ODI series

NZ Vs IND 1st ODI Updates:ఆక్లాండ్ వేదిక‌గా న్యూజిలాండ్‌, టీమిండియాల మ‌ధ్య తొలి వ‌న్డే ప్రారంభ‌మ‌యింది. టాస్‌ గెలిచిన టీమిండియా బౌలింగ్‌ ఎంచుకుంది. నితీశ్‌రెడ్డికి దక్కని చోటు..భారత జట్టు ఈ మ్యాచ్‌లో నలుగురు పేసర్లతో బరిలోకి దిగుతోంది. ఆల్‌రౌండర్‌ నితీశ్‌కుమార్‌ రెడ్డికి చోటు దక్కుతుందని భావించినప్పటికీ, అతడికి నిరాశే ఎదురైంది. అర్షదీప్‌, అకిబ్‌ నబీ, గుర్నూర్‌ బ్రార్‌, అన్షుల్‌ కాంబోజ్‌లు పేస్‌ బాధ్యతలు తీసుకోనుండగా, స్పిన్నర్లుగా అక్షర్‌ పటేల్‌, నమన్‌ ధీర్‌ ఉన్నారు. టీమిండియా తుదిజట్టు: శుబ్‌మన్ గిల్ (కెప్టెన్‌), రోహిత్ శర్మ, విరాట్ కోహ్లీ, శ్రేయాస్ అయ్యర్, అక్షర్ పటేల్, కెఎల్ రాహుల్ (వికెట్ కీపర్‌), నమన్ ధీర్, అన్షుల్ కాంబోజ్, ఔకిబ్ నబీ, గుర్నూర్ బ్రార్, అర్ష్‌దీప్ సింగ్న్యూజిలాండ్ తుదిజట్టు: టిమ్ సీఫెర్ట్, విల్ యంగ్, హెన్రీ నికోల్స్, డారిల్ మిచెల్, టామ్ లాథమ్(వికెట్ కీపర్), గ్లెన్ ఫిలిప్స్, మిచెల్ సాంట్నర్(కెప్టెన్), నాథన్ స్మిత్, కైల్ జామిసన్, జాకబ్ డఫీ, బ్లెయిర్ టిక్నర్వర్షం కారణంగా టాస్‌ ఆలస్యంఅంతకముందు వర్షం కారణంగా టాస్‌ కాస్త ఆలస్యమైంది. టీ20 సిరీస్‌ను 3-2తో నెగ్గిన భారత్‌ వన్డే సిరీస్‌లోనూ జోరు చూపాలని భావిస్తోంది.జ‌ట్టు కూర్పు..టీ20 సిరీస్‌లో ఆడిన కనీసం ఐదుగురు ఆటగాళ్లకు వన్డేల్లో కూడా తుది జట్టులో ఖాయం. శ్రేయస్‌ అయ్యర్‌తో పాటు నమన్‌ ధీర్, అక్షర్‌ పటేల్, అర్‌‡్షదీప్, నితీశ్‌ రెడ్డి ఈ మ్యాచ్‌లో ఆడనున్నారు. అయ్యర్‌కు నాలుగో స్థానంలో ఇది సరైన ఫార్మాట్‌ కాగా, నమన్‌ ఇటీవలి ప్రదర్శనతో తన విలువను చూపించాడు. నాలుగేళ్ల కెరీర్‌లో 18 వన్డేలే ఆడిన అర్ష్ దీప్‌ లెఫ్టార్మ్‌ పేసర్‌గా తన స్థానాన్ని సుస్థిరం చేసుకునేందుకు ఇది సరైన అవకాశం.క‌ళ్లన్నీ రోహిత్‌, కోహ్లిపైనే..బ్యాటింగ్‌లో సహజంగానే ప్రధాన ఆకర్షణ కోహ్లి, రోహిత్‌లే. వీరిద్దరు తమ రెగ్యులర్‌ స్థానాల్లో సత్తా చాటితే జట్టుకు తిరుగుండదు. కివీస్‌ గడ్డపై 14 వన్డేలు ఆడినా ఒక్క సెంచరీ కూడా లేని రోహిత్‌ తన చివరి పర్యటనలో ఆ లోటు తీర్చుకోవాలని భావిస్తున్నాడు. కెప్టెన్‌ గిల్‌ ఈ ఏడాది ఏకంగా 895 పరుగులు చేసి వన్డేల్లో అద్భుత ఫామ్‌లో ఉన్నాడు. మిడిలార్డర్‌లో రాహుల్‌ బాధ్యత తీసుకుంటాడు. టెస్టు సిరీస్‌ను దృష్టిలో ఉంచుకొని బుమ్రాకు విశ్రాంతి కొనసాగించడంతో పేస్‌ భారం సీనియర్‌ అయిన సిరాజ్‌పైనే ఉంది. మూడో పేసర్‌ గుర్నూర్‌ 9 వన్డేలే ఆడగా, కంబోజ్, నబీలకు ఒక్కో మ్యాచ్‌ అనుభవమే ఉంది.

టీమిండియాతో తొలి వన్డే నేపథ్యంలో న్యూజిలాండ్‌ కెప్టెన్‌ మిచెల్‌ సాంట్నర్‌ మీడియాతో మాట్లాడాడు. ఈ సందర్భంగా భారత బ్యాటింగ్‌ దిగ్గజాలు విరాట్‌ కోహ్లి, రోహిత్‌ శర్మ గురించి ప్రశ్న ఎదురైంది. ఇందుకు బదులిస్తూ..పిచ్‌ స్వభావాన్ని బట్టే‘‘వాళ్లిద్దరు ఇప్పటికీ ఎంతో గొప్పగా ఆడుతున్నారు. ఇటీవల ఇండియాలో వెస్టిండీస్‌తో వాళ్లు ఆడిన తీరు చూశాను. సుదీర్ఘకాలంగా వాళ్లు అత్యుత్తమంగా బ్యాటింగ్‌ చేయడాన్ని నేనూ చూస్తున్నా. ఇక రోహిత్‌ శర్మ ఐపీఎల్‌లోనూ అదరగొడుతున్న తీరును సహచర ఆటగాడిగా దగ్గరగా చూశాను. అయితే, పిచ్‌ స్వభావాన్ని బట్టే మా బౌలర్లను ఎంపిక చేసుకుంటాము. కాబట్టి రో-కోల కోసం ప్రత్యేకంగా ఇప్పుడే ఎలాంటి ప్రణాళికలు వేసుకోలేము.రోహిత్‌- కోహ్లి కోసం కచ్చితంగా అభిమానులు వస్తారుఏదేమైనా విరాట్‌- రోహిత్‌ మ్యాచ్‌ ఆడుతున్నారంటే పెద్ద ఎత్తున అభిమానులు స్టేడియానికి వస్తారు. ఇటీవల టీ20 సిరీస్‌ సందర్భంగానూ మా స్టేడియాలు నిండిపోయాయి. ఇక వన్డే సిరీస్‌ మరింత కళగా ఉండబోతోంది. రోహిత్‌- కోహ్లి కోసం కచ్చితంగా అభిమానులు వస్తారు.గతంలో న్యూజిలాండ్‌లో రో-కో ఆట తీరు గురించి మాకు అవగాహన ఉంది. టాపార్డర్‌లో రోహిత్‌- శుబ్‌మన్‌ గిల్‌, కోహ్లి ఉండటం టీమిండియాకు అతిపెద్ద సానుకూలాంశం. రో-కో గురించి ప్రత్యేకంగా చెప్పాల్సింది ఏమీ లేకపోయినా.. గిల్‌ గత ఐదేళ్లుగా అత్యద్భుతంగా ఆడుతున్నాడు.మీరన్నట్లు ఒకవేళ టీమిండియా టాపార్డర్‌లోని ఒక వ్యక్తి మా జట్టులో ఆడే అవకాశం ఉంటే.. నేనైతే కచ్చితంగా గిల్‌నే ఎంచుకుంటాను’’ అని మిచెల్‌ సాంట్నర్‌ చెప్పుకొచ్చాడు. కాగా ఆక్లాండ్‌ వేదికగా భారత్‌- న్యూజిలాండ్‌ మధ్య బుధవారం (నవంబరు 4) నుంచి ఐదు మ్యాచ్‌ల వన్డే సిరీస్‌ ప్రారంభమవుతుంది. కాగా కివీస్‌తో ఐదు టీ20ల సిరీస్‌ను భారత్‌ 3-2తో గెలుచుకుంది.ఇదీ చదవండి: IND vs NZ: షెడ్యూల్‌, జట్లు, మ్యాచ్‌ టైమింగ్స్‌, లైవ్‌స్ట్రీమింగ్‌ వివరాలు

న్యూజిలాండ్‌తో తొలి వన్డే నేపథ్యంలో టీమిండియా కెప్టెన్ శుబ్‌మన్ గిల్ జట్టు బ్యాటింగ్ ఆర్డర్‌పై క్లారిటీ ఇచ్చాడు. తొలి వన్డేకు ముందు జరిగే సంప్రదాయ ప్రెస్ కాన్ఫరెన్స్‌లో పాల్గొన్న గిల్ జట్టు కూర్పుపై ఆసక్తికర విషయాలు వెల్లడించాడు. తొలి మూడు వన్డేలు మాత్రమే ఆడనున్న గిల్‌, ఆ తర్వాత టెస్టు సిరీస్‌కు సిద్ధమవ్వనున్నాడు. నాలుగు, ఐదు వన్డేలకు శ్రేయస్ అయ్యర్ కెప్టెన్‌గా ఉండనున్నాడు. ఇక తొలి వన్డేలో బ్యాటింగ్ ఆర్డర్‌పై గిల్ మాట్లాడుతూ.. తొలి నాలుగు స్థానాల్లో నేను, రోహిత్‌, కోహ్లి, అయ్యర్ బ్యాటింగ్‌కు వస్తాము. ఐదో, ఆరో స్థానాల విషయంలో మేము ఫ్లెక్సిబుల్ విధానాన్ని అనుసరించాలనుకుంటున్నాం. మా టాప్-4 బ్యాటర్లు కుడిచేతి వాటం ఆటగాళ్లే. కాబట్టి ఎడమచేతి వాటం బ్యాటర్ అవసరమైతే అక్షర్ భాయ్ ముందుకు వస్తాడు. మ్యాచ్ పరిస్థితులను బట్టి రాహుల్ భాయ్ కూడా ముందుగా బ్యాటింగ్‌కు రావచ్చు.’ అని గిల్ వివరించాడు.తన మెడ నొప్పితో పాటు ఫిట్‌నెస్‌పై గిల్‌ స్ప‌ష్ట‌త ఇచ్చాడు. ‘ఎలాంటి సమస్య లేదు. నేను దాదాపు గంటన్నర పాటు బ్యాటింగ్ ప్రాక్టీస్ చేశాను. ఫీల్డింగ్ కూడా ఎలాంటి ఇబ్బంది లేకుండా చేశాను.’ అని తెలిపాడు. పాండ్యా లేమితో లోయర్ ఆర్డర్ బలహీనంగా ఉందన్న విషయంపై మీ స్పందనేంటి అని గిల్‌కు ప్రశ్న ఎదురైంది. దీనిపై కెప్టెన్ మాట్లాడుతూ.. ‘నిజమే, గాయం కారణంగా ఆల్‌రౌండర్ పాండ్యా సుదీర్ఘకాలం పాటు జట్టుకు దూరంగా ఉండడం జట్టు సమతుల్యతను దెబ్బతీసింది. పాండ్యా గాయం నుంచి కోలుకొని తిరిగి జట్టులోకి వస్తే మిడిలార్డర్, లోయర్ ఆర్డర్‌ పూర్తిగా కుదురుకుంటుంది. ఏడు, ఎనిమిది స్థానాల్లో బ్యాటింగ్ సమస్యలు కూడా తొలగిపోతాయి.’ అని చెప్పుకొచ్చాడు.Shubman Gill said - "We will have floating approach for no.5 and no.6. Our top four is set, all right-handers. So if lefty is needed, Axar bhai goes and depending on match situation even KL bhai can go. So bit flexible". (Sahil Malhotra). https://t.co/R97IEnyWbs— Tanuj (@ImTanujSingh) November 3, 2026ఇదీ చదవండి: ఆ ఇద్దరికి దక్కని చోటు.. తొలి వన్డేకు భారత జట్టు అంచనా!కంకషన్‌కు గురైన కివీస్ స్టార్‌.. భారత్‌తో తొలి వన్డేకు దూరం

న్యూజిలాండ్ పర్యటనలో టీ20 సిరీస్‌ను 3-2తో దక్కించుకున్న టీమిండియా రేపటి నుంచి వన్డే సిరీస్ వేటకు సిద్ధమైంది. ఆక్లాండ్ వేదికగా రేపు కివీస్‌, భారత్‌ల మధ్య తొలి వన్డే జరగనుంది. రోహిత్‌, కోహ్లి, గిల్ రాకతో జట్టు బలంగా కనిపిస్తుంది. ఇప్పటికే ప్రాక్టీస్‌లో మునిగి తేలిన మన ఆటగాళ్లు అసలు మ్యాచ్‌లో రాణించాలనే పట్టుదలతో ఉన్నారు. ఈ నేపథ్యంలో న్యూజిలాండ్‌తో తొలి వన్డేకు భారత తుది జట్టు ఎలా ఉండబోతుందనేది ఆసక్తిగా మారింది. సోషల్ మీడియాలో ఎవరికి నచ్చినట్లుగా వారు తమ తుది జట్టును అంచనా వేస్తున్నారు. కొందరు శ్రేయస్ అయ్యర్‌కు రెస్ట్ ఇచ్చి రుతురాజ్ గై​క్వాడ్‌ను ఆడిపిస్తారని కామెంట్లు చేయగా, వన్డేల్లో మంచి ట్రాక్ రికార్డు కలిగిన అయ్యర్‌ను పక్కనబెట్టే అవకాశం లేదని ఇంకొందరు పేర్కొన్నారు.మెజారిటీ అభిమానులు ఎంపిక చేసిన తుదిజట్టు అంచనా ప్రకారం.. ఓపెనింగ్‌లో గిల్‌, రోహిత్ శర్మ రానున్నారు. వన్‌డౌన్‌లో కోహ్లి బ్యాటింగ్ చేయనున్నాడు. శ్రేయస్ అయ్యర్‌, కేఎల్ రాహుల్ మిడిలార్డర్‌లో కీలకం కానున్నారు. నమన్ ధీర్‌, అక్షర్ పటేల్‌, నితీశ్‌కుమార్ రెడ్డిలు ఆల్‌రౌండర్లుగా జట్టులో చోటు దక్కించుకున్నారు. ఇక సిరాజ్‌, అర్షదీప్‌, గుర్నూర్ బ్రార్‌లతో పేస్ విభాగం ఉండనుంది. ఈ జట్టులో ఇషాన్ కిషన్‌, రుతురాజ్ గై​క్వాడ్‌లకు చోటు దక్కలేదు. అంతేకాదు స్పెషలిస్ట్ స్పిన్నర్ కుల్దీప్ యాదవ్‌కు అవ‌కాశ‌మివ్వ‌లేదు. ఒక‌వేళ గుర్నూర్ వ‌ద్ద‌నుకుంటే అప్పుడు కుల్దీప్ జ‌ట్టులో ఉండ‌నున్నాడు. అక్షర్ పటేల్‌, నమన్ ధీర్‌లు స్పిన్ బాధ్యత తీసుకోవాల్సి ఉంటుంది. ఇది అభిమానుల అంచనా మాత్రమే కావడంతో తుది జట్టు ఎలా ఉండబోతుందనేది రేపు మ్యాచ్ ప్రారంభానికి ముందు తెలియనుంది. అయితే నితీశ్ రెడ్డి తొలి వ‌న్డేకు మాత్రమే అందుబాటులో ఉండ‌డంతో అత‌డు ఆడ‌డం ఖాయ‌మే.ఇప్ప‌టివ‌ర‌కు న్యూజిలాండ్‌, టీమిండియా ముఖాముఖి పోరులో 123సార్లు ఎదురుప‌డ్డాయి. ఇందులో భార‌త్ 63 మ్యాచ్‌ల్లో గెల‌వ‌గా, కివీస్ 52 విజ‌యాలు సాధించింది. ఏడు మ్యాచ్‌లు ర‌ద్ద‌వ్వ‌గా.. ఒక మ్యాచ్ ఫ‌లితం రాలేదు.భార‌త తుదిజ‌ట్టు అంచ‌నా: రోహిత్ శర్మ, శుభ్‌మన్ గిల్ (కెప్టెన్‌), విరాట్ కోహ్లీ, శ్రేయ‌స్ అయ్యర్ (వైస్ కెప్టెన్‌), కెఎల్ రాహుల్ (వికెట్ కీప‌ర్‌), నితీష్ కుమార్ రెడ్డి, అక్షర్ పటేల్, నమన్ ధీర్, కుల్దీప్ యాదవ్/గుర్నూర్ బ్రార్‌, మహ్మద్ సిరాజ్, అర్ష్‌దీప్ సింగ్Glittering trophy, smiling captains 🏆 😊 #TeamIndia is ODI ready 🇮🇳 #NZvIND | @ShubmanGill https://t.co/8rbsJX7VSs— BCCI (@BCCI) November 3, 2026ఇదీ చదవండి: కంకషన్‌కు గురైన కివీస్ స్టార్‌.. భారత్‌తో తొలి వన్డేకు దూరండ్రాగా ముగిసిన మ్యాచ్‌.. టీమిండియాకు శుభవార్త

ఆక్లాండ్ వేదికగా రేపు టీమిండియాతో తొలి వన్డే నేపథ్యంలో న్యూజిలాండ్ జట్టుకు గట్టి ఎదురుదెబ్బ తగిలింది. ఆ జట్టు స్టార్ ఓపెనర్ డెవాన్ కాన్వే తొలి వన్డేకు దూరమయ్యాడు. వన్డే సిరీస్ నేపథ్యంలో ఆక్లాండ్‌లోని ఈడెన్ పార్క్‌లో మంగళవారం కివీస్‌ ఆటగాళ్లు నెట్ ప్రాక్టీస్‌లో పాల్గొన్నారు. ప్రాక్టీస్‌ సెషన్‌లో భాగంగా ఒక క్యాచ్ అందుకునే క్రమంలో కాన్వే, ఫాస్ట్ బౌలర్ మాట్ హెన్రీ ఒకరినొకరు బలంగా ఢీకొన్నారు.ఈ ప్రమాదంలో కాన్వే తలకి తీవ్రమైన దెబ్బ తగలడంతో మెడికల్ టీమ్ వెంటనే అతనికి పరీక్షలు నిర్వహించింది. అనంతరం ఆసుపత్రికి తరలించి స్కాన్ చేయగా అతడు కంకషన్‌కు (తలకు గాయం) గురైనట్లు నిర్ధారణ అయింది. దీంతో భారత్‌తో జరిగే మొదటి వన్డే మ్యాచ్‌కు కాన్వే దూరమయ్యాడు. అతని స్థానంలో వికెట్ కీపర్ బ్యాటర్ టిమ్ సీఫెర్ట్ జట్టులోకి వచ్చే అవకాశం ఉంది. ఇప్పటికే రచిన్ రవీంద్ర (భుజం గాయం), మార్క్ చాప్‌మన్ (కండరాల గాయం), విలియం రూర్టిర్కీ, బెన్ సియర్స్ వంటి కీలక ఆటగాళ్లు గాయాలతో వన్డే సిరీస్‌కు దూరమవ్వగా, ఇప్పుడు కాన్వే కూడా కంకషన్‌కు గురవ్వడం కివీస్ జట్టుకు ఎదురుదెబ్బ అని చెప్పొచ్చు.ఈ ఏడాది జన‌వ‌రిలో భార‌త్‌లో జ‌రిగిన వ‌న్డే సిరీస్‌లో పాల్గొన్న కాన్వే ఆ త‌ర్వాత మ‌ళ్లీ మ‌రో వ‌న్డే మ్యాచ్ ఆడ‌లేదు. అయితే జూన్‌లో ఇంగ్లండ్‌తో జ‌రిగిన టెస్టులో కాన్వే (157 ప‌రుగులు) అద్భుత శ‌త‌కం సాధించాడు. కివీస్‌ తమ సొంత‌గ‌డ్డ‌పై వన్డే సిరీస్‌ ఆడుతుండ‌డంతో కీల‌క‌మ‌వుతాడ‌నుకున్న కాన్వే ఇలా కంక‌ష‌న్‌కు గుర‌వ్వ‌డం ఆ జట్టుకు పెద్ద‌దెబ్బే అని చెప్పొచ్చు. ఇప్ప‌టివ‌ర‌కు కాన్వే 43 వ‌న్డేల్లో 1692 ప‌రుగులు సాధించాడు. ఇందులో 5 శ‌త‌కాలు, ఆరు అర్థ‌సెంచ‌రీలున్నాయి. 🚨 DEVON CONWAY RULED OUT Devon Conway has been ruled out of the first ODI against India after suffering a concussion from a collision with Matt Henry during a training session. The incident happened at Eden Park on Tuesday, when the two players collided while attempting to take a catch. Both received immediate medical attention and underwent head injury assessments. While Henry's condition is being monitored, Conway was taken to hospital for further examination, which confirmed a concussion.— Cricbuzz (@cricbuzz) November 3, 2026ఇదీ చదవండి: NZ-A Vs IND-A: డ్రాగా ముగిసిన మ్యాచ్‌.. టీమిండియాకు శుభవార్త'హ‌ర్మ‌న్‌ప్రీత్‌ నా ఫోన్‌కాల్స్ ఎత్త‌లేదు'

న్యూజిలాండ్‌తో టీ20 సిరీస్‌ను 3-2తో గెలిచిన టీమిండియా కివీస్‌ గడ్డ మీద వన్డే సిరీస్‌కు సిద్ధమైంది. ఇరుజట్ల మధ్య నవంబరు 4 నుంచి ఈ సిరీస్‌ మొదలుకానుంది. మరి ఇందుకు సంబంధించి పూర్తి షెడ్యూల్‌, వేదికలు, మ్యాచ్‌ టైమింగ్స్‌, జట్టు, లైవ్‌స్ట్రీమింగ్‌ తదితర వివరాలు తెలుసుకుందాం!!టీమిండియా వర్సెస్‌ న్యూజిలాండ్‌ వన్డే సిరీస్‌ షెడ్యూల్‌, వేదికలు👉తొలి వన్డే.. నవంబరు 4 (బుధవారం)- ఆక్లాండ్‌, ఈడెన్‌పార్క్‌👉రెండో వన్డే.. నవంబరు 7 (శనివారం)- వెల్లింగ్‌టన్‌, హెన్రీ స్టేడియం👉మూడో వన్డే.. నవంబరు 10 (మంగళవారం)- హామిల్టన్‌, సెడాన్‌ పార్క్‌👉నాలుగో వన్డే.. నవంబరు 13 (శుక్రవారం)- మౌంట్‌ మౌంగనూయ్‌, బే ఓవల్‌👉ఐదో వన్డే.. నవంబరు 15 (ఆదివారం)- మౌంట్‌ మౌంగనూయ్‌, బే ఓవల్‌.మ్యాచ్‌ టైమింగ్స్‌👉భారత కాలమానం ప్రకారం న్యూజిలాండ్‌- భారత్‌ వన్డే మ్యాచ్‌లు ఉదయం 7.30 గంటలకు ఆరంభం.లైవ్‌స్ట్రీమింగ్‌ ఎక్కడంటే👉సోనీ స్పోర్ట్స్ నెట్‌వర్క్‌ (టీవీ), సోనీ లివ్‌ (డిజిటల్‌)వన్డే సిరీస్‌కు భారత్‌, న్యూజిలాండ్‌ జట్లుటీమిండియామొదటి మూడు వన్డేలకు భారత జట్టు (అప్‌డేట్‌)శుబ్‌మన్ గిల్ (కెప్టెన్‌), రోహిత్ శర్మ, విరాట్ కోహ్లీ, శ్రేయస్ అయ్యర్ (వైస్‌ కెప్టెన్‌), కేఎల్ రాహుల్ (వికెట్‌ కీపర్‌), అక్షర్ పటేల్, నమన్ ధీర్, అన్షుల్ కాంబోజ్, గుర్నూర్ బ్రార్, రుతురాజ్ గైక్వాడ్, అర్ష్‌దీప్ సింగ్, ఇషాన్ కిషన్ (వికెట్‌ కీపర్‌), మహ్మద్ సిరాజ్‌, కుల్దీప్‌ యాదవ్‌, నితీశ్‌ రెడ్డి (మొదటి వన్డేకు మాత్రమే), అకిబ్ న‌బీ.నాలుగు, ఐదో వన్డేలకు భారత జట్టు (అప్‌డేట్‌)శ్రేయస్ అయ్యర్ (కెప్టెన్‌), రోహిత్ శర్మ, విరాట్ కోహ్లీ, తిలక్ వర్మ, ఇషాన్ కిషన్ (వికెట్‌ కీపర్‌, వైస్‌ కెప్టెన్‌), అక్షర్ పటేల్, నమన్ ధీర్, అకిబ్ న‌బీ, గుర్నూర్ బ్రార్, రుతురాజ్ గైక్వాడ్, అర్ష్‌దీప్ సింగ్, కుమార్ కుషాగ్రా (వికెట్‌ కీపర్‌), మహ్మద్ సిరాజ్, యశ్‌ ఠాకూర్‌, కుల్దీప్‌ యాదవ్‌.తొలి మూడు వన్డేలకు న్యూజిలాండ్‌ జట్టుమిచెల్‌ సాంట్నర్‌ (కెప్టెన్‌), మైకేల్‌ బ్రేస్‌వెల్‌, డెవాన్‌ కాన్వే, జేకబ్‌ డఫీ, మ్యాట్‌ ఫిషర్‌, మ్యాట్‌ హెన్రీ, కైలీ జెమీషన్‌, టామ్‌ లాథమ్‌ (వికెట్‌ కీపర్‌), డారిల్‌ మిచెల్‌, హెన్రీ నికోలస్‌, గ్లెన్‌ ఫిలిప్స్‌, టిమ్‌ సీఫర్ట్‌, నాథన్‌ స్మిత్‌, విల్‌ యంగ్‌, బ్లేయిర్‌ టిక్నర్‌.మిగిలిన రెండు వన్డేలకు న్యూజిలాండ్‌ జట్టుమిచెల్‌ సాంట్నర్‌ (కెప్టెన్‌), ఫిన్‌ అలెన్‌, మైకేల్‌ బ్రేస్‌వెల్‌, క్రిస్టియన్‌ క్లార్క్‌, జేకబ్‌ డఫీ, మ్యాట్‌ ఫిషర్‌, డీన్‌ ఫాక్స్‌క్రాఫ్ట్‌, లాకీ ఫెర్గూసన్‌, మిచెల్‌ హే (వికెట్‌ కీపర్‌), నిక్‌ కెల్లీ, టిమ్‌ సీఫర్ట్‌ (వికెట్‌ కీపర్‌), బ్లేయిర్‌ టిక్నర్‌, విల్‌ యంగ్‌.ఇవీ చదవండి: గెలుపు జోష్‌లో ఉన్న పాకిస్తాన్‌కు షాక్‌!చరిత్ర సృష్టించిన నమీబియా.. ఐర్లాండ్‌కు షాక్‌!

ముక్కోణపు వన్డే సిరీస్‌లో విజేతగా నిలిచిన పాకిస్తాన్‌ జట్టుకు భారీ ఎదురుదెబ్బ తగిలింది. శ్రీలంకతో జరిగిన ఫైనల్లో నిర్ణీత సమయంలో బౌలర్ల కోటా పూర్తి చేయనందున.. అంతర్జాతీయ క్రికెట్‌ మండలి (ICC) పాక్‌ జట్టుకు జరిమానా వేసింది.కాగా సొంతగడ్డపై ఇంగ్లండ్‌, శ్రీలంకతో పాకిస్తాన్‌ ముక్కోణపు వన్డే సిరీస్‌ ఆడింది. ఈ క్రమంలో పాక్‌తో పాటు శ్రీలంక ఫైనల్‌ చేరగా ఇంగ్లండ్‌ ఇంటిబాట పట్టింది. ఇక శనివారం జరిగిన టైటిల్‌ పోరులో శ్రీలంకపై పాక్‌ మూడు వికెట్ల తేడాతో గెలిచి ట్రోఫీ సొంతం చేసుకుంది.అయితే, ఈ మ్యాచ్‌లో పాక్‌ స్లో ఓవర్‌రేటు మెయింటెన్‌ చేసినందున మ్యాచ్‌ ఫీజులో ఐదు శాతం కోత విధిస్తున్నట్లు ఐసీసీ తాజాగా ప్రకటించింది. ఐసీసీ ప్రవర్తనా నియమావళిలోని ఆర్టికల్‌ 2.22 ఉల్లంఘించినందున ఈ నిర్ణయం తీసుకుంది. జట్టులో ప్రతీ సభ్యుడి మ్యాచ్‌ ఫీజులో ఐదు శాతం కోత ఉంటుందని స్పష్టం చేసింది. పాక్‌ కెప్టెన్‌ షాహిన్‌ ఆఫ్రిది తమ తప్పిదాన్ని అంగీకరించాడని పేర్కొంది.మ్యాచ్‌ విషయానికొస్తే... లాహోర్‌ వేదికగా జరిగిన ఫైనల్లో టాస్‌ గెలిచిన పాకిస్తాన్‌ తొలుత బౌలింగ్‌ ఎంచుకుంది. ఈ క్రమంలో బ్యాటింగ్‌కు దిగిన పాకిస్తాన్‌ నిర్ణీత 50 ఓవర్లలో 8 వికెట్ల నష్టానికి 325 పరుగుల మేర భారీ స్కోరు సాధించింది.ఈ క్రమంలో లక్ష్య ఛేదనకు దిగిన పాకిస్తాన్‌.. అనూహ్య రీతిలో 48.3 ఓవర్లలో ఏడు వికెట్ల నష్టానికి 331 పరుగులు చేసి జయభేరి మోగించింది. ఓపెనర్‌ ఫఖార్‌ జమాన్‌ మెరుపు సెంచరీ (99 బంతుల్లో 127)తో జట్టు విజయంలో కీలక పాత్ర పోషించాడు. అతడికి తోడుగా సాద్‌ బేగ్‌ (74), అరాఫత్‌ మిన్హాస్‌ (61) అర్ధ శతకాలతో రాణించారు. ఇవీ చదవండి: ఐదేసిన ముకేశ్‌.. సిరాజ్‌కు నాలుగు వికెట్లు; కివీస్ 424 ఆలౌట్‌చరిత్ర సృష్టించిన నమీబియా.. ఐర్లాండ్‌కు షాక్‌!

నమీబియా క్రికెట్‌ జట్టు సరికొత్త చరిత్ర సృష్టించింది. అంతర్జాతీయ క్రికెట్‌ మండలి (ఐసీసీ) ఫుల్‌ మెంబర్‌ జట్టుపై తొలిసారి వన్డే సిరీస్‌ గెలిచింది. ఐర్లాండ్‌పై ఐదో వన్డేలో విజయం సాధించి ఈ ఫీట్‌ అందుకుంది.కాగా ఐదు వన్డేలు ఆడేందుకు ఐర్లాండ్‌ జట్టు నమీబియా పర్యటనకు వెళ్లింది. ఈ క్రమంలో తొలి వన్డేలో పసికూన నమీబియాను 55 పరుగుల తేడాతో ఓడించిన ఐరిష్‌ జట్టు.. రెండో వన్డేలో మాత్రం 31 పరుగుల తేడాతో ఓటమిపాలైంది.అనంతరం మూడో వన్డేలో నమీబియా 63 పరుగుల తేడాతో గెలవగా.. నాలుగో వన్డేలో ఐర్లాండ్‌ ఏక​ంగా 130 పరుగుల భారీ తేడాతో ఆతిథ్య జట్టును మట్టికరిపించింది. ఈ క్రమంలో సిరీస్‌ 2-2తో సమం కాగా.. ఆదివారం నాటి చావోరేవో తేల్చుకోవాల్సిన మ్యాచ్‌లో నమీబియా అదరగొట్టింది.చెలరేగిన నమీబియా బౌలర్లువిండ్‌హాక్‌ వేదికగా సాగిన ఈ సిరీస్‌లో ఐదో వన్డేలో టాస్‌ గెలిచిన ఐర్లాండ్‌ తొలుత బ్యాటింగ్‌ ఎంచుకోగా.. నమీబియా బౌలర్లు పర్యాటక జట్టు బ్యాటర్లకు చుక్కలు చూపించారు. వీరి దెబ్బకు 33.1 ఓవర్లలో కేవలం 129 పరుగులు మాత్రమే చేసి ఐర్లాండ్‌ ఆలౌట్‌ అయింది.జోర్డాన్‌ నీల్‌ 33 పరుగులతో ఐర్లాండ్‌ టాప్‌ రన్‌ స్కోరర్‌గా నిలవగా.. కేడ్‌ కార్‌మైకేల్‌ 27, హ్యారీ టెక్టార్‌ 21, కెప్టెన్‌ లోర్కాన్‌ 20 పరుగులు చేయగలిగారు. నమీబియా బౌలర్లలో జేజే స్మిత్‌ నాలుగు వికెట్లతో చెలరేగగా.. జాక్‌ బ్రేసెల్‌ మూడు, రూబెన్‌ ట్రంపెల్‌మ్యాన్‌, మాక్స్‌ హీంగో, విలియం మైబర్గ్‌ తలా ఒక వికెట్‌ పడగొట్టారు.తొలిసారి వన్డే సిరీస్‌ కైవసంఅనంతరం లక్ష్య ఛేదనకు దిగిన నమీబియా కేవలం 21.2 ఓవర్లలో ఐదు వికెట్లు నష్టపోయి 131 పరుగులు స్కోరు చేసి పని పూర్తిచేసింది. లారెన్‌ స్టీంకాంప్‌ 46, కెప్టెన్‌ గెర్హాడ్‌ ఎరాస్మస్‌ 30 పరుగులతో రాణించి జట్టు విజయంలో కీలక పాత్ర పోషించారు. ఇక ఐదో వన్డేలో విజయంతో నమీబియా ఐర్లాండ్‌తో వన్డే సిరీస్‌ను 3-2తో కైవసం చేసుకుంది. తద్వారా టెస్టు హోదా ఉన్న జట్టుపై తొలిసారి ఈ ఘనత సాధించిన జట్టుగా నిలిచింది.ఇవీ చదవండి:ఐదేసిన ముకేశ్‌.. సిరాజ్‌కు నాలుగు వికెట్లు; కివీస్ 424 ఆలౌట్‌ నేనూ మనిషినే.. ఒక్కోసారి మానసికంగా అలసిపోతాను.. కానీ: గంభీర్‌

న్యూజిలాండ్‌తో వ‌న్డే సిరీస్‌కు ఎంపికైన టీమిండియా యువ ఫాస్ట్ బౌల‌ర్ గుర్నూర్ బ్రార్ చిక్కుల్లో ప‌డ్డాడు. బుధవారం తొలి వన్డే జరగనున్న నేపథ్యంలో సోష‌ల్ మీడియాలో అత‌డి నగ్న చిత్రాలు ప్ర‌త్య‌క్ష‌మ‌వ్వ‌డం వివాదానికి దారి తీసింది. బాత్‌రూంలో ఒంటిపై నూలు పోగు లేకుండా న‌గ్నంగా అద్దం ముందు నిల‌బ‌డి ప్రైవేట్ పార్ట్స్ క‌నిపించ‌డ‌కుండా ట‌వ‌ల్ అడ్డుపెట్టుకున్న ఫొటోలు సోష‌ల్ మీడియా యాప్‌ స్పాప్‌చాట్‌లో వెలుగు చూశాయి. త‌న న్యూడ్ ఫొటోల‌ను స్పాప్‌చాట్‌లో షేర్‌ చేయడంతో పాటు, కొంతమంది అమ్మాయిలను న‌గ్న చిత్రాల‌ను కూడా పంపాల‌ని అడిగిన‌ట్లు సోష‌ల్‌మీడియాలో ప్ర‌చారం జ‌రుగుతోంది. అత‌డి చాటింగ్‌కు సంబంధించిన స్క్రీన్‌షాట్స్ కూడా తాజాగా వైర‌ల్‌గా మారాయి. ఏఐతో మార్ఫింగ్ చేశారా? అయితే ఆ ఫొటోలు నిజంగా గుర్నూర్ బ్రార్‌వేనా లేక ఏఐ సాయంతో మార్ఫింగ్ చేశారా అన్న‌ది తెలియాల్సి ఉంది. ఎవ‌రైనా ఆక‌తాయిలు కావాల‌ని చేశారా లేక ఉద్దేశ‌పూర్వ‌కంగా చేశారో తెలియ‌దు కానీ, దీనివల్ల క్రికెట‌ర్ గుర్నూర్ బ్రార్ ఇబ్బందుల్లో ప‌డ్డాడు. సోష‌ల్‌మీడియాలో లీకైన త‌న ఫొటోల‌పై అటు గుర్నూర్ బ్రార్ కానీ.. ఇటు బీసీసీఐ కానీ ఇంత‌వ‌ర‌కు స్పందించ‌క‌పోవ‌డంతో క‌చ్చితంగా అవి నకిలీ ఫొటోలే కావొచ్చ‌ని కొంత‌మంది అభిమానులు నిర్థార‌ణ‌కు వ‌స్తున్నారు. PC: Twitterఅయితే కొంత‌మంది అభిమానులు మాత్రం గుర్నూర్ బ్రార్‌ను త‌ప్పుబ‌డుతున్నారు. కెరీర్ ఆరంభ ద‌శ‌లో ఉన్న ఒక క్రికెటర్ ఇలాంటి గ‌లీజు ప‌నులు చేయ‌డ‌మేంట‌ని మండిప‌డుతున్నారు. ఈ వ్య‌వ‌హారంలో బీసీసీఐ జోక్యం చేసుకొని గుర్నూర్‌పై చ‌ర్య‌లు తీసుకోవాల‌ని కోరుతున్నారు. అయితే గుర్నూర్ బ్రార్ మ‌న్మీత్ కౌర్ అనే యువ‌తితో ప్రేయాయ‌ణం న‌డుపుతున్న‌ట్లు ప్ర‌చారంలో ఉంది. ఎవ‌రీ గుర్నూర్ బ్రార్‌? గుర్నూర్ బ్రార్ పంజాబ్‌కు చెందిన ఒక ఫాస్ట్ బౌలర్. గుర్నూర్ ఈ ఏడాది జూన్ 13న ఆఫ్ఘనిస్తాన్‌తో జరిగిన వన్డే ద్వారా టీమిండియా త‌ర‌ఫున అరంగేట్రం చేశాడు. తన అరంగేట్ర మ్యాచ్‌లో అతను మూడు వికెట్లు పడగొట్టి ఆక‌ట్టుకున్నాడు. అతను దేశీయ క్రికెట్‌లో కూడా బాగా రాణించాడు. 2024-25 రంజీ ట్రోఫీ సీజన్‌లో పంజాబ్ తరపున ఆడుతూ, అతను ఏడు మ్యాచ్‌లలో 26 వికెట్లు తీశాడు. అతను 2023లో పంజాబ్ కింగ్స్ తరపున ఐపీఎల్‌లో అరంగేట్రం చేశాడు. ఆ తర్వాత 2025 మెగా వేలంలో గుజరాత్ టైటాన్స్ అతడిని రూ. 1.30 కోట్లకు కొనుగోలు చేసింది. ప్రస్తుత గుర్నూర్ బ్రార్ న్యూజిలాండ్ పర్యటనలో ఉన్నాడు. బుధవారం నుంచి ప్రారంభమయ్యే ఐదు వన్డేల సిరీస్‌లో బరిలోకి దిగనున్నాడు. వన్డే సిరీస్ ప్రారంభానికి ముందు అతనిపై ఇలాంటి ఆరోపణలు రావడం చర్చనీయాంశమైంది.🚨 GURNOOR BRAR’S PRIVATE CHATS LEAKED..!!! 🤯 Leaked screenshots allegedly show Gurnoor Brar asking girls for nude pictures while sharing his own explicit photos. Should BCCI step in and investigate this matter? 👀 https://t.co/kinf6qtON9— Sourabh (@xzx_slipknot) November 1, 2026Latest Tea On Gurnoor Brar 💀 https://t.co/Lglq8Z7WzM— CricXGoat (@GoatXCric) November 1, 2026ఇదీ చదవండి: అతడిని ఆడించి తప్పు చేశారు: భారత మాజీ క్రికెటర్‌ ఫైర్‌ఆస్ట్రేలియా జ‌ట్టు ప్ర‌క‌ట‌న‌.. కొత్త ముఖాలకు చోటు

స్వ‌దేశంలో ఇంగ్లండ్‌తో వ‌న్డే, టీ20 సిరీస్ నేప‌థ్యంలో క్రికెట్ ఆస్ట్రేలియా సోమ‌వారం 14 మందితో రెండు వేర్వేరు జ‌ట్ల‌ను ప్ర‌క‌టించింది. న్యూజిలాండ్‌తో నాలుగు టెస్టు మ్యాచ్‌ల సిరీస్ నేప‌థ్యంలో జ‌ట్టు సీనియ‌ర్లు రెగ్యుల‌ర్ కెప్టెన్ పాట్ క‌మిన్స్‌తో పాటు మిచెల్ స్టార్క్‌, హాజిల్‌వుడ్‌ల‌కు విశ్రాంతి క‌ల్పించింది. దీంతో మిచెల్ మార్ష్ ఈ సిరీస్‌కు కెప్టెన్‌గా వ్య‌వ‌హ‌రించ‌నున్నాడు. న‌వంబ‌ర్ 13 నుంచి డిసెంబ‌ర్ 2 మ‌ధ్య ఆస్ట్రేలియా, ఇంగ్లండ్ మూడు వ‌న్డేల‌తో పాటు ఐదు మ్యాచ్‌ల టీ20 సిరీస్ ఆడ‌నున్నాయి. కాగా జ‌ట్టులో ఎక్కువ‌గా కొత్త ముఖాల‌కు చోటు క‌ల్పించారు. మ‌హ్లీ బియ‌ర్డ్‌మ‌న్‌, జాక్ ఎడ‌వ‌ర్డ్స్‌, ఓలీ పీక్‌, నిఖిల్ చౌద‌రీ, జోయెల్ డేవిస్‌, ల‌చ్లాన్ షా వంటి యంగ్ క్రికెట‌ర్ల‌కు జ‌ట్టుకు ఎంపిక చేశారు. ట్రెవిస్ హెడ్‌, మాట్ రెన్ షా, జోష్‌ ఇంగ్లిస్‌, కూప‌ర్ క‌నోలి, కామెరాన్ గ్రీన్‌ల‌కు టీ20ల నుంచి విశ్రాంతి క‌ల్పించారు. గాయం నుంచి కోలుకొని నాథ‌న్ ఎల్లిస్‌ను వ‌న్డేలకు ఎంపిక చేయ‌లేదు. అయితే టీ20ల‌కు మాత్రం అత‌డిని ఎంపిక చేశారు. గ్లేవియ‌ర్ బార్ట్‌లెట్‌, మ‌హ్లీ బియ‌ర్డ్‌మ‌న్‌, జాక్ ఎడ్‌వ‌ర్డ్స్‌, ఆడ‌మ్ జంపా, స్పెన్స‌ర్ జాన్స‌న్‌లు వ‌న్డే, టీ20 జ‌ట్ల‌కు ఎంపికయ్యారు. టిమ్ డేవిడ్‌, నిఖిల్‌చౌద‌రీ, జోయెల్ డేవిస్‌, జేక్ ఫ్రేజ‌ర్ మెక్‌గుర్క్‌, సామ్ హార్ప‌ర్‌, మిచెల్ ఓవెన్‌లు టీ20 జ‌ట్టుకు ప‌రిగ‌ణ‌లోకి తీసుకోగా; లియామ్ స్కాట్‌, ట్రావిస్ హెడ్‌, గ్రీన్‌, అలెక్స్ కేరీ, కూప‌ర్ క‌నోలీల‌ను వ‌న్డేల‌కు ఎంపిక చేశారు.వ‌న్డే సిరీస్ షెడ్యూల్‌:👉తొలి వ‌న్డే- న‌వంబ‌ర్ 13, పెర్త్ 👉రెండో వ‌న్డే- న‌వంబ‌ర్ 15, అడిలైడ్‌👉మూడో వ‌న్డే- న‌వంబ‌ర్ 18, హోబ‌ర్ట్‌టీ20 సిరీస్ షెడ్యూల్‌:👉తొలి టీ20- న‌వంబ‌ర్ 21, మెల్‌బోర్న్‌👉రెండో టీ20- న‌వంబ‌ర్ 24, గోల్డ్‌కోస్ట్‌👉మూడో టీ20- న‌వంబ‌ర్ 27, బ్రిస్బేన్‌👉నాలుగో టీ20- న‌వంబ‌ర్ 29, సిడ్నీ👉ఐదో టీ20- డిసెంబ‌ర్ 2, కాన్‌బెర్రాఆస్ట్రేలియా (వన్డే జట్టు): మిచెల్ మార్ష్(కెప్టెన్), జేవియర్ బార్ట్‌లెట్, మహ్లీ బీర్డ్‌మన్, అలెక్స్ క్యారీ, కూపర్ కనోలి, జాక్ ఎడ్వర్డ్స్, కామెరాన్ గ్రీన్, ట్రావిస్ హెడ్, జోష్ ఇంగ్లిస్, స్పెన్సర్ జాన్సన్, ఓలీ పీక్, మాథ్యూ రెన్‌షా, లియామ్ స్కాట్, ఆడమ్ జంపా.ఆస్ట్రేలియా (టీ20 జట్టు): మిచెల్ మార్ష్(కెప్టెన్), జేవియర్ బార్ట్‌లెట్, మహ్లీ బీర్డ్‌మన్, నిఖిల్ చౌదరి, టిమ్ డేవిడ్, జోయెల్ డేవిస్, జాక్ ఎడ్వర్డ్స్, నాథన్ ఎల్లిస్, జేక్ ఫ్రేజర్-మెక్‌గుర్క్, సామ్ హార్పర్, స్పెన్సర్ జాన్సన్, మిచెల్ ఓవెన్, లాచ్లాన్ షా, ఆడమ్ జంపా.⚡️ Pat Cummins, Mitchell Starc and Josh Hazlewood have been rested for the white-ball series ahead of the Tests against NZ. ⚡️ Travis Head, Matt Renshaw, Josh Inglis, Cooper Connolly and Cam Green have been rested for the T20I leg. ⚡️ Nathan Ellis has not recovered from a side strain in time for the ODIs, but has been picked for the T20Is— Cricbuzz (@cricbuzz) November 2, 2026ఇదీ చదవండి: ఐదేసిన ముకేశ్‌.. సిరాజ్‌కు నాలుగు వికెట్లు; కివీస్ 424 ఆలౌట్‌‘నేనూ మనిషినే.. మానసికంగా అలసిపోతాను.. కానీ’

టీమిండియా షెడ్యూల్‌ ఎంత బిజీగా ఉంటుందో క్రికెట్‌ ప్రేమికులకు ప్రత్యేక చెప్పాల్సిన పనిలేదు. ఏడాది మొత్తం భారత పురుషుల క్రికెట్‌ జట్టు వరుస సిరీస్‌లతో ఆటలో తలమునకలై ఉంటుంది. ఒక్కోసారి విరామం లేని షెడ్యూల్‌ కారణంగా ఆటగాళ్లు మానసికంగా అలసిపోతూ ఉంటారు. గతంలో కొంతమంది ఈ విషయం గురించి బహిరంగంగానే మాట్లాడారు.మానసిక అలసట సహజంటీమిండియా హెడ్‌కోచ్‌ గౌతం గంభీర్‌ సైతం తాజాగా ఇలాంటి వ్యాఖ్యలే చేశాడు. న్యూజిలాండ్‌తో ఐదో టీ20 తర్వాత మీడియాతో మాట్లాడుతూ.. ‘‘నిజాయితీగా చెప్పాలంటే.. ఒక్కోసారి మానసికంగా నేను అలసిపోతూ ఉంటాను. అయితే, ఒత్తిడిని ఎలా జయించాలో నాకు బాగా తెలుసు. అందుకు నా మనసు, శరీరాన్ని ఎప్పటికప్పుడు మరింత దృఢంగా మార్చుకుంటాను.నేను కూడా మనిషినేఅలాగే నేను ఇక్కడిదాకా ఎదిగాను. ఎంతటి ఒత్తిడినైనా నేను భరించగలను. అయితే, నేను కూడా మనిషినే కాబట్టి.. ఒక్కోసారి మానసికంగా అంతా గందరగోళంగా అనిపిస్తుంది’’ అని గంభీర్‌ చెప్పుకొచ్చాడు.నా డిక్షనరీలో ఆ పదానికి తావు లేదుఅదే విధంగా.. ‘‘నా డిక్షనరీలో.. నా డైరెక్టరీలో.. నా దృక్పథంలో భయం అన్న మాటకు తావు లేదు. అసలు నా జీవితంలో ఆ మాట లేనేలేదు. మేము ప్రొఫెషనల్స్‌. కుంటిసాకులు చెప్పి తప్పించుకోవాల్సిన అవసరం మాకు ఎంతమాత్రం లేదు. భారీ స్థాయిలో అంచనాల నడుమఅయితే, విరామం లేని షెడ్యూల్‌ వల్ల ఒక్కోసారి కఠినమైన సవాళ్లు ఎదురవుతాయి. టీమిండియా హెడ్‌కోచ్‌గా ఉండటం అంతతేలికైన పనేమీ కాదు. ప్రతి ఒక్కరి దృష్టి మనమీదే ఉంటుంది. ప్రతీ మ్యాచ్‌ గెలవాలనే అభిమానులు కోరుకుంటారు. అంచనాలు భారీ స్థాయిలో ఉంటాయి. ప్రస్తుతానికి నేనైతే నా హెడ్‌కోచ్‌గా నా పనిని పూర్తిగా ఆస్వాదిస్తున్నా. అయితే, ముందుగా చెప్పినట్లు ఒక్కోసారి అలసిపోతూ ఉంటా. కానీ వెంటనే దాని నుంచి కోలుకుంటా’’ అని గంభీర్‌ తాను ఎల్లవేళలా పట్టువీడకుండా పనిలో ముందుకు సాగిపోతూ ఉంటానని పేర్కొన్నాడు.కివీస్‌ పర్యటనలో బిజీగా టీమిండియాకాగా ఐదు టీ20లు, ఐదు వన్డేలు, రెండు టెస్టులు ఆడేందుకు టీమిండియా న్యూజిలాండ్‌ పర్యటనకు వెళ్లింది. ఇందులో భాగంగా తొలుత టీ20 సిరీస్‌ జరుగగా.. 3-2తో భారత్‌ గెలిచింది. ఇరుజట్ల మధ్య బుధవారం నుంచి వన్డే సిరీస్‌ మొదలుకానుంది. ఇక గంభీర్‌ మూడు ఫార్మాట్లలోనూ ప్రస్తుతం టీమిండియా హెడ్‌కోచ్‌గా ఉన్న సంగతి తెలిసిందే. ఒక్కోసారి ఒకే సమయంలో రెండు సిరీస్‌లలో భారత జట్లు తలపడాల్సి వచ్చినప్పుడు వీవీఎస్‌ లక్ష్మణ్‌ తాత్కాలిక కోచ్‌గా వ్యవహరిస్తున్నాడు.ఇవీ చదవండి: ఫైన‌ల్లో ఆస్ట్రేలియా చిత్తు.. ఛాంపియ‌న్స్‌గా అఫ్గానిస్తాన్‌అతడి ఖేల్‌ ఖతం.. భారత వన్డే జట్టులోకి తిరిగి రాలేడు: మాజీ క్రికెటర్‌A captain's moment, shared with the next generation! 💙 Shreyas Iyer lifts the trophy after India's 3-2 series win, then hands it over to the youngsters to have their moment in the spotlight. A lovely gesture to cap off a memorable T20I Leg of the New Zealand Tour! 🏆👏 Watch the HERO VIDA India Tour of New Zealand 1st ODI on 4th Nov, 7:30 AM onwards, LIVE on Sony Sports Network TV channels, Sony LIV & Sony Vizha #SonySportsNetwork #SonyLIV #SonyVizha #NZvIND— Sony Sports Network (@SonySportsNetwk) November 1, 2026

టీమిండియాతో వ‌న్డే సిరీస్ ముంగిట న్యూజిలాండ్ జ‌ట్టుకు భారీ ఎదురుదెబ్బ త‌గిలింది. ఆ జ‌ట్టు కీల‌క ఆట‌గాళ్లు మార్క్ చాప్‌మ‌న్‌, ర‌చిన్ రవీంద్ర ఐదు మ్యాచ్‌ల వ‌న్డే సిరీస్‌కు దూర‌మ‌య్యారు. ఈ ఇద్ద‌రు గాయాల నుంచి పూర్తిగా కోలుకోక‌పోవ‌డంతో ఇంకా రిహాబిలిటేష‌న్ కేంద్రంలోనే గ‌డుపుతున్నార‌ని న్యూజిలాండ్ క్రికెట్ బోర్డు వెల్ల‌డించింది. ఈ నేప‌థ్యంలో వ‌న్డే సిరీస్ కోసం రెండు వేర్వేరు జ‌ట్ల‌ను ప్ర‌క‌టించిన న్యూజిలాండ్ జ‌ట్టులో కీల‌క మార్పుల అనంత‌రం అప్‌డేటెడ్ స్వ్కాడ్‌ను ప్ర‌క‌టించింది. గాయాల‌తో దూర‌మైన ర‌చిన్ రవీంద్ర‌, మార్క్ చాప్‌మ‌న్ స్థానాల్లో టిమ్ సీఫెర్ట్‌, హెన్రీ నికోల్స్‌, ఆల్‌రౌండ‌ర్ డీన్ ఫాక్స్‌క్రాఫ్ట్‌ల‌ను ఎంపిక చేసిన‌ట్లు తెలిపింది. ఇప్ప‌టికే వికెట్ కీప‌ర్ టిమ్ సీఫెర్ట్ నాలుగు, ఐదు వ‌న్డేల‌కు ఎంపిక కాగా, తాజాగా తొలి మూడు వ‌న్డేల‌కు కూడా అందుబాటులో ఉండ‌నున్నాడు. ఇక హెన్రీ నికోల్స్ తొలి మూడు వ‌న్డేల‌కు అందుబాటులో ఉండ‌నుండ‌గా, డీన్ ఫాక్స్ క్రాఫ్ట్ చివ‌రి రెండు వ‌న్డేల‌కు ఎంపిక‌య్యాడు. పేస‌ర్ మాట్ ఫిష‌ర్ కూడా తొలుత నాలుగు, ఐదు వ‌న్డేల‌కు ఎంపికైన‌ప్ప‌టికీ, తాజాగా సిరీస్ మొత్తానికి అందుబాటులో ఉండ‌నున్నాడు.ఇక చాప్‌మ‌న్ యూరోపియ‌న్ టీ20 ప్రీమియ‌ర్ లీగ్ ఆడుతూ కండ‌రాల గాయానికి గుర‌వ్వ‌గా, ర‌చిన్ ర‌వీంద్ర ఒక షూట్ యాడ్ ప్ర‌మోష‌న్‌లో పాల్గొంటున్న స‌మ‌యంలో భుజం గాయానికి గుర‌య్యాడు. అప్ప‌టి నుంచి వీరిద్ద‌రు రిహాబిలిటేష‌న్ సెంట‌ర్‌లో చికిత్స పొందుతున్నారు.న్యూజిలాండ్‌తో జరిగిన ఐదు మ్యాచ్‌ల టీ20 సిరీస్‌ను భారత్‌ 3-2తో కైవసం చేసుకుంది. నవంబర్‌ 4 నుంచి 15 వరకు ఐదు వన్డే మ్యాచ్‌లు జరగనున్నాయి. బుధవారం ఆక్లాండ్‌ వేదికగా ఇరుజట్ల మధ్య తొలి వన్డే మ్యాచ్‌ జరగనుంది.తొలి మూడు వ‌న్డేల‌కు న్యూజిలాండ్ జట్టు: మిచెల్ సాంట్నర్ (కెప్టెన్), మైఖేల్ బ్రేస్‌వెల్, డెవాన్ కాన్వే, జాకబ్ డఫీ, మాట్ ఫిషర్, హెన్రీ, కైల్ జామిసన్, టామ్ లాథమ్ (వికెట్ కీపర్), డారిల్ మిచెల్, హెన్రీ నికోల్స్, గ్లెన్ ఫిలిప్స్, టిమ్ సీఫెర్ట్, నాథన్ స్మిత్, విల్ యంగ్, బ్లెయిర్ టిక్నర్4-5 వన్డేల కోసం న్యూజిలాండ్ జట్టు: మిచెల్ సాంట్నర్ (కెప్టెన్), ఫిన్ అలెన్, మైఖేల్ బ్రేస్‌వెల్, క్రిస్టియన్ క్లార్క్, జాకబ్ డఫీ, మాట్ ఫిషర్, డీన్ ఫాక్స్‌క్రాఫ్ట్, లాకీ ఫెర్గూసన్, మిచెల్ హే (వికెట్ కీపర్), నిక్ కెల్లీ, టిమ్ సీఫెర్ట్ (వికెట్ కీపర్), బ్లెయిర్ టిక్నర్, విల్ యంగ్ఇదీ చదవండి: ఆ తప్పిదాలే కొంపముంచాయి.. ఓటమిపై శ్రేయస్‌ అయ్యర్‌ కీలక వ్యాఖ్యలుసింగిల్స్‌ చాంప్స్‌ సింధు, లక్ష్య సేన్‌

న్యూజిలాండ్‌తో వ‌న్డే సిరీస్ ఆడేందుకు ఇప్ప‌టికే కివీస్ గడ్డ‌పై అడుగుపెట్టిన టీమిండియా స్టార్ రోహిత్ శ‌ర్మ కీల‌క నిర్ణయం తీసుకున్నాడు. కివీస్‌తో వ‌న్డే సిరీస్ ముగిసిన అనంత‌రం స్వ‌దేశంలో జ‌ర‌గ‌నున్న‌ దేశ‌వాళీ టోర్నీ విజ‌య్ హ‌జారే ట్రోఫీలో ఆడాల‌ని నిర్ణ‌యించుకున్నాడు. ఈ మేర‌కు తాను విజ‌య్ హ‌జారే ట్రోఫీకి అంద‌బాటులో ఉండ‌నున్న‌ట్లు ముంబై క్రికెట్ అసోసియేష‌న్‌కు రోహిత్ వెల్ల‌డించిన‌ట్లు తెలుస్తోంది.వ‌న్డే ప్ర‌పంచ‌క‌ప్ ప్ర‌ణాళిక‌ల్లో భాగంగానే..న‌వంబ‌ర్ 15తో న్యూజిలాండ్‌తో ఐదు మ్యాచ్‌ల వ‌న్డే సిరీస్ ముగియ‌నుంది. ఆ త‌ర్వాత భార‌త్ స్వ‌దేశంలో లంక‌తో వ‌న్డే సిరీస్ ఆడ‌నుంది. డిసెంబ‌ర్ 13 నుంచి 19 మ‌ధ్య టీమిండియా, శ్రీలంకల మ‌ధ్య మూడు వ‌న్డే మ్యాచ్‌లు జ‌ర‌గ‌నున్నాయి. ఇది పూర్త‌యిన వెంట‌నే రోహిత్ విజ‌య్ హ‌జారే ట్రోఫీ ఆడ‌నున్నాడు. డిసెంబ‌ర్ 14 నుంచి 29 వ‌ర‌కు ఈ ప్ర‌తిష్టాత్మ‌క టోర్నీ జ‌ర‌గ‌నుంది. 2027 వ‌న్డే ప్ర‌పంచ‌క‌ప్ ప్ర‌ణాళిక‌ల్లో భాగంగానే విజ‌య్ హ‌జారే ట్రోఫీలో ఆడాల‌ని నిశ్చ‌యించుకున్న‌ట్లు రోహిత్ శ‌ర్మ ఒక ప్ర‌క‌ట‌న‌లో తెలిపాడు.ప‌ది రోజుల గ్యాప్‌..అయితే జ‌న‌వ‌రి 3 నుంచి జింబాబ్వేతో వ‌న్డే సిరీస్ ప్రారంభం కానుండ‌డంతో రోహిత్ మ‌ళ్లీ టీమిండియాతో చేర‌నున్నాడు. డిసెంబ‌ర్ 22 నుంచి ప‌ది రోజుల గ్యాప్‌లో రోహిత్ ముంబై త‌ర‌ఫున విజ‌య్ హాజారే ట్రోఫీలో పాల్గొన‌నున్నాడు. విజ‌య్ హ‌జారే ట్రోఫీలో లీగ్ ద‌శ డిసెంబ‌ర్ 14 నుంచి 29 వ‌ర‌కు, జ‌న‌వ‌రి 2 నుంచి 8 వ‌ర‌కు నాకౌట్ మ్యాచ్‌లు జ‌ర‌గ‌నున్నాయి.ఇక రోహిత్ శ‌ర్మ విజ‌య్ హజారే ట్రోఫీలో పాల్గొన‌డం ఇదేమి తొలిసారి కాదు. 2018లో రెండు మ్యాచ్‌లు ఆడాడు. సిక్కింతో జ‌రిగిన మ్యాచ్‌లో రోహిత్ 94 బంతుల్లోనే 155 ప‌రుగులు సాధించాడు. మొత్తం మీద విజ‌య్ హ‌జారే ట్రోఫీలో రోహిత్ ముంబై త‌ర‌ఫున 18 మ్యాచ్‌లు ఆడాడు. 2024లో టీ20లు, 2025లో టెస్టుల‌కు వీడ్కోలు ప‌లికిన రోహిత్ ప్ర‌స్తుతం వ‌న్డే ఫార్మాట్‌లో మాత్రమే కొన‌సాగుతున్న సంగ‌తి తెలిసిందే.ఇదీ చదవండి: చ‌రిత్ర సృష్టించిన సౌతాఫ్రికా కెప్టెన్‌టీమిండియాకు షాక్‌.. అత‌డు ఆడేది అనుమానమే!

టీమిండియా సీనియర్‌ ఆల్‌రౌండర్‌ రవీంద్ర జడేజాను ఉద్దేశించి భారత మాజీ క్రికెటర్‌ ఛతేశ్వర్‌ పుజారా కీలక వ్యాఖ్యలు చేశాడు. వన్డేల్లో జడ్డూ కెరీర్‌ ముగింపునకు వచ్చిందని.. యాజమాన్యం అతడిని ఇకపై పరిగణనలోకి తీసుకోకపోవచ్చని అభిప్రాయపడ్డాడు.కాగా 2009లో అంతర్జాతీయ క్రికెట్‌లో అడుగుపెట్టిన 37 ఏళ్ల జడేజా.. ఇప్పటి వరకు 91 టెస్టులు, 212 వన్డేలు, 74 టీ20 మ్యాచ్‌లు ఆడాడు. టెస్టుల్లో 4160 పరుగులు చేసిన జడ్డూ.. 356 వికెట్లు కూడా పడగొట్టాడు. ఈ స్పిన్‌ బౌలింగ్‌ ఆల్‌రౌండర్‌ వన్డేల్లో 2905 రన్స్‌ చేయడంతో పాటు 234 వికెట్లు తీశాడు.వన్డేలతో పాటు టెస్టుల్లోనూఇక 2024లో టీ20 ప్రపంచకప్‌ టోర్నీలో టీమిండియా చాంపియన్‌గా నిలిచిన తర్వాత అంతర్జాతీయ టీ20లకు వీడ్కోలు పలికాడు జడ్డూ. టీమిండియా తరఫున టీ20లలో 515 పరుగులు చేయడంతో పాటు.. 54 వికెట్లు తన ఖాతాలో వేసుకున్నాడు. ప్రస్తుతం వన్డేలతో పాటు టెస్టుల్లోనూ జడ్డూ కొనసాగుతున్నాడు.జడ్డూ చివరగా ఈ ఏడాది శ్రీలంక పర్యటనలో టెస్టు, ఇటీవల స్వదేశంలో వెస్టిండీస్‌తో రెండో వన్డేలో ఆడాడు. అయితే, న్యూజిలాండ్‌తో తలపడే రెండు వన్డే జట్లలోనూ జడ్డూకు చోటు దక్కలేదు. ఈ నేపథ్యంలో పుజారా IANSతో మాట్లాడుతూ.. జడ్డూ వన్డే కెరీర్‌ దాదాపు ముగిసిపోయినట్లే అన్నాడు.అక్షర్‌ పటేల్‌ ప్రధాన ఆల్‌రౌండర్‌‘‘ఒకవేళ యాజమాన్యం గనుక రవీంద్ర జడేజా అవసరం జట్టుకు ఉందని భావిస్తే తప్పకుండా న్యూజిలాండ్‌ పర్యటనకు ఎంపిక చేసేది. ఇప్పటికే అతడికి కూడా సెలక్టర్లు విషయం చెప్పేసి ఉంటారు. ప్రస్తుతం వన్డే క్రికెట్‌లో అక్షర్‌ పటేల్‌ ప్రధాన ఆల్‌రౌండర్‌.జడ్డూ ఖేల్‌ ఖతమేఅతడికి ఎక్కువ అవకాశాలు రావడం సహజమే. జడ్డూ వయసు కూడా పెరుగుతోంది. కాబట్టి కేవలం టెస్టు క్రికెట్‌కు మాత్రమే పరిమితం కావాలని యాజమాన్యం చెప్పి ఉంటుంది. వైట్‌బాల్‌ క్రికెట్‌లో అతడికి ఇకపై ప్రాధాన్యం ఉండబోదు. టెస్టుల మీదే దృష్టి సారించాల్సి ఉంది. వన్డే వరల్డ్‌కప్‌-2027 ప్రణాళికల్లో జడ్డూ లేడనే చెప్పవచ్చు. ఎవరైనా గాయపడితే తప్ప జడేజా మళ్లీ వన్డే జట్టులోకి వచ్చే అవకాశం లేదు’’ అని ఛతేశ్వర్‌ పుజారా తన అభిప్రాయాలు పంచుకున్నాడు.ఇవీ చదవండి: న్యూజిలాండ్‌తో వన్డే సిరీస్‌.. భారత జట్టులో కీలక మార్పుసౌతాఫ్రికా పేసర్‌ వరల్డ్‌ రికార్డు.. సరికొత్త చరిత్ర

నమీబియాతో నాలుగో వన్డేలో ఐర్లాండ్‌ బౌలర్‌ జై ముంద్రా అద్భుత ప్రదర్శన కనబరిచాడు. టాపార్డర్‌ను గడగడలాడించిన ఈ ఎడమచేతి వాటం పేసర్‌.. పట్టుదలగా నిలబడ్డ లోయర్‌ ఆర్డర్‌నూ కుదేలు చేశాడు. తద్వారా ఐర్లాండ్‌ భారీ విజయం సాధించడంలో కీలక పాత్ర పోషించి.. ‘ప్లేయర్‌ ఆఫ్‌ ది మ్యాచ్‌’గా నిలిచాడు.కాగా ఐదు వన్డేలు ఆడేందుకు ఐర్లాండ్‌ క్రికెట్‌ జట్టు నమీబియా పర్యటనకు వెళ్లింది. విండ్‌హాక్‌ వేదికగా జరుగుతున్న ఈ సిరీస్‌లో తొలుత ఐర్లాండ్‌ గెలవగా.. రెండు, మూడో వన్డేల్లో విజయం సాధించి ఆతిథ్య నమీబియా ముందడుగు వేసింది.తప్పక గెలవాల్సిన పరిస్థితిఈ క్రమంలో పోటీలో నిలవాలంటే ఐర్లాండ్‌ నాలుగో వన్డేలో తప్పక గెలవాల్సిన పరిస్థితి. ఈ మ్యాచ్‌లో టాస్‌ గెలిచిన నమీబియా తొలుత బౌలింగ్‌ ఎంచుకోగా.. ఐర్లాండ్‌ బ్యాటింగ్‌కు దిగింది. నిర్ణీత 50 ఓవర్లలో ఎనిమిది వికెట్ల నష్టానికి 298 పరుగుల మేర మెరుగైన స్కోరు నమోదు చేసింది.ఓపెనర్‌ టిమ్‌ టెక్టార్‌ (73), కర్టిస్‌ కాంఫర్‌ (66) అర్ధ శతకాలు సాధించగా.. జార్జ్‌ డాక్రెల్‌ 47 పరుగులతో రాణించాడు. అనంతరం లక్ష్య ఛేదనకు దిగిన నమీబియాకు జై ముంద్రా ఆది నుంచే చుక్కలు చూపించాడు.ఆరు వికెట్లతో చెలరేగిన ముంద్రాటాపార్డర్‌లో ఓపెనర్లలో మలాన్‌ క్రూగర్‌ను డకౌట్‌ చేసిన ముంద్రా.. లారెన్‌ స్టీన్‌కాంప్‌ను 21 పరుగుల వ్యక్తిగత స్కోరు వద్ద అవుట్‌ చేశాడు. వన్‌డౌన్‌లో వచ్చిన జాన్‌ ఫ్రైలింక్‌ను 4 పరుగులకే పరిమితం చేశాడు.అదే విధంగా.. వికెట్‌ కీపర్‌ బ్యాటర్‌ గ్రీన్‌ (45)ను బౌల్డ్‌ చేసిన ముంద్రా.. తొమ్మిదో స్థానంలో వచ్చి 40 పరుగులతో జోరు కనబరిచిన రూబెన్‌ ట్రంపెల్‌మ్యాన్‌ను కూడా బౌల్డ్‌ చేశాడు. ఆఖర్లో జాక్‌ బ్రాసెల్‌ (11) వికెట్‌ కూడా తన ఖాతాలో వేసుకున్నాడు. ఇలా ముంద్రా మొత్తంగా ఆరు వికెట్లతో చెలరేగగా.. జోర్డాన్‌ నీల్‌, లియామ్‌ మెకార్తి, కర్టిస్‌ కాంఫర్‌, మాథ్యూ హాంఫ్రేస్‌ తలా ఒక వికెట్‌ పడగొట్టారు.168 పరుగులకే ఆలౌట్‌ఫలితంగా నమీబియా 41 ఓవర్లలో కేవలం 168 పరుగులు మాత్రమే చేసి ఆలౌట్‌ అయింది. దీంతో ఐర్లాండ్‌ ఏకంగా 130 పరుగుల తేడాతో జయభేరి మోగించి.. సిరీస్‌ను 2-2తో సమం చేసింది. ఇక నమీబియాతో నాలుగో వన్డేలో జై ముంద్రా మొత్తంగా పది ఓవర్ల కోటా పూర్తి చేసి కేవలం 26 పరుగులే ఇచ్చి ఏకంగా ఆరు వికెట్లు కూల్చాడు.ఈ క్రమంలో ఐర్లాండ్‌ తరఫున వన్డే (అంతర్జాతీయ క్రికెట్‌)లలో అత్యుత్తమ బౌలింగ్‌ గణాంకాలు నమోదు చేసిన బౌలర్‌గా జై ముంద్రా చరిత్రకెక్కాడు. గతంలో ఈ రికార్డు జోష్‌ లిటిల్‌ పేరిట ఉండేది. కాగా జై ముంద్రా ఇటీవల టీమిండియాతో టీ20 సిరీస్‌ సందర్భంగా అంతర్జాతీయ క్రికెట్‌లో అడుగుపెట్టాడు.ఈ సిరీస్‌లో అనూహ్య రీతిలో చెలరేగి ఐర్లాండ్‌.. కనీవినీ ఎరుగని రీతిలో టీమిండియాను 2-0తో క్లీన్‌స్వీప్‌ చేయడంలో కీలక పాత్ర పోషించాడు. కాగా జై ముంద్రా రాజస్తాన్‌లో జన్మించాడు. ఉన్నత విద్య కోసం ఐర్లాండ్‌ వెళ్లి అక్కడే స్థిరపడ్డ ముంద్రా.. ఆ దేశ జాతీయ జట్టు తరఫున అదరగొడుతున్నాడు.వన్డేల్లో ఐర్లాండ్‌ తరఫున అత్యుత్తమ బౌలింగ్‌ గణాంకాలుజై ముంద్రా- 6/26 (10)- 2026లో విండ్‌హాక్‌ వేదికగా నమీబియా మీదజోష్‌ లిటిల్‌- 6/36 (10)- 2023లో హరారే వేదికగా జింబాబ్వే మీదపాల్‌ స్టిర్లింగ్‌- 6/55 (10)- 2017లో గ్రేటర్‌ నోయిడా వేదికగా అఫ్గానిస్తాన్‌ మీద. ఇదీ చదవండి: అభిషేక్‌, వైభవ్‌లకు అన్యాయం చేసినట్లే అవుతుంది: యువీ

న్యూజిలాండ్‌తో జ‌ర‌గ‌నున్న వ‌న్డే సిరీస్‌కు సంబంధించి టీమిండియా జ‌ట్టులో బీసీసీఐ కీల‌క మార్పు చేసింది. న‌వంబ‌ర్ 4 నుంచి మొదలుకానున్న వన్డే సిరీస్‌లో భాగంగా తొలి మూడు వ‌న్డేల‌కు అకిబ్ న‌బీని జ‌ట్టులోకి ఎంపిక చేసిన‌ట్లు తెలిపింది. అయితే అకిబ్ న‌బీ ఇప్ప‌టికే చివ‌రి రెండు వ‌న్డేల‌కు జ‌ట్టుకు ఎంపికైన సంగ‌తి తెలిసిందే. గాయ నుంచి పూర్తిగా కోలుకోక‌పోవ‌డంతో ప్ర‌సిధ్ క్రిష్ణ కివీస్‌తో సిరీస్‌కు దూరం కావ‌డంతో అకిబ్ న‌బీ పేరును తొలి మూడు వ‌న్డేల‌కు కూడా ప‌రిగ‌ణ‌లోకి తీసుకుంటున్న‌ట్లు బీసీసీఐ వెల్ల‌డించింది. దీంతో న్యూజిలాండ్‌తో వ‌న్డే సిరీస్‌కు ప్ర‌క‌టించిన రెండు వేర్వేరు జ‌ట్ల‌లో అకిబ్ న‌బీ చోటు సంపాదించాడు. రోహిత్‌, కోహ్లి, శ్రేయ‌స్‌, ఇషాన్ కిష‌న్‌, న‌మ‌న్‌ధీర్‌, అక్ష‌ర్ ప‌టేల్‌, రుతురాజ్ గైక్వాడ్‌, సిరాజ్‌, కుల్దీప్ యాద‌వ్‌ల‌తో పాటు అకిబ్ న‌బీ కూడా కివీస్‌తో వ‌న్డే సిరీస్‌కు అందుబాటులో ఉండ‌నున్నాడు.లంకతో టెస్టు సిరీస్‌కు ఎంపికబారాముల్లాకు చెందిన అకిబ్ న‌బీ ఈ ఏడాది ఆగ‌స్టులో శ్రీలంక‌తో జ‌రిగిన టెస్టు సిరీస్ ద్వారా తొలిసారి టీమిండియాకు ఎంపిక‌య్యాడు. రంజీ ట్రోఫీ 2025-26 సీజ‌న్‌లో జ‌మ్మూ క‌శ్మీర్ త‌ర‌ఫున 60 వికెట్ల‌తో స‌త్తా చాటిన ఈ బారాముల్లా ఎక్స్‌ప్రెస్‌ బుమ్రా స్థానంలో జ‌ట్టులోకి వ‌చ్చాడు. అయితే వెస్టిండీస్‌తో గుహ‌వాటి వేదిక‌గా జ‌రిగిన రెండో వ‌న్డే ద్వారా అకిబ్ న‌బీ అంత‌ర్జాతీయ క్రికెట్‌లో అరంగేట్రం చేశాడు. విండీస్‌తో వన్డేతో అరంగేట్రం..తాను ఆడిన తొలి మ్యాచ్‌లో 8.5 ఓవ‌ర్లు బౌలింగ్ వేసి 84 ప‌రుగులు స‌మ‌ర్పించుకొని ఒక్క వికెట్ కూడా తీయ‌లేక‌పోయాడు. న్యూజిలాండ్‌తో జ‌రుగుతున్న టీ20 సిరీస్‌లో అకిబ్ న‌బీ భాగం కాన‌ప్ప‌టికీ, కివీస్‌-ఏ జ‌ట్టుతో భార‌త్-ఏ త‌ర‌ఫున తొలి అన‌ధికారిక టెస్టు మ్యాచ్ ఆడాడు. అయితే నేడు ప్రారంభ‌మైన రెండో అన‌ధికారిక టెస్టుకు మాత్రం అకిబ్ న‌బీ ఎంపిక‌వ్వ‌లేదు. తాజాగా వ‌న్డే సిరీస్‌కు ఎంపికవ్వ‌డంతో అకిబ్ న‌బీ ఇప్ప‌టికే సీనియ‌ర్ జ‌ట్టుతో క‌లిసి ప్రాక్టీస్ ఆరంభించాడు.🚨 News 🚨 Auqib Nabi added to #TeamIndia squad for first three ODIs vs New Zealand Details 🔽 | #NZvIND https://t.co/32rAdCiiDh— BCCI (@BCCI) October 31, 2026మొదటి మూడు వన్డేలకు భారత జట్టు (అప్‌డేట్‌)శుభ్‌మన్ గిల్ (కెప్టెన్‌), రోహిత్ శర్మ, విరాట్ కోహ్లీ, శ్రేయస్ అయ్యర్ (వైస్‌ కెప్టెన్‌), కేఎల్ రాహుల్ (వికెట్‌ కీపర్‌), అక్షర్ పటేల్, నమన్ ధీర్, అన్షుల్ కాంబోజ్, గుర్నూర్ బ్రార్, రుతురాజ్ గైక్వాడ్, అర్ష్‌దీప్ సింగ్, ఇషాన్ కిషన్ (వికెట్‌ కీపర్‌), మహ్మద్ సిరాజ్‌, కుల్దీప్‌ యాదవ్‌, నితీశ్‌ రెడ్డి (మొదటి వన్డేకు మాత్రమే), అకిబ్ న‌బీ.నాలుగు, ఐదో వన్డేలకు భారత జట్టు (అప్‌డేట్‌)శ్రేయస్ అయ్యర్ (కెప్టెన్‌), రోహిత్ శర్మ, విరాట్ కోహ్లీ, తిలక్ వర్మ, ఇషాన్ కిషన్ (వికెట్‌ కీపర్‌, వైస్‌ కెప్టెన్‌), అక్షర్ పటేల్, నమన్ ధీర్, అకిబ్ న‌బీ, గుర్నూర్ బ్రార్, రుతురాజ్ గైక్వాడ్, అర్ష్‌దీప్ సింగ్, కుమార్ కుషాగ్రా (వికెట్‌ కీపర్‌), మహ్మద్ సిరాజ్, యశ్‌ ఠాకూర్‌, కుల్దీప్‌ యాదవ్‌ఇదీ చదవండి: న‌ట‌రాజన్ సిక్స‌ర్లు వృథా; టీమిండియాకు షాకిచ్చిన యూఏఈఆసీస్‌ టార్గెట్‌ 288.. చ‌రిత్ర సృష్టించిన సౌతాఫ్రికా బ్యాట‌ర్లు

టీమిండియా సీనియ‌ర్ ఆట‌గాడు రోహిత్ శ‌ర్మ న్యూజిలాండ్‌తో వ‌న్డే సిరీస్ ఆడేందుకు సిద్ధ‌మ‌వుతున్నాడు. 2027 వ‌న్డే వ‌ర‌ల్డ్‌క‌ప్ ప్ర‌యాణం త‌న చివ‌రి మ‌జిలీ అని ఇంత‌క‌ముందే చెప్పిన రోహిత్ అప్ప‌టిదాకా ఫామ్‌లో ఉండేందుకు తెగ క‌ష్ట‌ప‌డుతున్నాడు. ఇప్ప‌టికే వ‌న్డే సిరీస్ కోసం న్యూజిలాండ్ వ‌చ్చిన రోహిత్ ఆక్లాండ్‌లో ప్రాక్టీస్ కూడా షురూ చేశాడు. ఈ విష‌యం ప‌క్క‌న‌బెడితే.. టీమిండియా క్రికెట‌ర్లు ధ‌రించే జెర్సీ నెంబ‌ర్ల‌లో అన్నీ గుర్తుండ‌క‌పోయినా.. స‌చిన్‌, కోహ్లి, ధోని, రోహిత్ లాంటి క్రికెట‌ర్ల జెర్సీ నెంబ‌ర్లు మాత్రం మ‌న నోటిమీదే ఆడుతుంటాయి.ఉదాహ‌ర‌ణ‌కు స‌చిన్ జెర్సీ నెంబ‌ర్ చెప్ప‌మంటే.. '10' అని, అలాగే కోహ్లి జెర్సీ నెంబ‌ర్ '18' అని, ధోని జెర్సీ నెంబ‌ర్ '7' అని.. ఇక రోహిత్ శ‌ర్మ జెర్సీ నెంబ‌ర్ చెప్ప‌మంటే ట‌క్కున వ‌చ్చే స‌మాధానం '45'. ఒక్కొక్క‌రి జెర్సీ నెంబ‌ర్ వెనుక ఒక్కో క‌థ ఉన్న‌ట్లే.. రోహిత్ నెంబ‌ర్ 45 వెనుక కూడా క‌థ దాగుంది. తాజాగా రోహిత్ శ‌ర్మ త‌న జెర్సీ నెంబ‌ర్ 45 వెనుక క‌థ‌ను పంచుకున్నాడు.తాను హోస్ట్‌గా వ్యవహరిస్తున్న 'ఫ్యామిలీ ఫుల్ హౌస్ విత్ రోహిత్ శర్మ' అనే గేమింగ్ రియాలిటీ షోలో ఈ విషయాన్ని వెల్లడించాడు. ఈ జెర్సీ నెంబర్‌ను ఎంచుకోవడం వెనుక తన తల్లి పాత్ర కీలకమని రోహిత్ తెలిపాడు. ఈ షోలో నటుడు రాహుల్ లోహాని.. "సర్, 45 నెంబర్ జెర్సీ చూడగానే హిట్ మ్యాన్ వచ్చాడని అందరికీ అర్థమవుతుంది. కానీ మీరు ఈ నెంబర్‌నే ఎందుకు ఎంచుకున్నారు?" అని ప్రశ్నించారు.దీనిపై రోహిత్ శ‌ర్మ స్పందిస్తూ.. ''తొలినాళ్లలో అండర్-19 ఆడుతున్నప్పుడు నాకు 19వ నెంబర్ జెర్సీ కేటాయించారు. ఆ నెంబ‌ర్‌తో జెర్సీ ధ‌రించి ఎంతో ఇష్టంతో ఆడాను. కానీ ఆ తర్వాత సీనియర్ జట్టులోకి వస్తే ఆ నెంబర్‌ను కొనసాగించలేవని ఒకరు చెప్పిన‌ట్లు గుర్తు. ఎందుకంటే అప్పట్లో టీమిండియా కెప్టెన్‌గా ఉన్న రాహుల్ ద్రవిడ్ జెర్సీ నెంబ‌ర్ 19 కావ‌డం గ‌మ‌నార్హం. అందుకే ఆ నెంబర్‌ను వదులుకోవాల్సి వచ్చింది. జాతీయ జ‌ట్టుకు ఎంపిక‌య్యాకా 19 నెంబ‌ర్‌తో ఆడలేనని తెలియగానే, వెంటనే హోటల్‌కు వెళ్లి మా అమ్మకు ఫోన్ చేశాను. ఏ నెంబర్ తీసుకోవాలో చెప్పమని అడిగాను. అప్పుడు అమ్మ 'న్యూమరాలజీ ప్రకారం 9 వచ్చేలా చూసుకో, నీకు మంచిది' అని సలహా ఇచ్చింది. అయితే 9వ నెంబర్ అప్పటికే వేరొకరు తీసుకున్నారని, 27 (2+7=9) తీసుకోవడం ఇష్టం లేదని చెప్పాను. అయితే అదే సమయంలో 4, 5 అంకెలు పక్కపక్కన ఉంటే బాగుంటుందనిపించింది. ఈ విషయాన్ని అమ్మకు చెప్పి, 4+5 కలిపితే 9 వస్తుంది కదా అని ఒప్పించాను. అలా '45' నెంబర్‌ను ఎంచుకున్నాను" అంటూ రోహిత్ శ‌ర్మ‌ తన జెర్సీ వెనుక ఉన్న మిస్ట‌రీని బ‌య‌ట‌పెట్టాడు.ఇక రోహిత్ శ‌ర్మ టీమిండియా కెప్టెన్‌గా 2024 టీ20 ప్ర‌పంచ‌క‌ప్ సాధించాడు. స‌మ‌కాలీన క్రికెట‌ర్ల‌లో బెస్ట్ ఓపెన‌ర్‌గా పేరు పొందిన రోహిత్ శ‌ర్మ 291 వ‌న్డేల్లో 12,120 ప‌రుగులు, 67 టెస్టుల్లో 4,301 ప‌రుగులు, 159 టీ20ల్లో 4,231 ప‌రుగులు సాధించాడు. ఇందులో వ‌న్డేల్లో 36 సెంచ‌రీలు, టెస్టుల్లో 12 సెంచ‌రీలు, టీ20ల్లో 5 సెంచ‌రీలు ఉన్నాయి.ఇదీ చదవండి: ఆస్ట్రేలియా ఓపెన‌ర్ విధ్వంసం.. 9 బంతుల్లోనే హాఫ్ సెంచ‌రీసెమీఫైనల్లో సింధు, లక్ష్యసేన్, అన్‌మోల్‌

టీమిండియా ప్రస్తుతం న్యూజిలాండ్‌ పర్యటనలో ఉంది. ఇప్పటికే ఐదు టీ20 సిరీస్‌లో మూడు మ్యాచ్‌లు పూర్తి చేసుకున్న భారత్‌.. 3-0తో సిరీస్‌ కైవసం చేసుకుంది. ఆక్లాండ్‌, హామిల్టన్‌లో మిగిలిన రెండు నామమాత్రపు టీ20 మ్యాచ్‌ల తర్వాత కివీస్‌తో నవంబరు 4 నుంచి వన్డే సిరీస్‌ మొదలుపెడుతుంది.ఇంకొన్నాళ్లు విశ్రాంతిఈ నేపథ్యంలో భారత క్రికెట్‌ నియంత్రణ మండలి (BCCI) కీలక ప్రకటన విడుదల చేసింది. పేసర్‌ ప్రసిద్‌ కృష్ణ న్యూజిలాండ్‌తో వన్డే సిరీస్‌కు దూరమైనట్లు ప్రకటించింది. ఈ కర్ణాటక బౌలర్‌ పూర్తిస్థాయి ఫిట్‌నెస్‌ సాధించలేదని.. అందుకే సిరీస్‌ మొత్తానికి అందుబాటులో ఉండడని శుక్రవారం తెలిపింది. ఈ రైటార్మ్‌ పేసర్‌ తొడ కండరాల గాయంతో బాధపడుతున్నాడని.. అతడికి ఇంకొన్నాళ్లు విశ్రాంతి అవసరమని పేర్కొంది.రెండో అనధికారిక టెస్టుకు సిరాజ్‌.. మూడో మ్యాచ్‌కు నితీశ్‌ ఇదిలా ఉంటే.. న్యూజిలాండ్‌- ‘ఎ’ జట్టుతో భారత్‌- ‘ఎ’ జట్టు మూడు మ్యాచ్‌ల అనధికారిక టెస్టు సిరీస్‌లో తలపడుతున్న సంగతి తెలిసిందే. ధ్రువ్‌ జురెల్‌ సారథ్యంలో తొలి అనధికారిక టెస్టును డ్రా చేసుకున్న భారత్‌.. అక్టోబరు 31 నుంచి రెండో మ్యాచ్‌ మొదలుపెట్టనుంది.భారత్‌- ‘ఎ’ జట్టులోకి ప్రసిద్‌ఈ నేపథ్యంలో టీమిండియా సీనియర్‌ పేసర్‌, హైదరాబాదీ మహ్మద్‌ సిరాజ్‌ కివీస్‌- ‘ఎ’ జట్టుతో రెండో అనధికారిక టెస్టులో భాగమవుతాడని బీసీసీఐ ప్రకటించింది. అదే విధంగా.. ఆంధ్ర ఆల్‌రౌండర్‌ నితీశ్‌ కుమార్‌ రెడ్డి మూడో అనధికారిక టెస్టు కోసం భారత్‌- ‘ఎ’ జట్టుతో చేరతాడని తెలిపింది. అంతేకాదు మొదటి వన్డేకు మాత్రమే అతడు అందుబాటులో ఉంటాడని తెలిపింది.ఇక ప్రసిద్‌ కృష్ణ సైతం ఫిట్‌నెస్‌ పరీక్ష తర్వాత పూర్తి స్థాయిలో కోలుకున్నట్లు తేలితే కివీస్‌- ‘ఎ’తో మూడో మ్యాచ్‌ కోసం జట్టులోకి వస్తాడని యాజమాన్యం తెలిపింది.న్యూజిలాండ్‌-‘ఎ’ జట్టుతో రెండో అనధికారిక టెస్టు కోసం భారత్‌- ‘ఎ’ జట్టు (అప్‌డేటెడ్‌)యశస్వి జైస్వాల్, సాయి సుదర్శన్, దేవదత్ పడిక్కల్, యశ్‌ రాథోడ్, ఆర్. స్మరణ్, ధ్రువ్ జురెల్ (కెప్టెన్‌, వికెట్‌ కీపర్‌), వాషింగ్టన్ సుందర్, మహ్మద్‌ సిరాజ్, ఆకాశ్‌ దీప్, శిఖర్ మోహన్, ముకేష్ చౌదరి, ముకేష్ కుమార్, మానవ్ సుతార్, కుమార్ కుషాగ్రా (వికెట్‌ కీపర్‌).న్యూజిలాండ్‌తో మొదటి మూడు వన్డేలకు భారత జట్టు (అప్‌డేటెడ్‌)శుభ్‌మన్ గిల్ (కెప్టెన్‌), రోహిత్ శర్మ, విరాట్ కోహ్లీ, శ్రేయస్ అయ్యర్ (వైస్‌ కెప్టెన్‌), కేఎల్ రాహుల్ (వికెట్‌ కీపర్‌), అక్షర్ పటేల్, నమన్ ధీర్, అన్షుల్ కాంబోజ్, గుర్నూర్ బ్రార్, రుతురాజ్ గైక్వాడ్, అర్ష్‌దీప్ సింగ్, ఇషాన్ కిషన్ (వికెట్‌ కీపర్‌), మహ్మద్ సిరాజ్‌, కుల్దీప్‌ యాదవ్‌, నితీశ్‌ రెడ్డి (మొదటి వన్డేకు మాత్రమే)న్యూజిలాండ్‌తో నాలుగు, ఐదో వన్డేలకు భారత జట్టు (అప్‌డేటెడ్‌)శ్రేయస్ అయ్యర్ (కెప్టెన్‌), రోహిత్ శర్మ, విరాట్ కోహ్లీ, తిలక్ వర్మ, ఇషాన్ కిషన్ (వికెట్‌ కీపర్‌, వైస్‌ కెప్టెన్‌), అక్షర్ పటేల్, నమన్ ధీర్,ఘాకిబ్ నబీ, గుర్నూర్ బ్రార్, రుతురాజ్ గైక్వాడ్, అర్ష్‌దీప్ సింగ్, కుమార్ కుషాగ్రా (వికెట్‌ కీపర్‌), మహ్మద్ సిరాజ్, యశ్‌ ఠాకూర్‌, కుల్దీప్‌ యాదవ్‌.ఇవీ చదవండి: చ‌రిత్ర సృష్టించిన ర‌షీద్ ఖాన్‌అతడి కోసం త్యాగం చేశాడు.. సంజూ భయ్యా గొప్పోడు: అభిషేక్‌

న్యూజిలాండ్‌తో వన్డే సిరీస్ ఆడేందుకు టీమిండియా స్టార్ బ్యాటర్ విరాట్ కోహ్లి ఆక్లాండ్‌లో అడుగుపెట్టాడు. అయితే ఆక్లాండ్ విమానాశ్రయంలో కోహ్లి అడుగుపెట్టిన సంగతి తెలుసుకున్న అభిమానులు అతడిని చూడటానికి భారీ సంఖ్యలో తరలివచ్చారు. సెల్ఫీలు, ఆటోగ్రాఫ్‌లు, కరచాలనం కోసం ఎగబడ్డారు. దీంతో పరిస్థితి గందరగోళంగా మారడంతో అక్కడి సెక్యూరిటీ సిబ్బంది కలగజేసుకొని కోహ్లిని అక్కడి నుంచి సురక్షితంగా తరలించారు.అయితే కోహ్లి రాక విషయాన్ని ముందే తెలుసుకున్న ఎయిర్‌పోర్టు అధికారులు ఐదుగురు భద్రతా సిబ్బందిని నియమించినప్పటికీ, కోహ్లిని చూసేందుకు భారీ సంఖ్యలో అభిమానులు రావడంతో పరిస్థితి అదుపు తప్పింది. దీంతో రెట్టింపు భద్రతా సిబ్బందిని బరిలోకి దింపి అభిమానులను కట్టడి చేయాల్సి వచ్చింది.ఇక కోహ్లి ఎయిర్‌పోర్టు నుంచి నేరుగా ఈడెన్ పార్క్ మైదానానికి చేరుకొని టీమిండియా జ‌ట్టుతో క‌లిశాడు. అలా ఉద‌యం న్యూజిలాండ్ గ‌డ్డ‌పై అడుగుపెట్టిన కోహ్లి.. సాయంత్రానికి గ్రౌండ్‌లో దిగి సీరియ‌స్‌గా ప్రాక్టీస్ చేసిన ఫొటోలు, వీడియోలు సోష‌ల్‌మీడియాలో వైర‌ల్‌గా మారాయి. రోహిత్‌తో క‌లిసి బ్యాటింగ్ ప్రాక్టీస్ చేసిన కోహ్లి, ఆ త‌ర్వాత నెట్స్‌లో క‌ఠోర సాధ‌న చేశాడు.న‌వంబ‌ర 4 నుంచి న్యూజిలాండ్‌తో వ‌న్డే సిరీస్ ప్రారంభం కానున్న నేప‌థ్యంలో ఇప్ప‌టికే కెప్టెన్ శుబ్‌మ‌న్ గిల్‌, కేఎల్ రాహుల్‌, రోహిత్ శ‌ర్మ ఆక్లాండ్‌కు చేరుకున్నారు. తాజాగా కోహ్లి కూడా వీరితో క‌లవ‌డంతో సీనియ‌ర్ జ‌ట్టు కన్నుల పండువ‌గా క‌నిపిస్తోంది. అయితే గిల్ గురువారం భారత టీ20 జట్టుతో కలిసి శిక్షణ తీసుకుంటూ కనిపించాడు. ఈ నేప‌థ్యంలో శిక్షణ సమయంలో గిల్‌ నుదుటిపై 'టెంపుల్' అనే ఫిట్‌నెస్ ట్రాకింగ్ పరికరం ప్ర‌త్యేక ఆక‌ర్ష‌ణ‌గా నిలిచింది.నేడు ఇదే ఆక్లాండ్ వేదిక‌గా భార‌త్, న్యూజిలాండ్ నాలుగో టీ20లో త‌ల‌ప‌డుతున్నాయి. వెల్లింగ్ట‌న్ వేదిక‌గా జ‌రిగిన మూడో టీ20లో 199 ప‌రుగుల టార్గెట్‌ను 13.2 ఓవ‌ర్ల‌లోనే ఛేదించ‌డం విశేషం. అభిషేక్ శ‌ర్మ 38 బంతుల్లో 113 ప‌రుగుల‌తో రాణించ‌గా, వైభ‌వ్ 19 బంతుల్లోనే 45 ప‌రుగుల‌తో విధ్వంసం సృష్టించాడు. గాయంతో రెండు, మూడు టీ20ల‌కు దూర‌మైన ఇషాన్ కిష‌న్ నాలుగో టీ20కి తిరిగి జ‌ట్టులోకి రాగా, వైభ‌వ్ బెంచ్‌కు ప‌రిమితం కానున్నాడు.VIRAT KOHLI & ROHIT SHARMA IN TODAY'S BATTING PRACTICE SESSION AT AUCKLAND.🐐🥹 (RevSportz). - The RoKo is coming to Rule! https://t.co/vcyQFHY6Ch— Tanuj (@ImTanujSingh) October 30, 2026 Virat Kohli reached Auckland. https://t.co/zhaZCBmvfu— Nikhil. (@ishowwhyrat) October 30, 2026 Virat Kohli hits the Nets at Eden Park, Auckland. He has landed few hours ago here in NZ. #ViratKohli #TeamIndia https://t.co/DeDg7iLyQu— Ankan Kar (@AnkanKar) October 30, 2026ఇదీ చదవండి: బ్యాటింగ్ కోచ్‌గా ఊహించని పేరు.. ముంబై కొత్త కోచింగ్‌ టీమ్‌ ఇదే20వేల కోట్లు.. ముంబై ఇండియ‌న్స్ స‌రికొత్త రికార్డు

టీమిండియా వన్డే కెప్టెన్‌ శుబ్‌మన్‌ గిల్‌ న్యూజిలాండ్‌లో అడుగుపెట్టాడు. ఆక్లాండ్‌లో టీ20 జట్టుతో చేరిన గిల్‌.. సహచర ఆటగాళ్లతో కలిసి గురువారం ప్రాక్టీస్‌కు వచ్చాడు. ఈ సందర్భంగా ప్రిన్స్‌ తన కణతపై ధరించిన ‘పరికరం’ అభిమానుల దృష్టిని ఆకర్షించింది. ఈ డివైస్‌ పేరు టెంపుల్‌ ('Temple' Device).‘టెంపుల్‌’ వల్ల ఉపయోగం ఏమిటి?జొమాటో వ్యవస్థాపకుడు దీపిందర్‌ గోయల్‌ బృందం ఈ డివైస్‌ను రూపొందించింది. అయితే, ఇది ఇంకా ప్రయోగ దశలోనే ఉంది. మార్కెట్లోకి దీనిని విడుదల చేయలేదు.అయితే, భారత బ్యాడ్మింటన్‌ దిగ్గజం పీవీ సింధు, ప్రముఖ ఎంటర్‌ప్రెన్యూర్‌, పాడ్‌కాస్టర్‌ రాజ్‌ షమాని ఇప్పటికే దీనిని ధరించారు. తాజాగా శుబ్‌మన్‌ గిల్‌ సైతం ‘టెంపుల్‌’తో తన మెట్రిక్స్‌ కొలుచుకునేందుకు సిద్ధం కావడం విశేషం.PC: Xఈ డివైస్‌ మెదడులో రక్త ప్రవాహం, ఆక్సిజన్‌ స్థాయిలను రియల్‌ టైమ్‌లో కొలుస్తుందని తెలుస్తోంది. అంతేకాదు.. దీనిని ఓ వ్యక్తి ధరించినపుడు.. సదరు వ్యక్తి ఏమేరకు మానసిక ఒత్తిడికి గురువుతున్నారు?, వారి ఏకాగ్రత, మెదడు పనితీరును అంచనా వేయొచ్చని సమాచారం.ఇంచు పొడవుటెంపుల్‌ డివైస్‌.. నియర్‌ ఇన్‌ఫ్రారెడ్‌ స్పెక్ట్రోస్కోపి టెక్నాలజీతో మెదడులో ఆక్సిజన్‌ స్థాయిని కొలుస్తుందని జాతీయ మీడియాలో అందుబాటులో ఉన్న సమాచారాన్ని బట్టి తెలుస్తోంది. ఇది కేవలం ఇంచు పొడవు మాత్రమే ఉంటుంది. కాబట్టి తేలికగానే దీనిని వాడుకోవచ్చు. సుమారు మూడు- నాలుగు గంటల పాటు దీనిని ధరించవచ్చు.ఫిట్‌నెస్‌ ట్రాకర్‌లామొత్తానికి ఇదొక బ్రెయిన్‌ ఫిట్‌నెస్‌ ట్రాకర్‌లా ఉపయోగపడుతుందని తెలుస్తోంది. ముఖ్యంగా క్రీడాకారులకు ఇది ప్రయోజనకరంగా ఉంటుందట. ప్లేయర్లు మ్యాచ్‌ ఆడే సమయంలో లేదా ప్రాక్టీస్‌ చేస్తున్నపుడు.. వారి ఏకాగ్రత ఏ స్థాయిలో ఉంది? మానసిక ఒత్తిడి, అలసట, రికవరీ తదితర అంశాలకు సంబంధించిన డేటాను టెంపుల్‌ విశ్లేషిస్తుందట.టీ20 జట్టుతో గిల్‌, కేఎల్‌ రాహుల్‌ ప్రాక్టీస్‌కాగా గిల్‌తో పాటు కేఎల్‌ రాహుల్‌ కూడా ఆక్లాండ్‌లో టీ20 జట్టుతో కలిసి ప్రాక్టీస్‌ చేశాడు. ఇందుకు సంబంధించిన దృశ్యాలను రెవ్‌స్పోర్ట్స్‌ సోషల్‌ మీడియాలో షేర్‌ చేయగా.. గిల్‌ ‘టెంపుల్‌’ ధరించిన విషయం బయటకు వచ్చింది.ఇక న్యూజిలాండ్‌ పర్యటనలో భాగంగా ఇప్పటికే ఐదు మ్యాచ్‌ల టీ20 సిరీస్‌ను.. శ్రేయస్‌ అయ్యర్‌ కెప్టెన్సీలోని భారత జట్టు 3-0తో కైవసం చేసుకుంది. ఇరుజట్ల మధ్య శుక్రవారం నాటి నాలుగో టీ20కి ఆక్లాండ్‌ వేదిక. మరోవైపు.. నవంబరు 1న టీ20 సిరీస్‌ ముగియనుండగా.. నవంబర్‌ 4 నుంచి వన్డే సిరీస్‌ ప్రారంభమవుతుంది.ఇవీ చదవండి: మీ బాబాయి అందరికీ గొప్పగా చెప్పుకొంటాడు: సచిన్‌ టెండుల్కర్‌ భావోద్వేగంIND vs NZ: టీమిండియాకు భారీ షాక్‌!.. వన్డే సిరీస్‌ నుంచి కీలక ఆటగాడు అవుట్‌!

న్యూజిలాండ్‌తో వన్డే సిరీస్‌కు ముందు టీమిండియాకు భారీ ఎదురుదెబ్బ తగిలింది. పేస్‌ విభాగంలో కీలకమైన ప్రసిద్‌ కృష్ణ గాయం నుంచి పూర్తిగా కోలుకోలేదు. ఫలితంగా కివీస్‌తో వన్డే సిరీస్‌కు అతడు దూరమయ్యాడు.టీ20 సిరీస్‌ సొంతంకాగా న్యూజిలాండ్‌ పర్యటనలో భాగంగా ప్రస్తుతం శ్రేయస్‌ అయ్యర్‌ సారథ్యంలోని భారత టీ20 జట్టు న్యూజిలాండ్‌తో టీ20 సిరీస్‌ ఆడుతున్న సంగతి తెలిసిందే. ఇందులో భాగంగా ఇప్పటికే హ్యాట్రిక్‌ విజయాలతో సిరీస్‌ను 3-0తో సొంతం చేసుకున్న భారత్‌.. అక్టోబరు 30న నాలుగో టీ20, నవంబరు 1న ఐదో టీ20 ఆడుతుంది.వన్డేలకు రెండు జట్లుఅనంతరం నవంబరు 4 నుంచి కివీస్‌- భారత్‌ జట్ల మధ్య వన్డే సిరీస్‌ మొదలుకానుంది. ఇందుకోసం బీసీసీఐ ఇప్పటికే శుబ్‌మన్‌ గిల్‌ సారథ్యంలో మూడు వన్డేలకు.. శ్రేయస్‌ అయ్యర్‌ కెప్టెన్సీలో రెండు వన్డేలకు వేర్వేరు జట్లను ప్రకటించింది.స్టార్‌ పేసర్‌ అవుట్‌ఇక స్వదేశంలో ఇటీవల వెస్టిండీస్‌తో సిరీస్‌ సందర్భంగా గాయపడిన ప్రసిధ్‌ కృష్ణను కూడా తొలి మూడు వన్డేలు ఆడే జట్టుకు ఎంపిక చేశారు. అయితే సిరీస్‌కు ముందు అతడు పూర్తి స్థాయిలో ఫిట్‌నెస్‌ సాధించలేకపోయాడు. దీంతో టెస్టు సిరీస్‌ను దృష్టిలో పెట్టుకొని అతడిని వన్డే సిరీస్‌ నుంచి తప్పించారు. దీంతో అతడి స్థానంలో జమ్మూకశ్మీర్‌ పేసర్‌ ఆకిబ్‌ నబీకి జట్టులో చోటు దక్కే అవకాశాలున్నాయి. ప్రస్తుతం న్యూజిలాండ్‌లోనే ఉన్న ఆకిబ్‌... ఇటీవల న్యూజిలాండ్‌ ‘ఎ’ జట్టుతో జరిగిన అనధికారిక టెస్టులో భారత్‌ ‘ఎ’ తరఫున మెరుగైన ప్రదర్శన కనబర్చాడు. న్యూజిలాండ్‌తో తొలి మూడు వన్డేలకు భారత జట్టుశుభ్‌మన్ గిల్ (కెప్టెన్), రోహిత్ శర్మ, విరాట్ కోహ్లీ, శ్రేయస్ అయ్యర్ (వైస్ కెప్టెన్), కెఎల్ రాహుల్ (వికెట్ కీపర్), నితీశ్‌ కుమార్ రెడ్డి, అక్షర్ పటేల్, నమన్ ధీర్, అన్షుల్ కాంబోజ్, గుర్నూర్ బ్రార్, రుతురాజ్ గైక్వాడ్, అర్ష్‌దీప్ సింగ్, ఇషాన్ కిషన్ (వికెట్ కీపర్), మహమ్మద్ సిరాజ్, ప్రసిద్ధ్ కృష్ణ* (ఫిట్‌నెస్‌ ఆధారంగా), కుల్దీప్ యాదవ్.నాలుగు, ఐదు వన్డేలకు భారత జట్టుశ్రేయస్ అయ్యర్ (కెప్టెన్), రోహిత్ శర్మ, విరాట్ కోహ్లీ, తిలక్ వర్మ, ఇషాన్ కిషన్ (వికెట్ కీపర్, వైస్ కెప్టెన్), నితీశ్‌ కుమార్ రెడ్డి, అక్షర్ పటేల్, నమన్ ధీర్, ఆకిబ్ నబీ, గుర్నూర్ బ్రార్, రుతురాజ్ గైక్వాడ్, అర్ష్‌దీప్ సింగ్, కుమార్ కుశాగ్రా (వికెట్ కీపర్), మహమ్మద్ సిరాజ్, యశ్ ఠాకూర్, కుల్దీప్ యాదవ్. ఇదీ చదవండి: అతడి కోసం త్యాగం చేశాడు.. సంజూ భయ్యా గొప్పోడు: అభిషేక్‌

భారత మహిళా క్రికెట్‌ జట్టు జింబాబ్వేతో ఆఖరి వన్డేలోనూ అదరగొట్టింది. పర్యాటక జట్టు విధించిన 132 పరుగుల స్వల్ప లక్ష్యాన్ని కేవలం 17 ఓవర్లలో రెండు వికెట్లు నష్టపోయి ఛేదించింది. తద్వారా ఎనిమిది వికెట్ల తేడాతో జయభేరి మోగించి.. వన్డే సిరీస్‌నూ 3-0తో క్లీన్‌స్వీప్‌ చేసింది.కాగా మూడు టీ20, మూడు వన్డేల సిరీస్‌ ఆడేందుకు జింబాబ్వే జట్టు భారత్‌కు వచ్చింది. ఈ క్రమంలో తొలుత టీ20 సిరీస్‌ జరగగా.. స్మృతి మంధాన తొలిసారి పూర్తిస్థాయి కెప్టెన్‌గా వ్యవహరించిన ఈ సిరీస్‌ను భారత్‌ 3-0తో వైట్‌వాష్‌ చేసింది.అద్భుత విజయాలుఅనంతరం తొలి, రెండో వన్డేలోనూ భారత్‌ అద్భుత విజయాలు సాధించింది. దీంతో మరో మ్యాచ్‌ మిగిలి ఉండగానే సిరీస్‌ కైవసం చేసుకుంది స్మృతి. గత రెండు మ్యాచ్‌లలో ఏమాత్రం పోటీ ఇవ్వలేని జింబాబ్వే.. తాజాగా వడోదర వేదికగా బుధవారం నాటి మ్యాచ్‌లో టాస్‌ గెలిచి తొలుత బ్యాటింగ్‌ ఎంచుకుంది.భారత బౌలర్ల ధాటికి బ్యాటింగ్‌ ఆర్డర్‌ కుప్పకూలగా.. 39.5 ఓవర్లలో కేవలం 131 పరుగులు చేసి ఆలౌట్‌ అయింది. లెఫ్టార్మ్‌ స్పిన్నర్‌ వైష్ణవి శర్మ ఐదు వికెట్లతో చెలరేగి.. జింబాబ్వే బ్యాటింగ్‌ ఆర్డర్‌ను కుదేలు చేసింది. మరోవైపు.. క్రాంతి గౌడ్‌, సయాలీ సత్గరే చెరో రెండు వికెట్లతో సత్తా చాటారు.జింబాబ్వే బ్యాటర్లలో ఓపెనర్‌ మాడెస్టర్‌ ముపాచిక్వా (37), కెప్టెన్‌ జోసిఫైన్‌ ఎన్‌కోమో (35) మాత్రమే చెప్పుకోదగ్గ స్కోర్లు చేశారు. అనంతరం లక్ష్య ఛేదనకు దిగిన భారత జట్టు.. 17 ఓవర్లలోనే పని పూర్తి చేసింది. స్మృతి మంధానకు బదులు ఓపెనర్‌గా వచ్చిన వికెట్‌ కీపర్‌ బ్యాటర్‌ యస్తికా భాటియా (0) విఫలమైంది.Pratika Rawal means serious business! 🔥💥 She launches two massive hits and steps on the accelerator in this run chase! 🚀 #INDvZIM 3rd ODI | LIVE NOW 👉 https://t.co/QKwI3aFeCZ https://t.co/oyvYZvDOon— Star Sports (@StarSportsIndia) October 28, 2026ప్రతీకా అర్ధ శతకం.. షఫాలీ ధనాధన్‌వన్‌డౌన్‌లో వచ్చిన హర్లీన్‌ డియోల్‌ (19) కూడా నిరాశపరిచింది. ఇలాంటి తరుణంలో మరో ఓపెనర్‌ ప్రతీకా రావల్‌ (56 బంతుల్లో 59; 4 ఫోర్లు, 3 సిక్స్‌లు), నాలుగో స్థానంలో వచ్చిన షఫాలి వర్మ (26 బంతుల్లో 51; 6 ఫోర్లు, 3 సిక్స్‌లు) అజేయ అర్ధ శతకాలతో అదరగొట్టారు. ముఖ్యంగా షఫాలీ ధనాధన్‌ దంచికొట్టి సిక్సర్‌తో భారత్‌ విజయ లాంఛనాన్ని పూర్తి చేసింది. తుదిజట్లుభారత్‌ప్రతీకా రావల్‌, స్మృతి మంధాన (కెప్టెన్‌), షఫాలి వర్మ, హర్మన్‌ప్రీత్‌ కౌర్‌, హర్లీన్‌ డియోల్‌, దీప్తి శర్మ, యస్తికా భాటియా (వికెట్‌ కీపర్‌), సయాలీ సత్గరే, జింతిమణి కలిత, క్రాంతి గౌడ్‌, వైష్ణవి శర్మజింబాబ్వేమాడెస్టర్‌ ముపాచిక్వా (వికెట్‌ కీపర్‌), లోరిన్‌ ఫిరి, చిపో ముగెరి-టిరిపానో, బిలవ్డ్‌ బిజా, జోసెఫైన్‌ ఎన్‌కోమో (కెప్టెన్‌), నైయాశా గ్వాంజుర, చీజా ధురురు, మిచెల్లి మవుంగ, నోమ్‌వెలో సిబాండ, ఫ్రాన్సిస్కికా చిపారే, ఓలిండర్‌ చేర్‌.ఇదీ చదవండి: అతడి కోసం త్యాగం చేశాడు.. సంజూ భయ్యా గొప్పోడు: అభిషేక్‌

జింబాబ్వే మహిళా క్రికెట్‌​ జట్టుతో నామమాత్రపు మూడో వన్డేలో భారత బౌలర్లు అదరగొట్టారు. పర్యాటక జట్టును 39.5 ఓవర్లలో 131 పరుగులకే ఆలౌట్‌ చేశారు. కాగా భారత మహిళల క్రికెట్‌ జట్టు సొంతగడ్డపై సంపూర్ణ ఆధిపత్యంతో చెలరేగుతున్న సంగతి తెలిసిందే.టీ20 సిరీస్‌ క్లీన్‌స్వీప్‌.. వన్డే సిరీస్‌ కైవసంఇప్పటికే టీ20 సిరీస్‌ను టీమిండియా 3–0తో కైవసం చేసుకుంది. వన్డేల్లోనూ తొలి రెండు మ్యాచ్‌లు గెలిచి సిరీస్‌ను సొంతం చేసుకుంది. ఈ క్రమంలో వడోదర వేదికగా బుధవారం నాటి ఆఖరి వన్డేలో టాస్‌ ఓడి తొలుత బౌలింగ్‌ చేసిన భారత్‌.. ప్రత్యర్థికి చుక్కలు చూపింది.కుప్పకూలిన బ్యాటింగ్‌ ఆర్డర్‌జింబాబ్వే బ్యాటర్లలో ఓపెనర్‌ మాడెస్టర్‌ ముపచిక్వా 37, కెప్టెన్‌ జోసెఫైన్‌ ఎన్‌కోమో 35, చీజా ధురురు 20, నైయాషా గ్వాంజుర 10 పరుగులు చేయగా.. మిగతా వాళ్లంతా సింగిల్‌ డిజిట్‌ స్కోర్లకే పరిమితమయ్యారు.ఐదు వికెట్లతో అదరగొట్టిన వైష్ణవి శర్మభారత బౌలర్లలో లెఫ్టార్మ్‌ స్పిన్నర్‌ వైష్ణవి శర్మ ఐదు వికెట్లతో చెలరేగి జింబాబ్వే బ్యాటింగ్‌ ఆర్డర్‌ పతనాన్ని శాసించింది. మిగిలిన వారిలో సయాలి సత్గరే, క్రాంతి గౌడ్‌ చెరో రెండు వికెట్లు దక్కించుకున్నారు.𝐅𝐋𝐈𝐆𝐇𝐓, 𝐂𝐇𝐈𝐏, 𝐆𝐎𝐍𝐄! Vaishnavi Sharma strikes, Beloved Biza departs! Harmanpreet Kaur takes a safe catch at mid-on as the spinner makes her mark! 💪 #INDvZIM 3rd ODI | LIVE NOW 👉 https://t.co/QKwI3aFeCZ https://t.co/O6xvycIHii— Star Sports (@StarSportsIndia) October 28, 2026ఇదిలా ఉంటే.. జింబాబ్వేతో తొలి వన్డేలో ప్రతీక రావల్‌ సెంచరీతో ఆకట్టుకోగా... రెండో మ్యాచ్‌లో మాజీ కెప్టెన్‌ హర్మన్‌ప్రీత్‌ కౌర్, ఆల్‌రౌండర్‌ దీప్తి శర్మ ‘శత’క్కొట్టారు. టాపార్డర్‌లో కెప్టెన్‌ స్మృతి మంధాన భారీ ఇన్నింగ్స్‌ బాకీ ఉంది.భారత్‌ప్రతీకా రావల్‌, స్మృతి మంధాన (కెప్టెన్‌), షఫాలి వర్మ, హర్మన్‌ప్రీత్‌ కౌర్‌, హర్లీన్‌ డియోల్‌, దీప్తి శర్మ, యస్తికా భాటియా (వికెట్‌ కీపర్‌), సయాలీ సత్గరే, జింతిమణి కలిత, క్రాంతి గౌడ్‌, వైష్ణవి శర్మజింబాబ్వేమాడెస్టర్‌ ముపాచిక్వా (వికెట్‌ కీపర్‌), లోరిన్‌ ఫిరి, చిపో ముగెరి-టిరిపానో, బిలవ్డ్‌ బిజా, జోసెఫైన్‌ ఎన్‌కోమో (కెప్టెన్‌), నైయాశా గ్వాంజుర, చీజా ధురురు, మిచెల్లి మవుంగ, నోమ్‌వెలో సిబాండ, ఫ్రాన్సిస్కికా చిపారే, ఓలిండర్‌ చేర్‌.ఇవీ చదవండి: అతడి కోసం త్యాగం చేశాడు.. సంజూ భయ్యా గొప్పోడు: అభిషేక్‌

పాకిస్తాన్‌ క్రికెటర్‌ హ్యారిస్‌ రవూఫ్‌నకు భారీ ఎదురుదెబ్బ తగిలింది. అంతర్జాతీయ క్రికెట్‌ మండలి (ICC) ఈ స్పీడ్‌స్టర్‌కు గట్టి షాకిచ్చింది. మ్యాచ్‌ ఫీజులో 20 శాతం కోత విధించడంతో పాటు.. అతడి ఖాతాలో మరో డీమెరిట్‌ పాయింట్‌ జత చేసింది.ముక్కోణపు వన్డే సిరీస్‌లో భాగంగా ఇంగ్లండ్‌తో మ్యాచ్‌ సందర్భంగా హ్యారిస్‌ రవూఫ్‌.. ఓవరాక్షన్‌ చేసి ఈ మేరకు భారీ మూల్యమే చెల్లించాల్సి వచ్చింది. లాహోర్‌ వేదికగా ఆదివారం ఇంగ్లండ్‌- పాక్‌ మధ్య వన్డే మ్యాచ్‌ జరిగింది.241 పరుగులుగడాఫీ స్టేడియంలో టాస్‌ గెలిచి పాక్‌ తొలుత బౌలింగ్‌ ఎంచుకోగా.. ఇంగ్లండ్‌ బ్యాటింగ్‌కు దిగింది. 46.7 ఓవర్లలో 241 పరుగులు మాత్రమే చేసి ఆలౌట్‌ అయింది. అనంతరం లక్ష్య ఛేదనకు దిగిన పాక్‌ జట్టుకు ఆరంభంలోనే ఎదురుదెబ్బలు తగిలినప్పటికీ.. ఎనిమిదో స్థానంలో వచ్చిన షాదాబ్‌ ఖాన్‌ అద్భుత రీతిలో రాణించాడు.113 పరుగులతో అజేయంగా నిలిచికేవలం 96 బంతుల్లో 13 ఫోర్లు, ఐదు సిక్సర్లు బాది 113 పరుగులతో అజేయంగా నిలిచి జట్టును.. వికెట్‌ తేడాతో గెలిపించాడు. షాదాబ్‌ సెంచరీ కారణంగా పాక్‌ 47.1 ఓవర్లలోనే లక్ష్యాన్ని ఛేదించింది. ఇదిలా ఉంటే.. పాక్‌ ఇన్నింగ్స్‌ 46వ ఓవర్లో సామ్‌ కర్రాన్‌ షాదాబ్‌కు బౌన్సర్‌గా సంధించగా.. అది అతడి తలపై నుంచి వెళ్లింది.వైడ్‌ ఇవ్వాలంటూ వాగ్వాదంఈ క్రమంలో నాన్‌ స్ట్రైకర్‌ ఎండ్‌లో ఉన్న హ్యారిస్‌ రవూఫ్‌.. వైడ్‌ ఇవ్వాలంటూ అంపైర్‌ను ఒత్తిడి చేశాడు. కానీ అంపైర్‌ మాత్రం అందుకు అంగీకరించలేదు. అప్పటికే అక్కడ ఉన్న విల్‌ జాక్స్‌ కూడా నాట్‌ వైడ్‌ అన్నట్లుగా మాట్లాడాడు. దీంతో కోపోద్రిక్తుడైన రవూఫ్‌.. అంపైర్‌ను నెట్టుకుంటూ విల్‌ జాక్స్‌ మీదకు మీదకు వెళ్లాడు. బ్యాట్‌ చూపిస్తూ బెదిరించాడు.శిక్షించిన ఐసీసీఇంతలో జో రూట్‌ వచ్చి అతడిని సముదాయించాడు. అయినా సరే రవూఫ్‌ దూకుడుగానే ప్రవర్తించాడు. ఇందుకు సంబంధించిన దృశ్యాలు సోషల్‌ మీడియాలో వైరల్‌ అయ్యాయి. ఈ నేపథ్యంలో ఐసీసీ రవూఫ్‌పై క్రమశిక్షణా చర్యలు చేపట్టింది. ఐసీసీ ప్రవర్తనా నియమావళిలో ఆర్టికల్‌ 1.1 నిబంధనను ఉల్లంఘించినందుకు మ్యాచ్‌ ఫీజులో 20 శాతం కోత విధించింది.అదే విధంగా.. ఆర్టికల్‌ 2.2 నిబంధనలోని ఆటగాళ్లు, సహాయక సిబ్బంది తదితరులతో దురుసుగా ప్రవర్తించినందుకు ఓ డీ మెరిట్‌ పాయింట్‌ కూడా జతచేసింది. కాగా గత 24 నెలల్లో రవూఫ్‌ ఇలాంటి తప్పిదాలకు పాల్పడటం ఇది మూడోసారి.మరోసారి ఇలాగే చేస్తే అతడిపై కనీసం రెండు మ్యాచ్‌ల నిషేధం పడే అవకాశం ఉంది.ఇంగ్లండ్‌ ఆటగాళ్లకూ జరిమానాపాకిస్తాన్‌తో మ్యాచ్‌లో స్లో ఓవర్‌ రేటు మెయింటెన్‌ చేసిందుకు గానూ ఇంగ్లండ్‌ జట్టుకు ఐసీసీ జరిమానా విధించింది. ఆటగాళ్ల ఫీజులో 15 శాతం కోత వేసింది. ఇదీ చదవండి: అతడి కోసం త్యాగం చేశాడు.. సంజూ భయ్యా గొప్పోడు: అభిషేక్‌Sam Curran bowls a BOUNCER! Shadab Khan wants a WIDE as Umpire says NO! @TheRealPCB Haris Rauf has a verbal FIGHT with @englandcricket Will Jacks as Joe Root is the peacemaker😂 Drama in #PakistanCricket #PAKvENG https://t.co/lajM8FGfdf— Chacha Abdul Shakoor (@ChachaAbdulSh10) October 25, 2026

శ్రీలంక క్రికెటర్‌ దిల్షాన్‌ మదుషంక సరికొత్త చరిత్ర సృష్టించాడు. పాకిస్తాన్‌ గడ్డ మీద పాక్‌తో మ్యాచ్‌లో అత్యుత్తమ బౌలింగ్‌ గణాంకాలు నమోదు చేసిన పేసర్‌గా రికార్డు సాధించాడు. కాగా పాకిస్తాన్‌- శ్రీలంక- ఇంగ్లండ్‌ జట్ల మధ్య ముక్కోణపు వన్డే సిరీస్‌ జరుగుతున్న సంగతి తెలిసిందే.నిలకడలేని ఆటఈ క్రమంలో ఆతిథ్య పాక్‌- శ్రీలంక జట్ల మధ్య మంగళవారం మ్యాచ్‌ జరిగింది. అయితే, అనిశ్చితికి మారుపేరైన పాకిస్తాన్‌ క్రికెట్‌ జట్టు... ఈ ముక్కోణపు వన్డే సిరీస్‌లో తొలి ఓటమి మూటగట్టుకుంది. గత మ్యాచ్‌లో ఇంగ్లండ్‌పై అసమాన ఆటతీరుతో విజయం సాధించిన ఆతిథ్య పాకిస్తాన్‌... మంగళవారం శ్రీలంక చేతిలో ఎనిమిది వికెట్ల తేడాతో అనూహ్యంగా ఓటమి పాలైంది.110 పరుగులకే ఆలౌట్‌ఇంగ్లండ్‌తో మ్యాచ్‌లో ఆశలే లేని స్థితిలో అద్భుత పోరాటంతో ఆకట్టుకున్న పాకిస్తాన్‌ జట్టు... శ్రీలంకతో పోరులో మాత్రం పేలవ ఆటతీరు కనబర్చింది. లాహోర్‌లోని గడాఫీ స్టేడియంలో జరిగిన మ్యాచ్‌లో టాస్‌ ఓడి మొదట బ్యాటింగ్‌కు దిగిన పాకిస్తాన్‌ 25.3 ఓవర్లలో 110 పరుగులకే ఆలౌటైంది. సొంతగడ్డపై పాకిస్తాన్‌కు ఇది రెండో అత్యల్ప వన్డే స్కోరు.బాబర్‌ ఆజమ్‌ (29; 5 ఫోర్లు) టాప్‌ స్కోరర్‌. లంక బౌలర్లలో ‘ప్లేయర్‌ ఆఫ్‌ ద మ్యాచ్‌’ దిల్షాన్‌ మదుషంక 34 పరుగులిచ్చి 5 వికెట్లు పడగొట్టాడు. పాక్‌ గడ్డ మీద ఏ పేసర్‌కు అయినా ఇవే అత్యుత్తమ గణాంకాలు కావడం విశేషం. ఆల్‌టైమ్‌ రికార్డు బ్రేక్‌ ఈ క్రమంలో న్యూజిలాండ్‌ పేసర్‌ క్రిస్‌ హారిస్‌ పేరిట ఉన్న 30 ఏళ్ల రికార్డును దిల్షాన్‌ బద్దలు కొట్టాడు. కాగా ఈ మ్యాచ్‌లో దిల్షాన్‌.. పాక్‌ బ్యాటర్లు ఫఖర్ జమాన్‌ (5), సాద్‌ బేగ్‌ (5), అరాఫత్‌ మిన్హాస్‌ (10), కెప్టెన్‌ షాహీన్‌ ఆఫ్రిది (15), హ్యారిస్‌ రవూఫ్‌ (1) వికెట్లు కూల్చాడు.ఫైనల్‌లోశ్రీలంకఇక పాక్‌ విధించిన స్వల్ప లక్ష్యఛేదనలో శ్రీలంక 18.1 ఓవర్లలో 2 వికెట్లు కోల్పోయి 114 పరుగులు చేసింది. కమిందు మెండిస్‌ (62 నాటౌట్‌; 8 ఫోర్లు, 2 సిక్స్‌లు) అజేయ అర్ధశతకంతో జట్టును విజయతీరాలకు చేర్చాడు. పాకిస్తాన్‌ జట్టుపై వరుసగా ఐదు ఓటముల తర్వాత శ్రీలంకకు ఇదే తొలి విజయం. ఇక ఈ విజయంతో శ్రీలంక ముక్కోణపు సిరీస్‌ ఫైనల్‌కు అర్హత సాధించింది. శనివారం పాకిస్తాన్‌తో శ్రీలంక ఫైనల్‌ మ్యాచ్‌ ఆడుతుంది.పాకిస్తాన్‌ గడ్డ మీద పాక్‌తో మ్యాచ్‌లో అత్యుత్తమ బౌలింగ్‌ గణాంకాలు నమోదు చేసిన పేసర్లు👉దిల్షాన్‌ మదుషంక (శ్రీలంక)- 2026లో లాహోర్‌ వేదికగా 5-34👉క్రిస్‌ హ్యారిస్‌ (న్యూజిలాండ్‌)- 1996లో లాహోర్‌ వేదికగా 5-42👉క్రెయిగ్‌ మెక్‌డెర్మాట్‌ (ఆస్ట్రేలియా)- 1987లో సియోల్‌కోట్‌ వేదికగా 5-44👉బ్లెస్సింగ్‌ ముజర్‌బానీ (జింబాబ్వే)- 2020లో లాహోర్‌ వేదికగా 5-49👉గ్లెన్‌ మెగ్రాత్‌ (ఆస్ట్రేలియా)- 1984లో రావల్పిండి వేదికగా 5-52.ఇవీ చదవండి: పెరట్లో ఆడినట్లుంది.. నా వల్ల కాదు! హ్యాట్సాఫ్‌ సంజూ: యువీభువీ కీలక నిర్ణయం

వడోదర: సొంతగడ్డపై సమష్టి ప్రదర్శనతో సత్తా చాటుతున్న భారత మహిళల క్రికెట్‌ జట్టు... మరో సిరీస్‌ విజయంపై కన్నేసింది. జింబాబ్వేపై టి20 సిరీస్‌ చేజిక్కించుకున్న స్మృతి మంధాన సారథ్యంలోని టీమిండియా... ఇప్పుడు వన్డే సిరీస్‌ను కూడా హస్తగతం చేసుకోవాలని భావిస్తోంది. మూడు మ్యాచ్‌ల సిరీస్‌లో భాగంగా నేడు రెండో వన్డే జరగనుంది. తొలి మ్యాచ్‌లో ఏకపక్ష విజయం సాధించిన టీమిండియా... అదే జోరు కొనసాగించాలని చూస్తోంది.బ్యాటింగ్, బౌలింగ్‌లో జట్టుకు పెద్దగా ఇబ్బందులేమీ లేవు. ఫీల్డింగ్‌ను మరింత మెరుగు పరుచుకోవాల్సిన అవసరం మాత్రం ఉంది. గత మ్యాచ్‌లో అజేయ శతకంతో చెలరేగిన ప్రతీక రావల్‌పై భారీ అంచనాలు ఉండగా... స్మృతి మంధాన, షఫాలీ వర్మ ఫుల్‌ ఫామ్‌లో ఉన్నారు. ముఖ్యంగా షఫాలీ... ప్రత్యర్థి బౌలర్ల అనుభవరాహిత్యాన్ని వినియోగించుకుంటూ భారీ షాట్‌లతో విరుచుకుపుడుతోంది. మిడిలార్డర్‌లో హర్మన్‌ప్రీత్‌ కౌర్, రిచా ఘోష్, దీప్తి శర్మ కీలకం కానున్నారు. గత మ్యాచ్‌ ద్వారా కెరీర్‌ అత్యుత్తమ గణాంకాలు నమోదు చేసుకున్న ఆంధ్ర స్పిన్నర్‌ శ్రీచరణిని ఎదుర్కోవడం జింబాబ్వే బ్యాటర్లకు శక్తికి మించిన భారంగా మారింది. ఆమెతో పాటు దీప్తి, క్రాంతి గౌడ్‌ను జింబాబ్వే బ్యాటర్‌లు ఎలా ఎందుర్కొంటారనేదానిపైనే మ్యాచ్‌ ఫలితం ఆధారపడి ఉంది.

యూఏఈ వేదిక‌గా జ‌రిగిన‌ వ‌న్డే ట్రై సిరీస్ విజేత‌గా అఫ్గానిస్తాన్ నిలిచింది. జింబాబ్వే, బంగ్లాదేశ్‌, అఫ్గానిస్తాన్‌లు ఈ ట్రై సిరీస్ ఆడాయి. శుక్ర‌వారం జ‌రిగిన ట్రై సిరీస్ ఫైన‌ల్లో జింబాబ్వేపై 7 వికెట్ల తేడాతో అఫ్గానిస్తాన్ ఘ‌న విజ‌యాన్ని అందుకుంది. కెప్టెన్సీ బాధ్య‌త‌లు చేప‌ట్టిన త‌ర్వాత ర‌హ్మ‌త్ షాకు ఇది వ‌రుస‌గా ఏడో విజ‌యం కావ‌డం విశేషం. అక్టోబ‌ర్ 27 నుంచి అఫ్గానిస్తాన్‌, జింబాబ్వేల మ‌ధ్య టీ20 సిరీస్ ప్రారంభం కానుంది. మ్యాచ్ విష‌యానికొస్తే తొలుత బ్యాటింగ్ చేసిన జింబాబ్వే జ‌ట్టు ఆఫ్గ‌న్ బౌల‌ర్ల ధాటికి 43.3 ఓవ‌ర్ల‌లో 169 ప‌రుగుల‌కు ఆలౌటైంది. జింబాబ్వే బ్యాట‌ర్ల‌లో కెప్టెన్ సికంద‌ర్ ర‌జా (68) అర్థ‌సెంచ‌రీతో రాణించ‌గా, రెయాన్ బ‌ర్ల్ (31) ప‌ర్వాలేద‌నిపించ‌గా, మిగ‌తా బ్యాట‌ర్లు పూర్తిగా విఫ‌ల‌మ‌య్యారు. ఆఫ్గ‌న్ బౌల‌ర్ల‌లో ర‌షీద్ ఖాన్ మూడు వికెట్లు తీయ‌గా, ఫ‌జ‌ల్లా ఫరుకీ, బిలాల్ స‌మీ, మొహ‌మ్మ‌ద్ న‌బీ తలా రెండు వికెట్లు ప‌డ‌గొట్టారు. అనంత‌రం అఫ్గానిస్తాన్ 34.3 ఓవర్ల‌లో 3 వికెట్లు కోల్పోయి 170 ప‌రుగులు చేసి గెలుపొందింది. ఓపెన‌ర్ ఇబ్ర‌హీం జ‌ద్ర‌న్ (70 నాటౌట్‌) అజేయ హాఫ్ సెంచ‌రీతో జ‌ట్టును గెలిపించ‌గా, కెప్టెన్ ర‌హ్మ‌త్ షా (43), ర‌హ‌మ‌నుల్లా గుర్బాజ్ (36) రాణించారు. జింబాబ్వే బౌల‌ర్లలో నైమూరీ రెండు వికెట్లు, వెస్లే మ‌దెవెరె ఒక వికెట్ తీశారు. ఇబ్ర‌హీం జ‌ద్ర‌న్ 'ప్లేయ‌ర్ ఆఫ్ ది మ్యాచ్' గెలుచుకోగా, సిరీస్‌లో 11 వికెట్ల‌తో రాణించిన ర‌షీద్ ఖాన్‌కు 'ప్లేయ‌ర్ ఆఫ్ ది సిరీస్' అవార్డు ద‌క్కింది.AFGHANATALAN ARE THE CHAMPIONS! 🏆 #AfghanAtalan delivered a commanding batting performance to defeat Zimbabwe by seven wickets in the final and lift the title of the Etisalat ACB ODI Tri-Nation Series 2026, powered by SuperCola! 🙌💙 #AFGvZIM | #GloriousNationVictoriousTeam | #ThreeTeamsOneSpirit— Afghanistan Cricket Board (@ACBofficials) October 23, 2026ఇదీ చదవండి: ముగ్గురు భారత బ్యాటర్లు డకౌట్‌.. 113 ప‌రుగుల‌కే ఆలౌట్‌బీసీసీఐ చీఫ్‌ సెలక్టర్‌గా భారత మాజీ ఫాస్ట్ బౌలర్

ఇంగ్లండ్‌ ‍క్రికెట్‌ జట్టు కెప్టెన్‌ హ్యారీ బ్రూక్‌ వన్డే కెరీర్‌లో తొలిసారి ద్విశతకం సాధించాడు. ముక్కోణపు సిరీస్‌లో భాగంగా శ్రీలంకతో మ్యాచ్‌లో 116 బంతుల్లోనే 21 ఫోర్లు, 10 సిక్సర్లు బాది ఫాస్టెస్ట్‌ డబుల్‌ సెంచరీ నమోదు చేశాడు. అయితే, వన్డే క్రికెట్‌లో అత్యధిక వ్యక్తిగత స్కోరు సాధించి.. అదే విధంగా డబుల్‌ సెంచరీ చేసినా జట్టును గెలిపించలేకపోయిన తొలి ప్లేయర్‌గా బ్రూక్‌ చెత్త రికార్డు మూటగట్టుకున్నాడు.4 వికెట్ల నష్టానికి 429 పరుగులుకాగా పాకిస్తాన్, ఇంగ్లండ్, శ్రీలంక పాల్గొంటున్న ముక్కోణపు సిరీస్‌లో భాగంగా గురువారం జరిగిన పోరులో శ్రీలంక 2 వికెట్ల తేడాతో ఇంగ్లండ్‌ను ఓడించింది. రావల్పిండి వేదికగా టాస్‌ ఓడి మొదట బ్యాటింగ్‌కు దిగిన ఇంగ్లండ్‌ నిర్ణీత 50 ఓవర్లలో 4 వికెట్ల నష్టానికి 429 పరుగులు చేసింది.114 బంతుల్లోనే డబుల్‌ సెంచరీకెప్టెన్‌ హ్యారీ బ్రూక్‌ 114 బంతుల్లోనే డబుల్‌ సెంచరీ చేశాడు. తద్వారా టీమిండియా వన్డే కెప్టెన్‌ శుబ్‌మన్‌ గిల్‌ (117 బంతుల్లో; వెస్టిండీస్‌పై 2026లో) పేరిట ఉన్న రికార్డును బ్రూక్‌ బద్దలు కొట్టాడు. అంతేకాకుండా ఇంగ్లండ్‌ తరఫున వన్డేల్లో డబుల్‌ సెంచరీ చేసిన తొలి ప్లేయర్‌గా... ఓవరాల్‌గా ‘ద్విశతకం’ సాధించిన 11వ క్రికెటర్‌గా బ్రూక్‌ నిలిచాడు.మిగిలిన వారిలో విల్‌ జాక్స్‌ (30 బంతుల్లో 66 నాటౌట్‌; 8 ఫోర్లు, 3 సిక్స్‌లు), జో రూట్‌ (69; 8 ఫోర్లు), టామ్‌ బాంటన్‌ (50; 9 ఫోర్లు) హాఫ్‌ సెంచరీలు సాధించారు. జాక్స్‌తో కలిసి బ్రూక్‌ నాలుగో వికెట్‌కు 79 బంతుల్లోనే 185 పరుగులు జోడించడంతో ఇంగ్లండ్‌ తమ వన్డే క్రికెట్‌ చరిత్రలో నాలుగో అత్యధిక స్కోరు నమోదు చేయగలిగింది. 75 బంతుల్లో సెంచరీ పూర్తి చేసుకున్న బ్రూక్‌ ఆ తర్వాత మరింత రెచ్చిపోయాడు. బంతి వచ్చిందే తడువు దానిపై ఆకలిగొన్న సింహంలా విరుచుకుపడి మరో 39 బంతుల్లోనే ద్విశతకం అందుకున్నాడు.భారీ టార్గెట్‌ను ఊదేసిన శ్రీలంకఅనంతరం లక్ష్యఛేదనలో శ్రీలంక 49.5 ఓవర్లలో 8 వికెట్లకు 430 పరుగులు చేసి గెలిచింది. ఆరంభం నుంచే శ్రీలంక బ్యాటర్లు కూడా హడలెత్తించారు. ‘ప్లేయర్‌ ఆఫ్‌ ద మ్యాచ్‌’ పవన్‌ రత్నాయకే (106 బంతుల్లో 130; 15 ఫోర్లు, 3 సిక్స్‌లు) సెంచరీతో కదంతొక్కగా... దసున్‌ షనక (50 బంతుల్లో 97; 6 ఫోర్లు, 8 సిక్స్‌లు), అవిష్క ఫెర్నాండో (83 బంతుల్లో 97; 11 ఫోర్లు, 2 సిక్స్‌లు) త్రుటిలో శతకాలు చేజార్చుకున్నారు.ఆఖర్లో జనిత్‌ లియనాగే (27 బంతుల్లో 61 నాటౌట్‌; 7 ఫోర్లు, 3 సిక్స్‌లు) మెరుపులు మెరిపించి జట్టును గెలిపించాడు. ఇక వన్డేల్లో అత్యధిక ఛేదన రికార్డు దక్షిణాఫ్రికా (438/9; ఆస్ట్రేలియాపై 2006లో) పేరిట ఉండగా... భారత్‌ (406/2; వెస్టిండీస్‌పై 2026లో) పేరిట ఉన్న రెండో అతిపెద్ద లక్ష్య ఛేదన రికార్డును శ్రీలంక అధిగమించింది.శ్రీలంకకు వన్డేల్లో ఇదే అతిపెద్ద ఛేదన. కాగా 2017లో కార్డిఫ్‌లో భారత్‌పై చేసిన 322 పరుగులే ఇప్పటి వరకు లంకకు అతిపెద్ద ఛేదన. ఇంగ్లండ్‌ బౌలర్లలో జోష్‌ టంగ్‌ 3 వికెట్లు పడగొట్టాడు.వన్డేల్లో అత్యధిక వ్యక్తిగత స్కోరు సాధించినప్పటికీ జట్టును గెలిపించలేకపోయిన క్రికెటర్లు👉హ్యారీ బ్రూక్‌ (ఇంగ్లండ్‌): రావల్పిండి వేదికగా 2026లో శ్రీలంక మీద 202👉చార్లెస్‌ కోవెంట్రీ (జింబాబ్వే): బులవాయో వేదికగా 2009లో బంగ్లాదేశ్‌ మీద 194*👉ఫఖర్‌ జమాన్‌ (పాకిస్తాన్‌): జోబర్గ్‌ వేదికగా 2021లో సౌతాఫ్రికా మీద 193👉జార్జ్‌ మున్సే (స్కాట్లాండ్‌): డుండే వేదికగా 2025లో నెదర్లాండ్స్‌ మీద 191👉మాథ్యూ హెడెన్‌ (ఆస్ట్రేలియా): హామిల్టన్‌ వేదికగా 2007లో 181*. చదవండి: కేఎల్‌ రాహుల్‌ అవుట్‌!.. భారత జట్టులో అతడికి చోటు

న్యూజిలాండ్‌తో వన్డే సిరీస్‌కు భారత క్రికెట్‌ నియంత్రణ మండలి (BCCI) రెండు జట్లను ఎంపిక చేసింది. ఐదు మ్యాచ్‌ల సిరీస్‌లో తొలి మూడు మ్యాచ్‌లకు శుబ్‌మన్‌ గిల్‌ సారథ్యంలోని జట్టు కివీస్‌తో తలపడనుండగా.. మిగిలిన రెండు మ్యాచ్‌లలో శ్రేయస్‌ అయ్యర్‌ వన్డే జట్టు కెప్టెన్‌గా వ్యవహరిస్తాడు.యశస్వి జైస్వాల్‌కు మొండిచేయిఅయితే, ఈ రెండు జట్లలోనూ టీమిండియా స్టార్‌ ఓపెనర్‌, టెస్టు స్పెషలిస్టు యశస్వి జైస్వాల్‌కు చోటు దక్కలేదు. స్వదేశంలో అఫ్గానిస్తాన్‌తో ఈ ఏడాది జూన్‌లో జరిగిన సిరీస్‌ సందర్భంగా జైసూ భారత్‌ తరఫున చివరి వన్డే ఆడాడు. ఈ మ్యాచ్‌లో రోహిత్‌ శర్మకు ఓపెనింగ్‌ జోడీగా వచ్చి అజేయ శతకం (86 బంతుల్లో 110 నాటౌట్‌)తో రాణించాడు.అయినప్పటికీ న్యూజిలాండ్‌తో ఆడే రెండో వన్డే జట్టులోనైనా చోటు యశస్వి జైస్వాల్‌కు చోటు దక్కలేదు. శుబ్‌మన్‌ గిల్‌ ఈ మ్యాచ్‌లకు దూరం కాగా.. వైస్‌ కెప్టెన్‌ ఇషాన్‌ కిషన్‌ రోహిత్‌ శర్మకు జోడీగా వచ్చే అవకాశం ఉంది. ఇక బ్యాకప్‌ ఓపెనర్‌గా రుతురాజ్‌ గైక్వాడ్‌ రెండు జట్లకు ఎంపికయ్యాడు.సెలక్టర్ల తీరుపై ఆగ్రహంఈ నేపథ్యంలో టీమిండియా దిగ్గజ స్పిన్నర్‌ రవిచంద్రన్‌ అశ్విన్‌ సెలక్టర్ల తీరుపై ఆగ్రహం వ్యక్తం చేశాడు. కివీస్‌తో సిరీస్‌కు యశస్వి జైస్వాల్‌ను ఎంపిక చేయకపోవడాన్ని తప్పుబట్టాడు. ఈ మేరకు తన యూట్యూబ్‌ చానెల్‌ వేదికగా మాట్లాడుతూ.. ‘‘న్యూజిలాండ్‌తో చివరి రెండు వన్డేలకు శుబ్‌మన్‌ గిల్‌ దూరమైనపుడు.. యశస్వి జైస్వాల్‌కు కచ్చితంగా జట్టులో ఇవ్వాల్సింది.కానీ దురదృష్టవశాత్తూ సెలక్టర్లు జైసూను ఎంపిక చేయకుండా.. అతడి ఆత్మవిశ్వాసాన్ని నాశనం చేసే పనికి పూనుకున్నారు. చివరి మ్యాచ్‌లో శతకం బాదినా అతడికి మొండిచేయి చూపారు. నేను కేవలం యశస్వి జైస్వాల్‌ అవకాశాల గురించి మాత్రమే ఇక్కడ మాట్లాడటం లేదు.ఆ వాదనతో నేనూ అంగీకరిస్తాను.. కానీటెస్టుల నేపథ్యంలో శుబ్‌మన్‌ గిల్‌, కేఎల్‌ రాహుల్‌ను రెండో వన్డే జట్టు నుంచి విశ్రాంతినిచ్చారు. జైస్వాల్‌ కూడా టెస్టులు ఆడాలి. అందుకే అతడిని వన్డే జట్టుకు ఎంపిక చేసి ఉండకపోవచ్చనే వాదనతో నేనూ అంగీకరిస్తాను.అయితే, ఈ నిర్ణయం తీసుకునే ముందు నేనే గనుక సెలక్టర్‌ అయి ఉంటే.. ‘టెస్టులకు ముందు ఈ రెండు వన్డేలు ఉన్నాయి. నువ్వు ఆడగలవా? ఒకవేళ ఆడాలనుకుంటే నీకు అవకాశం ఇస్తాం’ అని యశస్వి జైస్వాల్‌కు చెప్పి ఉండేవాడిని.అతడికి అన్యాయంకానీ అతడికి ఈసారి కూడా అవకాశం దక్కలేదు. ఒకప్పుడు అతడు రన్‌మెషీన్‌. ఇప్పుడిలా వరుస సిరీస్‌లకు పక్కనపెట్టి ఆత్మవిశ్వాసాన్ని దెబ్బతీస్తున్నారు. ఇది అన్యాయం. వన్డే వరల్డ్‌కప్‌-2027 తర్వాత రోహిత్‌ శర్మ రిటైర్‌ అయితే అతడికి సరైన ప్రత్యామ్నాయం జైస్వాల్‌ మాత్రమే అనుకుంటే.. వైభవ్‌ సూర్యవంశీ రూపంలో పోటీ ఉంది. అయితే, ఇప్పటికి వైభవ్‌ను కేవలం టీ20లలోనే ఆడిస్తున్నారు. ఏదేమైనా జైస్వాల్‌కు అన్యాయం జరిగింది’’ అని అశ్విన్‌ మండిపడ్డాడు.ఇవీ చదవండి: IND vs NZ: కివీస్‌తో సిరీస్‌కు భారత వన్డే, టెస్టు జట్ల ప్రకటనIND vs WI: తుదిజట్టులో దక్కని చోటు.. వైభవ్‌ సూర్యవంశీ పోస్ట్‌ వైరల్‌Kavya Maran - Anirudh Marriage: ఏజ్‌ గ్యాప్‌, ఇద్దరి ఆస్తుల విలువ ఎంత?

న్యూఢిల్లీ: న్యూజిలాండ్‌ పర్యటనలో భాగంగా 5 వన్డేలు, 2 టెస్టు మ్యాచ్‌ల కోసం భారత జట్లను సెలక్టర్లు శుక్రవారం ప్రకటించారు. టెస్టు టీమ్‌తో పాటు తొలి మూడు వన్డేలకు శుబ్‌మన్‌ గిల్‌ సారథ్యం వహించనుండగా... చివరి 2 వన్డేలకు శ్రేయస్‌ అయ్యర్‌ కెప్టెన్‌గా వ్యవహరిస్తారు. శ్రీలంకతో చివరిసారిగా టెస్టులు ఆడిన భారత జట్టులో పలు మార్పులు చోటు చేసుకున్నాయి. రవీంద్ర జడేజాకు సరైన వారసుడంటూ ప్రచారం కల్పించిన లెఫ్టార్మ్‌ స్పిన్‌ ఆల్‌రౌండర్‌ మానవ్‌ సుతార్‌పై వేటు వేసి టీమ్‌లో మళ్లీ జడేజాకే చోటు కల్పించారు. సుతార్‌ తాను ఆడిన తొలి 3 టెస్టుల్లోనే 23 వికెట్లు పడగొట్టాడు. ఊహించినట్లుగానే సర్ఫరాజ్‌ ఖాన్, సారాంశ్‌ జైన్, ఆకిబ్‌ నబీ టీమ్‌లో చోటు కోల్పోయారు. వీరి స్థానాల్లో ఆల్‌రౌండర్లు నితీశ్‌ కుమార్‌ రెడ్డి, వాషింగ్టన్‌ సుందర్‌ టీమ్‌లోకి ఎంపికయ్యారు. గాయం నుంచి కోలుకున్న సాయి సుదర్శన్‌కు మళ్లీ స్థానం లభించగా... పేసర్లు ఆకాశ్‌దీప్, అన్షుల్‌ కంబోజ్‌ పునరాగమనం చేశారు. ఏడాదిన్నర క్రితం ఇంగ్లండ్‌తో మూడు టెస్టులు ఆడిన ఆకాశ్‌దీప్‌ గాయంతో దూరం కాగా, అదే సిరీస్‌లో ఏకైక టెస్టు ఆడి పేలవ ప్రదర్శనతో కంబోజ్‌ టీమ్‌కు దూరమయ్యాడు. కీపర్‌ రిషభ్‌ పంత్‌ను ఎంపిక చేసినా అతను పూర్తి ఫిట్‌నెస్‌ను సాధిస్తేనే టెస్టు టీమ్‌తో కలుస్తాడు. నవంబర్‌ 4–15 మధ్య భారత్, కివీస్‌ 5 వన్డేల్లో తలపడనుండగా... నవంబర్‌ 19 నుంచి తొలి టెస్టు జరుగుతుంది. వన్డేల్లో జడేజాకు దక్కని చోటు... ఇటీవల వెస్టిండీస్‌తో ఆడిన వన్డే టీమ్‌లో కీలక మార్పులు జరిగాయి. రవీంద్ర జడేజాతో పాటు అనూహ్యంగా యశస్వి జైస్వాల్‌ కూడా స్థానం కోల్పోయాడు. భవిష్యత్తును దృష్టిలో ఉంచుకొని జడేజా ను పక్కన పెట్టారని భావిస్తుండగా... గత 3 వన్డేల్లో 2 సెంచరీలు చేసినా జైస్వాల్‌కు చాన్స్‌ లభించలేదు. నబీ తన స్థానం నిలబెట్టుకోగా, పేసర్‌ యశ్‌ ఠాకూర్‌కు తొలిసారి వన్డే పిలుపు లభించింది. జార్ఖండ్‌ వికెట్‌ కీపర్‌ కుమార్‌ కుషాగ్ర మొదటిసారి భారత జట్టులోకి ఎంపికయ్యాడు. మరోవైపు సీనియర్‌ పేసర్‌ షమీ అంతర్జాతీయ కెరీర్‌ ఇక ముగిసినట్లే! పేస్, స్వింగ్‌కు అనుకూలించే కివీస్‌ పిచ్‌లపై స్థానం లేదంటే మున్ముందు అతడికి ఎలాంటి అవకాశం ఉండదు. వన్డేల్లో కూడా అతను పేరును పరిశీలించలేదంటే 2027 వరల్డ్‌ కప్‌ ప్రణాళికల్లో షమీ లేనట్లే.తొలి 3 వన్డేలకు జట్టు: గిల్‌ (కెప్టెన్‌), శ్రేయస్‌ (వైస్‌ కెప్టెన్‌), రోహిత్, కోహ్లి, రాహుల్, నితీశ్‌ రెడ్డి, అక్షర్, నమన్‌ ధీర్, కంబోజ్, గుర్నూర్‌ బ్రార్, రుతురాజ్‌ గైక్వాడ్, అర్ష్ దీప్ సింగ్, ఇషాన్‌ కిషన్, సిరాజ్, కుల్దీప్, ప్రసిధ్‌ కృష్ణ (ఫిట్‌నెస్‌ సాధిస్తేనే). చివరి 2 వన్డేలకు జట్టు: శ్రేయస్‌ (కెప్టెన్‌), ఇషాన్‌ కిషన్‌ (వైస్‌ కెప్టెన్‌), రోహిత్, కోహ్లి, తిలక్, నితీశ్‌ రెడ్డి, అక్షర్, నమన్, నబీ, గుర్నూర్, రుతురాజ్, అర్ష్ దీప్, కుమార్‌ కుషాగ్ర, సిరాజ్, కుల్దీప్, యశ్‌ ఠాకూర్‌. టెస్టు జట్టు: గిల్‌ (కెప్టెన్‌), రాహుల్‌ (వైస్‌ కెప్టెన్‌), జైస్వాల్, పడిక్కల్, పంత్‌ (ఫిట్‌నెస్‌ సాధిస్తేనే), జురేల్, జడేజా, కంబోజ్, బుమ్రా, ప్రసిధ్, ఆకాశ్‌దీప్, సుదర్శన్, నితీశ్‌ రెడ్డి, సుందర్, కుల్దీప్, సిరాజ్‌.

భారత‌ స్టార్‌ పేసర్‌ జస్‌ప్రీత్‌ బుమ్రా విష‌యంలో బీసీసీఐ మ‌రో కీల‌క నిర్ణ‌యం తీసుకుంది. మూడు ఫార్మాట్ల‌లో కీల‌క బౌల‌ర్‌గా వ్య‌వ‌హ‌రిస్తున్న బుమ్రాపై వ‌ర్క్‌లోడ్ పెరిగిపోతున్న నేప‌థ్యంలో బీసీసీఐ ఆచితూచి అడుగులు వేస్తోంది. అక్టోబ‌ర్‌లో మొద‌లుకానున్న న్యూజిలాండ్ టూర్ డిసెంబ‌ర్ వ‌ర‌కు కొన‌సాగ‌నుంది. ఈ టూర్‌లో భార‌త్ ఐదు టీ20లు, ఐదు వ‌న్డేలు, రెండు టెస్టు మ్యాచ్‌లు ఆడ‌నుంది. ఈ సుదీర్ఘ ప‌ర్య‌ట‌న‌లో బుమ్రా కీల‌కం కానున్నాడు. దీంతో అత‌డిని వ‌న్డేల‌కు దూరంగా ఉంచాల‌ని బీసీసీఐ నిర్ణ‌యం తీసుకున్న‌ట్లు తెలుస్తోంది. ఈ టూర్‌లో మొదట ఇరుజట్ల మధ్య ఈ నెల 22-నవంబర్‌ 1 మధ్య ఐదు టీ20లు జరుగనుంది. మూడు రోజుల విరామం తర్వాత వన్డే సిరీస్‌ అవుతుంది. నవంబర్‌ 15న వన్డే సిరీస్‌ ముగియనుండగా 19 నుంచి టెస్టులు మొదలవ్వాల్సి ఉంది. అయితే వన్డేలు ముగిసిన వెంటనే టెస్టులకు సిద్ధమవడం వ‌ల్ల‌ బుమ్రాపై పడే వర్క్‌లోడ్‌ అతడిపై తీవ్ర ప్ర‌భావం చూపే అవ‌కాశ‌ముంది. అందుకే భార‌త స్పీడ‌స్ట‌ర్‌కు వన్డేలకు విశ్రాంతినిచ్చి టెస్టులకు సన్నాహకంగా భారత్‌-ఏ జట్టు ఆడబోయే ఒక మ్యాచ్‌లో ఆడించాలని బీసీసీఐ ప్లాన్ చేస్తోంది.దీనిపై బోర్డు ప్రతినిధి ఒకరు స్పందిస్తూ.. ‘బుమ్రా ప్రస్తుతం పూర్తి ఫిట్‌గా ఉన్నాడు. రాబోయే కివీస్‌ టూర్‌లో అతడిని ఏ ఫార్మాట్‌లో ఆడించాలనేది అత్యంత కీలకం. అయితే వన్డేలు ఆడిన వెంటనే టెస్టులకు తీసుకురావడం బుమ్రాకు పనిభారం పెంచడమే. న్యూజిలాండ్‌తో టెస్టు సిరీస్‌ కీలకం. అది ముగిశాక వచ్చే ఏడాది బోర్డర్‌ గావస్కర్‌ ట్రోఫీ కూడా ఉంది. ఇటువంటి కీలక సిరీస్‌ల దృష్ట్యా బుమ్రాను ముఖ్యమైన మ్యాచ్‌లలోనే బరిలోకి దింపాలని టీమ్‌ మేనేజ్‌మెంట్‌ భావిస్తున్నది’ అని తెలిపాడు. కాగా జ‌పాన్‌లో జ‌రిగిన ఆసియా గేమ్స్‌లో స్వ‌ర్ణం గెలిచిన టీమిండియా జ‌ట్టులో స‌భ్యుడిగా ఉన్న బుమ్రాకు బీసీసీఐ ప్ర‌స్తుతం స్వ‌దేశంలో వెస్టిండీస్‌తో జ‌రుగుతున్న టీ20 సిరీస్‌కు విశ్రాంతినిచ్చింది.ఇదీ చదవండి: భారత్‌ను వీడనున్న సూర్యకుమార్‌.. త్వరలో దుబాయ్‌కు మకాం!విండీస్ స్టార్‌ కవ్వింపు చర్యలు.. అభిషేక్ మాస్ వార్నింగ్‌!

వెస్టిండీస్‌తో టీ20 సిరీస్ ముగియ‌గానే టీమిండియా బృందం వెంట‌నే న్యూజిలాండ్ ప‌ర్య‌ట‌న‌కు బ‌య‌ల్దేరి వెళ్ల‌నుంది. అక్టోబ‌ర్ 22 నుంచి భార‌త్‌, న్యూజిలాండ్ మ‌ధ్య ఐదు మ్యాచ్‌ల టీ20 సిరీస్ ప్రారంభం కానుంది. ఆ సిరీస్ ముగిసిన త‌ర్వాత ఐదు వ‌న్డేలు, రెండు టెస్టు మ్యాచ్‌లు కూడా ఆడాల్సి ఉంది. టీ20 సిరీస్‌కు జ‌ట్టును ప్ర‌క‌టించిన బీసీసీఐ వ‌న్డే, టెస్టు సిరీస్‌కు మాత్రం ఇంకా జ‌ట్టును ప్ర‌క‌టించ‌లేదు. ఈ వారంలో క‌చ్చితంగా జ‌ట్టును ప్ర‌క‌టిస్తార‌ని భావించిన‌ప్ప‌టికీ, ఎంపిక ప్ర‌క్రియ మ‌రింత ఆల‌స్యం కానున్న‌ట్లు తెలుస్తోంది. ముగ్గురి ఆటగాళ్ల ఫిట్‌నెస్ ప‌రిస్థితిని గ‌మ‌నిస్తున్నందున జ‌ట్టు ప్ర‌క‌ట‌న ఆల‌స్యమ‌వనున్న‌ట్లు బీసీసీఐ వ‌ర్గాలు వెల్ల‌డించాయి. గాయాల‌తో స‌త‌మ‌త‌మ‌వుతున్న రిష‌బ్ పంత్‌, హ‌ర్షిత్ రానా, ప్ర‌సిధ్ క్రిష్ణల‌ను ఎంపిక చేసే విష‌య‌మై ఒక వారంపాటు వేచి చూడాల‌ని సెలెక్ష‌న్ క‌మిటీ భావిస్తోంద‌ట‌. ఈ ముగ్గురిని ఎంపిక చేయాలా వ‌ద్దా అనేది వారి ఫిట్‌నెస్ ప‌రిస్థితిపై ఆధార‌ప‌డి ఉంటుంద‌ని తెలిపింది.విండీస్‌తో వ‌న్డే సిరీస్ సంద‌ర్భంగా తొడ కండ‌రాల గాయంతో బాధ‌ప‌డుతూ ప్ర‌సిధ్ క్రిష్ణ సిరీస్‌కు దూర‌మ‌య్యాడు. అతడు కోలుకోవ‌డానికి దాదాపు మూడు వారాలు ప‌ట్ట‌నుంది. అక్టోబ‌ర్ 21తో మూడు వారాలు పూర్త‌వ‌నుండ‌డంతో అత‌డి ఫిట్‌నెస్‌ను గ‌మ‌నించి ఆ త‌ర్వాత ఎంపిక ప్ర‌కియ షురూ చేయాల‌ని సెలెక్ష‌న్ క‌మిటీ అనుకుంటున్న‌ట్లు స‌మాచారం. ఇక ఇరానీ క‌ప్ స‌మ‌యంలో గాయంతో భాద‌ప‌డిన‌ పంత్ కూడా కోలుకోవ‌డానికి మూడు వారాలు ప‌ట్ట‌నుంది. దీంతో అత‌డు న్యూజిలాండ్‌-ఎతో జ‌ర‌గ‌నున్న తొలి రెండు మ్యాచ్‌ల‌కు దూరంగా ఉండనున్నాడు. ప్ర‌స్తుతం పంత్ బెంగ‌ళూరులోని బీసీసీఐ సెంట‌ర్ ఆఫ్ ఎక్స‌లెన్స్ (సీవోఈ) కేంద్రంలో చికిత్స పొందుతున్నాడు. వ‌న్డే సిరీస్ ఆడ‌క‌పోయినా టెస్టు సిరీస్‌లో పంత్ ఆడే అవ‌కాశ‌ముంది.ప్ర‌స్తుతం అదే సీవోఈలో ఉన్న ప్ర‌సిధ్ క్రిష్ణ కూడా అక్టోబ‌ర్ 25న ఫిట్‌నెస్ నిరూపించుకునేందుకు సిములేష‌న్ గేమ్ ఆడ‌నున్నాడు. ఇందులో పాస‌యితే అత‌డికి ఫిట్‌నెస్ క్లియ‌రెన్స్ ల‌భించ‌నుంది. న‌వంబ‌ర్ 4 నుంచి వ‌న్డే సిరీస్ మొద‌లుకానున్న నేప‌థ్యంలో భార‌త వ‌న్డే జ‌ట్టు అక్టోబ‌ర్ 28న న్యూజిలాండ్‌కు వెళ్ల‌నుంది. హ‌ర్షిత్ రానా ఫిట్‌నెస్ టెస్టు త‌ర్వాత మూడు రోజుల‌కు జ‌ట్టు వెళ్ల‌నుండ‌డంతో క్లియ‌రెన్స్ వ‌స్తే అత‌డి పేరును ప‌రిగ‌ణ‌లోకి తీసుకునే చాన్స్ ఉంది.న్యూజిలాండ్ సిరీస్‌కు పైన చెప్పిన ముగ్గురు ఆట‌గాళ్లు కీల‌కం కావ‌డంతోనే వీరికోసం మ‌రో వారం వేచి చూద్దామ‌ని, ఫిట్‌నెస్ క్లియ‌రెన్స్ రాక‌పోతే అప్పుడు జ‌ట్టును ఎంపిక చేద్దామ‌ని బీసీసీఐకి సెల‌క్ష‌న్ క‌మిటీ విన్న‌వించిన‌ట్లు తెలుస్తోంది. దీంతో అక్టోబ‌ర్ 25లోగా కివీస్‌తో వ‌న్డే, టెస్టు సిరీస్ ఆడ‌నున్న జ‌ట్ల‌ను ప్ర‌క‌టించే అవ‌కాశ‌ముంది.ఇదీ చదవండి:ఈ శ‌తాబ్ద‌పు టాప్‌-10 బౌల‌ర్లు వీరే.. భారత్‌ నుంచి ఒకే ఒక్కడు!చ‌ట్ట‌ప‌ర‌మైన చర్య‌ల‌కు సిద్ధ‌మైన శిఖ‌ర్ ధావ‌న్‌

సెప్టెంబ‌ర్ నెల‌కు గానూ పురుషుల ఐసీసీ ప్లేయ‌ర్ ఆఫ్ ది మంత్ అవార్డును టీమిండియా కెప్టెన్ శుబ్‌మ‌న్ గిల్ కైవ‌సం చేసుకున్నాడు. త‌నతో పాటు నామినీలుగా ఉన్న స‌హ‌చ‌ర క్రికెట‌ర్ అభిషేక్ శ‌ర్మ‌, జింబాబ్వే కెప్టెన్ సికంద‌ర్ ర‌జాల‌ను వెన‌క్కి నెట్టిన గిల్‌ ఈ అవార్డు సొంతం చేసుకున్నాడు. ఇటీవ‌లే వెస్టిండీస్‌తో జ‌రిగిన వ‌న్డే సిరీస్‌లో అజేయ డ‌బుల్ సెంచ‌రీ స‌హా శ‌త‌కంతో మెరిసిన గిల్ 333 ప‌రుగులు చేశాడు. ఈ రెండు మ్యాచ్‌ల్లో నెగ్గిన టీమిండియా, ఆఖ‌రి వ‌న్డేలో ఓడిన‌ప్ప‌టికీ 2-1 తేడాతో వ‌న్డే సిరీస్‌ను కైవ‌సం చేసుకుంది.ఐదోసారి అవార్డు..ఇక ఐసీసీ ప్లేయ‌ర్ ఆఫ్ ది మంత్ అవార్డును గిల్ గెలుచుకోవ‌డం ఇది ఐదోసారి. గ‌తంలో2023లో జ‌న‌వ‌రి, సెప్టెంబ‌ర్ నెల‌ల్లో, 2025లో ఫిబ్ర‌వ‌రి, జూలై నెల‌ల్లో ఐసీసీ ప్లేయ‌ర్ ఆఫ్ ది మంత్ అవార్డులు ద‌క్కించుకున్నాడు. ఈ నేప‌థ్యంలో అత్య‌ధికసార్లు ఐసీసీ ప్లేయ‌ర్ ఆఫ్ ది మంత్ అవార్డులు గెలుచుకున్న ఏకైక క్రికెట‌ర్‌గా గిల్ చ‌రిత్ర సృష్టించాడు. భారత పురుషుల విభాగంలో చివరిసారిగా ఈ అవార్డును మార్చి 2026లో సంజు సామ్సన్ గెలుచుకున్నారు. గిల్ సాధించిన ఐదు విజయాలతో కలిపి, ఇప్పటివరకు 11 మంది ఆటగాళ్లు ఈ అవార్డును 17 సార్లు గెలుచుకోవ‌డం విశేషం.ఈ అవార్డుపై గిల్ స్పందించాడు. “ఐదోసారి ఐసీసీ ప్లేయర్ ఆఫ్ ది మంత్ అవార్డును గెలుచుకోవడం అద్భుతంగా అనిపిస్తోంది. ఈ గౌరవాన్ని నాకిచ్చిన‌ ప్యానెల్‌కు నేను కృతజ్ఞుడను. విండీస్‌తో వ‌న్డే సిరీస్‌లో పరుగులు సాధించడం ఎంతో సంతృప్తినిచ్చింది. మా సొంత అభిమానుల ముందు అజేయ డ‌బుల్ సెంచ‌రీతో ఛేజింగ్‌లో భాగం కావడం నాకు మ‌రింత ప్ర‌త్యేకం. వాళ్లిచ్చే మద్దతు నాకు ఎల్లప్పుడూ అదనపు ఉత్సాహాన్ని ఇస్తుంది," అని చెప్పుకొచ్చాడు.షెఫాలీదే అవార్డు..ఇక మ‌హిళ‌ల విభాగంలో టీమిండియా సంచ‌ల‌నం షెఫాలీ వ‌ర్మ సెప్టెంబ‌ర్ నెల‌కు గానూ ఐసీసీ ప్లేయ‌ర్ ఆఫ్ ది మంత్ అవార్డు ద‌క్కించుకుంది. ఇటీవ‌లే జ‌రిగిన మ‌హిళ‌ల ఆసియా క‌ప్‌లో షెఫాలీ వ‌ర్మ 184.61 స్ట్రైక్‌రేట్‌తో 360 ప‌రుగులు సాధించ‌డంతో పాటు బౌలింగ్‌లో ఆరు వికెట్లు తీసింది. అంతేకాదు ఆసియా గేమ్స్‌లో భార‌త్ స్వ‌ర్ణం గెల‌వ‌డంలోనూ షెఫాలీ వ‌ర్మ‌ది కీల‌క‌పాత్ర‌. సెమీఫైన‌ల్లో బంగ్లాదేశ్‌పై అజేయ సెంచ‌రీ (100 నాటౌట్‌) సాధించిన షెఫాలీ.. శ్రీలంక‌తో జ‌రిగిన ఫైన‌ల్లో 48 ప‌రుగుల కీల‌క ఇన్నింగ్స్ ఆడింది. ఇక షెఫాలీ వ‌ర్మ ఐసీసీ ప్లేయ‌ర్ ఆఫ్ ది మంత్‌గా నిల‌వ‌డం ఇది రెండోసారి. గ‌తంలో 2025 న‌వంబ‌ర్ నెల‌లోనూ ఈ అవార్డు ద‌క్కించుకుంది.ఇదీ చదవండి: జింబాబ్వే మాజీ క్రికెట‌ర్ అకాల మ‌ర‌ణంచెన్నై పోలీసులకు సీఎస్‌కే భారీ కానుక

నవంబర్‌లో న్యూజిలాండ్‌తో జరగనున్న వన్డే సిరీస్‌కు సంబంధించి భారత జట్టును ఇంకా ప్రకటించాల్సి ఉంది. జట్టు కూర్పుపై కసరత్తులు చేస్తున్న బీసీసీఐ సెలెక్షన్ కమిటీ ఈ వారంలో జట్టును ప్రకటించే అవకాశముంది. ఈ నేపథ్యంలో రెగ్యులర్ కెప్టెన్ శుబ్‌మన్ గిల్ తొలి మూడు వన్డేలకు మాత్రమే సారథ్యం వహిస్తాడని, చివరి రెండు వన్డేలకు శ్రేయస్ అయ్యర్ కెప్టెన్‌గా ఉంటాడని సోషల్ మీడియాలో వార్తలు వస్తున్నాయి. ఇందులో నిజమెంత అనేది తెలియాలంటే అధికారిక జట్టు ప్రకటన విడుదలయ్యేంతవరకు వేచి చూడాల్సిందే. అయితే రవీంద్ర జడేజా, వాషింగ్టన్ సుందర్‌లు వన్డే సిరీస్‌కు ఎంపికయ్యే దాఖలాలు కనిపించడం లేదనిపిస్తోంది. ఇక భారత స్టార్ బౌలర్ జస్‌ప్రీత్ బుమ్రాను కూడా ఐదు వన్డే మ్యాచ్‌లు ఆడించకుండా రెండు లేదా మూడు వన్డేలకు పరిమితం చేయాలని బీసీసీఐ భావిస్తున్నట్లు సమాచారం. విండీస్‌తో టీ20 సిరీస్‌లో ఆడుతున్న అర్షదీప్ సింగ్‌, ప్రిన్స్ యాదవ్‌లను కివీస్‌తో వన్డే సిరీస్‌కు ఎంపిక చేసే అవకాశాలున్నట్లు తెలుస్తోంది. ఇక ప్రసిధ్ క్రిష్ణ తొలి రెండు వన్డేలకు అందుబాటులో ఉండకపోవచ్చు. మరో విషయమేంటంటే తొలుత మూడు వన్డేలకు మాత్రమే జట్టును ప్రకటించి, ఆ తర్వాత నాలుగు, ఐదు వన్డేలకు జట్టును వేరుగా ఎంపిక చేయాలని బీసీసీఐ చూస్తోందట.తొలి మూడు వన్డేలకు భారత జట్టు అంచనా:రోహిత్, గిల్ (కెప్టెన్‌), విరాట్ కోహ్లి, శ్రేయాస్ అయ్యర్‌, అక్షర్ పటేల్‌, కేఎల​ రాహుల్, నమన్ ధీర్, నితీష్ రెడ్డి, కుల్దీప్, బుమ్రా, సిరాజ్, ప్రిన్స్ యాదవ్‌, గుర్నూర్ బ్రార్‌, ఇషాన్ కిషన్‌, యశస్వి జైస్వాల్, అర్ష్‌దీప్ సింగ్‌.🚨 UPDATE ON INDIAN 1st 3 ODI MATCH SQUAD Vs NEW ZEALAND 🚨 - Shubman Gill leading team India's only 3 ODIs matches - Shreyas Iyer lead India 4th & 5th ODIs - Prasidh Krishna is unlikely 1 or 2 ODIs - Jasprit Bumrah is set to play 1st & 3rd ODI - Doubtful for Hardik Pandya & Harshit Rana in 1st 3 ODIs - No Washington Sundar in ODI - Arshdeep Singh & Prince is likely back in ODI - No Ravindra Jadeja in ODI setup - Selectors are picks ODI squad for team India's in this week tour of New Zealand's Likely Team India's 1st 3 ODI squad: Rohit, Gill (c), Virat, Shreyas, Axar, kl Rahul, Naman Dhir, Nitish Reddy, Kuldeep, Bumrah & Siraj, Prince, Gurnoor, Ishan, Jaiswal, Arshdeep.— MANU (@IMManu_14) October 12, 2026ఇదీ చ‌ద‌వండి:‘స్కూల్‌ పిల్లాడిలా ప్రవర్తించావు’.. తిల‌క్ వ‌ర్మ‌కు చుర‌క‌లురంజీ ట్రోఫీలో సెంచ‌రీ.. కంటతడి పెట్టిన బెంగాల్‌ బ్యాటర్‌

వెల్లింగ్టన్‌: టీమిండియాతో జరగనున్న వన్డే సిరీస్‌ కోసం న్యూజిలాండ్‌ జట్టును ఆదివారం ప్రకటించారు. ఈ ఏడాది నవంబర్‌ 4 నుంచి ఇరు జట్ల మధ్య ఐదు మ్యాచ్‌ల వన్డే సిరీస్‌ జరగనుండగా... దీంట్లో తొలి మూడు మ్యాచ్‌ల కోసం ఒక జట్టును... తదుపరి రెండు మ్యాచ్‌ల కోసం పలు మార్పులతో మరో జట్టును ప్రకటించారు. చాన్నాళ్లుగా వన్డే జట్టుకు దూరమైన ఫిన్‌ అలెన్, ఫెర్గూసన్, సీఫెర్ట్‌ ఇందులో చోటు దక్కించుకోగా... గాయం కారణంగా టి20 సిరీస్‌కు దూరమైన స్పిన్‌ ఆల్‌రౌండర్‌ రచిన్‌ రవీంద్ర వన్డే సిరీస్‌కు ఎంపికయ్యాడు. వన్డేల తర్వాత భారత్, న్యూజిలాండ్‌ జట్ల మధ్య ప్రపంచ టెస్టు చాంపియన్‌షిప్‌ (డబ్ల్యూటీసీ)లో భాగంగా రెండు మ్యాచ్‌ల టెస్టు సిరీస్‌ జరగనుండడంతో... అందులో పాల్గొనే పలువురు ఆటగాళ్లకు చివరి రెండు మ్యాచ్‌ల నుంచి విశ్రాంతినిచ్చి సుదీర్ఘ ఫార్మాట్‌ కోసం సిద్ధం చేయనున్నారు. కెప్టెన్‌ సాంట్నర్, బ్రాస్‌వెల్, చాప్‌మన్, జాకబ్‌ డఫీ, విల్‌ యంగ్, టిక్నెర్‌ మాత్రమే అన్నీ మ్యాచ్‌లు ఆడనున్నారు. కాన్వే, హెన్రీ, జెమీసన్, లాథమ్, డారిల్‌ మిచెల్, గ్లెన్‌ ఫిలిప్స్, రచిన్‌ రవీంద్ర, నాథన్‌ స్మిత్‌ తొలి మూడు మ్యాచ్‌లు మాత్రమే ఆడనుండగా... చివరి రెండు వన్డేలకు ఫిన్‌ అలెన్, క్రిస్టియన్‌ క్లార్క్, మ్యాట్‌ ఫిషర్, ఫెర్గూసన్, మిచ్‌ హే, నిక్‌ కెల్లీ, సీఫెర్ట్‌ కొత్తగా జట్టుతో చేరనున్నారు.అలెన్, ఫెర్గూసన్, సీఫెర్ట్‌ 2023 తర్వాత తిరిగి వన్డే జట్టులోకి రావడం విశేషం. ఈ ఏడాది భారత గడ్డపై తొలిసారి వన్డే సిరీస్‌ గెలిచిన న్యూజిలాండ్‌ జట్టు... స్వదేశంలోనూ సంపూర్ణ ఆధిపత్యం కనబర్చాలని భావిస్తోంది. ‘వచ్చే ఏడాది వన్డే ప్రపంచకప్‌ జరగనున్న నేపథ్యంలో భారత్‌ వంటి అగ్రశ్రేణి జట్టుతో సిరీస్‌ ఎంతో ఉపయుక్తకరం. వరల్డ్‌కప్‌ సన్నాహాలకు ఇది బాగా ఉపయోగపడనుంది. చివరి రెండు వన్డేలకు ఏడుగురు ఇతర ప్లేయర్లను ఎంపిక చేశాం. అది మా బెంచ్‌ స్ట్రెంత్‌కు నిదర్శనం’ అని న్యూజిలాండ్‌ హెడ్‌ కోచ్‌ రాబ్‌ వాల్టర్‌ పేర్కొన్నాడు. న్యూజిలాండ్‌ వన్డే జట్టు (తొలి మూడు మ్యాచ్‌లకు): సాంట్నర్‌ (కెప్టెన్‌), కాన్వే, రచిన్, యంగ్, డారిల్‌ మిచెల్, చాప్‌మన్, లాథమ్, బ్రాస్‌వెల్, ఫిలిప్స్, నాథన్‌ స్మిత్, జెమీసన్, డఫీ, టిక్నెర్, హెన్రీ. చివరి రెండు వన్డేలకు: సాంట్నర్‌ (కెప్టెన్‌), అలెన్, సీఫెర్ట్, యంగ్, కెల్లీ, చాప్‌మన్, మిచ్‌ హే, బ్రాస్‌వెల్, క్రిస్టియన్‌ క్లార్క్, ఫెర్గూసన్, ఫిషర్, డఫీ, టిక్నెర్‌. ప్రత్యేక జెర్సీలో న్యూజిలాండ్‌ క్రికెటర్లు టీమిండియాతో వన్డే సిరీస్‌లో న్యూజిలాండ్‌ జట్టు ప్రత్యేక జెర్సీతో బరిలోకి దిగనుంది. ఇరు దేశాల మధ్య క్రీడాబంధానికి 100 ఏళ్లు పూర్తయిన సందర్భంగా... తామర పువ్వులతో కూడిన ప్రత్యేక డిజైన్‌ జెర్సీని ప్లేయర్లు ధరించనున్నారు. ‘కోటాహిటాంగా’ పేరిట ఆవిష్కరించిన ఈ జెర్సీ ఇరు దేశాల సంస్కృతులను, క్రికెట్‌పై వాటికున్న అనుబంధాన్ని ప్రతిబింబిస్తుంది. మన జాతీయ పుష్పం తామర పువ్వు, భారతీయ వాస్తుశిల్ప కల... న్యూజిలాండ్‌ సంస్కృతి సంప్రదాయాలు ఈ జెర్సీపై దర్శనమివ్వనున్నాయి. ఈ నెలాఖరులో భారత జట్టు న్యూజిలాండ్‌లో పర్యటించనుంది. ఈ టూర్‌లో భాగంగా టీమిండియా ఐదు మ్యాచ్‌ల టి20 సిరీస్, ఐదు మ్యాచ్‌ల వన్డే సిరీస్, రెండు మ్యాచ్‌ల టెస్టు సిరీస్‌ ఆడనుంది.

టీమిండియాతో వ‌న్డే సిరీస్ కోసం రెండు జ‌ట్ల‌ను ప్ర‌క‌టించిన న్యూజిలాండ్ క్రికెట్ బోర్డు మ‌రో ఆస‌క్తిక‌ర విష‌యాన్ని పంచుకుంది. రెండు దేశాల మ‌ధ్య వందేళ్ల క్రీడా సంబంధాల వేడుక‌ల నేప‌థ్యంలో న్యూజిలాండ్ క్రికెట్ బోర్డు భార‌త్‌తో వ‌న్డే సిరీస్‌కు ప్ర‌త్యేక జెర్సీ రూపొందించింది. ఈ జెర్సీతోనే కివీస్ ఆట‌గాళ్లు వ‌న్డే సిరీస్‌లో బ‌రిలోకి దిగ‌నున్నారు.ఇరుదేశాల మధ్య క్రీడానుబంధం వందేళ్ల మైలురాయికి గుర్తుగా రెండు సంస్కృతులు మేళవించిన జెర్సీని ఆవిష్కరించింది. బెన్ థామ్సన్, శివ్ నారందాస్, జై పాంచ అనే ముగ్గురు ఆర్టిస్టులు శ్రమించి రూపొందించిన ఈ జెర్సీలో.. భారత జాతీయ పువ్వు కమలం, భారతీయ నిర్మాణాల్లో కనిపించే ఓగీ శైలి, మండల వంటివి ఉన్నాయి.బ్లాక్ క్యాప్స్ కోటహితంగ వన్డే షర్టును ధరించనున్నారు, ఇది క్రికెట్ స్ఫూర్తి, ప్రేమతో ముడిపడి ఉన్న రెండు సంస్కృతులకు ప్రాతినిధ్యం వహిస్తుంది. కివీస్‌లోని పురాతన మావోరి తెగను ప్రతిబింబించేలా నిలువు గీతలు జెర్సీపై ఉన్నాయి. టీమిండియాతో ఐదు వన్డేల సిరీస్‌లో బ్లాక్ క్యాప్స్ ఆటగాళ్లు ఈ స్పెషల్ జెర్సీతో బరిలోకి దిగనున్నారు. రెండు దేశాల ఐక్యతకు సూచికగా నిలిచే ఈ జెర్సీ రెబెల్ స్పోర్ట్స్ స్టోర్స్‌లో అందుబాటులో ఉందని న్యూజిలాండ్ క్రికెట్ పేర్కొంది.అక్టోబ‌ర్ 22న మొద‌లుకానున్న ఐదు మ్యాచ్‌ల టీ20 సిరీస్‌తో టీమిండియా న్యూజిలాండ్ ప‌ర్య‌ట‌న‌ను ఆరంభించ‌నుంది. అక్టోబ‌ర్ 22 నుంచి న‌వంబ‌ర్ 1 మ‌ధ్య ఐదు టీ20 మ్యాచ్‌లు, ఆ త‌ర్వాత న‌వ‌బ‌ర్ 4 నుంచి 15 మ‌ధ్య‌ ఐదు వ‌న్డే మ్యాచ్‌లు జ‌ర‌గ‌నున్నాయి. అనంత‌రం నవంబ‌ర్ 19 నుంచి 23 మ‌ధ్య తొలి టెస్టు, న‌వంబ‌ర్ 27 నుంచి డిసెంబ‌ర్ 1 మ‌ధ్య రెండో టెస్టు మ్యాచ్ జ‌ర‌గ‌నుంది.ఇటీవ‌లే భారత్, జపాన్ 75 ఏళ్ల ద్వైపాక్షిక బంధానికి గుర్తుగా ఇటీవలే ఇరుదేశాల జట్లు ఏకైక టీ20 మ్యాచ్ ఆడిన సంగ‌తి తెలిసిందే. వ‌ర్షం అంత‌రాయంతో ఐదు ఓవ‌ర్ల మ్యాచ్ జ‌ర‌గ్గా.. టీమిండియా తృటిలో ఓట‌మి నుంచి త‌ప్పించుకోవ‌డం గ‌మ‌నార్హం.Introducing the limited-edition Kotahitanga ODI shirt. A celebration of two cultures bound by their love of cricket. To commemorate 100 years of sporting ties between Aotearoa and India 🌿 🪷 Available to buy now at https://t.co/QmhJAXWWoV and selected Rebel Sport stores. https://t.co/ZMr3JC1oNf— BLACKCAPS (@BLACKCAPS) October 10, 2026ఇదీ చదవండి: నా కెరీర్‌లో అత్యంత కఠిన దశ అదే: రోహిత్‌ శర్మRanji Trophy: జైస్వాల్ డకౌట్‌.. కేఎల్ రాహుల్ ఫ్లాఫ్‌ షో

అక్టోబర్ చివరి వారంలో భారత జట్టు న్యూజిలాండ్ పర్యటనకు వెళ్లనున్న సంగతి తెలిసిందే. ఇప్పటికే న్యూజిలాండ్‌తో టీ20 సిరీస్‌కు టీమిండియా జట్టును ప్రకటించిన సంగతి తెలిసిందే. తాజాగా న్యూజిలాండ్ క్రికెట్ బోర్డు వన్డే సిరీస్ కోసం రెండు జట్లను ప్రకటించడం విశేషం. ఫిన్ అలెన్‌, లోకి ఫెర్గూసన్‌, రచిన్ రవీంద్ర, టిమ్ సీఫెర్ట్‌లు వన్డే జట్టుకు ఎంపికయ్యారు. మిచెల్ సాంట్నర్ కెప్టెన్‌గా వ్యవహరించనున్నాడు. ఇక ఫిన్ అలెన్, ఫెర్గూసన్‌లు న్యూజిలాండ్ తరఫున చివరగా 2023 వన్డే ప్రపంచకప్‌లో ఆడడం గమనార్హం. టిమ్ సీఫెర్ట్ 18 నెలల విరామం అనంతరం వన్డేలకు ఎంపికయ్యాడు. భుజం గాయం కారణంగా భారత్‌తో టీ20 సిరీస్‌కు దూరంగా ఉండనున్న రచిన్ రవీంద్ర తొలి మూడు వన్డేలకు జట్టులో చోటు దక్కించుకున్నాడు.మూడో వన్డే తర్వాత టెస్టు సిరీస్ నేపథ్యంలో జట్టులోని కొందరు సభ్యులు వెల్లింగ్టన్ వెళ్లనుండడంతో.. నాలుగు, ఐదు వన్డేలకు వారి స్థానాల్లో ఏడుగురు ఆటగాళ్లు జట్టులో అదనంగా చేరనున్నారు. మొదటి మూడు మ్యాచ్‌ల్లో రచిన్ రవీంద్ర, గ్లెన్ ఫిలిప్స్‌, డెవన్ కాన్వే, మాట్ హెన్రీ, కైల్ జేమీసన్‌, టామ్ లాథమ్‌, డారిల్ మిచెల్ ఆడనున్నారు. ఇక నాలుగు, ఐదు వన్డేలకు వీరి స్థానాల్లో ఫిన్ అలెన్‌, క్రిస్టియన్ క్లార్క్‌, మాట్ ఫిషర్‌, లాకీ ఫెర్గూసన్‌,. మిచ్ హే, నిక్ కెల్లీ, టిమ్ సీఫెర్ట్‌ ఎంపికయ్యారు. ఈ రెండు జట్లలో కెప్టెన్ మిచెల్ సాంట్నర్‌, మార్క్ చాప్‌మన్‌, మైకెల్ బ్రాస్‌వెల్‌, బ్లెయిర్ టింక్నర్‌, జాకబ్ డఫీ, విల్ యంగ్‌లు కామన్‌గా ఉన్నారు. టీమిండియాతో జరగనున్న రెండు టెస్టు మ్యాచ్‌ల సిరీస్ కోసం న్యూజిలాండ్ బోర్డు 14 మందితో కూడిన జట్టును నవంబర్‌లో ప్రకటించనుంది.సొంతగడ్డపై టీమిండియాతో న్యూజిలాండ్‌ తొలుత ఐదు మ్యాచ్‌ల టీ20 సిరీస్‌ను అక్టోబర్ 22 నుంచి నవంబర్ 1 మధ్య ఆడనుంది. ఆ తర్వాత నవంబర్ 4 నుంచి ఐదు మ్యాచ్‌ల వన్డే సిరీస్ జరగనుంది. ఆపై ఇరుజట్లు రెండు టెస్టు మ్యాచ్‌లు ఆడనున్నాయి. కాగా ఈ ఏడాది జనవరిలో భారత్‌లో జరిగిన మూడు మ్యాచ్‌ల వన్డే సిరీస్‌ను న్యూజిలాండ్ 2-1తో గెలుచుకున్న సంగతి తెలిసిందే.New Zealand have named separate squads for the first three and final two ODIs against India https://t.co/xIL5dti0kJ— Cricbuzz (@cricbuzz) October 11, 2026న్యూజిలాండ్ జట్టు (తొలి మూడు వన్డేలకు): మిచెల్ సాంట్నర్ (కెప్టెన్), మైఖేల్ బ్రాస్‌వెల్, మార్క్ చాప్‌మన్, డెవాన్ కాన్వే, జాకబ్ డఫీ, మాట్ హెన్రీ, కైల్ జేమీసన్, టామ్ లాథమ్ (వికెట్ కీపర్), డారిల్ మిచెల్, గ్లెన్ ఫిలిప్స్, రచిన్ రవీంద్ర, నాథన్ స్మిత్, విల్ యంగ్, బ్లెయిర్ టిక్నర్నాలుగు, ఐదు వన్డేలకు కివీస్‌ జట్టు: మిచెల్ సాంట్నర్ (కెప్టెన్), ఫిన్ అలెన్, మైఖేల్ బ్రాస్‌వెల్‌, మార్క్ చాప్‌మన్, క్రిస్టియన్ క్లార్క్, జాకబ్ డఫీ, మాట్ ఫిషర్, లాకీ ఫెర్గూసన్, మిచ్ హే (వికెట్ కీపర్), నిక్ కెల్లీ, టిమ్ సీఫెర్ట్ (వికెట్ కీపర్), బ్లెయిర్ టిక్నర్, విల్ యంగ్ఇదీ చదవండి: తొలి మ్యాచ్‌కు గిల్ దూరం.. పంజాబ్‌ కెప్టెన్‌ ఎవరంటే?'అత‌డిని చూస్తే న‌న్ను నేను అద్దంలో చూసుకున్న‌ట్లుంది'

స్వదేశంలో వెస్టిండీస్‌తో టీ20 సిరీస్‌తో బిజీగా ఉన్న టీమిండియా.. తదుపరి న్యూజిలాండ్‌ గడ్డ మీద అడుగుపెట్టనుంది. ఆతిథ్య జట్టుతో ఐదు టీ20లు, రెండు టెస్టు మ్యాచ్‌లు, ఐదు వన్డేల సిరీస్‌లు ఆడనుంది.స్వింగ్‌ సుల్తాన్‌ పునరాగమనంఈ పర్యటనలో భాగంగా తొలుత టీ20 సిరీస్‌ జరుగనుండగా భారత క్రికెట్‌ నియంత్రణ మండలి (BCCI) ఇప్పటికే తమ జట్టును ప్రకటించింది. ఇందులో వెటరన్‌ పేసర్‌ భువనేశ్వర్‌ కుమార్‌కు చోటు దక్కింది. దాదాపు నాలుగేళ్ల తర్వాత ఈ స్వింగ్‌ సుల్తాన్‌ తిరిగి జాతీయ జట్టులోకి వచ్చాడు.అగార్కరే అడ్డుపడ్డాడా?గత రెండేళ్లుగా దేశీ క్రికెట్‌, ఐపీఎల్‌లో నిలకడైన ప్రదర్శనల కారణంగా భువీకి సెలక్టర్లు మరోసారి అవకాశం ఇచ్చారు. అయితే, చీఫ్‌ సెలక్టర్‌గా అజిత్‌ అగార్కర్‌ పదవీ కాలం ముగిసిన వెంటనే ఈ పేస్‌ బౌలర్‌ జట్టులోకి రావడంతో.. ఇన్నాళ్లూ అగార్కరే భువీ రాకుండా అడ్డుపడ్డాడనే ప్రచారం జరిగింది.ఇక భువీ రీఎంట్రీ నేపథ్యంలో మరో వెటరన్‌ పేసర్‌ మహ్మద్‌ షమీ కూడా టీమిండియాలో పునరాగమనం చేస్తాడనే అభిప్రాయాలు వ్యక్తమవుతున్నాయి. అగార్కర్‌ నిష్క్రమణతో ఈ బెంగాల్‌ బౌలర్‌కు కూడా మంచి రోజులు వస్తాయంటూ అతడి అభిమానులు మురిసిపోతున్నారు.అగార్కర్‌ వెళ్లిపోయినంత మాత్రాన ఈ నేపథ్యంలో భారత మాజీ క్రికెటర్‌, కామెంటేటర్‌ ఆకాశ్‌ చోప్రా మాత్రం ఈ విషయంలో భిన్నంగా స్పందించాడు. అగార్కర్‌ వెళ్లిపోయినంత మాత్రాన షమీ తిరిగి జాతీయ జట్టులోకి వచ్చే అవకాశం లేదని పేర్కొన్నాడు. ఈ మేరకు తన యూట్యూబ్‌ చానెల్‌ వేదికగా మాట్లాడుతూ...‘‘భువీ వచ్చాడు కాబట్టి.. షమీ కూడా జట్టులోకి తిరిగి వచ్చేస్తాడని చాలా మంది అంటున్నారు. అజిత్‌ అగార్కర్‌ వెళ్లిన తర్వాతే ఇది జరిగింది కాబట్టి.. షమీకి కూడా మార్గం సుగమం అయిందని అనుకుంటున్నారు. ఇది చాలా తప్పు.గుడ్డిగా తలూపుతారని అనుకుంటే పొరపాటేఒకే ఒక్క సెలక్టర్‌ కావాలనే కొంతమంది ఆటగాళ్లు తిరిగి రాకుండా అడ్డుకున్నాడని అనుకోవడం మన మూర్ఖత్వమే అవుతుంది. చీఫ్‌ సెలక్టర్‌ ఏది చెబితే మిగతా సెలక్టర్లు కూడా అందుకు గుడ్డిగా తలూపుతారని అనుకుంటే పొరపాటే.నేను ఇప్పటికే సెలక్టర్లతో మాట్లాడాను. వారంతా ఒకే తాటి మీద ఉన్నారు. కాబట్టి చైర్మన్‌ ఏది చెబితే వాళ్లు అదే వింటారనుకోవడం ముమ్మాటికీ తప్పే. షమీ విషయంలోనూ ఇదే జరిగి ఉంటుంది.అదే ఆఖరి అవకాశం అవుతుందిఒకవేళ షమీని తిరిగి తీసుకోవాలంటే న్యూజిలాండ్‌తో వన్డే సిరీస్‌కు అతడు జట్టులోకి వస్తాడు. అలా అయితేనే అతడు వన్డే వరల్డ్‌కప్‌-2027 ప్రణాళికల్లో ఉన్నట్లు అవుతుంది. ఒకవేళ కివీస్‌ టూర్‌కు షమీ ఎంపిక కాకపోతే.. ఆ తర్వాత అతడు తిరిగి వచ్చే పరిస్థితే ఉండకపోవచ్చు’’ అని ఆకాశ్‌ చోప్రా పేర్కొన్నాడు. కాగా ఐసీసీ చాంపియన్స్‌ ట్రోఫీ-2025 (వన్డే) ఫైనల్‌ సందర్భంగా షమీ టీమిండియా తరఫున చివరిగా మ్యాచ్‌ ఆడాడు. మొత్తంగా ఇప్పటికి 108 వన్డేలు ఆడిన షమీ.. 5.58 ఎకానమీ రేటుతో 206 వికెట్లు కూల్చాడు.న్యూజిలాండ్‌తో టీ20 సిరీస్‌కు భారత జట్టు:శ్రేయస్‌ అయ్యర్‌ (కెప్టెన్‌), తిలక్‌వర్మ (వైస్‌ కెప్టెన్‌), అభిషేక్‌ శర్మ, సంజు శాంసన్‌, వైభవ్‌ సూర్యవంశీ, ఇషాన్‌ కిషన్, అక్షర్‌ పటేల్, శివమ్‌ దూబే, నితీశ్‌కుమార్‌ రెడ్డి, నమన్‌ ధీర్, ప్రిన్స్‌ యాదవ్, మయాంక్‌ యాదవ్, అర్ష్‌దీప్‌ సింగ్, భువనేశ్వర్‌ కుమార్, వరుణ్‌ చక్రవర్తి, కుల్దీప్‌ యాదవ్‌.చదవండి: వినోద్‌ కాంబ్లీ గతి ఏమైందో తెలుసు కదా!: టీమిండియా దిగ్గజంఅప్పుడు ఐదు ఎకరాల భూమి.. ఇప్పుడు 3 ఖరీదైన అపార్టుమెంట్లు

వెస్టిండీస్‌తో స్వదేశంలో వన్డే సిరీస్‌ సందర్భంగా ముగ్గురు కొత్త ఆటగాళ్లు టీమిండియా తరఫున అరంగేట్రం చేశారు. తొలి మ్యాచ్‌లో నమన్‌ ధిర్‌.. రెండో వన్డేలో ఆకిబ్‌ నబీ.. మూడో మ్యాచ్‌లో అన్షుల్‌ కాంబోజ్‌ వన్డేల్లో అడుగుపెట్టారు.నబీకి చేదు అనుభవంఅయితే, వీరిలో నమన్‌ ధిర్‌ సిరీస్‌ ఆసాంతం కొనసాగగా.. ఆకిబ్‌ నబీకి మాత్రం చేదు అనుభవం ఎదురైంది. విండీస్‌తో రెండో వన్డేల్లో ఈ పేస్‌ బౌలర్‌ దారుణ ప్రదర్శన కనబరిచాడు. కేవలం 8.5 ఓవర్లలోనే 84 పరుగులు సమర్పించుకుని ఒక్క వికెట్‌ కూడా తీయలేకపోయాడు.అతడు కూడా విఫలంబ్యాటింగ్‌కు స్వర్గధామంగా మారిన బర్సపరా (గువాహటి) పిచ్‌పై కరేబియన్‌ ఆటగాళ్లు నబీతో పాటు భారత అందరు బౌలర్ల బౌలింగ్‌లోనూ చితక్కొట్టారు. అయితే, మరుసటి మ్యాచ్‌ నుంచి నబీని మాత్రం తప్పించి.. అతడి స్థానంలో అన్షుల్‌ కాంబోజ్‌ను అరంగేట్రం చేయించింది యాజమాన్యం. మూడో వన్డేలో అన్షుల్‌ తొమ్మిది ఓవర్లు వేసి ఏకంగా 82 పరుగులు ఇచ్చి.. వికెట్‌ మాత్రం తీయలేకపోయాడు.ఇక తొలి రెండో వన్డేల్లో టీమిండియా చేతిలో ఓడిన వెస్టిండీస్‌.. మూడో వన్డేలో మాత్రం గెలిచింది. తద్వారా క్లీన్‌స్వీప్‌ గండం నుంచి తప్పించుకుంది. ఈ పరిణామాల నేపథ్యంలో భారత మాజీ బ్యాటర్‌ మహ్మద్‌ కైఫ్‌ టీమిండియా హెడ్‌కోచ్‌ గౌతం గంభీర్‌, వన్డే కెప్టెన్‌ శుబ్‌మన్‌ గిల్‌ తీరుపై ఆగ్రహం వ్యక్తం చేశాడు.నబీని ఎందుకు తప్పించారు?‘‘కొత్త ఆటగాళ్లతో అరంగేట్రం చేయిస్తున్నారు. కానీ వాళ్లకు మద్దతుగా నిలవడం లేదు. ఒకరిని ఒక మ్యాచ్‌లో ఆడిస్తే.. అప్పుడు అతడు విఫలమైనా.. మరో అవకాశం ఇచ్చి చూడండి. పరిస్థితులకు అనుగుణంగా మరిన్ని అవకాశాలు ఇచ్చేందుకు ఆస్కారం ఉందేమో గమనించండి. అసలు మీరు మూడో వన్డే నుంచి నబీని ఎందుకు తప్పించారు? కాంబోజ్‌ బౌలింగ్‌లోనూ విండీస్‌ బ్యాటర్లు చితక్కొట్టారు కదా!.. కెరీర్‌ను మీరు నాశనం చేస్తున్నారుఏదేమైనా వెనువెంటనే తుదిజట్టు నుంచి తప్పించడం ద్వారా యువ ఆటగాళ్ల కెరీర్‌ను మీరు నాశనం చేస్తున్నారు. అసలు నబీకి తదుపరి వైట్‌బాల్‌ గేమ్‌ ఆడే అవకాశం ఇస్తారో కూడా తెలియదు.ఇక ముందు అతడిని జట్టులో ఉంచడం కూడా కష్టమే. ఏదేమైనా యాజమాన్యం చేస్తున్నది తప్పు. బ్యాకప్‌ లేకుండా ముందుకు వెళ్లడం మంచిది కాదు. మీరు ఇదే విధానం కొనసాగిస్తే జట్టుకు మున్ముందు ఇబ్బందులు తప్పవు. గిల్‌ ఇంకా యువకుడే.కెప్టెన్‌గా ఇప్పుడిప్పుడే పాఠాలు నేర్చుకుంటున్నాడు. ప్రస్తుతం జట్టులో బౌలింగ్‌ దళంలో ఎక్కువగా యువకులే ఉండటం కూడా అతడికి కాస్త ఇబ్బందికరంగా మారింది. అనుభవజ్ఞులు ఉంటే గిల్‌ పని కాస్త సులువయ్యేది.ప్రపంచకప్‌ టోర్నీకి ఇంకా తక్కువ సమయమే ఉంది. ఇవన్నీ అతడిని భయపెడుతున్నాయి. నబీ, నితీశ్‌ రెడ్డి వంటి ఆటగాళ్లకు వీలైనన్ని ఎక్కువ అవకాశాలు ఇచ్చి పరిశీలిస్తేనే మంచి కూర్పు సాధ్యమవుతుంది. లేదంటే కష్టాలు తప్పవు’’ అని కైఫ్‌ టీమిండియా నాయకత్వ బృందం తీరును విమర్శించాడు.చదవండి: టీమిండియాకు కొత్త కెప్టెన్‌!

న్యూ చండీగ‌ఢ్ వేదిక‌గా వెస్టిండీస్‌తో జ‌రిగిన మూడో వ‌న్డేలో రోహిత్ శ‌ర్మ సెంచ‌రీకి 8 ప‌రుగుల దూరంలో ఔటైన సంగ‌తి తెలిసిందే. ఆరంభం నుంచి మంచి ఈజ్‌తో క‌నిపించిన రోహిత్ 92 ప‌రుగుల వ్య‌క్తిగ‌త స్కోరు వ‌ద్ద వెనుదిరిగాడు. ఇప్ప‌టివ‌ర‌కు వ‌న్డేల్లో 35 సెంచ‌రీలు చేసిన రోహిత్ నిన్న‌టి మ్యాచ్‌లో సెంచ‌రీ చేసి ఉంటే ఆ సంఖ్య 36కు చేరుకునేది.ఈ నేప‌థ్యంలోనే రోహిత్ శ‌ర్మ 92 ప‌రుగుల వ‌ద్ద ఔట‌వ్వ‌డంపై భార‌త క్రికెట్ దిగ్గజం సునీల్ గవాస్కర్ మాత్రం అసంతృప్తి వ్యక్తం చేశాడు. సెంచరీకి కేవలం 8 పరుగుల దూరంలో రోహిత్ ఔట్ కావడం తనను చాలా నిరాశపరిచిందని పేర్కొన్నాడు. రోహిత్ శర్మ తన కెరీర్‌ను ఓ ప్రత్యేకమైన మైలురాయితో ముగించాలని తాను కోరుకుంటున్నట్లు గవాస్కర్ త‌న మ‌న‌సులోని మాట‌ను వెల్ల‌డించాడు‘హయర్ క్రికెట్ లైవ్’ కార్యక్రమంలో గవాస్కర్ మాట్లాడుతూ.. "2027 వన్డే ప్రపంచకప్ తర్వాత సుమారు 40 ఏళ్ల వయసులో రోహిత్ అంతర్జాతీయ క్రికెట్‌కు వీడ్కోలు పలికే అవకాశం ఉంది. నా వ్యక్తిగత కోరిక ఏంటంటే.. అతను రిటైర్ అయ్యే నాటికి అతని వయసు కన్నా ఎక్కువ వన్డే సెంచరీలు చేయాలి. ప్రస్తుతం రోహిత్ ఖాతాలో 35 సెంచరీలు ఉన్నాయి. ఈ మ్యాచ్‌లో శతకం పూర్తి చేసి ఉంటే, ఆ సంఖ్య 36కు చేరేది. తద్వారా 40 సెంచరీల మార్క్‌కు మరింత దగ్గరయ్యేవాడు" అని అభిప్రాయపడ్డాడు.ఈ సందర్భంగా తన కెరీర్‌లోని చివరి దశను గవాస్కర్ గుర్తుచేసుకున్నాడు. "నాకు 38 ఏళ్ల వయసులో, టెస్టుల్లో 38 సెంచరీలు చేయాలని లక్ష్యంగా పెట్టుకున్నాను. కానీ దురదృష్టవశాత్తు మూడుసార్లు 90ల్లో ఔటయ్యాను. అందుకే రోహిత్ సెంచరీ మిస్ కావడం చూసి నిరాశ చెందాను. నేను సాధించలేకపోయాను.. రోహిత్ అయినా ఆ ఘనత అందుకోవాలి" అని అభిలాషించాడు.అదే సమయంలో 2023 ప్రపంచకప్ తర్వాత రోహిత్ బ్యాటింగ్ శైలిలో మార్పు వచ్చిందని గవాస్కర్ విశ్లేషించాడు. "ప్రపంచకప్‌లో మొదటి బంతి నుంచే దూకుడుగా ఆడేవాడు. ఇప్పుడు తన వికెట్‌కు ఎక్కువ విలువ ఇస్తున్నాడు. ఇది మంచి పరిణామమే. అయినా, రోహిత్‌ను నేను 30-40 పరుగులు చేసే ఆటగాడిగా కాకుండా, 'సెంచరీల వీరుడి'గానే చూస్తాను" అని స్పష్టం చేశాడు.ఇదీ చదవండి: సెంచ‌రీతో ఫామ్‌లోకి ఆసీస్ బ్యాట‌ర్‌.. సౌతాఫ్రికాకు చుక్క‌లే!

ఆస్ట్రేలియా-ఎతో మూడు వ‌న్డేల అనధికారిక మూడు వ‌న్డేల సిరీస్‌కు ముందు భార‌త్‌-ఎ జ‌ట్టుకు గ‌ట్టి ఎదురు దెబ్బ త‌గిలింది. స్టార్ ఆల్‌రౌండ‌ర్ హార్దిక్ పాండ్యా గాయం కార‌ణంగా దూర‌మ‌య్యాడు. ఐపీఎల్‌-2026 నుంచి పోటీ క్రికెట్ దూరంగా ఉన్న హార్దిక్‌.. ఆసీస్‌-ఎ సిరీస్‌తో మైదానంలో అడుగు పెడతాడ‌ని అంతా భావించారు. కానీ బెంగుళూరులోని సెంట‌ర్ ఆఫ్ ఎక్స‌లెన్స్‌లో కోలుకుంటున్న హార్దిక్ పాండ్యా తాజాగా మ‌రో కొత్త గాయం బారిన ప‌డ్డాడు. ఫీల్డింగ్ చేస్తున్న స‌మ‌యంలో అత‌డి కుడి కాలి మోకాలు కింద భాగంలో గాయ‌మైంది.స్కానింగ్ రిపోర్టుల ఆధారంగా అత‌ను క‌నీసం మూడు వారాల పాటు విశ్రాంతి తీసుకోవాల‌ని వైద్యులు సూచించారు. ఈ క్ర‌మంలో అక్టోబ‌ర్ 6వ తేదీ నుంచి ఆస్ట్రేలియా-ఏ జ‌ట్టుతో జ‌రిగే వ‌న్డే సిరీస్ నుంచి అత‌డిని సెల‌క్ట‌ర్లు త‌ప్పించారు. దీంతో పాండ్యా స్దానంలో ముంబై ఆల్-రౌండర్ సూర్యాన్ష్ షెడ్గేకు చోటు ద‌క్కింది. 23 ఏళ్ల ఈ యువ ఆల్‌రౌండ‌ర్ ఇప్ప‌టికే సీనియ‌ర్ జ‌ట్టు త‌రపున అరంగేట్రం కూడా చేశాడు. ఇప్పుడు మ‌రోసారి వైట్‌బాల్ క్రికెట్‌లో తన సత్తా చాటేందుకు అత‌డికి అవ‌కాశం ల‌భించింది. షెడ్గే కూడా గాయం నుంచి కోలుకుని వ‌స్తున్నాడు. హార్దిక్‌ విషయానికి వస్తే.. ఇప్పటికే విండీస్‌తో టీ20లకు కూడా దూరమైన ఈ బరోడా ఆల్‌రౌండర్‌ న్యూజిలాండ్‌ పర్యటనకు కూడా వెళ్లేది అనుమానమే,.ఆసీస్‌తో సిరీస్‌కు భారత-ఎ జట్టుప్రియాన్ష్‌ ఆర్య, సాయి సుదర్శన్, దేవదత్ పడిక్కల్ , రుతురాజ్ గైక్వాడ్, రజత్ పాటిదార్, కుమార్ కుషాగ్రా, నిశాంత్ సింధు, విప్రజ్ నిగమ్, అర్షిన్ కులకర్ణి, అర్షద్ ఖాన్, నమన్ ధీర్, సూర్యాన్ష్‌, ప్రభ్‌సిమ్రన్ సింగ్, గ్రూర్ సింగ్, గుర్జప్‌నీత్ సింగ్, యశ్ ఠాకూర్చదవండి: IND vs AUS: యువ‌రాజ్ విధ్వంసం.. ఆసీస్‌ను చిత్తు చేసిన భార‌త్‌

చండీగ‌ఢ్ వేదిక‌గా భార‌త్‌తో జ‌రుగుతున్న చివ‌రి వ‌న్డేలో వెస్టిండీస్ టార్గెట్‌ను ఛేదించే ప‌నిలో ఉంది. 352 ప‌రుగుల ల‌క్ష్యంతో బ‌రిలోకి దిగిన వెస్టిండీస్ ప్ర‌స్తుతం 38 ఓవ‌ర్లు ముగిసేస‌రికి 3 వికెట్ల న‌ష్టానికి 255 ప‌రుగులు చేసింది. ఆ జ‌ట్టు కెప్టెన్ షెయ్ హోప్ అజేయ‌ సెంచ‌రీతో చెల‌రేగ‌గా, కీమో పాల్ (31) అత‌డికి స‌హ‌క‌రిస్తున్నాడు. ఈ నేప‌థ్యంలో షెయ్ హోప్ ఒక్క సెంచ‌రీతో అనేక రికార్డుల‌ను త‌న పేరిట లిఖించుకున్నాడు. 104 బంతుల్లో సెంచ‌రీ మార్క్ చేరుకున్న షెయ్ హోప్ ఇన్నింగ్స్‌లో 10 ఫోర్లు, ఒక సిక్స‌ర్ ఉన్నాయి. కాగా వ‌న్డేల్లో హోప్‌కు ఇది 21వ సెంచ‌రీ. ఇక భార‌త గ‌డ్డ‌పై టీమిండియాపై అత్య‌ధిక సెంచ‌రీలు బాదిన బ్యాట‌ర్ల‌లో హోప్ చోటు సంపాదించాడు.👉తాజాగా చేసిన సెంచ‌రీ హోప్‌కు నాలుగోది కాగా 14 ఇన్నింగ్స్‌ల్లో ఈ సెంచ‌రీలు చేశాడు. కివీస్ బ్యాట‌ర్‌ డారిల్ మిచెల్ కూడా నాలుగు సెంచ‌రీలు చేసిన‌ప్ప‌టికీ 8 ఇన్నింగ్స్‌ల్లోనే దీనిని అందుకున్నాడు. ఒక ద‌క్షిణాఫ్రికా దిగ్గ‌జం ఏబీ డివిలియ‌ర్స్ 11 ఇన్నింగ్స్‌ల్లో ఐదు సెంచ‌రీలు బాదాడు.👉ఓవ‌రాల్‌గా టీమిండియాపై షెయ్ హోప్ ఐదు సెంచ‌రీలు చేశాడు. ఈ క్రమంలో భారత్‌పై వన్డేల్లో అత్యధిక సెంచరీలు బాదిన క్రికెటర్‌గా హోప్‌ తొలి స్థానంలో నిలిచాడు. హోప్‌ కంటే ముందు క్రిస్‌ గేల్‌ (4 సెంచరీలు) ఈ ఫీట్‌ సాధించాడు.👉వ‌న్డేల్లో 21సెంచ‌రీల మార్క్‌ను అందుకునే క్ర‌మంలో హోప్‌కు 152 ఇన్నింగ్స్‌లు అవ‌స‌ర‌మ‌య్యాయి. ఈ క్ర‌మంలో అత్యంత త‌క్కువ ఇన్నింగ్స్‌ల్లో ఈ ఫీట్ సాధించిన బ్యాట‌ర్‌గా డికాక్‌, వార్న‌ర్‌ల‌తో క‌లిసి సంయుక్తంగా మూడో స్థానంలో ఉన్నాడు. ఇక 21 సెంచ‌రీలు చేసేందుకు హ‌షీమ్ ఆమ్లా 116 ఇన్నింగ్స్‌లు తీసుకొని తొలి స్థానంలో ఉండ‌గా, కోహ్లి (138 ఇన్నింగ్స్‌లు) రెండో స్థానంలో కొన‌సాగుతున్నాడు. డివిలియ‌ర్స్ (183 ఇన్నింగ్స్‌లు), రోహిత్ శ‌ర్మ (186 ఇన్నింగ్స్‌లు) నాలుగు, ఐదు స్థానాల్లో ఉన్నారు.👉వ‌న్డేల్లో కెప్టెన్ క‌మ్ వికెట్ కీప‌ర్‌గా ఎక్కువ సెంచ‌రీలు సాధించిన బ్యాట‌ర్‌గా షెయ్ హోప్ (8 సెంచ‌రీలు) తొలి స్థానంలో నిలిచాడు. ఇక ఎంఎస్ ధోని (6 సెంచ‌రీలు), ఏబీ డివిలియ‌ర్స్ (4 సెంచ‌రీలు) త‌ర్వాతి రెండు స్థానాల్లో కొన‌సాగుతున్నారు.ఇదీ చదవండి: ద్రవిడ్‌ రికార్డు బద్దలు కొట్టిన కేఎల్‌ రాహుల్‌

Update: IND Vs WI 3rd ODI Match న్యూ చండీగఢ్ వేదికగా వెస్టిండీస్‌తో జరుగుతున్న చివరి వన్డేలో కేఎల్ రాహుల్ అజేయ సెంచరీతో మెరిశాడు. 80 బంతుల్లో సెంచరీ మార్క్‌ అందుకున్న కేఎల్‌ రాహుల్‌ ఇన్నింగ్స్‌లో 10 ఫోర్లు, ఆరు సిక్సర్లు ఉన్నాయి. దీంతో టీమిండియా నిర్ణీత 50 ఓవర్లలో 7 వికెట్ల నష్టానికి 351 పరుగుల భారీ స్కోరు చేసింది. కేఎల్ రాహుల్ (87 బంతుల్లో 129 నాటౌట్‌, 10 ఫోర్లు, ఆరు సిక్సర్లు) విధ్వంసం సృష్టించగా, అంతకముందు ఓపెనర్ రోహిత్ శర్మ (92) తృటిలో సెంచరీ జార్చుకోగా, రుతురాజ్ గైక్వాడ్ (57) అర్థసెంచరీతో రాణించారు. వెస్టిండీస్ బౌలర్లలో జైడన్ సీల్స్ మూడు వికెట్లు తీయగా, కీమో పాల్ రెండు వికెట్లు పడగొట్టాడు.ఏడో వికెట్ కోల్పోయిన టీమిండియావెస్టిండీస్‌తో జరుగుతున్న మూడో వన్డేలో భారత్ 290 పరుగుల వద్ద ఏడో వికెట్ కోల్పోయింది. డెబ్యూ మ్యాచ్ ఆడుతున్న అన్షుల్ కంబోజ్ (17) రనౌట్ అయ్యాడు. రోహిత్ సెంచ‌రీ మిస్‌.. సెంచ‌రీకి 8 ప‌రుగుల దూరంలో రోహిత్ శ‌ర్మ (92) ఔట‌య్యాడు. కీమో పాల్ బౌలింగ్‌లో జువెల్ ఆండ్రూకు క్యాచ్ ఇచ్చిన రోహిత్ పెవిలియ‌న్ చేరాడు. ప్ర‌స్తుతం భార‌త్ 3 వికెట్ల న‌ష్టానికి 143 ప‌రుగులు చేసింది. రుతురాజ్ (45), కేఎల్ రాహుల్ (2) క్రీజులో ఉన్నారు.రోహిత్‌ శర్మ హాఫ్‌ సెంచరీఆరంభంలోనే రెండు వికెట్లు కోల్పోయి కష్టాల్లో పడిన భారత జట్టును రోహిత్‌ శర్మ(65), రుతురాజ్‌ గైక్వాడ్‌(34) ఆదుకున్నారు. 20 ఓవర్లకు భారత్‌ రెండు వికెట్ల నష్టానికి 102 పరుగులు చేసింది.భారత్‌కు భారీ షాక్‌టాస్‌ గెలిచి బ్యాటింగ్‌కు దిగిన టీమిండియాకు ఆరంభంలోనే గట్టి ఎదురు దెబ్బతగిలింది. మూడో ఓవర్‌ వేసిన జైడన్‌ సీల్స్‌ బౌలింగ్‌లో శుబ్‌మన్‌ గిల్‌(1), విరాట్‌ కోహ్లి(0) వరుస క్రమంలో ఔటయ్యారు. దీంతో భారత్‌ కేవలం 4 పరుగులకే 2 వికెట్లు కోల్పోయి కష్టాల్లో పడింది.న్యూ చండీగఢ్ వేదిక‌గా నామమాత్ర‌పు మూడో వ‌న్డేలో భార‌త్‌-వెస్టిండీస్ జ‌ట్లు త‌ల‌ప‌డుతున్నాయి. ఈ మ్యాచ్‌లో టాస్ గెలిచిన టీమిండియా కెప్టెన్ శుబ్‌మ‌న్ గిల్ తొలుత బ్యాటింగ్‌ ఎంచుకున్నాడు. ఈ ఆఖరి మ్యాచ్‌లో పేసర్‌ అన్షుల్‌ కాంబోజ్‌ భారత్‌ తరపున అరంగేట్రం చేశాడు.అతడు విరాట్‌ కోహ్లి చేతుల మీదగా క్యాప్‌ను అందుకున్నాడు. ప్రసిద్ద్‌ కృష్ణ గాయం కారణంగా దూరం కావడంతో కాంబోజ్‌కు డెబ్యూ చేసే అవకాశం లభించింది. అదేవిధంగా పేసర్ మహ్మద్ సిరాజ్ తుది జట్టులోకి వచ్చాడు. మరోవైపు విండీస్ మూడు మార్పులతో బరిలోకి దిగింది. తుది జట్లువెస్టిండీస్: జాన్ కాంప్‌బెల్, జ్యువెల్ ఆండ్రూ, షాయ్ హోప్ (కెప్టెన్‌), అమీర్ జాంగూ, షెర్ఫేన్ రూథర్‌ఫోర్డ్, కీమో పాల్, మాథ్యూ ఫోర్డ్, గుడాకేష్ మోటీ, అల్జారీ జోసెఫ్, విటెల్ లావ్స్, జేడెన్ సీల్స్ఇండియా ప్లేయింగ్ ఎలెవన్: శుభ్‌మన్ గిల్ (కెప్టెన్‌), రోహిత్ శర్మ, విరాట్ కోహ్లి, రుతురాజ్ గైక్వాడ్, కెఎల్ రాహుల్ (వికెట్ కీపర్‌), నితీష్ కుమార్ రెడ్డి, నమన్ ధీర్, అన్షుల్ కాంబోజ్, కుల్దీప్ యాదవ్, మహ్మద్ సిరాజ్, గుర్నూర్ బ్రార్

వెస్టిండీస్‌తో స్వదేశంలో వన్డే సిరీస్‌ను టీమిండియా మరో మ్యాచ్‌ మిగిలి ఉండగానే కైవసం చేసుకుంది. తొలుత తిరువనంతపురంలో ఎనిమిది వికెట్ల తేడాతో గెలుపొందిన గిల్‌ సేన.. గువాహటి వేదికగా రెండో వన్డేలో 406 పరుగుల లక్ష్యాన్ని కేవలం రెండు వికెట్లు కోల్పోయి సునాయాసంగా ఛేదించింది.టాపార్డర్‌ ధనాధన్‌ఇక విండీస్‌తో తొలి రెండు వన్డేల్లో టీమిండియా టాపార్డర్‌ దుమ్ములేపింది. ముఖ్యంగా కెప్టెన్‌ శుబ్‌మన్‌ గిల్‌ అద్భుతమైన ప్రదర్శనలతో ఆకట్టుకున్నాడు. తొలి వన్డేలో శతక్కొట్టిన ఈ ఓపెనింగ్‌ బ్యాటర్‌ (108 బంతుల్లో 110).. రెండో వన్డేలో విధ్వంసకర డబుల్‌ సెంచరీ (133 బంతుల్లో 223 నాటౌట్‌)తో చెలరేగాడు.మరోవైపు.. మరో ఓపెనర్‌ రోహిత్‌ శర్మ తొలి మ్యాచ్‌ (32) పెద్దగా రాణించకపోయినా.. గువాహటిలో సెంచరీ (75 బంతుల్లో 101)తో మెరిశాడు. ఇక వన్‌డౌన్‌ బ్యాటర్‌, రికార్డుల రారాజు విరాట్‌ కోహ్లి తొలి వన్డేలో అజేయ శతకం (88 బంతుల్లో 139) సాధించాడు. అయితే, రెండో వన్డే (19 బంతుల్లో 29)లో మాత్రం విఫలమయ్యాడు.అతడిని ఆడించాల్సిన అవసరం లేదుఈ పరిణామాల నేపథ్యంలో నామమాత్రపు మూడో వన్డే తుదిజట్టు కూర్పు గురించి భారత మాజీ క్రికెటర్‌ అజింక్య రహానే ఆసక్తికర వ్యాఖ్యలు చేశాడు. టాపార్డర్‌లో మంచి ఫామ్‌లో ఉంది కాబట్టి.. రిజర్వు ఓపెనింగ్‌ బ్యాటర్‌ యశస్వి జైస్వాల్‌కి ఇప్పట్లో అవకాశం ఇవ్వాల్సిన అవసరం లేదని అభిప్రాయపడ్డాడు.అదే విధంగా తుదిజట్టులో పేసర్‌ మహ్మద్‌ సిరాజ్‌, పేస్‌ బౌలింగ్‌ ఆల్‌రౌండర్‌ నితీశ్‌ కుమార్‌ రెడ్డిని ఆడించాల్సిన ఆవశ్యకత గురించి రహానే నొక్కివక్కాణించాడు. ఈ మేరకు.. ‘‘వెస్టిండీస్‌తో మూడో వన్డేలో భారత తుది జట్టులో నేను ఒకటి లేదా రెండు మార్పులు చూడాలనుకుంటున్నాను.నితీశ్‌ రెడ్డి, సిరాజ్‌ ఉండాలిమహ్మద్‌ సిరాజ్‌, నితీశ్‌ కుమార్‌ రెడ్డిలను తప్పక ఆడించాలి. ముఖ్యంగా వన్డే వరల్డ్‌కప్‌ ప్రణాళికల్లో నితీశ్‌ రెడ్డి ఉంటే గనుక అతడిని వీలైనన్ని ఎక్కువ మ్యాచ్‌లలో ఆడించాలి. తద్వారా అతడి ఆత్మవిశ్వాసం పెంపొందించినట్లు అవుతుంది.ఇక జైస్వాల్‌ విషయంలో ఇప్పట్లో తొందరపడాల్సిన పనిలేదు. అతడు జట్టులో ఉన్నా.. లేకున్నా పెద్దగా తేడా ఏమీ ఉండకపోవచ్చు. ఎందుకంటే మన టాపార్డర్‌ ఇప్పటికే పూర్తి ఫామ్‌లో ఉంది. ప్రస్తుతం వరల్డ్‌కప్‌ కోసం ఆల్‌రౌండర్‌ స్థానాన్ని సరైన ఆటగాడితో భర్తీ చేయాల్సి ఉంది’’ అని అజింక్య రహానే క్రిక్‌బజ్‌తో తన అభిప్రాయాలు పంచుకున్నాడు.కాగా విండీస్‌తో తొలి వన్డేలో ఆడిన నితీశ్‌ కుమార్‌ రెడ్డి 45 పరుగులు ఇచ్చి ఒక వికెట్‌ తీశాడు. అయితే, రెండో వన్డేలో జమ్మూ కశ్మీర్‌ ఎక్స్‌ప్రెస్‌ ఆకిబ్‌ నబీ అరంగేట్రం కోసం నితీశ్‌ రెడ్డిని బెంచ్‌కే పరిమితం చేశారు. ఇక సిరాజ్‌ ఈ ఏడాది ఫిబ్రవరిలో చివరగా వన్డే మ్యాచ్‌ ఆడాడు.చదవండి: వన్డే వరల్డ్‌కప్‌- 2027.. టీమిండియా షెడ్యూల్‌ ఇదే

వెస్టిండీస్‌తో రెండో వన్డేలో టీమిండియా కెప్టెన్‌ శుబ్‌మన్‌ గిల్‌ విధ్వంసకర డబుల్‌ సెంచరీతో విరుచుకుపడ్డాడు. గువాహటిలో బుధవారం జరిగిన మ్యాచ్‌లో ఆకాశమే హద్దుగా చెలరేగుతూ ఫోర్లు, సిక్సర్ల వర్షం కురిపించాడు.కేవలం 133 బంతుల్లోనేకేవలం 133 బంతుల్లోనే గిల్‌.. 26 ఫోర్లు, ఎనిమిది సిక్సర్లు బాది 223 పరుగులతో అజేయంగా నిలిచాడు. అతడికి తోడుగా మరో ఓపెనర్‌ రోహిత్‌ శర్మ శతక్కొట్టగా (75 బంతుల్లో 101).. వెస్టిండీస్‌ విధించిన 406 పరుగుల లక్ష్యాన్ని టీమిండియా కేవలం 43.3 ఓవర్లలో రెండు వికెట్లే నష్టపోయి ఛేదించింది.ఇది అసలు క్రికెట్‌ కానేకాదుఈ నేపథ్యంలో టీమిండియా హెడ్‌కోచ్‌ గౌతం గంభీర్‌ బర్సపరా పిచ్‌ తీరుపై తీవ్ర అసహనం వ్యక్తం చేశాడు. కనీస పోటీ లేకుండా కేవలం బ్యాటింగ్‌ ఒక్కటే పరమావధిగా ఆట సాగడం తనకు నచ్చలేదన్నాడు. బంతికి, బ్యాట్‌కు మధ్య పోటీ అస్సలు లేదని.. బౌలర్లను చూస్తే జాలేసిందన్నాడు. ఇది అసలు క్రికెట్‌ కానేకాదని ఘాటు వ్యాఖ్యలు చేశాడు.పిచ్‌ ఎలా ఉన్నా ఛేదన అంత ఈజీ కాదుఅయితే, కెప్టెన్‌, ప్లేయర్‌ ఆఫ్‌ ది మ్యాచ్‌ శుబ్‌మన్‌ గిల్‌ మాత్రం ఇందుకు విరుద్ధమైన వ్యాఖ్యలు చేశాడు. ‘‘వికెట్‌ (పిచ్‌) ఎలా ఉన్నా.. మైదానం ఎంత చిన్నదైనా.. 400కు పైగా పరుగుల లక్ష్యాన్ని ఛేదించడం సులువైన విషయమేమీ కాదు. నా వ్యక్తిగత ప్రదర్శన పట్ల చాలా సంతోషంగా.. సంతృప్తిగా ఉన్నాను.ఆఖరి వరకు క్రీజులో ఉండి మ్యాచ్‌ను ముగించడం ఆనందాన్నిచ్చింది. ప్రస్తుతం నా శరీరంలోని ప్రతీ భాగంలోనూ నొప్పితో విలవిల్లాడుతున్నా. ఎండ కారణంగా 13 ఓవర్ల ఫీల్డింగ్‌ తర్వాత పూర్తిగా అలసిపోయినట్లు అనిపించింది. అప్పటికే 20-25 ఓవర్లు ఫీల్డింగ్‌ చేసిన అనుభూతి కలిగింది. విండీస్‌ జట్టు కూడా అద్భుతంగా బ్యాటింగ్‌ చేసింది’’ అని విజయానంతరం గిల్‌ పేర్కొన్నాడు.నెటిజన్ల సెటైర్లుఈ నేపథ్యంలో గంభీర్‌- గిల్‌ భారత్‌- విండీస్‌ మధ్య రెండో వన్డేకు సంబంధించిన పిచ్‌ గురించి భిన్నాభిప్రాయలు కలిగి ఉండటంపై నెటిజన్లు తమదైన శైలిలో స్పందిస్తున్నారు. ‘కోచ్‌, కెప్టెన్‌ ఆలోచనలు వేరుగా ఉన్నట్లు అనిపిస్తోంది. ఒకరు కఠినమైన పిచ్‌ కోరుకుంటే.. మరొకరు మాత్రం ఐపీఎల్‌ మాదిరే రోడ్‌ మాదిరి పిచ్‌పై పరుగులు చేసి హీరో అనిపించుకోవాలని కోరుకుంటున్నారు’ అంటూ వ్యంగ్యాస్త్రాలు సంధిస్తున్నారు.చదవండి: IND vs PAK T20I: ఫైనల్‌లో భారత్‌, పాక్‌.. మ్యాచ్‌ ఎక్కడ చూడాలంటే?𝗗𝗢𝗨𝗕𝗟𝗘 𝗖𝗘𝗡𝗧𝗨𝗥𝗬 🤩🔥#ShubmanGill brings up his 2nd ODI double ton, becoming the fastest to do so in the history of the format! 💯Records tonight, and a whole lot more to look forward to when the #CWC27 schedule launches TOMORROW! 🏆#INDvWI | 2nd ODI 👉… pic.twitter.com/E4tvOzYVqP— Star Sports (@StarSportsIndia) September 30, 2026

టీమిండియా- వెస్టిండీస్‌ మధ్య బుధవారం నాటి రెండో వన్డే సందర్భంగా పరుగుల వరద పారింది. గువాహటిలోని బర్సపరా స్టేడియం శతకాల మోతతో హోరెత్తిపోయింది. ఇరుజట్లలో కలిపి మొత్తం ఐదుగురు బ్యాటర్లు మెరుపు సెంచరీలతో చెలరేగారు.శతకాల మోతవిండీస్‌ బ్యాటర్లలో ఓపెనర్‌ జాన్‌ కాంప్‌బెల్‌ (68 బంతుల్లో 101), కెప్టెన్‌ షాయీ హోప్‌ (94 బంతుల్లో 104), ఆమిర్‌ జాంగో (77 బంతుల్లో 114) మెరుపులు మెరిపించగా.. టీమిండియా ఓపెనర్లలో రోహిత్‌ శర్మ (75 బంతుల్లో 101) శతక్కొట్టగా.. కెప్టెన్‌ శుబ్‌మన్‌ గిల్‌ ఏకంగా అజేయ డబుల్‌ సెంచరీ (133 బంతుల్లో 223)తో ఆకాశమే హద్దుగా చెలరేగాడు.𝗗𝗢𝗨𝗕𝗟𝗘 𝗖𝗘𝗡𝗧𝗨𝗥𝗬 🤩🔥#ShubmanGill brings up his 2nd ODI double ton, becoming the fastest to do so in the history of the format! 💯Records tonight, and a whole lot more to look forward to when the #CWC27 schedule launches TOMORROW! 🏆#INDvWI | 2nd ODI 👉… pic.twitter.com/E4tvOzYVqP— Star Sports (@StarSportsIndia) September 30, 2026ఫలితంగా కరేబియన్‌ జట్టు విధించిన 406 పరుగుల భారీ లక్ష్యాన్ని టీమిండియా కేవలం 43.3 ఓవర్లలోనే ఊదేసింది. ఈ నేపథ్యంలో టీమిండియా హెడ్‌కోచ్‌ గౌతం గంభీర్‌ తమ జట్టు విజయం సాధించినప్పటికీ.. బర్సపరా పిచ్‌ తీరుపై తీవ్ర స్థాయిలో అసహనం వ్యక్తం చేశాడు.Fifty up, and Hitman brings up 200 ODI sixes on home soil in the same over! 🔥When Rohit bats, it's class in action and this is just a preview of the excitement heading into the big #CWC27 schedule launch, TOMORROW at 8:30 PM! 🏆Watch #INDvWI 2nd ODI, LIVE NOW! 👉… pic.twitter.com/uilpDSphHO— Star Sports (@StarSportsIndia) September 30, 2026ఇది అసలు క్రికెట్‌ కాదుస్టార్‌ స్పోర్ట్స్‌తో మాట్లాడుతూ.. ‘‘నిజాయితీగా చెప్పాలంటే.. క్రికెట్‌ అంటే బంతికి, బ్యాట్‌కి మధ్య కాస్త పోటీ ఉండాలి. కానీ ఇది అసలు క్రికెట్‌ కాదు. ఈరోజు ఇక్కడ కేవలం బ్యాటింగ్‌ మాత్రమే సాగింది.ఓ యువ బౌలర్‌ ఇలాంటి వికెట్‌ మీద బౌలింగ్‌ చేస్తున్నపుడు ప్రత్యర్థి 400 పరుగులు చేయడం.. మేము ఈ లక్ష్యాన్ని సునాయాసంగా ఛేదించడం చూసినపుడు.. సదరు బౌలర్‌ మానసిక పరిస్థితి ఎలా ఉంటుందో ఊహించుకోండి. ఈ మ్యాచ్‌లో అద్భుతమైన రికార్డులు నెలకొల్పబడ్డాయి.బౌలర్లను చూస్తే జాలేసిందిప్రేక్షకులు కూడా సంతోషంతో కేరింతలు కొట్టారు. మీరు (ప్రసారకర్తలు) కూడా ఆనందంలో తేలిపోతున్నారు. కానీ ఒక నిజమైన క్రికెట్‌ అభిమానిగా నాకు మాత్రం ఇది అంతగా నచ్చలేదు. బౌలర్లను చూస్తే జాలేసింది. ఇలాంటి వికెట్ల మీద బౌలింగ్‌ చేయాల్సిరావడం అన్యాయమే అవుతుంది’’ అని గంభీర్‌ అసహనం, ఒకింత ఆగ్రహం వ్యక్తం చేశాడు. కాగా ఈ మ్యాచ్‌లో తొలుత బ్యాటింగ్‌ చేసిన వెస్టిండీస్‌ నిర్ణీత 50 ఓవర్లలో ఏడు వికెట్ల నష్టానికి 405 పరుగులు చేసింది.ధారాళంగా పరుగులుభారత బౌలర్లలో గుర్నూర్‌ బ్రార్‌ ఏకంగా 96 పరుగులు సమర్పించుకుని రెండు వికెట్లు తీయగా.. అరంగేట్ర పేసర్ ఆకిబ్‌ నబీ 84 పరుగులు ఇచ్చుకున్నాడు. ఇక విండీస్‌ విధించిన లక్ష్యాన్ని టీమిండియా రెండు వికెట్లు నష్టపోయి పని పూర్తి చేసి.. ఎనిమిది వికెట్ల తేడాతో గెలిచి.. సిరీస్‌ను 2-0తో సొంతం చేసుకుంది. కరేబియన్‌ బౌలర్లలో అల్జారీ జోసెఫ్‌ అత్యధికంగా 89 పరుగులు ఇచ్చుకున్నాడు.చదవండి: Asian Games Men's Cricket: ఫైనల్‌కు చేరిన పాకిస్తాన్‌

గౌహతి వేదికగా వెస్టిండీస్‌తో జరిగిన రెండో వన్డేలో టీమిండియా 8 వికెట్ల తేడాతో ఘన విజయాన్ని అందుకుంది. కెప్టెన్ శుబ్‌మన్ గిల్ (133 బంతుల్లో 223 నాటౌట్‌, 26 ఫోర్లు, 8 సిక్సర్లు) అజేయ డబుల్ సెంచరీకి తోడు రోహిత్ శర్మ (101) సెంచరీ చేయడంతో విండీస్ విధించిన 406 పరుగుల భారీ టార్గెట్‌ను 43.3 ఓవర్లలోనే ఛేదించడం విశేషం. కోహ్లి (29), రుతురాజ్ గైక్వాడ్ (31 నాటౌట్‌) తమ వంతు పాత్ర పోషించారు. వెస్టిండీస్ బౌలర్లలో జైడన్ సీల్స్‌, షమర్ జోసెఫ్ చెరొక వికెట్ తీశారు.అంతకముందు తొలుత బ్యాటింగ్ చేసిన వెస్టిండీస్ ముగ్గురు బ్యాట‌ర్లు సెంచ‌రీల‌తో విరుచుకుప‌డ‌డంతో నిర్ణీత 50 ఓవ‌ర్ల‌లో 7 వికెట్ల న‌ష్టానికి 405 ప‌రుగులు చేసింది. అమిర్ జాంగో (77 బంతుల్లో 114; 13 ఫోర్లు, 3 సిక్స‌ర్లు), జాన్ క్యాంప్‌బెల్ (68 బంతుల్లో 101; 9 ఫోర్లు, 5 సిక్స‌ర్లు), కెప్టెన్ షెయ్ హోప్ (94 బంతుల్లో 104; 8 ఫోర్లు, 3 సిక్స‌ర్లు) వీరోచిత శ‌త‌కాలు సాధించి భారీ స్కోరుకు బాట‌లు వేశారు.చివ‌ర్లో రోస్ట‌న్ చేజ్ (25 బంతుల్లో 29 నాటౌట్‌) ధాటిగా ఆడ‌డంతో వెస్టిండీస్ 400 ప‌రుగుల మార్క్‌ను దాటింది. భార‌త బౌల‌ర్ల‌లో అంద‌రూ దారాళంగా ప‌రుగులు స‌మ‌ర్పించుకున్నారు. కుల్దీప్ యాద‌వ్‌, గుర్నూర్ బ్రార్‌, ర‌వీంద్ర జ‌డేజాలు త‌లా రెండు వికెట్లు ప‌డ‌గొట్టారు.ఇక టీమిండియా వరుసగా రెండో వన్డేలోనూ విజయం సాధించి మూడు మ్యాచ్‌ల వన్డే సిరీస్‌ను మరో మ్యాచ్ మిగిలి ఉండగానే 2-0తో సొంతం చేసుకుంది. అజేయ డబుల్‌సెంచరీతో జట్టును గెలిపించిన కెప్టెన్ గిల్‌కు ‘ప్లేయర్ ఆఫ్ ది మ్యాచ్‌’ అవార్డు లభించింది. ఇరుజట్ల మధ్య చివరి వన్డే శనివారం ఛండీగర్ వేదికగా జరగనుంది.A night for the 𝗵𝗶𝘀𝘁𝗼𝗿𝘆 𝗯𝗼𝗼𝗸𝘀 📚✨#TeamIndia register their highest successful ODI run chase to take an unassailable 2️⃣-0️⃣ lead in the series 👏👏Scorecard ▶️ https://t.co/6XCYRtZLAi#INDvWI | @mflone_ pic.twitter.com/wiEGxX2pCt— BCCI (@BCCI) September 30, 2026ఇదీ చదవండి: గిల్ ప్ర‌పంచ రికార్డు.. వ‌న్డే చ‌రిత్ర‌లోనే ఫాస్టెస్ట్ డబుల్ సెంచ‌రీ

హ‌రారే వేదిక‌గా జింబాబ్వే వుమెన్‌తో జ‌రుగుతున్న మూడో వ‌న్డేలో వెస్టిండీస్ జ‌ట్టు కెప్టెన్ హేలీ మాథ్యూస్ సెంచ‌రీతో మెరిసింది. దీంతో వెస్టిండీస్ జ‌ట్టు నిర్ణీత 50 ఓవ‌ర్ల‌లో 5 వికెట్ల న‌ష్టానికి 271 ప‌రుగులు చేసింది. హేలీ మాథ్యూస్ (113 బంతుల్లో 118; 18 ఫోర్లు, ఒక సిక్స‌ర్‌) సెంచ‌రీ చేయ‌గా, వికెట్ కీప‌ర్ షిమెయిన్ క్యాంప్‌బెల్లె (119 బంతుల్లో 96) సెంచ‌రీ చేజార్చుకుంది. మిగిలిన బ్యాట‌ర్ల‌లో జన్నిలియా గ్లాస్కో (26 నాటౌట్‌), జ‌హారా క్లాక్స్‌ట‌న్ (11 నాటౌట్‌) చివ‌ర్లో మెరిశారు. జింబాబ్వే బౌల‌ర్ల‌లో నొమ్‌వెలో సిబండ, బిజా చెరో 2 వికెట్లు తీశారు. కాగా విండీస్ కెప్టెన్‌కు ఇది 14వ సెంచ‌రీ కాగా, అంత‌ర్జాతీయంగా 17వ సెంచ‌రీ కావ‌డం విశేషం. సూప‌ర్ ఫామ్‌లో ఉన్న హేలీ మాథ్యూస్ ఆరంభం నుంచే జింబాబ్వే బౌల‌ర్ల‌పై విరుచుకుప‌డింది. ఆమెకు తోడు షిమెయిన్ క్యాంప్‌బెల్లె కూడా జింబాబ్వే బౌల‌ర్ల‌ను ఒక ఆట ఆడుకుంది. ఈ ఇద్ద‌రు క‌లిసి రెండో వికెట్‌కు 160 ప‌రుగులు జోడించారు. ఇక ఇదే సిరీస్‌లో తొలి వ‌న్డేలో హేలీ మాథ్యూస్ 156 బంతుల్లో 182 ప‌రుగుల భారీ ఇన్నింగ్స్‌తో మెరిసిన సంగ‌తి తెలిసిందే. దీంతో తొలి వ‌న్డేలో విజ‌యం సాధించిన విండీస్‌కు రెండో వ‌న్డేలో మాత్రం జింబాబ్వే షాక్ ఇచ్చింది. ఆ మ్యాచ్‌లో జింబాబ్వే 4 వికెట్ల తేడాతో గెలుపొంది సిరీస్‌ను 1-1తో స‌మం చేసింది. A captain's knock from Hayley Matthews in the ODI series decider as she brings up another ton in Harare 💯👏📸: @windiescricket 📝: https://t.co/6rI12PWvYw pic.twitter.com/CdUAp3mTrc— ICC (@ICC) September 30, 2026ఇదీ చదవండి: IND Vs WI: చరిత్ర సృష్టించిన విండీస్‌ ఓపెనర్‌

గౌహతి వేదికగా వెస్టిండీస్‌తో జరిగిన రెండో వన్డేలో టీమిండియా 8 వికెట్ల తేడాతో ఘన విజయాన్ని అందుకుంది. కెప్టెన్ శుబ్‌మన్ గిల్ (133 బంతుల్లో 223 నాటౌట్‌, 26 ఫోర్లు, 8 సిక్సర్లు) అజేయ డబుల్ సెంచరీకి తోడు రోహిత్ శర్మ (101) సెంచరీ చేయడంతో విండీస్ విధించిన 406 పరుగుల భారీ టార్గెట్‌ను 43.3 ఓవర్లలోనే ఛేదించడం విశేషం. కోహ్లి (29), రుతురాజ్ గైక్వాడ్ (31 నాటౌట్‌) తమ వంతు పాత్ర పోషించారు. వెస్టిండీస్ బౌలర్లలో జైడన్ సీల్స్‌, షమర్ జోసెఫ్ చెరొక వికెట్ తీశారు.టీమిండియా కెప్టెన్‌ శుబ్‌మన్‌ గిల్‌ డబుల్‌ సెంచరీతో మెరిశాడు. 117 బంతుల్లో ద్విశతకం సాధించిన గిల్‌ ఇన్నింగ్స్‌లో 24 ఫోర్లు, 7 సిక్సర్లు ఉన్నాయి. భారత్‌ విజయానికి 34 పరుగులు అవసరం. రోహిత్‌ శర్మ ఔట్‌406 పరుగుల భారీ లక్ష్య ఛేదనతో బరిలోకి దిగిన టీమిండియా తొలి వికెట్ కోల్పోయింది. సెంచరీ చేసిన అనంతరం అలసిపోయినట్లుగా అనిపించిన రోహిత్ శర్మ (101) జైడన్ సీల్స్ బౌలింగ్‌లో ఎల్బీగా వెనుదిరిగాడు. ప్రస్తుతం భారత్ వికెట్ నష్టానికి 255 పరుగులు చేసింది.శుబ్‌మన్‌ గిల్‌ సెంచరీశుబ్‌మన్‌ గిల్‌ కేవలం 62 బంతుల్లోనే తన సెంచరీ పూర్తి చేసుకున్నాడు. గిల్‌కు 11వ సెంచరీ. 22 ఓవర్లకు భారత్‌ స్కోర్‌: 206-0ఫిఫ్టీ పూర్తి చేసుకున్న గిల్‌కెప్టెన్ శుబ్‌మ‌న్ గిల్ ఫిఫ్టీ పూర్తి చేసుకున్నాడు. ప్ర‌స్తుతం భార‌త్ 15 ఓవ‌ర్ల‌లో వికెట్ న‌ష్ట‌పోకుండా 136 ప‌రుగులు చేసింది. రోహిత్ శ‌ర్మ (71), గిల్ (59) క్రీజులో ఉన్నారు.రోహిత్‌ శర్మ ఫిప్టీరోహిత్‌ శర్మ దంచికొడుతున్నాడు. 33 బంతుల్లో తన హాఫ్‌ సెంచరీ మార్క్‌ను అందుకున్నాడు. 10 ఓవర్లకు విం‍డీస్‌ స్కోర్‌: 92/0స్లోగా ఆడుతున్న భార‌త బ్యాట‌ర్లు..406 ప‌రుగుల భారీ లక్ష్యంతో బ‌రిలోకి దిగిన టీమిండియా నిదానంగా ఇన్నింగ్స్‌ను ఆరంభించింది. 6 ఓవ‌ర్లు ముగిసేస‌రికి వికెట్ న‌ష్ట‌పోకుండా 44 ప‌రుగులు చేసింది. రోహిత్ శ‌ర్మ (23), శుబ్‌మ‌న్ గిల్ (19) క్రీజులో ఉన్నారు.నిర్ణీత 50 ఓవర్లలో ఏడు వికెట్ల నష్టానికి 405 పరుగుల మేర భారీ స్కోరు సాధించింది. ఓపెనర్‌ జాన్‌ కాంప్‌బెల్‌ (68 బంతుల్లో 101), కెప్టెన్‌ షాయీ హోప్‌ (94 బంతుల్లో 104), ఆమిర్‌ జాంగో (77 బంతుల్లో 114) మెరుపు శతకాలతో చెలరేగారు. Updates And Highlights48 ఓవర్లలో విండీస్‌ స్కోరు: 393-7రోస్టన్‌ చేజ్‌ 26, షమార్‌ జోసెఫ్‌ 6 పరుగులతో ఉన్నారు.ఏడో వికెట్‌ కోల్పోయిన విండీస్‌47.3వ ఓవర్‌: జడేజా బౌలింగ్‌లో రోహిత్‌కు క్యాచ్‌ ఇచ్చి పెవిలియన్‌ చేరిన అల్జారీ జోసెఫ్‌ (8)ఆరో వికెట్‌ కోల్పోయిన విండీస్‌45.1వ ఓవర్‌: కుల్దీప్‌యాదవ్‌ బౌలింగ్‌ కీమో పాల్‌ (3) కోహ్లికి క్యాచ్‌ ఇచ్చి అవుటయ్యాడు.45 ఓవర్లలో వెస్టిండీస్‌ స్కోరు: 369-5కీమో పాల్‌ 3, చేజ్‌ 20 పరుగులతో ఉన్నారు.ఐదో వికెట్‌ కోల్పోయిన విండీస్‌42.2వ ఓవర్‌: జడేజా బౌలింగ్‌లో రుతురాజ్‌కు క్యాచ్‌ ఇచ్చి పెవిలియన్‌ చేరిన జాంగో (114). స్కోరు: 348-5నాలుగో వికెట్‌ కోల్పోయిన విండీస్‌40.2వ ఓవర్‌: గుర్నూర్‌ బ్రార్‌ బౌలింగ్‌ షెర్ఫానే రూథర్‌ఫర్డ్‌ డకౌట్‌. రోస్టన్‌ చేజ్‌ క్రీజులోకి వచ్చాడు. స్కోరు: 331-4. జాంగూ 100 పరుగులతో ఉన్నాడు.జాంగో సెంచరీ40.1: 70 బంతులలో సెంచరీ చేసిన జాంగోహోప్‌ సెంచరీవిండీస్‌ కెప్టెన్‌ షాయ్‌ హోప్‌ 91 బంతుల్లో తన సెంచరీ మార్క్‌ను అందుకున్నాడు. 39 ఓవర్లకు విండీస్‌ స్కోర్‌: 323/2భారీ స్కోర్‌ దిశగా విండీస్‌గువాహటి వన్డేలో విండీస్‌ భారీ స్కోర్‌ దిశగా సాగుతోంది. 37 ఓవర్లు ముగిసే సరికి కరేబియన్‌ జట్టు రెండు వికెట్ల నష్టానికి 295 పరుగులు చేసింది. క్రీజులో జాంగూ 76, హోప్‌ 95 పరుగులతో ఉన్నారు. జాంగో అర్ధ శతకం32.3వ ఓవర్‌: బ్రార్‌ బౌలింగ్‌ రెండు పరుగులు తీసి.. 44 బంతుల్లో అర్ధ శతకం పూర్తి చేసుకున్న జాంగో. విండీస్‌ స్కోరు: 259-2(33). జాంగూ 51, హోప్‌ 83 పరుగులతో ఉన్నారు. 30 ఓవర్లలో విండీస్‌ స్కోరు: 234-2హోప్‌ 65, జాంగో 44 పరుగులతో ఉన్నారు.కెప్టెన్‌ హాఫ్‌ సెంచరీ23.2వ ఓవర్‌: నమన్‌ ధిర్‌ బౌలింగ్‌లో రెండు పరుగులు తీసి.. 50 బంతులలో అర్ద శతకం పూర్తి చేసుకున్న విండీస్‌ కెప్టెన్‌ షాయీ హోప్‌. విండీస్‌ స్కోరు: 192-2(24). హోప్‌ 51, జాంగో 18 పరుగులతో ఉన్నారు.రెండో వికెట్‌ కోల్పోయిన వెస్టిండీస్‌18.2వ ఓవర్‌: గుర్నూర్‌ బ్రార్‌ బౌలింగ్‌లో నమన్‌ ధిర్‌కు క్యాచ్‌ ఇచ్చి పెవిలియన్‌ చేరిన సెంచరీ వీరుడు క్యాంప్‌బెల్‌ (68 బంతుల్లో 101). విండీస్‌ స్కోరు: 151-2. ఆమిర్‌ జాంగో క్రీజులోకి రాగా హోప్‌ 26 పరుగులతో ఉన్నాడు.క్యాంప్‌బెల్‌ సెంచరీజాన్‌ క్యాంప్‌బెల్‌ కేవలం 65 బంతుల్లో తన రెండో వన్డే సెంచరీ మార్క్‌ను అందుకున్నాడు. అతడి ఇన్నింగ్స్‌లో 9 ఫోర్లు, 5 సిక్స్‌లు ఉన్నాయి.చెలరేగి ఆడుతున్న క్యాంప్‌బెల్‌10 ఓవర్లకు విండీస్‌ వికెట్‌ నష్టానికి 96 పరుగులు చేసింది. క్రీజులో జాన్‌ క్యాంప్‌బెల్‌(69), హోప్‌(12) ఉన్నారు.క్యాంప్‌బెల్‌ ఫిప్టీవిండీస్‌ ఓపెనర్‌ జాన్‌ క్యాంప్‌బెల్‌ కేవలం 29 బంతుల్లోనే 7 ఫోర్లు, మూడు సిక్స్‌లతో తన హాఫ్‌ సెంచరీని పూర్తి చేసుకున్నాడు.విండీస్‌ తొలి వికెట్‌ డౌన్‌5వ ఓవర్‌: వెస్టిండీస్‌ తొలి వికెట్‌ కోల్పోయింది. 9 పరుగులు చేసిన ఓపెనర్‌ కీస్‌ కార్టీ.. ప్రసిద్ద్‌ కృష్ణ బౌలింగ్‌లో ఔటయ్యాడు.దూకుడుగా ఆడుతున్న విండీస్‌ ఓపెనర్లువిండీస్‌ ఓపెనర్లు జాప్‌ క్యాంప్‌బెల్‌(22), కీస్‌ కార్టీ(9) దూకుడుగా ఆడుతున్నారు. 5 ఓవర్లు ముగిసే సరికి వెస్టిండీస్‌ జట్టు వికెట్‌ నష్టపోకుండా 37 పరుగులు చేసింది.గువాహటి వేదికగా రెండో వన్డేలో భారత్‌-వెస్టిండీస్‌ జట్లు తలపడుతున్నాయి. ఈ మ్యాచ్‌లో టాస్‌ గెలిచిన టీమిండియా కెప్టెన్‌ శుబ్‌మన్‌ గిల్‌ తొలుత బౌలింగ్‌ ఎంచుకున్నాడు. ఈ మ్యాచ్‌లో మెన్‌ ఇన్‌ బ్లూ ఓ మార్పుతో బరిలోకి దిగింది. ఆల్‌రౌండర్‌ నితీశ్‌కుమార్‌ రెడ్డి స్ధానంలో పేసర్‌ అకిబ్‌ నబీ అరంగేట్రం చేశాడు. మరోవైపు విండీస్‌ ఏకంగా నాలుగు మార్పులతో బరిలోకి దిగింది.భారత్‌ వర్సెస్‌ వెస్టిండీస్‌ రెండో వన్డే తుదిజట్లుభారత్‌రోహిత్‌ శర్మ, శుబ్‌మన్‌ గిల్‌ (కెప్టెన్‌), విరాట్‌ కోహ్లి, రుతురాజ్‌ గైక్వాడ్‌, కేఎల్‌ రాహుల్‌ (వికెట్‌ కీపర్‌), నమన్‌ ధిర్‌, రవీంద్ర జడేజా, ఆకిబ్‌ నబీ, గుర్నూర్‌ బ్రార్‌, కుల్దీప్‌ యాదవ్‌, ప్రసిద్‌ కృష్ణవెస్టిండీస్‌జాన్‌ కాంప్‌బెల్‌, కేసీ కార్టీ, షాయీ హోప్‌ (కెప్టెన్‌, వికెట్‌ కీపర్‌), ఆమిర్‌ జాంగో, షెర్ఫానే రూథర్‌ఫర్డ్‌, రోస్టన్‌ ఛేజ్‌, కీమో పాల్‌, అల్జారీ జోసెఫ్‌, షమార్‌ జోసెఫ్‌, జేడన్‌ సీల్స్‌, విటెల్‌ లావెస్‌

బర్సపరా స్టేడియంలో వెస్టిండీస్‌తో రెండో వన్డేలో టాస్‌ గెలిచిన టీమిండియా తొలుత బౌలింగ్‌ ఎంచుకుంది. ఈ సందర్భంగా కెప్టెన్‌ శుబ్‌మన్‌ గిల్‌ మాట్లాడుతూ.. ‘‘పిచ్‌ కాస్త ఎక్కువగా పచ్చికతో కూడి ఉంది. ఇక్కడ మంచు ఎక్కువగా ఉండేట్లు కనిపిస్తోంది. కాబట్టి మా బౌలర్లకు కఠిన సవాలు తప్పదు. మా జట్టులో ప్రతి ఒక్కరు బాగా ఆడుతున్నారు. ఆకిబ్‌ నబీ అరంగేట్రంమా తుదిజట్టులో ఒక మార్పు చేశాము. ఆకిబ్‌ నబీ అరంగేట్రం చేస్తున్నాడు’’ అని తెలిపాడు. పేస్‌ బౌలింగ్‌ ఆల్‌రౌండర్‌ నితీశ్‌ కుమార్‌ రెడ్డి స్థానంలో నబీ తుదిజట్టులోకి వచ్చినట్లు గిల్‌ వెల్లడించాడు. కాగా సీనియర్‌ బ్యాటర్‌ కేఎల్‌ రాహుల్‌ చేతుల మీదుగా నబీ టీమిండియా క్యాప్‌ అందుకున్నాడు.🚨 Toss 🚨#TeamIndia have won the toss and elected to bowl first in the 2️⃣nd ODI.Updates ▶️ https://t.co/6XCYRtZLAi#INDvWI | @mflone_ pic.twitter.com/F7QLtGTYxJ— BCCI (@BCCI) September 30, 2026మరోవైపు.. వెస్టిండీస్‌ ప్లేయింగ్‌ ఎలెవన్‌లో నాలుగు మార్పులు చోటు చేసుకున్నాయి. జస్టిన్‌ గ్రీవ్స్‌, జువెల్‌ ఆండ్రూ, మాథ్యూ ఫోర్డె, గుడకేశ్‌ మోటి స్థానాల్లో షెర్ఫానే రూథర్‌ఫర్డ్‌, కీమో పాల్‌, షమార్‌ జోసెఫ్‌, విటెల్‌ లావెస్‌ వచ్చారు.1-0తో ఆధిక్యంలోకాగా మూడు వన్డేలు, ఐదు టీ20 మ్యాచ్‌ల సిరీస్‌లు ఆడేందుకు కరేబియన్‌ జట్టు భారత పర్యటనకు వచ్చిన సంగతి తెలిసిందే. ఇందులో భాగంగా తిరువనంతపురంలో జరిగిన తొలి వన్డేలో భారత్‌ విండీస్‌ను ఎనిమిది వికెట్ల తేడాతో ఓడించి 1-0తో ఆధిక్యంలో ఉంది. తాజాగా గువాహటి వేదికగా బుధవారం నాటి రెండో వన్డేలోనూ గెలిచి సిరీస్‌ను సొంతం చేసుకోవాలనే పట్టుదలతో ఉంది.ఎవరీ ఆకిబ్‌ నబీ?జమ్మూ కశ్మీర్‌కు చెందిన ఆకిబ్‌ నబీ ఫాస్ట్‌ బౌలర్‌. గత రెండు రంజీ ట్రోఫీ ఎడిషన్లలో కలిపి 29 ఏళ్ల ఈ రైటార్మ్‌ పేసర్‌ వందకు పైగా వికెట్లు పడగొట్టాడు.ఇక గత సీజన్లో ఏకంగా 60 వికెట్లు కూల్చి టీమిండియా సెలక్టర్ల దృష్టిని ఆకర్షించాడు. ఇందులో ఏకంగా ఎనిమిది సార్లు నబీ ఐదు వికెట్ల ప్రదర్శన నమోదు చేయడం గమనార్హం.అయితే, రంజీల్లో సత్తా చాటినప్పటికీ ఆకిబ్‌ నబీకి ఇంత వరకు టెస్టుల్లో అరంగేట్రం చేసే అవకాశం రాలేదు. ఇటీవల శ్రీలంకతో టెస్టు సిరీస్‌కు ఎంపికైనప్పటికీ బెంచ్‌కే పరిమితమయ్యాడు. అయితే, అనూహ్య రీతిలో వన్డేల్లో తాజాగా అడుగుపెట్టాడు.భారత్‌ వర్సెస్‌ వెస్టిండీస్‌ రెండో వన్డే తుదిజట్లుభారత్‌రోహిత్‌ శర్మ, శుబ్‌మన్‌ గిల్‌ (కెప్టెన్‌), విరాట్‌ కోహ్లి, రుతురాజ్‌ గైక్వాడ్‌, కేఎల్‌ రాహుల్‌ (వికెట్‌ కీపర్‌), నమన్‌ ధిర్‌, రవీంద్ర జడేజా, ఆకిబ్‌ నబీ, గుర్నూర్‌ బ్రార్‌, కుల్దీప్‌ యాదవ్‌, ప్రసిద్‌ కృష్ణవెస్టిండీస్‌జాన్‌ కాంప్‌బెల్‌, కేసీ కార్టీ, షాయీ హోప్‌ (కెప్టెన్‌, వికెట్‌ కీపర్‌), ఆమిర్‌ జాంగో, షెర్ఫానే రూథర్‌ఫర్డ్‌, రోస్టన్‌ ఛేజ్‌, కీమో పాల్‌, అల్జారీ జోసెఫ్‌, షమార్‌ జోసెఫ్‌, జేడన్‌ సీల్స్‌, విటెల్‌ లావెస్‌చదవండి: భారత్‌తో రెండో టెస్టు.. ఆసీస్‌ ఆలౌట్‌

టీమిండియా సిరీస్‌ విజయంపై కన్నేసింది. వెస్టిండీస్‌తో తొలి వన్డేలో ఘన విజయం సాధించిన శుబ్‌మన్‌ గిల్‌ సేన..‍ బుధవారం నాటి రెండో మ్యాచ్‌లోనూ గెలిచి గువాహటిలోనే పనిపూర్తి చేయాలని పట్టుదలగా ఉంది.ఈ నేపథ్యంలో భారత తుదిజట్టు కూర్పు గురించి టీమిండియా మాజీ క్రికెటర్‌ దినేశ్‌ కార్తిక్‌ (డీకే) ఆసక్తికర వ్యాఖ్యలు చేశాడు. పేస్‌ విభాగంలో రెండు మార్పులు చేసి.. బెంచ్‌ బలాన్ని పరీక్షించాలని యాజమాన్యానికి సూచించాడు. కాగా తిరువనంతపురం వేదికగా విండీస్‌తో తొలి వన్డేలో భారత్‌ ఇద్దరు పేసర్లతో బరిలోకి దిగింది.ఆ ఇద్దరు తుదిజట్టులోసీనియర్‌ పేసర్‌ మహ్మద్‌ సిరాజ్‌ను పక్కనపెట్టి.. ప్రసిద్‌ కృష్ణ, గుర్నూర్‌ బ్రార్‌లను ఆడించింది. ప్రసిద్‌ 10 ఓవర్ల కోటాలో 60 పరుగులు ఇచ్చి రెండు వికెట్లు తీయగా.. బ్రార్‌ ప్రసిద్‌ మాదిరే కోటా పూర్తి చేసి 60 పరుగులు ఇచ్చి వికెట్‌ మాత్రం తీయలేకపోయాడు. ఇక సిరాజ్‌తో పాటు జమ్మూ కశ్మీర్‌ ఎక్స్‌ప్రెస్‌ ఆకిబ్‌ నబీ కూడా బెంచ్‌కే పరిమితమయ్యాడు.ఈ ఇద్దరిని ఆడిస్తే బెటర్‌ఈ నేపథ్యంలో డీకే మాట్లాడుతూ.. ‘‘ప్రసిద్‌ కృష్ణ లేదంటే గుర్నూర్‌ బ్రార్‌కు బదులు సిరాజ్‌ను తీసుకువస్తారని అనుకుంటున్నా. లేదంటే ఈ ఇద్దరినీ తొలగించి.. సిరాజ్‌తో పాటు నబీని ఆడిస్తే ఇంకా బాగుంటుంది.ఈ సిరీస్‌ ద్వారా బెంచ్‌ బలాన్ని పరీక్షిస్తే.. వన్డే ప్రపంచకప్‌ టోర్నీకి ముందు మనకు కావాల్సిన అత్యుత్తమ కూర్పు ఏదో తెలిసిపోతుంది. వారి బౌలింగ్‌ ప్రమాణాలు, స్థాయి ఎలా ఉందో తెలుసుకునే అవకాశం దొరుకుతుంది. సిరాజ్‌ లేదంటే నబీ.. ఇద్దరిలో ఎవరో ఒకరినైనా కచ్చితంగా తీసుకోవాల్సి ఉంటుంది’’ అని అభిప్రాయపడ్డాడు.కాగా ప్రసిద్‌ కృష్ణ ఈ ఏడాది ఇప్పటికి ఎనిమిది వన్డేలు ఆడి 15 వికెట్లతో టాప్‌ వికెట్‌ టేకర్‌గా కొనసాగుతున్నాడు. మరోవైపు.. సిరాజ్‌ చివరగా జనవరిలో వన్డే ఆడాడు. ఇక రంజీ హీరో ఆకిబ్‌ నబీ ఇంత వరకు అరంగేట్రం చేయనేలేదు.వెస్టిండీస్‌తో రెండో వన్డేకు దినేశ్‌ కార్తిక్‌ ఎంచుకున్న భారత తుదిజట్టురోహిత్‌ శర్మ, శుబ్‌మన్‌ గిల్‌ (కెప్టెన్‌), విరాట్‌ కోహ్లి, రుతురాజ్‌ గైక్వాడ్‌, కేఎల్‌ రాహుల్‌ (వికెట్‌ కీపర్‌), నమన్‌ ధిర్‌, రవీంద్ర జడేజా, నితీశ్‌ కుమార్‌ రెడ్డి, మహ్మద్‌ సిరాజ్‌, కుల్దీప్‌ యాదవ్‌, ఆకిబ్‌ నబీ.చదవండి: కోహ్లి కచ్చితంగా పశ్చాత్తాప పడతాడు: టీమిండియా దిగ్గజ కెప్టెన్‌

విరాట్‌ కోహ్లి- రోహిత్‌ శర్మ.. దశాబ్దకాలానికి పైగా టీమిండియాకు సేవలు అందిస్తున్న ఈ దిగ్గజాలు ఒకరి సారథ్యంలో మరొకరు ఆడారు. తొలుత కోహ్లి టీమిండియా కెప్టెన్‌గా వ్యవహరించగా.. ఆ తర్వాత రోహిత్‌ నాయకుడిగా కోహ్లి స్థానాన్ని భర్తీ చేశాడు. ప్రస్తుతం ఈ ఇద్దరు లెజెండరీ బ్యాటర్లు యువ కెప్టెన్‌ శుబ్‌మన్‌ గిల్‌ సారథ్యంలో ఆడుతున్నారు.ఇప్పటికే అంతర్జాతీయ టీ20, టెస్టులకు వీడ్కోలు పలికిన రో-కో.. వన్డేల్లో మాత్రమే కొనసాగుతున్న సంగతి తెలిసిందే. అయితే, వీరిద్దరు వన్డే వరల్డ్‌కప్‌-2027లో ఆడతారా? లేదా? అన్న సందేహాల నడుమ ఇటీవలే ఇద్దరూ పూర్తి ఫామ్‌లోకి వచ్చేశారు.అప్పుడు హిట్‌మ్యాన్‌.. ఇప్పుడు కింగ్‌ఇంగ్లండ్‌లో లార్డ్స్‌ వన్డేలో రోహిత్‌ శతక్కొట్టగా.. తాజాగా వెస్టిండీస్‌తో తొలి వన్డే సందర్భంగా తిరువనంతపురంలో కోహ్లి రికార్డు స్థాయిలో 55వ సెంచరీ నమోదు చేశాడు. ఇక భారత్‌- విండీస్‌ మధ్య బుధవారం రెండో వన్డే జరుగనున్న తరుణంలో రోహిత్‌ శర్మ జియోస్టార్‌తో మాట్లాడుతూ.. మైదానంలో తాను, కోహ్లి ఏం మాట్లాడుకుంటామో వివరించాడు.ఎవరి బౌలింగ్‌లో దూకుడుగా ఆడాలి?‘‘వన్డే వరల్డ్‌కప్‌.. కోహ్లి ఇప్పటికే 2011, 15, 109, 23లో ఈ టోర్నీ ఆడాడు. ఇప్పటికి నాలుగు వన్డే ప్రపంచకప్‌ ఈవెంట్లు పూర్తి చేసుకున్నాడు. 2027 టోర్నీ అతడికి ఐదో వరల్డ్‌కప్‌. కాబట్టి అతడికి కొత్తగా చెప్పాల్సింది ఏమీ లేదు. కాబట్టి మేము దీని గురించి ఎక్కువగా చర్చించుకోము.అయితే, వరల్డ్‌కప్‌ టోర్నీ కోసం మేము చేయగలము అని మాత్రం చర్చించుకుంటాము. ముఖ్యంగా మైదానంలో బ్యాటింగ్‌ చేస్తున్న సమయంలో ఎవరి బౌలింగ్‌లో దూకుడుగా ఆడాలి.. ఎవరి బౌలింగ్‌లో సింగిల్స్‌ మాత్రమే తీయాలి అని మాట్లాడుకుంటాము.సోదరా.. కాస్త జాగ్రత్తగా పరిగెత్తుఎప్పుడైనా నాకు కాలు నొప్పిగా అనిపిస్తే వెంటనే కోహ్లితో.. ‘సోదరా.. కాస్త జాగ్రత్తగా పరిగెత్తు.. నా పరిస్థితి కాస్త బాలేదు’ అని ముందుగానే చెప్పేస్తా. దాంతో అందుకు తగినట్లుగానే సింగిల్స్‌ విషయంలో కోహ్లి నిర్ణయం తీసుకుంటాడు. మేము కలిసి ఆడటం మొదలుపెట్టిన నాటి నుంచి దాదాపుగా ఇలాంటి విషయాలే మాట్లాడుకుంటున్నాము.అప్పటికి, ఇప్పటికి ఏమీ మారలేదు. మైదానంలో మేమిద్దరం భిన్నమైన ఆటగాళ్లము. అయితే, మా లక్ష్యం మాత్రం జట్టును గెలిపించడమే. ఇప్పుడూ అంతే. వరల్డ్‌కప్‌ ఆడాలి, గెలవాలి.. జట్టు కోసం సర్వశక్తులు ధారబోయాలి.. కేవలం ఇది మాత్రమే మా మనసులో ఉంటుంది’’ అని రోహిత్‌ శర్మ చెప్పుకొచ్చాడు.చదవండి: ఆసీస్‌తో తొలి టెస్టు.. భారత ఓపెనర్‌ ప్రపంచ రికార్డు

సొంతగడ్డపై వెస్టిండీస్‌తో తొలి వన్డేలో ఘన విజయం సాధించిన టీమిండియా రెండో వన్డేకు సిద్ధమైంది. ఇరుజట్ల మధ్య బుధవారం (సెప్టెంబరు 30) జరిగే ఈ మ్యాచ్‌కు గువాహటిలోని బర్సపరా క్రికెట్‌ స్టేడియం వేదిక.తుదిజట్టులో మార్పు అనివార్యంఈ నేపథ్యంలో భారత మాజీ క్రికెటర్‌ ఆకాశ్‌ చోప్రా టీమిండియా యాజమాన్యానికి కీలక సూచన చేశాడు. తుదిజట్టులో ఒక మార్పు చేయక తప్పదని.. నమన్‌ ధిర్‌ను తప్పించాలని సూచించాడు. కాగా పంజాబ్‌కు చెందిన నమన్‌ లిస్ట్‌- ఎ మ్యాచ్‌లలో 11 ఇన్నింగ్స్‌ ఆడి 351 పరుగులు చేశాడు.అందుకే అతడిని ఆడించారుఐపీఎల్‌లో ముంబై ఇండియన్స్‌ తరఫున ఆడి అనుభవం కూడా నమన్‌కు ఉంది. అయితే, అతడిని స్పిన్‌ బౌలింగ్‌ ఆల్‌రౌండర్‌గా పరిగణిస్తూ విండీస్‌ తొలి వన్డే సందర్భంగా టీమిండియా యాజమాన్యం అరంగేట్రం చేయించింది. వాషింగ్టన్‌ సుందర్‌, అక్షర్‌ పటేల్‌ జట్టుతో లేని కారణంగా.. రవీంద్ర జడేజా, కుల్దీప్‌ యాదవ్‌లతో పాటు నమన్‌ను ప్లేయింగ్‌ ఎలెవన్‌లో ఆడించింది. లోయర్‌లో బ్యాటింగ్‌కు పనికివస్తాడని ఈ నిర్ణయం తీసుకుంది.ఈ మ్యాచ్‌లో నమర్‌ ధిర్‌ ఐదు ఓవర్ల బౌలింగ్‌లో 33 పరుగులు ఇచ్చి వికెట్‌ తీయలేకపోయాడు. ఇక లక్ష్య ఛేదనలో విరాట్‌ కోహ్లి, కెప్టెన్‌ శుబ్‌మన్‌ గిల్‌ శతకాలతో చెలరేగిన కారణంగా.. అతడికి బ్యాటింగ్‌ చేయాల్సిన అవసరమే రాలేదు. ఈ నేపథ్యంలో నమన్‌ పేరుకే ఆల్‌రౌండర్‌ అని.. కానీ అతడికి బౌలర్‌గా రాణించే సత్తా లేదని మాజీ కెప్టెన్‌ క్రిష్ణమాచారి శ్రీకాంత్‌ వంటి వారు విమర్శించారు.ఈ మ్యాచ్‌కు అతడు పనికిరాడుతాజాగా మరో మాజీ క్రికెటర్‌, కామెంటేటర్‌ ఆకాశ్‌ చోప్రా సైతం 26 ఏళ్ల నమన్‌ ధిర్‌ ఎంపికను ప్రశ్నించాడు. రెండో వన్డే తుదిజట్టు నుంచి అతడిని తొలగించి.. సీనియర్‌ పేసర్‌ మహ్మద్‌ సిరాజ్‌ను ఆడించాలని సూచించాడు. ఇందుకు గల కారణాలు విశ్లేషిస్తూ..‘‘టాస్‌ మన నియంత్రణలో లేని అంశం. ఒకవేళ బర్సపరా స్టేడియంలో మనం లైట్ల వెలుగులో బౌలింగ్‌ చేయాల్సి వస్తే పరిస్థితి భిన్నంగా ఉంటుంది. అక్కడ మంచు ఎక్కువగా ఉంటుంది. కాబట్టి మహ్మద్‌ సిరాజ్‌ను ఎందుకు తుదిజట్టులోకి తీసుకోకూడదు?.. తప్పకుండా ఆడించవచ్చు.సిరాజ్‌ ఆడితే బెటర్‌దీనర్థం నేను నమన్‌ ధిర్‌కు వ్యతిరేకం అని కాదు. సిరాజ్‌ను ఆడిస్తే జట్టుకు ఉపయోగకరంగా ఉంటుంది. ఎందుకంటే నమన్‌ కేవలం పార్ట్‌టైమ్‌ బౌలర్‌ మాత్రమే. అతడు వికెట్లు తీయలేడు. ఒకవేళ తేమ ఎక్కువగా ఉందంటే అతడు ఒక్క ఓవర్‌ కూడా వేయలేడు.అలాంటపుడు నలుగురు బౌలర్లతో రంగంలోకి దిగాల్సి ఉంటుంది. బ్యాటింగ్‌ ఆర్డర్‌లో డెప్త్‌ కోసమని.. ఎనిమిదో స్థానంలో బ్యాటింగ్‌ ఆప్షన్‌ కావాలనే ఆలోచనతో నమన్‌ను ఆడించవద్దు. గువాహటి మ్యాచ్‌కు మాత్రం నమన్‌ సరైన ఆప్షన్‌ కానేకాదు’’ అని ఆకాశ్‌ చోప్రా తన అభిప్రాయాలను పంచుకున్నాడు. కాగా సిరాజ్‌ చివరగా ఈ ఏడాది న్యూజిలాండ్‌తో సిరీస్‌ సందర్భంగా వన్డే ఆడాడు.వెస్టిండీస్‌ తొలి వన్డేలో ఆడిన భారత తుదిజట్టురోహిత్‌ శర్మ, శుబ్‌మన్‌ గిల్‌ (కెప్టెన్‌), విరాట్‌ కోహ్లి, రుతురాజ్‌ గైక్వాడ్‌, కేఎల్‌ రాహుల్‌ (వికెట్‌ కీపర్‌), నమన్‌ ధిర్‌, రవీంద్ర జడేజా, నితీశ్‌ కుమార్‌ రెడ్డి, గుర్నూర్‌ బ్రార్‌, కుల్దీప్‌ యాదవ్‌, ప్రసిద్‌ కృష్ణ.రెండో వన్డేకు ఆకాశ్‌ చోప్రా ఎంచుకున్న భారత తుదిజట్టురోహిత్‌ శర్మ, శుబ్‌మన్‌ గిల్‌ (కెప్టెన్‌), విరాట్‌ కోహ్లి, రుతురాజ్‌ గైక్వాడ్‌, కేఎల్‌ రాహుల్‌ (వికెట్‌ కీపర్‌), రవీంద్ర జడేజా, నితీశ్‌ కుమార్‌ రెడ్డి, గుర్నూర్‌ బ్రార్‌, కుల్దీప్‌ యాదవ్‌, ప్రసిద్‌ కృష్ణ, మహ్మద్‌ సిరాజ్‌.చదవండి: ఆసీస్‌తో తొలి టెస్టు.. భారత ఓపెనర్‌ ప్రపంచ రికార్డు

స్వదేశంలో వెస్టిండీస్‌తో వన్డే సిరీస్‌లో టీమిండియా శుభారంభం అందుకుంది. తిరువనంతపురంలో ఆదివారం జరిగిన తొలి వన్డేలో విండీస్‌ జట్టును ఎనిమిది వికెట్ల తేడాతో ఓడించింది. ఫలితంగా మూడు మ్యాచ్‌ల సిరీస్‌లో శుబ్‌మన్‌ గిల్‌ సేన 1-0తో ముందంజ వేసింది.ఈ క్రమంలో సంబరాల్లో మునిగిపోయిన టీమిండియా.. బస్సులో హోటల్‌కు తిరిగి వచ్చే క్రమంలో ఓ అపశ్రుతి చోటుచేసుకుంది. భారత దిగ్గజ ఓపెనర్‌ రోహిత్‌ శర్మ బస్సు దిగుతున్నపుడు అదుపు తప్పి కిందపడిపోయాడు. ఇందుకు సంబంధించిన దృశ్యాలు వైరల్‌గా మారాయి.32 పరుగులు చేసి అవుట్‌కాగా వెస్టిండీస్‌ విధించిన 296 పరుగుల లక్ష్యాన్ని ఛేదించే క్రమంలో రోహిత్‌ శర్మ.. 35 బంతుల్లో రెండు ఫోర్లు, మూడు సిక్సర్లు బాది 32 పరుగులు మాత్రమే చేయగలిగాడు. అల్జారీ జోసెఫ్‌ బౌలింగ్‌లో జువెల్‌ ఆండ్రూకు క్యాచ్‌ ఇవ్వడంతో హిట్‌మ్యాన్‌ పెవిలియన్‌ చేరాల్సి వచ్చింది.ఇక మరో ఓపెనర్‌, కెప్టెన్‌ శుబ్‌మన్‌ గిల్‌ (108 బంతుల్లో 110), వన్‌డౌన్‌ బ్యాటర్‌ విరాట్‌ కోహ్లి (88 బంతుల్లో 139 నాటౌట్‌) శతకాల మోత మోగించి టీమిండియాను గెలిపించారు. ఇదిలా ఉంటే.. విజయం తర్వాత భారత జట్టు టీమ్‌ బస్సులో హోటల్‌కు వెళ్లింది.Moment for the history books 📖The magical feeling of scaling Mt. 1⃣5⃣0⃣0⃣0⃣ ODI runs, ft. Virat Kohli 🏔️Updates ▶️ https://t.co/O2cs86p4gq#TeamIndia | #INDvWI | @mflone_ | @imVkohli pic.twitter.com/sbqA6KtBsr— BCCI (@BCCI) September 27, 2026బస్సు నుంచి పడిపోయిన రోహిత్‌బస్సు నుంచి దిగుతున్నపుడు రోహిత్‌ పట్టు తప్పి మెట్ల మీది నుంచి కిందపడిపోయాడు. పక్కన ఉన్న వాళ్లు వచ్చి అతడికి సాయం చేసి పక్కకు తీసుకువెళ్లారు. అప్పటికే సహచర ఆటగాళ్లు ముందుకు వెళ్లగా.. కోహ్లి వెనక్కి తిరిగి రోహిత్‌ పరిస్థితి చూసి షాకయ్యాడు. అంతా బాగానే ఉంది కదా అన్నట్లుగా ఎక్స్‌ప్రెషన్‌ ఇచ్చాడు. ఈ దృశ్యాలు వైరల్‌ కాగా.. ‘రో-కో.. మైదానం లోపల, వెలుపలా.. వారి స్నేహ బంధం గొప్పది’ అంటూ అభిమానులు కామెంట్లు చేస్తున్నారు.చదవండి: IND vs WI: అతడొక అద్భుతం.. మ్యాచ్‌ నేనే ముగించాల్సిందిRohit Sharma 𝗦𝗹𝗶𝗽𝗽𝗲𝗱 from the Bus 😱While returning to the hotel after winning the first ODI against the West Indies, Rohit Sharma slipped badly on the stairs of the team bus. 😥- Everyone was celebrating India's win, but Virat Kohli was 𝘀𝘁𝘂𝗻𝗻𝗲𝗱 to see Rohit. 😭 pic.twitter.com/T01Lf4tJsb— Mukku (@Cric_Mukku) September 28, 2026

‘‘మన మనసు, మెదడు స్వేచ్ఛగా నచ్చిన పని చేయాలంటే ముందుగా మన శరీరం ఫిట్‌గా ఉండాలి. లేదంటే అనుకున్నది ఏదీ సాధించలేము. నేను శారీరకంగా ఫిట్‌గా ఉంటేనే ఏవిధంగా బ్యాటింగ్‌ చేయగలనో ముందే ఊహించుకోగలుగుతాను.తద్వారా మ్యాచ్‌ సమయంలో అనుకున్న ప్రణాళికలను పక్కాగా అమలు చేయగలుగుతాను. ఈరోజు మాదిరే అత్యుత్తమంగా రాణించగలుగుతాను’’... వెస్టిండీస్‌తో తొలి వన్డేలో విజయం తర్వాత టీమిండియా దిగ్గజ బ్యాటర్‌ విరాట్‌ కోహ్లి చేసిన వ్యాఖ్యలు ఇవి.తిరువనంతపురం వేదికగా ఆదివారం నాటి మ్యాచ్‌లో 37 ఏళ్ల కోహ్లి.. 88 బంతుల్లో పది ఫోర్లు, తొమ్మిది సిక్సర్ల సాయంతో 139 పరుగులు చేసి అజేయంగా నిలిచాడు. సిక్సర్‌తో అర్ధ శతకం, శతకం పూర్తి చేసుకున్న కింగ్‌.. సిక్సర్‌తోనే టీమిండియా విజయాన్ని ఖరారు చేశాడు.ఈ క్రమంలో కోహ్లి మరోసారి ఫిట్‌నెస్‌ ప్రాధాన్యం గురించి చాటిచెప్పాడు. అయితే, కేవలం ఆట వరకు కాకుండా.. తన కుటుంబాన్ని కూడా ఇందులో భాగస్వామ్యం చేస్తున్నాడు కింగ్‌.భార్య కూడా అంతేఫిట్‌నెస్‌కు మారుపేరు కింగ్‌ కోహ్లి అనడంలో అతిశయోక్తి లేదు. అయితే, కోహ్లి మాదిరే అతడి సతీమణి, బాలీవుడ్‌ హీరోయిన్‌ అనుష్క శర్మ కూడా ఫిట్‌నెస్‌ ఫ్రీక్‌. వీరిద్దరు ఎల్లప్పుడూ చలాకీగా, ఆరోగ్యంగా ఉండటానికి కారణం వారి జీవన శైలే.అయితే, పిల్లలు వామికా, అకాయ్‌లకు విరుష్క జోడీ ఇప్పటి నుంచే ఆరోగ్యకరమైన అలవాట్లు చేస్తున్నారట. ఈ విషయం గురించి అనుష్క శర్మ స్వయంగా గతంలో ఓ ఈవెంట్లో రివీల్‌ చేశారు.కొన్నాళ్ల తర్వాత ఇదే అలవాటుగా మారిపోయింది‘‘మా కూతురు చాలా తొందరగా రాత్రి భోజనం కానిచ్చేస్తుంది. సాయంత్రం ఐదున్నర గంటల వరకే దాదాపుగా తన డిన్నర్‌ అయిపోతుంది. ఆ సమయంలో మేమిద్దరం మాత్రమే ఎక్కువగా కలిసి గడుపుతాము.అప్పుడు మాకు వీలైనంత ఎక్కువగా నిద్రపోయే సమయం దొరుకుతుంది. అకాయ్‌ విషయంలోనూ ఇదే జరుగుతోంది. ముందుగా సౌకర్యం కోసం మేము ఇలా చేసేవాళ్లం. కానీ కొన్నాళ్ల తర్వాత ఇదే అలవాటుగా మారిపోయింది. నేను కూడా నా పిల్లలతో పాటే ఐదున్నరకే భోజనం ముగించేస్తున్నాను.ఈ విషయంలో నేను చాలా స్పష్టతతో ఉంటాను. మా కుటుంబం తరచూ ప్రయాణాలు చేయాల్సి ఉంటుంది. అలా మా పిల్లలకు వివిధ రకాల అనుభవాలు దొరుకుతాయి. ఇది వాళ్ల జీవితంపై ప్రభావం చూపుతుంది. కాబట్టి ఎక్కడున్నా ఒకే రకమైన జీవనశైలి అలవరచుకునేలా ప్రణాళిక రూపొందించుకున్నాము.ఎక్కడున్నా సమయానికి తిని, పడుకోవాల్సిందేమేము ఎక్కడున్నా సరే సమయానికి భోజనం ముగించాల్సిందే. సరైన సమయానికి నిద్రపోవాల్సిందే. ఇందులో ఎలాంటి మార్పూ ఉండదు. విరాట్‌ కూడా ఒక్కోసారి పిల్లల కోసం స్వయంగా భోజనం వండుతాడు.మన సంప్రదాయ రుచులను పిల్లలకు కూడా పరిచయం చేయాలంటాడు. పాతతరం రుచులను కూడా వాళ్లు ఆస్వాదించాలనేది అతడి ఉద్దేశం’’ అనుష్క శర్మ ఓ ఈవెంట్లో తమ పిల్లల గురించి తీసుకుంటున్న జాగ్రత్తల గురించి వివరించింది.అదే విధంగా తానైనా, విరాట్‌ అయినా బలవంతంగా పిల్లలపై ఎలాంటి అలవాట్లు రుద్దమని.. ప్రతీ విషయాన్ని వారికి అర్థమయ్యేలా చెప్పి నచ్చిన మార్గం ఎంచుకోమని చెప్తామని గతంలో ఓ ఈవెంట్లో పేర్కొంది. ఇందుకు ఉదాహరణగా..నా కూతురికి ఐస్‌క్రీం అంటే పిచ్చి‘‘ఓరోజు నేను వామికను ఐస్‌క్రీం మ్యూజియంకు తీసుకువెళ్లాను. నిజానికి వామికకు ఐస్‌క్రీం అంటే చాలా ఇష్టం. ఒకరకంగా పిచ్చి అని కూడా చెప్పవచ్చు (నవ్వుతూ). ఆరోజు షాప్‌నకు వెళ్లిన తర్వాత వామికతో ఓ మాట చెప్పాను.‘నీకు నచ్చినంత ఐస్‌క్రీం తినేసెయ్‌’ అని చెప్పాను. అందుకు తను ఎంతో సంతోషించింది. కానీ రెండు లేదా మూడు కంటే ఎక్కువ ఐస్‌క్రీములు తినలేకపోయింది. నాకింక చాలు అమ్మా అనేసింది. ఇష్టం ఉన్నంత మాత్రాన ఆరోజు నా కూతురు పది ఐస్‌క్రీములు తినలేదు కదా!అన్నీ వివరంగా చెప్తానుపిల్లల అలవాట్లు మార్చే క్రమంలో కఠినంగా ఉండకుండా.. వారికి ఏది మంచో తెలియజేసేందుకు ఒక్కోసారి ఇలాంటివి చేయకతప్పదు. మనం నేరుగా వద్దని చెప్పామంటే పిల్లలు దానిని సానుకూలంగా తీసుకోలేరు. వాళ్లంతట వాళ్లే కొన్ని విషయాలు తెలుసుకునే ఆస్కారం ఇవ్వాలి.నేను తనకి వివిధ రకాల ఆహారాలను పరిచయం చేస్తూ వాటి వల్ల మనకు కలిగే మేలు, చెడు గురించి చెప్తాను. కొన్ని మనకు తక్షణ శక్తిని ఇస్తే.. మరికొన్ని హాని చేస్తాయని.. ఇంకొన్ని రోజంతా ఆడుకునేంత శక్తిని ఇస్తాయని చెప్పాను. ఒక్కోసారి తనకు ఇవన్నీ అర్థమయ్యేలా చెప్పేందుకు నాలోని నటిని బయటకు తీయాల్సి వస్తుంది (నవ్వుతూ)’’ అంటూ అనుష్క శర్మ పేరెంటింగ్‌ గురించి చెప్పుకొచ్చింది.చదవండి: ఓల్డేజ్‌ హోంలో వినోద్‌ కాంబ్లీ.. చెడు అలవాట్ల వల్ల జీవితం నాశనం!5⃣0⃣ up with a 6⃣ 👌1⃣0⃣0⃣ up with a 6⃣ 💪Virat Kohli meant business tonight 🔥Updates ▶️ https://t.co/O2cs86p4gq#TeamIndia | #INDvWI | @mflone_ | @imVkohli pic.twitter.com/mM52R4r2nF— BCCI (@BCCI) September 27, 2026

దాదాపు నాలుగేళ్ల తర్వాత భారత గడ్డ మీద వన్డే మ్యాచ్‌ ఆడిన వెస్టిండీస్‌ క్రికెట్‌ జట్టుకు చేదు అనుభవం ఎదురైంది. గత వైఫల్యాలను కొనసాగిస్తూ టీమిండియాతో ఆదివారం నాటి తొలి వన్డేలో కరేబియన్‌ జట్టు ఎనిమిది వికెట్ల తేడాతో చిత్తుగా ఓడింది. ఓపెనర్లు శుభారంభం అందించినప్పటికీ మిడిలార్డర్‌ దానిని కొనసాగించలేకపోయింది.టీమిండియా ఘన విజయంఫలితంగా నిర్ణీత యాభై ఓవర్లలో ఏడు వికెట్ల నష్టానికి విండీస్‌ జట్టు 295 పరుగులు చేసింది. ఈ లక్ష్యాన్ని ఆతిథ్య భారత్‌ 41.4 ఓవర్లలో కేవలం రెండు వికెట్లు నష్టపోయి ఛేదించింది. వెస్టిండీస్‌ బౌలింగ్‌ విభాగం కూడా తేలిపోవడంతో టీమిండియా ఈ మేరకు సునాయాస విజయం సాధించగలిగింది.అలా చేస్తే ఫలితం వేరుగా ఉండేదిఈ నేపథ్యంలో విండీస్‌ కెప్టెన్‌ షాయీ హోప్‌ తమ ఓటమి​కి గల కారణాలు విశ్లేషించాడు. ‘‘కచ్చితంగా మేము కాస్త భిన్నంగా ఆడి ఉండాల్సింది. మరిన్ని పరుగులు రాబట్టగలిగితే ఫలితం వేరేలా ఉండేది. భారత్‌లోని పిచ్‌లు బాగుంటాయి. ఇక్కడ మనం ఎన్ని ఎక్కువ పరుగులు చేస్తే విజయావకాశాలు అంత మెరుగ్గా ఉంటాయి.అదే తీవ్ర ప్రభావం చూపిందినిజాయితీగా చెప్పాలంటే మేము 60- 80 పరుగులు వెనుకబడి ఉన్నాము. ఇక 290 పరుగుల మేర లక్ష్యాన్ని కాపాడుకోవాలంటే గొప్పగా బౌలింగ్‌ చేయాల్సి ఉంటుంది. మా బౌలర్లు కాస్త మెరుగ్గానే ఆరంభించారు. అయితే, మధ్య ఓవర్లలో ఓవర్‌కు ఏడు కంటే ఎక్కువ పరుగులు ఇవ్వడం కచ్చితంగా తీవ్ర ప్రభావం చూపింది.ఫీల్డింగ్‌లో కూడా రెండు మూడు ఘోర తప్పిదాలు చేశాము. ఏదేమైనా మా ఓపెనింగ్‌ బ్యాటర్ల జోడీ మాత్రం అద్భుతంగా రాణించింది. వాళ్లు మాకు గొప్ప ఆరంభం అందించారు. భారీ స్కోరుకు పునాది వేసి.. మమ్మల్ని పోటీలో నిలిపారు. కానీ మిడిలార్డర్‌లో మాకు ఇబ్బందులు ఎదురయ్యాయి. అయితే, జాంగో పరిస్థితులు చక్కదిద్దే ప్రయత్నం చేశాడు.ముందుగా చెప్పినట్లు మరిన్ని పరుగులు చేసి ఉంటే ఫలితం వేరుగా ఉండేది. ఓటమి నుంచి పాఠాలు నేర్చుకుంటాము’’ అని షాయీ హోప్‌ పేర్కొన్నాడు. సమిష్టి వైఫల్యమే తమ కొంప ముంచిందని పరోక్షంగా చెప్పుకొచ్చాడు. కాగా తిరువనంతపురంలో టాస్‌ ఓడిన వెస్టిండీస్‌ తొలుత బ్యాటింగ్‌కు దిగింది.#KuldeepYadav makes an instant impact! 🔥The partnership is broken and India have their first wicket!#INDvWI 1st ODI 👉 LIVE NOW 👉 https://t.co/zk2ABY21JG pic.twitter.com/w1tveUomaG— Star Sports (@StarSportsIndia) September 27, 2026గ్రీవ్స్‌ శతకంఓపెనర్లలో జాన్‌ కాంప్‌బెల్‌ అర్ధ శతకం (60 బంతుల్లో 62) సాధించగా.. జస్టిన్‌ గ్రీవ్స్‌ (108 బంతుల్లో 101) శతక్కొట్టాడు. అయితే, వన్‌డౌన్‌ బ్యాటర్‌ కేసీ కార్టీ (31 బంతుల్లో 13) దారుణంగా విఫలం కాగా.. కెప్టెన్‌ షాయీ హోప్‌ (11 బంతుల్లో 12) పూర్తిగా నిరాశపరిచాడు. ఐదో నంబర్‌ బ్యాటర్‌ అమీర్‌ జాంగో 43 బంతుల్లో 58 పరుగులతో అజేయంగా నిలిచాడు.బౌలర్లు విఫలంఇక విండీస్‌ బౌలర్లలో అల్జారీ జోసెఫ్‌ తొమ్మిది ఓవర్ల బౌలింగ్‌లో ఏకంగా 81 పరుగులు సమర్పించుకుని కేవలం ఒకే ఒక్క వికెట్‌ తీశాడు. మిగిలిన వారిలో జేడన్‌ సీల్స్‌ పొదుపుగా బౌలింగ్‌ చేశాడు. ఏడు ఓవర్లలో 32 పరుగులే ఇచ్చాడు. అయితే, బ్యాటింగ్‌ ఆల్‌రౌండర్‌ కేసీ కార్టీ కేవలం నాలుగు బంతుల్లోనే 17 పరుగులు ఇచ్చుకున్నాడు. కాగా విండీస్‌ చివరగా 2021-22లో భారత్‌లో వన్డే సిరీస్‌ ఆడి.. టీమిండియా చేతిలో 3-0తో క్లీన్‌స్వీప్‌ అయింది.చదవండి: గిల్‌- ​కోహ్లి శతక మోత!..మ్యాచ్‌ సాగిందిలాఇదీ చదవండి: అతడొక అద్భుతం..మ్యాచ్‌ నేనే ముగించాల్సింది: గిల్‌

వెస్టిండీస్‌తో వన్డే సిరీస్‌ను టీమిండియా ఘనంగా ఆరంభించింది. తిరువనంతపురం వేదికగా ఆదివారం నాటి మ్యాచ్‌లో ఎనిమిది వికెట్ల తేడాతో జయభేరి మోగించి.. మూడు మ్యాచ్‌ల సిరీస్‌లో 1-0తో ఆధిక్యంలోకి వెళ్లింది.విధ్వంసకర శతకంవిండీస్‌పై గెలుపులో టీమిండియా దిగ్గజ బ్యాటర్‌ విరాట్‌ కోహ్లి కీలక పాత్ర పోషించాడు. కరేబియన్‌ జట్టు విధించిన 296 పరుగుల లక్ష్యాన్ని ఛేదించే క్రమంలో ఆకాశమే హద్దుగా చెలరేగి పరుగుల విధ్వంసం సృష్టించాడు. శతకమోత మోగించిన ఈ వన్‌డౌన్‌ బ్యాటర్‌ కేవలం 88 బంతుల్లోనే పది ఫోర్లు, తొమ్మిది సిక్సర్ల సాయంతో 139 పరుగులు సాధించాడు. సిక్సర్‌తో మ్యాచ్‌ను ముగించి జట్టు విజయాన్ని ఖరారు చేశాడు.5⃣0⃣ up with a 6⃣ 👌1⃣0⃣0⃣ up with a 6⃣ 💪Virat Kohli meant business tonight 🔥Updates ▶️ https://t.co/O2cs86p4gq#TeamIndia | #INDvWI | @mflone_ | @imVkohli pic.twitter.com/mM52R4r2nF— BCCI (@BCCI) September 27, 2026ప్రపంచ రికార్డు మరింత బలోపేతంకాగా కోహ్లికి వన్డేల్లో ఇది 55వ సెంచరీ. తద్వారా అంతర్జాతీయ క్రికెట్‌ వన్డే చరిత్రలో అత్యధిక శతకాల వీరుడిగా తన ప్రపంచ రికార్డును కింగ్‌ మరింత బలోపేతం చేసుకున్నాడు. వన్డే ప్రపంచకప్‌-2027 తాను పూర్తి స్థాయిలో సిద్ధంగా ఉన్నానని మరోసారి ఆటతోనే విమర్శకుల నోళ్లు మూయించాడు.మునుపటి కన్నా గొప్పగా.. ప్రమాదకర బ్యాటర్‌గాఈ నేపథ్యంలో టీమిండియా వన్డే కెప్టెన్‌, మరో శతక వీరుడు శుబ్‌మన్‌ గిల్‌ స్పందిస్తూ ఆసక్తికర వ్యాఖ్యలు చేశాడు. ‘‘కోహ్లి భయ్యా అద్భుతంగా బ్యాటింగ్‌ చేస్తున్నాడు. మునుపటి కన్నా మరింత గొప్పగా ఆటను ఆస్వాదిస్తున్నాడు. స్వేచ్ఛగా బ్యాట్‌ను ఝలిపిస్తున్నాడు.అందుకు తగ్గ ప్రతిఫలాన్ని మనం చూశాము. ఆయనకు ఇలాంటివి కొత్త కాదు. బౌండరీల వర్షం కురిపించడం అలవాటే. ఇప్పుడు కూడా సరైన దారిలోనే ఉన్నాడు. చెప్పాలంటే గతం కంటే మరింత డేంజరస్‌ బ్యాటర్‌గా మారిపోయాడు. కెప్టెన్‌గా కోహ్లి భయ్యాకు వీలైనంత ఎక్కువ స్వేచ్చను ఇస్తాను. దేశం కోసం ఇప్పటికే ఎన్నో మ్యాచ్‌లు గెలిపించాడు.కోహ్లి ఆడితే విజయం మనదే.. మ్యాచ్‌ నేనే ముగించాల్సిందిఇప్పటికీ అదే పని కొనసాగిస్తున్నాడు. కోహ్లి భయ్యా ఆడిన రోజు తప్పకుండా జట్టు గెలుస్తుంది’’ అని శుబ్‌మన్‌ గిల్‌ కోహ్లిపై ప్రశంసల వర్షం కురిపించాడు. అదే విధంగా తాను అవుట్‌ కాకుండా ఉండి ఉంటే బాగుండేదని గిల్‌ అన్నాడు. ‘‘ఏదేమైనా నేను (108 బంతుల్లో 110) అవుటైనపుడు చాలా బాధపడ్డాను. మ్యాచ్‌ నేనే ముగించి ఉంటే ఇంకా బాగుండేది.అయితే, నా ఇన్నింగ్స్‌ పట్ల సంతోషంగానే ఉన్నాను’’ అని గిల్‌ చెప్పుకొచ్చాడు. కాగా విండీస్‌తో తొలి వన్డేలో ఈ ఓపెనింగ్‌ బ్యాటర్‌ 108 బంతులు ఎదుర్కొని 13 ఫోర్లు, ఒక సిక్సర్‌ సాయంతో 110 పరుగులు చేశాడు. రోస్టన్‌ ఛేజ్‌ బౌలింగ్‌లో జువెల్‌ ఆండ్రూకు క్యాచ్‌ ఇవ్వడంతో గిల్‌ పెవిలియన్‌ చేరాల్సి వచ్చింది. ఇక ఈ మ్యాచ్‌లో నాలుగు వికెట్లు తీసిన భారత స్పిన్నర్‌ కుల్దీప్‌ యాదవ్‌కు ప్లేయర్‌ఆఫ్‌ ది మ్యాచ్‌ అవార్డు దక్కింది.That feeling when you bring up ODI century No. 10 🤌💙Captain @ShubmanGill taking a well-earned moment to soak in the applause 👏Updates ▶️ https://t.co/O2cs86p4gq#TeamIndia | #INDvWI | @mflone_ pic.twitter.com/395GvC34x5— BCCI (@BCCI) September 27, 2026చదవండి: Asian Games 2026 Cricket: సెమీ ఫైనల్‌లో టీమిండియా

ఇంగ్లండ్ పర్యటనలో టీ20 సిరీస్‌లో వైట్‌వాష్‌కు గురైన శ్రీలంక, తాజాగా వన్డే సిరీస్‌ను కూడా ఆతిథ్య జట్టుకు కోల్పోయింది. లండన్ వేదికగా ఆదివారం జరిగిన చివరి వన్డేలో శ్రీలంకపై ఇంగ్లండ్ 223 పరుగుల భారీ తేడాతో విజయాన్ని అందుకుంది. ఇంగ్లండ్ విధించిన 356 పరుగుల టార్గెట్‌ను ఛేదించే క్రమంలో శ్రీలంక 29.1 ఓవర్లలో 132 పరుగులకే కుప్పకూలింది. ఈ నేపథ్యంలో మూడు మ్యాచ్‌ల వన్డే సిరీస్‌ను ఇంగ్లండ్‌ 2-1తో సొంతం చేసుకుంది.లంక బ్యాటర్లలో కెప్టెన్ కుసాల్ మెండిస్ (35), జనిత్ లియానగె (19) పర్వాలేదనిపించారు. ఇంగ్లండ​ బౌలర్లలో లియామ్ డాసన్ 3 వికెట్లు తీయగా, గస్ అకిన్‌సన్ రెండు, సొన్ని బేకర్‌, రూట్‌, ఓవర్టన్ తలా ఒక వికెట్ తీశారు. అంతకముందు తొలుత బ్యాటింగ్ చేసిన ఇంగ్లండ్‌ 50 ఓవ‌ర్ల‌లో 6 వికెట్ల న‌ష్టానికి 355 ప‌రుగుల భారీ స్కోరు చేసింది. టామ్ బాంట‌న్ (126) సెంచ‌రీ చేయ‌గా, బ్రూక్ (77), జోర్డాన్ కాక్స్ (76) అర్థ‌సెంచ‌రీల‌తో రాణించారు. మిగతావారిలో విల్‌ జాక్స్‌ (25), జేమీ ఓవర్టన్‌ (21) పరుగులు చేశారు. లంక బౌల‌ర్ల‌లో అసితా ఫెర్నాండో మూడు, స‌చిందు రెండు వికెట్లు తీశారు. మొదటి 25 ఓవర్లలో 108 పరుగులు మాత్రమే చేసిన ఇంగ్లండ్‌ మిగతా 25 ఓవర్లలో 5 వికెట్లు కోల్పోయి 247 పరుగులు సాధించడం విశేషం. తొలి 25 ఓవర్లకు ఓవర్‌కు 4.32 రన్‌రేట్‌తో పరుగులు సాధించిన ఇంగ్లండ్‌ ఆ తర్వాతి 25 ఓవర్లలో 9.88 రన్‌రేట్‌తో పరుగులు రాబట్టింది. సెంచరీతో చెలరేగిన టామ్ బాంటన్‌కు ‘ప్లేయర్ ఆఫ్ ది మ్యాచ్‌’, సిరీస్‌లో 9 వికెట్లు తీసిన విల్ జాక్స్‌కు ‘ప్లేయర్ ఆఫ్ ది సిరీస్’ అవార్డు లభించింది.ఇదీ చదవండి: విరాట్‌ కోహ్లి ప్రపంచ రికార్డు

టీమిండియాతో వెస్టిండీస్‌, సౌతాఫ్రికాతో ఆస్ట్రేలియా.. ఇక శ్రీలంక‌తో ఇంగ్లండ్‌లు వ‌న్డే మ్యాచ్‌లు ఆడుతుండ‌డంతో 'సూప‌ర్ సండే' కాస్త 'సూప‌ర్ వ‌న్డే'లుగా మారిపోయింది. ఈ విష‌యం ప‌క్క‌న‌బెడితే.. శ్రీలంక‌తో జ‌రుగుతున్న మూడో వ‌న్డేలో ఇంగ్లండ్ కూడా భారీ స్కోరు దిశ‌గా సాగుతోంది. అయితే జ‌ట్టు సీనియ‌ర్ ఆట‌గాడు జో రూట్ మాత్రం అత్యంత చెత్త రికార్డును మూట‌గ‌ట్టుకున్నాడు. మ్యాచ్‌లో 37 బంతుల్లో 18 ప‌రుగులు చేసిన రూట్ జ‌నిత్ లియ‌నాగె బౌలింగ్‌లో ఎల్బీగా వెనుదిరిగాడు. ఇన్నింగ్స్ 16వ ఓవ‌ర్ తొలి బంతిని షాట్ ఆడే ప్ర‌య‌త్నంలో బంతి మిస్స‌య్యి అత‌డి ప్యాడ్ల‌కు తాకింది. లంక ఆట‌గాళ్లు అప్పీల్ చేసిన‌ప్ప‌టికీ, అంపైర్ నాటౌట్ ఇచ్చాడు. అయితే రివ్యూకు వెళ్లిన శ్రీలంక ఫ‌లితం సాధించింది. రిప్లేలో బంతి ప్యాడ్ల‌ను తాకుతూ ఆఫ్ స్టంప్‌ను ఎగురగొడుతున్న‌ట్లుగా చూపించింది. దీంతో రూట్ ఎల్బీగా పెవిలియ‌న్ చేరాడు. ఈ క్ర‌మంలోనే ఎల్బీడ‌బ్ల్యూల విష‌యంలో రూట్ చెత్త రికార్డు అందుకున్నాడు. ఈ ఏడాది క్యాలెండ‌ర్ ఇయ‌ర్‌లో అంత‌ర్జాతీయ క్రికెట్‌లో రూట్ 12 సార్లు ఎల్బీగా వెనుదిరిగాడు. త‌ద్వారా ఒకే క్యాలెండ‌ర్ ఇయ‌ర్‌లో అత్య‌ధిక సార్లు ఎల్బీగా వెనుదిరిగిన రెండో ఇంగ్లండ్ క్రికెట‌ర్‌గా రూట్ నిలిచాడు. గ‌తంలో 2007లో ఇంగ్లండ్ ఆల్‌రౌండ‌ర్ పాల్ కొలింగ్‌వుడ్ ఆ ఏడాదిలో 14 సార్లు ఎల్బీగా వెనుదిరిగి తొలి స్థానంలో ఉన్నాడు. ఓవ‌రాల్ జాబితాలో చెత్త రికార్డు సాధించిన‌ ఆరో క్రికెట‌ర్‌గా రూట్ ఉన్నాడు. సౌతాఫ్రికాకు చెందిన‌ ఆండ్రూ హ‌డ్స‌న్ (1994), న్యూజిలాండ్ ప్లేయ‌ర్‌ క్రిస్ హారిస్ (2002), బంగ్లాదేశ్ క్రికెట‌ర్‌ ఖ‌లీల్ మ‌సూద్ (2003), సౌతాఫ్రికా మాజీ కెప్టెన్‌ గ్రేమీ స్మిత్ (2006) త‌లో 12 సార్లు ఎల్బీగా వెనుదిరిగారు. అయితే పైన చెప్పుకున్న క్రికెట‌ర్లంతా 2010 టైమ్‌లైన్ కంటే ముందే ఆయా సంద‌ర్భాల్లో ఈ చెత్త ఫీట్‌ను సాధించారు. అయితే గ‌డిచిన ద‌శాబ్ద కాలంలో మాత్రం రూట్ మాత్ర‌మే ఒక క్యాలెండ‌ర్ ఇయ‌ర్‌లో ఇన్నిసార్లు ఎల్బీగా వెనుదిరగ‌డం గ‌మ‌నార్హం. ఇంగ్లండ్‌ భారీ స్కోరు..ఇక మ్యాచ్‌లో ఇంగ్లండ్ 50 ఓవ‌ర్ల‌లో 6 వికెట్ల న‌ష్టానికి 355 ప‌రుగుల భారీ స్కోరు చేసింది. టామ్ బాంట‌న్ (126) సెంచ‌రీ చేయ‌గా, బ్రూక్ (77), జోర్డాన్ కాక్స్ (76) అర్థ‌సెంచ‌రీల‌తో రాణించారు. మిగతావారిలో విల్‌ జాక్స్‌ (25), జేమీ ఓవర్టన్‌ (21) పరుగులు చేశారు. లంక బౌల‌ర్ల‌లో అసితా ఫెర్నాండో మూడు, స‌చిందు రెండు వికెట్లు తీశారు. మొదటి 25 ఓవర్లలో 108 పరుగులు మాత్రమే చేసిన ఇంగ్లండ్‌ మిగతా 25 ఓవర్లలో 5 వికెట్లు కోల్పోయి 247 పరుగులు సాధించడం విశేషం. తొలి 25 ఓవర్లకు ఓవర్‌కు 4.32 రన్‌రేట్‌తో పరుగులు సాధించిన ఇంగ్లండ్‌ ఆ తర్వాతి 25 ఓవర్లలో 9.88 రన్‌రేట్‌తో పరుగులు రాబట్టింది.ఇదీ చదవండి: మిల్ల‌ర్ ప్ర‌పంచ రికార్డు.. బవుమా సెంచరీ; సౌతాఫ్రికా భారీ స్కోరు

తిరువనంతపురం వేదికగా టీమిండియాతో జరుగుతున్న తొలి వన్డేలో వెస్టిండీస్ గౌరవప్రదమైన స్కోరు సాధించింది. విండీస్ ఓపెనర్ జస్టిన్ గ్రీవ్స్ సెంచరీతో విరుచుకుపడడంతో నిర్ణీత 50 ఓవర్లలో 7 వికెట్ల నష్టానికి 295 పరుగులు చేసింది. గ్రీవ్స్ (108 బంతుల్లో 101, 12 ఫోర్లు) శతకానికి తోడు మరో ఓపెనర్ జాన్ కాంప్‌బెల్ (62) అర్థశతకం సాధించాడు. వీరిద్దరు తొలి వికెట్‌కు 135 పరుగులు జోడించి జట్టుకు శుబారంభం అందించారు. ఈ దశలో భారత స్పిన్నర్ కుల్దీప్ యాదవ్ తన బౌలింగ్‌తో విండీస్ బ్యాటర్లను హడలెత్తించాడు. 19 ఓవర్లు ముగిసేసరికి ఒక్క వికెట్ కూడా కోల్పోని విండీస్ ఆ తర్వాత కుల్దీప్ మాయజాలంతో వరుసగా వికెట్లను చేజార్చుకుంది. జస్టిన్ గ్రీవ్స్‌, జువెల్ ఆండ్రూలను రెండు వరుస బంతుల్లో ఔట్ చేసిన కుల్దీప్ టీమిండియాకు బ్రేక్ ఇచ్చాడు. ఈ దశలో మిడిలార్డర్‌లో అమిర్ జాంగో (43 బంతుల్లో 58 నాటౌట్‌) మెరుపు ఇన్నింగ్స్‌కు తోడు ఆఖర్లో రోస్టన్ చేజ్ (24) పరుగులు చేయడంతో విండీస్ 290 పరుగుల మార్క్‌ను దాటగలిగింది. భారత బౌలర్లలో కుల్దీప్ యాదవ్ 4 వికెట్లు తీయడంతో పాటు పొదుపుగా బౌలింగ్ చేయగా, ప్రసిధ్ క్రిష్ణ రెండు వికెట్లు పడగొట్టాడు.అంతకముందు విండీస్‌తో తొలి వన్డే ద్వారా టీమిండియా తరఫున కొత్త ఆటగాడు అరంగేట్రం చేశాడు. పంజాబ్‌కు చెందిన 26 ఏళ్ల విధ్వంసకర బ్యాటర్‌ నమన్‌ ధిర్‌ ఈ మ్యాచ్‌తో తన అంతర్జాతీయ కెరీర్‌ను ప్రారంభించనున్నాడు. ఈ మ్యాచ్‌లో టీమిండియా టాస్‌ గెలిచి బౌలింగ్‌ ఎంచుకోగా.. గిల్ చేతుల మీదుగా నమన్‌ ధిర్ క్యాప్ అందుకున్నాడు.ఇదీ చదవండి: మిల్ల‌ర్ ప్ర‌పంచ రికార్డు.. బవుమా సెంచరీ; సౌతాఫ్రికా భారీ స్కోరు

తిరువనంతపురం: వచ్చే ఏడాది ప్రతిష్టాత్మక వన్డే ప్రపంచకప్‌ జరగనున్న నేపథ్యంలో భారత జట్టు 50 ఓవర్ల ఫార్మాట్‌పై ప్రత్యేక దృష్టి పెట్టింది. ఇందులో భాగంగా సొంతగడ్డపై వెస్టిండీస్‌తో వన్డే సిరీస్‌కు సిద్ధమైంది. మూడు మ్యాచ్‌ల సిరీస్‌లో భాగంగా ఆదివారం భారత్, విండీస్‌ మధ్య తొలి పోరు జరగనుంది. టి20, టెస్టు ఫార్మాట్‌లకు వీడ్కోలు పలికి కేవలం వన్డేల్లోనే కొనసాగుతున్న స్టార్‌ ప్లేయర్లు విరాట్‌ కోహ్లి, రోహిత్‌ శర్మపై అందరి దృష్టి నిలవనుంది. ఈ ఏడాది ఆడిన మూడు వన్డే సిరీస్‌ల్లో రెండింట ఓడిన శుబ్‌మన్‌ గిల్‌ సారథ్యంలోని టీమిండియా... స్టార్‌ పేసర్‌ జస్‌ప్రీత్‌ బుమ్రా, పేస్‌ ఆల్‌రౌండర్‌ హార్దిక్‌ పాండ్యా లేకుండానే బరిలోకి దిగనుంది. వన్డేల్లో 15 వేల పరుగుల మైలురాయి అందుకునేందుకు మరో 59 పరుగుల దూరంగా ఉన్న విరాట్‌ కోహ్లి... ఈ మ్యాచ్‌తోనే ఆ ఘనత ఖాతాలో వేసుకుంటాడా చూడాలి. పాండ్యా గైర్హాజరీలో ఆంధ్ర ఆల్‌రౌండర్‌ నితీశ్‌ కుమార్‌ రెడ్డి ఎలాంటి ప్రదర్శన కనబరుస్తాడనేది కీలకంగా మారింది. ‘హిట్‌మ్యాన్‌’ రోహిత్‌తో కలిసి కెప్టెన్‌ గిల్‌ ఇన్నింగ్స్‌ ఆరంభించనున్నారు. యశస్వి జైస్వాల్‌ మరికొంతకాలం ఎదురుచూడక తప్పదని బ్యాటింగ్‌ కోచ్‌ సీతాన్షు కొటక్‌ అన్నాడు. ఆసియా క్రీడల కోసం శ్రేయస్‌ అయ్యర్‌ జపాన్‌లో ఉండటంతో నాలుగో స్థానంలో రుతురాజ్‌ గైక్వాడ్‌ బరిలోకి దిగనున్నాడు. కేఎల్‌ రాహుల్, రవీంద్ర జడేజా, నితీశ్‌తో బ్యాటింగ్‌ లైనప్‌ పటిష్టంగా ఉంది. బౌలింగ్‌లో సిరాజ్, ప్రసిధ్‌తో పాటు మూడో పేసర్‌గా ఎవరిని ఎంపిక చేస్తారనేది ఆసక్తికరం. గుర్‌నూర్‌ బ్రార్, ఆఖిబ్‌ నబీలో ఒకరికి అవకాశం దక్కొచ్చు. స్పెషలిస్ట్‌ స్పిన్నర్‌గా కుల్దీప్‌ ఎంపిక ఖాయం. మరోవైపు ఈ ఫార్మాట్‌లో పెద్దగా ఆకట్టుకోలేకపోతున్న వెస్టిండీస్‌... వచ్చే ఏడాది జరగనున్న వరల్డ్‌కప్‌నకు నేరుగా అర్హత కూడా సాధించలేకపోయింది. మరి ఇలాంటి దశలో పటిష్టమైన టీమిండియాకు విండీస్‌ ఏమాత్రం పోటీనిస్తుందో చూడాలి. 2002 నుంచి కరీబియన్‌ జట్టు భారత్‌లో వన్డే సిరీస్‌ గెలవలేదు. పిచ్‌ పేస్‌కు సహకరించే అవకాశాలున్నాయి. మ్యాచ్‌కు వర్షం ముప్పు ఉంది. ఇదే చివరి ప్రపంచకప్‌: కోహ్లి తిరువనంతపురం: వచ్చే ఏడాది జరగనున్న వన్డే ప్రపంచకప్‌ తన కెరీర్‌లో దేశం తరఫున ఆడే చివరి వరల్డ్‌కప్‌ అని భారత స్టార్‌ బ్యాటర్‌ విరాట్‌ కోహ్లి వెల్లడించాడు. ఆ ట్రోఫీ గెలుచుకునేందుకు మైదానంలో సర్వశక్తులు ఒడ్డుతానని పేర్కొన్నాడు. 2011లో మహేంద్రసింగ్‌ ధోనీ సారథ్యంలో వన్డే ప్రపంచకప్‌ గెలిచిన భారత జట్టులో సభ్యుడైన విరాట్‌... వెస్టిండీస్‌తో వన్డే సిరీస్‌కు ముందు తన మనసులో మాట వెల్లడించాడు. ‘టీమిండియా తరఫున నేను ఆడబోయే చివరి ప్రపంచకప్‌ ఇదే. అదే నాకు ప్రధాన ప్రేరణ. గ్రౌండ్‌లో సర్వస్వం ధారపోయాలనేదే నా లక్ష్యం. కచ్చితంగా ప్రపంచకప్‌ గెలవడమే ధ్యేయం. దాని కోసం ఎంతటి కష్టాన్ని భరించేందుకైనా నేను సిద్ధమే. వన్డే వరల్డ్‌కప్‌లో ఉండే తీవ్రత మరే ఇతర టోర్నీలో ఉండదు’ అని కోహ్లి వెల్లడించాడు.

సౌతాఫ్రికా ప‌ర్య‌ట‌న‌ను ఓట‌మితో ఆరంభించిన ఆస్ట్రేలియా జ‌ట్టుకు భారీ షాక్ త‌గిలింది. ఆ జ‌ట్టు స్టార్ ఆట‌గాడు, వికెట్ కీప‌ర్ జోష్‌ ఇంగ్లిస్ గాయంతో వ‌న్డే సిరీస్‌కు దూర‌మ‌య్యాడు. డ‌ర్బన్ వేదిక‌గా జ‌రిగిన‌ తొలి వ‌న్డేలో కీపింగ్ చేస్తున్న స‌మ‌యంలో ఇంగ్లిస్ కుడిచేయి చూపుడువేలికి బంతి బ‌లంగా త‌గిలింది. చికిత్స అనంత‌రం ఇంగ్లిస్ బ్యాటింగ్‌కు వ‌చ్చిన‌ప్ప‌టికీ తీవ్రంగా ఇబ్బంది ప‌డ్డాడు. మ్యాచ్ అనంత‌రం ఇంగ్లిస్ గాయాన్ని ప‌రిశీలించ‌గా, చూపుడువేలిలో చీలిక వ‌చ్చిన‌ట్లు తేలింది. దీంతో ఇంగ్లిస్‌ను చికిత్స కోసం స్వ‌దేశానికి తిరిగిరావాల‌ని క్రికెట్ ఆస్ట్రేలియా ఒక ప్ర‌క‌ట‌న‌లో తెలిపింది. పెర్త్‌లో ఇంగ్లిస్ చేతి వేలి గాయానికి ట్రీట్‌మెంట్ తీసుకోనున్నాడు. వ‌న్డే సిరీస్‌కు దూర‌మైన జోష్ ఇంగ్లిస్ మూడు మ్యాచ్‌ల టెస్టు సిరీస్‌కు అందుబాటులో ఉంటాడా లేదా అనేది అత‌డు కోలుకోవ‌డంపైనే ఆధార‌ప‌డి ఉంటుంద‌ని క్రికెట్ ఆస్ట్రేలియా తెలిపింది.అయితే మిగిలిన మ్యాచ్‌ల‌కు ఇంగ్లిస్ స్థానంలో ఇప్ప‌టివ‌ర‌కు ఏ ఆట‌గాడిని ఎంపిక చేయ‌లేద‌ని తెలుస్తోంది. దీంతో రేపు జోహ‌న్నెస్‌బ‌ర్గ్ వేదిక‌గా జ‌ర‌గ‌నున్న రెండో వ‌న్డేలో అలెక్స్ కేరీ కీపింగ్ బాధ్య‌త‌లు తీసుకోనున్నాడు. డ‌ర్బ‌న్ వేదిక‌గా సౌతాఫ్రికాతో జ‌రిగిన‌ తొలి వ‌న్డేలో ఆస్ట్రేలియా 67 ప‌రుగుల తేడాతో ఓట‌మి చ‌విచూసింది. రేపు జోహ‌న్నెస్‌బ‌ర్గ్ వేదిక‌గా జ‌ర‌గ‌నున్న రెండో వ‌న్డేలోనూ విజ‌యం సాధించి మ‌రో మ్యాచ్ మిగిలి ఉండ‌గానే సిరీస్‌ను కైవ‌సం చేసుకోవాల‌ని స‌ఫారీలు భావిస్తుండ‌గా, రెండో వ‌న్డేలో గెలిచి సిరీస్‌ను స‌మం చేయాల‌ని ఆసీస్ భావిస్తోంది. దీంతో మ్యాచ్ హోరాహోరీగా సాగే అవ‌కాశం లేక‌పోలేదు.తొలి వ‌న్డేకు దూరంగా ఉన్న రెగ్యుల‌ర్ కెప్టెన్ పాట్ క‌మిన్స్ రెండో వ‌న్డేలో ఆడే అవ‌కాశ‌ముంది. అయితే మిచెల్ స్టార్క్‌, హాజిల్‌వుడ్ రెండో వ‌న్డేకు విశ్రాంతి తీసుకునే చాన్స్ ఉంది. వ‌చ్చే ఏడాది డ‌బ్ల్యూటీసీ ఫైన‌ల్ నేప‌థ్యంలోనే ఆసీస్ జ‌ట్టు ప్ర‌ధాన బౌల‌ర్ల‌ను కాపాడుకోవాల‌నే ఉద్దేశంతోనే క్రికెట్ ఆస్ట్రేలియా ఇలా ప్లాన్ చేసింది.ఇక మూడో వ‌న్డే సెప్టెంబ‌ర్ 30న జ‌ర‌గ‌నుంది. ఆ త‌ర్వాత ఇరుజ‌ట్ల మ‌ధ్య మూడు మ్యాచ్‌ల టెస్టు సిరీస్ అక్టోబ‌ర్ 9 నుంచి ప్రారంభం కానుంది. డ‌ర్బ‌న్ వేదిక‌గా అక్టోబ‌ర్ 9 నుంచి 13 వ‌ర‌కు తొలి టెస్టు, అక్టోబ‌ర్ 18 నుంచి 22 వ‌ర‌కు గెహ్రా వేదిక‌గా రెండో టెస్టు, అక్టోబ‌ర్ 27 నుంచి 31 వ‌ర‌కు కేప్‌టౌన్ వేదిక‌గా చివ‌రి టెస్టు మ్యాచ్ జ‌ర‌గ‌నుంది.ఇదీ చదవండి: రేపు తొలి వ‌న్డే.. విండీస్‌కు అచ్చిరాని వేదిక‌; గ‌త రికార్డులు ఇలా!

తిరువ‌నంత‌పురం వేదిక‌గా రేపు భార‌త్‌, వెస్టిండీస్ మ‌ధ్య తొలి వ‌న్డే జ‌ర‌గ‌నుంది. ఇప్ప‌టికే ఇరుజ‌ట్లు త‌మ ప్రాక్టీస్‌ను ముమ్మ‌రం చేశాయి. టీమిండియా రెండుగా చీలిపోయి 50 ఓవ‌ర్ల ఇంట్రాస్వ్కాడ్ మ్యాచ్ కూడా ఆడేశాయి. ఈ మ్యాచ్‌లో కోహ్లి, రోహిత్‌, నితీశ్‌కుమార్ రెడ్డి, జ‌డేజా త‌మ బ్యాటింగ్‌తో ఆక‌ట్టుకున్నారు. అటు వెస్టిండీస్ కూడా టీమిండియాను వారి సొంత‌గ‌డ్డ‌పైనే ఓడించి నంబ‌ర్‌వ‌న్ ర్యాంకు నుంచి ప‌డ‌గొట్టేందుకు సిద్ధ‌మైన‌ట్లు పేర్కొంది. అంతేకాదు 24 ఏళ్ల త‌ర్వాత భార‌త్‌పై వ‌న్డే సిరీస్ గెలిచే అవ‌కాశం త‌మ‌కు ల‌భించింద‌ని, దీనిని స‌ద్వినియోగం చేసుకుంటామ‌ని విండీస్ హెడ్‌కోచ్ డారెన్ సామీ ప్ర‌గ‌ల్భాలు ప‌లికాడు. టీమిండియాను ఓడించి చూపిస్తామ‌ని స‌వాల్ చేయ‌డం గ‌మ‌నార్హం.గ‌త రికార్డులు ఇలా..ఈ విష‌యం ప‌క్క‌న‌బెడితే, అస‌లు టీమిండియా గ‌డ్డ‌పై వెస్టిండీస్ వ‌న్డే రికార్డు ఎలా ఉంది? విజ‌యాలెన్నీ? ఓట‌ములెన్నీ అనేది ఒక‌సారి ప‌రిశీలిద్దాం. 1983 నుంచి 2022 వ‌ర‌కు చూసుకుంటే భార‌త్‌లో వెస్టిండీస్ 61 మ్యాచ్‌లు ఆడింది. ఇందులో 28 విజ‌యాలు, 32 ఓట‌ములు చ‌విచూసింది. ఒక మ్యాచ్ టైగా ముగిసింది.అత్య‌ధిక స్కోరెంతంటే?ఇక భార‌త గ‌డ్డ‌పై వ‌న్డేల్లో వెస్టిండీస్ చేసిన అత్య‌ధిక స్కోరు 333 ప‌రుగులు. 1983 డిసెంబ‌ర్ 7న జంషెడ్‌పూర్ వేదికగా జ‌రిగిన వ‌న్డేలో ఈ స్కోరు సాధించింది. ఆ మ్యాచ్‌లో భార‌త్ 229 ప‌రుగులకే ప‌రిమితం కావ‌డంతో విండీస్ జ‌ట్టు 104 ప‌రుగుల తేడాతో విజయం సాధించింది. చివ‌ర‌గా 2014లో కొచ్చి వేదిక‌గా జ‌రిగిన వ‌న్డేలో భార‌త్‌పై విండీస్ 321 ప‌రుగులు చేసింది.అత్య‌ల్ప స్కోరెంతంటే?ఇక భార‌త గ‌డ్డ‌పై విండీస్ అత్య‌ల్ప స్కోరు 80గా ఉంది. 2006 చాంపియ‌న్స్ ట్రోఫీలో శ్రీలంక‌తో మ్యాచ్‌లో వెస్టిండీస్ 80 ప‌రుగుల‌కు ఆలౌటైంది. ఇక భార‌త్‌పై విండీస్ అత్య‌ల్ప స్కోరు 104గా ఉంది. 2018లో ఇదే తిరువ‌నంత‌పురం వేదిక‌గా జ‌రిగిన వ‌న్డేలో విండీస్ 104 ప‌రుగుల‌కు ఆలౌటైంది. ఆ మ్యాచ్‌లో భార‌త్ 211 బంతులు మిగిలి ఉండ‌గానే టార్గెట్‌ను ఛేదించి విజ‌యాన్ని అందుకుంది. తిరువనంతపురం వేదిక అంటేనే విండీస్‌కు హడల్‌ అని చెప్పొచ్చు.చివ‌రిసారి క్లీన్‌స్వీప్‌..2021-22లో వెస్టిండీస్ జ‌ట్టు భార‌త్‌లో ప‌ర్య‌టించింది. మూడు వ‌న్డే మ్యాచ్‌ల సిరీస్‌ను భార‌త్ 3-0తో విండీస్‌ను క్లీన్‌స్వీప్ చేసింది. కోవిడ్ కార‌ణంగా మూడు మ్యాచ్‌లకు అహ్మ‌దాబాద్‌లోని న‌రేంద్ర‌మోదీ స్టేడియం వేదిక‌గా నిలిచింది. మ్యాచ్‌ల‌న్నీ క్లోజ్ డోర్స్‌లోనే (ప్రేక్ష‌కులు లేకుండా) జ‌రిగాయి. తొలి వ‌న్డేను ఆరు వికెట్ల తేడాతో నెగ్గిన టీమిండియా, రెండో వ‌న్డేను 44 ప‌రుగుల తేడాతో గెలిచింది. ఇక చివ‌రి వ‌న్డేలో 96 ప‌రుగుల తేడాతో విజ‌యం సాధించింది. నాలుగేళ్ల త‌ర్వాత మ‌ళ్లీ వ‌న్డే సిరీస్ ఆడేందుకు భార‌త గ‌డ్డ‌పై అడుగుపెట్టిన వెస్టిండీస్ ఈసారి ఎలాంటి ప్ర‌ద‌ర్శ‌న చేస్తుంద‌నేది చూడాలి. ఇక వెస్టిండీస్ భార‌త గ‌డ్డ‌పై చివ‌రిసారి 2002లో వ‌న్డే సిరీస్‌ను గెలుచుకుంది. అప్ప‌టినుంచి ఇప్ప‌టిదాకా వెస్టిండీస్ రిక్త హ‌స్తాల‌తోనే వెనుదిరిగింది.ఇదీ చ‌ద‌వండి: ఇరాన్‌ను చిత్తు చేసిన భారత్‌.. ఆసియా గేమ్స్‌లో నాలుగో స్వ‌ర్ణం

భారత వన్డే జట్టు స్వదేశంలో వెస్టిండీస్‌తో సిరీస్‌కు సిద్ధమైంది. ఇరుజట్ల మధ్య ఆదివారం (సెప్టెంబరు 27) నుంచి మూడు మ్యాచ్‌ల సిరీస్‌ ఆరంభం కానుంది. ఈ క్రమంలో తొలి వన్డే కోసం ఇప్పటికే టీమిండియా తిరువనంతపురం చేరుకుని ప్రాక్టీస్‌ కూడా చేసింది.ఈ నేపథ్యంలో విండీస్‌తో మొదటి వన్డేకు భారత తుదిజట్టు ఎలా ఉండబోతున్న అంశంపై టీమిండియా మాజీ బ్యాటర్‌ మహ్మద్‌ కైఫ్‌ తన అభిప్రాయాలు పంచుకున్నాడు. టెస్టుల్లో ఓపెనర్‌గా పాతుకుపోయిన యశస్వి జైస్వాల్‌ను నాలుగో స్థానంలో బరిలోకి దించాలని యాజమాన్యానికి సూచించాడు.టాపార్డర్‌లో వీరేఈ మేరకు తన యూట్యూబ్‌ చానెల్‌ వేదికగా మాట్లాడుతూ.. ‘‘రోహిత్‌ శర్మ- శుబ్‌మన్‌ గిల్‌ ఓపెనింగ్‌ జోడీగా కొనసాగడం ఖాయం. విరాట్‌ కోహ్లి యథావిధిగా మూడో స్థానంలోనే వస్తాడు. అయితే, ఈ సిరీస్‌లో యశస్వి జైస్వాల్‌ను మిడిలార్డర్‌లో కీలకమైన నాలుగో స్థానంలో ఆడించాలి.శ్రేయస్‌ లేడు కాబట్టిఎలాగో శ్రేయస్‌ అయ్యర్‌ జట్టుతో లేడు కాబట్టి ఇది సరైన నిర్ణయమే అవుతుంది. రుతురాజ్‌ గైక్వాడ్‌ ఐదో స్థానంలో బ్యాటింగ్‌ చేయగలడు. ఇక కేఎల్‌ రాహుల్‌ ఆరు, రవీంద్ర జడేజా ఏడో స్థానంలో రాగా.. నితీశ్‌ కుమార్‌ రెడ్డి, కుల్దీప్‌ యాదవ్‌ మిగిలిన స్థానాల్లో బ్యాటింగ్‌ చేస్తారు.ఇద్దరినీ ఆడించవచ్చుఈ సిరీస్‌లో జైస్వాల్‌, గైక్వాడ్‌.. ఇద్దరినీ ఆడించే ఆస్కారం ఉంది. పరిమిత ఓవర్ల క్రికెట్లో ఇలాంటి సర్దుబాట్లు చేసుకోవచ్చు. జైస్వాల్‌ నాలుగో స్థానంలోనూ బ్యాటింగ్‌ చేయగలడు’’ అని కైఫ్‌ అభిప్రాయపడ్డాడు. ఫాస్ట్‌ బౌలర్ల కోటాలో ప్రసిద్‌ కృష్ణ, గుర్నూర్‌ బ్రార్‌ ఆడతారని అంచనా వేశాడు.కాగా భారత టీ20 జట్టు కెప్టెన్‌ శ్రేయస్‌ అయ్యర్‌ ప్రస్తుతం జపాన్‌లో ఆసియా క్రీడలు-2026 టోర్నీతో బిజీగా ఉన్న సంగతి తెలిసిందే. ఈ నేపథ్యంలో జైస్వాల్‌ను నాలుగో స్థానంలో బ్యాటింగ్‌ పంపి ప్రయోగం చేయవచ్చని కైఫ్‌ చెప్పుకొచ్చాడు. కాగా యశస్వి జైస్వాల్‌ ఇప్పటి వరకు ఆరు వన్డేలు ఆడి 285 పరుగులు చేశాడు. చివరగా స్వదేశంలో అఫ్గానిస్తాన్‌తో జూన్‌లో మ్యాచ్‌ ఆడి అజేయ సెంచరీ (110) చేశాడు. మరోవైపు.. రుతురాజ్‌ గైక్వాడ్‌ ఇప్పటికి తొమ్మిది వన్డేల్లో 228 పరుగులు చేశాడు. చివరగా గతేడాది డిసెంబరులో సౌతాఫ్రికాతో వన్డే ఆడాడు.వెస్టిండీస్‌తో వన్డే కోసం కైఫ్‌ ఎంచుకున్న భారత తుదిజట్టురోహిత్‌ శర్మ, శుబ్‌మన్‌ గిల్‌ (కెప్టెన్‌), విరాట్‌ కోహ్లి, యశస్వి జైస్వాల్‌, రుతురాజ్‌ గైక్వాడ్‌, కేఎల్‌ రాహుల్‌, రవీంద్ర జడేజా, నితీశ్‌ కుమార్‌ రెడ్డి, కుల్దీప్‌ యాదవ్‌, ప్రసిద్‌ కృష్ణ, గుర్నూర్‌ బ్రార్‌.చదవండి: సచిన్‌తో అర్జున్‌కు పోలికేంటి?: సెహ్వాగ్‌

మొహాలీ వేదిక‌గా ఆస్ట్రేలియా-ఎ వుమెన్‌తో జ‌రిగిన మూడో అన‌ధికారిక వ‌న్డేలో భార‌త‌-ఎ జ‌ట్టు 4 వికెట్ల తేడాతో సంచ‌ల‌న విజ‌యం సాధించింది. 363 ప‌రుగుల భారీ టార్గెట్‌తో బ‌రిలోకి దిగిన ఇండియా-ఎ జ‌ట్టు 48.2 ఓవ‌ర్ల‌లో 6 వికెట్లు కోల్పోయి ఛేదించింది. ఫ‌లితంగా మూడు మ్యాచ్‌ల వ‌న్డే సిరీస్‌ను భార‌త్ 2-1 తేడాతో కైవ‌సం చేసుకుంది. భార‌త బ్యాట‌ర్ల‌లో మిన్నూ మాని (56 బంతుల్లో 88 నాటౌట్‌; 12 ఫోర్లు, 3 సిక్స‌ర్లు) అజేయ అర్థ‌సెంచ‌రీతో జ‌ట్టును గెలిపించగా, నిక్కీ ప్ర‌సాద్ (76), కెప్టెన్ అనుష్క శ‌ర్మ (58), త‌నీషా సింగ్ (60) అర్థ‌శ‌త‌కాల‌తో రెచ్చిపోయారు. జ‌ట్టులో న‌లుగురు బ్యాట‌ర్లు అర్థ‌శ‌త‌కాలు చేసి త‌మ విలువైన భాగ‌స్వామ్యాల‌తో జ‌ట్టును విజ‌య‌ప‌థంలో నడిపించారు. ఆసీస్ బౌల‌ర్ల‌లో చార్లీ నాట్‌, లిల్లీ మిల్స్ చెరో 2 వికెట్లు ప‌డ‌గొట్టారు.అంత‌క‌ముందు తొలుత బ్యాటింగ్ చేసిన‌ ఆస్ట్రేలియా వుమెన్ చార్లీ నాట్ (70 బంతుల్లో 109; 12 ఫోర్లు, 5 సిక్స‌ర్లు) సెంచ‌రీతో విధ్వంసం సృష్టించ‌గా, కౌర్ట్నీ వెబ్ (92 బంతుల్లో 95) రాణించ‌డంతో ఆస్ట్రేలియా నిర్ణీత 50 ఓవ‌ర్ల‌లో 9 వికెట్ల న‌ష్టానికి 362 ప‌రుగులు చేసింది. భార‌త బౌల‌ర్ల‌లో వైష్ణ‌వి శ‌ర్మ, నికీ ప్రసాద్‌ చెరో 4 వికెట్లు పడగొట్టారు.ఇదీ చదవండి: రెండుగా చీలిన భారత్‌; దంచేసిన కోహ్లి, రోహిత్‌.. గిల్ ప్లాఫ్ షో!

తిరువ‌నంత‌పురం వేదిక‌గా ఆదివారం భార‌త్‌, వెస్టిండీస్ మ‌ధ్య తొలి వ‌న్డే జ‌ర‌గ‌నుంది. ఈ నేప‌థ్యంలో భార‌త తుది జ‌ట్టులో ఎవ‌రు ఉంటారు, ఎవ‌రు ఉండ‌ర‌నే దానిపై ఆస‌క్తిక‌ర చ‌ర్చ న‌డుస్తోంది. ఆసియా గేమ్స్‌లో పాల్గొనేందుకు శ్రేయ‌స్ అయ్య‌ర్ నేతృత్వంలోని భార‌త జ‌ట్టు జ‌పాన్‌కు రాగా, విండీస్‌తో వ‌న్డే సిరీస్‌కు రోహిత్‌, కోహ్లి, జ‌డేజా సిద్ధ‌మ‌య్యారు. వీరితో పాటు కెప్టెన్ గిల్‌, వైస్‌కెప్టెన్‌ కేఎల్ రాహుల్ ఆడ‌నున్నారు. ఈ నేప‌థ్యంలో విండీస్‌తో తొలి వ‌న్డేకు తుదిజ‌ట్టు ఎలా ఉండ‌బోతుంద‌నేది ఒక‌సారి ప‌రిశీలిద్దాం.తుదిజ‌ట్టులో యశస్వి జైస్వాల్, నమన్ ధీర్, ధ్రువ్ జురెల్‌ల‌కు అవ‌కాశం ద‌క్క‌డం క‌ష్ట‌మే. శ్రేయస్ అయ్యర్ స్థానంలో భారత జట్టులోకి వచ్చిన రుతురాజ్ గైక్వాడ్ మాత్రం ఆడే అవకాశాలు మెండుగా ఉన్నాయి. ఇక ఓపెన‌ర్లుగా రోహిత్ శర్మ, గిల్ రానున్నారు. వ‌న్‌డౌన్‌లో కోహ్లి, ఆ త‌ర్వాత రుతురాజ్ గైక్వాడ్ వ‌చ్చే అవ‌కాశ‌ముంది. ఇక ఐదో స్థానంలో వికెట్ కీప‌ర్ కేఎల్ రాహుల్ రానున్నాడు. ఆల్‌రౌండ‌ర్లుగా జ‌డేజా, నితీశ్‌కుమార్ రెడ్డి ఆడే అవ‌కాశ‌ముంది. జ‌ట్టులో ప్రధాన స్పిన్నర్‌గా కుల్దీప్ యాదవ్ ఉండ‌వ‌చ్చు. ఫాస్ట్ బౌలింగ్ విభాగంలో ప్రసిద్ధ కృష్ణ మహమ్మద్ సిరాజ్, గుర్నూర్ బ్రార్‌లు ఆడే అవ‌కాశ‌ముంది. ఈ సిరీస్ కోసం ఎంపిక చేసిన ఫాస్ట్ బౌలర్ ఆకిబ్ నబీ, నమన్ ధిర్ బెంచ్‌కు ప‌రిమితం కానున్నారు.భార‌త తుది జ‌ట్టు అంచ‌నా:రోహిత్ శర్మ, శుబ్‌మ‌న్ గిల్‌, విరాట్ కోహ్లి, రుతురాజ్ గైక్వాడ్, కేఎల్ రాహుల్, నితీష్ కుమార్ రెడ్డి, రవీంద్ర జడేజా, కుల్దీప్ యాదవ్, ప్రసిధ్‌ కృష్ణ, మహ్మద్ సిరాజ్, గుర్నూర్ బ్రార్.ఇదీ చదవండి: భారత్‌తో తొలి వన్డే.. విండీస్ హెడ్‌కోచ్ సంచలన వ్యాఖ్యలు

టీమిండియాతో వన్డే సిరీస్ నేపథ్యంలో వెస్టిండీస్ కోచ్ డారెన్ సామీ సంచలన వ్యాఖ్యలు చేశాడు. ఐసీసీ ట్రోఫీలు సాధించాలంటే ముందు టీమిండియాను చావుదెబ్బ కొట్టాలని పేర్కొన్నాడు. డారెన్ సామీ మాట్లాడుతూ.. ‘భారత్‌లో ద్వైపాక్షిక సిరీస్ గెలిచి 24 ఏళ్లవుతుంది. ఈసారి మాకు వారిపై సిరీస్ గెలిచేందుకు మంచి అవకాశముంది. ఇందుకు మమ్మల్ని మేము సవాల్ చేసుకొని అత్యుత్తమ ఆటతీరును ప్రదర్శించేందుకు ప్రయత్నిస్తాం. పరిమిత ఓవర్ల క్రికెట్లో ఐసీసీ ట్రోఫీలు గెలవాలంటే భారత్ వంటి పెద్ద జట్లను అడ్డుకునే రీతిలో మా ఆటతీరు ఉండాలి. వచ్చే ఏడాది ఫిబ్రవరిలో క్వాలిఫయర్స్ ఉంటాయి. దక్షిణాఫ్రికా వేదికగా జరగనున్న వరల్డ్‌కప్‌లో మేం ఆడేందుకు అర్హత సాధిస్తామన్న నమ్మకం మాకుంది. ఈసారి జట్టులో టాప్ క్లాస్ ప్లేయర్లు ఉన్నారు. షెయ్ హోప్‌తో పాటు అమీర్ జంగూ, రూథర్‌ఫోర్డ్‌, అల్జారీ జోసెఫ్ లాంటి క్రికెటర్లతో జట్టు పటిష్టంగా కనిపిస్తుంది. వన్డేల్లో ప్రపంచ నంబర్‌వన్‌గా ఉన్న టీమిండియాను ఈసారి వన్డే సిరీస్‌లో నేలమట్టం చేసి ట్రోఫీతో ఇంటికి వెళతాం. ఐపీఎల్ వల్ల మా ప్లేయర్లకు భారత గడ్డపై మంచి అనుభవముంది.’ అని తెలిపాడు. భారత్‌తో తొలి వన్డేకు రోజు సమయం మాత్రమే మిగిలి ఉన్న నేపథ్యంలో విండీస్ కోచ్ చేసిన వ్యాఖ్యలు హాట్‌టాఫిక్‌గా మారాయి.2002లో చివరిసారి..భారత గడ్డపై వెస్టిండీస్ చివరిసారి 2002లో వన్డే సిరీస్ గెలిచింది. ఆ జట్టుకు కార్ల్ హూపర్ కెప్టెన్‌గా ఉండగా, టీమిండియాకు సౌరవ్ గంగూలీ నేతృత్వం వహించాడు. ఆనాడు రెండు జట్ల మధ్య ఏడు మ్యాచ్‌ల వన్డే సిరీస్ జరగ్గా వెస్టిండీస్ 4-3 తేడాతో భారత్‌ను ఓడించింది. ఆ తర్వాత చాలాసార్లు భారత పర్యటనకు వచ్చినప్పటికీ విండీస్ రిక్త హస్తాలతోనే వెనుదిరిగింది.టీమిండియా వర్సెస్ వెస్టిండీస్ మధ్య మూడు మ్యాచ్‌ల వ‌న్డే సిరీస్ ఆదివారం ప్రారంభం కానుంది. తొలి వన్డే తిరువ‌నంతపురం వేదికగా జరుగనుండగా, రెండో మ్యాచ్ గౌహతి వేదికగా సెప్టెంబర్ 30న ఉంటుంది. అక్టోబర్ 3వ తేదీన న్యూ ఛండీఘర్ వేదికగా చివరి మ్యాచ్ జర‌గుంది. ఈ వన్డే సిరీస్‌లో రోహిత్ శర్మ, విరాట్ కోహ్లి ఇద్దరూ బరిలోకి దిగనున్నారు. అక్టోబర్ 6వ తేదీ నుంచి ఇరుజ‌ట్ల మ‌ధ్య ఐదు మ్యాచ్‌ల టీ20 సిరీస్ షురూ కానుంది.ఇదీ చదవండి: 10వేల మీటర్ల రేసులో గుల్వీర్ చరిత్ర.. పోల్‌వాల్ట్‌లో తొలి పతకం

స్వ‌దేశంలో వెస్టిండీస్‌తో టీమిండియా మూడు మ్యాచ్‌ల వ‌న్డే సిరీస్ ఆడ‌నున్న సంగ‌తి తెలిసిందే. ఆదివారం తిరువ‌నంత‌పురం వేదిక‌గా రెండు జ‌ట్ల మ‌ధ్య తొలి వ‌న్డే మ్యాచ్ జ‌ర‌గ‌నుంది. ఈ మ్యాచ్ ఆడేందుకు ఇప్ప‌టికే ఇరుజ‌ట్లు కేర‌ళ‌కు చేరుకొని ప్రాక్టీస్ ఆరంభించాయి. వెస్టిండీస్‌పై గెలిచి ఇంగ్లండ్‌తో వ‌న్డే సిరీస్ ఓట‌మిని మ‌రిచిపోవాల‌ని టీమిండియా చూస్తుండ‌గా, సొంత‌గ‌డ్డ‌పై భార‌త్‌కు షాకివ్వాల‌నే యోచ‌న‌లో విండీస్ ఉంది. రెండు జ‌ట్లు పేప‌ర్‌పై బ‌లంగా క‌నిపిస్తుండ‌డంతో హోరాహోరీ పోరు త‌ప్ప‌ద‌నిపిస్తోంది. ఇదిలా ఉంటే, విండీస్‌తో సిరీస్ అన‌గానే టీమిండియా ర‌న్‌మెషిన్ విరాట్ కోహ్లి చెల‌రేగిపోతుంటాడు. గ‌త గ‌ణాంకాలు కూడా ఇదే స్ప‌ష్టం చేస్తున్నాయి. 2018లో వెస్టిండీస్ భార‌త్ ప‌ర్య‌ట‌న‌కు వ‌చ్చింది. ఈ సిరీస్‌కు టీమిండియా కెప్టెన్‌గా కోహ్లి వ్య‌వ‌హ‌రించాడు. 2018లో ఆకాశ‌మే హ‌ద్దుగా..ఆనాటి సిరీస్‌ను భార‌త్ 3-1తో (ఒక మ్యాచ్ టై) గెలుచుకుంది. అయితే ఆ సిరీస్‌లో కోహ్లి ఆకాశ‌మే హ‌ద్దుగా చెల‌రేగాడు. ఆడిన ఐదు వ‌న్డేల్లో కోహ్లి 453 ప‌రుగులు సాధించి టాప్ స్కోర‌ర్‌గా నిలిచాడు. ఇందులో మూడు సెంచ‌రీలు ఉండ‌డం విశేషం. ఈ మూడు సెంచ‌రీలు మూడు వ‌రుస మ్యాచ్‌ల్లో రావ‌డం విశేషం. గౌహ‌తి వేదిక‌గా జ‌రిగిన తొలి వ‌న్డేలో కోహ్లి (107 బంతుల్లో 140 నాటౌట్‌) విజృంభించ‌డంతో భార‌త్ సునాయాస విజ‌యం సాధించింది.ఇక రెండో వ‌న్డేలో కోహ్లి 129 బంతుల్లో 157 ప‌రుగులు సాధించాడు. ఈ మ్యాచ్ టైగా ముగియ‌డం గ‌మ‌నార్హం. ఇక మూడో వ‌న్డేలో మ‌రోసారి సెంచ‌రీతో చెలరేగిన కోహ్లి 119 బంతుల్లో 107 ప‌రుగులు చేశాడు. మూడు వ‌రుస వ‌న్డేల్లో శ‌త‌కాలు సాధించిన తొలి బ్యాట‌ర్‌గానూ కోహ్లి అప్ప‌ట్లో రికార్డులకెక్కాడు.బాబర్‌ ఆజం మాత్రమే..ఆ త‌ర్వాత రోహిత్ శ‌ర్మ 2019 వ‌న్డే ప్ర‌పంచ‌క‌ప్‌లో వ‌రుస‌గా మూడు సెంచ‌రీలు సాధించి కోహ్లి స‌ర‌స‌న చేరాడు. ఇక కోహ్లి తర్వాత వెస్టిండీస్‌పై వరుసగా మూడు వన్డేల్లో సెంచరీలు బాదిన క్రికెటర్‌గా పాకిస్తాన్ బాబర్ ఆజం ఉన్నాడు. ఓవ‌రాల్‌గా చూసుకున్నా కోహ్లికి విండీస్‌పై ఘ‌న‌మైన రికార్డు ఉంది. వ‌న్డే క్రికెట్‌లో కోహ్లి 41 ఇన్నింగ్స్‌ల్లో 97 స్ట్రైక్‌రేట్‌తో 2,261 ప‌రుగులు సాధించాడు. ఇందులో 9 సెంచరీలు, 11 అర్ధ సెంచరీలు ఉన్నాయి.ఇక కెప్టెన్‌గా ద్వైపాక్షిక వన్డే సిరీస్‌లో అత్యధిక పరుగులు సాధించిన జాబితాలోనూ కోహ్లి తొలి స్థానంలో ఉన్నాడు. 2018లో సౌతాఫ్రికాతో వ‌న్డే సిరీస్‌లో కోహ్లి 558 ప‌రుగులు సాధించాడు. రెండో స్థానంలో ఆసీస్ కెప్టెన్ జార్జ్ బెయిలీ (478 ప‌రుగులు, భార‌త్‌పై 2013లో) ఉన్నాడు. ఇక మూడో స్థానంలో మ‌రోసారి కోహ్లి (453 ప‌రుగులు వ‌ర్సెస్ వెస్టిండీస్‌పై) ఉన్నాడు. ఇక వెస్టిండీస్‌తో ద్వైపాక్షిక వ‌న్డే సిరీస్‌ల్లో కోహ్లి మిన‌హా ఏ బ్యాట‌ర్ కూడా 400 ప‌రుగుల మార్క్‌ను దాట‌లేక‌పోవ‌డం గ‌మ‌నార్హం.తిరువనంతపురంలో జరగబోయే తొలి వన్డే మ్యాచ్ కోసం ఇప్పటికే కోహ్లీ అక్కడికి చేరుకుని నెట్స్‌లో తీవ్రంగా శ్రమిస్తున్నాడు. త‌న స‌హ‌చ‌రుడు రోహిత్ శర్మతో కలిసి కోహ్లి తిరిగి జట్టులోకి రావడంతో, ఈ సిరీస్ భారత్ గడ్డపై అభిమానులకు అసలైన 'మాస్ వినోదాన్ని' అందించడం ఖాయంగా కనిపిస్తోంది.ఇదీ చదవండి: టేబుల్ టెన్నిస్‌లో కాంస్యం.. అథ్లెటిక్స్‌లో 9 పతకాలు ఖాయం!

సౌతాఫ్రికా స్పిన్న‌ర్ కేశవ్ మ‌హరాజ్ వ‌న్డే క్రికెట్‌లో అరుదైన ఫీట్ సాధించాడు. సొంత‌గ‌డ్డ‌పై ఆస్ట్రేలియాతో జ‌రిగిన తొలి వ‌న్డేలో ద‌క్షిణాఫ్రికా 67 ప‌రుగుల తేడాతో విజ‌యాన్ని అందుకున్న సంగ‌తి తెలిసిందే. ఈ మ్యాచ్‌లో కేశవ్ మ‌హరాజ్ నాలుగు వికెట్ల హాల్ న‌మోదు చేశాడు. ఈ నేప‌థ్యంలో ఆస్ట్రేలియాపై వ‌న్డేల్లో అత్య‌ధిక వికెట్లు తీసిన సౌతాఫ్రికా స్పిన్న‌ర్‌గా కేశ‌వ్ మ‌హరాజ్ (22 వికెట్లు).. పాట్ సిమ్‌కాక్స్‌తో క‌లిసి సంయుక్తంగా తొలి స్థానంలో నిలిచాడు. అంతేకాదు కేశ‌వ్ మ‌హ‌రాజ్‌కు వ‌న్డేల్లో ఇది ఐదో నాలుగు వికెట్ల హాల్ కాగా, ఓవ‌రాల్‌గా అత్య‌ధిక సార్లు నాలుగు వికెట్ల హాల్ న‌మోదు చేసిన రెండో స్పిన్న‌ర్‌గా నిలిచాడు. తొలి స్థానంలో ఇమ్రాన్ తాహిర్ (10 సార్లు) కొన‌సాగుతున్నాడు. ఇక ఆస్ట్రేలియాపై వ‌న్డేల్లో కేశ‌వ్ మ‌హరాజ్ సాధించిన (4/20) వికెట్ల ప్ర‌ద‌ర్శ‌న సౌతాఫ్రికా త‌ర‌ఫున రెండో అత్యుత్త‌మం. 2002లో కేప్‌టౌన్ వేదిక‌గా ఆసీస్‌పై నికీ బోజే (5/12) వికెట్ల ప్ర‌ద‌ర్శ‌న తొలి అత్యుత్త‌మంగా ఉంది. ఇక సొంత‌గ‌డ్డ‌పై ఆస్ట్రేలియాపై సౌతాఫ్రికాకు ఇది వ‌రుస‌గా నాలుగో విజ‌యం కాగా, ఈ నాలుగుసార్లు స‌ఫారీలు తొలుత బ్యాటింగ్ చేయ‌డం విశేషం.మ్యాచ్ విష‌యానికొస్తే.. తొలుత బ్యాటింగ్ చేసిన సౌతాఫ్రికా నిర్ణీత 50 ఓవ‌ర్ల‌లో 8 వికెట్ల న‌ష్టానికి 297 ప‌రుగులు చేసింది. మాథ్యూ బ్రీట్జ్‌కే (106 బంతుల్లో 112) శ‌త‌కం సాధించ‌గా, మార్కో జాన్స‌న్ (75) రాణించాడు. ఆసీస్ బౌల‌ర్ల‌లో నాథ‌న్ ఎల్లిస్ మూడు వికెట్లు తీశాడు. అనంత‌రం ఛేద‌న ప్రారంభించిన ఆస్ట్రేలియా 41.2 ఓవ‌ర్ల‌లో 230 ప‌రుగుల‌కే కుప్ప‌కూలింది. మిచెల్ మార్ష్ (60) అర్థ‌సెంచ‌రీతో రాణించ‌గా, మాట్ రెన్‌షా (44) ప‌ర్వాలేద‌నిపించాడు. కేశ‌వ్ మ‌హ‌రాజ్ నాలుగు వికెట్లు తీయ‌గా, కార్బిన్ బోస్క్‌, జోర్న్ ఫోర్టిన్ చెరో రెండు వికెట్లు ప‌డ‌గొట్టారు.ఇదీ చ‌ద‌వండి: Asian Games 2026: సాత్విక్-చిరాగ్‌ జోడీకి షాక్‌

ఆస్ట్రేలియాతో మూడు వన్డేల సిరీస్‌ను సౌతాఫ్రికా విజయంతో ఆరంభించింది. డర్బన్‌ వేదికగా గురువారం జరిగిన తొలి వన్డేలో ఆతిథ్య ప్రొటిస్‌ జట్టు 67 పరుగుల తేడాతో జయభేరి మోగించింది. కింగ్స్‌మెడ్‌ మైదానంలో టాస్‌ గెలిచిన ఆసీస్‌ తొలుత బౌలింగ్‌ ఎంచుకుంది.మెరుపులు మెరిపించారుఈ క్రమంలో బ్యాటింగ్‌కు దిగిన సౌతాఫ్రికా ఆరంభంలో తడబడ్డా తిరిగి పుంజుకుంది. ఇందుకు నాలుగో నంబర్‌ బ్యాటర్‌ మాథ్యూ బ్రీట్జ్కే, మార్కో యాన్సెన్‌ మెరుపులు కారణం. బ్రీట్జ్కే 106 బంతుల్లో 14 ఫోర్లు, రెండు సిక్సర్ల సాయంతో శతక్కొట్టగా (112).. ఆల్‌రౌండర్‌ మార్కో యాన్సెన్‌ మెరుపు అర్ధ శతకం సాధించాడు.ఏడో స్థానంలో బ్యాటింగ్‌కు వచ్చిన ఈ బౌలింగ్‌ ఆల్‌రౌండర్‌ కేవలం 59 బంతుల్లోనే ఏడు ఫోర్లు, నాలుగు సిక్సర్లు బాది 75 పరుగులు సాధించాడు. ఫలితంగా నిర్ణీత 50 ఓవర్లలో సౌతాఫ్రికా ఎనిమిది వికెట్ల నష్టానికి 297 పరుగులు సాధించింది.230 పరుగులకే ఆసీస్‌ ఆలౌట్‌అనంతరం లక్ష్య ఛేదనకు దిగిన ఆస్ట్రేలియా 41.2 ఓవర్లలో 230 పరుగులు మాత్రమే చేసి ఆలౌట్‌ అయింది. ప్రొటిస్‌ బౌలర్లలో కేశవ్‌ మహరాజ్‌ నాలుగు వికెట్లతో చెలరేగగా.. బిజోర్న్‌ ఫార్చూన్‌, కార్బిన్‌ బాష్‌ తలా రెండు, గెరాల్డ్‌ కోయెట్జి, మార్కో యాన్సెన్‌ తలా ఒక వికెట్‌ దక్కించుకున్నారు.పరుగులు తీయడంతో పాటు వికెట్‌, క్యాచ్‌లుఇక ఈ మ్యాచ్‌లో మార్కో యాన్సెన్‌ నాలుగు క్యాచ్‌లు కూడా అందుకున్నాడు. ఫార్చూన్‌ బౌలింగ్‌లో జోష్‌ ఇంగ్లిస్‌ (3), కోయెట్జి బౌలింగ్‌లో మ్యాట్‌ రెన్షా (44), మహరాజ్‌ బౌలింగ్‌లో జాక్‌ ఎడ్‌వర్డ్స్‌ (5), బాష్‌ బౌలింగ్‌లో మిచెల్‌ స్టార్క్‌ (16) ఇచ్చిన క్యాచ్‌లను ఒడిసిపట్టాడు. ఈ క్రమంలో మార్కో యాన్సెన్‌ చరిత్ర సృష్టించాడు.ఆస్ట్రేలియాతో ఓ వన్డే మ్యాచ్‌లో అత్యధికంగా 75 పరుగులు చేయడంతో పాటు ఒక వికెట్‌ తీసి.. నాలుగు క్యాచ్‌లు అందుకున్న తొలి ప్లేయర్‌గా యాన్సెన్‌ రికార్డు సాధించాడు. ఓవరాల్‌గా ఓ వన్డే మ్యాచ్‌లో నాలుగు క్యాచ్‌లు అందుకున్న ఐదో ఆటగాడిగా మార్కో యాన్సెన్‌ నిలిచాడు.ఒక వన్డే మ్యాచ్‌లో 50కి పైగా పరుగులు చేసి నాలుగు క్యాచ్‌లు అందుకోవడంతో పాటు ఒక వికెట్‌ తీసిన క్రికెటర్లు వీరే👉సచిన్‌ టెండుల్కర్‌ (ఇండియా)- పాకిస్తాన్‌ మీద ఢాకా వేదికగా 1998లో 67 పరుగులు, ఒక వికెట్‌, నాలుగు క్యాచ్‌లు👉యూనిస్‌ ఖాన్‌ (పాకిస్తాన్‌)- జింబాబ్వే మీద హరారే వేదికగా 2002లో 90 పరుగులు, ఒక వికెట్‌, నాలుగు క్యాచ్‌లు👉మైకేల్‌ క్లార్క్‌ (ఆస్ట్రేలియా)- టీమిండియా మీద మెల్‌బోర్న్‌ వేదికగా 2004లో 63 పరుగులు, ఒక వికెట్‌, నాలుగు క్యాచ్‌లు👉మార్నస్‌ లబుషేన్‌ (ఆస్ట్రేలియా)- ఇంగ్లండ్‌ మీద నాటింగ్‌హామ్‌ వేదికగా 2024లో 77 పరుగులు, మూడు వికెట్లు, నాలుగు క్యాచ్‌లు👉మార్కో యాన్సెన్‌ (సౌతాఫ్రికా)- ఆస్ట్రేలియా మీద డర్బన్‌ వేదికగా 2026లో 75 పరుగులు, ఒక వికెట్‌, నాలుగు క్యాచ్‌లు.చదవండి: తొలి టెస్టులో ఆసీస్‌ను మట్టికరిపించిన భారత్‌

రాజ్‌కోట్ వేదిక‌గా ఆస్ట్రేలియా అండ‌ర్‌-19తో జ‌రిగిన మూడో అన‌ధికారిక వ‌న్డేలో 6 వికెట్ల తేడాతో భార‌త్ అండ‌ర్‌-19 జ‌ట్టు ఘ‌న విజ‌యం సాధించింది. దీంతో మూడు వ‌న్డేల సిరీస్‌ను భార‌త యువ జ‌ట్టు 3-0తో క్లీన్ స్వీప్ చేసింది. ఈ నామమాత్ర‌పు మ్యాచ్‌లో తొలుత బ్యాటింగ్ చేసిన ఆసీస్‌ 49.3 ఓవర్లలో 254 పరుగులకు ఆలౌటైంది. ఓపెనర్‌ జెడ్ హోలిక్(87), నీల్ పటేల్(51) హాఫ్‌ సెంచరీలతో రాణించారు. భారత బౌలర్లలో మోహిత్‌ ఉల్వ, మోనల్‌ చౌహన్‌ తలా మూడు వికెట్లు పడగొట్టారు. వీరితో పాటు ఆర్యన్ సవసాని, కావ్య పటేల్‌ చెరో వికెట్‌ పడగొట్టారు.కెప్టెన్‌ అజేయ సెంచరీఅనంతరం 255 పరుగుల లక్ష్యంతో బరిలోకి దిగిన భారత్‌కు మాజీ క్రికెటర్‌ వీరేంద్ర సెహ్వాగ్ తనయుడు ఆర్యవీర్ సెహ్వాగ్ మెరుపు ఆరంభాన్ని ఇచ్చాడు. ఆర్యవీర్‌ కేవలం 31 బంతుల్లో 5 ఫోర్ల సాయంతో 34 పరుగులు చేసి ఔటయ్యాడు. ఆర్యవీర్‌ ఔటయ్యాక కెప్టెన్‌ లక్ష్య రాయ్‌చందన్‌ ఆసీస్‌ బౌలర్లను టార్గెట్‌ చేశాడు. రాచ్‌చందన్‌ ఆచితూచి ఆడుతూ వీలు చిక్కినప్పుడల్లా బంతిని బౌండరీకు పంపాడు. ఈ క్రమంలో రాయ్‌చందన్‌ 100 బంతుల్లో తన సెంచరీ మార్క్‌ను అందుకున్నాడు.ఓవరాల్‌గా 106 బంతులు ఎదుర్కొన్న లక్ష్య రాయ్‌చందన్‌.. 9 ఫోర్లు, 3 సిక్స్‌లతో 110 పరుగులు చేసి అజేయంగా నిలిచాడు. వీరిద్దరితో పాటు కుశాగ్ర ఓఝా(45), రజత్ బఘేల్(44 నాటౌట్‌) కూడా రాణించారు. ఫలితంగా ఈ లక్ష్యాన్ని భారత్‌ కేవలం 4 వికెట్లు మాత్రమే కోల్పోయి 41.2 ఓవర్లలో చేధించింది. ఆసీస్‌ బౌలర్లలో స్పెన్సర్‌ గ్రీన్‌ రెండు వికెట్లు సాధించాడు.చదవండి: ICC T20 Rankings: ప్రపంచ నెం1 వన్ బౌలర్‌గా పాకిస్తాన్‌ స్టార్‌.. ఇదే తొలిసారి

సౌతాఫ్రికాలో ప‌ర్య‌టించ‌నున్న ఆస్ట్రేలియా మ‌ల్టీ ఫార్మాట్ సిరీస్‌ (మొద‌ట మూడు వ‌న్డేలు, త‌ర్వాత మూడు టెస్టులు) ఆడ‌నుంది. ఈ నేప‌థ్యంలో రేపు డ‌ర్బ‌న్ వేదిక‌గా సౌతాఫ్రికా, ఆస్ట్రేలియా మ‌ధ్య తొలి వ‌న్డే మ్యాచ్ జ‌ర‌గ‌నుంది. అయితే ఈ మ్యాచ్‌కు ఆసీస్ కెప్టెన్ పాట్ క‌మిన్స్ దూరంగా ఉండనున్నట్లు తెలుస్తోంది. టెస్టు చాంపియ‌న్‌షిప్ నేప‌థ్యంలో ఇప్ప‌టికే జింబాబ్వేతో వ‌న్డే సిరీస్‌కు దూరంగా ఉన్న‌ క‌మిన్స్ సౌతాఫ్రికాతో వ‌న్డే సిరీస్‌లోనూ కేవ‌లం ఒక్క వ‌న్డేకు మాత్ర‌మే అందుబాటులో ఉండాల‌ని నిర్ణ‌యించుకున్నాడు. ఈ మేర‌కు ఇప్ప‌టికే క్రికెట్ ఆస్ట్రేలియాకు త‌న నిర్ణ‌యాన్ని వెల్ల‌డించగా, బోర్డు కూడా అత‌డి విజ్ఞ‌ప్తిని అంగీక‌రించింది. వ‌చ్చే ఏడాది వ‌న్డే వ‌ర‌ల్డ్‌క‌ప్ కంటే ముందు టెస్టు చాంపియ‌న్‌షిప్ జ‌ర‌గ‌నుంది. డ‌బ్ల్యూటీసీ పాయింట్ల ప‌రంగా ఆస్ట్రేలియా టాప్ స్థానంలో కొన‌సాగుతోంది. ఈ మేర‌కు వ‌చ్చే డ‌బ్ల్యూటీసీ ఫైన‌ల్ ఆస్ట్రేలియా ఆడ‌నుండ‌డంతో దీనిని క‌మిన్స్ సీరియ‌స్‌గా తీసుకున్నాడు. క‌మిన్స్‌తో పాటు మ‌రో ఇద్ద‌రు సీనియ‌ర్ బౌల‌ర్లు మిచెల్ స్టార్క్, జోష్ హాజిల్‌వుడ్‌లు కూడా సౌతాఫ్రికాతో వ‌న్డే సిరీస్‌కు పూర్తి స్థాయిలో అందుబాటులో ఉండ‌డం లేదు. వీళ్లిద్ద‌రు మొద‌టి వ‌న్డేతో పాటు మూడో వ‌న్డే ఆడాల‌ని నిర్ణ‌యించుకున్నారు. అయితే క‌మిన్స్ మాత్రం కేవ‌లం రెండో వ‌న్డేకు మాత్ర‌మే అందుబాటులో ఉండ‌నున్నాడు. ఒకవేళ క‌మిన్స్ అందుబాటులో లేక‌పోతే మిచెల్‌మార్ష్ సార‌థ్య బాధ్య‌త‌లు తీసుకునే అవ‌కాశ‌ముంది.ఇక సౌతాఫ్రికా టూర్‌లో ఆస్ట్రేలియా తొలుత గురువారం తొలి వ‌న్డే, సెప్టెంబ‌ర్ 27న రెండో వ‌న్డే, సెప్టెంబ‌ర్ 30న మూడో వ‌న్డే ఆడ‌నుంది. ఆ త‌ర్వాత క్రికెట్ సౌతాఫ్రికా ఎలెవెన్‌తో ప్రాక్టీస్ మ్యాచ్ ఆడ‌నున్న ఆస్ట్రేలియా అక్టోబ‌ర్ 9 నుంచి 13 మ‌ధ్య తొలి టెస్టు, అక్టోబ‌ర్ 18 నుంచి 22 మ‌ధ్య రెండో టెస్టు, అక్టోబ‌ర్ 26 నుంచి 30 మ‌ధ్య మూడో టెస్టు ఆడ‌నుంది.

రాజ్‌కోట్ వేదికగా ఇండియా అండ‌ర్‌-19 జట్టుతో జ‌రుగుతున్న మూడో అన‌ధికారిక వ‌న్డేలో ఆస్ట్రేలియా 49.3 ఓవ‌ర్ల‌లో 254 ప‌రుగుల‌కు ఆలౌటైంది. ఆసీస్ బ్యాట‌ర్ల‌లో జెడ్ హొలిక్ (87) టాప్ స్కోర‌ర్‌గా నిల‌వ‌గా, నీల్ ప‌టేల్ (51) అర్థ‌సెంచ‌రీ సాధించాడు. భార‌త బౌల‌ర్లలో మ‌న‌ల్ చౌహాన్‌, మోహిత్ ఉల్వా చెరో 3 వికెట్లు ప‌డ‌గొట్టగా, కావ్యా ప‌టేల్‌, ఆర్య‌న్ స‌వ్సానీ చెరొక వికెట్ తీశారు. మూడు మ్యాచ్‌ల సిరీస్‌లో ఇప్ప‌టికే తొలి రెండు మ్యాచ్‌లు గెలిచిన భార‌త అండ‌ర్‌-19 జ‌ట్టు 2-0తో సిరీస్‌ను సొంతం చేసుకున్న సంగతి తెలిసిందే.ద్రవిడ్‌ కుమారుడిపై వేటు!కాగా ఈ మ్యాచ్‌కు ద్ర‌విడ్ కుమారుడు అన్వ‌య్ ద్ర‌విడ్ బెంచ్‌కే ప‌రిమిత‌మ‌య్యాడు. తొలి వ‌న్డేలో 38 ప‌రుగులు చేసిన అన్వ‌య్ రెండో వ‌న్డేలో మాత్రం 9 ప‌రుగులు మాత్ర‌మే చేసి నిరాశ‌ప‌రిచాడు. దీంతో మూడో వ‌న్డేకు అన్వ‌య్‌ను ప‌క్క‌న‌బెట్టిన జ‌ట్టు మేనేజ్‌మెంట్ అత‌డి స్థానంలో ర‌జ‌త్ బ‌గేల్‌ను జ‌ట్టులోకి తీసుకొచ్చింది. మూడు మ్యాచ్‌ల సిరీస్‌లో ఇప్ప‌టికే రెండు మ్యాచ్‌లు గెలిచి సిరీస్‌ను సొంతం చేసుకున్న భార‌త యువ‌జ‌ట్టు చివ‌రి వ‌న్డేలో ప్ర‌యోగాల‌కు తెర‌లేపింది. తొలి రెండు మ్యాచ్‌ల్లో త‌న బౌలింగ్‌తో ఆక‌ట్టుకున్న తెలుగు కుర్రాడు చిగురుపాటి వెంక‌టతో పాటు రెండో వ‌న్డేలో భారీ సెంచ‌రీ చేసిన య‌శ్‌బ‌ర్ద‌న్ కూడా బెంచ్‌కే ప‌రిమిత‌మ‌య్యాడు.అదరగొడుతున్న సెహ్వాగ్ కుమారుడుఇక ద్రవిడ్ కుమారుడు అన్వయ్ లంక పర్యటనలో ఆకట్టుకున్నాడు. 17 ఏళ్ల అన్వయ్ రెండు మ్యాచ్‌ల్లో వరుసగా 14, 87 పరుగులు సాధించాడు. ఇక అండర్‌-19 జట్టులో ద్రవిడ్ కుమారుడు ఒక్కడే కాదు, మాజీ విధ్వంసకర ఆటగాడు సెహ్వాగ్ తనయుడు ఆర్యవీర్ సెహ్వాగ్ కూడా ప్రాతినిధ్యం వహిస్తున్నాడు. ఆస్ట్రేలియా అండర్‌-19 జట్టుతో జరిగి తొలి వన్డేలో 26 బంతుల్లో 28 పరుగులు, రెండో వన్డేలో 48 బంతుల్లో 47 పరుగులు సాధించాడు. అంతేకాదు బౌలింగ్‌లోనూ ఆర్యవీర్ తన ప్రతిభను ప్రదర్శిస్తూ రెండో వన్డేలో రెండు కీలక వికెట్లు తీసి విజయంలో తన వంతు పాత్రను పోషించాడు.ఇదీ చదవండి: ఆసీస్‌పై కుషాగ్ర సెంచ‌రీ.. ఇండియా-ఏ 334 ఆలౌట్‌

టీమిండియా సీనియ‌ర్లు రోహిత్ శ‌ర్మ‌, విరాట్ కోహ్లి ఇవాళ కేర‌ళంలో అడుగుపెట్ట‌నున్నారు. వెస్టిండీస్‌తో వ‌న్డే సిరీస్‌లో భాగంగా తొలి వ‌న్డే సెప్టెంబ‌ర్ 27న తిరువ‌నంత‌పురం వేదికగా జ‌ర‌గ‌నుంది. ఈ నేప‌థ్యంలో గిల్ సార‌థ్యంలోని టీమిండియా బృందం ఇప్పటికే కేర‌ళ‌కు చేరుకోగా.. ఇవాళ కోహ్లి, రోహిత్‌లు జట్టుతో జాయిన్‌ అవనున్నారు. టెస్టులు, టీ20లకు రిటైర్మెంట్ ప్ర‌క‌టించిన రో-కో ద్వ‌యం 2027 వ‌న్డే ప్ర‌పంచ‌క‌ప్ నేప‌థ్యంలో కేవ‌లం వ‌న్డే ఫార్మాట్‌లో మాత్ర‌మే కొన‌సాగుతున్నారు. ఇటీవ‌లే ఇంగ్లండ్‌కు వ‌న్డే సిరీస్ కోల్పోయిన‌ప్ప‌టికీ రో-కో మాత్రం త‌మ ప్ర‌ద‌ర్శ‌నతో ఆక‌ట్టుకున్నారు. ముఖ్యంగా హిట్‌మ్యాన్ ఇంగ్లండ్‌తో మూడో వ‌న్డేలో చారిత్ర‌క సెంచ‌రీతో మెరిశాడు. ఇక వ‌న్డే ప్ర‌పంచ‌క‌ప్‌కు స‌రిగ్గా ఏడాది స‌మ‌యం మాత్ర‌మే ఉండ‌డంతో రో-కో ద్వ‌యంపై అంద‌రి దృష్టి నెల‌కొని ఉంది. ఆసియా క్రీడ‌ల కోసం శ్రేయ‌స్ అయ్య‌ర్ నేతృత్వంలో ఒక బృందం ఇప్ప‌టికే జ‌పాన్‌కు చేరుకోవ‌డంతో జ‌ట్టులో మార్పులు అనివార్య‌మ‌య్యాయి. అకిబ్ న‌బీ, న‌మ‌న్ ధిర్‌ల‌ను విండీస్‌తో వ‌న్డే సిరీస్‌కు ఎంపిక చేశారు. ఇక మరో సీనియ‌ర్ ఆల్‌రౌండ‌ర్ ర‌వీంద్ర జ‌డేజా కూడా ఆరు నెల‌ల త‌ర్వాత మ‌ళ్లీ వ‌న్డే మ్యాచ్ ఆడ‌నుండ‌డం విశేషం.మ‌రోవైపు ఆసియా క్రీడ‌ల్లో ఆడేందుకు ఇప్ప‌టికే శ్రేయ‌స్ అయ్య‌ర్ టీం జ‌పాన్‌లో అడుగుపెట్టింది. జ‌పాన్‌తో ఏకైక టీ20 మ్యాచ్ ఆడి అతిక‌ష్టం మీద గెలిచిన టీమిండియా ఇప్పుడు ఆసియా క్రీడ‌ల్లో వ‌రుస‌గా రెండో స్వ‌ర్ణం గెల‌వాల‌ని ఆశిస్తోంది. కానీ జ‌పాన్‌తో ఆడిన మ్యాచ్‌లో 5 ఓవ‌ర్ల ఆట మాత్ర‌మే సాధ్య‌మైన‌ప్ప‌టికీ, పిచ్ మాత్రం భార‌త్‌కు అనుకూలంగా లేద‌న్న విష‌యం స్ప‌ష్ట‌మైంది. దీంతో ఈసారి భార‌త్‌కు స్వ‌ర్ణం సాధిస్తుందా లేదా అనేది చూడాలి.ఇదీ చదవండి: ‘అంతా తొండి.. అందుకే కరచాలనం చేయలేదు’

శ్రీలంక‌ను టీ20 సిరీస్‌లో వైట్‌వాష్ చేసిన ఇంగ్లండ్ జ‌ట్టు వన్డే సిరీస్‌కు రెడీ అవుతుంది. మంగ‌ళ‌వారం డుర్హ‌మ్ వేదిక‌గా ఇరుజ‌ట్ల మ‌ధ్య తొలి వ‌న్డే మ్యాచ్ జ‌ర‌గ‌నుంది. ఈ నేప‌థ్యంలో సోమ‌వారం ఇంగ్లండ్ తొలి వ‌న్డేకు తుది జ‌ట్టును ప్ర‌క‌టించింది. టీ20 సిరీస్‌లో ఆదిల్ ర‌షీద్ (2 వికెట్లు) తీశాడు. అయితే తాను బౌలింగ్ చేసే చేతికి చిన్న గాయం కావ‌డంతో తొలి వన్డేకు దూరమయ్యాడు. గాయంతో బాధ‌ప‌డుతున్నందున అత‌డి స్థానంలో 22 ఏళ్ల ఆల్‌రౌండ‌ర్‌ రెహాన్ అహ్మద్‌ను ఎంపిక చేసింది. ఆదిల్ ర‌షీద్‌తో పాటు సొన్ని బేక‌ర్‌, హెన్రీ క్రొకోంబె కూడా బెంచ్‌కే ప‌రిమిత‌మ‌య్యే అవ‌కాశ‌ముంది. ఇక టీ20ల్లో మిడిలార్డర్‌లో బ్యాటింగ్‌కు వచ్చిన టామ్ బాంట‌న్ వన్డేల్లో తొలిసారి ఓపెనింగ్‌ స్థానంలో రానున్నాడు. ఏడు వ‌న్డేలాడిన టామ్ బాంట‌న్ 172 ప‌రుగులు సాధించాడు. ఈ విధ్వంసకర బ్యాటర్‌ లంకతో రెండో టీ20లో 24 బంతుల్లో 52 పరుగులతో నాటౌట్‌గా నిలిచిన సంగతి తెలిసిందే.ఇంగ్లండ్ స్వ‌దేశంలో టీమిండియాతో జ‌రిగిన వ‌న్డే సిరీస్‌ను 2-1 తేడాతో నెగ్గింది. ఆ త‌ర్వాత శ్రీలంక‌ను మూడు మ్యాచ్‌ల టీ20 సిరీస్‌లో క్లీన్‌స్వీప్ చేసింది. ఇప్పుడు వ‌న్డేల్లోనూ అదే త‌ర‌హా జోరు ప్ర‌ద‌ర్శించాల‌ని బ్రూక్ సేన భావిస్తోంది. వ‌న్డే ర్యాంకింగ్స్‌లో శ్రీలంక కంటే ఒక స్థానం త‌క్కువ‌గా ఉన్న ఇంగ్లండ్ (ఏడో స్థానం) సిరీస్ గెలిచి లంకను వెన‌క్కి నెట్టాల‌ని చూస్తోంది.ఇంగ్లండ్ జ‌ట్టు:టామ్ బాంటన్, బెన్ డకెట్, జో రూట్, హ్యారీ బ్రూక్ (కెప్టెన్), జోస్ బట్లర్, విల్ జాక్స్, రెహాన్ అహ్మద్, జేమీ ఓవర్టన్, గస్ అట్కిన్సన్, జోఫ్రా ఆర్చర్, జోష్ టంగ్.ఇదీ చదవండి: జ‌పాన్ జ‌ట్టులో బీహార్ క్రికెటర్‌.. ‘వైభవ్‌ నా ఫేవరెట్‌ ప్లేయర్‌’

హరారే వేదికగా జింబాబ్వే-ఆస్ట్రేలియా మధ్య జరిగిన మూడో వన్డే అభిమానులను ఆఖరి వరకు మునివేళ్లపై నిలబెట్టింది. చివరి వరకు నువ్వా-నేనా అన్నట్లు సాగిన ఈ ఉత్కంఠ పోరులో ఒక్క వికెట్ తేడాతో ఆస్ట్రేలియా విజయం సాధించింది.272 పరుగుల లక్ష్యంతో బరిలోకి దిగిన కంగారూలకు జింబాబ్వే బౌలర్లు చుక్కలు చూపించారు. జోష్ ఇంగ్లిస్ (103) సెంచరీతో కదం తొక్కినప్పటికీ, మిగతా బ్యాటర్లు విఫలం కావడంతో ఆసీస్ కష్టాల్లో పడింది. ఒకానొక దశలో 232 పరుగులకే 8 వికెట్లు కోల్పోవడంతో ఆసీస్‌కు ఓటమి తప్పదని అంతా భావించారు.ఈ సమయంలో 9వ స్థానంలో క్రీజులోకి వచ్చిన పేసర్ నాథన్ ఎల్లిస్ (36 నాటౌట్) బాధ్యతాయుతమైన ఇన్నింగ్స్ ఆడి జట్టును విజయ తీరాలకు చేర్చాడు. చివరి ఓవర్‌లో ఆసీస్ విజయానికి 9 పరుగులు అవసరం కాగా.. ఎల్లిస్ తొలి బంతికే సిక్స్ బాది విజయాన్ని ఖాయం చేశాడు. కాగా 49వ ఓవర్‌లో ఎల్లిస్ ఇచ్చిన క్యాచ్‌ను మధెవెరే జారవిడవడమే జింబాబ్వే ఓటమికి కారణమైంది. జింబాబ్వే బౌలర్లలో బ్రాడ్ ఎవాన్స్ 4 వికెట్లతో రాణించాడు.అంతకుముందు టాస్ ఓడి బ్యాటింగ్‌కు దిగిన జింబాబ్వే నిర్ణీత 50 ఓవర్లలో 8 వికెట్ల నష్టానికి 271 పరుగులు చేసింది. కెప్టెన్ సికందర్ రాజా (81 నాటౌట్), క్రైగ్ ఎర్విన్ (59), ఇన్నోసెంట్ కైయా (55) హాఫ్ సెంచరీలతో మెరిశారు. ఆసీస్ బౌలర్లలో నాథన్ ఎల్లిస్ 3, ఆడమ్ జంపా, స్పెన్సర్ జాన్సన్ చెరో 2 వికెట్లు పడగొట్టారు. ఈ విజయంతో మూడు వన్డేల సిరీస్‌ను 3-0 తేడాతో క్లీన్‌ స్వీప్‌ చేసింది.

ఆస్ట్రేలియాతో స్వదేశంలో జరగనున్న మూడు వన్డేల సిరీస్‌కు ముందు దక్షిణాఫ్రికా జట్టుకు మరో భారీ షాక్ తగిలింది. ఇప్పటికే గాయాల వల్ల స్టార్ పేసర్లు కగిసో రబాడా, ఒట్నీల్ బార్ట్‌మన్‌లు దూరం కాగా.. తాజాగా స్పీడ్‌స్టార్ లుంగి ఎంగిడి కూడా ఈ జాబితాలో చేరాడు. కుడి కాలి తొడ కండరాల గాయం కారణంగా అతడు ఈ సిరీస్ మొత్తానికి దూరమయ్యాడు.ఈ నెల ఆరంభంలో డాల్ఫిన్స్‌తో జరిగిన ఫస్ట్-క్లాస్ మ్యాచ్‌లో టైటాన్స్ తరఫున ఆడుతున్న సమయంలో ఎంగిడి గాయపడ్డాడు. తీవ్రమైన నొప్పితో మైదానాన్ని వీడిన అతడికి ఆస్పత్రిలో స్కాన్ నిర్వహించగా గాయం తీవ్రత బయటపడింది. వైద్యులు అతడికి నాలుగు వారాల పాటు విశ్రాంతి తీసుకోవాలని సూచించారు. దాంతో ఆసీస్‌తో వన్డే సిరీస్ నుంచి అతడు తప్పుకున్నట్లు సౌతాఫ్రికా క్రికెట్ బోర్డు ధ్రువీకరించింది.ఎంగిడి స్థానంలో 20 ఏళ్ల యువ పేసర్ న్కోబాని మోకోయెనాను ప్రొటీస్ సెలెక్టర్లు జట్టులోకి తీసుకున్నారు. సెప్టెంబర్ 24 నుంచి ఈ సిరీస్ ప్రారంభం కానుంది. ఈ నేపథ్యంలో రబాడా, బార్ట్‌మన్, ఎంగిడి వంటి కీలక పేసర్లు లేకుండా సౌతాఫ్రికా యువ బౌలింగ్ విభాగం పటిష్టమైన ఆస్ట్రేలియా బ్యాటింగ్ లైనప్‌ను ఏమేరకు అడ్డుకుంటుందో చూడాలి.ఆసీస్‌తో వ‌న్డే సిరీస్‌కు ప్రోటీస్ జ‌ట్టుటెంబా బావుమా (కెప్టెన్‌), కార్బిన్ బాష్, మాథ్యూ బ్రీట్జ్కే, గెరాల్డ్ కోయెట్జీ, క్వింటన్ డి కాక్, టోనీ డి జోర్జి, జోర్న్ ఫోర్టుయిన్, డువాన్ జాన్సెన్, మార్కో జాన్సెన్, కేశవ్ మహరాజ్, క్వేనా మఫాకా, ఐడెన్ మర్క్రామ్, డేవిడ్ మిల్లర్, న్కోబానీ మోకోనా, ర్యాన్ రికెల్టన్, ట్రిస్టన్ స్టబ్స్.చదవండి: IND vs AUS: భారత జట్టులో సిక్కోలు కుర్రాడికి చోటు!?

వెస్టిండీస్‌తో వన్డే సిరీస్‌కు భారత క్రికెట్‌ నియంత్రణ మండలి (బీసీసీఐ) బుధవారం జట్టును ప్రకటించింది. శుబ్‌మన్‌ గిల్‌ సారథ్యంలోని ఈ జట్టులో పదిహేను మంది సభ్యులకు చోటిచ్చింది.ఇద్దరికీ మొండిచేయిఅయితే, గాయం నుంచి కోలుకున్న స్టార్‌ ఆల్‌రౌండర్‌ హార్దిక్‌ పాండ్యా, వికెట్‌ కీపర్‌ బ్యాటర్‌ రిషభ్‌ పంత్‌ ఈ సిరీస్‌తో వన్డే జట్టులోకి పునరాగమనం చేస్తారని విశ్లేషకులు భావించారు. కానీ సెలక్టర్లు మాత్రం వీరిద్దరికి మొండిచేయి చూపారు. హార్దిక్‌ భారత్‌-‘ఎ’ జట్టు తరఫున ఆడేందుకు సిద్ధమైనప్పటికీ.. అతడి స్థానంలో నితీశ్‌ కుమార్‌ రెడ్డిని విండీస్‌తో వన్డే జట్టుకు ఎంపిక చేశారు.ఊహించని రీతిలోఅదే విధంగా.. పంత్‌ను కాదని యువ వికెట్‌ కీపర్‌ బ్యాటర్‌ ధ్రువ్‌ జురెల్‌కు సెలక్టర్లు అవకాశం ఇచ్చారు. నిజానికి రెగ్యులర్‌ వికెట్‌ కీపర్‌ బ్యాటర్‌ కేఎల్‌ రాహుల్‌కు బ్యాకప్‌గా ఇషాన్‌ కిషన్‌ లేదంటే పంత్‌నే ఎంపిక చేస్తారనే అభిప్రాయాలు వ్యక్తమయ్యాయి. ఇషాన్‌ టీ20 జట్టుతో బిజీగా ఉన్నందున పంత్‌ రాక ఖాయమని అభిమానులు సైతం భావించారు.కానీ సెలక్టర్లు ఊహించని రీతిలో వన్డేల్లో ఇంకా అరంగేట్రం చేయని ధ్రువ్‌ జురెల్‌కు యాజమాన్యం అవకాశం ఇచ్చింది. ఈ నేపథ్యంలో భారత మాజీ ఓపెనర్‌, కామెంటేటర్‌ ఆకాశ్‌ చోప్రా కీలక వ్యాఖ్యలు చేశాడు. పంత్‌ను ఇక పట్టించుకునే ప్రసక్తే లేదని సెలక్టర్లు చెప్పకనే చెప్పారని పేర్కొన్నాడు.నిన్ను మేము పట్టించుకోవడం లేదుఈ మేరకు.. ‘‘బ్యాకప్‌ వికెట్‌ కీపర్ల కోటాలో సంజూ శాంసన్‌, ఇషాన్‌ కిషన్‌ లేరు కాబట్టి వన్డే జట్టులో రిషభ్‌ పంత్‌కు చోటు దక్కాల్సింది. కానీ సెలక్టర్లు ధ్రువ్‌ జురెల్‌కు ప్రాధాన్యం ఇచ్చారు. పంత్‌ను వెనక్కి నెట్టి జురెల్‌ ముందుకు వచ్చేశాడు.తద్వారా.. ‘నిన్ను మేము పట్టించుకోవడం లేదు’ అని సెలక్టర్లు పంత్‌కు నేరుగానే చెప్పినట్లు అనిపించింది. గత రెండు సిరీస్‌లలో కూడా అతడికి అవకాశం ఇవ్వలేదు. దీనిని బట్టి సెలక్టర్ల మనసులో ఏముందో అర్థం చేసుకోవచ్చు. ఫామ్‌ గురించే సమస్య అనుకోవడానికి వీలులేదు.పంత్‌ స్థానం గల్లంతే!ఎందుకంటే పంత్‌ ఇటీవల శ్రీలంక పర్యటనలో మంచి స్కోర్లే సాధించాడు. ధ్రువ్‌ జురెల్‌ అంతర్జాతీయ టీ20లలో అరంగేట్రం చేశాడు. అయితే, చాన్నాళ్లుగా టెస్టు జట్టులో మాత్రమే ఉన్నాడు. ఇప్పుడు వన్డే జట్టులోకి కూడా వచ్ఛేశాడు’’ అని ఆకాశ్‌ చోప్రా పేర్కొన్నాడు. పంత్‌ స్థానాన్ని జురెల్‌ మెల్లగా పూర్తిస్తాయిలో లాగేసుకోవడానికి ఎక్కువ కాలం పట్టదని అభిప్రాయపడ్డాడు.ఆ జట్టు కెప్టెన్‌గాకాగా వెస్టిండీస్‌తో వన్డేల నుంచి పంత్‌ను పక్కనపెట్టిన యాజమాన్యం.. రెడ్‌బాల్‌ టోర్నీ ఇరానీ కప్‌-2026లో భాగంగా రెస్టాఫ్‌ ఇండియా జట్టుకు అతడిని కెప్టెన్‌గా నియమించింది. ఇదిలా ఉంటే.. పంత్‌ చివరగా 2024లో శ్రీలంక పర్యటన సందర్భంగా టీమిండియా తరఫున వన్డే ఆడాడు. నాటి మ్యాచ్‌లో నాలుగో స్థానంలో వచ్చి కేవలం ఆరు పరుగులు చేసి అవుటయ్యాడు.చదవండి: విండీస్‌తో సిరీస్‌.. భారత జట్లు, షెడ్యూల్‌.. పూర్తి వివరాలు

అఫ్గానిస్తాన్‌తో టీ20 సిరీస్‌ తర్వాత టీమిండియా స్వదేశంలో వెస్టిండీస్‌తో పరిమిత ఓవర్ల సిరీస్‌లలో తలపడనుంది. ఇరుజట్ల మధ్య సెప్టెంబరు 27 నుంచి అక్టోబరు 17 మధ్య మూడు వన్డేలు, ఐదు టీ20 మ్యాచ్‌లు ఆడనుంది. ఈ నేపథ్యంలో భారత క్రికెట్‌ నియంత్రణ మండలి (బీసీసీఐ) ఇందుకు సంబంధించి తమ వన్డే, టీ20 జట్లను బుధవారం ప్రకటించింది.హార్దిక్‌, పంత్‌లకు దక్కని చోటువెస్టిండీస్‌తో జరగనున్న మూడు మ్యాచ్‌ల వన్డే సిరీస్‌ కోసం శుబ్‌మన్‌ గిల్‌ సారథ్యంలో 15 మందితో కూడిన జట్టును ఎంపిక చేసింది. గాయం నుంచి కోలుకుంటున్న పేస్‌ ఆల్‌రౌండర్‌ హార్దిక్‌ పాండ్యాతో పాటు వికెట్‌ కీపర్‌ రిషబ్‌ పంత్‌లకు ఈ జట్టులో చోటు దక్కలేదు. వారికి తొలి పిలుపుఅయితే, పంజాబ్‌ ఆల్‌రౌండర్‌ నమన్‌ ధీర్, జమ్మూ కశ్మీర్‌ పేసర్‌ ఆకిబ్‌ నబీ తొలిసారి భారత వన్డే జట్టులో చోటు దక్కించుకున్నారు. దేశవాళీల్లో పంజాబ్‌ తరఫున నిలకడగా రాణిస్తున్న నమన్‌ ధీర్‌... ఐపీఎల్‌లో ముంబై ఇండియన్స్‌ తరఫున మెరుపులు మెరిపించాడు. ఇక కౌంటీ క్రికెట్‌లో మెరుగైన ప్రదర్శన కనబర్చిన ఆఖిబ్‌ నబీకి వన్డే జట్టు నుంచి పిలుపు వచ్చింది.దిగ్గజాలతో పాటు జడ్డూ కూడాఇక టెస్టు, టీ20 ఫార్మాట్‌లకు వీడ్కోలు పలికి కేవలం వన్డేల్లో మాత్రమే కొనసాగుతున్న స్టార్‌ ప్లేయర్లు రోహిత్‌ శర్మ, విరాట్‌ కోహ్లి వన్డే జట్టులో చోటు నిలబెట్టుకోగా... స్పిన్‌ ఆల్‌రౌండర్‌ రవీంద్ర జడేజా తిరిగి జట్టులోకి వచ్చాడు. వచ్చే ఏడాది వన్డే ప్రపంచకప్‌ జరగనున్న నేపథ్యంలో సెలక్టర్లు సీనియర్‌ ప్లేయర్లపై విశ్వాసం ఉంచినట్లు కనిపిస్తోంది.ఇదిలా ఉంటే.. ఈ నెల 20 వరకు పాండ్యా పూర్తి ఫిట్‌నెస్‌ సాధించనుండగా... భారత్‌ ‘ఎ’ తరఫున ఆడిన తర్వాతే అతడిని జాతీయ జట్టుకు ఎంపిక చేసే అంశాన్ని పరిశీలించే అవకాశాలున్నాయి. నితీశ్‌ రెడ్డి రాకఇక పాండ్యా అందుబాటులో లేకపోవడంతో ఆసియా క్రీడలకు ఎంపికైన జట్టులో ఉన్న ఆంధ్ర ఆల్‌రౌండర్‌ నితీశ్‌ కుమార్‌ రెడ్డిని వెస్టిండీస్‌తో వన్డే జట్టులో చేర్చారు. హైదరాబాదీ మొహమ్మద్‌ సిరాజ్, ప్రసిధ్‌ కృష్ణ, గుర్‌నూర్‌ బ్రార్‌ రూపంలో ముగ్గురు పేసర్లు ఉండగా... అదనంగా నబీని ఎంపిక చేశారు.గతంలోనే నబీ శ్రీలంకతో సిరీస్‌కు భారత టెస్టు జట్టులోకి ఎంపికైనా... ఇప్పటి వరకు అంతర్జాతీయ అరంగేట్రం చేసే అవకాశం దక్కలేదు. బుమ్రా లేడుఇక వెస్టిండీస్‌తో తలపడే టీ20 జట్టు విషయానికి వస్తే ఆసియా క్రీడల్లో పాల్గొనే జట్టులో స్వల్ప మార్పులతో విండీస్‌తో సిరీస్‌కు జట్టును ఎంపిక చేశారు. ఆసియా క్రీడల్లో ఆడనున్న జట్టులోని యశ్‌ ఠాకూర్, విప్రాజ్‌ నిగమ్‌ల స్థానాల్లో ప్రిన్స్‌ యాదవ్, మయాంక్‌ యాదవ్‌ను ఎంపిక చేశారు.అయితే ప్రస్తుతం అఫ్గానిస్తాన్‌తో టీ20 సిరీస్‌ ఆడుతున్న స్టార్‌ పేసర్‌ జస్‌ప్రీత్‌ బుమ్రా ఆ తర్వాత ఆసియా క్రీడల్లో పాల్గొననున్నాడు. విండీస్‌తో వన్డే, టి20 సిరీస్‌ల కోసం ప్రకటించిన జట్లలో మాత్రం అతడి పేరు లేదు. దీనిపై సెలెక్టర్లు కూడా ఎలాంటి స్పష్టతనివ్వలేదు.విండీస్‌తో సిరీస్‌కు భారత వన్డే జట్టు: శుబ్‌మన్‌ గిల్‌ (కెప్టెన్‌), కేఎల్‌ రాహుల్‌ (వైస్‌ కెప్టెన్‌), రోహిత్‌ శర్మ, విరాట్‌ కోహ్లి, రుతురాజ్‌ గైక్వాడ్, ధ్రువ్‌ జురేల్, నితీశ్‌ కుమార్‌ రెడ్డి, రవీంద్ర జడేజా, కుల్దీప్‌ యాదవ్, ప్రసిధ్‌ కృష్ణ, గుర్‌నూర్‌ బ్రార్, మెహమ్మద్‌ సిరాజ్, ఆఖిబ్‌ నబీ, యశస్వి జైస్వాల్, నమన్‌ ధీర్‌.విండీస్‌తో సిరీస్‌కు భారత టీ20 జట్టు: శ్రేయస్‌ అయ్యర్‌ (కెప్టెన్‌), తిలక్‌ వర్మ (వైస్‌ కెప్టెన్‌), అభిషేక్‌ శర్మ, వైభవ్‌ సూర్యవంశీ, ఇషాన్‌ కిషన్, సంజూ సామ్సన్, శివమ్‌ దూబే, కుల్దీప్‌ యాదవ్, అక్షర్‌ పటేల్, వాషింగ్టన్‌ సుందర్, రవి బిష్ణోయ్, నితీశ్‌ కుమార్‌ రెడ్డి, అర్‌‡్షదీప్‌ సింగ్, ప్రిన్స్‌ యాదవ్, మయాంక్‌ యాదవ్‌. భారత్‌ వర్సెస్‌ వెస్టిండీస్‌ షెడ్యూల్‌, మ్యాచ్‌ ఆరంభ సమయాలు వన్డే సిరీస్‌👉సెప్టెంబరు 27- తొలి వన్డే- త్రివేండ్రం- మధ్యాహ్నం రెండు గంటల నుంచి 👉సెప్టెంబరు 30- రెండో వన్డే- గువాహటి- మధ్యాహ్నం రెండు గంటల నుంచి 👉అక్టోబర్‌ 3- మూడో వన్డే- న్యూచండీగఢ్‌- మధ్యాహ్నం రెండు గంటల నుంచిటీ20 సిరీస్‌👉అక్టోబర్‌ 6- తొలి టీ20- లక్నో- రాత్రి ఏడు గంటల నుంచి 👉అక్టోబర్‌ 9- రెండో టీ20- రాంచీ- రాత్రి ఏడు గంటల నుంచి👉అక్టోబర్‌ 11- మూడో టీ20- ఇండోర్‌- రాత్రి ఏడు గంటల నుంచి👉అక్టోబర్‌ 14- నాలుగో టీ20- హైదరాబాద్‌- రాత్రి ఏడు గంటల నుంచి👉అక్టోబర్‌ 17- ఐదో టీ20- బెంగళూరు- రాత్రి ఏడు గంటల నుంచిప్రత్యక్ష ప్రసారం ఎక్కడంటే..స్టార్‌ స్పోర్ట్స్‌ నెట్‌వర్క్‌ (టీవీ), జియో హాట్‌స్టార్‌ (డిజిటల్‌).

జింబాబ్వేతో తొలి వన్డేలో ఆస్ట్రేలియా ఓపెనర్‌ ట్రవిస్‌ హెడ్‌ పూర్తిగా విఫలమయ్యాడు. ఐదు బంతులు ఎదుర్కొన్న ఈ లెఫ్టాండర్‌ బ్యాటర్‌ కేవలం ఒక ఫోర్‌ బాది పెవిలియన్‌ చేరాడు. ఈ క్రమంలో జింబాబ్వే గడ్డ మీద అత్యల్ప స్కోరుకే అవుటైన ఆసీస్‌ ఓపెనర్‌గా చెత్త రికార్డు మూటగట్టుకున్నాడు.మూడు వన్డేల సిరీస్‌కాగా వన్డే ప్రపంచకప్‌-2027 సన్నాహకాల్లో భాగంగా ఆస్ట్రేలియా జట్టు జింబాబ్వే పర్యటనకు వెళ్లింది. ఆతిథ్య జట్టుతో మూడు వన్డేల సిరీస్‌ను మంగళవారం మొదలుపెట్టింది. హరారే స్పోర్ట్స్‌ క్లబ్‌ వేదికగా తొలి వన్డేలో టాస్‌ గెలిచిన ఆస్ట్రేలియా తొలుత బ్యాటింగ్‌ ఎంచుకుంది.క్లీన్‌ బౌల్డ్‌ఈ క్రమంలో రెండో ఓవర్లో జింబాబ్వే పేసర్‌ బ్రాడ్‌ ఎవాన్స్‌ బంతితో రంగంలోకి దిగగా.. రెండో బాల్‌కు ఫోర్‌ బాది హెడ్‌ తన పరుగుల ఖాతా తెరిచాడు. అయితే, అదే ఓవర్లో ఐదో బంతికే ఎవాన్స్‌ అద్భుత బంతితో హెడ్‌ను బోల్తా కొట్టించాడు. ఈ క్రమంలో షాట్‌కు యత్నించిన హెడ్‌ బౌల్డ్‌ అయి తొలి వికెట్‌గా పెవిలియన్‌ చేరాడు.భారీ అంచనాలతో బరిలోకి దిగిన మొత్తంగా ఐదు బంతులు ఎదుర్కొని కేవలం నాలుగు పరుగులే చేసి నిష్క్రమించాడు. దీంతో హెడ్‌ షాట్‌ సెలక్షన్‌ తీరుపై విమర్శలు వస్తున్నాయి. ఇదిలా ఉంటే.. జింబాబ్వే గడ్డ మీద అత్యల్ప వ్యక్తిగత స్కోరు నమోదు చేసిన ఆసీస్‌ ఓపెనర్‌గా ట్రవిస్‌ హెడ్‌ అపఖ్యాతి మూటగట్టుకున్నాడు. ఇక ఇదే మ్యాచ్‌లో మరో ఓపెనర్‌, ఆసీస్‌ కెప్టెన్‌ మిచెల్‌ మార్ష్‌ 36 పరుగులు చేసి అవుటయ్యాడు. తద్వారా హెడ్‌తో పాటు ఈ జాబితాలో చేరిపోయాడు.A familiar dismissal for Travis Head!😬He edges one onto the stumps — and Brad Evans strikes! 🎯🔥#ZIMvAUS #Australia #Zimbabwe #ODI #Harare #TravisHead pic.twitter.com/C2qqleXPM5— lightningspeed (@lightningspeedk) September 15, 2026జింబాబ్వే గడ్డ మీద అత్యల్ప వ్యక్తిగత స్కోర్లు నమోదు చేసిన ఆసీస్‌ ఓపెనర్లు👉ట్రవిస్‌ హెడ్‌- 4 పరుగులు (హరారే, 2026)👉ఆడం గిల్‌క్రిస్ట్‌- 14 పరుగులు(బులవాయో, 1999)👉మాథ్యూ హెడెన్‌- 34 పరుగులు (బులవాయో, 2003)👉మిచెల్‌ మార్ష్‌- 36 పరుగులు (హరారే, 2026)👉బ్రాడ్‌ హాడిన్‌- 46 పరుగులు (హరారే, 2014).చదవండి: టీమిండియాలో కొందరు కోహ్లిని వ్యతిరేకించారు: భువీ

అఫ్గానిస్తాన్‌తో టీ20 సిరీస్‌, ఆసియా గేమ్స్ అనంత‌రం టీమిండియా అక్టోబ‌ర్‌-న‌వంబ‌ర్‌లో న్యూజిలాండ్‌లో ప‌ర్య‌టించ‌నుంది. ఈ టూర్‌లో టీమిండియా రెండు టెస్టుల‌తో పాటు ఐదు టీ20లు, ఐదు వ‌న్డే మ్యాచ్‌లు ఆడ‌నుంది. దాదాపు ఆరేళ్ల త‌ర్వాత కివీస్ గడ్డ‌పై సుదీర్ఘ సిరీస్ ఆడేందుకు రానున్న నేప‌థ్యంలో న్యూజిలాండ్ మాజీ బౌల‌ర్ ట్రెంట్ బౌల్ట్ ఆస‌క్తిక‌ర వ్యాఖ్య‌లు చేశాడు. న‌వంబ‌ర్ 19 నుంచి మొద‌లుకానున్న‌ టెస్టు సిరీస్‌లో టీమిండియా త‌ర‌ఫున కేఎల్ రాహుల్ కీల‌క బ్యాట‌ర్ కానున్నాడ‌ని బౌల్ట్‌ జోస్యం చెప్పాడు. అత‌డి బ్యాటింగ్ స్టైల్ కివీస్ పిచ్‌ల‌కు అనుగుణంగా ఉంటుంద‌ని, అందుకే కివీస్ టూర్‌లో భార‌త్ తురుపుముక్క అత‌డే అవుతాడ‌ని పేర్కొన్నాడు.బౌల్ట్ మాట్లాడుతూ.. "న్యూజిలాండ్‌లో టెస్టు క్రికెట్ ఆడేందుకు భార‌త్ వ‌చ్చిన ప్ర‌తీసారి ఒక ఎక్సైట్‌మెంట్ ఉంటుంది. అయితే భార‌త్ ఎప్పుడూ ఫిబ్ర‌వ‌రి-మార్చి నెల‌ల్లోనే న్యూజిలాండ్ ప‌ర్య‌ట‌న‌కు వ‌చ్చేది. కానీ ఈసారి భిన్నంగా అక్టోబ‌ర్‌-న‌వంబ‌ర్‌లో మా దేశంలో ప‌ర్య‌టించ‌నుంది. ఆ స‌మ‌యంలో దేశంలో వాతావ‌ర‌ణం చ‌ల్ల‌గా ఉండ‌డంతో బ్యాట‌ర్ల‌కు ప‌రిస్థితులు క్లిష్టంగా మారుతాయి. ఇది బ్యాట‌ర్ల‌కు మ‌రింత స‌వాల్‌గా మార‌నుంది. న‌వంబ‌ర్‌లో టెస్టు సిరీస్ మొద‌లుకానుండంతో, అప్ప‌టికే వాతావ‌ర‌ణం పూర్తిగా చ‌ల్ల‌గా ఉంటుంది. ఇది బౌల‌ర్ల‌కు అనుకూలంగా మారి వికెట్‌కు స‌హ‌క‌రించ‌వ‌చ్చు. అయితే గెలుపోట‌ములు ప‌క్క‌న‌బెడితే ఈ సిరీస్ మాత్రం అభిమానుల‌కు ఒక మంచి ఫీస్ట్‌ను అందించ‌నుంది అని ఖ‌చ్చితంగా చెప్ప‌గ‌ల‌ను" అని చెప్పుకొచ్చాడు.ఇక గ‌తంలో బౌల్ట్‌, టిమ్ సౌథీ చాలా సంవ‌త్స‌రాలు న్యూజిలాండ్ త‌ర‌ఫున కొత్త బంతితో ప్ర‌త్య‌ర్థుల‌పై విరుచుకుప‌డ్డారు. ఈసారి కైల్ జేమీస‌న్‌, మాట్ హెన్రీ, నాథ‌న్ స్మిత్‌, విలియం ఓ రూర్కీ రూపంలో కివీస్ బౌలింగ్ లైన‌ప్ బ‌లంగా క‌నిపిస్తుంది. ఇక న్యూజిలాండ్‌లో భార‌త ప‌ర్య‌ట‌న అక్టోబ‌ర్ 22 నుంచి ప్రారంభం కానుంది. తొలుత ఐదు మ్యాచ్‌ల టీ20 సిరీస్‌లో భాగంగా అక్టోబ‌ర్ 22 నుంచి న‌వంబ‌ర్ 1 మ‌ధ్య ఐదు టీ20 మ్యాచ్‌లు, న‌వంబ‌ర్ 4 నుంచి 15 మ‌ధ్య ఐదు వ‌న్డేలు, న‌వంబ‌ర్ 19 నుంచి 23 మ‌ధ్య తొలి టెస్టు, న‌వంబ‌ర్ 27 నుంచి డిసెంబ‌ర్ 1 వ‌ర‌కు రెండో టెస్టు జ‌ర‌గ‌నుంది.Read: ‘నిజంగా ఆ క్యాచ్‌ ప‌ట్టి ఉంటే త‌ల ప‌గిలేది’

ఆల్‌రౌండ్‌ ప్రదర్శనతో అదరగొట్టిన దక్షిణాఫ్రికా జట్టు తొలి వన్డేలో నమీబియాపై డక్‌వర్త్‌ లూయిస్‌ పద్ధతిలో 99 పరుగుల తేడాతో గెలిచింది. ఇటీవల జరిగిన ముక్కోణపు టీ20 టోర్నమెంట్‌లో విజేతగా నిలిచిన దక్షిణాఫ్రికా... బుధవారం నమీబియాతో తొలి వన్డేలో సంపూర్ణ ఆధిపత్యం కనబర్చింది. మూడు మ్యాచ్‌ల సిరీస్‌లో 1–0తో ఆధిక్యంలోకి వెళ్లింది. టాస్‌ ఓడి మొదట బ్యాటింగ్‌కు దిగిన దక్షిణాఫ్రికా నిరీ్ణత 50 ఓవర్లలో 6 వికెట్ల నష్టానికి 348 పరుగులు చేసింది. ‘ప్లేయర్‌ ఆఫ్‌ ద మ్యాచ్‌’, ఓపెనర్‌ జోర్డాన్‌ హెర్మన్‌ (126 బంతుల్లో 150; 17 ఫోర్లు, 3 సిక్స్‌లు) భారీ సెంచరీతో కదంతొక్కాడు. టోనీ డి జోర్జి (84 బంతుల్లో 72; 7 ఫోర్లు, 1 సిక్స్‌) అతడికి అండగా నిలిచాడు. వీరిద్దరూ రెండో వికెట్‌కు 190 పరుగులు జోడించడంతో సఫారీ జట్టు భారీ స్కోరు చేయగలిగింది. హెర్మన్‌ అరంగేట్ర వన్డేలో సెంచరీ చేసిన ఐదో దక్షిణాఫ్రికా ప్లేయర్‌గా రికార్డుల్లోకెక్కాడు. అంతకుముందు కొలిన్‌ ఇంగ్రామ్, తెంబా బవుమా, రీజా హెండ్రిక్స్, మాథ్యూ బ్రీజ్కె ఈ ఘనత సాదించారు. డెవాల్డ్‌ బ్రేవిస్‌ (33; 3 ఫోర్లు, 1 సిక్స్‌), కార్బిన్‌ బాష్‌ (39 నాటౌట్‌; 1 ఫోర్, 3 సిక్స్‌లు) ధాటిగా ఆడారు. నమీబియా బౌలర్లలో రూబెన్‌ ట్రంపల్‌మెన్‌ 68 పరుగులిచ్చి 4 వికెట్లు పడగొట్టాడు.అనంతరం వర్షం కారణంగా మ్యాచ్‌కు అంతరాయం వాటిల్లింది. ఆ తర్వాత మైదానం సిద్ధంగా లేకపోవడంతో ఆట తిరిగి ప్రారంభమయ్యేందుకు ఆలస్యమైంది. దీంతో నమీబియా లక్ష్యాన్ని 31 ఓవర్లలో 262 పరుగులుగా నిర్దేశించారు. ఛేదనలో నమీబియా 31 ఓవర్లలో 8 వికెట్లు కోల్పోయి 162 పరుగులకు పరిమితమైంది. మలన్‌ క్రుగెర్‌ (60 బంతుల్లో 34; 1 ఫోర్‌), జేజే స్మిత్‌ (20 బంతుల్లో 31; 3 ఫోర్లు, 2 సిక్స్‌లు) పోరాడినా ఫలితం లేకపోయింది. సఫారీ బౌలర్లలో ప్రెనేలన్‌ సుబ్రాయెన్‌ 29 పరుగులిచ్చి 4 వికెట్లు తీశాడు. ఇరు జట్ల మధ్య శుక్రవారం ఇక్కడే రెండో వన్డే జరగనుంది.చదవండి: ఇప్పుడు టి20 శైలికి మారిపోతా!

టీమిండియా జ‌ట్టు అక్టోబ‌ర్ చివ‌ర్లో న్యూజిలాండ్‌లో ప‌ర్య‌టించ‌నుంది. అక్టోబ‌ర్ నుంచి డిసెంబ‌ర్ మ‌ధ్య రెండు నెల‌ల పాటు టీమిండియా ఐదు టీ20లు, ఐదు వ‌న్డేలు, రెండు టెస్టు మ్యాచ్‌లు ఆడ‌నుంది. ఆరేళ్ల త‌ర్వాత భార‌త్ న్యూజిలాండ్‌లో పర్య‌టించనుండ‌డంతో ఇప్ప‌టినుంచే టికెట్ల హ‌డావిడి మొద‌లైంది. గత రెండు వారాల్లోనే 50వేల టికెట్లు అమ్ముడైన‌ట్లు న్యూజిలాండ్ క్రికెట్ పేరేంటింగ్ బాడీ ప్రెస్ నోట్ రిలీజ్ చేసింది.మొదట క్రికెట్ నేషన్ సభ్యులు, స్కై కస్టమర్లు, ఏఎన్‌జెడ్ కస్టమర్ల కోసం రెండు వారాల ప్రీ సేల్ విండో ఇచ్చారు. ఆగస్టు 24న క్రికెట్ నేషన్ ప్రీ సేల్ మొదలైన 48 గంటల్లోనే 26 వేల టికెట్లు అమ్ముడయ్యాయని న్యూజిలాండ్ క్రికెట్ ప్రకటించింది. తర్వాత అభిమానుల కోసం కూడా టికెట్లను ఓపెన్ చేశారు. ముందుగానే సభ్యత్వం తీసుకున్న వారికి 15 శాతం డిస్కౌంట్ కూడా ఇచ్చారు. భారత్ సిరీస్ కోసం టికెట్లపై డిమాండ్ ఎక్కువగా ఉంటుందని అంచనా వేసిన బోర్డు, ఆగస్టులోనే అభిమానులను ప్రీ రిజిస్టర్ చేసుకోవాలని కోరింది. పబ్లిక్ టికెట్ సేల్స్ మొదలైన తర్వాత కూడా బుకింగ్స్ వేగంగా సాగుతున్నాయి.క్రైస్ట్‌చర్చ్‌లోని హాగ్లీ ఓవల్‌లో అక్టోబర్ 24న జరిగే రెండో టీ20కు ఇప్పటికే 75 శాతం టికెట్లు అమ్ముడయ్యాయి. ఈ మైదానంలో భారత్ రెండు టీ20లు ఆడనుంది. అక్టోబర్ 22, 24 తేదీల్లో ఆ మ్యాచ్‌లు జరగనున్నాయి. హాగ్లీ ఓవల్‌లో మ్యాచ్‌లకు ఎప్పుడూ కూడా భారీ స్థాయిలో ప్రేక్షకులు వస్తారని న్యూజిలాండ్ క్రికెట్ మార్కెటింగ్ హెడ్ టిమ్ ఎల్లిస్ చెప్పారు. కానీ ఒక మ్యాచ్‌కు ఇంత ముందుగానే మూడు వంతులకుపైగా టికెట్లు అమ్ముడవడం చాలా స్పెషల్ అని అన్నారు. సుమారు 9 వేల మంది సామర్థ్యం ఉన్న ఈ మైదానంలో నవంబర్ చివర్లో రెండో టెస్ట్ కూడా జరగనుంది.Photo Credit: Twitterరోహిత్‌, కోహ్లి క్రేజ్‌..కివీస్ గ‌డ్డ‌పై టీమిండియాకు ఇంత క్రేజ్ రావ‌డానికి కార‌ణం మాత్రం విరాట్ కోహ్లి, రోహిత్ శ‌ర్మ అని చెప్పొచ్చు. ఎందుకంటే 2027 వ‌న్డే ప్ర‌పంచ‌క‌ప్ త‌ర్వాత ఈ ఇద్ద‌రు స్టార్ ప్లేయ‌ర్లు అంత‌ర్జాతీయ క్రికెట్‌కు వీడ్కోలు ప‌లికే అవ‌కాశమున్న‌ట్లు ప్ర‌చారం జ‌రుగుతోంది. 2027 వ‌న్డే ప్ర‌పంచ‌క‌ప్ సౌతాఫ్రికాలో జ‌ర‌గ‌నున్న నేప‌థ్యంలో, త‌మ అభిమాన క్రికెట‌ర్ల‌ను చివ‌రిసారి చూసుకోవాల‌ని అభిమానులు టికెట్ల కోసం ఎగ‌బ‌డుతున్న‌ట్లు తెలుస్తోంది. 🚨 50,000+ tickets already sold for New Zealand’s home summer of cricket 🇳🇿🏏The India series is driving the madness Christchurch’s 2nd T20I is already 75% sold, while Eden Park has opened its 6th tier for the first time since India’s 2019 tour.The demand for India in NZ is… pic.twitter.com/1i1xu2VHCp— Mid Wicket (@Thinkerr_11) September 9, 2026 Read: ఈస్ట్‌జోన్‌దే టైటిల్‌!.. చ‌రిత్ర సృష్టించ‌నున్న వైభ‌వ్!

ఆస్ట్రేలియాతో వన్డే సిరీస్‌కు క్రికెట్‌ సౌతాఫ్రికా తమ జట్టును ప్రకటించింది. ఆసీస్‌తో తలపడే ఈ జట్టులో పదహారు మంది సభ్యులకు చోటు ఇచ్చినట్లు సోమవారం వెల్లడించింది. గాయం నుంచి కోలుకుని పూర్తి ఫిట్‌నెస్‌ సాధించిన తెంబా బవుమా కెప్టెన్‌గా తిరిగి వచ్చాడు.అయితే, సౌతాఫ్రికా పేస్‌ సంచలనం కగిసో రబడ మాత్రం జట్టుకు దూరమయ్యాడు. తొడకండరాల గాయం కారణంగా అతడు ఆసీస్‌తో సిరీస్‌కు అందుబాటులో లేకుండా పోయాడు. రబడ పూర్తిగా కోలుకోవాలంటే కనీసం 9- 10 వారాల పాటు విశ్రాంతి అవసరమని వైద్యులు సూచించినట్లు సమాచారం.మరోవైపు.. స్టార్‌ బ్యాటర్‌ ఐడెన్‌ మార్క్రమ్‌ ఆస్ట్రేలియాతో తొలి వన్డేకు దూరమయ్యాడు. అయితే, రెండు, మూడో వన్డేలకు అతడు అందుబాటులోకి వచ్చే అవకాశం ఉంది. ఇందుకు గల కారణాన్ని మాత్రం క్రికెట్‌ సౌతాఫ్రికా గోప్యంగా ఉంచింది.ఇదిలా ఉంటే.. గెరాల్డ్‌ కోయెట్జి దాదాపు మూడేళ్ల తర్వాత ఆసీస్‌ సిరీస్‌ సందర్భంగా వన్డేల్లో పునరాగమనం చేసేందుకు సిద్ధమయ్యాడు. వన్డే వరల్డ్‌కప్‌- 2023లో భాగంగా వెస్టిండీస్‌తో మ్యాచ్‌ సందర్భంగా అతడు ప్రొటిస్‌ జట్టు తరఫున చివరి వన్డే ఆడాడు. ఇక కోయెట్జితో పాటు క్వింటన్‌ డికాక్‌, డేవిడ్‌ మిల్లర్‌ కూడా ఈ జట్టులో స్థానం సంపాదించారు.డికాక్‌, మిల్లర్‌ ప్రస్తుతం సౌతాఫ్రికా కాంట్రాక్టు ప్లేయర్లు కాదు. అయితే, వన్డే వరల్డ్‌కప్‌-2027 టోర్నీని దృష్టిలో పెట్టుకుని సెలక్టర్లు వీరికి అవకాశం ఇచ్చినట్లుతెలుస్తోంది. ఇదిలా ఉంటే.. ఐపీఎల్‌-2026లో కోయెట్జి సన్‌రైజర్స్‌ హైదరాబాద్‌కు ప్రాతినిథ్యం వహించిన సంగతి తెలిసిందే. కాగా వన్డే ప్రపంచకప్‌-2027 సన్నాహకాల్లో భాగంగా సెప్టెంబరు 24-30 మధ్య ప్రొటిస్‌- ఆసీస్‌ జట్లు మూడు మ్యాచ్‌ల సిరీస్‌లో తలపడతాయి.ఆస్ట్రేలియాతో వన్డే సిరీస్‌కు సౌతాఫ్రికా జట్టుతెంబా బవుమా (కెప్టెన్‌), ఒట్నీల్‌ బార్ట్‌మన్‌, కార్బిన్‌ బాష్‌, మాథ్యూ బ్రీట్జ్కే, గెరాల్డ్‌ కోయెట్జి, క్వింటన్‌ డికాక్‌, టోనీ డి జోర్జి, బిజోర్న్‌ ఫార్చూన్‌. మార్కో యాన్సెన్‌, కేశవ్‌ మహరాజ్‌, క్వెనా మఫాకా, ఐడెన్‌ మార్క్రమ్‌, డేవిడ్‌ మిల్లర్‌, లుంగి ఎంగిడి, ర్యాన్‌ రికెల్టన్‌, ట్రిస్టన్‌ స్టబ్స్‌.

ఇంగ్లండ్ గ‌డ్డ‌పై ఈ నెల 15 నుంచి శ్రీలంక జ‌ట్టు వైట్‌బాల్ సిరీస్ (వ‌న్డే, టీ20లు) ఆడ‌నుంది. ఈ నేప‌థ్యంలో బుధవారం శ్రీలంక క్రికెట్ బోర్డు వ‌న్డే, టీ20 సిరీస్‌ల‌కు 16 మందితో కూడిన వేర్వేరు జ‌ట్ల‌ను ప్ర‌క‌టించింది. గాయాల నుంచి కోలుకున్న లంక విధ్వంస‌క‌ర బ్యాట‌ర్లు కుశాల్ మెండిస్‌, పాతుమ్ నిస్సాంకలు తిరిగి జ‌ట్టుతో చేరారు. వ‌న్డే, టీ20 జ‌ట్ల‌కు కుశాల్ మెండిస్ కెప్టెన్‌గా ఎంపికవ్వగా, చ‌రిత్ అస‌లంక అత‌డికి డిప్యుటీగా వ్య‌వ‌హ‌రించ‌నున్నాడు. ఇటీవ‌లే గాయాల‌తో టీమిండియాతో టెస్టు సిరీస్‌కు దూర‌మైన పాతుమ్ నిస్సాంక‌, కుశాల్ మెండిస్ తిరిగి రావ‌డం లంక జ‌ట్టును బ‌లంగా మార్చేసింది. 2027 వన్డే వరల్డ్‌కప్‌ నేపథ్యంలో..జ‌ట్టు ఎంపిక‌లో మ‌రో విశేష‌మేమిటంటే.. రెండేళ్ల త‌ర్వాత మాజీ కెప్టెన్ దాసున్ ష‌న‌క వ‌న్డేల్లో రీఎంట్రీ ఇవ్వనున్నాడు. 2024 జ‌న‌వ‌రిలో చివ‌రి వ‌న్డే ఆడిన ష‌న‌క మ‌ళ్లీ ఇన్నాళ్లకు జాతీయ జ‌ట్టుకు ఎంపిక‌య్యాడు. ప‌నిలో ప‌నిగా వ‌న్డేల‌తో పాటు టీ20 జ‌ట్టుకు కూడా ష‌న‌క‌ను ఎంపిక చేయ‌డం విశేషం. ప్ర‌స్తుతం 35 ఏళ్లున్న ష‌న‌క 2027 వ‌న్డే వ‌ర‌ల్డ్‌క‌ప్‌లో లంక జ‌ట్టులో కీల‌క ఫినిష‌ర్ కానున్న నేపథ్యంలో అతడి ఎంపిక ప్రాధాన్య‌త సంత‌రించుకుంది.ఇంగ్లండ్ టూర్‌కు వైస్ కెప్టెన్‌గా ఎంపికైన చ‌రిత్ అస‌లంక టీ20 ప్ర‌పంచ‌క‌ప్ 2026 త‌ర్వాత జ‌ట్టులో చోటు కోల్పోయాడు. అయితే ఆ త‌ర్వాత జ‌రిగిన లంక ప్రీమియ‌ర్ లీగ్ (ఎల్‌పీఎల్ 2026)లో చ‌రిత్ అస‌లంక 153 స్ట్రైక్‌రేట్‌తో 385 ప‌రుగులు సాధించి తిరిగి ఫామ్ అందుకున్నాడు. దీంతో ఇంగ్లండ్ గ‌డ్డ‌పై త‌మ ప‌ర్య‌ట‌న‌ను ఆత్మ‌విశ్వాసంతో ఆరంభించ‌నుంది.ఆ ఇద్దరి స్థానాలు పదిలం..లంక ప్రీమియ‌ర్ లీగ్‌లో అద‌ర‌గొట్టిన క‌మిల్ మిషారా (411 ర‌న్స్‌), లాహిరు ఉదారా (434 ర‌న్స్‌) రెండు జ‌ట్ల‌లోనూ త‌మ స్థానాల‌ను నిల‌బెట్ట‌కున్నారు. క‌మిందు మెండిస్ కూడా రెండు జ‌ట్లలోనూ చోటు ద‌క్కించుకోగా, మ‌రో సీనియ‌ర్ వ‌నిందు హ‌స‌రంగ‌తో పాటు దునిత్ వెల్ల‌లాగేలు కూడా వ‌న్డే, టీ20 జ‌ట్ల‌కు ఎంపిక‌య్యారు. లంక స్టార్ బౌల‌ర్ మ‌హీశ్ తీక్ష‌ణ రాక‌తో స్పిన్ విభాగం బ‌ల‌ప‌డింది. ఇక పేస్ విభాగంలో ఇషాన్ మ‌లింగ‌, దుష్మంత చ‌మీర‌లు కీల‌కం కానున్నారు. సెప్టెంబ‌ర్ 5న లంక జ‌ట్టు ఇంగ్లండ్ ప‌ర్య‌ట‌న‌కు బ‌య‌ల్దేరి వెళ్ల‌నుంది.ఇంగ్లండ్‌, శ్రీలంక టీ20, వన్డే సిరీస్ షెడ్యూల్‌:👉తొలి టీ20 మ్యాచ్‌: సెప్టెంబ‌ర్ 15న‌, సౌతాంప్ట‌న్ 👉రెండో టీ20 మ్యాచ్‌: సెప్టెంబ‌ర్ 17న‌, కార్డిఫ్‌👉మూడో టీ20 మ్యాచ్‌: సెప్టెంబ‌ర్ 19న, మాంచెస్ట‌ర్‌👉తొలి వ‌న్డే మ్యాచ్‌: సెప్టెంబ‌ర్ 22న‌, చెస్ట‌ర్ లీ స్ట్రీట్‌👉రెండో వ‌న్డే మ్యాచ్‌: సెప్టెంబ‌ర్ 24న, లీడ్స్‌👉మూడో వ‌న్డే మ్యాచ్‌: సెప్టెంబ‌ర్ 27న‌, ఓవ‌ల్‌శ్రీలంక వన్డే జట్టు: కుశాల్ మెండిస్ (కెప్టెన్‌), పాతుమ్ నిస్సాంక, కమిల్ మిషార, కమిందు మెండిస్, చరిత్ అసలంక (వైస్ కెప్టెన్‌), జనిత్ లియానాగే, పవన్ రత్నాయకే, దాసున్ షనక, వనిందు హసరంగా, దునిత్ వెల్లలగే, మహీశ్ తీక్షణ, సచిందు కొలంబాగే, దుష్మంత చ‌మీర‌, ఇషాన్ మలింగ‌, అసితా ఫెర్నాండో, దిల్షాన్ మ‌ధుషంక‌.శ్రీలంక టీ20 జట్టు: కుశాల్ మెండిస్ (కెప్టెన్‌), పాతుమ్ నిస్సాంక, కమిల్ మిషార, లహిరు ఉదార, కమిందు మెండిస్, చరిత్ అసలంక (వైస్ కెప్టెన్‌), జనిత్ లియానగే, దాసున్ షనక, దునిత్ వెల్లలగే, వనిందు హసరంగా, మహీశ్ తీక్షణ, త‌రిందు ర‌త్న‌నాయ‌కె, దుష్మంత చ‌మీర‌, ఇసాన్ మలింగ‌, నువాన్ తుషారా, బినూర ఫెర్నాండో.చదవండి: ర్యాంకింగ్స్‌లో దుమ్ములేపిన ప‌డిక్క‌ల్‌, అతడికి కెరీర్‌ బెస్ట్‌!

సౌతాఫ్రికా, జింబాబ్వేతో వన్డే సిరీస్‌లకు క్రికెట్‌ ఆస్ట్రేలియా తమ జట్టును ప్రకటించింది. వన్డే ప్రపంచకప్‌-2027 ప్రణాళికల్లో భాగంగా ఆడబోయే ఈ సిరీస్‌ నుంచి మార్నస్‌ లబుషేన్‌ను తప్పించింది. తద్వారా మెగా ఈవెంట్లో అతడి సేవలు అవసరం లేదనే సంకేతాలు ఇచ్చింది.కీలక పాత్రకాగా సౌతాఫ్రికాలో జన్మించిన లబుషేన్‌.. 2022 నుంచి ఆస్ట్రేలియా జాతీయ జట్టులో కీలక సభ్యుడిగా మారాడు. భారత్‌లో 2023లో జరిగిన వన్డే వరల్డ్‌కప్‌ టోర్నీలో ఆసీస్‌ టైటిల్‌ గెలవడంలో తన వంతు పాత్ర పోషించాడు. అయితే, గత కొంతకాలంగా లబుషేన్‌ ఫామ్‌లేమితో సతమతమవుతున్నాడు.ఫామ్‌లేమితో సతమతంగత రెండేళ్లుగా లబుషేన్‌ పేలవ ఆట తీరు కనబరుస్తున్నాడు. ఈ 32 ఏళ్ల కుడిచేతి వాటం బ్యాటర్‌ సగటు 2024 నుంచి 21.87గా ఉంది. అత్యుత్తమ స్కోరు 77 నాటౌట్‌. ఈ నేపథ్యంలో సౌతాఫ్రికా, జింబాబ్వేలతో వన్డేలు ఆడబోయే పదిహేడు మంది సభ్యులతో కూడిన జట్టు నుంచి లబుషేన్‌ను తప్పిస్తూ సెలక్టర్లు నిర్ణయం తీసుకున్నారు.ఈ విషయం గురించి ఆసీస్‌ చీఫ్‌ సెలక్టర్‌ జార్జ్‌ బెయిలీ మాట్లాడుతూ.. ప్రస్తుతం వన్డే ఫార్మాట్‌ నుంచి మాత్రమే లబుషేన్‌ను తప్పించామని స్పష్టం చేశాడు. అతడు జట్టుకు ఎంతో సేవ చేశాడని.. కానీ ప్రపంచకప్‌ ప్రణాళికల్లో భాగంగా అతడిపై వేటు వేయక తప్పలేదని పేర్కొన్నాడు.టెస్టుల్లోనూ స్థానం గల్లంతేనా?అయితే, టెస్టుల్లోనూ లబుషేన్‌ స్థానం గల్లంతేనా అన్న ప్రశ్నకు మాత్రం బదులివ్వలేదు. కాగా ఇటీవల బంగ్లాదేశ్‌తో టెస్టుల్లోనూ లబుషేన్‌ నిరాశపరచగా.. తీవ్రస్థాయిలో విమర్శలు వచ్చాయి. ఇదిలా ఉంటే.. ప్రపంచకప్‌-2027 వేదికలైన సౌతాఫ్రికా, జింబాబ్వేలతో వారి స్వదేశంలో ఆడటం తమకు సానుకూలాంశంగా మారుతుందని బెయిలీ ఈ సందర్భంగా పేర్కొన్నాడు.కమిన్స్‌, స్టార్క్‌ ఆ సిరీస్‌లో మాత్రమేఇదిలా ఉంటే.. సౌతాఫ్రికాతో వన్డేలకు కెప్టెన్‌ ప్యాట్‌ కమిన్స్‌, మిచెల్‌ స్టార్క్‌ ఎంపికయ్యారు. అయితే, జింబాబ్వేతో సిరీస్‌కు మాత్రం వారు అందుబాటులో ఉండటం లేదు. ఈ నేపథ్యంలో అన్‌క్యాప్డ్‌ ప్లేయర్‌ జోయెల్‌ డేవిస్‌తో పాటు ఒలివర్‌ పీక్‌, కూపర్‌ కన్నోలిలకు అవకాశం ఇచ్చారు.కాగా ఆఫ్రికా పర్యటనలో భాగంగా ఆస్ట్రేలియా సెప్టెంబరు 15 నుంచి జింబాబ్వేతో మూడు... సెప్టెంబరు 24 నుంచి సౌతాఫ్రికాతో మూడు వన్డేలు ఆడుతుంది. ఐసీసీ వన్డే ప్రపంచకప్‌-2027 టోర్నీ సన్నాహకాల్లో భాగంగా ఈ టూర్‌ను ప్లాన్‌ చేశారు.జింబాబ్వే, సౌతాఫ్రికాతో సిరీస్‌లకు ఆస్ట్రేలియా వన్డే జట్టుమిచెల్‌ మార్ష్‌, ప్యాట్‌ కమిన్స్‌ (సౌతాఫ్రికా సిరీస్‌కు మాత్రమే), జేవియర్‌ బార్ట్‌లెట్‌, అలెక్స్‌ క్యారీ, కూపర్‌ కన్నోలి, జోయెల్‌ డేవిస్‌, నాథన్‌ ఎల్లిస్‌, కామెరాన్‌ గ్రీన్‌, జోష్‌ హాజిల్‌వుడ్‌, ట్రవిస్‌ హెడ్‌, జోష్‌ ఇంగ్లిస్‌, స్పెన్సర్‌ జాన్సెన్‌, ఒలివిక్‌ పీక్‌, మాథ్యూ రెన్షా, బిల్లీ సాన్‌లేక్‌, మిచెల్‌ స్టార్క్‌ (సౌతాఫ్రికా సిరీస్‌కు మాత్రమే), ఆడం జంపా.షెడ్యూల్‌జింబాబ్వేతో వన్డే సిరీస్‌👉హరారే వేదికగా- సెప్టెంబరు 15, 18, 20సౌతాఫ్రికాతో వన్డే సిరీస్‌👉డర్బన్‌లో తొలి వన్డే- సెప్టెంబరు 24👉జొహన్నస్‌బర్గ్‌లో రెండో వన్డే- సెప్టెంబరు 27👉పొచెఫ్‌స్ట్రూమ్‌లో మూడో వన్డే- సెప్టెంబరు 30.చదవండి: IND vs AFG: టీమిండియాలోకి ఊహించని ప్లేయర్‌!

టెస్టు చాంపియ‌న్ సౌతాఫ్రికాకు భారీ ఎదురుదెబ్బ త‌గిలింది. ఆ జ‌ట్టు స్టార్ బౌల‌ర్ క‌గిసో ర‌బాడ తొడ‌ కండ‌రాల గాయంతో ఆస్ట్రేలియాతో వ‌న్డే సిరీస్‌కు దూర‌మ‌య్యాడు. గాయం తీవ్రత ఎక్కువ‌గా ఉండ‌డంతో ఆసీస్‌తో జ‌ర‌గ‌నున్న మూడు టెస్టు మ్యాచ్‌ల సిరీస్‌కు కూడా ర‌బాడ అందుబాటులో ఉండ‌డం అనుమానంగా ఉంది. ఈ నేప‌థ్యంలో ప్ర‌స్తుతం డ‌బ్ల్యూటీ సీ ప‌ట్టిక‌లో సౌతాఫ్రికా 75 పీసీటీతో రెండో స్థానంలో కొన‌సాగుతోంది. వ‌చ్చే ఏడాది డ‌బ్ల్యూటీసీ ఫైన‌ల్ జ‌ర‌గ‌నుండ‌డంతో ఈ సిరీస్‌కు సౌతాఫ్రికాకు కీల‌కం కానుంది. ఆస్ట్రేలియా తొలి స్థానంలో ఉన్న‌ప్ప‌టికీ, త‌మ నంబ‌ర్‌వ‌న్ స్థానాన్ని కాపాడుకోవాలంటే సౌతాఫ్రికా సిరీస్ ముఖ్య‌మే. డ‌బ్ల్యూటీసీ ప‌ట్టిక‌లో ఆస్ట్రేలియా 80 పీసీటీతో తొలి స్థానంలో ఉండ‌గా, సౌతాఫ్రికా (75 పీసీటీ), న్యూజిలాండ్ (72.22 పీసీటీ)తో వ‌రుస‌గా రెండు, మూడు స్థానాల్లో ఉన్నాయి. ఒక‌వేళ ఆసీస్‌కు సౌతాఫ్రికా టెస్టు సిరీస్‌ను కోల్పోతే పాయింట్లు ప‌డిపోవ‌డంతో పాటు మూడో స్థానానికి ప‌డిపోయే అవ‌కాశ‌ముంది. అప్పుడు మాజీ చాంపియ‌న్ న్యూజిలాండ్‌కు ఫైన‌ల్ ఆడే అవ‌కాశం ల‌భించ‌వ‌చ్చు. స్వ‌దేశంలో టీమిండియాతో న్యూజిలాండ్ రెండు టెస్టు మ్యాచ్‌ల సిరీస్ ఆడ‌నున్న సంగ‌తి తెలిసిందే. సొంత‌గ‌డ్డ‌పై ఆడ‌నుండ‌డం కివీస్‌కు సానుకూలాంశం కానుంది.ర‌బాడ‌కు ఏమైంది?ఆస్ట్రేలియాతో వ‌న్డే, టెస్టు సిరీస్ కోసం సౌతాఫ్రికా జ‌ట్టు స‌న్నాహ‌కాలు ప్రారంభించింది. ప్రాక్టీస్ సంద‌ర్భంగా ర‌బాడ తొడ కండ‌రాల్లో చీలిక వ‌చ్చింది. స్కానింగ్‌లో ర‌బాడ గ్రేడ్‌-3 టియ‌ర్‌తో బాధ‌ప‌డుతున్న‌ట్లు తేలింది. దీంతో ర‌బాడ క‌నీసం 9 నుంచి 10 వారాలు ఆట‌కు దూర‌మ‌య్యే అవ‌కాశ‌ముంది. అయితే వ‌చ్చే నెల సెప్టెంబ‌ర్ 24 నుంచి సౌతాఫ్రికా, ఆస్ట్రేలియా మ‌ధ్య మూడు వ‌న్డేల సిరీస్ ప్రారంభం కానుంది. ర‌బాడ కోలుకోవ‌డానికి తొమ్మిది వారాలు స‌మ‌యం ప‌ట్ట‌నుండ‌డంతో వ‌న్డే సిరీస్‌కు దూర‌మ‌య్యాడు. ఆ త‌ర్వాత అక్టోబ‌ర్ 9 నుంచి 27 మ‌ధ్య మూడు టెస్టు మ్యాచ్‌ల సిరీస్ ఆడ‌నుంది. 9-10 వారాలు రెస్ట్ కావ‌డంతో ఈ లెక్క‌న రబాడ టెస్టు సిరీస్‌కు కూడా దూర‌మైన‌ట్లేన‌ని సౌతాఫ్రికా క్రికెట్ మెడిక‌ల్ టీమ్ ధృవీక‌రించింది.Read: గాయంతో కీలక బ్యాటర్‌ ఔట్‌.. పాకిస‍్తాన్‌కు దెబ్బ మీద దెబ్బ!

సొంత‌గ‌డ్డ‌పై ఐర్లాండ్‌కు భారీ షాక్ త‌గిలింది. ఐదు మ్యాచ్‌ల వ‌న్డే సిరీస్‌ను అఫ్గానిస్తాన్ (ఒక మ్యాచ్ ర‌ద్దు) 4-0 తేడాతో క్లీన్‌స్వీప్ చేసింది. ర‌హ‌మ‌త్ షా అజేయ సెంచ‌రీతో చెల‌రేగి ఆఫ్గన్‌కు మ‌రిచిపోలేని విజ‌యాన్ని అందించాడు. శ‌నివారం జ‌రిగిన ఐదో వ‌న్డేలో అఫ్గానిస్తాన్ 6 వికెట్ల తేడాతో ఐర్లాండ్‌పై గెలుపొందింది. తొలుత బ్యాటింగ్ చేసిన ఐర్లాండ్ జ‌ట్టు నిర్ణీత 50 ఓవ‌ర్ల‌లో7 వికెట్ల న‌ష్టానికి 298 ప‌రుగులు చేసింది. హారీ టెక్ట‌ర్ (53) అర్ధ‌సెంచ‌రీతో రాణించ‌గా, లోయ‌ర్ ఆర్డ‌ర్‌లో క‌ర్టిస్ కాంఫ‌ర్ (96) తృటిలో సెంచ‌రీ మిస్ అయ్యాడు. చివ‌ర్లో జార్జ్ డాక్రెల్ (31), జోర్డాన్ నీల్ (23 నాటౌట్‌) రాణించారు. అఫ్గానిస్తాన్ బౌల‌ర్ల‌లో అజ్మతుల్లా 3 వికెట్లు తీయ‌గా, గ‌జ‌న్‌ఫర్ 2 వికెట్లు ప‌డ‌గొట్టాడు. అనంత‌రం ల‌క్ష్య‌ఛేద‌న‌లో అఫ్గానిస్తాన్ 48.5 ఓవ‌ర్ల‌లో 4 వికెట్లు కోల్పోయి 302 ప‌రుగులు చేసి విజ‌యాన్ని అందుకుంది. ఓపెన‌ర్లు తొంద‌ర‌గానే ఔటైన‌ప్ప‌టికీ వ‌న్‌డౌన్‌లో వ‌చ్చిన సేదికుల్లా (98) వ‌రుస‌గా రెండో సెంచ‌రీ అవ‌కాశాన్ని చేజార్చుకోగా, కెప్టెన్ ర‌హ‌మ‌త్ షా (133 బంతుల్లో 143 నాటౌట్‌) ఆఖ‌రి దాకా నిలిచి జ‌ట్టును గెలిపించాడు. అజ్మ‌తుల్లా (24) రాణించాడు. ఐర్లాండ్ బౌల‌ర్ల‌లో లియామ్ మెక్‌కార్తి 3 వికెట్లు తీశాడు.👉వన్డే క్రికెట్‌లో అఫ్గానిస్తాన్ ఇదే అత్యధిక పరుగుల ఛేదన కాగా, తొలి మ్యాచ్ రద్దు కారణంగా నాలుగు వన్డేల్లోనూ విజయం సాధించిన ఆఫ్గన్ ఐర్లాండ్‌ను 4-0తో క్లీన్‌స్వీప్ చేసింది. ఇక వన్డేల్లో కెప్టెన్‌గా సెంచరీ చేసిన మూడో ఆటగాడిగా రహ్మత్ షా నిలిచాడు. గతంలో అస్గర్ అఫ్గాన్‌, షాహిదిలు సెంచరీలు బాదారు. అయితే అఫ్గానిస్తాన్ తరఫున వన్డేల్లో కెప్టెన్‌గా అత్యధిక వ్యక్తిగత స్కోరును రహ్మత్ షా తన పేరిట లిఖించుకున్నాడు. గతంలో ఈ రికార్డు 2026 జూన్ 20న భారత్‌పై మ్యాచ్‌లో షాహిది (102 పరుగులు) పేరిట ఉండేది.👉ఇక వన్డేల్లో అఫ్గానిస్తాన్ తరఫున అత్యధిక వ్యక్తిగత స్కోర్లు సాధించిన ఆటగాళ్ల జాబితాలో రహ్మత్ షా ఆరో స్థానంలో నిలిచాడు. తొలి స్థానంలో ఇబ్రహీం జర్దన్ కొనసాగుతున్నాడు. 2025లో లాహోర్ వేదికగా ఇంగ్లండ్‌తో జరిగిన వన్డేలో ఇబ్రహీం జర్దన్ 177 పరుగులు చేశాడు. రెండో అత్యధిక వ్యక్తిగత స్కోరు కూడా జర్దన్‌దే కావడం విశేషం. ఇక మూడో స్థానంలో రహమనుల్లా గుర్బాజ్ (151 పరుగులు) ఉన్నాడు.𝐀𝐅𝐆𝐇𝐀𝐍𝐈𝐒𝐓𝐀𝐍 𝐂𝐎𝐌𝐏𝐋𝐄𝐓𝐄 𝐀 𝟒–𝟎 𝐒𝐄𝐑𝐈𝐄𝐒 𝐕𝐈𝐂𝐓𝐎𝐑𝐘 𝐎𝐕𝐄𝐑 𝐈𝐑𝐄𝐋𝐀𝐍𝐃! 🔥AfghanAtalan produced a magnificent run chase in the fifth and final ODI and successfully chased down Ireland’s 299-run target to secure a six-wicket victory and complete a… pic.twitter.com/VrlXqRlbdu— Afghanistan Cricket Board (@ACBofficials) August 15, 2026

అఫ్గానిస్తాన్‌ ఆల్‌రౌండర్‌ అజ్మతుల్లా ఒమర్జాయ్‌కు అంతర్జాతీయ క్రికెట్‌ మండలి (ఐసీసీ) షాకిచ్చింది. అతడి ఖాతాలో ఓ డిమెరిట్‌ పాయింట్‌ జతచేసింది. కాగా అఫ్గాన్‌ జట్టు ప్రస్తుతం ఐర్లాండ్‌ పర్యటనలో ఉన్న సంగతి తెలిసిందే.ఈ టూర్‌లో భాగంగా ఆతిథ్య ఐరిష్‌ జట్టుతో ఐదు వన్డేల సిరీస్‌ ఆడుతోంది. ఇప్పటి వరకు మూడు మ్యాచ్‌లు పూర్తి కాగా.. తొలి వన్డే వర్షం వల్ల రద్దైపోయింది. రెండు, మూడో వన్డేల్లో గెలిచి అఫ్గాన్‌ పటిష్ట స్థితిలో నిలిచింది. అంతేకాదు ప్రపంచకప్‌-2027 టోర్నీకి నేరుగా అర్హత సాధించింది కూడా!అంపైర్‌ నిర్ణయాన్ని వ్యతిరేకిస్తూఇదిలా ఉంటే.. ఐర్లాండ్‌తో శుక్రవారం జరిగిన రెండో వన్డే సందర్భంగా అజ్మతుల్లా ఒమర్జాయ్‌ నిబంధనలు అతిక్రమించాడు. అంపైర్‌ నిర్ణయాన్ని వ్యతిరేకిస్తూ తీవ్ర అసహనం వ్యక్తం చేశాడు. ఈ నేపథ్యంలో ఐసీసీ తాజాగా అతడికి శిక్ష విధించిన విషయాన్ని ప్రకటించింది.కారణం ఇదే‘‘ఐసీసీ ప్రవర్తనా నియామవళిలోని ఆర్టికల్‌ 2.8 నిబంధనను అజ్మతుల్లా ఒమర్జాయ్‌ ఉల్లంఘించాడు. అంతర్జాతీయ మ్యాచ్‌లో అంపైర్‌ నిర్ణయాన్ని అతడు వ్యతిరేకించాడు. నిబంధనల ప్రకారం.. అతడిని మందలిస్తూ.. గత 24 నెలల కాలంలో ఇదే మొదటి తప్పు కాబట్టి.. క్రమశిక్షణా పట్టికలో ఒక డిమెరిట్‌ పాయింట్‌ జతచేయడమైనది’’ అని ఐసీసీ సదరు ప్రకటనలో పేర్కొంది.కాగా అఫ్గాన్‌- ఐర్లాండ్‌ మధ్య రెండో వన్డేను వర్షం కారణంగా 47 ఓవర్లకు కుదించారు. ఈ క్రమంలో 41వ ఓవర్లో ఒమర్జాయ్‌ అవుటైనట్లు అంపైర్‌ ప్రకటించాడు. కానీ అతడు క్రీజును వీడకుండా తన చర్యల ద్వారా అంపైర్‌ నిర్ణయం పట్ల అసహనం, అసంతృప్తి వ్యక్తం చేశాడు. విచారణలో భాగంగా అతడు తన తప్పును అంగీకరించడంతో తదుపరి చర్యలేమీ లేకుండా ఈ మేరకు పనిష్మెంట్‌తో ఐసీసీ సరిపెట్టింది. ఈ మ్యాచ్‌లో అజ్మతుల్లా 24 బంతుల్లో 33 పరుగులు చేశాడు. జై ముంద్రా బౌలింగ్‌లో లోర్కాన్‌ టక్కర్‌కు క్యాచ్‌ ఇచ్చి పెవిలియన్‌ చేరాడు.చదవండి: T20 WC 2028: పోర్చుగల్‌ కెప్టెన్‌గా SRH మాజీ ప్లేయర్‌

నమీబియా పర్యటన నేపథ్యంలో క్రికెట్‌ సౌతాఫ్రికా (సీఎస్‌ఏ) తమ జట్టును ప్రకటించింది. పదిహేను మంది సభ్యులతో కూడిన ఈ జట్టుకు లెఫ్టార్మ్‌ స్పిన్నర్‌ బిజోర్న్‌ ఫార్చూన్‌ను కెప్టెన్‌గా ఎంపిక చేసింది. ఇందుకు సంబంధించి తాజాగా అధికారిక ప్రకటన విడుదల చేసింది.కాగా వన్డే వరల్డ్‌కప్‌-2027 టోర్నీకి సౌతాఫ్రికాతో పాటు నమీబియా, జింబాబ్వే ఆతిథ్యం ఇస్తున్న సంగతి తెలిసిందే. ఈ మెగా టోర్నీకి ముందు మూడు జట్ల మధ్య త్రైపాక్షిక టీ20 సిరీస్‌ జరుగనుంది. నమీబియా పర్యటనలో భాగంగా సౌతాఫ్రికా తొలుత జింబాబ్వేతో కలిసి ట్రై సిరీస్‌లో ఆడనుంది.అనంతరం నమీబియాతో సౌతాఫ్రికా మూడు వన్డేల సిరీస్‌ ఆడనుంది. అయితే, ఈ సిరీస్‌ నుంచి వైట్‌బాల్‌ కెప్టెన్లు తెంబా బవుమా (వన్డే), ఐడెన్‌ మార్క్రమ్‌ (టీ20)లకు సెలక్టర్లు విశ్రాంతినిచ్చారు. వీరితో పాటు కగిసో రబడ, లుంగి ఎంగిడి, మార్కో యాన్సెన్‌, కార్బిన్‌ బాష్‌, కేశవ్‌ మహరాజ్‌లకు కూడా రెస్ట్‌ ఇచ్చారు.ఈ నేపథ్యంలో 31 ఏళ్ల బిజోర్న్‌ ఫార్చూన్‌కు కెప్టెన్‌గా అవకాశం దక్కింది. ఇదిలా ఉంటే.. స్టార్‌ ఆల్‌రౌండర్‌ మార్కో యాన్సెన్‌ కవల సోదరుడు డువాన్‌ యాన్సెన్‌కు కూడా ఈ జట్టులో చోటు దక్కింది. తొలిసారి అతడు సౌతాఫ్రికా జాతీయ జట్టుకు ఎంపికయ్యాడు.ఇక కార్బిన్‌ బాష్‌ సోదరుడు ఎథాన్‌కు తొలిసారి టీ20 జట్టులో చోటు దక్కడం మరో విశేషం. వీరితో పాటు కన్నోర్‌ ఎస్తెన్‌హూజెన్‌, నకొబాని మొకొయెనా కూడా తొలిసారి వన్డే జట్టులోకి ఎంట్రీ ఇచ్చారు. హెర్మాన్‌ బ్రదర్స్‌ జోర్డాన్‌, రూబిన్‌లు కూడా జట్టులో చేరారు.నమీబియా పర్యటనకు క్రికెట్‌ సౌతాఫ్రికా ఎంపిక చేసిన జట్టుబిజోర్న్‌ ఫార్చూన్‌ (కెప్టెన్‌), ఈథన్‌ బాష్‌, డెవాల్డ్‌ బ్రెవిస్‌, టోనీ డి జోర్జి, కన్నోర్‌ ఎస్తేర్‌హూజెన్‌, జోర్డాన్‌ హెర్మాన్‌, రూబిన్‌ హెర్మాన్‌, డువాన్‌ యాన్సెన్‌, క్వెనా మఫాక, నకోబని మొకొయెనా, నకబా పీటర్‌, లువాన్‌ డ్రి ప్రిటోరియస్‌, లూథో సిపమ్లా, జేసన్‌ స్మిత్‌, ప్రెనేలన్‌ సుబ్రేయన్‌.కాగా ఆగష్టు 28 నుంచి సెప్టెంబరు 13 వరకు సౌతాఫ్రికా క్రికెట్‌ జట్టు నమీబియాలో పర్యటించనుంది. ఆగష్టు 28- సెప్టెంబరు 6 వరకు ట్రై సిరీస్‌లో ఆడనున్న సౌతాఫ్రికా జట్టు.. సెప్టెంబరు 9, 11, 13 తేదీల్లో ఆతిథ్య నమీబియాతో వన్డే సిరీస్‌ ఆడుతుంది. ఈ టూర్‌ మొత్తానికి విండ్‌హెక్‌లోని నమీబియా క్రికెట్‌ గ్రౌండ్‌ వేదిక.చదవండి: శ్రీలంకతో తొలి టెస్టు.. భారత తుదిజట్టులో ఊహించని పేరు!

అఫ్గానిస్తాన్ జట్టు 2027 వన్డే ప్రపంచకప్‌కు అర్హత సాధించింది. రషీద్‌ ఖాన్‌ ఆల్‌రౌండ్‌ ప్రదర్శనకు తోడు ఐర్లాండ్‌తో జరిగిన మూడో వన్డేలో విజయం సాధించడం ద్వారా అఫ్గానిస్తాన్‌ నేరుగా ఈ అవకాశాన్ని దక్కించుకుంది. సోమవారం జరిగిన వన్డేలో అఫ్గాన్ మూడు వికెట్ల తేడాతో ఐర్లాండ్‌ను ఓడించింది. తొలుత బ్యాటింగ్ చేసిన ఐర్లాండ్‌ 46.3 ఓవర్లలో 206 పరుగులకు ఆలౌటైంది. గావిన్ హోయ్ (36) టాప్ స్కోరర్‌గా నిలవగా, కేడ్ కార్మిచల్ (32), జై మూంద్రా (31) పర్వాలేదనిపించారు. అప్గానిస్తాన్ బౌలర్లలో రషీద్ ఖాన్‌, గజన్‌ఫర్‌చెరో మూడు వికెట్లతో విజృంభించగా, యామిన్ అహ్మద్‌జయ్ 2 వికెట్లు పడగొట్టాడు. అనంతరం అఫ్గానిస్తాన్‌ 44.5 ఓవర్లలో 7 వికెట్లు కోల్పోయి 207 పరుగులు చేసి విజయాన్ని అందుకుంది. ఓపెనర్ రహమనుల్లా గుర్బాజ్ (71) అర్ధసెంచరీతో రాణించగా, ఆఖర్లో రషీద్ ఖాన్ (37 నాటౌట్‌) మెరుపు ఇన్నింగ్స్ ఆడి జట్టును విజయతీరాలకు చేర్చాడు. ఐర్లాండ్ బౌలర్లలో గావిన్ హోయ్ 4 వికెట్లు పడగొట్టాడు. ఈ విజయంతో ఐదు మ్యాచ్‌ల వన్డే సిరీస్‌లో అఫ్గానిస్తాన్‌ 2-0తో ఆధిక్యంలో నిలిచింది. ఇరుజట్ల మధ్య నాలుగో వన్డే బుధవారం జరగనుంది.డెడ్‌లైన్‌ సెప్టెంబర్‌..సెప్టెంబర్‌ 2026 వరకు ఐసీసీ ర్యాంకింగ్స్‌లో టాప్‌–8 స్థానాల్లో ఉండే జట్లు నేరుగా అర్హత సాధిస్తాయి. దక్షిణాఫ్రికా ఆతిథ్య జట్టు కావడంతో టాప్‌–9కు అవకాశం దక్కుతుంది. బంగ్లాదేశ్‌ కూడా క్వాలిఫై అయింది. అయితే రెండుసార్లు చాంపియన్‌ వెస్టిండీస్‌ ఈ అవకాశం కోల్పోయింది. దాంతో విండీస్‌ వరల్డ్‌ కప్‌కు అర్హత సాధించాలంటే క్వాలిఫయింగ్‌ టోర్నీ ఆడాల్సి ఉంటుంది.𝐌𝐀𝐓𝐂𝐇-𝐖𝐈𝐍𝐍𝐈𝐍𝐆 𝐑𝐀𝐒𝐇𝐈𝐃 𝐊𝐇𝐀𝐍! 🪄3/44 with the ball! 🎯37* with the bat! 💥@rashidkhan_19 delivered another brilliant all-round performance to guide Afghanistan to victory and claim his second successive Player of the Match award! 👏💙#AfghanAtalan |… pic.twitter.com/r4JZlbJJNk— Afghanistan Cricket Board (@ACBofficials) August 10, 2026Read: మాజీ క్రికెటర్‌ గంగూలీ దంప‌తుల‌కు బెదిరింపు లేఖ‌!

బ్రిడీ క్రికెట్ క్లబ్ వేదికగా ఐర్లాండ్‌తో జ‌రిగిన రెండో వ‌న్డేలో అఫ్గానిస్తాన్ 92 ప‌రుగుల తేడాతో ఘ‌న విజ‌యం నమోదు చేసింది. దీంతో ఐదు మ్యాచ్‌ల సిరీస్‌లో 1-0 ఆధిక్యంలోకి అఫ్గాన్ దూసుకెళ్లింది. ఈ మ్యాచ్‌ను వ‌ర్షం కార‌ణంగా 47 ఓవ‌ర్ల‌కు 47 ఓవర్లకు కుదించారు. ఈ క్ర‌మంలో టాస్ ఓడి తొలుత బ్యాటింగ్ చేసిన అఫ్గానిస్తాన్ నిర్ణీత ఓవ‌ర్ల‌లో 8 వికెట్ల న‌ష్టానికి 299 పరుగుల భారీ స్కోరు సాధించింది. అఫ్గాన్‌ బ్యాటర్లలో ఇబ్రహీం జద్రాన్ (84) టాప్ స్కోరర్‌గా నిలిచాడు. అతడు సెదికుల్లా అటాల్‌(45)తో కలిసి రెండో వికెట్‌కు 116 పరుగుల కీలక భాగస్వామ్యాన్ని నెలకొల్పాడు.ఆ తర్వాత కెప్టెన్ రహమత్ షా(30), ఆజ్మతుల్లా ఒమర్‌జాయ్(33), హష్మతుల్లా షాహిదీ (36) కీలక ఇన్నింగ్స్ ఆడారు. ఐరీష్ బౌలర్లలో జై ముంద్రా, మార్క్ అడైర్ త‌లా రెండు వికెట్లు ప‌డ‌గొట్టారు. వీరితో పాటు గావిన్‌, క్యాంఫ్‌హార్‌, హ్యారీ టెక్ట‌ర్ చెరో వికెట్ తీశారు.ర‌షీద్ స్పిన్ మ్యాజిక్‌అనంత‌రం భారీ ల‌క్ష్యంతో బ‌రిలోకి దిగిన ఐర్లాండ్‌కు అఫ్గానిస్తాన్ స్పిన్న‌ర్ ర‌షీద్ ఖాన్ ముప్పుతిప్ప‌లు పెట్టాడు. అత‌డి స్పిన్ ఉచ్చులో చిక్కుకుని ఐరీష్ బ్యాట‌ర్లు విల‌విల్లాడారు. ఐర్లాండ్ పవర్‌ప్లేలో 65/1తో నిలిచిన‌ప్ప‌టికి.. మిడిల్ ఓవ‌ర్ల‌లో వ‌రుస క్ర‌మంలో వికెట్లు కోల్పోయింది. రషీద్ దెబ్బ‌కు ఆతిథ్య జ‌ట్టు టాపార్డ‌ర్ కుప్ప‌కూలింది. మొత్తంగా రషీద్ ఖాన్ 7.4 ఓవ‌ర్ల‌లో 34 పరుగులిచ్చి 6 వికెట్లు పడగొట్టి ఐర్లాండ్ ఇన్నింగ్స్‌ను దెబ్బతీశాడు. ఫలితంగా ఐర్లాండ్ ల‌క్ష్య చేధ‌న‌లో 33.4 ఓవ‌ర్ల‌లో 207 ప‌రుగుల‌కే ఆలౌటైంది. ఇరు జ‌ట్ల మ‌ధ్య మూడో వన్డే సోమవారం బెల్ఫాస్ట్ వేదిక‌గా జ‌ర‌గ‌నుంది. కాగా తొలి వ‌న్డే వ‌ర్షం కార‌ణంగా ర‌ద్దు అయిన సంగ‌తి తెలిసిందే. మూడో వ‌న్డేలో అఫ్గానిస్తాన్ గెలిస్తే 2-0 తేడాతో సిరీస్ సొంతం చేసుకుంటుంది. ఒక‌వేళ ఐర్లాండ్ గెలిస్తే సిరీస్ స‌మ‌మ‌వుతోంది.

అప్గానిస్తాన్‌తో ఐదు మ్యాచ్‌ల వ‌న్డే సిరీస్ నిర్వ‌హ‌ణ‌కు సిద్ధ‌మైన‌ ఐర్లాండ్ క్రికెట్ బోర్డుపై ఇంగ్లండ్ అండ్ వేల్స్ క్రికెట్ బోర్డు (ఈసీబీ) అసంతృప్తి వ్య‌క్తం చేసిన‌ట్లు తెలుస్తోంది. అఫ్గాన్‌తో వ‌న్డే సిరీస్ ఆడ‌డం ఇంగ్లండ్‌కు ఇష్టం లేదు. దీనికి ప్ర‌ధాన కార‌ణం ఆఫ్గ‌న్‌లో మహిళ‌ల ప‌ట్ల తాలిబ‌న్ల ప్ర‌వ‌ర్త‌న‌, లింగ వివ‌క్ష అని తెలుస్తోంది. 2025 చాంపియ‌న్స్ ట్రోఫీలో అఫ్గానిస్తాన్‌తో ఇంగ్లండ్ త‌ల‌ప‌డిన‌ప్పుడు లండ‌న్‌లో వివిధ పార్టీల‌కు చెందిన 160 మంది ఎంపీల బృందం ఈసీబీని తీవ్రంగా విమ‌ర్శించింది. అప్ప‌టి నుంచి అఫ్గాన్‌తో క్రికెట్ ఆడేందుకు నిరాక‌రించిన ఇంగ్లండ్ కేవ‌లం ఐసీసీ మేజ‌ర్ టోర్నీల్లో మాత్ర‌మే మ్యాచ్‌లు ఆడుతోంది. తాజాగా త‌మ క‌నుస‌న్న‌ల్లో ఉండే ఐర్లాండ్ క్రికెట్ బోర్డు ఆఫ్గ‌న్‌తో సిరీస్ నిర్వ‌హ‌ణ‌కు సిద్ద‌మ‌వ్వ‌డం ఈసీబీకి కోపం తెప్పించింది. ఈ చ‌ర్య వ‌ల్ల ఇంగ్లండ్‌తో భ‌విష్య‌త్తులో ఆడాల్సిన అంత‌ర్జాతీయ మ్యాచ్‌ల‌ను ఐర్లాండ్ కోల్పోయే ప్ర‌మాద‌ముందని చెప్పొచ్చు. గ‌తంలో స్వ‌దేశంలో యాషెస్ సిరీస్ ఆడ‌డానికి ముందు ఇంగ్లండ్ సన్నాహ‌కంగా ఐర్లాండ్‌తో ఏకైక టెస్టు మ్యాచ్ ఆడింది. 2019, 2023లో ఇది రిపీట్ అయింది. అయితే 2027 యాషెస్ సిరీస్‌కు ముందు మాత్రం ఈసారి ఐర్లాండ్‌తో కాకుండా బంగ్లాదేశ్‌తో ఏకైక టెస్టు మ్యాచ్ ఆడాల‌ని ఈసీబీ నిర్ణ‌యం తీసుకోవ‌డం చూస్తే ఐర్లాండ్ క్రికెట్ బోర్డుపై ఏర్ప‌డిన వ్య‌తిరేక‌త స్ప‌ష్టంగా అర్థ‌మ‌వుతోంది. ఇటీవ‌లి కాలంలో ఐర్లాండ్, అఫ్గానిస్తాన్ క్రికెట్ బోర్డుతో (ఏసీబీ) స‌న్నిహిత సంబంధాల‌ను ఏర్ప‌ర‌చుకున్న‌ట్లు క‌నిపిస్తోంది. గ‌త 10 సంవ‌త్స‌రాల్లో ఐర్లాండ్‌, ఆఫ్గ‌న్‌ల మ‌ధ్య ఇది ఐదో సిరీస్ కావ‌డం విశేషం.అఫ్గానిస్తాన్‌తో వ‌న్డే సిరీస్ నిర్వ‌హించ‌డంపై ఐర్లాండ్ క్రికెట్ బోర్డు స్వ‌దేశంలో ప్ర‌జ‌ల నుంచి నిర‌స‌న‌లు ఎదుర్కొంటుంది. మ‌రోవైపు ఆస్ట్రేలియా కూడా అఫ్గానిస్తాన్‌తో వ‌న్డే సిరీస్ ఆడ‌డంపై ఐర్లాండ్ క్రికెట్ బోర్డుపై గుర్రుగానే ఉన్న‌ట్లు స‌మాచారం. క్రికెట్ బిగ్‌-త్రీ (బీసీసీఐ, ఈసీబీ, క్రికెట్ ఆస్ట్రేలియా)లో రెండు దేశాల క్రికెట్ బోర్డులు ఐర్లాండ్ క్రికెట్ బోర్డు తీరును వ్య‌తిరేకిస్తున్న వేళ అది క్ర‌మంగా ఏకాకిగా మిగిలిపోయే ప్ర‌మాదం లేక‌పోలేదు.చదవండి: తొలి టెస్టులో చోటు కష్టమే.. అందుకేనా బ్యాటింగ్‌ ప్రాక్టీస్‌!

టీమిండియా స్టార్‌ క్రికెటర్‌ కుల్దీప్‌ యాదవ్‌ ఇంగ్లండ్‌ గడ్డ మీద సత్తా చాటాడు. దేశీ వన్డే కప్‌ మ్యాచ్‌లో రెండు వికెట్లు పడగొట్టి.. యార్క్‌షైర్‌ విజయంలో తన వంతు పాత్ర పోషించాడు. కాగా అఫ్గానిస్తాన్‌తో స్వదేశంలో చివరగా వన్డే సిరీస్‌లో పాల్గొన్నాడు కుల్దీప్‌.మేనేజ్‌మెంట్‌ తీరుపై విమర్శలుఅయితే, మూడు మ్యాచ్‌ల ఈ సిరీస్‌లో ఈ చైనామన్‌ స్పిన్నర్‌కు ఒకే ఒక్క మ్యాచ్‌ ఆడే అవకాశం వచ్చింది. ఆ తర్వాత ఇంగ్లండ్‌ పర్యటనకు ఎంపికైనా ఒక్క వన్డేలోనూ ఆడించకుండా.. కుల్దీప్‌ను బెంచ్‌కే పరిమితం చేసింది యాజమాన్యం. ఈ నేపథ్యంలో టీమిండియా మేనేజ్‌మెంట్‌ తీరుపై విమర్శలు వెల్లువెత్తాయి.ముఖ్యంగా లార్డ్స్‌లో చివరిదైన, నిర్ణయాత్మక మూడో వన్డేలో కుల్దీప్‌ యాదవ్‌ను ఆడిస్తే ఫలితం వేరేలా ఉండేదన్న అభిప్రాయాలు వ్యక్తమయ్యాయి. ఈ మ్యాచ్‌లో ఇంగ్లండ్‌ తమ పార్ట్‌ టైమ్‌ స్పిన్నర్ల సేవల్ని ఉపయోగించుకుని గెలుపొంది.. సిరీస్‌ను 2-1తో కైవసం చేసుకుంది.ఒకే ఓవర్లో రెండు వికెట్లతో సత్తాఇదిలా ఉంటే.. ఇంగ్లండ్‌తో వన్డే సిరీస్‌లో ఆడే అవకాశం పొందలేని కుల్దీప్‌ యాదవ్‌.. ఆ వెంటనే కౌంటీ ఫ్రాంఛైజీ యార్క్‌షైర్‌తో ఒప్పందం కుదుర్చుకున్నాడు. ఈ క్రమంలో రాయల్‌ వన్డే కప్‌-2026లో భాగంగా శుక్రవారం గ్లామోర్గాన్‌తో యార్క్‌షైర్‌ తరఫున కుల్దీప్‌ అరంగేట్రం చేశాడు.ఈ మ్యాచ్‌లో ఒకే ఓవర్లో రెండు వికెట్లతో సత్తా చాటాడు కుల్దీప్‌. మొత్తంగా పది ఓవర్ల కోటా పూర్తి చేసిన ఈ లెఫ్టార్మ్‌ స్పిన్నర్‌ మొదటి తొమ్మిది ఓవర్లలో ఒక్క వికెట్‌ కూడా తీయలేకపోయాడు. అయితే, తన ఆఖరి ఓవర్లో అలెక్స్‌ హోర్టాన్‌, జేమీ మెక్‌రాయ్‌ వికెట్లు తీశాడు. ఓవరాల్‌గా ఈ మ్యాచ్‌లో 10 ఓవర్లలో 39 పరుగులే ఇచ్చి రెండు వికెట్లు తన ఖాతాలో వేసుకున్నాడు.యార్క్‌షైర్‌ విజయంఇక యార్క్‌షైర్‌కు చెందిన మీడియం పేసర్‌ బెంజమిన్ క్లిఫ్‌ కేవలం 29 పరుగులే ఇచ్చి నాలుగు వికెట్లతో చెలరేగాడు. ఫలితంగా గ్లామోర్గాన్‌ 186 పరుగులకే పరిమితం కాగా.. లక్ష్య ఛేదనలో యార్క్‌షైర్‌ రెండు వికెట్ల తేడాతో విజయం సాధించింది.మరోవైపు.. నార్తాంప్టన్‌ తరఫున కెంట్‌ జట్టుపై టీమిండియా వెటరన్‌ స్పిన్నర్‌ యజువేంద్ర చహల్‌ కూడా రెండు వికెట్లు తీశాడు. అయితే, ఈ మ్యాచ్‌లో నార్తాంప్టన్‌ ఐదు వికెట్ల తేడాతో ఓటమిపాలైంది.చదవండి: తెలివితక్కువోడు తప్పిస్తే.. తానేంటో నిరూపించుకున్నాడు!

టీమిండియా దిగ్గజ బ్యాటర్‌ రోహిత్‌ శర్మను ఉద్దేశించి భారత క్రికెట్‌ నియంత్రణ మండలి (బీసీసీఐ) ఉపాధ్యక్షుడు రాజీవ్‌ శుక్లా కీలక వ్యాఖ్యలు చేశాడు. ఇప్పట్లో రోహిత్‌ రిటైర్‌ అయ్యే ప్రసక్తే లేదని స్పష్టం చేశాడు. కాగా ఇప్పటికే అంతర్జాతీయ టీ20, టెస్టులకు వీడ్కోలు పలికిన హిట్‌మ్యాన్‌ వన్డేల్లో కొనసాగుతున్నాడు.బ్యాట్‌తోనే సమాధానంవన్డే ప్రపంచకప్‌-2027 ఆడటమే లక్ష్యంగా రోహిత్‌ శర్మ ఫిట్‌నెస్‌ను కూడా మెరుగుపరచుకుని ముందుకు సాగుతున్నాడు. అయితే, ఇటీవల ఇంగ్లండ్‌తో లార్డ్స్‌లో జరిగిన వన్డేనే హిట్‌మ్యాన్‌ కెరీర్‌లో చివరి అంతర్జాతీయ మ్యాచ్‌ అనే ప్రచారం జరిగింది.అయితే, ఇవన్నీ వట్టి ఊహాగానాలే అని తేలింది. ప్రఖ్యాత లార్డ్స్ మైదానంలో మెరుపు శతకం (138)తో చెలరేగి విమర్శకులకు రోహిత్‌ బ్యాట్‌తోనే సమాధానం ఇచ్చాడు. అంతేకాదు.. మ్యాచ్‌ అనంతరం మాట్లాడుతూ తాను ఇప్పట్లో రిటైర్‌ కానని.. తాను ఆడినంత కాలం ఇలాంటి వదంతులు వస్తూనే ఉంటాయని పేర్కొన్నాడు.నిప్పు లేనిదే పొగ రాదుబీసీసీఐ కార్యదర్శి దేవజిత్‌ సైకియా సైతం రోహిత్‌ రిటైర్మెంట్‌ వార్తల్ని కొట్టిపారేశాడు. కానీ.. భారత స్పిన్‌ దిగ్గజం రవిచంద్రన్‌ అశ్విన్‌ మాత్రం.. ‘‘నిప్పు లేనిదే పొగ రాదు.. ఏదో జరిగే ఉంటుంది’’ అని అభిమానుల్లో సందేహాలు రేకెత్తించాడు. ఈ నేపథ్యంలో బీసీసీఐ ఉపాధ్యక్షుడు రాజీవ్‌ శుక్లా తాజాగా చేసిన వ్యాఖ్యలు వైరల్‌ అవుతున్నాయి.సెలక్టర్లదే అంతిమ నిర్ణయంయూపీ టీ20 లీగ్‌ మినీ వేలం కార్యక్రమానికి హాజరైన రాజీవ్‌ శుక్లా విలేకరులతో మాట్లాడుతూ.. ‘‘మా జట్టులో రోహిత్‌ అంతర్భాగం. అతడి ఆట కొనసాగుతుంది. మీడియా, సోషల్‌ మీడియాలో రోహిత్‌ గురించి వస్తున్న వార్తలకు అసలు అర్థమే లేదు.ఇప్పట్లో అతడు రిటైర్‌ అయ్యే ప్రసక్తే లేదు. ప్రతి ఒక్కరికి తమ సొంత అభిప్రాయాలు ఉంటాయి. అయితే, జట్టులో ఎవరు ఉండాలి.. ఎవరిని తప్పించాలి అనే విషయంలో సెలక్టర్లదే అంతిమ నిర్ణయం’’ అని పేర్కొన్నాడు.ఇక ఐర్లాండ్‌, ఇంగ్లండ్‌లలో టీమిండియా వరుసగా మూడు సిరీస్‌లు కోల్పోయిన నేపథ్యంలో రాజీవ్‌ శుక్లా స్పందిస్తూ.. ‘‘టీమిండియా ప్రస్తుతం బాగానే ఆడుతోంది. మ్యాచ్‌లు గెలుస్తోంది. కాబట్టి ఇప్పట్లో నాయకత్వ బృందంలో మార్పులు చేయాల్సిన అవసరం అయితే లేదు’’ అని కుండబద్దలు కొట్టాడు.వరుస పరాజయాల తర్వాత..కాగా టీ20 సిరీస్‌లలో పసికూన ఐర్లాండ్‌ చేతిలో 2-0, ఇంగ్లండ్‌ చేతిలో 4-0తో టీమిండియా క్లీన్‌స్వీప్‌ అయిన సంగతి తెలిసిందే. అదే విధంగా ఇంగ్లండ్‌తో మూడు మ్యాచ్‌ల వన్డే సిరీస్‌లోనూ 1-2తో ఓటమిపాలైంది. దీంతో టీ20 కెప్టెన్‌ శ్రేయస్‌ అయ్యర్‌, హెడ్‌కోచ్‌ గౌతం గంభీర్‌, వన్డే కెప్టెన్‌ శుబ్‌మన్‌ గిల్‌పై విమర్శలు రాగా.. రాజీవ్‌ శుక్లా మాత్రం తమ నాయకత్వ బృందానికి మద్దతుగా నిలవడం విశేషం. ఇదిలా ఉంటే.. ప్రస్తుతం జింబాబ్వే పర్యటనలో ఉన్న భారత టీ20 జట్టు.. తొలి మ్యాచ్‌లో విజయం సాధించి.. మూడు టీ20ల సిరీస్‌లో 1-0తో ఆధిక్యంలో నిలిచింది.చదవండి: బంగ్లాదేశ్‌ అడ్డుపుల్ల.. అఫ్గాన్‌కు షాక్‌!

వన్డే వరల్డ్‌కప్‌ విజేత, భారత మాజీ క్రికెటర్‌ మదన్‌ లాల్‌ టీమిండి​యా దిగ్గజ బ్యాటర్‌ రోహిత్‌ శర్మకు అండగా నిలిచాడు. దమ్ముంటే అతడిని జట్టు నుంచి తప్పించాలంటూ సెలక్టర్లకు సవాల్‌ విసిరాడు. కాగా రోహిత్‌ శర్మ భవితవ్యం గురించి గత కొంతకాలంగా చర్చ జరుగుతున్న సంగతి తెలిసిందే.ఇదే చివరి మ్యాచ్‌ అంటూ..వన్డే వరల్డ్‌కప్‌-2027 నాటికి రోహిత్‌ 40వ వసంతంలో అడుగుపెడతాడు. వయసు రీత్యా ఫిట్‌నెస్‌ సమస్యల వల్ల అతడు జట్టుకు భారం అవుతాడనే అభిప్రాయాలు వ్యక్తంగా.. పది కిలోలకు పైగా బరువు తగ్గి స్లిమ్‌, ఫిట్‌గా మారాడు హిట్‌మ్యాన్‌. అయినప్పటికీ అతడి రిటైర్మెంట్‌పై ఊహాగానాలు ఆగలేదు.తాజాగా ఇంగ్లండ్‌తో వన్డే సిరీస్‌లో ఆదివారం లార్డ్స్‌ మ్యాచ్‌ రోహిత్‌ కెరీర్‌లో ఆఖరి అంతర్జాతీయ మ్యాచ్‌ అనే ప్రచారం జోరుగా సాగింది. అయితే, ఈ మ్యాచ్‌లో శతక్కొట్టి (138) మరీ విమర్శకులకు బ్యాట్‌తోనే సమాధానం చెప్పాడు రోహిత్‌. అంతేకాదు.. ఆ తర్వాత రిటైర్మెంట్‌ వార్తలపై స్వయంగా స్పందించాడు.ఆడినంత కాలం ఇలాగే..‘నేను అరంగేట్రం చేసినప్పటి నుంచీ ఇలాంటి చర్చలు, విమర్శలు వస్తూనే ఉన్నాయి. నేను ఆడినంత కాలం ఇవి కొనసాగుతూనే ఉంటాయి. అందుకే వాటి గురించి పట్టించుకోవాల్సిన అవసరం లేదు. గ్రౌండ్‌లో నేను ఏం చేస్తున్నాననేదే నాకు ముఖ్యం. జట్టు విజయానికి నా వంతు కృషి చేయడంపైనే నా దృష్టి. ఈ చర్చలు సాగనివ్వండి లేకపోతే మజా ఏముంటుంది.నా పని మైదానం లోపల... వారి పని బయట’ అని రోహిత్‌ తనదైన శైలిలో స్పందించాడు. ఈ క్రమంలో మదన్‌ లాల్‌ సైతం హిట్‌మ్యాన్‌కు మద్దతుగా నిలిచాడు. ‘‘నేడో.. రేపో.. ప్రతీ ఒక్క ఆటగాడు ఏదో ఒకరోజు రిటైర్‌ అవ్వాల్సిందే. అయితే, రోహిత్‌ శర్మ ఇప్పుడు అద్భుతంగా ఆడుతున్నాడు. అతడు ఇంకా ఆడాలనుకుంటే ఆడనివ్వండి.ఒకవేళ దమ్ము, ధైర్యం ఉంటేసెలక్టర్లకు ఒకవేళ దమ్ము, ధైర్యం ఉంటే అతడిని తప్పించి ముందుకు సాగండి చూద్దాం. ప్రస్తుతం అతడు మంచి ఫామ్‌లో ఉన్నాడు. ఇలాంటపుడు అతడి విషయంలో జోక్యం చేసుకోకపోవడమే మంచిది. అంతేగానీ.. అతడి దగ్గరకు వెళ్లి.. ‘నువ్వు మా దీర్ఘకాలిక, వన్డే వరల్డ్‌కప్‌ ప్రణాళికల్లో గానీ లేవు’ అని అన్నారనుకోండి.అప్పుడు అతడు.. ‘ఏం.. ఎందుకు మీ ప్లాన్‌లో నేను లేను. నేను పరుగులు రాబడుతున్నా కదా!.. మరి నన్నెలా పక్కనపెడతారు’ అని అడుగుతాడు. అలా అడిగే హక్కు అతడికి ఉంది’’ అని మదన్‌ లాల్‌ సెలక్టర్లకు సవాల్‌ విసిరాడు. కాగా ఇప్పటికే అంతర్జాతీయ టీ20, టెస్టులకు గుడ్‌బై చెప్పిన రోహిత్‌ వన్డేల్లో మాత్రమే కొనసాగుతున్నాడు. టీమిండియాకు కెప్టెన్‌గా రెండు ఐసీసీ టైటిళ్లు అందించిన ఘనత అతడిది. టీ20 ప్రపంచకప్‌- 2024, చాంపియన్స్‌ ట్రోఫీ-2025లో టీమిండియాను విజేతగా నిలిపాడు.చదవండి: డెబ్బై పరుగులు చేయగానే గిల్‌కు కండరాలు పట్టేస్తాయి!

టీమిండియా వన్డే, టెస్టు కెప్టెన్‌ శుబ్‌మన్‌ గిల్‌ ఫిట్‌నెస్‌పై ఇంగ్లండ్‌ దిగ్గజ పేసర్‌ స్టువర్ట్‌ బ్రాడ్‌ ప్రశ్నలు సంధించాడు. కాస్త ఎక్కువ సేపు బ్యాటింగ్‌ చేసిన ప్రతీసారీ అతడి కండరాలు పట్టేయడం శుభసూచకం కాదన్నాడు. ఇంగ్లండ్‌తో మొదటి, మూడో వన్డేలో 70 పరుగులు చేసిన తర్వాత గిల్‌ ఇబ్బంది పడ్డ తీరు జట్టుకు ఎంతమాత్రం మంచిది కాదని బ్రాడ్‌ పేర్కొన్నాడు.అసహనం వ్యక్తం చేసిన గిల్‌కాగా టీమిండియా ఆటగాళ్లు తరచూ గాయాల పాలవుతుండటంపై శుబ్‌మన్‌ గిల్‌ ఇటీవల తీవ్ర అసహనం వ్యక్తం చేసిన సంగతి తెలిసిందే. రెండు, మూడు మ్యాచ్‌లకు ఒకసారి గాయాలతో అందుబాటులో లేకుండా పోతే... వచ్చే ఏడాది వన్డే ప్రపంచకప్‌లో ఎలా ఆడతారని ప్రశ్నించాడు. ఐర్లాండ్‌–ఇంగ్లండ్‌ పర్యటనలో భాగంగా ఆడిన మూడు సిరీస్‌ల్లోనూ భారత జట్టు ఓటమి పాలైన సంగతి తెలిసిందే ఇంగ్లండ్‌తో ఆదివారం లార్డ్స్‌ వేదికగా జరిగిన నిర్ణయాత్మక మూడో వన్డేలో గిల్‌ సారథ్యంలోని టీమిండియా 27 పరుగుల తేడాతో ఓడింది.మోకాలి గాయం కారణంగా ఆఖరి వన్డేకు పేస్‌ దళ నాయకుడు జస్‌ప్రీత్‌ బుమ్రా అందుబాటులో లేకపోగా... పెద్దగా అనుభవం లేని భారత బౌలింగ్‌ను ఇంగ్లండ్‌ బ్యాటర్లు ఓ ఆటాడుకున్నారు. దీంతో టీమిండియా ముందు రికార్డు లక్ష్యం నిలిచింది. ఛేదనలో ‘హిట్‌మ్యాన్‌’ రోహిత్‌ శర్మ సూపర్‌ సెంచరీకి గిల్, కోహ్లి అర్ధశతకాలు తోడవడంతో ఒక దశలో భారత్‌ గెలుస్తుందనిపించినా... మిగిలిన ప్లేయర్లు చేతులెత్తేయడంతో పరాజయం తప్పలేదు.గాయాల బెడదఈ సిరీస్‌ ప్రారంభానికి ముందే పేస్‌ ఆల్‌రౌండర్‌లు హార్దిక్‌ పాండ్యా, నితీశ్‌ కుమార్‌ రెడ్డి గాయాలతో జట్టుకు దూరం కాగా... హర్షిత్‌ రాణా టీ20 సిరీస్‌ సందర్భంగా గాయపడ్డాడు. ఇక స్పిన్‌ ఆల్‌రౌండర్‌ వాషింగ్టన్‌ సుందర్‌ రెండో మ్యాచ్‌లో గాయపడగా... మోకాలి గాయంతో బుమ్రా మూడో మ్యాచ్‌ ఆడలేదు. ఈ నేపథ్యంలో లార్డ్స్‌లో ఓటమి అనంతరం గిల్‌ మాట్లాడుతూ... ‘ముందు ప్రకటించిన జట్టులోని ఐదుగురు ఆటగాళ్లు చివరి మ్యాచ్‌ ఆడలేదు. ఒక ఆటగాడు గాయపడితే... ప్రత్యామ్నాయ వ్యూహాన్ని అనుసరించవచ్చు. ఇద్దరు అందుబాటులో లేకపోతే జట్టు కూర్పును మార్చుకోవచ్చు.దీనికి మందు కనిపెట్టాలికానీ ప్రతి మ్యాచ్‌ తర్వాత ఎవరో ఒకరు గాయపడుతుంటే... జట్టు సమతుల్యత దెబ్బతింటుంది. దీనికి మందు కనిపెట్టాలి. ప్రపంచకప్‌ను దృష్టిలో పెట్టుకుంటే... అక్కడి వరుసగా పది, పదకొండు మ్యాచ్‌లు ఆడాల్సి ఉంటుంది. ఇలా ప్రతి రెండు మ్యాచ్‌లకు గాయపడితే... మెగా టోర్నీలో ఎలా ఆడగలం. మ్యాచ్‌ రోజు ఉదయం వచ్చి నేను ఆడలేను అని అంటే వ్యూహాలు ఎలా అమలు చేయగలం’ అని అన్నాడు.వ్యక్తిగతంగా ఎవరి పేరు ప్రస్తావించకపోయినా... ఇటీవలి కాలంలో తరచూ గాయపడుతున్న ప్లేయర్లను ఉద్దేశించే గిల్‌ ఈ వ్యాఖ్యలు చేసినట్లు అర్థమవతుంది. ఇదిలా ఉంటే... ఇటీవలి కాలంలో గిల్‌ బ్యాటింగ్‌ చేస్తున్నప్పుడు తరచూ కండరాల నొప్పితో ఇబ్బంది పడుతున్న విషయం తెలిసిందే.డెబ్బై పరుగులు చేస్తాడు.. కండరాలు పట్టేస్తాయిఈ నేపథ్యంలోనే స్టువర్ట్‌ బ్రాడ్‌ గిల్‌ ఫిట్‌నెస్‌ సమస్యల గురించి తాజాగా విమర్శించాడు. ‘‘ప్రతిసారీ అతడు 70 పరుగులు పూర్తి చేసుకున్న తర్వాత.. కండరాల నొప్పితో విలవిల్లాడుతున్నాడు. ఇంగ్లండ్‌తో తొలి, మూడో వన్డేలో అతడు ఇలాగే రిథమ్‌ కోల్పోయి ఇబ్బంది పడ్డాడు’’ అని పేర్కొన్నాడు. కాగా తొలి వన్డేలో 80 పరుగులు చేసి రిటైర్డ్‌ హర్ట్‌గా వెనుదిరిగిన శుబ్‌మన్‌ గిల్‌.. మూడో వన్డేలో 77 పరుగులు పూర్తి చేసుకున్న తర్వాత ఆదిల్‌ రషీద్‌ బౌలింగ్‌లో లెగ్‌ బిఫోర్‌ వికెట్‌గా వెనుదిరిగాడు.చదవండి: వైఫల్యాలపై స్పందించిన వైభవ్‌ సూర్యవంశీ

స్వదేశంలో న్యూజిలాండ్‌తో జరుగుతున్న వన్డే సిరీస్‌లో వెస్టిండీస్ తన పరువును కాపాడుకుంది. ఇప్పటికే వన్డే సిరీస్‌ను కివీస్‌కు అప్పగించిన వెస్టిండీస్ బుధవారం జరిగిన చివరి వన్డేలో మాత్రం 2 వికెట్ల తేడాతో విజయాన్ని అందుకుంది. 269 పరుగుల టార్గెట్‌తో బరిలోకి దిగిన వెస్టిండీస్ 47.3 ఓవర్లలో 8 వికెట్లు కోల్పోయి ఛేదించింది. విండీస్ సీనియర్ బ్యాటర్ షిమ్రోన్ హెట్‌మైర్ (69 నాటౌట్‌) కడదాకా నిలిచి విజయంలో కీలకపాత్ర పోషించగా, షెర్ఫెన్ రూథర్‌ఫోర్డ్ (61) అర్ధసెంచరీతో మెరిశాడు. ఈ ఇద్దరు కలిసి ఐదో వికెట్‌కు 95 పరుగులు జోడించి జట్టును విజయం దిశగా నడిపించారు. రూథర్‌ఫోర్డ్ ఔటయ్యాకా మళ్లీ వరుసగా వికెట్లు కోల్పోయినప్పటికీ హెట్‌మైర్ అజేయంగా నిలిచి విండీస్‌ను గెలిపించాడు. న్యూజిలాండ్ బౌలర్లలో జాకబ్ డఫీ, జేడన్ లెన్నోక్స్ చెరో మూడు వికెట్లు తీయగా, నాథన్ స్మిత్‌, మైకెల్ బ్రాస్‌వెల్ చెరొక వికెట్ పడగొట్టారు. అంతకముందు తొలుత బ్యాటింగ్ చేసిన న్యూజిలాండ్ జట్టు 50 ఓవర్లలో 9 వికెట్ల నష్టానికి 268 పరుగులు చేసింది. టామ్ లాథమ్ (69), నిక్ కెల్లీ (64), విల్ యంగ్ (56) అర్ధసెంచరీలు సాధించారు. విండీస్ బౌలర్లలో విటెల్ లాయిస్‌, అల్జారీ జోసెఫ్ చెరో 2 వికెట్లు తీశారు. విండీస్‌ను గెలిపించిన హెట్‌మైర్ ‘ప్లేయర్ ఆఫ్ ది మ్యాచ్‌’ అవార్డు గెలుచుకోగా, సిరీస్‌లో 14 వికెట్లతో అదరగొట్టిన కివీస్ బౌలర్ జేడన్ లెనోక్స్ ‘ప్లేయర్ ఆఫ్ ది సిరీస్‌’ అవార్డు సొంతం చేసుకున్నాడు.చదవండి: అత‌డి విషయంలో బీసీసీఐ ఆందోళన.. జ‌ట్టు ప్ర‌క‌ట‌న వాయిదా!

టీమిండియా యాజమాన్యం వైఖరిపై ఇంగ్లండ్‌ మాజీ ఆల్‌రౌండర్‌ మొయిన్‌ అలీ ఆగ్రహం వ్యక్తం చేశాడు. ప్రపంచంలోనే అత్యుత్తమ స్పిన్నర్‌ని తుదిజట్టులోకి తీసుకోకుండా పక్కనపెట్టడం ఏమిటని ప్రశ్నించాడు. కాగా ఇంగ్లండ్‌తో మూడు వన్డేల సిరీస్‌లో చైనామన్‌ స్పిన్నర్‌ కుల్దీప్‌ యాదవ్‌కు ఒక్క మ్యాచ్‌ కూడా ఆడే అవకాశం రాలేదు.లార్డ్స్‌ వేదికగా నిర్ణయాత్మక మూడో వన్డేకు ముందు స్పిన్‌ బౌలింగ్‌ ఆల్‌రౌండర్‌ వాషింగ్టన్‌ సుందర్‌ గాయపడగా.. ఈసారి కుల్దీప్‌ను ఆడిస్తారని అంతా అనుకున్నారు. కానీ టీమిండియా మేనేజ్‌మెంట్‌ అనూహ్య నిర్ణయం తీసుకుంది. కుల్దీప్‌ను కాదని.. పేస్‌ బౌలర్‌ ప్రిన్స్‌ యాదవ్‌ను ఆడించింది. మొత్తంగా నలుగురు సీమర్లతో బరిలోకి దిగి మూల్యం చెల్లించింది.బౌలర్లంతా విఫలంగుర్నూర్‌ బ్రార్‌, అర్ష్‌దీప్‌ సింగ్‌, ప్రసిద్‌ కృష్ణ, ప్రిన్స్‌ యాదవ్‌ భారీగా పరుగులు సమర్పించుకున్నారు. స్పిన్‌ బౌలింగ్‌ ఆల్‌రౌండర్‌ అక్షర్‌ పటేల్‌ కూడా తేలిపోయాడు. ఫలితంగా ఇంగ్లండ్‌ 50 ఓవర్లలో కేవలం మూడే వికెట్లు నష్టపోయి 387 పరుగుల రికార్డు స్కోరు నమోదు చేసింది.ఈ లక్ష్యాన్ని ఛేదించలేక చతికిల పడిన టీమిండియా.. 27 పరుగుల తేడాతో ఓటమిపాలై.. సిరీస్‌నూ 1-2తో చేజార్చుకుంది. ఇంగ్లండ్‌ తమ పార్ట్‌టైమ్‌ స్పిన్నర్ల సేవలను కూడా ఉపయోగించుకుని గిల్‌ సేనను దెబ్బకొట్టింది. ఈ నేపథ్యంలో మొయిన్‌ అలీ టీమిండియా వ్యూహాన్ని తప్పుబట్టాడు.వరల్డ్‌లోనే బెస్ట్‌.. ఎందుకు ఆడించలేదుయూట్యూబ్‌ చానెల్‌ వేదికగా మాట్లాడుతూ.. ‘‘అసలు కుల్దీప్‌ యాదవ్‌ను ఎందుకు ఆడించలేదో నాకింకా అర్థం కావడం లేదు. ప్రపంచంలోనే అత్యుత్తమ స్పిన్నర్లలో అతడూ ఒకడు. ఇంగ్లండ్‌కు ఆదిల్‌ రషీద్‌ మాదిరే.. టీమిండియాకు కుల్దీప్‌ కూడా!.. భాగస్వామ్యాలను విడదీస్తూ వరుస విరామాల్లో వికెట్లు పడగొట్టడంలో అతడు దిట్ట. కానీ టీమిండియా మాత్రం వాళ్ల బ్యాటింగ్‌ లైనప్‌ను పటిష్టం చేసుకోవడానికి కుల్దీప్‌ను పక్కనపెట్టింది.భారత బౌలర్లకు బ్యాటింగ్‌ చేతకాదు. వాళ్ల జట్టులో ఉన్న అతిపెద్ద సమస్య ఇదే’’ అని మొయిన్‌ అలీ విమర్శించాడు. ప్రధాన పేసర్‌ జస్‌ప్రీత్‌ బుమ్రా లేకుంటే టీమిండియా బౌలింగ్‌ విభాగం యావరేజ్‌గా ఉంటుందని పేర్కొన్నాడు. ఇదిలా ఉంటే.. కుల్దీప్‌ యాదవ్‌కు తుది జట్టులో తీసుకోకపోవడాన్ని టీమిండియా కెప్టెన్‌ శుబ్‌మన్‌ గిల్‌ సమర్థించుకున్నాడు. తుది జట్టు కూర్పులో భాగంగా తీసుకున్న నిర్ణయమే అని వెల్లడించాడు. చదవండి: శ్రీలంక బ్యాటర్లకు చుక్కలు చూపించిన భారత బౌలర్లు

టీమిండియాతో వన్డే సిరీస్‌లో ఇంగ్లండ్‌ స్టార్‌ జో రూట్‌ అదరగొట్టాడు. ఎడ్జ్‌బాస్టన్‌ వేదికగా తొలి వన్డేలో 76 పరుగులతో అజేయంగా నిలిచిన ఈ వన్‌డౌన్‌ బ్యాటర్‌.. కార్డిఫ్‌లో జరిగిన రెండో వన్డేలో 99 పరుగులతో నాటౌట్‌గా నిలిచాడు. సెంచరీ చేసే అవకాశం ఉన్నా.. సహచరుడికి మ్యాచ్‌ ముగించే అవకాశం ఇచ్చి.. హుందాగా వ్యవహరించాడు.ఈ మ్యాచ్‌లో రూట్‌ ఇన్నింగ్స్‌ కారణంగా ఇంగ్లండ్‌ జయభేరి మోగించి సిరీస్‌ను 1-1తో సమం చేసింది. ఇక లార్డ్స్‌ వేదికగా నిర్ణయాత్మక మూడో వన్డేలోనూ రూట్‌ మరోసారి తన అనుభవాన్ని చూపించాడు. కేవలం 39 బంతుల్లోనే అర్ధ శతకం పూర్తి చేసుకున్న ఈ కుడిచేతి వాటం బ్యాటర్‌.. మొత్తంగా 48 బంతుల్లో తొమ్మిది ఫోర్లు బాది 74 పరుగులతో అజేయంగా నిలిచాడు.ఇంగ్లండ్‌ తొలి క్రికెటర్‌గా రికార్డుఇక మూడో వన్డేలో గెలిచి ఇంగ్లండ్‌ సిరీస్‌ 2-1తో కైవసం చేసుకోగా.. టీమిండియా ఓటమితో నిరాశగా వెనుదిరిగింది. రూట్‌కు ప్లేయర్‌ ఆఫ్‌ ది సిరీస్‌ అవార్డు లభించింది.నిజానికి గత కొంతకాలంగా రూట్‌ వన్డేల్లోనూ సూపర్‌ ఫామ్‌ కొనసాగిస్తున్నాడు. ఈ ముప్పై ఐదేళ్ల బ్యాటర్‌ గత ఆరు వన్డే ఇన్నింగ్స్‌లో చేసిన పరుగులు వరుసగా.. 61, 75, 111*, 76*, 99*, 74*. తద్వారా ఇంగ్లండ్‌ తరఫున వన్డేల్లో వరుసగా ఆరు ఫిఫ్టీ ప్లస్‌ స్కోర్లు సాధించిన తొలి క్రికెటర్‌గా రూట్‌ చరిత్రకెక్కాడు.ఇంగ్లండ్‌ అతడికి పూర్తి స్వేచ్ఛనిచ్చింది.. మీరేం చేస్తున్నారు?ఈ నేపథ్యంలో భారత మాజీ ఓపెనర్‌ సదగోపన్‌ రమేశ్‌ టీమిండియా యాజమాన్యం వైఖరిని విమర్శించాడు. ఇంగ్లండ్‌ మేనేజ్‌మెంట్‌ జో రూట్‌కు పూర్తి స్వేచ్ఛనిచ్చి.. మంచి ఫలితాలు రాబడుతోందన్నాడు. అదే సమయంలో భారత జట్టు యాజమాన్యం మాత్రం దిగ్గజ బ్యాటర్లు రోహిత్‌ శర్మ- విరాట్‌ కోహ్లి విషయంలో తప్పు చేస్తోందని మండిపడ్డాడు.కాగా ఇప్పటికే రోహిత్‌- కోహ్లి అంతర్జాతీయ టీ20, టెస్టులకు రిటైర్మెంట్‌ ప్రకటించారు. వన్డే వరల్డ్‌కప్‌-2027 ఆడటమే లక్ష్యంగా ముందుకు సాగుతున్నారు. అయితే, అనూహ్య రీతిలో రోహిత్‌ను కెప్టెన్సీ తప్పించిన యాజమాన్యం.. రో-కో ప్రపంచకప్‌ ఆడతారో లేదోనన్న అంశంపై తమకు స్పష్టత లేదన్నారు.రోహిత్‌ భారీ శతకంఈ క్రమంలోనే లార్డ్స్‌లో ఇంగ్లండ్‌తో మూడో వన్డే సందర్భంగా రోహిత్‌ శర్మ తన చివరి అంతర్జాతీయ మ్యాచ్‌ ఆడబోడుతన్నాడంటూ ప్రచారం ఊపందుకుంది. అయితే, ఈ మ్యాచ్‌లో రోహిత్‌ భారీ శతకం (138)తో రాణించి ఊహాగానాలకు చెక్‌ పెట్టాడు. తాను రిటైర్‌ కాబోవడం లేదని స్పష్టం చేశాడు.మీరు తప్పు చేస్తున్నారుఈ పరిణామాల నేపథ్యంలో నేపథ్యంలో రమేశ్‌ స్పందిస్తూ.. ‘‘విరాట్‌ కోహ్లి, రోహిత్‌ శర్మలకు యాజమాన్యం మద్దతుగా ఉండాల్సిన సమయం ఇది. వాళ్లిద్దరు ఇప్పటికీ వన్డే ర్యాంకింగ్స్‌లో టాప్‌-5లో ఉన్న సత్తా కలవారు. ఓసారి ఇంగ్లండ్‌ మేనేజ్‌మెంట్‌ను చూడండి. జో రూట్‌కు వాళ్లు పూర్తి స్వేచ్ఛను ఇస్తున్నారు. అతడి నుంచి అత్యుత్తమ ప్రదర్శన రాబట్టుకునేందుకు చేయాల్సిందంతా చేస్తున్నారు.అతడిపై ఏమాత్రం ఒత్తిడి పెట్టడం లేదు. ఇంగ్లండ్‌ రూట్‌ను తమ బలంగా భావిస్తోంది. కానీ భారత జట్టు యాజమాన్యం మాత్రం రోహిత్‌- విరాట్‌లనే తమ వెన్నెముకగా భావించాల్సింది పోయి వారి విషయంలోనే స్పష్టత లేకుండా చేస్తోంది’’ అని ఆగ్రహం వ్యక్తం చేశాడు. కాగా ఇంగ్లండ్‌తో వన్డే సిరీస్‌లో రోహిత్‌ వరుసగా 11, 26, 138 పరుగులు చేయగా.. కోహ్లి 5, 74, 65 పరుగులు సాధించాడు.చదవండి: లార్డ్స్‌ వన్డేలో అదే హైలైట్‌: పాక్‌ మాజీ క్రికెటర్‌

టీమిండియా దిగ్గజ బ్యాటర్‌ రోహిత్‌ శర్మ కెరీర్‌ చరమాంకానికి చేరిందంటూ గత కొంతకాలంగా వస్తున్న వార్తలకు.. ‘హిట్‌మ్యాన్‌’ లార్డ్స్‌లో శతకంతో చెక్‌ పెట్టాడు. ఇంగ్లండ్‌తో మూడో వన్డే సందర్భంగా క్రికెట్‌ ‘మక్కా’లో సెంచరీ బాది తన బ్యాట్‌ పదును ఏమాత్రం తగ్గలేదని నిరూపించాడు. కాగా ఇంగ్లండ్‌తో లార్డ్స్‌ వన్డేనే రోహిత్‌ కెరీర్‌లో చివరి అంతర్జాతీయ మ్యాచ్‌ అని ప్రచారం జరిగిన సంగతి తెలిసిందే. అయితే, ఈ మ్యాచ్‌లో హిట్‌మ్యాన్‌ 110 బంతుల్లోనే పదిహేడు ఫోర్లు, ఐదు సిక్సర్లు బాది 138 పరుగులతో అదరగొట్టాడు.లార్డ్స్‌ మ్యాచ్‌లో అదే హైలైట్‌అనంతరం తన రిటైర్మెంట్‌ వార్తలపై స్పందిస్తూ.. తాను క్రికెట్‌ ఆడుతున్నంత కాలం... రిటైర్మెంట్‌ ఊహాగానాలు వస్తూ ఉంటాయని రోహిత్‌ శర్మ అభిప్రాయపడ్డాడు. ఇలాంటి వార్తలతో పోరాడటం కంటే... మైదానంలో పరుగులు సాధించడంపైనే దృష్టి పెడతానని స్పష్టం చేశాడు. ఈ నేపథ్యంలో భారత మాజీ క్రికెటర్లతో పాటు పాకిస్తాన్‌ మాజీ వికెట్‌ కీపర్‌ బ్యాటర్‌ కమ్రాన్‌ అక్మల్‌ సైతం రోహిత్‌ శర్మకు మద్దతుగా నిలిచాడు. గేమ్‌ ప్లాన్‌ పాడ్‌కాస్ట్‌లో మాట్లాడుతూ.. ‘‘ఈ సిరీస్‌లో గెలిచేందుకు ఇంగ్లండ్‌కు అర్హత ఉంది. అయితే, ఆ విషయం కంటే కూడా రోహిత్‌ శర్మ సెంచరీ చేయడమే లార్డ్స్‌ మ్యాచ్‌కు హైలైట్‌. ప్రపంచంలోని అత్యుత్తమ వన్డే బ్యాటర్లలో తానూ ఒకడినని.. ఇప్పటికీ తన ఆటలో పదును తగ్గలేని రోహిత్‌ తన ఇన్నింగ్స్‌ ద్వారా స్టేట్‌మెంట్‌ ఇచ్చాడు. అతడి భవిష్యత్తు గురించి చాలా వదంతులు వస్తున్నాయి. వన్డే వరల్డ్‌కప్‌-2027 ప్రణాళికల్లో అతడు లేడని చాలా మంది అంటున్నారు. వాళ్లు తలచుకుంటేనే..అయితే, తనను విమర్శించే వాళ్లందరికీ రోహిత్‌ బ్యాట్‌తోనే సమాధానం చెప్పాడు. రోహిత్‌, విరాట్‌ కోహ్లి వంటి ఆటగాళ్లను ఎవరూ జట్టు నుంచి బయటకు పంపలేరు. ఆటకు వీడ్కోలు పలకడానికి సరైన సమయం వచ్చిందని భావిస్తే వాళ్లే స్వయంగా తప్పుకొంటారు. రిటైర్మెంట్‌ అనేది కేవలం వారి నిర్ణయంపైనే ఆధారపడి ఉంటుంది. భారత క్రికెట్‌కు వీరిద్దరు చేసిన సేవలు వెలకట్టలేనివి. యువ ఆటగాళ్లకు అవకాశాలు ఇచ్చే క్రమంలో మిగతా ఫార్మాట్ల నుంచి వారే తప్పుకొన్నారు. అందుకే వాళ్లు నేటికీ సూపర్‌స్టార్లుగానే కొనసాగుతున్నారు’’ అని కమ్రాన్‌ అక్మల్‌ రో-కోలపై ప్రశంసలు కురిపించాడు. కాగా ఇంగ్లండ్‌ పర్యటనలో టీ20 సిరీస్‌లో 4-0తో వైట్‌వాష్‌ అయిన టీమిండియా.. వన్డే సిరీస్‌ను 1-2తో కోల్పోయింది.ఇదిలా ఉంటే.. 2024 టీ20 ప్రపంచకప్‌ టోర్నీలో టీమిండియాను చాంపియన్‌గా నిలిపిన తర్వాత.. రోహిత్‌- కోహ్లి అంతర్జాతీయ టీ20 ఫార్మాట్‌కు వీడ్కోలు పలికారు. గతేడాది వారం రోజుల వ్యవధిలో ఇద్దరూ టెస్టులకూ గుడ్‌బై చెప్పారు. వరల్డ్‌కప్‌-2027 ఆడటమే లక్ష్యంగా వన్డేల్లో కొనసాగుతున్నారు.చదవండి: ఆటకు గుడ్‌బై చెప్పు... భారత మాజీ క్రికెటర్‌ ఫైర్‌

వెస్టిండీస్‌తో జ‌రుగుతున్న వ‌న్డే సిరీస్‌ను న్యూజిలాండ్ మ‌రో మ్యాచ్ మిగిలి ఉండ‌గానే 3-1 తేడాతో కైవ‌సం చేసుకుంది. ఆదివారం రాత్రి జ‌రిగిన నాలుగో వ‌న్డేలో న్యూజిలాండ్ వికెట్ తేడాతో వెస్టిండీస్‌పై సంచ‌ల‌నం విజ‌యం సాధించింది. తొలుత బ్యాటింగ్ చేసిన వెస్టిండీస్ 44.4 ఓవ‌ర్ల‌లో 188 ప‌రుగుల‌కు ఆలౌటైంది. విండీస్ బ్యాట‌ర్ల‌లో అమిర్ జాంగో (51) అర్ధ‌సెంచ‌రీ సాధించ‌గా, ఆఖ‌ర్లో గుద‌కేశ్ మోతీ (41) రాణించాడు. ఒక ద‌శ‌లో 81 ప‌రుగుల‌కే ఆరు వికెట్లు కోల్పోయి పీక‌ల్లోతూ క‌ష్టాల్లో ప‌డిన విండీస్‌ను గుద‌కేశ్‌, అమిర్ జాంగో ఆదుకున్నారు. ఈ ఇద్ద‌రు ఏడో వికెట్‌కు 81 ప‌రుగులు జోడించ‌డంతో వెస్టిండీస్ గౌర‌వ‌ప్ర‌ద‌మైన స్కోరును సాధించింది. న్యూజిలాండ్ బౌల‌ర్ల‌లో మాథ్యూ ఫిష‌ర్ మూడు వికెట్లు తీయ‌గా, మిచెల్ సాంట్న‌ర్‌, మైకెల్ బ్రాస్‌వెల్ చెరో 2 వికెట్లు తీశారు. అనంత‌రం ల‌క్ష్య ఛేద‌న‌లో న్యూజిలాండ్ కూడా త‌డ‌బ‌డింది. 88 ప‌రుగుల‌కే నాలుగు వికెట్లు కోల్పోయిన ద‌శ‌లో మార్క్ చాప్‌మ‌న్ (80), మైకెల్‌బ్రాస్‌వెల్ (32), మిచెల్‌సాంట్న‌ర్ (34 నాటౌట్‌) విలువైన భాగ‌స్వామ్యాలు నిర్మించారు. చాప్‌మ‌న్‌, బ్రాస్‌వెల్ వెనుదిరిగిన‌ప్ప‌టికీ క‌డ‌దాకా నిలిచిన కెప్టెన్ సాంట్న‌ర్ మరో 35 బంతులు మిగిలి ఉండగానే (44.5 ఓవర్లలో) జ‌ట్టును విజ‌య‌తీరాల‌కు చేర్చాడు. విండీస్ బౌల‌ర్ల‌లో గుద‌కేశ్ మోతీ 5 వికెట్ల‌తో స‌త్తా చాట‌గా, మాథ్యూ ఫోర్డ్ 2 వికెట్లు తీశాడు. ఆల్‌రౌండ్ ప్ర‌ద‌ర్శ‌న‌తో అద‌ర‌గొట్టిన మిచెల్ సాంట్న‌ర్ 'ప్లేయ‌ర్ ఆఫ్ ది మ్యాచ్‌' అవార్డు గెలుచుకున్నాడు. ఇరుజ‌ట్ల మ‌ధ్య నామ‌మాత్ర‌మైన చివ‌రి వ‌న్డే రేపు జ‌ర‌గ‌నుంది.

ఇంగ్లండ్‌తో కీలక మూడో మ్యాచ్‌లో ఓటమిపాలైన టీమిండియా వన్డే సిరీస్‌నూ కోల్పోయింది. లార్డ్స్‌ మైదానంలో ఆదివారం జరిగిన వన్డేలో గిల్‌ సేన 27 పరుగుల తేడాతో పరాజయం పాలైంది. ఈ ఓటమికి ప్రధాన కారణం భారత బౌలర్ల వైఫల్యమే అని చెప్పడంలో సందేహం లేదు.నలుగురు సీమర్లు అర్ష్‌దీప్‌ సింగ్‌, గుర్నూర్‌ బ్రార్‌, ప్రిన్స్‌ యాదవ్‌, ప్రసిద్‌ కృష్ణలతో పాటు.. స్పిన్‌ బౌలింగ్‌ ఆల్‌రౌండర్‌ అక్షర్‌ పటేల్‌లను టీమిండియా బరిలోకి దించింది. ఈ మ్యాచ్‌కు ముందు ప్రధాన పేసర్‌ జస్‌ప్రీత్‌ బుమ్రాతో పాటు ఆల్‌రౌండర్‌ వాషింగ్టన్‌ సుందర్‌ గాయపడ్డారు. దీంతో వాషీ స్థానంలో చైనామన్‌ స్పిన్నర్‌ కుల్దీప్‌ యాదవ్‌ను ఆడిస్తారని విశ్లేషకులు భావించారు. అయితే, ఇక్కడ మధ్య ఓవర్లలో స్పిన్నర్ల కంటే పేసర్లే ఎక్కువ ప్రభావం చూపుతారన్న కెప్టెన్‌ శుబ్‌మన్‌ గిల్‌.. కుల్దీప్‌ను కాదని ప్రిన్స్‌ యాదవ్‌ను తుదిజట్టులోకి తీసుకున్నట్లు తెలిపాడు.మూకుమ్మడిగా విఫలంఅయితే, ఈ వ్యూహం బెడిసి కొట్టింది. బౌలర్లంతా మూకుమ్మడిగా విఫలమయ్యారు. గుర్నూర్ బ్రార్‌ అయితే‌ పది ఓవర్ల కోటాలో ఏకంగా 97 పరుగులు సమర్పించుకుని లార్డ్స్‌లో చెత్త రికార్డు నమోదు చేశాడు. ఇక అర్ష్‌దీప్‌ తన కోటా పూర్తి చేసి 72 పరుగులు ఇవ్వగా.. ప్రసిద్‌ కృష్ణ 10 ఓవర్లలో 69 పరుగులు ఇచ్చి రెండు వికెట్లు తీసి ఫర్వాలేదనిపించాడు.అత్యధిక స్కోరుమరోవైపు.. ప్రిన్స్‌ యాదవ్‌ పది ఓవర్ల కోటా పూర్తి చేసి 79 రన్స్‌ ఇచ్చుకుని ఒక వికెట్‌ తన ఖాతాలో వేసుకున్నాడు. అక్షర్‌ పటేల్‌ పది ఓవర్లలో 61 పరుగులు సమర్పించుకున్నాడు. దీంతో ఇంగ్లండ్‌ నిర్ణీత యాభై ఓవర్లలో కేవలం మూడు వికెట్లు కోల్పోయి 387 పరుగులతో లార్డ్స్‌లో అత్యధిక స్కోరు సాధించిన జట్టుగా చరిత్ర సృష్టించింది. అనంతరం లక్ష్య ఛేదనలో టీమిండియా 360 పరుగులు మాత్రమే చేసి ఓటమిని ఆహ్వానించింది.రిటైర్మెంట్‌ ప్రకటించేలా ఒత్తిడిఈ నేపథ్యంలో టీమిండియా యాజమాన్యం తీరుపై భారత మాజీ క్రికెటర్‌ మహ్మద్‌ కైఫ్‌ ఆగ్రహం వ్యక్తం చేశాడు. కుల్దీప్‌ యాదవ్‌ పట్ల మేనేజ్‌మెంట్‌ వైఖరి సరిగ్గా లేదని విమర్శించాడు. ‘‘కుల్దీప్‌ కెరీర్‌ ముగిసిపోయింది.. ఇక బ్యాగులు సర్దుకోవడమే తరువాయి.. ఆ వెంటనే అంతర్జాతీయ క్రికెట్‌కు వీడ్కోలు పలకాలి’ అనేలా కుల్దీప్‌ను గందరగోళంలో పడేస్తున్నారు.లార్డ్స్‌ మ్యాచ్‌లో బుమ్రా, వాషింగ్టన్‌, వరుణ్‌ చక్రవర్తి.. ఈ ముగ్గురూ లేరు. మరి వాషీ స్థానంలోనైనా కుల్దీప్‌ను తుదిజట్టులోకి తీసుకోవచ్చు కదా!.. లార్డ్స్‌లో వైవిధ్యంగా బౌలింగ్‌ చేసేవాళ్లు కావాలి. లెఫ్టార్మ్‌ స్పిన్నర్‌ అయిన కుల్దీప్‌ ఇక్కడ గొప్పగా బౌలింగ్‌ చేయగలడు.118 వన్డేల్లోనే అతడు 194 వికెటుల​ కూల్చాడు. అయినా సరే ఈ గణాంకాలను మీరు పరిగణనలోకి తీసుకోరు అనిపిస్తోంది. ఇక భారత స్పిన్‌ దిగ్గజం రవిచంద్రన్‌ అశ్విన్‌ సైతం​ కుల్దీప్‌ యాదవ్‌ను ఆడించకపోవడాన్ని తప్పుబట్టాడు. అశూ ఆగ్రహంఇంగ్లండ్‌లో ఒక్క మ్యాచ్‌ కూడా ఆడించకుండా అతడిని పక్కనపెట్టారని.. ఇది కుల్దీప్‌ ఆత్మవిశ్వాసాన్ని దెబ్బతీస్తుందని అశూ ఆవేదన వ్యక్తం చేశాడు. కాగా యూకే పర్యటనలో టీ20 సిరీస్‌లలో ఐర్లాండ్‌ చేతిలో 2-0, ఇంగ్లండ్‌ చేతిలో 4-0తో టీమిండియా క్లీన్‌స్వీప్‌ అయింది. ఇంగ్లండ్‌తో వన్డే సిరీస్‌లో 2-1తో ఓటమిపాలైంది.చదవండి: అందుకే అతడు బెంచ్‌కే పరిమితం: గిల్‌

రిటైర్మెంట్‌ వార్తల నడుమ లార్డ్స్‌ మైదానంలో టీమిండియా దిగ్గజం రోహిత్‌ శర్మ అద్భుత శతకంతో మెరిశాడు. ఇంగ్లండ్‌తో ఆదివారం నాటి మూడో వన్డే సందర్భంగా 138 పరుగులు సాధించాడు. తొలుత నెమ్మదిగా ఆడిన హిట్‌మ్యాన్‌ ఆ తర్వాత గేరు మార్చి.. ఇంగ్లండ్‌ బౌలర్లపై విరుచుకుపడ్డాడు.ఈ క్రమంలో 110 బంతుల్లో 17 ఫోర్లు, ఐదు సిక్సర్ల సాయంతో 138 పరుగులు చేశాడు. అయితే, జేకబ్‌ బెతెల్‌ అనూహ్య రీతిలో రోహిత్‌ను బౌల్డ్‌ చేశాడు. ఇక ఈ మ్యాచ్‌లో మరో ఓపెనర్‌, కెప్టెన్‌ శుబ్‌మన్‌ గిల్‌ (77), వన్‌డౌన్‌ బ్యాటర్‌ విరాట్‌ కోహ్లి (74) అర్ధ శతకాలు సాధించినా ఫలితం లేకుండా పోయింది. నిర్ణయాత్మక​ మ్యాచ్‌లో 27 పరుగుల తేడాతో ఓడి టీమిండియా సిరీస్‌ను 1-2తో ఇంగ్లండ్‌కు కోల్పోయింది.The name is Rohit Gurunath Sharma. 🫡The occasion? A Lord's century. 💯Watch #ENGvIND 3rd ODI LIVE NOW on Sony Sports Network TV channels. #SonySportsNetwork #MamlaPersonalHai #ExtraaaInnings pic.twitter.com/G5HoYMO0BV— Sony Sports Network (@SonySportsNetwk) July 19, 2026రూమర్లు కొత్తేం కాదుఇదిలా ఉంటే.. తాజాగా బీసీసీఐ టీవీతో మాట్లాడిన రోహిత్‌ శర్మ తన రిటైర్మెంట్‌ గురించి వస్తున్న వార్తలపై స్పందించాడు. ‘‘మైదానంలోకి వచ్చి బ్యాటింగ్‌ చేయడం నా ముఖ్య విధి. దేశానికి ప్రాతినిథ్యం వహించడం గొప్ప విషయం. నా అరంగేట్రం రోజు నుంచి నేటి దాకా అదే నిబద్ధత, అంకితభావంతో ముందుకు సాగుతున్నాను.అంతేకాదు నేను అంతర్జాతీయ క్రికెట్‌లో అడుగుపెట్టిన నాటి నుంచే ఇలాంటి వార్తలు వింటూ ఉన్నాను. నేను మళ్లీ గ్రౌండ్‌లోకి వెళ్లే దాకా ఈ వదంతులు ఆగవు. అయినా.. ఇలాంటి రూమర్లు నాపై ఎలాంటి ప్రభావం చూపలేవు. మైదానంలో నా ఆట తీరు ఎలా ఉందన్నదే ముఖ్యం.జట్టు విజయం కోసం నా వంతు కృషి చేస్తాను. కేవలం ఆ ఒక్క విషయంపైనే నా దృష్టి కేంద్రీకృతమై ఉంటుంది. అయినా ఇలాంటి వదంతులు ఉంటేనే కదా.. మనకూ కాస్త సరదాగా అనిపిస్తుంది. నా పని నాదే. బయట ఎవరి పని వాళ్లదే. వాళ్లు ఇలాంటి రూమర్లతో ప్రాచుర్యం పొందాలనుకుంటారు’’ అని రోహిత్‌ శర్మ గాసిప్‌రాయుళ్లకు కౌంటర్‌ వేశాడు.కాగా ఇప్పటికే అంతర్జాతీయ టీ20, టెస్టు ఫార్మాట్‌ నుంచి తప్పుకొన్న రోహిత్‌ శర్మ.. వన్డే వరల్డ్‌కప్‌-2027 ఆడటమే లక్ష్యంగా ముందుకు సాగుతున్నాడు. అయితే, లార్డ్స్‌లో రోహిత్‌ చివరి మ్యాచ్‌ ఆడబోతున్నాడనే ప్రచారం జరుగగా.. బీసీసీఐ కార్యదర్శి దేవజిత్‌ సైకియా కొట్టిపారేశాడు. కెప్టెన్‌ గిల్‌ సైతం ఇవన్నీ కేవలం ఊహాగానాలే అన్నాడు.మా మధ్య అవగాహన ఉందిఇదిలా ఉంటే.. రోహిత్‌- కోహ్లి కలిసి అంతర్జాతీయ క్రికెట్‌లో అత్యధికంగా 400 మ్యాచ్‌లలో కలిసి ఆడిన తొలి భారత జోడీగా చరిత్రకెక్కారు. ఈ నేపథ్యంలో రోహిత్‌ స్పందిస్తూ.. ‘‘మా కెరీర్‌ తొలి నాళ్ల నుంచి మేము కలిసి ఆడుతున్నాం. ఇప్పటికే మేమిద్దరం కలిసి ఎన్నోసార్లు మంచి భాగస్వామ్యాలు నెలకొల్పాము.మధ్య ఓవర్లలో కోహ్లి వస్తే అతడితో కలిసి ఆడటం నాకెంతో సంతోషంగా ఉంటుంది. ఈరోజు కూడా ఇద్దరం కలిసే ఆడాము. మా ఇద్దరి మధ్య మంచి అవగాహన ఉంది. ఆట మధ్యలో మేము ఎక్కువగా చర్చించుకుంటాము. ఒకరి ఆలోచనలు ఒకరం పంచుకుంటూ.. ఒకరినొకరం అర్థం చేసుకుంటూ బ్యాటింగ్‌ చేస్తూ ఉంటాము’’ అని కోహ్లితో ఉన్న అనుబంధం, సమన్వయం గురించి చెప్పుకొచ్చాడు.చదవండి: మెరుగుపడాల్సిందే: శుబ్‌మన్‌ గిల్‌ వార్నింగ్‌

ఇంగ్లండ్‌తో నిర్ణయాత్మక మూడో వన్డేలో టీమిండియా ఓటమి పాలైంది. లార్డ్స్‌లో ఆదివారం నాటి మ్యాచ్‌లో టాస్‌ ఓడి తొలుత బౌలింగ్‌ చేసిన భారత్‌ దారుణంగా విఫలమైంది. టీమిండియా బౌలర్లు ధారాళంగా పరుగులు ఇచ్చుకోవడంతో ఇంగ్లండ్‌ రికార్డు స్థాయిలో 387 పరుగులు చేసింది.గాయాల వల్ల ఇద్దరూ దూరంలక్ష్య ఛేదనలో భారత్‌ 360 పరుగులకే పరిమితమై.. 27 పరుగుల తేడాతో ఓడిపోయింది. ఫలితంగా సిరీస్‌ 2-1తో ఇంగ్లండ్‌ సొంతమైంది. భారత ప్రధాన పేసర్‌ జస్‌ప్రీత్‌ బుమ్రా ఈ మ్యాచ్‌కు దూరం కావడం తీవ్ర ప్రభావం చూపింది. ఇక గాయం కారణంగా ఆల్‌రౌండర్‌ వాషింగ్టన్‌ సుందర్‌ కూడా మ్యాచ్‌ ఆడలేకపోయాడు.గిల్‌ కీలక వ్యాఖ్యలుబుమ్రా, వాషీ స్థానాల్లో అర్ష్‌దీప్‌ సింగ్‌, ప్రిన్స్‌ యాదవ్‌ మూడో వన్డే ఆడారు. ఈ నేపథ్యంలో ఓటమి అనంతరం టీమిండియా కెప్టెన్‌ శుబ్‌మన్‌ గిల్‌ కీలక వ్యాఖ్యలు చేశాడు. తరచూ గాయపడే ఆటగాళ్ల వల్ల తుదిజట్టు కూర్పు దెబ్బతింటోందన్నాడు. ఈ మేరకు.. ‘‘ఒక ఆటగాడు గాయపడితే కూర్పు ఒకలా ఉంటుంది.ఒకరి కంటే ఎక్కువ మంది గాయపడితే జట్టు కాంబినేషన్‌లో మరిన్ని మార్పులు చోటుచేసుకుంటాయి. ప్రతీ మ్యాచ్‌ తర్వాత ఒక ఆటగాడు గాయపడతున్నాడంటే మేము ఎక్కడో ట్రిక్‌ మిస్‌ అవుతున్నామని అనిపిస్తోంది.ఎక్కడో చోట తేడా కొడుతుందిప్రపంచకప్‌ టోర్నీని దృష్టిలో పెట్టుకుని మేము 11 మ్యాచ్‌లు వరుసగా ఆడాల్సి ఉంది. అయితే, తరచూ గాయాల బారిన పడే ఆటగాళ్లు ఈ సిరీస్‌లో రెండు లేదంటే మూడు మ్యాచ్‌లు మిస్‌ కావొచ్చు. ఇలా ఎక్కడో చోట తేడా కొడుతుంది. తరచూ గాయపడే ప్లేయర్‌ ఒకటి లేదా రెండు మ్యాచ్‌లు ఆడతాడు.ఆ తర్వాత ఫిట్‌నెస్‌ సమస్యల వల్ల దూరమవుతాడు. అలాంటి సమయంలో కొత్త ప్లేయర్‌ను ఆడించాల్సి ఉంటుంది. నిజానికి తుదిజట్టును తరచూ మార్చాలనే ఆలోచన మాకు లేదు. కానీ గాయాల వల్ల తప్పక ఇలా చేయాల్సి వస్తోంది.ఎప్పుడు ఎవరు గాయపడతారో తెలియదు. కొంతమంది 80 శాతం ఫిట్‌గా ఉన్నా సరే ఆడటానికి ముందుకు వస్తారు. అయితే, మేము ఐదుగురు బౌలర్లతో బరిలోకి దిగితే.. అందులో ఒకరు కేవలం ఐదు ఓవర్లు మాత్రమే బౌల్‌ చేస్తామంటే కుదరదు కదా!మెరుగుపడాల్సిందేపూర్తి ఫిట్‌గా ఉంటేనే వారు పది ఓవర్లు బౌల్‌ చేయగలరు. కాబట్టి మేము రిస్క్‌ తీసుకోవాలనుకోవడం లేదు. ఏదేమైనా జట్టుగా మేము ఫిట్‌నెస్‌ ప్రమాణాలను మరింతగా మెరుగపరచుకోవాల్సి ఉంది’’ అని శుబ్‌మన్‌ గిల్‌ పేర్కొన్నాడు. తరచూ గాయాలుకాగా పేస్‌ దళ నాయకుడు బుమ్రా తరచూ గాయపడుతున్న సంగతి తెలిసిందే. చాలా నెలల తర్వాత ఇంగ్లండ్‌తో తొలి వన్డే సందర్భంగా ఇటీవలే అతడు యాభై ఓవర్ల ఫార్మాట్లో రీఎంట్రీ ఇచ్చాడు. రెండు మ్యాచ్‌లు ఆడగానే.. మోకాలి గాయంతో కీలకమైన మూడో వన్డేకు దూరమయ్యాడు.అంతేకాదు బుమ్రాపై పనిభారం తగ్గించే క్రమంలో మేనేజ్‌మెంట్‌ అతడికి తరచూ విశ్రాంతినిస్తూ ఉంటుంది. ఈ నేపథ్యంలో గిల్‌ ఒక రకంగా బుమ్రా ఫిట్‌నెస్‌ ప్రమాణాల పట్ల అసంతృప్తితో ఉన్నట్లు తెలుస్తోంది. ప్రపంచకప్‌ ప్రస్తావన తేవడం ద్వారా ఈ పేస్‌ గుర్రానికి గిల్‌ పరోక్షంగా హెచ్చరిక జారీ చేశాడనే అభిప్రాయాలు వ్యక్తమవుతున్నాయి. కాగా యూకే పర్యటనలో భాగంగా తొలుత ఐర్లాండ్‌తో టీ20 సిరీస్‌లో 2-0తో వైట్‌వాష్‌ అయిన టీమిండియా.. ఇంగ్లండ్‌ చేతిలో 4-0తో క్లీన్‌స్వీప్‌ అయింది. తాజాగా వన్డే సిరీస్‌నూ కోల్పోయి ఓటమితో నిష్క్రమించింది.చదవండి: వారి వల్లే ఓడిపోయాం.. అతడు అద్భుతం: గిల్‌

భారత్‌తో మూడో వన్డేలో ఇంగ్లండ్‌ ఓపెనర్‌ బెన్‌ డకెట్‌ శతక్కొట్టాడు. ఆది నుంచి నిలకడగా ఆడుతూ భారీ సెంచరీతో అలరించాడు. ఈ క్రమంలో క్రికెట్‌ పుట్టినిల్లు లార్డ్స్‌ మైదానంలో డకెట్‌ చరిత్ర తిరగరాశాడు. వెస్టిండీస్‌ దిగ్గజం సర్‌ వివియన్‌ రిచర్డ్స్‌ పేరిట ఉన్న 47 ఏళ్ల రికార్డును ఈ లెఫ్టాండ్‌ బ్యాటర్‌ బద్దలు కొట్టాడు.141 పరుగులులార్డ్స్‌ వేదికగా టీమిండియాతో నిర్ణయాత్మక మూడో వన్డేలో టాస్‌ గెలిచిన ఇంగ్లండ్‌ తొలుత బ్యాటింగ్‌కు దిగింది. ఓపెనర్‌ బెన్‌ డకెట్‌ 135 బంతులు ఎదుర్కొని 18 ఫోర్లు, ఒక సిక్స్‌ సాయంతో ఏకంగా 141 పరుగులు సాధించాడు. అయితే, ప్రిన్స్‌ యాదవ్‌ బౌలింగ్‌లో అతడికే క్యాచ్‌ ఇవ్వడంతో డకెట్‌ శతక ఇన్నింగ్స్‌ ముగిసిపోయింది.లార్డ్స్‌లో ప్రపంచ రికార్డుఅయితే, ఈ భారీ శతకం ద్వారా డకెట్‌ లార్డ్స్‌లో ప్రపంచ రికార్డు నెలకొల్పాడు. క్రికెట్‌ ‘మక్కా’లో వన్డేల్లో అత్యధిక వ్యక్తిగత స్కోరు సాధించిన క్రికెటర్‌గా చరిత్రకెక్కాడు. ఇంతకుముందు ఈ రికార్డు వివియన్‌ రిచర్డ్స్ పేరిట ఉండేది. ఇక మ్యాచ్‌ విషయానికొస్తే..Nailed to the boundary!A superb hundred for Ben Duckett at Lord's 💯🤝 @IGcom pic.twitter.com/NwS3IH5tMJ— England Cricket (@englandcricket) July 19, 2026డకెట్‌ శతకంతో చెలరేగగా.. మరో ఓపెనర్‌ జేకబ్‌ బెతెల్‌ (91) సెంచరీ మిస్‌ అయ్యాడు. ప్రసిద్‌ కృష్ణ బౌలింగ్‌లో రోహిత్‌ శర్మకు క్యాచ్‌ ఇచ్చి బెతెల్‌ అవుటయ్యాడు. ఇక వన్‌డౌన్‌ బ్యాటర్‌ జో రూట్‌ మరోసారి తన అనుభవాన్ని చూపించాడు. వన్డేల్లో వరుసగా ఆరో అర్ధ శతకం (48 బంతుల్లోనే 74 నాటౌట్‌) బాదాడు.ఇంగ్లండ్‌ భారీ స్కోరుకెప్టెన్‌ హ్యారీ బ్రూక్‌ (14) నిరాశపరచగా.. వికెట్‌ కీపర్‌ బ్యాటర్‌ జోస్‌ బట్లర్‌ కేవలం 13 బంతుల్లోనే 41 పరుగులతో అజేయంగా నిలిచాడు. నాలుగు ఫోర్లు, మూడు సిక్సర్ల సాయంతో ఏకంగా 315కు పైగా స్ట్రైక్‌రేటు నమోదు చేశాడు. దీంతో ఇంగ్లండ్‌ నిర్ణీత యాభై ఓవర్లలో మూడు వికెట్ల నష్టానికి రికార్డు స్థాయిలో 387 పరుగులు సాధించింది. లార్డ్స్‌లో వన్డేల్లో ఇదే హయ్యస్ట్‌ స్కోరు.లార్డ్స్‌ మైదానంలో వన్డేల్లో అత్యధిక వ్యక్తిగత స్కోరు సాధించిన క్రికెటర్లు👉బెన్‌ డకెట్‌ (ఇంగ్లండ్‌)- టీమిండియా మీద 2026లో 141 పరుగులు👉వివియన్‌ రిచర్డ్స్‌ (వెస్టిండీస్‌)- ఇంగ్లండ్‌ మీద 1979 వరల్డ్‌కప్‌ ఫైనల్లో 138 నాటౌట్‌👉డెనిస్‌ ఆమిస్‌ (ఇంగ్లండ్‌)- టీమిండియా మీద 1975లో 137 పరుగులు👉మార్కస్‌ ట్రెస్కోతిక్‌ (ఇంగ్లండ్‌)- పాకిస్తాన్‌ మీద 2001లో 137 పరుగులు👉గ్రాహమ్‌ గూచ్‌ (ఇంగ్లండ్‌)- ఆస్ట్రేలియా మీద 1989లో 136 పరుగులు.చదవండి: చరిత్ర సృష్టించిన రోహిత్‌- కోహ్లి

టీమిండియాతో మూడో వన్డేలో ఇంగ్లండ్‌ టాపార్డర్‌ అదరగొట్టింది. ఓపెనర్లు బెన్‌ డకెట్‌, జేకబ్‌ బెతెల్‌.. వన్‌డౌన్‌ బ్యాటర్‌ జో రూట్‌ భారత బౌలింగ్‌ను చితక్కొట్టారు. వీరికి తోడుగా వికెట్‌ కీపర్‌ బ్యాటర్‌ జోస్‌ బట్లర్‌ ఆకాశమే హద్దుగా చెలరేగాడు.Nailed to the boundary!A superb hundred for Ben Duckett at Lord's 💯🤝 @IGcom pic.twitter.com/NwS3IH5tMJ— England Cricket (@englandcricket) July 19, 2026ఈ క్రమంలో క్రికెట్‌ ‘మక్కా’గా పేరొందిన లండన్‌లోని ప్రఖ్యాత లార్డ్స్‌ మైదానంలో సరికొత్త చరిత్ర ఆవిష్కృతమైంది. కాగా సిరీస్‌ ఫలితాన్ని తేల్చే నిర్ణయాత్మక మూడో వన్డేలో టాస్‌ గెలిచిన ఇంగ్లండ్‌ తొలుత బ్యాటింగ్‌కు దిగింది. ఓపెనర్లలో డకెట్‌ భారీ శతకం (135 బంతుల్లో 141) సాధించగా.. బెతెల్‌ (93 బంతుల్లో 91) తృటిలో సెంచరీ చేజార్చుకున్నాడు.Joe Root reaches 𝑨𝑵𝑶𝑻𝑯𝑬𝑹 ODI half-century 🤯🤝 @IGcom pic.twitter.com/a4G4KmkxKP— England Cricket (@englandcricket) July 19, 2026ఇక జో రూట్‌ వన్డేల్లో వరుసగా ఆరో హాఫ్‌ సెంచరీ నమోదు చేశాడు. కేవలం 48 బంతుల్లోనే తొమ్మిది ఫోర్లు బాది 74 పరుగులతో అజేయంగా నిలిచాడు. కెప్టెన్‌ హ్యారీ బ్రూక్‌ (14) విఫలం కాగా బట్లర్‌ మెరుపులు మెరిపించాడు. కేవలం 13 బంతుల్లోనే నాలుగు ఫోర్లు, మూడు సిక్సర్లు బాది 41 పరుగులు రాబట్టాడు. రూట్‌తో కలిసి ఐదో వికెట్‌కు 19 బంతుల్లోనే 63 పరుగులు జోడించి అజేయంగా నిలిచాడు.Miss any of that? Don't worry, our catch-up highlights have the very best of that ridiculous first innings at Lord's 👇— England Cricket (@englandcricket) July 19, 2026ఈ క్రమంలో నిర్ణీత యాభై ఓవర్లలో ఇంగ్లండ్‌ కేవలం మూడు వికెట్లు కోల్పోయి ఏకంగా 387 పరుగులు సాధించింది. వన్డేల్లో ఇంగ్లండ్‌కు టీమిండియాపై ఇదే అత్యధిక స్కోరు. అంతేకాదు క్రికెట్‌ పుట్టినిల్లు లార్డ్స్‌ మైదానంలో వన్డే ఫార్మాట్లో ఇదే హయ్యస్ట్‌ స్కోరు కావడం విశేషం. తద్వారా లార్డ్స్‌లో వన్డేల్లో అత్యధిక స్కోరు సాధించిన జట్టుగా ఇంగ్లండ్‌ తమ పేరిట ఉన్న ప్రపంచ రికార్డును తాజాగా సవరించింది.లార్డ్స్‌ మైదానంలో వన్డేల్లో అత్యధిక స్కోర్లు సాధించిన జట్లు ఇవే👉ఇంగ్లండ్‌- 2026 జూలై 19న టీమిండియాపై 50 ఓవర్లలో 387/3👉ఇంగ్లండ్‌- 1975 జూన్‌ 7న టీమిండియాపై 60 ఓవర్లలో 334/4👉సౌతాఫ్రికా- 2025 సెప్టెంబరు 4న ఇంగ్లండ్‌పై 50 ఓవర్లలో 330/8👉ఇంగ్లండ్‌- 2017 మే 7న ఐర్లాండ్‌పై 50 ఓవర్లలో 328/6👉ఇండియా- 2002 జూలై 13న ఇంగ్లండ్‌పై 49.3 ఓవర్లలో 326/8.

టీమిండియాతో నిర్ణయాత్మక మూడో వన్డేలో ఇంగ్లండ్‌ భారీ స్కోరు సాధించింది. ఓపెనర్లు బెన్‌ డకెట్‌, జేకబ్‌ బెతెల్‌ నిలకడగా ఆడుతూ భారీ భాగస్వామ్యం నెలకొల్పారు. వీరిద్దరు కలిసి తొలి వికెట్‌కు రికార్డు స్థాయిలో 181 బంతుల్లో ఏకంగా 192 పరుగులు జోడించారు.మూడు మ్యాచ్‌ల సిరీస్‌లో భాగంగా తొలి వన్డేలో టీమిండియా గెలవగా.. రెండో వన్డేలో ఇంగ్లండ్‌ గెలిచిన సంగతి తెలిసిందే. ఈ క్రమంలోఇరుజట్ల మధ్య ఆదివారం నాటిక నిర్ణయాత్మక మూడో వన్డేకు ప్రఖ్యాత లార్డ్స్‌ మైదానం వేదికగా మారింది. టాస్‌ గెలిచిన ఇంగ్లండ్‌ తొలుత బ్యాటింగ్‌ ఎంచుకుంది.బెతెల్‌ సెంచరీ మిస్‌కాస్త నెమ్మదిగా ఆరంభించినప్పటికీ ఇంగ్లండ్‌ ఓపెనర్లు డకెట్‌, బెతెల్‌ నెమ్మదిగా క్రీజులో పాతుకుపోయారు. ఈ ఓపెనింగ్‌ జోడీని విడదీసేందుకు భారత బౌలర్లు ఎంతగా శ్రమించినా ఫలితం లేకుండా పోయింది. ఈ క్రమంలో 93 బంతుల్లో 11 ఫోర్లు, రెండు సిక్సర్ల సాయంతో 91 పరుగులు చేశాడు బెతెల్‌.అయితే, ఇంగ్లండ్‌ ఇన్నింగ్స్‌ 31వ ఓవర్లో తొలి బంతికే ప్రసిద్‌ కృష్ణ బౌలింగ్‌లో రోహిత్‌ శర్మకు క్యాచ్‌ ఇవ్వడంతో బెతెల్‌ అవుటయ్యాడు. సెంచరీకి తొమ్మిది పరుగుల దూరంలో నిలిచిపోయాడు. ఇక నెమ్మదిగా ఆడుతూ 64 బంతుల్లో హాఫ్‌ సెంచరీ పూర్తి చేసుకున్న డకెట్‌.. 36వ ఓవర్లో రెండో బంతికి ఫోర్‌ బాది శతక మార్కు అందుకున్నాడు. మొత్తానికి 108 బంతుల్లో సెంచరీ పూర్తి చేసుకున్నాడు.డకెట్‌ భారీ శతకంఆ తర్వాత కూడా డకెట్‌, రూట్‌తో కలిసి జోరు కొనసాగించాడు. వీరిద్దరు కలిసి రెండో వికెట్‌కు 80 బంతుల్లో 101 పరుగుల భాగస్వామ్యం నెలకొల్పారు. అయితే, 44వ ఓవర్లో మూడో బంతికి ప్రిన్స్‌ యాదవ్‌ బౌలింగ్‌లో అతడికే క్యాచ్‌ ఇవ్వడంతో డకెట్‌ సెంచరీ ఇన్నింగ్స్‌కు తెరపడింది. మొత్తంగా 135 బంతులు ఎదుర్కొన్న ఈ లెఫ్టాండ్‌ బ్యాటర్‌ 18 ఫోర్లు, ఒక సిక్సర్‌ బాది 141 పరుగులు సాధించాడు.Nailed to the boundary!A superb hundred for Ben Duckett at Lord's 💯🤝 @IGcom pic.twitter.com/NwS3IH5tMJ— England Cricket (@englandcricket) July 19, 2026రూట్‌, బట్లర్‌ మెరుపులుఇక 39 బంతుల్లోనే హాఫ్‌ సెంచరీ పూర్తి చేసుకున్న వన్‌డౌన్‌ బ్యాటర్‌ జో రూట్‌.. 48 బంతుల్లోనే తొమ్మిది ఫోర్లు బాది 74 పరుగులు రాబట్టాడు. నాలుగో నంబర్‌ బ్యాటర్‌ హ్యారీ బ్రూక్‌ (14) విఫలం కాగా.. ఐదో స్థానంలో వచ్చిన జోస్‌ బట్లర్‌ టీ20 తరహాలో దంచికొట్టాడు. కేవలం 13 బంతుల్లోనే నాలుగు ఫోర్లు, మూడు సిక్స్‌లు బాది 41 పరుగులతో రూట్‌తో కలిసి అజేయంగా నిలిచాడు. రూట్‌, బట్లర్‌ కలిసి 19 బంతుల్లోనే 63 పరుగుల భాగస్వామ్యం నెలకొల్పారు.ఈ క్రమంలో నిర్ణీత యాభై ఓవర్లలో ఇంగ్లండ్‌ కేవలం మూడు వికెట్లు నష్టపోయి ఏకంగా 387 పరుగుల మేర భారీ స్కోరు సాధించింది. కాగా వన్డే ఫార్మాట్‌లో భారత్‌పై ఇంగ్లండ్‌కు ఇదే అత్యధిక స్కోరు. Joe Root reaches 𝑨𝑵𝑶𝑻𝑯𝑬𝑹 ODI half-century 🤯🤝 @IGcom pic.twitter.com/a4G4KmkxKP— England Cricket (@englandcricket) July 19, 2026భారత బౌలర్లు పూర్తిగా విఫలంనలుగురు సీమర్లు అర్ష్‌దీప్‌ సింగ్‌, గుర్నూర్‌ బ్రార్‌, ప్రసిద్‌ కృష్ణ, ప్రిన్స్‌ యాదవ్‌తో బరిలోకి దిగిన టీమిండియా వ్యూహం బెడిసి కొట్టింది. గుర్నూర్‌ పది ఓవర్ల కోటాలో ఏకంగా 97 పరుగులు సమర్పించుకోగా.. అర్ష్‌దీప్‌ తన కోటా పూర్తి చేసి 72 పరుగులు ఇచ్చుకున్నాడు.ఇక ప్రసిద్‌ కృష్ణ 10 ఓవర్లలో 69 పరుగులు ఇచ్చి రెండు వికెట్లు తీశాడు. ప్రిన్స్‌ యాదవ్‌ కోటా పూర్తి చేసి 79 రన్స్‌ ఇచ్చుకుని ఒక వికెట్‌ తన ఖాతాలో వేసుకున్నాడు. స్పిన్‌ బౌలింగ్‌ ఆల్‌రౌండర్‌ అక్షర్‌ పటేల్‌ పది ఓవర్లలో 61 పరుగులు సమర్పించుకున్నాడు.చదవండి: చరిత్ర సృష్టించిన రో-కో!

టీమిండియా బ్యాటింగ్‌ దిగ్గజాలు విరాట్‌ కోహ్లి, రోహిత్‌ శర్మ సరికొత్త చరిత్ర సృష్టించారు. అంతర్జాతీయ క్రికెట్‌లో అత్యధికంగా సంయుక్తంగా 400 మ్యాచ్‌లు ఆడిన భారత జోడీగా రికార్డు సాధించారు. ఇంగ్లండ్‌తో లార్డ్స్‌ వేదికగా ఆదివారం నాటి మూడో వన్డే సందర్భంగా రో-కో ఈ ఫీట్‌ నమోదు చేశారు.అగ్రస్థానంలో ఎవరంటే?ఇక మొత్తంగా అంతర్జాతీయ క్రికెట్‌లో అత్యధిక మ్యాచ్‌లు ఆడిన జోడీగా శ్రీలంక దిగ్గజాలు కుమార్‌ సంగక్కర- మహేళ జయవర్ధనె కొనసాగుతున్నారు. వీరిద్దరు కలిసి శ్రీలంక తరఫున 550 మ్యాచ్‌లలో భాగమయ్యారు. ఆ తర్వాత మూడు స్థానాల్లోనూ లంక దిగ్గజాలే ఉండటం విశేషం. ఇక రోహిత్‌- కోహ్లి జోడీ ఈ జాబితాలో ఆరో స్థానంలో కొనసాగుతోంది.కాగా 2007లో అంతర్జాతీయ క్రికెట్‌లో అడుగుపెట్టిన రోహిత్‌ శర్మ 67 టెస్టులు, 159 టీ20 మ్యాచ్‌లు ఆడాడు. ఇప్పటికి 287 వన్డేలు పూర్తి చేసుకున్నాడు. ఇక 2008లో అరంగేట్రం చేసిన విరాట్‌ కోహ్లి 123 టెస్టులు, 125 టీ20 మ్యాచ్‌లు ఆడాడు. ఇప్పటికి 313 వన్డేలు పూర్తి చేసుకున్నాడు.వన్డే వరల్డ్‌కప్‌-2027 ఆడటమే లక్ష్యంగాటీ20 ప్రపంచకప్‌-2024లో భారత్‌ చాంపియన్‌గా నిలిచిన తర్వాత రోహిత్‌- కోహ్లి సంయుక్తంగా అంతర్జాతీయ టీ20 ఫార్మాట్‌కు వీడ్కోలు పలికిన సంగతి తెలిసిందే. అదే విధంగా గతేడాది రోహిత్‌ టెస్టు ఫార్మాట్‌కు గుడ్‌బై చెప్పగా.. వారం రోజుల వ్యవధిలోనే కోహ్లి సైతం రిటైర్మెంట్‌ ప్రకటించాడు. ఇద్దరూ ప్రస్తుతం వన్డే వరల్డ్‌కప్‌-2027లో ఆడటమే లక్ష్యంగా ముందుకు సాగుతున్నారు.ఇదిలా ఉంటే.. ఇంగ్లండ్‌ చేతిలో 4-0తో టీ20 సిరీస్‌లో క్లీన్‌స్వీప్‌నకు గురైంది టీమిండియా. ఈ క్రమంలో వన్డే సిరీస్‌ను విజయంతో ఆరంభించిన భారత జట్టు.. రెండో వన్డేలో తడబడింది. ఫలితంగా సిరీస్‌ 1-1తో సమం కాగా.. లార్డ్స్‌ వేదికగా ఆదివారం నాటి నిర్ణయాత్మక మూడో వన్డేతో విజేత ఎవరో తేలుతుంది.ఇంగ్లండ్‌తో తొలి వన్డేలో రోహిత్‌ 11 పరుగులు చేయగా.. కోహ్లి 5 పరుగులకే అవుటయ్యాడు. ఇక రెండో వన్డేలో రోహిత్‌ 28 పరుగులు చేయగా.. కోహ్లి అర్ధ శతకం (65)తో అలరించాడు.అంతర్జాతీయ క్రికెట్‌లో అత్యధిక మ్యాచ్‌లు ఆడిన జోడీలు👉కుమార్‌ సంగక్కర- మహేళ జయవర్ధనె (శ్రీలంక): 550 మ్యాచ్‌లు👉తిలకరత్నె దిల్షాన్‌- మహేళ జయవర్ధనె (శ్రీలంక): 426 మ్యాచ్‌లు👉కుమార్‌ సంగక్కర- తిలకరత్నె దిల్షాన్‌ (శ్రీలంక): 418 మ్యాచ్‌లు👉సనత్‌ జయసూర్య- ముత్తయ్య మురళీధరన్‌ (శ్రీలంక): 408 మ్యాచ్‌లు👉జాక్వెస్‌ కలిస్‌- మార్క్‌ బుచర్‌ (సౌతాఫ్రికా): 407 మ్యాచ్‌లు👉రోహిత్‌ శర్మ- విరాట్‌ కోహ్లి (ఇండియా): 400* మ్యాచ్‌లు.చదవండి: టీమిండియాకు భారీ షాక్‌!

ఇంగ్లండ్‌తో మూడో వన్డేలో భారత్‌ తమ తుదిజట్టులో మూడు మార్పులు చేసింది. ఈ నిర్ణయాత్మక మ్యాచ్‌కు పేస్‌ దళ నాయకుడు జస్‌ప్రీత్‌ బుమ్రా దూరమయ్యాడు. ఈ విషయాన్ని బీసీసీఐ ధ్రువీకరించింది. రెండో వన్డే సందర్భంగా ఎడమ మోకాలు ఉబ్బిపోవడం వల్ల అతడు లార్డ్స్‌ మ్యాచ్‌కు దూరమయ్యాడని ప్రకటన విడుదల చేసింది.కుల్దీప్‌ను ఆడిస్తారనుకుంటే..ఇక స్పిన్‌ బౌలింగ్‌ ఆల్‌రౌండర్‌ వాషింగ్టన్‌ సుందర్‌ కూడా రెండో వన్డే సందర్భంగానే గాయపడ్డాడు. దీంతో అతడి స్థానాన్ని బీసీసీఐ హర్ష్‌ దూబేతో భర్తీ చేసింది. అయితే, తుదిజట్టులో మాత్రం అతడికి చోటు దక్కలేదు. ఇదిలా ఉంటే.. వాషీ దూరం కావడంతో.. అతడి స్థానంలో చైనామన్‌ స్పిన్నర్‌ కుల్దీప్‌ యాదవ్‌ మూడో వన్డే ఆడతాడని అంతా భావించారు.కానీ యాజమాన్యం మాత్రం అనూహ్య నిర్ణయం తీసుకుంది. స్పిన్‌ బౌలింగ్‌ ఆల్‌రౌండర్‌ వాషీకి బదులు.. పేస్‌ బౌలర్‌ ప్రిన్స్‌ యాదవ్‌కు తుదిజట్టులో చోటు ఇచ్చింది. దీంతో కుల్దీప్‌ యాదవ్‌కు మరోసారి అన్యాయం చేశారంటూ అభిమానులు సోషల్‌ మీడియా వేదికగా ఆగ్రహం వ్యక్తం చేస్తున్నారు.అయితే, టాస్‌ సమయంలో టీమిండియా కెప్టెన్‌ శుబ్‌మన్‌ గిల్‌ ఈ విషయం గురించి స్పష్టతనిచ్చే ప్రయత్నం చేశాడు. ‘‘బుమ్రా మోకాలి గాయం కారణంగా ఈ మ్యాచ్‌కు దూరమయ్యాడు. వాషింగ్టన్‌ సుందర్‌ కూడా గాయపడ్డాడు. శివం దూబే కూడా ఈ మ్యాచ్‌ ఆడటం లేదు.అందుకే అతడు బెంచ్‌కు పరిమితంఈ ముగ్గురి స్థానాల్లో కేఎల్‌ రాహుల్‌, ప్రిన్స్‌ యాదవ్‌, అర్ష్‌దీప్‌ సింగ్‌ తుదిజట్టులోకి వచ్చారు. మేము లార్డ్స్‌ మైదానంలో నలుగురు సీమర్లను ఆడించాలని నిర్ణయించుకున్నాము. ఫాస్ట్‌ బౌలర్లతో పోలిస్తే స్పిన్నర్లు ఇక్కడ మధ్య ఓవర్లలో పెద్దగా ప్రభావం చూపరు అనిపించింది’’ అని గిల్‌ పేర్కొన్నాడు. తద్వారా కుల్దీప్‌ను ఎంపిక చేయకపోవడానికి గల కారణాన్ని పరోక్షంగా వెల్లడించాడు.వైట్‌వాష్‌ల తర్వాత..కాగా యూకే పర్యటనలో భాగంగా టీమిండియా తొలుత ఐర్లాండ్‌తో టీ20 సిరీస్‌లో తలపడి.. ఆతిథ్య జట్టు చేతిలో కనీవినీ ఎరుగని రీతిలో 2-0తో క్లీన్‌స్వీప్‌ అయింది. అనంతరం ఇంగ్లండ్‌ చేతిలో టీ20 సిరీస్‌లో 4-0తో వైట్‌వాష్‌ అయింది. ఈ క్రమంలో మూడు మ్యాచ్‌ల సిరీస్‌లో భాగంగా ఇప్పటికి భారత్‌- ఇంగ్లండ్‌ చెరో వన్డే గెలిచి 1-1తో సమంగా ఉన్నాయి. ఇరుజట్ల మధ్య ఆదివారం నాటి నిర్ణయాత్మక మూడో వన్డేకు లార్డ్స్‌ మైదానం ఆతిథ్యమిస్తుండగా.. టాస్‌ గెలిచిన ఇంగ్లండ్‌ తొలుత బ్యాటింగ్‌కు దిగింది. ఈ మ్యాచ్‌లో భారత్‌ నలుగురు పేసర్లు గుర్నూర్‌ బ్రార్‌, ప్రిన్స్‌ యాదవ్‌, అర్ష్‌దీప్‌ సింగ్‌, ప్రసిద్‌ కృష్ణను ఆడిస్తోంది.ఇంగ్లండ్‌తో మూడో వన్డేకు భారత తుదిజట్టురోహిత్‌ శర్మ, శుబ్‌మన్‌ గిల్‌ (కెప్టెన్‌), విరాట్‌ కోహ్లి, ఇషాన్‌ కిషన్‌ (వికెట్‌ కీపర్‌), శ్రేయస్‌ అయ్యర్‌, కేఎల్‌ రాహుల్‌, అక్షర్‌ పటేల్‌, గుర్నూర్‌ బ్రార్‌, ప్రిన్స్‌ యాదవ్‌, అర్ష్‌దీప్‌ సింగ్‌, ప్రసిద్‌ కృష్ణ.చదవండి: టీమిండియాకు భారీ షాక్‌!

ఇంగ్లండ్‌తో మూడో వన్డేకు ముందు టీమిండియాకు భారీ ఎదురుదెబ్బ తగిలింది. ప్రధాన పేసర్‌ జస్‌ప్రీత్‌ బుమ్రా ఈ మ్యాచ్‌కు దూరమయ్యాడు. ఇందుకు సంబంధించి భారత క్రికెట్‌ నియంత్రణ మండలి (బీసీసీఐ) తాజాగా ప్రకటన విడుదల చేసింది.ఈ మేరకు.. ‘‘కార్డిఫ్‌ వేదికగా ఇంగ్లండ్‌తో రెండో వన్డే సందర్భంగా జస్‌ప్రీత్‌ బుమ్రా ఎడమ మోకాలికి గాయమైంది. కాబట్టి మూడో వన్డే కోసం సెలక్షన్‌కు అతడు అందుబాటులో లేకుండా పోయాడు. అతడి ఎడమ మోకాలు ఉబ్బిపోయింది’’ అని బీసీసీఐ తన ప్రకటనలో పేర్కొంది. రెండు వికెట్లుకాగా చాన్నాళ్ల తర్వాత బుమ్రా ఇంగ్లండ్‌తో వన్డే సిరీస్‌తో పునరాగమనం చేశాడు. ఎడ్జ్‌బాస్టన్‌లో జరిగిన తొలి వన్డేలో కెప్టెన్‌ హ్యారీ బ్రూక్‌ (1) రూపంలో కీలక వికెట్‌ తీసి.. జట్టు విజయంలో తన వంతు పాత్ర పోషించాడు. ఇక కార్డిఫ్‌ వేదికగా రెండో వన్డేలో బెన్‌ డకెట్‌ను డకౌట్‌ చేశాడు. అయితే, ఈ మ్యాచ్‌ సందర్భంగానే అతడు గాయపడినట్లు సమాచారం.ఇక ఇప్పటికే చెరో విజయంతో టీమిండియా- ఇంగ్లండ్‌ మూడు వన్డేల సిరీస్‌లో 1-1తో సమంగా ఉన్నాయి. ఈ క్రమంలో లార్డ్స్‌ వేదికగా ఆదివారం నాటి ఆఖరి వన్డే కీలకంగా మారింది. అయితే, బుమ్రా గాయం కారణంగా ఈ నిర్ణయాత్మక మ్యాచ్‌కు దూరమయ్యాడు. కాగా బుమ్రా గాయం తీవ్రతపై ఇంకా స్పష్టత రాలేదు.మూడు మార్పులుమరోవైపు.. ఆల్‌రౌండర్‌ వాషింగ్టన్‌ సుందర్‌ కూడా రెండో వన్డే సందర్భంగా గాయపడి.. మూడో వన్డేకు దూరమయ్యాడు. ఈ పరిణామాల నేపథ్యంలో ఇంగ్లండ్‌తో ఆఖరి వన్డేలో భారత్‌ తమ తుదిజట్టులో మూడు మార్పులు చేసింది. కేఎల్‌ రాహుల్‌ తిరిగి రాగా.. శివం దూబేపై వేటు పడింది. బుమ్రా, వాషీ స్థానాల్లో అర్ష్‌దీప్‌ సింగ్‌, ప్రిన్స్‌ యాదవ్‌ తుదిజట్టులోకి వచ్చారు.మూడో వన్డేకు తుదిజట్లుభారత్‌రోహిత్‌ శర్మ, శుబ్‌మన్‌ గిల్‌ (కెప్టెన్‌), విరాట్‌ కోహ్లి, ఇషాన్‌ కిషన్‌ (వికెట్‌ కీపర్‌), శ్రేయస్‌ అయ్యర్‌, కేఎల్‌ రాహుల్‌, అక్షర్‌ పటేల్‌, గుర్నూర్‌ బ్రార్‌, ప్రిన్స్‌ యాదవ్‌, అర్ష్‌దీప్‌ సింగ్‌, ప్రసిద్‌ కృష్ణఇంగ్లండ్‌బెన్‌ డకెట్‌, జేకబ్‌ బెతెల్‌, జో రూట్‌, హ్యారీ బ్రూక్‌ (కెప్టెన్‌), జోస్‌ బట్లర్‌ (వికెట్‌ కీపర్‌), సామ్‌ కర్రాన్‌, విల్‌ జాక్స్‌, గస్‌ అట్కిన్సన్‌, జోఫ్రా ఆర్చర్‌, ఆదిల్‌ రషీద్‌, జోష్‌ టంగ్‌.చదవండి: టీ20 సిరీస్‌.. జింబాబ్వేకు బయల్దేరిన టీమిండియా

లార్డ్స్ వేదికగా ఇంగ్లండ్‌తో జరిగిన మూడో వన్డేలో 27 పరుగుల తేడాతో టీమిండియా ఓటమి పాలైంది. దీంతో మూడు వన్డేల సిరీస్‌ను భారత్‌ 2-1 తేడాతో కోల్పోయింది. 388 పరుగుల భారీ లక్ష్యంతో బరిలోకి దిగిన భారత్‌.. నిర్ణీత ఓవర్లలో 7 వికెట్లు కోల్పోయి 360 రన్స్‌ చేసింది. రోహిత్‌ శర్మ(138), శుబ్‌మన్‌ గిల్‌(77), విరాట్‌ కోహ్లి వంటి టాపార్డర్‌ బ్యాటర్లు రాణించినప్పటికి, మిడిలార్డర్ విఫల​ం కావడంతో భారత్‌ ఓటమి చవిచూడాల్సి వచ్చింది. ఇంగ్లండ్‌ బౌలర్లలో సామ్‌ కుర్రాన్‌ 4 వికెట్లు పడగొట్టగా.. రషీద్‌, జాకబ్‌ బెతల్‌, ఆర్చర్‌ తలా వికెట్‌ సాధించారు. అంతకుముందు బ్యాటింగ్‌ చేసిన ఇంగ్లండ్‌ నిర్ణీత 50 ఓవర్లలో కేవలం మూడు వికెట్లు కోల్పోయి ఏకంగా 387 పరుగులు సాధించింది. ఓపెనర్లు బెన్‌ డకెట్‌ (141), జేకబ్‌ బెతెల్‌ (91) దుమ్ములేపగా.. జో రూట్‌ (48 బంతుల్లో 74), జోస్‌ బట్లర్‌ (13 బంతుల్లో 41) మెరుపు ఇన్నింగ్స్‌తో అజేయంగా నిలిచారు. ఓటమి దిశగా భారత్‌భారత్‌ వరుస ఓవర్లలో కేఎల్‌ రాహుల్‌(12), అక్షర్‌ పటేల్‌(2) వికెట్లను కోల్పోయింది. టీమిండియా విజయానికి 10 బంతుల్లో 47 పరుగులు కావాలి.విరాట్‌ కోహ్లి అవుట్‌టీమిండియా ఐదో వికెట్‌ కోల్పోయింది. 74 పరుగులు చేసిన విరాట్‌ కోహ్లి.. సామ్‌ కుర్రాన్‌ బౌలింగ్‌లో ఔటయ్యాడు. భారత విజయానికి 28 బంతుల్లో 73 పరుగులు కావాలి. క్రీజులో రాహుల్‌, అక్షర్‌ పటేల్‌ ఉన్నారు.ఒకే ఓవర్‌లో రెండు వికెట్లు డౌన్‌ఇషాన్‌ కిషన్‌ రూపంలో టీమిండియా మూడో వికెట్‌ కోల్పోయింది. 14 పరుగులు చేసిన కిషన్‌.. సామ్‌ కుర్రాన్‌ బౌలింగ్‌లో ఔటయ్యాడు. అదే ఓవర్‌లో శ్రేయస్‌ అయ్యర్‌(0) డకౌటయ్యాడు. క్రీజులో కోహ్లి(65) ఉన్నారు. భారత విజయానికి 82 పరుగులు కావాలి.టీమిండియా ట్రిపుల్‌ సెంచరీటీమిండియా స్కోర్‌ 300 పరుగులు దాటింది. భారత విజయానికి 39 బంతుల్లో ఇంకా 84 పరుగులు కావాలి.రోహిత్‌ అవుట్‌రోహిత్‌ శర్మ రూపంలో టీమిండియా రెండో వికెట్‌ కోల్పోయింది. భారీ సెంచరీతో సత్తాచాటిన రోహిత్‌.. బెతల్‌ బౌలింగ్‌లో క్లీన్‌ బౌల్డయ్యాడు. 110 బంతుల్లో 17 ఫోర్లు, 5 సిక్స్‌లతో 138 పరుగులు చేశాడు. 39 ఓవర్లకు భారత్‌ స్కోర్‌: 262/2రోహిత్‌ సెంచరీలార్డ్స్‌ వన్డేలో రోహిత్‌ శర్మ సెంచరీతో చెలరేగాడు. కేవలం 84 బంతుల్లో తన 34వ సెంచరీ మార్క్‌ను అందుకున్నాడు. 33 ఓవర్లకు భారత్‌ స్కోర్‌: 218/1సెంచరీకి చేరువలో రోహిత్‌రోహిత్‌ శర్మ 92 పరుగులతో సెంచరీకి చేరువలో ఉన్నాడు. 29 ఓవర్లకు భారత్‌ స్కోర్‌: 187/1భారత్‌ తొలి వికెట్‌ డౌన్‌147 పరుగుల వద్ద టీమిండియా తొలి వికెట్‌ కోల్పోయింది. 77 పరుగులు చేసిన కెప్టెన్‌ శబ్‌మన్‌ గిల్‌.. అదిల్‌ రషీద్‌ బౌలింగ్‌లో వికెట్ల ముందు దొరికిపోయాడు.రోహిత్‌ హాఫ్‌ సెంచరీరోహిత్‌ శర్మ కూడా తన హాఫ్‌ సెంచరీని పూర్తి చేసుకున్నాడు. 21 ఓవర్లకు భారత్‌ స్కోర్‌: 117/0ఇరవై ఓవర్లలో భారత్‌ స్కోరు: 109-0రోహిత్‌ 42, గిల్‌ 65 పరుగులతో ఉన్నారు. భారత్‌ విజయానికి 279 పరుగులు కావాలి. సెంచరీ కొట్టిన టీమిండియా18.3: ఆదిల్‌ రషీద్‌ బౌలింగ్‌లో రోహిత్‌ సింగిల్‌ తీయడంతో.. టీమిండియా వంద పరుగుల మార్కును చేరుకుంది. భారత్‌ స్కోరు: 103-0 (19). గిల్‌ 60, రోహిత్‌ 41 పరుగులతో ఉన్నారు. విజయానికి 285 పరుగులు కావాలి.గిల్‌ అర్ధ శతకం14.3వ ఓవర్‌: ఆదిల్‌ రషీద్‌ బౌలింగ్‌లో రెండు పరుగులు తీసి యాభై పరుగుల మార్కు అందుకున్న గిల్‌. 54 బంతుల్లో ఫిఫ్టీ పూర్తి. భారత్‌ స్కోరు: 89-0 (15). గిల్‌ 52, రోహిత్‌ 36 పరుగులతో ఉన్నారు.14 ఓవర్లలో టీమిండియా స్కోరు: 81-0గిల్‌ 49, రోహిత్‌ 36 పరుగులతో ఉన్నారు.టీమిండియా హాఫ్‌ సెంచరీ10.2: సామ్‌ కరన్‌ బౌలింగ్‌లో గిల్‌ సింగిల్‌ తీయగా.. టీమిండియా యాభై పరుగుల మార్కు పూర్తి చేసుకుంది. స్కోరు: 60-0(11). రోహిత్‌ 34, గిల్‌ 26 పరుగులతో ఉన్నారు.పవర్‌ ప్లేలో భారత్‌ స్కోరు: 49-0 (10)కట్టుదిట్టమైన బంతులతో పదో ఓవర్‌ను మెయిడెన్‌ చేసిన టంగ్‌.రోహిత్‌ శర్మ 24, గిల్‌ 25 పరుగులతో ఉన్నారు. విజయానికి ఇంకా 40 ఓవర్లలో 339 పరుగులు కావాలి.గేరు మార్చిన రోహిత్‌ఎనిమిదో ఓవర్లో జోష్‌ టంగ్‌ బౌలింగ్‌లో తొలి రెండు బంతుల్లో ఫోర్లు బాదిన రోహిత్‌ శర్మ. పుల్‌ షాట్‌తో ఐదో బంతిని సిక్సర్‌గా మలిచిన హిట్‌మ్యాన్‌. భారత్‌ స్కోరు: 43-0 (8). రోహిత్‌ 23, గిల్‌ 20 పరుగులతో ఉన్నారు.ఐదు ఓవర్లలో భారత్‌ స్కోరు: 17-0రోహిత్‌ మూడు, గిల్‌ 14 పరుగులతో ఉన్నారు.టార్గెట్‌ 388.. లక్ష్య ఛేదనకు దిగిన భారత్‌మూడు ఓవర్లలో భారత్‌ స్కోరు: 9-0ఓపెనర్లు రోహిత్‌ ఒకటి , గిల్‌ ఎనిమిది పరుగులతో ఉన్నారు.ఇంగ్లండ్‌ భారీ స్కోరుఇంగ్లండ్‌ నిర్ణీత 50 ఓవర్లలో కేవలం మూడు వికెట్లు కోల్పోయి 387 పరుగులు చేసింది. టీమిండియాకు 388 పరుగుల లక్ష్యాన్ని విధించింది. కాగా వన్డే ఫార్మాట్‌లో భారత్‌పై ఇంగ్లండ్‌కు ఇదే అత్యధిక స్కోరు. బట్లర్‌ మెరుపులు49 ఓవర్లలో ఇంగ్లండ్‌ స్కోరు 371-3బట్లర్‌ 10 బంతుల్లోనే 34 పరుగులు చేయగా.. రూట్‌ 65 పరుగులతో ఉన్నాడు.బ్రూక్‌ అవుట్‌46.5వ ఓవర్‌: ప్రసిద్‌ కృష్ణ బౌలింగ్‌లో విరాట్‌ కోహ్లికి క్యాచ్‌ ఇచ్చి హ్యారీ బ్రూక్‌ (14) మూడో వికెట్‌గా వెనుదిరిగాడు. స్కోరు: 324-3. రూట్‌ 55 పరుగులతో ఉన్నాడు. జోస్‌ బట్లర్‌ క్రీజులోకి వచ్చాడు.రూట్‌ హాఫ్‌ సెంచరీ45.3వ ఓవర్‌: గుర్నూర్‌ బ్రార్‌ బౌలింగ్‌లో సింగిల్‌ తీసి ఫిఫ్టీ పూర్తి చేసుకున్న రూట్‌. 39 బంతుల్లోనే యాభై పరుగులు సాధించిన రూట్‌. వన్డేల్లో అతడికి ఇది వరుసగా ఆరో హాఫ్‌ సెంచరీ. ఇంగ్లండ్‌ స్కోరు 315-2 (46). రూట్‌ 50, బ్రూక్‌ పది పరుగులతో ఉన్నారు.45 ఓవర్లలో ఇంగ్లండ్‌ స్కోరు: 305-2హ్యారీ బ్రూక్‌ 5, రూట్‌ 45 పరుగులతో ఉన్నారు.రెండో వికెట్‌ కోల్పోయిన ఇంగ్లండ్‌43.3వ ఓవర్‌: ప్రిన్స్‌ యాదవ్‌ బౌలింగ్‌ శతక వీరుడు బెన్‌ డకెట్‌ రెండో వికెట్‌గా వెనుదిరిగాడు. మొత్తంగా 135 బంతులు ఎదుర్కొన్న డకెట్‌ 18 ఫోర్లు, ఒక సిక్సర్‌ బాది 141 పరుగులు చేశాడు. కెప్టెన్‌ హ్యారీ బ్రూక్‌ క్రీజులోకి వచ్చాడు. నలభై ఓవర్లలో ఇంగ్లండ్‌ స్కోరు: 261-1డకెట్‌ 125 బంతుల్లో 127, రూట్‌ 22 బంతుల్లో 23 పరుగులతో ఉన్నారు.డకెట్‌ సెంచరీ35.2వ ఓవర్‌: గుర్నూర్‌ బ్రార్‌ బౌలింగ్‌లో ఫోర్‌ బాది సెంచరీ పూర్తి చేసుకున్న ఇంగ్లండ్‌ ఓపెనర్‌ డకెట్‌. 108 బంతుల్లో శతక మార్కు అందుకున్న డకెట్‌. 36 ఓవర్లు పూర్తయ్యేసరికి ఇంగ్లండ్‌ స్కోరు: 226-1(36). డకెట్‌ 102, రూట్‌ 13 పరుగులతో ఉన్నారు.200 పరుగులు పూర్తి చేసుకున్న ఇంగ్లండ్‌33 ఓవర్లలో ఇంగ్లండ్‌ స్కోరు: 206-1.డకెట్‌ 90, రూట్‌ ఐదు పరుగులతో ఉన్నారు.తొలి వికెట్‌ డౌన్‌.. సెంచరీ మిస్‌30.1వ ఓవర్‌: ప్రసిద్‌ కృష్ణ బౌలింగ్‌లో రోహిత్‌కు క్యాచ్‌ ఇచ్చి తొలి వికెట్‌గా వెనుదిరిగిన బెతెల్‌ (93 బంతుల్లో 91). ఆద్యంతం నిలకడగా ఆడి సెంచరీకి తొమ్మిది పరుగుల దూరంలో నిలిచిపోయాడు. జో రూట్‌ క్రీజులోకి వచ్చాడు.ఇంగ్లండ్‌ ఓపెనర్ల రికార్డు భాగస్వామ్యంముప్పై ఓవర్లలో ఇంగ్లండ్‌ స్కోరు: 192-0. టీమిండియాపై ఇంగ్లండ్‌కు ఇదే అత్యధిక ఓపెనింగ్‌ భాగస్వామ్యం. బెతెల్‌ 91, డకెట్‌ 81 పరుగులతో ఉన్నారు. ఇద్దరూ కలిసి 180 బంతుల్లో 192 పరుగుల భాగస్వామ్యం నెలకొల్పారు.25 ఓవర్లలో ఇంగ్లండ్‌ స్కోరు: 163-0బెతెల్‌ 79, డకెట్‌ 65 పరుగులతో ఉన్నారు. లార్డ్స్‌ మైదానంలో వన్డేల్లో తొలి వికెట్‌కు ఇదే అత్యధిక భాగస్వామ్యం (163).డకెట్‌ ఫిఫ్టీ21.3: గుర్నూర్‌ బ్రార్‌ బౌలింగ్‌లో రెండు పరుగులు తీసి.. యాభై పరుగుల మార్కు అందుకున్న డకెట్‌. 64 బంతుల్లో ఫిఫ్టీ కొట్టిన డకెట్‌. ఇంగ్లండ్‌ స్కోరు: 136- 0 (21.5)20 ఓవర్లలో ఇంగ్లండ్‌ స్కోరు: 125-0బెతెల్‌ 61, డకెట్‌ 46 పరుగులతో ఉన్నారు.బెతెల్‌ అర్ధ శతకం15.4వ ఓవర్‌: అర్ష్‌దీప్‌ బౌలింగ్‌లో ఫోర్‌ బాది అర్ధ శతకం పూర్తి చేసుకున్న ఇంగ్లండ్‌ ఓపెనర్‌ బెతెల్‌. ఇంగ్లండ్‌ స్కోరు: 101-0(16). బెతెల్‌ 53, డకెట్‌ 34 పరుగులతో ఉన్నారు.పదిహేను ఓవర్లలో ఇంగ్లండ్‌ స్కోరు: 96-0(15)బెతెల్‌ 48, డకెట్‌ 34 పరుగులతో ఆడుతున్నారు.పవర్‌ ప్లేలో ఇంగ్లండ్‌ స్కోరు: 58-0(10)బెతెల్‌ 25, డకెట్‌ 22 పరుగులతో ఉన్నారు.హాఫ్‌ సెంచరీ కొట్టిన ఇంగ్లండ్‌బెతెల్‌​ 23, డకెట్‌ 18 పరుగులతో ఉన్నారు. ఇంగ్లండ్‌ స్కోరు: 51-0 (8.1).నిలకడగా ఆడుతున్న ఇంగ్లండ్‌ ఓపెనర్లుఅర్ష్‌దీప్‌ సింగ్‌ టీమిండియా బౌలింగ్‌ అటాక్‌ ఆరంభించగా.. ఇంగ్లండ్‌ ఓపెనర్లు బెన్‌ డకెట్‌, జేకబ్‌ బెతెల్‌ నిలకడగా ఆడుతున్నారు. నాలుగు ఓవర్లలో ఇంగ్లండ్‌ స్కోరు: 31-0. డకెట్‌ 15, బెతెల్‌ 14 పరుగులతో ఉన్నారు.భారత్‌కు ఎదురుదెబ్బభారత ప్రధాన పేసర్‌ జస్‌ప్రీత్‌ బుమ్రా మోకాలి గాయం కారణంగా జట్టుకు దూరమయ్యాడు. టాస్‌ సమయంలో కెప్టెన్‌ శుబ్‌మన్‌ గిల్‌ ఈ విషయాన్ని వెల్లడించాడు. ఇక ఆల్‌రౌండర్‌ వాషింగ్టన్‌ సుందర్‌ కూడా గాయం వల్ల దూరం కాగా.. భారత్‌ తమ తుదిజట్టులో మూడు మార్పులు చేసింది.కేఎల్‌ రాహుల్‌ తిరిగి రాగా శివం దూబే బెంచ్‌కే పరిమితం కాగా.. బుమ్రా స్థానంలో అర్ష్‌దీప్‌ సింగ్‌ జట్టులోకి వచ్చాడు. వాషీకి బదులు ప్రిన్స్‌ యాదవ్‌ చోటు దక్కించుకున్నాడు.దిగ్గజానికి నివాళిగ్యారీ సోబర్స్‌కు నివాళిగా ఇరుజట్ల ఆటగాళ్లు బ్లాక్‌ ఆర్మ్‌ బ్యాండ్లతో బరిలోకి దిగారు.గంట మోగించిన యువీలార్డ్స్‌ మ్యాచ్‌కు ప్రత్యేక అతిథిగా విచ్చేసిన టీమిండియా దిగ్గజ ఆల్‌రౌండర్‌ యువరాజ్‌ సింగ్‌ గంట మోగించి మ్యాచ్‌ను ఆరంభించాడు.Yuvraj Singh rings the iconic Lord's Bell to signal the start of the series decider. 🔔 Watch #ENGvIND, LIVE NOW on Sony Sports Network TV channels.#SonySportsNetwork #MamlaPersonalHai #ExtraaaInnings pic.twitter.com/OcQ6C2e7du— Sony Sports Network (@SonySportsNetwk) July 19, 2026తుదిజట్లుభారత్‌రోహిత్‌ శర్మ, శుబ్‌మన్‌ గిల్‌ (కెప్టెన్‌), విరాట్‌ కోహ్లి, ఇషాన్‌ కిషన్‌ (వికెట్‌ కీపర్‌), శ్రేయస్‌ అయ్యర్‌, కేఎల్‌ రాహుల్‌, అక్షర్‌ పటేల్‌, గుర్నూర్‌ బ్రార్‌, ప్రిన్స్‌ యాదవ్‌, అర్ష్‌దీప్‌ సింగ్‌, ప్రసిద్‌ కృష్ణఇంగ్లండ్‌బెన్‌ డకెట్‌, జేకబ్‌ బెతెల్‌, జో రూట్‌, హ్యారీ బ్రూక్‌ (కెప్టెన్‌), జోస్‌ బట్లర్‌ (వికెట్‌ కీపర్‌), సామ్‌ కర్రాన్‌, విల్‌ జాక్స్‌, గస్‌ అట్కిన్సన్‌, జోఫ్రా ఆర్చర్‌, ఆదిల్‌ రషీద్‌, జోష్‌ టంగ్‌.

రోహిత్ శ‌ర్మ రిటైర్మెంట్‌పై సోష‌ల్ మీడియాలో ఊహాగానాలు వ‌చ్చిన నేప‌థ్యంలో బీసీసీఐ టీమిండియా ఆట‌గాళ్ల‌కు కీల‌క ఆదేశాలు జారీ చేసింది. మ్యాచ్‌లు ఉన్న స‌మ‌యంలో వీలైనంత మేర సోష‌ల్ మీడియాకు దూరంగా ఉండ‌డం మంచిద‌ని ఆట‌గాళ్ల‌కు బీసీసీఐ సూచించింది. శ‌నివారం లండ‌న్‌లోని భార‌త హైక‌మిష‌న్ నిర్వ‌హించిన ప్ర‌వాస భార‌తీయుల స‌న్మాన కార్య‌క్ర‌మంలో భాగంగా టీమిండియాతో జ‌రిగిన ఇంట‌రాక్టివ్ సెష‌న్‌లో బీసీసీఐ ఉపాధ్య‌క్షుడు రాజీవ్ శుక్లా ఈ వ్యాఖ్య‌లు చేశారు. ఈ కార్య‌క్ర‌మానికి టీమిండియా కెప్టెన్ శుబ్‌మ‌న్ గిల్, హెడ్ కోచ్ గంభీర్ సహా ఆట‌గాళ్లంతా హాజ‌ర‌య్యారు.99 శాతం అదే ధోరణిలో: రాజీవ్‌ శుక్లారాజీవ్ శుక్లా మాట్లాడుతూ..'భారతదేశంలో 99 శాతం మంది ప్రజలు తమను తాము క్రికెట్ నిపుణులుగా భావిస్తుంటారని, అందుకే మ్యాచ్‌ల‌కు ముందు ఆట‌గాళ్లు సోషల్ మీడియాకు వీలైనంత దూరంగా ఉండ‌డం మంచిద‌ని నా అభిప్రాయం. మన జట్టులో ప్రతిభకు కొదవలేదని, కేవలం ఆటపై దృష్టి పెట్ట‌డ‌మే ఆట‌గాళ్లు ముందున్న క‌ర్తవ్యం. అన‌వ‌స‌ర విష‌యాల‌ను ప‌ట్టించుకోవాల్సిన అవ‌స‌రం ఆట‌గాళ్ల‌కు లేదు.' అని చెప్పుకొచ్చారు.బయటి విషయాలు పట్టించుకోను: గిల్‌టీమిండియా కెప్టెన్ శుబ్‌మ‌న్ గిల్ మాట్లాడుతూ.. తన చేతిలో లేని బయటి అంశాల గురించి ఆలోచించకుండా, కేవలం తన ఆటపైనే దృష్టి పెట్టడం వల్ల ఎలాంటి ఒత్తిడినైనా సులభంగా అధిగమించగలనని ధీమా వ్యక్తం చేశాడు. ఇప్పటికే టీమిండియాలో క్యాంప్‌లో రోహిత్ శర్మ రిటైర్మెంట్ గురించి పుకార్లు షికార్లు చేస్తున్న వేళ గిల్ ఇలాంటి వ్యాఖ్యలు చేయడం గమనార్హం.ఇక గాయాల నుంచి కోలుకొని టీ20 కెప్టెన్‌గా ప్రమోషన్ పొందిన శ్రేయస్ అయ్యర్ తన పునరాగమన ప్రయాణాన్ని గుర్తుచేసుకున్నాడు. తాను ఆసుపత్రిలో ఉన్నప్పుడు సహచర ఆటగాళ్లు చేసిన ఫోన్ కాల్స్, వారు ఇచ్చిన మద్దతు తనలో ఎంతో స్ఫూర్తిని నింపాయని, అందుకే మరింత బలంగా జట్టులోకి తిరిగి రాగలిగానని అయ్యర్ భావోద్వేగంతో పేర్కొన్నాడు. చారిత్రక బంధం: గంభీర్‌ఇక టీమిండియా హెడ్ కోచ్ గౌతమ్ గంభీర్ మాట్లాడుతూ భారత్-బ్రిటన్ మధ్య ఉన్న చారిత్రక సంబంధాల వల్ల యూకే ఎప్పుడూ ఒక ప్రత్యేకమైన ప్రదేశమేనని అన్నారు. భారత క్రికెట్ అనేది కేవలం డ్రెస్సింగ్ రూమ్‌కే పరిమితం కాదని, జట్టును బేషరతుగా ప్రేమించే ప్రతి ఒక్క నిజాయితీ గల అభిమానికి చెందుతుందని గంభీర్ స్పష్టం చేశాడు. ఇక ఈ వేడుకకు ఆతిథ్యమిచ్చిన యూకేలోని భారత హైకమిషనర్ పి. కుమారన్, డిప్యూటీ హైకమిషనర్ కార్తీక్ పాండేలు టీమిండియాకు ఘన స్వాగతం పలికారు. ఇదే వారంలో అమల్లోకి వచ్చిన భారత్-యూకే సమగ్ర ఆర్థిక వాణిజ్య ఒప్పందం (CETA) వ్యాపారంతో పాటు క్రీడారంగానికి కూడా ఎన్నో కొత్త అవకాశాలను తెరుస్తుందని ఆశాభావం వ్యక్తం చేశారు. ఇన్నాళ్లూ టీమిండియా సాధించిన విజయాలు దేశానికి ఎంతో గర్వకారణమని వారు కొనియాడారు. ఇంగ్లండ్ పర్యటనలో భాగంగా లార్డ్స్ వేదికగా ఇవాళ చివరి వన్డే జరగనుంది. మూడు వన్డేల సిరీస్‌లో 1-1తో సమంగా ఉన్న ఇరుజట్లు ఈ మ్యాచ్‌లో విజయం సాధించి సిరీస్ గెలవాలనే పట్టుదలతో బరిలోకి దిగుతున్నాయి.

ఇంగ్లండ్‌తో వ‌న్డే సిరీస్‌లో భాగంగా టీమిండియా త‌మ చివ‌రి వ‌న్డేను ఆదివారం ప్రఖ్యాత లార్డ్స్ వేదిక‌గా ఆడ‌నుంది. ఈ మ్యాచ్‌లో గెలిచి సిరీస్‌ను 2-1తో కైవ‌సం చేసుకోవాల‌ని గిల్ సేన భావిస్తోంది. మ‌రి లార్డ్స్ గ‌డ్డ‌పై టీమిండియా రికార్డు ఎలా ఉంది, ఎన్ని మ్యాచ్‌లు ఆడింది? గెలిచిన‌వెన్నీ, ఓడిన‌వెన్ని అనేది ఇప్పుడు ప‌రిశీలిద్దాం. లార్డ్స్‌లో భార‌త జ‌ట్టు అంత‌ర్జాతీయంగా 31 మ్యాచ్‌లు (అన్ని ఫార్మాట్లు) ఆడితే ఏడు గెలిచి 19 ఓడింది. ఒక మ్యాచ్ టై కాగా, 14 డ్రాగా ముగిశాయి. లార్డ్స్ వేదిక‌లో భార‌త్ ఓవరాల్ విన్నింగ్ శాతం 22.58 ప‌ర్సంటైల్‌గా ఉంది. వ‌న్డేల్లో మాత్రం టీమిండియాకు లార్డ్స్ వేదిక‌లో మంచి రికార్డే ఉంది. ఓవరాల్‌గా లార్డ్స్‌లో ఏడు గెలిస్తే అందులో మూడు వ‌న్డేల నుంచే రావ‌డం విశేషం. మొత్తంగా లార్డ్స్ వేదిక‌గా ఇంగ్లండ్‌, భార‌త్ మ‌ధ్య 8 వ‌న్డేలు జ‌రిగితే టీమిండియా మూడు, ఇంగ్లండ్ నాలుగు చొప్పున గెలిచాయి. ఒక మ్యాచ్ టై అయింది. వ‌న్డేల్లో లార్డ్స్ వేదిక‌లో భార‌త విజ‌యాల శాతం 37.5 ప‌ర్సంటైల్‌గా ఉంది. ఈ వేదిక‌లో 2022, జూలై 14న భార‌త్‌, ఇంగ్లండ్ చివ‌రిసారిగా వ‌న్డే ఆడాయి.ఈ వ‌న్డేలో టీమిండియా 100 ప‌రుగుల తేడాతో ప‌రాజ‌యం చ‌విచూసింది. తొలుత బ్యాటింగ్ చేసిన ఇంగ్లండ్ 49 ఓవ‌ర్ల‌లో 246 ప‌రుగుల‌కు ఆలౌటైంది. మోయిన్ అలీ 47 ప‌రుగుల‌తో టాప్ స్కోర‌ర్‌గా నిల‌వ‌గా, డేవిడ్ విల్లే 41 ప‌రుగులు చేశాడు. హార్దిక్ పాండ్యా 4 వికెట్లు తీశాడు. అనంత‌రం ఛేద‌న‌లో పూర్తిగా త‌డ‌బ‌డిన టీమిండియా 38.5 ఓవ‌ర్ల‌లో 146 ప‌రుగుల‌కు ఆలౌటైంది. పాండ్యా, జ‌డేజా చెరో 29 ప‌రుగులు చేశారు. మ్యాచ్‌లో రీస్ టోప్లే ఆరు వికెట్లు తీసి టీమిండియా ప‌త‌నాన్ని శాసించాడు.లార్డ్స్ వేదిక‌పై జ‌రిగిన‌ వ‌న్డేలో భార‌త్ త‌ర‌ఫున అత్య‌ధిక ప‌రుగులు చేసిన బ్యాట‌ర్ల‌లో సౌర‌వ్ గంగూలీ (208 ప‌రుగులు) తొలి స్థానంలో ఉండ‌గా, యువ‌రాజ్ సింగ్ (170) రెండు, ఎంఎస్ ధోని (165) మూడు, రాహుల్ ద్ర‌విడ్ (149), సురేశ్ రైనా (130)లు వ‌రుస‌గా నాలుగు, ఐదు స్థానాల్లో ఉన్నారు. ఇక బౌలింగ్ విష‌యానికొస్తే చాహ‌ల్‌, ఆర్పీ సింగ్ ఐదేసి వికెట్ల‌తో తొలి స్థానంలో ఉండ‌గా, మొహింద‌ర్ అమ‌ర్‌నాథ్‌, జ‌హీర్ ఖాన్‌, మ‌ద‌న్‌లాల్‌లు త‌లా 4 వికెట్లు ప‌డ‌గొట్టారు.చదవండి: ఫిఫా ఫైనల్ ఆఖ‌రిదా?.. రిటైర్మెంట్‌పై మెస్సీ స్పందన!

ఇంగ్లండ్‌తో మూడో వన్డేకు ముందు భారత క్రికెట్‌​ నియంత్రణ మండలి (బీసీసీఐ) కీలక ప్రకటన చేసింది. ఆల్‌రౌండర్‌ వాషింగ్టన్‌ సుందర్‌ ఈ మ్యాచ్‌కు దూరమైనట్లు తెలిపింది. అతడి స్థానంలో హర్ష్‌ దూబేను ఎంపిక చేసినట్లు శనివారం ప్రకటించింది. కాగా మూడు వన్డేల సిరీస్‌లో ఇంగ్లండ్‌- భారత్‌ చెరో విజయం సాధించి 1-1తో సమంగా ఉన్న సంగతి తెలిసిందే. అర్ధ శతకాలతో రాణించితొలి వన్డేలో టీమిండియా కెప్టెన్‌ శుబ్‌మన్‌ గిల్‌ (80)తో కలిసి ఆల్‌రౌండర్లు అక్షర్‌ పటేల్‌ (52), వాషింగ్టన్‌ సుందర్‌ (57 )జట్టును గెలిపించారు. ఇద్దరూ అజేయ అర్ధ శతకాలతో రాణించి జట్టు విజయంలో కీలక పాత్ర పోషించారు. ఈ మ్యాచ్‌లో వాషీ సిక్సర్‌ బాది విజయ లాంఛనం పూర్తి చేశాడు.గాయపడ్డ వాషీఅయితే, రెండో వన్డేలో మాత్రం బ్యాటింగ్‌ పరంగా అక్షర్‌ (1)తో పాటు వాషీ (2) పూర్తిగా విఫలమయ్యాడు. ఈ మ్యాచ్‌లో టీమిండియా ఓటమిపాలైంది. ఇక ఈ మ్యాచ్‌ సందర్భంగా వాషీ గాయపడ్డాడు. అతడి చీలమండకు గాయమైంది. దీంతో అతడు బౌలింగ్‌కు రాలేదు. తాజా సమాచారం ప్రకారం అతడి గాయం తీవ్రమైనట్లు తెలుస్తోంది.జట్టులోకి హర్ష్‌ దూబేఈ నేపథ్యంలోనే వాషీ స్థానంలో యువ స్పిన్‌ బౌలింగ్‌ ఆల్‌రౌండర్‌ హర్ష్‌ దూబేను బీసీసీఐ ఎంపిక చేసింది. కాగా మహారాష్ట్రకు చెందిన హర్ష్‌ దూబే.. ఇటీవల అఫ్గానిస్తాన్‌తో స్వదేశంలో జరిగిన వన్డే సిరీస్‌ సందర్భంగా అంతర్జాతీయ క్రికెట్‌లో అరంగేట్రం చేశాడు. ఇప్పటికి రెండు వన్డేలు ఆడిన లెఫ్టార్మ్‌ ఆర్థోడాక్స్‌ ప్లేయర్‌.. నాలుగు వికెట్లు తీశాడు. ఇదిలా ఉంటే.. టీమిండియా- ఇంగ్లండ్‌ మధ్య ఆదివారం నాటి నిర్ణయాత్మక మూడో వన్డేకు లార్డ్స్‌ వేదిక.చదవండి: IND vs ENG: మూడో వన్డే.. భారత తుదిజట్టు ఇదే!

ఇంగ్లండ్‌తో ఆదివారం జ‌ర‌గ‌నున్న వ‌న్డే మ్యాచ్ రోహిత్ శ‌ర్మ‌కు ఆఖ‌రిద‌ని, ఆ త‌ర్వాత అత‌డు రిటైర్మెంట్ ఇవ్వ‌నున్న‌ట్లు ఊహాగానాలు వ‌చ్చిన సంగ‌తి తెలిసిందే. ఈ నేప‌థ్యంలో బీసీసీఐ సెక్ర‌ట‌రీ దేవ‌జిత్ సైకియా రోహిత్ రిటైర్మెంట్ వార్త‌ల‌పై స్పందించారు. అవ‌న్నీ త‌ప్పుడు వార్త‌ల‌ని, జ‌ట్టులో కొన‌సాగినంత‌కాలం రోహిత్ శ‌ర్మ టీమిండియాకు ఆడుతాడ‌ని, అత‌డి రిటైర్మెంట్ ఇప్పుడే ఉండ‌ద‌ని పేర్కొంటూ ఊహాగానాల‌కు తెర‌దించాడు. అయితే రోహిత్ శ‌ర్మ రిటైర్మెంట్‌ వార్తలపై భార‌త దిగ్గ‌జం క‌పిల్ దేవ్ ఆస‌క్తిక‌ర వ్యాఖ్య‌లు చేశాడు. రోహిత్ ఎప్పుడు ఆట‌కు వీడ్కోలు పలికినా అత‌డి రిటైర్మెంట్‌ను ఒక వేడుక‌లా సెల‌బ్రేట్ చేయాల‌ని బీసీసీఐకి సూచించారు. 19 ఏళ్ల కెరీర్‌లో కెప్టెన్‌గా, ప్లేయ‌ర్‌గా ఎన్నో అరుదైన మైలురాళ్ల‌ను అందుకున్న రోహిత్ శ‌ర్మకు గౌర‌వంగా వీడ్కోలు ప‌ల‌కాల్సిన అవ‌స‌ర‌ముందన్నారు. రిటైర్మెంట్ అనేది క్రికెట‌ర్ల‌కు కామ‌న్ అని, దాని గురించి బాధ‌ప‌డొద్ద‌ని, ఆ ప్ర‌క్రియ‌ను ఒక వేడుక‌లా జ‌రుపుకోవాల‌ని క‌పిల్ హిత‌వు పలికారు. పీటీఐకి ఇచ్చిన ఇంట‌ర్వ్యూలో క‌పిల్ దేవ్ మాట్లాడుతూ.. ‘రిటైర్మెంట్ అనే ప‌దం విన‌గానే ఎందుకు బాధ‌ప‌డాలి. స‌మ‌యం వ‌చ్చింది కాబ‌ట్టే అంతా రోహిత్ వీడ్కోలు గురించి మాట్లాడుకుంటున్నారు. 19 ఏళ్లుగా రోహిత్ త‌న ఆట‌తో ఎంతో సంతోషాన్ని పంచాడు. ఏదోఒక రోజు అంద‌రూ రిటైర్ అవ్వాల్సిందే. నాతో పాటు సునీల్ గావ‌స్క‌ర్‌, స‌చిన్ టెండూల్క‌ర్‌, రాహుల్ ద్ర‌విడ్ ఇలా అంద‌రం ఆట‌కు వీడ్కోలు ప‌లికిన‌వాళ్ల‌మే. ఒక‌వేళ రోహిత్ రిటైర్మెంట్‌కు స‌మ‌యం వ‌చ్చిన‌ప్పుడు మ‌న‌మంతా దానిని ఒక వేడుక‌గా జ‌రుపుకోవాలి. రోహిత్ వీడ్కోలు ఎప్పుడు ప‌లికినా ఆ మ్యాచ్‌లో మాత్రం సెంచ‌రీ సాధించాల‌ని బ‌లంగా కోరుకుంటున్నా.’ అని క‌పిల్ దేవ్ తెలిపారు.ఇంగ్లండ్‌తో వ‌న్డే సిరీస్‌లో రోహిత్ ఆడిన రెండు వ‌న్డేలు క‌లిపి కేవ‌లం 37 ప‌రుగులు మాత్ర‌మే చేశాడు. అంత‌క‌ముందు అఫ్గానిస్తాన్‌తో జ‌రిగిన వ‌న్డే సిరీస్‌లో రోహిత్ వ‌రుస‌గా 16, 48, 79 ప‌రుగులు చేశాడు. తాజాగా ఇంగ్లండ్ ప‌ర్య‌ట‌న‌లో వ‌రుస వైఫ‌ల్యాలతో రోహిత్ రిటైర్మెంట్ వార్త‌లు తెర‌మీదకు వ‌చ్చాయి. Greater Noida, Uttar Pradesh: When asked about speculation that this match at Lord's could be Rohit Sharma's last ODI, Former Indian cricket team captain and President of PGTI, Kapil Dev says, "... He has entertained the nation immensely, something very few players have… pic.twitter.com/ytrOdnUipk— IANS (@ians_india) July 18, 2026Read: వ‌రుస ఓట‌ములు.. విండీస్ జ‌ట్టులో భారీ మార్పులు!

సొంత‌గ‌డ్డ‌పై న్యూజిలాండ్‌తో జ‌రుగుతున్న వ‌న్డే సిరీస్‌లో వ‌రుస‌గా రెండు మ్యాచ్‌లు ఓడిపోయిన వెస్టిండీస్ 1-2తో వెనుకంజ‌లో ఉంది. ఈ నేప‌థ్యంలో చివరి రెండు వ‌న్డేలో విజ‌యం సాధించి సిరీస్‌ కైవసం చేసుకోవాలని భావిస్తోంది. ఈ నేపథ్యంలోనే వెస్టిండీస్‌ త‌న జ‌ట్టులో భారీ మార్పుల‌కు శ్రీకారం చుట్టింది. చివ‌రి రెండు వ‌న్డేల‌కు గాయాల‌తో స‌త‌మ‌త‌మ‌వుతున్న ఆల్‌రౌండ‌ర్ జాన్ కాంప్‌బెల్‌, టెస్టు కెప్టెన్ రోస్ట‌న్ చేజ్‌ల స్థానంలో బ్రాండన్ కింగ్, జ‌స్టిన్ గ్రీవ్‌లను ఎంపిక చేసింది. ఈ మేర‌కు విండీస్ క్రికెట్ బోర్డు శ‌నివారం ఒక ప్ర‌క‌ట‌న విడుద‌ల చేసింది. గాయాలు, ఫామ్ లేమీతో స‌త‌మ‌త‌మ‌వుతున్న జ‌ట్టులోకి వీరి రాక‌తో విండీస్ కాస్త బ‌లంగా క‌నిపిస్తోంది. కివీస్‌తో సిరీస్‌కు ముందు శ్రీలంక‌తో జ‌రిగిన టెస్టు, వ‌న్డే సిరీస్‌ల్లో జ‌స్టిన్ గ్రీవ్స్ స‌భ్యుడిగా ఉన్నాడు. అయితే న్యూజిలాండ్‌తో వ‌న్డే సిరీస్‌కు మాత్రం గ్రీవ్స్‌ను జ‌ట్టు నుంచి త‌ప్పించారు. ఇక 2025 అక్టోబ‌ర్‌లో చివ‌రి వ‌న్డే మ్యాచ్ ఆడిన బ్రాండన్ కింగ్ అప్ప‌టి నుంచి టెస్టులు, టీ20ల‌కే ప‌రిమిత‌మ‌య్యాడు. తాజాగా వ‌న్డే ప్ర‌పంచ‌క‌ప్‌కు సమ‌యం ద‌గ్గ‌ర‌ప‌డుతుండ‌డంతో బ్రాండన్ కింగ్‌ను జాన్ కాంప్‌బెల్ స్థానంలో జ‌ట్టులో ప‌రిశీలించాల‌ని విండీస్ క్రికెట్ బోర్డు భావిస్తోంది. త‌ల్లి అంత్య‌క్రియల కోసం ష‌మ‌ర్ స్ప్రింగ‌ర్, వ్య‌క్తిగ‌త కార‌ణాల‌తో కారీ పియెర్రీ కూడా జ‌ట్టును వీడిన‌ట్లు తెలుస్తోంది. శ్రీలంక‌తో రెండో టెస్టు సంద‌ర్భంగా ఫీల్డింగ్ చేస్తుండ‌గా రోస్ట‌న్‌ చేజ్ కుడి చూపుడువేలికి గాయ‌మైంది. అప్ప‌టి నుంచి చేజ్ రీహాబిలిటేష‌న్‌లోనే చికిత్స తీసుకుంటున్నాడు. మ‌రోవైపు మూడో వ‌న్డే సంద‌ర్భంగా కాంప్‌బెల్‌ తొడ కండ‌రాల గాయంతో బాధ‌ప‌డ్డాడు. దీంతో అత‌డికి స్కానింగ్ చేయ‌గా, గాయం తీవ్ర‌త ఎక్కువగా ఉన్న‌ట్లు తేలింది. కాంప్‌బెల్ మూడు వ‌న్డేలు క‌లిపి 30 స‌గటుతో 60 ప‌రుగుల మాత్ర‌మే చేశాడు. మ‌రోవైపు తొలి వ‌న్డేలో ఓడిన‌ప్ప‌టికీ వ‌రుస‌గా రెండు, మూడు వ‌న్డేలు గెలిచిన న్యూజిలాండ్ సిరీస్ విజ‌యంపై క‌న్నేసింది. ఇరుజ‌ట్ల మ‌ధ్య నాలుగో వ‌న్డే ఆదివారం బార్బ‌డోస్ వేదిక‌గా జ‌ర‌గ‌నుంది.చివ‌రి రెండు వ‌న్డేల‌కు విండీస్ జ‌ట్టు:షెయ్ హోప్ (కెప్టెన్, వికెట్ కీపర్), అకీమ్ ఆగస్ట్, కీసీ కార్టీ, మాథ్యూ ఫోర్డ్, జస్టిన్ గ్రీవ్స్, షిమ్రాన్ హెట్‌మైర్, అమీర్ జంగూ, అల్జారీ జోసెఫ్, షమర్ జోసెఫ్, బ్రాండన్ కింగ్, విటెల్ లాస్, గుద‌కేష్ మోతీ, కీమో పాల్, షెర్ఫేన్ రూథర్‌ఫోర్డ్, జేడెన్ సీల్స్.Read: ఫిఫా ఫైనల్‌ మ్యాచ్‌.. ఒక్క టికెట్ ధ‌ర 27 ల‌క్ష‌లు!

వన్డే సిరీస్‌లో ఇప్పటికి చెరో మ్యాచ్‌ గెలిచి టీమిండియా- ఇంగ్లండ్‌ 1-1తో సమంగా ఉన్నాయి. ఎడ్జ్‌బాస్టన్‌ వేదికగా మంగళవారం నాటి తొలి మ్యాచ్‌లో గిల్‌ సేన గెలవగా.. కార్డిఫ్‌లో గురువారం జరిగిన మ్యాచ్‌లో బ్రూక్‌ బృందం జయభేరి మోగించింది. రెండో వన్డేలో టాస్‌ ఓడిన భారత్‌ తొలుత బ్యాటింగ్‌కు దిగి 44 ఓవర్లలోనే ఆలౌట్‌ అయింది.99 పరుగులతో అజేయంగావన్‌డౌన్‌ బ్యాటర్‌ విరాట్‌ కోహ్లి (65), వైస్‌ కెప్టెన్‌ శ్రేయస్‌ అయ్యర్‌ (66) అర్ధ శతకాల కారణంగా.. 233 పరుగులు చేయగలిగింది. అనంతరం లక్ష్య ఛేదనకు దిగిన ఇంగ్లండ్‌ ఆదిలోనే ఓపెనర్లు బెన్‌ డకెట్‌ (0), జేకబ్‌ బెతెల్‌ (4) వికెట్లు కోల్పోయినా.. జో రూట్‌ ఒంటిచేతో జట్టును గెలిపించాడు.మూడో స్థానంలో ఆడిన రూట్‌.. ఓవైపు వరుసగా వికెట్లు పడుతున్నా పట్టుదలగా నిలబడ్డాడు. మొత్తంగా 133 బంతులు ఎదుర్కొని తొమ్మిది ఫోర్ల సాయంతో 99 పరుగులతో అజేయంగా నిలిచాడు. ఇక ఇంగ్లండ్‌- టీమిండియా మధ్య ఆదివారం లార్డ్స్‌ వేదికగా నిర్ణయాత్మక మూడో వన్డే జరుగనుంది.అతడిని తొందరగా అవుట్‌ చేయాలిఈ నేపథ్యంలో టీమిండియా మాజీ కోచ్‌ అభిషేక్‌ నాయర్‌ కీలక సూచనలు చేశాడు. రూట్‌ను ఎంత త్వరగా అవుట్‌ చేశామన్న అంశం మీదే భారత జట్టు విజయం ఆధారపడి ఉంటుందన్నాడు. ఈ క్రమంలో భారత తుదిజట్టులో పలు మార్పులు సూచించాడు.స్టార్‌ స్పోర్ట్స్‌ షో గేమ్‌ ప్లాన్‌లో భాగంగా మాట్లాడుతూ.. ‘‘జో రూట్‌ను వీలైనంత త్వరగా అవుట్‌ చేయాలి. అతడి కోసం ప్రత్యేక ప్రణాళికలు అవసరం. కాబట్టి కుల్దీప్‌ యాదవ్‌ను తుదిజట్టులోకి తీసుకున్నా ఆశ్చర్యం లేదు. లేదంటే.. శివం దూబే స్థానంలో ప్రిన్స్‌ యాదవ్‌ను ఆడించవచ్చు’’ అని అభిషేక్‌ నాయర్‌ పేర్కొన్నాడు.అయ్యర్‌ నాలుగు.. రాహుల్‌ ఐదో స్థానంలోఇక తాను ఎంపిక చేసుకున్న తుదిజట్టులో అభిషేక్‌ నాయర్‌ ఇద్దరు వికెట్‌ కీపర్‌ బ్యాటర్లు కేఎల్‌ రాహుల్‌, ఇషాన్‌ కిషన్‌లకు చోటిచ్చాడు. అయితే, శ్రేయస్‌ అయ్యర్‌ రెగ్యులర్‌గా వచ్చే నాలుగో స్థానంలోనే రావాలని.. రెండో వన్డేలో మాదిరి ఇషాన్‌ కోసం అతడిని డిమోట్‌ చేయవద్దన్నాడు.అదే విధంగా కేఎల్‌ రాహుల్‌ను ఐదో స్థానంలో ఆడించి.. ఇషాన్‌ను ఆరో నంబర్‌ బ్యాటర్‌గా పంపాలని అభిషేక్‌ నాయర్‌ సూచించాడు. కాగా అనారోగ్యం కారణంగా కేఎల్‌ రాహుల్‌ రెండో వన్డేకు దూరంకాగా ఇషాన్‌ కిషన్‌ తుదిజట్టులోకి వచ్చాడు.నాలుగో స్థానంలో బరిలోకి దిగిన ఇషాన్‌.. ఎనిమిది బంతులు ఎదుర్కొని కేవలం ఒకే ఒక్క పరుగు చేసి నిష్క్రమించాడు. శ్రేయస్‌ అయ్యర్‌ ఐదో స్థానంలో వచ్చి అర్ధ శతకం బాదాడు. ఇక ఆల్‌రౌండర్‌ వాషింగ్టన్‌ సుందర్‌ గాయం కారణంగా మూడో వన్డేకు దూరం కానున్నట్లు తెలుస్తోంది. ఈ నేపథ్యంలో చైనామన్‌ స్పిన్నర్‌ కుల్దీప్‌ యాదవ్‌ ఈ సిరీస్‌లో తొలిసారి ఆడే అవకాశం ఉంది.ఇంగ్లండ్‌తో మూడో వన్డేకు అభిషేక్‌ నాయర్‌ ఎంచుకున్న భారత తుదిజట్టుశుబ్‌మన్‌ గిల్‌ (కెప్టెన్‌), రోహిత్‌ శర్మ, విరాట్‌ కోహ్లి, శ్రేయస్‌ అయ్యర్‌, కేఎల్‌ రాహుల్‌, ఇషాన్‌ కిషన్‌, అక్షర్‌ పటేల్‌, జస్‌ప్రీత్‌ బుమ్రా, గుర్నూర్‌ బ్రార్‌, ప్రసిద్‌ కృష్ణ, కుల్దీప్‌ యాదవ్‌/ప్రిన్స్‌ యాదవ్‌.చదవండి: విశ్రాంతి వద్దన్న రోహిత్‌.. అతడి కోసం గిల్‌ అనూహ్య నిర్ణయం!

టీమిండియా స్టార్‌ పేసర్‌ మహ్మద్‌ సిరాజ్‌ను ఉద్దేశించి భారత మాజీ క్రికెటర్‌ ఆకాశ్‌ చోప్రా కీలక వ్యాఖ్యలు చేశాడు. అతడి విషయంలో యాజమాన్యం వైఖరి అస్సలు బాగాలేదని విమర్శించాడు. పరిమిత ఓవర్ల క్రికెట్‌లో పేస్‌ విభాగం నుంచి ఎవరినైనా తప్పించాలంటే సెలక్టర్లు ముందుగా అతడిపైనే వేటు వేస్తారన్నాడు.అవకాశం వస్తే ఇరగదీస్తాడుఅయితే, ఒక్కసారి అవకాశం దొరికితే సిరాజ్‌ తనను తాను నిరూపించుకునేందుకు ఎల్లప్పుడూ సిద్ధంగా ఉంటాడని ఆకాశ్‌ చోప్రా ప్రశంసించాడు. కాగా 2017లో టీమిండియా తరఫున అరంగేట్రం చేశాడు సిరాజ్‌. ఈ హైదరాబాదీ స్టార్‌ ఇప్పటికి 46 టెస్టులు, 50 వన్డేలు, 17 టీ20 మ్యాచ్‌లు ఆడాడు.ఈ రైటార్మ్‌ ఫాస్ట్‌బౌలర్‌ ఇప్పటికి టెస్టుల్లో 140, వన్డేల్లో 76, టీ20 మ్యాచ్‌లలో 17 వికెట్లు కూల్చాడు. ఇక ఈ ఏడాది సొంతగడ్డపై జనవరిలో న్యూజిలాండ్‌తో చివరగా వన్డే మ్యాచ్‌ ఆడిన సిరాజ్‌.. ప్రపంచకప్‌ టోర్నీ-2026లో భాగంగా అమెరికాతో ఆఖరిగా టీమిండియా తరఫున టీ20 బరిలో దిగాడు.వన్డే జట్టులో దక్కని చోటుఅదే విధంగా అఫ్గానిస్తాన్‌ జూన్‌లో జరిగిన ఏకైక టెస్టులో పాల్గొన్న సిరాజ్‌కు.. ఐర్లాండ్‌, ఇంగ్లండ్‌ పర్యటనలో భాగంగా టీ20 సిరీస్‌ నుంచి విశ్రాంతినిచ్చారు. అయితే, ఇంగ్లండ్‌తో వన్డేలకు మాత్రం అతడిని ఎంపిక చేయలేదు. సిరాజ్‌కు బదులు ప్రసిద్‌ కృష్ణకు టీ20, వన్డేలలో అవకాశం ఇచ్చారు.సైలెంట్‌గా పక్కన పెట్టేస్తున్నారుఈ నేపథ్యంలో కామెంటేటర్‌ ఆకాశ్‌ చోప్రా సిరాజ్‌ విషయంలో మేనేజ్‌మెంట్‌ ఒక్కోసారి ఒక్కోలా వ్యవహరిస్తోందని విమర్శించాడు. ‘‘అతడిని సైలెంట్‌గా పక్కన పెట్టేస్తున్నారు. బంతి పాతబడే కొద్దీ ప్రభావం చూపలేడంటూ వన్డేల నుంచి మెల్లమెల్లిగా అతడిని పక్కనపెట్టారు.ఇక టీ20 ఫార్మాట్‌కు కూడా చాలాకాలం దూరంగా ఉంచారు. కానీ వరల్డ్‌కప్‌ జట్టులో మాత్రం చోటిచ్చారు. అలా తుదిజట్టులోకి వచ్చిన తొలిరోజే అతడు మూడు వికెట్లు తీసి సత్తా చాటాడు. ప్లేయర్‌ ఆఫ్‌ ది మ్యాచ్‌గా నిలిచేలా అత్యుత్తమ ప్రదర్శన ఇచ్చాడు. ఆ తర్వాత మళ్లీ టోర్నీలో ఆడించలేదు.అయితే, ఇప్పుడు అతడిని వన్డేల నుంచి పక్కనపెట్టే ప్రయత్నం జరుగుతున్నట్లు అనిపిస్తోంది. నిజానికి అతడి విషయంలో మేనేజ్‌మెంట్‌కు స్పష్టత లేనట్లు అనిపిస్తోంది. ఎప్పుడైనా వన్డే, టీ20 జట్ల పేస్‌ విభాగం నుంచి ఓ బౌలర్‌ను పక్కనపెట్టాలనుకుంటే ముందుగా అతడినే తప్పిస్తారు.వన్డే వరల్డ్‌కప్‌ జట్టులో అతడు ఉంటాడుఅయితే, మున్ముందు అతడి అవసరం కచ్చితంగా ఉంటుందని నా అభిప్రాయం. అతడిని మీరు ఎక్కువకాలం పక్కనపెట్టలేరు. ఎందుకంటే టీమిండియా ఫాస్ట్‌ బౌలింగ్‌ విభాగంలో తరచూ మార్పులు కనిపిస్తున్నాయి. ఒక రకంగా గందరగోళం నెలకొందని చెప్పవచ్చు. కాబట్టి సిరాజ్‌ కచ్చితంగా వన్డే జట్టులోకి వస్తాడు. ముఖ్యంగా వన్డే వరల్డ్‌కప్‌ జట్టులో అతడు ఉంటాడు’’ అని ఆకాశ్‌ చోప్రా అభిప్రాయపడ్డాడు.కాగా ప్రధాన పేసర్‌ జస్‌ప్రీత్‌ బుమ్రాపై పనిభారం తగ్గించే క్రమంలో బీసీసీఐ అతడికి ఎక్కువగా విశ్రాంతినిస్తున్న సంగతి తెలిసిందే. ఈ క్రమంలో అఫ్గానిస్తాన్‌తో వన్డే సిరీస్‌ సందర్భంగా గుర్నూర్‌ బ్రార్‌, ప్రిన్స్‌ యాదవ్‌ అరంగేట్రం చేశారు. ప్రసిద్‌ కృష్ణకు కూడా అవకాశం దొరికింది. అయితే, సిరాజ్‌ను మాత్రం ఎక్కువగా టెస్టులకే పరిమితం చేస్తున్నారనే అభిప్రాయాలు వ్యక్తమవుతున్నాయి.చదవండి: విశ్రాంతి వద్దన్న రోహిత్‌.. అతడి కోసం గిల్‌ అనూహ్య నిర్ణయం

టీమిండియా దిగ్గజ కెప్టెన్‌ రోహిత్‌ శర్మ రిటైర్మెంట్‌ గురించి ఊహాగానాలు ఊపందుకున్నాయి. ఇంగ్లండ్‌తో లార్డ్స్‌ వేదికగా ఆదివారం జరిగే మూడో వన్డే హిట్‌మ్యాన్‌ కెరీర్‌లో ఆఖరి అంతర్జాతీయ మ్యాచ్‌ అంటూ వార్తలు వస్తున్నాయి. ఈ నేపథ్యంలో భారత క్రికెట్‌ నియంత్రణ మండలి (BCCI) కార్యదర్శి దేవజిత్‌ సైకియా ఈ వార్తల్ని కొట్టిపారేశాడు. లార్డ్స్‌ వన్డే రోహిత్‌కు చివరి మ్యాచ్‌ కాదని స్పష్టం చేశాడు.సెలక్టర్లపై బీసీసీఐ ఆగ్రహం!అదే విధంగా ఈ విషయంలో లీకులు ఇచ్చారని సెలక్టర్లపై బీసీసీఐ ఆగ్రహం చేసినట్లు సమాచారం. ఇలాంటి తరుణంలో మరో ఆసక్తికర వార్త తెరమీదకు వచ్చింది. నిజానికి అఫ్గానిస్తాన్‌తో ఇటీవల స్వదేశంలో జరిగిన వన్డే సిరీస్‌ నుంచే రోహిత్‌ శర్మను పక్కనపెట్టాలని అజిత్‌ అగార్కర్‌ నేతృత్వంలోని సెలక్షన్‌ కమిటీ నిర్ణయించినట్లు సమాచారం.అప్పుడే డిసైడ్‌ అయ్యారువిశ్రాంతి పేరిట రోహిత్‌ను పక్కనపెట్టి.. యువ ఓపెనర్‌ యశస్వి జైస్వాల్‌ను అఫ్గాన్‌తో సిరీస్‌లో ఆడించాలనే యోచనలో ఉన్నారట. అయితే, ఇందుకు రోహిత్‌ ససేమిరా అనడంతో.. కెప్టెన్‌ శుబ్‌మన్‌ గిల్‌ స్వయంగా తన బ్యాటింగ్‌ స్థానాన్ని మార్చుకున్నట్లు తెలుస్తోంది.ఈ విషయం గురించి బీసీసీఐ సన్నిహిత వర్గాలు టైమ్స్‌ ఆఫ్‌ ఇండియాతో మాట్లాడుతూ.. ‘‘గత నెలలో స్వదేశంలో అఫ్గానిస్తాన్‌తో జరిగిన వన్డే సిరీస్‌ నుంచి రోహిత్‌ శర్మను తప్పించాలని సెలక్టర్లు నిర్ణయించుకున్నారు. కానీ అతడు ఆడేందుకు సిద్ధమయ్యాడు. ఆఖరిదైన మూడో వన్డేలోనైనా విశ్రాంతి తీసుకోవాలని కోరారు.విశ్రాంతి వద్దన్న రోహిత్‌.. గిల్‌ అనూహ్య నిర్ణయం!అతడి స్థానంలో జైస్వాల్‌ను ఆడించాలనుకున్నారు. కానీ రోహిత్‌ రెస్ట్‌ తీసుకునేందుకు నిరాకరించాడు. దీంతో జైస్వాల్‌ను ఎలాగైనా ఆడించాలనే ఉద్దేశంతోనే కెప్టెన్‌ శుబ్‌మన్‌ గిల్‌ మూడో స్థానంలో బ్యాటింగ్‌కు దిగాడు’’ అని పేర్కొన్నాయి. అదే విధంగా.. ‘‘అంతర్జాతీయ టీ20, టెస్టు ఫార్మాట్ల నుంచి రిటైర్‌ అయిన తర్వాత రోహిత్‌కు అసలైన సవాలు ఎదురైంది.అతడు దేశవాళీ క్రికెట్‌లోనూ కేవలం రెండు మ్యాచ్‌లే ఆడాడు. కానీ ఆశించిన స్థాయిలో లయను అందుకోలేకపోయాడు. ఇటీవల కూడా పెద్దగా ఆకట్టుకోలేకపోతున్నాడు. ఫామ్‌ కోల్పోయిన రోహిత్‌ విషయంలో సెలక్టర్లు అయితే ఇప్పటికే తమ నిర్ణయం గురించి చెప్పేశారు. రోహిత్‌ శర్మ, బోర్డు తీసుకునే నిర్ణయం ఆధారంగానే అతడు వన్డే వరల్డ్‌కప్‌ టోర్నీ-2027 ఆడతాడా? లేదా? అన్నది తేలుతుంది’’ అని బీసీసీఐ వర్గాలు పేర్కొన్నాయి.తొలుత విఫలమైనా..కాగా అఫ్గాన్‌తో వన్డే సిరీస్‌లో రోహిత్‌ శర్మ 16, 48, 79 పరుగులు సాధించాడు. ఇక రెండో వన్డేతో తుదిజట్టులోకి వచ్చిన జైస్వాల్‌ నిరాశపరిచినా (4).. మూడో వన్డేలో అజేయ శతకం (110*)తో ఆకట్టుకున్నాడు. మరోవైపు.. తొలి వన్డేలో ఓపెనర్‌గా దిగి 84 పరుగులతో అజేయంగా నిలిచిన గిల్‌.. తర్వాత రెండు వన్డేలో మూడో నంబర్‌ బ్యాటర్‌గా వచ్చి భారీ శతకం (154)తో దుమ్ములేపాడు.ఇదిలా ఉంటే.. రెగ్యులర్‌ వన్‌డౌన్‌ బ్యాటర్‌ విరాట్‌ కోహ్లి వ్యక్తిగత కారణాల వల్ల ఈ సిరీస్‌కు దూరం కావడంతో.. అతడి స్థానంలో యశస్వి జైస్వాల్‌కు జట్టులో చోటు దక్కింది. ఈ వన్డే సిరీస్‌లో భారత్‌ అఫ్గాన్‌ను 3-0తో క్లీన్‌స్వీప్‌ చేసింది. ఇక తాజాగా ఇ​ంగ్లండ్‌ పర్యటనలో రోహిత్‌ శర్మ ఇప్పటికి రెండు వన్డేలలో వరుసగా 11, 26 పరుగులు మాత్రమే చేశాడు. ఈ నేపథ్యంలో రిటైర్మెంట్‌ వార్తలు తెరమీదకు రావడం గమనార్హం.చదవండి: అదే మా కొంప ముంచింది: శుబ్‌మన్‌ గిల్‌

ఇంగ్లండ్‌తో రెండో వన్డేలో పరాజయం చవిచూసిన టీమిండియాకు భారీ ఎదురుదెబ్బ తగిలింది. తొలి వన్డేలో మెరుపు అర్ధసెంచరీతో టీమిండియాను గెలిపించిన ఆల్‌రౌండర్ వాషింగ్టన్ సుందర్ గాయంతో సిరీస్‌లో మిగిలిన వన్డేకు దూరమైనట్లు బీసీసీఐ ఒక ప్రకటన విడుదల చేసింది. ఇంగ్లండ్‌తో రెండో వన్డే సందర్భంగా బ్యాటింగ్‌కు ముందే వాషింగ్టన్ సుందర్ కండరాల నొప్పితో బాధపడ్డాడు. ఫిజియో వద్ద చికిత్స తీసుకొని మైదానంలోకి అడుగుపెట్టిన సుందర్ 5 బంతుల్లో 2 పరుగులు మాత్రమే చేసి ఔటయ్యాడు. గాయం తీవ్రత ఎక్కువగా ఉండడంతో సుందర్ రెండో ఇన్నింగ్స్‌లో బౌలింగ్‌కు కూడా రాలేదు. ఈ నేపథ్యంలో సుందర్‌కు గాయం తీవ్రత ఎక్కువగా ఉండడంతో ఇంగ్లండ్ సిరీస్‌లో చివరి వన్డేకు దూరమైనట్లు తెలుస్తోంది. అతడు కోలుకోవడానికి రెండు నుంచి నాలుగు వారాల సమయం పట్టే అవకాశముందని సమాచారం. సుందర్ గాయం తీవ్రతపై బీసీసీఐ అధికారిక ప్రకటన చేయాల్సి ఉంది. ఈ లెక్కన శ్రీలంకతో టెస్టు సిరీస్‌కు సుందర్ దూరమయ్యే అవకాశాలు ఎక్కువగా ఉన్నాయి. 26 ఏళ్ల సుందర్ ప్రస్తుతం టీమిండియాలో అన్ని ఫార్మాట్లలోనూ కీలక ఆటగాడిగా కొనసాగుతున్నాడు. 18 టెస్టుల్లో 41 వికెట్లు తీయడంతో పాటు 937 పరుగులు సాధించాడు.వదలని గాయాల బెడదవరుస సిరీస్‌లతో బిజీగా గడుపుతున్న టీమిండియాను గాయాల బెడద వదలడం లేదు. ఇప్పటికే హర్షిత్ రానా, వరుణ్ చక్రవర్తి గాయాలతో ఇంగ్లండ్ సిరీస్‌కు దూరమయ్యారు. తాజాగా వాషింగ్టన్ సుందర్ దూరం కావడం టీమిండియాకు పెద్ద దెబ్బే అని చెప్పొచ్చు. ఇక సుందర్‌కు గాయాలు కొత్తేమి కాదు. ఈ ఏడాది ఆరంభంలో పక్కటెముకల్లో ఫ్రాక్చర్ కావడంతో న్యూజిలాండ్‌తో సిరీస్‌కు దూరమయ్యాడు. గాయం నుంచి కోలుకున్న సుందర్ 2026 టీ20 ప్రపంచకప్ మధ్యలో జట్టులో జాయిన్ అయ్యాడు.

టీమిండియా స్టార్ క్రికెటర్‌ రోహిత్ శర్మ రిటైర్మెంట్‌పై ఊహాగానాలు వ్యక్తమవుతున్న వేళ అతడి భవితవ్యంపై టీమిండియా మేనేజ్‌మెంట్ తొలిసారి స్పందించింది. 2027 వన్డే ప్రపంచకప్‌కు సంబంధించి ప్రణాళికల్లో భాగంగా జట్టు నుంచి రోహిత్‌ను తప్పించినట్లు బీసీసీఐ ఇప్పటికే హిట్‌మ్యాన్‌కు సమాచారం ఇచ్చినట్లు తెలుస్తోంది. లార్డ్స్ వన్డే రోహిత్ కెరీర్‌లో చివరిదని ప్రచారం నడుస్తోన్న వేళ టీమిండియా బ్యాటింగ్ కోచ్ సితాన్షు కోటక్ కీలక వ్యాఖ్యలు చేశాడు. రోహిత్ రిటైర్మెంట్‌పై సమాధానాన్ని దాటవేసిన సితాన్షు అతడి పేలవ బ్యాటింగ్ ప్రదర్శనపై మాత్రం స్పందించాడు. రోహిత్ శర్మపై ఎలాంటి ఒత్తిడి లేదని స్పష్టం చేశారు.అతడు పెద్ద ప్లేయర్ అని... అలాంటోడు భారత జట్టుకు అవసరమని పేర్కొన్నారు. రోహిత్ శర్మ స్థానంలో ఇషాన్ కిషన్, యశస్వి జైష్వాల్ లకు ఓపెనర్ గా అవకాశాలు ఇస్తారా ? అని మీడియా అడిగిన ప్రశ్నలకు బ్యాటింగ్ కోచ్ సితాన్షు కోటక్ సమాధానం ఇచ్చారు. వరుసగా రెండు వన్డేల్లో విఫలమైనంత మాత్రానా రోహిత్ ఆటను జడ్జ్ చేయలేమని కుండబద్దలు కొట్టారు. నిజానికి రోహిత్ శర్మ ఒక టాప్ క్లాస్ ఆటగాడని కితాబిచ్చాడు. హిట్‌మ్యాన్ ఒకసారి టచ్ లోకి వచ్చాడంటే అతడిని ఆపడం ఎవరి తరం కాదన్నాడు. ఇది ఇలా ఉండగా లార్డ్స్ వేదికగా జరిగే మూడో వన్డే రోహిత్ శర్మకు చివరిది అంటూ సోషల్ మీడియాలో వార్తలు వైరల్ అవుతున్నాయి. 2027 వరల్డ్ కప్ ప్లాన్స్ భాగంగా జట్టులో కూడా రోహిత్ శర్మ లేడని తెలుస్తోంది. ఈ నేపథ్యంలో రోహిత్ రిటైర్మెంట్‌పై ప్రశ్న వేయగా.. దీనికి మాత్రం సితాన్షు కోటక్ నుంచి ఎలాంటి సమాధానం రాకపోవడం ఆసక్తి కలిగించింది.పేల‌వ ప్ర‌ద‌ర్శ‌న‌39 ఏళ్ల రోహిత్ శ‌ర్మ వ‌న్డే ప్ర‌పంచ‌క‌ప్ 2027 ఆడాల‌ని నిర్ణ‌యించుకున్నాడు. అందుకోసం తాను ఫిట్‌గా ఉండేదుకు 10 కిలోల బ‌రువు కూడా త‌గ్గాడు. ఫిట్‌నెస్ నిరూపించుకున్న‌ప్ప‌టికీ బ్యాటింగ్‌లో మాత్రం వ‌రుస‌గా విఫ‌ల‌మ‌వుతూనే వ‌స్తున్నాడు. స్వ‌దేశంలో అఫ్గానిస్తాన్‌తో జ‌రిగిన వ‌న్డే సిరీస్‌లో మూడు వ‌న్డేలు క‌లిపి 143 ప‌రుగులు సాధించాడు. ఇందులో ఒక అర్ధ‌సెంచ‌రీ ఉంది. తొలి వ‌న్డేలో 69 బంతుల్లో 79 ప‌రుగులు చేసిన రోహిత్ రెండు, మూడు వ‌న్డేల్లో వ‌రుస‌గా 48, 16 ప‌రుగులు సాధించాడు. ఇక ఇంగ్లండ్‌తో సిరీస్‌లో వ‌రుసగా రెండు వ‌న్డేల్లో 11, 26 ప‌రుగులు మాత్ర‌మే చేసి నిరాశ‌ప‌రిచాడు.Batting coach Sitanshu Kotak has thrown his weight behind Rohit Sharma despite a slow start to the series for the former skipper 🗣️#ENGvIND pic.twitter.com/VuNEOojFDP— Cricbuzz (@cricbuzz) July 17, 2026Read: ‘రోహిత్ రిటైర్మెంట్‌ వార్తలపై కోహ్లి రియాక్ష‌న్!’

సొంత‌గ‌డ్డపై జరుగుతున్న వన్డే సిరీస్‌లో వెస్టిండీస్ దారుణ ఆటతీరు కనబరుస్తోంది. టీ20 క్రికెట్‌కు బాగా అలవాటు పడిన విండీస్ ఆటగాళ్లు వన్డేలు ఆడడం మరిచిపోయినట్లుగా కనిపిస్తున్నారు. వచ్చిందే తడవు భారీ ఇన్నింగ్స్‌లతో అలరించాలన్న మోజులో వన్డే ఫార్మాట్‌లో నిలకడగా ఆడితేనే పరుగులు వస్తాయన్న విషయాన్ని విండీస్ పూర్తిగా పక్కనబెట్టేసింది. తొలి వన్డే తర్వాత ఆడిన రెండు వన్డేల్లోనూ వెస్టిండీస్ 150 పరుగుల్లోపే ఆలౌట్ కావడం గమనార్హం. తాజాగా గ‌యానా వేదిక‌గా వెస్టిండీస్‌తో జ‌రిగిన మూడో వ‌న్డేలో 6 వికెట్ల తేడాతో గెలుపొందిన న్యూజిలాండ్ వ‌న్డే సిరీస్‌లో రెండో విజ‌యాన్ని న‌మోదు చేసుకుంది. కివీస్‌ బౌల‌ర్ జేడ‌న్ లెనోక్స్ మ‌రోసారి బౌలింగ్‌లో చెల‌రేగిన వేళ ఐదు మ్యాచ్‌ల వ‌న్డే సిరీస్‌లో కివీస్ 2-1తో ఆధిక్యంలోకి దూసుకెళ్లింది. తొలుత బ్యాటింగ్ చేసిన వెస్టిండీస్ 37.1 ఓవ‌ర్ల‌లో 140 ప‌రుగుల‌కే కుప్ప‌కూలింది. విండీస్ బ్యాట‌ర్ల‌లో కీసి కార్టి (48) టాప్ స్కోర‌ర్‌గా నిల‌వ‌గా, హెట్‌మైర్ (26) ప‌ర్వాలేద‌నిపించాడు. జేడ‌న్ లెనోక్స్‌ 4 వికెట్ల‌తో చెల‌రేగ‌గా, మైకెల్ బ్రాస్‌వెల్‌, మిచెల్ సాంట్న‌ర్‌లు చెరో 2 వికెట్లు తీశారు. అనంతరం 141 ప‌రుగుల ల‌క్ష్యాన్ని న్యూజిలాండ్ 39.3 ఓవ‌ర్ల‌లో 4 వికెట్లు కోల్పోయి ఛేదించింది. డారిల్ మిచెల్ (28), హెన్రీ నికోల్స్ (24) ఆరంభంలో మెరుగ్గా ఆడారు. చివ‌ర్లో టామ్ లాథ‌మ్ (31 నాటౌట్‌), డీన్ ఫాక్స్‌క్రాప్ట్ (22 నాటౌట్‌) జ‌ట్టును విజ‌య‌తీరాల‌కు చేర్చారు. వెస్టిండీస్ బౌల‌ర్ల‌లో విటెల్ లాస్ 3 వికెట్లు తీయ‌గా, కేరీ పియ‌ర్రీ ఒక వికెట్ ప‌డ‌గొట్టాడు. ఇరుజ‌ట్ల మ‌ధ్య నాలుగో వ‌న్డే జూలై 19న (ఆదివారం) బ్రిడ్జ్‌టౌన్ వేదిక‌గా జ‌ర‌గ‌నుంది.చదవండి: అక్ష‌ర్ ప‌టేల్ అరుదైన ఫీట్‌.. ఆ ఇద్ద‌రి స‌ర‌స‌న చోటు

ఇంగ్లండ్‌తో తొలి వన్డేలో గెలుపొందిన టీమిండియా మూడు మ్యాచ్‌ల సిరీస్‌లో 1-0తో ముందంజ వేసింది. ఇక ఇరుజట్ల మధ్య గురువారం నాటి రెండో వన్డేకు కార్డిఫ్‌ వేదికకాగా.. ఇక్కడా గెలిచి సిరీస్‌ను కైవసం చేసుకోవాలని భారత్‌ పట్టుదలగా ఉంది.ఈ నేపథ్యంలో టీమిండియా సీమ్‌ విభాగం గురించి.. ముఖ్యంగా గుర్నూర్‌ బ్రార్‌ గురించి భారత మాజీ కోచ్‌ అభిషేక్‌ నాయర్‌ కీలక ఆసక్తికర వ్యాఖ్యలు చేశాడు. స్టార్‌ స్పోర్ట్స్‌ గేమ్‌ ప్లాన్‌లో భాగంగా మాట్లాడుతూ.. ‘‘గుర్నూర్‌ బ్రార్‌ తొలి వన్డేలో ఆకట్టుకున్నాడు.డకెట్‌ అవుట్‌ కాకపోయి ఉంటే..నిజానికి తను మొదటి ఓవర్లో కాస్త ఎక్కువగానే పరుగులు ఇచ్చుకున్నాడు. కానీ ఆ తర్వాత దూకుడు ప్రదర్శిస్తూ అనుకున్న ఫలితాన్ని రాబట్టాడు. ముఖ్యంగా బెన్‌ డకెట్‌ క్రీజులోకి పాతుకుపోయినపుడు.. గుర్నూర్‌ తన మొమెంటమ్‌ను మార్చి ఎట్టకేలకు వికెట్‌ పడగొట్టాడు.ఒకవేళ గుర్నూర్‌ గనుక డకెట్‌ను అవుట్‌ చేయకపోయినా.. అతడు ఇంకో నాలుగు నుంచి ఐదు ఓవర్ల పాటు క్రీజులో ఉన్నా.. మ్యాచ్‌ ఫలితం కచ్చితంగా వేరుగానే ఉండేది. డకెట్‌తో పాటు మరో ఓపెనర్‌, డేంజరస్‌ బ్యాటర్‌ జేకబ్‌ బెతెల్‌ను అవుట్‌ చేసి గుర్నూర్‌ మంచి బ్రేక్‌ ఇచ్చాడు.గొప్పగా ఏమీ బౌలింగ్‌ చేయలేదు..కానీఅయితే, ఈ రెండు వికెట్ల కోసం గుర్నూర్‌ అంత గొప్పగా ఏమీ బౌలింగ్‌ చేయలేదు. అయితే, ఆ సమయంలో అతడు చూపిన ఆత్మవిశ్వాసం గొప్పది. ఎలాగైనా వికెట్‌ తీయాలనే కసి మీద ఉన్నాడు. ప్రత్యర్థిపై ఒత్తిడి పెట్టి అనుకున్నది సాధించాడు’’ అని అభిషేక్‌ నాయర్‌ ప్రశంసించాడు.ప్రసిద్‌ కూడా సూపర్‌కాగా ఈ మ్యాచ్‌లో రైటార్మ్‌ పేసర్‌ గుర్నూర్‌ బ్రార్‌ తొమ్మిది ఓవర్లు బౌలింగ్‌ చేసి 61 పరుగులు ఇచ్చి రెండు వికెట్లు కూల్చాడు. ఇక ప్రసిద్‌ కృష్ణ గురించి అభిషేక్‌ నాయర్‌ ప్రస్తావిస్తూ.. ‘‘వన్డే ఫార్మాట్లో అతడొక అసాధారణమైన బౌలర్‌. అఫ్గనిస్తాతో మ్యాచ్‌లో ఐదు వికెట్లతో చెలరేగాడు. ఇంగ్లండ్‌ గడ్డ మీదా రాణించాడు’’ అని కొనియాడాడు.ఇంగ్లండ్‌తో తొలి వన్డేలో ప్రసిద్‌ 10 ఓవర్ల కోటా పూర్తి చేసి 50 పరుగులు ఇచ్చి రెండు వికెట్లు పడగొట్టాడు. ఎడ్జ్‌బాస్టన్‌ వేదికగా జరిగిన ఈ మ్యాచ్‌లో ఇంగ్లండ్‌ను 258 పరుగులకు కట్టడి చేసిన భారత్‌.. 45.2 ఓవర్లలోనే లక్ష్యాన్ని ఛేదించింది. ఆరు వికెట్ల తేడాతో గెలుపొంది ఇంగ్లండ్‌ గడ్డపై ఎట్టకేలకు గెలుపు బోణీ కొట్టింది. అంతకుముందు టీ20 సిరీస్‌లో ఆతిథ్య జట్టు చేతిలో 4-0తో క్లీన్‌స్వీప్‌ అయింది.చదవండి: విధ్వంసకర శతకాలు.. పంజాబ్‌ కింగ్స్‌ ప్రపంచ రికార్డు బద్దలు

కార్డిఫ్ వేదికగా ఇంగ్లండ్‌తో రెండో వన్డేలో తలపడేందుకు టీమిండియా సిద్దమైంది. ఈ మ్యాచ్‌లో ఎలాగైనా గెలిచి 2-0 తేడాతో సిరీస్‌ను సొంతం చేసుకోవాలని భారత్ పట్టుదలతో ఉంది. అయితే ఈ కార్డిఫ్ వన్డేలో టీమిం‍డియా ఓ మార్పుతో బరిలోకి దిగనున్నట్లు తెలుస్తోంది.తొలి వన్డేలో గాయపడిన కెప్టెన్ శుబ్‌మన్ గిల్ పూర్తి ఫిట్‌నెస్ సాధించినప్పటికి.. పేసర్ గుర్నూర్ బ్రార్ మాత్రం ఇంకా కోలుకోలేదు. ఎడ్జ్‌బాస్ట‌న్ వ‌న్డేలో గుర్నూర్ కాలి పిక్క గాయం బారిన పడ్డాడు. దీంతో మ్యాచ్ మ‌ధ్య‌లోనే అత‌డు మైదానాన్ని వీడాడు. ఈ క్ర‌మంలో రెండో వ‌న్డేకు అత‌డికి విశ్రాంతి ఇచ్చి ప్రిన్స్ యాద‌వ్‌ను తుది జ‌ట్టులోకి తీసుకోనున్న‌ట్లు ప‌లు రిపోర్ట్‌లు పేర్కొంటున్నాయి. ఇంగ్లండ్‌తో టీ20ల్లో ప్రిన్స్‌ ఆకట్టుకున్నాడు. అంతకుముందు అఫ్గాన్‌తో సిరీస్‌లో కూడా అతడు రాణించాడు. వాస్తవానికి ఇంగ్లండ్‌తో వన్డేలకు ఎంపిక చేసిన జట్టులో ప్రిన్స్‌కు చోటు దక్కలేదు. కానీ హర్షిత్‌ రాణా గాయపడడంతో సెలక్టర్లు ఈ ఢిల్లీ పేసర్‌కు తిరిగి పిలుపు నిచ్చారు.మ‌రోవైపు ఇంగ్లండ్ కూడా ఓ మార్పు చేసే అవ‌కాశ‌ముంది. పేస‌ర్ జోష్ టంగ్ స్ధానంలో బ్రైడ‌న్ కార్స్‌కు అవ‌కాశ‌మివ్వ‌నున్న‌ట్లు ఇంగ్లండ్ క్రికెట్ వ‌ర్గాలు వెల్ల‌డించాయి. కాగా తొలి వ‌న్డేలో ఇంగ్లండ్ బ్యాటింగ్‌, బౌలింగ్ రెండింటిలోనూ విఫ‌ల‌మై ఓట‌మి చ‌విచూసింది.తుది జ‌ట్లు(అంచనా)భార‌త్‌శుబ్‌మన్ గిల్ (కెప్టెన్‌), రోహిత్ శర్మ, విరాట్ కోహ్లి, శ్రేయాస్ అయ్యర్, వాషింగ్టన్ సుందర్, కేఎల్‌ రాహుల్ (వికెట్ కీప‌ర్‌), అక్షర్ పటేల్, శివమ్ దూబే, ప్రసిద్ధ్ కృష్ణ, ప్రిన్స్ యాదవ్, జస్ప్రీత్ బుమ్రాఇంగ్లండ్‌జాకబ్ బెథెల్, బెన్ డకెట్, జో రూట్, హ్యారీ బ్రూక్ (కెప్టెన్), జోస్ బట్లర్ (వికెట్ కీపర్), సామ్ కర్రన్, విల్ జాక్స్, జోఫ్రా ఆర్చర్, లియామ్ డాసన్, జోష్ టంగ్, ఆదిల్ రషీద్

ఇంగ్లండ్‌తో తొలి వన్డేలో భారత స్పిన్‌ బౌలింగ్‌ ఆల్‌రౌండర్లు అక్షర్‌ పటేల్‌, వాషింగ్టన్‌ సుందర్‌ దుమ్ములేపారు. కెప్టెన్‌ శుబ్‌మన్‌ గిల్‌ (80 రిటైర్డ్‌ హర్ట్‌)తో కలిసి జట్టు విజయంలో కీలక పాత్ర పోషించారు. అక్షర్‌ (57*), వాషీ (52*) ఇద్దరూ అజేయ అర్ధ శతకాలతో రాణించి జట్టును గెలుపు తీరాలకు చేర్చారు.ఆల్‌రౌండ్‌ ప్రతిభముఖ్యంగా అక్షర్‌ ఆల్‌రౌండర్‌గా తన పూర్తి నైపుణ్యాన్ని, అనుభవాన్ని ఉపయోగించుకుని.. ‘ప్లేయర్‌ ఆఫ్‌ ది మ్యాచ్‌’గా నిలిచాడు. తొలుత 9.5 ఓవర్లు బౌలింగ్‌ చేసిన అక్షర్‌ 62 పరుగులు ఇచ్చి నాలుగు వికెట్లు తీశాడు. అనంతరం లక్ష్య ఛేదనలో బ్యాటర్‌గానూ సత్తా చాటాడు.అయితే, వాషీ కేవలం నాలుగు ఓవర్లు బౌలింగ్‌ చేసి పదమూడు పరుగులు ఇచ్చి.. వికెట్‌ లేకుండానే ముగించాడు. మరోవైపు.. స్పిన్నర్‌ కుల్దీప్‌ యాదవ్‌ ఈ మ్యాచ్‌లో బెంచ్‌కే పరిమితమయ్యాడు. ఈ పరిణామాల నేపథ్యంలో టీమిండియా స్పిన్‌ దిగ్గజం రవిచంద్రన్ అశ్విన్‌ కీలక వ్యాఖ్యలు చేశాడు.అతడికి అన్యాయంఇద్దరు స్పిన్‌ ఆల్‌రౌండర్లనే ఆడించడం సరికాదని.. చైనామన్‌ స్పిన్నర్‌ కుల్దీప్‌ యాదవ్‌కు కూడా తుదిజట్టులో చోటు ఇవ్వాలని అశూ యాజమాన్యానికి సూచించాడు. ‘‘జట్టు కోసం చాలా కాలం కష్టపడ్డ ఆటగాడికి కూడా విలువనివ్వాలి. కానీ మేనేజ్‌మెంట్‌ ఇంగ్లండ్‌లో అతడి (కుల్దీప్‌)ని ఎందుకో పక్కనపెట్టేసింది.PC: BCCIఒక బ్యాటర్‌ ఆత్మవిశ్వాసం పెరగాలంటే అతడు ఫామ్‌లో ఉండటం ఎలా ముఖ్యమో.. ఒక బౌలర్‌ కూడా రిథమ్‌, లైన్‌ అండ్‌ లెంగ్త్‌ కొనసాగించాలంటే అతడికి అవకాశాలు ఇవ్వడమూ అంతే ముఖ్యం. నాకైతే కుల్దీప్‌ విషయంలో మేనేజ్‌మెంట్‌ పారదర్శకంగా, న్యాయంగా వ్యవహరిస్తున్నట్లు అనిపించడం లేదు. అతడికి మరిన్ని అవకాశాలు ఇవ్వాల్సింది.బెంచ్‌కే పరిమితం చేయడం సరికాదుముఖ్యంగా ఈసారి ప్రపంచకప్‌ సౌతాఫ్రికాలో జరుగబోతోంది. కుల్దీప్‌ అవసరం అక్కడ కచ్చితంగా ఉంటుంది. కాబట్టి అతడిని బెంచ్‌కే పరిమితం చేయడం సరికాదు. నిజానికి హార్దిక్‌ పాండ్యా లేడన్న కారణంగా యాజమాన్యం అతడి స్థానంలో శివం దూబేను ఆడిస్తోంది. బౌలర్‌గానూ అతడి సేవలు వాడుకోవాలనుకుంటోంది.టీ20 ఫార్మాట్‌ మాదిరి ఇద్దరు బౌలర్లే ఇక్కడ (వన్డే) నాలుగు ఓవర్లు వేయాల్సిన పనిలేదు. జట్టులో ఇద్దరు ఫింగర్‌ స్పిన్నర్లు వాషీ, అక్షర్‌ ఉన్నారు. ఇద్దరూ బ్యాటింగ్‌ చేయగలరు. కాబట్టి ఇద్దరిలో ఒకరిని ఎంపిక చేసుకుని.. కుల్దీప్‌ యాదవ్‌ను ఆడించవచ్చు కదా!’’ అని అశ్విన్‌ అభిప్రాయపడ్డాడు. చదవండి: అతడిని ఆరోస్థానంలో ఎందుకు ఆడించారు?

ఇంగ్లండ్‌తో వన్డే సిరీస్‌లో టీమిండియా శుభారంభం అందుకుంది. ఎడ్జ్‌బాస్టన్‌ వేదికగా మంగళవారం జరిగిన తొలి వన్డేలో ఆతిథ్య జట్టును ఆరు వికెట్ల తేడాతో ఓడించింది. తద్వారా మూడు మ్యాచ్‌ల సిరీస్‌లో 1-0తో ముందంజ వేసింది.రో- కో విఫలంఅయితే, ఈ మ్యాచ్‌లో టీమిండియా బ్యాటింగ్‌ దిగ్గజాలు రోహిత్‌ శర్మ, విరాట్‌ కోహ్లి తీవ్రంగా నిరాశపరిచారు. ఓపెనింగ్‌ బ్యాటర్‌ రోహిత్‌ 21 బంతులు ఎదుర్కొని కేవలం 11 పరుగులు చేసి.. సామ్‌ కరన్‌ బౌలింగ్‌లో హ్యారీ బ్రూక్‌కు క్యాచ్‌ ఇచ్చి వెనుదిరిగాడు.ఇక వన్‌డౌన్‌ బ్యాటర్‌ కోహ్లి.. ఆరు బంతుల్లో ఒక ఫోర్‌ బాది.. ఐదు పరుగుల వ్యక్తిగత స్కోరు వద్ద నిష్క్రమించాడు. జోఫ్రా ఆర్చర్‌ బౌలింగ్‌లో లెగ్‌ బిఫోర్‌ వికెట్‌గా వెనుదిరిగాడు. ఈ నేపథ్యంలో వన్డే వరల్డ్‌కప్‌-2027 టోర్నీలో రో-కో ఆడటంపై మరోసారి చర్చమొదలైంది.ప్రయోగాలు చేస్తాంఇప్పటికే ప్రయోగాలు చేస్తామంటూ కెప్టెన్‌ శుబ్‌మన్‌ గిల్‌ స్పష్టం చేసిన తరుణంలో.. రోహిత్‌- కోహ్లిని పక్కనపెట్టే సాహసం చేస్తారా? అన్న సందేహాలు వ్యక్తవుతున్నాయి. ఈ నేపథ్యంలో బీసీసీఐ వర్గాలు స్పోర్ట్స్‌ టాక్‌తో మాట్లాడుతూ రోహిత్‌ విషయంలో మేనేజ్‌మెంట్‌ వైఖరి గురించి కీలక విషయాలు వెల్లడించాయి.ట్విస్ట్‌ ఇచ్చిన గంభీర్‌!‘‘పరిమిత ఓవర్ల క్రికెట్‌లో రోహిత్‌ ఇప్పటికే ఎంతో గొప్పగా సేవ చేశాడు. కాబట్టి కోచ్‌ (గంభీర్‌) అతడికి స్వేచ్ఛనిచ్చాడు. ఇన్నాళ్లుగా ఎలా ఆడాడో.. ఇప్పుడు కూడా అలాగే ఆడేమని స్వేచ్ఛగా వదిలేశాడు.అయితే, భవిష్యత్తులో ఏం జరుగుతుందో తెలియదు. కానీ ఇప్పుడు మాత్రం కోచ్‌ అతడి పట్ల సానుకూలంగా ఉన్నాడు. ముఖ్యంగా రోహిత్‌ ఒత్తిడి లేకుండా.. ప్రశాంతమైన మనసుతో మ్యాచ్‌ ఆడేలా చూస్తున్నారు. అలా అయితేనే రోహిత్‌ తన అత్యుత్తమ ప్రదర్శన ఇవ్వగలడని యాజమాన్యం నమ్ముతోంది.మేనేజ్‌మెంట్‌కు ఆ విషయం తెలుసునిజానికి రోహిత్‌ ఒత్తిడిలో ఉంటే ఏం జరిగిందో చూశాం కదా!.. కాబట్టి ఇప్పుడు మేనేజ్‌మెంట్‌ అతడి ప్రతి ఇన్నింగ్స్‌ను భూతద్దంలో పెట్టి చూడాలనుకోవడం లేదు. అతడి స్థాయి ఏమిటో యాజమాన్యానికీ తెలుసు. రోహిత్‌ ప్రశాంతంగా.. ఒత్తిడి లేకుండా ఆడితే ఫలితాలు ఎలా ఉంటాయో అందరికీ తెలిసిందే. కాబట్టి ప్రస్తుతానికి మేనేజ్‌మెంట్‌ అతడిపై నమ్మకం ఉంచింది. టెక్నిక్‌లో ఉన్న చిన్నపాటి లోపాలు సరిచేసుకుంటే హిట్‌మ్యాన్‌కు తిరుగు ఉండదు’’ అని సదరు వర్గాలు పేర్కొన్నాయి. కాగా హెడ్‌కోచ్‌ గౌతం గంభీర్‌ రోహిత్‌ శర్మ పట్ల సానుకూలంగానే ఉన్నట్లు దీనిని బట్టి తెలుస్తోంది. అతడి అనుభవం, దూకుడైన ఆట జట్టుకు ఉపయోగపడుతుందని భావిస్తున్న గంభీర్‌.. వరల్డ్‌కప్‌లో హిట్‌మ్యాన్‌ను ఆడించేందుకు సుముఖంగానే ఉన్నట్లు వార్తలు వినిపిస్తున్నాయి.చదవండి: IND vs ENG: అతడిని ఆరో స్థానంలో ఆడిస్తారా?

టీమిండియా ఆల్‌రౌండ‌ర్ అక్ష‌ర్ ప‌టేల్ అరుదైన రికార్డు సాధించాడు. ఇంగ్లండ్‌తో తొలి వ‌న్డేలో ఆల్‌రౌండ్ ప్ర‌ద‌ర్శ‌న క‌న‌బ‌రిచిన అక్ష‌ర్ ప‌టేల్ బౌలింగ్‌లో నాలుగు వికెట్లు, ఆ త‌ర్వాత బ్యాటింగ్‌లో (57 నాటౌట్‌) అజేయ అర్ధ‌సెంచ‌రీ సాధించి జ‌ట్టు విజ‌యంలో కీల‌క‌పాత్ర పోషించాడు. టీమిండియా త‌ర‌ఫున‌ వ‌న్డే మ్యాచ్‌లో నాలుగు వికెట్ల‌తో పాటు అర్ధ‌సెంచ‌రీ లేదా సెంచ‌రీ సాధించిన మూడో ప్లేయ‌ర్ అక్ష‌ర్ ప‌టేల్ రికార్డులకెక్కాడు. ఈ నేప‌థ్యంలో అక్ష‌ర్ ప‌టేల్ భార‌త క్రికెట్ దిగ్గ‌జం స‌చిన్ టెండూల్క‌ర్‌, ఆల్‌రౌండ‌ర్ హార్దిక్ పాండ్యా స‌ర‌స‌న చోటు సంపాదించాడు. 1998లో ఢాకా వేదిక‌గా ఆస్ట్రేలియాతో జ‌రిగిన మ్యాచ్‌లో స‌చిన్ టెండూల్క‌ర్ (141 ప‌రుగులు) సెంచ‌రీతో చెల‌రేగ‌డంతో పాటు బౌలింగ్‌లో 38 ప‌రుగులిచ్చి 4 వికెట్లు ప‌డగొట్టి ఆనాటి మ్యాచ్‌లో హీరోగా నిలిచాడు. ఆ త‌ర్వాత 2022లో మాంచెస్ట‌ర్ వేదిక‌గా ఇంగ్లండ్‌తో జ‌రిగిన వ‌న్డే మ్యాచ్‌లో పాండ్యా బ్యాటింగ్‌లో 71 ప‌రుగులు చేయ‌డంతో పాటు బౌలింగ్‌లో 24 ప‌రుగులిచ్చి నాలుగు కీల‌క వికెట్లు తీశాడు.మంగళవారం జరిగిన తొలి వన్డేలో భారత్‌ 6 వికెట్ల తేడాతో ఘన విజయం సాధించింది. టాస్‌ గెలిచి బ్యాటింగ్‌ ఎంచుకున్న ఇంగ్లండ్‌ 47.5 ఓవర్లలో 258 పరుగులకే ఆలౌటైంది. జో రూట్‌ (76 బంతుల్లో 76 నాటౌట్‌; 6 ఫోర్లు, 1 సిక్స్‌), లియామ్‌ డాసన్‌ (83 బంతుల్లో 68; 6 ఫోర్లు 1 సిక్స్‌) అర్ధ సెంచరీలు చేశారు. అనంతరం భారత్‌ 45.2 ఓవర్లలో 4 వికెట్లకు 262 పరుగులు చేసి గెలిచింది. కెప్టెన్‌ శుబ్‌మన్‌ గిల్‌ (75 బంతుల్లో 80 రిటైర్ట్‌హర్ట్‌; 11 ఫోర్లు, 1 సిక్స్‌), అక్షర్‌ పటేల్‌ (52 బంతుల్లో 57 నాటౌట్‌; 5 ఫోర్లు, 1 సిక్స్‌), వాషింగ్టన్‌ సుందర్‌ (63 బంతుల్లో 52 నాటౌట్‌; 4 ఫోర్లు, 1 సిక్స్‌) అర్ధ సెంచరీలు చేశారు. కార్డిఫ్‌లో రేపు రెండో వన్డే జరుగుతుంది. 𝐏𝐚𝐫𝐭𝐧𝐞𝐫𝐬𝐡𝐢𝐩 𝐛𝐫𝐞𝐚𝐤𝐞𝐫. 𝐅𝐢𝐧𝐢𝐬𝐡𝐞𝐫. 𝐌𝐚𝐭𝐜𝐡-𝐰𝐢𝐧𝐧𝐞𝐫. A brilliant all-round performance from #AxarPatel powered India to a winning start in the ODI series. 💪#ENGvIND 2nd ODI 👉 THU, 16th JULY, 4:30 PM on JioHotstar! pic.twitter.com/vsi2CAv9Hk— Star Sports (@StarSportsIndia) July 15, 2026Read: బుమ్రా గురించి ప్రశ్న... ఇంగ్లండ్ కెప్టెన్ అసహనం!

ఇంగ్లండ్‌ తాజా పర్యటనలో టీమిండియా ఎట్టకేలకు ఓ విజయం సాధించింది. టీ20 సిరీస్‌లో ఆతిథ్య జట్టు చేతిలో 4-0తో క్లీన్‌స్వీప్‌ అయిన భారత్‌.. వన్డే సిరీస్‌లో మాత్రం శుభారంభం అందుకుంది. బర్మింగ్‌హామ్‌ వేదికగా మంగళవారం జరిగిన మ్యాచ్‌లో శుబ్‌మన్‌ గిల్‌ సేన.. ఇంగ్లండ్‌పై ఆరు వికెట్ల తేడాతో విజయం సాధించింది.ముగ్గురూ అదరగొట్టారుఇంగ్లండ్‌ విధించిన 259 పరుగుల లక్ష్యాన్ని 45.2 ఓవర్లలో కేవలం నాలుగు వికెట్లు కోల్పోయి ఛేదించింది. ఓపెనింగ్‌ బ్యాటర్‌, కెప్టెన్‌ గిల్‌ 80 పరుగులతో అదరగొట్టగా.. ఆల్‌రౌండర్లు వాషింగ్టన్‌ సుందర్‌ (52), అక్షర్‌ పటేల్‌ (57) అజేయ అర్ధ శతకాలతో రాణించి జట్టును గెలిపించారు.A Sundar finish to a near-perfect chase. 💙Washington Sundar seals the win with a towering hit as India take a 1-0 lead in the ODI series. Watch the #ENGvIND 2nd ODI on 16th July, 4:30 PM onwards, LIVE on Sony Sports Network TV channels #SonySportsNetwork #MamlaPersonalHai pic.twitter.com/CXC40cayCn— Sony Sports Network (@SonySportsNetwk) July 14, 2026రాహుల్‌ విఫలంఇక ఈ మ్యాచ్‌లో వికెట్‌ కీపర్‌ బ్యాటర్‌ కేఎల్‌ రాహుల్‌ రెగ్యులర్‌గా వచ్చే ఐదో స్థానంలో కాకుండా.. ఆరో నంబర్‌ బ్యాటర్‌గా బరిలోకి దిగాడు. అతడి స్థానంలో వాషీ ఐదో స్థానానికి ప్రమోట్‌ అయి సక్సెస్‌ కాగా.. రాహుల్‌ మూడు బంతులు ఎదుర్కొని కేవలం ఒకే ఒక్క పరుగు చేసి జోష్‌ టంగ్‌ బౌలింగ్‌లో బౌల్డ్‌ అయ్యాడు.ప్రపంచంలోనే అత్యుత్తమ వన్డే బ్యాటర్‌ ఈ నేపథ్యంలో భారత జట్టు మాజీ కెప్టెన్‌ క్రిష్ణమాచారి శ్రీకాంత్‌ టీమిండియా యాజమాన్యంపై మండిపడ్డాడు. రాహుల్‌కు అన్యాయం చేస్తున్నారంటూ ఆగ్రహం వ్యక్తం చేశాడు. ఈ మేరకు తన యూట్యూబ్‌ చానెల్‌ వేదికగా మాట్లాడుతూ.. ‘‍‘నాకు తెలిసి రాహుల్‌కు కూడా ఇలా డిమోట్‌ అవ్వడం నచ్చి ఉండదు.ఇలాగే బలి చేస్తారా?ఏదేమైనా ప్రపంచంలోనే అత్యుత్తమ వన్డే బ్యాటర్‌ సేవలను మీరు సరిగ్గా ఉపయోగించుకోకుండా.. అతడి ప్రతిభను వృథా చేస్తున్నారు. ఇకముందు కూడా వరల్డ్‌ బెస్ట్‌ బ్యాటర్‌ను ఇలాగే బలి చేస్తారా?లెఫ్ట్‌- రైట్‌ కాంబినేషన్‌ గురించి మీరు ఆలోచించి ఉండవచ్చు. కానీ దీని వల్ల కేఎల్‌ రాహుల్‌ ఆత్మవిశ్వాసం దెబ్బతింటుంది. దీని గురించి మీరు ఎప్పుడైనా ఆలోచించారా? అతడు మ్యాచ్‌ విన్నర్‌. ఒంటిచేత్తో జట్టును గెలిపించగలడు. అలాంటి ఆటగాడి పట్ల ఇలాంటి వైఖరి ఎంతమాత్రం సరికాదు.ఇలా చేస్తే మున్ముందు కష్టమేరాహుల్‌ను ఆరు లేదంటే ఏడో స్థానంలో ఎలా పంపగలరు?.. భారత క్రికెట్‌కు ఇది మంచిదికాదు. ముఖ్యంగా వన్డే వరల్డ్‌కప్‌-2027కు ముందు రాహుల్‌ విషయంలో ఇలాంటి ఆటలు వద్దు. సౌతాఫ్రికాలో పిచ్‌లు ఇంతకంటే బౌన్సీగా ఉంటాయి. కాబట్టి రాహుల్‌ కంటే ముందు వాషీని బ్యాటింగ్‌కు పంపడం సరికాదు’’ అని క్రిష్ణమాచారి శ్రీకాంత్‌ తన అభిప్రాయాలు పంచుకున్నాడు.కాగా కర్ణాటక బ్యాటర్‌ కేఎల్‌ రాహుల్‌ తన వన్డే కెరీర్‌లో ఇప్పటికి బ్యాటింగ్‌ ఆర్డర్‌లో తొలి ఏడు స్థానాల్లోనూ ఆడాడు. సగటు 50తో పరుగులు రాబట్టాడు. ఎనిమిది సెంచరీలు కూడా చేశాడు. ఇక ఐదో నంబర్ బ్యాటర్‌గా 35 ఇన్నింగ్స్‌ ఆడిన రాహుల్‌ అత్యుత్తమంగా 63.20 సగటుతో పరుగులు చేశాడు. ఇక ఈ కుడిచేతి వాటం బ్యాటర్‌ 14 ఇన్నింగ్స్‌లో ఆరో స్థానంలో బరిలోకి దిగినపుడు అతడి సగటు కేవలం 37 మాత్రమే కావడం గమనార్హం.చదవండి: గిల్‌ గాయంపై అప్‌డేట్‌

టీమిండియా అసిస్టెంట్‌ కోచ్‌ ర్యాన్‌ టెన్‌ డస్కటే రాజీనామా అంశంలో బిగ్‌ ట్విస్ట్‌..! వ్యక్తిగత కారణాల దృష్ట్యా అతడు తన పదవి నుంచి తప్పుకొన్నాడని తొలుత వార్తలు వచ్చాయి. ఇంగ్లండ్‌తో జరుగుతున్న వన్డే సిరీస్‌ తర్వాత డస్కటే తన బాధ్యతల నుంచి వైదొలగనున్నట్లు తెలుస్తోంది.మాట తప్పిన బీసీసీఐ!అయితే, కేవలం వ్యక్తిగత కారణాలు కాకుండా భారత క్రికెట్‌ నియంత్రణ మండలి (BCCI) యాజమాన్యం తనకు ఇచ్చిన మాట తప్పినందు వల్లే డస్కటే ఈ నిర్ణయం తీసుకున్నట్లు తాజా సమాచారం. కాగా రెండేళ్ల క్రితం గౌతం గంభీర్‌ భారత హెడ్‌ కోచ్‌గా నియమితుడైన తర్వాత డస్కటే టీమ్‌ అసిస్టెంట్‌ కోచ్‌గా ఎంపికైన సంగతి తెలిసిందే. గంభీర్‌ ఏరికోరి తెచ్చుకుంటే..గతంలో ఐపీఎల్‌ ఫ్రాంఛైజీ.. కోల్‌కతా నైట్‌రైడర్స్‌ జట్టుకు కలిసి పని చేసిన అనుభవంతో డస్కటేను గంభీర్‌ ఎంచుకున్నాడు. అయితే ఇప్పటికీ తన బాధ్యతలపై స్పష్టత లేకపోవడంతో డస్కటే జట్టుకు దూరం కావడమే సరైందిగా భావిస్తున్నట్లు తెలిసింది. టీమ్‌తో చేరినప్పుడు తనకు స్పెషలిస్ట్‌ ఫీల్డింగ్‌ కోచ్‌ బాధ్యతలు అప్పగిస్తామని చెప్పారట. కానీ హైదరాబాద్‌కు చెందిన టి.దిలీప్‌ను చాంపియన్స్‌ ట్రోఫీ తర్వాత కూడా కొనసాగించడంతో డస్కటేకు ఆ అవకాశం దక్కలేదు.పని లేదు.. అందుకే‘బ్యాటింగ్‌ బాధ్యతలను గంభీర్‌తో పాటు బ్యాటింగ్‌ కోచ్‌ సితాన్షు కొటక్‌ చూస్తున్నారు. పేసర్ల కోసం మోర్నీ మోర్కెల్, స్పిన్నర్లకు సాయిరాజ్‌ బహుతులే కోచ్‌లుగా ఉన్నారు. ఇక డస్కటేకు పని ఏముంది’ అని బీసీసీఐ అధికారి ఒకరు వ్యాఖ్యానించారు. మరోవైపు.. లండన్‌లో స్థిర నివాసం ఏర్పరుచుకున్న డస్కటే తన కుటుంబంతో తగిన సమయం గడిపేందుకు కూడా భారత జట్టును వీడాలని భావిస్తున్నట్లు క్రిక్‌బజ్‌ పేర్కొంది.అంతర్జాతీయ జట్టుకంటే ఫ్రాంచైజీ లీగ్‌లతో కలిసి పని చేయడం తనకు సౌకర్యంగా ఉంటుందని కూడా డస్కటే అనుకుంటున్నట్లు సమాచారం. ఈ నేపథ్యంలో ఇప్పటికే పలు లీగ్‌ల యాజమాన్యాలు డస్కటేను సంప్రదించినట్లు సమాచారం. ఇక డస్కటే నిజంగా తప్పుకొంటే దిలీప్‌ను బీసీసీఐ మరికొంత కాలం పాటు ఫీల్డింగ్‌ కోచ్‌గా కొనసాగించే అవకాశం ఉంది. చదవండి: ఇంగ్లండ్‌ కంచుకోట బద్దలు.. గిల్‌ రికార్డు

ఇంగ్లండ్‌తో జరిగిన తొలి వన్డేలో టీమిండియా 6 వికెట్ల తేడాతో విజయం సాధించిన సంగతి తెలిసిందే. మ్యాచ్‌లో ఇంగ్లండ్ కెప్టెన్ హ్యారీ బ్రూక్ విఫలమయ్యాడు. ఒక్క పరుగు మాత్రమే చేసి భారత బౌలర్ జస్‌ప్రీత్ బుమ్రాకు దొరికిపోయాడు. మ్యాచ్ ఓటమి తర్వాత ప్రెస్ కాన్ఫరెన్స్‌కు హాజరైన బ్రూక్‌కు బుమ్రా గురించి ప్రశ్న వేయడంపై అసహనం వ్యక్తం చేశాడు. బుమ్రా బౌలింగ్‌లో ఔటవ్వడంపై మీ స్పందనేంటి అని విలేకరులు బ్రూక్‌కు ప్రశ్న వేశారు. దీనిపై బ్రూక్ స్పందిస్తూ.. ‘బుమ్రా మంచి బౌలర్‌. నాకు వేసిన బంతి బౌన్స్ కావడం వల్ల షాట్ ఆడే క్రమంలో మిస్ అయ్యాను. దీంతో ఔట్ కావాల్సి వచ్చింది’ అని ముక్తసరిగా సమాధానమిచ్చాడు. ఆ తర్వాత రిపోర్టర్లు మరో ప్రశ్న అడుగుతుండగానే బ్రూక్ అక్కడి నుంచి లేచి వెళ్లిపోవడం కనిపించింది. దీనికి సంబంధించిన వీడియో సోషల్ మీడియాలో వైరల్‌గా మారింది.అయితే వన్డే సిరీస్ కంటే ముందు జరిగిన ఐదు మ్యాచ్‌ల టీ20 సిరీస్‌లో హ్యారీ బ్రూక్ 229 పరుగులతో టాప్ స్కోరర్‌గా నిలిచాడు. ఐదో టీ20 మ్యాచ్‌లో తన కెరీర్ బెస్ట్ ఇన్నింగ్స్ (45 బంతుల్లో 95 నాటౌట్‌) ఆడడం విశేషం. అయితే వన్డే ఫార్మాట్‌కు రాగానే హ్యారీ బ్రూక్ ఆట మారిపోయింది. ఒక్క పరుగు మాత్రమే చేసి బుమ్రాకు దొరికిపోయాడు. అయితే వన్డేల్లో బ్రూక్‌, బుమ్రా ఎదురుపడడం ఇదే తొలిసారి. 2026 టీ20 ప్రపంచకప్ సెమీస్‌లో కూడా బ్రూక్.. బుమ్రాకే వికెట్ సమర్పించుకున్నాడు. టెస్టు ఫార్మాట్‌లో కూడా బ్రూక్‌ను బుమ్రా ఒకసారి ఔట్ చేశాడు. తాజాగా వన్డేలోనూ బ్రూక్‌ను ఔట్ చేయడం ద్వారా మూడు ఫార్మాట్లలోనూ బుమ్రా అతడి వికెట్ తీసిన బౌలర్‌గా నిలిచాడు. మ్యాచ్ ఓట‌మిపై బ్రూక్ స్పందిస్తూ.. తొలి ఇన్నింగ్స్‌తో పోలిస్తే రెండో ఇన్నింగ్స్‌లో పిచ్ మారిపోయింద‌న్నాడు. తొలి ఇన్నింగ్స్‌లో త‌ర‌హాలోనే స్పందించి ఉంటే ఫ‌లితం మ‌రోలా ఉండేద‌న్నాడు. బ్యాట‌ర్లు ఈజీగా ప‌రుగులు చేసేలా మారింద‌న్నాడు. ఓవ‌ర్‌కు 5 నుంచి 6 ప‌రుగులే చేయాల్సి ఉండ‌డంతో ప్ర‌త్య‌ర్థి బ్యాట‌ర్లు స్వేచ్ఛ‌గా ఆడి ప‌రుగులు సాధించార‌న్నాడు. ఇక తాము ఎప్పుడూ కూడా పిచ్ ప‌రిస్థితుల‌ను బ‌ట్టి జ‌ట్టును ఎంపిక చేస్తామ‌న్నాడు. బ్యాట‌ర్లు ఇంకొన్ని ప‌రుగులు చేసి ఉంటే త‌మ స్పిన్న‌ర్లు ప్ర‌త్య‌ర్థిని క‌ట్ట‌డి చేసి ఉండేవార‌ని అభిప్రాయ‌ప‌డ్డాడు. ఇక రెండో వ‌న్డేలో జ‌ట్టు కాంబినేష‌న్ గురించి ఇంకా ఆలోచిం చ‌లేద‌న్నాడు. ఆ మ్యాచ్‌కు వేదిక అయిన‌ కార్డిఫ్ కు వెళ్లిన త‌రువాత అక్క‌డి పిచ్‌ను ప‌రిశీలించి నిర్ణ‌యం తీసుకుంటామ‌న్నాడు. మూడు మ్యాచ్‌ల వన్డే సిరీస్‌లో 1-0తో ఆధిక్యంలో నిలిచిన టీమిండియా కార్డిఫ్‌ వేదికగా రెండో వన్డే ఆడనుంది. ఈ మ్యాచ్‌లోనే గెలిచి మరో మ్యాచ్ మిగిలి ఉండగానే సిరీస్‌ను కైవసం చేసుకోవాలని టీమిండియా భావిస్తోంది. Harry Brook keeping things short when asked about Jasprit Bumrah’s delivery that outsmarted the England captain:“Good bowler. Bounced a little. Nicked it to sleep.” 😂#ENGvIND pic.twitter.com/sKDdeY4w1a— Siddharth Thakur (@fvosid) July 14, 2026Read: ఫిఫా వీఏఆర్‌పై ప్రపంచవ్యాప్త నిరసనలు.. ఆ దేశంలో మాత్రం!

ఇంగ్లండ్ ఎడ్జ్‌బాస్టన్ వేదిక‌గా జరిగిన తొలి వ‌న్డేలో కెప్టెన్ శుబ్‌మ‌న్ గిల్ 80 ప‌రుగుల వ‌ద్ద రిటైర్డ్ హ‌ర్ట్‌గా వెనుదిరిగిన సంగ‌తి తెలిసిందే. సెంచ‌రీ దిశగా సాగుతున్న గిల్‌కు కుడి కండ‌రాలు ప‌ట్టేయ‌డంతో అసౌక‌ర్యంగా ఫీల‌య్యాడు. వెంటనే భారత జట్టు ఫిజియో మైదానంలోకి వచ్చి చికిత్స అందించిన‌ప్ప‌టికీ నొప్పి త‌గ్గ‌క‌పోవ‌డంతో గిల్ రిటైర్డ్ హ‌ర్ట్ అయ్యి పెవిలియ‌న్ చేరాడు. ఈ స‌మ‌యంలో అత‌డు న‌డుస్తున్నంత సేపు నొప్పితో ఇబ్బంది ప‌డిన‌ట్లుగా క‌నిపించింది. నొప్పితో బాధ‌ప‌డుతున్న గిల్ రెండో వ‌న్డే ఆడుతాడా లేదా అన్న అనుమానాలు కూడా తలెత్తాయి. తాజాగా గిల్ గాయానికి సంబంధించి కీల‌క అప్‌డేట్ వ‌చ్చింది. గాయం తీవ్ర‌తపై అధికారిక ప్ర‌క‌ట‌న రాక‌పోయిన‌ప్ప‌టికీ కేవ‌లం కండ‌రాలు ప‌ట్టేయ‌డంతోనే నొప్పి వ‌చ్చిన‌ట్లు భార‌త మెడిక‌ల్ బృందం ప్ర‌క‌టన విడుద‌ల చేసింది. ఇప్ప‌టికైతే గిల్ బాగానే ఉన్నాడ‌ని, రెండో వ‌న్డేలో ఆడుతాడ‌ని టీమిండియా మేనేజ్‌మెంట్ తెలిపింది. రెండో వ‌న్డేకు ఒక‌రోజు గ్యాప్ ఉండ‌డంతో పూర్తిగా విశ్రాంతి తీసుకుంటే స‌రిపోతుంద‌ని పేర్కొంది. గిల్‌ కూడా తన గాయంపై స్పందించాడు. ‘నేను బాగానే ఉన్నాను. కండరాల నొప్పితో కాస్త బాధపడ్డాను. ఒకరోజు విశ్రాంతి తీసుకుంటే సరిపోతుంది. రెండో వన్డేకు నేను ఫిట్‌గానే ఉంటాను’ అని చెప్పుకొచ్చాడు. ఇక మ్యాచ్‌లో కోహ్లి, రోహిత్‌లు వెనువెంట‌నే ఔటైన త‌ర్వాత గిల్‌, అయ్య‌ర్‌తో క‌లిసి బాధ్య‌త‌గా ఆడాడు. ఇద్ద‌రు క‌లిసి మూడో వికెట్‌కు 101 ప‌రుగుల భాగ‌స్వామ్యాన్ని నెల‌కొల్పారు. అయితే గిల్ రిటైర్డ్ హర్ట్ వెళ్లిన కొద్దిసేపటికే శ్రేయస్ అయ్యర్ 35 పరుగుల వద్ద రనౌట్‌ అయ్యాడు. ఆ తర్వాత కేఎల్ రాహుల్ కూడా కేవలం ఒక్క పరుగుకే ఔటవడంతో భారత్‌పై మరోసారి ఒత్తిడి పెరిగింది. ఆ సమయంలో క్రీజ్ లోకి వచ్చిన ఆల్ రౌండర్స్ వాషింగ్టన్ సుందర్, అక్షర్ పటేల్ లు బాధ్యతాయుతంగా ఆడుతూ ఇద్దరూ హాఫ్ సెంచరీలు చేసి ఇంగ్లాండ్ ను మ‌ట్టిక‌రిపించారు.అంతకుముందు టాస్ గెలిచి బ్యాటింగ్ చేసిన ఇంగ్లండ్ ఒక దశలో 107/6తో కష్టాల్లో పడింది. అయితే జో రూట్, లియామ్ డాసన్ అర్ధ సెంచరీలతో జట్టును ఆదుకుని 258 పరుగుల గౌరవప్రదమైన స్కోరు అందించారు. భారత బౌలర్లలో అక్షర్ పటేల్ నాలుగు వికెట్లతో రాణించి ఇంగ్లండ్‌ భారీ స్కోరు చేయకుండా అడ్డుకున్నాడు. తొలి వన్డేలో గెలిచి మూడు వన్డేల సిరీస్‌లో 1-0తో టీమిండియా ఆధిక్యంలో నిలిచింది. రెండో వన్డే గురువారం కార్డిఫ్‌ వేదికగా జరగనుంది.చదవండి: ఇంగ్లండ్ కంచుకోట బద్దలు.. గిల్‌ అరుదైన ఫీట్‌

ఇంగ్లండ్‌తో తొలి వన్డేలో విజయం ద్వారా టీమిండియా అనేక రికార్డులు బద్దలు కొట్టింది. ఇంగ్లండ్ గడ్డపై తొలి విజయంతో కెప్టెన్ శుబ్‌మన్ గిల్ చరిత్ర సృష్టించగా, ఎడ్జ్‌బాస్టన్‌లో ఇంగ్లండ్‌ వరుస విజయాలకు బ్రేక్ పడింది. ఎడ్జ్‌బాస్టన్ వేదికగా జరిగిన తొలి వన్డేలో టీమిండియా ఆరు వికెట్ల తేడాతో విజయాన్ని అందుకున్న సంగతి తెలిసిందే. ఈ నేపథ్యంలో శుబ్‌మన్ గిల్ ఒక అరుదైన రికార్డు సాధించాడు. గత 12 ఏళ్లలో ఎడ్జ్‌బాస్టన్ వేదికగా జరిగిన వన్డేలో ఇంగ్లండ్‌ను ఓడించిన తొలి జట్టుగా టీమిండియా నిలిచింది. ఎడ్జ్‌బాస్టన్‌లో 2015 నుంచి తాము ఆడిన ఏడు వన్డేల్లో ఇంగ్లండ్ ఒక్కటి కూడా ఓడిపోలేదు. 2014లో ఇదే ఎడ్జ్‌బాస్టన్‌లో ఇంగ్లండ్‌ను చిత్తు చేసింది కూడా టీమిండియానే. మళ్లీ 12 ఏళ్ల తర్వాత ఇంగ్లండ్ కంచుకోటను మరోమారు గిల్ కెప్టెన్సీలోని టీమిండియానే బద్దలు కొట్టడం విశేషం.👉మరో రికార్డు ఏంటంటే.. ఇంగ్లండ్‌పై వన్డేల్లో టీమిండియాకు ఇది వరుసగా ఆరో విజయం. తన లాంగ్ స్ట్రీక్‌ను భారత జట్టు విజయవంతంగా కొనసాగిస్తోంది. గతంలో మూడు వివిధ సందర్భాల్లో ఇంగ్లండ్‌పై వన్డేల్లో వరుసగా ఐదేసి విజయాలు నమోదు చేసింది.👉 కోహ్లి, రోహిత్ విఫలమైన వేళ టీమిండియా వన్డేల్లో 250 ప్లస్ స్కోరును ఛేదించడం 2016 నుంచి ఇది రెండోసారి మాత్రమే. 2022లో ఓల్డ్ ట్రాఫోర్డ్ వేదికగా ఇంగ్లండ్‌తో జరిగిన వన్డేలో 260 పరుగుల టార్గెట్‌ను టీమిండియా ఛేదించింది. ఈ మ్యాచ్‌లో కోహ్లి, రోహిత్‌లు 17 పరుగులు చేసి ఔటయ్యారు.చదవండి: తొలి వ‌న్డేలో రిటైర్డ్ హ‌ర్ట్‌.. గిల్ గాయంపై కీల‌క అప్‌డేట్‌

ఇంగ్లండ్ ప‌ర్య‌ట‌న‌లో టీమిండియా తొలి విజ‌యాన్ని అందుకుంది. ఎడ్జ్‌బాస్ట‌న్ వేదిక‌గా మంగ‌ళ‌వారం జ‌రిగిన తొలి వ‌న్డేలో భార‌త జ‌ట్టు 6 వికెట్ల తేడాతో విజ‌యాన్ని అందుకుంది. తొలుత బౌలింగ్‌తో, ఆపై బ్యాటింగ్ ఇలా స‌మిష్టి ప్ర‌ద‌ర్శ‌న‌తో ఆక‌ట్టుకున్న టీమిండియా సిరీస్‌లో 1-0తో ఆధిక్యంలో నిలిచింది. మ్యాచ్ ముగిసిన అనంత‌రం కెప్టెన్ శుబ్‌మ‌న్ గిల్ మాట్లాడాడు. ఇది త‌మ‌కు మంచి ఆరంభ‌మ‌ని, దీనిని త‌ర్వాతి మ్యాచ్‌ల్లోనూ కొన‌సాగిస్తామ‌ని గిల్ తెలిపాడు. ‘నిజానికి నేను టాస్ గెలిచినా బౌలింగ్ ఎంచుకునేవాడినేమో. ఎందుకంటే బౌలింగ్‌తో పోలిస్తే బ్యాటింగ్ బ‌లంగా ఉంది. బౌలింగ్‌లో బుమ్రా మిన‌హా మిగ‌తావారికి ఇంగ్లండ్ గ‌డ్డ‌పై పెద్ద‌గా అనుభ‌వం లేదు. మా ముందు ఎంత పెద్ద ల‌క్ష్యం ఉన్నా దానిని ఛేదించేందుకు మా ద‌గ్గ‌ర బ్యాటింగ్ అస్త్రాలు నిండుగా ఉన్నాయి. కానీ మా బౌల‌ర్లు అద్భుత ప్ర‌ద‌ర్శ‌న క‌న‌బ‌రిచారు. తొలి 10 ఓవ‌ర్ల‌లో ఇంగ్లండ్ 50కి పైగా ప‌రుగులు చేసిన‌ప్ప‌టికీ ఆ త‌ర్వాత మిడిల్ ఓవ‌ర్ల‌లో క‌ట్టుదిట్టం చేయ‌డంతో వారికి ప‌రుగులు రావ‌డం క‌ష్ట‌మైపోయింది. చివ‌రి ప‌వ‌ర్ ప్లేలో ఇంగ్లండ్ కాస్త దూకుడుగా ఆడ‌డంతో 250 ప్ల‌స్ స్కోరును దాట‌గ‌లిగారు లేదంటే 220 నుంచి 230కి పరిమితమ‌య్యేవాళ్లేమో. 2027 వ‌న్డే ప్ర‌పంచ‌క‌ప్‌కు ఇంకా స‌మ‌యం ఉండ‌డంతో ఒక ప‌ర్‌ఫెక్ట్ కాంబినేష‌న్ కోసం గ్రౌండ్ వ‌ర్క్ చేస్తున్నాం. బ్యాటింగ్‌, బౌలింగ్ స‌మ‌పాళ్ల‌లో ఉండేలా వ‌ర్కౌట్ చేస్తున్నాం. ఇంగ్లండ్ గ‌డ్డ‌పై ఉండే వికెట్ ప‌రిస్థితులు ద‌క్షిణాఫ్రికాలోని ప‌రిస్థితుల‌కు కొంత సారూప్య‌త ఉంటుంద‌ని భావిస్తున్నా. అక్ష‌ర్ ప‌టేల్ త‌న ఆల్‌రౌండ్ పాత్ర‌కు న్యాయం చేశాడు. రాబోయే రోజుల్లో ఈ విజ‌యాల‌ను కంటిన్యూ చేస్తాం’ అని చెప్పుకొచ్చాడు.ఇంగ్లండ్‌తో మంగళవారం జరిగిన తొలి వన్డేలో భారత్‌ 6 వికెట్ల తేడాతో ఘన విజయం సాధించింది. టాస్‌ గెలిచి బ్యాటింగ్‌ ఎంచుకున్న ఇంగ్లండ్‌ 47.5 ఓవర్లలో 258 పరుగులకే ఆలౌటైంది. జో రూట్‌ (76 బంతుల్లో 76 నాటౌట్‌; 6 ఫోర్లు, 1 సిక్స్‌), లియామ్‌ డాసన్‌ (83 బంతుల్లో 68; 6 ఫోర్లు 1 సిక్స్‌) అర్ధ సెంచరీలు చేశారు. ఇంగ్లండ్‌ 107/6తో ఇబ్బందుల్లో ఉన్న దశలో రూట్, డాసన్‌ కలిసి జట్టును ఆదుకున్నారు. వీరిద్దరు ఏడో వికెట్‌కు 22.2 ఓవర్లలో 121 పరుగులు జోడించారు. అనంతరం భారత్‌ 45.2 ఓవర్లలో 4 వికెట్లకు 262 పరుగులు చేసి గెలిచింది. కెప్టెన్‌ శుబ్‌మన్‌ గిల్‌ (75 బంతుల్లో 80 రిటైర్ట్‌హర్ట్‌; 11 ఫోర్లు, 1 సిక్స్‌), అక్షర్‌ పటేల్‌ (52 బంతుల్లో 57 నాటౌట్‌; 5 ఫోర్లు, 1 సిక్స్‌), వాషింగ్టన్‌ సుందర్‌ (63 బంతుల్లో 52 నాటౌట్‌; 4 ఫోర్లు, 1 సిక్స్‌) అర్ధ సెంచరీలు చేశారు. అక్షర్, సుందర్‌ ఐదో వికెట్‌కు 105 బంతుల్లో అభేద్యంగా 102 పరుగులు జత చేశారు. సిరీస్‌లో భారత్‌ 1–0తో పైచేయి సాధించగా... కార్డిఫ్‌లో రేపు రెండో వన్డే జరుగుతుంది.

ఇంగ్లండ్‌తో తొలి వన్డేలో భారత పేసర్‌ గుర్నూర్‌ బ్రార్‌ అదరగొట్టాడు. ఒకే ఓవర్లో రెండు వికెట్లు కూల్చి సత్తా చాటాడు. కాగా టీమిండియా- ఇంగ్లండ్‌ మధ్య మంగళవారం నాటి తొలి వన్డేకు బర్మింగ్‌హామ్‌ వేదిక. ఎడ్జ్‌బాస్టన్‌ మైదానంలో టాస్‌ గెలిచిన ఇంగ్లండ్‌ తొలుత బ్యాటింగ్‌ ఎంచుకుంది.ఒకే ఓవర్లో రెండు వికెట్లుఈ క్రమంలో 12 ఓవర్లలో వికెట్‌ నష్టపోకుండా ఇంగ్లండ్‌ 61 పరుగులు చేసింది. అయితే, ఇంగ్లండ్‌ ఇన్నింగ్స్‌లో 13వ ఓవర్లో బంతితో రంగంలోకి దిగిన బ్రార్‌ రెండో బాల్‌కు జేకబ్‌ బెతెల్‌ (14), నాలుగో బంతికి బెన్‌ డకెట్‌ (43)ను అవుట్‌ చేశాడు. తద్వారా ఒకే ఓవర్లో ఓపెనర్లు ఇద్దరినీ అవుట్‌ చేసి టీమిండియాకు బ్రేక్‌ ఇచ్చాడు.ఘోరంగా ఢీకొట్టుకున్నారుఇదిలా ఉంటే.. పదహారో ఓవర్లో ప్రసిద్‌ కృష్ణ బౌలింగ్‌లో జోస్‌ బట్లర్‌ బంతిని గాల్లోకి లేపాడు. ఈ క్యాచ్‌ను అందుకునేందుకు బ్రార్‌, కెప్టెన్‌ శుబ్‌మన్‌ గిల్‌ ప్రయత్నించారు. ఈ క్రమంలో ఇద్దరూ ఘోరంగా ఢీకొట్టుకున్నారు. అయితే, బ్రార్‌ సురక్షితంగా క్యాచ్‌ పట్టడంతో బట్లర్‌ (5) వెనుదిరిగాడు.ఇక కిందపడ్డ గిల్‌ను చేయిచ్చి పైకి లేపిన బ్రార్‌.. అతడిని ఆలింగనం చేసుకున్నాడు. ఇంతలో ప్రసిద్‌ కృష్ణతో కలిసి వికెట్‌ను సెలబ్రేట్‌ చేసుకున్న టీమిండియా దిగ్గజం విరాట్‌ కోహ్లి.. బ్రార్‌ వైపుగా వచ్చి డాన్స్‌ చేస్తూ అతడిని టీజ్‌ చేశాడు. ఇందుకు సంబంధించిన వీడియో సోషల్‌ మీడియాలో వైరల్‌గా మారింది.Gurnoor Brar completes the catch to send Jos Buttler back 🚶‍➡️ Watch the 1st ODI of #ENGvIND, LIVE NOW on Sony Sports Network TV channels.#SonySportsNetwork #MamlaPersonalHai #ExtraaaInnings pic.twitter.com/W2lmSrbZE4— Sony Sports Network (@SonySportsNetwk) July 14, 2026258 పరుగులకు ఆలౌట్‌కాగా ఇంగ్లండ్‌తో తొలి వన్డేలో భారత బౌలర్లు మెరుగ్గా రాణించారు. ప్రత్యర్థిని 47.5 ఓవర్లలో 258 పరుగులకు ఆలౌట్‌ చేశారు. అక్షర్‌ పటేల్‌ నాలుగు వికెట్లు పడగొట్టగా.. ప్రసిద్‌ కృష్ణ, గుర్నూర్‌ బ్రార్‌ తలా రెండు.. జస్‌ప్రీత్‌ బుమ్రా, శివం దూబే తలా ఒక వికెట్‌ తీశారు. ఇంగ్లండ్‌ బ్యాటర్లలో జో రూట్‌ టాప్‌ రన్‌ స్కోరర్‌ (76 నాటౌట్‌)గా నిలవగా.. లియామ్‌ డాసన్‌ (68) కూడా అర్ధ శతకం చేశాడు. మిగిలిన వారిలో బెన్‌ డకెట్‌ (43), విల్‌ జాక్స్‌ (20) రాణించారు. చదవండి: వాళ్లిద్దరికి అస్సలు పడటం లేదు.. డీకే సంచలన వ్యాఖ్యలు

భారత్‌ ఘన విజయంఎడ్జ్‌బాస్టన్‌ వన్డేలో 6 వికెట్ల తేడాతో భారత్‌ ఘన విజయం సాధించింది. ఇంగ్లండ్‌ నిర్ధేశించిన 259 పరుగుల లక్ష్యాన్ని భారత్‌ 45.2 ఓవర్లలో 4 వికెట్లు కోల్పోయి చేధించింది. కెప్టెన్ శుభ్‌మన్ గిల్‌(85) టాప్ స్కోరర్‌గా నిలిచాడు. నిలకడగా ఆడిన గిల్ గాయం కారణంగా రిటైర్డ్ హార్ట్‌గా వెనుదిరిగాడు. గిల్‌తో పాటు అక్షర్‌ పటేల్‌(55 నాటౌట్‌), వాషింగ్టన్‌ సుందర్‌(52 నాటౌట్‌), శ్రేయస్‌ అయ్యర్‌(35) కీలక ఇన్నింగ్స్‌లు ఆడారు.విజయం దిశగా భారత్‌ఎడ్జ్‌బాస్టన్ వేదికగా ఇంగ్లండ్‌తో జరుగుతున్న తొలి వన్డేలో భారత్‌ విజయం దిశగా అడుగులు వేస్తోంది. 66 బంతుల్లో 43 పరుగులు కావాలి. క్రీజులో అక్షర్‌ పటేల్‌(35), వాషింగ్టన్‌ సుందర్‌(29) ఉన్నారు.గిల్‌ రిటైర్డ్‌ హర్ట్‌80 పరుగుల వద్ద గిల్‌ రిటైర్డ్‌ హర్ట్‌గా పెవిలియన్‌కు చేరాడు. అతడి స్థానంలో వాషింగ్టన్‌ సుందర్‌ క్రీజ్‌లోకి వచ్చాడు. 34 పరుగులతో శ్రేయస్‌ అప్పటిక క్రీజ్‌లో ఉన్నాడు. 26.1 ఓవర్ల తర్వాత భారత్‌ స్కోర్‌ 151-2గా ఉంది. ఈ మ్యాచ్‌లో గెలవాలంటే భారత్‌ మరో 108 పరుగులు చేయాలి. నిలకడగా ఆడుతున్న గిల్‌, శ్రేయస్‌గిల్‌ (74), శ్రేయస్‌ అయ్యర్‌ (32) నిలకడగా ఆడుతున్నారు. 24 ఓవర్ల తర్వాత భారత స్కోర్‌ 141-2గా ఉంది. ఈ మ్యాచ్‌లో భారత్‌ గెలవాలంటే మరో 118 పరుగులు చేయాలి. రోహిత్‌, కోహ్లి ఔట్‌ఇంగ్లండ్‌తో జరుగుతున్న తొలి వన్డేలో టీమిండియా స్టార్‌ బ్యాటర్లు రోహిత్‌ శర్మ (11), విరాట్‌ కోహ్లి (5) ఘోరంగా విఫలమయ్యారు. సామ్‌ కర్రన్‌ బౌలింగ్‌లో రోహిత్‌ ఔట్‌ కాగా.. ఆర్చర్‌ బౌలింగ్‌లో విరాట్‌ ఎల్బీడబ్ల్యూ అయ్యాడు. 8.3 ఓవర్ల తర్వాత భారత స్కోర్‌ 48-2గా ఉంది. రోహిత్‌ ఔట్‌.. తొలి వికెట్‌ కోల్పోయిన భారత్‌7.3వ ఓవర్‌- 259 పరుగుల ఛేదనలో టీమిండియా 43 పరుగుల వద్ద తొలి వికెట్‌ కోల్పోయింది. 21 బంతుల్లో ఫోర్‌ సాయంతో 11 పరుగులు చేసిన రోహిత్‌ సామ్‌ కర్రన్‌ బౌలింగ్‌లో హ్యారీ బ్రూక్‌కు క్యాచ్‌ ఇచ్చి పెవిలియన్‌కు చేరాడు. గిల్‌కు (26) జతగా విరాట్‌ కోహ్లి క్రీజ్‌లోకి వచ్చాడు. బర్మింగ్‌హామ్‌ వేదికగా టీమిండియాతో తొలి వన్డేలో ఇంగ్లండ్‌ టాస్‌ గెలిచి.. తొలుత బ్యాటింగ్‌ ఎంచుకుంది. ఎడ్జ్‌బాస్టన్‌లో 47.5 ఓవర్లలో 258 పరుగులు చేసి ఆలౌట్‌ అయింది. ఓపెనర్‌ బెన్‌ డకెట్‌ (43) రాణించగా.. జో రూట్‌ (76 నాటౌట్‌), లియామ్‌ డాసన్‌ (68) అర్ధ శతకాలతో అదరగొట్టారు. మిగిలిన వారిలో విల్‌ జాక్స్‌ (20) చెప్పుకోదగ్గ స్కోరు చేశాడు.భారత బౌలర్లలో అక్షర్‌ పటేల్‌ నాలుగు వికెట్లతో సత్తా చాటగా.. గుర్నూర్‌ బ్రార్‌, ప్రసిద్‌ కృష్ణ తలా రెండు.. బుమ్రా, శివం దూబే చెరో వికెట్‌ దక్కించుకున్నారు. 259 పరుగుల లక్ష్యంతో టీమిండియా బ్యాటింగ్‌కు దిగింది. అప్‌డేట్స్‌..ఇంగ్లండ్‌ ఆలౌట్‌47.5: అక్షర్‌ బౌలింగ్‌లో జోష్‌ టంగ్‌ బౌల్డ్‌ (0)తొమ్మిదో వికెట్‌ కోల్పోయిన ఇంగ్లండ్‌47.3:అక్షర్‌ బౌలింగ్‌లో ఆదిల్‌ రషీద్‌ స్టంపౌట్‌ (1)ఎనిమిదో వికెట్‌ కోల్పోయిన ఇంగ్లండ్‌45.6: అక్షర్‌ పటేల్‌ బౌలింగ్‌లో వాషింగ్టన్‌ సుందర్‌కు క్యాచ్‌ ఇచ్చి ఎనిమిదో వికెట్‌గా వెనుదిరిగిన జోఫ్రా ఆర్చర్‌ (12). స్కోరు 250-8 (46). క్రీజులోకి ఆదిల్‌ రషీద్‌ రాగా.. రూట్‌ 69 పరుగులతో ఉన్నాడు.ఏడో వికెట్‌ డౌన్‌43.6: అక్షర్‌ పటేల్‌లో రోహిత్‌ శర్మకు క్యాచ్‌ ఇచ్చిన డాసన్‌. 68 పరుగుల వ్యక్తిగత స్కోరు వద్ద అవుట్‌. క్రీజులోకి జోఫ్రా ఆర్చర్‌. రూట్‌ 59 పరుగులతో ఉన్నాడు. స్కోరు: 228-7 (44).డాసన్‌, రూట్‌ హాఫ్‌ సెంచరీలు42 ఓవర్లలో ఇంగ్లండ్‌ స్కోరు: 214-6రూట్‌ 51, డాసన్‌ 63 పరుగులతో ఉన్నారు.కుదురుగా ఆడుతున్న రూట్‌, డాసన్‌జో రూట్‌ (30), లియామ్‌ డాసన్‌ (34) కుదురుగా ఆడుతున్నారు. 32 ఓవర్ల తర్వాత ఇంగ్లండ్‌ స్కోర్‌ 160-6గా ఉంది. 27 ఓవర్ల తర్వాత ఇంగ్లండ్‌ స్కోర్‌ 128-627 ఓవర్ల తర్వాత ఇంగ్లండ్‌ స్కోర్‌ 128-6గా ఉంది. రూట్‌ 21, లియామ్‌ డాసన్‌ 11 పరుగులతో క్రీజ్‌లో ఉన్నారు.ఆరో వికెట్‌ కోల్పోయిన ఇంగ్లండ్‌21.4వ ఓవర్‌- 107 పరుగుల వద్ద ఇంగ్లండ్‌ ఆరో వికెట్‌ కోల్పోయింది. శివమ్‌ దూబే బౌలింగ్‌లో రాహుల్‌ అద్భుతమైన క్యాచ్‌ పట్టడంతో విల్‌ జాక్స్‌ (20) ఔటయ్యాడు. 100 దాటిన ఇంగ్లండ్‌ స్కోర్‌21 ఓవర్లు ముగిసే సరికి ఇంగ్లండ్‌ స్కోర్‌ 104-5గా ఉంది. జో రూట్‌ (9), విల్‌ జాక్స్‌ (19) క్రీజ్‌లో ఉన్నారు. ఐదో వికెట్‌ కోల్పోయిన ఇంగ్లండ్‌16.4: ప్రసిద్‌ బౌలింగ్‌లో సామ్‌ రాహుల్‌కు క్యాచ్‌ ఇచ్చి డకౌట్‌గా వెనుదిరిగాడు.నాలుగో వికెట్‌ కోల్పోయిన ఇంగ్లండ్‌16.1: ప్రసిద్‌ కృష్ణ బౌలింగ్‌లో బ్రార్‌కు క్యాచ్‌ ఇచ్చి బట్లర్‌ అవుట్‌ (5). కేవలం 19 పరుగుల వ్యవధిలోనే నాలుగు వికెట్లు కోల్పోయిన ఇంగ్లండ్‌. సామ్‌ కర్రాన్‌ క్రీజులోకి రాగా.. రూట్‌ 6 పరుగులతో ఉన్నాడు. స్కోరు: 80-4.మూడో వికెట్‌ డౌన్‌13.1: బుమ్రా బౌలింగ్‌లో మూడో వికెట్‌గా వెనుదిరిగిన ఇంగ్లండ్‌ కెప్టెన్‌ హ్యారీ బ్రూక్‌ (1). క్రీజులోకి జోస్‌ బట్లర్‌. రూట్‌ సున్నా పరుగులతో ఉన్నాడు. స్కోరు: 64-3.రెండో వికెట్‌ కోల్పోయిన ఇంగ్లండ్‌12.4: గుర్నూర్‌ బ్రార్‌ బౌలింగ్‌లో బుమ్రాకు క్యాచ్‌ ఇచ్చిన డకెట్‌. హాఫ్‌ సెంచరీకి ఏడు పరుగులదూరంలో నిలిచిన డకెట్‌ (43).తొలి వికెట్‌ కోల్పోయిన ఇంగ్లండ్‌12.2: గుర్నూర్‌‌ బ్రార్‌ బౌలింగ్‌ వాషింగ్టన్‌ సుందర్‌కు క్యాచ్‌ ఇచ్చి తొలి వికెట్‌గా వెనుదిరిగిన జేకబ్‌ బెతెల్‌ (14).పవర్‌ ప్లేలో ఇంగ్లండ్‌ స్కోరు: 51-0 (10)ఓపెనర్లు బెన్‌ డకెట్‌ 41, జేకబ్‌ బెతెల్‌ ఆరు పరుగులతో క్రీజులో ఉన్నారు.రో-కో రాకఇక ఈ సిరీస్‌ సందర్భంగా భారత బ్యాటింగ్‌ దిగ్గజాలు విరాట్‌ కోహ్లి, రోహిత్‌ శర్మ చాలాకాలం తర్వాత తిరిగి మైదానంలో అడుగుపెడుతున్నారు. ఏడు మ్యాచ్‌లలో ఇంగ్లండ్‌దే గెలుపు! 👉ఈ ఇద్దరు చివరగా సొంతగడ్డపై న్యూజిలాండ్‌తో జనవరిలో జరిగిన వన్డే సిరీస్‌లో పాల్గొన్నారు.​ ఇక ఎడ్జ్‌బాస్టన్‌లో జరిగిన గత ఏడు వన్డేల్లోనూ ఇంగ్లండ్‌ గెలుపొందడం విశేషం. అయితే, చివరగా 2014లో టీమిండియా చేతిలో ఇంగ్లండ్‌ ఓడింది. బట్లర్‌ @ 200👉మరోవైపు.. ఇంగ్లండ్‌ మాజీ కెప్టెన్‌ జోస్‌ బట్లర్‌ కెరీర్‌లో ఇది 200వ వన్డే. తద్వారా ఇంగ్లండ్‌ తరఫున అత్యధిక వన్డేలు ఆడిన ఆటగాళ్ల జాబితాలో ఇయాన్‌ మోర్గాన్‌ (225 వన్డేలు) తర్వాతి స్థానాన్ని బట్లర్‌ ఆక్రమించాడు. ఇదిలా ఉంటే.. ముందుగా టీ20 సిరీస్‌ జరగగా ఆతిథ్య ఇంగ్లండ్‌ టీమిండియాను 4-0తో వైట్‌వాష్‌ చేసింది. తుదిజట్లుఇంగ్లండ్‌జాకబ్ బెథెల్, బెన్ డకెట్, జో రూట్, హ్యారీ బ్రూక్(కెప్టెన్), జోస్ బట్లర్(వికెట్ కీపర్), సామ్ కర్రన్, విల్ జాక్స్, జోఫ్రా ఆర్చర్, లియామ్ డాసన్, జోష్ టంగ్, ఆదిల్ రషీద్ఇండియారోహిత్ శర్మ, శుబ్‌మన్ గిల్ (కెప్టెన్‌), విరాట్ కోహ్లి, శ్రేయస్‌ అయ్యర్, కెఎల్ రాహుల్ (వికెట్‌ కీపర్‌), వాషింగ్టన్ సుందర్, శివమ్ దూబే, అక్షర్ పటేల్, గుర్నూర్ బ్రార్, జస్ప్రీత్ బుమ్రా, ప్రసిద్ధ్ కృష్ణ.

ఇంగ్లండ్‌తో టీ20 సిరీస్‌లో క్లీన్‌స్వీప్‌నకు గురైన టీమిండియా వన్డే సిరీస్‌కు సన్నద్ధమైంది. ఇరుజట్ల మధ్య బర్మింగ్‌హామ్‌ వేదికగా తొలి వన్డేకు రంగం సిద్ధమైంది. ఈ సిరీస్‌తో భారత బ్యాటింగ్‌ దిగ్గజాలు విరాట్‌ కోహ్లి, రోహిత్‌ శర్మ తిరిగి మైదానంలో అడుగుపెడుతున్నారు.ప్రత్యేకంగా చెప్పాల్సిందేమీ లేదుఈ నేపథ్యంలో టీమిండియా కెప్టెన్‌ శుబ్‌మన్‌ గిల్‌ ఆసక్తికర వ్యాఖ్యలు చేశాడు. మ్యాచ్‌కు ముందు మీడియాతో మాట్లాడుతూ.. శిక్షణ సందర్భంగా కోహ్లితో జరిగిన సంభాషణ గురించి వివరించాడు. ‘‘అత్యుత్తమ కాంబినేషన్‌తో ముందుకు వెళ్లడమే మా ప్రధాన ప్రణాళిక. దీని గురించే మేము మాట్లాడుకున్నాము.కొంతమంది ప్రస్తుతం జట్టులో లేకపోవచ్చు. వీరిలో పేస్‌ బౌలర్లు, ఆల్‌రౌండర్లు, స్పిన్నర్లు.. ఇలా ఎవరైనా సరే ఆయా విభాగం నుంచి భవిష్యత్తులో సేవలు అందించేందుకు జట్టులోకి రావొచ్చు. ఇక విరాట్‌ భాయ్‌, రోహిత్‌ భాయ్‌ గురించి ప్రత్యేకంగా చెప్పాల్సిందేమీ లేదు.గత దశాబ్ద కాలంగా వారిద్దరు టీమిండియా బ్యాటింగ్‌ లైనప్‌ వెన్నెముకగా ఉన్నారు. వారు జట్టులో అంతర్భాగం. వారి అనుభవం, నైపుణ్యం మా జట్టు విలువను పెంచుతాయి. అయితే, వన్డే ప్రపంచకప్‌ ప్రణాళికలు కాస్త భిన్నంగా ఉంటాయి.ఇక్కడి వికెట్ల మాదిరే వీలైనన్ని వైవిధ్యమైన కాంబినేషన్లు ప్రయత్నించడానికి మేము సిద్ధంగా ఉన్నాము. వరల్డ్‌కప్‌ వేదికైన సౌతాఫ్రికాలోని పిచ్‌లు.. ఇక్కడి (ఇంగ్లండ్‌) వికెట్ల మాదిరే ఉంటాయి. కాబట్టి మా బలాన్ని పరీక్షించుకునే క్రమంలో ఇది అత్యంత కీలకమైన సిరీస్‌గా మారింది. కొత్త వాళ్లకు అవకాశం నిజానికి మా తుదిజట్టులో ఎప్పుడూ పెద్దగా మార్పులు జరగలేదు. అయితే, కొత్త వాళ్లకు అవకాశం ఇచ్చే క్రమంలో స్వల్ప మార్పులు చోటుచేసుకోవచ్చు. యువ ఆటగాళ్లకు అవకాశం ఇవ్వడం ద్వారా.. ఒత్తిడిలో వారు ఏమేరకు రాణించగలరో తెలుసుకోవచ్చు. తద్వారా ప్రపంచకప్‌ టోర్నీకి ముందే జట్టు కూర్పు గురించి మాకు ఒక అవగాహన వస్తుంది’’ అని శుబ్‌మన్‌ గిల్‌ తెలిపాడు.ఇక టీ20 సిరీస్‌లో ఇంగ్లండ్‌ చేతిలో 4-0తో వైట్‌వాష్‌ కావడం తమపై ఎలాంటి ప్రభావం చూపబోదని గిల్‌ ఈ సందర్భంగా పేర్కొన్నాడు. ‘‘ఈ రెండూ వేర్వేరు ఫార్మాట్లు. వేర్వేరు జట్లు. వేర్వేరు లక్ష్యాలు. కాబట్టి ఈ సిరీస్‌పై గత టీ20 సిరీస్‌ ప్రభావం ఉంటుందని నేను అనుకోవడం లేదు’’ అని గిల్‌ అన్నాడు.చదవండి: టీమిండియాలోకి సూర్యకుమార్‌ యాదవ్‌!

ఇంగ్లండ్‌, టీమిండియా మధ్య ఎడ్జ్‌బాస్టన్ వేదికగా మరికొన్ని గంటల్లో తొలి వన్డే మొదలుకానుంది. జనవరిలో న్యూజిలాండ్‌తో వన్డే సిరీస్ తర్వాత వన్డేలు ఆడని రోహిత్ శర్మ, విరాట్ కోహ్లిలు జట్టులోకి తిరిగొచ్చారు. రో-కో ద్వయం తిరిగి రావడంతో పాటు గిల్‌, కేఎల్ రాహుల్ కూడా జాయిన్ కావడంతో టీమిండియా సరికొత్తగా కనిపిస్తుంది. అయితే ఇంగ్లండ్‌తో తొలి వన్డే నేపథ్యంలో ఇంగ్లండ్ పరిమిత ఓవర్ల క్రికెట్ కోచ్ బ్రెండన్ మెక్‌కల్లమ్ కోహ్లిని ఆకాశానికి ఎత్తాడు. 'క్రీడా ప్రపంచంలో కోహ్లి ఒక నిజమైన చాంపియన్‌. తన దూకుడైన ఆటతో క్రీడకు సరికొత్త నిర్వచనం చెప్పి ట్రెండ్‌సెట్టర్‌గా నిలిచాడు. కోహ్లి కేవలం క్రికెట్ ప్రపంచంలోనో లేక‌ భారతదేశంలోనో మాత్రమే కాకుండా, ప్రపంచవ్యాప్తంగా వివిధ క్రీడల రంగాల‌కు కూడా సుప‌రిచితుడిగా మారిపోయాడు. ప్రజలు క్రికెట్‌ను ప్రేమించేలా చేయ‌డంలో కోహ్లి స్ఫూర్తినిచ్చాడు. ఆట‌కు వీడ్కోలు ప‌లికిన త‌ర్వాత కోహ్లి వారసత్వం చిరస్థాయిగా నిలిచిపోతుంది. అత‌డు నిజమైన ఛాంపియన్.' అని పొగ‌డ్త‌ల వ‌ర్షం కురిపించాడు.ఇటీవలే ఇంగ్లండ్ వ‌రుస టెస్టు సిరీస్ ప‌రాజ‌యాలు చ‌విచూడ‌డంతో టెస్టు కోచ్ పదవికి బ్రెండన్ మెక్‌క‌ల్ల‌మ్ గుడ్‌బై చెప్పాడు. అయితే ప‌రిమిత ఓవ‌ర్ల క్రికెట్ (వ‌న్డే, టీ20 ఫార్మాట్‌)లో మాత్రం హెడ్‌కోచ్‌గా కొన‌సాగ‌నున్నట్లు స్ప‌ష్టం చేశాడు. తాజాగా టెస్టు కోచ్ ప‌ద‌వి నుంచి త‌ప్పుకోవడంపై స్పందించిన మెక్‌క‌ల్ల‌మ్ ఇంగ్లండ్ క్రికెట్ బోర్డుకు క్ష‌మాప‌ణ తెలిపాడు. టెస్టు కోచ్ ప‌ద‌వి నుంచి తప్పుకోవాల‌నే నిర్ణ‌యం బాధించిన‌ప్ప‌టికీ ప‌రిస్థితుల ప్ర‌భావంతోనే అలా చేయాల్సి వ‌చ్చింద‌న్నాడు. అయితే త‌న నిర్ణ‌యానికి క‌ట్టుబ‌డి ఉన్నాన‌ని మెక్‌క‌ల్ల‌మ్ పేర్కొన్నాడు. త‌న నిర్ణ‌యం ప‌ట్ల ఇంగ్లండ్ క్రికెట్ బోర్డుకు క్ష‌మాప‌ణ కోరుతున్న‌ట్లు తెలిపాడు. టెస్టు కోచ్‌గా త‌న పాత్ర‌ను స‌మ‌ర్థంగా పోషించ‌లేక‌పోయాన‌ని, అందుకే త‌ప్పుకోవాల‌నే నిర్ణ‌యానికి వ‌చ్చిన‌ట్లు వెల్ల‌డించాడు. మెక్‌క‌ల్ల‌మ్ టెస్టు కోచ్‌గా బాధ్య‌త‌లు చేప‌ట్టిన తొలి రోజుల్లో బెన్‌స్టోక్ కెప్టెన్సీలో 'బ‌జ్‌బాల్' ఆట‌తో ఇంగ్లండ్ 11 టెస్టుల్లో 10 విజ‌యాలు సాధించి కొత్త శ‌కానికి నాంది ప‌లికింది. కానీ రానురాను బ‌జ్‌బాల్ ఆట ఇంగ్లండ్ కొంప‌ముంచింది. ఈ మ‌ధ్య కాలంలో ఇంగ్లండ్ ఆడిన 9 టెస్టుల్లో ఏడింటిలో ప‌రాజ‌యం చ‌విచూసి డబ్ల్యూటీసీ టైటిల్ రేసులో చాలా వెనుక‌బ‌డిపోయింది. ఆ త‌ర్వాత స్టోక్స్ ఉదంతం అత‌డిని కెప్టెన్సీ నుంచి తొల‌గించేలా చేసింది. ఆ వెంట‌నే మెక్‌క‌ల్ల‌మ్ టెస్టు కోచ్ ప‌ద‌వి నుంచి వైదొలగుతున్న‌ట్లు ప్ర‌క‌టించాడు. Brendon McCullum has apologised to England fans for the poor string of Test results that led to his dismissal 💬 pic.twitter.com/zxNyHAvC7y— Sky Sports Cricket (@SkyCricket) July 13, 2026Read: ఫిఫా చరిత్రలో తొలిసారి.. సెంటిమెంట్‌తో బరిలోకి అర్జెంటీనా!

వెస్టిండీస్ టూర్‌లో న్యూజిలాండ్ బోణీ కొట్టింది. కివీస్‌ బౌలర్‌ జేడన్‌ లిన్నెక్స్‌ ఐదు వికెట్లతో విండీస్‌ పతనాన్ని శాసించి ప్లేయర్‌ ఆఫ్‌ ది మ్యాచ్‌గా నిలిచాడు. గ‌యానా వేదిక‌గా జ‌రిగిన రెండో వ‌న్డేలో న్యూజిలాండ్ 5 వికెట్ల తేడాతో విజ‌యం సాధించింది. టాస్ ఓడి బ్యాటింగ్‌కు దిగిన వెస్టిండీస్ 36 ఓవ‌ర్ల‌లో 138 ప‌రుగుల‌కు ఆలౌటైంది. ఓపెన‌ర్ జాన్ కాంప్‌బెల్ (43) టాప్ స్కోర‌ర్‌గా నిల‌వ‌గా, అమిర్ జాంగో (24) ప‌ర్వాలేద‌నిపించాడు. న్యూజిలాండ్ బౌల‌ర్ల‌లో జేడ‌న్ లెన్నోక్స్ 5 వికెట్ల‌తో విండీస్ న‌డ్డి విరిచాడు. మైకెల్ బ్రేస్‌వెల్, మిచెల్ సాంట్న‌ర్ చెరో 2 వికెట్లు తీశారు. అనంత‌రం బ్యాటింగ్ చేసిన న్యూజిలాండ్ 32.4 ఓవ‌ర్ల‌లో 5 వికెట్లు కోల్పోయి 141 ప‌రుగులు చేసి విజ‌యాన్ని అందుకుంది. టామ్ లాథ‌మ్ (37 నాటౌట్‌),మైకెల్ బ్రాస్‌వెల్ (24 నాటౌట్‌) కివీస్‌ణు విజ‌య‌తీరాల‌కు చేర్చారు. అంత‌క‌ముందు విల్ యంగ్ (28), డారిల్ మిచెల్ (28) రాణించారు. వెస్టిండీస్ బౌల‌ర్ల‌లో ఖారీ పియ‌ర్రె 2 వికెట్లు తీయ‌గా, అల్జారీ జోసెఫ్‌, గుదకేశ్ మోతీ చెరొక వికెట్ ప‌డ‌గొట్టారు. ఐదు మ్యాచ్‌ల వ‌న్డే సిరీస్‌లో ఇరుజ‌ట్లు 1-1తో స‌మంగా నిలిచాయి. జూలై 16న మూడో వ‌న్డే జ‌ర‌గ‌నుంది.

ఇంగ్లండ్ గ‌డ్డ‌పై టీ20 సిరీస్‌లో దారుణ ప‌రాజ‌యం త‌ర్వాత శుబ్‌మ‌న్ గిల్ నేతృత్వంలోని టీమిండియా వ‌న్డే సిరీస్ ఆడేందుకు స‌మాయ‌త్త‌మ‌వుతోంది. ఎడ్జ్‌బాస్ట‌న్ వేదిక‌గా మంగ‌ళ‌వారం (జూలై 14న) ఇరుజ‌ట్లు తొలి వ‌న్డే మ్యాచ్ ఆడ‌నున్నాయి. ఈ నేప‌థ్యంలో ఇప్ప‌టికే టెస్టులు, టీ20 ఫార్మాట్‌కు వీడ్కోలు ప‌లికిన సీనియర్ ఆట‌గాళ్లు విరాట్ కోహ్లి, రోహిత్ శ‌ర్మ వ‌న్డే జ‌ట్టుతో క‌లిశారు. ఇక తొలి వన్డేకు తుది జట్టు అంచనా ఒకసారి పరిశీలించి చూద్దాం.వీరితో పాటు సీనియ‌ర్ పేస‌ర్ జ‌స్‌ప్రీత్ బుమ్రా కూడా జాయిన్ కావ‌డంతో టీమిండియా బ‌లం పెరిగింది. 20 ఓవ‌ర్ల ఫార్మాట్ నుంచి 50 ఓవ‌ర్ల ఫార్మాట్‌కు ఆట మార‌డానికి తోడు, సీనియ‌ర్లు అంతా జ‌ట్టులోకి రావ‌డంతో టీమిండియా ఇప్పుడు పేప‌ర్‌పై దుర్భేద్యంగా క‌నిపిస్తోంది. 39 ఏళ్ల రోహిత్‌, 38 ఏళ్ల కోహ్లికి 2027 వ‌న్డే ప్ర‌పంచ‌కప్ ఆఖ‌రిది కానుండ‌డంతో వీరిద్ద‌రు రాణించాల‌ని ఉవ్విళ్లూరుతున్నారు. టీ20 సిరీస్‌లో జోఫ్రా ఆర్చ‌ర్‌, జోష్ టంగ్‌లు త‌మ బౌలింగ్‌తో టీమిండియా బ్యాట‌ర్ల‌ను బెంబెలెత్తించారు. కానీ వ‌న్డే ఫార్మాట్‌లో కోహ్లి, రోహిత్ వంటి అనుభ‌వ‌జ్ఞులు రావ‌డంతో ఈ ఇద్ద‌రు బౌల‌ర్ల ఆట‌లు సాగ‌క‌పోవ‌చ్చ‌ని అభిమానులు అభిప్రాయం వ్య‌క్తం చేస్తున్నారు. బ్యాటింగ్‌లో గిల్‌, రోహిత్ శ‌ర్మ‌, విరాట్ కోహ్లి, శ్రేయ‌స్ అయ్య‌ర్‌తో పాటు కేఎల్ రాహుల్ కీల‌కంగా మార‌నున్నారు.ఆల్‌రౌండ్ విభాగంలో అక్ష‌ర్‌ప‌టేల్‌, శివ‌మ్ దూబే, వాషింగ్ట‌న్ సుంద‌ర్‌లు ఉన్న‌ప్ప‌టికీ వీరిలో ఇద్ద‌రికి మాత్రమే అవ‌కాశం రానుంది. ఇక బౌలింగ్ విభాగాన్ని జ‌స్‌ప్రీత్ బుమ్రా న‌డిపించ‌నుండ‌గా.. టీ20 సిరీస్‌లో విఫ‌ల‌మైన‌ప్ప‌టికీ అర్ష్‌దీప్‌కు మ‌రో చాన్స్ ఇవ్వ‌నున్న‌ట్లు తెలుస్తోంది. మ‌రో స్పిన్న‌ర్ అవ‌స‌ర‌మ‌నుకుంటే కుల్దీప్ యాద‌వ్ తుదిజ‌ట్టులో చోటు ద‌క్కించుకుంటాడు. లేదంటే ప్రసిధ్ క్రిష్ణ, గుర్నూర్ బ్రార్‌ల‌లో ఒక‌రికి అవ‌కాశం క‌ల్పించ‌వ‌చ్చు. మొత్తానికి టీ20 సిరీస్‌లో ఓట‌మి పాలైనప్ప‌టికీ వ‌న్డే సిరీస్‌కు మాత్రం సీనియ‌ర్ల రాక‌తో టీమిండియా కొత్త‌గా కనిపిస్తోంది. మ్యాచ్‌ సమయం: భారత కాలమాన ప్రకారం మధ్యాహ్నం 3.30 గంటలకు ఎడ్జ్‌బాస్టన్‌ వేదికగా ప్రారంభం కానుంది.తుదిజ‌ట్టు అంచ‌నా: శుబ్‌మ‌న్ గిల్ (కెప్టెన్‌), రోహిత్ శ‌ర్మ‌, విరాట్ కోహ్లి, శ్రేయ‌స్ అయ్య‌ర్, కేఎల్ రాహుల్ (వికెట్ కీప‌ర్‌), శివ‌మ్ దూబే, అక్ష‌ర్ ప‌టేల్‌, జ‌స్‌ప్రీత్ బుమ్రా, అర్ష్‌దీప్ సింగ్‌, కుల్దీప్ యాద‌వ్‌, ప్ర‌సిధ్ క్రిష్ణ‌/ గుర్నూర్ బ్రార్‌

బంగ్లాదేశ్‌పై మూడో వ‌న్డేలోనూ గెలిచి సిరీస్‌ను క్లీన్‌స్వీప్ చేయాల‌ని భావిస్తోన్న జింబాబ్వే జ‌ట్టుకు ఊహించ‌ని షాక్ త‌గిలింది. సూప‌ర్ ఫామ్‌లో ఉన్న ఆ జ‌ట్టు కెప్టెన్ రిచ‌ర్డ్ న‌గ‌ర‌వా మూడో వ‌న్డేకు దూర‌మ‌య్యాడు. అత‌డి స్థానంలో సికంద‌ర్ ర‌జా స్టాండ్ ఇన్ కెప్టెన్‌గా వ్య‌వ‌హ‌రిస్తున్నాడు. అయితే మ్యాచ్‌లో రిచ‌ర్డ్ న‌గ‌ర‌వా ఆడ‌క‌పోవ‌డంపై టాస్ స‌మ‌యంలో సికంద‌ర్ ర‌జా క్లారిటీ ఇచ్చాడు. వ‌ర్క్‌లోడ్ కార‌ణంగానే రిచ‌ర్డ్ న‌గ‌ర‌వాకు జ‌ట్టు మేనేజ్‌మెంట్ విశ్రాంతి క‌ల్పించిన‌ట్లు సికంద‌ర్ ర‌జా పేర్కొన్నాడు. న‌గ‌ర‌వాతో పాటు జ‌ట్టుకు ఆయువుప‌ట్టు అయిన బ్లెసింగ్ ముజ‌ర‌బానీతో పాటు న్యూమ‌న్ నైమురీకి కూడా మూడో వ‌న్డేకు విశ్రాంతి ఇచ్చిన‌ట్లు తెలిపాడు. టీ20 ప్ర‌పంచ‌క‌ప్ నుంచి రిచ‌ర్డ్ న‌గ‌ర‌వా రెస్ట్ లేకుండా అన్ని మ్యాచ్‌లు ఆడుతూనే వ‌స్తున్నాడు. రాబోయే రోజుల్లో భార‌త్‌తో కీల‌క‌మైన టీ20 సిరీస్‌ను దృష్టిలో పెట్టుకొనే బోర్డు ఈ నిర్ణ‌యాన్ని తీసుకుంద‌ని సికంద‌ర్ ర‌జా వెల్ల‌డించాడు. ఇక బంగ్లాదేశ్‌తో సిరీస్‌లో జింబాబ్వే కెప్టెన్ రెండో లీడింగ్ వికెట్ టేక‌ర్‌గా ఉన్నాడు. బంగ్లా బౌల‌ర్ న‌హీద్ రానా 7 వికెట్ల‌తో టాప్‌లో ఉండ‌గా, రిచ‌ర్డ్ న‌గ‌ర‌వా ఆరు వికెట్ల‌తో రెండో స్థానంలో కొన‌సాగుతున్నాడు. మ్యాచ్‌లో టాస్‌ గెలిచిన బంగ్లాదేశ్‌ బౌలింగ్‌ ఎంచుకుంది. 8 ఓవర్లు ముగిసేసరికి జింబాబ్వే రెండు వికెట్ల నష్టానికి 17 పరుగులు చేసింది. కాయా (4), క్రెయిగ్‌​ ఇర్విన్‌ (0) క్రీజులో ఉన్నారు. తుదిజట్లు:బంగ్లాదేశ్: తంజిద్ హసన్ తమీమ్, సౌమ్య సర్కార్, నజ్ముల్ హుస్సేన్ శాంటో, తౌహిద్ హృదయ్, నూరుల్ హసన్(వికెట్ కీప‌ర్‌), మొసద్దెక్ హొస్సేన్, మెహిదీ హసన్ మిరాజ్(కెప్టెన్‌), మహ్మద్ సైఫుద్దీన్, తస్కిన్ అహ్మద్, షోరీఫుల్ ఇస్లాం, తన్వీర్ ఇస్లాంజింబాబ్వే : బెన్ కుర్రాన్, బ్రియాన్ బెన్నెట్, ఇన్నోసెంట్ కైయా, క్రెయిగ్ ఎర్విన్, సికందర్ రజా(కెప్టెన్‌), వెస్లీ మాధవెరె, క్లైవ్ మదాండే(వికెట్ కీప‌ర్‌), బ్రాడ్ ఎవాన్స్, వెల్లింగ్టన్ మసకద్జా, ఎర్నెస్ట్ మసుకు, తనకా చివాంగాచదవండి: ఫిక్సింగ్‌ ఆరోపణలు.. కప్పు గెలవొద్దనే ఇలాంటి కుట్రలు!

జింబాబ్వే చేతిలో ఘోర పరాభవం పాలైన బంగ్లాదేశ్‌ క్రికెట్‌ జట్టుకు మరో ఎదురుదెబ్బ తగిలింది. జింబాబ్వేతో రెండో వన్డేలో ఓడి సిరీస్‌ కోల్పోయిన బాధలో ఉన్న బంగ్లాకు అంతర్జాతీయ క్రికెట్‌ మండలి (ICC) భారీ షాకిచ్చింది.కాగా ఒక టెస్టు, మూడు వన్డేలు, మూడు టీ20 మ్యాచ్‌లు ఆడేందుకు బంగ్లాదేశ్‌ జింబాబ్వే పర్యటనకు వెళ్లింది. తొలుత ఇరుజట్ల మధ్య టెస్టు మ్యాచ్‌ జరగ్గా.. ఊహించని రీతిలో ఆతిథ్య జట్టు బంగ్లాను ఏకంగా ఇన్నింగ్స్‌ 85 పరుగుల తేడాతో మట్టికరిపించింది.వన్డే సిరీస్‌ జింబాబ్వేదేఅనంతరం హరారేలో సోమవారం తొలి వన్డే జరగ్గా.. జింబాబ్వే బంగ్లాదేశ్‌పై 25 పరుగుల తేడాతో విజయం సాధించింది. ఈ క్రమంలో ఇరుజట్ల మధ్య ఇదే వేదికపై గురువారం జరిగిన ఉత్కంఠపోరులోనూ జింబాబ్వేనే పైచేయి సాధించింది. బంగ్లాను 13 పరుగుల తేడాతో ఓడించి.. మరో మ్యాచ్‌ మిగిలి ఉండగానే సిరీస్‌ను 2-0తో కైవసం చేసుకుంది. జింబాబ్వే ఓపెనర్‌ బెన్‌ కర్రాన్‌ అజేయ సెంచరీ (111*)తో రాణించి జట్టు విజయంలో కీలక పాత్ర పోషించాడు.జరిమానా విధించిన ఐసీసీఇక జింబాబ్వేతో రెండో వన్డే సందర్భంగా బంగ్లాదేశ్‌ నిర్ణీత సమయంలో తమ బౌలింగ్‌ కోటా పూర్తి చేయలేదు. ఈ నేపథ్యంలో ఐసీసీ తాజాగా బంగ్లాకు జరిమానా విధించినట్లు ప్రకటన విడుదల చేసింది.‘‘హరారేలో గురువారం జింబాబ్వేతో జరిగిన రెండో వన్డేలో బంగ్లాదేశ్‌ జట్టు స్లో ఓవర్‌ రేటు మెయింటెన్‌ చేసినందుకు గానూ వారి మ్యాచ్‌ ఫీజులో పది శాతం కోత విధిస్తున్నాం. ఐసీసీ ప్రవర్తనా నియమావళిలోని ఆర్టికల్‌ 2.22 ఉల్లంఘించినందుకు గానూ ఈ నిర్ణయం తీసుకున్నాం.నిర్ణీత సమయంలో తమకు కేటాయించిన ఓవర్లు పూర్తి చేయనందున ఈ మేరకు జరిమానా విధించాము’’ అని ఐసీసీ తన ప్రకటనలో పేర్కొంది. కాగా జింబాబ్వే- బంగ్లాదేశ్‌ మధ్య శనివారం నామమాత్రపు మూడో వన్డే జరుగనుంది. ఇందుకు హరారే వేదిక.చదవండి: అతడు భయపడుతున్నాడు.. టీమిండియా నుంచి తీసేయండి!

హరారే: సొంతగడ్డపై బంగ్లాదేశ్‌తో ఏకైక టెస్టులో ఘనవిజయం సాధించిన జింబాబ్వే జట్టు... వన్డే సిరీస్‌లోనూ అదే జోరు కనబర్చింది. ఆల్‌రౌండ్‌ ప్రదర్శనతో అదరగొట్టిన జింబాబ్వే మూడు మ్యాచ్‌ల వన్డే సిరీస్‌ను మరో మ్యాచ్‌ మిగిలుండగానే సొంతం చేసుకుంది. గురువారం జరిగిన రెండో వన్డేలో జింబాబ్వే 13 పరుగుల తేడాతో బంగ్లాదేశ్‌ను చిత్తుచేసింది. టాస్‌ ఓడి మొదట బ్యాటింగ్‌కు దిగిన జింబాబ్వే నిర్ణీత 50 ఓవర్లలో 6 వికెట్ల నష్టానికి 247 పరుగులు చేసింది. ‘ప్లేయర్‌ ఆఫ్‌ ద మ్యాచ్‌’ బెన్‌ కరన్‌ (135 బంతుల్లో 111 నాటౌట్‌; 9 ఫోర్లు) అజేయ అర్ధశతకంతో ఆకట్టుకున్నాడు.బ్రాడ్‌ ఇవాన్స్‌ (38 బంతుల్లో 58 నాటౌట్‌; 2 ఫోర్లు, 5 సిక్స్‌లు) దంచికొట్టగా... సికందర్‌ రజా (33; 4 ఫోర్లు) ఫర్వాలేదనిపించాడు. బంగ్లా బౌలర్లలో తస్కీన్‌ అహ్మద్, మెహదీ హసన్‌ మిరాజ్‌ చెరో రెండు వికెట్లు పడగొట్టారు. లక్ష్య ఛేదనలో బంగ్లాదేశ్‌ 48.1 ఓవర్లలో 234 పరుగులకు ఆలౌటైంది. తౌహిద్‌ హృదయ్‌ (90 బంతుల్లో 60; 5 ఫోర్లు), తన్జీద్‌ హసన్‌ (70 బంతుల్లో 57; 5 ఫోర్లు, 1 సిక్స్‌) అర్ధశతకాలతో పోరాడారు. గత మ్యాచ్‌లో 142 పరుగుల లక్ష్యాన్ని ఛేదించలేక చతికిలబడిన బంగ్లాదేశ్‌... ఈ సారి 235 పరుగుల ఛేదనలో 13 పరుగుల దూరంలో నిలిచిపోయింది. జింబాబ్వే బౌలర్లలో కెప్టెన్ రిచర్డ్‌ 3 వికెట్లు పడగొట్టగా... ముజరబాని, బ్రాడ్‌ ఇవాన్స్‌ చెరో 2 వికెట్లు పడగొట్టారు. శనివారం ఇరు జట్ల మధ్య నామమాత్రమైన మూడో వన్డే జరగనుంది.

సొంతగడ్డపై జింబాబ్వే అదరగొడుతోంది. బంగ్లాదేశ్‌తో ఏకైక టెస్టులో అనూహ్య రీతిలో ఇన్నింగ్స్‌ మీద 85 పరుగుల తేడాతో గెలిచిన జింబాబ్వే.. వన్డేల్లోనూ శుభారంభం అందుకుంది.హరారే స్పోర్ట్స్‌ క్లబ్‌ వేదికగా తొలి వన్డేలో పర్యాటక బంగ్లా జట్టును 25 పరుగుల తేడాతో ఓడించింది. టాస్‌ ఓడి తొలుత బ్యాటింగ్‌కు దిగి 141 పరుగులకే జింబాబ్వే ఆలౌట్‌ అయింది. అయితే, స్వల్ప లక్ష్యాన్ని కాపాడుకోవడంలో మాత్రం ఆతిథ్య జట్టు సఫలమైంది.బంగ్లాదేశ్‌ను 116 పరుగులకే ఆలౌట్‌ చేసి.. మూడు మ్యాచ్‌ల సిరీస్‌లో ఈ క్రమంలో ఇరుజట్ల మధ్య అదే వేదికపై గురువారం నాటి రెండో వన్డేలో జింబాబ్వే.. తొలి మ్యాచ్‌తో పోలిస్తే భారీ స్కోరే సాధించింది. టాస్‌ ఓడి తొలుత బ్యాటింగ్‌కు దిగిన ఆతిథ్య జట్టు నిర్ణీత 50 ఓవర్లలో ఆరు వికెట్ల నష్టానికి 247 పరుగులు సాధించింది.ఓపెనర్లలో బ్రియాన్‌ బెనెట్‌ డకౌట్‌ కాగా.. బెన్‌ కర్రాన్‌ సెంచరీతో చెలరేగాడు. మొత్తంగా 135 బంతులు ఎదుర్కొని తొమ్మిది ఫోర్ల సాయంతో 111 పరుగులతో అజేయంగా నిలిచాడు. మిగిలిన వారిలో సికిందర్‌ రజా చెప్పుకోగదగ్గ స్కోరు (33) చేయగా.. లోయర్‌ ఆర్డర్‌లో బ్రాడ్‌ ఎవాన్స్‌ మెరుపులు మెరిపించాడు.కేవలం 38 బంతుల్లోనే రెండు ఫోర్లు, ఐదు సిక్సర్లు బాది 58 పరుగులతో అజేయంగా నిలిచాడు. బెన్‌ కర్రాన్‌, ఎవాన్స్‌ ఇన్నింగ్స్‌ కారణంగా జింబాబ్వే 247 పరుగులు చేయగలిగింది. బంగ్లాదేశ్‌ బౌలర్లలో కెప్టెన్‌ మెహదీ హసన్‌ మిరాజ్‌, టస్కిన్‌ అహ్మద్‌ తలా రెండు వికెట్లు తీయగా.. నహీద్‌ రాణా, రిషాద్‌ హొసేన్‌ చెరో వికెట్‌ దక్కించుకున్నారు. ఇక తొలి వన్డేలో 116 పరుగులకే ఆలౌట్‌ అయిన బంగ్లాదేశ్‌.. ఈసారి 248 పరుగుల లక్ష్యాన్ని ఛేదించడం అంటే ఒక రకంగా కఠిన పరీక్షే!!

జింబాబ్వే పర్యటనలో బంగ్లాదేశ్‌కు ఊహించని షాక్ ఎదురైంది. సొంతగడ్డపై పాకిస్తాన్‌, ఆస్ట్రేలియాలను చిత్తు చేసిన బంగ్లాదేశ్ జింబాబ్వే పర్యటనలో మ‌రో ఓట‌మిని చ‌విచూసింది. ఇప్ప‌టికే జింబాబ్వేతో జ‌రిగిన ఏకైక టెస్టులో ఇన్నింగ్స్ తేడాతో దారుణ ప‌రాజ‌యం మూట‌గ‌ట్టుకున్న బంగ్లాదేశ్ వ‌న్డే సిరీస్‌ను కూడా ఓట‌మితోనే ప్రారంభించింది. సోమ‌వారం హరారే వేదికగా జరిగిన తొలి వన్డేలో బంగ్లాదేశ్‌పై 25 పరుగుల తేడాతో జింబాబ్వే సంచలన విజయాన్ని సాధించింది. 142 పరుగుల స్వల్ప లక్ష్యంతో బరిలోకి దిగిన బంగ్లాదేశ్ 33.1 ఓవర్లలో 116 పరుగులకు ఆలౌటైంది. బంగ్లా బ్యాటర్లలో నురుల్ హసన్ (31), తౌహిద్ హృదోయ్ (25), మెహ‌దీ హ‌స‌న్ (10) మిన‌హా మిగ‌తావారంతా సింగిల్ డిజిట్‌కే ప‌రిమిత‌మ‌య్యారు. జింబాబ్వే బౌల‌ర్ల‌లో కెప్టెన్ రిచ‌ర్డ్ న‌గ‌ర‌వా, బ్రాడ్ ఎవ‌న్స్ చెరో మూడు వికెట్లు తీయ‌గా, బ్లెసింగ్ ముజ‌ర‌బానీ, న్యూమ‌న్ నైమూరి రెండేసి వికెట్లు ప‌డ‌గొట్టారు. అంత‌క‌ముందు టాస్ ఓడి తొలుత బ్యాటింగ్‌కు దిగిన జింబాబ్వే 36.4 ఓవ‌ర్ల‌లో 141 ప‌రుగుల‌కు ఆలౌటైంది. న్యూమ‌న్ నైమూరి (33) టాప్ స్కోర‌ర్‌గా నిల‌వ‌గా, కెప్టెన్‌ రిచ‌ర్డ్ న‌గ‌ర‌వా (27), ఇన్నోసెంట్ కైయా (26) ప‌ర్వాలేద‌నిపించారు. బంగ్లాదేశ్ బౌల‌ర్ల‌లో న‌హీద్ రానా 6 వికెట్లు తీయ‌గా, త‌స్కిన్ అహ్మ‌ద్ 2 వికెట్లు తీశాడు. ఆల్‌రౌండ్ ప్ర‌ద‌ర్శ‌న‌తో ఆక‌ట్టుకున్న కెప్టెన్ న‌గ‌ర‌వా 'ప్లేయ‌ర్ ఆఫ్ ది మ్యాచ్‌' అవార్డు అందుకున్నాడు. మూడు మ్యాచ్‌ల వ‌న్డే సిరీస్‌లో భాగంగా జింబాబ్వే 1-0తో ఆధిక్యంలో నిలిచింది. ఇరుజ‌ట్ల మ‌ధ్య రెండో వ‌న్డే జూలై 9న జ‌ర‌గ‌నుంది.Read: సంజూపై వేటు.. జట్టులోకి విధ్వంసకర ఓపెనర్‌

జింబాబ్వేతో జ‌రుగుతున్న వ‌న్డే సిరీస్‌లో బంగ్లాదేశ్ బౌల‌ర్ న‌హీద్ రానా చ‌రిత్ర సృష్టించాడు. జింబాబ్వేతో జరుగుతున్న తొలి వ‌న్డేలో న‌హీద్ రానా కెరీర్ బెస్ట్ బౌలింగ్ (10-2-21-6) ప్ర‌ద‌ర్శ‌న‌తో ఆక‌ట్టుకున్నాడు. ఆరు వికెట్ల‌తో జింబాబ్వే ప‌త‌నాన్ని శాసించిన న‌హీద్ రానా ఐదు వికెట్ల ప్రదర్శనతో అరుదైన రికార్డు అందుకున్నాడు. రైట్ ఆర్మ్ పేస‌ర్ అయిన నహీద్ రానా 14 వ‌న్డే మ్యాచ్‌ల్లోనే మూడుసార్లు ఐదు వికెట్ల ప్ర‌ద‌ర్శ‌న చేయ‌డం విశేషం. ఈ నేప‌థ్యంలో బంగ్లాదేశ్ త‌ర‌ఫున వ‌న్డే క్రికెట్‌లో అత్య‌ధిక సార్లు ఐదు వికెట్ల హాల్ న‌మోదు చేసిన మూడో బౌల‌ర్‌గా న‌హీద్ రానా నిలిచాడు. ఈ జాబితాలో ముస్తాఫిజుర్ రెహ్మాన్ 6 సార్లు ఐదు వికెట్ల ప్ర‌ద‌ర్శ‌న (124 మ్యాచ్‌లు) తొలి స్థానంలో ఉండ‌గా, అబ్దుల్ ర‌జాక్ నాలుగు సార్లు (153 మ్యాచ్‌లు), ఆల్‌రౌండ‌ర్ ష‌కీబ్ అల్ హ‌స‌న్ నాలుగు సార్లు (247 మ్యాచ్‌లు) సంయుక్తంగా రెండో స్థానంలో నిలిచారు. న‌హీద్ రానా మూడో స్థానంలో ఉండ‌గా, త‌స్కిన్ అహ్మ‌ద్ రెండు సార్లు (92 మ్యాచ్‌లు) ఐదు వికెట్ల హాల్ న‌మోదు చేసి త‌ర్వాతి స్థానంలో ఉన్నాడు. 2024లో బంగ్లాదేశ్ త‌ర‌ఫున అరంగేట్రం చేసిన న‌హీద్ రానా అన‌తి కాలంలోనే స్టార్ బౌల‌ర్‌గా ఎదిగాడు. 14 వ‌న్డేల్లో 30 వికెట్లు ప‌డ‌గొడితే, అందులో ఈ ఏడాదిలోనే 25 వికెట్లు ఉండ‌డం గ‌మ‌నార్హం. తొలుత పాకిస్తాన్‌తో మ్యాచ్‌లో ఐదు వికెట్ల హాల్ న‌మోదు చేసిన న‌హీద్ రానా, ఆ త‌ర్వాత ఆస్ట్రేలియాపై, తాజాగా జింబాబ్వేపై ఐదు వికెట్ల ఫీట్‌తో మెరిశాడు. మ్యాచ్ విష‌యానికొస్తే.. టాస్ ఓడి తొలుత బ్యాటింగ్‌కు దిగిన జింబాబ్వే 36.4 ఓవ‌ర్ల‌లో 141 ప‌రుగుల‌కు ఆలౌటైంది. న్యూమ‌న్ నైమూరి (33) టాప్ స్కోర‌ర్‌గా నిల‌వ‌గా, కెప్టెన్‌ రిచ‌ర్డ్ న‌గ‌ర‌వా (27), ఇన్నోసెంట్ కైయా (26) ప‌ర్వాలేద‌నిపించారు. బంగ్లాదేశ్ బౌల‌ర్ల‌లో న‌హీద్ రానా 6 వికెట్లు తీయ‌గా, త‌స్కిన్ అహ్మ‌ద్ 2 వికెట్లు తీశాడు. 142 ప‌రుగుల‌ స్వ‌ల్ప ల‌క్ష్యంతో బ‌రిలోకి దిగిన బంగ్లాదేశ్ కూడా బ్యాటింగ్‌లో త‌డ‌బ‌డుతోంది. 5 ఓవ‌ర్లు ముగిసేస‌రికి 3 వికెట్లు కోల్పోయి 19 ప‌రుగులు చేసి క‌ష్టాల్లో ప‌డింది. బ్లెసింగ్ ముజ‌ర‌బానీ 2 వికెట్లు తీయ‌గా, న‌గ‌ర‌వా ఒక వికెట్ ప‌డ‌గొట్టాడు.

ఇంగ్లండ్‌-భార‌త్ మ‌ధ్య మూడు వ‌న్డేల సిరీస్ మ‌రో 8 రోజుల్లో ప్రారంభం కానుంది. తొలి వ‌న్డే ఎడ్జ్‌బాస్ట‌న్ వేదిక‌గా జూలై 14న జ‌ర‌గ‌నుంది. ఈ సిరీస్ కోసం భార‌త స్టార్ ఓపెన‌ర్‌, మాజీ కెప్టెన్ రోహిత్ శ‌ర్మ ఇంగ్లండ్ గ‌డ్డ‌పై అడుగుపెట్టాడు. ఇంగ్లండ్‌కు చేరుకున్న రోహిత్ ఏ మాత్రం ఆల‌స్యం చేయకుండా త‌న ప్రాక్టీస్‌ను మొద‌లు పెట్టాడు. వ‌న్డే ప్ర‌పంచ‌క‌ప్ స‌న్నాహ‌కాల్లో భాగంగా జ‌ర‌గ‌బోయే ఈ సిరీస్‌లో స‌త్తాచాటాల‌ని హిట్‌మ్యాన్ ఉవ్విళ్లూరుతున్నాడు. చివ‌ర‌గా అఫ్గానిస్తాన్‌తో వ‌న్డేల్లో కూడా ఈ ముంబైక‌ర్ రాణించాడు. ఇప్పుడు అదే ఫామ్‌ను ఇంగ్లీష్ గ‌డ్డ‌పై కొన‌సాగించేందుకు రోహిత్ స‌న్న‌ద‌మ‌వుతున్నాడు. మ‌రోవైపు అఫ్గానిస్తాన్‌తో వ‌న్డే సిరీస్‌కు గాయం కార‌ణంగా దూర‌మైన స్టార్ బ్యాట‌ర్ విరాట్ కోహ్లి సైతం ఇప్పుడు పూర్తి ఫిట్‌నెస్ సాధించాడు. దీంతో ఇంగ్లండ్‌తో వ‌న్డేల్లో కోహ్లి ఆడ‌నున్నాడు. ప్ర‌స్తుతం లండ‌న్‌లో ఉన్న విరాట్ త్వ‌ర‌లోనే భార‌త జ‌ట్టుతో క‌లిసే అవ‌కాశ‌ముంది. స్టార్ పేస‌ర్ జస్ప్రీత్ బుమ్రా సైతం జ‌ట్టుతో చేర‌నున్నాడు. అత‌డు కూడా త‌న బౌలింగ్ ప్రాక్టీస్‌ను మొద‌లు పెట్టాడు. అయితే ఇంగ్లండ్ టూర్‌కు స్టార్ ఆల్‌రౌండర్లు హార్దిక్ పాండ్యా, నితీశ్ కుమార్ రెడ్డి గాయం కారణంగా దూరమయ్యారు. నితీశ్ స్ధానంలో సూర్యన్ష్ షెడ్గేని జట్టులోకి తీసుకున్నారు.ఇంగ్లండ్‌తో వన్డేలకు భారత జట్టుశుభ్‌మన్‌ గిల్‌ (కెప్టెన్‌), రోహిత్‌ శర్మ, విరాట్‌ కోహ్లీ, శ్రేయస్‌ అయ్యర్‌, కేఎల్‌ రాహుల్‌, ఇషాన్‌ కిషన్‌, వాషింగ్టన్‌ సుందర్‌, అక్షర్‌ పటేల్‌, సూర్యన్ష్ షెడ్గే , కుల్దీప్ యాదవ్‌, జస్‌ప్రీత్‌ బుమ్రా, ప్రసిద్ధ్‌ కృష్ణ, హర్షిత్‌ రాణా, అర్ష్‌దీప్‌ సింగ్‌, గుర్నూర్‌ బ్రార్.చదవండి: శ్రీలంక గడ్డపై ద్రవిడ్‌ కుమారుడి విశ్వరూపం!

టీమిండియాతో స్వ‌దేశంలో జ‌ర‌గ‌నున్న మూడు వ‌న్డేల సిరీస్ కోసం 16 మంది స‌భ్యుల‌తో కూడిన త‌మ జ‌ట్టును ఇంగ్లండ్ క్రికెట్ బోర్డు ప్ర‌క‌టించింది. ఈ సిరీస్‌కు స్టార్ బ్యాటర్ హ్యారీ బ్రూక్ కెప్టెన్‌గా వ్యవహరించనుండగా.. జోస్ బట్లర్, సామ్ కరన్, జో రూట్, ఆదిల్ రషీద్ వంటి సీనియర్ ఆటగాళ్లు జట్టులో తమ స్థానాలను నిలబెట్టుకున్నారు.అంతేకాకుండా దాదాపు ఎనిమిదిల నెల‌ల త‌ర్వాత స్పీడ్ స్టార్ జోఫ్రా ఆర్చ‌ర్ ఇంగ్లండ్ వ‌న్డే జ‌ట్టులోకి ఎంట్రీ ఇచ్చాడు. గాయం కార‌ణంగా ఈ ఏడాది ఆరంభంలో శ్రీలంకతో జ‌రిగిన వ‌న్డే సిరీస్‌కు ఆర్చ‌ర్ దూర‌మ‌య్యాడు. ఇప్పుడు అత‌డు పూర్తి ఫిట్‌నెస్ సాధించ‌డంతో వ‌న్డేల‌కు కూడా అత‌డిని ఎంపిక చేశారు. ఆర్చర్‌తో పాటు శ్రీలంక టూర్‌కు దూరమైన ఫాస్ట్ బౌలర్లు గుస్ అట్కిన్సన్, సాకిబ్ మహమూద్‌లు కూడా తిరిగి జట్టులోకి వచ్చారు. అలాగే ఈ జ‌ట్టులో 22 ఏళ్ల స్పిన్ బౌలింగ్ ఆల్‌రౌండ‌ర్ జేమ్స్ కోల్స్‌కు చోటు ద‌క్కింది. లిస్ట్‌-ఎ క్రికెట్‌లో అద్బుతంగా రాణిస్తుండ‌డంతో సీనియ‌ర్ జ‌ట్టుకు అత‌డిని సెల‌క్ట‌ర్లు ఎంపిక చేశారు. ఈ స‌సెక్స్ యువ ఆట‌గాడు టీ20 జ‌ట్టులో కూడా స‌భ్యునిగా ఉన్నాడు. ఈ మూడు వ‌న్డేల సిరీస్ జూలై 14 నుండి జూలై 19 వరకు జరగనుంది. భార‌త జ‌ట్టును బీసీసీఐ ఇప్ప‌టికే ప్ర‌క‌టించింది.వన్డే సిరీస్ షెడ్యూల్ వివరాలు:మొదటి వన్డే: జూలై 14 – ఎడ్జ్‌బాస్టన్ (బర్మింగ్‌హామ్)రెండవ వన్డే: జూలై 16 – సోఫియా గార్డెన్స్ (కార్డిఫ్)మూడవ వన్డే: జూలై 19 – లార్డ్స్ (లండన్)ఇంగ్లండ్ వ‌న్డే జట్టు:హ్యారీ బ్రూక్ (కెప్టెన్), రెహాన్ అహ్మద్, జోఫ్రా ఆర్చర్, గుస్ అట్కిన్సన్, టామ్ బాంటన్, జాకబ్ బెథెల్, జోస్ బట్లర్, జేమ్స్ కోల్స్, సామ్ కరన్, లియామ్ డాసన్, బెన్ డకెట్, విల్ జాక్స్, సాకిబ్ మహమూద్, ఆదిల్ రషీద్, జో రూట్, జోష్ టంగ్.