ఆపరేషన్‌ థియేటర్‌లో కామోన్మాది

యశవంతపుర: ఆస్పత్రి ఆపరేషన్‌ థియేటర్‌లో మహిళలు బట్టలు మార్చుకుంటున్న దృశ్యాలను మొబైల్‌ఫోన్‌ రికార్డ్‌ చేయడానికి యత్నించాడో జూనియర్‌ టెక్నీషియన్‌. నాగరబావి సెకండ్‌ స్టేజ్‌లోని ఓ ప్రైవేట్‌ ఆస్పత్రి డైరెక్టర్‌ ఇచ్చిన ఫిర్యాదు మేరకు సువెందు మెహతా (23) అనే కామోన్మాదిని అన్నపూర్ణేశ్వరి నగర పోలీసులు అరెస్ట్‌ చేసి రిమాండ్‌కు తరలించారు. పశ్చిమ బెంగాల్ కు చెందిన నిందితుడు ఏడాదిగా ఈ ఆస్పత్రిలో  టెక్నీషియన్‌గా పని చేస్తూ పీజీ హాస్టల్‌లో ఉండేవాడు. 20న ఉదయం 8:30 గంటలకు శస్త్రచికిత్స విభాగం గదిలో మహిళా సిబ్బంది బట్టలు మార్చుకొనే దృశ్యాలను రికార్డ్‌ చేయడానికి రహస్యంగా మొబైల్‌ఫోన్‌ని పెట్టాడు. ఫోన్‌ చూసిన నర్సులు కేకలు వేశారు.