్‌షా.. పెళ్లయిన ఐదు నెలలకే రెండో భార్యకు కూడా విడాకులు ఇచ్చేశాడు. ఈ మేరకు అధికారికంగా ఈ విషయాన్ని ఇద్దరూ ప్రకటించారు.(ఇదీ చదవండి: ఆమెకు ప్రశాంతత ఇవ్వలేదు..విడాకులకు కారణం నేనే: 'జైలర్' విలన్)ఆదిత్య ప్రతీక్ సింగ్ సిసోడియా అలియాస్ బాద్‌షా స్వతహాగా పంజాబీ. హిందీ, పంజాబీ భాషల్లో ఎక్కువగా పాటలు పాడుతుంటాడు. సొంత ఆల్బమ్ సాంగ్స్‌తో పాటు సినిమాల్లోనూ పాటలు పాడుతుంటాడు. ప్రభాస్ 'సాహో'లో బ్యాడ్ బాయ్, అజిత్ 'వేదాళం'లో అలుమా డోలుమా గీతాల్ని ఆలపించి దక్షిణాది ప్రేక్షకులకు ఇతడు సుపరిచతమే.అసలు విషయానికొస్తే గతంలో జాస్మిన్ మాసి అనే మహిళని 2012లో పెళ్లి చేసుకున్నాడు. వీళ్లకు ఓ కూతురు కూడా ఉంది. కానీ 2020లో ఈమె నుంచి విడిపోయాడు. తర్వాత సింగిల్‌గానే ఉన్నాడు. ఈ ఏడాది మార్చిలో పంజాబీ నటి ఇషా రిఖీని పెళ్లి చేసుకున్నాడు. ఈ తంతు రహస్యంగా జరిగింది. కానీ వివాహం విషయాన్ని జూన్‌లో ఇషా ధ్రువీకరించింది. మరి ఏమైందో ఏమో గత నెలరోజులుగా వీరిద్దరూ విడిపోనున్నారనే రూమర్స్ వినిపించాయి. వాటిని నిజం చేస్తూ బాద్‌షా-ఇషా సంయుక్తంగా ఇప్పుడు విడాకులు ప్రకటించారు. సోమవారం రాత్రి ఇన్‌స్టా ఖాతాల్లో స్టోరీలు పోస్ట్ చేశారు.'నేను, ఇషా రిఖీ పరస్పర అంగీకారంతో విడిపోవాలని నిర్ణయించుకున్నాం. ఇకపై మా జీవితాలు వేర్వేరు మార్గాల్లో ముందుకు సాగాలని నిర్ణయించుకున్నాం. ఇది పరస్పర గౌరవంతో తీసుకున్నదే. ఈ టైంలో మా ప్రైవసీని గౌరవించాలని అందరినీ కోరుతున్నాం. మా బంధం గురించి ఇకపై ఎలాంటి రూమర్స్ వ్యాప్తి చేయొద్దని మనస్పూర్తిగా విజ్ఞప్తి చేస్తున్నాం. ఇదే మా ప్రకటన' అని బాద్‌షా పేర్కొన్నాడు.(ఇదీ చదవండి: మేం విడాకులు తీసుకున్నాం.. కానీ పాప విషయంలో:జీవీ ప్రకాశ్) View this post on Instagram A post shared by Isha Rikhi (@isharikhi)

ప్రముఖ పర్యావరణవేత్త, శాస్త్రవేత్త సోనమ్ వాంగ్ చుక్ గురించి చాలామందికి తెలిసే ఉంటుంది. 'త్రీ ఇడియట్స్' సినిమాని ఈయన జీవితాన్ని ఆధారంగా చేసుకుని తీశారని కొందరు, లేదు లేదు అని మరికొందరు వాదిస్తూ ఉంటారు. ఈ సంగతి పక్కనబెడితే కొన్నిరోజుల క్రితం ఢిల్లీలో 'జంతర్ మంతర్' దగ్గర జరిగిన విద్యార్థుల నిరసన కార్యక్రమంలోనూ ఆమరణ నిరాహార దీక్ష చేసి వార్తల్లో నిలిచారు. తాజాగా ఓ పాడ్‌కాస్ట్‌లో పాల్గొన్న ఈయన చాలా విషయాలు మాట్లాడారు. హీరో ఆమిర్ ఖాన్‌పై గట్టిగానే సెటైర్లు వేశారు. తనని కలిసి సంగతి అతడు 'గజిని'లా నిజంగానే మర్చిపోయాడని దెప్పిపొడిచారు.(ఇదీ చదవండి: ట్రెండింగ్‌లో 'ఏష నాగుల'... టాలీవుడ్‌ను ఏలుతున్న తెలంగాణ ఫోక్!)'ఆమిర్ ఖాన్ 'గజిని' లుక్‌లో ఉన్నప్పుడు నా ప్రసంగాన్ని చూస్తున్న వీడియోలు ఈ మధ్య మళ్లీ బయటకొచ్చాయి. బహుశా ఆ పాత్రలో ఎక్కువ లీనమైపోవడం వల్ల ఆయనకు ఆ పాత్రలా షార్ట్ టర్మ్ మెమొరీ లాస్ వచ్చి, 15 నిమిషాల తర్వాత నన్ను కలిసిన విషయాన్ని మర్చిపోయి ఉండొచ్చు. అందుకే ఆయన అలా చెప్పడం నాకు ఆశ్చర్యం అనిపించలేదు. మా మధ్య జరిగిన భేటీ కేవలం పలకరింపులకే పరిమితం కాలేదు. చాలాసేపు వివిధ అంశాల గురించి మాట్లాడుకున్నాం' అని సోనమ్ చెప్పుకొచ్చారు.త్రీ ఇడియట్స్ సినిమాలోని పున్సుఖ్ వాంగ్డూ పాత్ర పూర్తిగా తనని ఆధారంగా చేసుకుని తీశారని తాను చెప్పడం లేదని వాంగ్ చుక్ స్పష్టం చేశారు. 'దానిని స్పూర్తి అనొచ్చు కదా. నేను చెప్పిన ఆలోచనలని ఆయన(ఆమిర్) రచయితలతో పంచుకుని ఉండొచ్చు. తర్వాత వాళ్లు స్టోరీకి అనుగుణంగా వాటిని మార్చి ఉండొచ్చు. అది ఆయనకు తెలియకుండానే జరిగుండొచ్చు. లేదంటే రచయితలకు ఈ ఆలోచనల ఎవరివి అనేది తెలిసి ఉండకపోవచ్చు. ఏది జరిగినా నాకు ఎలాంటి అభ్యంతరం లేదు' అని సోనమ్ అన్నారు.గతంలో ఆమిర్ ఏమన్నాడు?గతంలో ఓ కార్యక్రమంలో మాట్లాడిన ఆమిర్.. 'త్రీ ఇడియట్స్' సినిమాలోని పాత్రకు సోనమ్‌కి ఎలాంటి సంబంధం లేదని చెప్పాడు. అవన్నీ రూమర్స్ అని కొట్టిపారేశాడు. అదే టైంలో వాంగ్ చుక్ చేస్తున్న సేవలని ప్రశంసించాడు. అయితే తనతో మాట్లాడినప్పటికీ ఆమిర్.. ఈ స్టోరీకి తనకు సంబంధం లేదని అనేసరికి సోనమ్‌కి ఆగ్రహం వచ్చింది. అదే విషయాన్ని ఇప్పుడు పాడ్‌కాస్ట్‌లో వ్యంగ్యంగా వ్యక్తపరిచారు.ఇక తన నిరహార దీక్ష టైంలో హీరో సల్మాన్ ఖాన్ చేసిన 'సోనం ఇట్స్ డన్ బ్రో' అనే ట్వీట్ పైన వాంగ్ చుక్ సరదాగా స్పందించారు. అందరికీ వారి వారి పరిస్థితులు, పరిమితులు ఉండుంటాయి. కాబట్టి వాటి గురించి నేను మాట్లాడాలనుకోవట్లేదు అని అన్నారు.(ఇదీ చదవండి: ఓటీటీలోకి 'కొరియన్ కనకరాజు'.. అధికారిక ప్రకటన)

బాలీవుడ్‌ స్టార్‌ హీరో ఇమ్రాన్‌ హష్మీ అనారోగ్యానికి గురయ్యారు. ఆయనకు స్వైన్‌ ఫ్లూ సోకినట్లు వైద్య పరీక్షల్లో నిర్ధారణ అయినట్లు సమాచారం. గత కొన్ని రోజులుగా అనారోగ్యంతో బాధపడుతున్న ఇమ్రాన్‌.. ఇటీవల ముంబైకి తిరిగి వచ్చిన అనంతరం వైద్య పరీక్షలు చేయించుకున్నట్లు తెలుస్తోంది. ఈ పరీక్షల్లో ఇన్‌ఫ్లూయెంజా ఏ, స్వైన్‌ ఫ్లూ తేలినట్లు సమాచారం. ప్రస్తుతం వైద్యుల సూచన మేరకు ఆయన విశ్రాంతి తీసుకుంటున్నారు.ఇమ్రాన్‌ హష్మీ అనారోగ్యానికి గురయ్యారనే విషయం తెలియడంతో ఆయన అభిమానుల్లో ఆందోళన నెలకొంది. అయితే తన ఆరోగ్య పరిస్థితిపై ఇమ్రాన్‌ ఇప్పటివరకు ప్రత్యేకంగా స్పందించలేదు. మరోవైపు బెంగళూరులో శనివారం జరగాల్సిన తన లైవ్‌ ఈవెంట్‌కు హాజరు కాలేకపోతున్నట్లు ఆయన సోషల్‌ మీడియా వేదికగా వెల్లడించారు. అనారోగ్యం కారణంగానే కార్యక్రమానికి దూరంగా ఉండాల్సి వచ్చిందని అభిమానులకు తెలిపారు.అయితే ఈ కార్యక్రమాన్ని పూర్తిగా రద్దు చేయకుండా సెప్టెంబర్‌ 12కు వాయిదా వేసినట్లు ఇమ్రాన్‌ ప్రకటించారు. ఇప్పటికే టికెట్లు కొనుగోలు చేసినవారు వాటిని భద్రంగా ఉంచుకోవచ్చని.. కొత్త తేదీన అవే టికెట్లు చెల్లుబాటు అవుతాయని నిర్వాహకులు వెల్లడించినట్లు సమాచారం. కార్యక్రమానికి హాజరు కాలేకపోతున్నందుకు అభిమానులకు ఇమ్రాన్‌ క్షమాపణలు చెప్పారు.ఇదిలా ఉంటే.. ఇమ్రాన్‌ హష్మీ ప్రస్తుతం వరుస సినిమాలతో కెరీర్‌లో జోష్‌ మీదున్నారు. ఆయన ప్రధాన పాత్రలో నటించిన ‘ఆవారాపన్‌ 2’ ఇటీవల ప్రేక్షకుల ముందుకు వచ్చింది. నితిన్‌ కక్కర్‌ దర్శకత్వంలో తెరకెక్కిన ఈ చిత్రం 2007లో విడుదలైన ‘ఆవారాపన్‌’కు సీక్వెల్‌గా రూపొందింది. దిశా పటానీ, షబానా అజ్మీ తదితరులు ఇందులో కీలక పాత్రలు పోషించారు.విడుదలైన తొలిరోజు నుంచే ‘ఆవారాపన్‌ 2’కు మంచి స్పందన వచ్చింది. రెండో రోజునే ఈ చిత్రం రూ.33.75 కోట్ల నెట్‌ వసూళ్లు సాధించింది. ఇప్పటి వరకు మొత్తంగా ఈ చిత్రం రూ.200 కోట్లకు పైగా కలెక్షన్స్‌ని రాబట్టింది.

సినిమా స్టార్స్‌కి ఆదాయం ఎలా వస్తుంది? అంటే వెంటనే రెమ్యూనరేషన్‌ ద్వారా అని ఠక్కున చెప్పేసే రోజులు కావివి. యాడ్స్, ప్రమోషన్స్, ఈవెంట్స్‌... అంటూ వరుసపెట్టి లెక్కించే రోజులు. ‘ఇందుగల దందు లేదను సందేహంబు వలదు ఎందెందు చూసినా అందందే కలదు’ అన్నట్టుగా తారలకు ఆదాయ మార్గాలు ఇబ్బడిముబ్బడిగా విస్తరిస్తున్నాయి. ప్రస్తుత డిజిటల్‌ ప్రపంచంలోనైతే కాదేదీ కాసుల వేటకు అనర్హం అన్నట్టుగా అది తారా స్థాయికి చేరుకుంది. వరుసగా ‘యాడ్‌’ చేసుకుంటూ... ఒకప్పుడు హీరో, హీరోయిన్‌కి సినిమా ఒప్పందం కుదిరితే అందులోనే పారితోషికం ప్రధానంగా ఉండేది. ఏడాదికి కొన్ని సినిమాలు.. వాటి ద్వారా వచ్చే రెమ్యూనరేషన్‌ను మాత్రమే ప్రధాన ఆదాయంగా భావించేవారు. కానీ తర్వాత పరిస్థితి పూర్తిగా మారిపోయింది. ప్రస్తుతం బాలీవుడ్‌ స్టార్స్‌ షారుక్‌ఖాన్, సల్మాన్‌ ఖాన్, ఆమిర్‌ ఖాన్, దీపికా పదుకోన్‌ వంటి వారు రూ. 5 కోట్ల నుంచి రూ. 20 కోట్ల వరకూ వసూలు చేస్తున్నారు. ఇలా సినిమాలు దాటి అడ్వర్టయిజ్‌మెంట్లలోకి తారలు రావడంతో సినిమాలకు ఆవల తారలకు ఆదాయం మొదలైంది. అక్కడ నుంచి ఒక్కొక్కటిగా ఆదాయ మార్గాలు పెరుగుతూ పోయాయి. ఈవెంట్‌... స్టార్‌ వెంటే... ‘‘ఐదేళ్ల పాటు ఒక సినిమాకు సైన్‌ చేయడం వల్ల అవకాశాలు లేక ఖాళీగా ఉండాల్సి వచ్చింది. ఆ సమయంలో ఈవెంట్లు నాకు బాగా ఉపయోగపడ్డాయి’’ అంటూ ఇటీవల ఒక టాలీవుడ్‌ నటి మీడియా ఇంటర్వ్యూలో చెప్పారు. అంటే... ఇప్పుడు స్టార్స్‌ జీవితంలో ఈవెంట్స్‌ ఎంత ప్రధాన పాత్ర పోషిస్తున్నాయో అర్థం చేసుకోవచ్చు. ఓ మోస్తరు స్థాయి కలిగిన నటి/నటుడికైనా సరే షోరూమ్స్‌ ఓపెనింగ్స్‌ అనేవి రూ.లక్షల్లో ఆదాయాన్ని అందిస్తున్నాయి. ఇక బాలీవుడ్‌ స్టార్స్‌ ఆలియా భట్‌ వంటి వారైతే రూ .3 కోట్లకు తక్కువ కాకుండా వసూలు చేస్తున్నారట. స్టార్‌... అంబాసిడర్‌... సాధారణ ప్రకటనలతో పాటు ఇప్పుడు బ్రాండ్‌ అంబాసిడర్‌ ఒప్పందాలు కూడా తారలకు పెద్ద ఆదాయ మార్గంగా మారాయి. దుస్తులు, నగలు, వాచీలు, కార్లు, మొబైల్‌ ఫోన్లు, రియల్‌ ఎస్టేట్, ఫుడ్‌ బ్రాండ్లు.. ప్రతీ ఉత్పత్తీ స్టార్‌ ఇమేజ్‌ను ఉపయోగించుకోవాలని ఆరాటపడడం తారలకు పైసా వసూల్‌గా మారింది. కేవలం ప్రకటనలో నటించడం మాత్రమే కాదు. కంపెనీ కార్యక్రమానికి హాజరవడం, కొత్త షోరూమ్‌ ప్రారంభించడం, ఉత్పత్తిని సోషల్‌ మీడియాలో చూపించడం, బ్రాండ్‌ ఈవెంట్‌లో మాట్లాడటం... ఇలా ఒప్పందం ఆధారంగా అంబాసిడర్‌ సేవలకు తగ్గట్టుగా స్టార్స్‌కు పారితోషికం అందుతోంది. ఇది ఓ రకంగా ఏడాదికోసారి అందే జీతం లాంటిదని చెప్పోచ్చు. ఈ తరహా ఒప్పందాల కోసం బిగ్‌ బి అమితాబ్‌ బచ్చన్‌ రూ. 15 కోట్ల వరకూ వసూలు చేస్తారని సమాచారం. హోస్ట్‌... ఆదాయానికి బెస్ట్‌... సినిమా కాకుండా టెలివిజన్, ఓటీటీ కూడా తారలకు మరో ఆదాయ వేదికగా అమరిపోయింది. కౌన్‌ బనేగా కరోర్‌ పతి అంటూ అమితాబ్‌ అరంగేట్రం చేయించిన స్టార్‌ ఆధారిత గేమ్‌ షోలు ఇప్పుడు స్టార్స్‌ని కోటీశ్వరుల్ని చేస్తున్నాయి. టాక్‌ షోలు, రియాలిటీ షోలకు జడ్జిగా వ్యవహరించడం, వెబ్‌ సిరీస్‌లకు హోస్టింగ్‌ చేయడం... ఒక్కో కార్యక్రమానికి వేర్వేరుగా ప్రత్యేక పారితోషికం అందుతోంది. ప్రస్తుతం అన్ని భాషల్లో హల్‌ చల్‌ చేస్తున్న బిగ్‌ బాస్‌ రియాలిటీ షో ఈ తరహా స్టార్‌ ఆధారిత కార్యక్రమాలకు బెస్ట్‌ ఎగ్జాంపుల్‌. హిందీ బిగ్‌ బాస్‌కు హోస్ట్‌గా వ్యవహరిస్తున్న సల్మాన్‌ ఖాన్‌ ఒక్క ఎపిసోడ్‌కే రూ. 10 నుంచి 15 కోట్ల వరకూ అందుకుంటున్నారని అంచనా. స్టార్‌ కనిపిస్తే చాలు సినిమా షూటింగ్‌లో కాకుండా ఒక వివాహ వేడుకలో, కార్పొరేట్‌ ఈవెంట్‌లో, షోరూమ్‌ ప్రారంభోత్సవంలో లేదా అవార్డు కార్యక్రమంలో కనిపించడం కూడా ఇప్పుడు స్టార్లకు పెద్ద ఆదాయమే. టాప్‌ బాలీవుడ్‌ స్టార్స్‌ ప్రైవేట్‌ ఈవెంట్లలో కనిపించడానికి భారీ మొత్తాలు వసూలు చేస్తున్నారు. అక్కడ ఆ స్టార్‌ ఉండటం వల్ల ఆ కార్యక్రమానికి వచ్చే ప్రచారం, సోషల్‌ మీడియా రీచ్, ఫొటోలు, వీడియోలు, బ్రాండ్‌కు లభించే గుర్తింపు కూడా ΄్యాకేజీలో భాగమే. పలువురు సంపన్నుల వివాహ వేడుకల్లో కనిపించడానికి ఇంత, నర్తించడానికి ఇంత, గెస్ట్‌లతో పిచ్చాపాటీకి ఇంత... చొప్పున కూడా స్టార్స్‌ అందుకుంటున్నారు. సోషల్‌ మీడియా... సెలబ్రిటీకి వేరయా... అనేక మందిని సెలబ్రిటీలుగా మార్చిన ఘనత సోషల్‌ మీడియాదే అనడం నిస్సందేహం. అలాగే సెలబ్రిటీలను మరింత ధనవంతులుగా మారుస్తోన్న పుణ్యం కూడా దానిదే అని చెప్పాలి. తారలకు అందే ఆదాయ అవకాశాలకు ఆకాశమే హద్దు అన్నట్టుగా అన్ని రకాల బం«ధనాల్ని తెంచేసింది డిజిటల్‌ ప్రపంచం. సోషల్‌ మీడియా విప్లవంతో స్టార్‌కి ఉన్న ఫాలోయింగ్‌ ఒక ఆస్తిగా మారింది. ఒక ప్రముఖ సెలబ్రిటీ ఇన్‌స్టాగ్రామ్‌లో ఒక బ్రాండ్‌ను ప్రస్తావిస్తే లక్షలాది మంది కళ్లముందు ఆ ఉత్పత్తి కనిపిస్తుంది. స్టార్‌కి ఉన్న ‘రీచ్‌’ను కంపెనీలు భారీగా కొనుగోలు చేస్తున్నాయి.కొన్ని మార్కెట్‌ అంచనాల ప్రకారం టాప్‌ సెలబ్రిటీల ఒక్కో స్పాన్సర్డ్‌ ఇన్‌స్టాగ్రామ్‌ పోస్టుకు కోట్ల రూపాయల వరకు చెల్లింపులు జరుగుతున్నాయి. తన ఇన్‌స్టాగ్రామ్‌ పేజీలో ఒక ఫొటో, రీల్‌ లేదా బ్రాండ్‌ ప్రస్తావన చేయడం ద్వారా స్టార్‌ కొన్ని కోట్లు సంపాదించవచ్చు. స్టాటిక్‌ పోస్టు, స్టోరీ, రీల్, బ్రాండ్‌తో కొలాబరేషన్‌... ఒక్కో ఫార్మాట్‌కి ఒక్కో రేటు ఉంటుంది.పెద్ద ఫాలోయింగ్‌తో పాటు ఎంగేజ్‌మెంట్‌ ఎక్కువగా ఉన్న సెలబ్రిటీకి మరింత విలువ ఉంటుంది. కేవలం ఒక్క ఇన్‌స్టా పోస్ట్‌ ద్వారానే ప్రియాంక చో ప్రా రూ .3 నుంచి 4 కోట్ల వరకూ అందుకుంటుందని సమాచారం. ఒక స్టార్‌కి 5 కోట్ల మంది ఫాలోవర్లు ఉంటే, ఆ సంఖ్యను కంపెనీ తన ఉత్పత్తిని ప్రచారం చేయడానికి ఉపయోగించుకోవచ్చు. ఈ నేపథ్యంలో సినిమా జయాపజయాలకు సంబంధం లేకుండా డిజిటల్‌ రీచ్, ఎంగేజ్‌మెంట్, అభిమానుల ఆదరణ కూడా స్టార్‌ పారితోషికాన్ని నిర్ణయించే అంశాలుగా మారాయి.ఎడ్వర్టయిజ్‌మెంట్‌ నుంచి ఎమోషన్‌ దాకా... ‘‘మీ అభిమాన హీరో/హీరోయిన్‌తో మీ పుట్టినరోజు శుభాకాంక్షలు చెప్పించుకోవాలనుకుంటున్నారా?’’ అనే కాన్సెప్ట్‌ కూడా ఇప్పుడు వ్యాపారంగా మారింది. ట్రూ ఫ్యాన్, సెలెవిష్, ఫ్యాన్‌ బజ్‌ వంటి ΄్లాట్‌ఫామ్‌ల ద్వారా సెలబ్రిటీల నుంచి వ్యక్తిగత వీడియో సందేశాలు, బర్త్‌డే విషెస్, యానివర్సరీ విషెస్, షౌట్‌ఔట్స్‌ వంటివి బుక్‌ చేసుకునే అవకాశం వచ్చేసింది. అంటే... కూర్చున్న చోట్నుంచి కదలకుండా స్టార్‌ అభిమానికి నేరుగా కనిపించడమే ఒక మోనిటైజేషన్‌ మోడల్‌గా మారింది. దీంతో ‘ఫ్యాన్‌ ఫాలోయింగ్‌’ అనే పదానికి కొత్త అర్థం వచ్చింది. ఒకప్పుడు అభిమానులు స్టార్‌ ఫొటోను కొనేవారు. ఇప్పుడు స్టార్‌ తమ పేరు చెప్పే వీడియోను కొనుగోలు చేస్తున్నారన్నమాట. ఆట చూడడం కూడా ఆదాయమే... తాజా ఐపీఎల్‌ మ్యాచ్‌ సందర్భంగా విరాట్‌ కోహ్లీకి మద్దతుగా మ్యాచ్‌కి వెళ్లిన బాలీవుడ్‌ స్టార్‌ అనుష్క శర్మ... ఆమె సాధారణంగా కనిపించే దుస్తులతో ఉన్నప్పటికీ ఆమె వైరల్‌ అయింది. దానికి కారణం ఆమె చేతికి పెట్టుకున్న అంతర్జాతీయ బ్రాండ్‌ కార్టియర్‌ పాంథేర్‌ వాచ్‌. ఆమె పెట్టుకున్న వాచ్‌కి సోషల్‌ మీడియాలో, ఫ్యాషన్‌ మీడియాలో విపరీతమైన ఆసక్తి వచ్చింది. ఆ వాచ్‌ విలువను కొన్ని నివేదికలు సుమారు రూ. 28 లక్షలుగా పేర్కొన్నాయి. ఇక్కడ ఆసక్తికరమైన విషయం ఏమిటంటే... అనుష్క ఈ వాచీ గురించి ఏ ప్రకటన కూడా చేయలేదు. కానీ ఆమె ధరించిన వస్తువు వార్తగా మారింది. ఇదే స్టార్‌ పవర్‌. ఒక సెలబ్రిటీ ఏం ధరిస్తే అది ఫ్యాషన్‌ స్టేట్‌మెంట్‌గా మారుతుంది. అందుకే బ్రాండ్లు సెలబ్రిటీల ‘ఆర్గానిక్‌ విజిబిలిటీ’ కోసం కూడా పోటీ పడుతున్నాయి.పెళ్లి వీడియోలకూ ‘రేట్‌’ ఉంది... సెలబ్రిటీల పెళ్లిళ్లు, ఎంగేజ్‌మెంట్లు, హనీమూన్లు, కుటుంబ వేడుకలు ఇప్పుడు కేవలం వ్యక్తిగత వ్యవహారాలు మాత్రమే కావు. వాటికి భారీ ప్రేక్షక విలువ ఏర్పడింది. నయనతార–విఘ్నేష్‌ శివన్‌ పెళ్లికి సంబంధించిన చిత్రీకరణ హక్కులను ఓ ఓటీటీ సంస్థ భారీ మొత్తానికి కొనుగోలు చేసింది. ఈ మొత్తం సుమారు రూ. 25 కోట్లుగా ఉండొచ్చట. అదే క్రమంలో అనేకమంది సెలబ్రిటీలు తమ వివాహ వేడుకల ప్రసార హక్కుల్ని విక్రయిస్తున్నారు. అంటే ఒకప్పుడు ‘ఇది మా వ్యక్తిగత జీవితం’ అంటూ మీడియాకు దూరంగా ఉంచే విషయాలు కూడా ఇప్పుడు డాక్యుమెంటరీ, వెబ్‌ సిరీస్‌ లేదా ప్రత్యేక కంటెంట్‌గా మారి కోట్ల రూపాయల విలువను సంతరించుకుంటున్నాయి. స్టార్‌ అంటే... ఒక బ్రాండ్‌ ఇప్పటి స్టార్‌ కేవలం నటుడు కాదు. యాక్టర్‌ + ఇన్‌ఫ్లుయెన్సర్‌ + బ్రాండ్‌ అంబాసిడర్‌ + ఈవెంట్‌ గెస్ట్‌ + కంటెంట్‌ క్రియేటర్‌ + బిజినెస్‌ బ్రాండ్‌. సినిమా నుంచి వచ్చే పారితోషికం ఇప్పటికీ ప్రధాన ఆదాయమే. కానీ దాని చుట్టూ ఏర్పడిన ఈ కొత్త ఆదాయ మార్గాలు స్టార్‌ సంపాదనను మరింత విస్తరించాయి. అందుకే నేటి సినిమా మార్కెట్‌లో ఒక ఆసక్తికరమైన ప్రశ్న మారిపోయింది. ‘ఈ స్టార్‌ ఒక్క సినిమాకు ఎంత తీసుకుంటారు?’ అనేది మాత్రమే కాదు... ‘ఈ స్టార్‌ పేరు, ఇమేజ్, ఫాలోయింగ్, వ్యక్తిగత జీవితానికి మార్కెట్‌లో ఎంత విలువ ఉంది?’ అనేదే అసలు ప్రశ్న. నిన్నటి వరకు స్టార్‌ తెరపై కనిపిస్తే నిర్మాత డబ్బు చెల్లించేవాడు. నేడు స్టార్‌ ఎక్కడ కనిపించినా.. ఆ కనిపించడానికే ఒక ధర చెల్లించడానికి నిర్మాతల్ని మించి ఎందరో ఉన్నారు..స్టార్‌... స్టార్టప్స్‌... సినిమా తారలు కేవలం నటులుగా కాకుండా తెలివైన పెట్టుబడిదారులుగా కూడా కనిపించాలని కోరుకుంటున్నారని పరిశ్రమ పరిశీలకులు చెబుతున్నారు. భారత్‌ ప్రపంచంలోనే మూడో అతి పెద్ద స్టార్టప్‌ ఎకోసిస్టమ్‌గా ఎదగడంతో బాలీవుడ్‌ తారలు స్టార్టప్‌లలో పెట్టుబడులు పెట్టే ధోరణి మరింత ఊపందుకుంది. ఈ ట్రెండ్‌ కొత్తది కాదు. 2010ల ప్రారంభంలోనే ఇది మొదలైంది. అప్పట్లో భారత స్టార్టప్‌ రంగం వేగంగా ఎదగడం ప్రారంభించింది.బాలీవుడ్‌ స్టార్‌ సల్మాన్‌ ఖాన్‌ తొలి తరం సెలబ్రిటీ ఇన్వెస్టర్లలో ఒకరు. 2012లో ఆయన ట్రావెల్‌ పోర్టల్‌ యాత్రాలో మైనారిటీ వాటాను కొనుగోలు చేశారు. ఆ తర్వాత పలువురు తారలు ఈ మార్గాన్ని అనుసరించారు. 2022లో ఒక్క ఏడాదిలోనే 14 మంది భారతీయ నటులు 18 స్టార్టప్‌ సంస్థల్లో పెట్టుబడులు పెట్టారు. వీటిలో ఎక్కువ భాగం డైరెక్ట్‌–టు–కన్సూ్యమర్‌ (డి2సి) బ్రాండ్లే. మిగిలిన పెట్టుబడులు ఎడ్‌టెక్, ఈ–కామర్స్, ఫుడ్‌టెక్‌ వంటి రంగాల్లోకి వెళ్లాయి.సినిమాల్లో పెట్టుబడుల కన్నా... గతంలో చాలామంది నటులు తమ సంపాదనను ప్రధానంగా సినిమాలు, సినిమా నిర్మాణం వంటి రంగాల్లోనే పెట్టేవారు. అయితే సినిమా నిర్మాణం అధిక రిస్క్‌తో కూడిన వ్యాపారం కావడంతో కొందరు తారలు ఆర్థికంగా నష్టపోయిన సందర్భాలూ ఉన్నాయి. ఈ చరిత్ర నుంచి పాఠాలు నేర్చుకుంటున్న ఇప్పటి తరం సెలబ్రిటీలు మాత్రం తమ సంపదను ఒకే రంగంలో పెట్టకుండా విభజిస్తున్నారు. స్టాక్‌ మార్కెట్, రియల్‌ ఎస్టేట్, ఇన్‌ఫ్రాస్ట్రక్చర్‌ వంటి సంప్రదాయ పెట్టుబడులతో పాటు స్టార్టప్‌ల్లోనూ డబ్బు పెడుతున్నారు. పెట్టుబడి నిపుణుల అభి ప్రాయం ప్రకారం, స్టార్టప్‌ల్లో పెట్టుబడి పెట్టడం అనేది సెలబ్రిటీలకు తమ మొత్తం ఇన్వెస్ట్‌మెంట్‌ పోర్ట్‌ఫోలియోను విభిన్నంగా ఉంచుకునే ఒక మార్గంగా మారింది.ఇందులో రెండు వైపులా ప్రయోజనం ఉంది.. స్టార్‌కు: కొత్త వ్యాపారాల్లో వాటా లభిస్తుంది. కంపెనీ విజయవంతమైతే పెట్టుబడి విలువ పెరుగుతుంది. తన సినిమాలపై మాత్రమే ఆధారపడాల్సిన అవసరం తగ్గుతుంది. స్టార్టప్‌కు: డబ్బుతో పాటు సెలబ్రిటీ పేరు, సోషల్‌ మీడియా ఫాలోయింగ్, ప్రచారం, బ్రాండ్‌ గుర్తింపు లభిస్తాయి. అందుకే నేటి సెలబ్రిటీ ఎకానమీలో ‘స్టార్‌ పెట్టుబడి పెట్టాడు’ అనేది కేవలం పెట్టుబడి వార్త కాదు.. ఆ స్టార్టప్‌కు మార్కెటింగ్‌ వ్యూహం కూడాఉపసంహారం... రాస్తే ఆకాశమంత కొలిస్తే కొండంత అన్నట్టుగా ప్రస్తుతం స్టార్స్‌కి ఉన్న ఆదాయావకాశాల జాబితా సాగిపోతూనే ఉంటుంది. రోజుకొకటిగా పుట్టుకొస్తున్న డిజిటల్‌ వ్యూహాలు తారలకు కాసుల పంట పండిస్తున్నాయి. దీపం ఉండగానే ఇల్లు చక్కబెట్టుకోవడం తప్పుకాదనడం ఎంత నిజమో... అలాగే ఆ ఇంటికి పునాది లాంటి సమాజాన్ని చక్కదిద్దడంలోనూ తమ వంతు పాత్ర పోషించాలి అన్నదీ అంతే నిజం. సొంత బ్రాండ్‌... సొంత వ్యాపారంఇతర కంపెనీల్లో పెట్టుబడులు పెట్టడంతో పాటు తమ సొంత బ్రాండ్లను కూడా సెలబ్రిటీలు నిర్మిస్తున్నారు. బాలీవుడ్‌ తార ఆలియా భట్‌ పర్యావరణహిత, స్వదేశీ బ్రాండ్‌ను విజయవంతమైన వ్యాపారంగా తీర్చిదిద్దిన వైనం దీనికో ఉదాహరణగా చెప్పవచ్చు. ఇక దీపికా పదుకోన్‌ స్వయంగా 82నిఇ పేరుతో స్కిన్‌కేర్‌ బ్రాండ్‌ను ప్రారంభించారు. ఆమె భర్త రణ్‌వీర్‌ సింగ్‌ బ్యూటీ బ్రాండ్‌ షుగర్‌ కాస్మొటిక్స్‌లో వాటా కొనుగోలు చేశారు. నటి అనుష్కా శర్మ తన భర్త టాప్‌ క్రికెటర్‌ విరాట్‌ కోహ్లీతో కలిసి ప్లాంట్‌–బేస్డ్‌ మీట్‌ కంపెనీ బ్లూ ట్రైబ్‌ ఫుడ్జ్‌లో పెట్టుబడి పెట్టారు.ఈ పెట్టుబడి ద్వారా ఆ కంపెనీకి కేవలం ఆర్థిక మద్దతే కాకుండా భారీ స్థాయిలో ప్రచారం కూడా లభించింది. కంపెనీ వర్గాల ప్రకారం, వారి మద్దతుతో ప్లాంట్‌–బేస్డ్‌ మీట్‌ గురించి దేశవ్యాప్తంగా పెద్ద సంఖ్యలో ప్రజలకు అవగాహన ఏర్పడింది. ఈ వైవిధ్యం సెలబ్రిటీల సంపాదన, పెట్టుబడి వ్యూహాల్లో వచ్చిన గణనీయమైన మార్పును సూచిస్తోంది. ఇప్పటి తారలు తమ స్టార్‌డమ్, సోషల్‌ మీడియా ఫాలోయింగ్‌ను కేవలం సినిమా ప్రచారానికి మాత్రమే ఉపయోగించుకోవడం లేదు. స్టార్టప్‌లకు పెట్టుబడి పెట్టడంతో పాటు తమకున్న భారీ మీడియా ప్రెజెన్స్‌ను ఆ బ్రాండ్ల ప్రచారానికి ఉపయోగిస్తున్నారు. ఒక సెలబ్రిటీకి ఉన్న ప్రజాదరణ కొత్త బ్రాండ్‌కు తక్షణ గుర్తింపును తీసుకురావడమే కాకుండా, వినియోగదారుల్లో ఆ బ్రాండ్‌పై నమ్మకాన్ని కూడా పెంచుతుంది. అందుకే స్టార్టప్‌లకు సెలబ్రిటీ పెట్టుబడులు కేవలం డబ్బు సమకూర్చుకోవడానికి మాత్రమే ఉపయోగపడవు. ఆ స్టార్‌ ఇమేజ్, సోషల్‌ మీడియా రీచ్, అభిమానుల నమ్మకం కూడా కంపెనీకి అదనపు ఆస్తులుగా మారతాయి. – సత్యబాబు

వారం రోజులుగా మాటల తూటాలతో హోరెత్తిన యోగా గురువు రామ్‌దేవ్‌, బీజేపీ ఎంపీ కంగనా రనౌత్‌ మధ్య వివాదానికి రక్షాబంధన్‌ సందర్భంగా తెరపడింది. ఒకరిపై ఒకరు తీవ్ర వ్యాఖ్యలు చేసుకున్న ఈ ఇద్దరూ.. పండగ వేళ విభేదాలను పక్కనపెట్టారు. రామ్‌దేవ్‌ స్వీట్లు, బహుమతిని .. కంగనా ‘అన్నయ్య’గా అనుకుంటూ తనకు పంపిన స్వీట్లను స్వీకరించారు.ద్వేషానికి చోటుండకూడదంటూ..‘దేశంలో కారణం ఏదైనా ద్వేషం ఉండకూడదు. అందరితో స్నేహంగా ఉండాలి. అందకే మా మధ్య ఉన్న విభేదాలను పూర్తిగా పక్కనపెట్టా. ఏ గోడవైనా మాట్లాడుకుంటే పరిష్కారమవుతుంది’ అని రామ్‌దేవ్‌ అన్నారు. రక్షాబంధన్‌ సందర్భంగా కంగనకు ఫోన్‌ చేసి శుభాకాంక్షలు చెప్పానని తెలిపారు. అంతేకాకుండా ఓ బహుమతి, స్వీట్లను పంపించినట్లు తెలిపారు.(ఇదీ చదవండి: రుక్మిణి తండ్రి వెనుక ఇంత చరిత్ర ఉందా..?)అన్నయ్యగా అంగీకరించిన కంగనారామ్‌దేవ్‌ పంపిన స్వీట్లు,బహుమతిని స్వీకరించి దీనిపై కంగనా సానుకూలంగా స్పందించారు. ‘పండగలు తప్పులను మర్చిపోవడానికి నా ‘అన్నయ్య’ రామ్‌దేవ్‌ పంపిన స్వీట్లను స్వీకరిస్తున్నాను. అన్నయ్యగా ఆయన చూపించిన ప్రేమను, పంపిన బహుమతిని తీసుకుంటున్నాను’ అని కంగనా ఇన్‌స్టాగ్రామ్‌ స్టోరీలో పేర్కొన్నారు.రాజకీయ పార్టీలకూ సూచనరాజకీయ పార్టీలకు రామ్‌దేవ్‌ ఓ సలహా ఇచ్చారు. అధికార, ప్రతిపక్ష పార్టీలు పరస్పరం రాఖీలు కట్టుకోవాలన్నారు. అలా చేస్తే సమాజానికి మంచి సందేశం వెళ్తుందని, ఎలాంటి వివక్ష ఉండకూడదనే భావన ప్రజల్లో బలపడుతుందని పేర్కొన్నారు.అసలు గొడవ ఏంటి? జెన్జీల నిరసనకారులను కంగనా ‘గట్టర్‌ జనరేషన్‌’గా అభివర్ణించడంపై రామ్‌దేవ్‌ స్పందించడంతో వివాదం మొదలైంది. ఓ టీవీ కార్యక్రమంలో ఆమె వ్యాఖ్యలను తప్పుబట్టిన ఆయన.. కంగనా అర్హతలు, వ్యక్తిగత జీవితంపై పలు వ్యాఖ్యలు చేశారు. దీంతో వీరిద్దరికి మాటల యుద్ధం మొదలైంది. రామ్‌దేవ్‌ వ్యాఖ్యలపై కంగనా సోషల్‌ మీడియాలో ఘాటుగా సమాధానం ఇచ్చారు. తన వ్యక్తిత్వంపై వ్యాఖ్యలు చేయొద్దని , రామ్‌దేవ్‌ హద్దులు దాటుతున్నారని తీవ్రంగా హెచ్చరించారు. ఇదీ చదవండి: 'ఇరుముడి' నాగులు మొత్తం రెమ్యునరేషన్ ఎంతంటే?

బాలీవుడ్ స్టార్ హీరోయిన్ దీపికా పదుకొణె.. కల్కి 2898 ఏడీ సీక్వెల్, స్పిరిట్ సినిమాల నుంచి తప్పుకొంది. గత కొన్నాళ్ల నుంచి ఈ విషయమై ఎప్పటికప్పుడు చర్చ జరుగుతూనే ఉంది. కొన్నిరోజుల క్రితమే 'స్పిరిట్' నిర్మాత, డైరెక్టర్ సందీప్ రెడ్డి వంగా సోదరుడు ప్రణయ్ రెడ్డి మాట్లాడుతూ.. దీపికని తప్పించడానికి గల కారణాలు చెప్పాడు. మరోవైపు దీపిక సంచలన కామెంట్స్ చేసిన ఓ వీడియో ఇప్పుడు వైరల్ అవుతోంది.(ఇదీ చదవండి: ఓటీటీలోకి వచ్చేసిన తెలుగు సినిమా)'ఈ మధ్యే నేను ఓ సినిమా నుంచి తప్పుకొన్నాను. అందులో హీరో, ఆయన రెమ్యునరేషన్ ఎంత తీసుకుంటున్నానారో నాకు తెలుసు. నా దృష్టిలో ఆ హీరో కంటే నా సక్సెస్ రేటే ఎక్కువ. దీంతో నా పారితోషికం ఇంత అని చెప్పగానే మా దగ్గర అంత బడ్జెట్ లేదని నిర్మాతలు చెప్పారు. దీంతో ఆ చిత్రాన్ని నేను వదులుకున్నాను' అని సదరు వీడియోలో దీపికా చెబుతోంది.ఈ వీడియో చూసిన చాలామంది ప్రభాస్, స్పిరిట్ సినిమాని ఉద్దేశించి దీపికా పదుకొణె ఇలా మాట్లాడిందని అంతా అనుకుంటున్నారు. కానీ అసలు నిజం ఇది కాదు. ఆరేడేళ్ల క్రితం అంటే 2019లో ఓ పుస్తకావిష్కరణ సందర్భంగా దీపిక ఈ కామెంట్స్ చేసింది. అప్పటికి కల్కి, స్పిరిట్ చిత్రాలు గానీ ఒప్పుకోలేదు. అయితే ఇది తెలియని చాలామంది నెటిజన్లు.. ప్రభాస్, స్పిరిట్ గురించి ఇలా అంటోందా అని మాట్లాడుకుంటున్నారు. (ఇదీ చదవండి: కొత్త సీన్లతో మళ్లీ అర్జున్‌రెడ్డి.. ఈసారి ఎలా ఉంటుందంటే?)I recently walked out of a #film , where the male star was already locked. I know how much he is getting paid, and I believe I am more successful than him, When I said, ‘This is my #price , they told me they didn’t have the budget, so I walked out.- #DeepikaPadukone pic.twitter.com/8iFSHQjlG3— Filmyscoops (@Filmyscoopss) August 28, 2026

సినీరంగంలో వారి జీవితాలు ఫుల్ కలర్‌పుల్‌గా ఉంటాయని అనుకుంటాం. కానీ అదంతా నాణేనికి ఒకవైపు మాత్రమే.. రెండో వైపు కూడా చూస్తేనే అసలు జీవితం గురించి తెలుస్తుంది. వర్క్ లైఫ్‌ బాగానే ఉన్నా.. పర్సనల్‌ విషయానికి వచ్చేసరికి అదంతా మారిపోయే అవకాశముంది. అలా బాలీవుడ్‌ బుల్లితెరతో పాటు సినిమాల్లోనూ మెప్పించిన నటి కామ్యా పంజాబీ జీవితమే ఇందుకు ఉదాహరణ. హిందీలో పలు సీరియల్స్‌తో మెప్పించిన ఈ బ్యూటీ.. ఆ తర్వాత సినిమాల్లోనూ తన నటనతో ఆకట్టుకుంది.అయితే సినిమాల్లో ఆకట్టుకున్న ఈమె.. పర్సనల్ లైఫ్‌లో మాత్రం ఎన్నో ఇబ్బందులు ఎదుర్కొంది. తన మొదటి భర్తతో తాను పడిన ఇబ్బందులను పంచుకుంది. గృహ హింసతో పాటు మానసిక క్షోభ అనుభవించానని తెలిపింది. గాయాలను మేకప్‌తో దాచుకోవడం అలవాటు చేసుకున్నానని కామ్యా వెల్లడించింది. ఆ టాక్సిక్ బంధం నుంచి బయటపడటానికి పడిన ఇబ్బందిని ఆమె గుర్తుచేసుకున్నారు. మా ఇద్దరి గొడవను కుమార్తె ఆరా చూడటంతో.. ఇకపై అతనితో జీవించలేనని డిసైడ్ అయ్యానని కామ్యా వెల్లడించారు.కామ్యా పంజాబీ మాట్లాడుతూ..'మేమిద్దరం పెళ్లికి ముందే మేము గొడవపడేవాళ్లం. అతను నాకు సరైనవాడు కాదని నిర్ణయించుకోవాల్సిన స్థాయికి పరిస్థితులు వచ్చాయి. కానీ మాది తొలిప్రేమ కావడంతో ఇతనే సరైన వ్యక్తి అనిపించింది. మా ఇద్దరికీ సెట్ కాదని మా తల్లిదండ్రులు కూడా చెప్పారు. కానీ నేను వారి మాట వినలేదు. పెళ్లి తర్వాత ఆయన నన్ను పని మానేయమన్నారు. కానీ నేను వినిపించుకోలేదు. నేను నా తల్లిదండ్రులను, నా కుటుంబాన్ని పోషించాలని చెప్పా. అప్పుడు అతని ఆలోచనా విధానం ఏమిటో నాకు తెలియదు, కానీ అతను ప్రతి విషయాన్ని అనుమానించేవాడు. అతను ప్రతి 10 నిమిషాలకు ఫోన్ చేసి ఎందుకు ఫోన్ ఎత్తలేదు?' అని ప్రశ్నలు వేసేవాడు. ఏంటి సంగతి? ఎవరితో ఉన్నావు? అని కూడా ప్రశ్నలు అడిగేవాడు. బాత్రూంలో నన్ను నేను బంధించుకుని గంటల తరబడి బాధపడ్డా. కొన్నిసార్లు రాత్రంతా ఏడ్చేదాన్ని" అని తన బాధను వ్యక్తం చేసింది.కాగా.. కామ్యా మొదట వ్యాపారవేత్త బంటీ నేగీని వివాహం చేసుకున్నారు. వీరికి ఆరా అనే కుమార్తె జన్మించారు. దాదాపు 13 ఏళ్ల వివాహ బంధం తర్వాత విడిపోయారు. 2020లో కామ్యా.. శలభ్ డాంగ్‌ను వివాహం చేసుకున్నారు.

బాలీవుడ్‌ స్టార్‌ హీరోయిన్‌ కియారా అద్వానీకి సౌత్‌ సినిమా పెద్దగా కలిసి రావడం లేదనే టాక్‌ వినిపిస్తోంది. అప్పట్లో కొరటాల శివ దర్శకత్వంలో సూపర్‌స్టార్‌ మహేశ్‌బాబు సరసన నటించిన ‘భరత్‌ అనే నేను’ చిత్రం మాత్రమే దక్షిణాదిలో ఆమెకు మంచి విజయాన్ని అందించింది. ఆ తరువాత దక్షిణాదిన ఆమె సినిమా చేసిన ప్రతిసారి ఏదో తేడా కొడుతోంది.అప్పట్లో మెగాపవర్‌ స్టార్‌ రామ్‌చరణ్‌తో చేసిన ‘వినయ విధేయ రామ’, తరువాత అదే హీరోతో చేసిన ‘గేమ్‌ ఛేంజర్‌’ చిత్రాలు బాక్సాఫిస్‌ వద్ద నిరాశపరిచాయి. తాజాగా పాన్‌ ఇండియా రాకింగ్‌ స్టార్‌ యశ్‌ సరసన నటించిన ‘టాక్సిక్‌’ కూడా ఆశించిన స్థాయిలో ఆకట్టుకోలేదనే టాక్‌ వస్తోంది. దీంతో ‘భరత్‌ అనే నేను’ మినహా సౌత్‌లో కియారా సినిమాలు అన్నీ వరుసగా నిరాశపరుస్తున్నాయి.ఇక త్వరలోనే కోలీవుడ్‌లోకి అడుగుపెట్టనుంది ఈ భామ. ఓ తమిళ సినిమాకు ఓకే చెప్పాను. త్వరలోనే దాని గురించిన పూర్తి వివరాలు వెల్లడిస్తానని ఇటీవల టాక్సిక్ సినిమా ప్రచారంలో తెలిపింది. ఇక మరోవైపు ముంబైలో సముద్రానికి ఎదురుగా ఓ కొత్త ఫ్లాట్‌ను కియారా కొనుగోలు చేసింది. దాని ఇంటీరియర్‌ పనుల కోసం కొంతకాలం సినిమాలకు విరామం ఇవ్వనున్నట్లు తెలుస్తోంది.

లోకేష్ కనగరాజ్ పేరు వినగానే LCU గుర్తుకు వస్తుంది. ఈ దర్శకుడు తీసిన ఖైదీ 2, విక్రమ్ 2, రోలెక్స్ వంటి సినిమాల కోసం అభిమానులు ఎంతగానో ఎదురుచూస్తున్న విషయం తెలిసిందే. అయితే ఇలాంటి సమయంలో ఆయన ఆ సినిమాలను పక్కన పెట్టి మరీ ముందుగా ఐకాన్‌ స్టార్‌ అల్లు అర్జున్‌తో సినిమా చేయడం ఆసక్తికరంగా మారింది. దానికి కారణం.. దాదాపు ఆరేళ్ల క్రితమే మైత్రీ మూవీ మేకర్స్ లోకేష్‌కు అడ్వాన్స్ ఇచ్చిందట. మరోవైపు అల్లు అర్జున్‌తో సినిమా చేయాలనే ఆలోచన కూడా కొంతకాలంగా ఉందని లోకేష్ ఓ సందర్భంలో వెల్లడించాడు. ఈ రెండు కమిట్‌మెంట్లు ఇప్పుడు కలవడంతో AA23 పట్టాలెక్కింది.ఇక ఖైదీ 2 ఆలస్యానికి ఆ సినిమా హీరో కార్తి షెడ్యూల్స్ కూడా కారణమయ్యాయి. రజినీకాంత్–కమల్ హాసన్ కాంబినేషన్ కోసం లోకేష్ కొంతకాలం పనిచేశారు. కానీ ఎందుకో ఆ ప్రాజెక్ట్ కుదరలేదు. అదే సమయానికి కార్తి కూడా మరో సినిమాకు డేట్స్ ఇచ్చేశాడు. దీంతో లోకేష్‌కు వచ్చిన గ్యాప్‌లో అల్లు అర్జున్ ప్రాజెక్ట్ ముందుకు వచ్చింది. మైత్రీ నిర్మిస్తున్న AA23 సినిమాని పాన్ ఇండియా రేంజ్‌లో రూపొందిస్తున్నారు. ఈ చిత్రానికి అనిరుధ్ సంగీతం అందిస్తున్నాడు. ఇప్పటికే వచ్చిన అనౌన్స్‌మెంట్ వీడియోలో అడవి, గుర్రం, జంతువుల నేపథ్యంలో ఆసక్తికరమైన ప్రపంచాన్ని హింట్ చేశారు. అయితే ఆ సినిమా కథపై మాత్రం ఎలాంటి ఇంకా క్లారిటీ లేదు.LCUతో కనెక్షన్లు లేకుండా లోకేష్ చేస్తున్న ఈ కొత్త ప్రయోగం ఎలా ఉండబోతుందన్నదే ఇప్పుడు ఆసక్తికరం. అల్లు అర్జున్ సినిమా తర్వాత తన తదుపరి సినిమా ఖైదీ 2నే అని లోకేష్ ఇప్పటికే స్పష్టం చేశాడు. అంటే ఇది LCUకి బ్రేక్ మాత్రమే.. ముగింపు కాదు!

ఆదిపురుష్ భామ కృతి సనన్ చేసిన యాడ్ వివాదానికి కారణమైంది. ఓ జ్యువెలరీ సంస్థ రూపొందించిన ఈ ప్రకటనలో కృతి ధరించిన దుస్తులపై కూడా దుమారం చెలరేగింది. అంతేకాకుండా రాఖీని ఓ కుక్కకు కట్టడంతో ఇది కాస్తా ముదిరింది. హిందూ సంప్రదాయాలను కృతి అవమానించారంటూ నెటిజన్స్ తీవ్రస్థాయిలో మండిపడ్డారు. హిందూ పండుగలంటే అంటే అంత చులకన అంటూ బాలీవుడ్ బ్యూటీని నిలదీశారు.ఆ తర్వాత తనపై వస్తున్న వివాదంపై కూడా కృతి సనన్ స్పందించింది. మన సంప్రదాయాలను గౌరవించే విధానం మన దుస్తులపై ఆధారపడి ఉందని తెలిపింది. భక్తి అనేది మహిళ ధరించే దుస్తుల్లో ఉండదని.. అది ఆమె మనసుకు సంబంధించిన విషయమని పోస్ట్ చేసింది. మహిళల దుస్తులను టార్గెట్ చేయడం ఇంకెప్పుడు ఆపుతారని ప్రశ్నించింది. కుక్క కూడా మా ఫ్యామిలీ మెంబర్ అని.. అందుకే రాఖీ కూడా కట్టానని కృతి వెల్లడించింది.తాజాగా ఈ వివాదం పెద్దఎత్తున వైరల్ కావడంతో యాడ్ రూపొందించిన సంస్థ కీలక నిర్ణయం తీసుకుంది. ఈ ప్రకటనను పూర్తిగా తొలగిస్తున్నట్లు ప్రకటించింది. ఇండియన్ కల్చర్, సంప్రదాయాలు, పండుగల పట్ల తమకు పూర్తి గౌరవముందని తెలిపింది. కుటుంబంతో పాటు పెంపుడు జంతువులపై ప్రేమను చూపించాలనే ఉద్దేశంతోనే ఈ యాడ్ రూపొందించామని ఆ సంస్థ వివరణ ఇచ్చింది. అయితే కొందరి మనోభావాలు దెబ్బతిన్నందుకు యాడ్‌ను తొలగిస్తున్నట్లు అధికారికంగా వెల్లడించింది.

వచ్చే ఏడాది వేసవిలో నెల రోజుల గ్యాప్‌లో సందీప్ రెడ్డి దర్శకత్వంలో రెబల్‌స్టార్‌ ప్రభాస్ నటిస్తున్న స్పిరిట్, దర్శకధీరుడు రాజమౌళి, సూపర్‌స్టార్ మహేశ్ బాబు కాంబినేషన్‌లో తెరకెక్కుతున్న మోస్ట్ అవైటెడ్ మూవీ వారణాసి సినిమాలు విడుదలకు సిద్ధమవుతున్నాయి. ఈ రెండు భారీ చిత్రాలు కావడంతో ఈ గ్యాప్ సరిపోతుందా? అనే చర్చ ప్రస్తుతం ఇండస్ట్రీలో జరుగుతోంది.ఈ విషయంపై దర్శకుడు సందీప్ రెడ్డి వంగ సరదాగా స్పందించారు. స్పిరిట్ కంటే వారణాసి చాలా పెద్ద సినిమా అని చెప్పిన ఆయన.. అవసరమైతే వారణాసి చిత్రం కోసం కాస్త జరగడానికి తమకేం అభ్యంతరం లేదన్నాడు. ఈ రెండు సినిమాల విడుదల తేదీల మధ్య నెల రోజుల పైనే తేడా ఉండటంతో సాద్యమైనంతవరుకు ఎలాంటి సమస్య ఉండదన్నారు. అయితే అదే టైమ్‌లో స్పిరిట్ మాత్రం చెప్పిన తేదీకి కచ్చితంగా వస్తుందని కూడా మరోసారి క్లారిటీ ఇచ్చాడు.రెబల్‌స్టార్‌ ప్రభాస్ నటిస్తున్న పాన్‌ ఇండియా చిత్రం స్పిరిట్‌కు ఇంకా 65 రోజుల షూటింగ్ బ్యాలెన్స్ ఉంది. వీలైనంత త్వరగా షూటింగ్‌ పూర్తి చేసి పోస్ట్ ప్రొడక్షన్‌కు ఎక్కువ సమయం కేటాయిస్తానని సందీప్ వంగ తెలిపారు. అలాగే తన గత చిత్రాలకు వచ్చినట్టే ఈ సినిమాకు కూడా ‘A’ సర్టిఫికేట్ ఖాయమని చెప్పారు.యానిమల్‌ ఫేమ్‌ త్రిప్తి దిమ్రి హీరోయిన్‌గా నటిస్తున్న ఈ చిత్రానికి హర్షవర్ధన్ రామేశ్వర్ సంగీతం అందిస్తున్నారు.

అక్షయ్‌ కుమార్, సైఫ్‌ అలీ ఖాన్‌ లీడ్ రోల్లో వస్తోన్న లేటేస్ట్ మూవీ హైవాన్‌. ఈ మూవీని ప్రియదర్శన్‌ దర్శకత్వంలో తెరకెక్కిస్తున్నారు. ఈ చిత్రాన్ని వెంకట్‌ నారాయణ, శైలజ దేశాయ్‌ ఫెన్‌ సంయుక్తంగా నిర్మిస్తున్నారు. ఇప్పటికే షూటింగ్ పూర్తయిన ఈ సినిమా వచ్చే నెల 11న థియేటర్లలో సందడి చేయనుంది.ఈ నేపథ్యంలోనే హైవాన్ ట్రైలర్ రిలీజ్ చేశారు మేకర్స్. ఈ ట్రైలర్ చూస్తుంటే మర్డర్స్ నేపథ్యంలోనే ఈ చిత్రాన్ని తెరకెక్కించినట్లు తెలుస్తోంది. ఇందులో సన్నివేశాలు చూస్తుంటే ఫుల్ వయొలెంట్‌గా ఉండనుందని అర్థమవుతోంది. అక్షయ్- సైఫ్ మధ్య ఫైట్ సీన్స్ ఈ చిత్రంపై మరింత ఆసక్తి పెంచుతున్నాయి. కాగా.. ఈ చిత్రంలో బోమన్‌ ఇరానీ, సయామీ ఖేర్, శ్రియా పిల్గాంకర్‌ కీలక పాత్రల్లో నటిస్తున్నారు.

ఆదిపురుష్ భామ కృతి సనన్ ఊహించని విధంగా వివాదంలో చిక్కుకుంది. తాను నటించిన రక్షాబంధన్‌ యాడ్‌తో విమర్శల పాలైంది. ఓ కుక్కకు రాఖీ కడుతూ.. సంప్రదాయ దుస్తులు కాకుండా వెస్టర్న్ డ్రెస్‌లో కనిపించింది. ఇదే వివాదానికి కారణమైంది. హిందూ పండుగను అవమానించేలా కృతి సనన్ వ్యవహరించారంటూ నెటిజన్స్ ఆగ్రహం వ్యక్తం చేస్తున్నారు. సోదరుడికి ప్రేమతో కట్టే రాఖీని కుక్కకు కట్టడంపై కూడా అభ్యంతరం వ్యక్తం చేశారు.తాజాగా తనపై వస్తున్న విమర్శలపై బాలీవుడ్ భామ స్పందించారు. పండుగ అనేది భావోద్వేగాలు, సంప్రదాయాలతో కూడుకున్నదని తెలిపింది. అంతేకానీ ఒక మహిళ ధరించే దుస్తులపై ప్రభావం ఉండదని రాసుకొచ్చింది. ఈ వేడుకల్లో తన పెంపుడు జంతువును చేర్చాలనే ఆలోచన సరైందేనని.. కుక్కలు కూడా కుటుంబంలో భాగమేనని వెల్లడించింది. ఈ వివాదంపై ఇన్‌స్టా స్టోరీస్‌లో పోస్ట్ చేసింది.కృతి తన ఇన్‌స్టాలో రాస్తూ..' మన పండుగల సారం మనం ధరించే దుస్తుల్లో ఉండదు. అది సంప్రదాయాల పట్ల మీకు ఉండే భావోద్వేగాలతో ముడిపడి ఉంటుంది. రక్షాబంధన్ అనేది ఒక రక్షణ బంధం. నేను, నా సోదరి ఒకరికొకరం రాఖీ కట్టుకుంటాం. ఒక సోదరుడు ఎలాగైతే రక్షణగా ఉంటారో.. మేము కూడా అలాగే రక్షించుకోగలమని మాకు తెలుసు. తాను, తన సోదరి ఒకరి ఆరోగ్యం, సంతోషం, దీర్ఘాయువు కోసం ప్రార్థించుకుంటాం. ఇది మా ఇంట్లో కుక్కలకు కూడా వర్తిస్తుంది. ఎందుకంటే అవీ కూడా మా కుటుంబంలో సభ్యులే కదా " అని పోస్ట్ చేసింది.అంతేకాకుండా మనం మహిళలు ఏమి ధరించాలో చెప్పడం ఎప్పుడు ఆపుతామని కృతి సనన్ ప్రశ్నించింది. ఒక మహిళ తన సంస్కృతి పట్ల చూపే గౌరవాన్ని ఆమె దుస్తులను బట్టి అంచనా వేసే పద్ధతిని కృతి తప్పుపట్టింది. ఎథ్నిక్ ఫ్యాషన్ సంవత్సరాలుగా అభివృద్ధి చెందింది.. కానీ ఇప్పటికీ ఒక మహిళ తన సంస్కృతి పట్ల చూపే గౌరవాన్ని కేవలం ఆమె దుస్తులతోనే కొలుస్తున్నారని ఆవేదన వ్యక్తం చేసింది. మన సంస్కృతి, సంప్రదాయాలు అనే మహిళ హృదయంలో ఉంటాయి.. అంతే కానీ ఆమె మెడలో కాదంటూ ఇన్‌స్టాలో రాసుకొచ్చింది. ఇక సినిమాల విషయానికొస్తే కృతి ఇటీవల షాహిద్ కపూర్, రష్మిక మందన్నలతో కలిసి రొమాంటిక్ కామెడీ-డ్రామా కాక్‌టెయిల్ -2లో కనిపించింది. గతేడాది 'తేరే ఇష్క్ మే'లో ధనుష్ సరసన కూడా హీరోయిన్‌గా మెప్పించింది.

బాలీవుడ్‌ స్టార్‌ హీరో అక్షయ్‌ కుమార్‌ నటిస్తున్న కొత్త సినిమాకు ‘సముక్‌’ అనే టైటిల్‌ని ఖరారు చేశారు మేకర్స్‌. సర్వైవల్‌ యాక్షన్‌ థ్రిల్లర్‌గా రూపొందుతోన్న ఈ చిత్రానికి కనిష్క్‌ వర్మ దర్శకుడు. విపుల్‌ అమృత్‌లాల్‌ షా నిర్మిస్తున్న ఈ సినిమా చిత్రీకరణ సోమవారం లండన్‌లో ప్రారంభమైంది. ‘‘సముక్‌’ సినిమా చిత్రీకరణ మొదలైంది. కొత్త జానర్‌లో కొత్త సవాల్‌ను స్వీకరించాను. వివాన్‌ అహుజాగా డ్యూటీ మొదలుపెట్టాను’’ అని ‘ఎక్స్‌’లో పేర్కొంటూ వీడియోను షేర్‌ చేశారు అక్షయ్‌ కుమార్‌. కాగా, ఈ సినిమా మేజర్‌ షూటింగ్‌ లండన్ లో జరుగుతుందని, కొద్దిపాటి షూటింగ్‌ ముంబైలో జరుగుతుందని బాలీవుడ్‌ సమాచారం. అంతర్జాతీయ సంబంధాలు, సర్వైవల్‌ హారర్, గ్రహాంతరవాసులు వంటి అంశాల నేపథ్యంతో ఈ సినిమా కథనం సాగుతుందని బాలీవుడ్‌ సమాచారం. హాలీవుడ్‌ విజువల్‌ ఎఫెక్ట్స్‌ నిపుణుడు అలెక్‌ గిల్లిస్, స్టంట్‌ డైరెక్టర్‌ ల్యూక్‌ టంబర్‌ వంటి సాంకేతిక నిపుణులు ఈ సినిమాకు వర్క్‌ చేస్తున్నారు.

సౌత్‌ ఇండియన్‌ సినీ ఇండస్ట్రీలో స్టార్‌ హీరోయిన్‌గా నయనతార తనకంటూ ప్రత్యేక గుర్తింపు తెచ్చుకున్నారు. తాజాగా తన కెరీర్‌ తొలినాళ్లకు సంబంధించిన ఆసక్తికర విషయాలను పంచుకుంది. తన మొదటి జీతం గురించి వెల్లడించింది. తాజాగా నయనతారను ఆమె తొలి ఉద్యోగం గురించి అడిగారు. దీనికి స్పందించిన నయనతార.. తన మొదటి పని ఓ మ్యాగజైన్‌ కవర్‌ షూట్‌ అని గుర్తుచేసుకుంది. ఓ ఫ్యాషన్‌ కార్యక్రమం కోసం తనను పిలిచారని తెలిపింది. ఆ సమయంలో తనకు వచ్చిన పారితోషికం కేవలం రూ.2,000 నుంచి రూ.3,000 వరకు మాత్రమే అని నయనతార చెప్పింది. ఆ చిన్న మొత్తంతో ప్రారంభమైన తన కెరీర్‌.. ఆ తర్వాత దక్షిణాది చిత్ర పరిశ్రమలో అగ్ర కథానాయికగా ఎదిగే స్థాయికి చేరుకోవడం విశేషం.నయనతార చాలా కాలంగా సౌత్‌లో లేడీ సూపర్‌స్టార్‌గా కొనసాగుతున్న విషయం తెలిసిందే. మోడలింగ్ ద్వారా సినీరంగం దృష్టిని ఆకర్షించిన ఆమె 2003లో ‘మనస్సినక్కరే’ సినిమాతో నటిగా సినీ రంగంలోకి ఎంట్రీ ఇచ్చింది. మ్యాగజైన్‌లో నయనతార ఫొటోలు చూసిన దర్శకుడు సత్యన్ ఆమెకు తొలి సినిమా అవకాశం ఇచ్చాడు. ఆ తర్వాత ‘అయ్యా’, ‘చంద్రముఖి’ చిత్రాలతో తమిళంలో గుర్తింపు తెచ్చుకుంది.రజనీకాంత్‌తో చేసిన చంద్రముఖి సినిమా నయనతార కెరీర్‌ను మలుపుతిప్పింది. ఆ తర్వాత తెలుగులో కూడా ఆమె పాపులర్ అయింది. అదే టైమ్‌లో ఫిమేల్ ఓరియంటెడ్ సినిమాల వైపు ఫోకస్‌ పెట్టింది. అవి సక్సెస్‌ కావడంతో తిరుగులేని లేడీ సూపర్‌స్టార్‌గా క్రేజ్ సంపాదించుకుంది. వరుస విజయాలతో లేడీ సూపర్‌స్టార్‌గా ఎదిగిన నయనతార 2023లో షారుఖ్‌ హీరోగా నటించిన ‘జవాన్’తో బాలీవుడ్‌లోకి కూడా అడుగుపెట్టింది. నయనతార ప్రస్తుతం ఒక్కో సినిమాకు దాదాపు రూ.10 కోట్ల వరకు రెమ్యూనరేషన్ అందుకుంటున్నట్లు సమాచారం. అంటే.. కేవలం రూ.3 వేలతో మొదలైన ఆమె సినీ ప్రయాణం ప్రస్తుతం కోట్ల రూపాయల పారితోషికం అందుకునే స్థాయికి చేరింది. ఇక పాన్‌ ఇండియా స్టార్‌ హీరో యశ్‌తో ఆమె నటించిన టాక్సిక్ సినిమా విడుదలకు సిద్ధమైంది.

ఆదిపురుష్ భామ కృతిసనన్ ఊహించని విధంగా వివాదంలో చిక్కుకుంది. రక్షాబంధన్ ప్రకటనలో ధరించిన డ్రెస్‌తో పాటు కుక్కకి రాఖీ కట్టడంపై పెద్దఎత్తున విమర్శలొస్తున్నాయి. హిందూ సంప్రదాయాలను ఎందుకిలా అప్రతిష్ట పాలు చేస్తున్నారని నెటిజన్స్ మండిపడుతున్నారు. రక్షాబంధన్ వేడుకపై ప్రముఖ జ్యువెలరీ బ్రాండ్ గివా రూపొందించిన యాడ్‌ ఈ వివాదానికి కారణమైంది. దీంతో కృతిపై సోషల్ మీడియాలో విమర్శలు చేస్తున్నారు.అయితే ఈ ముద్దుగుమ్మ అవేమీ తనకు పట్టవు అన్నట్లు వ్యవహరిస్తోంది. తన ప్రకటనపై వివాదం తలెత్తినప్పటికీ జాలీగా ఎంజాయ్ చేస్తోంది. అంతలోనే తన బాయ్‌ఫ్రెండ్‌తో కలిసి ఉన్న ఫోటోలను సోషల్ మీడియాలో పోస్ట్ చేసింది. ఒకవైపు వివాదం నడుస్తుంటే.. తన ప్రియుడితో కబిర్ బహియాతో ఉన్న పిక్స్ షేర్ చేయడంతో నెటిజన్స్ మండిపడుతున్నారు. తనపై వస్తున్న విమర్శలు పట్టించుకోకుండా తన పనిలో తాను పుల్ బిజీగా ఉందంటూ కామెంట్స్ చేస్తున్నారు. హిందూ సంప్రదాయాలపై గౌరవం లేని ఇలాంటి వారిని తగిన బుద్ధి చెప్పాలంటున్నారు. View this post on Instagram A post shared by Kriti Sanon 🦋 (@kritisanon)

రక్షాబంధన్ ప్రకటనలో బాలీవుడ్ నటి కృతి సనన్ లుక్ నెటిజన్లకు తీవ్ర ఆగ్రహాన్ని తెప్పించింది. పండుగ సంప్రదాయాన్ని అపహాస్యం చేశారంటూ పలువురు అసంతృప్తి వ్యక్తం చేయగా, శునకానికి రాఖీ కట్టే సన్నివేశంపైనా నెటిజన్లు అభ్యంతరాలు వ్యక్తం చేస్తున్నారు. అక్కాచెల్లెళ్లు, అన్నాదమ్ముల అనుబంధానికి ప్రతీకగా నిలిచే రక్షాబంధన్ వేడుకపై ప్రముఖ జ్యువెలరీ బ్రాండ్ ‘గివా’ రూపొందించిన సరికొత్త ప్రకటన సామాజిక మాధ్యమాల్లో తీవ్ర చర్చనీయాంశమైంది.ఈ యాడ్‌లో కృతి సనన్ ధరించిన దుస్తులు, ప్రదర్శించిన సన్నివేశాల కాన్సెప్ట్‌పై పలువురు నెటిజన్లు అసహనం వ్యక్తం చేస్తున్నారు. అయితే భారతీయ పండుగను ఆధునిక కోణంలో చూపించే ప్రయత్నమే ఇదని మరికొందరు పేర్కొంటున్నారు. ఈ ప్రకటనలో కృతి సనన్ ఆఫ్-వైట్ రంగు బ్రాలెట్ స్టైల్ బ్లౌజ్, కేప్, డ్రేప్డ్ స్కర్ట్ ధరించి కనిపించారు. సంప్రదాయ పండుగ వేళ ఇలాంటి ఆధునిక వస్త్రధారణ ఎంపిక చేయడంపై పలువురు అభ్యంతరం వ్యక్తం చేశారు.అంతేకాకుండా, పెంపుడు శునకాన్ని కుటుంబ సభ్యుడిగా చూపిస్తూ, మొరుగుతున్న శునకానికి కృతి రాఖీ కట్టే సన్నివేశం కూడా విమర్శలకు దారితీసింది. పండుగ నేపథ్యాన్ని ఆవిష్కరించేందుకు ఇతర మార్గాలున్నాయని పలువురు విమర్శించారు. సోషల్ మీడియా వేదికగా పలువురు స్పందిస్తూ, హిందూ పండుగల సమయంలోనే ఇలాంటి ప్రయోగాలు ఎందుకు చేస్తారంటూ ఆగ్రహం వ్యక్తం చేశారు.కొందరు దీనిని కేవలం ఒక క్రియేటివ్ క్యాంపెయిన్ మాత్రమేనని అనగా, వివాదం చేయాల్సిన అవసరం లేదని మరికొందరు అభిప్రాయపడ్డారు. ఈ వివాదంపై ఇప్పటివరకు అటు కృతి సనన్ గానీ, ఇటు ప్రకటన సంస్థ గానీ ఎలాంటి స్పందన తెలియజేయలేదు. కృతి సనన్ ఇటీవల ‘కాక్‌టెయిల్ 2’ చిత్రంలో షాహిద్ కపూర్, రష్మిక మందన్నలతో కలిసి కనిపించగా, గతంలో ధనుష్‌తో ‘తేరే ఇష్క్ మే’ చిత్రంలో నటించారు.ఇది కూడా చదవండి: గణేశ్ ఆగమన యాత్రలో గుడ్లతో దాడి

ముంబై: ‘భోజ్‌పురి బవాల్’ రియాలిటీ షో వేదికగా ఆర్జేడీ నేత తేజ్ ప్రతాప్ యాదవ్ (తేజూ భయ్యా), ప్రముఖ సినీ నటి మల్లికా షెరావత్ మధ్య జరిగిన సరదా సంభాషణ ప్రస్తుతం నెట్టింట అందరినీ విశేషంగా ఆకట్టుకుంటోంది. ఈ కార్యక్రమానికి అతిథిగా విచ్చేసిన మల్లికా షెరావత్‌తో తేజ్ ప్రతాప్ సరదాగా సంభాషిస్తూ ఆమె హస్తసాముద్రికం చూసి భవిష్యత్తు చెప్పారు. షో ప్రోమోలో తేజ్ ప్రతాప్ యాదవ్ మల్లిక చేతిని చూస్తూ.. ‘మీ భవిష్యత్తు చాలా ఉజ్వలంగా ఉంది. కానీ ఇతరుల వల్ల మీరు ఎక్కువగా బాధపడతారు’ అని పేర్కొనగా, ఆమె దానికి ఏకీభవించారు. Teju bhaiyya can do it all!#BhojpuriBawaal streaming everyday on #JioHotstar at 9pm and on #ColorsTV at 10:30pm.#BhojpuriBawaalOnJioHotstar pic.twitter.com/x2wT5DlFXr— JioHotstar Reality (@HotstarReality) August 23, 2026అనంతరం రాశి వివరాలు అడగ్గా మల్లిక ‘తులా రాశి’ అని సమాధానమిచ్చారు. వెంటనే తేజ్ ప్రతాప్ తనది కూడా అదే రాశి అని తెలపడంతో ఇద్దరూ నవ్వులు చిందించారు. ఆపై తన రాశి ప్రకారం ఏ రత్నం ధరించాలని మల్లిక అడగ్గా, తాను ధరించిన పుష్యరాగాన్ని చూపిస్తూ.. ‘ఇది మీ సూర్య బలాన్ని మరింత తేజోవంతం చేస్తుంది’ అని చెప్పారు. దీనికి మల్లిక స్పందిస్తూ.. ‘ఇంకా ఎంత తేజ్ (తేజస్సు) కావాలి తేజ్ గారు?’ అంటూ చమత్కరించడంతో తేజూ భయ్యా గట్టిగా నవ్వేశారు. ఈ వీడియో ప్రస్తుతం సామాజిక మాధ్యమాల్లో చక్కర్లు కొడుతోంది. మల్లికా షెరావత్ ప్రస్తుతం ‘ట్రైటర్స్ 2’ రియాలిటీ షోలో కూడా పాల్గొంటున్నారు. ‘భోజ్‌పురి బవాల్’ షో కలర్స్ ఛానల్‌తో పాటు జియో హాట్‌స్టార్ ఓటీటీ వేదికపై ప్రసారమవుతోంది.ఇది కూడా చదవండి: కటకటాల్లో ‘ఆ పాత మధురాలు’.. భావోద్వేగంలో ఖైదీలు!

మనసులో మాటను నిర్మొహమాటంగా చెప్పే హీరోయిన్లలో కంగనా రనౌత్, తాప్సీ పన్ను ముందు వరుసలో ఉంటారు. సినిమాల ఎంపిక దగ్గరి నుంచి వ్యక్తిగత అభిప్రాయాల వరకు ఏ విషయంలోనైనా ఓపెన్‌గా మాట్లాడే ఈ ఇద్దరి మధ్య గతంలో పలుమార్లు మాటల యుద్ధం జరిగిన విషయం తెలిసిందే. ఇప్పుడు ఆ పాత వివాదం మరోసారి తెరపైకి వచ్చింది. ఇటీవల తాప్సీ చేసిన వ్యాఖ్యలకు కంగనా ఘాటుగా స్పందించడంతో వీరి మధ్య వార్ మళ్లీ హాట్ టాపిక్‌గా మారింది.ఇటీవల ఓ ఇంటర్వ్యూలో పాల్గొన్న తాప్సీ.. కంగనాతో తనకున్న విభేదాలపై మాట్లాడారు. వివాదం మొదలైనప్పటి నుంచి ఇప్పటివరకు తాను కంగనాను వ్యక్తిగతంగా కలవలేదని చెప్పారు. కంగనాపై తన అభిప్రాయం తన పెంపకం, మాట్లాడే విధానం, ఆలోచనా తీరును ప్రతిబింబిస్తుందని వ్యాఖ్యానించారు. అదే సమయంలో కంగనా ఎలా స్పందిస్తారనేది ఆమె పెరిగిన వాతావరణం, ఆమె విధానానికి సంబంధించిన విషయమని తాప్సీ పేర్కొన్నారు.తాప్సీ వ్యాఖ్యలు సోషల్ మీడియాలో వైరల్ కావడంతో కంగనా రనౌత్ స్పందించారు. తన ఇన్‌స్టాగ్రామ్ స్టోరీస్‌లో తాప్సీపై తీవ్రస్థాయిలో విమర్శలు చేశారు. తన సినిమా ప్రమోషన్ల కోసం, మీడియా హెడ్‌లైన్స్‌లో నిలిచేందుకు తాప్సీ తన పేరును ఉపయోగించుకుంటున్నారని ఆరోపించారు. అంతేకాదు.. ఈసారి తాప్సీ తన పెంపకం, తల్లిదండ్రుల గురించి ప్రస్తావించడంతో కంగనా కూడా వ్యక్తిగత వ్యాఖ్యలు చేశారు.తాప్సీని ఉద్దేశించి కంగనా ‘చౌకబారు కాపీ’ అంటూ ఘాటు వ్యాఖ్యలు చేశారు. తన తల్లిదండ్రుల గురించి మాట్లాడటం ద్వారా తాప్సీ హద్దులు దాటారని పేర్కొంటూ.. తాను మాత్రం ఎలాంటి వాదనలోనూ ఎదుటివారి తల్లిదండ్రుల గురించి మాట్లాడనని అన్నారు. అనంతరం తాప్సీ తల్లిదండ్రులను ఉద్దేశించి కూడా తీవ్ర వ్యాఖ్యలు చేయడం వివాదానికి మరింత ఆజ్యం పోసింది.అయితే కంగనా–తాప్సీ మధ్య ఈ వివాదం ఇప్పటిది కాదు. 2019లో ‘జడ్జిమెంటల్ హై క్యా’ సినిమా సమయంలో కంగనా సోదరి రంగోలి చందేల్.. తాప్సీని ఉద్దేశించి ‘సస్తీ కాపీ’ (చౌకబారు కాపీ) అనే పదాన్ని ఉపయోగించడంతో తొలిసారి వీరి మధ్య వివాదం వెలుగులోకి వచ్చింది. ఆ తర్వాత 2020లో బాలీవుడ్‌లో నెపోటిజంపై పెద్ద ఎత్తున చర్చ జరుగుతున్న సమయంలో కంగనా.. తాప్సీతో పాటు స్వరా భాస్కర్‌ను ‘బి-గ్రేడ్ నటీమణులు’గా అభివర్ణించడం కూడా అప్పట్లో తీవ్ర చర్చనీయాంశమైంది.ఆ తర్వాత కూడా ఇద్దరూ ఒకరిపై ఒకరు ప్రత్యక్షంగా, పరోక్షంగా వ్యాఖ్యలు చేసుకున్న సందర్భాలు ఉన్నాయి. తాజాగా తాప్సీ చేసిన వ్యాఖ్యలతో పాత వివాదం మరోసారి తెరపైకి రావడం, దానికి కంగనా మరింత ఘాటైన పదజాలంతో స్పందించడం బాలీవుడ్ వర్గాల్లో చర్చకు దారితీసింది.ప్రస్తుతం తాప్సీ నటించిన ప్రతీకార నేపథ్య డ్రామా ‘గాంధారి’ విడుదలకు సిద్ధమవుతోంది. ఈ చిత్రం సెప్టెంబర్ 3న నెట్‌ఫ్లిక్స్‌లో స్ట్రీమింగ్ కానుంది. సినిమా ప్రమోషన్ల సమయంలో తాప్సీ చేసిన వ్యాఖ్యలు, వాటికి కంగనా ఇచ్చిన కౌంటర్‌తో మరోసారి ఈ ఇద్దరు నటీమణుల మధ్య వివాదం వార్తల్లో నిలిచింది. మరి ఈ మాటల యుద్ధం ఇక్కడితో ఆగుతుందా? లేక మరోసారి ఇద్దరి నుంచి కౌంటర్లు వస్తాయా? అనేది ఇప్పుడు ఆసక్తికరంగా మారింది.

పాన్ ఇండియా రాకింగ్‌ స్టార్‌ యశ్‌ నటించిన ‘టాక్సిక్’ సినిమాపై రోజురోజుకూ అంచనాలు పెరుగుతున్నాయి. తాజాగా ఈ సినిమా ఏకంగా రూ.2,000 కోట్ల గ్రాస్ వసూళ్లు సాధిస్తుందని మ్యూజిక్ డైరెక్టర్ ప్రకటించగా, నిర్మాత దిల్ రాజు కూడా ఇదే మాటను రిపీట్ చేయడం హాట్ టాపిక్‌గా మారింది. ఈ చిత్రం నిజంగా రూ.2,000 కోట్లు సాధించాలంటే ‘పుష్ప 2’, ‘ధురంధర్ 2’ వంటి భారీ పాన్ ఇండియా హిట్ చిత్రాలను మించి సినిమా ఆడాల్సి ఉంటుంది. అయితే ‘టాక్సిక్’పై ఉన్న క్రేజ్ కేవలం సోషల్ మీడియా హైప్ మాత్రమే కాదని అడ్వాన్స్ బుకింగ్స్ ట్రెండ్ స్పష్టం చేస్తోంది. ముఖ్యంగా నార్త్ బెల్ట్‌లో యశ్‌కు ఉన్న క్రేజ్ ఈ సినిమాకు భారీ ప్లస్‌గా మారుతోంది.అయితే ఈ రూ.2,000 కోట్ల స్టేట్‌మెంట్‌తో టాక్సిక్ సినిమాపై అంచనాలు మరింత పెరిగాయి. మరోవైపు హీరో యశ్ మాత్రం ఇలాంటి అతిశయోక్తి వ్యాఖ్యలకు దూరంగా ఉన్నాడు. అయితే ‘టాక్సిక్’తో తన టార్గెట్ ఏంటో మాత్రమే స్పష్టంగా చెబుతున్నాడు. ఇక ఈ భారీ అంచనాలను ‘టాక్సిక్’ నిజం చేస్తుందా? లేక రూ.2,000 కోట్లు కేవలం ప్రచార మాటగానే మిగిలిపోతుందా? అన్నది ఈ చిత్రం బాక్సాఫీస్ రిజల్ట్‌తోనే తేలనుంది.

బాలీవుడ్ ఫేమస్ జంటల్లో కరీనా కపూర్- సైఫ్ అలీ ఖాన్ ఒకరు. వీరిద్దరి ప్రేమ పెళ్లి చేసుకుని ప్రస్తుతం లైఫ్‌లో బిజీగా ఉన్నారు. వీరిద్దరికీ ఇప్పటికే ఇద్దరు పిల్లలు కూడా ఉన్నారు. తమ కెరీర్‌లో బిజీగా ఉన్న ఈ జంట ‍అప్పుడప్పుడు వార్తల్లో నిలుస్తూ ఉంటోంది. తాజాగా మరోసారి కరీనా కపూర్‌ హాట్‌ టాపిక్‌గా మారింది. ఆమె త్వరలోనే మూడో బిడ్డకు జన్మనివ్వనుందని సోషల్ మీడియాలో చర్చ నడుస్తోంది.ప్రస్తుతం 45 ఏళ్ల వయసులో ఉన్న బాలీవుడ్ భామ జిమ్ వీడియో ఇటీవలే నెట్టింట వైరలైంది. ఈ వీడియోలో ఆమెకు బేబీ బంప్‌తో ఉన్నట్లు కనిపించడంతో రూమర్స్ మొదలయ్యాయి. ఆమె మరోసారి గర్భం దాల్చిందంటూ బాలీవుడ్‌లో టాక్ వినిపిస్తోంది. అయితే ఈ రూమర్స్‌పై కరీనా కపూర్ ఆడపడచు సబా పటౌడీ స్పందించారు. ఆమె గర్భవతి అన్న ఊహాగానాలను నవ్వుతూ కొట్టిపారేశారు. కొంతమంది సోషల్ మీడియా యూజర్లు ప్రెగ్నెన్సీతో కనిపిస్తోందని పేర్కొన్నారు, కానీ అలాంటిదేం లేదని సబా స్పష్టం చేశారు.(ఇది చదవండి: స్పిరిట్ వివాదం.. దీపికా పదుకొణె స్ట్రాంగ్ రియాక్షన్‌)తాజాగా తనపై వస్తున్న ప్రెగ్నెన్సీ రూమర్లపై కరీనా కపూర్ సైతం స్పందించింది. ఈ మేరకు తన ఇన్‌స్టాగ్రామ్ స్టోరీలో పోస్ట్ చేసింది. కడుపు ఉబ్బినట్లుగా ఉన్న ఓ ఫోటోను పంచుకుంది. నవ్వుతున్న ఎమోజీలతో పాటు పిజ్జా ఎమోజీలు పోస్ట్ చేసింది. అంటే ఇది కేవలం ఫుడ్‌ ఎక్కువగా తినడం వల్లే వచ్చిన బేబీ బంప్ అంటూ పరోక్షంగా క్లారిటీ ఇచ్చేసింది.

చిరంజీవి.. ఈ పేరు వింటేనే ఓ మాస్‌ ఇమేజ్‌ కళ్లముందు కదులుతుంది. తెరపై ఆయన వేసే ఒక్క స్టెప్‌కు థియేటర్‌ ఊగిపోతుంది. ఆయన చెప్పే ఒక్క డైలాగ్‌కు అభిమానులు పండగ చేసుకుంటారు. నాలుగు దశాబ్దాలకు పైగా సాగుతున్న సినీ ప్రస్థానంలో ఎన్నో రికార్డులు, అవార్డులు, అరుదైన ఘనతలు ఆయన ఖాతాలో చేరాయి. నటుడిగా మొదలైన ప్రయాణం మెగాస్టార్‌గా మారింది. తెరపై స్టార్‌డమ్‌తో పాటు సేవా కార్యక్రమాలతోనూ ప్రత్యేక గుర్తింపు తెచ్చుకున్నారు. ఆగస్టు 22న చిరంజీవి పుట్టినరోజు సందర్భంగా ఆయన జీవిత ప్రయాణంపై ఓ ప్రత్యేక కథనం.పోలీసు కుటుంబంలో పుట్టి..చిరంజీవి అసలు పేరు కొణిదెల శివశంకర వరప్రసాద్‌. 1955 ఆగస్టు 22న పశ్చిమ గోదావరి జిల్లా మొగల్తూరులో కొణిదెల వెంకట్రావు, అంజనాదేవి దంపతులకు జన్మించారు. పవన్‌ కల్యాణ్‌, నాగబాబు అన్నదమ్ములు. తండ్రి వెంకట్రావు పోలీసు శాఖలో పనిచేసేవారు. ఉద్యోగరీత్యా కుటుంబం పలు ప్రాంతాల్లో నివసించడంతో చిరంజీవి విద్యాభ్యాసం కూడా వివిధ ప్రాంతాల్లో సాగింది. చిన్నతనం నుంచే నటనపై ఆసక్తి పెంచుకున్న చిరంజీవి.. కాలేజీ రోజుల్లో నాటకాల్లో నటించేవారు. నటుడిగా మారాలన్న లక్ష్యంతో మద్రాస్ ఫిల్మ్ ఇన్‌స్టిట్యూట్‌లో 1976లో శిక్షణ పొందారు. అక్కడే తన నటనా ప్రతిభకు మరింత పదును పెట్టుకున్నారు.‘పునాదిరాళ్లు’తో తొలి అడుగు..సినిమా రంగంలో చిరంజీవి తొలి అడుగు ‘పునాదిరాళ్లు’తో పడింది. అయితే ఈ సినిమా కంటే ముందే ఆయన నటించిన ‘ప్రాణం ఖరీదు’ ప్రేక్షకుల ముందుకు వచ్చింది. 1978లో విడుదలైన ఈ సినిమాతో చిరంజీవి సినీ ప్రస్థానం ప్రారంభమైంది. తొలి రోజుల్లో విలన్‌, క్యారెక్టర్‌ తరహా పాత్రలు చేసేవారు. వచ్చిన ప్రతి అవకాశాన్ని సద్వినియోగం చేసుకుంటూ తనకంటూ ప్రత్యేక గుర్తింపు తెచ్చుకున్నారు.హీరోగా గుర్తింపు..1982లో వచ్చిన ‘ఇంట్లో రామయ్య వీధిలో కృష్ణయ్య’ చిరంజీవి కెరీర్‌లో కీలక మలుపుగా నిలిచింది. ఈ సినిమాతో ఆయన పూర్తి స్థాయి హీరోగా ప్రేక్షకుల్లో బలమైన గుర్తింపు సంపాదించారు. అదే ఏడాది వచ్చిన ‘శుభలేఖ’ ఆయనలోని నటుడికి మరో కోణాన్ని చూపించింది.అయితే 1983లో వచ్చిన ‘ఖైదీ’ చిరంజీవి కెరీర్‌ను పూర్తిగా మార్చేసింది. ఈ సినిమా ఘన విజయం సాధించడంతో ఆయన మాస్‌ ఇమేజ్‌ ఒక్కసారిగా పెరిగిపోయింది. ఆ తర్వాత వరుస విజయాలతో అగ్ర కథానాయకుడిగా ఎదిగి ‘మెగాస్టార్‌’గా అభిమానుల గుండెల్లో స్థానం సంపాదించుకున్నారు.జాతీయ స్థాయిలో గుర్తింపు..చిరంజీవి తన నటనకు ఎన్నో ప్రతిష్ఠాత్మక పురస్కారాలు అందుకున్నారు. పద్మభూషణ్, పద్మవిభూషణ్ వంటి దేశ అత్యున్నత పౌర పురస్కారాలతో పాటు ఆంధ్రప్రదేశ్‌ ప్రభుత్వం నుంచి పలు నంది అవార్డులు అందుకున్నారు. భారతీయ సినిమా రంగానికి చేసిన సేవలకు గుర్తింపుగా ఇండియన్ ఫిల్మ్ పర్సనాలిటీ ఆఫ్ ది ఇయర్ అవార్డు కూడా అందుకున్నారు.రాజకీయాల్లోకి ఎంట్రీసినిమాల్లో అగ్రస్థానంలో ఉన్న సమయంలో చిరంజీవి రాజకీయాల్లోకి అడుగుపెట్టారు. 2008లో ప్రజారాజ్యం పార్టీని స్థాపించారు. ప్రజా సమస్యలపై తనదైన ఆలోచనలతో రాజకీయ ప్రస్థానం ప్రారంభించారు. అనంతరం ప్రజారాజ్యం పార్టీని కాంగ్రెస్‌లో విలీనం చేశారు. కేంద్ర మంత్రిగా కూడా బాధ్యతలు నిర్వహించారు.మళ్లీ వెండితెరపైకి..రాజకీయ ప్రస్థానం తర్వాత కొంతకాలం సినిమాలకు దూరంగా ఉన్న చిరంజీవి.. ‘ఖైదీ నంబర్ 150’ తో ఘనంగా రీఎంట్రీ ఇచ్చారు. ఆ సినిమా బాక్సాఫీస్‌ వద్ద మంచి విజయాన్ని అందుకుంది. ఆ తర్వాత ‘సైరా నరసింహారెడ్డి’, ‘ఆచార్య’, ‘గాడ్‌ఫాదర్‌’, ‘వాల్తేరు వీరయ్య’, ‘భోళా శంకర్‌’, ‘విశ్వంభర’ వంటి చిత్రాలతో ప్రేక్షకులను అలరించి ప్రస్తుతం యువ హీరోలతో పోటీ పడుతున్నారు.చిరంజీవి ఛారిటబుల్ ట్రస్ట్‌..చిరంజీవి పేరు చెప్పగానే గుర్తొచ్చే మరో ముఖ్యమైన అంశం ఆయన సేవా కార్యక్రమాలు. 1998లో చిరంజీవి ఛారిటబుల్ ట్రస్ట్‌ను ఏర్పాటు చేసి రక్తదానం, నేత్రదానం వంటి కార్యక్రమాలను ప్రోత్సహించారు. చిరంజీవి బ్లడ్ బ్యాంక్‌ ద్వారా అవసరమైన వారికి రక్తాన్ని అందించడంతో పాటు.. నేత్రదానంపై అవగాహన కల్పించారు. 2006లో అప్పటి రాష్ట్రపతి డాక్టర్‌ ఏపీజే అబ్దుల్‌ కలాం కూడా ఈ ట్రస్ట్‌ను సందర్శించారు.కరోనా సమయంలోనూ చిరంజీవి తన వంతు సాయం చేశారు. సినీ కార్మికులకు నిత్యావసర సరుకులు, ఆర్థిక సహాయం అందించడంతో పాటు కరోనా క్రైసిస్ ఛారిటీ (CCC) ద్వారా సినీ కార్మికులకు అండగా నిలిచారు.

ధురంధర్, భగవంత్ కేసరి సినిమాలతో దక్షిణాది ప్రేక్షకులకు పరిచయమైన హిందీ నటుడు అర్జున్ రాంపాల్ మళ్లీ పెళ్లి చేసుకున్నాడు. గత ఎనిమిదేళ్లుగా దక్షిణాఫ్రికా మోడల్, ఫ్యాషన్ డిజైనర్ గాబ్రియెల్లా డెమెట్రియాడెస్‌తో సహజీవనం చేస్తున్నారు. వీళ్లకు ఇద్దరు కొడుకులు కూడా ఉన్నారు. ఈ శుక్రవారం గోవాలోని బార్డెజ్ సబ్‌-రిజిస్ట్రార్ కార్యాలయంలో తమ వివాహాన్ని అర్జున్ అధికారికంగా నమోదు చేశాడు.మధ్యప్రదేశ్‌కి చెందిన అర్జున్ రాంపాల్.. 2001 నుంచి సినిమాలు చేస్తున్నాడు. దాదాపుగా హిందీలోనే నటించాడు. బాలకృష్ణ 'భగవంత్ కేసరి'తో తెలుగులోకి ఎంట్రీ ఇచ్చాడు. రీసెంట్ టైంలో అయితే 'ధురంధర్' రెండు భాగాల్లో విలన్‌గా నటించి మెప్పించాడు.ఇక పెళ్లి విషయానికొస్తే.. 1998లో మోడల్‌, వ్యాపారవేత్త మెహర్ జెసియాని వివాహం చేసుకున్నాడు. వీళ్లకు ఇద్దరు కూతుళ్లు కూడా పుట్టారు. కానీ 2019లో పరస్పర అంగీకారంతో విడాకులు తీసుకున్నారు. ఇది జరగడానికి ఏడాది ముందు నుంచి మోడల్ గాబ్రియెల్లాతో డేటింగ్ మొదలుపెట్టాడు. గత ఎనిమిదేళ్లగా సహజీవనం చేస్తున్న వీళ్లు కొన్నాళ్ల క్రితం అధికారికంగా నిశ్చితార్థం చేసుకున్నారు. ఇప్పుడు 53 ఏళ్ల వయసులో అర్జున్ రాంపాల్ తమ పెళ్లిని రిజిస్టర్ చేయించాడు. దీంతో అధికారికంగా భార్యభర్తలయ్యారు.

బాలీవుడ్‌ నటుడు గోవింద, ఆయన భార్య సునీత అహుజా మధ్య వివాహ వివాదం మరో మలుపు తిరిగింది. 2024లో దాఖలు చేసిన విడాకుల పిటిషన్‌ను ఇటీవలే సునీత వెనక్కి తీసుకున్న సంగతి తెలిసిందే. అయితే తన సహనటి కోమల్‌ రాణి స్వర్ణకర్‌ను రహస్యంగా వివాహం చేసుకోబోతున్నారంటూ ఓ వార్త బాంబ్‌లా పేలింది. ఈ బాంబ్‌ పేల్చింది ఎవరో కాదు.. గోవింద సతీమణి సునీతనే!.ముంబైలో నటి రాఖీ సావంత్‌ మీడియాతో మాట్లాడుతున్న గోవిందా భార్య సునీతతో ఫోన్‌ కలిపారు. ఈ సంభాషణలో తనపై సోషల్‌ మీడియాలో వస్తున్న విమర్శల గురించి సునీత ప్రస్తావించారు. ఇదే సమయంలో గోవింద, కోమల్‌ రాణి పెళ్లి చేసుకునేందుకు ప్రణాళికలు వేసుకున్నారని ఆమె చెప్పారు. “నేను నిన్నే విడాకుల కేసును వెనక్కి తీసుకున్నాను. అయితే వాళ్లిద్దరూ పెళ్లి చేసుకునే ప్లాన్‌లో ఉన్నారు” అని సునీత వ్యాఖ్యానించించారు. అదే సమయంలో కోమల్‌ రాణిని సునీత ‘చికెన్‌ టిక్కా’ అంటూ సంబోధించడం కూడా చర్చనీయాంశంగా మారింది.సునీతకు రాఖీ సలహాఈ సందర్భంగా రాఖీ సావంత్‌ సునీతకు మద్దతుగా మాట్లాడారు. గోవిందకు సంబంధించినట్లు చెబుతున్న రూ.200 కోట్ల ఆస్తిపై దృష్టి పెట్టాలని, ఇతర విషయాలను పక్కన పెట్టి ఆస్తులను తన పేరుపై భద్రపరుచుకోవాలని సూచించారు. ఈ వ్యాఖ్యలకు సునీత స్పందించగా.. విడాకుల పిటిషన్‌ను వెనక్కి తీసుకున్న నేపథ్యంలో గోవింద, కోమల్‌ పెళ్లి చేసుకునే ప్రయత్నంలో ఉన్నారని బాంబ్‌ పేల్చారు.కింగ్‌ ఆఫ్‌ కామెడీగా..బాలీవుడ్‌ నటుడు గోవిందా 90వ దశకంలో తన అద్భుతమైన కామెడీ టైమింగ్‌, ప్రత్యేకమైన డ్యాన్స్‌ స్టైల్‌తో దేశవ్యాప్తంగా అభిమానులను సంపాదించుకున్నారు. ‘కూలీ నంబర్‌ 1’, ‘హీరో నంబర్‌ 1’, ‘రాజా బాబు’, ‘దుల్హే రాజా’ వంటి హిందీ చిత్రాల రీమేక్‌ వెర్షన్ల ద్వారా తెలుగు ప్రేక్షకులకు ఆయన సుపరిచితుడు. 1963 డిసెంబర్‌ 21న జన్మించిన ఆయన అసలు పేరు గోవింద్‌ అరుణ్‌ అహూజా. ప్రస్తుతం ఆయన వయసు 62 ఏళ్లు. గోవిందా, సునీతా అహూజాలను 1987 మార్చి 11న వివాహం చేసుకున్నారు. ఈ దంపతులకు ఇద్దరు పిల్లలు.. కుమార్తె టీనా అహూజా, కుమారుడు యశ్‌వర్ధన్‌ అహూజా. 90లలో ‘కింగ్‌ ఆఫ్‌ కామెడీ’గా గుర్తింపు పొందిన గోవిందా.. ఇప్పటికీ బాలీవుడ్‌లో ప్రముఖ నటుడిగానే కొనసాగుతున్నారు.ఎయిర్‌పోర్టులో కనిపించిన తర్వాతే..గోవింద, కోమల్‌ రాణి మధ్య సంబంధంపై ఇటీవలే ఊహాగానాలు మొదలయ్యాయి. ఇద్దరూ కలిసి ఎయిర్‌పోర్టులో కనిపించిన ఫొటోలు బయటకు రావడంతో ఈ ప్రచారం మరింత పెరిగింది. ఆ తర్వాత సునీత.. గోవింద, కోమల్‌ మధ్య సంబంధంపై బహిరంగంగా ఆరోపణలు చేశారు. కూతురి వయసున్న అమ్మాయితో ఎఫైర్‌ నడుపుతున్నాడని.. కోమల్‌ను గోవిందకు ‘షుగర్‌ డాడీ’ అంటూ వ్యాఖ్యానించడం చర్చనీయాంశమైంది.కోమల్‌ రాణి స్వర్ణకర్‌ ఎవరంటే.. ఉత్తరప్రదేశ్‌కు చెందిన కోమల్‌ వ్యక్తిగత జీవితం, కుటుంబ నేపథ్యానికి సంబంధించిన వివరాలు పెద్దగా బయటకు రాలేదు. అయితే ఆమె బాలీవుడ్‌లో ఇప్పుడిప్పుడే గుర్తింపు తెచ్చుకుంటున్న నటి. గోవిందా నటిస్తున్న రూపా చిత్రంలో ఆమె హీరోయిన్‌. అలాగే ఆయన నటిస్తున్న మరో ప్రాజెక్టు దునియాదారిలోనూ నటించబోతున్నట్లు సమాచారం. ఇటీవల గోవిందాతో కలిసి ముంబై ఎయిర్‌పోర్ట్‌లో కనిపించడంతో వీరిద్దరి మధ్య సంబంధంపై ఊహాగానాలు మొదలయ్యాయి. అయితే గోవిందా గానీ, కోమల్‌ గానీ తమ మధ్య ప్రేమ సంబంధం ఉందని అధికారికంగా ధృవీకరించలేదు.సునీతకు గోవింద కౌంటర్‌మరోవైపు సునీత చేస్తున్న బహిరంగ వ్యాఖ్యలపై గోవింద కూడా స్పందించారు. సునీత తనను ఉద్దేశించి అసభ్య పదజాలం ఉపయోగించడాన్ని ఆపాలని ఆయన కోరారు. యువత ఆమెను ఆదర్శంగా చూస్తుందని, అందువల్ల బహిరంగంగా మాట్లాడేటప్పుడు సంయమనం పాటించాలని సూచించారు. తల్లులు, అక్కాచెల్లెళ్ల పేర్లను అసభ్యంగా ఉపయోగించడం సరికాదని.. ఆమె నుంచి అలాంటి ప్రవర్తనను తాను ఆశించలేదని గోవింద వ్యాఖ్యానించారు.మొన్నే విడాకుల పిటిషన్‌ వెనక్కిగోవింద, సునీత దంపతుల వివాహ బంధంపై కొంతకాలంగా వివిధ రకాల వార్తలు వస్తున్నాయి. సునీత 2024లో విడాకుల కోసం పిటిషన్‌ దాఖలు చేశారు. అయితే మొన్నీమధ్యే ఆగస్టు 19న దాన్ని వెనక్కి తీసుకున్నారు. దీంతో వీరిద్దరి మధ్య వివాహ బంధం కొనసాగుతుందనే సంకేతాలు కనిపించాయి.కానీ పిటిషన్‌ ఉపసంహరణ జరిగిన వెంటనే సునీత చేసిన తాజా వ్యాఖ్యలు మరోసారి గోవింద వ్యక్తిగత జీవితంపై చర్చకు దారితీశాయి. మరోవైపు నటి పూనమ్‌ పాండే, సోమీ అలీ కూడా ఈ వివాదంలో గోవిందకు మద్దతుగా మాట్లాడారు. ప్రస్తుతం గోవింద–సునీత మధ్యలో కోమల్‌ రాణి పేరు తెరపైకి రావడంతో బాలీవుడ్‌లో ఈ వ్యవహారం మరింత ఆసక్తికరంగా మారింది.

రెబల్‌స్టార్‌ ప్రభాస్ హీరోగా, సందీప్ రెడ్డి వంగా తెరకెక్కిస్తున్న 'స్పిరిట్' సినిమా నుంచి దీపిక పదుకోన్ తప్పుకోవడం అప్పట్లో పెద్ద చర్చగా మారింది. పని గంటల విషయం కారణంగానే ఆమె ప్రాజెక్ట్ నుంచి తప్పుకున్నారనే ప్రచారం కూడా జరిగింది. అయితే తాజాగా అసలు కారణం మరొకటంటూ ఆ చిత్ర నిర్మాత, దర్శకుడు సందీప్ రెడ్డి వంగా సోదరుడు ప్రణయ్ రెడ్డి చేసిన వ్యాఖ్యలు ఇప్పుడు హాట్ టాపిక్‌గా మారాయి.దీపిక రెమ్యూనరేషన్‌తో పాటు సినిమా నెట్ ప్రాఫిట్‌లో 10 శాతం వాటా కోరినట్లు ప్రణయ్ రెడ్డి వెల్లడించారు. ఈ డీల్ వర్కవుట్ కాదని భావించిన 'స్పిరిట్' చిత్రబృందం మరో హీరోయిన్ కోసం చూడాలని నిర్ణయించిందట. అదే సమయంలో కథ, పాత్రలకు సంబంధించిన వివరాలు కూడా ఆమె పీఆర్ టీమ్ ద్వారా మీడియాలోకి లీక్ కావడంపై సందీప్ తీవ్రంగా అసంతృప్తికి గురయ్యాడు. దీంతో దీపికను ప్రాజెక్ట్ నుంచి తప్పించారని ప్రణయ్ పేర్కొన్నారు.ఇక స్పిరిట్‌లో సౌత్ కొరియా స్టార్‌ హీరో డాన్ లీ నటిస్తున్నారన్న వార్తలకు కూడా చెక్ పడినట్లు తెలుస్తోంది. నిజానికి ఫ్యాన్స్ హంగామా చూసి ఒక దశలో డాన్ లీ కోసం కాస్త గట్టిగానే ఆలోచించాడట. అయితే హైదరాబాద్ నేపథ్యంలో సాగే కథలో ఆయన పాత్ర సెట్ కాకపోవడంతో ఆ ఆలోచనను సందీప్ రెడ్డి విరమించుకున్నారట. అలాగే చిరంజీవి స్పిరిట్‌లో నటిస్తున్నారన్న ప్రచారం కూడా కేవలం పుకారేనని ప్రణయ్ రెడ్డి స్పష్టం చేశారు. ప్రకాశ్ రాజ్ మాత్రం ప్రాజెక్ట్ నుంచి తప్పుకున్నారని తెలుస్తోంది. వాయిస్ టీజర్‌లో ఆయన స్వరం వినిపించినా సినిమాలో కనిపించరట.

సాక్షి, ముంబై: మహారాష్ట్ర ఫుడ్ అండ్ డ్రగ్ అడ్మినిస్ట్రేషన్ (FDA) కమిషనర్ తుకారాం ముండే (FDA Commissioner Tukaram) రాష్ట్రంలో ఆహార భద్రత, నాణ్యతా ప్రమాణాలు మరియు మందుల నియంత్రణపై భారీ చర్యలు చేపడుతున్నారు. రెస్టారెంట్లు హోటళ్లు, ప్రముఖ ఫార్మా కంపెనీలపై ఆకస్మిక తనిఖీలు నిర్వహించి, పెద్ద ఎత్తున లైసెన్సులు సస్పెండ్ చేయడం , అమ్మకాలను నిలిపివేయడం, నోటీసులు జారీ లాంటి చర్యలు చేపట్టారు. ఈ నేపథ్యంలో పలువురు సెలబ్రిటీలు తుకారం ముండే చర్యలపై ప్రశంసలు కురిపించారు.మరోవైపు ముండే వ్యవహారశైలిపై బాంబై హైకోర్టు తీవ్ర ఆగ్రహం వ్యక్తం చేసింది. ముందస్తు నోటీసులివ్వకుండా తనిఖీల పేరుతో ఎఫ్‌డీఏ చేపడుతున్న దూకుడు చర్యలపై కోర్టు అభ్యంతరం వ్యక్తం చేస్తూ కీలక వ్యాఖ్యలు చేసిన తరుణంగా తాజాగా తుకారాం ముండేకి ట్యాగా చేస్తూ నటి శ్వేతా తివారీ Shweta Tiwari) చేసిన విజ్ఞప్తి ఆసక్తికరంగా మారింది. ఇదీ చదవండి: రూ. 5వేలతో ముంబైకి, పూటగడవని స్థితి..ఇపుడు సూపర్‌ స్టార్‌డమ్‌అసలు ఏమైంది? శ్వేతా తివారీ ఒక క్విక్-కామర్స్ యాప్ ద్వారా ఇన్‌స్టామార్ట్‌ ద్వారా ఆర్డర్ చేసిన సరుకులతో పాటు ఇంట్లోకి బొద్దింక వచ్చిందని ఆరోపించిది. ఈ యాప్ ద్వారా కూల్ డ్రింక్స్ ఆర్డర్ చేసిన తర్వాత ఈ ఘటన జరిగినట్లు శ్వేతా తివారీ తన ఇన్‌స్టాగ్రామ్ స్టోరీస్‌లో ఒక వీడియోను పంచుకున్నారు. దీనికి మహారాష్ట్ర ఎఫ్‌డీఏ మిషనర్ తుకారాం ముండేను ట్యాగ్‌ చేశారు. ఆ వీడియోలో తన ఇంట్లో తిరుగుతున్న బొద్దింకను చూపిస్తూ, ఆహార భద్రతా నిబంధనలపై చర్యలు తీసుకుంటున్న ముండేను ఈ విషయంపై దృష్టి సారించాలని కోరారు.కాగా ఆహార భద్రతా నిబంధనలను ఉల్లంఘిస్తున్న రెస్టారెంట్లు, క్యాంటీన్లపై కఠిన చర్యలు తీసుకుంటూ ముండే ఇటీవల సోషల్ మీడియాలో "అసలి సింగం"గా ప్రశంసలు అందుకుంటున్నారు. సదరు ఆర్డర్ లేదా డెలివరీ ప్లాట్‌ఫామ్‌కు సంబంధించిన పూర్తి వివరాలను నటి ఇంకా వెల్లడించలేదు. అలాగే ఈ ఫిర్యాదుపై అధికారులు ఎలాంటి చర్యలు తీసుకున్నారో ఇంకా స్పష్టత రాలేదు. ఇదీ చదవండి: 14 ఏళ్ల ఐటీ జాబ్‌ వదిలి వ్యాపారం : ఇపుడు కోట్లలో ఆదాయం

కోడలు కొత్త ఇంట్లోకి అడుగుపెట్టగానే ఆ ఇల్లంతా ఆనందంతో నిండిపోతుంది. అప్పటివరకూ అస్తవ్యస్తంగా ఉన్న ఆ ఇంటి వాతావరణం ప్రశాంతంగా మారిపోతుంది. అయితే ఆ అమ్మాయి ప్రవర్తన చూసి, ఆమె ఓ మంత్రగత్తె అని ఆమె బావ అనుమానిస్తాడు. అక్కణ్ణుంచి మిగతా కథేంటో తెలియాలంటే హిందీ చిత్రం ‘నయీ నవేలీ’ చూడాల్సిందే.కోడలి పాత్రలో యామీ గౌతమ్‌ నటిస్తున్న ఈ చిత్రానికి బాలాజీ మోహన్‌ దర్శకత్వం వహిస్తున్నారు. ఆనంద్‌ ఎల్‌. రాయ్‌ నిర్మిస్తున్నారు. ఈ చిత్రాన్ని దసరా పండగ సందర్భంగా అక్టోబరు 16న విడుదల చేయనున్నట్లు బుధవారం చిత్రబృందం ప్రకటించింది. కామెడీ, హారర్, ఫాంటసీ ఇలా పలు షేడ్స్‌ ఉన్న బాబీ (వదిన) క్యారెక్టర్‌కి యామీ గౌతమ్‌ పర్ఫెక్ట్‌ అని ఆనంద్‌ ఎల్‌.రాయ్‌ పేర్కొన్నారు.Yami Gautam's Nayyi Navelli set for Dussehra Festive Release#YamiGautam #NayyiNaveli #Dussehra @yamigautam@aanandlrai @directormbalaji @divynidhisharma@gvprakash @amzmgmstudiosin @colouryellow_in pic.twitter.com/KzDmXLbG5i— Jayaraman (@JournoJRaman) August 19, 2026

సాక్షి, ముంబై: బాక్సాఫీస్ వద్ద సంచలనం సృష్టిస్తున్న 'ఆవారాపన్ 2' మూవీతో ఒక్కసారిగా వార్తల్లో నిలుస్తున్న నటుడు సువిందర్ విక్కీ( Suvinder Vicky). బాలీవుడ్ నటుడు ఇమ్రాన్ హష్మీ ప్రధాన పాత్రలో నితిన్ కక్కర్ దర్శకత్వంలో తెరకెక్కిన తాజా చిత్రం 'ఆవారాపన్ 2' లో అద్భుత నటనతో గుర్తింపు పొంది, అందరి దృష్టిని ఆకర్షిస్తున్నారు. పదండి ఆయన బాలీవుడ్‌ జర్నీ ఎలాసాగింది, ఇంత సక్సెస్‌ ఎలా వచ్చింది ఆ వివరాలు తెలుసుకుందాం.సినీ రంగంలో రాణించాలంటే నటన మీద ఆసక్తి ఉన్నంతనే సరిపోదు. ఎన్నో కష్ట నష్టాలు, అవమానాలు భరించాల్సి ఉంటుంది. అలా ఎంతోమంది నటులు ఏళ్ల తరబడి పోరాటం తరువాత రాణించినవారే. సువిందర్ విక్కీ సక్సెస్‌ స్టోరీ కూడా అలాంటిదే. ఆయన వెండితెర ఎంట్రీ అంత ఆషామాషీగా జరగలేదు. ఆరంభంలో పొట్టనింపుకోవడానికి చాలా కష్టపడ్డారు. ఇదీ చదవండి : టీఎంసీ ఎంపీ మహువా మొయిత్రాకు బెంగాల్‌ కోర్టు షాక్‌పంజాబ్‌కు చెందిన సువిందర్ విక్కీ సినీ నేపథ్యం లేని కుటుంబం నుండి వచ్చిన ప్పటికీ చిన్న వయసులోనే సినిమాలపై ఆసక్తి కలిగింది.పంజాబీ విశ్వవిద్యాలయం (పాటియాలా)నుంచి థియేటర్ మరియు టెలివిజన్‌లో ఎంఏ పూర్తి చేశారు. నటనపై ఉన్న ఆసక్తితో కేవలం రూ.5,000 చేతిలో పెట్టుకుని ముంబైకి వచ్చారు. అయితే నెల రోజుల్లోనే ఆ డబ్బులు అయిపోవడంతో తీవ్ర ఆర్థిక ఇబ్బందులు ఎదుర్కొని తిరిగి పంజాబ్ వెళ్లాల్సి వచ్చింది. ముంబైలో ఉన్నప్పుడు కనీసం ఒక పూట భోజనానికి కూడా డబ్బు లేని క్లిష్ట పరిస్థితులను కూడా ఆయన గుర్తుచేసుకున్నారు. ఈ సందర్భంగా వచ్చే డబ్బులు సరిపోకపోవడంతో, పొట్టకూటి కోసం ఆయన కొంతకాలం ఇన్సూరెన్స్ ఏజెంట్‌గా కూడా పాలసీలు విక్రయించారు. తిరిగి చాలాకాలానికి 50 ఏళ్ల వయసులో స్టార్‌డమ్‌ను సాధించారు.నటనలో అరంగేట్రంపంజాబ్‌కు తిరిగి వచ్చిన తర్వాత, సువిందర్ సినిమాల్లో చిన్న చిన్న పాత్రలు చేయడం ప్రారంభించారు. 2004లో 'దేస్ హోయా పర్దేస్' అనే పంజాబీ చిత్రంతో అరంగేట్రం చేశారు. తర్వాత 'ఉడ్తా పంజాబ్', అక్షయ్ కుమార్ నటించిన 'కేసరి' వంటి చిత్రాల్లో చిన్న పాత్రలు పోషించారు. 50 ఏళ్ల వయస్సులో నెట్‌ఫ్లిక్స్ లో వచ్చిన 'కోహ్రా' (Kohrra) వెబ్ సిరీస్‌తో ఆయనకు నటుడిగా గుర్తింపు లభించింది. ఇందులో ఆయన నటనను సినీ ప్రముఖులు ఎంతగానో ప్రశంసించారు. ఇదీ చదవండి: 14 మిలియన్ల ఫాలోవర్లు : కానీ యష్‌ ఫాలో అయ్యేది ఆమె ఒక్కర్నే!ఆ తర్వాత ఆయన రణ్‌వీర్ సింగ్ చిత్రం 'ధురంధర్: ది రివేంజ్', దిల్జీత్ దోసాంజ్ చిత్రం 'సట్లజ్', మూవీల్లో నటించారు. ముఘ్యంగా 'ధురందర్: ది రివెంజ్'లో చిన్నదైనా ముఖ్యమైన పాత్రను పోషించారు. ఇందులో ఆయన అర్జున్ రాంపాల్ పోషించిన మేజర్ ఇక్బాల్ పాత్ర తండ్రిగా నటించారు. తెరపై తక్కువ సమయం కనిపించినప్పటికీ, ఎంతో మంది సూపర్‌స్టార్స్‌ కనిపించిన ఈ చిత్రంలో తనదైన ముద్ర వేయగలిగారు. ప్రస్తుతం 'అవారపన్ 2' బాక్సాఫీస్ వద్ద భారీ విజయాన్ని సాధించడం సువిందర్ విక్కీ జీవితంలో మరో ముఖ్యమైన మైలురాయిగా నిలుస్తోంది. ఇదీ చదవండి: 14 ఏళ్ల ఐటీ జాబ్‌ వదిలి వ్యాపారం : ఇపుడు కోట్లలో ఆదాయం

ముంబై: 2021 నాటి పోర్నోగ్రఫీ కేసులో అరెస్టయిన ప్రముఖ వ్యాపారవేత్త, సినీ నటి శిల్పా శెట్టి భర్త రాజ్ కుంద్రా ముంబైలోని ఆర్థర్ రోడ్ జైలులో తన అనుభవాలను వెల్లడించారు. తాను ఎలాంటి తప్పు చేయలేదని స్పష్టం చేస్తూనే, దాదాపు రెండు నెలల పాటు జైలులో గడిపిన భయానక పరిస్థితులపై ఆయన మాట్లాడారు.ఇటీవల ‘ఏబీపీ న్యూస్’కు ఇచ్చిన ఇంటర్వ్యూలో రాజ్ కుంద్రా మాట్లాడుతూ.. విచారణ కోసమే పోలీస్ స్టేషన్‌కు వెళ్లినట్లు భావించానని, అయితే అక్కడికి వెళ్లాకే తన అరెస్టు వార్తను ఆన్‌లైన్‌లో చూసి తెలుసుకున్నానని చెప్పారు. ఈ విషయమై అధికారులను ప్రశ్నించగా, ఇది కోర్టు ఆదేశమని వారు తెలిపారని గుర్తుచేసుకున్నారు.తన అరెస్టు విషయం శిల్పా శెట్టికి వార్తల ద్వారానే తెలిసిందని కుంద్రా పేర్కొన్నారు. ‘ఆమె న్యాయవాదులను సంప్రదించినప్పటికీ ఏమి చేయాలో తోచని స్థితిలో పడిపోయింది. ఆ సమయంలో భారతదేశంలో మా వ్యాపారాల్లో దాదాపు 4,000 మంది ఉద్యోగులు పనిచేస్తున్నారు. 'వీటన్నింటినీ నేనెలా నిర్వహించాలి?’ అని శిల్ప ఆందోళన చెందింది. 63 రోజుల పాటు జైలులో ఉండాల్సి వస్తుందని నాతో చెప్పారు కానీ, అసలు ఎంత సమయం పడుతుందో నాకప్పుడు తెలియదు’ అని ఆయన తెలిపారు.జైలులోని వసతుల లేమిపై స్పందిస్తూ.. ‘50 మంది మాత్రమే పడుకోవడానికి సరిపోయే ఒక చిన్న గదిలో ఏకంగా 250 మందిని ఉంచారు. ఒకరిపై ఒకరు పడుకోవాల్సిన పరిస్థితి ఉండేది. కనీసం కాలు కింద పెట్టడానికి కూడా స్థలం ఉండేది కాదు. అక్కడ ఆహారం కూడా అత్యంత దారుణంగా ఉండేది’ అని రాజ్ కుంద్రా వివరించారు.ఇది కూడా చదవండి: ఫిట్‌నెస్ ఈవెంట్‌లో కుప్పకూలిన ప్రముఖ కోచ్

బాలీవుడ్‌ దిగ్గజ నటుడు అమితాబ్‌ బచ్చన్‌ మరో భారీ రియల్‌ ఎస్టేట్‌ ఒప్పందంతో వార్తల్లో నిలిచారు. ముంబైలోని అంధేరీ వెస్ట్‌లో ఉన్న ఓ వాణిజ్య భవనంలోని మూడు అంతస్తులను ప్రముఖ పోషకాహార సంస్థకు లీజుకు ఇచ్చారు. లింక్‌ రోడ్డులోని సిగ్నేచర్‌ భవనంలో ఉన్న సుమారు 8,428 చదరపు అడుగుల విస్తీర్ణంలోని కార్యాలయ స్థలాన్ని అమితాబ్‌ బచ్చన్‌ లీజుకు ఇచ్చినట్లు సమాచారం.అద్దె రూపంలో రూ.21.88 కోట్లు..ఈ ఒప్పందం ప్రకారం ఆయనకు నెలకు రూ.33 లక్షల అద్దె రానుందట. 2026 ఆగస్టు 15 నుంచి ఐదేళ్ల పాటు ఈ ఒప్పందం కొనసాగనుందట. మొత్తం కాలానికి అద్దె రూపంలో సుమారు రూ.21.88 కోట్లు వచ్చే అవకాశం ఉందని టాక్‌. ప్రతి ఏడాది అద్దెను 5 శాతం పెంచేలా ఒప్పందంలో నిబంధనను చేర్చినట్లు తెలుస్తోంది.మరోసారి చర్చ..అద్దెకు తీసుకున్న సంస్థకు కార్యాలయ స్థలంతో పాటు తొమ్మిది పార్కింగ్‌ స్థలాలను కూడా వినియోగించుకునే హక్కు కల్పించారట. ఈ లావాదేవీలో భాగంగా రూ.1.98 కోట్ల భద్రతా డిపాజిట్‌ను చెల్లించినట్లు సమాచారం.ఇప్పటికే ముంబైలో పలు విలాసవంతమైన నివాసాలు, వాణిజ్య భవనాలను కలిగి ఉన్న అమితాబ్‌ బచ్చన్‌.. ఇటీవల అయోధ్యలోనూ భారీగా పెట్టుబడులు పెట్టారు. దీంతో ఆయన రియల్‌ ఎస్టేట్‌ సామ్రాజ్యంపై మరోసారి చర్చ మొదలైంది.ఇదీ చదవండి: 15ఏళ్ల తరువాత ‘జిందగీ’ సీక్వెల్‌పై అప్‌డేట్‌

ముంబై: బాలీవుడ్ స్టార్ షారుక్‌ ఖాన్ ఇంటి వద్ద పాము కలకలం రేపింది. ఇంటి ప్రాంగణంలో పాము కనిపించడంతో అక్కడున్నవారు ఆందోళనకు గురయ్యారు. దీంతో పామును సురక్షితంగా పట్టుకునేందుకు ప్రత్యేక చర్యలు చేపట్టారు. షారుక్‌ ఖాన్ ముంబై నివాసంలోని పచ్చిక ప్రదేశంలో పాము కనిపించడంతో దానిని పట్టుకునేందుకు సంబంధిత సిబ్బంది శ్రమించారు. బాంద్రా వెస్ట్‌లోని మన్నత్‌లో 2 పాములు చుట్టుకుని తిరుగుతున్నట్లు రాత్రి 8 గంటల సమయంలో స‍్నేక్‌ క్యాచర్‌ విక్కీ దూబేకు ఫోన్ ద్వారా సమాచారం అందింది. సమాచారం అందుకున్న వెంటనే దూబే అటవీ శాఖ రౌండ్ అధికారి దీపక్ దాదా గైక్వాడ్‌కు, ముంబై రేంజ్ కార్యాలయం, థానేకు కంట్రోల్ రూమ్ ద్వారా ఫోన్ చేసి ఘటన గురించి తెలియజేశారు.విషపూరిత పాము కాదుఅధికారులు అక్కడికి చేరుకున్నప్పుడు మన్నత్ బంగ్లా ప్రాంగణంలోని మెట్ల కింద విషపూరితంకాని ధామన్ పాము కనిపించింది. దీనిని ఇండియన్ ర్యాట్ స్నేక్ అని కూడా పిలుస్తారు. పాము చుట్టుకుని ఉండి భయపడినట్లు కనిపించింది.పామును సురక్షితంగా పట్టుకుని అటవీ శాఖ మార్గదర్శకాల ప్రకారం తిరిగి సహజ ఆవాసంలోకి వదిలేశారు. విషపూరితంకాని ధామన్ పాము సుమారు 8 అడుగుల పొడవు ఉంది. పామును పట్టుకున్న తర్వాత దూబే అక్కడ ఉన్న వారికి పాము గురించి వివరించి, ఆందోళన చెందాల్సిన అవసరం లేదని చెప్పారు. అయితే, చుట్టుపక్కల ప్రజలు తిరుగుతున్నట్లు గమనించిన రెండో పాము బంగ్లా ప్రాంగణం నుంచి తప్పించుకుంది.

సామాన్యుల సంగతేమో గానీ సెలబ్రిటీల జీవితాల్లో పెళ్లి, విడాకులు అనేది ఎప్పటికప్పుడు వినిపిస్తున్నట్లే ఉంటాయి. హిందీ ప్రముఖ నటుడు, రచయిత, నిర్మాత అయిన రాజా చౌదరి కూడా రెండుసార్లు పెళ్లి చేసుకుని విడాకులు తీసుకున్నాడు. అయితే ఒకానొక సందర్భంలో తన కూతురి కంటే చిన్న వయసున్న అమ్మాయితో డేటింగ్ చేశాడు. కానీ చివరకు ఆమెతోనూ విడిపోవాల్సి వచ్చింది. ఆ సందర్భాన్ని ఓ ఇంటర్వ్యూలో గుర్తుచేసుకున్నాడు. ఇంతకీ అసలేమైందంటే?(ఇదీ చదవండి: అనిరుధ్-కావ్య మారన్ పెళ్లి.. ఎప్పుడు ఎక్కడంటే?)భోజ్‌పురి సినిమాలు, హిందీ సీరియల్స్‌తో గుర్తింపు తెచ్చుకున్న రాజా చౌదరి.. బాలీవుడ్‌లో పలు చిత్రాల్లో చిన్న, సహాయక పాత్రల్లో చేశాడు. 'బిగ్ బాస్ 2'లో ఫస్ట్ రన్నరప్‌గానూ నిలిచాడు. తన తోటి నటి శ్వేతా తివారిని 1998లో పెళ్లి చేసుకున్నాడు. వీళ్లకు పాలక్ అనే కూతురు కూడా పుట్టింది. కొన్నేళ్లకే వైవాహిక జీవితంలో విభేదాలు తలెత్తడంతో 2007లో ఇద్దరూ విడిపోయారు. ఆ టైంలోనే రాజాపై శ్వేతా తివారి గృహహింస కేసు పెట్టినట్లు ఆరోపణలు వచ్చాయి. ఇది జరిగిన ఐదేళ్లకు అంటే 2012లో అధికారికంగా విడాకులు తీసుకున్నారు.నాలుగేళ్ల క్రితం ఓ ఇంటర్వ్యూలో మాట్లాడిన రాజా చౌదరి.. తన వ్యక్తిగత జీవితం గురించి ఆసక్తికర వ్యాఖ్యలు చేశాడు. 2015లో శిల్పి అనే అమ్మాయిని పెళ్లి చేసుకోవాలని అనుకున్నట్లు, కొంతకాలం ఆమెతో డేటింగ్ చేసినట్లు చెప్పాడు. కానీ తమ మధ్య వయసు వ్యత్యాసం కారణంగా శిల్పి తన ఆలోచన మార్చుకోవడంతో విడిపోయామని వెల్లడించాడు. తన కూతురు పాలక్ కంటే తాను చిన్నదాన్నిఅని శిల్పి తరచూ ప్రస్తావించేదని తెలిపాడు.ఇక శిల్పితో విడిపోయిన కొన్నాళ్లకు రాజా చౌదరి జీవితంలోకి శ్వేతా సూద్ వచ్చింది. కార్పొరేట్ రంగంలో హెచ్‌ఆర్‌గా పనిచేసే శ్వేతని 2015లో వివాహం చేసుకోగా.. తర్వాత ఈమె నుంచి కూడా విడిపోయాడు. గతంలో ఇచ్చిన ఓ ఇంటర్వ్యూలోనే తన రెండో భార్య శ్వేతా సూద్, భరణం కోసం డిమాండ్ చేసిందని రాజా వెల్లడించాడు. రీసెంట్ టైంలో మళ్లీ ఇంటర్వ్యూలు ఇస్తూ తన మాజీ భార్య శ్వేతా తివారి గురించి సంచలన వ్యాఖ్యలు చేస్తూ రాజా చౌదరి వార్తల్లో నిలుస్తున్నాడు.(ఇదీ చదవండి: రష్మిక.. నా గురించి అందుకే అలా మాట్లాడిందేమో: హీరో యష్)

బాలీవుడ్‌ మెగాస్టార్‌ అమితాబ్‌ బచ్చన్‌ ‘కౌన్‌ బనేగా కరోడ్‌పతి సీజన్‌​-18​‍’ కార్యక్రమంలో అమితాబ్‌ ఇంటి పేరు వెనుక ఉన్న ఆసక్తికరమైన విషయాలను ప్రేక్షకులతో పంచుకున్నారు. తన తండ్రి ప్రముఖ హిందీ కవి హరివంశ్‌రాయ్‌ బచ్చన్‌ చిన్నప్పటి నుంచే కుల వ్యవస్థను వ్యతిరేకించేవారని అందుకే కుటుంబ ఇంటిపేరుగా బచ్చన్‌ ఎంచుకున్నారని తెలిపారు.పాఠశాల అడ్మిషన్‌ సమయంలో దరఖాస్తు ఫారంలో కులానికి సంబంధించిన కోలమ్‌ ఉండేదని చెప్పారు. అక్కడ నింపినప్పుడు తన తండ్రి హరివంశ్‌రాయ్‌ బచ్చన్‌ కుల వ్యవస్థను అంగీకరించకుండా మా కులం బచ్చన్‌ అని నమోదు చేశారని తెలిపారు. అప్పటి నుంచి తమ కుటుంబ ఇంటిపేరుగా బచ్చన్‌ కొనసాగుతోందని పేర్కొన్నారు.కాగా, అమితాబ్‌ బచ్చన్‌ అసలు పేరు అమితాబ్‌ శ్రీవాస్తవ. 1942లో అక్టోబర్‌ 11న ఉత్తరప్రదేశ్‌లోని అలహాబాద్‌(ప్రస్తుతం ప్రయాగ్‌రాజ్‌)లో జన్మించారు. ఆయన తండ్రి హరివంశ్‌రాయ్‌ బచ్చన్‌ ఆధునిక హిందీ సాహిత్యంలో ప్రముఖ కవిగా గుర్తింపు సాధించారు.ఇక అమితాబ్‌ సినీ ప్రయాణం ‘సాత్‌ హిందుస్తానీ’ చిత్రంతో ప్రారంభమైంది. కెరీర్‌ ప్రారంభంలో ఎన్నో వైఫల్యాలను ఎదుర్కొన్న ఆయన.. ‘జంజీర్‌’, ‘దీవార్‌’, వంటి చిత్రాలతో బాలీవుడ్‌లో అగ్ర నటుడిగా ఎదిగారు. ప్రస్తుతం వరుస సినిమాలతో అభిమానులను అలరిస్తున్నారు.

మోస్ట్‌ ఎవైటెడ్‌ మూవీ ‘రామాయణం’లో రావణుడి పాత్రలో నటిస్తున్న కేజీఎఫ్ (KGF) స్టార్, యష్‌ (Yash)కి సంబంధించి ఒక ఆసక్తికర విషయం నెట్టింట సందడిగా మారింది. నితేష్ తివారీ దర్శకత్వంలో తెరకెక్కుతున్న ఈ సినిమా ట్రైలర్‌ విడుదల తరువాత యష్‌పై క్రేజ్‌ మరింత పెరిగింది. సోషల్ మీడియాలో సౌత్ సూపర్ స్టార్‌ యష్‌కున్న ఫ్యాన్ ఫాలోయింగ్‌ కూడా భారీగానే. ఇన్‌స్టాగ్రామ్‌లో 14 మిలియన్లకు (1.4 కోట్ల) పైగా ఫాలోవర్లు ఉన్నారు. అయితే యష్‌ కేవలం ఒక్కరిని మాత్రమే ఫాలో అవుతారని మీకు తెలుసా?అవును ఈ కన్నడ హీరో తన అధికారిక ఇన్‌స్టాగ్రామ్ ఖాతాలో ఫాలో అయ్యేది కేవలం ఒకే ఒక్కరిని. ఇటీవల ఒకటీవీ షోలో యష్‌ తన రాబోయే చిత్రాలతో పాటు వ్యక్తిగత జీవిత విశేషాలను కూడా పంచుకున్నారు. ఆ సమయంలో, ప్రేక్షకుల మధ్య కూర్చున్న ఒక అమ్మాయి యష్‌ను ఒక ప్రశ్న అడిగింది. “మీకు ఇన్‌స్టాగ్రామ్‌లో 14 మిలియన్లకు పైగా ఫాలోవర్లు ఉన్నారు, కానీ మీరు కేవలం ఒక్క వ్యక్తిని మాత్రమే ఫాలో అవుతారు. ఎవరా వ్యక్తి, మీ జీవితంలో వారి విలువ ఏమిటి?” అన్న ప్రశ్నకు యశ్ ఇచ్చిన సమాధానం అతని లక్షలాది అభిమానుల హృదయాలను గెలుచుకుంది.దీనికి సమాధానంగాయష్ నవ్వుతూ, “ఆమె నా భార్య” ఎంతో ప్రేమగా బదులిచ్చారు. ఇది విన్న స్టూడియో మొత్తం చప్పట్లతో మారుమోగింది. "ఆమె నా భార్య మాత్రమే కాదు, నా జీవితంలో ఉన్న ఏకైక బెస్ట్ ఫ్రెండ్ కూడా. ఒకవేళ నేను తనని కూడా ఫాలో అవ్వకుండా జీరో పెడితే నాకు ఇబ్బందులు తప్పవు" అని సరదాగా వ్యాఖ్యానించారు. "నిజం చెప్పాలంటే, ఆమె నా జీవితంలో అత్యంత ముఖ్యమైన వ్యక్తి. మేమిద్దరం కలిసి ఎదిగాము. ఆమె నాకు భార్యగా దొరకడం నా అదృష్టంగా భావిస్తున్నాను. ఆమె నా జీవితానికి బలమైన ఆధారం." అంటూ చెప్పారు.ఇదీ చదవండి: 24 గంటల్లో 1.6 లక్షల ఫాలోవర్స్‌ : సీజేపీ తరహాలో డీజేపీ సంచలనంరెండు భాగాలుగా రూపొందుతున్న ఈ భారీ బడ్జెట్ చిత్రంలో రణబీర్ కపూర్ శ్రీరాముని పాత్రలో, సాయి పల్లవి సీతగా, రవి దూబే లక్ష్మణునిగా, యశ్ రావణునిగా కనిపించనున్నారు. ఇక సన్నీ డియోల్ హనుమంతుని పాత్రను పోషిస్తున్నారు. 'రామాయణం మొదటి భాగం' విదేశాలలో నవంబర్ 6, 2026న, భారతదేశంలో నవంబర్ 8, 2026న విడుదల కానుంది. 'రామాయణం: రెండవ భాగం' 2027 దీపావళికి థియేటర్లలోకి రానుంది. 'రామాయణం'తో పాటు, ఎంతో ఆసక్తిగా ఎదురుచూస్తున్న మరో మూవీ 'టాక్సిక్: ఎ ఫెయిరీ టేల్ ఫర్ గ్రోన్-అప్స్'. ఈ చిత్రంలో యష్ ద్విపాత్రాభినయం చేయనున్నారు. యష్‌తో పాటు, కియారా అద్వానీ, తారా సుతారియా, హుమా ఖురేషి, నయనతార మరియు రుక్మిణి వంటి కథానాయికలు కూడా ముఖ్యమైన పాత్రలలో కనిపించనున్నారు. ప్రేక్షకులు ఈ చిత్రం కోసం చాలా కాలంగా ఎదురుచూస్తున్నారు. చివరకు, ఈ చిత్రం ఆగస్టు 26న థియేటర్లలో విడుదల కానుంది.ఇదీ చదవండి: ఎగ్జామ్‌ స్కాంలపై మోదీ సర్కార్‌కు బాబా రామ్‌దేవ్ హెచ్చరికకాగా యష్‌ రాధికా పండిట్ 2007లో 'నంద గోకుల' అనే కన్నడ సీరియల్ సెట్స్‌లో మొదటిసారి కలుసుకున్నారు. ఈ పరిచయం ప్రేమగా మారి, 2016 డిసెంబరులో వివాహం చేసుకున్నారు. వీరికి ఐరా, యథర్వ్ అనే ఇద్దరు పిల్లలు ఉన్నారు. View this post on Instagram A post shared by Coreculture (@coreculture.inn)