Amaravati

అజిత్‌సింగ్‌నగర్‌ (విజయవాడ సెంట్రల్‌): విజయవాడ అజిత్‌సింగ్‌నగర్‌లోని మాకినేని బసవపున్నయ్య మున్సిపల్‌ స్టేడియంలో బుధవారం జరిగిన ఇళ్ల పట్టాల పంపిణీ కార్యక్రమానికి హాజరైన పట్టాదారులు, జనం ఎండకు నిలబడలేక, ఆహారం అందక నరకయాతన అనుభవించారు. ఇళ్ల పట్టాల పంపిణీ కార్యక్రమం 12 గంటలకే జరుగుతుందని.. అందరూ ఉ.10 గంటలకల్లా స్టేడియంలో ఉండాలని చెప్పడంతో పట్టాదారులు, వారి కుటుంబ సభ్యులంతా ఆ సమయానికి సభా ప్రాంగణానికి చేరుకున్నారు. అయితే, మధ్యాహ్నం రెండు గంటలైనా కూడా సీఎం సభకు రాకపోవడంతో వచ్చిన వారు మండుటెండలో ఆకలి కేకలతో అలుమటిస్తూ కనిపించారు. పట్టాల పంపిణీ కౌంటర్ల వద్ద సిబ్బంది తక్కువుగా ఉండడంతో అక్కడ తోపులాట చోటుచేసుకుంది. గతంలో నాటి ముఖ్యమంత్రి వైఎస్‌ జగన్‌మోహన్‌రెడ్డి ఇచ్చిన పట్టాలు పనికిరావని చెప్పడంతోనే మళ్లీ వచ్చి ఈ పట్టాలను తీసుకోవాల్సి వస్తోందని లబ్థిదారులు వాపో­యారు. ఉదయం రమ్మని చెప్పి తమకు తిండితిప్పలు లేక మండుటెండల్లో సాయంత్రం వరకూ పడిగాపులు కాసేలా చేశారంటూ మహిళలు ప్రభుత్వంపై దుమ్మెత్తి పోశారు. ఇక సభ ముగిసిన తర్వాత అధికారులు స్వీట్‌ బాక్సులు ఇచ్చేందుకు ప్రయత్నించడంతో అప్పటివరకూ ఆకలితో ఉన్న జనం ఒక్కసారిగా మీద పడడంతో మళ్లీ తోపులాట జరిగింది. పట్టాలతో పేద కుటుంబాలకు భరోసాఎన్నికల్లో ప్రజలకు ఇచ్చిన ప్రతి హామీని తమ కూటమి ప్రభుత్వం నెరవేరుస్తోందని సీఎం చంద్రబాబు చెప్పారు. విజయవాడలో బుధవారం నిర్వహించిన పేదలకు పట్టాభిషేకం కార్యక్రమంలో ఆయన పేదలకు పట్టాలు పంపిణీ చేసి మాటాడారు. విశాఖలో 28 వేలమందికి, మంగళగిరిలో 5,800 కుటుంబాలకు భూములపై హక్కులు కల్పిస్తూ పట్టాలు ఇచ్చినట్లు చెప్పారు. ఇప్పుడు విజయవాడలో 26,401 వేల కుటుంబాల­కు పట్టాలు ఇస్తున్నట్లు తెలిపారు. మొత్తం కలిపి ఇ­ప్పటివరకు 60 వేల మంది పేదలకు పట్టాలిచ్చిన­ట్లు చెప్పారు. రూ.52 వేలకోట్ల విలువైన భూముల్ని పేదలకు ఇచ్చామన్నారు. విజయవాడలో ఇస్తు­న్న భూముల విలువ రూ.28,112 కోట్లని పేర్కొన్నా­రు. ఒక్కో స్థలం విలువ రూ.50 లక్షల నుంచి రూ.2 కోట్ల వరకు ఉంటుందన్నారు. ఇప్పటికే 5.5 లక్షల ఇళ్లు పూర్తిచేసి లబ్ధిదారులకు అందించామని, వచ్చే ఏడాదిలోగా మరో 5.5 లక్షల ఇళ్లు ఇస్తామని చెప్పా­రు. 2019–24లో పాలకులు ప్రతి ఇంట్లోను ఆస్తుల వివాదాలు సృష్టించారని ఆరోపించారు. సంక్షేమం–అభివృద్ధి–సంపదసృష్టి నిరంతరం జరిగేలా కార్యక్రమాలకు ప్రాధాన్యం ఇస్తున్నట్లు చెప్పారు. ఇప్పటికే రూ.1.50 లక్షల కోట్లు అభివృద్దికి ఖర్చు చేశామన్నారు. 2028 కృ­ష్ణా పుష్కరాల నాటి­కి కృష్ణా–­గోదావరి నీళ్లు పుష్కలంగా మనకు వస్తాయ­ని చెప్పారు. మహిళా వర్క్‌ ఫోర్సులో ఏపీ కీలకం కేంద్ర గణాంకశాఖ విడుదల చేసిన నివేదిక ప్రకా­రం విమెన్‌ వర్క్‌ ఫోర్సులో విశాఖ, విజయవాడ ముందంజలో ఉన్నాయని చెప్పారు. విశాఖలో ప్రతి వందమందిలో 42 మంది మహిళలు, విజయవాడలో ప్రతి వందమందిలో 37 మంది మహిళలు పనిచేస్తున్నట్టు వెల్లడైందని తెలిపారు. పారిశ్రామికవేత్తలుగా ప్రతి వందమందిలో 30 శాతం మంది మహిళలే ఉన్నారని చెప్పారు. కాగా, తాగునీరు, సాగునీరు, పారిశ్రామిక అవసరాలను దృష్టిలో ఉంచుకుని రాష్ట్రానికి సమగ్ర నీటి ప్రణాళిక రూపొందించాలని జలవనరుల శాఖ అధికారులను సమీక్ష సందర్భంగా సీఎం ఆదేశించారు. చంద్రబాబు సభ ఎదుట పేలిన గ్యాస్‌ సిలిండర్‌ విజయవాడ అజిత్‌సింగ్‌నగర్‌లోని మాకినేని బసవపున్నయ్య మున్సిపల్‌ స్టేడియంలో బుధవారం నిర్వహించిన పేదలకు పట్టాభిషేకం సభ వద్ద పెను ప్రమాదం తప్పింది. చంద్రబాబు ప్రసంగిస్తున్న సమయంలో సభా ప్రాంగణానికి ఎదురు భా­గంలో స్టే­డియం బయట సోడా బండికి ఉన్న గ్యాస్‌ సిలిండర్‌ పేలి విద్యుత్‌ తీగలను దాటి 200 మీటర్ల దూరంలో ఇళ్ల మీద నుంచి రోడ్డు మీ­ద పడింది. దీంతో అక్కడ ఉన్న పోలీసులు, ప్రజలు పరుగులు తీశారు. అదే గ్యాస్‌ సిలిండర్‌ దిశ మారి స్టేడియం వైపు వచ్చి ఉంటే సభా ప్రాంగణంలో వేదికకు దగ్గర్లో పడి పెనుముప్పు వాటిల్లేది. సీఎం వచ్చిన కాసేపటికే ‘పవర్‌’ కట్‌.. పేదలకు ఇళ్లపట్టాల పంపిణీ కార్యక్రమం మధ్యా­హ్నం ఒంటిగంటకు జరుగుతుందని చెప్పినా సీఎం చంద్రబాబు మధ్యాహ్నం 2:30 గంటలు దాటిన తరువాత వచ్చారు. ఆయన సభా ప్రాంగణంలోకి అడుగుపెట్టిన వెంటనే అక్కడ పవర్‌ కట్‌ అయ్యింది. వేదిక పైకి చేరుకుని మాట్లాడుతుండగా కృష్ణాహోటల్‌ సెంటర్‌ వైపు ఉన్న సోడా బండికి అమర్చిన గ్యాస్‌ సిలిండర్‌ పేలింది.

సాక్షి, అమరావతి: ఇళ్ల స్థలాల కోసం చంద్రబాబు ప్రభుత్వం 27 నెలల్లో ఒక్క సెంటు భూమి కూడా సేకరించలేదు. అయినా విశాఖలో 28,445, మంగళగిరిలో 5,800, విజయవాడలో 26,401.. మొత్తం 60 వేల మందికి పట్టాలిచ్చామని ‘పట్టాభిషేకం’ సభలు పెట్టారు. భూమే లేకుండా పట్టాలు ఎక్కడివనే ప్రశ్నకు సమాధానం లేదు. ఇవి కొత్త స్థలాలు కావు. పేదలు దశాబ్దాలుగా ఇళ్లు కట్టుకుని ఉంటున్న స్థలాలకే క్రమబద్ధీకరణ కాగితాలు ఇచ్చారు. విశాఖలో ఇచ్చిన పట్టాలన్నీ ప్రభుత్వ స్థలాలు, కొండవాలు, చెరువు గట్లు, గాజువాకం ఇనాం, యూఎల్‌సీ భూముల్లో ఏళ్లుగా ఉంటున్న వారికే ఇచ్చారు. ఇప్పుడు కన్వేయన్స్‌ డీడ్లు ఇచ్చి మళ్లీ పట్టాభిషేకం అంటున్నారు. విజయవాడలో కొండలపై ఇళ్లకు, మంగళగిరిలో రెండు దశాబ్దాలుగా ఉంటున్న ఇళ్లకే పట్టాలు ఇచ్చారు. ఇప్పటికే ఉన్న ఇళ్లకు పట్టాలిచ్చి పేదల పాత ఇళ్లకు రూ.52 వేల కోట్ల భూముల పంపిణీ అంటూ చెప్పడం చంద్రబాబు మార్కు గారడీయే. ఇచ్చింది కాగితం.. లాక్కున్నది స్థలం వైఎస్‌ జగన్‌ ప్రభుత్వం విజయవాడ, గుంటూరు జిల్లాల్లో నిలువ నీడ లేని 50,793 మంది పేద మహిళలకు 1,402 ఎకరాల్లో ఇళ్ల స్థలాలు ఇచ్చి ఇళ్లు మంజూరు చేసింది. అప్పట్లో దాన్ని అడ్డుకున్న టీడీపీ.. అధికారంలోకి రాగానే ఆ స్థలాలన్నీ రద్దు చేసి అన్యాయం చేసింది. ఇప్పటి వరకు వారికి ప్రత్యామ్నాయం కూడా చూపలేదు. 50 వేల మంది పేదల నుంచి స్థలాలు లాక్కున్న చేతులతోనే ఇప్పుడు పట్టాభిషేకం చేస్తుండడం విశేషం. 2, 3 సెంట్ల హామీ ఏమైంది? పట్టణాల్లో 2 సెంట్లు, గ్రామాల్లో 3 సెంట్లు ఇంటి స్థలం ఇస్తామని చంద్రబాబు ఎన్నికల్లో హామీ ఇచ్చారు. ఇప్పటి దాకా ఒక్కరికీ కొత్త స్థలం ఇవ్వలేదు. ఇంత వరకు భూ సేకరణ కూడా మొదలు పెట్టలేదు. నవంబర్‌లో మొదలు పెడతామని లీకులు ఇచ్చారు. అసలు పని మొదలు పెట్టకుండా పట్టాభిషేకం అంటూ హడావుడి చేయడం పబ్లిసిటీ స్టంట్‌ కాక మరేమిటని పరిశీలకులు వ్యాఖ్యానిస్తున్నారు. జగన్‌ హయాంలో 71,800 ఎకరాల్లో 31 లక్షల మందికి పైగా మహిళలకు ఇళ్ల స్థలాలు ఇచ్చారు. కూటమి సర్కారు 27 నెలల్లో సేకరించింది సున్నా ఎకరాలు. ఇళ్లు జగన్‌వి.. రిబ్బన్‌ బాబుది 5.5 లక్షల ఇళ్లు పూర్తి చేశామని చంద్రబాబు చెప్పుకుంటున్నారు. అవన్నీ జగన్‌ హయాంలో మంజూరైన ఇళ్లే. దాదాపు పూర్తయిన వాటికి రంగులేసి రిబ్బన్లు కట్‌ చేస్తున్నారు. స్థలం జగన్‌ది, ఇల్లు జగన్‌ది.. క్రెడిట్‌ మాత్రం చంద్రబాబుది.

సాక్షి, అమరావతి: కేంద్ర నిధులతో నడిచే విశ్వవిద్యాలయాలు, విద్యాసంస్థల్లో మంజూరైన అధ్యాపక పోస్టుల్లో మూడింట ఒక వంతు ఖాళీగా ఉన్నాయని ఎస్‌బీఐ రీసెర్చ్‌ నివేదిక కుండబద్దలు కొట్టింది. దీనివల్ల ఉన్నత చదువులపై ప్రభావం పడుతుందని స్పష్టం చేసింది. 2024తో ముగిసిన గత దశాబ్దంలో భారతదేశంలో ఉన్నత విద్య ఒక అద్భుతమైన పరివర్తనను సాధించిందని, అయి­తే ఉన్నత విద్యపై వ్యయం పెరగడం లేదని, స్తబ్దత నెలకొందని నివేదిక పేర్కొంది. ఉన్నత విద్యపై మొత్తం బడ్జెట్‌లో కేటాయింపులు ప్రస్తుతం 1% వద్దే ఉండిపోయాయని.. దీన్ని 1.5 శాతానికి తీసుకువెళ్లాల్సిన అవసరం ఉందని నివేదిక సూచించింది. 2017–18 మొత్తం బడ్జెట్‌ వ్యయంలో ఉన్నత విద్య వ్యయం 1.6 శాతంగా ఉందని, ఇప్పుడు 1 శాతం వద్దే స్థిరంగా ఉందని నివేదిక తెలిపింది. దీంతోపాటు ఖాళీగా ఉన్న అధ్యాపక పోస్టులను భర్తీ చేయాల్సిన అవసరం ఉందని నివేదిక సూచించింది. దేశంలోని కేంద్ర విద్యాసంస్థల్లో 34 శాతం అధ్యాపక పోస్టులు ఖాళీగా ఉన్నాయని నివేదిక వెల్లడించింది. ట్రిపుల్‌ ఐటీల్లో ఏకంగా 54 శాతం పోస్టులు ఖాళీగా ఉన్నాయని పేర్కొంది. దేశంలో 56.2 శాతం ప్రొఫెసర్‌ పోస్టులు ఖాళీగా ఉన్నాయని.. అసోసియేట్‌ ప్రొఫెసర్‌ పోస్టులు 38.3 శాతం, అసిస్టెంట్‌ ప్రొఫెసర్‌ పోస్టులు 18 శాతం ఖాళీగా ఉన్నాయని నివేదిక వివరించింది.

వ్యవసాయమే దండగ అన్న నాయకుడి పాలనలో రైతుల పరిస్థితి అగమ్యగోచరంగా మారింది. చంద్రబాబు సర్కారులో ఇసుమంతైనా చలనం లేకపోవడం అన్నదాతకు శాపమైంది. వైఎస్సార్‌సీపీ ప్రభుత్వంలో రైతులను చేయి పట్టుకుని నడిపించిన ఆర్బీకే వ్యవస్థను నిర్వీర్యం చేస్తూ.. ప్రత్యామ్నాయంగా ఎలాంటి సాయం చేయకుండా చంద్రబాబు సర్కార్‌ రిక్త హస్తం చూపుతోంది. ఫలితంగా ఖరీఫ్‌లో వేసిన విత్తనాలు మొలక దశలోనే ఎండిపోగా.. నాట్లకు అనువుగా లేని భూములు రైతులను ఇళ్లకే పరిమితం చేశాయి. నష్టపోయిన రైతులను ఆదుకునేందుకు ఎలాంటి చర్యలు చేపట్టకుండానే ఖరీఫ్‌ ముగిసింది. నేటి నుంచి మొదలవుతున్న రబీ సీజన్‌కైనా రైతులను సన్నద్ధం చేయడాన్ని గాలికి వదిలేసింది. కనీసం సబ్సిడీ విత్తనాలను కూడా సమకూర్చలేదంటే వ్యవ‘సాయం’ ఇక అంతేగతి అని స్పష్టం చేస్తోంది. సాక్షి, అమరావతి: ఏ దశలోనూ ప్రభుత్వం ఆదుకోక పోవడంతో ఖరీఫ్‌పై ఆశలు పూర్తిగా వదులుకున్న రైతులు.. రబీ సీజన్‌పైనే గంపెడాశలు పెట్టుకున్నారు. రెండేళ్లుగా సబ్సిడీ విత్తన సరఫరాకు మంగళం పాడేసిన చంద్రబాబు ప్రభుత్వం కనీసం ఈ ఏడాది అయినా అదునుకు విత్తనాలు సరఫరా చేస్తుందో లేదో తెలియని దుస్థితి నెలకొంది. ఖరీఫ్‌ సాగుకు దూరమైన రైతులు ముందస్తు రబీ విషయంలో ఏవిధంగా ముందుకెళ్లాలో తెలియక గగ్గోలు పెడుతున్నారు. రబీ సీజన్‌ గురువారం నుంచి మొదలవుతోంది. రబీ సాధారణ సాగు లక్ష్యం 53.80 లక్షల ఎకరాలు. రాష్ట్రంలో ఈ సీజన్‌లో వరి తర్వాత అధిక విస్తీర్ణంలో సాగయ్యే ప్రధాన పంట శనగ. ఉమ్మడి ప్రకాశం, గుంటూరు, కర్నూలు, అనంతపురం, వైఎస్సార్‌ కడప జిల్లాల్లో ఎక్కువగా శనగ సాగవుతుంది. ఏటా సగటున 10–12 లక్షల ఎకరాల్లో శనగ సాగు చేస్తారు. సాధారణంగా రబీ సీజన్‌ అక్టోబర్‌ 1న ప్రారంభమవుతుంది. ముందస్తు రబీకి వెళ్లేవారు అక్టోబర్‌ మొదటి వారంలో విత్తనాలు విత్తుకుంటారు. గతంలో సాగు లక్ష్యాలకు అనుగుణంగా విత్తన పంపిణీకి ముందస్తు ఏర్పాట్లు చేసేవారు. జిల్లాల నుంచి వచ్చే డిమాండ్‌ను బట్టి రైతుల నుంచి సేకరించిన విత్తనాలతో పాటు ప్రైవేటు కంపెనీల నుంచి టెండర్ల ద్వారా సేకరించే విత్తనాలను సీజన్‌కు ముందుగానే అందుబాటులో ఉంచేవారు. విత్తనం కోసం సెప్టెంబర్‌ 10వ తేదీ నుంచే ఆర్బీకేల్లో రైతులు తమ పేర్లు నమోదు చేసుకునేవారు. సెప్టెంబర్‌ 15 నుంచి శనగ విత్తనం, అక్టోబర్‌ 1 నుంచి వరి సహా ఇతర విత్తనాలు పంíపిణీ చేసేవారు. గత వైఎస్సార్‌సీపీ ప్రభుత్వ హయాంలో సాధారణ పరిస్థితుల్లో 40 శాతం, కరువు, కాటకాలు, వైపరీత్యాల వేళ 80 శాతం సబ్సిడీపై విత్తనాలు సరఫరా చేసేవారు. చంద్రబాబు ప్రభుత్వం వచ్చాక రెండేళ్లుగా అడ్డగోలు కోతలు పెడుతూ సబ్సిడీ విత్తనాన్ని రైతులకు దూరం చేశారు. గతంలో ఏటా సగటున ఈ సీజన్‌లో 2.75 లక్షల క్వింటాళ్లకు తక్కువ కాకుండా శనగ విత్తన సరఫరా అయ్యేవి. ఫలితంగా 2019–24 మధ్య సగటున ఏటా 11.50 లక్షల ఎకరాల్లో సాగైన శనగ పంట రబీ 2024–25లో 7.5 లక్షల ఎకరాలు, రబీ 2025–26 సీజన్‌లో 4 లక్షల ఎకరాలకు పరిమితమైంది. ఇండెంట్‌ భారీగా.. నిల్వలు అరకొరగా.. ఓ వైపు కరువుతో ఖరీఫ్‌కు దూరమైన రైతులకు 100 శాతం సబ్సిడీపై విత్తనాలిచ్చినా నిలదొక్కుకునే పరిస్థితిలో లేరు. అయినా సరే తామేదో వారిని ఉద్దరిస్తున్నట్టు 35 శాతం సబ్సిడీపై శనగ విత్తనం ఇస్తున్నామంటూ చంద్రబాబు సర్కారు గొప్పలు చెబుతోంది. 2026–27 సీజన్‌లో 2.50 లక్షల క్వింటాళ్ల సబ్సిడీ విత్తనం కోసం జిల్లాల నుంచి ఇండెంట్‌ రాగా.. ఇప్పటివరకు పట్టుమని 25 వేల క్వింటాళ్ల విత్తనం కూడా నిల్వ చేయలేని దుస్థితి నెలకొంది. శనగ విత్తనానికే దిక్కులేకపోగా.. ఇదే సీజన్‌లో సరఫరా చేయాల్సిన చేసే వరి, అపరాలు, చిరుధాన్యాల విత్తనాలు కూడా గగనంగానే కనిపిస్తున్నాయి. ప్రణాళిక ఏదీ!?ఖరీఫ్‌లో దాదాపు 25 లక్షల ఎకరాలు ఖాళీగా ఉన్నట్టు ప్రభుత్వమే ప్రకటించింది. ఆ మేరకు ఖరీఫ్‌లో 11.82 లక్షల ఎకరాలు, ముందస్తు రబీకింద 6.15 లక్షల ఎకరాలు సాగులోకి తీసుకురావాలని అధికారులు సంకల్పించారు. ఖరీఫ్‌ మాట దేవుడెరుగు కనీసం ముందస్తు రబీకైనా అవసరమైన మేరకు శనగ విత్తనాలు సిద్ధం చేసే పరిస్థితి కనిపించడం లేదు. దీంతో ఏం చేయాలో పాలుపోని స్థితిలో రైతులు కొట్టుమిట్టాడుతున్నారు. రబీ సీజన్‌పైనా కరువు ప్రభావం ఉంటుందని ఓ వైపు వాతావరణ శాఖలు హెచ్చరిస్తున్నా చంద్రబాబు సర్కారు తనకేమీ పట్టనట్టుగా చేష్టలుడిగి చూస్తోంది. రైతులు బహిరంగ మార్కెట్‌లో శనగ విత్తనాలు కొనుగోలు చేద్దామన్నా క్వింటాల్‌ రూ.9 వేలకుపైగా పలుకుతోంది. అదునుకు కనీసం సబ్సిడీ విత్తనాలు సరఫరా చేయాలని రైతులు చేతులెత్తి వేడుకుంటున్నారు. ఇదిలా ఉండగా చంద్రబాబు ప్రభుత్వం మొదటి నుంచి వ్యవసాయ రంగాన్ని చిన్నచూపు చూస్తోంది. ఈక్రాప్, ఉచిత పంటల బీమా, వడ్డీ లేని రుణాలు, ఇన్‌పుట్‌ సబ్సిడీ, పంట నష్ట పరిహారం.. తదితరాలన్నింటినీ గాలికి వదిలేసింది. గత ప్రభుత్వం ఇచ్చిన రైతు భరోసా మొత్తానికి మించి.. కేంద్రం ఇచ్చేదానితో సంబంధం లేకుండా ఏటా రూ.20 వేలు ఇస్తామని మాట తప్పింది. ఇలా ఏ దశలోనూ రైతులను ఆదుకోవడానికి ముందుకు రావడం లేదని అన్నదాతలు ఆవేదన వ్యక్తం చేస్తున్నారు.80 శాతం సబ్సిడీపై విత్తనాలివ్వాలి కరువుతో ఖరీఫ్‌ పంటలు పూర్తిగా తుడిచిపెట్టుకుపోయాయి. ఈ కష్టకాలంలో గతంలో మాదిరిగా 80 శాతం సబ్సిడీపై విత్తన సరఫరా చేయాలి. వీలుకాకపోతే కనీసం 50 శాతం సబ్సిడీ ఇవ్వాలి. మా ఆర్బీకేకు వెళ్తే ఇంకా విత్తనం రాలేదన్నారు. గత ఏడాది ఆలస్యంగా విత్తనాలివ్వడంతో బ్లాక్‌ మార్కెట్‌లో అధిక ధరకు కొనుగోలు చేసి ఆరెకరాల్లో విత్తుకున్నా. ఆశించిన దిగుబడులు రాలేదు. ఈ ఏడాది కూడా విత్తనాల కోసం దిక్కులు చూసే పరిస్థితి నెలకొంది. – వెంకటేష్‌, చాబాల, అనంతపురం జిల్లాపత్తి వేసి రూ.3 లక్షలు నష్టపోయా ఖరీఫ్‌లో 10 ఎకరాల్లో పత్తి వేశాను. వర్షాభావంతో పంట ఎదగలేదు. చేసేదిలేక పంటను పూర్తిగా తొలగించేశా. దాదాపు 3 లక్షలకు పైగా నష్టపోయాను. రబీలో శనగ వేయాలనుకుంటున్నా. ఇప్పటివరకు మా ఆర్బీకేకు విత్తనం రాలేదు. ఏం చేయాలో పాలుపోవడం లేదు. – గోపీనాథ్‌రెడ్డి, మిడుతూరు, అనంతపురం జిల్లా

తాడేపల్లి: ఆర్మీ జవాన్ కిషన్ మృతి పట్ల వైఎస్సార్‌సీపీ అధినేత, మాజీ ముఖ్యమంత్రి వైఎస్ జగన్‌మోహన్‌రెడ్డి దిగ్భ‍్రాంతి వ్యక్తం చేశారు. ప్రకాశం జిల్లాకు చెందిన హవల్దార్ కువ్వరపు కిషన్ మృతి తీవ్ర దిగ్భ్రాంతికి గురిచేసిందని అన్నారు. భారత్-చైనా సరిహద్దులో విధులు నిర్వహిస్తూ ఆయన ప్రాణాలు కోల్పోవడం అత్యంత బాధాకరమంటూ ట్వీట్‌ చేశారు.‘‘దేశం కోసం ఆయన చేసిన సేవలకు సెల్యూట్ చేస్తున్నాను. హవల్దార్ కిషన్ కుటుంబ సభ్యులకు నా ప్రగాఢ సానుభూతి. ఈ తీవ్ర దుఃఖ సమయంలో ఆయన కుటుంబానికి మనోధైర్యాన్ని ప్రసాదించాలని భగవంతుడిని ప్రార్థిస్తున్నాను’’ అని వైఎస్ జగన్ అన్నారు.ఇదీ సంగతి: ఇండి కూటమి భేటీలో దేశ వ్యాప్తంగా నిరసనలకు నిర్ణయంDeeply saddened by the loss of Havildar Kuvvarapu Kishan of Prakasam district, who died while performing operational duties along the India-China border. I salute his service to the nation. My heartfelt condolences to his family. May they find strength in this hour of grief. https://t.co/sYGDWSlnmx— YS Jagan Mohan Reddy (@ysjagan) September 30, 2026

సాక్షి, తాడేపల్లి: తెనాలిలో పోలీసుల చేతిలో దారుణంగా హింసకు గురైన నలుగురు దళిత యువకులకు జరిగిన అవమానం, మానసిక క్షోభకు ప్రభుత్వం బాధ్యత వహించాలని, అందుకుగాను బాధిత కుటుంబాలకు వెంటనే ఎక్స్‌గ్రేషియా చెల్లించాలని వైఎస్సార్‌సీపీ అధికార ప్రతినిధి, మాజీ ఎంపీ గోరంట్ల మాధవ్‌ డిమాండ్‌ చేశారు. తెనాలిలో నలుగురు దళిత యువకులను రోడ్డుపై దారుణంగా కొట్టి హింసించిన ఘటన యావత్‌ దేశాన్ని దిగ్భ్రాంతికి గురి చేసిందని ఆయన గుర్తు చేశారు.ఆ కుటుంబాల గౌరవం కాపాడాలి:ఈ కేసులో యువకులను కోర్టు నిర్దోషులుగా ప్రకటించి క్లీన్‌ అక్విటల్‌ ఇవ్వడం ప్రభుత్వానికి చెంపపెట్టు వంటిదని గోరంట్ల మాధవ్‌ అన్నారు. బాధిత యువకుల డిగ్నిటీ, డిసెన్సీ, వారికి జరిగిన అవమానానికి ఎవరు బాధ్యత వహిస్తారని ప్రశ్నించారు. ఆ బాధిత కుటుంబాలకు ఎక్స్‌గ్రేషియాతో పాటు, వారి గౌరవాన్ని కాపాడేలా ప్రభుత్వం తక్షణ చర్యలు తీసుకోవాలని కోరారు.ప్రజల హక్కు కాలరాస్తున్నారు:పోలీసు వ్యవస్థను అడ్డం పెట్టుకుని రాష్ట్ర ప్రభుత్వం ప్రజల హక్కులను కాలరాస్తోందని గోరంట్ల మాధవ్‌ ఆరోపించారు. బీఎన్‌ఎస్, బీఎన్‌ఎస్‌ఎస్, బీఎస్‌ఏ వంటి చట్టాలను అమలు చేయాల్సిన పోలీసు వ్యవస్థ, లోకేష్‌ చేతిలో ఉన్న ఎర్రబుక్‌ను అమలు చేస్తున్న పరిస్థితి కనిపిస్తోందని విమర్శించారు. పోలీసు వ్యవస్థకు డిసిప్లిన్, డిగ్నిటీ, ఇంటిగ్రిటీ ఉండాలని, అయితే కొందరు అధికారులు ప్రభుత్వానికి తొత్తులుగా వ్యవహరిస్తూ ప్రభుత్వం చెప్పిన ప్రతి విషయాన్ని గుడ్డిగా అమలు చేస్తున్నారని ఆక్షేపించారు. దీని వల్ల పోలీసు వ్యవస్థ డిసెన్సీ, డిగ్నిటీ దిగజారిపోతోందని గోరంట్ల మాధవ్‌ అన్నారు.ఇదీ చదవండి: కన్నీటితో చంద్రబాబు సర్కార్‌కు హెచ్చరిక

సాక్షి, విజయవాడ: గ్రామ, వార్డు సచివాలయ ఉద్యోగులతో చంద్రబాబు సర్కార్‌ వ్యవహరిస్తున్న తీరుపై తీవ్ర అసహనానికి లోనైన ఆ సంఘం నేత మధుబాబు తీవ్ర భావోద్వేగానికి గురయ్యారు. న్యాయబద్ధమైన డిమాండ్ల కోసం పోరాడుతుంటే ఉద్యోగులను విధుల నుంచి తొలగిస్తున్నారని.. అక్రమ కేసులు పెడుతున్నారని ఆవేదన వ్యక్తం చేస్తూ కంటతడి పెట్టారు. తక్షణమే సస్పెన్షన్లు, పెట్టిన కేసులను ఎత్తివేయాలని డిమాండ్‌ చేశారు.ఉద్యోగులపై చర్యల విషయంలో ప్రభుత్వం పునరాలోచించాలని మధుబాబు కోరారు. ఉద్యమ సమయంలో ఇబ్బందులు ఎదుర్కొన్న ఉద్యోగులకు న్యాయం చేయాలని విజ్ఞప్తి చేశారు. ముఖ్యంగా కేసులు ఎత్తివేసి, సస్పెన్షన్లు తొలగించాలని డిమాండ్‌ చేశారు.కూటమి ప్రభుత్వం అక్టోబర్‌ 2లోపు కేసులు, సస్పెన్షన్లపై నిర్ణయం తీసుకోవాలని డెడ్‌లైన్‌ విధించారు. అప్పటిలోగా సమస్య పరిష్కారం కాకపోతే తాను ఆమరణ నిరాహార దీక్షకు దిగుతానని ప్రకటించారు.ఒంటరిగానే..డెడ్‌లైన్‌ లోపు ఉద్యోగులపై ఉన్న కేసులను ఎత్తివేయాలని మధుబాబు స్పష్టం చేశారు. అప్పటిలోగా ప్రభుత్వం స్పందించకపోతే అక్టోబర్‌ 3 నుంచి ఆమరణ నిరాహార దీక్ష చేపడతానని హెచ్చరించారు. తన హక్కుల కోసం, ఉద్యమంలో ఇబ్బందులు ఎదుర్కొన్న ఉద్యోగుల న్యాయం కోసం ఒంటరిగానే దీక్ష చేస్తానని తెలిపారు.శ్రీకాకుళంలో ఆమరణ దీక్షఆమరణ నిరాహార దీక్షను శ్రీకాకుళంలో చేపడతానని మధుబాబు ప్రకటించారు. మహిళలను ఇబ్బంది పెట్టిన వారికి వారి ఉసురు తగులుతుందని వ్యాఖ్యానించారు. ఉద్యోగుల సమస్యల పరిష్కారం కోసం తాను వెనక్కి తగ్గబోనని స్పష్టం చేశారు. మధుబాబు చేసిన వ్యాఖ్యలకు సంబంధించిన భావోద్వేగ వీడియో ప్రస్తుతం సోషల్‌ మీడియాలో వైరల్‌గా మారింది.కాగా, గ్రామ, వార్డు సచివాలయ ఉద్యోగులపై చంద్రబాబు ప్రభుత్వం మరింతగా కక్ష సాధింపు చర్యలు మొదలు పెట్టింది. ఇప్పటికే విజయవాడలో జరిగిన ధర్నాలో పాల్గొన్న పలువురు ఉద్యోగులపై పోలీసుల ద్వారా కేసులు నమోదు చేయించిన ప్రభుత్వం.. తాజాగా ఆ ఆందోళన కార్యక్రమంలో పాల్గొన్న సచివాలయ ఉద్యోగులందరి వివరాలను రాష్ట్ర కార్యాలయానికి పంపాలంటూ ఆదేశాలు జారీ చేసింది. గ్రామ, వార్డు సచివాలయ ఉద్యోగులు 27వ తేదీ విజయవాడలో నిర్వహించిన ధర్నాకు అనుమతి లేకపోయినప్పటికీ, ప్రభుత్వ ఉద్యోగులుగా ఆ ధర్నాలో పాల్గొన్నారని ఎత్తి చూపుతూ ప్రభుత్వం ఆ మేరకు ఆదేశాలు జారీ చేసింది.గ్రామ, వార్డు సచివాలయ శాఖ డైరెక్టర్‌ కార్యాలయం సోమవారం ఈ మేరకు జిల్లాలకు ఆదేశాలు జారీ చేయగా.. ఆయా జిల్లాల కలెక్టర్ల సూచనతో జిల్లా గ్రామ, వార్డు సచివాలయ అధికారులు ఎంపీడీవోలు, మున్సిపల్‌ కమిషనర్ల నుంచి మండలాలు, పట్టణాల వారీగా మంగళవారం సాయంత్రానికే జాబితాలు సేకరించి పంపారు. తమ సమస్యల గురించి రెండేళ్లుగా పలుమార్లు విన్నవించినప్పటికీ ప్రభుత్వం నుంచి స్పందన లేకపోవడంతో ఉద్యోగులు 27వ తేదీ ఆదివారం ‘ఛలో విజయవాడ’ చేపట్టారు. ప్రభుత్వం ఎన్ని అడ్డంకులు సృష్టించినప్పటికీ ఈ కార్యక్రమం విజయవంతం కావడంతో మరింతగా కక్ష గట్టింది.వాస్తవానికి 27వ తేదీ ఆదివారం ఉద్యోగులకు సెలవు. అయినప్పటికీ వారంతా ఆ రోజు ఎక్కడ ఉన్నారని ప్రభుత్వం ఆరా తీయడంపై ఉద్యోగులు తీవ్ర ఆగ్రహం వ్యక్తం చేస్తున్నారు. ఇదిలా ఉండగా సచివాలయ ఉద్యోగుల తీవ్ర స్థాయి ఆందోళనల నేపథ్యంలో అక్టోబర్‌ 1వ తేదీన పింఛన్ల పంపిణీకి ఏమైనా ఇబ్బందులెదురవుతాయా.. అని ప్రభుత్వం ఆరా తీస్తోంది. ఈ మేరకు క్షేత్ర స్థాయి నుంచి నివేదికలు తెప్పించుకుంది. పింఛన్ల పంపిణీకి ఎలాంటి ఇబ్బందులు లేకుండా ఏర్పాట్లు చేసుకోవాలని ఉన్నతాధికారులను ఆదేశించింది. మరో వైపు ప్రభుత్వం ఈ నెల 27న విజయవాడ ధర్నాలో పాల్గొన్న సచివాలయ ఉద్యోగులకు మెమోలు జారీ చేస్తోంది. శ్రీసత్యసాయి జిల్లా చిలమత్తూరు మేజర్‌ పంచాయతీ పరిధిలో పని చేస్తున్న 9 మంది సచివాలయ ఉద్యోగులకు మెమోలు ఇచ్చింది. మీకు జీతాలు ఎందుకు నిలిపివేయకూడదో వివరణ ఇవ్వాలని అడగడం కలకలం రేపుతోంది.ఇదీ చదవండి: మేం చేసిన పాపమేంటి బాబూ?

సాక్షి, అమరావతి: తమకు చంద్ర­బాబు కూటమి ప్రభుత్వం వేతనాలు పెంచడంలేదని, యాప్‌ల భారం తగ్గించడంలేదని రాష్ట్రంలోని అంగన్‌వాడీ వర్కర్లు ఆగ్రహం వ్యక్తం చేస్తున్నారు. రెండేళ్లుగా పలుమార్లు దశలవారీ ఉద్యమాలు చేపట్టినా ప్రభుత్వం పట్టించుకోకపోవడంతో మరోమారు సమ­రశంఖం పూరించేందుకు సిద్ధమయ్యారు. రాష్ట్రంలో 55,776 అంగన్‌వాడీల్లో పనిచేస్తున్న వర్కర్లు, హెల్పర్లకు వేతనాలు పెంచాలని, 12 రకాల యాప్‌ల భారం తగ్గించాలని కోరుతూ గాందీజయంతి అయిన అక్టోబర్‌ 2న శాంతియుత నిరసనలకు శ్రీకారం చుడుతున్నారు. ఆ రోజు గాంధీ విగ్రహాలకు వినతిపత్రాలు ఇవ్వాలని, అక్టోబర్‌ 6వ తేదీ ఎంపీలు, మంత్రులు, ఎమ్మెల్యేలను కలిసి తమ సమస్యలు చెప్పి, డిమాండ్లపై వినతిపత్రాలు ఇవ్వాలని నిర్ణయించారు. అప్పటికీ ప్రభుత్వం స్పందించకపోతే భవిష్యత్‌ ఉద్యమ కార్యాచరణ ప్రకటించాలని సీఐటీయూ, ఏఐటీయూసీ, ఐఎఫ్‌టీయూలకు చెందిన మూడు అంగన్‌వాడీ యూనియన్లు నిర్ణయించాయి. వైఎస్‌ జగన్‌మోహన్‌రెడ్డి 2019లో పెంచిన వేతనాలు తప్ప చంద్రబాబు ప్రభుత్వం వచ్చాక పెంచలేదని ఆ యూనియన్ల నేతలు తెలిపారు. కనీస వేతనం నెలకు రూ.26 వేలు ఇవ్వాలని, యాప్‌లను మిళితం చేసి వాటి భారం తగ్గించాలని డిమాండ్‌ చేస్తున్నారు. చంద్రబాబు ప్రభుత్వం వచ్చాక ఎన్నిసార్లు ఆందోళనలు చేసినా చూస్తాం.. చేస్తాం.. అంటున్నారే తప్ప చర్యలు శూన్యమని ఆగ్రహం వ్యక్తం చేస్తున్నారు. డేటా ఎంట్రీలతోనే సతమతం రాష్ట్రంలో అంగన్‌వాడీ వర్కర్ల పని పరిధి నానాటికీ విస్తరిస్తోంది. ఒకప్పుడు చిన్నారులకు పౌష్టికాహారం అందించడం, ప్రీ–సూ్కల్‌ విద్య, గర్భిణులు–బాలింతలకు సేవలు అందించడం ప్రధాన బాధ్యతలుగా ఉండేవి. ఇప్పుడు డిజిటల్‌ డేటా నమోదు, యాప్‌ల నిర్వహణ, ఫొటోల అప్‌లోడ్, లబ్ధిదారుల వివరాల అప్‌డేట్, గ్రోత్‌ మానిటరింగ్, ఇంటింటి పర్యటనల వివరాల నమోదు వంటి పనులు కూడా జతయ్యాయి. పోషణ్‌ ట్రాకర్‌ నుంచి వాట్సాప్‌ వరకు దాదాపు 12 రకాల యాప్‌లలో ఎప్పటికప్పుడు ఆన్‌లైన్‌ అప్‌డేట్‌ పేరుతో డేటా ఎంట్రీతో వారు సతమతమవుతున్నారు. నెట్‌వర్క్‌ సమస్యలున్నా డేటా అప్‌లోడ్‌ తప్పదు. దీనికితోడు పోషకాహార పంపిణీ, ప్రీ–ప్రైమరీ విద్య, ఇంటింటి పర్యటనల పేరుతో బాధ్యతల భారం మోయలేకున్నారు. ఇది చాలదన్నట్టు ప్రభుత్వ కార్యక్రమాలైన టీకాలు, రేషన్‌ పంపిణీ, పిల్లల ఎదుగుదల పర్యవేక్షణ (గ్రోత్‌ మానిటరింగ్‌), బాల్యవివాహాల నిరోధం, మానవ అక్రమ రవాణా వంటివాటిపై అవగాహన కార్యక్రమాలు, సమావేశాలు, శిక్షణ వంటివి కూడా ఉన్నాయి. సమానపనికి సమానవేతనం ఇవ్వకపోగా ప్రభుత్వం పనిభారం మాత్రం పెంచిందని అంగన్‌వాడీ కార్యకర్తలు మండిపడుతున్నారు.

సాక్షి, అమరావతి: సెల్‌ఫోన్లు తెచ్చింది నేనే.. హైటెక్‌ సిటీ కట్టింది నేనే.. అని చెప్పుకునే చంద్రబాబు క్రెడిట్‌ ఖాతాలో తాజాగా వాన కూడా చేరిపోయింది. ఇటీవల విశాఖలో వర్షం తన వల్లే కురిసిందని చెప్పి అందరినీ ఆశ్చర్య పరిచారాయన. పల్లె పండుగ పేరుతో శ్రీపొట్టి శ్రీరాములు నెల్లూరు జిల్లా రామాపురంలో మంగళవారం జరిగిన సభలో ఆయన మాట్లాడుతూ విశాఖలో లోటు వర్షపాతం ఉందని.. తాను ఒక్కసారి ప్రార్థించడం వల్ల ఒకే రోజున 27 సెంటీమీటర్ల వర్షం పడిందని సెలవిచ్చారు.దీంతో సభికులతోపాటు టీవీలు, మీడియాల్లో ఆ మాటలు విన్న వారంతా ముక్కున వేలేసుకున్నారు. బంగాళాఖాతంలో తీవ్ర వాయుగుండం వల్లే విశాఖతోపాటు రాష్ట్ర వ్యాప్తంగా వర్షం కురిసింది కదా.. ఇదేమిటి చంద్రబాబు ఇలా చెబుతున్నారని ఆశ్చర్యచకితులయ్యారు. 2024లో తన వైఫల్యంతో బుడమేరుకు వరదలు వచ్చి విజయవాడ మునిగిపోయినప్పుడు వాతావరణ మార్పుల వల్ల ఎక్కువ వర్షం కురిసి వరద వచ్చిందని సెలవిచ్చారు. వరద వస్తే వాతావరణ మార్పు.. వాన వస్తే తన ప్రార్థన.. ఇదీ బాబు మార్కు వాతావరణ శాస్త్రం. అదే వేదికపై ఆయన నోటి నుంచి అబద్ధాలు జడివానలా కురిశాయి.బాబు చెప్పిన అబద్ధం1. మేం ప్రార్థిస్తే ఒకే రోజు 27 సెంటీమీటర్ల వర్షం పడింది 2. వైఎస్సార్‌సీపీ ఐదేళ్లలో 880 కిలోమీటర్ల మేర రోడ్లు వేసింది. మేం రెండేళ్లలో 6,500 కిలోమీటర్ల రోడ్లు వేశాం.3. సూపర్‌ సిక్స్‌ హామీలన్నీ అమలు చేశాం.నిజం⇒ బంగాళాఖాతంలో తీవ్ర వాయుగుండం వల్ల వర్షాలు కురిశాయి. ⇒ వైఎస్సార్‌సీపీ హయాంలో ఒక్క ప్రధాన మంత్రి గ్రామీణ సడక్‌ యోజన (పీఎంజీఎస్‌వై) కిందే 3,125 కిలో­మీటర్ల గ్రామీణ రోడ్లు పూర్తయ్యా­యి. కూటమి హయాంలో ఇప్పు­డు స్థానిక ఎన్నికల ముంగిట 6,500 కిలోమీటర్ల రోడ్ల కోసం ఆదేశాలు ఇచ్చారు. ఇంకా వేయలేదు. ⇒ ఆడబిడ్డ నిధి (ప్రతినెలా రూ.1,500), 20 లక్షల ఉద్యోగాలు లేకపోతే ప్రతినెలా రూ.3 వేల నిరుద్యోగ భృతి ఊసే లేదు. 2026–27 బడ్జెట్‌లో వీటికి కేటాయింపులే చేయలేదు. తల్లికి వందనం, అన్నదాత సుఖీభవ, ఉచిత బస్సు, దీపం పథకాలను అరకొరగా ఇచ్చి మొత్తం ఇచ్చేసినట్లు అబద్ధాలు.

జీతం పడగానే కొంత పక్కన పెట్టడం మన తాతల కాలం నుంచి వచ్చిన అలవాటు. ఆ అలవాటు ఇప్పటికీ పోలేదు. భారతీయ కుటుంబాలు ఇప్పటికీ దాచుకుంటున్నాయి. కానీ ఆ పొదుపు పక్కనే మరో లెక్క నిశ్శబ్దంగా పెరుగుతోంది.. అదే ఈఎంఐ.. అప్పుల భారం పెరుగుదల. 2022 జూన్‌ నుంచి ఇప్పటివరకు పొదుపులు 49 శాతం పెరిగితే, ఇదే కాలంలో అప్పులు 78 శాతం పెరిగినట్లు రిజర్వ్‌ బ్యాంక్‌ ఆఫ్‌ ఇండియా (ఆర్‌బీఐ) ఆగస్టు బులెటిన్‌ లెక్కలు పేర్కొంటున్నాయి. భారత కుటుంబ జీవనశైలిలో వచ్చిన మార్పును ఈ గణాంకాలు కళ్లకు కడుతున్నాయి. – సాక్షి, అమరావతిఇప్పుడు కొను–తర్వాత కట్టు విధానం ఒకప్పుడు డబ్బు కూడబెట్టి వస్తువు కొనేవాళ్లం. ఇప్పుడు ముందు వస్తువు తీసుకుని తర్వాత కట్టుకుంటున్నాం. ఫోన్‌ నుంచి ఫ్రిజ్‌ వరకు, బైక్‌ నుంచి కారు వరకు, విదేశీ యాత్ర నుంచి పెళ్లి ఖర్చుల వరకు అన్నిటికీ సులభ వాయిదాలు. యాప్‌ తెరిస్తే చాలు, నిమిషాల్లో లోన్‌. క్రెడిట్‌ కార్డు స్వైప్‌ చేస్తే ఆ నెల ఖర్చు వచ్చే నెల బిల్లుగా మారుతోంది. ‘ఇప్పుడు కొను... తర్వాత కట్టు’ అనే పద్ధతి మన దైనందిన జీవితంలో భాగమైపోయింది. పెరుగుతున్న రిటైల్‌ రుణాలు ఆర్‌బీఐ ఆరి్థక స్థిరత్వ నివేదిక ప్రకారం కుటుంబాల మొత్తం రుణాల్లో గృహ రుణాలు మినహా ఇతర రిటైల్‌ రుణాల వాటా 58.4 శాతానికి చేరింది. వాటి విలువ పరంగా సుమారు రూ.92 లక్షల కోట్లు. అంటే సగానికి పైగా అప్పు. ఇల్లు కొనడానికి చేసే అప్పు ఒక ఆస్తిని మిగుల్చుతుంది. కానీ పర్సనల్‌ లోన్, క్రెడిట్‌ కార్డు బకాయి, వినియోగ రుణం ఆస్తిని మిగల్చవు. వీటిపై వడ్డీ కూడా గృహ రుణాల కంటే రెట్టింపు నుంచి మూడు రెట్లు ఎక్కువ ఉంటుంది. మారుతున్న పొదుపు విధానం డబ్బు దాచుకునే పద్ధతిలోనూ నాలుగేళ్లలో పెద్ద మార్పు వచ్చింది. బ్యాంకు డిపాజిట్లు ఇప్పటికీ అతిపెద్ద భాగమే. కానీ మ్యూచువల్‌ ఫండ్ల వాటా 6.4 శాతం నుంచి 10.5 శాతానికి పెరిగింది. షేర్లలో నేరుగా పెట్టుబడి 20.1 శాతం నుంచి 18.1 శాతానికి తగ్గింది. రెండూ కలిపి ఇప్పుడు 29 శాతం. అంటే మన పొదుపులో దాదాపు మూడో వంతు మార్కెట్‌తో ముడిపడి ఉంది. ఎస్‌ఐపీ సంస్కృతి పెరగడం మంచి పరిణామమే. ఏం చేయాలి? » నెల ఆదాయంలో ఎంత శాతం ఈఎంఐలకు వెళ్తోందన్నది ప్రధానం. ఆరి్థక నిపుణుల ప్రకారం ఈఎంఐల వాటా 40 శాతం దాటితే జాగ్రత్త పడాల్సిన సమయం. అందువల్ల ఈఎంఐల భారాన్ని 40 శాతానికి లోపే ఉంచేలా జాగ్రత్త పడాలి. » అత్యవసర నిధి ఏర్పాటు. కనీసం మూడు నుంచి ఆరు నెలల ఖర్చులకు సరిపడా డబ్బు పక్కన ఉంచుకోవాలి. ఉద్యోగం పోయినా, ఆస్పత్రి ఖర్చు వచ్చినా, మార్కెట్‌ పడిపోయినా ఆ నిధే అండగా నిలుస్తుంది. » పొదుపు ఎంత ముఖ్యమో, ఆ పొదుపు వెనుక ఎంత అప్పు ఉందనేది కూడా అంతే కీలకం. అధిక వడ్డీ అప్పులను సాధ్యమైనంత త్వరగా తీర్చేయడానికి ప్రాధాన్యతను ఇవ్వాలి. క్రెడిట్‌ కార్డు బకాయి, పర్సనల్‌ లోన్‌ ముందుగా తీర్చేయడం మేలు. » మార్కెట్‌ పెట్టుబడులు మంచిదే. రిస్క్‌ తీసుకునే ధైర్యం పెరుగుతోందనడానికి ఇది సంకేతం. కానీ మార్కెట్‌ పెరిగితే పెట్టుబడుల విలువ పెరుగుతుంది. పడిపోతే తగ్గుతుంది. ఈ విషయం మరచిపోకూడదు. నాలుగేళ్లలో మారిన లెక్క » 2026 మార్చి నాటికి దేశంలోని కుటుంబాల ఆర్థిక ఆస్తుల విలువ రూ.490.3 లక్షల కోట్లు (ఇల్లు, భూమి, బంగారం వంటి భౌతిక ఆస్తులు పరిగణనలోకి తీసుకోకుండా). అప్పులు రూ.158.5 లక్షల కోట్లు. » నాలుగేళ్ల క్రితం సగటున రూ.100 పొదుపు వెనుక రూ.27 అప్పు ఉండేది. ఇప్పుడు అది రూ.32కి చేరింది. » ఈ నాలుగేళ్లలో కొత్తగా కూడబెట్టిన పొదుపు రూ.161 లక్షల కోట్లు కాగా.. కొత్తగా చేసిన అప్పు రూ.69 లక్షల కోట్లు. అంటే నాలుగేళ్లలో కొత్తగా దాచిన ప్రతి రూ.100కు రూ.43 చొప్పున కొత్త అప్పు పెరిగింది. » ఆర్థిక ఆస్తులు (జీడీపీలో) 2022 జూన్‌లో 134.2 శాతం ఉండగా.. 2026 మార్చి నాటికి 141.6 శాతానికి పెరిగాయి. » రూ.100 పొదుపునకు అప్పు 2022 జూన్‌లో రూ.36.40 ఉండగా.. 2026 మార్చి నాటికి రూ.45.80కి పెరిగింది.ఆందోళన అక్కర్లేదు ప్రతి కుటుంబం అప్పుల ఊబిలో ఉందని అనుకోవడం తప్పు. ఇల్లు కొనుక్కుని క్రమంగా రుణం తీరుస్తున్న కుటుంబం వేరు. నెల గడవడానికి అప్పు చేస్తున్న కుటుంబం వేరు. 2026 మార్చి నాటికి దేశంలోని కుటుంబాల ఆర్థిక ఆస్తుల విలువ రూ.490.3 లక్షల కోట్లని గణాంకాలు పేర్కొంటున్నాయి. ఇందులో ఇల్లు, భూమి, బంగారం వంటి భౌతిక ఆస్తులు లేవు. అవి కలిపితే కుటుంబాల మొత్తం సంపద ఇంకా చాలా ఎక్కువే. ఇతర అభివృద్ధి చెందుతున్న దేశాలతో పోలిస్తే మన కుటుంబాల రుణభారం ఇప్పటికీ తక్కువేనని ఆర్‌బీఐ గణాంకాలు పేర్కొంటున్నాయి. – విశ్లేషకుల అభిప్రాయం

సాక్షి, అమరావతి: సాంకేతిక విద్యాశాఖలో అధికారులు ఆడిందే ఆటగా సాగుతోంది. ఆ శాఖలో ఏం జరుగుతోంది, ఉద్యోగుల సమస్యలేమిటనే కనీస విషయాన్ని కూడా సంబంధిత మంత్రి, ప్రభుత్వం పట్టించుకోవడం లేదు. ఈ పరిస్థితిని ఆసరాగా చేసుకుని కొందరు అధికారులు ఇష్టానుసారంగా నిర్ణయాలు తీసుకుంటున్నారు. రెండేళ్లుగా ప్రమోషన్లను అటకెక్కించడమే కాకుండా కెరీర్‌ అడ్వాన్స్‌మెంట్‌ స్కీమ్‌ (సీఏఎస్‌) అమలులో అడ్డగోలు నిబంధనల్ని చొప్పించి ఉద్యోగుల మధ్య చిచ్చుపెట్టడం, 20 ఏళ్లనాటి సర్వీస్‌ రూల్స్‌ను తమ స్వప్రయోజనాల కోసం చట్టవిరుద్ధంగా మార్చేందుకు యత్నించడం వంటి చర్యలతో సాంకేతిక విద్యాశాఖ వ్యవస్థను భ్రష్టు పట్టిస్తున్నారు. జరుగుతున్న అక్రమాలను ఈ ఏడాది ప్రారంభంలో ‘సాక్షి’ వెలుగులోకి తీసుకురాగా.. వెనక్కి తగ్గిన శాఖ అధికారులు మళ్లీ తమ విధానాలను బలవంతంగా ఉద్యోగులపై రుద్దే ప్రయత్నం చేస్తున్నారన్న ఆరోపణలు తీవ్రంగా వినిపిస్తున్నాయి. గత ప్రభుత్వంలో వెలుగులు.. నేడు చీకట్లు వైఎస్‌ జగన్‌మోహన్‌రెడ్డి సీఎంగా ఉండగా పాలిటెక్నిక్‌ విద్యా రంగానికి, అందులో పనిచేసే సిబ్బంది సంక్షేమానికి అత్యున్నత ప్రాధాన్యత లభించింది. దీర్ఘకాలంగా పెండింగ్‌లో ఉన్న అఖిల భారత సాంకేతిక విద్యామండలి (ఏఐసీటీఈ) పే–స్కేల్‌ను (2016 పే–స్కేల్‌) 2022లో ఉద్యోగులకు వర్తింపజేసి ఆర్థిక భరోసా కల్పించారు. ఎన్నో ఏళ్లుగా పెండింగ్‌లో ఉన్న ఉద్యోగుల రేషనలైజేషన్‌ ప్రక్రియను పారదర్శకంగా పూర్తిచేసి, పలు ప్రభుత్వ పాలిటెక్నిక్‌లకు శాశ్వత పోస్టులను మంజూరు చేశారు. అర్హులైన అన్ని కేడర్ల బోధన, బోధనేతర సిబ్బందికి సకాలంలో పదోన్నతులు కల్పించారు. విద్యా సంస్థల్లో మౌలిక వసతులు, ల్యాబ్‌ల ఆధునికీకరణతో పాలిటెక్నిక్‌ విద్యార్థులకు నాణ్యమైన శిక్షణ అందేలా చర్యలు తీసుకున్నారు. రికార్డు స్థాయిలో పాలిటెక్నిక్‌ కోర్సులకు ‘ఎన్‌బీఏ గుర్తింపు’ వచ్చేలా చేశారు. అయితే, టీడీపీ కూటమి అధికారంలోకి వచ్చాక ఈ శాఖను పూర్తిగా గాలికొదిలేసింది. 2024–25, 2025–26 ప్యానెల్‌ సంవత్సరాలకు సంబంధించి ఉద్యోగులకు న్యాయబద్ధంగా దక్కాల్సిన పదోన్నతులు రాకుండా చేసి, తీవ్ర మానసిక క్షోభకు గురిచేస్తున్నారు. కేవలం డైరెక్టర్‌/కమిషనర్‌ స్థాయిలోనే నిర్ణయం తీసుకుని విడుదల చేసే వీలున్న ‘లెక్చరర్‌ నుంచి సీనియర్‌ లెక్చరర్‌’ ప్రమోషన్లను సైతం విడుదల చేయకుండా కొందరు అధికారులు మోకాలడ్డారు. దీంతో కొందరు ఉద్యోగులు తమ మొత్తం సర్వీసులో ఒక్క పదోన్నతైనా పొందుతారో లేదో తెలియని పరిస్థితి తీసుకొచ్చారు. సాంకేతిక విద్యను ఉన్నత విద్యలో విలీనం చేసిన తర్వాత మంత్రులుగానీ, ప్రభుత్వ పెద్దలుగానీ ఈ శాఖలో ఏం జరుగుతుందో కనీసం పూర్తిస్థాయిలో దృష్టి పెట్టకపోవడంతో కొందరు అధికారులు పెట్టినవే నిబంధనలు అన్నచందంగా మారిపోయింది. సీఏఎస్‌ ప్రహసనం.. రూల్స్‌కు తిలోదకాలు పదోన్నతులు కల్పించని పక్షంలో లెక్చరర్ల సర్వీసును గుర్తించి ఆర్థిక ప్రయోజనం కల్పించేందుకు ఉద్దేశించిన ‘కెరీర్‌ అడ్వాన్స్‌మెంట్‌ స్కీమ్‌’ (సీఏఎస్‌) అమలులో డైరెక్టరేట్‌ అధికారులు చేసిన తప్పులు ఉద్యోగుల పాలిట శాపంగా మారాయి. జీవో–10 ప్రకారం పాలిటెక్నిక్‌ లెక్చరర్లు లెవెల్‌–9ఏతో సర్వీసులో చేరతారు. ఐదేళ్ల సర్వీసు, నిర్ణీత అర్హతలు పూర్తి చేసుకున్న వారికి లెవెల్‌–10 అమలు చేయాలి. తర్వాత స్థాయి లెవెల్‌–11 (లెక్చరర్‌ సీనియర్‌ స్కేల్‌) ఇవ్వాలంటే తప్పనిసరిగా ఆంధ్రప్రదేశ్‌ పబ్లిక్‌ సర్వీస్‌ కమిషన్‌ (ఏపీపీఎస్సీ) అనుమతి, స్క్రీనింగ్‌ కమిటీ క్లియరెన్స్‌ జీవో–10 ప్రకారం తప్పనిసరి. కానీ, డైరెక్టరేట్‌లోని కొందరు అధికారులతో కూడిన అంతర్గత కమిటీ అత్యుత్సాహం ప్రదర్శించి, ఏపీపీఎస్సీ అనుమతి లేకుండానే సెపె్టంబర్‌ నెలలో ఏకంగా 244 మంది లెక్చరర్లకు లెవెల్‌–9ఏ నుంచి నేరుగా లెవెల్‌–11 ఇస్తూ ఉత్తర్వులు జారీ చేశారు. 2012–13లో చేరిన వారికి ఏఐసీటీఈ–2016 నిబంధనల ప్రకారం 2022లోనే లెవెల్‌–10 ఇవ్వాల్సి ఉండగా.. అది ఇవ్వకుండా నేరుగా లెవెల్‌–11 ఎలా ఇస్తారని, రేపు ఆడిట్‌ అభ్యంతరాలతో రికవరీలు విధిస్తే ఎవరిది బాధ్యతని లెక్చరర్లు నిలదీశారు. తప్పిదం బయటపడటంతో కొద్ది రోజులకే ఆ ఉత్తర్వులను అధికారులు గుట్టుచప్పుడు కాకుండా వెబ్‌సైట్‌ నుంచి తొలగించారు. కానీ ఉత్తర్వుల రద్దు చేస్తూ ప్రొసీడింగ్‌ ఇవ్వకపోవడంతో కొన్ని కాలేజీల్లో లెవెల్‌–11 వేతనాలు డ్రా చేయడం, మరికొన్ని కాలేజీల్లో నిలిపివేయడం జరిగింది. దీంతో ఒకే నోటిఫికేషన్‌ ద్వారా సర్వీసులో చేరిన ఉద్యోగుల మధ్య నెలకు రూ.10 వేల నుంచి రూ.20 వేల వరకు వేతన వ్యత్యాసం ఏర్పడింది. అటు పదోన్నతులు, ఇటు కెరీర్‌ అడ్వాన్స్‌మెంట్‌ స్కీమ్‌ అమలు కాకపోవడంతో ఉద్యోగులు తీవ్ర మానసిక క్షోభ అనుభవిస్తున్నారు. రాష్ట్రపతి ఉత్తర్వుల అమలులోనూ తప్పులే.. పోస్టుల విభజన ప్రక్రియలో వచ్చిన రాష్ట్రపతి ఉత్తర్వులను అమలు చేయడంలో సాంకేతిక విద్యాశాఖ అధికారులు ఘోరంగా విఫలమయ్యారు. ఈ నిబంధనల ప్రకారం పేస్కేల్‌ ఆధారంగా పోస్టులను నిర్ణయించే విధానాలను పాటించలేదు. కేవలం కొందరు ఉద్యోగుల పదోన్నతుల ప్రయోజనం చేకూర్చే విధంగా తప్పులు చేశారు. అయితే, వీటికి కార్యదర్శి స్థాయిలో తీవ్రస్థాయి ఫిర్యాదులు అందడంతో అడ్డుకట్టపడింది. అసలు సర్వీస్‌ నిబంధనలు లేని శాఖగా సాంకేతిక విద్యాశాఖను మార్చి అభాసుపాలు చేశారని సిబ్బంది మండిపడుతున్నారు.సర్వీస్‌ రూల్స్‌పై నిండా నిర్లక్ష్యం 20 ఏళ్ల క్రితం నాటి సర్వీస్‌ రూల్స్‌ మార్పు ప్రక్రియ కోసం నిబంధనల ప్రకారం ఇతర శాఖల నిపుణులతో కాకుండా సొంత శాఖ అధికారులతోనే హైపర్‌ కమిటీ వేయించుకున్నారు. గతంలో తమ పదోన్నతుల కోసం సొంత శాఖపైనే హైకోర్టులో కేసులు వేసిన వ్యక్తులను ఈ కమిటీలో కీలక సభ్యులుగా నియమించడం గమనార్హం. అనుకూల నిబంధనలు రూపొందిస్తామని చెప్పి కొందరి నుంచి పెద్దఎత్తున వసూళ్లకు పాల్పడ్డారన్న విమర్శలు సైతం వ్యక్తమవుతున్నాయి. చంద్రబాబు అధికారంలోకి వచ్చాక తమ సమస్యలను కనీసం పట్టించుకోకపోవడం, కొందరు అధికారులు ఆర్థిక ప్రయోజనాలను దెబ్బతీస్తుండటంతో లెక్చరర్లు, ఉద్యోగులు తీవ్ర ఆందోళన చెందుతున్నారు. పదోన్నతులు, ఆగిపోవడానికి సర్వీస్‌ రూల్స్‌ లేకపోవడమేనని చెబుతున్నారు. సర్వీస్‌ రూల్స్‌కు సంబంధించి అంతర్గత కమిటీ నివేదికను అందరికీ అందుబాటులో ఉంచలేదని ‘సాక్షి’ వెలుగులోకి తేవడంతో అప్పటి డైరెక్టర్‌ ఆదేశాల మేరకు ఆన్‌లైన్‌లో ఉంచారు. దీనికి పర్యవసానంగా ఉద్యోగుల నుంచి 300 పైగా అభ్యంతరాలు డైరెక్టరేట్‌కు అందాయి. అనంతరం వీటి పరిశీలనకు జేఎన్‌టీయూ, ఉన్నత విద్యశాఖల ఉద్యోగులతో మరో కమిటీని నియమించారు. అయితే, వాటిపై ఎలాంటి చర్యలు తీసుకున్నారు?, రెండో కమిటీ ఏ నివేదిక ఇచ్చింది? అనేది బహిర్గతం చేయలేదు. సర్వీస్‌ రూల్స్‌పై సాంకేతిక విద్య జాయింట్‌ డైరెక్టర్‌ను వివరణ కోరగా, ప్రభుత్వానికి పంపించామని ఒకసారి, త్వరలో పంపిస్తామని మరోసారి చెప్పడం గమనార్హం.

సాక్షి, అమరావతి: ‘ప్రభుత్వ సంక్షేమ పథకాలన్నింటినీ ఇంటింటికీ వెళ్లి నేరుగా అందించాం. అధికారుల చుట్టూనో.. నాయకుల చుట్టూనో తిరగాల్సిన అవసరం లేకుండా ప్రతి ఒక్కరినీ నేరుగా కలిసి.. వారు ఏ పథకానికి అర్హులో చెప్పి మరీ దాన్ని అందజేశాం. అదికూడా ఏ కులం, ఏ మతం, ఏ పార్టీ అనేది చూడకుండా.. ప్రకృతి వైపరీత్యాలొస్తే ప్రభు­త్వం తరఫున సైన్యంలా పనిచేశాం. రాష్ట్రంలోని ప్రతి మూలకూ వెళ్లి సేవలందించాం. యావత్తు ప్రపంచాన్నీ కోవిడ్‌ మహమ్మారి కమ్మేసినప్పుడు.. ఇంట్లోంచి బయటకు రావటానికే జనం భయపడ్డప్పుడు... నేరుగా ఇళ్లకు వెళ్లి మందులిచ్చి మరీ రాష్ట్ర ప్రజలను ఆదుకున్నది మా సైన్యమే. అలాంటి మాకు గౌరవ పారితోషికంగా రాష్ట్ర ప్రభుత్వం ఇస్తున్న రూ.5,000 మొత్తాన్ని ఉగాది సాక్షిగా రూ.10 వేలకు పెంచుతానని చెప్పి మరీ మోసం చేయటమే కాక... ఇప్పుడు సోషల్‌ మీడియా ఇన్‌ఫ్లుయెన్సర్లకు ఒక్కో పోస్టుకు రూ.15 వేలు చెల్లిస్తామంటూ వెన్నుపోటు ప్రభుత్వం పాలసీ తీసుకురావడం దారుణం’ అని చంద్రబాబుపై వలంటీర్లు మండిపడుతున్నారు. ‘వైఎస్‌ జగన్‌ మోహన్‌రెడ్డి ముఖ్యమంత్రిగా ఉన్నప్పుడు అందించిన సంక్షేమ పథకాలన్నిటినీ తానూ ఇస్తానని, మాకు గౌరవ వేతనం రూ.5వేల నుంచి రూ.10వేలకు పెంచుతానని చెప్పి చంద్రబాబు మమ్మల్ని మోసం చేశారు. మమ్మల్ని తీసేయటమే కాదు.. గత ప్రభుత్వంలోని సంక్షేమ పథకాలను కూడా అమలు చేయటం లేదు. కానీ ఇప్పుడేమో సోషల్‌ మీడియా ఇన్‌ఫ్లుయెన్సర్లని చెప్పి తెలుగుదేశం కార్యకర్తలకు ఒక్కో పోస్టుకు రూ.15 వేలు ఇస్తామనటం అన్యాయం? ఇంటింటికీ తిరిగి ప్రభుత్వ పథకాలను అందజేసే మాకు నెలకు రూ.5 వేలు ఇవ్వటం భారమని, దుబారా అని భావించిన చంద్రబాబు ఇపుడు సోషల్‌ మీడియాలో ప్రభుత్వానికి అనుకూలంగా పోస్టులు పెట్టించుకుని ఒకో పోస్టుకు రూ.15 వేలు చెల్లిస్తామనటం దివాలాకోరుతనానికి పరాకాష్ఠ. ప్రజల సొమ్మును ఈ రకంగా దుర్వినియోగం చేయటం ఘోరం... నేరం కూడా’’ అని పలువురు వలంటీర్లు మండిపడుతున్నారు. చంద్రబాబు నాయుడు తమను తొలగించాక... దుబారాను తగ్గించారంటూ ఎల్లో మీడియా ఆయనను బాగా ప్రశంసించిందని వారు గుర్తుచేశారు. ‘‘కానీ విజయవాడకు భారీ వరదలొస్తే అక్కడ సేవలందించడానికి చంద్రబాబుకు, ఆయన మీడియాకు, ఆయన యంత్రాంగానికి అక్కరకు వచ్చింది మాత్రం మేమే. మళ్లీ విధుల్లోకి తీసుకుంటామంటూ పిలిచి మమ్మల్ని మరోసారి మోసం చేశారు’ అని వలంటీర్లు వాపోతున్నారు. లబ్ధిదారు ఇంటికే వెళ్లి పింఛన్లు ఇస్తున్న వలంటీర్‌ (ఫైల్‌) ఇది తెలుగుదేశం పార్టీ నిధి కాదు కదా?ఇదంతా ప్రభుత్వ ఖజానాను నేరుగా టీడీపీ సోషల్‌ మీడి­­యా కార్యకర్తలకు దోచిపెట్టడానికి దారు­ణమైన స్కెచ్‌ అని వలంటీర్లు ఆవేదన చెందు­తున్నారు. ‘ఎన్నికల్లో గెలవటానికి సోషల్‌ మీడియా ప్రచారం చేసుకోవాలంటే చేసుకోవచ్చు. దానికి పార్టీ తరఫున డబ్బులివ్వాలి తప్ప రాష్ట్ర ప్రజలంతా పన్నుల రూపంలో చెల్లించిన ధనాన్ని ప్రచార యావ కోసం ధారాదత్తం చేయటం అన్యాయం. మేమైతే ఇంటింటికీ వెళ్లి కష్టపడ్డాం గనుక మాకు గౌరవ పారితోషికంగా రూ.5వేలు చెల్లించారు. ఇప్పుడు ఈ ఇన్‌ఫ్లుయెన్సర్లు చేసేదేంటి? సోషల్‌ మీడియాలో ప్రభుత్వానికి డప్పుకొడుతూ ఒక పోస్టు పెడితే రూ.15వేలు చెల్లిస్తామనటం ఎక్కడైనా ఉందా?’ అని వలంటీర్లు వేస్తున్న ప్రశ్నకు ప్రభు­త్వం దగ్గరైతే సమాధానం లేదు.మా కడుపులు కొట్టి ఇన్‌ఫ్లుయెన్సర్లకు జీతాలా?2019 నుంచి 2024 వరకు ప్రజలకు, ప్రభు­త్వానికి మధ్య వారధిగా నిలిచాం. ప్రతి సంక్షేమ పథకాన్ని ఇంటింటికీ చేర్చాం. రూ.5 వేలు గౌరవ వేతనం తీసుకొని ప్రభుత్వ సేవలన్నీ ప్రజలకు అందించాం. అలాంటి మమ్మల్ని ఎన్నికల సమయంలో టీడీపీ నేతలు రూ.5 వేలు కాదు రూ.10 వేలు ఇస్తామన్న మాటలు నమ్మాం.. ఆశపడ్డాం. చివరకు ఈ ప్రభుత్వం మమ్మల్ని రోడ్డున పడేసింది. – తాటిపాటి తిరుపాల్, 47వ సచివాలయ మాజీ వలంటీర్, కర్నూలుదోచిపెట్టే కొత్త పాలసీ ఇదిగత వైఎస్సార్‌సీపీ ప్రభుత్వ హయాంలో ప్రజ­లకు ప్రభుత్వ సేవ­లను ఇంటింటికి అందించిన మాపై అప్పట్లో మీరు ఎన్నో నిందలు వేశారు. గౌరవ వేతనం రూ.5 వేలు నుంచి రూ.10 వేలకు పెంచుతానని చెప్పి సీఎం చంద్రబాబు మోసం చేశారు. కానీ ఇప్పుడు సోషల్‌ మీడియా ఇన్‌ఫ్లుయెన్సర్లకు మాత్రం ప్రజాధనాన్ని దోచిపెట్టేందుకు కొత్త పాలసీ తీసుకురావటం దారుణం. – బి.చాందిని, మాజీ వలంటీర్, బాపులపాడు, కృష్ణా జిల్లారూ.వందల కోట్లు ఖర్చు చేయడం సమంజసమా?కరోనా మహమ్మారికి భ­యపడి ప్రజలు ఇళ్ల నుంచి బయటకు రాక­పోయినా ప్రాణాలకు తె­గించి సేవలందించాం. నెల రోజులు పనిచేసి గౌరవ వేతనం రూ.5వేలు పొందేవాళ్లం. దానికే ప్రజాధ­నం దుర్వినియోగం అంటూ నాడు నానా రాద్ధాంతం చేసిన కూటమి పెద్దలు.. ఇ­ప్పు­డు ఇన్‌ఫ్లుయెన్సర్‌ పాలసీ పేరుతో వందల కోట్ల రూపాయలు ఖర్చు పెట్టడం ఎంత వరకు సమంజసమో ఆలోచించుకోవాలి. – ఉయ్యాల ఈశ్వర్‌కుమార్, మాజీ వలంటీర్, చాగంటివారిపాలెం, పల్నాడు జిల్లా

సాక్షి, అమరావతి: టెక్నాలజీకి తానే ఆద్యుడినని, భూముల రీ సర్వే తన ఘనతేనని లేని వాటి గురించి గొప్పలు చెప్పుకునే చంద్రబాబు పాలనలో కనీసం భూముల వివరాలు చూపించే వెబ్‌సైట్‌ కూడా సక్రమంగా పనిచేయడం లేదు. రాష్ట్రంలోని లక్షలాది మంది రైతులు, భూ యజమానులు తమ భూ రికార్డుల కోసం ఆధారపడే ‘మీ భూమి’ (meebhoomi.ap.gov.in) పోర్టల్‌ మూగబోయింది. పోర్టల్‌ ఓపెన్‌ చేసి లాగిన్‌ కోసం మొబైల్‌ నంబర్‌ ఎంటర్‌ చేస్తే ఓటీపీ రావాలి. కానీ ‘ప్లీజ్‌ వెయిట్‌’ అంటూ రింగులు తిరుగుతూనే ఉంటోంది తప్ప ఓటీపీ మాత్రం రావడం లేదు. ఎంతసేపు ఎదురుచూసినా ముందుకు వెళ్లే పరిస్థితి లేదు. పోర్టల్‌ తెరవగానే సీఎం చంద్రబాబు, రెవెన్యూ మంత్రి అనగాని సత్యప్రసాద్‌ ఫొటోలు దర్శనమిస్తున్నాయి.. కానీ వాటి కిందే ఉన్న లాగిన్‌ బాక్స్‌ మాత్రం పనిచేయట్లేదు. ఎస్‌ఎంఎస్‌ సేవలు అందిస్తున్న సీడాక్‌ సంస్థకు ప్రభుత్వం బకాయిలు చెల్లించకపోవడంతో ఆ సంస్థ సేవలు నిలిపివేసినట్లు తెలుస్తోంది. ప్రభుత్వ పోర్టల్‌ను అంతరాయం లేకుండా నడపడానికి అవసరమైన చిన్న మొత్తాన్నీ చెల్లించలేని దుస్థితిలో కూటమి ప్రభుత్వం ఉందా అని ప్రశ్నిస్తున్నారు. వైఎస్‌ జగన్‌ హయాంలో ప్రారంభమై విజయవంతంగా సాగిన భూముల రీ సర్వేను తన ఘనతగా చెప్పుకుంటూ క్రెడిట్‌ చోరీకి పాల్పడుతున్న చంద్రబాబు.. తన పాలనలో ఉన్న పోర్టల్‌ను సవ్యంగా నడపలేకపోతున్నారని ఎద్దేవా చేస్తున్నారు.

సాక్షి, అమరావతి : హంద్రీ–నీవా సుజల స్రవంతి పథకం రెండో దశ ప్రధాన కాలువ లైనింగ్‌ పేరుతో మరో విడత దోపిడీకి చంద్రబాబు సర్కార్‌ తెరతీసింది. శ్రీసత్య సాయి జిల్లా ముదిగుబ్బ, కదిరి, తలుపుల, ఎన్‌పీ కుంట మండలాల పరిధిలో హంద్రీ– నీవా రెండో దశ ప్రధాన కాలువ కాలువ 400.5 కి.మీ నుంచి 458.975/463 కి.మీ వరకు లైనింగ్‌ పనులు, మిగిలిపోయిన నిర్మాణ పనులకు రూ.487.48 కోట్ల అంచనాతో మంగళవారం టెండర్లు పిలిచింది. మరో రూ.109.21 కోట్లను జీఎస్టీ, సీనరేజీ వంటి పన్నుల రూపంలో రీయింబర్స్‌ చేస్తామని పేర్కొంది.అంటే.. కాంట్రాక్టు విలువ రూ.596.69 కోట్లు. ఈ పనులను లంప్సమ్‌ విధానంలో 18 నెలల్లోగా పూర్తి చేయాలని షరతు విధించింది. టెండర్‌లో బిడ్‌ల దాఖలుకు అక్టోబర్‌ 16 తుది గడువు. అక్టోబర్‌ 21న ఆర్థిక బిడ్‌ను తెరిచి టెండర్‌ను ఖరారు చేసి, పనులను కాంట్రాక్టు సంస్థకు అప్పగించనుంది. 2016–17 నుంచి 2025–26 వరకూ ఏదైనా ఒక ఏడాదిలో 13,19,026 క్యూబిక్‌ మీటర్ల మట్టి పని.. 25,705 క్యూబిక్‌ మీటర్ల కాంక్రీట్‌ పని, 3,97,015 చదరపు మీటర్ల సిమెంట్‌ కాంక్రీట్‌ లైనింగ్, షార్ట్‌ క్రీటింగ్, ఎస్‌ఎఫ్‌ఆర్‌సీ (స్టీల్‌ ఫైబర్‌ రీయిన్‌ఫోర్స్‌డ్‌ కాంక్రీట్‌) పనులు పూర్తి చేసిన కాంట్రాక్టు సంస్థలకు టెండర్‌లో బిడ్‌ దాఖలుకు అర్హత ఉంటుందని పేర్కొంది. గత పదేళ్లలో ఏదైనా ఓ ఏడాది 2026–27 ధరల ప్రకారం రూ.162.50 కోట్ల విలువైన ఇదే రకం పనులు పూర్తి చేసి ఉండాలని మరో షరతు విధించింది. వీటిని బట్టి చూస్తే హంద్రీ–నీవా రెండో దశ ప్రధాన కాలువ 216 కి.మీ నుంచి 400 కి.మీ వరకు, పుంగనూరు బ్రాంచ్‌ కెనాల్, కుప్పం బ్రాంచ్‌ కెనాల్‌ లైనింగ్‌ పనులు చేసిన కాంట్రాక్టు సంస్థల్లో ఆర్వీఆర్‌ ప్రాజెక్ట్స్‌ (ఈనాడు కిరణ్‌ వియ్యంకుడు రాయల రఘు), కళ్యాణదుర్గం టీడీపీ ఎమ్మెల్యే అమిలినేని సురేంద్రబాబు (ఎస్సార్‌ కన్‌స్ట్రక్షన్స్‌), సీఎం చంద్రబాబు సన్నిహితుడు బలుసు శ్రీనివాసరావు (బీఎస్సార్‌ ఇన్‌ఫ్రా), సీఎం చంద్రబాబు సన్నిహితుడు రంగరాజు ఎండీగా ఉన్న ఎన్‌సీసీ, సీఎం రమేష్‌ (రిత్విక్‌ ప్రాజెక్ట్స్‌)లలో.. ఒక సంస్థకు పనులు కట్టబెట్టేందుకే షార్ట్‌ క్రీటింగ్‌కు తోడుగా ఎస్‌ఎఫ్‌ఆర్‌సీని చేర్చారన్నది స్పష్టమవుతోంది. సన్నిహితులకు కట్టబెట్టేందుకే ఎస్‌ఎఫ్‌ఆర్‌సీ లింకు » రాతి పొర ఉన్న ప్రాంతాల్లో మాత్రమే కాలువకు షార్ట్‌ క్రీటింగ్‌ పద్ధతిలో లైనింగ్‌ (రాతి పొరకు ఇనుప జాలరీని అమర్చి.. దానిపై సిమెంటు కాంక్రీట్‌ వేయడం) చేయాలి. షార్ట్‌ క్రీటింగ్‌ పద్ధతిలో లైనింగ్‌ చేయడానికి సాధ్యం కాని చోట్ల మాత్రమే.. రాతి పొరకు ఎస్‌ఎఫ్‌ఆర్‌సీ (ఇనుప మేకులతో కూడిన సిమెంట్‌ కాంక్రీట్‌ మిశ్రమాన్ని అధిక ఒత్తిడితో స్ప్రే చేయడం) పద్ధతిలో లైనింగ్‌ చేయాలి. » కానీ.. హంద్రీ–నీవా రెండో దశ ప్రధాన కాలువ 216 నుంచి 400 కి.మీ వరకు, పుంగనూరు బ్రాంచ్‌ కెనాల్, కుప్పం బ్రాంచ్‌ కెనాల్‌ లైనింగ్‌ పనులకు 2024–2025లో పిలిచిన టెండర్లలో ఎస్‌ఎఫ్‌ఆర్‌సీ నిబంధన లేదు. సిమెంట్‌ కాంక్రీట్‌ లైనింగ్‌ లేదా షార్ట్‌ క్రీటింగ్‌ విధానంలో మాత్రమే లైనింగ్‌ చేయాలని స్పష్టంగా ఉంది. » టెండర్‌ నిబంధనలు ఉల్లంఘించి రాతి పొర లేకపోయినా కాలువ గట్లను సరి చేయకుండానే మట్టి పొరకే ఇష్టారాజ్యంగా ఎస్‌ఎఫ్‌ఆర్‌సీ విధానంలో అత్యంత నాసిరకంగా లైనింగ్‌ చేసి బిల్లులు కాజేశారు. దాంతో 2025లో కాలువలో నీటి ప్రవాహ ఉద్ధృతికే లైనింగ్‌ ఎక్కడికక్కడ జారిపోయి కొట్టుకుపోయింది. రూ.3,850 కోట్ల వ్యయంతో చేపట్టిన ఆ పనుల్లో భారీ స్థాయిలో అవినీతి చోటుచేసుకుందని ఇంజినీరింగ్‌ నిపుణులు ఎత్తి చూపుతున్నారు. » తాజాగా టెండర్లు పిలిచిన పనులనూ అస్మదీయ సంస్థకు కట్టబెట్టి.. భారీ ఎత్తున ప్రజాధనాన్ని దోచిపెట్టి.. నీకింత నాకింత అంటూ పంచుకుతినేందుకు ముఖ్య నేత సిద్ధమయ్యారని ఆరోపిస్తున్నారు. అందుకే ఎస్‌ఎఫ్‌ఆర్‌సీ పద్ధతిలో లైనింగ్‌ చేసినా టెండర్‌లో బిడ్‌ దాఖలు చేసేందుకు అర్హత ఉంటుందని నిబంధన పెట్టారని స్పష్టం చేస్తున్నారు.

అధికారమదంతో తెలుగుదేశం నేతలు పేట్రేగిపోతున్నారు. గుడి, బడి తారతమ్యం మరిచి బరితెగిస్తున్నారు. తాజాగా ప్రభుత్వ పాఠశాలల్లో విద్యాప్రమాణాల పెంపు, వసతుల కల్పన పర్యవేక్షణ కోసం ఉద్దేశించిన పాఠశాలల నిర్వహణ కమిటీ ఎన్నికలను రాజకీయ రణరంగంగా మార్చి బాహాబాహీకి దిగారు. బడుల్లోకి చొరబడి గురువులపైనా గూండాగిరికి తెగబడ్డారు. పల్నాడు జిల్లాలో ఏకంగా ప్రధానోపాధ్యాయుడినే కిడ్నాప్‌ చేసిన ఘటన విద్యావ్యవస్థలో మునుపెన్నడూ చూడని చీకటి అధ్యాయాన్ని కళ్లకు కట్టింది. పసిపిల్లల ముందే టీడీపీ నేతలు సాగించిన ఈ రాక్షస కాండకు సభ్యసమాజమే విస్తుపోయింది. సాక్షి, అమరావతి: పాఠశాలల నిర్వహణ కమిటీ ఎన్ని­కలు(ఎస్‌ఎంసీ) టీడీపీ కూటమి నాయ­కుల అరా­చకా­లకు అడ్డాగా మారాయి. మంగళవారం నిర్వహించిన ఎన్నికలను పూర్తిగా రాజకీయం చేస్తూ, పసిపిల్లల ముందే తెలుగుదేశం కూటమి నేత­లు బాహాబాహీకి దిగడం తీవ్ర ఉద్రిక్తతలకు దారితీసింది. కొన్ని­చోట్ల ఉపాధ్యాయులను భయభ్రాంతులకు గురిచేయగా, మరికొన్ని చోట్ల ప్రధానోపాధ్యాయులనే ఏకంగా కిడ్నాప్‌ చేసి దౌర్జన్యాలకు పాల్పడటం రాష్ట్రవ్యాప్తంగా ప్రజలను, విద్యార్థుల తల్లిదండ్రులను తీవ్ర దిగ్భ్రాంతికి గురిచేసింది. నిబంధనల ప్రకారం విద్యార్థుల తల్లిదండ్రులకు మాత్రమే పాఠశాల ప్రాంగణాల్లోకి అనుమతి ఉంది. అయితే దీనికి విరుద్ధంగా అధికార పార్టీ నాయకులు చొరబడ్డారు. స్వేచ్ఛాయుత వాతావరణంలో జరగాల్సిన ఎస్‌ఎంసీ ఎన్నికల్లో కొట్లాటలకు దిగి భయోత్పాతం సృష్టించారు. 44,059 ప్రభుత్వ పాఠశాలల్లో ఎన్నికలు నిర్వహించగా అనేక చోట్ల ఘర్షణలకు పూనుకున్నారు. పల్నాడు జిల్లా యడ్లపాడు మండలం తిమ్మాపురం జెడ్పీ స్కూల్‌ హెచ్‌ఎంను ఏకంగా కిడ్నాప్‌ చేశారు. టీడీపీ సానుభూతిపరులు తక్కువగా ఉన్నచోట్ల కో­రం లేదంటూ ఎన్నికలను అడ్డుకుని వాయిదా వేయి­ం­చారు. టీడీపీ కూటమి అధికారంలోకి వచ్చాక ఎస్‌ఎంసీ ఎన్నికలు జరగడం ఇది రెండోసారి. గతంలోనూ 2024 ఆగస్టు 8న రాష్ట్ర వ్యాప్తంగా 45,193 ప్రభుత్వ పాఠశాలల్లో నిర్వహణ కమిటీ ఎన్నికలు నిర్వహించగా, నాడు 631 స్కూళ్లలో గ్రామస్థాయిలోని కూటమి నాయకులు గొడవలకు దిగారు. ఇప్పుడూ మరోమారు బడులను రణరంగంగా మార్చారు. ఇవిగో నిదర్శనాలు » గుంటూరు జిల్లా, నల్లపాడు పోలీస్‌ స్టేషన్‌ పరిధిలోని జొన్నలగడ్డ జిల్లా పరిషత్‌ ఉన్నత పాఠశాలలో టీడీపీ కూటమి నేతలు చొరబడి రౌడీషీట్, పోక్సో కేసు నమోదైన వ్యక్తిని అక్రమంగా, అడ్డదారుల్లో చైర్మన్‌గా ఎన్నుకున్నారు. దీంతో విద్యార్థుల తల్లిదండ్రులు ఆందోళన వ్యక్తం చేశారు. ఆయన ఎన్నికకు ఏమాత్రం సంఖ్యాబలం లేకపోయినా పోలీసులను అడ్డం పెట్టుకొని ఎన్నిక ఏకగ్రీవం చేశారని ధ్వజమెత్తారు. ప్రశ్నించిన ఓ విద్యార్థి తండ్రి సంకూరి కిషోర్‌ను పోలీసులు స్టేషన్‌కు తీసుకెళ్లడంతో విద్యార్థుల తల్లిదండ్రుల్లో ఆగ్రహం కట్టలుతెంచుకుంది. రౌడీషీట్, పోక్సో కేసులు ఉన్న వ్యక్తిని పాఠశాల చైర్మన్‌గా చేస్తే విద్యార్థులకు రక్షణ, భద్రత, పాఠశాల అభివృద్ధి ఏ విధంగా సాధ్యపడతాయని వారు ప్రశ్నించారు. » పల్నాడు జిల్లా యడ్లపాడు మండలం తిమ్మాపురం జెడ్పీ స్కూల్‌ కమిటీ ఎన్నికల నిర్వహణ కోసం ఉదయం పాఠశాలకు వస్తున్న హెడ్‌ మాస్టర్‌ దండా శ్రీనివాసప్రసాద్‌ను గుర్తుతెలియని వ్యక్తులు కిడ్నాప్‌ చేశారంటూ ఎంఈవో నాగరత్నం పోలీసులకు ఫిర్యాదు చేశారు. మరోవైపు ఎన్నికల ప్రక్రియ జరుగుతుండగా కొందరు వ్యక్తులు పాఠశాలలోకి చొరబడ్డారు. అడ్డుకునేందుకు యత్నించడంతో ఇరువర్గాల మధ్య తోపులాట, ఘర్షణ జరిగింది. ఘటనలో పలువురు గాయపడ్డారు. టీడీపీ చిలకలూరిపేట ఎమ్మెల్యే ప్రత్తిపాటి పుల్లారావు వర్గానికి చెందిన నాగండ్ల రాంబాబు, అదే పార్టీకి చెందిన హిందూపురం ఎమ్మెల్యే నందమూరి బాలకృష్ణ పీఏ పావులూరి శ్రీనివాసరావు వర్గాలు ఈ ఎస్‌ఎంసీ ఎన్నికను ప్రతిష్టాత్మకంగా తీసుకోవడం గమనార్హం. » వైఎస్సార్‌ జిల్లా, కాజీపేట మండలం దుంపలగట్టు గ్రామం ప్రాథమిక పాఠశాలలో ఎన్నిక ప్రక్రియ ప్రారంభం కాగానే టీడీపీ నేతలు చొరబడ్డారు. విద్యార్థుల తల్లిదండ్రులపై కేసులు ఉన్నా­యని దూషణలకు దిగారు. పోలీసులు రంగ ప్రవేశం చేసి ఎన్నికను వాయిదా వేశారు. ఈ సమయంలో ఖాజీపేట సీఐ వంశీధర్‌.. వైఎస్సార్‌సీపీ రాష్ట్ర కార్యదర్శి రెడ్యం వెంకటసుబ్బారెడ్డి భార్య­ను ఉద్దేశించి ‘ఆడదానివి నువ్వు పోకపోతే..’ అంటూ అసభ్యకర వ్యాఖ్యలు చేయడం తీవ్ర వివాదాస్పదమైంది. సీఐ క్షమాపణ చెప్పాలని డిమాండ్‌ చేస్తూ రెడ్యం వెంకటసుబ్బారెడ్డి ఆధ్వర్యంలో కార్యకర్తలు పోలీసు వాహనాన్ని అడ్డుకున్నారు. మదనపల్లె డీఎస్పీ వెంకటేశ్వర్లు జోక్యం చేసుకుని సీఐ వ్యాఖ్యలను తీవ్రంగా తప్పుపట్టారు. బాధి­తులకు నచ్చజెప్పి పంపించడంతో వివాదం సద్దుమణిగింది. వైఎస్సార్‌సీపీకి మెజారిటీ ఉన్నా టీడీపీ నాయకులు అధికార బలంతో ఎన్నికలు వాయిదా వేయించడంపై గ్రామంలో తీవ్ర విమర్శలు వ్యక్తమవుతున్నాయి. » చిత్తూరు జిల్లాలోని పలు నియోజకవర్గాల్లో నిర్వహించిన ఎన్నికల్లో 40 శాతం మంది తల్లిదండ్రులూ హాజరుకాలేదు. చాలా పాఠశాలల్లో ఎన్నికలకు అవసరమైన సభ్యులు లేకపోయినా ఎన్నిక ప్రక్రియను పూర్తి చేశారు. » చిత్తూరు రూరల్‌ మండలం ఎన్‌ఆర్‌పేట జెడ్పీ హైసూ్కల్‌లో మెజారిటీ సభ్యులు ఉన్నా టీడీపీ నాయకులు ఉద్దేశపూర్వకంగా ఎన్నికలను వాయి­దా వేయించేందుకు హెచ్‌ఎం, అధికారులపై ఒత్తిడి తెచ్చారు. దీంతో ఆ పాఠశాలలో స్వల్ప ఘర్షణ వాతావరణం నెలకొంది. » గంగాధర నెల్లూరు నియోజకవర్గం కార్వేటినగరం మండలం డీఎంపురం జెడ్పీ హైస్కూల్‌లో ఘర్షణలు తలెత్తాయి. గతంలో ఆ పాఠశాల ఎస్‌ఎంసీ చైర్మన్‌గా ఉన్న త్యాగరాజను తిరిగి ఎన్నుకోవాలని తల్లిదండ్రులు నిర్ణయించారు. అతను వైఎస్సార్‌సీపీ సానుభూతిపరుడు కావడంతో నిబంధనలకు విరుద్ధంగా మరొకరిని చైర్మన్‌గా ప్రకటించారు. కమిటీలోని ఐదుగురు సభ్యులు వాకౌట్‌ చేసినా టీడీపీ నాయకుల ఒత్తిడితో ఏకపక్షం చేశారు. దీంతో ఆ పాఠశాల వద్ద తల్లిదండ్రులు ఆందోళనకు దిగారు. » ఎన్టీఆర్‌ జిల్లా జగ్గయ్యపేట మండలం గౌరవరం జిల్లా పరిషత్, మండల పరిషత్‌ పాఠశాలల్లో టీడీపీ నేతలు చొరబడి ఎన్నికలను నిలిపివేశారు. ముక్త్యాల జిల్లా పరిషత్‌ పాఠశాలలో మహిళలకు కనీసం కమిటీలో ప్రాధాన్యం ఇవ్వకపోవటంతో తల్లిదండ్రులు ఆందోళన చేశారు. » అనంతపురం జిల్లాలో జరిగిన ఎస్‌ఎంసీ ఎన్నికల్లో అధికార పార్టీ నేతలు జోక్యం చేసుకున్నారు. మొత్తం 1,723 పాఠశాలల్లో ఎన్నికలు జరగాల్సి ఉండగా, 1,687 పాఠశాలల్లో పూర్తయ్యాయి, 36 పాఠశాలల్లో వాయిదా పడ్డాయి. 27 చోట్ల కోరం లేక, తొమ్మిది చోట్ల శాంతిభద్రతల సమస్యలతో వాయిదా వేశారు. కొన్నిచోట్ల కోరం ఉన్నప్పటికీ రాజకీయ ఒత్తిళ్లతో ఎన్నికలు వాయిదా వేశారు. » తిరుపతి జిల్లా పెళ్లకూరు మండలంలోని ఆర్లపాడు గ్రామంలోని బడిలో ఎన్నికల సందర్భంగా వివాదం తలెత్తింది. దీనిని కవర్‌ చేయడానికి వెళ్లిన మీడియా ప్రతినిధులపై అదే గ్రామానికి చెందిన టీడీపీ కార్యకర్త వాటంబేటి చంద్రశేఖర్‌ దాడికి పాల్పడ్డాడు. దుర్భాషలాడుతూ ఇద్దరు విలేకర్లపై దాడులకు పాల్పడ్డాడు. » మార్కాపురం జిల్లా పుల్లలచెరువు ప్రభుత్వ పాఠశాలలో ఎస్‌ఎంసీ ఎన్నికలు అధికారపార్టీ కనుసన్నల్లో ఏకపక్షంగా జరిగాయని నిరసిస్తూ విద్యార్థి తండ్రి నీలబోయిన యోగేశ్వరరావు తన బిడ్డ టీసీ తీసుకెళ్లిపోయారు. » అనంతపురం జిల్లా కుందుర్పి మండలం మహంతపురం యూపీ పాఠశాల, కరిగానిపల్లి ఉన్నతపాఠశాలలో కోరం లేదనే సాకుతో ఎన్నికలను టీడీపీ నేతలు వాయిదా వేయించడంపై విద్యార్థుల తల్లిదండ్రులు ఆగ్రహించారు. తమ పిల్లల టీసీలిచ్చేయాలని ధర్నా చేశారు. » శ్రీకాకుళం జిల్లా ఆమదాలవలస మండలం కొర్లకోటలో పోస్ట్‌ మాస్టర్‌గా పనిచేస్తున్న టీడీపీకి చెందిన వ్యక్తి సనపల అప్పలనాయుడు జెడ్పీ పాఠశాలలో ఎన్నికల ప్రక్రియను నడిపించారు. మైక్‌ పట్టుకుని ఎవరేం చేయాలో నిర్దేశించారు. » స్కూల్‌ కమిటీ ఎన్నికలో ఓటమిని సహించలేక పార్వతీపురం మన్యం జిల్లా పాలకొండ మండలం పనుకువలస మాజీ ఎంపీటీసీ సభ్యుడు, వైఎస్సార్‌ సీపీ నాయకుడు కోట అజయ్‌కుమార్‌పై కూటమి నాయకులు దాడిచేశారు. అటుగా వస్తున్న ఎస్సై డోల వెంకన్న కూటమి నాయకులను చెదరగొట్టి అజయ్‌కుమార్‌ను రక్షించారు.4,171 పాఠశాలల్లో ఎన్నికలు ఒకటోతేదీకి వాయిదా సమగ్ర శిక్ష ఎస్పీడీ శ్రీనివాసరావు సాక్షి, అమరావతి: రాష్ట్ర వ్యాప్తంగా పాఠశాల నిర్వహణ కమిటీల(ఎస్‌ఎంసీ) ఎన్నికలు మంగళవారం పారదర్శకంగా ముగిశాయని సమగ్ర శిక్ష ఎస్పీడీ బి.శ్రీనివాసరావు ఓ ప్రకటనలో తెలిపారు. రాష్ట్రంలోని మొత్తం 44,059 పాఠశాలల్లో ఎన్నికలకు ఏర్పాట్లుచేయగా, 39,888 పాఠశాలల్లో ఎన్నికలు సజావుగా జరిగాయని పేర్కొన్నారు. 4,171 పాఠశాలల్లో వివిధ కారణాలతో ఎన్నికలు జరగలేదని, ఇందులో 321 పాఠశాలల్లో కోరం లేక, 3,850 పాఠశాలలకు పరిపాలనా కారణాలతో ఎన్నికలను అక్టోబర్‌ ఒకటో తేదీకి వాయిదా వేశామని ఎస్పీడీ తెలిపారు.

సాక్షి, అమరావతి: చంద్రబాబు ప్రభుత్వ సోషల్‌ మీడియా ఇన్‌ఫ్లూయెన్సర్‌ పాలసీ వారికి డప్పు కొట్టించుకుంటూ ప్రజలను పక్కదోవ పట్టించడమేనని సర్వత్రా విమర్శలు వెల్లువెత్తుతున్నాయి. కరోనా సమయంలో సొంత కుటుంబ సభ్యులే వైరస్‌ సోకిన వారి దగ్గరకు వెళ్లలేని సమయంలో చనిపోయిన వారికి అంత్యక్రియలు చేయడంతోపాటు నిరంతరం పేద ప్రజల గడప వద్దకే ప్రభుత్వ సేవలు అందించిన గ్రామ, వార్డు వలంటీర్ల సేవలు ఈ రాష్ట్రానికి అవసరమా.. లేక జరగని వాటిని జరిగినట్లు గొప్పలు చెబుతూ డప్పు కొట్టేందుకు ప్రభుత్వ పెద్దలకు మాత్రమే ఉపయోగపడే సోషల్‌ మీడియా ఇన్‌ప్లుయెన్సర్‌ సేవలు అవసరమా.. అని రాష్ట్ర వ్యాప్తంగా చర్చ జరుగుతోంది. చంద్రబాబు తిరిగి ముఖ్యమంత్రి కాగానే వృధా ఖర్చు అంటూ తొలగించిన 2.66 లక్షల మంది వలంటీర్ల కుటుంబాలు ఇప్పుడు గొంతెత్తి ఈ విషయాన్ని ప్రశ్నిస్తున్నాయి. ప్రభుత్వం తీరు దోపిడీ కన్నా దారుణంగా ఉందని దుయ్యబడుతున్నాయి. రాష్ట్ర ప్రభుత్వం పేర్కొంటున్న ‘సోషల్‌ మీడియా ఇన్‌ఫ్లుయెన్సర్‌ పాలసీ‘ ప్రభుత్వ పెద్దలకు కావాల్సిన కొంత మంది అనుయాయులకు ఏటా కోట్ల రూపాయలు దోచి పెట్టడానికి తప్ప సామాన్య ప్రజలకు ఏ విధమైన ప్రయోజనం లేదని తూర్పారబడుతున్నాయి.2019–24 మధ్య ఎంతటి వరదలొచ్చినా, ఇక్కట్లు వచ్చినా స్వల్ప ప్రాణ నష్టానికి కూడా తావు లేకుండా తాము సేవలు అందించామని చెబుతున్నారు. విజయవాడ బుడమేరు వరదల సమయంలో కూడా చంద్రబాబు ప్రభుత్వం తమకు రెట్టింపు వేతనం (రూ.10 వేలు) ఇచ్చి మళ్లీ విధుల్లోకి తీసుకుంటామని ఆశ పెట్టి.. సేవలు వినియోగించుకుందని గుర్తు చేస్తూ ఆగ్రహం వ్యక్తం చేస్తున్నారు. నిలువెత్తు మోసానికి నిదర్శనమిది దేశంలోనే తొలిసారిగా పౌర సేవలను ఇంటింటికీ తీసుకెళ్తూ ప్రజాభిమానం పొందిన వలంటీర్ల వ్యవస్థపై చంద్రబాబు అండ్‌ కో వెళ్లగక్కిన అక్కసు అంతా ఇంతా కాదని వలంటీర్ల కుటుంబాలు పేర్కొంటున్నాయి. ఈ వ్యవస్థ ఆవిర్భావం నుంచి వారు విషం చిమ్ముతూనే ఉన్నారని, మధ్యలో పవన్‌కళ్యాణ్‌.. మరింత దారుణంగా చేసిన వ్యాఖ్యలు తమ గుండెలను తొలచి వేస్తున్నాయని ఆవేదన వ్యక్తం చేస్తున్నారు. వలంటీర్లను సంఘ విద్రోహ శక్తులుగా, మహిళలను అక్రమ రవాణా చేసే కిరాతకులుగా చిత్రీకరించి.. ఆ వ్యవస్థను విచ్ఛినం చేసే కుట్రకు తెరదీశారని మండిపడుతున్నారు. మండల స్థాయిలో ఎంపీడీవోలు, నగరాల్లో మున్సిపల్‌ కమిషనర్లు ఇంటర్వ్యూలు నిర్వహించడం ద్వారా ఎంపిక చేసిన వలంటీర్లను వైఎస్సార్‌సీపీ కార్యకర్తలుగా ముద్రవేసి దుష్ప్రచారం చేస్తూ, పార్టీ కార్యకర్తలకు ప్రభుత్వ ధనాన్ని పప్పు బెల్లాలు మాదిరి దోచి పెడుతోందని ఆరోపణలు చేయడాన్ని వలంటీర్లు గుర్తు చేస్తున్నారు. ఇప్పుడు ప్రభుత్వం చెప్పే సోషల్‌ మీడియా ఇన్‌ప్లుయెన్సర్లకు ప్రభుత్వ పెద్దల, అధికార పార్టీ ఇమేజ్‌ను పెంచుకోవడానికి ప్రజల పన్నుల డబ్బును చెల్లించడం కాక మరేంటని ప్రశ్నిస్తున్నారు. 2019–24 మధ్య ఐదేళ్ల కాలంలో ప్రజలకు గడప వద్దనే సేవలు అందించడంతో పాటు ప్రభుత్వానికి సంబంధించిన ఎలాంటి కొత్త సమాచారమైనా గంటల వ్యవధిలోనే ఆయా కుటుంబాలకు అందే పరిస్థితి ఉండగా.. వాస్తవాలతో పాటు అసత్యాలు కూడా ఎక్కువ ప్రచారంలో ఉండే సోషల్‌ మీడియా పోస్టులతో ప్రజలకు నిజమైన, కచ్చి­తమైన సమాచారం చేరే అవకాశం ఎంతవరకు ఉంటుందని నిలదీస్తున్నారు. ఎన్నికల ముందు వలంటీర్ల వేతనాలు రెట్టింపు చేస్తాం.. ఉన్నత చదువులు చదువుకున్న వలంటీర్లకు నైపుణ్య శిక్షణ ఇచ్చి నెలకు రూ.50 వేల ఆదాయం వచ్చే ఏర్పాట్లు చేస్తాం.. అంటూ మాయ మాటలతో మభ్యపెట్టి ఓట్లు వేయించుకుని గెలిచాక తమను నట్టేట ముంచారంటూ దుమ్మెత్తి పోస్తున్నారు. ఇది నిలువెత్తు మోసానికి నిదర్శనమని ఎత్తి చూపుతున్నారు. నాడు–నేడు బాబు, పవన్‌ మాటలు » జగన్‌మోహన్‌రెడ్డి ఎంత స్వార్థపరుడో వలంటీర్లు అర్థం చేసుకోవాలి. అందుకే తెలుగుదేశం, ఎన్డీయే.. మూడు పార్టీల కూటమి తరఫున మీకు హామీ ఇస్తున్నాం. మీ ఉద్యోగాలు తీసేయం. వలంటీర్ల వ్యవస్థ కొనసాగిస్తామని మీ అందరికీ హామీ ఇస్తున్నాను. ఉగాది పండుగ రోజున తీపి కబురు చెబుతున్నాం. రూ. 5 వేలు కాదు.. రూ.10 వేలు పారితోషికం ఇచ్చే బాధ్యత మాది. – 2024 ఏప్రిల్‌ 9న ఉగాది రోజున (అసెంబ్లీ ఎన్నికల ముందు) చంద్రబాబు వలంటీర్లకు ఇచ్చిన హామీ. » వలంటీర్లకు నేను ఒకటే చెబుతున్నా.. వలంటీర్లలో లక్ష మంది మహిళలున్నారని వైఎస్సార్‌సీపీ మంత్రులు మాట్లాడుతున్నారు. మీకు నేను ఓ అన్నగా చెబుతున్నా.. మీకు ఐదు వేలు వస్తుంటే, ఇంకో ఐదు వేలు పెంచి ఇచ్చే మనసున్న వ్యక్తిని నేను. నేను ఎప్పుడూ మీ పొట్ట కొట్టను. – ఎన్నికల ప్రచార సభలో జనసేన అధినేత పవన్‌కళ్యాణ్‌ అధికారంలోకి వచ్చాక.. » 2024 జూన్‌ 4న ఓట్ల లెక్కింపు జరిగింది. 12న ముఖ్యమంత్రిగా చంద్రబాబు బాధ్యతలు చేపట్టారు. ఆ తర్వాత వలంటీర్లకు గౌరవ వేతనం ఆగిపోయింది. అనంతరం ఎలాంటి ప్రకటన లేకుండానే వారిని విధుల నుంచి తప్పించారు. నెలల తరబడి వలంటీర్లు రోడ్లపైకి వచ్చి ఆందోళనలు నిర్వహించినా.. కూటమి ప్రభుత్వం ఎలాంటి ప్రకటన లేకుండా వలంటీరు వ్యవస్థకు మంగళం పాడేసింది. » ఇప్పుడు వలంటీర్లు అసలు అఫీషియల్‌గా లేరు. ముఖ్యమంత్రి సీఎం చంద్రబాబు జీతాలు పెంచడానికి చూస్తున్నా.. ఎక్కడా, జీవోలో వాళ్లు అసలు లేరు. ఏదన్నా చేద్దాం.. ముందుకెళదామంటే వాళ్లు ఉద్యోగంలో ఉంటే చేయొచ్చు. అంటే ఇది ఒక టెక్నికల్‌ ఇష్యూ అయింది. » మంగళగిరి జనసేన పార్టీ కార్యాలయంలో సర్పంచుల సంఘం ప్రతినిధుల సమావేశంలో పవన్‌ కళ్యాణ్‌

సాక్షి, అమరావతి: గ్రామ, వార్డు సచివాలయ ఉద్యోగులపై చంద్రబాబు ప్రభుత్వం మరింతగా కక్ష సాధింపు చర్యలు మొదలు పెట్టింది. ఇప్పటికే విజయవాడలో జరిగిన ధర్నాలో పాల్గొన్న పలువురు ఉద్యోగులపై పోలీసుల ద్వారా కేసులు నమోదు చేయించిన ప్రభుత్వం.. తాజాగా ఆ ఆందోళన కార్యక్రమంలో పాల్గొన్న సచివాలయ ఉద్యోగులందరి వివరాలను రాష్ట్ర కార్యాలయానికి పంపాలంటూ ఆదేశాలు జారీ చేసింది. గ్రామ, వార్డు సచివాలయ ఉద్యోగులు 27వ తేదీ విజయవాడలో నిర్వహించిన ధర్నాకు అనుమతి లేకపోయినప్పటికీ, ప్రభుత్వ ఉద్యోగులుగా ఆ ధర్నాలో పాల్గొన్నారని ఎత్తి చూపుతూ ప్రభుత్వం ఆ మేరకు ఆదేశాలు జారీ చేసింది. గ్రామ, వార్డు సచివాలయ శాఖ డైరెక్టర్‌ కార్యాలయం సోమవారం ఈ మేరకు జిల్లాలకు ఆదేశాలు జారీ చేయగా.. ఆయా జిల్లాల కలెక్టర్ల సూచనతో జిల్లా గ్రామ, వార్డు సచివాలయ అధికారులు ఎంపీడీవోలు, మున్సిపల్‌ కమిషనర్ల నుంచి మండలాలు, పట్టణాల వారీగా మంగళవారం సాయంత్రానికే జాబితాలు సేకరించి పంపారు. తమ సమస్యల గురించి రెండేళ్లుగా పలుమార్లు విన్నవించినప్పటికీ ప్రభుత్వం నుంచి స్పందన లేకపోవడంతో ఉద్యోగులు 27వ తేదీ ఆదివారం ‘ఛలో విజయవాడ’ చేపట్టారు. ప్రభుత్వం ఎన్ని అడ్డంకులు సృష్టించినప్పటికీ ఈ కార్యక్రమం విజయవంతం కావడంతో మరింతగా కక్ష గట్టింది. వాస్తవానికి 27వ తేదీ ఆదివారం ఉద్యోగులకు సెలవు. అయినప్పటికీ వారంతా ఆ రోజు ఎక్కడ ఉన్నారని ప్రభుత్వం ఆరా తీయడంపై ఉద్యోగులు తీవ్ర ఆగ్రహం వ్యక్తం చేస్తున్నారు. ఇదిలా ఉండగా సచివాలయ ఉద్యోగుల తీవ్ర స్థాయి ఆందోళనల నేపథ్యంలో అక్టోబర్‌ 1వ తేదీన పింఛన్ల పంపిణీకి ఏమైనా ఇబ్బందులెదురవుతాయా.. అని ప్రభుత్వం ఆరా తీస్తోంది. ఈ మేరకు క్షేత్ర స్థాయి నుంచి నివేదికలు తెప్పించుకుంది. పింఛన్ల పంపిణీకి ఎలాంటి ఇబ్బందులు లేకుండా ఏర్పాట్లు చేసుకోవాలని ఉన్నతాధికారులను ఆదేశించింది. మరో వైపు ప్రభుత్వం ఈ నెల 27న విజయవాడ ధర్నాలో పాల్గొన్న సచివాలయ ఉద్యోగులకు మెమోలు జారీ చేస్తోంది. శ్రీసత్యసాయి జిల్లా చిలమత్తూరు మేజర్‌ పంచాయతీ పరిధిలో పని చేస్తున్న 9 మంది సచివాలయ ఉద్యోగులకు మెమోలు ఇచ్చింది. మీకు జీతాలు ఎందుకు నిలిపివేయకూడదో వివరణ ఇవ్వాలని అడగడం కలకలం రేపుతోంది.

సాక్షి,గుంటూరు: జిల్లా కోర్టులో తెనాలి పోలీసులకు బిగ్‌షాక్‌ తగిలింది. గత ఏడాది ఏప్రిల్‌లో దేశ వ్యాప్తంగా సంచలనం సృష్టించిన తెనాలి టూటౌన్, త్రీటౌన్ పోలీసుల థర్డ్‌ డిగ్రీ వ్యవహారంలో కీలక పరిణామం చోటుచేసుకుంది. కానిస్టేబుల్ చిరంజీవిపై నలుగురు యువకులు హత్యాయత్నం చేశారంటూ పోలీసులు నమోదు చేసిన కేసును జిల్లా కోర్టు కొట్టివేసింది. చిరంజీవిపై యువకులు హత్యాయత్నం చేశారనడానికి తగిన ఆధారాలు లేవని స్పష్టం చేస్తూ.. పోలీసులు బనాయించింది తప్పుడు కేసని తేల్చిచెప్పింది.గత ఏడాది ఏప్రిల్‌లో తెనాలిలో కానిస్టేబుల్ చిరంజీవిపై నలుగురు యువకులు హత్యాయత్నం చేశారంటూ టూటౌన్ పోలీస్ స్టేషన్‌లో కేసు నమోదైంది. ఈ నేపథ్యంలో ముగ్గురు యువకులను పోలీసులు అదుపులోకి తీసుకున్నారు. అయితే, వారిని విచారించే పేరుతో నడిరోడ్డుపై నడిపిస్తూ, ఊరంతా తిప్పుతూ,అందరూ చూస్తుండగా లాఠీలతో తీవ్రంగా కొట్టారు. ఈ ఘటనకు సంబంధించిన దృశ్యాలు సోషల్ మీడియాలో వైరల్ కావడంతో పాటు దేశవ్యాప్తంగా సంచలనం సృష్టించాయి. పోలీసుల థర్డ్‌ డిగ్రీ ప్రయోగంపై తీవ్ర విమర్శలు వ్యక్తమయ్యాయి.ఈ కేసుకు సంబంధించి జిల్లా కోర్టు తాజాగా విచారణ జరిపింది. పోలీసుల తరపున ప్రవేశపెట్టిన ఆధారాలను పరిశీలించిన న్యాయస్థానం.. కానిస్టేబుల్‌పై హత్యాయత్నం జరిగినట్లు ఎలాంటి బలమైన సాక్ష్యాధారాలు లేవని వెల్లడించింది. ఈ మేరకు కేసును కొట్టివేస్తూ తీర్పు వెలువరించడంతో పోలీసు శాఖలో ఈ తీర్పు చర్చనీయాంశమైంది.

సాక్షి, అమరావతి : గత ప్రభుత్వం అనాలోచితంగా గ్రామ, వార్డు సచివాలయాల వ్యవస్థను తీసుకొచ్చిందని.. లక్ష ఉద్యోగాలను ఒక్కసారిగా భర్తీ చేయడం తగదని రాష్ట్ర మంత్రి డోలా బాల వీరాంజనేయులు వ్యాఖ్యానించడంపై ఉద్యోగ వర్గాలు, ప్రజల నుంచి తీవ్ర ఆగ్రహం వ్యక్తం అవుతోంది. 2019లో అప్పటి జగన్‌మోహన్‌రెడ్డి ప్రభుత్వం అధికారంలోకి వచ్చిన వెంటనే గ్రామ, వార్డు సచివాలయ వ్యవస్థ ఏర్పాటు చేసి.. రాష్ట్ర వ్యాప్తంగా 15,004 గ్రామ, వార్డు సచివాలయాలు ఏర్పాటు చేసింది. ఆయా సచివాలయాల్లో పని చేసేందుకు 1.34 లక్షల కొత్త శాశ్వత ప్రభుత్వ ఉద్యోగాలను సృష్టించింది. నాలుగు నెలల వ్యవధిలో నియామక ప్రక్రియను పూర్తి చేసింది. ఉద్యోగ నియామకంతో పాటే ఆయా కేటగిరి ఉద్యోగులకు సర్వీసు రూల్స్‌ ఖరారు చేసింది. వివిధ ప్రభుత్వ శాఖల ద్వారా జీవోలు కూడా జారీ అయ్యాయి. గ్రామ, వార్డు సచివాలయాల్లో మొత్తం 19 కేటగిరిల ఉద్యోగులు పని చేస్తుండగా, అందులో 17 కేటగిరి ఉద్యోగులకు ఆ ఐదేళ్ల కాలంలో పదోన్నతుల ఛానల్స్‌కు రూపకల్పన చేసి, ఆ మేరకు విధి విధానాలతో 2024కు ముందే పలువురు గ్రామ, వార్డు సచివాలయ ఉద్యోగులకు పదోన్నతులు సైతం కల్పించింది. మిగతా రెండు కేటగిరీలైన ఇంజనీరింగ్‌ అసిస్టెంట్లతో పాటు వెల్ఫేర్‌ ఎడ్యుకేషన్‌ అసిస్టెంట్‌ ఉద్యోగుల పదోన్నతుల ఛానల్స్‌ విధివిధానాల రూపకల్పన సైతం 2024 నాటికే దాదాపు పూర్తయింది. తుది ఆమోదం, జీవోలు విడుదలకు ముందే ఎన్నికల నోటిఫికేషన్‌తో అప్పట్లో ఆ ప్రక్రియ ఆగిపోగా.. చంద్రబాబు ప్రభుత్వం ఏర్పడి ఇప్పటికే 27 నెలలు పూర్తవుతున్నా, దానిని పూర్తి చేయలేదు. ఇప్పుడు దీనిపై ఉద్యోగులు ఎక్కడ ప్రశ్నిస్తారని.. మంత్రితో విలేకరుల సమావేశంలో పాల్గొన్న ఆ శాఖ కార్యదర్శి కాటంనేని భాస్కర్‌ ఆయా రెండు కేటగిరి ఉద్యోగుల పదోన్నతుల విధివిధానాలపై 15 రోజుల్లో జీవోలు ఇస్తామంటూ పేర్కొనడం గమనార్హం. అప్పట్లోనే గెజిట్‌ నోటిఫికేషన్‌ మరోవైపు, అప్పట్లో ప్రతిపక్షంలో ఉన్న పార్టీలు గ్రామ, వార్డు సచివాలయ వ్యవస్థను తప్పుపడుతూ మాట్లాడుతుండటంతో నియమాకాలు జరిగిన ఉద్యోగులకు మరింత ఉద్యోగ భద్రత కల్పించేందుకు ప్రత్యేక చట్టం తీసుకొచ్చి సచివాలయ ఉద్యోగుల నియామక ప్రక్రియపై గత ప్రభుత్వం గెజిట్‌ నోటిఫికేషన్‌ సైతం జారీ చేసింది. ఇదిలా ఉండగా చంద్రబాబు ప్రభుత్వం అధికారంలోకి వచ్చాక రేషనలైజేషన్‌ పేరిట ఒక్కో గ్రామ, వార్డు సచివాలయంలో ఉండే ఉద్యోగుల సంఖ్యను కుదించింది. ఈ ప్రక్రియలో వేలాది మంది ఉద్యోగులను మిగులు ఉద్యోగులుగా తేల్చింది. ఇతర ప్రభుత్వ శాఖల్లో పెద్ద సంఖ్యలో ఖాళీగా ఉన్న పోస్టులు భర్తీ చేయని కారణంగా.. ఆయా శాఖల్లో ఉద్యోగుల అవసరం పెరగడంతో.. గ్రామ, వార్డు సచివాలయాల్లో మిగులు ఉద్యోగులుగా తేలి్చన వారిని ఆయా శాఖలకు డిప్యూటేషన్‌పై పంపేందుకు చర్యలు చేపట్టింది. అలా ఆయా శాఖలకు సర్దుబాటు చేసింది. కాగా, వైఎస్‌ రాజశేఖరరెడ్డి ప్రభుత్వం టీచర్లకు నోషనల్‌ ఇంక్రిమెంట్‌ అమలు చేస్తూ 2009 జనవరి 5వ తేదీ జీవో ఎంఎస్‌ నెంబరు 2 జారీ చేశారని ఉద్యోగులు గుర్తు చేస్తున్నారు. తద్వారా నోషనల్‌ ఇంక్రిమెంట్లు అసాధ్యమని మంత్రి డోలా చెప్పిన మాటలు అవాస్తవమని స్పష్టం చేస్తున్నారు. లబ్ధిదారుల ఇంటి వద్దకే సేవలు అందించిన వ్యవస్థపై చంద్రబాబు ప్రభుత్వం ఇంత నిస్సిగ్గుగా ఎదురు దాడి చేయడం సరికాదని ప్రజలు ఆగ్రహం వ్యక్తం చేస్తున్నారు.

సాక్షి, అమరావతి: తమ సమస్యలు పరిష్కరించాలని కోరడమే పాపమైపోయిందని గ్రామ, వార్డు సచివాలయ ఉద్యోగులు చంద్రబాబు సర్కారుపై మండిపడుతున్నారు. ఎన్నిమార్లు విన్నవించినా ప్రభుత్వం పట్టించుకోనందునే ‘ఛలో విజయవాడ’ కార్యక్రమం చేపట్టాల్సి వచ్చిందని.. అంత మాత్రాన తామేదో క్రిమినల్స్‌ అన్నట్లు వ్యవహరించడం దారుణం అని ఆగ్రహం వ్యక్తం చేస్తున్నారు. విజయవాడలో ధర్నా చేసిన గ్రామ, వార్డు సచివాలయ ఉద్యోగులపై కేసులు నమోదు చేసిన విషయం తెలిసిందే. అదర్స్‌ అంటూ పలువురు ఉద్యోగులపై కేసులు నమోదు చేయడాన్ని ఉద్యోగ సంఘం నేతలు తప్పుపడుతున్నారు. నిరంతరం ప్రజలకు సేవలు అందిస్తున్న ప్రభుత్వ ఉద్యోగులనే ప్రభుత్వం క్రిమినల్స్‌గా చూడడం దారుణమంటూ మండిపడుతు­న్నారు.నెలలు, సంవత్సరాల తరబడి ప్రభుత్వానికి తమ సమస్యలు పరిష్కరించండి అంటూ అనేక వినతిపత్రాలు ఇచ్చినా పట్టించుకోని పరిస్థితుల్లో ప్రభుత్వానికి తమ గొంతు బలంగా వినిపించాలన్న ఉద్దేశంతో విజయవాడలో నిరసన చేపట్టడం నేరమా అంటూ తప్పుపడుతున్నారు. గ్రామ, వార్డు సచివాలయ వ్యవస్థను గత వైఎస్‌ జగన్‌మోహన్‌రెడ్డి ప్రభుత్వం ఏర్పాటు చేసిందన్న కారణంగా ప్రస్తుత చంద్రబాబు ప్రభుత్వం ఈ వ్యవస్థపైనే కక్షసాధింపు ధోరణితో వ్యవహరిస్తోందన్న చర్చ ఉద్యో­గుల్లో సాగుతోంది. ప్రభు­త్వం అమలు చేసే అనేక సంక్షేమ కార్యక్రమాలు క్షేత్ర స్థాయిలో అమలు చేసే పట్టిష్ట వ్యవస్థ లేకపోవడంతో అప్పట్లో ప్రజల గడప వద్దకే ప్రభుత్వ కార్యక్రమాలు అన్న నినాదంతో 2019లో అప్పటి ప్రభుత్వం ఈ వ్యవస్థకు శ్రీకారం చుట్టిన విష­యం తెలిసిందే.అప్పట్లో సచివాలయ వ్యవస్థకు దేశమంతటా ప్రశంసలు దక్కాయి. మరోవైపు వలంటీర్ల ద్వారా లబ్ధిదారుల గడప వద్దకే ప్రభుత్వ సేవలు అందించడాన్ని పలు రాష్ట్రాలు పరిశీలించి అభినందించాయి. వీటన్నింటినీ జీర్ణించుకోలేని చంద్రబాబు సర్కారు.. ఏకంగా ఆ వ్యవస్థనే నిర్వీర్యం చేసేందుకు కంకణం కట్టుకుందని, ఈ క్రమంలోనే వలంటీర్లకు రెట్టింపు జీతం ఇస్తామని ఓట్లు వేయించుకుని.. తీరా గద్దెనెక్కాక వారిని ఇంటికి పంపిందని ఉద్యోగులు చర్చించుకుంటున్నారు.ప్రస్తుతం గ్రామ, వార్డు సచివాలయంలో పనిచేసే ఉద్యోగుల సంఖ్యను తగ్గించి ఉద్యోగులందరినీ ఛిన్నాభిన్నం చేయగా, ఇప్పుడు సమస్యలు చెప్పుకోవడానికి వచ్చిన ఉద్యోగులపై క్రిమినల్స్‌ ముద్రవేసే ప్రయత్నాలను అన్ని వర్గాల ప్రజలు, ఉద్యోగులు తప్పు పడుతున్నారు. పైగా అనారోగ్యంతో సీఐ మృతి చెందడాన్ని ఉద్యోగులకు ముడి పెట్టి కేసులు నమోదు చేస్తుండటం దుర్మార్గమని ఆవేదన వ్యక్తం చేస్తున్నారు. ఇదంతా కక్ష సాధింపేనని స్పష్టం చేస్తున్నారు. సమస్యల పరిష్కారంపై రాతపూర్వక హామీ ఇవ్వాల్సిందే సచివాలయ ఉద్యోగుల సమస్యల పరిష్కారానికి సంబంధించి రాష్ట్ర ప్రభుత్వం రాతపూర్వక హామీ ఇవ్వా­ల్సిందే. ధర్నా చౌక్‌లో నిరసన కార్యక్ర­మానికి అను­మతి ఇవ్వాలని కోరినా ప్రభుత్వం అనుమతించలేదు. జేఏసీ పిలుపు మేరకు సుదూర ప్రాంతాల నుంచి తరలి వచ్చిన ఉద్యోగులను పోలీ­సులు ఎక్కడికక్కడ కట్టడి చేయడం.. నిర్భంధించడం రాష్ట్రమంతా చూసింది. ఉద్యోగులు ఎక్కడా దౌర్జన్యం చేయలేదు.తమ బాధను వినిపించడానికి తాపత్రయ పడ్డారు. ఈ కార్యక్రమానికి బందోబస్తు కోసం వచ్చి గుండెపోటుతో మరణించిన సీఐ అలీకి ఉద్యోగుల తరఫున ప్రగాఢ సంతాపం తెలుపుతు­న్నాం. అయితే ఆయన మరణానికి ఉద్యోగులే కారణం అనడం సరి­కాదు. తక్కువ వేతనంతో కన్సాలిడేటెడ్‌ పద్ధతిలో పనిచేసిన ఉద్యోగులు, ఉపాధ్యాయులకు నోషనల్‌ ఇంక్రిమెంట్లు మంజూరు చేసిన సందర్భాలు ఉన్నా­యి. జేఏసీ నేతలపై విధించిన సస్పెన్షన్లను ఎత్తివే­యాలి. ఉద్యోగులపై పెట్టిన కేసులు ఉపసంహరించుకోవాలి. టీవీ–5 సాంబశివరావు ప్రభుత్వ ఉద్యోగు­లను ‘గంజాయి బ్యాచ్, బ్లేడ్‌ బ్యాచ్‌’ వంటి పదాలతో సంబోధించడం సబబు కాదు. – విప్పర్తి నిఖిల్‌ కృష్ణ, గ్రామ, వార్డు సచివాలయ ఉద్యోగుల సంఘం రాష్ట్ర అధ్యక్షుడు

సాక్షి, అమరావతి: బీసీలను చంద్రబాబు ప్రభుత్వం మోసం చేస్తోందని సుప్రీంకోర్టు సీనియర్‌ న్యాయవాది, అఖిల భారత వెనుకబడిన తరగతుల ఫెడరేషన్‌ వ్యవస్థాపక అధ్యక్షుడు జస్టిస్‌ వంగల ఈశ్వరయ్య సోమవారం హైకోర్టుకు నివేదించారు. ఆంధ్రప్రదేశ్‌లో సమగ్ర కులగణన, సామాజిక–ఆర్థిక–రాజకీయ సర్వే పూర్తిచేయకుండానే స్థానిక ఎన్నికలకు ప్రభుత్వం సిద్ధమవడం బీసీల హక్కులను హరించడమేనంటూ ఆల్‌ ఇండియా బీసీ ఫెడరేషన్‌ ఏపీ రాష్ట్ర విభాగం గౌరవాధ్యక్షుడు డాక్టర్‌ ఆల వెంకటేశ్వర్లు హైకోర్టులో గత ఏడాది పిటిషన్‌ దాఖలు చేసిన విషయం తెలిసిందే. ఈ వ్యాజ్యంలో తనను మరో పిటిషనర్‌గా చేర్చుకుని తన వాదనలు వినాలంటూ ఈశ్వరయ్య తాజాగా ఇంప్లీడ్‌ పిటిషన్‌ దాఖలు చేశారు. ఈ వ్యాజ్యంపై సోమవారం జస్టిస్‌ బీఎస్‌ భానుమతి విచారణ జరిపారు. ఈ సందర్భంగా ఈశ్వరయ్య స్వయంగా హైకోర్టు కొచ్చి వాదనలు వినిపించారు. వాదనలు విన్న న్యాయమూర్తి జస్టిస్‌ భానుమతి, తాజాగా దాఖలైన ఇంప్లీడ్‌ పిటిషన్‌పైన అలాగే 2025లో ఆల వెంకటేశ్వర్లు దాఖలు చేసిన ప్రధాన వ్యాజ్యంలో కౌంటర్‌ దాఖలు చేసేందుకు ప్రభుత్వానికి చివరి అవకాశం ఇచ్చారు. తదుపరి విచారణ నాటికి కౌంటర్లు దాఖలు చేసి తీరాల్సిందేనని తేల్చి చెప్పారు. తదుపరి విచారణను అక్టోబర్‌ 1కి వాయిదా వేస్తూ ఉత్తర్వులు జారీ చేశారు. బీసీలకు 34 శాతం రిజర్వేషన్ల కల్పనపై ప్రధాన న్యాయమూర్తి నేతృత్వంలోని ధర్మాసనం ఇటీవల తీర్పు రిజర్వ్‌ చేసిన నేపథ్యంలో తాజా పిటిషన్లు జస్టిస్‌ బీఎస్‌ భానుమతి బెంచ్‌ ముందుకు వచ్చిన విషయం గమనార్హం. ఈశ్వరయ్య వాదనల్లో ముఖ్యాంశాలు.. – స్థానిక ఎన్నికల్లో బీసీలకు 34 శాతం రిజర్వేషన్లు కల్పిస్తూ చంద్రబాబు ప్రభుత్వం తీసుకొచ్చిన జీవో వల్ల ఎలాంటి ప్రయోజనం ఉండదు. ఆ జీవో ఏ కోర్టులో కూడా నిలబడదు. ఇది తెలిసే, బీసీలకు 34 శాతం రిజర్వేషన్లు కల్పిస్తూ ప్రభుత్వం జీవో ఇచ్చింది. – సుప్రీంకోర్టు తీర్పు ప్రకారం మొత్తం రిజర్వేషన్లు 50 శాతం దాటడానికి వీల్లేదు. దీనిని అధిగమించేందుకు రాష్ట్ర ఉభయ సభల్లో తీర్మానాలు చేసి వాటిని కేంద్రానికి పంపి చట్టం తీసుకొస్తేనే బీసీలకు వారి జనాభాకు అనుగుణంగా రిజర్వేషన్లు దక్కుతాయి. – తమిళనాడులో కూడా ఇలాగే చేయడంతో ఇందుకు అనుగుణంగా కేంద్రం చట్టం చేసింది. దీని వల్ల తమిళనాడులో బీసీ రిజర్వేషన్లతో కలుపుకుంటే మొత్తం రిజర్వేషన్లు 69 శాతానికి చేరాయి. దీంతో అక్కడ ఏ కోర్టు కూడా జోక్యం చేసుకోలేని పరిస్థితి ఉంది. – అయితే చంద్రబాబు ప్రభుత్వం కూడా ఇలా తీర్మానాలు చేసి కేంద్రానికి పంపే అవకాశం ఉన్నప్పటికీ, ఆ పని చేయకుండా బీసీలకు నామమాత్రపు రిజర్వేషన్లు కల్పిస్తూ జీవోలిచ్చింది. దీని వల్ల బీసీలకు అన్యాయమే జరుగుతుంది తప్ప, న్యాయం జరిగే అవకాశమే లేదు.

సాక్షి, అమరావతి: రాష్ట్రంలో ఇసుక అక్రమ తవ్వకాలపై దాఖలైన ప్రజా ప్రయోజన వ్యాజ్యం (పిల్‌)పై హైకోర్టు సోమవారం తీవ్రంగా స్పందించింది. పిల్‌పై విచారణ జరిపిన సీజే ధర్మాసనం, ఇసుక అక్రమ తవ్వకాలను అడ్డుకునే వ్యవస్థ ఏదీ రాష్ట్రంలో లేకపోవడంపై విస్మయం వ్యక్తం చేసింది. అధికారులు పట్టించుకోకపోవడం వల్లే అక్రమ తవ్వకాలు జరుగుతున్నాయని తేల్చి చెప్పింది. వీటిని అడ్డుకునేందుకు సమర్థవంతమైన వ్యవస్థ, యంత్రాంగం ఉండి తీరాలని స్పష్టం చేసింది. అక్రమ తవ్వకాలను అడ్డుకునేందుకు ఓ అధికారిని నియమించాలంది. తద్వారా అక్రమ తవ్వకాలు జరిగితే ఈ అధికారిని బాధ్యుడిని చేసి, తగిన చర్యలు తీసుకునేందుకు అవకాశం ఉందని తెలిపింది. తగిన వ్యవస్థను రూపొందించే విషయంలో మీ వైఖరి ఏమిటో చెప్పాలని రాష్ట్ర ప్రభుత్వాన్ని ఆదేశించింది. తనిఖీలు నిర్వహించేందుకు తమ వద్ద తగినంత మంది సిబ్బంది లేరని, అక్రమ మైనింగ్‌ జరగకుండా చూడాల్సిన బాధ్యత రెవెన్యూ అధికారులపై ఉందని వాదనల సందర్భంగా ప్రభుత్వ న్యాయవాది (మైన్స్‌) సాయి విహారి పేర్కొనడాన్ని ధర్మాసనం తీవ్రంగా తప్పుపట్టింది. ఈ మొత్తం వ్యవహారంపై పూర్తిస్థాయిలో విచారణ జరుపుతామన్న ధర్మాసనం, ఇసుక అక్రమ తవ్వకాలపై ఇప్పటికే దాఖలైన వ్యాజ్యాలతో ఈ పిల్‌ను కూడా జత చేయాలని రిజిస్ట్రీని ఆదేశించింది. ఈ మేరకు ఉత్తర్వులు జారీ చేసిన ప్రధాన న్యాయమూర్తి (సీజే) జస్టిస్‌ లీసా గిల్, న్యాయమూర్తి జస్టిస్‌ చల్లా గుణరంజన్‌ ధర్మాసనం తదుపరి విచారణను ఈ నెల 30కి వాయిదా వేసింది. పెద్ద తలకాయల జోలికి వెళ్లడం లేదు: పిటిషనర్‌ వాదనలు బాపట్ల జిల్లా, చీరాల మండలం, కవురివారిపాలెం గ్రామ పరిధిలో పెద్ద ఎత్తున ఇసుక అక్రమ తవ్వకాలు జరుగుతున్నాయని, దీని వెనుక పెద్ద తలకాయలున్నాయని, దీంతో అధికారులు ఎలాంటి చర్యలు తీసుకోవడం లేదంటూ ఆమంచి కృష్ణమోహన్‌ ఈ పిల్‌ దాఖలు చేశారు. పిటిషనర్‌ తరఫు న్యాయవాది మనోజ్‌ సోమవారం వాదనలు వినిపిస్తూ, ‘కవురివారిపాలెం గ్రామంలోని పలు సర్వే నంబర్లలో విచక్షణారహితంగా అక్రమంగా ఇసుక తవ్వకాలు జరుపుతూ పర్యావరణానికి తీవ్ర హాని కలిగిస్తున్నారు. దీని వెనుక అధికార పార్టీకి చెందిన వారు ఉండటంతో అధికారులు ఎలాంటి చర్యలు తీసుకోవడం లేదు. కేవలం వాహన డ్రైవర్లపై కేసులు పెట్టి చేతులు దులుపుకుంటున్నారు. అసలు సూత్రధారులను మాత్రం వదిలేస్తున్నారు’ అని విన్నవించారు.

సాక్షి, అమరావతి: గ్రామ, వార్డు సచివాలయ ఉద్యోగులపై కూటమి ప్రభుత్వ వేధింపులు పరాకాష్టకు చేరాయని ఆంధ్రప్రదేశ్‌ గవర్నమెంట్‌ ఎంప్లా­యీస్‌ ఫెడరేషన్‌ చైర్మన్‌ కాకర్ల వెంకటరామిరెడ్డి మండిపడ్డారు. తాడేపల్లిలో సోమవారం ఆయన విలేకరులతో మాట్లాడారు. ఉద్యోగుల సమ­స్యలు పరిష్కరించలేని సర్కారు శాంతియుత పోరాటం చేపడితే అక్రమ కేసులతో వేధిస్తోందని విమర్శించారు. ఇలా వేధిస్తూ నిత్య నరకం చూపేకంటే ఒక్కసారే ఉద్యోగులను ఎన్‌కౌంటర్‌ చేయండంటూ చంద్రబాబు సర్కారుపై ధ్వజమెత్తారు.టీడీపీ ప్రభుత్వం వచ్చినప్పటి నుంచి గ్రామ/వార్డు సచివాలయ ఉద్యోగులపై పనిభారం తీవ్రంగా పెరిగిందని, వందలాది మంది ఉద్యోగులు చనిపోయారని ఆవేదన వ్యక్తం చేశారు. ఆ బాధలు తాళలేకే సచివాలయ ఉద్యోగులు పోరుబాట పట్టారని వివరించారు. ఉద్యోగుల ఆవేదనను అర్థం చేసుకోవాల్సిన సర్కారు అక్రమ కేసులతో కక్షసాధించడం తగదని పేర్కొన్నారు. సీఐ అలీ మరణానికి సచివాలయ ఉద్యోగులు కారణమంటూ అక్రమ కేసు నమోదు చేయడం దారుణమని, దీనికి సంబంధించిన ఎఫ్‌ఐఆర్‌ కాపీని కాకర్ల చూపించారు.సీఐ అలీ ఉద్యోగుల తోపులాటతో కింద పడ్డారని తప్పుడు ఫిర్యాదుచేశారని, సర్కారు వద్ద ఉన్న వీడియోల్లో అయినా అలీ కిందపడినట్టు ఉందా? అని ప్రశ్నించారు. సీఐ గుండెపోటుతో మరణించారని తొలుత ప్రకటించిన సర్కారు.. ఇప్పుడు ఆ నెపం సచివాలయ ఉద్యోగులపై నెట్ట­డం ఏమిటని నిలదీశారు. శాంతియుతంగా నిరసన చేస్తున్న ఉద్యోగులపై లాఠీచార్జి చేయ­డమే కాకుండా వారిపై అక్రమ కేసులు కట్టడం దారుణమని కాకర్ల విమర్శించారు. తోటి ఉద్యోగులపై కక్ష సాధిస్తుంటే ఏం చేస్తున్నారు? గ్రామ/వార్డు సచివాలయ ఉద్యోగులపై జరిగిన లాఠీచార్జిపై ఎందుకు నోరు మెదపటం లేదని ఉద్యోగ సంఘాల నేతలను కాకర్ల ప్రశ్నించారు. తోటి ఉద్యోగులపై అక్రమ కేసులు పెడితే స్పందిం­చని నాయకత్వం ఎందుకని నిలదీశారు. న్యాయమైన డిమాండ్లతో ఆందోళన చేస్తున్న ఉద్యో­గులను బ్లేడ్, గంజాయి బ్యాచ్‌ అంటూ వ్యాఖ్యానించిన ఎల్లో మీడియా కరోనా వైరస్‌ కంటే నీచమైందని మండిపడ్డారు. గత ప్రభుత్వంలో టీచర్లు ధర్నా చేస్తూ అప్పటి సీఎం వైఎస్‌ జగన్‌ని బహిరంగంగా విమర్శించినా ఎలాంటి కేసులూ నమోదు చేయలేదని గుర్తుచేశారు. గ్రామ/వార్డు సచివాలయ ఉద్యోగులపై వేధింపులు తక్షణమే ఆపాలని, అక్రమ కేసులు, సస్పెన్షన్లను ఉపసంహరించుకోవాలని కాకర్ల వెంకటరామిరెడ్డి డిమాండ్‌ చేశారు.

సాక్షి, అమరావతి: మాజీ సీఎం వైఎస్‌ జగన్‌ మంగళవారం ఒంగోలులో పర్యటించనున్నారు. ఉదయం 11 గంటలకు తాడేపల్లిలోని నివాసం నుంచి బయలుదేరి ఒంగోలు చేరుకుంటారు. అక్కడ ఇటీవల మరణించిన వైఎస్సార్‌సీపీ ప్రచార విభాగం రాష్ట్ర అధ్యక్షుడు కాకుమాను రాజశేఖర్‌ నివాసానికి వెళ్లి ఆయన కుటుంబ సభ్యులను పరామర్శిస్తారు. అనంతరం వైఎస్‌ జగన్‌ తిరుగు ప్రయాణమవుతారు.

సాక్షి, అమరావతి: సీఎం చంద్రబాబు ప్రచార యావతార స్థాయికి చేరింది. ప్రజలేమనుకుంటారన్న జంకు ఏమాత్రం లేకుండా నిస్సిగ్గుగా తన డప్పు కొట్టించుకోవడానికి ప్రజా ధనాన్ని దోచి పెట్టేందుకు బరితెగించడం విస్తుగొలుపుతోంది. ఒక పక్క డబ్బుల్లేవంటూనే మరో పక్క భారీ ఎత్తున దుబారా వ్యయాలకు పాల్పడుతున్నారు. సోషల్‌ మీడియా ఇన్‌ఫ్లుయెన్సర్లకు ప్రభుత్వ ఖజానా నుంచి భారీగా దోచి పెట్టేందుకు ఏకంగా పాలసీ పేరుతో చంద్రబాబు ప్రభుత్వం ఉత్తర్వులను జారీ చేసింది. ప్రభుత్వ ఖజానా నుంచి డబ్బులిస్తామని.. తమకు డప్పు కొట్టండంటూ చంద్రబాబు సర్కారు సోషల్‌ మీడియా ఇన్‌ఫ్లుయెన్సర్లకు భారీ ఆఫర్‌ ఇచ్చింది. సోషల్‌ మీడియా ఇన్‌ఫ్లుయెన్సర్ల పాలసీ తక్షణం అమల్లోకి వచ్చిందని సాధారణ పరిపాలన శాఖ (రాజకీయ) ముఖ్య కారదర్శి జె.శ్యామలరావు సోమవారం ఉత్తర్వులు జారీ చేశారు. ఆంధ్రప్రదేశ్‌ రాష్ట్రానికి సోషల్‌ మీడియా ఇన్‌ఫ్లుయెన్సర్ల ఎంప్యానెల్‌మెంట్‌ విధానాన్ని ప్రభుత్వం ఆమోదించిందని, ఇందుకు అనుగుణంగా అవసరమైన చర్యలు తీసుకోవాల్సిందిగా ఏపీ డిజిటల్‌ కార్పొరేషన్‌ లిమిటెడ్‌ (ఏపీడీసీఎల్‌) ఎండీకి ఉత్తర్వుల్లో సూచించారు. తమకు కావాల్సిన సోషల్‌ మీడియా ఇన్‌ఫ్లుయెన్సర్లతో ప్రభుత్వ పెద్దలు ముందుగానే మాట్లాడుకున్నారు. ఇప్పటికే సమాచార శాఖ, ఏపీడీసీఎల్‌ రాష్ట్ర వ్యాప్తంగా ఉన్న సోషల్‌ మీడియా కంటెంట్‌ సృష్టికర్తలతో ఏప్రిల్, మే నెలలో సమావేశాలను నిర్వహించింది. ఏప్రిల్‌ 17వ తేదీన నిర్వహించిన సమావేశంలో ఆఫ్‌లైన్‌లో 48 మంది, ఆన్‌లైన్‌లో 69 మంది ఇన్‌ఫ్లుయెన్సర్‌లు పాల్గొన్నారు. మే 19వ తేదీన నిర్వహించిన సమావేశంలో ప్రత్యేకంగా 10,000 పైన ఫాలోవర్లు ఉన్న కంటెంట్‌ క్రియేటర్‌లను చేర్చుకోవడంపై దృష్టి పెట్టారు. ఉత్తర్వుల్లోని కీలకాంశాలు ⇒ ప్రభుత్వ సమాచార ప్రసారాలను, ప్రజా చైతన్య ప్రచారాలను విస్తృతం చేయగల సోషల్‌ మీడియా ఇన్‌ఫ్లుయెన్సర్‌లను గుర్తించడం, ధృవీకరించడం ఎంప్యానెల్‌ చేయడం. ⇒ ప్రభుత్వ సంక్షేమ పథకాలు, మౌలిక సదుపాయాల అభివృద్ధి, ఇతర అన్ని కార్యక్రమాలపై కం­టెంట్‌ను చురుకుగా ప్రచారం చేయడం.. వ్యాప్తి చేయడం ఇందులో భాగం. ఆంధ్రప్రదేశ్‌ 28 జిల్లాలంతటా ఈ ప్రచారం కొనసాగుతుంది. ⇒ ఈ విధానం కింద చేసే ఖర్చులన్నింటి ఉద్దేశం ప్రామాణిక ప్రభుత్వ సమాచారాన్ని వ్యాప్తి చేయడం. ⇒ ఆంధ్రప్రదేశ్‌లో పనిచేస్తూ, అధికారిక ఏపీడీసీఎల్‌ ఎంప్యానెల్‌మెంట్‌ కోరుతున్న ఫేస్‌బుక్, ఇన్‌స్టా్రగామ్, యూట్యూబ్, ట్విటర్‌ (ఎక్స్‌)లోని సోషల్‌ మీడియా కంటెంట్‌ సృష్టికర్తలందరికీ ఇది వర్తిస్తుంది. ⇒ ప్రారంభ ఎంప్యానెల్‌మెంట్‌ ఏడాది కాలానికి ఉంటుంది. సంతృప్తికరమైన పనితీరు ఆధారంగా, అథారిటీ విచక్షణ మేరకు ఈ కాల పరిమితిని మరో రెండు సంవత్సరాల కాలానికి (ఒకసారికి ఒక సంవత్సరం చొప్పున) పొడిగించవచ్చు. ⇒ ప్రచురించే ప్రభుత్వ సంబంధిత కంటెంట్‌ నిష్పక్షపాతంగా, సమాచార యుక్తంగా, పక్షపాత రహితంగా ఉండేలా చూసుకోవాలి. ⇒ పాకిస్తానీ మూలం ఉన్న కంటెంట్, రక్షణ సంబంధిత కార్యకలాపాల ప్రత్యక్ష ప్రసారంపై ఉన్న పరిమితులతో సహా, భారత ప్రభుత్వ సమాచార, ప్రసార మంత్రిత్వ శాఖ సూచనలకు అనుగుణంగా ఉండాలి. ⇒ ఏపీడీసీఎల్‌ ధృవీకరించిన అధికారిక సోషల్‌ మీడి­యా ఇన్‌ఫ్లుయెన్సర్‌గా గుర్తింపు కార్డు ఉండాలి. ⇒ సందర్భం, కార్యక్రమ అవసరాలను బట్టి ప్రభుత్వ కార్యక్రమాలకు, ఈవెంట్లకు ప్రవేశం. ⇒ పనితీరు రికార్డు, సానుకూల ప్రభుత్వ ప్రచారానికి చేసిన కృషి ఆధారంగా, డిపార్ట్‌మెంట్‌ చేపట్టే చెల్లింపు ద్రవ్య ప్రచారాలలో ప్రాధాన్యత. ⇒ గుర్తింపు పొందిన ఇన్‌ఫ్లుయెన్సర్లకు ఈవెంట్‌కు ముందు ప్రవేశం, డ్రోన్‌ అనుమతుల కోసం ఎస్‌వోపీలు జారీ.పారితోషికం ఇలా..ఇన్‌ఫ్లుయెన్సర్లే రూపొందించిన ఆడియో, విజువల్స్‌ పోస్ట్‌ చేయడం.. అథారిటీ అందించిన ఆడియోృవిజువల్స్‌ను పోస్ట్‌ చేయడం.. అథారిటీ అందించిన గ్రాఫిక్స్‌ను పోస్ట్‌ చేయడం ఆధారంగా పారితోషికాన్ని ప్రకటించారు. లక్ష ఫాలోవర్స్‌ పైగా ఉంటే ఏ కేటగిరీ.. వీరు ఒక పోస్టు రూపొందించి పోస్టింగ్‌ చేస్తే రూ.15,000 ⇒ 50 వేల నుంచి 99,999 ఫాలోవర్స్‌ ఉన్న బీ కేటగిరీ వారికి ఒక పోస్టింగ్‌కు రూ.7,500 ⇒ 25 వేల నుంచి 49,999 ఫాలోవర్స్‌ ఉన్న సీ కేటగిరీ వారికి ఒకపోస్టింగ్‌కు రూ.5,000⇒ 10 వేల నుంచి 24,999 ఫాలోవర్స్‌ ఉన్న డీ కేటగిరీ వారికి ఒక పోస్టింగ్‌కు రూ.2,500 అథారిటీ అందించిన గ్రాఫిక్స్‌ను పోస్ట్‌ చేస్తే ఏృకేటగిరీ వారికి రూ.1,500, బీ కేటగిరీకి రూ.1,000, సీ కేటగిరీకి రూ.750, డీ కేటగిరీ వారికి రూ.500 వరకు ⇒ అథారిటీ అందించిన ఆడియోృవిజువల్స్‌ను పోస్ట్‌ చేస్తే ఏృకేటగిరీ వారికి రూ.2,000, బీ కేటగిరీకి రూ.1,500, సీ కేటగిరీకి రూ.1,000, డీ కేటగిరీ వారికి రూ.750 వరకు

సాక్షి,అమరావతి/ గాంధీనగర్‌ (విజయవాడ సెంట్రల్‌): తమ న్యాయమైన సమస్యలు పరిష్కరించా లని అంబేడ్కర్‌ గురుకులాల పార్ట్‌ టైం ఉద్యోగులు గళమెత్తారు. విజయవాడ ధర్నా చౌక్‌లో సో­మ­వారం మహా ధర్నా చేపట్టారు. ధర్నాను ప్రారంభించిన మాజీ ఎమ్మెల్సీ కేఎస్‌ లక్ష్మణరావు మాట్లా­డుతూ..విద్యాలయాలు, కళాశాలల్లో పనిచేస్తోన్న పార్ట్‌టైమ్‌ ఉపాధ్యాయులు, అధ్యాపకుల సమస్యలను ప్రభుత్వం వెంటనే పరిష్కరించాలని డిమాండ్‌ చేశారు. 1,800 మంది పార్ట్‌టైమ్‌ ఉపాధ్యాయులు, అధ్యాపకులు ఏళ్ల తరబడి సేవలందిస్తున్నప్పటికీ, వారి సమస్యలు మాత్రం పరిష్కారం కావడం లేదని ఆవేదన వ్యక్తం చేశారు. వేతనాలు సకాలంలో అందకపోవడంతో కుటుంబాలను పోషించుకోవడానికి తీవ్ర ఇబ్బందులు ఎదుర్కొంటున్నారని చెప్పారు. కులవివక్ష వ్యతిరేక పోరాట సంఘం (కేవీపీఎస్‌) రాష్ట్ర ప్రధాన కార్యదర్శి ఆండ్ర మాల్యాద్రి మాట్లాడుతూ..పెండింగ్‌ వేతనాలను వెంటనే విడుదల చేయాలన్నారు. సమస్యలను త్వరితగతిన పరిష్కరించేందుకు ప్రత్యేక ఫిర్యాదుల పరిష్కార విభాగం, సంక్షేమ కమిటీ ఏర్పాటు చేయాలని డిమాండ్‌ చేశారు. ధర్నాలో గురుకుల పాఠశాల పేరెంట్స్‌ అసోసియేషన్‌ రాష్ట్ర అధ్యక్షుడు పిల్లా చంద్రం, ఏపీటీఎఫ్‌ రాష్ట్ర అధ్యక్షురాలు సీహెచ్‌ మంజుల, డాక్టర్‌ బీఆర్‌ అంబేడ్కర్‌ గురుకులాల పార్ట్‌టైమ్‌ టీచర్స్‌ అండ్‌ లెక్చరర్స్‌ అసోసియేషన్‌ ఆంధ్రప్రదేశ్‌ అధ్యక్షుడు బొల్లిపోగు ఇస్మాయిల్, కార్యదర్శి కె.వర్మ పాల్గొన్నారు.

సాక్షి, అమరావతి: ముఖ్యమంత్రి చంద్రబాబుకు అత్యంత సన్నిహితుడు, బీజేపీ ఎంపీ సీఎం రమేష్ ­కు రాష్ట్ర ప్రభుత్వం భారీ నజరానా ఇచ్చింది. కుప్పం బ్రాంచి కెనాల్‌లో రమేష్ కు చెందిన రిత్విక్‌ ప్రాజెక్ట్స్‌ చేపట్టిన పనుల అంచనా వ్యయాన్ని పెంచేసి, భారీ ప్రయోజనం చేకూర్చిందని ఇంజినీరింగ్‌ నిపుణులు చెబుతున్నారు. కుప్పం బ్రాంచ్‌ కెనాల్‌లో 0 నుంచి 66.95 కిలోమీటర్ల వరకు లైనింగ్‌ పనులను ఆర్నెల్లలో పూర్తి చేయాలనే షరతుతో 2024 డిసెంబర్‌ 14న రూ.81.43 కోట్ల అంచనాతో జలవనరుల శాఖ టెండర్లు పిలిచింది.ఆ పనులను 85.46 కోట్ల (జీఎస్టీ, సీనరేజి వంటి పన్నులు కాకుండా)కు దక్కించుకున్న రిత్విక్‌ ప్రాజెక్ట్స్‌ సకాలంలో పూర్తి చేయలేకపోయింది. టెండర్‌ నిబంధనలను తుంగలో తొక్కుతూ ఎస్‌ఎఫ్‌ఆర్‌సీ (స్టీల్‌ ఫైబర్‌ రీయిన్‌ఫోర్స్‌డ్‌ కాంక్రీట్‌) విధానంలో లైనింగ్‌ చేశారు. అత్యంత నాసిరకంగా చేసిన ఈ లైనింగ్‌ గతేడాది కాలువలో నీటి ప్రవాహానికి ఎక్కడికక్కడ దెబ్బతింది. సకాలంలో పనులు పూర్తి చేయని రిత్విక్‌ ప్రాజెక్ట్స్‌ నుంచి లిక్విడేటెడ్‌ డ్యామేజస్‌ వసూలు చేయాలి. కానీ చంద్రబాబు ప్రభు­త్వం కనీసం నోటీసులు కూడా జారీ చేయలేదు. పైగా, పనుల పూర్తికి గడువును పొడిగించింది. మరోపక్క చీఫ్‌ ఇంజినీర్స్‌ కమిటీతో నివేదిక పేరుతో అదనంగా పనులు చేశారని చూపుతూ అంచనా వ్యయాన్ని రూ.99.20 కోట్ల నుంచి రూ.126.25 కోట్లకు పెంచింది. ఈ మేరకు జలవనరుల శాఖ సోమవారం ఉత్తర్వులు జారీ చేసింది. దీనివల్ల రి త్విక్‌ ప్రాజెక్ట్స్‌ సంస్థకు రూ.40.79 కోట్ల మేర ప్రయోజనం చేకూరుతుందని చెబుతున్నారు. నాసిరకం పనులు చేసిన ఈనాడు కిరణ్‌ వియ్యంకుడికీ బహుమానం హంద్రీ–నీవా రెండో దశ ప్రధాన కాలువకు సిమెంట్‌ కాంక్రీట్‌ లైనింగ్‌ చేస్తే భూగర్బ జలాలు అడుగంటిపోతాయని, బోర్లు, బావులు ఎండిపోతాయంటూ రైతులందరూ ముక్తకంఠంతో తీవ్రంగా వ్యతిరేకించినా 216.3 కి.మీ. నుంచి 400 కి.మీ. వరకూ లైనింగ్‌ పనులకు రూ.936.70 కోట్లతో 2024 డిసెంబర్‌ 3న జలవనరుల శాఖ పరిపాలన అనుమతి ఇచ్చింది. ఇందులో రెండో ప్యాకేజీ (ప్రధాన కాలువ) 260 కి.మీ. నుంచి 300 కి.మీ. లైనింగ్‌తోపాటు 285.1 కి.మీ. నుంచి 287.1 కి.మీ. వరకు టన్నెల్‌ నిర్మాణ పనులకు రూ.158.19 కోట్లు కేటాయించింది.గతేడాది ఈ పనులకు రూ.117.63 కోట్ల అంచనాతో పిలిచిన టెండర్లలో రూ.123.24 కోట్లకు కోట్‌ చేసిన ఈనాడు కిరణ్‌ వియ్యంకుడు రాయల రఘుకు చెందిన ఆర్వీఆర్‌ ప్రాజెక్ట్స్‌ సంస్థకు కట్టబెట్టింది. ఇక్కడ నాసి రకంగా పనులు చేయడం వల్ల ఒక సీజన్‌లో కాలువలో నీటి ప్రవాహానికే లైనింగ్‌ ఎక్కడికక్కడ దెబ్బతింది. కాంట్రాక్టు ఒప్పందం మేరకు ఆర్నెల్లలోగా పనులు పూర్తిచేయడంలో విఫలమైన ఆర్వీఆర్‌ ప్రాజెక్ట్స్‌ సంస్థపై చర్యలు తీసుకోవాల్సిన చంద్రబాబు సర్కారు.. పనుల పూర్తికి గడువు పొడగించడమే కాకుండా, అంచనా వ్యయా­న్ని రూ.158.19 కోట్ల నుంచి రూ.337.90 కోట్లకు పెంచేస్తూ సోమవారం ఉత్తర్వులు జారీ చేసింది. తద్వారా రాయల రఘు సంస్థకు పెద్ద ఎత్తున ప్రయోజనం చేకూర్చింది. చంద్రబాబు ప్రభుత్వ డీపీటీ (దోచుకో.. పంచుకో.. తినుకో)కి ఈ రెండు ప్రాజెక్టులు మరో నిదర్శనమంటూ ఇంజినీరింగ్‌ నిపుణులు వ్యాఖ్యానిస్తున్నారు.

సాక్షి, తాడేపల్లి : గ్రామ, వార్డు సచివాలయ ఉద్యోగులపై కూట‌మి ప్ర‌భుత్వ‌ వేధింపులు పరాకాష్ఠకు చేరాయని ఆంధ్రప్రదేశ్ గవర్నమెంట్ ఎంప్లాయీస్ ఫెడరేషన్ చైర్మన్ కాకర్ల వెంకట‌రామిరెడ్డి మండిప‌డ్డారు. సోమ‌వారం ఆయ‌న మీడియాతో మాట్లాడుతూ.. శాంతియుతంగా నిర‌స‌న తెలిపిన ఉద్యోగుల‌పై చంద్ర‌బాబు స‌ర్కారు అక్ర‌మ కేసులు పెట్టించింద‌ని ఆరోపించారు. ఉద్యోగులను లాఠీలతో కొట్టిందేకాక మళ్ళీ అక్రమ కేసులు పెడతారా?, సెలవు రోజు వచ్చి ధర్నా చేసినా తప్పేనా? అని ప్ర‌శ్నించారు. పోలీసుల లాఠీచార్జిపై ఉద్యోగ సంఘాలు మౌనం వ‌హించ‌డంపై ఆవేద‌న వ్య‌క్తం చేశారు.''సీఐ అలీ చనిపోవడానికి కారణం సచివాలయ ఉద్యోగులేనని మరో కేసు పెట్టారు. సీఐ అలీ తోపులాటలో కింద పడినట్టు తప్పుడు ఫిర్యాదు చేశారు. మీ దగ్గరున్న వీడియోలలో ఎక్కడైనా అలీ కింద పడినట్టు ఉందా? ఉద్యోగులను ఇంతగా వేధించేకంటే ఒక్కసారే ఎన్‌కౌంటర్ చేయండి. అప్పుడైనా ప్రభుత్వ కక్ష తీర్చుకోండి. ఉద్యోగ సంఘాల నేతలు ఈ లాఠీఛార్జిపై ఎందుకు నోరు మెదపటం లేదు? తోటి ఉద్యోగులపై అక్రమ కేసులు పెడితే స్పందించని నాయకత్వం ఎందుక''ని ప్ర‌శ్నించారు.కరోనా కంటే నీచమైన వైరెస్ ఎల్లోమీడియా''ధర్నా చేసిన ఉద్యోగులను బ్లేడ్ బ్యాచ్, గంజాయి బ్యాచ్ అంటూ ఒక ఛానల్ లో మాట్లాడారు. ఆ మాట్లాడిన యాంకర్ గంజాయి తాగి మాట్లాడుతున్నాడు. కరోనా కంటే నీచమైన వైరెస్ ఎల్లోమీడియా. రాష్ట్రాన్ని సర్వనాశనం చేయటానికి ఎల్లోమీడియా పని చేస్తోంది. ఉద్యోగులకు రూ.30 వేల కోట్లు ఇచ్చామని చంద్రబాబు చెప్పారు. ఆ నగదు ఏ ఉద్యోగికి ఇచ్చారో ప్రభుత్వం చెప్పాలి. సమాచార హక్కు కింద అడిగితే ఎవరికీ ఇవ్వలేదని ఆర్ధిక శాఖ చెప్పింది. మరి చంద్రబాబు సీఎం హోదాలో పచ్చి అబద్దాలు చెప్పడం ఎందుక''ని కాక‌ర్ల నిల‌దీశారు.ఇదీ చ‌ద‌వండి: చంద్ర‌బాబు స‌ర్కారుపై ఉద్యోగుల తిరుగుబాటుచంద్రబాబు మాట వింటే నష్టపోయేది టీచర్లే''గ్రామ, వార్డు సచివాలయ ఉద్యోగులు ధైర్యం గా పోరాటం చేశారు. ఎన్ని కేసులు పెట్టినా న్యాయపోరాటం చేద్దాం. ప్రభుత్వం దిగి వచ్చేదాకా పోరాటం చేద్దాం. ఎంత అణిచివేయాలని చూస్తే అంతగా ఎదుగుతాం. టీచర్లతో రాజకీయం చేయటం చంద్రబాబుకు అలవాటు. కర్నూలు, విజయవాడ, విశాఖలో వారితో ధర్నా చేయించారు. చంద్రబాబు మాటలు విని రాజకీయాలు చేస్తే నష్టపోయేది టీచర్లేన‌''ని కాకర్ల వెంకట‌రామిరెడ్డి అన్నారు.

‘నా కొడుకు జాగ్రత్త అమ్మా’ అని పుట్టింటిలో చంటి బిడ్డను వదిలి న్యాయబద్ధంగా రావాల్సిన హక్కులు, డిమాండ్ల కోసం ప్రజాస్వామ్య పద్ధతిలో జరుగుతున్న నిరసనలో పాల్గొనడానికి వచ్చాను. ఇన్ని అవాంతరాలు, ఇన్ని ఆంక్షలు ఎదురవ్వడం నిజంగా బాధాకరం. మాకు మాత్రమే ఎందుకు ఈ ఆంక్షలు? నా లాంటి ఎంతో మంది మహిళా ఉద్యోగులు వారి పిల్లలను, కుటుంబాలను వదిలి, ఉద్యోగ సమస్యల కోసం ఇక్కడికి వచ్చారు. మా గోడు చెప్పుకునేందుకు అనుమతి లేదంటున్న వారికి మా వంటి తల్లుల మనసులోని బాధ కనిపించ లేదా? మేమేమీ చట్టాన్ని ఉల్లంఘించడానికి రాలేదు. మా సమస్యలను శాంతియుతంగా, ప్రజాస్వామ్య పద్ధతిలో తెలియజేయడానికి మాత్రమే వచ్చాం. మా గొంతు వినండి. మా బాధను అర్థం చేసుకోండి. – సచివాలయ సగటు మహిళా ఉద్యోగి ఆవేదన, ఆక్రందన సాక్షి, అమరావతి: ఎన్నికలకు ముందు ఇచ్చిన హామీలు అమలు చేయకుండా మోసం చేస్తున్న చంద్రబాబు.. ఉద్యోగుల వ్యతిరేక చర్యలను నిరసిస్తూ ప్రభుత్వ ఉద్యోగులు తిరగబడ్డారు. ఐఆర్, పీఆర్సీ అమలు చేయడంతో పాటు ఐదు పెండింగ్‌ డీఏలు.. మొత్తంగా రూ.40 వేల కోట్ల బకాయిలు చెల్లింపులపై ఇచ్చిన హామీ ఎందుకు అమలు చేయడం లేదంటూ నిలదీశారు. దీంతో పాటు సచివాలయ ఉద్యోగులకు న్యాయబద్ధంగా రావాల్సిన నోషనల్‌ ఇంక్రిమెంట్లు, జూనియర్‌ అసిస్టెంట్‌ స్థాయి హోదా, సొంత మండలాల్లో నియామకాలకు వీలు, జీవో 11 రద్దు వంటి అంశాలపై నినదిస్తూ నిప్పులు చెరిగారు. ప్రభుత్వ బెదిరింపులు లెక్క చేయక, అడుగడుగునా పోలీసు నిర్బంధాలను దాటుకుని వేలాది మంది గ్రామ, వార్డు సచివాలయ ఉద్యోగులు ఆదివారం విజయవాడకు చేరుకొని సర్కారు తీరుపై కదం తొక్కారు. ఆయా డిమాండ్ల సాధనకు ‘ఛలో విజయవాడ’ కార్యక్రమానికి పిలువునివ్వగా.. ప్రభు­త్వం అడుగడుగునా అడ్డంకులు సృష్టించింది. ఉద్యో­గులు విజయవాడ వచ్చే అన్ని మార్గాల్లో ప్రత్యేక చెక్‌ పోస్టులు ఏర్పాటు చేసి మార్గం మధ్య­లోనే పలువురిని నిర్బంధించింది. వారిని ఆయా ప్రాంతాల్లోని పోలీసు స్టేషన్లకు తరలించింది. అయి­నా వేల సంఖ్యలో ఉద్యోగులు వివిధ మార్గాల్లో చేరుకుని ‘ఛలో విజయవాడ’ కార్యక్రమాన్ని విజయవంతం చేశారు. విజయవాడ అలంకార్‌ సెంటర్‌ చుట్టుపక్కల దాదాపు 500 మంది పోలీసులు మోహరించి.. అన్ని వైపులా బారికేడ్లు ఏర్పాటు చేసినా, ఉద్యోగులు ఉదయం 9 గంటల కల్లా పెద్ద సంఖ్యలో ధర్నా చౌక్‌ ప్రాంతానికి చేరుకున్నారు. ఓ వైపు పోలీసులు ఉద్యోగులను అక్కడి నుంచి తరలించే ప్రయత్నం చేసినా.. చీమల దండు మాదిరి ఉద్యోగులు వెల్లువెత్తడంతో 10 గంటలకు ఆ ప్రాంతం వారితో కిక్కిరిసింది. మధ్యాహ్నం దాకా నిమిష నిమిషానికీ వారి సంఖ్య మరింతగా పెరిగిపోయింది. సాయంత్రం వరకు వివిధ ప్రాంతాల నుంచి వస్తూనే ఉన్నారు. ఉద్యోగులు ఇలా తరలి రావడంతో ప్రభుత్వం పోలీసులకు కనుసైగ చేయడంతో అక్కడ పరిస్థితి తీవ్ర ఉద్రిక్తతకు దారితీసింది. మహిళా ఉద్యోగులను ఈడ్చుకుంటూ.. ధర్నా చౌక్‌కు చేరుకున్న ఉద్యోగులను పోలీసులు కొంత మంది చొప్పున విభజిస్తూ పోలీసు వాహనాల్లోకి బలవంతంగా ఎక్కించుకుని వెళ్లే ప్రయత్నం చేయడంతో 10.30 గంటలకు ఉద్యోగులు ప్లకార్లు ప్రదర్శిస్తూ, నినాదాలు చేశారు. దీంతో పోలీసులు సచివాలయ ఉద్యోగుల చొక్కా పట్టుకొని లాక్కుంటూ వాహనాల్లోకి ఎక్కించారు. మహిళా ఉద్యోగులను మగ పోలీసులే చుట్టు ముట్టి ఈడ్చుకుంటూ తీసుకెళ్లి వాహనాల్లోకి తోసేశారు. ఈ క్రమంలో కొందరు సచివాలయ ఉద్యోగులను పోలీసులు పొట్టలో, ఇతర భాగాల్లో పిడి గుద్దులతో హింసించినట్టు ఉద్యోగ సంఘాల నేతలు ఆగ్రహం వ్యక్తం చేశారు. మరోవైపు ఉద్యోగులను ఎక్కించిన వాహనాలు అక్కడి నుంచి కదలకుండా మిగతా ఉద్యోగులు చుట్టుముట్టి ఆందోళన కొనసాగించారు. దీంతో వాహనాల్లో ఎక్కించిన ఉద్యోగులను కిందకు దించి వేయక తప్పలేదు. అనంతరం ఉద్యోగులను వందలాది మంది పోలీసులు చుట్టుముట్టడంతో రోడ్డుపైనే కూర్చొని ఆందోళన కొనసాగించారు. లాఠీలతో చెదరగొట్టిన పోలీసులు ఉద్యోగులను వాహనాల్లో ఎక్కించి అక్కడి నుంచి తరలించే ప్రయత్నం సఫలం కాకపోవడంతో.. పోలీసులు ఆ ప్రాంతాన్ని చుట్టు ముట్టి మండుటెండలో ఆందోళన కొనసాగిస్తున్న ఉద్యోగులను డ్రోన్ల సహాయంతో పర్యవేక్షిస్తూ ఉండిపోయారు. మధా్నహ్నం ఒంటి గంటకు అదనపు పోలీసు బలగాలను రప్పించి 1.20 గంటలకు లాఠీలతో ఉద్యోగులను చెదరగొట్టేందుకు ప్రయత్నించారు. అయితే, మహిళా సచివాలయ ఉద్యోగులు ముందు వరుసలో ఉండి పోలీసులకు ఎదురు తిరగడంతో రోప్‌ పార్టీలతో వెనక్కి నెట్టుకుంటూ వెళ్లారు. దీంతో ఉద్యోగులు రెండు గ్రూపులుగా విడిపోయి, అలంకార్‌ సెంటర్‌కు అటు, ఇటు రోడ్డుపై కూర్చొని ఆందోళన కొనసాగించారు. వందల మంది చనిపోయినా పట్టదా? భద్రత విధుల్లో ఉన్న సీఐ ఒకరు గుండెపోటుకు గురై ఆసుపత్రిలో చేరిన అనంతరం మరణించిన సంఘటనను చూపుతూ.. ఆందోళన విరమింపజేసేందుకు పోలీసులు ప్రయత్నించారు. ఈ సందర్భంగా ఉద్యోగులు మాట్లాడుతూ.. ‘గ్రామ, వార్డు సచివాలయాల్లో ఉద్యోగుల సంఖ్యను తగ్గిస్తూ ప్రభుత్వం కక్ష పూరితంగా రేషనలైజేషన్‌ ప్రక్రియ చేపట్టింది. మితిమీరి ఇంటింటి సర్వేలు చేయించింది. సెలవు రోజుల్లో కూడా విధులకు హాజరు కావాలని ఆదేశించింది. దీంతో మాపై పని ఒత్తిడి పెరిగింది. ఈ ఒత్తిడి తట్టుకోలేక ఈ రెండేళ్లలో వందలాది మంది ఉద్యోగులు చనిపోయారు. వారి కుటుంబాలను ఆదుకోవాలని అనేక వినతిపత్రాల ద్వారా కోరినా ఈ ప్రభుత్వం పట్టించుకోలేదు. చిన్న స్థాయి ఉద్యోగులమైన మేము సమస్యలు చెప్పకోవడానికి వస్తుంటే ప్రభుత్వం ఇన్ని ఆంక్షలు పెట్టడం న్యాయమా? రెండేళ్లుగా పట్టించుకోని ప్రభుత్వం.. ఇప్పుడైనా మా ఆవేదన తెలుసుకోవాలి. ఉద్యోగం చేస్తాం గానీ, ఊడిగం చేయం. మీరు (పోలీసులు) కూడా ఉద్యోగులే కదా.. మా డిమాండ్లు న్యాయమైనవా.. కాదా.. మీరే చెప్పండి’ అని నిలదీశారు. పోలీస్‌స్టేషన్‌లో మహిళా ఉద్యోగుల నిర్బంధంఅటు శ్రీకాకుళం జిల్లా మొదలు ఇటు అనంతపురం, చిత్తూరు జిల్లాల నుంచి బస్సులు, రైళ్లలో వచ్చే ఉద్యోగులను దారిపొడవునా తెల్లవారుజాము నుంచే ఎక్కడికక్కడ పోలీసులు నిర్బంధించారు. విజయవాడ రైల్వే స్టేషను, బస్సు స్టేషన్‌­లో వందల మంది పోలీసులు ఉద్యోగులను అడ్డుకొని సమీప పోలీసు స్టేషన్లకు తరలించారు. విజయవాడ నగరంలో పోలీసు స్టేషన్లతో పాటు సమీప ప్రాంత పోలీసు స్టేషన్లన్నీ గ్రామ, వార్డు సచివాలయ ఉద్యోగులతో నిండిపోయాయి. పదుల సంఖ్యలో మహిళా ఉద్యోగులను కృష్ణలంక పోలీస్‌ స్టేషన్‌కు తరలించి తాళం వేశారు. 109 మంది ఉద్యోగులను బస్టాండ్‌లో అదుపులోకి తీసుకున్నారు. అక్కడ నుంచి బస్సుల్లో 39 మందిని ఇబ్రహీంపట్నం పోలీస్‌ స్టేషన్‌కు, 70 మందిని పెదకాకాని పోలీస్‌ స్టేషన్‌కు తరలించారు. ఎస్‌ఎన్‌పురం పోలీస్‌స్టేషన్‌తో పాటుగా కంకి­పాడు, ఉయ్యూరు, ఇబ్రహీంపట్నం తదితర పోలీస్‌ స్టేషన్‌లు ఆదివారం సచివాలయాల ఉద్యోగులతోనే నిండిపోయా­యి. 70 మందిపై 35(3) సెక్షన్‌ మేరకు కేసులు పెట్టారు. ఈ కేసులను విజయవాడ సత్యనారాయణపురం పోలీస్‌ స్టేషన్‌కు బదిలీ చేశారు. ఉద్యోగుల నుంచి, రాష్ట్ర ప్రజల నుంచి తీవ్ర వ్యతిరేకత వ్యక్తమవుతుండటంతో రాత్రి 8, 9 గంటల తర్వాత 41 నోటీసులతో పాటు 35 (3) సెక్షన్‌ కాగితాలపై సంతకాలు చేయించుకుని, ఆధార్‌ జిరాక్స్‌ తీసుకుని వదిలేశారు. తిండి పెట్టలేదు సరికదా.. అనారోగ్యంతో ఉన్నామని చెప్పినా రాత్రి వరకూ కనికరించలేదని ఉద్యోగులు వాపోయారు. కాల కృత్యాలు తీర్చుకోవడానికి కూడా అనుమతించలేదని మండిపడ్డారు. కాగా, పోలీసుల తీరుతో బస్టాండ్, రైల్వే స్టేషన్‌లో సాధారణ ప్రయాణికులు సైతం తీవ్ర ఇబ్బందులు ఎదుర్కొన్నారు. ఇబ్రహీంపట్నం పోలీస్‌ స్టేషన్‌కు తరలించిన 70 మందికి మధ్యాహ్నం భోజన సదుపాయం కూడా కల్పించకపోవడంతో వారు ఆకలితో అలమటించారు. ఈ క్రమంలో ఉద్యోగ సంఘం నేత వెంకట్రామిరెడ్డి, సీఐటీయూ నేతలు అక్కడికి వెళ్లి వారిని పరామర్శించారు. మరోవైపు, రాష్ట్రమంతటా అన్ని చోట్ల ప్రభుత్వ తీరును వ్యతిరేకిస్తూ సచివాలయ ఉద్యోగులు నిరసన ర్యాలీలు చేపట్టారు. మేమేమన్నా తీవ్రవాదులమా?మా న్యాయమైన సమస్యలను పరిష్కరించా­లని రెండేళ్లుగా ప్రభుత్వానికి వినతుల రూపంలో తెలియజేసినా ఉపయోగం లేకపోయింది. దీంతో రాజ్యాంగ బద్దంగా శాంతి­యుత నిరసన తెలియజేసేందుకు వెళ్తున్న మమ్మల్ని పోలీసు­లు అడ్డుకుని ఎక్కడికక్కడ పోలీస్‌ స్టేషన్‌లకు తరలించడం దుర్మార్గం. పోలీసుల్లాగే మేము కూడా ప్రభుత్వ ఉద్యోగులమే. అయినా వారు మాతో ఇంత అమానుషంగా ప్రవర్తించి, నిర్బంధించి తీసుకువెళ్లడం దారుణం. మేమేమన్నా తీవ్రవాదుల్లా కనిపిస్తున్నామా? మమ్మల్ని నిర్బంధించినంత మాత్రాన పోరాటం ఆగదు. ప్రభుత్వం దిగివచ్చి మా న్యాయమైన సమస్యలను పరిష్కరించే వరకు పోరాటం కొనసాగుతుంది. – రాజ్‌కుమార్, శ్రీలక్ష్మీ దంపతులు, రాజమండ్రి

సాక్షి, రాజమహేంద్రవరం: స్థానిక ఎన్నికలు సమీపిస్తుండడం వల్లే బీసీలకు 34 శాతం రిజర్వేషన్లు అంటూ చంద్రబాబు డ్రామాలాడుతున్నాడని వైఎస్సార్‌సీపీ బీసీ నాయకులు ధ్వజమెత్తారు. సత్తా ఉంటే ఆ రిజర్వేషన్లకు చట్టబద్ధత కల్పించాలని, కేంద్రంలోనూ ఎన్‌డీఏ ప్రభుత్వమే ఉన్నందున పార్లమెంట్‌లో బిల్లు పెట్టి ఆమోదింపజేయాలని డిమాండ్‌ చేశారు. వైఎస్సార్‌సీపీ తూర్పుగోదావరి జిల్లా అధ్యక్షుడు, మాజీ మంత్రి చెల్లుబోయిన వేణుగోపాలకృష్ణ అధ్యక్షతన వెన్నుపోటు పార్టీ వంచనపై ఉమ్మడి తూర్పు, పశ్చిమ గోదావరి జిల్లాల్లోని బీసీల గర్జన సదస్సు రాజమహేంద్రవరం రూరల్‌ నియోజకవర్గ పరిధిలోని కాతేరులో ఆదివారం నిర్వహించారు. బీసీలకు ఏం చేశారో చెప్పాలి: బొత్స శాసనమండలిలో ప్రతిపక్ష నేత బొత్స సత్యనారాయణ మాట్లాడుతూ.. టీడీపీ కూటమి ప్రభుత్వం వచ్చాక రెండున్నరేళ్లలో బీసీలకు ఏం చేశారో చెప్పాలని డిమాండ్‌ చేశారు. బీసీలంటే వెనుకబడిన వర్గాలు కాదు.. బ్యాక్‌ బోన్‌ అని గుర్తించిన మాజీ సీఎం వైఎస్‌ జగన్‌ వారిని ప్రోత్సహించి ప్రాధాన్యమిచ్చారని గుర్తుచేశారు. ముగ్గురు బీసీ ఎమ్మెల్యేలను డిప్యూటీ సీఎంలను చేశారని కొనియాడారు. చంద్రబాబు మాత్రం స్వలాభం కోసం అప్పులు చేస్తూ దోపిడీకి పాల్పడుతున్నారని విమర్శించారు. 50 ఏళ్లు నిండిన బీసీలకు పింఛన్లు ఇస్తామని చెప్పి మోసం చేశారన్నారు. అందరం ఐక్యంగా పోరాడదామని బొత్స పిలుపునిచ్చారు. బీసీల తరఫున వైఎస్సార్‌సీపీ పోరాటం: చెల్లుబోయిన బలహీన వర్గాలను చంద్రబాబు నిత్యం మోసం చేస్తున్నారని మాజీమంత్రి చెల్లుబోయిన వేణుగోపాలకృష్ణ, వైఎస్సార్‌సీపీ బీసీ సెల్‌ రాష్ట్ర అధ్య క్షుడు, ఎమ్మెల్సీ రమేష్‌ యాదవ్‌ ధ్వజమెత్తారు. స్థానిక ఎన్నికల కోసమే 34 శాతం రిజర్వేషన్‌ డ్రామాలాడుతున్నాడని విమర్శించారు. ఉప ముఖ్యమంత్రిని చేసేందుకు ఒక్క బీసీ ఎమ్మెల్యే దొరకలేదా అని ప్రశ్నించారు. పవన్‌కళ్యాణ్‌ పక్కన కూర్చునేందుకు బీసీలకు అర్హత లేదా అని నిలదీశారు. బీసీలను నేటికీ కులవృత్తిదారులుగానే బాబు చూస్తున్నారని, ఆదరణ పథకం కోసం రూ.3 వేల కోట్లు కేటాయించామని చెబుతున్నా నేటికీ ఒక్క రూపాయి కూడా ఖర్చుచేయలేదని చెప్పారు. చేయూత పేరిట మహిళలకు ప్రతినెలా రూ.1,500 ఇస్తామని హామీ ఇచ్చి మోసం చేశారని, రుణాల కోసం 3 లక్షల మంది దరఖాస్తు చేసుకుంటే ఒక్కరికీ మంజూరు చేయలేదని మండిపడ్డారు. కుట్టుశిక్షణ తీసుకున్న మహిళలకు మెషిన్లు కూడా ఇవ్వలేని దుస్థితిలో చంద్రబాబు ప్రభుత్వం ఉందని ఎద్దేవా చేశారు. స్థానిక ఎన్నికల్లో సత్తా చాటుదామన్నారు. క్రెడిట్‌ చోరీయే చంద్రబాబు పని: మాజీ మంత్రులుమాజీ మంత్రులు సీదిరి అప్పలరాజు, ధర్మాన కృష్ణదాస్, బూడి ముత్యాలనాయుడు మాట్లాడుతూ.. చంద్రబాబు ప్రభుత్వం ఫీజు రీయింబర్స్‌మెంట్‌ బకాయిలు చెల్లించకపోవడంతో బీసీ, ఎస్సీ, ఎస్టీ, మైనార్టీ విద్యార్థులను కళాశాలల యాజమాన్యాలు ఇబ్బందులకు గురిచేస్తున్నాయని ఆవేదన వ్యక్తంచేశారు. హాస్టళ్లలో సరైన వసతులులేక బీసీ విద్యార్థులు అవస్థలు పడుతున్నారన్నారు. ప్రభుత్వాస్పత్రుల్లో టార్చ్‌లైట్ల వెలుగుల్లో ఆపరేషన్లు చేసే పరిస్థితి నెలకొందని ఆందోళన వ్యక్తంచేశారు. ఇదేంటని ఎవరైనా ప్రశ్నిస్తే తప్పుడు కేసులతో బీసీ నాయకులను అరెస్ట్‌ చేస్తున్నారన్నారు. ఇంకెంతకాలం ఇలాంటి పాలన భరిస్తామని ప్రశ్నించారు. ప్రభుత్వ పాఠశాలలు, ఆస్పత్రుల్లో గత సీఎం వైఎస్‌ జగన్‌ వసతులు కల్పించి అభివృద్ధి చేస్తే చంద్రబాబు క్రెడిట్‌ చోరీకి పాల్పడుతున్నాడని మండిపడ్డారు. వైఎస్‌ జగన్‌ ముఖ్యమంత్రి కాకపోయి ఉంటే ప్రభుత్వ పాఠశాలలన్నింటినీ బాబు ప్రైవేటుపరం చేసేవాడన్నారు. పేద విద్యార్థులకు ఇంగ్లిష్‌ మీడియం విద్యను దూరం చేసిన దుర్మార్గుడు చంద్రబాబు అని విమర్శించారు. 56 కార్పొరేషన్లు ఏర్పాటుచేసి బీసీల అభ్యున్నతికి పాటుపడిన బీసీల ఆత్మబంధువు జగన్‌ అని కొనియాడారు. చంద్రబాబు ప్రభుత్వాన్ని గోదావరిలో కలిపేస్తాం మాజీ మంత్రులు జోగి రమేష్, విడదల రజని, మాజీ స్పీకర్‌ తమ్మినేని సీతారాం మాట్లాడుతూ, చంద్రబాబు ప్రభుత్వాన్ని గోదావరిలో కలిపేసే రోజులు దగ్గరలోనే ఉన్నాయన్నారు. బీసీలకు 34 శాతం రిజర్వేషన్లతో స్థానిక ఎన్నికలు నిర్వహించే సత్తా చంద్రబాబుకు ఉందా అని ప్రశ్నించారు. ఎన్నికలొచ్చినప్పుడే ఆదరణ, ముందడుగు అంటూ డ్రామాలాడుతున్నాడని మండిపడ్డారు. బీసీల రక్షణకు చట్టం తీసుకొస్తామని మాయ చేశారన్నారు. మహాత్మా జ్యోతీరావు ఫూలే ఆశయాలను దివంగత మహానేత వైఎస్సార్, మాజీ సీఎం వైఎస్‌ జగన్‌మోహన్‌రెడ్డి ఆచరణలో చేసి చూపించారని కొనియాడారు. బీసీ, ఎస్సీ, ఎస్టీ, మైనార్టీ విద్యార్థులు ఉన్నత చదువులు చదువుకునేందుకు తండ్రీకొడుకులు బాటలు వేశారని గుర్తుచేశారు. బీసీలకు ఉప ముఖ్యమంత్రులుగా, మంత్రులుగా, రాజ్యసభ సభ్యులుగా అవకాశమిచ్చింది వైఎస్‌ జగనే అన్నారు. 2029లో జగన్‌ను సీఎంను చేసుకునేందుకు ఐక్యంగా కృషి చేద్దామన్నారు. బీసీలకు వైఎస్‌ జగన్‌ చేసిన మేలును అందరికీ వివరిద్దామన్నారు. వివిధ అంశాలపై సదస్సులో తీర్మానాలు చేశారు. బీసీ సెల్‌ రాష్ట్ర వర్కింగ్‌ ప్రెసిడెంట్‌ నౌడు వెంకటరమణ, మాజీ ఎంపీలు మార్గాని భరత్‌రామ్, బెల్లాన చంద్రశేఖర్, ఎమ్మెల్సీలు కుడుపూడి సూర్యనారాయణ, కవురు శ్రీనివాస్, మాజీ ఎమ్మెల్సీ మేకా శేషుబాబు, మాజీ ఎమ్మెల్యేలు పొన్నాడ సతీష్, రౌతు సూర్యప్రకాశరావు, కడుబండి శ్రీనివాసరావు, పార్లమెంటరీ కో–ఆర్డినేటర్లు గూడూరి శ్రీనివాస్, గూడూరి ఉమాబాల, ఏపీ గ్రీనింగ్‌ అండ్‌ బ్యూటిఫికేషన్‌ కార్పొరేషన్‌ మాజీ చైర్మన్‌ చందన నాగేశ్వర్, వివిధ కార్పొరేషన్ల మాజీ చైర్మన్లు, ఉమ్మడి తూర్పు, పశ్చిమ గోదా వరి జిల్లాల బీసీ సెల్‌ అధ్యక్షులు, ఏఎంసీ మాజీ చైర్మన్లు పాల్గొన్నారు.

సాక్షి, అమరావతి: హక్కుల కోసం.. ఆత్మగౌరవం కోసం శాంతియుతంగా జరగాల్సిన గ్రామ, వార్డు సచివాలయ ఉద్యోగుల నిరసనపై చంద్రబాబు ప్రభుత్వం నిరంకుశంగా ఉక్కుపాదం మోపింది. ప్రొబేషన్‌ డిక్లరేషన్, ప్రమోషన్‌ ఛానల్, సీనియారిటీ తదితర సమస్యలను పరిష్కరించాలని సచివాలయ ఉద్యోగులు కోరుతున్నారు. రెండేళ్ల ఇంక్రిమెంట్, వేతన బకాయిలు, కనీస మూల వేతనం పెంపు, జీఓ నంబర్‌ 11 రద్దు వంటి డిమాండ్లను నెరవేర్చాలని ప్రభుత్వాన్ని అడుగుతున్నారు. ఆదివారం, సెలవు రోజుల్లో బలవంతంగా తమ చేత పని చేయించవద్దని కోరుతున్నారు. వీటిని సాధించుకోవడం కోసం ఇన్నాళ్లూ ఎన్ని విజ్ఞప్తులు చేసినా, మంత్రి నుంచి అధికారుల వరకూ ఎంత మందికి ఎన్ని వినతులు ఇచ్చినా, చర్చలు జరిపినా ఎలాంటి ఫలితం లేదు. చివరికి విసిగిపోయి ఆందోళనకు సిద్ధమయ్యారు. కానీ అడ్డంకులను దాటుకుని వేలాదిగా తరలివచ్చిన సచివాలయ ఉద్యోగులపై చంద్రబాబు పోలీసులను ఉసిగొల్పారు. దాంతో విజయవాడ ధర్నా చౌక్‌ వద్ద ఆదివారం ఖాకీ దళాలు దౌర్జన్యకాండకు తెగబడ్డాయి. బీటెక్, ఎంటెక్, ఏంబీఏ, డిగ్రీ, పీజీ వంటి ఉన్నత చదువులు చదివి, సమాజంలో గౌరవంగా బతుకుతున్న ఉద్యోగులను నేరస్థుల్లా, టెర్రరిస్టుల్లా చూశారు. శాంతియుతంగా నిరసన తెలపాలని వచ్చిన వారిని చితక్కొట్టారు. మహిళా ఉద్యోగుల పట్ల అమానుషంగా వ్యవహరించారు. మగ పోలీసులే మహిళల జుత్తు పట్టుకుని ఈడ్చి పడేశారు. దుస్తులు చించి అవమానించారు. అసలు తమను ఎందుకు కొడుతున్నారో తెలియక, కొడుతున్న వారు కూడా సాటి ప్రభుత్వ ఉద్యోగులే అయినా వారెందుకు తమపై విరుచుకు పడుతున్నారో అర్థం కాక సచివాలయ ఉద్యోగులు ఉక్కిరిబిక్కిరి అయ్యారు. ఒంటి మీద లాఠీ దెబ్బలు ఎక్కడబడితే అక్కడ తగులుతుంటే గావు గేకలు పెట్టారు. పోలీసు వ్యాన్లలో పశువుల్లా కుక్కి వారిని పోలీస్‌స్టేషన్లకు తరలించారు. అక్కడ గదుల్లో లోపలపెట్టి స్టేషన్‌కు తాళాలు వేసి, తినడానికి తిండి, తాగడానికి మంచి నీరు కూడా ఇవ్వకుండా నిర్బంధించారు. సమస్యలు విన్నవించుకోవడం కోసం ధర్నా చేపడితే, దానిని రణరంగంగా మార్చిన రాష్ట్ర ప్రభుత్వ పెద్దల దమననీతిపై ఉద్యోగులు తీవ్ర ఆగ్రహం వ్యక్తం చేశారు. తమను ఎంతగా అణచి వేయాలని చూసినా, వెనక్కి తగ్గేది లేదంటూ రెట్టించిన ఉత్సాహంతో ముందుకు కదిలారు. ఒక వైపు ఉద్యోగులను పోలీసులు నిలువరిస్తే, మరోవైపు నుంచి భారీ సమూహంలా వచ్చి, అడ్డుగోడలు బద్దలు కొట్టారు. నిర్బంధాలను పటాపంచలు చేసి..ప్రభుత్వం విధించిన ఆంక్షలు, పోలీసుల హెచ్చరికలు, ముందస్తు నిర్బంధాల మధ్య కూడా సచివాలయ ఉద్యోగులు సోషల్‌ మీడియా ఆధారంగా పరస్పర సమాచారాన్ని పంచుకుంటూ అత్యధికంగా విజయవాడ చేరుకున్నారు. ఈ కార్యక్రమానికి అనుమతి లేదని పోలీసులు స్పష్టం చేసిన నేపథ్యంలో ‘ఛలో విజయవాడ’ ఊహించని రీతిలో విజయవంతం కావడం రాష్ట్ర వ్యాప్తంగా చర్చనీయాంశంగా మారింది. జిల్లాల్లోనూ ఉద్యోగులను అడ్డుకునే చర్యలు చేపట్టినప్పటికీ వేలాదిగా ఉద్యోగులు విజయవాడకు చేరుకున్నారు. దీని వెనుక జెన్‌జీ యువత మాస్టర్‌ ప్లాన్‌ ఉంది. ప్రణాళికలో భాగంగా.. విజయవాడకు కొందరు రెండు రోజుల ముందే వచ్చేశారు. ఎవరు వస్తున్నారనే దానిపై సామాజిక మాధ్యమాల్లో అభిప్రాయ సేకరణ వంటివి చేపట్టారు. రైల్వేస్టేషన్లు, బస్టాండ్లు, ఇతర ప్రాంతాల నుంచి ఎలా చేరుకోవాలన్న దానిపై గ్రూపుల్లో సమాచారం పంచుకున్నారు.. ఒక మార్గంలో అడ్డంకులు ఎదురైతే ప్రత్యామ్నాయ మార్గాన్ని ఎంచుకునేలా ముందుగానే ప్లాన్‌–బి (ప్రణాళిక) రూపొందించుకున్నారు.సోషల్‌ మీడియానే సమాచార వేదిక వాట్సాప్, ఫేస్‌బుక్, ఇన్‌స్టాగ్రామ్, టెలిగ్రామ్, ఎక్స్‌ వంటి వేదికలను సచివాలయ ఉద్యోగులు విస్తృతంగా ఉపయోగించారు. ఎక్కడ పోలీసులు అడ్డుకున్నారు? ఎవరిని అదుపులోకి తీసుకున్నారు? విజయవాడలో ఎక్కడికి చేరుకోవాలి? వంటి సమాచారాన్ని ఎప్పటికప్పుడు వెనుక వస్తున్న వారికి చేరవేశారు. బస్సుల్లో, రైళ్లలో వస్తున్న వారు బస్టాండ్లు, రైల్వే స్టేషన్ల వరకు చేరుకోకుండానే ముందు స్టేజీల్లో ఎక్కడ దిగాలనేదానిపై సూచనలు చేశారు. పోలీసుల నిర్బంధానికి సంబంధించి ఎప్పటికప్పుడు సమాచారం చేరవేసుకున్నారు. వ్యక్తిగత, కుటుంబ సమస్యలను ప్రస్తావిస్తూ భావోద్వేగపూరిత పోస్టులు కూడా విస్తృతంగా షేర్‌ చేశారు. అవి మరింతగా ఉద్యమ స్ఫూర్తిని రగిల్చాయి.ఎక్కడ అడ్డుకుంటే అక్కడే..ముందు రోజు రాత్రి రైళ్లు, బస్సుల్లో వస్తున్న వారిని పోలీసులు అదుపులోకి తీసుకున్నారు. వాహనాలు దించి, వారిని పోలీస్‌స్టేషన్లకు తరలించారు. వందలాదిగా వస్తున్న వారిని వెనక్కి వెళ్లిపొమ్మంటూ అడ్డుకున్నారు. దీంతో ఉద్యోగులు ఎక్కడ అడ్డుకుంటే అక్కడే తమ గళాన్ని వినిపించారు. తమ హక్కుల కోసం నినదించారు. ఆ దృశ్యాలను వీడియోల రూపంలో సామాజిక మాధ్యమాల్లో షేర్‌ చేశారు.భయపెట్టలేని ముందస్తు అరెస్టులు.. సస్పెన్షన్లుఛలో విజయవాడకు ముందు నుంచే ఉద్యోగులపై నిఘా, ముందస్తు నిర్బంధాలు, అరెస్టులు చేపట్టారు. తెల్ల కాగితాలపై వారి చేత సంతకాలు చేయించుకున్నారు. గ్రామ, వార్డు సచివాలయ ఉద్యోగుల సంఘాల ముఖ్య నేతలను విధుల నుంచి సస్పెండ్‌ చేశారు. ఛలో విజయవాడకు సంబంధించిన సోషల్‌ మీడియా కార్యకలాపాలను సైతం నియంత్రించారు. అంతేకాకుండా సామాజిక మాధ్యమాల్లో తప్పుడు పోస్టులు పెట్టిం చారు. ఉద్యోగులను ఏమార్చే ప్రయత్నం చేశారు. ఉద్యమంలో పాల్గొంటే క్రమశిక్షణ చర్యలు తీసుకుంటామంటూ కలెక్టర్లు, కమిషనర్లు హెచ్చరించారు. అయినా అవేవీ ఉద్యోగులను భయపెట్టలేకపోయాయి. ఢిల్లీని వణికించిన ‘కాక్రోచ్‌’ తిరుగుబాటుకు కొనసాగింపుగా అన్నట్లు ఏపీలో కదంతొక్కిన జెన్‌ జీ యువతరం మరోసారి స్వాతంత్రోద్యమంలో ‘స్టూడెంట్‌ మూమెంట్‌’ను గుర్తుచేసింది. రాత్రయినా ఏమాత్రం ఉద్యమ స్ఫూర్తిని కోల్పోకుండా సెల్‌ఫోన్‌ వెలుగులోనే ఆందోళన కొనసాగించి రాష్ట్ర ప్రభుత్వంపై తీవ్ర వ్యతిరేకతను చాటిచెప్పింది.

సాక్షి, అమరావతి: గ్రామ, వార్డు సచివాలయ ఉద్యోగులు రాజ్యాంగబద్ధంగా, శాంతియుతంగా తమ సమస్యలను చెప్పుకోవడానికి విజయవాడ ధర్నా చౌక్‌కు వస్తే వారిపై పోలీసులతో దాడిచేయించటం దుర్మార్గమని ఆంధ్రప్రదేశ్‌ గవర్నమెంట్‌ ఎంప్లాయిస్‌ ఫెడరేషన్‌ చైర్మన్‌ కాకర్ల వెంకటరామిరెడ్డి ధ్వజమెత్తారు. ఆయన ఆదివారం తాడేపల్లిలో మీడియాతో మాట్లాడారు. న్యాయమైన కోర్కెలపై ధర్నా చేస్తున్న మహిళా ఉద్యోగులను రోడ్డు మీద ఈడ్చుకొంటూ లాక్కుపోవటం అమానుషమన్నారు. ‘లాక్కెళ్లిన మహిళా ఉద్యోగులను బస్సుల్లో వేసి పిడిగుద్దులు గుద్ది గాయపరుస్తారా? ఉద్యోగులపై లాఠీఛార్జ్‌ చేయించడం అత్యంత దారుణం. మహిళా ఉద్యోగులని కూడా చూడకుండా పోలీస్‌ స్టేషన్లలో నిర్బంధిస్తారా? ఉద్యోగులను గౌరవంగా చూసుకోవటమంటే ఇదేనా చంద్రబాబూ..? తమకు ఇచ్చిన హామీల గురించి ఉద్యోగులు ప్రశ్నిస్తే డిస్మిస్‌ చేస్తారు. లాఠీలతో కొట్టిస్తారు. పోలీస్‌స్టేషన్‌లో నిర్బంధిస్తారు. మనం ప్రజాస్వామ్య దేశంలో ఉన్నామా? లేక ఆఫ్ఘనిస్తాన్‌లో ఉన్నామా? ఉద్యోగులపై ఇంత కర్కశంగా వ్యవహరిస్తారా? వందల మందిని అరెస్టు చేశారు. వారికి సంఘీభావం తెలపడానికి మాచవరం పోలీస్‌స్టేషన్‌కు వెళ్లిన మమ్మల్ని అడ్డుకున్నారు. తీసుకెళ్లిన భోజనాలను కూడా వారికి ఇవ్వనీయలేదు. అక్రమంగా నిర్బంధించిన వందలాది మంది సచివాలయ ఉద్యోగులను ప్రభుత్వం వెంటనే బేషరతుగా విడుదల చేయాలి. సమస్యలు చెప్పుకోవడానికి వస్తే చర్చలు జరపాల్సింది పోయి, డీజీపీ స్థాయి నుంచి ఎస్పీలకు ఆదేశాలిచ్చి ఉద్యోగులు రాకుండా అడ్డుకుంటారా? ఇదేమైనా నియంతృత్వ రాజ్యమా? పోలీస్‌స్టేషన్లకు తరలించిన ఉద్యోగులపై చర్యలు తీసుకుంటే సహించబోం’ అని చెప్పారు. పోలీసులూ.. మీ తోటి ఉద్యోగులపై కర్కశంగా వ్యవహరించవద్దు అని సూచించారు. ప్రభుత్వం ఎన్ని అడ్డంకులు సృష్టించినా గ్రామ, వార్డు సచివాలయ ఉద్యోగులు చేసిన ధర్నా సక్సెస్‌ అయింది. వారి ధైర్యానికి హ్యాట్సాఫ్‌ చెబుతున్నామన్నారు. ఉద్యోగులకు అడుగడుగునా అండగా ఉంటామని చెప్పారు. అధైర్యపడొద్దని సూచించారు. ఉద్యోగులకు న్యాయబద్ధంగా రావాల్సినవాటిని దసరా లోపు ఇవ్వాలని డిమాండ్‌ చేశారు. ప్రభుత్వం స్పందించకపోతే రానున్న స్థానికసంస్థల ఎన్నికల్లో తడాఖా చూపుతామని హెచ్చరించారు. గ్రామ సచివాలయ ఉద్యోగులపై కక్ష సాధిస్తున్నారా? ‘వైఎస్‌ జగన్‌మోహన్‌రెడ్డి తెచ్చిన వ్యవస్థ కాబట్టి గ్రామ సచివాలయ ఉద్యోగులపై కక్ష సాధిస్తున్నారా? హార్ట్‌ ఎటాక్‌తో చిన్న వయసులోనే ఉద్యోగులు చనిపోతున్నారు. దీనికి కారణం ప్రభుత్వం వేధింపులు, పని ఒత్తిడే. చిన్నచిన్న ఉద్యోగుల మీద ఈ స్థాయి ఒత్తిడి అవసరమా? రోజుకొక సర్వే పెట్టి వేధిస్తున్నారు. యోగాంధ్ర అనగానే సచివాలయ ఉద్యోగులనే యోగా గురువుల అవతారం ఎత్తిస్తున్నారు. పీ4 అనగానే కుటుంబాల దత్తత... అంటూ సచివాలయ ఉద్యోగులను తిప్పుతున్నారు. ఉత్సవాలు జరిగితే టాయిలెట్ల దగ్గర కాపలా పెడుతున్నారు. పెట్రోలు కొరత రాగానే బంకుల దగ్గర కాపలా పెడుతున్నారు. ఇలా ప్రతిదీ వారికే అప్పగించి వేధిస్తున్నారు. పండుగలు, ఆదివారాలు కూడా లేకుండా అడ్డమైన పనులు చేయిస్తున్నారు. ఆఫీసులో లేకుండా రోడ్లవెంట తిప్పుతున్నారు. సచివాలయ ఉద్యోగులతో వెట్టిచాకిరీ చేయించటం దుర్మార్గం. గతంలో ఏ ప్రభుత్వం కూడా ఇంత టార్చర్‌ పెట్టలేదు. కరోనా వంటి విపత్కర పరిస్థితుల్లో కూడా ప్రజలకు మందులు, ఆహారం, ప్రభుత్వ సేవలు చేరవేయడంలో సచివాలయ వ్యవస్థ ఎంతో కీలకంగా పనిచేసింది.ప్రజలకు సంక్షేమ పథకాలు చేరవేయడం నుంచి సర్వేలు, వివిధ ప్రభుత్వ కార్యక్రమాల వరకు సచివాలయ ఉద్యోగులే ముందుండి పనిచేస్తున్నారు. అలాంటి వ్యవస్థను కుదించి ఉద్యోగులపై మరింత పనిభారం మోపడం సరికాదు. 15,004 సచివాలయాలను 7,715కు కుదించే చర్యలపై ప్రభుత్వం పునరాలోచించాలి. ఉద్యోగులను అణచివేయడం కాదు.. వారితో చర్చించి సమస్యలను పరిష్కరించాలి’ అని వెంకట్రామిరెడ్డి పేర్కొన్నారు. ఉద్యోగుల పక్షాన రాజకీయాలకు అతీతంగా రాష్ట్ర ప్రజలు అండగా నిలవాలని కోరారు. గ్రామ, వార్డు సచివాలయ ఉద్యోగుల ధర్నా సందర్భంగా బందోబస్తు డ్యూటీలో ఉన్న సీఐ మృతికి ప్రభుత్వమే బాధ్యత వహించాలన్నారు. ఉద్యోగుల ధర్నా జరగకుండా అణచివేయాలనే ప్రభుత్వ నిరంకుశ ధోరణి వల్లే సీఐ మృతి చెందారని ఆయన పేర్కొన్నారు.

పాయకాపురం (విజయవాడరూరల్‌)/లబ్బీపేట (విజయవాడతూర్పు): విజయవాడ ధర్నా చౌక్‌ వద్ద ఆదివారం బందోబస్తు విధుల్లో ఉన్న నున్న పోలీస్‌స్టేషన్‌ సీఐ ఎస్‌కే అహ్మద్‌ ఆలీ (54) గుండెపోటుతో ప్రాణాలు కోల్పోయారు. ఆయనకు భార్యతోపాటు ఐదేళ్లు, ఏడేళ్ల వయసున్న ఇద్దరు కుమారులు ఉన్నారు. సచివాలయ ఉద్యోగుల ఆందోళన సందర్భంగా విధుల్లో ఉన్న సీఐ ఉదయం 11 గంటల సమయంలో అలసటగా ఉందంటూ డ్రైవర్‌ను తీసుకుని సూర్యారావుపేటలోని ఒక ప్రైవేటు ఆస్పత్రికి వెళ్లారు. అక్కడ డాక్టర్‌కు సమస్యను చెప్పడంతో ఈసీజీ, ఎకో చేద్దామన్నారు. డాక్టర్‌తో మాట్లాడుతుండగానే, ‘ఎక్కడ ఉన్నా వెంటనే రావాలంటూ’ ఏసీపీ నుంచి ఫోన్‌ వచ్చింది. దీంతో మళ్లీ వస్తానని డాక్టర్‌కు చెప్పి సీఐ ధర్నా చౌక్‌ వద్దకు వచ్చేశారు. అలా వచ్చిన కాసేపటికే సీఐ తీవ్ర గుండెపోటుతో కుప్పకూలారు. చికిత్సకోసం ఆసుపత్రికి తరలించగా, అప్పటికే ఆయన మృతిచెందినట్లు వైద్యులు ధ్రువీకరించారు. వారంరోజులుగా అలీ నలతగానే ఉంటూ విధులు నిర్వహించినట్లు కుటుంబ సభ్యులు పేర్కొన్నారు. సీఐ అలీ స్వగ్రామం ఏలూరు సమీపంలోని గోపన్నపాలెం. ఆయన 1996 ఎస్‌ఐగా విధుల్లో చేరారు. అనంతరం ఏలూరు జోన్‌లోని ఉభయగోదావరిజిల్లాలతో పాటు, కృష్ణాజిల్లాలో ఎస్‌ఐగా, సీఐగా విధులు నిర్వహించారు. మరికొద్ది నెలల్లో ఏసీపీగా ఉద్యోగోన్నతి పొందనున్న తరుణంలో ఆకస్మికంగా మరణించారు.అత్యంత బాధాకరం: పోలీసు అధికారుల సంఘం సీఐ ఎస్‌కే అహ్మద్‌ ఆలీ ఆకస్మిక మృతిపట్ల ఆంధ్రప్రదేశ్‌ పోలీసు అధికారుల సంఘం తీవ్ర దిగ్భ్రాంతిని వ్యక్తంచేసింది. ఈ ఘటన అత్యంత బాధాకర, దురదృష్టకరమని విచారం వ్యక్తంచేసింది. ఆయన మరణం పట్ల సంతాపం ప్రకటిస్తూ, కుటుంబ సభ్యులకు ప్రగాఢ సానుభూతిని తెలియచేసింది. సీఐ కుటుంబానికి అన్ని విధాలా అండదండలు అందిస్తామని హామీ ఇచ్చిన సీపీ ఎస్‌వీ రాజశేఖరబాబు, అడ్మిన్‌ డీసీపీ కేజీవీ సరితలకు సంఘం ధన్యవాదాలు తెలియజేసింది.

సాక్షి, అమరావతి : పొట్టకూటి కోసం పోలీస్‌ ఉద్యోగం చేస్తున్న వారు చంద్రబాబు ఆదేశాలతో తోటి ప్రభుత్వోద్యోగుల పొట్టలు కొట్టేలా ఉక్కుపాదం మోపడంపై సర్వత్రా విమర్శలు వెల్లువెత్తుతున్నాయి. ప్రభుత్వ అక్రమాలు.. వైఫల్యాలపై ప్రతిపక్ష వైఎస్సార్‌సీపీ నుంచి ఉద్యోగుల వరకు చేస్తున్న వరుస ఉద్యమాలపై పోలీస్‌ బలాన్ని ప్రయోగిస్తున్న చంద్రబాబు తీరుపై ఆగ్రహావేశాలు మిన్నంటుతున్నాయి. రెడ్‌బుక్‌ పాలనలో ప్రభుత్వం చెప్పిందే తరువాయి కొందరు పోలీసులు పేట్రేగిపోయి భయోత్పాతం సృష్టిస్తున్నారు. విజయవాడ ధర్నాచౌక్‌లో ఆదివారం భారీ నిరసన చేపట్టిన గ్రామ, వార్డు సచివాలయ ఉద్యోగులపట్ల పోలీసులు ప్రవర్తించిన తీరు అత్యంత అమానుషంగా ఉంది. సచివాలయ ఉద్యోగులపై విరుచుకుపడి తమ ప్రతాపం చూపించారు. మహిళలని కూడా చూడకుండా మగ పోలీసులే జుట్టుపట్టి ఈడ్చేసి కర్కశంగా ప్రవర్తించారు. చివరికి.. వివిధ పోలీస్‌స్టేషన్లలో ఉదయం నుంచి రాత్రి వరకు నిర్బంధానికి గురైన మహిళా ఉద్యోగులను టాయిలెట్స్‌కు కూడా అనుమతించలేదు. అనారోగ్య సమస్యలతో ఇబ్బందిపడుతున్న వారిని మందులు తెచ్చుకుంటామని మొరపెట్టుకున్నా కనికరించకుండా రాక్షసంగా వ్యవహరించారు. భోజనం కూడా పెట్టని పోలీసులు విజయవాడ గాంధీనగర్‌ ధర్నాచౌక్‌కు చేరుకున్న ఉద్యోగులపట్ల పోలీసులు అమానవీయంగా ప్రవర్తించడంతో తోపులాటలు జరిగాయి. మహిళా ఉద్యోగులను మగ పోలీసులు ఈడ్చేసి మరీ పోలీసు వాహనాల్లోకి బలవంతంగా ఎక్కించారు. మహిళా సిబ్బందిని నున్న, సింగ్‌నగర్, మాచవరం, కృష్ణలంక, ఉయ్యూరు తదితర పోలీస్‌స్టేషన్లకు తరలించారు. క్రిమినల్స్‌ను చూసినట్లు వారిపట్ల పోలీసులు దారుణంగా వ్యవహరించారు. వారికి భోజనం కూడా పెట్టకుండా ఆకలితో అలమటించేలా చేశారు. మాచవరం పోలీస్‌స్టేషన్‌లో ఉన్న సచివాలయ ఉద్యోగుల­కు భోజనం తీసుకెళ్లిన ఉద్యోగుల సంఘ నేత కాకర్ల వెంకట్రామిరెడ్డిని పోలీసులు అనుమతించలేదు. దీంతో తాము తెచ్చిన భోజనమైనా ఉద్యోగులకు అందించండి? లేకుంటే మీరైనా భోజనం పెట్టండి అంటూ వెంకట్రామిరెడ్డి పోలీసులను కోరారు. అయినా పట్టించుకోని పోలీసులు భోజనాన్ని సచివాలయ ఉద్యోగులకు పెట్టకుండానే రాక్షసంగా వ్యవహరించారు. ఆ ఇద్దరి మరణాలు సర్కారు హత్యలే.. ఇక చంద్రబాబు ప్రభుత్వ తీవ్ర నిర్బంధం కారణంగానే వైఎస్సార్‌సీపీ నేత కాకుమాను రాజశేఖర్, తాజాగా ఆదివారం విజయవాడ నున్న సీఐ అహ్మద్‌ అలీ మృతిచెందారు. ఈ రెండు ఘటనలు సర్కారు హత్యలేనని విమర్శలు వెల్లువెత్తుతున్నాయి. డీఎస్సీ స్కామ్‌పై సీబీఐ విచారణ చేయాలని, నైతిక బాధ్యత వహించి లోకేశ్‌ మంత్రి పదవికి రాజీనామా చేయాలని డిమాండ్‌ చేస్తూ ఈనెల 21న విజయవాడ శాప్‌ కార్యాలయం వద్ద వైఎస్సార్‌సీపీ నిర్వహించిన ఆందోళనలో పాల్గొన్న ఆ పార్టీ నేత, లిడ్‌ క్యాప్‌ మాజీ చైర్మన్‌ కానుమాను రాజశేఖర్‌పై పోలీసులు దాడిచేయడంతో ఆయన తీవ్ర ఒత్తిడికి గురై కిందపడిపోయారు. తీవ్ర అస్వస్థతకు గురైన ఆయన్ను ఆసుపత్రిలో చేర్చి ప్రాథమిక చికిత్స అందించారు. ఆ తర్వాత ఆయనపై పోలీసులు అక్రమ కేసులు పెట్టి మానసికంగా వేధించడంతో తీవ్ర ఒత్తిడికి గురై చివరికి గుండెపోటుతో మృతిచెందారు. ఇప్పుడు విజయవాడ ధర్నాచౌక్‌లో ఆదివారం సచివాలయ ఉద్యోగుల ఆందోళనను భగ్నం చేయడానికి విధులు నిర్వర్తిస్తున్న నున్న సీఐ అహ్మద్‌ అలీ గుండెపోటుకు గురయ్యారు. ఆయనను ఆసుపత్రికి తరలించినప్పటికీ ప్రాణాలు దక్కలేదు. చంద్రబాబు ప్రభుత్వ తీవ్ర ఒత్తిడివల్లే సీఐ గుండెపోటుకు గురయ్యారని సహచర పోలీసులు ఆరోపిస్తున్నారు. ఇదే ధర్నాలో పోలీసుల దాడులు, దౌర్జన్యాలకు అనేక మంది సచివాలయ ఉద్యోగులు సొమ్మసిల్లి పడిపోవడం, గాయాలపాలయ్యారు.

సాక్షి, అమరావతి: పేద, మధ్యతరగతి ప్రజలకు సంజీవని లాంటి ఆరోగ్యశ్రీ పథకానికి చంద్రబాబు ప్ర­భు­త్వం దారుణంగా వెన్నుపోటు పొడుస్తూ సీఎం రిలీఫ్‌ ఫండ్‌ (సీఎంఆర్‌ఎఫ్‌) పేరుతో అంతులేని దోపిడీకి తెరలేపిందని ప్రకాశం జిల్లా వైఎస్సార్‌సీపీ అద్దంకి నియోజకవర్గ సమన్వయకర్త డాక్టర్‌ అశోక్‌కుమార్‌ ఆరోపించారు. తాడేపల్లి వైఎస్సార్‌సీపీ కేంద్ర కార్యాలయంలో ఆదివారం ఆయన మాట్లా­డుతూ.. చంద్రబాబు ప్రభుత్వం వచ్చిన ఈ 22 నెలల్లోనే ఏకంగా రూ.1,298 కోట్లను సీఎంఆర్‌ఎఫ్‌ కింద డ్రా చేసి.. ఇందులో రూ.వెయ్యి కోట్లు ఆరోగ్యశ్రీ పరిధిలోని వ్యాధులకే కేటాయించడం భారీ కుంభకోణానికి నిదర్శనమని చెప్పారు. ఒకవైపు ఆరోగ్యశ్రీ నెట్‌వర్క్‌ ఆసుపత్రులకు రీయింబర్స్‌మెంట్‌ కింద చెల్లించాల్సిన రూ.3,000 కోట్లకు పైగా బకాయిలు పెట్టి ఆ పథకాన్ని నిర్వీర్యం చేస్తున్నారని.. మరోవైపు, అధికార కూటమి ఎమ్మెల్యేలు, ఎంపీ­లు, వారి అనుయాయులకు చెందిన ఆసుపత్రుల­కు సీఎం రిలీఫ్‌ ఫండ్, ఆరోగ్యశ్రీ నిధులను అడ్డగోలు­గా దోచిపెడుతున్నారని అశోక్‌కుమార్‌ తెలి­పా­రు. పేషెంట్లు లేకపోయినా దొంగ ఎల్వోసీలు సృష్టించి కోట్లాది రూపాయల ప్రజాధనాన్ని కొల్ల­గొడు­తున్నా ముఖ్యమంత్రి చంద్రబాబు కనీసం పట్టించుకోకపోవడం ఆయన అవినీతి పాలనకు నిదర్శనమని మండిపడ్డారు. చంద్రబాబు ప్రభు­త్వం అధికారంలోకి వచ్చినప్పటి నుంచి సీఎంఆర్‌ఎఫ్‌ ద్వారా విడుదల చేసిన నిధులపై శ్వేతపత్రం విడుదల చేయాలని, స్వతంత్ర సంస్థతో ఫోరెన్సిక్‌ ఆడిట్‌ నిర్వహించాలని ఆయన డిమాండ్‌ చేశారు. ఇక ప్రభుత్వాసుపత్రుల్లో రోగులకు కనీసం మందు­లు కూడా దొరకని దుస్థితి నెలకొందని.. అద్దంకి ని­యో­జకవర్గంలోని ప్రభుత్వాస్పత్రిని చూస్తే 50 పడకలు కూడా సరిగ్గాలేవని, అది ఒక భూత్‌ బంగ్లాలా మారిందని అశోక్‌కుమార్‌ చెప్పారు. ప్రభు­త్వం కనీస మౌలిక వసతులు కల్పించడంలేదన్నారు.

కృష్ణలంక(విజయవాడతూర్పు): కేంద్ర ప్రభుత్వం కనుసన్నల్లో పనిచేస్తున్న చీఫ్‌ ఎలక్షన్‌ కమిషనర్‌ (సీఈసీ) జ్ఞానేష్‌ కుమార్‌పై తక్షణం పార్లమెంటులో అవిశ్వాస తీర్మానం ప్రవేశపెట్టి ఆయనను అభిశంసించాల్సిన అవసరం ఉందని పలువురు రాజకీయ, ప్రజా సంఘాల నాయకులు ఉద్ఘాటించారు. ఎస్‌ఐఆర్‌ ప్రక్రియను నిలిపివేయాలని, ఓటర్ల జాబితా నుంచి తొలగించిన ఓట్లను పునరుద్ధరించాలని వారు డిమాండ్‌ చేశారు. విజయవాడలో వామపక్ష పార్టీల ఆధ్వర్యంలో సీపీఎం రాష్ట్ర కార్యదర్శివర్గ సభ్యుడు వై.వెంకటేశ్వరరావు అధ్యక్షతన ఆదివారం ‘ఓటర్ల జాబితాల అక్రమాలు–ప్రజాస్వామ్య పరిరక్షణ’ అనే అంశంపై అఖిలపక్ష రౌండ్‌టేబుల్‌ సమావేశం జరిగింది.ఎన్నికల వ్యవస్థలో జరుగుతున్న కుట్రలకు వ్యతిరేకంగా ఈ నెల 28, అక్టోబర్‌ 2వ తేదీలలో నిర్వహించే దేశవ్యాప్త నిరసన, ఆందోళన కార్యక్రమాలను జయప్రదం చేయాలని రౌండ్‌టేబుల్‌ సమావేశం ఏకగ్రీవంగా తీర్మానించింది. ఈ సందర్భంగా వక్తలు మాట్లాడుతూ ‘దేశంలో సక్రమంగా, స్వేచ్ఛగా ఎన్నికలు జరగడం లేదు. వ్యవస్థల్లో జరుగుతున్న అక్రమాలపై ప్రజలను చైతన్య పరచాలి. ఎన్నికల కమిషనర్ల ఎంపిక ప్రక్రియలోకి సీజేఐని తీసుకుని, ఆయన అధ్యక్షతన కొత్త కమిటీని ఏర్పాటు చేయాలి. రాష్ట్రంలో 32 లక్షల ఓట్లను అన్యాయంగా తొలగించారు. ఈ ఓట్ల తొలగింపు ప్రక్రియపై అనేక అనుమానాలు ఉన్నాయి. ఎన్నికల్లో విశ్వసనీయతను పెంపొందించేందుకు వైఎస్సార్‌సీపీ అధినేత వైఎస్‌ జగన్‌ చేసిన సూచనలను అమలుచేయాలి. ఎన్నికల్లో అక్రమాలను సమర్థించేలా టీడీపీ వ్యవహరిస్తున్న తీరు గర్హనీయం’అని పేర్కొన్నారు. సమావేశంలో వైఎస్సార్‌సీపీ నేత, మాజీ ఎమ్మెల్యే మల్లాది విష్ణు, సీపీఎం రాష్ట్ర కార్యదర్శి వి.శ్రీనివాసరావు, రైతు నాయకుడు వడ్డే శోభనాద్రీశ్వరరావు, కేంద్ర మాజీమంత్రి జె.డి.శీల, సీపీఐ జాతీయ కార్యవర్గ సభ్యురాలు అక్కినేని వనజ, ఓటు పరిరక్షణ వేదిక కన్వీనర్‌ సుంకర రాజేంద్రప్రసాద్, మాజీ ఐఏఎస్‌ అధికారి విజయ్‌కుమార్, జనచైతన్య వేదిక నాయకుడు వి.లక్ష్మణరెడ్డి, సీపీఐ (ఎంఎల్‌) లిబరేషన్‌ నాయకుడు హరినాథ్, న్యూడెమోక్రసీ నాయకులు పి.పొలారి, ఎం.రామకృష్ణ, సామాజికవేత్త కుర్రా వసుంధర తదితరులు మాట్లాడారు.

సాక్షి, అమరావతి : ఇచ్చిన హామీలు అమలు చేయాలని అడిగిన ఉద్యోగులపై చంద్రబాబు సర్కార్‌ పాశవికంగా దాడి చేయడం అమానుష చర్య అని వైఎస్సార్‌సీపీ అధ్యక్షుడు, మాజీ సీఎం వైఎస్‌ జగన్‌మోహన్‌రెడ్డి మండిపడ్డారు. ‘ఐఆర్‌ లేదు.. పీఆర్సీ లేదు. మేం పీఆర్సీ చైర్మన్‌ను నియమిస్తే మీరు వెళ్లగొట్టారు. ఉద్యోగులకు హక్కుగా ఇవ్వాల్సిన 5 డీఏలు పెండింగ్‌. ఉద్యోగులు రోడ్డెక్కితే.. అప్పుడు అందులో రెండు డీఏలు ఇస్తానని ప్రకటించి, అరియర్స్‌ చెల్లింపునకు కూడా వాయిదాలు పెట్టారు. సరెండర్‌ లీవ్స్‌ పెండింగ్‌. ఉద్యోగులకు పెట్టిన బకాయిలు దాదాపు రూ.40 వేల కోట్లు. ఇవి ఇవ్వాలని అడిగిన గ్రామ, వార్డు సచివాలయాల ఉద్యోగులపై పోలీసులు లాఠీఛార్జి చేయడం అత్యంత తీవ్రమైన విషయం’ అని ఆగ్రహం వ్యక్తం చేశారు. వారి డిమాండ్లపై ప్రభుత్వం చర్చలు జరపనప్పుడు, ప్రజాస్వామ్యయుతంగా వారి గొంతును వినిపించడం నేరం ఎలా అవుతుందని ప్రశ్నించారు. ‘ఆందోళన చేస్తే ఈ రకంగా లాఠీలతో కొడతారా? మహిళలని చూడకుండా గాయపరుస్తారా? ఈడ్చి పడేస్తారా? శాంతియుత ఆందోళనలపై దాడులు చేసే అధికారం మీకు ఎవరిచ్చారు? ధర్నా కోసం వస్తున్న వారిని అడ్డుకుని పోలీస్‌స్టేషన్లలో నిర్బంధించి నరకయాతన పెడతారా? ధర్నా జరగనీయకుండా పెద్ద సంఖ్యలో ఉద్యోగులను అడ్డగోలుగా సస్పెండ్‌ చేయడం దారుణం కాదా? చంద్రబాబూ.. ఇది ప్రజాస్వామ్యమేనా? రోజురోజుకూ మీ నిరంకుశత్వం పెరిగిపోతోంది? ఉద్యోగులకు వెన్నుపోటు పొడవడమే మీ లక్ష్యం. అధికారం చేతిలో ఉందికదా అని ఏం చేసినా చెల్లుబాటు అవుతుందని అనుకుంటే ఎలా?’ అని నిలదీశారు. గ్రామ, వార్డు సచివాలయాల ఉద్యోగులే కాదు.. ఇవాళ ఏ ఉద్యోగి అయినా రోడ్డెక్కుతున్నారంటే కారణం మేనిఫెస్టోలో మీరు హామీలు ఇచ్చి, తీరా అధికారంలోకి వచ్చిన తర్వాత ఆ ఉద్యోగులందరికీ వెన్నుపోటు పొడవటమే అన్నారు. మీరు అధికారంలోకి వస్తానే ఐఆర్‌ అన్నారు. పీఆర్సీ అన్నారు. తీరా చూస్తే ఏవీ లేవని ధ్వజమెత్తారు. ఈ మేరకు ఆదివారం ఆయన సామాజిక మాధ్యమం ‘ఎక్స్‌’లో పోస్టు చేశారు. ఉద్యోగులు ఆందోళన చేస్తున్న సమయంలో మహిళా ఉద్యోగిని పోలీసులు ఈడ్చుకెళ్తున్న ఫొటోను ట్యాగ్‌ చేశారు. ఈ సందర్భంగా వైఎస్‌ జగన్‌ ఇంకా ఏమన్నారంటే.. అధికారంలోకి వచ్చినప్పటి నుంచి సచివాలయ వ్యవస్థపై కక్ష మీరు సీఎం సీట్లోకి వచ్చిన తొలి రోజు నుంచే.. మేం దేశంలో ఎక్కడా లేని విధంగా, పరిపాలనలో విప్లవాత్మక చర్యగా తీసుకొచ్చిన గ్రామ, వార్డు సచివాలయాలపై కక్షగట్టారు. గ్రామ స్థాయిలోనే 540కి పైగా సేవలందించిన, మా మానస పుత్రికలైన గ్రామ, వార్డు సచివాలయాలు, వలంటీర్‌ వ్యవస్థ నిర్వీర్యమే లక్ష్యంగా.. ఆ వ్యవస్థలపై నిరంతరం దాడి చేస్తూనే ఉన్నారు. గ్రామ స్వరాజ్యం కనబడకుండా చేసేందుకు కుట్రలు పన్నుతూనే ఉన్నారు. ఒకే నోటిఫికేషన్‌తో దేశ చరిత్రలో ఎప్పుడూ లేని విధంగా 1.34 లక్షల శాశ్వత ఉద్యోగాలను, వలంటీర్ల రూపంలో మరో 2.6 లక్షల ఉద్యోగాలను గ్రామ, వార్డు స్థాయిలో పారదర్శక పాలన కోసం మేం సృష్టించాం. హేతు బద్ధీకరణ పేరుతో మీరు శాశ్వతంగా 30 వేల ఉద్యోగాలకు ఎసరు పెట్టడమే కాకుండా, వలంటీర్లకు మేం ఇచ్చే రూ.5 వేల జీతాన్ని రూ.10 వేలు చేస్తామంటూ కల్లబొల్లి కబుర్లు చెప్పి, తీరా అధికారంలోకి వచ్చాక వారికీ వెన్నుపోటు పొడిచారు. ఇప్పుడు వలంటీర్లు అందించే సేవలనూ సచివాలయాల ఉద్యోగుల నెత్తిమీద పెట్టి, మోయలేని పని భారాన్ని మోపారు. పారదర్శకతకూ, ఇంటి వద్దకే పాలనకూ తెరదించారు. మీరు పెడుతున్న కష్టాలు, వేధింపులు భరించలేక ఒత్తిడికి గురై కొందరు, బలవన్మరణానికి పాల్పడి మరికొందరు.. ఇలా ఈ రెండున్నరేళ్ల మీ దుర్మార్గ పరిపాలనలో ఏకంగా సుమారు 100 మంది ఉద్యోగులు ప్రాణాలు కోల్పోయారు. మరి ఇన్ని కష్టాలు పడుతున్నప్పుడు, వారి బాధలు వినాలనే ఉద్దేశం మీకు లేనప్పుడు, వారు శాంతియుత ఆందోళన ద్వారా తమ గొంతు వినిపించాలనుకోవడం తప్పు ఎలా అవుతుంది? ఈ లాఠీఛార్జి ఘటనపై న్యాయ విచారణకు ఆదేశించడమే కాకుండా, ఉద్యోగులకు క్షమాపణ చెప్పండి. వారిపై విధించిన సస్పెన్షన్లను బేషరతుగా ఎత్తివేయండి’ అని వైఎస్‌ జగన్‌ డిమాండ్‌ చేశారు.గ్రామ–వార్డు సచివాలయాల వ్యవస్థను మరింత బలోపేతం చేస్తాం ఈ సందర్భంగా గ్రామ, వార్డు సచివాలయాల ఉద్యోగులకు వారి జగనన్నగా నేను హామీ ఇస్తున్నాను. దేవుడి దయ, ప్రజలందరి ఆశీస్సులతో వైఎస్సార్‌సీపీ అధికారంలోకి రాగానే గ్రామ–వార్డు సచివాలయాల వ్యవస్థను మునుపటి కంటే మరింత బలోపేతం చేస్తాం. తద్వారా గ్రామ స్వరాజ్యం మూడు పువ్వులు – ఆరుకాయలుగా వర్దిల్లుతుంది, మాట ఇస్తే, మాటమీద నిలబడే విశ్వసనీయ పాలన మళ్లీ ఉజ్వలిస్తుంది. ఉద్యోగులు తమ బాధ్యతలను గొప్పగా నిర్వర్తించేలా, ప్రజలకు అద్భుతమైన సేవలు మళ్లీ అందేలా, దేశం అంతా మన వైపు చూసేలా అన్ని రకాల చర్యలు తీసుకుంటాం. ఇప్పటికే రెండున్నరేళ్లు అయిపోయింది. ఇక మిగిలింది రెండున్నరేళ్లు మాత్రమే. కళ్లు మూసుకుంటే ఆ కాలం కూడా ఇట్టే గడిచి పోతుంది. మన అందరి ప్రభుత్వం తప్పక వస్తుంది. తప్పకుండా మీకు న్యాయం జరుగుతుంది.

సాక్షి, అమరావతి: కడుపు మండి రోడ్డెక్కిన గ్రామ, వార్డు సచివాలయ ఉద్యోగులను చంద్రబాబు సర్కారు బురి­డీ కొట్టించేందుకు బరితెగించింది. తమ న్యాయమైన డిమాండ్లు పరిష్కరించాలని వారు కొన్నాళ్లుగా కో­రు­తున్నా, సర్కారు ఖాతరు చేయలేదు. దీంతో తాడో­పేడో తేల్చుకోవడానికి ఆదివారం ‘చలో విజయ­వాడ’కు తరలివచ్చారు. పోలీసుల ఆంక్షలకు వెరవలేదు.. ధర్నాచౌక్‌లో లాఠీలు ఝళిపించినా భయపడ­లేదు. ధర్నా కొనసాగించారు. దీంతో ఉద్యమాన్ని పక్క­దారి పట్టించేలా ప్రభుత్వం పట్టణ సచివాలయ ఉద్యోగులకు పదోన్నతులు అంటూ సవాలక్ష లోపాలతో ఉత్తర్వులు జారీ చేసింది. ఈ ఉత్తర్వుల్లో పేర్కొన్న అంశాలను చూసిన సచివాలయ ఉద్యోగులు సర్కారు మోసపూరిత విధానాలపై నిప్పులు చెరుగుతున్నారు. కీలక అంశాలపై స్పష్టత ఏది? ప్రభుత్వం ఇచ్చిన ఉత్తర్వుల్లో ప్రమోషన్లకు సంబంధించి స్పష్టత లేదు. 815 జూనియర్‌ అసిస్టెంట్‌ పోస్టులు, 1,630 గ్రేడ్‌–1 పోస్టులు ఏర్పాటు చేసినా.. అర్హులైన ఉద్యోగులకు ప్రమోషన్లు ఎప్పటిలోగా ఇస్తారో ఉత్తర్వుల్లో చెప్పలేదు. పే ఫిక్సేషన్‌పై స్పష్టత లేదు. ఒక కేడర్‌ నుంచి మరో కేడర్‌కు ప్రమోషన్‌ వచ్చినప్పుడు జీతాన్ని ఏ విధంగా నిర్ణయిస్తారో పేర్కొనలేదు. జీతం పెరుగుదలపై క్లారిటీ ఎక్కడ? ప్రమోషన్‌ వచ్చిన ఉద్యోగికి జీతం ఎంత పెరుగుతుంది? అదనపు ఇంక్రిమెంట్‌ ఇస్తారా? గ్రేడ్‌–1కి వెళ్లినప్పుడు వేతన ప్రయోజనం ఉంటుందా? అన్న వివరాలు లేవు. అరియర్స్‌ ప్రస్తావన కూడా లేదు. 2019 నుంచి ప్రమోషన్‌ కోసం ఎదురు చూస్తున్న ఉద్యోగులకు గత కాలానికి సంబంధించిన ఆర్థిక ప్రయోజనాలు లేదా అరియర్స్‌ ఇస్తారా? అన్నదానిపై స్పష్టత లేదు. సీనియారిటీ నిర్ణయం ఎలా? ప్రమోషన్ల సమయంలో నియామక తేదీ, కేడర్‌లో సీనియారిటీ, రోస్టర్‌ తదితర అంశాల్లో దేనిని ప్రాతిపదికగా తీసుకుంటారో స్పష్టం చేయలేదు. అడ్మినిస్ట్రేటివ్‌ సెక్రటరీలకు ప్రమోషన్లు ఇచ్చిన తర్వాత ఏర్పడే ఖాళీల ఆధారంగా డేటా ప్రాసెసింగ్‌ సెక్రటరీలకు అవకాశం కల్పించనున్నారు. దీంతో ఒక దశ పూర్తయిన తర్వాతే మరో దశ మొదలయ్యే పరిస్థితి ఉంటుంది. అది కూడా ఎంత కాలం పడుతుందో తెలియని పరిస్థితి.శానిటేషన్, ప్లానింగ్‌ కేడర్లలో 815 చొప్పున పోస్టులను గ్రేడ్‌–1కు అప్‌గ్రేడ్‌ చేశారు. అయితే వీటికి ప్రమోషన్లు ఎప్పుడు, ఏ విధంగా ఇస్తారన్నది స్పష్టంగా లేదు. ఉన్న ఖాళీల్లో మిగులు పోస్టులను సర్దుబాటు చేయడం వల్ల ప్రభుత్వంపై అదనపు భారం ఉండదని చెబుతున్నారు. అయితే ప్రమోషన్‌ పొందిన ఉద్యోగులకు వేతనపరంగా ఎలాంటి ప్రయోజనం కల్పిస్తారన్నది ఉత్తర్వుల్లో వివరించలేదు. రెండు కేటగిరీల ఊసే లేదు వార్డు వెల్ఫేర్‌ అండ్‌ ఎడ్యుకేషన్, వార్డు అమెనిటీస్‌ సెక్రటరీల ప్రమోషన్లపై సంబంధిత శాఖల సిఫార్సులు వచ్చిన తర్వాత నిర్ణయం తీసుకుంటామని ప్రభుత్వం తెలిపింది. దీంతో ఈ ఉద్యోగులకు ఇంకా స్పష్టమైన గడువు తెలుపలేదు. హడావుడిగా ఉద్యోగుల హోదాలు, బాధ్యతలను మార్చే అంశం ప్రస్తావించిన సర్కారు.. కొత్త జాబ్‌ చార్ట్, అధికారాలు, జవాబుదారీతనం, తదుపరి ప్రమోషన్‌కు అవసరమైన అర్హతలపై స్పష్టత ఇవ్వక పోవడంపై సచివాలయ ఉద్యోగులు మండిపడుతున్నారు. ప్రమోషన్ల అమలు గడువు, సీనియారిటీ, పే ఫిక్సేషన్, జీతభత్యాలు, అరియర్స్‌పై స్పష్టమైన మార్గదర్శకాలు లేని ఈ ఉత్తర్వులు ఉత్తిత్తివేనని ఆగ్రహం వ్యక్తం చేస్తున్నారు.

సాక్షి, అమరావతి : సచివాలయ ఉద్యోగులపై సర్కారు ఉక్కుపాదం మోపినా వారెవరూ వెరవలేదు. పోలీసులను ప్రయోగించినా.. ఎక్కడికక్కడ అరెస్టులు చేసినా.. అడుగడుగునా ఆంక్షలు పెట్టినా భయపడలేదు. తమ ఆవేదనను తెలియజేయడానికి వివిధ మార్గాల ద్వారా విజయవాడలోని ధర్నా చౌక్‌కు గ్రామ, వార్డు సచివాలయ ఉద్యోగులు వేలాదిగా తరలివచ్చారు. పోలీసులు హెచ్చరించినా.. లాఠీలు ఝుళిపించినా.. క్రిమినల్‌ కేసులు నమోదుచేస్తామని భయపెట్టినా బెదరకుండా వారి ఆవేదనను వెల్లడించారు. తమకు వెట్టిచారికీ నుంచి విముక్తి కల్పించాలని, నోషనల్‌ ఇంక్రిమెంట్లు ఇవ్వాలని నినదించారు. ఈ సందర్భంగా ఎవరెవరు ఏమన్నారంటే..బాసిజం తగ్గించాలి సచివాలయ ఉద్యోగులమంటే చులకన అయిపోయాం. మాపై బాసిజం పెరిగిపోయింది. పని ఒత్తిడితో సతమతమవుతున్నాం. అనధికారిక డిప్యుటేషన్లతో నలిగిపోతున్నాం. అయినా మా సమస్యలు పరిష్కరించడానికి ప్రభుత్వానికి మనసు ఒప్పడంలేదు. 650 మంది సచివాలయ ఉద్యోగులు చనిపోతే ప్రభుత్వం కనీసం స్పందించలేదు. వారి కుటుంబాలకు దిక్కెవరు? తక్షణమే మా డిమాండ్లు పరిష్కరించాలి. – ధనలక్ష్మి, సచివాలయ ఉద్యోగి, గుంటూరు మేం మర యంత్రాలమా?సచివాలయ ఉద్యోగులంటే మర యంత్రాల్లా ప్రభుత్వం చూస్తోంది. ఒక జాబ్‌చార్ట్‌ లేకుండా అన్ని పనులు చెబుతోంది. అన్ని శాఖల అధికారులు మాపై పెత్తనం చెలాయిస్తున్నారు. మాకు రావాల్సిన ఆర్థిక ప్రయోజనాలు మాత్రం కల్పించడంలేదు. న్యాయమైన మా డిమాండ్లు పరిష్కరించాలని ప్రభుత్వాన్ని కోరుతున్నా పట్టించుకోకపోవడంతో విధిలేని పరిస్థితుల్లో ఆందోళనబాట పట్టాం. ప్రభుత్వం పోలీసులతో అణగదొక్కించడం అన్యాయం. మహిళా ఉద్యోగులని చూడకుండా జుట్టు పట్టుకుని లాగి ఈడ్చిపడేశారు. – సుంకర మహాలక్ష్మి, సచివాలయ ఉద్యోగి సాకులు మానుకోవాలి సచివాలయ ఉద్యోగులతో అన్ని రకాల పనులు చేయిస్తున్న ప్రభుత్వం సమస్యలు పరిష్కరించడానికి మాత్రం సాకులు చెబుతోంది. 1,896 మంది పశుసంవర్థక సహాయకుల ప్రొబేషన్‌ డిక్లేర్‌ చేయకుండా తాత్సారం చేస్తోంది. మాతో 24 గంటలూ రకరకాల పనులు చేయిస్తోంది. పనిఒత్తిడి తట్టుకోలేక చనిపోయిన ఉద్యోగుల కుటుంబాలకు ఇంతవరకు న్యాయం చేయలేదు. సస్పెన్షన్ల పేరుతో బెదిరించడం దారుణం. – కేవీ రాజశేఖర్‌బాబు, పశుసంవర్థక సహాయకుల సంఘం రాష్ట్ర అధ్యక్షుడుసమస్యలు చెప్పడానికి స్వేచ్ఛలేదా?అన్ని శాఖల పనులు సచివాలయ ఉద్యోగులతో చేయిస్తున్నారు. మల్టీ బాసిజమ్‌తో నలిగిపోతున్నాం. 423 జీఓ అమలుకాకముందే శానిటేషన్‌ సెక్రటరీలపై ఒత్తిడి పెంచారు. కానీ, ఆర్థికపరమైన ప్రయోజనాలను మాత్రం ప్రభుత్వం కల్పించడంలేదు. మా సమస్యలు చెప్పుకోవడానికి వస్తే క్రిమినల్స్‌ను చూసినట్లు చూస్తున్నారు. ప్రభుత్వం భేషజాలకు పోకుండా సచివాలయ ఉద్యోగుల న్యాయమైన డిమాండ్లు పరిష్కరించాలి. – సృజన, సచివాలయ ఉద్యోగి

సాక్షి, తాడేపల్లి: చంద్రబాబుది నియంతృత్వ పాలన.. ఈ నిరంకుశ పాలనలో ఎవరికీ రక్షణ లేదని వైఎస్సార్‌సీపీ ఎమ్మెల్సీ లేళ్ల అప్పిరెడ్డి మండిపడ్డారు. ఆదివారం ఆయన మీడియా సమావేశంలో మాట్లాడుతూ.. సమస్యలపై నిరసనలు తెలిపితే అరెస్టులు చేయటం దుర్మార్గం అంటూ దుయ్యబట్టారు. ప్రతి పక్షంలో ఉన్నప్పుడు గొంతు చించుకున్న చంద్రబాబు ఇప్పుడు ఉద్యమాలపై ఉక్కు పాదం మోపుతారా?’’ అంటూ నిలదీశారు.‘‘గ్రామ, వార్డు సచివాలయ ఉద్యోగులు ధర్నా చేస్తే ప్రభుత్వం ఎందుకు సహించలేక పోతోంది?. ఉన్నతాధికారులతో గ్రామ సచివాలయ ఉద్యోగులను వేధించటం అన్యాయం. ఉద్యోగులపై వేధింపులను చూసి సభ్య సమాజం సిగ్గుతో తల దించుకుంటోంది. సమస్యలను గాలికి వదిలేసి చంద్రబాబు విదేశాలలో రహస్య పర్యటనకు వెళ్లటం సిగ్గుచేటు. శాప్ ఆఫీసు ఎదుట నకిలీ టీచర్లతో నకిలీ ధర్నాలు చేయించిన ఘనత ఈ ప్రభుత్వానిది’’ అని లేళ్ల అప్పిరెడ్డి ఆగ్రహం వ్యక్తం చేశారు.‘‘గ్రామ సచివాలయ ఉద్యోగులు ధర్నా చేయిద్దని పోలీసులతో నోటీసులు ఇప్పిస్తారా?. ఉద్యోగులకు సమస్యలు ఉండవా? పరిష్కారం కోరుకోకూడదా?. ఉద్యమిస్తే ఉక్కుపాదంతో అణచివేయడం దుర్మార్గపు చర్య. గ్రామ, వార్డు సచివాలయ ఉద్యోగులు చాలా చిన్నవారు. అలాంటి వారిపైకి పోలీసులను ఉసిగొల్పటం అన్యాయం. సాటి ఉద్యోగుల విషయంలో పోలీసులు కూడా సంయమనం పాటించాలి. తోటి ఉద్యోగులపై లాఠీలు ఝుళిపించటం సరికాదు’’ అంటూ అప్పిరెడ్డి ధ్వజమెత్తారు.‘‘కరోనా లాంటి విపత్కర పరిస్థితులలో కూడా పని చేసింది ఈ నిరుద్యోగులే. అలాంటి వారి సమస్యల పరిష్కారానికి ప్రభుత్వం ముందుకు రావాలి. సచివాలయ ఉద్యోగులను అరెస్టు చేసి పోలీసు స్టేషన్లకు తరలించారు. కనీసం తాగడానికి మంచినీరు కూడా ఇవ్వటం లేదు. ఈ దుర్మార్గపు చర్యలను ఖండిస్తున్నాం. ప్రభుత్వం మొండి వైఖరి వీడి ఉద్యోగుల సమస్యలు పరిష్కరించాలి’’ అని లేళ్ల అప్పిరెడ్డి డిమాండ్‌ చేశారు.ఇదీ చదవండి: ‘రక్షక భటులు.. రాక్షస భటులుగా మారిపోయారు’

సాక్షి, తాడేపల్లి: గ్రామ సచివాలయ ఉద్యోగులపై ఉక్కు పాదం అన్యాయం.. వారు రాజ్యాంగబద్దంగా గళాన్ని విప్పితే అణచివేస్తారా? అంటూ వైఎస్సార్‌సీపీ నేత, మాజీ ఎమ్మెల్యే టీజేఆర్‌ సుధాకర్‌ బాబు మండిపడ్డారు. ఆదివారం ఆయన మీడియాతో మాట్లాడుతూ.. ఇప్పటికే అరెస్టు చేసిన వందలాది మంది ఉద్యోగులను బేషరతుగా విడుదల చేయాలని ఆయన డిమాండ్‌ చేశారు.‘‘గాంధీజీ కలలు కన్న గ్రామ స్వరాజ్యం కోసం వైఎస్ జగన్ సచివాలయ వ్యవస్థను తెస్తే చంద్రబాబు దాన్ని సర్వనాశనం చేశారు. ధర్నా చేస్తున్న ఉద్యోగులను లాఠీలతో కొట్టించటం అన్యాయం. విద్యుత్ ఛార్జీలు తగ్గించాలని కోరితే కాల్పులు జరిపించిన వ్యక్తి చంద్రబాబు. డీఎస్సీ అక్రమాలపై ఉద్యమం చేసిన మా వాళ్లపై పోలీసులతో దాడులు చేయించారు. ఆ దాడుల్లో మా నేత కాకుమాను రాజశేఖర్ చనిపోయారు. రక్షక భటులు రాక్షస భటులుగా మారిపోయారు’’ అని టీజేఆర్‌ ధ్వజమెత్తారు.ఈ ఘటనకు‌ బాధ్యడిని చేస్తూ డీజీపీపై సుమోటోగా కేసు నమోదు చేయాలి. గ్రామ, వార్డు సచివాలయ ఉద్యోగుల డిమాండ్లు సహేతుకమైనవి. వాటిని పరిష్కరించాల్సిన ప్రభుత్వం వేధింపులకు దిగటం అన్యాయం. శాప్ కార్యాలయం ఎదుట ధర్నా చేసిన వారిపై రౌడీషీట్లు ఓపెన్ చేస్తారా?. మా ఎమ్మెల్సీలు తలశిల, లేళ్ల అప్పిరెడ్డి రౌడీషీటర్లు అయితే చంద్రబాబు, లోకేష్ కూడా రౌడీషీటర్లే. కరోనా సమయంలో గ్రామ సచివాలయ ఉద్యోగులే‌ ప్రజలను కాపాడారు. అలాంటి వారి‌ సమస్యలు పరిష్కారం చేయకపోగా పోలీసులతో కొట్టిస్తారా?’’ అంటూ టీజేఆర్‌ ఆగ్రహం వ్యక్తం చేశారు.ఇదీ చదవండి: సీఎం పర్యటనల ఈవెంట్స్‌ ఖర్చు రూ.44.62 కోట్లు

సాక్షి, అమరావతి: విద్యుత్‌ వెలుగులు ఇవ్వాల్సిన తీగలే ప్రాణాలు తీస్తున్నాయి. వర్షం, ఈదురుగాలులు వస్తే చాలు.. ఎక్కడ ఏ తీగ తెగిపడుతుందో.. ఎక్కడ ఏ స్తంభం విరిగిపడుతుందో.. ఎవరికి షాక్‌ కొడుతుందోనన్న ఆందోళన కలుగుతోంది. ఇళ్ల వద్ద నుంచి పొలాల వరకు, రోడ్ల నుంచి పండుగల మండపాల వరకు.. విద్యుత్‌ భద్రత ప్రశ్నార్థకంగా మారుతోంది. రెండేళ్లుగా చోటుచేసుకున్న వరుస ఘటనలు ఈ ప్రమాద తీవ్రతను కళ్లకు కడుతున్నాయి. తెగిపడే వైర్లు, ఎక్కడికక్కడ వేలాడే లైన్లు, రక్షణ వ్యవస్థలు లేని విద్యుత్‌ ట్రాన్స్‌ఫార్మర్లు, ఇతర పరికరాల్లో లోపాలు, నామమాత్రంగానే జరుగుతున్న విద్యుత్‌ భద్రత తనిఖీలు ప్రజల ప్రాణాలకు ముప్పుగా మారుతున్నాయి. రాష్ట్రంలో ఏటా 900కుపైగా విద్యుత్‌ ప్రమాదాల వల్ల ప్రాణాలు కోల్పోతుండగా, తాజాగా రాష్ట్రంలో వాయుగుండం ప్రభావంతో కురిసిన వర్షాలకు విద్యుత్‌ తీగలు తెగిపడి వేర్వేరు ప్రాంతాల్లో ఆరుగురు మృత్యువాత పడ్డారు. ప్రభుత్వ నిర్లక్ష్యానికి ఇది నిదర్శనమనే విమర్శలు బాధితుల నుంచి వ్యక్తమవుతున్నాయి. నివేదికలో విస్తుగొలిపే వాస్తవాలు » కేంద్ర విద్యుత్‌ ప్రాధికార సంస్థ (సీఈఏ): కూటమి ప్రభుత్వం అధికారంలోకి వచ్చిన 2024–25 ఆర్థిక సంవత్సరంలో రాష్ట్రంలో మొత్తం 776 విద్యుత్‌ ప్రమాదాలు నమోదయ్యాయి. 426 మంది చనిపోయారు. వీటిలో కేవలం విద్యుత్‌ సంస్థల నిర్లక్ష్యం వల్ల మరణించిన వారి సంఖ్య 332. » పార్లమెంటుకు కేంద్ర విద్యుత్‌ శాఖ గణాంకాలు: తీగలు లేదా కండక్టర్లు తెగిపడటం వల్ల 2024–25లో 39 మంది మృతి చెందగా.. 2025–26లో ఈ మరణాలు 159కి ఎగబాకాయి. అంటే ఒక్క ఏడాదిలోనే మరణాల సంఖ్య భారీగా 120 పెరిగింది. పెరుగుదల సుమారు 308 శాతంగా నమోదయ్యింది. » జాతీయ నేర గణాంకాల సంస్థ (ఎన్‌సీఆర్‌బీ): ఆంధ్రప్రదేశ్‌లో ఏటా 900 విద్యుత్‌ ప్రమాదాలు జరుగుతున్నాయి. దేశవ్యాప్తంగా నమోదయ్యే విద్యుత్‌ ప్రమాదాల్లో అధిక శాతం 11 రాష్ట్రాల్లోనే జరుగుతుండగా వాటిలో ఏపీ కూడా ఉంది. » కేంద్ర విద్యుత్‌ ప్రాధికార సంస్థ (సీఈఏ): ఏడాదిలో సగటున రోజుకు ఇద్దరి కంటే ఎక్కువ మంది విద్యుత్‌ ప్రమాదాలకు బలయ్యారు. లైవ్‌ విద్యుత్‌ వైర్, పరికరాన్ని అనుకోకుండా తాకడం వల్లే 242 మంది మృతి చెందారు. ఇదే కేటగిరీలో 41 మంది గాయపడ్డారు. భద్రతా చర్యలను పాటించకపోవడం, పర్యవేక్షణ లోపం వల్ల మరో 17 మంది మృతి చెందారు. పరికరాల లోపాలతో 26 మంది, అనధికారిక పనులతో 23 మంది ప్రాణాలు వదిలారు. 111 పెంపుడు జంతువులు కూడా అసువులుబాసాయి. » ప్రయాస్‌ ఎనర్జీ గ్రూప్‌ అధ్యయనం: విద్యుత్‌ ప్రమాదాల్లో సుమారు 70 శాతం పంపిణీ స్థాయిలోనే జరుగుతున్నాయి.కారణాలు ఏమిటి? » పాత స్తంభాలు, వేలాడే తీగలు, రక్షణ పరికరాల కొరత వంటి సమస్యలు ప్రమాద తీవ్రతను పెంచుతున్నాయి. విద్యుత్‌ స్తంభాలు, తీగలు దెబ్బతిని, తెగిన తీగలు నీటిలో పడి ప్రాణాంతకంగా మారుతున్నాయి. » బోర్‌వెల్‌ విద్యుత్‌ పరికరాల్లో లోపాలు, సరైన ఎర్తింగ్‌ లేకపోవడం, అనధికార విద్యుత్‌ కంచెలు ప్రమాదాలకు దారితీస్తున్నాయి. » పండుగల సమయంలో టెంట్లు, ఇనుప జెండా కర్రలు, బ్యానర్లు విద్యుత్‌ తీగలకు సమీపంగా ఏర్పాటు చేయడం కూడా ముప్పుగా మారుతోంది. » రోడ్లు, పొలాలు, ఇళ్ల పరిసరాల్లో లైన్లు తెగిపడినప్పుడు అవి లైవ్‌లో (విద్యుత్‌ ప్రసారం) ఉన్నాయా లేదా అన్నది సాధారణ ప్రజలకు తెలియదు. విద్యుత్‌ సిబ్బంది సకాలంలో స్పందించడం లేదు. వర్షపు నీటిలో పడిన తీగ మరింత ప్రమాదకరం. ముందస్తు తనిఖీలు, దెబ్బతిన్న స్తంభాలు, తీగల మార్పు, భద్రతా చర్యలపై ప్రభుత్వం దృష్టి సారించకపోవడం ప్రమాదాల తీవ్రతను పెంచుతోంది. » వారంలో ఒక రోజు విద్యుత్‌ లైన్ల తనిఖీలు, నెలలో ఒకసారి సబ్‌ స్టేషన్‌ తనిఖీ పేరుతో విద్యుత్‌ సరఫరా నిలిపివేయడం వంటి చర్యలు తీసుకుంటున్నా, క్షేత్రస్థాయిలో ఫలితాలు సరిగా ఉండడం లేదు. కూటమి ప్రభుత్వంలో కొన్ని ఘోర విద్యుత్‌ ప్రమాదాలు2024 1. జూలై 23, 2024 – ప్రకాశం జిల్లా, కనిగిరి సమీపం, పునుగోడు: బైక్‌పై వెళ్తున్న ముగ్గురు యువకులపై హైటెన్షన్‌ విద్యుత్‌ తీగ తెగిపడటంతో ముగ్గురూ మృతి చెందారు. 2. సెప్టెంబర్‌ 8, 2024 – పల్నాడు జిల్లా, పొట్లూరు: వినాయక మండపంలో లైట్లు ఏర్పాటు చేస్తుండగా లైవ్‌ వైర్‌ తగిలి 18 ఏళ్ల వేదసహాయం మృతి చెందాడు. 3. అక్టోబర్‌ 20, 2024 – కాకినాడ జిల్లా, సామర్లకోట: టెర్రస్‌పై బట్టలు ఆరేస్తుండగా అక్కడున్న విద్యుత్‌ వైర్‌ తగిలి తల్లి, కుమారుడు ఇద్దరూ మృతి చెందారు. 4. నవంబర్‌ 4, 2024 – తూర్పుగోదావరి జిల్లా, ఉండ్రాజవరం మండలం, తాడిపర్రు: విగ్రహావిష్కరణ కోసం ఫ్లెక్సీ కడుతుండగా లైవ్‌ వైర్‌ తగిలి నలుగురు యువకులు మృతి చెందగా, మరో వ్యక్తి గాయపడ్డాడు. 2025 1. ఫిబ్రవరి 24, 2025 – గుంటూరు జిల్లా, పెదకాకాని: గోశాలలో సంపు శుభ్రం చేస్తూ మోటార్‌ను రిపేర్‌ చేయడానికి ప్రయత్నించిన సమయంలో ఒకరికి విద్యుత్‌ షాక్‌ తగిలింది. అతడిని కాపాడేందుకు వెళ్లిన మరో ముగ్గురూ షాక్‌కు గురయ్యారు. నలుగురూ ప్రాణాలు వదిలారు. 2. మే 26, 2025 – శ్రీకాకుళం జిల్లా, కంచిలి మండలం, చిల్లపుట్టిగ: స్థానిక ఉత్సవాల్లో సీరియల్‌ లైటింగ్‌కు ఉపయోగించిన వైర్‌ తెగి రోడ్డుపై పడటంతో విద్యుదాఘాతం జరిగింది. ముగ్గురు చనిపోయారు. మరో ముగ్గురు గాయపడ్డారు. 3. జూలై 6, 2025 – కర్నూలు జిల్లా, ఆదోని మండలం, పెద్దతుంబలం: ఇంటి నిర్మాణానికి నీరు పంప్‌ చేస్తుండగా మోటార్‌ను తాకిన 13 ఏళ్ల బాలుడు మహేష్‌ మృతి చెందాడు. 4. ఆగస్టు 27, 2025 – కాకినాడ: వాలీబాల్‌ ఆడేందుకు పోల్స్‌ ఏర్పాటు చేస్తుండగా లైవ్‌ వైర్‌ తగిలి 19 ఏళ్ల యువకుడు మృతి చెందాడు. మరో ఐదుగురు గాయపడ్డారు. 5. డిసెంబర్‌ 1, 2025 – ప్రకాశం జిల్లా, త్రిపురాంతకం మండలం, కొత్త అన్నసముద్రం: ఐదుగురికి విద్యుత్‌ షాక్‌ తగలగా ఇద్దరు అక్కడికక్కడే మృతి చెందారు, మరో ముగ్గురికి తీవ్ర గాయాలయ్యాయి.2026 1. జనవరి 25, 2026 – నెల్లూరు జిల్లా, వరికుంటపాడు మండలం, బోనిగర్లపాడు: పంటను జంతువుల నుంచి రక్షించేందుకు పొలం చుట్టూ అక్రమంగా ఏర్పాటు చేసిన లైవ్‌ విద్యుత్‌ కంచెను తాకి 18 ఏళ్ల ఇద్దరు యువకులు మృతి చెందారు. 2. మార్చి 30, 2026 – అనంతపురం: కోవ్వూరు నగర సచివాలయానికి చెందిన ఎనర్జీ అసిస్టెంట్‌ వెంగముని ఏఖీ లైవ్‌ వైర్‌కు తగిలి తీవ్రంగా గాయపడి ఆసుపత్రికి తరలించేలోపు ప్రాణాలు వదిలాడు. 3. ఏప్రిల్‌ 4, 2026 – పార్వతీపురం మన్యం జిల్లా, సాలూరు మండలం, మామిడిపల్లి: గోడ ఎక్కే సమయంలో పంప్‌సెట్‌ ఎలక్ట్రికల్‌ ప్యానెల్‌ను పట్టుకోవడంతో 9వ తరగతి విద్యార్థి మృతి చెందాడు. 4. మే 28, 2026 – కృష్ణా జిల్లా, పమిడిముక్కల మండలం, లంకపల్లి: భారీ వర్షాలు, ఈదురుగాలుల సమయంలో విద్యుత్‌ ప్రమాదాలు చోటుచేసుకున్నాయి. లంకపల్లిలో నీరు తీసుకునేందుకు వెళ్లిన ఇంటర్‌ విద్యార్థిని విద్యుత్‌ ప్రమాదంలో మృతి చెందింది. మరో వ్యక్తి విద్యుత్‌ తీగ కారణంగా మృతి చెందాడు. 5. జూన్‌ 21, 2026 – విశాఖపట్నం, మధురవాడ: రోడ్డుపై క్రికెట్‌ ఆడుతున్న 6 ఏళ్ల బాలుడు, బంతి తీసుకునే క్రమంలో బయటకు వేలాడుతున్న ఎర్తింగ్‌ వైర్‌ను తాకి మృతి చెందాడు. ఆ ప్రాంతంలో అండర్‌గ్రౌండ్‌ కేబుల్‌ పనుల సమయంలో వైర్‌ బయటకు వచ్చి వేలాడుతూ ఉండటం ప్రమాదానికి కారణమైంది. 6. జూలై 3, 2026 – వైఎస్సార్‌ కడప జిల్లా, ప్రొద్దుటూరు మండలం, దొరసానిపల్లె: ఓ వ్యక్తి విద్యుత్‌ షాక్‌తో మృతి చెందిన ఘటనపై కుటుంబ సభ్యుల ఫిర్యాదుతో పోలీసు­లు మృతదేహాన్ని వెలికితీసి పోస్టుమార్టం నిర్వహించారు. 7. సెప్టెంబర్‌ 24, 2026 – అనకాపల్లి జిల్లా, నాతవరం మండలం, గొల్లవీధి: భారీ వర్షాల సమయంలో ఇంటి పైభాగం నుంచి వేలాడుతున్న సపోర్ట్‌ వైర్‌ను తాకడంతో తల్లీకూతురు మృతి చెందారు. భర్త నాగరాజు వైర్‌ను తొలగించేందుకు ప్రయత్నించగా విద్యుదాఘాతానికి గురై గాయపడ్డాడు. 8. సెప్టెంబర్‌ 24, 2026 – పశ్చిమగోదావరి జిల్లా, పెంటపాడు మండలం, జట్లపాలెం: ఎనిమిదవ తరగతి, ఆరవ తరగతి చదువుతున్న ఇద్దరు బాలురు ఆడుకుంటూ అక్కడున్న ఎర్త్‌ వైర్‌ను తాకడంతో విద్యుత్‌ షాక్‌కు గురై చనిపోయారు. 9. సెప్టెంబర్‌ 24, 2026 – బాపట్ల జిల్లా, చెరువు ఉప్పరపాలెం: సరుకులు తెచ్చుకునేందుకు ఇంటి నుంచి బయటకు వచ్చిన ఓ మహిళ విద్యుత్‌ స్తంభం నుంచి తెగిపడిన వైరును తొక్కడంతో షాక్‌కు గురై మరణించింది. తల్లి షాక్‌కు గురవ్వడాన్ని గమనించి కాపాడేందుకు వచ్చిన ఆమె కుమారుడు కూడా అదే విద్యుత్‌ షాక్‌తో ప్రాణాలు కోల్పోయాడు.

సాక్షి, అమరావతి: ప్రజల ప్రశాంత జీవనానికి ఆటంకాలు కలిగించే నిందితులను ముందుజాగ్రత్తగా అరెస్ట్‌ చేసి నిర్బంధించడానికి సంబంధించి ప్రివెంటివ్‌ డిటెన్షన్‌ (పీడీ) చట్టం కింద జారీ చేసే ముందస్తు నిర్బంధ ఉత్తర్వుల్లో సహేతుక కారణాలను పేర్కొని తీరాల్సిందేనని డీటైనింగ్‌ అథారిటీ అయిన జిల్లా కలెక్టర్లకు హైకోర్టు స్పష్టం చేసింది. అలా కారణాలు లేకుండా జారీ చేసిన ఉత్తర్వులు ఎంతమాత్రం చెల్లుబాటు కావని తేల్చిచెప్పింది. ఒక నిందితుడి విషయమై శ్రీపొట్టి శ్రీరాములు నెల్లూరు జిల్లా కలెక్టర్‌ జారీ చేసిన ముందస్తు నిర్బంధ (పీడీ) ఉత్తర్వులను హైకోర్టు తప్పుపట్టింది. జిల్లా కలెక్టర్‌ తన పీడీ ఉత్తర్వుల్లో సహేతుక, సంతృప్తికరమైన కారణాలను పేర్కొనలేదని స్పష్టం చేసింది. జిల్లా కలెక్టర్‌ 2025 డిసెంబర్‌ 2న పీడీ ఉత్తర్వులను, ధ్రువీకరిస్తూ రాష్ట్ర ప్రభుత్వం ఈ ఏడాది ఫిబ్రవరిలో జారీచేసిన జీవోను హైకోర్టు రద్దు చేసింది. నిందితుడిని తక్షణమే విడుదల చేయాలని ప్రభుత్వాన్ని ఆదేశించింది. ఈ మేరకు న్యాయమూర్తులు జస్టిస్‌ రవినాథ్‌ తిల్హరి, జస్టిస్‌ చింతలపూడి పురుషోత్తం కుమార్‌లతో కూడిన ధర్మాసనం ఇటీవల తీర్పు వెలువరించింది. ఈ కేసు అంశాలను పరిగణనలోకి తీసుకున్న ధర్మాసనం, ఇతర జిల్లాల పరిధిలో నేరాలకు పాల్పడిన నిందితులపై నమోదైన కేసులను పరిగణనలోకి తీసుకునే సమయంలో, ఆ ఘటనలు తమ జిల్లా పరిధిలో ప్రజా జీవనానికి, శాంతి భద్రతలకు ఏ విధంగా విఘాతం కలిగిస్తాయన్న విషయాన్ని డిటెన్షన్‌ ఉత్తర్వుల్లో స్పష్టంగా పేర్కొనాల్సిందేనని స్పష్టం చేసింది.

భవిష్యత్‌లో కరోనా వంటి మహమ్మారులు ముంచుకొస్తే మన సన్నద్ధత ఏమిటి? వైరస్‌లను ల్యాబ్‌లోనే తుదముట్టించే వ్యూహం ఉందా? వీటికి సమాధానం హైదరాబాద్‌లోని రెండు దేశీయ అత్యున్నత ల్యాబ్స్‌ సీఎస్‌ఐఆర్‌–ఐఐసీటీ (ఇండియన్‌ ఇన్‌స్టిట్యూట్‌ ఆఫ్‌ కెమికల్‌ టెక్నాలజీ), సీఎస్‌ఐఆర్‌–సీసీఎంబీ (సెంటర్‌ ఫర్‌ సెల్యులార్‌ అండ్‌ మాలిక్యులర్‌ బయాలజీ) సంయుక్తంగా చేపట్టిన ‘యాంటీ–వైరల్‌ మిషన్‌’. రాబోయే 10–20 ఏళ్లలో ప్రపంచాన్ని పట్టిపీడించే సరికొత్త వైరస్‌లను, అపరిచిత మహమ్మారులను ఎదుర్కొనేందుకు దేశాన్ని సన్నద్ధం చేయడం ఈ మిషన్‌ లక్ష్యం. వైరస్‌ బయాలజీని, అది శరీరంలో ఎలా వ్యాప్తి చెందుతుందో హైదరాబాద్‌లోని సీసీఎంబీ పరిశోధిస్తే... దాన్ని చంపే కెమికల్‌ ఫార్ములాను ఐఐసీటీ ల్యాబ్‌ తయారు చేస్తోంది. దీంతో సరికొత్త చరిత్రకు శ్రీకారం చుడుతోంది. విదేశీ టెక్నాలజీతో సంబంధం లేకుండా దేశీయంగానే ఎమ్మార్‌ఎన్‌ఏ వ్యాక్సిన్‌ ప్లాట్‌ఫారమ్‌ను ఇక్కడే సిద్ధం చేస్తున్నారు. దీనివల్ల రాబోయే రోజుల్లో కొత్త వైరస్‌ వస్తే కేవలం కొన్ని వారాల్లోనే వ్యాక్సిన్‌ డిజైన్‌ చేయొచ్చు. సాధారణంగా కొత్త మందులు కనిపెట్టడానికి 10–12 ఏళ్లు పడుతుంది. అందుకే ఇప్పటికే మార్కెట్లో సురక్షితంగా ఉన్న పాత మందులనే కొత్త వైరస్‌ల నివారణకు వాడేలా పరిశోధనలు వేగవంతంగా జరుపుతున్నాం. అతిప్రమాదకర వైరస్‌లపైనా రిస్క్‌ లేకుండా ప్రయోగాలు చేసేందుకు వీలుగా హైసెక్యూరిటీ బయో–సేఫ్టీ–3 (బీఎస్‌ఎల్‌–3) ల్యాబ్స్‌ ఈ మిషన్‌లో కీలక పాత్ర పోషిస్తున్నాయి. ఈ నేపథ్యంలో సీఎస్‌ఐఆర్‌–ఐఐసీటీ డైరెక్టర్‌ డా.డి.శ్రీనివాసరెడ్డితో ‘సాక్షి’ ప్రత్యేక ఇంటర్వ్యూ. ప్రశ్న: ఇతర వ్యాధుల కోసం మార్కెట్లో ఉన్న సురక్షిత ఔషధాలను కొత్త వైరస్‌లపై పునర్వినియోగించడంలో మీ పరిశోధన ఏ దశకు చేరుకుంది? జవాబు: ఇతర అనారోగ్య సమస్యలున్న కోవిడ్‌–19 రోగులపై ఉమిఫెనోవిర్, నిక్లోసమైడ్, కొల్చిసిన్‌ వంటి ఔషధాలతో క్లినికల్‌ ట్రయల్స్‌ నిర్వహించడం ద్వా­రా సీఎస్‌ఐఆర్‌ గణనీయమైన ప్రయత్నా­లు చేసింది. సన్‌ ఫార్మా, ఐసీజీఈబీలతో కలిసి ఫైటోఫార్మాస్యూటికల్‌పైనా క్లినికల్‌ ట్ర­య­ల్‌ నిర్వహించాం. అలాగే అశ్వగంధ సహా మూ­­డు ఆయుష్‌ ఔషధాలను సార్స్‌–కోవ్‌–2 నివారణ వినియోగం కోసం క్లినికల్‌ విధానంలో మూల్యాంకనం చేశాం. ఫలితంగా ప్రజలకు ఔషధాలు త్వరితగతిన అందుబాటులోకి వచ్చే అవకాశముంది. ప్రశ్న: వ్యాక్సిన్‌ అభివృద్ధిలో అత్యంత ప్రభావవంతంగా నిలుస్తున్న ఎమ్మార్‌ఎన్‌ఏ వ్యాక్సిన్‌ సాంకేతికతను హైదరాబాద్‌ ప్రయోగశాలల్లో స్వదేశీయంగా అభివృద్ధి చేస్తున్నట్లు వార్తలు వచ్చాయి. దీనిపై ఏమంటారు? జవాబు: అవును, నిజమే. ఎమ్మార్‌ఎన్‌ఏ వ్యాక్సిన్‌ డెలివరీలో అత్యంత కీలకమైన భాగం ‘అయనీకరణ లిపిడ్లు’. వీటిని ఐఐసీటీ స్వదేశీ పరిజ్ఞానంతో అభివృద్ధి చేస్తోంది. ప్రస్తుతం మా వద్ద కొన్ని స్వదేశీ లిపిడ్లు ఉన్నాయి. వాటిని జంతు నమూనాల్లో కూడా విజయవంతంగా పరీక్షించాం. నూతన యాంటీజెన్‌ ఎమ్మార్‌ఎన్‌ఏ నిర్మాణ భాగాన్ని సీసీఎంబీ చేపడుతోంది. ఈ రెండు సంస్థలు కలిసి, భారీస్థాయి ఉత్పత్తికి అనువైన ఎమ్మార్‌ఎన్‌ఏ–ఎల్‌ఎన్‌పీ ప్లాట్‌ఫామ్‌ సాంకేతికతను రూపొందించాయి. కొత్త వైరస్‌ వెలుగుచూస్తే కొన్ని వారాల్లోనే వ్యాక్సిన్‌ను సిద్ధం ప్లాట్‌ఫామ్‌ను మనం సిద్ధం చేస్తున్నాం. ప్రశ్న: కోవిడ్‌ అనంతర కాలంలో భవిష్యత్‌ వైరస్‌లను ఎదుర్కొనేందుకు సీసీఎంబీ, ఐఐసీటీ సంయుక్తంగా ప్రారంభించిన యాంటీ–వైరల్‌ మిషన్‌ పురోగతి ఎలా ఉంది? జవాబు: సార్స్‌–కోవ్‌–2పై పనిచేసే నూతన చికిత్సా ఔషధాలను కనుగొని, అభివృద్ధి చేసే లక్ష్యంతో 10 సీఎస్‌ఐఆర్‌ ప్రయోగశాలల భాగస్వామ్యంతో ‘సీఎస్‌ఐఆర్‌ యాంటీవైరల్‌ మిషన్‌ (2021–25)’ను పాన్‌–సీఎస్‌ఐఆర్‌ కార్యక్రమంగా ప్రారంభించాం. ఇందులో ఐఐసీటీ, ఎన్‌ఐఐఎస్టీ, ఎన్సీఎల్, ఐఐఐఎం, ఐఐసీబీ, సీఎల్‌ఆర్‌ఐ, సీడీఆర్‌ఐ, ఇహ్‌బాస్‌ (ఐహెచ్‌బీటీ), సీసీఎంబీ, యూఆర్డీఐపీ సంస్థలు పాల్గొన్నాయి. ఈ మిషన్‌కు ఐఐసీటీ నోడల్‌ ప్రయోగశాలగా వ్యవహరించింది. 1,300 నూతన అణువులను సంశ్లేషించి, వాటి యాంటీవైరల్‌ సామర్థ్యాన్ని పరీక్షించాం. ఈ మిషన్‌ ద్వారా 13 నూతన పేటెంట్‌ దరఖాస్తులు దాఖలయ్యాయి. ప్రస్తుతం పరిశ్రమల ఆర్థిక సహకారంతో చేపట్టిన రెండో దశలో నాలుగు చిన్న అణువులు, ఒక ఫిక్స్‌డ్‌ డోస్‌ కాంబినేషన్‌ ప్రీక్లినికల్‌ అభివృద్ధి దశలో ఉన్నాయి.ప్రశ్న: ప్రమాదకరమైన వైరస్‌ కల్చర్ల నిర్వహణకు, పరీక్షించడానికి అవసరమైన బీఎస్‌ఎల్‌–3 ప్రయోగశాల పురోగతి ఎలా ఉంది?జవాబు: సీసీఎంబీ, ఐఐబీటీ సంస్థలు అత్యాధునిక బీఎస్‌ఎల్‌–3 సదుపాయాలను ఏర్పాటు చేసి, సార్స్‌–కోవ్‌–2 యాంటీవైరల్‌ పరీక్షలను సమర్థవంతంగా నిర్వహించాయి.ప్రశ్న: భారత్‌ ప్రపంచ ఫార్మా హబ్‌గా పేరొందినప్పటికీ, ఔషధ తయారీలో వాడే కీలక ముడి పదార్థాల కోసం చైనాపై ఆధారపడాల్సి వస్తోంది. దీన్ని తగ్గించడానికి ఏమైనా ప్రయత్నాలు జరిగాయా? జవాబు: యాంటీవైరల్‌ మిషన్‌ ప్రధానంగా నూతన ఔషధ ఆవిష్కరణ లక్ష్యంగా చేపట్టిందే అయినప్పటికీ, ఇతరసీఎస్‌ఐఆర్‌ నిధులతో మా ప్రయోగశాలలు ఫావిపిరావిర్‌ వంటి కీలక యాంటీవైరల్‌ ఔషధాల తయారీప్రక్రియలను అభివృద్ధి చేసి పరిశ్రమలకు బదిలీ చేశాయి. అంతేకాకుండా, దిగుమతులపై ఆధారపడటాన్ని తగ్గించేందుకు పదేళ్లుగా సీఎస్‌ఐఆర్‌ ప్రత్యేక మిషన్‌పై దృష్టి పెట్టింది. పారాసిటమాల్‌ సహా పలు కీలక ఔషధ ప్రక్రియలను స్వదేశీ తయారీ కోసం పరిశ్రమలకు ఇప్పటికే బదిలీ చేశాం. ప్రశ్న: భవిష్యత్‌ యాంటీవైరల్‌ ఔషధాలు తక్కువ ధరలో లభిస్తాయా? జవాబు: అందుకు ప్రయత్నాలు జరుగుతున్నాయి. ఫావిపిరావిర్‌ తయారీ సాంకేతికతను అభివృద్ధి చేసి సిప్లాకు సీఎస్‌ఐఆర్‌ బదిలీ చేసింది. అలాగే వ్యాక్సిన్‌ అడ్జువెంట్‌ తయారీ సాంకేతికతను భారత్‌ బయోటెక్‌కు బదిలీ చేస్తే, వారు దానిని కోవాగ్జిన్‌ తయారీలో వినియోగించారు. యాంటీవైరల్స్‌ మాత్రమే కాకుండా, అందరికీ అందుబాటు ధరల్లో వైద్య సేవలు అందించే లక్ష్యంతో తక్కువ వ్యయంతో కూడిన ఏపీఐలు, కేఎస్‌ఎంల అభివృద్ధి కోసం సీఎస్‌ఐఆర్‌ పలు ప్రముఖ సంస్థలతో ఒప్పందాలు కుదుర్చుకుంది. ప్రశ్న: జంతువుల నుంచి మనుషులకు సోకే జూనోటిక్‌ వ్యాధుల ముప్పు పెరుగుతోంది. వీటిని ఎదుర్కోవడానికి యాంటీ వైరల్‌ మిషన్‌ ఎలా ఉపయోగపడుతుంది? జవాబు: యాంటీవైరల్‌ మిషన్‌ మొదటి దశ 2025తో ముగిసినప్పటికీ, పలు వైరస్‌ కుటుంబాల్లో ఉమ్మడిగా ఉండే సంరక్షిత హోస్ట్, వైరల్‌ యంత్రాంగాలను లక్ష్యంగా చేసుకుని ’పాన్‌–వైరల్‌’ చికిత్సలపై పరిశోధననుముందుకు తీసుకెళ్లాలని సీఎస్‌ఐఆర్‌ నిర్ణయించింది. ఇటువంటి బ్రాడ్‌–స్పెక్ట్రమ్‌ విధానాల వల్ల ’డిసీజ్‌ ఎక్స్‌’వంటి తెలియని కొత్త వ్యాధికారకాలు వచ్చినా వేగంగా చికిత్స అందించడం సాధ్యమవుతుంది. మహమ్మారి వచ్చిన ప్రతిసారీ కొత్త ఔషధాన్ని సున్నా నుంచి తయారు చేయాల్సిన భారం తప్పుతుంది. ప్రశ్న: యాంటీ వైరల్‌ మిషన్‌ ప్రాజెక్టు అంతిమ లక్ష్యం ఏమిటి? ఇది హైదరాబాద్‌ను ఏ స్థాయికి చేరుస్తుంది? జవాబు: ప్రస్తుతం ఈ మిషన్‌ ముగిసినప్పటికీ, ఐఎన్డీ దరఖాస్తు దాఖలు చేసి క్లినికల్‌ ట్రయల్స్‌లోకి ప్రవేశించే లక్ష్యంతో టాప్‌–5 లీడ్‌ అణువుల ప్రీక్లినికల్‌ అభివృద్ధి ముమ్మరంగా సాగుతోంది. ఇది హైదరాబాద్‌ను ప్రపంచ ఔషధ ఆవిష్కరణ పటంలో అత్యున్నత స్థానంలో నిలబెడుతుంది. ప్రశ్న: జీవశాస్త్రంలో సీసీఎంబీ, రసాయన శాస్త్రంలో ఐఐసీటీ... ఈ రెండు దిగ్గజ సంస్థల సమన్వయం ఎలా సాగింది? జవాబు: సీసీఎంబీ తన బీఎస్‌ఎల్‌–3 సదుపాయం ద్వారా వైరల్‌ జీవశాస్త్రం, వ్యాధి యంత్రాంగాల మూల్యాంకనంలో పాలుపంచుకోగా.. ఐఐసీటీ మెడిసినల్‌ కెమిస్ట్రీ, స్ట్రక్చర్‌–బేస్డ్‌ డ్రగ్‌ డిజైన్, చిన్న అణువుల ఆప్టిమైజేషన్‌లో కీలక పాత్ర పోషించాయి. ప్రశ్న: భవిష్యత్తులో కొత్త వైరల్‌ వేరియంట్లు వెలుగుచూస్తే, మన స్వదేశీ ప్లాట్‌ఫామ్‌ ద్వారా ఎంత వేగంగా స్పందించగలం? జవాబు: మేము నెలకొల్పిన స్కేలబుల్‌ ఎమ్మార్‌ఎన్‌ఏ–ఎల్‌ఎన్‌పీ ప్లాట్‌ఫామ్‌ సాంకేతికత ప్రస్తుతం నాన్‌–జీఎల్ప దశలో ఉంది. స్వదేశీ అయనీకరణ లిపిడ్లతో దీని పనితీరును ఇప్పటికే నిరూపించాం. భవిష్యత్తులో కొత్త వేరియంట్‌ వస్తే, దాని జన్యు క్రమం తెలిసిన వెంటనే కేవలం ఎమ్మార్‌ ఎన్‌ఏ క్రమాన్ని మారిస్తే సరిపోతుంది. ఫార్ములేషన్, తయారీ ప్రక్రియలు ముందే సిద్ధంగా ఉంటాయి కాబట్టి, అతి తక్కువ సమయంలోనే కొత్త వ్యాక్సిన్‌ను సిద్ధం చేయడం సాధ్యమవుతుంది. -కె.రాహుల్‌

సాక్షి, అమరావతి: సీఎం చంద్రబాబు జిల్లా పర్యటనల్లో ఈవెంట్‌ మేనేజ్‌మెంట్‌ పనులకు భారీగా వ్యయం చేశారు. వివిధ జిల్లాల్లో సీఎం కార్యక్రమాలకు సంబంధించిన ఈవెంట్‌ మేనేజ్‌మెంట్‌ పనులను మాన్‌ డెకరేటర్స్‌ సంస్థ నిర్వహించింది. ఇందుకోసం రూ.44.62కోట్లు ఖర్చుచేసినట్టు మాన్‌ డెకరేటర్స్‌ సంస్థ పేర్కొంది. తమకు చెల్లించాల్సిన బకాయిల్లో కనీసం 50 శాతం మంజూరు చేయాలని మాన్‌ డెకరేటర్స్‌ సాధారణ పరిపాలన శాఖను కోరింది. అలాగే, వివిధ జిల్లాల్లో సీఎం జరిపిన పర్యటనలకు సంబంధించిన ఖర్చుల నిమిత్తం బడ్జెట్‌ విడుదల చేయాలని కోరుతూ చిత్తూరు, ప్రకాశం, నంద్యాల, కర్నూలు, పల్నాడు, అనంతపురం, అంబేడ్కర్‌ కోనసీమ, అన్నమయ్య, తూర్పు గోదావరి, శ్రీసత్యసాయి, విజయనగరం, ఎస్‌పీఎస్‌ఆర్‌ నెల్లూరు, కాకినాడ, తిరుపతి కలెక్టర్ల నుంచి వివిధ తేదీల్లో ప్రతిపాదనలు సాధారణ పరిపాలన శాఖకు అందాయి. మాన్‌ డెకరేటర్స్‌కు సంబంధించి 50 శాతం నిధులను విడుదల చేయడానికి చేసిన అభ్యర్థన పరిశీలించిన తరువాత ఆర్థిక శాఖకు సాధారణ పరిపాలన శాఖ పంపింది. దీనిపై ఆర్థిక శాఖ బకాయి మొత్తంలో 50 శాతం మాన్‌ డెకరేటర్స్‌కు చెల్లించేలా రూ.22.31 కోట్ల అదనపు బడ్జెట్‌ నిధులు విడుదలకు ఉత్తర్వులు జారీచేసింది. ఈ చెల్లింపులు షెడ్యూల్‌ ఆఫ్‌ రేట్స్‌ (ధరల పట్టిక) ఖరారు, చర్చలకు లోబడి, అలాగే 2026–27 ఆర్థిక సంవత్సరంలో తగిన సమయంలో అనుబంధ గ్రాంట్ల ద్వారా నిధులు సమకూరే వరకు ట్రెజరీ నియంత్రణ, త్రైమాసిక నియంత్రణ ఉత్తర్వుల నుంచి మినహాయింపుతో చెల్లింపులకు ఆర్థిక శాఖ నిధులు విడుదల చేసింది. అయితే, మాన్‌ డెకరేటర్స్‌కు రూ.11.71 కోట్లు చెల్లించేందుకు పరిపాలన ఆమోదం తెలుపుతూ సాధారణ పరిపాలన శాఖ (రాజకీయ) ముఖ్యకార్యదర్శి జె.శ్యామలరావు శనివారం ఉత్తర్వులు జారీచేశారు.

⇒ సహకార రంగంలో ఉన్న డెయిరీలనే కాదు.. చక్కెర కర్మాగారాలకు సైతం సమా«ధి కట్టిన చరిత్ర చంద్రబాబుదే. ⇒ 1995కు పూర్వం 11 సహకార, 19 ప్రైవేటు చక్కెర కర్మాగారాలుండేవి. చంద్రబాబు ముఖ్యమంత్రి కాగానే చిత్తూరు, రేణిగుంట, కోవూరు, ఎన్‌వీఆర్‌ అండ్‌ ఏడీఆర్‌ జంపని సహకార చక్కెర కర్మాగారాలను మూసేయించారు. ఆ తర్వాత వైఎస్సార్‌ అధికారంలోకి వచ్చీరాగానే వాటిని పునరుద్దరించారు. వాటికి ఆర్ధిక చేయూతనిచ్చి లాభాల బాట పట్టేలా చేశారు. ⇒ చంద్రబాబు 2019లో వెళ్తూ వెళ్తూ అనకాపల్లి జిల్లా వీవీ రమణ షుగర్స్‌ (తుమ్మపాల)ఫ్యాక్టరీని మూతేయించారు. ⇒ మూతపడిన 9 పరిశ్రమలను పునరుద్ధరించడానికి ఒక్కో చక్కెర కర్మాగారానికి రూ.60 కోట్ల నుంచి రూ.100 కోట్ల వరకు అవసరం. ఆ దిశగా చంద్రబాబు ఏనాడు ఆలోచించలేదు. చెరకు రైతులను, కార్మికు లను ఆదుకుందామనే ఉదార బుద్ధీ లేదు. ⇒ 9 చక్కెర కర్మాగారాలకు సంబంధించి రూ.2,500 కోట్ల విలువైన 771 ఎకరాల భూములపై సర్కారు కన్ను పడింది. వాటిలోని యంత్రాలు, ఇతర సామగ్రిని కలిపితే మొత్తం ఆస్తుల విలువ రూ.3 వేల కోట్లకు పైమాటే. వీటికి ఉన్న అప్పులు రూ.1300 కోట్లకు మించిలేవు. ఈ లెక్కన సర్కారు కుతంత్రం ఏమిటో ఇట్టే తెలుస్తోంది. ఈ ఫ్యాక్టరీలకు లిక్విడేషన్‌ ప్రక్రియ చేపట్టడం పట్ల ఉద్యమించడానికి రైతులు సిద్ధమవుతున్నారు. సాక్షి, అమరావతి: ఉమ్మడి రాష్ట్రంలో నిజాం షుగర్స్, ఆల్విన్‌ వంటి 53 ప్రభుత్వ రంగ సంస్థలను అస్మదీ­యులకు ధారాదత్తం చేసిన చంద్రబాబు తాజాగా రూ.3 వేల కోట్ల విలువైన 9 సహకార చక్కెర కర్మాగా­రాల భూములు, ఆస్తులను కారుచౌకగా అనుయా­యులకు తెగనమ్మేందుకు సిద్ధమయ్యారు. ఇదే లక్ష్యంతో ప్రస్తుత చంద్రబాబు సర్కారు మూడు కర్మాగారాలకు నేరుగా లిక్విడేషన్‌ (పరిశ్రమను శాశ్వతంగా మూసేసి ఆస్తులు తెగనమ్మడం) ప్రకటించగా, మరో ఐదు కర్మాగారాలకు లిక్విడేషన్‌ ప్రకటించేందుకు ఆదేశాలు జారీ చేసింది. కడప ఫ్యాక్టరీకి ఇదివరకే లిక్విడేషన్‌ ప్రకటించింది. పొరుగునున్న తమిళనాడు, కర్ణాటక రాష్ట్రాలు ఉత్పత్తి పరివర్తన ప్రోత్సాహకం (టీపీఐ– ట్రాన్సిషన్‌ ప్రొడక్షన్‌ ఇన్సెంటివ్‌) కింద ఆర్థిక చేయూతనిస్తూ చెరకు రైతులకు భరోసా కల్పిస్తున్నాయి. తమిళనాడు ప్రభుత్వం ఏకంగా టన్నుకు రూ.600 ఇవ్వడమే కాకుండా, కనీస మద్దతు ధరగా ఈ ఏడాది రూ.4 వేలు నిర్ణయించి చెరకు రైతులకు అండగా నిలుస్తుంటే.. ఒకప్పుడు దక్షిణాదిన చెరకు సాగుకు కేరాఫ్‌గా నిలిచిన ఏపీలో మాత్రం చంద్రబాబు సర్కారు చెరకు రైతులను పీకనులిమే కార్యక్రమాలకు తెగబడింది. అధికారంలోకి వచ్చింది మొదలు ప్రభుత్వ భూములను తమ తాబేదార్లకు కారుచౌకగా కట్టబెడుతున్న చంద్రబాబు బృందం.. అదే బాటలో చక్కెర కర్మాగారాల భూము­లు, ఆస్తులను కూడా గుటకాయ స్వాహా చేసేందుకు ఉవ్విళ్లూరుతోంది. కమీషన్లు దండుకుని తన వాళ్లకు పప్పు బెల్లాల్లా దోచిపెట్టేందుకు సిద్ధమవుతోంది. దాదాపు రూ.2,500 కోట్ల విలువైన భూములతో పా­టు దాదాపు రూ.500 కోట్లకు పైగా విలువైన మిష­నరీ, ఇతర విలువైన ఆస్తులను సైతం దొడ్డి దారిన కాజేయాలని బాబు సర్కారు ఎత్తుగడ వేసింది. చక్కెర కర్మాగారాలకు సమాధి కట్టింది చంద్రబాబేరాష్ట్రంలో సహకార రంగంలో ఉన్న డెయిరీలనే కాదు.. చక్కెర కర్మాగారాలకు సైతం సమా«ధి కట్టిన చరిత్ర చంద్రబాబుదే. 1995కు పూర్వం 11 సహకార, 19 ప్రైవేటు చక్కెర కర్మాగారాలుండేవి. చంద్రబాబు ముఖ్యమంత్రి కాగానే చిత్తూరు, రేణిగుంట, కోవూరు, ఎన్‌వీఆర్‌ అండ్‌ ఏడీఆర్‌ జంపని సహకార చక్కెర కర్మాగారాలను మూసేయించారు. ఆ తర్వాత వైఎస్సార్‌ అధికారంలోకి వచ్చీరాగానే వాటిని పునరుద్దరించారు. వాటికి ఆర్ధిక చేయూతనిచ్చి లాభాల బాట పట్టేలా చేశారు. చంద్రబాబు.. 2019లో వెళ్తూ వెళ్తూ అనకాపల్లి జిల్లా వీవీ రమణ షుగర్‌ (తుమ్మపాల) ఫ్యాక్టరీని మూతేయించారు. సహకార రంగంలో నడుస్తున్న ఏకైక షుగర్‌ ఫ్యాక్టరీ అయిన చోడవరం షుగర్స్‌ (గోవాడ)లో 2025­–26లో క్రషింగ్‌ నిలిపి వేసి మూతపడేలా చేశారు. దీంతో సహకార రంగంలో ఉన్న కర్మాగారా­లన్నీ శాశ్వతంగా మూత పడినట్లైంది. చంద్రబాబు దివాళ కోరు చర్యల కారణంగా ప్రైవేటు రంగంలో నడిచే 16 ప్రైవేటు కర్మాగారాలు సైతం మూత పడ్డాయి. ప్రస్తుతం కృష్ణా జిల్లా ఉయ్యూరు, చిత్తూరులోని నింద్ర, శ్రీకాకుళం జిల్లాలోని సంకలి షుగర్‌ ఫ్యాక్టరీలు మాత్రమే అరకొర క్రషింగ్‌తో ప్రైవేటు రంగంలో కొనసాగుతున్నాయి. అది కూడా 45 లక్షల టన్నుల క్రషింగ్‌ సామర్థ్యం కల్గిన ఈ కర్మాగారాలు కేవలం 12 లక్షల టన్నులకు మించి క్రషింగ్‌ చేయలేని స్థితికి చేరాయి. ఒకప్పుడు దాదాపు 3 లక్షల ఎకరాల్లో సాగైన చెరకు ప్రస్తుత ఖరీఫ్‌ సీజన్‌లో 45 వేల ఎకరాలకు పరిమితమైందంటే చంద్రబాబు నిర్వాకమేనని ప్రత్యేకించి చెప్పక్కర్లేదు. ఇటీవలే మూతపడిన చోడవరం కో ఆపరేటివ్‌ షుగర్‌ ఫ్యాక్టరీ (గోవాడ) రూ.800 కోట్లు ఖర్చు చేస్తే పూర్వ వైభవం మూతపడిన 8 పరిశ్రమలను పునరుద్ధరించడానికి ఒక్కో చక్కెర కర్మాగారానికి రూ.60 కోట్ల నుంచి రూ.100 కోట్ల వరకు అవసరం. ఈ లెక్కన రూ.800 కోట్ల వరకు ఖర్చు పెడితే వీటికి పూర్వ వైభవం వస్తుందనేది సుస్పష్టం. కానీ ఆ దిశగా చంద్రబాబు ఏనాడు ఆలోచన చేసిన పాపాన పోలేదు. మరొక వైపు తమిళనాడు రాష్ట్ర ప్రభుత్వం మాదిరిగా బోనస్‌ ప్రకటిస్తే రాష్ట్రంలో చెరకు సాగు విస్తీర్ణం గణనీయంగా పెరుగుతుంది. ఫలితంగా చెరకు రైతులకు ఆదాయం పెరగడమే కాకుండా కార్మికులకు ఉపాధి లభిస్తుంది. ఇవేమీ పట్టని చంద్రబాబు సర్కారు లిక్విడేషన్‌కు తెరతీసింది. భీమ్‌సింగ్, ఏటికొప్పాక, తాండవ షుగర్‌ ఫ్యాక్టరీలకు నేరుగా లిక్విడేషన్‌కు అనుమతిచ్చింది. శ్రీవెంకటేశ్వర, చిత్తూరు, కోవూరు, తుమ్మపాల, జంపని ఫ్యాక్టరీలను సైతం లిక్విడేషన్‌ చేసేందుకు ఆదేశాలు జారీ చేసింది. ఇటీవలే మూత పడేలా చేసిన చోడవరం ఫ్యాక్టరీని కూడా లిక్విడేషన్‌ చేసేందుకు సిద్ధమైంది. కడప ప్యాక్టరీకి ఇదివరకే లిక్విడేషన్‌ ప్రకటించింది. కార్మికులు, అన్నదాతల ప్రయోజనాలకు గండి కొడుతూ దశాబ్దాల చరిత్ర ఉన్న ఈ కర్మాగారాలను కారుచౌకగా ప్రైవేటు సంస్థలకు ధారాదత్తం చేయడానికి సిద్ధపడింది. 10 వేల టన్నుల క్రషింగ్‌ సామర్థ్యం ఉన్న ఈ కర్మాగారాల్లో 1,944 మందికి పైగా కార్మికులు ఉన్నారు. 65 వేల మందికి పైగా రైతులు చెరకు సరఫరా చేస్తున్నారు.అన్నదాతల్లో తీవ్ర ఆగ్రహం లిక్విడేషన్‌ ఇచ్చేసిన ఎనిమిది చక్కెర కర్మాగారాలు ఆయా జిల్లాల్లో జాతీయ రహదారుల పక్కనే ఉన్నాయి. వీటికి సుమారు 771 ఎకరాల భూములు ఉన్నాయి. బహిరంగ మార్కెట్లో ఎకరం విలువ రూ.10 కోట్ల వరకు ఉంది. ఈ లెక్కన వాటి ధర మొత్తంగా దాదాపు రూ.2,500 కోట్ల పైమాటే. వాటిలోని యంత్రాలు, ఇతర సామగ్రిని కలిపితే కర్మాగారాల మొత్తం ఆస్తుల విలువ రూ.3 వేల కోట్లకు పైగానే ఉంది. వీటికి ఉన్న అప్పులు దాదాపు రూ.1300 కోట్లకు మించి లేవు. అయితే ప్రభుత్వం వీటికి లిక్విడేషన్‌ ప్రక్రియ చేపట్టడం పట్ల రైతుల్లో ఆందోళన వ్యక్తమవుతోంది. మూత పడిన చక్కెర కర్మాగారాలను పునరుద్ధరించేందుకు కృషి చేస్తామంటూ ఎన్నికలప్పుడు నమ్మబలికి, ఓట్లు దండుకున్న చంద్రబాబు.. ఇప్పుడు కర్మాగారాలను పూర్తిగా మూత వేయడమే కాకుండా వాటి భూములు, ఆస్తులు కొల్లగొట్టాలని చూస్తుండడం పట్ల మండిపడుతున్నారు. ప్రభుత్వం తీసుకున్న నిర్ణయంపై ఆయా ఫ్యాక్టరీల పరిధిలోని రైతులు, రైతు సంఘాలు ఆందోళన బాట పడుతున్నాయి.అండగా నిలిచిన వైఎస్‌ జగన్‌ ప్రభుత్వం సహకార చక్కెర కర్మాగారాలకు సంబంధించి బాబు ఎగ్గొట్టిన బకాయిలతో సహా ఐదేళ్లలో రైతులకు రూ.93.56 కోట్లు వైఎస్‌ జగన్‌ ప్రభుత్వం చెల్లించి అండగా నిలిచింది. చోడవరం, విజయరామ, తాండవ, ఏటికొప్పాక ఫ్యాక్టరీలు ఆర్థిక సంస్థలకు చెల్లించాల్సిన రుణ బకాయిలు రూ.252.91 కోట్లను సైతం చెల్లించింది. ఉద్యోగుల బకాయిలు రూ.100 కోట్లకు పైగా చెల్లించింది. మొత్తంగా రూ.450 కోట్లు చె­ల్లించి అండగా నిలిచింది. చెరకు రైతులకు వైఎ­స్సార్‌ రైతు భరోసా కింద ప్రతి ఏటా మూడు వి­డ­తల్లో రూ.13,500 చొప్పున పెట్టుబడి సాయం అందించింది. పంట నష్ట పరిహారంతో పాటు సున్నా వడ్డీ రాయితీ, పైసా భారం పడకుండా పంటల బీమా పరిహారం అందించింది. మరో వైపు మంత్రి వర్గ ఉప సంఘం సిఫార్సుల మేరకు బాబు హయాంలో మూత పడిన అనకాపల్లి, తాండవ, ఏటికొప్పాక, విజయ రాయ కర్మాగా­రా­లతో పాటు గతంలో బాబు నిర్వాకంతో మూత పడిన ఇతర సహకార చక్కెర కర్మాగారాల ఆస్తులు పూ­ర్తిగా రైతులకు మాత్రమే చెందాలన్న సంకల్పంతో వీటిని ఆహార శుద్ధి పరిశ్రమలుగా మార్చేందుకు కార్యాచరణ సిద్ధం చేసింది. స్థాని­కంగా లభించే పంట ఉత్పత్తులను ప్రాసెసింగ్‌ చేయడం ద్వారా వాటికి అదనపు విలువ చేకూ­ర్చి, తద్వారా రైతులకు అదనపు లబ్ధి చేకూర్చా­లని సంకల్పించింది. పైగా ఈ పరిశ్రమలన్నింటినీ ప్రభుత్వమే స్వయంగా నిర్మించి.. లీజు పద్ధతిన వాటి నిర్వహణను మాత్రమే ఆసక్తి గల రైతు ఉత్పత్తిదారుల సంఘాలకు అప్పగించాలని యో­చించింది. కర్మాగారాల ఆస్తులపై కానీ, స్థలాల­ను లీజుకిచ్చే ఆలోచన కూడా చేయలేదు.అప్‌గ్రేడ్‌ చేయాలిలా⇒ చక్కెర తయారీతో పాటు చెరకుపిప్పి ఆధారిత సహ ఉత్పత్తి, విద్యుత్‌ ఉత్పత్తి, ఇథనాల్, బయోమాస్, (గ్యాస్‌), బయో ఫెర్టిలైజర్‌ తదితరాలు ఉత్పత్తి చేసేలా అప్‌గ్రేడ్‌ చేయాలి. విద్యుత్‌ను సొంత అవసరాలకు ఉపయో­గించుకుని, మిగతాది గ్రిడ్‌కు విక్రయించవచ్చు.⇒ చెరకు రసం నుంచి పంచదార తయారీలో మిగిలి పోయిన ద్రావణం నుంచి జ్యూస్, బిృహెవీ, సిృహెవీ మొలాసిస్‌ తయారు చేయొచ్చు.⇒ క్రషింగ్‌ సీజన్‌ ముగిశాక కూడా బాయిలర్‌ను ఉపయోగించి విద్యుత్‌ ఉత్పత్తి చేసి విక్రయించవచ్చు.⇒ సీబీజీ (బయోగ్యాస్‌ తయారీ). ఇది చూడటానికి, వాడటానికి మనం వాహనాలకు వాడే సీఎన్‌జీ (కంప్రెస్డ్‌ నేచురల్‌ గ్యాస్‌) లాగే ఉంటుంది. మంచి ప్రత్యామ్నాయ ఇంధనంగా పని చేస్తుంది. వీటన్నింటి ద్వారా అదనపు ఆదాయ మార్గాలు సృష్టించాలి.రాష్ట్రంలోని 11 సహకార చక్కెర కర్మాగారాల పరిస్థితి.. 1. చోడవరం కో–ఆపరేటివ్‌ షుగర్స్‌ లిమిటెడ్, గోవాడ, అనకాపల్లి జిల్లా (2025–26 క్రషింగ్‌ సీజన్‌ నుంచి పని చేయడం లేదు)2. ఆమదాలవలస కో–ఆపరేటివ్‌ షుగర్స్‌ లిమిటెడ్, ఆమదాలవలస, శ్రీకాకుళం జిల్లా (సుప్రీంకోర్టులో వ్యాజ్యం) 3. శ్రీ విజయరామ గజపతి కో–ఆపరేటివ్‌ షుగర్స్‌ లిమిటెడ్, భీమసింగి, విజయనగరం జిల్లా (లిక్విడేషన్‌) 4. ఏటికొప్పాక కో–ఆపరేటివ్‌ అగ్రికల్చరల్‌ అండ్‌ ఇండస్ట్రియల్‌ సొసైటీ లిమిటెడ్, దార్లపూడి, అనకాపల్లి జిల్లా (లిక్విడేషన్‌)5. తాండవ కో–ఆపరేటివ్‌ షుగర్స్‌ లిమిటెడ్, పాయకరావుపేట, అనకాపల్లి జిల్లా (లిక్విడేషన్‌)6. ఎన్‌వీఆర్‌ అండ్‌ ఏడీఆర్‌ కో–ఆపరేటివ్‌ షుగర్స్‌ లిమిటెడ్, జంపని, బాపట్ల జిల్లా (లిక్విడేషన్‌)7. కడప కో–ఆపరేటివ్‌ షుగర్స్‌ లిమిటెడ్, తౌలతాపురం, వైఎస్సార్‌ కడప జిల్లా (లిక్విడేషన్‌)8. అనకాపల్లి వి.వి.రమణ కో–ఆపరేటివ్‌ షుగర్స్‌ లిమిటెడ్, తుమ్మపాల, అనకాపల్లి జిల్లా (లిక్విడేషన్‌)9. కోవూరు కో–ఆపరేటివ్‌ షుగర్‌ ఫ్యాక్టరీ లిమిటెడ్, నెల్లపోరె, ఎస్‌పీఎస్‌ఆర్‌ నెల్లూరు జిల్లా (లిక్విడేషన్‌)10 శ్రీ వెంకటేశ్వర కో–ఆపరేటివ్‌ షుగర్‌ ఫ్యాక్టరీ లిమిటెడ్, గాజులమండ్యం, తిరుపతి జిల్లా (లిక్విడేషన్‌)11. చిత్తూరు కో–ఆపరేటివ్‌ షుగర్స్‌ లిమిటెడ్, చిత్తూరు, చిత్తూరు జిల్లా (లిక్విడేషన్‌)రాష్ట్రంలోని 19 ప్రైవేట్‌ చక్కెర కర్మాగారాల పరిస్థితి 1. ఈఐడీ ప్యారీ (ఇండియా) లిమిటెడ్, సంకిలి, శ్రీకాకుళం జిల్లా2. కేఎస్పీ షుగర్‌ అండ్‌ ఇండస్ట్రీస్‌ లిమిటెడ్, వుయ్యూరు, కృష్ణా జిల్లా3. ఎస్‌ఎన్‌జే షుగర్‌ అండ్‌ డిస్టిలరీస్‌ లిమిటెడ్, నింద్రా, చిత్తూరు జిల్లాచంద్రబాబు సర్కారు ప్రోత్సాహం కరువై మూత పడిన కర్మాగారాలు.. 4. రాయలసీమ షుగర్స్‌ లిమిటెడ్, నంద్యాల జిల్లా 5. కేబీడీ షుగర్స్‌ అండ్‌ డిస్టిలరీస్‌ లిమిటెడ్, పుంగనూరు, చిత్తూరు జిల్లా 6. జయపూర్‌ షుగర్స్‌ లిమిటెడ్, చాగల్లు, తూర్పు గోదావరి జిల్లా7. వీఆర్‌కే షుగర్స్‌ లిమిటెడ్, పోతవరం, పశ్చిమ గోదావరి జిల్లా 8. ది ఆంధ్రా షుగర్స్‌ లిమిటెడ్, యూనిట్‌–1, తణుకు, పశ్చిమ గోదావరి 9. డెల్టా షుగర్స్‌ లిమిటెడ్, హనుమాన్‌ జంక్షన్, కృష్ణా జిల్లా 10. ఎంపీ షుగర్స్‌ లిమిటెడ్, నాయుడుపేట, ఎస్‌పీఎస్‌ఆర్‌ నెల్లూరు11. కేఎస్‌ పీ షుగర్స్‌ లిమిటెడ్, లక్ష్మీపురం, కృష్ణా జిల్లా 12. సుదాలగుంట షుగర్స్‌ లిమిటెడ్, యూనిట్‌–1, బి.ఎన్‌. కండ్రిగ, చిత్తూరు 13. సుదాలగుంట షుగర్స్‌ లిమిటెడ్, యూనిట్‌–2, పొదలకూరు, ఎస్‌పీఎస్‌ఆర్‌ నెల్లూరు జిల్లా 14. శ్రీ సర్వారాయ షుగర్స్‌ లిమిటెడ్, చెల్లూరు, తూర్పు గోదావరి జిల్లా 15. నవభారత్‌ వెంచర్స్‌ లిమిటెడ్, సామర్లకోట, తూర్పు గోదావరి జిల్లా 16. ది ఆంధ్రా షుగర్స్‌ లిమిటెడ్, యూనిట్‌–3, భీమడోలు, పశ్చిమ గోదావరిజిల్లా 17. నాటెమ్స్‌ షుగర్‌ ప్రైవేట్‌ లిమిటెడ్, నింద్రా, చిత్తూరు 18. ఎన్‌సీఎస్‌ షుగర్స్‌ లిమిటెడ్, విజయనగరం జిల్లా19. ది ఆంధ్రా షుగర్స్‌ లిమిటెడ్, యూనిట్‌–2, తాడువాయి, పశ్చిమ గోదావరి జిల్లాచోడవరం క్రషింగ్‌ కొనసాగించాలి3 ఎకరాల్లో దశాబ్దాలుగా చెరకు సాగుచేసే వాడిని. చోడవరం క్రషింగ్‌ నిలిపి వేయడంతో రెండేళ్లుగా చెరకు సాగును వదిలేశాను. క్రషింగ్‌ నిలిపి వేయడం వల్ల 1,500 మంది ఉద్యోగులు రోడ్డున పడ్డారు. 24 వేల మంది రైతులతో పాటు దాదాపు లక్ష మందికి పైగా వ్యవసాయ కూలీలకు ఉపాధి లేకుండా పోయింది. ఇప్పటికైనా ఫ్యాక్టరీని పునరుద్ధరించి క్రషింగ్‌ను కొనసాగించాలి.– సత్యారావు, ఖండిపల్లి, చోడవరం మండలం, అనకాపల్లి జిల్లాజీవో 250ని వెంటనే రద్దు చేయాలిరాష్ట్రంలోని 8 సహకార చక్కెర పరిశ్రమలను మూసేస్తూ సహకార చక్కెర పరిశ్రమల ఆస్తులను అమ్మేందుకు తెచ్చిన జీవో 250ని ప్రభుత్వం వెంటనే ఉపసంహరించుకోవాలి. చెరకు రైతులకు గిట్టుబాటు ధరకు తోడ్పడే రాష్ట్ర సలహా బోర్డును 2002లోనే చంద్రబాబు మూసేశారు. చెరకు పరిశోధన కేంద్రాలకు ఆయనే మంగళం పాడారు. సహకార ఫ్యాక్టరీలు, వాటికి చెందిన భూములు, ఆస్తులన్నీ చెరకు రైతులకు చెందినవే. ఫ్యాక్టరీల జనరల్‌ బాడీ ఆమోదం, సమ్మతి లేకుండా నష్టాల సాకుతో అమ్మడం కుదరదు. ఇది సహకార చట్టాల స్ఫూర్తికి విరుద్ధం. న్యాయ పోరాటం, ఉద్యమాలతో చెరకు కార్మాగారాలను కాపాడుకుంటాం.– వి.క్రిష్ణయ్య, రాష్ట్ర అధ్యక్షుడు, ఆంధ్రప్రదేశ్‌ రైతు సంఘం

సాక్షి, అమరావతి: రాష్ట్ర ప్రభుత్వంలో పవర్‌ కోటరీ దెబ్బకు విద్యుత్‌ కంపెనీలు పారిపోతున్నాయి. రెండు నెలల కాలంలోనే విద్యుత్‌ రంగం నుంచి నాలుగు ప్రధాన కంపెనీలు రూ.25,221 కోట్ల విలువైన భారీ పెట్టుబడులను ఉపసంహరించుకుని వెళ్లిపోయాయంటే పరిస్థితి తీవ్రతకు అద్దం పడుతోంది. ఇప్పటికే నెల్లూరు జిల్లా నుంచి టాటా పవర్‌ ఒడిశాకు, తిరుపతి జిల్లా నుంచి వెబ్‌సోల్‌ సంస్థ పశ్చిమ బెంగాల్‌కు వెళ్లిపోయిన విషయం తెలిసిందే. తాజాగా నంద్యాల జిల్లా అవుకు పంప్డ్‌ స్టోరేజ్‌ ప్రాజెక్టుకు ఆర్‌వీఆర్‌ ప్రాజెక్టు దండం పెట్టి మరీ తప్పుకుంది. ఇదే సమయంలో మెఘా ఇంజినీరింగ్‌ అండ్‌ ఇన్‌ఫ్రాస్ట్రక్చర్స్‌ కంపెనీ అన్నమయ్య జిల్లా కొమ్మూరు వద్ద ప్రతిపాదిత 2,000 మెగావాట్ల పంప్డ్‌ స్టోరేజ్‌ పవర్‌ ప్రాజెక్టు నుంచి తప్పుకుంది. చంద్రబాబు సర్కారు అధికారంలోకి వచ్చిన కొత్తల్లో 2024 నవంబర్‌ 18న కొమ్మూరు వద్ద సుమారు రూ.10,300 కోట్లతో పంప్డ్‌ స్టోరేజ్‌ ప్లాంట్‌ను ఏర్పాటు చేయడానికి ప్రభుత్వానికి ప్రతిపాదనలు పంపింది. 2025 జనవరి 30న మూడవ ఎస్‌ఐపీబీ ఈ ప్రతిపాదనకు ఆమోదం తెలపడమే కాకుండా అనేక ప్రోత్సాహకాలను ప్రకటిస్తూ 2025 ఫిబ్రవరి 7న జీవో ఎంఎస్‌ నెంబర్‌ 16 జారీ చేసింది. ఈజ్‌ ఆఫ్‌ డూయింగ్‌ కాదు.. స్పీడ్‌ ఆఫ్‌ డూయింగ్‌ అంటూ ప్రచారం చేసుకుంటున్న ఈ ప్రభుత్వం, జీవో విడుదలైన 20 నెలల తర్వాత కూడా పనులు ప్రారంభించలేకపోయింది. ఇదే మెఘా ఇంజనీరింగ్‌ కంపెనీయే ఇప్పుడు రూ.10,300 కోట్ల విలువైన కీలక పంప్డ్‌ స్టోరేజ్‌ ప్రాజెక్టు నుంచి వైదొలగడంపై అధికార వర్గాల్లో పెద్ద ఎత్తున చర్చకు దారి తీసింది. అన్ని రకాల అధ్యయనాలన్నీ పూర్తి చేసుకున్న తర్వాతే ఈ ప్రాజెక్టుకు దాఖలు చేసుకున్న మెఘా ఇంజనీరింగ్‌.. ఇప్పుడు పర్యావరణ అనుమతులు లభించడం కష్టం అంటూ ప్రాజెక్టు నుంచి వైదొలగడం వెనుక పవర్‌ సెంటర్‌ కప్పం సెగ గట్టిగా తగిలిందని సమాచారం. ఇలా ఒకదాని వెనుక మరో కంపెనీ విద్యుత్‌ రంగం నుంచి వైదొలుగుతుండటం రాష్ట్రంలో తీవ్ర చర్చనీయాంశంగా మారింది. ఏ రాష్ట్రం ఇవ్వని రీతిలో టాటా పవర్‌కు కారు చౌకగా భూమిని ఇవ్వడంతో పాటు, భారీగా రాయితీలు ఇచ్చినా కూడా వెళ్లిపోయిందని, ఇదే బాటలో వెబ్‌సోల్‌ కూడా వెళ్లి పోవడం వెనుక సర్కారు కోటరీలోని ప్రధాన పవర్‌ సెంటర్‌ కప్పం దెబ్బే కారణమని అధికారులు పేర్కొంటున్నారు. రాష్ట్రం నుంచి రూ.31,256 కోట్ల పెట్టుబడులు ఔట్‌ ఎస్‌ఐపీబీ, రాష్ట్ర మంత్రి మండలి ఆమోదం తర్వాత.. జీవోలు వచ్చాక కంపెనీలు రాష్ట్రం నుంచి వెళ్లిపోతున్నాయి. కేవలం విద్యుత్‌ రంగం నుంచే రెండు నెలల్లో నాలుగు కంపెనీల ద్వారా రూ.రూ.25,221 కోట్ల విలువైన పెట్టుబడులు వెళ్లిపోయాయి. ఇవి కాకుండా ఇతర రంగాల నుంచి వెళ్ళిపోయిన కంపెనీలు అజాద్‌ మొబిలిటీ, జిన్‌ఫ్రా, ఐస్పేస్‌ వంటి వాటిని తీసుకుంటే ఈ విలువ ఇప్పుడు రూ.31,256 కోట్లు దాటింది. వచ్చే నవంబర్‌లో సీఐఐఐ పెట్టుబడుల సమావేశం ముందు ఇలా వరుసపెట్టి కంపెనీలు వెళ్లిపోతుండటం పారిశ్రామిక వర్గాల్లో కలకలం రేపుతోంది.

సాక్షి, అమరావతి/నెహ్రూనగర్‌ (గుంటూరు ఈస్ట్‌): రెండేళ్లకు పైగా ప్రభుత్వానికి వివిధ రూపాల్లో తమ వినతులు తెలియజేసినా ఫలితం లేకపోవడంతో తమ పెండింగ్‌ సమస్యల పరిష్కారానికి గ్రామ, వార్డు సచివాలయ ఉద్యోగులు ఆదివారం (27న) విజయవాడలో భారీ ఎత్తున ‘ఛలో విజయవాడ’ ఆందోళనకు సిద్ధమయ్యారు. ఇక్కడకు చేరుకునేందుకు శనివారమే అన్ని జిల్లాల నుంచి వేలాది మంది ఉద్యోగులు తమ పనిచేసే చోటు నుంచి విజయవాడకు బయల్దేరినట్లు ఉద్యోగ సంఘ నేతలు తెలిపారు. అయితే, ఈ కార్యక్రమాన్ని అడ్డుకునేందుకు చంద్రబాబు ప్రభుత్వం ఉద్యోగులపై అన్ని రకాల నిర్బంధాలను ప్రయోగిస్తోందని ఉద్యోగ సంఘ నేతలు మండిపడుతున్నారు. వాస్తవానికి.. ఆదివారం ప్రభుత్వ ఉద్యోగులెవరికైనా సెలవే. కానీ, మూడ్రోజుల క్రితం కురిసిన వర్షాలను సాకుగా చూపి గ్రామ, వార్డు సచివాలయ ఉద్యోగులందరూ వారు పనిచేసే కేంద్రంలోనే తదుపరి ఆదేశాలు జారీచేసే వరకు అందుబాటులో ఉండాలంటూ శుక్రవారం ప్రభుత్వం ఆదేశించింది. ఉన్నతాధికారుల ముందస్తు అనుమతిలేకుండా ఎవరూ తాము పనిచేసే కేంద్రాన్ని వదిలి వెళ్లకూడదని ఆదేశాలు జారీచేయడంతో పాటు హెడ్‌క్వార్టర్‌లో అందుబాటులో లేని ఉద్యోగులపై చర్యలు తీసుకోవాలంటూ కలెక్టర్లకు సూచించింది. అయితే, ప్రభుత్వం ఎన్ని ఆంక్షలు పెట్టినా ఛలో విజయవాడ కార్యక్రమాన్ని విజయవంతం చేసి తీరుతామని ఉద్యోగ సంఘ నేతలు తేల్చి చెబుతున్నారు. తాజాగా గుంటూరులో వార్డు ఎమినిటీస్‌ సెక్రటరీ సస్పెన్షన్‌ మరోవైపు.. ఛలో విజయవాడ కార్యక్రమంలో ఉద్యోగులెవరూ పాల్గొనకుండా చేయాలన్న లక్ష్యంతో రెండ్రోజులుగా చంద్రబాబు సర్కారు గ్రామ, వార్డు సచివాలయ ఉద్యోగ సంఘ నేతలను సస్పెండ్‌ చేస్తోంది. ఈ కార్యక్రమంలో కీలకంగా వ్యవహరిస్తున్నారన్న ఆరోపణలు చేస్తూ శనివారం ఆంధ్రప్రదేశ్‌ గ్రామ, వార్డు సచివాలయ ప్రభుత్వోద్యోగుల సంఘం రాష్ట్ర అధ్యక్షుడు, గుంటూరులో వార్డు ఎమినిటీస్‌ సెక్రటరీ ఎస్‌కే అబ్దుల్‌ రజాక్‌ను నగర మున్సిపల్‌ కమిషనర్‌ కె.మయూర్‌ అశోక్‌ శనివారం సస్పెండ్‌ చేశారు. ‘చలో విజయవాడ’ పేరిట సోషల్‌ మీడియా గ్రూపుల్లో తోటి సిబ్బందిని రెచ్చగొట్టడంతో ఈ చర్యలు తీసుకున్నట్లు ఉత్తర్వుల్లో పేర్కొన్నారు. ఇవే ఆరోపణలతో విలేజీ సర్వేయర్స్‌ అసోసియోషన్‌ రాష్ట్ర అధ్యక్షుడు, శ్రీకాకుళం జిల్లా రణస్థలం మండలం జేఆర్‌ పురం సచివాలయ సర్వేయర్‌ బురాడ మధుబాబును శుక్రవారం ప్రభుత్వం సస్పెండ్‌ చేసిన విషయం తెలిసిందే. మరోవైపు.. గ్రామ, వార్డు సచివాలయ ఉద్యోగులు ఛలో విజయవాడ కార్యక్రమంలో పాల్గొనకుండా చేసేందుకు జిల్లాల్లో క్రియాశీలకంగా ఉండే ఉద్యోగులకు పోలీసులు ఫోనుచేసి హెచ్చరిస్తున్నారని ఉద్యోగ సంఘ నేతలు ఆరోపించారు. పైగా.. తమ కదలికలపై స్పెషల్‌ బ్రాంచ్‌ పోలీసులు నిఘా పెట్టినట్లు వారు చెబుతున్నారు. రెండు విడతల చర్చల్లో తేలకే.. ఇదిలా ఉంటే.. రెండేళ్లుగా వివిధ సందర్భాల్లో ప్రభుత్వానికి వినతిపత్రాలు అందజేస్తూ వస్తున్న ఉద్యోగులు తమ సమస్యలను ఈనెల 23కల్లా పరిష్కరించని పక్షంలో 24 నుంచి ప్రత్యక్ష కార్యాచరణను మొదలుపెట్టనున్నట్లు సచివాలయ ఉద్యోగ సంఘాల ఐక్యవేదిక పది రోజుల క్రితమే గ్రామ, వార్డు సచివాలయ శాఖ డైరక్టర్‌ కార్యాలయంలో నోటీసులు అందజేసింది. కానీ, 23న ఈ శాఖ మంత్రి డోలా బాలవీరాంజనేయలుతో జరిగిన సమావేశంలో పెండింగ్‌ అంశాలపై ఎలాంటి హామీ ఇవ్వలేదని ఉద్యోగ సంఘ నేతలు చెబుతున్నారు. అలాగే, శుక్రవారం గ్రామ, వార్డు సచివాలయ శాఖ డైరక్టర్‌ శివప్రసాద్‌తో జరిగిన భేటీలోనూ ప్రభుత్వం మొండివైఖరినే అవలంభించినట్లు ఉద్యోగ సంఘ నేతలు తెలిపారు. ఉద్యోగుల డిమాండ్లు.. – నోషనల్‌ ఇంక్రిమెంట్లను ప్రభుత్వం వెంటనే మంజూరుచేసి సచివాలయ ఉద్యోగులను జూనియర్‌ అసిస్టెంట్‌ కేడర్‌గా గుర్తించాలి. – గ్రామ, వార్డు సచివాలయ ఉద్యోగుల డిప్యూటేషన్లన్నీ రద్దుచేయాలి. – ఒకే సమయంలో వివిధ శాఖల అధికారులు సచివాలయ ఉద్యోగులకు వేర్వేరు పనులు అప్పగిస్తున్నారు. ఈ మలీ్టబాసిజంవల్ల ఉద్యోగులు తీవ్ర పనిఒత్తిడికి గురవుతున్నారు. ఈ పరిస్థితి లేకుండా సింగిల్‌ లైన్‌ డిపార్ట్‌మెంట్‌ పరిధిలోనే ఉద్యోగులు పనిచేసేలా ఆదేశాలివ్వాలి. – పని ఒత్తిడివల్ల ఉద్యోగుల మరణాలకు కారణమైన అధికారులపై ఒక కమిటీ వేసి మూడునెలల్లోపు విచారణ చేయాలి. అధికారి నిర్లక్ష్యం లేదా పనిఒత్తిడి కారణమని తేలితే, సంబంధిత అధికారిపై మూడునెలల్లోపే చర్యలు తీసుకోవాలి. ఆయా విచారణ కమిటీల్లో సచివాలయ ఉద్యోగ ప్రతినిధిని కూడా నియమించాలి. – గ్రామ, వార్డు సచివాలయంలో ప్రతీఒక్క పోస్టుకు ప్రమోషన్‌ ఛానల్‌ ఇచ్చే క్రమంలో కనీస బేసిక్‌ పే రూ.30,000కు తగ్గకుండా చూడాలి. – జాయింట్‌ స్టాఫ్‌ కౌన్సిల్‌లో సచివాలయ ఉద్యోగ సంఘాలకు కూడా ప్రాతినిధ్యం ఇవ్వాలి.. జీఓ–11 రద్దు చేయాలి. సత్యనారాయణపురం (విజయవాడ సెంట్రల్‌): రాష్ట్రంలోని గ్రామ, వార్డు సచివాలయ ఉద్యోగులు ఆదివారం (నేడు) విజయవాడలో చేపట్టనున్న ధర్నా, నిరసన ర్యాలీలకు ఎలాంటి అనుమతుల్లేవని, వీటిని అతిక్రమించిన వారిపై చట్టప్రకారం చర్యలు తీసుకుంటామని డీసీపీ గుణ్ణం రామకృష్ణ తెలిపారు. విజయవాడ సత్యనారాయణపురం పోలీస్‌స్టేషన్‌లో శనివారం ఆయన మీడియాతో మాట్లాడారు. గ్రామ, వార్డు సచివాలయ ఉద్యోగుల సమస్యలపై నిరసన తెలిపేందుకు ఈనెల 27న ఎన్టీఆర్‌ జిల్లా పోలీస్‌ కమిషనరేట్‌ పరిధిలో ధర్నాకు అనుమతులు కోరారని తెలిపారు. అయితే, నగరంలో బీఎన్‌ఎస్‌ఎస్‌ సెక్షన్‌–163, పోలీస్‌ యాక్ట్‌ సెక్షన్‌–30 ప్రకారం నిషేధాజ్ఞలు అమలులో ఉన్నందున శాంతిభద్రతలను దృష్టిలో ఉంచుకుని ఆ కార్యక్రమానికి అనుమతులు నిరాకరించామని ఆయన వెల్లడించారు. వర్షాల కారణంగా నగరంలో వరద ముంపు సవాళ్లు, వినాయక నిమజ్జన కార్యక్రమాలు, ఊరేగింపులు, ట్రాఫిక్‌ అంతరాయాలు, శాంతిభద్రతల పరిరక్షణ, ట్రాఫిక్‌ నియంత్రణ పనుల్లో పోలీస్‌ యంత్రాంగం, ఇతర సిబ్బంది తీవ్రంగా నిమగ్నమై ఉన్నారన్నారు. ఈ నేపథ్యంలో ధర్నాకు అనుమతులు నిరాకరించామని డీసీపీ చెప్పారు.

సాక్షి, గుంటూరు: ‘‘అధికారులు వస్తారు.. పోతారు.. గ్రామ కంఠం విషయంలో తొలిరోజు నుంచి మాకు నష్టమే. బంగారం బిస్కెట్లు, డబ్బులు ఇచ్చినవారికి కిలో మీటర్‌ దూరం కూడా గ్రామకంఠం కిందే ఇచ్చారు. గతాన్ని తవ్వితే చాలా ఇబ్బందులు వస్తాయని పెమ్మసాని చెప్పారు. గతంలో జరిగింది అధికారుల పొరపాటు కాదు.. రాజకీయ ప్రేరేపితంతోనే ఇచ్చారు’’ అంటూ అమరావతి రైతులు మండిపడ్డారు.‘‘అసైన్డ్ భూములు, ఎండోమెంట్ భూములు, లంక భూములు , గ్రామకంఠం భూముల మీద సిట్ విచారణ జరిపించాలి. వీటన్నింటికీ మూల కారకుడు మంత్రి నారాయణ. నారాయణకు రైతు బాధలు తెలియవు. నారాయణ కార్పొరేట్ వ్యవస్థ నుంచి వచ్చాడు. రైతులను మభ్య పెట్టి లబ్ధి పొందడం తప్ప నారాయణ మరొకటి తెలియదు...మంత్రి నారాయణపై సిట్ విచారణ జరపాలి. సిట్ విచారణలో అధికారులను రెండో పార్ట్‌గా చేర్చాలి. సిట్ వేయడం వల్లే సాయికృష్ణ కేసులో నిజం బయటికివచ్చింది. గ్రామం కంఠాల విషయంలో చంద్రబాబు ఎందుకు జోక్యం చేసుకోడు. గ్రామ కంఠాల విషయంలో తక్షణమే నిర్ణయం తీసుకోవాలి’’ అని అమరావతి రైతులు డిమాండ్‌ చేశారు.ఇదీ చదవండి: గణేష్‌ వేడుకల్లో కేసీఆర్‌ పాటలు.. కేటీఆర్‌ ఏమన్నారంటే?

సాక్షి, అమరావతి: తీవ్ర వాయుగుండం ప్రభావంతో రాష్ట్రంలో ఆందోళనకర పరిస్థితులు నెలకొన్న సమయంలో ముఖ్యమంత్రి చంద్రబాబు కుటుంబ సమేతంగా విదేశీ పర్యటనకు వెళ్లారన్న వార్తలపై సోషల్‌ మీడియాలో తీవ్ర చర్చ జరుగుతోంది. ఆయన ఏ దేశానికి వెళ్లారు? ఎక్కడ బస చేస్తారు? అనే కనీస సమాచారాన్ని కూడా ప్రభుత్వం బయటపెట్టకపోవడం చర్చనీయాంశంగా మారింది. ఒక రాష్ట్ర ముఖ్యమంత్రి మూడు రోజులపాటు ఎక్కడ ఉంటారో ప్రజలకు తెలియని పరిస్థితి నెలకొనడంపై సర్వత్రా విమర్శలు వ్యక్తమవుతున్నాయి. తుపాన్, భారీ వర్షాలతో ఉత్తరాంధ్ర సహా పలు జిల్లాల్లో ప్రజలు తీవ్ర ఇబ్బందులు పడుతున్నారు. సహాయక చర్యలు, నష్టం అంచనా, బాధితులకు పరిహారం వంటి పనులు ఇంకా కొనసాగాల్సిన సమయంలో ముఖ్యమంత్రి రాష్ట్రాన్ని వీడి వెళ్లడమేమిటని నెటిజన్లు ప్రశ్నిస్తున్నారు. గతంలోనూ రహస్యమే.. చంద్రబాబు విదేశీ పర్యటనలపై గోప్యత ఇదే మొదటిసారి కాదు. ఈ ఏడాది జనవరిలో నూతన సంవత్సర వేళ ఆయన విదేశాలకు వెళ్లినప్పుడు కూడా పర్యటన వ్యక్తిగతమా? అధికారికమా? అన్నది ప్రభుత్వం స్పష్టం చేయలేదు. ఆయన పర్యటన లండన్, సింగపూర్, బాలి అంటూ రకరకాల ప్రచారాలు జరిగాయి. సాధారణ పరిపాలన శాఖకే సమాచారం లేదన్న విమర్శలు కూడా వచ్చాయి. తన జీవితం తెరిచిన పుస్తకం అని చెప్పుకునే ముఖ్యమంత్రి తన పర్యటనల విషయంలో ఎందుకింత రహస్యం పాటిస్తున్నారన్న ప్రశ్నలకు ఇప్పటికీ సమాధానం లేదు. ఉద్యోగికి ఒక న్యాయం.. సీఎంకు మరో న్యాయం తుపాన్‌ అత్యవసర పరిస్థితుల్లో విధులకు ఆటంకం కలిగించారంటూ శ్రీకాకుళం జిల్లాలో గ్రామ సర్వేయర్ల సంఘం రాష్ట్ర అధ్యక్షుడు మధుబాబును ప్రభుత్వం సస్పెండ్‌ చేసింది. ‘ఆదివారం సెలవు రోజున తలపెట్టిన శాంతియుత నిరసనకు పిలుపు ఇవ్వడమే తప్పుగా భావించి’ మధుబాబుపై ప్రభుత్వం కక్షసాధింపు చర్యలకు పాల్పడింది. ‘తుపాన్‌ ఎమర్జెన్సీ’ పేరుతో వేటువేసింది. ఇంతటి తుపాన్‌ తీవ్రత ఉన్నప్పుడు.. సీఎం కుటుంబంతో విదేశాలకు వెళ్లడం ఏమిటని ఉద్యోగ వర్గాలు ప్రశ్నిస్తున్నాయి. నిబంధనలు ఉద్యోగులకేనా, పాలకులకు వర్తించవా అని నిలదీస్తున్నాయి. కుటుంబంతో విదేశాలకు సీఎం చంద్రబాబు ముఖ్యమంత్రి చంద్రబాబు కుటుంబంతోసహా విదేశాలకు వెళ్లినట్లు తెలిసింది. శుక్రవారం నుంచి మూడు రోజుల పాటు ఈ పర్యటన ఉంటుందని, ఇది పూర్తిగా వ్యక్తిగతమని అధికార వర్గాలు చెబుతున్నాయి. ముఖ్యమంత్రి ఏ దేశానికి వెళ్లారు? ఎక్కడ బస చేస్తారు? అనే అంశాలపై కనీస సమాచారం కూడా ప్రభుత్వం బయటపెట్టకపోవడం గమనార్హం.

సాక్షి, అమరావతి : స్మార్ట్‌ఫోన్‌ తెరపై ఒక్క క్లిక్‌.. క్షణాల్లో 80ల నాటి రెట్రో రూపం, సరదాగా మాట్లాడే యానిమేషన్‌ అవతార్, సోషల్‌ మీడియా రీల్స్‌లో లైకుల వర్షం కురిపించే చిన్న వీడియో క్లిప్‌.. నేటి ఆధునిక సమాజం ఈ కృత్రిమ మేధ (ఏఐ) సృష్టిస్తున్న దృశ్య మాయాజాలంలో మైమరచి పోతోంది. అయితే.. వర్చువల్‌ క్లౌడ్‌లో జరిగే ఈ తేలికపాటి వినో­దం వెనుక నేలమీద ఉన్న స్వచ్ఛమైన జలవనరులు నిశ్శబ్దంగా ఆవిరై పోతున్నాయి. ప్రపంచవ్యాప్తంగా దాహం కేకలు మిన్నంటుతున్న తరుణంలో.. మన చేతివేలి కొన చేసే అనవసర క్లిక్కు సమాజాన్ని నీటి కరువు కష్టాల తీరానికి చేరుస్తోందని నిపుణులు హెచ్చరిస్తున్నారు. కనిపించని డిజిటల్‌ దాహం..కృత్రిమమేధ అనేది కేవలం గాల్లో తేలే అల్గారిథమ్‌ కాదు. దాని మనుగడకు అంతర్జాతీయంగా విస్తరించిన భారీ డేటా సెంటర్లు, లక్షలాది హై–ఎండ్‌ గ్రాఫిక్స్‌ ప్రాసెసింగ్‌ యూనిట్లు (జీపీయూ) నిరంతరం పనిచేయాలి. ఈ సర్వర్లు పనిచేసేటప్పుడు ఉత్పన్నమయ్యే విపరీతమైన వేడిని నియంత్రించడానికి శీతలీకరణ టవర్ల (కూలింగ్‌ టవర్స్‌) ద్వారా నీటిని నిరంతరం ప్రవహింపజేస్తారు. ఉష్ణోగ్రతను తగ్గించే క్రమంలో స్వచ్ఛమైన మంచినీరు నేరుగా వాతావరణంలోకి ఆవిరైపోతుంది. డేటా సెంటర్లను 24 గంటలూ నడిపేందుకు అవసరమయ్యే భారీ విద్యుత్‌ ఉత్పత్తిలో (బొగ్గు ఆధారిత ప్లాంట్లు) అపారమైన నీరు పరోక్షంగా ఖర్చవుతుంది. ప్రత్యక్షంగా డేటా సెంటర్లలోని సర్వర్ల వేడిని తగ్గించడానికి, ఏఐ కోసం అవసరమైన భారీ విద్యుత్‌ను ఉత్పత్తి చేసే పవర్‌ ప్లాంట్లలోను, ఏఐ చిప్‌లు, సెమీ కండక్టర్లను తయారుచేసే ప్లాంట్లలోను అత్యంత స్వచ్ఛమైన అల్ట్రా–ప్యూర్‌ వాటర్‌ వినియోగిస్తున్నారు.ఒక క్లిక్‌.. ఎంత నీటిని హరిస్తోందంటే..అంతర్జాతీయ పరిశోధన సంస్థలైన యూనివర్సిటీ ఆఫ్‌ కాలిఫోర్నియా, యునైటెడ్‌ నేషన్స్‌ యూనివర్సిటీ (జపాన్‌) ఏఐ ఆధారిత ఒక్కో డిజిటల్‌ ప్రక్రియకు ఖర్చయ్యే నీటి లెక్కలను వెల్లడించాయి. మనం నిత్యం జెమినీ, చాట్‌ జీపీటీలను అడిగే సాధారణ టెక్ట్స్‌ ప్రశ్నకు దాదాపు 25 మిల్లీలీటర్లు, సగటున 20 ప్రశ్నలకు దాదాపు 500 మిల్లీలీటర్ల (అరలీటరు) నీరు ఖర్చవుతోంది. ఇప్పుడు ట్రెండీగా మారిన 80ల నాటి రెట్రో ఏఐ ఫొటో తయారీకి 30 మిల్లీలీటర్లు అంటే రెండుగుక్కల నీరు ఆవిరవుతోంది. మనకు నచ్చినట్టు పరిపూర్ణమైన ఫొటోకోసం ఒకవ్యక్తి సగటున 10 నుంచి 15 సార్లు రీ–ట్రై చేసినప్పుడు సుమారు లీటరు వరకు ఖర్చవుతుంది. 5 నుంచి 10 సెకన్ల నిడివిగల ఒక్క ఏఐ వీడియో కోసం దాదాపు 4.1 లీటర్ల నీరు ఆవిరవుతోంది. వీడియోల్లో ప్రతి ఫ్రేమ్‌ను క్లిష్టమైన డిఫ్యూజన్‌ మోడళ్ల ద్వారా రెండర్‌ చేయాల్సిరావడమే ఇందుకు కారణంగా నిపుణులు చెబుతున్నారు.మనదేశంలో సంక్షోభ తీవ్రత..మనదేశం ప్రపంచంలోనే అత్యధిక జనాభా కలిగిన దేశం మాత్రమే కాదు.. అత్యంత తీవ్రమైన జలసంక్షోభాన్ని ఎదుర్కొంటున్న దేశాల్లో ఒకటిగా మారబోతున్నట్టు యూఎన్‌వో ఆందోళన వ్యక్తంచేస్తోంది. నీతి ఆయోగ్‌ కాంపోజిట్‌ వాటర్‌ మేనేజ్‌మెంట్‌ ఇండెక్స్‌ ప్రకారం.. దేశంలో దాదాపు 60 కోట్లమంది ప్రజలు తీవ్రమైన నీటికొరతను ఎదుర్కొంటున్నారు. ప్రపంచంలో వెలికితీసే మొత్తం భూగర్భ జలాల్లో 25 శాతం మన దేశంలోనే జరుగుతోంది. మరోపక్క భారత్‌ డేటా సెంటర్ల హబ్‌గా మారుతోంది. ముంబై, చెన్నై, హైదరాబాద్, నోయిడా, విశాఖపట్నం వంటి నగరాలు డేటా సెంటర్ల కేంద్రాలుగా శరవేగంగా మారుతున్నాయి. ఇప్పటికే తాగునీటి కోసం వేసవిలో ట్యాంకర్లపై ఆధారపడే ఈ మెట్రో నగరాల్లో భారీ సర్వర్ల నిర్వహణ స్థానిక ప్రజల తాగునీటిపై తీవ్రమైన ఒత్తిడి తెస్తోందని నిపుణులు పేర్కొంటున్నారు. ఈ మితివీురిన పోకడ నియంత్రణ లేకుండా కొనసాగితే రాబోయే కాలంలో మానవాళికి కష్టాలు తప్పవని హెచ్చరిస్తున్నారు.ముందున్నది గడ్డు కాలం..» 2022 చివర్లో జనరేటివ్‌ ఏఐ విస్తరణ ప్రారంభమైనప్పటి నుంచి ఇప్పటివరకు ఏఐ డేటా సెంటర్లు ప్రత్యక్షంగా, పరోక్షంగా లక్ష కోట్ల (ట్రిలియన్‌) లీటర్ల నీటిని వినియోగించాయి. » యూఎన్‌ యూనివర్సిటీ నివేదిక ప్రకారం ప్రపంచవ్యాప్తంగా డేటా సెంటర్లు ఏడాదికి దాదాపు 4.5 ట్రిలియన్‌ లీటర్ల నీటిని వినియోగిస్తున్నాయి. ఇందులో ఏఐ వాటా దాదాపు 20 శాతం (750 బిలియన్‌ లీటర్ల నుంచి 900 బిలియన్‌ లీటర్లు). » నాలుగేళ్లుగా ఏఐ ట్రైనింగ్, ప్రాసెసింగ్, చిప్‌ తయారీకి 3 ట్రిలియన్‌ లీటర్లకు పైగా నీటిని వినియోగించారు. » వాటర్‌ రీసెర్చ్‌ అధ్యయనం ప్రకారం.. ఏఐ వినియోగం ఇలాగే పెరిగితే 2027 నాటికి ఏటా 6.6 ట్రిలియన్‌ లీటర్లకు చేరుకోవచ్చని అంచనా. ఇది డెన్మార్క్‌ లేదా యూకే వంటి దేశాల వార్షిక గృహావసర నీటి వినియోగంతో సమానం.అంతర్జాతీయంగా జల సంక్షోభం..ఈ వినోద వినియోగం ప్రపంచంలో నెలకొన్న వాస్తవ పరిస్థితులతో పోల్చినప్పుడు తీవ్రమైన పర్యావరణ అసమానతలను బయటపెడుతోందని నిపుణులు ఆందోళన వ్యక్తంచేస్తున్నారు. ఐక్యరాజ్యసమితి నివేదికల ప్రకారం ప్రస్తుతం ప్రపంచవ్యాప్తంగా 220 కోట్ల మందికి పైగా ప్రజలకు సురక్షితమైన తాగునీరు అందుబాటులో లేదు. మరో 350 కోట్ల మంది కనీసం సంవత్సరంలో ఒక నెలపాటు తీవ్రమైన నీటి ఎద్దడిని అనుభవిస్తున్నారు. చవకైన భూమి, పన్ను మినహాయింపులు, అనుకూల వాతావరణం పేరుతో బహుళజాతి టెక్‌ సంస్థలు తీవ్ర నీటికొరత ఉన్న ప్రాంతాల్లోనే డేటా సెంటర్లను నిర్మిస్తున్నాయి. అమెరికాలోని అయోవా, అరిజోనా వంటి ప్రాంతాల్లో స్థానిక మున్సిపాలిటీల తాగునీటి సరఫరాలో 20 శాతం వరకు ఈ సర్వర్లే లాగేసుకుంటున్నాయి. నీటివనరులు కలుషితమై లేదా అడుగంటిపోవడంవల్ల ఆఫ్రికా, పశ్చిమాసియా దేశాల నుంచి లక్షలాదిమంది ప్రజలు వలసబాట పడుతుండగా, మరోవైపు విలాసవంతమైన డిజిటల్‌ వినోదం కోసం రోజూ కోట్లాది లీటర్ల నీటిని ఆవిరి చేసేస్తున్నారు.భారత్‌లో 60% ఏఐ రీల్స్‌ కోసమే..భారతదేశంలో నిత్యం 7 నుంచి 10 కోట్లమంది క్రియాశీల ఏఐ వినియోగదారులు ఉన్నారు. సేల్స్‌ఫోర్స్, ప్యూ రీసెర్చ్, కాంటర్‌ సంస్థ గ్లోబల్‌ సర్వే, అధ్యయనం ప్రకారం భారతదేశంలో చాట్‌జీపీటీ, మిడ్‌జర్నీ, లెన్సా, పర్‌చాన్స్‌ వంటివి ఉపయోగించే మొత్తం క్రియాశీల భారతీ­యుల్లో దాదాపు 3.5 కోట్లమంది (38 శాతం) కేవలం కాలక్షేపం, సరదా, వినోదం కోసమే వాడుతున్నారు. వైరల్‌ ట్రెండ్స్‌ నడిచే సమయాల్లో (ఉదా.. మెట్రో ఫి­ల్టర్లు, యానిమేట్‌ అవతార్లు వచ్చినప్పుడు) ఈ సంఖ్య 5 కోట్లు దాటుతోంది. సోషల్‌ మీడియాలో వైరల్‌ ట్రెండ్‌లు నడిచే రోజుల్లో ఈ అనవసర విని­యోగదారుల సంఖ్య అంతకుమించుతోంది. జెన్‌–­జీ (వయసు 16–24) యువతలో 60% మంది రీల్స్, ఫేస్‌–స్వాప్, మీమ్స్‌ కోసమే గంటల తరబడి సర్వర్లను రీ–జనరేట్‌ చేస్తూ నీటిని కరి­గి­స్తున్నారు.

సాక్షి, అమరావతి: రాష్ట్రంలోని సహకార చక్కెర కర్మాగారాలను కొనసాగించడం ఇక ఎంతమాత్రం సాధ్యం కాదని రాష్ట్ర ప్రభుత్వం ప్రకటించింది. వివిధ ఆర్థికసంస్థలకు చెల్లించాల్సిన రుణ బకాయిలతో పాటు రైతులు, ఉద్యోగుల బకాయిలను.. ఆస్తులను తెగనమ్మడం ద్వారా చెల్లించాలని నిర్ణయించింది. క్రషింగ్‌ లేక ఇటీవలే మూతపడిన మూడు చక్కెర కర్మాగారాలను నేరుగా విక్రయించేందుకు (లిక్విడేషన్‌కు) అనుమతి ఇచ్చిన ప్రభుత్వం మరో ఐదు ఫ్యాక్టరీల విషయంలో హైకోర్టు ఆదేశాల తర్వాత నిర్ణయం తీసుకోనుంది. ఈ మేరకు పరిశ్రమలు, వాణిజ్యశాఖ జీవో ఎంఎస్‌ నంబర్‌ 250 జారీచేసింది.శ్రీవిజయరామ గజపతి కో–ఆపరేటివ్‌ షుగర్స్‌ (భీమసింగ్‌), ఏటికొప్పాక కో–ఆపరేటివ్‌ అగ్రికల్చరల్‌ అండ్‌ ఇండ్రస్టియల్‌ సొసైటీ (దార్లపూడి), తాండవ కో–ఆపరేటివ్‌ షుగర్స్‌ (పాయకరావుపేట) కర్మాగారాల లిక్విడేషన్‌కు ప్రభుత్వం నేరుగా అనుమతి ఇచ్చింది. చెరకు కొరత, పాతబడిన యంత్రాల కారణంగా కొంతకాలంగా ఈ మూడు కర్మాగారాల్లో క్రషింగ్‌ను నిలిపేశారు. మరోవైపు ఇప్పటికే మూతపడిన శ్రీ వేంకటేశ్వర కో–ఆపరేటివ్‌ షుగర్స్‌(గాజులమండ్యం), చిత్తూరు కో–ఆపరేటివ్‌ షుగర్స్‌ (చిత్తూరు), కోవూరు కో–ఆపరేటివ్‌ షుగర్‌ ఫ్యాక్టరీ (నెల్లూరు), అనకాపల్లి వి.వి.రమణ కో–ఆపరేటివ్‌ షుగర్స్‌ (తుమ్మపాల), ఎన్‌.వి.ఆర్‌.–ఏ.డి.ఆర్‌. కో–ఆపరేటివ్‌ షుగర్స్‌ (జంపని) విషయంలో న్యాయపరమైన ప్రక్రియ కొనసాగుతున్నందున, హైకోర్టు ఆదేశాల మేరకు లిక్విడేషన్‌ ప్రక్రియను ప్రారంభించేందుకు ఏర్పాట్లు చేయాలని ఆదేశించింది. జనరల్‌ బాడీ సమావేశాల నిర్వహణ కోసం ఆయా జిల్లాల జాయింట్‌ కలెక్టర్లను లిక్విడేటర్లుగా నియమించే అవకాశం కల్పించారు. ఈ ఎనిమిది కర్మాగారాల ఆస్తులను నగదుగా మార్చి ఆర్థికసంస్థలు, ఇతర రుణదాతలకు బకాయిలు చెల్లించిన తరువాత మిగిలే మొత్తాన్ని ప్రభుత్వ రుణాల పూర్తి, తుది పరిష్కారానికి వినియోగించాలని ఆదేశించింది. వేతన బకాయిలకోసం ఏపీఐఐసీ నుంచి రూ.66.57 కోట్ల రుణం శ్రీవిజయరామ గజపతి, ఏటికొప్పాక, తాండవ షుగర్‌ ఫ్యాక్టరీల పరిధిలో 1,114 మంది ఉద్యోగుల జీతాలు–వేతనాలు, రిటైర్మెంట్‌ ఇతర ప్రయోజనాలకు సంబంధించి రూ.40.20 కోట్ల బకాయిలున్నాయి. వీటితోపాటు కోవూరు, జంపని కర్మాగారాల పరిధిలో 840 మంది ఉద్యోగులకు రూ.26.37 కోట్ల బకాయిలున్నాయి. తొలుత ఈ మొత్తం 1,954 మంది ఉద్యోగులకు రూ.66.57 కోట్ల బకాయిలను చెల్లించేందుకు ప్రాధాన్యతనిస్తూ ఈ మొత్తాన్ని ఏపీఐఐసీ నుంచి రుణం రూపంలో తీసుకోవడానికి ప్రభుత్వం అనుమతి ఇచ్చింది. తర్వాత ఆయా కర్మాగారాల ఆస్తులను అమ్మగా వచ్చిన సొమ్ము నుంచి ఏపీఐఐసీకి తిరిగి చెల్లించాలని ఆ ఉత్తర్వుల్లో పేర్కొంది. ఈ ఎనిమిది చక్కెర కర్మాగారాలు ప్రభుత్వం నుంచి, ఏపీ ఇరిగేషన్‌ డెవలప్‌మెంట్‌ కార్పొరేషన్‌ (ఏపీఐడీసీ), ఆప్కాబ్, డీసీసీబీల నుంచి తీసుకున్న రుణాల మొత్తం రూ.1,300 కోట్లకుపైగా ఉంది. ఆయా కర్మాగారాల ఆస్తులను అమ్మగా వచ్చిన మొత్తం నుంచి ఈ రుణాలను చెల్లించేందుకు ఏర్పాట్లు చేస్తున్నారు. చోడవరం షుగర్‌ ఫ్యాక్టరీ రైతు బకాయిలకు రూ.28.43 కోట్లు.. అనకాపల్లి జిల్లా చోడవరం కోఆపరేటివ్‌ షుగర్స్‌ లిమిటెడ్‌ (గోవాడ) పరిధిలో 2024–25 సీజన్‌లో క్రషింగ్‌కు సంబంధించి రైతులకు చెల్లించాల్సిన రూ.28.43 కోట్ల బకాయిల కోసం ప్రభుత్వం రుణం మంజూరు చేసింది. ఈ మేరకు పరిపాలనా ఆమోదమిస్తూ ప్రభుత్వం శుక్రవారం ఉత్తర్వులిచ్చింది. ఈనెల 17న జరిగిన మంత్రుల బృందం సమావేశంలో చోడవరం ఫ్యాక్టరీకి రూ.28.43 కోట్ల రుణ సాయం అందించాలని ప్రభుత్వానికి సిఫార్సు చేసింది. సొసైటీ విక్రయాల ద్వారా వచ్చే మొత్తంతో ఈ రుణాన్ని తిరిగి వసూలుచేయాలని సూచించింది.

సాక్షి, అమరావతి/సాక్షి ప్రతినిధి, శ్రీకాకుళం/చింతూరు/ సాక్షి, పాడేరు/నెట్‌వర్క్, : భారీ వర్షాలు, గాలులతో ఉత్తరాంధ్ర రైతుకు కోలుకోలేని దెబ్బ తగిలింది. పొలాల్లో నీరు నిలవడంతో పంటలు పూర్తిగా ముంపునకు గురయ్యాయి. రైతులు పెట్టిన పెట్టుబడి అంతా నీటిపాలైంది. పొలాల్లోంచి నీళ్లు వెళ్లిపోయాక పంటలు ఏ మేరకు కోలుకుంటాయనేది ప్రశ్నార్థకంగా మారింది. ప్రధానంగా గోదావరి, కృష్ణా డెల్టాల్లో సాగైన వరి పంట ముంపు బారిన పడింది. ఎకరాకు సుమారు 20–25 క్వింటాళ్ల దిగుబడిని పరిగణనలోకి తీసుకుంటే, క్వింటాల్‌కు రూ.2,300 చొప్పున ఉత్పత్తి విలువ సుమారు రూ.46 వేల నుంచి రూ.57,500 వరకు ఉంటుంది. దీనికి ఎకరాకు రూ.25–35 వేల వరకు పెట్టుబడి కలిస్తే.. పంట పూర్తిగా దెబ్బతిన్న సందర్భంలో రైతుపై సుమారు రూ.70 వేల వరకు నష్టం పడే అవకాశం ఉంది. మొక్కజొన్న ఎకరాకు 25–30 క్వింటాళ్ల వరకు దిగుబడి వస్తుందని పరిగణిస్తే.. పంట పూర్తిగా మునిగితే ఉత్పత్తి విలువతో పాటు రూ.25–32 వేల వరకు పెట్టిన పెట్టుబడి కూడా రైతుకు తిరిగి రాకుండా పోతుంది. మొత్తం నష్టం ఎకరానికి సుమారు రూ.45–55 వేల పరిధిలో ఉండే అవకాశం ఉంది. పత్తి పంటలో విత్తనం, ఎరువులు, పురుగు మందులు, కూలీల ఖర్చులు అధికంగా ఉండటంతో పెట్టుబడి భారం ఎక్కువ. ఎకరాకు రూ.30–40 వేల వరకు పెట్టుబడి పెట్టే పరిస్థితుల్లో పంట పూర్తిగా దెబ్బతింటే దిగుబడి విలువతో కలిపి రైతుకు సుమారు ఎకరానికి రూ.50–75 వేల వరకు నష్టం సంభవించే అవకాశం ఉంది. మిరప సాగులో పెట్టుబడి ఇతర పంటలతో పోలిస్తే ఎక్కువ. ఎకరాకు రూ.60 వేల నుంచి రూ.90 వేల వరకు ఖర్చు అయ్యే పరిస్థితుల్లో పంట పూర్తిగా పోతే పెట్టుబడి నష్టంతో పాటు చేతికందాల్సిన ఉత్పత్తి విలువ కూడా కోల్పోవాల్సి ఉంటుంది. దీంతో ఎకరాకు రూ.లక్ష నుంచి రూ.1.5 లక్షల వరకు నష్టం తప్పదు. అరటి తోటల్లో పంట పూర్తిగా దెబ్బతింటే ఇప్పటికే చేసిన పెట్టుబడితో పాటు మార్కెట్‌కు రావాల్సిన ఉత్పత్తి కూడా కోల్పోవాల్సి ఉంటుంది. తోట వయసు, సాగు విధానం, దిగుబడి ఆధారంగా ఎకరాకు రూ.1.5 లక్షల నుంచి రూ.2.5 లక్షల వరకు నష్టం సంభవించే అవకాశం ఉంది. వంకాయ, బెండ, టమాటా తదితర పంటలు కుళ్లిపోయే అవకాశం ఉందని రైతులు ఆందోళన వ్యక్తం చేస్తున్నారు. పూర్తిగా పంట పోతే ఎకరాకు రూ.50 వేల నుంచి రూ.1.20 లక్షల వరకు నష్టం తప్పదని కన్నీటి పర్యంతం అవుతున్నారు. ఆశలు నేలకూలాయి ఈ రైతు పేరు కూనిబిల్లి మోహనరావు. శ్రీకాకుళం జిల్లా జి.సిగడాం మండలం బాతువ గ్రామం. 14 ఎకరాల్లో బొప్పాయి తోట వేశాడు. మంచి కాపు వచ్చింది. పంట చక్కగా చేతికి వస్తుందని సంతోష పడుతున్న సమయంలో వర్షం, రాకాసి గాలుల ధాటికి చెట్లు సగానికి విరిగిపడ్డాయి. మరికొన్ని పూర్తిగా నేలకూలాయి. రూ.50 లక్షల వరకు నష్టం వాటిల్లిందని రైతు మోహనరావు కన్నీటి పర్యంతం అయ్యాడు. ప్రభుత్వం వెంటనే ఆదుకో వాలని కోరుతున్నాడు. అధికారిక అంచనాలే కీలకం పంట పూర్తిగా మునిగినప్పుడు రైతుకు నష్టం కేవలం పొలంలో కనిపించే పంట విలువకే పరిమితం కాదు. విత్తనాలు, ఎరువులు, పురుగు మందులు, కూలీలకు పెట్టిన డబ్బు కూడా తిరిగి రాదు. మరోవైపు అదే భూమిలో తిరిగి సాగు చేయాలంటే కొత్తగా పెట్టుబడి పెట్టాల్సిన పరిస్థితి వస్తుంది. దీంతో ఒకే సీజన్‌లో రైతుపై రెండు వైపులా ఆర్థిక భారం పడుతుంది. ప్రస్తుతం పేర్కొన్న నష్టం గణాంకాలు పంట పూర్తిగా దెబ్బతిన్నట్లయితే వచ్చే ప్రాథమిక ఆర్థిక అంచనాలు మాత్రమే. వాస్తవ నష్టాన్ని పంటల వారీగా, మండలాల వారీగా క్షేత్ర స్థాయి ఎన్యూమరేషన్‌ అనంతరం మాత్రమే నిర్ధారణకు వస్తాయి. ముఖ్యంగా వరి పంటలో ముంపు వ్యవధి, పంట దశ, నేలవాలిన పరిస్థితి, గింజ నాణ్యత ఆధారంగా నష్టం మారుతుంది. రెండు రోజుల వాన.. రెండు రకాల నష్టం. ఒకటి ఇప్పటికే పెట్టిన పెట్టుబడి.. మరొకటి చేతికందాల్సిన పంట. ఈ రెండూ పోతే రైతు మళ్లీ సాగు చేసే పరిస్థితి లేదు. ఇప్పటివరకు అందిన ప్రాథమిక అంచనాల ప్రకారం రాష్ట్రంలో దాదాపు 30 వేల ఎకరాల్లో పంటలు నీటమునిగాయి. ఒక్క శ్రీకాకుళం జిల్లాలోనే 18148 ఎకరాల్లో వరి, 1147 ఎకరాల్లో మొక్కజొన్న, 235 ఎకరాల్లో పత్తి, 1575 ఎకరాల్లో ఉద్యాన పంటలు.. మొత్తం 21,107 ఎకరాల్లో పంటలు దెబ్బతిన్నాయి. అంబేద్కర్‌ కోనసీమ జిల్లాలో 1,842 ఎకరాలు, కాకినాడ జిల్లాలో 1,885 ఎకరాల్లో వరి నీట మునిగింది. నాగావళి, వంశధార ముంపు గ్రామాలు, అల్లూరి సీతారామరాజు, ఏలూరు, కృష్ణా, గుంటూరు జిల్లాల లెక్కలు తేలితే నష్టం మరింత పెరగనుంది. పలు కుటుంబాల్లో విషాదం తీవ్ర వాయుగుండం రాష్ట్రంలో మృత్యు ఘోషను మిగిల్చింది. మూడు రోజులపాటు కురిసిన వర్షాలు రాష్ట్రంలో 12 మందిని బలిగొన్నాయి. శుక్రవారం కాకినాడ జిల్లా తాళ్లరేవు మండలం చినవలసలో వర్షానికి నానిన ఇంటి గోడ కూలి లక్ష్మీనారాయణ (8) అనే బాలుడు కన్ను మూశాడు. పోలవరం జిల్లా మారేడుమిల్లి మండలంలో శుక్రవారం కొండవాగు దాటుతుండగా బలిజ సుబ్బమ్మ (70) ప్రవాహంలో కొట్టుకుపోయారు. విజయనగరం జిల్లా దత్తిరాజేరు మండలం పెదకడలో ఎడతెరిపి లేని వర్షం, చలికి తాళలేక సమిరెడ్డి పరదేశమ్మ (65), నంగిరెడ్డి లక్మం నాయుడు (63) మృతి చెందారు. వాయుగుండం తీరం దాటకముందే పార్వతీపురం మన్యం జిల్లా సీతానగరం మండలంలో పొంగిపొర్లుతున్న తోటపల్లి కాలువలో విజయవాడకు చెందిన యువకుడు హేమంత కృష్ణ గల్లంతయ్యాడు. ఏలూరు జిల్లా బుట్టాయిగూడెం మండలం కేర్‌ పురం సమీపంలోని తూర్పు కాలువలో గురువారం రాత్రి పూనెం భాస్కరరావు కొట్టుకుపోయాడు. శుక్రవారం అతని మృతదేహం బయటపడింది. పోటెత్తుతున్న గోదావరి ఎగువ రాష్ట్రాల్లో కురుస్తున్న భారీ వర్షాలతో గోదావరికి వరద పోటెత్తుతోంది. ధవళేశ్వరం కాటన్‌ బ్యారేజీ వద్ద శుక్రవారం సాయంత్రానికి 4.11 లక్షల క్యూసెక్కుల వరద ప్రవహిస్తోంది. శనివారం రాత్రికి మొదటి ప్రమాద హెచ్చరిక స్థాయికి వరద చేరుతుందని, ఆదివారం రాత్రి నుంచి తగ్గుముఖం పట్టే అవకాశం ఉందని అధికారులు తెలిపారు. దీంతో కోనసీమ లంక గ్రామాల ప్రజలు బిక్కుబిక్కుమంటున్నారు. కృష్ణా నదికి వరద రావడంతో ప్రకాశం బ్యారేజీ గేట్లన్నీ ఎత్తి 47,125 క్యూసెక్కులు దిగువకు విడుదల చేస్తున్నారు. నాగావళి ఉగ్రరూపంమూడు రోజులుగా ఒడిశాలో కురుస్తోన్న వర్షాలకు ఉమ్మడి విజయనగరం జిల్లాలోని నాగావళి, జంఝావతి, సువర్ణముఖి, వేగావతి నదులు ఉగ్రరూపం దాల్చాయి. తోటపల్లి, జంఝావతి, మడ్డువలస ప్రాజెక్టులు పూర్తిస్థాయిలో నిండడంతో వచ్చి న నీటిని వచ్చినట్టుగా కిందకు విడిచిపెడుతున్నారు. దీంతో నదీతీర గ్రామాలు ముంపునకు గురయ్యాయి. వేలాది ఎకరాల్లో పంటలు నీటమునిగాయి. పార్వతీపురం మన్యం జిల్లా కొమరాడ మండలం దేవునిగుంప గ్రామంలోని ప్రముఖ పుణ్యక్షేత్రం సోమేశ్వరుని ఆలయం పూర్తిగా మునిగిపోయింది. తోటపల్లి బ్యారేజ్‌ నుంచి ఎటువంటి ముందస్తు జాగ్రత్తలు పాటించకుండా 45వేల క్యూసెక్కుల పైబడి వరదనీటిని కిందకు విడిచిపెట్టడంతో ఒక్కసారిగా నాగావళి పొంగి వరద బీభత్సం సృష్టించింది. దీంతో నాగావళి నది తీర గ్రామాలైన అంపిలి, అన్నవరం, ఎరకరాయపురం, మంగళాపురం గ్రామాలకు బాహ్య ప్రపంచంతో సంబంధాలు తెగిపోయాయి. సిక్కోలును ముంచెత్తిన వరద ఒడిశా వర్షాలకు శ్రీకాకుళం జిల్లాలోని మూడు నదీ పరీవాహక ప్రాంతాల్లో మొదటి ప్రమాద హెచ్చరిక జారీ చేయగా, మధ్యాహ్నం 1.15గంటల తర్వాత నాగావళికి రెండో ప్రమాద హెచ్చరిక జారీ చేశారు. నారాయణపురం ఆనకట్టకు మధ్యాహ్నం 1.15 గంటలకు 70వేల క్యూసెక్కుల వరద రావడంతో రెండో ప్రమాద హెచ్చరిక జారీ చేశారు. 73,800 క్యూసెక్కుల వరకు ఇన్‌ఫ్లో వచ్చింది. ఉదయం 8 గంటలకు మొదట ప్రమాద హెచ్చరిక జారీ చేయగా, మధ్యాహ్నం ఒంటి గంటకు నాగావళిలో నీటి ప్రవాహం భారీగా పెరగడంతో రెండో ప్రమాద హెచ్చరిక జారీ చేయక తప్పలేదు. ఉదయం 8 గంటలకు వంశధారకు మొదటి ప్రమాద హెచ్చరిక జారీ చేశారు.తోటపల్లి వద్ద కూడా మొదటి ప్రమాద హెచ్చరిక జారీ చేశారు. శ్రీకాకుళం జిల్లాలోని 28 మండలాల్లో 382 గ్రామాల్లో పంట నీట మునిగింది. 12,041.76 హెక్టార్లలో పంటలు నీట మునిగాయి. పోటెత్తిన శబరినది ఎగువనున్న ఛత్తీస్‌గఢ్, ఒడిశా నుంచి వరద నీటితో పాటు డొంకరాయి జలాశయం నుంచి విడుదల చేసిన నీటితో పోలవరం జిల్లా చింతూరు డివిజన్‌ పరిధిలోని శబరినది ఒక్కసారిగా పోటెత్తింది. చింతూరు వంతెన వద్ద గురువారం రాత్రి 32 అడుగులుగా ఉన్న శబరి నీటిమట్టం శుక్రవారానికి 41 అడుగులకు పెరిగింది. ఎగువ ప్రాంతాల నుంచి వచ్చే వరద మరింత పెరుగుతుందనే అధికారుల ప్రకటనతో నదీ పరీవాహక గ్రామాల ప్రజల్లో ఆందోళన నెలకొంది. చింతూరు మండలం కుయిగూరు, సోకిలేరు, జల్లివారిగూడెం, చంద్రవంక, చీకటి వాగులు పొంగి వరదనీరు గ్రామాల్లోకి ప్రవేశించింది.అప్పులే మిగిలాయిఈ ఫొటోలో కనిపిస్తున్న రైతు పేరు గురాన అయ్యప్ప. విజయనగరం జిల్లా చీపురుపల్లి మండలం కలిశెట్టిబడి గ్రామం. ఈయన రెండు ఎకరాల్లో అరటి పంట సాగు చేశాడు. తుఫాన్‌ ప్రభావంతో ఈదురుగాలులతో కూడిన వానకు అరటి పంట మొత్తం నాశనమైంది. ఎకరాకు రూ.80 వేలు చొప్పున రెండు ఎకరాల్లో రూ.1.6 లక్షలు పెట్టుబడి పెట్టాడు. పంట నేల మట్టం కావడంతో కన్నీరు పెడుతున్నాడు. ఉచిత పంటల బీమా పథకం ఉండి ఉంటే ఇలాంటి సమయాల్లో రైతులకు ఎంతో ఉపయోగంగా ఉండేదని అన్నదాతలు ఆవేదన వ్యక్తం చేస్తున్నారు. మల్లిగూడ రైల్వేస్టేషన్‌ వద్ద ట్రాక్‌ ధ్వంసం ఒడిశాలో కురుస్తున్న భారీ వర్షాలకు కోరాపుట్‌ జిల్లా మల్లిగూడ రైల్వేస్టేషన్‌ వద్ద గురువారం అర్ధరాత్రి 400 మీటర్ల రైల్వేట్రాక్‌ ధ్వంసమైంది. సమీపంలోని విద్యుత్‌ సరఫరా టవర్లతో పాటు హైటెన్షన్‌ విద్యుత్‌ను సరఫరా చేసే భారీ టవర్‌ కూడా నేలకూలంది. వర్షంతో మట్టికోతకు గురవ్వడంతో ట్రాక్‌ ధ్వంసమైంది. దీంతో అరకులోయ నుంచి కోరాపుట్‌ వరకు అన్ని రైళ్లు ఎక్కడికక్కడ నిలిచిపోయాయి. విశాఖ–కిరండూల్‌ పాసింజర్‌ రైళ్లను రద్దు చేశారు. శుక్రవారం ఉదయం నుంచి ట్రాక్‌ పునరుద్ధరణతో పాటు విద్యుత్‌ టవర్ల పునరద్ధరణ పనులను యుద్ధ ప్రాతిపదికన చేపడుతున్నారు. శనివారం మధ్యాహ్నం నుంచి రైళ్ల రాకపోకలు జరగవచ్చని అరకు సెక్షన్‌ రైల్వే అధికారులు తెలిపారు.స్తంభించిన ఏజెన్సీ.. దెబ్బతిన్న ఇళ్లు వాగులు పొంగడంతో అల్లూరి సీతారామరాజు జిల్లా చింతపల్లి మండలంలో 40 గ్రామాలకు, జిల్లాలో మరో 20 గ్రామాలకు రాకపోకలు తెగిపోయాయి. పలుచోట్ల ఇళ్లు దెబ్బతిన్నాయి. పల్నాడు జిల్లాలో పెదమద్దూరు వంతెన నీటమునగడంతో అమరావతి–విజయవాడ మధ్య రాకపోకలు స్తంభించాయి. ఉత్తరాంధ్రలో వంశధార, నాగావళి ఉధృతి శుక్రవారం రోజంతా కొనసాగింది. శ్రీకాకుళం జిల్లా గొట్టా బ్యారేజీ వద్ద 47,400 క్యూసెక్కులు వస్తుండగా, 49,136 క్యూసెక్కులను దిగువకు వదులుతున్నారు. నారాయణపురం ఆనకట్ట వద్ద 63,900 క్యూసెక్కులతో మొదటి ప్రమాద హెచ్చరిక కొనసాగుతోంది. నాగావళి పొంగడంతో పలు గ్రామాలను వరద చుట్టుముట్టింది. మరోవైపు వాయుగుండం బలహీనపడి ఛత్తీస్‌గఢ్‌ వైపు మరలిందని శనివారం ఉదయానికి అల్పపీడనంగా మారుతుందని వాతావరణ శాఖ తెలిపింది. దీని ప్రభావంతో శనివారమూ పిడుగులతో కూడిన వర్షాలు పడతాయని పేర్కొంది.

గాందీనగర్‌ (విజయవాడ సెంట్రల్‌): తమ న్యాయమైన సమస్యల పరిష్కారం కోసం దశలవారీ ఆందోళనకు సిద్ధమవుతున్నట్లు సీఐటీయూ, ఏఐటీయూసీ, ఇఫ్టూ అనుబంధ ఏపీ అంగన్‌వాడీ వర్కర్స్, హెల్పర్స్‌ యూనియన్లు ప్రకటించాయి. అంగన్‌వాడీలకు వేతనాలు పెంచాలని, రూరల్‌ వర్కర్లకు సంక్షేమ పథకాలు అమలు చేయాలని డిమాండ్‌ చేశాయి. విజయవాడ ప్రెస్‌క్లబ్‌లో శుక్రవారం ఏర్పాటుచేసిన విలేకరుల సమావేశంలో సీఐటీయూ అనుబంధ యూనియన్‌ ప్రధాన కార్యదర్శి కె.సుబ్బరావమ్మ, ఏఐటీయూసీ అనుబంధ సంఘం ప్రధాన కార్యదర్శి కె.లలితమ్మ, ఇఫ్టూ అనుబంధ విభాగం రాష్ట్ర ఉపాధ్యక్షురాలు పద్మావతి మాట్లాడారు. అంగన్‌వాడీ వర్కర్లు, హెల్పర్లు, మినీ వర్కర్లకు 2019 నుంచి వేతనాలు పెరగలేదని చెప్పారు. రకరకాల యాప్‌లు ప్రవేశపెట్టి పనిభారం పెంచారన్నారు. అనేక పోరాటాల ఫలితంగానే 2024 జూలైలో వేతనాలు పెంచుతామని మినిట్స్‌ కాపీ ఇచ్చారని, ఈ ఏడాది మార్చి 2న ఆందోళన చేసిన తరువాత అదేనెల 10న మంత్రి యూనియన్లతో మాట్లాడి త్వరలో వేతనాలు పెంచుతామని హామీ ఇచ్చారని గుర్తుచేశారు. నెలలు గడుస్తున్నా ప్రభుత్వం నేటికీ పట్టించుకోలేదన్నారు. ప్రభుత్వం ఇచ్చిన హామీమేరకు అంగన్‌వాడీలకు కనీస వేతనాలు, ఈఎస్‌ఐ, పీఎఫ్‌ అమలు చేయాలని కోరారు. అంగన్‌వాడీల కుటుంబాలకు వితంతు, వృద్ధాప్య పెన్షన్లు, ఇతర సంక్షేమ పథకాలు అమలుకావడంలేదని చెప్పారు. రేషన్‌ కార్డులు కూడా జారీచేయడం లేదన్నారు. మినీ సెంటర్లను మెయిన్‌ సెంటర్లుగా అప్‌గ్రేడ్‌ చేయాలని కోరారు. రూ.26 వేల కనీస వేతనం, సంక్షేమ పథకాలు ఇవ్వాలని, ప్రమోషన్‌ గైడ్‌లైన్స్‌ జీవో సవరించాలని డిమాండ్‌ చేశారు. నవచేతన యాప్, ఐవీఆర్‌ఎస్‌ కాల్స్‌ను రద్దుచేయాలన్నారు. మెనూ, మెనూ చార్జీలు పెంచాలని కోరారు. ఈ సమస్యలకు పరిష్కారం కోరుతూ అక్టోబర్‌ 2న గాంధీ విగ్రహాలకు వినతిపత్రాలు ఇస్తామని, అక్టోబర్‌ 6న ఎంపీ, ఎమ్మెల్యేలు, మంత్రులకు సామూహిక రాయబారాలు పంపుతామని వారు చెప్పారు. అనంతరం కరపత్రాన్ని ఆవిష్కరించారు. ఈ సమావేశంలో టి.గజలక్ష్మి, కె.ప్రేమ, పార్వతి తదితరులు పాల్గొన్నారు.

సాక్షి, అమరావతి: వివిధ కార్పొరేషన్ల పేరుతో అప్పుల పరంపరను చంద్రబాబు సర్కారు యథే­చ్ఛగా కొనసాగిస్తోంది. తాజాగా.. సాగరమాల ఫైనాన్స్‌ కార్పొరేషన్‌ లిమిటెడ్‌ (ఎస్‌ఎంఎఫ్‌సీఎల్‌) నుంచి ఆంధ్రప్రదేశ్‌ ఇండ్రస్టియల్‌ ఇన్‌ఫ్రాస్ట్రక్చర్‌ కార్పొరేషన్‌ లిమిటెడ్‌ (ఏపీఐఐసీ) రూ.2,500 కోట్లు టర్మ్‌ రుణం తీసుకునేందుకు రాష్ట్ర ప్రభుత్వం అనుమతిస్తూ శుక్రవారం ఉత్తర్వులు జారీచేసింది. ఈ మొత్తం అప్పు, వడ్డీకి ప్రభుత్వం గ్యారెంటీ ఇచ్చింది. ఎస్‌ఎంఎఫ్‌సీఎల్‌కు ఆమోదయోగ్యమైన రీతిలో అసలు, వడ్డీ రెండింటినీ కవర్‌ చేస్తూ రుణ కాలపరిమితి అంతటా చెల్లుబాటయ్యేలా రూ.2,500 కోట్ల రుణానికి హామీ ఇచ్చింది. అలాగే, ఎస్క్రో ఖాతాలో ఏమైనా లోటుపాట్లు ఉంటే వాటి భర్తీకి ఆర్థిక శాఖ ఆమోదంతో ఆంధ్రప్రదేశ్‌ ప్రభుత్వం నుంచి ‘లెటర్‌ ఆఫ్‌ కంఫర్ట్‌’ను కూడా జారీచేసింది. ఈ రుణం పూర్తిగా ఏపీఐఐసీ సొంత వనరులు లేదా భూముల విక్రయం ద్వారా వచ్చే ఆదాయంతోనే తీర్చాలి. వీ­టి­ని తీర్చడంలో ఏపీఐఐసీ విఫలమైనప్పుడు ప్రభు­త్వ హామీ అమలులోకి వస్తుంది. భూముల లీజు, అమ్మకం ద్వారా వచ్చే ఆదాయం మొత్తాన్ని ఎస్క్రో ఖాతాకు మళ్లించాలి.ఎస్‌ఎంఎఫ్‌సీఎల్‌ విధించిన డాక్యుమెంటేషన్, రుణ పంపిణీకి ముందు, పంపిణీ తర్వాత పాటించాల్సిన అన్ని షరతులను పాటించడానికి ఏపీఐఐసీకి అధికారం ఇచ్చా­రు. అలాగే, ఈనెల 30లోగా తీసుకునే రుణానికి 8.40 శాతం వడ్డీగా నిర్ణయించారు. చంద్రబాబు సర్కారు వచ్చి­న తరువాత ఏపీఐఐసీ ద్వారా ప్రభుత్వ గ్యారెంటీతో రూ.8,500 కోట్లు అప్పుచేసింది. ఇప్పుడు చేసే అప్పుతో కలిపి ఏపీఐఐసీ ద్వారా చేసిన అప్పు మొత్తం రూ.11,000 కోట్లకు చేరనుంది.

సాక్షి, అమరావతి: సమస్యలపై గళమెత్తిన ఉద్యోగులపై చంద్రబాబు ప్రభుత్వం మరోమారు కక్ష సాధింపునకు దిగింది. చలో విజయవాడకు పిలుపునిచ్చారన్న నెపంతో విలేజ్‌ సర్వేయర్స్‌ అసోసియేషన్‌ రాష్ట్ర అధ్యక్షుడు, రణస్థలం మండలం జె.ఆర్‌.పురం సచివాలయ సర్వేయర్‌ బూరాడ మధుబాబును సస్పెండ్‌ చేసింది. ఈ మేరకు శ్రీకాకుళం జిల్లా కలెక్టర్‌ స్వప్నిల్‌ దినకర్‌ పుండ్కర్‌ ఆదేశాలు జారీ చేశారు. సోషల్‌ మీడియా గ్రూపుల ద్వారా సర్వేయర్లను రెచ్చగొట్టారని, తుపాను అత్యవసర సమయంలో విధులకు, రీసర్వేకు ఆటంకం కలిగించారని ఉత్తర్వుల్లో పేర్కొన్నారు. విచారణ ముగిసే వరకు సస్పెన్షన్‌ కొనసాగుతుందని, అనుమతి లేకుండా హెడ్‌ క్వార్టర్స్‌ విడిచి వెళ్లరాదని ఆంక్షలు విధించారు. మధుబాబు సంఘాన్ని గుర్తింపు లేని సంఘంగా ఉత్తర్వుల్లోనే పేర్కొనడం గమనార్హం. సెలవు రోజు నిరసన.. విధులకు ఆటంకమెలా? తుపాను రాకముందే సెప్టెంబర్ 17న చలో విజయవాడ­పై ఎస్‌జీఎస్‌డబ్ల్యూ డైరెక్టర్‌కు ముందస్తు నోటీసు ఇచ్చామని, తుపాను దృష్ట్యా 25న తలపెట్టిన చలో కలెక్టరేట్‌ కార్యక్రమాన్ని స్వచ్ఛందంగా రద్దు చేసుకున్నామని ఉద్యోగ సంఘాలు చెబుతున్నాయి. తుపాను తగ్గడంతో 27న ఆదివారం సెలవు రోజున శాంతియుతంగా కార్యక్రమం చేపడుతున్నామని, అది విధులకు ఎలా ఆటంకమవుతుందని ప్రశ్నిస్తున్నాయి. సస్పెన్షన్‌ ఉపసంహరించాలి మధుబాబు సస్పెన్షన్‌ అసంబద్ధమని ఎస్‌జీఎస్‌డబ్ల్యూ ఐక్య వేదిక రాష్ట్ర ప్రతినిధి, సర్వేయర్స్‌ అసోసియేషన్‌ రాష్ట్ర ప్రధాన కార్యదర్శి మహేష్‌ నాయుడు తీవ్రంగా ఖండించారు. ఇప్పటికే ఆవేదనలో ఉన్న 1.27 లక్షల మంది సచివాలయ ఉద్యోగులు, వారి కుటుంబాల్లో ఈ చర్య మరింత ఆగ్రహం రగిలిస్తుందని, నాయకులపై వరుస చర్యలతో ఉద్యమాన్ని అణచాలనుకోవడం సమస్యను తీవ్రతరం చేస్తుందని హెచ్చరించారు. సస్పెన్షన్‌ తక్షణమే ఉపసంహరించకపోతే 27న చలో విజయవాడను మరింత పెద్ద ఎత్తున నిర్వహిస్తామని హెచ్చరించారు. రాష్ట్రవ్యాప్తంగా ఉద్యోగులు చలో శ్రీకాకుళం కార్యక్రమానికి తరలివస్తారని స్పష్టం చేశారు.

సాక్షి, అమరావతి: డీఎస్సీ స్పోర్ట్స్‌ కోటాలో చోటుచేసుకున్న అక్రమాలపై ఆధారాలతో ప్రశ్నిస్తున్న వైఎస్సార్‌సీపీ నేతల గొంతు నొక్కేందుకు వెన్నుపోటు పార్టీ కూటమి ప్రభుత్వం పోలీసు కేసులను అడ్డుపెట్టుకుంటోందని వైఎస్సార్‌సీపీ ఉమ్మడి కృష్ణా, గుంటూరు జిల్లాల నేతలు మండిపడ్డారు. తాడేపల్లిలోని పార్టీ కేంద్ర కార్యాలయంలో వారితో పార్టీ స్టేట్‌ కో– ఆర్డినేటర్‌ సజ్జల రామకృష్ణారెడ్డి సమావేశమై పార్టీ నేతలపై అక్రమ కేసులు, అరెస్టులపై చర్చించారు. అనంతరం మాజీ మంత్రులు అంబటి రాంబాబు, వెలంపల్లి శ్రీనివాస్, పేర్ని నాని, జోగి రమేష్, ఎమ్మెల్సీలు లేళ్ల అప్పిరెడ్డి, మొండితోక అరుణ్‌కుమార్, మురుగుడు హను­మంతరావు, యేసురత్నం, మాజీ ఎమ్మెల్యేలు మల్లాది విష్ణు, టీజేఆర్‌ సుధాకర్‌బాబు, స్వామిదాస్, ఎన్టీఆర్‌ జిల్లా పార్టీ అధ్యక్షుడు దేవినేని అవినాష్‌ మీడియాతో మాట్లాడుతూ.. డీఎస్సీ వ్యవహారంపై సమాధానం చెప్పకుండా నిరసనకు వెళ్లిన నేతలు, కార్యకర్తలపై తీవ్ర సెక్షన్లతో కేసులు నమోదు చేయడం దారుణమని మండిపడ్డారు. ఆయుధం,గాయం లేకపోయినా, రక్తపు చుక్క కన్పించకపోయినా హత్యాయత్నం కేసు ఎలా నమోదు చేశారని నిలదీశారు. న్యాయస్థానాన్ని ఆశ్రయిస్తాం ‘మఫ్టీలో వచ్చి నాయకులను అరెస్టు చేయడం, ఇళ్ల చుట్టూ తిరిగి భార్యాపిల్లలను భయపెట్టడం ప్రజాస్వామ్య పద్ధతి కాదు. కేసులు పెట్టాలనుకుంటే అందరిపై పెట్టండి.. మే­మంతా వస్తాం. అరెస్టు చేసి కోర్టులో హాజరు పరచండి. చట్ట ప్రకారం బెయిల్‌ తీసుకుంటాం. రాత్రిపూట అరెస్టు­లు, మఫ్టీలో తీసుకెళ్లడంపై కోర్టును ఆశ్రయిస్తాం. డీఎస్సీ అక్రమాలపై మేము శాంతియుతంగా నిరసనకు వచ్చాం. ఐదు రోజుల ముందే పోలీసులకు సమాచారమిచ్చాం. అయినా మాపై కేసులు పెట్టి, ఎఫ్‌ఐఆర్‌లలో ‘వైఎస్సార్‌సీపీ సానుభూతిపరులు’, ‘ఇతరులు’ అంటూ ఎవరినైనా కే­సుల్లోకి లాగే ప్రయత్నం చేస్తున్నారు. స్థానిక సంస్థల ఎన్ని­కల్లో మేము బయట ఉండకూడదనే ఉద్దేశంతోనే ఈ కేసులు పెడుతున్నారు. ఈనెల 26న వైఎస్సార్‌సీపీ నేతలందరం విజయవాడ సీపీని కలిసి వినతిపత్రం ఇస్తాం. పోలీసుల తోపులాటలో మా పార్టీ నేత కాకుమాను రాజశేఖర్‌ తీవ్రంగా గాయపడి మృతి చెందిన ఘటనకు బాధ్యత వహించాలి. దాడి చేసిన వారిపై చర్యలు తీసుకోకుండా మాపైనే ఎస్సీ–ఎస్టీ కేసులతో పాటు, సెక్షన్‌–307 కింద కేసులు పెట్టడం ఏమిటి? ఎన్ని కేసులు పెట్టినా ఎదుర్కొంటాం వీడియో ఆధారాలతో పోలీసుల తీరును ప్రశ్నిస్తున్నాం. పార్టీ ఎస్సీ విభాగం నేత వేమూరు నియోజకవర్గ సమన్వయకర్త వరికూటి అశోక్‌బాబు పైనా ఎస్సీ, ఎస్టీ కేసు పె­ట్టారు. ఎందరిపై ఎన్ని కేసులు పెట్టినా న్యాయ పరంగా దీటుగా ఎదుర్కొంటాం. రెడ్‌బుక్‌ తరహా చర్యలతో పార్టీని అణచి వేయాలని చూస్తే ప్రజల తరఫున రెట్టింపు పౌరుషంతో పోరాటాన్ని మరింత తీవ్రతరం చేస్తాం. శాప్‌ కార్యా­లయం వద్ద టీడీపీకి అనుకూలంగా ఉన్న వారికి నిరసనకు అవకాశమిచ్చా­రు. డీఎస్సీ అక్రమాలపై మేము ఆధారాల­తో ప్రశ్నిస్తుంటే ప్రభుత్వం సమాధానం చెప్పడం లేదు’ అని వైఎస్సార్‌సీపీ నేతలు అన్నారు. ఈ సమావేశంలో వివిధ నియోజకవర్గాల సమన్వయకర్తలు అంబటి మురళి, డై­మండ్‌ బాబు, వరికూటి అశోక్‌బాబు, నూరి ఫాతిమా, వడ్డి రఘురాం, దొంతిరెడ్డి వేమారెడ్డి, దేవభక్తుని చక్రవర్తి, పార్టీ ప్రధాన కార్యదర్శులు పూడి శ్రీహరి, పొన్నవోలు సుధాకర్‌రెడ్డి, పార్టీ లీగల్‌ సెల్‌ రాష్ట్ర అధ్యక్షుడు మలసాని మనోహర్‌రెడ్డి, మాజీ మేయర్‌ భాగ్యలక్ష్మి పాల్గొన్నారు.

సాక్షి, అమరావతి: ఎన్నికల సంఘం వంటి రాజ్యాంగబద్ధ సంస్థలపై ప్రజలకు సంపూర్ణ విశ్వాసం ఉన్నప్పుడే ప్రజాస్వామ్యం బలంగా నిలబడుతుందని వైఎస్సార్‌సీపీ అధ్యక్షుడు, మాజీ ముఖ్యమంత్రి వైఎస్‌ జగన్‌మోహన్‌రెడ్డి పేర్కొన్నారు. సీఈసీ నియామక చట్టాన్ని పునఃసమీక్షించాలన్నారు. ఇద్దరు ఎన్నికల కమిషనర్లు పలుమార్లు నిర్ణయాలు, ఓటర్ల జాబితాలు, ఈసీఐనెట్‌ (ఎలక్షన్‌ కమిషన్‌ ఇంటర్‌నెట్‌)నిర్వహణపై అభ్యంతరాలు వ్యక్తం చేసినట్లు జాతీయ మీడియాలో కథనాలు వెలువడటం ప్రజల్లో తీవ్రమైన ప్రశ్నలు, సందేహాలకు దారితీస్తోందన్నారు. ఈ మేరకు శుక్రవారం ఆయన సామాజిక మాధ్యమం ‘ఎక్స్‌’లో పోస్టు చేశారు. ఆ పోస్టులో వైఎస్‌ జగన్‌ ఇంకా ఏమన్నారంటే.. ఆరోపణల కంటే వాస్తవాలపై స్పష్టత పరస్పరం ఆరోపణలు చేసుకోవడం కంటే.. ఏ అభ్యంతరాలు నమోదు అయ్యాయి? వాటిపై ఎలాంటి చర్యలు తీసుకున్నారు? ఓటర్ల జాబితాలో పేర్లను చేర్చడం, తొలగించడం, తిరిగి చేర్చడం వంటి ప్రక్రియలు ఎంత పారదర్శకంగా జరిగాయి? అనే అంశాలపై ప్రజలకు స్పష్టత అవసరం. ఈ అంశాలపై ప్రజల్లో విశ్వాసం కల్పించే చర్యలు తీసుకోవాలి. అంతిమంగా ఎన్నికల ప్రక్రియపై ప్రజల విశ్వాసాన్ని మరింత బలోపేతం చేయాలి. ప్రతి పౌరుడి ఓటు హక్కును కాపాడాలి. ఎలాంటి భయం లేకుండా ప్రజలు తమ ఓటు హక్కును వినియోగించుకునేలా వ్యవస్థలను మరింత పటిష్టం చేయాల్సిన అవసరం ఉంది. పారదర్శకతతో పాటు నమ్మకమూ అవసరం ప్రజాస్వామ్యంలో పారదర్శకత ఉండటం మాత్రమే కాకుండా.. పారదర్శకత ఉన్నదనే నమ్మకం కూడా ప్రజల్లో కలగాలి. గతంలో తమ మద్దతు పొందిన చీఫ్‌ ఎలక్షన్‌ కమిషనర్, ఇతర ఎన్నికల కమిషనర్ల నియామకం, సేవా నిబంధనలు, పదవీ కాల చట్టం–2023ను ప్రస్తుత పరిస్థితుల నేపథ్యంలో పునఃసమీక్షించాల్సిన అవసరం ఉంది. ముగ్గురు సభ్యుల కమిటీతో నియామకాలు కేంద్ర ప్రభుత్వం (అధికార పార్టీ) ముందుకు వచ్చి, ప్రస్తుతం నెలకొన్న భయాలు, అనుమానాలను తొలగించే విధంగా ఒక సాధారణ విశ్వసనీయమైన విధానాన్ని పునరుద్ధరించాలి. ఎన్నికల కమిషనర్‌ నియామకాన్ని మళ్లీ ముగ్గురు సభ్యులతో కూడిన కమిటీ ద్వారా చేపట్టేలా చట్ట సవరణ తీసుకురావాలి. ఈ కమిటీలో లోక్‌సభ ప్రతిపక్ష నేత, భారత ప్రధాన న్యాయమూర్తి, ప్రధానమంత్రి ఉండాలి. తనకు పరీక్ష నిర్వహించే పరీక్షకుడిని విద్యార్థి తానే నియమించుకోవడం అనేది.. పరీక్షకుడు ఎంత నిజాయితీపరుడైనా ఆరోపణలకు అవకాశం కల్పిస్తుంది. అందుకు బదులుగా తటస్థమైన వ్యక్తి లేదా వ్యవస్థ ద్వారా నియామకం జరగడం మరింత సముచితం. ఇలాంటి మార్పు ఎన్నికల సంఘంపై ప్రజల్లో ఉన్న గౌరవం, విశ్వాసాన్ని తిరిగి నెలకొల్పేందుకు దోహద పడుతుంది. ఏపీలో ఎస్‌ఐఆర్‌ పైనా అభ్యంతరాలు ఆంధ్రప్రదేశ్‌లో ఎస్‌ఐఆర్‌ (సర్‌) ప్రక్రియ సందర్భంగా అధికారంలో ఉన్న పార్టీ తన అధికారాన్ని దుర్వినియోగం చేసినందున ఈ అంశం మరింత ప్రాధాన్యత సంతరించుకొంది. అనేక సందర్భాల్లో తాము చేసిన అనేక విజ్ఞప్తులను పట్టించుకోలేదు. స్థానిక సంస్థల ఎన్నికల ప్రక్రియలో నియోజకవర్గాలు, డివిజన్ల పునర్విభజన జరిగిన తీరుపైనా ప్రతిపక్ష పార్టీగా వ్యక్తం చేసిన అభ్యంతరాలను పక్కన పెట్టారు. ఇలాంటి చర్యలు ఎన్నికల ప్రక్రియపై ప్రజల్లో ఉన్న విశ్వాసాన్ని బలహీన పరుస్తాయి. ప్రజాస్వామ్యంలో ఏ సంస్థ ఎలా పని చేస్తుందో అంచనా వేయడానికి పారదర్శకత, జవాబుదారీతనం నిజమైన ప్రమాణాలు. వీటిని కాపాడటం ఆ సంస్థ ప్రాథమిక బాధ్యత’ అని వైఎస్‌ జగన్‌ స్పష్టం చేశారు. సార్‌ మీ సాయం మరువలేంవైఎస్‌ జగన్‌కు వైఎస్సార్‌ ఆరోగ్యశ్రీ ద్వారా లబ్దిపొందిన కుటుంబం కృతజ్ఞతలు చిన్నారి ఆరోగ్య పరిస్థితిని తెలుసుకున్న వైఎస్‌ జగన్‌ సాక్షి, అమరావతి: ‘సార్‌.. మీరు చేసిన సాయం ఎప్పటికీ మరువలేం..’ అని మాజీ సీఎం, వైఎస్సార్‌సీపీ అధినేత వైఎస్‌ జగన్‌మోహన్‌రెడ్డికి వైఎస్సార్‌ ఆరోగ్యశ్రీ ద్వారా లబ్ధి పొందిన దంపతులు కృతజ్ఞతలు తెలిపారు. వైఎస్‌ జగన్‌ను గన్నవరం ఎయిర్‌పోర్ట్‌లో ఏలూరు జిల్లా నూజివీడు నియోజకవర్గం కొర్లగుంటకు చెందిన మహేష్, వినీల దంపతులు తమ కుమార్తె ధన్సికతో సహా శుక్రవారం కలిశారు. ధన్సిక 2019లో రెండు నెలల పాపగా ఉన్న సమయంలో తీవ్ర అనారోగ్యానికి గురైందని తెలిపారు. అ­ప్పటికి కొద్ది రోజుల క్రితమే ముఖ్యమంత్రిగా వైఎస్‌ జగన్‌ బాధ్యతలు స్వీకరించారని చెప్పా­రు. చిన్నారి ధన్సికతో ఆప్యాయంగా మాట్లాడుతున్న వైఎస్‌ జగన్‌ ఆ సమయంలో వైఎస్సార్‌ ఆరోగ్యశ్రీ కింద ఏలూరులోని ఆశ్రం ఆస్పత్రిలో మెదడుకి సంబంధించి అత్యంత క్లిష్టమైన న్యూరో సర్జరీ ఉచితంగా చేశారని, తమ కుమార్తె కోలుకుందని వైఎస్‌ జగన్‌కు వివరించారు. ఆపరేషన్‌ తర్వాత తమ కుమార్తె ఆరోగ్యంగా ఉందని చెప్పారు. అత్యంత క్లిష్ట సమయంలో తమకు అండగా నిలిచి పాపకు సకాలంలో వైద్య సాయం అందిం­చేలా చేసిన వైఎస్‌ జగన్‌కు ఎప్పటికీ రుణపడి ఉంటామని మహేష్, వినీల దంపతులు చెప్పారు. ఈ సందర్భంగా చిన్నారి ధన్సికను వైఎస్‌ జగన్‌ ఆప్యాయంగా పలకరించారు. ఆమె ఆరోగ్య పరిస్థితి గురించి తల్లిదండ్రులను అడిగి తెలుసుకున్నారు. బాగా చదువుకోవాలని చిన్నారిని వైఎస్‌ జగన్‌ ఆశీర్వదించారు. చిన్నారి, ఆమె తల్లిదండ్రుల కోరిక మేరకు వారితో కలిసి సెల్ఫీ దిగారు.

సాక్షి, తాడేపల్లి: కేంద్ర ఎన్నికల సంఘంలో విభేదాలపై వైఎస్సార్‌సీపీ అధ్యక్షుడు,మాజీ ముఖ్యమంత్రి వైఎస్ జగన్‌మోహన్‌రెడ్డి ఆందోళన వ్యక్తం చేశారు. కమిషనర్ల మధ్య అభిప్రాయ బేధాలు తలెత్తటంపై ఎక్స్‌లో వైఎస్‌ జగన్‌ పోస్టు చేశారు. ‘‘ఎన్నికల సంఘం వంటి రాజ్యాంగ సంస్థలపై ప్రజలకు సంపూర్ణ విశ్వాసం ఉండాలి.. అప్పుడే ప్రజాస్వామ్యం బలంగా నిలబడుతుంది. ఎన్నికల సంఘంలోనే ఇద్దరు ఎన్నికల కమిషనర్ల మధ్య అభిప్రాయ భేదాలు అనే వార్తలు ఆందోళన కలిగిస్తున్నాయి’’ అని వైఎస్‌ జగన్‌ ట్వీట్‌ చేశారు.‘‘ముఖ్యంగా ఓటర్ల జాబితాల నిర్వహణ సహా అనేక అంశాల్లో బేధాభిప్రాయాలు వచ్చినట్టు జాతీయ మీడియాలో కథనాలు వచ్చాయి. ఇవి ప్రజల్లో అనేక ప్రశ్నలకు దారితీశాయి. ఆ మీడియా కథనాల ప్రకారం గత పది నెలల్లోనే 14 సందర్భాల్లో అభ్యంతరాలు వ్యక్తం అయ్యాయి. అయితే ఎన్నికల సంఘం మాత్రం ఇవన్నీ సహజమే అంటోంది. బేధాభిప్రాయాలు ఉన్నా తుది నిర్ణయాలు ఏకగ్రీవంగానే తీసుకున్నామని చెప్తోంది. కానీ ప్రజల్లో నెలకొన్న సందేహాలను ఎన్నికల సంఘం నివృత్తి చేయాలి..ఆరోపణలు–ప్రత్యారోపణలకు పరిమితం కాకుండా ఏయే అంశాలపై అభ్యంతరాలు నమోదయ్యాయి?. వాటిపై ఏ చర్యలు తీసుకున్నారో ప్రజలకు తెలియాలి. ఓటర్ల జాబితాలో పేర్ల చేర్పులు, తొలగింపులు, పునరుద్ధరణ ప్రక్రియ ఎంత పారదర్శకంగా జరిగింది?. ఓటర్ల జాబితాల నిర్వహణలో క్షేత్రస్థాయి అధికారులకు ఎంత స్వతంత్రత ఉంది?. అనే అంశాలపై స్పష్టత అవసరం. ప్రతి పౌరుడి ఓటు హక్కును పరిరక్షించడం, ఎన్నికల ప్రక్రియపై ప్రజలకు నమ్మకాన్ని కలిగించటం అత్యంత ముఖ్యం. ప్రజాస్వామ్యంలో పారదర్శకత ఉండటమే కాదు. పారదర్శకత ఉందనే నమ్మకం కూడా ప్రజలకు కలగాలి. 2023లో తీసుకొచ్చిన నూతన చట్టానికి మేము మద్దతు ఇచ్చాం. కానీ ప్రస్తుత పరిస్థితుల నేపథ్యంలో ఆ చట్టాన్ని మరోసారి సమీక్షించాల్సిన అవసరం ఉంది..ఎన్నికల సంఘంపై ఎలాంటి అనుమానాలకు తావులేకుండా చూడాలి. ప్రజల్లో విశ్వాసాన్ని పెంచే వ్యవస్థను ఏర్పాటు చేయాలి. ఎన్నికల కమిషనర్ల నియామకానికి ప్రధానమంత్రి, సుప్రీంకోర్టు ప్రధాన న్యాయమూర్తి, లోక్‌సభ ప్రతిపక్ష నేత సభ్యులుగా ఉండే ముగ్గురు సభ్యుల కమిటీ విధానాన్ని తిరిగి తీసుకు రావాలి. ఆ మేరకు చట్ట సవరణపై ఆలోచించాలి. విద్యార్థే పరీక్ష పెట్టే వారిని నియమించే పరిస్థితి ఉంటే.. ఆ వ్యక్తి ఎంత నిజాయితీపరుడైనా అనుమానాలకు తావిస్తుంది. అందుకే నియామకాలు పారదర్శకంగా ఉండేలా వ్యవస్థ ఉండాలిఇదీ చదవండి: సాయం అంటే ఇది.. థాంక్యూ జగన్‌ మామయ్య..అలాంటి మార్పు ఎన్నికల సంఘం ప్రతిష్ఠను, దానిపై ప్రజలకు ఉన్న విశ్వాసాన్ని మరింత బలోపేతం చేస్తాయి. ఆంధ్రప్రదేశ్‌లో SIR ప్రక్రియ సందర్భంగా ప్రతిపక్షంగా మేము అనేక అభ్యంతరాలను చెప్పాం. కానీ వాటికి సరైన స్పందన ఎన్నికల సంఘం నుండి రాలేదు. స్థానిక సంస్థల ఎన్నికలకు సంబంధించిన డీలిమిటేషన్ ప్రక్రియలోనూ.. వార్డులు, డివిజన్ల పునర్విభజనపై ప్రతిపక్షంగా మేము అనేక అభ్యంతరాలను తెలిపాం. కానీ వేటినీ పరిగణనలోకి తీసుకోకపోవటం ఆందోళనకరం. ఇలాంటి పరిస్థితులే ఎన్నికల ప్రక్రియపై ప్రజల్లో సందేహాలకు కారణమవుతాయి..అందుకే పారదర్శకత, జవాబుదారీతనం ఎన్నికల వ్యవస్థకు ప్రాథమిక ప్రమాణాలుగా ఉండాలి. ప్రతి అర్హుడైన పౌరుడి ఓటు హక్కును కాపాడటం.. ఎలాంటి భయం లేదా అనుమానం లేకుండా ఆ హక్కును వినియోగించుకునేలాబుండాలి. ఆ వ్యవస్థను బలోపేతం చేయడం ఎన్నికల వ్యవస్థ ముందున్న అత్యంత ముఖ్యమైన బాధ్యత’’ అని వైఎస్‌ జగన్‌ పేర్కొన్నారు.Democracy can stand only when people have complete confidence in constitutional institutions such as the Election Commission. National media reports that two Election Commissioners raised objections on several occasions to decisions, electoral rolls and the management of ECINet…— YS Jagan Mohan Reddy (@ysjagan) September 25, 2026

సాక్షి, తాడేపల్లి: తమపై అక్రమ కేసులకు నిరసనగా రేపు(శనివారం) సీపీని కలుస్తాం.. అక్రమ కేసులపై ప్రశ్నిస్తామని వైఎస్సార్‌సీపీ గుంటూరు జిల్లా అధ్యక్షుడు అంబటి రాంబాబు అన్నారు. శుక్రవారం ఆయన మీడియాతో మాట్లాడుతూ.. డీఎస్సీ అక్రమాలపై ప్రశ్నిస్తే పోలీసులు అర్ధరాత్రి ఇళ్లలో చొరబడతారా? అంటూ దుయ్యబట్టారు. జైల్లో ఉంచటానికి అట్రాసిటీ, హత్యాయత్నం కేసులు పెడుతున్నారు. నారా లోకేష్ పెత్తనంలో పోలీసులు వైఖరి ఇలా ఉంది’’ అంటూ అంబటి ఆగ్రహం వ్యక్తం చేశారు.‘‘అసలు ఈ సెక్షన్లు ఎలా పెడతారని కోర్టు ప్రశ్నిస్తే ప్రభుత్వ లాయరు దగ్గర సమాధానం లేదు. వైఎస్సార్‌సీపీ నేతలందరిపై రౌడీముద్ర వేయాలని చూస్తున్నారు. కాదంబరి జత్వానీ కేసులో కూడా పోలీసులు దగ్గరుండి దుర్గగుడికి తీసుకెళ్లారు. ఇప్పుడు దొంగ టీచర్లను కూడా అలాగే దుర్గ గుడికి తీసుకెళ్లి దర్శనం చేయించారు. అప్పుడు జత్వానీనీ, ఇప్పుడు దొంగ టీచర్లను కాక పడుతున్నారు. కానీ ఈ కేసులు ఏవీ నిలబడవు’’ అని అంబటి వ్యాఖ్యానించారు.‘‘కాకుమాను రాజశేఖర్ మృతికి పోలీసుల వైఖరే కారణం. శాప్ ఎదుట ధర్నాలో పాల్గొన్న రాజశేఖర్‌పై పోలీసులు దాడి చేశారు. రౌడీషీట్లు ఇష్టానుసారం ఓపెన్ చేయటం సిగ్గుచేటు. ఈడీ కేసులకు భయపడను. ఈడీ విచారణకు పూర్తిగా సహకరిస్తాను. ఎల్లోమీడియాలో ఊహా కథనాలు రాస్తున్నారు’’ అని అంబటి రాంబాబు ధ్వజమెత్తారు.ఇదీ చదవండి: సాయం అంటే ఇది.. థాంక్యూ జగన్‌ మామయ్య

సాక్షి, విజయవాడ: సాయం పేరుతో ప్రకటనలు.. కెమెరా ముందు హామీలు.. ఆ తర్వాత పట్టించుకోని పరిస్థితులు చాలానే చూస్తుంటాం. కానీ ఓ చిన్నారికి అత్యంత ఖరీదైన వైద్యం అవసరమైనప్పుడు.. కుటుంబం ఆ భారాన్ని మోయలేని స్థితిలో ఉన్న వేళ జగనన్న సాయం ఆదుకుంది. ఇప్పుడు అదే చిన్నారి ఆరోగ్యంగా ఎదుగుతుండగా.. సాయం మరువని ఆమె తల్లిదండ్రులు వైఎస్సార్‌సీపీ అధినేత, మాజీ సీఎం వైఎస్‌ జగన్‌మోహన్‌రెడ్డిని కలిశారు. ఆ భావోద్వేగ దృశ్యాలు సోషల్‌ మీడియాలో వైరల్‌గా మారాయి.నూజివీడు నియోజకవర్గంలోని కొర్లగుంటకు చెందిన మహేష్‌, వినీల దంపతుల కుమార్తె ధన్సిక. చిన్నతనంలోనే ఆమె అనారోగ్యానికి గురైంది. పరిస్థితి తీవ్రంగా ఉండటంతో 2019లో న్యూరో సర్జన్‌ పర్యవేక్షణలో అత్యంత క్లిష్టమైన, ఖరీదైన శస్త్రచికిత్స అవసరమైంది. ఆ సమయంలో వైఎస్‌ జగన్‌మోహన్‌రెడ్డి ముఖ్యమంత్రిగా ఉన్న ప్రభుత్వం అమలు చేసిన ‘డాక్టర్‌ వైఎస్సార్‌ ఆరోగ్యశ్రీ’ పథకం ద్వారా ఆ వైద్యాన్ని కుటుంబానికి ఉచితంగా అందించినట్లు తల్లిదండ్రులు తెలిపారు. ఖరీదైన ఆపరేషన్‌ ఖర్చును భరించే పరిస్థితి తమకు లేకపోవడంతో ఆరోగ్యశ్రీ తమకు ఎంతో ఉపయోగపడిందని చెప్పారు.వైఎస్‌ జగన్‌ను కలిసిన దంపతులుప్రస్తుతం ధన్సిక పూర్తిగా కోలుకుని ఎలాంటి ఆరోగ్య సమస్యలు లేకుండా ఉందని మహేష్‌, వినీల తెలిపారు. ఈ సందర్భంగా వైఎస్‌ జగన్‌ను మర్యాదపూర్వకంగా కలసి.. తమ కుమార్తెకు అందిన వైద్య సహాయానికి కృతజ్ఞతలు తెలిపారు. చిన్నారితో ముచ్చటించిన జగన్‌ధన్సికను చూసిన వైఎస్‌ జగన్‌ ఆప్యాయంగా పలకరించారు. ఆ సమయంలో ఆ చిన్నారి భావోద్వేగానికి గురై కన్నీరు పెట్టుకుంది. ఓదార్చిన ఆయన ఆమెతో కొద్దిసేపు ముచ్చటించి.. బాగా చదువుకోవాలని ఆశీర్వదించారు. అనంతరం స్వయంగా సెల్ఫీ కూడా తీశారు. ఈ సందర్భంగా కుటుంబ సభ్యులు గతంలో ఎదుర్కొన్న పరిస్థితులను, ఆరోగ్యశ్రీ ద్వారా అందిన వైద్యాన్ని గుర్తుచేసుకున్నారు.చిన్నతనంలోనే తీవ్రమైన అనారోగ్య సమస్యను ఎదుర్కొన్న ధన్సిక.. ఖరీదైన శస్త్రచికిత్స అనంతరం ఇప్పుడు పూర్తి ఆరోగ్యంతో ఉండటం కుటుంబానికి ఊరటనిచ్చిందని తల్లిదండ్రులు తెలిపారు. ఒకప్పుడు చికిత్స కోసం ఆందోళన చెందిన కుటుంబం.. ఇప్పుడు అదే చిన్నారి ఆరోగ్యంగా ఉండటాన్ని చూస్తూ ఆనందం వ్యక్తం చేస్తోంది. ఆరోగ్యశ్రీ ద్వారా అందిన చికిత్సకు కృతజ్ఞతగా జగన్‌ను కలిసిన ఈ కుటుంబం భేటీకి సంబంధించిన దృశ్యాలే ఇప్పుడు సోషల్‌ మీడియాలో వైరల్‌గా మారాయి.

ఏపీలో భారీ వర్షాలు అప్‌డేట్స్‌.. తీవ్ర వాయుగుండం కారణంగా ఉత్త­రాంధ్ర భారీ వర్షాలతో విలవిల్లాడింది.అన్నవరం గ్రామంలోకి వరద నీరుశ్రీకాకుళం: జలదిగ్బంధంలో పాలకొండ పరిసర గ్రామాలుఅన్నవరం గ్రామంలోకి చేరిన వరద నీరుఅన్నవరం సహా పలు గ్రామాలకు నిలిచిన రాకపోకలుఎగువ నుంచి భారీగా పాలకొండకు చేరుతున్న వరద నీరుమళ్ళీ వరద పెరిగే అవకాశం ఉందంటున్న అధికారులునదీ పరివాహక ప్రాంత ప్రజలకు అల‌ర్ట్‌భారీ వర్షాలతో వంశధార, నాగావళి నదులకి పెరుగుతున్న వరద ఉధృతినాగావళి వరద ప్రవాహంతోటపల్లి వద్ద ప్రస్తుత ఇన్ ఫ్లో 24639, ఔట్ ఫ్లో 23250 క్యూసెక్కులునారాయణపురం అనకట్ట వద్ద రెండవ ప్రమాద హెచ్చరిక జారీప్రస్తుత ఇన్ ఫ్లో , ఔట్ ఫ్లో 76000 క్యూసెక్కులువంశధార వరద ప్రవాహంగొట్టా బ్యారేజ్ వద్ద కొనసాగుతున్న మొదటి ప్రమాద హెచ్చరికప్రస్తుత ఇన్ ఫ్లో 43860, ఔట్ ఫ్లో 46197 క్యూసెక్కులుఅత్యవసర సహాయక చర్యలకు ప్రత్యేక బృందాలునదీ పరివాహక ప్రాంత ప్రజలు తగిన జాగ్రత్తలు తీసుకోవాలినదిలో ఈతకు వెళ్లడం, చేపలు పట్టడం లాంటివి ప్రమాదకరం- ప్రఖర్ జైన్, ఎండీ, ఆంధ్రప్రదేశ్ విపత్తుల నిర్వహణ సంస్థకొట్టుకుపోయిన వంతెనపోలవరం జిల్లా మారేడుమిల్లి మండలం చట్లవాడ పంచాయతీ పరిధిలో కొట్టుకుపోయిన వంతెనకొండ వాగుల ఉధృతికి కనుమరుగైన పొట్లవాడ– బొదులూరు గ్రామాల మధ్య రహదారికి అనుసంధానంగా ఉన్న వంతెనవంతెన కొట్టుకుపోవడంతో గ్రామాల మధ్య రాకపోకలకు ఇబ్బందులునీట మునిగిన కొప్పుల వారి వీధిఏలూరు జిల్లా చింతలపూడి పట్టణంలో అకాల వర్షానికి నీట మునిగిన కొప్పుల వారి వీధిఇళ్ల లోపలకి చేరిన వర్షపు నీరు.. భయభ్రాంతులకు గురవుతున్న కాలనీ వాసులుతక్షణమే అధికారులు స్పందించి, సహాయ చర్యలు చేపట్టాలని కోరుతున్న ప్రజలుతీర ప్రాంతాలపై ప్రత్యేక నిఘా: శ్రీకాకుళం కలెక్టర్శ్రీకాకుళం జిల్లా బూర్జ మండలం అల్లెన గ్రామంలో కలెక్టర్, ఎస్పీ పర్యటనక్షేత్రస్థాయిలో వర్షాభావ పరిస్థితులపై పరిశీలనఅధికారులతో కలిసి పరిస్థితిని సమీక్షించిన కలెక్టర్ స్వప్నిల్ దినకర్ పుండ్కర్జిల్లా వ్యాప్తంగా పరిస్థితి పూర్తి అదుపులోనే ఉందన్న కలెక్టర్నీటి ప్రవాహం అధికంగా ఉన్న లోతట్టు, తీర ప్రాంతాలపై ప్రత్యేక నిఘాపలు పోలీస్ స్టేషన్ల పరిధిలో క్షేత్రస్థాయిలో పర్యటిస్తున్న పోలీసులుఅత్యవసర పరిస్థితుల్లో తీసుకోవాల్సిన జాగ్రత్తలపై ప్రజలకు సూచనలునీట మునిగిన గ్రామాలు.. రాకపోకలకు అంతరాయంపార్వతిపురం మన్యం జిల్లా పాలకొండ మండలంలో వాయుగుండం ప్ర‌భావంజలదిగ్బంధంలో గొట్టమంగళాపురం, ఎరకరాయిపురం, అంపిలి, గోపాలపురం అన్నవరం గ్రామాలురాకపోకలకు అంతరాయం, సహాయక చర్యల కోసం ఎదురుచూస్తున్న బాధితులుఒట్టిగెడ్డ రిజర్వాయర్‌లోకి చేరుతున్న వరదనీరు.. రెండు గేట్లు ఎత్తి దిగువకు నీరు విడుదలప్రధాన రహదారిపై ఉన్న కాజ్‌వేపై వరదనీరు ప్రవహించడంతో సుమారు 38 గిరిజన గ్రామాలకు నిలిచిన రాకపోకలుశ్రీకాకుళం..నాగావళి నదికి పెరిగిన వరద ఉధృతి..ప్రజలు అప్రమత్తంగా ఉండాలని హెచ్చరిస్తున్న అధికారులు..నాగావళికి భారీగా చేరుతున్న వరద..ఇప్పటికే మొదటి ప్రమాద హెచ్చరిక జారీ చేసిన అధికారులు..నాగావళి పరివాహక ప్రాంతాల్లో మైక్ సెట్స్ ద్వారా అప్రమత్తంగా ఉండాలని హెచ్చరిక..ప్రవాహం మరింత పెరుగుతుందని అంచనా..పల్నాడు జిల్లా..అమరావతి, పెదకూరపాడు మండలాల్లో కుండపోత వర్షంపొంగి ప్రవహిస్తున్న వాగులు, వంకలుపెదమద్దూరు బ్రిడ్జి అప్రోచ్ రోడ్డు పైనుండి వరద అమరావతి-విజయవాడ మధ్య నిలిచిన రాకపోకలుపరస-కంభంపాడు మధ్య లోలెవెల్ చప్టాపై భారీగా వరద ప్రవాహంవరద కారణంగా నిలిచిన రాకపోకలువిజయవాడ..దుర్గగుడి ఘాట్ రోడ్డులో విరిగిపడిన కొండచరియలురెండు రోజులుగా కురుస్తున్న భారీ వర్షాల ప్రభావంతో విరిగిపడిన కొండచరియలుమరమ్మత్తుల నేపధ్యంలో ఘాట్ రోడ్డు మూసివేయడంతో తప్పిన ప్రమాదంఘాట్ రోడ్డులో విరిగిపడిన కొండచరియలను పరిశీలించిన జిల్లా కలెక్టర్ లక్ష్మీశ , దుర్గగుడి ఈవో శీనానాయక్మడ్డువలస రిజర్వాయర్‌కు పోటెత్తిన వరద నీరువిజయనగరం జిల్లా: సువర్ణముఖి, వేగవతి నదుల నుండి మడ్డువలస రిజర్వాయర్ కు పోటెత్తిన వరద నీరు7 గేట్లు ఎత్తి 3 వేల క్యూసెక్కుల నీరు దిగువ ప్రాంతానికి విడుదలపార్వతీపురం మన్యం జిల్లా ఒట్టిగెడ్డ రిజర్వాయర్‌లోకి చేరుతున్న వరదనీరురెండు గేట్లు ఎత్తి నీటిని దిగువకు విడుదలప్రధాన రహదారిపై ఉన్న కాజ్‌వేపై వరదనీరు ప్రవహించడంతో సుమారు 38 గిరిజన గ్రామాలకు నిలిచిన రాకపోకలుశ్రీకాకుళం..నాగావళి నదికి పెరిగిన వరద ఉధృతి..ప్రజలు అప్రమత్తంగా ఉండాలని హెచ్చరిస్తున్న అధికారులు..నాగావళికి భారీగా చేరుతున్న వరద..ఇప్పటికే మొదటి ప్రమాద హెచ్చరిక జారీ చేసిన అధికారులు..నాగావళి పరివాహక ప్రాంతాల్లో మైక్ సెట్స్ ద్వారా అప్రమత్తంగా ఉండాలని హెచ్చరిక..ప్రవాహం మరింత పెరుగుతుందని అంచనా..పల్నాడు జిల్లా..అమరావతి, పెదకూరపాడు మండలాల్లో కుండపోత వర్షంపొంగి ప్రవహిస్తున్న వాగులు, వంకలుపెదమద్దూరు బ్రిడ్జి అప్రోచ్ రోడ్డు పైనుండి వరద అమరావతి-విజయవాడ మధ్య నిలిచిన రాకపోకలుపరస-కంభంపాడు మధ్య లోలెవెల్ చప్టాపై భారీగా వరద ప్రవాహంవరద కారణంగా నిలిచిన రాకపోకలువిజయవాడ..దుర్గగుడి ఘాట్ రోడ్డులో విరిగిపడిన కొండచరియలురెండు రోజులుగా కురుస్తున్న భారీ వర్షాల ప్రభావంతో విరిగిపడిన కొండచరియలుమరమ్మత్తుల నేపధ్యంలో ఘాట్ రోడ్డు మూసివేయడంతో తప్పిన ప్రమాదంఘాట్ రోడ్డులో విరిగిపడిన కొండచరియలను పరిశీలించిన జిల్లా కలెక్టర్ లక్ష్మీశ , దుర్గగుడి ఈవో శీనానాయక్శ్రీకాకుళం..నాగావళి, వంశధార నదులకు మొదటి ప్రమాద హెచ్చరికనారాయణపురం ఆనకట్ట వద్ద 60వేల క్యూసెక్కులకు చేరిన వరద ప్రవాహంనాగావళి, వంశధారలో పెరుగుతున్న వరద ఉధృతిలోతట్టు, నదీ పరివాహక ప్రాంతాల ప్రజలు అప్రమత్తంగా ఉండాలన్న కలెక్టర్అధికారులు సూచిస్తే వెంటనే సురక్షిత ప్రాంతాలకు తరలి వెళ్లాలని ఆదేశంనదిలోకి దిగడం, ఈత కొట్టడం, చేపలు పట్టడం, నది దాటడం చేయొద్దని హెచ్చరికఅత్యవసర పరిస్థితుల్లో వెంటనే రెవెన్యూ, ప్రభుత్వ యంత్రాంగాన్ని సంప్రదించాలని సూచనఏలూరు జిల్లా..భారీ వర్షాలకు ఏలూరు ఏజెన్సీలో పొంగిన వాగులు, వంకలుకొయ్యలగూడెం మండలం కన్నాపురం వద్ద కాజ్‌వేపై ప్రవహిస్తున్న తూర్పు, పడమర కాలువలుకన్నాపురం వద్ద రాత్రి తూర్పు కాలువలో గల్లంతైన భాస్కర్ మృతిగల్లంతైన ప్రదేశానికి కిలోమీటర్ దూరంలో కాలువలో భాస్కర్ మృతదేహాన్ని గుర్తించిన స్థానికులుజంగారెడ్డిగూడెం మండలం పట్టిన పాలెం వద్ద ప్రవహిస్తున్న జల్లేరు వాగుకొండ వాగుల ఉధృతి నేపథ్యంలో గుబ్బల మంగమ్మ తల్లి దర్శనాలు నిలిపివేతఎర్ర కాలవ ప్రాజెక్టుకు కొనసాగుతున్న వరద ఉధృతిప్రాజెక్టులోకి వచ్చి చేరుతున్న 370 క్యూసెక్కుల వరద నీరుప్రస్తుత ప్రాజెక్టు నీటిమట్టం 79 మీటర్లుప్రాజెక్టు పూర్తిస్థాయి నీటిమట్టం 83.50 మీటర్లుకాకినాడ జిల్లా..పిఠాపురం నియోజకవర్గంలో పొంగిపొర్లుతున్న ఏలేరు కాలువ, సుద్దగడ్డ వాగుఏలేరు కాలువ వరద నీటితో పిఠాపురం రూరల్ జములపల్లి, నర్సింగపురంలో చెరువులను తలపిస్తున్న పంటలువందలాది ఎకరాల్లో నీట మునిగిన వరి చేనుసుద్దగడ్డ వరద నీటితో గొల్లప్రోలు-సూరంపేట, గొల్లప్రోలు-తాటిపర్తి రహదారిపై రాకపోకలు నిలిపివేతఅవస్ధలు పడుతున్న వాహనదారులుతీవ్ర వాయుగుండం కారణంగా ఉత్త­రాంధ్ర భారీ వర్షాలతో విలవిల్లాడింది. ఎడతెరిపి లేని వర్షాలు, ఈదురుగాలులతో శ్రీకాకుళం, విజయనగరం, పార్వతీపురం మన్యం, విశాఖ జిల్లాలు అతలాకుతలమయ్యాయి. మరోవైపు.. రానున్న మూడు గంటల్లో ఏలూరు, ఎన్టీఆర్, కృష్ణా, గుంటూరు, పల్నాడు జిల్లాల్లోని కొన్ని ప్రాంతాలలో పిడుగులతో కూడిన వర్షాలు కురిసే అవకాశం ఉందని రాష్ట్ర విపత్తుల నిర్వహణ సంస్థ పేర్కొంది. ఈ నేపథ్యంలో ఆరెంజ్‌ అలర్ట్‌ విధించింది. రేపు ఉదయానికి అల్పపీడనం బలహీనపడే అవకాశం ఉంది. నేడు ఉత్తర కోస్తాకు భారీ వర్ష సూచన. విజయనగరం జిల్లా..ఒడిషాలో వర్షం ప్రభావంతో నాగావళి నదికి వరద ఉధృతి..తోటపల్లి రిజర్వాయర్‌లోకి 40వేల క్యూసెక్కుల వరద నీరు ఇన్‌ఫ్లో8 గేట్లు ఎత్తి దిగువకు 40 వేల క్యూసెక్కుల వరద నీటిని విడిచి పెడుతున్న అధికారులు.తోటపల్లి ప్రాజెక్ట్ వద్ద రెండో ప్రమాద హెచ్చరిక జారీ చేసిన జిల్లా కలెక్టర్.రిజర్వాయర్ బ్యాక్ వాటర్, పరిసర ప్రాంత గ్రామాలకు రెడ్ అలర్ట్..జలదిగ్బంధంలో కలికోట గ్రామం.నీట మునిగిన పంటలు కూరగాయల సాగు.విజయవాడ..ఎన్టీఆర్ జిల్లాలో కొనసాగుతున్న భారీ వర్షాలుభారీ వర్షాల కారణంగా ఎన్టీఆర్ జిల్లాలోని అన్ని ప్రభుత్వ, ప్రైవేటు పాఠశాలలు, కళాశాలలకు సెలవు.ఎన్టీఆర్ జిల్లా కలెక్టర్ ఆదేశాలు.కృష్ణాజిల్లా.. మచిలీపట్నంలో భారీగా వర్షం....ఈదురుగాలులతో కూడిన వర్షంతో పలు ప్రాంతాల్లో విద్యుత్ అంతరాయంకుండపోత వానతో జలమయంగా మారిన రహదారులుచెరువులను తలపిస్తున్న ప్రధాన రహదారులులోతట్టు ప్రాంతాలతో పాటు ప్రధాన రహదారులు సైతం జలమయం👉తీవ్ర వాయుగుండం కారణంగా ఉత్త­రాంధ్ర భారీ వర్షాలతో విలవిల్లాడింది. గురువారం రోజంతా ఎడతెరిపి లేని వర్షాలు, ఈదురుగాలులతో శ్రీకాకుళం, విజయనగరం, పార్వతీపురం మన్యం, విశాఖ జిల్లాలు అతలాకుతలమయ్యాయి. విశాఖలో కైలా­సపురం, వెంకోజీపాలెం, చైతన్య నగర్‌ తదితర ప్రాంతాల్లో కొండచరియలు విరిగిపడటంతో ప్రజలు భయాం­దోళనలకు గురయ్యారు. విజయవాడలో భారీ వర్షానికి భవానీపురం హెచ్‌బీ కాలనీ, ఇందిరా ప్రియదర్శిని కాలనీ రోడ్లలో మోకాటి లోతులో నీళ్లు నిలిచాయి.👉అనకాపల్లి, కాకినాడ, ఉభయ గోదావరి, ఏలూరు, కృష్ణా, ఎన్టీఆర్‌ జిల్లాల్లోనూ భారీ నష్టం వాటిల్లింది. నదులు, వాగులు గ్రామాలను చుట్టుముట్టాయి. వంతెనలు కూలి, రోడ్లు కోతకు గురై అనేక గ్రామాలకు రాకపోకలు స్తంభించాయి. టెక్కలి, పాతపట్నంలో 33 కేవీ స్తంభాలు, ఏడు మండలాల్లో 11 కేవీ స్తంభాలు విరిగిపోవడంతో వందలాది పల్లెలు అంధకారంలో మగ్గాయి. వేగావతి నది ఉధృతితో బొబ్బిలి పట్టణానికి తాగునీటి సరఫరాను నిలిపివేశారు. అరకులోయలో నిత్యావసరాల కోసం గిరిజనులు ప్రాణాలకు తెగించి వాగులు దాటుతున్నారు. పొంచి ఉన్న ప్రమాదం...రెండు రోజులు కుండపోతతో నేల పూర్తిగా నీటితో నిండిపోయింది. ఇక నీటిని పీల్చుకునే స్థితిలో లేదు. అందుకే ఇకపై కురిసే మోస్తరు వర్షం కూడా నేరుగా వాగులు, వంకల్లోకి చేరి ఆకస్మిక వరదలకు దారితీయవచ్చని తెలిపింది. అనకాపల్లి, కాకినాడ, విశాఖ, విజయనగరం, శ్రీకాకుళం, పార్వతీపురం మన్యం, అల్లూరి సీతారామరాజు జిల్లాల్లో ఆకస్మిక వరదల ముప్పు ఉందని వాతావరణ శాఖ హెచ్చరించింది. కొండవాలు ప్రాంతాల్లో కొండచరియలు విరిగిపడే ప్రమాదం కూడా ఉంది.

సాక్షి, న్యూఢిల్లీ: సంచలనం సృష్టించిన కాపు యువకుడు గాదె సాయికృష్ణ కస్టోడియల్‌ డెత్‌కు సంబంధించి గురువారం సుప్రీంకోర్టు కీలక వ్యాఖ్యలు చేసింది. దీనికి సంబంధించి హైకోర్టు ముందున్న వ్యాజ్యాలపై తీర్పు వెలువడిన అనంతరం, అవసరమైతే ఈ అంశంపై జోక్యం చేసుకుంటామని జస్టిస్‌ విక్రమ్‌ నాథ్, జస్టిస్‌ అగస్టిన్‌ జార్జ్‌ మసీహ్, జస్టిస్‌ సందీప్‌ మెహతాలతో కూడిన త్రిసభ్య ధర్మాసనం స్పష్టంచేసింది. తదుపరి విచారణను అక్టోబర్‌ 26వ తేదీకి వాయిదా వేసింది. ఈ కేసులో అసలు దోషులు, ఉన్నతాధికారుల పాత్రను తేల్చాలని, దర్యాప్తును సీబీఐకి అప్పగించాలని వైఎస్సార్సీపీ ఎంపీ మద్దిల గురుమూర్తి దాఖలు చేసిన పిటిషన్‌ విచారణ సందర్భంగా ధర్మాసనం తాజా వ్యాఖ్యలు చేసింది. ‘ఏపీ హైకోర్టులో ఇప్పటికే ఈ కేసుకు సంబంధించిన న్యాయ ప్రక్రియ ముగింపు దశలో ఉంది. హైకోర్టు తీర్పు వచ్చే వరకు వేచి చూడడం సబబు’ అని వ్యాఖ్యానించింది. అంతక్రితం విచారణ ప్రారంభమైన వెంటనే పిటిషనర్‌ గురుమూర్తి తరఫున సీనియర్‌ న్యాయవాది నిఖిల్‌ గోయల్, న్యాయవాదులు అల్లంకి రమేష్‌, రాళ్ల మమత వాదనలు వినిపిస్తూ, ఈ కేసుకు సంబంధించిన పరిణామాలను ధర్మాసనం దృష్టికి తీసుకొచ్చారు. సాయికృష్ణ కనిపించకపోవడంపై తల్లి దాఖలుచేసిన హెబియస్‌ కార్పస్, అలాగే కేసును సీబీఐకి అప్పగించాలన్న పిటిషన్లు హైకోర్టులో పెండింగ్‌లో ఉన్న సంగతి తెలిసిందే.

సాక్షి,అమరావతి: వైఎస్సార్‌సీపీ అధ్యక్షుడు వైఎస్‌ జగన్‌మోహన్‌రెడ్డి ఆదేశాల మేరకు పశ్చిమ గోదావరి జిల్లా ఆచంట నియోజకవర్గానికి చెందిన గుంటూరి పెద్ది రాజును రాష్ట్ర కార్యదర్శి(పార్లమెంట్‌)గా, కాకినాడ జిల్లా ప్రత్తిపాడు నియోజకవర్గానికి చెందిన అంగూరి లక్ష్మీశివకుమారిని రాష్ట్ర అధికార ప్రతినిధిగా నియమించారు. ఈ మేరకు పార్టీ కేంద్ర కార్యాలయం గురువారం ప్రకటన విడుదల చేసింది.

ముఖ్యమంత్రిగారూ.. 20 లక్షల ఉద్యోగాలన్నారు.. లేదంటే నిరుద్యోగ భృతి కింద నెలకు రూ.3,000 చొప్పున ఇస్తానన్నారు. రెండున్నరేళ్లలో రూ.90 వేలు ఎగ్గొట్టారు. ఇన్‌ఫ్లుయెన్సర్స్‌ ఈ మోసాన్ని ప్రచారం చేయడానికేనా? ఓ నిరుద్యోగి ప్రశ్న ఇది.ఆడబిడ్డ నిధి పథకం కింద నెలకు రూ.1,500 చొప్పున ఏడాదికి రూ.18వేలు ఇస్తానన్నారు. రెండున్నరేళ్లలో రూ. 45 వేలు ఎగ్గొట్టారు. సోషల్‌ మీడియాలో ఈ మోసాన్ని ఎలా ప్రచారం చేయించబోతున్నారు? 18 ఏళ్లు నిండిన ఓ యువతి ప్రశ్న ఇది.50 ఏళ్లు దాటిన ఎస్సీ, ఎస్టీ, బీసీ, మైనార్టీలకు పించన్లన్నారు. ఈ రెండున్నరేళ్లలో రూ. 1,20,000 ఎగ్గొట్టారు. ఈ వంచనను ఎలాంటి వీడియోలతో పాపులర్‌ చేయబోతున్నారు? 50 ఏళ్లు దాటిన అనేకమంది వేస్తున్న ప్రశ్న ఇది.ఐదు డీఏలు పెండింగ్‌.. పీఆర్‌సీ లేదు, ఐఆర్‌ లేదు.. రూ. 40వేల కోట్లకు పైగా పెండింగ్‌.. అధికారంలోకి రాగానే అమలుచేస్తానని అనేక వాగ్దానాలు చేశారు.. మోసపోయాం.. ఈ అన్యాయాన్ని ఎలా ప్రెజెంట్‌ చేయబోతున్నారు? ఓ ప్రభుత్వ ఉద్యోగి ప్రశ్న ఇది. సాక్షి, అమరావతి: రెండున్నరేళ్లయింది. యువతకు నిరుద్యోగ భృతి ఇవ్వడానికి మనసు రావడం లేదు. 18 ఏళ్లు నిండిన మహిళలకు ఆడబిడ్డ నిధి అమలు చేయడానికి, 50 ఏళ్లు నిండిన వాళ్లకు పెన్షన్‌ ఇవ్వడానికి చేతులు రావడం లేదు. ఉద్యోగుల బకాయిలకు దిక్కులేదు. సున్నావడ్డీ పథకానికి సున్నా చుట్టేయడంతో డ్వాక్రా మహిళల కష్టాలు అన్నీ ఇన్నీ కావు. విద్యాదీవెన, వసతి దీవెన బకాయిల ఊసెత్తకపోవడంతో విద్యార్థులు చదువులు మానేయాల్సిన పరిస్థితి. లేదా అప్పులు చేసి కట్టాల్సివస్తోంది. మేనిఫెస్టోలో ఇచ్చిన హామీలు.. సూపర్‌సిక్స్, సూపర్‌ సెవన్‌ వాగ్థానాలన్నీ అటకెక్కాయి. ఇచ్చిన హామీలే కాదు.. గత ప్రభుత్వం ఇచ్చిన అనేక పథకాలకు నీళ్లొదిలేశారు. ‘ఎంత మోసగాడివయ్యా బాబూ’ అని జనం చర్చించుకుంటున్నారు. సంపద సృష్టిస్తానంటూ బీరాలు పలికి లక్షల కోట్ల అప్పులతో బండి నడిపిస్తూ అదేదో గొప్ప విజనరీ పరిపాలనలా ఎల్లో మీడియాలో ప్రచారం చేయించుకోవడం.. ‘వాట్‌ ఎ థాట్‌.. వాట్‌ ఏ విజన్‌’.. పాలన పాతాళంలో... ప్రచారం మాత్రం ఆకాశంలో... చేయనిది చేసినట్టు చెప్పుకోవడంలో చంద్రబాబును మించినవారెవరూ లేరు. ఇప్పటికే సాగుతున్న ఈ బూటకపు ప్రచారాన్ని ఇంకా కొత్త ఎత్తులకు తీసుకెళ్లడం కోసం చంద్రబాబు సర్కార్‌ కొత్త కొత్త మార్గాలను వెతుకుతోంది. కొత్తగా సోషల్‌ మీడియా ఇన్‌ఫ్లుయెన్సర్స్‌తో సొంత డబ్బా కొట్టించుకునేందుకు ఓ పాలసీ తెచ్చారు. ఇందుకోసం కోట్లు కోట్లు కుమ్మరించబోతున్నారు. అంటే ఐటీడీపీ వంటి ఆన్‌లైన్‌ పసుపు దళానికి దీపావళి ముందుగానే వచ్చేసిందన్నమాట. సోషల్‌ మీడియా ఇన్‌ఫ్లుయెన్సర్స్‌ అంటే ఆ ముసుగులో తెలుగుదేశం పార్టీ కోసం సోషల్‌ మీడియాలో అబద్ధపు ప్రచారం జోరుగా చేస్తున్న వారి కోసమే ఈ పాలసీ. వాళ్లకు ప్రజాధనాన్ని దోచిపెట్టడానికే ఈ పాలసీ. ఎంపిక చేసిన ఒక్కో ఇన్‌ఫ్లుయెన్సర్‌కు నెలకు రూ.1.5 లక్షల వరకు ఇవ్వబోతున్నారంటే అర్ధం చేసుకోవచ్చు ప్రజాధనాన్ని ఏ స్థాయిలో దుర్వినియోగం చేయబోతున్నారో.. భగ్గుమంటున్న రాష్ట్రం.. ఎన్నికల మేనిఫెస్టోలో అలవిమాలిన హామీలిచ్చిన చంద్రబాబు సూపర్‌ సిక్స్, సూపర్‌ సెవెన్‌ పథకాలు ఎగ్గొట్టి దాదాపు రూ.2,06,744.46 కోట్లకు పైగా పంగనామం పెట్టడంపై రాష్ట్రప్రజలు రగిలిపోతున్నారు. ఈ మోసాలపై ఇన్‌ఫ్లుయెన్సర్స్‌ ఏం ప్రచారం చేస్తారని నిలదీస్తున్నారు. హామీ ఇచ్చిన పథకాలకు దిక్కులేదు కానీ ప్రచారం కోసం కోట్లు కోట్లు ప్రజాధనం వ్యయం చేస్తుండటం మరింత ఆగ్రహావేశాలను రగిల్చింది. చేసిందేమీ లేకపోయినా ప్రచారం కోసం కొత్తగా సోషల్‌ మీడియా ఇన్‌ఫ్లుయెన్సర్స్‌ పాలసీ తీసుకురావడంపై నిరుద్యోగులు, ఎస్సీ, ఎస్టీ, మైనార్టీలు, మహిళలు ఆగ్రహం వ్యక్తం చేస్తున్నారు. పథకాలకు డబ్బులు లేవంటూనే ప్రచారం కోసం కోట్లు కుమ్మరిస్తుండడంపై మండిపడుతున్నారు. ముందు మాకిచ్చిన ఎన్నికల హామీలను అమలు చేయాలంటూ డిమాండ్‌ చేస్తున్నారు. ఎంత ప్రచారం చేస్తే అంత డబ్బు.. ఇప్పటికే ఏపీ డిజిటల్‌ కార్పొరేషన్‌ ద్వారా సోషల్‌మీడియా ప్రచారానికి కోట్లు ఖర్చు చేస్తున్న రాష్ట్ర ప్రభుత్వం తాజాగా సోషల్‌ మీడియా ఇన్‌ఫ్లుయెన్సర్స్‌ను పెద్ద ఎత్తున వినియోగించుకోవడానికి రంగం సిద్ధం చేసింది. ఇప్పటికే ముఖ్యమంత్రి చంద్రబాబు పర్యటనల ముందు ఇన్‌ఫ్లుయెన్సర్స్‌ ద్వారా ప్రచారం నిర్వహిస్తున్న రాష్ట్ర ప్రభుత్వం ఇప్పుడు వీరిని మరింత విస్తృతంగా వినియోగించుకోవడానికి ఏకంగా ఒక పాలసీనే తీసుకువచ్చింది. బుధవారం జరిగిన మంత్రివర్గ సమావేశంలో సోషల్‌ మీడియా ఇన్‌ఫ్లుయెన్సర్స్‌ పాలసీ(ఎస్‌ఎంఐఎస్‌)కి ఆమోదముద్ర వేసింది. ఫేస్‌బుక్, ఇన్‌స్ట్రాగామ్, యూట్యూబ్, ఎక్స్‌ (ట్విట్టర్‌) వంటి సామాజిక మాధ్యమాల్లో బాగా ప్రాచుర్యంలో ఉన్న ఇన్‌ఫ్లుయెన్సర్స్‌ను గుర్తించి వారి చేత ప్రచారం చేయించడానికి కోట్ల రూపాయల ప్రజాధనం దుర్వినియోగం చేయనున్నారు. డిజిటల్‌ ప్రచారం, ప్రజా సమాచారాన్ని బలోపేతం చేయడానికి సోషల్‌ మీడియా కంటెంట్‌ క్రియేటర్లతో సమావేశాలు నిర్వహించి ఆంధ్రప్రదేశ్‌ సోషల్‌ మీడియా ఇన్‌ఫ్లుయెన్సర్ల పాలసీ ముసాయిదాను రూపొందించనున్నట్లు మంత్రి కొలుసు పార్థసారధి ప్రకటించారు. ఈ పాలసీ కింద లక్ష మందికిపైగా ఫాలోయర్స్‌ ఉన్నవారు వారే స్వయంగా ఒక వీడియో తయారు చేస్తే రూ15,000 చెల్లిస్తారు. అదే ఫాలోవర్స్‌ సంఖ్య 50,000 నుంచి లక్షలోపు ఉంటే రూ.7,500, ఫాలోవర్స్‌ 25,000 నుంచి 50వేలు లోపు ఉంటే రూ.5,000, 10వేల నుంచి 25వేల లోపు ఫాలోవర్స్‌ ఉంటే రూ.2,500 ఇవ్వడానికి సూత్రప్రాయంగా అంగీకరించారు. అదే ప్రభుత్వమే కంటెంట్‌ ఇస్తే రూ.500 నుంచి రూ.1,500 వరకు చెల్లిస్తారు. ఈ విధంగా ఒకొక్క ఇన్‌ఫ్లుయెన్సర్‌కు గరిష్టంగా నెలకు రూ.1.50 లక్షలు చెల్లించనున్నారు. ఇందుకోసం విశ్వసనీయ ఇన్‌ఫ్లుయెన్సర్లను గుర్తించి, ధ్రువీకరించి వీరందరినీ ఎంప్యానల్‌ చేసి తొలుత ఏడాదిపాటు వినియోగించుకుంటామని, ఆపైన అవసరమైతే మరో రెండేళ్లు వినియోగించుకుంటామని తెలిపారు. టీడీపీ కార్యకర్తలకు ఉపాధి కోసమే.. లోకేశ్‌ యువగళం పాదయాత్రలో పనిచేసిన టీడీపీ కార్యకర్తలకు ఉపాధి కల్పించడానికి ఏపీ డిజిటల్‌ కార్పొరేషన్‌ను అడ్డంగా వాడుకుంటున్నారు. కార్యకర్తలను భారీ వేతనాలతో ఏపీ డిజిటల్‌ కార్పొరేషన్‌లో నియమించుకున్నారు. సోషల్‌ మీడియా ప్రత్యేక అధికారి, కంటెంట్‌ డెవలపర్స్, అనలిస్టులు, డిజిటల్‌ ప్రచారకులు పేరిట 85 మందికిపైగా ఔట్‌సోర్సింగ్‌ విధానంలో నియమించుకొని వీరికి నెలకు రూ.25 వేల నుంచి రూ.1.75 లక్షల వరకు వేతనాలు చెల్లిస్తున్నారు. వీరికి అదనంగా ప్రతీ మంత్రి పేషిలో జరిగే కార్యకలాపాలు తక్షణం తెలుసుకోవడానికి 48 మంది సోషల్‌ మీడియా ఎగ్జిక్యూటివ్స్‌ను నియమించారు. వీరంతా ఆ మంత్రిత్వ శాఖలో జరిగే కార్యక్రమాలు కాకుండా ప్రతిపక్షాలను విమర్శిస్తూ పోస్టింగ్‌లు, కథనాలను తయారు చేస్తుంటారు. గత రెండేళ్ల కాలంలో కేవలం సోషల్‌ మీడియా కార్యకర్తల కోసమే సుమారు రూ.160 కోట్ల వరకు ప్రజాధనం వ్యయం చేయడం గమనార్హం. ఇప్పుడు దీనికి అదనంగా ఇన్‌ఫ్లుయెన్సర్స్‌ను నియమించుకొని మరిన్ని వందల కోట్లు దోచిపెట్టడానికి రంగం సిద్ధం చేస్తోంది. అబద్ధపు ప్రచారానికి ప్రజల సొమ్మా?చంద్రబాబు ఎన్నికల వాగ్దానాన్ని నమ్మి పింఛన్‌ కోసం ఎదురు చూస్తున్న 50 ఏళ్లు దాటినవారు చాలా మంది ఉన్నారు. అటువంటి వారందరికీ మొండిచేయి చూపించి సోషల్‌ మీడియా వారికి నెలనెలా లక్షలకు లక్షలు ఇవ్వాలని ప్రభుత్వం తీసుకున్న నిర్ణయం చాలా దుర్మార్గం. మున్సిపల్‌ ఎన్నికలు సమీపిస్తున్న సమయంలో తెలుగుదేశం ప్రభుత్వం గొప్పగా పనిచేస్తోందంటూ సోషల్‌ మీడియాలో అబద్ధపు ప్రచారం చేసేవారికి ప్రజల సొమ్మును ధారాదత్తం చేస్తున్నారంటే ఇంతకంటే అన్యాయం ఎక్కడా ఉండదు. – గుణ్ణం రామకృష్ణ, కొత్తూరు, రామచంద్రపురం, డాక్టర్‌ బీఆర్‌ అంబేడ్కర్‌ కోనసీమ జిల్లాహామీలకు దిక్కులేదు కానీ..హామీలు అమలు చేసేందుకు ఖజానాలో సొమ్ములేదని చంద్రబాబు చెబుతున్నారు. టీడీపీ అనుకూల సోషల్‌ మీడియా యాక్టివిస్టులకు లబ్ధి చేకూర్చేందుకు జీఓ జారీచేశారు. ప్రజాధనంతో ప్రచారానికి తెరతీశారు. ఇదెక్కడి అన్యాయం. నిరుద్యోగ భృతి లేదు. ఆడబిడ్డ నిధి లేదు. పింఛన్లు లేవు. పార్టీ అనుకూల వర్గాలకు లబ్ధిచేకూర్చడాన్ని ప్రజలు గమనిస్తున్నారు. – రాజేంద్రనాయుడు, పొట్లి గ్రామం, విజయనగరంజిల్లామీ కార్యకర్తలకు దోచిపెట్టేందుకేనా..చంద్రబాబు ప్రజలకు కూడా వెన్నుపోటు పొడిచారు. హామీలను అటకెక్కించారు. రాజకీయ లబ్ధి కోసమే సోషల్‌ మీడి­యా ఇన్‌ఫ్లుయెన్సర్ల పేరుతో ఐటీడీపీ కార్యకర్తలకు భారీగా నిధు­లు దోచిపెట్టేందుకు సిద్ధమయ్యారు. నిరు­ద్యోగ భృతి ఇవ్వడం లేదు. ఆడబిడ్డ నిధిలేదు. 50 ఏళ్లకే పింఛన్‌ లేదు. కానీ సోషల్‌ మీడియా పేరుతో ఏ విధంగా డబ్బులు ఇస్తారు? – గాతల సందీప్, జువ్వలపాలెం, పశ్చిమగోదావరి జిల్లాసొంత డబ్బాకు... ప్రజాధనమా....!బాబు సర్కార్‌ సొంత ప్రచారం కోసం ప్రజాధనాన్ని వెచ్చించేందుకు మరో ఎత్తు వేసింది. స్థానిక ఎన్నికల నేపథ్యంలో సోషల్‌ మీడియా ఇన్‌ప్లూయన్సర్స్‌ పాలసీ అంటూ సరికొత్త డ్రామాకు తెరలేపారు. ఇది కేవలం టీడీపీ కార్యకర్తలకు ప్రజాధనాన్ని ధారాదత్తం చేసేందుకు పన్నిన కుట్ర. రాష్ట్రంలో నిరుద్యోగులు రోడ్డున పడి అల్లాడుతున్నారు. కూటమి ప్రభుత్వం ఏర్పడి రెండన్నరేళ్లు గడిచినా నిరుద్యోగ భృతి ఊసే లేదు. ఆడబిడ్డ నిధి అంటూ ప్రగల్భాలు పలికి మహిళలను నిలువునా ముంచేశారు. ఎస్సీ, ఎస్టీ, బీసీ, మైనారిటీ వర్గాలకు 50ఏళ్లకే పింఛన్‌ మాటే ఎత్తడంలేదు. ఇంతదారుణంగా ఇచ్చిన హామీలకు తిలోదకాలు వదిలి, టీడీపీ కార్యకర్తలను ఉత్సాహపరిచేందుకు ఇన్‌ఫ్లూయన్సర్‌ పాలసీని తెస్తున్నారు. సోషల్‌ మీడియా ద్వారా ప్రజలను నమ్మించే ప్రయత్నం తప్ప ప్రజలకు ఒరిగేది ఉండదు. – సుందరరాజు, నేషనల్‌ లా స్టూడెంట్స్‌ అసోసియేషన్‌ జాతీయ అధ్యక్షులు, తిరుపతి

సాక్షి, అమరావతి: మెగా డీఎస్సీ పేరిట ప్రతిభా­వంతులను దగా చేసినట్టే డాక్టర్‌ కావాలన్న ప్రతిభావంతులైన విద్యార్థుల ఆశలను చంద్రబాబు ప్రభుత్వం నీరుగారుస్తోంది. డీఎస్సీ నోటిఫికేషన్‌కు ముందు కుట్రపూరిత జీవోలు తెచ్చి స్పోర్ట్స్‌ కోటా కింద టీచర్‌ పోస్టులను అడ్డదారుల్లో అమ్మేసుకున్నారు. అదే తరహాలో 2026–27 విద్యా సంవత్సరం ఎంబీబీఎస్‌ ప్రవేశాలకు ముందు జీవో–102 తీసుకొచ్చి రాష్ట్రంలోని ఎస్సీ, ఎస్టీ, బీసీ, మైనార్టీ విద్యార్థులకు చంద్రబాబు సర్కారు తీవ్ర అన్యాయం తలపెట్టింది. నీట్‌ యూజీ మెరిట్‌ ఆధారంగా ఓపెన్‌ కేటగిరీలో ఎస్సీ, ఎస్టీ, బీసీ, మైనార్టీ విద్యార్థులకు దక్కాల్సిన ప్రభుత్వ సీట్లను వారికి దక్కకుండా ప్రభుత్వమే కుట్ర చేసిందనే ఆరోపణలు వెల్లువెత్తుతున్నాయి. 2026–27 విద్యా సంవత్సరానికి సంబంధించి రెండు విడతలుగా ప్రభుత్వ కోటా ఎంబీబీఎస్‌ సీట్లను ఆరోగ్య విశ్వవిద్యాలయం భర్తీ చేసింది. దీంతో మెరిట్‌ ఆధారంగా ఎస్సీ, ఎస్టీ, బీసీ, మైనార్టీ విద్యార్థులకు దక్కాల్సిన 70కు పైగా సీట్లు గల్లంతయ్యాయి. వైఎస్‌ జగన్‌ హయాంలో విద్యార్థులకు మేలు జరిగేలా..రాష్ట్రంలో ఎంబీబీఎస్, బీడీఎస్‌ ప్రవేశాల కౌన్సెలింగ్‌లో పారదర్శక విధానాలను మాజీ సీఎం వైఎస్‌ జగన్‌మోహన్‌రెడ్డి ప్రభుత్వం ప్రవేశపెట్టింది. ఇందులో భాగంగా కార్యదర్శి స్థాయిలోని ఇద్దరు ఐఏఎస్‌లు, ఇద్దరు నిపుణులైన విద్యావేత్తలు, ఇద్దరు న్యాయవాదులతో కమిటీ వేసి అధ్యయనం చేయించింది. ఆ కమిటీ సిఫార్సుల మేరకు 2020 డిసెంబర్‌లో జీవో–151 తెచ్చింది. అప్పటి నుంచి ఎంబీబీఎస్, బీడీఎస్‌ కౌన్సెలింగ్‌ సమయంలో రాష్ట్రంలో అందుబాటులో ఉన్న అన్ని వైద్య, దంత కాలేజీలకు ఒకేసారి ప్రా«ధాన్యత క్రమంలో విద్యార్థులు ఆప్షన్లుగా ఎంచుకునేవారు. ఈ క్రమంలో కౌన్సెలింగ్‌ సమయంలో విద్యార్థుల నీట్‌ ర్యాంక్‌ల ఆధారంగా తొలుత ఓపెన్‌ కేటగిరీ సీట్లను కేటాయించే వారు. విద్యార్థులు అందుబాటులో ఉన్న అన్ని కాలేజీలను ఆప్షన్లులుగా ఎంచుకోవడంతో వారిచి్చన ప్రాధాన్యత ఆధారంగా తొలుత ఓపెన్‌ సీట్లన్నీ భర్తీ చేసేవారు. ఓపెన్‌లో సీట్లు దక్కించుకున్న ఎస్సీ, ఎస్టీ, బీసీ, మైనార్టీ విద్యార్థులను మెరిటోరియస్‌ రిజర్వ్‌డ్‌ కేటగిరీ (ఎంఆర్‌సీ) కింద పరిగణించి, వారికి తదుపరి స్లైడింగ్‌ అవకాశం ఇచ్చేవారు. ఓపెన్‌లో సీటు దక్కించుకున్న కాలేజీ కంటే వారి రిజర్వేషన్‌ కేటగిరీలో ఇంకా మంచి కాలేజీలో సీట్‌ వస్తే ఇచ్చేవారు. మిగిలిన సీట్లను సైతం ఉమ్మడి రాష్ట్రంలో ఉన్నత విద్యా ప్రవేశాల్లో రిజర్వేషన్ల అమలు కోసం ప్రవేశపెట్టిన జీవో–550కు భంగం వాటిల్ల కుండా భర్తీ చేసేవారు. చంద్రబాబు సర్కారు రాగానే..ఇలా 2020 నుంచి 2025 వరకూ సాఫీగా సాగిన కౌన్సెలింగ్‌ ప్రక్రియకు చంద్రబాబు ప్రభుత్వం తెచ్చిన జీవో–102 గొడ్డలి పెట్టుగా మారింది. 2026–27 కౌన్సెలింగ్‌ ప్రారంభించడానికి ముందు ఈ ఏడాది జూలై 30న ప్రభుత్వం జీవో–102 జారీ చేసింది. అన్ని రౌండ్ల కౌన్సెలింగ్‌కు ఒకేసారి కాకుండా ప్రతి రౌండ్‌కు విద్యార్థులు ఆప్షన్లు నమోదుచేయాలని ప్రభుత్వం ఆదేశించింది. అదేవిధంగా విద్యార్థులు అందుబాటులో ఉన్న కళాశాలలను తప్పనిసరిగా ఆప్షన్లుగా ఎంచుకోవాలన్న నిబంధనను పూర్తిగా ఎత్తేశారు. ప్రభుత్వమే అన్ని కాలేజీలను ఆప్షన్లుగా ఎంచుకునే అవసరం లేదని తేల్చేయడంతో విద్యార్థులు తమకు నచ్చిన కొన్ని కాలేజీలనే ఆప్షన్లుగా నమోదు చేసుకున్నారు. దీంతో అసాధారణ ప్రతిభ కనబరిచిన ఎస్సీ, ఎస్టీ, బీసీ, మైనార్టీ విద్యార్థులు ఓపెన్‌ కేటగిరీకి కాకుండా వారి రిజర్వేషన్లకు పరిమితం అయ్యే దుస్థితిని ప్రభుత్వమే సృష్టించినట్లయింది.మెరుగైన ర్యాంకర్‌కు రిజర్వేషన్‌.. తక్కువ ర్యాంకర్‌కు ఓపెన్‌చంద్రబాబు ప్రభుత్వం తెచ్చిన జీవో–102 ఫలితంగా నీట్‌ యూజీలో అసాధారణ ప్రతిభ కనబరిచిన విద్యార్థులు రిజర్వేషన్‌ కేటగిరీలకు, వారి కంటే తక్కువ ర్యాంక్‌ సాధించిన వారు ఓపెన్‌ కేటగిరీల్లో సీట్లు పొందాల్సి వచ్చింది. మొదటివిడత సీట్ల కేటాయింపుల్లో ఆంధ్రా యూనివర్సిటీ రీజియన్‌లో ఓపెన్‌ కేటగిరీలో కటాఫ్‌ ర్యాంక్‌ 71,547, ఎస్వీయూ రీజియన్‌లో 94,966 నమోదైంది. అయితే, ఈ రెండు రీజియన్లలోనూ ఓపెన్‌ కటాఫ్‌ కంటే ఎంతో మెరుగైన ర్యాంక్‌ తెచ్చుకున్న విద్యార్థులకు హెల్త్‌ యూనివర్సిటీ రిజర్వేషన్‌ విభాగాల్లో సీట్లే కేటాయించింది. ఇలా రెండు రీజియన్లలో 70 మందికిపైగా విద్యార్థులను రిజర్వేషన్‌ కోటాలోకి తోసేశారు. గుంటూరు మెడికల్‌ కాలేజీలో 31,325 ర్యాంక్‌ సాధించిన విద్యార్థికి బీసీ–బీ కేటగిరి కింద సీటు ఇచ్చారు. ఇదే కాలేజీలో బీసీ–బీ కేటగిరీకి చెందిన 55,233 ర్యాంక్‌ సాధించిన విద్యార్థికి ఎంఆర్‌సీ కింద సీటు కేటాయించారు. ఇలా 31,325 ర్యాంక్‌ సాధించిన విద్యార్థి కంటే ఎక్కువ ర్యాంక్‌ సాధించిన 14 మంది బీసీ–బీ విద్యార్థులు ఎంఆర్‌సీలో గుంటూరు మెడికల్‌ కాలేజీలోనే సీట్లు దక్కించుకున్నారు. ఇక రెండు రీజియన్లలోనూ ఓపెన్‌ కటాఫ్‌ కంటే మెరుగ్గా 23,550, 30,307, 30,611, 31,325, 37,039 వంటి ర్యాంక్‌లు సాధించిన విద్యార్థులను రిజర్వేషన్‌ విభాగాల్లో సర్దుబాటు చేశారు. సుప్రీంకోర్టు తీర్పులు, జీవో–­550 ప్రకారం అసాధారణ ప్రతిభ కనబరిచిన 70 మంది విద్యార్థులు ఓపెన్‌ కేటగిరీలో సీట్లు దక్కించుకుని ఉంటే.. ఎస్సీ, ఎస్టీ, బీసీ, మైనార్టీ విభాగాలకు చెందిన మరో 70 మందికి ఎంబీబీఎస్‌ సీట్లు దక్కేవి. అలా దక్కకుండా ప్రభుత్వమే వెనుకబడిన వర్గాల విద్యార్థులకు జీవో–102తో వెన్నుపోటు పొడిచింది.షరతు ఎత్తేసి.. అన్ని కాలేజీలు ఎంచుకోవాలని సూచనజీవో–151 ప్రకారం విద్యార్థులు అన్ని కాలేజీలను తప్పనిసరి­గా ఆప్షన్లుగా ఎంచుకోవాలనే షరతు ఉండేది. ఈ షరతుతో వి­ద్యార్థులకు అన్యాయం కలిగిన సందర్భాలు రాష్ట్రంలో ఇప్పటివరకూ చోటు చేసుకోలేదు. ఇదిలా ఉండగా అకారణంగా జీవో­–151 రద్దు చేసి జీవో–102 తీసుకురావడం ద్వారా విద్యార్థులు అన్ని కాలేజీలను ఎంపిక చేసుకునే పద్ధతిని ఎత్తేసి మొదటి రౌండ్‌ కౌన్సెలింగ్‌లో బీసీ, ఎస్సీ, ఎస్టీ, మైనార్టీ విద్యార్థులు తీ­వ్రంగా నష్టపోయాక వర్సిటీ వీసీ, రిజిస్ట్రార్‌ విద్యార్థులకు ఉచి­త సలహాలు ఇచ్చారు. అందుబాటులో ఉన్న కాలేజీలను వి­ద్యా­ర్థులు ఎంపిక చేసుకోవాలని సూచించారు. గుంటూరు కాలే­జీలో బీసీ–బీ కోటాలో సీటు దక్కించుకున్న విద్యార్థి రెండో రౌండ్‌లో సీటు అప్‌గ్రేడ్‌ చేసుకోవడానికి ప్రయత్నించారు. ఈ సందర్భంగా రెండు ఆప్షన్లు నమోదు చేసిన వెంటనే మిగిలిన కాలేజీలు ఎంపిక చేసుకోవడానికి వీల్లేకుండా పోయింది. దీంతో బాబు సర్కార్‌ చేసి­న మా­­ర్పు­లపైనా విద్యార్థులు, తల్లిదండ్రులు అనుమానాలు వ్య­క్త­ం చేస్తున్నారు.

సాక్షి, అమరావతి: సీఎం చంద్రబాబు ఏడాది పాలన సంబరాలకు రాష్ట్ర ప్రభుత్వం రూ.7,29,03,156లను ఖర్చు చేసింది. ఏడాది పాలన పూర్తయిన నేపథ్యంలో గత ఏడాది జూన్‌ 23న ఏపీ సచివాలయం వెనుక ఉన్న ప్రాంగణంలో సభ నిర్వహించారు. ఈ సభ ఖర్చులకు సంబంధించి ప్రణాళికా శాఖ జారీ చేసిన ఉత్తర్వులపై ఆర్థికశాఖ పలు వ్యాఖ్యలు చేసింది. ఈ నేపథ్యంలో ఆ సభ నిర్వహణకు సంబంధించిన ఖర్చులపై ప్రణాళికా శాఖ ముఖ్య కార్యదర్శి పీయూష్ కుమార్‌ గురువారం సవివరమైన ఉత్తర్వులు జారీ చేశారు. మూడు జిల్లాల కలెక్టర్లతోపాటు ఏపీఎస్‌ఆర్‌టీసీ వీసీ అండ్‌ ఎండీకి ఈ మొత్తం నిధులను విడుదల చేయనున్నట్లు ఉత్తర్వుల్లో స్పష్టంచేశారు. గుంటూరు జిల్లా కలెక్టర్‌కు రూ.4,94,64,946, కృష్ణా జిల్లా కలెక్టర్‌కు రూ.2,17,76,139, ఎన్టీఆర్‌ జిల్లా కలెక్టర్‌కు రూ.1,15,748, ఏపీఎస్‌ఆర్‌టీసీ వీసీ అండ్‌ ఎండీకి రూ.15,46,323లు చొప్పున విడుదల చేయనున్నట్లు వివరించారు.

సాక్షి, అమరావతి: ఓటర్ల జాబితా ప్రత్యేక సమగ్ర సవరణ (సర్‌) ప్రక్రియ ముగిసి, తుది ఓటర్ల జాబితాను ప్రచురించిన తరువాతే స్థానిక సంస్థల ఎన్నికలు నిర్వహించేలా రాష్ట్ర ఎన్నికల సంఘాన్ని ఆదేశించాలని వైఎస్సార్‌సీపీ హైకోర్టును అభ్యర్థించింది. ఇందుకు సంబంధించి దాఖలైన పిటిషన్‌ను ప్రధాన న్యాయమూర్తి (సీజే) జస్టిస్‌ లీసా గిల్, న్యాయమూర్తి జస్టిస్‌ చల్లా గుణరంజన్‌లతో కూడిన ధర్మాసనం గురువారం విచారించింది. ఈ సందర్భంగా వైఎస్సార్‌సీపీ తరఫున సీనియర్‌ న్యాయవాది సుబ్రమణ్య శ్రీరాం తుది వాదనలు వినిపిస్తూ.. ‘మేం ఎన్నికలను వాయిదా వేయాలని కోరడంలేదు. సర్‌ ప్రక్రియ ముగిసి, తుది ఓటర్ల జాబితాను ప్రచురించిన తరువాతే స్థానిక సంస్థల ఎన్నికలు నిర్వహించాలని కోరుతున్నాం. 2026 జనవరి 1ని అర్హత తేదీగా తీసుకుని అసెంబ్లీ ఓటర్ల జాబితా ఆధారంగా ఎన్నికలు నిర్వహించేందుకు ఎస్‌ఈసీ చర్యలు చేపట్టడం సరికాదు. దీనివల్ల పెద్ద సంఖ్యలో పౌరులు ఓటు హక్కు కోల్పోతారు. నామినేషన్ల ముగింపు తేదీ నాటికి జరిగే అన్ని సవరణలను పరిగణనలోకి తీసుకుని అనుబంధ ఓటర్ల జాబితా విడుదలచేస్తే మాకు ఎలాంటి అభ్యంతరం లేదు. సర్‌లో భాగంగా కేంద్ర ఎన్నికల సంఘం ప్రచురించిన ముసాయిదా ఓటర్ల జాబితాలో రాష్ట్రంలో సుమారు 15.22 లక్షల మంది మరణించిన వారు, 7.37 లక్షల నకిలీ ఓట్లు, పెద్ద సంఖ్యలో శాశ్వ­తంగా వేరే ప్రాంతాలకు వెళ్లిన వారి పేర్లు నమోదై ఉన్నాయి. సర్‌ప్రక్రియ పూర్తికాకముందే 01.01.2026 అర్హత తేదీతో పాత, తప్పుల తడకగా ఉన్న అసెంబ్లీ ఓటర్ల జాబితా ఆధారంగా రాష్ట్ర ఎన్నికల సంఘం స్థానిక ఎన్నికలకు వెళ్లడం వల్ల ఒకే ప్రాంతంలో అసెంబ్లీకి ఒక జాబితా, స్థానిక సంస్థలకు మరొక జాబితా ఉంటుంది. మరణించిన, నకిలీ ఓటర్లు స్థానిక జాబి­తాలో కొనసాగడం వల్ల రిజర్వేషన్లు, రోటేషన్‌ విధా­నం దెబ్బతింటుంది. పంచా­యతీ రాజ్‌ చట్టం, మున్సిపాలిటీల చట్టం ప్రకారం స్థానిక సంస్థలకు ప్రత్యేకమైన ఓటర్ల జాబితా ఉండదు. అది పూర్తిగా అసెంబ్లీ ఓటర్ల జాబితా ఆధారంగానే తయారవుతుంది. చట్ట సవరణల ద్వారా జూలై 1ని కూడా అర్హత తేదీగా ఆమోదించినప్పటికీ, రాష్ట్ర ఎన్నికల సంఘం మాత్రం 01.01.2026 తేదీనే ఎంచుకోవడం ఏకపక్షం. ఎన్నికల సంఘం తీరు వల్ల స్వేచ్ఛాయుతంగా, నిష్పాక్షికంగా ఎన్నికలు జరిగే అవకాశం ఉండదు. పారదర్శకతకు స్థాన­ం లేకుండా పోతుంది’ అని వివరించారు. కాగా, రాష్ట్ర ఎన్ని­కల సంఘం తరఫున న్యాయవాది నర్సీ­ప­ట్నం అశ్వనీకుమార్‌ వాదనలు వినిపిస్తూ, సవరించిన తుది జాబితా కోసం వేచిచూస్తే ఎన్ని­కల సన్నాహకాలన్నీ వృధా అవుతాయన్నారు. సర్‌ ప్రక్రి­య ము­గిసే వరకు స్థానిక ఎన్నికలను ఆపాల్సిన అవసరం లేదని రాష్ట్ర ప్రభుత్వం తరఫున అడ్వొకేట్‌ జనరల్‌ (ఏజీ) దమ్మాలపాటి శ్రీనివాస్‌ పేర్కొన్నారు.తీర్పు రిజర్వ్‌» సర్‌ ప్రక్రియ ముగిసి, తుది ఓటర్ల జాబితాను ప్రచురించిన తరువాతే స్థానిక సంస్థల ఎన్నికలు నిర్వహించేలా రాష్ట్ర ఎన్నికల సంఘాన్ని ఆదేశించాలని కోరుతూ వైఎస్సార్‌సీపీ దాఖలు చేసిన పిటిషన్‌పై ఇరుపక్షాల వాదనలు విన్న ధర్మాసనం తీర్పును రిజర్వ్‌ చేసింది. » బీసీ జనగణన చేపట్టి, అందుకు అనుగుణంగా రిజర్వేషన్‌ ఖరారు చేసి, ఆ తరువాతే స్థానిక సంస్థలు, గ్రామపంచాయితీలకు ఎన్నికలు నిర్వహించేలా రాష్ట్ర ప్రభుత్వాన్ని ఆదేశించాలని కోరుతూ బీసీ సంఘం రాష్ట్ర అధ్యక్షుడు కేశన శంకరరావు దాఖలు చేసిన పిల్‌లో కూడా గురువారం వాదనలు ముగిశాయి. ఈ వ్యాజ్యంలో కూడా సీజే ధర్మాసనం తీర్పును రిజర్వ్‌ చేసింది. పిటిషనర్‌ తరఫున సీనియర్‌ న్యాయవాది సత్యప్రసాద్‌ వాదనలు వినిపిస్తూ, బీసీ జన గణన చేసిన తరువాతే స్థానిక ఎన్నికలు పెట్టాలని రాష్ట్ర ప్రభుత్వాన్ని పలు సందర్భాల్లో ఇదే హైకోర్టు ఆదేశించిందన్నారు. » గ్రామ పంచాయతీ ఎన్నికల్లో బీసీలను ఏబీసీడీఈలుగా ఉపవర్గీకరించి రిజర్వేషన్లు కల్పించాలని కోరుతూ విజయనగరం జిల్లాకు చెందిన దుర్గాప్రసాద్‌ దాఖలు చేసిన ప్రజా ప్రయోజన వ్యా­జ్యంలో కూడా వాదనలు ముగిశాయి. ఇందులో కూడా ధర్మాసనం తీర్పును రిజర్వ్‌ చేసింది.

సాక్షి, అమరావతి: హంద్రీ–నీవా సుజల స్రవంతి పథకం రెండో ప్రధాన కాలువ లైనింగ్‌ పనుల్లో రెండో ప్యాకేజీ అంచనా వ్యయాన్ని రూ.158.19 కోట్ల నుంచి రూ.337.90 కోట్లకు పెంచేందుకు రాష్ట్ర మంత్రివర్గం ఆమోద ముద్ర వేయడం ద్వారా ఈనాడు కిరణ్‌ వియ్య­ంకుడు రాయల రఘుకు చెందిన ఆర్వీఆర్‌ ప్రాజెక్ట్స్‌ సంస్థకు భారీ నజరానా ఇచి్చంది. నాసిరకంగా పనులు చేయడం వల్ల ఒక సీజన్‌లో కాలువలో నీటి ప్రవాహానికే.. లైనింగ్‌ ఎక్కడికక్కడ దెబ్బతింది. కాంట్రాక్టు ఒప్పందం మేరకు ఆర్నెలల్లో పనులు పూర్తిచేయడంలో విఫలమైన ఆర్వీఆర్‌ ప్రాజెక్ట్స్‌ సంస్థపై చర్యలు తీసుకోవాల్సిన చంద్రబాబు సర్కార్‌.. పనుల పూర్తికి గడువు పొడగించడమే కాకుండా.. అంచనా వ్యయాన్ని రూ.179.71 కోట్లు పెంచేయడం ద్వారా భారీ ఎత్తున ప్రయోజనం చేకూర్చిందని ఇంజినీరింగ్‌ నిపుణులు ఎత్తిచూపుతున్నారు. డీపీటీ (దోచుకో.. పంచుకో.. తినుకో)కి ఇది మరో నిదర్శనమంటూ ఆరోపిస్తున్నారు. హంద్రీ–నీవా రెండో దశ ప్రధాన కాలువకు సిమెంట్‌ కాంక్రీట్‌ లైనింగ్‌ చేస్తే భూగర్బ జలాలు అడుగంటిపోతాయని.. బోరు, బావులు ఎండిపోతాయంటూ రైతులందరూ ముక్తకంఠంతో తీవ్రంగా వ్యతిరేకించినా సరే 216.3 కి.మీ నుంచి 400 కి.మీ వరకు లైనింగ్‌ చేసే పనులకు రూ.936.70 కోట్లతో 2024 డిసెంబర్‌ 3న జల వనరుల శాఖ పరిపాలన అను­మతి ఇచ్చింది. ఇందులో రెండో ప్యాకేజీ (ప్రధాన కాలువ 260 కి.మీ నుంచి 300 కి.మీ లైనింగ్‌తోపాటు 285.1 కి.మీ నుంచి 287.1 కి.మీ వరకు టన్నెల్‌ నిర్మాణ పనులకు రూ.158.19 కోట్లు కేటాయించింది. గతేడాది ఈ పనులకు రూ.117.63 కోట్ల అంచనాతో జల వనరుల శాఖ పిలిచిన టెండర్లలో రూ.123.24 కోట్లకు కోట్‌ చేసిన ఆర్వీఆర్‌ ప్రాజెక్ట్స్‌ సంస్థకు కట్టబెట్టింది. నాణ్యతకు పాతర.. అక్రమాల జాతర హంద్రీ–నీవా రెండో దశ ప్రధాన కాలువ లైనింగ్‌ పనులు ఆర్నెలల్లోగా పూర్తి కావాలన్నది కాంట్రాక్టు ఒప్పందంలోని ప్రధాన నిబంధన. కానీ.. గడువులోగా పనులు పూర్తి చేయడంలో ఆర్వీఆర్‌ ప్రాజెక్ట్స్‌ విఫలమైంది. నిబంధనల ప్రకారం ఆ సంస్థపై లిక్వి­డేటెడ్‌ డ్యామేజస్‌ నిబంధన కింద నోటీసు జారీ చేసి.. నష్టపరిహారాన్ని వసూలు చేయాలి. కానీ.. ఆ సంస్థపై ఎలాంటి చర్యలు తీసుకోలేదు. అత్యంత నాసిరకంగా పనులు చేయడంలో 2025 సీజన్‌లో కాలువలో నీటి ప్రవాహానికే లైనింగ్‌ ఎక్కడికక్కడ దెబ్బతింది. మిగిలిన పనులను 2026 జనవరి నుంచి జూలై వరకు చేశారు. ఈ పనుల అంచనా వ్యయాన్ని రూ.158.19 కోట్ల నుంచి రూ.337.90 కోట్లకు పెంచేస్తూ జల వనరుల శాఖ పంపిన ప్రతిపాదనపై బుధవారం కేబినెట్‌ ఆమోదముద్ర వేసేసింది. ఏడాదిలో సిమెంటు, స్టీల్, కంకర, డీజిల్, పెట్రోల్‌ వంటి ధరల్లో పెద్దగా వ్యత్యాసం లేదు. పైగా ఇసుక ఉచితం. ఈ నేపథ్యంలో అంచనా వ్యయం పెరగడానికి ఆస్కారమే లేదు. అలాంటప్పుడు ఒకేసారి రూ.179.71 కోట్ల మేర అంచనా వ్యయాన్ని పెంచేయడంలో ఆంతర్యమేమిటని ఇంజినీరింగ్‌ నిపుణులు ప్రశ్నిస్తున్నా­రు. డీపీటీలో భాగంగానే అంచనా వ్యయాన్ని పెంచేశారంటూ ఆరోపిస్తున్నారు.పోలవరం ఎడమ కాలువలోనూ ఇదే తీరుపోలవరం ఎడమ కాలువ ఐదో ప్యాకేజీ (93.7 నుంచి 111.487 కిలోమీటర్ల వరకు) పనులను రూ.181.60 కోట్లకు సాబీర్‌ డ్యామ్‌ వాటర్‌ వర్క్స్‌ 2005 మార్చి 23న దక్కించుకుంది. 2014లో చంద్రబాబు సీఎం అయ్యాక.. ఈ పనుల్లో 5.754 కిలోమీటర్ల కాలువ తవ్వకం, 11.001 కిలోమీటర్ల పొడవున లైనింగ్, 33 కాంక్రీట్‌ నిర్మాణ పనులను ఏపీడీఎస్‌ఎస్‌ (ఆంధ్రప్రదేశ్‌ డీటెయిల్డ్‌ స్టాండర్డ్‌ స్పెసిఫికేషన్స్‌)లో 60–సీ నిబంధన కింద సాబీర్‌ డ్యామ్‌ వాటర్‌ వర్క్స్‌ నుంచి తొలగించింది. ఆ పనులను రూ.142.88 కోట్లకు యనమల వియ్యంకుడు, ప్రస్తుత టీడీపీ ఎమ్మెల్యే (మైదుకూరు) పుట్టా సుధాకర్‌ యాదవ్‌కు చెందిన పీఎస్‌కే–హెచ్‌ఈఎస్‌ (జేవీ)కు 5ఏ ప్యాకేజీ కింద 2016 నవంబర్‌ 30న నామినేషన్‌ పద్ధతిలో కట్టబెట్టింది. సాబీర్‌ డ్యామ్‌ వాటర్‌ వర్క్స్, పుట్టా సుధాకర్‌ యాదవ్‌ సంస్థ చేసిన పనులు పోగా 5, 5ఏ ప్యాకేజీల్లో 2024 నాటికి రూ.81.63 కోట్ల విలువైన పనులు మిగిలాయి. ఆ పనుల వ్యయాన్ని 2023–24 ధరల ప్రకారం రూ.352.60 కోట్లకు పెంచేస్తూ 2024 సెప్టెంబర్ 3న ఉత్తర్వులు జారీ చేసింది. అంటే.. రూ.270.97 కోట్ల మేర అంచనా వ్యయాన్ని పెంచేసినట్లు స్పష్టమవుతోంది. ఈ పనులను ఆర్నెల్లోగా పూర్తి చేయాలని గడువు పెట్టి.. రూ.293.66 కోట్లను కాంట్రాక్టు విలువగా నిర్ణయించి 2024 అక్టోబర్‌ 9న టెండర్‌ నోటిఫికేషన్‌ జారీ చేసింది. ఈ టెండర్‌లో వాటిని 4.68 శాతం అధిక ధరకు.. అంటే రూ.307.41 కోట్లకు కోట్‌ చేసిన రాయల రఘుకు చెందిన ‘ఆర్వీఆర్‌ ప్రాజెక్ట్స్‌’కు చంద్రబాబు సర్కార్‌ కట్టబెట్టింది. అంతటితో ఆగకుండా, ఈ పనుల అంచనా వ్యయాన్ని ఒకే­సారి రూ.352.60 కోట్ల నుంచి రూ.796.65 కోట్లకు పెంచేస్తూ 2026 జూన్‌ 5న సర్కార్‌ ఉత్తర్వులు జారీ చేసింది. అంచనా వ్యయం రూ.444.05 కోట్ల మేర పెంచేసినా ఆ పనులను రాయల రఘు సంస్థే చేస్తోండటంపై ఇంజినీరింగ్‌ నిపుణులు విస్తుపోతున్నారు.

సాక్షి, అమరావతి: రాష్ట్రంలో త్వరలో జరిగే స్థానిక సంస్థల ఎన్నికల్లో పోలీసుల బలాన్ని ఉపయోగించుకుని అడ్డదారుల్లో గెలిచేందుకు సీఎం చంద్రబాబు ఎన్నో కుట్రలు చేస్తారని, వాటన్నింటినీ ఎదుర్కొనేందుకు అంతా సిద్ధంగా ఉండాలని పార్టీ శ్రేణులకు వైఎస్సార్‌సీపీ అధ్యక్షుడు, మాజీ ముఖ్యమంత్రి వైఎస్‌ జగన్‌మోహన్‌రెడ్డి పిలుపునిచ్చారు. తాడేపల్లిలోని వైఎస్సార్‌సీపీ కేంద్ర కార్యాలయంలో గురువారం పార్టీ రీజినల్‌ కో–ఆర్డినేటర్లతో ఆయన సమావేశమయ్యారు. ప్రజా సమస్యలపై పోరాటాలు, స్థానిక సంస్థల ఎన్నికల్లో పార్టీ అనుసరించాల్సిన వ్యూహం తదితర అంశాలపై దిశానిర్దేశం చేశారు. స్థానిక సంస్థల ఎన్నికల్లో పార్టీ నుంచి బలమైన అభ్యర్థులను రంగంలోకి దించాలని, వీలైనంత వేగంగా ఆ అభ్యర్థుల ఎంపిక పూర్తి చేయాలని నిర్దేశించారు. ఈ సమావేశంలో వైఎస్‌ జగన్‌ ఇంకా ఏం మాట్లాడారంటే.. అందరి అభిప్రాయంతో అభ్యర్థుల ఎంపిక రాష్ట్రంలో త్వరలో జరిగే స్థానిక సంస్థల ఎన్నికల్లో బలమైన అభ్యర్థులను రంగంలోకి దింపాలి. వీలైనంత వేగంగా ఆ అభ్యర్థుల ఎంపిక పూర్తి కావాలి. అభ్యర్థుల ఎంపికలో మనం తీసుకునే నిర్ణయాలు రేపు వచ్చే ఎన్నికల్లో ఉపయోగపడాలి. పార్టీలో అందరితో మాట్లాడి అభిప్రాయాలు తీసుకోండి. పలు దఫాలుగా వారితో చర్చించి అభ్యర్థుల జాబితా రూపొందించండి. పార్టీని ఒక్కతాటిపైకి తీసుకు వచ్చి ఎన్నికల్లో ముందుకు నడపాలి. ఎప్పటికప్పుడు స్థానిక నాయకత్వాన్ని పర్యవేక్షిస్తూ బలోపేతం చేయాలి. అవన్నీ ప్రజల్లో గట్టిగా ఎండగట్టాలి ‘రాష్ట్రంలో త్వరలో జరిగే స్థానిక సంస్థల ఎన్నికల్లో ఎలాగైనా గెలిచేందుకు పోలీసుల బలాన్ని ఉపయోగించుకోవడంతో పాటు అడ్డదారులతో సీఎం చంద్రబాబు ఎన్నో కుట్రలు చేస్తారు. వాటన్నింటినీ ఎదుర్కోవడానికి మీరంతా సిద్ధంగా ఉండాలి. అందుకోసం ఎక్కడికక్కడ ప్రత్యామ్నాయాలు ఉంచుకోవాలి. అలాగే ఈ రెండున్నరేళ్ల చంద్రబాబు పాలనలో వైఫల్యాలు, మోసాలు, వెన్నుపోట్లను ప్రజలకు గట్టిగా వివరించాలి.వెన్నుపోటు పార్టీ కూటమి ప్రభుత్వంలో జరుగుతున్న దారుణాలనూ ప్రస్తావించాలి. వీటన్నింటితో పాటు, చంద్రబాబు పాలన వల్ల ప్రజలకు జరిగిన నష్టాలను, కష్టాలను సమగ్రంగా చెప్పాలి’ అని వైఎస్‌ జగన్‌ నిర్దేశించారు. వైఎస్సార్‌సీపీ రీజినల్‌ కో–ఆర్డినేటర్లు బొత్స సత్యనారాయణ, పెద్దిరెడ్డి రామచంద్రారెడ్డి, ఆళ్ల అయోధ్య రామిరెడ్డి, వైవీ సుబ్బారెడ్డి, కురసాల కన్నబాబు, గుడివాడ అమర్నాథ్, బూడి ముత్యాలనాయుడు, పీవీ మిథున్‌రెడ్డి ఈ సమావేశంలో పాల్గొన్నారు.

సాక్షి, అమరావతి: చంద్రబాబు ద్వంద్వ విధా­నాలు, స్వార్థ ప్రయో­జనాలకు ఇది మరో నిదర్శ­నం. వైఎస్సార్‌సీపీ ప్రభుత్వం కేంద్ర ప్రభుత్వ రంగ సంస్థ అయిన సోలార్‌ ఎనర్జీ కార్పొరేషన్‌ ఆఫ్‌ ఇండియా (సెకీ)తో కుదుర్చుకున్న విద్యుత్‌ ఒప్పందంపై నానా రగడ చేసిన చంద్రబాబు.. ఇప్పుడు అదే సెకీతో అప్పటికంటే ఎక్కువ ధరకు విద్యుత్‌ కొనడానికి సిద్ధమవు­తున్నారు. పైగా సెకీతో గత ప్రభుత్వం చేసుకున్న ఒప్పందం ప్రకారం యూనిట్‌ రూ.2.49 చొప్పున 7వేల మెగావాట్ల విద్యుత్‌ రాష్ట్రానికి సరఫరా అయ్యేందుకు సిద్ధంగా ఉంది.అయినప్పటికి ఆ విద్యుత్‌ను తీసు­కోకుండా మరల అదే సెకీ నుంచి అధిక ధరకు విద్యుత్‌ కొనుగోళుకు చేయాలను­కుంటున్నారు. ఈ మేరకు బుధవారం జరిగిన మంత్రివర్గ సమావేశంలో నిర్ణయం తీసుకు­న్నారు. ఇది చంద్రబాబు ప్రభుత్వ ద్వంద్వ విధానాలకు నిదర్శ­నమని, ఈ నిర్ణయం వల్ల ప్రజలపై అదనపు చార్జీల భారం పడుతుందని, డిస్కంలు ఆర్థికంగా దెబ్బతింటాయని నిపుణులు స్పష్టం చేస్తున్నారు.అప్పట్లో సెకీతో ఒప్పందం తప్పన్నారువ్యవసాయానికి పగటిపూట 9 గంటలు నిరంతరాయంగా విద్యుత్‌ అందించడం కోసం వైఎస్సార్‌సీపీ ప్రభుత్వం యూనిట్‌ రూ.2.49 చొప్పున అంతర్రాష్ట్ర ప్రసార సిస్టం (ఐఎస్‌టీఎస్‌) చార్జీలు మినహాయింపుతో పాతికేళ్ల పాటు 7 వేల మెగావాట్ల విద్యుత్‌ కొనుగోలుకు సెకీతో ఒప్పందం చేసుకుంది. దీనిపై చంద్రబాబు అండ్‌కో పెద్ద ఎత్తున రాద్ధాంతం చేసింది. ఇది ఖజానాపై ఆర్థిక భారమని తప్పుడు ప్రచారం చేశారు. అతి తక్కువ ధరతో సెకీతో ఒప్పందం కుదుర్చుకున్నప్పటికీ, భారీ అవినీతి జరిగిందంటూ వైఎస్సార్‌సీపీ ప్రభుత్వంపై బురద జల్లుతూనే ఉన్నారు. ఇంత దుష్ప్రచారానికి పాల్పడుతున్న అదే చంద్రబాబు ప్రభుత్వం అదే సెకీతో ఇప్పుడు ఎక్కువ ధరకు విద్యుత్‌ కొనుగోలుకు సిద్ధమైంది. నాటి ఒప్పందం కంటే 15 ఏళ్లు అదనపు దీర్ఘకాలానికి. దీని వెనుక చంద్రబాబు కూటమి ప్రభుత్వ పెద్దల స్వార్ధ ప్రయోజనాలున్నాయన్న విమర్శలు వస్తున్నాయి.పీఎస్పీతో నష్టాలు ఎక్కువేపంప్డ్‌ స్టోరేజ్‌లో ముందుగా విద్యుత్‌తో నీటిని పైకి పంపి.. అవసరమైనప్పుడు తిరిగి విద్యుత్‌ ఉత్పత్తి చేస్తారు. నీటిని పైకి పంపడానికి ముందుగా విద్యుత్‌ కావాలి. కాబట్టి 1 యూనిట్‌ను తిరిగి పొందడానికి 1 యూనిట్‌ కంటే ఎక్కువ విద్యుత్‌ అవసరం. ఈ ప్రక్రియలో విద్యుత్‌ నష్టం తప్పదు. టాటా పవర్‌తో సెకీ కుదుర్చుకున్న ఒప్పందంలో కూడా 24.61 శాతం వార్షిక నష్టంగా పేర్కొన్నారు. అందువల్ల నిల్వ సామర్థ్యాన్ని మొత్తం విద్యుత్‌ ఉత్పత్తిగా పరిగణించలేమని, దీనివల్ల దీర్ఘకాలంలో స్థిర చార్జీల భారం అధికమవుతుందని నిపుణులు చెబుతున్నారు.40 ఏళ్లకు ఒప్పందం అవసరమా?డిస్కంల విద్యుత్‌ అవసరాలు – వనరుల ప్రణాళిక ప్రకారం.. రాష్ట్రానికి 2026–27లో 92,538 మిలియన్‌ యూనిట్లు అవసరం కాగా అది 2028–29 నాటికి 1,05,910 మిలియన్‌ యూనిట్లకు చేరుతుందని అంచనా. అయితే పునరుత్పాదక విద్యుత్‌ కూడా భారీగా అందుబాటులోకి వస్తోంది. ఇప్పటికే పీఎం సూర్యఘర్‌ పథకంతో ఇళ్లపై సోలార్‌ రూఫ్‌ టాప్, వ్యవసాయ పంపుసెట్ల సోలరైజేషన్‌ వంటి కార్యక్రమాల ద్వారా సౌర విద్యుత్‌ ఉత్పత్తి పెంచడానికి కేంద్ర ప్రభుత్వం చర్యలు చేపట్టింది. ఈ నేపథ్యంలో 40 ఏళ్ల పాటు పీఎస్పీ విద్యుత్‌ను అధిక ధరకు కొనుగోలు చేయాల్సిన అవసరం ఏమిటనే ప్రశ్న ఉత్పన్నమవుతోంది.రూ.58,300 కోట్ల భారండిస్కంల తరపున ఆంధ్రప్రదేశ్‌ పవర్‌ డెవలప్‌మెంట్‌ కార్పొరేషన్‌ లిమిటెడ్‌ (ఏపీపీడీసీఎల్‌)1,344 మెగా­వాట్లు/10,752 మెగావాట్‌ అవర్‌ పంప్డ్‌ స్టోరేజ్‌ సామర్థ్యాన్ని సెకీ నుంచి 40 ఏళ్లకు సమకూర్చు­కో­వాలనే ప్రతిపాదనకు రాష్ట్ర మంత్రి మండలి తాజాగా ఆమోదం తెలిపింది. ఈ విద్యుత్‌కు ప్రస్తుతానికి తుది టారిఫ్‌ ప్రకటించలేదు. అయితే ఈ ఏడాది టాటా పవర్‌తో ఇదే తరహా పీఎస్పీ స్టోరేజ్‌ ఒప్పందాన్ని సెకీ కుదుర్చుకుంది.ఈ ఒప్పందంలో ఏడాదికి స్థిర ఛార్జీలు సుమారు రూ.1.084 కోట్లుగా నిర్ణయించారు. అదే రేటు ప్రాతిపదికగా తీసుకుని ఏపీ తీసుకునే 1,344 మొగావాట్లను లెక్కిస్తే.. ఏడాదికి సుమారు రూ.1,458 కోట్లు అవుతుంది. ఈ లెక్కన 40 ఏళ్లకు సుమారు రూ.58,300 కోట్లు. ఒక వేళ ఇంతకన్నా ఎక్కువకు తీసుకుంటే ఖర్చు మరింతగా పెరుగుతుంది. ఇదంతా డిస్కంలు చెల్లించాల్సిందే. అంటే మళ్లీ సర్దుబాటు చార్జీలు, ఇతర రూపాల్లో రాష్ట్ర ప్రజల నుంచే వసూలు చేస్తారు.ఒక్క యూనిట్‌కు రూ.3.7210,752 మెగావాట్‌ అవర్‌ అంటే 1,344 మెగావాట్ల సామర్థ్యంతో సుమారు 8 గంటల పాటు విద్యుత్‌ అందించే సామర్థ్యం. ఇలా రోజూ కచ్చితంగా జరిగితే ఏడాదికి సుమారు 392.4 కోట్ల యూనిట్లు అందించే సామర్థ్యం ఉంటుంది. ఏటా రూ.1,458 కోట్ల ఫిక్స్‌డ్‌ చార్జీలను ఈ గరిష్ట సామర్ధ్యంతో లెక్కిస్తే ఒక్క యూనిట్‌కు సుమారు రూ.3.72 పడుతుంది.అంటే గత ప్రభుత్వం సెకీకి చెల్లిస్తామన్న యూనిట్‌ ధర రూ.2.49 కంటే ఇప్పుడు రూ.1.23 అదనంగా చెల్లించేందుకు చంద్రబాబు సర్కారు సిద్ధమైనట్టు. ఇందులో చార్జింగ్‌ విద్యుత్‌ ఖర్చు, పంపింగ్‌ నష్టాలు, ట్రాన్స్‌మిషన్, ఇతర ఛార్జీలు కలపలేదు. అవికూడా కలిస్తే వ్యయం మరింత పెరిగే అవకాశం ఉంది. నిజానికి సెకీ విద్యుత్‌ ఇప్పటికిప్పుడు తీసుకుని రాష్ట్ర అవసరాలకు వాడుకోవడానికి 7వేల మెగావాట్లు సిద్ధంగా ఉంది. దానిని కాదని అదే సంస్థతో ఇంత ఎక్కువ ధర చెల్లించి విద్యుత్‌ కొనాల్సిన అవసరం ఏ మాత్రం లేదు.‘సెకీ’ సౌర విద్యుత్‌ ఒప్పందం.. ప్రయోజనాలు⇒ అంతర్రాష్ట్ర విద్యుత్‌ సరఫరా ఛార్జీలు (ఐఎస్‌టీఎస్‌) మినహాయించి యూనిట్‌ రూ.2.49 చొప్పున విద్యుత్‌ను సరఫరా చేస్తామంటూ కేంద్ర పునరుత్పాదక ఇంధన శాఖ పర్యవేక్షణలో ఏర్పాటైన ప్రభుత్వ రంగ సంస్థ సెకీ తనకు తానుగా 2021 సెపె్టంబర్‌ 15 రాష్ట్ర ఇంధన శాఖ కార్యదర్శికి లేఖ ద్వారా ప్రతిపాదించింది. అంటే రాష్ట్ర ప్రభుత్వానికి విద్యుత్‌ ఇస్తామని చెప్పింది కేంద్రం. ఒప్పందం జరిగింది కేంద్రానికి, రాష్ట్రానికి మధ్య. ⇒ ఆంధ్ర రాష్ట్ర చరిత్రలోనే ఇంత చవకైన సౌర విద్యుత్‌ కొనుగోలు, అత్యధికంగా 7 వేల మెగావాట్ల కోసం గతంలో ఎప్పుడూ ఏ ప్రభుత్వంలోనూ ఒప్పందం జరగలేదు. డిస్కంలు కూడా ఎప్పుడూ ఇలాంటి చవకైన ధరతో, ఇంత ప్రజోపయోగకరమైన ఒప్పందం చేసుకోలేదు. ⇒ సెకీ విద్యుత్‌ తీసుకోవడం వల్ల ఏటా రూ.3,750 కోట్ల ఆరి్థక ప్రయోజనం చేకూరుతుంది. ⇒ రైతులకు 25 ఏళ్ల పాటు ఉచిత విద్యుత్‌ ఇచ్చి మంచి చేయాలనే సత్సంకల్పంతో, దూరదృష్టితో వైఎస్‌ జగన్‌ ప్రభుత్వం చేసుకున్న అద్భుత ఒప్పందమిది. ⇒ సెకీ విద్యుత్‌ తీసుకోకపోతే అప్పటికే పిలిచిన టెండర్ల కేసు కోర్టులో ఎప్పటికి తేలుతుందో తెలియదు. అది తేలే నాటికి పరికరాల రేట్లు, విద్యుత్‌ ధరలు ఎంతగానో పెరిగేవి. ⇒ కేంద్ర విద్యుత్‌ నియంత్రణ మండలి (సీఈఆర్‌సీ), రాష్ట్ర విద్యుత్‌ నియంత్రణ మండలి (ఏపీఈఆర్‌సీ) రెండూ సెకీ ఒప్పందానికి ఆమోదం తెలిపాయి. ⇒ సెకీ నుంచి విద్యుత్‌ తీసుకోవడం వల్ల పాతికేళ్ల పాటు అంతర్రాష్ట్ర ట్రాన్స్‌మిషన్‌ చార్జీల నుంచి కేంద్రం మినహాయింపు ఇస్తుంది. ⇒ అదే రాష్ట్రంలో విద్యుత్‌ కేంద్రం ఏర్పాటు చేస్తే పాతికేళ్ళు సెంట్రల్‌ గ్రిడ్‌ ఛార్జీలు చెల్లించాలి. రాష్ట్రంలో అంతర్గతంగా సౌర ప్రాజెక్టులు ఏర్పాటు చేస్తే వాటికి కావాల్సిన విద్యుత్‌ లైన్లు, అంతర్గతంగా విద్యుత్‌ ప్రసార వ్యవస్థ బలోపేతం చేయటం తప్పనిసరి. ఈ ఖర్చును బేరీజు వేసుకుంటే బయటి రాష్ట్రాల నుంచి సౌర విద్యుత్‌ తీసుకున్నప్పుడే తక్కువవుతోంది.చంద్రబాబు కుట్రలు పటాపంచలుసెకీతో వైఎస్‌ జగన్‌ ప్రభుత్వం, విద్యుత్‌ పంపిణీ సంస్థ (డిస్కం)లు కుదుర్చుకున్న ఒప్పందంపై కూటమి ప్రభుత్వం దు్రష్పచారం చేసింది. సీఎం చంద్రబాబు విద్యుత్‌ రంగంపై విడుదల చేసిన శ్వేత పత్రంలోనూ సెకీ ఒప్పందాన్ని తప్పుబడుతూ పచ్చి అబద్ధాలతో రాష్ట్ర ప్రజలను ఏమార్చే ప్రయత్నం చేశారు. సెకీ నుంచి విద్యుత్‌ తీసుకుంటే జనరల్‌ నెట్‌వర్క్‌ యాక్సెస్‌ (జీఎన్‌ఏ) నిబంధనల ప్రకారం రూ.3 వేల కోట్ల నుంచి రూ.3500 కోట్ల వరకూ అంతర్రాష్ట్ర విద్యుత్‌ సరఫరా చార్జీలు చెల్లించాల్సి వస్తుందని నమ్మించాలనుకున్నారు. ఎల్లో మీడియా అదే దు్రష్పచారం చేసింది. కానీ, కేంద్ర సంస్థల నిబంధనలు, ఏపీఈఆర్‌సీ ఆదేశాలతో చంద్రబాబు కుట్రలు పటాపంచలయ్యాయి. 2023 ఫిబ్రవరి 7న సీఈఆర్‌సీ జారీ చేసిన నోటిఫికేషన్‌లోనూ అంతర్రాష్ట్ర ప్రసార ఛార్జీల మినహాయింపు గురించి స్పష్టత వచి్చంది. సీఓడీ తేదీ నుంచి 25 సంవత్సరాల పాటు ఈ మినహాయింపు వర్తిస్తుందని సీఈఆర్‌సీ వెల్లడించింది. అయినా, చంద్రబాబు అసత్యాలతో రాష్ట్ర ప్రజలను పక్కదారి పట్టించాలని ప్రయత్నించారు. ఏపీఈఆర్‌సీ ఈ ఏడాది ఆగస్టు 13న జారీ చేసిన ఆదేశాలతో కూడా చంద్రబాబు, ఎల్లో మీడియా ప్రచారమంతా అబద్ధమని స్పష్టమైంది. పైగా గతంలో చంద్రబాబు ప్రభుత్వం రెండింతలకు పైగా ధరలకు ఒప్పందాలు చేసుకొని ప్రజలపై భారం వేయడం తెలిసిందే. చంద్రబాబు చేసిన పని వల్ల డిస్కంలు ఏటా రూ.3,500 కోట్లు చొప్పున దశాబ్దాల పాటు చెల్లించాల్సిన దుస్థితి ఏర్పడింది. చంద్రబాబు ప్రభుత్వం ఈ విషయాన్ని దాచి అప్పట్లో విద్యుత్‌ ఉత్పత్తి లోటు ఉందని టీడీపీ పచ్చి అబద్ధాలు చెప్పింది. ఫలితంగా బాబు హయాంలో విద్యుత్‌ రంగం కుదేలైంది. 2019లో వైఎస్‌ జగన్‌ సీఎం అయ్యాక విప్లవాత్మక నిర్ణయాలతో ఈ రంగాన్ని గాడిలో పెట్టారు. 2024లో మళ్లీ చంద్రబాబు రావడంతో గతం పునరావృతం అవుతోందని విద్యుత్‌ రంగం నిపుణులు ఆందోళన వ్యక్తం చేస్తున్నారు. ఇప్పుడు మళ్లీ అదే కోవలో అత్యధిక ధరలకు విద్యుత్‌ కొనుగోలు ఒప్పందాలు చేసుకునేందుకు చంద్రబాబు రంగం సిద్ధం చేయడమే ఇందుకు నిదర్శనమని చెబుతున్నారు.

సాక్షి, అమరావతి, నెట్‌వర్క్‌: తీవ్ర వాయుగుండం తీరం దాటినా 16 జిల్లాలపై ప్రభావం చూపింది. ప్రధానంగా ఉత్త­రాంధ్ర భారీ వర్షాలతో విలవిల్లాడింది. గురువారం రోజంతా ఎడతెరిపి లేని వర్షాలు, ఈదురుగాలులతో శ్రీకాకుళం, విజయనగరం, పార్వతీపురం మన్యం, విశాఖ జిల్లాలు అతలాకుతలమయ్యాయి. విశాఖలో కైలా­సపురం, వెంకోజీపాలెం, చైతన్య నగర్‌ తదితర ప్రాంతాల్లో కొండచరియలు విరిగిపడటంతో ప్రజలు భయాం­దోళనలకు గురయ్యారు. విజయవాడలో భారీ వర్షానికి భవానీపురం హెచ్‌బీ కాలనీ, ఇందిరా ప్రియదర్శిని కాలనీ రోడ్లలో మోకాటి లోతులో నీళ్లు నిలిచాయి. అనకాపల్లి, కాకినాడ, ఉభయ గోదావరి, ఏలూరు, కృష్ణా, ఎన్టీఆర్‌ జిల్లాల్లోనూ భారీ నష్టం వాటిల్లింది. నదులు, వాగులు గ్రామాలను చుట్టుముట్టాయి. వంతెనలు కూలి, రోడ్లు కోతకు గురై అనేక గ్రామాలకు రాకపోకలు స్తంభించాయి. టెక్కలి, పాతపట్నంలో 33 కేవీ స్తంభాలు, ఏడు మండలాల్లో 11 కేవీ స్తంభాలు విరిగిపోవడంతో వందలాది పల్లెలు అంధకారంలో మగ్గాయి. వేగావతి నది ఉధృతితో బొబ్బిలి పట్టణానికి తాగునీటి సరఫరాను నిలిపివేశారు. అరకులోయలో నిత్యావసరాల కోసం గిరిజనులు ప్రాణాలకు తెగించి వాగులు దాటుతున్నారు. పొంచి ఉన్న ప్రమాదం...రెండు రోజులు కుండపోతతో నేల పూర్తిగా నీటితో నిండిపోయింది. ఇక నీటిని పీల్చుకునే స్థితిలో లేదు. అందుకే ఇకపై కురిసే మోస్తరు వర్షం కూడా నేరుగా వాగులు, వంకల్లోకి చేరి ఆకస్మిక వరదలకు దారితీయవచ్చని తెలిపింది. అనకాపల్లి, కాకినాడ, విశాఖ, విజయనగరం, శ్రీకాకుళం, పార్వతీపురం మన్యం, అల్లూరి సీతారామరాజు జిల్లాల్లో ఆకస్మిక వరదల ముప్పు ఉందని వాతావరణ శాఖ హెచ్చరించింది. కొండవాలు ప్రాంతాల్లో కొండచరియలు విరిగిపడే ప్రమాదం కూడా ఉంది. పొంగిపొర్లుతున్న వాగులు, ఏర్లువర్షాలకు ఎన్టీఆర్‌ జిల్లాలోని కట్టలేరు, వైరాయేరు, ఏనుగు గడ్డ వాగు, ఇతర వాగులు, వంకలు పొంగిపొర్లుతున్నాయి. కోడూరు మండలం పాలకాయతిప్ప వద్ద సముద్రం అల్లకల్లోలంగా మారింది. రాకాసి అలలు సుమారు రెండు మీటర్ల ఎత్తున ఎగసిపడుతున్నాయి. ఎన్టీఆర్‌ జిల్లాతో పోల్చితే కృష్ణా జిల్లాలో వర్ష ప్రభావం తక్కువగా ఉంది. ఉమ్మడి ప్రకాశం జిల్లా ఒంగోలు, దర్శి, సంతనూతలపాడు, అద్దంకి, కొండపి నియోజకవర్గాల్లో ఓ మోస్తరు వర్షం పడింది. రాజమహేంద్రవరంలో వర్షం నీరు, మురుగునీరు కలిసి రోడ్లపై ప్రవహించడంతో తీవ్ర అవస్థలు ఎదుర్కొన్నారు. కాకినాడలో వర్షాలకు జనజీవనం అస్తవ్యస్తంగా మారింది. పంపా నదిలో నీటి మట్టం పెరుగుతోంది. రాజధానికి నిలిచిన రాకపోకలు..రాజధాని ప్రాంతంలో తుళ్లూరు మండలం పెదపరిమి వద్ద కోటేళ్ల వాగు ఉప్పొంగడంతో అమరావతికి రాకపోకలు నిలిచిపోయాయి. తాడికొండ మండలం లాం వద్ద లో లెవల్‌ చప్టాపై కొండవీటి వాగు ఉప్పొంగడంతో రోడ్డుపైకి నీరు చేరింది. అమరావతి, క్రోసూరు మార్గంలో రాకపోకలు నిలిచిపోవటంతో ప్రజలు ఇబ్బందులు పడ్డారు. ముత్తాయపాలెం వద్ద రహదారిపై సుమారు మూడు అడుగుల ఎత్తులో వర్షపు నీరు ప్రవహించింది. కొండవీటి వాగు, మేళ్లవాగు, పెదమద్దూరు వద్ద వాగులు ఉధృతంగా ప్రవహిస్తుండటంతో పొలాలు నీటమునిగాయి. పత్తి చేలలోకి నీరు చేరింది. ఎన్టీఆర్‌ జిల్లా వినగడప వద్ద కట్టలేరు వాగు రోడ్డెక్కడంతో 20 గ్రామాల రాకపోకలకు అంతరాయం ఏర్పడింది. నున్న వద్ద పెదవాగు ఉధృతికి కారు కొట్టుకుపోగా స్థానికులు అందులోని దంపతులను కాపాడారు. పంటలకు నష్టం ఉత్తరాంధ్ర సహా రాష్ట్రంలో పలుచోట్ల వర్షాలు అపార నష్టాన్ని చేకూర్చాయి. వరితో పాటు మొక్కజొన్న, పత్తి, అరటి, బొప్పాయి తదితర ఉద్యాన పంటలు నేలకొరిగాయి. శ్రీకాకుళం, విజయనగరం జిల్లాల్లో పరిస్థితి దారుణంగా ఉంది. ఆంధ్ర–ఒడిశా సరిహద్దు గ్రామాల్లో బహుదా నదిలో వరదనీరు పోటెత్తడంతో ఇచ్ఛాపురం మండలంలో పంట పొలాలన్నీ ముంపునకు గురై పూర్తిగా తుడిచి పెట్టుకుపోయాయి. పద్మనాభపురం గడ్డ ఉప్పొంగడంతో పంటల పొలాలన్నీ నీటమునిగాయి. విజయనగరం జిల్లా చీపురుపల్లి, గరివిడి, వంగర, పూసపాటిరేగ, డెంకాడ, మెరముడిదాం, బొబ్బిలి, రేగిడి, ఆముదాల వలస, నెల్లిమర్ల మండలాల్లో పంటలకు అపార నష్టం వాటిల్లింది. ఉమ్మడి గోదావరి జిల్లాల్లో ఉద్యాన పంటలతో పాటు కూరగాయల పంటలకు నష్టం వాటిల్లిందని ఆవేదన చెందుతున్నారు. వరి ఇప్పుడిప్పుడే పొట్టదశకు చేరుకుంటోంది. మరో రెండు రోజులు ఇదే రీతిలో వర్షాలు కురిస్తే వరి కొంతమేర దెబ్బతినే అవకాశాలు లేకపోలేదంటున్నారు. లంకల్లో కూరగాయల పంటలు చాలా వరకు నీటమునగగా పలు చోట్ల అరటి, బొప్పాయి పంటలు నేలకొరిగాయి. రాయలసీమలో చీని, నిమ్మ లాంటి ఉద్యాన పంటలన్నీ ఇప్పటికే వర్షాభావంతో ఎండుముఖం పట్టాయి. నేలలో తేమ శాతం లేక ఏళ్ల తరబడి సాగుచేసిన ఉద్యాన పంటలు సైతం ఎండిపోయాయి. తాజాగా కురుస్తున్న వర్షాలు అనంతపురం, నంద్యాల జిల్లాలు మినహా మిగిలిన రాయలసీమ జిల్లాల్లో చెప్పుకోతగ్గ స్థాయిలో పడలేదు. నెల్లూరు, ప్రకాశం, పల్నాడు జిల్లాల్లో ఆశించిన స్థాయిలో వర్షాలు కురవలేదు.విశాఖలో కుండపోత» 24 గంటల్లో 28 సెంటీమీటర్ల వర్షం » 50కి పైగా కేంద్రాల్లో అత్యంత భారీ వర్షం » గంటకు 3 కి.మీ. వేగంతో నెమ్మదిగా కదిలిన తీవ్ర వాయుగుండంఆకాశానికి చిల్లు పడినట్లుగా కుండపోత వర్షానికి విశాఖ నగరం ఉక్కిరి బిక్కిరైంది. బుధవారం ఉదయం 8.30 గంటల నుంచి గురువారం ఉదయం 8.30 వరకు 24 గంటల్లో విశాఖలో ఏకంగా 28 సెంటీమీటర్ల వర్షం కురిసింది. ఎండాడలో 27.7, విశాఖ విమానాశ్రయం వద్ద 20 సెంటీమీటర్ల వర్షపాతం నమోదైంది. 20.4 సెంటీమీటర్లకు మించి కురిసే వర్షాన్ని వాతావరణ శాఖ అత్యంత భారీ వర్షంగా వర్గీకరిస్తుంది. ఈసారి విశాఖలో 50కిపైగా కేంద్రాల్లో ఆ స్థాయి వర్షం పడింది. నగరంలో సెపె్టంబర్‌ నెల మొత్తంలో కురవాల్సిన సాధారణ వర్షపాతం 19.1 సెంటీమీటర్లు. కానీ ఒక్క రాత్రిలోనే దానికి దాదాపు ఒకటిన్నర రెట్లు వర్షం కురిసింది. బుధవారం సాయంత్రం మొదలైన వాన గురువారం సాయంత్రం వరకు ఎడతెరిపి లేకుండా కుండపోతగా కురిసింది. వాయుగుండం అతి నెమ్మదిగా కదలడం.. తీరం దాటే ముందు ఆరు గంటల పాటు ఇది గంటకు కేవలం 3 కిలోమీటర్ల వేగంతో కదలడంతో వర్షాలు విస్తారంగా పడ్డాయి. తీరం దాటిన తర్వాత కూడా వాయుగుండం కేంద్రం విశాఖకు 80 కిలోమీటర్ల దూరంలో ఉత్తర–ఈశాన్యంగా ఉండటం వల్ల కూడా భారీ వర్షాలు పడ్డాయి. సముద్రం నుంచి వచ్చిన తేమ గాలులను విశాఖ చుట్టూ ఉన్న కొండలు పైకి నెట్టడంతో మేఘాలు మరింత దట్టంగా మారి కుండపోత కురిసింది. ఈ తీవ్ర వాయుగుండం 2021 సెప్టెంబర్‌లో వచ్చిన గులాబ్‌ తుపానును పోలి ఉందని వాతావరణ శాఖాధికారులు తెలిపారు. పసిఫిక్‌ మహా సముద్రంలో కొనసాగుతున్న ఎల్‌నినో పరిస్థితులు తుపానుగా మారకుండా అడ్డుపడి ఉండవచ్చని నిపుణులు విశ్లేషిస్తున్నారు.

సాక్షి,గుంటూరు: ‘‘డీఎస్సీ స్కామ్‌లో తప్పిదాలు ఒక్కొక్కటిగా బయటకు వస్తున్నాయి. ఇలా కూడా ప్రభుత్వ ఉద్యోగాలు వస్తాయా అని ప్రజలు చర్చించుకుంటున్నారు. ఆ స్కాం రాష్ట్రంలో సంచలనంగా మారింది’’ అని వైఎస్సార్‌సీపీ గుంటూరు జిల్లా అధ్యక్షుడు అంబటి రాంబాబు పేర్కొన్నారు. గురువారం ఆయన మీడియాతో మాట్లాడుతూ.. వైఎస్‌ జగన్‌.. డీఎస్సీలో జరిగిన స్కాం గురించి చెబుతుంటే గవర్నర్ ఆశ్చర్యపోయారన్నారు. చదువుకున్న వారికి ఉద్యోగాలు రావాలి.. వారి కోసం పోరాటం కొనసాగిస్తామని అంబటి అన్నారు.‘‘డీఎస్సీలో అన్యాయం జరిగిందని విజయవాడ శాప్ కార్యాలయం వద్ద నిరసన తెలిపాం. బ్యాంకుల్లో అకౌంట్ ఓపెన్ చేసినట్లు మా నాయకులు, కార్యకర్తలపై రౌడీషీట్లు ఓపెన్ చేస్తే చూస్తూ ఊరుకోం. 21వ తేదీన ఆందోళన చేస్తామని కమిషనర్‌కు వినతిపత్రం ఇచ్చాం. అక్కడకు వాళ్లు చెబుతున్న గురువులు ఎందుకు వచ్చారు?. లోకేష్ దళం మాపైన దాడి చేస్తే పోలీసులు మాపైన కేసులు పెట్టారు. కొంతమంది పోలీసులు లోకేష్ చెప్పినట్లు చేస్తున్నారు. వాళ్లు పోలీసులు రూపంలో ఉన్న రౌడీలు’’ అంటూ అంబటి దుయ్యబట్టారు.డీజీపీ, సీపీకి చెప్తున్నా.. మీకు ఎవరెవరు కావాలో పేర్ల లిస్టు ఇస్తే వాళ్లందరం ప్రత్యేక బస్సుల్లో విజయవాడ కమిషనర్ కార్యాలయానికి వస్తాం. మమ్మల్ని అందరినీ అరెస్ట్ చేయండి. రాత్రిపూట దొంగచాటుగా కోర్టులో హాజరు పరచడానికి సిగ్గుండాలి. ఎస్సీలుపైన ఎస్సీ, ఎస్టీ అట్రాసిటీ కేసు పెట్టడానికి పోలీసులకు సిగ్గుండాలి. నన్ను ఇవాళ విచారణకు రమ్మని ఈడీ చెప్పలేదు’’ అని అంబటి రాంబాబు పేర్కొన్నారు.ఇదీ చదవండి: ఆరోగ్యశ్రీలో వికసించిన 'అవినీతి'

సాక్షి, అమరావతి: దళిత యువకుడు పేరుపోగు క్రాంతికుమార్‌ ఆత్మహత్య ఘటనపై హైకోర్టు బుధవారం తీవ్రంగా స్పందించింది. విజయవాడ, కృష్ణలంక అప్పటి సీఐ నాగరాజు వేధింపుల వల్ల క్రాంతికుమార్‌ ఆత్మహత్య చేసుకున్న ఘటనపై సీబీఐ దర్యాప్తు కోరుతూ దాఖలైన పిటిషన్‌లో హోంశాఖ ముఖ్య కార్యదర్శి, డీజీపీ, విజయవాడ కమిషనర్, నార్త్‌ జోన్‌ ఏసీపీ, కృష్ణలంక ఇన్‌స్పెక్టర్‌లతో పాటు క్రాంతికుమార్‌ ఆత్మహత్యకు కారణమని ఆరోపణలు ఎదుర్కొంటున్న అప్పటి సీఐ నాగరాజుకు నోటీసులు జారీచేసింది. ఈ వ్యవహారంలో కౌంటర్లు దాఖలు చేయాలని ఆదేశించింది. ఎస్‌సీ, ఎస్‌టీ చట్టం కింద నమోదైన కేసులో 30 రోజుల్లో దర్యాప్తు పూర్తి చేయాల్సిన బాధ్యత పోలీసులపై ఉందని హైకోర్టు స్పష్టం చేసింది. క్రాంతికుమార్‌ ఆత్మహత్య ఘటనపై ఇచ్చిన ఫిర్యాదును ఉపసంహరించుకోవాలని పిటిషనర్‌ను ఒత్తిడి చేయవద్దని పోలీసులను ఆదేశించింది. పిటిషనర్‌ కుటుంబ సభ్యులను ఏ రకంగానూ బెదిరించరాదని కూడా స్పష్టంచేసింది. తదుపరి విచారణను ఆరు వారాలకు వాయిదా వేసింది. ఈ మేరకు న్యాయమూర్తి జస్టిస్‌ కుంచం మహేశ్వరరావు బుధవారం ఉత్తర్వులు జారీ చేశారు. రాష్ట్రంలో సంచలనం సృష్టించిన కాపు యువకుడు సాయికృష్ణ కస్టోడియల్‌ డెత్‌ కేసులో కూడా అప్పటి సీఐ నాగరాజు ప్రధాన నిందితుడు కావడం గమనార్హం. ఆ ఉదంతంపై సుప్రీంకోర్టు బుధవారం ఆగ్రహం వ్యక్తంచేసిన సంగతి తెలిసిందే. ఫిర్యాదు ఉపసంహరణకు బెదిరింపులు తన ఆత్మహత్యకు సీఐ నాగరాజు కారణమంటూ ఈ ఏడాది మే 21న క్రాంతికుమార్‌ ఆత్మహత్యకు పాల్పడ్డాడు. అయితే దీనిపై కేసు నమోదు చేసిన పోలీసులు ఎలాంటి దర్యాప్తు చేయడం లేదని, అందువల్ల దర్యాప్తును సీబీఐకి అప్పగించాలని కోరుతూ తండ్రి పేరుపోగు వెంకటేశ్వరరావు హైకోర్టులో పిటిషన్‌ దాఖలు చేశారు. పిటిషనర్‌ తరఫు న్యాయవాది పాలేటి మహేశ్వరరావు వాదనలు వినిపిస్తూ ‘దర్యాప్తు విషయంలో కాపు యువకుడు సాయికృష్ణ లాకప్‌డెత్‌ కేసుకు ఇస్తున్న ప్రాధాన్యతను దళిత యువకుడైన క్రాంతికుమార్‌ కేసుకు ఇవ్వడంలేదు. పైగా కుమారుడి మృతిపై ఇచ్చిన ఫిర్యాదును ఉపసంహరించుకోవాలంటూ పోలీసులు రోజూ పిటిషనర్‌పై తీవ్ర ఒత్తిడి తెస్తున్నారు. దీని వెనుక విజయవాడ నార్త్‌ జోన్‌ ఏసీపీ ఉన్నారు. ప్రైవేటు గూండాలు కూడా ఇంటికి వస్తూ కుటుంబ సభ్యులను భయభ్రాంతులకు గురి చేస్తున్నారు. ఈ నేపథ్యంలో ఈ కేసు దర్యాప్తును సీబీఐ లేదా ప్రత్యేక దర్యాప్తు బృందం (సిట్‌)కు అప్పగిస్తూ ఆదేశాలు జారీ చేయాలి’ అని విన్నవించారు.

పోలీస్‌ స్టేషన్‌లో ఏకంగా నెల రోజుల పాటు సీసీటీవీ కెమెరాలు పనిచేయకపోతే పర్యవేక్షణ బాధ్యత కలిగిన ఏసీపీ, ఇతర ఉన్నతాధికారులు ఏం చేస్తున్నారు? గాఢంగా నిద్రపోతున్నారా? కస్టడీలో ఉన్న వ్యక్తి కనిపించకుండా పోతే మే 28న బాధితుడి తల్లి ఫిర్యాదు చేసినా జూన్‌ 19 వరకు ఎఫ్‌ఐఆర్‌ ఎందుకు నమోదు చేయలేదు? ఈ అసాధారణ జాప్యమే ఏం జరిగిందో స్పష్టంగా చెబుతోంది. ఒక సాధారణ నాన్‌ బెయిలబుల్‌ వారెంట్‌ అమలు చేయడానికి స్థానిక పోలీసులు కాకుండా, ఏకంగా కమిషనర్‌ పరిధిలో పనిచేసే టాస్క్‌ఫోర్స్‌ బృందం ఎందుకు వెళ్లింది. కేవలం కింది స్థాయి సిబ్బందిపై నెపం నెట్టేసి ఉన్నతాధికారులు తప్పించుకోలేరు. ఈ వ్యవహారంలో పై అధికారుల పాత్రపైనా సమగ్ర దర్యాప్తు జరగాల్సిందే. పోలీసు కస్టడీలో ఓ పౌరుడు మృతి చెందడం ముమ్మాటికీ చట్టవ్యతిరేక చర్యే. ఈ కేసు విచారణలో కేంద్ర దర్యాప్తు సంస్థ (సీబీఐ)ను ఇంప్లీడ్‌ చేస్తాం. ఈ మొత్తం వ్యవహారాన్ని తీవ్రంగా పరిగణిస్తున్నాం. తదుపరి విచారణలో సీబీఐని ఈ కేసులో ప్రతివాదిగా చేర్చే విషయంపై తగిన నిర్ణయం తీసుకుంటాం.ఈ లాకప్‌డెత్‌ కేసు విచారణను ఇకపై నేరుగా మేమే పర్యవేక్షిస్తాం. ఏపీ హైకోర్టులో డీజీపీ, సీపీ, ఏసీపీ దాఖలు చేసిన మూడు వ్యాజ్యాల స్థితిగతులను తెలుసుకుని మాకు చెప్పాలి.సాక్షి, అమరావతి/సాక్షి, న్యూఢిల్లీ: కాపు యువకుడు గాదె సాయికృష్ణను చంపేసి, గుట్టు చప్పుడు కాకుండా మృతదేహాన్ని తగలబెట్టేసి, కనీసం చితాభస్మం కూడా దక్కకుండా చేసిన వ్యవహారంలో పోలీసు ఉన్నతాధికారులైన డీజీపీ హరీష్‌ కుమార్‌ గుప్తా, విజయవాడ పోలీస్‌ కమిషనర్‌ రాజశేఖర్‌బాబు, సౌత్‌ జోన్‌ ఏసీపీ మానస పాత్రపై సమగ్ర విచారణ జరిగి తీరాల్సిందేనని సుప్రీంకోర్టు తేల్చి చెప్పింది. లాకప్‌డెత్‌ వ్యవహారంలో వారి పాత్ర ఏంటో తేలుస్తామంది. ఇంత పెద్ద ఘాతుకానికి కింది స్థాయి అధికారులే బాధ్యులని చెప్పి, తప్పును వారిపై నెట్టేస్తారా అని ప్రశ్నించింది. అలా నెట్టేసినంత మాత్రాన ఉన్నతాధికారులు చట్టం నుంచి తప్పించుకోలేరని స్పష్టం చేసింది. ప్రాథమిక ఆధారాలు పరిశీలిస్తే ఈ వ్యవహారంలో ఏదో తీవ్రమైన తప్పిదం జరిగినట్లు స్పష్టమవుతోందని సుప్రీంకోర్టు తెలిపింది. ఉన్నతాధికారుల పాత్రపైనా సమగ్ర విచారణ జరగాల్సిందేనని తేల్చి చెప్పింది. కేవలం కింది స్థాయి అధికారులను అరెస్ట్‌ చేసి చేతులు దులుపుకుంటామంటే కుదరదంది. ఈ లాకప్‌ డెత్‌ విషయంలో నిజా నిజాలను నిగ్గు తేలుస్తామని స్పష్టం చేసింది. నెల రోజులు సీసీకెమెరాలు పనిచేయకపోతే నిద్రపోతున్నారా? పోలీసులు కస్టడీలోకి తీసుకున్న ఓ పౌరుడు ఇప్పటి వరకు కనిపించలేదంటే, ఇంత కన్నా తీవ్రమైన చట్ట ఉల్లంఘన ఏదీ ఉండదని తేల్చి చెప్పింది. అంతేకాక ఇది ముమ్మాటికీ చట్ట వ్యతిరేకమైన చర్యేనని వ్యాఖ్యానించింది. పోలీస్‌ స్టేషన్‌లో నెల రోజుల పాటు సీసీటీవీ కెమెరాలు పనిచేయకపోతే నిద్రపోతున్నారా? అంటూ ఉన్నతాధికారులపై నిప్పులు చెరిగింది. కస్టడీలో ఉన్న వ్యక్తి కనిపించకుండా పోతే ఎఫ్‌ఐఆర్‌ నమోదు చేయడంలో సుదీర్ఘ జాప్యం ఎందుకు జరిగింది? అని వారిని నిలదీసింది. మే 28న సాయికృష్ణ తల్లి ఫిర్యాదు చేస్తే, జూన్‌ 19 వరకు కేసు నమోదు చేయలేదని, ఈ అసాధారణ జాప్యమే ఏం జరిగిందో స్పష్టంగా చెబుతోందని వ్యాఖ్యానించింది. ఇకపై ఈ కేసును తామే పర్యవేక్షిస్తామని తెలిపింది. ఇదే సమయంలో ఈ కేసులో సీబీఐని ప్రతివాదిగా చేర్చాలని కూడా సుప్రీంకోర్టు ప్రాథమికంగా నిర్ణయించింది. ఆ వ్యాజ్యాలన్నీ మేమే విచారిస్తాం.. సాయికృష్ణ లాకప్‌డెత్‌ వ్యవహారంలో రాష్ట్ర డీజీపీ హరీష్‌ కుమార్‌ గుప్తా, విజయవాడ కమిషనర్‌ రాజశేఖర్‌బాబు, విజయవాడ సౌత్‌ జోన్‌ ఏసీపీ మానస తదితరుల పాత్ర ఉందని, వీరిపై చర్యలు తీసుకోవాలంటూ వైఎస్సార్‌సీపీ ఎంపీ మద్దిల గురుమూర్తి కింది కోర్టులో దాఖలు చేసిన ప్రైవేటు ఫిర్యాదులో తదుపరి చర్యలన్నీ నిలిపేస్తూ హైకోర్టు ఇచ్చిన ఉత్తర్వులపై సుప్రీంకోర్టు స్టే విధించింది. ఈ మూడు వ్యాజ్యాలను తమకు బదిలీ చేయాలని స్పష్టం చేసింది. విజయవాడ కోర్టు ఉత్తర్వులను సవాలు చేస్తూ హైకోర్టులో ఎవరెవరు పిటిషన్లు వేశారు.. వాటి స్థితిగతులు ఏంటి? అన్న వివరాలపై స్టేటస్‌ రిపోర్ట్‌ను తమ ముందుంచాలని కూడా ఆదేశించింది. అలాగే సాయికృష్ణ అదృశ్యంపై తల్లి విజయలక్ష్మి దాఖలు చేసిన పిటిషన్, సీబీఐ దర్యాప్తు కోరుతూ వేసిన అనుబంధ పిటిషన్‌లకు సంబంధించిన స్థితిగతులను కూడా తెలియచేయాలని అటు ప్రభుత్వాన్ని, ఇటు పిటిషనర్లను ఆదేశించింది. తదుపరి విచారణను గురువారానికి వాయిదా వేసింది. గురువారం మొదటి కేసుగా దీనిని విచారిస్తామని తెలిపింది. ఇదే సమయంలో సాయికృష్ణ లాకప్‌డెత్‌ కేసు దర్యాప్తునకు సంబంధించిన అన్ని రికార్డులను ఈ నెలాఖరు లోపు తమ ముందుంచాలని రాష్ట్ర ప్రభుత్వాన్ని సుప్రీంకోర్టు ఆదేశించింది. తదుపరి విచారణను అక్టోబర్‌ 12కి వాయిదా వేసింది. అంతేకాక గురుమూర్తి దాఖలు చేసిన ఈ వ్యాజ్యంలో డీజీపీ హరీష్‌ కుమార్‌ గుప్తా, పోలీస్‌ కమిషనర్‌ రాజశేఖర్‌బాబు, ఏసీపీ మానసలకు నోటీసులు జారీ చేసింది. ఈ మేరకు న్యాయమూర్తులు జస్టిస్‌ విక్రమ్‌నాథ్, జస్టిస్‌ అగస్టీన్‌ జార్జ్‌ మసీహ్, జస్టిస్‌ సందీప్‌ మెహతాలతో కూడిన త్రిసభ్య ధర్మాసనం బుధవారం ఉత్తర్వులు జారీ చేసింది. ముగ్గురు ఉన్నతాధికారులపై ఎంపీ గురుమూర్తి న్యాయ పోరాటం... కాపు యువకుడు గాదె సాయికృష్ణ లాకప్‌డెత్‌ కేసులో డీజీపీ హరీష్‌ కుమార్‌ గుప్తా, విజయవాడ పోలీస్‌ కమిషనర్‌ ఎస్‌వీ రాజశేఖర్‌బాబు, విజయవాడ సౌత్‌ జోన్‌ ఏసీపీ ఎం.మానసలను నిందితులుగా చేర్చాలని కోరుతూ తిరుపతి పార్లమెంట్‌ సభ్యుడు మద్దిల గురుమూర్తి విజయవాడ రెండో అదనపు జుడీషియల్‌ ఫస్ట్‌ క్లాస్‌ మేజిస్ట్రేట్‌ కోర్టులో ప్రైవేటు ఫిర్యాదు దాఖలు చేశారు. సాయికృష్ణ అక్రమ నిర్భంధం, లాకప్‌ డెత్, మృతదేహం, చితాభస్మం మాయం చేసిన వ్యవహారంలో డీజీపీ హరీష్‌ కుమార్‌ గుప్తా, విజయవాడ పోలీస్‌ కమిషనర్‌ ఎస్‌.వి.రాజశేఖర్‌ బాబు, విజయవాడ సౌత్‌ జోన్‌ ఏసీపీ ఎం.మానసల పాత్ర ఉందని, వారికి అన్ని విషయాలు తెలుసునని, అందువల్ల వారిని నిందితులుగా చేర్చాలని ఆయన తన ఫిర్యాదులో పేర్కొన్నారు. ఈ ఫిర్యాదుపై విచారణ జరిపిన విజయవాడ కోర్టు, ఫిర్యాదిదారు అయిన గురుమూర్తిని వాంగ్మూలం ఇచ్చేందుకు రావాలని ఆదేశించింది. అలాగే ఆ రోజున సాక్షుల వాంగ్మూలాలను సైతం నమోదు చేస్తామని తెలిపింది. విజయవాడ కోర్టు నిర్ణయంతో కంగుతిన్న ముగ్గురు అధికారులు... విజయవాడ కోర్టు నిర్ణయంతో డీజీపీ, విజయవాడ కమిషనర్, ఏసీపీలు కంగుతిన్నారు. వాంగ్మూలాలు నమోదు చేస్తే సమస్యల్లో చిక్కుకోవడం ఖాయమని భావించిన ఈ ముగ్గురు ఉన్నతాధికారులు కూడా విజయవాడ కోర్టు ఇచ్చిన ఈ ఆదేశాలను సవాలు చేస్తూ హైకోర్టును ఆశ్రయించారు. ఈ వ్యాజ్యాలపై విచారణ జరిపిన హైకోర్టు, ఎంపీ గురుమూర్తి విజయవాడ కోర్టులో దాఖలు చేసిన ప్రైవేటు ఫిర్యాదులో తదుపరి చర్యలన్నీ నిలిపేస్తూ గత ఆగస్టు 13న మధ్యంతర ఉత్తర్వులిచ్చింది. సుప్రీంకోర్టును ఆశ్రయించిన గురుమూర్తి హైకోర్టు ఉత్తర్వులను సవాలు చేస్తూ గురుమూర్తి సుప్రీంకోర్టును ఆశ్రయించారు. ఈ వ్యాజ్యంపై బుధవారం జస్టిస్‌ విక్రమ్‌నాథ్‌ నేతృత్వంలోని త్రిసభ్య ధర్మాసనం విచారణ జరిపింది. గురుమూర్తి తరఫున సీనియర్‌ న్యాయవాది నిఖిల్‌ గోయల్‌ వాదనలు వినిపించారు. అందరూ కలిసి సాయికృష్ణను చంపేశారు... పిటిషనర్‌ ఎంపీ మద్దిల గురుమూర్తి తరఫున సీనియర్‌ న్యాయవాది నిఖిల్‌ గోయల్‌ వాదనలు వినిపిస్తూ.. ‘ఓ పాత కేసులో నాన్‌ బెయిలబుల్‌ వారెంట్‌ (ఎన్‌బీడబ్ల్యూ) అమలు పేరుతో మే 6వ తేదీన సాయికృష్ణను మార్కాపురంలో టాస్‌్కఫోర్స్‌ పోలీసులు అదుపులోకి తీసుకున్నారు. నిబంధనల ప్రకారం ఎన్‌బీడబ్లు్య ఉత్తర్వులను అమలు చేయాల్సింది స్థానిక పోలీసులు. ఇందులో టాస్క్‌ఫోర్స్‌ పోలీసులకు ఎలాంటి ప్రమేయం ఉండదు. అయితే విజయవాడ సీపీ రాజశేఖర్‌బాబు పరిధిలో పనిచేస్తున్న టాస్‌్కఫోర్స్‌ సిబ్బంది సాయికృష్ణను పట్టుకొచ్చారు. కృష్ణలంక ఇన్‌స్పెక్టర్‌కు అప్పగించారు. సాయికృష్ణను నిబంధనల ప్రకారం కోర్టు ముందు హాజరుపరచలేదు. ఆ తరువాత ఆ యువకుడు ఏం అయ్యారో ఎవరికీ తెలియదు. స్టేషన్‌లోనే చిత్రహింసలు పెట్టి హత్య చేసి, శవాన్ని తగులబెట్టేశారు. కనీసం చితాభస్మం కూడా లేకుండా దారుణానికి పాల్పడ్డారు. ఈ నేరాన్ని కప్పిపుచ్చుకునేందుకు మే 1 నుంచి జూన్‌ 1 వరకు పోలీస్‌ స్టేషన్‌లోని సీసీటీవీ ఫుటేజీ మొత్తాన్ని తుడిచిపెట్టేశారు.’ అని గోయల్‌ ధర్మాసనం దృష్టికి తీసుకొచ్చారు. తప్పు చేయకుంటే..హైకోర్టుకెళ్లి ఎందుకు స్టే తెచ్చుకున్నట్లు..? ‘మే 28న బాధిత యువకుడి తల్లి నేరుగా ఈమెయిల్‌ ద్వారా ఫిర్యాదు చేసినా డీజీపీ హరీష్‌ కుమార్‌ గుప్తా కనీస స్థాయిలో కూడా పట్టించుకోలేదు. పోరాటం చేయగా చేయగా, జూన్‌ 19న ఎఫ్‌ఐఆర్‌ నమోదు చేశారు. ఉన్నతస్థాయి అధికారుల ఆమోదం లేకుండా ఓ వ్యక్తిని చంపేసి, కాల్చేసి, చితాభస్మం కూడా లేకుండా చేసే ధైర్యం కింది స్థాయి అధికారులకు ఉండే అవకాశమే లేదు. అంతా కూడా డీజీపీ, విజయవాడ కమిషనర్, సౌత్‌ ఏసీపీలకు తెలిసే జరిగింది. వాస్తవాలను నిగ్గు తేల్చేందుకు విజయవాడ కోర్టు నిర్ణయిస్తే, దానిపై ఈ ముగ్గురు కూడా హైకోర్టుకెళ్లి మొత్తం ప్రక్రియను ఆపేయించారు. తప్పు చేయకుంటే హైకోర్టుకెళ్లి ఎందుకు స్టే తెచ్చుకున్నారు? న్యాయవ్యవస్థపై ప్రజల నమ్మకం సడలకుండా ఉండాలంటే ఈ ముగ్గురు అధికారుల పాత్రపై ఈ కోర్టు నిగ్గు తేల్చాల్సిన అవసరం ఉంది.’ అని గోయల్‌ ధర్మాసనానికి వివరించారు. సాయికృష్ణ ఆచూకీ తెలియదని హైకోర్టునే తప్పుదోవ పట్టించారు... ‘సాయికృష్ణ అదృశ్యంపై ఆయన తల్లి గాదె విజయలక్ష్మి ఏపీ హైకోర్టులో జూన్‌ 4న హెబియస్‌ కార్పస్‌ పిటిషన్‌ దాఖలు చేశారు. దీనిపై కోర్టు పోలీసుల వివరణ కోరింది. సాయికృష్ణ ఆచూకీ తెలియదని, ఆచూకీ కోసం గాలిస్తున్నామంటూ పోలీసులు హైకోర్టునే తప్పుదోవ పట్టించారు. సాయికృష్ణను కోర్టు ముందు హాజరుపరచాలన్న ఆదేశాలను సైతం బేఖాతరు చేశారు. ఇవన్నీ కూడా పోలీసు ఉన్నతాధికారుల పాత్రను సూచిస్తున్నాయి. కేవలం దిగువ స్థాయి పోలీసులపైనే చర్యలు తీసుకుని ఉన్నతాధికారులను తప్పించే ప్రయత్నం జరుగుతోంది.’ అని గోయల్‌ కోర్టుకు తెలియచేశారు. సిట్‌ ఏర్పాటు చేశాం... రాష్ట్ర ప్రభుత్వం తరఫున సీనియర్‌ న్యాయవాది సిద్ధార్థ లూధ్రా వాదనలు వినిపిస్తూ.. సాయికృష్ణ లాకప్‌డెత్‌ వ్యవహారంపై ప్రభుత్వం సిట్‌ ఏర్పాటు చేసి నిష్పక్షపాతంగా దర్యాప్తు జరుపుతోందని తెలిపారు. ఘటన జరిగిన సమయంలో ఎస్‌హెచ్‌ఓగా ఉన్న ప్రధాన నిందితుడైన కృష్ణలంక ఇన్‌స్పెక్టర్‌తో పాటు నలుగురు కానిస్టేబుళ్లు, ఓ హోంగార్డు, మరో ప్రైవేట్‌ వ్యక్తి సహా మొత్తం ఏడుగురిని అరెస్టు చేసి జైలుకు పంపాం. చార్జిషీట్‌ కూడా దాఖలు చేశాం. సాయికృష్ణ లాకప్‌డెత్‌ ఘటనలో కింది స్థాయి అధికారులదే పూర్తి బాధ్యత. ఉన్నతస్థాయి అధికారుల ప్రమేయం ఏమీ లేదు‘ అని వాదించారు.హైకోర్టు విచారణపై స్టే.. గురుమూర్తి ఫిర్యాదు మేరకు విజయవాడ కోర్టు ఇచ్చిన ఉత్తర్వులపై డీజీపీ హరీష్‌ కుమార్‌ గుప్తా, పోలీస్‌ కమిషనర్‌ రాజశేఖర్‌బాబు, ఏసీపీ మానసలు దాఖలు చేసిన మూడు వ్యాజ్యాలను తమకు బదిలీ చేయాలని సుప్రీం కోర్టు ఆదేశించింది. ఆ కేసుల రికార్డులను వెంటనే తమ రిజిస్ట్రీకి పంపాలని హైకోర్టుకు స్పష్టం చేసింది. ఈ కేసు విచారణ ముగిసే వరకు ముగ్గురు ఉన్నతాధికారులు దాఖలు చేసిన వ్యాజ్యాల్లో ఎలాంటి విచారణ జరపరాదని ఏపీ హైకోర్టుకు స్పష్టం చేసింది. ఏపీ హైకోర్టు విచారణపై స్టే విధించింది. లాకప్‌డెత్‌ కేసుకు సంబంధించిన దర్యాప్తు వివరాలు, ఇతర రికార్డులన్నింటినీ ఈనెల 30లోపు సీల్డ్‌ కవర్‌లో తమ ముందుంచాలని రాష్ట్ర ప్రభుత్వాన్ని ఆదేశించింది. తదుపరి విచారణను అక్టోబర్‌ 12కి వాయిదా వేసింది. గురుమూర్తి దాఖలు చేసిన వ్యాజ్యంలో ప్రతివాదులుగా ఉన్న రాష్ట్ర ప్రభుత్వానికి, డీజీపీ హరీష్‌ కుమార్‌ గుప్తా, పోలీస్‌ కమిషనర్‌ రాజశేఖర్‌బాబు, ఏసీపీ మానసలకు నోటీసులు జారీ చేసింది.సీబీఐని ప్రతివాదిగా చేరుస్తాం... ఈ కస్టోడియల్‌ డెత్‌ వ్యవహారంలో దర్యాప్తును సీబీఐకి అప్పగించాలని కోరుతూ దాఖలైన అభ్యర్థనలను ధర్మాసనం పరిశీలించింది. ఈ కేసు విచారణలో కేంద్ర దర్యాప్తు సంస్థ (సీబీఐ)ను ఇంప్లీడ్‌ చేస్తామంది. ఈ మొత్తం వ్యవహారాన్ని తీవ్రంగా పరిగణిస్తున్నామని ధర్మాసనం తేల్చి చెప్పింది. తదుపరి విచారణలో సీబీఐని ఈ కేసులో ప్రతివాదిగా చేర్చే విషయంపై తగిన నిర్ణయం తీసుకుంటామని సుప్రీం ధర్మాసనం స్పష్టం చేసింది.ఇకపై సాయికృష్ణ లాకప్‌డెత్‌ కేసును మేమే పర్యవేక్షిస్తాం... ఈ లాకప్‌డెత్‌ కేసు విచారణను ఇకపై నేరుగా తామే పర్యవేక్షిస్తామని సుప్రీం కోర్టు తేల్చి చెప్పింది. ఏపీ హైకోర్టులో డీజీపీ, సీపీ, ఏసీపీ దాఖలు చేసిన మూడు వ్యాజ్యాల స్థితిగతులను తెలుసుకుని తమకు చెప్పాలని ప్రభుత్వాన్ని ఆదేశించింది. సాయికృష్ణ అదృశ్యం కేసులో సాయికృష్ణ తల్లి దాఖలు చేసిన హెబియస్‌ కార్పస్‌ పిటిషన్‌తో పాటు సీబీఐ దర్యాప్తు కోరుతూ దాఖలు చేసిన అనుబంధ పిటిషన్లపై హైకోర్టు ఇప్పటికే తీర్పును రిజర్వ్‌ చేసిందని సిద్దార్థ లూథ్రా ధర్మాసనం దృష్టికి తీసుకొచ్చారు. దీనిపై స్పందించిన ధర్మాసనం.. తమ ముందు ఉన్నతాధికారులపై పిటిషన్‌ దాఖలు చేసిన పిటిషనర్, హైకోర్టులో హెబియస్‌ కార్పస్‌ పిటిషన్‌ దాఖలు చేసిన పిటిషనర్‌ (సాయికృష్ణ తల్లి) వేర్వేరు వ్యక్తులు కదా అని ప్రశ్నించింది. ముగ్గురు ఉన్నతాధికారులు హైకోర్టులో దాఖలు చేసిన పిటిషన్ల వివరాలతో స్టేటస్‌ రిపోర్టును గురువారం ఉదయం 10.30 గంటల కల్లా తమ ముందు ఉంచాలని పిటిషనర్లు, రాష్ట్ర ప్రభుత్వానికి ఆదేశాలు జారీ చేసింది.ఉన్నతాధికారులను బాధ్యులను చేయరాదని రోహత్గీ వాదన ఉన్నతాధికారుల తరఫున సీనియర్‌ న్యాయవాది ముకుల్‌ రోహత్గీ వాదించారు. ‘పోలీస్‌ స్టేషన్‌ స్థాయిలో ఎస్‌హెచ్‌ఓ, ఇతర కింది స్థాయి సిబ్బంది చేసిన తప్పులకు డీజీపీ, సీపీ స్థాయి ఉన్నతాధికారులను బాధ్యులను చేయడం సరికాదు. వారిపై క్రిమినల్‌ కేసులు నమోదు చేయాలనడం చట్టవిరుద్ధం. ఘటన జరిగిన వెంటనే పోలీసులు చర్యలు తీసుకున్నారు. ప్రభుత్వం ఎవరినీ కాపాడే ప్రయత్నం చేయడం లేదు.’ అని తెలిపారు. మరి సీసీ కెమెరాలు పనిచేయకపోతే గాఢంగా నిద్రపోతున్నారా?ఈ వాదనలపై త్రిసభ్య ధర్మాసనం తీవ్ర అసహనం వ్యక్తం చేసింది. పోలీస్‌ స్టేషన్‌లో ఏకంగా నెల రోజుల పాటు సీసీటీవీ కెమెరాలు పనిచేయకపోతే పర్యవేక్షణ బాధ్యత కలిగిన ఏసీపీ, ఇతర ఉన్నతాధికారులు ఏం చేస్తున్నారని ప్రశ్నించింది. వీరంతా గాఢంగా నిద్రపోతున్నారా?‘ అని కోర్టు నిలదీసింది. కస్టడీలో ఉన్న వ్యక్తి కనిపించకుండా పోతే మే 28న బాధితుడి తల్లి ఫిర్యాదు చేసినా జూన్‌ 19 వరకు ఎఫ్‌ఐఆర్‌ ఎందుకు నమోదు చేయలేదు? ఒక సాధారణ నాన్‌ బెయిలబుల్‌ వారెంట్‌ అమలు చేయడానికి స్థానిక పోలీసులు కాకుండా, ఏకంగా కమిషనర్‌ పరిధిలో పనిచేసే టాస్‌్కఫోర్స్‌ బృందం ఎందుకు వెళ్లింది. కేవలం కింది స్థాయి సిబ్బంది (ఇన్‌స్పెక్టర్‌ తదితరులు)పై నెపం నెట్టేసి ఉన్నతాధికారులు తప్పించుకోలేరంది. ఈ వ్యవహారంలో పై అధికారుల పాత్రపైనా సమగ్ర దర్యాప్తు జరగాల్సిందేనని స్పష్టం చేసింది. పోలీసు కస్టడీలో ఓ పౌరుడు మృతి చెందడం ముమ్మాటికీ చట్టవ్యతిరేక చర్యేనని మండిపడింది.

సాక్షి, అమరావతి: ప్రతిపక్ష నేతలపై ‘రౌడీ’ ముద్ర వేయాలన్న చంద్రబాబు సర్కారు దుందుడుకు చర్యలకు బ్రేక్‌ పడింది. ప్రశ్నించే గొంతులను నొక్కేందుకు రౌడీ షీట్లు తెరిచే స్థాయికి దిగజారిపోయిన చంద్రబాబు ప్రభుత్వ తీరుపై తీవ్ర వ్యతిరేకత రావడంతో 24 గంటలు తిరక్కముందే వెనుకడుగు వేయాల్సి వచ్చింది. ఐదేళ్ల క్రితం నాటి కేసులో ఉన్నారనే సాకు చూపి 51 మందిపై రౌడీషీట్లు తెరవాలని విజయవాడ నగర పోలీస్‌ కమిషనర్‌ రాజశేఖర్‌బాబు మంగళవారం ఇచ్చిన ఆదేశాలను అమలు చేయొద్దని బుధవారం రాత్రి పోలీస్‌ హౌస్‌ ఆఫీసర్లకు సెల్‌ మెసేజ్‌లు ఇవ్వడం పోలీస్‌ వర్గాల్లో చర్చకు దారితీసింది. డీఎస్సీ స్కామ్‌పై సీబీఐ విచారణ చేయాలని, విద్యా శాఖ మంత్రి లోకేశ్‌ రాజీనామా చేయాలని వైఎస్సార్‌సీపీ ఉవ్వెత్తున ఉద్యమం చేయడంతో ఉలిక్కిపడిన చంద్రబాబు సర్కారు కక్ష సాధింపునకు దిగిన విషయం తెలిసిందే. ఈ క్రమంలో మంగళగిరిలోని టీడీపీ కార్యాలయంపై 2021లో జరిగిన దాడి కేసులో ఉన్నారనే సాకు చూపి ఎమ్మెల్సీ తలశిల రఘురాం, ఎన్టీఆర్‌ జిల్లా వైఎస్సార్‌సీపీ అధ్యక్షుడు దేవినేని అవినాష్ తోపాటు 51 మంది వైఎస్సార్‌సీపీ నేతలపై రౌడీషీట్లు తెరవాలని విజయవాడ నగర పోలీస్‌ కమిషనర్‌ మంగళవారం జారీ చేసిన ఆదేశాలు వివాదాస్పదమయ్యాయి. ఒక ప్రతిపక్ష పార్టీ నాయకత్వాన్ని మొత్తంగా రౌడీల జాబితాలోకి నెట్టే ఇలాంటి బరితెగింపు రాష్ట్ర చరిత్రలోనే ఎన్నడూ చూడలేదని రాష్ట్ర ప్రజలు విస్తుపోయారు. డీఎస్సీ అక్రమాలపై వైఎస్సార్‌సీపీ పోరు ఉవ్వెత్తున ఎగసి పడుతున్న వేళ, సమాధానం చెప్పలేక చేతులెత్తేసి.. ఐదేళ్ల నాటి కేసును తవి్వతీసి మరీ ఈ అ్రస్తాన్ని ప్రయోగించిన ప్రభుత్వం అభాసు పాలైంది. హైకోర్టు ముందస్తు బెయిల్‌ ఇ చ్చిన వారిని, పోలీసులే అరెస్టు అవసరం లేదని నోటీసులతో వదిలేసిన వారిని సైతం ఇప్పుడు రౌడీలుగా చిత్రీకరించేందుకు సిద్ధం కావడంపై తీవ్ర విమర్శలు వెల్లువెత్తాయి. ఈ నేపథ్యంలోనే వైఎస్సార్‌సీపీ నేతలపై రౌడీషీట్లు తెరిచే చర్యలు ఆపాలంటూ పోలీస్‌ కమిషనర్‌ రాజశేఖర్‌బాబు కమిషనరేట్‌ పరిధిలోని తొమ్మిది పోలీస్‌ స్టేషన్లకు చెందిన స్టేషన్‌ హౌస్‌ ఆఫీసర్లకు, నలుగురు ఏసీపీలకు సెల్‌ మెసేజ్‌లు ఇవ్వడం గమనార్హం. దీంతో భవానీపురం, అజిత్‌సింగ్‌నగర్, నున్న, కృష్ణలంక, మాచవరం, పటమట, గవర్నర్‌పేట, గుణదల, సత్యనారాయణపురం స్టేషన్ల ఎస్‌హెచ్‌ఓలు తమ పరిధిలోని వారిపై రౌడీషీట్లు తెరిచే చర్యలను తదుపరి ఆదేశాలు ఇచ్చే వరకు నిలుపుదల చేయాలని సీపీ సెల్‌ మెస్‌జ్‌ ద్వారా స్పష్టం చేశారు. జగన్‌ గవర్నర్‌ను కలిశాకే..మాజీ ముఖ్యమంత్రి, వైఎస్సార్‌సీపీ అధ్యక్షులు వైఎస్‌ జగన్‌మోహన్‌రెడ్డి, పార్టీ కీలక నేతలు బుధవారం రాష్ట్ర గవర్నర్‌ జస్టిస్‌ అబ్దుల్‌ నజీర్‌ను కలిసిన అనంతరం రౌడీ షీట్లు విషయంలో ప్రభుత్వం యూటర్న్‌ తీసుకోవడం గమనార్హం. ప్రధాన ప్రతిపక్ష నేతలపై రౌడీషీట్లు తెరిచేందుకు చంద్రబాబు పూనుకోవడంపై ప్రజల్లో తీవ్ర వ్యతిరేకత వస్తోందని నిఘా వర్గాల నివేదికలతో వెనుకడుగు వేశారని పోలీస్‌ వర్గాలు చెబుతున్నాయి. న్యాయపరంగా నిలవదనే భయం రాష్ట్రంలో చంద్రబాబు అధికారంలోకి వచ్చాక లోకేశ్‌ ఒత్తిడితో రెడ్‌బుక్‌ అరాచకాలకు అడ్డు, అదుపు లేకుండా పోయింది. అధికారంలోకి వచ్చిందే తడవుగా 2024లోనే మంగళగిరి టీడీపీ కార్యాలయంపై దాడితో సంబంధం లేని వారిపై పలు సెక్షన్లతో కేసులు పెట్టి అరెస్టులు చేసేలా లోకేశ్‌ పోలీసులపై ఒత్తిడి తెచ్చారు. ఇప్పుడు డీఎస్సీ స్కామ్‌పై వైఎస్సార్‌సీపీ ఉద్యమం ఉధృతం చేయడంతో ఉలికిపాటుకు గురైన చంద్రబాబు రౌడీషీట్ల తంతుకు తెరలేపారు. ఒకే కేసులో ఏకంగా 51 మంది వైఎస్సార్‌సీపీ నేతలపై రౌడీషీట్లు తెరిస్తే సమాజం హర్షించదని, న్యాయపరంగాను అవి నిలబడవనే భయంతో పునరాలోచనలో పడినట్టు తెలిసింది. ఇష్టానుసారం రౌడీషీట్‌ తెరవడం కుదరదు రౌడీషీట్‌ అనేది సాధారణ పోలీసు రికార్డు కాదు. రెండు కంటే అత్యధిక కేసులు ఉన్నవారిపైన, సమాజంలో ఇబ్బందికరంగా ఉన్న వారిపైన పోలీసుల నిఘా కోసం రౌడీషీట్‌ తెరుస్తారు. ఏపీ పోలీస్‌ మాన్యువల్‌ స్టాండింగ్‌ ఆర్డర్‌ 601 ప్రకారం తరచూ నేరాలకు పాల్పడే వారిపై, శాంతిభద్రతలకు ముప్పుగా వ్యవహరించే వారిపై రౌడీషీట్‌ తెరవడానికి నిబంధనలు వర్తిస్తాయి. ఒక్క కేసులో నిందితుడిగా ఉన్నంత మాత్రాన రౌడీషీట్‌ తెరవడం సరికాదని ఏపీ హైకోర్టు సైతం పలు తీర్పుల్లో స్పష్టం చేసింది. రౌడీషీట్‌.. వ్యక్తి ప్రతిష్ట, హక్కులపై ప్రభావం చూపే చర్య కాబట్టి పోలీసు మాన్యువల్‌ నిబంధనలను కచ్చితంగా పాటించాలని హైకోర్టు పేర్కొన్న సందర్భాలున్నాయి. రౌడీషీట్‌ అనేది గ్రామాల్లో అయితే డీఎస్పీ పర్యవేక్షణలో, పట్టణాల్లో ఏసీపీల పర్యవేక్షణలో చేయాల్సిన ప్రక్రియ. రౌడీషీట్‌ తెరవాలన్నా, తొలగించాలన్నా.. ఆయా వ్యక్తుల ప్రవర్తనను పరిగణనలోకి తీసుకుని డీఎస్పీ, ఏసీపీ స్థాయి అధికారులు నిర్ణయం తీసుకుంటారు. అటువంటిది రాజకీయ కక్షతో ప్రతిపక్ష పార్టీకి చెందిన ఏకంగా 51 మందిపై ఒకేసారి రౌడీషీట్లు తెరవాలనే ప్రయత్నం తొందరపాటు చర్య అవుతుందని రిటైర్డ్‌ పోలీస్‌ అధికారులు సైతం తప్పుబడుతున్నారు.

సాక్షి, అమరావతి/సాక్షి నెట్‌వర్క్‌: బంగాళాఖాతంలో ఏర్పడిన తీవ్ర వాయుగుండం ఉత్తరాంధ్రను అతలాకుతలం చేస్తోంది. ఇది గంటకు 13 కిలోమీటర్ల వేగంతో కదులుతూ బుధవారం సాయంత్రానికి కళింగపట్నానికి 30 కిలోమీటర్లు, విశాఖపట్నానికి 90 కిలోమీటర్లు, గోపాల్‌పూర్‌కు 160 కిలోమీటర్ల దూరంలో కేంద్రీకృతమైందని వాతావరణ శాఖ తెలిపింది. బుధవారం అర్ధరాత్రి విశాఖపట్నం–గోపాల్‌పూర్‌ మధ్య కళింగపట్నం సమీపంలో తీరాన్ని దాటింది. ఉత్తరాంధ్రలో కురుస్తున్న భారీ వర్షాలతో ఆకస్మిక వరదలు వచ్చే అవకాశం ఉందని పేర్కొంది. తీవ్ర వాయుగుండం ప్రభావంతో ఉత్తరాంధ్ర జిల్లాల్లో భారీ వర్షాలు కురుస్తున్నాయి. విశాఖపట్నం, పార్వతీపురం మన్యం, విజయనగరం, శ్రీకాకుళం, అనకాపల్లి జిల్లాల్లో ఎడతెగని వర్షాలు పడుతున్నాయి. గంటకు 50 నుంచి 60 కిలోమీటర్ల వేగంతో భారీ గాలులు వీస్తున్నాయి. సముద్రం అల్లకల్లోలంగా మారింది. దీంతో సముద్రంలో వేటకు వెళ్లిన మత్స్యకారులు ఒడ్డుకు వచ్చేశారు. తీరప్రాంతంలోని పోర్టుల్లో ప్రమాద హెచ్చరికలు ఎగురవేశారు. చెరువులు, వాగులు, గెడ్డలు పొంగి ప్రవహించడంతో పలు చోట్ల గండ్లు పడ్డాయి. వంశధార, నాగావళి, బహుద నదులు వరద నీటితో ఉధృతంగా ప్రవహిస్తున్నాయి. మంగళవారం ఉదయం 8:30 గంటల నుంచి బుధవారం ఉదయం 8:30 గంటల వరకు (24 గంటల్లో) శ్రీకాకుళం జిల్లా పలాసలో 14.1 సెంటీమీటర్ల వర్షం కురిసింది. అల్లూరి సీతారామరాజు జిల్లా జి.మాడుగులలో 10, విశాఖ జిల్లా భీమునిపట్నంలో 9.7, ఏలూరు జిల్లా కొయ్యలగూడెంలో 9.4, పోలవరం జిల్లా కూనవరంలో 9.1, తూర్పు గోదావరి జిల్లా గోపాలపురంలో 8.9, పశ్చిమ గోదావరి జిల్లా తాడేపల్లిగూడెంలో 8, అనకాపల్లి జిల్లా సబ్బవరంలో 7.8 సెంటీమీటర్ల వర్షపాతాలు నమోదయ్యాయి. బుధవారంనాడు శ్రీకాకుళం జిల్లా వజ్రపుకొత్తూరులో 8.8 సెంటీమీటర్ల అత్యధిక వర్షపాతం నమోదైంది. అదే జిల్లా లక్ష్మీనర్సుపేటలో 7.3, ఎన్టీఆర్‌ జిల్లా పుట్రేలలో 6.7, రెడ్డిగూడెంలో 6.4, ఎ.కొండూరులో 6.2, ఏలూరు జిల్లా ఏదులగూడెంలో 5.7, కృష్ణా జిల్లా పెదయెరుకపాడులో 5.3 సెంటీమీటర్ల వర్షం కురిసింది. వేలాది ఎకరాల్లో పంటలకు నష్టం..రెండు రోజులుగా కురుస్తున్న భారీ వర్షాలకు ఉత్తరాంధ్ర జిల్లాల్లో జనజీవనం అస్తవ్యస్తమైంది. భారీ వర్షాలు, ఈదురు గాలులకు శ్రీకాకుళం, విజయనగరం, పార్వతీపురం మన్యం, విశాఖ, అనకాపల్లి తూర్పు గోదావరి, పశ్చిమ గోదావరి, ఏలూరు తదితర జిల్లాల్లో పలు చోట్ల చెట్లు, విద్యుత్‌ స్తంభాలు కూలిపోయాయి. వేలాది ఎకరాల్లో పంటలకు నష్టం వాటిల్లింది. విశాఖపట్నం ముడసర్లోవలో గూగుల్‌ డేటా సెంటర్‌ ప్రాంతంలో ప్రహరీ కూలింది. శ్రీకాకుళం జిల్లాలో గెడ్డలు, వాగులు ఉప్పొంగుతున్నాయి. నందిగాం మండలంలో కొత్తగ్రహారం– జడ్యాడ వంతెన కూలిపోయింది. పలాస తదితర ప్రాంతాల్లో చెరువులు, వాగులు పొంగిపొర్లుతుండగా, లోతట్టు రహదారులపైకి వర్షపు నీరు చేరింది. జిల్లాలో 1,222 హెక్టార్లలో వరి పంట నీట మునిగినట్టు అధికారులు చెబుతున్నా, అంతకు రెండింతలు ముంపునకు గురై ఉండొచ్చని అంచనా వేస్తున్నారు. పార్వతీపురం మన్యం జిల్లా సీతానగరం మండలం ఏగోటివలస వద్ద తోటపల్లి కాలువలో స్నానానికి వెళ్లిన యువకుడు వరద ఉధృతిలో గల్లంతయ్యాడు. డాక్టర్‌ బీఆర్‌ అంబేడ్కర్‌ కోనసీమ జిల్లాలోని అమలాపురం మండలం నల్లమిల్లి, జనుపల్లితో పాటు ఉప్పలగుప్తం, అల్లవరం, కాట్రేనికోన, ఐ.పోలవరం, మామిడికుదురు, మలికిపురం మండలాల్లోని వరి చేలల్లో నాలుగడుగుల ఎత్తున నీరు చేరింది. దీంతో, రైతులు ఆందోళన చెందుతున్నారు. కర్నూలు జిల్లాలో అత్యధికంగా కోడుమూరులో 6.26 సెంటీమీటర్ల వర్షపాతం నమోదైంది. కోడుమూరు మండలంలోని లద్దగిరి, గోరంట్ల హంద్రీకి వరద నీరు భారీగా వచ్చింది. నంద్యాల జిల్లాలో వాగులు, వంకలు పొంగి పొర్లుతున్నాయి.గాలుల ధాటికి వణికిన చింతలపాడుఎన్టీఆర్‌ జిల్లా తిరువూరు మండలం చింతలపాడు గ్రామం భారీ గాలులకు వణికిపోయింది. ఐదు నిమిషాల్లో ఈదురు గాలులు గ్రామాన్ని కకావికలం చేశాయి. గాలుల ధాటికి ఇళ్ల పైకప్పులు లేచిపోయాయి. చెట్లు, విద్యుత్‌ స్తంభాలు విరిగిపోయాయి. రేకులు ఎగిరి వీధుల్లో పడటంతో ఐదుగురు గాయపడ్డారు. గ్రామస్తులు బిక్కుబిక్కు మంటూ గడిపారు.నేడు కూడా భారీ వర్షాలుతీవ్ర వాయుగుండం తీరం దాటిన తర్వాత కూడా భారీ వర్షాలు కురిసే అవకాశం ఉందని వాతావరణ శాఖ తెలిపింది. గురువారం శ్రీకాకుళం, విజయనగరం, పార్వతీపురం మన్యం, అల్లూరి సీతారామరాజు, పోలవరం, విశాఖ, అనకాపల్లి, కాకినాడ జిల్లాల్లో పలుచోట్ల భారీ వర్షాలు కురిసే అవకాశం ఉందని పేర్కొంది. డా. బీఆర్‌ అంబేడ్కర్‌ కోనసీమ, తూర్పు గోదావరి, పశ్చిమ గోదావరి, ఏలూరు, కృష్ణా, ఎన్టీఆర్, గుంటూరు, బాపట్ల, పల్నాడు జిల్లాల్లో మోస్తరు వర్షాలు, మార్కాపురం, ప్రకాశం, నెల్లూరు జిల్లాల్లో తేలికపాటి నుంచి మోస్తరు వర్షాలు కురిసే అవకాశం ఉందని పేర్కొంది.

సాక్షి, అమరావతి: ఒక్కసారిగా భారీ వర్షం.. క్షణాల్లో వాగులు ఉప్పొంగుతాయి.. కొద్దిసేపటికే రహదారులు, వాగులు, లోతట్టు ప్రాంతాలు నీట మునిగిపోతాయి. ఇళ్లలోకి వరద నీరు దూసుకొస్తుంది. తప్పించుకునే అవకాశం కూడా ఉండదు.. ఇదే ఫ్లాష్‌ ఫ్లడ్స్‌. ప్రపంచ వాతావరణ సంస్థ (డబ్ల్యూఎంఓ) ప్రకారం ప్రపంచంలోని వరద ఘటనల్లో సుమారు 85 శాతం ఫ్లాష్‌ ఫ్లడ్స్‌గా నమోదయ్యాయి. ఇతర రకాల వరదలతో పోల్చితే వీటివల్ల మరణాల రేటు కూడా ఎక్కువగా ఉంటుంది. ఫ్లాష్‌ ఫ్లడ్స్‌ వల్ల ప్రపంచవ్యాప్తంగా ఏటా రూ.4.78 లక్షల కోట్లకు (50 బిలియన్‌ డాలర్లు) పైగా ఆర్థిక నష్టం జరుగుతున్నట్లు డబ్ల్యూఎంఓ పేర్కొంది. ఫ్లాష్‌ ఫ్లడ్‌ ప్రమాదాన్ని అంచనా వేయడానికి వర్షపాతం, నేలలో తేమ, నీటి ప్రవాహం వంటి అంశాలను భారత వాతావరణ శాఖ (ఐఎండీ) పరిగణనలోకి తీసుకుంటోంది. ఇటీవల మన దేశంలోనూ ఫ్లాష్‌ ఫ్లడ్స్‌ తరచూ విజృంభిస్తున్నాయి. ఇక ఇప్పుడు మన రాష్ట్రంలోనూ ప్రవేశిస్తున్నాయి. తాజాగా ఏర్పడ్డ వాయుగుండం నేపథ్యంలో పలు జిల్లాలకు ఫ్లాష్‌ ఫ్లడ్స్‌ హెచ్చరికలు జారీ అయ్యాయి. భారీ వర్షాలతో ముప్పు..బంగాళాఖాతంలో ఏర్పడిన తీవ్ర వాయుగుండం కారణంగా బుధవారం, గురువారం ఉత్తరాంధ్ర–దక్షిణ ఒడిశా తీర ప్రాంతాల్లో భారీ నుంచి అత్యంత భారీ వర్షాలు కురిసే అవకాశం ఉందని ఐఎండీ హెచ్చరించింది. దీంతో ఆకస్మిక వరదలు, లోతట్టు ప్రాంతాల్లో నీటిముంపు, వాగులు వేగంగా పొంగే ప్రమాదం పెరుగుతుంది. సాధారణ వరదలకు, ఫ్లాష్‌ ఫ్లడ్స్‌కు ప్రధాన తేడా వేగం. తీవ్రమైన వర్షం మొదలైన కొద్ది గంటల్లోనే నీటి మట్టం ఒక్కసారిగా పెరగవచ్చు. వాగులు, చిన్న నదులు, కాలువలు పొంగిపొర్లడంతో రహదారులు, ఇళ్లు, వ్యవసాయ భూములు ముంపునకు గురవుతాయి. వర్షం ఇప్పటికే కురిసిన ప్రాంతాల్లో నేల తడిగా ఉండటం వల్ల తర్వాత కురిసే భారీ వర్షపు నీరు వేగంగా ప్రవహించే అవకాశం ఉంటుంది.వేసవిలోనూ ఫ్లాష్‌ ఫ్లడ్స్‌..2025లో ప్రచురితమైన భారత ఉపఖండంపై విస్తృత అధ్యయనం ఫ్లాష్‌ ఫ్లడ్‌ ప్రమాదానికి సంబంధించి కీలక విషయాలను వెల్లడించింది. హిమాలయాలు, పశ్చిమ తీరం, మధ్య భారతం ప్రధాన ఫ్లాష్‌ ఫ్లడ్‌ హాట్‌స్పాట్లుగా గుర్తించారు. ముఖ్యంగా దాదాపు మూడు వంతుల ఫ్లాష్‌ ఫ్లడ్స్‌ తీవ్రమైన వర్షం, ముందే తడిగా ఉన్న నేల కలయికతో సంభవిస్తున్నట్లు పరిశోధకులు గుర్తించారు. భారత్‌లో నమోదైన ఫ్లాష్‌ ఫ్లడ్స్‌లో 75 శాతానికి పైగా జూన్‌–సెప్టెంబర్‌ మధ్య సంభవించాయి. ఏపీలో మాత్రం ఏప్రిల్‌–మే (వేసవి)లోనూ ఫ్లాష్‌ ఫ్లడ్స్‌ నమోదవుతున్నట్లు అధ్యయనం పేర్కొంది. ఇదే అధ్యయనం మరో విషయాన్ని కూడా హెచ్చరిస్తోంది. ప్రస్తుతం ఫ్లాష్‌ ఫ్లడ్‌ ప్రమాదం తక్కువగా ఉన్న కొన్ని ప్రాంతాల్లోనూ తీవ్రమైన వర్షాల సంఖ్య, తీవ్రత పెరుగుతున్నందున భవిష్యత్తులో కొత్త ప్రమాద ప్రాంతాలు ఏర్పడే అవకాశం ఉందని పేర్కొంది.భారత్‌లో ఆకస్మిక వరదలు..కేంద్ర జల సంఘం 1986–2022 మధ్య ఉపగ్రహ చిత్రాల ఆధారంగా చేసిన అధ్యయనం ప్రకారం దేశంలో సుమారు 21 మిలియన్‌ హెక్టార్ల ప్రాంతం వరదల ప్రభావానికి గురైంది. మరో 20.5 మిలియన్‌ హెక్టార్ల ప్రాంతాన్ని వివిధ వరద నియంత్రణ చర్యల ద్వారా రక్షించినట్లు అంచనా వేసింది. 1953–2021 మధ్య దేశంలో వరదలు, భారీ వర్షాల కారణంగా లక్షలాది ఇళ్లు, పంటలు, మౌలిక వసతులు దెబ్బతిన్నాయి. వేలాది మంది ప్రాణాలు కోల్పోయారు. ఈ ఏడాది అసోంలో జూన్‌ చివరి నుంచి ఆగస్టు వరకు పలుమార్లు భారీ వర్షాలు కురిసి వరదలు, ఆకస్మిక వరదలు సంభవించాయి. ఒక్క జూలై 18–21 మధ్య కురిసిన భారీ వర్షాలతో అసోంలో 16 జిల్లాలు, 794 గ్రామాలు ముంపునకు గురయ్యాయి. మొత్తం ప్రాంతంలో 5 లక్షల మందికి పైగా ప్రభావితమయ్యారని వరల్డ్‌ వెదర్‌ అట్రిబ్యూషన్‌ అధ్యయనం పేర్కొంది. ఇటీవల హిమాలయాల్లో హిమానీనదం కూలిపోవడంతో నేపాల్‌–టిబెట్‌ సరిహద్దు ప్రాంతంలో సంభవించిన ఆకస్మిక వరదలు కూడా ఫ్లాష్‌ ఫ్లడ్‌ ప్రమాదం ఎంత వేగంగా విస్తరించగలదో చూపించాయి. ఈ ఘటనలో సుమారు 1,400 మంది మరణించగా, వేలాది మంది గల్లంతయ్యారు.ప్రపంచవ్యాప్తంగా ఫ్లాష్‌ఫ్లడ్స్‌..2024 అక్టోబర్‌లో స్పెయిన్‌లోని వాలెన్సియా ప్రాంతం ఫ్లాష్‌ ఫ్లడ్స్‌కు మరో ఉదాహరణ. టురిస్‌ ప్రాంతంలో కేవలం 16 గంటల్లో 771.8 మి.వీు.వర్షం నమోదైంది. ఒక గంటలో 184.6 మి.మీ. వర్షం కురిసి స్పెయిన్‌ జాతీయ రికార్డును బద్దలుకొట్టింది. ఈ వరదల్లో 230 మంది మరణించారు. 2026లో ప్రచురితమైన ‘నేచర్‌ కమ్యూనికేషన్స్‌’ అధ్యయనం 1 డిగ్రీ సెంటీగ్రేడ్‌ వేడి పెరిగితే వర్ష తీవ్రత సుమారు 20 శాతం పెరుగుతున్నట్లు అంచనా వేసింది. ప్రపంచ బ్యాంకు అంచనాల ప్రకారం.. 1.81 బిలియన్ల మంది (ప్రపంచ జనాభాలో సుమారు 23 శాతం) వరదలకు ప్రత్యక్షంగా గురయ్యే ప్రాంతాల్లో నివసిస్తున్నారు. వీరిలో 89 శాతం మంది తక్కువ, మధ్య ఆదాయ దేశాల్లో ఉన్నారు.

సాక్షి, అమరావతి: రాష్ట్రంలో కొత్తగా నాలుగు పోలీసు కమిషనరేట్ల ఏర్పాటు.. ప్రభుత్వ ప్రచారం కోసం సోషల్‌ మీడియా పాలసీ.. సహకార చక్కెర ఫ్యాక్టరీలు శాశ్వతంగా మూత.. సెకీ నుంచి దీర్ఘకాలం పాటు సోలార్‌ విద్యుత్‌ కొనుగోలు.. గతంలో తెలుగుదేశం పార్టీ కార్యాలయాలకు కేటాయించిన ప్రభుత్వ భూముల లీజును 33 సంవత్సరాల నుంచి 66 సంవత్సరాలకు ఆ తర్వాత 99 ఏళ్లకు పెంచుతూ బుధవారం సచివాలయంలో ముఖ్యమంత్రి చంద్రబాబు అధ్యక్షతన జరిగిన మంత్రివర్గ సమావేశం నిర్ణయం తీసుకుంది. మంత్రివర్గ సమావేశంలో తీసుకున్న నిర్ణయాలను సమాచార శాఖ మంత్రి కె. పార్థసారథి మీడియాకు వెల్లడించారు. ఆ వివరాలు..» శాంతిభద్రతల పరిరక్షణలో భాగంగా తిరుపతి, గుంటూరు, కర్నూలు, రాజమహేంద్రవరం కేంద్రాల్లో నాలుగు కొత్త పోలీసు కమిషనరేట్ల ఏర్పాటు. ప్రతీ కమిషనరేట్‌కు ఐజీపీ, డీఐజీపీ స్థాయి అధికారి కమిషనర్‌ ఆఫ్‌ పోలీసుగా వ్యవహరిస్తారు. » రాష్ట్రంలో ప్రభుత్వ సమాచారాన్ని, ప్రజా అవగాహన కార్యక్రమాలను విస్తృతంగా ప్రచారం చేసేందుకు విశ్వసనీయమైన సోషల్‌ మీడియా ఇన్‌ఫ్లుయెన్సర్లను గుర్తించి, వారిని ఎంప్యానెల్‌ చేసే విధంగా సోషల్‌ మీడియా ఇన్‌ఫ్లుయెన్సర్ల పాలసీకి ఆమోదం. ప్రభుత్వ సంక్షేమ పథకాలు, మౌలిక వసతుల అభివృద్ధి, ఇతర ప్రభుత్వ కార్యక్రమాలపై ప్రజల్లో అవగాహన కల్పించడం ఈ విధానం ప్రధాన ఉద్దేశ్యం. అధికారిక సమాచారాన్ని విస్తృతంగా ప్రచారం చేసేందుకు వీరిని ఏపీ డిజిటల్‌ కార్పొరేషన్‌ లిమిటెడ్‌ ద్వారా ఎంప్యానెల్‌ చేయనున్నారు. ఈ విధానం ఫేస్‌బుక్, ఇన్‌స్ట్రాగామ్, యూట్యూబ్‌ కంటెంట్‌ క్రియేటర్లకు వర్తిస్తుంది. ప్రారంభ ఎంప్యానెల్‌మెంట్‌ ఒక సంవత్సరం ఉంటుంది. సంతృప్తికరమైన పనితీరు ఆధారంగా అధికార సంస్థ నిర్ణయంతో మరో రెండేళ్ల వరకు, ఒక్కోసారి ఒక సంవత్సరం చొప్పున పొడిగించవచ్చు. ఉదా.. ఒక లక్ష వ్యూస్‌కు రూ.15 వేలు చొప్పున ప్రభుత్వం చెల్లిస్తుంది.» పనిచేయని మూడు సహకార చక్కెర ఫ్యాక్టరీలను శాశ్వతంగా మూసేస్తూ, అందులోని ఉద్యోగులకు వీఆర్‌ఎస్‌ వర్తింపజేసేందుకు లిక్విడేషన్‌ చేయడానికి జాయింట్‌ కలెక్టర్లను లిక్విడేటర్లుగా నియామకం. అలాగే, ఐదు సహకార చక్కెర కర్మాగారాల పెండింగ్‌ బకాయిలు, ఉద్యోగుల వీఆర్‌ఎస్‌ ఎక్స్‌గ్రేషియా చెల్లింపుల కోసం ఏపీఐఐసీ నుంచి రూ.66.57 కోట్ల రుణం పొందేందుకు ఆమోదం. నష్టాల్లో ఉన్న ఎనిమిది సహకార చక్కెర కర్మాగారాల బకాయిల పరిష్కారానికి కార్యాచరణ ప్రణాళికను అమలుచేయడానికి ఆమోదం. » రాష్ట్ర డిస్కంల తరఫున ఏపీపీసీసీ ద్వారా విద్యుత్‌ నిల్వ సామర్థ్యాన్ని సమకూర్చుకునేందుకు ఆమోదం. ఇందులో సోలార్‌ ఎనర్జీ కార్పొరేషన్‌ ఆఫ్‌ ఇండియా లిమిటెడ్‌ (సెకీ) నుంచి 1,344 మోగావాట్ల పంప్డ్‌ స్టోరేజ్‌ సామర్థ్యాన్ని 40 సంవత్సరాల కాలానికి.. అలాగే అర్హత కలిగిన పంప్డ్‌ హైడ్రో స్టోరేజ్‌ ప్రాజెక్టుల నుంచి 500 మెగావాట్ల ఎనర్జీ స్టోరేజ్‌ సామర్థ్యాన్ని పోటీ బిడ్డింగ్‌ విధానంలో యూనిట్‌ రూ.3.75 చొప్పున నాలుగు సంవత్సరాల కాలానికి సమకూర్చుకోవడానికి ఆమోదం. » వివిధ జిల్లాల్లో తెలుగుదేశం పార్టీ కార్యాలయాలకు ఇచ్చిన ప్రభుత్వ భూముల లీజు కాలాన్ని 33 సంవత్సరాల నుంచి 66 సంవత్సరాలకు పొడిగింపు. ఆ తరువాత 99 ఏళ్లకు పొడిగింపు.» న్యాయాధికారుల పదవీ విరమణ వయస్సును 61 సంవత్సరాల నుంచి 62 సంవత్సరాలకు పెంపు. ఇది 31.03.2026 నుంచి అమల్లోకి వచ్చేలా ముసాయిదా ఆర్డినెన్స్‌కు ఆమోదం. » హంద్రీ–నీవా సుజల స్రవంతి ప్రాజెక్టు–ఫేజ్‌– ఐఐ కింద పలమనేరు, కుప్పం నియోజకవర్గాల్లో కుప్పం బ్రాంచ్‌ కెనాల్‌ లైనింగ్‌ పనులకు రూ.125.65 కోట్లతో సవరించిన పరిపాలనా అనుమతి మంజూరు చేసేందుకు ఆమోదం. » పోలవరం ఎడమ ప్రధాన కాలువలో (ప్యాకేజీ–6) ఉన్న 12 సూపర్‌ పాసేజీల నిర్మాణ పనులను ప్రస్తుతం పనులు నిర్వహిస్తున్న సుమ ఎన్‌కాన్‌ ప్రాజెక్టŠస్‌ లిమిటెడ్‌కు అప్పగింత. » స్వర్ణ వార్డుల్లోని వార్డు అడ్మినిస్ట్రేటివ్‌ సెక్రటరీ, వార్డు డేటా ప్రాసెసింగ్‌ సెక్రటరీ, వార్డు శానిటేషన్‌ అండ్‌ ఎన్విరాన్‌మెంట్‌ సెక్రటరీ, వార్డు ప్లానింగ్‌ అండ్‌ రెగ్యులేషన్‌ సెక్రటరీ పోస్టులకు ప్రమోషన్‌ అవకాశాలు కల్పించేందుకు, మిగులు పోస్టులను సరెండర్‌ చేయడం లేదా ఎంట్రీ లెవల్‌ పోస్టులను అప్‌గ్రేడ్‌ చేయడం ద్వారా ప్రమోషనల్‌ ఛానళ్లను ఏర్పాటుచేయడంతో పాటు, ఆంధ్రప్రదేశ్‌ మున్సిపల్‌ జనరల్‌ సబార్డినేట్‌ సర్వీస్‌ రూల్స్, 2019 స్థానంలో ఈ కేటగిరీలన్నింటికీ ప్రత్యేక సర్వీస్‌ రూల్స్‌ జారీచేసేందుకు మంత్రి మండలి ఆమోదం. » డా.బీఆర్‌ అంబేద్కర్‌ కోనసీమ జిల్లాలోని కాట్రేనికోన మండలం, బ్రహ్మసమేథ్యం గ్రామంలో 1,618 ఎకరాల ప్రభుత్వ భూమిని ఆంధ్రప్రదేశ్‌ మినరల్‌ డెవలప్‌మెంట్‌ కార్పొరేషన్‌కు కేటాయించేందుకు ఆమోదం. శ్రీకాకుళం నుంచి భీమునిపట్నం వరకు ప్రతిపాదిత బీచ్‌ శాండ్‌ మినరల్స్‌ మైనింగ్‌ ప్రాజెక్టు కోసం అవసరమైన భూమి బ్యాంకు ఏర్పాటు.» పట్టణాభివృద్ధి సంస్థలన్నింటిలోనూ ల్యాండ్‌ పూలింగ్‌ విధానం అమలుచేసే ప్రతిపాదనలపై కేబినెట్‌ చర్చ. అయితే, కొన్ని మార్పులు చేసి వచ్చే కేబినెట్‌ సమావేశానికి తీసుకురావాలని అధికారులకు ఆదేశం.» ఇటీవల జరిగిన ఎస్‌ఐపీబీ, సీఆర్‌డీఏ సమావేశాల్లో తీసుకున్న నిర్ణయాలకు ఆమోదం.

ఎన్నికల హామీలతో వెన్నుపోటు పార్టీ నేతలు ప్రతి కుటుంబాన్ని మోసం చేశారు. ఎన్నికల సమయంలో చంద్రబాబు, పవన్‌ కళ్యాణ్‌ ఇద్దరి ఫొటోలు, సంతకాలతో బాండ్లు ఇచ్చారు. సూపర్‌ సిక్స్, సూపర్‌ సెవెన్‌ అంటూ హామీల వర్షం కురిపించారు. ప్రతి ఇంటికీ వెళ్లి, ప్రతి కుటుంబ సభ్యుడికీ విడివిడిగా లెక్కలు చెప్పి హామీలు ఇచ్చారు. ఇప్పుడు ఆ బాండ్ల విలువ ఏమిటి? రాజకీయాల్లో విశ్వసనీయత అంటే ఇదేనా అని ప్రజలు ప్రశ్నిస్తున్నారు. ఇప్పటికే రెండు ప్రభుత్వాల మధ్య ఉన్న తేడా గురించి ఇంటింటా చర్చించుకుంటున్నారు. డీఎస్సీ నియామకాల్లో జరుగుతున్న పరిణామాలు చూస్తే ఆశ్చర్యం కలుగుతోంది. స్పోర్ట్స్‌ కోటా పేరుతో పరీక్ష లేకుండానే టీచర్‌ ఉద్యోగాలు ఇచ్చేశారు. కేవలం పార్టిసిపేషన్‌ సర్టిఫికెట్లతో ఉపాధ్యాయ పోస్టులు కట్టబెట్టారు. ఈ స్కామ్‌పై ప్రభుత్వాన్ని ఎవరైనా ప్రశ్నిస్తే అక్రమ కేసులు, అరెస్టులతో వేధిస్తున్నారు. తప్పుడు సాక్ష్యాలు సృష్టించి ఇబ్బందులకు గురి చేస్తున్నారు. రెడ్‌ బుక్‌ పాలన సాగిస్తున్నారు. ఎల్లో మీడియా వాస్తవాలను పక్కనపెట్టి ప్రభుత్వానికి అనుకూలంగా ప్రచారం చేస్తోంది. హామీలన్నీ అమలై పోయాయని, ప్రజలందరూ సంతోషంగా ఉన్నారని చెప్పే ప్రయత్నం చేస్తుండటం దుర్మార్గం. మన ప్రభుత్వ హయాంలో ఏనాడూ ప్రజాస్వామ్యాన్ని ఖూనీ చేయలేదు. ప్రజలకు మంచి చేయాలని తపన పడ్డాం. తాపత్రయంతో పని చేశాం. బటన్‌ నొక్కి నేరుగా ప్రజల ఖాతాల్లో సంక్షేమ సొమ్ము జమ చేశాం. కోవిడ్‌ సమయంలోనూ సాకులు చెప్పకుండా ప్రజలకు అండగా నిలిచాం. అదే చంద్రబాబు ప్రజలకు చేసిందేమీ లేదు కాబట్టి, మొత్తం పోలీసులపై ఆధారపడుతున్నారు. మన ఐదేళ్ల పాలనలో విద్య, వైద్యం, వ్యవసాయం, సంక్షేమం, గ్రామ స్థాయి పరిపాలనలో తీసుకొచ్చిన మార్పులను ప్రజలకు వివరిం­చాలి. ఇదే సమయంలో ఈ ప్రభుత్వ ఎన్నికల హామీల అమలు, భూముల కేటాయింపులు, డీఎస్సీ నియామకాలు, తాగునీటి సమస్య, ప్రజాస్వామ్య వ్యవస్థల పనితీరును కూడా తెలియజెప్పాలి. - వైఎస్‌ జగన్‌మోహన్‌రెడ్డిసాక్షి, అమరావతి: రాష్ట్రంలో ప్రజలంతా మన వైపే ఉన్నారని.. స్థానిక ఎన్నికల్లో గట్టిగా నిల­బడి పోరాడాలని పార్టీ శ్రేణు­లకు వైఎస్సార్‌సీపీ అధ్యక్షుడు, మాజీ సీఎం వైఎస్‌ జగన్‌మోహన్‌రెడ్డి పిలుపునిచ్చారు. చంద్రబాబు పాలనంతా అరా­చక పర్వమని.. ప్రశ్నిస్తే అక్రమ కేసులు, వేధింపులు కొనసాగుతున్నాయని, వాటన్నింటినీ ప్రజల్లో గట్టిగా ఎండగట్టాలని సూచించారు. విశాఖలో చంద్రబాబు వచ్చాకే సమస్యలు మొదలయ్యాయని.. నగరంలో తీవ్ర నీటి ఎద్దడి నెలకొందని, చెప్పారు. వెన్నుపోటు పార్టీ కూటమి ప్రభుత్వంలో అరా­చకాలు జరుగుతున్నాయని.. పోలీసు­లు గతి తప్పి వ్యవహరిస్తున్నారని, దారుణంగా వేధిస్తున్నారంటూ ఆగ్రహం వ్యక్తం చేశారు. డిజిటల్‌ డైరీతో అన్ని లెక్కలు తేలుస్తామని స్పష్టం చేశారు. ఇకనైనా వారు పద్ధతి మార్చుకోవాలని.. లేని పక్షంలో తమ ప్రభుత్వం వచ్చా­క చర్యలు తప్పవని హెచ్చరించారు. తాడేపల్లిలోని వైఎస్సార్‌సీపీ కేంద్ర కార్యాలయంలో బుధవారం గ్రేటర్‌ విశాఖ పరిధిలోని పార్టీకి చెందిన మాజీ ప్రజా ప్రతినిధులు, నేతలు, ముఖ్య కార్యకర్తలతో వైఎస్‌ జగన్‌ సమావేశమయ్యారు. రాష్ట్రంలో జరుగుతున్న పరిణామాలను.. నెలకొన్న పరిస్థితులను వివరిస్తూ స్థానిక ఎన్నికల్లో అనుసరించాల్సిన వ్యూహంపై పార్టీ నేతలకు దిశానిర్దేశం చేశారు. ఈ సమావేశంలో వైఎస్‌ జగన్‌ ఇంకా ఏం మాట్లాడారంటే.. ప్రతి ఇంట్లో అదే చర్చ మన ఐదేళ్ల పాలనకు, ప్రస్తుతం రెండున్నరేళ్ల చంద్రబాబు పాలనకు మధ్య ఉన్న తేడాను ఈరోజు ప్రతి ఇంట్లో చర్చించు­కుంటున్నారు. మన హయాంలో ప్రజలకు అందిన పాలనకు, ఇప్పటి పాలనకు మధ్య వ్యత్యాసం ప్రతి కుటుంబానికీ స్పష్టంగా కనిపిస్తోంది. మన ఐదేళ్ల పాలనలో గతంలో ఎన్నడూ జరగని మార్పులు తీసుకొచ్చాం. రాష్ట్రంలో రాజకీయ వ్యవస్థను మార్చా­లన్న చిత్తశుద్ధితో పని చేశాం. రాజకీయాల్లో నాయకుడి మీద, పార్టీ మీద విశ్వసనీయతను పెంచేందుకు కృషి చేశాం. గతంలో మేనిఫెస్టో అంటే ఎన్నికల సమయంలో ఇష్టానుసారంగా హామీలు ఇవ్వడం, ఎన్నికలు ముగిసిన తర్వాత దాన్ని చెత్తబుట్టలో పడేయడం అనే పరిస్థితి ఉండేది. ఆ పరిస్థితిని మార్చింది వైఎస్సార్‌సీపీ ప్రభుత్వం. మేని­ఫెస్టోను కేవలం రెండు పేజీల్లో, ప్రతి ఒక్కరికీ అర్థమయ్యేలా తీసుకొచ్చాం. దాన్ని ఒక భగవద్గీతగా, ఖురాన్‌గా, బైబిల్‌గా భావించి 99 శాతం హామీలను అమలు చేశాం. రాజకీయాల్లో విలువలు, విశ్వసనీయతకు అంతటి ప్రాధాన్యం ఇచ్చిన ప్రభుత్వం మనది.విద్య, వైద్య–ఆరోగ్య రంగాల్లో విప్లవాత్మక మార్పులునాడు మనం కేవలం మేనిఫెస్టో అమలుతోనే సరిపెట్టుకోలేదు. గతంలో సాధ్యం కావనుకున్న ఎన్నో కార్యక్రమాలను సాధ్యం చేసి చూపించాం. విద్యా రంగానికి సంబంధించి ప్రభుత్వ బడులను ప్రైవేటు పాఠశాలలకు దీటుగా తీర్చిదిద్దాం. ప్రభుత్వ పాఠశాలలు ప్రైవేటు పాఠశాలలతో పోటీ పడగలవా.. అనే సందేహం గతంలో ఉండేది. మన ప్రభుత్వ హయాంలో ఆ పరిస్థితిని పూర్తిగా మార్చాం. నాడు–నేడు (మనబడి) కార్యక్రమం ద్వారా ప్రభుత్వ పాఠశాలల రూపురేఖలను మార్చాం. ఇంగ్లిష్‌ మీడియం ప్రవేశపెట్టాం. మూడో తరగతి నుంచే టోఫెల్‌ను ఒక పీరియడ్‌గా అందుబాటులోకి తీసుకొచ్చాం. ఒక పేజీ ఇంగ్లిష్, మరో పేజీ తెలుగు ఉండేలా ద్విభాషా (బైలింగ్వువల్‌) పాఠ్య పుస్తకాలను అందించాం. ఆరో తరగతి నుంచి డిజిటల్‌ క్లాస్‌ రూమ్‌లు ఏర్పాటు చేశాం. ఎనిమిదో తరగతి విద్యార్థులకు ట్యాబ్‌లు అందించాం. పిల్లలు ఏం తింటున్నారు, వారికి ఎలాంటి పౌష్టికాహారం అందుతోంది అనే విషయాలపై కూడా ప్రత్యేక శ్రద్ధ పెట్టాం. ఈ మార్పులతో ప్రభుత్వ పాఠశాలల్లో సీట్ల కోసం ఎమ్మెల్యేల సిఫార్సు లేఖలు అవసరమయ్యే పరిస్థితి వచ్చింది. కొన్ని ప్రభుత్వ పాఠశాలల్లో సీట్లు ఖాళీ లేవని బోర్డులు పెట్టే స్థాయికి తీసుకెళ్లగలిగాం. ఒక వ్యవస్థలో చిత్తశుద్ధితో పనిచేస్తే ఎంతటి మార్పులైనా తీసుకురావొచ్చని మన ప్రభుత్వం నిరూపించింది. వైద్య రంగంలో గతంలో ఎన్నడూ లేని మార్పులు తీసుకొచ్చాం. మన ప్రభుత్వం రాక ముందు ఆరోగ్యశ్రీ కేవలం 1,000 ప్రొసీజర్లకే పరిమితమై ఉండేది. దాన్ని 3,300 ప్రొసీజర్లకు విస్తరించాం. ఈ పథకంలో పేద వారికి రూ.25 లక్షల వరకు ఉచిత వైద్యం అందేలా చేశాం. నాడు–నేడు కార్యక్రమం ద్వారా ప్రభుత్వ ఆస్పత్రుల రూపురేఖలను మార్చాం. కార్పొరేట్‌ ఆస్పత్రులకు దీటుగా ప్రభుత్వ ఆస్ప­త్రులను తీర్చిదిద్దేందుకు కృషి చేశాం. గతంలో ప్రభుత్వ ఆస్పత్రుల్లో వైద్యులు అందుబాటులో ఉండని పరిస్థితి. దేశవ్యాప్తంగా స్పెషలిస్టు వైద్యుల కొరత 61 శాతం ఉంటే, మన ప్రభుత్వ హయాంలో ఆంధ్రప్రదేశ్‌లో ఆ కొరతను కేవలం నాలుగు శాతానికి పరిమితం చేయగలిగాం. జీరో వేకెన్సీ పాలసీ తీసుకొచ్చి ప్రభుత్వ ఆస్పత్రుల్లో వైద్యులు అందుబాటులో ఉండేలా చర్యలు చేపట్టాం. మందులు దొరకని పరిస్థితిని మార్చేసి.. డబ్ల్యూహెచ్‌వో, జీఎంపీ ప్రమాణాలు కలిగిన మందులు మా­త్రమే అందుబాటులో ఉండేలా చేశాం. గ్రామ స్థాయి వరకు విలేజ్‌ క్లినిక్‌లను తీసుకొచ్చాం. ఫ్యామిలీ డాక్టర్‌ విధానాన్ని ప్రవేశపెట్టాం. ప్రతి మండలంలో రెండు పీహెచ్‌సీలు, ఒక్కో పీహెచ్‌సీలో ఇద్దరు వైద్యులు ఉండేలా వ్యవస్థను రూపొందించాం. మండలానికి నలుగురు వైద్యులు, రెండు 104 వాహనాలను అందుబాటులో ఉంచాం. ఒక వైద్యుడు పీహెచ్‌సీలో సేవలు అందిస్తుంటే, మరో వైద్యుడు 104 వాహనంలో తనకు కేటాయించిన గ్రామాలకు వెళ్లి ప్రజలకు వైద్య సేవలు అందించేలా చేశాం. దీంతో ప్రజలకు గ్రామ స్థాయి­లోనే వైద్య సేవలు అందుబాటులోకి వచ్చాయి. వ్యా­ధులు వచ్చిన తర్వాత చికిత్స చేయడమే కాకుండా, ముందుగానే గుర్తించి నివారించే ప్రివెంటివ్‌ కేర్‌లోనూ కీలక మా­ర్పులు తీసుకొచ్చాం. ఇవన్నీ సాధ్యమవు­తాయా అని గతంలో ఎవరైనా అడిగితే సాధ్యం కావనే సమాధానం వచ్చేది. కానీ వాటిని సాధ్యం చేసి చూపించింది మన ప్రభుత్వం.గ్రామ స్వరాజ్యం గ్రామ స్థాయిలోనే పరిపాలనను ప్రజలకు చేరువ చేశాం. గ్రామ, వార్డు సచివాలయాల వ్యవస్థను తీసుకొచ్చాం. ప్రతి 60–70 ఇళ్లకు ఒక వలంటీర్‌ను నియమించి ప్రభు­త్వ సేవలను ప్రజల ఇంటి వద్దకే చేర్చాం. లంచం లేకుండా, ప్రభుత్వ కార్యాలయాల చుట్టూ తిరగాల్సిన అవసరం లేకుండా పేదవారికి సేవలు అందించగలమని నిరూపించాం. సంక్షేమ పథకాల సొమ్ము­ను నేరుగా లబ్దిదారుల ఖాతాల్లో జమ చేశాం. ఎలాంటి మధ్యవర్తుల ప్రమేయం లేకుండా ప్రతి ఇంటికీ ప్రభుత్వ సాయం అందేలా వ్యవస్థను రూపొందించాం. కుల ధ్రువీకరణ పత్రం వంటి సేవలను కూడా వలంటీర్లు ప్రజల ఇంటి వద్దకే తీసుకొచ్చే పరిస్థితి కల్పించాం.వ్యవసాయం పండగ గ్రామ స్థాయిలో రైతులకు అండగా ఆర్బీకే వ్యవస్థను తీసుకొచ్చాం. వ్యవసాయ రంగంలో గతంలో ఎన్నడూ చూడని మార్పులు తీసుకొచ్చాం. ప్రతి ఎకరాను ఈ–క్రాప్‌ నమోదు చేసి, ఉచిత పంటల బీమా అమలు చేశాం. రైతు భరోసా కేంద్రాల ద్వారా గ్రామ స్థాయిలోనే రైతులకు సేవలు అందుబాటులోకి తీసుకొచ్చాం. ప్రతి ఆర్బీకేలో ఒక వ్యవసాయ గ్రాడ్యుయేట్‌ను నియమించాం. ప్రతి పంటకు ప్రకటించిన గిట్టుబాటు ధరలను రైతులకు తెలిసేలా ఆర్బీకేల్లో ప్రదర్శించాం. ఎక్కడైనా రైతులకు గిట్టుబాటు ధర లభించని పరిస్థితి ఉంటే, ఆర్బీకే సిబ్బంది సీఎం యాప్‌ ద్వారా వివరాలను నమోదు చేసి సంబంధిత అధికారుల దృష్టికి తీసుకెళ్లే వ్యవస్థను ఏర్పా­టు చేశాం.వ్యవసాయ ఉత్పత్తుల ధరలు, కొనుగోళ్లను నిరంతరం పర్యవేక్షించే విధానాన్ని తీసుకొచ్చాం. అవసరమైన చోట జాయింట్‌ కలెక్టర్, మార్క్‌ఫెడ్‌ అధికారులు జోక్యం చేసుకొని కొనుగోళ్లకు చర్యలు చేపట్టేలా చేశాం. రైతులకు సరైన ధర దక్కేలా కొనుగోలు వ్యవస్థలో పోటీని పెంచేందుకు కృషి చేశాం. మన ఐదేళ్ల పాలనలో రెండున్నరేళ్లపాటు కోవిడ్‌ పరిస్థితులు ఎదురైనా, ఏనాడూ సాకులు చెప్పలేదు. కోవిడ్‌ కారణంగా హామీలు అమలు చేయలేకపోతున్నామని చేతులెత్తేయలేదు. ఒకవైపు ఇచ్చిన ప్రతి మాటను నిలబెట్టుకుంటూ, మరోవైపు వ్యవస్థల్లో గతంలో ఎన్నడూ లేని మార్పులు తీసుకొచ్చాం.ఇప్పుడు అంతా రివర్స్‌ మన హయాంలో ప్రతి గ్రామ, వార్డు సచివాలయంలో మహిళా పోలీసు అందుబాటులో ఉండేవారు. మహిళల భద్రత కోసం దిశ యాప్‌ను తీసుకొచ్చాం. ఆపదలో ఉన్న మహిళలు ఫోన్‌ చేసినా, ఫోన్‌ను షేక్‌ చేసినా పోలీసులు వెంటనే స్పందించి సహాయం చేసే వ్యవస్థను ఏర్పాటు చేశాం. కానీ, ఇప్పుడు పరిస్థితులన్నీ రివర్స్‌ గేర్‌లోకి వెళ్లిపోయాయి. రాష్ట్రంలో రూపాయికి చాక్లెట్‌ వస్తుందో లేదో తెలియదు కానీ, విశాఖపట్నంలో మాత్రం చంద్రబాబు తనకు కావాల్సిన వారికి 99 పైసలకే భూములు ఇస్తున్నారు. ఒకవైపు భూముల కేటాయింపుల్లో అక్రమాలు జరుగుతున్నాయి. మరో వైపు గ్రామాలు, పట్టణాల్లో గంజాయి, మద్యం విచ్చలవిడిగా అందుబాటులోకి వస్తున్నాయి. గుడి పక్కన, బడి పక్కన, వీధి చివర ఎక్కడపడితే అక్కడ మద్యం, గంజాయి అందుబాటులోకి వస్తున్న పరిస్థితులు కనిపిస్తున్నాయి. గతంలో గ్రామ స్థాయిలో మహిళా పోలీసులు ఉండటంతో ఇలాంటి ఘటనలపై వెంటనే సమాచారం అందేది. వాటిని అరికట్టేందుకు ఒక వ్యవస్థ ఉండేది. ఇప్పుడు ఆ వ్యవస్థను నిర్వీర్యం చేసి, అక్రమ కార్యకలాపాలకు మరింత అవకాశం ఇస్తున్నారు. గతంలో సచివాలయానికి వెళ్తే లంచం లేకుండా పనులు జరిగేవి. వలంటీర్లు ఇంటికి వచ్చి ప్రజలకు అవసరమైన సేవలు అందించేవారు. ఇప్పుడు కుల ధ్రువీకరణ పత్రం కావాలన్నా, జనన ధ్రువీకరణ పత్రం కావాలన్నా లంచం ఇవ్వాల్సిన పరిస్థితి వచ్చిందని ప్రజలు చెబుతున్నారు.హామీలతో ప్రతి కుటుంబానికి మోసం ఎన్నికల హామీలతో ప్రతి కుటుంబాన్ని మోసం చేశారు. ఎన్నికల సమయంలో చంద్రబాబు, పవన్‌ కళ్యాణ్‌ ఇద్దరి ఫొటోలు, సంతకాలతో బాండ్లు ఇచ్చారు. సూపర్‌ సిక్స్, సూపర్‌ సెవెన్‌ అంటూ హామీల వర్షం కురిపించారు. జగన్‌ ఇచ్చే పథకాలన్నీ కొనసాగించడమే కాకుండా, వాటికి మూడింతలు అదనంగా ఇస్తామని ప్రతి ఇంటికీ వెళ్లి చెప్పారు. 2024 జూన్‌ నుంచే తమ హామీల అమలు ప్రారంభమవుతుందని ప్రచారం చేశారు. అమ్మ ఒడి కింద జగన్‌ ఒక కుటుంబానికి రూ.15 వేలు ఇస్తుంటే, చంద్రబాబు మాత్రం ఇంట్లో ఎంత మంది పిల్లలు ఉంటే అంతమందికీ తలా రూ.15 వేలు ఇస్తామని చెప్పారు. ముగ్గురు పిల్లలుంటే ముగ్గురికీ, నలుగురు పిల్లలుంటే నలుగురికీ రూ.15 వేల చొప్పున ఇస్తామని హామీ ఇచ్చారు. ఇంట్లో మహిళ కనిపిస్తే నెలకు రూ.1,500 చొప్పున ఏడాదికి రూ.18 వేలు ఇస్తామని చెప్పారు. ఒక కుటుంబంలో ఎంత మంది అర్హులైన మహిళలు ఉంటే అంత మందికీ ఈ సాయం అందుతుందని ప్రచారం చేశారు. నిరుద్యోగ యువకుడు కనిపిస్తే నెలకు రూ.3 వేల చొప్పున ఏడాదికి రూ.36 వేలు ఇస్తామన్నారు. ఒక కుటుంబంలో ఇద్దరు, ముగ్గురు నిరుద్యోగులు ఉన్నా, అందరికీ ఈ సాయం అందుతుందని హామీ ఇచ్చారు. రైతుల దగ్గరకు వెళ్లి, జగన్‌ రైతు భరోసా కింద పీఎం కిసాన్‌తో కలిపి రూ.13,500 ఇస్తుంటే, తాము అన్నదాత సుఖీభవ పేరుతో పీఎం కిసాన్‌తో కలిపి రూ.26 వేలు ఇస్తామని చెప్పారు. మన ప్రభుత్వం వైఎస్సార్‌ చేయూత కింద మహిళలకు రూ.18,750 చొప్పున సాయం అందిస్తే, చంద్రబాబు మాత్రం 50 ఏళ్లు దాటిన మహిళలకు ఏడాదికి రూ.48 వేల పింఛన్‌ ఇస్తామని హామీ ఇచ్చారు. అలా ప్రతి ఇంటికీ వెళ్లి, ప్రతి కుటుంబ సభ్యుడికీ విడివిడిగా లెక్కలు చెప్పి హామీలు ఇచ్చారు. వాటిపై బాండ్లు రాసిచ్చారు. సంతకాలు పెట్టారు. ప్రమాణాలు చేశారు. ఇప్పుడు ఆ బాండ్లకు విలువ ఏమి­టి? ఎన్నికల సమయంలో ఇచ్చిన మాటలకు విలువ ఏమిటి? రాజకీయాల్లో విశ్వసనీయత అంటే ఏమిటి? అని ప్రజలు ప్రశ్నిస్తున్నారు.డీఎస్సీలో అక్రమాలు.. ప్రశ్నిస్తే వేధింపులు డీఎస్సీ నియామకాల్లో జరుగుతున్న పరిణామాలు చూస్తే ఆశ్చర్యం కలుగుతోంది. స్పోర్ట్స్‌ కోటా పేరుతో పరీక్ష లేకుండానే టీచర్‌ ఉద్యోగాలు ఇచ్చేశారు. ఉద్యోగ నియామకాల్లో అక్ర­మాలు ఏ స్థాయికి చేరాయో చెప్పడానికి ఇవే ఉదాహరణలు. ప్రభుత్వాన్ని ఎవరైనా ప్రశ్నిస్తే అక్రమ కేసులు, అరెస్టులతో వేధిస్తున్నారు. తప్పుడు సాక్ష్యాలు సృష్టించి ఇబ్బందులకు గురి చేస్తున్నారు. రెడ్‌ బుక్‌ పాలన సాగిస్తున్నారు. ఇదే సమయంలో చంద్రబాబుకు అనుకూలంగా వ్యవహరించే కొన్ని మీడియా సంస్థలు వాస్తవాలను పక్కనపెట్టి ప్రభుత్వానికి అనుకూలంగా ప్రచారం చేస్తున్నాయి. ప్రభుత్వ వైఫల్యాలను కప్పి పుచ్చేందుకు నిరంతరం ప్రయతి్నస్తున్నాయి. ఎన్నికల సమయంలో సూపర్‌ సిక్స్, సూపర్‌ సెవెన్, బాండ్ల పేరుతో ఇచ్చిన హామీలను ప్రజలు మరిచిపోయేలా ప్రచారం చేస్తున్నారు. హామీలన్నీ అమలై పోయాయని, ప్రజలందరూ సంతోషంగా ఉన్నారని చెప్పే ప్రయత్నం చేస్తున్నారు.వైఎస్సార్‌సీపీ ప్రభుత్వంలో ఉత్తరాంధ్ర అభివృద్ధి ఉత్తరాంధ్ర అభివృద్ధికి మన ప్రభుత్వం చేసిన కృషి అందరికీ తెలిసిందే. దాని గురించి మీకు ప్రత్యేకంగా చెప్పాల్సిన అవసరం లేదు. మన హయాంలో ఏం చేశామో మీరే ప్రజలకు వివరించగలరు. భోగాపురం అంతర్జాతీయ విమానాశ్రయం నుంచి మూలపేట పోర్టు వరకు, అదానీ డేటా సెంటర్‌ నుంచి అనేక అభివృద్ధి కార్యక్రమాల వరకు ఉత్తరాంధ్రలో మన ప్రభుత్వం చేపట్టిన పనులు కనిపిస్తాయి. విశాఖపట్నంలో ఏకంగా 1.30 లక్షల మందికి ఇళ్ల పట్టాలు ఇచ్చి, ఇళ్లు మంజూరు చేశాం. కేజీహెచ్‌ అభివృద్ధికి చర్యలు చేపట్టాం. ప్రభుత్వ ఆస్పత్రుల్లో వసతులను మెరుగు పరిచేందుకు నాడు–నేడు కార్యక్రమాన్ని అమలు చేశాం. ఎన్నో ఏళ్లుగా ఉద్దానం ప్రాంత ప్రజలను వేధిస్తున్న కిడ్నీ సమస్య పరిష్కారానికి ప్రత్యేక చర్యలు చేపట్టాం. కిడ్నీ రీసెర్చ్‌ సెంటర్‌ను తీసుకొచ్చాం. కిడ్నీ సమస్యకు శాశ్వత పరిష్కారం చూపాలన్న లక్ష్యంతో హీర మండలం నుంచి గ్రావిటీ ద్వారా ఉద్దానం వరకు నీరు తీసుకొచ్చాం. ఇందుకోసం రూ.600 కోట్లకు పైగా ఖర్చు చేశాం. ఇంకా గిరిజన విశ్వవిద్యాలయం, గిరిజన ఇంజినీరింగ్‌ కళాశాల, వైద్య కళాశాలలు వంటి విద్యా సంస్థల అభివృద్ధికి కృషి చేశాం. పోర్టులు, ఫిషింగ్‌ హార్బర్లు, వైద్య కళాశాలలు, ప్రభుత్వ పాఠశాలలు, ఆస్పత్రులు.. ఇలా ఏ రంగాన్ని చూసినా మన ప్రభుత్వ హయాంలో చేపట్టిన అభివృద్ధి పనులు కనిపిస్తాయి. అందుకే మన హయాంలో చేసిన మంచి మనకు శ్రీరామరక్షగా ఉంటుంది. దేవుడి దయ, ఆశీస్సులు ఎప్పుడూ మనకు అండగా ఉంటాయి.సక్రమంగా ఎన్నికల నిర్వహణ అనుమానమే విశాఖపట్నంలో మేయర్, కార్పొరేషన్‌ వ్యవహారాల్లో చంద్రబాబు వ్యవహరించిన తీరును ప్రజలు గమనించారు. అధికారాన్ని అడ్డు పెట్టుకొని ప్రజాస్వామ్యబద్ధంగా ఏర్పడిన వ్యవస్థలను తమ అ«దీనంలోకి తీసుకునే ప్రయత్నం చేశారు. వీటన్నింటి నేపథ్యంలో ఎన్నికలు స్వేచ్ఛగా, సక్రమంగా జరుగుతాయన్న నమ్మకం కలగడం లేదు. అయితే ప్రజాస్వామ్యాన్ని దెబ్బ తీసి, అధికార దుర్వినియోగానికి పాల్పడితే తాత్కాలికంగా ఏదైనా ప్రయోజనం కలగవచ్చేమో కానీ, అది శాశ్వతంగా నిలబడదు. 2019 ఎన్నికలకు ముందు నంద్యాల ఉప ఎన్నికను గుర్తు చేసుకోండి. నా పాదయాత్ర ప్రారంభానికి కొద్ది రోజుల ముందు ఆ ఉప ఎన్నిక జరిగింది. అప్పట్లో అధికార దుర్వినియోగం ఏ స్థాయిలో జరిగిందో అందరం చూశాం. ఆ ఉప ఎన్నికలో మన పార్టీ ఓడిపోయింది. ఆ తర్వాత నా పాదయాత్ర జరిగింది. దాదాపు ఒకటిన్నర సంవత్సరానికి జరిగిన సాధారణ ఎన్నికల్లో అదే నంద్యాలలో 36 వేల ఓట్ల మెజారిటీతో విజయం సాధించాం. రాష్ట్ర వ్యాప్తంగా కూడా మన పార్టీ ఘన విజయం సాధించింది. ప్రజాస్వామ్యంలో అధికార దుర్వినియోగం, పోలీసుల సహాయంతో దౌర్జన్యాలు చేయడం ద్వారా తాత్కాలిక ఫలితాలు సాధించవచ్చేమో కానీ, ప్రజల తీర్పును శాశ్వతంగా అడ్డుకోలేరు.విశాఖను దోచి పెడుతున్నారు 55 ఎకరాల భూమిని గీతం వర్సిటీ వారు కబ్జా చేశారు. దాని విలువ కనీసం రూ.5 వేల కోట్లు. దాన్ని అడ్డగోలుగా నచ్చిన వారికి, లోకేశ్‌ తోడల్లుడికి ఇచ్చేశారు. ఆ స్థాయిలో బరి తెగించారు. విశాఖపట్నంలో 99 పైసలకే భూములు కేటాయించడం, గీతం భూముల వ్యవహారం వంటి అంశాలపై ప్రభుత్వం సమాధానం చెప్పాలి. అంత అవినీతి ప్రభుత్వం ఇది. అయితే ఇవన్నీ ఊరకే పోవు. తప్పకుండా చుట్టుకుంటాయి. చేసిన పాపాలు, అక్రమాలు ఎక్కడికీ పోవు. కచ్చితంగా అన్నింటికీ బాధ్యత వహించాల్సి ఉంటుంది.విశాఖలో నీటి ఎద్దడి ప్రభుత్వ వైఫల్యమే విశాఖపట్నంలో తాగునీటి సమస్య తీవ్రంగా ఉంది. గతంలో ఎన్నడూ లేని విధంగా నగరంలో తాగునీటి ఇబ్బందులు ఎదురవుతున్నాయి. మూడు రోజులకు ఒకసారి నీరు సరఫరా అయ్యే పరిస్థితి నెలకొంది. పోలవరం ప్రాజెక్టు విషయంలో చంద్రబాబు ప్రభుత్వం తీసుకుంటున్న నిర్ణయాలను కూడా ఈ సందర్భంగా ప్రస్తావించాలి. ప్రాజెక్టును 45.72 మీటర్ల ఎత్తు వరకు నిర్మిస్తే అదనంగా 75 టీఎంసీల నీటిని నిల్వ చేసుకునే అవకాశం ఉంటుంది. అప్పుడు ఆ నీటిని గ్రావిటీ ద్వారా విశాఖపట్నం నుంచి ఉత్తరాంధ్ర ప్రాంతాలకు అందించే వెసులుబాటు కలుగుతుంది. కానీ ప్రాజెక్టు ఎత్తు తగ్గించే నిర్ణయంతో ఆ 75 టీఎంసీల నీటి నిల్వ సామర్థ్యాన్ని కోల్పోయే పరిస్థితి ఏర్పడుతోంది. అలా ఒకవైపు పోలవరంలో అదనపు నీటి నిల్వ సామర్థ్యాన్ని కోల్పోతుంటే, మరోవైపు విశాఖపట్నంలో ప్రజలకు మూడు రోజులకోసారి తాగునీరు అందించే పరిస్థితి నెలకొంది.కార్యకర్తలకు పార్టీ అండస్థానిక ఎన్నికల నేపథ్యంలో పార్టీ నాయకులు, కార్యకర్తలందరికీ ఒక విషయం స్పష్టంగా చెబుతున్నా. వైఎస్సార్‌సీపీ మీకు అన్ని విధాలా అండగా ఉంటుంది. ఎమ్మెల్యే అభ్యర్థుల నుంచి పార్టీ అగ్ర నాయకత్వం వరకు.. నా వరకు ప్రతి ఒక్కరూ కార్యకర్తలకు తోడుగా ఉంటాం. ఎన్నికల సమయంలో ఎవరైనా అన్యాయానికి పాల్పడితే, ఆ ఘటనల వివరాలను వెంటనే నమోదు చేయండి. ఏ అధికారి, ఏ పోలీసు అధికారి ఏ విధంగా వ్యవహరించారు? ఎలాంటి అన్యాయం జరిగింది? అనే వివరాలను మర్చిపోకముందే డిజిటల్‌ డైరీలో నమోదు చేయండి. భవిష్యత్తులో వాటిని పరిశీలించి చట్ట ప్రకారం బాధ్యతను నిర్ధారించేలా చర్యలు తీసుకుంటాం. పోలీసు అధికారులకు ముందుగా విజ్ఞప్తి చేయండి. ఎందుకంటే ప్రజాస్వామ్యంలో ప్రజలు తమ తీర్పును స్వేచ్ఛగా ఇచ్చేలా సహకరించాల్సిన బాధ్య­త పోలీసులదే. పోలీసులు తమ ధర్మాన్ని నిర్వర్తించాలి. వారి టోపీపై ఉన్న సింహాలకు మాత్రమే తలవంచాలి. రాజకీయ నాయకుల ఒత్తిళ్లకు తలొగ్గి అన్యాయం చేయకూడదు. ప్రజాస్వా­మ్యా­న్ని కాపాడాల్సిన బాధ్యతను విస్మరించి ఎవరైనా అన్యాయానికి పాల్పడితే, వారి చర్యలను డిజిటల్‌ డైరీలో నమోదు చేయాలి. మన ప్రభుత్వం వచ్చాక ఆ డిజిటల్‌ డైరీలో నమోదైన అంశాలను పరిశీలించి, చట్టపరంగా చర్యలు తీసుకుంటాం. జగన్‌ 2.0లో కార్యకర్తకు అత్యంత ప్రాధాన్యం ఉంటుంది. కార్యకర్తల ప్రయోజనాలకు అండగా పార్టీ నిలుస్తుంది.మనం చేసిన మంచిని ప్రజలకు వివరించాలిమన ప్రభుత్వ హయాంలో ఏనాడూ ప్రజాస్వామ్యాన్ని ఖూనీ చేయలేదు. పోలీసులను ఉపయోగించుకోలేదు. పోలీసుల మీద ఆధారపడి ఎన్నికలు నిర్వహించలేదు. ప్రజలకు మంచి చేయడంపైనే ఆధారపడ్డాం. బటన్‌ నొక్కి నేరుగా ప్రజల ఖాతాల్లో సంక్షేమ సొమ్ము జమ చేశాం. కోవిడ్‌ సమయంలోనూ సాకులు చెప్పకుండా ప్రజలకు అండగా నిలిచాం. అదే చంద్రబాబు ప్రజలకు చేసిందేమీ లేదు కాబట్టి, మొత్తం పోలీసులపై ఆధారపడుతున్నారు. మన ఐదేళ్ల పాలనలో విద్య, వైద్యం, వ్యవసాయం, సంక్షేమం, గ్రామ స్థాయి పరిపాలనలో తీసుకొచ్చిన మార్పులను ప్రజలకు వివరించాలి. ఉత్తరాంధ్ర అభివృద్ధికి చేపట్టిన కార్యక్రమాలతో పాటు ప్రస్తుత ప్రభుత్వ పాలనపై మనం లేవనెత్తుతున్న అంశాలను ప్రజల దృష్టికి తీసుకెళ్లాలి. ఎన్నికల హామీల అమలు, భూముల కేటాయింపులు, డీఎస్సీ నియామకాలు, తాగు­నీటి సమస్య, ప్రజాస్వామ్య వ్యవస్థల పనితీరు వంటి అంశాలపై ప్రజలకు వాస్తవాలు తెలియాల్సిన అవసరం కూడా ఉంది. ఆ దిశలో పార్టీ నాయకులు, ప్రజా ప్రతినిధులు, కార్యకర్తలందరూ సమన్వయంతో పని చేయాలి. పార్టీలో ప్రతి కార్యకర్తకు ఎమ్మెల్యే అభ్యర్థుల నుంచి పార్టీ అగ్రనాయకత్వం వరకు అందరూ అండగా ఉంటారు. అలాగే కార్యకర్తల ప్రయోజనాలకు పార్టీ ప్రాధాన్యం ఇస్తుంది. ఈ సమావేశంలో పార్టీ సీనియర్‌ నేతలు బొత్స సత్య­నారా­య­ణ, కె.కన్నబాబు, గుడివాడ అమర్‌నాథ్, కేకే రాజు, వరు­దు కళ్యాణి, గొల్ల బాబూరావు, అదీప్‌రాజు, పి.నాగిరెడ్డి, మల్లా విజయ్‌ప్రసాద్, వాసుపల్లి గణేష్ కుమార్, తిప్ప­ల దేవన్‌రెడ్డి, మొల్లి అప్పారావు, మలసాల భరత్‌కుమార్, బొత్స అనూష, మాజీ మేయర్‌ జి.హరివెంకటకుమారి పాల్గొన్నారు.

టెక్కలి/సాక్షి, అమరావతి: శ్రీకాకుళం జిల్లా టెక్కలి మండలం రావివలస సమీపంలో నౌపడ–గుణుపూర్‌ రైలు మార్గంలో బుధవారం రాజ్యరాణి ఎక్స్‌ప్రెస్‌ రైలు ఢీకొని నలుగురు విద్యార్థులు మృతి చెందగా, మరో విద్యార్థి తీవ్రంగా గాయపడ్డాడు. వివరాల్లోకి వెళితే.. టెక్కలి మండలం డమర గ్రామానికి చెందిన జన్నీ దిలీప్‌కుమార్‌ (17), గంగువాడ విశాఖరావు (17), భీంపురం గ్రామా­నికి చెందిన జన్నీ శరత్‌కుమార్‌ (17), మెళియాపుట్టికి చెందిన సవర శివ (17)తో పాటు డమర గ్రామానికి చెందిన గంగువాడ సాల్మన్‌రాజు టెక్కలి ప్రభుత్వ జూనియర్‌ కళాశాలలో ఇంటర్మీడియెట్‌ చదువుతున్నారు. తుపాను నేపథ్యంలో బుధవారం కళాశాలకు సెలవు ప్రకటించడంతోఅందరూ బయటకు వెళ్లారు. రావివలస సమీపంలో రైల్వే ట్రాక్‌ దాటుతుండగా నౌపడ నుంచి గుణుపూర్‌ వైపు వస్తున్న రాజ్యరాణి ఎక్స్‌ప్రెస్‌ రైలు ఢీకొట్టింది. ఈ ప్రమాదంలో దిలీప్‌కుమార్, శరత్‌కుమార్, విశాఖరావు, శివ అక్కడికక్కడే మృతి చెందారు. వీరితో పాటు ఉన్న మరో విద్యార్థి సాల్మన్‌రాజు తీవ్రంగా గాయపడ్డాడు. మృతి చెందిన వారంతా గిరిజన కుటుంబాలకు చెందిన వారే. టెక్కలిలో గిరిజన బాలుర వసతి గృహంలో ఉంటున్నారు. సమాచారం అందుకున్న టెక్కలి ఆర్డీవో ఎం.కృష్ణమూర్తి, తహశీల్దార్‌ రాంబాబు, సీఐ విజయకుమార్, రైల్వే అధికారులు ఘటనా స్థలానికి చేరుకుని వివరాలు సేకరించారు. ఎస్పీ కేవీ మహేశ్వర్‌రెడ్డి, టెక్కలి డీఎస్పీ లక్ష్మణరావు ప్రమాద ప్రాంతానికి చేరుకుని పరిశీలించారు. గాయపడిన సాల్మన్‌ రాజును టెక్కలి ప్రభుత్వాస్పత్రికి తరలించగా, అక్కడి నుంచి మెరుగైన వైద్యం కోసం శ్రీకాకుళం రిమ్స్‌కు తరలించారు.వైఎస్‌ జగన్‌ దిగ్భ్రాంతినలుగురు విద్యార్థుల మృతి అత్యంత విషాదకరంశ్రీకాకుళం జిల్లా టెక్కలి సమీపంలో జరిగిన రైలు ప్రమాదంలో నలుగురు విద్యార్థులు మృతి చెందడంపై మాజీ సీఎం, వైఎస్సార్‌సీపీ అధ్యక్షులు వైఎస్‌ జగన్‌మోహన్‌రెడ్డి దిగ్భ్రాంతి వ్యక్తం చేశారు. రావివలస సమీపంలో రైలు ఢీకొనడంతో గిరిజన విద్యార్థులు విశాఖరావు, దిలీప్‌కుమార్, శివ, శరత్‌కుమార్‌ ప్రాణాలు కోల్పోవడం అత్యంత బాధాకరమని వైఎస్‌ జగన్‌ పేర్కొన్నారు. వారి కుటుంబాలకు ప్రగాఢ సానుభూతి తెలియజేశారు. చేతికందివచ్చిన పిల్లలను కోల్పోయిన తల్లిదండ్రులు, కుటుంబ సభ్యుల ఆవేదన వర్ణనాతీతమని, ఈ తీవ్ర విషాదాన్ని తట్టుకునే ధైర్యాన్ని భగవంతుడు వారికి ప్రసాదించాలని ప్రార్థించారు. మృతుల ఆత్మలకు శాంతి చేకూరాలని ఆకాంక్షించారు. ప్రమాదంలో గాయపడిన విద్యార్థి సాల్మన్‌రాజుకు మెరుగైన వైద్యసేవలు అందించాలని, అతను త్వరగా కోలుకోవాలని వైఎస్‌ జగన్‌ ఆకాంక్షించారు. బాధిత కుటుంబాలకు ప్రభుత్వం అన్నివిధాలుగా అండగా నిలిచి అవసరమైన సహాయం అందించాలని కోరారు.

ఆరోగ్యశ్రీ పథకంలో మరో అవినీతి కోణం వెలుగులోకి వచ్చింది. ఇప్పటికే ఈ పథకాన్ని అవినీతి, అక్రమాలకు అడ్డాగా మార్చేసిన చంద్రబాబు ప్రభుత్వంలో ఆరోగ్యశ్రీ జిల్లా సమన్వయకర్తల పోస్టింగ్‌లకు సంబంధించి కీలక ప్రజాప్రతినిధి ఒకరు వసూళ్లకు తెరలేపారనే ఆరోపణలు వస్తున్నాయి. దీనికి సంబంధించిన పీడీఎఫ్‌ ఫైల్‌ ఒకటి బయటకు రావడం ఇందుకు బలం చేకూర్చుతోంది. జిల్లా సమన్వయకర్తలను మార్చడం కోసం కొద్ది రోజులుగా ఆ ప్రజాప్రతినిధి కార్యాలయంలో కసరత్తు జరుగుతోంది. దీనికి జిల్లాల వారీగా మంత్రులు, ఎమ్మెల్యేలు, ఇతర నాయకులతో పాటు, కీలక ప్రజాప్రతినిధి బేరసారాలకు దిగినట్టు విమర్శలు ఉన్నాయి. ఈ మేరకు కీలక ప్రజాప్రతినిధి కార్యాలయం సిద్ధం చేసిన ఆశావహుల జాబితాతో కూడిన పీడీఎఫ్‌ ఫైల్‌ ప్రస్తుతం వైద్య వర్గాల్లో చక్కర్లు కొడుతోంది. – సాక్షి, అమరావతిరూ.10 లక్షల నుంచి రూ.20 లక్షలకు పైగా ఆరోగ్యశ్రీ సమన్వయకర్తల నియామకాల్లో పెద్ద ఎత్తున బేరసారాలు నడుస్తున్నాయని వెల్లడవుతోంది. ఒక్కో జిల్లా సమన్వయకర్త పోస్టింగ్‌కు రూ.10 లక్షల నుంచి రూ.20 లక్షలకుపైగా కీలక ప్రజాప్రతినిధి ఆశిస్తున్నారని వైద్యవర్గాల్లో చర్చ నడుస్తోంది. ఆయన అనుయాయులు వైద్యులతో డీల్‌ మాట్లాడుతున్నారని తెలిసింది. ఈ క్రమంలో ప్రజాప్రతినిధి స్నేహితుడు, గతంలో రాయలసీమలో టీచర్స్‌ ఎమ్మెల్సీగా పోటీ చేసి ఓటమిపాలైన నాయకుడు పలు జిల్లాల్లో సమన్వయకర్తల పోస్టింగ్‌లు ఇప్పించేలా వైద్యులతో ఒప్పందం చేసుకున్నారు. వైఎస్సార్‌ కడప, అన్నమయ్య, కర్నూల్, సత్యసాయి, అనంతపురం, గుంటూరు, తిరుపతి, ఏలూరు, కాకినాడ, వైజాగ్‌ మరికొన్ని జిల్లాల సమన్వయకర్తల పోస్టింగ్‌లు ఇప్పించేలా వైద్యులతో డీల్‌ కుదుర్చుకున్నారు. మరోవైపు ప్రజాప్రతినిధి పీఏలు కూడా ఇదేవిధంగా డీల్‌ కుదుర్చుకున్నట్టు విశ్వసనీయ సమాచారం.ట్రస్ట్‌ అధికారుల వేధింపులు ఇదిలా ఉండగా ఇప్పటికే జిల్లా­ల్లో పనిచేస్తున్న సమన్వయకర్తలను ఆరోగ్యశ్రీ ట్రస్ట్‌లోని కొందరు అధికారులు డబ్బు కోసం వేధిస్తున్నారు. కొద్ది రోజుల కిందట పలు జిల్లాల సమన్వయకర్తలకు టార్గెట్‌లు ఇచ్చి వసూళ్లకు తెరలేపినట్టు వెల్లడైంది. మరో వైపు మీపై విజిలెన్స్‌ కమిటీకి ఫిర్యాదులు అంటూ ట్రస్ట్‌ నుంచి కొందరు సమన్వయకర్తలకు ఫోన్‌లు చేసి డబ్బు డిమాండ్‌ చేసినట్టు సమాచారం. వాస్తవానికి ట్రస్ట్‌లో విజిలెన్స్‌ కమిటీనే లేదు. ఇది ఆరోగ్యశ్రీ వర్గాల్లో చర్చనీయాంశంగా మారింది.

సాక్షి, అమరావతి: డీఎస్సీ–2025 స్కామ్‌పై సీబీఐ­తో విచారించాలని, ఈ కుంభకోణానికి బాధ్యత వహిస్తూ సంబంధిత విద్యా శాఖ మంత్రి లోకేశ్‌ రాజీనామా చేయాలని వైఎస్సార్‌సీపీ అధ్యక్షుడు, మాజీ ముఖ్యమంత్రి వైఎస్‌ జగన్‌మోహన్‌రెడ్డి డిమాండ్‌ చేశారు. రాష్ట్రంలో శాంతియుతంగా నిరసనలు, ర్యాలీలు చేసే హక్కు లేదా? అని చంద్రబాబు ప్రభుత్వాన్ని నిలదీశారు. అవినీతి, అక్రమాలను ప్రశ్నిస్తే.. రౌడీషీట్‌లు తెరుస్తారా? శాంతియుతంగా ర్యాలీలు చేస్తే అక్రమ కేసులు పెడతారా?’ అంటూ తీవ్ర స్థాయిలో మండిపడ్డారు. డీఎస్సీ–2025 అక్రమాలపై సీబీఐ విచారణకు డిమాండ్‌ చేస్తూ ఈ నెల 21వ తేదీన శాప్‌ కార్యాలయం ఎదుట శాంతియుత నిరసన ర్యాలీ నిర్వహించిన వారిపై టీడీపీ గూండాలు దాడులకు పాల్పడిన ఘటనపై చర్యలు తీసుకోవాలని కోరుతూ బుధవారం విజయవాడలోని లోక్‌భవన్‌లో గవర్నర్‌ జస్టిస్‌ అబ్దుల్‌ నజీర్‌ను కలిసి ఫిర్యాదు చేశారు. డీఎస్సీ–2025 పేరిట జరిగిన స్కామ్‌ గురించి సాక్ష్యాలు, ఆధారాలతో సహా గవర్నర్‌ దృష్టికి తీసుకెళ్లారు. ఏ విధంగా డీఎస్సీ స్కామ్‌లో యువత నష్టపోయిందో వివరించారు. ఈ వ్యవస్థలో ఒక మార్పు రావాలన్నా, ఈ వ్యవ స్థపై ప్రజలకు మళ్లీ నమ్మకం రావాలన్నా, ఈ వ్యవస్థలో లోపాలు సవరించాలన్నా డీఎస్సీ స్కామ్‌పై సీబీఐ విచారణ జరిపించాలని, విద్యా శాఖ మంత్రి లోకేశ్‌ బాధ్యత వహిస్తూ రాజీనామా చేయాలని కోరారు. ఈ మేరకు గవర్నర్‌కు వినతిపత్రం అందజేశారు. అనంతరం లోక్‌భవన్‌ వద్ద మీడియాతో మాట్లాడుతూ వైఎస్‌ జగన్‌ ఏమన్నారంటే.. డీఎస్సీ కుంభకోణం, టీడీపీ నేతల గూండాగిరీ, దౌర్జన్యాల గురించి గవర్నర్‌ జస్టిస్‌ అబ్దుల్‌ నజీర్‌కు వివరిస్తున్న వైఎస్‌ జగన్‌మోహన్‌రెడ్డి ఇది దేశ చరిత్రలో ఎన్నడూ జరగని స్కామ్‌ ‘ఇప్పటికే డీఎస్సీ–2025 అక్రమాలకు సంబంధించి పార్ట్‌–1, పార్ట్‌–2 అంటూ ప్రెస్‌మీట్‌లు పెట్టి.. జరిగిన ప్రతి తప్పును సాక్ష్యాలు, ఆధారాలతో ఇప్పటికే ప్రజల ముందు పెట్టాం. దేశ చరిత్రలో ఎప్పుడూ జరగని విధంగా, నాలుగు పాయింట్ల ఆధారంగా డీఎస్సీ–2025లో అక్రమాలు చోటు చేసుకున్నాయి. 1.ప్రశ్నపత్రం తయారీ, పరీక్ష నిర్వహణ.. ఈ రెండూ ఎస్‌సీఈఆర్‌టీ డైరెక్టర్‌కు అప్పగించడంతో ఈ స్కామ్‌ ప్రారంభమైంది. 2. ఈ ప్రక్రియ మొత్తం ఔట్‌ సోర్సింగ్‌ ఉద్యోగుల చేతిలో పెట్టారు. అవుట్‌ సోర్సింగ్‌లో పని చేస్తున్న నవీన్‌ అనే వ్యక్తికి కృష్ణా జిల్లాలో ఫస్ట్‌ ర్యాంక్‌ వచ్చినా, అతడికి ఉద్యోగం ఇవ్వలేదు. అతని పేరు తొలుత మెరిట్‌ లిస్ట్‌లో చూపి, ఆ తర్వాత తొలగించారు. అతడి లాగిన్‌ ఐడీ బ్లాక్‌ చేశారు. కాల్‌ లెటర్‌ కూడా పంప లేదు. దీంతో అతడు ప్రభుత్వానికి లేఖలు రాయడమే కాకుండా, కోర్టుకు కూడా వెళ్లాడు. అంటే ఒక స్కామ్‌­ను కప్పిపుచ్చేందుకు (కవరప్‌) ఈ ప్రభుత్వం ఎన్ని రకాలుగా అగచాట్లు పడిందో తేట తెల్లమైంది. లీకేజీ వ్యవహారం బట్టబయలైంది. 3. స్పోర్ట్స్‌ కోటా పేరుతో అడ్డగోలుగా జీవోలు ఇవ్వడం చూశాం. గతంలో ఉన్న జీవోలు రద్దు చేసి కొత్తగా జీవో నంబర్‌ 4, 47 అని చెప్పి రెండు కొత్త జీవోలు తెచ్చి, వాటి ద్వారా పరీక్ష రాయాల్సిన అవసరం లేకుండా 372 ఉద్యోగా­లు ఇచ్చేశారు. నియామక ప్రక్రియ పూర్తి కాగా­నే జీవో నంబర్‌ 23, 25, 56 అంటూ మరో 3 జీవోలు తెచ్చారు. దాని ప్రకారం మళ్లీ పరీక్ష ఉండాలని నిబంధన పెట్టారు. మరి పరీక్ష రాయకుండా 372 మందికి ఎలా ఉద్యోగాలు ఇచ్చారని ప్రశ్నిస్తే దానికి సమాధానం లేదు. 4. ఫేక్‌ సర్టిఫికెట్లు. విద్యా శాఖ మంత్రి నారా లోకేశ్‌ తోడల్లుడు, విశాఖ ఎంపీ భరత్‌ ఏరకంగా దొంగ సర్టిఫికెట్లు ఇచ్చాడో చూశాం. జరగని గేమ్స్‌ జరిగినట్లు చూపారు. ఏపీ సాఫ్ట్‌బాల్‌ అసోసియేషన్‌ అధ్యక్షుడైన టీడీపీ ఎమ్మెల్యే కూన రవికుమార్‌.. దాదాపు 38 ఉద్యోగాలకు సంబంధించి సర్టిఫికెట్లు ఇచ్చారనేది కూడా చెప్పాం. సాఫ్ట్‌బాల్‌ అసోసియేషన్లకు సంబంధించి కొన్ని జిల్లాల్లో సెక్రటరీలకు, వారి భా­ర్యలకు, కుటుంబ సభ్యులకు ఎడాపెడా ఉద్యోగాలు ఇచ్చారనే విషయాన్ని కూడా చె­ప్పాం. అసలు జరగని క్రీడా పోటీలకు సర్టిఫికెట్లు ఎలా వచ్చాయి? పోటీలు జరగలేదని సంబంధిత క్రీడా సంఘాలే చెప్పినప్పుడు శాప్‌ వాటిని ఎలా ఆమోదించింది? ఆ నకిలీ, అనుమానాస్పద సర్టిఫికెట్ల ఆధారంగా టీచర్‌ పోస్టులు ఎలా ఇచ్చారు? టెట్‌ అర్హత లేని వారికి టీచర్‌ పోస్టులు ఎలా ఇచ్చారు? ఒక కేటగిరీలో పొందిన టెట్‌ మార్కులను మరో కేటగిరీ నియామకానికి ఎలా ఉపయోగించారు? గతంలో వేరే సామాజికవర్గంలో నమోదు చేసుకున్నవారికి ఈడబ్ల్యూఎస్‌ కోటాలో ఎలా ఉద్యోగాలు ఇచ్చారు? ప్రభుత్వం ‘ఏడుసార్లు వెరిఫికేషన్‌ చేశాం’ అంటుంటే, ఇన్ని తీవ్రమైన అక్రమాలు ఏడు దశల్లోనూ ఎలా కనిపించలేదు? అసెంబ్లీలో నిస్సిగ్గుగా చంద్రబాబు అబద్ధాలు డీఎస్సీ ఉద్యోగాలకు సంబంధించి బేరసారాలపై ఆడియో, వీడియో బయటకు వచ్చింది. ఈ ఫోన్‌ సంభాషణపై పోలీసులు ఏ విధంగా వ్యవహరించారో చూశాం. అందులో స్పష్టంగా (క్లియర్‌గా) ఫోన్‌ నెంబర్‌ కనిపిస్తున్నా, ఆ వ్యక్తి గురించి ఎఫ్‌ఐఆర్‌లో రాయలేదు. కేవలం అనుమానాస్పదం (సస్పెక్ట్‌) అని మాత్రమే రాశారు. అరెస్టు కూడా చేయకుండా స్టేషన్‌ బెయిల్‌ ఇచ్చి పంపారు. అయినా సీఎం చంద్రబాబు మాత్రం ఆ వ్యక్తిని అరెస్ట్‌ చేశాం.. రిమాండ్‌కు పంపించాం.. అంటూ అసెంబ్లీలో నిస్సిగ్గుగా అబద్ధాలు చెప్పడం చూశాం. శాప్‌ ఆఫీస్‌ వద్ద టీడీపీ గూండాల దాడి డీఎస్సీ స్కామ్‌పై సీబీఐ విచారణ కోరుతూ సెప్టెంబర్‌ 21న శాప్‌ ఆఫీస్‌ వద్ద శాంతియుత నిరసన వ్యక్తం చేస్తామని మా పార్టీ జిల్లా అధ్యక్షుడు ముందుగానే సమాచారం ఇచ్చారు. అనుమతి కోరుతూ కమిషనర్‌కు లెటర్‌ కూడా రాశాడు. కానీ, ఆరోజు ఏం జరిగింది? అక్కడ ముఖ్యమంత్రి చంద్రబాబు, మంత్రి లోకేశ్‌ ఎలా కుట్ర చేశారో చూశాం. టీచర్లు కాని టీచర్లను పిలిపించి, శాంతియుత ర్యాలీకి సమాంతరంగా ధర్నా చేయించారు. నిజానికి వారు చదువు చెప్పే గురువులు కాదు. దొంగ సర్టిఫికెట్లతో, ఏ పరీక్ష రాయకుండా ఉద్యోగాలు పొందిన ఈ టీచర్లు కానీ టీచర్లను పిలిపించి, శాప్‌ కార్యాలయం ఎదుట కావాలనే గొడవ చేయించారు. అంతే కాకుండా టీడీపీ గూండాలను అక్కడికి రప్పించారు. వారంతా కలిసి మా పార్టీ నాయకులు, కార్యకర్తలు, నిరుద్యోగ యువకులపై దారుణంగా దాడి చేశారు. అసలు వారంతా ఎవరో చూడండి. వీరు గతంలో సాక్షి కార్యాలయంపై దాడి చేసిన వారే. (ఫొటోలు మీడియాకు చూపారు). దాడి చేసిన వారిని వదిలేసి రివర్స్‌ కేసులు శాంతియుతంగా నిరసన వ్యక్తం చేస్తున్న మా పార్టీ నాయకులు, కార్యకర్తలు, నిరుద్యోగ యువకులపై టీడీపీ గూండాలు దారుణంగా దాడి చేసినా, వారిపై ఎలాంటి చర్యలు లేవు. వారిపై కేసులు నమోదు చేయలేదు. అందుకు పూర్తి భిన్నంగా, రివర్స్‌లో మా పార్టీ నాయకులు, కార్యకర్తలు, నిరుద్యోగ యువకులపై కేసు పెట్టారు. ఎంత దారుణంగా ఆ కేసులు పెట్టారంటే.. హత్యాయత్నం, ఎస్సీ, ఎస్టీ అత్యాచార కేసులు పెట్టారు. ఇప్పటికే 350 మందిపై కేసులు నమోదు చేశారు. ఆ జాబితా ఇంకా పెరుగుతోందని చెప్పారు. ఇలా కేసులు పెట్టడం, రాత్రి పూట వారి ఇళ్లల్లోకి చొరబడి భయభ్రాంతులకు గురిచేయడం.. ఆపై రాత్రి వేళల్లో అరెస్టులు చేస్తున్నారు. అయితే అదృష్టవశాత్తు.. కోర్టులు వాటిని తప్పు పడుతున్నాయి. మేజిస్ట్రేట్‌.. వీళ్లు చేస్తున్న అన్యాయాలను తిట్టి ఇలా చేయడం ధర్మం కాదంటూ వాళ్లకు బెయిల్‌ ఇస్తున్నారు. ఈ రాష్ట్రంలో మనిషి అనే వాడు బతకగలిగే అవకాశం కోర్టుల పుణ్యమాని కలుగుతుంది. రాష్ట్రంలో రెడ్‌ బుక్‌ రాజ్యాంగమనేది ఏ స్థాయిలో అమలవుతుందో.. ఏ రకంగా విధ్వంసం జరుగుతున్నదో చెప్పడానికి ఇవన్నీ ఉదాహరణలు. గవర్నర్‌ను కలిసిన అనంతరం లోక్‌ భవన్‌ వద్ద మీడియాతో మాట్లాడుతున్న వైఎస్‌ జగన్‌మోహన్‌రెడ్డి రౌడీషీట్‌లు తెరిచి పిల్లల భవిష్యత్‌ను నాశనం చేస్తారా? శాప్‌ కార్యాలయం ఎదుటæ శాంతియుత నిరసన కార్యక్రమంలో పాల్గొన్న వారిపై రౌడీషీట్లు ఓపెన్‌ చేశారు. వాటిపైనా కోర్టులు స్పందించాయి. శాంతియుత నిరసన వ్యక్తం చేస్తుంటే, రౌడీ షీట్లు ఎలా ఓపెన్‌ చేస్తారని నిలదీశాయి. ప్రశ్నిస్తే రౌడీషీట్‌లు ఓపెన్‌చేసి వాళ్ల భవిష్యత్‌ (కెరియర్‌)ను నాశనం చేస్తారా? తప్పు చేసింది మీరు. ఈ రాష్ట్రంలో శాంతియుతంగా ర్యాలీలు, నిరసనలు చేసే హక్కు లేదా? ప్రశ్నించే హక్కును కూడా కాలరాస్తారా? ఇంత దిక్కుమాలిన ప్రభుత్వం ప్రపంచంలో ఎక్కడైనా ఉంటుందా? మా ఈ యుద్ధం కొనసాగుతుంది. ఇందులో న్యాయం, ధర్మం తప్పకుండా గెలుస్తుంది. ఈ స్కామ్‌పై సీబీఐ విచారణ జరగాల్సిందే. తప్పు ఒప్పుకొని విద్యా శాఖ మంత్రి లోకేశ్‌ రాజీనామా చేయాల్సిందే. కనీసం అప్పుడైనా మన రాష్ట్రంలో పిల్లలకు, నిరుద్యోగులకు పరీక్షల మీద విశ్వాసం ఏర్పడుతుంది. పోటీ పరీక్షలు పారదర్శకంగా జరుగుతాయన్న నమ్మకం కలుగుతుంది. ఆ నమ్మకం కలిగించాల్సిన అవసరం ఎంతైనా ఉంది. ఆ దిశలో మా డిమాండ్‌ కొనసాగుతోంది. ఈ యుద్ధం కచ్చితంగా కొనసాగుతుంది. ఈ యుద్ధంలో న్యాయం, ధర్మం ఎప్పటికైనా గెలుస్తుంది’ అని వైఎస్‌ జగన్‌ స్పష్టం చేశారు. గవర్నర్‌ను కలిసిన వారిలో శాసన మండలి ప్రతిపక్ష నాయకుడు బొత్స సత్యనారాయణ, మండలి డిప్యూటీ చైర్మన్‌ తూమాటి మాధవరావు, మాజీ మంత్రులు పెద్దిరెడ్డి రామచంద్రా రెడ్డి, అంబటి రాంబాబు, పేర్ని నాని, మేరుగ నాగార్జున, చెల్లుబోయిన వేణుగోపాలకృష్ణ, ఉషశ్రీ చరణ్, పార్టీ ఎమ్మెల్యే, ఎమ్మెల్సీలు తాటిపర్తి చంద్రశేఖర్, తలశిల రఘురాం, లేళ్ల అప్పిరెడ్డి, డాక్టర్‌ మొండితోక అరుణ్‌కుమార్, పర్వతరెడ్డి చంద్రశేఖర్‌రెడ్డి, రాజగొల్ల్ల రమేష్‌ యాదవ్, వరుదు కల్యాణి, కల్పలతారెడ్డి, మాజీ ఎమ్మెల్యేలు మల్లాది విష్ణు, జక్కంపూడి రాజా, కొరముట్ల శ్రీనివాసులు, విజయవాడ మాజీ మేయర్‌ రాయన భాగ్యలక్ష్మి, పార్టీ ప్రధాన కార్యదర్శి ఆలూరు సాంబశివారెడ్డి తదితరులు ఉన్నారు. ఇదిలా ఉండగా వైఎస్సార్‌సీపీ గవర్నర్‌ను కలిసి డీఎస్సీ స్కామ్‌ గురించి వివరించడంపై మాజీ ముఖ్యమంత్రి వైఎస్‌ జగన్‌.. సామాజిక మాధ్యమం ‘ఎక్స్‌’లో పోస్టు చేశారు. సుప్రీంకోర్టు ఆదేశాలు చంద్రబాబు ప్రభుత్వానికి చెంపదెబ్బ విజయవాడలో సాయికృష్ణ లాకప్‌డెత్‌ కేసులో సుప్రీంకోర్టు ఇచ్చిన ఆదేశాలు, చేసిన వ్యాఖ్యలు చంద్రబాబు ప్రభుత్వానికి చెంపదెబ్బ లాంటివని వైఎస్సార్‌సీపీ అధ్యక్షుడు, మాజీ సీఎం వైఎస్‌ జగన్‌మోహన్‌రెడ్డి అన్నారు. డీఎస్సీ స్కామ్‌పై గవర్నర్‌కు వినతిపత్రం ఇచ్చిన అనంతరం మీడియా అడిగిన పలు ప్రశ్నలకు ఆయన సమాధానమిచ్చారు. ఈ సందర్భంగా మాట్లాడుతూ.. ‘ఏ రకంగా చంద్రబాబు ప్రభుత్వం పిల్లలను వాడుకుంటూ, వారితో గంజాయి అమ్మిస్తూ, వారితో చట్ట విరుద్ధమైన పనులు చేయించిందో.. ఇందులో పోలీసులు ఎలా పని చేశారు.. ప్రభుత్వం ఎలా అధికార దుర్వినియోగం చేస్తోంది అనే దానికి సాయికృష్ణ లాకప్‌ డెత్‌ కేసు నిదర్శనం. ఈ కేసులో బుధవారం సుప్రీంకోర్టు చంద్రబాబు ప్రభుత్వాన్ని గట్టిగా మందలిస్తూ.. సీపీ, డీజీపీ పేర్లను నిందితుల జాబితాలో ఎందుకు చేర్చలేదని నిలదీయడం చూస్తుంటే.. ఇది నిజంగా ప్రభుత్వానికి చెంపపెట్టు లాంటిదే. వీళ్లే ఆ పిల్లాడిని అరెస్టు చేసి తీసుకొస్తారు. వీళ్లే కొట్టి చంపేస్తారు. చివరకు శవం కూడా మాయం చేస్తారు. మాయం చేయడమే కాకుండా ఆ పిల్లాడ్ని రౌడీగా చిత్రీకరిస్తూ బ్రాండింగ్‌ చేస్తారు. చంద్రబాబు ప్రభుత్వంలో పోలీసులు ఎలాంటి చట్ట వ్యతిరేక కార్యక్రమాలు చేస్తున్నారో ఈ ఘటన ద్వారా తేటతెల్లం అవుతోంది. చంద్రబాబు ప్రభుత్వంలో, రెడ్‌ బుక్‌ రాజ్యాంగంలో నగరం నడి»ొడ్డున ఏ విధంగా దారుణాలు జరుగుతున్నాయో స్పష్టం అవుతోంది’ అని వైఎస్‌ జగన్‌ అన్నారు.

సాక్షి, అమరావతి: రాష్ట్ర హైకోర్టులో అదనపు న్యాయమూర్తులుగా పని చేస్తున్న ఐదుగురిని శాశ్వత న్యాయమూర్తులుగా నియమించాలని కేంద్ర ప్రభుత్వానికి సుప్రీంకోర్టు సిఫారసు చేసింది. బుధవారం సమావేశమైన సుప్రీంకోర్టు ప్రధాన న్యాయమూర్తి జస్టిస్‌ సూర్యకాంత్‌ నేతృత్వంలోని కొలీజియం ఈ మేరకు సిఫారసు చేసింది. కొలీజియం సిఫారసు చేసిన వారిలో న్యాయమూర్తులు జస్టిస్‌ కుంచం మహేశ్వరరావు, జస్టిస్‌ తూటా చంద్ర ధనశేఖర్‌ (టీసీడీ శేఖర్‌), జస్టిస్‌ చల్లా గుణరంజన్, జస్టిస్‌ అవధానం హరి హరనాథ శర్మ, డాక్టర్‌ జస్టిస్‌ యడవల్లి లక్ష్మణరావు ఉన్నారు. రాష్ట్రపతి ఉత్తర్వులు వెలువడిన తర్వాత వీరు శాశ్వత న్యాయమూర్తులుగా ప్రమాణ స్వీకారం చేస్తారు. ఈ ఐదుగురిలో జస్టిస్‌ కుంచం మహేశ్వరరావు, జస్టిస్‌ తూటా చంద్ర ధనశేఖర్, జస్టిస్‌ చల్లా గుణరంజన్‌ 2024 అక్టోబర్‌ 28న.. జస్టిస్‌ అవధానం హరి హరనాథ శర్మ, డాక్టర్‌ జస్టిస్‌ డాక్టర్‌ యడవల్లి లక్ష్మణరావు 2025 జనవరి 24న హైకోర్టు అదనపు న్యాయమూర్తులుగా ప్రమాణ స్వీకారం చేశారు. తాజాగా ఇప్పుడు వీరిని అదనపు న్యాయమూర్తుల నుంచి శాశ్వత న్యాయమూర్తులుగా నియమించాలని సుప్రీంకోర్టు నిర్ణయించింది.

సాక్షి, అమరావతి: కాపు యువకుడు సాయికృష్ణను చంపేసి.. మృతదేహాన్ని కాల్చేసి.. చితాభస్మం కూడా లేకుండా చేసిన కేసులో నేరాన్ని కిందిస్థాయి అధికారులపై నెట్టేసి తప్పించుకుందామనుకున్న రాష్ట్ర డీజీపీ హరీష్‌ కుమార్‌ గుప్తా, విజయవాడ పోలీస్‌ కమిషనర్‌ రాజశేఖర్‌బాబు, ఏసీపీ మానసలకు సుప్రీంకోర్టు గట్టి షాక్‌నిచ్చింది. వారి పాత్రపై నిగ్గు తేలుస్తామని, సాయికృష్ణ లాకప్‌డెత్‌ కేసులో నిజానిజాలను వెలుగులోకి తెస్తామని సుప్రీంకోర్టు తాజాగా ఇచ్చిన ఉత్తర్వులు ఈ ముగ్గురు ఉన్నతాధికారులకు వణుకుపుట్టిస్తున్నాయి. లాకప్‌డెత్‌ కేసును తామే స్వయంగా పర్యవేక్షిస్తామని సుప్రీంకోర్టు చెప్పడం వీరికి చెమటలు పట్టిస్తోంది. ఎక్కడ సుప్రీంకోర్టు సీబీఐ దర్యాప్తుకు ఆదేశిస్తుందోనని ఆందోళన చెందుతున్నారు. కస్టడీలోకి తీసుకున్న వ్యక్తిని దారుణంగా కొట్టి చంపడమే కాకుండా, శవం కూడా కనిపించకుండా దహనం చేసిన వ్యవహారం ఈ ముగ్గురు ఉన్నతాధికారులకు ముఖ్యంగా విజయ­వాడ కమిషనర్‌ రాజశేఖర్‌బాబుకు తెలియకుండా జరిగే అవకాశమే లేదని పోలీసు శాఖలోనే చెబుతున్నారు. ఒక వ్యక్తి­ని కస్టడీలోకి తీసుకుని, అక్రమంగా నిర్బంధిస్తే, ఆ విషయా­న్ని కింది స్థాయి అధికారులు తప్పనిసరిగా ఉన్నతాధికారుల­కు తెలియచేయాలి. రోజూ ఇలా ఎంత మందిని కస్టడీలోకి తీ­సుకుని నిర్భంధించారో ప్రతి ఉదయం జరిగే ఉన్నతాధికారు­ల అంతర్గత సమీక్షలో చర్చిస్తారు. ఇన్‌స్పెక్టర్‌ నుంచి మొదలై, అంతిమంగా డీజీపీ వరకు ఈ సమాచారం వెళుతుంది. సాయికృష్ణను కృష్ణలంక ఇన్‌స్పెక్టర్‌ అక్రమంగా నిర్బంధించిన విషయం ఈ ముగ్గురు ఉన్నతాధికారులకు స్పష్టంగా తెలుసు. కమిషనర్‌ అనుమతి లేకుండా ఏ పనీ చేయరు విజయవాడ పోలీసుల వేధింపులు తట్టుకోలేక మార్కాపురం వెళ్లి పెయింట్‌ పనులు చేసుకుంటున్న సాయికృష్ణను పట్టుకురావడానికి స్థానిక పోలీసులు కాక టాస్క్‌ఫోర్స్‌ పోలీసులు వెళ్లారు. ఉన్నతాధికారుల ఆదేశాలు లేకుండా టాస్‌్కఫోర్స్‌ పోలీసులు ఏ పనీ చేయరు. విజయవాడలో టాస్‌్కఫోర్స్‌ పోలీసులు విజయవాడ కమిషనర్‌ కంట్రోల్‌లో ఉంటారు. ఆయనకు తెలియకుండా, ఆయనకు చెప్పకుండా ఏ పనీ చేసే అవకాశమే లేదు. ఈ టాస్క్‌ఫోర్స్‌ పోలీసులు సివిల్‌ డ్రస్సుల్లోనే తిరుగుతూ పోలీసు బాసు­లు చెప్పే ‘అనధికార పనులు’ చేస్తుంటారు. ఇందులో భాగంగానే నాన్‌ బెయిలబుల్‌ వారెంట్‌ అమలు సాకుతో టాస్‌్కఫోర్స్‌ పోలీసులు సాయికృష్ణను పట్టుకొచ్చారు. నిబంధనల ప్రకారం వెంటనే అతన్ని మేజిస్ట్రేట్ ముందు హాజరుపరచాలి.. కానీ ఉన్నతాధికారుల ఆదేశాల మేరకు కృష్ణలంక సీఐ నాగరాజు అక్రమంగా తమ నిర్బంధంలో ఉంచారు. థర్డ్‌డిగ్రీ ప్రయోగించడంతో తట్టుకోలేక సాయికృష్ణ చనిపోయాడు. ఈ లాకప్‌డెత్‌ ఎక్కడ మెడకు చుట్టుకుంటుందోనన్న భయంతో ఉన్నతాధికారుల సూచనల మేరకు సాయికృష్ణ మృతదేహాన్ని తగలబెట్టేశారు. సీపీకి తెలియకుండా ఫుటేజీ తొలగింపు సాధ్యంకాదుముందుగా సాయికృష్ణను మార్కాపురం నుంచి కృష్ణలంక స్టేషన్‌కు తీసుకొచ్చిన మొదలు, కొట్టి చంపేసి, శవాన్ని తరలించి బూడిద చేసే వరకు మొత్తం సీసీటీవీ ఫుటేజీలను తొలగించేశారు. పోలీసు పెద్దల సహాయ, సహకారాలు లేకుండా సీసీటీవీ ఫుటేజీ మాయమయ్యే అవకాశమే లేదు. నిబంధనల ప్రకారం సీసీటీవీ ఫుటేజీని డిలీట్‌ చేయాలంటే జిల్లాల్లో ఎస్‌పీ, కమిషనరేట్‌లలో కమిషనర్‌ అనుమతి తప్పనిసరి. ఏ స్టేషన్‌ హౌస్‌ ఆఫీసర్‌ (ఎస్‌హెచ్‌వో)కు కూడా సీసీటీవీ ఫుటేజీని డిలీట్‌ చేసేందుకు అనుమతి ఉండదు. డిజిటల్‌ వీడియో రికార్డర్‌ (డీవీఆర్‌), నెట్‌వర్క్‌ వీడియో రికార్డర్‌ (ఎన్‌వీఆర్‌)లలో నిక్షిప్తయ్యే సీసీటీవీ ఫుటేజీని తొలగించాలంటే ఎస్‌పీ లేదా కమిషనర్‌ నుంచి ప్రత్యేక అనుమతులు తప్పనిసరి. అలాంటప్పుడు కమిషనర్‌ రాజశేఖర్‌బాబు అనుమతి లేకుండా సీసీటీవీ ఫుటేజీ తొలగింపు ఎలా సాధ్యమైంది?ఏకంగా నెల రోజులకు సంబంధించిన సీసీటీవీ ఫుటేజీ మాయం చేయడం కింది స్థాయి పోలీసులకు సాధ్యమేనా? అనుమతులు లేకుండా పోలీసులు నేరుగా సీసీటీవీ ఫుటేజీని డిలీట్‌ చేయడం చట్టరీత్యా తీవ్ర నేరం. భారతీయ న్యాయ సంహిత (బీఎన్‌ఎస్‌) లేదా ఐపీసీ సెక్షన్ల ప్రకారం, కేసు దర్యాప్తుకు సంబంధించిన డిజిటల్‌ సాక్ష్యాలను తారుమారు చేయడం లేదా తొలగించడం అనేది నాన్‌–బెయిలబుల్‌ నేరం. ఫుటేజ్‌ డిలీట్‌ చేసినట్లు రుజువైతే పోలీసు అధికారులను సర్వీస్‌ నుండి సస్పెండ్‌ చేయడం, డిస్మిస్‌ చేయడంతో పాటు జైలు శిక్ష విధించే అవకాశం ఉంది. అయినా కింది స్థాయి పోలీసులు సీసీటీవీ ఫుటేజీని మాయం చేశారంటే వారికి ఉన్నతాధికారుల సహకారం ఉన్నట్లే లెక్క. డీజీపీ స్పందించి ఉంటే బతికేవాడు... పోలీసులందరికీ బాస్‌ అయిన డీజీపీ కూడా సాయికృష్ణ లాకప్‌డెత్‌ కేసులో అత్యంత నిర్లక్ష్యంగా వ్యవహరించారు. అతన్ని అక్రమంగా నిర్భంధించిన విషయాన్ని అంతర్గత సమీక్షా సమావేశంలో తెలుసుకున్న వెంటనే స్పందించి ఉంటే సాయికృష్ణ బతికి ఉండేవారు. పోలీసులు ప్రతి రోజూ ఉదయం, సాయంత్రం సమీక్షా సమావేశాలు నిర్వహించి పలు అంశాలపై చర్చిస్తారు. అందులో అక్రమ నిర్బంధాలు కూడా చర్చకు వస్తాయి. అలాగే సాయికృష్ణ అక్రమ నిర్బంధం కూడా డీజీపీ దృష్టికి వచ్చింది. అయినా ఆయన స్పందించలేదు. రెడ్‌బుక్‌ రాజ్యాంగంలో అక్రమ నిర్భంధాలు సర్వసాధారణమైపోయిన నేపథ్యంలో పోలీసు బాసే దానిని తేలిగ్గా తీసుకున్నారు. దీంతో సాయికృష్ణ అత్యంత అమానుషంగా హత్యకు గురయ్యాడు. ఆ తరువాతైనా డీజీపీ స్పందించారా? అంటే అదీ లేదు. సాయికృష్ణ తల్లి తన కుమారుడి ఆచూకీ కోసం ఈ మెయిల్‌ ద్వారా ఫిర్యాదు పంపితే ఆయన కనీస స్థాయిలో కూడా స్పందించలేదు. మే 28న ఆమె డీజీపీకి ఫిర్యాదు చేశారు. సాయికృష్ణ లాకప్‌డెత్‌ ప్రజల్లోకి విస్తృతంగా వెళ్లడం, చంద్రబాబు ప్రభుత్వానికి తలనొప్పిగా మారడంతో అప్పుడు డీజీపీ స్పందించారు. ఆయన చెప్పిన తరువాతనే పోలీసులు జూన్‌ 19న కేసు నమోదు చేశారు. ఆ తరువాత ఆమె కుమారుడి ఆచూకీ కోసం హైకోర్టును ఆశ్రయించారు. అందులో డీజీపీ కూడా పార్టీగా ఉన్నారు. ఆ సందర్భంలో కూడా ఆయన స్పందించలేదు. కోర్టుకు వాస్తవాలు చెప్పలేదు. సాయికృష్ణ మా ఆ«దీనంలో లేడని, ఆ చూకీ తెలియడం లేదని కోర్టును తప్పుదోవ పట్టించారు. ఇదే సమయంలో సాయికృష్ణ తల్లి సీబీఐ దర్యాప్తు కోరుతూ అనుబంధ పిటిషన్‌ వేశారు. పోలీసు బాసుల ఒత్తిడి మేరకు అప్పటికప్పుడు సిట్‌ సాయికృష్ణను పోలీసులే కొట్టి చంపేశారన్న విషయాన్ని వైఎస్సార్‌ కాంగ్రెస్‌ పార్టీ ఆధారాలతో సహా బయటపెట్టింది. దీంతో రాజకీయంగా పెద్ద దుమారమే రేగింది. దీంతో చంద్రబాబు ప్రభుత్వంపై ఒత్తిడి పెరిగింది. సాయికృష్ణ లాకప్‌డెత్‌పై హైకోర్టులో కూడా ప్రజా ప్రయోజన వ్యాజ్యాలు దాఖలయ్యాయి. దీంతో ఈ కేసు నుంచి తప్పించుకునేందుకు డీజీపీ, పోలీస్‌ కమిషనర్‌ తదితరుల ఒత్తిడి మేరకు ప్రభుత్వం అప్పటికప్పుడు ప్రత్యేక దర్యాప్తు బృందాన్ని (సిట్‌) ఏర్పాటు చేసింది. సిట్‌లోని పోలీసులు తమ కింద పనిచేసే వారే కాబట్టి సమస్య ఉండదన్న ఉద్దేశంతో పోలీసులు సిట్‌ వేయించారు. ఆ వెంటనే సిట్‌ వరుస అరెస్ట్‌లు చేసింది. కృష్ణలంక సీఐ నాగరాజుతో పాటు కానిస్టేబుళ్లను, హోంగార్డును అదుపులోకి తీసుకుంది. తనకు ఈ కేసుతో సంబంధం లేదని, తనను అన్యాయంగా ఇరికించారని నాగరాజు మీడియా ముఖంగా వాపోయారు. ఓ దశలో పోలీసుల నుంచి తనకు ప్రాణహాని కూడా ఉందని ఆయన ఆందోళన వ్యక్తం చేశారు. హైకోర్టు, సుప్రీంకోర్టు భయంతో హడావుడిగా చార్జిషీట్‌ ఇదే సమయంలో సాయికృష్ణ తల్లి విజయలక్ష్మీ దాఖలు చేసిన హెబియస్‌ కార్పస్‌ పిటిషన్‌తో పాటు సీబీఐ దర్యాప్తునకు ఆదేశించాలని కోరుతూ దాఖలు చేసిన అనుబంధ పిటిషన్‌పై హైకోర్టు సీరియస్‌గా విచారణ మొదలు పెట్టింది. విజయలక్ష్మీ ఎప్పుడో పిటిషన్‌ దాఖలు చేస్తే ఇప్పటి వరకు కౌంటర్‌ దాఖలు చేయకపోవడాన్ని ప్రశ్నించింది. లాకప్‌డెత్‌ చాలా తీవ్రమైన వ్యవహారమని స్పష్టం చేసింది. సీబీఐ దర్యాప్తునకు ఎందుకు ఇవ్వకూడదో చెప్పాలంది. ఇదే సమయంలో వైఎస్సార్‌సీపీ ఎంపీ గురుమూర్తి సుప్రీంకోర్టులో దాఖలు చేసిన వ్యాజ్యమూ విచారణకు వచ్చే అవకాశం ఉండటంతో ముగ్గు­రు అధికారులు ఆందోళన చెందారు.దర్యాప్తు పెండింగ్‌లో ఉంటే అటు హైకోర్టు గానీ, ఇటు సుప్రీంకోర్టు గానీ సీబీఐ దర్యాప్తునకు ఆదేశించే అవకాశం ఉండటంతో, వెంటనే దర్యాప్తునకు ముగింపు పలకాలని నిర్ణయించారు. అందుకు అనుగుణంగా సిట్‌కు మార్గదర్శనం చేసి కింది కోర్టులో చార్జిషీట్‌ దాఖలు చేయించారు. మంగళవారం జరిగిన విచారణలో పోలీ­సులు ఈ విషయాన్ని కోర్టుకు చెప్పారు. దీంతో కోర్టు ఈ చార్జిషీట్‌ను తమ ముందుంచాలని ఆదేశిస్తూ విజయలక్ష్మీ దాఖలు చేసిన పిటిషన్లలో తీర్పును రిజర్వ్‌ చేస్తున్నట్లు ప్రకటించింది. తాజాగా బుధవారం జరిగిన విచారణ సందర్భంగా సుప్రీంకోర్టు విజయలక్ష్మీ దాఖలు చేసిన వ్యాజ్యాల స్థితిగతులను కోరడం విశేషం.తమిళనాడు కోర్టే కరెక్ట్‌... ఓ పౌరుడిని అత్యంత క్రూరంగా హింసించి చంపి మృతదేహాన్ని తగలబెట్టి చితాభస్మం కూడా లేకుండా చేసిన పోలీసులపై కఠిన చర్యలు తీసుకోవాలన్న డిమాండ్‌లు సోషల్‌ మీడియాలో రోజురోజు కు పెరిగిపోతున్నాయి. తమిళనాడులోని సాతాన్‌కుళం పోలీసుల విషయంలో తమిళనాడు కోర్టు అనుసరించిన విధానాన్నే ఇక్కడా అనుసరించాలని నెటిజెన్లు కోరుతున్నారు. తమిళనాడులో జయరాజ్‌–బెన్నిక్స్‌ అనే తండ్రీకొడుకులను లాకప్‌డెత్‌ చేసిన 9 మంది పోలీసులకు అక్కడి కోర్టు ఉరిశిక్ష విధించింది. బాధిత కుటుంబానికి రూ.1.40 కోట్లు పరిహారంగా చెల్లించింది.

తాడేపల్లి: గవర్నర్ అబ్దుల్ నజీర్‌ను కలిసిన విషయాన్ని వైఎస్సార్‌సీపీ అధినేత వైఎస్‌ జగన్‌మోహన్‌ రెడ్డి ఎక్స్‌లో పోస్ట్ చేశారు. తాము ఏ అంశాలపై ఫిర్యాదు చేసిందీ వివరించారు. వైఎస్సార్‌సీపీ సీనియర్ నేతలతో కలిసి గవర్నర్ అబ్దుల్ నజీర్‌ను కలిశానని తెలిపారు.‘‘శాప్ కార్యాలయం వద్ద జరిగిన దాడి వివరాలను గవర్నర్‌కు అందించాం. శాంతియుతంగా నిరసన చేపట్టిన మా పార్టీ నేతలు, కార్యకర్తలు, నిరుద్యోగ యువతపై జరిగిన దాడికి సంబంధించిన ఆధారాలను కూడా అందించాం. డీఎస్సీలో జరిగిన అక్రమాలు, భారీ స్కాం గురించి గవర్నర్‌కు వివరించాం. మా పార్టీ నేతలు, కార్యకర్తలపై పోలీసుల వేధింపులు, అక్రమ అరెస్టులు.. చట్టపరంగా నిలబడలేని కేసుల నమోదు అంశాలను కూడా ఆయన దృష్టికి తీసుకెళ్లాం. ఈ పోలీసు చర్యలపై పూర్తిస్థాయి విచారణ జరిపించాలని.. డీఎస్సీ స్కాంపై సీబీఐతో దర్యాప్తు చేపట్టాలని కోరాం. విద్యాశాఖ మంత్రి నారా లోకేశ్‌తో రాజీనామా చేయించాలని గవర్నర్‌కు విజ్ఞప్తి చేశాము’’ అని వైఎస్ జగన్ తెలిపారు. Today, along with senior YSRCP leaders, I met Hon’ble Governor Justice S. Abdul Nazeer Ji at Lok Bhavan. We submitted a detailed representation, along with evidence, regarding the attack on our party leaders, workers, and unemployed youth during the peaceful protest at the SAAP… pic.twitter.com/CRQyLs8aLr— YS Jagan Mohan Reddy (@ysjagan) September 23, 2026

సాక్షి, అమరావతి: సాక్షి మీడియాపై చంద్రబాబు ప్రభుత్వం కుట్రలు పరాకాష్టకు చేరాయి. సాక్షిపై చంద్రబాబు సర్కార్‌ మరోసారి అక్కసు వెళ్లగక్కింది. మరో ఫేస్‌బుక్, రెండు ఇన్‌స్టాగ్రామ్‌ అకౌంట్లను బ్లాక్‌ చేయించింది. గతంలో కూడా సాక్షి ఫేస్‌బుక్‌, ఇన్‌స్టా అకౌంట్లను కూటమి ప్రభుత్వం నిలిపివేయించిన సంగతి తెలిసిందే. అరాచకాలు, అక్రమాలను ప్రశ్నిస్తూ.. వాస్తవాలను బయటపెడుతున్న సాక్షి అంటే కూటమి సర్కార్‌కు భయం పట్టుకుంది. దీంతో కుట్రలతో చెలరేగిపోతుంది.రాష్ట్రంలో భావ ప్రకటన స్వేచ్ఛ­కు చంద్రబాబు సర్కార్‌ తూట్లు పొడుస్తోంది. ఏపీలో కూటమి ప్రభుత్వం అధి­కా­రంలోకి వచ్చాక సాక్షి మీడి­యాను ఇబ్బందులకు గురిచేస్తోంది. కక్ష సాధింపు­ చర్యలకు దిగుతోంది. అధికారంలోకి వచ్చిన నాటి నుంచే ‘సాక్షి’పై చెలరేగిపోతున్న పచ్చ బ్యాచ్‌.. పత్రికా స్వేచ్ఛను, వాక్‌ స్వాతంత్ర హక్కును కాల రాస్తోంది.ఇదీ చదవండి: అన్ని ఆధారాలతో గవర్నర్‌కు ఫిర్యాదు చేశాం: వైఎస్‌ జగన్‌

సాక్షి,విజయవాడ: రాష్ట్రంలో ప్రజాధనాన్ని కూటమి ప్రభుత్వం ఎలా దుర్వినియోగం చేస్తోందనడానికి కేబినెట్ నిర్ణయమే నిదర్శనంగా నిలుస్తోంది. చంద్రబాబు తన సెల్ఫ్ డబ్బా కోసం ఏకంగా ప్రభుత్వ ఖజానా నుంచే నిధులను మళ్లించేందుకు రంగం సిద్ధం చేశారు. ఇన్‌ఫ్లుయెన్సర్ల మాటున తన సొంత పార్టీ సోషల్ మీడియా కార్యకర్తలకు ప్రభుత్వ నిధులతో జీతాలు చెల్లించేందుకు తెరతీశారు. ఈ వింత పాలసీకి ఏపీ కేబినెట్ సైతం ఆమోదం తెలిపింది.సోషల్ మీడియా వేదికగా అధికార పార్టీకి అనుకూలంగా, ప్రభుత్వానికి వత్తాసుగా పోస్టులు పెట్టే ఇన్‌ఫ్లుయెన్సర్లకు నెలకు రూ.15,000, రూ.7,500, రూ.5,000 రూ.2,500 చొప్పున జీతాలు చెల్లించనున్నారు. ఇందుకోసం పార్టీకి అనుకూలంగా పనిచేసే డిజిటల్ క్రియేటర్లను ఫాలోవర్ల సంఖ్య ఆధారంగా షార్ట్‌లిస్ట్ చేయనున్నారు.ఇలా అర్హత సాధించిన సోషల్ మీడియా ఇన్‌ఫ్లుయెన్సర్లను గుర్తించి, వారి వివరాలను ధృవీకరించి ఒక అధికారిక జాబితాలో చేర్చడానికి (ఎంప్యానెల్ చేయడానికి) ప్రభుత్వం చర్యలు చేపట్టింది. ఈ ఎంప్యానెల్‌మెంట్ ప్రక్రియను, అధికారిక జాబితా రూపకల్పనను ‘ఏపీడీసీఎల్’ (ఆంధ్రప్రదేశ్ డిజిటల్ కార్పొరేషన్ లిమిటెడ్) ద్వారా పూర్తి చేయాలని కేబినెట్ నిర్ణయించింది. ఈ ఏజెన్సీ ద్వారా ఎంపికైన వారికి మాత్రమే ప్రభుత్వ నిధుల నుంచి నేరుగా జీతాలు చెల్లిస్తారు.ఫేస్‌బుక్‌, ఇన్‌స్టాగ్రామ్‌, యూట్యూబ్‌, ఎక్స్‌ వంటి సోషల్ మీడియా ప్లాట్‌ఫామ్‌లలో ప్రభుత్వ అనుకూల ప్రచారంతో పాటు వ్యక్తిగత ప్రచారం కోసం ఈ వేదికలను వాడుకోనున్నారు. ఎంపిక చేసిన సోషల్ మీడియా ఇన్‌ఫ్లుయెన్సర్లకు ఏకంగా ఏడాది పాటు క్రమం తప్పకుండా ప్రభుత్వ నిధుల నుంచి జీతాలు చెల్లించేలా విధివిధానాలు ఖరారు చేశారు. ప్రజల పన్నుల ద్వారా వచ్చే ఖజానా సొమ్మును సంక్షేమం కోసం కాకుండా, అధికార పార్టీ సోషల్ మీడియా కార్యకర్తలకు జీతాలుగా చెల్లించి సెల్ఫ్ ప్రచారం చేసుకోవడంపై సర్వత్రా విమర్శలు వ్యక్తమవుతున్నాయి.ఇదీ చదవండి : లోకేష్‌ రాజీనామా చేయ్‌

సాక్షి, విజయవాడ: వైఎస్సార్‌సీపీ అధ్యక్షుడు, మాజీ ముఖ్యమంత్రి వైఎస్‌ జగన్‌మోహన్‌రెడ్డి ఇవాళ (బుధవారం) విజయవాడలోని లోక్‌భవన్‌లో గవర్నర్‌ జస్టిస్‌ అబ్దుల్‌ నజీర్‌ను కలిశారు. స్పోర్ట్స్‌ అథారిటీ ఆఫ్‌ ఆంధ్రప్రదేశ్‌ (శాప్‌) కార్యాలయం వద్ద వైఎస్సార్‌సీపీ నాయకులపై దాడి గురించి గవర్నర్‌కు ఫిర్యాదు చేశారు. డీఎస్సీ–­2025­లో అక్రమాలపై సీబీఐతో విచారణ జరిపించాలని వైఎస్‌ జగన్‌ కోరారు.కాగా, డీఎస్సీ నియామకాల్లో అక్రమాలపై సీబీఐ విచారణ కోరుతూ వైఎస్సార్‌సీపీ ఆధ్వర్యంలో సోమవారం నిర్వహించిన శాంతియుత ర్యాలీపై టీడీపీ గూండాలు దాడులకు పాల్పడిన ఘటనపై తాడేపల్లిలోని పార్టీ కేంద్ర కార్యాలయంలో మంగళవారం ఆయన పార్టీ నేతలతో సమావేశమయ్యారు. డీఎస్సీ–2025 నియామక వ్యవహారంపై వైఎస్సార్‌సీపీ చేస్తున్న పోరాటాన్ని ఎట్టి పరిస్థితుల్లోనూ ఆపేది లేదని ఆయన తేల్చి చెప్పారు.అది యువగళం టీమ్‌ కాదని, రౌడీ దళమని మండిపడ్డారు. డీఎస్సీ స్కాంలో చంద్రబాబు, లోకేశ్‌లు అడ్డంగా దొరికిపోయారన్న వైఎస్‌ జగన్‌.. సీబీఐ విచారణకు డిమాండ్‌ చేస్తుంటే ఎందుకు తట్టుకోలేకపోతున్నారంటూ ప్రశ్నించారు. స్కామ్‌లను బయట పెడుతుంటే దాడులకు దిగుతున్నారంటూ వైఎస్‌ జగన్‌ ఆగ్రహం వ్యక్తం చేశారు.

సాక్షి, అమరావతి: రాష్ట్రంలో 2.66 లక్షల మంది గ్రామ, వార్డు వలంటీర్ల కుటుంబాలను చంద్రబాబు ప్రభుత్వం నమ్మించి నిలువునా మోసం చేసిందని గ్రామ, వార్డు సచివాలయ వలంటీర్స్‌ అసోసియేషన్‌ ఆఫ్‌ ఆంధ్రప్రదేశ్‌ దుయ్యబట్టింది. మంగళవారం విజయవాడలోని మాకినేని బసవపున్నయ్య విజ్ఞాన కేంద్రంలో జరిగిన వలంటీర్ల సదస్సులో సంఘం అధ్యక్షుడు కుమార్‌ నాయక్, కార్యదర్శి డోలా స్వప్న మాట్లాడుతూ.. చంద్రబాబు కూటమి ప్రభుత్వం వలంటీర్లను తక్షణమే విధుల్లోకి తీసుకోవాలని డిమాండ్‌ చేశారు. కూటమి అధికారం చేపట్టిన రోజు నుంచి 26 నెలలుగా వలంటీర్లను విధులకు దూరంగా ఉంచినందున, ఈ కాలానికి యువతకు ఎన్నికల్లో ఇచ్చిన హామీ మేరకు నిరుద్యోగ భృతి చెల్లించాలని డిమాండ్‌ చేశారు.ఎన్నికలకు ముందు వలంటీర్లు అడగకుండానే వేతనాలు రెట్టింపు చేస్తామని హామీ ఇచ్చిన చంద్రబాబు.. సీఎం అయ్యాక ఆ హామీ నెరవేర్చకపోవడం మోసమే అవుతుందని దుయ్యబట్టారు. వలంటీర్లు తన తమ్ముళ్లు, అక్క చెల్లెళ్లు లాంటి వారని, వారి ఉద్యోగాలు తీయబోమని, వారికి ఇచ్చే వేతనం రూ.5 వేలకు ఇంకో రూ.5 వేలు కలిపి ఇచ్చే మనస్తత్వం తనది అంటూ ఎన్నికల సమయంలో ఉప ముఖ్యమంత్రి పవన్‌ కళ్యాణ్‌ మాటలు చెప్పారని, కానీ అధికారంలోకి వచ్చాక పట్టించుకోలేదని అన్నారు. వలంటీర్లను తక్షణమే విధుల్లోకి తీసుకొని ప్రజలకు ప్రభుత్వానికి మధ్య వారధిలా వినియోగించుకోవాలని డిమాండ్‌ చేశారు. లేకపక్షంలో రాష్ట్రవ్యాప్తంగా పనిచేసిన 2.66 లక్షల మంది వలంటీర్లు ఆందోళన చేస్తారని, అసెంబ్లీని కూడా ముట్టడిస్తారని హెచ్చరించారు.

సాక్షి, అమరావతి: డీఎస్సీ–2025 నియామక వ్యవహారంపై వైఎస్సార్‌సీపీ చేస్తున్న పోరాటాన్ని ఎట్టి పరిస్థితుల్లోనూ ఆపేది లేదని ఆ పార్టీ అధ్యక్షుడు, మాజీ ముఖ్యమంత్రి వైఎస్‌ జగన్‌మోహన్‌రెడ్డి స్పష్టం చేశారు. అది యువగళం టీమ్‌ కాదని, రౌడీ దళమని మండిపడ్డారు. డీఎస్సీ నియామకాల్లో అక్రమాలపై సీబీఐ విచారణ కోరుతూ వైఎస్సార్‌సీపీ ఆధ్వర్యంలో సోమవారం నిర్వహించిన శాంతియుత ర్యాలీపై టీడీపీ గూండాలు దాడులకు పాల్పడిన ఘటనపై తాడేపల్లిలోని పార్టీ కేంద్ర కార్యాలయంలో మంగళవారం ఆయన పార్టీ నేతలతో సమావేశమయ్యారు. శాంతియుతంగా నిరసన వ్యక్తం చేస్తున్న వైఎస్సార్‌సీపీ నాయకులు, కార్యకర్తలపై దాడులు జరిగితే, దాడులకు పాల్పడిన వారిపై చర్యలు తీసుకోకుండా.. తమ పార్టీ నేతలపైనే కేసులు నమోదు చేస్తున్న తీరును నేతలు వైఎస్‌ జగన్‌ దృష్టికి తీసుకొచ్చారు. ఈ ఘటనను పార్టీ సీరియస్‌గా తీసుకుంటుందని, దాడులపై గవర్నర్‌ను కలిసి పూర్తి వివరాలు తెలియజేయాలని సమావేశంలో నిర్ణయించారు. ఈ సందర్భంగా వైఎస్‌ జగన్‌ మాట్లాడుతూ.. డీఎస్సీ స్కాంలో చంద్రబాబు, లోకేశ్‌లు అడ్డంగా దొరికిపోయారన్నారు. సీబీఐ విచారణకు డిమాండ్‌ చేస్తుంటే ఎందుకు తట్టుకోలేకపోతున్నారని ప్రశ్నించారు. స్కామ్‌లను బయట పెడుతుంటే దాడులకు దిగుతున్నారన్నారు. సోమవారం వైఎస్సార్‌సీపీ నిర్వహించిన ర్యాలీతో డీఎస్సీ స్కామ్‌పై మరోసారి రాష్ట్ర వ్యాప్తంగా చర్చ జరిగిందని, ఆ చర్చను పక్కదారి పట్టించేందుకు దాడులు చేయించారని చెప్పారు. అసలు విషయం నుంచి ప్రజల దృష్టిని మళ్లించేందుకు భయపెట్టే రాజకీయాలకు తెరతీశారన్నారు. ఈ సమావేశంలో వైఎస్‌ జగన్‌ ఇంకా ఏమన్నారంటే.. రౌడీ దళాన్ని దించి దాడులు ‘అది యువగళం టీం కాదు.. రౌడీ దళం. చంద్రబాబు అవినీతి, స్కామ్‌లు, అరాచకాలను ప్రశ్నించే ప్రతి చోటా ఈ రౌడీ దళాన్ని దించుతున్నారు. వారితో దాడులు చేయించి, భయపెట్టి, బెదిరించి.. ప్రశ్నించే గొంతులను మూయించాలని చూస్తున్నారు. శాంతియుతంగా జరుగుతున్న కార్యక్రమంలో అలజడి సృష్టించారు. పోలీసుల వద్ద ఉన్న లాఠీలు లాక్కొని, రాళ్లతో దాడులు చేశారు. ఇలాంటి ఘటనలకు కొంత మంది పోలీసులు కూడా కొమ్ముకాస్తున్నారు.గాయాలపాలైనా వైఎస్సార్‌సీపీ నాయకులు, కార్యకర్తలు చాలా సంయమనం పాటించారు. కానీ దాడులు చేసిన రౌడీ దళంపై కేసులు పెట్టకుండా, మా వాళ్లపైనే కేసులు పెడుతున్నారు. మా వాళ్లపై దాడులు చేసిన వారిని స్వేచ్ఛగా వదిలేసి, బాధితులపైనే కేసులు పెట్టడం ఏ రకమైన న్యాయం? దాడులు చేయడం, ఆ తర్వాత బాధితులపైనే కేసులు పెట్టడం, మళ్లీ అదే ఘటనను వక్రీకరించి ప్రచారం చేయడం ఒక పద్ధతిగా మారిపోయింది. గతంలో వైఎస్సార్‌సీపీ మీద చేసిన అనేక దాడుల్లో ఈ రౌడీదళం ఉంది. ఆంధ్రప్రదేశ్‌ రాష్ట్రాన్ని జంగిల్‌రాజ్‌ కన్నా ఘోరంగా తయారు చేశారు. డీఎస్సీ అభ్యర్థులకు అండగా వైఎస్సార్‌సీపీ మీ బెదిరింపులకు భయపడి డీఎస్సీ స్కామ్‌పై పోరాటం ఆగదు. మీ దుర్మార్గాలకు భయపడి వెనకడుగు వేసేదే లేదు. ప్రజల తరఫున పోరాటాల విషయంలో తగ్గేదే లేదు. నిజాయితీపరులైన డీఎస్సీ అభ్యర్థులకు వైఎస్సార్‌సీపీ అండగా ఉంటుంది. డీఎస్సీ వ్యవహారాన్ని సీబీఐకి అప్పగించి, వాస్తవాలను ప్రజల ముందుంచే వరకు మేం నిలదీస్తూనే ఉంటాం. అభ్యర్థులకు న్యాయం జరిగే వరకు పోరాటం కొనసాగుతుంది’ అని వైఎస్‌ జగన్‌ స్పష్టం చేశారు.కుప్పం నుంచే దాడులకు కుట్ర చేశారా?నిన్నటి దాడులకు కుప్పంలోనే చంద్రబాబు కుట్ర పన్నారని మాకు అనుమానం ఉంది. కుప్పం బహిరంగ సభలో చంద్రబాబు చేసిన బెదిరింపులే ఇందుకు సాక్ష్యంగా కనిపిస్తున్నాయి. రాష్ట్ర వ్యాప్తంగా ఇలాంటి రౌడీ దళాలను ప్రోత్సహిస్తూ.. అవినీతి, స్కామ్‌లపై ఎవరైనా ప్రశ్నిస్తే వారిపైకి వీళ్లను పంపుతున్నారు. గతంలో వైఎస్సార్‌సీపీపై జరిగిన అనేక దాడుల్లోనూ ఇదే తరహా వ్యక్తులు కనిపించారు. కళ్లముందు సాక్ష్యాలు, ఆధారాలు ఉన్నా వాటిని పక్కదారి పట్టించే ప్రయత్నం చేస్తున్నారు. చంద్రబాబు ఒత్తిళ్లతో పోలీసులు చట్టాన్ని చేతిలోకి తీసుకుంటే చూస్తూ ఊరుకునేది లేదు. నిన్నటి దాడుల వ్యవహారంపై గవర్నర్‌ను కలుస్తాం. మా వాళ్లు ఇచ్చిన ఫిర్యాదులపై కచి్చతంగా చర్యలు తీసుకోవాలి. దాడులకు పాల్పడిన వారిపై కేసులు నమోదు చేయాలి. రౌడీ దళాన్ని రంగంలోకి దించిన చంద్రబాబు, లోకేశ్‌ల పాత్రపై కూడా విచారణ జరపాలి. పోలీసుల వ్యవహారశైలి పైనా గవర్నర్‌కు పూర్తి వివరాలు, ఆధారాలు అందిస్తాం.

సాక్షి, అమరావతి: బంగాళాఖాతంలో ఏర్పడిన వాయుగుండం తీవ్ర వాయుగుండంగా బలపడింది. గత 6 గంటల్లో ఇది గంటకు 7 కిలోమీటర్ల వేగంతో పశ్చిమ దిశగా కదులుతోంది. మంగళవారం రాత్రికి ఇది గోపాల్‌పూర్‌కు 150 కి.మీ, కళింగపట్నానికి 140 కి.మీ, ఒడిశాలోని పూరీకి 210 కి.మీ, విశాఖకి 220 కి.మీ దూరంలో కేంద్రీకృతమై ఉంది. బుధవారం రాత్రికి ఉత్తర కోస్తా–దక్షిణ ఒడిశా తీర ప్రాంతంలో విశాఖ–గోపాల్‌పూర్‌ మధ్య తీరం దాటే అవకాశముందని వాతావరణ శాఖ తెలిపింది. దీని ప్రభావంతో బుధ, గురువారాల్లో రాష్ట్రంలోని పలు జిల్లాల్లో భారీ వర్షాలు కురిసే అవకాశం ఉందని పేర్కొంది. ఈ నేపథ్యంలో సముద్రంలో వేటకు వెళ్లవద్దని వాతావరణ శాఖాధికారులు మత్స్యకారులను హెచ్చరించారు. వచ్చే రెండు రోజులు శ్రీకాకుళం, విజయనగరం, పార్వతీపురం మన్యం, అల్లూరి, పోలవరం, విశాఖ, అనకాపల్లి, కాకినాడ, కోనసీమ, తూర్పు గోదావరి, పశ్చిమ గోదావరి, ఏలూరు జిల్లాల్లో భారీ వర్షాలు కురిసే అవకాశం ఉంది. కృష్ణా, ఎన్టీఆర్, గుంటూరు, బాపట్ల, పల్నాడు జిల్లాల్లో మోస్తరు వర్షాలు, రాయలసీమ జిల్లాల్లో తేలికపాటి వర్షాలకు అవకాశముందని వాతావరణ శాఖ తెలిపింది. అలాగే, రానున్న 24 గంటల్లో ఏపీలోని 9 జిల్లాల్లోని కొన్ని ప్రాంతాల్లో ఆకస్మిక వరదల ముప్పు ఉన్నట్లు వాతావరణ శాఖ తెలిపింది. శ్రీకాకుళం, పార్వతీపురం మన్యం, విజయనగరం, విశాఖ, అనకాపల్లి, గుంటూరు, పల్నాడు, ఎన్టీఆర్, అల్లూరి జిల్లాలు ఈ జాబితాలో ఉన్నాయి. విశాఖ, విజయనగరం, అనకాపల్లి జిల్లాల్లోని కొన్ని ప్రాంతాల్లో ఇప్పటికే తక్కువ స్థాయిలో ఆకస్మిక వరదల ప్రభావం ఉన్నట్లు పేర్కొంది. వచ్చే 24 గంటల్లో కొన్ని ప్రాంతాల్లో 16 సెంటీమీటర్ల వరకు భారీ వర్షపాతం నమోదయ్యే అవకాశం ఉందని తెలిపింది. పలాసలో కుండపోత మంగళవారం రాత్రి వరకు శ్రీకాకుళం జిల్లా పలాసలో అత్యధికంగా 10.07 సెంటీమీటర్ల వర్షం కురిసింది. తాళభద్రలో 9.8, రావివలసలో 9.36, సంతబోమ్మాళిలో 8.81, కోటబోమ్మాళిలో 8.75, మదనపురంలో 8.36, హరిపురంలో 7.4 సెంటీమీటర్ల వర్షం కురిసింది. అల్లూరి జిల్లా గ పరైలో 7.15, శ్రీకాకుళం జిల్లా విజయరామపురంలో 7.1, జాలుమూరులో 7.05, సైరిగాంలో 7.03, నర్సన్నపేటలో 6.92, విశాఖ జిల్లా మధురవాడలో 6.9, నంద్యాల జిల్లా కానాలలో 6.55, విశాఖ జిల్లా ఆనందపురంలో 6.55 సెంటీమీటర్ల వర్షపాతం నమోదైంది.

సాక్షి, అమరావతి: రెండేళ్లుగా రకరకాల సాకులతో ఉన్న పింఛన్లే ఏరివేస్తూ అవ్వా తాతలను ఏడిపిస్తూ.. స్థానిక సంస్థల ఎన్నికలు ముంచుకు రావడంతో మభ్యపెడుతున్న చంద్రబాబు సర్కారు దివ్యాంగుల జీవితాలతోనూ చెలగాటమాడుతోంది! ఒకవైపు కొత్తగా పింఛన్లకు దరఖాస్తు చేసుకునేందుకు అవకాశం కల్పించామంటూ మరోవైపు కీలకమైన సర్టిఫికెట్లు ఇవ్వకుండా దివ్యాంగులను వేధిస్తోంది. రాష్ట్రంలో వివిధ వైకల్య సమస్యలతో బాధపడుతున్న దివ్యాంగులకు సదరం సర్టిఫికెట్లు మంజూరు చేయకుండా తూతూమంత్రంగా పింఛన్ల దరఖాస్తు ప్రక్రియ ముగించి ఎన్నికల డ్రామాలాడుతోంది.దివ్యాంగుల పట్ల కర్కశంగా వ్యవహరిస్తోంది. గద్దెనెక్కిన నాటి నుంచి సామాజిక భద్రత పింఛన్లకు పెద్ద మొత్తంలో కోత పెట్టేందుకు చంద్రబాబు ప్రభుత్వం కుట్రలు పన్నుతోంది.గత ప్రభుత్వ హయాంతో పోలిస్తే ప్రస్తుతం పింఛన్ల సంఖ్య ఏకంగా 6.42 లక్షలకుపైగా తగ్గిపోవడం దీనికి నిదర్శనం. 50 ఏళ్లకే పింఛన్‌ హామీకి మంగళం పాడింది. ఎడాపెడా పింఛన్లు ఎగరగొడుతూ దివ్యాంగ పింఛన్‌దారులను సైతం కనికరించకుండా స్క్రీనింగ్‌ పేరిట ముప్పుతిప్పలు పెట్టింది. వెరిఫికేషన్‌ పేరుతో వేధిస్తూ లక్ష మందిపై అనర్హత కత్తి వేలాడదీసింది. అంతేకాదు.. కొత్తగా దివ్యాంగ పింఛన్‌లు పొందే వారి సంఖ్యను కట్టడి చేసే వ్యూహంతో సదరం సర్టిఫికెట్ల జారీపై తీవ్ర ఆంక్షలు విధించింది. ఫలితంగా దివ్యాంగులకు సదరం స్లాట్‌లు అందని ద్రాక్షగా మారిపోయాయి. అష్టకష్టాలు పడి స్లాట్స్‌ దక్కించుకుని స్క్రీనింగ్‌కు హాజరైన వారికి సైతం శాశ్వత వైకల్య ధ్రువీకరణ పత్రాలను ప్రభుత్వం మంజూరు చేయడంలేదు. దీంతో ఇటీవల కొత్త పింఛన్‌ల కోసం దరఖాస్తులు స్వీకరించినప్పటికీ సదరం సర్టిఫికెట్లు లేని కారణంగా రాష్ట్రంలో పెద్ద ఎత్తున దివ్యాంగులు కనీసం దరఖాస్తు కూడా చేసుకోలేని దౌర్భాగ్య పరిస్థితులు నెలకొన్నాయి. స్లాట్లు గల్లంతు.. సర్టిఫికెట్లు బంద్‌ వైఎస్సార్‌ సీపీ ప్రభుత్వం అధికారంలో ఉండగా దివ్యాంగుల కోసం ప్రతి నియోజకవర్గంలో సదరం క్యాంప్‌లను అందుబాటులోకి తెచ్చింది. దీంతో 2019కు ముందు చంద్రబాబు పాలనలో కేవలం 50 ప్రభుత్వాస్పత్రుల్లో అరకొరగా నడిచిన సదరం క్యాంప్‌లు గత ప్రభుత్వంలో ఏకంగా 175 నియోజకవర్గాల్లోని ఆస్పత్రుల్లో అందుబాటులోకి వచ్చాయి. తద్వారా ప్రతి మూడు నెలలకు 90 వేల స్లాట్స్‌ అందుబాటులో ఉండేలా గత ప్రభుత్వం చర్యలు తీసుకుంది. 2024లో తిరిగి చంద్రబాబు గద్దెనెక్కిన వెంటనే దివ్యాంగ పింఛన్ల వెరిఫికేషన్‌ పేరిట కొత్తగా సదరం సర్టిఫికెట్ల జారీని ఆపేసింది. అనంతరం సర్టిఫికెట్ల జారీని తగ్గించడం కోసం క్యాంప్‌లు నిర్వహించే ఆస్పత్రులను 115కు కుదించింది. ఆ ఆస్పత్రుల్లో సైతం వారంలో ఒక్క రోజుకే సదరం స్క్రీనింగ్‌ను పరిమితం చేశారు. ఫలితంగా ఇప్పుడు ప్రతి మూడు నెలలకు 60 వేల స్లాట్స్‌ కూడా అందుబాటులో ఉండటం లేదు. స్లాట్స్‌ విడుదల చేసిన కొద్ది సమయంలోనే అన్ని బుక్‌ అయిపోతుండటంతో దివ్యాంగులు అల్లాడుతున్నారు. నడవలేనిస్థితిలో నరక యాతన.. సైకియాట్రీ, బహుళ వైకల్యంతో బాధపడుతున్న వారికి సైతం చంద్రబాబు ప్రభు­త్వం సదరం సర్టిఫికెట్లు జారీ చేయడం లేదు. నానా తిప్పలు పడి స్లాట్స్‌ దక్కించుకుని, నడవలేని స్థితిలో ఉన్న బాధితులను రూ. వేలల్లో ఖర్చు చేసి ప్రత్యేక వా­హనాల్లో కుటుంబ సభ్యులు స్క్రీనింగ్‌ క్యాంప్‌లకు తీసుకొస్తున్నారు. స్క్రీనింగ్‌ అంతా పూర్తయ్యాక సైకియాట్రీ సమస్యలున్న బాధితులకు ప్రభుత్వం తాత్కాలిక ధ్రువీకరణ పత్రా­లే మంజూరు చేస్తోంది. ఇక బహుళ వైకల్య బాధితులకు అసలు సర్టిఫికెట్లే ఇవ్వడం లేదు. ఇలాంటి బాధితులు రాష్ట్రంలో పెద్దఎ­త్తున ఉన్నారు. వీరితో పాటు ఇతర వైకల్య సమస్యలతో బాధపడుతున్న వారికి ప్రభుత్వం సదరం సర్టిఫికెట్లు మంజూరు చేయకపోవడంతో కొత్త పింఛన్లకు కనీసం దరఖాస్తు కూడా సమరి్పంచలేకపోయామని తీవ్ర ఆవేదన వ్యక్తం చేస్తున్నారు. ఎంత తిరిగినా సర్టిఫికెట్‌ ఇవ్వలేదు.. పక్షవాతం కారణంగా నా రెండు కాళ్లు పనిచేయడం లేదు. ఈ ఏడాది మే నెలలో సదరం క్యాంప్‌ వద్దకు వెళితే వైద్యులు స్క్రీనింగ్‌ చేశారు. సర్టిఫికెట్‌ మాత్రం మంజూరు చేయలేదు. మావాళ్లు ఎన్నిసార్లు ఆస్పత్రి చుట్టూ తిరిగినా ప్రయోజనం లేదు. ఎట్టకేలకు ఇటీవల కొత్త పింఛన్లకు అవకాశం కల్పించినా సర్టిఫికెట్‌ లేకపోవడంతో నేను దరఖాస్తు చేసుకోలేకపోయా. – పద్మావతి, రాజమండ్రి సదరం స్లాట్‌ దొరకలేదు.. గతంలో నాకు యాక్సిడెంట్‌ అయింది. కాళ్ల­లో రాడ్‌ కూడా వేశా­రు. సర్జరీ అనంతరం నడవలేని పరిస్థితికి దారి తీసింది. ఇంట్లో మంచానికే పరిమితం అయ్యా. భరోసా పింఛన్‌కు దరఖాస్తు చేసుకోవడానికి సదరం సర్టిఫికెట్‌ కావాలన్నారు. సదరం స్లాట్‌ దొరకడం లేదు. నా భార్య క్యాన్సర్‌ పేషెంట్‌. ఇద్దరం పని చేయలేని పరిస్థితి. ఆర్థికంగా ఎంతో ఇబ్బంది పడుతున్నాం. సర్టిఫికెట్‌ లేకపోవడంతో పింఛన్‌కు దరఖాస్తు చేసుకోలేకపోయా. – రంగబాబు, బొమ్మూరు, తూర్పుగోదావరి జిల్లా ఈ ఫొటోలో మహిళ సాయంతో నడుస్తున్న ఏడేళ్ల బాలుడి పేరు ఎం.అభిరామ్‌. బాలుడి తండ్రి ప్రైవేట్‌ ఉద్యోగి కాగా తల్లి గృహిణి. విజయవాడ మురళీనగర్‌లో నివాసం ఉంటారు. వైకల్యం బాధితుడైన అభిరామ్‌ ఇతరుల సాయం లేకుండా నడవలేడు. తన పనులు తాను చేసుకోలేడు. ఈ ఏడాది జూలైలో విజయవాడ జీజీహెచ్‌లో బాలుడికి స్క్రీనింగ్‌ చేసిన వైద్యులు 90 శాతం వైకల్యం ఉన్నట్లు నిర్ధారించారు. అయితే శాశ్వత వైకల్య ధ్రువీకరణ పత్రం మంజూరు చేయకుండా తాత్కాలిక పత్రం జారీ చేశారు. ఇటీవల అభిరామ్‌ తల్లిదండ్రులు సచివాలయానికి వెళ్లగా పింఛన్‌ పొందాలంటే శాశ్వత వైకల్య ధ్రువీకరణ పత్రం తప్పనిసరి అని, అది లేకుండా దరఖాస్తు స్వీకరించబోమని సిబ్బంది చెప్పడంతో తెల్లబోయారు. ‘90 శాతం వైకల్యం ఉన్నట్లు ప్రభుత్వమే ఇచ్చిన సర్టిఫికెట్‌ ఉన్నా దరఖాస్తు ఎందుకు తీసుకోరు?’ అని అభిరామ్‌ తల్లి దుర్గాభవాని ప్రశ్నిస్తే ఎటువంటి సమాధానం లేదు. ఈ ఫొటోలోని రాజమండ్రికి చెందిన సత్యఫణి కార్తీక్‌ బహుళ వైకల్యం (మల్టిపుల్‌ డిసెబిలిటీ) బాధితుడు. వైకల్య ధ్రువీకరణ పత్రం కోసం కుటుంబ సభ్యులు స్లాట్‌ బుక్‌ చేసుకుని ఈ ఏడాది మార్చిలో ప్రభుత్వాస్పత్రిలో సదరం క్యాంప్‌ వద్దకు తీసుకెళ్లారు. వైద్యులు కార్తీక్‌ను పరిశీలించినా ఇంతవరకూ వైకల్య ధ్రువీకరణ పత్రం మంజూరు కాలేదు. దీంతో కొత్తగా పింఛన్‌ కోసం దరఖాస్తు సమర్పించలేకపోయాడు.

సాక్షి, అమరావతి: సీఎం చంద్రబాబు అధ్యక్షతన బుధవారం ఉదయం 10.30 గంటలకు సచివాలయంలోని మొదటి బ్లాక్‌లో రాష్ట్ర మంత్రివర్గ సమావేశం జరగనుంది. ఇటీవల ఎస్‌ఐపీబీ, ఏపీసీఆర్‌డీఏ సమావేశాల్లో తీసుకున్న నిర్ణయాలకు కేబినెట్‌ ఆమోదం తెలుపనుంది. రాష్ట్రంలో వర్షాభావ పరిస్థితులు, కరువుపైనా చర్చించే అవకాశం ఉంది.

సాక్షి, అమరావతి: వైఎస్సార్‌సీపీ అధ్యక్షుడు, మాజీ సీఎం వైఎస్‌ జగన్‌ బుధవారం ఉదయం 11 గంటలకు తాడేపల్లిలోని పార్టీ కేంద్ర కార్యాలయంలో గ్రేటర్‌ విశాఖకు చెందిన స్థానిక సంస్థల మాజీ ప్రజాప్రతినిధు­లు, పార్టీ నేతలు, కార్యకర్తలతో సమా­వేశం కానున్నారు. జీవీఎంసీ పరిధిలో పార్టీ పరిస్థితులు, ప్రజాసమస్యలు, పార్టీ బలోపేతం, భవిష్యత్‌ కార్యాచరణతోపాటు స్థానిక రాజకీయ పరిణామాలపై వైఎస్‌ జగన్‌ చర్చించనున్నారు.

సాక్షి, అమరావతి: తన కుమారుడు గాదె సాయికృష్ణ ఆచూకీ తెలియడం లేదని, అతడిని కోర్టు ముందు హాజరుపరిచేలా పోలీసులను ఆదేశించాలని.. అలాగే అతడి లాకప్‌డెత్‌పై సీబీఐ దర్యాప్తునకు ఆ­దేశించాలని కోరుతూ తల్లి గాదె విజయలక్ష్మి దా­ఖలు చేసిన వ్యాజ్యాలపై హైకోర్టులో వాదనలు మంగళవారం ముగిశాయి. వాదనలు విన్న హైకో­ర్టు తీర్పును రిజర్వ్‌ చేస్తున్నట్లు ప్రకటించింది. సా­యికృష్ణ లాకప్‌డెత్‌ వ్యవహారంపై కింది కోర్టులో దాఖలు చేసిన చార్జ్‌షీట్‌ను సీల్డ్‌ కవర్‌లో తమ ముందుంచాలని పోలీసులను ఆదేశించింది. ఈ మేరకు న్యాయమూర్తులు జస్టిస్‌ రవినాథ్‌ తిల్హరి, జస్టిస్‌ ఆలపాటి గిరిధర్‌ ధర్మాసనం ఉత్తర్వులు జారీ­చేసింది. ప్రకాశం జిల్లా మార్కాపురం నుంచి తన కుమారుడు సాయికృష్ణను విజయవాడ కృష్ణలంక పోలీసులు తీసుకొచ్చారని, తరువాత అతడి ఆచూకీ తెలియడం లేదని, ఈ నేపథ్యంలో అతన్ని కోర్టుముందు హాజరుపరిచేలా ఆదేశాలు జారీచేయాలని కోరు­తూ విజయలక్ష్మి ఈ ఏడాది జూన్‌లో హైకోర్టులో హెబియస్‌ కార్పస్‌ పిటిషన్‌ దాఖలు చేశారు. ఈ వ్యాజ్యం పెండింగ్‌లో ఉండగానే సాయికృష్ణను పోలీసులే కొట్టి చంపి, మృతదేహాన్ని దహనం చేశారన్న విషయం వెలుగులోకి వచ్చింది. దీంతో సాయికృష్ణ లాకప్‌డెత్‌పై సీబీఐ దర్యాప్తునకు ఆదేశించాలని కోరుతూ ఆమె అనుబంధ పిటిషన్‌ దాఖలు చేసిన విషయం తెలిసిందే. వీటిపై జస్టిస్‌ తిల్హరీ నేతృత్వంలోని ధర్మాసనం విచారణ చేపట్టింది. అసాధారణ కేసుల్లో సీబీఐ దర్యాప్తునకు ఇవ్వొచ్చు ఈ వ్యాజ్యాలపై మంగళవారం ధర్మాసనం మరో­సారి విచారణ జరిపింది. విజయలక్ష్మి న్యాయవాది నర్సీపట్నం అశ్వనీకుమార్‌ వాదనలు వినిపిస్తూ.. సాయికృష్ణను పోలీసులు కస్టడీలోకి తీసుకుని దారుణంగా హింసించి, చంపేశారని చెప్పారు. ఈ నేపథ్యంలో సీబీఐ దర్యాప్తు కోరుతూ అనుబంధ పిటిషన్‌ దాఖలు చేశామన్నారు. అనంతరం ప్రభుత్వం ఈ కేసు దర్యాప్తును సిట్‌కు అప్పగించిందని తెలిపారు. సిట్‌లో కూడా రాష్ట్ర పోలీసులే ఉండటంతో దర్యాప్తు నిష్పాక్షికంగా జరిగే అవకాశం లేదని, అందువల్ల దర్యాప్తును సీబీఐకి ఇవ్వాలని కోరుతున్నామని చెప్పారు. అసాధారణ కేసుల్లో సీబీఐ దర్యాప్తునకు న్యాయస్థానాలు ఆదేశించవచ్చని సుప్రీంకోర్టు పలు తీర్పుల్లో చెప్పిందని వివరించారు. చార్జిషీట్‌ దాఖలు చేసిన తరువాత కూడా సీబీఐ దర్యాప్తునకు ఆదేశించవచ్చన్నారు. ఇది అంత అరుదైన కేసు కాదు పోలీసుల తరఫున ప్రభుత్వ ప్రత్యేక న్యాయవాది (ఎస్‌జీపీ) సింగమనేని ప్రణతి వాదనలు వినిపిస్తూ.. సాయికృష్ణ లాకప్‌డెత్‌ వ్యవహారంలో దర్యాప్తు పూర్తిచేసి సంబంధిత కోర్టులో చార్జిషీట్‌ దాఖలు చేశామన్నారు. నిందితులందరినీ అరెస్ట్‌ చేశామని తెలిపారు. కస్టోడియల్‌ హింస వల్లే సాయికృష్ణ మృతిచెందినట్లు ఇన్‌స్పెక్టర్‌ నాగరాజు స్నేహితుడు, ఈ కేసులో నిందితుడు అయిన సురేష్‌ వాంగ్మూలం ఇచ్చారని చెప్పారు. సాయికృష్ణ మృతదేహాన్ని శ్మశానవాటికలో దహనం చేసినట్లు కూడా చెప్పారన్నారు. ఈ వాంగ్మూలంపై నిజానిజాలను నిర్ధారించాల్సి ఉందని తెలిపారు. అత్యంత అరుదైన కేసుల్లో మాత్రమే సీబీఐ దర్యాప్తునకు ఆదేశించాల్సి ఉంటుందన్నారు. ఇది అలాంటి అత్యంత అరుదైన కేసు కాదని పేర్కొన్నారు. ఇరుపక్షాల వాదనలు విన్న ధర్మాసనం తీర్పును రిజర్వ్‌ చేస్తున్నట్లు ప్రకటించింది.

సాక్షి, అమరావతి: ముఖ్యమంత్రి చంద్రబాబు రాష్ట్ర అప్పుల చిట్టాను రోజు రోజుకూ భారీగా పెంచేస్తున్నారు. కేవలం 27 నెలల పాలనలోనే రాష్ట్రాన్ని అప్పుల కుప్పగా మార్చేశారు. మంగళవారం రాష్ట్రప్రభుత్వ సెక్యూరిటీలు విక్రయించి మరో రూ.2,600 కోట్లు అప్పుచేశారు. దీంతో చంద్రబాబు చేసిన అప్పులు రూ.4 లక్షల కోట్లకు చేరువయ్యాయి. అప్పులు చేయడంలో సీఎం చంద్రబాబు సరికొత్త రికార్డు సృష్టించారు. గత ఐదేళ్ల తన రికార్డును తానే తిరగరాశారు. 2014–19 ఐదేళ్ల పాలనలో చంద్రబాబు సర్కారు రూ.2.49 లక్షల కోట్లు అప్పు చేసింది. ఇప్పుడు 27 నెలల పాలనలోనే తన పాత రికార్డును అధిగమించి ఏకంగా దాదాపు రూ.4 లక్షల కోట్లు అప్పు చేసింది. గతంలో ఏ రాష్ట్ర ప్రభుత్వాలు ఇంత తక్కువ వ్యవధిలో ఇంత పెద్ద ఎత్తున అప్పులు చేసిన దాఖలాలు లేవు. సెక్యూరిటీలు అమ్మేసి రూ.2,600 కోట్ల అప్పు.. మంగళవారం రాష్ట్ర ప్రభుత్వ సెక్యూరిటీలను వేలంలో విక్రయించడం ద్వారా రూ.2,600 కోట్లు బడ్జెట్‌ అప్పు చంద్రబాబు సర్కారు చేసింది. దీంతో బడ్జెట్‌ అప్పులే రూ.2,24,537 కోట్లకు చేరాయి. ప్రభుత్వ గ్యారెంటీ ఇస్తూ కార్పొరేషన్ల పేరుతో చేసిన అప్పులు రూ.1,24,974 కోట్లకు చేరాయి. ఇక రాజధాని పేరుతో చేసిన అప్పులు రూ.47,687 కోట్లకు చేరాయి. దీంతో 27 నెలల్లోనే బాబు తన పాలనలో చేసిన అప్పులు దాదాపు నాలుగు లక్షల కోట్లకు చేరుతున్నాయి. మంగళవారం నాటికి చంద్రబాబు చేసిన అప్పులు మొత్తం రూ.3,97,198 కోట్లకు చేరాయి. అప్పుల కోసం జీవోల మీద జీవోలు.. ఎన్నికల ముందు సంపదసృష్టి అంటూ గొప్ప కబుర్లు చెప్పారు. కానీఅప్పులు సృష్టించడంలో తనకు ఎవరూ సాటి లేరని నిరూపిస్తున్నారు. గత 27 నెలలుగా పరిపాలన సాగించడానికి అప్పులపైనే చంద్రబాబు ప్రధానంగా ఆధారపడ్డారు. బడ్జెట్‌ అప్పులే ఏడాదికి రూ.లక్ష కోట్లు చొప్పున చేసేస్తున్నారు. ఇది చాలదన్నట్లు గనులు, మద్యం ఆదాయాన్ని తాకట్టు పెట్టి మరీ అప్పులు చేస్తున్నారు. మరో పక్క కార్పొరేషన్ల పేరుతో దొరికిన చోటల్లా గ్యారెంటీలు ఇస్తూ అప్పులకు జీవోల మీద జీవోలు జారీ చేస్తున్నారు. ఇంకో పక్క ప్రభుత్వ ఆస్తులను ప్రైవేట్‌ పరం చేస్తున్నారు. కార్పొరేషన్ల పేరుతో అప్పులు చేయడానికి ప్రభుత్వ గ్యారెంటీలను ఎడా పెడా ఇచ్చేస్తున్నారు. ఇలాగైతే భవిష్యత్‌ అంధకారమేనంటున్న కాగ్‌... అప్పులతోనే గడిపే స్థితికి రాష్ట్ర ఆర్థిక వ్యవస్థను చంద్రబాబు దిగజార్చేశారు. 2024–25 ఆర్థిక ఏడాదిలో దేశంలోనే అత్యధికంగా చేబదుళ్ల అప్పులు చంద్రబాబు సర్కారు చేసిందని కాగ్‌ నివేదిక తెలిపింది. చేబదుళ్లకు కూడా ఏకంగా రూ.303 కోట్ల మేర వడ్డీ చెల్లించిందని, ఏడాదిలో 357 రోజులు అప్పులతోనే పాలన సాగించారని, ఇలా అయితే రాష్ట్ర భవిష్యత్‌ అంధకారమేనని కాగ్‌ హెచ్చరించింది. అయినా సరే లెక్క చేయకుండా దొరికిన చోటల్లా అప్పులు తేవడమే లక్ష్యంగా బాబు పాలన కొనసాగిస్తున్నారు. అప్పులు చేయడం కోసం.. రాష్ట్ర స్థూల జాతీయోత్పత్తి (జీఎస్‌డీపీ) పెరిగిందంటూ చంద్రబాబు ఊదరగొడుతున్నారు. జీఎస్‌డీపీకి తగినట్లు రాష్ట్ర ఆదాయం పెరగకపోవడం చూస్తుంటే అప్పు­లు చేయడం కోసం తప్పుడు గణాంకాలను చె­బు­తున్నారని స్పష్టం అవుతోంది. ఇబ్బడి ము­బ్బడిగా తెస్తున్న అప్పులను.. ఆస్తులు సృష్టించే, ఆదాయం వచ్చే మార్గాలపై వెచ్చించకుండా ఎ­లాంటి ప్రతిఫలాన్ని ఇవ్వని రంగాలకు మళ్లించేస్తున్నారు. దీంతో రాష్ట్ర అప్పుల భా­రం పెరిగిపోతూ ఆస్తులు తరిగిపోతు­న్నా­యి.

సాక్షి, అమరావతి: పోలవరం ప్రాజెక్టును సకాలంలో పూర్తి చేయాలనే లక్ష్యంతో కేంద్ర ప్రభుత్వం అడ్వాన్సుగా ఇచ్చిన నిధుల్లో రూ.­1,404.30 కోట్లను చంద్రబాబు సర్కార్‌ ఇతర అవసరాలకు మళ్లించేసింది. ఇది నిర్వాసితులకు పునరావాసం కల్పించడానికి నిర్మిస్తున్న పునరావాస కాలనీల పనులు, భూసేకరణపై ప్రతికూల ప్రభావం చూపుతోంది. ఇదే అంశాన్ని ఎత్తిచూపుతూ తక్షణమే ఆ నిధులను ఎస్‌ఎస్‌ఏ(సింగిల్‌ నోడల్‌ ఏజెన్సీ) ఖాతాలో జమ చేసి.. నిర్వాసితులకు పునరావాసం కల్పించడం, భూసేకరణకు వ్యయం చేయాలని రాష్ట్ర జలవనరుల శాఖ అధికారులను పోలవరం ప్రాజెక్టు అథారిటీ(పీపీఏ), కేంద్ర జల్‌ శక్తి శాఖ ఆదేశించింది. ఆ నిధులను ఖర్చు చేసి, యూసీలు(వినియోగ ధ్రువీకరణపత్రాలు) సమర్పిస్తేనే.. 2026–­27 బడ్జెట్‌లో కేటాయించిన నిధులను విడుదల చేస్తామని తేల్చిచెప్పింది. గతంలో పోలవరం ప్రాజెక్టుకు రాష్ట్ర ప్రభుత్వ ఖజానా నుంచి ఖర్చు చేసిన నిధులను కేంద్రం రీయింబర్స్‌ చేస్తే– అంటే రాష్ట్ర ప్రభుత్వ నిధులను రాష్ట్ర ప్రభుత్వం వినియోగించుకుంటే దారి మళ్లించారంటూ ఎల్లో మీడియాతో కలిసి చంద్రబాబు రాద్ధాంతం చేశారు. ఇప్పుడు పోలవరం ప్రాజెక్టును సకాలంలో పూర్తి చేయాలనే ఉద్దేశంతో కేంద్రం అడ్వాన్సుగా ఇచ్చిన నిధులను పదే పదే చంద్రబాబు సర్కార్‌ ఇతర అవసరాలకు మళ్లించేస్తూ ప్రాజెక్టు పనులను నిర్లక్ష్యం చేస్తుండటంపై సర్వత్రా విస్మయం వ్యక్తమవుతోంది.నిధుల మళ్లింపుతో 2025–26 బడ్జెట్‌లో కోతకనీస నీటిమట్టం 41.15 మీటర్ల ఎత్తు వరకే నీటి నిల్వను పరిమితం చేస్తూ పోలవరం ప్రాజెక్టును పూర్తి చేసేందుకు మిగిలిన పనులకు అయ్యే రూ.12,157.53 కోట్లను మాత్రమే ఇచ్చేందుకు 2024, ఆగస్టు 28న కేంద్ర కేబినెట్‌ ఆమోదం తెలిపింది. పోలవరం రిజర్వాయర్‌ను బ్యారేజ్‌గా మార్చేస్తూ.. జీవనాడికి ఉరేస్తూ తీసుకున్న ఆ నిర్ణయాన్ని చంద్రబాబు సర్కార్‌ ఆమోదించింది. ఇక 2026, మార్చి నాటికి ప్రాజెక్టును పూర్తి చేయాలని.. వరదలు వంటి విపత్తులు ఉత్పన్నమైతే ప్రాజెక్టు పూర్తికి మరో ఏడాది గడువు పొడిగిస్తామని కేంద్రం పేర్కొంది. ప్రాజెక్టును సకాలంలో పూర్తి చేసేందుకు అడ్వాన్సుగా నిధులు ఇస్తామని తెలిపింది. ఆ మేరకు 2024–25లో తొలి విడత రూ.2,384 కోట్లు.. రెండో విడత రూ.2,704.41 కోట్లు వెరసి రూ.5,052.71 కోట్లు అడ్వాన్సుగా రాష్ట్ర ప్రభుత్వానికి ఇచ్చింది. ఆ నిధులను ఎస్‌ఎన్‌ఏ ఖాతాలో జమ చేసి.. పోలవరం ప్రాజెక్టు పనులకు మాత్రమే ఖర్చు చేయాలని నిర్దేశించింది. కానీ.. 2024–25లో రెండు విడతలుగా విడుదల చేసిన నిధులను చంద్రబాబు సర్కార్‌ ఇతర అవసరాలకు మళ్లించింది. పీపీఏ, కేంద్ర జల్‌ శక్తి శాఖ పదే పదే లేఖలు రాయడంతో అప్పుడు కొంత అప్పుడు కొంత ఎస్‌ఎన్‌ఏ ఖాతాలో జమ చేసి ఖర్చు చేసింది. 2024–25 ఆరి్థక సంవత్సరం ముగిసే సమయానికి ఇంకా రూ.700 కోట్లు జమ చేయలేదు. దాంతో.. 2025–26 బడ్జెట్‌లో కేటాయించిన రూ.5,936 కోట్లలో రూ.2,918.80 కోట్లు కోత వేసింది. రూ.3,017.20 కోట్లు మాత్రమే కేటాయిస్తూ 2025–26 బడ్జెట్‌ను సవరించింది.అయినా మారని తీరు 2025–26 బడ్జెట్‌లో సవరించిన అంచనాల మేరకు పోలవరానికి కేటా­యించిన రూ.3,017.20 కోట్ల­లో ఫిబ్రవరి 23న రూ.1,508.61 కోట్లు, మార్చి 31న రూ.1,301.61 కోట్లు వెరసి రూ.2,810.22 కోట్లను విడుదల చేసింది. వాటిని ఎస్‌ఎన్‌ఏ ఖాతాలో జమ చేయకుండా ఇతర అవసరాలకు మళ్లించేసింది. పీపీఏ, కేంద్ర జల్‌ శక్తి శాఖ పదే పదే లేఖలు రాస్తుండటంతో ఇప్పటికి రూ.­1,405.92 కోట్లు ఎస్‌ఎన్‌ఏ ఖాతా­లో జమ చేసి వ్యయం చేసింది. ఇప్పటికీ రూ.1,404.30 కోట్లను ఎస్‌ఎన్‌ఏ ఖాతాలో జమ చేయకపోవడం గమనార్హం. ఇక 2026–27 బడ్జె­ట్‌లో పోలవరానికి రూ.­3,320.39 కోట్లను కేంద్రం కేటాయించింది. 2025–26లో అడ్వా­న్సుగా ఇచ్చిన నిధులను పూర్తి స్థాయి­లో వినియోగించుకుని యూసీలు కేంద్రానికి సమర్పిస్తేనే 2026–27 బడ్జెట్‌లో కేటాయించిన నిధులను విడుదల చేస్తామని కేంద్ర జల్‌ శక్తి శాఖ స్పష్టం చేసింది.

సాక్షి, అమరావతి: వెన్నుపోటు పార్టీ కూటమి ప్రభుత్వంలో కుంభకోణాలపై నిరసన తెలుపడమే పాపమైపోతోంది. నిరసన తెలిపిన వారిపై యువగళం మూకతో దాడులు చేయించడమే కాక, బాధితులపైనే కేసులు పెట్టి.. అరెస్టులు చేయిస్తుండటం జంగిల్‌రాజ్‌ పాలనకు అద్దం పడుతోంది. డీఎస్సీ–2025 నియామకాల్లో జరిగిన స్కామ్‌పై సీబీఐ విచారణ కోరుతూ ర్యాలీ నిర్వహించిన వైఎస్సార్‌సీపీ శ్రేణులపై దాడులు చేయడంతో ఆగకుండా అక్రమ కేసులు బనాయించడం కలకలం రేపుతోంది. పరీక్ష రాయకుండానే డీఎస్సీ స్పోర్ట్స్‌ కోటా కింద వందలాది మందికి టీచర్‌ ఉద్యోగాలు కట్టబెట్టారు. స్పోర్ట్స్‌లో మెరిట్‌ చూడకుండా కేవలం పార్టిసిపేషన్‌ సర్టిఫికెట్లతో ప్రభుత్వ ఉద్యోగాలు ఇచ్చేశారు. టీడీపీ ఎమ్మెల్యేలు, ఎంపీలు అధ్యక్షులుగా ఉన్న క్రీడా సంఘాల ద్వారా ఆయా పోటీల్లో పాల్గొనకపోయినా కూడా పాల్గొన్నట్లు తప్పుడు సర్టిఫికెట్లు జారీ చేసి పప్పు బెల్లాల్లా ఉపాధ్యాయ ఉద్యోగాలను పంచిపెట్టేశారు. ఆధారాలతో సహా ఈ స్కామ్‌ బయట పడటంతో చంద్రబాబు, ఆయన తనయుడు లోకేశ్‌ బాధ్యత వహించి.. లెంపలేసుకోవాల్సింది పోయి.. దొంగే దొంగా దొంగా అనిఅరచినట్లు వ్యవహరిస్తుండటం విస్తుగొలుపుతోంది. డీఎస్సీ కుంభకోణానికి సంబంధించి ఎన్నో ఆధారాలను వైఎస్సార్‌సీపీ బయట పెట్టినా, వాటికి మంత్రి లోకేశ్‌ నుంచి ఒక్క మాట కూడా సమాధానంగా రాలేదు. ఈ నేపథ్యంలో ఈ నెల 21∙శాప్‌ కార్యాల­యం ఎదుట నిరసన తెలుపుతామని వైఎస్సార్‌సీపీ ముందుగానే ప్రకటించింది. ఆ మేరకు సోమవారం విజయవాడలోని శాప్‌ కార్యాలయం వద్ద వైఎస్సార్‌సీపీ, నిరుద్యోగ యువత చేపట్టిన ఆందోళనకు పోటీగా ప్రభుత్వమే పోటీ ఆందోళన నిర్వహింప చేసింది. ఇందుకోసం జిల్లాల నుంచి స్పోర్ట్స్‌ కోటాలో నియమితులైన టీచర్లను రప్పించింది. వారి ముసుగులో టీడీపీ గూండాలనూ రంగంలోకి దించింది. జీ హుజూర్‌ అన్న పోలీసులు వైఎస్సార్‌సీపీ శాంతియుత నిరసనను అడ్డుకునేందుకు లోకేశ్‌ యువగళం మూకలు.. స్పోర్ట్స్‌ కోటాలో టీచర్‌ ఉద్యోగాలు పొందిన వారిని అడ్డుపెట్టుకుని దాడులకు తెగబడ్డాయి. దాడులను అడ్డుకోవాల్సిన పోలీసులు.. రెడ్‌బుక్‌ అరాచకాలకు జీ హుజూర్‌ అంటూ చోద్యం చూశారు. వారి చేతుల్లోని లాఠీలు లాక్కుంటున్నా మిన్నకుండిపోయారు. డీఎస్సీ స్కామ్‌పై సీబీఐతో విచారణ జరిపించాలని, బాధ్యత వహిస్తూ విద్యాశాఖ మంత్రి నారా లోకేశ్‌ రాజీనామా చేయాలన్న డిమాండ్‌కు మంత్రి లోకేశ్‌ బదులివ్వలేక సమీకరించిన ఉపాధ్యాయులు, యువగళం మూకలను ఎగదోసినట్లు స్పష్టమవుతోంది. ఆ టీచర్లంతా సోమవారం సెలవుపై వచ్చారా? లేక ఆన్‌ డ్యూటీపై వచ్చారా? అని సర్వత్రా చర్చ జరుగుతోంది. ప్రభుత్వమే పనిగట్టుకుని వారిని పిలిపించి.. పథకం ప్రకారం వారితో గూండాలను కలిపి వైఎస్సార్‌సీపీ శ్రేణులపైకి ఉసిగొల్పిందని ఆ ఘటన తాలూకు వీడియోలు స్పష్టం చేస్తున్నాయి. నిరసనకారులనే కొట్టి.. తిరిగి వారిపైనే తప్పుడు కేసులు శాప్‌ కార్యాలయం ఎదుట జరిగిన ఘటనకు సంబంధించి వాస్తవానికి సీఎం చంద్రబాబు, లోకేశ్‌పై కేసులు పెట్టాలని విశ్లేషకులు స్పష్టం చేస్తున్నారు. ఎందుకంటే అక్కడికి టీడీపీ గూండాలు ముందే ఎలా వచ్చారు? ఎవరు పంపితే వచ్చారు? అని ప్రశ్నిస్తున్నారు. లోకేశ్‌ ప్రమేయం లేకుండా యువగళం ముఠా ఇలా రెచ్చిపోయిందంటే ఎవరూ నమ్మరని చెబుతున్నారు. వాస్తవానికి వీరి చేతిలో దాడికి గురైంది దగాకు గురైన అభ్యర్థులు, విద్యార్థులు, యువత, వైఎస్సార్‌సీపీ నేతలు, కార్యకర్తలు. వీరి ఫిర్యా­దుల మేరకు టీడీపీ గూండాలపై కేసులు నమోదు చేయాలి. అయితే అలా కాకుండా టీడీపీ నేతలు చెప్పిన వైఎస్సార్‌సీపీ నేతలు, కార్యకర్తలపై దుర్మార్గపు సెక్షన్ల కింద కేసులు నమోదు చేశారు. అదీ ఏకంగా 500 మందికి పైగా కేసులు నమోదు చేయడం చూస్తుంటే ఆటవిక రాజ్య పాలనను తలపిస్తోంది. వారిని తమతో పోల్చొద్దంటున్న మెరిట్‌ టీచర్లు పరీక్ష రాయకుండా, కేవలం పార్టిసిపేషన్‌ సర్టిఫికెట్లతో టీచర్‌ ఉద్యోగాలు ఎలా ఇస్తారని.. మెరిట్‌పై టీచర్‌ ఉద్యోగాలు తెచ్చుకున్న వారు ప్రశ్నిస్తున్నారు. అలా తప్పుడు సర్టిఫికెట్లతో ఉద్యోగాలు పొందిన వారు టీచర్లు ఎలా అవుతారని నిలదీస్తున్నారు. అలాంటి వారందరితో తమను కలిపి పోలిక పెట్టవద్దని ఆవేదన వ్యక్తం చేస్తున్నారు. ప్రభుత్వం తీరు చూస్తుంటే తమ గౌరవం తగ్గించే కార్యక్రమం చేస్తుందని ఆవేదన వ్యక్తం చేస్తున్నారు. మరోవైపు చంద్రబాబు ప్రభుత్వం ఆత్మరక్షణలో పడిన ప్రతీసారి ఉద్యోగులను రాజకీయంగా వాడుకోవడం సరికాదని, ఉద్యోగ వర్గాల నుంచి సైతం వ్యతిరేకత వ్యక్తమవుతోంది. ఈ ఘటనపై ఎల్లో మీడియా సైతం వాస్తవాలు దాచి దుష్ప్రచారం చేయడం దుర్మార్గం అని సర్వత్రా విమర్శలు వ్యక్తం అవుతున్నాయి. పోలీసుల లాఠీలు లాక్కొని దాడి చేసిన గూండాలు వీడియోల్లో కనిపిస్తుంటే.. వైఎస్సార్‌సీపీ నేతలు దాడులు చేశారని తిమ్మినిబమ్మి చేస్తోంది.

సాక్షి, అమరావతి: రాష్ట్రంలో ప్రతిభ గల ఉపాధ్యాయ అభ్యర్థులను నిలువునా మోసం చేసి, టీచర్‌ పోస్టులు అమ్ముకున్న కుంభకోణంలో అవాస్తవాలను ప్రచారం చేసేందుకు ప్రభుత్వంలోని పెద్దలు ఓ ప్రత్యేక యంత్రాంగాన్ని సిద్ధం చేశారు. పరీక్షలు రాయకుండా, నకిలీ స్పోర్ట్సు సర్టిఫికెట్లతో ఉద్యోగాలు పొందిన అభ్యర్థులతో ఆందోళనలు చేయించేందుకు ప్రణాళిక అమలు చేస్తున్నారు. మెగా డీఎస్సీ–2025 పేరుతో గొప్పగా ప్రచారం చేసిన టీడీపీ కూటమి ప్రభుత్వం దాన్ని దగా డీఎస్సీగా మార్చేసింది. పరీక్షలు లేకుండా, కనీసం ప్రతిభా సర్టిఫికెట్లు సైతం లేకుండా స్పోర్ట్స్‌ కోటాలో 382 టీచర్‌ పోస్టుల్లో చాలా వరకు దొంగ సర్టిఫికెట్ల ద్వారా తమకు కావాల్సిన వారికి ఇచ్చేసింది. తమకున్న ప్రతిభకు ప్రభుత్వ ఉపాధ్యాయ ఉద్యోగం వస్తుందని ఆశించిన ప్రతిభగల క్రీడాకారులు, కష్టపడి చదివిన పేద, మధ్య తరగతి కుటుంబాలకు చెందిన లక్షలాది మంది ఉపాధ్యాయ అభ్యర్థులను నిలువునా ముంచేసింది. ఆధారాలతో సహా కుంభకోణం బయట పడడం, నష్టపోయిన అభ్యర్థులు ప్రభుత్వాన్ని నిలదీస్తున్నారు. ఇదే క్రమంలో బాధితులకు ప్రతిపక్ష వైఎస్సార్‌సీపీ అండగా నిలిచి పోరాటం చేస్తోంది. ఈ క్రమంలో జరిగిన తప్పును సరిచేయాలని, నిష్పాక్షికంగా సీబీఐ విచారణ చేయాలని డిమాండ్‌ చేస్తూ ఈనెల 21న ఆంధ్రప్రదేశ్‌ క్రీడా ప్రాధికార సంస్థ (శాప్‌) కార్యాలయం వద్ద శాంతియుత ఆందోళనకు పిలుపునిచ్చింది. అయితే, ఈ ఆందోళనను హింసాత్మకంగా మార్చేందుకు ఓపక్క కుట్రపన్ని, మరోపక్క జిల్లాల నుంచి స్పోర్ట్స్‌ డీఎస్సీ ద్వారా ఎంపికైన టీచర్లను రెండు రోజులు ముందే విజయవాడకు తరలించారు. ఈ బాధ్యతను ఆయా జిల్లాల డీఈవోలకు అప్పగించి వారికి అన్ని ఏర్పాట్లు చేయాలని మంత్రి కార్యాలయం ఆదేశించినట్టు విశ్వసనీయ సమాచారం. ఇందుకోసం ప్రతి జిల్లాకు ఇద్దరు ఎంఈవోలు బాధ్యతలను భుజాన వేసుకుని జాబితా ఆధారంగా స్పోర్ట్స్‌ కోటా టీచర్లను పిలిచారు. రెగ్యులర్‌ డీఎస్సీ–2025 అభ్యర్థులు వచ్చేందుకు అంగీకరించక పోవడంతో స్పోర్ట్స్‌ టీచర్లను తరలించారు. రాకుంటే ఉద్యోగాలు పోతాయని బెదిరించి మరీ రప్పించినట్టు తెలిసింది. అంతేగాకుండా వీరి కోసం ఏసీ బస్సులు ఏర్పాటు చేసి విజయవాడకు తరలించి ఇక్కడ హోటళ్లలో లగ్జరీ సదుపాయాలు కల్పించారు. ఈనెల 20వ తేదీన సభ నిర్వహించి, మరుసటి రోజు ప్రతిపక్షం చేపట్టిన నిరసనను అడ్డుకునేందుకు శాప్‌ కార్యాలయానికి తరలించారు. యథేచ్ఛగా అధికార దుర్వినియోగం డీఎస్సీ స్కామ్‌ బయట పడినప్పటి నుంచి ప్రభుత్వం అధికార దుర్వినియోగానికి పాల్పడుతోంది. ఉద్యోగాలు పొందిన వారి­తో తొలుత ఆందోళనలు నిర్వహించింది. ఆ తర్వాత వారిని జిల్లా విద్యాశాఖ అధికారులు తరలించి సభలు పెట్టించారు. దీనిపై ఆ అభ్యర్థులతో పాటు అన్ని వర్గాల నుంచి తీవ్రంగా వ్యతిరేకత రావడంతో బెదిరింపులకు దిగారు. తాము పరీక్ష రాసి ఉద్యోగాల్లోకి వచ్చామని, ఇలాంటి సభలకు వచ్చేది లేద­ని తేల్చి చెప్పడంతో ఇప్పుడు పరీక్షలు రాయకుండా ఉద్యోగాలు పొందిన స్పోర్ట్స్‌ డీఎస్సీ టీచర్లతో కథ నడిపిస్తున్నారు. ప్రతి జిల్లా నుంచి 35 మంది చొప్పున రవాణా కోసం ఏసీ బస్సు­లు, అల్పాహారం, భోజనం తదితర ఖర్చులకు రూ.7 లక్షల వరకు బడ్జెట్‌ ఖర్చు చేసినట్టు తెలుస్తోంది. ఈ మొత్తం విద్యా­శాఖ అధికారులే వెచ్చించాల్సి రావడంతో తమ జేబులకు చి­ల్లు పడుతోందని వారు లబోదిబోమంటున్నట్లు సమాచారం.‘ఓడీ’ పెట్టి మరీ ఆందోళనకు..సోమవారం విజయవాడలో శాప్‌ కార్యాలయం వద్ద జరిగిన ఆందోళనలో స్పోర్ట్స్‌ డీఎస్సీ ద్వారా నియామకమైన టీచర్లు సెలవు తీసుకోకుండా ‘అదర్‌ డ్యూటీ’ (ఓడీ)పై వెళ్లడం కలకలం రేపుతోంది. సాధారణంగా ఉపాధ్యాయులు పాఠశాలలో విధులకు హాజరు కాకపోతే సెలవు పెట్టాలి. విద్యా సంబంధ విధులపై అధికారికంగా వెళితే ఓడీకి దరఖాస్తు చేయాలి. కానీ, సోమవారం విజయవాడలో జరిగిన ఆందోళనకు జిల్లాల నుంచి కొత్తగా నియామకమైన స్పోర్ట్స్‌ ఉపాధ్యాయులు ఓడీపై వెళ్లడం చూస్తుంటే ప్రభుత్వమే వారిని ప్రోత్సహించినట్టు స్పష్టమవుతోంది. సోమవారం విధులకు హాజరు కాకుండా అటెండెన్స్‌ యాప్‌లో ‘ఓడీ’ పెట్టిన టీచర్లకు కొన్ని జిల్లాల్లో అధికారులు మంగళవారం షోకాజ్‌ నోటీసులు ఇచ్చినట్టు తెలిసింది.

సాక్షి, అమరావతి: రెడ్‌బుక్‌ అరాచకాలకు పరాకాష్టగా కక్ష సాధింపు రాజకీయాలకు చంద్రబాబు ప్రభుత్వం మరో కుట్రకు తెరతీసింది. తప్పు మీద తప్పు చేస్తు­న్న చంద్రబాబు సర్కారును ప్రశ్నిస్తున్న ప్రతిపక్షంపై ‘రౌడీ ముద్ర’ వేయడానికి బరితెగించింది. రాష్ట్ర చరిత్రలోనే కనీవినీ ఎరుగని రీతిలో వైఎస్సార్‌సీపీకి చెందిన ఎమ్మెల్సీతోపాటు ఏకంగా 51 మంది నేతలు, మాజీ కార్పొరేటర్లు, కార్యకర్తలపై ఒకేసారి రౌడీషీట్లు తెరిచేందుకు ఆదేశాలు జారీచేసింది. డీఎస్సీ స్కామ్‌­లో ప్రజా కోర్టులో దోషిగా నిలబడిన తన తనయుడు లోకేశ్‌ను రక్షించుకునేందుకు చంద్రబాబు మరో డైవర్షన్‌ కుట్రకు పోలీసులను ప్రయోగించారు. మున్సి­పల్‌ ఎన్నికలకు సన్నద్ధమవుతున్న తరుణంలో వైఎస్సార్‌సీపీ నేతలపై అణచివేత చర్యలకు దిగారు. ప్రభు­త్వ పెద్దల డైరెక్షన్‌లో విజయవాడ నగర పోలీస్‌ కమిషనర్‌ రాజశేఖర్‌బాబు ఈ అసాధారణ ఆదేశాలు ఇవ్వడంపై విమర్శలు వెల్లువెత్తుతున్నా­యి. ఐదేళ్ల క్రితం నాటి ఘటనను సాకుగా చూపి ఎమ్మెల్సీ తలశిల రఘురామ్, ఎన్టీఆర్‌ జిల్లా వైఎస్సార్‌సీపీ అధ్యక్షుడు దేవినేని అవినాష్ తోపాటు 51మందిపై రౌడీ­షీట్లు తెరవాలంటూ విజయవాడ సీపీ ఆయా పోలీస్‌ స్టేషన్‌ హౌస్‌ ఆఫీసర్లకు ఉత్తర్వులు ఇచ్చారు. ఇది ప్రతిపక్ష పార్టీపై రౌడీ ముద్ర వేసే కుట్ర అని పలువురు విమర్శిస్తున్నారు. డీఎస్సీ అక్రమాలపై వైఎస్సార్‌సీపీ పోరు ఉవ్వెత్తున ఎగసిపడుతున్న వేళ చంద్ర­బాబు ప్రభుత్వం సమాధానం చెప్పలేక చేతులెత్తేసింది. అందుకే ఐదేళ్ల క్రితం నాటి కేసును ఇప్పుడు డైవ­ర్ష­న్‌ కోసం వాడుకుంటోంది. హైకోర్టు ముందస్తు బె­యిల్‌ ఇచ్చిన వారిని, పోలీసులే అరెస్టు అవసరం లేద­ని నోటీసులు ఇచ్చిన వదిలేసిన వారిని ఇప్పుడు రౌడీలుగా చిత్రీకరించేందుకు సిద్ధమైంది. వైఎస్సార్‌సీపీ నేతలపై రౌడీషీట్లు తెరిచే బాధ్యతలను తొమ్మిది పోలీస్‌­స్టేషన్లకు ఆదేశాలు ఇవ్వడంతోపాటు నలుగురు ఏసీపీలకు ప్రత్యక్ష పర్యవేక్షణ అప్పగించారు. ఒక్క­రు కూడా తప్పించుకోకుండా పకడ్బందీ కుట్ర ఇది. ప్రభుత్వ పెద్ద­ల డైరెక్షన్‌లో సాగుతున్న రాజకీయ వేట కాక మ­రే­మిటన్న ప్రశ్న ఇప్పుడు రాష్ట్రమంతా ప్రతిధ్వనిస్తోంది. 2021 కేసు.. ఐదేళ్లకు ఆగమేఘాలపై ఆదేశాలు.. మంగళగిరి టీడీపీ కార్యాలయంపై 2021 జరిగిన ఘటనకు సంబంధించి మంగళగిరి రూరల్‌ పోలీస్‌ స్టేషన్‌లో నమోదైన క్రైం నంబర్‌ 650/2021 కేసును సాకుగా చూపుతూ ఈ ఆదేశాలు ఇచ్చారు. సీరియల్‌ నెంబర్‌ 210/ఎస్‌బీ/ఎస్‌3/2026 పేరిట మంగళవారం(22.09.2026) కమిషనరేట్‌ నుంచి మెమో జారీ అయింది. భవానీపురం, అజిత్‌సింగ్‌నగర్, నున్న, కృష్ణలంక, మాచవరం, పటమట, గవర్నర్‌పేట, గుణదల, సత్యనారాయణపురం స్టేషన్ల ఎస్‌హెచ్‌ఓలు తమ పరిధిలోని వారిపై రౌడీషీట్లు తెరిచి వెంటనే నివేదిక పంపాలని ఆదేశించారు. వెస్ట్, నార్త్, సౌత్, సెంట్రల్‌ ఏసీపీలు ఈ ప్రక్రియను ‘వ్యక్తిగతంగా‘ పర్యవేక్షించాలని స్పష్టం చేశారు. ఒక కేసులో నిందితులపై ఇంత హడావుడిగా, ఇంత పెద్దఎత్తున రౌడీషీట్ల ఆపరేషన్‌ చేపట్టడం వెనుక ఉన్న రాజకీయ లక్ష్యం ఏమిటో చెప్పనక్కర్లేదు. ప్రజాప్రతినిధులూ ‘రౌడీలే’నట! జాబితాలో ఎమ్మెల్సీ తలశిల రఘురాం, విజయవాడలో వైఎస్సార్‌సీపీకి వెన్నెముకగా ఉన్న దేవినేని అవినాష్, మాజీ ఫ్లోర్‌ లీడర్‌ అరవ సత్యం, మాజీ కార్పొరేటర్‌ కాలపాల అంబేడ్కర్‌ సహా డివిజన్‌ స్థాయి నాయకులంతా ఉన్నారు. చట్టసభ సభ్యుడిని, ప్రజలు ఓట్లేసి గెలిపించిన ప్రతినిధులను రౌడీల జాబితాలో చేర్చడం ప్రజాస్వామ్యం ముఖంపై ఉమ్మేయడమేనని ప్రజాస్వామ్యవాదులు మండిపడుతున్నారు. ఆటో డ్రైవర్లు, డీజే ఆపరేటర్, చిరుద్యోగులు, సామాన్య కార్యకర్తలు, చివరకు ఒక మహిళ కూడా ఈ జాబితాలో ఉండటం సర్కారు కక్ష ఎంత లోతుగా ఉందో చెబుతోంది. న్యాయస్థానం రక్షణ కల్పించినవారిపై రౌడీషీట్లా..? రౌడీషీట్లు తెరవాలంటూ పంపిన జాబితానే పోలీసుల తీరును నిలదీస్తోంది. 51 మందిలో 19 మందికి హైకోర్టు ముందస్తు బెయిల్‌ (క్రిమినల్‌ పిటిషన్‌ నం.6546/2024, తేదీ 01.10.2024) మంజూరు చేసింది. తలశిల రఘురాం, దేవినేని అవినాష్‌ సహా ముగ్గురిని పోలీసులు అరెస్టు కూడా చేయలేదు, కేవలం నోటీసులు ఇచ్చి పంపారు. మరో 14 మంది విషయంలో అరెస్టు, బెయిల్‌ వివరాలేవీ జాబితాలో లేవు. అంటే న్యాయస్థానం రక్షణ కల్పించినవారిని, స్వయంగా పోలీసులే అరెస్టు అవసరం లేదని భావించినవారిపై ఇప్పుడు ఉన్నపళంగా రౌడీషీట్లు ఓపెన్‌ చేయడమేమిటి? ఇది కోర్టు ఇచ్చిన రక్షణను దొడ్డిదారిన నిర్వీర్యం చేసే ప్రయత్నమేనని, ప్రజాస్వామ్య వ్యవస్థలో అధికారంలో ఉన్నవారు ఇలాంటి కక్షసాధింపు చర్యలకు దిగడం విచారకరమని న్యాయనిపుణులంటున్నారు.డీఎస్సీ అక్రమాలు... స్థానిక ఎన్నికలు.. ఇదే నేపథ్యం.. ఘటన జరిగింది 2021లో. కూటమి అధికారంలోకి వచ్చి రెండేళ్లు దాటింది. సంబంధం లేనివారిపై కేసులు, అరెస్టులు, నోటీసులు, బెయిళ్లు అన్నీ కూటమి ప్రభుత్వం వచ్చీరాగానే 2024లోనే ముగిశాయి. మరి ఇన్నాళ్లూ గుర్తుకురాని రౌడీషీట్లు సరిగ్గా డీఎస్సీ పోరు ఊపందుకున్న వేళ, మున్సిపల్‌ ఎన్నికలకు సన్నద్ధమవుతున్న వేళ ఎందుకు గుర్తొచ్చాయి? అలవాటుగా నేరాలు చేసేవారిపై, శాంతిభద్రతలకు నిరంతర ముప్పుగా మారినవారిపై తెరవాల్సిన రౌడీషీట్లను.. కోర్టులో విచారణ దశలో ఉన్న ఒక్క కేసు ఆధారంగా టోకుగా 51 మందిపై ఎలా తెరుస్తారు? ఏ నిబంధనలు ఇందుకు అనుమతిస్తున్నాయి? ఈ ప్రశ్నలకు పోలీసు పెద్దల దగ్గర సమాధానం లేదు. ఉన్నదల్లా పైనుంచి వచ్చిన ఆదేశాలేనన్న విమర్శలు బలంగా వినిపిస్తున్నాయి.డీఎస్సీ పోరుపై ఉక్కుపాదం డీఎస్సీ అక్రమాలపై నిరుద్యోగుల పక్షాన వైఎస్సార్‌సీపీ వీధుల్లోకి రావడంతో సర్కారు ఉక్కిరిబిక్కిరవుతోంది. లక్షలాది మంది నిరుద్యోగుల ఆవేదనకు జవాబు చెప్పలేక, ఉద్యమాన్ని ముందుండి నడిపిస్తున్న నాయకులను భయపెట్టి ఇళ్లకే పరిమితం చేయాలన్న కుట్రే ఈ రౌడీషీట్ల వెనుక ఉందని వైఎస్సార్‌సీపీ శ్రేణులు ఆరోపిస్తున్నాయి. రౌడీషీట్‌ పడితే వారం వారం స్టేషన్‌లో హాజరు, నిరంతర నిఘా, కదలికలపై ఆంక్షలు. ప్రతిపక్షాన్ని నోరెత్తకుండా చేయడమే అసలు లక్ష్యం.రాష్ట్ర చరిత్రలో చీకటి అధ్యాయం..అధికారంలోకి వచ్చిన నాటి నుంచి రెడ్‌బుక్‌ పేరుతో సాగుతున్న వేధింపులు ఇప్పుడు అధికారిక మెమోల రూపం దాల్చాయి. అక్రమ కేసులు, అరెస్టులతో ఆగని కక్షసాధింపు.. ఇప్పుడు ఏకంగా ఒక పార్టీ నాయకత్వాన్నే నేరగాళ్ల జాబితాలోకి ఎక్కించే స్థాయికి చేరింది. ప్రజాస్వామ్యంలో ప్రతిపక్షం గొంతు నొక్కేందుకు పోలీసు వ్యవస్థను ఇంత బాహాటంగా పావుగా వాడుకోవడం రాష్ట్ర చరిత్రలో ఓ చీకటి అధ్యాయంగా మిగిలిపోతుందని రాజకీయ విశ్లేషకులు హెచ్చరిస్తున్నారు. నేడు ప్రతిపక్ష నేతలు.. రేపు ప్రశ్నించే ప్రతి పౌరుడు. ఇదే కొనసాగితే రాష్ట్రంలో ప్రజాస్వామ్యానికి ఇక చోటెక్కడ?

సాక్షి,తాడేపల్లి: డీఎస్సీ అక్రమాలపై శాప్‌ కార్యాలయం ఎదుట శాంతియుతంగా ఆందోళన చేపట్టిన వైఎస్సార్‌సీపీ శ్రేణులలపై టీడీపీ మూకలు దౌర్జన్యాయానికి దిగాయని వైస్సార్‌సీపీ పార్టీ ప్రధాన కార్యదర్శి జూపూడి ప్రభాకర్ ధ్వజమెత్తారు. తాడేపల్లి వైఎస్సార్‌సీపీ కేంద్ర కార్యాలయంలో ఆయన మీడియాతో మాట్లాడారు.ఏపీలో ప్రభుత్వమే గూండాగురీకి దిగింది.శాంతియుత నిరసన ర్యాలీపై టీడీపీ గూండాలు దాడులు చేస్తారా?.పోలీసుల చేతిలోని లాఠీలను లాక్కుని దాడులకు దిగుతారా?.నిరసనలో పాల్గొనేందుకు వచ్చిన దివ్యాంగుల చేతిలోని కర్రలను లాక్కుని దాడి చేశారు. లోకేష్‌ని ఎవరైనా ఏమైనా అంటే చంపేస్తామని వారు బెదిరిస్తున్నారు. అసలు శాప్ ఆఫీసు దగ్గర ఈ ప్రైవేటు వ్యక్తులకు ఏం పని?.మా ఇష్టం వచ్చినట్లు పాలన చేస్తామని చంద్రబాబు, లోకేష్ అంటున్నారు.డీఎస్సీ అక్రమాలపై వైఎస్ జగన్ ప్రశ్నిస్తే ఎందుకు తట్టుకోలేక పోతున్నారు?. యువగళంలో పాల్గొన్న వారికి టీచరు ఉద్యోగాలు ఇచ్చేస్తారా?.అర్హులకు అన్యాయం చేసి అనర్హులకు ఉద్యోగాలు ఇవ్వటం సబబేనా?.విద్యాశాఖ మంత్రిగా లోకేష్ అనర్హుడు.టీచర్లను రెచ్చగొట్టి పోటీ ధర్నాలు చేయించటం ఇక్కడే చూస్తున్నాం.రేపు ప్రభుత్వం మారితే వారి పరిస్థితి ఏంటి?. డీఎస్సీ అక్రమాలపై కచ్చితంగా సీబిఐ విచారణ జరపాల్సిందే.ఇలా దాడులు చేయించేవారు విద్యాశాఖకు మంత్రిగా పనికి రారు.అధికారులను పంపటం కాకుండా లోకేష్ మీడియా ముందుకు ఎందుకు రావడం లేదు?. డీఎస్సీ అక్రమాలపై పోరాటం కొనసాగుతుంది.అక్రమాలపై చంద్రబాబు ప్రభుత్వం నైతిక బాధ్యత వహించరా?.ఈ అక్రమాలపై కచ్చితంగా సీబిఐతో విచారణ జరపాల్సిందే. ప్రశ్నిస్తానన్న పవన్ కళ్యాణ్ డీఎస్సీ అక్రమాలపై ఎందుకు నోరు మెదపటం లేదు?’అని ప్రశ్నించారు.

సాక్షి, తాడేపల్లి: శాప్ కార్యాలయం ఎదుట ధర్నాతో ప్రభుత్వ కూసాలు కదిలాయని.. జెన్ జీ కదిలి వచ్చి నిరసనల్లో పాల్గొందని.. దీన్ని జీర్ణించుకోలేక ఎల్లో మీడియా తప్పుడు కథనాలు రాసిందని వైఎస్సార్‌సీపీ అధికార ప్రతినిధి నాగార్జున యాదవ్‌ అన్నారు. మంగళవారం ఆయన మీడియా మాట్లాడుతూ.. చంద్రబాబు శిఖండి రాజకీయాలు చేయటం సిగ్గుచేటు. మా నిరసన కార్యక్రమంపై నాలుగు రోజుల క్రితమే పర్మిషన్ కోరాం.. కానీ మాకు పోటీగా కొందరు రౌడీ దళాన్ని ఎందుకు తెచ్చారు?’’ అంటూ నాగార్జున యాదవ్‌ ప్రశ్నించారు.‘‘నారా లోకేష్ రౌడీ దళం మాపై దాడులు చేశారు. పోలీసుల చేతిల్లోని లాఠీలు లాక్కుని మాపై దాడి చేశారు. పోలీసుల తుపాకులు కూడా వారికి దొరికి ఉంటే మా పరిస్థితేంటి?. డీఎస్సీలోని అక్రమాలపై ప్రశ్నిస్తే లోకేష్ ఉత్తర కుమారుడిలా మాట్లాడుతున్నారు. మా ప్రశ్నలకు ఎందుకు సమాధానం చెప్పటం లేదు?. నిరసనలు తెలిపితే మాపై దాడులా?. మీ బ్యారికేడ్లు మా భావజాలాన్ని ఆపలేక పోయాయి...మీ అరెస్టులు మా ధైర్యాన్ని నిలవరించలేవు. డీఎస్సీ అక్రమాలపై సీబిఐ విచారణ జరపాల్సిందే. అప్పటిదాకా మా ఉద్యమం ఆగదు. శాప్ ఆఫీసు దగ్గరకు గురువుల ముసుగులో గూండాలు వచ్చారు. ఆ గూండాలకు పోలీసులే రక్షణ కల్పించటం దుర్మార్గం’’ అంటూ నాగార్జున యాదవ్‌ దుయ్యబట్టారు.ఇదీ చదవండి: రౌడీ దళాన్ని దించినా డీఎస్సీపై పోరు ఆగదు

సాక్షి, తాడేపల్లి: రేపు(బుధవారం) సాయంత్రం 5 గంటలకు గవర్నర్‌ను వైఎస్సార్‌సీపీ అధినేత, మాజీ ముఖ్యమంత్రి వైఎస్‌ జగన్‌మోహన్‌రెడ్డి కలవనున్నారు. శాప్‌ కార్యాలయం వద్ద వైఎస్సార్‌సీపీ నాయకులపై దాడి ఘటనపై వైఎస్‌ జగన్‌ ఫిర్యాదు చేయనున్నారు. డీఎస్సీ అక్రమాలపై సీబీఐ విచారణ చేయించాలని వైఎస్‌ జగన్‌ కోరనున్నారు.పార్టీ నాయకులతో ఇవాళ(మంగళవారం) వైఎస్ జగన్ సమావేశం నిర్వహించారు. నిన్నటి వైఎస్సార్‌సీపీ శాంతియుత ర్యాలీలపై టీడీపీ గూండాల దాడిపై చర్చించారు. చంద్రబాబు, లోకేష్‌ల పథకానికి కొంతమంది పోలీసులు కొమ్ముకాశారని పార్టీ నాయకులు వైఎస్‌ జగన్‌కు వివరించారు. ఈ దాడి ఘటనను పార్టీ సీరియస్‌గా తీసుకుంటుందన్న వైఎస్‌ జగన్‌.. ఈ వ్యవహారాన్ని గవర్నర్‌కు కలిసి వివరించాలని నిర్ణయించారు.డీఎస్సీ స్కాంలో చంద్రబాబు, లోకేష్‌లు అడ్డంగా దొరికారని.. సీబీఐ విచారణకు డిమాండ్‌ చేస్తుంటే తట్టుకోలేకపోతున్నారంటూ వైఎస్‌ జగన్‌ మండిపడ్డారు. స్కామ్‌లను బయటపెడుతుంటే దాడులు చేస్తున్నారు. నిన్న(సోమవారం) వైఎస్సార్‌సీపీ చేసిన ర్యాలీ కార్యక్రమంతో డీఎస్సీ స్కాంపై మరోసారి చర్చ జరిగింది.. దీన్ని డైవర్ట్‌ చేయడానికి చంద్రబాబు, లోకేష్‌లు గూండాలను దింపారని వైఎస్‌ జగన్‌ అన్నారు.ఇదీ చదవండి: రౌడీ దళాన్ని దించినా డీఎస్సీపై పోరు ఆగదు

సాక్షి, గుంటూరు: వైఎస్సార్‌సీపీ నేతలపై కూటమి సర్కార్‌ కక్ష సాధింపు చర్యలు కొనసాగుతున్నాయి. శాప్‌ ఆఫీస్‌ వద్ద డీఎస్సీ అక్రమాలపై నిరసన చేసినందుకు కేసులు నమోదు చేశారు. మంగళగిరి పోలీస్‌ స్టేషన్‌లో మాజీ మంత్రి అంబటి రాంబాబుపై అక్రమ కేసు నమోదైంది. ఆయనతో పాటు మురళి, ఫాతిమా, డైమండ్‌ బాబుపై అక్రమ కేసులు నమోదు చేశారు.వైఎస్సార్‌సీపీ నేతలపై మాచవరం స్టేషన్‌లో పోలీసులు అక్రమ కేసులు నమోదు చేశారు అర్ధరాత్రి వైఎస్సార్‌సీపీ విద్యార్థి విభాగం రాష్ట్ర వర్కింగ్ ప్రేసిడెంట్ రవిచంద్ర, వైసీపీ నేత సుందరపాల్‌ను అరెస్ట్ చేశారు. వైఎస్సార్‌సీపీ కార్యకర్తలపై టీడీపీ గూండాలు దాడి చేయగా.. టీడీపీ గూండాలను వదిలి వైఎస్సార్‌సీపీ నేతలపై కేసులు పెట్టారు. శాప్ కార్యాలయం వద్ద వైఎస్సార్‌సీపీ శాంతియుత నిరసన చేపట్టిన సంగతి తెలిసిందే. కవ్వింపు చర్యలకు దిగిన టీడీపీ గూండాలు.. పోలీసుల చేతిలో ఉన్నా లాఠీలతో వైఎస్సార్‌సీపీ శ్రేణులపై దాడులు చేశారు.మెగా డీఎస్సీ పేరుతో భారీ కుంభకోణానికి పాల్పడ్డ చంద్రబాబు సర్కారు అవినీతిని ప్రశ్నిస్తూ.. బాధితులకు, నిరుద్యోగులకు న్యాయం జరగాలనే లక్ష్యంతో వైఎస్సార్‌ కాంగ్రెస్‌ పార్టీ విజయవాడలోని ఆంధ్రప్రదేశ్‌ రాష్ట్ర క్రీడా ప్రాధికార సంస్థ (శాప్‌) కార్యాలయం వద్ద సోమవారం భారీ ధర్నా చేపట్టింది. శాంతియుతంగా జరుగుతున్న పోరుబాట కార్యక్రమాన్ని కూటమి సర్కారు కుట్రలతో అడ్డుకుని ఉద్దేశపూర్వకంగానే ఉద్రిక్తతలకు దారితీసేలా రెచ్చగొట్టి వైఎస్సార్‌సీపీ శ్రేణులు, నిరుద్యోగులపై ఉక్కుపాదం మోపింది.ప్రశాంతంగా జరుగుతున్న నిరసనలపై చంద్రబాబు సర్కారు గూండాలను మోహరించి రాక్షస క్రీడకు తెగబడింది. మెగా డీఎస్సీ 2025లో అక్రమాలను కప్పిపుచ్చుకునేందుకు బరి తెగించి అరాచక దాడులకు పురిగొల్పింది. కళ్లెదుట కనిపిస్తున్న మెగా డీఎస్సీ అక్రమాలకు సమాధానం చెప్పలేక, నిజాయతీని నిరూపించుకోవడం చేతగాక.. ప్రశ్నించిన వారిపై ప్రైవేటు సైన్యాన్ని ఉసిగొల్పింది. శాంతియుతంగా నిరసన తెలపడానికి వచ్చిన వారిపై లాఠీచార్జీ జరిపి అక్రమ అరెస్టులకు పాల్పడింది.ఇదీ చదవండి: ఖాకీలు తోడుగా టీడీపీ గూండాల దాడి

సాక్షి, అమరావతి: బంగాళాఖాతంలో కొనసాగుతున్న అల్పపీడనం వా­యు­గుండంగా మారినట్లు వాతా­వరణ శాఖ తెలిపింది. భారత వాతావరణ శాఖ(ఐఎండీ) వెల్లడించింది. ఇది విశాఖ–గోపాలపూర్‌ మధ్య రేపు(బుధవారం) రాత్రి నుంచి ఎల్లుండి (గురువారం) తెల్లవారుజాములోపు తీరం దాటే అవకాశం ఉందని పేర్కొంది. నేడు ఉత్తర కోస్తా జిల్లాల్లో భారీ నుంచి అతి భారీ వర్షాలు కురిసే అవకాశముందని ఐఎండీ వెల్లడించింది.పూరీకి 310 కి.మీ, కళింగపట్నంకు 390 కి.మీ, విశాఖకు 470 కి.మీ దూరంలో ఇది కేంద్రీకృతమై ఉన్నట్లు వివరించింది. దీని ప్రభావంతో 23, 24 తేదీల్లో పలుచోట్ల భారీ నుంచి అతిభారీ వర్షాలు కురిసే అవకాశం ఉన్నట్లు పేర్కొంది. ఈ నేపథ్యంలో 23న కాకినాడ, కోనసీమ, తూర్పు, పశ్చిమ గోదావరి, కృష్ణా జిల్లాలకు రెడ్‌ అలెర్ట్‌ జారీ చేశారు.శ్రీకాకుళం, పార్వతీపురం మన్యం, విజయనగరం, విశాఖ, అల్లూరి, అనకాపల్లి, ఏలూరు, ఎన్టీఆర్‌ జిల్లాల్లో భారీ వర్షాలు కురుస్తాయని హెచ్చరిస్తూ ఆరెంజ్‌ అలెర్ట్‌ ఇచ్చారు. 24న కాకినాడ, కోనసీమ, తూర్పు గోదావరి, పశ్చిమ గోదావరి, ఏలూరు జిల్లాలకు రెడ్‌ అలెర్ట్‌.. అల్లూరి, అనకాపల్లి, ఎన్టీఆర్, కృష్ణా జిల్లాలకు ఆరెంజ్‌ అలెర్ట్‌ జారీ చేశారు. మిగిలిన కోస్తా జిల్లాల్లోనూ మోస్తరు వర్షాలు కురుస్తాయని వాతావరణ శాఖాధికారులు తెలిపారు.సముద్ర వాతావరణం అత్యంత అలజడిగా మారింది. ఐదురోజుల పాటు మత్స్యకారులు వేటకు వెళ్లకూడదని వాతావరణ శాఖ హెచ్చరించింది. కోస్తా తీరం వెంబడి గంటకు 50–60 కిలోమీటర్ల వేగంతో ఈదురుగాలులు వీచే అవకాశం ఉందని పేర్కొంది. కాగా, సోమవారం కాకినాడ జిల్లా శంఖవరంలో అత్యధికంగా 6 సెంటీమీటర్ల వర్షం కురిసింది.ఇదీ చదవండి: మీకు మీరే సర్టీఫికెట్‌ ఇచ్చుకుంటారా?

సాక్షి, అమరావతి: రాష్ట్రంలో ఐదు వేల కంటే ఎక్కువ జనాభా ఉన్నా, ఐదు కిలోమీటర్ల పరిధిలో 78 గ్రామాలకు బ్యాంకు సౌకర్యంలేదు. ఈ గ్రామాల ప్రజలు బ్యాంకుకు వెళ్లాలంటే ఐదు కిలోమీటర్లపైన ఉన్న మండలానికి వెళ్లాల్సి ఉంటుంది. అయితే వీటిలో ఇప్పటివరకు ఏడు గ్రామాలకు మాత్రమే బ్యాంకు సౌకర్యం కల్పించారు. మరో 49 గ్రామాలకు బ్యాంకు సౌకర్యం కల్పించేందుకు చర్యలు తీసుకుంటున్నారు. మిగిలిన 22 గ్రామాల్లో బ్యాంకుల ఏర్పాటు సాధ్యంకాదని తేల్చారు. అత్యధికంగా అనంతపురం జిల్లాలో 15 గ్రామాలకు ఐదు కిలోమీటర్ల పరిధిలో బ్యాంకు సౌకర్యంలేదు. కర్నూలు జిల్లాలో 14 గ్రామాలకు, శ్రీ సత్యసాయి జిల్లాలో 12 గ్రామాలకు, పల్నాడు జిల్లాలో 8 గ్రామా లకు, అన్నమయ్య, నంద్యాల జిల్లాల్లో ఐదేసి గ్రామాలకు, ప్రకాశంలో నాలుగు గ్రామాలకు, నెల్లూరు జిల్లాలో మూడు గ్రామాలకు, శ్రీకాకుళం, ఏలూరు, వైఎస్సార్‌ కడప జిల్లాల్లో రెండేసి గ్రామాలకు, బాపట్ల, చిత్తూరు, తూర్పు గోదావరి, డాక్టర్‌ బీఆర్‌ అంబేడ్కర్‌ కోనసీమ, ఎన్టీఆర్, పశ్చిమ గోదావరి జిల్లాల్లో ఒక్కో గ్రామం చొప్పున ఐదు కిలోమీటర్ల పరిధిలో బ్యాంకు సౌకర్యం లేదు.

సాక్షి, అమరావతి: బంగాళాఖాతంలో కొనసాగుతున్న అల్పపీడనంవా­యు­గుండంగా మారినట్లు వాతా­వరణ శాఖ తెలిపింది. ఇది విశాఖ–గోపాలపూర్‌ మధ్య బుధవారం రాత్రి నుంచి గురువారం తెల్లవారుజాములోపు తీరం దాటే అవకాశం ఉందని పేర్కొంది. పూరీకి 310 కి.మీ, కళింగపట్నంకు 390 కి.మీ, విశాఖకు 470 కి.మీ దూరంలో ఇది కేంద్రీకృతమై ఉన్నట్లు వివరించింది. దీని ప్రభావంతో 22న ఓ మోస్తరు వర్షాలు, 23, 24 తేదీల్లో పలుచోట్ల భారీ నుంచి అతిభారీ వర్షాలు కురిసే అవకాశం ఉన్నట్లు పేర్కొంది. ఈ నేపథ్యంలో 23న కాకినాడ, కోనసీమ, తూర్పు, పశ్చిమ గోదావరి, కృష్ణా జిల్లాలకు రెడ్‌ అలెర్ట్‌ జారీ చేశారు. శ్రీకాకుళం, పార్వతీపురం మన్యం, విజయనగరం, విశాఖ, అల్లూరి, అనకాపల్లి, ఏలూరు, ఎన్టీఆర్‌ జిల్లాల్లో భారీ వర్షాలు కురుస్తాయని హెచ్చరిస్తూ ఆరెంజ్‌ అలెర్ట్‌ ఇచ్చారు. 24న కాకినాడ, కోనసీమ, తూర్పు గోదావరి, పశ్చిమ గోదావరి, ఏలూరు జిల్లాలకు రెడ్‌ అలెర్ట్‌.. అల్లూరి, అనకాపల్లి, ఎన్టీఆర్, కృష్ణా జిల్లాలకు ఆరెంజ్‌ అలెర్ట్‌ జారీ చేశారు. మిగిలిన కోస్తా జిల్లాల్లోనూ మోస్తరు వర్షాలు కురుస్తాయని వాతావరణ శాఖాధికారులు తెలిపారు. ఈ మూడ్రోజులు మత్స్యకారులు వేటకు వెళ్లకూడదని ప్రభుత్వం హెచ్చరించింది. కోస్తా తీరం వెంబడి గంటకు 50–60 కిలోమీటర్ల వేగంతో ఈదురుగాలులు వీచే అవకాశం ఉందని పేర్కొంది. కాగా, సోమవారం కాకినాడ జిల్లా శంఖవరంలో అత్యధికంగా 6 సెంటీమీటర్ల వర్షం కురిసింది.

సాక్షి, అమరావతి: జూనియర్‌ వైద్యులకు (జూడా) చంద్రబాబు ప్రభుత్వం ధోకా ఇచ్చింది. కొన్నేళ్లుగా ఆనవాయితీగా వస్తున్న స్టైపెండ్‌ 15 శాతం పెంపు విధానాన్ని పూర్తిగా ఎత్తేసింది. ఈ ఏడాది పెంచా ల్సిన స్టైపెండ్‌లో భారీగా కోత పెట్టడమే కాకుండా, వచ్చే ఏడాది నుంచి కేవలం 3.5 శాతమే పెంపు ఉంటుందంటూ ఉత్తర్వులు జారీ చేసింది. ప్రభుత్వ నిర్ణయాన్ని జూనియర్‌ వైద్యులు తీవ్రంగా వ్యతిరేకిస్తున్నారు. ప్రభుత్వ ఏకపక్ష నిర్ణయాన్ని అంగీకరించే ప్రసక్తే లేదని స్పష్టంచేశారు.స్టైపెండ్‌ పెంపు డిమాండ్‌తో ఇటీవల రాష్ట్రవ్యాప్తంగా జూడాలు సమ్మె చేసిన విషయం తెలిసిందే. తొలుత వారి డిమాండ్‌ను చంద్రబాబు ప్రభుత్వం పట్టించుకోలేదు. దీంతో జూడాలు సమ్మె బాట పట్టారు. చివరకు స్టైపెండ్‌ సమస్యను పరిష్కరించాలని రాష్ట్ర ప్రభుత్వాన్ని హైకోర్టు ఆదేశించింది. సమ్మె విరమించాలని జూడాలకు సూచించింది. హైకోర్టు సూచన మేరకు జూడాలు సమ్మె విరమించి, రోగుల సేవలో నిమగ్నమయ్యారు. జూడాల స్టైపెండ్‌ను అరకొరగా పెంచుతూ ప్రభుత్వం సోమవారం ఉత్తర్వులు జారీచేసింది. ఏటా 15 శాతం పెంపు విధానానికి మంగళం పాడింది. ఈ ఒక్క ఏడాదికి ఎంబీబీఎస్, బీడీఎస్‌ ఇంటరన్స్‌కు 10 శాతం, పీజీ, ఎండీఎస్, డీఎన్‌బీ విద్యార్థులకు 5 శాతం చొప్పున స్టైపెండ్‌ పెంచుతున్నట్టు వైద్య శాఖ కార్యదర్శి జి. వీరపాండియన్‌ జారీచేసిన ఉత్తర్వుల్లో పేర్కొంది. ఈ ఏడాది జనవరి నుంచి పెంపును వర్తింపజేస్తామని తెలిపింది. వచ్చే ఏడాది (2027) జనవరి నుంచి ఏటా 3.5 శాతం చొప్పున వార్షిక పెంపు అమలవుతుందని తెలిపింది.పీజీలకు తీరని అన్యాయంపెరిగిన జీవన వ్యయం, ఇతర ఖర్చులు దృష్టిలో పెట్టుకుని స్టైపెండ్‌ 30 శాతం పెంచాలని జూడాలు తొలుత డిమాండ్‌ చేశారు. అయితే 3.5 శాతం మాత్రమే పెంచుతామని ప్రభుత్వం పట్టుబట్టింది. పలు దఫాలుగా ప్రభుత్వంతో చర్చలు జరి పిన అనంతరం ఇంటరన్స్, స్పెషాలిటీ, సూపర్‌ స్పెషాలిటీ ఇలా అన్ని వర్గాల జూడాలకు ఆనవాయితీగా వస్తున్న 15 శాతం పెంచాలని జూడాలు కోరారు. ఈ డిమాండ్‌ను కూడా ప్రభుత్వం కనీసం పరిగణనలోకి తీసుకోకుండా అరకొరగా స్టైపెండ్‌లు పెంచింది. ముఖ్యంగా బోధనాస్పత్రులతో పాటు, సెకండరీ హెల్త్‌ ఆస్పత్రుల్లో కష్టపడి పని చేసే పీజీలకు స్టైపెండ్‌ పెంపులో ప్రభుత్వం తీవ్ర అన్యాయం చేసింది. ఈ ఏడాదికి కేవలం 5 శాతం మాత్రమే పెంచింది.ప్రభుత్వ ఏకపక్ష నిర్ణయాన్ని వ్యతిరేకిస్తున్నాంస్టైపెండ్‌ పెంపులో ప్రభుత్వం ఏకపక్షంగా వ్యవహరించిందని ఏపీ జూనియర్‌ డాక్టర్స్‌ అసోసియేషన్‌ ఆందోళన వ్యక్తం చేసింది. ప్రభుత్వం ప్రకటించిన స్టైపెండ్‌ అంగీకరించబోమని సంఘం రాష్ట్ర అధ్యక్షుడు డాక్టర్‌ ఈశ్వర్‌ శంకర్‌ ప్రకటించారు. తమ డిమాండ్లను ఎప్పటికప్పుడు చర్చల్లో ప్రభుత్వం ముందు ఉంచామన్నారు. అయినా పరస్పర అంగీకారం లేకుండా ఏకపక్షంగా స్టైపెండ్‌ను ప్రకటించారన్నారు. ఏపీ జూడాల్లో సీనియర్‌ రెసిడెంట్స్‌ కూడా భాగమేనని, అయినా వారి ప్రస్తావనేలేదని చెప్పారు. స్టైపెండ్‌ సమగ్ర సవరణలో సీనియర్‌ రెసిడెంట్‌లను ప్రభుత్వం తప్పనిసరిగా పరిగణనలోకి తీసుకోవాలన్నారు. ప్రభుత్వం జారీ చేసిన ఉత్తర్వులను పునఃపరిశీలించాలని డిమాండ్‌ చేశారు.

సాక్షి, అమరావతి: పచ్చమూకల పైశాచికంతో ప్రజాస్వామ్యం మంటగలిసింది. ప్రశాంతంగా జరుగుతున్న నిరసనలపై చంద్రబాబు సర్కారు గూండాలను మోహరించి రాక్షస క్రీడకు తెగబడింది. మెగా డీఎస్సీ 2025లో అక్రమాలను కప్పిపుచ్చుకునేందుకు బరి తెగించి అరాచక దాడులకు పురిగొల్పింది. కళ్లెదుట కనిపిస్తున్న మెగా డీఎస్సీ అక్రమాలకు సమాధానం చెప్పలేక, నిజాయతీని నిరూపించుకోవడం చేతగాక.. ప్రశ్నించిన వారిపై ప్రైవేటు సైన్యాన్ని ఉసిగొల్పింది. శాంతియుతంగా నిరసన తెలపడానికి వచ్చిన వారిపై లాఠీచార్జీ జరిపి అక్రమ అరెస్టులకు పాల్పడింది. ప్రశాంతంగా ఉన్న విజయవాడ నగరంలో చంద్రబాబు సర్కారు దమనకాండను చూసి యావత్‌ రాష్ట్రం నిర్ఘాంతపోయింది. చరిత్రలో మునుపెన్నడూ లేని విధంగా కనీవినీ ఎరుగని రీతిలో చంద్రబాబు సర్కారు రెడ్‌బుక్‌ అరాచకాలు రాష్ట్ర భవిష్యత్తుపై ప్రజల్లో తీవ్ర భయాందోళనలను రేకెత్తిస్తున్నాయి. తప్పు జరుగుతోందని నిలదీస్తే.. అక్రమాలను అడ్డుకోవాలని ప్రయత్నిస్తే.. లాఠీలతో తలలు పగలగొడతామనేలా, సంకెళ్లు వేసి నడిరోడ్డుపై ఈడ్చి పడేస్తామనేలా చంద్రబాబు, లోకేశ్‌ నడుపుతున్న గూండారాజ్యంలో రెడ్‌బుక్‌ రాజ్యాంగం పరాకాష్టకు చేరింది. మెగా డీఎస్సీ పేరుతో భారీ కుంభకోణానికి పాల్పడ్డ చంద్రబాబు సర్కారు అవినీతిని ప్రశ్నిస్తూ.. బాధితులకు, నిరుద్యోగులకు న్యాయం జరగాలనే లక్ష్యంతో వైఎస్సార్‌ కాంగ్రెస్‌ పార్టీ విజయవాడలోని ఆంధ్రప్రదేశ్‌ రాష్ట్ర క్రీడా ప్రాధికార సంస్థ (శాప్‌) కార్యాలయం వద్ద సోమవారం భారీ ధర్నా చేపట్టింది. శాంతియుతంగా జరుగుతున్న పోరుబాట కార్యక్రమాన్ని కూటమి సర్కారు కుట్రలతో అడ్డుకుని ఉద్దేశపూర్వకంగానే ఉద్రిక్తతలకు దారితీసేలా రెచ్చగొట్టి వైఎస్సార్‌సీపీ శ్రేణులు, నిరుద్యోగులపై ఉక్కుపాదం మోపింది. ఖాకీలు.. గూండాలు కుమ్మక్కు! ‘శాప్‌’ కార్యాలయం వద్ద ఉదయం 10 గంటలకు ధర్నా నిర్వహిస్తామని వైఎస్సార్‌సీపీ ముందుగానే సమాచారం ఇచ్చింది. అందుకు అనుమతినివ్వాల్సిందిగా పోలీస్‌ శాఖను లిఖిత పూర్వకంగా కోరినా ఇవ్వలేదు. ముందుగా ప్రకటించిన మేరకు శాప్‌ కార్యాలయం వద్దకు దివ్యాంగ నిరుద్యోగులు, పార్టీ శ్రేణులు ఉదయమే చేరుకున్నాయి. వారంతా కేవలం బ్యానర్‌ పట్టుకుని శాప్‌ గేటు వద్ద బైఠాయించి నినాదాలు మాత్రమే చేశారు. మెగా డీఎస్సీలో నకిలీ సర్టిఫికెట్లతో పెద్ద ఎత్తున ఉద్యోగాలు పొందారన్న ఆరోపణలపై సీబీఐతో నిష్పక్షపాతంగా విచారణ జరిపించాలని డిమాండ్‌ చేస్తున్న సమయంలో అక్కడికి చేరుకున్న టీడీపీ యువగళం ప్రైవేట్‌ గూండాలు వారిపై ఒక్కసారిగా దాడి చేశారు. కనీసం దివ్యాంగులని కూడా చూడకుండా అమానుషంగా ప్రవర్తించారు. కాళ్లు లేని వారు తెచ్చుకున్న ఊతకర్రలను లాక్కుని వాటితోనూ, రాళ్లతోనూ వైఎస్సార్‌సీపీ శ్రేణులు, నిరుద్యోగులను విచక్షణారహితంగా చావబాదారు. టీడీపీ అనుబంధ టీఎన్‌ఎస్‌ఎఫ్‌ నేతలు, టీడీపీ కార్యకర్తలు టీచర్ల ముసుగులో చొరబడి వైఎస్సార్‌సీపీ శ్రేణులపై దాడి చేశారు. ఈ దాడిలో పలువురు వైఎస్సార్‌సీపీ నేతలు, కార్యకర్తలు, నిరుద్యోగులు తీవ్రంగా గాయపడ్డారు. దాడులకు పాల్పడుతున్న వారు తాము లోకేశ్‌ అభిమానులమని, యువగళం సభ్యులమని ప్రకటించుకున్నారు. వారికి పోలీసులు అన్ని విధాలుగా సహాయ సహకారాలు అందించారు. పాశవికంగా దాడులు చేస్తున్న వారిని ఏమాత్రం అడ్డుకోలేదు. శాప్‌ కార్యాలయం గేటు వద్ద తిష్ట వేసిన టీడీపీ గూండాలను అక్కడి నుంచి పంపించపోగా వారికి భద్రత కల్పించారు. వారేమీ డీఎస్సీ అభ్యర్ధులు కాదు.. నిరుద్యోగులు అంతకంటే కాదు.. మరి అలాంటి వారిని ఇక్కడ ఎందుకు మోహరించారని పోలీసులను పలువురు ప్రశ్నించినా స్పందించలేదు. గేటు వద్ద గూండాలను మోహరించడంతో తీవ్ర ఉద్రిక్త వాతావరణం ఏర్పడింది. కొద్ది సేపటికి వైఎస్సార్‌సీపీ నేతలు పెద్ద ఎత్తున శాప్‌ కార్యాలయం వద్దకు చేరుకున్నారు. దీంతో ప్రైవేటు సైన్యాన్ని పక్కకు పంపేసి పోలీసు బలగాలు రంగంలోకి దిగాయి. దొరికినవారిని దొరికినట్లుగా, ఆడమగా అనే తేడా లేకుండా లాఠీలతో చితకబాదారు. అటుగా వచ్చిన ప్రైవేటు స్కూల్‌ బస్సుపై ఎక్కి నిరసన తెలుపుతున్న వారిని అరెస్ట్‌ చేసి అదే బస్సులో పోలీస్‌ స్టేషన్‌కు తరలించారు. రోడ్డుపై బైఠాయించిన నేతలను ఈడ్చి పారేశారు. ఈ క్రమంలో జరిగిన లాఠీచార్జిలో వైఎస్సార్‌సీపీ కార్మి­క విభాగం అధ్యక్షుడు గౌతంరెడ్డి సొమ్మసిల్లి కిందపడిపోయారు. పార్టీ నేతలు ఆయన్ను ఆస్పత్రికి తరలించారు. విజయవాడ శాప్‌ కార్యాలయానికి వస్తున్న డీఎస్సీ బా«ధిత అభ్యర్థులు, వైఎస్సార్‌సీపీ శ్రేణులు, నిరుద్యోగులను బారికేడ్లు పెట్టి అడ్డుకుంటున్న పోలీసులు పక్కా కుట్ర.. మెగా డీఎస్సీ నియామకాల్లో అక్రమాలపై సీబీఐ విచారణకు ఆదేశించాలని డిమాండ్‌ చేస్తూ వైఎస్సార్‌సీపీ చేపట్టిన పోరుబాటను అడ్డుకునేందుకు చంద్రబాబు సర్కారు పక్కా కుట్ర పన్నింది. అందులో భాగంగానే డీఎస్సీ స్పోర్ట్స్‌ కోటాలో ఉపాధ్యాయ ఉద్యోగాలు పొందిన వారిని ముందురోజే విజయవాడకు రప్పించింది. వారితో తప్పుడు వాంగ్మూలాలు ఇప్పించి, వీడియోలు తీసి వాటిని సామాజిక మాధ్యమాల్లో ప్రచారం చేసింది. వారందరికీ నగరంలోనే రాత్రి బస కల్పించింది. సోమవారం ఉదయమే వారందరినీ శాప్‌ కార్యాలయం వద్దకు తరలించింది. అక్కడ వారికి ప్రత్యేకంగా టెంట్లు, కుర్చీ­లు వేసి మైకులు, ప్లకార్డులు సమకూర్చింది. వారంతా అసభ్య పదజాలంతో నిరసన కారులను రెచ్చగొట్టేలా అరుపులు, కేకలు వేశారు. అనుకూల మీడియాను మాత్రమే లోపలికి అనుమతించి వారితో మాట్లాడించి ఆ ఛానళ్లలో తప్పుడు ప్రచారం చేయించారు. మరోవైపు వైఎస్సార్‌ సీపీ శ్రేణులు లోపలికి రాకుండా శాప్‌ కార్యాలయం గేట్లకు తాళం వేశారు. గేటు బయట అడ్డంగా టీడీపీ యువగళం బ్యాచ్‌ గూండాలను నిలబెట్టారు. ఇలా పక్కా ప్రణాళికతో వైఎస్సార్‌సీపీ, నిరుద్యోగుల ధర్నాను అడ్డుకోవడానికి ప్రభుత్వం ముందస్తుగా కుట్రలు పన్నింది. వైఎస్సార్‌సీపీ ధర్నాకు అనుమతివ్వని చంద్రబాబు సర్కారు.. డీఎస్సీ స్పోర్ట్స్‌ కోటాలో ఉద్యోగాలు పొందిన వారిని శాప్‌ కార్యాలయం ప్రాంగణం లోపలే కూర్చోబెట్టి ప్లకార్డులతో నినాదాలు చేసేందుకు అనుమతించడంలోనే కుట్ర బట్టబయలు అవుతోంది. ఇక వారంతా బాధ్యతాయుతమైన ఉపాధ్యాయులమనే ఇంగిత జ్ఞానం కూడా లేకుండా వైఎస్సార్‌సీపీ శ్రేణుల్లో మహిళలను అసభ్య పదజాలంతో దూషిస్తూ రెచ్చగొట్టే ప్రయత్నం చేశారు. పోలీసులు వైఎస్సార్‌సీపీ శ్రేణులు, నిరుద్యోగులపై లాఠీచార్జి చేస్తూ తరిమికొడుతున్నప్పుడు మైకుల్లో వ్యంగ్యంగా వ్యాఖ్యానాలు చేస్తూ తాము ముందుగా రూపొందించుకున్న పాటలను ఆలపించారు. ఎక్కడికక్కడ ఆంక్షలు.. అక్రమ అరెస్టులు కుట్రల్లో భాగంగా చంద్రబాబు సర్కారు ఎక్కడికక్కడ పోలీసు ఆంక్షలను ప్రయోగించింది. శాప్‌ కార్యాలయం వద్ద శాంతియుతంగా ధర్నా చేసేందుకు వస్తున్న నిరుద్యోగులు, నాయకులు, కార్యకర్తలను ఎక్కడికక్కడ అడ్డుకుంది. ముందుగానే హౌస్‌ అరెస్టులు, అరెస్టులకు పాల్పడింది. శాప్‌ కార్యాలయానికి వెళ్లే అన్ని రహదారుల్లో భారీగా పోలీసులను మోహరించింది. అడుగడుగునా బారికేడ్లు పెట్టించింది. విజయవాడకు వస్తున్న వైఎస్సార్‌సీపీ నేతలను జిల్లాల సరిహద్దుల్లోనే పోలీసులు అడ్డుకున్నారు. మాజీ మంత్రి అంబటి రాంబాబు, తాడికొండ నియోజకవర్గ సమన్వయకర్త వనమా బాల వజ్రబాబు, పొన్నూరు నియోజకవర్గ సమన్వయకర్త అంబటి మురళీకృష్ణ, గుంటూరు తూర్పు నియోజకవర్గ సమన్వయకర్త నూరి ఫాతిమా తదితరులను కాజా టోల్‌ప్లాజా వద్ద అడ్డుకున్నారు. అక్కడే బైఠాయించిన అంబటి రాంబాబును పోలీసులు అరెస్టు చేసి పెదకాకాని పోలీస్‌ స్టేషన్‌కు తరలించారు. విజయవాడలో మాజీ ఎమ్మెల్యే మల్లాది విష్ణుతో పాటు పలువురు నేతలను అరెస్టు చేశారు. బాపట్ల మండలం చుండూరుపల్లి వద్ద మాజీ డిప్యూటీ స్పీకర్‌ కోన రఘుపతిని పోలీసులు అడ్డుకోవడంతో ఆయన రోడ్డుపై బైఠాయించి నిరసన తెలిపారు. అనంతరం ఆయన్ను బాపట్ల పోలీస్‌ స్టేషన్‌కు తరలించారు. ఏలూరు నుంచి విజయవాడకు వస్తున్న వైఎస్సార్‌సీపీ యువజన నాయకుడు కామిరెడ్డి నానిని కలపర్రు టోల్‌ప్లాజా వద్ద పోలీసులు అడ్డుకుని అరెస్టు చేశారు. కృష్ణా జిల్లా పార్టీ నేతలకు నోటీసులు ఇవ్వడంతో పాటు మచిలీపట్నంలోని వైఎస్సార్‌సీపీ కార్యాలయం వద్ద పోలీసులను మోహరించారు. అడ్డుగోడలు బద్ధలు కొట్టుకుని.. పోలీసులను మోహరించి చంద్రబాబు సర్కారు విధించిన ఆంక్షలు, అడ్డంకులను లెక్కచేయకుండా వైఎస్సార్‌ సీపీ నేతలు భారీ ఎత్తున తరలివచ్చి ధర్నాలో పాల్గొన్నారు. మాజీ మంత్రులు మేరుగు నాగార్జున, వెలంపల్లి శ్రీనివాసరావు, ఎమ్మెల్సీలు లేళ్ల అప్పిరెడ్డి, పర్వతరెడ్డి చంద్రశేఖర్‌రెడ్డి, మొండితోక అరుణ్‌ కుమార్, రమేష్‌ యాదవ్, వరుదు కళ్యాణి, ఇశ్రాయేలు, మురుగుడు హనుమంతరావు, కవురు శ్రీనివాస్, సీహెచ్‌ ఏసురత్నం, రుహుల్లా, మాజీ ఎమ్మెల్యేలు టీజేఆర్‌ సుధాకర్‌ బాబు, మల్లాది విష్ణు, గోపిరెడ్డి శ్రీనివాసరెడ్డి, బొల్లా బ్రహ్మనాయుడు, కొట్టగుళ్ల భాగ్యలక్ష్మి, నల్లగట్ల స్వామిదాస్, ఎన్టీఆర్‌ జిల్లా పార్టీ అధ్యక్షుడు దేవినేని అవినాష్, యువజన విభాగం రాష్ట్ర అధ్యక్షుడు జక్కంపూడి రాజా, వర్కింగ్‌ ప్రెసిడెంట్‌ పేర్ని కిట్టు, విద్యార్ధి విభాగం అధ్యక్షుడు పానుగంటి చైతన్య, వర్కింగ్‌ ప్రెసిడెంట్‌ రవిచంద్ర, జగ్గయ్యపేట ఇన్‌చార్జీ తన్నీరు నాగేశ్వరరావు, నందిగామ ఇన్‌చార్జీ మొండితోక జగన్‌మోహన్‌రావు, పెనమలూరు నియోజకవర్గ ఇన్‌చార్జి దేవభక్తుని చక్రవర్తి రాష్ట్ర అధికార ప్రతినిధులు నాగార్జున యాదవ్, ఆరె శ్యామల, పూనూరు గౌతంరెడ్డి, పోతిన మహేష్‌, కాకుమాను రాజశేఖర్, అంజిరెడ్డి, వంగవీటి నరేంద్ర, మాజీ మేయర్‌ భాగ్యలక్ష్మి, పెనమలూరు పార్టీ ఇన్‌చార్జ్‌ దేవభక్తుని చక్రవర్తి, గిరిజన నేత గుండా సురేంద్ర, పార్టీ నేత వెన్నపూస రవీంద్రారెడ్డి తదితరులు వైఎస్సార్‌ సీపీ శ్రేణులతో కలసి శాప్‌ కార్యాలయం వద్దకు చేరుకున్నారు. డీఎస్సీలో అక్రమ నియామకాలపై సీబీఐ విచారణ జరిపించాలని నినదించారు. వైఎస్సార్‌సీపీ నేతలపై హత్యాయత్నం కేసు నమోదు లబ్బీపేట (విజయవాడతూర్పు): నిరసన తెలిపిన వైఎస్సార్‌సీపీ నేతలపై విజయవాడ పోలీసులు అక్రమ కేసు నమోదు చేశారు. హత్యాయత్నానికి సంబంధించిన 109(1)తోపాటు బీఎన్‌ఎస్‌189, 221, 223, 127, 132, ఎస్సీ,ఎస్టీ యాక్ట్‌ 3(2)(వి) సెక్షన్లను అక్రమంగా బనాయించారు. 17 మందిని నిందితులుగా పేర్కొనగా వారిలో జక్కంపూడి రాజా, పేర్ని కిట్టు, నాగార్జున యాదవ్‌ ఉన్నారు. వీరిని 11.30కి కృష్ణలంక పోలీస్‌స్టేషన్‌కు తీసుకువచ్చి.. రాత్రి 11 గంటలవరకు అక్కడే ఉంచారు. ఎమ్మెల్సీలు తలశిల రఘురామ్, మొండితోక అరుణకుమార్, లీగల్‌ సెల్‌ అధ్యక్షులు మనోహర్‌ రెడ్డి తదితరులు కృష్ణలంక పోలీస్‌ స్టేషన్‌కు వచ్చి పోలీసులతో మాట్లాడిన తర్వాత 41, 151 నోటీసులు ఇచ్చి వదిలిపెట్టారు.రోడ్డుపై పడుకుని ఎమ్మెల్సీల నిరసన..శాప్‌ కార్యాలయం వద్ద తమను అడ్డుకోవడాన్ని నిరసిస్తూ వైఎస్సార్‌సీపీ ఎమ్మెల్సీలు, నాయకులు రోడ్డుపై పడుకుని నిరసన చేపట్టారు. రోడ్డుపై బైఠాయించారు. డీఎస్సీ నియామకాలపై సీబీఐ విచారణకు డిమాండ్‌ చేశారు. శాంతియుతంగా నిర­సన తెలిపే హక్కును పోలీ­సులు అడ్డుకోవడం సరికాదని మండిపడ్డారు. మెగా డీఎస్సీ–­2025లో ముఖ్యంగా స్పోర్ట్స్‌ కోటా నియామకాల్లో అవకతవకలు జరిగాయని స్పష్టం చేశారు. తప్పుడు క్రీడా ధ్రువపత్రా­లతో ఉద్యో­గాలు పొందినట్లు తేలితే బాధ్యులపై చర్యలు తీసుకోవడంతో పాటు అర్హులైన అభ్యర్థులకు న్యాయం చేయాలని పేర్కొన్నారు. వైఎస్సార్‌సీపీ యువజన విభాగం రాష్ట్ర అధ్యక్షుడు జక్కంపూడి రాజా, వర్కింగ్‌ ప్రెసిడెంట్‌ పేర్ని కిట్టు, తదితరులను పోలీసులు అరెస్ట్‌ చేసి కృష్ణలంక పోలీస్‌ స్టేషన్‌కు తరలించారు. దాదాపు మూడు గంటల పాటు ఈ దౌర్జన్యకాండ కొనసాగింది.

సాక్షి, నెట్‌వర్క్‌: ఆపన్నులను ఆదుకోవాలనే ఉద్దేశం ప్రభుత్వ పెద్దలకు లేకపోతే ఆ సర్కారు తీరు ఎలా ఉంటుందో చంద్రబాబు ప్రభుత్వంలో పింఛనుకు నోచుకోని వృద్ధులు, వితంతువులు, దివ్యాంగులు, ఒంటరి మహిళలను చూస్తే తెలుస్తుంది. వైఎస్సార్‌సీపీ ప్రభుత్వంలో వలంటీర్లు ఇళ్ల వద్దకే వచ్చి దరఖాస్తులు తీసుకొని, పింఛన్లు ఇప్పించేవారు. 2024లో చంద్రబాబు ప్రభుత్వం రాగానే పింఛన్లకు కొత్త దరఖాస్తులు తీసుకోవడం మానేసింది. ఎక్కడా దరఖాస్తు చేసుకొనే అవకాశం కూడా లేకుండా చేసింది. దీంతో పింఛనుకు అర్హులైన దివ్యాంగులు, వృద్ధులు, వితంతువులు, ఒంటరి మహిళలు కార్యాలయాల చుట్టూ తిరుగుతున్నారు. 27 నెలల తర్వాత కొత్త పింఛన్లకు దరఖాస్తులకు అనుమతించిన ప్రభుత్వం.. కేవలం 9 రోజులే గడువిచి్చంది. దీంతో వేలాది మంది ధ్రువపత్రాలు సమకూర్చుకోలేక ఆన్‌లైన్‌లో దరఖాస్తు చేసుకోలేకపోయారు. మరికొందరు ఆన్‌లైన్‌లో ఎంత ప్రయత్నించినా దరఖాస్తు తీసుకోలేదు. దీంతో చివరి ప్రయత్నంగా సోమవారం జిల్లాల్లో నిర్వహించిన పీజీఆర్‌ఎస్‌లో అధికారులకు తమ వేదన విన్నవించేందుకు దివ్యాంగులు, వృద్ధులు, వితంతువులు, ఒంటరి మహిళలు తరలివచ్చారు. ఇలా అధికారులకు తమ గోడును వెళ్లబోసుకొని, పింఛను ఇప్పించాలని వేడుకొన్నారు.

సాక్షి, అమరావతి: డీఎస్సీలో అక్రమాలతో అర్హు­లైన యువతకు ఉద్యోగాలు దక్కకుండా చేసి, అనర్హులకు పోస్టులు కట్టబెట్టడంపై వైఎస్సార్‌సీపీ పెద్ద ఎత్తున చేపట్టిన ఉద్యమం నుంచి ప్రజలను పక్కదారి పట్టించే డైవర్షన్‌ డ్రామాల్లో చంద్రబాబు సర్కారు మరో అంకానికి తెరలేపింది. ఆంధ్రప్రదేశ్‌ నిరుద్యోగ వెటర్నరీ గ్రాడ్యుయేట్లు అండ్‌ పోస్ట్‌ గ్రాడ్యుయేట్ల సంఘం పేరుతో కొందరిని వైఎస్సార్‌సీపీ కార్యాలయంపైకి పంపింది.వారికి తోడుగా తెలుగుదేశం పార్టీకి చెందిన ఐటీడీపీ వారిని కెమెరాలతో పంపింది. వెటర్నరీ అసిస్టెంట్‌ సర్జన్‌ (వీఏఎస్‌) పోస్టులకు పరీక్షలు నిర్వహించడానికి వైఎస్సార్‌సీపీ కారణమంటూ సోమవారం వారంతా తాడేపల్లిలోని వైఎస్సార్‌సీపీ కేంద్ర కార్యాలయం వద్ద గొడవకు దిగారు. వారంతా పసుపు రంగు ప్లకార్డులు ప్రదర్శించారు. ఏ పరీక్షా లేకుండా ఈ పోస్టులను భర్తీ చేయాలంటూ నినాదాలు చేశారు. డీఎస్సీ స్పోర్ట్స్‌ కోటా తరహాలోనే పశు వైద్యుల పోస్టు (వీఏఎస్‌ పోస్టు)లను ఎటువంటి పరీక్షలు లేకుండా తాము కోరుకున్న వారికి కట్టబెట్టేసేందుకు చంద్రబాబు ప్రభుత్వం ప్రయతి్నంచింది. దీనిపై ‘సాక్షి’లో వరుస కథనాలు ప్రచురించటంతో ప్రభుత్వం విధిలేని పరిస్థితుల్లో వెనక్కు తగ్గింది. ఏపీపీఎస్సీ ద్వారా పరీక్ష నిర్వహించి పోస్టులు భర్తీ చేసేలా ఉత్తర్వులు జారీ చేసింది. మరోపక్క చంద్రబాబు కూటమి నేతలు వీఏఎస్‌ పోస్టుల అభ్యర్థుల పేరుతో కొందరిని వైఎస్సార్‌సీపీ పైకి ఉసిగొల్పారు. డీఎస్సీలో అక్రమాలపై సోమవారం వైఎస్సార్‌సీపీ విజయవాడలోని శాప్‌ కార్యాలయం వద్ద ఆందోళనకు దిగిన సమయంలోనే వీరు తాడేపల్లిలోని వైఎస్సార్‌సీపీ కార్యాలయం వద్ద ప్రత్యక్షమయ్యారు.వీఏఎస్‌ పోస్టులకు పరీక్ష వద్దంటూ నినాదాలు చేస్తూ ధర్నాకు దిగారు. ‘పరీక్షలు రాయం.. ఉద్యోగాలు ఇవ్వాలి.. ప్రభుత్వం పరీక్షలు లేకుండా ఉద్యోగాలు ఇస్తే మీకేమి నొప్పి’ అంటూ కొందరు అనటం అందరినీ ఆశ్చర్యపరిచింది. వైఎస్సార్‌సీపీ లీగల్‌ సెల్‌ అధ్యక్షుడు మలసాని మనోహర్‌రెడ్డి వారి వద్దకు వచ్చి ఎంత సర్ది చెప్పినా వారు మరింత రెచి్చ­పోయి.. వైఎస్సార్‌సీపీ కార్యకర్తలను రెచ్చగొట్టేలా నినాదాలు చేశారు. విజయవాడలో శాప్‌ కార్యాలయం వద్ద వైఎస్సార్‌సీపీ ఆందోళన ముగియగానే వైఎస్సార్‌సీపీ కార్యాలయం వద్ద గొడవ చేస్తున్న వారికి టీడీపీ కార్యాలయం నుంచి సమాచారం అందింది. ఆ వెంటనే వారంతా అక్కడి నుంచి వెళ్లిపోవడం కొసమెరుపు.

సాక్షి, అమరావతి: రెడ్‌బుక్‌ రాజ్యాంగం అమలు చేయడానికి అధికారంలోకి వచ్చాక చంద్రబాబు తనయుడు లోకేశ్‌ రౌడీ­లు, గూండాలతో ఓ ప్రైవేటు సైన్యాన్ని తయా­రు చేసుకున్నారు. తమ ప్రభుత్వం చేసే తప్పులను ఎత్తి చూపుతూ, వాస్తవాలను వెలుగులోకి తెచ్చే పత్రికలపైన, తమ అవినీతిని అక్రమాలను ప్రశ్నిస్తున్న ప్రతిపక్ష పార్టీలపైనా వారిని ప్ర­యోగిస్తున్నారు. మెగా డీఎస్సీలో జరిగిన కుంభ­కోణంపై సీబీఐ విచారణ చేపట్టాలని డిమాండ్‌ చేస్తూ సోమ­వారం వైఎస్సార్‌సీపీ శ్రేణులు, నిరుద్యోగులు శాప్‌ కార్యాలయం వద్ద చేపట్టిన నిరసన ర్యాలీ, ధర్నా కార్యక్రమాలను అడ్డుకున్న ఆ బ్యాచ్, గతంలో సాక్షి పత్రిక కార్యాలయంపై దాడులకు తెగబడ్డ దుండగులు ఒక్కరేనని తేలింది. నాడు విజయవాడ ఆటోనగర్‌లోని సాక్షి ప్రధాన కార్యాలయంపై దాడిచేసిన టీడీపీ రౌడీలు నేమ్‌ బోర్డును సైతం పెకిలించారు. వారే ఇప్పుడు డీఎస్సీపై జరుగుతున్న ఆందోళనలను అడ్డుకోవడానికి రంగంలోకి దిగారు. సా­క్షిపై జరిగిన దాడులకు సంబంధించిన ఫొటోల్లోను, డీఎస్సీ నిరసనలపై జరిగిన దాడులకు సంబంధించిన ఫొటోల్లోను వారు స్పష్టంగా కనిపిస్తున్నారు. దారినపోయే వాళ్లమంటూ బుకాయింపు ఉద్దేశపూర్వకంగానే వైఎస్సార్‌సీపీ శ్రేణులతో గొడవ పెట్టుకుని, ఘర్షణకు పాల్పడ్డారు. ‘అసలు మీరు ఎవరు? మీకు, ఈ ఆందోళన కార్యక్రమానికి ఏమిటి సంబంధం? ఎక్కడి నుంచి వచ్చారు?’ అని శాప్‌ కార్యాలయం గేటు వద్ద సాక్షి ప్రతినిధి వారిని ప్రశ్నించారు. అయితే తాము రోడ్డు మీద వెళుతూ శాప్‌ కార్యాలయం వద్ద జరుగుతున్న ఆందోళనను చూసి వచ్చామని, తమ అభిమాన నాయకుడు లోకేశ్‌ను కొందరు దూషిస్తుంటే చూసి తట్టుకోలేక అడ్డుకున్నామని వారు బుకాయించారు.కానీ అంతకుముందే ఈ గూండాలు డీఎస్సీ అభ్యర్థులను స్టేడియం గేటు నుంచి సురక్షితంగా లోపలికి పంపిస్తూ కనిపించారు. పోలీసులు వీరికి రాచమర్యాదలు చేశారు. సాక్షాత్తు షాడో పోలీసుల్లా ప్రతిచోటా లా అండ్‌ ఆర్డర్‌ను వారే తమ చేతుల్లోకి తీసుకున్నారు. వారు అనుకున్నది పూర్తయిన తరువాత.. అప్పటికే వైఎస్సార్‌సీపీ శ్రేణులు భారీగా చేరుకోవడం చూసి, పోలీసులే దగ్గరుండి ఈ ప్రైవేటు గూండాలందరినీ జాగ్రత్తగా అక్కడి నుంచి పంపించేశారు.

విజయవాడ: డీఎస్సీ– 2025 నియామకాల్లో అక్రమాలపై సీబీఐ విచారణకు ఆదేశించాలని డిమాండ్‌ చేస్తూ వైఎస్సార్‌సీపీ చేపట్టిన పోరుబాటను అడ్డుకునేందుకు ప్రభుత్వం పోలీసు ఆంక్షలను ప్రయోగించింది. మరోవైపు శాప్‌ కార్యాలయం వద్ద వైఎస్సార్‌సీపీ శ్రేణులపై టీడీపీ వర్గాలు కర్రలు, రాళ్లతో దాడులకు పాల్పడ్డాయి. విజయవాడ శాప్‌ కార్యాలయం వద్ద శాంతియుతంగా ధర్నా చేసేందుకు వచ్చిన నాయకులు, కార్యకర్తలను ఎక్కడికక్కడ అడ్డుకోవడం, హౌస్‌ అరెస్టులు, అరెస్టులకు పాల్పడటంతో పాటు భారీగా పోలీసులను మోహరించారు. అయినా ఆంక్షలను లెక్కచేయకుండా వైఎస్సార్‌సీపీ శ్రేణులు శాప్‌ కార్యాలయం వద్దకు చేరుకుని డీఎస్సీ స్పోర్ట్స్‌ కోటా నియామకాలపై సీబీఐ విచారణ జరిపించాలని నినదించారు. పోలీసుల లాఠీచార్జిలో సొమ్మసిల్లి పడిపోయిన గౌతమ్ రెడ్డి.. ఆస్పత్రిలో చికిత్సశాప్‌ కార్యాలయం వద్ద నిరసన చేస్తున్న వైఎస్సార్‌సీపీ కార్యకర్తలపై పోలీసులు లాఠీచార్జ్‌ చేశారు. ఈ క్రమంలో పలువురు గాయపడగా గౌతంరెడ్డి సొమ్మసిల్లి కిందపడిపోయారని పార్టీ నేతలు పేర్కొన్నారు. మరోవైపు టీడీపీ శ్రేణులు కర్రలు, రాళ్లతో దాడులకు దిగినా పోలీసులు అడ్డుకోలేదని ఆరోపించారు. డీఎస్సీ స్పోర్ట్స్‌ కోటా నియామకాలపై సీబీఐ విచారణ జరిపించి వాస్తవాలను వెలుగులోకి తేవాలని, అర్హులైన అభ్యర్థులకు న్యాయం చేయాలని వైఎస్సార్‌సీపీ నేతలు డిమాండ్‌ చేశారు.వైఎస్సార్‌సీపీ ఆధ్వ‌ర్యంలో విజ‌య‌వాడ‌ లోని శాప్ కార్యాల‌యం వ‌ద్ద శాంతియుత నిర‌స‌న‌. కార్య‌క్ర‌మంలో మాజీ మంత్రులు మేరుగు నాగార్జున‌, వెలంప‌ల్లి శ్రీ‌నివాస‌రావు, ఎమ్మెల్సీలు లేళ్ల అప్పిరెడ్డి, చంద్ర‌శేఖ‌ర్‌ రెడ్డి, మొండితోక అరుణ్ కుమార్, రమేష్ యాదవ్, వ‌రుదు క‌ళ్యాణి, ఇశ్రాయేలు, మాజీ ఎమ్మెల్యేలు టీజేఆర్ సుధాక‌ర్‌ బాబు, మ‌ల్లాది విష్ణు, గోపిరెడ్డి శ్రీ‌నివాస‌రెడ్డి, బొల్లా బ్ర‌హ్మ‌నాయుడు, న‌ల్ల‌గ‌ట్ల స్వామిదాస్‌, ఎన్టీఆర్ జిల్లా పార్టీ అధ్య‌క్షుడు దేవినేని అవినాష్‌, యువ‌జ‌న విభాగం రాష్ట్ర అధ్య‌క్షుడు జ‌క్కంపూడి రాజా, వ‌ర్కింగ్ ప్రెసిడెంట్ పేర్ని కిట్టు, విద్యార్ధి విభాగం అధ్య‌క్షుడు పానుగంటి చైత‌న్య‌, వ‌ర్కింగ్ ప్రెసిడెంట్ ర‌విచంద్ర‌, రాష్ట్ర అధికార ప్ర‌తినిధులు నాగార్జున యాదవ్‌, ఆరె శ్యామ‌ల‌, పూనూరు గౌతంరెడ్డి, పోతిన మ‌హేష్‌, కాక‌మాను రాజ‌శేఖ‌ర్‌, ధ‌ర్మారెడ్డి, మాజీ మేయ‌ర్ భాగ్య‌ల‌క్ష్మి త‌దిత‌రులు పాల్గొన్నారు.ఎక్కడికక్కడ నేతల అడ్డగింతలు, అరెస్టులువిజయవాడకు వస్తున్న వైఎస్సార్‌సీపీ నేతలను జిల్లాల సరిహద్దుల్లోనే పోలీసులు అడ్డుకున్నారు. మాజీ మంత్రి అంబటి రాంబాబు, తాడికొండ నియోజకవర్గ సమన్వయకర్త వనమా బాల వజ్రబాబు, పొన్నూరు నియోజకవర్గ సమన్వయకర్త అంబటి మురళీకృష్ణ, గుంటూరు తూర్పు నియోజకవర్గ సమన్వయకర్త నూరి ఫాతిమా తదితరులను కాజా టోల్‌ప్లాజా వద్ద అడ్డుకున్నారు. అక్కడే బైఠాయించిన అంబటి రాంబాబును పోలీసులు అరెస్టు చేసి పెదకాకాని పోలీస్‌ స్టేషన్‌కు తరలించారు. విజయవాడలో మాజీ ఎమ్మెల్యే మల్లాది విష్ణుతో పాటు పలువురు నేతలను అరెస్టు చేయగా.. యువజన విభాగం రాష్ట్ర అధ్యక్షుడు జక్కంపూడి రాజా, వర్కింగ్‌ ప్రెసిడెంట్‌ పేర్ని కిట్టు, రాష్ట్ర అధికార ప్రతినిధి నాగార్జున యాదవ్‌ తదితరులను కృష్ణలంక పోలీస్‌ స్టేషన్‌కు తరలించారు.బాపట్ల మండలం చుండూరుపల్లి వద్ద మాజీ డిప్యూటీ స్పీకర్‌ కోన రఘుపతిని పోలీసులు అడ్డుకోవడంతో ఆయన రోడ్డుపై బైఠాయించి నిరసన తెలిపారు. అనంతరం ఆయనను బాపట్ల పోలీస్‌ స్టేషన్‌కు తరలించినట్లు పార్టీ వర్గాలు తెలిపాయి. ఏలూరు నుంచి విజయవాడకు వస్తున్న వైఎస్సార్‌సీపీ యువజన నాయకుడు కామిరెడ్డి నానిని కలపర్రు టోల్‌ప్లాజా వద్ద పోలీసులు అడ్డుకుని అరెస్టు చేసినట్లు పేర్కొన్నాయి. కష్ణా జిల్లాలో పార్టీ నేతలకు నోటీసులు ఇవ్వడంతో పాటు మచిలీపట్నంలోని వైఎస్సార్‌సీపీ కార్యాలయం వద్ద పోలీసులు మోహరించారు.శాప్‌ ఆఫీస్‌ వద్ద వైఎస్సార్‌సీపీ నేతలు, కార్యకర్తలపై లాఠీచార్జ్‌శాప్‌ కార్యాలయం వద్ద బారికేడ్లను దాటి ముందుకు వెళ్లేందుకు వైఎస్సార్‌సీపీ నేతలు, కార్యకర్తలు ప్రయత్నించడంతో తోపులాట చోటుచేసుకుంది. రోడ్డుపై బైఠాయించి నిరసన చేస్తున్న కార్యకర్తలను పోలీసులు చొక్కాలు పట్టుకుని పక్కకు లాగి పడేశారు. అనంతరం పోలీసులు లాఠీచార్జ్‌ చేశారు. ఈ క్రమంలో గౌతంరెడ్డి సొమ్మసిల్లి కిందపడిపోగా.. పార్టీ నాయకులు వెంటనే ఆస్పత్రికి తరలించారు. విద్యార్థి నాయకులపైనా పోలీసులు లాఠీచార్జ్‌ చేశారని వైఎస్సార్‌సీపీ శ్రేణులు పేర్కొన్నాయి.టీచర్ల ముసుగులో రెచ్చపోయిన పచ్చమూకలుమరోవైపు శాప్‌ కార్యాలయం వద్ద టీడీపీ అనుబంధ టీఎన్‌ఎస్‌ఎఫ్‌ నేతలు, టీడీపీ కార్యకర్తలు టీచర్ల ముసుగులో వచ్చి వైఎస్సార్‌సీపీ శ్రేణులను రెచ్చగొట్టే ప్రయత్నం చేశారు. కొందరు టీడీపీ కార్యకర్తలు కార్యాలయంలోకి చొరబడి ఆందోళన చేస్తున్న వైఎస్సార్‌సీపీ కార్యకర్తలపై కర్రలు, రాళ్లతో దాడి చేశారు. ఈ ఘటనలో పలువురు కార్యకర్తలకు గాయాలై రక్తస్రావమైనా పోలీసులు దాడి చేసిన వారిని అడ్డుకోలేదని వైఎస్సార్‌సీపీ నేతలు ఆరోపించారు. పక్కా ప్రణాళికతోనే రాళ్లదాడి చేయించారని, పోలీసుల వ్యవహారంపై కూడా సమాధానం చెప్పాలని డిమాండ్‌ చేశారు.రోడ్డుపై పడుకుని ఎమ్మెల్సీల నిరసనశాప్‌ కార్యాలయం వద్ద తమను అడ్డుకోవడాన్ని నిరసిస్తూ వైఎస్సార్‌సీపీ ఎమ్మెల్సీలు, నాయకులు రోడ్డుపై పడుకుని ఆందోళన చేపట్టారు. ఎమ్మెల్సీలు లేళ్ల అప్పిరెడ్డి, చంద్రశేఖర్‌ రెడ్డి, రమేష్‌ యాదవ్, మొండితోక అరుణ్ కుమార్, వరుదు కళ్యాణి, మాజీ మంత్రులు మేరుగు నాగార్జున, జోగి రమేష్, అధికార ప్రతినిధులు నాగార్జున యాదవ్, ఆరె శ్యామల తదితరులు డీఎస్సీ నియామకాలపై సీబీఐ విచారణకు డిమాండ్‌ చేశారు. శాంతియుతంగా నిరసన తెలిపే హక్కును పోలీసులు అడ్డుకోవడం సరికాదని నేతలు పేర్కొన్నారు.డీఎస్సీపై సీబీఐ విచారణకు డిమాండ్‌మెగా డీఎస్సీ–2025లో ముఖ్యంగా స్పోర్ట్స్‌ కోటా నియామకాల్లో అవకతవకలు జరిగాయని వైఎస్సార్‌సీపీ ఆరోపిస్తోంది. తప్పుడు క్రీడా ధ్రువపత్రాలతో ఉద్యోగాలు పొందినట్లు తేలితే బాధ్యులపై చర్యలు తీసుకోవడంతో పాటు అర్హులైన అభ్యర్థులకు న్యాయం చేయాలని కోరుతోంది. ఈ మొత్తం వ్యవహారంపై సీబీఐతో సమగ్ర విచారణ జరిపించాలని పార్టీ డిమాండ్‌ చేస్తోంది.డీఎస్సీపై సీబీఐ విచారణకు సిద్ధమా?అంబటి రాంబాబు, మాజీ మంత్రిడీఎస్సీ నియామకాల్లో ఎలాంటి తప్పు జరగకపోతే సీబీఐ విచారణకు ప్రభుత్వం ఎందుకు భయపడుతోంది? డీఎస్సీ స్పోర్ట్స్‌ కోటా నియామకాల్లో జరిగినట్లు చెబుతున్న అక్రమాలు, అవకతవకలపై సమగ్ర విచారణ జరిపించాలి. సీబీఐ విచారణకు ఆదేశిస్తే వాస్తవాలు వెలుగులోకి వస్తాయి.. ఎవరు తప్పు చేశారో తేలుతుంది. వైఎస్సార్‌సీపీ అధ్యక్షుడు వైఎస్‌ జగన్‌మోహన్‌రెడ్డి విసిరిన సవాల్‌ను స్వీకరించి ప్రభుత్వం సీబీఐ విచారణకు సిద్ధం కావాలి. మా ప్రభుత్వ హయాంలో నిర్వహించిన ఏపీపీఎస్సీ నియామకాలపైనా విచారణ జరిపించుకోవడానికి మేము సిద్ధంగా ఉన్నాం. ప్రస్తుత డీఎస్సీ నియామకాల్లో అక్రమాలు జరిగాయని నిరుద్యోగులు, అభ్యర్థులు ప్రశ్నిస్తున్నప్పుడు సీబీఐ విచారణకు ఎందుకు వెనుకడుగు వేస్తున్నారు? డీఎస్సీపై సమాధానం చెప్పకుండా సమస్యను పక్కదారి పట్టించే ప్రయత్నాలు చేస్తున్నారు. డబ్బు కోసం లోకేష్‌ ఏ పనికైనా సిద్ధంగా ఉన్నాడు. నిరుద్యోగ యువత భవిష్యత్తుతో చెలగాటం ఆడటం సరికాదు. నియామక ప్రక్రియపై ఉన్న సందేహాలు నివృత్తి చేయాల్సిన బాధ్యత ప్రభుత్వంపైనే ఉంది. సీబీఐ విచారణకు సిద్ధమని ప్రకటించి తమ చిత్తశుద్ధిని నిరూపించుకోవాలి. డీఎస్సీ నియామకాల్లో అక్రమాలపై సీబీఐ విచారణ జరిపించడంతో పాటు విద్యాశాఖ మంత్రి నారా లోకేష్‌ బాధ్యత వహిస్తూ రాజీనామా చేయాలి. మా నిరసనలను అడ్డుకునేందుకు ఎన్ని ఆంక్షలు విధించినా వైఎస్సార్‌సీపీ వెనక్కి తగ్గదు. అర్హులైన అభ్యర్థులకు న్యాయం జరిగే వరకు పోరాటం కొనసాగుతుంది. లోకేష్‌ రాజీనామా చేసే వరకు ఉద్యమం ఆగదు.శాంతియుత నిరసనను అడ్డుకోవడమేంటి?:జోగి రమేష్, మాజీ మంత్రిశాంతియుతంగా ధర్నా చేసేందుకు పిలుపునిస్తే పోలీసులు ఎందుకు అడ్డుకుంటున్నారు? ప్రజాస్వామ్యంలో నిరసన తెలిపే హక్కు ప్రతి ఒక్కరికీ ఉంది. ఎలాంటి హింసకు పాల్పడకుండా డీఎస్సీ నియామకాల్లో అక్రమాలపై ప్రశ్నించేందుకు శాప్‌ కార్యాలయం వద్దకు వస్తే నాయకులు, కార్యకర్తలను అడ్డుకోవడం, హౌస్‌ అరెస్టులు, అరెస్టులకు పాల్పడటం ఏమిటి? మెగా డీఎస్సీ–2025లో, ముఖ్యంగా స్పోర్ట్స్‌ కోటా నియామకాల్లో తలెత్తిన అనుమానాలపై సమగ్ర విచారణ జరిపి వాస్తవాలను వెలుగులోకి తీసుకురావాలి. అర్హులైన అభ్యర్థులకు న్యాయం చేయడంతో పాటు తప్పుడు క్రీడా ధ్రువపత్రాలతో ఉద్యోగాలు పొందినట్లు తేలితే బాధ్యులపై చర్యలు తీసుకోవాలి. డీఎస్సీ స్పోర్ట్స్‌ కోటా నియామకాలపై సీబీఐతో సమగ్ర విచారణ జరిపించాలన్నదే వైఎస్సార్‌సీపీ ప్రధాన డిమాండ్‌. డీఎస్సీ నియామకాల్లో తప్పు జరగకపోతే సీబీఐ విచారణకు ప్రభుత్వం ఎందుకు వెనుకాడుతోందో స్పష్టంగా సమాధానం చెప్పాలి. డీఎస్సీ స్పోర్ట్స్‌ కోటా నియామకాలపై పూర్తి స్థాయి విచారణ జరిపి అర్హులైన అభ్యర్థులకు న్యాయం జరిగే వరకు పోరాటం కొనసాగిస్తామని వైఎస్సార్‌సీపీ నేతలు స్పష్టం చేశారు.ఇదీ చదవండి: వైఎస్సార్సీపీ నేతలపై పోలీసుల జులం.. అక్రమంగా నిర్బంధం

సాక్షి,కాకినాడ: జిల్లాలో హృదయవిదారక ఘటన చోటుచేసుకుంది. తన కష్టాలు చెప్పుకుని, నిలిచిపోయిన పెన్షన్‌ ఇప్పించాలని కోరుతూ డిప్యూటీ సీఎం పవన్ కళ్యాణ్‌ను కలిసేందుకు ప్రయత్నించిన ఓ అంధురాలికి తీవ్ర నిరాశ ఎదురైంది. పవన్ కాన్వాయ్ ఆపకుండా వెళ్లిపోవడంతో ఆ తండ్రీ కూతుళ్ల వేదన అందరినీ కలచివేసింది.పిఠాపురం నియోజకవర్గం జగ్గయ్య చెరువుకు చెందిన మఠం జ్యోతి అనే అంధురాలికి కరెంటు బిల్లు ఎక్కువగా రావడంతో ఆమె వికలాంగ పింఛన్ నిలిచిపోయింది. దీనిని పునరుద్ధరించాలని కోరుతూ వస్తోంది. ఆమె జనసేన పార్టీ సభ్యత్వం తీసుకుని, పలువురు ముఖ్య నేతలను కలిసినప్పటికీ ఎలాంటి ప్రయోజనం దక్కలేదు.ఈ క్రమంలోనే పవన్‌కు తన గోడువెళ్లబోసుకోవాలనే ఆశతో.. జ్యోతి తన తండ్రి వెంకటరమణను వెంటబెట్టుకుని ఎఫ్‌కే పాలెం వద్దకు చేరుకున్నారు. పవన్ కాన్వాయ్ వెళ్తున్న సమయంలో తన తండ్రి సాయంతో ఆ అంధురాలు వాహనం వెంబడి పరుగెత్తింది. అయితే పవన్‌ పట్టించుకోకుండా అక్కడి నుంచి వెళ్లిపోయారు. ఈ ఘటనపై స్థానికులు పెదవి విరుస్తున్నారు. అధికారులు స్పందించి ఇప్పటికైనా తమ సమస్యను పరిష్కరించి, ఆ అంధురాలికి పింఛన్ మంజూరు చేయాలని కోరుతున్నారు.ఇదీ చదవండి : ఏపీలో ప్రజాస్వామ్యం ఉందా?: సజ్జల

సాక్షి,తాడేపల్లి : డీఎస్సీలో అక్రమాలు చేసి, ఆ తప్పుల నుంచి బయటపడేందుకే వెన్నుపోట్ల పార్టీ దాడుల్ని కొనసాగిస్తోందని వైఎస్సార్‌సీపీ స్టేట్ కోఆర్డినేటర్ సజ్జల రామకృష్ణారెడ్డి ఆగ్రహం వ్యక్తం చేశారు. డీఎస్సీ అక్రమాలపై కూటమి ప్రభుత్వ ఆటలు సాగవని. న్యాయ స్థానాల ద్వారా పోరాడుతామని ఆయన హెచ్చరించారు. అసలు ఆంధ్రప్రదేశ్‌ రాష్ట్రంలో ప్రజాస్వామ్యం ఉందా? అని ప్రశ్నించారాయన.సోమవారం తాడేపల్లిలోని వైఎస్సార్‌సీపీ కేంద్ర కార్యాలయం నుంచి మాట్లాడిన సజ్జల.. డీఎస్సీ అక్రమాలపై శాంతియుతంగా నిరసన తెలుపుతున్న వైఎస్సార్‌సీపీ శ్రేణులపై కూటమి శ్రేణులు దాడులకు తెగబడుతున్న ఘటనలను ఆయన తీవ్రంగా ఖండించారు. ‘దబాయించడం, బుకాయించడమే కాదు... ఎదురుదాడికి దిగుతున్నారు. శాంతియుతంగా ధర్నాలు చేస్తున్న వారిపై దాడులకు తెగబడుతున్నారు. నియంతల పాలన సమయంలో కూడా ఇలా జరగలేదు. అబద్ధం, దుర్మార్గం, బరితెగింపు, క్రూరత్వం కలిపితే అది వెన్నుపోట్ల పార్టీ. చంద్రబాబుకు కొడుకు తోడయ్యాక ఈ పరిస్థితులు మరింత దిగజారాయి.ఇదీ చదవండి : నిన్నెలా నమ్మాలి బాబూ?డీఎస్సీ అభ్యర్థి కోర్టుకు వెళితే అసలు బండారం బయటపడింది. డీఎస్సీలో మోసపోయిన అభ్యర్థులకు న్యాయం చేయకపోతే ఎలా? డీఎస్సీలో ఎన్ని కుంభకోణాలు జరిగాయో అన్నీ ఇప్పుడు వెలుగులోకి వస్తున్నాయి. టెట్‌ పాస్ కానీ వారికి ఉద్యోగాలు ఇచ్చారు. సంబంధం లేని సబ్జెక్ట్‌లలోనూ ఉద్యోగాలు ఇచ్చారు. చివరికి పరీక్షా పేపర్లు కూడా అమ్ముకున్నారనే వార్తలు వచ్చాయి. మాపై దాడులు చేస్తూనే.. మరోవైపు ఉపాధ్యాయులపై వైఎస్సార్‌సీపీ నేతలే దాడులు చేస్తున్నారంటూ తప్పుడు ప్రచారాలు చేస్తున్నారు. తప్పు చేసి కూడా దబాయించాలని చూస్తున్నారు.ఇక, ఎకనామిక్‌ బ్యాక్‌వర్డ్‌ క్లాసెస్ కోటాలో నకిలీ పత్రాలు సృష్టించారు. డీఎస్సీ అక్రమాల బేరసారాల వీడియోలు దొరికినా, వాటిని వదిలేసి కేవలం అనుమానితుడిపైనే కేసులు పెట్టారు. 'సెవెన్ స్టెప్స్' అంటే కూటమి ప్రభుత్వంలో వేరే అర్థం ఉంది. స్పోర్ట్స్ కోటాను దాటేసి మరీ అనర్హులకు ఉద్యోగాలు కట్టబెట్టారు. తాము చేసిన తప్పులను కప్పిపుచ్చుకోవడానికి వీటికి పొలిటికల్ కలర్ ఇస్తున్నారు’ అని ధ్వజమెత్తారు.

సాక్షి, తాడేపల్లి: మహాకవి, సంఘ సంస్కర్త గురజాడ అప్పారావును వైఎస్సార్‌సీపీ అధ్యక్షుడు, మాజీ సీఎం వైఎస్‌ జగన్‌మోహన్‌రెడ్డి స్మరించుకున్నారు. గురజాడ జయంతి సందర్భంగా ఆయనకు నివాళులర్పించారు.ఈ సందర్భంగా ‘కన్యాశుల్కం వంటి చిరస్మరణీయ నాటకం ద్వారా తెలుగు సాహిత్యానికి కొత్త ఒరవడి తీసుకొచ్చి, నాటి సాంఘిక దురాచారాలను ప్రశ్నించిన మహాకవి గురజాడ అప్పారావు గారు. తన రచనలు, కవితలతో ప్రజల్లో సమాజం పట్ల బాధ్యతను, చైతన్యాన్ని నింపిన ఆ మహనీయుడి జయంతి సందర్భంగా నివాళులర్పిస్తున్నాను’ అని వైఎస్‌ జగన్‌ ఎక్స్‌ వేదికగా ట్వీట్‌ చేశారు. ‘కన్యాశుల్కం’ వంటి చిరస్మరణీయ నాటకం ద్వారా తెలుగు సాహిత్యానికి కొత్త ఒరవడి తీసుకొచ్చి, నాటి సాంఘిక దురాచారాలను ప్రశ్నించిన మహాకవి గురజాడ అప్పారావు గారు. తన రచనలు, కవితలతో ప్రజల్లో సమాజం పట్ల బాధ్యతను, చైతన్యాన్ని నింపిన ఆ మహనీయుడి జయంతి సందర్భంగా నివాళులర్పిస్తున్నాను. pic.twitter.com/Qfr0b0j0TI— YS Jagan Mohan Reddy (@ysjagan) September 21, 2026

సాక్షి, అమరావతి: స్థానిక సంస్థల ఎన్నికల్లో కూటమిలో జనసేన తీసుకునే సీట్లపై మంత్రి నాదెండ్ల మనోహర్‌ విశాఖపట్నం జిల్లా పర్యటనలో చేసిన వ్యాఖ్యలు ఆ పారీ్టలో సెగలు పుట్టిస్తున్నాయి. గత అసెంబ్లీ ఎన్నికల సమయంలో అధినేత పవన్‌ కళ్యాణ్‌ హామీ ఇచ్చినట్టు, ఈ స్థానిక సంస్థల ఎన్నికల్లో జనసేనకు కచ్చితంగా మూడో వంతు సీట్లు లేదా అంతకంటే ఎక్కువగా పొత్తు­ల్లో దక్కుతాయని ఆ పార్టీ శ్రేణులు ఆశ పెట్టుకున్నాయి. అయితే ‘మనం తీసుకునే సీట్లు ప్రతి ఒక్కటీ గెలిచే సీట్లే తీసుకుంటాం. తొందరపడి, ఒత్తిళ్లు వచ్చాయని సంఖ్య పెంచేసుకొని.. 60 ఇవ్వండి, 70 ఇవ్వండి 120లో మేం 120 పోటీ చేస్తామనే ఆలోచన మీరెవరూ (జనసేన నాయకులు, కార్యకర్తలు) పెట్టుకోమాకండి. ఇది ఒక బాధ్యత కలిగిన రాజకీయ పార్టీ. కూటమిలో బాధ్యతయుతంగా ఉందాం’ అంటూ నాదెండ్ల చేసిన వ్యాఖ్యలతో ఆ పార్టీ నేతలు పూర్తిగా డీలా పడిపోయారు. దీంతో సొంత పార్టీ కార్యకర్తలే సోషల్‌ మీడియాలో మంత్రి నాదెండ్ల మనోహర్‌ను ఓ రేంజ్‌లో ఏకిపారేస్తున్నారు. ఇది ఒక పద్దతి ప్రకారం జనసేన బలాన్ని తక్కువ చేసినట్టు మాట్లాడి, పొత్తులో పార్టీ తక్కువ సీట్లు తీసుకోవడానికి ముందుగానే పార్టీ నేతలు, కార్యకర్తలందరినీ మానసికంగా సిద్దం చేసే బ్రెయిన్‌ వాష్‌ కార్యక్రమం అని దుయ్యబడుతున్నారు. గత అసెంబ్లీ ఎన్నికల సమయంలో సైతం జనసేన బలాన్ని ఇలానే తక్కువ చేసి మాట్లాడి, పొత్తులో తక్కువ సీట్లు తీసుకోవడాన్ని సమర్థించుకున్నారంటూ తూర్పారపడుతున్నారు. మంత్రి నాదెండ్ల వ్యాఖ్యల ప్రకారం స్థానిక ఎన్నికల్లోనూ కేవలం వంద శాతం గెలిచే సీట్లే అంటే మొత్తం సీట్లలో పది శాతానికే పార్టీని పరిమితం చేయబోతున్నారా అని ఆ పార్టీ నేతలు, కార్యకర్తలు అనుమానం వ్యక్తం చేస్తున్నారు. రాజకీయ పొత్తుల్లో.. చిన్న పారీ్టలకు ఉండే బలంతోనే పెద్ద పారీ్టలు సైతం గెలిచే పరిస్థితి ఉంటుందని, అలాంటప్పుడు చిన్న పారీ్టలకు బలం లేని కొన్ని చోట్ల అయినా పెద్ద పార్టీల బలం కలిపి గెలిపించడం కూటమిలో సమ న్యాయం అవుతుందని చెబుతున్నారు. 12 ఏళ్లు అవుతున్నా అవే మాటలా! ‘జనసేన పార్టీ పెట్టి 12 ఏళ్లు దాటింది. అధికారంలోకి వచ్చి రెండేళ్లయింది. ఇప్పుడైనా పార్టీ బలపడే దిశగా పార్టీ నిర్ణయాలు తీసుకుంటుందని ఆశించాం. అయినా ఇంకా బలం లేదంటూ మాట్లాడుతున్నారు. ఇలాగైతే ఎలా?’ అని జనసేన నేతలు ఆవేదన వ్యక్తం చేస్తున్నారు. ‘సీట్లు ఎక్కువ అడగొద్దు. సంస్థాగతంగా మనం ఇంకా బలంగా లేం.. నిదానంగా ఎదుగుదాం.. గెలిచే సీట్లే తీసుకుందాం..’ అంటే జనసేన శ్రేణుల పని కేవలం జెండాలు మోయడం, సభలకు జనాన్ని తీసుకురావడమేనా అని ప్రశి్నస్తున్నారు. పార్టీ పెట్టిన 12 ఏళ్ల తర్వాత కూడా సంస్థాగతంగా బలంగా లేకపోతే.. ఇన్నేళ్లు పార్టీ నిర్మాణం చేయకుండా ఏం చేశారని అధినేత పవన్‌ కళ్యాణ్‌ను తప్పుపట్టాల్సి ఉంటుందని అంటున్నారు. ఇప్పుడు స్థానిక ఎన్నికల్లో కనీసం మూడో వంతు సీట్లు అయినా తీసుకోకుంటే పార్టీ భవిష్యత్‌ అంధకారమే అని తెగేసి చెబుతున్నారు. పోటీ చేస్తేనే కదా.. అసలు బలమెంతో తెలిసేది.. సోషల్‌ మీడియాల్లో కొంత మంది జనసేన అభిమానులు నాదెండ్ల మనోహర్‌ను టీడీపీ కోవర్ట్‌ అంటూ నేరుగా టార్గెట్‌ చేయడం గమనార్హం. పొత్తులో మిత్రపక్షంగా ఉన్న పారీ్టలనే రాజకీయంగా అథఃపాతాళానికి నెట్టేలా చేయడం చంద్రబాబు నైజమని.. ఇప్పుడు కూడ సొంత పార్టీ వాళ్లతోనే జనసేనను ఎదగకుండా చేస్తున్నారని జనసేన శ్రేణులు మండిపడుతున్నారు. ఏ రాజకీయ పార్టీ ఎదుగుదల అయినా, ఆయా ప్రాంతాల స్థానిక ఎన్నికల్లో పోటీ చేయడం ద్వారానే ఉంటుందని చెబుతున్నారు. పోటీ చేస్తేనే కదా.. అసలు బలమెంతో తెలిసేదని ప్రశి్నస్తున్నారు. గత అసెంబ్లీ ఎన్నికల సమయంలోనే పవన్‌ కళ్యాణ్‌ పొత్తుల గురించి మాట్లాడుతూ ‘స్థానిక సంస్థల ఎన్నికల్లో గ్రామ పంచాయతీ పదవులు మొదలు నగర కార్పొరేషన్‌ పదవుల వరకు జనసేన ఖచ్చితంగా మూడో వంతు సీట్లు తీసుకుంటుంది’ అని వ్యాఖ్యానించడాన్ని ఈ సందర్భంగా గుర్తు చేస్తున్నారు. అయితే రెండు నెలల క్రితం మంత్రి నారా లోకేశ్‌.. టీడీపీ నేతల సమావేశంలో స్థానిక ఎన్నికల్లో జనసేనకు 15 శాతం టికెట్లేనని స్పష్టం చేయడం.. జనసేన మంత్రి నాదెండ్ల ప్రస్తుతం ఆ దిశగానే శ్రేణులను ఒప్పించే ప్రయత్నం చేస్తుండటం ఆ పార్టీలో తీవ్ర చర్చనీయాంశమైంది.

సాక్షి, అమరావతి: రాష్ట్ర ప్రభుత్వం ప్రదానం చేసే నంది అవార్డుల్లో.. రంగస్థల కళాకారులకు ‘డాక్టర్‌ వైఎస్‌ఆర్‌ రంగస్థల పురస్కారం’పేరిట ఇస్తున్న అవార్డుల నుంచి ‘వైఎస్‌ఆర్‌’పేరును తొలగిస్తూ చంద్రబాబు సర్కారు ఆదివారం ఉత్తర్వులిచ్చింది. అలాగే, ఈ పురస్కారం కింద ఇస్తున్న నగదు పురస్కార మొత్తాన్ని రూ.5 లక్షల నుంచి రూ.లక్ష రూపాయలకు తగ్గించేసింది. ఈ మేరకు ఏపీ స్టేట్‌ నంది థియేటర్‌ అవార్డుల నిబంధనలను సవరించింది. కాగా, కందుకూరి విశిష్ట పురస్కారాలను జిల్లా నుంచి ముగ్గురు చొప్పున మొత్తం 84 మందికి రూ.10 వేల చొప్పున నగదు పురస్కారం ఇవ్వనుంది. 2025 సంవత్సరానికి గాను నంది నాటక అవార్డులకుగాను తెలుగులో పద్య, సాంఘిక, బాలల నాటికలకు సంబంధించి అక్టోబర్‌ 20లోగా దరఖాస్తులను www.apsftvtdc.in ద్వారా దరఖాస్తు చేసుకోవల్సిందిగా ఏపీ చలనచిత్ర టెలివిజన్, నాటక అభివృద్ధి సంస్థ ఎండీ విశ్వనాథన్‌ తెలిపారు.

సాక్షి, అమరావతి: రాష్ట్రంలో పలువురు ఐపీఎస్‌ అధికారులను బదిలీ చేస్తూ ప్రభుత్వ ప్రధాన కార్యదర్శి సాయి ప్రసాద్‌ ఆదివారం ఉత్తర్వులు జారీ చేశారు. పోస్టింగ్‌ కోసం ఎదురుచూస్తున్న విశాల్‌ గున్నిని ట్రైనింగ్‌ విభాగం డీఐజీగా నియమిస్తూ, అప్పా డైరెక్టర్‌గా పూర్తి అదనపు బాధ్యతలు కేటాయించారు. అలాగే కాంతి రాణా టాటాకు ట్రాఫిక్‌ మేనేజ్‌మెంట్, రోడ్‌ సేఫ్టీ డైరెక్టరేట్‌ ఐజీగా పోస్టింగ్‌ ఇచ్చారు. మరిన్ని బదిలీలు ఇలా.. ⇒ ఎస్పీఎఫ్‌ డీజీగా పనిచేస్తున్న సి.ఎం. త్రివిక్రమ్‌ వర్మను ఎఫ్‌ఎస్‌ఎల్‌ డైరెక్టర్‌/ ఇన్‌స్పెక్టర్‌ జనరల్‌ ఆఫ్‌ పోలీస్‌గా నియమించారు. ⇒ ఏసీబీ డైరెక్టర్‌గా సేవలందిస్తున్న ఆర్‌ జయలక్ష్మిని సీఐడీ సైబర్‌ క్రైమ్స్‌ ఐజీగా బదిలీ చేశారు. ⇒ ఏపీఎస్పీ బెటాలియన్స్‌ ఐజీగా ఉన్న బి. రాజకుమారిని రైల్వేస్‌ ఐజీగా నియమించడంతో పాటు, సీఐడీ మహిళా భద్రత విభాగం ఐజీగా పూర్తి అదనపు బాధ్యతలు అప్పగించారు. ⇒ గ్రేహౌండ్స్‌ డీఐజీగా ఉన్న బాబూజీ అట్టాడను టెక్నికల్‌ సర్వీసెస్‌ డీఐజీగా బదిలీ చేస్తూ, ప్రస్తుత గ్రేహౌండ్స్‌ డీఐజీ బాధ్యతలను కూడా అదనంగా కొనసాగించాలని పేర్కొన్నారు. ⇒ పోలవరం ఓఎస్‌డీగా పనిచేస్తున్న పంకజ్‌ కుమార్‌ మీనాను మార్కాపురం జిల్లా ఎస్పీగా నియమించారు. ⇒ సీఎంఎస్‌జీ ఎస్పీగా పని చేస్తున్న జగదీశ్‌ అదహళ్లిని పల్నాడు జిల్లా ఎస్పీగా బదిలీ చేశారు. ⇒ సీఐడీ ఎస్పీ కె. చక్రవర్తిని పోలవరం జిల్లా ఎస్పీగా నియమించారు.

సాక్షి, అమరావతి: రాజధాని కోసం ఇప్పటికే రైతుల నుంచి తీసుకున్న భూములను ముందుగా అభివృద్ధి చేసి, రైతులకు హామీ ఇచ్చిన ప్లాట్లు, మౌలిక సదుపాయాలు కల్పించిన తర్వాతే మరలా భూసేకరణ చేపట్టాలని మాజీ మంత్రి, రైతు సంఘం నేత వడ్డే శోభనాద్రీశ్వరరావు, మాజీ ఐఏఎస్‌ అధికారి విజయ్‌ కుమార్, సామాజిక కార్యకర్తలు, న్యాయవాదు­లు, రైతులు డిమాండ్‌ చేశారు. రైతుల సమస్యలను పరిష్కరించకుండా కొత్తగా భూములు తీసుకోవడమేమిటని వారు ప్రశ్నించారు. రాజ­ధాని రైతుల సమస్యలు, భవిష్యత్‌ కార్యాచరణపై ఆదివారం ఉండవల్లిలో జరిగిన సమావేశంలో వారు రాష్ట్ర ప్రభుత్వ వైఖరిపై తీవ్రంగా మండిపడ్డారు. తమ భూములు లాక్కుంటున్నారని, భూములు ఇవ్వని వారు వ్యవసాయం చేయడానికి వీలు లేకుండా చేస్తున్నా­రని రాజధాని ప్రాంత రైతులు ఆవేదన వ్యక్తం చేశారు. ఇంకా వారేమన్నారంటే.. అవసరం కన్నా అధికమొత్తంలో భూమి ఎందుకు? రాజధాని ప్రాంతాన్ని కాంక్రీట్‌ జంగిల్‌గా మార్చకూడదని గతంలోనే సూచించామని మాజీ మంత్రి, రైతు ఉద్యమ నేత వడ్డే శోభనాద్రీశ్వరరావు అన్నారు. పంటలు పండే భూములను రిజర్వాయర్లు, స్పోర్ట్స్‌ సిటీ, విమానాశ్రయం, రైల్వే లైన్‌ వంటి ప్రాజెక్టుల పేరుతో తీసుకోవద్దని కోరారు. స్పోర్ట్స్‌ సిటీ కోసం అవసరమైన భూమి కంటే ఎక్కువ మొత్తంలో భూసేకరణ ప్రతిపాదించడం అవసరమా అని ప్రశ్నించారు. అమరావతిలో అంతర్జాతీయ విమానాశ్రయం కోసం వేల ఎకరాల భూమిని తీసుకోవాలన్న ప్రతిపాదనను పునఃపరిశీలించాలని అన్నారు. ఇప్పటికే గన్నవరం విమానాశ్రయం అందుబాటులో ఉందని గుర్తుచేశారు. సింగపూర్‌ సంస్థలతో గతంలో జరిగిన ఒప్పందాలు, మాస్టర్‌ప్లాన్, అభివృద్ధి పనులపై కూడా ఆయన ప్రశ్నలు లేవనెత్తారు. రాజధాని గ్రామాల్లో పాఠశాలలు, ఆసుపత్రులు నిర్మిస్తామని ఇచ్చిన హామీలు అమలు కాలేదని ఆయన ఆరోపించారు. రైతులకు అభివృద్ధి చేసిన ప్లాట్లు, పెన్షన్లు అందించాలని డిమాండ్‌ చేశారు. రాజధాని మాస్టర్‌ప్లాన్‌లో సామాన్యులు, పేదలు, మధ్యతరగతి, నిర్మాణ కార్మికులు, ఆటో డ్రైవర్లు, సేవా రంగంలో పనిచేసే వారికి ఎంత స్థానం ఉందో ప్రభుత్వం స్పష్టం చేయాలని మాజీ ఐఏఎస్‌ అధికారి, లిబరేషన్‌ కాంగ్రెస్‌ పార్టీ అధ్యక్షుడు విజయ్‌కుమార్‌ కోరారు. ఇప్పటికే రైతుల నుంచి పెద్ద మొత్తంలో భూములు తీసుకున్నారని, వాటిని అభివృద్ధి చేయకుండా మరో దశలో భూసేకరణ చేయడం సరికాదని అన్నారు. అమరావతిలో అవసరమైన భూమిని మాత్రమే తీసుకుని, మిగిలిన భూముల్లో రైతులు వ్యవసాయం కొనసాగించే అవకాశం కల్పించాలన్నారు. గత హామీలు అమలుకానప్పుడు కొత్త హామీలు ఎలా నమ్మాలి? రైతులను భూముల నుంచి దూరం చేసి, కొంతకాలం వ్యవసాయానికి అవకాశం లేకుండా చేయడం వల్ల రైతుల ఆదాయంతో పాటు రైతు కూలీలు, మధ్యవర్తులు, వ్యాపారులు, స్థానిక మార్కెట్ల ఆర్థిక కార్యకలాపాలపై ప్రభావం పడిందని ప్రొఫెసర్‌ రామచంద్రయ్య అభిప్రాయపడ్డారు. ల్యాండ్‌ పూలింగ్‌–2లో కొత్తగా భూములు ఇవ్వాలని కోరుతున్న నేపథ్యంలో గత హామీలు అమలు కానప్పుడు రైతులు కొత్త హామీలను ఎలా నమ్మాలని ఆయన ప్రశ్నించారు. రాజధాని పేరుతో ప్రజా ధనాన్ని భారీ నిర్మాణాలకు ఖర్చు చేసే ముందు విద్య, వైద్యం, ఫీజు రీయింబర్స్‌మెంట్, ప్రభుత్వ ఆసుపత్రుల్లో మందులు వంటి ప్రజా అవసరాలకు ప్రాధాన్యం ఇవ్వాలన్నారు. భూసేకరణకు సంబంధించిన అవార్డులను సవాలు చేసుకునే ప్రక్రియ పూర్తికాకముందే భూముల్లో రోడ్లు, ఇతర నిర్మాణాలు చేపట్టడం సరికాదని హైకోర్టు న్యాయవాది రజని అన్నారు. కోర్టులో ఒక ఉత్తర్వును సవాలు చేసుకునే అవకాశం ఉన్నప్పుడు రైతులకు కూడా అదే విధమైన న్యాయపరమైన అవకాశం ఉండాలని పేర్కొన్నారు. చట్టబద్ధమైన ప్రక్రియను పూర్తిచేసిన తర్వాతే రైతుల భూముల్లో నిర్మాణాలు చేపట్టాలని కోరారు. తాము అభివృద్ధికి వ్యతిరేకం కాదని, అయితే మొదటి దశలో భూములిచ్చిన రైతులకు ముందుగా న్యాయం జరగాలని సామాజిక కార్యకర్త డాక్టర్‌ వసుంధర అన్నారు. పొలం ఇవ్వలేదని కక్షసాధిస్తున్నారు ‘‘నేను పొలం ఇవ్వలేదు. అందుకే నాపై కక్ష సాధిస్తున్నారు. వ్యవసాయం చేయనివ్వడం లేదు. ఎరువులు ఇవ్వనంటున్నారు. నేను భూములు ఇవ్వకుండానే నా చేలో ప్లాట్లు వేసేశారట. అదెలాగో తెలియడం లేదు. అన్నం కంచం ముందు కూర్చుని కన్నీరు పెట్టుకుంటున్నాం. మేమెలా బతకాలి. అసలు బతకాలా చచ్చిపోవాలా. ప్రభుత్వం చేస్తున్న దౌర్జన్యానికి మేం న్యాయం కోసం ఎక్కడికి పోవాలి.’’ –చల్లపల్లి శ్రీరాములు, ఎర్రబాలెం రైతు. (ఫొటో:06) వేల ఎకరాలు లాక్కొని ఏం చేస్తారు? ‘‘భూ సేకరణపై మా అభ్యంతరాలు అడుగుతారు. కానీ వాటిని పరిగణనలోకి తీసుకోవడం లేదు. కోర్టు ఆర్డర్‌ ఇస్తే కనీసం అప్పీల్‌ చేసుకునే సమయం ఇవ్వకుండా యంత్రాలు తెచ్చి తవ్వేస్తున్నారు. అసలు ఈ ప్రభుత్వానికి ఎన్ని ఎకరాలు కావాలి. వేలాది ఎకరాలు రైతుల నుంచి లాక్కొని ఏం చేస్తారు. అవసరమైనంత వరకూ తీసుకుని మిగతాది రైతులకు వదిలేస్తే అనేక పంటలు పండుతాయి.’’–మక్కే పూర్ణచంద్రరావు, పెనుమాక రైతు. (ఫొటో:07) రైతులను భయపెడుతున్నారు ‘‘రాష్ట్రమంతటా వర్షాలు లేక పంటలు ఎండిపోతున్న ప్రస్తుత తరుణంలో కూడా రాజధాని ప్రాంతంలో మూడు పంటలు సమృద్ధిగా పండుతున్నాయి. అంతటి సారవంతమైన భూములను అనవసరంగా లాక్కొని కాంక్రీట్‌ జంగిల్‌గా మార్చవద్దని వేడుకుంటున్నాం. చిన్న, సన్నకారు రైతులను భయపెడుతున్నారు. ’’–శ్రీకాంత్‌రెడ్డి, పెనుమాక రైతు. రైతుల ప్రధాన డిమాండ్లు ⇒ ఇప్పటికే భూములిచ్చిన రైతులకు అభివృద్ధి చేసిన ప్లాట్లు వెంటనే ఇవ్వాలి. ⇒ ప్లాట్ల వద్ద రోడ్లు, విద్యుత్, తాగునీరు వంటి మౌలిక సదుపాయాలు కల్పించాలి. ⇒ రాజధాని గ్రామాల్లో పాఠశాలలు, ఆసుపత్రులు ఏర్పాటు చేయాలి. ⇒ వరద ముంపు నివారణ చర్యలు వేగంగా చేపట్టాలి. ⇒ రైతుల సమస్యలు పరిష్కరించే వరకు కొత్త భూసేకరణ చేపట్టకూడదు. ⇒ రైతుల అనుమతి, చట్టబద్ధమైన పరిహారం లేకుండా భూములు తీసుకోకూడదు. ⇒ గ్రామకంఠాలు, లంక భూములకు సంబంధించిన సమస్యలను పరిష్కరించాలి. ⇒ రాజధాని ప్రాజెక్టులపై రైతులతో సంప్రదింపులు జరపాలి. ⇒ రైతులకు ఇచ్చిన హామీలు, ఒప్పందాలను అమలు చేయాలి.

సాక్షి, అమరావతి: ఉత్తర అండమాన్‌ సముద్రంలో ఏర్పడిన అల్పపీడనం ప్రస్తుతం తూర్పు మధ్య బంగాళాఖాతంలో కేంద్రీకృతమై ఉంది. ఇది పశ్చిమ, వాయవ్య దిశగా కదులుతూ క్రమంగా బలపడి సోమవారానికి వాయుగుండంగా మారుతుందని వాతావరణ­శాఖ తెలిపింది. మంగళవారానికి పశ్చిమ మధ్య బంగాళాఖాతంలో తీవ్రవాయుగుండంగా బలపడే అవకా­శం ఉందని, బుధవారం ఉదయానికి పశ్చిమ వాయవ్యదిశగా కదులుతూ దక్షిణ ఒడిశా–ఉత్తరాంధ్ర తీరాలకు దగ్గరగా చేరుకునే అవకాశం ఉందని పేర్కొంది.దీని ప్రభావంతో సోమ, మంగళవారాల్లో పలుచోట్ల భారీవర్షాలు, బుధ, గురువారాల్లో అక్కడక్కడ భారీ నుంచి అతిభారీ వర్షాలు కురిసే అవకాశం ఉందని తెలిపింది. కోస్తాంధ్ర తీరం వెంబడి 50–60 కిలోమీటర్ల వేగంతో ఈదురుగాలులు వీచే అవకాశం ఉందని పేర్కొంది. సోమవారం అల్లూరి సీతారామరాజు, పోలవరం, నంద్యాల, వైఎస్సార్‌ కడప జిల్లాల్లో అక్కడక్కడ పిడుగులతో కూడిన మోస్తరు వర్షాలు, మిగతా జిల్లాల్లో తేలికపాటి నుంచి మోస్తరు వర్షాలు కురిసే అవకాశం ఉందని తెలిపింది.

సాక్షి, అమరావతి: రాష్ట్రంలోని బాలల హక్కులతో చంద్రబాబు సర్కారు ఆటలాడుతోంది. బాలల సంక్షేమ కమిటీల (సీడబ్యూసీ)ల నియామకం విషయంలో దారుణ నిర్లక్ష్య విధానం దీనికి అద్దంపడుతోంది. సీడబ్ల్యూసీల నియామకానికి వరుసగా నాలుగోసారి శనివారం నోటిఫికేషన్‌ జారీ అయ్యింది. ఈ నెల 21 నుంచి అక్టోబర్‌ 10 వరకు దరఖాస్తులు చేసుకోవాలని బాలల సంక్షేమ, సంస్కరణల సేవలు, వీధి బాలల సంక్షేమ శాఖ ప్రకటన విడుదల చేసింది. 2024 నవంబర్‌లో ముగిసిన సీడబ్ల్యూసీల నియామకానికి ప్రభుత్వం ఇప్పటికే మూడు పర్యాయాలు నోటిఫికేషన్లు జారీ చేసి, తదుపరి ఆ ప్రక్రియలను పక్కనపడేసింది. అధికార పార్టీకి చెందిన వారిని నియమించుకోవడమే లక్ష్యంగా బాలల సంక్షేమంపై ప్రభుత్వం చెలగాటం ఆడుతోందన్న విమర్శలు వినిపిస్తున్నాయి. నవ్వి పోదురుగాక.. నాకేంటి.. నవ్వులపాలు అవుతున్నా, రాజకీయ ప్రయోజనాలకే ప్రభుత్వం పెద్దపీట వేస్తోందన్న విమర్శలు వ్యక్తమవుతున్నాయి. రాష్ట్రంలో 28 జిల్లాల్లో చైర్మన్, నలుగురు సభ్యులు చొప్పున మొత్తం 140 మందిని ఒకే జీఓ ద్వారా నియమించాల్సి ఉంది. ఇందుకు సంబంధించి ఒకసారి నోటిఫికేషన్‌ జారీ చేసిన తర్వాత ప్రధానంగా మూడు దశల అనంతరం (దరఖాస్తులకు ఆహ్వానం, స్రూ్కటినీ, ఇంటర్వ్యూలు) నియామకాలు జరుగుతాయి. రెండుసార్లు నోటిఫికేషన్ల ప్రక్రియ ఇంటర్వ్యూల దశ వరకూ వచ్చి ఎటువంటి నియామకాలు జరక్కుండా మురిగిపోయాయి.మూడవదశ నోటిఫికేషన్‌ సమయంలో రాష్ట్ర వ్యాప్తంగా 1,462 మంది దరఖాస్తు చేసుకుంటే, వారిలో 641 మందిని అనర్హులుగా తేల్చి 821 మందిని ఇంటర్వ్యూ చేసింది. ఆగస్టు రెండవ వారంలో 9 జిల్లాలకు కేవలం 33 మందిని నియమించింది. అన్ని జిల్లాలకు పూర్తిస్థాయిలో నియామకాలు చేయాల్సిన దశలో ‘మళ్లీ నోటిఫికేషన్‌’ అంటూ మొదటికి వచ్చింది. ఇప్పటికే అర్హులను తేల్చిన వారిలో అధికార కూటమికి చెందిన వారు లేకపోవడంతో తమ వారిని నియమించుకునే ఉద్దేశంతోనే ప్రభుత్వ పెద్దలు మళ్లీ నోటిఫికేషన్‌కు చర్యలు చేపట్టారనే విమర్శలు వస్తున్నాయి. మహిళా శిశు సంక్షేమ శాఖ మంత్రి గుమ్మిడి సంధ్యారాణి అధికారులపై ఒత్తిడి తెచ్చి మరీ తాజా నోటిఫికేషన్‌ ఇప్పించినట్టు సమాచారంహైకోర్టు ఆదేశాలు ఉన్నా.. వేగంలేని వైనం బాలల న్యాయ చట్టం–2015 నిబంధనలు ప్రకారం ఈ పదవులకు దరఖాస్తు చేయాలంటే కనీసం 7 సంవత్సరాలు బాలల కోసం పని చేసిన అనుభవం ఉండాలి. దాన్ని పరిగణనలోకి తీసుకుని హైకోర్టు రిటైర్డ్‌ జడ్జి కృపాసాగర్‌ అధ్యక్షతన మూడవ నోటిఫికేషన్‌కు సంబంధించి ఇంటర్వ్యూలను ముగించారు. అయినప్పటికీ ఎంపిక ప్రక్రియ పూర్తి కాలేదన్న విషయం హైకోర్టు దృష్టికి రావడంతో ఇందుకు సంబంధించిన పూర్తి వివరాలు సీల్డ్‌ కవర్‌లో కోర్టుకు సమరి్పంచాలని ఈ ఏడాది జూన్‌ 26 చీఫ్‌ జస్టిస్‌ లీసా గిల్‌ నేతృత్వంలోని బెంచ్‌ ప్రభుత్వాన్ని ఆదేశించింది. ఇందుకు జూలై 22 వరకు గడువు ఇచ్చింది. అయితే ఎంపికైన అభ్యర్థుల గురించి పోలీసు విచారణ పెండింగ్‌లో ఉందని పోలీసు శాఖపై నెపం మోపి కోర్టులో వాయిదా కోరారు. ఈ నేపథ్యంలో హైకోర్టు సెపె్టంబర్‌ 23 వరకు ప్రభుత్వానికి గడువు ఇచ్చింది. అయినా పూర్తి నియామకాల దిశగా ప్రభుత్వం వేగవంతమైన సమగ్ర, పటిష్ట చర్యలు తీసుకోకపోవడం గమనార్హం. ఇంటర్వ్యూలకు రూ. లక్షల్లో వ్యయాలు గత మూడు పర్యాయాల నోటిఫికేషన్‌లో దరఖాస్తులు స్వీకరించిన ప్రభుత్వం, రెండు పర్యాయాలు ప్రైవేట్‌ హోటల్‌లో ఇంటర్వ్యూలను నిర్వహించేందుకు రూ.20 లక్షలకుపైగా ప్రజాధనం వృథా చేసింది. మూడోసారి ప్రభుత్వ కార్యాలయంలో ఇంటర్వ్యూలు నిర్వహించి మమ అనిపించింది. మొత్తంగా ఈ వ్యవహారంలో రాష్ట్రంలోని వేలాది ఆశావహులు వ్యయప్రయాసాలకు గురవుతున్నారు. ఆ 33 మందికి మినహాయింపు మూడవ నోటిఫికేషన్‌కు సంబంధించి ఆగస్టు రెండవ వారంలో తొమ్మిది జిల్లాలకు నియమితులైన కేవలం 33 మందిని ప్రభుత్వం తాజా 4వ నోటిఫికేషన్‌ నుంచి మినహాయించింది. అయితే వారిలో 20 మంది మాత్రమే ఇప్పటికి బాధ్యతలు స్వీకరించినట్లు సమాచారం. వారిని అలాగే వదిలేసి మిగిలిన నియామకాలకు సంబంధించి మళ్లీ దరఖాస్తుల ప్రక్రియ ప్రారంభం కానుంది.

సాక్షి, అమరావతి: రాష్ట్రంలో 2024 నుంచి ఇప్పటి వరకూ పాము కాట్లతో 60 మంది మృతి చెందారని రాష్ట్ర వైద్య, ఆరోగ్య శాఖ మంత్రి సత్యకుమార్‌ ప్రకటించారు. గడచిన మూడేళ్లలో దాదాపు 4,800 పాము కాటు ఘటనలు చోటు చేసుకున్నాయని చెప్పారు. సెప్టెంబర్‌ 19 నుంచి 25 వరకు అంతర్జాతీయ పాముకాటు అవగాహన దినోత్సవ కార్యక్రమాలు నిర్వహిస్తున్నామన్నారు.ఇందుకు సంబంధించిన వాల్‌పోస్టర్‌లను మంగళగిరిలోని క్యాంప్‌ కార్యాలయంలో శనివారం ఆవిష్కరించారు. ప్రభుత్వాస్పత్రులతో పాటు, 108 అంబులెన్స్‌ల్లోను పాముకాటు విరుగుడు మందు అందుబాటులో ఉందన్నారు. పాము కాట్లతో 2024లో 41 మంది, గతేడాది 13 మంది, ఈ ఏడాది ఇప్పటి వరకూ ఆరుగురు మరణించారన్నారు.

‘తిండి కలిగితే.. కండ కలదోయ్‌. కండ కలవాడే మనిషోయ్‌’ అని వందేళ్లకు పూర్వమే చెప్పారు గురజాడ అప్పారావు. ఇప్పుడు ఆ మాటలో మార్పొచ్చింది. ‘తిండి తింటే కండ రాదోయ్‌.. ప్రోటీన్‌ తింటేనే కండలోయ్‌’ అంటోంది నేటి తరం. ఈ నేపథ్యంలోనే ప్రోటీన్‌తో కూడిన ఆహారంపై దృష్టి పెడుతోంది. ఇందుకు వివిధ ఎంపికలు చేసుకుంటోంది. ప్రోటీన్‌ ఆహారాలపై ‘ఆసియా రీసెర్చ్‌–ఎంగేజ్‌మెంట్‌’ అధ్యయనం ఏం చెబుతోందంటే..సాక్షి, అమరావతి: ప్రోటీన్లతో కూడిన బలవర్ధక ఆహారం కోసం భారతీయుల మొదటి ఎంపిక పాల ఉత్పత్తులే. తరువాత స్థానాల్లో చిరు ధాన్యాలు, చేపలు, పౌల్ట్రీ ఉత్పత్తులు ఉన్నాయి. రానున్న కాలంలో భారత్‌లో ప్రోటీన్లతో కూడిన ఆహార ఉత్పత్తుల వినియోగం భారీగా పెరగనుందని సింగపూర్‌కు చెందిన ఆసియా రీసెర్చ్‌–ఎంగేజ్‌మెంట్‌ సంస్థ తన నివేదికలో వెల్లడించింది. ఫెడరేషన్‌ ఆఫ్‌ ఇండియన్‌ చాంబర్‌ ఆఫ్‌ కామర్స్‌ (ఫిక్కి)తో కలసి ఆ సంస్థ నిర్వహించిన అధ్యయనంలో కీలక అంశాలు నివేదించింది. తలసరి ప్రోటీన్లతో కూడిన ఆహార వినియోగం 2070 నాటికి మూడు రెట్లు పెరుగుతుందని తెలిపింది. దేశంలో జనాభా పెరుగుదలతోపాటు ప్రజల తలసరి, ఆరోగ్య పరిరక్షణపై అవగాహన పెరుగుతుండటమే అందుకు కారణమని పేర్కొంది. నివేదికలోని ప్రధాన అంశాలివీ⇒ ప్రస్తుతం దేశంలో ప్రోటీన్లతో కూడిన తలసరి ఆహార వినియోగం ఏడాదికి 9.5 కేజీలుగా ఉంది. 2070 నాటికి ఆ వినియోగం 30 కేజీలకు పెరుగుతుంది. ప్రోటీన్లతో కూడిన ఆహారం కోసం భారతీయులు అత్యధికంగా పాల ఉత్పత్తులపైనే ఆధారపడుతున్నారు. ⇒ 2025లో దేశంలో పాల ఉత్పత్తుల వినియోగం ఏడాదికి 5 మిలియన్‌ టన్నులుగా ఉంది. 2070 నాటికి ఆ వినియోగం 13.3 మిలియన్‌ టన్నులకు పెరుగుతుంది. ⇒ పాల ఉత్పత్తుల తలసరి వినియోగం ఏడాదికి 3.5 కేజీల నుంచి 2070 నాటికి 13.1 కేజీలకు పెరుగుతుంది. ⇒ రెండో స్థానంలో చిరు ధాన్యాలున్నాయి. 2025లో చిరుధాన్యాల తలసరి వినియోగం ఏడాదికి 2.61 కేజీలు ఉండగా.. 2070 నాటికి 9.12 కేజీలకు పెరుగుతుంది. ⇒ చేపలు, ఇతర మత్స్య ఆహార వినియోగం ఐదు రెట్లు పెరగనుంది. 2025లో దేశంలో చేపలు, ఇతర మత్స్య ఆహారం వినియోగం ఏడాదికి 0.6 మిలియన్‌ టన్నులు ఉండగా.. 2070నాటికి 2.9 మిలియన్‌ టన్నులకు పెరుగుతుంది. ⇒ 2025లో తలసరి చేపలు, మత్స్య ఆహారం వినియోగం ఏడాదికి 6.2 కేజీలు ఉండగా.. 2070 నాటికి 19.5 కేజీలకు పెరుగుతుంది. ⇒ ప్రోటీన్‌తో కూడిన ఆహారం కోసం భారతీయుల తరువాత ఎంపిక గుడ్లు, చికెన్‌. 2070 నాటికి దేశంలో గుడ్ల వినియోగం 25.7 మిలియన్‌ టన్నులకు, చికెన్‌ వినియోగం 16.2 మిలియన్‌ టన్నులకు చేరుతుంది. ⇒ 2025లో గుడ్ల తలసరి వినియోగం ఏడాదికి 6 కేజీలు ఉండగా.. 2070 నాటికి 17 కేజీలకు పెరుగుతుంది. ⇒ చికెన్‌ తలసరి వినియోగం ఏడాదికి 6.50 కేజీల నుంచి 2070 నాటికి 15 కేజీలకు చేరుకుంటుంది. ⇒ ప్రోటీన్‌ ఆహారం కోసం భారతీయుల ప్రాధాన్య జాబితాలో తరువాత స్థానాల్లో పోర్క్‌ (పంది మాంసం), మటన్, బీఫ్‌ ఉన్నాయి.

సాక్షి, అమరావతి: ఎట్టకేలకు కరువు మండలాల ప్రకటనకు బాబు ప్రభుత్వం సిద్ధమవుతోంది. మం­డలాల వారీగా నష్టాల అంచనాకు కస­రత్తు మొ­దలుపెట్టింది. ఈ నెల 24లోగా కరువు పరిస్థి­తులపై నివేదికలు ఇవ్వాలని కలెక్టర్లకు ఆదేశాలు జారీ చేసింది. రాష్ట్రాన్ని కరువు కమ్మే­సినా బాబు ప్రభుత్వం రైతుల గోడు పట్టించుకోవడం లేదంటూ వైఎస్సార్‌సీపీ అధినేత, మాజీ సీఎం వైఎస్‌ జగన్‌ ఇటీవల తీవ్రంగా విరుచుకుపడ్డారు. రాష్ట్రంలో నెలకొన్న కరువు పరిస్థితులు, రైతులను ఆదుకోవడంలో ప్రభుత్వం ప్రదర్శిస్తున్న నిర్లక్ష్య తీరును ఎండగట్టారు. తక్షణమే కరువు మండలా­లను ప్రకటించి రైతులను ఆదుకునేందుకు ప్రత్యేక ప్యాకేజీ ప్రకటించాలని డిమాండ్‌ చేశారు. చంద్రబాబు మొద్దునిద్ర వీడకపోతే ఆందోళనబాట ప­డతామని హెచ్చరించారు. దీంతో చంద్రబాబు ప్రభుత్వంలో కదలిక వచ్చింది. ఎట్టకేలకు కరువు మండలాల ప్రకటనపై కసరత్తు ప్రారంభించింది. 54.3 శాతం లోటు వర్షపాతం..ఖరీఫ్‌ సీజన్‌ ప్రారంభమైన తర్వాత జూన్‌ 1 నుంచి సెప్టెంబర్‌ 20కి 54.3 శాతం వర్షపా­తం లోటు నమోదైనట్లు రెవెన్యూ(విపత్తు నిర్వహ­ణ) శాఖ తెలిపింది. ప్రస్తుత వాతావరణ పరిస్థితు­ల దృష్ట్యా కరువు ప్రకటన చేసే ప్రక్రియ మొదలుపెట్టింది. ఈ మేరకు కలె­క్టర్లకు ఆదేశాలిచ్చింది. ముందస్తు కరువు పరిస్థితుల అంచనా చేపట్టా­లని సూచించింది. కరువు ప్రాంతంగా గుర్తించేందుకు వర్షాభావంతో పాటు వ్యవసాయ పంటలు, భూస్థితి తదితరా­లపై చూపిన ప్రభావాన్ని కూడా లెక్కించాలని ఆదేశించింది. ఏ మండలంలో వర్షా­భా­వం ఎక్కువ­గా ఉంది? ఎక్కడ సాగు దెబ్బతింది, ఏఏ పంటలు ఏంత మేర ఎండిపోయాయి? దిగుబడులు ఏ మేరకు తగ్గే పరిస్థితి ఏర్పడిందో పక్కాగా డేటా సేకరించాలని స్పష్టం చేసింది. ఈ నెల 24లోగా జిల్లాల వారీగా కరువు పరిస్థితు­లపై నివేదికలు ఇవ్వాలని కలెక్టర్లను ఆదేశించింది. నగరాలు, పట్టణాలు, మండలాలకు సంబంధించి నిర్దేశిత నమూనాల్లో కరువు ప్రతిపాదనలను పంపించాలని సూచించింది. జూన్‌ 1 నుంచి ఆగస్టు 31 వరకు నమోదైన వర్షపాతంతో పాటు పొడి వాతావరణం ప్రభావ సూచికల వివరాలను పరిగ­ణనలోకి తీసుకుని అంచనా వేయాలంది. కరువు ప్రతిపాదన­లలో క్షేత్రస్థాయి వాస్తవ నివేదికను కూడా పొందుపర్చాలని ఆదేశించింది. పంట న­ష్టం వివరా­లను క్షేత్రస్థాయి ఫొటోల ద్వారా నమో­దు చేయా­లని పేర్కొంది. ఆ ఫొటోలను, వివ­రాలను జిల్లా స్థాయిలో భద్రపరచాలని ఆదేశాలి­చ్చింది. మండలాల వారీగా జిల్లాల నుంచి అందే ప్రతిపాదనల ఆధారంగా కరువు మండలాల ప్రకటన చేసేందుకు ఏర్పాట్లు చేయాలని ఆదేశించింది. ఈనెల 30లోగా అన్నీ సిద్ధం చేయాలని స్పష్టం చేసింది.

సాక్షి, అమరావతి: రాష్ట్రంలోని నాలుగింట మూ­డొంతుల ప్రాంతం కరువు కోరల్లో చిక్కుకుపో­యింది. మొత్తం 663 గ్రామీణ మండలాలకుగాను ఏకంగా 78 శాతం మండలాలు అంటే.. 513 మండలాల్లో కరువు ఛాయలు నెలకొన్నాయి. వర్షాభావ పరిస్థితులపై సీఎం క్యాంపు కార్యాలయంలో శనివారం సీఎం చంద్రబాబు నిర్వహించిన సమీక్షలో అధికారులు ఈ విషయాన్ని వెల్లడించారు. 2026 ఖరీఫ్‌ సీజన్‌కు సంబంధించి ఏపీలోని 28 జిల్లాల్లో ప్రాథమిక అంచనా ప్రకారం మొత్తం 513 మండలాల్లో కరువు నెలకొందని అధికారులు ముఖ్యమంత్రికి తెలిపారు.వీటిలో 268 మండలాల్లో పరిస్థితి తీవ్రంగా, 245 మండలాల్లో మోస్తరుగా ఉందన్నా­రు. కరువు పరిస్థితులపై క్షేత్రస్థాయి పరిశీలనను వ్యవసాయ శాఖ చేపడుతుందని చెప్పారు. జిల్లా కలెక్టర్ల మార్గదర్శకత్వంలో క్షేత్రస్థాయి బృందాలు పంట నష్టం, దిగుబడి నష్టాన్ని పరిశీలిస్తాయని, అనంతరం వ్యవసాయ శాఖ క్షేత్ర పరిశీలన నివేదికను జిల్లా కలెక్టర్లకు సమర్పిస్తుందని అధికారులు చెప్పారు. కరువు ప్రతిపాదనలను రెవెన్యూ, డిజా­స్టర్‌ మేనేజ్‌మెంట్‌ శాఖకు కలెక్టర్లు సమర్పించాల్సి ఉంటుందన్నారు. దీనికి సెపె్టంబర్‌ 24 చివ­రి తేదీ­గా నిర్ణయించినట్లు చెప్పారు. ఈ ప్రతి­పా­దనలను సెపె్టంబర్‌ 29న రాష్ట్రస్థాయి కమిటీ సమా­వేశంలో పరిశీలిస్తారని అధికారులు తెలిపారు. అక్టోబర్‌ 1న కరువు మండలాలు ప్రకటించండి.. రాష్ట్రంలో వర్షాభావ పరిస్థితులను శాస్త్రీయంగా అంచనా వేసి అక్టోబర్‌ 1న కరువు మండలాలను ప్రకటించాలని సీఎం చంద్రబాబు అధికారులను ఆదేశించారు. కరువు మండలాలను గుర్తించడంతో పాటు ఎక్కడా పంట నష్టం జరగకుండా ముందస్తు చర్యలు చేపట్టాలని.. రాష్ట్రంలో వర్షాభావ పరిస్థితులపై ప్రతీనెలా కేంద్రానికి నివేదికలు పంపించాలని ఆయన సూచించారు. ఉద్యాన పంటలపై ప్రభావం.. ఉద్యాన పంటలు కాపాడటానికి ఇప్పటికే రూ.190 కోట్లు కేటాయించామని, వాటికి అత్యధిక ప్రాధాన్యత ఇవ్వాలని సమీక్షలో సీఎం చెప్పారు. రాష్ట్రంలోని 21 జిల్లాల్లో 1,357 రైతు సేవా కేంద్రాల పరిధిలో ఉన్న పంటలు హైరిస్క్‌ కేటగిరీలో ఉన్నా­యని అధికారులు తెలిపారు. వర్షాభావంతో 17,916 హెక్టార్లలోని నారింజ, బత్తాయి, మామి­డి, ఎర్ర మిరప, ఉల్లి, కూరగాయల పంటలు ప్రభావితం కానున్నాయని తెలిపారు. తాగునీటి ఎద్దడి తలెత్తకుండా చర్యలు..ఇక రాష్ట్రంలో ఎక్కడా తాగునీటికి ప్రజలు ఇబ్బందిపడకుండా చర్యలు చేపట్టాలని అధికారులను సీఎం ఆదేశించారు. తాగునీటికి బోర్లపైన ఆధారపడే ప్రాంతాలకు అవసరమైతే అదనంగా ట్యాంకర్ల ద్వారా నీటిని తరలించేలా చూడాలన్నా­రు. విశాఖలో తాగునీటి సమస్య తలెత్తకుండా ఇప్పటినుంచే కార్యాచరణ చేపట్టాలన్నారు. విశాఖ సమీపంలోని రిజర్వాయర్లు నింపేందుకు యుద్ధప్రాతిపదికన పనులు చేపట్టే అవకాశాలను పరిశీలించాలన్నారు. మేఘాద్రిగడ్డకు పోలవరం ఎల్‌ఎంసీ నుంచి ప్యాకేజీ–8 కింద పైపులైన్‌ ద్వారా నీటిని తరలించే పనుల్లో వేగం పెంచాలని ఆదేశించారు.

సాక్షి, అమరావతి: పాలు చుక్క కూడా ఉండవు.. కానీ, పన్నీర్‌ తయారైపోతుంది. పూర్తిగా రసాయనాలు, నూనెలే ఉంటాయి అందులో. అది తింటే రోగాలే. ఇప్పుడు విజయవాడ నగరంలో ఈ నకిలీ అనలాగ్‌ పన్నీరు విచ్చలవిడిగా అమ్మేస్తున్నారు. చూడటానికి పాలతో తయారు చేసిన స్వచ్ఛమైన పన్నీరులా కనిపించే ఈ నకిలీ పన్నీర్‌తో రాష్ట్ర మా­ర్కె­ట్‌ను కేటుగాళ్లు ముంచెత్తుతున్నారు. తెలంగాణ రాష్ట్రం హైదరాబాద్‌ నుంచి పెద్ద మొత్తంలో అన­లాగ్‌ పన్నీర్‌ను తెచ్చి విజయవాడ కేంద్రంగా రీ–­ప్యాకింగ్‌ చేసి పాలతో తయారు చేసిన పన్నీర్‌గా హోటళ్లు, రెస్టారెంట్‌లు, వినియోగదారులకు అంటగ­డుతున్నారు. శుక్రవారం విజయవాడలో ఫుడ్‌ సేఫ్టీ అధికారులు చేసిన తనిఖీల్లో ఈ వ్యవహారం బట్టబయలైంది. బీఆర్‌టీఎస్‌ రోడ్డులోని శ్రీ కనకదుర్గ డెయిరీ, గిరిపురంలో దేవరపల్లి కిశోర్‌ ఇంట్లో అనలాగ్‌ పన్నీర్‌ను పాలతో తయారు చేసిన పన్నీర్‌గా రీ ప్యాకింగ్‌ చేస్తున్నట్టు గుర్తించి, కేసులు నమోదు చేశారు. ఏమిటీ అనలాగ్‌ పన్నీర్‌? వాస్తవానికి ఆవు లేదా గేదె పాలను విరగ్గొట్టి పన్నీరు తయారు చేస్తారు. ఇది అసలైన పన్నీరు. అనలాగ్‌ పన్నీర్‌ అనేది పాలు లేకుండా పూర్తిగా కృత్రిమంగా తయారు చేస్తారు. పామాయిల్, వెజిటబుల్‌ ఆయిల్స్‌ (వంట నూనెలు), స్టార్చ్, సోయా ప్రోటీన్, సిట్రిక్‌ యాసిడ్, కృత్రిమ సువాసనలు, ప్రిజర్వేటివ్స్‌ను నీటిలో కలిపి అనలాగ్‌ పన్నీర్‌ను తయారు చేస్తారు. హైదరాబాద్‌లో అనలాగ్‌ పన్నీర్‌ తయారీ యూనిట్ల నుంచి 5 కిలోల ప్యాకెట్లను కేటుగాళ్లు ఏపీలోకి తెస్తున్నారు.వీటిని పాలతో తయారు చేసిన పన్నీర్‌ తరహాలో 250 గ్రాములు, అర కిలో, కిలో ప్యాకెట్‌లుగా రీప్యాకింగ్‌ చేసి మార్కెట్‌లోకి వదులుతున్నారు. విజయవాడలో పేరుమోసిన అనేక రెస్టారెంట్‌లు, హోటళ్లు గత కొన్నేళ్లుగా అనలాగ్‌ పన్నీర్‌నే కొని, ఆహార పదార్థాలు తయారు చేస్తున్నట్లు అధికారవర్గాలు చెబుతున్నాయి. ప్రొటీన్, కాల్షియం, ఇతర పోషకాల కోసం ఆహారప్రియులు పన్నీర్‌ను ఆహారంలో తీసుకుంటూ ఉంటారు.నూనెలతో కృత్రిమంగా తయా­రు చేసిన అనలాగ్‌ పన్నీర్‌లో అసలు ప్రొటీన్‌ అనేది ఉండదని ఫుడ్‌ సేఫ్టీ అధికారులు చెబుతున్నారు. పాలతో తయారు చేసిన పన్నీర్‌ను ప్రముఖ డెయి­రీలు కేజీ రూ.500, ఆపైన ధరలతో అమ్ముతుండగా, అనలాగ్‌ పన్నీర్‌ కిలో రూ.250కే లభిస్తోంది. దీంతో పలు హోటళ్లు, రెస్టారెంట్‌లలో చవకైనా, అనారోగ్య కారకమైన అనలాగ్‌ పన్నీర్‌తోనే ఆహార పదార్థాలు తయారు చేస్తున్నట్లు వెల్లడైంది.ఆరోగ్యంపై తీవ్ర ప్రభావం అనలాగ్‌ నకిలీ పన్నీర్‌ను నిత్యం వినియోగి­స్తే అనారోగ్య సమస్యలు కొనితెచ్చుకున్నట్టే­నని నిపుణులు హెచ్చరిస్తున్నారు. పామాయి­ల్, రసాయనాలతో శరీరంలో చెడు కొలెస్ట్రా­ల్‌ పెరిగి గుండె జబ్బుల ముప్పు పెరుగు­తుంది. జీర్ణవ్యవస్థ దెబ్బతినడం, అజీర్ణం, కాలేయ సమస్యలు, స్థూలకాయం(బరువు పెరగడం) వంటి అనర్థాలు చుట్టుముడతా­యి. అనలాగ్‌ పన్నీర్‌ విక్ర­యాలు, తయారీ, వినియోగాన్ని దేశంలో ఇప్పటికే ఎనిమిది రాష్ట్రాలు నిషేధించాయి. ఏపీలో విచ్చలవిడిగా అనలాగ్‌ పన్నీర్‌ లభి­స్తూ ప్రజారోగ్యానికి ముప్పు వాటిల్లుతున్నా చంద్రబాబు ప్రభుత్వం మాత్రం నిషేధం విధించడంపై మీనమేషాలు లెక్కిస్తోంది.తేడా తెలుసుకోవచ్చిలా⇒ పాలతో తయారు చేసిన స్వచ్ఛమైన పన్నీర్‌ స్పాంజ్‌లాగా మెత్తగా ఉంటుంది. దీనిని వేడి కూ­రల్లో వేసినప్పుడు, వేడి చేసినప్పుడు మెత్తగా మారు­తుంది కానీ కరిగిపోదు. అదే అనలాగ్‌ పన్నీర్‌లో వాడే నూనెలు, స్టార్చ్‌ కారణంగా ఇది వేడి తగిలితే త్వరగా కరిగిపోతుంది. లేదంటే సాగుతుంది.⇒ వంటింటి చిట్కాల ద్వారా కూడా నకిలీ పన్నీర్‌ను కనిపెట్టవచ్చు. కొద్దిగా పన్నీర్‌ ముక్కను నీటిలో ఉడకబెట్టి, ఆ నీటిని చల్లార్చాక రెండు చుక్కల ఉప్పు ద్రావ­ణం (అయోడిన్‌ టింక్చర్‌) వేయాలి. అప్పుడు అది నీలం లేదా నలుపు రంగులోకి మారితే అది అనలాగ్‌ పన్నీరే. ⇒ స్వచ్ఛమైన పన్నీర్‌ను చేతితో నలిపితే సులభంగా పొడిపొడిగా లేదా చిన్న ము­క్కలుగా విడిపోతుంది. కానీ నకిలీ పన్నీర్‌లో రసాయనాలు, గమ్‌/ఎమల్సి­ఫైయర్లు ఉండటంతో అది రబ్బ­రులా సాగుతుంది. అంత తేలికగా విడిపోదు.⇒ చిన్న పన్నీర్‌ ముక్కను అగ్గిపుల్లతో వెలిగిస్తే, అసలైన పన్నీర్‌ కాలి బూడిద అవుతుంది. అనలాగ్‌ పన్నీర్‌లో నూనెలు ఉండటంతో అది కొవ్వులా కరిగి, నురగ వస్తుంది. ⇒ స్వచ్ఛమైన పన్నీర్‌ తింటున్నప్పుడు తేలికపాటి పాల సువాసన, తియ్యటి రుచి వస్తాయి. నకిలీ పన్నీర్‌ వాసన ఉండదు.

సాక్షి, అమరావతి: నెట్‌ఫ్లిక్స్‌లో క్రైమ్‌ స్టోరీలు సీజన్‌లవారీగా విడుదలైనట్లు నారావారి భేతాళ కుట్ర కేసులో నాలుగో సీజన్‌ మొదలయ్యింది. ముఖ్యమంత్రి చంద్రబాబు డైరెక్షన్‌లో ప్రత్యేక దర్యాప్తు బృందం (సిట్‌) మద్యం అక్రమ కేసు నాటకాన్ని నానా ప్రయాసలు పడి రక్తి కట్టించేందుకు ప్రయత్నిస్తోంది. అయినా అతకని కథలు, పొసగని పాత్రల వల్ల ఈ కుట్రల నాటకం రసాభాస అవుతోంది. కుట్రలు, బెదిరింపులు, ప్రలోభాలతో సాగుతున్న దర్యాప్తు తీరును ప్రజలు గమనిస్తున్నారు. రెండేళ్లలో రాష్ట్రం అన్ని విధాలుగా అధోగతి పాలయ్యింది. ప్రజా సమస్యల నుంచి, పాలనా వైఫల్యాల నుంచి, డీఎస్సీ ఉద్యోగాలు అమ్ముకున్న తీరు నుంచి ప్రజల దృష్టిని మరల్చడానికి సిట్‌ చేత మళ్లీ భేతాళ కుట్ర కేసులో కొత్త కథలు మొదలుపెట్టారు. తాము చెప్పిన వారికి వ్యతిరేకంగా, తమకు కావలసిన విధంగా వాంగ్మూలాలు ఇవ్వని వారిని రకరకాల మార్గాల్లో తమ దార్లోకి తెచ్చుకోవడం, వారి చేత బలవంతంగా కోర్టు ముందు తప్పుడు వాంగ్మూలాలు ఇప్పించడం జనం చూస్తున్నారు. అలా తమ దార్లోకి తెచ్చుకున్న ఆంధ్రప్రదేశ్‌ రాష్ట్ర బేవరేజస్‌ కార్పొరేషన్‌ లిమిటెడ్‌ (ఏపీఎస్‌బీసీఎల్‌) అప్పటి ప్రత్యేకాధికారి దొడ్డా వెంకట సత్యప్రసాద్‌ను ఈ సీజన్‌లో రంగంలోకి దింపారు. అక్రమ మద్యం కేసులో సత్యప్రసాద్‌ చేత విజయవాడ ఏసీబీ కోర్టు ముందు శుక్రవారం తప్పుడు వాంగ్మూలం ఇప్పించారు. సిట్‌ ముందే సిద్ధం చేసి ఇచ్చిన స్క్రిప్‌్టలోని తప్పుడు వివరాలనే సత్యప్రసాద్‌ కోర్టు ముందు వల్లెవేశారు. రెండున్నర ఏళ్లుగా ఈ కేసులో ఏమీ కనుక్కోలేకపోయారంటూ సిట్‌పై ఇటీవల సుప్రీంకోర్టు తీవ్రస్థాయిలో మండిపడింది. సిట్‌ అతి చేస్తోందంటూ ఘాటుగా వ్యాఖ్యానించింది. ముందు సిట్‌ తీరును తేలుస్తామంది. దీనిని బట్టే సిట్‌ దర్యాప్తులో ఎంత చిత్తశుద్ధి ఉందో, ఎంత నిష్పాక్షికత, పారదర్శకత ఉన్నాయో అర్థం చేసుకోవచ్చు. అసలు సీఎంను చూసి ఉంటాడా..? సత్యప్రసాద్‌ అనే వ్యక్తి బెవరేజెస్‌ కార్పొరేషన్‌లో ఏ స్థాయి ఉద్యోగి. అసలు అతను తన జీవితకాలంలో ముఖ్యమంత్రిని కలవడం మాట అలా ఉంచి దగ్గరగా చూసి ఉంటాడా? ఐదేళ్ల కాలంలో ముఖ్యమంత్రిని ఈ స్థాయి ఉద్యోగి చూడడమే గగనం. అలాంటిది ముఖ్యమంత్రి నివాసంలో, ముఖ్యమంత్రితో సమావేశమైనట్లు అబద్ధాలు చెప్పించడం చూసి రాష్ట్ర ప్రజలు నివ్వెరపోతున్నారు. రేపు ఓ హోంగార్డును తీసుకొచ్చి ముఖ్యమంత్రిపై ఆరోపణలు చేయిస్తే చెల్లుబాటు అవుతుందా.. అని జనం చర్చించుకుంటున్నారు.. సీఎంను కలిసే అవకాశమే లేని సాధారణ ఉద్యోగిచేత ఇలాంటి తప్పుడు వాంగ్మూలాలు ఇప్పిస్తే చెల్లుబాటు అవుతుందా? కనీస ఇంగితజ్ఞానం ఉన్నవారెవరూ ఇలాంటి దిగజారుడు కుట్రలకు దిగరు.. సీపీతో సన్నిహిత సంబంధాల వెనుకవిజయవాడ సీపీతో సత్యప్రసాద్‌ సన్నిహిత సంబంధాలు బహిరంగ రహస్యమే. అప్రూవర్‌ వేషం వేయించి అబద్ధాలు చెప్పించే పనిని ప్రభుత్వ పెద్దలు సీపీకి అప్పగించినట్లు పోలీసు వర్గాలలో వినిపిస్తోంది. సత్యప్రసాద్‌ ఆస్తులలో సింహభాగం సీపీ దగ్గరుండి అమ్మించినట్లు సమాచారం. మిగిలిన ఆస్తులకు కూడా ఎలాంటి ఇబ్బంది లేకుండా ప్రభుత్వంలో పై స్థాయిలో మాట్లాడి సరిచేసేందుకు కూడా హామీ ఇచ్చినట్లు తెలుస్తోంది. మూడు రోజులుగా సత్యప్రసాద్‌కు ముందే సిద్ధం చేసిన స్క్రిప్ట్‌ ఇచ్చి బాగా తర్ఫీదు ఇచ్చి మరీ కావలసిన విధంగా వాంగ్మూలం ఇప్పించినట్లు న్యాయవర్గాలలో వినిపిస్తోంది. ఇప్పుడు సిట్‌ చెప్పింది కాబట్టే ..? సత్యప్రసాద్‌ నుంచి సిట్‌ మొదట ఫిబ్రవరి 21, 2025న వాంగ్మూలం తీసుకుంది. అనంతరం ఫిబ్రవరి 25న మెజి్రస్టేట్‌ ముందు ఆయన వాంగ్మూలం ఇచ్చారు. అటు తరువాత జులై 16న మరొక వాంగ్మూలం ఇచ్చారు. తాజాగా శుక్రవారం మరోసారి వాంగ్మూలం ఇచ్చారు. గతంలో ఇచ్చిన వాంగ్మూలాల్లో సత్యప్రసాద్‌ ఎన్నడూ వైఎస్‌ జగన్‌మోహన్‌రెడ్డి పేరు ప్రస్తావించలేదు. ఇప్పుడు సిట్‌ ఒత్తిడితోనే జగన్‌ పేరును సత్యప్రసాద్‌ చెప్పారన్న విషయం స్పష్టంగా అర్థమవుతోంది.వేధింపులు.. బెదిరింపులతోనే సిట్‌ దర్యాప్తు.. మద్యం అక్రమ కేసులో సిట్‌ తొలి రోజు నుంచి కూడా తన రాజకీయ బాసులను సంతృప్తిపరిచే దిశగానే దర్యాప్తు చేస్తూ వస్తోంది. వైఎస్సార్‌సీపీ కీలకనేతలే లక్ష్యంగా అరెస్ట్‌లు మొదలుపెట్టింది. పలువురిని బెదిరించింది. నోటీసులు జారీ చేసి భయభ్రాంతులకు గురి చేసింది. రాత్రీ పగలు ఫోన్లు చేస్తూ బూతులు తిడుతూ నరకం చూపించారు. ఈ కేసుతో సంబంధం లేని వ్యక్తులకు, వారి బంధువులకు, కుటుంబ సభ్యులకు ఫోన్లు చేసి చెప్పినట్లు విని తమకు కావాల్సిన విధంగా వాంగ్మూలాలు ఇవ్వాలని సిట్‌ బెదిరింపులకు దిగింది. ఇళ్లల్లోని మహిళలు, వృద్ధులు, నిందితుల తల్లిదండ్రులు, కుటుంబసభ్యుల పట్ల సిట్‌ అమానవీయంగా వ్యవహరించింది. వయోభారంతో ఉన్న వారిని, అనారోగ్యంతో బాధపడుతున్న వారిని కూడా సిట్‌ విడిచిపెట్టలేదు. చెప్పినట్లు వినేందుకు నిరాకరించిన కొందరిపై సిట్‌ అధికారులు భౌతిక దాడికి పాల్పడ్డారు. దీంతో సిట్‌ వేధింపులు పడలేక వారు హైకోర్టును ఆశ్రయించి తమ బాధను మొరపెట్టుకున్నారు. దీంతో హైకోర్టు సిట్‌ వేధింపుల నుంచి వారికి రక్షణ కల్పిస్తూ పలు ఉత్తర్వులిచ్చింది. ఈ కేసులో ఇప్పటివరకూ 57 మంది వ్యక్తులను, ఆయా సంస్థలను ఇరికించారు. దాదాపు 17 మందిని అరెస్టు చేశారు. మద్యం రవాణాలో అక్రమాలంటూ మరో కేసు నమోదు చేసి వేధింపులకు పాల్పడుతున్నారు. పోలీసు అధికారినే కిడ్నాప్‌ చేసిన సిట్‌సిట్‌ అధికారులు ఎంతకు బరి తెగించారంటే, వారు ఏకంగా కిడ్నాపర్ల అవతారం కూడా ఎత్తారు. తిరుపతికి చెందిన విశ్రాంత పోలీసు అధికారి సుబ్రహ్మణ్యంరెడ్డిని కిడ్నాప్‌ చేశారు. చెప్పినట్లు వాంగ్మూలం ఇవ్వాలంటూ ఆయన్ని చిత్ర హింసలకు గురిచేశారు. తన కొడుకు ఆచూకీ చెప్పాలని నానా ఇబ్బందులు పెట్టారు. 60 ఏళ్ల పైబడ్డ వ్యక్తులను వారి ఇంటి వద్దే విచారించాలని చట్ట నిబంధనలు చెబుతుంటే, వాటిని కాలరాస్తూ ఇష్టారీతిన సిట్‌ అధికారులు వ్యవహరించారు. మద్యం డిస్టిలరీలకు సంబంధించిన వారిని, వారి కుటుంబ సభ్యులను, వారి బంధువులను ప్రతి ఒక్కరినీ టార్గెట్‌ చేసి తమకు అనుకూలంగా మలుచుకునేందుకు ప్రయత్నించారు. కొందరు వీరికి భయపడి వారు చెప్పినట్లు చేయగా, మరికొందరు మాత్రం సిట్‌కు వ్యతిరేకంగా న్యాయపోరాటం చేశారు. సిట్‌ చెప్పినట్లు చేశారనే ప్రమోషన్‌వైఎస్సార్‌సీపీ సీనియర్‌ నేత చెవిరెడ్డి భాస్కర్‌రెడ్డి దగ్గర పనిచేస్తున్న ఇద్దరు గన్‌మెన్లను సిట్‌ బెదిరించి వైఎస్సార్‌సీపీ నేతలకు వ్యతిరేకంగా వాంగ్మూలాలు ఇవ్వాలని తీవ్రస్థాయిలో ఒత్తిడి తెచ్చింది. సిట్‌ మాట విన్న గిరిబాబు అనే కానిస్టేబుల్‌కు చంద్రబాబు ప్రభుత్వం వెంటనే పదోన్నతినిచ్చింది. ఒకేసారి రూ. 60వేల జీతం పెంచింది. గత జీతంతో పోలిస్తే ఇది 55 శాతం అధికం. ఈ కేసులో సిట్‌ ఏ రకంగా వాంగ్మూలాలను ఇప్పించిందో తెలియచేయడానికి ఈ ఘటన ఒక్కటి చాలు. సిట్‌కు ఎదురు తిరిగినందుకు థర్డ్‌డిగ్రీ... చెవిరెడ్డి దగ్గర పనిచేస్తున్న మదన్‌ మోహన్‌రెడ్డి అనే మరొక కానిస్టేబుల్, సిట్‌ బెదిరింపులకు, ప్రలోభాలకు లొంగలేదు. సిట్‌ కోరినట్లు ఎవరికీ వ్యతిరేకంగా వాంగ్మూలం ఇచ్చేది లేదని ఆయన తెగేసి చెప్పారు. దీంతో సిట్‌ అధికారులు అతన్ని అదుపులోకి తీసుకుని అతనిపై థర్డ్‌డిగ్రీ ప్రయోగించారు. అలాగే ఉద్యోగం నుంచి కూడా తీసేశారు. దీంతో ఆయన సిట్‌ అరాచకాలపై హైకోర్టును ఆశ్రయించారు. తప్పుడు వాంగ్మూలానికి సిట్‌ రెండు కోట్లు ఆఫర్‌... ఈ కేసులో ఆరోపణలు ఎదుర్కొంటున్న వెంకటేష్‌ నాయుడు అనే వ్యక్తికి రూ. 2 కోట్లను ఆశ చూపించి, తాము కోరిన విధంగా తప్పుడు వాంగ్మూలం ఇవ్వాలని ఒత్తిడి చేశారు. ఒప్పుకోనందుకు వెంకటేష్‌ నాయుడును అదుపులోకి తీసుకుని చిత్రహింసలు పెట్టి అరెస్టు చేశారు. సిట్‌ దౌర్జన్యాన్ని, డబ్బు ఇవ్వబోయిన విషయాన్ని ఆయన కోర్టుకే నివేదించారు. నిందితుల ల్యాప్‌టాప్, మొబైల్‌ ఫోన్లతో కుట్రలు... నిందితుల దగ్గర నుంచి స్వా«దీనం చేసుకున్న ల్యాప్‌­టాప్‌లు, మొబైల్‌ ఫోన్లు తదితర ఉపకరణాలను సిట్‌ అధికారులు అటు కోర్టుకు గానీ, ఇటు ఫోరెన్సిక్‌ ల్యాబ్‌­కు గానీ పంపలేదు. నిబంధనలకు విరుద్ధంగా వారు వాటిని తమ వద్దే ఉంచుకున్నారు. అప్పటికే కొను­గో­లు చేసిన ప్రత్యేక సాఫ్ట్‌వేర్‌ ద్వారా తమకు కావా­­ల్సిన విధంగా సమాచారాన్ని ఆ ల్యాప్‌టాప్‌లు, మొబైల్‌ ఫోన్లలోకి చొప్పించి, తప్పుడు సాక్ష్యాలను సృష్టించే ప్రయత్నం చేశారు. చివరకు న్యాయస్థానం నిల­దీయడంతో వాటన్నింటినీ ఫోరెన్సిక్‌ ల్యాబ్‌కు పంపారు. ఇది కోర్టుతో బేరసారాలాడడమే.. వాస్తవానికి మద్యం అక్రమ కేసులో ప్రధాన నిందితుడిగా ఉన్న ఏపీఎస్‌బీసీఎల్‌ అప్పటి మేనేజింగ్‌ డైరెక్టర్‌ (ఎండీ) దొంతిరెడ్డి వాసుదేవరెడ్డిని సైతం సిట్‌ అప్రూవర్‌గా మార్చేందుకు ప్రయత్నించింది. ముందస్తు బెయిల్‌కు సహకరిస్తామని ప్రలోభాలకు గురి చేసింది. అంతేకాక అతనితో పాటు సత్యప్రసాద్‌ చేత విజయవాడ ఏసీబీ కోర్టులో బలవంతంగా పిటిషన్‌ దాఖలు చేయించి, అప్రూవర్‌గా మారతామని, ముందస్తు బెయిల్‌ ఇవ్వాలని కోరేలా చేసింది. అయితే ఏసీబీ కోర్టు వాసుదేవరెడ్డి, సత్యప్రసాద్‌ల పిటిషన్‌ను కొట్టేసింది. అప్రూవర్‌గా మారుతాం కాబట్టి ముందస్తు బెయిల్‌ ఇవ్వాలని కోరడంపై అభ్యంతరం తెలిపింది. ఇది కోర్టుతో బేరసారాలు అడటమేనంటూ తీవ్రంగా ఆక్షేపించింది. దీంతో వాసుదేవరెడ్డి, సత్యప్రసాద్‌లు ముందస్తు బెయిల్‌ కోసం హైకోర్టులో వేర్వేరుగా పిటిషన్లు దాఖలు చేశారు. ఇవి పెండింగ్‌లో ఉండగా, వాసుదేవరెడ్డికి సిట్‌ తత్వం బోధపడింది. తనను పావుగా వాడుకుంటున్నారని గ్రహించారు. అంతర్గతంగా సిట్‌కు ఆయన అడ్డం తిరిగారు. దీంతో సిట్‌ వెంటనే తన ప్రతాపాన్ని చూపింది. వాసుదేవరెడ్డిని అరెస్ట్‌ చేసి రిమాండ్‌కు పంపింది. అంతేకాక మద్యం రవాణాలో అక్రమాలంటూ మరో కేసు నమోదు చేసి, అందులో కూడా వాసుదేవరెడ్డిని నిందితుడిగా చేర్చింది. ప్రైవేటు వ్యక్తుల డబ్బు దొరికితే.. లిక్కర్‌ డబ్బేనన్న సిట్‌... గత సార్వత్రిక ఎన్నికలు జరుగుతున్న సమయంలో దాచేపల్లి చెక్‌ పోస్టు వద్ద డబ్బు దొరికితే, ఆ డబ్బు తన వ్యక్తిగతమని, దానికి లెక్కలు ఉన్నాయని సదరు డబ్బు యజమాని చెప్పారు. అయితే సిట్‌ అధికారులు అతన్ని కూడా బెదిరించి ఆ డబ్బు మద్యం కేసు తాలుకు డబ్బుగా చెప్పారు. దీంతో ఆ వ్యక్తి న్యాయం కోసం హైకోర్టును ఆశ్రయించగా, కోర్టు సిట్‌ తీరును ఆక్షేపించింది. చివరకు మద్యం కేసుతో సంబంధం లేని వ్యక్తుల ఆస్తులను కూడా జప్తు చేసి, వాటిని కూడా మద్యం కేసుతో ముడిపెట్టారు. సిట్‌కు తలంటిన సుప్రీంకోర్టుసిట్‌ దర్యాప్తు తీరుపై సుప్రీంకోర్టు, హైకోర్టు, ఏసీబీ కోర్టులు పలు సందర్భాలలో తీవ్రంగా ఆక్షేపించాయి. సిట్‌ రెండేళ్లుగా ఏం చేసిందని సుప్రీంకోర్టు తీవ్ర ఆగ్రహం వ్యక్తం చేసింది. ఏమీ కనుగొనలేకపోయిందని తేల్చి చెప్పింది. ఈ కేసులో సిట్‌ అనుసరిస్తున్న పక్షపాత, చట్ట విరుద్ధ తీరును తప్పు పట్టింది. సిట్‌ తీరు ఆందోళన కలిగిస్తోందని, అతి చేస్తోందని తెలిపింది. ఈ కేసులో తాము ముందు సిట్‌ తీరు తేలుస్తామని, ప్రవర్తనను పరిశీలిస్తామని స్పష్టం చేసింది. ఆ తర్వాతే హైకోర్టు ఇచ్చిన తీర్పు లోతుల్లోకి వెళతామని తేల్చి చెప్పింది. సిట్‌ తీరు కచ్చితంగా ఆక్షేపణీయమేనని ఘాటుగా వ్యాఖ్యానించింది. ఏసీబీ కోర్టులోనూ సిట్‌కు శృంగభంగంసిట్‌ కుట్రలు ఒక్కటొక్కటిగా విఫలమవుతుండడంతో డబ్బు కట్టల డ్రామా ఆడారు. హైదరాబాద్‌లోని వర్ధమాన్‌ ఇంజినీరింగ్‌ కాలేజీ సమీపంలో ఒక ఫాంహౌసులో సిట్‌ అధికారులు 11 కోట్ల రూపాయల నోట్లకట్టలను అట్టపెట్టల్లో అక్కడి పెట్టించారు. అనంతరం తమ తనిఖీల్లో ఆ డబ్బు బయటపడిందని, ఇదంతా లిక్కర్‌ డబ్బేనంటూ కట్టు కథ అల్లారు. విజయవాడ ఏసీబీ కోర్టు, ఆ డబ్బు ఎక్కడి నుంచి వచ్చిందో తేల్చాలని సిట్‌ను ఆదేశించింది. డబ్బును జాగ్రత్తగా బ్యాంకులో ఉంచాలని కూడా ఆదేశించింది. అయితే సిట్‌ ఇక్కడే కోర్టుకు అడ్డంగా దొరికిపోయింది. డబ్బును భద్రపరిచిన తాలుకు రసీదును చూపాలని కోర్టు సిట్‌ అధికారులను ఆదేశించింది. దీంతో సిట్‌ అధికారులు కోర్టు నుంచే పారిపోయారు. సాయంత్రం వరకు కోర్టువైపు కూడా రాలేదు. హడావుడిగా బ్యాంకు అధికారుల వద్దకు వెళ్లి, వారిపై తీవ్ర ఒత్తిడి తెచ్చి, భద్రపరచమన్న డబ్బును బ్యాంకు నగదులో కలిపేశామని చెప్పించారు. దీంతో సిట్‌ కుట్ర బహిర్గతం అయింది. మానసిక సమస్యలతో సత్యప్రసాద్‌మానసిక సమస్యలతో బాధపడుతున్న సత్యప్రసాద్, అందుకు చికిత్స పొందుతూ పలు మందులు కూడా వాడుతున్నారని ఆయనతో కలసి పనిచేసిన కొందరు ఉద్యోగులు పేర్కొంటున్నారు. పదేళ్లుగా మానసిక రోగంతో బాధపడుతూ అనంతపురంలో చికిత్స పొందుతున్నట్లు తెలుస్తోంది. సత్యప్రసాద్‌ మానసికవైకల్యానికి చికిత్స పొందుతున్నట్లుగా మెడికల్‌ సర్టిఫికెట్లు కూడా ఉన్నాయి. అలాంటి మానసిక రోగి వాంగ్మూలాన్ని సిట్‌ ఎలా పరిగణనలోకి తీసుకుంటుంది? ఈ వాంగ్మూలానికి కోర్టులో విలువేముంటుంది?సత్యప్రసాద్‌ సహకరించారు.. బెయిల్‌ ఇచ్చేయండి...సత్యప్రసాద్‌ తమకు అన్ని విధాలా సహకరించారని హైకోర్టుకు సిట్‌ చెప్పింది. తమకు కావాల్సిన విధంగా వ్యవహరించారని తెలిపింది. తమకు కావాల్సిన రీతిలో వాంగ్మూలాలు కూడా ఇచ్చారంది. అందువల్ల అతన్ని అరెస్ట్‌ చేయాలనుకోవడం లేదని కోర్టుకు చెప్పింది. సత్యప్రసాద్‌ తరఫు న్యాయవాది కూడా సిట్‌ కోరినట్లుగానే అన్నీ చెప్పారని వివరించారు. దాంతో హైకోర్టు, సత్యప్రసాద్‌కు ముందస్తు బెయిల్‌ ఇచ్చింది. చెప్పినట్లుగానే తనకు ముందస్తు బెయిల్‌ ఇప్పించడంతో సత్యప్రసాద్‌ పూర్తిగా సిట్‌ చేతుల్లోకి వెళ్లిపోయారు. దీంతో సిట్‌ ఆయనను అప్రూవర్‌గా మార్చేందుకు రంగం సిద్ధం చేసింది. అందుకు అనుగుణంగా సిట్‌ ముందే స్క్రిప్ట్‌ సిద్ధం చేసి దాన్ని ఆయనకు ఇచ్చింది. కోర్టుకిచ్చే వాంగ్మూలంలో ఎవరెవరి గురించి చెప్పాలి.. ఎలా చెప్పాలి.. తదితర వివరాలన్నింటినీ సిట్‌ ముందే సత్యప్రసాద్‌కు దగ్గరుండి చెప్పింది. దీంతో సత్యప్రసాద్‌ సిట్‌ చెప్పినట్లే కోర్టులో వాంగ్మూలం ఇచ్చారు. 2014–19 మధ్య జరిగిందే దోపిడీ... ఇప్పుడు ఇంకా నాలుగురెట్లు దోపిడీయే లక్ష్యం..2014–19 మధ్య బినామీలు, సన్నిహితుల మద్యం కంపెనీల ముసుగులో చంద్రబాబు ప్రభుత్వ ఖజానాకు భారీగా గండి కొట్టారు. నిబంధనలకు విరుద్ధంగా అస్మదీయుల కంపెనీలకు అడ్డగోలుగా లబ్ధి కలిగించారు. అందుకోసం ముఖ్యమంత్రి హోదాలో స్వయంగా రెండు చీకటి జీవోలపై సంతకాలు చేశారు. తద్వారా ఖజానాకు ఏటా రూ. 1,300 కోట్ల చొప్పున 2015 నుంచి 2019 వరకు రూ. 5,200 కోట్లు గండికొట్టారు. ఈ విషయాన్ని కాగ్‌ రిపోర్టులో ఆధారాలతో సహా నివేదించింది. ఇక టీడీపీ సిండికేట్‌ ఆధ్వర్యంలో 4,380 ప్రైవేట్‌ మద్యం దుకాణాలు, వాటికి అనుబంధంగా 4,380 పర్మిట్‌రూములు, 43వేల బెల్ట్‌ షాపులతో మద్యం ఏరులై పారించారు. ఎమ్మార్పీకంటే 20శాతం అధిక ధరలకు మద్యం విక్రయాలు సాగించి ఐదేళ్లలో రూ.25 వేల కోట్లు కొల్లగొట్టారు.చంద్రబాబు ముఠా బాగోతం ఆధారాలతో సహా బైటపడడంతో 2023లో సీఐడీ కేసు నమోదు చేసింది. 2024లో అధికారంలోకి వచ్చిన చంద్రబాబు ప్రభుత్వం మద్యం మాఫియాకు తలుపులు బార్లా తెరిచింది. జగన్‌ హయాంలోని ప్రభుత్వ మద్యం దుకాణాల విధానాన్ని రద్దు చేసి ప్రైవేట్‌ మద్యం దుకాణాల వ్యవస్థను తీసుకువచ్చింది. రాష్ట్రంలోని 4,336 మద్యం దుకాణాలను ఏకపక్షంగా టీడీపీ సిండికేట్‌కు కట్టబెట్టింది. బార్లను కూడా టీడీపీ సిండికేటే ఏకపక్షంగా దక్కించుకుంది. దాదాపు 75వేల అనధికార బెల్ట్‌ దుకాణాల ఏర్పాటుకు పరోక్ష సహకారం అందించింది. మద్యం ఏరులై పారిస్తోంది. 2014–19నాటి మద్యం దోపిడీకి మించి మహాదోపిడీకి తెగబడుతోంది. ప్రివిలేజ్‌ ఫీజు రద్దు, ఎమ్మార్పీ కంటే 20శాతం అధిక ధరలతో 2014–19లో రూ.25వేల కోట్లు కొల్లగొట్టిన టీడీపీ పెద్దలు.. 2024–29లో అంతకు నాలుగురెట్లు.. అంటే రూ.లక్ష కోట్ల దోపిడీకి తెరతీశారు. అందుకోసం లాభాల మార్జిన్‌ 9 నుంచి 14 శాతానికి పెంచేశారు.., ఎమ్మార్పీ కంటే అధిక ధరలకు విక్రయాల ద్వారా దోచుకుంటున్నారు. ఆక్షన్‌ లేకుండా షాపులు రెన్యువల్‌ చేసేస్తున్నారు. ప్రతి ఐదు బాటిళ్లలో ఒకటి నకిలీయేనంటే వీళ్ల లాభాల కక్కుర్తి ఏ స్థాయికి చేరుకుందో అర్థం చేసుకోవచ్చు.అన్ని మాఫియాలు నడిపేది చంద్రబాబే..రాష్ట్రంలో ఒకవైపు మట్టి, ఇసుక, సిలికా, క్వార్ట్‌జ్‌æ, లేటరైట్‌ అన్నీ మాఫియానే. అన్నీ చంద్రబాబు డైరెక్షన్‌లోనే నడుస్తున్నాయి. ఆయన అనుయాయులు, బినామీలే వీటిని నడుపుతున్నారు.మరోవైపు ప్రభుత్వ ఆస్తులను వాళ్లకు నచ్చినవాళ్లకు, వాళ్ల మనుషులకు, బంధువులకు పప్పు­బెల్లాలకు కట్టబెడుతున్నారు. రాజధాని పేరుతో అమరా­వతిలో బిల్డింగ్‌లు ఎస్‌ఎఫ్‌టీకి రూ.21 వేల నుంచి 22వేలు దాటింది. పోర్టులు, ఫిషింగ్‌ హార్బర్లు, మెడికల్‌ కాలేజీలను శెనక్కాయలు, బఠాణీలకు అమ్మేస్తున్నారు. విలువైన భూమి ఎక్కడ కన్పించినా వదలడంలేదు. విశాఖపట్నంలో ఏ భూమినీ వదలడంలేదు. స్కాములు చేస్తున్నారు. ఇవన్నీ గాక డ్రగ్స్, గంజాయి.. బెల్ట్‌ షాపుల పేరిట నకిలీ లిక్కర్‌. ప్రతి ఊరుకు, ప్రతి వీధికి చంద్రబాబు తీసుకుపోయాడు. ఇదే రాష్ట్రంలో జరుగుతున్న పాలన. చెలరేగిపోతున్న డ్రగ్స్, గంజాయి మాఫియా చంద్రబాబు ప్రభుత్వం వచ్చాక గంజాయి, డ్రగ్స్, నకిలీ మద్యానికి రాష్ట్రం కేరాఫ్‌గా మారింది. రాష్ట్రాన్ని డ్రగ్స్‌ రాజధానిగా మారుస్తున్నారు. చంద్రబాబు అధికారంలోకి వచ్చినప్పటి నుంచి డ్రగ్స్, గంజాయి మాఫియా చెలరేగిపోతోందని, పచ్చ పార్టీ నేతలు మత్తుకు బ్రాండ్‌ అంబాసిడర్‌గా మారారని నెటిజన్లు సోషల్‌ మీడియాలో కడిగి పారేస్తున్నారు. కొద్ది రోజుల క్రితం డ్రగ్స్‌ తీసుకుని పట్టుబడిన ఎమ్మెల్యే ఆదినారాయణ రెడ్డి కుమారుడి బాగోతాన్ని గుర్తు చేస్తున్నారు. దేశంలో ఎక్కడ డ్రగ్స్, గంజాయి దందా బయటపడినా వాటి మూలాలు ఆంధ్రప్రదేశ్‌లోనే ఉంటున్నాయి. దేశంలో ఎక్కడ డ్రగ్స్‌ పార్టీని పోలీసులు ఛేదించినా టీడీపీ కూటమి పెద్దలే చిక్కుతున్నారు. టీడీపీ కూటమి ప్రజా ప్రతినిధులు, వారి కుటుంబ సభ్యులే డ్రగ్స్‌ మత్తులో జోగుతూ దొరుకుతున్నారు. ఎందుకంటే డ్రగ్స్‌ దందా సాగిస్తున్నదే టీడీపీ పెద్దలు కావడంతో.. హైదరాబాద్, బెంగళూరు తదితర నగరాల్లో డ్రగ్స్‌ పార్టీల్లో వాళ్లే ప్రధాన భూమిక పోషిస్తున్నారు. ఏలూరు ఎంపీ పుట్టా మహేశ్‌ డ్రగ్స్‌ సేవిస్తూ హైదరాబాద్‌ పోలీసులకు చిక్కడంతో ఆ విషయం మరోసారి నిరూపితమైంది. టీడీపీ కూటమి పెద్దల కనుసన్నల్లో సాగుతున్న డ్రగ్స్, గంజాయి, నకిలీ మద్యం మాఫియా రాష్ట్రాన్ని కొల్లగొడుతోంది. ఆంధ్రప్రదేశ్‌ కేంద్రంగా యావత్‌ దేశంలో బరితెగించి దందా సాగిస్తోంది. టీడీపీ కీలక నేతల కుటుంబాలే ప్రాంతాల వారీగా డ్రగ్స్, గంజాయి, నకిలీ మద్యం దందాను పర్యవేక్షిస్తున్నాయి. పోలీసులేమీ తక్కువ తినలేదు. ఈ మాఫియాలో వారూ తమ వంతుపాత్ర వారు పోషిస్తున్నారు. ప్రకాశం జిల్లా అద్దంకి సమీపంలో ఇద్దరు ఎస్సైలు కారులో గంజాయి, మద్యం రవాణా చేస్తూ యాక్సిడెంట్‌ చేసి దొరికిపోవడం చూస్తే చంద్రబాబు హయాంలో రాష్ట్రంలో పరిస్థితి ఏస్థాయికి దిగజారిందో అర్ధమౌతుంది.

సాక్షి, అమరావతి: అల్పపీడనం, ద్రోణుల ప్రభావంతో కోస్తాంధ్రలో ఆదివారం నుంచి ఐదు రోజుల పాటు భారీ వర్షాలు కురిసే అవకాశం ఉందని రాష్ట్ర విపత్తుల నిర్వహణ సంస్థ తెలిపింది. ఉత్తర అండమాన్, దాని పరిసర ప్రాంతాలలో ఉన్న ఉపరితల ఆవర్తనం ప్రభా­వంతో అల్పపీడనం ఏర్పడిందని విపత్తుల నిర్వహణ సంస్థ మేనేజింగ్‌ డైరెక్టర్‌ ప్రఖర్‌ జైన్‌ శనివారం వెల్లడించారు.అల్పపీడనం పశ్చిమ వాయవ్య దిశగా కదులుతూ క్రమంగా బలపడి సోమవారం తూర్పు మధ్య బంగాళా­ఖాతంలో వాయుగుండంగా మారుతుందని పేర్కొన్నారు. మంగళవారానికి పశ్చిమ మధ్య బంగాళాఖాతంలో తీవ్ర వాయుగుండంగా బలపడే అవకాశం ఉందన్నారు. అలాగే ఉపరితల ఆవర్తనం నుంచి మధ్య బంగాళాఖాతం మీదుగా ఉత్తర కోస్తాంధ్ర వరకు ద్రోణి ఉందన్నారు. దీని ప్రభావంతో ఆదివా రం నుంచి ఐదు రోజులపాటు కోస్తాంధ్రలో భారీ వర్షాలు, తీరం వెంబడి బలమైన ఈదురుగాలులు వీచే అవకాశం ఉందన్నారు. వేటకు వెళ్లిన మత్స్య కారులు వెంటనే తీరానికి రావాలన్నారు.

సాక్షి, అమరావతి: రాష్ట్రంలో విద్యా వ్యవస్థ గాడి తప్పిందనడానికి ఏపీఈఏపీ సెట్‌ స్పోర్ట్స్‌ కోటా అభ్యర్థులకు స్కిల్‌ సెట్‌ నిర్వహణ తీరే నిదర్శనం. సర్కారు నిర్వాకంతో ప్రామాణిక ప్రవేశ పరీక్షలు రాసిన విద్యార్థులు తీవ్ర అన్యాయానికి గురవు­తు­న్నారు. ఏపీ ఈఏపీసెట్‌–2026లో ర్యాంకులు సాధించిన విద్యార్థులకు కౌన్సెలింగ్‌ నిర్వహించి సీట్లు కేటాయించారు. ఇంజినీరింగ్‌ కౌన్సెలింగ్‌ మొదటి, రెండవ, మూడో (చివరి) దశ కౌన్సెలింగ్‌ కూడా ఈనెల 17తో పూర్తయింది. పైగా తరగతులు సైతం ప్రారంభమై నెల రోజులు గడుస్తోంది. కానీ స్పోర్ట్స్‌ కోటా కింద సీట్ల కేటాయింపు మాత్రం నిర్లక్ష్యంగా వదిలేశారు. దీంతో స్పోర్ట్స్‌ కోటా కింద అర్హులైన 692 మంది విద్యార్థులు జనరల్‌ కౌన్సెలింగ్‌లో సీట్లు పొందాల్సి వచ్చింది. తమకు స్పోర్ట్స్‌ కోటా రిజర్వేషన్‌ ఉన్నా ఉపయోగించుకోలేకపోయినట్టయింది. అంతా పూర్తయ్యాక ఇప్పుడు శాప్‌ ఆధ్వర్యంలో స్కిల్‌ టెస్ట్‌కు రంగం సిద్ధం చేశారు. మరోపక్క ఇప్పటికే పూర్తయిన పాలిటెక్నిక్, ఈసెట్‌ కౌన్సెలింగ్‌లో ఇదే స్పోర్ట్స్‌ కోటా కింద దరఖాస్తు చేసుకున్న అభ్యర్థులకు ఎలాంటి స్కిల్‌ టెస్ట్‌ లేకుండానే సీట్లు ఇవ్వడం, ఈఏపీసెట్‌ అభ్యర్థులకు మాత్రం స్కిల్‌ టెస్ట్‌ నిర్వహణపై తీవ్ర దుమారం రేగుతోంది.ఆ సీట్లు ఏం చేస్తారు?ఈఏపీ సెట్‌లో చివరి దశ కౌన్సెలింగ్‌ ఈనెల17తో ముగిసింది. అలాగే, స్పెషల్‌ కేటగిరీ (స్పోర్ట్స్‌) సర్టిఫికెట్‌ వెరిఫికేషన్‌ జూలై నెలలోనే పూర్తి చేశారు. అప్పటి నుంచి ఉన్నత విద్యా శాఖ స్పోర్ట్స్‌ కోటాపై సరైన స్పష్టత ఇవ్వకపోవడంతో దాదాపు 692 మంది అర్హులైన మెరిటోరియస్‌ స్పోర్ట్స్‌ అభ్యర్థుల్లో చాలా మంది సాధారణ కౌన్సెలింగ్‌లో వివిధ కాలేజీల్లో చేరిపోయారు. ఇప్పుడు స్కిల్‌ టెస్ట్‌ ఆధారంగా వారికి స్పోర్ట్స్‌ కోటా సీట్లు భర్తీ చేస్తామని అధికారులు ప్రకటించడంతో వారికి మెరుగైన కాలేజీల్లో సీట్లు పొందే అవకాశం ఏర్పడుతుంది. అయితే, ప్రస్తుతం చేరిన కాలేజీల్లో ఖాళీ అయిన సీట్లను ఎవరితో భర్తీ చేస్తారు? అనేదానికి ఉన్నత విద్యాశా>ఖ వద్ద సరైన సమాధానం లేదు. మూడో దశ కౌన్సెలింగ్‌కు ముందే స్పోర్ట్స్‌ కోటా సీట్లు భర్తీ చేసినట్లయితే, జనరల్‌ అభ్యర్థులకు మరికొన్ని మెరుగైన కాలేజీలు ఎంపిక చేసుకునే అవకాశం ఉండేది. కానీ ఉన్నత విద్యాశాఖ నిర్లక్ష్యంతో అన్ని విధాలా విద్యార్థులు నష్టపోయినట్టయింది.ఒకే ఏడాది భిన్న విధానాలా?ఏపీ ఈఏపీ సెట్‌కి సంబంధించి స్పెషల్‌ కేటగిరీ (స్పోర్ట్స్‌) సర్టిఫికెట్‌ వెరిఫికేషన్‌ పూర్తయిన అభ్యర్థులకు సోమవారం(ఈనెల 21న) గుంటూరు జిల్లా ఆచార్య నాగార్జున యూనివర్సిటీలో కోచ్‌ల సమక్షంలో స్కిల్‌ టెస్ట్‌ నిర్వహిస్తామని ప్రభుత్వం ప్రకటించింది. అయితే ఇటీవల ముగిసిన పాలిటెక్నిక్, ఈసెట్‌ కౌన్సెలింగ్‌లో మాత్రం స్పోర్ట్స్‌ అభ్యర్థులకు ఎలాంటి స్కిల్‌ టెస్ట్‌ లేకుండానే సర్టిఫికెట్ల ఆధారంగా స్పోర్ట్స్‌ కోటా రిజర్వేషన్‌ అమలు చేశారు. ఒకే విద్యా సంవత్సరంలో స్పోర్ట్స్‌ కోటాపై ఉన్నత, సాంకేతిక విద్యాశాఖలు భిన్నమైన విధానాలు అనుసరించడంపై తీవ్ర విమర్శలు వ్యక్తమవుతున్నాయి. డీఎస్సీ స్పోర్ట్స్‌ కోటాలో జరిగిన అవకతవకల నేపథ్యంలో ‘స్కిల్‌’ టెస్ట్‌ అంటూ సర్కారు మరో డ్రామాకు తెరలేపిందని సర్వత్రా ఆగ్రహం వ్యక్తం అవుతోంది.

సాక్షి, అమరావతి: రాష్ట్రంలో బియ్యం ధరలకు అమాంతం రెక్కలొచ్చాయి. ఆకాశమే హద్దుగా దూసుకుపోతున్నాయి. మిల్లర్లు, వ్యాపారులతో కుమ్మక్కైన చంద్రబాబు సర్కార్‌ సామాన్య ప్రజలను గాలికొదిలేసింది. మామూళ్ల మత్తులో నియంత్రణ వ్యవస్థలను గాలికొదిలేయడంతో మిల్లర్లు, వ్యాపారులు ఎడాపెడా ధరలు పెంచేస్తున్నారు. గతంలో ఎన్నడూ లేని విధంగా కేవలం మూడు నాలుగు నెలల్లోనే క్వింటాకు రూ.2 వేల వరకు పెంచేశారు. సన్న రకాలే కాదు.. ముతక బియ్యం ధరలు కూడా చుక్కలనంటుతున్నాయి. దీంతో రిటైల్‌ మార్కెట్‌లో బ్రాండ్‌ ఏదైనా సరే బియ్యం ధరలు కిలోకు రూ.15 నుంచి రూ.20 వరకు పెరిగిపోవడంతో సామాన్య, మధ్య తరగతి ప్రజలు విలవిల్లాడిపోతున్నారు. బ్రాండ్‌ ఏదైనా కిలో రూ.70 రాష్ట్రంలో జనాభా ప్రాతిపదికన ప్రతి నెలా 5–6 లక్షల టన్నుల బియ్యం వినియోగం ఉంది. రెండు పూటలా బియ్యం తినే నలుగురు సభ్యులున్న కుటుంబానికి నెలకు కనీసం 40 కిలోల వరకు బియ్యం పడతాయని అంచనా. రేషన్‌ బియ్యం వినియోగం మినహాయించినా.. సామాన్య, మధ్య తరగతి ప్రజలు సగటున 3–4 లక్షల టన్నుల బియ్యం కొనుగోళ్లు చేస్తుంటారు. బ్రాండ్‌ ఏదైనా మార్కెట్‌లోకి బీపీటీ, హెచ్‌ఎంటీ ఆర్‌ఎన్‌ఆర్, రా రైస్‌ రకాల అమ్మకాలు ఎక్కువగా ఉంటాయి. గతంలో బీపీటీ రకాల కంటే హెచ్‌ఎంటీ రకాల ధరలు కిలోకు రూ.7–10 వరకు అధికంగా ఉండేవి. అలాంటిది ఉత్పత్తి తగ్గిపోయాయనే సాకుతో బీపీటీ రకాల ధరలను భారీగా పెంచడంతో బీపీటీ – హెచ్‌ఎంటీ రకాల మధ్య వ్యత్యాసం కిలోకు రూ. 3–4 మధ్యకు చేరింది. మార్కెట్‌లో లలిత, డైమండ్, శ్రీశీ, బృందావన్, 666, రైతుమిత్ర, బుల్, గోపిక, మహిత, బెల్, ఐశ్వర్య.. ఇలా ఏ బ్రాండ్‌ బియ్యం ధరలు చూసినా కిలో రూ.65–70కి తక్కువ పలకడం లేదు.మార్కెట్‌లో డిమాండ్‌ ఎక్కువగా ఉండే బ్రాండెడ్‌ సన్న బియ్యం మేలో కిలో రూ.54–56 మధ్య ఉండగా, ప్రస్తుతం గరిష్టంగా రూ.72కు చేరింది. చివరకు హెచ్‌ఎంటీ మసర్‌ (రంగు మారిన బియ్యం) ధర కూడా కిలో రూ.46 నుంచి రూ.56కు చేరిందంటే ఏ స్థాయిలో బియ్యం ధరలు పెరుగుతున్నాయో ప్రత్యేకంగా చెప్పనవసరం లేదు. ఈ ధరలు మరింత పెరిగే అవకాశాలు లేక పోలేదని వ్యాపారులు చెబుతుండడం ఆందోళన కలిగిస్తోంది. కరువు సాకుతో ధరలు పెంచేస్తున్న మిల్లర్లు సాధారణంగా ఏటా సాగైన పంటకు చెందిన బియ్యం ఉత్పత్తులు నవంబర్‌ నుంచి మార్కెట్‌కు వస్తుంటాయి. ప్రస్తుతం మార్కెట్‌లో ఉన్న బియ్యం నిల్వలన్నీ గతేడాది పండిన పంటకు సంబం«ధించినవే. గతేడాది ఖరీఫ్‌తో పాటు రబీలోనూ రికార్డు స్థాయిలోనే వరి సాగైందని ప్రభుత్వమే ప్రకటించింది. ఆ లెక్కన ప్రస్తుతం రాష్ట్రంలో సన్నరకాల నిల్వలకు ఢోకా లేదు. రైసు మిల్లర్ల వద్ద భారీ ఎత్తునే సన్నరకాల నిల్వలున్నాయి. అయినా సరే ప్రస్తుత సీజన్‌లో నెలకొన్న కరువును సాకుగా చూపిస్తూ మిల్లర్లు ఇష్టానుసారంగా బియ్యం ధరలను పెంచేస్తున్నారు. మేలో బీపీటీ రకాలు క్వింటా రూ.4 వేల నుంచి రూ.4,200, హెచ్‌ఎంటీ ఆర్‌ఎన్‌ఆర్‌ రకాలు రూ.4,500 నుంచి రూ.4,800, రా రైస్‌ రూ.5,300 వరకు ఉండేవి.అలాంటిది నాలుగు నెలల్లో క్వింటాకు రూ.2 వేల వరకు పెంచేశారు. ప్రస్తుతం బీపీటీ రకాలు రూ.6 వేల నుంచి రూ.6,100, హెచ్‌ఎంటీ ఆర్‌ఎన్‌ఆర్‌ రకాలు రూ.6,400 నుంచి రూ.6,500, రా రైస్‌ రూ.6,500 పలుకుతున్నాయి. చివరికి మసర్‌ (రంగు మారిన ధాన్యానికి చెందిన బియ్యం) ధరలు కూడా రికార్డు స్థాయిలో పెరిగిపోయాయి. బీపీటీ మసర్‌ రకాలు రూ.3,500 నుంచి రూ.3,900కు పెరగగా, హెచ్‌ఎంటీ మసర్‌ బియ్యం క్వింటా రూ.4,200 నుంచి రూ.5,400కు చేరింది.బియ్యం క్వింటా మేలో రూ.4,200 ఉండగా, ప్రస్తుతం రూ.5,400కు చేరింది. అంటే గడిచిన నాలుగు నెలల్లో మిల్లర్లు బ్రాండ్‌ను బట్టి క్వింటాకు రూ.2 వేలకు పైగా పెంచేశారు. దీనికి అదనంగా లోడింగ్, అన్‌ లోడింగ్, బ్రోకరేజ్, హమాలీ చార్జీలతో పాటు కొంత మేర మార్జిన్‌ వేసుకొని స్థానికంగా బియ్యం వ్యాపారులు వినియోగదారులకు విక్రయిస్తున్నారు. చోద్యం చూస్తున్న ప్రభుత్వం వాస్తవానికి ధరలు పెరిగినప్పుడు ప్రభుత్వం జోక్యం చేసుకోవాలి. నియంత్రణా వ్యవస్థ ద్వారా నిఘా పెట్టాలి. బ్లాక్‌ మార్కెటింగ్‌ను అరికట్టాలి. ధరల పెరుగుదలకు మూలాలను అన్వేషించి ధరల నియంత్రణకు చర్యలు చేపట్టాలి. విస్తృత తనిఖీలు నిర్వహిస్తూ కృత్రిమ కొరత సృష్టించే వ్యాపారులు, మిల్లర్లపై కఠిన చర్యలు తీసుకోవాలి. అవసరమైతే క్రిమినల్‌ కేసులు పెట్టాలి. కానీ రికార్డు స్థాయిలో ధరలు పెరుగుతున్నా ప్రభుత్వానికి చీమ కుట్టి నట్టయినా లేదు. మిల్లర్లు, హోల్‌సేల్‌ వ్యాపారుల నుంచి నెలవారీ మామూళ్ల మూటలకు తలొగ్గి నోరు మెదపడం లేదు. తనిఖీలు ఊసెత్తడంలేదు. అక్రమంగా నిల్వ ఉంచిన బియ్యం నిల్వలను వెలికి తీయడం లేదు. రాష్ట్ర వ్యాప్తంగా రైతు బజార్లలో ప్రత్యేక కౌంటర్ల ద్వారా కిలో రూ.52కే సన్న బియ్యం విక్రయిస్తున్నాం అంటూ గొప్పలు చెప్పుకోవడమే తప్ప క్షేత్ర స్థాయిలో కానరావడం లేదు. రిటైల్‌ మార్కెట్‌లో పెరుగుతున్న ధరలను అదుపు చేయడంలో విఫలమైన ప్రభుత్వం ప్రచారార్భాటానికి తెగబడుతోందని ప్రజల్లో విమర్శలు వెల్లువెత్తుతున్నాయి. ఇంటి ఖర్చులు రెట్టింపయ్యాయిమా వారు ఏసీ మెకానిక్‌. మాకు ఇద్దరు పిల్లలు. ఇంటి ఖర్చులకు గతంలో నెలకు రూ.4 వేలు అయ్యేవి. కానీ ప్రస్తుతం పెరిగిన ధరలతో రెట్టింపు ఖర్చు చేయాల్సి వస్తోంది. ఒకరోజు పని ఉంటే ఒక రోజు పని ఉండదు. కానీ ఖర్చులు మాత్రం తగ్గడం లేదు. కొన్నాళ్లుగా బియ్యం ధరలు చుక్కలనంటుతున్నాయి. పాతిక కేజీల బస్తాకు రూ.1,750 పెట్టాల్సి వస్తోంది. చాలా ఇబ్బందిగా ఉంది. – తిరుమానిగౌరి, నిడమానూరు, కృష్ణా జిల్లాఏం కొనాలో.. ఏం తినాలో.. మాది వ్యవసాయ కుటుంబం. పూట గడవడమే కష్టంగా ఉంది. మార్కెట్‌లో బియ్యంతో పాటు నిత్యావసర వస్తువుల ధరలన్నీ విపరీతంగా పెరిగి పోతున్నాయి. అదుపు చేయాల్సిన ప్రభుత్వం పట్టించుకోవడంలేదు. సన్న బియ్యం ధర షాక్‌ కొడుతోంది. పప్పులు, నూనె ధరలు చూస్తుంటే చురుక్కుమంటున్నాయి. ఏం కొనాలో.. ఏం తినాలో అర్థం కావడం లేదు. – గాజుల శ్రీనివాసరావు, ఆవులవారిపాలెం, బాపట్ల జిల్లాఒక పూట తింటే మరో పూట పస్తులే.. బియ్యం ధరలు చుక్కలంటుతున్నాయి. మార్కెట్‌లో పాతిక కేజీల బస్తా రూ.1,600 తక్కువ లేదు. బస్తాపై రూ.250 నుంచి రూ.500 వరకు పెరిగింది. దీంతో ఒకపూట తింటే ఒక పూట పస్తులుండాల్సిన పరిస్థితులు ఏర్పడ్డాయి. – పి.నాగమల్లేశ్వరమ్మ, తూర్పుపాలెం, బాపట్ల జిల్లామరింత పెరిగే అవకాశం బియ్యం ధరలు నాలుగు నెలల్లో 26 కేజీల బస్తాకు రూ.500 వరకు పెరిగాయి. కిలోకు రూ.15–20 వరకు పెరిగాయి. మరింత పెరుగుతాయంటున్నారు. మిల్లర్లను అడుగుతుంటే పంట లేదు కదా.. అని బదులిస్తున్నారు. – బత్తుల లక్ష్మీనరసింహస్వామి, బియ్యం వ్యాపారి, విజయవాడ

సాక్షి, అమరావతి: కొత్త పింఛన్ల మంజూరు కోసం చేపట్టిన దరఖాస్తుల స్వీకరణ పట్టుమని పది రోజులు కూడా సాగలేదు. అవ్వాతాతలు, వితంతువులు, దివ్యాంగులు, చేనేత కారి్మకులు, డప్పు కళాకారులు, కల్లుగీత కార్మికులకు కొత్త పింఛన్లకు అర్హత ఉన్నా.. అందుకు సంబంధించిన ధ్రువీకరణ పత్రాలు సమకూర్చుకునేలోపే దరఖాస్తు ప్రక్రియను చంద్రబాబు ప్రభుత్వం నిలిపివేసింది. ఈ నెల 7వ తేదీ నుంచి మొదలైన దరఖాస్తుల నమోదు ప్రక్రియ కేవలం 9 పనిదినాల్లో శుక్రవారం (18వ తేదీ)తో ముగిసింది. గడచిన రెండేళ్ల రెండు నెలల కాలంలో అర్హులైన వారు పింఛన్ల కోసం దరఖాస్తు చేసుకునే వీలు కల్పించలేదు.స్థానిక సంస్థల ఎన్నికలు సమీపిస్తుండటంతో.. ఒకరోజు ముందు ప్రకటించి మరునాటి నుంచే ఆన్‌లైన్‌లో దరఖాస్తుల నమోదును మొదలుపెట్టిన విషయం తెలిసిందే. రెండేళ్లపాటు పింఛన్‌ కోసం ఎదురు చూసిన లక్షలాది మంది ఒకేసారి దరఖాస్తు చేసుకోవడానికి సచివాలయాలకు క్యూ కట్టారు. దరఖాస్తులు స్వీకరించిన ప్రతిరోజూ దరఖాస్తుల నమోదు పోర్టల్‌ మొరాయించింది. 60 ఏళ్లు నిండిన వృద్ధులు అన్ని అర్హతలున్నా వృద్ధాప్య పింఛన్‌కు దరఖాస్తు చేసుకోవడానికి అష్టకష్టాలు పడ్డారు. అష్టకష్టాలు పడి పత్రాలు తెచ్చుకున్నా.. పింఛన్‌ కోసం దరఖాస్తు చేసుకునేవారు ఆధార్‌ కార్డులో గతంలో ఏమైనా మార్పులు చేసుకున్నారా అనే వివరాల ధ్రువీకరణ పత్రం తీసుకురావాలని చంద్రబాబు ప్రభుత్వం నిబంధన పెట్టింది. ఆ పత్రం ఎక్కడ దొరుకుతుందో తెలియని అవ్వాతాతలు వారం రోజులపాటు అన్ని ఆఫీసులు, ఆధార్‌ సెంటర్ల చుట్టూ తిరిగారు. చాలామంది ఆ మార్పులు, చేర్పుల ధ్రువీకరణ పత్రం తెచ్చుకునేలోపే దరఖాస్తు ప్రక్రియ నిలిచిపోయింది. వితంతువులకు సైతం ఇలాంటి ఇబ్బందులు తప్పలేదు. పింఛన్‌ దరఖాస్తుతోపాటు భర్త మరణానికి సంబంధించి ధ్రువీకరణ పత్రాన్ని తప్పనిసరి చేశారు. మరణ ధ్రువీకరణ పత్రాలు తెచ్చుకోవడానికే కనీసం 21 రోజులు సమయం పడుతుంది. అయితే, దరఖాస్తుల స్వీకరణ ప్రక్రియ కనీసం పది రోజులు కూడా సాగకపోవడంతో ఆ నిర్ణీత గడువులోగా అర్హత ఉండీ దరఖాస్తు చేసుకోలేకపోయిన లక్షలాది మంది పేదలు ప్రభుత్వం మళ్లీ ఎప్పుడు దరఖాస్తులు తీసుకుంటుందోనని ఆందోళన పడాల్సిన పరిస్థితి వచ్చింది. ఎవరికి ఎప్పుడిస్తారో తెలియదు.. అంతా గోప్యతే వైఎస్‌ జగన్‌మోహన్‌రెడ్డి ప్రభుత్వంలో అర్హులైన వారు వలంటీర్ల ఆధ్వర్యంలో నిరంతరం కొత్త పింఛన్ల కోసం దరఖాస్తు చేసుకునే వెసులుబాటు ఉండేది. అప్పట్లో అర్హత ఉన్న ప్రతి ఒక్కరికీ సంతృప్త స్థాయిలో ఎప్పుటికప్పుడే కొత్త పింఛన్లు మంజూరు చేశారు. ఏ సచివాలయ పరిధిలో ఎంతమంది అర్హులు దరఖాస్తు చేసుకున్నారన్న వివరాలతో అందులో ఎవరికి మంజూరు చేశారు, ఎవరికి ఏ కారణంతో తిరస్కరించారనే వివరాలను గ్రామసభలో చర్చించి, ఆయా జాబితాలను ఆయా సచివాలయాల నోటీసు బోర్డుల్లో పెట్టేవారు. అప్పట్లో అంతా పూర్తి పారదర్శకంగా పింఛన్ల మంజూరు ప్రక్రియ కొనసాగగా.. చంద్రబాబు సీఎం అయ్యాక రెండేళ్ల రెండు నెలల తర్వాత దరఖాస్తులకు వీలు కల్పించి, ఆ ప్రక్రియనంతా రహస్యంగా చేపట్టారు. గ్రామ, వార్డు సచివాలయాల్లో ఎవరు ఎలాంటి దరఖాస్తు చేసుకున్నా.. ఆ దరఖాస్తు వివరాలన్నీ ఆన్‌లైన్‌ పోర్టల్‌లో అందుబాటులో ఉంటాయి. అయితే, పింఛన్లకు దరఖాస్తు చేసుకున్న వారి వివరాలు 7వ తేదీ తర్వాత మొదట రెండు రోజులపాటు అందరికీ తెలిసేలా అందుబాటులో ఉంచారు. గత శుక్రవారం నుంచి దరఖాస్తుల సంఖ్యతో పాటు దరఖాస్తుదారుల వివరాలన్నీ ప్రభుత్వం అందరికీ కనిపించకుండా చేసింది. ఈ మేరకు సచివాలయాల సేవ పోర్టల్‌లో మార్పులు చేసింది. దరఖాస్తు చేసుకున్న వారిలో అర్హులందరికీ ఒకేసారి కాకుండా విడతల వారీగా మాత్రమే మంజూరు చేస్తామని ప్రభుత్వం చెబుతోంది. ప్రభుత్వం తాజాగా జారీ చేసిన ఆదేశాలు చూస్తే అర్హతల్ని పక్కన పెట్టి పచ్చపార్టీ నేతలకు నచ్చిన వారికి మాత్రమే పింఛన్లు మంజూరు చేస్తారనే వ్యాఖ్యానాలు వినిపిస్తున్నాయి. 13.63 లక్షల దరఖాస్తులు ఈ నెల 7నుంచి 18వ తేదీ వరకు దాదాపు 13.63 లక్షల దరఖాస్తులు అందినట్టు అధికార వర్గాలు తెలిపాయి. అందులో దాదాపు సగం అవ్వాతాతల వృద్ధాప్య పింఛన్లు ఉన్నట్టు అంచనా వేస్తున్నారు. గ్రామ, వార్డు సచివాలయ సిబ్బంది ఆధ్వర్యంలో ఆ దరఖాస్తులపై లబ్ధిదారుల ఇళ్ల వద్ద పరిశీలన కార్యక్రమం ఈ నెల 23 వరకు కొనసాగుతుందని చెబుతున్నారు. ఆ తరువాత ఎంపీడీవోలు, మున్సిపల్‌ కమిషనర్లు ఎంపిక చేసిన దరఖాస్తుదారుల జాబితాలను ఉన్నతాధికారులకు పంపనున్నట్టు అధికార వర్గాలు పేర్కొంటున్నాయి.

సాక్షి, విశాఖపట్నం: ఏపీలో భారీ వర్షాలు కురిసే అవకాశముందని వాతావరణ శాఖ వెల్లడించింది. సాయంత్రానికి ఉత్తర అండమాన్ సముద్రంలో అల్పపీడనం ఏర్పడనుంది. పశ్చిమ వాయువ్య దిశలో కదులుతూ అల్పపీడనం మరింత బలపడుతుందని వాతావరణ శాఖ అంచనా.ఈ నెల 23, 24వ తేదీ నాటికి తీవ్ర వాయుగుండం లేదా తుపానుగా ఉత్తర కోస్తా-దక్షిణ ఒడిస్సా మధ్య తీరం దాటే అవకాశం.. ఉందని పేర్కొంది. ఇప్పటికే ఏపీలో పలు ప్రాంతాల్లో వర్షాలు దంచికొడుతున్నాయి. శ్రీకాకుళం, విజయనగరం, అల్లూరి, విశాఖ, అనకాపల్లి, కాకినాడ పలు కోస్తా జిల్లాల్లో వర్షాలు కురుస్తున్నాయి. రేపటి నుంచి వర్షాలు మరింత పుంజుకొనున్నాయి.శ్రీకాకుళం, విజయనగరం, మన్యం, అల్లూరి, అనకాపల్లి, ఏలూరు, కాకినాడ, కృష్ణా, ఎన్టీఆర్ జిల్లాలకు అలర్ట్‌ జారీ చేసిన ఏపీ విపత్తుల నిర్వహణ సంస్థ.. ఆయా జిల్లాల్లో కొన్నిచోట్ల పిడుగులతో కూడిన మోస్తరు వర్షాలు పడే అవకాశముందని పేర్కొంది. 50-60 కి.మీ వేగంతో ఈదురుగాలులు వీచే అవకాశం ఉందని.. చెట్లు, హోర్డింగ్స్ వద్ద ఉండరాదని విపత్తుల నిర్వహణ సంస్థ హెచ్చరించింది.నిన్న(శుక్రవారం) ఎండ తీవ్రతతో పాటు కొన్ని ప్రాంతాల్లో వర్షాలు కురిశాయి. అనకాపల్లి జిల్లా నర్సీపట్నంలో 7 సెంటీమీటర్ల వర్షం కురిసింది. నంద్యాల జిల్లా కొలివిుగుండ్లలో 5, అనకాపల్లి జిల్లా బలిఘట్టంలో 4.8, కృష్ణాపురంలో 4.6, పెదబొడ్డేపల్లెలో 4.1, విజయనగరం జిల్లా కొత్తవలసలో 3.9, కాకినాడ జిల్లా రౌతులపూడిలో 2.1 సెంటీమీటర్ల చొప్పున వర్షపాతం నమోదైంది.ఇదీ చదవండి: బాబు కరువు.. ఊర్లకు ఊర్లు ఖాళీ

సాక్షి, తాడేపల్లి: సనాతన ధర్మ పరిరక్షకులమని గొప్పలు చెప్పుకునే కూటమి పార్టీల నేతలు, కనీసం హిందువులు ఎంతో భక్తిశ్రద్ధలతో జరుపుకునే ఆదిదేవుడు వినాయకుడి విగ్రహాల నిమజ్జనానికి నీళ్లు కూడా ఏర్పాటు చేయలేని దుస్థితిలో ఉన్నారని మాజీ మంత్రి వెల్లంపల్లి శ్రీనివాస్ తీవ్రస్థాయిలో ధ్వజమెత్తారు. తాడేపల్లి వైఎస్సార్‌సీపీ కేంద్ర కార్యాలయంలో ఆయన మీడియాతో మాట్లాడారు. రాష్ట్రంలో పలుచోట్ల నిమజ్జనానికి నీళ్లు లేక విగ్రహాలను ఎండిన కాలువలు, వాగుల్లో అలానే వదిలిపెడుతున్న హృదయ విదారక దృశ్యాలు చూస్తే ప్రతి హిందువు హృదయం కలుక్కుమంటోందని ఆవేదన వ్యక్తం చేశారు.డిప్యూటీ సీఎం పవన్ కళ్యాణ్, బీజేపీ నేతల హిందుత్వం ఇప్పుడు ఎక్కడికి పోయిందని, కనీసం నిమజ్జనానికి నీళ్లు కూడా ఈ ప్రభుత్వం ఏర్పాటు చేయలేదా? అంటూ ఆయన సూటిగా ప్రశ్నించారు. మరోవైపు, కలియుగ దైవం వెంకటేశ్వర స్వామి వారి అత్యంత పవిత్రమైన తిరుమల లడ్డూ ప్రసాదంలో జంతువుల కొవ్వు, పంది కొవ్వు, చేప నూనె కలిసిందంటూ సీఎం చంద్రబాబు, డిప్యూటీ సీఎం పవన్ కళ్యాణ్ అత్యంత నిస్సిగ్గుగా మాట్లాడిన పచ్చి అబద్ధాలన్నీ సుప్రీంకోర్టు ఆదేశాలతో నడుస్తున్న సిట్ నివేదిక ద్వారా తేలిపోయాయని స్పష్టం చేశారు.ఇప్పుడు చంద్రబాబు, పవన్ కళ్యాణ్, వారికి వత్తాసు పలికిన ఎల్లో మీడియా తమ ముఖాలను ఎక్కడ పెట్టుకుంటారని నిలదీశారు. చేసిన మహా పాపానికి వెంకటేశ్వరస్వామి వారికి, భక్తులకు కచ్చితంగా క్షమాపణ చెప్పి తీరాలని, లేనిపక్షంలో ఆ ఏడుకొండలవాడి శాస్తి తప్పదని వెల్లంపల్లి తీవ్రంగా హెచ్చరించారు.వినాయక చవితిపైనా కూటమి నిర్లక్ష్యంవినాయక చవితి అనేది పసిపిల్లల నుంచి పెద్దల వరకు ప్రతి హిందువు అత్యంత పవిత్రంగా, భక్తిశ్రద్ధలతో జరుపుకునే అతిపెద్ద పండుగ. ఎన్నో ఆర్థిక ఇబ్బందులు ఉన్నప్పటికీ భక్తులు మండపాలు వేసి పూజలు చేసుకుంటే, కనీస ఏర్పాట్లు చేయకుండా చంద్రబాబు ప్రభుత్వం హిందువుల మనోభావాలను దారుణంగా దెబ్బతీసింది. వెన్నుపోటు పాలనలో ఆదిదేవుడైన గణనాథుడికి కూడా తీరని అపచారం జరుగుతోంది.ఎండిన కాలువల్లో గణనాథులు..అనంతపురం జిల్లా బుక్కరాయి సముద్రం వద్ద హెచ్ఎల్సీ కాలువలో నీరు లేక, ఎల్లనూరు ప్రాంతంలో చిత్రావతి పరిసరాల్లో నీటి కొరత వల్ల పూజలు అందుకున్న విగ్రహాలను మట్టిలో, ఎండిన కాలువల్లో వదిలేయాల్సిన దారుణ పరిస్థితి వచ్చింది. రాష్ట్రంలో వర్షాభావ పరిస్థితులు ఉన్నాయని ప్రభుత్వానికి, అధికారులకు ముందే తెలుసు. అటువంటప్పుడు నిమజ్జనం కోసం ప్రత్యామ్నాయంగా చిన్న చిన్న కుంటలు, కాలువలు ఎందుకు తవ్వించలేదు?. నిమజ్జనానికి నీళ్లు వదలాలనే కనీస జ్ఞానం చంద్రబాబు నాయుడి ప్రభుత్వానికి లేదా?.ఇళ్లల్లో పూజలు.. వీడియోలకే పరిమితమైన నేతలుచంద్రబాబు, పవన్‌ కళ్యాణ్ తమ ఇళ్లల్లో పూజలు చేసుకుని, నాలుగు ఫోటోలు, వీడియోలు సోషల్ మీడియాలో వదిలేస్తే గొప్ప హిందూ భక్తులు అయిపోతారా? ఊర్లలో సామాన్య ప్రజలు వినాయక చవితిని ఎలా జరుపుకుంటున్నారు, నిమజ్జనాలు ఎలా జరుగుతున్నాయనే సోయి ఈ పాలకులకు ఏమాత్రం లేదు. ఉచిత కరెంటు ఇస్తున్నామంటూ పందిళ్లపై వందల కొద్దీ ఆంక్షలు పెట్టి భక్తులను తీవ్రంగా వేధించారు.వైజాగ్‌లో పోలీసుల వేధింపులు..విశాఖపట్నంలో భక్తులు లక్షల రూపాయలు ఖర్చుపెట్టి మండపాలు వేసుకుంటే, పోలీసులు వెళ్లి బెదిరించి మండపాలు తీసేయమంటున్నారు. ఒకపక్క సకల శాఖ మంత్రి నారా లోకేష్ ట్విట్టర్‌లో నీతులు చెబుతుంటే, గ్రౌండ్‌లో మాత్రం అన్నదానాలు, పూజలు చేసుకోకుండా ట్రాఫిక్ పేరుతో అడ్డంకులు సృష్టిస్తున్నారు. కూటమిలో ఉన్న బీజేపీ నేతలను సూటిగా అడుగుతున్నాను.. జై శ్రీరామ్, జై గణేష్ అనే మీరు, మీ ప్రభుత్వంలో గణనాథుడికి జరుగుతున్న ఈ ఘోర అవమానంపై ఎందుకు నోరు మెదపడం లేదు?.సిట్ నివేదికతో బట్టబయలైన లడ్డూ అసత్యాలుకలియుగ దైవం శ్రీవేంకటేశ్వర స్వామి పవిత్ర ప్రసాదంపై చంద్రబాబు, పవన్ కళ్యాణ్ అత్యంత దిగజారి విష ప్రచారం చేశారు. లడ్డూలో పంది కొవ్వు, గొడ్డు కొవ్వు, చేప నూనె, బాత్రూములు కడిగే కెమికల్స్ కలిపారంటూ సీఎం స్థానంలో ఉండి చంద్రబాబు పచ్చి అబద్ధాలు మాట్లాడారు. అయోధ్య రామాలయానికి పంపిన లక్ష లడ్డూలపై కూడా విషం చిమ్మి దేశవ్యాప్తంగా భక్తులను క్షోభకు గురిచేశారు. సుప్రీంకోర్టు ఆదేశాల మేరకు సీబీఐ పర్యవేక్షణలో పనిచేస్తున్న సిట్ ఇచ్చిన నివేదికలో ఎక్కడా జంతువుల కొవ్వు గానీ, కల్తీ గానీ జరిగినట్లు తేలలేదు.పవన్ కళ్యాణ్ దీక్షల డ్రామాలు.. ఎల్లో మీడియా విషంసనాతన ధర్మం అంటూ 11 రోజులు దీక్షలు చేసి, దుస్తులు మార్చి, గుడి మెట్లు కడిగి మీడియా ముందు ఊగిపోయిన పవన్ కళ్యాణ్ ఇప్పుడు ఏం సమాధానం చెబుతారు? రాజకీయ స్వార్థం కోసం, వైఎస్సార్సీపీని రాజకీయంగా ఎదుర్కొనే దమ్ము లేక దేవుడి ప్రసాదాన్ని అడ్డం పెట్టుకుని ఇంత నీచానికి ఒడిగడతారా? తిరుపతి లడ్డూపై పచ్చి అబద్ధాలతో ప్రజలను తప్పుదోవ పట్టించిన ఏబీఎన్, టీవీ5 లాంటి ఎల్లో మీడియా ఇప్పుడు ఎక్కడ దాక్కుంటుంది?కొండపైకి నడిచి వెళ్లి క్షమాపణ చెప్పాల్సిందే..ల్యాబ్‌కు పంపిన ఆ నెయ్యి ట్యాంకర్లు, శాంపిల్స్ అన్నీ కూడా కూటమి ప్రభుత్వం అధికారంలోకి వచ్చిన తర్వాత సరఫరా అయినవన్న విషయం స్పష్టమైందని వెల్లంపల్లి తెలిపారు. ఈ నేపథ్యంలో చేసిన ఘోర అపచారానికి చంద్రబాబు, పవన్ కళ్యాణ్, కూటమి నేతలు, ఎల్లో మీడియా చెంపలు వేసుకోవడంతో పాటు.. తిరుమల కొండపైకి నడుచుకుంటూ వెళ్లి, స్వామివారి పాదాల చెంత సాష్టాంగపడి భక్తులకు బేషరతుగా క్షమాపణలు చెప్పాలని డిమాండ్ చేశారు. లేనిపక్షంలో కలియుగ దైవం వెంకటేశ్వర స్వామి ఆగ్రహానికి గురికాక తప్పదని.. దేవుడే తగిన శాస్తి చేస్తాడని హెచ్చరించారు.ఇదీ చదవండి: వైఎస్‌ జగన్‌ వార్నింగ్‌తో దిగొచ్చిన చంద్రబాబు

సాక్షి, విజయవాడ/గుంటూరు: వైఎస్సార్‌సీపీ అధినేత, మాజీ ముఖ్యమంత్రి వైఎస్‌ జగన్‌మోహన్‌రెడ్డి జారీ చేసిన అల్టిమేటం నేపథ్యంలో కూటమి ప్రభుత్వంలో కదలిక కనిపించింది. రాష్ట్రంలో నెలకొన్న కరువు పరిస్థితులపై ప్రభుత్వం తక్షణమే స్పందించాలని, కరువు మండలాలను ప్రకటించాలని జగన్‌ డిమాండ్‌ చేసిన మరుసటి రోజే.. ముఖ్యమంత్రి చంద్రబాబు నాయుడు కీలక ప్రకటన చేశారు. రాష్ట్రంలో కరువు పరిస్థితులపై అధికారులతో సమీక్షించిన సీఎం.. అక్టోబర్‌ 1న కరువు మండలాలను ప్రకటించనున్నట్లు శనివారం స్వయంగా వెల్లడించారు. రాష్ట్రంలో నెలకొన్న కరువు, రైతుల సమస్యలు, సాగునీటి కొరత, వ్యవసాయ సంక్షోభంపై వైఎస్‌ జగన్‌ ఈ నెల 17న పార్టీ నేతలతో సమీక్ష నిర్వహించారు. అన్ని జిల్లాల అధ్యక్షులు, రీజనల్‌ కోఆర్డినేటర్లతో జరిగిన ఈ సమీక్షలో రాష్ట్రంలోని కరువు పరిస్థితులపై ప్రభుత్వాన్ని ఆయన నిలదీశారు. కరువు మండలాలను ప్రకటించకపోతే ఉద్యమిస్తామని ప్రభుత్వానికి అల్టిమేటం ఇచ్చారు.వైఎస్‌ జగన్‌ ఫైర్‌రాష్ట్రంలో రైతుల ఆత్మహత్యలు, సాగునీటి కొరత, వ్యవసాయ సంక్షోభంపై జగన్‌ సమీక్షించారు. కరువు కాలంలో రైతులను ప్రభుత్వం గాలికొదిలేసిందని ఆరోపించారు. ఎల్‌నినో కంటే ‘ఎల్లో నినో’తోనే రాష్ట్రానికి తీవ్ర నష్టం జరుగుతోందంటూ చంద్రబాబు ప్రభుత్వంపై ధ్వజమెత్తారు. జూన్‌ నుంచి వర్షపాతం లోటు కొనసాగుతున్నప్పటికీ కరువు మండలాలను ప్రకటించడంలో ప్రభుత్వం జాప్యం చేస్తోందని జగన్‌ ఆగ్రహం వ్యక్తం చేశారు. ఖరీఫ్‌ సీజన్‌లో సాధారణ సాగు విస్తీర్ణంతో పోలిస్తే సాగు గణనీయంగా తగ్గిందని, రైతులు తీవ్రంగా నష్టపోతున్నారని ఆయన పేర్కొన్నారు.చంద్రబాబు ప్రకటనఈ నేపథ్యంలో ముఖ్యమంత్రి చంద్రబాబు నాయుడు అధికారులతో సమీక్ష నిర్వహించారు. రాష్ట్రంలో కరువు పరిస్థితులపై అధికారులు సమర్పించిన నివేదికలను పరిశీలించారు. సెప్టెంబర్‌ 24 నాటికి జిల్లా స్థాయి ప్రతిపాదనలు సిద్ధం చేయాలని, సెప్టెంబర్‌ 29 నాటికి రాష్ట్రస్థాయి ప్రతిపాదనలు సిద్ధం చేయాలని అధికారులను ఆదేశించారు. అక్టోబర్‌ 1న కరువు మండలాలను ప్రకటించాలని సూచించారు.రాష్ట్రంలో 513 మండలాల్లో కరువు ఛాయలు ఉన్నట్లు అధికారుల నివేదికలో పేర్కొన్నట్లు సమాచారం. పంటల పరిస్థితి, వర్షపాతం లోటు, సాగునీటి లభ్యత తదితర అంశాలను పరిగణనలోకి తీసుకుని కరువు మండలాలపై ప్రతిపాదనలు సిద్ధం చేయనున్నారు.హైరిస్క్‌ కేటగిరీలో 1,357 ఆర్‌ఎస్‌కేలురాష్ట్రవ్యాప్తంగా వ్యవసాయ పరిస్థితులపై ప్రభుత్వం రిస్క్‌ ఆధారిత అంచనాలు చేపట్టింది. 1,357 రైతు సేవా కేంద్రాల పరిధిలో పంటలను హైరిస్క్‌ కేటగిరీలో గుర్తించినట్లు వ్యవసాయ శాఖ వెల్లడించింది. ఖరీఫ్‌లో వర్షపాతం లోటు నేపథ్యంలో రైతులను ఆదుకునేందుకు పంటల పరిస్థితిని అంచనా వేస్తున్నట్లు అధికారులు తెలిపారు.తాగునీటి సమస్యపైనా సమీక్షఇదిలా ఉండగా.. సాగుతో పాటు తాగు నీటి విషయంలోనూ జగన్‌ వార్నింగ్‌ పని చేసింది. విశాఖపట్నంలో తాగునీటి సమస్యపైనా ముఖ్యమంత్రి చంద్రబాబు సమీక్ష నిర్వహించారు. రాష్ట్రంలోని కరువు పరిస్థితులతో పాటు తాగునీరు, సాగునీటి లభ్యతపై కూడా అధికారులు ముఖ్యమంత్రికి వివరాలు అందించారు.ఇదీ చదవండి: బొత్స కూతురికి కీలక బాధ్యతలు అప్పగించిన వైఎస్‌ జగన్‌

సాక్షి, అమరావతి: న్యాయబద్ధంగా తమకు రావాల్సిన ఆర్థిక ప్రయోజనాలను నెరవేర్చడంతో పాటు తమ సమస్యల పరిష్కారానికి గ్రామ, వార్డు సచివాలయ ఉద్యోగులు ఈ నెల 27న దాదాపు లక్షమంది సిబ్బందితో విజయవాడ వేదికగా నిరసన తెలియజేయాలని గ్రామ, వార్డు సచివాలయ ఉద్యోగ సంఘాల ఐక్యవేదిక నిర్ణయించింది. ఈ మేరకు ఆయా ఉద్యోగ సంఘాల ప్రతినిధులు ప్రభుత్వానికి నోటీసు ఇచ్చారు. రెండేళ్లుగా వివిధ సందర్భాల్లో ప్రభుత్వానికి వినతిపత్రాలు ఇస్తూ వస్తున్న వీరు తమ సమస్యల పరిష్కారానికి ఉద్యోగ సంఘాలన్నీ ఉమ్మడిగా ఐక్య కార్యాచరణను చేపట్టాలని నిర్ణయించాయి. ఈనెల 23 కల్లా డిమాండ్లను పరిష్కరించని పక్షంలో 24 నుంచి ప్రత్యక్ష కార్యాచరణను మొదలుపెట్టనున్నట్లు గ్రామ, వార్డు సచివాలయ శాఖ డైరెక్టర్‌ కార్యాలయంలో అందజేసిన నోటీసులో పేర్కొన్నారు. ఈనెల 25న అన్ని జిల్లాల్లో ‘చలో కలెక్టరేట్‌’ కార్యక్రమాన్ని చేపట్టి, 27న విజయవాడలో నిరసన కార్యక్రమం చేపడతామని అందులో తెలిపారు.23 కల్లా ఏఏఎస్‌ జీఓ విడుదల చేయాలి..గ్రామ, వార్డు సచివాలయ ఉద్యోగులకు ఆటోమేటిక్‌ అడ్వాన్స్‌ స్కీం (ఏఏఎస్‌)ను తక్షణమే అమలుచేయాలని.. 23 కల్లా జీఓ కూడా విడుదల చేయాలని వారు ఆ నోటీసులో డిమాండ్‌ చేశారు. నోషనల్‌ ఇంక్రిమెంట్లను ప్రభుత్వం వెంటనే పరిశీలించి మంజూరుచేయాలి. ఇంకా వారి డిమాండ్లు ఏమిటంటే.. ⇒ సచివాలయ ఉద్యోగులపై తీవ్రమైన పని ఒత్తిడి పెంచి కొందరి మరణాలకు కారణమైన అధికారులపై ఒక కమిటీ వేసి మూడునెలల్లోపు విచారణ చేయాలి. ఆయా ఉద్యోగుల మరణాలకు అధికారి నిర్లక్ష్యం లేదా పని ఒత్తిడి కారణమని తేలితే సంబంధిత అధికారిపై చర్యలు కూడా మూడు నెలల్లోపే తీసుకోవాలి. ఆయా విచారణ కమిటీల్లో తప్పనిసరిగా సచివాలయ ఉద్యోగ ప్రతినిధిని కూడా నియమించేలా ప్రభుత్వం ఆదేశాలివ్వాలి. ⇒ గ్రామ, వార్డు సచివాలయంలో పనిచేస్తున్న ప్రతీ ఒక్క పోస్టుకు కూడా ప్రమోషన్‌ ఛానల్‌ ఇచ్చే క్రమంలో కనీస బేసిక్‌ పే రూ.30,000కు తగ్గకుండా చూడాలి. ⇒ జీఓ నెంబర్‌–11 రద్దు చేయాలి. జాయింట్‌ స్టాఫ్‌ కౌన్సిల్లో సచివాలయ ఉద్యోగ సంఘాలకు కూడా ప్రాతినిధ్యం ఇవ్వాలి. ⇒ ఉద్యోగులను పెద్ద సంఖ్యలో ఇతర విభాగాలకు డిప్యూటేషన్‌పై పంపడంవల్ల మిగతా ఉద్యోగులందరిపై పనిభారం పెరుగుతున్నందున డిప్యుటేషన్లన్నీ రద్దుచేయాలి. ⇒ మల్టీ బాసిజం వలన ఉద్యోగులు తీవ్ర పని ఒత్తిడికి గురయ్యే పరిస్థితి లేకుండా సింగిల్‌ లైన్‌ డిపార్ట్‌మెంట్‌ పరిధిలోనే ఆయా ఉద్యోగులు పనిచేసేలా ప్రభుత్వం ఆదేశాలివ్వాలి. ⇒ ఈనెల 23న ఉద్యోగ సంఘాల ప్రతినిధులతో మంత్రి డోలా బాలవీరాంజనేయులు నిర్వహించే సమావేశంలో ఆయా అంశాలపై లిఖితపూర్వక హామీ ఇవ్వాలి.

సాక్షి, అమరావతి: ప్రభుత్వం తక్షణమే తమ ప్రొబేషన్‌ను డిక్లేర్‌ చేయాలని రైతు సేవా కేంద్రాల(ఆర్బీకే)లో పని చేస్తున్న గ్రామ పశుసంవర్ధక సహాయకులు(వీఏహెచ్‌ఏ) డిమాండ్‌ చేశారు. ప్రొబేషన్‌ డిక్లరేషన్‌ ఉత్తర్వులు జారీ చేయాలని డిమాండ్‌ చేస్తూ రాష్ట్రవ్యాప్తంగా అన్ని జిల్లా కలెక్టరేట్ల వద్ద శుక్రవారం వీఏహెచ్‌ఏలు నిరసన ప్రదర్శనలు నిర్వహించారు. కలెక్టర్లు, అధికారులకు వినతిపత్రాలు అందించారు. ఈ సందర్భంగా ఏపీ గ్రామ పశుసంవర్ధక సహాయకుల సంఘం నాయకులు మాట్లాడుతూ 2023లో విడుదల చేసిన నోటిఫికేషన్‌ ద్వారా ఎంపికై, 2024 ఫిబ్రవరిలో విధుల్లో చేరిన 1,896 మంది వీఏహెచ్‌ఏలు రెండేళ్ల ప్రొబేషన్‌ కాలాన్ని 2026 ఫిబ్రవరిలో పూర్తి చేశారని తెలిపారు. అయినా ఇప్పటివరకు ప్రొబేషన్‌ డిక్లరేషన్‌ ఉత్తర్వులు జారీ చేయకపోవడం బాధాకరమన్నారు. తమ సమస్య పరిష్కారం కోసం సంబంధిత శాఖ మంత్రి, ఉన్నతాధికారులను పలుమార్లు కలిసి వినతిపత్రాలు అందించినా ప్రయోజనం లేదని ఆందోళన వ్యక్తంచేశారు. రెండున్నరేళ్లుగా రూ.15వేలు చాలీచాలని వేతనంతో కుటుంబాలను నెట్టుకొస్తున్నామని ఆవేదన వ్యక్తంచేశారు. ఇంటి అద్దెలు, కుటుంబ పోషణ, పిల్లల విద్య, వైద్యం, రవాణా తదితర ఖర్చులు రెట్టింపయ్యాయని, ప్రతి నెలా అప్పులు చేయాల్సిన దుస్థితి నెలకొందన్నారు. మరోవైపు పశుసంవర్ధక శాఖ విధులతోపాటు ఇతర ప్రభుత్వ కార్యక్రమాలు, అదనపు శాఖా విధులు నిర్వహిస్తున్నామని చెప్పారు. ఇప్పటికైనా ప్రభుత్వం తమ ప్రొబేషన్‌ డిక్లేర్‌ చేయకపోతే ఆందోళనను ఉధృతం చేస్తామని హెచ్చరించారు.

సాక్షి, అమరావతి: అప్పుల పరంపరను చంద్రబాబు ప్రభుత్వం కొనసాగిస్తోంది. వచ్చే మంగళవారం మరో రూ.2,600 కోట్ల బడ్జెట్‌ అప్పు చేయనుంది. ప్రభుత్వ సెక్యూరిటీలను వేలంలో విక్రయించడం ద్వారా ఈ మొత్తం అప్పును ఆర్‌బీఐ సమీకరించి రాష్ట్ర ప్రభుత్వానికి ఇవ్వనుంది. ఈ మేరకు ఆర్‌బీఐ శుక్రవారం నోటిఫై చేసింది.

సాక్షి, అమరావతి/బనశంకరి: మాజీ ఎంపీ ఆళ్ల అయోధ్యరావిురెడ్డి కుమారుడు ఇషాన్‌ వివాహ ఎంగేజ్‌మెంట్‌ వేడుక శుక్రవారం బెంగళూరులో జరి­గింది. ఈ కార్యక్రమానికి మాజీ సీఎం, వైఎస్సార్‌సీపీ అధ్యక్షుడు వైఎస్‌ జగన్, వైఎస్‌ భారతి దంపతులు హాజరయ్యారు.నూతన వధూ­వరులు నీనా–ఇషాన్‌లను ఆశీర్వదించి.. వారికి హృదయపూర్వక శుభాకాంక్షలు తెలియజేశారు.

సాక్షి, అమరావతి: మెగా డీఎస్సీలో ఎలాంటి పరీక్షలు నిర్వహించకుండానే స్పోర్ట్స్‌ కోటాలో 372 మందికి ఉద్యోగాలిచ్చేసింది చంద్రబాబు కూటమి ప్రభుత్వం. ఆడని ఆటలో, జరగని క్రీడలో తప్పుడు ధృవపత్రాలు.. పార్టిసిపేషన్‌ సర్టిఫికెట్లతో ఉపాధ్యాయ కొలువులు కట్టబెట్టింది. ఈ కుంభకోణం వెలుగులోకి రావడంతో అడ్డంగా దొరికిపోయింది. దాంతో అభ్యర్థులు, నిరుద్యోగులు సర్కారు తీరుపై నిప్పులు చెరుగుతున్నారు. 372 మందికి స్కిల్‌ టెస్ట్‌ నిర్వహిస్తే వారు క్రీడాకారులో కాదో తేలిపోతుంది కదా.. ఆ పని ఎందుకు చేయడం లేదని ప్రభుత్వాన్ని నిలదీస్తున్నారు.ఇకపై ఆ ప్రయత్నం చేసేందుకు ప్రయత్నిస్తామని అధికారులు సైతం ఇటీవల మీడియా ముఖంగా వెల్లడించారు. తాజాగా ఏపీ ఇంజనీరింగ్, అగ్రికల్చర్, ఫార్మసీ కామన్‌ ఎంట్రన్స్‌ టెస్ట్‌(ఏపీఈఏపీసెట్‌)లో స్పోర్ట్స్‌ కోటా అభ్యర్థులకు స్కిల్‌ టెస్ట్‌ చేయాలని ఆంధ్రప్రదేశ్‌ రాష్ట్ర క్రీడా ప్రాధికార సంస్థ (శాప్‌) నిర్ణయించింది. ఈ మేరకు ఈ నెల 21న ఉదయం 8 గంటలకు గుంటూరులోని ఆచార్య నాగార్జున యూనివర్సిటీలో స్కిల్‌ టెస్ట్‌ నిర్వహించనున్నట్లు గురువారం ప్రకటించింది. అనుభవజ్ఞులైన శిక్షకులు(కోచ్‌), ఫిజికల్‌ డైరెక్టర్లు (పీడీ) సమక్షంలో ఈ పరీక్ష జరుగుతుందని వెల్లడించింది.ఈ పరీక్షకు అభ్యర్థులు తప్పనిసరిగా హాజరు కావాలని స్పష్టం చేసింది. డీఎస్సీ స్పోర్ట్స్‌ కోటాలో టీడీపీ నేతల చేతుల్లోని సంఘాలు చెప్పినదానికల్లా శాప్‌ తలాడించిందని, నిబంధనలు సైతం వారి కోసం పక్కనపెట్టిందనే విషయం బట్టబయలైన విషయం తెలిసిందే. అందుకు తగ్గట్టుగా అనేక సాక్ష్యాలు సైతం వెలుగు చూశాయి. ఈ నేపథ్యంలో మరోసారి అదే తప్పు చేశారనే మాట వస్తుందని భయపడిన ‘శాప్‌’.. ఏపీఈఏపీసెట్‌లో స్కిల్‌ టెస్ట్‌కు తెరదీసింది. అయితే ఇదే పని డీఎస్సీలో ఉద్యోగాలిచ్చేటప్పుడు ఎందుకు చేయలేదనే ప్రశ్నలు తలెత్తుతున్నాయి. అప్పుడు కూడా ఇదే విధంగా స్కిల్‌ టెస్ట్‌ చేసి ఉంటే, నకిలీలు బయటపడేవి. అర్హులైన క్రీడాకారులకు ఉపాధ్యాయులుగా ప్రభుత్వ ఉద్యోగాలు వచ్చి ఉండేవి. ఇప్పుడైనా సరే ఆ 372 మందికి స్కిల్‌ టెస్ట్‌ నిర్వహించాలని అభ్యర్థులు, నిరుద్యోగులు డిమాండ్‌ చేస్తున్నారు.

సాక్షి, అమరావతి: రాష్ట్రంలోని పలు గ్రామ పంచాయతీలు, మున్సిపాలిటీలు, మున్సిపల్‌ కార్పొరేషన్లలో జరుగుతున్న వార్డుల పునర్విభజన ప్రక్రియలో చోటుచేసుకున్న లోపాలను సరిదిద్దాలని రాష్ట్ర ఎన్నికల కమిషన్‌ను వైఎస్సార్‌సీపీ కోరింది. వార్డుల సరిహద్దుల ఖరారులో గుర్తింపు పొందిన కాలనీలు, సహజ సరిహద్దులు, డోర్‌ నంబర్ల వరుస క్రమాన్ని తగిన విధంగా పరిగణనలోకి తీసుకోలేదని పార్టీ రాష్ట్ర ప్రధాన కార్యదర్శి లేళ్ల అప్పిరెడ్డి ఆరోపించారు. ఈ అంశంపై చర్యలు తీసుకోవాలని కోరుతూ శుక్రవారం రాష్ట్ర ఎన్నికల కమిషనర్‌ (ఎస్‌ఈసీ)కు ఆయన లేఖ రాశారు. వివిధ ప్రాంతాల నుంచి తమ­కు అందిన ఫిర్యాదుల ప్రకారం.. ఒకే వీధి, కాలనీ లేదా నివాస ప్రాంతానికి చెందిన ఓటర్లను వేర్వేరు వార్డుల్లోకి విభజించారని లేఖలో పేర్కొన్నారు. అదే సమయంలో భౌగోళికంగా దూరంగా ఉన్న, పరస్పర సంబంధంలేని ప్రాంతాలను ఒకే వార్డులో కలిపినట్లు తెలిపారు. దీనివల్ల ఓటర్లకు, ఎన్నికల్లో పోటీచేసే అభ్యర్థులకు గందరగోళం, అసౌకర్యం ఏర్పడే పరిస్థితి ఉందని అందులో పేర్కొన్నారు. లేఖతో­పాటు అనంతపురం జిల్లా రాప్తాడు మండలం ప్రసన్నాయపల్లి గ్రామ పంచాయతీ, తెనాలి మున్సిపాలిటీల్లో వార్డుల పునర్విభజనలో జరిగిన అవకతవకలను ఆధారాలతో సహా అప్పిరెడ్డి రాష్ట్ర ఎన్నికల కమిషన్‌కి సమర్పించారు. సరిహద్దులు ఓటర్లకు సౌకర్యవంతంగా ఉండాలి..ప్రసన్నాయపల్లి గ్రామ పంచాయతీని 2026 ఓటర్ల జాబితా ప్రకారం 14 వార్డులుగా విభజించారు. అయితే, ఒకే ప్రాంతానికి, ఒకే కుటుంబాలకు చెందిన ఓటర్లను వేర్వేరు వార్డుల్లోకి చెల్లాచెదురు చేశారు. కొన్ని వార్డులు గ్రామంలోని వేర్వేరు ప్రాంతాలను కలిపి కవర్‌ చేస్తున్నాయని, దీనివల్ల స్థానికంగా గందరగోళం నెలకొంటోందని అప్పిరెడ్డి ఆ లేఖలో పేర్కొన్నారు. అలాగే, తెనాలి మున్సిపాలిటీలోనూ ఇదే తరహా సమస్యలున్నాయని తెలిపారు. 2026 ఆగస్టు 14న జారీచేసిన ప్రొసీడింగ్స్‌ ద్వారా వార్డుల సంఖ్యను 40 నుంచి 52కి పెంచారని.. ముఖ్యంగా 28, 30, 35, 42, 52 వార్డుల్లో లోపాలు గుర్తించినట్లు ఆయన వివరించారు. ఒకే చిరునామాలో, ఒకే ప్రాంతంలో నివసిస్తున్న ఓటర్లను వేర్వేరు వార్డుల్లో చేర్చారని.. ఈ ఫిర్యాదులను కేవలం క్లరికల్‌ పొరపాట్లుగా పరిగణించరాదని, ఇవి విస్తృతమైన సమస్యకు సంకేతాలని ఆయన పేర్కొన్నారు. వార్డుల సరిహద్దులు స్పష్టంగా, భౌగోళికంగా, సులభంగా గుర్తించదగినవిగా, ఓటర్లకు సౌకర్యవంతంగా ఉండేలా నిర్ణయించాల్సి ఉందన్నారు.లోపాలను నిష్పక్షపాతంగా సరిదిద్దాలివైఎస్సార్‌సీపీ తరఫున రాష్ట్ర ఎన్నికల కమిషన్‌కు లేళ్ల అప్పిరెడ్డి పలు సూచనలు చేశారు. వార్డుల పునర్విభజనపై సమగ్రంగా రాష్ట్రస్థాయి సమీక్ష నిర్వహించాలని, ఒకే భౌగోళిక యూనిట్‌కు చెందిన ఓటర్లను సంబంధిత వార్డులోనే ఉంచాలని కోరారు. సరైన భౌగోళిక ప్రాతిపదిక లేకుండా వేర్వేరు ప్రాంతాలను ఒకే వార్డులో కలపకూడదని విజ్ఞప్తి చేశారు. అలాగే, క్షేత్రస్థాయిలో కమిషన్‌ పరిశీలించి అభ్యంతరాలను, లోపాలను నిష్పక్షపాతంగా సరిదిద్దాలని కోరారు. సవరించిన వార్డు మ్యాప్‌లు, ఓటర్ల జాబితాలను ప్రజల పరిశీలనకు అందుబాటులో ఉంచాలని, అభ్యంతరాలు పరిష్కారం కాని ప్రాంతాల్లో తుది ప్రక్రియను నిలిపివేయాలని ఆయన విజ్ఞప్తి చేశారు. పారదర్శకమైన వార్డుల పునర్విభజన ప్రక్రియను నిర్ధారించేందుకు రాష్ట్ర ఎన్నికల కమిషనర్‌ తక్షణమే జోక్యం చేసుకోవాలని లేళ్ల అప్పిరెడ్డి తన లేఖలో కోరారు.

బయట మార్కెట్‌లో దొరికే కోడిగుడ్డు బరువు సగటున 70 నుంచి 80 గ్రాములు. అదే అంగన్‌వాడీ కేంద్రాలకు పంపిణీ చేసే కోడిగుడ్ల బరువు 35 నుంచి 40 గ్రాముల లోపే! అంటే బయట గుడ్డుతో పోలిస్తే సగం కూడా లేదు. రాష్ట్రంలో అంగన్‌వాడీలకు కోడిగుడ్ల సరఫరా కాంట్రాక్టు దక్కించుకున్న టీడీపీ నేతలు, అనుచరగణం నాసిరకం గుడ్లను అంటగ డుతూ రూ.వంద కోట్లకుపైగా అవినీతికి తెర తీశారు. గర్భిణులు, బాలింతలు, చిన్నారులకు అందించాల్సిన పోషకాహారానికి తూట్లు పొడుస్తున్నారు. ప్రభుత్వం రాష్ట్రవ్యాప్తంగా అంగన్‌వాడీల్లో గుడ్ల నమూనాలను సేకరించి బరువు, నాణ్యతా తనిఖీలు చేపట్టాలని లబి్ధదారులు డిమాండ్‌ చేస్తున్నారు. ⇒ పశ్చిమ గోదావరి జిల్లాలో 1,626 అంగన్‌వాడీ కేంద్రాలకు నెలకు 21,69,225 గుడ్లు సరఫరా అవుతున్నాయి. అవి కేవలం 3540 గ్రాములు మాత్రమే ఉంటున్నాయని లబ్ధిదారులు చెబుతున్నారు.⇒ శ్రీసత్యసాయి జిల్లాలో 2,824 అంగన్‌వాడీ కేంద్రాలకు నెలకు 21.50 లక్షల గుడ్లు సరఫరా చేస్తున్నారు. అక్కడ కూడా ఒక్కొక్కటి 3540 గ్రాములు లోపే ఉంటున్నాయి.⇒ నెలకు 25 గుడ్లు ఇవ్వాల్సి ఉండగా.. తక్కువగా ఇవ్వడం, మార్కెట్‌లో రేటు పెరిగితే అంగన్‌వాడీలకు అరకొరగా సరిపెట్టడం, అన్ని చోట్లా చిన్న గుడ్లు ఇవ్వడం, పాడైనవి ఇవ్వడం పరిపాటిగా మారిందని కృష్ణా జిల్లా గుడివాడకు చెందిన ఒక గృహిణి వాపోయింది.సాక్షి, అమరావతి: రాష్ట్రంలో ఏ అంగన్‌వాడీ కేంద్రానికి వెళ్లి చూసినా అక్కడ అందించే కోడి గుడ్లు చిన్నబోతున్నాయి! అంగన్‌వాడీల ద్వారా చిన్నారులు, గర్భిణులు, బాలింతలకు అందాల్సిన పోషకాహారంలో అత్యంత కీలకమైన కోడి గుడ్ల సరఫరాలో భారీ అవినీతి, అక్రమాలు చోటు చేసుకున్నాయి. గుడ్ల సరఫరా కాంట్రాక్టులు దక్కించుకున్న టీడీపీ నేతలు నిర్దేశిత బరువు కలిగిన గుడ్లకు బదులుగా అందులో సగం కూడా లేని అతి చిన్న కోడిగుడ్లు పంపిణీ చేసి పెద్ద ఎత్తున సొమ్ము చేసుకుంటున్నారు. గుడ్లు చిన్నవే కానీ వాటి పేరుతో జరుగుతున్న దోపిడీ మాత్రం రూ.వంద కోట్లకుపైనే ఉండటం గమనార్హం. రాష్ట్రవ్యాప్తంగా అంగన్‌వాడీల్లో ఇదే దుస్థితి నెలకొంది. అంగన్‌వాడీల ద్వారా 3 నుంచి 6 ఏళ్లలోపు చిన్నారులకు ఒక్కొక్కరికి నెలకు 25 గుడ్లు చొప్పున పంపిణీ చేయాలి. బాలింతలు, గర్భిణులకు ఇంటికే సరుకులతోపాటు 25 గుడ్లను అందచేయాలి. ఏడు నెలల నుంచి మూడేళ్లలోపు చిన్నారులకు పాలతోపాటు గుడ్లను ఇంటికే ఇవ్వాలి. వీరందరికీ కలిపి రాష్ట్రంలో 23.10 లక్షల మందికి నెలకు ఇవ్వాల్సిన గుడ్లు 5,77,50,000. అదే ఏడాదికి చూస్తే 69.30 కోట్ల గుడ్లు సరఫరా చేయాలి. కాంట్రాక్టు పొందిన టీడీపీ నేతలు బయట విక్రయించే వాటితో పోలిస్తే పరిమాణం, బరువులో సగం కూడా లేని కోడిగుడ్లను అంగన్‌వాడీలకు అంటగట్టి బిల్లులు దండుకుంటున్నారు. మరోవైపు రవాణా చార్జీలను మిగుల్చుకునేందుకు నెలలో ఒకటి రెండుసార్లు మాత్రమే అంగన్‌వాడీలకు వీటిని పంపిణీ చేస్తుండటంతో మురిగిపోయి వృథాగా మారుతున్నాయి. వెరీ బ్యాడ్‌.. పోషకాహారంపై పెను ప్రభావం!కోళ్ల ఫారాల వద్ద గుడ్లను పరిమాణం బట్టి వేరు చేస్తారు (గ్రేడింగ్‌). సైజును బట్టి ధర నిర్ణయిస్తారు. సాధారణంగా మార్కెట్లో విక్రయించే వ్యాపారులు బరువు, పరిమాణం తక్కువగా ఉన్న వాటిని తీసుకోరు. అంగన్‌వాడీ కేంద్రాలకు సరఫరా చేసే కాంట్రాక్టర్లు మాత్రం తక్కువ ధరకు లభిస్తుండటంతో చిన్న గుడ్లను తీసుకుని అంగన్‌వాడీలకు అంటగడుతున్నారు. దీంతో కోడిగుడ్ల పరిమాణం తగ్గిపోయి పిల్లలు, గర్భిణులు, బాలింతలకు అందాల్సిన పోషకాహారంపై తీవ్ర ప్రభావం పడుతోంది. అంతా పచ్చ ముఠాలే..!రాష్ట్రంలో 26 జిల్లాలకు ఒక్కో కాంట్రాక్టర్‌కు గుడ్డు సరఫరా బాధ్యతలు అప్పగించారు. వీరిలో అత్యధికులు టీడీపీ నేతలు, వారి అనుయాయులే. కాంట్రాక్టు ప్రకారం గుడ్డు ధర బాగానే చెల్లిస్తున్నా నాసిరకం అంటగడుతున్నారు. జాతీయ గుడ్డు సమన్వయ కమిటీ (నెక్‌) నిర్ధారించిన ధర ప్రకారం నెలవారీగా కాంట్రాక్టర్లకు బిల్లులు చెల్లిస్తారు. ఉదాహరణకు గుడ్డు ధర సగటున రూ.6 ఉందనుకుంటే దానికి అదనంగా సరఫరా చేసినందుకు రవాణా చార్జీలు కింద ఒక్కో గుడ్డుకు రూ.1.10 చొప్పున కలిపి మొత్తం రూ.7.10 వరకు ఇస్తున్నారు.అయినా సరే తృప్తి చెందకుండా గ్రేడింగ్‌లో నాసిరకం చిన్న గుడ్లును ఎంపిక చేసి అంగన్‌వాడీలకు పంపుతున్నారు. ఈ లెక్కన నెలకు 5,77,50,000 గుడ్లకు రూ.41 కోట్లకుపైగా చెల్లింపులు జరుగుతాయి. చిన్న గుడ్లు సరఫరా చేయడం, రవాణా చార్జీలు మిగుల్చుకోవడం లాంటి అక్రమాలకు పాల్పడటంతో ఒక్కో గుడ్డుపై రూ.2 చొప్పున నెలకు రూ.11.55 కోట్ల ప్రజాధనం దుర్వినియోగం అయినట్టే! దీని ప్రకారం ఏడాదికి రూ.138 కోట్లకుపైగా దుర్వినియోగం అవుతోందని అంచనా. ఒకేసారి సరఫరాతో పాడైపోతున్న గుడ్లు..మరోవైపు నిబంధనల మేరకు కాంట్రాక్టర్లు నెలలో నాలుగుసార్లు గుడ్లను సరఫరా చేయాల్సి ఉండగా ఒకటి రెండు దఫాల్లో సరిపుచ్చి రవాణా చార్జీలను నొక్కేస్తున్నారు. దీంతో అంగన్‌వాడీ కేంద్రాల్లో రోజుల తరబడి నిల్వ ఉంటున్న కోడి గుడ్లు పాడైపోతున్నాయి. ఈ కారణం చెబుతూ అంగన్‌వాడీల్లో లబ్ధిదారులకు గుడ్లు అందించడం లేదనే ఫిర్యాదులున్నాయి. ఇక అంగన్‌వాడీలకు నాలుగు వారాలపాటు సరఫరా చేయాల్సిన గుడ్లకు నాలుగు వేర్వేరు రంగులు వేయాలనే నిబంధన సైతం గాలికి వదిలేశారు.ప్రభుత్వం తక్షణం ఈ చర్యలు చేపడుతుందా?⇒ రాష్ట్రవ్యాప్తంగా గుడ్ల నమూనాల సేకరణ⇒ జిల్లాల వారీగా బరువు, నాణ్యతా తనిఖీలు⇒ టెండర్‌ నిబంధనలతో సరఫరా గుడ్ల పోలిక⇒ సరఫరా రిజిస్టర్లు, బిల్లుల ఆడిట్‌⇒ తక్కువ బరువు గుడ్లు వస్తే చెల్లింపుల పరిశీలన⇒ నాణ్యతా లోపాలు నిర్ధారణ అయితే బాధ్యులపై చర్యలు⇒ నెలవారీ సరఫరా, తిరస్కరణ వివరాల ఆన్‌లైన్‌లో వెల్లడి⇒ గుడ్ల సరఫరాపై జిల్లా స్థాయి పర్యవేక్షణ కమిటీల బలోపేతం

సాక్షి, అమరావతి: ఉపరితల ఆవర్తన ప్రభావంతో శనివారం సాయంత్రానికి ఉత్తర అండమాన్‌ ప్రాంతంలో అల్పపీడనం ఏర్పడే అవకాశం ఉందని వాతావరణ శాఖ తెలిపింది. ఇది క్రమేపీ బలపడి, ఆ తర్వాత మూడునాలుగు రోజుల్లో పశ్చిమ వాయువ్య దిశగా కదులుతూ దక్షిణ ఒడిశా–ఉత్తరాంధ్ర తీరాల వైపు పయనించే అవకాశం ఉందని పేర్కొంది. దీని ప్రభావంతో శనివారం పార్వతీపురం మన్యం, అల్లూరి సీతారామరాజు, పోలవరం, కాకినాడ, తూర్పుగోదావరి, కృష్ణా, ఎన్టీఆర్, గుంటూరు, పల్నాడు, ప్రకాశం, కర్నూలు, అనంతపురం, శ్రీసత్యసాయి, అన్నమయ్య, చిత్తూరు, తిరుపతి జిల్లాల్లో అక్కడక్కడ పిడుగులతో కూడిన వర్షాలు కురిసే అవకాశం ఉందని తెలిపింది. మిగతా జిల్లాల్లో కొన్నిచోట్ల తేలికపాటి వర్షాలు కురిసే అవకాశం ఉందని పేర్కొంది. ఇదిలా ఉండగా శుక్రవారం ఎండ తీవ్రతతోపాటు కొన్ని ప్రాంతాల్లో వర్షాలు కురిశాయి. అనకాపల్లి జిల్లా నర్సీపట్నంలో 7 సెంటీమీటర్ల వర్షం కురిసింది. నంద్యాల జిల్లా కొలివిుగుండ్లలో 5, అనకాపల్లి జిల్లా బలిఘట్టంలో 4.8, కృష్ణాపురంలో 4.6, పెదబొడ్డేపల్లెలో 4.1, విజయనగరం జిల్లా కొత్తవలసలో 3.9, కాకినాడ జిల్లా రౌతులపూడిలో 2.1 సెంటీమీటర్ల చొప్పున వర్షపాతం నమోదైంది.

విజయవాడ లీగల్‌: కాపు యువకుడు సాయికృష్ణ కస్టోడియల్‌ డెత్‌ కేసులో సంచలన విషయాలు వెలుగుచూశాయి. విజయవాడ రాణీగారితోటలోని పాడుబడిన భవ­నంలో సాయికృష్ణను దారుణంగా కొట్టి చంపినట్లు సిట్‌ దర్యాప్తులో వెల్లడైంది. తనను చంపేందుకే కొడుతున్నారని సాయికృష్ణ తీవ్ర గాయాలతో దయనీయంగా వాపోయినప్పటికీ నిందితులు కనికరం చూపలేదని స్పష్టమైంది. అనంతరం మృతదేహాన్ని అర్ధరాత్రి బైక్‌పై శ్మశానవాటికకు తరలించి దహనం చేశారని, మృతదేహం పూర్తిగా కాలిపోయే వరకు ప్రధాన నింది­తుడు సీఐ నాగరాజుతో సహా నిందితులు అందరూ అక్కడే ఉన్నారని వెల్లడైంది. అరెస్టయిన ఏ4 సురేష్‌ రిమాండ్‌ రిపోర్ట్‌లో సిట్‌ పేర్కొన్న విస్తుపోయే సంచలన అంశాలు... ‘మే 7న పోలీస్‌స్టేషన్‌లో సీఐ నాగ­రాజు, హెడ్‌ కానిస్టేబుల్‌ అశోక్, నాని దారుణంగా సాయికృష్ణ­ను కొట్టారు. గాయాలపాలైన సాయికృష్ణను సీఐ నాగరాజు ఆదేశాల­తో రాణిగారి తోటలోని పాత పాడుబడిన భవనానికి తరలించా­రు. మే 12న సీఐని కలవడానికి వెళ్లిన తాను రాణీగారితోట పాత భవనంలో అత్యంత దయనీయ స్థితిలో ఉన్న సాయికృష్ణను చూసినట్లు ఏ4 సురేష్‌ పేర్కొన్నాడు. తనను చంపేందుకే కొడుతున్నారని సాయి­కృష్ణ తీవ్ర గాయాలతో దయనీయస్థితిలో తనకు చెప్పినట్లు కూడా వెల్లడించాడు. సురేష్ తో మాట్లాడుతున్న సమయంలోనే సాయికృష్ణ స్పృహతప్పి పడిపోయి మరణించాడు. మే 12న అర్ధరాత్రి సాయికృష్ణ మృతదేహాన్ని మోటార్‌ సైకిల్‌పై దుప్పట్లో చుట్టి స్వర్గపురి శ్మశానవాటికకు తరలించి సీఐ నాగరాజు, హెడ్‌ కానిస్టేబుల్‌ అశోక్, సురేష్‌ కలిసి దహనం చేశారు. మృతదేహం పూర్తిగా కాలిపోయే వరకు వారు స్వర్గపురిలో ఉన్నారు. మే 18న సురేష్‌ స్వర్గపురికి వెళ్ళి మృతదేహానికి సంబంధించిన ఆనవాళ్లు ఉన్నాయా? అని పరిశీలించి వచ్చాడు. సీఐ నాగరాజు ఆదేశాలతోనే సాయికృష్ణ కస్టడీలో ఉన్నప్పుడు తీసిన ఫోటోలను డిలీట్‌ చేశాడు. సురేష్‌ సీఐ నాగరాజుతో కలిసి నైట్‌రౌండ్స్‌కు కూడా వెళ్లేవాడు. నాగరాజుతో సురేష్ కు 2010 నుంచి పరిచయం ఉంది. వీరిద్దరి మధ్య సన్నిహిత స్నేహం ఉంది. హైకోర్టులో వేసిన హెబియస్‌ కార్పస్‌ పిటిషన్‌ను ఉపసంహరించుకోవాలని బాధితుడి బంధువులను కూడా నిందితులు బెదిరించి ప్రలోభపెట్టారని దర్యాప్తులో తేలింది. ఈ క్రమంలో సాయికృష్ణ మేనమామ ముళ్లపూడి నవరంగ్‌ను సురేష్‌ సంప్రదించి రాజీకి ప్రయత్నించాడు. మే 31న కొలనుకొండ గ్రామంలోని మోడల్‌ డెయిరీ వద్ద నవరంగ్‌ను సురేష్‌ కలిసి మాట్లాడారు. పరిహారంపై మాట్లాడేందుకు ప్రయత్నించాడు. అయితే నవరంగ్‌ ఆ ప్రతిపాదనను తిరస్కరించారు. కేసు నమోదు, ఎ–1 అరెస్టు అనంతరం సురేష్ , ఎ–2, ఎ–3 కలిసి విజయవాడ నుంచి హైదరాబాద్, అక్కడి నుంచి నాగ్‌పూర్‌కు వెళ్లారు. తన మొబైల్‌ ఫోన్‌ ద్వారా పోలీసులు తన ఆచూకీ తెలుసుకోకుండా ఉండేందుకు దానిని మార్గమధ్యంలో కాలువలో పడేసినట్లు సురేష్‌ వెల్లడించాడు. సెపె్టంబర్‌ 18న సురేష్ ను రాణిగారితోటలోని పాత భవనం వద్దకు తీసుకెళ్లగా, సాయికృష్ణను ఉంచిన ప్రదేశాన్ని అతడు గుర్తించాడు. అనంతరం స్వర్గపురి శ్మశానవాటికలోని కలప దహన ప్రాంతంలో మృతదేహాన్ని దహనం చేసినట్లు సురేష్‌ గుర్తించాడు. సురేష్‌ ఇచ్చిన సమాచారంతో రెండు ద్విచక్రవాహనాలను పోలీసులు స్వా«దీనం చేసుకున్నారు. సురేష్‌ వెల్లడించిన వివరాలకు కాల్‌ డీటైల్‌ రికార్డులు , సాంకేతిక విశ్లేషణ, సంబంధిత కాలంలో ఎ–1, ఎ–2, ఎ–4 మధ్య జరిగిన ఫోన్‌ సంభాషణలు, అలాగే మోడల్‌ డెయిరీ పరిసరాల్లోని సీసీటీవీ దృశ్యాలు ఆధారంగా దర్యాప్తు కొనసాగిస్తున్నారు. ఇప్పటి వరకూ సాయికృష్ణను స్టేషన్‌లోనే కొట్టి చంపారనే అభిప్రాయం ఉండగా, ఇప్పుడు ఒక పాడుపడిన భవనంలో చంపినట్లు రిమాండ్‌ రిపోర్టులో పేర్కొనడం గమనార్హం.రిమాండ్‌కు సురేష్‌ సాయికృష్ణ కస్టోడియల్‌ డెత్‌ కేసులో మూడు నెలలుగా పరారీలో ఉన్న రియల్‌ ఎస్టేట్‌ వ్యాపారి ఏ–4 గులివిందల సురేష్ ను సిట్‌ అధికారులు ఎట్టకేలకు అరెస్టు చేసి శుక్రవారం న్యాయస్థానంలో హాజరుపరిచారు. లుక్‌ అవుట్‌ సర్క్యులర్‌ జారీ కావడంతో సిట్‌ ఎదుట లొంగిపోయిన సురేష్ ను అరెస్ట్‌ చేసి విచారించిన పోలీసులు అనంతరం 2వ అదనపు జ్యుడీషియల్‌ ఫస్ట్‌ క్లాస్‌ మేజి్రస్టేట్‌ కోర్టులో ప్రవేశ పెట్టారు. సాక్షులను ప్రభావితం చేయకుండా నిందితుడికి రిమాండ్‌ విధించాలని కోరారు. దీంతో ఫస్ట్‌ క్లాస్‌ మేజి్రస్టేట్‌ ఎస్‌.శ్రీకాంత్‌ నిందితునికి సెపె్టంబర్‌ 24 వరకు రిమాండ్‌ విధిస్తూ ఆదేశాలు జారీ చేశారు. అనంతరం నిందితుడిని నూజివీడు జైలుకు తరలించారు.

సాక్షి, అమరావతి: ఇంట్లో వంట చేసుకుంటే ఖర్చు తగ్గుతుందని సామాన్య, మధ్యతరగతి కుటుంబాల విశ్వాసం. కానీ ఇప్పుడు ఆ లెక్కలు తప్పుతున్నాయి. ఈ రోజు వంట ఏంటి? ఏం కూర వండాలి? అన్న ప్రశ్నల స్థానంలో నేడు మార్కెట్‌లో ఏది తక్కువ ధరకు దొరుకుతుంది? అని ఆరా తీయాల్సిన పరిస్థితి ఏర్పడింది. అల్లం, ఉల్లి, వెల్లుల్లి నుంచి పంచదార, నూనె, గుడ్లు, చికెన్‌ వరకు నిత్యావసర వస్తువుల ధరలు ఠారెత్తిస్తున్నాయి. ఈ పరిణామం మధ్య తరగతి, పేద ప్రజల కుటుంబ బడ్జెట్‌ను తలకిందులు చేస్తోంది. 74 శాతం వరకు భగ్గుమంటున్న ధరలు కేంద్ర గణాంక శాఖ సమాచారం ప్రకారం వార్షిక ఆహార వ్యయాలు (ఫుడ్‌ బిల్స్‌) 2026 జనవరిలో 2.13 శాతం పెరగ్గా (2025 జనవరితో పోల్చి) ఆగస్టు నాటికి ఏకంగా 5.95 శాతానికి చేరింది. ఏడాది ప్రారంభంతో పోలిస్తే ఆహార ధరల తీవ్రత ఏ స్థాయిలో పెరిగిందో ఈ గణాంకాలు తెలియజేస్తున్నాయి. గతేడాది ధరలతో పోలిస్తే దాదాపు నిత్యావసర వస్తువుల ధరలన్నీ 10 శాతంనుంచి 74 శాతం మేర పెరుగుదల రేటును నమోదుచేసుకున్నాయి. రోజువారీ వంటల్లో తరచుగా ఉపయోగించే అల్లం, ఉల్లి, వెల్లుల్లి ధరలు సైతం రికార్డు స్థాయిలో పెరగడం ఆందోళన కలిగిస్తోంది. చివరికి వంటగ్యాస్, విద్యుత్, నీటి వినియోగ ఖర్చులు కూడా పెరుగుతుండడం సామాన్య, మధ్యతరగతి కుటుంబాల ఆహార వ్యయంపై ప్రభావం చూపుతోందని నిపుణులు పేర్కొంటున్నారు. వెరసి ఈ పరిస్థితి.. తమకు నచ్చిన ఆహారం వండుకునే విషయంలో సామాన్యుడు ఒకటికి రెండుసార్లు ఆలోచించాల్సిన పరిస్థితి ఏర్పడుతోంది. రోజువారీగా పెరుగుతున్న ధరలతో ఎప్పటికప్పుడు వండుకునే ఆహా­రం మెనూ మార్చుకోవాల్సిన దుస్థితి నెలకొంది. వ్యాపారుల కృత్రిమ కొరతే కారణం సాధారణంగా డిమాండ్‌ అండ్‌ సఫ్లై పరిస్థితులపై నిత్యావసర వస్తువుల ధరలు ఆధారపడి ఉంటాయి. ఒక నెలలో కాస్త పెరిగినా..మరుసటి నెలలో కొంత మేర తగ్గుదల చోటు చేసుకుంటాయి. మరికొంత కాలం నిలకడగానూ ఉంటాయి. కానీ గడిచిన 8 నెలలుగా ఇంటి వంటల్లో ఉపయోగించే ప్రధాన నిత్యావసరాల ధరలు క్రమేపీ పెరుగుదల ఆందో­ళన కలిగిస్తోంది. ఎల్‌నినో పేరుతో వ్యాపారులు కృత్రిమ కొరత సృష్టిస్తూ ఇష్టానుసారంగా ధరలు పెంచేస్తున్నారన్న వాదన విన్పిస్తోంది. ఈ నేపథ్యంలో మెజార్టీ మధ్య, దిగువ తరగతి కుటుంబాలు ఖరీదైన పదార్థాల వినియోగాన్ని తగ్గించుకుంటున్నారు. మాంసాహారం లేదా గుడ్ల కొనుగోళ్లను వాయిదా వేయడం, తక్కువ ధరలో లభించే కూరగాయలకు మారడం వంటి నిర్ణయాలు తీసుకుంటున్నారని ఆహార వినియోగదారుల నివేదిక స్పష్టం చేస్తోంది.రాష్ట్రంలో ఏకంగా 10 శాతం ఆహార ధరల తీవ్రతఇక రాష్ట్రంలో ధరల తీవ్రతతో సామాన్యుడు తీవ్ర ఇబ్బందులు పడుతున్నాడు. ధరల కట్టడిలో చంద్రబాబు ప్రభుత్వం తీవ్రంగా విఫలమవుతోందన్న విమర్శలు సర్వత్రా వినిపిస్తున్నాయి. జాతీయ సగటుతో పోల్చితే పలు నిత్యావసరాల ధరలు రాష్ట్రంలో తీవ్రంగా ఉండడం తీవ్ర ఆందోళన కలిగిస్తోంది. రాష్ట్ర ప్రణాళికా శాఖ స్వ­యంగా ఇటీవలి నివేదిక ప్రకారం 2025 జూలైతో పోల్చి 2026 జూలైలో రాష్ట్ర వినియోగ ధరల సూచీ (సీపీఐ) ఆధారిత ఆహార ద్రవ్యోల్బణం ఏకంగా 9.13 శాతంగా నమోదయ్యింది. గ్రామీ­ణ ప్రాంతాల్లో ఆహార ద్రవ్యోల్బణం ఏకంగా 10 శాతానికి చేరడం.. సామాన్య కుటుంబాలపై ధరల భారానికి నిదర్శనం. వార్షికంగా చూ­స్తే జూలైలో ఉల్లి ధరలు ఏకంగా 153 శాతం పె­రగ్గా, అల్లం (102.9 శాతం), చికెన్‌ (37.3 శాతం), ఎండుమిర్చి (30 శాతం)ధరలు భారీగా పెరి­గాయి. 2026 జూన్‌తో పోల్చి 2026 జూలైలో చూ­సినా ఉల్లి, టమోటా ధరలు భారీగా 54 శాతం, 46 శాతం చొప్పున పెరగడం గమనార్హం.

సాక్షి, అమరావతి: ఒకప్పుడు చంద్రబాబు పక్కన కూర్చొని టీడీపీలో చక్రం తిప్పిన సీనియర్‌ నేతలను ఇప్పుడు పట్టించుకునే వారే లేకుండాపోయారు. తమకు పదవులు దక్కకపోగా, కనీస గౌరవం కూడా లేకుండా పోయిందని వారు ఆవేదన వ్యక్తం చేస్తున్నారు. లోకేశ్‌ సన్నిహితులు, కొత్తగా పార్టీలోకి వచ్చిన వారు, తొలిసారి గెలిచిన వారు కీలక పదవుల్లో కూర్చొని హవా చెలాయిస్తుండడాన్ని వారు జీర్ణించుకోలేకపోతున్నారు. తమకూ ఒక రోజు వస్తుందని, ఆ రోజు తమ సత్తా, విలువ ఏపాటిదో తెలిసొస్తుందని సన్నిహితుల వద్ద వ్యాఖ్యానిస్తున్నారు. టీడీపీలో సీనియర్ల దుస్థితికి యనమల రామకృష్ణుడు నిలువెత్తు నిదర్శనంగా కనిపిస్తున్నారు. పార్టీ ఆవిర్భావం నుంచి ఉన్న ఆయనకు టీడీపీ అధికారంలోకి వచ్చిన ప్రతిసారీ మంత్రి పదవి దక్కింది. ఆరి్థక మంత్రిగా అత్యధికసార్లు బడ్జెట్‌ ప్రవేశపెట్టారు. అలాంటి నేత ఇప్పుడు 42 ఏళ్ల రాజకీయ జీవితంలో తొలిసారి ఏ పదవీ లేకుండా మిగిలిపోయారు. తనకు రాజ్యసభకు వెళ్లాలని ఉందని బహిరంగంగా చెప్పుకున్నా చంద్రబాబు పట్టించుకోలేదు. కానీ, అదే సమయంలో ఆయన జిల్లాకే చెందిన, లోకేశ్‌కు అత్యంత సన్నిహితుడైన సానా సతీష్ కు మాత్రం రెండో­సారి రాజ్యసభ సీటు కట్టబెట్టారు. తన సమకాలికుడిని, కష్టకాలంలో అండగా నిలిచిన సహచరుడిని చంద్రబాబు చివరి దశలో వదిలేశారనే చర్చ పార్టీలో నడుస్తోంది. నాడు మంత్రులు.. నేడు ఎమ్మెల్యేలు 2014–19లో చంద్రబాబు కేబినెట్‌లో కీలక శాఖలు నిర్వహించిన చాలా మంది ఇప్పుడు సాధారణ ఎమ్మెల్యేలుగా మిగిలిపోయారు. నాడు డిప్యూటీ సీఎంగా, హోం మంత్రిగా పనిచేసిన నిమ్మకాయల చినరాజప్ప ఇప్పుడు పెద్దాపురం ఎమ్మెల్యే మాత్రమే. పార్టీ రాష్ట్ర అధ్యక్షుడిగా, మంత్రిగా పనిచేసిన కిమిడి కళా వెంకట్రావుకు మంత్రివర్గంలో చోటు దక్కకపోగా, ప్రాధాన్యతే లేకుండా పోయింది. వ్యవసాయ మంత్రిగా పని చేసిన ప్రత్తిపాటి పుల్లారావు, మంత్రులుగా పనిచేసిన గంటా శ్రీనివాసరావు, పరిటాల సునీత, కాలవ శ్రీనివాసులు, సోమిరెడ్డి చంద్రమోహన్‌రెడ్డి వంటి వారిదీ అదే పరిస్థితి. సోమిరెడ్డిని కొత్త కమిటీల్లో జాతీయ అధికార ప్రతినిధిగా నియమించి అవమానించారనే చర్చ నడుస్తోంది. ఒకప్పుడు మంత్రిగా ఉన్న నేతకు ఇప్పుడు టీవీ డిబేట్లలో పార్టీ వాణి వినిపించే బాధ్యత అప్పగించారు. పార్టీలో అత్యంత సీనియర్‌ ఎమ్మెల్యేల్లో ఒకరైన గోరంట్ల బుచ్చయ్య చౌదరి, పొన్నూరు నుంచి పలుమార్లు గెలిచిన ధూళిపాళ్ల నరేంద్రలకు కూడా మంత్రి పదవి అందని ద్రాక్షగానే మిగిలింది. మరికొందరి పరిస్థితి ఇంకా అవమానకరంగా మారింది. పవన్‌ కళ్యాణ్‌ కోసం ఎమ్మెల్యే టికెట్‌ను వదిలేసిన పిఠాపురం మాజీ ఎమ్మెల్యే ఎస్‌వీఎస్‌ఎన్‌ వర్మను కావాలని పక్కన పెట్టేశారు. ఆయన్ను టీడీపీ ఇన్‌చార్జి పదవి నుంచి కూడా పక్కకు తప్పించారు. గతంలో జల వనరుల మంత్రిగా చక్రం తిప్పిన దేవినేని ఉమాకు గత ఎన్నికల్లో టికెట్టే దక్కలేదు.కొత్త వారికి మాత్రం కిరీటాలుసీనియర్లను అవమానకరంగా పక్కనపెడుతూ.. కొత్త వారికి మాత్రం కిరీటాలు పెడుతుండడంతో వారు రగిలిపోతున్నారు. తొలిసారి ఎంపీగా గెలిచిన పెమ్మసాని చంద్రశేఖర్‌కు నేరుగా కేంద్ర మంత్రి పదవి కట్టబెట్టారు. ఫిరాయింపు నేత లావు శ్రీకృష్ణదేవరాయలుకు లోక్‌సభలో పార్టీ ఫ్లోర్‌ లీడర్‌ పదవి ఇచ్చారు. పార్టీ కమిటీల్లోనూ లోకేశ్‌ కోటరీకే పదవులు దక్కాయి. జాతీయ ప్రధాన కార్య­దర్శులుగా నియమితులైన కేంద్ర మంత్రి రామ్మోహన్‌ నాయుడు, బైరెడ్డి శబరి, కిలారు రాజేశ్‌ ముగ్గురూ లోకేశ్‌కు అనుయాయులే. జాతీయ ఉపాధ్యక్షుల్లో సానా సతీష్ , పీతల సుజాత, బుద్ధా వెంకన్న, నూకసాని బాలాజీ, బి.రాంగోపాల్‌ రెడ్డిలు లోకేశ్‌ సిఫార్సులతోనే పదవులు దక్కించుకున్నారు. పార్టీలోకి కొత్తగా వచ్చిన భాష్యం రామకృష్ణ, సానా సతీష్ , చింతకాయల విజయ్‌ను రాజ్యసభకు పంపారు. ఏళ్ల తరబడి పార్టీ జెండా మోసి, క్లిష్ట సమయాల్లో చంద్రబాబు వెంట ఉన్న వారంతా ఇప్పుడు బ్యాక్‌ బెంచీలకు పరిమితమయ్యారు. తొలిసారి మంత్రులైన వారు రెండేళ్లయినా ఇంకా శాఖలపై పట్టు సాధించలేకపోతున్నారని సీనియర్లు విశ్లేషిస్తున్నారు. లోకేశ్‌ చుట్టూ ఉన్న కొద్ది మంది కోటరీ వ్యక్తులకే పదవులు వరిస్తున్నాయని వారు లోలోపల రగిలిపోతున్నారు.

సాక్షి, అమరావతి: ఆంధ్రప్రదేశ్‌లో నిర్వహించిన మెగా డీఎస్సీ–2025లో ప్రతిభకు పాతరేసి అతి పెద్ద కుంభకోణంగా మార్చేశారని ఐఏఎస్‌ మాజీ అధికారి, లిబరేషన్‌ కాంగ్రెస్‌ పార్టీ అధ్యక్షుడు విజయ్‌కుమార్‌ తీవ్ర స్థాయిలో విమర్శించారు. వెన్నుపోటు పార్టీ కూటమి ప్రభుత్వ పాలనలో జరిగిన డీఎస్సీ అక్ర­మా­లపై చర్చించేందుకు విజయవాడలో శుక్ర­వారం వైఎస్సార్‌సీపీ రాష్ట్ర ప్రచార విభాగం అధ్యక్షుడు కాకుమాను రాజశేఖర్‌ ఆధ్వర్యంలో రౌండ్‌ టేబుల్‌ సమావేశం నిర్వహించారు. విజయ్‌కుమార్‌తో పాటు మాజీ మంత్రి వెలంపల్లి శ్రీనివాసరావు, మాజీ ఎమ్మెల్యే మల్లాది విష్ణు, ఏపీ విద్యార్థి, నిరుద్యోగ యువజన జేఏసీ కన్వీనర్‌ ఎంబేటి రామచంద్ర, డీఎస్సీలో నష్టపోయిన మెరిట్‌ అభ్యర్థులు పాల్గొని మాట్లాడారు.కుంభకోణానికి ఇదే నిదర్శనం..విజయ్‌ కుమార్‌ మాట్లాడుతూ చంద్రబాబు, లోకేశ్‌లు స్పోర్ట్సు కోటా కోసం రెండు జీవోలు తెచ్చి, వారి పని పూర్తి అయ్యాక వాటిని మార్చేశారని, డీఎస్సీలో కుంభకోణం జరిగిందనడానికి ఇదే నిదర్శనమన్నారు. ప్రశ్నపత్రం తయారు చేసే చోట పనిచేసే అవుట్‌ సోర్సింగ్‌ ఉద్యోగికి ఎప్పుడూ రానన్ని అత్యధిక మార్కులు వచ్చాయని, దేశంలో ఏ డీఎస్సీలో కూడా ఇలా జరగలేదన్నారు. ఇంత పెద్ద కుంభకోణానికి పాల్పడ్డ విద్యాశాఖ మంత్రి లోకేశ్‌ తక్షణమే తన పదవికి రాజీనామా చేయాలని, న్యాయమూర్తి పర్యవేక్షణలో సీబీఐ విచారణ జరిపించాలని డిమాండ్‌ చేశారు.బాధితులకు సమాధానం చెప్పండిమాజీ మంత్రి వెలంపల్లి శ్రీనివాసరావు మాట్లాడుతూ డీఎస్సీ అక్రమాలు ప్రజలకు తెలియజేస్తున్న వారిపై అక్రమ కేసులు పెడుతున్నారన్నారు. డీఎస్సీలో ఎలా మోసం జరిగిందో అభ్యర్థులే చెబుతున్నా ప్రభుత్వం పట్టించుకోవడం లేదని, బాధ్యత గల వారైతే వెంటనే సీబీఐ విచారణ చేయించాలన్నారు. లోకేశ్‌కు చేతనైతే బాధిత అభ్యర్థుల ముందు సమాధానం చెప్పాలన్నారు. మంత్రిగా ఉండేందుకు లోకేశ్‌ అర్హుడు కాదని, తక్షణమే పదవికి రాజీనామా చేయాలని డిమాండ్‌ చేశారు. దొడ్డి దారిన వచ్చిన ఉద్యోగాలపై విచారణ జరపాల్సిందేన్నారు.వైఎస్సార్‌సీపీ పోరాటం ఆగదుమాజీ ఎమ్మెల్యే మల్లాది విష్ణు మాట్లాడుతూ డీఎస్సీ అక్రమాలపై వైఎస్‌ జగన్‌మోహన్‌రెడ్డి ప్రశ్నలకు సమాధానం చెప్పలేక ఎదురుదాడి చేస్తున్నారే తప్ప ప్రభుత్వం నోరు విప్పడం లేదన్నారు. వెటర్నరీ పోస్టులను కూడా అమ్ముకుందామని చూసి, చివరకు వాటి నిర్వహణ బాధ్యతను ఏపీపీఎస్సీకి ఇచ్చారంటేనే లోపాలున్నాయని అర్థమవుతోందన్నారు.డీఎస్సీతో పాటు తమ ప్రభుత్వం నిర్వహించిన ఏపీపీఎస్సీ పరీక్షలపై కూడా సీబీఐ విచారణ చేయాలని జగన్‌ కోరారని, ఆ ఛాలెంజ్‌ను తీసుకునే దమ్ము ధైర్యం వెన్నుపోటు పార్టీ కూటమి ప్రభుత్వానికి లేదని విమర్శించారు. డీఎస్సీ అభ్యర్థులకు న్యాయం జరిగే వరకు వైఎస్సార్‌సీపీ పోరాటం చేస్తుందన్నారు. వివిధ జిల్లాల నుంచి వచ్చిన బాధిత డీఎస్సీ మెరిట్‌ అభ్యర్థులు తమ ఆవేదనను వెల్లడించారు. సమావేశంలో వైఎస్సార్‌ సీపీ విద్యార్థి విభాగం వర్కింగ్‌ ప్రెసిడెంట్‌ రవిచంద్ర తదితరులు పాల్గొన్నారు.

సాక్షి, తాడేపల్లి: రాష్ట్ర రైతులకు చంద్రబాబు తీవ్ర అన్యాయం చేశారని.. కృష్ణా, గోదావరి నీటి నిర్వహణను లోపభూయిష్టంగా మార్చారని మాజీ మంత్రి, వైఎస్సార్‌సీపీ నేత సాకే శైలజానాథ్ మండిపడ్డారు. ఆ ఫలితంగా రాష్ట్ర మంతటా రైతులకు అన్యాయం జరిగిందని.. వ్యవసాయం దండుగ అనే ఆలోచనలో నుండి చంద్రబాబు బయట పడాలన్నారు. ఇంకా అదే ఆలోచనలో ఉన్నందునే రైతుల కష్టాలను పట్టించుకోవటం లేదని దుయ్యబట్టారు.‘‘శ్రీశైలం ప్రాజెక్టు కింద సాగయ్యే పంట భూములన్నీ బీడులుగా మారాయి. రాయలసీమలో చంద్రబాబు పర్యటిస్తే రైతుల కష్టాలు, కన్నీళ్ళు కనపడతాయి. ఇది ఎల్‌నినో కాదు.. ముమ్మాటికీ ఎల్లోనినోనే. తీవ్ర కరువు ఏర్పడినా ఎల్లో మీడియా చంద్రబాబుకు భజన చేస్తోంది. శ్రీశైలానికి భారీగా వరద అనీ, జలకళతో రాయలసీమ రిజర్వాయర్లు అంటూ వార్తలు రాశారు. అంత జలకళ ఉంటే.. మరి గ్రేటర్ రాయలసీమకు నీళ్లు ఎందుకు ఇవ్వటం లేదు?..కనీసం ఆరుతడి పంటలకు కూడా ఎందుకు నీరివ్వటం లేదు?. శ్రీశైలంలో పూర్తిస్థాయి నీటిమట్టం నీరు ఉన్నా పోతిరెడ్డిపాడు హెడ్‌ రెగ్యులేటర్ ద్వారా ఎందుకు నీరు ఇవ్వటం లేదు?. రాయలసీమ ప్రజలు ఏం ద్రోహం చేశారని ఇంత కక్ష చంద్రబాబూ?. శ్రీశైలంలో 840 అడుగులకు చేరితే ఇక పోతిరెడ్డిపాడు ద్వారా నీరు ఇవ్వలేరు. అనాలోచిత నీటి నిర్వహణ కారణంగానే నీటి ఎద్దడి. నెల్లూరు బ్యారేజి కింద వేలాది ఎకరాల వరి పైరు ఎండిపోతోంది. శ్రీశైలం కింద సాగు చేసే రైతులు పూర్తిగా నష్టపోయారు..వెలిగొండ, పోలవరం వద్ద చంద్రబాబు సాష్టాంగ నమస్కారం చేశారు. అయినా పంట పొలాలకు సాగు నీరు ఇవ్వలేదు. పోలవరం ప్రాజెక్టును సైతం చివరికి రిజర్వాయర్ నుండి బ్యారేజిగా మార్చేశారు. రాష్ట్ర ప్రజలకు చంద్రబాబు తీవ్ర అన్యాయం చేశారు. రాయలసీమ ప్రాంత ప్రజాప్రతినిధులు స్పందించాలి. ప్రభుత్వంపై ఒత్తిడి తెచ్చి నీటి విడుదల చేయించాలి. ఎండిపోతున్న చీనా చెట్లు, అరటి తోటలు, వరిపైరు, శనగ తోటలు కనపడటం లేదా?. రోడ్డున పడుతున్న రైతుల కష్టాలు కనపడటం లేదా?. కర్ణాటక, తెలంగాణాలో సాగు నీరు ఇస్తుండగా లేనిది ఏపీలో ఎందుకు ఇవ్వరు?. చంద్రబాబు రాయలసీమలోని పొలాలు చూస్తే రైతుల కష్టాలు కనపడతాయి?. వ్యవసాయం దండగ అనే ఆలోచనలో నుండి చంద్రబాబు బయటకు రావాలి’’ అని శైలజానాథ్‌ హితవు పలికారు.ఇదీ చదవండి: ఏపీ సరిహద్దులు దాటిన రెడ్ బుక్ అరాచకం

సాక్షి, గుంటూరు: రాబోయే ఎన్నికలకు సిద్ధంగా ఉన్నామని గుంటూరు జిల్లా వైఎస్సార్‌సీపీ అధ్యక్షుడు అంబటి రాంబాబు అన్నారు. గుంటూరులో ఈ నెల 20 తేదీన గుంటూరు మునిసిపల్ కార్పొరేషన్ ఎన్నికల నేపథ్యంలో నిర్వహించనున్న సమావేశానికి ఏర్పాట్లను నియోజకవర్గ సమన్వయకర్తలు షేక్ నూరి ఫాతిమా, వనమా బాల వజ్రబాబు, మాజీ కార్పొరేటర్లు పరిశీలించారు.ఈ సందర్భంగా అంబటి మాట్లాడుతూ.. గుంటూరు కార్పొరేషన్ పరిధిలో కొత్తగా 76 వార్డులు ఉన్నాయి. రేపు సమష్టిగా పార్టీ శ్రేణులు అందరూ ఈ కార్యక్రమంలో పాల్గొంటారు. ఐక్యంగా రాబోయే ఎన్నికలకు వెళ్తున్నాం. ఈ రెండేళ్లలో చంద్రబాబు ప్రభుత్వంపై తీవ్ర వ్యతిరేకత వచ్చింది. వైఎస్‌ జగన్‌ సంక్షేమ కార్యక్రమాలతో ఈ కూటమి సర్కార్‌ పోటీ పడలేకపోతోంది. రాబోయే ఎన్నికల్లో అధికార దుర్వినియోగం చేస్తే చూస్తూ ఊరుకోం. పోలీసులతో కట్టడి చేసే ప్రయత్నం చేస్తే సహించం’’ అంటూ అంబటి రాంబాబు తేల్చి చెప్పారు.దొంగ ఓట్లు ఉండటానికి వీల్లేదు. రాబోయే ఎన్నికల్లో ఒకరు ఒక ఓటు మాత్రమే వేయాలి. రెండో ఓటు వేయకుండా చూడాల్సిన బాధ్యత అధికారులపై ఉంది. ప్రభుత్వానికి వ్యతిరేకంగా పోస్ట్ పెడితే వేధించడమే పనిగా పెట్టుకున్నారు. ఎన్ని ఇబ్బందులు పెట్టిన నేను భయపడను. చెప్పాలి అనుకున్నది మేము ధైర్యంగా చెప్తాము. తండ్రి కొడుకులు వ్యవస్థలను నాశనం చేస్తున్నారు’’ అని అంబటి రాంబాబు దుయ్యబట్టారు.ఇదీ చదవండి: సీఎం రేవంత్‌కు కేటీఆర్‌ ఆఫర్‌