Sangareddy District Latest News

సంగారెడ్డి టౌన్‌: అన్ని కాలాల్లో ప్రజల దాహార్తి తీర్చిన మంజీరా నది ప్రస్తుతం వట్టిపోయింది. వర్షాలు లేక ప్రాజెక్ట్‌లోకి నీళ్లు రాకపోవడంతో అక్టోబర్‌లోనే మంజీరా పూర్తిగా ఎండిపోయి తాగునీటికి ఇబ్బందులు తలెత్తే ప్రమాదమేర్పడింది. సంగారెడ్డి జిల్లా కల్పగూర్‌ మంజీరా డ్యామ్‌ ప్రస్తుతం నీళ్లు లేక నెర్రలు బారి దర్శనమిస్తోంది. అక్టోబర్‌లోనే పరిస్థితి ఇలా ఉంటే మున్ముందు తాగునీటి కష్టాలు ఎలా ఉంటాయోనని ప్రజలు భయపడిపోతున్నారు. ప్రస్తుతం డ్యామ్‌లో నీళ్లు మొత్తం అడుగంటి పోగా పశుగ్రాసానికి సైతం కొరత ఏర్పడింది. అధికారులు ముందస్తుగా స్పందించి ఏమైనా ప్రత్యామ్నాయ ఏర్పాట్లు చేస్తే తప్ప ప్రజలకు తాగునీటి కష్టాలు తప్పేలా కనిపించడం లేదు.

హత్నూర(సంగారెడ్డి): బాలికలు సైతం చదువుతోపాటు క్రీడల్లో రాణించాలని ఎమ్మెల్యే సునీతారెడ్డి అన్నారు. బుధవారం హత్నూర మండలం దౌల్తాబాద్‌ జిల్లా పరిషత్‌ ఉన్నత పాఠశాలలో సంగారెడ్డి జిల్లాస్థాయి స్కూల్‌ గేమ్స్‌ ఫెడరేషన్‌ బాలికల వాలీబాల్‌ పోటీలను ఎమ్మెల్యే క్రీడాజ్యోతిని వెలిగించి ప్రారంభించారు. ఈ సందర్భంగా ఎమ్మెల్యే మాట్లాడుతూ జిల్లాలోని 28 మండలాల నుంచి 758 మంది క్రీడాకారులు పోటీలలో పాల్గొనడం శుభసూచికమన్నారు. 758 మందిలో రాష్ట్రస్థాయికి నలుగురిని మాత్రమే ఎంపిక చేస్తారని వారు జిల్లాకు మంచి గుర్తింపు తేవాలని తెలిపారు. క్రీడల్లో రాణించిన వారికి ప్రభుత్వ ఉద్యోగాలతో పాటు ప్రభుత్వాలు ప్రోత్సాహకాలు అందిస్తారని సద్వినియోగం చేసుకోవాలని క్రీడాకారులను కోరారు. గ్రామాలలో ప్రస్తుతం యువతీ, యువకుల కోసం గ్రంథాలయాలు.. క్రీడలు ఆడేందుకు అన్ని సదుపాయాలు కల్పిస్తే యువత చెడు వ్యసనాలకు బానిస కారన్నారు. రెండు రోజులు పాటు జరిగే జిల్లా స్థాయి వాలీబాల్‌ పోటీలలో స్నేహపూర్వకంగా పాల్గొనాలని ఎమ్మెల్యే క్రీడాకారులకు విజ్ఞప్తి చేశారు. కార్యక్రమాలలో జిల్లా క్రీడా పోటీల కన్వీనర్‌ శ్రీనివాస్‌, ఎంఈఓ వెంకట్‌ నరసింహ గౌడ్‌, పాఠశాల హెచ్‌ఎం ఉమారాణి, మాజీ ఎంపీపీ నర్సింహులు, ఉపసర్పంచ్‌ శేఖర్గౌడ్‌, సర్పంచులు శ్రీహరి, ఎల్లయ్య, బీఆర్‌ఎస్‌ మండల శాఖ అధ్యక్షుడు రామచంద్రారెడ్డి, నాయకులు తదితరులు పాల్గొన్నారు. వాలీబాల్‌ పోటీలను ప్రారంభించిన ఎమ్మెల్యే సునీతారెడ్డి

మాజీ ఎమ్మెల్యే జగ్గారెడ్డి సదాశివపేట రూరల్‌(సంగారెడ్డి): రైతుల అవసరాలే లక్ష్యంగా గంగకత్వ కాలువ పనులను త్వరితగతిన చేపట్టాలని సంగారెడ్డి మాజీ ఎమ్మెల్యే జగ్గారెడ్డి అధికారులకు సూచించారు. మండలంలోని సూరారం శివారులోని గంగకత్వ ప్రాజెక్టు, కాలువ ఆధునీకరణకు రూ.37 కోట్లు మంజూరైన నేపథ్యంలో బుధవారం ఆయన గంగకత్వ ప్రాజెక్ట్‌ కాలువను పరిశీలించారు. అనంతరం సాగునీటి శాఖ అధికారులు, ఆయకట్టు గ్రామాల రైతులు, స్థానిక నాయకులతో సమీక్ష నిర్వహించారు. ఈ సందర్భంగా ఆయన మాట్లాడుతూ...గంగకత్వ కాలువ పరిధిలోని 11 గ్రామాల్లో 3,300 ఎకరాల ఆయకట్టుకు సాగునీరు అందించే అవకాశం ఉందన్నారు. సదాశివపేట మండలంలో సుమారు 16 కిలోమీటర్ల మేర విస్తరించిన కాలువకు 28 చెరువులు అనుసంధానమై ఉన్నాయని చెప్పారు. కాలువను ఆధునీకరించి, చివరి ఆయకట్టు వరకు నీరందించడమే లక్ష్యమని పేర్కొన్నారు. రూ.37 కోట్లు మంజూరు చేస్తూ ఉత్తర్వులు జారీ చేసిన మంత్రి ఉత్తమ్‌కుమార్‌రెడ్డికి కృతజ్ఞతలు తెలిపారు. గంగకత్వ ఆధునీకరణకు అదనంగా వాగుపై ఏడు చోట్ల చెక్‌డ్యామ్‌ల నిర్మాణానికి ప్రతిపాదనలు సిద్ధమవుతున్నాయని తెలిపారు. దీపావళి తర్వాత శంకుస్థాపన జరిగేలా చూస్తామని జగ్గారెడ్డి తెలిపారు.డిసెంబర్‌లోపు టెండర్ల ప్రక్రియ పూర్తయ్యేలా చర్యలు తీసుకోవాలని అధికారులకు సూచించారు. కార్యక్రమంలో సీడీసీ చైర్మన్‌ రాంరెడ్డి, ఇరిగేషన్‌ అధికారులు, ప్రజాప్రతినిధులు, నాయకులు తదితరులు పాల్గొన్నారు.

ఎల్‌నినో ప్రభావం యాసంగి సాగుకు గుదిబండగా మారింది. వర్షాభావ పరిస్థితుల కారణంగా భూమిలో తేమ లేక పోవడంతో యాసంగిలో సాగు కావాల్సిన శనగ, తెల్లకుసుమ, జొన్న, మొక్కజొన్న పంటలు సాగుకు నోచుకోలేకపోతున్నాయి. దీంతో యాసంగి పంటలపై ఆశలు సన్నగిల్లినట్లేనని తెలుస్తోంది. – జహీరాబాద్‌ సంగారెడ్డి జిల్లాలో కోహీర్‌, జహీరాబాద్‌ మండలాలను తీవ్ర కరువు మండలాలుగా ప్రభుత్వం ప్రకటించింది. 28 మండలాలను కరువు మండలాలుగా ప్రకటించగా, కోహీర్‌, జహీరాబాద్‌ మండలాలు తీవ్ర కరువు మండలాల జాబితాలో చేర్చింది. మిగతా మడలాలను మోడరేట్‌గా ప్రకటించింది. ఈ ఏడాది జిల్లాలో సాధారణ వర్షపాతం కూడా నమోదు కాలేదు. దీంతో వర్షాలకు వాగుల్లో నీరు ప్రవహించలేదు. చెరువుల్లోకి నీరు చేరలేదు. భూమిలో తగినంత తేమ శాతం కూడా లేదు. జిల్లాలో సాధారణ వర్షపాతం 683.4 మి.మీ కాగా, కురిసింది మాత్రం 562.3 మి.మీ నమోదైంది. 17.7 లోటు వర్షం పడింది. కోహీర్‌ మండలంలో సాధారణ వర్షపాతం 684.2 మి.మీ కాగా కురిసింది మాత్రం 398.9 మి.మీ. 41.7 మి.మీ లోటు వర్షపాతం నమోదైంది. జహీరాబాద్‌ మండలంలో సాధారణ వర్షపాతం 764.4 మి.మీ కాగా, 339.1 మి.మీ మాత్రమే వర్షం కురిసింది. దీంతో 55.6 మి.మీ లోటు వర్ష పాతం నమోదైంది. సన్నగిల్లిన ఆశలు జహీరాబాద్‌ డివిజన్‌ పరిధిలో రైతులు యాసంగిలో అధికంగా శనగ, తెల్లకుసుమ, జొన్న పంటలను సాగు చేస్తారు. అయితే భూమిలో తగినంత తేమ లేక పోవడంతో రైతులు యాసంగి పంటల సాగుపై ఆశలు వదులుకున్నారు. బావులు, బోర్లలో నీటి వసతులు తగ్గడం, ఎల్‌నినో ప్రభావంతో అధిక ఉష్ణోగ్రతలు ఉండటంతో ఆలుగడ్డ పంటలు 60% మేర పడిపోయాయి. డివిజన్‌ పరిధిలో సుమారు 3వేల ఎకరాల్లో ఆలుగడ్డ పంట సాగయ్యేది. ప్రస్తుతం 900 ఎకరాలు కూడా సాగుకాన్నట్లు అంచనా. విక్రయం నిమిత్తం విత్తనం వ్యాపారులు ఆగ్రా నుంచి విత్తనం తెచ్చారు. రైతుల వైపు నుంచి డిమాండ్‌ లేకపోవడంతో తెచ్చిన విత్తనాన్ని తిరిగి వెనక్కి పంపే పరిస్థితి ఏర్పడిందని వ్యాపారులు ఆందోళన చెందుతున్నారు. విత్తినా మొలకెత్తని పంటలు కోహీర్‌ మండలంలో రైతులు యాసంగి కింద కొందరు శనగ, తెల్లకుసుమ విత్తనాలు వేశారు. 10 శాతం కూడా విత్తనం మొలకెత్తలేదని రైతులు ఆందోళన చెందుతున్నారు. భూమిలో తేమ లేనందునే మొలకెత్తలేదంటున్నారు. అర్నబ్‌ తుపాన్‌ అయినా వస్తుందనే ఆశలు పెట్టుకున్నా అది కూడా కనికరించక రైతులను నిరాశపర్చింది. వర్షాకాలం పంటలు అంతంతే వర్షాకాలంలో సాగు చేసిన పలు పంటలు ఆశాజనకంగా లేకుండా పోయాయి. అవసరం మేరకు వర్షాలు లేక పోవడంతో పత్తి, మొక్కజొన్న, కంది, సోయాబీన్‌ పంటలు దెబ్బతిన్నాయి. ఇప్పటికే పత్తి పంట ఎండిపోతున్నాయి. కంది పంట సైతం ఎండిపోయి పూతరాని పరిస్థితి ఏర్పడింది. మొక్కజొన్న పంటల దిగుబడులు పడిపోయాయి. దీంతో రైతులు పెట్టిన పెట్టుబడులు తిరిగిరాక అప్పుల పాలయ్యారు.

సిద్దిపేటరూరల్‌: విద్యార్థులు గుడ్‌టచ్‌ బ్యాడ్‌టచ్‌, బాలల హక్కులు, చట్టాలపై అవగాహన కలిగి ఉండాలని జిల్లా న్యాయసేవాధికార సంస్థ కార్యదర్శి సౌజన్య విద్యార్థులకు సూచించారు. బుధవారం మండల పరిధిలోని ఇర్కోడ్‌ ఆదర్శ పాఠశాలలో సురక్షిత్‌ బచ్‌పన్‌ అభియాన్‌ కార్యక్రమానికి ఆమె ముఖ్య అతిథిగా హాజరై మాట్లాడారు. ఎవరైనా అనుచితంగా ప్రవర్తిస్తే భయపడకుండా తల్లిదండ్రులకు, ఉపాధ్యాయులు, నమ్మకమైన వ్యక్తులకు చెప్పాలన్నారు. బాలల భద్రత ప్రతీ ఒక్కరి బాధ్యతని అన్నారు. కార్యక్రమంలో పిన్సిపాల్‌ రవీందర్‌గౌడ్‌, మానసిక వైద్యులు స్వర్ణకుమారి, ఉపాధ్యాయులు తదితరులు పాల్గొన్నారు. సిద్దిపేటకమాన్‌: మద్యం తాగి వాహనాలు నడుపుతూ పట్టుబడిన వాహనదారులకు సిద్దిపేట కోర్టు జైలు శిక్ష విధించింది. సిద్దిపేట టూటౌన్‌ సీఐ మురళి కథనం ప్రకారం.. పట్టణంలోని నర్సాపూర్‌ రోడ్డులో తమ సిబ్బందితో కలిసి నిర్వహించిన వాహన తనిఖీల్లో ఇద్దరు మద్యం తాగి వాహనాలు నడుపుతూ పట్టుబడ్డారు. వారిని సిద్దిపేట కోర్టులో హాజరుపర్చగా బుధవారం విచారణ జరిపిన న్యాయమూర్తి ఇద్దరికి ఐదు రోజుల జైలు శిక్ష విధించినట్లు సీఐ తెలిపారు. మద్యం తాగి వాహనాలు నడపకూడదని, రోడ్డు ప్రమాదాల నివారణకు ప్రతిరోజు వాహనాల తనిఖీ నిర్వహిస్తున్నట్లు సీఐ తెలిపారు. పటాన్‌చెరు టౌన్‌: డ్రంకెన్‌ డ్రైవ్‌లో పట్టుబడ్డ వాహనదారులకు సంగారెడ్డి జిల్లా కోర్టు జరిమానా విధించినట్లు ట్రాఫిక్‌ సీఐ ప్రసాద్‌ రావు తెలిపారు. మంగళవారం రాత్రి నిర్వహించిన తనిఖీల్లో మద్యం తాగి వాహనాలు నడుపుతూ 11 మంది పట్టుబడ్డారని తెలిపారు. పట్టుబడిన వాహనదారులను బుధవారం సంగారెడ్డి కోర్టులో హాజరు పరచగా, న్యాయమూర్తి అందులోని ఆరుగురికి కలిపి రూ. 14,000 జరిమానా విధించినట్లు సీఐ వివరించారు. మద్యం తాగి వాహనాలు నడిపితే కఠిన చర్యలు తప్పవని వాహనదారులను హెచ్చరించారు. రామాయంపేట (మెదక్‌): మండలంలోని ఆర్‌. వెంకటాపూర్‌ గ్రామానికి చెందిన శివ్వాయపల్లి నరేశ్‌ (35) బుధవారం ఆత్మహత్యకు పాల్పడ్డాడు. ప్లంబర్‌గా పని చేస్తున్న నరేశ్‌కు భార్య, కుమారుడు ఉన్నారు. భార్య నార్లాపూర్‌లోని పుట్టింటికి వెళ్లిన సమయంలో గ్రామ శివారులోని అటవీ ప్రాంతంలో చెట్టుకు ఉరివేసుకుని ఆత్మహత్య చేసుకున్నాడు. ఆర్థిక ఇబ్బందులే కారణమని గ్రామస్తులు తెలిపారు. గ్రామ సర్పంచ్‌ ఉమ మృతుడి కుటుంబాన్ని పరామర్శించి రూ.10 వేల ఆర్థిక సాయం అందజేశారు. పోలీసులు కేసు దర్యాప్తు చేస్తున్నారు. కడుపునొప్పితో.. నర్సాపూర్‌ రూరల్‌: పట్టణానికి చెందిన సూరారం రమేశ్‌(40) దీర్ఘకాలిక కడుపునొప్పితో బాధపడుతూ మంగళవారం రాత్రి ఆత్మహత్యకు పాల్పడ్డాడు. పోలీసుల వివరాల ప్రకారం.. రమేశ్‌ గత నాలుగేళ్లుగా కడుపునొప్పితో బాధపడుతూ పలు ఆస్పత్రుల్లో చికిత్స తీసుకున్నప్పటికీ ఉపశమనం లభించలేదు. దీంతో మనస్తాపానికి గురై ఇంట్లోని ఓ గదిలో ఉరివేసుకొని మృతి చెందాడు. రమేశ్‌ మహ్మదాబాద్‌ గిరిజన ఆశ్రమ పాఠశాలలో తాత్కాలిక ఉపాధ్యాయుడిగా పనిచేస్తూ కుటుంబాన్ని పోషించేవాడు. ఆయనకు భార్య సుష్మ, కుమారుడు సాయి (10), కుమార్తె వర్ణిక (8) ఉన్నారు. కుటుంబ సభ్యుల ఫిర్యాదు మేరకు కేసు నమోదు చేసి దర్యాప్తు చేస్తున్నట్లు పోలీసులు తెలిపారు. ఆర్థిక ఇబ్బందులతో..నిజాంపేట(మెదక్‌): ఆర్థిక ఇబ్బందులతో మద్యానికి బానిసై ఓ వ్యక్తి ఆత్మహత్య చేసుకున్న సంఘటన నిజాంపేట మండల పరిధిలోని నార్లాపూర్‌ గ్రామంలో చోటు చేసుకుంది. పోలీసుల కథనం ప్రకారం.. నార్లాపూర్‌ గ్రామానికి చెందిన కాశమైన నర్సింలు (45), కూలి పనులు చేసుకుంటూ జీవనం కొనసాగిస్తున్నాడు. కుటుంబ అవసరాల నిమిత్తం డ్వాక్రా గ్రూపులో తీసుకున్న అప్పును వారం, నెలవారీగా చెల్లించాల్సి ఉండగా, ఆ డబ్బులు సరిగ్గా కట్టలేకపోయాడు. భార్య యాదమ్మ, పెద్ద కూతురు స్నేహతో కలిసి సిద్దిపేటలో ఉంటూ కూలి పనులు చేసుకుంటున్నారు. భార్య యాదమ్మ అనారోగ్యం, డ్వాక్రా డబ్బులు కట్టలేకపోవడంతో మనస్తాపం చెంది నర్సింలు మద్యానికి బానిసయ్యాడు. ఈ క్రమంలో మంగళవారం రాత్రి ఇంట్లో ఉరివేసుకొని ఆత్మహత్య చేసుకున్నాడు.ఈ విషయమై మృతుడి భార్య యాదమ్మ ఇచ్చిన ఫిర్యాదు మేరకు పోలీసులు కేసు నమోదు చేసి దర్యాప్తు చేస్తున్నారు. పోస్టుమార్టం నిమిత్తం మృతదేహాన్ని రామాయంపేట ప్రభుత్వ ఆసుపత్రికి తరలించారు.

సిద్దిపేటరూరల్‌: బండచెర్లపల్లికి చెందిన ఓ వ్యక్తి ఇంటి నిర్మాణం అనుమతి గురించి గోడు వెల్లబోసుకుంటున్న క్రమంలో రూరల్‌ మండల తహసీల్దార్‌ దుర్భాషలాడుతూ దురుసుగా మాట్లాడిన ఘటన బుధవారం చోటుచేసుకుంది. వివరాల్లోకి వెళితే బండచెర్లపల్లికి చెందిన రంజిత్‌ కుమార్‌ తన ఇంటి నిర్మాణానికి సంబంధించిన విషయమై గ్రామానికి వచ్చిన తహసీల్దార్‌ రెహమన్‌ను కలిశారు. ఇల్లుకట్టుకునేందుకు అనుమతి ఇవ్వడం లేదని అడగ్గా.. అసహనం వ్యక్తం చేసిన తహసీల్దార్‌ దురుసుగా సమాధానం ఇవ్వడంతో సంభాషణ ఉద్రిక్తంగా మారింది. ప్రజలకు గౌరవంగా సమాధానం ఇవ్వాల్సిన అధికారి ఇలా దురుసుగా వ్యవహరించడం ఎంతవరకు సమంజసమని విచారం వ్యక్తం చేస్తున్నారు. ఈ మేరకు తహసీల్దార్‌ను ‘సాక్షి’ వివరణ కోరగా తన వద్ద ఉన్న సమాచారం మేరకు ప్రభుత్వ భూమిలో అనుమతులు ఇవ్వరాదని రంజిత్‌కు తెలిపానని, వారి వద్ద ఉన్న పట్టాపత్రాలను చూపాలని చెప్పినా చూపడం లేదన్నారు. ఊతపదం మాదిరిగానే మాట్లాడాను కాని ఎలాంటి దురుద్ధేశంతో మాట్లాడలేని వివరణ ఇచ్చారు. ఉన్నతాధికారులు చర్యలు తీసుకోవాలి: బాధితుడు

న్యాల్‌కల్‌(జహీరాబాద్‌): మండలంలోని పలు పాఠశాలలకు చెందిన ముగ్గురు బాలికలు కబడ్డీ పోటీల్లో ప్రతిభ కనబర్చి రాష్ట్రస్థాయికి ఎంపిక కాగా, తాజాగా మరో ముగ్గురు బాలురు రాష్ట్రస్థాయి పోటీలకు ఎంపికయ్యారు. సంగారెడ్డిలోని అంబేడ్కర్‌ స్టేడియంలో స్కూల్‌ గేమ్స్‌ ఫెడరేషన్‌ ఆధ్వర్యంలో అండర్‌ 14 బాలికల విభాగంలో కబడ్డీ పోటీల్లో న్యాల్‌కల్‌లోని ఆయా పాఠశాలలకు చెందిన ముగ్గురు బాలికలు ఎంపికై న విషయం తెలిసిందే. మంగళవారం నిర్వహించిన అండర్‌ 17 బాలుర విభాగంలో న్యాల్‌కల్‌ జెడ్పీహెచ్‌ఎస్‌కు చెందిన గణేశ్‌, మెటల్‌కుంట జెడ్పీహెచ్‌ఎస్‌కు చెందిన ప్రదీప్‌, నవీన్‌ కబడ్డీ పోటీల్లో ప్రతిభ కనబరిచి రాష్ట్రస్థాయికి ఎంపికై నట్లు ఆయా పాఠశాలల పీడీ, పీఈటీలు తెలిపారు. మండలం నుంచి ఆరుగురు విద్యార్థులు రాష్ట్రస్థాయి క్రీడా పోటీలకు ఎంపిక కావడం పట్ల ఆయా పాఠశాలల హెచ్‌ఎంలు, ఉపాధ్యాయులు వారిని అభినందించారు.

కొండపాక(గజ్వేల్‌): ఇంటి తాళాలు పగులగొట్టి బీరువాలో నుంచి గుర్తుతెలియని వ్యక్తులు బంగారు ఆభరణాలు ఎత్తుకెళ్లారు. ఈసంఘటన మండలంలోని తిమ్మారెడ్డిపల్లిలో బుధవారం చోటు చేసుకుంది. గ్రామానికి చెందిన గౌరాయిపల్లి రాజు డీసీఎం డ్రైవర్‌గా పని చేస్తున్నారు. మంగళవారం వృత్తి రీత్యా బయటకు వెళ్లగా, భార్య లక్ష్మి హైదారాబాద్‌లో ఉంటున్న కొడుకు వద్దకు వెళ్లింది. పని ముగించుకొని రాజు బుధవారం ఇంటికి వచ్చే సరికి ఇంటి తాళాలు పగులగొట్టి ఉన్నాయి. ఇంట్లోకి వెళ్లి చూడగా బీరువాలోంచి రూ. 30 వేల నగదుతో పాటు సుమారు రెండు తులాల బంగారు ఆభరణాలు అపహరణకు గురయ్యాయి. వీటి విలువ సుమారు రూ. 3 లక్షల పైచిలుకు ఉంటుందన్నారు. ఈవిషయమై కుకునూరుపల్లి పోలీస్టేషన్‌లో ఫిర్యాదు చేసినట్లు బాధితుడు తెలిపాడు. ఎస్సై బాలకృష్ణ ఘటనా స్థలికి చేరుకొని పరిశీలించారు. క్లూస్‌ టీంను రప్పించి వేలిముద్రలు తదితర ఆధారాలను సేకరించారు. విచారణ వేగవంతం చేసి త్వరలోనే దొంగలను పట్టుకుంటామన్నారు.రూ.30 వేల నగదు, బంగారు ఆభరణాల అపహరణ

● పోలీసులకు సవాలుగా మారిన దొంగతనాలు ● మరమ్మతులకు నోచుకొని సీసీ కెమెరాలు సంగారెడ్డి క్రైమ్‌: జిల్లా కేంద్రమైన సంగారెడ్డిలో దొంగతనాలు రోజు రోజుకి పెరిగిపోతున్నాయి. వరుస దొంగతనాలు పోలీసులకు సవాలుగా మారాయి. ప్రజలు సైతం తీవ్ర భయాందోళనకు గురవుతున్నారు. సంగారెడ్డి పట్టణంలోని కల్వకుంట కాలనీలో ఒకేరోజు మూడో ఇళ్లల్లో చోరీ జరిగింది. తాళం వేసిన మూడు ఇళ్లల్లో దొంగలు పడ్డారు. ఇలా వరుస దొంగతనాలు పట్టణ వాసులకు భయాందోళనకు గురవుతున్నారు. ఎప్పుడు ఎక్కడ దొంగతనాలు జరుగుతాయోనన్న భయంతో ప్రజలు వణికి పోతున్నారు. పగలు రెక్కి నిర్వహించి రాత్రి వేళల్లో చోరీకి పాల్పడుతున్నారు. అభివృద్ధి చెందుతున్న సాంకేతిక పరిజ్ఞానంతో దొంగలపై పోలీసులు నీఘూ పెడుతున్నా చోరీలు మాత్రం ఆగడటంలేదు. కాగా ఆయా కాలనీలో సీసీ కెమెరాలు మరమ్మతులకు నోచుకోకపోవడం కూడా దొంగలకు వరంలా మారాయి. నెల వ్యవధిలోనే.. ప్రధాన ఇళ్లను లక్ష్యంగా చేసుకొని దొంగలు చెలరేగిపోతున్నారు. నెల వ్యవధిలో జిల్లాలో ఐదు నుంచి ఆరు చోట్ల చోరీలు జరుగుతున్నాయంటే పరిస్థితి అర్థం చేసుకోవచ్చు. ఇటీవల కాలంలో ప్రధాన రహదారి పక్కన ఉన్న ఇంట్లో చోరికి పాల్పడటం స్థానికుల్లో కలవరం రేపుతోంది. కేవలం కేసులు నమోదు తప్ప రికవరీపై పోలీసులు దృష్టి సాధించడం లేదని ప్రజలు, బాధితులు వాపోతున్నారు. ఇటీవల జరిగిన ఘటనలు ● ఈ నెల 17న పట్టణంలోని కల్వకుంట కాలనీలో తాళం వేసిన ఇంట్లో రూ.5 లక్షల విలువైన ఆభరణాలతో పాటు స్మార్ట్‌ ఫోన్లను దుండగులు దోచుకెళ్లారు. ● ఈ నెల 6న న్యాల్‌కల్‌ మండలం కలేబేమల్‌ గ్రామంలో దుండగులు ఇంట్లో చోరబడి సుమారు రూ. లక్షన్నర నగదు, అర తులం బంగారు ఆభరణాన్ని ఎత్తుకెళ్లారు. ● ఈ నెల 5న కంది మండలం స్థానిక జామ్‌జామ్‌ దాబా ఆవరణలో ఇంటి ముందు పార్కు చేసిన ద్విచక్ర వాహనాన్ని గుర్తుతెలియని వ్యక్తులు ఎత్తుకెళ్లారు. పెరిగిన క్రైౖమ్‌ రేటు.. మరోవైపు అపార్ట్‌మెంట్లలోకి, ఇంట్లోకి చొరబడి బంగారు ఆభరణాలు, లక్షల రూపాయలు నగదు దోచుకెళ్తున్న ఘటనలు సైతం పెరుగుతున్నాయి. నెల రోజుల వ్యవధిలో పట్టణంలో ఒకే చోట జరిగిన మూడు చోరీ ఘటనలు నేటికీ మిస్టరీగానే ఉన్నాయి. పోలీసులు బందోబస్తు పేరుతో వీధుల్లో పెట్రోలింగ్‌ విస్మరిస్తుండటంతో దొంగలు పక్కగా రెక్కి నిర్వహించి, చోరీలకు పాల్పడుతున్నారని ప్రజలు ఆరోపిస్తున్నారు. ఉన్నతాధికారులు దృష్టి సారించి, చోరీలకు కళ్లెం వేయాల్సిన అవసరం ఉందని ప్రజలు అంటున్నారు. పనిచేయని సీసీ కెమెరాలు ప్రజల భద్రత, నేరాల నియంత్రణ, చోరీలను అరికట్టేందుకు పోలీస్‌ శాఖ ఆధ్వర్యంలో ప్రధాన రహదారి వెంబడి దాదాపు 100 సీసీ కెమెరాలు ఏర్పాటు చేశారు. అయితే ఐదు నెలలుగా కెమెరాలకు సంబంధించిన వైర్లు తెగిపోవడం, సీసీ కెమెరాలు దెబ్బతినడంతో పనిచేయడం లేదు. రాత్రి వేళల్లో పోలీసులు నీఘా గట్టిగా ఉంటే చోరీలను అరికట్టే అవకాశం ఉంది. అలాగే ప్రధాన రహదారుల్లోని సీసీ కెమెరాలకు మరమ్మతులు చేపట్టి నీఘా పెంచాలని ప్రజలు కోరుతున్నారు. దర్యాప్తు ముమ్మరం చేస్తున్నాం ప్రధాన రహదారుల్లో గస్తీ ముమ్మరం చేశాం. పట్టణంలో వరుస చోరీల నేపథ్యంలో నిందితుల కోసం ప్రత్యేక బృందాలను ఏర్పాటు చేసి, గాలింపు చర్యలు చేపట్టాం. త్వరలోనే నిందితులను అరెస్ట్‌ చేసి బాధితులకు న్యాయం చేసేలా చూస్తాం. – రామునాయుడు, పట్టణ సీఐ

జహీరాబాద్‌ టౌన్‌: చెరకు పంట పండించే రైతుల జీవితాల్లో కష్టాలు చేదు మిగులుస్తున్నాయి. ఒకవైపు వర్షాభావం, మరోవైపు బలమైన ఈదురుగాలులు, అడవి పందుల దాడితో చెరకు రైతులు కోలుకోలేని దెబ్బతింటున్నారు. వర్షాలు లేక పంట ఎదుగుదల దెబ్బతింటే.. ఇటీవల వీచిన గాలులకు ఎకరాలకు ఎకరాలు చెరకు నేలకొరిగింది. ఇలా పడిపోయిన పంటను కాపాడుకునేందుకు ’జుడి’ కట్టించేందుకు ఎకరానికి రూ.6 వేల వరకు అదనపు భారం పడుతోందని రైతులు ఆవేదన వ్యక్తం చేస్తున్నారు. దీనికి తోడు రాత్రి వేళల్లో గుంపులుగా వస్తున్న అడవి పందులు చెరకు గడలను నమిలి ధ్వంసం చేస్తున్నాయి. అలాగే కూలీల కొరతతో అప్పులు చేసి మరీ పంటను కాపాడుకోవాల్సి వస్తోందని వాపోతున్నారు. తీవ్ర నష్టాల్లో ఉన్న తమను ఆదుకునేందుకు ప్రభుత్వాలు స్పందించి చెరకుకు మద్దతు ధరతో పాటు టన్నుకు రూ.500 బోనస్‌ ప్రకటించాలని డిమాండ్‌ చేస్తున్నారు.

నంగునూరు(సిద్దిపేట): విద్యార్థి దశలో తీసుకున్న నిర్ణయం జీవిత కాలాన్ని ప్రభావితం చేస్తుందని తెలంగాణ ఎస్సీ స్టడీ సర్కిల్‌ డైరెక్టర్‌, మోటివేషన్‌ స్పీకర్‌ డాక్టర్‌ శ్రీకాంత్‌, ఇంపాక్ట్‌ ఆర్గనైజేషన్‌ స్పీకర్‌ శ్రీనివాస్‌ అన్నారు. అక్కేనపల్లి మాడల్‌స్కూల్‌లో బుధవారం విద్యార్థులకు వ్యక్తిత్వ వికాసం, నైతిక విలువలు, సైబర్‌ నేరాలు, మోబైల్‌ ఫోన్‌ వినియోగంపై మోటివేషన్‌ కార్యక్రమం నిర్వహించారు. నైతిక విలువలు పాటిస్తూ భవిషత్తులో ఎదురయ్యే సమస్యలను ధైర్యంగా ఎదుర్కోవాలన్నారు. చదువుకునే వయసులో మోబైల్‌ ఫోన్‌కు బానీసలు కాకుండా విజ్ఞానాన్ని తెలియజేసే కార్యక్రమాల కోసం వినియోగించాలని సూచించారు. కార్యక్రమంలో ప్రిన్సిపల్‌ జానయ్య, అధ్యాపకులు శ్రీనివాస్‌, రజని, రవీందర్‌రెడ్డి, ప్రభాకర్‌, సుధాకర్‌, నర్సయ్య, నరేశ్‌ తదితరులు పాల్గొన్నారు.

సిద్దిపేటరూరల్‌: కేంద్ర దత్తత ప్రాధికారిత సంస్థ ద్వారా అందిస్తున్న దత్తత ప్రక్రియను వేగవంతం చేయాలని సంస్థ జూనియర్‌ ప్రొఫెషనల్‌ లివియా మరియంపాల్‌ అన్నారు. బుధవారం కలెక్టరేట్‌లో మహిళా అభివృద్ధి, శిశు సంక్షేమ శాఖ ఆధ్వర్యంలో దత్తత ప్రక్రియకు సంబంధించి జిల్లాల వారీగా సమీక్ష నిర్వహించారు. ఈసందర్భంగా దత్తతకు సంబంధించిన కేసుల ప్రస్తుత స్థితి, పెండింగ్‌ కేసులు, వాటి పరిష్కారానికి తీసుకోవాల్సిన చర్యల గురించి అడిగి తెలుసుకున్నారు. ముఖ్యంగా చైల్డ్‌ కేర్‌ ఇన్‌స్టిట్యూట్‌లో సంరక్షణ పొందుతున్న పిల్లల్లో చట్టపరమైన దత్తత ప్రక్రియను వేగవంతం చేయాలన్నారు. సమావేశంలో సిద్దిపేట, సూర్యాపేట, వరంగల్‌, జనగామ, యాదాద్రి భువనగిరి జిల్లాలకు చెందిన సంబంధిత శాఖల అధికారులు, ప్రతినిధులు పాల్గొన్నారు.

సంగారెడ్డి: ఎల్‌నినో ప్రభావంతో వర్షాభావ పరిస్థితులనెదుర్కొంటున్నామని ఫలితంగా తాగునీటికి ఇబ్బందులు తప్పవని నీటిని పొదుపుగా వాడుకోవాలని ప్రభుత్వ యంత్రాంగం ప్రచారంతో ఊదరగొడుతోంది. మరోవైపు రోడ్లపై పైప్‌లైన్లు పగిలి విలువైన నీరు వృథాగా పారుతున్నా అధికారులు మాత్రం పట్టించుకోవడంలేదు. పట్టణంలోని భవాని మందిర్‌ వెనుక రోడ్డుపై తాగునీటి పైప్‌లైన్‌పగిలి ఇదిగో ఇలా వృథాగా పోతోంది. ప్రస్తుత కరువు పరిస్థితుల్లో ప్రతీ నీటి చుక్కను పొదుపుగా వినియోగించుకోవాల్సిన అవసరం ఉన్నప్పటికీ, ఇలా వృథా అవుతుండటంపై స్థానికులు ఆవేదన వ్యక్తం చేస్తున్నారు. ఇప్పటికే కొన్ని ప్రాంతాల్లో తాగునీటి కోసం ప్రజలు ఇబ్బందులు పడుతూ ట్యాంకర్లపై ఆధారపడుతున్న సంగతి తెలిసిందే. అధికారులు తక్షణమే స్పందించి పగిలిన పైప్‌లైన్‌కు మరమ్మతులు చేపట్టాలని, నీటి వథాను అరికట్టి తాగునీటిని పొదుపుగా వినియోగించేలా చర్యలు తీసుకోవాలని స్థానికులు కోరుతున్నారు.

25 మందికి సర్టిఫికెట్ల ప్రదానం జహీరాబాద్‌ టౌన్‌: ఎన్‌ఎస్‌ఎస్‌, రెడ్‌ క్రాస్‌ సొసైటీల ఆధ్వర్యంలో బుధవారం ఉస్మానియా యూనివర్శటీలో ‘నషా ముక్తి భారత్‌’కార్యక్రమాన్ని నిర్వహించారు. పట్టణంలోని ఆచార్య డిగ్రీ కళాశాల ప్రిన్సిపాల్‌ డాక్టర్‌ చింతల హరికుమార్‌ ఆధ్వర్యంలో 25 మంది ఎన్‌ఎస్‌ఎస్‌ వలంటీర్లు ఈ కార్యక్రమంలో పాల్గొన్నారు. ఈ సందర్భంగా వీరంతా రక్తదానం చేయగా ఈ కార్యక్రమానికి హాజరైన రాష్ట్ర గవర్నర్‌ శివప్రతాప్‌శుక్లా వారిని అభినందించి ప్రశంసాపత్రాలను (సర్టిఫికెట్ల) అందజేశారు. ఓయూ వైస్‌ ఛాన్సలర్‌ కుమార్‌, ఎన్‌ఎన్‌ఎస్‌ కో ఆర్డినేటర్‌ డాక్టర్‌ చలమల వెంకటేశ్వర్లు కూడా వలంటీర్ల సేవా నిరతిని కొనియాడారు. చట్టాలపై విద్యార్థులకు అవగాహన ఉండాలిసంగారెడ్డి టౌన్‌: విద్యార్థులకు చట్టాలపై అవగాహన కలిగి ఉండాలని న్యాయమూర్తి ధనలక్ష్మి పేర్కొన్నారు. సురక్షిత బచ్చన్‌ అభియాన్‌ కార్యక్రమంలో భాగంగా బుధవారం పలు పాఠశాలలో న్యాయ అవగాహన కార్యక్రమా న్ని నిర్వహించారు. ఈ సందర్భంగా ఆమె మాట్లాడుతూ.. విద్యార్థులకు బాలల హక్కు లు, వ్యక్తిగత భద్రతకు సంబంధించిన చట్టాలపై విద్యార్థులకు అవగాహన కల్పించారు. కార్యక్రమంలో ఉపాధ్యాయులు విద్యార్థులు తదితరులు పాల్గొన్నారు. దళారులను నమ్మి రైతులు మోసపోవద్దుఆత్మ కమిటీ చైర్మన్‌ మల్లారెడ్డి సంగారెడ్డి: రైతులు దళారులను నమ్మి మోసపోవద్దని, ప్రభుత్వం ఏర్పాటు చేసిన ధాన్యం కొనుగోలు కేంద్రాలను సద్వినియోగం చేసుకోవాలని ఆత్మ కమిటీ చైర్మన్‌ మల్లారెడ్డి సూచించారు. చౌటకూర్‌ వెండికోల్‌ గ్రామంలో ఐకేపీ ఆధ్వర్యంలో బుధవారం ఏర్పాటు చేసిన వరి ధాన్యం కొనుగోలు కేంద్రాన్ని ఆయన ప్రారంభించారు. ఈ సందర్భంగా మల్లారెడ్డి మాట్లాడుతూ.. రైతులు పండించిన ధాన్యాన్ని కొనుగోలు కేంద్రాలకు తీసుకువచ్చి, ప్రభుత్వ నిబంధనల ప్రకారం విక్రయించుకోవాలని సూచించారు. దళారుల మాటలు నమ్మి రైతులు నష్టపోకూడదని, ధాన్యం విక్రయాల విషయంలో అప్రమత్తంగా ఉండాలని అన్నారు. కార్యక్రమంలో కాంగ్రెస్‌ పార్టీ అధ్యక్షుడు గణేశ్‌, సర్పంచ్‌ మల్లారెడ్డి, పలువురు సర్పంచులు పాల్గొన్నారు. వ్యాధుల నివారణకు ఉమ్మడి కృషిడాక్టర్‌ ఫర్హాన్‌ అహ్మద్‌ పటాన్‌చెరు: నిర్లక్ష్యానికి గురవుతున్న ఉష్ణ మండల వ్యాధుల నివారణకు శాస్త్రవేత్తలు, విధాన రూపకర్తలు, సామాజిక పరిశోధకులు సమన్వయంతో పనిచేయాలని గీతం స్కూల్‌ ఆఫ్‌ సైన్స్‌ అసిస్టెంట్‌ ప్రొఫెసర్‌ డాక్టర్‌ ఫర్హాన్‌ అహ్మద్‌ పేర్కొన్నారు. గీతం స్కూల్‌ ఆఫ్‌ హ్యు మానిటీస్‌ అండ్‌ సోషల్‌ సైన్సెస్‌ సంస్థాగత పరిశోధన కమిటీ ఆధ్వర్యంలో బుధవారం ఎనిమి దో పరిశోధన సదస్సు నిర్వహించారు. ‘వేడెక్కుతున్న ప్రపంచం కోసం టీకాల రూపకల్ప న.. డెంగీపై పోరాటంలో విజ్ఞానం, సమానత్వం, విధానం’అనే అంశంపై డాక్టర్‌ అహ్మద్‌ ప్రసంగించారు. వాతావరణ మార్పులు, పర్యావరణ పరిస్థితులు డెంగీ వ్యాప్తిపై చూపుతున్న ప్రభావాన్ని వివరించారు. తమ పరిశోధనల ద్వారా టీకాల భద్రత, సమర్థతకు సంబంధించిన సవాళ్లను అధిగమించే అవకాశాలున్నా యని పేర్కొన్నారు. కార్యక్రమంలో అధ్యాపకులు పాల్గొని పలు సందేహాలను నివృతి చేసుకున్నారు.

సీఐటీయూ మానిక్‌ పటాన్‌చెరు టౌన్‌: పాశమైలారం పారిశ్రామికవాడలోని మైలాన్‌ పరిశ్రమలో పనిచేస్తున్న కార్మికులపై యాజమాన్యం వేధింపులకు పాల్పడుతూ తీవ్ర ఇబ్బందులకు గురి చేస్తున్నారని సీఐటీయూ రాష్ట్ర వర్కింగ్‌ కమిటీ సభ్యుడు మానిక్‌ ఆరోపించారు. పాశమైలారం పారిశ్రామిక క్లస్టర్‌ సమావేశంలో బుధవారం ఆయన మాట్లాడుతూ...మైలాన్‌ పరిశ్రమలో పనిచేస్తున్న కార్మికులను యాజమాన్యం వేధింపులకు పాల్పడుతూ కార్మికులను తొలగిస్తూ రోడ్డున పడేస్తుందని మండిపడ్డారు. అనేకమంది కాంట్రాక్ట్‌ కార్మికులు పనిచేస్తున్నప్పటికీ వారికి చట్టం ప్రకారం రావాల్సిన సౌకర్యాలు ఇవ్వడం లేదన్నారు. కార్మికులపై బెదిరింపులకు పాల్పడుతూ వారి పొట్ట కొడుతున్న మైలాన్‌ యాజమాన్యంపై చర్యలు తీసుకోవాలని డిమాండ్‌ చేశారు. సమావేశంలో సీఐటీయూ జిల్లా ఉపాధ్యక్షుడు నాగేశ్వరరావు జిల్లా కమిటీ సభ్యుడు రాజు నాయకులు వెంకటేశ్‌, శ్రీనివాస్‌, దుర్గయ్య తదితరులు పాల్గొన్నారు.

దుబ్బాకటౌన్‌: ఇంటి నిర్మాణం కోసం చేసిన అప్పులు తీర్చే మార్గం లేక మనోవేదనకు గురై పురుగు మందు తాగి యువకుడు చికిత్స పొందుతూ మృతి చెందాడు. ఈ ఘటన రాయపోల్‌ మండలం రాంసాగర్‌లో మంగళవారం రాత్రి చోటు చేసుకుంది. పోలీసుల కథనం ప్రకారం.. గ్రామానికి చెందిన కల్లూరి యాదగిరి(32) సొంత ఇంటిని నిర్మించుకోవడానికి మూడేళ్ల క్రితం వెటరన్‌ ప్రైవేట్‌ ఫైనాన్స్‌లో రూ.5 లక్షలు లోన్‌ తీసుకొని ఇల్లు నిర్మించుకొన్నారు. ఇంటి ఖర్చులు, కాపురం విషయంలో మరింత అప్పు చేశారు. ఇటు అప్పులు వాయిదాల ప్రకారం చెల్లిస్తున్నప్పటికీ గత కొన్ని నెలలుగా ఫైనాన్స్‌ అప్పు తీర్చలేక తరచూ ఇంట్లో బాధపడుతుండేవాడు. ఈనెల 8న రాత్రి మద్యం సేవించి ఇంటికి వచ్చి నిద్రపోయాడు. 9న ఉదయం 4 గంటలకు కడుపులో నొప్పి వస్తుందని చెప్పగా, చికిత్స నిమిత్తం గజ్వేల్‌ ప్రైవేట్‌ ఆస్పత్రికి తరలించారు. అక్కడి నుంచి హైదరాబాద్‌లోని ఓ ప్రైవేట్‌ ఆస్పత్రికి తరలించారు. పరిశీలించిన వైద్యులు గడ్డి మందు తాగినట్లు ధ్రువీకరించారు. అక్కడి నుంచి మెరుగైన వైద్యం కోసం ఈనెల 17న నిమ్స్‌ ఆస్పత్రిలో చేర్పించారు. అక్కడ చికిత్స పొందుతూ మంగళవారం రాత్రి 8 గంటలకు మృతి చెందాడు. మృతుడి భార్య మహేశ్వరి ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఎస్‌ఐ లింగం తెలిపారు. గుర్తు తెలియని వ్యక్తి .. మద్దూరు(హుస్నాబాద్‌): మండలంలోని వల్లంపట్లలో గుర్తు తెలియని వ్యక్తి మృతి చెందినట్లు ఎస్‌ఐ మహ్మద్‌ ఆసీఫ్‌ తెలిపారు. గ్రామంలో ఈనెల 20న ఓ ఇంటి వద్ద 70– 80 ఏళ్ల మధ్య వయసు ఉన్న గుర్తు తెలియని వృద్ధుడు అపస్మారక స్థితిలో పడి ఉన్నారన్నారు. దీనిని గమనించిన గ్రామానికి చెందిన గజ్జెల మహేందర్‌ వెంటనే 108కు ఫోన్‌ చేయగా, వెంటనే అతడిని సిద్దిపేట ప్రభుత్వ ఆస్పత్రికి తరలించినట్లు చెప్పారు. ఈక్రమంలో చికిత్స పొందుతూ వృద్ధుడు బుధవారం మృతి చెందినట్లు తెలిపారు. ఈఘటనపై కేసు నమోదు చేసి దర్యాప్తు చేస్తున్నట్లు తెలిపారు. మృతిచెందిన వృద్ధుడి వివరాలు తెలిస్తే 8712667357, 8712667474 నంబర్లలో సంప్రదించాలన్నారు.ఆర్టీసీ డ్రైవర్‌..సిద్దిపేటఅర్బన్‌: ముందు వెళ్తున్న లారీని ఢీకొన్న ఘటనలో గాయపడిన ఆర్టీసీ బస్సు డ్రైవర్‌ చికిత్స పొందుతూ మృతి చెందాడు. త్రీటౌన్‌ సీఐ లక్ష్మీబాబు కథనం ప్రకారం.. మంచిర్యాల డిపోనకు చెందిన ఆర్టీసీ బస్సు మంగళవారం సిద్దిపేట మీదుగా హైదరాబాద్‌ వెళ్తుంది. ఈ క్రమంలో సిద్దిపేట అర్బన్‌ మండలం పొన్నాల రాజీవ్‌ రహాదారి దాబాల వద్దకు అర్ధరాత్రి 2 గంటల సమయంలో చేరుకోగా ముందు వెళ్తున్న లారీ డ్రైవర్‌ ఒక్కసారిగా బ్రేకులు వేశాడు. దీంతో లారీని వెనక నుంచి బస్సు ఢీకొట్టడంతో డ్రైవర్‌ సదాల శ్రీనివాస్‌ (58) ఛాతీ పై తీవ్రగాయాలయ్యాయి. తీవ్రంగా గాయపడిన డ్రైవర్‌ను సిద్దిపేట ప్రభుత్వ ఆస్పత్రికి తరలించారు. ప్రాథమిక చికిత్స అనంతరం మెరుగైన చికిత్స నిమిత్తం వైద్యుల సూచన మేరకు గాంధీ ఆస్పత్రికి తరలించారు. అక్కడ చికిత్స పొందుతూ మృతి చెందాడు. మృతుడి కుమారుడి ఫిర్యాదు మేరకు కేసు నమోదు చేసినట్టు సీఐ తెలిపారు. గుర్తుతెలియని వృద్ధుడు.. రామాయంపేట(మెదక్‌): స్థానిక మున్సిపాలిటీ పరిధిలోని గుల్పర్తి గ్రామ శివారులో సోమవారం తెల్లవారుజామున వరి చేనులో పడి గుర్తు తెలియని వృద్ధుడు మృతి చెందాడు. ఒడ్డు దాటుతున్న క్రమంలో అతడు ప్రమాదవశాత్తు కిందపడి మృతి చెంది ఉంటాడని గ్రామస్తులు, పోలీసులు భావిస్తున్నారు. పోలీసులు కేసు నమోదు చేసి దర్యాప్తు చేస్తున్నారు.

యాసంగిలో రెండు ఎకరాల్లో శనగ, తెల్లకుసుమ పంట విత్తనాలు విత్తుకున్నా. భూమిలో తేమ లేక పోవడంతో మొలకెత్తలేదు. దీంతో పంటలపై ఆశలు వదులుకున్న. ప్రభుత్వం పరిహారం అందించి రైతులను ఆదుకోవాలి. బక్క ప్రవీణ్‌, రైతు–కోహీర్‌ పత్తి పంట దెబ్బతింది వర్షాభావం వల్ల 11 ఎకరాల్లో వేసిన పత్తి పంట దెబ్బతింది. ఎండలకు పత్తి కాయలు నేల రాలుతున్నాయి. పెట్టుబడులు తిరిగి వచ్చే పరిస్థితి లేదు. యాసంగిలో శనగ పంట సాగు కోసం 3 ఎకరాలు భూమిని సిద్ధం చేశాను. భూమిలో తేమ లేక సాగు విరమించుకున్నా. బోగ బస్వరాజ్‌, రైతు–కోహీర్‌

సాక్షిప్రతినిధి, సంగారెడ్డి: ధరణి స్థానంలో భూ భారతి పోర్టల్‌ వచ్చినా రైతుల భూ సమస్యలకు పరిష్కారం లభించడం లేదు. తమ భూ సమస్యను పరిష్కరించాలని సామాన్య రైతులు అధికారుల చుట్టూ నెలల తరబడి తిరుగుతున్నా..రెవెన్యూ అధికారులు పట్టించుకోవడం లేదు. ఇందుకు పెండింగ్‌లో ఉన్న భూ భారతి దరఖాస్తుల సంఖ్యనే నిదర్శనం. పదుల్లో కాదు.. వందల్లో కాదు..ఏకంగా 8,500లకు పైగా భూ భారతి దరఖాస్తులు పెండింగ్‌లో ఉన్నాయంటే ఈ శాఖ అధికారుల అలసత్వం ఏ స్థాయిలో ఉందో అర్థం చేసుకోవచ్చు. జెడ్పీ సమావేశం హాలులో బుధవారం జరిగిన ఉమ్మడి మెదక్‌ జిల్లా సమీక్షలో ఈ భూ భారతి దరఖాస్తుల అంశం ప్రధానంగా చర్చకొచ్చింది. కొండలా పేరుకుపోయిన ఈ పెండింగ్‌ దరఖాస్తులను పరిష్కరించడంలో జరుగుతున్న జాప్యంపై మంత్రి పొంగులేటి తీవ్ర అసహనం వ్యక్తం చేసినట్లు సమాచారం. అధికారుల పనితీరు మార్చుకోకపోతే కఠిన చర్యలు ఉంటాయని కూడా హెచ్చరించారు. తహసీల్దార్ల వద్ద సగానికిపైగా.. జిల్లాలో ప్రస్తుతం భూ భారతి దరఖాస్తులు 8,514 పెండింగ్‌లో ఉన్నాయి. ఇందులో సగానికి పైగా 4,667 దరఖాస్తులు తహసీల్దార్ల వద్దే పెండింగ్‌లో ఉండటం గమనార్హం. ప్రధానంగా పటాన్‌చెరు, రామచంద్రాపురం, సదాశివపేట, సంగారెడ్డి, హత్నూర, జిన్నారం, కొండాపూర్‌, కంది, అమీన్‌పూర్‌ మండలాల్లో ఈ పెండింగ్‌ దరఖాస్తుల సంఖ్య అధికంగా ఉంది. హెచ్‌ఎండీఏ పరిధిలోని ఈ మండలాల్లో అపరిష్కృత దరఖాస్తులు ఎక్కువగా ఉండటం గమనార్హం. ఆర్డీఓలు, అదనపు కలెక్టర్ల లాగిన్‌లలోనూ రెండు వేలకు పైగా దరఖాస్తులు పెండింగ్‌లో ఉన్నట్లు గణాంకాలు చెబుతున్నాయి. నిషేధిత జాబితాలోంచి తమ భూములను తొలగించాలని, సక్సేషన్‌, మ్యూటేషన్‌, ఆర్‌ఓఆర్‌, విస్తీర్ణంలో వ్యత్యాసాలు, సబ్‌డివిజన్‌, నాలా కన్వర్షన్‌లు, పట్టాదారు పాసుపుస్తకాలు రాకపోవడం తదితర భూసమస్యలపై రైతులు ఎక్కువగా భూ భారతి పోర్టల్‌లో దరఖస్తులు చేసుకుంటున్నారు. అపరిష్కృతంగా 8,500లకు పైగా భూ భారతి దరఖాస్తులు ముడుపులిస్తేనే మోక్షమా..? సాధారణ రైతులు తమ భూసమస్యల పరిష్కారం నెలల తరబడి రెవెన్యూ అధికారుల చుట్టూ చెప్పులరిగేలా తిరుగుతున్నారు. వీరిని కనీసం పట్టించుకోని కొందరు రెవెన్యూ అధికారుల రియల్‌ ఎస్టేట్‌ వ్యాపారులు, రాజకీయ పలుకుబడి ఉన్నవారి, బడాబాబుల దరఖాస్తులను మాత్రం ఆగమేఘాలపై పరిష్కరిస్తున్నారనే విమర్శలున్నాయి. పెద్ద మొత్తంలో ముడుపులు ముట్టజెపితేనే ఈ దరఖాస్తులకు తక్షణం మోక్షం లభిస్తోందనే ఆరోపణలున్నాయి. సాధారణ రైతుకు నిబంధనల పేరుతో సాకులు చెప్పే అధికారులు వీరికి మాత్రం నిబంధనలను కూడా పక్కనబెట్టి పనులు చక్కబెడుతున్నారనే విమర్శలున్నాయి. క్షేత్రస్థాయి విచారణలు..నివేదికల పేరుతో తీవ్ర జాప్యం చేస్తున్నారు. ఇటీవల జరిగిన సమీక్షలో రెవెన్యూ మంత్రి చేసిన హెచ్చరికలతోనైనా ఈ అధికారుల తీరు మారి..తమ దరఖాస్తులకు మోక్షం లభించాలని సామాన్య రైతులు కోరుతున్నారు.

● దేహశుద్ధి చేసి పోలీసులకు అప్పగించిన స్థానికులు ● బాధితురాలికి బంగారు గొలుసు అప్పగింతజిన్నారం (పటాన్‌చెరు): పొలంలో పనిచేస్తున్న మహిళ మెడలో నుంచి బంగారు గొలుసు తెంచుకెళ్లేందుకు యత్నించిన ఇద్దరు దుండగులను స్థానికులు పట్టుకుని పోలీసులకు అప్పగించారు. ఈ సంఘటన జిన్నారం పోలీస్‌స్టేషన్‌ పరిధిలో చోటుచేసుకుంది. స్థానికులు, పోలీసుల కథనం ప్రకారం.. జిన్నారం మండల పరిధిలోని సోలక్‌పల్లికి చెందిన జింకల మానెమ్మ (55) గ్రామ శివారులోని తన పంట పొలంలో పనిచేస్తోంది. ఆమె ఒంటరిగా ఉండటాన్ని గమనించిన హత్నూర మండలం ముచ్చర్లకి చెందిన మీనంపల్లి అరవింద్‌, వడ్డే సాయికుమార్‌లు ఆమె వద్దకు వెళ్లారు. వెంటనే ఆమె నోరు, ముక్కు మూసి మెడలో ఉన్న సుమారు 3 తులాల బంగారు గొలుసును లాక్కొని పారిపోయేందుకు యత్నించారు. వెంటనే బాధితురాలు గట్టిగా కేకలు వేయడంతో సమీప పొలాల్లో పనిచేస్తున్న రైతులు, కూలీలు వెంటనే స్పందించారు. పారిపోతున్న దుండగులను వెంటాడి పట్టుకుని దేహశుద్ధి చేశారు. నిందితుల వద్ద నుంచి బంగారు గొలుసును స్వాధీనం చేసుకుని బాధితురాలికి అందజేశారు. అనంతరం నిందితులిద్దరిని జిన్నారం పోలీసులకు అప్పగించారు. ఈ మేరకు బాధితురాలి ఫిర్యాదుతో పోలీసులు కేసు నమోదు చేసి దర్యాప్తు చేస్తున్నారు.

మిరుదొడ్డి(దుబ్బాక): కందిరీగల దాడిలో ఏడుగురికి గాయాలైన ఘటన మండల కేంద్రమైన మిరుదొడ్డిలో మంగళవారం చోటు చేసుకుంది. వివరాలు ఇలా.. స్థానిక ప్రభుత్వ జూనియర్‌ కళాశాల సమీపంలో కందిరీగలు విద్యార్థులపై అకస్మాత్తుగా దాడి చేశాయి. అందులో ఐదుగురు విద్యార్థులతో పాటు, ఒక లెక్చరర్‌కు, అటుగా వెళ్తున్న ఓ రైతుపై కందిరీగలు దాడి చేశాయి. స్థానికులు గాయపడ్డ వారిని స్థానిక ప్రభుత్వ ఆసుపత్రికి తరలించారు. విద్యుత్‌ షాక్‌తో నలుగురు కూలీలకు.. హుస్నాబాద్‌రూరల్‌: ఇందిరమ్మ ఇల్లు నిర్మాణ పనులు చేస్తుండగా విద్యుదాఘాతంతో నలుగురు కూలీలు తీవ్రంగా గాయపడ్డారు. ఈ ఘటన మంగళవారం మండలంలోని మహ్మదాపూర్‌లో చోటు చేసుకుంది. స్థానికుల కథనం ప్రకారం.. మిట్టపెల్లి రాజబాబుకు ఇందిరమ్మ ఇల్లు మంజూరు కావడంతో కూలీలతో పనులు చేయిస్తున్నాడు. స్లాబ్‌పై కూలీలు గోడ పనులు చేస్తున్న క్రమంలో ఒకరు ఇనుప రాడును పైకి ఎత్తగా అది సమీపంలోనే ఉన్న 11 కేవీ విద్యుత్‌ వైర్లకు తగిలి విద్యుత్‌ షాక్‌ కొట్టింది. ఇనుప రాడును పట్టుకున్న కల్లూరి రాధ, కుంచం సంతోష్‌, కత్తుల రజిత, సిర్ర రాజులు షాకుకు గురై గాయపడ్డారు. 108లో ప్రభుత్వ అస్పత్రికి తరలించారు. మెరుగైన వైద్యం కోసం వరంగల్‌ ఎంజీఎంకు తరలించగా, కల్లూరి రాధ పరిస్థితి విషమంగా ఉన్నట్లు వైద్యులు తెలిపారు.

ఎనిమిది మంది అరెస్ట్‌ చిన్నశంకరంపేట(మెదక్‌): సూరారం గ్రామంలో గుప్త నిధుల కోసం అర్ధరాత్రి క్షుద్ర పూజలు చేసిన ఎనిమిది మందిని అరెస్ట్‌ చేశారు. ఎస్‌ఐ శివానందం కథనం ప్రకారం... వెల్దుర్తి మండలం రామాయంపల్లి సర్పంచ్‌ భర్త మహేందర్‌, హైదరాబాద్‌కు చెందిన రంగస్వామి, చందానగర్‌కు చెందిన ఆవుసుల బ్రహ్మచారి, వివేక్‌, సూరారం గ్రామానికి చెందిన తుడుం కిష్టయ్య, వంగాల బ్రహ్మచారి, శ్రీనాథ్‌, కాగుల కిషన్‌పై కేసు నమోదు చేసి అరెస్ట్‌ చేశారు. తహసీల్దార్‌ ఎదుట బైండోవర్‌ చేసి తదుపరి విచారణ నిర్వహిస్తున్నట్లు తెలిపారు. అయితే వీడియో కాల్‌లో తాంత్రిక పూజారి మంత్రాలు చదవగా, ఇక్కడ ఉన్నవారు నగ్నంగా పూజలు నిర్వహిస్తూ గ్రామస్తులకు దొరికిపోయారు. గ్రామస్తులు పట్టుకుని పోలీసులకు అప్పగించారు.

హుస్నాబాద్‌: పోలీసులు తనిఖీలు చేపట్టి వ్యభిచార ముఠా గుట్టు రట్టు చేశారు. మంగళవారం ఏసీపీ సదానందం విలేకరుల సమావేశంలో కేసు వివరాలు వెల్లడించారు. హుస్నాబాద్‌ పట్టణంలోని కరీంనగర్‌ రోడ్డులో నిర్వాహకురాలు వేరే ప్రాంతం నుంచి ఓ యువతిని తీసుకొచ్చి వ్యభిచారం చేయిస్తోందని తెలిపారు. సీఐ శ్రీధర్‌, ఎస్సై లక్ష్మారెడ్డి సిబ్బందితో కలిసి తనిఖీలు నిర్వహించి, నిర్వాహకురాలితోపాటు అక్కన్నపేటకు చెందిన విటుడిపై పలు సెక్షన్ల కింద కేసులు నమోదు చేశామని చెప్పారు. గతంలోనూ కౌన్సిలింగ్‌ ఇచ్చి గౌరవప్రదంగా బతకాలని చెప్పినా నిరాకరించిందని ఏసీపీ తెలిపారు. సీపీ సూచనల మేరకు వ్యభిచార కార్యకలాపాలు నిర్వహిస్తున్న వారితో మాట్లాడి వ్యభిచార వృత్తిని మానితే ఉద్యోగ అవకాశాలు, స్వయం వృద్ధి పథకాలు ఇప్పిస్తామని మంచి మార్గం ఎంచుకోవాలని సూచించారు. అయినా వినకుండా అదే వృత్తిని కొనసాగిస్తున్నారని తెలిపారు. కేసు నమోదు వివరాలు వెల్లడించిన ఏసీపీ

జాతీయ రహదారి పనుల నేపథ్యంలో వివిధ కారణాలతో పలు ప్రాంతాల్లో ఉన్న చౌరస్తాలను విస్తరించే పనులకు బ్రేక్‌లు పడ్డాయి. హుస్నాబాద్‌ నియోజకవర్గంలోని భీమదేవరపల్లి మండలం ముల్కనూర్‌, హుస్నాబాద్‌లోని అంబేడ్కర్‌ చౌరస్తా, కోహెడ మండలంలోని బస్వాపూర్‌, ముండ్రాయి చౌరస్తాల మధ్య మహనీయుల విగ్రహాలు ఉండటంతో ఇప్పటి వరకు పనులు ముట్టలేదు. చౌరస్తాల వరకు వచ్చే వరకు రహదారి ఇరుకుగా ఉంటుంది. అలాగే హుస్నాబాద్‌ పట్టణంలోని మల్లెచెట్టు చౌరస్తాలో ఇళ్లు కోల్పోతున్న బాధితులు కోర్టును ఆశ్రయించడంతో పనులు నిలిచిపోయాయి. చౌరస్తాల మధ్య మహనీయుల విగ్రహాలు ఉండటంతో అధికారులు ఎటూ తేల్చలేకపోతున్నారనే చర్చ జరుగుతుంది. గతంలో గ్రామ పెద్దలు, స్థానిక ప్రజాప్రతినిధులతో సమన్వయం చేసుకొని చౌరస్తా విస్తరణ పనులు పూర్తి చేయాలని కలెక్టర్‌ ఆదేశించారు. కానీ ఆర్‌అండ్‌బీ, ఎన్‌హెచ్‌ఏఐ అధికారులు ఎలాంటి చర్యలు తీసుకోకపోవడంతో జాతీయ రహదారి పనులు అసంపూర్తిగా మిగిలాయి.

నారాయణఖేడ్‌: ఖేడ్‌ మండలం జూకల్‌ శివారులో స్కూల్‌గేమ్స్‌ ఫెడరేషన్‌ ఆధ్వర్యంలో నిర్వహించిన అండర్‌–14 రాష్ట్ర స్థాయి కుస్తీ పోటీల్లో విద్యార్థి సత్తాచాటాడు. పెద్దశంకరంపేట మహత్మా జ్యోతిబాపూలే బీసీ బాలుర గురుకుల విద్యార్థి సోమనాథ్‌ రాష్ట్రస్థాయి పోటీల్లో ప్రతిభ చాటి త్వరలో ఢిల్లీలో జరగబోయే జాతీయ స్థాయి కుస్తీ పోటీలకు ఎంపికయ్యాడు. ప్రిన్సిపాల్‌ ప్రతిభతో పాటు ఉపాధ్యాయులు, సిబ్బంది విద్యార్థిని అభినందించి ధృవపత్రం అందజేశారు. ఈ విజయం మరెందరో విద్యార్థులకు స్ఫూర్తిదాయకమని కొనియాడారు. సిద్దిపేట ఎడ్యుకేషన్‌: భారతీయ పసుపు ఎగుమతుల పోటీతత్వంపై చేసిన తన పరిశోధనకు గాను ఆర్థిక శాస్త్రంలో డాక్టరేట్‌ లభించినట్లు సిద్దిపేటకు చెందిన పొన్నమనేని పద్మజ తెలిపారు. హైదరాబాద్‌లోని సెంటర్‌ ఫర్‌ ఎకనామిక్‌ అండ్‌ సోషల్‌ స్టడీస్‌ (సెస్‌) ఆర్థికశాస్త్ర విభాగం ప్రొఫెసర్‌ రేవతి పర్యవేక్షణలో పరిశోధన చేసినట్లు ఆమె తెలిపారు. ‘ఎక్స్‌పోర్ట్‌ కాంపిటీటివ్‌నెస్‌ ఆఫ్‌ ఇండియన్‌ టర్మరిక్‌: ఎ పోస్ట్‌ డబ్ల్యూటీవో అనాలిసిస్‌’ అనే అంశంపై సమర్పించిన సిద్ధాంత గ్రంథానికి తెలంగాణ విశ్వవిద్యాలయం ఆమోదం తెలిపిందని పద్మజ తెలిపారు. ఈ పరిశోధనలో ప్రపంచ వాణిజ్య సంస్థ (డబ్ల్యూటీవో) ఏర్పాటుకు అనంతర కాలంలో భారతీయ పసుపు ఎగుమతుల తీరుతెన్నులు, అంతర్జాతీయ మార్కెట్‌లో పోటీతత్వం వంటి అంశాలను విశ్లేషించినట్లు పరిశోధన శీర్షిక ద్వారా వివరించారు. భవిష్యత్తులో ఈ పరిశోధన అంశాలు పసుపు ఎగుమతులపై మరింత అధ్యయనం చేసేందుకు ఉపయోగపడే అవకాశం ఉందని పద్మజ పేర్కొన్నారు. భీమదేవరపల్లి: అడవిపందిని తప్పించబోయి కారు అదుపుతప్పి కల్వర్టును ఢీకొట్టడంతో మంటలు లేచి పూర్తిగా దగ్ధమైంది. ఈ ఘటన హనుమకొండ జిల్లా భీమదేవరపల్లి మండలంలో సోమవారం అర్ధరాత్రి చోటుచేసుకుంది. స్థానికులు, పోలీసుల కథనం ప్రకారం.. సిద్దిపేట జిల్లా హుస్నాబాద్‌ మండలం పోతారం గ్రామానికి చెందిన నలుగురు వ్యక్తులు కారులో హనుమకొండ నుంచి స్వగ్రామానికి బయలుదేరారు. మార్గమధ్యలో గట్ల నర్సింగాపూర్‌–మంగళపల్లి శివారులోకి రాగానే, అడ్డువచ్చిన అడవి పందిని తప్పించబోయి కారు అదుపుతప్పి పక్కనే ఉన్న కల్వర్టును ఢీ కొట్టింది. ఒక్కసారిగా కారులో మంటలు చెలరేగాయి. అప్రమత్తమైన వారు కారులోంచి బయటకు రావడంతో ప్రాణాపాయం తప్పింది. సమాచారం అందుకున్న అగ్నిమాపక సిబ్బంది ఘటనా స్థలానికి చేరుకుని మంటలను అదుపులోకి తెచ్చారు. అప్పటికే కారు పూర్తిగా కాలి బూడిదైంది. పోలీసులు కేసు నమోదు చేశారు. చేగుంట(తూప్రాన్‌): బాలికను నమ్మించి అపహరించిన యువకుడికి ఏడేళ్ల జైలు శిక్ష విధిస్తూ జిల్లా ఫాస్ట్‌ట్రాక్‌ పోక్సో కోర్టు మంగళవారం తీర్పు వెల్లడించింది. జిల్లా ఎస్పీ శ్రీనివాస్‌రావు కథనం ప్రకారం.. ఓ హాస్టల్‌లో ఉండే బాలికను కుటుంబీకులు 2025 అక్టోబర్‌ 14న తూప్రాన్‌లో బస్సు ఎక్కించారు. చేగుంటలో బస్సు దిగిన బాలిక తనకు తెలిసిన ఆనంద్‌ అనే యువకుడికి ఫోన్‌ చేసి హాస్టల్‌ వద్ద దింపాలని కోరింది. ఆనంద్‌ బాలికకు మాయమాటలు చెప్పి హాస్టల్‌లో దింపకుండా తనతో ఉంటే బాగా చూసుకుంటానని మేడ్చల్‌కు, అక్కడి నుంచి నిజామాబాద్‌కు, మరునాడు సికింద్రాబాద్‌కు తీసుకెళ్లాడు. కాగా బంధువుల సూచనతో ఆనంద్‌ బాలికను తిరిగి ఇంటికి పంపించే ప్రయత్నం చేశాడు. కానీ, అప్పటికే మిస్సింగ్‌ కేసు నమోదు చేసిన తూప్రాన్‌ పోలీసులు బాలికను గుర్తించి దర్యాప్తు పూర్తి చేశారు. బాలికను నమ్మించి అపహరణకు గురిచేయడం, మోసం చేయడం, పోక్సో కేసుకు సంబంధించిన అంశాలపై దర్యాప్తు అధికారి ఎస్‌ఐ జ్యోతి, పీపీ బాలయ్య సాక్ష్యాధారాలను కోర్టులో ప్రవేశపెట్టారు. పరిశీలించిన జిల్లా ఫాస్ట్‌ట్రాక్‌ పోక్సో కోర్టు న్యాయమూర్తి శుభవల్లి నిందితుడికి ఏడేళ్ల జైలుశిక్ష, రూ.30 వేల జరిమానా విధిస్తూ తీర్పునిచ్చారు.

హన్మకొండ జిల్లా ఎల్కతుర్తి నుంచి హుస్నాబాద్‌ మీదుగా మిట్టపల్లి వరకు 63 కిలోమీటర్ల వరకు జాతీయ రహదారి పనులు చేపట్టారు. 31 బ్రిడ్జిలు, 88 కల్వర్టులు పూర్తి చేశారు. రహదారి పనులు తుది దశకు చేరుకున్నా.. కొన్ని చోట్ల చివరి వరుస తారు పనులు చేయాల్సి ఉంది. హైవే రోడ్డులోని కోహెడ మండలం నాగసముద్రాల పరిధిలో లక్ష్మిపూర్‌ కల్వర్టు నుంచి గండిమైసమ్మ ఆలయం వరకు వచ్చేసరికి రోడ్డు పనులు నిలిచిపోయాయి. వరంగల్‌, సిద్దిపేటకు ప్రధాన రహదారి కావడంతో రోజు వందలాది వాహనాలు వెళ్తుంటాయి. ఈ ప్రాంతంలో అటవీ భూముల సమస్య, భూ సేకరణ సమస్యలతో రోడ్డు విస్తరణ పనులు ముందుకు సాగడం లేదు. అలాగే హుస్నాబాద్‌ మండలం పందిల్ల శివారులో టోల్‌గేట్‌ ఏర్పాటు పనులు కొనసాగుతూనే ఉన్నాయి. ఇక్కడ పక్క నుంచి వేసిన మట్టి రోడ్డు నుంచే వాహనాలు రాకపోకలు సాగిస్తున్నాయి. రెండు నెలల్లో సమస్యలను పరిష్కరించి జాతీయ రహదారి పనులు పూర్తి చేస్తాం. చౌరస్తాల మధ్య ఉన్న విగ్రహాల విషయంలో స్థానిక సర్పంచ్‌లు, మున్సిపల్‌ అధికారులతో చర్చించాం. త్వరలోనే విగ్రహాల విషయంపై స్పష్టత రాగానే చౌరస్తా విస్తరణ పనులు ప్రారంభిస్తాం. అక్కడక్కడ పెండింగ్‌లో ఉన్న చివరి వరుస తారు పనులు జరుగుతున్నాయి. డిసెంబర్‌ 31 వరకు సంబంధిత కాంట్రాక్టర్‌ రహదారి పనులు పూర్తి చేయాల్సి ఉంది. – ప్రశాంత్‌, ఏఈఈ, జాతీయ రహదారుల శాఖ. పలు చోట్ల నిలిచిన విస్తరణ పనులు జాతీయ రహదారి పనుల్లో భాగంగా పలు చోట్ల భూ సేకరణ సమస్యలతోపాటు, చౌరస్తాల వద్ద రోడ్డు విస్తరణ పనులు నిలిచిపోయాయి. మరికొన్ని చోట్ల తారు పనులు పెండింగులో ఉన్నాయి. దీంతో వాహన రాకపోకలకు ఇబ్బందులు ఎదురవుతున్నాయి. ఆర్‌అండ్‌బీ, ఎన్‌హెచ్‌ఏఐ అధికారులు ఎలాంటి చర్యలు తీసుకోకపోవడంతో హైవే పనులు పూర్తి కాని పరిస్థితి నెలకొంది. – హుస్నాబాద్‌ చౌరస్తా విస్తరణ పనులకు అడ్డంకులు పలు చోట్ల భూసేకరణ సమస్యలు కొన్ని చోట్ల తారు పనులు పెండింగ్‌ డెడ్‌లైన్‌ డిసెంబర్‌ 31

కొల్చారం(నర్సాపూర్‌): మంజీరా నదిలో దూకి తల్లి, ఇద్దరు కూతుళ్లు గల్లంతయ్యారు. ఈ ఘటన మెదక్‌ జిల్లా కొల్చారం మండలంలోని పోతంశెట్టిపల్లి గ్రామ శివారు ఏడుపాయలకు వెళ్లే మొదటి బ్రిడ్జి వద్ద మంగళవారం చోటుచేసుకుంది. ఎస్‌ఐ.హైమద్‌ మోహినుద్దీన్‌ వివరాల ప్రకారం.. కామారెడ్డి జిల్లా ఎల్లారెడ్డి మండలం మల్కాపూర్‌ గ్రామానికి చెందిన గంగుల సరిత తన ఇద్దరు కూతుళ్లు వైష్ణవి, శ్రావణికతో కలిసి ఏడుపాయలకు వచ్చారు. సరిత తాను చనిపోతున్నట్లు తండ్రి బాలకృష్ణయ్యకు ఫోన్‌ చేసి చెప్పింది. కుటుంబ సభ్యుల సమాచారంతో మెదక్‌ రూరల్‌ ఎస్‌ఐ శ్రీ కృష్ణమూర్తి, సిబ్బందితో కలిసి సరిత మొబైల్‌ లొకేషన్‌ ఆధారంగా నది వెంట గాలించారు. ఈ క్రమంలో మొదటి బ్రిడ్జి నది ఒడ్డున ఫోన్‌, తల్లి కూతుర్లకు సంబంధించి ఆధార్‌ కార్డులు, చెప్పులు పోలీసులకు కనిపించాయి. దీంతో మెదక్‌ నుంచి ఫైర్‌ సిబ్బందిని రప్పించి గాలింపు చర్యలు చేపట్టారు. ఎలాంటి ఆచూకీ లభించలేదు. అప్పటికే చీకటి పడడంతో గాలింపును నిలిపివేశారు. బుధవారం ఉదయం మరోసారి గాలింపు చర్యలు చేపడతామని ఎస్‌ఐ తెలిపారు. అయితే సరిత భర్త చనిపోవడంతో పిల్లలతో పాటు హైదరాబాదులో ఒంటరిగా ఉంటూ సెక్యూరిటీ గార్డుగా పనిచేస్తున్నట్టు తెలిసింది. నదిలో దూకడానికి గల కారణాలు తెలియాల్సి ఉంది. కామారెడ్డి జిల్లాకు చెందిన వారిగా గుర్తింపు గాలింపు చేపట్టిన గజ ఈతగాళ్లు

దుబ్బాకటౌన్‌: యువత చెడు వ్యసనాలకు దూరంగా ఉంటూ, చదువుపై దృష్టి సారించి ఉన్నత లక్ష్యాలను చేరుకోవాలని సిద్దిపేట పోలీస్‌ కమిషనర్‌ రష్మీ పెరుమాళ్‌ సూచించారు. మంగళవారం దౌల్తాబాద్‌ మండలంలోని ఇందుప్రియాల్‌ గ్రామంలో నిర్వహించిన ‘మన పోలీస్‌–మన ఊరు’ కార్యక్రమంలో పాల్గొన్నారు. ప్రభుత్వ పాఠశాల, గ్రంథాలయం గోడలపై ఏర్పాటు చేసిన ట్రాఫిక్‌ నిబంధనలు, డ్రగ్స్‌ వ్యతిరేక అవగాహన చిత్రాలను పరిశీలించారు. విద్యార్థులు నిర్వహించిన ట్రాఫిక్‌ భద్రత, సైబర్‌ నేరాలు, మాదకద్రవ్యాల నిర్మూలనపై రంగోలి పోటీలను తిలకించి అభినందించారు. అనంతరం సీపీ మాట్లాడుతూ.. యువత మాదకద్రవ్యాలకు బానిస కాకుండా జాగ్రత్త పడాలని సూచించారు. కార్యక్రమంలో అదనపు డీసీపీ అడ్మిన్‌కుశాల్కర్‌, అదనపు డీసీపీ ఏఆర్‌ సుభాష్‌ చంద్రబోస్‌, గజ్వేల్‌ ఏసీపీ నరసింహులు, తొగుట సీఐ శ్రీను, ఇన్‌స్పెక్టర్‌ లతీఫ్‌, రిజర్వ్‌ ఇన్‌స్పెక్టర్‌ విష్ణు ప్రసాద్‌, దౌల్తాబాద్‌ ఎస్సై అరుణ్‌, ఎస్సైలు నవీన్‌, బాలకృష్ణ, రేణుక, పోలీసు సిబ్బంది పాల్గొన్నారు. సీపీ రష్మీ పెరుమాళ్‌

తూప్రాన్‌: విద్యుదాఘాతంతో రైతు మృతి చెందాడు. ఈ ఘటన మనోరాబాద్‌ మండలం రంగాయిపల్లి గ్రామంలో మంగళవారం చోటు చేసుకుంది. ఎస్‌ఐ సుభాష్‌గౌడ్‌ కథనం ప్రకారం... గ్రామానికి చెందిన రైతు రాజబోయిన లక్ష్మణ్‌ (46) వ్యవసాయ పొలం వద్ద బోరు మోటారును ఆన్‌ చేస్తున్న క్రమంలో ప్రమాదవశాత్తు కరెంట్‌ షాక్‌ తగిలి అక్కడికక్కడే మృతి చెందాడు. గమనించిన కుటుంబ సభ్యులు ప్రభుత్వ ఆసుపత్రికి తరలించగా, అప్పటికే మృతి చెందినట్లు వైద్యులు నిర్ధారించారు. మృతుడి కుటుంబ సభ్యుల ఫిర్యాదు మేరకు పోలీసులు కేసు నమోదు చేశారు. బావిలో పడి వ్యక్తి.. సిద్దిపేటఅర్బన్‌: బావిలో పడి వ్యక్తి మృతి చెందాడు. సిద్దిపేట రూరల్‌ ఎస్‌ఐ నవత వివరాల ప్రకారం... మిరుదొడ్డి మండలం కొండాపూర్‌ గ్రామానికి చెందిన తరిగొప్పుల బాలరాజు (53) హైదరాబాద్‌లో ఉంటూ డ్రైవర్‌గా పనిచేసేవాడు. కాగా పక్షవాతం రావడంతో ఇంటి వద్దే ఉంటున్నాడు. ఈ క్రమంలో వరుసకు మేనత్త అయిన అర్బన్‌ మండలం రుగుపల్లికి చెందిన గంగాధర భాగ్యమ్మ చనిపోవడంతో మంగళవారం అంత్యక్రియలకు వచ్చాడు. తిరిగి వెళ్లే సమయంలో తండ్రి చంద్రయ్య బాలరాజు కోసం వెతకగా కనిపించలేదు. అంత్యక్రియలు జరిగిన చోట వెతుకుతుండగా సమీపంలోని బావిలో బాలరాజు పడి ఉండటం చూసిన ఇద్దరు యువకులు చంద్రయ్యకు ఫోన్‌ చేసి చెప్పారు. బావిలో నుంచి బయటకు తీసి సిద్దిపేట ప్రభుత్వ ఆస్పత్రికి తీసుకెళ్లగా చనిపోయినట్టు వైద్యులు నిర్ధారించారు. ఆర్థిక ఇబ్బందులు, అనారోగ్య సమస్యలతో బావిలో దూకి ఆత్మహత్య చేసుకొని ఉంటాడని మృతుడి తండ్రి పోలీసులకు ఫిర్యాదు చేయగా కేసు నమోదు చేశారు. కాగా మృతుడికి భార్య, ఇద్దరు కుమారులు ఉన్నారు.

బెజ్జంకి(సిద్దిపేట): ప్రజల సమస్యలను పరిష్కరించేందుకే గ్రామాల్లో ‘ఎమ్మెల్యే ఆన్‌ వీల్స్‌’ కార్యక్రమాన్ని నిర్వహిస్తున్నట్లు మానకొండూర్‌ ఎమ్మెల్యే కవ్వంపల్లి సత్యనారాయణ తెలిపారు. మంగళవారం మండలంలోని రేగులపల్లె, చిలాపూర్‌ గ్రామాల్లో ఈ కార్యక్రమాన్ని నిర్వహించారు. ఈ సందర్భంగా ఎమ్మెల్యే మాట్లాడుతూ.. ఇందిరమ్మ ఇళ్ల నిర్మాణాలను లబ్ధిదారులు త్వరితగతిన పూర్తి చేసుకోవాలని సూచించారు. అనంతరం మండల అధికారులతో కలిసి ఆయా గ్రామాల్లోని వార్డుల్లో పర్యటించి ప్రజల సమస్యలను అడిగి తెలుసుకున్నారు. రేగులపల్లెలో నెలకొన్న విద్యుత్‌ సమస్యలను పరిష్కరించాలని ట్రాన్స్‌కో అధికారులను ఆదేశించారు. కార్యక్రమాల్లో ఎంపీడీఓ ప్రవీణ్‌, పీఏసీఎస్‌ చైర్మన్‌ ఒగ్గు దామోదర్‌, ఏపీఎం పరశురాములు, ఏఓ సంతోష్‌, ఏఈలు మహేష్‌, అనిత, వైస్‌ చైర్మన్‌ సంతోష్‌, సర్పంచ్‌లు లక్ష్మి, స్వరూప, కాంగ్రెస్‌ మండల అధ్యక్షుడు శ్రీనివాస్‌ పాల్గొన్నారు.

కొమురవెళ్లి(సిద్దిపేట): తాళం వేసిన ఇంట్లో దొంగలు పడి బంగారు, వెండి ఆభరణాలు, నగదును ఎత్తుకెళ్లారు. ఈ ఘటన మండల పరిధిలోని అయినాపూర్‌ గ్రామంలో చోటు చేసుకుంది. ఎస్‌ఐ మహేశ్‌ కథనం ప్రకారం.. గ్రామానికి చెందిన కాయిత రామ్‌రెడ్డి ,చెన్నూరు భిక్షపతి సోమవారం కుటుంబ సభ్యులతో కలిసి ఇంటికి తాళం వేసి పొరుగు గ్రామాలకు వెళ్లారు. ఇదే అదునుగా భావించిన దొంగలు ఇళ్ల తాళాలు పగులగొట్టి 3తులాల ఐదు గ్రాముల బంగారు ఆభరణాలు, రూ.60వేల నగదు, 30తులాల వెండి పట్టగొలుసులను ఎత్తుకెళ్లినట్లు ప్రాథమికంగా గుర్తించారు. మంగళవారం చేర్యాల సీఐ రమేశ్‌, కొమురవెళ్లి ఎస్‌ఐ మహేశ్‌ ఘటనా స్థలానికి వెళ్లి క్లూస్‌ టీంతో వివరాలు సేకరించారు. బంగారు, వెండి ఆభరణాలు, రూ.60వేల నగదు అపహరణ

దుబ్బాక: రోడ్డు ప్రమాదంలో రైతు మృతి చెందాడు. ఈ ఘటన మంగళవారం దుబ్బాక పట్టణంలో చోటు చేసుకుంది. ఎస్‌ఐ కీర్తి రాజు వివరాల ప్రకారం... రాజన్నసిరిసిల్ల జిల్లా గంభీరావుపేట మండలం శ్రీగాధ గ్రామానికి చెందిన కొక్కిరాల నాగారావు (80) వ్యవసాయం చేస్తూ జీవనం సాగిస్తున్నాడు. బావి మోటారు చెడిపోవడంతో రిపేరు చేయించేందుకు ఎలక్ట్రిక్‌ బైక్‌పై దుబ్బాకకు తీసుకొస్తున్నాడు. ఈ క్రమంలో పట్టణంలోని చీకోడ్‌ మార్గంలో నాగారావు బైకును దుబ్బాక నుంచి చీకోడ్‌ వైపు చైన్‌ హార్వెస్టర్‌ను తీసుకొస్తున్న డీసీఎం అతివేగంగా వచ్చి ఢీకొట్టింది. దీంతో అతడికి తీవ్రగాయాలై అక్కడికక్కడే మృతి చెందాడు. పోలీసులు మృతదేహాన్ని పోస్టుమార్టం నిమిత్తం ఆసుపత్రికి తరలించారు. మృతుడి మనవడు రోహిత్‌ ఫిర్యాదు మేరకు పోలీసులు డీసీఎం డ్రైవర్‌ మహేందర్‌పై కేసు నమోదు చేశారు.

సంగారెడ్డి: గంజాయి మొక్కలు, ఎండు గంజాయిని స్వాధీనం చేసుకొని, ఎకై ్సజ్‌ అధికారులు ఇద్దరిపై కేసులు నమోదు చేశారు. వివరాలు ఇలా.. విశ్వసనీయ సమాచారం మేరకు సదాశివపేట మండలం కోనాపూర్‌ గ్రామ శివారులోని సర్వే నం.20లో అక్రమంగా సాగు చేస్తున్న 55 గంజాయి మొక్కలను ఎకై ్సజ్‌ అధికారులు స్వాధీనం చేసుకున్నారు. సాగు చేస్తున్న మహమ్మద్‌ ఖదీర్‌పై కేసు నమోదు చేసి రిమాండ్‌కు తరలించారు. మరో ఘటనలో అరికెంపల్లి గ్రామంలో గౌండ్ల విట్టల్‌ గౌడ్‌ ఇంటిపై దాడి చేసి 150 గ్రాముల ఎండు గంజాయితో పాటు 10 గంజాయి మొక్కలను స్వాధీనం చేసుకున్నారు. కేసు నమోదు చేసి రిమాండ్‌కు తరలించినట్లు మెదక్‌ డివిజన్‌ డిఫ్యూటీ కమిషనర్‌ చంద్రయ్య తెలిపారు. ఎవరైనా గంజాయి సాగుచేస్తే కఠిన చర్యలు తీసుకొని, ఆ భూమికి రైతు బంధు నిలిపివేయిస్తామని హెచ్చరించారు. సీఐ సరిత ఆధ్వర్యంలో నిర్వహించిన దాడుల్లో పాల్గొన్న ట్రైనీ ఎకై ్సజ్‌ సిబ్బంది అభినవ్‌ రెడ్డి, సరిత, హెడ్‌ కానిస్టేబుల్‌ కుమార్‌, ఎకై ్సజ్‌ కానిస్టేబుళ్లు మహేశ్వర్‌, ఖదీర్‌, జ్యోతి పాల్గొన్నారు. గంజాయి సేవించిన యువకుడిపై .. బెజ్జంకి(సిద్దిపేట): గంజాయి సేవించిన వ్యక్తిపై పోలీసులు కేసు నమోదు చేశారు. ఎస్‌ఐ తిరుపతి వివరాల ప్రకారం.. మండలంలోని వడ్లూరు –ఖాసీంపేట రోడ్డుపై మంగళవారం పెట్రోలింగ్‌ నిర్వహిస్తుండగా అనుమానాస్పదంగా కనిపించిన కళ్యాణ్‌రెడ్డి గంజాయి పరీక్షలు నిర్వహించగా పాజిటివ్‌ వచ్చింది. దీంతో అతడిపై ఎన్‌డీపీసీ యాక్ట్‌ కింద కేసు నమోదు చేసినట్లు పోలీసులు తెలిపారు. ఇద్దరి అరెస్ట్‌

జిల్లా అదనపు న్యాయమూర్తి సతీశ్‌కుమార్‌సంగారెడ్డి టౌన్‌: విద్యార్థులపై జరిగే నేరాలను అరికట్టాలని జిల్లా అదనపు న్యాయమూర్తి సతీశ్‌కుమార్‌ పేర్కొన్నారు. జాతీయస్థాయిలో నిర్వహిస్తు న్న సురక్షిత బచ్చన్‌ అభియాన్‌ దేశవ్యాప్త పాఠశాల అవగాహన కార్యక్రమంలో భాగంగా సంగారెడ్డి మండలంలోని పసల్వాదిలోని ప్రభుత్వ పాఠశాలలో మంగళవారం న్యాయ అవగాహన కార్యక్రమాన్ని నిర్వహించారు. ఈ సందర్భంగా ఆయన మాట్లాడుతూ...ప్రతీ చిన్నారి హక్కులను గౌరవా న్ని కాపాడటంలో సమాజంలో ప్రతీ ఒక్కరు బాధ్య త తీసుకోవాలన్నారు. విద్యార్థులకు బాలల హక్కులు, భద్రత బాలలపై జరిగే లైంగిక వేధింపు లు, వారికి కల్పించే రక్షణపై అవగాహన కల్పించా రు. అనంతరం ఉపాధ్యాయులు, విద్యార్థులతో ప్ర తీ చిన్నారిని రక్షించేందుకు తమ వంతు సహాయం చేస్తామని ప్రతిజ్ఞ చేయించారు. కార్యక్రమంలో సీనియర్‌ సివిల్‌ జడ్జి దీప్తి, న్యాయవాదులు, ఉపాధ్యాయులు, విద్యార్థులు తదితరులు పాల్గొన్నారు.

సాక్షిప్రతినిధి, సంగారెడ్డి/నారాయణఖేడ్‌: జిల్లా అంతటా కరువు నెలకొన్నట్లు ప్రభుత్వం ప్రకటించింది. జిల్లాలో మొత్తం 28 రెవెన్యూ మండలాలను కరువు మండలాలుగా తేల్చింది. జహీరాబాద్‌, కోహీర్‌ మండలాల్లో అత్యంత క్షామ పరిస్థితులు నెలకొన్నాయని గుర్తించింది. రాష్ట్ర వ్యాప్తంగా 365 మండలాలను ప్రభుత్వం కరువు మండలాలుగా ప్రకటిస్తూ జీఓనం.3ను జారీ చేసింది. ఇందులో సంగారెడ్డి జిల్లాకు సంబందించి 28 మండలాలు ఉన్నాయి. ప్రభుత్వం ఈ మేరకు కరువు మండలాలను గుర్తించింది. మనూరు, రాయికోడ్‌, న్యాల్‌కల్‌, మొగుడంపల్లి, మునిపల్లి, ఆందోల్‌, పుల్కల్‌, హత్నూర, జిన్నారం, అమీన్‌పూర్‌, ఝరాసంగం, నాగల్‌గిద్ద, పటాన్‌చెరు, సదాశివపేట, వట్‌పల్లి, గుమ్మడిదల, కంది, సంగారెడ్డి, ఆర్సీపురం, కల్హేర్‌, కంగ్టి, కొండాపూర్‌ , సిర్గాపూర్‌, నారాయణఖేడ్‌, నిజాంపేట, చౌటకూర్‌ మండలాలు కరువు మండలాల జాబితాలో ఉన్నాయి. ఆదుకొనే దిశగా... పంట నష్టం అంచనా, చిన్న రైతులు నష్టపోకుండా చూడటం, సాధారణ వర్షపాతం కంటే తక్కువ కురిసిన మండలాలు, భూగర్భ జలాలు పడిపోయిన ప్రాంతాలు, విత్తనాలు విత్తి పంటలు ఎండిపోయిన ఎకరాలు ఇలా అన్ని అంశాలను సమగ్రంగా అధికారులు సేకరించారు. ఎల్‌నినో ప్రభావం 20% ఉన్న మండలాలను కూడా ప్రభావిత మండలాలుగా పరిగణించాలని అధికారులు నిర్ధారించారు. కేంద్రం 33% కంటే అధికంగా పంట నష్టం జరిగిన మండలాలను కరువు మండలాలుగా గుర్తిస్తుంది. ప్రస్తుతం 20% దెబ్బతింటే మున్ముందు పూర్తిస్థాయిలో దిగుబడులు వచ్చే అవకాశాలు ఏమాత్రం లేవని అధికారులు అంచనాలకు వచ్చారు. స్వల్పంగా, అధికంగా నష్టపోయిన మండలాలన్నింటినీ గుర్తించి ఆయా మండలాల రైతులకు ఉపాధిహామీ పనులు, విత్తన రాయితీ, అప్పుల పునర్వ్యవస్థీకరణ వంటి ప్రయోజనాలు అందేలా అధికారులు ప్రయత్నిస్తున్నారు. జాతీయ విపత్తు నిర్వహణ నిధి నుంచి భారీగా నిధులు సమీకరించేందుకు ప్రభుత్వం ప్రయత్నిస్తుండగా అందుకనుగుణంగా జిల్లాకు ప్రయోజనం చేకూరేందుకు అధికారులు కార్యాచరణ రూపొందిస్తున్నారు. కరువు ప్రభావిత మండలాల్లో పనిదినాలు 100 నుంచి 150 రోజులకు పెంచేలా కేంద్రం అనుమతులు ఇప్పటికే రాష్ట్రం కోరింది. పరిస్థితి మరింత దిగజారక ముందే ప్రతీ మండలానికి సమగ్ర కార్యాచరణ ప్రణాళికను సిద్ధం చేసుకోవాలని ప్రభుత్వం జిల్లా అధికారులకు ఆదేశించింది. ఇలా కరువు నిర్ధారణ వర్షపాతం, మెట్రాలాజికల్‌, డ్రై స్పెల్‌, రిమోట్‌ సెన్సింగ్‌, వ్యవసాయశాఖ, హైడ్రాలాజికల్‌, నేల తేమ, భూగర్భజలాలు, స్ట్రీమ్‌ ఫ్లో, సామాజిక ఆర్థికాభివృద్ధి, తదితర 12 అంశాల ఆధారంగా అధికారులు కరువును నిర్ధారిస్తారు. ఈ అంశాల ఆధారంగా జిల్లా మొత్తం కరువు నెలకొన్నట్లు ప్రభుత్వానికి నివేదించారు. జిల్లాలో జూన్‌ నుంచి సెప్టెంబర్‌ వరకు నాలుగు నెలల్లో 658.04 మి.మీ వర్షపాతం కురవాల్సి ఉండగా 561.8 మి.మీ మాత్రమే నమోదైంది. 97 మి.మీ లోటు వర్షపాతం కురిసింది.

ఎమ్మెల్యే చింతా ప్రభాకర్‌ సంగారెడ్డి: ప్రజలు తాగునీటి కొరతతో ఇబ్బందులు పడుతుంటే, వ్యవసాయ బోర్ల నుంచి ట్యాంకర్ల ద్వారా పరిశ్రమలకు నీటిని తరలించడంపై అధికారులు చర్యలు తీసుకోవాలని బీఆర్‌ఎస్‌ ఎమ్మెల్యే చింతా ప్రభాకర్‌ డిమాండ్‌ చేశారు. సంగారెడ్డిలో మంగళవారం నిర్వహించిన ఉమ్మడి మెదక్‌ జిల్లా సమీక్ష సమావేశంలో ఆయన ఈ అంశాన్ని ప్రస్తావించారు. ఉచిత వ్యవసాయ విద్యుత్‌తో బోర్ల నుంచి నీటిని తోడి పరిశ్రమలకు సరఫరా చేస్తున్నారనే ఆరోపణలపై సమగ్ర విచారణ జరిపించాలని కోరారు. ఎల్‌నినో ప్రభావంతో వర్షాలు తగ్గే అవకాశమున్నందున, వేసవిలో తాగునీటి సమస్య తలెత్తకుండా ముందస్తు చర్యలు చేపట్టాలని సూచించారు. మునిదేవునిపల్లి ప్రాంతంలో భూసేకరణ పరిహారం అందని రైతులను గుర్తించి న్యాయం చేయాలని, దళారుల వేధింపులపై చర్యలు తీసుకోవాలని డిమాండ్‌ చేశారు.

వేసవికి ముందే అగ్ని ప్రమాదాలు ● దగ్ధమవుతున్న పంటలు ● నష్టాల పాలవుతున్న అన్నదాతలు ఎల్‌నినో ప్రభావంతో వేసవి రాకముందే ఎండలు తీవ్ర రూపం దాల్చుతున్నాయి. వానాకాలం సీజన్‌లో వర్షాలు సక్రమంగా కురవకపోవడంతో పచ్చదనం లేక ఎండిపోయి అటవీ ప్రాంతం కళాహీనంగా మారిపోయింది. దీంతో జిల్లావ్యాప్తంగా వరుసగా అగ్ని ప్రమాదాలు చోటుచేసుకుంటున్నాయి. వర్షాభావ పరిస్థితులు, పెరిగిన విద్యుత్‌ వినియోగం, నిర్వహణ లోపంతో జరుగుతున్న అగ్నిప్రమాద ఘటనలు ఆందోళనకు గురిచేస్తున్నాయి. – సంగారెడ్డి జోన్‌ జిల్లావ్యాప్తంగా ఏదో ఒక చోట అగ్ని ప్రమాదాలు జరుగుతున్నాయి. ఈ ఏడాది జనవరి నుంచి ఇప్పటివరకు 405 అగ్ని ప్రమాదాలు చోటుచేసుకున్నాయి. ఈ ప్రమాదాల ద్వారా రూ.18,54,76,411ల మేర ఆస్తికి నష్టం వాటిల్లగా రూ.65.73 కోట్లుకుపైగా ఆస్తి నష్టపోకుండా అగ్ని మాపక శాఖ అధికారులు కాపాడగలిగారు. వర్షాభావ పరిస్థితులు నేపథ్యంలో విద్యుత్‌ వినియోగం రోజురోజుకీ పెరుగుతోంది. సాధారణానికి మించి ఎక్కువగా వినియోగిస్తున్నారు. సాగులో ఉన్న పంటలు రక్షించుకునేందుకు బోరు మోటార్లను వినియోగిస్తున్నారు. ట్రాన్స్‌ఫార్మర్ల వద్ద ఓల్టేజీ కారణంగా నిప్పురవ్వలు పడే అవకాశాలు ఉంటాయి. ఇళ్లలో ఏర్పాటు చేసే విద్యుత్‌ తీగల నిర్వహణ సక్రమంగా లేకపోవడంతో షార్ట్‌ సర్క్యూట్‌ ప్రమాదాలు జరిగి అగ్ని ప్రమాదాలు చోటు చేసుకుంటున్నాయి. దీంతో ఇళ్లలో ఉన్న సామాన్లు కాలిపోయి ఆర్థిక నష్టం వాటిల్లుతుంది. ఇక పంటలకు సంబంధించి చెరుకు పంటల్లో ఎక్కువగా అగ్నిప్రమాదాలు జరుగుతున్నాయి. అసలే వర్షాలు లేక కొంతమేర పంట పండిన పంట చేతికొచ్చే సమయంలో జరుగుతున్న అగ్ని ప్రమాదాలతో ఆర్థిక నష్టం తప్పటం లేదని రైతులు వాపోతున్నారు. సిబ్బంది వచ్చేలోపే దగ్ధం జిల్లావ్యాప్తంగా ఐదు నియోజకవర్గాల పరిధిలో ఆరు అగ్నిమాపక కేంద్రాలున్నాయి. వీటి కార్యాలయాలు నియోజకవర్గ కేంద్రాల్లో ఉన్నాయి. ప్రతీ నియోజకవర్గ పరిధిలో 4 నుంచి 7 వరకు మండలాలున్నాయి. మండల పరిధిలోని ఏదో గ్రామంలో అగ్ని ప్రమాదం సంభవిస్తే సిబ్బందికి సమాచారం అందిస్తున్నారు. కార్యాలయం నుంచి ఘటన స్థలానికి వచ్చేసరికి చాలామేర పంటలు కాలి బూడిదవుతున్నాయి. ప్రతీ మండల కేంద్రంలో అగ్నిమాపక కేంద్రాలు ఏర్పాటు చేయాలని రైతులతోపాటు ప్రజలు కోరుతున్నారు. ఇటీవల జరిగిన పలు అగ్నిప్రమాదాలు జిల్లాలో జరిగిన అగ్ని ప్రమాదాలు, నష్టం వివరాలుసంవత్సరం ప్రమాదాలు నష్టం రూ.కోట్లలో కాపాడింది 2025 456 507,02,37,998 500,95,65,500 2026 405 18,54,76,411 65,73,28,124అధికారులకు సమాచారం అందించాలి అగ్ని ప్రమాదం జరిగిన వెంటనే అధికారులకు సమాచారం అందించాలి. పోలీసు, ఫైర్‌ అధికారులతో పాటు విద్యుత్తు తీగలు ఉంటే సంబంధిత అధికారుల దృష్టికి తీసుకువెళ్లాలి. –సందేశ్‌ కుమార్‌, జిల్లా అగ్నిమాపక అధికారి జిల్లా

న్యాల్‌కల్‌(జహీరాబాద్‌): మండల కేంద్రమైన న్యాల్‌ కల్‌లోని పలు పాఠశాలలకు చెందిన ముగ్గురు బాలికలు కబడ్డీ పోటీల్లో ప్రతిభ కనబర్చి రాష్ట్రస్థాయి పోటీలకు ఎంపికయ్యారు. సంగారెడ్డిలోని అంబే డ్కర్‌ స్టేడియంలో సోమవారం స్కూల్‌ గేమ్స్‌ ఫెడరేషన్‌ ఆధ్వర్యంలో అండర్‌ 14 బాలికల విభాగంలో కబడ్డీ పోటీలు నిర్వహించారు. అందులో న్యాల్‌కల్‌ కేజీబీవీకి చెందిన రాథోడ్‌ పూజ, పవర్‌ సావిత్రి, జడ్పీహెచ్‌ఎస్‌కు చెందిన బాజ పవిత్ర ప్రతిభ కనబర్చి రాష్ట్రస్థాయికి ఎంపికై నట్లు ఆయా పాఠశాలల పీడీ, పీఈటీలు తెలిపారు. ఆయా పాఠశాలల హెచ్‌ఎంలు లలితా, సచ్చిదానందరెడ్డి, పీడీ, పీఈటీలు పార్వతి, భూమిక, ఉపాధ్యాయులు విద్యార్థులను అభినందించారు. రాష్ట్రస్థాయిలో కూడా మంచి ప్రతిభ కనబర్చాలని వారు ఆకాంక్షించారు. పూజ సావిత్రి పవిత్ర

వ్యవసాయ శాఖ అసిస్టెంట్‌ డైరెక్టర్‌ వైద్యనాథ్‌ జహీరాబాద్‌: వ్యవసాయంలో మహిళా రైతుల పాత్ర ఎంతో కీలకమని, వారు లేనిదే వ్యవసాయం లేదని వ్యవసాయ శాఖ అసిస్టెంట్‌ డైరెక్టర్‌ వైద్యనా థ్‌ పేర్కొన్నారు. మండలంలోని పస్తాపూర్‌లో గల డీడీఎస్‌ కార్యాలయంలో మంగళవారం నిర్వహించి న అంతర్జాతీయ మహిళా రైతు వారోత్సవ కార్యక్రమంలో ఆయన పాల్గొని మాట్లాడారు. గతాన్ని గుర్తు చేసుకుంటే ఒకప్పుడు మంచి విత్తనాలను ఎంచుకుని, వచ్చే ఏడాదికి విత్తడం కోసం దాచుకునేవారని ప్రస్తుతం డీడీఎస్‌ ఇదే విధానాన్ని ముందు కు తీసుకెళ్లడం గొప్పవిషయమని చెప్పారు. ఎల్‌ని నో ప్రభావంతో రాబోయే రోజుల్లో తీవ్ర నీటి కొరత ఏర్పడే ప్రమాదం ఉందని ఇప్పటి నుంచే నీటిని పొదుపుగా వాడుకోవాలని సూచించారు. సీనియర్‌ సివిల్‌ జడ్జి కవితాదేవి మాట్లాడుతూ డీడీఎస్‌ మహి ళా రైతులు ఆరోగ్యకరమైన వ్యవసాయం చేయడం సంతోషకరమైన విషయమన్నారు. సేంద్రీయ విధానంలో పంటలు పడించి, వాటి ఆహారం తిని ఆరోగ్యంగా ఉండాలని ఆకాంక్షించారు. చిరు ధాన్యాల పంటలను మార్కెటింగ్‌ చేసుకోవాలన్నారు. డీడీఎస్‌ బోర్డు సభ్యులు రుక్మి ణీరావు మాట్లాడుతూ..ప్రభుత్వం మహిళా రైతులను గుర్తించి, వారి కోసం ప్రత్యేక చట్టం తేవాలన్నారు. కార్యక్రమంలో కేవీకే శాస్త్రవేత్త వరప్రసాద్‌, ఉద్యానశాఖ అధికారి సునీత, సెర్ప్‌ సలహాదారు జమున పాల్గొన్నారు.

సమావేశంలో పాల్గొన్న వివిధ శాఖల అధికారులు, ప్రజాప్రతినిధులు కొందరు తహసీల్దార్లు అవినీతి అక్రమాలకు పాల్పడుతున్నట్లు ఇంటెలిజెన్స్‌ రిపోర్టులు ఉన్నాయని, వీరు తమ తీరు మార్చుకోకపోతే సస్పెండ్‌తో సరిపెట్టకుండా ఏకంగా టెర్మినేట్‌ చేస్తామని పొంగులేటీ హెచ్చరించారు. 22ఏ, ప్రభుత్వ భూముల అన్యాక్రాంతం, భూముల రీసర్వే తదితర రెవెన్యూ అంశాలపై సమీక్ష సందర్భంగా రెవెన్యూ అధికారుల పనితీరుపై తీవ్ర స్థాయిలో మండిపడ్డారు. తక్షణం తీరు మార్చుకోవాలని హెచ్చరించారు. సాక్షిప్రతినిధి, సంగారెడ్డి: ప్రతిపక్ష బీఆర్‌ఎస్‌ ఎమ్మెల్యేల విమర్శలు.. అధికార కాంగ్రెస్‌ పార్టీ ప్రజాప్రతినిధుల వివరణలతో ఉమ్మడి మెదక్‌ జిల్లా సమీక్షా సమావేశం ఆసక్తికరంగా సాగింది. రెవెన్యూ, రిజిస్ట్రేషన్‌, హౌసింగ్‌ తదితర శాఖల అంశాలపై మంగళవారం సంగారెడ్డి జెడ్పీ సమావేశం హాలులో కీలక సమావేశం జరిగింది. మంత్రులు దామోదర రాజనర్సింహ, వివేక్‌తో కలిసి రెవెన్యూశాఖ మంత్రి పొంగులేటి శ్రీనివాస్‌రెడ్డి సుమారు ఐదు గంటల పాటు సుదీర్ఘంగా సమీక్షించారు. భూములు సర్వే.. ఇందిరమ్మ ఇళ్ల ప్రగతి.. భూసమస్యల పరిష్కారం.. ఎల్‌నినో ప్రభావంతో తలెత్తే నీటి సమస్యలు వంటి అంశాలను చర్చించారు. సీసీఎల్‌ఏ కమిషనర్‌ లోకేశ్‌కుమార్‌, రిజిస్ట్రేషన్లశాఖ స్పెషల్‌ సెక్రటరీ రాజీవ్‌గాంధీ హన్మంతు, హౌసింగ్‌ ఎండీ గౌతమ్‌, ఎంపీలు సురేష్‌షెట్కార్‌, రఘునందన్‌రావు, ఎమ్మెల్సీ చిన్నమైల్‌ అంజిరెడ్డి, ఎమ్మెల్యేలు సునీతారెడ్డి, కొత్త ప్రభాకర్‌రెడ్డి, చింతప్రభాకర్‌, మాణిక్‌రావు, సంజీవరెడ్డి, మూడు జిల్లాల కలెక్టర్లు, ఆయా శాఖల రాష్ట్ర, జిల్లా ఉన్నతాధికారులు పాల్గొన్నారు. ఇందిరమ్మ ఇళ్ల కోటాపైనా.. ఇందిరమ్మ ఇళ్ల లబ్ధిదారుల ఎంపిక చేసే అధికారాన్ని ప్రతిపక్ష ఎమ్మెల్యేలకు కూడా కోటా కేటాయించాలని బీఆర్‌ఎస్‌ ఎమ్మెల్యేలు సమీక్షలో డిమాండ్‌ చేశారు. కనీసం 40 శాతం ప్రతిపక్ష ఎమ్మెల్యేలకు ఇవ్వాలన్నారు. ఇందుకు మంత్రులు సానుకూలంగా స్పందించినట్లు సమాచారం. ప్రతి భూ యజమానికి భూధార్‌: పొంగులేటి ప్రతి భూ యజమానికి భూదార్‌ ప్రత్యేక గుర్తింపు సంఖ్యను కేటాయిస్తున్నామని రాష్ట్ర రెవెన్యూశాఖ మంత్రి పొంగులేటి శ్రీనివాస్‌రెడ్డి పేర్కొన్నారు. క్యూఆర్‌ కోడ్‌లతో కూడిన ఉపగ్రహ చిత్రాలతో పట్టాదారు పాసుపుస్తకాలు ఇస్తామన్నారు. ఒక్కో జిల్లాలో 70 రెవెన్యూ గ్రామాల్లో భూసర్వే చేపట్టామన్నారు. పక్షం రోజుల్లో డబుల్‌బెడ్‌రూం ఇండ్ల కేటాయింపులు పూర్తి చేయాలని డిమాండ్‌ చేశారు. ల్యాండ్‌ సీలింగ్‌ యాక్టును పకడ్బందీగా అమలు చేయాలి: ఎమ్మెల్సీ ల్యాండ్‌ సీలింగ్‌ యాక్టును పకడ్బందీగా అమలు చేయాలని బీజేపీ ఎమ్మెల్సీ అంజిరెడ్డి సమీక్షలో డిమాండ్‌ చేశారు. డబుల్‌బెడ్రూం గృహాలను స్థానికంగా నివాసం ఉండే వారికే కేటాయించాలని మంత్రుల దృష్టికి తెచ్చారు. వెయ్యి ఎకరాలు లాక్కున్నారు: ఎమ్మెల్యే చింతా ప్రభాకర్‌ జిల్లాలో టీజీఐఐసీ పేరుతో నిరుపేదలకు చెందిన సుమారు వెయ్యి ఎకరాలు లాక్కున్నారని సంగారెడ్డి ఎమ్మెల్యే చింతాప్రభాకర్‌ సమీక్షలో విమర్శించారు. అసైన్డ్‌ భూములకు పట్టాలిస్తామని ఇచ్చిన హామీని వెంటనే అమలు చేయాలని డిమాండ్‌ చేశారు. ముంబై హైవే పనులను వేగవంతం చేయాలని వాహనదారులు ఇబ్బందులు పడుతున్నారని పేర్కొన్నారు. హాజరైన మంత్రులు పొంగులేటి, దామోదర, వివేక్‌ సర్కార్‌ వైఫల్యాలను ప్రశ్నించిన బీఆర్‌ఎస్‌ ఎమ్మెల్యేలు ప్రతి విమర్శలు చేసిన మంత్రులు, కాంగ్రెస్‌ ప్రజాప్రతినిధులు పాల్గొన్న వివిధ శాఖల ఉన్నతాధికారులుమూడు జిల్లాల ఉన్నతాధికారులతో నిర్వహించిన ఈ కీలక సమీక్షా సమావేశానికి మీడియాను అనుమతించకపోవడం గమనార్హం. కాంగ్రెస్‌ కార్యకర్తలు, చోటామోటా నేతలను, అధికారిక వ్యక్తులు కూడా సమీక్ష హాలులోకి అనుమతించడం గమనార్హం. సర్కారు వైఫల్యాలు వెలుగులోకి వస్తాయనే అంతర్గత సమీక్ష నిర్వహించారని బీఆర్‌ఎస్‌, బీజేపీ ప్రజాప్రతినిధులు విమర్శించారు. ఎల్‌నినోపై చర్చకు విపక్షాలు పట్టు.. సమీక్షలో బీఆర్‌ఎస్‌ ఎమ్మెల్యేలు ఎల్‌నినో కరువు అంశాన్ని చర్చించాలని డిమాండ్‌ చేశారు. తీవ్ర కరువు పరిస్థితులు నెలకొన్నప్పటికీ.. రివీట్‌మెంట్‌ పనుల పేరుతో సింగూరు ప్రాజెక్టు నుంచి ఎనిమిది టీఎంసీల నీటిని నదిలోకి వృఽథాగా వదిలేశారని విమర్శించారు. ఇప్పటికే తాగునీటి సమస్య షురువైందని పలువురు ఎమ్మెల్యేలు సమావేశం దృష్టికి తెచ్చారు.

సోదరుడి కుమారుడి నిశ్చితార్థానికి ఆహ్వానం పటాన్‌చెరు టౌన్‌: ఎమ్మెల్యే గూడెం మహిపాల్‌రెడ్డి బీఆర్‌ఎస్‌ అధినేత, మాజీ సీఎం చంద్రశేఖర్‌రావును మంగళవారం సాయంత్రం ఎర్రవల్లిలోని కేసీఆర్‌ ఫామ్‌హౌజ్‌లో మర్యాదపూర్వకంగా కలిశారు. ఈ నెల 30న హైదరాబాద్‌లో నిర్వహించనున్న తన సోదరుడు గూడెం మధుసూదన్‌రెడ్డి కుమారుడు సందీప్‌రెడ్డి నిశ్చితార్థ వేడుకకు హాజరుకావాలని కేసీఆర్‌ను ఎమ్మెల్యే ఆహ్వానించారు. ఎమ్మెల్యే వెంట మాజీ మంత్రి, సిద్దిపేట ఎమ్మెల్యే హరీశ్‌రావు కూడా ఉన్నారు. పేదలకు ఇళ్ల స్థలాలివ్వాలిసదాశివపేట రూరల్‌(సంగారెడ్డి): ఆత్మకూర్‌ గ్రామంలోని నిరుపేదలకు ఇళ్ల స్థలాలివ్వాలని సీపీఎం జిల్లా కార్యదర్శి జయరాజ్‌ డిమాండ్‌ చేశారు. ఈ మేరకు మంగళవారం తహశీల్దార్‌ కార్యాలయంలో ఆర్‌ఐ సాయి కృష్ణకు వినతిపత్రాన్ని అందజేశారు. అనంతరం ఆయన మాట్లాడుతూ..ఆత్మకూర్‌ గ్రామంలో సర్వే నంబర్‌ 170లో 22 ఏళ్ల క్రితం ప్రభుత్వం పేదలకు ఇళ్ల స్థలాలు ఇవ్వటానికి 6.10 ఎకరాల స్థలం సేకరించిందన్నారు. ఈ స్థలంలో పేదలకు ఇళ్ల పట్టా సర్టిఫికెట్స్‌ ఇచ్చినా పొజిషన్‌ చూపించ టం లేదని విమర్శించారు. ప్రభుత్వం తక్షణమే చర్యలు తీసుకుని ఇండ్ల స్థలాలకు పొజిషన్‌ చూపాలని కోరారు. కార్యక్రమంలో పార్టీ మండల కార్యదర్శి ప్రవీణ్‌ కుమార్‌, నాయకులు భూషణం, భాస్కర్‌ తదితరులు పాల్గొన్నారు. ఇంటికో ఇంకుడు గుంతడీఆర్డీఓ బాలరాజ్‌ కంది(సంగారెడ్డి): ఎల్‌నినో వాతావరణ పరిస్థితులను ఎదుర్కొనేందుకు ప్రతీ ఇంటికి ఇంకుడు గుంతను తప్పనిసరిగా నిర్మించుకోవా లని డీఆర్డీఓ బాలరాజ్‌ సూచించారు. మండల పరిధిలోని చేర్యాల గ్రామంలో నిర్మిస్తున్న ఇంకుడుగుంతలను మంగళవారం ఆయన పరిశీలించారు. ఈ సందర్భంగా మాట్లాడుతూ..ఎల్‌నినో వల్ల ఏర్పడే వర్షాభావంతో గ్రామాల్లో నీటి కొరత ఏర్పడే ప్రమాదముందన్నారు. నీటి వృథాను అరికట్టడంతోపాటు భూగర్భ జలాలు పెంచుకునేందుకు చేపట్టవలసిన చర్యలపై ప్రజలకు అధికారులు అవగాహన కల్పించాలని వివరించారు. కార్యక్రమంలో డీఆర్డీఓ ఏపీడీ మధులత, ఎంపీడీవో శ్రీనివాస్‌, ఎంపీ ఓ మహేందర్‌రెడ్డి, ఏపీఎం శివలక్ష్మి,గ్రామ సర్పంచ్‌ రేఖ వెంకటరెడ్డి పాల్గొన్నారు. వేగంగా బ్రిడ్జి పనులుమునిపల్లి(అందోల్‌): సింగూర్‌ ప్రాజెక్టు సమీపంలోని తక్కడపల్లి– గార్లపల్లి బ్రిడ్జి పనులు వేగంగా కొనసాగుతున్నాయి. మండలంలోని బుదేరా మీదుగా రాయికోడ్‌ మండలం హుస్నాబాద్‌, కర్చల్‌, పిప్పడ్‌పల్లి మీదుగా సీరూర్‌ డబుల్‌ రోడ్డుకు ఈ రోడ్డును ఏర్పాటు చేస్తున్నారు. మునిపల్లి మండలంలోని తక్కడపల్లి, గార్లపల్లి మధ్యన సింగూర్‌ ప్రాజెక్టు నీరు నిలుస్తుంది. దీనిపై బ్రిడ్జి ఏర్పాటు చేస్తే ఆయా గ్రామాల ప్రయాణికులు, ప్రజలకు దూరా భారం తగ్గించాలనే ఉద్దేశంతో బ్రిడ్జి నిర్మాణం కోసం ప్రభుత్వం నిధులు మంజూరు చేసిన సంగతి తెలిసిందే. ఉమ్మడి జిల్లా ఖేల్‌ ఇండియా బాలికల ఎంపికహత్నూర(సంగారెడ్డి): ఉమ్మడి మెదక్‌ జిల్లా ఖేల్‌ ఇండియా బాలికల అండర్‌ 17 క్రీడా పోటీలలో ఎంపికను హత్నూర మండలం దౌల్తాబాద్‌ జెడ్పీ పాఠశాల మైదానంలో మంగళవారం నిర్వహించారు. ఈ కార్యక్రమాన్ని సర్పంచ్‌ సంగీతా నర్సింహులు, ఉప సర్పంచ్‌ శేఖర్‌ గౌడ్‌ లు ప్రారంభించినట్లు ఖేల్‌ ఇండి యా జిల్లా కన్వీనర్‌ అంజాగౌడ్‌ తెలిపారు. ఇక్కడ ఎంపికై న విద్యార్థులు హైదరాబాద్‌ ఎల్బీ స్టేడియంలో జరిగే క్రీడా పోటీల్లో పాల్గొంటారని ఆయన తెలిపారు.

● ఒక వైపు కరెంట్‌ కోతలు.. మరో వైపు వర్షాభావ పరిస్థితులు ● పంటలను కాపాడుకునేందుకు పాట్లు ● ఆందోళనలో రైతాంగం న్యాల్‌కల్‌(జహీరాబాద్‌): ఒక పక్క విద్యుత్‌ సమస్య, మరో పక్క వర్షాభావ పరిస్థితుల కారణంగా రైతులు సాగు చేసిన పంటలు దెబ్బతింటున్నాయి. పంటలను కాపాడుకునేందుకు నానా ఇబ్బందులు పడుతున్నారు. బోరు బావుల సౌకర్యం ఉన్న రైతులు పంట పొలాలకు విద్యుత్‌ మోటార్ల ద్వారా నీటిని అందిస్తుండగా, ఆ సౌకర్యం లేని రైతులు డబ్బులు వెచ్చించి వాటర్‌ ట్యాంకర్ల ద్వారా నీటి తడులు అందిస్తూ పంటలను కాపాడుకుంటున్నారు. ప్రస్తుతం పత్తి చేతికి వస్తుండగా పూత, కాత దశలో ఉన్న కంది పంటను కాపాడుకునేందుకు నానా అవస్థలు పడుతున్నారు. 7,03,610 ఎకరాల్లో పంటలు ఈ ఏడాది జిల్లాలో 7,03,610 ఎకరాల్లో రైతులు వివిధ పంటలు సాగు చేశారు. అత్యధికంగా 3,57,246 ఎకరాల్లో పత్తి, 1,22,118 ఎకరాల్లో వరి, 75,068 ఎకరాల్లో కంది సాగు కాగా, మిగిలిన 1,49,178 ఎకరాల్లో ఇతర పంటలు వేశారు. మొదట్లో పంటలు ఆశాజనకంగా ఉన్నా, ఆగస్టు 15 నుంచి వర్షాల జాడ లేకపోవడంతో దెబ్బతిన్నాయి. ప్రస్తుతం చేతికి వస్తున్న పత్తి పంట దిగుబడి గణనీయంగా తగ్గింది. 75 వేలకు పైగా ఎకరాల్లో సాగు చేసిన కంది పంట వర్షాభావ పరిస్థితుల కారణంగా తీవ్రంగా దెబ్బతింది. మినుము, పెసర, సోయా చిక్కుడు తదితర పంటల్లో మిశ్రమ పంటగా సాగు చేసుకున్న కంది పంట నేలలో తేమ లేక దెబ్బతింటుంది. ప్రస్తుతం పూత, కాత దశలో ఉన్న కంది పంటకు నీరు అవసరం. ఐతే చాలా రోజులుగా వర్షాలు జాడ లేకపోవడంతో పూత రాలుతుందని రైతులు ఆందోళన వ్యక్తం చేస్తున్నారు. బోరు బావులు అందుబాటులో ఉన్న రైతులు పంటకు నీటి తడులు అందిస్తూ పంటలను కాపాడుకుంటున్నారు. లోఓల్టేజీ కారణంగా పంటలకు నీటి తడులు కూడా సరిగా అందించలేకపోతున్నామని వాపోతున్నారు. బోరు బావుల సౌకర్యం లేని రైతులు వాటర్‌ ట్యాంకర్ల ద్వారా నీటిని అందిస్తున్నారు. అయితే తుఫాన్‌ ప్రభావంతో వర్షం పడితే కొంత మేర ప్రయోజనం చేకూరనుంది.

సంగారెడ్డిఎడ్యుకేషన్‌: ఖేలో ఇండియా ఆధ్వర్యంలో ఉమ్మడి మెదక్‌ జిల్లా అండర్‌–17 బాల బాలికల వాలీబాల్‌ సెలెక్షన్స్‌ మంగళవారం దౌల్తాబాద్‌లో నిర్వహించనున్నట్లు ఖేలో ఇండియా ఉమ్మడి జిల్లా ఇన్‌చార్జి అంజాగౌడ్‌ ఒక ప్రకటనలో పేర్కొన్నారు. దౌల్తాబాద్‌ జిల్లా పరిషత్‌ ఉన్నత పాఠశాలలో ఉదయం 9 గంటల నుంచి ఎంపికలు ప్రారంభమవుతాయని తెలిపారు. వాలీబాల్‌ ఫెడరేషన్‌ ఆఫ్‌ ఇండియా స్టీరింగ్‌ కమిటీ సభ్యులు ప్రమోద్‌ కుమార్‌ రెడ్డి, ఎండీ షాజియా ఆదేశాల మేరకు ఈ ట్రయల్స్‌ నిర్వహిస్తున్నట్లు చెప్పారు. ఎంపికలో పాల్గొనే బాల బాలికలు ఆధార్‌, బోనఫైడ్‌ సర్టిఫికెట్‌, పదో తరగతి ఉత్తీర్ణత సర్టిఫికెట్‌ తీసుకురావాలని సూచించారు. జనవరి 1, 2009 తర్వాత జన్మించిన వారు మాత్రమే అర్హులని స్పష్టం చేశారు. తుపాకీతో బెదిరించి దారి దోపిడీ జహీరాబాద్‌: కోహీర్‌ మండలంలోని కవేలి శివారు 65వ జాతీయ రహదారిపై సోమవారం తెల్లవారుజామున గుర్తు తెలియని వ్యక్తులు దారి దోపిడీకి పాల్పడ్డారు. ఎస్‌ఐ నరేశ్‌ కథనం ప్రకారం.. గ్రామ శివారులో తెల్లవారుజామున మూత్ర విసర్జన చేసేందుకు డ్రైవర్‌ కారును ఆపాడు. అదే సమయంలో గుర్తు తెలియని ముగ్గురు వ్యక్తులు కారు వద్దకు వచ్చి తుపాకీ, కత్తి చూపించారు. కారులో ఉన్న మహిళల వద్ద్ద నుంచి 3 తులాల బంగారు ఆభరణాలు, రూ.10 వేల నగదును అపహరించుకుపోయారు. హైదరాబాద్‌లోని నారాయణగూడకు చెందిన కిరణ్‌ కుటుంబసభ్యులు మహారాష్ట్రలోని కొల్హాపూర్‌లో లక్ష్మీదేవి ఆలయాన్ని సందర్శించి తిరుగు ప్రయాణంలో ఈ ఘటన చోటు చేసుకుంది. బాధితులు వెంటనే 100కు డయల్‌ చేసి పోలీసులకు సమాచారం అందించారు. పోలీసులు సీసీ టీవీ ఫుటేజీలను పరిశీలించి, గాలింపు చర్యలు చేపట్టారు. బాధితుడు కిరణ్‌ ఇచ్చిన ఫిర్యాదు మేరకు పోలీసులు కేసు నమోదు చేసి దర్యాప్తు చేపట్టారు. పెద్దశంకరంపేట(మెదక్‌): ధూపదీప నైవేద్య పథకంలో పనిచేస్తున్న అర్చకుల సమస్యలను పరిష్కరించాలని డీడీఎన్‌ఎస్‌ జిల్లా అధ్యక్షుడు రాజేశ్వరశర్మ కోరారు. ఈమేరకు ఉమ్మడి జిల్లా దేవాదాయ శాఖ కమిషనర్‌ విజయరామరావుకు సోమవారం సంగారెడ్డిలో వినతిపత్రం అందజేశారు. ఈసందర్భంగా రాజేశ్వరశర్మ మాట్లాడుతూ.. అర్చక సంక్షేమ పథకాలపై గ్రామాల్లో పనిచేస్తున్న అర్చకులకు అవగాహన కల్పించాలని, ఆరోగ్యశ్రీ పథకంపై వివరించాలని, పెండింగ్‌లో ఉన్న సమస్యలను పరిష్కరించాలని విన్నవించారు. కార్యక్రమంలో రాష్ట్ర అర్చక సంఘం ఉపాధ్యక్షుడు గుడిచంద్రశేఖరశర్మ, జిల్లా ప్రధాన కార్యదర్శి శ్యాంసుందర్‌, కోశాధికారి ప్రవీణ్‌శర్మ, సభ్యులు రాధాకృష్ణశర్మ తదితరులు పాల్గొన్నారు. సంగారెడ్డి క్రైమ్‌: సంగారెడ్డిలోని అంబేద్కర్‌ స్టేడియంలో సోమవారం స్కూల్‌ గేమ్స్‌ ఫెడరేషన్‌ ఆధ్వర్యంలో నిర్వహించిన బాలికల కబడ్డీ పోటీల్లో సంగారెడ్డి, గుమ్మడిదల జట్లు విజేతలుగా నిలిచాయి. అండర్‌–14 విభాగం ఫైనల్‌ పోరులో న్యాల్కల్‌ బాలికల జట్టుపై సంగారెడ్డి జట్టు విజయం సాధించి ప్రథమ స్థానాన్ని కై వసం చేసుకుంది. అండర్‌–17 విభాగంలో హత్నూర బాలికల జట్టుపై గుమ్మడిదల జట్టు గెలిచి విజేతగా నిలిచింది. జిల్లాలోని 28 మండలాల నుంచి సుమారు 900 మంది విద్యార్థులతో పాటు పీఈటీలు ఈ పోటీలకు హాజరైనట్లు జిల్లా స్కూల్‌ గేమ్స్‌ ఫెడరేషన్‌ కార్యదర్శి శ్రీనివాసరావు తెలిపారు. రేపు జాబ్‌మేళా సిద్దిపేటరూరల్‌: నిరుద్యోగ దివ్యాంగ యువత, విద్యార్థులకు ప్రైవేట్‌ సంస్థల్లో ఉద్యోగ అవకాశం కల్పించేందుకు ఈనెల 28న జాబ్‌మేళా నిర్వహించనున్నట్లు జిల్లా ఉపాధికల్పన అధికా రి ప్రియాంక సోమవారం ఒక ప్రకటనలో పేర్కొన్నారు. ఇర్కోడ్‌లోని ప్రభుత్వ ఐటీఐలో నిర్వహించనున్న ఈ జాబ్‌మేళాను యువత సద్వినియోగం చేసుకోవాలన్నారు. జాబ్‌మేళాలో 5 కంపెనీలు పాల్గొననున్నాయని, పదవ తరగతి, ఇంటర్‌, ఐటీఐ, ఏదైనా డిగ్రీ చదివిన వారు అర్హులన్నారు. అభ్యర్థులు ఉదయం 11 గంటల నుండి మద్యాహ్నం 2 గంటల వరకు జాబ్‌మేళాకు హాజరుకావాలని తెలిపారు.

● ఎల్‌నినోను ఎదుర్కొనేందుకు చర్యలు ● వారంలో రెట్టింపైన కూలీల సంఖ్య ● పంటలు దెబ్బతినడంతో కరువైన పనులు ఉమ్మడి జిల్లాలో ఇలా.. జిల్లా పంచాయతీలు 19వ తేదీన 26న హాజరైన కూలీలు సంగారెడ్డి 613 8,727 13,918 సిద్దిపేట 508 4,204 14,377 మెదక్‌ 492 9,810 19,146 నారాయణఖేడ్‌: ఎల్‌నినో నేపథ్యంలో గ్రామాల్లో పేదలకు పనులు కల్పించి ఉపాధి ద్వారా లబ్ధి చేకూర్చేందుకు అధికారులు చర్యలు చేపట్టారు. ఇప్పటికే పనుల నిర్ధారణ పూర్తి కాగా, గ్రామాల్లో రోజువారీగా పెరుగుతున్న కూలీల సంఖ్యకు అనుగుణంగా పనుల కల్పన చేపడుతున్నారు. వారంలో కూలీల సంఖ్య రెట్టింపు కాగా, మరో వారం పది రోజుల్లో ఈ సంఖ్య మరింత పెరిగే అవకాశం ఉందని అధికారులు అంచనా వేస్తున్నారు. అందుకనుగుణంగా ముందస్తు చర్యలు చేపడుతున్నారు. ఉమ్మడి జిల్లాలో ‘జీరాంజీ’ పథకం కింద సోమవారం 72 మండలాల్లోని 1,613 పంచాయతీల్లో జరిగిన ఉపాధి పనుల్లో 47,441 మంది కూలీలు హాజరయ్యారు. గత వారం క్రితం (19వ తేదీన) ఈ కూలీల సంఖ్య కేవలం 22,741 మంది మాత్రమే ఉంది. మరో వారం పది రోజుల్లో ప్రస్తుతం హాజరువుతున్న కూలీల సంఖ్య రెండు, మూడు రెట్లు పెరిగే అవకాశం ఉంది. కొత్త జాబ్‌కార్డులు గ్రామాల్లో కరువు పరస్థితుల కారణంగా పంటలు దెబ్బతిన్నాయి. వ్యవసాయ పనులు కూడా అంతంతగానే ఉండడంతో కూలీలు ఉపాధి పనుల వైపు మళ్లుతున్నారు. అధికారులు కూడా అందుకనుగుణంగా కూలీలకు పనులు కల్పించే ఏర్పాట్లు చేపట్టారు. వారం రోజుల్లో ఒక్కో జిల్లాలో 2 వేల మంది కొత్తవారికి జాబ్‌ కార్డులు జారీ చేశారు. యాసంగిలోనూ పంటసాగు కష్టంగా మారడంతో వారికి పనులు లభించే అవకాశాలు లేవు. దీనిని గుర్తించిన ప్రభుత్వం 18 ఏళ్లు నిండిన కొత్త వారికి వెను వెంటనే జాబ్‌ కార్డులు ఇవ్వాలని ఆదేశాలు జారీ చేసింది. నారాయణఖేడ్‌ మండలంలో ఉపాధి పనులు చేస్తున్న కూలీలుకూలీలకు పెద్ద ఎత్తున కూలీ పనులు కల్పించేందుకు రోజ్‌గార్‌ సేవక్‌ (మేట్‌)ల నియమిస్తున్నారు. ప్రతీ 40 మంది కూలీలకు ఒకరి చొప్పున పంచాయతీల ఆధ్వర్యంలో మేట్‌లను ఎంపిక చేస్తున్నారు. ప్రస్తుతం గ్రామాల్లో కూలీలను గుర్తించడం, పనులకు తీసుకెళ్లడం వంటి పనులు ఫీల్డ్‌ అసిస్టెంట్లు నిర్వహిస్తున్నారు. దీని వల్ల చాలా మంది కూలీల గుర్తింపు, పనుల కల్పనలో ఇబ్బందులు ఎదురవుతున్న విషయాన్ని పంచాయతీరాజ్‌శాఖ గుర్తించింది. ఈ సమస్యను నివారించేందుకు మేట్‌ల నియామకం చేపడుతున్నారు. ఎంపికై న మేట్‌లు తమ పరిధిలో 40 మంది కూలీలకు పనులు కల్పించే బాధ్యతలను నిర్వర్తించనున్నారు. వీరందిని ఫీల్డ్‌ అసిస్టెంట్‌ పర్యవేక్షిస్తారు. ఎంపికై న మేట్‌లకు రెండు రోజుల పాటు ఉపాధి హామీ పథకం అధికారులు శిక్షణ ఇవ్వనున్నారు. గ్రామాల్లో నీటి సంరక్షణకు జలసిరి పనుల్లో భాగంగా ఫాంపాండ్స్‌, ఇంకుడు గుంతలు, బోర్‌వెల్‌ రీచార్జ్‌, చెక్‌డ్యాంల నిర్మాణం, కందకాలు, వరద నివారణ కాలువలు, రాతి కట్టల నిర్మాణం తదితర పనుల చేపట్టనున్నారు.

అర్జీలు సత్వరమే పరిష్కరించాలివినతులు స్వీకరిస్తున్న కలెక్టర్‌ ప్రతీక్‌ జైన్‌ సంగారెడ్డి ఎడ్యుకేషన్‌: ప్రజల సమస్యల పరిష్కారంలో అధికారులు ప్రత్యేక చొరవ చూపాలని, ప్రజావాణిలో అందిన ఫిర్యాదులను క్షుణ్ణంగా పరిశీలించి నిబంధనల ప్రకారం సత్వరమే పరిష్కరించాలని కలెక్టర్‌ ప్రతీక్‌ జైన్‌ ఆదేశించారు. సోమవారం కలెక్టరేట్‌లో నిర్వహించిన ప్రజావాణి కార్యక్రమంలో అదనపు కలెక్టర్‌ సంగీతతో కలిసి ప్రజల నుంచి అర్జీలను స్వీకరించారు. ఫిర్యాదుదారుల సమస్యలను అడిగి తెలుసుకున్నారు. వాటి పరిష్కారానికి అవసరమైన చర్యలు తీసుకోవాలని సంబంధిత శాఖల అధికారులను ఆదేశించారు. మొత్తం 49 వినతులు రాగా, అందులో సంగారెడ్డి డివిజన్‌ నుంచి 9, నారాయణఖేడ్‌ నుంచి 2, జహీరాబాద్‌ నుంచి 3, కలెక్టరేట్‌లో నిర్వహించిన ప్రజావాణికి 35 అర్జీలు వచ్చాయి. అందోల్‌ డివిజన్‌ నుంచి ఎలాంటి ఫిర్యాదులు అందలేదు. అనంతరం ఓటరు జాబితా ప్రత్యేక సమగ్ర సవరణ ప్రక్రియ పురోగతిపై సోమవారం హైదరాబాద్‌ నుంచి రాష్ట్ర ప్రధాన ఎన్నికల అధికారి సుదర్శన్‌న్‌రెడ్డి నిర్వహించిన వీడియో కాన్ఫరెన్స్‌లో కలెక్టర్‌ పాల్గొన్నారు. ఓటరు జాబితా సవరణలో పారదర్శకత, ఖచ్చితత్వానికి ప్రాధాన్యతనిస్తూ సకాలంలో పూర్తి చేయాలని ఆదేశించారు. అలాగే మహర్షి వాల్మీకి జయంతి సందర్భంగా కలెక్టరేట్‌లో ఆయన చిత్రపటానికి పూలమాల వేసి నివాళులర్పించారు. కార్యక్రమాల్లో జిల్లా వెనుకబడిన తరగతుల సంక్షేమ శాఖ అధికారి జగదీశ్‌ తదితరులు పాల్గొన్నారు.

● చితకబాదిన గ్రామస్తులు ● సూరారంలో అర్ధరాత్రి ఉద్రిక్తతచిన్నశంకరంపేట(మెదక్‌): గుప్తనిధుల కోసం పొలం వద్ద క్షుద్ర పూజలు నిర్వహించిన ఘటన మండలంలోని సూరారం గ్రామంలో ఆదివారం అర్ధరాత్రి కలకలం రేపింది. వివరాలు ఇలా... సూరారం పెద్ద చెరువు దాటిన తరువాత నిర్మానుష్య ప్రదేశంలో గ్రామానికి చెందిన ఓ రైతు మరి కొందరితో కలిసి తన పంటపొలంలో గుప్తనిధుల కోసం క్షుద్రపూజలు చేశారు. గమనించిన చుట్టు పక్కల రైతులు గ్రామస్తులకు సమాచారం అందించారు. గ్రామస్తులు అక్కడికి చేరుకుని పూజలు నిర్వహిస్తున్నవారిని ప్రశ్నించగా పొంతనలేని సమాధానం చెప్పడంతో వారిని చితకబాదారు. గ్రామానికి చెందిన ఓ రైతుతో పాటు వెల్దుర్తి మండలం రామాయపల్లికి చెందిన ఒకరు, హైదరాబాద్‌ సనత్‌నగర్‌ ప్రాంతానికి చెందిన మరో ఇద్దరు అనుమానాస్పదంగా సమాధానం చెప్పడంతో గ్రామస్తులు దాడికి దిగారు. ఈ విషయాన్ని పోలీసులకు చెప్పగా, వారు అక్కడికి వచ్చి క్షుద్రపూజలు నిర్వహించిన నలుగురితో పాటు బొలెరొ వాహనం, రెండు స్కూటీలు, ఒక టీవీఎస్‌ ఎక్స్‌ఎల్‌ను పోలీస్‌స్టేషన్‌కు తరలించారు. ఈ విషయంపై ఎస్‌ఐ శివానందం మాట్లాడుతూ.. క్షుద్రపూజల నిర్వహణపై మొత్తం 9 మందిపై ఫిర్యాదు అందిందని, విచారణ చేస్తున్నట్లు తెలిపారు.

మునిపల్లి(అందోల్‌): షార్ట్‌ సర్క్యూట్‌తో చెరుకు పంట దగ్ధమైంది. ఈ ఘటన మండలంలోని మన్‌సాన్‌పల్లి గ్రామంలో చోటు చేసుకుంది. వివరాలు ఇలా.. గ్రామానికి చెందిన పిరంగుల రాజు చెరుకు సాగు చేస్తున్నాడు. కాగా చేను మీదుగా విద్యుత్‌ తీగలున్నాయి. సోమవారం షార్ట్‌ సర్క్యూట్‌తో సుమారు 12 టన్నుల చెరుకు పంట దగ్ధమైనట్లు బాధితుడు తెలిపారు. అధికారులు నష్టపరిహారం మంజూరు చేసి ఆదుకోవాలన్నారు. విద్యుత్‌ తీగల ను చెరుకు తోట పైనుంచి తొలగించాలని కోరాడు. చిన్నహైదరాబాద్‌ గ్రామంలో.. జహీరాబాద్‌ టౌన్‌: మండలంలోని చిన్నహైదరాబాద్‌ గ్రామంలో జరిగిన అగ్నిప్రమాదంలో చెరుకు తోట దగ్ధమైంది. బాధితుడి కథనం ప్రకారం.. గ్రామానికి చెందిన రైతు బేగరి లక్ష్మయ్య 2 ఎకరాల్లో చెరుకు పంట సాగు చేస్తున్నాడు. ప్రమాదవశాత్తు అగ్నిప్రమాదంలో జరిగి చెరుకు తోటతో పాటు డ్రిప్‌ పైపులు, పరికరాలు కాలిపోయాయి. సుమా రు 80 టన్నుల చెరుకు కాలిపోయి రూ. 3 లక్షల వరకు ఆస్తి నష్టం జరిగింది. అగ్నిమాపక సిబ్బంది వచ్చి మంటలను అదుపు చేశారు. అప్పటికే చెరుకుతోట అధిక భాగం మంటల్లో కాలిపోయిందని, ప్రభుత్వం ఆదుకోవాలని బాధితుడు కోరాడు.

ఎమ్మెల్యే సునీతారెడ్డిహత్నూర(సంగారెడ్డి): పంట నష్టపోయిన రైతులకు ఎకరాకు రూ.30 వేల చొప్పున ప్రభుత్వం నష్టపరిహారం అందించాలని ఎమ్మెల్యే సునీతారెడ్డి డిమాండ్‌ చేశారు. సోమవారం హత్నూర, నవాబుపేట, చిక్‌మద్దూర్‌, సిరిపుర, గోవిందరాజ్‌ పల్లి, లింగాపూర్‌, దౌల్తాబాద్‌, దౌలాపూర్‌, కాసాలతో పాటు పలు గ్రామాలలో ఏర్పాటుచేసిన కొనుగోలు కేంద్రాలను ఎమ్మెల్యే ప్రారంభించి మాట్లాడారు. రైతులకు నాణ్యమైన విద్యుత్‌ అందించకపోవడం వల్ల పంటలు ఎండిపోయి రైతులు ఆర్థికంగా ఇబ్బందులు పడుతున్నారని ఆందోళన వ్యక్తం చేశారు. యాసంగి పంట వేయొద్దని చెబుతున్న ప్రభుత్వం, రైతులను ఆదుకోవాల్సిన అవసరం ఎంతైనా ఉందన్నారు. కొనుగోలు కేంద్రాలకు ధాన్యం తీసుకువచ్చి రోజులు గడిచినా కొనుగోలు చేయడం లేదన్నారు. అంతేకాకుండా కొన్నిచోట్ల తూకంలో మోసాలు చేయడంతో రైతులు నష్టపోతున్నారని వాపోయారు. ప్రస్తుతం వరి కోతలు ప్రారంభం అవుతుండటంతో ఇప్పటికై నా ప్రభుత్వం ముందుచూపుతో పకడ్బందీ ఏర్పాట్లు చేయాలని తెలిపారు. వెంట వెంటనే ధాన్యం కొనుగోలు చేయాలన్నారు. రైతు భరోసా అమలు చేయడంలో ప్రభుత్వం విఫలమైందని ఆరోపించారు. కార్యక్రమంలో పీఏసీఎస్‌ చైర్మన్‌ దుర్గారెడ్డి, తహసీల్దార్‌ పర్వీన్‌ షేక్‌, ఏపీఎం రాజశేఖర్‌, సొసైటీ సీఈఓ శ్రీనివాస్‌, మాజీ ఎంపీపీలు నర్సింలు, ఆంజనేయులు, బీఆర్‌ఎస్‌ మండలాధ్యక్షుడు రామచంద్రారెడ్డి, ఆయా గ్రామాల సర్పంచ్‌లు, ఐకేపీ, పీఏసీఎస్‌ సిబ్బంది పాల్గొన్నారు.

నారాయణఖేడ్‌: మండల కేంద్రమైన నిజాంపేటలోని ఉన్నత పాఠశాల మైదానంలో సోమవారం స్కూల్‌గేమ్‌ ఫెడరేషన్‌ ఆధ్వర్యంలో ఉమ్మడి మెదక్‌ జిల్లాస్థాయి కుస్తీ పోటీలు నిర్వహించారు. ఈ పోటీల్లో ఖేడ్‌ మైనార్టీ బాలుర గురుకుల పాఠశాలకు సంబంధించి అండర్‌– 19 విభాగంలో విద్యార్థులు ఫయీం, శివ, అమన్‌, అయాన్‌, భూమేశ్‌ బంగారు పతకాలు, రేహాన్‌ వెండి పతకం సాధించారు. త్వరలో జరగబోయే రాష్ట్ర స్థాయి కుస్తీ పోటీలకు ఎంపికయ్యారని జిల్లా కళాశాలల ఎస్‌ఎఫ్‌ ప్రధాన కార్యదర్శి గణపతి, కుస్తీ కోచ్‌ జైపాల్‌, పీడీ విఠల్‌ నాయక్‌ తెలిపారు. ఈ సందర్భంగా విద్యార్థులను ప్రధానోపాధ్యాయుడు రాములు, వ్యాయామ ఉపాధ్యాయులు అజీజ్‌, సంతోష్‌, సిబ్బంది అభినందించారు. ఎస్సీ, ఎస్టీ కేసుపై విచారణశివ్వంపేట(నర్సాపూర్‌): మండల పరిధిలోని నవాబుపేట గ్రామంలో సోమవారం ఎస్సీ, ఎస్టీ కేసుకు సంబంధించి తూప్రాన్‌ డీఎస్పీ నరేందర్‌గౌడ్‌ విచారణ చేపట్టారు. ఈనెల 18న గ్రామంలో నిర్వహించిన బతుకమ్మ ఉత్సవాల్లో గొడవ చోటు చేసుకుంది. కులం పేరుతో దూషించారని బాధితుడు ఫిర్యాదు చేయడంతో డీఎస్పీ విచారణ చేపట్టి వివరాలు సేకరించారు. విచారణ అనంతరం తప్పు చేసిన వారిపై చట్ట ప్రకారం చర్యలు తీసుకుంటామని ఆయన తెలిపారు. ఈ కార్యక్రమంలో ఎస్‌ఐ మధుకర్‌ రెడ్డి, సిబ్బంది ఉన్నారు. కల్లు దుకాణాలపై ఎకై ్సజ్‌ దాడులు పెద్దశంకరంపేట(మెదక్‌): కల్తీ కల్లు విక్రయిస్తే కఠిన చర్యలు తప్పవని ఎకై ్సజ్‌ సీఐ గోపాల్‌ హెచ్చరించారు. సోమవారం పెద్దశంకరంపేట, కమలాపూర్‌, ఉత్తులూర్‌, శివాయపల్లి, కోళాపల్లి తదితర గ్రామాల్లోని కల్లు దుకాణాలపై ఎకై ్సజ్‌ అధికారుల బృందం దాడులు నిర్వహించింది. ఆయా దుకాణాల్లో కల్లు షాంపిల్స్‌ను పోలీసులు సేకరించారు. వీటిని పరిశీలన నిమిత్తం నిజామాబాద్‌ కార్యాలయానికి పంపించనున్నట్లు సీఐ తెలిపారు. ఆయన వెంట ఎకై ్సజ్‌ ఎస్‌ఐ వినోద్‌, సిబ్బంది ఉన్నారు. తాళం వేసిన ఇంట్లో చోరీ సిద్దిపేటరూరల్‌: తాళం వేసిన ఇంట్లో గుర్తు తెలియని దుండగులు చోరీకి పాల్పడ్డారు. ఈ ఘటన మండల పరిధిలోని సీతారాంపల్లి గ్రామంలో ఆదివారం చోటుచేసుకుంది. పోలీసుల వివరాల ప్రకారం.. సీతారాంపల్లి గ్రామానికి చెందిన పోచంపల్లి ప్రత్యూష, స్వామి శుక్రవారం ఇంటికి తాళం వేసి మహారాష్ట్రకు వెళ్లారు. అక్కడ రెండు రోజులు ఉండి తిరిగి ఆదివారం రాత్రి ఇంటికి చేరుకున్నారు. వచ్చి చూసేసరికి తాళం పగులగొట్టి ఉంది. దీంతో లోపలికి వెళ్లి చూడగా బీరువాలో ఉన్న తులం బంగారు గొలుసు, 7 గ్రాముల ఉంగరాలు, 10తులాల వెండి కడియాలు కనిపించలేదు. అపహరణకు గురైన ఆభరణాల విలువ సుమారు రూ.లక్షకు పైగా ఉంటుందని తెలిపారు. బాధితుల ఫిర్యాదు మేరకు కేసు నమోదు చేశారు. అదే గ్రామంలో మరో ముగ్గురి ఇంట్లో సైతం దొంగతనం జరిగినట్లు పోలీసులు తెలిపారు.

ఎస్పీ పరితోశ్‌ పంకజ్‌ సంగారెడ్డి ఎడ్యుకేషన్‌: పోలీస్‌ ఫ్లాగ్‌ డే వారోత్సవాల్లో భాగంగా సోమవారం పోలీస్‌ అధికారులు, సిబ్బందికి వ్యాసరచన పోటీలు నిర్వహించారు. సంగారెడ్డిలోని శాంతినగర్‌ సెయింట్‌ ఆంథోనీ హైస్కూల్‌లో నిర్వహించిన ఈ పోటీల్లో మొత్తం 34 మంది పాల్గొన్నారు. ఈసందర్భంగా ఎస్పీ మాట్లాడుతూ.. పోటీల్లో ఉత్తమ ప్రతిభ కనబరిచిన మూడు వ్యాసాలను రివార్డుల కోసం ఎంపిక చేయనున్నట్లు తెలిపారు. ప్రజల పట్ల బాధ్యత, సేవాభావం పెంపొందించడంతో పాటు సిబ్బందిలో సృజనాత్మకతను ప్రోత్సహించేందుకు ఇలాంటి కార్యక్రమాలు దోహదపడతాయని అన్నారు. అలాగే విద్యార్థుల కోసం ఆన్‌్‌లైన్‌్‌లో వ్యాసరచన పోటీలు నిర్వహించారు. వీటిని పరిశీలించి ఉత్తమ వ్యాసాలను ఎంపిక చేసి విజేతలకు రివార్డులు అందజేస్తామని ఎస్పీ వెల్లడించారు.

మరొకరికి తీవ్ర గాయాలునర్సాపూర్‌ రూరల్‌: రోడ్డు ప్రమాదంలో యువకుడు మృతి చెందగా, మరొకరికి తీవ్ర గాయాలయ్యాయి. నర్సాపూర్‌ పోలీసుల వివరాల ప్రకారం.. చిలిపిచెడ్‌ మండలం సామ్ల తండాకు చెందిన మాలోత్‌ వినోద్‌(23)తో పాటు అదే తండాకు చెందిన బానోతు సర్దార్‌తో కలిసి బైక్‌పై ఆదివారం రాత్రి నర్సాపూర్‌ వైపు వస్తున్నారు. ఈ క్రమంలో నర్సాపూర్‌ – మెదక్‌ 765డి జాతీయ రహదారి పెద్ద చింతకుంట జల హనుమాన్‌ ఆలయం వద్ద మెదక్‌ నుంచి నర్సాపూర్‌ వైపు ఇనుప రాడ్లతో వస్తున్న లారీ డ్రైవర్‌ ఒక్కసారిగా వేగం తగ్గించడంతో వెనుక నుంచి ఢీకొట్టారు. ఈ ప్రమాదంలో బైకు నడుపుతున్న మాలోత్‌ వినోద్‌కు పలుచోట్ల రాడ్లు కుచ్చు కావడంతో తీవ్ర రక్తస్రావం అయింది. బైక్‌పై వెనకాల కూర్చున్న సర్దార్‌కు సైతం గాయాలయ్యాయి. వీరిని 108లో నర్సాపూర్‌ ఏరియా ఆసుపత్రికి తరలిస్తుండగా మార్గమధ్యలో వినోద్‌ మృతి చెందాడు. కాగా సర్దార్‌ ఓ ప్రైవేట్‌ ఆస్పత్రిలో చికిత్స పొందుతున్నాడు. ట్రాక్టర్‌ కిందపడి వృద్ధురాలు.. చిన్నకోడూరు(సిద్దిపేట): ప్రమాదవశాత్తు ట్రాక్టర్‌ కిందపడి వృద్ధురాలు మృతి చెందింది. ఈ ఘటన మండల పరిధిలోని చర్లఅంకిరెడ్డిపల్లిలో సోమవారం చోటు చేసుకుంది. గ్రామానికి చెందిన వర్కోలు గౌరవ్వ(75) గ్రామంలోని ఆశ వర్కర్‌ వద్ద మందులు తీసుకోవడానికి వెళ్తుంది. ఈ క్రమంలో కేశవేణి నారాయణ తన ట్రాక్టర్‌ రివర్స్‌ తీస్తుండగా ట్రాలీ వెనుక భాగం గౌరవ్వకు తగిలి కిందపడింది. దీంతో ట్రాక్టర్‌ ఆమె పైనుంచి వెళ్లడంతో అక్కడికక్కడే మృతి చెందింది. మృతురాలి కుమారుని ఫిర్యాదు మేరకు కేసు ఎస్‌ఐ చంద్రమోహన్‌ నమోదు చేశారు. కిందపడి కాంట్రాక్టు కార్మికుడు.. జహీరాబాద్‌: విధులకు వెళ్లిన కాంట్రాక్టు కార్మికుడు ఆకస్మికంగా మరణించాడు. ఈ ఘటన కోహీర్‌ మండలంలోని దిగ్వాల్‌ గ్రామంలో చోటు చేసుకుంది. గ్రామస్తులు, మృతుడి బంధువుల కథనం ప్రకారం.. గ్రామానికి చెందిన నగేశ్‌(42) ఎప్పటి మాదిరిగానే సోమవారం గ్రామంలోని పిరామల్‌ కర్మాగారంలో విధులు నిర్వహించేందుకు వెళ్లాడు. మధ్యాహ్నం క్యాంటీన్‌లో భోజనం చేసేందుకు వెళ్తూ ఆకస్మికంగా కిందపడిపోయాడు. వెంటనే తోటి కార్మికులు జహీరాబాద్‌లోని ఓ ప్రైవేటు ఆస్పత్రికి తరలించారు. అప్పటికే నగేశ్‌ మరణించినట్లు వైద్యులు ప్రకటించారు. మృతదేహాన్ని పోస్టుమార్టం నిమిత్తం ప్రభుత్వాస్పత్రికి తరలించారు. మృతుడి కుటుంబానికి పరిహారం చెల్లించి న్యాయం చేయాలని బంధువులు ఆందోళన చేశారు. యాజమాన్యంతో చర్చలు జరుగుతున్నట్లు సమాచారం.

ఎల్‌నినో ప్రభావంతో యాసంగి సాగుపై నీలినీడలు అలుముకున్నాయి. వరితో పాటు అధిక నీటి వినియోగం ఉన్న పంటలకు రాష్ట్ర ప్రభుత్వం క్రాప్‌ హాలీడే ప్రకటించిన నేపథ్యంలో ఈ యాసంగిలో వరి సాగు చేయవద్దని, అధికారులు చెబుతున్నారు. కాగా మొత్తం సిద్దిపేట జిల్లాలో 96,344 ఎకరాల్లో మాత్రమే సాగు అవ్వనున్నట్లు, వ్యవసాయశాఖ అధికారులు యాసంగి ప్రణాళికను రూపొందించారు. – ప్రశాంత్‌నగర్‌(సిద్దిపేట)ఇప్పటికే జిల్లాలో వానాకాలం సాగు చివరి దశకు చేరుకున్న నేపథ్యంలో ఆఖరు తడికి నీరు సక్రమంగా అందని పరిస్థితులు నెలకొన్నాయి. దీంతో రైతులు ఇబ్బందులు పడుతున్నారు. వానాకాలం ప్రారంభం నుంచే ఆశించిన వర్షాలు కురవలేదు. దీంతో చెరువులు, కుంటల్లో నీరు లేకపోవడంతో భూగర్భ జలాలు అడుగంటుతున్నాయి. దౌల్తాబాద్‌, రాయపోల్‌, ములుగు మండలాల్లో భూగర్భ జల మట్టాలు వేగంగా పడిపోతున్నట్లు అధికారులు పేర్కొన్నారు. ఇప్పుడే పరిస్థితి ఇలా ఉంటే మార్చి, ఏప్రిల్‌ నాటికి నీటి, విద్యుత్‌ కష్టాలు భారీగా ఉండే అవకాశాలు కనిపిస్తున్నాయి. దీంతో యాసంగి సాగుపై రైతుల్లో అనిశ్చితి నెలకొంది. యాసంగి సాగు అంచనా.. ఎల్‌నినో ప్రభావంతో సిద్దిపేట జిల్లాలో నీటి వినియోగం తక్కువగా ఉండే తృణధాన్యాలు, నూనె దినుసులు సాగు చేయాలని, రైతులకు అధికారులు అవగాహన కల్పిస్తున్నారు. గత 2025 – 26 యాసంగిలో 4,12,039 ఎకరాల్లో సాగు అవ్వగా, 2026–27 యాసంగిలో 96,344 ఎకరాల్లో సాగవుతుందని వ్యవసాయశాఖ అధికారులు అంచనా వేస్తున్నారు. ఇందులో ముఖ్యంగా గత యాసంగిలో 3,55,501 ఎకరాల్లో గరిష్టంగా వరి సాగయ్యింది. కాగా ఈ యాసంగిలో అధికంగా 62,921 ఎకరాల్లో మొక్కజొన్న , 22,325 ఎకరాల్లో పొద్దుతిరుగుడు, 11,098 ఎకరాల్లో చిరుధాన్యాలు, నూనె దినుసులు మొత్తం 96,344 ఎకరాల్లో మాత్రమే సాగు అవ్వనున్నట్లు, వ్యవసాయశాఖ అధికారులు యాసంగి ప్రణాళికను రూపొందించారు. 8 కరువు మండలాల గుర్తింపు ఎల్‌నినో ప్రభావంతో జిల్లాలోని అనేక మండలాలు ఇప్పటికే ప్రభావితం అవుతున్నాయి. దీంతో జిల్లాలో అధికారులు 10 అంశాలతో కూడిన సర్వే నిర్వహించారు. ఇందులో కొమురవెల్లి తీవ్ర కరువు మండలంగా ఉండగా చేర్యాల, ధూళ్మిట్ట, బెజ్జంకి, నారాయణరావుపేట, ములుగు, వర్గల్‌, మర్కూక్‌ మండలాల్లో కరువు ప్రభావం ఉందని ప్రభుత్వం గుర్తించింది. సిద్దిపేట జిల్లాలో సాగుకు ప్రతికూలం

● వచ్చే సీజన్‌లో వరి సాగు వద్దు ● మంత్రి పొన్నం ప్రభాకర్‌ ● ధాన్యం కొనుగోలు కేంద్రం ప్రారంభంకోహెడరూరల్‌(హుస్నాబాద్‌): రైతులు దళారులు , ప్రైవేట్‌ వ్యాపారులను నమ్మి మోసపోవద్దని ప్రభుత్వ కొనుగోలు కేంద్రాల్లోనే ధాన్యం అమ్మి మద్దతు ధర పొందాలని మంత్రి పొన్నం ప్రభాకర్‌ అన్నారు. సోమవారం మండల కేంద్రంలో ఐకేపీ ఆధ్వర్యంలో ఏర్పాటు చేసిన ధాన్యం కొనుగోలు కేంద్రాన్ని ఆయన ప్రారంభించి మాట్లాడారు. రైతుల సౌకర్యార్థం నియోజకవర్గంలో 136 ధాన్యం కొనుగోలు కేంద్రాలను ఏర్పాటు చేశామన్నారు. ధాన్యం అమ్మిన 48 గంటల్లోపే నేరుగా రైతుల ఖాతాలో డబ్బులు జమ అవుతాయని తెలిపారు. ఈసారి సన్న వడ్లకు ప్రభుత్వం క్వింటాలుకు రూ.500 బోనస్‌ ఇస్తుందని చెప్పారు. వైఎస్సార్‌ హయాంలో ప్రారంభమైన గౌరవెల్లి ప్రాజెక్టు పనులు ముగింపు దశకు వచ్చాయని , భూసేకరణకు రైతులు సహాకరిస్తే 2027నాటికి సాగునీరు అందిస్తామన్నారు. ఎల్‌నినో ప్రభావం నేపథ్యంలో భూగర్భ జలాలు పడిపోవడం, విద్యుత్‌ సమస్యలు వచ్చే అవకాశం ఉన్నందున యాసంగి సీజన్‌లో రైతులు వరి వేయవద్దని సూచించారు. కురిసిన ప్రతి వర్షపు చుక్కను భూమిలోకి ఇంకించేలా ఇంకుడు గుంతలు, బోర్‌వెల్‌ రీఛార్జ్‌ పాయింట్లను నిర్మించుకోవాలని పిలుపునిచ్చారు. నీటి పొదుపులో జిల్లాలోనే అక్కన్నపేట మండలం మొదటి స్థానంలో నిలిచిందని తెలిపారు. కార్యక్రమంలో సర్పంచ్‌ సుజాత, మార్కెట్‌ కమిటీ చైర్మన్‌ నిర్మల, మండల అధ్యక్షుడు సుధాకర్‌, ధర్మయ్య, డీఆర్డీఏ పీడీ జయదేవ్‌ఆర్యా తదితరులు పాల్గొన్నారు. కౌన్సిలర్‌కు పరామర్శ.. హుస్నాబాద్‌రూరల్‌: హుస్నాబాద్‌ మున్సిపల్‌ 16వ వార్డు కౌన్సిలర్‌ వైద్యం కిరణ్‌ప్రసాద్‌ రోడ్డు ప్రమాదంలో తీవ్రంగా గాయపడ్డాడు. దీంతో ప్రభుత్వ ఆస్పత్రిలో చికిత్స పొందుతున్నాడు. సోమవారం మంత్రి పొన్నం ప్రభాకర్‌ పరామర్శించారు. ఈ సందర్భంగా వైద్య పరీక్షలు చేసి మెరుగైన వైద్య సేవలు అందించాలని వైద్యులను ఆదేశించారు.

రూ.15 లక్షల ఆస్తినష్టంఅల్లాదుర్గం(మెదక్‌): దాబాలో భారీ అగ్ని ప్రమాదం సంభవించి రూ.15 లక్షల ఆస్తి నష్టం జరిగింది. ఈ ఘటన మండలంలోని గడిపెద్దాపూర్‌ గ్రామ శివారులో సోమవారం చోటు చేసుకుంది. దాబా యజమాని రవిచంద్ర వివరాల ప్రకారం.. గడిపెద్దాపూర్‌ శివారులో 161 జాతీయ రహదారి పక్కన ఫ్యామిలీ రెస్టారెంట్‌ (దాబా)లో ప్రమాదవశాత్తు మంటలు చెలరేగాయి. దీంతో అక్కడున్న వర్కర్లు, దాబాకు వచ్చిన వారు గమనించి పరుగులు పెట్టారు. భారీగా ఎగిసి పడుతున్న మంటలను ఆర్పేందుకు స్థానికులు ఎంత ప్రయత్నించినా అదుపులోకి రాలేదు. దీంతో జోగిపేట అగ్నిమాపక కేంద్రానికి సమాచారం అందించగా, వారు వచ్చే సరికి భారీ నష్టం చోటు చేసుకుంది. ఈ ప్రమాదంలో ఎలాంటి ప్రాణ నష్టం జరగలేదు. రూ.15 లక్షల మేర ఆస్తి నష్టం జరిగినట్లు బాధితుడు తెలిపారు.

నర్సాపూర్‌ రూరల్‌: చిన్నారితో తల్లి అదృశ్యమైన ఘటన నర్సాపూర్‌లో ఆలస్యంగా సోమ వారం వెలుగు చూసింది. పోలీసుల వివరాలు.. శివ్వంపేట మండలం గూడూరు గ్రామానికి చెందిన చిట్యాల రేణుక, కుమారుడు బాన్విక్‌(సంవత్సరం)తో పాటు ఆడపడుచు గూడెపు సుశీలతో కలిసి నర్సాపూర్‌ పట్టణానికి ఆదివారం మధ్యాహ్నం షాపింగ్‌కు వచ్చారు. షాపింగ్‌ పూర్తి కాగానే వెంట వచ్చిన సుశీలను ఓ స్వీట్‌ షాప్‌ దగ్గర ఉండమని, వేరే పని ఉందని అని తన కుమారుడితో రేణుక వెళ్లింది. సాయంత్రం వరకు తిరిగి రాకపోవడంతో సుశీల గ్రామానికి వెళ్లి విషయం చెప్పింది. రేణుక భర్త శివ కుమార్‌, కుటుంబ సభ్యులు పరిసర ప్రాంతాల్లో వెతికినా ఆచూకీ లభించలేదు. విధులకు ఆటంకం.. మహిళపై కేసు గజ్వేల్‌: గజ్వేల్‌ ఏసీపీ కార్యాలయంలో అధికారులు, సిబ్బందిని భయాందోళనకు గురిచేసి విధులకు ఆటంకం కలిగించిన మహిళపై కేసు నమోదైంది. ఏసీపీ నర్సింహులు కథనం ప్రకారం... రాయపోల్‌ మండలం సయ్యద్‌నగర్‌ గ్రామానికి చెందిన సయ్యద్‌ బేగంబీ సోమవారం ఏసీపీని కలవడానికి వచ్చారు. ఆ సమయంలో సందర్శకులు ఉన్నందువల్ల వేచి ఉండాలని, వెయిటింగ్‌ హాలులో కూర్చోవాలని హోంగార్డు సూచించారు. ఈ క్రమంలో సదరు మహిళ తన వెంట తెచ్చుకున్న ఎలుకల మందు నోట్లో పోసుకొని ఆత్మహత్యాయత్నానికి పాల్పడింది. వెంటనే సిబ్బంది అప్రమత్తమై అడ్డుకోవడంతోపాటు ప్రభుతాసుపత్రికి తరలించారు. సదరు మహిళ గతంలో తన భర్తపై నమోదైన కేసుకు సంబంధించి దర్యాప్తు చేస్తున్న అధికారులను బెదిరించడానికి రాయపోల్‌ పోలీస్‌స్టేషన్‌లో రెండుసార్లు ఆత్మహత్యాయత్నానికి పాల్పడిందని తెలిపారు. అలాగే ఆమైపె నాలుగు న్యూసెన్స్‌ కేసులున్నాయి. తాజాగా ఏసీపీ కార్యాలయ హోంగార్డు ఫిర్యాదు మేరకు ఆమైపె కేసు నమోదు చేసినట్లు ఏసీపీ వెల్లడించారు.

డీసీసీ అధ్యక్షుడు చంద్రశేఖర్‌రెడ్డి నారాయణఖేడ్‌: ఢిల్లీలో నవంబర్‌ 1న నిర్వహించనున్న బహిరంగ సభను విజయవంతం చేయాలని ఏఐసీసీ పరిశీలకుడు సరళ్‌ పటేల్‌, డీసీసీ అధ్యక్షుడు చంద్రశేఖర్‌రెడ్డి పిలుపునిచ్చారు. సోమవారం ఖేడ్‌లోని ఎమ్మెల్యే క్యాంపు కార్యాలయంలో ఓట్‌ బచావో పేరిట బీఎల్‌ఏలు, నాయకులతో సమావేశం నిర్వహించారు. ఈసందర్భంగా వారు మాట్లాడుతూ.. జిల్లావ్యాప్తంగా 2.20 లక్షల ఓట్లను తొలగించే ప్రయత్నం సాగుతోందన్నారు. దేశవ్యాప్తంగా ఓటు చోరీపై రాహుల్‌గాంధీ చేపట్టిన ఉద్యమానికి పార్టీశ్రేణులు మద్దతు పలకాలన్నారు. చిన్నచిన్న కారణాలతో ఓటర్లకు నోటీసులు ఇస్తున్నారని, వారి ఓట్లను కాపాడాల్సిన బాధ్యత మనపై ఉందన్నారు. రానున్న ఎన్నికల్లో ఓట్‌ చోరీ జరగకుండా రాహుల్‌గాంధీ ప్రజలను అప్రమత్తం చేస్తున్నట్లు చెప్పారు. ఢిల్లీలో జరిగే కార్యక్రమానికి జిల్లా నుంచి వెయ్యి మంది నాయకులను తరలించేలా ఏర్పాట్లు చేస్తున్నట్లు తెలిపారు. నోటీసులు వచ్చిన వారు సమాధానాలు సమర్పించేలా బీఎల్‌ఏలు చొరవ చూపాలని సూచించారు. సమావేశంలో ఆత్మ కమిటీ చైర్మన్‌ వినోద్‌ పాటిల్‌, నియోజకవర్గంలోని బీఎల్‌ఏలు, నాయకులు పాల్గొన్నారు.

యువకుడి ఆత్మహత్యచేగుంట(తూప్రాన్‌): మద్యం మత్తులో తల్లితో గొడవ పడి యువకుడు ఆత్మహత్య చేసుకున్నాడు. ఈ ఘటన మండల కేంద్రమైన చేగుంటలో ఆదివారం రాత్రి చోటు చేసుకుంది. ఎస్‌ఐ చైతన్యకుమార్‌రెడ్డి వివరాల ప్రకారం.. గ్రామానికి చెందిన టేకి నర్సింహులు(21) కూలీ పనులు చేసుకుంటూ జీవనం సాగిస్తున్నాడు. రెండేళ్లుగా మద్యానికి బానిసగా మారిన అతడు ఆదివారం రాత్రి మద్యం మత్తులో తల్లితో గొడవపడి ఇంట్లోంచి బయటకు వెళ్లిపోయాడు. రైల్వేస్టేషన్‌ సమీపంలోని వెంచర్‌లో చెట్టుకు ఉరివేసుకొని మృతి చెందాడు. స్థానికుల సమాచారంతో ఘటనా స్థలానికి చేరుకున్న పోలీసులు పంచనామా నిర్వహించారు. మృతుడి తల్లి యాదమ్మ ఫిర్యాదుతో మేరకు కేసు నమోదు చేశారు. అనారోగ్యంతో వృద్ధుడు.. నంగునూరు(సిద్దిపేట): వృద్ధుడు ఆత్మహత్య చేసుకున్న ఘటన సోమవారం నంగునూరులో చోటు చేసుకుంది. గ్రామస్తుల వివరాల ప్రకారం.. గ్రామానికి చెందిన దాసరి తుకారాం (66) అనారోగ్యంతో పాటు మతిస్థిమితం సరిగా లేక ఇబ్బంది పడుతున్నాడు. సోమవారం ఇంట్లో నుంచి వెళ్లిన అతడు తిరిగి రాలేదు. దీంతో చుట్టుపక్కల వెతకగా నంగునూరు ప్రభుత్వ జూనియర్‌ కళాశాల సమీపంలో చెట్టుకు ఉరివేసుకొని మృతి చెందాడు. భార్య కిష్టవ్వ ఫిర్యాదు మేరకు పోలీసులు కేసు నమోదు చేశారు. అనుమానాస్పద స్థితిలో యువకుడు.. రామాయంపేట(మెదక్‌): మండలంలోని ప్రగతి ధర్మారం అటవీ ప్రాంతంలో అనుమానాస్పద స్థితిలో ఆత్మహత్యకు పాల్పడ్డ యువకుని మృతదేహాన్ని పోలీసులు సోమవారం గుర్తించారు. వివరాలు ఇలా.. చేగుంట మండల కేంద్రానికి చెందిన జలాల్‌పూర్‌ అనిల్‌కుమార్‌ (22) ఇటీవల ఇతర సామాజిక వర్గానికి చెందిన యువతిని పెళ్లి చేసుకున్నాడు. కాగా ఏమైందో తెలియదు కాని రెండు రోజుల క్రితం ఇంటినుంచి వెళ్లిపోయిన అతడు అటవీప్రాంతంలో చెట్టుకు వేలాడుతూ విగతజీవిగా కనిపించాడు. గమనించిన వారు పోలీసులకు సమాచారం అందజేశారు. అనిల్‌ మృతి విషయమై తమకు అనుమానం ఉందని మృతుని కుటుంబ సభ్యులు పోలీసులకు ఫిర్యాదు చేశారు.

● భర్త రిమాండ్‌ ● కేసు వివరాలు వెల్లడించిన పోలీసులుజిన్నారం (పటాన్‌చెరు): భార్యపై అనుమానంతో హత్య చేసిన భర్తను పోలీసు లు అరెస్టు చేశారు. సోమవా రం జిన్నారం సీఐ నాగార్జున గౌడ్‌ స్టేషన్‌లో కేసు వివరాలు వెల్లడించారు. మెదక్‌ మండ లం ర్యాలమడుగు గ్రామానికి చెందిన సోఫీ హుస్సేన్‌, అఫ్రిన్‌ బేగం దంపతులు జీవనోపాధి కోసం మేడ్చల్‌ జిల్లాలోని గాగిల్లాపూర్‌ రాజీవ్‌గాంధీ నగర్‌ లో నివాసముంటున్నారు. భర్త కారు డ్రైవర్‌గా పనిచేస్తుండగా, భార్య గడ్డపోతారంలోని ఓ పరిశ్రమ లో పనిచేస్తోంది. ఈ క్రమంలో భార్య ఇతరులతో చనువుగా ఉంటోందని హుస్సేన్‌ అనుమానం పెంచుకున్నాడు. ఇదే విషయమై దసరా రోజు భార్యాభర్తల మధ్య గొడవ జరిగింది. దీంతో భార్యపై కక్ష పెంచుకున్న హుస్సేన్‌ ఆమెను హత్య చేయాలని నిర్ణయించుకున్నాడు. అదే రోజు రాత్రి బయటకు వెళ్దామని భార్యను తన ద్విచక్ర వాహనంపై వావిలాల శివారు అటవీ ప్రాంతానికి తీసుకెళ్లాడు. అక్కడ ఆమె గొంతు నులిమి హత్య చేసేందుకు ప్రయత్నించాడు. కాగా అదే సమయంలో అటుగా వెళ్తున్న వాహనాల శబ్దం వినిపించడంతో భయపడి అక్కడి నుంచి వెళ్లిపోయాడు. అప్పటికే భార్య మృతి చెందింది. మరుసటి రోజు తిరిగి అదే ప్రాంతా నికి చేరుకున్న హుస్సేన్‌, భార్య బతికి ఉందేమోనన్న అనుమానంతో కత్తితో గొంతు కోసి హత్య చేసినట్లు పోలీసుల విచారణలో వెల్లడైంది. అనంత రం తనపై అనుమానం రాకుండా భార్య కనిపించ డం లేదని ఆమె తల్లిదండ్రులను నమ్మించే ప్రయ త్నం చేశాడు. అలాగే, భార్య సెల్‌ఫోన్‌ను మెదక్‌ బస్టాండ్‌లో వదిలి వెళ్లి, కనిపించడం లేదని పోలీసులకు ఫిర్యాదు చేశాడు. అయితే హుస్సేన్‌ ప్రవర్తనపై అనుమానం వచ్చిన పోలీసులు అదుపులోకి తీసుకు ని విచారించగా, భార్యపై అనుమానంతో తానే హత్య చేసినట్లు నేరం అంగీకరించాడు. కేసు నమో దు చేసి నిందితుడిని రిమాండ్‌కు తరలించారు.

యాసంగి సాగు చేయాలంటే భయంగా ఉంది. ఎల్‌నినో ప్రభావంతో సాగునీరుకు, విద్యుత్‌ సరఫరాకు ఇబ్బందులు తలెత్తుతాయని, నా తోటి రైతులు అంటున్నారు. నాకు ఐదున్నర ఎకరాలు భూమి ఉంది. యాసంగిలో వరి వేయవద్దని అధికారులు చెబుతున్నారు. పొద్దుతిరుగుడు సాగు చేయాలనుకుంటున్నా. – ఐలయ్య, రైతు, రాంసాగర్‌, కొమురవెల్లి మండలం కూరగాయలు సాగు చేస్తా నాకు మొత్తం 8 ఎకరాల భూమి ఉంది. ఎల్‌నినోతో ఈ యాసంగిలో వరితో పాటు అధిక నీటి వినియోగం ఉన్న పంటలను సాగు చేయవద్దని అధికారులు సూచిస్తున్నారు. దీంతో మూడెకరాల్లో చిరు ధాన్యాలు, ఇతర పంటలు సాగు చేయాలనుకుంటున్నాను. –బొబ్బల తిరుపతిరెడ్డి, రైతు, మాచాపూర్‌, చిన్నకోడూరు మండలం

సదాశివపేట(సంగారెడ్డి): ప్రభుత్వం రైతులకు నేటి వరకు పూర్తిస్థాయి రుణమాఫీ చేయలేదని భారతీయ కిసాన్‌ సంఘ్‌ జిల్లా అధ్యక్షుడు నర్సింహారెడ్డి అన్నారు. సోమవారం మండలంలోని తహసీల్దార్‌ కార్యాలయం ఎదుట ధర్నా నిర్వహించి తహసీల్దార్‌ హరిచంద్రప్రసాద్‌కు వినతిపత్రం అందజేశారు. ఈ సందర్భంగా ఆయన మాట్లాడుతూ.. రాష్ట్రంలో 65 లక్షల మంది ఉండగా, 25.36 లక్షల మంది రైతులకు మాత్రమే ప్రభుత్వం రూ. 2 లక్షల రుణమాఫీ చేసిందన్నారు. మిగితా రైతులకు వెంటనే రుణమాఫీ చేయాలని డిమాండ్‌ చేశారు. ప్రతి రోజు వ్యవసాయానికి 24 గంటలు విద్యుత్‌ సరఫరాకు కోట్లాది రూపాయలు ఖర్చుపెడుతున్నామని గొప్పలు చేప్పడమే తప్ప, 24 గంటల విద్యుత్‌ అమ లు కావడం లేదని ఆవేదన వ్యక్తం చేశారు. కార్యక్రమంలో నాయకులు రాజశేఖర్‌రెడ్డి, మాణిక్‌రెడ్డి, రాములు, బస్వరాజ్‌, మల్లన్న, అశోక్‌, అంజయ్య, ఎల్లయ్య తదితరులు పాల్గొన్నారు.

గజ్వేల్‌: ‘అలయ్‌ బలయ్‌’ కార్యక్రమం సమైక్యతాభావాన్ని పెంపొందించడానికి దోహదపడుతుందని ఎమ్మెల్సీ డాక్టర్‌ యాదవరెడ్డి అన్నారు. ఆదివారం గజ్వేల్‌లోని టీ–లక్ష్మణ్‌ గార్డెన్‌లో నిర్వహించిన శ్రీఅలయ్‌ బలయ్‌శ్రీ కార్యక్రమానికి ఆయన ముఖ్యఅతిథిగా హాజరై మాట్లాడారు. హైదరాబాద్‌ నగరానికే పరిమితమైన ఈ కార్యక్రమం నేడు గజ్వేల్‌లో జరగడం శుభపరిణామమని పేర్కొన్నారు. దసరా తర్వాత నిర్వహించే ఈ కార్యకమ్రానికి ఎంతో ప్రత్యేకత ఉంటుందన్నారు. పార్టీలకతీతంగా ప్రతి ఒక్కరూ ఇందులో పాల్గొనడం ద్వారా ఐక్యతను చాటుకునే అవకాశముంటుందని తెలిపారు. ఈ అనవాయితీ నిరంతరంగా కొనసాగాలని ఆకాంక్షించారు. ఎన్నికలప్పుడు మాత్రమే రాజకీయాలు చేయాలని, మిగతా సమయాల్లో అంతా కలిసికట్టుగా ఈ ప్రాంత సమస్యల పరిష్కారానికి ముందుకుసాగాల్సిన అవసరముందన్నారు. సమాజంలోని అన్ని వర్గాలను ఏకతాటిపైకి తెచ్చేలా ‘అలయ్‌ బలయ్‌’ కార్యక్రమం జరిగిందని ఎఫ్‌డీసీ మాజీ చైర్మన్‌ వంటేరు ప్రతాప్‌రెడ్డి పేర్కొన్నారు. కార్యక్రమంలో ఎస్సీ, ఎస్టీ కమిషన్‌ మాజీ చైర్మన్‌ బక్కి వెంకటయ్య, మాజీ మున్సిపల్‌ చైర్మన్‌ భాస్కర్‌, నాయకులు మల్లేశం, యాదగిరి, సర్దార్‌ఖాన్‌, సమీర్‌, దేవీ రవీందర్‌తోపాటు ప్రజా, ఉద్యోగ సంఘాల నాయకులు రామచంద్రం, ఏ.మల్లికార్జున్‌, నిర్వాహణ కమిటీ బాధ్యులు కుమార్‌, స్వామి, నర్సింలు, శివకుమార్‌, మహేశ్‌, బాకీ స్వామి, కన్నయాదవ్‌ పాల్గొన్నారు. ఈ అనవాయితీ నిరంతరం కొనసాగాలి ఎమ్మెల్సీ డాక్టర్‌ యాదవరెడ్డి

కొండపాక(గజ్వేల్‌): రోడ్డు ప్రమాదంలో తీవ్రంగా గాయపడిన వ్యక్తి ఆస్పత్రిలో చికిత్స పొందుతూ మృతి చెందాడు. కుకునూరుపల్లి ఎస్సై బాలకృష్ణ వివరాల ప్రకారం.. గజ్వేల్‌ మండలంలోని సింగాటం గ్రామానికి చెందిన కుంట రాజు(40) ఈనెల 15న పని నిమిత్తం ద్విచక్ర వాహనంపై కుకునూరుపల్లికి వెళ్లాడు. తిరుగు ప్రయాణంలో తిప్పారం గ్రామ శివారులో మల్లన్న సాగర్‌ కాలువ వద్దకు రాగానే అడవి పందుల గుంపు ఎదురుగా రావడంతో ద్విచక్ర వాహనం అదుపుతప్పి పందులను ఢీకొట్టి కిందపడగా రాజు తలకు తీవ్ర గాయాలయ్యాయి. స్థానికులు వెంటనే అత డ్ని అంబులెన్సులో గజ్వే ల్‌ ప్రభుత్వ ఆస్పత్రికి తరలించి కుటుంబీకులకు సమాచారం అందించారు. పరిస్థితి విషమంగా ఉండటంతో హైదరాబాద్‌లోని యశోద ప్రైవేటు ఆసుపత్రికి, అక్కడి నుంచి మరో ఆస్పత్రికి తరలించగా చికిత్స పొందుతూ మృతి చెందాడు. మృతుడి భార్య జ్యోతి ఫిర్యాదు మేరకు పోలీసులు కేసు నమోదు చేశారు.

జహీరాబాద్‌ టౌన్‌: మహారాష్ట్రలోని తుల్జాపూర్‌ భవానీ మాతను దర్శించుకునేందుకు వేలాది మంది భక్తులు పాదయాత్రగా వెళ్తున్నారు. కిలోమీటర్ల కొద్ది కాలినడన ప్రయాణిస్తున్న వారి ఆకలి తీర్చేందుకు పలు సంఘాల నిర్వహకులు దారి పొడవునా అన్నదాన శిబిరాలు నిర్వహిస్తున్నారు. అలాగే పాదయాత్రికులు తమ కుటుంబ సభ్యులతో మాట్లాడేందుకు, రూట్‌ మ్యాప్‌ చూసుకునేందుకు మొబైల్‌ ఫోన్లు అత్యంత కీలకం. అయితే నిత్యం ప్రయాణంలో ఉండటం వల్ల ఫోన్లకు చార్జింగ్‌ అయిపోవడం పెద్ద సమస్యగా మారింది. ఈ ఇబ్బందిని గమనించిన అన్నదాన సేవా సంఘాల వారు వినూత్న ఆలోచనకు రూపకల్పన చేశారు. ఓ ప్లాస్టిక్‌ బకెట్‌ చుట్టూ త్రీ పిన్‌ ప్లగ్‌లను అమర్చి.. ఒకేసారి పలు డివైజ్‌లను చార్జ్‌ చేసుకునేలా ‘చార్జింగ్‌ హబ్‌’ను తయారు చేశారు. సరికొత్త ఆలోచన ద్వారా ఒకే సమయంలో డజన్ల కొద్ది భక్తులు తమ సెల్‌ఫోన్లకు చార్జ్‌ పెట్టుకునే సౌకర్యం ఏర్పడింది.

చేగుంట(తూప్రాన్‌): ప్రజల ఆరోగ్యానికి హానికరంగా మారిన జీవిక పరిశ్రమను మూసివేయాలని బీఆర్‌ఎస్‌ నాయకులు సర్పంచుల ఆధ్వర్యంలో పరిశ్రమ వద్ద రాస్తారోకో నిర్వహించారు. ఈ సందర్భంగా బీకొండాపూర్‌ సర్పంచ్‌ రాజిరెడ్డి మాట్లాడుతూ చేగుంట శివారులోని జీవిక పరిశ్రమ నుంచి దుమ్ము ధూళి, పొగతో ప్రజల ఆర్యోగం దెబ్బతింటుందన్నారు. చేగుంట, అనంతసాగర్‌, ఉల్లితిమ్మాయిపల్లి, రుక్మాపూర్‌ గ్రామాల్లో భూగర్భ జలాలు కలుషితమవుతున్నాయని చెప్పారు. ఆయా గ్రామాల్లో ప్రజల ఆరోగ్యం, కలుషిత నీటి నివారణ, వాహనాల రాకపోకలతో ప్రమాదాల నివారణకు పరిశ్రమ ఆధ్వర్యంలో ఎలాంటి చర్యలు తీసుకోనందున పరిఽశ్రమను మూసివేయాలని రాస్తారోకో చేస్తున్నట్లు తెలిపారు. ట్రాఫిక్‌ ఇబ్బందులు గుర్తించిన ఎస్‌ఐ చైతన్యకుమార్‌రెడ్డి ఘటనా స్థలానికి చేరుకొని ఉన్నతాధికారులతో మాట్లాడేలా చొరవ తీసుకుంటామని హామీ ఇవ్వడంతో నిరసన విరమించారు. ఈ కార్యక్రమంలో సర్పంచ్‌ సత్యనారాయణ, మాజీ సర్పంచ్‌ శ్రీనివాస్‌, బీఆర్‌ఎస్‌ నాయకులు ఆయా గ్రామాల ప్రజలు పాల్గొన్నారు.

పటాన్‌చెరు టౌన్‌: భవిష్య నిధి సంస్థ ఆధ్వర్యంలో ఈనెల 27న ‘నిధి ఆప్కే నికత్‌ 2.0’ కార్యక్రమాన్ని నిర్వహించనున్నట్లు ప్రాంతీయ భవిష్య నిధి కమిషనర్‌ రమేశ్‌ కుమార్‌ ఆదివారం ఒక ప్రకటనలో పేర్కొన్నారు. ఉదయం 9:30 గంటల నుంచి సాయంత్రం 5:45 వరకు ఐదు కేంద్రాల్లో శిబిరాలు నిర్వహించనున్నట్లు వెల్లడించారు. పటాన్‌ చెరు డివిజన్‌ పరిధిలోని శాంతినగర్‌ గీత ఉన్నత పాఠశాల, దుండిగల్‌లోని మర్రి లక్ష్మణ్‌ రెడ్డి సాంకేతిక నిర్వహణ సంస్థ, కూకట్‌పల్లిలోని మున్సిపల్‌ కౌన్సిల్‌ (పురపాలక మండలి), నానక్‌రామ్‌గూడలోని ఎంఎస్‌ హిటాచీ డిజిటల్‌ సర్వీసెస్‌ ఇండియా ప్రైవేట్‌ లిమిటెడ్‌, సిద్దిపేట రాజీవ్‌ రహదారి రోడ్డు మైత్రి వనం వికాస్‌ ఉన్నత పాఠశాలల్లో ఈ శిబిరాలు ఏర్పాటు చేయనున్నట్లు తెలిపారు. భవిష్య నిధి ఖాతాలు, పెన్షన్లు, ఇతర సేవలకు సంబంధించిన సమస్యలు ఉన్నవారు ఈ శిబిరాలకు హాజరై పరిష్కరించుకోవాలని సూచించారు. పటాన్‌చెరు: అమీన్‌పూర్‌ సర్కిల్‌ పరిధిలోని బీరంగూడలో ఆదివారం మాజీ మంత్రి హరీశ్‌రావు పర్యటించారు. లక్ష్మీగణపతి సహిత కాశీ విశ్వేశ్వర పంచముఖి ఆంజనేయస్వామిని దర్శించుకొని ప్రత్యేక పూజలు నిర్వహించారు. ఈసందర్భంగా ఎమ్మెల్యే గూడెం మహిపాల్‌రెడ్డి ఆయనకు ఘన స్వాగతం పలికారు. అనంతరం అమీన్‌పూర్‌ మున్సిపల్‌ మాజీ వైస్‌ చైర్మన్‌ నందారం నరసింహగౌడ్‌ ఆహ్వానం మేరకు వారి నివాసానికి వెళ్లి భోజనం చేశారు. కార్యక్రమంలో ఎస్సీ ఎస్టీ కమిషన్‌ చైర్మన్‌ బక్కి వెంకటయ్య, దుబ్బాక ఎమ్మెల్యే కొత్త ప్రభాకర్‌ రెడ్డి, మాజీ చైర్మన్‌ ఎర్రోళ్ల శ్రీనివాస్‌, బీఆర్‌ఎస్‌ పార్టీ నియోజకవర్గ కో ఆర్డినేటర్‌ ఆదర్శ్‌రెడ్డి, సీనియర్‌ నాయకులు గూడెం మధుసూదన్‌ రెడ్డి, నాయకులు పాల్గొన్నారు. నారాయణఖేడ్‌: పట్టణంలో భువన్‌ సర్వేను మున్సిపల్‌ అధికారులు ముమ్మరంగా నిర్వహిస్తున్నారు. ఆదివారం సైతం పట్టణంలో సర్వే నిర్వహించారు. ఇదివరకే నిర్మించుకున్న నివాసాల చుట్టూ కొలతలు తీస్తున్నారు. రెండేళ్ల క్రితం సర్వే నిర్వహించి భువన్‌ యాప్‌లో అధికారులు నమోదు చేశారు. తిరిగి మళ్లీ సర్వే చేపట్టారు. నాటికి, నేటికీ ఇళ్ల నిర్మాణాల్లో వ్యత్యాసాలు ఉంటే ఈ సర్వే ద్వారా పన్నుల పెంపు చేపట్టనున్నారు. ఆయా భవనాల వారు ఎవైనా అదనపు నిర్మాణాలు చేపడితే అందుకనుగుణంగా పన్ను విధించనున్నారు. చేర్యాల(సిద్దిపేట): విద్యుత్‌ రంగాన్ని ప్రైవేటీకరణ చేయాలన్న కేంద్ర ప్రభుత్వ నిర్ణయాన్ని వెంటనే వెనక్కి తీసుకోవాలని తెలంగాణ స్టేట్‌ యునైటెడ్‌ ఎలక్ట్రిసిటీ ఎంప్లాయీస్‌ యూ నియన్‌ (టీజీయూఈఈయూ) రాష్ట్ర ప్రధాన కార్యదర్శి నలవాల స్వామి డిమాండ్‌ చేశారు. పట్టణ కేంద్రంలో ఆదివారం నిర్వహించిన సమావేశంలో లైన్‌మెన్‌, అసిస్టెంట్‌ లైన్‌మెన్‌, జూనియర్‌ లైన్‌మెన్‌, ఆర్టిజన్‌ కార్మికులు తదితరులు యూనియన్‌లో చేరగా వారికి కండువాలు కప్పి సభ్యత్వం అందించారు. అనంతరం స్వామి మాట్లాడుతూ.. విద్యుత్‌ రంగాన్ని ప్రైవేటీకరించే నిర్ణయాలను కేంద్ర ప్రభుత్వం తక్షణమే ఉపసంహరించుకోవాలన్నారు. విద్యుత్‌ రంగం ప్రైవేటీకరణ వల్ల సామాన్య ప్రజలు, రైతులపై ఆర్థిక భారం పెరిగే ప్రమాదముందన్నారు. విద్యుత్‌ రంగాన్ని పరిరక్షించడంతోపాటు అందులో పనిచేసే కార్మికుల హక్కులు, ఉద్యోగ భద్రతను కాపాడాల్సిన బాధ్యత ప్రభుత్వాలపై ఉందని స్పష్టం చేశారు.

పటాన్‌చెరు టౌన్‌: ఇస్నాపూర్‌ మున్సిపల్‌ పరిధిలో తప్పిపోయిన ఎనిమిదేళ్ల బాలికను పోలీసులు గుర్తించారు. శనివారం గుర్తుతెలియని వ్యక్తి 112కు ఫోన్‌చేసి, ఇస్నాపూర్‌ చౌరస్తాలో బాలిక ఉన్నట్లు పోలీసులకు సమాచారం అందించారు. స్పందించిన పెట్రోలింగ్‌ సిబ్బంది అక్కడికి చేరుకొని, నాగయ్య కుమార్తె సోనీ(8)గా గుర్తించారు. ఆమె స్వస్థలం అల్లాదుర్గం మండలం కాగా, ప్రస్తుతం సంగారెడ్డిలో నివసిస్తున్నట్లు పోలీసులు తెలిపారు. బాలిక సంక్షేమం, సంరక్షణ దృష్ట్యా మహిళా పోలీసు సిబ్బంది సంగారెడ్డిలోని బాలసదనానికి తరలించారు. రాష్ట్ర స్థాయి పోటీల్లో విజయం సాధించాలి తూప్రాన్‌: ఈ నెల 31 నుంచి 2 వరకు నిర్మల్‌లో జరిగే 12వ తెలంగాణ రాష్ట్ర స్థాయి జూనియర్‌ అంతర్‌ జిల్లాల సాఫ్ట్‌ బాల్‌ చాంపియన్షిప్‌లో జిల్లా జట్టు విజయం సాధించాలని జిల్లా అసోసియేషన్‌ ప్రధాన కార్యదర్శి శ్యామ్‌ సుందర్‌ శర్మ పేర్కొన్నారు. స్థానిక తెలంగాణ క్రీడా ప్రాంగణంలో జరిగిన మెదక్‌ జిల్లా బాలికల ఎంపిక ప్రక్రియలో జిల్లా నుంచి సుమారు 30 మంది బాలికలు పాల్గొన్నారని తెలిపారు. ఇందులో సుమారు 20 మందిని శిక్షణ శిబిరానికి ఎంపిక చేసినట్లు పేర్కొన్నారు. ఈ నెల 26 నుంచి జరిగే శిక్షణ శిబిరంలో ఉత్తమ ప్రతిభ కనబరిచిన 16 మంది క్రీడాకారులను ఎంపిక చేసి రాష్ట్ర స్థాయి పోటీలకు పంపనున్నారు. కార్యక్రమంలో జిల్లా కోచ్‌లు అంతర్జాతీయ క్రీడాకారులు రవి, సుమన్‌, స్థానిక నాయకులు కుమార్‌ గౌడ్‌, భిక్షపతి సీనియర్‌ క్రీడాకారులు తదితరులు పాల్గొన్నారు. ఘనంగా 230వ నగర సంకీర్తన జహీరాబాద్‌ టౌన్‌: ఇస్కాన్‌ ఆధ్వర్యంలో ఆదివారం హనుమాన్‌ మందిరం వీధిలో 230వ నగర సంకీర్తన భక్తిశ్రద్ధలతో వైభవంగా నిర్వహించారు. భక్తుల హరినామస్మరణ, నృత్యాలతో హనుమాన్‌ మందిర ప్రాంగణం ఆధ్యాత్మిక శోభ సంతరించుకుంది. ఈ సందర్భంగా కంది అక్షయపాత్ర బాధ్యులు విభీషణ్‌ ప్రభూజీ భగద్గీతలోని 3వ అధ్యాయం 9వ శ్లోకం గురించి వివరించారు. అనంతరం భక్తులకు అల్పాహారం వితరణ చేశారు. నేటి నుంచి ప్రతి రోజు సాయంత్రం హనుమాన్‌ మందిరంలో దామోదర మాస ఉత్సవాలు నిర్వహిస్తున్నట్లు నిర్వాహకులు తెలిపారు. భక్తులు అధిక సంఖ్యలో పాల్గొనాలని కోరారు. చిట్టీ డబ్బు ఇవ్వలేదని ఫిర్యాదు బషీరాబాద్‌: చిట్టీ పాట పాడిన తర్వాత సొమ్ము చెల్లించకుండా దుర్భాషలాడుతూ వేధిస్తున్నారని ఆరోపిస్తూ మంథట్టి గ్రామానికి చెందిన విభూతి పరమేశ్వర్‌ (30) ఆదివారం బషీరాబాద్‌ పోలీసులకు ఫిర్యాదు చేశారు. వివరాలు ఇలా.. గ్రామానికి చెందిన సంకు మహిపాల్‌ వద్ద పరమేశ్వర్‌ రూ.5.10 లక్షల చిట్టీ వేశారు. సెప్టెంబరు 15న పాట పాడి రూ.4.84 లక్షలకు డిక్లేర్‌ చేసుకున్నారు. అయితే సొమ్ము చెల్లించకుండా నిర్వాహకుడు తిప్పుతున్నాడని బాధితుడు ఆరోపించారు. అక్టోబరు 16న డబ్బుల కోసం వెళ్లగా.. ఇవ్వనని దూషిస్తూ ఇంటి నుంచి గెంటేశాడని ఫిర్యాదులో పేర్కొన్నారు. ఇదే తరహాలో మరికొందరు చిట్టీ సభ్యులను మోసం చేసినట్లు, మహిపాల్‌పై ఇప్పటికే ధారూరు పీఎస్‌లోనూ కేసు నమోదైనట్లు తెలిపారు.

పాపన్నపేట(మెదక్‌): ఏడుపాయల్లో తప్పిపోయిన మూడేళ్ల చిన్నారిని గుర్తించిన పోలీసులు తల్లిదండ్రులకు అప్పగించారు. ఈ ఘటన ఆదివారం చోటు చేసుకుంది. ఎస్సై శ్రీనివాస్‌గౌడ్‌ కథనం ప్రకారం.. మంబోజిపల్లి గ్రామానికి చెందిన ప్రవీణ్‌కుమార్‌, రేణుక దంపతుల కుమార్తె సుదీక్షిత ఏడుపాయల్లోని ఆలయ పరిసరాల్లో తప్పిపోయింది. ఏడుస్తూ కనిపించిన ఆ బాలికను విధి నిర్వహణలో ఉన్న స్వరూపరాణి, భవాని అనే మహిళా కానిస్టేబుళ్లు గమనించి అక్కున చేర్చుకున్నారు. కొద్ది సేపటికి అమ్మాయి తల్లిదండ్రులు, పాప కోసం ఈఓ కార్యాలయానికి రాగా, వారికి సుదీక్షితను అప్పగించారు. ఈ సందర్భంగా ఎస్పీ శ్రీనివాస్‌ రావు మాట్లాడుతూ.. జాతరలు, పుణ్యక్షేత్రాలకు వచ్చినపుడు తల్లిదండ్రులు తమ పిల్లల పట్ల జాగ్రత్తగా ఉండాలని సూచించారు. కాగా కానిస్టేబుళ్ల పని తీరును ఎస్పీ ప్రశంసించారు. బిల్లులు రాక.. ఆగిన ట్యాంకు నిర్మాణం తాగునీటికి ఇబ్బందులు పడుతున్న ప్రజలు హుస్నాబాద్‌రూరల్‌: మండలంలోని కూచనపెల్లి గ్రామంలో తాగునీటి సరఫరాకు రూ.22 లక్షల వ్యయంతో ఓహెచ్‌ఆర్‌ వాటర్‌ ట్యాంకు నిర్మిస్తున్నారు. పనులు చేసినా బిల్లులు రావడం లేదని కాంట్రాక్టర్‌ పనులు మధ్యలోనే నిలిపి వేయడంతో తెనుగుపల్లె కాలనీకి తాగునీరు అందడం లేదని ఆదివారం గ్రామస్తులు ఆరోపించారు. గౌరవెల్లి ప్రాజెక్టులో ముంపునకు గురైన భూ నిర్వాసితులు కొన్ని కుటుంబాలు కూచనపెల్లి శివారులో భూములు కొనుగోలు చేసి, ఇంటి నిర్మాణం చేసుకొని ఉంటున్నారు. ఈ కాలనీకి తాగునీరు సరఫరా చేయడానికి పైపులైన్‌, ఓహెచ్‌ఆర్‌ వాటర్‌ ట్యాంకు నిర్మాణానికి ప్రభుత్వం రూ.22 లక్షల నిధులు మంజూరు చేసింది. 2024 నవంబర్‌లో మంత్రి పొన్నం ప్రభాకర్‌ పనులకు శంకుస్థాపన చేశారు. పనులు ప్రారంభించి రెండేళ్లు పూర్తి కావస్తున్నా.. ట్యాంక్‌ ప్రజలకు ఉపయోగంలోకి రాకపోవడంతో కాలనీ ప్రజలు అసహనం వ్యక్తం చేస్తున్నారు. అధికారులు స్పందించి వాటర్‌ ట్యాంకు పనులు పూర్తి చేసి తాగునీరు అందించాలని డిమాండ్‌ చేస్తున్నారు. దీనిపై ఆర్‌డబ్ల్యూఎస్‌ డీఈ రుహనాను వివరణ కోరగా.. కాంట్రాక్ట్‌రుకు బిల్లులు రాకపోవడంతో పనులు నిలిపివేశారన్నారు. కాలనీ ప్రజలకు వాటర్‌ ట్యాంకు ద్వారా తాగునీరు సరఫరా చేస్తున్నామని తెలిపారు.

ఎల్‌నినోతో పాడి రైతుకు ఆపద వచ్చింది. తీవ్ర వర్షాభావ పరిస్థితులతో పాటు పశుపోషణ రంగం తీవ్ర సంక్షోభాన్ని ఎదుర్కొంటుంది. ఎండు గడ్డితో పాటు దాణా ధరలు అమాంతం పెరగనున్నాయి. ఫలితంగా పోషకాహార లోపంతో పాటు ఎండ దెబ్బతో పశువులకు వ్యాధులు సంక్రమించే అవకాశాలున్నాయని వైద్యులు హెచ్చరిస్తున్నారు. భూగర్భజలాలు అడుగంటడంతో పాటు చెరువులు ఎండిపోయే పరిస్థితుల్లో తాగునీరు దొరకడం కష్టతరంగా మారింది. – రామాయంపేట(మెదక్‌)/ సంగారెడ్డి జోన్‌ పెరగనున్న ఎండు గడ్డి, దాణా ఖర్చులు మూగజీవాల పై తీవ్ర ప్రభావం

మిరుదొడ్డి(దుబ్బాక): యువకుడు ఆత్మహత్య చేసుకున్న ఘటన అక్బర్‌పేట–భూంపల్లి మండల పరిధిలోని జంగపల్లిలో ఆదివారం చోటు చేసుకుంది. భూంపల్లి ఎస్‌ఐ రాజశేఖర్‌ కథనం ప్రకారం.. గ్రామానికి చెందిన భోయ భాస్కర్‌ (31) వ్యవసాయ కూలీ పనులు చేసుకుంటూ భార్య రేణుక, ఏడేళ్లలోపు కూతురును పోషించుకుంటూ జీవనం సాగిస్తున్నాడు. ఈ నెల 24న సాయంత్రం ఇంట్లో నుంచి వెళ్లిపోయాడు. తిరిగి ఇంటికి రాకపోవడంతో కుటుంబ సభ్యులు ఆందోళనకు గురయ్యారు. బంధుమిత్రుల వద్ద వెతికినా ఆచూకీ లభించలేదు. కాగా ఆదివారం మధ్యాహ్నం గ్రామ శివారులోని చెరువు గట్టు వద్ద భాస్కర్‌ బైక్‌తో పాటు, చెప్పులు ఉండటం గ్రామస్తులు గుర్తించి కుటుంబ సభ్యులకు సమాచారం అందించారు. దీంతో చెరువులో వెతకగా భాస్కర్‌ మృతదేహం లభ్యమైంది. ఐదు నెలల క్రితం భాస్కర్‌ కుమారుడు మృతి చెందాడు. కుమారుడి మృతితో కలత చెందిన భాస్కర్‌ చెరువులో దూకి ఆత్మహత్యకు పాల్పడి ఉండవచ్చని గ్రామస్తులు, పోలీసులు అనుమానిస్తున్నారు. మృతుడి భార్య రేణుక ఫిర్యాదు మేరకు పోలీసులు కేసు నమోదు చేశారు.

చీకటి పడితే జోరుగా అక్రమ తవ్వకాలు ● చెరువులు, కుంటలు గుంతలమయం ● కాళేశ్వరం మట్టి సైతం మాయం ● పట్టించుకోని అధికారులు నర్సాపూర్‌ మున్సిపాలిటీ పరిధిలోని హన్మంతాపూర్‌ చెరువు, చింతల కుంటలో సుమారు వారం రోజులుగా రాత్రి మట్టిని తవ్వి టిప్పర్ల ద్వారా తరలిస్తున్నారు. దీంతో చెరువు, కుంటలు గుంతలమయంగా మారాయి. అక్రమ సంపాదనకు అలవాటు పడిన కొందరు మట్టి వ్యాపారులు ప్రభుత్వం నుంచి ఎలాంటి అనుమతులు తీసుకోకుండా అక్రమంగా మట్టిని తరలించి అమ్ముకుంటున్నారు. ఇష్టానుసారంగా తవ్వడంతో, ఏర్పడిన గుంతలతో ప్రమాదాలు సంభవిస్తే ఎవరు బాధ్యులని ప్రజలు ప్రశ్నిస్తున్నారు. చెరువు, కుంటల్లో పశువులకు నీళ్లు తాగించడానికి వెళ్లాలంటేనే భయమేస్తుందని రైతులు, పశువుల యాజమానులు ఆవేదన వ్యక్తం చేస్తున్నారు. కాగా అధికారులు మట్టి తవ్వకాలను అడ్డుకొని, చెరువు, కుంటలను పరిరక్షించాలని స్థానికులు కోరుతున్నారు. రాత్రి అయిందంటే చాలు చెరువులు, కుంటల నుంచి యథేచ్ఛగా అక్రమంగా మట్టిని తరలిస్తున్నారు. అధికారుల పర్యవేక్షణ లేక మట్టి మాఫియా ఇష్టానుసారంగా తవ్వకాలు చేపడుతోంది. వాల్టా చట్టం అమలు చేయడంలో ఆయా శాఖల అధికారులు విఫలం అవుతున్నారన్న విమర్శలు వినిపిస్తున్నాయి. కాళేశ్వరం కాలువ మట్టిని సైతం మాయం చేశారని, ఇంత జరుగుతున్నా అధికారులు ఎందుకు చర్యలు తీసుకోవడం లేదని ప్రజలు ప్రశ్నిస్తున్నారు. – నర్సాపూర్‌: చర్యలు తీసుకుంటాం హన్మంతాపూర్‌ చెరువు, చింతలకుంటలో అక్రమంగా మట్టిని తవ్వి తరలిస్తున్న విషయం నాకు తెలియదు. రాత్రి పూట నిఘా పెట్టి, అక్రమ తవ్వకాలను అడ్డుకునేందుకు చర్యలు తీసుకుంటాం. – ప్రభాకర్‌, మండల రెవెన్యూ ఇన్‌స్పెక్టర్‌

సాక్షిప్రతినిధి, సంగారెడ్డి: ఎస్‌ఐఆర్‌ విషయంలో కాంగ్రెస్‌ నాయకులు, బీఎల్‌ఏలు, సూపర్‌వైజర్లు పూర్తి అప్రమత్తతో వ్యవహరించాలని డీసీసీ అధ్యక్షుడు పట్లోల్ల చంద్రశేఖర్‌రెడ్డి, ఏఐసీసీ పరిశీలకుడు సరళ్‌ పటేల్‌ సూచించారు. ఆదివారం సంగారెడ్డిలో ఏర్పాటు చేసిన విలేకరుల సమావేశంలో వారు మాట్లాడారు. రాష్ట్రవ్యాప్తంగా 90 లక్షల ఓట్లను తొలగించేందుకు ప్రయత్నాలు చేస్తున్నారని ఆరోపించారు. ‘ఓట్‌ బచావ్‌.. దేశ్‌ బచావ్‌’ కార్యాక్రమంలో భాగంగా ఏఐసీసీ ఇచ్చిన పిలుపు మేరకు నవంబర్‌ 1న ఢిల్లీ రాంలీల మైదాన్‌లో జరిగే భారీ బహిరంగ సభకు పార్టీ శ్రేణులు పెద్ద ఎత్తున తరలి వెళ్లి విజయవంతం చేయాలన్నారు. జిల్లా నుంచి సుమారు వెయ్యి మంది ముఖ్యనేతలు ఢిల్లీకి తరలి వెళుతున్నట్లు తెలిపారు. ఈ సభ తర్వాత అసెంబ్లీ నియోజకవర్గాల వారీగా సమావేశాలు నిర్వహిస్తామన్నారు. పార్టీ తయారు చేసిన ప్రత్యేక యాప్‌ ద్వారా అర్హులైన ఏ ఒక్కరి ఒటు కూడా తొలగిపోకుండా చూస్తామన్నారు. ఈసీఐ జ్ఞానేశ్‌కుమార్‌, మోదీ, అమిత్‌షాకు వ్యతిరేకంగా రాహుల్‌గాంధీ చేస్తున్న పోరాటంలో కాంగ్రెస్‌ శ్రేణులంతా కలిసిరావాలని విజ్ఞప్తి చేశారు. సమావేశంలో నారాయణఖేడ్‌ ఎమ్మెల్యే సంజీవరెడ్డి, నాయకులు ప్రీతం, కిరణ్‌గౌడ్‌, జార్జ్‌ తదితరులు పాల్గొన్నారు. డీసీసీ అధ్యక్షుడు చంద్రశేఖర్‌రెడ్డి

గడ్డపోతారం సరాక రసాయన పరిశ్రమ ప్రమాదానికి నిర్లక్ష్యమే ప్రధాన కారణమని ప్రాథమికంగా తేలింది. క్లోరోఫాం గ్యాస్‌ వెళ్లే దారిలో పలుచోట్ల క్రాక్స్‌ (నెర్రెలు) రావడంతోనే ఈ విష వాయువు లీకై ప్రాణనష్టానికి దారితీసినట్లు భావిస్తున్నారు. యాజమాన్యం నిర్లక్ష్యానికి తోడు, పరిశ్రమలో సంబంధిత అధికారుల భద్రత పరమైన తనిఖీల లోపంతోనే ఈ ప్రమాదం జరిగి అమాయక కార్మికుల ప్రాణాలు గాలిలో కలిసినట్లు సమాచారం. – సాక్షిప్రతినిధి, సంగారెడ్డి ఇన్‌స్పెక్టర్‌ ఆఫ్‌ ఫ్యాక్టరీల విభాగం అధికారులు, బ్రాయిలర్‌ విభాగం అధికారులు ఆయా పరిశ్రమలకు తనిఖీలకు వెళ్లినప్పుడు ఇలాంటి కీలక యూనిట్లను క్షుణ్ణంగా ప్రత్యేకంగా పరిశీలించాలి. కేవలం థర్డ్‌ పార్టీ సంస్థలు ఇచ్చిన ఇన్‌స్పెక్షన్‌ రిపోర్టులను చూసి వదిలేయకుండా.. ప్రమాదాలకు ఆస్కారం ఉండే చోట్ల ప్రత్యేకంగా తనిఖీలు చేయాలి. ఈ విభాగాల అధికారులు ఈ దిశగా చర్యలు చేపట్టకపోవడంతో ఇలాంటి ప్రమాదాలు పునరావృతం అవుతున్నాయనే విమర్శలు వ్యక్తమవుతున్నాయి. దీంతో అమాయక కార్మికులు, ఉద్యోగుల ప్రాణాలు గాలిలో కలుస్తున్నాయి. గురువారం రాత్రి ఈ పరిశ్రమలో క్లోరోఫాం వాయువు లీకై ఏపీకి చెందిన పి.సుదర్శన్‌రావు, కె.బాలాజీ అనే కార్మికులిద్దరు మృత్యువాత పడిన విషయం విధితమే. ఈ ఘటనపై ప్రాథమిక విచారణ చేపట్టిన అధికారులు ఈ పరిశ్రమ మూసివేతకు ఆదేశాలు జారీ అయ్యాయి. ఈ ప్రాథమిక విచారణ కీలక అంశాలు వెలుగులోకి వచ్చినట్లు తెలుస్తోంది. కిట్లు లేకపోవడంతో ప్రాణనష్టం! నిబంధనల ప్రకారం ప్రమాదకరమైన గ్యాస్‌లు లీకయ్యే అవకాశాలున్న యంత్రాల వద్ద పనిచేసే కార్మికులు, ఉద్యోగులకు ఆక్సిజన్‌తో కూడిన పర్సనల్‌ ప్రొటక్షన్‌ కిట్లు అందుబాటులో ఉంచాలి. ప్రమాదాలకు ఆస్కారం ఉండే యూనిట్ల వద్ద పనిచేసే కార్మికులు, టెక్నికల్‌ ఉద్యోగులు ఈ కిట్లు తప్పకుండా దరించేలా యాజమాన్యం పర్యవేక్షించాలి. సరాక పరిశ్రమ ఘటనలో ఆక్సిజన్‌తో కూడిన పర్సనల్‌ ప్రొటెక్షన్‌ కిట్లు లేకపోవడంతో ప్రాణనష్టానికి దారి తీసినట్లు తెలుస్తోంది. యాజమాన్యం ఈ ఆక్సిజన్‌ కిట్లను అందుబాటులో ఉంచిందా? లేదా అనేది అధికారులు తేల్చాలి. బోరపట్లలో ఇలాంటి ప్రమాదమే.. హత్నూర మండలం బోరపట్లలోనూ ఇలాగే విష వాయువులు లీకై ఓ కార్మికుడు మృతి చెందాడు. అధికారులు, పరిశ్రమ యాజమాన్యం కలిసి ఈ ప్రమాదాన్ని బయటకు పొక్కనీయకుండా వ్యవహరించారనే ఆరోపణలు అప్పట్లో వ్యక్తమయ్యాయి. ఇప్పుడు సరాక పరిశ్రమలో గురువారం ప్రమాదం జరిగితే శుక్రవారం వెలుగులోకి వచ్చింది. గుట్టుచప్పుడు కాకుండా క్షతగాత్రులను ఆసుపత్రులకు తరలించారనే విమర్శలు వ్యక్తమవుతున్నాయి. సరాక పరిశ్రమ ప్రమాద విషయమై వివరణ కోసం ఇన్‌స్పెక్టర్‌ ఆఫ్‌ ఫ్యాక్టరీ విభాగం అధికారి నెహును ‘సాక్షి’ ఫోన్‌లో సంప్రదించగా ఆయన స్పందించలేదు. క్లోరోఫాం వాయువు వెళ్లే పైప్‌లైన్‌కు పగుళ్లు అందుబాటులో లేని ఆక్సిజన్‌ రక్షణ కిట్లు! ఇవి ఉంటే గ్యాస్‌లీకై నా ప్రాణాలు దక్కే అవకాశం ‘సరాక’ ప్రమాద ఘటనపై ప్రాథమిక విచారణలో కీలక అంశాలు

రామచంద్రాపురం(పటాన్‌చెరు): ఔటర్‌ రింగ్‌ రోడ్డుపై జరిగిన రోడ్డు ప్రమాదంలో ఇద్దరు వ్యక్తులు మృతి చెందారు. ఈ ఘటన సంగారెడ్డి జిల్లా కొల్లూరు పోలీస్‌స్టేషన్‌ పరిధిలో ఆదివారం చోటు చేసుకుంది. పోలీసుల కథనం ప్రకారం.. ఆదివారం మధ్యాహ్న సమయంలో కొల్లూరు పరిధిలోని రింగ్‌రోడ్డుపై డివైడర్‌ మధ్యలో ఉన్న మొక్కలకు జీహెచ్‌ఎంసీ నీటి ట్యాంకర్‌తో సిబ్బంది నీరు పోస్తున్నారు. అదే సమయంలో హైదరాబాద్‌ నుంచి ముత్తంగి వైపు వేగంగా వెళ్తున్న ట్రాలీ ఆటో నీటి ట్యాంకర్‌ను వెనుక నుంచి ఢీకొట్టింది. ఈ ప్రమాదంలో మొక్కలకు నీరు పోస్తున్న తెల్లాపూర్‌లో నివాసముండే, జనగామ జిల్లా గూడూరుకు చెందిన శ్రీను(30) అక్కడికక్కడే మృతి చెందాడు. ట్రాలీ ఆటో క్యాబిన్‌లో ఇరుక్కుపోయిన డ్రైవర్‌ శ్రీనాఽథ్‌(26) తీవ్రగాయాలపాలై మృతి చెందాడు. కాగా మృతుడు శ్రీనాథ్‌ హైదరాబాద్‌లోని తిరుమలగిరి ప్రాంతానికి చెందిన వారని పోలీసులు తెలిపారు. ఈ విషయం తెలుసుకున్న పోలీసులు ఘటనా స్థలానికి చేరుకుని ట్రాఫిక్‌ను నియంత్రించారు. ఈ మేరకు పోలీసులు కేసు నమోదు చేసుకుని దర్యాప్తు చేస్తున్నారు.

దుబ్బాక: చేపలు పట్టేందుకు వెళ్లి ప్రమాదవశాత్తు కుంటలో నీటమునిగి హమాలి కార్మికుడు మృతి చెందాడు. ఎస్‌ఐ కీర్తిరాజు కథనం ప్రకారం.. దుబ్బాక పట్టణంలోని డబుల్‌బెడ్రూం కాలనీలో నివాసం ఉంటున్న బెల్లె భూమయ్య(52) హమాలి కార్మికుడిగా పనిచేస్తూ భార్య , ఇద్దరు పిల్లలతో జీవనం సాగిస్తున్నాడు. శనివారం సాయంత్రం బోడోనికుంటలో చేపలు పట్టేందుకు వెళ్లాడు. గట్టుమీద చెప్పులు, బట్టలు పెట్టి చేపలు పట్టేందుకు కుంటలోకి దిగాడు. ప్రమాదవశాత్తు నీటిలో మునిగి మృతిచెందాడు. రాత్రి అవుతున్నా ఇంటికి రాకపోవడంతో భూమయ్య భార్య, బంధువులు కుంటవద్ద గాలించగా గట్టుమీద చెప్పులు, బట్టలు కనిపించడంతో పోలీసులకు సమాచారం అందించారు. ఆదివారం కుంటలో పోలీసులు గజ ఈతగాళ్లతో గాలించగా భూమయ్య మృతదేహం బయటపడింది. మృతదేహాన్ని పోస్టుమార్టం నిమిత్తం దుబ్బాక ప్రభుత్వ ఆసుపత్రికి తరలించారు. మృతుడి భార్య నర్సవ్వ ఫిర్యాదు మేరకు పోలీసులు కేసు నమోదు చేశారు. పాము కాటుతో మహిళా రైతు.. అల్లాదుర్గం(మెదక్‌): పొలం వద్దకు వెళ్లి తిరిగి వస్తుండగా పాము కాటుకు గురై మహిళా రైతు మృతి చెందింది. ఈ ఘటన మండలంలోని రాంపూర్‌ గ్రామంలో ఆదివారం చోటు చేసుకుంది. కుటుంబీకుల వివరాల ప్రకారం.. గ్రామానికి చెందిన బేగరి నిర్మల(53), పద్మారావు దంపతులు. వీరికి నాలుగెకరాల వ్యవసాయ భూమి ఉంది. ఇందులో వరి పంటను సాగు చేస్తున్నారు. నిర్మల పొలం వద్దకు వెళ్లి పశువులను మేపి అక్కడే కట్టేసింది. తిరిగి సాయంత్రం ఇంటికి వస్తుండగా మార్గమధ్యలో పాము కాటుకు గురైంది. పొలం నుంచి ఇంటికి వచ్చే వరకు ఆలస్యం కావడం, అక్కడి నుంచి జోగిపేట ఆస్పత్రికి తరలిస్తుండగా మధ్యలోనే ఆమె మృతి చెందింది.

శివ్వంపేట(నర్సాపూర్‌): మండల పరిధిలో గుడుంబా(నాటుసారా) తయారీపై శనివారం రాత్రి ప్రొహిబిషన్‌ – ఎకై ్సజ్‌ శాఖ సిబ్బంది దాడులు నిర్వహించారు. వివరాలు ఇలా.. భీమ్లా తండా పరిసరాల్లో అక్రమంగా గుడుంబా తయారు చేస్తున్నట్లు అందిన విశ్వసనీయ సమాచారం మేరకు దాడులు నిర్వహించినట్లు నర్సాపూర్‌ ఎకై ్సజ్‌ ఇన్‌స్పెక్టర్‌ గులాం ముస్తఫా తెలిపారు. ఈ సందర్భంగా నాటుసారా తయారు చేస్తున్న నిందితుడిని అరెస్టు చేసి కేసు నమోదు చేశారు. రెండు లీటర్ల గుడుంబాను స్వాధీనం చేసుకుని, 30 లీటర్ల బెల్లం పానకం, సామగ్రిని ధ్వంసం చేసినట్లు తెలిపారు. మరో ఘటనలో అనధికారికంగా ఐఎంఎల్‌ మద్యం విక్రయిస్తున్న ఇద్దరిపై కేసులు నమోదు చేశారు. ఈ దాడుల్లో ఎకై ్సజ్‌ ట్రైనీ ఇన్‌స్పెక్టర్‌ జ్ఞానేశ్వర్‌, సచిరథ, ఎస్‌ఐ శరత్‌ కుమార్‌, హెడ్‌ కానిస్టేబుల్‌ స్వామి, ఎకై ్సజ్‌ సిబ్బంది రవి, మహేశ్‌ కుమార్‌, షాహిద్‌, రాజశేఖర్‌ పాల్గొన్నారు.కేసు నమోదు

పటాన్‌చెరు టౌన్‌: ఓటరు జాబితాపై ప్రజల్లో చైతన్యం కల్పించాలని ఎమ్మెల్సీ అంజిరెడ్డి అన్నా రు. ఆదివారం పటాన్‌చెరు డివిజన్‌ పరిధిలోని ఓ ఫంక్షన్‌హాల్‌లో నిర్వహించిన ఓటరు జాబితా ప్రత్యేక సమగ్ర సవరణపై బీజేపీ జిల్లా అధ్యక్షురాలు గోదావరి అధ్యక్షతన సమావేశం నిర్వహించారు. ఈసందర్భంగా ఎమ్మెల్సీ మాట్లాడుతూ.. ఎస్‌ఐఆర్‌ ప్రక్రియపై ప్రజలకు అవగాహన కల్పించడంతో పాటు అర్హులైన ప్రతి ఒక్కరికీ ఓటు హక్కు దక్కేలా కృషి చేయాలని పిలుపునిచ్చారు. ఓటరు జాబితా ప్రాముఖ్యతపై ప్రజల్లో చైతన్యం తీసుకురావడం ప్రతి ఒక్కరి బాధ్యతగా భావించాలని సూచించారు. కార్యక్రమంలో బీజేపీ రాష్ట్ర కార్యవర్గ సభ్యుడు రవీందర్‌, జిన్నారం మున్సిపల్‌ వైస్‌ చైర్మన్‌ ప్రతాప్‌రెడ్డి, జిల్లా ప్రధాన కార్యదర్శి రాజశేఖర్‌ రెడ్డి, మేధావుల విభాగం కన్వీనర్‌ వెంకటేశ్‌, బీజేపీ సీనియర్‌ నాయకులు ఆంజనేయులు, కుమార్‌, దేవేందర్‌ గౌడ్‌, కిసాన్‌మోర్చా అధ్యక్షుడు రాజేందర్‌ రెడ్డి తదితరులు పాల్గొన్నారు. ఎమ్మెల్సీ అంజిరెడ్డి

నారాయణఖేడ్‌: ఎల్‌నినో కారణంగా గ్రామాల్లో కరువు పరిస్థితులు ఎదురు కానున్నందున ప్రజలు నీటి పొదుపును పాటించాలని ఎమ్మెల్యే సంజీవరెడ్డి కోరారు. నాగల్‌గిద్ద మండలం మావినెళ్ళి కిషన్‌ నాయక్‌ తండాలో ఆదివారం ఇందిరమ్మ ఇళ్లను ప్రారంభించారు. అంతకుముందు గ్రామం, తండాలో పర్యటించి సమస్యలు తెలుసుకున్నారు. ఈసందర్భంగా ఎమ్మెల్యే మాట్లాడుతూ.. నీటి, ఇతర వనరుల పొదుపు పాటిస్తూ సంఘటితంగా కరువును జయిద్దామని పిలుపునిచ్చారు. అర్హులైన పేదలందరికీ ఇందిరమ్మ ఇళ్లు మంజూరు చేస్తామన్నారు. పేదలు తమ సొంతింటి కలను నెరవేర్చుకునేందుకు ఇందిరమ్మ ఇళ్ల పథకం దోహదపడుతుందన్నారు. గత ప్రభుత్వం కేవలం డబుల్‌బెడ్రూంల పేరిట కాలయాపన చేసిందని విమర్శించారు. తమ ప్రభుత్వం పేదలకు ఎలాంటి ఇబ్బందులు ఎదురుకాకుండా ఒక్కో ఇంటి నిర్మాణానికి రూ.5 లక్షలు చెల్లిస్తుందన్నారు. పేదలకు వారికి వారి స్వగ్రామం, తండాల్లోని వారి స్థలాల్లోనే ఇళ్లు నిర్మించుకునేలా అవకాశం కల్పిస్తుందని గుర్తు చేశారు. గ్రామాల్లో మౌలిక సదుపాయాల కల్పనకు కృషి చేస్తానని హామీ ఇచ్చారు. కార్యక్రమంలో మండల పార్టీ అధ్యక్షుడు విఠల్‌రావు, మాజీ సర్పంచ్‌ మనోహర్‌ పటేల్‌ తదితరులు పాల్గొన్నారు. ఎమ్మెల్యే సంజీవరెడ్డి

వర్గల్‌(గజ్వేల్‌): అసలే పేదకుటుంబం. తండ్రి ప్రమాదవశాత్తూ చనిపోయాడు. దీంతో తనతోపాటు పన్నెండేళ్ల లోపున్న తోడబుట్టిన ఇద్దరి పోషణ దినసరి కూలీపని చేసే తల్లికి కష్టమైంది. పెద్దకూతురు దివ్య విద్యాభ్యాసం తలకుమించిన భారంగా పరిణమించింది. విషయం తెలిసిన ఎస్‌ఐ ఆరోగ్యం మానవత్వంతో స్పందించి బాలిక విద్యాభ్యాసానికి బాసటగా నిలిచారు. ఈ ఘటనకు సంబంధించిన వివరాలిలా ఉన్నాయి. వర్గల్‌ మండలం వేలూరుకు చెందిన ఘనపురం రాజు–కవిత దంపతులకు దివ్య, దీప్తి, భార్గవ్‌ ముగ్గురు పిల్లలు. మేసీ్త్ర పనిచేసే రాజు ఐదేళ్లక్రితం స్లాబ్‌పై నుంచి పడి మృతిచెందాడు. దీంతో కవిత కూలీపని చేస్తూ తన కుటుంబాన్ని నెట్టుకొస్తోంది. పెద్దకూతురు దివ్య ఆరోతరగతితోనే చదువు ఆపే పరిస్థితి ఏర్పడింది. విషయం తెలుసుకున్న గౌరారం ఎస్‌ఐ ఆరోగ్యం చదువు ప్రాధాన్యతను తల్లికి వివరించారు. ప్రభు త్వం విద్యకు ఎంతో ప్రాధాన్యతనిస్తోందని ఆమెకు వివరించారు. జ్యోతిబాపూలే బీసీ సంక్షేమ గురుకులాల సొసైటీ రాష్ట్ర కార్యదర్శికి లేఖ ద్వారా బాలిక పరిస్థితిని తెలియజేసి గౌరారం సమీప పూలే గురుకులంలో సీటు కోసం కోరారు. వారు అంగీకరించడంతో బాలికకు అవసరమైన దుస్తులు, వస్తు తదితరసామగ్రిని ఎస్‌ఐనే ఇప్పించి బాలికను గురుకులంలో చేర్పించారు. దివ్య చదువుకు భరోసాగా నిలిచి శాంతిభద్రతలతోపాటు, సమాజ సేవలోనూ పోలీసులు ముందుండాలనే సందేశాన్ని చాటారు. దుస్తులు, సామగ్రి అందజేత ప్రత్యేక అనుమతితో గురుకులంలో ప్రవేశం మానవత్వాన్ని చాటిన గౌరారం ఎస్‌ఐ ఆరోగ్యం

జహీరాబాద్‌ టౌన్‌: ఎల్‌నినో ప్రభావంతో ఎండల తీవ్రత రోజురోజుకూ పెరుగుతోంది. ఈ నేపథ్యంలో ఒకవైపు నీటి ఎద్దడి ఏర్పడుతుండగా మరో పక్కా పల్లెల్లో తాగునీరు వృథాగా పోతుంది. నీటిని, విద్యుత్‌ను పొదుపుగా వాడుకోవాలని అధికారులు, ప్రజాప్రతినిధులు చెబుతున్నా కొందరు పెడచెవిన పెడుతున్నారు. మొగుడంపల్లి, జహీరాబాద్‌ మండలాల్లోని పలు గ్రామాల్లో తాగునీరు వదిలినప్పుడు నిరంతరాయంగా ప్రవహిస్తుంది. పర్యవేక్షణ లేక సింగల్‌ ఫేజ్‌ మోటార్లను కూడా ఎవరికివారే ఇష్టారాజ్యంగా ఆన్‌ఆఫ్‌ చేస్తున్నారు. దీంతో కూడా నీరు భారీగా వృథా అవుతుంది. రానున్న రోజుల్లో తీవ్రనీటి సమస్య ఎదురయ్యే పరిస్థితులు ఉన్నాయని పాలకులు చెబుతున్నా.. క్షేత్రస్థాయిలో ఆచరణలో మాత్రం పాటించడం లేదు. వృథాగా పోతున్న నీటి విషయాన్ని ప్రజాప్రతినిధులు, పంచాయతీ కార్యదర్శులు ఎందుకు గమనించడం లేదని పలువురు ప్రశ్నిస్తున్నారు. నీరు వృథా కాకుండా నల్లాలకు టాప్‌లు అమర్చాలని, సింగల్‌ ఫేజ్‌ మోటార్లు నిరంతరం నడపకుండా చర్యలు తీసుకోవాలని ప్రజలు కోరుతున్నారు. పట్టించుకోని అధికారులు

మండలంలోని రెడ్డిపల్లి సమీపం గుండా కాళేశ్వరం కాలువ తవ్వారు. తవ్వగా వచ్చిన మట్టిని కాలువపై కట్టగా పోశారు. కాగా పనులు నిలిచిపోవడంతో కట్టగా పోసిన మట్టిని పలువురు మట్టి వ్యాపారులు ఇష్టానుసారంగా టిప్పర్లు, ట్రాక్టర్‌లో తరలిస్తున్నారు. ఇటీవల రెడ్డిపల్లిలో పొలం కొనుగోలు చేసిన ఓ వ్యక్తి అందులో ఫాం హౌస్‌ నిర్మాణ పనులు చేపట్టాడు. అందుకు మట్టి అవసరం పడడంతో గ్రామానికి చెందిన పలువురు అధికార పార్టీ నాయకుల అండతో కాలువ మట్టిని రాత్రి ఫూట తరలించాడన్న ఆరోపణలు వినిపిస్తున్నాయి. కాగా గ్రామస్తుల ఫిర్యాదుతో పోలీసులు శుక్రవారం రాత్రి కాళేశ్వరం కాలువ నుంచి అక్రమంగా మట్టిని తరలిస్తున్న టిప్పర్‌ను పట్టుకుని కేసు నమోదు చేశారు. పోలీసులు పట్టుకున్న టిప్పర్‌కు, మట్టి తరలించేందుకు వాడుతున్న పలు టిప్పర్లకు సరైన నంబరు ప్లేట్లు సైతం లేకపోవడం గమనార్హం. అయితే అక్రమ మట్టి తవ్వకాలపై అధికారులు చర్యలు ఎందుకు తీసుకోవడం లేదని స్థానిక ప్రజలు ప్రశ్నిస్తున్నారు.

సిద్దిపేటజోన్‌: ఆత్మీయ కలయికకు వేదిక అలయ్‌ బల య్‌ అని ఎంపీ రఘునందన్‌రావు అన్నారు. జిల్లా కేంద్రంలోని ఓ గార్డెన్‌లో ఆదివారం ఏర్పాటు చేసిన అలయ్‌ బల య్‌ కార్యక్రమంలో ఆయన పాల్గొని మాట్లాడారు. హైదరాబాద్‌ నగరానికి పరిమితమైన అలయ్‌ బల య్‌ జిల్లా కేంద్రంలో ఏర్పాటు చేయడం సంతోషంగా ఉందన్నారు. కొన్నేళ్లుగా రాజకీయ పార్టీల, కులమతాలకతీతంగా ఇది జరగడం అభినందనీయమని చెప్పారు. మానవత్వాన్ని మించిన తత్వం లేదని మన దేశ సంప్రదాయం ప్రపంచవ్యాప్తంగా విస్తరిస్తోందన్నారు. విదేశాల్లో సైతం బతుకమ్మ, వినాయక చవితి, ఉగాది పండుగలు జరుగుతున్నాయని తెలిపారు. ఈ సందర్భంగా వివిధ పార్టీల నాయకులు, వ్యాపార, వాణిజ్య, ఉద్యోగ, ఉపాధ్యాయ సంఘాల ప్రతినిధులు అలయ్‌ బల య్‌లో ఆత్మీయంగా పలకరించారు. కార్యక్రమంలో టీఎన్‌జీఓ జిల్లా అధ్యక్షుడు పరమేశ్వర్‌, ప్రధాన కార్యదర్శి విక్రమ్‌రెడ్డి, బీఎమ్మెస్‌ రాష్ట్ర అధ్యక్షుడు శ్రీనివాస్‌, జిల్లా బీజేపీ అధ్యక్షుడు శంకర్‌, మాజీ అధ్యక్షుడు శ్రీకాంత్‌రెడ్డి, సీపీఐ జిల్లా కార్యదర్శి పవన్‌, కాంగ్రెస్‌ ఎస్సీ సెల్‌ రాష్ట్ర నాయకులు యాదగిరి, బీజేపీ పట్టణ అధ్యక్షుడు వెంకట్‌ తదితరులు పాల్గొన్నారు. వంశీకృష్ణను అభినందించిన ఎంపీ రఘునందన్‌రావు దుబ్బాక: బీజేపీ జిల్లా అధికార ప్రతినిధిగా నియామకమైన దుబ్బాకకు చెందిన పల్లె వంశీకృష్ణాగౌడ్‌ను ఎంపీ రఘునందన్‌రావు సన్మానించారు. బీజేపీ బలోపేతానికి కృషి చేయాలని ఆయనకు సూచించారు. ఎంపీ రఘునందన్‌రావు

సంగారెడ్డి టౌన్‌: పట్టణ శివారు వైకుంఠపురంలోని వెంకటేశ్వర స్వామిని శనివారం రాష్ట్ర వైద్యారోగ్య శాఖ మంత్రి దామోదర రాజన ర్సింహ దర్శించుకున్నారు. ఆలయ అర్చకులు మంత్రికి పూర్ణకుంభంతో స్వాగతం పలికారు. అనంతరం స్వామివారిని దర్శించుకొని ప్రత్యేక పూజలు నిర్వహించారు. ప్రజలు సుఖశాంతులతో, ఆయురారోగ్యాలతో, పాడి పంటలతో సుభిక్షంగా ఉండాలని ప్రార్థించారు. మంత్రి వెంట ఆలయ కమిటీ సభ్యులు ఉన్నారు. ఆస్పత్రిని ప్రారంభించండి పటాన్‌చెరు టౌన్‌: పటాన్‌చెరు పారిశ్రామిక ప్రాంతంలో నిర్మించిన 200 పడకల సూపర్‌ స్పెషాలిటీ ప్రభుత్వ ఆస్పత్రిని వెంటనే ప్రారంభించి కార్మికులకు మెరుగైన వైద్య సేవలు అందించాలని ఐఎన్‌టీయూసీ జిల్లా అధ్యక్షుడు నరసింహారెడ్డి కోరారు. ఈ మేరకు శనివారం హైదరాబాద్‌లో మంత్రి వివేక్‌ను కలిసి వినతిపత్రం అందజేశారు. ఈసందర్భంగా ఆయన మాట్లాడుతూ.. 2024లో భవన నిర్మాణం పూర్తయినప్పటికీ ఇప్పటివరకు ప్రారంభానికి నోచుకోలేదని తెలిపారు. రైతులకు రెండు రోజుల శిక్షణ జహీరాబాద్‌: ఉద్యాన పంటల కోతలు, అనంతరం అనుసరించాల్సిన విధానాలపై రైతులకు ఈనెల 27, 28వ తేదీల్లో రెండు రోజుల పాటు శిక్షణ తరగతులు నిర్వహిస్తున్నట్లు జహీరాబాద్‌ లోని డీడీఎస్‌– కేవీకే శాస్త్రవేత్త శైలజ తెలిపారు. అరటి, మామిడి, జామ, సపోటా, పుచ్చకాయ, అల్లం, కూరగాయల సాగు, పంటలలో కోత తర్వాత వచ్చే నష్టాలను తగ్గించి, అధిక ఆదాయం పొందే మెళకువలపై శిక్షణ ఇవ్వనున్నట్లు చెప్పారు. సంగారెడ్డిలోని పండ్ల పరిశోధన స్థానం, హైదరాబాద్‌లోని కొండా లక్ష్మణ్‌ తెలంగాణ ఉద్యాన విశ్వవిద్యాలయం శాస్త్రవేత్తలు హాజరవుతారని వివరించారు. ఉదయం 10 గంటల నుంచి సాయంత్రం 4 గంటల వరకు కేవీకేలో శిక్షణ తరగతులు కొనసాగుతాయని, రిజిస్ట్రేషన్‌ కోసం రైతులు 81790883 47 నంబర్‌లో సంప్రదించాలని సూచించారు.ప్రశాంతంగా ముగిసిన పరీక్ష పటాన్‌చెరు టౌన్‌: తెలంగాణ పబ్లిక్‌ సర్వీస్‌ కమిషన్‌ ఆధ్వర్యంలో పొల్యూషన్‌ కంట్రోల్‌ బోర్డులో అసిస్టెంట్‌ సైంటిస్ట్‌ (అనలిస్ట్‌ గ్రేడ్‌–2) పోస్టుల భర్తీకి శనివారం నిర్వహించిన కంప్యూటర్‌ ఆధారిత పరీక్ష ప్రశాంతంగా ముగిసింది. ఇస్నాపూర్‌ మున్సిపాలిటీ పరిధిలోని రుద్రారం గీతం విశ్వ విద్యాలయంలో ఏర్పాటు చేసిన పరీక్ష కేంద్రాన్ని అదనపు కలెక్టర్‌ పాండు తనిఖీ చేశారు. అభ్యర్థుల హాజరు, వేలిముద్రల నమోదు, సీసీ కెమెరాల పనితీరును పరిశీలించారు. అభ్యర్థులను తనిఖీ చేసిన అనంతరమే కేంద్రంలోకి అనుమతించాలని సిబ్బందికి సూచించారు. ఉదయం, మధ్యాహ్నం రెండు విడతల్లో పరీక్ష నిర్వహించగా మొత్తం 150 మంది అభ్యర్థులకు 89 మంది హాజరైనట్లు అధికారులు వెల్లడించారు. టీజీఎంఎస్‌ బొల్లారానికి అరుదైన గుర్తింపుజిన్నారం(పటాన్‌చెరు): బొల్లారం ఆదర్శ పాఠశాల యంగ్‌ ఇండియా ఇన్‌స్టిట్యూట్‌ ఆఫ్‌ ఎక్సలెన్స్‌గా ఎంపికై నట్లు ప్రిన్సిపాల్‌ శ్రీదేవి శనివారం ఒక ప్రకటనలో పేర్కొన్నారు. విద్యార్థులకు నాణ్యమైన విద్యను అందించడంతో పాటు పోటీ పరీక్షలకు ప్రత్యేక శిక్షణ అందించేందుకు ఏర్పాట్లు చేస్తున్నట్లు తెలిపారు. ఇందులో భాగంగా ఎంపీసీ, బైపీసీ విద్యార్థులకు జేఈఈ ఎప్‌సెట్‌, నీట్‌ వంటి ప్రతిష్టాత్మక ప్రవేశ పరీక్షలకు కోచింగ్‌ ప్రారంభించనున్నారు. ఇంటర్మీడియెట్‌ స్థాయిలోనే విద్యార్థులకు పోటీ పరీక్షలపై పట్టు సాధించేలా ప్రత్యేక శిక్షణ అందిస్తామన్నారు. దీని వల్ల ఇంజనీరింగ్‌, వైద్య విద్యలో ఉన్నత లక్ష్యాలను సాధించాలనుకునే విద్యార్థులకు ఎంతో ప్రయోజనం చేకూరుతుందని అన్నారు.

అనుకూలించని వాతావరణంతో దెబ్బతిన్న పంటలు జహీరాబాద్‌: ఆశాజనకంగా కనిపించిన అల్లం పంటలు తెగుళ్లతో నిట్ట నిలువునా మాడిపోతున్నాయి. దీంతో రైతులు తీవ్ర ఆందోళన చెందుతున్నారు. జిల్లాలోనే జహీరాబాద్‌, కోహీర్‌ మండలాల్లో అల్లం పంటలు అధికంగా సాగువుతున్నాయి. ఆయా మండలాల్లో సుమారు 2,500 ఎకరాల్లో అల్లం పంట సాగయింది. వీటిలో 40 శాతం మేర పంటలు దెబ్బతిన్నట్లు రైతులు వివరిస్తున్నారు. భూమిలో అల్లం పంట ఎదగకముందే పైభాగంలో ఉండే ఆకులు, కాండం ఎండిపోయి దెబ్బతింటున్నాయి. పంటను కాపాడుకునే ప్రయత్నంలో రైతులు ఖరీదైన మందులు పిచికారీ చేసే ప్రయ త్నం చేస్తున్నారు. అయినా ప్రయోజనం కనిపించడం లేదని వాపోతున్నారు. జూన్‌లో సాగు చేసిన అల్లం పంట డిసెంబర్‌– జనవరిలో పక్వానికి వస్తుంది. ప్రస్తుతం పక్వానికి రాక ముందే మాడిపోతుండడంతో పంటను తీసుకునే అవకాశం లేకుండా పోతోందని రైతులు ఆవేదన వ్యక్తం చేస్తున్నారు. కొత్త తెగులుగా అనుమానం గతంలో ఎన్నడూ లేని విధంగా అల్లం పంటలు మాడిపోతుండడం చూస్తుంటే కొత్తగా వచ్చిన తెగుళ్లుగా రైతులు అనుమానిస్తున్నారు. అగ్గి తెగులు పోలికతో ఉన్నట్లు చెబుతున్నారు. పక్కనే ఉన్న కర్ణాటకతో పాటు కేరళలో ఇప్పటికే అల్లం పంటలు ఈ తెగుళ్ల బారిన పడినట్లు శాస్త్రవేత్తలు పేర్కొంటున్నారు. కేరళలోని ఇండియన్‌ ఇనిస్టిట్యూ ట్‌ ఆఫ్‌ స్పైసెస్‌ రీసెర్చ్‌ కేంద్రం వారు శిలీంద్రం ప్రాక్జిపైరీక్యులేరియా జిన్జమెరిస్‌గా నిర్ధారించారు. వచ్చే సీజన్‌కు గాను తెగుళ్లు సోకిన విత్తనాన్ని ఎట్టి పరిస్థితుల్లో విత్తుకోవద్దని వారు రైతులకు సూచిస్తున్నారు. భారీగా పెట్టుబడులు అల్లం పంట సాగుపై రైతులు భారీగా పెట్టుబడులు పెట్టారు. ఎకరా సాగుపై సుమారు రూ.3 లక్షల వరకు ఖర్చు చేశారు. పశువుల ఎరువులు, విత్తనం, పురుగు మందులు, దుక్కి దున్నకం, అంతర కృషి చేసేందుకు గాను పెట్టుబడులు పెట్టారు. పంట దెబ్బతిన్న రైతులు మాత్రం పెట్టుబడులను పూర్తిగా కోల్పోయారు. ఆశాజనకంగా ఉన్న పంటలను కాపాడుకునేందుకు రైతులు ఖరీదైన మందులు పిచికారీ చేస్తున్నారు.

ఆదివారం శ్రీ 25 శ్రీ అక్టోబర్‌ శ్రీ 2026ఎల్‌నినో ప్రభావంతో రోజురోజుకు భూగర్భజలాలు అడుగంటుతున్నాయి. గతేడాది ఈ సమయానికి 4.71 మీటర్ల లోతులో నీరు లభించగా, ప్రస్తుతం 11.24 మీటర్ల లోతులోకి పడిపోయింది. ప్రతి సంవత్సరం కురిసే వర్షాలకు ౖపైపెనే ఉండే గంగమ్మ.. తీవ్ర వర్షాభావ పరిస్థితులతో ఈసారి పాతాళానికి పడిపోయింది. – సంగారెడ్డి జోన్‌ జిల్లావ్యాప్తంగా సాధారణంగా 11.24 మీటర్ల లోతులో భూగర్భ జలమట్టాలు ఉన్నట్లు సంబంధిత శాఖ అధికారుల గణాంకాల ద్వారా తెలుస్తుంది. వర్షాకాలం సీజన్‌ 4 నెలల్లో కేవలం 1.13 మీటర్ల నీటిమట్టం పెరిగింది. జూన్‌లో 12.37 మీ.లు ఉండగా సెప్టెంబర్‌ ముగిసే నాటికి 11.24 మీటర్లు ఉంది. ఆగస్టులో బంగాళాఖాతంలో ఏర్పడిన అల్పపీడనం ప్రభావంతో కురిసిన వర్షాలకు భూగర్భ జలమట్టం పెరిగింది. జూన్‌లో 12.37మీ. లు ఉండగా జూలైలో 12.50 లోకి పడిపోయింది. ఆగస్టులో కురిసిన వర్షాలకు 11.22 మి.లు పెరిగింది. వచ్చే వర్షాకాలం సీజన్‌ నాటికి భూగర్భజలాలు ఎంత లోతుకు పడిపోతాయోనని ప్రజలు భయాందోళనకు గురవుతున్నారు. ప్రమాదకర స్థాయిలో 3 మండలాలు జిల్లావ్యాప్తంగా 28 మండలాలు ఉండగా, మూడు మండలాల పరిధిలో భూగర్భ జలాలు ప్రమాదకర స్థాయిలో ఉన్నట్లు అధికారుల గణంకాలు చెబుతున్నాయి. గుమ్మడిదలలో 17.46 మీ.లు, పటాన్‌చెరులో 17.12 మీ.లు, సంగారెడ్డిలో 16.81 మీ.ల లోతులోకి భూగర్భ జలాలు పడిపోవడం ఆందోళన కలిగిస్తుంది. దీంతో ఆయా మండలాల్లోని వారంతా సాగు, తాగునీటి అవసరాలకు ఇబ్బందులు పడుతున్నారు. అదేవిధంగా ఆందోల్‌, హత్నూర, కల్హేర్‌, కంది, కంగ్టి, కోహిర్‌, మొగుడంపల్లి, పుల్‌కల్‌ మండలాల్లో కూడా భూగర్భజలాలు దారుణంగా పడిపోయాయి. మిగితా మండలాల్లో కొంతమేర పరిస్థితులు సాధారణంగా ఉన్నాయి. పొదుపు చేస్తేనే మేలు నీటి లభ్యత తక్కువగా ఉండటంతో నీటి వృథాను అరికట్టి పొదుపు చేయాలని ప్రభుత్వం సూచిస్తుంది. ఆ దిశగా అధికారులు చర్యలు చేపట్టాలని ఆదేశించింది. నీటి వృథాను ఒడిసిపట్టేందుకు ఇంకుడు గుంతలతో పాటు నీటి సంరక్షణ పనులు చేపట్టాలని అధికారులు సూచిస్తున్నారు. నీటిని పొదుపు చేస్తేనే పరిస్థితిని ఎదుర్కొనే అవకాశాలు ఉంటాయని చెబుతున్నారు. నిధులు మంజూరు చేయండి ట్యాంకర్ల ద్వారా నీటి సరఫరా జిల్లాలోని పలుచోట్ల ఇప్పటికే నీటి కష్టాలు ప్రారంభమయ్యాయి. తక్కువ వర్షపాతం నమోదై, భూగర్భ జలాలు లోపలికి పడిపోయి న ప్రాంతాల్లో నీటి కష్టాలు షురూ అయ్యాయి. సంగారెడ్డి పట్టణంలోని పలు వార్డులలో మున్సిపాలిటీ ఆధ్వర్యంలో ట్యాంకర్ల ద్వారా నీరు అందిస్తున్నారు. మరికొంత మంది నీటిని కొనుగోలు చేస్తున్నారు. ఇప్పుడే పరిస్థితి ఇలా ఉంటే వేసవిలో నీటి కష్టాలు ఎలా ఉంటాయోనని ఆందోళన చెందుతున్నారు.

మల్టీజోన్‌ ఐజీ చంద్రశేఖర్‌ రెడ్డితూప్రాన్‌: ఎస్సీ, ఎస్టీ కేసుల్లో బాధితులకు త్వరితగతిన పరిహారం అందేలా సంబంధిత శాఖలతో సమన్వయం చేసుకొని చర్యలు తీసుకోవాలని మల్టీ జోన్‌–1 ఐజీ చంద్రశేఖర్‌రెడ్డి అధికారులను ఆదేశించారు. తూప్రాన్‌ సబ్‌ డివిజన్‌ పోలీస్‌ కార్యాలయాన్ని వార్షిక తనిఖీల్లో భాగంగా శనివారం ఆయన సందర్శించారు. ఈసందర్భంగా ఎస్పీ శ్రీనివాసరావు మొక్కను అందజేసి స్వాగతం పలికారు. పోలీసుల గౌరవ వందనాన్ని స్వీకరించిన ఐజీ, కార్యాలయ ప్రాంగణంలో ‘మియాజాకి’ రకానికి చెందిన మామిడి మొక్కను నాటి కార్యాలయంలోని పెండింగ్‌ కేసుల వివరాలను సమీక్షించారు. ఈసందర్భంగా ఆయన మాట్లాడుతూ.. గ్రేవ్‌ కేసుల్లో నాణ్యమైన దర్యాప్తు చేపట్టి నిందితులకు శిక్షలు పడేలా చూడాలన్నారు. ప్రతి కేసులోనూ నిర్దేశిత ఎస్‌ఓపీలను కచ్చితంగా పాటించాలని స్పష్టం చేశారు. నిర్ణీత గడువులోగా చార్జ్‌షీట్‌ దాఖలు చేయాలన్నారు. డీఎస్పీలు సైతం ప్రతీ నెల తమ డివిజన్‌ పరిధిలో కనీసం రెండు పోలీస్‌స్టేషన్లను తనిఖీ చేయాలన్నారు. గ్రామాల్లో భద్రత కోసం సీసీ కెమెరాల ఏర్పాటును ప్రోత్సహించాలని దిశానిర్దేశం చేశారు. కార్యక్రమంలో అదనపు ఎస్పీ విక్రాంత్‌ కుమార్‌ సింగ్‌, సిబ్బంది పాల్గొన్నారు.

పది ఎకరాల్లో అల్లం పంట సాగు చేశా. రూ. 35 లక్షల వరకు ఖర్చు పెట్టా. మూడెకరాల్లో పంట పూర్తిగా దెబ్బతింది. పైభాగంలో ఉన్న కాండం, ఆకులు పూర్తిగా మాడిపోయాయి. దీంతో భూమిలోనే పంటను వదిలేయాల్సి వచ్చింది. సుమారు రూ.9 లక్షల వరకు నష్టం వాటిల్లింది. వాతావరణం అనుకూలించకపోవడంతోనే పంటలు దెబ్బతిన్నాయి. – వెంకట్‌రెడ్డి, రైతు, మాచిరెడ్డిపల్లి అధ్యయనం చేస్తున్నారు తెగుళ్లు పంట దిగుబడులపై ప్రభావం చూపుతున్నందున కేరళకు చెందిన శాస్త్రవేత్తలు పంట పొలా లను సదర్శించి అధ్యయ నం చేస్తున్నారు. దీనిపై డాక్యుమెంట్‌ చేయనున్నారు. కర్ణాటక, కేరళ, తెలంగాణలో పర్యటించి ఎంత మేర తెగుళ్ల ఉధృతి ఉంది, పంట దిగుబడులపై ఎంత మేర ప్రభావం ఉందనేది అధ్యయనం చేస్తున్నారు. తెగుళ్లు రాకముందే మందులు పిచికారీ చేసుకోవాలి. – సునీత, ఉద్యానశాఖ అధికారి, కోహీర్‌

కలెక్టర్‌ ప్రతీక్‌ జైన్‌సంగారెడ్డి జోన్‌: రోడ్డు ప్రమాద బాధితులకు సకాలంలో వైద్య సహాయం అందించి, ప్రాణాలను కాపాడే లక్ష్యంతో కేంద్ర ప్రభుత్వం అమలు చేస్తున్న పీఎం రాహత్‌ పథకాన్ని పకడ్బందీగా అమలు చేయాలని కలెక్టర్‌ ప్రతీక్‌ జైన్‌ అధికారులను ఆదేశించారు. శనివారం సీఎస్‌ సంజయ్‌ జాజు హైదరాబాద్‌ నుంచి నిర్వహించిన వీడియో కాన్ఫరెన్స్‌లో పాల్గొన్నారు. అనంతరం అధికారులతో సమావేశం నిర్వహించారు. ఈసందర్భంగా కలెక్టర్‌ మాట్లాడుతూ.. రోడ్డు ప్రమాద బాధితులకు ఆసుపత్రి చికిత్స, భరోసాతో కూడిన వైద్య సేవలు అందించాలన్నారు. ఆర్థిక ఇబ్బందుల కారణంగా వైద్య చికిత్సకు దూరం కాకుండా, వారికి తక్షణమే అవసరమైన వైద్య సేవలు అందేలా సంబంధిత శాఖల అధికారులు సమన్వయంతో పని చేయాలని సూచించారు. పథకం నిబంధనలకు అనుగుణంగా నిర్దేశిత ఆసుపత్రుల్లో చికిత్స అందించాలన్నారు. కార్యక్రమంలో అదనపు ఎస్పీ చైతన్యరెడ్డి, అదనపు కలెక్టర్‌ పాండు, తదితరులు పాల్గొన్నారు.

నారాయణఖేడ్‌: ముఖ్యమంత్రి రేవంత్‌ రెడ్డిని శనివా రం హైదరాబాద్‌లోని ఆయన నివాసంలో ఎమ్మెల్యే సంజీవరెడ్డి, డీసీసీ అధ్యక్షుడు చంద్రశేఖర్‌రెడ్డి మర్యాదపూర్వకంగా కలిశారు. ఈసందర్భంగా సన్మానించి విజయదశమి శుభాకాంక్షలు తెలిపారు. అనంతరం ఖేడ్‌ నియోజకవర్గంలోని పలు అభివృద్ధి పనులు, సమస్యల పట్ల చర్చించారు. మౌలిక వస తుల కల్పన, సాగునీటి ప్రాజెక్టుల పెండింగ్‌ పను లు పూర్తి, తాగునీటి సమస్య పరిష్కారం, రోడ్ల విస్తరణ, విద్య, వైద్య రంగాల బలోపేతం, ఉపాధి కల్ప న తదితర అంశాలపై ప్రత్యేక దృష్టి సారించాలని విన్నవించారు. ఈ మేరకు ప్రత్యేక నిధులు మంజూరు చేయాలని కోరుతూ వినతిపత్రం అందజేశారు. సంగారెడ్డి: పట్టణంలోని ప్రధాన రహదారి ఎమ్మెల్యే క్యాంపు కార్యాలయం వద్ద ఫుట్‌పాత్‌పై ఉన్న ఆక్రమణలను శనివారం మున్సిపల్‌ అధికారులు తొలగించారు. రహదారిపై ప్రజల రాకపోకలకు, పాదాచారుల నడకకు ఇబ్బందులు కలగకుండా ప్రత్యేక చర్యలు చేపట్టారు. ఫుట్‌పాత్‌లు పాదాచారులకు అందుబాటులో ఉండేలా చర్యలు తీసుకోవాలని స్థానికులు కోరుతున్నారు. ఆక్రమణల తొలగింపుతో రహదారులపై ట్రాఫిక్‌ ఇబ్బందులు తగ్గడంతో పాటు పాదాచారులకు సౌకర్యం కలుగుతుందని ఆశిస్తున్నారు. కార్యక్రమంలో మున్సిపల్‌ అధికారులు, సిబ్బంది ఉన్నారు.

● ముమ్మరంగా ‘వీబీజీరాంజీ’ పనులు ● నిత్యం పర్యవేక్షిస్తున్న అధికారులు ● జీపీకి 40 నుంచి 60 మందికి ఉపాధిరాయికోడ్‌(అందోల్‌): ఎల్‌నినో ప్రభావంతో వ్యవసాయంలో నష్టపోయి ఆర్థిక ఇబ్బందుల్లో ఉన్న నిరుపేద రైతులు, కూలీల వలసలను నివారించడమే లక్ష్యంగా ప్రభుత్వం చర్యలు చేపట్టింది. అందులో భాగంగా ‘వీజీజీ రాంజీ’ పథకంలో పనులు కల్పిస్తున్నారు. ముందస్తు కార్యాచరణతో జిల్లా లోని 25 మండలాల్లో పనులు సాగుతున్నాయి. చేపట్టిన పనులను నిత్యం పర్యవేక్షిస్తూ ఉన్నతాధికారులు సిబ్బంది, కూలీలకు పథకంలోని నిబంధనలు, ప్రయోజనాలపై అవగాహన కల్పిస్తున్నారు. జిల్లాలోని హత్నూర, నాగిలిగిద్ద, కోహీర్‌, కొండాపూర్‌, మునిపల్లి తదితర మండలాల్లో పనులు ఊపందుకున్నాయి. మిగిలిన మండలాల్లోనూ కోరిన వారికి పనులు కల్పిస్తున్నారు. పని చేసిన ఒక్కొక్కరికి రూ.300 కూలీ చెల్లిస్తారు. జిల్లాలోని ప్రతి పంచాయతీలో 40 మంది కూలీలకు తగ్గకుండా పనులు కల్పించేందుకు గ్రామీణాభివృద్ధి శాఖ అధికారులు క్షేత్రస్థాయి సిబ్బందికి ఆదేశాలు జారీ చేశారు. జిల్లాస్థాయి అధికారుల ప్రత్యేక చొరవతో గత ఏడాది అక్టోబర్‌లో పని చేసిన కూలీల సంఖ్యతో పోలిస్తే ప్రస్తుతం 6 రేట్లు పెరిగింది. కాలువల్లో పూడికతీత, నీటి సంరక్షణ నిర్మాణాలు, పంట కుంటలు, ఇంకుడు గుంతలు తదితర పనులతో కూలీలకు ఉపాధి కల్పిస్తున్నారు. సద్వినియోగం చేసుకోవాలి ఉన్నతాధికారుల ఆదేశాల మేరకు కోరిన ప్రతి కూలీకి వీబీజీరాంజీ పథకంలో పని కల్పించేందుకు ఏర్పాట్లు చేశాం. పథకాన్ని కూలీలు సద్వినియోగం చేసుకోవాలి. వలసలను నివారించాలనే ప్రభుత్వ లక్ష్యానికి అనుగుణంగా పనులు కల్పిస్తున్నాం. భూగర్భజలాల పెంపునకు ఉపయోగపడే పనులపై ప్రత్యేక దృష్టి సారించాం. – రమేశ్‌కుమార్‌, ఏపీఓ, రాయికోడ్‌ జిల్లాలో ఇలా.. యాక్టీవ్‌ జాబ్‌ కార్డులు 1.19 లక్షలు పనులు కొనసాగుతున్న జీపీలు 613 కూలీలు 10,465

పటాన్‌చెరు టౌన్‌: జిల్లాలో రోడ్డు ప్రమాదాలు, మరణాలను తగ్గించేందుకు పటిష్ట చర్యలు చేపట్టాలని కలెక్టర్‌ ప్రతీక్‌ జైన్‌ అధికారులను ఆదేశించారు. శుక్రవారం ఎస్పీ పరితోశ్‌ పంకజ్‌తో కలిసి జాతీయ రహదారి 65పై పటాన్‌చెరు నుంచి దిగ్వాల్‌ చౌరస్తా వరకు ప్రమాద ప్రాంతాలను పరిశీలించారు. ఈసందర్భంగా కలెక్టర్‌ మాట్లాడుతూ.. ప్రమాదాలు ఎక్కువగా జరిగే ప్రాంతాల్లో భద్రతా ప్రమాణాలను మెరుగు పరచాలన్నారు. పటాన్‌చెరు బస్టాప్‌ వద్ద పాదాచారుల వంతెన, కంది చౌరస్తాలో విద్యుద్దీపాలు, హెచ్చరిక బోర్డులు ఏర్పాటు చేయాలని సూచించారు. పోతిరెడ్డిపల్లి చౌరస్తాలో ట్రాఫిక్‌ నియంత్రణకు చర్యలు చేపట్టాలన్నారు. ప్రమాదకర మలుపుల వద్ద హెచ్చరిక సూచికలు, వేగ నియంత్రణ పరికరాలు ఏర్పాటు చేయాలని ఆదేశించారు. సంబంధిత శాఖలు సమన్వయంతో పనిచేసి ప్రమాదాల నివారణకు చర్యలు తీసుకోవాలని స్పష్టం చేశారు. కార్యక్రమంలో అదనపు కలెక్టర్లు, పోలీసు, రవాణా, వైద్య, రహదారుల శాఖల అధికారులు పాల్గొన్నారు. కలెక్టర్‌ ప్రతీక్‌ జైన్‌

సాక్షిప్రతినిధి, సంగారెడ్డి: జిల్లాలో 13 మండలాల్లో కరువు పరిస్థితులు నెలకొన్నట్లు తేలింది. రెండు మండలాల్లో తీవ్ర కరువు నెలకొనగా., 11 మండలాల్లో మధ్యస్తంగా కరువు ఉన్నట్లు గుర్తించారు. ఈ మేరకు ప్రభుత్వానికి ప్రతిపాదనలు వెళ్లాయి. వర్షపాతం రికార్డులు.. డ్రైస్పెల్‌ల నమోదు.. ఎండిపోయిన పంటల విస్తీర్ణం.. పడిపోయిన దిగుబడుల ఆధారంగా ఈ కరువు మండలాలను ఎంపిక చేశారు. ఈ మండలాల్లో సుమారు 50 శాతానికి పైగా పంటలు నష్టపోయినట్లు తేలింది. దీంతో ఈ మండలాలను కరువు మండలాలు ప్రతిపాదించారు. ఝరాసంఘం, నాగల్‌గిద్ద, సదాశివపేట, వట్‌పల్లి, కంది, సంగారెడ్డి, రామచంద్రాపురం, కంగ్టి, కొండాపూర్‌, సిర్గాపూర్‌, నారాయణఖేడ్‌, నిజాంపేట మండలాలలను కూడా కరువు మండలాలుగా ప్రకటించాలని ప్రతిపాదనలు వెళ్లాయి. హత్నూర(సంగారెడ్డి): కేంద్ర ప్రభుత్వం తెచ్చిన నాలుగు లేబర్‌ కోడ్‌లను రద్దు చేసే వరకు ఉద్యమం చేస్తామని సీఐటీయూ జిల్లా కార్యదర్శి సాయిలు అన్నారు. శుక్రవారం మండలంలోని దౌల్తాబాద్‌లో ధర్నాకు సంబంధించిన కరపత్రాలను ఆవిష్కరించి మాట్లాడారు. కేంద్ర, రాష్ట్ర ప్రభుత్వాలు కార్మిక వ్యతిరేక విధానాలను అవలంభిస్తున్నాయని మండిపడ్డారు. కార్మిక వ్యతిరేక చట్టాలను ఉపసంహరించుకోవాలని డిమాండ్‌ చేశారు. పెరుగుతున్న ధరలకు అనుగుణంగా కనీస వేతనం రూ. 42,000గా నిర్ణయించాలని ప్రభుత్వానికి విజ్ఞప్తి చేశారు. చట్టపరమైన సౌకర్యాలు అమలు చేయాలని, ప్రభుత్వ రంగ సంస్థలను పరిరక్షించాలని కోరారు. ఈనెల 25, 26 తేదీల్లో హైదరాబాద్‌ ఇందిరాపార్క్‌ వద్ద జరిగే మహాధర్నాలో కార్మికులు పెద్దఎత్తున పాల్గొని జయప్రదం చేయాలని పిలుపునిచ్చారు. కార్యక్రమంలో నాయకులు షబ్బీర్‌, వీరేశం, కార్మికులు బాలరాజ్‌, సుధాకర్‌, శ్రీనివాస్‌, యాదగిరి, నర్సింలు తదితరులు పాల్గొన్నారు. హవేళిఘణాపూర్‌(మెదక్‌): ఎస్‌ఐఆర్‌ను రద్దు చేయాలని డిమాండ్‌ చేస్తూ శుక్రవారం వ్యవసాయ కార్మిక సంఘం ఆధ్వర్యంలో కేంద్ర ఎన్నికల సంఘం అధికారి జ్ఞానేశ్‌కుమార్‌ దిష్టిబొమ్మను దహనం చేశారు. ఈసందర్భంగా సంఘం జిల్లా కార్యదర్శి మల్లేశం మాట్లాడుతూ.. ఎస్‌ఐఆర్‌ పేరుతో ఓట్ల దొంగతనం జరుగుతుందని, తొలగించిన ఓట్లను కొనసాగించాలని డిమాండ్‌ చేశారు. కార్యక్రమంలో దివ్యాంగుల సంఘం జిల్లా నాయకులు దుర్గా, కవిత, అశోక్‌, శంకర్‌, రాములు పాల్గొన్నారు. చిన్నశంకరంపేట(మెదక్‌): భూ రీ సర్వేను వేగవంతం చేయాలని మెదక్‌ ఆర్డీఓ రమాదేవి సిబ్బందిని ఆదేశించారు. శుక్రవారం మండలంలోని కాస్లాపూర్‌లో నిర్వహిస్తున్న సర్వేను పరిశీలించి వివరాలు అడిగి తెలుసుకున్నారు. ఇప్పటివరకు గ్రామంలో 220 ఎకరాలు రీ సర్వే చేసినట్లు తెలిపారు. గ్రామంలో ఎలాంటి సమస్యలు తలెత్తకుండా నిర్వహిస్తున్న రీ సర్వే ను పకడ్బందీగా నిర్వహించాలన్నారు. కార్యక్రమంలో తహసీల్దార్‌ మాలతి, ఆర్‌ఐ, జీపీఓ, సర్వేయర్లు పాల్గొన్నారు. చేగుంట(తూప్రాన్‌): మొదటి విడత ఇందిరమ్మ ఇళ్ల లబ్ధిదారులు వెంటనే నిర్మాణాలను పూర్తి చేయాలని హౌసింగ్‌ పీడీ మాణిక్యం తెలిపారు. శుక్రవారం మండలంలోని రెడ్డిపల్లి గ్రామాన్ని ఆయన సందర్శించారు. ఈసందర్భంగా ఇళ్ల నిర్మాణాల గురించి అడిగి తెలుసుకున్నారు. గ్రామంలో 9 మంది లబ్ధిదారులు ఇళ్ల నిర్మాణం ప్రారంభించకపోవడంపై కారణాలు అడిగి తెలుసుకున్నారు. మొదటి విడత లబ్ధిదారులు ఇళ్ల నిర్మాణాలు చేపట్టకుంటే రద్దు చేసే అవకాశం ఉందని హెచ్చరించారు. గ్రామానికి రెండో విడత ఇళ్ల నిర్మాణాలు మంజూరైనట్లు, వాటిని త్వరలోనే ప్రారంభించే విధంగా చర్యలు తీసుకుంటామని తెలిపారు. ఆయన వెంట ఏఈ రియాజొద్దీన్‌, కార్యదర్శి సుల్తానా గ్రామస్తులు ఉన్నారు.

మెదక్‌ కలెక్టరేట్‌: జిల్లా పోలీస్‌ ప్రధాన కార్యాలయంలో ఏర్పాటు చేసిన ఓపెన్‌ హౌస్‌ను ఎస్పీ శ్రీనివాసరావు శుక్రవారం ప్రారంభించారు. ఈసందర్భంగా ఆయన మాట్లాడుతూ.. పోలీస్‌శాఖ విధులు, నేరాల నియంత్రణపై అవగాహన కల్పించేందుకు ఓపెన్‌ హౌస్‌ కార్యక్రమాన్ని ఏర్పాటు చేసినట్లు తెలిపారు. విద్యార్థులకు బాంబ్‌ డిస్పోజల్‌ (బీడీ) బృందం వినియోగించే పరికరాలు, అనుమానాస్పద పేలుడు పదార్థాలను గుర్తించడం, ప్రమాదాలను నివారించడంలో వాటి పాత్రను అధికారులు వివరించారు. నేర పరిశోధనలో నిందితుల ఆచూకీ గుర్తించడం, పేలుడు పదార్థాలను గుర్తించడం వంటి విధుల్లో శిక్షణ పొందిన పోలీసు జాగిలాలు అందించే సేవలను తెలియజేశారు. సైబర్‌ నేరాలు, పోక్సో చట్టం, బాలల హక్కులు, సోషల్‌ మీడియా వినియోగంలో తీసుకోవాల్సిన జాగ్రత్తలపై అవగాహన కల్పించారు. సైబర్‌ మోసాలపై అప్రమత్తంగా ఉండాలని సూచించారు. కార్యక్రమంలో అదనపు ఎస్పీ విక్రాంత్‌కుమార్‌సింగ్‌, మెదక్‌ డీఎస్పీ ప్రసన్నకుమార్‌, పోలీసు అధికారులు, సిబ్బంది, విద్యార్థులు పాల్గొన్నారు. మెదక్‌ ఎస్పీ శ్రీనివాసరావు

వర్షాకాలంలో ఆశించిన వానలు కురవలేదు. ఫలితంగా పంట దిగుబడులు తగ్గాయి. ఎల్‌నినో ప్రభావంతో భూగర్భజలాలు తగ్గుతున్నాయి. రబీ పంటల సాగులో రైతులు అధికారుల సూచనలు పాటించాలి. ఉష్ణోగ్రతలు అధికంగా నమోదవుతున్నాయి. రైతులు తగిన జాగ్రత్తలు పాటించాలి. – శివప్రసాద్‌, జిల్లా వ్యవసాయ అధికారి పత్తి సాగు కోసం ఎకరాకు రూ. 25 వేలు వెచ్చించాం. అవసరమైన సమయంలో వానలు కురవలేదు. దీంతో దిగుబడిపై తీవ్ర ప్రభావం చూపింది. వస్తున్న దిగుబడి పెట్టుబడులకు సరిపోయోలా ఉంది. ప్రభుత్వం కరువును ప్రకటించి భత్యం చెల్లిస్తే తప్ప వ్యవసాయం ముందుకు సాగే అవకాశం లేదు. మద్దతు ధర రూ.12 వేలకు పెంచి రైతాంగాన్ని ఆదుకోవాలి. – మల్లన్న, రైతు, యూసుఫ్‌పూర్‌

ఝరాసంగం(జహీరాబాద్‌): దక్షిణ కాశీగా ప్రసిద్ధి చెందిన కేతకీ సంగమేశ్వర ఆలయ అభివృద్ధికి రూ. 30 కోట్లతో మాస్టర్‌ ప్లాన్‌ అమలు చేస్తామని జహీరాబాద్‌ ఎంపీ సురేశ్‌ షెట్కార్‌ అన్నారు. శుక్రవారం ఆలయ ప్రాంగణంలో ఆలయ కమిటీ చైర్మన్‌తో పాటు సభ్యుల ప్రమాణ స్వీకార కార్యక్రమానికి హాజరై మాట్లాడారు. ఆలయాల అభివృద్ధికి రాష్ట్ర ప్రభుత్వం ఎంతో కృషి చేస్తుందన్నారు. తెలుగు రాష్ట్రాలతో పాటు కర్ణాటక, మహారాష్ట్రలోని వివిధ ప్రాంతాల నుంచి వచ్చే భక్తులకు ఎలాంటి అసౌకర్యాలు కలగకుండా వసతుల కల్పనకు కృషి చేస్తామన్నారు. ఆలయ అభివృద్ధి కోసం రూపొందించిన మాస్టర్‌ ప్లాన్‌ అమలును సీఎం రేవంత్‌ రెడ్డి దృష్టికి తీసుకువెళ్తామన్నారు. అనంతరం గర్భగుడిలోని పార్వతీ పరమేశ్వరులకు ప్రత్యేక పూజా కార్యక్రమాలు నిర్వహించారు. కార్యక్రమంలో మాజీ మంత్రి చంద్రశేఖర్‌, కాంగ్రెస్‌ జిల్లా సీనియర్‌ నాయకుడు హన్మంత్‌రావు పాటిల్‌, మండల పార్టీ అధ్యక్షుడు ఉదయ్‌ శంకర్‌ పాటిల్‌, ఎంపీటీసీల ఫోరం మండల మాజీ అధ్యక్షుడు శంకర్‌ పాటిల్‌, శ్రీనివాస్‌ రెడ్డి, భాస్కర్‌ రెడ్డి, రామలింగారెడ్డి, మారుతీరావు పాటిల్‌, మల్లన్న పాటిల్‌ తదితరులు పాల్గొన్నారు. ఆలయ కమిటీ చైర్మన్‌గా చంద్రశేఖర్‌ పాటిల్‌, సభ్యులుగా మల్లయ్య స్వామి, మల్లికార్జున్‌ పాటిల్‌, శ్రీనివాస్‌, నవాజ్‌ రెడ్డి, లక్ష్మణ్‌ యాదవ్‌, మల్లన్న, లక్ష్మి, శివకుమార్‌, తిరుమ లేశ్‌, మలిశెట్టి, విఠల్‌రెడ్డి, ఈశ్వరప్ప, ఎక్స్‌ అఫీషియో సభ్యుడిగా బసయ్య స్వామి ప్రమాణ స్వీకారం చేశారు. ఎంపీ సురేశ్‌షెట్కార్‌

నక్క వాగులోకి పరిశ్రమల కాలుష్య జలాలు ● పట్టించుకోని అధికారులు ● మృత్యువాత పడుతున్న మూగ జీవాలు హత్నూర(సంగారెడ్డి): పరిశ్రమలు గుట్టుచప్పుడు కాకుండా కాలుష్య జలాలను వదులుతున్నాయి. దీంతో నక్క వాగు కాలుష్య కారకంగా మారింది. హత్నూర మండలం గుండ్లమాచునూర్‌, పల్పనూరు శివారులోని నక్క వాగు కాలుష్య జలాలు మంజీరా నీటిలో కలిసి కలుషితమవుతున్నాయి. ఇక్కడి నుంచి మంజీరా నీరు బోర్పట్ల, రెడ్డి ఖానాపూర్‌, కాసాల, నవాబుపేట, పన్యాల, కొన్యాల, చీక్‌ మద్దూర్‌, లింగాపూర్‌, సిరిపుర గ్రామాల శివారుల గుండా ప్రవహిస్తుంది. ఈ గ్రామాల పరిధిలో ఇటీవల పెద్ద ఎత్తున చేపలు మత్యువాత పడ్డాయి. మూగజీవాలు కాలుష్య జలాలు తాగి మృతిచెందిన సంఘటనలు ఉన్నాయి. కాలుష్య జలాలతోనే పంటలు పండించడం వల్ల రైతులు సైతం రోగాల బారిన పడుతున్నారు. ఇంత జరుగుతున్నా అరికట్టాల్సిన అధికారులు నిమ్మకు నీరెత్తినట్లు వ్యవహరిస్తున్నారని పలు గ్రామాల ప్రజలు, ప్రజాప్రతినిధులు ఆరోపిస్తున్నారు. ఇప్పటికై నా పరిశ్రమలపై చర్యలు తీసుకోవాలని కోరుతున్నారు. నక్కవాగులో కాలుష్య జలాలు

● రూ.3 వేల కోట్లకు పైగా నిధులతో పనులు ● మంత్రి దామోదర రాజనర్సింహ సంగారెడ్డి: ఆందోల్‌ నియోజకవర్గాన్ని అన్ని రంగాల్లో అభివృద్ధి చేయడమే తమ లక్ష్యమని రాష్ట్ర వైద్యారోగ్య శాఖ మంత్రి దామోదర రాజనర్సింహ అన్నారు. శుక్రవారం చౌటుకూరు మండలం తాడ్దాన్‌పల్లిలో నిర్వహించిన అలయ్‌ బలయ్‌ కార్యక్రమంలో పాల్గొని మాట్లాడారు. ప్రజా ప్రభుత్వం అధికారంలోకి వచ్చిన తర్వాత నియోజకవర్గంలో రూ.3 వేల కోట్లకు పైగా నిధులతో వివిధ అభివృద్ధి పనులు చేపట్టినట్లు తెలిపారు. రహదారులు, ఆస్పత్రులు, నర్సింగ్‌ కళాశాల, వసతి గృహాలు, యంగ్‌ ఇండియా సమగ్ర పాఠశాల, కేజీబీవీ విద్యాలయాల నిర్మాణం, పాఠశాల భవనాలు, అదనపు తరగతి గదుల ఏర్పాటు వంటి పనులకు ప్రాధాన్యమిస్తున్నట్లు వివరించారు. సంక్షేమ వసతి గృహాల అభివృద్ధితో పాటు ఆందోల్‌ క్రీడా ప్రాంగణం, గిరిజన న్యాయ కళాశాల నిర్మాణం చేపడుతున్నట్లు వివరించారు. జోగిపేట, ఆందోల్‌ పట్టణాలను అనుసంధానించే వంతెనలు, సింగూరు ప్రాజెక్టు వెను క జలాల పరిసర గ్రామాల్లో అంతర్గత రహదారు లు, రవాణ, పర్యాటక రంగాల అభివృద్ధికి చర్య లు తీసుకుంటున్నట్లు వెల్లడించారు. అలయ్‌ బలయ్‌ తెలంగాణ సంస్కతి, సంప్రదాయాలకు ప్రతీకగా నిలుస్తుందన్నారు. కార్యక్రమంలో జిల్లా కాంగ్రెస్‌ అధ్యక్షుడు చంద్రశేఖర్‌ రెడ్డి, ప్రదేశ్‌ కాంగ్రెస్‌ ఉపాధ్యక్షుడు సంగమేశ్వర్‌, ఇతర నాయకులు, ప్రజాప్రతినిధులు, వివిధ విభాగాల ప్రతినిధులు, కార్యకర్తలు పాల్గొన్నారు.

రాయికోడ్‌(అందోల్‌): ఎల్‌నినో ప్రభావంతో వర్షాలు ఆశించిన స్థాయిలో కురవలేదు. దీంతో ఖరీఫ్‌లో సాగు చేసిన పత్తి దిగుబడి ఆశించిన మేర రావడం లేదు. అయితే ప్రభుత్వ మద్దతు ధర కంటే బహిరంగ మార్కెట్‌లో పత్తి ధర ఎక్కువగా పలుకుతుండటంతో రైతులకు కాస్త ఊరట కలిగిస్తోంది. సీసీఐ మద్దతు ధర క్వింటాల్‌ పత్తికి రూ.8,667 ఉండగా, బహిరంగ మార్కెట్‌లో రూ.9,500 పలుకుతోంది. ధర ఎక్కువగా ఉండటంతో పత్తి తీత ప్రారంభించిన రైతులు వెంటవెంటనే విక్రయిస్తున్నారు. ఎకరాకు 10 క్వింటాళ్లు ఆశిస్తే సగం మాత్రమే వస్తోందని చెబుతున్నారు. సీసీఐ కొనుగోళ్లు ప్రారంభించిన అనంతరం ధర తగ్గుతుందా..? ఇదే ధర ఉంటుందా..? అని అయోమయంలో ఉన్నారు. జిల్లాలో 3.57 ఎకరాల్లో పత్తి సాగు జిల్లాలో ఈ సీజన్‌లో అత్యధికంగా 3.57 లక్షల ఎకరాల్లో పత్తి సాగు చేశారు. మే, జూన్‌, జూలై, మాసాల్లో తగిన వర్షాలు కురిసినప్పటికీ ఆగస్టు నుంచి వర్షాలు ముఖం చాటేయడంతో పత్తి దిగుబడిపై తీవ్ర ప్రభావం పడింది. దీంతో దిగుబడి సగానికి తగ్గింది. ఈనెలలో చుక్క వర్షం కురవలేదు. దీంతో రబీ పంటల దిగుబడిపై కూడా ప్రభావం పడనుంది. వ్యవసాయ శాఖ అధికారులు రబీ పంటల సాగు జోలికి వెళ్లకపోవడమే మంచిదని చెబుతున్నారు. ప్రైవేట్‌ వ్యాపారి కొనుగోలు చేసిన పత్తిమార్కెట్‌లో మస్త్‌ డిమాండ్‌ ప్రభుత్వ ‘మద్దతు’ కంటే ఎక్కువ ధర క్వింటాల్‌ పత్తి రూ. 9,500 తగ్గిన దిగుబడితో అన్నదాతకు కొంత మేలు

ములుగు(గజ్వేల్‌): ములుగులోని కొండా లక్ష్మణ్‌ తెలంగాణ ఉద్యాన విశ్వవిద్యాలయం సమీపంలో రాజీవ్‌ రహదారిపై శుక్రవారం అగ్నిప్రమాదం చోటు చేసుకుంది. ఎస్‌ఐ రఘుపతి పోలీస్‌ సిబ్బంది కమలాకర్‌, జనార్దన్‌ వెంటనే ఘటనా స్థలానికి చేరుకుని అగ్నిమాపక సిబ్బంది వచ్చేవరకు మంటలు అదుపుచేసేందుకు చర్యలు చేపట్టారు. సెంటర్‌ ఆఫ్‌ ఎక్సలెన్స్‌కు చెందిన నీటి ట్యాంకర్‌ సహాయంతో మంటలను అదుపుచేసే ప్రయత్నం చేశారు. పోలీసుల తక్షణ స్పందనతో అగ్నిప్రమాదం సమీపంలోని ఎస్‌బీఐ ఏటిఎం, పక్కనే ఉన్న సెంటర్‌ ఆఫ్‌ ఎక్సలెన్స్‌ మామిడి తోటకు వ్యాపించే ప్రమాదం తప్పింది.

పటాన్‌చెరు: భారత రక్షణ రంగంలో త్రివిధ దళాల సమన్వయం, ప్రభుత్వానికి సమగ్ర సైనిక సలహాలు అందించడం, సాయుధ దళాల సామర్థ్యాన్ని పెంపొందించడంలో చీఫ్‌ ఆఫ్‌ డిఫెనన్స్‌ స్టాఫ్‌ (సీడీఎస్‌) కీలకపాత్ర పోషిస్తున్నారని భారత్‌ శక్తి గ్రూపు వ్యవస్థాపకుడు నితిన్‌ ఎ.గోఖలే అన్నారు. ఇస్నాపూర్‌ మున్సిపల్‌ పరిధిలోని రుద్రారం గీతం డీమ్డ్‌ విశ్వవిద్యాలయం ప్రాంగణంలోని కౌటిల్య స్కూల్‌ ఆఫ్‌ పబ్లిక్‌ పాలసీలో శుక్రవారం నిర్వహించిన ఆతిథ్య ఉపన్యాసంలో ఆయన పాల్గొని మాట్లాడారు. ‘రేపటి యుద్ధాలకు సన్నద్ధం: త్రివిధ దళాల నుంచి ఒకే పోరాట శక్తిగా’ అనే అంశంపై ప్రసంగిస్తూ, రక్షణ రంగ ఆధునికీకరణ, స్వదేశీకరణ, సమీకృత థియేటర్‌ కమాండ్ల ఏర్పాటు ఆవశ్యకతను వివరించారు. కార్యక్రమంలో కె.ఎస్‌.పి.పి.డీన్‌, మాజీ దౌత్యవేత్త సయ్యద్‌ అక్బరుద్దీన్‌ పాల్గొన్నారు.

చిన్నకోడూరు(సిద్దిపేట): గ్రామాల్లో గీత కార్మికులకు ఉపాధినిచ్చే తాటి చెట్లకు మొగి పురుగు సోకి తాటి ఆకులు రాలి మోడుగా దర్శనమిస్తున్నాయి. మండల పరిధిలోని గోనెపల్లి, రామునిపట్ల గ్రామాల్లో తాటి కల్లుకు డిమాండ్‌ ఉంది. వివిధ ప్రాంతాల నుంచి ఇక్కడికి కల్లు తాగడానికి వస్తుంటారు. కానీ తాటి చెట్లకు మొగి పురుగు సోకడంతో మోకు, ముత్తాడు మూలకు చేరాయి. దీంతో గీత కార్మికులు ఉపాధి కోల్పోతున్నారు. ప్రభుత్వం మొగి పురుగు నివారణకు ప్రత్యేక చొరవ చూపి గీత కార్మికులను ఆదుకోవాలని కోరుతున్నారు. పాపన్నపేట(మెదక్‌): ఏడుపాయల్లో తప్పిపోయిన చిన్నారిని క్యూఆర్టీ పోలీసులు తల్లిదండ్రులకు అప్పగించారు. ఈ ఘటన శుక్రవారం చోటు చేసుకుంది. బాన్స్‌వాడకు చెందిన మోహన్‌ , సంధ్య దంపతులు తమ పిల్లలతో కలిసి ఏడుపాయలకు వచ్చారు. జనాలు ఎక్కువగా ఉండటంతో వారి నాలుగేళ్ల కుమారుడు మోక్షిత్‌ తప్పిపోయాడు. అతని కోసం తల్లిదండ్రులు వెతికినా ఆచూకీ లభించలేదు. విషయం తెలుసుకున్న ఎస్సై శ్రీనివాస్‌ గౌడ్‌, క్విక్‌ రెస్పాన్స్‌ టీం పోలీసులకు సమాచారం అందించడంతో వారు మోక్షిత్‌ ఆచూకీ కనుగొని, తల్లిదండ్రులకు అప్పగించారు. ఎస్సై శ్రీనివాస్‌ గౌడ్‌ మాట్లాడుతూ పుణ్యకేత్రాలకు, పర్యాటక కేంద్రాలకు వెళ్లినప్పుడు తల్లిదండ్రులు పిల్లల పట్ల అప్రమత్తంగా ఉండాలని సూచించారు. ఎస్‌జీఎఫ్‌ జిల్లా కార్యదర్శి భాస్కర్‌రెడ్డి ప్రశాంత్‌నగర్‌(సిద్దిపేట): ఈ నెల 26న స్కూల్‌ గేమ్స్‌ ఫెడరేషన్‌ ఆధ్వర్యంలో జిల్లా స్థాయి అథ్లెటిక్స్‌ క్రీడాకారుల ఎంపిక నిర్వహించనున్నట్లు, ఎస్‌జీఎఫ్‌ జిల్లా కార్యదర్శి భాస్కర్‌రెడ్డి శుక్రవారం తెలిపారు. 26న ఉదయం 9గంటల నుంచి జిల్లా కేంద్రంలోని ప్రభుత్వ డిగ్రీ కళాశాల గ్రౌండ్‌లో అథ్లెటిక్స్‌ పోటీలు నిర్వహించి, అందులో రాణించిన క్రీడాకారులను జిల్లా జట్టుకు ఎంపిక చేయనున్నట్లు తెలిపారు. హాజరయ్యే క్రీడాకారులు నిర్ణిత సమయంలో రిపోర్ట్‌ చేయాలన్నారు. పూర్తి వివరాలకు కర్రొల్ల వెంకటస్వామి గౌడ్‌ (97040 61543)ను సంప్రదించాలని సూచించారు. మద్దూరు(హుస్నాబాద్‌): మైనర్‌ బాలికపై సామూహిక లైంగికదాడికి పాల్పడిన ఘటనలో ఏడుగురిని పోలీసులు అరెస్టు చేశారు. చేర్యాల సీఐ రమేశ్‌ కథనం ప్రకారం.. బాధిత బాలిక తండ్రి ఫిర్యాదు మేరకు కేసు నమోదు చేసి దర్యాప్తు చేపట్టి నిందితులను అదుపులోకి తీసుకున్నారు. నిందితుల్లో ముగ్గురు మైనర్లు ఉండటంతో వారిని జువైనల్‌ హోమ్‌కు తరలించారు. మిగిలిన నిందితులను న్యాయస్థానంలో హజరుపచరగా జ్యుడీషియల్‌ రిమాండ్‌ విధించింది. కాగా నిందితులకు హుస్నాబాద్‌ ఏసీపీ సదానందం పర్యవేక్షణలో ర్యాపిడ్‌ కిట్ల సహాయంతో నిర్వహించిన డ్రగ్స్‌ పరీక్షల్లో సేవించినట్లు నిర్ధారణ కాలేదని తెలిపారు. కొమురవెల్లి(సిద్దిపేట): కొమురవెల్లి పోలీస్‌స్టేషన్‌ పరిధిలో పోక్సో కేసు నమోదైంది. ఎస్‌ఐ మహేశ్‌ వివరాల ప్రకారం.. మండలంలోని ఓ గ్రామానికి చెందిన మైనర్‌ బాలుడు మరో గ్రామానికి చెందిన మైనర్‌ బాలికను వాట్సాప్‌ మెసేజ్‌ ద్వారా వేధించాడు. దీంతో సదరు బాలిక కుటుంబ సభ్యుల ఫిర్యాదు మేరకు పోలీసులు బాలుడిపై పోక్సో కేసు నమోదు చేశారు.

ప్రశాంత్‌నగర్‌(సిద్దిపేట): స్కూల్‌ గేమ్స్‌ ఫెడరేషన్‌ ఉమ్మడి మెదక్‌ జిల్లా బాక్సింగ్‌ టీంకు 26 మంది క్రీడాకారులను ఎంపిక చేశారు. శుక్రవారం సిద్దిపేట జిల్లా కేంద్రంలోని టీటీఆర్‌సీ భవనంలో ఎస్‌జీఎఫ్‌ ఆధ్వర్యంలో బాక్సింగ్‌ పోటీలు, ఉమ్మడి మెదక్‌ జిల్లా టీంను ఎంపిక చేశారు. ఈ కార్యక్రమంలో జిల్లా విద్యాశాఖ ఇన్‌చార్జ్‌ అధికారి రమేశ్‌, విద్యాశాఖ ఏడీ శాస్త్రి, మెదక్‌ జిల్లా బాక్సింగ్‌ సెక్రటరీ కృష్ణ, తెలంగాణ బాక్సింగ్‌ మాజీ వైస్‌ ప్రెసిడెంట్‌ ప్రతాప్‌రెడ్డి, మాజీ ఎస్‌జీఎఫ్‌ సెక్రెటరీ సుజాత, సిద్దిపేట జిల్లా పీఈటీ యూనియన్‌ సెక్రెటరీ హరికిషన్‌, సీనియర్‌ ఫిజికల్‌ డైరెక్టర్‌ ఉప్పలయ్య, బాక్సింగ్‌ టెక్నికల్‌ అఫీషియల్స్‌ తదితరులు పాల్గొన్నారు. ఎంపికై న క్రీడాకారులు ఈ నెల 26న హైదరాబాద్‌లోని ఉప్పల్‌లో జరిగే రాష్ట్ర స్థాయి బాక్సింగ్‌ పోటీల్లో పాల్గొననున్నట్లు తెలిపారు.

నారాయణఖేడ్‌: గ్రామీణ ప్రాంతాల్లో ఉపాధి హామీ పనులు వేగవంతం చేయాలని సబ్‌ కలెక్టర్‌ ఉమాహారతి అధికారులకు సూచించారు. శుక్రవారం పట్టణంలోని సబ్‌ కలెక్టర్‌ కార్యాలయంలో కల్హేర్‌, నిజాంపేట్‌, సిర్గాపూర్‌, మండలాలకు చెందిన ఎంపీడీఓలు, పంచాయతీ కార్యదర్శులు, ఫీల్డ్‌ అసిస్టెంట్లు, టీఏలు, ఈసీల తో సమీక్ష నిర్వహించారు. ఈసందర్భంగా ఆమె మాట్లాడుతూ.. ఎల్‌నినో నేపథ్యంలో కూలీలు పనులు లేక ఇబ్బందులు పడకుండా చూడాలని ఆదేశించారు. ఉపాధి పనులు కేవలం కూలీలకు పని కల్పించే కార్యక్రమం కాకుండా గ్రామాల్లో శాశ్వత ఆస్తులు, నీటివనరుల అభివృద్ధి చేసే కార్యక్రమంలా అమలు చేయాలని ఆదేశించారు. వర్క్‌ ఫ్రమ్‌ విలేజ్‌ స్ఫూర్తితో పనిచేయాలన్నారు. ప్రస్తుతం అందుబాటులో ఉన్న నిధులు సద్వినియోగం చేసుకోవాలని అన్నారు. నిత్యం పంచాయతీలో 100 నుంచి 150 మంది వరకు కూలీలు హాజరయ్యేలా చర్యలు తీసుకోవాలన్నారు. నిరంతరం కూలీలకు పనులు కల్పించేలా ముందుగానే పనులను గుర్తించి అంచనాలు సిద్ధం చేయాలన్నారు. ప్రతీ ఇంటికి ఇంకుడు గుంత, ప్రతీ పొలానికి పంట కుంట అనే లక్ష్యంతో పనులు ఉండాలని తెలిపారు. సమావేశంలో అదనపు డీఆర్డీఓ బాల్‌రాజ్‌, అధికారులు పాల్గొన్నారు. సబ్‌ కలెక్టర్‌ ఉమాహారతి

రామచంద్రాపురం(పటాన్‌చెరు): అనుమానాస్పద స్థితిలో గృహిణి నాలుగో అంతస్తు పైనుంచి కిందపడి మృతి చెందింది. ఈ ఘటన తెల్లాపూర్‌ డివిజన్‌ పరిధిలో గురువారం రాత్రి చోటుచేసుకుంది. పోలీసుల కథనం ప్రకారం.. ఒడిషాకు చెందిన సరస్వతి సాహూ(23)తన భర్త దేబాషిష్‌ రౌత్‌ కలిసి మూడేళ్ల క్రితం వలస వచ్చి తెల్లాపూర్‌ డివిజన్‌ పరిధిలోని అంబేడ్కర్‌ కాలనీలో నివాసముంటున్నారు. వారితో పాటు ఆమె సోదరి సావిత్రి సాహూ కూడా ఉంటున్నారు. సరస్వతి నల్లగండ్లలోని బంగారు దుకాణంలో పనిచేస్తుంది. కాగా గురువారం రాత్రి భోజన విషయంలో ఇద్దరికీ వాగ్వాదం చోటుచేసుకుంది. అనంతరం రాత్రి 11గంటల సమయంలో సరస్వతి మనస్తాపానికి గురై ఇంటి నుంచి బయటకు వెళ్లి నాలుగో అంతస్తుకు వెళ్లి అక్కడ నుంచి కిందకు దూకి మృతి చెందింది.

గుర్తు తెలియని వ్యక్తి.. రామచంద్రాపురం(పటాన్‌చెరు): రోడ్డు ప్రమాదంలో గుర్తు తెలియని వ్యక్తి దుర్మరణం చెందాడు. ఈ ఘటన తెల్లాపూర్‌ పరిధిలో శుక్రవారం చోటుచేసుకుంది. కొల్లూరు పోలీసుల కథనం ప్రకారం.. సుమారు 55ఏళ్ల వయస్సు గల వ్యక్తి తెల్లాపూర్‌ పరిధిలోని ఎలియన్స్‌ చౌరస్తా సమీపంలో సాయంత్రం రోడ్డుపై నడుచుకుంటూ వెళ్తున్నాడు. ఈ క్రమంలో తెల్లాపూర్‌ నుంచి ఉస్మాన్‌నగర్‌ వైపు వెళ్తున్న రెడీమిక్స్‌ ప్లాంట్‌కు చెందిన లారీ వెనుక నుంచి ఢీకొట్టింది. దీంతో అతడు అక్కడికక్కడే దుర్మరణం చెందాడు. మృతుడి వద్ద ఎలాంటి ఆధారాలు లభించలేదు. మృతుడి వివరాలు తెలిస్తే పోలీసులకు సమాచారం ఇవ్వాలని పోలీసులు కోరారు. బొలెరో ఢీకొని.. ములుగు(గజ్వేల్‌): బొలెరో ఢీకొని వ్యక్తి మృతి చెందాడు. ఈ ఘటన మండల పరిధిలో శుక్రవారం చోటుచేసుకుంది. ఎస్‌ఐ కథనం ప్రకారం.. అన్నసాగర్‌ గ్రామానికి చెందిన కీసరి నర్సింలు(50)వ్యవసాయం చేస్తూ జీవనం సాగిస్తున్నాడు. ఈ నెల 22న కుటుంబ సభ్యులతో కలిసి బహిలంపూర్‌ ఆర్‌అండ్‌ఆర్‌ కాలనీలో జరిగిన ఓ శుభకార్యానికి వెళ్లాడు. అదే రోజు రాత్రి తన యాక్టీవాపై తిరిగి ఇంటికి బయలు దేరాడు. గోల్డ్‌స్టోన్‌ పాఠశాల సమీపంలో ఎదురుగా వచ్చిన బొలెరో అతన్ని ఢీకొట్టింది. ఈ ప్రమాదంలో అతడికి తీవ్ర గాయాలు కావడంతో ఆర్‌వీఎం ఆసుపత్రికి తరలించారు. అయితే అప్పటికే నర్సింలు మృతి చెందినట్లు వైద్యులు నిర్ధారించారు. మృతుడి కుమారుడి ఫిర్యాదు మేరకు వాహన డ్రైవర్‌ ఎండి అప్జల్‌పై కేసు నమోదు చేశారు. మరో చోట యువకుడు.. హవేళిఘణాపూర్‌(మెదక్‌): ఆటోను లారీ ఢీకొట్టిన ఘటనలో యువకుడు మృతి చెందాడు. వివరాలు ఇలా.. కామారెడ్డి జిల్లా నాగిరెడ్డిపేట మండలం పోచారం గ్రామానికి చెందిన కలాలి సాయిచరణ్‌గౌడ్‌(27) పెయింటర్‌ పని కోసం నిత్యంలాగే గురువారం మెదక్‌ పట్టణానికి వచ్చాడు. అదే రోజు రాత్రి అదే గ్రామానికి చెందిన ఆటోలో ఇంటికి తిరిగి వస్తుండగా శాలిపేట గేటు సమీపంలోకి రాగానే ఎదురుగా వస్తున్న లారీ ఢీకొట్టడంతో సాయిచరణ్‌గౌడ్‌కు తీవ్ర గాయాలయ్యాయి. వెంటనే అతడ్ని మెదక్‌ ప్రభుత్వ ఆస్పత్రికి, మెరుగైన వైద్యం కోసం హైదరాబాద్‌లోని ఓ ప్రైవేటు ఆస్పత్రికి తరలించగా అర్ధరాత్రి మృతి చెందాడు. ఉమ్మడి మెదక్‌ జిల్లాలో జరిగిన రోడ్డు ప్రమాదాల్లో ఐదుగురు మృతి చెందారు. పోలీసులు వివరాలు ఇలా.. ఇర్కోడ్‌ వద్ద ఇద్దరు..నారాయణఖేడ్‌: కర్ణాటక రాష్ట్రం బసవ కళ్యాణ్‌ సమీపంలోని ఇర్కోడ్‌ వద్ద జరిగిన రోడ్డు ప్రమాదంలో ఇద్దరు మృతి చెందారు. మనూర్‌ మండల కేంద్రానికి చెందిన మాజీ సర్పంచ్‌, పీఎసీఎస్‌ డైరెక్టర్‌ సంగమణి (55), ఈమె భర్త రేషన్‌ డీలర్‌ సంజీవులు (56)తోపాటు కుటుంబ సభ్యులు ఐదుగురు కారులో మనూరు నుంచి తుల్జాపూర్‌ ఆలయానికి బయలుదేరారు. శుక్రవారం అర్ధరాత్రి బసవ కళ్యాణ్‌ వద్ద జరిగిన రోడ్డు ప్రమాదంలో ఇద్దరు మృతి చెందారు. కోడలు మమత, కుమారుడు సురేశ్‌, మనువడు తీవ్ర గాయాల పాలయ్యారు.

సంగారెడ్డి క్రైమ్‌: జిల్లా కేంద్రంతో పాటు చుట్టుపక్కల గ్రామాల్లో మినరల్‌ వాటర్‌ ప్లాంట్లు రోజురోజుకు పుట్టగొడుగుల్లా పుట్టుకొస్తున్నాయి. అసలే ఎల్‌నినో ప్రభావంతో వర్షాల్లేక భూగర్భ జలాలు అడుగంటుతున్నాయి. అటు కొద్దిపాటి పెట్టుబడితోనే కొంతమంది నీటి వ్యాపారం చేస్తున్నారు. అధికారులు పట్టించుకోకపోవడంతో వారికి వరంగా మారింది. వాటర్‌ ప్లాంట్ల ద్వారా విక్రయిస్తున్న నీటిపై పలువురు అనుమానం వ్యక్తం చేస్తున్నారు. జిల్లా కేంద్రంలో ఇప్పటికే దాదాపు 100కు పైగా మినరల్‌ వాటర్‌ ప్లాంట్లు వెలిశాయి. వీటిలో అధిక శాతం ప్లాట్లకు అనుమతులు లేకపోవడం గమనార్హం. అనుమతులు గాలికి.. సంగారెడ్డి పట్టణంలో 100కు పైగా ఆర్వో ప్లాంట్లు ఉన్నాయి. కానీ వీటికి టైటిల్‌ లైసెన్స్‌ తదితర అనుమతులు లేవు. అధికారులు మాత్రం తమకేమీ పట్టనట్టు వ్యవహరిస్తున్నారని ప్రజలు ఆగ్రహం వ్యక్తం చేస్తున్నారు. నీటి శుద్ధితో వృఽథా! ఆర్వో వాటర్‌ ప్లాంట్‌లో ఒక వంతు నీటిని తయారు చేయాలంటే రెండో వంతులకు పైగా భూగర్భ జలాలు తీసుకోవాల్సి ఉంటుంది. దీంతో రోజుకు వేల లీటర్ల నీటిని ఉత్పత్తి చేస్తున్నారు. శుద్ధి పేరుతో నీరు వృఽథాగా పోతుంది. నిబంధనలు తప్పనిసరి ● నిర్వాహకులు తప్పకుండా వాల్టా చట్టాన్ని పాటించాలి. రెవెన్యూ, విద్యుత్‌ శాఖల అనుమతులు పొందాలి. ● మంచినీటి సరఫరాకు ఐఎస్‌ఐతో పాటు బీఎస్‌ఐ ధ్రువీకరణ పత్రం తప్పనిసరిగా ఉండాలి. ● ఇసుక కార్బన్‌ ఫిల్టర్‌ ఏర్పాటు చేసుకోవాలి. ● ఆర్వో ప్లాంట్‌ ద్వారా నీటిలో బ్యాక్టీరియాను నిర్మూలించే వ్యవస్థ ఉండాలి. ● వాటర్‌ ప్లాంట్‌లో బయోలాజికల్‌ బ్యాక్టీరియా పరీక్షలు తప్పకుండా నిర్వహించాలి.శుద్ధి పేరిట నీటి వృఽథా జిల్లాలో అసలే ఎల్‌నినో ప్రభావం అనుమతులు లేకుండా వెలుస్తున్న వైనం ప్రజారోగ్యంతో చెలగాటమాడుతున్న వ్యాపారులు పట్టించుకోని అధికారులు పట్టణంలో ఆర్వో ప్లాంట్‌ నిర్వహణ సక్రమంగా జరగడం లేదు. నాణ్యతలేని వాటర్‌ బాటిల్‌, ప్యాకెట్లు అందించి ప్రజల ఆరోగ్యంతో చెలగాటం ఆడుతున్నారు. అధికారులు తనిఖీలు చేపట్టి చర్యలు తీసుకోవాలి. – ఉదయ్‌, సంగారెడ్డి

దుబ్బాకటౌన్‌: దొంగతనం జరగకపోయినా తప్పుడు ఫిర్యాదు ఇచ్చి, పోలీసులను తప్పుదోవ పట్టించడమే కాకుండా వారి విలువైన సమయాన్ని వృథా చేసిన మహిళపై కేసు నమోదైంది. దుబ్బాక ఎస్‌ఐ కీర్తి రాజు శుక్రవారం వివరాలు వెల్లడించారు. ఇటీవల పెద్ద గుండవెల్లి గ్రామానికి చెందిన పంజా రాజమణి , కుటుంబ కలహాలు, ఇతర గొడవల కారణంతో పోలీసులకు ఫిర్యాదు చేసింది. తాను వ్యవసాయ పొలంలో పని చేసుకుంటుండగా ఇద్దరు వ్యక్తులు వచ్చి తన ఒంటిపై ఉన్న బంగారు పుస్తెలతాడును చోరీ చేశారని సదరు ఫిర్యాదులో పేర్కొంది. బాధితురాలి ఫిర్యాదు మేరకు ప్రాథమిక విచారణ చేపట్టిన పోలీసులు ఎఫ్‌ఐఆర్‌ నమోదు చేశారు. ఘటనా స్థలానికి చేరుకుని పోలీసులు పూర్తిస్థాయిలో లోతుగా విచారణ చేశారు. విచారణలో అక్కడ ఎలాంటి చోరీ జరగలేదని, కుటుంబ వివాదాల నేపథ్యంలోనే ఆమె అబద్ధపు ఫిర్యాదు చేసిందని నిర్ధారణ అయింది. తప్పుడు ఫిర్యాదు ద్వారా పోలీసులను తప్పుదోవ పట్టించి, వారి సమయాన్ని వృథా చేసినందుకు పంజా రాజమణిపై పోలీసులు కేసు నమోదు చేశారు.

హవేళిఘణాపూర్‌(మెదక్‌): మద్యం తాగేందుకు డబ్బులివ్వలేదని వ్యక్తి ఆత్మహత్య చేసుకున్నాడు. ఈ ఘటన మెదక్‌ మండలం కోంటూర్‌ చెరువు సమీపంలో శుక్రవారం చోటు చేసుకుంది. వివరాలు ఇలా.. చిన్నశంకరంపేట మండలానికి చెందిన నర్సింలు(40) అత్తగారింటికి మెదక్‌ మండలం వెంకటాపూర్‌కు 20వ తేదీన వచ్చాడు. దీంతో 22న భార్య లక్ష్మితో తనకు మద్యం తాగేందుకు డబ్బులు కావాలని గొడవపడి ఇంట్లో నుంచి వెళ్లిపోయాడు. కాగా శుక్రవారం ఉదయం కోంటూర్‌ చెరువుకట్టపై ఉన్న చెట్టుకు ఉరివేసుకొని మృతి చెందినట్లు కుటుంబీకులకు సమాచారం అందించారు. కూలీ పనులు చేసుకుంటూ జీవిస్తున్న నర్సింలు నిత్యం భార్యతో గొడవపడుతుండేవాడని కుటుంబీకులు తెలిపారు. మృతునికి భార్య లక్ష్మి, ఇద్దరు కుమార్తెలు ఉన్నారు. కుటుంబీకుల ఫిర్యాదు మేరకు కేసు నమోదు చేసినట్లు మెదక్‌రూరల్‌ ఎస్‌ఐ సుమన్‌ తెలిపారు. ఆర్థిక ఇబ్బందులతో.. చేర్యాల(సిద్దిపేట): ఆర్థిక ఇబ్బందులతో వ్యక్తి ఆత్మహత్యకు పాల్పడ్డాడు. ఈ ఘటన మండల పరిధిలోని దానంపల్లిలో శుక్రవారం ఉదయం చోటు చేసుకుంది. స్థానికులు, పోలీసుల వివరాల ప్రకారం.. గ్రామానికి చెందిన మంతపురి మల్లయ్య(45) వ్యవసాయ పనులు, కూతురు పెళ్లి కోసం అప్పు చేశాడు. అప్పులు తీర్చే దారి లేక తనకున్న పొలం కొంత అమ్మేశాడు. అప్పులు తీరకపోవడం, ఆర్థిక సమస్యలు, కుటుంబ భారం పెరగడం, కుటుంబంలో చిన్న చిన్న గొడవలు జరగడంతో మనస్తాపం చెంది గురువారం రాత్రి ఇంట్లో ఉరివేసుకున్నాడు. కుటుంబ సభ్యుల ఫిర్యాదు మేరకు కేసు నమోదు చేశారు. మృతుడికి భార్య, కుమారుడు, కూతురు ఉన్నారు. చికిత్స పొందుతూ ఇద్దరు.. శివ్వంపేట(నర్సాపూర్‌): వేర్వేరు ఘటనల్లో చికిత్స పొందుతూ ఇద్దరు మృతి చెందారు. ఎస్‌ఐ మధుకర్‌రెడ్డి వివరాల ప్రకారం.. మండల పరిధిలోని దొంతి గ్రామానికి చెందిన నాగరాజు(35) మద్యానికి బానిసై ఈ నెల 19న ఇంట్లో ఆత్మహత్యకు యత్నించగా గుర్తించిన కుటుంబ సభ్యులు కొన ఊపిరితో ఉన్న అతడ్ని తూప్రాన్‌ ప్రభుత్వ ఆస్పత్రికి తరలించారు. పరిస్థితి విషమంగా ఉండడంతో అక్కడి నుంచి గాంధీ ఆస్పత్రికి తరలించారు. కాగా చికిత్స పొందుతూ గురువారం రాత్రి మృతిచెందాడు. మృతుడి భార్య కవిత ఫిర్యాదు మేరకు పోలీసులు కేసు నమోదు చేశారు. మరో ఘటనలో చిన్నగొట్టిముక్ల గ్రామానికి చెందిన లక్ష్మయ్య(60) మిషన్‌ భగీరథలో వాటర్‌మెన్‌గా పనిచేస్తున్నాడు. ఈ క్రమంలో బుధవారం రాత్రి శివ్వంపేటలో విధులు ముగించుకుని సైకిల్‌పై గ్రామానికి వస్తుండగా గుర్తుతెలియని వాహనం ఢీకొని తీవ్రంగా గాయపడ్డాడు. సూరారం మల్లారెడ్డి ఆస్పత్రిలో చికిత్స పొందుతూ శుక్రవారం ఉదయం మృతి చెందాడు. మృతుడి భార్య నర్సమ్మ పిర్యాదు మేరకు కేసు నమోదు చేశారు.మనస్తాపంతో వ్యక్తి ఆత్మహత్య

సిద్దిపేటఅర్బన్‌: పేకాట ఆడుతున్న ఐదుగురిని పట్టుకున్నట్టు పోలీసులు తెలిపారు. సిద్దిపేట త్రీటౌన్‌ సీఐ లక్ష్మీబాబు వివరాల ప్రకారం.. కొంత మంది పేకాట ఆడుతున్నారనే సమాచారంతో పోలీసు సిబ్బంది వెళ్లి తనిఖీ చేయగా ఐదుగురు వ్యక్తులు పట్టుబడ్డారు. వారి వద్ద నుంచి రూ.14,220, పేక ముక్కలు స్వాధీనం చేసుకున్నారు. పట్టుబడిన వారిలో సాజిద్‌పురకు చెందిన మహ్మద్‌ హబీబ్‌, గాంధీనగర్‌కు చెందిన మహ్మద్‌ హాజీ మలంగ్‌ బాబా, దుద్దెడకు చెందిన బూర్గుల నవీన్‌కుమార్‌, ఇందిరమ్మ కాలనీకి చెందిన మహ్మద్‌ ఇమ్రాన్‌, దుద్దెడకు చెందిన బండమీది వినోద్‌ ఉన్నారు. వీరిపై చట్ట ప్రకారం చర్యలు తీసుకుంటామని తెలిపారు. నర్సాపూర్‌లో ఐదుగురు.. నర్సాపూర్‌: పేకాట స్థావరంపై పోలీసులు దాడి చేసి ఐదుగురిని అదుపులోకి తీసుకుని కేసు నమోదు చేశారు. ఎస్‌ఐ రంజిత్‌రెడ్డి కథనం ప్రకారం.. నర్సాపూర్‌కు చెందిన మల్లేశం, వెంకటరమణయ్య, రమేశ్‌, సుధాకర్‌, శంకర్‌ స్థానిక చౌరస్తా నుంచి సంగారెడ్డి మార్గంలోని ఓ ఇంటి సమీపంలో శుక్రవారం సాయంత్రం పేకాట ఆడుతున్నారు. విశ్వసనీయ సమాచారం మేరకు సీసీఎస్‌ సిబ్బంది, స్థానిక పోలీసులు దాడి చేసి వారిని అదుపులోకి తీసుకున్నారు. వారి వద్ద నుంచి రూ.13,910 నగదు, ఐదు ఫోన్లు స్వాధీనం చేసుకున్నారు. కేసు నమోదు చేసి దర్యాప్తు చేస్తున్నారు. నర్సాపూర్‌: రోడ్డు దాటుతుండగా కంటెయినర్‌ ఢీకొట్టడంతో వ్యక్తి గాయాలపాలయ్యాడు. వివరాలు ఇలా.. మండలంలోని మూసాపేటకు చెందిన ఎరుకల దశరథ శుక్రవారం మధ్యాహ్నం స్థానిక చౌరస్తా వద్ద రోడ్డు దాటుతుండగా బస్టాండు వైపు నుంచి వచ్చిన కంటెయినర్‌ ఢీకొట్టింది. దీంతో అతడు కిందపడగానే కంటెయినర్‌ టైరు ఎడమ కాలుపై నుంచి వెళ్లడంతో గాయమైంది. స్థానికలు పోలీసులకు సమాచారం అందించారు. అనంతరం దశరథను స్థానిక ప్రభుత్వ ఆసుపత్రికి, మెరుగైన వైద్యం కోసం సంగారెడ్డి ఆసుపత్రికి తరలించారు. కాగా దశరథ కుటుంబీకుల ఫిర్యాదు మేరకు కేసు నమోదు చేసి కంటెయినర్‌ను పోలీసులు స్వాధీనం చేసుకున్నారు. డ్రైవర్‌ రంజిత్‌ను పోలీసులు అదుపులోకి తీసుకున్నారు.

చిన్నకోడూరు(సిద్దిపేట): డీజే సౌండ్‌కు భవనం స్లాబ్‌ పెచ్చులు ఊడిపడి పలువురికి గాయాలయ్యాయి. ఈ ఘటన మండల పరిధిలోని పెద్దకోడూరులో గురువారం అర్ధరాత్రి చోటు చేసుకుంది. వివరాలు ఇలా.. గ్రామానికి చెందిన కొనింటి శ్రీహరి, భార్య పల్లవి, మనస్విత్‌, కూతుళ్లు వివేక, సాత్విక రోజు మాదిరిగానే ఇంట్లో నిద్రిస్తున్నారు. దేవీ నవరాత్రుల సందర్భంగా గ్రామంలో దుర్గామాత నిమజ్జనం చేసే క్రమంలో డీజే ఏర్పాటు చేశారు. డీజే సౌండ్‌ శబ్దాలకు సమీపంలోని శ్రీహరికి చెందిన భవనం స్లాబ్‌ పెచ్చులు ఊడిపడి నిద్రిస్తున్న కుటుంబ సభ్యులపై పడ్డాయి. వెంటనే అప్రమత్తమై బయటకు వచ్చారు. కుమారుడు మనస్విత్‌, కూతురు వివేకకు గాయాలు కావడంతో సిద్దిపేట ప్రభుత్వ ఆస్పత్రికి, అక్కడి నుంచి కరీంనగర్‌ ప్రైవేటు ఆస్పత్రికి తరలించారు. శ్రీహరి దంపతులకు స్వల్ప గాయాలయ్యాయి. పెను ప్రమాదం తప్పింది.పలువురికి గాయాలు

నిజాంపేట(మెదక్‌): సామాజికంగా, ఆర్థికంగా వెనుకబడిన చేతివృత్తుల కులాల హక్కులకు భంగం కలగకుండా చూడాలని బీసీ సంఘాల నాయకులు ప్రభుత్వాన్ని డిమాండ్‌ చేశారు. బీసీ(ఏ) జాబితాలో ముదిరాజ్‌ కులాన్ని చేరుస్తామన్న ప్రకటనపై తీవ్ర అభ్యంతరం వ్యక్తం చేశారు. శుక్రవారం మండల కేంద్రంలో నిర్వహించిన విలేకరుల సమావేశంలో రజక సంఘం జిల్లా అధ్యక్షుడు సంగు స్వామి మాట్లాడారు. బీసీ(ఏ) జాబితాలో ఉన్న 57 కులాలు ఎక్కువగా చేతివృత్తులపైనే ఆధారపడి జీవిస్తున్నాయని, ఈ వర్గాల పిల్లలకు విద్య, ఉద్యోగ అవకాశాలకు ఈ రిజర్వేషన్లే కీలకమని పేర్కొన్నారు. పరిమితంగా ఉన్న రిజర్వేషన్లలో కొత్త కులాలను చేర్చడం వల్ల ఇప్పటికే ఉన్న పేద వర్గాలకు తీవ్ర అన్యాయం జరుగుతుందన్నారు. ప్రభుత్వం పునరాలోచించి, వెంటనే ప్రకటనను ఉపసంహరించుకోవాలని కోరారు. ప్రభుత్వం జీవో ప్రకటన చేస్తే ఆందోళనలు చేపడతామని హెచ్చరించారు. సమావేశంలో పలు బీసీ సంఘాల నాయకులు పంపరి నగేశ్‌, మంగళి రాజు, చాకలి బాలయ్య ఇతర నాయకులు పాల్గొన్నారు.జిల్లా రజక సంఘం అధ్యక్షుడు సంగు స్వామి

సంగారెడ్డి జోన్‌: అణగారిన, బడుగు బలహీన వర్గాల ప్రజల కోసం పండుగ సాయన్న కనబరిచిన ధైర్యసాహసాలు, తెగువ నేటి తరానికి స్ఫూర్తిదాయకమని ఖేడ్‌ సబ్‌కలెక్టర్‌, ఇన్‌చార్జి డీఆర్‌డీఓ ఉమాహారతి పేర్కొన్నారు. ప్రభుత్వ ఆదేశాల మేరకు జిల్లా వెనుకబడిన తరగతుల సంక్షేమ శాఖ ఆధ్వర్యంలో గురువారం సంగారెడ్డి కలెక్టరేట్‌లో పండుగ సాయన్న జయంతి వేడుకలను అధికారికంగా నిర్వహించారు. ఈ కార్యక్రమానికి ముఖ్య అతిథిగా హాజరైన ఉమాహారతి పండుగ సాయన్న చిత్రపటానికి పూలమాల వేసి ఘనంగా నివాళులర్పించారు. ఈ సందర్భంగా ఆమె మాట్లాడుతూ...సామాజిక అసమానతలు, అన్యాయాలకు వ్యతిరేకంగా ప్రజల పక్షాన నిలిచి పోరాటం సాగించిన ఆయన ధైర్యసాహసాలు తెలంగాణ చరిత్రలో చిరస్థాయిగా నిలిచిపోతాయన్నారు. ఆనాటి భూస్వాములు, దొరల అరాచకాలకు వ్యతిరేకంగా పండుగ సాయన్న వీరోచితంగా పోరాడారని కొనియాడారు. ఆయన ఆశయాలు, పోరాట స్ఫూర్తిని ఆదర్శంగా తీసుకొని నేటి యువత ముందుకు సాగాలని పిలుపునిచ్చారు. కార్యక్రమంలో జిల్లా బీసీ సంక్షేమ శాఖ అధికారి జగదీశ్‌, జిల్లా గ్రంథాలయ సంస్థ చైర్మన్‌ అంజయ్య, ముదిరాజ్‌ సంఘం జిల్లా అధ్యక్షుడు పులిమామిడి రాజు, రాష్ట్ర ఉపాధ్యక్షుడు మునిపల్లి సత్యనారాయణ, యువజన సంఘాల అధ్యక్షుడు కూన వేణు, వివిధ కుల సంఘాల ప్రతినిధులు, వివిధ శాఖల అధికారులు, ఉద్యోగులు పాల్గొన్నారు. ఎస్పీ కార్యాలయంలో..పండుగ సాయన్న ముదిరాజ్‌ జయంతి సందర్భంగా జిల్లా పోలీసు కార్యాలయంలో ఆయనకు ఎస్పీ పరితోశ్‌ పంకజ్‌ ఘనంగా నివాళులర్పించారు. జిల్లా ప్రజల కోసం నిలబడిన ధైర్యశాలిగా, అన్యాయాన్ని ఎదిరించి బలహీన వర్గాలకు అండగా నిలిచిన వ్యక్తిగా పండుగ సాయన్న గారు ప్రజల గుండెల్లో చిరస్థాయిగా నిలిచిపోయారని పేర్కొన్నారు. ఆయన జీవితం ధైర్యం, పోరాట పటిమ, ప్రజల పట్ల బాధ్యతకు ప్రతీక అని తెలిపారు. ఇలాంటి కార్యక్రమాల ద్వారా మహనీయుల సేవలు, పోరాట స్ఫూర్తి భావితరాలకు చేరుతాయని తెలిపారు.ఈ కార్యక్రమంలో అదనపు ఎస్పీ చైతన్య రెడ్డి, అడ్మినిస్ట్రేటివ్‌ అధికారి పద్మావతి, ఏఆర్‌ డీఎస్పీ నరేందర్‌, ఎస్బీ ఇన్‌స్పెక్టర్‌ సదా నాగరాజు, ఆర్‌ఐ సురేశ్‌ నాయక్‌, కార్యాలయ సిబ్బంది పాల్గొన్నారు. సబ్‌ కలెక్టర్‌ ఉమాహారతి

ఎంపీ సురేశ్‌ షెట్కార్‌ జహీరాబాద్‌ టౌన్‌: అలయ్‌ బలయ్‌తో అందరిమధ్య ఐక్యత, ఆత్మీయత పెరుగుతుందని ఎంపీ సురేశ్‌ షెట్కార్‌, ఎమ్మెల్యే కె.మాణిక్‌రావు పేర్కొన్నారు. జహీరాబాద్‌ పట్టణంలోని బసవేశ్వర ఫంక్షన్‌ హాల్‌లో లింగాయత్‌ సమాజ్‌ ఆధ్వర్యంలో జరిగిన అలయ్‌ బలయ్‌ కార్యక్రమంలో సురేశ్‌ షెట్కార్‌, కె.మాణిక్‌రావు, మాజీ డీసీఎంఎస్‌ చైర్మన్‌ ఎం.శివకుమార్‌, మాజీ కార్పొరేషన్‌ చైర్మన్‌ తన్వీర్‌, మున్సిపల్‌ చైర్మన్‌ యూనూస్‌, వైస్‌ చైర్‌పర్సన్‌ శిరీషరెడ్డి, కౌన్సిలర్లు, కుల సంఘాల నాయకులు, అన్నీ వర్గాల ప్రతినిధులు పాల్గొన్నారు. ఈ సందర్భంగా ఎంపీ,ఎమ్మెల్యేలు మాట్లాడుతూ ఆత్మీయ సమ్మేళనాల వల్ల సమాజంలోని అని వర్గాల ప్రజల మధ్య ఐక్యత, ఆత్మీయత పెరుగుందన్నారు. ఈ సందర్భంగా బసవేశ్వరునికి ప్రత్యేక పూజలు నిర్వహించారు. ● 2070 నాటికి నికర సున్నా ఉద్గారాలే లక్ష్యం ● ఈడీఎఫ్‌ సలహాదారు హిషామ్‌ ముండోల్‌ పటాన్‌చెరు: అటవీ సంరక్షణ, సుస్థిర వ్యవసాయం, పునరుత్పాదక ఇంధన వినియోగం ద్వారా 2070 నాటికి నికర సున్నా ఉద్గారాల లక్ష్యాన్ని భారత్‌ సాధించవచ్చని పర్యావరణ రక్షణ నిధి (ఈడీఎఫ్‌) భారత ముఖ్య సలహాదారు హిషామ్‌ ముండోల్‌ పేర్కొన్నారు. ఇస్నాపూర్‌ మున్సిపల్‌ పరిధిలోని రుద్రారం గీతంలోని కౌటిల్య స్కూల్‌ ఆఫ్‌ పబ్లిక్‌ పాలసీలో గురువారం ‘ఉమ్మడి సుస్థిర శ్రేయస్సుకు ఒక భారతీయ మార్గం’అంశంపై ఆయన ఆతిథ్య ఉపన్యాసం చేశారు. ఆర్థికాభివృద్ధితోపాటు పర్యావరణ పరిరక్షణకు ప్రాధాన్యమివ్వాలని సూచించారు. ఎరువుల వినియోగాన్ని మెరుగుపరచడం, పశువుల దాణా పద్ధతుల్లో మార్పులు, మీథేన్‌్‌ ఉద్గారాల తగ్గింపు కీలకమన్నారు. ఇండోర్‌లో వ్యర్థాల వేర్పాటులో ప్రజల భాగస్వామ్యాన్ని ఉదాహరణగా పేర్కొన్నారు. వాతావరణ విధానాలు, సుస్థిర అభివృద్ధిలో సాంకేతికత, మార్కెట్ల పాత్రపై విద్యార్థుల సందేహాలకు సమాధానాలిచ్చారు. సీఐటీయూ రాష్ట్ర వర్కింగ్‌ కమిటీ సభ్యుడు మాణిక్‌ పటాన్‌చెరు టౌన్‌: కేంద్ర, రాష్ట్ర ప్రభుత్వాలు కార్మిక వ్యతిరేక విధానాలను విడనాడి, నాలుగు లేబర్‌ కోడ్స్‌ను తక్షణమే రద్దు చేయాలని సీఐటీయూ రాష్ట్ర వర్కింగ్‌ కమిటీ సభ్యుడు మానిక్‌ డిమాండ్‌ చేశారు. అక్టోబర్‌ 25న నిర్వహించనున్న చలో హైదరాబాద్‌ కార్యక్రమాన్ని జయప్రదం చేయాలని పిలుపునిచ్చారు. పాశమైలారం పారిశ్రామికవాడలో గురువారం సీఐటీయూ నాయకులతో కలిసి కార్యక్రమ పోస్టర్‌ను విడుదల చేశారు. ఈ సందర్భంగా ఆయన మాట్లాడుతూ..లేబర్‌ కోడ్స్‌ అమలుతో కార్మికుల హక్కులకు నష్టం జరుగుతుందన్నారు. నిత్యావసర ధరలు పెరుగుతున్న నేపథ్యంలో కార్మికులకు కనీస వేతనాలు పెంచాలని డిమాండ్‌ చేశారు. కార్యక్రమంలో సీఐటీయూ నాయకులు, వివిధ యూనియన్ల ప్రతినిధులు పాల్గొన్నారు. తనిఖీల్లో పట్టుబడ్డ మందుబాబులుసంగారెడ్డి క్రైమ్‌: డ్రంకెన్‌డ్రైవ్‌ తనిఖీల్లో పట్టుబడ్డ మందుబాబులకు సంగారెడ్డి జిల్లా న్యాయస్థానం జరిమాన విధించింది. బుధవారం అర్ధరాత్రి పట్టణంలోని పాత బస్టాండ్‌ వద్ద, స్థానిక ఐబీ వద్ద, బైపాస్‌లోని బసవేశ్వర విగ్రహం, పోతిరెడ్డిపల్లి చౌరస్తా వద్ద నిర్వహించిన డ్రంకెన్‌డ్రైవ్‌ తనిఖీల్లో 18 మందిని ట్రాఫిక్‌ పోలీసులు అదుపులోకి తీసుకున్నారు. వారిని గురువారం సంగారెడ్డి జిల్లా న్యాయస్థానంలో హాజరుపరచగా జిల్లా మెదటి అదనపు న్యాయమూర్తి వి.లక్ష్మీకళ ముగ్గురికి రూ.2,000 మిగతా నలుగురికి రూ.1,500 మిగతా 11మందికి రూ.1000, మొత్తం రూ.23,000 జరిమాన విధించినట్లు ట్రాఫిక్‌ పోలీసులు తెలిపారు.

ఎమ్మెల్యే గూడెం మహిపాల్‌రెడ్డి పటాన్‌చెరు: రైతులు దళారులను ఆశ్రయించి నష్టపోకుండా, ప్రభుత్వ కొనుగోలు కేంద్రాల్లోనే ధాన్యాన్ని విక్రయించి మద్దతు ధర పొందాలని ఎమ్మెల్యే గూడెం మహిపాల్‌ రెడ్డి సూచించారు. ప్రభుత్వం ఏర్పాటు చేసిన ధాన్యం కొనుగోలు కేంద్రాలను సద్వినియోగం చేసుకోవాలని రైతులకు విజ్ఞప్తి చేశారు. ముత్తంగి డివిజన్‌ పరిధిలోని పోచారం గ్రామంలో ప్రాథమిక వ్యవసాయ సహకార సంఘం (పీఏసీఎస్‌) ముత్తంగి ఆధ్వర్యంలో ఏర్పాటు చేసిన వానాకాలం వరి ధాన్యం కొనుగోలు కేంద్రాన్ని గురువారం ఎమ్మెల్యే ప్రారంభించారు. ఈ సందర్భంగా కొనుగోలు కేంద్రంలో కల్పించిన సదుపాయాలను పరిశీలించి, ధాన్యం విక్రయించేందుకు వచ్చే రైతులకు ఇబ్బందులు లేకుండా అన్ని ఏర్పాట్లు చేయాలని సంబంధిత అధికారులకు సూచించారు.

రాష్ట్ర మార్క్‌ఫెడ్‌ డైరెక్టర్‌ జగన్మోహన్‌రెడ్డి జోగిపేట(అందోల్‌): రైతులు తాము పండించిన ధాన్యాన్ని ప్రభుత్వం ఏర్పాటు చేసిన వరి కొనుగోలు కేంద్రంలోనే విక్రయించాలని రాష్ట్ర మార్క్‌ఫెడ్‌ డైరెక్టర్‌ ఎస్‌.జగన్మోహన్‌రెడ్డి సూచించారు. జోగిపేటలోని వ్యవసాయ మార్కెట్‌ ఆవరణలో ప్రాథమిక వ్యవసాయ సహకార సంఘం ఆధ్వర్యంలో ఏర్పాటు చేసిన కేంద్రాన్ని గురువారం ఆయన ప్రారంభించారు. ఈ సందర్భంగా ఆయన మాట్లాడుతూ...గ్రేడ్‌ ఏ కు క్వింటాల్‌కు రూ.2,461 ప్రభుత్వం చెల్లిస్తుందన్నారు. ధాన్యాన్ని దళారులకు విక్రయించకుండా ప్రభుత్వ కేంద్రాల్లో విక్రయించాలని చెప్పారు. కార్యక్రమంలో మాజీ మార్కెట్‌ చైర్మన్‌ ఎం.జగన్మోహన్‌రెడ్డి, మున్సిపల్‌ చైర్మన్‌ ఎస్‌.కృష్ణారెడ్డి, కౌన్సిలర్‌ అరుణ్‌కుమార్‌, మాజీ కౌన్సిలర్లు హరికృష్ణగౌడ్‌, శ్రీకాంత్‌, ప్రవీణ్‌, కో ఆప్షన్‌ సభ్యుడు జిషాన్‌, జోగిపేట మున్సిపల్‌ కాంగ్రెస్‌ శాఖ అధ్యక్షుడు డీజే వెంకటేశ్‌లతోపాటు పలువురు పాల్గొన్నారు.

కేంద్ర బృందం పరిశీలనజహీరాబాద్‌: జహీరాబాద్‌, కోహీర్‌ మండలాల్లో సాగులో ఉన్న అల్లం పంటకు సోకిన తెగుళ్లను కేంద్ర బృందం పరిశీలించి అధ్యయనం చేసింది. హైదరాబాద్‌లోని కేంద్రీయ సమగ్ర సస్యరక్షణ కేంద్రం(సీఐపీఎంసీ) ప్లాంట్‌ ప్రొటెక్షన్‌ అధికారులు వెంకట్‌రెడ్డి, బసవన్నప్ప, అసిస్టెంట్‌ అధికారి ఉదయశంకర్‌, సంగారెడ్డిలోని ఫల పరిశోధన స్థానం శాస్త్రవేత్త మౌనిక, డీడీఎస్‌–కేవీకే శాస్త్రవేత్త శైలజ, ఉద్యాన అధికారి సునీతలు హెచ్‌ఈఓ సతీష్‌లు సాగులో ఉన్న అల్లం పంటలను గురువారం సందర్శించారు. ఈ సందర్భంగా వారు మాట్లాడుతూ అగ్గి తెగులును పోలిన తెగుళ్లు ప్రస్తుతం కర్ణాటక, కేరళ రాష్ట్రాల్లో కొత్తగా వ్యాపించాయన్నారు. రాష్ట్రంలో సాగులో ఉన్న అల్లం పంటలపై ఇప్పుడు కనిపిస్తోందన్నారు. ఈ తెగులు కలుగ జేసే శిలీంధ్రం ‘ప్రాక్జిపై రీక్యులేరియా జిన్జబెరిస్‌’గా కేరళలోని ఇండియన్‌ ఇన్‌స్టిట్యూట్‌ ఆఫ్‌ స్పైసీ రీసెర్చ్‌ వారు నిర్ధారించినట్లు పేర్కొన్నారు. నివారణ కోసం ప్రాపికోనజోల్‌ లేదా టెబుకోనజోల్‌ అనే మందు లీటరు నీటికి ఒక మిల్లీ లీటరుగా వేసి పైపాటుగా పిచికారీ చేయాలని రైతులకు సూచించారు.

మాజీ మంత్రి హరీశ్‌రావు ఎదుట వాపోయిన రైతు గజ్వేల్‌: ‘మూడెకరాల్లో వరి సాగు చేశా.. కరెంట్‌ వస్తలేదని, మూడు రోజుల కోసం జనరేటర్‌ను రోజుకు రూ.4వేల చొప్పున కిరాయికి రూ.12వేలు, డీజిల్‌కు రూ. 9వేలు మొత్తంగా రూ.21వేలు ఖర్చుచేశా.. అయినా పొలం పారలే, ఖర్చు పెరిగిపోయింది. భారంగా మారి ఆపేసిన. మూడెకరాల్లో కేవలం అర ఎకరమే చేతికొచ్చింది..’ అంటూ గజ్వేల్‌ మండలం బూర్గుపల్లికి చెందిన రైతు అరవింద్‌రెడ్డి మాజీ మంత్రి హరీశ్‌రావు ఎదుట వాపోయారు. గురువారం ఎండిపోయిన వరి పొలాల పరిశీలనకు హరీశ్‌రావు.. సంగారెడ్డి ఎమ్మెల్యే చింత ప్రభాకర్‌, ఎమ్మెల్సీ డాక్టర్‌ యాదవరెడ్డి, ఎఫ్‌డీసీ మాజీ చైర్మన్‌ వంటేరు ప్రతాప్‌రెడ్డిలతో కలిసి వచ్చారు. ఈ సందర్భంలో రైతులు ఒక్కొక్కరుగా తమ ఆవేదనను మాజీ మంత్రికి వివరించారు.

అధిక దిగుబడులు పొందాలనే ఉద్దేశంతో రైతులు ఎంతో కష్టపడి పంటలు పండిస్తున్నా వాతావరణ పరిస్థితులు అనుకూలించకపోవడం, సరైన దిగుబడులు రాక నష్టాలను చవిచూడటం, ఉన్న పంటలను తీసుకుందామంటే కూలీల కొరత సమస్యగా మారింది. దీంతో రైతులు నానా అవస్థలు పడుతున్నారు. తప్పనిసరి పరిస్థితుల్లో అధిక రేట్లు ఇచ్చి ఇతర ప్రాంతాల నుంచి కూలీలను రప్పిస్తూ తీవ్రంగా నష్టపోతున్నారు. –న్యాల్‌కల్‌(జహీరాబాద్‌) జిల్లాలో ఈ ఏడాది 3,52,246 ఎకరాల్లో పత్తి పంటను సాగు చేసుకున్నారు. కొన్నేళ్లుగా వర్షాభావ పరిస్థితుల కారణంగా పంటలు దెబ్బతిన్నాయి. ఐదేళ్ల క్రితం ఎకరాకు 8 నుంచి 13 క్వింటాళ్ల పత్తి పంట దిగుబడి రాగా వర్షాభావ పరిస్థితుల వల్ల దిగుబడి తగ్గిపోయింది. ప్రస్తుతం పంట దిగబడులు ఎకరాకు 4 నుంచి 5 క్వింటాళ్లు మాత్రమే వస్తున్నాయని రైతులు పేర్కొంటున్నారు. పెట్టిన పెట్టుబడులు కూడా రావడం లేదని ఆవేదన వ్యక్తం చేస్తున్నారు. ఈ ఏడాది ప్రారంభంలో ఆగస్టు రెండవ వారం వరకు పంటలు ఆశాజనకంగా ఉన్నప్పటీకీ ఆ తర్వాత వర్షాల జాడ లేకపోవడంతో పంట తీవ్రంగా దెబ్బతింది. దీంతో సరైన పంట దిగుబడులు రావడం లేదని రైతులు ఆందోళన చెందుతున్నారు. క్వింటాలు ధర రూ.8,667లుగా ప్రభుత్వం నిర్ణయించింది. సీసీఐ కేంద్రాల ద్వారా ఈ ధరకు పత్తిని కొనుగోలు చేయనున్నట్లు ప్రభుత్వం ప్రకటించింది. ఇదిలా ఉండగా ప్రస్తుతం మార్కెట్లో క్వింటాల్‌ ధర రూ.9వేలకుపైగా పలుకుతోంది. ధర ఆశాజనకంగా ఉన్నా దిగుబడులు తగ్గుతుండటంతో తాము నష్టపోవలసి వస్తుందని రైతులు ఆవేదన వ్యక్తం చేస్తున్నారు. ఇంతవరకు బాగా ఉన్నా పొలంలోని పంటను తీసేందుకు కూలీలు దొరకక రైతులు నానా ఇబ్బందులు పడుతున్నారు. ఇతర ప్రాంతాల నుంచి కూలీలు ప్రస్తుతం చేతికి వచ్చిన పంటను ఇళ్లకు తెచ్చుకుందామంటే కూలీల సమస్య రైతులను ఇబ్బందుల పాలు చేస్తుంది. కూలీల కోసం రైతులు అధిక డబ్బులు వెచ్చించి మైబూబ్‌నగర్‌, రంగారెడ్డి, దేవరకొండ, కర్నూల్‌, కర్ణాటక తదితర ప్రాంతాల నుంచి ఆటోలు, ఇతర వాహనాలను ద్వారా తెప్పిస్తున్నారు. పంట దిగుబడులు అంతంతమాత్రంగానే ఉండటంతో కూలీలు పత్తి తీసేందుకు అధిక డబ్బులు ఇవ్వాలని పట్టుబడుతున్నారు. దీంతో చేసేది లేక కిలో పత్తి తీసేందుకు రూ.13 చెల్లిస్తున్నారు. ఇంతవరకు బాగానే ఉన్నా కూలీలను ఇతర ప్రాంతాల నుంచి రప్పించేందుకు అయ్యే రవాణా ఖర్చులు కూడా రైతులే భరించాల్సివస్తుంది. అంతేకాకుండా ఇతర ప్రాంతాల నుంచి వచ్చిన కూలీలకు వారానికి ఒకసారి దావత్‌ కూడా ఇవ్వాల్సి వస్తుందని రైతులు పేర్కొంటున్నారు. ఫలితంగా రైతులు తీవ్రంగా నష్టపోతున్నారు. పొలంలోంచి పత్తి (కిలో) తీసేందుకు రవాణా ఇతర ఖర్చులు కలిపి రూ.15 వస్తుందని రైతులు ఆవేదన వ్యక్తం చేస్తున్నారు. పత్తిని తీసేందుకు కూలీలు దొరకక రైతులు తీవ్ర ఇబ్బందులు పడుతున్నారు. పంట చేతికి అందుతున్నప్పటికీ ప్రభుత్వం మాత్రం ఇప్పటివరకు జిల్లాలో కొనుగోలు కేంద్రాలు ప్రారంభించలేదు. పెట్టుబడులు కూడా రాని పరిస్థితి మరోవైపు వేధిస్తోన్న కూలీల కొరత ఇతర ప్రాంతాల నుంచి తేవడంలో రైతులు నిమగ్నం

కలెక్టర్‌ ప్రతీక్‌ జైన్‌సంగారెడ్డి జోన్‌: తెలంగాణ రాష్ట్ర పబ్లిక్‌ సర్వీస్‌ కమిషన్‌ (టీజీపీఎస్‌సీ) ఆధ్వర్యంలో ఈ నెల 24న జిల్లాలో నిర్వహించనున్న అసిస్టెంట్‌ సైంటిస్ట్‌ (అనలిస్ట్‌ గ్రేడ్‌ ఐఐ), కంప్యూటర్‌ ఆధారిత పరీక్షకు పకడ్బందీ ఏర్పాట్లు చేయాలని కలెక్టర్‌ ప్రతీక్‌ జైన్‌ సంబంధిత అధికారులను ఆదేశించారు. జిల్లాలో ఈ నెల 24న జరిగే అసిస్టెంట్‌ సైంటిస్ట్‌ (అనలిస్ట్‌ గ్రేడ్‌–ఐఐ),పరీక్షకు సంబంధించి గురువారం కలెక్టరేట్‌ మినీ సమావేశ మందిరంలో ఎస్పీ పరితోశ్‌ పంకజ్‌తో కలిసి కలెక్టర్‌ సంబంధిత అధికారులతో సమన్వయ సమావేశం నిర్వహించారు. ఈ సందర్భంగా కలెక్టర్‌ మాట్లాడుతూ.. రుద్రారం గ్రామంలోని గీతం వర్సిటీలో పరీక్ష కేంద్రాన్ని ఏర్పాటు చేసినట్లు మొత్తం 150మంది అభ్యర్థులు పరీక్షకు హాజరుకానున్నట్లు తెలిపారు. పరీక్ష రెండు సెషన్లలో ఉంటుందని, మొదటి సెషన్‌ ఉదయం 10.00 గంటల నుంచి మధ్యాహ్నం 12.30 గంటల వరకు, రెండో సెషన్‌ మధ్యాహ్నం 2.30 గంటల నుంచి సాయంత్రం 5.00 గంటల వరకు నిర్వహించనున్నట్లు వెల్లడించారు. అభ్యర్థులు నిర్ణీత సమయానికి ముందే పరీక్ష కేంద్రానికి చేరుకోవాలని కలెక్టర్‌ సూచించారు. పరీక్షల నిర్వహణ సాఫీగా ప్రశాంతంగా జరగడానికి తీసుకుంటున్న భద్రతా ఏర్పాట్ల గురించి ఎస్పీ పరితోశ్‌ పంకజ్‌ వివరించారు. సమావేశంలో అదనపు కలెక్టర్‌ పాండు, ట్రాన్స్‌కో ఎస్‌ఈ, ఆర్టీసీ, వైద్య ఆరోగ్య, మహిళ శిశు వికలాంగుల శాఖ అధికారులు, ఇస్నాపూర్‌ మున్సిపల్‌ కమిషనర్‌, పటాన్‌చెరు తహసీల్దార్‌ తదితరులు పాల్గొన్నారు. అర్హులందరికీ ఓటు హక్కు ప్రత్యేక ఓటరు జాబితా సమగ్ర సవరణ (ఎస్‌ఐఆర్‌–2026) ప్రక్రియను పకడ్బందీగా నిర్వహిస్తూ అర్హత కలిగిన ప్రతి ఒక్కరూ ఓటరు జాబితాలో ఉండేలా చర్యలు తీసుకుంటున్నట్లు కలెక్టర్‌ ప్రతీక్‌ జైన్‌ తెలిపారు. కలెక్టరేట్‌లోని మినీ సమావేశ మందిరంలో అదనపు కలెక్టర్లు సంగీత, పాండుతో కలిసి ‘ఎస్‌ఐఆర్‌–2026’ప్రక్రియ పురోగతిపై గుర్తింపు పొందిన వివిధ రాజకీయ పార్టీల ప్రతినిధులతో కలెక్టర్‌ సమీక్ష నిర్వహించారు. ఈ సందర్భంగా ఆయన మాట్లాడుతూ.. ఎన్నికల సంఘం మార్గదర్శకాలకు అనుగుణంగా ఎస్‌ఐఆర్‌ ప్రక్రియను నిర్ణీత గడువులో పూర్తి చేసేందుకు చర్యలు తీసుకుంటున్నామన్నారు. ఓటరు జాబితాకు సంబంధించి అందే ప్రతీ క్లెయిమ్‌, అభ్యంతరాన్ని నిర్దేశిత ప్రామాణిక కార్యాచరణ విధానం (ఎస్‌ఓపీ) ప్రకారం క్షుణ్ణంగా పరిశీలించి, నిబంధనల మేరకు పరిష్కరించాలని సంబంధిత అధికారులకు సూచించినట్లు పేర్కొన్నారు. నవంబర్‌ 5 లోగా ప్రక్రియను పూర్తి చేసి, నవంబర్‌ 9న తుది ఓటరు జాబితాను ప్రచురించనున్నట్లు కలెక్టర్‌ వెల్లడించారు. సమావేశంలో గుర్తింపు పొందిన వివిధ రాజకీయ పార్టీల ప్రతినిధులు పాల్గొన్నారు.

● దేశ రాజధాని ఏక్యూఐ 170.. సంగారెడ్డి ఏక్యూఐ 166 ● రెడ్‌ కేటగిరీ పరిశ్రమల కాలుష్యంతో జిల్లా వాసులు ఉక్కిరిబిక్కిరి ● పరిమితిలోపే గాలి నాణ్యత ఉందంటున్న పీసీబీ అధికారులు సాక్షిప్రతినిధి, సంగారెడ్డి: వాయు కాలుష్యంలో జిల్లాలో కోరలు చాస్తోంది. ఈ కాలుష్య తీవ్రత విషయంలో సంగారెడ్డి దేశ రాజధాని ఢిల్లీతో పోటీ పడుతోంది. దేశంలోనే అత్యధికంగా వాయు కాలుష్యం ఉండే ఢిల్లీలో గురువారం గాలి నాణ్యత సూచి (ఏక్యూఐ – ఎయిర్‌ క్వాలిటీ ఇండెక్స్‌) 170గా ఉంది. సంగారెడ్డిలో గురువారం ఉదయం 8 గంటల ప్రాంతంలో ఇదే గాలి నాణ్యత సూచి (ఏక్యూఐ) అత్యధికంగా 166గా రికార్డు అయింది. దీన్ని బట్టి చూస్తే జిల్లాలో వాయు కాలుష్య తీవ్రతను ఇట్టే అర్థం చేసుకోవచ్చు. ఏక్యూఐ 50 వరకు ఉంటే గుడ్‌ (మంచి వాతావరణం) ఉన్నట్లు గుర్తిస్తారు. 50 నుంచి 100 వరకు మోడరేట్‌ ( మధ్యస్తంగా) ఉన్నట్లు లెక్కిస్తారు. ఏక్యూఐ 100 నుంచి 150 మద్యలో ఉంటే గాలి నాణ్యత పూర్‌గా (నాణ్యత లేని గాలి)గా పేర్కొంటారు. 150 నుంచి 200 వరకు ఏక్యూఐ ఉంటే అనారోగ్య గాలిగా పరిగణిస్తారు. ఈ గాలిని పీల్చుకుంటే దీర్ఘకాలంలో శ్వాసకోశ సంబంధిత వ్యాధుల బారిన పడే అవకాశాలున్నాయని వైద్యులు పేర్కొంటున్నారు. ప్రస్తుతం సంగారెడ్డిలో ఏక్యూఐ 166గా రికార్డు కావడంతో ఆందోళన వ్యక్తమవుతోంది. ఏక్యూఐ మరింత పడిపోతే ఇంట్లో కూడా ఎయిర్‌ ప్యూరిఫైయిర్లు పెట్టుకోవాల్సిన అవసరం ఎంతైనా ఉందనే అభిప్రాయం వ్యక్తమవుతోంది. రెడ్‌ కేటగిరీ పరిశ్రమల విధ్వంసం పారిశ్రామికంగా అభివృద్ధి చెందిన జిల్లాలో ఎక్కువగా రెడ్‌ కేటగిరీ పరిశ్రమలున్నాయి. ప్రధానంగా ఫార్మా పరిశ్రమల నుంచి వెలువడుతున్న కాలుష్యం జిల్లా వాసులను పడరాని పాట్లకు గురిచేస్తున్నాయి. రసాయన పరిశ్రమలు, బల్క్‌డ్రగ్‌, సాల్వేంట్‌ రికవరీ, కెమికల్‌ రికవరీ, పైరాలసిస్‌ పరిశ్రమలతో కూడా పెద్ద ఎత్తున వాయు కాలుష్యం అవుతోంది. ఈ పరిశ్రమల చుట్టుపక్కల కాలనీలు, గ్రామాలతోపాటు, దూరంగా ఉన్న ప్రాంతాలకు కూడా వస్తున్న ఘాటైన వాసనలు విస్తరిస్తున్నాయి. జిల్లా వాసులు ఉక్కిరిబిక్కిరి గాలి కాలుష్యంతో జిల్లా వాసులు ఉక్కిరి బిక్కిరవుతున్నారు. పలుచోట్ల ఘాటైన వాసనలతో స్థానికులు ఇబ్బందులు పడుతున్నారు. సంగారెడ్డితో పాటు, పటాన్‌చెరు, హత్నూర, కంది, అమీన్‌పూర్‌ తదితర చోట్ల కాలుష్య తీవ్రత అధికంగా ఉంటోంది. ప్రధానంగా రాత్రయితే చాలు ఈ ఘాటు వాసనల తీవ్రత మరింత పెరుగుతోంది. ఒక్కోసారి ఊపిరి ఆడటం కూడా కష్టమవుతుందని జిల్లా వాసులు పేర్కొంటున్నారు. ప్రధానంగా వృద్ధులు, చిన్న పిల్లలు ఊపిరి పీల్చుకోవడంలో ఇబ్బందులు ఎదురవుతున్నాయి. పారిశ్రామికంగా అభివృద్ధి చెందిన జిల్లాలో వాయు కాలుష్య నియంత్రణను గాలికి వదిలేస్తుండటం తీవ్ర విమర్శలకు దారితీస్తోంది. ఊపిరితిత్తులకు హానిచేసే వాయువులు గాలిలో కలిసి పోతుండటంతో దీర్ఘకాలికంగా అనారోగ్యం బారిన పడుతున్నారు. జిల్లాలో రాత్రి పూట ఉష్ణోగ్రతలు కాస్త తగ్గుముఖం పట్టాయి. చలి షురూవైంది. ఈ క్రమంలోనే కాలుష్య తీవ్రం కావడంతో దాని ప్రభావం స్పష్టంగా కనిపిస్తోంది. ఏక్యూఐ వెబ్‌సైట్‌ డేటాను తాము పరిగణనలోకి తీసుకోబోమని పీసీబీ అధికారులు పేర్కొంటున్నారు. తాము ఏర్పాటు చేసిన యాంబియంట్‌ ఎయిర్‌క్వాలిటీ స్టేషన్లలో నమోదైన డేటానే పరిగణలోకి తీసుకుంటామని చెబుతున్నారు. ఈ స్టేషన్లు జిల్లాలో ఐదు చోట్ల ఉన్నాయి. ఐఐటీహెచ్‌, ఇక్రిశాట్‌, పాశమైలారం ఇండస్ట్రియల్‌ పార్కు, గడ్డపోతారం ఇండస్ట్రియల్‌ పార్కు, సింఫనీపార్కుల్లో ఉన్నాయి.

కొండపాక(గజ్వేల్‌): మండల పరిధి వెలికట్ట క్రాస్‌ రోడ్డు వద్ద పలువురి యువకులపై కత్తులతో దాడి చేసి గాయపర్చిన ముగ్గురిపై కేసు నమోదు చేసినట్లు కుకునూరుపల్లి ఎస్‌ఐ బాలకృష్ణ తెలిపారు. వివరాలిలా ఉన్నాయి. వెలికట్ట క్రాస్‌ రోడ్డు వద్ద ఒక హోటల్‌ ఎదుట వెలికట్టకు చెందిన ప్రభాస్‌, భాస్కర్‌, నరేందర్‌, రంజీత్‌ కుమార్‌, శ్రీనివాస్‌లు టీ తాగి బిల్లు చెల్లించి మోటార్‌ బైక్‌ తీస్తున్న క్రమంలో కారు అతివేగంగా వచ్చి ఢీ కొట్టే ప్రయత్నం చేయగా వారు అడ్డుకున్నారు. ఇంత వేగంగా రావడం ఏమిటని ప్రశ్నించడంతో మాటా మాటా పెరగడంతో కారులో ఉన్న రాజస్థాన్‌కు చెందిన కొండపాక మండలం రవీంద్ర నగర్‌లో ఉంటున్న రమేశ్‌, రాకేశ్‌, ధర్మపాల్‌ తమ వెంట ఉన్న కత్తులు రాడ్‌లతో దాడి చేసి గాయపర్చారు. అక్కడే టీ తాగుతున్న మరో వ్యక్తి చందుపై కూడా దాడి చేసి గాయపర్చారు. ప్రభాస్‌ ఫిర్యాదు మేరకు కేసు దర్యాప్తు చేస్తున్నట్లు ఎస్‌ఐ తెలిపారు. కత్తితో దాడికి యత్నం.. ఒకరి అరెస్టు మద్దూరు(హుస్నాబాద్‌): కత్తితో దాడికి యత్నించిన వ్యక్తిని పోలీసులు అరెస్టు చేశారు. మద్దూరు మండల కేంద్రానికి చెందిన నాయిని మధు ఈనెల 20న తన తండ్రి శంకరయ్యపై దాడి చేస్తుండగా.. నాయిని రాకేశ్‌ అడ్డుకునేందుకు ప్రయత్నించాడు. దీంతో మధు కత్తితో రాకేశ్‌పై దాడికి యత్నించగా, రాచకొండ ఉమేశ్‌ అడ్డుకున్నాడు. ఈ ఘటనలో ఉమేశ్‌ ఎడమ చేతికి తీవ్ర గాయాలయ్యాయి. బాధితుడి ఫిర్యాదు మేరకు కేసు నమోదు చేసిన పోలీసులు నిందితుడు మధును అరెస్టు చేసి రిమాండ్‌కు తరలించినట్లు ఎస్‌ఐ మహ్మద్‌ ఆసీఫ్‌ తెలిపారు.

నర్సాపూర్‌ రూరల్‌: ఆర్థిక ఇబ్బందులతో వ్యక్తి ఆత్మహత్య చేసుకున్న సంఘటన నర్సాపూర్‌ మండలంలోని చిన్నచింతకుంట గ్రామంలో చోటు చేసుకుంది. పోలీసుల కథనం ప్రకారం.. చిన్నచింతకుంట గ్రామానికి చెందిన కంచం భిక్షపతి (32), కూలీ పనులు చేసుకుంటూ జీవనం సాగిస్తున్నాడు. దసరా పండుగ సందర్భంగా అతని భార్య కంచం శేఖమ్మ ఇంటి నుంచి బయటకు వెళ్లగా.. మంగళవారం సాయంత్రం ఆర్థిక ఇబ్బందులతో మనస్తాపం చెందిన భిక్షపతి, ఇంట్లో ఎవరూ లేని సమయంలో దూలానికి ఉరివేసుకొని ఆత్మహత్యకు పాల్పడ్డాడు. కొద్దిసేపటి తర్వాత ఇంటికి వచ్చిన భార్య చూసి పక్కింటి వారి సాయంతో నర్సాపూర్‌ ప్రభుత్వ ఆస్పత్రికి తరలించారు. అక్కడ వైద్యులు ప్రథమ చికిత్స అందించిన అనంతరం మెరుగైన చికిత్స కోసం సికింద్రాబాద్‌లోని గాంధీ ఆస్పత్రికి తరలించారు. గురువారం ఉదయం చికిత్స పొందుతూ ఆయన మృతి చెందాడు. మృతుడి భార్య ఇచ్చిన ఫిర్యాదు మేరకు ఎస్‌ఐ రంజిత్‌ కుమార్‌ కేసు నమోదు చేసి దర్యాప్తు చేస్తున్నారు. అప్పుల బాధతో.. కౌడిపల్లి(నర్సాపూర్‌): అప్పులబాధతో ఓ వ్యక్తి ఆత్మహత్యకు పాల్పడిన ఘటన మండలంలోని బూరుగడ్డ గ్రామంలో గురువారం వెలుగుచూసింది. ఎస్సై అమరేందర్‌రెడ్డి కథనం ప్రకారం.. గ్రామానికి చెందిన తాటి శంకరయ్య (55)కు భార్య భారతమ్మ, ముగ్గురు కుమార్తెలు, ఒక కుమారుడు ఉన్నారు. కుమార్తెల వివాహాలు, కుటుంబ పోషణ కోసం చేసిన అప్పులు తీర్చలేక కొంతకాలంగా ఆందోళన చెందుతున్నాడు. గ్రామంలో ఉపాధి లేకపోవడంతో కుటుంబంతో కలిసి హైదరాబాద్‌లోని చింతల్‌కు వలస వెళ్లి కూలీ పనులు చేసుకుంటున్నారు. దసరా పండుగకు స్వగ్రామానికి వచ్చారు. ఈ క్రమంలో బుధవారం రాత్రి కుటుంబ సభ్యులతో కలిసి ఇంట్లో నిద్రించిన శంకరయ్య, గురువారం తెల్లవారుజామున ఇంటి ఆవరణలోని చెట్టుకు ఉరివేసుకుని కనిపించాడు. భార్య ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఎస్సై తెలిపారు.

వికారాబాద్‌–పర్లీ డబుల్‌ రైల్వేలైన్‌కు ఇంకెన్నాళ్లు? జహీరాబాద్‌: వికారాబాద్‌–పర్లీ రైల్వే స్టేషన్ల మధ్య జహీరాబాద్‌ మీదుగా రైల్వే శాఖ డబుల్‌ రైల్వే లైన్‌ నిర్మాణానికి ప్రతిపాదించింది. ప్రాథమిక సర్వే చేసి రెండేళ్లవుతున్నా ఇప్పటికీ డబుల్‌ లైన్‌ నిర్మాణం విషయంలో అతీ గతీ లేకుండా పోయింది. వికాబాద్‌ నుంచి మహారాష్ట్ర రాష్ట్రంలోని పర్లీ వరకు సుమారు 270 కిలోమీటర్ల మేర డుబల్‌ లైన్‌ వేసేందుకు దక్షిణ మధ్య రైల్వే బోర్డు ఆమోదం తెలిపింది. పనులు చేపట్టేందుకు ప్రతిపాదించినా అది ప్రతిపాదనలకే పరిమితం అయింది. ప్రతిపాదించి రెండేళ్లవుతున్నా డబుల్‌ లైన్‌ నిర్మాణం విషయంలో రైల్వే శాఖ ప్రత్యేక శ్రధ్ద చూపక పోవడంతో ఈ అంశం మరుగున పడింది. కొత్తగా వేసే రైల్వే లైన్‌ను పాత రైల్వే లైన్‌ పక్క నుంచి వేసి, కొత్తగా బ్రిడ్జిలు నిర్మాణం చేసేందుకు ప్రతిపాదనలు సైతం చేసింది. రైల్వే బడ్జెట్‌లో నిధులు మంజూరు చేయించేలా కేంద్ర ప్రభుత్వం సుముఖంగా ఉన్నట్లు తెలుస్తోంది. అయినా ప్రత్యేక చొరవ తీసుకోక పోవడం వల్లే ప్రతిపాదనలు ముందుకు సాగలేని పరిస్థితి నెలకొందనే అభిప్రాయాన్ని పలువురు వ్యక్తం చేస్తున్నారు. డబుల్‌ లైన్‌ ఏర్పాటుతో సౌకర్యం డబుల్‌ రైల్వే లైన్‌ నిర్మించడం వల్ల ప్రయాణికుల సమయం ఆదా అవుతుంది. ప్రస్తుతం సింగిల్‌ లైన్‌ ఉండటంతో ఎదురుగా ఇరు వైపుల నుంచి వచ్చే రైళ్లకు దారి ఇచ్చేందుకు వీలుగా ముందు స్టేషన్లలో ఒక రైలును నిలిపివేయాల్సి వస్తోంది. ఒక్కో సారి అర గంట పాటు స్టేషన్‌లో రైళ్లు నిలిచే పరిస్థితి ఏర్పడుతోంది. రైళ్లు ఆలస్యం అయ్యేందుకు ఇదే కారణంగా పలువురు పేర్కొంటున్నారు. డబుల్‌ లైన్‌ నిర్మాణం జరిగితే రైళ్ల రాక పోకలకు ఎలాంటి అంతరాయం ఉండదు. నిత్యం 30 రైళ్లు రాకపోకలు జహీరాబాద్‌ మీదుగా ప్రతి నిత్యం 30 రైళ్ల వరకు రాక పోకలు సాగిస్తున్నాయి. ఎక్స్‌ప్రెస్‌ రైళ్లతో పాటు గూడ్స్‌ రైళ్లు నిత్యం వెళ్తుండటంతో ప్రతి రైలుకు దారి ఇచ్చేందుకు మరో రైలును ముందు స్టేషన్‌లో నిలపాల్సి వస్తోంది. భవిష్యత్తులో మరిన్ని రైళ్లు పెరిగే అవకాశం ఉంది. ఇలాంటి పరిస్థితులను పరిగణలోకి తీసుకుంటే డబుల్‌ రైల్వే లైన్‌ నిర్మించాల్సిన అవశ్యకత ఉంది. ఈ మార్గంలో ఇప్పటికే విద్యుత్‌ సౌకర్యంతో రైళ్లు నడుస్తున్నాయి. డబుల్‌ లైన్‌ నిర్మాణం విషయంలో రైల్వే శాఖ ప్రత్యేక శ్రద్ధ తీసుకుని పనులు వెంటనే ప్రారంభించేలా చర్యలు చేపట్టాలని ప్రజలు, ప్రయాణికులు కోరుతున్నారు. డబుల్‌ లైన్‌ నిర్మాణం వల్ల పలు రైల్వే స్టేషన్ల పరిధిలోని వారికి మేలు కలగ నుంది. ముఖ్యంగా వికారాబాద్‌, గేటు వనంపల్లి, మర్పల్లి, కోహీర్‌, జహీరాబాద్‌, మెటల్‌కుంట, బీదర్‌, బాల్కి, కమల్‌నగర్‌, ఉద్గీర్‌, లాతూర్‌రోడ్డు, పర్లీ వైజ్యనాథ్‌ స్టేషన్‌లకు మేలు కలుగనుంది. 270 కిలోమీటర్ల మేర నిర్మించేందుకు ప్రతిపాదన ప్రతిపాదించి రెండేళ్లవుతున్నా సర్వేకు నోచుకోని వైనం రెండో లైన్‌ ఏర్పాటు కోసం ఆశగా ఎదురు చూస్తున్న ప్రజలు

కొమురవెల్లి(సిద్దిపేట): గంజాయి దందా గుట్టుగా జోరుగా సాగుతోంది. పొరుగు ప్రాంతాల నుంచి దీనిని దిగుమతి చేసుకుంటున్న కొందరు వ్యాపారులు విక్రయాలు జరుపుతున్నారు. ఈ గంజాయికి విద్యార్థులు, యువత, మైనర్లు బానిసలుగా మారి, అటు ఆర్థికంగా అటు ఆరోగ్య పరంగా కష్టాలు కొనితెచ్చుకుంటుండటం ఆందోళన కలిగిస్తోంది. చదుకుకోని వారితో పాటు ఉన్నత చదువులు చదివిన విద్యార్థులు సైతం మత్తుకు బానిసవుతున్నారు. సిగరెట్‌లో పొగాకును తీసివేసి గంజాయి పౌడర్‌ను నింపుకొని పీలుస్తున్నారు. పాన్‌డబ్బాలు, టీస్టాళ్లు అడ్డాలుగా గంజాయి సరఫరా జరుగుతోంది. భక్తుల సందడి ముసుగులో.. కొమురవెల్లి మల్లికార్జున స్వామి ఆలయానికి వచ్చే భక్తులతో మండల కేంద్రం ఎప్పుడూ సందడిగా ఉంటోంది. ఇది గంజాయి విక్రయదారులకు వరంగా మారింది. ఎవరు ఎక్కడి నుంచి వస్తున్నారు? ఏమి చేస్తున్నారు? తెలుకోవడం పోలీసులకు కష్టంగా మారింది. మండల కేంద్రాన్ని అడ్డాగా చేసుకుని కొందరూ అక్రమార్కులు గంజాయిని సరఫరా చేస్తుండటం గమనార్హం. యువతే లక్ష్యంగా వీరు అమ్మకాలు చేపడుతున్నారు. హైదరాబాద్‌, ఆంధ్రప్రదేశ్‌లోని వైజాగ్‌ నగరాల నుంచి గంజాయి ప్యాకెట్లను, పౌడర్‌ను మండలంలో తెలిసిన వ్యక్తులకు రూ.200 నుంచి రూ.300లకు విక్రయిస్తున్నట్లు సమాచారం. పాన్‌డబ్బాలు, పలు టీస్టాళ్లలో గంజాయి నింపిన సిగరెట్‌ను రూ.100 నుంచి రూ.120 వరకు విక్రయిస్తున్నారు. గంజాయిపై ఉక్కుపాదం మోపాలని ప్రభుత్వం కచ్చితమైన ఆదేశిలిచ్చినా.. క్షేత్రస్థాయిలో అమలు కావడంలేదన్న ఆరోపణలు వెల్లువెత్తుతున్నాయి. పోలీసు, ఎకై ్సజ్‌ శాఖ అడపాదడపా కేసులు నమోదు చేస్తున్నారు. మండలంలోని పోసాన్‌పల్లి, గురువన్నపేట జగదేవ్‌పూర్‌ మండలం కొండపోచమ్మ ఆలయానికి సమీపంలో గంజాయి విక్రయాలు జోరందుకోవడంతో ఇటీవల పలు ఘర్షణలు సైతం చోటుచేసుకున్నాయి. కొంత మంది మైనర్‌ విద్యార్థులకు కొమురవెల్లి పోలీసులు ఇటీవల కౌన్సిలింగ్‌ ఇచ్చి వదిలిపెట్టినట్లు సమాచారం. మండల వ్యాప్తంగా గుట్టు చప్పుడు కాకుండా విక్రయిస్తున్న గంజాయిని పూర్తిగా అరికట్టాలని, విక్రయిస్తున్న ,సేవిస్తున్న వారిపై కఠిన చర్యలు తీసుకోవాలని పలువురు కోరుతున్నారు. చర్యలు తీసుకుంటాం గతంలో గంజాయి విక్రయించిన పలువురిపై కేసులు నమోదు చేశాం. యువతపై వారి తల్లి దండ్రులు ప్రత్యేక దృష్టి సారించాలి. ఎవరైనా గంజాయి విక్రయించినా సేవించినా కఠిన చర్యలు తీసుకుంటాం. –ఎస్‌ఐ మహేశ్‌ పాన్‌డబ్బాలు, టీ స్టాళ్లే అడ్డాలు మత్తుకు బానిసవుతున్న యువత

హవేళిఘణాపూర్‌(మెదక్‌): ఇంటికి తాళం వేసి బంధువుల ఇంటికి వెళ్లిన సమయంలో గుర్తుతెలియని దుండగులు చోరీకి పాల్పడిన ఘటన మండల పరిధిలోని పోచమ్మరాళ్‌ తండాలో గురువారం వెలుగుచూసింది. తండాకు చెందిన గూగ్లోత్‌ విఠల్‌ బుధవారం ఇంటికి తాళం వేసి బంధువుల వద్దకు వెళ్లాడు. అదే రోజు రాత్రి దుండగులు ఇంటి తాళాలు పగులగొట్టి లోపలికి చొరబడ్డారు. బీరువాలో ఉన్న రెండు తులాల బంగారం, 60 తులాల వెండి ఆభరణాలతో పాటు నగదును ఎత్తుకెళ్లినట్లు బాధితులు పోలీసులకు ఫిర్యాదు చేశారు. సమాచారం అందుకున్న ఎస్‌ఐ కృష్ణయ్య సంఘటనా స్థలాన్ని పరిశీలించారు. కేసు నమోదు చేసి దర్యాప్తు చేస్తున్నట్లు తెలిపారు.బంగారం, వెండి ఆభరణాలు మాయం

మిస్సింగ్‌ కేసు నమోదు వర్గల్‌(గజ్వేల్‌): ఇంటి అవసరాలకు వస్తువులు కొనేందుకు వెళ్తున్నట్లు చెప్పి యువతి అదృశ్యమైంది. ఈ ఘటన వర్గల్‌ మండలం తున్కిమక్త సమీప స్పిన్నింగ్‌ మిల్లులో చోటుచేసుకుంది. గౌరారం పోలీసులు తెలిపిన వివరాల ప్రకారం.. జగిత్యాల జిల్లా రాయికల్‌ మండలం ఉప్పుమడుగు గ్రామానికి చెందిన కై రి అశ్విత(19) సిద్దిపేట జిల్లా తున్కిమక్త సమీప స్పిన్నింగ్‌మిల్లులో పనిచేస్తోంది. ఈ నెల 20న ఇంటికి అవసరమైన వస్తువులు కొనేందుకు వెళ్తున్నట్లు చెప్పి కంపెనీ నుంచి బయటకు వచ్చింది. ఆ తరువాత కుమార్తె ఫోన్‌ స్విచ్ఛాఫ్‌లో ఉండటంతో గురువారం ఆమె తల్లి గంగాజల గౌరారం పీఎస్‌లో ఫిర్యాదు చేయగా, మిస్సింగ్‌ కేసు నమోదుచేసి దర్యాప్తు చేస్తున్నట్లు పోలీసులు తెలిపారు. బంగారు గొలుసు అప్పగింత జిన్నారం (పటాన్‌చెరు): బొల్లారం డివిజన్‌లోని వైఎస్సార్‌ కాలనీలో నిర్వహించిన దుర్గామాత నిమజ్జన శోభాయాత్రలో పోగొట్టుకున్న తులం బంగారు గొలుసును పోలీసులు రికవరీ చేసి బాధితుడికి అందజేశారు. ఈ నెల 20న జరిగిన శోభాయాత్రలో ఓ యువకుడి మెడలో నుంచి తులం బంగారు గొలుసు తెగిపడిపోయింది. ఎంత వెతికినా దొరకకపోవడంతో సదరు యువకుడు పోలీసులను ఆశ్రయించాడు. రంగంలోకి దిగిన పోలీసులు సీసీటీవీ కెమెరాల ఆధారంగా దర్యాప్తు చేసి గొలుసును స్వాధీనం చేసుకున్నారు. గురువారం ఆ బంగారు గొలుసును బాధిత యువకుడికి అప్పగించారు. ఈ మేరకు సీఐ సుధీర్‌కు బాధితుడు ప్రత్యేక ధన్యవాదాలు తెలిపాడు. వంట విషయమై గొడవ: అత్త ఆత్మహత్య పెద్దశంకరంపేట(మెదక్‌): వంట విషయంలో ఆత్తాకోడళ్ల మధ్య తలెత్తిన గొడవ అత్త ఆత్మహత్యకు దారితీసింది. ఈ సంఘటన పెద్దశంకరంపేట మండలం కోళాపల్లిలో బుధవారం రాత్రి చోటు చేసుకుంది. వివరాల ప్రకారం.. గ్రామానికి చెందిన పులబోయిన శంకరమ్మ(72), తన కోడలు సావిత్రితో వంట విషయంలో గొడవపడి మనస్తాపానికి గురై గ్రామ శివారులోని కోళాపల్లి చెరువులో దూకి ఆత్మహత్య చేసుకుంది. కుటుంబ సభ్యుల ఫిర్యాదు మేరకు కేసు నమోదు చేసి మృతదేహాన్ని పోస్టుమార్టం నిమిత్తం జోగిపేట ప్రభుత్వాసుపత్రికి తరలించారు. వాట్సాప్‌ లింక్‌తో సైబర్‌ మోసం రూ.83 వేలు పోగొట్టుకున్న వ్యక్తి టేక్మాల్‌(మెదక్‌): సైబర్‌ నేరగాళ్ల వలలో పడి ఓ వ్యక్తి రూ.83 వేలు పోగొట్టుకున్నాడు. ఈ సంఘటన టేక్మాల్‌ మండలంలోని కాద్లూర్‌లో ఆలస్యంగా వెలుగు చూసింది. బాధితుడి కథనం ప్రకారం.. కాద్లూర్‌ గ్రామానికి చెందిన బక్క సాయిలు బంధువుల ఫోన్‌కు పెళ్లి లేదా ఇతర వేడుకల ఇన్విటేషన్‌ పేరుతో వాట్సాప్‌లో ఒక లింక్‌ వచ్చింది. ఆ లింక్‌ వారి ఫోన్‌లో ఓపెన్‌ కాకపోవడంతో సాయిలు నంబర్‌కు ఫార్వర్డ్‌ చేశారు. ఈ నెల 20న సాయంత్రం సాయిలు వాట్సాప్‌లో ఆ లింక్‌ను ఓపెన్‌ చేయగానే, తన ఖాతా నుంచి రూ. 83 వేలు కట్‌ అయినట్లు మొబైల్‌కు మెసేజ్‌ వచ్చింది. గురువారం ఆయన స్థానిక యూనియన్‌ బ్యాంక్‌కు వెళ్లి వివరాలు తెలుసుకోగా, ఆ డబ్బులు లాల్‌లాల్‌ జుగల్‌ కిషోర్‌ జువెల్లర్స్‌ ఖాతాకు వెళ్లినట్లు తెలిసింది. దీంతో బాధితుడు సైబర్‌ క్రైమ్‌ టోల్‌ఫ్రీ నంబర్‌ కు ఫోన్‌ చేసి, స్థానిక పోలీస్‌ స్టేషన్‌లో ఫిర్యాదు చేసినట్లు తెలిపారు. గుర్తుతెలియని వ్యక్తి మృతదేహం లభ్యం పటాన్‌చెరు టౌన్‌: గుర్తు తెలియని మృతదేహం లభ్యమైన సంఘటన పటాన్‌చెరు పోలీస్‌స్టేషన్‌ పరిధిలో చోటుచేసుకుంది. పోలీసులు తెలిపిన వివరాల ప్రకారం... పటాన్‌చెరు ఇండియన్‌ ఆయిల్‌ పెట్రోల్‌ బంక్‌ పక్కన ఓ ఏటీఎం వద్ద దాదాపు 55 ఏళ్ల వ్యక్తి మృతి చెంది ఉన్నాడు. స్థానికులు పోలీసులకు సమాచారం ఇవ్వడంతో మృతదేహాన్ని ప్రభుత్వ ఆస్పత్రికి తరలించి, కేసు నమోదు చేసి దర్యాప్తు చేస్తున్నారు.

నర్సాపూర్‌ రూరల్‌: రోడ్డు ప్రమాదంలో యువకుడు మృతి చెందిన సంఘటన బ్రాహ్మణపల్లి గ్రామ శివారులో చోటు చేసుకుంది. పోలీసుల కథనం ప్రకారం.. నర్సాపూర్‌ మండలంలోని చిన్నచింతకుంట గ్రామానికి చెందిన ఏంబరి నరే శ్‌(21), కారు డ్రైవర్‌గా పని చేస్తున్నాడు. దసరా పండుగ సందర్భంగా స్నేహితులను కలిసేందుకు ఈ నెల 20న రాత్రి 10 గంటల సమయంలో తన బైక్‌పై ఇంటి నుంచి బయటకు వెళ్లాడు. రాత్రి తిరిగి ఇంటికి రాకపోవడంతో కుటుంబ సభ్యులు, బంధువులు పరిసర ప్రాంతాల్లో వెతికినా ఆచూకీ లభించలేదు. గురువారం ఉదయం బ్రాహ్మణపల్లి గ్రామ శివారులో రోడ్డు పక్కన ఉన్న పొలంలో నరేష్‌ మృతదేహాన్ని గ్రామస్తులు గుర్తించారు. సమాచారం అందుకున్న కుటుంబ సభ్యులు ఘటనా స్థలానికి చేరుకుని చూడగా, ముఖంపై రక్తగాయాలతో నరేష్‌ విగతజీవిగా పడి ఉన్నాడు. విషయం తెలుసుకున్న పోలీసులు అక్కడి చేరుకొని ఎదురుగా ఉన్న స్తంభాన్ని ఢీకొని మృతి చెంది ఉంటాడని అనుమానం వ్యక్తం చేశారు. ఈ మేరకు కేసు నమోదు చేసుకొని దర్యాప్తు చేస్తున్నారు. రోడ్డు ప్రమాదంలో యువకుడికి గాయాలు నిజాంపేట(మెదక్‌): రోడ్డు ప్రమాదంలో ఒకరు గాయపడిన సంఘటన నిజాంపేట మండల కేంద్రంలో గురువారం చోటు చేసుకుంది. వివరాల ప్రకారం.. నార్సింగి మండల పరిధిలోని నర్సంపల్లి గ్రామానికి చెందిన ఉడుత నవీన్‌ రామాయంపేట నుంచి నిజాంపేటకు వస్తున్న క్రమంలో, నిజాంపేట గ్రామ శివారులో ఆయన ప్రయాణిస్తున్న స్కూటీ అదుపుతప్పి డివైడర్‌ను ఢీకొట్టింది. ఈ ప్రమాదంలో తలకు తీవ్ర గాయాలయ్యాయి. వెంటనే అప్రమత్తమైన స్థానికులు 108 వాహనంలో క్షతగాత్రుడిని చికిత్స నిమిత్తం సిద్దిపేటకు తరలించారు. రాంగ్‌రూట్‌లో వెళ్లి ఒకరు మృతి.. టేక్మాల్‌(మెదక్‌): రాంగ్‌రూట్‌లో వెళ్తున్న బైక్‌ను కారు ఢీకొనడంతో ఒకరు మృతిచెందగా, మరో ముగ్గురికి గాయాలైన ఘటన టేక్మాల్‌ మండలం బొడ్మట్‌పల్లి సమీపంలోని 161వ జాతీయ రహదారిపై బుధవారం రాత్రి చోటు చేసుకుంది. ఎస్సై అరవింద్‌కుమార్‌ కథనం ప్రకారం.. కాద్లూర్‌ గ్రామానికి చెందిన కర్రోళ్ల మల్లేశం (34), పండుగకు స్వగ్రామానికి వచ్చాడు. అదే గ్రామానికి చెందిన కుమ్మరి శంకర్‌ బైక్‌పై మల్లేశం రాంగ్‌రూట్‌లో బొడ్మట్‌పల్లి నుంచి అల్లాదుర్గం వైపు వెళ్తుండగా, పిట్లం నుంచి హైదరాబాద్‌ వెళ్తున్న కారు ఎదురుగా ఢీకొట్టింది. ఈ ప్రమాదంలో తీవ్రంగా గాయపడిన మల్లేశం ఆస్పత్రికి తరలిస్తుండగా మార్గమధ్యలో మృతిచెందాడు. శంకర్‌ సంగారెడ్డిలోని ఓ ప్రైవేటు ఆస్పత్రిలో చికిత్స పొందుతున్నాడు. కారులో ఉన్న డ్రైవర్‌ అంకుష్‌, అతని తల్లి సునీతకు కూడా గాయాలయ్యాయి. మృతుడి తండ్రి గంగారం ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఎస్సై తెలిపారు.

పెద్దశంకరంపేట(మెదక్‌): మండల పరిధి బూర్గుపల్లిలో గేదె దొంగతనం విషయంపై గ్రామపెద్దలు నిర్వహించిన పంచాయతీ ఓ వ్యక్తి ఆత్మహత్యకు కారణమయింది. వివరాల ప్రకారం.. గ్రామానికి చెందిన బోయిని సంగమేశ్వర్‌ (31), అదే గ్రామానికి చెందిన కోటప్పకు చెందిన గేదెను మంగళవారం రాత్రి దొంగతనం చేస్తూ పట్టుబడ్డాడు. బుధవారం గ్రామంలో ఈ దొంగతనం విషయంపై పంచాయతీ నిర్వహించారు. సంగమేశ్వర్‌కు రూ. 50 వేల జరిమానా కట్టాలని గ్రామస్తులు తీర్పునిచ్చారు. దీంతో పోలీసు కేసు అవుతుందనే భయంతో.. జరిమానా చెల్లించేందుకు డబ్బులు లేకపోవడంతో మనస్తాపానికి గురైన సంగమేశ్వర్‌.. ఉరివేసుకొని ఆత్మహత్య చేసుకున్నాడు. మృతుడి అన్న బోయిని దత్తు ఫిర్యాదు మేరకు ఈ ఘటనపై ఎస్‌ఐ ప్రవీణ్‌ రెడ్డి విచారణ చేపట్టి, మృతదేహాన్ని పోస్టుమార్టం నిమిత్తం జోగిపేట ప్రభుత్వాసుపత్రికి తరలించారు. మనస్తాపంతో వ్యక్తి ఆత్మహత్య

సాక్షిప్రతినిధి, సంగారెడ్డి: జనగణనలో మరో కీలక ప్రక్రియ షురూవైంది. ఇప్పటికే ఇండ్ల గణన (హౌజ్‌ లిస్టింగ్‌ ఆపరేషన్‌)ను విజయవంతంగా పూర్తి కాగా..2027 ఫిబ్రవరిలో ప్రారంభం కానున్న జనగణనకు ముందస్తు ప్రణాళిక రూపకల్పన ప్రారంభమైంది. జనగణన కోసం ప్రతీ 800 మంది జనాభాకు ఒక బ్లాకుగా గుర్తిస్తున్నారు. జనగణన చేసే ఎన్యూమరేటర్లకు భారం కాకుండా ఒక్కో ఎన్యూమరేటర్‌కు 800 మంది జనాభా వివరాలు సేకరించేలా ఈ ప్రణాళికను తయారు చేస్తున్నారు. ఇండ్ల గణన చేసినప్పుడు వచ్చిన గణాంకాల ఆధారంగా ఈ బ్లాకులను గుర్తిస్తున్నారు. ఈ బాధ్యతలు చార్జ్‌క్లర్క్‌లు, టెక్నికల్‌ అసిస్టెంట్లకు అప్పగించారు. రెవెన్యూశాఖకు చెందిన ఆర్‌ఐలు, డీటీలు, సీనియర్‌ అసిస్టెంట్లు చార్జ్‌క్లర్కులుగా వ్యవహరిస్తారు. అలాగే మున్సిపాలిటీల్లో వార్డు ఆఫీసర్లు, ఆ స్థాయి అధికారులు చార్జ్‌క్లర్కులుగా పనిచేస్తారు. వీరికి టెక్నికల్‌ అసిస్టెంట్ల సహాయంతో ప్రత్యేక సాఫ్ట్‌వేర్‌తో ఈ బ్లాకులను గుర్తిస్తున్నారు. ఈ ప్రక్రియపై చార్జ్‌క్లర్కులకు, టీఏలకు ఇటీవల శిక్షణ కూడా ఇచ్చారు. రాష్ట్ర సెన్సెస్‌ ఆపరేషన్‌ డైరెక్టర్‌, సీనియర్‌ ఐఏఎస్‌ ఆఫీసర్‌ భారతీహోలికేరి ఇటీవల జిల్లాకు వచ్చి ఈ ప్రక్రియపై కీలక సమావేశం నిర్వహించారు. జిల్లాలో 37 చార్జ్‌లు.. జిల్లాలో మొత్తం 37 చార్జ్‌లున్నాయి. జనగణన ప్రక్రియలో ఒక మండలాన్ని రూరల్‌ చార్జ్‌గా పిలుస్తారు. మున్సిపాలిటీని అర్బన్‌ చార్జ్‌గా పేర్కొంటారు. జిల్లాలో 11 మున్సిపాలిటీలు ఉండగా 26 రూరల్‌ మండలాలున్నాయి. సంగారెడ్డి జిల్లా పరిధిలో ఉన్న అమీన్‌పూర్‌ మండలంలో జనగణన బాధ్యతలను సీఎంసీ (సైబరాబాద్‌ మున్సిపల్‌ కార్పొరేషన్‌)కు అప్పగించారు. రూరల్‌ మండలంగా ఉన్న జిన్నారం మున్సిపాలిటీగా కావడంతో అర్బన్‌ చార్జ్‌గా గుర్తించారు. కాగా ఇండ్లగణన సందర్భంగా జిల్లాను మొత్తం 2,480 బ్లాకులుగా గుర్తించిన విషయం విదితమే. అయితే ఇప్పుడు జనగణన ప్రక్రియ వచ్చేసరికి ఈ బ్లాకుల సంఖ్యలో మార్పులు ఉండనున్నాయని అధికారులు తెలిపారు. బీహెచ్‌ఈఎల్‌ టౌన్‌షిప్‌ బాధ్యతలు జిల్లాకే.. సీఎంసీ పరిధిలో ఉన్న బీహెచ్‌ఈఎల్‌ టౌన్‌షిప్‌ జనగణన బాధ్యతలను జిల్లా అధికారులకే అప్పగించారు. ఈ నోటిఫైడ్‌ ఏరియాలో జిల్లా అధికారులే జనగణన నిర్వహించనున్నట్లు అధికారులు తెలిపారు. జిల్లాస్థాయి అధికారులకు శిక్షణ జనగణన అనేది కేంద్ర ప్రభుత్వం ప్రతిష్టాత్మక ప్రక్రియ కావడంతో జిల్లా అధికారులకు కూడా కీలకంగా వ్యవహరించనున్నారు. కలెక్టర్‌, అదనపు కలెక్టర్లు, ఆర్డీఓలు, ఇతర జిల్లా ఉన్నతాధికారులతోపాటు, తహసీల్దార్లు, ఎంపీడీఓలకు ఈ నెల 26, 27 తేదీల్లో ప్రత్యేక శిక్షణ కార్యక్రమాలను నిర్వహించనున్నట్లు అధికారులు తెలిపారు. ప్రతీ 800 మంది జనాభాకు ఒక ఎన్యూమరేషన్‌ బ్లాక్‌ గుర్తింపు బాధ్యతలు చార్జ్‌ క్లర్కులు, టెక్నికల్‌ అసిస్టెంట్లకు! 26 నుంచి అధికారులకు అవగాహన

దుకాణం వెనుక వైపు గోడకు రంధ్రం చేసి అపహరణ జోగిపేట(అందోల్‌): దుకాణం వెనుక వైపు భాగంలో గోడకు పెద్ద రంధ్రం చేసి 40 నూకల బస్తాలను గుర్తు తెలియని దొంగలు ఎత్తుకెళ్లారు. ఈ ఘటన సోమవారం రాత్రి చోటు చేసుకుంది. వివరాలు ఇలా.. జోగిపేటలోని వ్యాపారి బచ్చు ఆనంద్‌ ఎప్పటిలాగే షాపు తెరిచి వ్యాపారం చేసుకొని రాత్రి 8 గంటల ప్రాంతంలో మూసేసి ఇంటికి వెళ్లాడు. మంగళవారం ఉదయం షాపును శుభ్రం చేసి, దసరా కావడంతో పూజ చేద్దామని షాపు తెరిచే సరికి ఎదురుగా పెద్ద రంధ్రం ఏర్పడడంతో ఒక్కసారిగా ఆందోళనకు గురయ్యాడు. వెంటనే వెనక వైపు వెళ్లి ముళ్ల పొదల్లో అన్ని చోట్ల పరిశీలించాడు. అనంతరం జోగిపేట పోలీసులకు ఫిర్యాదు చేశాడు. ఎస్‌ఐ శ్రీకాంత్‌ ఘటనా స్థలానికి వెళ్లి పరిశీలించారు. గతంలో కూడా ఇలాగే రంధ్రం తవ్వి దొంగతనానికి పాల్పడడంతో కాంక్రీట్‌తో 7 ఫీట్ల ఎత్తు వరకు గోడ నిర్మాణం చేశానని, ప్రస్తుతం 9 ఫీట్ల ఎత్తులో రంధ్రం చేశారని బాధితుడు ఎస్‌ఐకి వివరించారు. ఈ ఘటనపై దగ్గరలోని సీసీ ఫుటేజీలను పరిశీలించి దొంగలను పట్టుకునేందుకు చర్యలు తీసుకుంటామని ఎస్‌ఐ తెలిపారు.

పాముకాటుతో బాలిక మృతి సిద్దిపేటఅర్బన్‌: తెల్లవారితే అందరితో సరదాగా దసరా పండుగ జరుపుకోవాల్సిన బాలిక పాముకాటుకు గురై మృతి చెందింది. ఈ ఘటన సిద్దిపేట అర్బన్‌ మండలం నాంచారుపల్లి గ్రామంలో సోమవారం అర్ధరాత్రి చోటు చేసుకుంది. గ్రామస్తుల వివరాల ప్రకారం.. గ్రామానికి చెందిన సంకటి నాగరాజు ర్యాపిడో డ్రైవర్‌గా పని చేసుకుంటూ భార్య లత, కుమార్తె శ్రీహిత(8)ను పోషించుకుంటున్నాడు. ఈ క్రమంలో సోమవారం రాత్రి ఎప్పటిలాగే ఇంట్లో నేలపై నిద్రిస్తున్నారు. అర్ధరాత్రి ఇంట్లోకి వచ్చిన నాగుపాము శ్రీహిత చేయిపై కరవగా నొప్పి పెడుతుందని తల్లిదండ్రులకు చెప్పడంతో చేయికి బ్యాండేజ్‌ వేశారు. కొంత సేపటి తర్వాత తల తిరుగుతోందని, గాబరాగా ఉందని చెప్పింది. అదే సమయంలో తల్లి లతకు నాగుపాము కనిపించింది. పామును చంపి, బాలికను సిద్దిపేట ప్రభుత్వ ఆస్పత్రికి తరలించగా అప్పటికే చనిపోయినట్టు వైద్యులు ధ్రువీకరించారు. తల్లిదండ్రులకు ఒక్కగానొక్క కూతురు కావడంతో వారి రోదనలు మిన్నంటాయి. చెరువులో పడి వృద్ధుడు.. చిన్నకోడూరు(సిద్దిపేట): ప్రమాదవశాత్తు చెరువులో పడి వృద్ధుడు మృతి చెందాడు. ఈ ఘటన మండల పరిధిలోని అనంతసాగర్‌లో బుధవారం వెలుగు చూసింది. పోలీసుల కథనం ప్రకారం.. గ్రామానికి చెందిన మోడి నర్సయ్య(55) మూడేళ్లుగా మతిస్థిమితం కోల్పోయాడు. ఈ క్రమంలో ఈ నెల 19న ఇంటి నుంచి వెళ్లిపోయాడు. రాత్రి వరకు రాకపోవడంతో బంధువుల వద్ద, మిత్రుల వద్ద వెతికినా ఆచూకీ కనిపించలేదు. బుధవారం గ్రామ శివారులోని చెరువు వద్ద నీటిలో మృతదేహం కనిపించడంతో స్థానికులు పోలీసులకు సమాచారం అందించారు. గ్రామానికి చెందిన నర్సయ్య మృతదేహంగా గుర్తించారు.

పటాన్‌చెరు: చెడుపై మంచి సాధించిన విజయానికి విజయదశమి ప్రతీకని ఎమ్మెల్యే గూడెం మహిపాల్‌రెడ్డి అన్నారు. పటాన్‌చెరు పట్టణంలోని మైత్రి స్టేడియంలో నిర్వహించిన దసరా వేడుకల్లో ఆయన ముఖ్య అతిథిగా పాల్గొని ప్రజలకు పండుగ శుభాకాంక్షలు తెలిపారు. తొలుత జీహెచ్‌ఎంసీ కార్యాలయం వద్ద ధ్వజారోహణ కార్యక్రమంలో పాల్గొన్న ఎమ్మెల్యే, అనంతరం వ్యవసాయ మార్కెట్‌ యార్డులో శమీ పూజ నిర్వహించారు. ఆ తర్వాత మైత్రి స్టేడియంలో ప్రజాప్రతినిధులు, ప్రముఖులతో కలిసి రావణాసుర దహన కార్యక్రమంలో పాల్గొన్నారు. ఈ సందర్భంగా ఎమ్మెల్యే మాట్లాడుతూ..దసరా ధర్మం, సత్యం, న్యాయం, ధైర్యానికి ప్రతీకని పేర్కొన్నారు. నియోజకవర్గంతోపాటు రాష్ట్ర ప్రజలందరూ సుఖసంతోషాలు, ఆయురారోగ్యాలతో వర్ధిల్లాలని ఆకాంక్షించారు. దసరా వేడుకల్లో పాల్గొన్న ఎమ్మెల్యే గూడెం

ఫేక్‌ సమాచారంగా నిర్ధారించిన అధికారులుచేగుంట(తూప్రాన్‌): మండలంలోని రెడ్డిపల్లి శివారులో చిరుత కనిపించిందనే ప్రచారంతో గ్రామస్తులు భయాందోళనకు గురైన ఘటన మంగళవారం రాత్రి చోటు చేసుకుంది. దసరా సందర్భంగా పెద్దమ్మ ఆలయ సమీపంలో జమ్మి పూజలు నిర్వహించిన గ్రామస్తులు ఇళ్లలోకి వెళ్లిపోయారు. గ్రామం నుంచి వెళ్తున్న ఓ కారుకు పెద్దమ్మ ఆలయ సమీపంలో చిరుత రోడ్డు దాటుతూ కనిపించినట్లు కారును ఆపిన వ్యక్తులు ఫోన్‌లో చిరుతకు సంబంధించిన ఫొటోలను తీసి గ్రామంలోని పలు వాట్సప్‌ గ్రూపుల్లో పెట్టారు. ఫోన్‌లో చిరుతకు సంబంధించిన సమాచారం తెలుసుకున్న గ్రామస్తులు భయాందోళన వ్యక్తం చేశారు. గ్రామ సర్పంచ్‌ నర్సింహ ఫారెస్టు అధికారులకు సమాచారం అందించగా వల్లూర్‌ ఫారెస్టు సెక్షన్‌ ఆఫీసర్‌ రామనీల గ్రామానికి చేరుకొని పరిశీలించారు. కాగా చిరుతకు సంబంధించిన పాదముద్రలతో పాటు ఎలాంటి ఆనవాళ్లు దొరకలేదు. అనంతరం చిరుత సంచరించినట్లు ప్రచారం చేసిన వ్యక్తులను పిలిపించి మాట్లాడారు. అడవి జంతువుల విషయంలో అసత్య ప్రచారాలు చేస్తే కేసు నమోదు చేస్తామని అధికారులు హెచ్చరించారు.

గజ్వేల్‌రూరల్‌: స్నేహితులను కలిసి వస్తుండగా జరిగిన రోడ్డు ప్రమాదంలో వ్యక్తి మృతి చెందాడు. ఈ ఘటన మున్సిపాలిటీ పరిధిలోని ప్రజ్ఞాపూర్‌లో మంగళవారం రాత్రి చోటు చేసుకుంది. బుధవారం గజ్వేల్‌ ఏసీపీ నరసింహులు, గ్రామస్తుల వివరాల ప్రకారం.. మండల పరిధిలోని కొడకండ్లకు చెందిన చెన్నోజి విజయ కొడుకు అనిల్‌చారి(19) కూలీ పనులు చేస్తూ తల్లికి చేదోడు వాదోడుగా ఉన్నాడు. దసరా పండుగ కావడంతో అమ్మమ్మ ఊరు శ్రీగిరిపల్లికి వచ్చాడు. పండుగ రోజున అనిల్‌చారి ప్రజ్ఞాపూర్‌లో ఉన్న తన స్నేహితులను కలిసి తిరిగి శ్రీగిరిపల్లికి ద్విచక్ర వాహనంపై వస్తున్నాడు. ఈ క్రమంలో సేయింట్‌ మేరీస్‌ స్కూల్‌ సమీపంలో ముందు వెళ్తున్న లారీని ఓవర్‌టేక్‌ చేయబోయి ఎదురుగా వస్తున్న పోలీస్‌ పెట్రోలింగ్‌ వాహనాన్ని ఢీకొట్టాడు. ఈ ఘటనలో అతడు తీవ్ర గాయాలవ్వడంతో సికింద్రాబాద్‌లోని గాంధీ ఆసుపత్రికి తరలించగా అక్కడ చికిత్స పొందుతూ మృతి చెందాడు.

ఉమ్మడి మెదక్‌ జిల్లాలో జరిగిన వేర్వేరు రోడ్డు ప్రమాదాల్లో ముగ్గురు మృతి చెందారు. పోలీసులు వివరాలు ఇలా.. అతివేగానికి యువకుడు.. చిలప్‌చెడ్‌(నర్సాపూర్‌): రోడ్డు ప్రమాదంలో యువకుడు అక్కడికక్కడే మృతి చెందగా, మరో యువకుడికి గాయాలయ్యాయి. ఈ ఘటన మండల పరిధిలోని గుజిరితండా శివారులో మంగళవారం రాత్రి చోటు చేసుకుంది. ఎస్‌ఐ నర్సింహులు కథనం ప్రకారం.. హత్నూర మండలం, పీర్యాతండా పరిధిలోని దేవునిగుట్ట తండాకు చెందిన మెగావత్‌ రాహుల్‌ (22), తన స్నేహితుడైన లునావత్‌ ధన్‌రాజ్‌తో కలిసి చిలప్‌చెడ్‌ మండలంలో గల గౌతాపూర్‌ గ్రామానికి వెళ్తున్నారు. రాహుల్‌ అతివేగంతో బైక్‌ నడపుతున్న సమయంలో, గుజిరితండా శివారులోకి రాగానే బైక్‌ అదుపుతప్పడంతో, చెట్టును ఢీకొట్టాడు. దీంతో స్నేహితులిద్దరికి తీవ్ర గాయాలయ్యాయి. సమాచారం అందుకున్న తండ్రి లక్య, ఘటనా స్థలానికి వచ్చేసరికి రాహుల్‌ తీవ్ర గాయాలతో మృతి చెందాడు. గాయాలతో ఉన్న ధన్‌రాజ్‌ను జోగిపేట ప్రభుత్వ ఆసుపత్రికి తరలించారు. పోలీసులు కేసు నమోదు చేశారు. కారు ఢీకొట్టడంతో.. వట్‌పల్లి(అందోల్‌): నాందేడ్‌ –అకోలా జాతీయ రహదారిపై బుధవారం జరిగిన రోడ్డు ప్రమాదంలో ఓ యువకుడు మృతి చెందాడు. ఈ ఘటన అందోల్‌ మండల పరిధిలోని అల్మాయిపేట వద్ద చోటుచేసుకుంది. ఎస్‌ఐ శ్రీకాంత్‌ వివరాల ప్రకారం.. గ్రామానికి చెందిన రాయిని శ్రీకాంత్‌(25) తన బైక్‌పై చౌటకూర్‌ వైపు నుంచి వస్తూ అల్మాయిపేట దర్గా వద్ద యూటర్న్‌ తీసుకుంటున్నాడు. ఈ క్రమంలో అందోల్‌ మండలం ఎర్రారం గ్రామానికి చెందిన చాకలి కరుణాకర్‌కు చెందిన షిఫ్ట్‌ కారు సంగారెడ్డి వైపు వెళ్తూ బైక్‌ను ఢీకొట్టి పల్టీలు కొడుతూ రోడ్డు కిందకి దూసుకెళ్లింది. ఈ ప్రమాదంలో శ్రీకాంత్‌కు తీవ్ర గాయాలయ్యాయి. దీంతో అతడ్ని వెంటనే సంగారెడ్డి ఆసుపత్రికి తరలిస్తుండగా మార్గమధ్యలో మృతి చెందాడు. కారులో ప్రయాణిస్తున్న ముగ్గురు వ్యక్తులు స్వల్ప గాయాలతో బయటపడ్డారు. మృతుని తల్లి ఫిర్యాదు మేరకు కేసు నమోదు చేశారు.

ఆరుగురిపై కేసు నమోదు కోహెడరూరల్‌(హుస్నాబాద్‌): దసరా సందర్భంగా సీఎం రేవంత్‌రెడ్డి, మంత్రి పొన్నం ప్రభాకర్‌ ఫొటోలతో కూడిన ఫ్లెక్సీని రావణాసురుడి రూపంలో తయారు చేసి దహనం చేసిన ఆరుగురిపై కేసు నమోదైంది. ఈ ఘటన సిద్దిపేట జిల్లా కోహెడ మండలంలోని ధర్మసాగర్‌పల్లిలో చోటు చేసుకుంది. హుస్నాబాద్‌ ఏసీపీ సదానందం కథనం ప్రకారం.. మంగళవారం రాత్రి గ్రామంలోని హనుమాన్‌ ఆలయం వద్ద కొందరు యువకులు ముందస్తు అనుమతి లేకుండా గుమికూడి ఫ్లెక్సీని దహనం చేసి, వీడియో తీసి సామాజిక మాధ్యమాల్లో ప్రచారం చేశారు. గ్రామ సర్పంచ్‌ కరివేద చంద్రారెడ్డి ఫిర్యాదు మేరకు ధర్మసాగర్‌పల్లికి చెందిన పోతరవేణి రాకేశ్‌, లోనే హరీష్‌, మొతుకు శ్రీకాంత్‌, గొండ అజయ్‌కుమార్‌, బండ అభిషేక్‌, ఎండి ఆరీఫ్‌పై కేసు నమోదు చేశారు. సీఐ శ్రీధర్‌, ఎస్‌ఐ అభిలాష్‌, తదితరులు ఉన్నారు.

పోలీసుల లాఠీఛార్జిశివ్వంపేట(నర్సాపూర్‌): దసరా సందర్భంగా మండల కేంద్రమైన శివ్వంపేటలో బీఆర్‌ఎస్‌, కాంగ్రెస్‌ వర్గీయులు ఘర్షణ పడ్డారు. సాయంత్రం గాంధీ విగ్రహం వద్ద జమ్మి పూజ నిర్వహిస్తున్న క్రమంలో మహేశ్‌గుప్తా(బీఆర్‌ఎస్‌), నవీన్‌గుప్తా(కాంగ్రెస్‌) వర్గీయుల మధ్య వాగ్వాదం, ఘర్షణ, తోపులాటతోపాటు ఒకరిపై ఒకరు దూషణలకు దిగారు. అంతకు ముందు కాంగ్రెస్‌ నాయకులు ఏర్పాటు చేసిన ఫ్లెక్సీ కావాలనే మాజీ జడ్పీటీసీ మహేశ్‌ గుప్తా ఇంటి ముందు ఏర్పాటు చేశారని బీఆర్‌ఎస్‌ నాయకులు పేర్కొన్నారు. కాంగ్రెస్‌ నాయకులు ఏర్పాటు చేసిన ఫ్లెక్సీ కనిపించకుండా అడ్డుగా బీఆర్‌ఎస్‌ నాయకులు కావాలనే డీజేని అడ్డుపెట్టారని కాంగ్రెస్‌ నాయకులు ఆరోపించారు. ఫ్లెక్సీకి అడ్డుగా ఉన్న డీజే తీసేయాలని అనడంతో ఇరు వర్గాల మధ్య గొడవలు మొదలై అక్కడి నుంచి జమ్మి పూజ వద్ద ఉద్రిక్తత చోటుచేసుకుంది. పోలీసులు నచ్చజెప్పినా వినిపించుకోక పోవడంతో లాఠీఛార్జి చేసి ఇరు వర్గాలను చెదరగొట్టారు. తూప్రాన్‌ సీఐ వెంకటరాజు గౌడ్‌, ఎస్సై మధుకర్‌ రెడ్డి, ప్రత్యేక పోలీసు బలగాలతో బందోబస్తు ఏర్పాటు చేశారు. ఇరు వర్గాలు వేర్వేరుగా రావణాసురుడి దహనం చేశా రు. దీంతో గ్రామస్తులు ఆందోళన వ్యక్తం చేశారు.

ఎస్సీ, ఎస్టీ అట్రాసిటీ కేసు నమోదు మిరుదొడ్డి(దుబ్బాక): తొగుట మండలం గుడికందుల గ్రామంలో జరిగి న ఘర్షణలో ఇద్ద రి నిందితులను పోలీసులు అరెస్టు చేశారు. మిరుదొడ్డి ఎస్‌ఐ సతీశ్‌, ఏసీపీ రవీందర్‌రెడ్డి కథనం ప్రకారం.. ఈ నెల 20న దసరా పండుగ సందర్భంగా గుడికందులలో దళిత వర్గానికి చెందిన సూకూరి విజయ్‌ కుమార్‌ బెల్టు షాపు వద్ద మద్యం తాగుతున్నాడు. మద్యం విషయంలో విజయ్‌ కుమార్‌కు, బెల్టు షాపు నిర్వాహకులు గోనెపల్లి నర్సింహులు గౌడ్‌ కుమారులైన యాదగిరి గౌడ్‌, అనిల్‌ గౌడ్‌లతో తీవ్ర ఘర్షణ నెలకొంది. ఘర్షణలో విజయ్‌ కుమార్‌పై యాదగిరి గౌడ్‌, అనిల్‌ గౌడ్‌ విచక్షణా రహితంగా దాడి చేసి గాయపర్చారు. బాధితుడు సిద్దిపేట ప్రభుత్వ ఆసుపత్రిలో చికిత్స పొందుతున్నాడు. బాధితుడి ఫిర్యాదు మేరకు ఇరు వురి నిందితులపై ఎస్సీ,ఎస్టీ అట్రాసిటీ కేసు నమోదు చేసి అరెస్టు చేసి, రిమాండ్‌కు తరలించారు.

● బెల్టుషాపు నిర్వాహకులు, మద్యం ప్రియుల మధ్య వివాదం ● ఒకరికి తీవ్ర గాయాలు ● పోలీసుల లాఠీఛార్జి.. మిరుదొడ్డి(దుబ్బాక): దసరా నేపథ్యంలో బెల్టు షాపు నిర్వాహకులు, మద్యం ప్రియులపై దాడి చేయడంతో ఓ యువకుడి తల పగిలి తీవ్ర రక్తస్రావమైంది. దీంతో గ్రామంలో పరిస్థితి ఉద్రిక్తంగా మారింది. ఈ ఘటన తొగుట మండలం గుడికందుల గ్రామంలో చోటు చేసుకుంది. వివరాలు ఇలా.. మంగళవారం రాత్రి గ్రామస్తులు దసరా వేడుకల్లో నిమగ్నమయ్యారు. గ్రామంలో నర్సింహులు గౌడ్‌ నిర్వహిస్తున్న బెల్టు షాపులో మద్యం ధరల విషయంలో మద్యం ప్రియులతో వివాదం తలెత్తింది. ఈ నేపథ్యంలో మద్యం ప్రియు లపై బెల్టు షాపు నిర్వాహకులు దాడి చేశారు. ఈ దాడిలో గ్రామానికి చెందిన విజయ్‌ తలకు తీవ్ర గాయాలై రక్తస్రావమైంది. గాయపడ్డ వ్యక్తిని సిద్దిపేట జిల్లా ప్రభుత్వ ఆసుపత్రికి తరలించారు. దీంతో గ్రామస్తులు ఆగ్రహావేశాలకు లోనయ్యారు. బెల్టు షాపు ముందు గ్రామస్తులు గుమిగూడటంతో ఉద్రిక్తతలకు దారి తీసింది. విషయం తెలుసుకున్న సిద్దిపేట ఏసీపీ రవీందర్‌ రెడ్డి నేతృత్వంలో ర్యాపిడ్‌తో పాటు , మిరుదొడ్డి, తొగుట, దుబ్బాక పోలీసులు గ్రామానికి చేరుకున్నారు. గ్రామస్తులు బెల్టుషాపు వైపు దూసుకెళ్తుండటంతో పరిస్థితిని అదుపులోకి తీసుకొచ్చేందుకు పోలీసులు శ్రమించాల్సి వచ్చింది. పరిస్థితి అదుపుతప్పుతుండటంతో ఒక దశలో పోలీసులు గ్రామస్తులపై ఒక్కసారిగా లాఠీచార్జి చేశారు. గ్రామస్తులను చెల్లా చెదురు చేసి పరిస్థితిని అదుపులోకి తీసుకొచ్చారు. బుధవారం ఉదయం నుంచి గ్రామంలో అవాంఛనీయ ఘటనలు చోటు చేసుకోకుండా పోలీసులు ప్రత్యేక పికెట్‌ ఏర్పాటు చేశారు.

పుల్‌కల్‌(అందోల్‌): దసరా సెలవులు రావడంతో సింగూరు ప్రాజెక్టు వద్ద బుధవారం పర్యాటకులు సందడి చేశారు. ప్రాజెక్టు గేట్‌ల వద్ద, జలవిద్యుత్‌కేంద్రం వద్ద, పార్కుల్లో పర్యాటకులు ఆహ్లాదంగా గడిపారు. జంట నగరాలు, ససంగారెడ్డి, జోగిపేట, సదాశివపేట, జహీరాబాద్‌ పట్టణాల నుంచి పర్యాటకులు సింగూరును సందర్శించి డ్యామ్‌ అందాలను తిలకించారు. మరమ్మతుల దృష్ట్యా సింగూరు డ్యామ్‌లో 3.5 టీఎంసీల నీటినే నిల్వ ఉంచడంతో డ్యామ్‌లో కాకుండా పర్యాటక శాఖ ఏర్పాటు చేసిన స్విమ్మింగ్‌ పూల్‌లో జలకాలాడుతూ పర్యాటకులు పిల్లలు సేద తీరారు.

● కలెక్టర్‌ పత్రీక్‌జైన్‌, ఎస్పీ పరితోశ్‌ పంకజ్‌ ● సంస్మరణ దినోత్సవం సందర్భంగా అమరులకు నివాళి సంగారెడ్డి జోన్‌, సంగారెడ్డి క్రైమ్‌: ప్రజల ధన, మాన, ప్రాణ రక్షణ కోసం అహర్నిశలు కృషి చేస్తూ విధి నిర్వహణలో ప్రాణాలర్పించిన పోలీస్‌ అమరవీరుల త్యాగాలు చిరస్మరణీయమని జిల్లా ఎస్పీ పరితోశ్‌ పంకజ్‌ పేర్కొన్నారు. పోలీస్‌ అమరవీరుల సంస్మరణ దినోత్సవం సందర్భంగా బుధవారం జిల్లా పోలీసు పరేడ్‌ గ్రౌండ్‌లోని అమరవీరుల స్తూపం వద్ద అమరులైన పోలీసులకు ఘనంగా నివాళులర్పించారు. ఈ సందర్భంగా జిల్లా కలెక్టర్‌ మాట్లాడుతూ...విధి నిర్వహణలో ప్రాణాలర్పించిన పోలీసు అమరవీరుల త్యాగాలు మరువలేనివన్నారు. సంగారెడ్డి జిల్లాకు చెందిన నలుగురు పోలీస్‌ అమరవీరులు సిర్గాపూర్‌ పోలీస్‌ స్టేషన్‌కు చెందిన జంగయ్య, సంగారెడ్డి పట్టణ పోలీస్‌ స్టేషన్‌కు చెందిన ఎల్లయ్య, జిన్నారం పోలీస్‌ స్టేషన్‌కు చెందిన సత్యనారాయణ, కంగ్టి పోలీస్‌ స్టేషన్‌కు చెందిన సురేశ్‌ చేసిన సేవలు, త్యాగాలు ఎప్పటికీ చిరస్మరణీయమన్నారు. వారి కుటుంబ సభ్యులకు ప్రగాఢ సానుభూతిని తెలియజేస్తూ, అమరవీరుల ఆత్మలకు శాంతి చేకూరాలని భగవంతుడిని ప్రార్థించారు. అనంతరం జిల్లా ఎస్పీ మాట్లాడుతూ..1959 అక్టోబర్‌ 21న లడఖ్‌లోని హాట్‌ స్ప్రింగ్స్‌ వద్ద జరిగిన ఘటనలో ప్రాణాలు కోల్పోయిన పదిమంది పోలీసు సిబ్బంది త్యాగాలకు గుర్తుగా ప్రతీ ఏటా అక్టోబర్‌ 21న దేశవ్యాప్తంగా పోలీస్‌ అమరవీరుల సంస్మరణ దినోత్సవాన్ని నిర్వహించుకుంటున్నామన్నారు. తెలంగాణ ప్రాంతంలో గతంలో నక్సలిజం ప్రభావం తీవ్రంగా ఉన్న సమయంలో ఎంతోమంది పోలీసులు విధి నిర్వహణలో ప్రాణాలు కోల్పోయారని గుర్తు చేశారు. 2025 సెప్టెంబర్‌ 1 నుంచి 2026 ఆగస్టు 31 వరకు దేశవ్యాప్తంగా విధి నిర్వహణలో వీరమరణం పొందిన 154మంది పోలీసు సిబ్బందిని స్మరించుకోవడం మనందరి బాధ్యతన్నారు. ఘనంగా కార్యక్రమాలు ఈ నెల 21 నుంచి అక్టోబర్‌ 31న నిర్వహించే సర్దార్‌ వల్లభాయ్‌ పటేల్‌ జయంతి, జాతీయ ఐక్యత దినోత్సవం వరకు ప్రజలకు పోలీసు శాఖను మరింత చేరువ చేసే కార్యక్రమాలు నిర్వహిస్తామని ఎస్పీ పరితోశ్‌ పంకజ్‌ తెలిపారు. అమరవీరుల త్యాగాలను స్ఫూర్తిగా తీసుకుని ప్రజల రక్షణకు ప్రతీ పోలీసు అధికారి, సిబ్బంది అంకితభావంతో పనిచేయాలి అని పిలుపునిచ్చారు.

మనస్తాపంతో యువకుడి ఆత్మహత్య నర్సాపూర్‌ రూరల్‌: యువకుడు ఆత్మహత్యకు పాల్పడిన ఘటన నర్సాపూర్‌ మండలం లింగాపూర్‌లో బుధవారం చోటు చేసుకుంది. పోలీసుల వివరాల ప్రకారం.. గ్రామానికి చెందిన ఉప్పలపు సాయి కిరణ్‌ (26)కు దసరా రోజు గ్రామానికి చెందిన బోయిని మహేశ్‌తో కల్లు దుకాణం వద్ద జరిగిన గొడవలో తలకు తీవ్ర గాయాలయ్యాయి. ఈ విషయమై గ్రామ పెద్దల వద్దకు వెళ్లగా మరుసటి రోజు పంచాయితీ పెడదామని చెప్పారు. ఈ క్రమంలో మనస్తాపానికి గురైన అతడు బాత్రూంలో ఉన్న యాసిడ్‌ తాగి మృతి చెందాడు. కుటుంబ సభ్యుల ఫిర్యాదు మేరకు పోలీసులు కేసు నమోదు చేశారు.

చేగుంట(తూప్రాన్‌): రాష్ట్ర స్థాయి ఎస్‌జీఎఫ్‌ రగ్బీ పోటీలకు జిల్లా నుంచి 24 మంది క్రీడాకారులు ఎంపికై నట్లు కోచ్‌ గణేశ్‌ రవికుమార్‌ తెలిపారు. బుధవారం చేగుంటలో అండర్‌ –19 ఎస్‌జీఎఫ్‌ ఉమ్మడి మెదక్‌ జిల్లా స్థాయి రగ్బీ పోటీలను నిర్వహించారు. ఉమ్మడి మెదక్‌ జిల్లా నుంచి 56 మంది క్రీడాకారులు పాల్గొనగా ప్రతిభ కనబర్చిన 12 మంది బాలికలు, 12మంది బాలురిని రాష్ట్ర స్థాయి పోటీలకు ఎంపిక చేశారు. వీరంతా ఈనెల 23 నుంచి రంగారెడ్డి జిల్లా సరూర్‌నగర్‌లో జరిగే రాష్ట్ర స్థాయి పోటీల్లో పాల్గొంటారు. మెదక్‌, సిద్దిపేట, సంగారెడ్డి జిల్లాల ఆర్గనైజింగ్‌ కార్యదర్శులు నాగరాజు, సమ్మయ్య, గణపతి పాల్గొన్నారు. ఇంట్లో అగ్ని ప్రమాదం– తప్పిన ముప్పు సంగారెడ్డి టౌన్‌: పండుగ వేళ ఓ ఇంట్లో అగ్నిప్రమాదం చోటుచేసుకుంది. ఈ ఘటన సంగారెడ్డి రూరల్‌ పోలీస్‌ స్టేషన్‌ పరిధిలో జరిగింది. రూరల్‌ ఎస్సై మధుసూదన్‌ రెడ్డి వివరాల ప్రకారం.. మండలంలోని నాగాపూర్‌ గ్రామంలో బేగరి రమేశ్‌ ఇంట్లో ఈ నెల 21న అర్ధరాత్రి షార్టుసర్కూట్‌తో అగ్నిప్రమాదం చోటు చేసుకుంది. అగ్నిమాపక సిబ్బంది అక్కడికి చేరుకొని మంటలను అదుపుచేశారు. అప్పటికే ఫర్నిచర్‌ తదితర వస్తువులు కాలిపోయాయి. బాధితుడి ఫిర్యాదు మేరకు కేసు నమోదు చేశారు. డప్పు కొట్టేందుకు వచ్చి.. వ్యక్తి అదృశ్యం పటాన్‌చెరు టౌన్‌: అంత్యక్రియల్లో డప్పు కొట్టేందుకు వచ్చిన వ్యక్తి అదృశ్యమయ్యాడు. ఈ ఘటన బీడీఎల్‌ పోలీస్‌ స్టేషన్‌ పరిధిలో చోటుచేసుకుంది. పోలీసుల వివరాల ప్రకారం.. బాలానగర్‌కు చెందిన డప్పు జంగయ్య(33) ఈ నెల 20న పటాన్‌చెరు మండలం భానూర్‌ గ్రామంలో బ్యాగరి సామయ్య అంత్యక్రియలకు హాజరయ్యాడు. కార్యక్రమం అనంతరం దసరా చందాలు వసూలు చేసి, బోడ ప్రశాంత్‌, పక్కిరి సోనుతో కలిసి మద్యం తాగారు. అదే రోజు రాత్రి 9.30 గంటల సమయంలో ప్రశాంత్‌ జంగయ్యను పటాన్‌చెరు వెళ్లే బస్సు ఎక్కించాడు. అయితే ఆయన ఇంటికి పోలేదు. ఫోన్‌ చేస్తే స్విచ్‌ ఆఫ్‌ వచ్చింది. దీంతో కుటుంబ సభ్యులు స్థానికంగా వెతికినా ఆచూకీ లభించలేదు. బాలికపై సామూహిక లైంగికదాడిమద్దూరు(హుస్నాబాద్‌): బాలికపై ఐదుగురు యువకులు అఘాయిత్యానికి పాల్పడ్డారు. ఈ ఘటన దూల్మిట్ట మండలంలో చోటు చేసుకుంది. విశ్వసనీయ సమాచారం మేరకు.. ఓ గ్రామానికి చెందిన బాలికను మంగళవారం రాత్రి 9గంటలకు పొరుగు గ్రామానికి చెందిన ఐదుగురు యువకులు బైక్‌లపై వచ్చి నిర్జన ప్రదేశానికి తీసుకెళ్లి లైంగికదాడికి పాల్పడ్డారు. తిరిగి బాలికను బుధవారం తెల్లవారు జామున 4గంటలకు స్వగ్రామంలో వదిలివెళ్లారు. ఇంటికొచ్చిన బాలికను తల్లిదండ్రులు రాత్రంతా ఎక్కడికి వెళ్లావని గట్టిగా అడగడంతో జరిగిన విషయం చెప్పింది. దీంతో తల్లిదండ్రులు పోలీసులకు ఫిర్యాదు చేయడంతో ఐదుగురు యువకులను అదుపులోకి తీసుకొని కేసు నమోదు చేశారు. ద్విచక్ర వాహనాల దొంగ అరెస్ట్‌ సిద్దిపేటకమాన్‌: వాహనాల చోరీకి పాల్పడుతున్న నిందితుడిని పోలీసులు అరెస్ట్‌ చేశారు. సిద్దిపేట వన్‌టౌన్‌ సీఐ మహేందర్‌రెడ్డి కేసు వివరాలు వెల్లడించారు. సిద్దిపేట శ్రీనగర్‌ కాలనీకి చెందిన నరేశ్‌ ఈ నెల 10న తన ద్విచక్ర వాహనాన్ని పట్టణంలోని ఓ బార్‌ వద్ద పార్క్‌ చేయగా గుర్తు తెలియని వ్యక్తి ఎత్తుకెళ్లాడు. దీంతో బాధితుడు పోలీసులకు ఫిర్యాదు చేయగా కేసు నమోదు చేశారు. ఎస్‌ఐ సౌజన్య ఆధ్వర్యంలో ఐడీ పార్టీ కానిస్టేబుళ్లు భూమలింగం, రాజిరెడ్డి బుధవారం స్థానిక ముస్తాబాద్‌ చౌరస్తా వద్ద వాహనాల తనిఖీ నిర్వహిస్తుండగా తొగుట మండలం తుక్కాపూర్‌ గ్రామానికి చెందిన వల్లేపు నవీన్‌ (40) పోలీసులను చూసి పారిపోతుండగా అదుపులోకి తీసుకున్నారు. విచారణలో పార్క్‌ చేసిన ద్విచక్ర వాహనాలను దొంగిలిస్తున్నట్లు నేరం ఒప్పుకున్నాడు. అతడి వద్ద నుంచి మూడు బైక్‌లను స్వాధీనం చేసుకొని, రిమాండ్‌కు తరలించారు.

ఎంపీ సురేశ్‌ షెట్కార్‌, ఎమ్మెల్యే సంజీవరెడ్డి నారాయణఖేడ్‌: గ్రామీణ ప్రాంతాల అభివృద్ధి, మహిళా సాధికారిత, ప్రజలకు మెరుగైన మౌలిక సదుపాయాల కల్పనే లక్ష్యంగా ప్రజా ప్రభుత్వం ముందుకు సాగుతోందని ఎంపీ సురేశ్‌ షెట్కార్‌, ఎమ్మెల్యే సంజీవరెడ్డి అన్నారు. ఖేడ్‌ మండలం పిప్రీలో రూ.10 లక్షలతో నిర్మించిన మహిళా సమాఖ్య భవనం, రూ.10 లక్షలతో నిర్మించిన సీసీ రోడ్డును బుధవారం వారు ప్రారంభించారు. ఈ సందర్భంగా ఏర్పాటు చేసిన సభలో మాట్లాడుతూ..మహిళల అభ్యున్నతి, సంఘటిత శక్తిని మరింత బలోపేతం చేయడానికి మహిళా సమాఖ్య భవనాలు ఎంతగానో ఉపయోగపడతాయన్నారు. పరాక్రమం భారత్‌ సొంతం ఆర్‌ఎస్‌ఎస్‌ విభాగ్‌ బౌద్దిక్‌ ప్రముఖ్‌ రాయికోడ్‌(అందోల్‌): ప్రపంచ దేశాల్లో పరాక్రమం భారత దేశ సొంతమని రాష్టీయ్ర స్వయం సేవక్‌ సంఘ్‌ విభాగ్‌ బౌద్దిక్‌ ప్రముఖ్‌ ముత్యం కృష్ణ తెలిపారు. రాయికోడ్‌లోని ఓ ప్రైవేటు ఫంక్షన్‌ హాల్‌లో మంగళవారం ఆర్‌ఎస్‌ఎస్‌ ఆవిర్భావ దినోత్సవాన్ని ఘనంగా నిర్వహించారు. ఈ సందర్భంగా స్వయం సేవకులనుద్దేశించి మాట్లాడారు. 1925లో ఆవిర్భవించిన ఆర్‌ఎస్‌ఎస్‌ ఎన్నో ఒడిదుడుకులు ఎదుర్కొంటూ దేశ, ధర్మ రక్షణకు కృషి చేస్తోందన్నారు. కిక్కిరిసిన బస్సులునారాయణఖేడ్‌: నియోజకవర్గానికి సంబంధించిన దాదాపు 70 వేల మంది వరకు ఉపాధి నిమిత్తం ఇతర ప్రాంతాలకు వలస వెళ్లారు. విద్యాసంస్థలకు సైతం దసరా సెలవులు ఉండటంతో వలస వెళ్లినవారు, వివిధ ప్రాంతాల్లో విద్యనభ్యసిస్తున్నవారు దసరా, బతుకమ్మ పండుగలకు సొంత గ్రామాలకు వచ్చి ఆనందంగా పండుగలు జరుపుకున్నారు. పండుగలు ముగియడంతోపాటు దసరా సెలవులు సైతం ముగియడంతో అందులో అత్యధికులు బుధవారం తిరుగు ప్రయాణమయ్యారు. దీంతో ప్రధానంగా ఖేడ్‌–హైదరాబాద్‌ మధ్య రాకపోకలు సాగించే బస్సులు ప్రయాణికులతో కిక్కిరిసిపోయాయి. హత్నూరలో హైటెన్షన్‌ హత్నూర(సంగారెడ్డి): విజయదశమి దసరా పండుగ సందర్భంగా హత్నూరలో నిర్వహించిన రావణాసుర దహనం విషయంలో తలెత్తిన వివాదం ఉద్రిక్తతలకు దారి తీసింది. బుధవారం ఉదయం హిందూ సంఘాల నాయకులు, కార్యకర్తలు హత్నూర బస్టాప్‌ వద్ద ప్రధాన రహదారిపై ధర్నా రాస్తారోకో చేపట్టారు. శ్రీరాముడిని అవమానించిన వ్యక్తులపై చర్యలు తీసుకోవాలని డిమాండ్‌ చేశారు. దుర్గామాత దీక్ష స్వాములను కించపరిచే విధంగా మాట్లాడిన వ్యక్తులపై చట్టపరమైన చర్యలు తీసుకోవాలని ఆందోళన చేపట్టారు. మరోవైపు దళిత సంఘాల నాయకులు రావణాసుర దహనం సందర్భంగా దళిత సర్పంచ్‌పై వివక్ష చూపిన వారిపై చర్యలు తీసుకోవాలని రోడ్డుపై ఆందోళన చేపట్టారు. ఇరువర్గాల ఆందోళనతో తీవ్ర ఉద్రిక్త పరిస్థితి నెలకొంది. మూడు గంటలసేపు రోడ్డుపై ఆందోళన చేపట్టడంతో తీవ్ర ఉద్రిక్తత నెలకొంది. అదనపు ఎస్పీ చైతన్యరెడ్డి భారీ పోలీసు బందోబస్తు ఏర్పాటు చేసి ఎలాంటి అవాంఛనీయ ఘటనలు జరగకుండా చర్యలు తీసుకున్నారు. హిందూ సంఘాలు, దళిత సంఘాల నాయకులు పోలీస్‌స్టేషన్‌లో పరస్పర ఫిర్యాదులు చేసుకున్నారు. పూర్తిస్థాయిలో విచారణ చేపట్టి చర్యలు తీసుకుంటామని అదనపు ఎస్పీ చైతన్యరెడ్డి తెలిపారు.

సదాశివపేట రూరల్‌(సంగారెడ్డి): క్వారీ గుంతలో మునిగి వ్యక్తి మృతి చెందాడు. ఈ ఘటన మండలంలోని మలపాడ్‌ శివారులో చోటు చేసుకుంది. స్థానికులు, పోలీసుల వివరాల ప్రకారం.. గ్రామాని కి చెందిన మన్నే నర్సింలు(32) ఈనెల 19న మరో వ్యక్తితో కలిసి గ్రామ శివారులోని క్వారీ గుంతలో చేపల వేటకు వెళ్లాడు. మృతుడికి ఈత రాకపోవడంతో ప్రమాదవశాత్తు క్వారీ గుంతలో పడి మునిగిపోయాడు. మృతదేహం నీటిలో తేలడంతో స్థానికులు పోలీసులకు సమాచారం ఇచ్చారు. దీంతో ఘటనా స్థలానికి చేరుకొని మృతదేహాన్ని ప్రభుత్వ ఆసుపత్రికి తరలించారు. మృతుడి కుటుంబ సభ్యుల ఫిర్యాదు మేరకు కేసు నమోదు చేశారు. చికిత్స పొందుతూ యువకుడు.. చిన్నశంకరంపేట(మెదక్‌): రోడ్డు ప్రమాదానికి గురై చికిత్స పొందుతూ వ్యక్తి మృతి చెందాడు. ఈ ఘటన మండల కేంద్రంలో చోటుచేసుకుంది. ఎస్‌ఐ కథనం ప్రకారం.. చిన్నశంకరంపేట మండల కేంద్రానికి చెందిన ఎల్లారం రాజు(50) మేసీ్త్ర పనులు చేస్తాడు. ఆదివారం సాయంత్రం పనులు ముగిసిన తరువాత తనతో వచ్చిన కూలీలను చందంపేటలో దించి వస్తుండగా రుద్రారం సమీపంలో బైక్‌ అదుపుతప్పి పడిపోయాడు. అపస్మారక స్థితిలో ఉన్న అతడ్ని వెంటనే లక్ష్మక్కపల్లిలోని ఎంవీఆర్‌ ఆస్పత్రికి తరలించారు. అక్కడ చికిత్స పొందుతూ మంగళవారం రాత్రి మృతి చెందాడు. భార్య ఫిర్యాదు మేరకు పోలీసులు కేసు నమోదు చేశారు. గుర్తు తెలియని వ్యక్తి మృతదేహం రామచంద్రాపురం(పటాన్‌చెరు): గుర్తు తెలియని వ్యక్తి మృతదేహం లభ్యమైన ఘటన రామచంద్రాపురం పట్టణంలోని ఇక్రిశాట్‌ సమీపంలో చోటు చేసుకుంది. పోలీసుల కథనం ప్రకారం.. ఈనెల 19న ఇక్రిశాట్‌ సమీపంలోని జాతీయ రహదారిపై గుర్తు తెలియని వ్యక్తి మృతదేహం ఉన్నట్లు పోలీసులకు సమాచారం అందింది. వారు ఘటనా స్థలానికి చేరుకున్నారు. మృతుడి వద్ద ఎలాంటి ఆధారాలు లభించలేదు. మృతుడి వయస్సు 35 నుంచి 40ఏళ్లు ఉంటాయని, ఒంటిపై బూడిద రంగు జీన్స్‌ ప్యాంట్‌, లెల్ల రంగు చొక్క ధరించి ఉన్నాడని పోలీసులు తెలిపారు. పోలీసులు కేసు నమోదు చేశారు.

సంగారెడ్డి: పట్టణంలో దసరా ఉత్సవాలు వైభవంగా జరిగాయి. రామమందిరంలో ప్రత్యేకంగా భజన కార్యక్రమంతో ఉత్సవాలు ప్రారంభమయ్యాయి. భజన మండలి సభ్యులు, భక్తులు భజన కీర్తనలతో శ్రీసీతారాముల వారి సేవ ఊరేగింపు అంబేడ్కర్‌ స్టేడియం వరకు కొనసాగింది. టీపీసీసీ వర్కింగ్‌ ప్రెసిడెంట్‌ జగ్గారెడ్డి ఆధ్వర్యంలో అంబేడ్కర్‌ స్టేడియంలో దసరా ఉత్సవాలను ఘనంగా నిర్వహించారు. మహేశ్వర శర్మ సిద్ధాంతి నిర్వహించిన జమ్మిపూజను జగ్గారెడ్డి కుటుంబ సభ్యులు, కలెక్టర్‌ ప్రతీక్‌జైన్‌ దంపతులు పాల్గొన్నారు. ఈ సందర్భంగా నిర్వహించిన రావణ దహన కార్యక్రమం ఉత్సవాలకు ప్రత్యేక ఆకర్షణగా నిలిచింది. ప్రముఖ సినీ నేపథ్య గాయకులచే ఏర్పాటు చేసిన సంగీత విభావరి మంత్రముగ్ధులను చేసింది. చిన్నారులు, కళాకారుల ఆధ్యాత్మిక ప్రదర్శనలు ఆకట్టుకున్నాయి. ఈ సందర్భంగా జగ్గారెడ్డి మాట్లాడుతూ..సంగారెడ్డి ప్రజలందరితో కలిసి పండగలు జరుపుకోవడంలోనే తనకు సంతోషం ఉంటుందన్నారు. తల్లిదండ్రుల ఆరోగ్యంపై పిల్లలు మరింత శ్రద్ధ చూపాలని, బీపీ, షుగర్‌ వంటి దీర్ఘకాలిక ఆరోగ్య సమస్యలున్న వారికి సరైన సమయానికి మందులు వాడేలా చూడాలని సూచించారు.

పటాన్‌చెరు టౌన్‌: తెలంగాణలో జనాభా దామాషా ప్రకారం బీసీలకు రాజకీయ అవకాశాలు కల్పించాలని మెదక్‌ పార్లమెంట్‌ కాంగ్రెస్‌ పార్టీ ఇన్‌చార్జి నీలం మధు ముదిరాజ్‌ ఏఐసీసీ జాతీయ అధ్యక్షుడు మల్లికార్జున ఖర్గేను కోరారు. కర్ణాటక రాష్ట్రం... కలబురిగిలోని బుద్ధ విహార్‌ ట్రస్ట్‌లో జుక్కల్‌ ఎమ్మెల్యే లక్ష్మీకాంతరావుతో కలిసి ఖర్గేను నీలం మధు మర్యాద పూర్వకంగా కలిశారు. ఈ సందర్భంగా తెలంగాణలో బీసీలకు జనాభా నిష్పత్తి ప్రకారం రాజకీయ ప్రాతినిధ్యం కల్పించాల్సిన అవసరంతో పాటు పలు అంశాలపై ఖర్గేతో నీలం మధు సుదీర్ఘంగా చర్చించారు. ఆయన ప్రస్తావించిన అంశాలపై ఖర్గే సానుకూలంగా స్పందించినట్లు నీలం మధు వర్గాలు తెలిపాయి. ఈ సందర్భంగా ‘‘హమ్‌ తుమారే సాత్‌ హై మధు’’అంటూ ఖర్గే నీలం మధును ప్రోత్సహించారు. కార్యక్రమంలో కామారెడ్డి జిల్లా కాంగ్రెస్‌ కమిటీ అధ్యక్షుడు మల్లికార్జున్‌తోపాటు పలువురు నాయకులు పాల్గొన్నారు.మెదక్‌ పార్లమెంట్‌ కాంగ్రెస్‌ పార్టీ ఇన్‌చార్జి నీలం మధు

కోతలతో ఇబ్బందులు పడుతున్న రైతులు ● బోరు మోటార్ల ద్వారా నీరు ● పంటను కాపాడుకునేందుకు తీవ్ర ప్రయత్నంమిర్చి సాగు చేసిన రైతులు కరెంటు సమస్యలతో తీవ్ర ఇబ్బందులు పడుతున్నారు. ఏ పంట సాగు చేయాలన్నా నీరు ముఖ్యం. వర్షాలు లేకపోవడంతో పంటలను కాపాడుకునేందుకు రైతులు తీవ్ర ప్రయత్నాలు చేస్తున్నారు. రబీ పంటలకు సంబంధించి వర్షాలు పడకపోవడంతో కొందరు రైతులు బోరు బావులు, బోరు మోటార్ల ద్వారా పంటలకు నీరు పారిస్తున్నారు. కాగా విద్యుత్‌ సరఫరా ఎప్పుడు వస్తుందో, ఎప్పుడు పోతుందో తెలియక అన్నదాతలు ఇబ్బందులు పడుతున్నారు. – మునిపల్లి(అందోల్‌): మిర్చి సాగుకు తక్కువ నీటితో ఎక్కువ పంట సాధించాలనే లక్ష్యంతో కొందరు రైతులు పంట మధ్యలో 40 ఇంచుల కాల్వతీసి నీరు పారిస్తున్నారు. కాగా వర్షాల జాడ లేకపోవడంతో మిర్చి పంటను కాపాడుకునేందుకు రైతులు అన్ని అవకాశాలను అందిపుచ్చుకునే ప్రయత్నం చేస్తున్నారు. వర్షాలు లేక బోరు బావుల్లో నీరు సైతం రోజు రోజుకు అడుగంటి పోతుంది. దీంతో పంటను కాపాడుకునేందుకు రైతులు మిర్చి మొక్కల మధ్య కాల్వలు తీసి బోరు మోటార్ల ద్వారా నీరు పారిస్తూ మొక్కలను సంరక్షించే పనిలో నిమగ్నమయ్యారు. కాగా పంటలకు నీరు పారిస్తున్న సమయంలో విద్యుత్‌ సమస్య తీవ్రంగా ఉందని రైతులు వాపోతున్నారు. తరచూ విద్యుత్‌ వస్తూ, పోతుండటంతో బోరు బావుల దగ్గర పడిగాపులు కాయాల్సి వస్తుందని రైతులు ఆవేదన చెందుతున్నారు. ఫలానా సమయంలో విద్యుత్‌ సరఫరా చేస్తామని అధికారులు ముందుగా చెబితే ఆ సమయంలో బోరు బావుల దగ్గర ఉండి పంటలకు నీరు పారించడానికి అవకాశం ఉంటుందని రైతులు అధికారులను కోరుతున్నారు. విద్యుత్‌కు వేళాపాలా లేదా? సమయ పాలన పాటించి ఏ సమయంలో విద్యుత్‌ సరఫరా చేస్తారో రైతులకు ముందుగా తెలియజేయాలి. సమయ పాలన లేకుండా విద్యుత్‌ సరఫరా చేయడంతో పంటకు నీరు పారించడానికి ఇబ్బందులు పడుతున్నాం. – అశోక్‌ (రైతు)

● ‘యువకిరణం స్పోర్ట్స్‌ క్లబ్‌’ వినూత్న ఆలోచనకు అభినందనలు ● ట్యాగ్‌ చేస్తూ ఎక్స్‌లో ట్వీట్‌దుబ్బాక: యువకిరణం స్పోర్ట్స్‌క్లబ్‌ సేవలపై నగర సీసీ సజ్జనార్‌ ప్రత్యేకంగా అభినందనలు తెలిపారు. భక్తితో పాటు సామాజిక బాధ్యతను జోడించి దేవి శరన్నవరాత్రి ఉత్సవాలను నవ సమాజ నిర్మాణ వేదికగా మార్చిన దుబ్బాక యువకిరణం స్పోర్ట్స్‌క్లబ్‌ సభ్యుల వినూత్న ఆలోచనపై సాక్షిలో వచ్చిన కథనం ( ఆధ్యాత్మికం..సామాజిక చైతన్యం)ను హైదరాబాద్‌ సీపీ సజ్జనార్‌ ఎక్స్‌లో ట్యాగ్‌ చేస్తూ ప్రత్యేకంగా అభినందించారు. రెండు రోజుల క్రితం సామాజిక చైతన్యం తమ బాధ్యతగా సేవా కార్యక్రమాలు చేపడుతున్న యువకిరణం స్టోర్ట్స్‌క్లబ్‌ ఈ సారి.. దేవి మండపంపై 12 మంది ఉత్తమ ఐపీఎస్‌ అధికారుల ఫోటోలు, వారి సందేశాలతో కూడిన ప్లెక్సీలపై సాక్షి ప్రత్యేకంగా కథనం ప్రచురించింది. సాక్షిలో వచ్చిన కథనాన్ని చాలామంది పోలీసు అధికారులు ప్రత్యేకంగా చదవడంతో పాటుగా వారి గ్రూపుల్లో ,స్టేటస్‌లలో సైతం పెట్టుకోవడం విశేషం. కేవలం వేడుకలకే పరిమితం కాకుండా డ్రగ్స్‌ నిర్మూలన, ఆన్‌లైన్‌ బెట్టింగ్‌ నివారణ, రోడ్డు భద్రత వంటి కీలక అంశాలపై పోలీస్‌ అధికారుల సందేశాలతో ప్రజల్లో చైతన్యం నింప డం వారి ఆలోచనా పరిపక్వతకు నిదర్శనం. నిరంతరం సమాజ రక్షణ కోసం పనిచేసే పోలీసు అధికారుల సేవలను గుర్తించి వారిని యువతకు ఆదర్శంగా నిలిపేలా మండపాన్ని తీర్చిదిద్దిన క్లబ్‌నిర్వాహకుల ప్రయత్నాన్ని వెలుగులోకి తెచ్చిన సాక్షిని ప్రత్యేకంగా ఎక్స్‌ వేదికగా అభినందించారు. నేటి యువత చెడు వ్యసనాలకు దూరంగా ఉంటూ, ఉన్నత ఆశయాలతో సమాజ హితం కోసం ముందడుగు వేసేందుకు ఈ ప్రయత్నం అందరికీ మార్గదర్శకంగా నిలవాలని ఆకాంక్షిస్తున్నట్లు హైదరాబాద్‌ సీపీ సజ్జనార్‌ తెలిపారు.

ఆశ్రమ పీఠాధిపతి సంగ్రామ్‌ మహారాజ్‌కల్హేర్‌ (నారాయణఖేడ్‌): గిరిజనులు విద్య, ఆర్థిక రంగాల్లో అభివృద్ధి చెందాలని కొండాపూర్‌ ఆశ్రమ పీఠాధిపతి సంగ్రామ్‌ మహారాజ్‌ ఆకాంక్షించారు. సోమవారం నిజాంపేట మండలం బల్కంచెల్క తండా (భక్తిధామ్‌ తండా)లోని విశ్వపాలిని మందిరంలో భవానీ మాత దీక్షల విరమణ కార్యక్రమం నిర్వహించారు. ఇందులో భాగంగా మందిర ధర్మకర్త మూడ్‌ కిషన్‌ – లలిత దంపతుల ఆధ్వర్యంలో హోమం, ప్రసాద వితరణ, భోగ్‌ భండార్‌ తదితర కార్యక్రమాలు చేపట్టారు. ఈ మేరకు చుట్టుపక్కల తండాల నుంచి భవానీ మాత దీక్షాధారులు పెద్ద సంఖ్యలో తరలివచ్చి దీక్షలు విరమించారు. దీంతో తండాలో భక్తిపారవశ్యం నెలకొంది. ఈ కార్యక్రమంలో తండా ప్రముఖులు శంకర్‌, ఖట్రోత్‌ జైల్‌సింగ్‌, రాములు, రూప్‌సింగ్‌, కిషన్‌, సవాయ్‌సింగ్‌, మన్మోహన్‌నాయక్‌, జైపాల్‌, నరేందర్‌, పండరి తదితరులు పాల్గొన్నారు.

వేడుకల్లో సుధాకర్‌రెడ్డి తదితరులు భక్తుల కోలాహలం అనంతగిరి: వికారాబాద్‌ పట్టణం ఆలంపల్లిలోని లక్ష్మీ అనంతపద్మనాభ స్వామి ఆలయంలో బ్రహ్మోత్సవాల్లో భాగంగా బుధవారం పెరుగుబసంతం వేడుకను ఘనంగా నిర్వహించారు. ఉదయం ప్రత్యేక పూజలు, అనంతరం స్వామివారు గరుడ వాహనంపై విహరించారు. మున్సిపల్‌ తరఫున వైస్‌ చైర్మన్‌ సుధాకర్‌రెడ్డి, కౌన్సిలర్లు స్వామివారికి పట్టు వస్త్రాలు సమర్పించారు. కార్యక్రమంలో మాజీ ఎమ్మెల్యే డాక్టర్‌ మెతుకు ఆనంద్‌, బీసీ కమిషన్‌ రాష్ట్ర మాజీ సభ్యుడు శుభప్రద్‌పటేల్‌, ఆలయ ఈఓ నరేందర్‌, ట్రస్టీ చైర్మన్‌ పద్మనాభం, కౌన్సిలర్లు చిగుళ్లపల్లి రమేష్‌కుమార్‌, లక్ష్మికాంత్‌రెడ్డి తదితరులు పాల్గొన్నారు.

చిన్నకోడూరు(సిద్దిపేట): సిద్దిపేట పరిసర ప్రాంతాల్లో జీవాల దొంగతనాలకు పాల్పడుతున్న నలుగురు నిందితులను అదుపులోకి తీసుకుని రిమాండ్‌ చేసినట్లు సిద్దిపేట ఏసీపీ రవీందర్‌రెడ్డి తెలిపారు. సోమవారం రూరల్‌ సీఐ విద్యాసాగర్‌, ఎస్‌ఐ చంద్రమోహన్‌లతో కలిసి మాట్లాడారు. నిందితులను అరెస్టు చేసి వారి నుంచి 20 జీవాలు, 4 మొబైల్‌ ఫోన్‌లు, రెండు ద్విచక్ర వాహనాలను స్వాధీనం చేసుకున్నట్లు తెలిపారు. మండల పరిధిలోని సికింద్లాపూర్‌ గ్రామానికి చెందిన వరకొట్టు లింగం ఆరు గొర్రెలు పోయినవని ఇటీవల పోలీసులకు ఫిర్యాదు చేశారు. సీసీ కెమెరాల ఆధారంగా పోలీసులు విచారణ చేపట్టారు. కరీంనగర్‌ జిల్లా కేశవపట్నం గ్రామానికి చెందిన అబ్దుల్‌ రహమాన్‌ అలియాస్‌ శేఖర్‌, గొల్లెన రాజు, బొంతల రాజు, గండికోట వెంకటేశ్‌లు జీవాల షెడ్లను లక్ష్యంగా చేసుకుని గ్రామాల్లో సంచరిస్తూ పగటి పూట రెక్కీ నిర్వహించేవారు. రాత్రి వేళల్లో దొంగిలించేవారు. వాటిని కేశవపట్నంలోని ఒక షెడ్‌లో ఉంచినట్లు వెల్లడించారు. వారిని అరెస్టు చేసి, వారి నుంచి జీవాలను, మొబైల్స్‌, వాహనాలను స్వాధీనం చేసుకున్నట్లు తెలిపారు. వేగంగా కేసును ఛేదించి నిందితులను పట్టుకున్న ఎస్‌ఐ చంద్రమోహన్‌, సిబ్బందిని ఏసీపీ అబినందించారు.