Karnataka News

రాయచూరు రూరల్‌: యువత పోటీ పరీక్షలను సమర్థవంతంగా ఎదుర్కొని ఉన్నత ఉద్యోగాలు సాధించాలని జిల్లా అధికారి పూవిత సూచించారు. శుక్రవారం జిల్లా కేంద్ర గ్రంథాలయంలో జిల్లా యంత్రాంగం, జెడ్పీ, నగర పాలక సంస్థ ఆధ్వర్యంలో ఏర్పాటు చేసిన పోటీ పరీక్షల శిక్షణ శిబిరాలను ప్రారంభించారు. ఈ సందర్భంగా ఆమె మాట్లాడుతూ.. నేటి యువత పోటీ పరీక్షల్లో విజయం సాధించి గ్రామస్థాయి నుంచి ఉన్నత స్థాయి వరకు వివిధ రంగాల్లో రాణించేందుకు ఎన్నో అవకాశాలు ఉన్నాయని తెలిపారు. యూపీఎస్సీ, కేపీఎస్సీ, బ్యాంకింగ్‌, నాబార్డ్‌ తదితర పోటీ పరీక్షల ద్వారా లభించే ఉద్యోగ అవకాశాలను యువత సద్వినియోగం చేసుకోవాలని సూచించారు. అయితే నేటి యువత పోటీ పరీక్షలపై సరైన దృష్టి సారించకుండా మొబైల్‌ ఫోన్లలో ఫేస్‌బుక్‌, వాట్సాప్‌, ట్విట్టర్‌, ఇన్‌స్ట్రా వంటి సామాజిక మాధ్యమాల మోజులో పడి ఉద్యోగ అవకాశాలను కోల్పోతున్నారని పేర్కొన్నారు. యువత సామాజిక మాధ్యమాల వినియోగాన్ని తగ్గించి, పోటీ పరీక్షలపై ప్రత్యేక దృష్టి సారించి లక్ష్య సాధనకు కృషి చేయాలని సూచించారు. కార్యక్రమంలో ఏసీ హంపణ్ణ, నగరసభ కమిషనర్‌ జుబీన్‌ మెహపాత్రో, తహసీల్దార్‌ సురేష్‌ వర్మ, అధికారులు సిద్ధార్థ, నిరంజన్‌ తదితరులు పాల్గొన్నారు.

హొసపేటె: జిల్లాలో మహిళల సమస్యలపై తక్షణమే స్పందించాలి. వివిధ శాఖల్లోని లోపాలను సరిదిద్ది, ప్రజలకు తగిన సౌకర్యాలు కల్పించేందుకు కృషి చేయాలని రాష్ట్ర మహిళా కమిషన్‌ చైర్‌పర్సన్‌ డాక్టర్‌ నాగలక్ష్మి చౌదరి సూచించారు. శుక్రవారం నగరంలోని జిల్లా ఇండోర్‌ స్టేడియంలో మహిళా స్పందన, ప్రగతి పరిశీలన సమావేశానికి అధ్యక్షత వహించి మాట్లాడారు. విజయనగర జిల్లా సమగ్రాభివృద్ధే లక్ష్యంగా అందరూ పని చేయలన్నారు. ఏ శాఖలోనైనా లేదా ప్రైవేట్‌ సంస్థలోనైనా అంతర్గత ఫిర్యాదుల కమిటీ ఏర్పాటు చేయడం తప్పనిసరి అని.. కేసులు నమోదు కాకపోయినా క్రమం తప్పకుండా పురోగతి సమీక్షా సమావేశాలు నిర్వహించాలని సూచించారు. గ్రామీణ ప్రాంతాల్లో అక్రమ మద్యం అమ్మకాలు నిరాటంకంగా కొనసాగుతుండటం ఆందోళన కలిగిస్తోందన్నారు. ఈ దురాచారాన్ని అరికట్టడానికి నిర్ణయాత్మక చర్యలు తీసుకోవాలన్నారు. అక్రమ మద్యం అమ్మకాలపై కేవలం అవగాహన కల్పిస్తే సరిపోదని.. అక్రమ కార్యకలాపాల్లో పాల్గొన్న వారిపై చట్టపరమైన చర్యలు తీసుకోవాలని ఆదేశించారు. ప్రసవాలు జరిగే ఆస్పత్రుల్లో పరిశుభ్రత పాటించడం చాలా ముఖ్యమన్నారు. ఆస్పత్రుల్లో పని చేస్తున్న అవుట్‌సోర్స్‌ ఉద్యోగుల జీతాలు సకాలంలో చెల్లించాలని పేర్కొన్నారు. భ్రూణహత్యల నిర్మూలనకు చర్యలు జిల్లాలో భ్రూణహత్యలు ఆందోళన కలిగిస్తున్నాయన్నారు. కాలువలో నాలుగు నుంచి ఐదు పిండాలు లభ్యమైనట్లు తమ దృష్టికి వచ్చిందని వెల్లడించారు. ఈ ఘటనపై సంబంధిత శాఖకు కమిషన్‌ తరఫున లేఖ రాయనున్నట్లు తెలిపారు. భ్రూణహత్యలను పూర్తిగా నిర్మూలించేందుకు ఆరోగ్య శాఖతో పాటు సంబంధిత అధికారులు కఠిన చర్యలు తీసుకోవాలని సూచించారు. నగర శివారులోని శ్మశానవాటిలో నివసిస్తున్న కుటుంబానికి జీవనోపాధి కల్పించేందుకు తోటమాలి ఉద్యోగం కల్పించడంతో పాటు, పిల్లలకు పాఠశాల విద్య అందించేలా చర్యలు తీసుకున్నామన్నారు. కుష్టురోగుల కాలనీలో గృహవసతి కల్పించేందుకు ఏర్పాట్లు చేశామన్నారు. జీవనోపాధి కోసం రూ.25 వేల పరిహారం ప్రకటించినట్లు వెల్లడించారు.

రాయచూరు రూరల్‌: కర్ణాటకలోని విజయపుర నగరంలో మరోసారి గ్యాంగ్‌వార్‌ కలకలం రేపింది. గురువారం సాయంత్రం నడిరోడ్డుపై జరిగిన కాల్పుల్లో యాసిన్‌ జుబేరి అలియాస్‌ యాసిన్‌ ఠక్కా (34) అనే వ్యక్తి దారుణంగా హత్యకు గురయ్యాడు. పాత కక్షల నేపథ్యంలోనే ఈ దారుణం జరిగిందని జిల్లా ఎస్పీ లక్ష్మణ్‌ నింబరిగి ప్రాథమికంగా ధ్రువీకరించారు. వివరాలు ఇలా.. విజయపుర తాలూకా ఠక్కె గ్రామానికి చెందిన యాసిన్‌.. గురువారం సాయంత్రం ద్విచక్ర వాహనంపై నగరంలోని ముండేవాడి ఆసుపత్రికి వెళ్లాడు. వైద్య పరీక్షల అనంతరం తిరిగి వస్తున్న సమయంలో ఆసుపత్రి సమీపంలోనే బైక్‌పై ఎదురుగా వచ్చిన గుర్తు తెలియని దుండగులు అడ్డుకున్నారు. యాసిన్‌పై పాయింట్‌ బ్లాంక్‌లో రెండు నుంచి మూడు రౌండ్లు కాల్పులు జరిపారు. బుల్లెట్లు బలంగా దూసుకుపోవడంతో యాసిన్‌ అక్కడికక్కడే రక్తపు మడుగులో పడి ప్రాణాలు కోల్పోయాడు. గతంలో డీజే వివాదానికి సంబంధించిన మనస్పర్ధలను మనసులో పెట్టుకుని ఈ దుశ్చర్యకు పాల్పడినట్లు పోలీసులు అనుమానిస్తున్నారు. సమాచారం అందుకున్న గాంధీ చౌక్‌ పోలీసులు వెంటనే ఘటనా స్థలానికి చేరుకుని పరిశీలించారు. మృతదేహాన్ని పోస్ట్‌మార్టం నిమిత్తం స్థానిక ప్రభుత్వ ఆసుపత్రికి తరలించారు. కేసు నమోదు చేసుకుని నిందితుల కోసం గాలిస్తున్నారు.

రాయచూరు రూరల్‌: కళ్యాణ కర్ణాటక ప్రాంతంలోని రాయచూర్‌ జిల్లాకు చెందిన లింగసూగూరు, దేవదుర్గ, యాదగిరి జిల్లాలోని సురపుర తాలూకా పరిధిలో ఉన్న నారాయణపూర్‌ కుడి కాలువలకు నిరంతరంగా నీటిని విడుదల చేయాలని డిమాండ్‌ చేస్తూ యాదగిరి జిల్లా బంద్‌ చేపట్టారు. శుక్రవారం సురపుర తాలూకాలోని యడహళ్లి గ్రామంలో రైతు బసప్ప ఎండిన ముళ్ల చెట్టుపై పడుకొని వినూత్నంగా నిరసన వ్యక్తం చేశారు. జిల్లా బంద్‌ ప్రభావంతో యాదగిరిలో దుకాణాలు, హోటళ్లు మూతపడగా.. వ్యాపార లావాదేవీలు పూర్తిగా స్తంభించాయి. బస్సు సర్వీసులను కూడా పూర్తిగా నిలిపివేశారు. ఈ సందర్భంగా మాజీ మంత్రి రాజు గౌడ మాట్లాడుతూ.. ఎన్‌ఆర్‌బీసీ కాలువలకు నవంబర్‌ 30వ తేదీ వరకు నిరంతరంగా నీటిని విడుదల చేయాలని డిమాండ్‌ చేశారు. ఆయకట్టు చివరి భూములకు సాగునీరు అందడం లేదని ఆవేదన వ్యక్తం చేశారు. అల్మట్టి, నారాయణపూర్‌ జలాశయాల్లో 33 టీఎంసీల నీరు అందుబాటులో ఉందని తెలిపారు. తాగునీటి అవసరాలను దృష్టిలో ఉంచుకుని రైతులకు సాగునీటిని విడుదల చేయాలని కోరారు. కాలువల చివరి భూములకు కూడా నీరు అందేలా అధికారులు చర్యలు తీసుకోవాలని సూచించారు.

హొసపేటె: విజయనగర జిల్లాలో వైద్య సదుపాయాలను మరింత మెరుగుపరచాలి. కొత్తగా నిర్మించిన 250 పడకల జిల్లా ఆస్పత్రిని 400 పడకల ఆస్పత్రిగా ఉన్నతీకరించాలి. వైద్య కళాశాలను వెంటనే ప్రారంభించాలని డిమాండ్‌ చేస్తూ భవన నిర్మాణ కార్మికులు ఆందోళనకు దిగారు. కర్ణాటక రాష్ట్ర భవన, ఇతర నిర్మాణ కార్మికుల సమాఖ్య ఆధ్వర్యంలో నగర శివారులోని నూతన జిల్లా ఆస్పత్రి ఎదుట నిరసన వ్యక్తం చేశారు. కొత్త జిల్లా ఆస్పత్రిని అన్ని ఆధునిక వైద్య సదుపాయాలతో పూర్తి స్థాయిలో అభివృద్ధి చేయాలని సూచించారు. ఇందు కోసం ప్రత్యేక నిధులు విడుదల చేయాలని కోరారు. అలాగే ఆస్పత్రిలో కాంట్రాక్టు సిబ్బంది నియామకాల సమయంలో కోవిడ్‌ సమయంలో 100 పడకల ఆస్పత్రిలో సేవలందించిన కార్మికులు, స్థానిక విద్యావంతులైన నిరుద్యోగ పేద యువతకు ప్రాధాన్యత కల్పించాలన్నారు. అనంతరం డిమాండ్లతో కూడిన వినతిపత్రాన్ని జిలా ఆస్పత్రి సర్జన్‌ డాక్టర్‌.ఎల్‌ఆర్‌.శంకర్‌ నాయక్‌కు అందజేశారు.

బళ్లారి రూరల్‌: ప్రభుత్వ పాఠశాలలను మూసివేసే చర్యల్లో భాగంగా ఆసియా అభివృద్ధి బ్యాంక్‌ (ఏడీబీ) విధించిన షరతులకు ప్రభుత్వం అంగీకరించడాన్ని వ్యతిరేకిస్తూ ఏఐడీఎస్‌ఓ ఆధ్వర్యంలో విద్యార్థులు శుక్రవారం బళ్లారిలోని ఓపీడీ సర్కిల్‌ వద్ద నిరసన చేపట్టారు. ఏఐడీఎస్‌ఓ రాష్ట్ర కోశాధికారి సుభాష్‌ బెట్టదకొప్ప మాట్లాడుతూ.. కాంగ్రెస్‌ ప్రభుత్వం అధికారంలోకి వస్తే ప్రభుత్వ పాఠశాలలను అత్యుత్తమంగా తీర్చిదిద్దుతామని హామీ ఇచ్చిందన్నారు. అయితే ప్రస్తుతం రాష్ట్రంలోని 45 వేల ప్రభుత్వ పాఠశాలలను మూసివేసేలా ఏడీబీ షరతులపై సంతకాలు చేసిందని ఆరోపించారు. 2030 నాటికి క్లస్టర్‌ పరిధిలోని అన్ని ప్రభుత్వ పాఠశాలలను ఒకే చోట విలీనం చేయాలనే ఆలోచన వెలుగులోకి వచ్చిందన్నారు. ఈ విధానంతో ప్రభుత్వ పాఠశాలలు కనుమరుగయ్యే ప్రమాదం ఉందని ఆందోళన వ్యక్తం చేశారు. ప్రభుత్వ పాఠశాలల పరిరక్షణకు విద్యార్థులు, ప్రజలు ఉద్యమించాలని పిలుపునిచ్చారు. కార్యక్రమంలో జిల్లా కార్యదర్శి కంబళి మంజునాథ్‌, సభ్యులు కాంతేశ్‌, తిప్పేస్వామి పాల్గొన్నారు.

హొసపేటె: హంపీ కన్నడ విశ్వవిద్యాలయం ప్రాంగణంలో ఉన్న వెనుకబడిన తరగతుల సంక్షేమ శాఖకు చెందిన అస్మిత విద్యార్థినుల వసతి గృహంలో నెలకొన్న సమస్యలను పరిష్కరించాలని డిమాండ్‌ చేస్తూ విద్యార్థినులు ఆందోళనకు దిగారు. సమస్యలను పరిష్కరించాలని పలుమార్లు విజ్ఞప్తి చేసినా అధికారులు పట్టించుకోవడం లేదని ఆగ్రహం వ్యక్తం చేశారు. వెనుకబడిన తరగతుల సంక్షేమ శాఖ అధికారులు, రాష్ట్ర మహిళా కమిషన్‌ చైర్‌పర్సన్‌ డాక్టర్‌.నాగలక్ష్మి చౌదరి స్వయంగా హాస్టల్‌కు వచ్చి సమస్యలు తెలుసుకోవాలని డిమాండ్‌ చేశారు. సమస్యలు పరిష్కరించేందుకు చొరవ తీసుకోవాలని కోరారు. అధికారులు, మహిళా కమిషన్‌ చైర్‌పర్సన్‌ వచ్చే వరకూ ఆందోళన కొనసాగిస్తామని స్పష్టం చేశారు. రోడ్డు ప్రమాదంలో గుర్తు తెలియని వ్యక్తి మృతి హుబ్లీ: రోడ్డు ప్రమాదంలో గుర్తు తెలియని వ్యక్తి మృతి మృతి చెందాడు. ఈ ఘటన హుబ్లీ నవళగుంద రోడ్డులోని కిరేసూరు గ్రామంలో చోటుచేసుకుంది. 35 ఏళ్ల గుర్తు తెలియని వ్యక్తిని వాహనం ఢీకొట్టడంతో తీవ్రంగా గాయపడ్డాడు. గమనించిన స్థానికులు అతడిని చికిత్స నిమిత్తం కేఎంసీ ఆస్పత్రికి తరలించారు. చికిత్స పొందుతూ పరిస్థితి విషమించడంతో మృతి చెందాడు. ఈ మేరకు గ్రామీణ పోలీసులు కేసు నమోదు చేసుకుని దర్యాప్తు చేస్తున్నారు. పాల ధరలు తగ్గించాలి రాయచూరు రూరల్‌: రాష్ట్రంలో కాంగ్రెస్‌ ప్రభుత్వం ఏకపక్షంగా పెంచిన పాల ధరలను వెంటనే తగ్గించాలని కరవే నాయకులు డిమాండ్‌ చేశారు. శుక్రవారం జిల్లా కలెక్టర్‌ కార్యాలయం ఎదుట ఆందోళన చేపట్టారు. ఈ సందర్భంగా కరవే జిల్లా అధ్యక్షుడు వీరేష్‌ మాట్లాడుతూ.. రాష్ట్రంలో తుగ్లక్‌ పాలన కొనసాగుతోందని విమర్శించారు. ఆర్టీసీ బస్సు చార్జీలు, నిత్యావసర వస్తువుల ధరలు పెంచుతూ ప్రజలపై భారం మోపుతున్నారని ఆగ్రహం వ్యక్తం చేశారు. పెంచిన పాల ధరలతో పాటు ఆర్టీసీ చార్జీల పెంపును వెంటనే విరమించుకోవాలని డిమాండ్‌ చేశారు. అనంతరం అధికారులకు వినతిపత్రం అందజేశారు. కళలకు తగ్గుతున్న ఆదరణరాయచూరు రూరల్‌: అంతరించిపోతున్న రంగస్థల కళలకు తిరిగి ప్రాణం పోయాలని సీనియర్‌ కవి హక్కి కోరారు. గురువారం రాత్రి పండిత సిద్ధరామ జంబలదిన్నె రంగమందిరంలో రంగసిరి కళాసంఘం, వీధి నాటక అకాడమీ ఆధ్వర్యంలో నిర్వహించిన కార్యక్రమంలో ఆయన మాట్లాడారు. టీవీలు, మొబైల్‌ ఫోన్ల వినియోగం లేని రోజుల్లో నాటక రంగ కళలకు ఎంతో ప్రాధాన్యత ఉండేదని తెలిపారు. అయితే ఆధునిక సాంకేతిక పరిజ్ఞానం అందుబాటులోకి వచ్చిన ప్రస్తుత కాలంలో సంప్రదాయ రంగస్థల కళలకు ఆదరణ తగ్గిపోయిందని ఆవేదన వ్యక్తం చేశారు. కనుమరుగవుతున్న కళలను కాపాడుకోవాల్సిన బాధ్యత ప్రతి ఒక్కరిపై ఉందని పేర్కొన్నారు. కార్యక్రమంలో అశోక్‌ జైన్‌, జగదీష్‌, చంద్రశేఖర్‌ పాటిల్‌, నాగేంద్రప్ప, బసవలింగప్ప, రంగస్వామి తదితరులు పాల్గొన్నారు.

రాయచూరు రూరల్‌: రాష్ట్ర వ్యాప్తంగా ఉన్న గ్రామీణ ప్రజలను అవమానించేలా వ్యాఖ్యలు చేసిన హోంశాఖ మంత్రి ప్రియాంక్‌ ఖర్గే క్షమాపణలు చెప్పాలని జేడీఎస్‌ పార్టీ డిమాండ్‌ చేసింది. శుక్రవారం అంబేడ్కర్‌ సర్కిల్‌ వద్ద పార్టీ నాయకులు ఆందోళన చేపట్టారు. ఈ సందర్భంగా సంచాలకుడు శివశంకర్‌ మాట్లాడుతూ.. కేంద్ర మంత్రి కుమారస్వామిని విలేజ్‌ ఇడియట్‌ అంటూ చేసిన వ్యాఖ్యల ద్వారా గ్రామీణ ప్రజలను కూడా అవమానించారని ఆరోపించారు. ఉన్నత హోదాలో ఉన్న వ్యక్తులు ఇలాంటి వ్యాఖ్యలు చేయడం తగదన్నారు. రాష్ట్రంలో వర్షాలు లేక కరువు పరిస్థితులు నెలకొన్న సమయంలో పాల ధరలు, ఆర్టీసీ చార్జీలు పెంచడాన్ని తప్పుబట్టారు. ప్రభుత్వం పెంచిన ధరలను వెంటనే ఉపసంహరించుకోవాలని డిమాండ్‌ చేశారు. ఇళకల్‌లోని కంఠి సర్కిల్‌ వద్ద మాజీ ఎమ్మెల్యే దొడ్డనగౌడ పాటిల్‌ ఆధ్వర్యంలో కూడా నిరసన చేపట్టారు. కార్యక్రమంలో రామకృష్ణ, నరసింహ నాయక్‌, లక్ష్మీపతి తదితరులు పాల్గొన్నారు. పేకాటరాయుళ్ల అరెస్ట్‌ హుబ్లీ: స్థానికు గోకుల్‌ రోడ్డు రామలింగేశ్వర నగరంలోని ఓ ఇంట్లో పేకాట ఆడుతున్న 21 మందిని గోకుల్‌ రోడ్డు పోలీసులు అరెస్ట్‌ చేశారు. వీరి నుంచి రూ.43,050 నగదు స్వాధీనం చేసుకున్నారు. కేసు నమోదు చేసుకుని దర్యాప్తు చేస్తున్నట్లు గోకుల్‌రోడ్డు పోలీసులు తెలిపారు. గంజాయి విక్రేతల అరెస్ట్‌ హుబ్లీ: ఎంటీ మిల్‌ క్రాస్‌ వద్ద గిరిణిచాళ మైదానంలో గంజాయి విక్రయిస్తున్న ఇద్దరిని పోలీసులు అరెస్ట్‌ చేశారు. వీరి నుంచి రూ.13.50 లక్షలు విలువ చేసే 13.450 కేజీల గంజాయి, మొబైల్‌, నగదు స్వాధీనం చేసుకున్నారు. స్థానిక గణేష్‌ పేట పాండు, పాత హుబ్లీ సయ్యద్‌ నవాజ్‌పై కేసు నమోదు చేసుకుని విచారిస్తున్నారు. వాహనదారులకు జరిమానా హుబ్లీ: హుబ్లీ–ధార్వాడ బీఆర్‌టీఎస్‌ నగర రవాణా కారిడార్‌లో ట్రాఫిక్‌ నియమాలను ఉల్లంఘిస్తు అక్రమంగా సంచరిస్తున్న ప్రైవేట్‌ వాహనాలపై ట్రాఫిక్‌ పోలీసులు చర్యలకు ఉపక్రమించారు. మొత్తం 53 కేసులు పెట్టి బాధ్యుల నుంచి రూ.26,500 జరిమానా వసూలు చేశారు. సదరు కారిడార్‌లో శిగరి బస్సులు, అంబులెన్సులు, అనుమతి కలిగిన ప్రభుత్వ వాహనాల సంచరానికి మాత్రమే అవకాశం ఉంది. నియమాలను ఉల్లంఘిస్తూ కొందరు కారిడార్‌లో రయ్‌.. రయ్‌ అంటూ దూసుకెళ్తూ ప్రమాదాలకు కారణమవుతున్నారు. పోలీస్‌ కమిషనర్‌ భూషన్‌ బుర్సే ఆదేశాల మేరకు ట్రాఫిక్‌ ఏసీపీ వీరేష్‌ నేతృత్వంలో తనిఖీలు చేపట్టారు. ట్రాఫిక్‌ నిబంధనలు ఉల్లంఘించిన వారికి జరిమానా విధించారు. 29న రాష్ట్ర స్థాయి కరాటే పోటీలు బళ్లారి టౌన్‌: రాష్ట్ర కరాటే శిక్షకుల సంఘం, బళ్లారి జిల్లా కరాటే శిక్షకుల సంఘం ఆధ్వర్యంలో ఈనెల 29న నగరంలోని అల్లీపురం రోడ్డులో ఉన్న బెస్ట్‌ స్కూల్‌, కళాశాలలో రాష్ట్ర స్థాయి బాలికల కరాటే పోటీలు నిర్వహిస్తున్నట్లు సంఘం రాష్ట్ర అధ్యక్షుడు మహమ్మద్‌ నదీమ్‌, ప్రధాన కార్యదర్శి కట్టెస్వామి పేర్కొన్నారు. బాలికల్లో ప్రతిభ వెలికితీసేందుకు, ఆత్మస్థైర్యం నింపేందుకు తమ సంఘం కరాటేలో శిక్షణ ఇవ్వడం జరుగుతోందన్నారు. సుమారు 27 జిల్లాల నుంచి 800 మంది దాక బాలికలు కరాటే పోటీల్లో పాల్గొంటారన్నారు. వయస్సు, బరువు ఆధారంగా వివిధ విభాగాల్లో పోటీలు నిర్వహిస్తున్నట్లు వెల్లడించారు. సమావేశంలో సంఘం జిల్లాధ్యక్షుడు సురేష్‌ పదాధికారులు, మౌనేష్‌, శివకుమార్‌ ప్రకాష్‌ రవి, జడేషలు పాల్గొన్నారు. రోబోటిక్‌ సర్జరీ పరికరాల కొనుగోలుకు గ్రీన్‌ సిగ్నల్‌ హుబ్లీ: క్యాన్సర్‌ రోగులకు మెరుగైన వైద్య సేవలు అందించడం కోసం బెంగళూరు కిద్వాయి క్యాన్సర్‌ ఆస్పత్రి, హుబ్లీ కేఎంసీ ఆస్పత్రికి మొత్తం రూ.40 కోట్ల వ్యయంతో ఒక్కో రోబోటిక్‌ సర్జరీ యంత్రం కోనుగోలుకు రాష్ట్ర మంత్రి వర్గం ఆమోదం తెలిపింది. మంత్రి ఈశ్వర్‌ ఖండ్రే మీడియాతో మాట్లాడుతూ.. ప్రతి సంస్థకు రూ.20 కోట్ల వ్యయంతో రోబోటిక్‌ యంత్రాన్ని కొనుగోలు చేసి ఇవ్వడం జరుగుతుందన్నారు. అయితే మొత్తం వ్యయంలో సంబంధిత సంస్థ రూ.5 కోట్లు భరించాల్సి ఉంటుందని తెలిపారు. మిగిలిన మొత్తాన్ని ప్రభుత్వమే భరిస్తుందని పేర్కొన్నారు. ఈ యంత్రాలు అందుబాటులోకి వస్తే క్యాన్సర్‌ రోగులకు మరింత మెరుగైన చికిత్స చేసే అవకాశం లభిస్తుంది.

రాయచూరు రూరల్‌: పెళ్లి పేరుతో యువతిని సాఫ్ట్‌వేర్‌ ఇంజనీర్‌ మోసగించాడు. రెండేళ్లపాటు ప్రేమాయణం సాగించి.. చివరికి మరో వివాహం చేసుకునేందుకు సిద్ధమయ్యాడు. కర్ణాటకలోని కొప్పళ్‌ జిల్లాలో ఈ ఉదంతం వెలుగుచూసింది. బాధితురాలు దళిత సంఘాల నాయకులతో కలసి ప్రియుడి బంధువుల నివాసం ఎదుట ఆందోళనకు దిగింది. వివరాలు ఇలా.. బీదర్‌ జిల్లాకు చెందిన ఓ యువతి గంగావతి పట్టణానికి చెందిన సాఫ్ట్‌వేర్‌ ఇంజనీర్‌ వీరేష్‌ రెండేళ్లుగా ప్రేమించుకుంటున్నారు. వీరిద్దరూ బెంగళూరులో దాదాపు ఏడాది పాటు లివింగ్‌ రిలేషన్‌షిప్‌లో కూడా ఉన్నారు. ఇటీవల ఇరు కుటుంబాల సభ్యులతో కలిసి అండమాన్‌ నికోబార్‌ దీవుల పర్యటనకు కూడా వెళ్లారు. అయితే ఆ పర్యటన ముగిసినప్పటి నుంచి వీరేష్‌ తన మొబైల్‌ను స్విచ్ఛాఫ్‌ చేశాడు. ప్రియురాలని దూరం పెట్టాడు. ప్రేమకు గుడ్‌బై చెప్పి, ఇంట్లో పెద్దలు కుదిర్చిన మరో యువతితో వివాహానికి సిద్ధమయ్యాడు. విషయం తెలుసుకున్న బాధితురాలు గురువారం గంగావతి పట్టణంలోని వీరేష్‌ బావ ప్రకాష్‌ నాయక్‌ నివాసానికి చేరుకుంది. తనకు న్యాయం చేయాలంటూ దళిత సంఘాల నాయకులతో కలిసి ఇంటి ముందే ధర్నా చేపట్టింది. 10 నెలల క్రితమే ఈ వ్యవహారంపై బెంగళూరులోని కె.ఆర్‌.పురం పోలీస్‌ స్టేషన్‌లో ఫిర్యాదు చేసినట్లు బాధితురాలు పేర్కొంది. అప్పట్లో వీరేష్‌ అక్క, బావలు పోలీసుల సమక్షంలో చర్చలు జరిపి, కుటుంబ సభ్యులను ఒప్పించి పెళ్లి చేస్తామని హామీ ఇచ్చారని తెలిపింది. ఇప్పుడు మాట తప్పి మోసం చేస్తున్నారని ఆవేదన వ్యక్తం చేసింది. తనకు న్యాయం జరిగేంత వరకు ఆందోళన విరమించేది లేదని యువతి స్పష్టం చేసింది. ప్రియుడి కుటుంబ సభ్యుల ఇంటి ఎదుట ప్రియురాలి ధర్నా

బళ్లారి అర్బన్‌: ఎస్సీ, ఎస్టీ రిజర్వేషన్లను 50 శాతం నుంచి 56 శాతానికి పెంచుతూ రాష్ట్ర ప్రభుత్వం జారీ చేసిన ఉత్తర్వులను రద్దు చేసిన హైకోర్టు తీర్పును సవాలు చేస్తూ రాష్ట్ర ప్రభుత్వం తక్షణమే సుప్రీం కోర్టులో అప్పీల్‌ దాఖలు చేయాలని కర్ణాటక దళిత సంఘర్ష సమితి బళ్లారి జిల్లా సంచాలకుడు జి.గోవర్దన్‌ డిమాండ్‌ చేశారు. శుక్రవారం జిల్లా అధికారి కార్యాలయం ఎదుట ధర్నా చేపట్టారు. రిజర్వేషన్ల పెంపునకు చట్టపరమైన రక్షణ కల్పించేందుకు రాష్ట్ర ప్రభుత్వం అఖిలపక్ష ప్రతినిధి బృందాన్ని ఏర్పాటు చేసి ప్రధానమంత్రి మోదీని కలవాలని సూచించారు. రాజ్యాంగంలో తొమ్మిదో షెడ్యూల్‌లో చేర్చి రిజర్వేషన్లకు చట్టబద్ధమైన రక్షణ కల్పించేలా కేంద్ర ప్రభుత్వంపై ఒత్తిడి తీసుకోవాలన్నారు. మాజీ ముఖ్యమంత్రి బసవరాజ్‌ బొమ్మై పాలనలో జస్టిస్‌ హెచ్‌.ఎన్‌. నాగమోహన్‌ దాస్‌ కమిషన్‌ సిఫార్సుల మేరకు ఎస్సీల రిజర్వేషన్లను 15 శాతం నుంచి 17 శాతానికి, ఎస్టీల రిజర్వేషన్లను 3 శాతం నుంచి 7 శాతానికి పెంచారని తెలిపారు. ఎస్సీ, ఎస్టీ వర్గాలకు నష్టం జరగకుండా రాష్ట్ర ప్రభుత్వం న్యాయపోరాటం చేయాలని కోరారు.

ఊరేగింపులో పాల్గొన్న అశేష భక్తజనవాహినివినాయకుడిపైకి జేసీబీల సాయంతో పూలు చల్లుతున్న భక్తులుమండ్య: మండ్య జిల్లా నాగమంగల పట్టణంలో చారిత్రాత్మక శ్రీ కోట విద్యాగణపతి నిమజ్జనం శుక్రవారం కోలాహలంగా జరిగింది. గణేశ విగ్రహానికి ఆదిచుంచనగిరి మఠం పీఠాధిపతి నిర్మలానందనాథస్వామీజీ పూజలు సమర్పించి ఊరేగింపును ప్రారంభించారు. మంగళవాద్య, డీజే, వీరభద్ర నృత్యం, డోలు నృత్యం, తోలుబొమ్మల నృత్యం మొదలైన వివిధ జానపద కళా బృందాల మధ్య పాండవపుర పట్టణంలోని శిగైకె మిల్‌ సర్కిల్‌ నుంచి కేఎస్‌టీ రోడ్డు మీదుగా టి. మరియప్ప సర్కిల్‌, చామరాజనగర–జేవర్గి జాతీయ రహదారి వెంబడి సౌమ్య కేశవస్వామి ఆలయం కొనసాగింది. అనంతరం కొళల చెరువులో నిమజ్జనం చేశారు. హిందూ సంఘాల కార్యకర్తలు, వివిధ పాఠశాలలు, కళాశాలల విద్యార్థులు, సాధారణ ప్రజలతో సహా పెద్ద సంఖ్యలో భక్తులు పాల్గొని నృత్యాలు చేస్తూ ఆకట్టుకున్నారు. రోడ్లకు ఇరువైపులా వేలాది మంది ప్రజలు నిలబడి ఊరేగింపును వీక్షించారు. ఆకట్టుకున్న ఆభరణాల ప్రదర్శన పాండవపుర తాలూకాలోని చినకుర్లి గ్రామానికి చెందిన రైతు సీఎస్పీ శివు, రూ. 16 లక్షల విలువైన ఆభరణాలను ప్రదర్శించారు. బీరేశ్వరపుర గ్రామానికి చెందిన రైతు చంద్రు, రూ. 12 లక్షల విలువైన ఆభరణాలను ప్రదర్శించారు. టి.బి.లోని బీజీఎస్‌ సర్కిల్‌ వద్ద గణేశ విగ్రహాలపై 20 జేసీబీ యంత్రాలు పూల వర్షం కురిపించారు. మైసూరు రోడ్డులోని యా హల్లా మసీదు ముందు గణేష్‌ ఊరేగింపులో జిల్లా ఎస్పీ డాక్టర్‌ వి.జె. శోభారాణి స్వయంగా మసీదు ముందు నిలబడి బందోబస్తును పర్యవేక్షించారు. వందల సంఖ్యలో పోలీసులతో నగరంలో బందోబస్తు ఏర్పాటు చేశారు.

● రూ.2 కోట్ల ఆభరణాలు మాయం దొడ్డబళ్లాపురం: బాగలకోటె నవనగర్‌లో ఉన్న జ్యువెలరీ షాప్‌లో భారీ చోరీ జరిగింది. నవనగర్‌ సెక్టార్‌ 31లో ఉన్న ఓం జ్యువెలర్స్‌ షాప్‌లో శుక్రవారం తెల్లవారు జామున చోరీ జరిగింది. దిగంబర్‌ కురడేకర్‌ అనే వ్యాపారికి చెందిన ఈ జ్యువెలరీ షాప్‌కు కారులో వచ్చిన ఇద్దరు దుండగులు గ్యాస్‌ కట్టర్‌తో షట్టర్‌ తాళాలు పగలగొట్టి లోపలకు ప్రవేశించారు. సుమారు రూ.2 కోట్ల విలువైన బంగారు, వెండి నగలు దోచుకుని పరారయ్యారు. చోరీ దృశ్యాలు షాప్‌లోని సీసీ టీవీ కెమెరాల్లో నమోదయ్యాయి. 200 కేజీల వెండి నగలు, బంగారు ఆభరణాలను గోనెసంచిలో నింపుకుని వెళ్లారు. ఘటనపై నవనగర పోలీసులు కేసు దర్యాప్తు చేస్తున్నారు. సౌజన్య కేసులో ఇద్దరిపై సిట్‌కు ఫిర్యాదు దొడ్డబళ్లాపురం: సౌజన్య అనే యువతిపై అత్యాచారం, హత్య కేసులో మహేశ్‌ శెట్టి తిమరోడి, విఠల్‌ గౌడలపై హైకోర్టు లాయర్‌ అమృతేశ్‌ సిట్‌కు ఫిర్యాదు చేశారు. ఈ కేసులో సంతోష్‌రావ్‌ విడుదలకు సహకరించినందుకు న్యాయమూర్తులకు, పీపీకి, కొందరు లాయర్లకు పెద్ద మొత్తంలో డబ్బులు అందాయని వీరిద్దరూ బహిరంగంగా వ్యాఖ్యలు చేయడంతో లాయర్‌ అమృతేశ్‌ ఈమేరకు లిఖితపూర్వకంగా ఫిర్యాదు చేశారు. ఈ విషయంలో దర్యాప్తు చేసి నిజాలు నిగ్గు తేల్చాలని కోరారు. కొడుకు మరణ వేదనతో తండ్రి కన్నుమూత దొడ్డబళ్లాపురం: ఇటీవల ఉత్తరాఖండ్‌లో జరిగిన హెలికాప్టర్‌ ప్రమాదంలో హాసన్‌కు చెందిన ప్రతాప్‌గౌడ మృతి చెందిన సంగతి తెలిసిందే. అయితే తాజాగా కుమారుడి మృతిని తట్టుకోలేక ప్రతాప్‌గౌడ తండ్రి నింగరాజు(84) మానసిక వేదనతో అనారోగ్యం పాలై మరణించారు. హాసన్‌ తాలూకా కృష్ణాపురకు చెందిన నింగరాజు టైలర్‌గా సకలేశపుర తాలూకా బాజిహళ్లిలో సెటిలయ్యారు. ఈయన కుమారుడు ప్రతాప్‌గౌడ బెంగళూరుకు వచ్చి కాంట్రాక్టర్‌గా, వ్యాపారవేత్తగా ఎదిగాడు. కొడుకు ఎదుగుదల చూసి తండ్రి మురిసిపోతుండగా హెలికాప్టర్‌ ప్రమాదంలో కుమారుడు దుర్మరణం పాలయ్యాడు. అప్పటి నుంచి తీవ్ర అనారోగ్యానికి గురైన నింగరాజు గురువారం కన్నుమూశారు. అధిక లాభాల ఆశతో రూ.14.11 లక్షలు ఫట్‌ మైసూరు: ఆన్‌లైన్‌ కేటుగాళ్ల వలలో పడి లక్షలాది రూపాయలు పోగొట్టుకుంటున్న వారి సంఖ్య రోజురోజుకు పెరుగుతోంది. మైసూరులోని గౌరీశంకర్‌ నగర్‌కు చెందిన వ్యక్తి కేటుగాళ్ల వలకు చిక్కి రూ.14.11 లక్షలు పోగొట్టుకున్నారు. సజన్‌ అనే వ్యక్తికి ఆన్‌లైన్‌ వ్యాపారం గురించి టెలిగ్రామ్‌లో సమాచారం అందింది. అప్పుడు కేటుగాడు అతడిని సంప్రదించాడు. ఆ సమయంలో కేటుగాడు ఆ వ్యక్తికి పెట్టుబడి గురించి చెప్పి ఆన్‌లైన్‌లో శిక్షణ ఇచ్చాడు. ఆ తర్వాత ఎక్కువ డబ్బు పెట్టుబడి పెడితే ఎక్కువ లాభాలు సంపాదించవచ్చని నమ్మించాడు. కేటుగాడి మాటలు నమ్మిన ఆ వ్యక్తి క్రమంగా అతని ఖాతాకు రూ.14,11,920 బదిలీ చేసి చివరకు మోసపోయారు. ఈ విషయంపై సేన్‌ పోలీస్‌ స్టేషన్‌లో కేసు నమోదైంది. మట్టిపెళ్లలు విరిగిపడి రైల్వే ఉద్యోగి మృతి దొడ్డబళ్లాపురం: రైల్వే అండర్‌ బ్రిడ్జి పనుల్లో అపశ్రుతి చోటు చేసుఉంది. మట్టిపెళ్లలు విరిగిపడి రైల్వే ఉద్యోగి మృతిచెందగా మరో ఉద్యోగి తీవ్రంగా గాయపడ్డ సంఘటన ఉత్తరకన్నడ జిల్లా దాండేలి వద్ద చోటుచేసుకుంది. అళ్నావర–అంబేవాడి సెక్షన్‌ ఎల్‌సీ నం.11లో దాండేలి తాలూకా కర్కా–బర్జి రైల్వే మార్గంలో అండర్‌ బ్రిడ్జి పనులు జరుగుతున్నాయి. ఈ సమయంలో భారీ మట్టి పెళ్లలు విరిగి మీద పడడంతో రైల్వే ఉద్యోగి మహేశ్‌ శేఖప్ప తళవార(33)మృతిచెందాడు. మృతుడు గదగ్‌ జిల్లా ముండరగి తాలూకా జాలవాడగి గ్రామ నివాసి. మరో ఉద్యోగి మక్తుం హుసేన్‌ మహ్మద్‌ హుసేణ్‌ ముల్లా(57) తీవ్రంగా గాయపడగా ఆస్పత్రికి తరలించారు.అంబిగేర్‌ పోలీసులు కేసు దర్యాప్తు చేస్తున్నారు.

● సీఎం డీకే శివకుమార్‌ దొడ్డబళ్లాపురం: ప్రభుత్వ ఆహ్వానం మేరకు ప్రధాని నరేంద్రమోదీ నవంబర్‌ 13న మెట్రో ప్రారంభోత్సవానికి విచ్చేస్తున్నారని, అయితే బీజేపీ వారు మాత్రం తామే ప్రధానిని రప్పిస్తున్నామని ప్రచారం చేసుకుంటున్నారని, అసలు బీజేపీకి, మెట్రో ప్రారంభానికి సంబంధం ఏంటో తనకు అర్థం కావడం లేదని సీఎం డీకే శివకుమార్‌ ప్రశ్నించారు. శుక్రవారం కనకపురలో మీడియాతో ఆయన మాట్లాడుతూ ఇది ప్రజల డబ్బు, అప్పులు చేసి తాము మెట్రోను అభివృద్ధి చేస్తున్నామన్నారు. కొన్ని విషయాలను ప్రధాని ముందు వెల్లడిస్తామని ఆయన అన్నారు. రాహుల్‌ గాంధీ, పార్టీ పెద్దలతో సమావేశం ఉన్నందున ఢిల్లీ వెళ్తున్నానన్నారు. చక్కెర ధరపై ప్రధానికి లేఖ రాశామన్నారు. హాస్టల్‌పై నుంచి పడి విద్యార్థి మృతి దొడ్డబళ్లాపురం: హాస్టల్‌ భవనం పైనుంచి కిందపడి విద్యార్థి మృతి చెందిన ఘటన కలబుర్గి నగరంలోని రాజాపుర కాలనీలోని అంబేడ్కర్‌ ప్రభుత్వ హాస్టల్‌లో జరిగింది. ముజాహిద్‌ పటేల్‌(25) మృతి చెందిన విద్యార్థి. మృతుడు కలబుర్గి పట్టణంలోని కళాశాలలో బీఎస్సీ నర్సింగ్‌ చదువుతున్నాడు. గురువారం రాత్రి హాస్టల్‌ నాలుగో అంతస్తుపై నుంచి కిందపడి మృతి చెందాడు. గత వారం ఇదే హాస్టల్‌లో ఒక విద్యార్థిని నగ్నంగా చేసి దాడి చేశారు. ముజాహిద్‌ది ఆత్మహత్యా లేక హత్యా అనేది దర్యాప్తులో తేలాల్సి ఉంది. బ్రహ్మపుర పోలీసులు కేసు దర్యాప్తు చేస్తున్నారు. తమిళనాడుకు మళ్లీ 3 వేల క్యూసెక్కులు ● కావేరి నీరు వదలాలని సీడబ్ల్యూఆర్‌సీ సూచన బనశంకరి: కావేరినది నీటిని తమిళనాడుకు రానున్న 15 రోజుల పాటు ప్రతిరోజు 3 వేల క్యూసెక్కుల చొప్పున విడుదల చేయాలని కావేరి నీటి నియంత్రణ సమితి(సీడబ్ల్యూఆర్‌సీ) కర్ణాటక ప్రభుత్వానికి సిఫార్సు చేసింది. శుక్రవారం ఢిల్లీలో నిర్వహించిన సీడబ్ల్యూఆర్‌సీ ఉన్నత స్థాయి సమావేశంలో ఈ నిర్ణయం తీసుకుంది. రాష్ట్రంలో ఇప్పటికే తాగునీటి కొరత ఎదురుకానున్న సమయంలో సీడబ్ల్యూఆర్‌సీ ఈ నిర్ణయం తీసుకోవడం కర్ణాటకకు తీవ్ర భంగపాటు ఎదురైంది. గతనెల 23 నుంచి కర్ణాటక కావేరి నది ద్వారా నీటిని విడుదల చేయలేదని ఆరోపిస్తూ తమిళనాడు ప్రభుత్వం సుప్రీంకోర్టును ఆశ్రయించింది. ప్రతిరోజు 3 వేల క్యూసెక్కులు విడుదల చేయాలని సీడబ్ల్యూఆర్‌సీ సూచించినా కర్ణాటక నీటిని విడుదల చేయలేదని తమిళనాడు ఆరోపించింది. ఈ విషయంలో జోక్యం చేసుకోవాలని సుప్రీంకోర్టుకు అత్యవసర పిటిషన్‌ సమర్పించింది. దీంతో కావేరి నీటిని విడుదల చేయాలని సుప్రీంకోర్టు ధర్మాసనం సీడబ్ల్యూఆర్‌సీకి సూచించింది. గృహలక్ష్మి లబ్ధిదారులతో సీఎం మాటామంతీ బనశంకరి: గృహలక్ష్మి పథకం నిధులు విడుదల చేయడం ద్వారా రాష్ట్రంలోని కాంగ్రెస్‌ ప్రభుత్వం ఇప్పటికే కానుక ఇచ్చింది. ఇలాంటి తరుణంలో సీఎం డీకే.శివకుమార్‌ శుక్రవారం అధికారిక కార్యాలయం కృష్ణాలో గృహలక్ష్మి లబ్ధిదారులతో సదస్సు నిర్వహించి వారి కష్టసుఖాలను ఆలకించారు. ప్రభుత్వం రెండు రోజుల క్రితం మూడునెలల గృహలక్ష్మి బకాయి నిధులు విడుదల చేయడం ద్వారా మహిళలకు ఆర్థిక సాయం అందించింది. ఇక గృహలక్ష్మి పథకం లబ్ధి గురించి సదస్సులో మహిళళలతో సీఎం చర్చించి సమాచారం సేకరించారు. లబ్ధిదారురాలు మాట్లాడుతూ గృహలక్ష్మి డబ్బుతో పిల్లలను చదివిస్తున్నానన్నారు. ద్వితీయ పీయూసీలో తన కుమారుడు 98 శాతం మార్కులు సాధించాడని, రాష్ట్రంలో మళ్లీ కాంగ్రెస్‌ ప్రభుత్వమే అధికారంలోకి రావాలని ఆశీర్వదించారు. మరో అర్హురాలు మాట్లాడుతూ గృహలక్ష్మి సొమ్ము మాకు ఆర్ధిక సాయంగా మారిందన్నారు. ఈ డబ్బుతో చిన్నపాటి వ్యాపారం ప్రారంభించానన్నారు. రాష్ట్రంతో పాటు విదేశాలకు ఎగుమతి చేస్తున్నానని తెలపడంతో తనకు కూడా ఇవ్వాలని సీఎం అన్నారు. సీఎం మాట్లాడుతూ మహిళలకు సాయం చేయాలనే గృహలక్ష్మి పథకం అమల్లోకి తెచ్చామని, 36 నెలలు ఇచ్చామని, ఇకపై ఎవరూ ఈ పథకాన్ని ఆపడం సాధ్యం కాదన్నారు. కర్ణాటకను చూసి మహారాష్ట్ర, మధ్యప్రదేశ్‌లో కూడా పథకం అమలు చేశారన్నారు. మనవరాలికి బొమ్మలు కొన్న సీఎం కలబురిగి శివనగరకు చెందిన ఎంఎస్‌ సువర్ణ గృహలక్ష్మి పథకం సొమ్ముతో తయారు చేసి విక్రయిస్తున్న బొమ్మలు, ఊయలను ప్రదర్శించారు. ముఖ్యమంత్రి డీకే.శివకుమార్‌ బొమ్మలను కొనుగోలు చేశారు. ఊయల ఊగడానికి చాలా బాగుంది. తన మనవరాలికి ఇస్తాను అని సీఎం తెలిపారు.

● ప్రస్త్తుత పాలికె కాల వ్యవధిలో మిగిలింది నాలుగు నెలలే ● 13వ తేదీన ఎన్నికలు ● సర్వత్రా ఉత్కంఠ సాక్షి, బళ్లారి: బళ్లారి మహానగర పాలికె మేయర్‌ పీఠంపై సర్వత్రా ఆసక్తి నెలకొంది. ప్రస్తుతం పని చేస్తున్న మేయర్‌ గాదెప్ప పదవీ కాలం ఈనెలలో ముగియనుంది. నగర మేయర్‌, ఉప మేయర్‌ పదవుల కోసం ఆశావహులు రాజకీయ నాయకులను ప్రసన్నం చేసుకునే పనిలో నిమగ్నమయ్యారు. కర్ణాటక మున్సిపల్‌ కార్పొరేషన్ల నిబంధనల ప్రకారం మేయర్‌, డిప్యూటీ మేయర్ల పదవీ కాలం ఒక సంవత్సరం మాత్రమే ఉంటుంది. ఏడాదికి ఒకసారి మేయర్‌, ఉప మేయర్లను మార్చడం అటుంచితే బళ్లారిలో అధికార కార్పొరేటర్ల పదవులు పంపకాల్లో భాగంగా నాలుగు సంవత్సరాల్లో ఐదుగురు మేయర్లు పని చేయడం గమనార్హం. నగరాభివృద్ధిలో కీలక పాత్ర పోషించే మేయర్‌, ఉప మేయర్లు నిత్యం మారుతుండటంతో అభివృద్ధి పనులు కుంటుపడ్డాయి. ఇక కనీస సౌకర్యాలు అందకపోవడంతో ప్రజలు ఇబ్బందులు పడుతున్నారు. బళ్లారి మహానగర పాలికె ప్రస్తుత పాలకవర్గం అధికారిక కాల వ్యవధి మరో నాలుగు నెలలు మాత్రమే ఉంది. ఐదో అవధి కింద మేయర్‌, ఉప మేయర్‌ మార్పు కూడా అనివార్యమే. ఈ నేపథ్యంలో ఐదో అవధి కింద నగర మేయర్‌, ఉప మేయర్‌ ఎంపిక చేయడానికి తేదీ ఖరారు చేశారు. ఇందుకు సంబంధించిన కలబుర్గి ప్రాంతీయ ఎన్నికల కమిషనర్‌ ఉత్తర్వులు జారీ చేశారు. ఈనెల 13వ తేదీన నగర మేయర్‌, ఉప మేయర్‌ ఎన్నికలు జరిపేందుకు తేదీ ఖరారు చేశారు. పెరిగిన కాంగ్రెస్‌ బలం కార్పొరేషన్‌ పరిధిలో కాంగ్రెస్‌ పార్టీ నుంచి 21 మంది, బీజేపీ నుంచి 13 మంది, స్వతంత్రులు ఐదుగురు కార్పొరేటర్లు గెలిచారు. ఐదుగురు స్వతంత్ర కార్పొరేటర్లు కాంగ్రెస్‌ పార్టీకి మద్దతు ప్రకటించిన నేపథ్యంలో కాంగ్రెస్‌ పార్టీ బలం 26కి చేరింది. ప్రస్తుతం నాలుగు నెలలు కాల వ్యవధి ఉన్నప్పటికీ మేయర్‌, ఉప మేయర్‌ పదవులకు తీవ్ర పోటీ నెలకొంది. అందరి దృష్టి పాలికె మేయర్‌ ఎంపికపై పడింది. గడిచిన నాలుగున్నర ఏళ్లలో ఐదుగురు మేయర్లు బాధ్యతలు చేపట్టారు. వీరిలో మహిళలే ఎక్కువగా మేయర్‌ పీఠాన్ని అదిష్టించడం విశేషం. ఈ ఐదు సంవత్సరాల అధికార అవధిలో మొదటిసారి మేయర్‌గా రాజేశ్వరి, రెండవసారి అతిపిన్న వయస్కురాలైన త్రివేణి ఏడు నెలలు మాత్రమే మేయర్‌గా కొనసాగారు. ఆ తర్వాత శ్వేత, నందీష్‌, ప్రస్తుతం గాదెప్ప మేయర్‌గా కొనసాగుతున్నారు. జనరల్‌ మహిళకు రిజర్వ్‌.. ప్రస్తుతం నగర మేయర్‌ పదవి జనరల్‌ మహిళకు రిజర్వ్‌ చేశారు. ఈ మేయర్‌ పదవీ కాలం కూడా కేవలం నాలుగు నెలలు మాత్రమే ఉంటుంది. ఆ తర్వాత పాలికె ఎన్నికలు వస్తాయి. నాలుగు నెలలు పాటు మేయర్‌గా కొనసాగేందుకు పలువురు మహిళ కార్పొరేటర్లు తీవ్రంగా పోటీ పడుతున్నారు. వీరిలో కార్పొరేటర్లు శశికళ జగన్నాథ్‌, బి.రత్నమ్మ తమదైన శైలిలో ప్రయత్నాలు సాగిస్తున్నారు. అధికార కార్పొరేటర్లలో అధిపత్య పోరు ప్రతిసారి కొనసాగుతోంది. మేయర్‌, ఉప మేయర్‌ ఎన్నికలప్పుడు అధికార కార్పొరేటర్లు క్యాంపు రాజకీయాలు చేసిన సందర్భాలు ఉన్నాయి. ఇదిలా ఉండగా ఉప మేయర్‌ జనరల్‌కు కేటాయించారు. ఉప మేయర్‌ పదవికి కూడా తీవ్ర పోటీ నెలకొంది. ఈ నేపథ్యంలో మేయర్‌ పదవి దక్కించుకునేందుకు కార్పొరేటర్లు, నగర ఎమ్మెల్యే నారా భరత్‌రెడ్డి, గ్రామీణ ఎమ్మెల్యే నాగేంద్ర మద్దతు అవసరం కానుంది. వీరిద్దరూ ఎవరి పేరు సూచిస్తే వారే మేయర్‌గా ఎంపిక అయ్యే అవకాశాలు కనిపిస్తున్నాయి.

మైసూరు: రాష్ట్రంలోని పేదల, రైతుల, హిందూ వ్యతిరేక కాంగ్రెస్‌ ప్రభుత్వాన్ని అధికారం నుంచి తొలగించి, 2028 ఎన్నికల్లో ఎన్డీఏ సంకీర్ణ ప్రభుత్వాన్ని అధికారంలోకి తీసుకువచ్చే వరకు తాను విశ్రమించబోనని బీజేపీ రాష్ట్ర అధ్యక్షుడు బీ.వై.విజయేంద్ర అన్నారు. శుక్రవారం నగరంలోని టౌన్‌ హాల్‌ ప్రాంగణంలో బీజేపీ నిర్వహించిన ’ప్రజాస్వామ్యాన్ని కాపాడండి–అరాచకాన్ని తొలగించండి’ మార్చ్‌ను ప్రారంభించిన అనంతరం ఆయన మాట్లాడారు. గత మూడేళ్లుగా అధికారంలో ఉన్న కాంగ్రెస్‌ ప్రభుత్వం పేదల రక్తాన్ని పీలుస్తోందన్నారు. డీకే శివకుమార్‌ అధికారంలోకి వచ్చిన తర్వాత, పేదలు, రైతులు ధరల పెరుగుదలతో ఇబ్బందులు పడుతున్నారన్నారు. రైతులకు రూ.2500 పరిహారంగా ఇస్తానని చెప్పిన ముఖ్యమంత్రి, దానిని ఇంకా విడుదల చేయలేదు. ఈ ప్రభుత్వాన్ని కూలదోయడానికి ప్రజలు ఆత్రుతగా ఎదురుచూస్తున్నారని ఆయన అన్నారు. కేంద్రంలోని ఎన్డీఏ ప్రభుత్వం అధికారంలోకి వచ్చి, మూడోసారి ప్రధానమంత్రి అయిన మోదీ నాయకత్వాన్ని సహించలేక, నరేంద్ర మోదీ నేతృత్వంలోని ప్రభుత్వాన్ని కూలదోయడానికి కాంగ్రెస్‌ నాయకుడు రాహుల్‌ గాంధీ కమ్యూనిస్టులతో కలిసి కాంగ్రెస్‌ నేతృత్వంలోని ఇండియా కూటమి అరాచకం సృష్టించడానికి ప్రయత్నిస్తోందని ఆరోపించారు. శాసన మండలి చీఫ్‌ విప్‌ ఎన్‌.రవికుమార్‌, ఎంపీ యదువీర్‌, సీటీ రవి తదితరులు పాల్గొన్నారు. మోదీ నాయకత్వాన్ని బలోపేతం చేస్తాం బీజేపీ రాష్ట్ర అధ్యక్షుడు బీ.వై.విజయేంద్ర

బళ్లారిఅర్బన్‌: కర్ణాటకలో కాంగ్రెస్‌ ప్రభుత్వ విధానాలను నిరసిస్తూ జిల్లా బీజేపీ యువమోర్చా ఆధ్వర్యంలో గురువారం సాయంత్రం రాయల్‌ సర్కిల్‌ వద్ద నిరసన చేపట్టారు. రాష్ట్రంలో నిత్యావసర వస్తువుల ధరల పెంపు, పాల ధరల పెంపు, బస్సు చార్జీల పెంపు, ప్రభుత్వ ఖజానా పరిస్థితిని ప్రశ్నిస్తూ యువమోర్చా నాయకులు ఆందోళన చేపట్టారు. యువజన ఉద్యమంలో భాగంగా విరాళాల సేకరణతో పాటు వినూత్న ప్రదర్శన ద్వారా ప్రభుత్వానికి నిరసన తెలిపారు. ఆందోళనలో జిల్లా బీజేపీ యువమోర్చా అధ్యక్షుడు ఆర్‌.శరణ్‌గౌడ ఆధ్వర్యంలో మాజీ ఎమ్మెల్యే గాలి సోమశేఖర్‌రెడ్డితో పాటు ఇతర నాయకులు, కార్యకర్తలు పాల్గొన్నారు. ప్రజలపై భారం మోపడం తగదు రాష్ట్ర ప్రభుత్వం నవంబర్‌ 1 నుంచి పెంచిన పాల ధరలను, 4 నుంచి అమలు చేసిన ఆర్టీసీ బస్సు ఛార్జీల పెంపును తక్షణమే ఉపసంహరించుకోవాలని జిల్లా బీజేపీ రైతు మోర్చా నాయకుడు గణపాల ఐనాథ్‌రెడ్డి డిమాండ్‌ చేశారు. బస్సు ఛార్జీలను పెంచడం వల్ల పేదలు, మధ్య తరగతి కుటుంబాలు, విద్యార్థులు, కార్మికులు, రోజువారీ కూలీలపై తీవ్ర ఆర్థిక భారం పడుతుందని అన్నారు. నిత్యం పనులు, చదువుల కోసం బస్సులపై ఆధారపడే ప్రజలకు ఈ పెంపు ఇబ్బందికరంగా మారుతుందన్నారు. పెంచిన ధరలను విరమించాలి రాయచూరు రూరల్‌: రాష్ట్రంలోని కాంగ్రెస్‌ పార్టీ ప్రభుత్వం ఉన్నఫళంగా పెంచిన పాల ధరను తగ్గించాలని కేఆర్‌ఎస్‌ పార్టీ డిమాండ్‌ చేసింది. గురువారం అంబేడ్కర్‌ సర్కిల్‌ వద్ద చేపట్టిన ఆందోళనలో జిల్లాధ్యక్షుడు నిరుపాది మాట్లాడారు. రాష్ట్రంలో తుగ్లక్‌ పాలన సాగుతోందన్నారు. ఒక వైపు పాల ధరను పెంచిన ప్రభుత్వం మరో వైపు ఆర్టీసీ బస్‌ చార్జీలను కూడా పెంచి పేదలపై భారం మోపిందన్నారు. పెంచిన ధరలను వెంటనే విరమించాలని కోరుతూ స్థానికాధికారికి వినతిపత్రం సమర్పించారు.

సాక్షి బెంగళూరు: సర్‌ ప్రక్రియను రద్దు చేయాలని, కేంద్ర ఎన్నికల సంఘం ప్రధాన కమిషనర్‌ తక్షణమే రాజీనామా చేయాలని డిమాండ్‌ చేస్తూ సీఎం డీకే శివకుమార్‌తో సహా ఇండి కూటమి నాయకులు బెంగళూరులో ఆందోళన చేశారు. ఓటును రక్షించండి–దేశాన్ని కాపాడండి పేరిట గురువారం ఫ్రీడం పార్కులో జరిగింది. కాంగ్రెస్‌, వామపక్షాలు సహా భాగస్వామ్య పార్టీల నాయకులు, వేలాది కార్యకర్తలు తరలివచ్చారు. సీఈసీ జ్ఞానేశ్‌కుమారి వేషధారిని లాకప్‌లో పెట్టినట్లు సెట్టింగ్‌ వేశారు. ఓటు చోరీపై దర్యాప్తు: సీఎం డీకే సీఎం డీకే శివకుమార్‌ మాట్లాడుతూ ఓటు చోరీకి కుట్ర పన్నిన, అలాగే ఫారం–7ను దుర్వినియోగం చేసినవారిపై పోలీసు విచారణ జరిపిస్తామని ప్రకటించారు. ఈసీ మీద మాత్రమే కాదు, దీని వెనుక ఉన్న బీజేపీ కుట్రపై కూడా పోరాటం చేస్తున్నట్లు తెలిపారు. ప్రజాస్వామ్యంలో ఓటు అనేది మన హక్కు అని, అలాంటి హక్కును కాపాడుకునేందుకు ఇక్కడికి చేరినట్లు తెలిపారు. బెంగళూరులో ఒక సంస్థ ద్వారా బీజేపీ.. లక్షలాది ఓట్లను తొలగించిందని, కొత్త ఓటర్ల చేరికలో కూడా అక్రమాలకు పాల్పడిందని ఆరోపించారు. బీజేపీ కార్యాలయం నుంచే ఫారం–7 ముద్రించి ఓటర్ల పేర్లు, గుర్తింపు కార్డు, ఫోన్‌ నంబర్‌తో నియోజకవర్గ నాయకులకు పంపించారని తెలిపారు. సర్‌ను రద్దు చేయాలి: సిద్దు మాజీ సీఎం సిద్ధరామయ్య మాట్లాడుతూ సర్‌ ప్రక్రియ రాజ్యాంగ విరుద్ధం, దీనిని తక్షణమే రద్దు చేయాలని, అలాగే జ్ఞానేశ్‌ కుమార్‌ వెంటనే తన పదవికి రాజీనామా చేయాలని డిమాండ్‌ చేశారు. జ్ఞానేశ్‌ కుమార్‌ ఎంపికను తమ నేత రాహుల్‌గాంధీ మొదట్లోనే వ్యతిరేకించారని చెప్పారు. కర్ణాటకలో సర్‌కు ముందు 5.54 కోట్ల ఓటర్లు ఉంటే ఆ తర్వాత 4.55 కోట్ల ఓటర్లే మిగిలారని చెప్పారు. ఇంత భారీ స్థాయిలో ఓటర్లు తగ్గిపోవడం చిన్న విషయం కాదన్నారు. బెంగళూరు స్వతంత్రపార్కులో ఇండి కూటమి ఆందోళన పోలీసు విచారణ జరిపిస్తాం: సీఎం డీకే అమిత్‌ షా అబద్ధాలు: ప్రకాశ్‌రాజ్‌ బహుభాషా నటుడు ప్రకాశ్‌రాజ్‌ మాట్లాడుతూ కేంద్ర హోం మంత్రి అమిత్‌ షా పచ్చి అబద్ధాలు మాట్లాడుతున్నారన్నారు. దేశంలో మూడు కోట్ల మంది చొరబాటుదారులు ఉన్నట్లు హైదరాబాద్‌లో మాట్లాడుతున్నారని, ఆయనకు కొద్దిగా అయినా సిగ్గు ఉందా అని ప్రశ్నించారు. దేశంలో ఇన్ని సమస్యలు ఉంటే చొరబాటుదారుల గురించి మాట్లాడతారని ఎద్దేవా చేశారు. జ్ఞానేశ్‌ కుమార్‌ రాజీనామాతో పాటు సర్‌ను రద్దు చేయాలన్నారు. ఆదివాసీలు, దళితులు, ముస్లింల ఓట్లను సర్‌ ద్వారా తొలగించారని ఆరోపించారు. కర్ణాటకలో సర్‌ను వ్యతిరేకించకపోతే మరో పశ్చిమ బెంగాల్‌ అయ్యే ప్రమాదం ఉందని అన్నారు. కాగా, మైసూరు, కలబుర్గిలోనూ సర్‌ వ్యతిరేక నిరసనలు నిర్వహించారు.

సాక్షి, బెంగళూరు: తుంగభద్ర జలాశయంలో ఆంధ్రప్రదేశ్‌ వాటా కింద మిగిలిన నాలుగు టీఎంసీల నీటిని ఉపయోగానికి అనుమతించాలని సీఎం డీకే శివకుమార్‌ను మంత్రి శివరాజ్‌ తంగడగి, ఆ జిల్లాల నాయకులు కోరారు. జలాశయం కిందనున్న జిల్లాల్లో పంటలను నవంబర్‌ 30 వరకు కాపాడుకోవాల్సి ఉందని, ఏపీ కోటా నీటిని వాడుకోవడానికి ఆ రాష్ట్రంలో మాట్లాడి ఒప్పించాలని సీఎంకు విన్నవించారు. కర్ణాటక వాటా కింద పంపిణీ చేసిన నీటి ప్రమాణం (70.807 టీఎంసీల)లో తాగునీటి కోసం 10.71 టీఎంసీలు, సాగు నీటి కోసం 60 టీఎంసీలు కేటాయించారని, ఇందులో అక్టోబర్‌ నాటికే 51 టీఎంసీలు వినియోగించినట్లు మంత్రి తెలిపారు. ఏపీ సీఎంతో మాట్లాడుతానని డీకే శివకుమార్‌ హామీనిచ్చారు. 30 వరకూ కృష్ణా జలాలు ఇవ్వాలి కృష్ణా పరీవాహక ప్రాంతంలో రైతులు తీవ్రమైన కరువులో చిక్కారని, ఆయా డ్యాముల్లో ఉన్న నీటిని నవంబర్‌ 30 వరకు పంట కాలువలకు విడుదల చేయాలని సీఎం డీకే శివకుమార్‌కు మంత్రి అజయ్‌ ధరంసింగ్‌ మనవి చేశారు. ఆలమట్టి, నారాయణపుర జలాశయాల్లో ప్రస్తుతం మొత్తం సుమారు 53 టీఎంసీల నీరు ఉందని, రైతులు సాగు చేసిన పత్తి, కంది, మిరప పంటలకు అవసరమైన నీటిని నవంబర్‌ 30 వరకు అయినా పంపిణీ చేయాలని కోరారు. ఏపీ కోటాలోని 4 టీఎంసీలను ఇవ్వండి సీఎంకు మంత్రి శివరాజ్‌, ఆ ప్రాంత నేతల వినతి

రాయచూరు రూరల్‌: కేంద్ర, రాష్ట్ర ప్రభుత్వాలు రైతులు పండించిన చెరకు, కంది పంటలకు టన్నుకు రూ.5,500 కేటాయించాలని రైతులు డిమాండ్‌ చేశారు. గురువారం బెళగావి జిల్లాలోని అథణి, బాగలకోటె జిల్లాలోని జమఖండిలలో చేపట్టిన ఆందోళనల్లో సంచాలకుడు లచ్చన్న పూజారి మాట్లాడారు. విజయపుర, కలబుర్గి జిల్లాల రైతులు కూడా కలిసి ఆందోళన చేపట్టారు. కేంద్ర మంత్రి ప్రహ్లాద జోషితో రైతులు జరిపిన చర్చలు విఫలం కావడంతో గత 15 రోజుల నుంచి రైతులు రాస్తారోకోలు చేపడుతున్నారు. స్వామినాథన్‌ నివేదికను అమలు చేయాలని ఒత్తిడి చేశారు. రైతులు అర్థనగ్న ప్రదర్శన చేస్తూ రహదారులపై అడ్డంగా పడుకుని నిరసన వ్యక్తం చేశారు. ఆందోళనకారులను పోలీసులు అరెస్ట్‌ చేశారు.

బళ్లారిఅర్బన్‌: ప్రజల ఓటే ప్రజాస్వామ్యానికి పునాది అని, ఓటర్ల హక్కులకు భంగం కలిగితే ప్రజల తరపున ఉద్యమిస్తామని కేపీసీసీ సాంఘిక న్యాయ కమిటీ రాష్ట్ర ఉపాధ్యక్షుడు వై.శివకుమార్‌ పేర్కొన్నారు. గురువారం బళ్లారి నగరంలోని గడిగి చెన్నప్ప(రాయల్‌) సర్కిల్‌ వద్ద ఇండియా కూటమి పార్టీల నాయకులు, కార్యకర్తల ఆధ్వర్యంలో నిర్వహించిన ఓటును కాపాడండి.. దేశాన్ని రక్షించండి అనే నిరసన కార్యక్రమంలో ఆయన పాల్గొని మాట్లాడారు. ప్రజాస్వామ్యంలో ఓటు హక్కు అత్యంత కీలకమన్నారు. అర్హత కలిగిన ప్రతి పౌరుడికి ఓటు వేసే అవకాశం కల్పించాలని అన్నారు. సర్‌ ప్రక్రియ పేరుతో అర్హులైన ఓటర్ల జాబితా సవరణ పూర్తి పారదర్శకంగా జరగాలని డిమాండ్‌ చేశారు. ఓటర్ల జాబితా నుంచి అర్హులైన వారి పేర్లను తొలగించే ప్రయత్నాలను ఎట్టి పరిస్థితుల్లోనూ సహించబోమన్నారు. ఓటు హక్కు పరిరక్షణ రాజకీయ పోరాటం మాత్రమే కాదన్నారు. రాజ్యాంగం, ప్రజాస్వామ్య విలువలను కాపాడే బాధ్యత అని అన్నారు. ఓటు హక్కు, ప్రజాస్వామ్య పరిరక్షణ విషయంలో రాజీపడే ప్రసక్తే లేదని ఆయన స్పష్టం చేశారు. సీఈసీ రాజీనామా చేయాలి హొసపేటె: ఓటరు జాబితా నుంచి ఓట్లను తొలగిస్తున్నారు, ఓటును కాపాడండి– దేశాన్ని రక్షించండి అనే నినాదంతో గురువారం విజయనగర జిల్లా కాంగ్రెస్‌ పార్టీ ఆధ్వర్యంలో హొసపేటెలో భారీ నిరసన చేపట్టారు. నగరంలోని డాక్టర్‌ బీఆర్‌.అంబేడ్కర్‌ సర్కిల్‌ వద్ద కాంగ్రెస్‌ నాయకులు, కార్యకర్తలు పెద్ద సంఖ్యలో గుమిగూడి ఎన్నికల సంఘానికి వ్యతిరేకంగా నినాదాలు చేస్తూ తమ నిరసనను వ్యక్తం చేశారు. ఎన్నికల సంఘం కేంద్ర ప్రభుత్వానికి అనుకూలంగా వ్యవహరిస్తోందని కాంగ్రెస్‌ నాయకులు ఆరోపించారు. ఓటర్ల జాబితాలో ఓట్ల తొలగింపు వ్యవహారంపై అభ్యంతరం వ్యక్తం చేస్తూ ఎన్నికల కమిషనర్‌ జ్ఞానేశ్‌కుమార్‌ రాజీనామా చేయాలని డిమాండ్‌ చేశారు. ప్రజాస్వామ్య వ్యవస్థలో ఓటు హక్కు అత్యంత కీలకమని, ప్రతి ఓటరుకు తన ఓటు హక్కును కాపాడుకునే అవకాశం కల్పించాలని వారు ఒత్తిడి చేశారు. సీఈసీని డిిస్మిస్‌ చేయాలి రాయచూరు రూరల్‌: దేశ వ్యాప్తంగా జరుగుతున్న ఓటరు నమోదు ప్రక్రియ ప్రజలను తప్పుదారి పట్టిస్తున్నాయని, ప్రధాన ఎన్నికల కమిషనర్‌ జ్ఞానేష్‌ కుమార్‌ను పదవి నుంచి తొలగించాలని కాంగ్రెస్‌ పార్టీ డిమాండ్‌ చేసింది. గురువారం అంబేడ్కర్‌ సర్కిల్‌ వద్ద చేపట్టిన ఆందోళనలో కాంగ్రెస్‌ పార్టీ జిల్లాధ్యక్షుడు శాంతప్ప మాట్లాడారు. భారత ప్రధాన ఎన్నికల కమిషనర్‌ జ్ఞానేష్‌ కుమార్‌ను డిిస్మిస్‌ చేయాలని, సర్‌ను పూర్తిగా నిషేధించాలన్నారు. ఆందోళనలో విధాన పరిషత్‌ సభ్యుడు బోసురాజు, అమరేగౌడ, రుద్రప్ప, శివమూర్తి, రజాక్‌, నరసింహనాయక్‌, మరిస్వామి, అరుణ్‌, అంజనేయ, నిర్మల, వందనలున్నారు. బళ్లారిలో ఆందోళన చేస్తున్న కాంగ్రెస్‌ నాయకులు, కార్యకర్తలు హొసపేటెలోని ప్రధాన సర్కిల్‌లో ధర్నా చేస్తున్న కార్యకర్తలు ఓటు హక్కును హరించే ప్రయత్నాలను సహించబోం వాడవాడలా సర్‌పై కదం తొక్కిన కాంగ్రెస్‌ శ్రేణులు

రాయచూరు రూరల్‌: నేటి ఆధునిక సమాజంలో పెరుగుతున్న సాంకేతిక పరిజ్ఞానాన్ని సద్వినియోగపరచుకోవాలని ఎస్పీ అరుణాంగ్శు గిరి పిలుపునిచ్చారు. ఆయన బుధవారం రాయచూరు తాలూకా ఆత్కూరులో జిల్లా యంత్రాంగం, జడ్పీ, సాంఘీక సంక్షేమ శాఖ, గ్రామ పంచాయతీ, పోలీస్‌ శాఖల ఆధ్వర్యంలో ఎస్సీ, ఎస్టీ వర్గాల సమస్యలపై ఏర్పాటు చేసిన సమావేశంలో మాట్లాడారు. జిల్లాలో ఎస్సీ, ఎస్టీల అభివృద్ధికి తోడు దౌర్జన్యాల నియంత్రణకు అధికారులు బాధ్యతాయుతంగా మెలగాలన్నారు. ఏఎస్పీ హరీష్‌, తహసీల్దార్‌ సురేష్‌, టీపీ ఈఓ చంద్రశేఖర్‌, ప్రభుత్వ ఉద్యోగుల సంఘం అధ్యక్షుడు కృష్ణ, రాజశేఖర్‌లున్నారు. ఘర్షణ వద్దన్నందుకు వ్యక్తిపై దాడిహుబ్లీ: వ్యక్తిగత విషయమై ఓ ప్రార్థన మందిరంలో ఘర్షణ పడకూడదని చెప్పినందుకు కోపగించుకొని ఓ వ్యక్తిపై దాడి చేయడమే కాకుండా ప్రాణాలు తీస్తామని బెదిరించిన ఘటన పాత హుబ్లీ నురాణి ఫ్లాట్‌ మసీదు వద్ద చోటు చేసుకుంది. ఆ ఫ్లాట్‌కు చెందిన మహమ్మద్‌ అజీంపై నాసీర్‌, అయాన, అమీర్‌ తదితరులు దాడి చేసినట్లు పాత హుబ్లీ పోలీసులు కేసు నమోదు చేసుకున్నారు. బంగారు ఆభరణాల చోరీ మరో ఘటనలో రూ.లక్షలాది విలువ చేసే బంగారు ఆభరణాలు చోరీకి గురయ్యాయి. ఇంటికి వేసిన తాళాన్ని విరిచి లోనికి వెళ్లిన దొంగలు ఆ ఇంట్లోని రూ.2.48 లక్షల విలువ చేసే బంగారు ఆభరణాలను చోరీ చేసిన ఘటన విద్యానగర్‌ పోలీస్‌ స్టేషన్‌ పరిధిలోని హనుమంత నగర్‌లో జరిగింది. మల్లికార్జునకు చెందిన ఇంట్లోని రూ.1.60 లక్షల విలువ చేసే 20 గ్రాముల బంగారు ఆభరణాలు, రూ.88,500 విలువ చేసే 590 గ్రాముల వెండి ఆభరణాలు చోరీకి గురైనట్లు విద్యానగర పోలీసులు కేసు నమోదు చేసుకొని దర్యాప్తు చేపట్టారు. మా ఇంట్లో నల్లుల బెడద తీర్చమ్మా..● హుండీలో యల్లమ్మ దేవికి భక్తుడి మొర హుబ్లీ: ఉత్తర కర్ణాటక ప్రజల ఆరాధ్య దేవత సవదత్తి యల్లమ్మ ఆలయ హుండీలో నగదు, బంగారు, వెండి తదితర ఆభరణాలతో పాటు విచిత్ర కోరికలతో చీటీ రాసి భక్తులు తమ సమస్యను తీర్చాలని వేడుకుంటున్నారు. ఈ సారి హుండీ లెక్కింపులో తమ ఇంట్లోని నల్లుల బెడదను నిర్మూలించాలని కోరుతూ భక్తుడు రాసిన చీటీ తీవ్ర చర్చనీయాంశమైంది. అమ్మా.. తల్లి.. యల్లమ్మ దేవి మా ఇంట్లో నల్లుల బాధ పెరిగిపోయింది. వాటిని ఇంటి నుంచి పారదోలితే మీ గుడికి వచ్చి పండ్లు, ఫలాలు సమర్పిస్తామని ఆ చీటిలో భక్తుడు అమ్మవారిని వేడుకున్నాడు. అలానే వివిధ రీతుల్లో తమ కష్టాలను తీర్చాలని చీటీల ద్వారా యల్లమ్మకు భక్తులు వేడుకుంటున్నారు. కాగా యల్లమ్మ గుట్టలో గత నాలుగు రోజుల నుంచి జరిగిన హుండీల లెక్కింపు బుధవారం ముగిసింది. రూ.2.69 కోట్ల విలువైన కానుకలు వచ్చాయని సంబంధిత అధికారులు తెలిపారు. వీటిలో రూ.2.34 కోట్ల నగదు, రూ.26.95 లక్షల విలువైన బంగారు ఆభరణాలు, రూ.7.32 లక్షల విలువైన వెండి ఆభరణాలు వచ్చాయి. మే 7 నుంచి అక్టోబర్‌ 10 వరకు భక్తులు హుండీలో వేసిన కానుకల వివరాలు అని, వీటిని ఆలయ అభివృద్ధికి వాడతామని సంబంధిత అధికారులు ఓ ప్రకటనలో తెలిపారు. భూ లీజుపై తప్పుడు సమాచారం ●మంత్రి బసవంతప్పపై మాజీ మంత్రి ఆనంద్‌సింగ్‌ ఆరోపణలు హొసపేటె: నగర శివారులో బళ్లారి రోడ్డులోని కారిగనూరు వద్ద ఉన్న ఆర్‌బీఎస్‌ఎస్‌ఎన్‌ మైనింగ్‌ కంపెనీకి చెందిన 64.50 ఎకరాల భూమిని లీజుకు ఇచ్చే అంశంపై జరిగిన మంత్రివర్గ సమావేశానికి జిల్లా ఇన్‌చార్జి మంత్రి కేఎస్‌ బసవంతప్ప హాజరైనా, తాను సమావేశానికి హాజరు కాలేదని చెప్పి మీడియాకు, జిల్లా ప్రజలకు తప్పుడు సమాచారం ఇచ్చారని మాజీ మంత్రి ఆనంద్‌సింగ్‌ ఆరోపించారు. ఆయన తన నివాసంలో గురువారం నిర్వహించిన విలేకరుల సమావేశంలో వివరాలు వెల్లడించారు. ఈనెల 1న నగరంలోని జిల్లా స్టేడియం వద్ద మీడియా అడిగిన ప్రశ్నకు సమాధానంగా ఆ భూమిని లీజుకు ఇచ్చే అంశంపై జరిగిన కేబినెట్‌ సమావేశానికి తాను హాజరు కాలేదని జిల్లా ఇన్‌చార్జి మంత్రి చెప్పినట్లు ఆనంద్‌సింగ్‌ గుర్తు చేశారు. సంబంధిత కేబినెట్‌ సమావేశానికి జిల్లా ఇన్‌చార్జి మంత్రి కేఎస్‌ బసవంతప్ప కూడా హాజరయ్యారన్నారు. భూమి లీజు మంజూరు అంశం గురించి మంత్రికి ముందుగానే తెలిసినా, తనకు ఆ విషయం తెలియదని చెప్పారని ఆరోపించారు. అంతేకాకుండా ఈ విషయం తెలిసిన తర్వాత స్థానిక ఎమ్మెల్యేలతో కలిసి ముఖ్యమంత్రిని కలిసి భూ లీజు ప్రక్రియను నిలిపి వేయాలని కోరినట్లు మంత్రి చెప్పారని ఆనంద్‌సింగ్‌ ప్రస్తావించారు.

సాక్షి,బళ్లారి: కట్టుకున్న భర్తను కాదని చివరకు విడాకులు కూడా ఇచ్చి, ప్రియుడి కోసం అన్నీ వదులుకుని నమ్మి వచ్చిన వివాహిత మహిళ ఓ కసాయి ప్రేమికుడి చేతిలో మోసపోయిన వైనం బీదర్‌ జిల్లాలో చోటు చేసుకుంది. వివరాలు ఇలా... బీదర్‌ జిల్లా భాల్కి తాలూకా నెలవాడ గ్రామంలో సంగీత అనే వివాహిత మహిళ పొరుగింట్లో ఉండే దత్తు అనే యువకుడితో నాలుగేళ్లుగా స్నేహం చేస్తోంది. అది కాస్తా ప్రేమగా మారడంతో భర్తకు విడాకులు ఇస్తే పెళ్లి చేసుకుంటానని నమ్మించాడు. ఆమె భర్తకు విడాకులు ఇచ్చిన తర్వాత పెళ్లి చేసుకునేందుకు దత్తు వెనుకంజ వేశాడు. దీంతో తన ఇంటి ముందు బైఠాయించి ఆమె నిరసన తెలుపుతుండటంతో దత్తు ఇంటి నుంచి పలాయనం చిత్తగించాడు. బాధిత మహిళ తనకు అన్యాయం జరిగిందంటూ ఆ ప్రేమికుడి ఇంటి ముందే గత కొన్ని రోజులుగా ఆందోళన చేపడుతోంది. ఇటు కట్టుకున్న భర్త ఆసరా కరువై, అటు నమ్మి వస్తే ప్రియుడు నిట్టనిలువునా మోసం చేయడంతో ఆ వివాహిత బతుకు వీధిన పడింది. దారుణంగా మోసపోయిన మహిళ

బళ్లారిఅర్బన్‌: నగరంలోని ప్రాంతీయ రవాణా అధికారి (ఆర్‌టీఓ) కార్యాలయంపై గురువారం లోకాయుక్త అధికారులు ఆకస్మిక దాడి చేశారు. కార్యాలయంలోని వివిధ విభాగాల్లో ఫైళ్లు, కీలక పత్రాలను పరిశీలించారు. బెంగళూరుకు చెందిన లోకాయుక్త డీఎస్పీ శ్రీనివాస్‌ నేతృత్వంలో 15 మంది అధికారుల బృందం ఈ తనిఖీలు చేపట్టింది. ప్రజల నుంచి అందిన ఫిర్యాదుల ఆధారంగా కార్యాలయ పాలన వ్యవహారాలు, పెండింగ్‌ ఫైళ్లు, అనుమానాస్పద పత్రాలను పరిశీలించి, సిబ్బందిని విచారించినట్లు సమాచారం. ఉదయం నుంచి తనిఖీలు కొనసాగడంతో కార్యాలయం వద్ద ఆందోళన నెలకొంది. తనిఖీల్లో లభించిన సొమ్ము, స్వాధీనం చేసుకున్న పత్రాల వివరాలు అధికారికంగా వెల్లడించాల్సి ఉంది. ఫైళ్లు, కీలక పత్రాల తనిఖీ క్షుణ్ణంగా సిబ్బంది విచారణ

● ఆస్పత్రిలో సోదరునికి పరామర్శ సాక్షి, బెంగళూరు: ప్రముఖ నటుడు రజనీకాంత్‌ గురువారం బెంగళూరుకు వచ్చారు. రాజరాజేశ్వరినగరలో ఉన్న కార్పొరేట్‌ ఆస్పత్రిలో ఐసీయూలో చికిత్స పొందుతున్న సోదరుడు సత్యనారాయణరావు గైక్వాడ్‌ను పరామర్శించారు. గైక్వాడ్‌ నాలుగు రోజుల క్రితం ఇంట్లో మెట్ల మీద నుంచి అదుపుతప్పి పడిపోయారు. ఆయన తలభాగానికి దెబ్బ తగిలి రక్తస్రావం అయింది. దీంతో ఆస్పత్రిలో చేర్పించారు. వైద్యులు తలకు శస్త్ర చికిత్స చేశారు. ఆయన కోమాలో ఉన్నట్లు తెలుస్తోంది. ఇంకా కళ్లు తెరవలేదని ఆస్పత్రి వర్గాలు తెలిపాయి. షూటింగ్‌లో బిజీగా ఉన్నప్పటికీ రజనీకాంత్‌ వచ్చి వైద్యులతో వివరాలు తెలుసుకున్నారు. తరువాత కనకపుర రోడ్డులోని రవిశంకర్‌ గురు ఆశ్రమానికి వెళ్లి కొంతసేపు గడిపారు. శ్రీకంఠేశ్వరునికి రూ.1.24 కోట్ల ఆదాయం మైసూరు: దక్షిణ కాశీగా పేరొందిన జిల్లాలోని నంజనగూడులో వెలసిన శ్రీకంఠేశ్వర (నంజుండేశ్వర) దేవస్థానానికి నెలవారీ హుండీ లలో రూ.1.24 కోట్ల కానుకలు లభించాయి. హుండీల లెక్కింపు చేపట్టగా, రూ.1 కోటి 24 లక్షల 38 వేల నగదు లభించింది. 25 గ్రాముల బంగారు, 800 గ్రాముల వెండి సొత్తు లభ్యమయ్యాయి. ఆరు దేశాలకు చెందిన 14 కరెన్సీ నోట్లు వచ్చాయి. ఈఓ సీజీ కృష్ణ నేతృత్వంలో బసవేగౌడ, సభ్యులు, బ్యాంక్‌ ఆఫ్‌ బరోడా సిబ్బంది పాల్గొన్నారు. ఉద్యోగులకు డీఏ పెంపు సాక్షి, బెంగళూరు: ప్రభుత్వ ఉద్యోగులకు దీపావళి పండుగ శుభ సందర్భాన సర్కార్‌ తీయని వార్త చెప్పింది. కరువుభత్యాన్ని (డీఏ) 2.25 శాతానికి పెంచింది. రాష్ట్ర ప్రభుత్వ ఉద్యోగులందరికి ఈ జూలై 1 నుంచి ఈ పెంపు డీఏ వర్తించనుంది. దీంతో మొత్తం డీఏ 15.75 శాతం నుంచి 18 శాతానికి పెరిగింది. మహిళ నుంచి రూ.17 లక్షల నగల లూటీ● ఖతర్నాక్‌ అరెస్టు దొడ్డబళ్లాపురం: తక్కువ ధరలో విమాన టికెట్‌ ఇప్పిస్తానని మహిళ నుంచి రూ.17 లక్షల విలువైన బంగారు నగలు దోచిక ఖతర్నాక్‌ ఉదంతమిది. వివరాలు.. అస్సాంకు చెందిన చనువర్‌ అలీ (36) బెంగళూరు బట్టరహళ్లిలో ఉంటున్నాడు. రాజస్థాన్‌కు చెందిన పుష్ప (40) అనే మహిళ అక్టోబర్‌ 14న సింగపూర్‌ నుంచి బెంగళూరుకు వచ్చింది. రాజస్థాన్‌కు వెళ్లడానికి యశవంతపుర రైల్వేస్టేషన్‌లో రైలు కోసం వేచి ఉండగా అక్కడకు వచ్చి పరిచయం చేసుకున్న నిందితుడు తక్కువ ధరకు విమానం టికెట్‌ ఇప్పిస్తానని కారులో తీసుకెళ్లాడు. బాగలూరు వద్ద ఆమె వద్ద ఉన్న బంగారు ఆభరణాలు జాగ్రత్తగా బ్యాగులో ఉంచుకోవాలని మాటల్లో పెట్టి నగల బ్యాగుతో పరారయ్యాడు. బాధితురాలు బాగలూరు పోలీసులకు ఫిర్యాదు చేయగా, సీసీ కెమెరాల చిత్రాల ద్వారా గుర్తించి అతన్ని పట్టుకున్నారు. 117 గ్రాము బంగారు నగలను స్వాధీనం చేసుకున్నారు. ధన్వీర్‌ ఫోన్‌ రీసెట్‌.. డేటా మాయం ● పోలీసుల విచారణలో వెల్లడి ● జైలు ఆడియోలు, వీడియోల కేసు.. బొమ్మనహళ్లి: బెంగళూరు పరప్పన అగ్రహార సెంట్రల్‌ జైలులో ఖైదీలను రాజ కుమారుల్లా చూసుకుంటున్నారని ఫోన్‌లో మాట్లాడిన ఆడియో వైరల్‌ అయిన కేసులో నటుడు ధన్వీర్‌ గౌడపై పోలీసులు విచారణను ముమ్మరం చేశారు. ధన్వీర్‌పై ఇదివరకే నటుడు దర్శన్‌ భార్య పలు ఫిర్యాదులు చేయడం తెలిసిందే. ఫోరెన్సిక్‌ నివేదిక పోలీసులు ధన్వీర్‌ జైలు ఆడియో, వీడియోలున్న మొబైల్‌ఫోన్‌ను ఫోరెన్సిక్‌ ల్యాబ్‌కు పంపగా, సాక్ష్యాల నాశనానికి ప్రయత్నించినట్లు నివేదికలో పేర్కొన్నారు. ఆ ఫోన్‌ను పూర్తిగా ఫ్యాక్టరీ రీసెట్‌ చేసినట్లు, దీనివల్ల జైలులోని వైరల్‌ వీడియోలు, వాట్సాప్‌ చాట్‌లు, ఇతర అంశాలు డిలిట్‌ అయినట్లు తెలిపారు. ఒక న్యాయవాది తనకు జైలు వీడియోలను తనకు పంపినట్లు ధన్వీర్‌ విచారణలో పేర్కొన్నాడు. ధన్వీర్‌కు మరోసారి నోటీసు జారీ చేసి, విచారించే అవకాశం ఉందని తెలుస్తోంది. ఏమిటీ కేసు? పరప్పన చెరసాలలో కొందరు ఖైదీలు దర్జాగా మొబైల్‌ ఫోన్లు వాడుతూ, చిందులు వేస్తున్న వీడియోలు సోషల్‌ మీడియాలో వైరల్‌ అయ్యాయి. దీంతో జైళ్ల లోపల ఏం జరుగుతోందని ఆరోపణలు వచ్చాయి. ఈ వీడియోలను ధన్వీరే వైరల్‌ చేశాడని పోలీసులు విచారణ చేపట్టారు.

బొమ్మనహళ్లి: దీపావళి పండుగ సందర్భంగా ఇంట్లో నేతి మిఠాయిలు చేసుకోవాలనుకుంటే మోత మోగడం ఖాయం. కర్ణాటక మిల్క్‌ ఫెడరేషన్‌ (కేఎంఎఫ్‌) మరోసారి నందిని బ్రాండు పాల ఉత్పత్తుల ధరలను భారీగా పెంచేసింది. ఆర్టీసీ బస్సు చార్జీల మాదిరిగానే బుధవారం అర్ధరాత్రి నుంచి అమల్లోకి వచ్చాయి. వారం కిందటే పాలు, పెరుగు రేట్లపై రూ.10కి పైగా బాదడం తెలిసిందే. ప్రజలు దాని గురించే ఆలోచిస్తూ ఉండగా వెన్న, నెయ్యి, చీజ్‌, పన్నీర్‌ వంటి ధరలనూ అధికం చేయడం గమనార్హం. నగరవాసులు, కాస్త ఆదాయం ఉన్న ఉపయోగించే వీటి ధరల ఆకస్మాత్తుగా సవరించింది. నందిని ఒక లీటరు నెయ్యి ప్యాకెట్‌ ధర రూ.715 ఉంటే, పెంచాక రూ.850 చేరింది. రూ.135 అధికమైంది. భారీగా ధరలు పెంచిన సర్కారు పండుగ ముందు పెనుభారంఎలాంటి ప్రభావం ఉంటుంది? దీపావళి సమయంలో ఇంట్లో మిఠాయిలు చేసుకుంటారు, లేదా షాపుల్లో చేసే మిఠాయిలను కొనుగోలు చేస్తుంటారు. వీటి తయారీలో నెయ్యి, వెన్నను అధికంగా ఉపయోగిస్తారు. ధరల పెంపు వల్ల మిఠాయిల రేట్ల ఎగబాగే అవకాశముంది. నెయ్యి తయారీకి వెన్న అవసరం. అదే వెన్నను బేకరీల వంటకాల తయారీలో అధికంగా వాడతారు. దీంతో బేకరీ తినుబండారాలు సైతం ధరలు పెరుగుతాయనే ఆందోళన ఉంది. అలాగే హోటళ్లలో నెయ్యి, వెన్న వాడి చేసే దోసె, ఇడ్లీ, ఇతర వంటకాల రేట్లను పెంచినా ఆశ్చర్యం లేదు. వంట గ్యాస్‌, పాలు, పెరుగు, ఇతర నిత్యావసరాల ధరలు పెరిగాయంటూ బెంగళూరు హోటళ్లవారు తరచూ రేట్లను బాదడం వల్ల ప్రజలు హోటళ్లకు వెళ్లాలంటే భయపడుతున్నారు. ఇది చూసి ప్రైవేటు సంస్థలు కూడా నెయ్యి, వెన్న రేట్లను పెంచే ప్రమాదం లేకపోలేదు. ఉత్పత్తుల పెంపు వివరాలు.. 1 లీటరు నెయ్యి ప్యాకెట్‌ ధర రూ. 715 నుంచి రూ. 850 కి పెంచారు 1 లీటరు పెట్‌ జార్‌ నెయ్యి రూ.735 నుంచి రూ.870 కి ఉప్పు వెన్న 500 గ్రాములు రూ.310 నుంచి 380 కి ఉప్పు లేని వెన్న 500 గ్రాములు రూ. 330 నుంచి 390 కి పన్నీర్‌ 1 కేజీ రూ.408 నుంచి రూ. 485 పెంపు

మైసూరు: లోకాయుక్త పోలీసులు గురువారం మైసూరు నగరంలోని పశ్చిమ ప్రాంతీయ ఆర్టీఓ కార్యాలయంపై ఆకస్మిక సోదాలు నిర్వహించారు. లోకాయుక్త ఇన్‌స్పెక్టర్‌ గిరీష్‌ నేతృత్వంలోని సిబ్బంది తనిఖీలలో ఆఫీసులో ఐదుగురు ఏజెంట్లు అక్రమంగా పనిచేస్తున్నట్లు గుర్తించారు. వారు ఉద్యోగులకు సహాయంగా రకరకాల పనులు చేస్తున్నారు. విచారించి వారి వివరాలను నమోదు చేసుకున్నారు. అన్ని విభాగాల్లో పెండింగ్‌లో ఉన్న ఫైళ్లను పరిశీలించారు. డ్రైవింగ్‌ లైసెన్స్‌, వాహన రిజిస్ట్రేషన్‌, ఫిట్‌నెస్‌ సర్టిఫికేట్‌, లైసెన్స్‌ పునరుద్ధరణ, బదిలీ వంటి పెండింగ్‌ ఫైళ్లు ఎందుకు ఆలస్యం అవుతున్నాయి అని ఉద్యోగులను విచారించారు. ఏజెంట్లను రానివ్వద్దని, ప్రజలకు సకాలంలో సేవలు అందించాలని ఆదేశించారు. ఏజెంట్ల సేవలపై ఆగ్రహం

బళ్లారిఅర్బన్‌: భారత్‌ స్కౌట్స్‌ అండ్‌ గైడ్స్‌ కర్ణాటక రాష్ట్ర సంస్థ ఆధ్వర్యంలో నవంబర్‌ 4న నిర్వహించిన కలబుర్గి డివిజన్‌ స్థాయి పోటీల్లో బళ్లారి జిల్లా విద్యార్థులు రాణించారు. బళ్లారిలోని సరళాదేవి సతీష్‌ చంద్ర అగర్వాల్‌ ప్రభుత్వ డిగ్రీ కళాశాల రోవర్స్‌ విభాగం విద్యార్థులు జానపద గీతాలాపన పోటీల్లో ప్రథమ స్థానం సాధించి రాష్ట్ర స్థాయి పోటీలకు ఎంపికయ్యారు. సండూరు తాలూకా తోరణగల్లులోని జిందాల్‌ ఆదర్శ విద్యాలయ విద్యార్థులు దేశభక్తి గీతాలాపన పోటీల్లో తృతీయ స్థానం సాధించారు. ఈ పాఠశాలకు చెందిన కబ్‌, బుల్బుల్‌ విభాగాల విద్యార్థులు కూడా పోటీల్లో మూడో స్థానాన్ని కై వసం చేసుకున్నారు. విజేత విద్యార్థులను కళాశాల, పాఠశాల యాజమాన్యాలు, ఉపాధ్యాయులు అభినందించారు. కసాప సమ్మేళన సర్వాధ్యక్షుడికి సన్మానంరాయచూరు రూరల్‌: నగరంలో ఈనెల 14 నుంచి రెండు రోజుల పాటు జరిగే కన్నడ సాహిత్య పరిషత్‌(కసాప) 12వ జిల్లా సమ్మేళన సర్వాధ్యక్షుడు రామణ్ణ హవళెను గురువారం జిల్లా సమ్మేళనం కార్యాధ్యక్షుడు బోసురాజు ఘనంగా సన్మానించారు. ఈసందర్భంగా మాజీ ఎమ్మెల్యే ఏ.పాపారెడ్డి, రంగణ్ణ పాటిల్‌, శాంతప్ప, జయన్న, వీర హనుమాన్‌, రావుత్‌ రావ్‌, సంతోష్‌, బాబు భండారిగళ్‌, తాయప్ప, దండెప్పలున్నారు. ఘనంగా విజయేంద్ర జన్మదిన వేడుక సాక్షి,బళ్లారి: బీజేపీ రాష్ట్ర అధ్యక్షుడు, ఎమ్మెల్యే బీ.వై. విజయేంద్ర జన్మదిన వేడుకలు ఘనంగా జరిగాయి. గురువారం నగర మాజీ ఎమ్మెల్యే గాలి సోమశేఖరరెడ్డి ఆధ్వర్యంలో నగరంలోని కనక దుర్గమ్మ ఆలయంలో ప్రత్యేక పూజలు నిర్వహించిన అనంతరం కేక్‌ కట్‌ చేసి సంబరాలు చేసుకున్నారు. అనంతరం ఆయన మాట్లాడుతూ విజయేంద్ర రాజకీయంగా మరింత ఉన్నత స్థానానికి చేరుకోవాలని, ఆయన మరెన్నో పుట్టిన రోజులు జరుపుకోవాలని ఆకాంక్షిస్తున్నట్లు తెలిపారు. బీజేపీ నాయకులు ఐనాథరెడ్డి, రామలింగప్ప, హంపీ రమణ తదితరులు పాల్గొన్నారు. ఎడమ కాలువకు నీరు వదలండిరాయచూరు రూరల్‌: జిల్లాలో తుంగభద్ర ఎడమ కాలువ నుంచి ఆయకట్టు చివరి భూములకు నీరు వదలాలని ఒత్తిడి చేస్తూ కాలువలపై రైతులు, నేతలు ఆందోళన చేపట్టారని, కాలువలకు వార బందీ పద్ధతి ప్రకారం నీటిని విడుదల చేయాలని ముఖ్యమంత్రికి విధాన పరిషత్‌ సభ్యుడు బాదర్లి బసనగౌడ విన్నవించారు. బుధవారం రాత్రి బెంగళూరులో సీఎం డీ.కే.శివకుమార్‌ను మంత్రి శివరాజ తంగడిగితో కలిసి చర్చించి కాలువల వద్ద ఆందోళన చేపట్టిన విషయాన్ని ఆయన దృష్టికి తెచ్చారు. ఎడమ కాలువ కింద ఆయకట్టు పరిధిలో ఇప్పటికే ఏపుగా పెరిగిన పంటలు ఎండుముఖం పట్టడంతో రైతులు దిక్కుతోచని స్థితిలో ఉన్నారని సీఎంకు తెలిపారు. కాలువకు నీరు వదిలి పంటలను కాపాడి ఆయకట్టు రైతులను ఆదుకోవాలని సీఎంకు మంత్రి, ఎమ్మెల్సీ విజ్ఞప్తి చేశారు. కన్నడ భాషను ప్రోత్సహిద్దాంరాయచూరు రూరల్‌: కన్నడ భాషను ప్రోత్సహిద్దామని అఖిల కర్ణాటక జెస్కాం ఉద్యోగుల సంఘం అధ్యక్షుడు గోపి పేర్కొన్నారు. కర్ణాటక జెస్కాం ఉద్యోగుల సంఘం భవనంలో ఏర్పాటు చేసిన రాష్ట్ర అవతరణ వేడుకను ప్రారంభించి మాట్లాడారు. కన్నడలో మాట్లాడటం ద్వారా భాషాభివృద్ధికి తమ వంతు సహకరించాలని కోరారు.

సాక్షి, బెంగళూరు: రాష్ట్రంలో దుష్ట, లూటీ ప్రభుత్వం అధికారంలో ఉందని బీజేపీ నాయకులు ఆరోపించారు. ఆర్టీసీ బస్సు చార్జీల ధరల పెంపును ఖండిస్తూ బెంగళూరు మెజిస్టిక్‌ బస్టాండులో గురువారం ఆందోళన చేశారు. బీజేపీ పక్ష నేత ఆర్‌.అశోక్‌, ఎమ్మెల్యేలు, నాయకులు చేతిలో భిక్షపాత్ర పట్టుకుని నిరసన తెలిపారు. ఆర్‌.అశోక్‌ మీడియాతో మాట్లాడారు. ప్రభుత్వం గ్యారెంటీ పథకాలకు ఐదారు వేల కోట్ల రూపాయలు చెల్లించాల్సి ఉందని, ఆ డబ్బులు లేక ప్రజలపై భారం మోపుతోందని మండిపడ్డారు. పెట్రోల్‌, డీజిల్‌ ధరలు పెరగలేదని చెప్పడం లేదని, అయితే దాని వల్ల వచ్చిన ఆదాయాన్ని ప్రజలకు తిరిగి ఇవ్వాలని కోరారు. పాలు, పెరుగు, నెయ్యి ఇలా అన్ని ధరలు పెంచారని, సామాన్య ప్రజలు ఏమి తిని బతకాలని అన్నారు. ప్రజల జేబులను సర్కారు పిక్‌ ప్యాకెటింగ్‌ చేస్తోందన్నారు. బస్సు చార్జీలను 30 నుంచి 40 శాతంపెంచడం వల్ల సామాన్య ప్రజలు, విద్యార్థులు, కార్మికులపై ఆర్థికంగా భారం పడుతుందన్నారు. సర్కార్‌ దివాళా తీసిందని, ఆదుకునేందుకు భిక్ష వేయాలని పాటలు పాడుతూ ప్రయాణికుల వద్ద యాచన చేశారు. కొందరు కార్యకర్తలు సీఎం డీకే, రవాణా మంత్రి బైరతి సురేశ్‌ మాస్కులను ధరించారు. ధరల పెంపుపై బెంగళూరు బస్టాండులో బీజేపీ భిక్షాటన

కులాంతర వివాహం చేయించాడని.. సాక్షి,బళ్లారి: కులాంతర వివాహం చేయించాడన్న అక్కసుతో ఆ పెళ్లికి పూజారిగా వ్యవహరించిన వ్యక్తిని దారుణంగా హత్య చేసిన నిందితుడిని బెళగావి జిల్లా సదలగ పోలీసులు అరెస్ట్‌ చేశారు. వివరాలు ఇలా.. మహారాష్ట్రలోని ఇచల కరంజి నివాసి అయిన మందార్‌ అజిత్‌ రాండే హత్యకు గురైన జ్యోతిష్యుడు. ఈయన జ్యోతిష్యం వృత్తితో పాటు వధూవరులకు మధ్యవర్తిగా ఉంటూ పెళ్లిళ్లు నిర్వహించేవారు. మహారాష్ట్రలోని పేరడవాడ నివాసి బాబాసో అలియాస్‌ దీపక్‌ అన్నా మక్కుం కుమార్తె అనుజ(19) గత జనవరి 13న ఇంటి నుంచి వెళ్లిపోయి మహారాష్ట్రలోని శివనాయక్‌ వాడికి చెందిన ఓంకార్‌ అనే యువకుడిని ప్రేమ వివాహం చేసుకుంది. ఈ కులాంతర వివాహాన్ని జ్యోతిష్యుడు మందర్‌ రాండే ముందుండి జరిపించారు. దీంతో ఆక్రోశానికి గురైన పెళ్లి కూతురు తండ్రి దీపక్‌, పెళ్లి జరిపించిన పండితుడిని ఎలాగైనా హత్య చేయాలనే పథకం వేశాడు. ఈ క్రమంలో గత నెల 31న నిందితుడు గుర్తు తెలియని మొబైల్‌ నంబర్‌ నుంచి ఆ జ్యోతిష్యుడుకి ఫోన్‌ చేశారు. తనకు మరో పెళ్లి జరపడానికి మధ్యవర్తి కావాలంటూ అబద్దాలు చెప్పి నమ్మించాడు. నిందితుడి మాటలు నమ్మి వచ్చిన జ్యోతిష్యుడిపై నిందితుడు ఒక్కసారిగా విరుచుకుపడి ఆయన కంట్లో కారం పొడి చల్లారు. ఆ తర్వాత ముందుగానే సిద్ధం చేసుకున్న కొడవలితో మెడపై నరికి పరారయ్యాడు. అక్కడి పోలీసులు కేసు నమోదు చేసి దర్యాప్తు చేపట్టి, నిందితుడిని అరెస్ట్‌ చేసి, అన్ని కోణాల్లో దర్యాప్తు ముమ్మరం చేస్తున్నారు. నిందితుడి అరెస్టు బెళగావి జిల్లాలో ఘోరం

● డ్రైవర్‌, క్లీనర్లకు తీవ్ర గాయాలు హుబ్లీ: ఉల్లిగడ్డల లోడ్‌తో వెళుతున్న లారీ డ్రైవర్‌ అదుపు తప్పి పైవంతెన నుంచి కిందకు బోల్తా పడటంతో ఆ లారీ డ్రైవర్‌, క్లీనర్‌ తీవ్రంగా గాయపడిన ఘటన కొప్పళ తాలూకా మునిరాబాద్‌ వద్ద జాతీయ రహదారిలో చోటు చేసుకుంది. ఇద్దరి పరిస్థితి విషమంగా ఉందని తెలిసింది. లారీ హొసపేటె వైపు నుంచి కుష్టిగి వైపునకు వెళుతుండగా మునిరాబాద్‌ సమీపంలో జాతీయ రహదారిలో ఈ ప్రమాదం జరిగింది. గాయపడిన డ్రైవర్‌, క్లీనర్లను కొప్పళ జిల్లా ఆస్పత్రికి తరలించి చికిత్స అందిస్తున్నారు. ఘటన స్థలానికి చేరుకుని పరిశీలించిన మునిరాబాద్‌ పోలీసులు కేసు నమోదు చేసుకొని దర్యాప్తు చేపట్టారు. వృద్ధురాలికి పసిబిడ్డ ● సోషల్‌ మీడియాలో వ్యూస్‌ కోసం నకిలీ వీడియో హల్‌చల్‌ హుబ్లీ: జిల్లాలోని కలఘటిగి తాలూకా బుగేనాగరకొప్ప గ్రామానికి చెందిన 70 ఏళ్ల వృద్ధురాలు ఫక్కీరమ్మ మగ బిడ్డకు జన్మనిచ్చిన విషయంపై ఓ వీడియో సోషల్‌ మీడియాలో తీవ్రంగా వైరల్‌ అవుతోంది. వీడియోలో సదరు జన్మదాత అయిన వృద్ధురాలు ఫక్కీరమ్మ నాకు బిడ్డను ఆ దేవుడే ఇచ్చాడని చెబుతోంది. కొందరు మహిళలు ఆ వృద్ధురాలిని నానా రకాల ప్రశ్నలు అడుగుతున్నారు. అయితే ప్రస్తుతం నిజాలు వెలుగులోకి రావడంతో లైక్స్‌, వ్యూస్‌, ఫేక్‌ రీల్స్‌ కోసమే ఈ నాటకం ఆడినట్లు తెలిసింది. కలఘటిగి తాలూకా ప్రభుత్వ ఆస్పత్రిలో ఆ వృద్దురాలు తన పక్కన నవజాత శిశువును పెట్టుకొని ఈ వీడియో చేశారు. తానే ఈ బిడ్డకు తల్లిని. దేవుడే కరుణించాడు అని ఆ వృద్ధురాలు మాట్లాడటం ఆ వీడియోలో కనిపించింది. అయితే ఇదంతా బూటకపు రీల్స్‌ వీడియో అని తేలడంతో మండిపడుతున్నారు. వాల్మీకి జీవితం ఆదర్శప్రాయం బళ్లారి రూరల్‌ : మహర్షి వాల్మీకి జీవితం అందరికీ ఆదర్శప్రాయమని బళ్లారి దంతవైద్య కళాశాల ప్రిన్సిపాల్‌ డాక్టర్‌ భారతి తెలిపారు. బుధవారం బళ్లారి దంతవైద్య కళాశాల పరిశోధన కేంద్రంలో ఏర్పాటు చేసిన మహర్షి వాల్మీకి జయంతి కార్యక్రమంలో పాల్గొని ఆమె మాట్లాడారు. వాల్మీకి రచించిన మహాగ్రంథం రామాయణం మహత్తరమైనదని తెలిపారు. డాక్టర్‌ ప్రియాంక మాట్లాడుతూ మహర్షి వాల్మీకి తన జీవితంలో సత్యం, ధర్మం, న్యాయం, ప్రేమ, మానవీయ విలువలకు అధిక ప్రాధాన్యతను ఇచ్చారన్నారు. జయంతిని బీఎంసీఆర్‌సీ డీన్‌ అండ్‌ డైరెక్టర్‌ డాక్టర్‌ మరిరాజ్‌ జీర్‌ ప్రారంభించారు. దంతవైద్య కళాశాల వైద్యులు, వైద్యవిద్యార్థులు పాల్గొన్నారు. మాదక వస్తువులపై జాగృతి జాతారాయచూరు రూరల్‌ : మాదక వస్తువుల బెడదను నియంత్రించాలని జిల్లాధికారిణి పూవిత పిలుపునిచ్చారు. బుధవారం జిల్లా ఆరోగ్యాధికారి కార్యాలయం వద్ద మాదక వ్యసనాల నుంచి విముక్తిపై ఏర్పాటు చేసిన జాగృతి జాతాను ప్రారంభించి ఆమె మాట్లాడారు. యువత డ్రగ్స్‌కు అలవాటు పడరాదన్నారు. జాతాలో ఎస్పీ అరుణాంగ్శు గిరి, జిల్లా ఆరోగ్యాధికారిణి నందిత, డాక్టర్లు రమేష్‌, గణేష్‌, షాకీర్‌, సరోజ, సంధ్య, సురేష్‌ పాల్గొన్నారు. సర్‌ను సక్సెస్‌ చేయాలిరాయచూరు రూరల్‌: జిల్లాలో ఓటరు జాబితా వివరాల సేకరణ(సర్‌)ను విజయవంతం చేయాలని జిల్లాధికారిణి పూవిత పేర్కొన్నారు. బుధవారం జిల్లాధికారి కార్యాలయంలో ఓటరు జాబితాలో వివరాల సేకరణ–2027పై అధికారులకు, సిబ్బందికి ఏర్పాటు చేసిన శిక్షణా శిబిరాన్ని ప్రారంభించి ఆమె మాట్లాడారు. 2011లో జనాభా లెక్కల సేకరణను మాన్యువల్‌గా చేశారని, నేడు డిజిటల్‌ ద్వారా చేపట్టారన్నారు. 10 ఏళ్లకు ఒకసారి జరిగే జనాభా లెక్కల సేకరణలో అధికారులు బాధ్యతాయుతంగా పని చేయాలన్నారు. జడ్పీ సీఈఓ ఈశ్వర్‌ కుమార్‌, నోడల్‌ అధికారులు సుదర్శన్‌, బేగం, సోమలింగప్ప, రోణ, నాగేంద్ర, సదాశివప్ప, బసవణ్ణప్ప, గోపాల్‌ తదితరులు పాల్గొన్నారు.

దొడ్డబళ్లాపురం: ఇంట్లో తన కుమార్తెతో పట్టుబడిన పనిమనిషిని దారుణంగా హత్య చేశాడో వ్యాపారి. ఈ సంఘటన బెంగళూరులోని యలహంక పోలీస్‌స్టేషన్‌ పరిధిలో జరిగింది. కేరళలోని పాలక్కాడ్‌కు చెందిన కిరణ్‌ (24) హతుడు కాగా, తమిళనాడుకు చెందిన ఆనంద్‌ (45) నిందితుడు. వివరాలు.. ఆనంద్‌ స్వీట్‌కార్న్‌, తినుబండారాల తయారీ ఫ్యాక్టరీ నిర్వహిస్తున్నాడు. అతని వద్ద కిరణ్‌ కొన్నేళ్లుగా పని చేస్తున్నాడు. ఆనంద్‌ పెద్ద కుమార్తె (19) మైసూరులో పీయూసీ చదవుతూ ఇటీవల సెలవులపై ఇంటికి వచ్చింది. ఆమెతో కిరణ్‌కు చనువు పెరిగి శారీరక సంబంధానికి దారితీసింది. ఊరికి వెళ్తున్నామని చెప్పి.. మంగళవారం ఉదయం పనిమీద తమిళనాడుకు వెళ్తానని చెప్పి ఆనంద్‌ దంపతులు వెళ్లిపోయారు. అయితే రాత్రికి హఠాత్తుగా తిరిగివచ్చారు. ఆ సమయంలో ఇంట్లో కుమార్తెతో కిరణ్‌ ఏకాంతంగా ఉండడం చూసిన ఆనంద్‌ అగ్రహోదగ్రుడయ్యాడు. కుమార్తెను భార్యతో బంధువుల ఇంటికి పంపించాడు. కిరణ్‌ని ఇంట్లోనే నిర్భంధించి బ్యాట్‌తో చితకబాదడంతో కుప్పకూలిపోయాడు. ఆనంద్‌ అతన్ని ఆటోలో ఆస్పత్రికి తీసికెళ్లగా అప్పటికే చనిపోయాడని వైద్యులు తెలిపారు. ఆస్పత్రి సిబ్బంది ఇచ్చిన సమాచారంతో పోలీసులు విచారించగా అంతా బయటపడింది. మృతదేహాన్ని ఆస్పత్రికి తరలించి కేరళలోని కుటుంబీకులకు సమాచారమిచ్చారు. మరోవైపు నిందితున్ని అరెస్టు చేశారు. పనిచేసే యువకుని హత్య తన కూతురితో సాన్నిహిత్యం చూసి దుశ్చర్య

హొసపేటె: విజయనగర జిల్లా హూవినహడగలిలో పాల ధరల పెంపునకు వ్యతిరేకంగా బీజేపీ మహిళా మోర్ఛా ఆధ్వర్యంలో భారీ నిరసన ర్యాలీ చేపట్టారు. రాష్ట్ర ప్రభుత్వం పెంచిన పాల ధరను వెంటనే వెనక్కి తీసుకోవాలని డిమాండ్‌ చేస్తూ, రాష్ట్ర ప్రభుత్వానికి వ్యతిరేకంగా నినాదాలు చేస్తూ పట్టణంలో మహిళా కార్యకర్తలు పెద్ద ఎత్తున రోడ్డెక్కారు. ఇప్పటికే నిత్యావసర వస్తువుల ధరలతో సామాన్య ప్రజలు ఇబ్బందులు పడుతున్నారన్నారు. ఇప్పుడు పాల ధరల పెంపు పేద కుటుంబాలపై మరింత ఆర్థిక భారం మోపుతోందని బీజేపీ నాయకులు అన్నారు. పెంచిన పాల ధరను తక్షణమే ఉపసంహరించుకోవాలని డిమాండ్‌ చేస్తూ తహసీల్దార్‌ ద్వారా రాష్ట్ర ప్రభుత్వానికి వినతిపత్రం అందజేశారు. మాజీ ఎమ్మెల్యే నందిహళ్లి హాలప్పతో పాటు పలువురు బీజేపీ నాయకులు, మహిళా మోర్ఛా నాయకురాళ్లు, పార్టీ కార్యకర్తలు పాల్గొన్నారు. పెంచిన ధరను వెంటనే విరమించాలి హూవినహడగలిలో భారీ నిరసన ర్యాలీ

సాక్షి,బళ్లారి: చిరుత దాడి చేసి ఓ వ్యక్తిని దారుణంగా చంపిన ఘటన బుధవారం తెల్లవారుజామున చిత్రదుర్గ జిల్లా చెళ్లకెరె తాలూకా దొడ్డచెల్లూరు గ్రామంలో జరిగింది. గ్రామస్తుడు రామచంద్రప్ప (65) గ్రామ శివారులోని తన ఇంటి నుంచి బయటకు రావడంతో చిరుత ఉన్నఫళంగా దాడి చేసి తీవ్రంగా గాయపరిచింది. దీంతో అక్కడికక్కడే రక్తపు మడుగులో పడిపోయారు. దీంతో గ్రామస్తులు గుర్తించి పోలీసులకు సమాచారం అందించారు. స్థానిక పోలీసులు రంగంలోకి దిగి చిరుత కోసం గాలింపు చేపట్టారు. ఈ ప్రాంతంలో చిరుతల దాడులు పెరిగిపోవడంతో రైతులు భయాందోళన చెందుతున్నారు. వ్యవసాయాన్ని నమ్ముకుని పంట పొలాలను కాపాడుకునేందుకు రైతులు పొలాలకు వెళ్లినప్పుడు చిరుతలు దాడి చేస్తున్నాయని రైతులు కన్నీరు పెట్టుకున్నారు. అటవీశాఖ అధికారులు ఈ ప్రాంతంలో చిరుతలను పట్టుకుని లేకుండా చేయాలని కోరుతున్నారు. ఈ ఘటనతో మృతుడి కుటుంబంలో తీవ్ర విషాదం చోటు చేసుకుంది. వ్యవసాయమే జీవనాధారంగా ఎంచుకుని పంటలు సాగు చేస్తూ పొలంలోనే ఇళ్లు కట్టుకుని జీవించే ఓ రైతు చిరుత దాడిలో మృతి చెందడం గ్రామస్తులను కంటతడి పెట్టించింది. చెళ్లకెర తాలూకాలో ఘోరం భయాందోళనలో గ్రామస్తులు

సాక్షి,బళ్లారి: కేంద్ర, రాష్ట్ర ప్రభుత్వాలు షెడ్యూల్డ్‌ కులాలు(ఎస్సీ), షెడ్యూల్డ్‌ తెగల (ఎస్టీ) పారిశ్రామికవేత్తలకు కల్పిస్తున్న వివిధ రకాల సౌకర్యాలు, ప్రభుత్వం కొనుగోలులో కల్పించిన 4 శాతం రిజర్వేషన్‌ ప్రయోజనాలు అర్హులైన పారిశ్రామికవేత్తలకు పూర్తిగా చేరడం లేదని మైసూరు ఆటోమోటివ్‌ ఛాంబర్‌ ఆఫ్‌ సంస్థ డైరెక్టర్‌ ఆర్‌. మంజునాథ్‌ పేర్కొన్నారు. ఈనేపథ్యంలో ప్రభుత్వ పథకాలపై అవగాహన కల్పించడంతో పాటు యువతను స్వయం ఉపాధి, పారిశ్రామిక రంగం వైపు ప్రోత్సహించాలన్న లక్ష్యంతో ఈనెల 17న నగరంలోని నక్షత్ర హోటల్‌లో ప్రత్యేక శిబిరం నిర్వహిస్తున్నామన్నారు. బుధవారం నగరంలోని ప్రెస్‌క్లబ్‌లో ఆయన విలేకరులతో మాట్లాడారు. ఆ రోజున నిర్వహించే శిబిరంలో నేషనల్‌ ఎస్సీ, ఎస్టీ హబ్‌, ఎంఎస్‌ఎంఈ, జిల్లా పరిశ్రమల కేంద్రం(డీఐసీ), పవర్‌ గ్రిడ్‌, ఎన్‌ఎండీసీ, ఎఫ్‌సీఐ తదితర కేంద్ర, రాష్ట్ర ప్రభుత్వాల సహకారంతో నిపుణులైన అధికారులు పాల్గొంటారన్నారు. ఇప్పటికే పరిశ్రమలు, వ్యాపారాలు నిర్వహిస్తున్న వారితో పాటు కొత్తగా పరిశ్రమల స్థాపించాలనే యువకులు శిబిరంలో పాల్గొనాలన్నారు. ముఖ్యంగా ఎస్సీ, ఎస్టీ పారిశ్రామికవేత్తలకు కేంద్రం ప్రభుత్వం కొనుగోలు విధానం కింద అందుబాటులో ఉన్న 4 శాతం రిజర్వేషన్‌ ప్రయోజనాలను ఎలా పొందాలి, టెండర్ల ప్రక్రియలో ఎలా పాల్గొనాలి? అనే అంశాలపై అవగాహన కల్పిస్తామన్నారు. ఒక రోజు శిక్షణ శిబిరానికే పరిమితం కాదని, భవిష్యత్తులో కొత్త పరిశ్రమలను స్థాపించే వారికి తమ సంస్థ పూర్తి సహకారం అందిస్తుందన్నారు. పెట్రోల్‌ బంక్‌ యజమాని జోళదరాశి తిమ్మప్ప, రామకృష్ణ తదితరులు పాల్గొన్నారు.

రాయచూరు రూరల్‌: రాష్ట్రంలో అధికంగా చెరకు పంట పండించే బెళగావి జిల్లాలో రైతులు తాము పండించిన చెరకుకు మద్దతు ధర ప్రకటించాలంటూ రోడ్డెక్కారు. ఆరుగాలం కష్టపడి పండించిన పంటకు తోడు రెక్కాడితే కాని డొక్కాడని స్థితిలో రైతులు కొట్టుమిట్టాడుతున్నారు. ఏడాది పాటు పంట పండించిన రైతుకు గిట్టుబాటు ధర లేదు. మద్దతు ధర కోసం పారిశ్రామికవేత్తలు, సర్కార్‌కు వ్యతిరేకంగా నినాదాలు చేశారు. మహారాష్ట్రలో చెరకు రైతులకు రూ.3,750 ధర లభిస్తోంది. కర్ణాటకలో చెరకు నియంత్రణ మండలి ఉన్నా ఫలితం లేదనే భావన రైతుల్లో నెలకొంది. రాష్ట్రంలో చెరకు నియంత్రణ మండలి రైతుల తరఫున కాకుండా కేవలం పారిశ్రామికవేత్తలకు తొత్తుగా మారిందని, రైతులకు మరణ శాసనంగా మారిందని ఆరోపిస్తున్నారు. ప్రతి టన్నుకు రూ.3,500 ధర కేటాయించాలని రైతులు పట్టు పట్టారు. బెళగావి జిల్లాలో 2.90 లక్షల హెక్టార్లలో చెరకును పండించారు. గతంలో జిల్లాలో 29 చెరకు పరిశ్రమలకు కోటి 7 లక్షల 91 వేల 376 టన్నుల చెరకును తరలించగా, 8 లక్షల 77 వేల 357 టన్నుల చక్కెరను ఉత్పత్తి చేశారన్నారు. 2024–25లో 81 చెరుకు పరిశ్రమలకు 5 కోట్ల 40 లక్షల టన్నుల చెరకును సరఫరా చేయగా, దీని నుంచి 41 లక్షల టన్నుల చక్కెర ఉత్పత్తి అయిందన్నారు. సర్కార్‌కు వ్యతిరేకంగా నినాదాలు డిమాండ్‌ తీర్చాలంటున్న చెరకు రైతులు

దొడ్డబళ్లాపురం: బెంగళూరులోని మౌంట్‌ కార్మెల్‌ కళాశాలకు చెందిన విద్యార్థి పరీక్షా కేంద్రానికి ఏఐ గ్లాస్‌ వచ్చి దొరికిపోయాడు. వివరాలు.. పరీక్షలు జరుగుతుండగా, మంగళవారంనాడు ఓ విద్యార్థి మోసపూరితంగా ఏఐ సాంకేతికత కలిగిన అద్దాలను పెట్టుకుని వచ్చాడు. ప్రశ్నాపత్రంలోని ప్రశ్నలకు ఆ గ్లాసెస్‌ ద్వారా జవాబులను కనుక్కోవాలనుకున్నాడు. అనుమానం వచ్చి ఇన్విజిలేటర్‌ పరిశీలించగా అది ఏఐ స్మార్ట్‌ కళ్లద్దాలుగా తేలింది. దీంతో అతన్ని పై అధికారులకు అప్పగించారు. ఆ గ్లాస్‌ ధర రూ.34 వేలని తెలిసింది. అతన్ని డీబార్‌ చేశారు. పసిపిల్లల నోట్లో మట్టి ● అంగన్‌వాడీ సరుకుల దొంగ రవాణా మైసూరు: అంగన్‌వాడీ కేంద్రాల్లో పిల్లల నోట్లోకి చేరాల్సిన పౌష్టిక ఆహార పదార్థాలను అక్రమంగా తరలిస్తున్న వాహనాన్ని మైసూరు ఎన్‌ఆర్‌ స్టేషన్‌ పోలీసులు పట్టుకున్నారు. ఉదయగిరి వద్ద నిన్నా మసీదు రోడ్డులోని అంగన్‌వాడీ కేంద్రం ఆహార పదార్థాలను అక్రమంగా తరలిస్తున్నట్లు శిశు అభివృద్ధి యోజనాధికారి అభికుమార్‌కు సమాచారం అందగా పోలీసులతో కలిసి దాడి చేశారు. ఓ గూడ్స్‌ ఆటోను అడ్డుకోగా, ఆటోని అక్కడే వదిలి డ్రైవర్‌ పరారయ్యాడు. ఆటోని తనిఖీ చేయగా 29 కేజీల చక్కెర, 95 ప్యాకెట్ల పాల పొడి, 37 ప్యాకెట్ల పెసరపప్పు, 96 కేజీల పుష్టి పౌడర్‌, 60 కేజీల మిల్లెట్‌ లడ్డూ, 20 కేజీల సారవర్థకం బయటపడ్డాయి. అంగన్‌వాడీ కేంద్రం సిబ్బంది కుమ్మక్కయినట్లు తెలుస్తోంది. వాటిని బయట మార్కెట్లలో అధిక రేట్లకు అమ్మి సొమ్ము చేసుకునేవారని అనుమానాలున్నాయి. నిందితుల కోసం విచారణ చేపట్టారు. ప్రదోష్‌కు షరతుల బెయిల్‌ ● ఉదయం బయటకు వెళ్లి సాయంత్రం జైలుకు రావాలి యశవంతపుర: తీవ్ర సంచలనాత్మక చిత్రదుర్గ రేణుకాస్వామి హత్య కేసులో జైల్లో ఉన్న 14వ నిందితుడు, అప్రూవర్‌ ప్రదోష్‌కు హైకోర్టు బెయిలిచ్చింది. తన తండ్రి వార్షిక పుణ్యతిథి కోసం బెయిలు కావాలని అర్జీ దాఖలు చేయగా న్యాయమూర్తి అనంత్‌ రామనాథ్‌ హెగ్డే ఆమోదించారు. ప్రదోష్‌కు బెయిల్‌ ఇవ్వవద్దని 2వ నిందితుడు, నటుడు దర్శన్‌ తరఫున న్యాయవాది తీవ్రంగా వాదనలు చేసినా ఫలించలేదు. ఈ నెల 7 నుంచి 12 వరకు ప్రదోష్‌కు షరతులతో కఠిన బెయిలు మంజూరైంది. రోజూ ఉదయం 8 గంటల జైలు నుంచి బయటకు వెళ్లి, సాయంత్రం 6 గంటలకు మళ్లీ జైల్లోకి చేరాలని జడ్జి ఆదేశించారు. ఆయన వెంట పోలీసు బెటాలియన్‌ కాపలాగా ఉంటుంది. పుణ్యతిథికి వచ్చే వ్యక్తులు, పురోహితుల వివరాలను ఇవ్వాలని జడ్జి సూచించారు. బంధువులతోను, ఇతరులతోనూ మాట్లాడకుండా కార్యక్రమం చేసుకోవాలని స్పష్టం చేశారు. రూ.40 కోట్లతో... సాహుకార్‌ ప్లాన్‌ యశవంతపుర: కేపీఎస్‌సీ ఉద్యోగాల బాగోతంలో నిందితుడు, ఆ సంస్థ మాజీ అధ్యక్షుడు శివశంకరప్ప సాహుకార్‌ సంపాదించిన ఆస్తులపై ఆశ్చర్యకర సంగతులు బయటపడుతున్నాయి. సుమారు రూ.40 కోట్ల వ్యయంతో భారీ పెట్టుబడి పథకాన్ని సిద్ధం చేసినట్లు తెలిసింది. ఇంటిలో లభించిన పత్రాల ఆధారంగా యాదగిరి జిల్లా మాదర్కి గ్రామంలో 8 ఎకరాలలో ప్రైవేటు పాఠశాల, కాలేజీతో పాటు ఆస్పత్రి, రెస్టారెంట్‌ను నిర్మించాలని బ్లూప్రింట్‌ను రూపొందించాడు. కేపీఎస్‌సీ ద్వారా ఆర్జించిన సొమ్మును ఇలా ఉపయోగించాలని అనుకున్నాడు. బెంగళూరులో భారీ వర్షం దొడ్డబళ్లాపురం: గత కొన్ని రోజులుగా బెంగళూరులో సెలవు తీసుకున్న వరుణుడు బుధవారంనాడు గర్జించాడు. ఉదయం నుంచి మెజెస్టిక్‌, మైసూరు బ్యాంక్‌ సర్కిల్‌, కార్పొరేషన్‌ సర్కిల్‌, విధానసౌధ, కేఆర్‌ సర్కిల్‌ చుట్టుపక్కల వర్షం ఎడతెరిపి లేకుండా కురిసింది. దీంతో పనుల కోసం బయటకు వచ్చిన జనం తీవ్ర ఇబ్బందులు పడ్డారు. రోడ్లన్నీ జలమయం అయ్యాయి. బెంగళూరు, దక్షిణ ప్రాంత జిల్లాలకు మూడు రోజులపాటు భారీ వర్ష సూచన ప్రకటించారు. రామనగర జిల్లాలోనూ వర్షాలు కురిశాయి.

మైసూరు: మానమృగంలా మారి భార్య, కూతురును హత్య చేసిన సాఫ్ట్‌వేర్‌ ఇంజనీరుకి మైసూరు రెండో అదనపు జిల్లా సెషన్స్‌ న్యాయస్థానం జీవిత ఖైదు శిక్షను విధించింది. మైసూరు విజయనగర బసవనహళ్లి నివాసి ప్రజ్వల్‌ అలియాస్‌ రామచంద్ర (43) శిక్షపడ్డ దోషి. ఉద్యోగం వదిలేసి.. వివరాలు.. ప్రజ్వల్‌ బెంగళూరు ఐటీ ఇంజనీరుగా పనిచేసేవాడు. అయితే కొన్ని కారణాల వల్ల ఉద్యోగం మానేసి మైసూరుకు వచ్చారు. పని లేకుండా మద్యానికి అలవాటు పడడంతో ఇంట్లో గొడవలు జరుగుతున్నాయి. భార్య సవిత (38)తో తరచూ ఘర్షణ పడుతూ మీ ఇంటి నుంచి డబ్బులు, ఆస్తిలో వాటా తీసుకుని రావాలని వేధించేవాడు. 2017, మే 23న సవితా పడుకున్న గదిలోకి వెళ్లి కత్తితో దాడి చేసి చంపేశాడు. బయట ఆడుకుంటూ ఉన్న కుమార్తె సించన (9)ని లోపలకు పిలిచి బాలికను కూడా కిరాతకంగా కత్తితో పొడిచి ప్రాణాలు తీశాడు. మృతదేహాలను పై అంతస్తులోకి తరలించాడు. ఆత్మహత్యాయత్నం చేసి.. మృతదేహాలతో పాటు ఉండి మూడో రోజు చనిపోవాలని క్రిమినాశక మందును తెచ్చుకున్నాడు. అయితే దానిని తాగలేక, కత్తితో చేయిని కోసుకుని ఆత్మహత్యాయత్నం చేశాడు. చివరకు ఇరుగుపొరుగు చూసి విజయనగర పోలీసులకు సమాచారమిచ్చారు. వారు ఆ మృతదేహాలను, అతనిని ఆస్పత్రికి తరలించారు. చికిత్స తరువాత కోలుకున్నాడు. పోలీసులు విచారించి నిందితుడిపై చార్జ్‌షీట్‌ దాఖలు చేశారు. అప్పటి నుంచి విచారణ సాగుతోంది. నేరం నిర్ధారణ కావడంతో బుధవారం న్యాయస్థానం ఆ ముద్దాయికి యావజ్జీవ జైలు శిక్షతో పాటు రూ.50 వేల జరిమానా విధించింది. మైసూరులో భార్యా బిడ్డను చంపిన టెక్కీ.. ఆ కేసులో కఠిన శిక్ష విధించిన కోర్టు

రాయచూరు రూరల్‌: జిల్లాలో భూ రికార్డుల్లో జరిగిన తప్పులను సరిదిద్దాలని విద్యా సంఘం పోరాట సమితి అధ్యక్షురాలు రూప డిమాండ్‌ చేశారు. బుధవారం జిల్లాధికారి కార్యాలయం వద్ద చేపట్టిన ఆందోళనలో ఆమె మాట్లాడారు. జిల్లా భూ మాపన అధికారి పేదవారి భూములను అక్రమంగా తమ పేరు మీద రాయించుకున్న వాటిని రద్దు చేయాలన్నారు. సర్వే నంబర్‌– 911–7 లో 6 సెంట్ల భూమిని 4 సెంట్ల భూమిగా రికార్డుల్లో తప్పుగా నమోదు చేశారని, దానిని సరి చేయాలన్నారు. అక్రమంగా తమ పేరు మీద రాయించుకున్న భూములను తిరిగి పేదల పేరిట చేర్చాలని కోరుతూ జిల్లాధికారిణి పూవితకు వినతిపత్రం సమర్పించారు.

● ప్రియురాలి దారుణ హత్య ● పారామిలిటరీ కానిస్టేబుల్‌ అరెస్టు సాక్షి,బళ్లారి: ప్రేయసిని నిర్మానుష్య ప్రాంతానికి తీసుకెళ్లి దారుణంగా హత్య చేసిన ఘటన ఇది. ప్రేమించిన యువతిని ఓ కానిస్టేబుల్‌ ఎవరూ లేని ప్రాంతానికి తీసుకెళ్లి ఆమె ఊపిరి తీశారు. రక్షిత సారిక అనే యువతిపై పారామిలటరీ కానిస్టేబుల్‌ బసప్ప ఈ దారుణానికి పాల్పడ్డారు. ధార్వాడ జిల్లా హారోగేరి గ్రామానికి చెందిన రక్షితతో బసప్ప ప్రేమలో పడ్డాడు. గత నాలుగేళ్ల నుంచి పరస్పరం వీరిద్దరూ ప్రేమించుకునే వారు. గత నెల 28న బయట షికారుకు వెళ్లి వద్దామని పిలిచి, ఎవరూ లేని ప్రాంతానికి నమ్మించి తీసుకెళ్లి ఈ అకృత్యానికి పాల్పడ్డాడు. హత్యానంతరం కానిస్టేబుల్‌ బసప్ప ఏమీ ఎరగనట్లుగా తన గ్రామానికి వెళ్లిపోయాడు. అంతేకాకుండా నిందితుడు బసప్ప వివిధ రకాలుగా నాటకాలు ఆడాడు. ఎవరికీ తనపై ఎలాంటి అనుమానం రాకుండా ఉండేలా ప్రేయసి సోదరుడితో కలిసి ఆమె కోసం గాలింపులో కూడా పాలుపంచుకున్నాడు. రక్షిత సోదరుడు తన సోదరి అదృశ్యంపై స్థానిక పోలీసులకు ఫిర్యాదు చేశారు. దీంతో కేసు దర్యాప్తులో భాగంగా అనుమానంతో బసప్పను పోలీసులు స్టేషన్‌కు పిలిపించి తమదైన శైలిలో విచారణ చేయగా, తానే రక్షితను హత్య చేసినట్లు బసప్ప అసలు విషయం ఒప్పుకున్నాడు. పోలీసులు అతనిని అరెస్ట్‌ చేసి హత్యకు గల ప్రధాన కారణాలపై కేసు దర్యాప్తు చేస్తున్నారు. రూ.25 లక్షలతో రాఘవ సరోవర్‌కు శ్రీకారంరాయచూరు రూరల్‌: మంత్రాలయంలో రూ.25 లక్షలతో రాఘవ సరోవర్‌ పథకానికి మంత్రాలయం రాఘవేంద్ర స్వామి మఠం పీఠాధిపతి సుబుదేంద్ర తీర్థ శ్రీపాదంగళ్‌ భూమిపూజ చేశారు. బుధవారం మంత్రాలయంలో 25 ఎకరాల స్థలంలో బెంగళూరు ఎంపీ మంజునాథ్‌ ఆర్థిక సహాయంతో రాఘవ సరోవర్‌ నిర్మాణ పనులకు ఆయన శ్రీకారం చుట్టారు. మఠం సిబ్బంది పాల్గొన్నారు. కసాప సమ్మేళనం ఆహ్వానపత్రిక విడుదలరాయచూరు రూరల్‌: నగరంలో ఈనెల 15 నుంచి రెండు రోజుల పాటు కన్నడ సాహిత్య పరిషత్‌(కసాప)12వ జిల్లా సమ్మేళనాన్ని నిర్వహిస్తున్నట్లు సమ్మేళనం కార్యాధ్యక్షుడు బోసురాజు పేర్కొన్నారు. ఆయన బుధవారం కన్నడ భవనంలో కసాప జిల్లా సమ్మేళనం ఆహ్వాన పత్రికను విడుదల చేసి విలేఖర్ల సమావేశంలో మాట్లాడారు. నగరంలోని పండిత సిద్దరామ జంబలదిన్ని రంగ మందిరంలో రాష్ట్ర చిన్న నీటిపారుదల శాఖ మంత్రి అజయ్‌సింగ్‌ సమ్మేళనాన్ని ప్రారంభిస్తారన్నారు. జిల్లా సమ్మేళనంలో ఆరు కవిగోష్టులను ఏర్పాటు చేశామన్నారు. మహిళా సమాజం నుంచి సర్వాధ్యక్షుడు రామణ్ణ హవళేను రంగమందిరం వరకు ఊరేగిస్తారన్నారు. రంగణ్ణ పాటిల్‌, జయన్న, బాబు భండారిగళ్‌, వీర హనుమాన్‌, రావుత్‌ రావ్‌, సంతోష్‌, తాయప్ప, ప్రతిభ పాల్గొన్నారు. బీసీలకు రిజర్వేషన్లు కల్పించండిరాయచూరు రూరల్‌: జిల్లాలో వెనుక బడిన వర్గాలకు రాజకీయంగా రిజర్వేషన్లు కల్పించాలని వెనుక బడిన వర్గాల న్యాయవాదుల సంఘం సంచాలకుడు శ్రీకాంత్‌ డిమాండ్‌ చేశారు. బుధవారం పాత్రికేయుల భవనంలో ఏర్పాటు చేసిన విలేఖర్ల సమావేశంలో ఆయన మాట్లాడారు. త్వరలో జరగనున్న స్థానిక సంస్థల ఎన్నికల్లో వెనుక బడిన వర్గాలకు సమానంగా రిజర్వేషన్లు కోటాలో టికెట్లను కేటాయించాలన్నారు. వెనుక బడిన వర్గాల కోటాలో 33 శాతం మేరకు రిజర్వేషన్లు కల్పించడానికి రాజకీయ పార్టీలు, సర్కార్‌ ముందుకు రావాలన్నారు. సర్‌తో దేశ ఓటర్లు తప్పుదోవరాయచూరు రూరల్‌: దేశ వ్యాప్తంగా జరుగుతున్న ఓటరు నమోదు ప్రక్రియ(సర్‌) తప్పుదోవ పట్టించిందని జనపర వేదిక సంచాలకుడు మారెప్ప ఆరోపించారు. బుధవారం పాత్రికేయుల భవనంలో ఏర్పాటు చేసిన విలేఖర్ల సమావేశంలో ఆయన మాట్లాడారు. సర్‌తో ఓటర్లను దారి తప్పించే ప్రయత్నం చేశారన్నారు. దేశంలో ఐదు కోట్ల మంది పేర్లు తొలగి పోవడం, కర్ణాటకలో 1 లక్షకు పైగా ఓట్లు తొలగి పోవడంతో భవిష్యత్తులో జరిగే స్థానిక సంస్థల ఎన్నికల్లో ఇబ్బందులు తలెత్తుతాయన్నారు. భారత ఎన్నికల ప్రధాన కమిషనర్‌ జ్ఞానేష్‌ కుమార్‌ను డిిస్మిస్‌ చేయాలని డిమాండ్‌ చేశారు.

సాక్షి, బెంగళూరు: జనం ఊహించిన భయం నిజమైంది. ధరల పెరుగుదలతో ఉక్కిరిబిక్కిరి అవుతున్న ప్రజలు ఆర్టీసీ బస్సు ప్రయాణం చేయాలంటే మరింత ఖర్చు పెట్టుకోవాలి. సర్కారు బస్సు చార్జీలను పెంచేసింది. కేఎస్‌ ఆర్టీసీ, వాయువ్య, ఈశాన్య రవాణా సంస్థల్లో సగటున 23 శాతం, బెంగళూరులో బీఎంటీసీలో 18 శాతం నుంచి 50 శాతం వరకు చార్జీలను బాదింది. బుధవారం అర్ధరాత్రి నుంచి అమల్లోకి వచ్చాయి. 45 శాతం పెంచాలన్నారు: మంత్రి రవాణా శాఖ మంత్రి బైరతి సురేశ్‌ చార్జీల పెంపును మీడియాకు వివరించారు. రవాణా సంస్థలు సుమారు 38 శాతం మేర చార్జీలను పెంచాలని సర్కారును కోరాయన్నారు. విశ్రాంత ఐఏఎస్‌ అధికారి అతుల్‌ కుమార్‌ తివారీ కమిటీ రాష్ట్రంలో అధ్యయనం చేసి 45 శాతం పెంపునకు సిఫారసులు చేసిందని చెప్పారు. అయితే ప్రజల కోసం ఎక్కువ భారం పడకుండా నిర్ణయం తీసుకున్నట్లు తెలిపారు. బీఎంటీసీలో మరీ అధికం వేగదూత బస్సుల్లో కనిష్టంగా రూ. 19, గరిష్టంగా రూ. 68 వరకు చార్జీలు పెరిగాయని మంత్రి తెలిపారు. పెంపు అనేది బెంగళూరువాసులపై అధికంగా ఉంటుంది. బీఎంటీసీ బస్సుల్లో రెండు కిలోమీటర్ల దూరానికి రూ.4, 2 నుంచి 4 కి.మీ. దూరానికి రూ. 6 మేర ధరలను పెంచామన్నారు. ఇక వాయువజ్ర బస్సుల్లో 6 కి.మీ దూరానికి రూ. 5, ఆపై 6–18 కి.మీ దూరానికి రూ.10 మేర అధికమైంది. అన్నివైపులా సమస్యలున్నాయి మంత్రి సురేశ్‌ చార్జీల పెంపును సమర్థించుకుంటూ గత పదేళ్లలో డీజిల్‌ ధరలు 10.47 శాతం పెరిగాయని, ఆర్టీసీ మొత్తం ఖర్చుల్లో 70 శాతం డీజిల్‌, ఉద్యోగుల వేతనాలకే వెళుతోందని చెప్పారు. డీజిల్‌ ధరల పెంపు వల్ల ఏటా రూ. 500 కోట్ల మేర అదనపు భారం పడుతోందన్నారు. డీజిల్‌ సరఫరా సంస్థలకే రూ.1,111 కోట్లు బాకీలు పడ్డామని గుర్తు చేశారు. 2024లో ఉద్యోగుల జీతాలు పెరిగాయని, దానివల్ల కూడా రవాణా సంస్థపై భారీగా ఆర్థిక భారం పడిందని చెప్పారు. ‘పెండింగ్‌ బకాయిలు, నిర్వహణ ఖర్చులు అధికమయ్యాయి. 2021లో శ్రీనివాసమూర్తి కమిటీ కాలక్రమేణా తరచూ టికెట్‌ ధరలను పెంచాలని సిఫారసులు చేసింది. అతుల్‌ తివారీ కమిటీ కూడా పెంపును సమర్థిస్తూ నివేదికను సమర్పించింది. 2024లో చివరిసారి చార్జీలను పెంచాం‘ అని తెలిపారు. ఆర్టీసీ సుస్థిరత కోసం చార్జీల భారం తప్పదని అన్నారు. రాష్ట్రంలో మొత్తం 26,125 ఆర్టీసీ బస్సులు సేవలందిస్తున్నట్లు, 1,03,646 మంది ఉద్యోగులు పనిచేస్తున్నట్లు మంత్రి సురేశ్‌ తెలిపారు. గత కొన్నేళ్ల నుంచి రవాణా సంస్థలు నష్టాల్లో ఉన్నాయని, డీజిల్‌ ధరలు, ఉద్యోగుల జీతభత్యాలు పెరగడం వల్ల గత్యంతరం లేకపోయిందని చెప్పారు. డీజిల్‌ కొనుగోలునకు ఏటా రూ. 5,694 కోట్లను ఖర్చు చేస్తున్నట్లు చెప్పారు. నాలుగు రవాణా సంస్థలు ఏటా సుమారు రూ.16 వేల కోట్ల ఖర్చులు చేస్తున్నాయని, ఆదాయం రూ.14 వేల కోట్లు మాత్రమే ఉంటోందని తెలిపారు. ఇలా ఏటా రూ.2 వేల కోట్ల లోటు ఏర్పడుతోందని, ఏటేటా రుణ భారం కూడా విస్తరిస్తోందని వాపోయారు. మహిళలు చేసే ఉచిత బస్సు ప్రయాణాలకు ప్రభుత్వం ఆర్టీసీకి చార్జీలను చెల్లిస్తోందని తెలిపారు. కేఎస్‌ ఆర్టీసీలో 23 శాతం, బీఎంటీసీలో 50 శాతం వరకూ చార్జీల పెంపు ప్రకటించిన రవాణా మంత్రి బైరతి సురేశ్‌ నష్టాలను భరించలేకే అని వెల్లడి తక్షణం అమల్లోకి కొత్త రేట్లు తప్పదు, భరించాల్సిందే: సీఎం డీకే శివ సీఎం డీకే శివకుమార్‌ స్పందిస్తూ ‘బస్సులకు డీజిల్‌ భర్తీకి కూడా డబ్బులు లేవు. పెరిగిన డీజిల్‌ ధరల వల్ల బాగా నష్టం వస్తోంది. ఒక్కో స్టేజ్‌లో రూ. 2–3 పెంచాల్సి ఉంది. ఇప్పుడు మాట్లాడుతున్న ప్రతిపక్షాలు గ్యాస్‌ సిలిండర్‌ ధరలు పెరిగినప్పుడు ఎందుకు మాట్లాడలేదు. డీజిల్‌ ధరలపై మౌనమెందుకు? కేంద్రం డీజిల్‌ రేట్లు తగ్గిస్తే బస్సు చార్జీలను మేము తగ్గిస్తాం’ అని చెప్పారు.

కార్యక్రమంలో ప్రసంగిస్తున్న సీఎం డీకే శివకుమార్‌పాల్గొన్న సీఎం, మంత్రి, ప్రతినిధులు సాక్షి, బెంగళూరు: ప్రభుత్వ పాఠశాలల అభివృద్ధి ప్రభుత్వం బాధ్యత మాత్రమే కాదని, సమాజంలోని ప్రతి ఒక్కరి బాధ్యత కావాలని ముఖ్యమంత్రి డీకే శివకుమార్‌ పిలుపునిచ్చారు. రాష్ట్ర ప్రభుత్వ పాఠశాలల్లో మౌలికవసతులు పెంపు, నాణ్యమైన విద్య అందించే ఉద్ధేశంతో ‘మన బడి– మన బాధ్యత’ అనే గొప్ప కార్యక్రమాన్ని తీసుకొచ్చినట్లు తెలిపారు. బుధవారం విధానసౌధలో జరిగిన ఈ కార్యక్రమంలో సీఎం ప్రసంగించారు. ప్రభుత్వ పాఠశాలల అభివృద్ధిలో వివిధ సంస్థలు, కార్పొరేట్‌ రంగాలను కూడా భాగస్వామ్యం చేస్తున్నట్లు చెప్పారు. ప్రైవేటు కంపెనీలు సీఎస్‌ఆర్‌ నిధులను ప్రభుత్వ బడుల వికాసానికి ఉపయోగించాలని సీఎం సూచించారు. ప్రభుత్వ పాఠశాలలకు బస్సులు, కంప్యూటర్లు, ల్యాబ్‌ ఉపకరణాలను ఇచ్చి కూడా సహాయం చేయవచ్చని తెలిపారు. రాష్ట్రంలో ఏటా సుమారు రూ, 8,800 కోట్ల సీఎస్‌ఆర్‌ నిధుల లభ్యమవుతున్నాయని, ఇందులో సింహభాగం గ్రామీణ ప్రాథమిక పాఠశాలల అభ్యున్నోతికి వినియోగించాలని సీఎం కంపెనీలకు, అధికారులకు సూచించారు. అధిక ఆర్థిక సహాయం చేసే కంపెనీల పేర్లను ఆయా పాఠశాలలకు పెడతామని తెలిపారు. గ్రామీణ ప్రాంతంలోని ప్రభుత్వ పాఠశాలలను ప్రైవేటు స్కూళ్లతో అనుసంధానం చేసి అక్కడి విద్యార్థులకు నాణ్యమైన విద్య అందిస్తామని తెలిపారు. బెంగళూరుపై తీవ్ర ఒత్తిడి ఉంది 1.40 కోట్ల జనాభా, 1.20 కోట్ల వాహనాలతో బెంగళూరులో ట్రాఫిక్‌ రద్ధీ విపరీతంగా పెరిగిందని, చదువులు, ఉపాధి, ఉద్యోగాల కోసం భారీగా బెంగళూరుకు తరలిస్తున్నారని చెప్పారు. అందువల్ల రాజధాని నగరంపై ఒత్తిడి పెరుగుతోందని ఆందోళన వ్యక్తం చేశారు. ఈ కార్యక్రమంలో విద్యాశాఖ మంత్రి మధు బంగారప్ప, డిప్యూటీ స్పీకర్‌ మంకాళ్‌ వైద్య, ఎంపీ మన్సూర్‌ ఆలీఖాన్‌, ఇతర ఉన్నతాధికారులు పాల్గొన్నారు. సమాజం, ప్రైవేటు సంస్థలు చేయూతనివ్వాలి మన బడి– మన బాధ్యత నూతన కార్యక్రమంలో సీఎం డీకే శివకుమార్‌

సాక్షి,బళ్లారి: రూ.లక్ష నగదు ఇస్తే మీ బ్యాంకు ఖాతాకు రూ.1.30 లక్షలు తిరిగి జమ చేస్తామని ఘరానా మోసగాళ్లు అమాయకులను నమ్మించారు. దీనిని నమ్మి ఐదు మంది కోట్లాది రూపాయలను పోగొట్టుకున్నారు. ఈ దోపిడీ కేసులో బెళగావి జిల్లా మూడలగి పోలీసులు ఘరానా మోసగాళ్ల ఆటకట్టించి రూ.2.68 కోట్ల భారీ దోపిడీ కేసును ఛేదించారు. బెళగావి జిల్లా మూడలగి పోలీసులు ఈ కేసును ఛేదించడంలో చాకచక్యంగా వ్యవహరించి, రూ.2.39 కోట్ల నగదును స్వాధీనం చేసుకోవడంతో పాటు 8 మందిని అరెస్ట్‌ చేశారు. పోలీసులు తెలిపిన మేరకు వివరాలు.. రూ.లక్ష నగదు ఇస్తే మీ ఖాతాలోకి రూ.1.30 లక్షల నగదు తిరిగి జమ చేస్తామని నమ్మించడంతో దాదాపు రూ.2.68 కోట్ల నగదు మోసపూరిత దోపిడీ చేశారు. ఈ విషయం వెలుగులోకి రావడంతో బెళగావి జిల్లా పోలీసులు కేసు మిస్టరీని ఛేదించారు. జిల్లాలోని మూడలగి తాలూకా సంగనకేరి గ్రామానికి చెందిన కానిస్టేబుల్‌ చిదానంద సిద్ధారూడ కురబేట్‌, రాజారాం సురేష్‌ మాలవగోళ, రమేష్‌ దుండప్ప మాలవగోళ, విఠల సురేష్‌, రామప్ప అరభావి, మారుతీ అరభావి, గోకాక్‌ ప్రకాష్‌ రామలింగప్ప, రాఘవేంద్ర అరెస్టయిన నిందితులు. పథకం ప్రకారమే కంట్లో కారం కొట్టి.. డబ్బులు లెక్కించేటప్పుడు పథకం ప్రకారం నిందితులైన మారుతీ, సంజు, రాజారాం తదితర ఐదు మంది అక్టోబర్‌ 30వ తేదీ రాత్రి కారంపొడి తీసుకుని షెడ్డులోకి ప్రవేశించి చెన్నబసప్ప కంట్లోకి కారంకొట్టి, దౌర్జన్యం చేసి ఐదు బ్యాగుల్లో ఉంచిన రూ.2.68 కోట్లను దోపిడీ చేసినట్లు బాధితుడు ఫిర్యాదులో వివరించారు. దీంతో రంగంలోకి దిగిన మూడలిగి పోలీసులు కేసు మిస్టరీని పూర్తిగా చేధించారు. చిదానంద కుట్ర మేరకు తొమ్మిది మంది నిందితులు డబ్బులు దోచుకోవాలని షెడ్డులో లెక్కించేటప్పుడు దాడి చేసినట్లు విచారణలో వెల్లడైంది. నిందితులను అరెస్ట్‌ చేసి జ్యుడీషియల్‌ కస్టడీకి తరలించారు. ఈ కేసులో పాలు పంచుకున్న మరో నిందితుడు పరారీ ఉన్నట్లు పోలీసులు తెలిపారు. మిగిలిన రికవరి కావాల్సిన నగదును కూడా స్వాధీనం చేసుకుంటామని జిల్లా ఎస్పీ తెలిపారు. బెళగావి జిల్లా గోకాక్‌ చుట్టుపక్కల ఇలాంటి కేసులు పెరిగిపోతున్నాయని స్థానికులు ఆందోళన చెందుతున్నారు. అధిక వడ్డీ ఆశ చూపించి దుండగులు అమాయకులను మోసం చేస్తున్నట్లు పోలీసుల తనిఖీలో ఈ ఉదంతాలు వెలుగు చూస్తున్నాయి. దోపిడీ కేసులో అరెస్టయిన నిందితులు, జప్తు చేసిన నగదుతో పోలీసులు పోలీసులు స్వాధీనపరచుకున్న నగదు కట్టలు 8 మంది ఘరానా నిందితుల అరెస్ట్‌ ఛేదించిన బెళగావి జిల్లా పోలీసులు రూ.2.39 కోట్ల నగదు స్వాధీనం గత అక్టోబర్‌ 30న జరిగిన ఈ దోపిడీపై మూడలగికి చెందిన కల్మేష బసవరాజు పోలీసులకు ఫిర్యాదు చేశారు. కేసును దర్యాప్తు చేపట్టిన పోలీసులు ఆ మేరకు 8 మంది నిందితులను అరెస్ట్‌ చేసి, రూ.2.39 కోట్ల నగదు, రెండు బైకులు, ఒక కారు, డబ్బులు లెక్కించే యంత్రాలతో పాటు ముఠా వాడిన వివిధ వస్తువులను జప్తు చేశారు. నిందితుడు చిదానంద కురబేట్‌ తమకు రూ.లక్ష చెల్లిస్తే మీ బ్యాంకు ఖాతాలకు రూ.1.30 లక్షలు జమ చేస్తామని ప్రజలను ప్రలోభపెట్టారు. నమ్మిన తాను ముందుగా రూ.48 లక్షలు, మేనమామ చెన్నబసప్ప రూ.40 లక్షలు, బీరప్ప రూ.50 లక్షలు, కల్మేష రూ.50 లక్షలు, శంకర్‌ రూ.80 లక్షలు మొత్తం కలిపి రూ.2.68 కోట్లను చెల్లించామని ఫిర్యాదు దారుడు కల్మేష్‌ బసవరాజు పోలీసులకు ఇచ్చిన ఫిర్యాదులో తెలిపారు. నిందితుడు చిదానంద ఈ డబ్బులను పనిగట్టుకుని దురుద్దేశ్యంతో దోపిడీ చేయాలన్న దురాశతో ఆ డబ్బులను షెడ్డులో లెక్కపెడదామని నమ్మించి బీరప్ప అనే వ్యక్తి షెడ్డుకు డబ్బును తరలించారు.

హొసపేటె: మహిళలు అన్యాయం, హింస, వేధింపులకు వ్యతిరేకంగా మౌనాన్ని వీడి ధైర్యంగా గళం విప్పాలని కర్ణాటక రాష్ట్ర మహిళా కమిషన్‌ చైర్‌పర్సన్‌ డాక్టర్‌ నాగలక్ష్మి చౌదరి పిలుపునిచ్చారు. హొసపేటెలోని విజయనగర కళాశాల ప్రాంగణంలో విద్యార్థినులతో నిర్వహించిన ప్రత్యేక ముఖాముఖి కార్యక్రమంలో ఆమె మాట్లాడారు. మహిళలు జీవితంలో ఎదురయ్యే సవాళ్లు, అవమానాలు, అడ్డంకులకు ఎదురొడ్డి నిలవాలని సూచించారు. నేటి సమాజంలో మహిళలకు విద్య, ఉద్యోగం, పాలన, రాజకీయ తదితర రంగాల్లో ఉన్న ఎన్నో అవకాశాలను సద్వినియోగం చేసుకొని ఉన్నత స్థానాలకు ఎదగాలన్నారు. నాడు మహిళలను కుటుంబ బాధ్యతలకే పరిమితం చేసేవారు, కానీ నేడు మహిళలు అన్ని రంగాల్లో తమ ప్రతిభను చాటుతున్నారన్నారు. ప్రతి మహిళ ఉన్నత విద్యను అభ్యసించి ఆర్థికంగా స్వతంత్రంగా ఎదగాలన్నారు. ఇతరులపై ఆధారపడకుండా ఆత్మవిశ్వాసంతో జీవించాలన్నారు. మహిళలకు సమాన అవకాశాలు కల్పించినప్పుడే సమాజాభివృద్ధి సాధ్యమన్నారు. గని బాధిత ప్రాంతాభివృద్ధికి రూ.146 కోట్లు గని బాధిత ప్రాంతాల అభివృద్ధికి ప్రభుత్వం రూ.146 కోట్లు కేటాయించిందని మహిళా కమిషన్‌ చైర్‌పర్సన్‌ డాక్టర్‌ నాగలక్ష్మి చౌదరి పేర్కొన్నారు. ఆమె బుధవారం తాలూకాలోని జంబునాథహళ్లి, కేఎంఏఏ, దాల్మియా క్యాంప్‌ సహా పలు గని ప్రభావిత ప్రాంతాలను సందర్శించి, అక్కడి పరిస్థితిని పరిశీలించారు. ఈ సమయంలో ఆమె స్థానికులతో మమేకమై వారి సమస్యలు, ఫిర్యాదులను ఆలకించారు. కర్ణాటక మహిళా కమిషన్‌ చైర్‌పర్సన్‌ నాగలక్ష్మి చౌదరి పిలుపు

సాక్షి,బళ్లారి: రాష్ట్రంలో ఇళ్లు లేని నిరుపేదలకు ముఖ్యమంత్రి డీకే శివకుమార్‌ శుభవార్త చెప్పారు. ఇళ్లు లేని 5 లక్షల మంది పేదలకు ఇళ్ల స్థలాలను పంపిణీ చేసేందుకు చర్యలు తీసుకుంటామని హామీ ఇచ్చారు. మంగళవారం చిత్రదుర్గ జిల్లా హిరియూరు తాలూకా ధర్మపుర గ్రామంలో వివిధ అభివృద్ధి పనులకు భూమి పూజ, ప్రారంభోత్సవాలు చేసిన అనంతరం ఏర్పాటు చేసిన కార్యక్రమంలో ఆయన మాట్లాడారు. ఎక్కడెక్కడ ప్రభుత్వ స్థలం ఉందో గుర్తించి అక్కడ ఆయా గ్రామాలు, పట్టణాలు, నగరాల్లో పేదలకు ఇళ్ల స్థలాలను అందించి ఆదుకుంటామన్నారు. ప్రభుత్వ భూములు అందుబాటులో లేని ప్రాంతాల్లో ప్రైవేటు భూములను సైతం కొనుగోలు చేసి పంపిణీ చేస్తామన్నారు. ప్రజలకు ఇంటి వద్దకే ప్రభుత్వ సేవలు కల్పిస్తున్నామని, ప్రభుత్వ కార్యాలయాల చుట్టూ తిరగాల్సిన అవసరం లేదన్నారు. ప్రజాసేవ కార్యక్రమం ద్వారా నేరుగా అధికారులే ప్రజల వద్దకు వచ్చి సమస్యలు పరిష్కరిస్తారన్నారు. ఇళ్ల స్థలాలు, ఇళ్లు, పింఛన్లు తదితర సంక్షేమ పథకాలు నేరుగా ప్రజలకు చేరవేస్తామన్నారు. రైతులు, మహిళల సంక్షేమానికి ప్రాధాన్యం కల్పిస్తామన్నారు. దేశంలో నిత్యావసర సరుకులు ఆకాశాన్నంటుతున్నాయని, సామాన్య ప్రజల ఆదాయాలు మాత్రం తగ్గిపోతున్నాయని ఆవేదన వ్యక్తం చేశారు. రైతులు, మహిళలు మెరుగైన జీవిత విధానాలను పెంపొందించేందుకు చర్యలు తీసుకుంటామన్నారు. రైతుల ప్రయోజనాలు కోసం విద్యుత్‌ శాఖ ద్వారా ఉచిత పంపుసెట్లు అందించే విద్యుత్‌ శక్తి పథకాన్ని ప్రారంభించినట్లు తెలిపారు. కరువు పరిస్థితులను అధిగమించేందుకు అన్ని చర్యలు తీసుకుంటున్నామన్నారు. నేను చేతల వ్యక్తిని– సీఎం తాను అబద్ధాలు చెప్పే వ్యక్తిని కాదని, ఇచ్చిన మాట ప్రకారం నడుచుకునే వ్యక్తిని అని సీఎం డీకే శివకుమార్‌ అన్నారు. మంగళవారం ఆయన హిరియూరులో విలేకరులతో మాట్లాడారు. ఇచ్చిన ప్రతి హామీ నెరవేరుస్తున్నామన్నారు. వచ్చే ఎన్నికల్లోను తమ ప్రభుత్వమే అధికారంలోకి వస్తుందన్నారు. కాంగ్రెస్‌ ప్రభుత్వం ఎన్నికల సమయంలో ఇచ్చిన ఐదు గ్యారెంటీలను సమర్ధవంతంగా అమలు చేస్తోందన్నారు. గతంలో డబుల్‌ ఇంజన్‌ ప్రభుత్వం ఉన్నప్పటికీ ఎలాంటి అభివృద్ధి సాధించకపోవడంతో కాంగ్రెస్‌ పార్టీకి 126 సీట్లు ఇచ్చారన్నారు. మళ్లీ అంతకన్నా ఎక్కువ సీట్లతో అధికారంలోకి వచ్చేందుకు కృషి చేస్తామన్నారు. జిల్లా ఇన్‌ఛార్జి మంత్రి రఘుమూర్తి మాట్లాడుతూ సీఎం నాయకత్వంలో రాష్ట్రం అన్ని రంగాల్లో అభివృద్ధి సాధిస్తోందన్నారు. పలువురు ఎమ్మెల్యేలు, అధికారులు తదితరులు పాల్గొన్నారు. ఈ ఏడాది 5 లక్షల మందికి ఇళ్ల స్థలాల పంపిణీ చిత్రదుర్గ జిల్లా హిరియూరులో సీఎం డీకే శివకుమార్‌

దొడ్డబళ్లాపురం: ట్రాన్స్‌ఫార్మర్‌ పేలిన ప్రమాదంలో పలు వాహనాలు, దుకాణాలు దగ్ధమైన సంఘటన దావణగెరె నగరంలో జరిగింది. కేటీజే నగర్‌ 8వ క్రాస్‌లో రోడ్డు పక్కన ఉన్న ట్రాన్స్‌ఫార్మర్‌ పేలిపోయి అక్కడ నిలిపి ఉన్న టాటాఏస్‌ ఆటో, కొన్ని బైక్‌లు, అంగళ్లకు మంటలు వ్యాపించాయి. పేలుడు శబ్ధానికి స్థానికులు భయభ్రాంతులకు గురయ్యారు. బాంబు పేలినట్టు నిప్పు రవ్వలు చుట్టుపక్కల చెల్లాచెదురుగా పడ్డాయి. ఫైర్‌ సిబ్బంది వచ్చి మంటలను ఆర్పివేశారు. పొద్దున నుంచి ట్రాన్స్‌ఫార్మర్‌ నుంచి నిప్పు రవ్వలు వస్తుండడంతో బెస్కాం కార్యాలయానికి కాల్‌ చేసి చెప్పామని, అయితే వారు స్పందించలేదని, వారి నిర్లక్ష్యం వల్లే ఈ ప్రమాదం జరిగిందని స్థానికులు ఆరోపిస్తున్నారు. ప్రభుత్వం తమకు నష్టపరిహారం చెల్లించాలని నష్టపోయినవారు డిమాండ్‌ చేశారు.

మైసూరు: నగరంలోని చాముండి బెట్టలోని నాడశక్తి దేవత చాముండేశ్వరి దేవి దర్శనం, ఇతర సేవల కోసం ఈ నెల 1 నుంచి కొత్తగా వెబ్‌సైట్‌ను ప్రారంభించారు. దర్శనం సహా వివిధ సేవల కోసం ఆన్‌లైన్‌ బుకింగ్‌ చేసుకోవచ్చని, ఆలయంలో ఇస్తున్న టికెట్‌ వ్యవస్థను నిలిపివేస్తున్నట్లు ఆలయ పాలక మండలి తెలిపింది. రోజురోజుకూ భక్తుల సంఖ్య పెరుగుతోంది. కొందరు మాయగాళ్లు ఉదయాన్నే కొనుగోలు చేసిన అభిషేకం టికెట్‌ను సాయంత్రం వరకూ పలువురికి బదిలీ చేసి సొమ్ము చేసుకుంటున్నారు. అంతేగాకుండా వివిధ సేవల టికెట్లు కొనేవారు పెరగడంతో, క్యూలో భక్తులకు దర్శనం ఆలస్యమవుతోంది. ఈ నేపథ్యంలో వెబ్‌సైట్‌లో సేవలకు నాంది పలికారు. అందులో దర్శన సమయం, సేవ, కొండ చరిత్ర, ఇతర సమాచారాన్ని పొందవచ్చు. వీఐపీల దర్శనానికి ప్రత్యేక స్లాట్‌ నిర్ణయించే ఆలోచన ఉంది. రోజుకు 200 టికెట్లను మాత్రమే ఇవ్వాలని, ప్రత్యేక సందర్భాల్లోనే టికెట్ల సంఖ్యను పెంచాలని నిర్ణయించినట్లు తెలిపింది. నకిలీ ఔషధాల కేసులో ఈడీ సోదాలు బనశంకరి: క్యాన్సర్‌ వంటి జబ్బులకు వాడే ఖరీదైన నకిలీ ఔషధాల తయారీ ముఠా కేసులో కేంద్ర ఈడీ అధికారులు మంగళవారం బెంగళూరులో 5 ప్రాంతాల్లో సోదాలు నిర్వహించారు. నిందితుడు వీరేశ్‌కుమార్‌ బ్యాంకు అకౌంట్‌లో ఉన్న సుమారు రూ.9 లక్షలు జప్తుచేశారు. ఫోన్లు, కంప్యూటర్లు, ఫైళ్లు తదితరాలను స్వాధీనం చేసుకున్నామని ఈడీ అధికారులు తెలిపారు. జావిసెప్టా, ఎంబ్లావియో, ఫైజర్‌ పేర్లతో కొత్త సీసాల్లో ప్యాక్‌ చేసిన నకిలీ ఔషధాలను డీఎం ఫార్మాస్యూటికల్స్‌ ద్వారా కృపా హెల్త్‌కేర్‌ సంస్థకు సరఫరా చేసేవారని తెలిపారు. కృపా హెల్త్‌కేర్‌ నిర్వాహకులు ఈ నకిలీ ఔషధాలను మెడికల్‌ షాపులకు, ఆస్పత్రులకు విక్రయించేవారని ఈడీ తెలిపింది. నూర్పిడి యంత్రం ఢీ, ఇద్దరు దుర్మరణం మైసూరు: రాగి నూర్పిడి వాహనం ఢీకొని ఇద్దరు దుర్మరణం చెందిన సంఘటన జిల్లాలోని హుణసూరు తాలూకా కిరంగూరు రోడ్డులో జరిగింది. హుణసూరు తాలూకా నాగరహొళె అడవి భీమనకట్టె పెంపుడు ఏనుగుల శిబిరం ఉద్యోగి కుశాల్‌ కుమారుడు ప్రవీణ్‌ (26), మాస్తిగుడి కూసయ్య కుమారుడు (23) మృతులు. ఇద్దరూ కలిసి బైకులో కిరంగూరు–హనగోడు మార్గంలో మాస్తిగుడికి బయలుదేరారు. కిరంగూరు వైపు నుంచి అతివేగంగా వచ్చిన తమిళనాడుకు చెందిన పెద్ద నూర్పిడి యంత్రపు వాహనం ఢీకొనడంతో ఇద్దరూ తీవ్రంగా గాయపడి స్థలంలోనే మరణించారు. రక్తదానం ఆవశ్యకం మండ్య: ఆరోగ్యంగా ఉన్నవారు రక్తదానం చేయడం చాలా ముఖ్యం అని అరకెరె ప్రభుత్వ పాలిటెక్నిక్‌ కళాశాల ప్రిన్సిపాల్‌ మంజునాథ్‌ అన్నారు. మండ్య జిల్లాలోని శ్రీరంగపట్నం తాలూకాలోని ఇండియన్‌ రెడ్‌ క్రాస్‌ సహా పలు సంస్థల ఆధ్వర్యంలో రక్తదాన శిబిరం నిర్వహించారు. ప్రమాదాలు, శస్త్రచికిత్సలు, ప్రసవాలు వంటి అత్యవసర పరిస్థితులలో రక్తం అవసరం ఎక్కువగా ఉంటుంది. రక్తాన్ని కృత్రిమంగా తయారు చేయలేము. అందువల్ల, ఆరోగ్యంగా ఉన్నవారు స్వచ్ఛందంగా రక్తదానం చేయడం చాలా ముఖ్యం అని వైద్యనిపుణులు తెలిపారు. ఈ సందర్భంగా 84 మంది యువకులు రక్తదానం చేశారు. పులి పంజా.. రైతుకు గాయాలు మైసూరు: పులి దాడి చేయడంతో ఓ రైతు గాయపడిన ఘటన జిల్లాలోని నంజనగూడు తాలూకా ఆకళ గ్రామంలో జరిగింది. రైతు పరమేశ్‌ పొలంలో పని చేస్తుండగా పొదల్లో ఉన్న పులి మీద పడి దాడి చేయడంతో గాయపడ్డారు. అతడు గట్టిగా కేకలు వేయడంతో పులి వదిలేసి పారిపోయింది. స్థానికులు రైతును మైసూరులోని జేఎస్‌ఎస్‌ ఆస్పత్రికి తరలించారు. అటవీ అధికారి నితిన్‌ కుమార్‌ ఘటనాస్థలాన్ని పరిశీలించారు. బోనులు పెట్టి పులిని పట్టుకుంటామని రైతులకు భరోసా ఇచ్చారు.

బళ్లారిఅర్బన్‌: రాష్ట్రంలోని వివిధ ప్రాంతాల్లో న్యాయవాదులపై జరుగుతున్న దాడులను తీవ్రంగా ఖండిస్తూ, న్యాయవాదులకు తగిన రక్షణ కల్పించాలని డిమాండ్‌ చేస్తూ బళ్లారి బార్‌ అసోసియేషన్‌ ఆధ్వర్యంలో మంగళవారం ఒక రోజు నిరసన కార్యక్రమాన్ని చేపట్టారు. కర్ణాటక రాష్ట్ర బార్‌ కౌన్సిల్‌ పిలుపు మేరకు రాష్ట్ర వ్యాప్తంగా అన్ని న్యాయవాదుల సంఘాలు ఐక్యంగా ఈ నిరసనలో పాల్గొన్నాయి. న్యాయవాదులపై దాడులకు పాల్పడిన వారిని తక్షణమే అరెస్టు చేసి, వారి పై చట్టపరంగా కఠిన చర్యలు తీసుకోవాలని డిమాండ్‌ చేశారు. రానున్న శీతాకాల అసెంబ్లీ సమావేశాల్లో కర్ణాటక రాష్ట్ర న్యాయవాదుల పరిరక్షణ చట్టానికి తగిన సవరణలు చేసి, మరింత పటిష్టంగా చట్టాన్ని అమలు చేయాలని రాష్ట్ర ప్రభుత్వాన్ని ఒత్తిడి చేశారు. రాష్ట్రంలోని న్యాయవాదులకు ప్రభుత్వం భద్రత కల్పించాలని, దాడులకు పాల్పడే వారిపై కఠినంగా వ్యవహరించాలని నిరసనకారులు విజ్ఞప్తి చేశారు. బార్‌ అసోసియేషన్‌ అధ్యక్షుడు పి.రామబ్రహ్మం, ఉపాధ్యక్షుడు కేఈ.యశోదమూర్తి, కార్యదర్శి ఎస్‌.అన్సర్‌ బాషా, సంయుక్త కార్యదర్శి ఎస్‌.ఎర్రెమ్మ, కోశాధికారి కేజీ.బసవరాజ్‌, కార్యవర్గ సభ్యులు, పలువురు న్యాయవాదులు పాల్గొన్నారు. విజయనగరలో బైక్‌ ర్యాలీ హొసపేటె: న్యాయవాదులపై జరుగుతున్న దాడులు, హత్యలను తీవ్రంగా ఖండిస్తూ న్యాయవాదులు తమ నిరసన గళాన్ని వీధుల్లో వినిపించారు. విధులను బహిష్కరించి రోడ్డెక్కిన న్యాయవాదులు ప్రభుత్వానికి తమ డిమాండ్లను తెలియజేస్తూ మంగళవారం హొసపేటెలో భారీ బైక్‌ ర్యాలీ నిర్వహించారు. హొసపేటె నగరంలోని కోర్టు ప్రాంగణం నుంచి ప్రారంభమైన ఈ బైక్‌ ర్యాలీ నగరంలోని ప్రధాన కూడళ్ల గుండా సాగుతూ జిల్లాధికారి కార్యాలయం వరకు చేరుకుంది. బెంగళూరులో న్యాయవాది హత్య, గౌరిబిదనూరు న్యాయవాదిపై జరిగిన దాడి ఘటనలను నిరసిస్తూ న్యాయవాదులు తీవ్ర ఆగ్రహం వ్యక్తం చేశారు. న్యాయవాదులకు తగిన భద్రత కల్పించాలని, న్యాయవాదుల రక్షణ చట్టాన్ని పకడ్బందీగా అమలు చేయాలని డిమాండ్‌ చేశారు. న్యాయవాదులపై దాడులకు పాల్పడిన నిందితులను కఠినంగా శిక్షించాలని, హత్యకు గురైన న్యాయవాది కుటుంబానికి ప్రభుత్వం తగిన పరిహారం అందించి ఆదుకోవాలని ఒత్తిడి చేశారు. బార్‌ అసోసియేషన్‌ నేతలు, కార్యకర్తలు, న్యాయవాదులు పాల్గొన్నారు. రాయచూరులో... రాయచూరు రూరల్‌: బెంగళూరులోని వైట్‌ఫీల్డ్‌లో న్యాయవాది మంజునాథ్‌, అన్నపూర్ణేశ్వరి, శ్రీరామ్‌లపై హత్యలు, గౌరిబిదనూరులో వెంకట రమణపై దాడులు చేయడం తగదని రాయచూరు జిల్లా న్యాయవాదుల సంఘం డిమాండ్‌ చేసింది. మంగళవారం జిల్లాధికారి కార్యాలయం వద్ద చేపట్టిన ఆందోళనలో అధ్యక్షుడు శివశంకర్‌ మాట్లాడారు. న్యాయ వాదుల రక్షణకు సర్కార్‌ చర్యలు చేపట్టాలని కోరుతూ అదనపు జిల్లాధికారి శివప్పకు వినతిపత్రం సమర్పించారు. నిందితులను వెంటనే అరెస్టు చేయాలి రక్షణ చట్టానికి సవరణలు చేయండి బళ్లారి బార్‌ అసోసియేషన్‌ డిమాండ్‌

రాయచూరు రూరల్‌: పంచ గ్యారెంటీల లబ్ధి అర్హులైన లబ్ధిదారులకే చేకూరేలా చర్యలు చేపట్టాలని రాష్ట్ర పంచ గ్యారెంటీ కమిటీ ఉపాధ్యక్షుడు టి.పరమేశ్వర నాయక్‌ పేర్కొన్నారు. మంగళవారం జలనిర్మల సభాంగణంలో జరిగిన సమావేశంలో ఆయన మాట్లాడారు. దుర్వినియోగానికి పాల్పడిన రూ.15 కోట్లు తిరిగి వసూలు చేశారని, మిగిలిన రూ.100 కోట్ల విషయంలో బ్యాంక్‌ అధికారులతో చర్చిస్తామన్నారు. మరణించిన వారి ఖాతాలో పడిన డబ్బులు వసూళ్లలో తర్జన భర్జనలు జరుగుతున్నట్లు తెలిపారు. అన్న భాగ్య పథకంలో నియమాలను ఉల్లంఘించిన 14 మంది డీలర్లు, 6,847 కార్డులను రద్దు చేశామని, 9,631 కేజీల బియ్యాన్ని స్వాధీనం చేసుకున్నామన్నారు. అన్నభాగ్య పథకంలో డీబీటీ ద్వారా రూ.508.72 కోట్లు, శక్తి పథకంలో రూ.608 కోట్లను విడుదల చేశామన్నారు. రాష్ట్ర ప్రభుత్వం జారీ చేసిన పంచ గ్యారెంటీలను కొనసాగిస్తామన్నారు. సమావేశంలో జిల్లాధ్యక్షుడు పామయ్య మురారి, సీఈఓ ఈశ్వర్‌ కుమార్‌ తదితరులున్నారు.

రాయచూరు రూరల్‌: నేటి ఆధునిక సమాజంలో పెరుగుతున్న సాంకేతిక పరిజ్ఞానాన్ని పెంపొందించుకుని సాంఘీక న్యాయానికి అందరూ సహకరించి, కుల, వర్గ, వర్ణ బేధాలకు తావ్విరాదని రాష్ట్ర అదనపు డీఐజీ హరిశేఖరన్‌ పిలుపునిచ్చారు. మంగళవారం సాంఘీక సంక్షేమ శాఖ కార్యాలయంలో జిల్లా పాలన, జడ్పీ, సాంఘీక సంక్షేమ శాఖ, నగరసభ, పోలీస్‌ శాఖ ఆధ్వర్యంలో ఎస్సీ, ఎస్టీల సమస్యలపై జరిగిన సమావేశంలో మాట్లాడారు. న్యాయసమ్మతమైన సమస్యలను పరిష్కరించడానికి అధికారులు సిద్ధంగా ఉండాలన్నారు. జిల్లాలో ఎస్సీ, ఎస్టీల సముదాయం అధికంగా ఉందని, వారి అభివృద్ధికి తోడు దౌర్జన్యాల నియంత్రణలో అధికారులు బాధ్యతగా మెలగాలన్నారు. నవీన్‌ కుమార్‌, కరిబసన గౌడ, జిల్లాధికారి పూవిత, ఎస్పీ అరుణాంగ్శు గిరి, జడ్పీ సీఈఓ ఈశ్వర్‌ కుమార్‌, నగరసభ కమిషనర్‌ జుబిన్‌ మహాపాత్రో, సర్కారీ ఉద్యోగుల సంఘం అధ్యక్షుడు కృష్ణ, రవి, విజయ రాణి, శేఖర్‌, వెంకటేష్‌ నాయక్‌లున్నారు.

సాక్షి,బళ్లారి: నగరంలో ఇటీవల వరుసగా జరుగుతున్న రోడ్డు ప్రమాదాలతో పలువురు మృతి చెందుతూ, ఎందరో గాయపడుతున్నారని, అనుమతి లేకుండా పగటి వేళలో లారీలు, టిప్పర్ల సంచారంతో నగరంలో రోజు రోజుకు ప్రమాదాలు పెరుగుతున్నాయని బీజేపీ నాయకులు ఆందోళన చేపట్టారు. మంగళవారం సాయంత్రం మాజీ మంత్రి శ్రీరాములు, మాజీ ఎమ్మెల్యే గాలి సోమశేఖరరెడ్డి ఆధ్వర్యంలో బండిమోట్‌ సమీపంలో రోడ్డుపై బైఠాయించి నిరసన తెలిపారు. పెద్ద ఎత్తున జనం చేరడంతో వాహనాలు ఎక్కడివక్కడే నిలిచిపోయాయి. నేతలు మాట్లాడుతూ ఇటీవల రోడ్డు ప్రమాదాలు పెరిగిపోతున్నాయని, అమాయకుల ప్రాణాలు గాల్లో కలిసిపోతున్నా పోలీసులు పట్టించుకోక పోవడం బాధాకరం అన్నారు. ఈ ప్రమాదాలకు ప్రధాన కారణం పగటి వేళల్లో లారీలు, టిప్పర్లు ఇష్టానుసారంగా సంచరించడం వల్ల ఈ పరిస్థితి నెలకొంటోందన్నారు. నగరంలో పగటి సమయంలో లారీల సంచారాన్ని నిషేధించాలన్నారు. భారీ వాహనాలను మళ్లించాలి భారీ వాహనాల రాకపోకల కోసం ఇప్పటికే నగర శివార్లలో ప్రత్యేక రహదారుల సౌకర్యం కల్పించారని, అయినా లారీలు నగరంలో ప్రధాన రహదారుల గుండా ప్రయాణిస్తుండం వల్ల ప్రమాదాలు జరుగుతున్నాయన్నారు. అత్యవసర పరిస్థితుల్లో మాత్రమే లారీలను నగరంలోనికి అనుమతించాల్సి వస్తే రాత్రి 10 గంటల తర్వాత అనుమతి ఇవ్వాలన్నారు. రోడ్డు ప్రమాద మృతుల కుటుంబాలకు ఎవరు బాధ్యత వహిస్తారని ఆవేదన వ్యక్తం చేశారు. రాజకీయ ఒత్తిళ్లకు తలొగ్గకుండా పోలీసులు గట్టి చర్యలు తీసుకోవాలన్నారు. ఒకవేళ నిబంధనలకు వ్యతిరేకంగా లారీలు సంచరిస్తే ఆయా లారీలను సీజ్‌ చేయాలని సూచించారు. పెద్ద ఎత్తున జనం చేరి ఆందోళన చేయడంతో ఏపీఎంసీ పోలీసులు ఘటనాస్థలానికి చేరుకుని ఆందోళనకారులతో చర్చించారు. ఇకపై నగరంలో అనుమతి లేని భారీ వాహనాలు, టిప్పర్లు తిరగకుండా చర్యలు తీసుకుంటామని హామీ ఇచ్చారు. పగటి వేళల్లో లారీలు, టిప్పర్ల సంచారం నిషేధించాలి రోడ్డుపై బైఠాయించి శ్రీరాములు, గాలి సోమశేఖరరెడ్డి తదితరుల నిరసన

మైసూరు: పండంటి బిడ్డను ఒడిలోకి తీసుకుని లాలించాలని ఆశపడిన తల్లి ఆ బిడ్డను చూడకుండానే కన్నుమూస్తే, అమ్మ ఒడిలో సేదదీరాల్సిన శిశువు పురిట్లోనే ఊపిరొదిలింది. జిల్లాలోని కె.ఆర్‌.నగర పట్టణంలో ఉన్న మాతా శిశు ఆసుపత్రిలో బాలింత, శిశువు మృతి చెందడంతో కుటుంబీకులు భగ్గుమన్నారు. ధర్నా చేయగా ఉద్రిక్తత నెలకొంది. ఒక్కరూ మిగల్లేదు వివరాలు.. మళలి గ్రామానికి చెందిన మహేష్‌ భార్య సుస్మిత (26)కు నెలలు నిండడంతో కుటుంబీకులు ఆమెను సోమవారం సాయంత్రం మాతా శిశు ఆసుపత్రిలో చేర్చారు. మంగళవారం తెల్లవారుజామున ప్రసవం చేశారు, అయితే తల్లి, పుట్టిన శిశువు ఇద్దరూ మరణించారని ఆస్పత్రి వైద్య సిబ్బంది తెలిపారు. ఈ వార్త వ్యాపించడంతో, సుస్మిత కుటుంబ సభ్యులు, మళలి గ్రామస్థులు ఆస్పత్రిలో బైఠాయించారు. వైద్యుల నిర్లక్ష్యం వల్లే తల్లీ బిడ్డ మరణించారని ఆరోపించారు. కారణమైన వైద్యసిబ్బందిపై చర్య తీసుకోవాలని పట్టుబట్టారు. ఈ మరణాలతో సుస్మిత భర్త, ఆమె తల్లిదండ్రులు తీవ్రంగా రోదించారు. ఎమ్మెల్యే చర్చలు.. విషయం తెలిసి అక్కడికి చేరుకున్న ఎమ్మెల్యే డి రవిశంకర్‌ వారితో చర్చించి శాంతింపజేశారు. పోస్ట్‌మార్టం చేయకుండానే మృతదేహాలను ఇస్తామని, తగిన నష్టపరిహారం అందించడానికి అంగీకరించారు. సీఐ శివప్రకాష్‌ నాయకత్వంలో బందోబస్తు ఏర్పాటైంది. వైద్యశాఖ ఉన్నతాధికారి డా. మహమ్మద్‌ సిరాజ్‌ అహ్మద్‌ మాట్లాడుతూ వైద్యుల నిర్లక్ష్యం ఏమీ లేదని, ఉన్నతస్థాయిలో విచారణ చేస్తామని, లోపాలు ఉంటే చర్యలు తీసుకుంటామని చెప్పారు. మైసూరు జిల్లా కేఆర్‌ నగర సర్కారీ ఆస్పత్రిలో విషాదం కుటుంబీకులు, గ్రామస్తుల ధర్నా

దొడ్డబళ్లాపురం: కారు వేగంగా కబాబ్‌ సెంటర్‌లోకి దూసుకెళ్లి పెనంలోని వేడి నూనె మీదపడి ముగ్గురు తీవ్రంగా గాయపడిన బెంగళూరు బన్నేరుఘట్ట వద్ద హొమ్మదేవనహళ్లిలో జరిగింది. అక్టోబర్‌ 30 న జరిగిన ఈ ప్రమాదం ఆలస్యంగా వెలుగు చూసింది. సజీనా బేగం అనే మహిళ పజేరో కారులో వేగంగా వస్తూ అదుపుతప్పి రోడ్డుపక్కన కబాబ్‌ సెంటర్‌లోకి దూసుకెళ్లింది. కబాబ్‌ వేయడానికి వేడి చేసిన నూనె పడి బసవరాజ్‌, మునికృష్ణ, మంజేశ్‌ తీవ్రంగా గాయపడినవారు. అలాగే కారు ఢీకొని బైక్‌లు ధ్వంసమయ్యాయి. పోలీసులు కేసు నమోదు చేసుకున్నారు.

బనశంకరి: బెంగళూరు మహిళలకు సురక్షితమైన నగరం, దేశంలోనే మొదటి స్థానం, ప్రపంచస్థాయిలో కూడా మంచి ర్యాంకు పొందిందని ఇటీవల నగర పోలీసు కమిషనర్‌ సీమంత్‌కుమార్‌ సింగ్‌ ప్రకటించడం తెలిసిందే. దీంతో ఐటీ సిటీలో మహిళల భద్రతకు ఎలాంటి ఢోకా లేదని అందరూ అనుకున్నారు. అంతలోనే ఒళ్లు గగుర్పొడిచే భయానక సంఘటన వెలుగులోకి వచ్చింది. సినిమాలో మాదిరిగా ఓ దుండగుడు యువతిపై దాడికి పాల్పడ్డాడు. గొంతు కోస్తానంటూ.. బెంగళూరు ఇందిరానగరలో వంద అడుగుల రోడ్డులో జరిగిన అరాచకం వీడియో మంగళవారం బయటకు రావడంతో చూసినవారందరూ నివ్వెరపోయారు. ప్రభురాజ్‌ అనే డెలివరీ బాయ్‌.. కత్తి తీసుకుని ఓ షాపులోకి చొరబడి అందులో పనిచేసే జయశ్రీ అనే యువతి చైన్‌ లాక్కున్నాడు. పారిపోతుండగా ఆమె అడ్డుకోవడంతో కత్తితో ఆమె గొంతు కోస్తానని బెదిరించి ఆటోలో పరారీకి విఫలయత్నం చేశాడు. ఈ హైడ్రామా నడుమ కొందరు జనం ఆమెను కాపాడి దుండగునికి దేహశుద్ధి చేశారు. చావు అంచుల వరకూ వెళ్లిన బాధితురాలు తీవ్ర భయాందోళనకు లోనైంది. సినిమా స్టైల్‌లో స్నాచర్‌ అరాచకం బెంగళూరులో దురాగతం

రాయచూరు రూరల్‌ : కొప్పళ, రాయచూరు జిల్లాల్లో జరిగిన రోడ్డు ప్రమాదాల్లో నలుగురు దుర్మరణం పాలయ్యారు. వివరాలు.. మూడు రోజుల కిత్రం కొప్పళ జిల్లా గంగావతి నివాసి అమర్‌ చౌహాన్‌ అనే వ్యక్తితో అతని భార్య గొడవ పడింది. ఇద్దరి మధ్య మనస్పర్ధలు తలెత్తడంతో ఆమె పిల్లలను వదిలి కొప్పళలోని పుట్టింటికి వెళ్లింది. దీంతో అమర్‌ చౌహాన్‌(36), తన కుమారులు అమన్‌(8), అయాన్‌(6)లతో కలిసి తన భార్యను పిలుచుకు రావడానికి ద్విచక్ర వాహనంలో కొప్పళకు బయల్దేరారు. మార్గమధ్యంలో గిణిగేర వద్ద జాతీయ రహదారిలో గంగావతి వైపు నుంచి కొప్పళకు వెళుతున్న ద్విచక్ర వాహనాన్ని ఎదురుగా వేగంగా దూసుకొచ్చిన లారీ ఢీకొనడంతో ముగ్గురు అక్కడికక్కడే మృత్యువాత పడ్డారు. ఈ ఘటనపై గంగావతి గ్రామీణ పోలీసులు కేసు నమోదు చేసుకుని దర్యాప్తు చేస్తున్నారు. బొలెరో ఢీకొని మహిళ మృతి రాయచూరు జిల్లా మస్కి తాలూకా మూడలదిన్నికి చెందిన హనుమమ్మ(45) అనే మహిళ మరణించింది. మంగళవారం లింగసూగూరు నుంచి మస్కికి ద్విచక్రవాహనంపై వెళుతుండగా వేగంగా వచ్చిన బొలెరో వాహనం అదుపు తప్పి ఢీకొనడంతో వెనుక వైపు కూర్చొన్న మహిళ మరణించగా, వాహనం నడుపుతున్న కుమార్‌(23)కు గాయాలయ్యాయి. ఘటనపై మస్కి పోలీసులు కేసు నమోదు చేసుకుని దర్యాప్తు చేస్తున్నారు. నెత్తురోడిన రహదారులు ప్రమాదాల్లో నలుగురు మృతిపిడుగుపాటుకు రైతు మృతి జిల్లాలోని మాన్వి తాలూకాలో సోమవారం సాయంత్రం పిడుగుపాటుకు గురై రైతు ప్రభు(50) మృతి చెందారు. మాన్వి తాలూకాలోని అర్నళ్లిలో పొలంలో పనులు చేస్తుండగా పిడుగులు పడడంతో రైతు అక్కడికక్కడే మరణించారు.

చిక్కబళ్లాపురం: కన్నడ జానపద పాటలు, వివిధ ప్రాంతాల్లో పేరొందిన నృత్యరీతులను బాల బాలికలు అలవోకగా ప్రదర్శించి రక్తి కట్టించారు. చిక్కలో రెండురోజుల యువజనోత్సవం ఘనంగా ఆరంభమైంది. యువతరంలో దాగి ఉన్న ప్రతిభను గురించడానికి ప్రతిభాన్వేషణ కార్యక్రమాలు సహకరిస్తాయని జిల్లా కలెక్టర్‌ జి ప్రభు అన్నారు. మంగళవారం చిక్క నగరంలోని సర్‌ ఎంవి ఇండోర్‌ స్టేడియంలో క్రీడల శాఖ ఆధ్వర్యంలో జిల్లా యువజనోత్సవాలకు నాంది పలికారు. కలెక్టరు ప్రసంగిస్తూ యువజనం ఇలాంటి కార్యక్రమాలలో పాల్గొనడం ద్వార ప్రతిభకు గుర్తింపు లభిస్తుందని, నాయకత్వ గుణాలు పెంపొందుతాయని కలెక్టరు తెలిపారు. పిల్లలు చదువుతో పాటు పాటు కళలు, సాహిత్యం, ఆటల్లో పాల్గొంటూ పాటవానికి పదును పెట్టుకోవాలన్నారు. పోటీలలో గెలవడం ముఖ్యం కన్న పాల్గొనడం ముఖ్యమని తెలిపారు. వివిధ పాఠశాలల నుంచి వచ్చిన బాలలు బృందాలుగా జానపద నృత్యాలు ప్రదర్శించి ఆకట్టుకున్నారు. సంప్రదాయ దుస్తుల్లో అలరించారు. పెద్దసంఖ్యలో విద్యార్థులు పాల్గొన్నారు. చిక్కబళ్లాపురంలో యువజనోత్సవాలు షురూ

ఠాణాల్లోనే సివిల్‌ పంచాయితీలా?బనశంకరి: రాష్ట్రంలో తమపై దౌర్జన్యాలు, హత్యలు పెచ్చుమీరడాన్ని ఖండిస్తూ, భద్రత కల్పించాలని న్యాయవాదులు గొంతెత్తారు. బెంగళూరుతో పాటు రాష్ట్రవ్యాప్తంగా మంగళవారం విధులను బహిష్కరించి ఆందోళనలు నిర్వహించారు. దీంతో కోర్టు విచారణలకు తీవ్ర ఆటంకం కలిగింది. మా ప్రాణాలకు రక్షణ లేదా? న్యాయవాదులకు వృత్తిపరమైన భద్రతకు సమర్థవంతమైన చట్టం రూపొందించాలని బెంగళూరు న్యాయవాదుల సంఘం సభ్యులు డిమాండ్‌ చేశారు. ఈ మేరకు వేలాదిగా హైకోర్టు సహా అన్ని కోర్టుల నుంచి ర్యాలీ నిర్వహించి విధానసౌధకు చేరుకున్నారు. అక్కడ నినాదాలు చేస్తూ ధర్నా సాగించారు. ఇటీవల రోజుల్లో న్యాయవాదులపై పెరిగిన దాడులను ఉదాహరించారు. న్యాయాన్ని కాపాడడం కోసం పోరాడాల్సిన న్యాయవాదులు తమ ప్రాణరక్షణ కోసం వీధుల్లోకి రావాల్సి వచ్చిందని ఆవేదన వ్యక్తం చేశారు. వైట్‌ఫీల్డ్‌ న్యాయవాది మంజునాథ్‌, అన్నపూర్ణేశ్వరినగర న్యాయవాది శ్రీరామ్‌ దారుణహత్యలను ప్రస్తావించారు. వృత్తిలో భాగంగా కక్షిదారుల తరఫున వాదనలు వినిపిస్తామని, దీంతో వ్యక్తిగత ద్వేషం పెంచుకుని దాడులకు పాల్పడడం పెరిగిందని తెలిపారు. దాడులకు గురైన తమకు న్యాయం లభించే వ్యవస్థ లేకుండా పోయిందని మండిపడ్డారు. ఇవి న్యాయవాదుల స్వాతంత్య్రం, భద్రతపైనే జరుగుతున్న దాడులని పేర్కొన్నారు. దౌర్జన్యపరులను కఠినంగా శిక్షించాలి, తమకు గట్టి భద్రత కల్పించాలని నినాదాలు చేశారు. సంఘం అధ్యక్షుడు వివేక్‌ సుబ్బారెడ్డి, కార్యదర్శి హెచ్‌వీ.ప్రవీణ్‌గౌడ సహా వందలాది మంది వకీళ్లు పాల్గొన్నారు. ● బెంగళూరులో.. ఇంటి బాడుగ చెల్లించాలని అడిగినందుకు వలస కూలీల చేతిలో న్యాయవాది కాల్చివేత ● ఆటో ఎక్కను, నడుచుకుంటూ వెళ్తాను అని చెప్పినందుకు వకీలును ఆటోతో గుద్ది చంపిన ఆటోడ్రైవరు, ● గౌరిబిదనూరులో సీనియర్‌ న్యాయవాదిపై ఆగంతకుని హత్యాయత్నం.. ● ఇలాంటి దురాగతాలు పెరిగిపోవడంతో న్యాయవాదులు న్యాయం కోసం రోడ్డెక్కారు. తమపై దాడులను అరికట్టాలని డిమాండ్‌ భద్రత కోసం సర్కారుకు వినతి బెంగళూరుతో సహా రాష్ట్రంలో ఆందోళనలు హోంమంత్రికి ఫిర్యాదు బనశంకరి: బెంగళూరు న్యాయవాదుల సంఘం (ఏఏబీ) సభ్యులు హోంమంత్రి ప్రియాంక్‌ ఖర్గేను కలిసి లాయర్లకు భద్రత కల్పించాలని వినతిపత్రం అందజేశారు. తాము ఎదుర్కొంటున్న సమస్యలను వివరించారు. పోలీస్‌స్టేషన్లలో న్యాయవాదులకు కనీస గౌరవం ఇవ్వడం లేదు, కూర్చోవడానికి కుర్చీ కూడా ఇవ్వకుండా అహంకార ధోరణితో ప్రవర్తిస్తున్నారు, పోలీస్‌స్టేషన్లు చట్టవ్యతిరేక సమాంతర కోర్టులుగా మారుతున్నాయి, భూములు, ఆస్తులు వంటి సివిల్‌ కేసులను పోలీసులే తీర్చేయడం అధికమైంది అని వివరించారు. సివిల్‌ కేసుల్లో జోక్యం వద్దని సుప్రీంకోర్టు, డీజీపీ, పోలీస్‌ కమిషనర్‌ ఎన్నిసార్లు ఆదేశించినా సీఐ, ఎస్‌ఐ, ఏసీపీ స్థాయి అధికారులు ఉల్లంఘిస్తున్నారని పేర్కొన్నారు. న్యాయవాదుల కొన్ని డిమాండ్లు న్యాయవాదుల హత్యల కేసులో నిందితులను తక్షణం అరెస్ట్‌చేసి దర్యాప్తుచేసి శిక్షించాలి న్యాయవాదుల సంరక్షణకు చట్టంలో బెయిల్‌ రహిత సెక్షన్లను చేర్చాలి. దాడి చేసే నిందితులకు కనీసం పదేళ్లు జైలు శిక్షపడాలి ఠాణాల్లో వకీళ్ల పట్ల గౌరవంగా నడచుకోవాలి ఠాణాల్లో సివిల్‌ కేసులను విచారించరాదు, ఉల్లంఘించే పోలీసులపై చర్యలు తీసుకోవాలి ఈ డిమాండ్ల ప్రభుత్వం పరిష్కరించకపోతే పోరాటాన్ని తీవ్రతరం చేస్తామని న్యాయవాదులు తెలిపారు.

రాయచూరు రూరల్‌: నగరంలో ఈ నెల 15 నుంచి రెండు రోజుల పాటు జిల్లా కన్నడ సాహిత్య పరిషత్‌(కసాప) 12వ సమ్మేళనాన్ని నిర్వహిస్తున్నట్లు సమ్మేళనం కార్యాధ్యక్షుడు బోసురాజు పేర్కొన్నారు. మంగళవారం ప్రైవేట్‌ హోటల్‌లో ఏర్పాటు చేసిన విలేఖర్ల సమావేశంలో కసాప జిల్లా సమ్మేళనం లాంఛనాన్ని విడుదల చేసి ఆయన మాట్లాడారు. పండిత సిద్దరామ జంబలదిన్ని రంగమందిరంలో సమ్మేళనాన్ని చిన్న నీటిపారుదల శాఖ మంత్రి అజయ్‌ సింగ్‌ ప్రారంభిస్తారన్నారు. జిల్లా సమ్మేళనం సర్వాధ్యక్షుడిగా రామణ్ణ హవళే ఎంపికై నట్లు తెలిపారు. మాజీ ఎమ్మెల్యే పాపారెడ్డి, రంగణ్ణ పాటిల్‌, శాంతప్ప, జయన్న, బాబు భండారిగళ్‌, వీర హనుమాన్‌, రావుత్‌ రావ్‌, సంతోష్‌, బసవ ప్రభు, తాయప్ప పాల్గొన్నారు.

బళ్లారిటౌన్‌: జిల్లా రాజ్యోత్సవంలో జిల్లా యంత్రాంగం చేపట్టిన సాధకులకు సన్మానంలో సీనియర్‌ కళాకారులను గుర్తించకుండా అన్యాయం చేశారని సీనియర్‌ కళాకారుల సంఘం అధ్యక్షుడు పీఎల్‌ గాదిలింగనగౌడ పేర్కొన్నారు. మంగళవారం జిల్లాధికారికి వినతిపత్రాన్ని సమర్పించిన అనంతరం ఆయన విలేకరులతో మాట్లాడారు. జిల్లా స్థాయిలో వివిధ రంగాల్లో సేవలు అందించిన సాధకులను గుర్తించి జిల్లా యంత్రాంగం సన్మానించడం శ్లాఘనీయం అని, అయితే రంగస్థలంలో అర్హులైన సీనియర్‌ సాధకులను గుర్తించక పోవడంతో తీవ్రంగా కలత చెందుతున్నారన్నారు. పక్క జిల్లా అయిన విజయనగరలో పత్రికల ద్వారా దరఖాస్తులను పిలిచి అర్హులైన వారిని ఎంపిక చేసి సన్మానించారన్నారు. బళ్లారి జిల్లాలో ఎలాంటి దరఖాస్తులు కోరలేదన్నారు. అంతా ఎంపిక సమితి సభ్యుల సూచన మేరకే ఎన్నికలు చేసినందున అర్హులైన సీనియర్‌ వయో వృద్ధ సాధకులకు అన్యాయం జరిగిందన్నారు. అన్ని రంగాల్లో కూడా ముందస్తుగా తెలియజేసి దరఖాస్తు కోరడం వల్ల అందరికీ న్యాయం జరుగుతుందన్నారు. జిల్లాలో వివిధ జిల్లాల కళాకారులు, 50 నుంచి 60 ఏళ్ల పాటు కళా సేవలు అందించిన 80 ఏళ్ల వయో వృద్ధులు కూడా ఉన్నారని, కన్నడ సంస్కృతిక శాఖ ఎంపికలో సరైన బాధ్యత తీసుకోక పోవడంతో ఇలా అన్యాయం జరిగిందన్నారు. నేతలు చంద్రమౌళి, చంద్రశేఖర్‌, గోవిందనాయక్‌, జగదీశ, కుబేర, జగదీశ్‌ స్వామి, ఉత్తనూరు రామన్న, విశ్వనాథ్‌ హుగార తదితరులు పాల్గొన్నారు.

హొసపేటె: మతసామరస్యం, మానవత్వం, సోదరభావానికి ప్రతీకగా నిలిచిన మానవతావాది మరణంతో గ్రామమంతా కన్నీటి పర్యంతమైంది. ముస్లిం కుటుంబంలో జన్మించినా హిందూ సంప్రదాయాలు, పండుగలు, ఉత్సవాలు, మతపరమైన కార్యక్రమాల్లో చురుగ్గా పాల్గొంటూ కులమతాలకు అతీతంగా అందరితో కలిసిమెలిసి జీవించిన అద్దిగేరి గౌస్‌సాబ్‌కు గ్రామస్తులు భావోద్వేగ వీడ్కోలు పలికారు. విజయనగర జిల్లా హగరిబొమ్మనహళ్లి తాలూకా వరదాపుర గ్రామానికి చెందిన 68 ఏళ్ల గౌస్‌బాస్‌కు ఆయనకు ముగ్గురు కుమారులు, ముగ్గురు కుమార్తెలు ఉన్నారు. గుండెపోటుతో గౌస్‌సాబ్‌ మృతి చెందడంతో గ్రామం విషాదఛాయలు అలముకున్నాయి. గౌస్‌సాబ్‌ కేవలం ఒక వ్యక్తిగా కాకుండా గ్రామంలో ఐక్యతకు, సోదరభావానికి ప్రతీకగా నిలిచారు. ముస్లిం అయినప్పటికీ హిందూ సమాజంలోని ప్రతి ఆచారాన్ని తన సొంత కుటుంబ వేడుకగా భావించేవారు. గ్రామంలో ఏ కులానికి చెందిన వ్యక్తి మరణించినా ముందుండి అంత్యక్రియల్లో సహకరించేవారు. అంతేకాకుండా మృతుల కుటుంబాలకు అండగా నిలుస్తూ రాత్రంతా వారి ఇంటి వద్దనే ఉండి భజనలు పాడుతూ, దుఃఖంలో ఉన్నవారికి ధైర్యం చెప్పేవారు. గుడి అయినా మసీదు అయినా పండుగైనా, శుభకార్యమైనా అందరి కార్యక్రమాల్లో తన వంతు సేవ అందించేవారు. కులమతాల అడ్డుగోడలను చెరిపేస్తూ ప్రతి ఒక్కరితో అప్యాయంగా మెలిగిన గౌస్‌సాబ్‌ గ్రామ ప్రజలందరి అభిమానాన్ని, నమ్మకాన్ని సంపాదించుకున్నారు. ఆయన మృతి వార్త తెలుసుకున్న గ్రామస్తులు పెద్ద సంఖ్యలో తరలివచ్చి శ్రద్ధాంజలి ఘటించారు. ముస్లిం సంప్రదాయం ప్రకారం నిర్వహించిన ఆయన అంతిమయాత్రలో గ్రామమంతా పాల్గొని కన్నీటి వీడ్కోలు పలికింది.

బళ్లారిఅర్బన్‌: ప్రజల ఆరోగ్య పరిరక్షణే లక్ష్యంగా విజనరీ చారిటబుల్‌ ట్రస్ట్‌ ఆధ్వర్యంలో మంగళవారం నగరంలోని మిల్లర్‌పేట నగర ఆరోగ్య కేంద్రంలో ఉచిత నేత్ర వైద్య పరీక్ష, రక్తదాన శిబిరాన్ని నిర్వహించారు. ట్రస్ట్‌, బీఎంసీఆర్‌సీ, జిల్లా అంధత్వ నివారణ సంస్థ సహకారంతో ఏర్పాటు చేసిన ఈ శిబిరాన్ని వైద్యాధికారులు డాక్టర్‌ వీరేంద్ర, డాక్టర్‌ ఇంద్రాణి, డాక్టర్‌ పరసప్ప, డాక్టర్‌ శోభ, డాక్టర్‌ జైనుల్లా తదితరులు ప్రారంభించారు. అనంతరం ప్రజలకు ఉచితంగా కంటి పరీక్షలు నిర్వహించి, దృష్టి సమస్యలతో బాధపడుతున్న వారికి నిపుణులైన వైద్యులు తగిన వైద్య సలహాలు, చికిత్స అందించారు. గంజాయి విక్రేతల అరెస్ట్‌ హుబ్లీ: పాత హుబ్లీ, ధార్వాడల్లో గంజాయి విక్రయిస్తున్న ఆరుగురిని పోలీసులు అరెస్ట్‌ చేశారు. ధార్వాడ టోల్‌నాకా వద్ద 175 గ్రాముల గంజాయి, 2 మొబైల్‌ ఫోన్లు, రూ.3,010 నగదుతో పాటు ఇద్దరిని సీసీబీ పోలీసులు అరెస్ట్‌ చేశారు. నిందితులను వాసీం (25), అజీజ్‌ మహమ్మద్‌ (26) గా గుర్తించారు. ఘటనపై విద్యాగిరి పోలీసులు కేసు నమోదు చేసుకున్నారు. మరో కేసులో పాత హుబ్లీ గుడిహాళ రోడ్డు పక్కన 316 గ్రాముల గంజాయిని విక్రయిస్తున్న నలుగురిని పాత హుబ్లీ పోలీసులు అరెస్ట్‌ చేశారు. నిందితులను మహమ్మద్‌ గౌస్‌(24), బాబాజాన్‌(27), జేమ్స్‌ (21) మహమ్మద్‌ ముల్లా (19)గా గుర్తించారు. అర్మాన్‌ అనే నిందితుడు పరారీలో ఉన్నట్లు పోలీసులు తెలిపారు. దళితులకు టికెట్లు కల్పించాలి రాయచూరు రూరల్‌: జిల్లాలో దళితులకు రాజకీయంగా రిజర్వేషన్ల ప్రకారం టికెట్లు కల్పించాలని మాదిగ సేవా సమితి సంచాలకుడు రవీంద్ర జాలదార్‌ డిమాండ్‌ చేశారు. మంగళవారం జిల్లా పంచాయతీ కార్యాలయం వద్ద చేపట్టిన ఆందోళనలో ఆయన మాట్లాడారు. త్వరలో జరగనున్న స్థానిక సంస్థల ఎన్నికల్లో దళితులకు రిజర్వేషన్ల కోటా ప్రకారం టికెట్లను కేటాయించాలన్నారు. అనంతరం అదనపు జిల్లాధికారి శివమల్లప్పకు వినతిపత్రం సమర్పించారు. ఆందోళనలో నరసప్ప, నాగరాజ్‌, సుభాష్‌, భీమయ్యలున్నారు. దురాచారంపై సమీక్ష రాయచూరు రూరల్‌: రాయచూరు జిల్లా లింగసూగూరు తాలూకా నాగరాళలో హోటల్‌లో ఎస్సీ కులానికి చెందిన వ్యక్తికి జగ్గుతో దోసిలిలోకి నీరు పోసి తాగించిన వైనం వైరల్‌ కావడంతో అధికారులు గ్రామాన్ని సందర్శించారు. సోమవారం జిల్లాధికారి పూవిత, జడ్పీ సీఈఓ ఈశ్వర్‌ కుమార్‌, లింగసూగూరు డీఎస్పీ సులేమాన్‌ తిడిగోళ గ్రామ పంచాయతీ కార్యాలయంలో శాంతి సమావేశం నిర్వహించారు. సమస్య పరిష్కారానికి చర్యలు తీసుకుంటామని, హోటల్‌ యజమానిపై కేసు నమోదు చేస్తామని హామీ ఇచ్చారు. రైతులకు జిల్లాధికారిణి అవమానం రాయచూరు రూరల్‌: జిల్లాలో నీటి సమస్యలపై స్పందించాలని అడగడానికి వెళ్లిన రైతులను జిల్లాధికారిణి పూవిత అవమానించారని రైతు సంఘం నేత అనిత ఆరోపించారు. మంగళవారం పాత్రికేయుల భవనంలో ఏర్పాటు చేసిన విలేఖర్ల సమావేశంలో మాట్లాడారు. జిల్లాలో తుంగభద్ర కృష్ణా నదులున్నా ప్రజలకు నీరు అందించడం లేదన్నారు. దీనిపై అడిగేందుకు వెళ్లిన రైతులను బయటికి వెళ్లమని చెప్పి అవమానించారన్నారు. రైతులు తప్పు చేసి ఉంటే కేసు పెట్టాలన్నారు. 48 గంటల్లో చేసిన తప్పిదంపై వివరణ ఇవ్వకపోతే అత్తనూరులో నిరాహార దీక్ష చేపడతామని తెలిపారు. కనీస వేతనాలివ్వండి రాయచూరు రూరల్‌: సాంఘీక సంక్షేమ శాఖలో విధులు నిర్వహిస్తున్న ఎస్టీ కాంట్రాక్ట్‌ కార్మికులకు కనీస వేతనాలు అందించాలని సాంఘీక సంక్షేమ శాఖ కాంట్రాక్ట్‌ కార్మికుల సంఘం డిమాండ్‌ చేసింది. మంగళవారం సాంఘీక సంక్షేమ శాఖ కార్యాలయం వద్ద చేపట్టిన ఆందోళనలో అధ్యక్షుడు బసవలింగప్ప మాట్లాడారు. రాష్ట్ర సర్కార్‌ ఆధీనంలో విధులు నిర్వహించే కాంట్రాక్ట్‌ కార్మికులకు కనీస వేతనాలు అందించేలా సర్కార్‌ చర్యలు చేపట్టి వారికి సక్రమంగా సౌకర్యాలు అందించాలని కోరుతూ అధికారికి వినతిపత్రం సమర్పించారు.

హుబ్లీ: గ్రామ పాలన అధికారి (వీఏఓ) పరీక్షల్లో అక్రమాలకు పాల్పడి 151 మార్కులు తెచ్చుకోవడం ద్వారా తొలి ర్యాంక్‌ గడించిన ఆరోపణలపై శంకర్‌ బన్నూరుపై హావేరి జిల్లా శిగ్గాంవి పోలీసులు కేసు నమోదు చేశారు. నియామక పరీక్షలు నిర్వహించిన కర్ణాటక పరీక్ష ప్రాధికార సూచనల మేరకు హావేరి జిల్లాధికారి విజయ మహంతేష్‌ దానమ్మనవర ఆదేశం మేరకు సవణూరు ఏసీ సమీర్‌ కోడె ఐటీ చట్టం– 2000, కర్ణాటక పరీక్ష చట్టం–2023 కింద కేసు దాఖలు చేసుకున్నారు. ఎఫ్‌ఐఆర్‌లో ఏముందంటే? అక్టోబర్‌ 4న శిగ్గాంవి డీబీ మాంమ్లే దేశాయి జూనియర్‌ కళాశాల పరీక్ష కేంద్రంలో సంబంధిత పరీక్షకు హానగల్‌ పట్టణం గుడికేరి వీధి యడేపేట నివాసి, నిందితుడు శంకర్‌ బసవరాజ బన్నూరు హాజరయ్యారు. ఆ మేరకు ఉదయం, మధ్యాహ్నం జరిగిన రెండు పరీక్షల్లో కాపీ కొట్టడానికి ఇతడు ఎవరూ గుర్తించని విధంగా మొబైల్‌ లాంటి వస్తువును పరీక్ష గదిలోకి తీసుకెళ్లాడు. దీంతో పాటు పరీక్షల్లో ప్రశ్న పత్రిక ఫోటో తీసి సమాధానాలు తెలుసుకొని ఓఎంఆర్‌ నింపారు. 200 మార్కులకు గాను 151 మార్కులు తెచ్చుకున్నారు. బాధ్యుడిపై చట్టరీత్య చర్యలు తీసుకోవాలని ఏసీ సమీర్‌ ఫిర్యాదులో పేర్కొన్నారు. పోలీస్‌ కానిస్టేబుల్‌ పరీక్షల్లో 25 మార్కులే పోలీస్‌ కానిస్టేబుల్‌ పరీక్షల్లో 25 మార్కులు పొందిన శంకర్‌ బన్నూరు వీఏఓ పరీక్షల్లో 151 మార్కులు సాధించి రాష్ట్రానికే టాపర్‌గా నిలవడం రాష్ట్రంలో చర్చనీయాంశమైంది. సోషల్‌ మీడియాలో చాలా చర్చలు జరిగిన నేపథ్యంలో కేఈఏ కూడా దర్యాప్తునకు ఆదేశాలు ఇచ్చింది. హావేరి జిల్లాధికారి ప్రత్యేక బృందాన్ని ఏర్పాటు చేశారు. ఆ మేరకు సవణూరు ఏసీ నేతృత్వంలో దర్యాప్తునకు ఆదేశించారు. నేను ఎలాంటి తప్పు చేయలేదని, ఏ దర్యాప్తుకై నా సిద్ధం అని నిందితుడు సమర్థించుకున్నాడు. ఇప్పటికే 45 పరీక్షలను రాశాను. ఒక్కొక్క పరీక్షలో తక్కువ తేడాతో ఉద్యోగం కోల్పోయానని, అందుకే తాను ఎటువంటి దర్యాప్తుకై నా సిద్ధం అని శంకర్‌ ప్రకటించాడు. కేఈఏ ఎగ్జిక్యూటివ్‌ అధికారి ప్రసన్న సూచనల మేరకు సవణూరు ఏసీ విచారణ చేశారు. 2, 3 రోజుల్లో నివేదిక తన చేతికి వస్తుందని, అప్పుడు నిజాలు తెలుస్తాయని జిల్లాధికారి విజయ్‌ మహంతేష్‌ మీడియాకు తెలిపారు.

రాయచూరు రూరల్‌ : రాయచూరు నగరంలో రాష్ట్రీయ స్వయం సేవక్‌ సంఘ్‌(ఆర్‌ఎస్‌ఎస్‌) ఆధ్వర్యంలో పథ సంచలనం(కవాతు) నిర్వహించారు. ఆదివారం సాయంత్రం వీరాంజనేయ దేవాలయం నుంచి పుర వీధుల గుండా సంచరించి వాల్కట్‌ మైదానం వరకు చేపట్టారు. మహిళలు రోడ్డు పొడవున గణ వేషధారులపై పూల వర్షం కురిపించారు. వందలాది మంది ఆర్‌ఎస్‌ఎస్‌ కార్యకర్తలు కవాతులో పాల్గొన్నారు. పాత ఓటరు జాబితాతోనే ‘స్థానిక’ ఎన్నికలు●మంత్రి ఈశ్వర్‌ ఖండ్రె హుబ్లీ: త్వరలో జరగనున్న జిల్లా, తాలూకా పంచాయతీ ఎన్నికల్లో కేంద్రం సర్‌ ప్రక్రియ తర్వాడ వెల్లడించిన ఓటర్ల జాబితాకు బదులుగా పాత ఓటర్ల జాబితా ఆధారంగానే ఎన్నికలు నిర్వహించడానికి చట్టంలో అవకాశం ఉందని రాష్ట్ర గ్రామీణాభివృద్ధి పంచాయతీరాజ్‌ శాఖ మంత్రి ఈశ్వర్‌ ఖండ్రె తెలిపారు. బీదర్‌లో ఆయన మీడియాతో మాట్లాడుతూ ఈ నెల 5న జరగనున్న మంత్రి వర్గ సమావేశంలో ఈ విషయంపై తుది నిర్ణయం తీసుకుంటామన్నారు. జిల్లా, తాలూకా పంచాయతీ ఎన్నికల రిజర్వేషన్‌ జాబితాకు సంబంధించి ఇప్పటికే తొలి దశ నోటిఫికేషన్‌ వెల్లడించామన్నారు. అక్టోబర్‌ 19 వరకు అభ్యంతరాలకు గడువు ఉండిందన్నారు. 2200 అభ్యంతరాలు వచ్చాయని, అధికారులు వాటిని పరిశీలిస్తున్నారన్నారు. మరో వారంలోగా తుది దశ నోటిఫికేషన్‌ వెల్లడించాలని సూచించానన్నారు. ఎన్నికల షెడ్యూల్‌ ప్రకటించడం రాష్ట్ర ఎన్నికల సంఘం బాధ్యత అని, అలాగే రిజర్వేషన్లను ప్రకటించే బాధ్యత ప్రభుత్వానిదన్నారు. కొన్ని ప్రక్రియల తర్వాత డిసెంబర్‌ 15 అనంతరం ఎన్నికల తేదీల ప్రకటన వెల్లడయ్యే అవకాశం ఉందన్నారు. రాష్ట్ర స్థాయి పోటీలకు ఎంపిక కోలారు : జిల్లా నుంచి రాష్ట్ర స్థాయి అథ్లెటిక్స్‌ క్రీడా పోటీలకు 63 మంది క్రీడాకారులు ఎంపిక కాగా వారిని డీఈఓ అల్మాస్‌ ఫర్వీన్‌ తాజ్‌ అభినందించి వీడ్కోలు పలికారు. ఆమె మాట్లాడుతూ విద్యార్థులు రాష్ట్ర స్థాయిలో కూడా రాణించి జిల్లాకు కీర్తి ప్రతిష్టలు తేవాలన్నారు. క్రీడలతో శారీరక, మానసిక సమతుల్యం సాధ్యం అన్నారు. చదువుతో పాటు క్రీడలకు కూడా విద్యార్థులు ప్రాధాన్యత నివ్వాలన్నారు. మారుతున్న ఆహారపు అలవాట్లతో నేడు అనేక ఆరోగ్య సమస్యలు తలెత్తుతున్నాయన్నారు. దీని నివారణకు విద్యార్థులు పౌష్టికార సేవనంతో పాటు క్రీడల్లో విరివిగా పాల్గొనాలన్నారు. జిల్లా వ్యాయామ విద్యాధికారి మంజునాథ్‌, తాలూకా వ్యాయామ విద్యాధికారిణి కె లీలా తదితరులు పాల్గొన్నారు.

సాక్షి, బెంగళూరు: ఏపీలో శాంతిభద్రతలు క్షీణించాయని, విద్యార్థినిపై జరిగిన పాశవిక దాడే ఇందుకు ఉదాహరణ అని మాజీ ముఖ్యమంత్రి, వైఎస్సార్‌సీపీ అధ్యక్షుడు వైఎస్‌ జగన్‌మోహన్‌రెడ్డి ఆగ్రహం వ్యక్తంచేశారు. రాప్తాడు ప్రభుత్వ పాఠశాలలో ఉన్మాది చేతిలో తీవ్రంగా గాయపడి బెంగళూరులోని మణిపాల్‌ ఆస్పత్రిలో చికిత్స పొందుతున్న గోపికను వైఎస్‌ జగన్‌ సోమవారం పరామర్శించారు. వైద్యులతో మాట్లాడిన ఆయన బాలిక ఆరోగ్య పరిస్థితి గురించి తెలుసుకున్నారు. త్వరగా కోలుకునేలా మెరుగైన వైద్యచికిత్సలు అందించాలని వైద్యులకు సూచించారు. ఏపీలో దారుణ పరిస్థితి ఈ సందర్భంగా ఆస్పత్రి ముందు వైఎస్‌ జగన్‌ మీడియాతో మాట్లాడుతూ చంద్రబాబు ప్రభుత్వ అసమర్థతపై మండిపడ్డారు. ఏపీలో ఇలాంటి దారుణ పరిస్థితులు నెలకొనడానికి ప్రధాన కారణం వెన్నుపోటు పార్టీ, కూటమి ప్రభుత్వ వైఫల్యమేనని దుయ్యబట్టారు. ప్రతి వీధిలో మద్యం బెల్ట్‌ షాపులు, గంజాయి దందా సాగుతోందని ఆరోపించారు. బాలికకు అన్యాయంపై ఆవేదన తీవ్రంగా గాయపడిన గోపిక ప్రస్తుతం ఆసుపత్రిలో చికిత్స పొందుతోందని, దేవుని దయవల్ల చిన్నారి ఆరోగ్య పరిస్థితి క్రమంగా మెరుగుపడుతోందని వైద్యులు చెప్పినట్లు వైఎస్‌ జగన్‌ తెలిపారు. చిన్నారికి జరిగిన దారుణాన్ని తలచుకుంటే తీవ్ర ఆవేదన కలుగుతోందని చెప్పారు. బాలిక తల్లి, బంధువులతో జగన్‌ మాట్లాడారు. ధైర్యంగా ఉండాలని, పాప కోలుకుని ఆరోగ్యంగా తిరిగి వస్తుందని భరోసా ఇచ్చారు. ఈ సందర్భంగా ఆస్పత్రి వైద్యులతో జగన్‌ ప్రత్యేకంగా ఆరా తీశారు. అనంతపురం జిల్లా వైఎస్సార్‌సీపీ సీనియర్‌ నాయకులు తోపుదుర్తి ప్రకాష్‌రెడ్డి, ఉషశ్రీ చరణ్‌, గోరంట్ల మాధవ్‌ తదితరులు పాల్గొన్నారు. జననేత వస్తున్నట్లు తెలియడంతో వందలాది మంది అభిమానులు తరలిరావడంతో ఆస్పత్రి వద్ద రద్దీ నెలకొంది. రాప్తాడు పాఠశాలలో రంపపు దాడికి గురైన బాలిక.. బెంగళూరు ఆస్పత్రిలో మాజీ సీఎం వైఎస్‌ జగన్‌మోహన్‌రెడ్డి పరామర్శ కుటుంబానికి భరోసా ఈ దాడి ఏపీ ప్రభుత్వ అసమర్థతే అని జననేత మండిపాటు ఏపీలోని అనంతపురం జిల్లా రాప్తాడు జడ్పీ హైస్కూల్‌లో హేమంత్‌ అనే కిరాతకుడు ఎలక్ట్రిక్‌ రంపంతో విద్యార్థినిపై రాక్షసంగా దాడికి పాల్పడడం తీవ్ర సంచలనం కలిగిస్తోంది. ఏపీలోని శాంతిభద్రతల పరిస్థితిపై దేశమంతటా చర్చను రేకెత్తించింది. ఈ నేపథ్యంలో ఆంధ్రప్రదేశ్‌ మాజీ ముఖ్యమంత్రి, వైఎస్సార్‌సీపీ అధినేత వైఎస్‌ జగన్‌ మోహన్‌రెడ్డి బెంగళూరులో ఆస్పత్రిలో చికిత్స పొందుతున్న బాలికను పరామర్శించి, కుటుంబాన్ని ఓదార్చారు.

హుబ్లీ: ఉత్తరాఖండ్‌ హెలికాప్టర్‌ ప్రమాదంలో మృతి చెందిన కే.సుధీర్‌ భౌతిక కాయం దావణగెరె జిల్లా చెన్నగిరి తాలూకా త్యావణిగి గ్రామానికి చేరుకోవడంతో కుటుంబ సభ్యులు, గ్రామస్తులు కన్నీరు మున్నీరయ్యారు. మాజీ ఎమ్మెల్యే బసవరాజ్‌ నాయక్‌, శ్రీనివాస్‌, చుట్టు పక్కల గ్రామస్తులు బంధువులు, మిత్రులు సుధీర్‌ అంతిమ దర్శనం చేసుకున్నారు. ఆ గ్రామ సమీపంలోని సుధీర్‌ సొంత పొలంలోనే హిందూ సంప్రదాయం ప్రకారం అంత్యక్రియలను నెరవేర్చారు. సుధీర్‌ మెడలోని చైన్‌, చేతికి ఉన్న ఉంగరం, పరుసు దొరికాయి. మృతదేహం గుర్తించడానికి మరిన్ని వివరాలు కావాల్సింది. మృతుడి సోదరుడు దంత వైద్యుడు కావడంతో కొన్ని నెలల క్రితం సుధీర్‌ పళ్లకు క్యాప్‌ వేశారు. ఈ విషయాన్ని అధికారులకు తెలియజేయడంతో మృతదేహాన్ని గుర్తించి బంధువులకు ఇవ్వడానికి అధికారులు అంగీకరించారని తెలిసింది. కాగా తమ కుమారుడి మృతిపై ఆయన తల్లిదండ్రులు గుండెలవిసేలా రోదించారు. మృతుడి తండ్రి మల్లేశప్ప తమ కుమారుడి మృతికి హెలికాఫ్టర్‌ను సక్రమంగా నిర్వహించక పోవడమే కారణమని ఆరోపించారు. దీనికి బాధ్యులైన వారిపై చర్యలు తీసుకోవాలన్నారు. తన కుమారుడు ఎందరికో సహాయం చేశాడని, తన కుమారుడు కూడా ఓ రకంగా దివంగత పునీత్‌రాజ్‌కుమార్‌ లాంటివాడన్నారు. 49 ఏళ్ల తన కుమారుడు న్యాయమూర్తి కావాలని కలలు కనేవాడన్నారు. తమ ఊరి వారు ఎవరైనా బెంగళూరుకు వెళ్లి సహాయం అడిగితే కాదనేవాడు కాదని భోరుమన్నారు. మృతుడికి ఇద్దరు పిల్లలు ఉన్నారు. కుమార్తె ఎంబీబీఎస్‌ చదువుతోంది. ఈ వయసులో కుమారుడి దహనసంస్కారాలు చేయాల్సి రావడం విధి ఆడిన నాటకం, నా మనవళ్లు నా రెండు కళ్లు ఉన్నట్లే. వారిద్దరిని బాగా చూసుకుంటానని ఆయన రోదించారు.

● కేంద్రమంత్రి కుమారస్వామి స్టింగ్‌ ఆపరేషన్‌ కేసులో కాంగ్రెస్‌ ప్రభుత్వం, బెంగళూరు నగర పోలీస్‌కమిషనర్‌ సీమంత్‌కుమార్‌సింగ్‌ పై కేంద్రమంత్రి హెచ్‌డీ.కుమారస్వామి తీవ్రస్థాయిలో ధ్వజమెత్తారు. సోమవారం ఆయన బెంగళూరులో విలేకరులతో మాట్లాడుతూ... మాజీ సీఎం సిద్దరామయ్యకు క్లీన్‌చిట్‌ ఇవ్వడానికి పోలీసులు తమపై కట్టుకథ అల్లడానికి సిద్ధయ్యారన్నారు. ఇది ట్రైలర్‌ మాత్రమే, సినిమా ఇంకా ఉందని హోంమంత్రి ప్రియాంక్‌ ఖర్గే చెప్పడంపై మండిపడ్డారు, తన వద్ద పూర్తి సినిమా ఉందని కుమారస్వామి అన్నారు. స్టింగ్‌ ఆపరేషన్‌ కేసులో తనపేరు చేర్చడానికి ప్రయత్నిస్తున్నారన్నారు. వీడియోలో చూపినట్లు లైంగికదాడి అనేది జరగలేదని పోలీసులు గత నెల 29న ప్రకటించారు, ఫోరెన్సిక్‌ నివేదిక రాకముందే ఘటన జరగలేదని పోలీసులు తీర్మానించడం సిద్దరామయ్యకు రక్షించి ప్రభుత్వాన్ని కాపాడే కుట్ర కాదా అని ప్రశ్నించారు. మహిళా కమిషన్‌ మాజీ అధ్యక్షురాలు కృపా ఆళ్వా పాత్ర ఏమిటి?, కేరళ ఆడపిల్ల గతంలో ఈ–మెయిల్‌ చేసిన ఫిర్యాదులు ఎక్కడికి వెళ్లాయి, ఆ బాలికకు ఎంత డబ్బు ఇచ్చారు, స్టింగ్‌ వీడియోలో ఉన్న మూడో వ్యక్తి ఎవరు, అతని పాత్ర ఏమిటి , కృపా ఆళ్వాను విదేశాలకు ఎందుకు పంపించారు.. ఈ కోణంలో పోలీసులు ఎందుకు దర్యాప్తు చేయడం లేదు అని ప్రశ్నించారు. 2011 వీడియో 2023లో బయటకు రావడానికి కారణం ఏమిటి అన్నారు. రితేశ్‌పాండే అనే వ్యక్తిని యూపీ ఘజియాబాద్‌లో అరెస్టు చేసి, తన ఇంట్లో చేశామని హోంమంత్రి , కమిషనర్‌ కట్టుకథ సృష్టిస్తున్నారని దుయ్యబట్టారు.

ఉత్తరాఖండ్‌లో హెలికాప్టర్‌ ప్రమాదం...సాక్షి బళ్లారి: ఉత్తరాఖండ్‌లోని చార్‌ధాం యాత్రకు వెళ్లిన కర్ణాటక వాసులు తిరుగు ప్రయాణంలో ఇటీవల హెలికాప్టర్‌ ప్రమాదంలో మృతి చెందిన సంగతి తెలిసిందే. వారి పార్థివదేహాలు స్వగ్రామాలకు చేరుకున్నాయి. మూడు రోజుల క్రితం ఉత్తరాఖండ్‌లోని బద్రీనాథ్‌ నుంచి డెహ్రాడూన్‌కు తిరిగి వస్తున్న ట్రాన్స్‌ భారత్‌ ఏవీయేషన్‌ సంస్థకు చెందిన హెలికాప్టర్‌ జోషిమఠ్‌ సమీపంలోని ఛాయ్‌గ్రామం వద్ద కొండప్రాంతంలో కుప్పకూలిన నేపథ్యంలో పైలట్‌తో సహా కర్ణాటకకు చెందిన సుధీర్‌, ప్రముఖ వ్యాపారవేత్త ప్రతాప్‌, బెంగళూరు సెంట్రల్‌ క్రైం బ్రాంచ్‌ పోలీసు ఇన్‌స్పెక్టర్‌ అరుణ్‌ సాలుంకె, న్యాయవాదులు శంకర్‌గౌడ, నటరాజ్‌ మృతి చెందిన విషయం విదితమే. అక్కడ పోస్టుమార్టం తదితరాలు ముగిసిన తర్వాత సోమవారం న్యాయవాది సుధీర్‌ మృతదేహాన్ని కర్ణాటకలోని స్వగ్రామమైన దావణగెరె జిల్లా చెన్నగిరి తాలూకా త్యావణిగి గ్రామానికి తరలించడంతో మృతుల కుటుంబాల్లో తీవ్ర విషాద ఛాయలు అలుముకున్నాయి. ‘పేదలకు అండగా నిలిచేవారు’ కుటుంబానికి అండగా నిలిచిన వ్యక్తిని కోల్పోయామని రోదించారు. పేదలకు అండగా నిలుస్తూ న్యాయవాదిగా ఎన్నో సహాయ సహకారాలు అందించారని గ్రామస్తులు సైతం కన్నీరు పెట్టారు. సంప్రదాయబద్ధంగా ఆయన భౌతిక కాయానికి అంత్యక్రియలు పూర్తి చేశారు. అదేవిధంగా హెలికాప్టర్‌ ప్రమాదంలో మృతి చెందిన బెంగళూరు సీసీబీ ఇన్‌స్పెక్టర్‌ అరుణ్‌ సాలుంకె మృతదేహం కూడా సోమవారం స్వగ్రామమైన బెళగావి జిల్లా అథణి తాలూకా అరటాళ గ్రామానికి చేరుకోవడంతో కుటుంబ సభ్యులు, గ్రామస్తులు శోకసంద్రంలో మునిగిపోయారు. 2007లో కర్ణాటక పోలీసు శాఖలో చేరిన అరుణ్‌ విధుల్లో చక్కగా రాణించి మంచిపేరు తెచ్చుకున్నారు. ఆయన భౌతిక కాయానికి వారి కుటుంబ సంప్రదాయం ప్రకారం కన్నీటి వీడ్కోలు పలికారు. దావణగెరె, బెళగావి జిల్లాల్లో విషాదం స్వస్థలాలకు చేరిన భౌతికకాయాలు

హొసపేటె: పోలీస్‌ సిబ్బంది సంక్షేమానికి మరో ముందడుగు పడింది. విధి నిర్వహణలో నిరంతరం ప్రజలకు సేవలందించే పోలీస్‌ సిబ్బంది, వారి కుటుంబాలకు మెరుగైన గృహ వసతి కల్పించే లక్ష్యంతో హొసపేటెలోని జిల్లా సాయుధ రిజర్వ్‌ పోలీసు(డీఏఆర్‌పీ) ప్రాంగణంలో నూతనంగా నిర్మించిన పోలీస్‌ నివాస గృహాలను జిల్లా ఇన్‌చార్జి మంత్రి కే.బసవంతప్ప ముఖ్య అతిథిగా పాల్గొని ప్రారంభించారు. సుమారు రూ.10.97 కోట్ల వ్యయంతో నిర్మించిన 36 పోలీస్‌ క్వార్టర్లను అందుబాటులోకి తెచ్చారు. మంత్రి మాట్లాడుతూ పోలీస్‌ సిబ్బంది ఎలాంటి పరిస్థితుల్లోనైనా ప్రజల రక్షణ కోసం నిరంతరం విధులు నిర్వహిస్తున్నారన్నారు. వారి సంక్షేమం, కుటుంబ సభ్యుల సౌకర్యం కోసం ప్రభుత్వం ప్రాధాన్యత ఇస్తోందన్నారు. పోలీస్‌ సిబ్బందికి నాణ్యమైన నివాస గృహాలు కల్పించడం ద్వారా వారి కుటుంబాలకు భద్రతతో కూడిన ప్రశాంతమైన జీవిత వాతావరణం ఏర్పడుతుందన్నారు. అనంతరం మంత్రి, ఇతర ప్రజాప్రతినిధులు, అధికారులు నూతనంగా నిర్మించిన నివాస గృహాలను పరిశీలించారు. అక్కడ కల్పించిన సౌకర్యాలు, నిర్మాణ వివరాలను పోలీస్‌ అధికారులు వారికి వివరించారు. హొసపేటె ఎమ్మెల్యే గవియప్ప, హుడా అధ్యక్షుడు ఇమాం నియాజీ, జిల్లాధికారిణి కవిత మన్నికేరి, జెడ్పీ సీఈఓ గరీమా పన్వర్‌, ఎస్పీ ఎస్‌.జాహ్నవి పాల్గొన్నారు. డీఏఆర్‌ పోలీసు క్వార్టర్లను ప్రారంభించిన మంత్రి, ఎమ్మెల్యేలు విజయనగర జిల్లా పోలీసులకు అందుబాటులోకి కొత్త నివాసాలు

రాయచూరు రూరల్‌ : గురువులతో పాటు భగవంతుడిని దర్శించే భాగ్యం కలగడం రాయచూరు భక్తుల సుకృతమని తెలుగు ీసినిమా పాత్రికేయుడు వీ.ఎస్‌.ఎన్‌.మూర్తి పేర్కొన్నారు. సోమవారం నగరంలోని సాయిబాబా ఆలయాన్ని దర్శించుకుని ఆయన మాట్లాడారు. దేశ, విదేశాల్లో సాయి మందిరాలను చూశానని, రాయచూరులో సాయిబాబా, శనీశ్వరుల ఆలయాలు ఉండటం విశేషమన్నారు. మురళీ యాదవ్‌, ఉమాకాంత్‌, లక్ష్మణ్‌, విజయ బసవ, శ్రీశైల, కిరణ్‌, కేశవమూర్తిలున్నారు. శారీరక ఆరోగ్యం కాపాడుకోవాలి రాయచూరు రూరల్‌: మానవుడు శారీరక ఆరోగ్యాన్ని కాపాడుకోవాలని ఎస్పీ అరుణాంగ్షు గిరి పేర్కొన్నారు. ఆదివారం మహాత్మాగాంధీ క్రీడాంగణంలో ఎన్‌ఎస్‌ బోసురాజు ఫౌండేషన్‌ ఆధ్వర్యంలో ఏర్పాటు చేసిన మిస్టర్‌ కర్ణాటక రత్న–2026 దేహదారుఢ్య పోటీలను ప్రారంభించి ఆయన మాట్లాడారు. ఆత్మరక్షణ కోసం కరాటేను నేర్చుకోవాలన్నారు. పోటీల్లో గెలుపోటములను సమానంగా స్వీకరించాలన్నారు. అధిక సంఖ్యలో పోటీల్లో పాల్గొనేలా చేసిన యాజమాన్యం మరింత ముందడుగు వేసి రాష్ట్ర స్థాయి పోటీలను ఏర్పాటు చేయాలన్నారు. డీఎస్పీ శాంతవీర, సీఐలు అమరేష్‌, సాబయ్య, ఎస్‌ఐ మంజునాథ్‌, పోటీల నిర్వాహకులు సుధాకర్‌, విశ్వనాథ్‌, రిషబ్‌ హర్ష, ఆకాశ్‌, వైశిష్టలున్నారు. వందేభారత్‌ రైలుకు స్వాగతం రాయచూరు రూరల్‌: కేంద్ర ప్రభుత్వం నూతనంగా బెంగళూరు–ముంబై మధ్య ప్రారంభించిన వందే భారత్‌ స్లీపర్‌ కోచ్‌ రైలుకు బెంగళూరులో శ్రీకారం లభించింది. ఈ రైలుకు ఆదివారం రాత్రి కళ్యాణ కర్ణాటకలోని రాయచూరు, యాదగిరి, కలబుర్గి రైల్వే స్టేషన్లలో అధికారులు, నేతలు హడావిడి సృష్టించి ఘనస్వాగతం పలికారు. రాయచూరులో మాజీ లోక్‌సభ సభ్యుడు రాజా అమరేశ్వర నాయక్‌, దేవదుర్గ శాసన సభ్యురాలు కరెమ్మ నాయక్‌, యాదగిరిలో శాసన సభ్యులు చెన్నారెడ్డి పాటిల్‌ తన్నూరు, శరణేగౌడ కందకూరు వందే భారత్‌ రైలుకు పచ్చ జెండాలతో స్వాగతం పలికారు. రైతులకు కరువు పరిహారం అందించాలి: మంత్రి హొసపేటె: జిల్లాలో కరువుతో నష్టపోయిన రైతులకు ప్రభుత్వం నుంచి తగిన సహాయం అందించడంతో పాటు, పంటల బీమా పరిహారం అందేలా చర్యలు తీసుకోవాలని జిల్లా ఇన్‌చార్జి మంత్రి కే.బసవంతప్ప అధికారులకు సూచించారు. హొసపేటెలో జిల్లా కలెక్టర్‌ కార్యాలయం సమావేశ మందిరంలో సోమవారం మంత్రి అధ్యక్షతన జిల్లా స్థాయి సమావేశం నిర్వహించారు. జిల్లాలో నెలకొన్న కరువు పరిస్థితులు, వ్యవసాయ రంగం పై దాన్ని ప్రభావం, పంట నష్టాల అంచనా, రైతులకు అందించాల్సిన కరువు సహాయం, పంటల బీమా పరిహారం తదితర అంశాల పై అధికారులతో విస్తృతంగా చర్చించారు. అధికారులు, ఎమ్మెల్యేలు పాల్గొన్నారు. కార్మిక చట్టాలపై నిరసన రాయచూరు రూరల్‌: కేంద్ర ప్రభుత్వం జారీ చేసిన నాలుగు కార్మిక చట్టాలను ఉపసంహరించాలని సీఐటీయూ డిమాండ్‌ చేసింది. సోమవారం హరిజనవాడలో చేపట్టిన ఆందోళనలో అధ్యక్షుడు శరణ బసవ మాట్లాడారు. రైతు, వ్యవసాయ, ఏపీఎంసీ, విద్యుత్‌, కార్మిక చట్టాలను జారీ చేయడంతో రైతు, కార్మిక, వ్యవసాయ కూలీలు అన్ని విధాలుగా నష్టపోతారని ఆరోపించారు. ప్రైవేట్‌ పెట్టుబడిదారులకు మద్దతుగా ఎర్ర తివాచీ పరచడాన్ని తప్పు బట్టారు. మనరేగను తొలగించి వికసిత్‌ భారత్‌ మిషన్‌ రోజ్‌గార్‌ పేరును నమోదు చేశారన్నారు. మనరేగ పథకంతో నేడు వలసలు వెళుతున్న కూలీలు, కార్మికుల భవిష్యత్‌ అంధకారమైందన్నారు. దేశంలో 12 కోట్ల మంది వ్యవసాయ కూలీ కార్మికుల పొట్ట కొట్టారన్నారు.

బళ్లారిఅర్బన్‌: జిల్లా వాణిజ్య పారిశ్రామిక సంస్థ ఆధ్వర్యంలో 71వ కన్నడ రాజ్యోత్సవ వేడుకలను ఘనంగా నిర్వహించారు. కన్నడ మాత భువనేశ్వరి చిత్రపటానికి పూలమాలలు వేసి నివాళులర్పించారు. అనంతరం కన్నడ జెండాను ఆవిష్కరించి వేడుకలను ప్రారంభించారు. సంస్థ అధ్యక్షుడు అవ్వార్‌ మంజునాథ్‌ మాట్లాడుతూ దక్షిణ భారతదేశంలో కన్నడ భాష మాట్లాడే ప్రాంతాలన్నింటినీ ఏకతాటిపైకి తెచ్చిన చారిత్రక సందర్భమే కన్నడ రాజ్యోత్సవమని అన్నారు. మైసూరు రాష్ట్రానికి కర్ణాటకగా నామకరణం చేసిన నవంబర్‌ 1వ తేదీని ప్రతి సంవత్సరం కన్నడిగులు గర్వంగా జరుపుకుంటారన్నారు. సంస్థ గౌరవ కార్యదర్శి కేసీ.సురేశ్‌బాబు మాట్లాడుతూ 1956 నవంబర్‌ 1న కన్నడ భాష మాట్లాడే ప్రాంతాలను విలీనం చేసి మైసూరు రాష్ట్రాన్ని ఏర్పాటు చేశారన్నారు. అనంతరం 1973 నవంబర్‌ 1న మైసూరు రాష్ట్రానికి కర్ణాటకగా పేరు మార్చారన్నారు. మాతృభూమి, భాష, సంస్కృతి, సంప్రదాయాలను కాపాడుకోవడం ప్రతి కన్నడిగుడి బాధ్యత అని అన్నారు. సంస్థ సీనియర్‌ ఉపాధ్యక్షుడు ఎస్‌.దొడ్డనగౌడ, ఉపాధ్యక్షులు సొంతా గిరిధర, పి.పాలన్న, సంయుక్త కార్యదర్శులు డాక్టర్‌ మర్చేడ్‌ మల్లికార్జున గౌడ, వి.రామచంద్ర, మాజీ అధ్యక్షుడు డాక్టర్‌ డీఎల్‌.రమేష్‌ గోపాల్‌, వివిధ కమిటీల అధ్యక్షులు నేకార నాగరాజ్‌, నాగళ్లి రమేష్‌, టి.శ్రీనివాసరావు, పీ.వేణుగోపాల్‌ ప్రసాద్‌, భాషా, కౌడికి హనుమేష్‌ బాబు, కార్యవర్గ సభ్యులు, ప్రత్యేక ఆహ్వానితులు, ప్రత్యేక సమన్వయ కమిటీ సభ్యులు పాల్గొన్నారు.

రాయచూరు రూరల్‌: జిల్లాలోని మాన్వి తాలూకాలో పోత్నాళ వాగు పూర్తిగా ఎండిపోయింది. దీంతో ప్రజలు తీవ్ర తాగునీటి ఎద్దడిని ఎదుర్కొంటున్నారు. ఎడమ గట్టు వైపున 35 గ్రామాలు, కుడి గట్టు వైపున 25 గ్రామాల ప్రజలు ఈ వాగు నీటిపై ఆధార పడ్డారు. తుంగభద్ర డ్యాం నుంచి కాలువలకు నీరు విడుదల చేసిన సమయంలో వాగులో నీరు ప్రవహిహించేవి. నేడు వర్షాభావంతో తాగునీటి ఎద్దడి తీవ్రమై గ్రామాల్లో హాహాకారాలు మొదలయ్యాయి. తాగునీటి కోసం ప్రజలు అక్కడక్కడ వాగులో చెలిమలు తవ్వుతున్నారు. మరో వైపు కొందరు చెలిమల ద్వారానే నీటి దప్పికను తీర్చుకుంటున్నారు. వాగుతో పాటు తుంగభద్ర నదీ పరివాహక గ్రామాలైన పోత్నాళ, నందిహాళ, దడేసూగూరు, హిరేహళ్ల, జాగీర్‌ పన్నూరు తదితర గ్రామాల్లో తాగునీటి ఎద్దడి అధికమైంది. వాగు నీటిపైనే ఆధారపడిన గ్రామాలు తాగునీటి కోసం తప్పని ఇబ్బందులు

హుబ్లీ: చెరకు రైతులు అంగీకరిస్తేనే చక్కెర కర్మాగారాలు ప్రారంభం అవుతాయని బెళగావి జిల్లా ఇన్‌చార్జి మంత్రి సతీశ్‌ జార్కిహోళి తెలిపారు. ఆయన బెళగావిలో మీడియాతో మాట్లాడారు. ప్రస్తుత పరిస్థితుల్లో చక్కెర ఫ్యాక్టరీల యజమానులు ఎలాంటి రిస్క్‌ తీసుకోడానికి సిద్ధంగా లేరు. ఈ సమస్య పరిష్కారానికి రైతు సంఘాలు, ఫ్యాక్టరీ యజమానుల మధ్య ఏకాభిప్రాయం కుదరాలి. అంతేగాక కేంద్రం ఎంఎస్‌పీ(కనీస మద్దతు ధర)ని పెంచితే మాత్రమే దీనికి శాశ్వత పరిష్కారం సాధ్యమని ఆయన అన్నారు. ఓసారి ఫ్యాక్టరీని ప్రారంభిస్తే బంద్‌ చేయిస్తారు. గత ఏడాది ఇలాగే జరిగింది. అందుకోసమే ఫ్యాక్టరీని ప్రారంభించాలని చెరకు రైతులే ముందుకు వచ్చి చెప్పాలి. అప్పుడే యజమానులు చెరకు నూర్పిడికి సిద్ధమవుతారన్నారు. చెరకు రైతుల జైల్‌ భలో ఆందోళన గురించి తెలియదన్నారు. రైతులు ఇక ముందు చేయబోయే పోరాటాల గురించి ప్రభుత్వానికి, జిల్లా యంత్రాంగానికి తెలియదు. జిల్లాధికారి వద్దకు వచ్చి రైతు నేతలు మాట్లాడాలి. ఈ విషయంలో ఎలాంటి ఇబ్బందులు లేవు. జిల్లాధికారిని అడిగితే తాను చర్చలకు సిద్ధం అని, రైతులు ముందుకు రావాలని అన్నారని మంత్రి స్పష్టీకరించారు. కేంద్ర మంత్రి జోషి రాష్ట్ర ప్రభుత్వం ముందుగా ఎస్‌ఏపీని ప్రకటించాలని చేసిన వ్యాఖ్యలపై ముందుగా కేంద్రం ఎంఎస్‌పీని పెంచకుండా మా తలపై భారం వేస్తే ఎలా అన్నారు. ప్రస్తుతం ఉన్న చక్కెర ధరను అధికారికంగా ప్రకటించడానికి కేంద్రం సిద్ధంగా లేదని మండిపడ్డారు. జిల్లా, తాలూకా పంచాయతీ ఎన్నికల్లో సమర్థులైన అభ్యర్థులను ఎంపిక చేసే ప్రక్రియ ప్రారంభం అయిందన్నారు.

దొడ్డబళ్లాపురం: చాలారోజులుగా వాయిదా పడుతూ వస్తున్న గ్రేటర్‌ బెంగళూరులోని 5 నగర పాలికెల పరిధిలో ఎన్నికలు నిర్వహించడానికి రాష్ట్ర ఎన్నికల సంఘం (ఎస్‌ఈసీ) సమాయత్తమైంది. ఈ క్రమంలో వార్డులవారీగా ఓటర్ల లిస్టులను సిద్ధం చేయనుంది. సుప్రీంకోర్టు ఆదేశాల మేరకు డిసెంబర్‌ చివరికల్లా ఎన్నికలు జరపాలని యోచిస్తోంది. బెంగళూరులో సర్‌ వల్ల సుమారు 50 లక్షల ఓట్లు తొలగించిన నేపథ్యంలో ఎస్‌ఈసీ రెండోసారి వార్డులవారీగా ఓటర్ల లిస్టు రెడీ చేస్తోంది. ఇందుకోసం 142 మంది అధికారులను నియమించింది. వీరిలో 28 మంది ఈఆర్‌ఓలు,114 మంది ఏఈఆర్‌ఓలు. జాబితాల తయారీకి బట్టి ఎన్నికల తేదీ ఆధారపడి ఉంటుంది. ఓటర్ల లిస్టు ప్రకటించాక ఓటర్ల నుంచి అభ్యంతరాలు స్వీకరించి వాటిని పరిశీలించి సవరణలు చేస్తామని ఈసీ వర్గాలు తెలిపాయి. తరువాత ఎన్నికల నోటిఫికేషన్‌ ఇచ్చి, నామినేషన్ల ప్రక్రియకు శ్రీకారం చుడతారు. బైక్‌ను ఢీ, కారులోని వ్యక్తి మృతి చింతామణి: కారు బైకు డీ కొన్న రోడ్డు ప్రమాదంలో ఓ వ్యక్తి అక్కడక్కడే మరణించిన సంఘటన రూరల్‌ పోలీసు స్టేషన్‌ పరిధిలోని కడప బైపాస్‌ రోడ్డులో సోమవారం జరిగింది. వివరాలు... శివన్న (55) తాలూకాలోని హాదిగెరె వాస్తవ్యుడు. గ్రామానికి కారులో వెళుతుండగా ఎదురుగా వచ్చిన బైకు ఢీకొన్నాయి, కారులో ఉన్న శివన్న గాయాలతో పాటు గాభరా వల్ల అక్కడే చనిపోయాడు. కారులోని ఇద్దరికి, బైకిస్టుకు చిన్న గాయాలయ్యాయి. పోలీసులు కేసు నమోదు చేసుకొన్నారు.ఐటీ, ఈడీ దాడులకు కేంద్రం కుట్ర: హోంమంత్రియశవంతపుర: తనపై, ఇతర మంత్రులపై ఐటీ, ఈడీతో దాడులు చేయాలని కేంద్ర ప్రభుత్వం నిర్ణయించినట్లు తెలిసిందని రాష్ట్ర హోంమంత్రి ప్రియాంక్‌ ఖర్గే ఆరోపించారు. ఈ మేరకు ఎక్స్‌లో పోస్ట్‌ చేశారు. కేపీఎస్‌సీ ఉద్యోగాల అక్రమాల కేసును సాకుగా చూపి దాడులు చేయాలని కేంద్రం సిద్ధమైంది, ఢిల్లీ అధికార కారిడార్లలో ఇదే మాట్లాడుకొంటున్నట్లు తెలిసింది అని పేర్కొన్నారు. కేపీఎస్‌సీ అక్రమాలలో కాంగ్రెస్‌తో పాటు తన పేరును చేర్చి ఈడీ ద్వారా ఒత్తిడి పెంచాలనుకుంటున్నారని రాశారు. ఆర్‌ఎస్‌ఎస్‌తో చేతులు కలిపిన వ్యక్తి దీని వెనుక ఉన్నారన్నారు. కఠినంగా పనిచేస్తానని చెప్పుకొనే కేంద్రమంత్రి రాజకీయంగా మునిగిపోవడంతో పాటు ఆయన పొత్తు పెట్టుకున్న పార్టీని కూడా నాశనం చేయడానికి సిద్ధమయ్యారని పరోక్షంగా కేంద్రమంత్రి హెచ్‌డి కుమారస్వామిపై మండిపడ్డారు.

బెంగళూరులో పాల క్యాన్లతో కేంద్రమంత్రి శోభ, కార్యకర్తల ఆందోళన మైసూరులో నూతన వధూవరులకు పాలు, పెరుగు ప్యాకెట్ల బహుమతి మైసూరు: రాష్ట్రంలో ప్రభుత్వ నందిని పాలు, పెరుగు ధరలను పెంచడం వల్ల పేద, మధ్యతరగతి కుటుంబాలపై ఆర్థిక భారం పడిందని చెబుతూ వధూవరులకు విలువైన బహుమతులకు బదులుగా పాల ప్యాకెట్లను కానుకగా ఇచ్చారు. పాల ధరల పెంపుపై వినూత్న రీతిలో ఆందోళనలు జరుగుతున్నాయి. మైసూరులో కడకోళలో శ్రీ కాళిబీరేశ్వర కళ్యాణ మండపంలో మంజు, అనన్య వివాహం జరిగింది. ఇందులో పాల్గొన్న ప్రజ్ఞావంత నాగరి వేదిక సభ్యులు నూతన వధూవరులకు పాలు, పెరుగు బహుమతిగా ఇచ్చి, శుభాకాంక్షలు తెలిపారు. ప్రభుత్వం నిత్యావసరాలైన పాలు, పెరుగు ధరలను పెంచడం వల్లనే ఇలా చేశామని తెలిపారు. పాలు లేని టీ తాగుతూ.. మైసూరు: పాల ధరలను పెంచారు, ఇప్పుడు కేఎస్‌ఆర్టీసీ బస్సు ఛార్జీలను పెంచుతోందని గంధదగుడి ఫౌండేషన్‌ ఆధ్వర్యంలో సోమవారం నగరంలో నిరసన తెలిపారు. పాత కలెక్టర్‌ కార్యాలయం ముందు గుమిగూడిన నిరసనకారులు, పాలులేని టీ తాగుతూ ప్రభుత్వానికి వ్యతిరేకంగా పలు నినాదాలు చేశారు. పెంచిన ధరలో రూ.7 రైతులకు వెళితే, మిగిలిన రూ.5 ఎవరికి వెళ్తాయని ప్రశ్నించారు. పెరుగు ధరను లీటరుకు రూ.14 పెంచారు, అది రైతులకు చేరకపోతే ఎవరి జేబుల్లోకి వెళ్తుందని సర్కారుపై మండిపడ్డారు. పేదలు, మధ్యతరగతిపై తీవ్ర భారం మోపారని ఆరోపించారు. ధరల పెంపును తక్షణమే రద్దు చేయాలన్నారు. ఖాళీ క్యాన్లతో కేంద్రమంత్రి ధర్నా బనశంకరి: రాష్ట్ర ప్రభుత్వం నందిని పాలు, పాల ఉత్పత్తుల ధరలు పెంచడాన్ని ఖండిస్తూ కేంద్రమంత్రి శోభా కరంద్లాజె, బీజేపీ మహిళా మోర్చా కార్యకర్తలు సోమవారం బెంగళూరు ఫ్రీడంపార్కులో ధర్నా చేశారు. పాల క్యాన్లు, ప్యాకెట్‌లు పట్టుకుని ప్రభుత్వానికి వ్యతిరేకంగా నినాదాలు చేశారు. శోభా మాట్లాడుతూ కాంగ్రెస్‌ ప్రభుత్వం ఒకటి రెండుసార్లు కాదు ఏకంగా నాలుగు సార్లు పాలు, పెరుగు ధర పెంచిందని ఆరోపించారు. మధ్య తరగతి ప్రజల జీవనం కష్టమౌతున్న సమయంలో నిరంతరం ధరలను బాదుతోందన్నారు. ప్రభుత్వం రైతులను కాపాడే బదులు రైతు వ్యతిరేక విధానాలు అనుసరిస్తోందన్నారు. ప్రభుత్వ ఖజానాలో ఉన్న డబ్బును రైతులకు ఇవ్వాలన్నారు. ప్రభుత్వం గోరక్షణ చేయడం లేదని భక్షణ చేస్తోందన్నారు. రాష్ట్రంలో ఆర్టీసీ బస్సులు మరమ్మతులకు డబ్బు లేదని, డీజిల్‌ కూడా కొనడానికి కాసుల్లేవని ఆమె దుయ్యబట్టారు. మరోపక్క బీర్‌, మద్యం ధరలు పెంచిందని, ఏమి రేట్ల పెంచలేదో సర్కారు చెప్పాలని సవాల్‌ చేశారు. నందిని ఉత్పత్తుల రేట్ల పెంపుపై వినూత్నంగా నిరసనలు నూతన జంటకు కానుకగా పాలు, పెరుగు పెరుగు ధర రూ.2 తగ్గింపు: సీఎంబనశంకరి: నందిని పాలు, పెరుగు ధరల పెంపుపై బీజేపీ సహా పలు సంఘాలు నిరసనలకు దిగడంతో సీఎం డీకే శివకుమార్‌ పునరాలోచనలో పడ్డారు. నందిని పెరుగు ధరను లీటరుపై రూ.2 తగ్గించాలని అధికారులకు సూచించారు. లీటరు పాలపై రూ. 8, పెరుగుపై రూ.14 వరకూ ధర పెరిగింది. డీకే సోమవారం బెంగళూరులో విలేకరులతో మాట్లాడుతూ ధర పెంచినందుకు కేఎంఎఫ్‌, జిల్లాల పాల సంఘాల నాయకులు తనను కలిసి ధన్యవాదాలు తెలిపారన్నారు. పెరుగుపై రూ.2 తగ్గించాలని సూచించాను, పాలపై కూడా నిర్ణయం తీసుకుంటామన్నారు. ధరల పెంపు వల్ల సుమారు 11 లక్షల పాడి రైతులకు లబ్ధి కలుగుతుందన్నారు.

యశవంతపుర: దక్షిణ కన్నడ జిల్లా బెళ్తంగడి పీయూసీ విద్యార్థిని సౌజన్య అత్యాచారం, హత్య కేసులో సిట్‌ కొత్త చీఫ్‌ చేతన్‌సింగ్‌ రాథోడ్‌ సోమవారం మంగళూరు సిట్‌ ఆఫీసుకు చేరుకున్నారు. సిటీ పోలీసు కమీషనర్‌ సుధీర్‌కుమార్‌ రెడ్డితో ఆయన భేటీ అయి కేసు వివరాలను అడిగి తెలుసుకున్నారు. మొదట సౌజన్య తల్లితో పాటు కుటుంబసభ్యులను పిలిపించి మాట్లాడారు. సుధీర్‌కుమార్‌రెడ్డి, మరో పోలీసు అధికారిణి నిశా జేమ్స్‌ల సమక్షంలో సౌజన్య తల్లితో పాటు కుటుంబసభ్యులను విచారించారు. ఇక్కడి విచారణను గోప్యంగా ఉంచాలని వారికి సూచించారు. పెండింగ్‌ బిల్లులు మంజూరు చేయాలి బనశంకరి: రూ.38 వేల కోట్ల పెండింగ్‌ బిల్లులు విడుదల చేయాలని కాంట్రాక్టర్ల సంఘం అధ్యక్షుడు ఆర్‌.మంజునాథ్‌, సభ్యులు సోమవారం సీఎం డీకే శివకుమార్‌ను కలిశారు. రాష్ట్రంలో గత నాలుగేళ్ల నుంచి 1.5 లక్షల కాంట్రాక్టర్లకు బిల్లులు చెల్లించకపోవడంతో ఇబ్బందుల్లో ఉన్నామని, ఆత్మహత్యలే శరణ్యమని చెప్పినట్లు తెలిపారు. తమ ప్రభుత్వం అధికారంలోకి వస్తుందని, వెంటనే చెల్లిస్తామని గతంలో డీకే హామీ ఇచ్చారన్నారు. కానీ అధికారంలోకి వచ్చిన తరువాత పూర్తిగా పక్కన పెట్టారన్నారు. జూన్‌ నెలలో అప్పటి సీఎం సిద్దరామయ్యను కలవగా పెండింగ్‌ బిల్లులు విడుదల చేస్తామని తెలిపారు, కానీ ఇప్పటికీ మంజూరు కాలేదని వాపోయారు. భక్తిశ్రద్ధలతో ఆల్‌సోల్స్‌ డే కోలారు : నగరంలో క్రైస్తవ సోదరులు ఆల్‌సోల్స్‌ డేను సోమవారం భక్తిశ్రద్ధలతో నిర్వహించారు. శ్మశానాలకు వెళ్లి పూర్వీకుల సమాధులను పూలతో అలంకరించి పూజలు చేశారు. మృతుల ఆత్మలకు శాంతి చేకూరాలని ప్రార్థించారు.

హొసపేటె: పట్టణ విద్యార్థులకు పల్లె జీవన విధానం, వ్యవసాయం, ఉద్యానవనం పాడిపరిశ్రమతో పాటు గ్రామీణ సంస్కృతి, సంప్రదాయాలను ప్రత్యక్షంగా పరిచయం చేయాలనే లక్ష్యంతో ప్రభుత్వం చేపట్టిన ప్రతిష్టాత్మక ‘గ్రామానుభవ’ కార్యక్రమం విజయనగర జిల్లాలో ప్రారంభమైంది. ఆదివారం హొసపేటలోని డాక్టర్‌ పునీత్‌రాజ్‌ కుమార్‌ జిల్లా క్రీడా మైదానంలో నిర్వహించిన కార్యక్రమంలో జిల్లా ఇన్‌చార్జి మంత్రి కేఎస్‌ బసవంతప్ప, ఎమ్మెల్యే హెచ్‌ఆర్‌.గవియప్ప హాజరై మాట్లాడారు. ఈ కార్యక్రమం ద్వారా పట్టణ విద్యార్థులు గ్రామీణ ప్రాంతాల జీవనశైలి, రైతుల కష్టాలు, వ్యవసాయ పద్ధతులు, పశుపోషణ, గ్రామీణ సంస్కృతిపై ప్రత్యక్ష అవగాహన పొందుతారని తెలిపారు. కార్యక్రమంలో కలెక్టర్‌ కవిత ఎస్‌ మన్నికేరి, జిల్లా పంచాయతీ ముఖ్య కార్యనిర్వహణ అధికారి గరిమా పన్వార్‌, జిల్లా ఎస్పీ ఎస్‌.జాహ్నవి, పాఠశాల విద్యాశాఖ ఉప సంచాలకుడు వెంకటేష్‌ రామచంద్రప్ప, ప్రీ–యూనివర్సిటీ విద్యాశాఖ ఉప సంచాలకుడు నాగరాజ్‌ హవల్దార్‌ అధికారులు పాల్గొన్నారు.

దొడ్డబళ్లాపురం: కర్ణాటక రాష్ట్ర అవతరణ దినోత్సవాలకు నిరసనగా ఏటా మాదిరిగా బెళగావి నగరంలో మహారాష్ట్ర ఏకీకరణ సమితి (ఎంఈఎస్‌) నాయకులు, కార్యకర్తలు ధర్నాలకు ప్రయత్నించారు. బ్లాక్‌ డే ర్యాలీలో పాల్గొనేందుకు మహారాష్ట్రలోని కొల్హాపుర నుంచి రాష్ట్ర సరిహద్దుకు వచ్చిన శివసేన కార్యకర్తలను పోలీసులు వెనక్కు పంపించారు. శివసేన కార్యకర్తలను కూడా నిలువరించడంతో వాగ్వాదం జరిగింది. పోలీసులు భారీ సంఖ్యలో మోహరించడంతో శివసేన కార్యకర్తలు వెనుదిరిగారు. ఇక బెళగావి నగరంలో మరాఠా సంఘాలు బ్లాక్‌డే ర్యాలీని జరిపాయి. స్టింగ్‌ కేసులో కుమార పేరు ● సిటీ పోలీసు కమిషనర్‌ వెల్లడి బనశంకరి: సంచలనాత్మక మాజీ సీఎం సిద్దరామయ్య మీద విడుదలైన స్టింగ్‌ ఆపరేషన్‌ వీడియో కేసులో కేంద్రమంత్రి హెచ్‌డీ.కుమారస్వామి పేరును బెంగళూరు నగర పోలీస్‌ కమిషనర్‌ సీమంత్‌కుమార్‌సింగ్‌ ప్రస్తావించారు. ఆయన మీడియాతో మాట్లాడుతూ ఈ కేసులో నిందితుడు రితేశ్‌ పాండే , కేంద్రమంత్రి హెచ్‌డీ.కుమారస్వామికి చెందిన ఇంటిలో నివసిస్తున్నాడని తెలిపారు. మరో నిందితుడు ప్రజ్వల్‌ప్రసాద్‌ ఇచ్చిన సూచనమేరకు ఈ వీడియోను సోషల్‌ మీడియాలో అప్‌లోడ్‌ చేశారన్నారు. అంతేగాక రితేశ్‌పాండే , ప్రజ్వల్‌ ప్రసాద్‌ మధ్య ఆర్థిక వ్యవహారాలు జరిగినట్లు తేలిందని చెప్పారు. సినిమా బాకీ ఉంది: హోంమంత్రి మాజీ సీఎం సిద్దరామయ్యపై స్టింగ్‌ ఆపరేషన్‌ కేసులో కేంద్ర పరిశ్రమల మంత్రి హెచ్‌డీ.కుమారస్వామి ఇంట్లో నిందితుడు మొబైల్‌ఫోన్‌ మార్చినట్లు దర్యాప్తులో తెలిసిందని హోంమంత్రి ప్రియాంక్‌ఖర్గే చెప్పారు. ఆదివారం కలబుర్గి నగరంలో విలేకరులతో మాట్లాడుతూ ఇది ట్రైలర్‌ మాత్రమే, సినిమా ఇంకా ఉంది అని కుమారస్వామిని హెచ్చరించారు. స్టింగ్‌ ఆపరేషన్‌కు పాల్పడిన వ్యక్తులు విచారణకు హాజరుకాకుండా దాక్కున్నారని ఆరోపించారు. దర్యాప్తునకు కుమారస్వామి సన్నిహితులు సహకరించాలన్నారు.

బనశంకరి: బెంగళూరులో హలసూరులోని కాన్రాడ్‌ ఫైవ్‌స్టార్‌ హోటల్‌లోని స్విమ్మింగ్‌పూల్‌లో ఇద్దరు విదేశీయులు కరెంటు షాక్‌తో మరణించిన కేసులో పోలీసులు విచారణ సాగిస్తున్నారు. పూల్‌లో అలంకారం కోసం అమర్చిన విద్యుద్దీపాల నుంచి కరెంటు ప్రసారమైనట్లు కనుగొన్నారు. ఆ పూల్‌ని పోలీసులు, బెస్కాం అధికారులు పరిశీలించగా నీళ్లలోకి విద్యుత్‌ ప్రసారం కావడం వల్లనే ఘోరం జరిగిందని తేల్చారు. ఇందులో హోటల్‌ నిర్వహణ సిబ్బంది నిర్లక్ష్యం ఉండవచ్చని పేర్కొన్నారు. లైట్లు పాడై నీరు చేరడం వల్ల విద్యుత్‌ ఆ కొలను అంతా వ్యాపించి ఉంటుందని భావిస్తున్నారు. మరోవైపు అలెగ్జాండర్‌ (57), ఓరియాట్‌ (45)ల మృతదేహాలకు బౌరింగ్‌ ఆసుపత్రిలో పోస్టుమార్టం జరిపి కుటుంబసభ్యులకు అప్పగించారు.

దొడ్డబళ్లాపురం: పోలీస్‌ కానిస్టేబుల్‌ పరీక్షల్లో 25 మార్కులు పొందిన అభ్యర్థి, వీఏఓ పరీక్షల్లో 151 మార్కులు సాధించి రాష్ట్రానికే టాపర్‌గా నిలిచిన శంకర్‌ బన్నూరు మోసం బయటపడింది. హావేరి జిల్లా హానగల్‌కు చెందిన శంకర్‌ను పోలీసులు అదుపులోకి తీసుకుని విచారించగా నిజాలు వెలుగు చూశాయి. తాను పరీక్షా కేంద్రానికి మొబైల్‌ఫోన్‌ను తీసికెళ్లి గూగుల్‌ లెన్స్‌ యాప్‌ ద్వారా పరీక్ష రాసినట్టు ఒప్పుకున్నాడు. పరీక్షా కేంద్రంలోని సీసీ కెమెరా చిత్రాలను పరిశీలించగా శంకర్‌ చెప్పింది నిజమని తేలింది. తనిఖీలను దాటుకుని మొబైల్‌ఫోన్‌ తీసుకెళ్లానని, చివరి బెంచ్‌లో తన నంబర్‌ ఉండడం కలిసి వచ్చిందన్నారు.చెట్టు కూలి 50 బైక్‌లు నుజ్జుమండ్య: మండ్య జిల్లాలోని శ్రీరంగపట్నం పట్టణంలోని కేఎస్‌ఆర్టీసీ బస్టాండ్‌ దగ్గర ఉన్న స్కూటర్‌ పార్కింగ్‌ స్థలంలో ఒక భారీ మర్రిచెట్టు కూలిపోవడంతో, 50కి పైగా స్కూటర్లు, బైక్‌లు దెబ్బతిన్నాయి. ఆదివారం ఉదయం భారీ చెట్టు ఆకస్మాత్తుగా కూలింది. ఇద్దరు వాహనదారులు, ఇద్దరు పార్కింగ్‌ సిబ్బంది, ఇద్దరు చిన్నారులు తృటిలో క్షేమంగా తప్పించుకున్నారు. సీఐ బి.జి. కుమార్‌ ఘటనా స్థలాన్ని పరిశీలించారు. పార్కింగ్‌కు పెద్ద మొత్తంలో వసూలు చేస్తున్న నిర్వాహకులు కనీస భద్రతా చర్యలు తీసుకోవడం లేదు. అందుకే చెట్టు కూలి తమ వాహనాలు ధ్వంసమైనట్లు యజమానులు వాపోయారు. నష్టపరిహారం అందించాలని డిమాండ్‌ చేశారు.

● బెళగావి అసెంబ్లీలో తీర్మానం చేస్తాం ● సీఎం డీకే శివకుమార్‌ ప్రకటన ● బెంగళూరులో ఆర్భాటంగా కన్నడ రాజ్యోత్సవాలు ● మురిపించిన కళా, సాంస్కృతిక ప్రదర్శనలుబనశంకరి: కన్నడ జెండాకు కొత్తరూపం అందించి జాతీయస్థాయి గుర్తింపు కల్పించడంతో పాటు అన్ని ప్రభుత్వ కార్యాలయాల్లో కన్నడ పతాకాన్ని ఎగురవేయడం తప్పనిసరి చేస్తామని సీఎం డీకే శివకుమార్‌ తెలిపారు. ఆదివారం కన్నడ రాజ్యోత్సవం రాష్ట్రమంతటా అట్టహాసంగా జరిగింది. బెంగళూరు కంఠీరవ మైదానంలో కన్నడ రాజ్యోత్సవంలో ముఖ్యమంత్రి డీకే పాల్గొని కన్నడ ధ్వజాన్ని ఎగురవేసి విద్యార్థులు, పోలీసుల నుంచి గౌరవ వందనం స్వీకరించి ప్రసంగించారు. కన్నడ బావుటాకు జాతీయస్థాయి గుర్తింపు అందించడం గురించి బెళగావి అసెంబ్లీ శీతాకాల సమావేశాల్లో చర్చించి ప్రకటిస్తామని తెలిపారు. గతంలో నిర్వహించిన మంత్రివర్గంలో కన్నడ బావుటాకు జాతీయస్థాయిలో గుర్తింపు ఇవ్వాలని తీర్మానించి కేంద్రానికి ప్రతిపాదన అందజేశామన్నారు. కానీ మనకు ఇప్పటివరకు గుర్తింపు రాలేదని తెలిపారు. జాతీయ పతాకం గౌరవానికి ఎలాంటి భంగం కలగకుండా కన్నడ జెండా వినియోగం, గుర్తింపు సంరక్షణ గురించి చట్టపరంగా న్యాయ నిపుణులతో చర్చిస్తున్నట్లు తెలిపారు. మంత్రిమండలి సమావేశంలో నిర్ణయించి, జాతీయ జెండా పక్కన కన్నడ పతాకాన్ని కూడా సరిసమానంగా ఎగురవేయడానికి తమ ప్రభుత్వం కట్టుబడి ఉందని తెలిపారు. సీఎం కార్యాలయం లోపల మాత్రమే కాకుండా విధానసౌధపైన కూడా కన్నడ బావుటా ఎగురవేయడానికి కట్టుబడి ఉన్నామన్నారు. ప్రభుత్వ ఆఫీసులతో పాటు ప్రైవేటు కంపెనీలపై కన్నడజెండాను ఎగురవేయాలని సూచించారు. నూతన బావుటా ఇలా.. పసుపు, కుంకుమ రంగుతో పాటు మరో రంగు చేర్చి మధ్యలో కన్నడ చిహ్నం అమర్చి కొత్త జెండాను రూపొందించడంపై చర్చ జరిగిందని సీఎం తెలిపారు. జెండా రూపురేఖలపై అందరి సూచనలు తీసుకుని, బెళగావి అసెంబ్లీలోను, ప్రజలతో చర్చించి స్పష్టమైన తీర్మానం తీసుకుంటామని తెలిపారు. మహోన్నతం కన్నడ భాష కన్నడిగులకు శుభాకాంక్షలు తెలియజేస్తూ, మనం ఏదేశంలో ఉన్నప్పటికీ ఊపిరిమాత్రం కన్నడగా ఉండాలని సీఎం డీకే సూచించారు. కన్నడ భాషకు 2 వేల ఏళ్లకు పైగా చరిత్ర ఉంది, జాతీయ గుర్తింపు లభించింది, 8 జ్ఞానపీఠ పురస్కారాలు దక్కాయి, భాషను ప్రేమిస్తే అది మనల్ని కాపాడుతుంది. వేలాదిమంది కన్నడిగులు అనేక రంగాల్లో పేరుప్రతిష్టలు సంపాదించారని చెప్పారు. కన్నడనేల, జలం, సంస్కృతి రక్షణకు కట్టుబడి ఉన్నామని తెలిపారు. గ్రామీణ ప్రాంత పాఠశాలలను బెంగళూరు స్థాయిలో అభివృద్ధి చేస్తున్నామన్నారు. విద్యాశాఖ వికాసానికి నడుం బిగించామన్నారు. క్రీడాకారులకు రూ.కోట్ల సాయం మన క్రీడాకారులు ఏషియన్‌ గేమ్స్‌లో 8 పతకాలు సాధించారని, బంగారు పతకం విజేతలకు కోటి రూపాయలు, వెండి పతక విజేతలకు రూ.75 లక్షలు, కాంస్య పతకధారులకు రూ.50 లక్షలు చొప్పున బహుమానం అందించినట్లు సీఎం డీకే చెప్పారు. అలాగే ఏషియన్‌ గేమ్స్‌లో పాల్గొన్న 20 మంది క్రీడాకారులకు తలా రూ.5 లక్షలు అందించామని తెలిపారు.మైసూరులో జరిగిన వేడుకలలో విదేశీ యువతులు మంత్రముగ్ధుల్ని చేసిన సాంస్కృతిక రూపకాలు జాతీయ పతాకంతో సమాన స్థాయి నూతన పథకాలకు నాంది 2047 నాటికి కర్ణాటక కు కొత్తరూపం తీసుకురావాలని లక్ష్యంతో ఉన్నామని సీఎం తెలిపారు. 72 వేల ప్రభుత్వ ఉద్యోగాల భర్తీకి ఆదేశాలు జారీ చేశామని తెలిపారు. ఈ సందర్భంగా సీఎం విద్యార్థి హస్త, గ్రామానుభవ పథకాలను ప్రారంభించారు. విద్యార్థులకు పల్లెల సందర్శన, పోటీ పరీక్షలకు ఉచితంగా ఆన్‌లైన్‌ శిక్షణ అందిస్తారు. కన్నడ సంస్కృతిని చాటేలా వివిధ పాఠశాలల విద్యార్థులు భవ్యమైన ప్రదర్శనలు ఇచ్చారు. పలు రంగాల్లో సేవలందించినవారికి రాజ్యోత్సవ అవార్డులను అందించారు.

రాయచూరు రూరల్‌: కల్యాణ కర్ణాటక ప్రాంతంలోని ఏడు జిల్లాల్లో భూగర్భ జలాల పెంపునకు రూ.300 కోట్ల నిధులు కేటాయించినట్లు రాష్ట్ర చిన్న నీటిపారుదల శాఖ మంత్రి అజయ్‌ సింగ్‌ వెల్లడించారు. ఆదివారం మహాత్మా గాంధీ క్రీడా ప్రాంగణంలో ఏర్పాటు చేసిన విలేకరుల సమావేశంలో ఆయన మాట్లాడారు. కల్యాణ కర్ణాటక అభివృద్ధి మండలి నుంచి రూ.100 కోట్లు, చిన్న నీటిపారుదల శాఖ నుంచి రూ.100 కోట్లు, గ్రామీణాభివృద్ధి శాఖ నుంచి మరో రూ.100 కోట్లు సమీకరించి నీటి సంరక్షణ, భూగర్భ జలాల పెంపునకు కృషి చేస్తామని తెలిపారు. రాయచూరు వ్యవసాయ విశ్వవిద్యాలయంలో 75 మంది అధ్యాపకుల నియామకాల్లో ముడుపులు తీసుకున్నట్లు ఆరోపణలు ఎదుర్కొంటున్న విశ్రాంత వైస్‌ చాన్సలర్‌ హన్మంతప్పపై కఠిన చర్యలు తీసుకుంటామని వెల్లడించారు. రాయచూరులోని ప్రైవేటు వైద్య కళాశాలకు మృతదేహాలను అప్పగిస్తున్న అంశంపై కళాశాల యాజమాన్యాలపై క్రమశిక్షణ చర్యలు తీసుకుంటామని స్పష్టం చేశారు. సమావేశంలో జిల్లా కలెక్టర్‌ పూవిత, ఎస్పీ అరుణాంగ్షు గిరి, సీఈఓ ఈశ్వర్‌ కుమార్‌ కాందూ, నగరసభ కమిషనర్‌ జుబీన్‌ మెహపాత్రో పాల్గొన్నారు.

హొసపేటె: హామీలతో కాలయాపన చేయకుండా చక్కెర కర్మాగారం ఏర్పాటుకు చర్యలు చేపట్టాలని రైతులు డిమాండ్‌ చేశారు. ఆదివారం హొసపేటె చక్కెర కర్మాగార స్థాపన సమన్వయ కమిటీ ఆధ్వర్యంలో మంత్రి బసంతప్ప, ఎమ్మెల్యే గవియప్పకు వినతిపత్రాలు అందజేశారు. ఈ సందర్భంగా సంఘం నేత జంబయ్య నాయక్‌ మాట్లాడుతూ.. హొసపేటతో పాటు పరిసర ప్రాంతాల్లో పెద్ద సంఖ్యలో రైతులు చెరకు సాగు చేస్తున్నారని తెలిపారు. ఇక్కడ చక్కెర కర్మాగారం లేకపోవడంతో పండించిన చెరకును దూర ప్రాంతాల్లోని కర్మాగారాలకు తరలించాల్సి వస్తోందన్నారు. రవాణా ఖర్చులు పెరగడంతో పాటు రైతులు ఇబ్బందులు ఎదుర్కొంటున్నారని వివరించారు. మూడేళ్లుగా చక్కెర కర్మాగారం ఏర్పాటుకు నిరంతరం పోరాటం చేస్తున్నామని తెలిపారు. ప్రజాప్రతినిధులకు వినతిపత్రాలు అందజేసినా ఫలితం లేకుండా పోయిందని మండిపడ్డారు. హామీలు ఇస్తున్నప్పటికీ క్షేత్రస్థాయిలో మాత్రం ఎలాంటి పురోగతి లేదని అసంతృప్తి వ్యక్తం చేశారు.

హొసపేటె: కన్నడ భూమి, భాష, సంస్కృతి, సంప్రదాయాలను పరిరక్షించడం ప్రతి ఒక్కరి బాధ్యత అని జిల్లా ఇన్‌చార్జి మంత్రి కేఎస్‌.బసవంతప్ప పిలుపునిచ్చారు. నగరంలోని డాక్టర్‌ పునీత్‌ రాజ్‌కుమార్‌ జిల్లా క్రీడామైదానంలో ఆదివారం నిర్వహించిన 71వ కన్నడ రాజ్యోత్సవ వేడుకల్లో జాతీయ పతాకాన్ని ఎగురవేసి ఆయన మాట్లాడారు. ఆధునిక సాంకేతిక రంగాల్లోనూ కన్నడ భాష, అభివృద్ధికి ప్రతి ఒక్కరూ కృషి చేయాలని సూచించారు. ఈ సందర్భంగా కళలు, సాహిత్యం, క్రీడలు, సామాజిక సేవ తదితర రంగాల్లో ప్రతిభ కనబరిచిన 14 మందికి జిల్లా రాజ్యోత్సవ పురస్కారాలను అందజేశారు. పోలీసు బలగాలు, విద్యార్థుల కవాతు ఆకట్టుకోగా, కన్నడ పాటలకు విద్యార్థులు ప్రదర్శించిన నృత్యాలు ప్రత్యేక ఆకర్షణగా నిలిచాయి. ఈ కార్యక్రమంలో ఎమ్మెల్యే హెచ్‌ఆర్‌. గవియప్ప, జిల్లా కలెక్టర్‌ కవిత ఎస్‌.మన్నికేరి, జెడ్పీ సీఈఓ గరిమా పన్వార్‌, ఎస్పీ జాహ్నవి తదితర ప్రజాప్రతినిధులు, అధికారులు పాల్గొన్నారు. రిటైర్డ్‌ ఉద్యోగులకు సన్మానం బళ్లారి అర్బన్‌: నగరంలోని 23వ వార్డు తాలూరు రోడ్డులోని మహానంది కోట్టం ఫస్ట్‌ క్రాస్‌ సర్కిల్‌లో శ్రీ పట్టాభిరామ సేవా ట్రస్ట్‌, అంబేడ్కర్‌ సేవా సమితి కర్ణాటక సంయుక్త ఆధ్వర్యంలో 71వ కర్ణాటక రాజ్యోత్సవ వేడుకలు ఘనంగా నిర్వహించారు. నగర మాజీ ఎమ్మెల్యే గాలి సోమశేఖర రెడ్డి, కార్పొరేటర్‌ మోత్కూర్‌ శ్రీనివాస్‌ ముఖ్య అతిథులుగా హాజరై రిటైర్డ్‌ ఉద్యోగులను సన్మానించారు. కార్యక్రమంలో గురుపదప్ప, ఉపాధ్యక్షుడు నాగరాజ్‌ కే., ప్రధాన కార్యదర్శి శాంతప్ప, సంయుక్త కార్యదర్శి కే.వీరేష్‌ కుమార్‌, కోశాధికారి రవీంద్రనాథ్‌ పాల్గొన్నారు. మంత్రి బసవంతప్ప

రాయచూరు రూరల్‌: క్రీడల్లో గెలుపోటములను సమానంగా స్వీకరించాలని గురుమిఠకల్‌ ఎమ్మెల్యే శరణే గౌడ కందకూర్‌ క్రీడాకారులకు సూచించారు. ఆదివారం రాయచూరు తాలూకా దేవసుగూరులో జయ కర్ణాటక సేన ఆధ్వర్యంలో రాష్ట్ర అవతరణ దినోత్సవం సందర్భంగా ఏర్పాటు చేసిన కబడ్డీ పోటీలను ప్రారంభించి మాట్లాడారు. క్రీడల ద్వారా మానసికంగా, శారీరకంగా, దైహికంగా అభివృద్ధి చెందేందుకు అవకాశం ఉంటుందని పేర్కొన్నారు. ప్రతిభ కనబరిచి ఉన్నతస్థాయికి చేరుకోవాలని ఆకాక్షించారు. రోడ్డు ప్రమాదంలో వ్యక్తి దుర్మరణంరాయచూరు రూరల్‌: రోడ్డు ప్రమాదంలో ఓ వ్యక్తి దుర్మరణం పాలయ్యాడు. ఈ ఘటన శనివారం సాయంత్రం రాయచూరు జిల్లాలో చోటుచేసుకుంది. రాయచూరు జిల్లా దేవదుర్గ తాలూకా ముక్కనాళ గ్రామానికి చెందిన శివరాజ్‌ (40) ఈ ప్రమాదంలో మృతి చెందాడు. సిరవార నుంచి దేవదుర్గకు ద్విచక్ర వాహనంపై వస్తున్న సమయంలో ఎదురుగా వచ్చిన లారీని ఢీకొట్టడంతో ఈ ప్రమాదం జరిగింది. ఈ ఘటనలో శివరాజ్‌ అక్కడికక్కడే మృతి చెందగా.. అతని వెనుక కూర్చున్న ముదుకప్ప తీవ్రంగా గాయపడ్డాడు. క్షతగాత్రుడిని చికిత్స నిమిత్తం రిమ్స్‌ ఆసుపత్రికి తరలించారు. దేవదుర్గ పోలీసులు కేసు నమోదు చేసుకుని దర్యాప్తు చేస్తున్నారు. ఆధునిక సాంకేతికతతో మెరుగైన సేవలు హొసపేటె: నాణ్యత, విశ్వసనీయత, నూతన సాంకేతికతతోనే ప్రపంచ వ్యాప్తంగా గుర్తింపు, గౌరవం లభిస్తాయని కొప్పళ గవిమఠం అభినవ గవిసిద్దేశ్వర మహాస్వామి అన్నారు. ఆదివారం హొసపేటెలో వికాస సౌహర్ధ కో–ఆపరేటివ్‌ బ్యాంక్‌ కేంద్ర కార్యాలయంలో దక్షిణ భారతదేశంలో తొలిసారిగా ఏర్పాటు చేసిన ఆటోమేటిక్‌ ఆటో వాల్ట్‌ లాకర్‌ వ్యవస్థను ప్రారంభించారు. ఈ సందర్భంగా ఆయన మాట్లాడుతూ.. బయట సంపద, మనసులో సంతోషం ఉన్నప్పుడే నిజమైన అభివృద్ధి సాధ్యమని తెలిపారు. ఆధునిక సాంకేతికతతో వినియోగదారులకు మెరుగైన సేవలు అందిస్తున్న వికాస బ్యాంక్‌ను అభినందించారు. కార్యక్రమంలో కొట్టూరు స్వామి మఠం బసవలింగ మహాస్వామిజీ, గోద్రెజ్‌ సంస్థ ప్రతినిధి పర్సీ మాస్టర్‌, బ్యాంక్‌ అధ్యక్షుడు విశ్వనాథ్‌ హిరేమఠ్‌్‌, ఎండీ ప్రసన్న హిరేమఠ్‌్‌, పలువురు ప్రముఖులు పాల్గొన్నారు. విద్యతోనే గౌరవమైన జీవనం బళ్లారి టౌన్‌: విద్యతోనే గౌరవమైన జీవనం సాధ్యమని కమ్మరిచేడు కళ్యాణ స్వామి పేర్కొన్నారు. ఆదివారం నగర శివారులోని సంగనకల్లు గ్రామంలో దాదాపు 500 మంది దాక విద్యార్థులతో పాటు సాధకులను ఘనంగా సత్కరించారు. ఈ సందర్భంగా ఆయన మాట్లాడుతూ.. ఆర్థిక పరిస్థితులు, కష్ట నష్టాలను ఎదురించి సాధకులుగా మారిన వారిని ఆదర్శంగా తీసుకుని ముందుకెళ్లాలన్నారు. సంగనకల్లు గ్రామం అన్ని రంగాల్లో ముందంజలో ఉందని తెలిపారు. వైద్యులు, న్యాయమూర్తులు, న్యాయవాదులు, ఇంజనీర్లు, ఐఏఎస్‌లు, ఉపాధ్యాయులు, రాజకీయ నాయకులుగా ఎదిగారన్నారు. ఎన్‌ఆర్‌బీసీకి నీరు విడుదల చేయాలి రాయచూరు రూరల్‌: కళ్యాణ కర్ణాటక జిల్లాలోని రాయచూరు, లింగసూగురు, దేవదుర్గ, యాదగరి జిల్లాలోని సురుపుర తాలుకాల్లోని నారాయణపుర కుడి కాలువలకు నిరంతరం నీరు విడుదల చేయాలని మాజీ మంత్రి రాజు గౌడ డిమాండ్‌ చేశారు. ఆదివారం యాదగిరిలో జిల్లా అధికారి కార్యాలయం వద్ద ఆందోళన చేపట్టారు. ఎన్‌ఆర్‌బీసీకి వార బంది పద్ధతికి స్వస్తి పలికి నిరంతరం నీటిని విడుదల చేయాలని సూచించారు. కాలువ పరిధిలోని చివరి ఆయకట్టు భూములకు నీరందడం లేదన్నారు.

రాయచూరు రూరల్‌: సమాజంలో మానవాళికి మెరుగైన వైద్య సేవలు అందించాలని రాష్ట్ర వైద్య విద్యాశాఖ మంత్రి శరణ ప్రకాష్‌ పాటిల్‌ సూచించారు. శనివారం సాయంత్రం కలబుర్గిలోని ప్రభుత్వ వైద్య కళాశాలలో నర్సింగ్‌ పట్టాల ప్రదానోత్సవ కార్యక్రమం నిర్వహించారు. ఈ కార్యక్రమంలో పాల్గొన్న మంత్రి మాట్లాడుతూ.. వైద్య రంగంలో నర్సులు ఉత్తమ ఫలితాలు సాధించాలని పిలుపునిచ్చారు. ఆధునిక సాంకేతిక పరిజ్ఞానంతో ఆరోగ్య పరీక్షలు నిర్వహించేందుకు ప్రస్తుతం అనేక అవకాశాలు అందుబాటులో ఉన్నాయని పేర్కొన్నారు. ఆటోస్టాండ్ల తొలగింపు సరికాదు సాక్షి, బళ్లారి: నగరంలో అనుమతులు ఉన్న ఆటోస్టాండ్లను అకస్మాత్తుగా సరికాదని ఆటో డ్రైవర్ల సంఘం జిల్లా అధ్యక్షుడు హుండేకర్‌ రాజేష్‌ మండిపడ్డారు. ఆటో డ్రైవర్ల ఆధ్వర్యంలో ఆటోస్టాండ్ల వద్ద కన్నడ జెండాలు కట్టి ఘనంగా కర్ణాటక రాజ్యోత్సవాలు జరుపుకునేందుకు ఏర్పాట్లు చేసుకున్నారన్నారు. శనివారం రాత్రి కార్పొరేషన్‌ సిబ్బంది, పోలీసులు ఉన్నపళంగా ఆటో స్టాండ్లు తొలగించడం ఎంత వరకు సమంజసమని ప్రశ్నించారు. 2001లో జిల్లా అధికారి నుంచి అన్ని అనుమతులు తీసుకుని నగరంలోని పలు చోట్లు ఆటోస్టాండ్లు ఏర్పాటు చేసుకోవడం జరిగిందన్నారు. ఆటోస్టాండ్లను పునరుద్ధరించకపోతే పెద్ద ఎత్తున పోరాటం చేస్తామన్నారు.

యశవంతపుర: ప్రేమించాలంటూ పోకిరీ నానా విధాలుగా వేధించడంతో తట్టుకోలేక ఉజ్వల భవిత ఉన్న యువతి బలవన్మరణానికి పాల్పడింది. ఈ విషాద సంఘటన హాసన్‌ జిల్లా సకలేశపుర తాలూకా బాళగోడు గ్రామంలో జరిగింది. వివరాలు.. భవిత–నాగేశ్‌ దంపతుల కూతురు హిమా (23), హిమా మంగళూరులో బీటెక్‌ చివరి ఏడాది చదువుతోంది. గ్రామంలో ఆమెకు బాల్య మిత్రుడైన నౌషాద్‌ ప్రేమించాలని వేధించేవాడు. గతంలో షికార్లకు వెళ్లినప్పుడు తీసుకున్న ఫోటోలను చూపిస్తూ బెదిరింపులకు పాల్పడసాగాడు. కొన్ని ఫోటోలను ఇంటర్నెట్‌లో పోస్టు చేయగా, వాటిని తొలగించాలని హిమా వేడుకొంది. కానీ అతడు పట్టించుకోకుండా సతాయించసాగాడు. దీంతో విరక్తి చెందిన హిమా ఇంటిలో ఎవరూ లేని సమయంలో పురుగుల మందు తాగి ఆత్మహత్య చేసుకుంది. ఉన్న ఒక్క కుమార్తెను పోగొట్టుకున్న తల్లిదండ్రులు కన్నీరుమున్నీరవుతున్నారు. ఎమ్మెల్యే సిమెంట్‌ మంజు ఆమె మృతదేహాన్ని దర్శించి తల్లిదండ్రులను ఓదార్చారు. నిందితునిపై కఠిన చర్యలు తీసుకోవాలని ఎమ్మెల్యే పోలీసులకు సూచించారు.

సాక్షి, బళ్లారి: కర్ణాటక రాష్ట్ర ఆవిర్భావ దినోత్సవాన్ని (రాజ్యోత్సవం) ఆదివారం నగరంలో ఘనంగా నిర్వహించారు. అన్ని ప్రధాన రహదారులు, కూడళ్లు, వీధుల్లో కన్నడ జెండాలు రెపరెపలాడాయి. భువనేశ్వరి దేవి చిత్రపటానికి పూలమాలలు వేసి పూజలు చేశారు. చిన్నారులు, విద్యార్థులు కన్నడ గీతాలు ఆలపిస్తూ సాంస్కృతిక ప్రదర్శనలతో ఆకట్టుకున్నారు. యువత ద్విచక్ర వాహనాల్లో కన్నడ జెండాలు పట్టుకుని సందడి చేశారు. జిల్లా యంత్రాంగం ఆధ్వర్యంలో నగరంలోని మున్సిపల్‌ హైస్కూల్‌ మైదానంలో కన్నడ రాజ్యోత్సవ సంబరాలు నిర్వహించారు. మంత్రి జమీర్‌ అహమ్మద్‌ ఖాన్‌, ఎమ్మెల్యే నారా భరత్‌రెడ్డి, జిల్లా అధికారి నాగేంద్ర ప్రసాద్‌ పాల్గొని ప్రసంగించారు. రెండు వేల సంవత్సరాలకు పైగా ఘన చరిత్ర కలిగిన కర్ణాణటకలో అన్ని మతాలు, కులాల ప్రజలు అన్నదమ్ముల్లా కలిసి మెలసి జీవించడం సంతోషంగా ఉందన్నారు. కన్నడ జెండాను ఎగరవేయడం మనందరి పూర్వజన్మ సుకృతంగా భావిస్తున్నామన్నారు. కర్ణాటక రాజ్యోత్సవాలను నెల రోజుల పాటు జరుపుకోవాల్సిన అవసరం ఉందని పేర్కొన్నారు. కన్నడ భాష ఎంతో సరళమైంది అని ఇతర రాష్ట్రాల నుంచి వచ్చిన వారు సైతం ఈ భాషను సులభంగా నేర్చుకుని మాట్లాడుతున్నారని తెలిపారు. పేదల సంక్షేమానికి కర్ణాటక ప్రభుత్వం కట్టుబడి ఉందని.. ఐదు ప్రధాన గ్యారెంటీలతో సంక్షేమ పథకాలు అమలు చేయడం ద్వారా పేదరిక నిర్మూలనకు కృషి చేస్తున్నట్లు వెల్లడించారు. వివిధ రంగాల్లో రాణిస్తున్న బసవరాజ్‌ జోళదరాశి, హెచ్‌.పి.శికారి రాము, కె.ఎం.మహేశ్వరయ్య స్వామి, రజని లక్కా, హుస్సేన్‌సాబ్‌, యెగానంద రెడ్డి, వీరభద్ర గౌడ, సాదన్న, చలావాది పెద్ద బసప్ప తదితరులను సన్మానించారు. హంపీ నుంచి కన్నడ జ్యోతి ప్రతి సంవత్సరం మాదిరిగానే ఈ సారి కూడా కన్నడ సంఘాల ఆధ్వర్యంలో హంపీలోని తాయి భువనేశ్వరీ ఆలయం నుంచి కన్నడ జ్యోతిని తీసుకొచ్చి మంత్రి సమక్షంలో జిల్లా యంత్రాంగానికి అందజేశారు. ఆకట్టుకున్న ఉరేగింపు కన్నడ రాజ్యోత్సవాన్ని పురస్కరించుకుని జిల్లా యంత్రాంగం ఆధ్వర్యంలో నిర్వహించిన ఉరేగింపు నగరవాసులను ఆకట్టుకుంది. పలు శాఖలు, వివిధ కన్నడ సంఘాల ఆధ్వర్యంలో కన్నడ తల్లి భువనేశ్వరి చిత్రపటంతో పాటు కర్ణాటక ఏకీకరణ ఉద్యమంలో కీలకపాత్ర పోషించిన పంజార రంజాన్‌ సాబ్‌, తదితరులు చిత్రపటాలు, శకటాలతో భారీ ఉరేగింపు చేపట్టారు. కార్యక్రమంలో జిల్లా ఎస్పీ సుమన్‌ పన్నేకర్‌, నగర కమిషనర్‌ మంజునాథ్‌ తదితరులు పాల్గొన్నారు. భువనేశ్వరి దేవి చిత్రపటానికి పూజలు కన్నడ రాజ్యోత్సవాన్ని పురస్కరించుకుని పలు కన్నడ సంఘాలు, బీజేపీ కార్పొరేటర్ల ఆధ్వర్యంలో వేడుకలు నిర్వహించారు. మాజీ ఎమ్మెల్యే గాలి సోమశేఖరరెడ్డి పాల్గొని కన్నడ జెండా ఎగురవేసి, తాయి భువనేశ్వరి దేవి చిత్రపటానికి పూలమాలలు వేసి పూజలు చేశారు. కన్నడ జెండాల ఆవిష్కరణ రాయచూరు రూరల్‌: ఉత్తర కర్ణాటక జిల్లాలో రాష్ట్ర అవతరణ దినోత్సవాన్ని వేడుకగా జరుపుకున్నారు. బెళతగావిలో మంత్రి సతీష్‌ జార్కిహోళి, బాగల్‌కోటలో మంత్రి విజయానంద కాశప్పనవర, విజయపురలో మంత్రి ఎం.బి.పాటిల్‌, కళ్యాణ–కర్ణాటకలోని కలబుర్గిలో రాష్ట్ర హోం శాఖ మంత్రి ప్రియాంఖ ఖర్గే, యాదగిరిలో రాష్ట్ర వైద్యశాఖ మంత్రి శరణ ప్రకాష్‌ పాటిల్‌, కొప్పళలో మంత్రి శివరాజ తంగడిగి కన్నడ జెండాలను ఎగురవేశారు. భువనేశ్వరి చిత్రపటానికి కిల్లే బ్రహన్మఠాధిపతి శాంతమల్ల శివాచార్యులు పూజలు చేపట్టారు. నగరంలో కన్నడ కళా యువ వేదిక ఆధ్వర్యంలో పతాకాన్ని ఎగురవేసి సమాజ సేవలకులకు అవార్డులు అందజేశారు. కార్యక్రమంలో వినోద రెడ్డి, శివశంకర్‌, శరణప్ప గోనాళ్లు, వెంకట సింగ్‌ పాల్గొన్నారు. కర్ణాటక ఏకీకరణ రక్షణ సేన సమితి ఆధ్వర్యంలో.. బళ్లారి అర్బన్‌: కర్ణాటక ఏకీకరణ రక్షణ సేన సమితి ఆధ్వర్యంలో కర్ణాటక రాజ్యోత్సవ వేడుకలను ఘనంగా నిర్వహించారు. ఆ సమితి జిల్లా అధ్యక్షుడు శ్రీనివాసులు మాట్లాడుతూ.. కర్ణాటక ఏకీకరణ కోసం పోరాడిన మహనీయుల ఆశయాలను కొనసాగిస్తూ రాష్ట్ర ఐక్యతను కాపాడుకోవాల్సిన బాధ్యత అందరిపై ఉందన్నారు. కార్యక్రమంలో సంస్థ వ్యవస్థాపక రాష్ట్ర అధ్యక్షుడు పి.శేఖర్‌, జిల్లా అధ్యక్షుడు శ్రీనివాసులు, రాష్ట్ర యువజన విభాగం అధ్యక్షుడు ఎస్‌.రోహన్‌, జిల్లా కార్యనిర్వహక అధ్యక్షుడు శివరాం, సాగర్‌, చంద్ర తదితరులు పాల్గొన్నారు. దావణగెరెలో.. బళ్లారి రూరల్‌: కన్నడ నాడు, నుడి అభివృద్ధికి అందరూ కృషి చేయాలని దావణగెరె జిల్లా ఇన్‌చార్జ్‌ మంత్రి, ఎస్‌.ఎస్‌.మల్లికార్జున తెలిపారు. కన్నడ రాజ్యోత్సవాన్ని పురస్కరించుకుని జిల్లా క్రీడా మైదానంలో కన్నడ జెండా ఆవిష్కరించారు. ఆలూరు వెంకటరాయరు, కెంగల్‌ హనుమంతయ్య, ఎస్‌.నిజలింగప్ప, తదితర మహనీయుల సేవలు వెలకట్టలేనివని కొనియాడారు. ఈ కార్యక్రమంలో ప్రజాప్రతినిధులు, కలెక్టర్‌, ఎస్పీ, వివిధ శాఖల అధికారులు, పాల్గొన్నారు. రాజ్యోత్సవ వేడుకలకు హాజరైన మంత్రి అజయ్‌ సింగ్‌కన్నడ జ్యోతిని అధికారులకు అందజేస్తున్న ఎమ్మెల్యే నారాభరత్‌ రెడ్డి రాయచూరు రూరల్‌: బాగల్‌కోటలో రాజ్యోత్సవ వేడుకలు వాడవాడలా కర్ణాటక ఆవిర్భావ దినోత్సవం కన్నడ జెండాలతో కళకళలాడిన వీధులు ఆకట్టుకున్న సాంస్కృతిక కార్యక్రమాలు, ర్యాలీలు, అన్నదానాలు జిల్లాభివృద్ధికి శ్రమిస్తాం: మంత్రి సింగ్‌ రాయచూరు రూరల్‌: జిల్లా అభివృద్ధికి కృషి చేస్తామని రాష్ట్ర చిన్న నీటి పారుదల శాఖ మంత్రి అజయ్‌ సింగ్‌ వెల్లడించారు. 71వ రాష్ట్ర అవతరణ దినోత్సవాన్ని పురస్కరించుకుని మహాత్మా గాంధీ క్రీడా ప్రాంగణంలో జాతీయ పతాకాన్ని ఆవిష్కరించారు. కార్యక్రమంలో జిల్లా అధికారి పూవిత, ఎస్పీ అరుణాంగ్శుగిరి, జెడ్పీ సీఈఓ ఈశ్వర్‌ కుమార్‌ కాందూ, సమాచార హక్కు కమిషనర్‌ వెంకట సింగ్‌ తదితరులు పాల్గొన్నారు. నగరంలో వివిధ రంగాల్లో సేవలందించిన వారికి ఏడదొరె నాడు అవార్డులు అందజేశారు.

● భర్త మృతి, భార్యకు గాయాలు దొడ్డబళ్లాపురం: మైక్రో ఫైనాన్స్‌ ఆగడాలకు అడ్డుకట్ట వేస్తామని ప్రభుత్వం చెబుతున్నా తరచూ దారుణాలు జరుగుతూనే ఉన్నాయి. నెలమంగల తాలూకా టీ బేగూరు నివాసి మురళి (39) మైక్రో ఫైనాన్స్‌ సిబ్బంది దాడిలో గాయపడి చనిపోయాడు. వివరాలు.. మురళి ఎల్‌అండ్‌టీ మైక్రో ఫైనాన్స్‌లో బైక్‌ కొనడానికి అప్పు తీసుకున్నాడు. మూత్రపిండాల జబ్బుకు తోడు ఇటీవల ఆర్థిక ఇబ్బందులతో కంతులు కట్టలేదు, దీంతో శుక్రవారంనాడు రికవరీ ఏజెంట్లు బైక్‌ సీజ్‌ చేసేందుకు మురళిని వెంబడించారు. మురళి భార్యతో కలిసి బైక్‌పై వెళ్తుండగా ఏజెంట్లు బైక్‌ను కాలితో కొట్టడంతో మురళి, భార్య లత కిందపడి గాయపడ్డారు. మురళి ఆస్పత్రిలో చికిత్స పొందుతూ ఆదివారం ఉదయం కన్నుమూశాడు. భర్త మృతికి రికవరీ ఏజెంట్లే కారణమని భార్య నెలమంగల గ్రామీణ పోలీసులకు ఫిర్యాదు చేసింది. కేసు నమోదు చేసుకుని పరారీలో ఉన్న ఏజెంట్ల కోసం గాలిస్తున్నారు. అనుమానం పెనుభూతమై.. భార్య నరికివేత దొడ్డబళ్లాపురం: భార్య శీలాన్ని శంకించిన భర్త ఆమెను కొడవలితో నరికి హత్య చేసిన సంఘటన కలబుర్గి తాలూకా బసవన తాండాలో జరిగింది. వివరాలు.. నామదేవ రాథోడ్‌, నీలాబాయికి 9 ఏళ్ల క్రితం వివాహం కాగా ముగ్గురు పిల్లలు ఉన్నారు. నీలాబాయి కూరగాయల వ్యాపారం చేసేది. ఇటీవల భార్య పట్ల అనుమానం పెంచుకున్న భర్త ఆమె ఫోన్‌కు కాల్‌ వచ్చినా మెసేజ్‌ వచ్చినా సందేహించేవాడు. దీంతో తరచూ గొడవపడేవారు. మద్యానికి బానిసైన నామదేవ నిత్యం తాగివచ్చి భార్యతో గొడవపడేవాడు. శనివారం రాత్రి భార్యతో పోట్లాటకు దిగిన భర్త కొడవలితో ఆమెను నరికి చంపి పారిపోయాడు. పోలీసులు కేసు నమోదు చేసుకుని నిందితుని కోసం గాలిస్తున్నారు. బండరాళ్లకు కారు ఢీ.. పీజీ మెడికో మృతి ● నలుగురికి తీవ్ర గాయాలు శివమొగ్గ: కారు అదుపుతప్పి రోడ్డు పక్కన ఉన్న బండరాళ్లను ఢీకొనడంతో ఒక వైద్య కళాశాల విద్యార్థి మృతి చెందగా, మరో నలుగురు తీవ్రంగా గాయపడ్డారు. ఈ ఘటన ఆదివారం ఉదయం తీర్థహళ్లి తాలూకాలోని అగుంబె సమీపంలో ఉన్న కావరిహక్లు వద్ద జరిగింది. మృతుడు శివమొగ్గ ప్రభుత్వ వైద్య కళాశాలలో ఎండీ చదువుతున్న చేతన్‌ (28)గా గుర్తించారు. ఐదుగురు మెడికోలు విహారయాత్రకు కారులో వస్తుండగా ఈ ప్రమాదం జరిగినట్లు చెబుతున్నారు. తీవ్ర గాయాలైన నలుగురిని ఆ దారిన వెళ్లే ఇతర వాహనదారులు అంబులెన్సులో శివమొగ్గకు పంపించారు. మృతదేహాన్ని ప్రభుత్వ వైద్య కళాశాలకు తరలించారు. అతి వేగమే కారణమని తెలుస్తోంది. ఆగుంబె ఇన్‌స్పెక్టర్‌ రాజశేఖర్‌, ఎస్‌ఐ శివనగౌడ, పోలీసులు చేరుకుని కేసు నమోదు చేశారు. పరిశీలించారు. ప్రియునికి భలే మర్యాద● స్తంభానికి కట్టేసి దాడి దొడ్డబళ్లాపురం: ప్రియురాలిని తీసుకెళ్దామని వచ్చిన ప్రియున్ని గ్రామస్తులు స్తంభానికి కట్టేసి చితకబాదారు. ఈ సంఘటన హావేరి జిల్లా రట్టిహళ్లి తాలూకా బత్తికొప్ప గ్రామంలో జరిగింది. వివరాలు.. రట్టిహళ్లికి చెందిన ప్రమోద్‌, బత్తికొప్పవాసి భావన ప్రేమించుకున్నారు. పెద్దలు వ్యతిరేకించడంతో గతంలో ఇద్దరూ ఇళ్లు వదిలి వెళ్లిపోయి రిజిస్టర్‌ పెళ్లి చేసుకోవాలనుకున్నారు. అయితే భావన తల్లిదండ్రులు కుమార్తెకు సర్దిచెప్పి ఇంటికి తీసుకువచ్చారు. ఇప్పుడు మరోసారి పెళ్లి చేసుకుందాం అని ప్రేయసీ ప్రియుడు సమాచారం ఇచ్చుకున్నారు. ప్రమోద్‌ ఇద్దరు స్నేహితులతో కలిసి బత్తికొప్ప గ్రామానికి వచ్చాడు. ఇది తెలుసుకున్న భావన తల్లిదండ్రులు గ్రామస్తులతో కలిసి వారిని స్తంభానికి కట్టేసి దుస్తులు చించేసి తీవ్రంగా కొట్టారు. సమాచారం అందుకున్న హంసభావి పోలీసులు గ్రామానికి వచ్చి ప్రమోద్‌, స్నేహితులను రక్షించారు. దాడిచేసిన వారిపై కేసు నమోదు చేసుకున్నారు.

హొసపేటె: భారత మాజీ ప్రధానమంత్రి, దేశ తొలి మహిళా ప్రధానమంత్రి ఇందిరాగాంధీ 43వ వర్ధంతి కార్యక్రమాన్ని హొసపేటెలో బ్లాక్‌ కాంగ్రెస్‌ కమిటీ ఆధ్వర్యంలో ఘనంగా నిర్వహించారు. నగరంలోని మున్సిపల్‌ హైస్కూల్‌ మైదానం సమీపంలో ఉన్న ఇందిరాగాంధీ ప్రతిమకు కాంగ్రెస్‌ నాయకులు పూలమాలలు వేసి నివాళులర్పించారు. హొసపేటె బ్లాక్‌ కాంగ్రెస్‌ కమిటీ అధ్యక్షుడు కే.రవికుమార్‌ నాయకత్వం వహించి మాట్లాడుతూ భారత రాజకీయ చరిత్రలో ఇందిరాగాంధీకి ప్రత్యేకమైన స్థానం ఉందన్నారు. దేశాభివృద్ధి, ఆర్థిక స్వావలంబన, పేదల సంక్షేమ కోసం ఆమె చేసిన సేవలు చిరస్మరణీయమని కొనియాడారు. దేశ సమగ్రత, ఐక్యత కోసం ఆమె చూపిన ధైర్యం, నాయకత్వం నేటి తరానికి స్పూర్తిదాయకమని అన్నారు. దేశానికి ఎన్నో కీలక నిర్ణయాలు అందించిన ఇందిరాగాంధీ సేవలను ప్రతి ఒక్కరూ స్మరించుకోవాలని అన్నారు. కాంగ్రెస్‌ పార్టీ నాయకులు, కార్యకర్తలు, అభిమానులు పాల్గొన్నారు. రాయచూరులో.. రాయచూరు రూరల్‌: వెనుక బడిన వర్గాల అభ్యున్నతికి పాటు పడిన ఆదర్శ వ్యక్తి ఇందిరాగాంధీ నగరసభ మాజీ సభ్యుడు జయన్న అన్నారు. శనివారం జిల్లా కాంగ్రెస్‌ పార్టీ కార్యాలయంలో మాజీ ప్రధానమంత్రి ఇందిరాగాంధీ వర్ధంతి, మాజీ ప్రధానమంత్రి సర్దార్‌ వల్లభాయ్‌ పటేల్‌ జయంతి, ఏకతా దివస్‌ సందర్భంగా ఏర్పాటు చేసిన కార్యక్రమంలో నేతల చిత్రపటాలకు పూలమాలలు వేసి మాట్లాడారు. దేశానికి స్వాతంత్య్రం కోసం అహర్నిశలు శ్రమించిన మహానుభావుడు, ఉక్కు మనిషి సర్దార్‌ వల్లభాయ్‌ పటేల్‌ అని పేర్కొన్నారు. జాతీయ స్థాయిలో ఇద్దరూ సామాన్య ప్రజల బాధలను పరిష్కరించేందుకు ఎన్నో పథకాలను అమలు చేశారన్నారు. వారి ఆదర్శాలను ప్రతి ఒక్కరూ పాటించాలని కోరారు. రుద్రప్ప, శివమూర్తి, అమరేగౌడ, జయంత్‌ పతంగి, విశ్వనాథ్‌, శశికళ, నరసింహులున్నారు.

హొసపేటె: విద్యారంగంలో మరో కీలక మైలురాయికి హొసపేటె వేదికై ంది. బళ్లారికి చెందిన వీరశైవ విద్యావర్ధక సంఘం ఆధ్వర్యంలో హొసపేటలోని ప్రౌఢదేవరాయ ఇంజినీరింగ్‌ కళాశాల ప్రాంగణంలో నూతనంగా ఏర్పాటు చేసిన వీరశైవ విద్యావర్ధక సంఘం న్యాయ విద్యా కళాశాలను ప్రారంభమైంది. హంపీ హేమకూట పీఠాధిపతి జగద్గురు కొట్టూరు బసవలింగ స్వామీజీ, సండూరు సంస్థాన విరక్తమఠం ప్రభు మహాస్వామీజీల దివ్య సాన్నిధ్యంలో ఈ కార్యక్రమం జరిగింది. బెంగళూరుకు చెందిన విశ్రాంత న్యాయమూర్తి అరళి న్యాయ విద్యా కళాశాలను ప్రారంభించారు. కార్యక్రమంలో కర్ణాటక రాష్ట్ర న్యాయ విశ్వవిద్యాలయం ఇన్‌చార్జి ఉపకులపతి ప్రొఫెసర్‌ డాక్టర్‌ రత్నా ఆర్‌.భరమగౌడర్‌, వీరశైవ విద్యావర్ధక సంఘం అధ్యక్షుడు డాక్టర్‌ కణేకల్‌ మహాంతేష్‌ తదితరులు పాల్గొన్నారు.

రాయచూరు రూరల్‌: ఖరీఫ్‌ సీజన్‌లో వానలు లేనందున తాగునీటి ఎద్దడి నెలకొనకుండా చూడాలని రాయచూరు గ్రామీణ శాసన సభ్యుడు బసనగౌడ దద్దల్‌ అధికారులను ఆదేశించారు. శనివారం రాయచూరు టీపీ కార్యాలయంలో ఏర్పాటు చేసిన అధికారుల సమావేశంలో మాట్లాడారు. ప్రకృతి వైపరీత్యాల సమయంలో రైతులు విత్తనాలు వేయడం వల్ల పంట నష్టం విషయంలో అధికారులు రైతులకు సహకరించాలన్నారు. భవిష్యత్తులో పశువులకు గ్రాసం కొరత రాకుండా చూడాలని సూచించారు. కేంద్ర, రాష్ట్ర ప్రభుత్వాల నుంచి లభించే సబ్సిడీ పథకాలను రైతులకు అందే విధంగా చూడాలన్నారు. టీపీ ఈఓ చంద్రశేఖర్‌ పవార్‌, డీఎస్పీ శాంతవీర్‌, ఏసీ హంపణ్ణ, తహసీల్దార్‌ సురేష్‌వర్మలున్నారు.

సాక్షి, బళ్లారి: బళ్లారి తాలూకా కొళగల్‌ గ్రామ సమీపంలోని చెరువు కట్ట వద్ద పేకాట స్ధావరంపై పోలీసులు దాడి చేసి దాదాపు రూ.3 లక్షల నగదును స్వాధీనం చేసుకోవడంతో పాటు 13 మంది పేకాట రాయుళ్లను అరెస్ట్‌ చేశారు. అంతేకాకుండా వారి వద్ద నుంచి 13 మొబైల్‌ ఫోన్లు, 8 ద్విచక్ర వాహనాలను కూడా వశపరుచుకున్నారు. చెరకు ధర పెంచకుండా సర్కారు నాటకం హుబ్లీ: చెరకుకు శాసీ్త్రయ ధర కల్పించడంతో పాటు వివిధ సమస్యల పరిష్కారం కోసం రాష్ట్రంలో లక్షలాది రైతులు వీధుల్లోకి వచ్చి పోరాటం చేస్తున్నారు. అయినా రాష్ట్ర ప్రభుత్వం చెరకు ధర పెంచకుండా సంబంధిత ఫ్యాక్టరీ యజమానులు, రైతుల మధ్య నాటకం ఆడుతోంతుందని ప్రగతిశీల రైతు నేత బసవరాజ బుతాలి ఆరోపించారు. స్థానిక మీడియాతో ఆయన మాట్లాడారు. రాష్ట్ర ప్రభుత్వం చెరకు ఉపఉత్పత్తి అయిన మద్యం విక్రయాల ద్వారా లభించే ఎకై ్సజ్‌ సుంకం లాభాల్లో నుంచే రైతుల చెరకుకు అధిక ధర చెల్లించాలని డిమాండ్‌ చేశారు. ఓ వైపు ఎంఎస్‌పీ కేంద్రానికి చెందిందని అంటున్న రాష్ట్ర ప్రభుత్వం మరో వైపు తమ ఖజానాలో డబ్బుల్లేక దివాలా తీసిందని స్వయంగా సీఎం ప్రకటించడం సిగ్గుచేటన్నారు. రైతుల సమావేశంలో సీఎం డీకే.శివకుమార్‌ తన జేబు నుంచి డబ్బులు ఇవ్వడం లేదు. బాధ్యతారహితంగా మాట్లాడటం తగదన్నారు. రైతుల సమస్యలు పరిష్కరించక పోతే హైవేల బంద్‌కు బదులుగా ప్రభుత్వ కార్యాలయాలు, ఎకై ్సజ్‌ విక్రయాలు చేసే మద్యం అంగళ్లను బంద్‌ చేస్తామని ఆయన హెచ్చరించారు. రాజ్యోత్సవానికి నగరం ముస్తాబు ● జోరుగా విద్యుద్దీపాలంకరణలు ● జెండాల విక్రయాలతో సందడి బళ్లారిఅర్బన్‌: కర్ణాటక రాజ్యోత్సవాన్ని పురస్కరించుకుని రాష్ట్ర వ్యాప్తంగా నవంబర్‌ 1న వేడుకలను ఘనంగా నిర్వహించేందుకు ఏర్పాట్లు చేపట్టారు. ఇందులో భాగంగా బళ్లారి నగరంలోనూ ఉత్సవాలకు ముందస్తు సన్నాహాలు పూర్తయ్యాయి. కన్నడ రక్షణ వేదిక సంఘాల ఆధ్వర్యంలో నగరంలోని పలు ప్రాంతాల్లో కన్నడ పతాకాన్ని ఎగురవేసేందుకు ఏర్పాట్లు చేశారు. ప్రభుత్వ కార్యాలయాలు, ప్రధాన కూడళ్లతో పాటు పలు ప్రాంతాల్లో విద్యుద్దీపాలతో ప్రత్యేక అలంకరణలు చేపట్టారు. మరో వైపు బెంగళూరు రోడ్డులో కన్నడ జెండాల విక్రయాలు జోరుగా సాగాయి. రాజ్యోత్సవాన్ని ఘనంగా జరిపేందుకు ప్రజలు జెండాలను కొనుగోలు చేస్తూ కనిపించారు. నగరమంతా పండుగ వాతావరణం నెలకొంది. ఘనంగా విశ్వ ఆయుర్వేద సమ్మేళనం హుబ్లీ: విశ్వ ఆయుర్వేద సమ్మేళనం సందర్భంగా ఆయుర్వేద కళాశాల ఆస్పత్రి ఆధ్వర్యంలో సంభవ యుగేయుగే సమగ్ర సంతానోత్పత్తి వైద్యం అనే అంశంపై 11వ ఉపసమ్మేళనం నగరంలో ఘనంగా జరిగింది. వ్యంధత్వ నివారణ ఆయుర్వేద పాత్ర పురుషులు, మహిళల్లో ఫలవర్థక, పంచకర్మ చికిత్స, గర్భసంస్కారం, భ్రూణం ఎదుగుదల, ఆధునిక సంతానోత్పత్తి సాంకేతిక అంశాలు, ఆధునిక సంతానోత్పత్తి విజ్ఞానం, సాక్ష్యాథభిధారిత ఆయుర్వేద చికిత్సా పద్ధతులను సమన్వయ పరచడం ద్వారా ఫలవత్తత, పితృత్వం, మాతృత్వం, సంతానోత్పత్తి ఆరోగ్యాన్ని చక్కబరుచుకోవడం గురించి నిపుణులు కీలక విషయాలను వెల్లడించారు. డాక్టర్‌ మాధవ్‌ దిగ్గావి, డాక్టర్‌ సూరజ్‌ ప్రత్యేకంగా ప్రసంగించారు. కార్యక్రమంలో డాక్టర్‌ గోవింద్‌ మీరజ్‌, డాక్టర్‌ సుహాస్‌కుమార్‌ శెట్టి, డీన్‌ డాక్టర్‌ సుజాత, గోవింద జోషి, సంజీవ్‌ జోషి, ఆస్పత్రి డైరెక్టర్‌ డాక్టర్‌ ఏఎస్‌ ప్రశాంత్‌ తదితరులు పాల్గొన్నారు. భక్తిభావాలు పెంచుకోవాలి రాయచూరు రూరల్‌: మానవుడు తన జీవితంలో భక్తిభావాలు పెంచుకోవాలని కాశీ జగద్గురువులు పిలుపునిచ్చారు. శుక్రవారం రాత్రి సింధనూరు తాలూకాలోని సిద్ధ పర్వతం అంబామఠంలో నూతన కలశారోహణ కార్యక్రమాన్ని ప్రారంభించి ఆశీర్వదించి మాట్లాడారు. నేడు మానవుడు పని ఒత్తిళ్ల కారణంగా నిత్యం ఎంతో మదనపడుతున్నాడన్నారు. రోజు కొంత సమయాన్ని ఆధ్యాత్మిక కార్యక్రమాలకు సమయం కేటాయించాలన్నారు. స్వామీజీలు, శాసన సభ్యులు హంపనగౌడ, బసనగౌడ, వసంతకుమార్‌, బసనగౌడలున్నారు.

రాయచూరు రూరల్‌: కేంద్ర, రాష్ట్ర ప్రభుత్వాలు రైతులు పండించిన చెరకు, కంది పంటలకు టన్నుకు రూ.5,500 ధర కేటాయించాలని రైతులు డిమాండ్‌ చేశారు. శనివారం బెళగావి జిల్లాలోని అథణి, బాగలకోటె జిల్లా జమఖండి, కలబుర్గి జిల్లా జేవర్గి వద్ద విజయపుర, కలబుర్గి జిల్లాల రైతులతో కలసి ఆందోళన చేపట్టారు. ఆందోళనలో సంచాలకులు లఛ్చన్న పూజారి మాట్లాడారు. కేంద్ర మంత్రి ప్రహ్లాద్‌ జోషితో రైతులు జరిపిన చర్చలు విఫలం కావడంతో వారం రోజుల నుంచి రైతులే రహదారులను బంద్‌ చేసి నిరసన వ్యక్తం చేస్తున్నారన్నారు. స్వామినాథన్‌ కమిషన్‌ నివేదికను జారీ చేయాలని డిమాండ్‌ చేశారు. ఆందోళన చేస్తున్న రైతులకు గ్రామాల నుంచి ప్రజలు స్వచ్ఛందంగా భోజనాలు అందించారు. రైతులు అర్ధ నగ్న ప్రదర్శనతో రహదారిని దిగ్బంధించి నిరసన తెలిపారు.

రాయచూరు రూరల్‌: కొప్పళలో భారీ పరిశ్రమల ఏర్పాటు తగదని కొప్పళ జిల్లా బచావో ఆందోళన సమితి, పరిసరాల సమితి హితరక్షణ సమితి అధ్యక్షుడు అగ్ని దివ్యా పేర్కొన్నారు. శనివారం కొప్పళలో బంద్‌ నిర్వహించి ఆందోళన చేపట్టి మాట్లాడారు. ఈ ప్రాంతంలో విష పదార్థాలను వెదజల్లే పరిశ్రమలు స్థాపించి మానవుల జీవితాలను అనారోగ్యం పాలు చేయడం తగదన్నారు. బల్డోటా, కిర్లోస్కర్‌, కళ్యాణ్‌ స్టీల్‌, ముక్కుంద సుమి, ఎక్సో ఇండియా కంపెనీలు పరిశ్రమలు నెలకొల్పితే తుంగభద్ర జలం కలుషితం కావడంపై మానవుడి ఆయుష్షు క్షీణించడంతో పాటు వాటి బారిన పడి వినాశనానికి దారి తీసే పరిశ్రమల ఏర్పాటుకు ససేమిరా అంగీకరించకుండా చూడాలని కోరుతూ స్థానికాధికారికి వినతిపత్రం సమర్పించారు. నగరంలో ఉదయం నుంచి స్వచ్ఛందంగా దుకాణాలు, కళాశాలలు, విద్యా సంస్థల బంద్‌కు పూర్తి స్థాయి మద్దతు లభించింది.

సాక్షి,బళ్లారి: సమాజం అన్ని రంగాల్లో అభివృద్ధి సాధించాలంటే మహిళల భాగస్వామ్యం, చురుకై న పాత్ర ఎంతో అవసరమని పలువురు వక్తలు అభిప్రాయ పడ్డారు. శనివారం దావణగెరె జిల్లా హరిహరలో భాగీరథి బాయి కళ్యాణ మండపంలో కర్ణాటక రాష్ట్ర ఎస్‌ఎస్‌కే సమాజం ఆధ్వర్యంలో ఏర్పాటు చేసిన మహిళా సమ్మేళనంలో మహిళల సాధికారత, మహిళాభివృద్ధి అనే అంశంపై చర్చ జరిగింది. కార్యక్రమంలో కలబుర్గి జిల్లా చిత్తాపుర తాలూకా దండోటి గ్రామంలోని బలభీమేశ్వర ఆశ్రమానికి చెందిన డాక్టర్‌ బాలయోగిని జయశ్రీ మాతాజీ దివ్యసాన్నిధ్యంలో, అవధూత వినయ్‌ గురూజీ తదితరులు మహిళాభివృద్ధి గురించి మాట్లాడారు. రాజ్యసభ సభ్యుడు నారాయణ కే.భాండగే, హరిహర ఎమ్మెల్యే హరీష్‌ తదితరులు పాల్గొన్నారు.

బళ్లారిఅర్బన్‌: సామాజిక సేవ, కళా రంగాల్లో విశేష కృషి చేసినందుకు శ్రీ వాల్మీకి మహిళా సంస్థ అధ్యక్షురాలు అనురాధకు ప్రతిష్టాత్మక భారతరత్న మదర్‌ థెరిసా అవార్డు– 2026ను ప్రదానం చేశారు. టీవీ 4 కన్నడ న్యూస్‌ ఛానల్‌, శ్రీ షిర్డీ సాయి దీపా ఛారిటబుల్‌ ట్రస్ట్‌ సంయుక్త ఆధ్వర్యంలో అక్టోబర్‌ 29న బెంగళూరులోని యలహంకలో నిర్వహించిన రాష్ట్ర స్థాయి కార్యక్రమంలో ఈ పురస్కారాన్ని అందజేశారు. నిర్వాహకులు అనురాధను శాలువా, మైసూరు పేటాతో ఘనంగా సత్కరించి, జ్ఞాపికతో పాటు అవార్డు ఫలకాన్ని అందజేశారు. కార్యక్రమానికి టీవీ 4 కన్నడ న్యూస్‌ ఛానల్‌ అధిపతి డాక్టర్‌ సాయి సతీష్‌ తోటయ్య, కర్ణాటక నాటక అకాడమీ అవార్డు గ్రహీత సుజాత శాస్త్రి హిరేమఠ్‌ తదితరులు ముఖ్య అతిథులుగా హాజరయ్యారు. వాల్మీకి మహిళా కళా సంస్థ ద్వారా అనురాధ మహిళా సాధికారత, జానపద కళల పరిరక్షణ, సాంస్కృతిక కార్యక్రమాల ప్రోత్సాహానికి కృషి చేస్తున్నారు. ముఖ్యంగా గ్రామీణ, వెనుకబడిన వర్గాల మహిళా కళాకారిణులకు అవకాశాలు కల్పిస్తూ వారి ప్రతిభను వెలికితీసేందుకు పలు కార్యక్రమాలు నిర్వహిస్తున్నారు. పురస్కారం స్వీకరించిన అనురాధ మాట్లాడుతూ ఈ అవార్డు తన ఒక్కరికే కాకుండా సంస్థలోని కళాకారులందరికీ దక్కిన గౌరవమని అన్నారు. భవిష్యత్తులో మహిళా సాధికారత, కళా సాంస్కృతిక రంగాల అభివృద్ధికి మరింత కృషి చేస్తానని తెలిపారు. పలువురు ప్రముఖులు, కళాకారులు, సామాజిక సేవకులు, మీడియా ప్రతినిధులు పాల్గొన్నారు.

సాక్షి,బళ్లారి: రాష్ట్ర ప్రభుత్వం పాల ధరను లీటరుకు రూ.8 పెంచుతూ తీసుకున్న నిర్ణయాన్ని తీవ్రంగా వ్యతిరేకిస్తూ బీజేపీ ఆందోళన చేపట్టింది. శనివారం బీజేపీ మహిళా మోర్చా ఆధ్వర్యంలో భారీ నిరసన చేపట్టారు. రాయల్‌ సర్కిల్‌ నుంచి జిల్లాధికారి కార్యాలయం వరకు బీజేపీ నాయకులు, కార్యకర్తలు చేరి ర్యాలీ చేపట్టి రాష్ట్ర ప్రభుత్వ తీరుపై తీవ్ర ఆగ్రహం వ్యక్తం చేశారు. మాజీ ఎమ్మెల్యే గాలి సోమశేఖరరెడ్డి మాట్లాడుతూ రాష్ట్ర ప్రభుత్వం ప్రతిపాదించిన పాల ధర పెంపు నిర్ణయం ప్రజావ్యతిరేకమని మండిపడ్డారు. ఇప్పటికే నిత్యావసర వస్తువుల ధరలు కూడా అమాంతంగా పెరిగి సామాన్య, మధ్య తరగతి కుటుంబాల జీవితం అస్తవ్యస్తంగా మారిందన్నారు. పాల ధర పెరిగితే పెరుగు ధర కూడా పెరుగుతుందన్నారు. అన్ని వర్గాల వారు నిత్యం ఉపయోగించే పాల ధరను పెంచితే సామాన్యులు బతుకు బండి లాగడం మరింత కష్టంగా మారుతుందన్నారు. ఇప్పటికే విధాన పరిషత్‌ ఎన్నికల్లో ప్రభుత్వానికి వ్యతిరేకంగా ఓట్లు వేసినా బుద్ధి రాలేదన్నారు. పేద, మధ్యతరగతి కుటుంబాలకు ఆర్థిక భారం మోపితే సహించేది లేదన్నారు. పాల ధర పెంపును తక్షణం ఉపసంహరించుకోవాలని డిమాండ్‌ చేశారు. జిల్లా బీజేపీ అధ్యక్షుడు అనిల్‌కుమార్‌ మోకా, పాలికె ప్రతిపక్ష నాయకుడు శ్రీనివాస్‌ మోత్కూర్‌, బీజేపీ మహిళా మోర్చా ప్రముఖులు సుగుణ, హంపీ రమణ తదితరులు పాల్గొన్నారు.

రాయచూరు రూరల్‌ : తాళికోటెలో వైభవంగా ఖాస్గతేశ్వర అజ్జ ఉత్సవాలు జరిగాయి. శుక్రవారం రాత్రి మఠాధిపతి ఖాస్గతేశ్వర ఉత్సవాలకు తెరదించారు. ఆలయంలో ప్రతిమకు ప్రత్యేకంగా పూజలు జరిపారు. వందలాది మంది భక్తులు విశేష పూజలు చేశారు. అనంతరం భక్తులకు అన్నదానం చేశారు. రాత్రి వేళ రథోత్సవం నిర్వహించారు. మత్తు పదార్థాలకు కళ్లెం వేయండి రాయచూరు రూరల్‌: మాదక వస్తువుల నియంత్రణకు సహకరించాలని జిల్లా ఎస్పీ అరుణాంగ్షు గిరి పిలుపునిచ్చారు. శనివారం క్రీడా మైదానంలో ఏర్పాటు చేసిన ఏకతా దివస్‌ సందర్భంగా మాదక వ్యసనాల నుంచి విముక్తిపై ప్రచారాందోళన కార్యక్రమాల్లో పాల్గొని మాట్లాడారు. యువకులు డ్రగ్స్‌కు, ఇతర దురలవాట్లకు గురై ఉజ్జ్వల భవిష్యత్తును నాశనం చేసుకుంటున్నారన్నారు. యువకులు గంజాయి, హఫీం వంటి వాటికి బానిస కారాదన్నారు. పెంచిన పాల ధరను తగ్గించండి రాయచూరు రూరల్‌: రాష్ట్రంలో కాంగ్రెస్‌ పార్టీ ప్రభుత్వం ఉన్నఫళంగా పెంచిన పాల ధరను తగ్గించాలని ఎస్‌యూసీఐ డిమాండ్‌ చేసింది. శనివారం అంబేడ్కర్‌ సర్కిల్‌ వద్ద చేపట్టిన ఆందోళనలో జిల్లాధ్యక్షుడు మహేష్‌ మాట్లాడారు. రాష్ట్రంలో తుగ్లక్‌ పాలన కొనసాగుతోందని, ప్రజలపై లేనిపోని భారాలు మోపడంతో మధ్యతరగతి, పేదలు నలిగి పోతున్నారని దుయ్యబట్టారు. పాల ధర పెంపుతో పాటు అదనంగా బస్సులో ప్రయాణించే ప్రయాణికుల టికెట్‌ ధరలను పెంచడానికి చేస్తున్న ప్రతిపాదనలను కూడా విరమించుకోవాలని కోరుతూ స్థానిక అధికారికి వినతిపత్రం సమర్పించారు. సర్దార్‌ వల్లభాయ్‌ పటేల్‌ జయంతి రాయచూరు రూరల్‌: నగరంలో సర్దార్‌ వల్లభాయ్‌ పటేల్‌ జయంతి, ఏకతా యాత్ర దినోత్సవాలు జరిగాయి. శనివారం పటేల్‌ రోడ్డులోని సర్దార్‌ వల్లభాయ్‌ పటేల్‌ ప్రతిమకు జిల్లాధికారిణి పూవిత, ఎస్పీ అరుణాంగ్శు గిరి, సీఈఓ ఈశ్వర్‌ కుమార్‌ పూలమాలలు వేశారు. అనంతరం జిల్లాధికారిణి ఏకతా యాత్రను ప్రారంభించారు. నగరసభ కార్యాలయంలో నగరసభ కమిషనర్‌ జుబీన్‌ మహాపాత్రో, వివిధ ప్రభుత్వ కార్యాలయాల్లో, తాలూకా పంచాయతీ, గ్రామ పంచాయితీ కార్యాలయాల్లో, దిన్ని పాఠశాలలో ఏకతా దినోత్సవం జరిగింది. బీజేపీ కార్యాలయంలో జిల్లాధ్యక్షుడు వీరనగౌడ, సర్దార్‌ వల్లభాయ్‌ పటేల్‌ చిత్రపటానికి పూలమాల వేసి ఆయన చేసిన సేవలను కొనియాడారు.

రాయచూరు రూరల్‌: కళ్యాణ కర్ణాటకలో శుక్రవారం సాయంత్రం జరిగిన వేర్వేరు రోడ్డు ప్రమాదాల్లో నలుగురు దుర్మరణం పాలైన ఘటనలు రాయచూరు, యాదగిరి జిల్లాల్లో చోటు చేసుకున్నాయి. రాయచూరు జిల్లా ిదేవదుర్గ తాలూకా గలగ జెస్కాం అధికారి మల్లికార్జున (40) నీలగల్‌ వద్ద జరిగిన దుర్ఘటనలో మృతి చెందాడు. గలగ నుంచి సిరవార మీదుగా రాయచూరుకు ద్విచక్రవాహనంపై వస్తున్న సమయంలో ఎదురుగా వచ్చిన కారు ఢీకొనడంతో మల్లికార్జున మరణించగా, అతనితో పాటు బైక్‌పై కూర్చున్న కుమార్తెలు ఉషా(9), విస్మయ(11)లను చికిత్సల నిమిత్తం రిమ్స్‌ ఆస్పత్రిలో చేర్పించారు. ఘటనపై సిరవార పోలీసులు కేసు నమోదు చేసుకుని దర్యాప్తు చేస్తున్నారు. యాదగిరి జిల్లాలో ముగ్గురు.. యాదగిరి జిల్లా గురుమఠకల్‌ తాలూకా సైదాపూర్‌ వద్ద శుక్రవారం సాయంత్రం జరిగిన మరో రోడ్డు ప్రమాదంలో ముగ్గురు దుర్మరణం పాలయ్యారు. పల్సర్‌ బైక్‌లో కణేకల్‌ నుంచి సైదాపూర్‌కు వెళుతున్న సమయంలో యాదగిరి నుంచి రాయచూరుకు వస్తున్న ఫార్చునర్‌ కారు ఢీకొనడంతో సైదాపూర్‌కు చెందిన తల్లి బసలింగమ్మ(60), ఆమె కుమారుడు తిమ్మణ్ణ(30), కోడలు నాగమ్మ(28) మరణించారు. కేసు నమోదు చేసుకుని దర్యాప్తు చేస్తున్నట్లు సైదాపూర్‌ పోలీసులు తెలిపారు. వేర్వేరు జిల్లాల్లో రెండు రోడ్డు ప్రమాదాలు మృతుల్లో ముగ్గురు ఒకే కుటుంబ సభ్యులు

హొసపేటె: అవినీతి రహిత సమాజ నిర్మాణంలో యువత పాత్ర అత్యంత కీలకమని కేఎన్‌.మల్లికార్జున పిలుపునిచ్చారు. అవినీతి దేశాభివృద్ధికి ప్రధాన అడ్డంకిగా మారడమే కాకుండా సమాజంలో అసమానతలు, అన్యాయాలు పెరగడానికి కారణమవుతోందని ఆయన ఆవేదన వ్యక్తం చేశారు. కమలాపురలోని హంపీ విరుపాక్షేశ్వర స్వామి డిగ్రీ కళాశాలలో రెడ్‌క్రాస్‌ యూనిట్‌, జాతీయ సేవా పథకం (ఎన్‌ఎస్‌ఎస్‌), విద్యార్థి సంక్షేమ శాఖల సంయుక్త ఆధ్వర్యంలో శనివారం నిర్వహించిన అవినీతి అవగాహన వారోత్సవాల కార్యక్రమంలో ఆయన ముఖ్య అతిఽథిగా పాల్గొని మాట్లాడారు. ప్రతి ఒక్కరూ తమ విధులను నిజాయితీగా నిర్వర్తించాలని, విద్యార్థులు లంచాలు ఇవ్వడం, తీసుకోవడం వంటి అవినీతి చర్యలకు దూరంగా ఉండాలని సూచించారు. నేటి విద్యార్థులే రేపటి బాధ్యతగల పౌరులని, చిన్ననాటి నుంచే నైతిక విలువలను అలవర్చుకోవాలని పిలుపునిచ్చారు. కార్యక్రమానికి అధ్యక్షత వహించిన కళాశాల ప్రిన్సిపాల్‌ వైపీ.నటరాజ్‌ మాట్లాడుతూ విద్య కేవలం డిగ్రీలు పొందడానికి మాత్రమే కాకుండా, మంచి వ్యక్తిత్వం, నైతిక విలువలను పెంపొందించే సాధనంగా ఉండాలని అన్నారు. నిజాయితీ, పారదర్శకత ప్రతి విద్యార్థి జీవితంలో భాగం కావాలని అన్నారు. విద్యార్థి సంక్షేమ శాఖ సమన్వయకర్త డాక్టర్‌ సురేంద్ర మాట్లాడుతూ అవినీతి కేవలం ఆర్థిక నేరం మాత్రమే కాదని, సమాజంలోని నైతిక, మానవ విలువలను బలహీనపరిచే మహమ్మారి అని అభివర్ణించారు. విద్యార్థులు విద్యాభ్యాస దశ నుంచే క్రమశిక్షణ, నిజాయితీ, బాధ్యతాయుత ప్రవర్తనను అలవర్చుకోవాలని సూచించారు.

రాయచూరు రూరల్‌: బోవి అభివృద్ధి మండలిలో జరిగిన అక్రమాలపై విచారణ చేపట్టాలని రైతు సంఘం అధ్యక్షుడు చంద్రశేఖర్‌ డిమాండ్‌ చేశారు. శనివారం పాత్రికేయుల భవనంలో ఏర్పాటు చేసిన విలేఖర్ల సమావేశంలో ఆయన మాట్లాడారు. రాయచూరు జిల్లాలో భూముల కొనుగోలులో 2023–24లో వ్యవసాయ భూముల విషయంలో రూ.24 కోట్ల మేర నిధుల దుర్వినియోగానికి పాల్పడ్డారని, సంబంధిత అధికారులపై విచారణ జరిపి కఠిన చర్యలు చేపట్టాలన్నారు. భూముల కొనుగోలుకు సంబంధించి 48 మంది నుంచి రూ.80 వేల వరకు వసూలు చేశారన్నారు. మార్కెట్‌ విలువ రూ.4.50 లక్షలుంటే వారు దాని విలువను రూ.12 లక్షలకు పెంచారని, సీబీఐకి అప్పగించి పూర్తి స్థాయి విచారణ చేయాలన్నారు. లత, మధు, లక్ష్మి, వీరేష్‌, నాగమ్మ, రెడ్డమ్మ, శంకరమ్మలున్నారు.

మైసూరు: మైసూరు అభివృద్ధి ప్రాధికారకు చెందిన స్థలాల్లో అక్రమంగా నిర్మించిన భారీ కట్టడాలను అధికారులు నేలమట్టం చేసి సుమారు రూ.80 కోట్ల విలువైన భూమిని స్వాధీనపరచుకున్నారు. మైసూరులోని విజయనగర నాలుగో స్టేజీ 2వ ఫేజ్‌లో 5.14 ఎకరాలను కొందరు ఆక్రమించి కట్టడాలను నిర్మించారు. దీంతో అధికారులు కట్టడాలను నేలమట్టం చేయించారు. మైసూరు తాలూకా బసవనహళ్లి గ్రామ సర్వే నంబర్‌–118లోని భూమి కబ్జాకు గురవ్వగా అధికారులు కోర్టులో కేసు వేశారు. అది ప్రాధికార భూమిగా నిర్ధారించిన తర్వాత రెండు నెలల క్రితం ఆక్రమణలను ఖాళీ చేయాలని అక్కడి నివాసులకు నోటీసులు అందించారు. అయినా ఖాళీ చేయక పోవడంతో ఎండీఏ కమిషనర్‌ బీఆర్‌ మహేష్‌ సూచనల మేరకు సూపరింటెండింగ్‌ ఇంజనీర్‌ కేఆర్‌ మహేష్‌ విజయనగర పోలీసు స్టేషన్‌ ఇన్‌స్పెక్టర్‌ లవ, సిబ్బంది సహకారంతో కూల్చివేయించారు.

మండ్య: మండ్య జిల్లాలోని శ్రీరంగపట్నం తాలూకాలోని బెళగోళ సమీపంలో స్నేహితులతో కలిసి ఈతకు వెళ్లిన ఇద్దరు విద్యార్థులు వరుణ కాలువలో మునిగిపోయారు. మైసూరుసిటీకి చెందిన పార్థసారథి (20), నంజనగూడువాసి అర్జున్‌ (20) మరణించారు. వీరు మైసూరులోని ఎన్‌ఐఈ కళాశాలలో మూడవ సంవత్సరం మెకానికల్‌ ఇంజనీరింగ్‌ చదువుతున్నారు. బెళగొళలో వర్క్‌షాప్‌కు వచ్చారని తెలిసింది. వరుణ కాలువలో ఆడుకుంటూ నీటిలో మునిగిపోయారు. కేఆర్‌ఎస్‌ పోలీసులు, ఫైర్‌ సిబ్బంది కాలువలో నీటిని తగ్గించి గాలించగా మృతదేహాలు లభించాయి. కాంగ్రెస్‌ నుంచి కృపా ఆళ్వా బహిష్కారం శివాజీనగర: ‘కృపా ఆళ్వా కారణంగా మీడియాలో వచ్చిన అవాంఛనీయ కథనాలు నాయకులను ఇబ్బంది పెట్టాయి. ఈ విషయమై షోకాజ్‌ నోటీసు జారీ చేసి స్పందించడానికి ఆమెకు 3 రోజుల గడువు ఇచ్చాం. ఆమె స్పందించనందున ఆరేళ్లపాటు ఆ పార్టీ నుంచి బహిష్కరించడమైనది’ అని కేపీసీసీ అధ్యక్షుడు బీ.కే.హరిప్రసాద్‌ తెలిపారు. శనివారం ఆయన ఇక్కడ విలేకరులతో మాట్లాడుతూ కృపా ఆళ్వాకు పంపిన నోటీస్‌ వెనుతిరిగి వచ్చింది. అందుచేత విధిలేక ఈ చర్యలు తీసుకోవడమైనదన్నారు. కృపా ఆళ్వా విదేశాలకు వెళ్లిన విషయాన్ని ఐబీ, సీబీఐ చూసుకొంటాయన్నారు. చర్యల విషయంలో తొందరబాటు లేదన్నారు. కృపా ఆళ్వా కు వ్యతిరేకంగా ప్రత్యక్ష సాక్ష్యాలు ఉన్నందున ఆమెను బహిష్కరించామని తెలిపారు. స్టింగ్‌ వీడియోలో జేడీఎస్‌ ఎమ్మెల్యే యశవంతపుర: హాసన్‌ జేడీఎస్‌ ఎమ్మెల్యే స్వరూప్‌ ప్రకాశ్‌ స్టింగ్‌ ఆపరేషన్‌ వీడియోలో కనిపించడం సంచలనమైంది. ఓ కాంట్రాక్టరుతో కమీషన్‌ ఇవ్వాలని మాట్లాడుతున్నట్లు అందులో ఉంది. దీంతో వివరణ ఇవ్వాలని పార్టీ హైకమాండ్‌ నోటీసులు పంపింది. ఇది వీడియో సామాజిక మాధ్యమాలలో వైరల్‌గా మారింది. వివరణ వచ్చాక పార్టీ చర్యలు తీసుకునే అవకాశముంది. వెజ్‌ బిర్యానీలో చికెన్‌ ముక్కలు దొడ్డబళ్లాపురం: బెంగళూరు కెంపేగౌడ విమానాశ్రయంలో రెస్టారెంట్లు, క్యాంటీన్ల గురించి తరచూ ఆరోపణలు వస్తుంటాయి. తాజాగా ఓ రెస్టారెంట్‌లో వెజ్‌ బిర్యానీ ఆర్డర్‌ చేయగా అందులో చికెన్‌ ముక్కలు వచ్చాయి. దీంతో సదరు కస్టమర్‌లు తీవ్ర ఆగ్రహం వ్యక్తం చేశారు. పీయూష్‌ అగర్వాల్‌ అనే వ్యక్తి కుటుంబ సమేతంగా రెస్టారెంట్‌లో వెజ్‌ బిర్యానీ ఆర్డర్‌ చేసి ఆరగిస్తుండగా చికెన్‌ పీసులు రావడంతో తీవ్ర ఆగ్రహం వ్యక్తం చేశాడు. దీనిపై సిబ్బందితో వాగ్వాదానికి దిగాడు. ఈ మేరకు ఎక్స్‌లో పోస్టు చేశాడు. ఈ హోటల్‌పై ఆహార భద్రతాధికారులు చర్యలు తీసుకోవాలని ఆయన డిమాండ్‌ చేశాడు. డిస్టిలరీ స్థాపనకు గ్రాంట్‌ తెప్పించగలరా?● కేంద్ర మంత్రి కుమారస్వామికి సవాల్‌ మండ్య: జిల్లా ప్రజల సంక్షేమంపై చిత్తశుద్ధి ఉంటే మైషుగర్‌లో డిస్టిలరీని స్థాపించడానికి కేంద్ర ప్రభుత్వం నుంచి రూ. 250 కోట్ల గ్రాంటును అందించి, జిల్లా ప్రజల రుణం తీర్చాలని జలవనరుల, జిల్లా ఇన్‌చార్జి మంత్రి ఎన్‌. చెలువరాయస్వామి కేంద్ర మంత్రి హెచ్‌.డి. కుమారస్వామికి సవాలు విసిరారు. నగరంలోని మండ్య విశ్వవిద్యాలయ ప్రాంగణంలో జిల్లా యంత్రాంగం ఆధ్వర్యంలో జరిగిన వివిధ అభివృద్ధి పనుల శంకుస్థాపన, ప్రారంభోత్సవం, లబ్ధిదారులకు ప్రభుత్వ ప్రయోజనాల పంపిణీ కార్యక్రమంలో మంత్రి పాల్గొని మాట్లాడారు. మీ ద్వారా ఏ పనీ జరగదని, ఏ పనీ చేయకుండా కేవలం విమర్శిస్తూనే మీ సమయాన్ని గడుపుతున్నారని కుమారస్వామిపై ధ్వజమెత్తారు. తమ ప్రభుత్వం మండ్య జిల్లా అభివృద్ధికి ఇచ్చిన రూ.10వేల కోట్లపై కుమారస్వామి లెక్కలు అడగడంపై మంత్రి మండిపడ్డారు.

సాక్షి, బళ్లారి: మామూలు మహిళలుగానే బస్సులోకి ఎక్కుతారు. ఎవరు కాస్త అమాయకంగా కనిపిస్తే వారి నుంచి బంగారం, డబ్బు కొట్టేయడంలో ఈ మహిళా దొంగలు ఆరితేరినవారు. ఆర్టీసీ బస్సుల్లో ప్రయాణికుల దృష్టి మళ్లించి బంగారు నగలు చోరీ చేసే ఇద్దరు కుప్పం మహిళా దొంగలను అరెస్టు చేసి రూ.17 లక్షల విలువైన బంగారాన్ని పోలీసులు స్వాధీనం చేసుకున్నారు. వివరాలు.. బళ్లారి ఏపీఎంసీ యార్డు పోలీసు స్టేషన్‌ పరిధిలో నమోదైన కేసులో చిత్రదుర్గం జిల్లా మొళకాల్మూరు తాలూకావాసి యల్లమ్మ 2026 మార్చి 13న రాంపురం నుంచి బళ్లారికి కేఎస్‌ఆర్‌టీసీ బస్సులో ప్రయాణిస్తున్నారు. ఆమె బ్యాగులో దాదాపు రూ.14 లక్షల విలువ చేసే బంగారు ఆభరణాలు, నగదును చోరీ చేశారు. పోలీసులు విచారణ జరిపి ఆంధ్రప్రదేశ్‌లోని చిత్తూరు జిల్లా కుప్పం పట్టణానికి చెందిన ఎం.భువన ఈ చోరీకి పాల్పడినట్లు గుర్తించారు. మరో కేసులో.. 2025 సెప్టెంబర్‌ 3వ తేదీన పార్వతమ్మ అనే మహిళ బళ్లారి కొత్త బస్టాండు నుంచి మంగళూరుకు కేఎస్‌ఆర్‌టీసీ బస్సులో ప్రయాణిస్తున్నారు. ఆ సమయంలో 4.5 తులాల బంగారు గొలుసు మాయమైంది. ఈ కేసులోనూ సీసీ కెమెరాలు, పలు ఆధారాలతో గాలించి కుప్పం పట్టణానికి చెందిన రూప (36) అనే మహిళ చోరీకి పాల్పడినట్లు గుర్తించారు. రూప, భువనను అరెస్టు చేసి సొత్తును స్వాధీనం చేసుకున్నారు. అనేక చోరీలకు పాల్పడినట్లు విచారణలో తెలిపారు. ఏపీలోని కుప్పం మహిళా దొంగల హల్‌చల్‌ బళ్లారిలో రెండు కేసుల్లో ఇద్దరి అరెస్టు రూ.17 లక్షల సొత్తు స్వాధీనం

మండ్య: ఏ శాఖ అనుమతి లేకుండా కావేరి నదిలో జరుగుతున్న అక్రమ పడవ ప్రయాణాలు ప్రజలు, పర్యాటకుల ప్రాణాలతో చెలగాటమాడుతున్నాయి. శ్రీరంగపట్టణం తాలూకా, జిల్లా యంత్రాంగాలు చూసీచూడనట్లు వ్యవహరిస్తున్నాయి. శ్రీరంగపట్నం వద్ద గంజాలోని శ్రీనిమిషాంబ ఆలయం ముందు నుంచి తెప్పల్లో ప్రజలను అటు ఇటు తరలిస్తున్నారు. వాటిలో ఎలాంటి సురక్షిత పరికరాలు లేవు. పలుకుబడి ఉన్న వ్యక్తులు అక్రమంగా కావేరి నదిలోకి జేసీబీ యంత్రాలను దించి, నదికి అడ్డంగా తాత్కాలిక మట్టి కట్టను నిర్మించి, నదీ జలాల ప్రవాహ దిశను మార్చడం ద్వారా నది సహజ స్వరూపాన్ని నాశనం చేశారు. దీనివల్ల నిమిషాంబ ఆలయం ముందు నదిలో లోతు పెరిగి, బోటింగ్‌కు అనువుగా మారిందని తెలుస్తోంది. పడవ విహారం పేరుతో ప్రజలు, పర్యాటకుల నుంచి పెద్దమొత్తంలో డబ్బులు డబ్బులు వసూలు చేస్తున్నారు. ఈ దందాకు అడ్డుకట్ట వేయాలని స్థానికులు కోరుతున్నారు. ఫిర్యాదు చేశా: అధికారి మున్సిపల్‌ అధికారి రాజన్న మాట్లాడుతూ దేవాలయం ముందు కావేరి నదిలో అక్రమంగా బోటింగ్‌ నిర్వహిస్తున్నారన్నది నిజమే. పోలీసులకు ఫిర్యాదు చేయగా, ప్రస్తుతానికి నిలిచిపోయినట్లు చెప్పారు. పునరావతమైతే, తెప్పలను జప్తు చేస్తామన్నారు. ప్రమాదాలకు ఆస్కారం

దొడ్డబళ్లాపురం: హోంమంత్రి ప్రియాంక్‌ ఖర్గే సొంత జిల్లాలో విషాదం సంభవించింది. వీధి కుక్కల దాడిలో నాలుగేళ్ల బాలుడు మృతిచెందిన సంఘటన కలబుర్గి నగరంలోని జీడీఏ కాలనీలో జరిగింది. స్థానిక నివాసి శరణబసప్ప కుమారుడు మనోజ్‌ (4) మృతుడు. చిన్నారి ఇంటి బయట ఆడుకుంటుండగా వీధికుక్కలు ఒక్కసారిగా అతనిపై దాడిచేసి తీవ్రంగా కరిచాయి. రక్తగాయాలతో ఉన్న మనోజ్‌ను స్థానికులు ఆస్పత్రికి తరలించినప్పటికీ అప్పటికే చనిపోయాడని వైద్యులు తెలిపారు. పొట్టకూటికి వస్తే.. కలబుర్గి తాలూకా జంబగా గ్రామానికి చెందిన శరణబసప్ప దంపతులు పొట్టకూటికోసం నగరానికి వలస వచ్చారు. శరణబసప్ప సెక్యూరిటీ గార్డుగా పని చేస్తుండగా భార్య కూలి పని చేస్తోంది. చిన్నారిని కుక్కలు కబళించడంతో తల్లిదండ్రులు, బంధువులు కన్నీరుమున్నీరయ్యారు. నగరంలో కుక్కల సమస్య ఉన్నా మున్సిపల్‌ అధికారులు పట్టించుకోవడం లేదని, తరచూ కుక్కల దాడులు జరుగుతున్నాయని ప్రజలు ఆరోపించారు. కలబుర్గి నగరంలో ఘోరం

మండ్య: ‘రైతుల ప్రయోజనాల కోసం తమ ప్రభుత్వం లీటరు పాల ధరను రూ.7 పెంచాలని నిర్ణయిస్తే, దీనిని ప్రతిపక్ష పార్టీలు వ్యతిరేకిస్తున్నాయి. ఇది వారు రైతు పక్షపాతులు కాదని చూపిస్తోందని’ ముఖ్యమంత్రి డి.కె.శివకుమార్‌ విమర్శించారు. శనివారం మండ్యలో ఆయన పర్యటించారు. పలు అభివృద్ధి పనులను ప్రారంభించారు, కొత్తవాటికి శంకుస్థాపనలు చేశారు. ఈ సందర్భంగా జరిగిన సభలో ప్రసంగిస్తూ ప్రతిపక్షాలపై మండిపడ్డారు. పశుగ్రాసం, మందుల ధరలు పెరగడంతో పాల రైతులు తీవ్ర ఇబ్బందులు పడుతున్నారని, వారికి ఊరటనిచ్చేందుకే పాల ధరను పెంచామని అన్నారు. దీనిని కూడా బీజేపీ, జేడీఎస్‌ విమర్శించడం సరికాదని అన్నారు. రైతుల భూములకు రక్షణ రైతుల భూముల పరిరక్షణకు భూమి యోజన ద్వారా 6వ గ్యారంటీ పథకాన్ని అమలు చేస్తామని సీఎం డీకే తెలిపారు. పోడీ, ఈ–ఆస్తులు, ఈ–ఖాతాలు వంటి పత్రాలను సిద్ధం చేసి, రైతుల భూములను పరిరక్షించి, వారి కుటుంబాలకు అండగా నిలుస్తామని తెలిపారు. చెరకు రైతులకు ప్రభుత్వం నుంచి టన్నుకు రూ.50, చక్కెర కర్మాగారాల నుంచి రూ.150 చొప్పున అదనంగా ఇవ్వాలని నిర్ణయించినట్లు తెలిపారు. కేంద్ర ప్రభుత్వం చక్కెర కేజీ ధరను రూ.50గా నిర్ణయిస్తే, రైతులకు ప్రయోజనం కలుగుతుందన్నారు. హృద్రోగ ఆస్పత్రి కట్టిస్తాం జిల్లాలో జయదేవ కార్డియాలజీ ఆసుపత్రి 100 పడకల ఉప కేంద్రాన్ని ఏర్పాటు చేస్తామని భరోసా ఇచ్చారు. మళవళ్లి, మద్దూరుతో సహా చివరి రైతుల భూములకు కేఆర్‌ఎస్‌ డ్యాం నుంచి నీరందిస్తామని తెలిపారు. మండ్య వ్యవసాయ విశ్వవిద్యాలయానికి రూ.100 కోట్ల గ్రాంటు మంజూరు చేస్తున్నట్లు తెలిపారు. మండ్య మిల్క్‌ యూనియన్‌ ప్రతిరోజూ 1.5 లక్షల లీటర్ల పాలను ఉత్పత్తి చేస్తోంది. పాల వృథా నివారణకు నందిని ఐస్‌ క్రీమ్‌ యూనిట్‌ను ఏర్పాటుకు అనుమతి ఇస్తామని సీఎం హామీ ఇచ్చారు. ఈ సందర్భంగా సంక్షేమ పథకాలను లబ్ధిదారులకు అందజేశారు. సభలో మంత్రులు ఎన్‌.చలువరాయస్వామి, పి.ఎం.నరేంద్రస్వామి, రుద్రప్ప లామాని, ఎమ్మెల్యేలు పి. రవికుమార్‌, కె.ఎం.ఉదయ్‌, రమేష్‌ బండిసిద్ద గౌడ, దర్శన్‌ పుట్టన్నయ్య, జిల్లాధికారులు పాల్గొన్నారు.వివాదమైన ప్రభుత్వ పాల ధర పెంపు రైతులకు మేలు చేయనివ్వరా? ప్రతిపక్షాలపై సీఎం డీకే ధ్వజం మండ్యలో పర్యటన మేకెదాటుకు సుప్రీం ఆమోదం కావేరి నదిపై మేకెదాటు ప్రాజెక్ట్‌కు సుప్రీంకోర్టు ఆమోదం తెలిపిందని, మన నీటి హక్కులను కాపాడుకుంటామని సీఎం తెలిపారు. మేకెదాటు ప్రాజెక్టును నిర్మిస్తే మండ్య, మైసూరు, హాసన్‌, పాత మైసూరు ప్రాంతాలలో కష్టకాలంలో ఉపయోగానికి 66 టీఎంసీల నీరు అందుబాటులో ఉంటుంది. ఈ ప్రాజెక్టు అమలుకు ప్రభుత్వం కట్టుబడి ఉందని సీఎం అన్నారు. కరువు కాలంలో రైతులకు అండగా ఉన్నట్లు చెప్పారు. వేలాది కోట్ల రూపాయల వ్యయంతో గ్యారంటీలను అమలు చేస్తున్నట్లు చెప్పారు.

శివాజీనగర: టన్ను చెరకుకు రూ.5,500 మద్దతు ధర ఇవ్వడంతో పాటు పాటు పలు డిమాండ్ల సాధనకు రైతులు శనివారం పిలుపునిచ్చిన రోడ్ల దిగ్బంధం కార్యక్రమానికి మంచి స్పందన లభించింది. పలుచోట్ల పోలీసులు నిషేధాజ్ఞలు విధించినా అన్నదాతలు ఆందోళనలు కొనసాగించారు. బెళగావి జిల్లాలో చిక్కోడి, అథణి తాలూకాల్లో హైవేలు, నగర రహదారులను రైతులు దిగ్బంధించడంతో వాహనాల రాకపోకలు స్తంభించిపోయాయి. వేలాదిగా రైతులు తరలివచ్చారు. ఉత్తర కర్ణాటక అంతటా రహదారుల బంద్‌ పూర్తి స్థాయిలో జరిగింది. దక్షిణ కర్ణాటకలో అంతంతమాత్రంగా స్పందన లభించింది. బెళగావిలో చిక్కోడి, గోకాక్‌, హుక్కేరి, అలాగే బాగల్‌కోట, ధారవాడ, హావేరి ప్రాంతాల్లో నిరసనలు జరిగాయి. డిమాండ్ల సాధనకు ఆందోళనలు ఉత్తర కర్ణాటకలో విశేష స్పందన హైవేలు, నగర రహదారుల్లో రాళ్లు, ముళ్ల కంపలు పలుచోట్ల నిషేధాజ్ఞల జారీ

● నకిలీది అని నిర్ధారణ దొడ్డబళ్లాపురం: బెంగళూరులో ఆకతాయిలు విసిరేసిన నకిలీ పేలుడు వస్తువు ప్రజలకు భయాందోళన కలిగించింది. జ్ఞానభారతి పోలీస్‌స్టేషన్‌ పరిధిలోని సొణ్ణేనహళ్లిలో విజయ ఆస్పత్రి వెనుక శనివారం ఉదయం బాంబును పోలిన వస్తువును చూసిన జనం పోలీసులకు సమాచారం ఇచ్చారు. పోలీసులు, బాంబు స్క్వాడ్‌తో వచ్చి పేలుడు వస్తువును స్వాధీనం చేసుకుని పరిశీలించారు. ఇంటర్నెట్‌లో కనిపించే ఫోటోల్లో మాదిరిగా పైపు ముక్కలకు టేప్‌ చుట్టి వాటికి రెండు వైర్లు అతికించి బాంబు తరహాలో తయారు చేశారు. మొదట పోలీసులు కూడా నిజమైన బాంబే అని అనుకున్నారు. చివరకు అంతా ఉత్తిదే అని చెప్పడంతో ఊపిరి పీల్చుకున్నారు. ఎవరు తయారు చేశారు, ఎవరు పడేశారో తెలుసుకునేందుకు సీసీ కెమెరాల దృశ్యాలు పరిశీలిస్తున్నారు. ముగ్గురు యువకుల బలి ● బైక్‌ని ఢీకొన్న గుర్తుతెలియని వాహనం ● కారటగి వద్ద ఘోరం సాక్షి, బళ్లారి: గుర్తు తెలియని వాహనం బైక్‌ని ఢీకొన్న ప్రమాదంలో ముగ్గురు యువకులు అక్కడికక్కడే దుర్మరణం చెందిన విషాద ఘటన కొప్పళ జిల్లా కారటగి తాలూకా సిద్దాపుర గ్రామం వద్ద రాష్ట్ర రహదారిపై జరిగింది. కొప్పళ జిల్లా సిద్ధాపుర గ్రామానికి చెందిన సందీప్‌ తుళజప్ప (20), మంజునాథ సాకప్ప (23), శివరాజ్‌ శివప్ప (19)లు చనిపోయారు. పోలీసులు, స్థానికుల ప్రకారం కారటిగి వైపు నుంచి వేగంగా వస్తున్న ఓ గూడ్స్‌ వ్యాన్‌ వీరి బైక్‌ని ఢీకొని దూసుకెళ్లింది. ప్రమాద తీవ్రతకు ముగ్గురూ రోడ్డుపై పడిపోగా, తీవ్ర రక్తగాయాలయ్యాయి. అక్కడిక్కడే ప్రాణాలు కోల్పోయారు. గూడ్స్‌ వ్యాన్‌ ఆపకుండా పరారైనట్లు పోలీసులు వర్గాలు వెల్లడించాయి. ఈ ఘటనపై కారటిగి పోలీసులు దర్యాప్తు చేస్తున్నారు. బయటకు వెళ్లిన తమ బిడ్డలు ఇక లేరని తెలిసి తల్లిదండ్రులు, బంధువులు కన్నీరుమున్నీరయ్యారు. ఆ ప్రాంతం శోకసంద్రంగా మారిపోయింది.మంటల్లో సిటీ బస్సు దొడ్డబళ్లాపురం: బెంగళూరు కోరమంగలలోని తావరెకెరె జంక్షన్‌లో శనివారం మధ్యాహ్నం బీఎంటీసీ బస్సులో మంటలు చెలరేగాయి. అదృష్టవశాత్తు బస్సులో ఉన్న ప్రయాణికులు క్షేమంగా బయటపడ్డారు. కదులుతున్న బస్సులో హఠాత్తుగా దట్టమైన పొగ ఆవహించి వెంటనే మంటలు వ్యాపించాయి. ముందే అప్రమత్తమైన డ్రైవర్‌, కండక్టర్‌ ప్రయాణికులను కిందకి దించేశారు. మంటలు చెలరేగడానికి గల కారణాలు తెలియరాలేదు. శివం స్కాంలో రూ.427 కోట్ల జప్తు బనశంకరి: పెట్టుబడిదారులకు పెద్ద మొత్తంలాభం ఇస్తానని నమ్మించి రూ.2,459 కోట్లు స్వాహా చేసిన కుంభకోణంలో బెళగావికి చెందిన శివం అసోసియేట్స్‌ సంస్థ చీఫ్‌ శివానంద సిద్దప్ప నీలణ్ణవర్‌ సంస్థలకు చెందిన రూ.427 కోట్ల విలువచేసే చరాస్తి, స్థిరాస్తులను ఈడీ అధికారులు జప్తుచేశారు. వివిధ బ్యాంకుల్లో ఉన్న రూ.367.77 కోట్ల ఎఫ్‌డీలు, రూ.44.37 కోట్ల నగదు, రూ.13.68 కోట్ల విలువైన 42 ఎకరాల పొలాలు, అపార్టుమెంట్‌ తదితరాలను సీజ్‌ చేశారు. భారీ వడ్డీ ఇస్తానంటూ బెళగావి, ధార్వాడ తదితర జిల్లాల్లో ప్రజలు, ఆర్మీ సిబ్బంది నుంచి వేలాది కోట్లను వసూలు చేసి బోర్డు తిప్పేశాడని కేసులున్నాయి. రెండోరోజు భక్తజన సాగరం యశవంతపుర: హాసనాంబ దేవి దర్శనం కోసం రెండో రోజు భక్తులు భారులు తీరారు. శుక్రవారం అర్ధరాత్రి నుంచి భక్తులతో క్యూలైన్లు నిండిపోయాయి. రూ.మూడు వందల టికెట్ల కోసం భక్తులు కిలోమీటర్ల మేర క్యూలో నిలబడ్డారు. ఉదయం ఆరు గంటల నుంచి అమ్మవారి దర్శనానికి అవకాశం కల్పించారు. రూ. వెయ్యి టికెట్ల క్యూలైన్‌ మాత్రం ఖాళీగా కనిపించింది.

యశవంతపుర: రాష్ట్ర వ్యాప్తంగా తీవ్ర సంచలనం కల్గించిన దక్షిణ కన్నడ జిల్లా బెళ్తంగడికి చెందిన బాలికపై అత్యాచారం, హత్య కేసు పునర్విచారణను ప్రత్యేక తనిఖీ బృందం(సిట్‌) నిర్వహిస్తోంది. గతంలో సిట్‌ ముఖ్యస్తుడిగా ఉన్న సీనియర్‌ ఆఫీసర్‌ ఎన్‌.శశికుమార్‌ను ప్రభుత్వం బదిలీ చేసింది. ఆయన స్థానంలో సీఐడీ ఐజీపీ చేతన్‌ సింగ్‌ రాథోడ్‌ను నూతన సిట్‌ చీఫ్‌గా నియమిస్తూ రాష్ట్ర ప్రభుత్వం నిర్ణయం తీసుకుంది. విచారణ బృందం సభ్యులుగా వెంకటేశ్‌ ప్రసన్న స్థానంలో హాసన ఏఎస్పీ శ్రీనిధిని నియమిస్తూ రాష్ట్ర ప్రభుత్వం ఆదేశాలను జారీ చేసింది. సెప్టెంబర్‌ 24న ఇచ్చిన ఆదేశాల్లో మార్పు చేస్తూ శుక్రవారం కొత్త అదేశాలను అమలు చేయాలని రాష్ట్ర ప్రభుత్వం సూచించింది. సిట్‌ చీఫ్‌గా చేతన్‌సింగ్‌ రాథోడ్‌ నేతృత్వంలో ఐదు మంది సభ్యులు విచారణ బృందంలో పని చేయనున్నారు. బెంగళూరు గ్రామీణ జిల్లా ఏఎస్పీగా పని చేస్తున్న వెంకటేశ్‌ ప్రసన్న కూడా బృందంలో సభ్యులుగా ఉండేవారు. అయనపై కూడా అనేక అరోపణలు రావటంతో ఆయన స్థానంలో హాసన ఏఎస్పీని నియమించారు. ఐజీపీ శశికుమార్‌పై అనేక ఆరోపణలు రావటంతో ఇటీవల సీఎం డీకే శివకుమార్‌ను కూడా కలిసి సమస్యను వివరించటంతో తాజాగా చేతన్‌సింగ్‌ రాథోడ్‌ను సిట్‌ కొత్త చీఫ్‌గా రాష్ట్ర ప్రభుత్వం నియమించింది. 71 మందికి రాజ్యోత్సవ పురస్కారాలు ● పేర్లు ప్రకటించిన రాష్ట్ర ప్రభుత్వం దొడ్డబళ్లాపురం: నవంబర్‌ 1న కర్ణాటక రాష్ట్ర అవతరణ దినోత్సవం సందర్భంగా ప్రభుత్వం రాజ్యోత్సవ పురస్కారాలు ప్రకటించింది. ప్రతీ ఏడాదిలానే ఈసారి కూడా సమాజ సేవ, సంగీతం, క్రీడలు, వ్యవసాయం, పత్రికారంగం, చిత్రలేఖనం, యక్షగానం, విద్య ఇలా అనేక రంగాల్లో సేవలందించిన వారికి రాష్ట్ర వ్యాప్తంగా ప్రతి జిల్లాలోని గణ్యులను గుర్తించి రాజ్యోత్సవ పురస్కారాలు అందిస్తున్నట్లు కన్నడ సంస్కృతి శాఖ వెల్లడించింది. బెంగళూరు శివారులో చిరుత సంచారం దొడ్డబళ్లాపురం: బెంగళూరు శివారులోని నాడప్రభు కెంపేగౌడ నగర్‌లో మరోసారి చిరుత కదలికలు కలలకలం రేపాయి. కెంగేరి–మాగడి మధ్య ఉన్న ఈ మార్గంలో ఇటీవల చిరుతలు ఎక్కువగా సంచరిస్తున్నాయి. గురువారం రాత్రి ఒక చిరుత రోడ్లమీద దర్జాగా నడుచుకుంటూ వెళ్తున్న దృశ్యాలు స్థానికంగా ఏర్పాటు చేసిన సీసీకెమెరాల్లో రికార్డు అయ్యాయి. గతంలో ఇదే ప్రాంతంలో చిరుత సంచరించింది. తాజాగా మళ్లీ చిరుత ప్రత్యక్షం కావడంతో ఈ మార్గంలో నిత్యం తిరిగే వాహనదారులు, స్థానికులు ఆందోళన వ్యక్తం చేస్తున్నారు. పరప్పన అగ్రహారలో ఆకస్మిక సోదాలు ● ఎలాంటి నిషేధిత వస్తువులు దొరకలేదు ● జైళ్ల శాఖ ఏడీజీపీ అలోక్‌కుమార్‌ వెల్లడి బనశంకరి: పరప్పన అగ్రహార జైలులో గురువారం అర్థరాత్రి సుదీర్ఘ తనిఖీలు చేయగా ఎలాంటి నిషేధిత వస్తువులు లభించలేదని జైళ్ల శాఖ ఏడీజీపీ అలోక్‌కుమార్‌ తెలిపారు. శుక్రవారం విలేకరులతో ఆయన మాట్లాడుతూ.. పరప్పన అగ్రహార జైలులో ఎలక్ట్రానిక్‌ సిటీ డీసీపీ నేతృత్వంలో 150 మందికి పైగా సిబ్బందితో సోదాలు నిర్వహించామన్నారు. జైలు లోపల గోడల పైనుంచి నిషేధిత వస్తువులు పడేయడంతో పాటు వివిధ మార్గాల ద్వారా అక్రమాలకు పాల్పడే ప్రయత్నాలు చాలా యేళ్లుగా జరుగుతున్నాయన్నారు. ఇలాంటి అక్రమాల నియంత్రణకు జైలు పాలక మండలి కట్టుదిట్టమైన చర్యలు తీసుకుందన్నారు. చట్టవ్యతిరేక కార్యకలాపాల నియంత్రణకు తమ కార్యాచరణ కొనసాగించామని తెలిపారు. జైలు సూపరింటెండెంట్‌ అంశుకుమార్‌ బృందాన్ని కొనియాడారు. ఆగస్టు 11వ తేదీన సీసీబీ పోలీసు బృందం పరప్పన అగ్రహార జైలులో అకస్మాత్తుగా దాడి చేసింది. ఈ సమయంలో మాజీ ఎంపీ ప్రజ్వల్‌రేవణ్ణ హైసెక్యూరిటీ బ్యారక్‌లో మొబైల్‌ ఫోన్‌ ఆచూకీ లభించింది. పోలీసులు పరిశీలించగా మొబైల్‌లో ఫేస్‌బుక్‌, వాట్సాప్‌, ఇన్‌స్ట్రాగామ్‌, నెట్‌ఫ్లిక్స్‌ తదితర యాప్‌లు కనిపించాయి. మొబైల్‌ను ప్రజ్వల్‌రేవణ్ణ తమ కుటుంబ సభ్యులు, న్యాయవాదులతో మాట్లాడటానికి ఫోన్‌ వినియోగిస్తున్నట్లు వెలుగులోకి వచ్చింది. ఈ ఘటనపై పరప్పన అగ్రహార పోలీస్‌ స్టేషన్‌లో కేసు నమోదైంది.

సాక్షి బళ్లారి: అనంతపురం రోడ్డులోని తారానాథ ఆయుర్వేద కళాశాల, ఆస్పత్రిని శుక్రవారం పలువురు కార్పొరేటర్లతో కలిసి ఎమ్మెల్యే నారా భరత్‌రెడ్డి సందర్శించారు. ఆస్పత్రి ఆవరణలో జరుగుతున్న అభివృద్ధి పనులను పరిశీలించారు. రోగులను అడిగి సమస్యలు తెలుసుకున్నారు. ఆస్పత్రిలో వైద్య సేవలు ఎలా అందిస్తున్నారని ఆరా తీశారు. మౌలిక సదుపాయాలు, ఆస్పత్రిలో రోగులకు అందిస్తున్న వైద్య సేవలను వైద్యులు వివరించారు. ఈ సందర్భంగా ఎమ్మెల్యే మాట్లాడుతూ.. కర్ణాటక రాష్ట్రంలోనే ప్రతిష్టాత్మకమైన తారానాథ ఆయుర్వేద ఆస్పత్రి బళ్లారిలో ఉండటం ఈ ప్రాంత ప్రజలు చేసుకున్న అదృష్టమని తెలిపారు. నయం కాని రోగాలను సైతం ఆయుర్వేదంతో మేలు చేస్తున్నారని పేర్కొన్నారు. ఆస్పత్రిలో వైద్య సేవలు మెరుపరుస్తామని వెల్లడించారు. ఉచితంగా తోపుడు బండ్ల వితరణ బళ్లారి అర్బన్‌: వీధి వ్యాపారులకు ఎమ్మెల్యే నారా భరత్‌రెడ్డి అండగా నిలిచారు. గడిగి చెన్నప్ప సర్కిల్‌ నుంచి ఎడిగ హాస్టల్‌ వరకు రహదారి అభివృద్ధి పనులు చేపట్టిన సమయంలో స్థానిక వీధి వ్యాపారులకు తోపుడు బండ్లు అందిస్తానని ఇచ్చిన హామీని నిలబెట్టుకున్నారు. శుక్రవారం గడిగి చెన్నప్ప సర్కిల్‌ సమీపంలో టచ్‌ ఫర్‌ లైఫ్‌ ఫౌండేషన్‌ ఆధ్వర్యంలో 9 మంది వీధి వ్యాపారులకు తోపుడు బండ్లు అందజేశారు. ఈ సందర్భంగా ఎమ్మెల్యే మాట్లాడుతూ.. పేద వ్యాపారులకు ఉపాధి కల్పించాలనే ఉద్దేశంతో ఈ సహాయం చేశామన్నారు. కార్పొరేషన్‌ సభ్యుడు నూర్‌ మహమ్మద్‌ మాట్లాడుతూ.. అద్దె తోపుడు బండ్లపై వ్యాపారం చేసుకుంటూ ఇబ్బందులు ఎదుర్కొంటున్న పేదలకు ఉచితంగా బండ్లు అందించడం అభినందనీయమని కొనియాడారు. కార్యక్రమంలో కాంగ్రెస్‌ నాయకులు బీఏఆర్‌ శీనా, పోలక్‌ రెడ్డి తదితరులు పాల్గొన్నారు.

హొసపేటె: హొసపేటె తాలూకాలో వడ్డరహళ్లి గ్రామం సమీపంలో గురువారం సాయంత్రం జరిగిన రోడ్డు ప్రమాదంలో లారీ డ్రైవర్‌ అక్కడికక్కడే మృతి చెందాడు. వడ్డరహళ్లి సమీపంలోని రైల్వే వంతెన వద్ద రెండు లారీలు ఢీకొనడంతో ఈ ప్రమాదం చోటు చేసుకుంది. ప్రమాద తీవ్రతకు లారీ ముందు భాగం పూర్తిగా నుజ్జునుజ్జయింది. లారీలో చిక్కుకుపోయిన మహరాష్ట్రకు చెందిన డ్రైవర్‌ మల్లికార్జున్‌ (46) తీవ్ర గాయాలతో అక్కడికక్కడే ప్రాణాలు కోల్పోయాడు. సమాచారం అందుకున్న పోలీసులు ఘటనా స్థలానికి చేరుకుని పరిశీలించారు. జేసీబీ సహాయంతో వాహనాలను పక్కకు తొలగించి ట్రాఫిక్‌ సమస్య తలెత్తకుండా చర్యలు చేపట్టారు. ఈ ప్రమాదంపై హొసపేటె రూరల్‌ పోలీస్‌ స్టేషన్‌లో కేసు నమోదైంది. ప్రమాదానికి గల పూర్తి కారణాలు పోలీసుల విచారణలో తెలియాల్సి ఉంది. డ్రైవర్‌ అక్కడికక్కడే మృతి

బనశంకరి: ఉత్తరాఖండ్‌లో జరిగిన హెలికాప్టర్‌ ప్రమాదంలో ఐదుగురు కర్ణాటకవాసులు మృతి చెందారు. మృతుల్లో బెళగావి జిల్లా అధణి తాలూకా అరటాల గ్రామానికి చెందిన అరుణ్‌ సోలంకి(44), న్యాయవాది సుధీర్‌, శంకర్‌గౌడ, హుళియారుకు చెందిన వ్యాపారవేత్త హెచ్‌ఎస్‌.నటరాజ్‌, కాంట్రాక్టర్‌ ప్రతాప్‌గౌడ ఉన్నారు. కాగా సోలంకి బెంగళూరు సీసీబీ విభాగంలో సీఐగా విధులు నిర్వహిస్తున్నారు. హెలికాప్టర్‌ దుర్ఘటన విషయం తెలియగానే అరటాల గ్రామంలో విషాదఛాయలు అలుముకున్నాయి. 2007వ బ్యాచ్‌ అధికారి అరుణ్‌ సోలంకి ఢిల్లీలో ఇంటెలిజెన్స్‌ ఇన్‌స్పెక్టర్‌గా పని చేశారు. అనంతరం కర్ణాటకకు వచ్చి బెంగళూరు నగరంలోని నెలమంగల, బాణసవాడి, తుమకూరు జిల్లా కుణిగల్‌ పోలీస్‌స్టేషన్లలో సమర్థవంతంగా విధులు నిర్వహించారు. ప్రస్తుతం బెంగళూరులో సీసీబీ విభాగంలో పని చేస్తున్నారు. మృతుడు అరుణ్‌ సోలంకి భార్య, ఇద్దరు పిల్లలతో కలిసి రామమూర్తినగరలో నివాసం ఉంటున్నారు. ఆయన తండ్రి, సోదరుడు స్వగ్రామం అరటాలలో నివసిస్తున్నారు. ఎస్‌ఐగా అరుణ్‌ సోలంకి విధులు నిర్వహిస్తున్న సమయంలో బాణసవాడి పోలీస్‌స్టేషన్‌కు అత్యుత్తమ పోలీస్‌ స్టేషన్‌గా అవార్డు లభించింది. బంధువులు, స్నేహితుల దిగ్భ్రాంతిహెలికాప్టర్‌ ప్రమాదంలో సోలంకి అరుణ్‌ మరణవార్త తెలియగానే కుటుంబసభ్యులు, స్నేహితులు తీవ్ర దిగ్భ్రాంతికి గురయ్యారు. స్నేహితుడు శ్రీశైల జంబగి మాట్లాడుతూ అరుణ్‌ సోలంకి మృతి విషయం తెలియగానే తీవ్ర దిగ్భ్రాంతికి గురైనట్లు తెలిపారు. తాను, అరుణ్‌ ఒకే గ్రామానికి చెందినవారం. అతను ఉన్నత స్థానంలో ఉన్నప్పటికీ తనతో చాలా స్నేహంగా ఉండేవారని, ఈ ఘటన చాలా బాధాకరమని విచారం వ్యక్తంచేశారు. ప్రమాదంలో మృతులు వరుసగా శంకర్‌గౌడ, సుధీర్‌, నటరాజ్‌, ప్రతాప్‌, సీసీబీ సీఐ అరుణ్‌ సోలంకి(ఫైల్‌) ఉత్తరాఖండ్‌లో హెలికాప్టర్‌ ప్రమాదం పైలెట్‌తో సహా ఆరుగురు మృత్యువాత మృతుల్లో కర్ణాటక వాసులు ఐదుగురు మృతుడు –సీసీబీ ఇన్‌స్పెక్టర్‌ స్వస్థలం బెళగావి జిల్లాలో విషాదం

సాక్షి, బెంగళూరు: సిలికాన్‌ సిటీకి పాముల బెడద పట్టుకుంది. వర్షాలు లేకపోవడంతో పాటు ఎండ తీవ్రత పెరగడంతో పాములు చల్లదనం కోసం ఇళ్ల ఆవరణలోకి, ఇళ్లలోకి వస్తుండడంతో ప్రజలకు భయం కలుగుతోంది. షూ స్టాండ్లు, బైక్‌ల వద్ద, బాత్‌రూం, వాషింగ్‌ మెషిన్‌ తదితర చోట్ల పాములు కనిపిస్తున్నాయి. ఈ పరిస్థితి కేవలం బెంగళూరులోనే కాదు కర్ణాటక మొత్తం నెలకొన్నట్లు తెలుస్తోంది. గత వారం రోజుల్లో రాష్ట్రంలో ఏకంగా 702 పాము కాటు ఘటనలు నమోదయ్యాయి. వీటిలో ఆరుగురు మరణించారు. జనవరి నుంచి ఇప్పటి వరకు రాష్ట్రంలో 17,608 పాము కాటు ఘటనలు జరగ్గా, ఈ ఏడాది 205 మంది మృత్యువాత పడ్డారు. వర్షాలతో చల్లని వాతావరణం గత వారం వర్షాల కారణంగా బెంగళూరులో వాతావరణం చల్లబడింది. అయితే గత మూడు రోజుల నుంచి ఎండల తీవ్రత మరోసారి గణనీయంగా పెరిగింది. దీంతో ఎండ వేడిమికి, అధిక ఉష్ణోగ్రతలకు తట్టుకోలేక పాములు ఇళ్ల వద్దకు, లోపలికి పరుగులు తీస్తున్నాయి. ఇంటి పరిసరాల్లోకి చేరి ప్రశాంతంగా నివాసం ఉంటున్నాయి. ఇళ్ల వద్దకు పాములు అధికంగా వస్తుండడంతో రెస్క్యూ కోసం వినతులు కూడా అధికంగా వస్తున్నాయి. గతంలో కంటే ఈసారి బీబీఎంపీ, పోలీసు సహాయవాణిలకు, అగ్నిమాపక దళానికి ప్రజల నుంచి వినతులు పెరిగాయి. గత మూడు రోజుల్లోనే ఏకంగా 200కు పైగా పాముల నుంచి రెస్క్యూ కోసం కాల్స్‌ వచ్చాయి. అభివృద్ధి పనులతో ఆవాసానికి భంగం బెంగళూరు విద్యారణ్యపుర, నాగరబావి, ఆర్‌ఆర్‌ నగర, యలహంక, జేపీ నగర, సర్జాపుర తదితర నగరంలోని పలు ప్రాంతాల్లో నిర్మాణాలు, అభివృద్ధి పనులు వేగంగా జరుగుతున్నాయి. ఈ పనుల కారణంగా పాముల నైసర్గిక ఆవాస స్థానాలకు ప్రమాదం ఏర్పడుతోంది. దీంతో సహజంగానే జనావాసాల్లోకి పాములు పరుగులు పెడుతున్నాయి. పాము కాటు కేసులు పెరుగుతుండడంతో ఆరోగ్య శాఖ అప్రమత్తం అయింది. అన్ని జిల్లాస్పత్రులు, ప్రాథమిక ఆరోగ్య కేంద్రాల్లో పాము కాటుకు యాంటీ వెనమ్‌ ఔషధ నిల్వలను పెంచింది. ఇదే సమయంలో ఇళ్ల వద్ద పాములు కనిపిస్తే వాటిని స్వయంగా పట్టుకునేందుకు ప్రయత్నించవద్దని అధికారులు కోరుతున్నారు. సహాయవాణికి కాల్‌ చేయడం లేదా స్నేక్‌ పట్టుకునే నిపుణులను పిలవడం మంచిదని సూచిస్తున్నారు. పాము కాటుకు గురైన వ్యక్తులు ఆలస్యంగా చేయకుండా వెంటనే వైద్య సహాయం పొందాలని సూచించారు. తరచూ ఇళ్ల వద్దకు పాములు పెరిగిన ఉష్ణోగ్రతల నుంచి ఉపశమనానికి.. అభివృద్ధి పనుల కారణంగా జనావాసాల ను ఆశ్రయిస్తున్న వైనం

సాక్షి, బళ్లారి: జిల్లా పంచాయతీ, సాంఘిక సంక్షేమ శాఖ, పాఠశాల విద్యాశాఖ సంయుక్త ఆధ్వర్యంలో బళ్లారి జిల్లా పంచాయతీ కార్యాలయంలోని నజీర్‌ సభాంగణంలో శుక్రవారం అంతర్జాతీయ ప్రజాస్వామ్య దినోత్సవాన్ని పురస్కరించుకుని జిల్లా స్థాయి యువజన మాక్‌ పార్లమెంట్‌ నిర్వహించారు. స్పీకర్‌, మంత్రులు, ప్రతిపక్ష నాయకుల పాత్రల్లో విద్యార్థులు ఆకట్టుకున్నారు. ప్రశ్నోత్తరాల సమయం, జీరో అవర్‌, నూతన బిల్లులు ప్రవేశపెట్టి ప్రత్యక్షంగా వివరించారు. వివిధ బిల్లులపై అధికార, ప్రతిపక్ష నాయకుల మధ్య వాడీవేడిగా చర్చ జరిగింది. అదనపు జిల్లా అధికారి మహమ్మద్‌ ఎన్‌.జుబేర్‌ మాట్లాడుతూ.. యువత రాజ్యాంగ విలువలు తెలుసుకుని, నాయకత్వ లక్షణాలు పెంపొందించుకోవాలని పిలుపునిచ్చారు. మాక్‌ పార్లమెంట్‌తో విద్యార్థులు నాయకత్వ లక్షణాలు అలవర్చుకోవచ్చన్నారు. 18 ఏళ్లు నిండిన వారు ఓటు హక్కు కోసం నమోదు చేసుకోవాలన్నారు. జిల్లా న్యాయవాదుల సంఘం అధ్యక్షుడు రామబ్రహ్మం మాట్లాడుతూ.. పోటీ ప్రపంచంలో విద్యార్థులు తమకంటూ ప్రత్యేక వ్యక్తిత్వాన్ని రూపొంచుకోవాలంటే విషయ పరిజ్ఞానం, నైపుణ్యం, మంచి లక్షణాలు అలవర్చుకోవాలన్నారు. ఓటు కేవలం ఒక హక్కు మాత్రమే కాదని.. భవిష్యత్తులో ఎన్నికల్లో పోటీ చేసి ప్రజాప్రతినిధులుగా ఎన్నికై రాష్ట్రాన్ని, దేశాన్ని ముందుకు నడిపించాల్సిన బాధ్యత యువతపై ఉందని గుర్తు చేశారు. మాక్‌ పార్లమెంట్‌లో ప్రతిభ కనబరిచిన విద్యార్థులను అభినందించారు. అధికార, విపక్షాల మధ్య చర్చప్రజా సమస్యలు వివరిస్తున్న సభ్యుడు

హుబ్లీ: ఓ యువతిని ప్రేమ పేరుతో వేధిస్తున్న కార్తీక్‌ అనే యువకుడిపై గోకుల్‌ రోడ్డు పోలీస్‌ స్టేషన్‌లో కేసు నమోదైంది. యువతి ఇంటికి వెళ్లిన కార్తీక్‌.. ప్రేమించకపోతే ప్రాణాలు తీస్తాను అని బెదిరించాడు. బాధితురాలి ఫిర్యాదు మేరకు కేసు నమోదు చేసుకున్న పోలీసులు విచారిస్తున్నారు. అదనపు కట్నం కోసం వేధింపులు డి.హీరేహాళ్‌(బొమ్మనహాళ్‌): అదనపు కట్నం కోసం భార్యను వేధిస్తున్న భర్తతో పాటు అత్త, ఆడపడుచుపై కేసు నమోదు చేసినట్లు డి.హీరేహాళ్‌ ఎస్‌ఐ గురుప్రసాద్‌ రెడ్డి తెలిపారు. ఎస్‌ఐ తెలిపిన వివరాల మేరకు...బళ్లారి పట్టణానికి చెందిన తిరుమలమ్మకు 17 ఏళ్ల క్రితం డి.హీరేహాళ్‌ మండలంలోని మురడి గ్రామానికి చెందిన గోవిందుతో వివాహమైంది. వీరికి ముగ్గురు పిల్లలు ఉన్నారు. గత కొంతకాలంగా అదనపు కట్నం తీసుకురావాలంటూ భర్త గోవిందు, అత్త తిప్పమ్మ, ఆడపడుచు ఆంజినమ్మ వేధిస్తున్నారని బాధితురాలు ఫిర్యాదు చేశారన్నారు. ఫిర్యాదు మేరకు ముగ్గురిపై కేసు నమోదు చేసి దర్యాప్తు చేస్తున్నట్లు ఎస్‌ఐ తెలిపారు. ఇళ్ల నిర్మాణాలకు నిధుల మంజూరుపై హర్షం రాయచూరు రూరల్‌: ప్రధానమంత్రి ఆవాస్‌ యోజన పథకం కింద వెనుకబడిన వర్గాల సంక్షేమ శాఖ ద్వారా మురికివాడల ప్రజలకు ఇళ్ల నిర్మాణం కోసం నిధులు మంజూరు చేసేందుకు రాష్ట్ర ప్రభుత్వం అనుమతి ఇవ్వడంపై మురికివాడల వేదిక హర్షం వ్యక్తం చేసింది. వేదిక సంచాలకుడు జనార్దన్‌ మాటాడుతూ.. వీధి వ్యాపారులు, కుష్టు రోగులు, దివ్యాంగులు, సఫాయి కర్మచారులు, దేవదాసీ మహిళలు, వితంతువులు, నిరుపేదలు ఈ పథకం ద్వారా ఇళ్లు నిర్మించుకునేందుకు అవకాశం లభిస్తుందని పేర్కొన్నారు. అనిల్‌ కుమార్‌, చంద్రమ్మ, తేజస్‌ కుమార్‌, బసవరాజ్‌, మంజుబాయి, హన్మంతు, నాగరాజ్‌, నితీన్‌, పుష్ప, తాయప్ప తదితరులు పాల్గొన్నారు.

మార్చిలో జరిగిన రోడ్డు ప్రమాదంలో మృతి చెందిన ఎంబీబీఎస్‌ విద్యార్థిని కార్తీక (ఫైల్‌)శివాజీనగర: బెంగళూరు ట్రాఫిక్‌ పోలీసుల గణాంకాల ప్రకారం గత ఐదేళ్లలో రోడ్డు ప్రమాదాల సంఖ్య 70 శాతం మేర పెరగడంతో బెంగళూరు నేడు ప్రమాదాల నగరంగా మారింది. 2021లో 3,213 ప్రమాదాలు జరగ్గా, 2025 నాటికి ఈ సంఖ్య 5,459కి చేరుకుంది. ఇదే కాలంలో రోడ్డు ప్రమాదాల వల్ల సంభవించే మరణాల సంఖ్య కూడా సుమారు 53 శాతం మేర పెరిగింది. మద్యం తాగి వాహనం నడపడం, హెడ్‌లైట్లు లేకుండా ప్రయాణించడం, అతివేగం, డ్రైవింగ్‌ చేస్తున్నప్పుడు మొబైల్‌ ఫోన్లు వాడటం, సిగ్నల్‌ ఉల్లంఘనలను గుర్తించడానికి ట్రాఫిక్‌ పోలీసులు ఏఐ కెమెరాలను ఉపయోగిస్తున్నప్పటికీ, రోడ్డు ప్రమాదాల కేసులు పెరగడంతో పాటు మరణాల సంఖ్య కూడా ఏటా పెరుగుతూనే ఉంది. రాజధానిలో 4,702 ప్రమాదాలు 2026లో గత జనవరి నుంచి సెప్టెంబర్‌ నెలాఖరు వరకు ఉన్న గణాంకాల ప్రకారం బెంగళూరులో 4,702 రోడ్డు ప్రమాదాలు జరిగాయి. వీటిలో 808 ప్రమాదాలు ప్రాణ నష్టం కలిగించాయి. మొత్తం 836 మంది మరణించగా, 4,111 మంది గాయపడ్డారు. గత ఐదేళ్ల గణాంకాలను పరిశీలిస్తే, ప్రమాదాలు, మరణాల సంఖ్య రెండింటిలోనూ పెరుగుదల కనిపిస్తోంది. అతివేగం, ప్రమాదకరంగా లేన్లు మార్చడం, తప్పుడు దిశలో వాహనాలు నడపడం, ద్విచక్ర వాహనాలతో జరిగే ప్రమాదాలు రోడ్డు ప్రమాదాల సంఖ్య పెరగడానికి ప్రధాన కారణాలు. బెంగళూరుకు విస్తృతమైన రహదారి వ్యవస్థ, మోటార్‌ సైకిళ్ల అధిక వినియోగం, శివారు ప్రాంతాల్లో నివసించే ప్రజల సంఖ్య పెరగడం వంటివి కూడా ప్రమాదాల పెరుగుదలకు కారణమవుతున్నాయి. అభివృద్ధి, వేగంగా వెళ్లే వాహనాలు, పాదచారులను ఢీకొనడం వంటివి కూడా ప్రమాదాలకు దోహదపడుతున్నాయని కర్ణాటక పోలీస్‌ డైరెక్టర్‌ జనరల్‌ ఎం.ఏ.సలీం అన్నారు. పరిధి విస్తరణ కూడా కారణమే 2025, 2026 సంవత్సరాల్లో ప్రమాదాల సంఖ్య పెరగడానికి బెంగళూరు నగర పోలీస్‌ అధికార పరిఽధి విస్తరణ కూడా పాక్షికంగా కారణం కావచ్చు. గతంలో బెంగళూరు గ్రామీణ పోలీసుల అధికార పరిధిలో ఉన్న హెబ్బగోడి, కుంబళగోడు, ఆవలహళ్లి, రాజానుకుంటె, మాదనాయకనహళ్లి పోలీస్‌ స్టేషన్ల పరిఽధిని బెంగళూరు నగర పోలీసు పరిఽధిలోకి చేర్చారు. నిమ్హాన్స్‌ , జాన్స్‌ హాప్కిన్స్‌ విశ్వవిద్యాలయం గాయాల పరిశోధన విభాగం, బెంగళూరు ట్రాఫిక్‌ పోలీసులు నిర్వహించిన ఈ అధ్యయనంలో నగరంలోని 25 ప్రదేశాల్లో వాహనాల వేగాన్ని పర్యవేక్షించారు. ఈ అధ్యయనంలో గమనించిన వాహనాల్లో 306 శాతం వాహనాలు నిర్దేశించిన సురక్షిత వేగ పరిమితిని మించి ప్రయాణిస్తున్నాయని ఆయన తెలిపారు. జాతీయ రహదారులపై, గ్రామీణ ప్రాంతాల్లో, అర్ధరాత్రి, తెల్లవారుజామున వాహనాల వేగం పెరుగుతోందని అధ్యయనంలో తేలిందని ఆయన చెప్పారు. అతివేగం, తప్పుడు మార్గంలో వాహన చోదన ఐదేళ్లలో 70 శాతం మేర రోడ్డు ప్రమాదాల వృద్ధి కర్ణాటక పోలీస్‌ డైరెక్టర్‌ జనరల్‌ ఎం.ఏ.సలీం రోడ్డు ప్రమాద ప్రధాన హాట్‌స్పాట్లు 8వ మైలు జంక్షన్‌ నుంచి నవయుగ టోల్‌, తుమకూరు రోడ్డు, కన్నమంగళ పాళ్య గేట్‌, బళ్లారి రోడ్డు, జక్కూరు ఫ్‌లైఓవర్‌, బళ్లారి రోడ్డు, మీనకుంటె హోసూరు, నాయండహళ్లి జంక్షన్‌ నుంచి బజాజ్‌ షోరూమ్‌ పంటరపాళ్య జంక్షన్‌, హుణసమారనహళ్లి, సాదహళ్లి గేట్‌, వీరసంద్ర జంక్షన్‌, ఎలక్ట్రానిక్‌ సిటీ, ఆవలహళ్లి, టయోటా షోరూం ఎదురుగా, రెన్యూవబుల్‌ ఎనర్జీ ఆఫీస్‌ దగ్గర, నాగరబావి రింగ్‌ రోడ్డు డ్రైవింగ్‌ లైసెన్స్‌ సస్పెండ్‌ చేస్తాం డ్రంకన్‌ డ్రైవింగ్‌, హెడ్‌లైట్లు లేకుండా వాహనాలు నడపడం, అతివేగం, డ్రైవింగ్‌ చేస్తున్నప్పుడు మొబైల్‌ ఫోన్లు వాడటం, సిగ్నల్‌ ఉల్లంఘనలపై పోలీసులు ఇటీవల చర్యలను ముమ్మరం చేశారు. ఫుట్‌పాత్‌లపై వాహనాలను అక్రమంగా నిలిపేవారిపై కూడా చర్యలు తీసుకుంటాం. –ఎం.ఏ.సలీం, పోలీస్‌ డైరెక్టర్‌ జనరల్‌

రాయచూరు రూరల్‌: రాయచూరు నగర సభను కార్పొరేషన్‌గా చేయడంలో అధికారులు విఫలమయ్యారు. కేవలం పన్నుల వసూళ్లే లక్ష్యంగా అధికారులు పని చేస్తున్నారని ఏఐఎంఎం సంచాలకుడు శబ్బీర్‌ ఆహ్మద్‌ ఆరోపించారు. శుక్రవారం పాత్రికేయుల భవనంలో ఏర్పాటు చేసిన విలేకరుల సమావేశంలో మాట్లాడారు. నగరంలో రహదారులు అధ్వాన్నంగా మారాయన్నారు. మురుగు కాలువలను శుభ్రం చేయించడం లేదన్నారు. స్వచ్ఛతను కాపాడటంలో విఫలమయ్యారని తెలిపారు. నగర సభలో సిబ్బంది కొరత ఉందని.. వెంటనే నియమించాలని సూచించారు. పోలీస్‌ స్టేషన్‌లో ఖాళీగా ఉన్న పోస్టులను భర్తీ చేయాలని కోరారు. ఉపాధ్యాయ సమస్యల పరిష్కారానికి కృషి రాయచూరు రూరల్‌: ఈశాన్య ఉపాధ్యాయుల సమస్యల పరిష్కారానికి కృషి చేస్తామని విధాన పరిషత్‌ సభ్యుడు శశీల్‌ నమోషి హామీ ఇచ్చారు. ఈశాన్య ఉపాధ్యాయ నియోజకవర్గం నుంచి విజయం సాధించడంతో శుక్రవారం కలబుర్గిలోని హెచ్‌కేఈ కళాశాలలో విధాన పరిషత్‌ సభ్యుడు శశీల్‌ నమోషిని ఘనంగా సన్మానించారు. నూతన పెన్షన్‌ విధానానికి బదులుగా పాత పెన్షన్‌ విధానాన్ని అమలు చేసేందుకు చర్యలు తీసుకుంటామని వెల్లడించారు. సీనియారిటీ ఆధారంగా పదోన్నతులు కల్పిస్తామని పేర్కొన్నారు. ఉపాధ్యాయుల సమస్యలను ప్రభుత్వం దృష్టికి తీసుకెళ్లి వాటి పరిష్కారానికి చొరవ తీసుకోవడం జరుగుతుందన్నారు. దేవదుర్గ తాలూకాలో సామూహిక వివాహాలు రాయచూరు రూరల్‌: ప్రతి ఒక్కరూ భక్తిభావం పెంపొందించుకునేందుకు కృషి చేయాలని రాయచూరు లోక్‌సభ సభ్యుడు కుమార నాయక్‌ పిలుపునిచ్చారు. దేవదుర్గ తాలూకా జాళహళ్లి లక్ష్మీ రంగనాథ దేవస్థానంలో శుక్రవారం ఉచిత సామూహిక వివాహాలు నిర్వహించారు. ఈ కార్యక్రమంలో పాల్గొన్న ఎంపీ.. నూతన వధూవరులను ఆశీర్వదించారు. రోజూ కొంత సమయాన్ని ఆధ్యాత్మిక కార్యక్రమాలకు కేటాయించాలని సూచించారు. ఆధ్యాత్మిక చింతన ద్వారా జీవితంలో ప్రశాంతతను పొందవచ్చని పేర్కొన్నారు. కార్యక్రమంలో కాశీ జగద్గురువులు, జయశాంత శివాచార్యులు పాల్గొన్నారు. బాధ్యతల స్వీకరణ రాయచూరు రూరల్‌: రాయచూరు తాలుకా ఆరోగ్య అధికారిగా (టీహెచ్‌ఓ) లక్ష్మీకాంత్‌ బాధ్యతలు స్వీకరించారు. ఇక్కడ పని చేస్తున్న తాలూకా ఆరోగ్య అధికారి సతీష్‌.. జిల్లాలోని మటమారి ప్రాథమిక ఆరోగ్య కేంద్రానికి బదిలీ అయ్యారు. శుక్రవారం తాలుకా ఆరోగ్య అధికారి కార్యాలయంలో సతీష్‌ నుంచి లక్ష్మీకాంత్‌ బాధ్యతలు స్వీకరించారు. జిల్లా స్థాయి యువజనోత్సవాలు ప్రారంభం రాయచూరు రూరల్‌: నేటి యువత విదేశీ సంస్కృతికి ఆకర్షితులు కాకుండా దేశీయ సంస్కృతి, సంప్రదాయాలకు ప్రాధాన్యత ఇవ్వాలని సాహితీవేత్త అయ్యప్ప హుడా సూచించారు. నగరంలోని వేదాంత కళాశాలలో జిల్లా పరిపాలన, జిల్లా పంచాయతీ, యువజన క్రీడా శాఖ సంయుక్త ఆధ్వర్యంలో జిల్లా యువజనోత్సవాలు నిర్వహించారు. ఈ సందర్భంగా ఆయన మాట్లాడుతూ.. యువత ప్రతి రంగంలో సానుకూల దృక్పథంతో ముందుకు సాగాలన్నారు. దేశభక్తి, మన సంస్కృతి, ఆచార వ్యవహారాలు, సంప్రదాయాల గురించి తెలుసుకుని వాటిని ఆచరించాలని తెలిపారు. దేశ అభివృద్ధిలో యువత కీలక పాత్ర పోషించాలని పేర్కొన్నారు. కార్యక్రమంలో శరణప్ప గోనాళ్లు, ప్రకాష్‌ నంది, అధికారి ఈరేశ్‌ నాయక్‌ తదితరులు పాల్గొన్నారు.

సాక్షి బళ్లారి: ద్విచక్ర వాహనాన్ని టిప్పర్‌ ఢీకొట్టడంతో ఓ యువకుడు ఘటనా స్థలంలోనే మృతి చెందాడు. ఈ ఘటన గురువారం రాత్రి నగరంలోని రేడియో పార్కు వద్ద చోటుచేసుకుంది. నగరంలోని కౌలు బజార్‌కు చెందిన అబు (18) అనే యువకుడు ద్విచక్ర వాహనంలో వెళ్తుండగా వేగంగా దూసుకొచ్చిన టిప్పర్‌ ఢీకొట్టింది. తీవ్ర గాయాలు కావడంతో ఘటనా స్థలంలోనే మృతి చెందాడు. విషయం తెలుసుకున్న స్థానికులు పెద్ద ఎత్తున తరలివచ్చి ఆందోళన చేపట్టారు. ఈ ప్రాంతంలో మైన్స్‌ టిప్పర్లు పెద్ద సంఖ్యలో సంచరిస్తూ ప్రమాదాలకు కారణంగా మారుతున్నాయని తెలిపారు. ఏపీఎంసీ మాజీ అధ్యక్షుడు నాగరాజు, స్థానిక కార్పొరేటర్‌ గోవిందరాజు ఘటన స్థలానికి చేరుకుని ఆందోళనకారులకు మద్దతుగా నిలిచారు. ఈ ప్రాంతంలో మైన్స్‌ టిప్పర్లు తిరగకుండా చర్యలు తీసుకోవాలన్నారు. మృతుడు కుటుంబాన్ని అన్ని విధాలుగా ఆదుకోవాలని డిమాండ్‌ చేశారు. యువకుడు దుర్మరణం

● సీఎం డీకే శివకుమార్‌ శివాజీనగర: బెంగళూరులో కర్ణాటక రాజ్యోత్సవాన్ని విభిన్నంగా జరుపుకుంటున్నందువల్ల నవంబర్‌ 1న ఢిల్లీలో సర్‌కు వ్యతిరేకంగా జరగనున్న భారీ నిరసనలో తాను, తన కేబినెట్‌ సహచరులు పాల్గొనలేకపోతున్నామని సీఎం డీకే శివకుమార్‌ తెలిపారు. శుక్రవారం విధానసౌధలో మీడియాతో ఆయన మాట్లాడుతూ ఇలా స్పందించారు. పార్టీ తరపున రాష్ట్ర, జిల్లా కాంగ్రెస్‌, బ్లాక్‌ కాంగ్రెస్‌ అధ్యక్షులు, కార్యకర్తలు పాల్గొంటారని ఆయన తెలిపారు. ఇన్‌చార్జి మంత్రులు జిల్లాల్లో జెండా ఎగురవేస్తారు రాజ్యోత్సవం సందర్భంగా జిల్లా ఇన్‌చార్జి మంత్రులు తమ జిల్లాల్లో జెండా ఎగురవేస్తారని, ఎమ్మెల్యేలు పాల్గొంటారని ఆయన తెలిపారు. అనారోగ్యం కారణంగా ఉప ముఖ్యమంత్రి డాక్టర్‌ జీ.పరమేశ్వర్‌కు విశ్రాంతి అవసరమని, ఆయన స్థానంలో మంత్రి కృష్ణభైరేగౌడ జెండా ఎగురవేస్తారని ఆయన వివరించారు. రాజ్యోత్సవ అవార్డులను ఎంతమందికి ఇవ్వాలనేది ఖరారు చేశారా? అని అడుగగా, మనం ఎన్నేళ్ల నుంచి రాజ్యోత్సవాలు జరుపుకుంటున్నామో అంతమందికి పురస్కారాలు అందించడం గతంలో నుంచి వస్తున్న సంప్రదాయం. ఈసారి కూడా దానినే కొనసాగిస్తాం అన్నారు. పాల ధర పెంపులో రూ.7 రైతులకు: పాల ధరను రూ.12 మేర పెంచాలన్న డిమాండ్‌ వచ్చింది. అయితే మేం దానిని రూ.8కి పెంచాం. తమిళనాడు, ఆంధ్రప్రదేశ్‌లో పాల ధరలు అధికంగా ఉన్నందున తమ రాష్ట్ర పాలను పొరుగు రాష్ట్రాలకు సరఫరా చేస్తున్నాం. పాల ధరల పెంపుపై శాసనసభ, శాసనమండలిలో కూడా చర్చ జరిగింది. పెంచిన మొత్తంలో కేవలం రూ.1 మాత్రమే యూనియన్ల నిర్వహణకు ఇస్తుండగా, మిగిలిన రూ.7లను రైతులకు ఇస్తున్నామని సీఎం తెలిపారు. ప్రతిపక్షాలు దీనిని ధరల పెంపు ప్రభుత్వం అని అంటున్నాయా అని ప్రశ్నించగా, మేం కేంద్రం ఏం చేస్తుందో దానినే అనుసరిస్తున్నామని ఆయన అన్నారు.మహిళ అనుమానాస్పద మృతి దొడ్డబళ్లాపురం: వివాహిత మహిళ ఇంట్లో అనుమానాస్పదంగా మృతి చెందిన సంఘటన బెళగావిలోని ఆనందనగర్‌లో చోటు చేసుకుంది. పూనం అమిత్‌ డోలేకర్‌(33) మృతురాలు. పూనం భర్త అమిత్‌ కువైట్‌లో పని చేస్తున్నాడు. ఆమె బెళగావిలో ఓ ప్రైవేటు కంపెనీలో పని చేస్తోంది. ఈక్రమంలో గత కొంత కాలంగా పూనంకు రంజన్‌ అనే వ్యక్తితో పరిచయం ఏర్పడిందని సమాచారం. అతడి కోసమే ఆమె స్వంత ఇల్లు ఉన్నా అతడికి దగ్గరగా ఉండేందుకు అద్దె ఇంట్లో ఉంటోంది. కాగా గురువారం అర్ధరాత్రి రంజన్‌ పూనం కుటుంబ సభ్యులకు ఫోన్‌ చేసి పూనం ఉరి వేసుకుందని చెప్పాడు. అయితే రంజనే పూనంను చంపి ఆత్మహత్యగా చిత్రీకరించాడని ఆమె కుటుంబ సభ్యులు ఆరోపించారు. ఆ ఆరోపణలకు బలం చేకూరుస్తూ ఇంట్లో పార్టీ చేసుకున్నట్టు మద్యం బాటిళ్లు కూడా లభించాయి. పోలీసులు అనుమానాస్పద మృతిగా కేసు నమోదు చేసుకుని దర్యాప్తు చేస్తున్నారు. మరణంలోనూ ఇద్దరికి ప్రాణదానం ● అవయవదానంతో యువతి జీవితం సార్థకం కోలారు: అనారోగ్యంతో ఆస్పత్రిలో చేరి చికిత్స పొందుతూ మరణించిన కేజీఎఫ్‌కు చెందిన శ్వేత (28) అవయవ దానంతో జీవితం సార్థకమైంది. తద్వారా ఇద్దరికి ప్రాణదానం లభించింది. ప్రైవేటు కంపెనీలో ఉద్యోగం చేస్తోన్న శ్వేత ఇటీవల తీవ్ర అనారోగ్యంతో బెంగళూరులోని ఫోర్టిస్‌ ఆస్పత్రిలో చేరింది. ఆమెకు వైద్యులు చేసిన చికిత్స ఫలించలేదు. చివరికి వైద్యులు బ్రెయిన్‌ డెడ్‌ అయినట్లు ధ్రువీకరించారు. కుమార్తె మృతితో పుట్టెడు దుఃఖంలో ఉన్నా ఆమె తల్లిదండ్రులు మానవత్వంతో కీలక నిర్ణయం తీసుకున్నారు. కుమార్తె అవయవాలను దానం చేయడానికి సమ్మతించారు. శ్వేత కాలేయం, గుండె కవాటాలను దానం చేశారు. కాగా శ్వేత తల్లిదండ్రుల నిర్ణయాన్ని వైద్య ఆరోగ్య శాఖా మంత్రి యూటీ ఖాదర్‌ ప్రశంసించారు.సిట్‌ అధికారుల ఎంపికపై అభ్యంతరం ● నవంబరు 2కు తీర్పు రిజర్వు చేసిన హైకోర్టు బనశంకరి: పశువైద్యాధికారుల నియామక కుంభకోణంపై దర్యాప్తునకు సిట్‌ ఏర్పాటు చేయడంపై శుక్రవారం హైకోర్టులో విచారణ జరిగింది. సిట్‌ నియామకానికి ప్రభుత్వం సూచించిన అధికారుల గురించి పిటిషనర్‌, న్యాయవాది గిరీశ్‌ భరద్వాజ్‌ అభ్యంతరం తెలిపారు. న్యాయమూర్తి నాగప్రసన్నతో కూడిన ధర్మాసనం విచారణ చేపట్టగా సిట్‌ పోలీస్‌ స్టేషన్‌కు హోదా కల్పించారని అడ్వొకేట్‌ జనరల్‌(ఏజీ) శశికిరణ్‌శెట్టి హైకోర్టుకు తెలిపారు. ఈ సమయంలో రాష్ట్రంలో ఎంత మంది ఏడీజీపీ ర్యాంక్‌ అధికారులు ఉన్నారు? అని హైకోర్టు ప్రభుత్వ న్యాయవాదిని ప్రశ్నించింది. రాష్ట్రంలో 16 మంది ఏడీజీపీ ర్యాంక్‌ అధికారులు ఉన్నారని ఏజీ బదులిచ్చారు. సుప్రీంకోర్టు ఆదేశాల ప్రకారం ప్రభుత్వం నలుగురు అధికారులను సూచించగా, వారిలో ఇద్దరు అధికారులపై పిటిషనర్‌ అభ్యంతరం తెలిపారు. దీంతో సిట్‌ ఏర్పాటుకు సంబంధించి తెలిపిన అభ్యంతరాలపై వాదనలు ఆలకించిన కోర్టు నవంబరు 2వ తేదీకి తీర్పును రిజర్వు చేసింది.

బళ్లారి అర్బన్‌: అంబేడ్కర్‌ ఆశయాలు, రాజ్యాంగ విలువలను ప్రజల్లోకి తీసుకెళ్లడంతో పాటు సామాజిక న్యాయం, సమానత్వం, అణగారిన వర్గాల హక్కుల పరిరక్షణకు కృషి చేస్తామని డాక్టర్‌ బీఆర్‌ అంబేడ్కర్‌ సేవా సమితి జిల్లా అధ్యక్షుడు కిరణ్‌ కుమార తెలిపారు. శుక్రవారం నగరంలోని జిల్లా అధికారి కార్యాలయ ప్రాంగణంలో ఉన్న పత్రికా భవన్‌లో ఏర్పాటు చేసిన విలేకరుల సమావేశంలో ఆయన మాట్లాడారు. సమితి కార్యకలాపాలను మరింత విస్తరించేందుకు నూతన కార్యవర్గాన్ని నియమించినట్లు వెల్లడించారు. జిల్లా ప్రధాన కార్యదర్శిగా ఈ మేరకు అమరపుర అశోక్‌ భీమారావు, జిల్లా ఉపాధ్యక్షుడిగా డి.శంకర్‌, గిరి శంకర్‌, నగర అధ్యక్షుడిగా మహానందిని నియమించడం జరిగిందన్నారు. రాజ్యాంగంపై అవగాహన, సామాజిక బాధ్యత పెంపొందించేందుకు ప్రజాహిత కార్యక్రమాలు నిర్వహిస్తామని తెలిపారు. నూతన కార్యవర్గ సభ్యులు సమన్వయంతో పని చేస్తూ క్షేత్రస్థాయిలో సమితిని బలోపేతం చేయాలని పిలుపునిచ్చారు. సమావేశంలో ముత్తురాజ్‌, గిరి శంకర్‌, అశోక్‌, రమేష్‌ తదితరులు పాల్గొన్నారు.

రాయచూరు రూరల్‌: నగరంలోని లాల్‌ బహద్దూర్‌ శాస్త్రి కాలనీలో హత్యకు గురైన నరసింహులు కుటుంబాన్ని శుక్రవారం కొప్పళ జిల్లా ఆర్యవైశ్య సంఘం నాయకులు పరామర్శించారు. అధైర్యపడవద్దని కుటుంబానికి అన్ని విధాలా అండగా ఉంటామని భరోసా ఇచ్చారు. అనంతరం సంఘం తరఫున కుటుంబానికి రూ.1.50 లక్షల ఆర్థిక సహాయం అందజేశారు. కార్యక్రమంలో ఆనంద శిరహట్టి, రాఘవేంద్ర, సావిత్ర పురుషోత్తమ్‌, పలుగుల నాగరాజ్‌, శ్రీనివాస్‌, సోమనాథ్‌, నాగభూషణ్‌, లక్ష్మణ, గంగ తదితరులు పాల్గొన్నారు. పునీత్‌ రాజ్‌కుమార్‌కు నివాళిరాయచూరు రూరల్‌: రాయచూరు తాలుకాలోని మమాదాపూర్‌లో గురువారం రాత్రి సినీ నటుడు డాక్టర్‌ పునీత్‌ రాజ్‌ కుమార్‌ వర్ధంతి నిర్వహించారు. పునీత్‌ రాజ్‌కుమార్‌ ట్రస్ట్‌ ఆధ్వర్యంలో యరగేర ఎస్‌ఐ ప్రకాష్‌ డంబళ్‌ తదితరులు పునీత్‌ చిత్రపటానికి పూలమాలలు వేసి నివాళులర్పించారు. ఈ సందర్భంగా ఎస్‌ఐ మాట్లాడుతూ.. పునీత్‌ రాజ్‌ కుమార్‌ ట్రస్ట్‌లు ఏర్పాటు చేసి పేదలకు సేవలందిచారని కొనియాడారు. నిత్యం పేదల కోసం నిత్యం పరితపించారని తెలిపారు. పునీత్‌ను యువకులు ఆదర్శంగా తీసుకుని ముందుకు సాగాలని సూచించారు. కార్యక్రమంలో రేణుక, రూప తదితరులు పాల్గొన్నారు. హోటల్‌ యజమానిపై చర్యలు తీసుకోండి రాయచూరు రూరల్‌: లింగసూగూరు తాలూకా నాగరాళ గ్రామంలో ఒక హోటల్‌లో ఎస్సీ కులానికి చెందిన శివానంద అనే వ్యక్తికి గ్లాసుతో నేరుగా చేతిలోకి నీరు పోసి తాగించడం ద్వారా కులాంతర వివక్ష (అస్పృశ్యత) చూపారని దళిత సంఘర్ష సమితి ఆగ్రహం వ్యక్తం చేసింది. సదరు హోటల్‌ యజమానిపై కేసు నమోదు చేయాలని ఆ సమితి సంచాలకుడు అమరేష్‌ డిమాండ్‌ చేశారు. శుక్రవారం సింధనూర్‌లోని గాందీ సర్కిల్‌ వద్ద ఆందోళన చేపట్టారు. రాష్ట్ర చిన్న నీటి పారుదల శాఖ మంత్రి అజయ్‌ సింగ్‌ను కలసి వినతిపత్రం అందజేశారు. వివిధ రంగాల్లో సాధకులకు రేపు సన్మానం బళ్లారి టౌన్‌: కర్ణాటక రాజ్యోత్సవాన్ని పురస్కరించుకుని తాలూకాలోని సంగనకల్లు పంచాయతీ కార్యాలయ ఆవరణలో నవంబర్‌ 1వ తేదీన వివిధ రంగాల్లో 500 మంది సాధకులకు సన్మాన కార్యక్రమం నిర్వహిస్తున్నట్లు రిటైర్డ్‌ ఇంజనీర్‌ వెంకటరమణ, సంగనకల్లు హేమంత్‌ రాజ్‌ తెలిపారు. శుక్రవారం నగరంలోని పత్రికా భవన్‌లో వారు విలేకరులతో మాట్లాడారు. 200 మంది సీనియర్‌ సిటిజన్లు, ఉద్యోగులు, ఉపాధ్యాయులు, ఇంజనీర్లు, లాయర్లు, వైద్యులు, పట్టుభద్రలకు సేవారత్న అవార్డులు, 200 మంది ప్రతిభావంత విద్యార్థులకు రైజింగ్‌ స్టార్‌, 200 మంది రిటైర్డ్‌ ఉద్యోగులకు ఫ్యామిలీ హీరో అవార్డులు అందజేస్తామని పేర్కొన్నారు. ఇక నుంచి ప్రతి సంవత్సరం ఈ కార్యక్రమాన్ని కొనస్తామని వివరించారు. సమావేశంలో స్థానిక నేతలు కృష్ణప్ప, కట్టేగౌడ, మేటి బవసరాజుగౌడ, సీనియర్‌ లాయర్‌ దాసరి గోవింద, ప్రసాద్‌, యుదీష్టర, గణేష్‌, నాగరాజు, బాష, మల్లికార్జున తదితరులు పాల్గొన్నారు. ఇళ్ల స్థలాలు కేటాయించాలి హొసపేటె: విజయనగర జిల్లాలోని భూమిలేని పేదలకు తక్షణమే ఇంటి స్థలాలు కేటాయించాలని గ్రామీణ కార్మికుల సంఘం డిమాండ్‌ చేసింది. శుక్రవారం జిల్లా పంచాయతీ కార్యాలయం ఎదుట కార్మికులు నిరసన వ్యక్తం చేశారు. ప్లాట్ల కేటాయింపులో జాప్యం చేస్తున్న అధికారులపై చర్యలు తీసుకోవాలని కోరారు. ప్రభుత్వ భూముల్లో ఇళ్లు నిర్మించుకుని నివసిస్తున్న అర్హులకు పట్టాలు ఇవ్వాలని సూచించారు. అనంతరం జెడ్పీ సీఈఓ గరిమా పన్వార్‌కు వినతిపత్రం అందజేశారు. కార్యక్రమంలో సంఘం రాష్ట్ర కో–ఆర్డినేటర్‌ మల్లేష్‌ కోగలి, జిల్లా నాయకులు పాల్గొన్నారు.

శివాజీనగర: దీపావళి పండుగ సందర్భంగా బాణసంచా వల్ల కలిగే వాయు, శబ్ద కాలుష్యాన్ని నివారించేందుకు ఆరోజు రాత్రి 8 నుంచి 10 గంటల మధ్య మాత్రమే కాల్చడానికి అవకాశం కల్పించినట్లు రాష్ట్ర పర్యావరణ శాఖ మంత్రి రామలింగారెడ్డి పేర్కొన్నారు. దీపావళి సందర్భంగా బాణసంచా వల్ల కలుగుతున్న పర్యావరణ కాలుష్యంపై ఏర్పాటు చేసిన విలేకరుల సమావేశంలో ఆయన మాట్లాడారు. నిర్దేశించిన సమయం దాటి బాణసంచా కాల్చేవారిపై కఠిన చర్యలు తీసుకోవాలని అధికారులను ఆదేశించినట్లు ఆయన తెలిపారు. సుప్రీంకోర్టు, హైకోర్టు ఆదేశాలకు అనుగుణంగా మార్గదర్శకాలను రూపొందించినట్లు తెలిపారు. కోర్టు ఆదేశాలను ఖచ్చితంగా పాటించాలని జిల్లా మేజిస్ట్రేట్లు, ఎస్పీలు, స్థానిక సంస్థల ముఖ్యాధికారులకు సూచించామన్నారు. హరిత బాణసంచాకు ప్రాధాన్యత బాణసంచా తయారీలో సోడియం, బేరియం, రాగి, ఆల్యూమినియం వంటి లోహాలను ఉపయోగిస్తారు. ఇవి పర్యావరణంపై ప్రతికూల ప్రభావాలను చూపే అవకాశముంది. అందువల్ల పర్యావరణ కాలుష్యాన్ని తగ్గించే లక్ష్యంతో హరిత బాణసంచా వాడకానికి ప్రాధాన్యత కల్పించామన్నారు. ప్రజలు పర్యావరణ అనుకూల బాణసంచాను మాత్రమే వాడాలి. నిషేధిత బాణసంచాను ఎక్కడైనా అమ్ముతున్నా లేదా నిల్వ ఉంచినా స్వాధీనం చేసుకోవాలన్నారు. అలాంటి బాణసంచాను నిల్వ ఉంచే గిడ్డంగులపై కూడా చర్యలు తీసుకోవాలని అధికారులను ఆదేశించినట్లు ఆయన తెలిపారు.

● కాలి బూడిదైన గృహోపకరణాలు ● లక్షల రూపాయల ఆస్తి నష్టం తుమకూరు: టీవీలు, మొబైళ్లు, వాషింగ్‌ మెషీన్ల సహా ఇతర గృహోపకరణాలు విక్రయించే దుకాణం అగ్నికి ఆహుతైంది. ఈ ఘటన తుమకూరు తాలూకా గులూరు హోబ్లీ, హొన్నూడికేలో గురువారం రాత్రి జరిగింది. గ్రామానికి చెందిన మంజనాథ్‌ గృహోపకరణాల విక్రయ దుకాణం నిర్వహిస్తున్నాడు. దుకాణంలో విద్యుత్‌ షార్ట్‌ సర్క్యూట్‌ జరిగి మంటలు చెలరేగాయి. దీంతో మొబైల్‌ ఫోన్లు, టీవీలు, వాషింగ్‌ మెషీన్లు, వాటి అనుబంధ వస్తువులు కాలి బూడిదయ్యాయి. అగ్నిమాపక సిబ్బంది వచ్చి మంటలు ఆర్పారు. పక్క దుకాణాలకు మంటలు వ్యాపించకుండా నిరోధించారు, తద్వారా మరింత నష్టం జరగకుండా చర్యలు తీసుకున్నారు. ప్రమాదంలో లక్షల రూపాయల మేర ఆస్తి నష్టం జరిగినట్లు భావిస్తున్నారు. హెబ్బూరు పోలీసులు వచ్చి పరిశీలించారు. కేసు దర్యాప్తులో ఉంది.

రాయచూరు రూరల్‌: రాష్ట్రంలో గ్రామీణ ప్రాంతాల్లో ఉత్తమ ఆరోగ్య సేవలు అందించడానికి వీలుగా ప్రభుత్వం నుంచి ఆరోగ్య శాఖ పరిధిలోని ఆస్పత్రులకు అందించేందుకు 750 అంబులెన్సులను పంపిణీకి సిద్ధంగా ఉంచామని రాష్ట్ర ఆరోగ్య కుటుంబ సంక్షేమ శాఖ మంత్రి యూ.టీ.ఖాదర్‌ వెల్లడించారు. బుధవారం కలబుర్గి జిల్లా కాంగ్రెస్‌ పార్టీ కార్యాలయంలో ఏర్పాటు చేసిన విలేకరుల సమావేశంలో ఆయన మాట్లాడారు. అత్యవసర చికిత్సల కోసం ప్రతి తాలూకాలో ఐదు పడకల ఐసీయూ కేంద్రాలను ప్రారంభిస్తామన్నారు. మహిళల కోసం ప్రత్యేక చట్టాలను రూపొందించి మానసిక, దంత, తల్లీబిడ్డల ఆస్పత్రి, ఆహారం, ఔషధాలు, క్యాన్సర్‌, కిడ్నీవ్యాధిగ్రస్తులకు ప్రత్యేక చికిత్సలు అందిస్తామన్నారు. మైనార్టీల సంక్షేమం కోసం సర్కార్‌ రూ.4600 కోట్ల నిధులను కేటాయించిందన్నారు. ఈ నిధులతో మొరార్జి దేశాయి, మౌలానా అబ్దుల్‌ కలాం ఆజాద్‌, శిశునాళ షరీఫ్‌ పథకాలతో విద్యా రంగానికి ప్రాధాన్యత ఇచ్చిందన్నారు. హజ్‌ యాత్రలకు వెళ్లే వారిని తక్కువ ఖర్చుతో పంపుతున్నామన్నారు. కలబుర్గి ఎంపీ రాధాకృష్ణ దొడ్డమని, ఎమ్మెల్యేలు అల్లమ ప్రభు పాటిల్‌, కిరణ్‌, రహీంఖాన్‌, తిప్పణప్ప, అరుణ్‌ కుమార్‌ పాటిల్‌, జగదేవ్‌లున్నారు. మైనార్టీల సంక్షేమానికి సర్కార్‌ రూ.4600 కోట్లు రాష్ట్ర ఆరోగ్య కుటుంబ సంక్షేమ మంత్రి యూ.టీ. ఖాదర్‌

రాయచూరు రూరల్‌: రాయచూరు వాల్మీకి మహర్షి విశ్వవిద్యాలయంలో తత్వ పద (గేయాలు) సాహిత్య పీఠం ఏర్పాటుకు చర్యలు చేపట్టాలని కన్నడ సాహిత్య పరిషత్‌ డిమాండ్‌ చేసింది. గురువారం రాయచూరులో వాల్మీకి మహర్షి విశ్వవిద్యాలయం వద్ద చేపట్టిన ఆందోళనలో జిల్లాధ్యక్షుడు రంగన్న పాటిల్‌ మాట్లాడారు. జిల్లాలో శరణులు, దాసులు, సంతులు, సూఫీలు, తత్వ పద, వాగ్గేయ కారుల గురించి భవిష్యత్తులో చర్చించుకోవడానికి తత్వ పద సాహిత్య పీఠం ఏర్పాటుకు చర్యలు చేపట్టాలని కోరుతూ వాల్మీకి మహర్షి విశ్వవిద్యాలయం వైస్‌ చాన్సలర్‌ శివానందకు వినతిపత్రం సమర్పించారు.

మైసూరు: ‘మాజీ సీఎం సిద్దరామయ్య, ఆయన కుమారుడు, మంత్రి యతీంద్ర మైసూరు చరిత్ర తెలియదన్నట్లు మాట్లాడుతున్నారు. జిల్లా మంత్రి కనీసం మైసూరు చరిత్రనైనా చదవాలి. ఆయనకు మైసూరు రాజకుటుంబ నేపథ్యం తెలిసి ఉండాలి’ అని సీనియర్‌ ఎమ్మెల్సీ హెచ్‌. విశ్వనాథ్‌ ఘాటుగా విమర్శించారు. దసరా ఉత్సవాల గురించి మైసూరు ప్యాలెస్‌ డీకే సర్కారుపై ఆరోపణలు గుప్పించడం, మళ్లీ యతీంద్ర విమర్శించడం తెలిసిందే. ఈ నేపథ్యంలో గురువారం నగరంలో విలేకరుల సమావేశంలో విశ్వనాథ్‌ మాట్లాడారు. మంత్రి డాక్టర్‌ యతీంద్ర మైసూరు రాజకుటుంబం గురించి చాలా చులకనగా మాట్లాడారని అన్నారు. అనుభవం లేని వారికి బాధ్యతలు అప్పగిస్తే ఏమవుతుందో చెప్పడానికి ఇదే నిదర్శనమని అన్నారు. ఈ విషయంలో ముఖ్యమంత్రి డి.కె. శివకుమార్‌ సరిగ్గానే మాట్లాడారన్నారు. గతంలో చాముండేశ్వరి ఉప ఎన్నిక ప్రచారానికి రావాలని మేము శ్రీకంఠదత్త నరసింహరాజ ఒడెయార్‌ను కోరాము, ఆ రోజు మహారాజు ప్రచారానికి రాకపోయి ఉంటే, సిద్దరామయ్య గెలిచి ఉండేవారు కాదు. ఆయన ముఖ్యమంత్రి కూడా అయ్యేవారు కాదు అని వివరించారు. ఎమ్మెల్సీలు గెలవగానే అయిపోదు తాజా ఎమ్మెల్సీ ఎన్నికల్లో బీజేపీ, జేడీఎస్‌లు గెలిచాయి, ఈ ఎన్నికల్లో గ్రాడ్యుయేట్లు, ఉపాధ్యాయులు మాత్రమే ఓటు వేశారు. అప్పుడే అధికారంలోకి వచ్చేస్తామని బి.వై.విజయేంద్ర, ఆర్‌.అశోక్‌, కేంద్ర మంత్రి హెచ్‌.డి. కుమారస్వామి ఘోషిస్తున్నారని విశ్వనాథ్‌ ఎద్దేశా చేశారు. ప్రధాని మోదీ ఎన్నికై న వారణాసి అసెంబ్లీ నియోజకవర్గంలో బీజేపీ ఓడిపోగా, సమాజ్‌వాదీ పార్టీ గెలిచిందని, దీనికేమంటారన్నారు. బాంబే డేస్‌ను విడుదల చేయను నేను బాంబే డేస్‌ పుస్తకాన్ని పూర్తిగా రాశాను. కానీ దానిని ప్రచురించకూడదని నిర్ణయించుకున్నాను. ఆ పుస్తకాన్ని విడుదల చేస్తే ప్రజలకు రాజకీయాలపై మరింత విరక్తి కలుగుతుందని విశ్వనాథ్‌ అన్నారు. అందుకే బాంబే డేస్‌ పుస్తకాన్ని విడుదల చేయను అన్నారు. గతంలో కుమారస్వామి ముఖ్యమంత్రిగా ఉండగా పెద్దసంఖ్యలో ఎమ్మెల్యేలు ముంబైకి వెళ్లిపోయి క్యాంపు వేయడం, కుమార సర్కారు పడిపోవడం తెలిసిందే. ఆ క్యాంపులో విశ్వనాథ్‌ కూడా ఉన్నారు. మైసూరు రాజకుటుంబాన్ని అలా మాట్లాడతారా? సిద్దరామయ్య, యతీంద్రలపై ఎమ్మెల్సీ విశ్వనాథ్‌ ధ్వజం వివాదంలో ప్యాలెస్‌కు బాసట

రాయచూరు రూరల్‌: కళ్యాణ కర్ణాటకలోని రాయచూరు, లింగసూగూరు, దేవదుర్గ, యాదగిరి, సురపుర తాలూకాల్లో నారాయణ పుర కుడి కాలువ ద్వారా ఉపకాలువలకు నిరంతరం సాగునీటిని విడుదల చేయాలని రైతు సంఘం అధ్యక్షుడు మస్తాన్‌ నాయక్‌ డిమాండ్‌ చేశారు. బుధవారం దేవదుర్గ తాలూకా బాపూర్‌ సర్కిల్‌లో చేపట్టిన ఆందోళనలో ఆయన మాట్లాడారు. ఎన్‌ఆర్‌బీసీ కాలువలకు వార బందీ పద్ధతికి స్వస్తి పలికి నిరంతరం సాగునీటిని విడుదల చేయాలని కోరుతూ యాదగిరిలో రాస్తారోకో చేశారు. కాలువ ఆయకట్టు చివరి భూములకు సాగునీరందించేలా చర్యలు చేపట్టాలని కోరుతూ లోక్‌సభ సభ్యుడు కుమార నాయక్‌కు వినతిపత్రం సమర్పించారు. మహిళ ఆత్మహత్యరాయచూరు రూరల్‌: పొలంలో ఓ మహిళ ఆత్మహత్య చేసుకున్న ఘటన బుధవారం రాత్రి రాయచూరు తాలూకా యాపలదిన్ని పోలీస్‌ స్టేషన్‌ పరిధిలోని సింగనోడి గ్రామం వద్ద సంభవించింది. మృతురాలిని తెలంగాణలోని గద్వాల తాలూకా కే.టీ.దొడ్డి మండలం నందిన్నికి చెందిన బాపుర మారెమ్మ(41) అనే మహిళగా పోలీసులు గుర్తించారు. అనారోగ్యంతో బాధపడుతూ ఈనెల 27న గ్రామం వదిలిందని, 28వ తేదీన పొలంలో ఆత్మహత్య చేసుకుందన్నారు. యాపలదిన్ని పోలీసులు కేసు నమోదు చేసుకుని దర్యాప్తు చేస్తున్నట్లు గ్రామీణ సీఐ సాబయ్య తెలిపారు.

● స్టింగ్‌ కేసులో అరెస్టు భయమే అని ప్రచారం శివాజీనగర: సిద్దరామయ్యపై జరిగిన స్టింగ్‌ ఆపరేషన్‌ కేసులో ఆరోపణలొచ్చిన మంగళూరు కాంగ్రెస్‌ నాయకురాలు కృపా ఆళ్వా ఆకస్మాత్తుగా అదృశ్యమయ్యారు. స్టింగ్‌ వీడియోల కేసులో ఇటీవల నగర సీసీబీ పోలీసులు ఆమెను సుదీర్ఘంగా విచారించారు. ఏం జరిగిందో అన్ని వివరాలు నమోదు చేసుకున్నారు, ఎప్పుడు పిలిచినా తప్పనిసరిగా హాజరు కావాలని ఆదేశించి ఆమెను పంపించివేశారు. ఈ నేపథ్యంలో కృపా ఆళ్వా మొదట బెంగళూరు నుంచి జపాన్‌కు, అక్కడి నుండి అమెరికాకు వెళ్లారని గుప్పుమంది. పోలీసులు అరెస్టు చేస్తారనే భయంతో ఆమె ముందస్తు బెయిల్‌ అర్జీ కూడా దాఖలు చేయకుండా విమానం ఎక్కారని సమాచారం. కృపా

యశవంతపుర: దక్షిణ కన్నడ జిల్లా బెళ్తంగడికి చెందిన పీయూసీ విద్యార్థిని సౌజన్య అత్యాచారం, హత్య కేసు పునర్విచారణ సిట్‌ చీఫ్‌ స్థానం నుంచి తప్పించాలని ఐజీపీ శశికుమార్‌ డీజీపీ ఎంఎ సలీంకు లిఖిత పూర్వకంగా విన్నవించారు. సుప్రీంకోర్టు ఆదేశాలతో ప్రభుత్వం ఈ కేసును పునర్విచారణకు సిట్‌ను నియమించడం తెలిసిందే. అయితే సౌజన్య కుటుంబం, ప్రజలు శశికుమార్‌పై అనుమానంతో ఉన్నారు. ఆయన గతంలో మంగళూరు పోలీసు కమిషనర్‌గా పని చేశారు. ధర్మస్థలతో పాటు జిల్లాలో పరిచయాలు ఉన్నాయని, కేసును నిష్పక్షపాతంగా దర్యాప్తు చేయరని ప్రజాసంఘాలు ఆరోపించడంతో ఈ నిర్ణయం తీసుకున్నట్లు తెలిసింది. మరోవైపు సిట్‌ అధికారి లోకేశ్‌ జగలాసర్‌ ముందుకు మొదట్లో ఈ కేసును విచారించిన గత బెళ్తంగడి సీఐ భాస్కర్‌ రై, ఎస్‌ఐ యోగీశ్‌ కుమార్‌, సీఐడి డీఎస్పీ రుద్రముని వచ్చారు. అయితే 15 మంది పోలీసులకు నోటీసులు ఇస్తే ముగ్గురే రావడం గమనార్హం. యతీంద్ర.. ఆ మాటలొద్దు మైసూరు: అంబా విలాస్‌ ప్యాలెస్‌, ఆ భూమి ప్రభుత్వానిదని రాజకుటుంబాన్ని చులకనగా మాట్లాడిన జిల్లా మంత్రి యతీంద్ర క్షమాపణలు చెప్పాలని గురువారం నగరంలో పలు సంస్థలు నిరసన తెలిపాయి. కోటే ఆంజనేయస్వామి ఆలయం వద్ద ధర్నా చేశారు. చరిత్రను అవమానించవద్దు, రాజుల సేవలను గుర్తుంచుకుందాం అని ప్లకార్డులను ప్రదర్శించారు. యతీంద్ర ఫోటో పెట్టి ఎముక లేని నాలుక అని దుయ్యబట్టారు.

శివాజీనగర: మాజీ ముఖ్యమంత్రి సిద్దరామయ్యపై వచ్చిన స్టింగ్‌ ఆపరేషన్‌ వీడియో కల్పితమని సీసీబీ సైబర్‌ పోలీసులు పేర్కొంటూ క్లీన్‌చిట్‌ ఇచ్చారు. రాష్ట్రంలో కొన్నిరోజులుగా స్టింగ్‌ ఆపరేషన్‌ రభస సృష్టించడం తెలిసిందే. బాధ్యతాయుతమైన పదవుల్లో ఉన్న వ్యక్తులను అప్రతిష్టపాలు చేయడానికి ఈ వీడియో ప్రచారం చేసి ఉండవచ్చని కూడా పోలీసులు పేర్కొన్నారు. స్టింగ్‌ ఆరోపణలన్నీ కల్పితమని, దర్యాప్తులో సిద్దరామయ్యకు క్లీన్‌చిట్‌ లభించిందని సీసీబీ గురువారం ఓ మీడియా ప్రకటనలో తెలిపింది. ఇలా వివాదానికి ముగింపు పలకాలని డీకే సర్కారు నిర్ణయానికి వచ్చింది. సీసీబీ ప్రకటనలో ఏముంది? దర్యాప్తులో నమోదు చేసిన వాంగ్మూలాలు, సేకరించిన సాక్ష్యాలు, వీడియోలో చిత్రీకరించినట్లుగా అలాంటి సంఘటన జరిగిందని నిర్ధారించడం లేదని సీసీబీ పోలీసులు ప్రకటనలో తెలిపారు. 2011లో జరిగినట్లు చెప్పబడుతున్నీ వీడియోను, ఒక కథనాన్ని సృష్టించి, దురుద్దేశాలను నెరవేర్చుకునేలా ఉందన్నారు. వీడియోలో కనిపించిన వ్యక్తులందరిరనీ గుర్తించి, వారిని క్షుణ్ణంగా విచారించినట్లు చెప్పారు. వీడియో చిత్రీకరించిన మొబైల్‌ఫోన్‌ను ఫోరెన్సిక్‌ పరీక్షకు పంపగా, నివేదిక రావాల్సి ఉందన్నారు. ఈ వీడియో కల్పితమని చెబుతూనే ముందుగా ప్లాన్‌ చేసి చిత్రీకరించారా, కృత్రిమంగా సృష్టించారా అనేది దర్యాప్తులో నిర్ధారించాలని చెప్పడం గమనార్హం. స్టింగ్‌ ఎపిసోడ్‌లో సిద్దరామయ్యకు ఊరట సిద్దరామయ్యకు క్లీన్‌చిట్‌ ఇస్తున్నాం క్షుణ్ణంగా దర్యాప్తు చేశాం బెంగళూరు సీసీబీ పోలీసుల ప్రకటన మంత్రులతో సిద్దు మంతనాలు శివాజీనగర: సిద్దరామయ్య తన కావేరి నివాసంలో పలువురు మంత్రులు, ఎమ్మెల్యేలతో అల్పాహార విందు జరపడం చర్చనీయాంశమైంది. స్టింగ్‌ దర్యాప్తు ఆలస్యంపై ఇందులో తీవ్ర అసంతృప్తి వ్యక్తం చేసినట్లు సమాచారం. సీఎం పదవిని వీడాక మౌనంగా ఉన్న సిద్దరామయ్య మళ్లీ చురుకుగా మారి, నివాసంలో మంత్రులు, ఎమ్మెల్యేలతో భేటీ జరపడం విశేషం. నవంబర్‌ 26న మైసూరులో తాము జరిపే రాజ్యాంగ దినోత్సవ వేడుకల సభపై చర్చించారు. ఇది కుమారుడు మంత్రి యతీంద్ర నిర్వహించిన అల్పాహార భేటీ అయినా సిద్దరామయ్యే అన్నీ తానయ్యారు. మంత్రులు మునియప్ప నరేంద్రస్వామి, చెలువరాయస్వామి, యూ.టీ.ఖాదర్‌, పుట్టరంగశెట్టి తదితరులు పాల్గొన్నారు. స్టింగ్‌ కేసులో ఎటువంటి అరెస్టు జరగలేదని, ఆరోపణలున్న కృపా ఆళ్వా విదేశాలకు వెళ్లిపోయారని మంత్రి యతీంద్ర సైతం ఆగ్రహించినట్లు తెలిసింది. కాగా రాజ్యాంగ సభకు సీఎం డీకే శివకుమార్‌ను ఆహ్వానించాలని నిర్ణయించారు.

హుబ్లీ: సాధనకు వయస్సు అడ్డు కాదని హుబ్లీకి చెందిన రెండేళ్ల చిన్నారి సుభిక్ష నిరూపించారు. ఈమె ట్రెడ్‌మిల్‌లో 600 మీటర్లను కేవలం 9.27 సెకన్లలో అధిగమించి ఇండియా బుక్‌ ఆఫ్‌ రికార్డ్స్‌లో తన పేరును లిఖించుకుంది. 2024 డిసెంబర్‌ 3న పుట్టిన సుభిక్ష సాధనను ఇండియా బుక్‌ ఆఫ్‌ రికార్డ్స్‌ సంపాదక మండలి 2026 ఆగస్టు 31న ధ్రువీకరించి చిన్నారికి ఐబీఆర్‌ అఛీవర్‌ గౌరవాన్ని కట్టబెట్టింది. చిన్నారి విశిష్ట సాధనపై కుటుంబ సభ్యులు హర్షం వ్యక్తం చేస్తున్నారు. హుబ్లీ ఇంద్రప్రస్థనగర నివాసులైన స్కేటింగ్‌ అండ్‌ సైక్లింగ్‌ కోచ్‌ వినాయక్‌, సుష్మ దంపతుల కుమార్తె సుభిక్ష తండ్రి మార్గదర్శనంలో సుమారు 3 నెలల పాటు ఇంటిలోనే ట్రెడ్‌మిల్‌ శిక్షణ పొందింది. తండ్రితో పాటు తల్లి, అవ్వ శివలింగవ్వ, ఇతర కుటుంబ సభ్యులు కూడా ప్రోత్సహించారు. ఈతలో శిక్షణ ఇప్పించాలని అనుకున్నా స్విమ్మింగ్‌ పూల్‌లో ఫ్లోరైడ్‌ మిశ్రిత నీటి వల్ల చిన్నారి మృదువైన చర్మానికి అనారోగ్య సమస్యలు తలెత్తవచ్చన్న వైద్యుల సలహాతో స్మిమింగ్‌ శిక్షణకు తాత్కాలికంగా బ్రేక్‌ వేశారు. చిన్నారి సోదరుడు సుస్మిన్‌ సైక్లింగ్‌, స్కేటింగ్‌ శిక్షణ సందర్భంలో సుభిక్ష ట్రెడ్‌మిల్‌లో శిక్షణకు ఆసక్తి చూపుతోందని గమనించి తల్లిదండ్రులకు సూచించాడు. చైన్నెకి చెందిన దియా అనే రెండేళ్ల బాలిక 600 మీటర్ల దూరాన్ని 10 నిమిషాల్లో అధిగమించిన దాఖలా ఉండగా సుభిక్ష ఆ దూరాన్ని 9.27 సెకన్లలోనే అధిగమించి అందరి ప్రశంసలు అందుకుంది. ఈమె ఘనతపై తల్లిదండ్రులు, బంధుమిత్రులు, స్థానికులు ప్రశంసలు కురిపించారు. ఇంత చిన్న వయస్సులోనే ఘనత సాధించిన చిన్నారి భవిష్యత్తులో క్రీడా రంగంలో మరింతగా రాణించాలని ఆకాంక్షించారు. ట్రెడ్‌మిల్‌లో అద్భుత ఘనత ఇండియా బుక్‌ ఆఫ్‌ రికార్డ్స్‌లో చోటు

రాయచూరు రూరల్‌: జిల్లాలో 2026–27వ విద్యా సంవత్సరానికి సంబంధించి బాలికలకు కిశోరి కేంద్రాన్ని మహిళా శిశు సంక్షేమ శాఖ సమన్వయ అధికారి గోకార్‌ సాబ్‌ ప్రారంభించారు. ప్రభుత్వ బాలికల పాఠశాలలో ఏర్పాటు చేసిన ఈ కేంద్రంలో బాలికలకు బాల్య వివాహాల నిర్మూలన, రక్త హీనత, ఆప్తసమాలోచనలు, మహిళల సమస్యల పరిష్కారానికి అవకాశాలను కల్పించారన్నారు. కన్నడ సాహిత్యంతో ప్రజా చైతన్యం హొసపేటె: సమాజంలో మార్పు తేవడంతో పాటు ప్రజల్లో చైతన్యం కలిగించే శక్తి కన్నడ సాహిత్యానికి ఉందని శ్రీకృష్ణదేవరాయ విశ్వవిద్యాలయం మాజీ సిండికేట్‌ సభ్యుడు పద్మ విఠల్‌ అన్నారు. పట్టణంలోని జీవీపీపీ ప్రభుత్వ డిగ్రీ కళాశాలలో గురువారం నిర్వహించిన కవి సమ్మేళనం ప్రారంభోత్సవంలో ఆయన మాట్లాడారు. యువత పుస్తక పఠనాన్ని అలవాటు చేసుకోవాలన్నారు. సాహిత్యం ద్వారా సమాజ సేవ చేయాలని పలువురు వక్తలు సూచించారు. అనంతరం విజయనగర జిల్లాలోని వివిధ తాలూకాలకు చెందిన 25 మందికి పైగా విద్యార్థులు కవి సమ్మేళనంలో పాల్గొని తమ కవితలను వినిపించారు. స్థానిక ఎన్నికలపై ఆశావహుల గురి బళ్లారిఅర్బన్‌: త్వరలో జరిగే జెడ్పీ, టీపీ ఎన్నికలకు రాష్ట్ర ప్రభుత్వం రిజర్వేషన్లు ఖరారు చేసిన నేపథ్యంలో ఆయా జెడ్పీ, టీపీ స్థానాల బరిలో నిలిచేందుకు ఆయా పార్టీల తరఫున ఆశావహ అభ్యర్థులు ముందుకు వస్తున్నారు. బళ్లారి తాలూకా సింధవాళ జెడ్పీ స్థానం ఎస్టీకి రిజర్వ్‌ కావడంతో అక్కడి నుంచి కాంగ్రెస్‌ పార్టీ తరపున జెడ్పీ అభ్యర్థిగా పోటీకి వీరాపురం గ్రామానికి చెందిన బి.శ్రీనివాసులు, పరమదేవనహళ్లి (పీడీహళ్లి) టీపీ స్థానం నుంచి వీ.ఉమా ఆసక్తి చూపుతున్నారు. డీడీపీఐకి జేడీగా పదోన్నతి రాయచూరు రూరల్‌: జిల్లాలో 2026–27వ విద్యా సంవత్సరానికి సంబంధించి ఐదు నెలల క్రితం జిల్లా విద్యాశాఖాధికారి(డీడీపీఐ)గా మల్లికార్జున అధికార బాధ్యతలు చేపట్టారు. బుధవారం కలబుర్గి డివిజన్‌ విద్యా శాఖ జాయింట్‌ డైరెక్టర్‌(జేడీ)గా ఆయనకు పదోన్నతి లభించింది. 25 ఏళ్ల పాటు విద్యా రంగంలో అందించిన సేవానుభవంతో ఆయనకు జేడీగా పదోన్నతి కల్పిస్తూ సర్కార్‌ ఆదేశాలు జారీ చేసింది. నిందితుడిని కఠినంగా శిక్షించాలి హుబ్లీ: ధార్వాడ జిల్లా అళ్నావర తాలూకా హొన్నపుర తాలూకాలో బాలికపై జరిగిన లైంగిక దాడి, దౌర్జన్యం కేసులో నిష్పక్షపాతంగా దర్యాప్తు జరిపి నిందితుడిని కఠినంగా శిక్షించాలని డిమాండ్‌ చేస్తూ హిందూ సంఘాలు అళ్నావరలో గురువారం తహసీల్దార్‌కు వినతిపత్రాన్ని సమర్పించారు. సదరు నిందితుడు మక్తుంసాబ్‌ నదాఫ్‌పై ఇప్పటికే కేసు నమోదైందని, అతనిని కఠినంగా శిక్షించాలని డిమాండ్‌ చేశారు. బాధిత కుటుంబానికి భద్రత కల్పించాలి. తగిన పరిహారం కూడా అందించాలని అళ్నావర తాలూకా ప్రజలు ఒత్తిడి చేశారు.

బనశంకరి: బెంగళూరు ఎలక్ట్రానిక్‌ సిటీ దగ్గర శికారిపాళ్యలో బంగ్లా వలసదారులు తిష్టవేశారని హిందూ సంఘాల కార్యకర్తలు అక్కడికి వెళ్లగా ఘర్షణ జరిగింది. వలసదారులు తమపై దాడి చేశారని హిందూ కార్యకర్తలు ఆరోపించారు. డాక్టర్‌ నాగేంద్రప్ప ,సంతోష్‌ కర్తాల్‌, అమిత్‌, పవన్‌ గాయపడటంతో ప్రైవేటు ఆసుపత్రిలో చికిత్స పొందుతున్నారు. నాగేంద్రప్ప ఫిర్యాదు మేరకు హెబ్బగోడి పోలీస్‌స్టేషన్‌లో కేసు నమోదైంది. అయితే తమ షెడ్లలోకి చొరబడ్డారని హజిపుల్‌ షేక్‌, ఇతర వలసదారులు కూడా ఇదే ఠాణాలో ఫిర్యాదు చేయగా కేసు నమోదు చేశారు. హులిమంగలలో ఇంయాజ్‌ అనే వ్యక్తికి చెందిన షెడ్లలో బంగ్లాదేశీయులు ఉన్నారని మంగళవారం సాయంత్రం హిందూ సంఘాల కార్యకర్తలు వెళ్లారు. మీ గుర్తింపు కార్డులు చూపాలని అడిగితే కూలీలు తిరస్కరించారు. పైగా తమ భాషలో దూషిస్తూ దాడి చేసినట్లు తెలుస్తోంది. ఈ ఘటనపై బీజేపీ ఎమ్మెల్సీ సీటీ రవి మండిపడ్డారు. కర్ణాటక అనేది అక్రమ వలసదారుల ధర్మసత్రం కాదని అన్నారు. హెబ్బగోడిలో హిందూ కార్యకర్తల ఫిర్యాదు

●రూ.11 లక్షల విలువైన మొక్కలు స్వాధీనం రాయచూరు రూరల్‌: గ్రామీణ ప్రాంతాల్లో గంజాయి మొక్కలు పెంచిన కేసులో నిందితుడిని అరెస్ట్‌ చేసిన ఘటన రాయచూరు జిల్లాలో చోటు చేసుకుంది. బుధవారం సాయంత్రం దేవదుర్గ తాలూకా జాలహళ్లి వద్ద కంది పొలంలో అక్రమంగా గంజాయిని పెంచారని ఎస్పీ అరుణాంగ్శు గిరి తెలిపారు. తమ కార్యాలయంలో ఏర్పాటు చేసిన విలేకరుల సమావేశంలో ఆయన మాట్లాడారు. పొలంలో వేసిన కంది పంట ఏపుగా పెరగడంతో దానిలో గంజాయిని సాగు చేస్తున్నట్లు సమాచారం అందడంతో పోలీసు బృందం దాడి చేశారన్నారు. గంజాయిని సాగు చేసిన రైతు సాబణ్ణను అరెస్ట్‌ చేయడంతో పాటు సుమారు రూ.11 లక్షల విలువైన 23.89 కేజీల 51కు పైగా గంజాయి మొక్కలను స్వాధీనం చేసుకున్నట్లు తెలిపారు. మాంజా దారానికి అడ్డుకట్ట వేయాలి హుబ్లీ: గాలిపటాన్ని ఎగరవేయడానికి వాడుతున్న మాంజా దారానికి అడ్డుకట్ట వేసేందుకు పోలీసులు, సంఘ సంస్థలు ఎంతో ప్రయత్నిస్తున్నారు. యమపాశంగా మారి ఇటీవల ఓ మహిళ నిండు ప్రాణాన్ని బలిగొన్న మాంజా దారం ఎక్కడా కనిపించరాదని ప్రజలు డిమాండ్‌ చేస్తున్నారు. ఈ క్రమంలో ఆన్‌లైన్‌లో విక్రయాలకు బ్రేక్‌ పడాలని, ఇక ఆన్‌లైన్‌లో కూడా మాంజాదారం విక్రయాలు జరగకుండా అడ్డుకోవాలని ప్రజలు కోరుతున్నారు. ఈ నేపథ్యంలో స్థానికులు గత చేదు ఘటనలను వివరిస్తూ ఇటీవల ఓ యువకుడు అదృష్టం కొద్ది బతికి బట్టకట్టాడు కానీ మాంజా దారం అతడి ముక్కుపై తీవ్రంగా గాయం చేసింది. ఏదేమైనా మాంజా దారాన్ని అన్ని రకాలుగా అరికట్టాలని ముఖ్యంగా ఆన్‌లైన్‌లో విక్రయాలు జరగకుండా చూడాలని ప్రజలు ఒత్తిడి చేస్తున్నారు.

బళ్లారి రూరల్‌: వైద్యశాస్త్రంలో ప్రతి 5 లక్షల మందిలో ఒకరికి వచ్చే పిండంలో పిండానికి అరుదైన శస్త్రచికిత్సను గురువారం బళ్లారి వైద్య కళాశాల ఆస్పత్రి పరిశోధన కేంద్రం(బీఎంసీఆర్‌సీ) పీడియాట్రిక్‌ వైద్యులు విజయవంతంగా నిర్వహించారు. వివరాల్లోకెళితే.. రాయచూరు జిల్లా సింధనూరుకు చెందిన ఓ గర్భిణి మహిళ వైద్య పరీక్షల కోసం ఆస్పత్రి రేడియాలజీ విభాగానికి వచ్చారు. ఆమెను పరీక్షించిన రేడియాలజీ విభాగాధిపతి డాక్టర్‌ సదాశివగౌడ నేతృత్వంలోని వైద్యుల బృందం మహిళ గర్భంలోని పిండంలో మరో పిండం ఉన్నట్లు గుర్తించారు. ఆ తర్వాత ఆమె రెండు నెలల క్రితం ఆసుపత్రిలో మగబిడ్డకు జన్మనిచ్చింది. బుధవారం ఆ శిశువుకు కడుపు ఉబ్బరించిందని ఆసుపత్రిలో చేరారు. పీడియాట్రిక్‌ సర్జరీ విభాగం వైద్యులు రెండు నెలల శిశువుకు పరీక్షలు నిర్వహించారు. కడుపులో ఉన్న పిండాన్ని శస్త్రచికిత్స ద్వారా తొలగించారు. ఈ శస్త్రచికిత్స నిర్వహించిన వైద్యబృందంలో పీడియాట్రిక్‌ సర్జరీ విభాగాధిపతి డాక్టర్‌ గడ్డి దివాకర్‌, డాక్టర్‌ సంజీవ్‌ జోషి, డాక్టర్‌ రాంమోహన్‌, డాక్టర్‌ అశ్విత, అనస్తీషియా విభాగాధిపతి డాక్టర్‌ బాలసుబ్రమణ్యం, డాక్టర్‌ పరిమళ, డాక్టర్‌ నిజాముద్దీన్‌, డాక్టర్‌ రఘునాథ్‌, డాక్టర్‌ మధుశ్రీ, నర్సింగ్‌ సిబ్బంది ఉన్నారు. చిన్నారికి శస్త్రచికిత్స విజయవంతంగా నిర్వహించిన వైద్యులను ఆస్పత్రి డీన్‌ అండ్‌ డైరెక్టర్‌ డాక్టర్‌ మరిరాజ్‌ జీర్‌, ప్రిన్స్‌పాల్‌ డాక్టర్‌ మల్లికార్జున అభినందించారు. గర్భస్త దశలోనే పిండంలో పిండం గుర్తింపు బీఎంసీఆర్‌సీ ఆస్పత్రి వైద్యుల బృందం ఘనత

శివాజీనగర: దాదాపు పదేళ్లుగా న్యాయపోరాటం సాగుతున్న 2011 నాటి గెజిటెడ్‌ ప్రొబేషనరీ నియామకాల వివాదంలో సుప్రీంకోర్టు అనూహ్యమైన తీర్పును వెలువరించింది. ఈ వ్యవహారంలో 362 మంది అధికారులను కొనసాగించడానికి రాష్ట్ర ప్రభుత్వం రూపొందించిన ప్రత్యేక చట్టాన్ని సుప్రీంకోర్టు కొట్టివేసింది. ఇది ప్రభుత్వంతో పాటు ఉద్యోగాలు చేసుకుంటున్న 362 మంది అధికారులకు తీవ్ర ఎదురుదెబ్బగా మారవచ్చు. కేసు ఏమిటంటే.. 2011లో కర్ణాటక పబ్లిక్‌ సర్వీస్‌ కమిషన్‌ నిర్వహించిన ఉన్నతోద్యోగాల నియామకాల్లో మార్కులు, ఇంటర్వ్యూలలో భారీ అవినీతి, అవకతవకలు జరిగాయని ఆరోపణలు వచ్చాయి. కొందరు అభ్యర్థులు కోర్టుల్లో కేసులు వేశారు. ఈ నేపథ్యంలో ఎంపిక చేసిన అధికారుల జాబితాను హైకోర్టు రద్దు చేస్తూ తీర్పు ఇచ్చింది. అయితే అప్పటికే ఉద్యోగాలు చేస్తున్న అధికారులను కాపాడడం కోసం రాష్ట్ర ప్రభుత్వం 2022లో ఒక ప్రత్యేక చట్టాన్ని అమలు చేసింది. ఈ చట్టాన్ని హైకోర్టు సమర్థించింది. సుప్రీంలో సవాల్‌ చేయగా.. ప్రభుత్వ చట్టాన్ని, హైకోర్టు ఉత్తర్వును పిటిషనర్‌ శ్రీనివాస్‌ సుప్రీంకోర్టులో సవాల్‌ చేశారు. కొంతకాలంగా దీనిపై విచారణ సాగుతోంది. గురువారం జస్టిస్‌లు జే.బీ.పర్దివాలా, వినోద్‌ చంద్రన్‌ ధర్మాసనం విచారణ జరిపి పై తీర్పును ప్రకటించింది. ప్రభుత్వ చట్టం రాజ్యాంగ విరుద్ధమని, చెల్లదని చెబుతూ ఆ చట్టాన్ని రద్దు చేసింది. రాష్ట్ర సర్కారుకు, ఆ అధికారులకు ముచ్చెమటలు ఢిల్లీలో సుప్రీం కోర్టు 2011 కేపీఎస్‌సీ ఉన్నతోద్యోగాల నియామకాల్లో అక్రమాల కేసు.. వారిని కాపాడే రాష్ట్ర ప్రభుత్వ చట్టం చెల్లదు సుప్రీంకోర్టు సంచలన తీర్పు 362 మందికి అగమ్య గోచరం వివిధ శాఖలలో ముఖ్యమైన పోస్టుల్లో ఉన్న 362 మంది అఽధికారుల భవిష్యత్తు ఇప్పుడు అనిశ్చితంగా మారింది. సుప్రీంకోర్టు తీర్పును గౌరవిస్తూ ఆ నియామకాలను ప్రభుత్వం రద్దు చేస్తుందా; లేక వారినే కొనసాగించేలా ఇంకేమైనా చర్యలు చేపడుతుందా? అనేది సస్పెన్స్‌గా మారింది. రాష్ట్రంలో కేపీఎస్‌సీపై ఉన్న ఆరోపణలు, ఉద్యోగాల కుంభకోణాలు నిరుద్యోగులకు తీవ్ర నిరాశ కలిగిస్తున్న సమయంలో మరో కొలువుల గలాటాలో సంచలన తీర్పు వెలువడింది. దీంతో వందలాది ఉన్నతాధికారుల జీవితం డోలాయమానంలో పడిపోయింది. వారి ఉద్యోగాలు ఉంటాయా, ఊడిపోతాయా? అనేది సర్కారుపై ఆధారపడి ఉంది.

బళ్లారిఅర్బన్‌: ఎంజీ సమీపంలోని చక్రవర్తి వైన్‌ షాప్‌ ఎదురుగా ప్రధాన రహదారి పక్కన బుధవారం రాత్రి ఓ ఆవు మృతి చెందింది. ప్లాస్టిక్‌ వ్యర్థాలను తినడం వల్లే ఆవు కడుపు ఉబ్బి మరణించి ఉండొచ్చని స్థానికులు అనుమానం వ్యక్తం చేశారు. ఆవు మృతిని గమనించిన సాయిరాం క్యాటరింగ్‌ యజమాని రాధాకృష్ణ శెట్టి సంబంధిత కార్పొరేషన్‌ అధికారులు, ప్రజాప్రతినిధులకు సమాచారం అందించారు. అయినా గురువారం ఉదయం 10 గంటల వరకు కళేబరాన్ని తొలగించకపోవడంతో స్థానికులు అసహనం వ్యక్తం చేశారు. కళేబరం అక్కడే ఉండటంతో తీవ్ర దుర్వాసన వ్యాపించి చుట్టుపక్కల ప్రజలు ఇబ్బందులు ఎదుర్కొన్నారు. చివరకు ఉదయం 11 గంటల సమయంలో జేసీబీ సాయంతో ఆవు కళేబరాన్ని వాహనంలోకి ఎక్కించి అక్కడి నుంచి తరలించారు. కాగా రోడ్ల పక్కన మూగజీవాలు మరణించినప్పుడు సంబంధిత అధికారులు వెంటనే స్పందించాలని, ప్రజలకు ఇబ్బంది కలగకుండా చూడాలని స్థానికులు కోరారు. దుర్వాసనతో యాతన పడిన జనం అధికారుల నిర్లక్ష్యంపై ప్రజల ఆగ్రహం

● పురుగుమందు తాగి భర్త బలవన్మరణం హొసపేటె: భార్య పుట్టింటి నుంచి తిరిగి రాకపోవడంతో మనస్తాపానికి గురైన ఓ వ్యక్తి పురుగు మందు తాగి మృతి చెందిన విషాద ఘటన గురువారం విజయనగర జిల్లా కూడ్లిగిలో చోటు చేసుకుంది. వివరాలు.. కూడ్లిగి పట్టణ పంచాయతీ పరిధిలోని అమరదేవరగుడ్డలో బేల్దారి పనులు చేస్తున్న వీ.అశోక్‌ (30) మద్యానికి బానిసయ్యాడు. ఈ అలవాటు కారణంగా భార్యతో అశోక్‌కు తరచు గొడవ జరిగేది. ఇటీవల రాఖీ పండుగ సందర్భంగా తన సోదరుడికి రాఖీ కట్టేందుకు పుట్టింటికి వెళ్లిన భార్య ఇంటికి తిరిగి రాలేదు. అశోక్‌ పలు మార్లు పిలిచినా ఆమె కాపురానికి రాకపోవడంతో తీవ్ర మనస్తాపానికి గురయ్యాడు. ఈ క్రమంలో పంటలకు పిచికారీ చేసే పురుగు మందు తాగాడు. అతడిని తొలుత ప్రాథమిక చికిత్స కోసం కూడ్లిగి ప్రభుత్వ ఆస్పత్రికి, అనంతరం మెరుగైన చికిత్స కోసం కొప్పళ ఆస్పత్రికి తరలించగా మృతి చెందాడు. మృతుడి సోదరుడు మంజునాథ్‌ ఇచ్చిన ఫిర్యాదు మేరకు కూడ్లిగి పోలీసులు కేసు నమోదు చేసి దర్యాప్తు చేపట్టారు. అగ్నిప్రమాదంలో మొక్కజొన్న పంట దగ్ధంహొసపేటె: సండూరు తాలూకా చోరనూరు ఫిర్కా పరిధిలోని బండ్రి గ్రామంలో ఓ రైతుకు తీవ్ర నష్టం వాటిల్లింది. రైతు బి.మారెప్ప పొలంలో ప్రమాదవశాత్తు జరిగిన అగ్నిప్రమాదంలో మొక్కజొన్న పంట పూర్తిగా కాలిపోయింది. పంట కళ్లముందే అగ్నికి ఆహుతి కావడంతో రైతు తీవ్ర ఆవేదనకు గురయ్యాడు. సమాచారం అందుకున్న రెవెన్యూ శాఖ అధికారులు ఘటనా స్థలాన్ని సందర్శించి పంట నష్టాన్ని పరిశీలించారు. బాధిత రైతుకు తగిన నష్టపరిహారం అందించేలా ప్రభుత్వానికి నివేదిస్తామని అధికారులు తెలిపారు. ఫ్లైయాష్‌ బెడద అరికట్టండిరాయచూరు రూరల్‌: తాలూకాలోని చిక్కసూగూరు వద్ద ఉన్న టెక్సాన్‌ స్టీల్‌ పరిశ్రమ నుంచి వస్తున్న ఫ్లైయాష్‌ నియంత్రణకు చర్యలు చేపట్టాలని కర్ణాటక యువ జాగృతి వేదిక డిమాండ్‌ చేసింది. గురువారం జిల్లాధికారి కార్యాలయం వద్ద చేపట్టిన ఆందోళనలో సంచాలకుడు మహ్మద్‌ వసీం మాట్లాడారు. స్టీల్‌ పరిశ్రమ నుంచి బయటికొస్తున్న ఫ్లైయాష్‌ గ్రామాల్లోని ఇళ్లలో భోజన సమయంలో అన్నం, సాంబారుల్లో పడడం వల్ల పలు వ్యాధులు సోకే అవకాశాలున్నాయని, వాటి నియంత్రణకు ప్రభుత్వం వెంటనే స్పందించి చర్యలు చేపట్టాలని కోరుతూ అదనపు జిల్లాధికారి శివానందకు వినతిపత్రం సమర్పించారు. టవర్‌ తొలగింపు పనులు షురూబళ్లారిఅర్బన్‌: నగరంలోని రైల్వే స్టేషన్‌ ఎదురుగా జిల్లాధికారి కార్యాలయం వెనుక భాగంలోని సమాచార ప్రచార శాఖ కార్యాలయం సమీపంలో ఉన్న ఎయిర్‌లైన్స్‌ హైటవర్‌ను తొలగించే పనులు ప్రారంభమయ్యాయి. కార్మికులు టవర్‌ను తొలగిస్తున్న దృశ్యాలు గురువారం కనిపించాయి. సుదీర్ఘకాలంగా నిరుపయోగంగా ఉన్నందున ఈ టవర్‌ను తొలగిస్తున్నట్లు సమాచారం. ఉజ్వల భవితకు కళాశాల విద్య నాంది రాయచూరు రూరల్‌: విద్యార్థుల ఉజ్వల భవిష్యత్తుకు కళాశాల విద్య నాంది పలకాలని నవయుగ కళాశాల సూపరింటెండెంట్‌ విఘ్నేశ్వరన్‌ పేర్కొన్నారు. జిల్లాలోని మాన్వి పట్టణంలోని కళాశాలలో ఏర్పాటు చేసిన కార్యక్రమంలో ఆయన మాట్లాడారు. విద్యా శాఖలో విధులు నిర్వహించే ఉపాధ్యాయులు పిల్లల సంక్షేమ కోసం పాటు పడాలన్నారు. విద్యార్థుల్లో దాగి ఉన్న ప్రతిభకు తార్కాణంగా విద్యార్థుల భవిష్యత్తును రూపొందించాలని పిలుపు ఇచ్చారు.

సాక్షి,బళ్లారి: రాష్ట్రంలో జరిగిన ఎమ్మెల్సీ ఎన్నికల్లో కాంగ్రెస్‌ సర్కార్‌కు విద్యావంతులు తగిన బుద్ధి చెప్పారని ఎమ్మెల్సీ రవికుమార్‌, మాజీ ఎమ్మెల్యే గాలి సోమశేఖరరెడ్డి పేర్కొన్నారు. గురువారం నగరంలోని మోకా రోడ్డులోని పార్టీ కార్యాలయంలో విలేకరులతో వారు మాట్లాడారు. ఈ ప్రాంతంలో జరిగిన ఈశాన్య ఉపాధ్యాయ నియోజకవర్గంతో పాటు రాష్ట్రంలో నాలుగు స్థానాలకు జరిగిన ఎమ్మెల్సీ ఎన్నికల్లో ఎన్‌డీఏకి చెందిన నలుగురు అభ్యర్థులు గెలుపొందడం కాంగ్రెస్‌ పార్టీకి చెంపపెట్టులాంటిదన్నారు. రాష్ట్రంలో కాంగ్రెస్‌ పార్టీ అధికారంలోకి వచ్చిన తర్వాత ఏ వర్గానికి కూడా మేలు చేయలేదన్నారు. కుర్చీలు మార్చుకోవడం తప్ప ఏమాత్రం అభివృద్ధి జరగడం లేదన్నారు. రాష్ట్రంలో రైతుల ఆత్మహత్యలు, బాలింతల మరణాలు పెరిగిపోతున్నాయన్నారు. వర్సిటీల్లో అధ్యాపకుల కొరత విశ్వవిద్యాలయాల్లో అధ్యాపకుల కొరత ఉందన్నారు. అతిథి అధ్యాపకులపైనే ఆధారపడాల్సి వస్తోందన్నారు. ముఖ్యంగా కళ్యాణ కర్ణాటకలో విద్యారంగ సమస్యలను పట్టించుకునే వారే కరువయ్యారని విమర్శించారు. రాష్ట్ర ఖజానా ఖాళీ అయిందని ఆర్థిక శాఖ వెల్లడించిందన్నారు. కొత్త పనులను ప్రకటించకూడదన్నారు. ఇకపై అప్పులు చేసే పరిస్థితి కూడా లేదని హెచ్చరికలు ఉన్నప్పటికీ మంగళూరులో రూ.32 వేల కోట్ల విలువైన ప్రాజెక్టులను ప్రకటించడంపై అభ్యంతరం వ్యక్తం చేశారు. ఈవీఎంలపై నిరంతరం అభ్యంతరం వ్యక్తం చేస్తున్న కాంగ్రెస్‌ పార్టీ నాయకులు ప్రస్తుతం ఏం సమాధానం చెబుతారన్నారు. బ్యాలెట్‌ పేపర్లతో జరిగిన విధాన పరిషత్‌ ఎన్నికల్లో కూడా బీజేపీ సత్తా చాటిందన్నారు. ఈవీఎంల్లో ఎలాంటి అక్రమాలు జరగడం లేదనేందుకు ఇదే నిదర్శనం అన్నారు. మంచి చేసి ఓట్లు అడగాలి ప్రజలకు మంచి చేసి ఓట్లు అడగాలన్నారు. అలా కాకుండా ఓడిపోయిన తర్వాత నిందించడం సరికాదన్నారు. బ్యాలెట్‌ పేపర్ల ద్వారా జరిగిన ఎన్నికలపై కూడా అనుమానం వ్యక్తం చేస్తే మరి ఇక ఏ పద్ధతిలో ఓటింగ్‌ నిర్వహించాలో కూడా వారే తెలియజేయాలన్నారు. ప్రత్యేక సమగ్ర సవరణ(సర్‌)ను తీవ్రంగా వ్యతిరేకిస్తున్న కాంగ్రెస్‌కు రాబోయే రోజుల్లో జనమే బుద్ధి చెబుతారన్నారు. పాలధర పెంపుపై రాష్ట్ర వ్యాప్తంగా ఆందోళనలు చేస్తామన్నారు. సామాన్యుడికి గుదిబండగా మారనున్న పాల ధర పెంపుపై పునరాలోచన చేయాలన్నారు. రాష్ట్రంలో కాంగ్రెస్‌ పార్టీ అధికారంలోకి వచ్చిన తర్వాత చెరకు, పాడి రైతులకు తీవ్ర అన్యాయం చేస్తున్నారన్నారు. పార్టీ నాయకులు కే.ఎస్‌.దివాకర్‌, గురులింగనగౌడ, డాక్టర్‌ బీ.కే.సుందర్‌, హనుమంతప్ప తదితరులు పాల్గొన్నారు. ప్రభుత్వ వైఫల్యాల వల్లే బీజేపీ అభ్యర్థుల ఘనవిజయం విద్యావంతులైన ఓటర్లు ప్రభుత్వానికి బుద్ధి చెప్పారు ఎమ్మెల్సీ రవికుమార్‌, మాజీ ఎమ్మెల్యే గాలి సోమశేఖరరెడ్డి

● ప్రయాణికులతో రాజధాని రైలు రద్దీ ● పట్టించుకోని క–క ప్రజాప్రతినిధులు ప్రయాణికుల రద్దీతో యాదగిరి రైల్వే స్టేషన్‌ కిటకిట రైలు ఎక్కేందుకు బోగీల వద్ద గుమికూడిన ప్రయాణికులు రాయచూరు రూరల్‌: ఈసారి వర్షాభావంతో తీవ్ర కరువు పరిస్థితులు నెలకొనడంతో ఉపాధి కోసం పొట్టచేతబట్టుకుని కళ్యాణ కర్ణాటక(క–క)లోని పలు జిల్లాల నుంచి వందలాది మంది రాజధాని బెంగళూరుకు వలస వెళుతున్నారు. బీదర్‌, కలబుర్గి, యాదగిరి, రాయచూరు జిల్లాల నుంచి జీవనోపాధి కోసం వెళ్లే వ్యవసాయ కూలీలు ప్రయాణం చేస్తున్నారు. యాదగిరి, రాయచూరు రైల్వే స్టేషన్ల పరిధిలో రైలు బోగీలు పూర్తిగా నిండిపోయి ప్రయాణికులతో కిక్కిరిసి ఆసనాల కింద పడుకొని పిల్లా పాపలతో అడుగు తీసి అడుగు వేయలేనంత రద్దీగా ప్రయాణిస్తున్నారు. లాతూర్‌ నుంచి బీదర్‌ మీదుగా బెంగళూరులోని యశ్వంతపురకు వెళ్లే రైలులో ఈ దృశ్యాలు కనిపిస్తున్నాయి. దీంతో రైలు ప్రయాణికులకు తిప్పలు తప్పని పరిస్థితులు దాపురించాయి. పండుగల సమయంలో అదనపు రైళ్లను నడపకుండా రైల్వే అధికారులు నిర్లక్ష్యం వహిస్తున్నారు. రైలుకు అదనపు బోగీలను అమర్చకుండా ప్రయాణికుల జీవితాలతో చెలగాటమాడుతున్నారనే విమర్శలు వినిపిస్తున్నాయి. ఈ విషయంపై ప్రజల నుంచి సంబంధిత ప్రజాప్రతినిధులు కూడా నిమ్మకు నీరెత్తినట్లు వ్యవహరిస్తున్నారనే ఆరోపణలున్నాయి.

బనశంకరి: కేపీఎస్‌సీ ఉద్యోగాల కుంభకోణంలో ఈడీ అధికారులు ఆ సంస్థ మాజీ అధ్యక్షుడు శివశంకరప్ప సాహుకార్‌ అక్రమాలపై లోతుగా దర్యాప్తు సాగిస్తున్నారు. సాహుకార్‌ ఒకే ఏడాదిలో రూ.10 కోట్ల అక్రమ సంపాదనకు పాల్పడినట్లు తెలిసింది. రియల్‌ఎస్టేట్‌ వ్యాపారి నుంచి 2025 అగస్టు, డిసెంబరు మధ్య రూ.4.99 కోట్లు తీసుకున్నట్లు కనిపెట్టారు. దీంతో ఆ రియల్టరు అయిన ఎస్‌పీ దయానంద్‌ బెంగళూరు నివాసం, ఆఫీసుల్లో గురువారం ఆకస్మిక సోదాలు నిర్వహించారు. అతని కారులో ఫైళ్లు, డైరీని స్వాధీనం చేసుకున్నారు. ఇంట్లోకి చెత్త వేసిన పౌర కార్మికులు దొడ్డబళ్లాపురం: పౌర కార్మికులతో ఓ మహిళ గొడవపడిందని ఆమె ఇంటి ఆవరణలోకి చెత్త ట్రాక్టర్‌ను గుమ్మరించారు. ఈ సంఘటన నెలమంగల వీవర్స్‌ కాలనీలో జరిగింది. పుట్టమ్మ అనే మహిళ తన ఇంటి ముందు చెత్త సరిగా తీయడం లేదని పౌర కార్మికులతో వాగ్వాదానికి దిగింది. దీంతో విచక్షణ కోల్పోయిన పౌర కార్మికులు ట్రాక్టర్‌తో చెత్త తీసుకువచ్చి మొత్తం ఇంటి గేటు ముందు పోసేశారు. ఆ మహిళ ఉన్నతాధికారులకు ఫిర్యాదు చేయగా వివాదం సద్దుమణిగింది. నమో వైద్యనాథేశ్వరా.. కోలారు: ముళబాగిలు తాలూకా దేవరాయసముద్ర గ్రామంలో ఉన్న పురాణ ప్రసిద్ధ శ్రీ తైలాంభ సమేత శ్రీ వైద్యనాథేశ్వర స్వామి దేవాలయంలో గురువారం స్వామివారికి విశేష పూజలు, సోమసూత్ర, మహా కుంభాభిషేకం నెరవేర్చారు. అర్చకులు శరవణ నేతృత్వంలో 3 రోజుల నుంచి విశేష అర్చనలు సాగుతున్నాయి. దేవాలయాన్ని పచ్చని తోరణాలతో అలంకరించారు. వివిధ ప్రాంతాల నుంచి భక్తజనం తరలివచ్చి అమ్మవారిని, స్వామిని దర్శించుకున్నారు. ఫిబ్రవరి 27 నుంచి ద్వితీయ పీయూసీ పరీక్షలు దొడ్డబళ్లాపురం: కర్ణాటక స్కూల్‌ ఎగ్జామినేషన్‌ అండ్‌ అసెస్‌మెంట్‌ బోర్డు పీయూసీ సెకెండియర్‌ పరీక్షల టైమ్‌టేబుల్‌ను ప్రకటించింది. 2027 ఫిబ్రవరి 27 నుంచి మార్చి 18 వరకూ ఈ పరీక్షలు జరుగుతాయి. ఉదయం 10 గంటలకు ప్రారంభమై మధ్యాహ్నం 1 గంటకు పరీక్ష ముగుస్తుంది. ఏ పరీక్ష ఎప్పుడు.. మొదటి రోజు కన్నడ, అరబిక్‌ భాషా పరీక్షలు, మార్చి 1న ఇంగ్లీష్‌, 2న తమిళం, మళయాళం, మరాఠీ, ఉర్దూ, సంస్కృతం, ఫ్రెంచ్‌ పరీక్షలు, 3న–భూగోళ శాస్త్రం, 4న– సమాజ శాస్త్రం, 5–గణితం, 8న– కెమిస్ట్రీ, 10వ తేదీన –హిందూస్తానీ సంగీతం, ఎలక్ట్రానిక్స్‌, హార్డ్‌వేర్‌, గార్మెంట్‌ మేకింగ్‌, హోం ఫర్నిషింగ్‌ పరీక్షలు జరుగుతాయి.

హొసపేటె: ప్రజాస్వామ్య పరిరక్షణకు ఓటు హక్కును కాపాడాలని, సర్‌ ప్రక్రియను తక్షణమే రద్దు చేయాలని, ప్రధాన ఎన్నికల కమిషనర్‌ జ్ఞానేష్‌ కుమార్‌ రాజీనామా చేయాలని భారత కమ్యూనిస్ట్‌ పార్టీ (సీపీఐ) డిమాండ్‌ చేసింది. ఈ మేరకు గురువారం హగరిబొమ్మనహళ్లి పట్టణంలోని బసవేశ్వర సర్కిల్‌ వద్ద సీపీఐ నాయకులు, కార్యకర్తలు మానవహారం నిర్వహించి నిరసన తెలిపారు. సీపీఐ జిల్లా కార్యదర్శి హెచ్‌ఎం.సంతోష్‌ మాట్లాడుతూ లక్షలాది మంది ప్రజల త్యాగాలు, పోరాటాల ఫలితంగా సాధించుకున్న ఓటు హక్కు ప్రజాస్వామ్యానికి పునాది అని అన్నారు. కులం, మతం, లింగం, ఆర్థికస్థితి, విద్యతో సంబంధం లేకుండా ప్రతి పౌరుడికి రాజ్యాంగం సమాన ఓటు హక్కును కల్పించిందన్నారు. అయితే ప్రస్తుతం ప్రజాస్వామ్య విలువలు ముప్పును ఎదుర్కొంటున్నాయని ఆయన ఆందోళన వ్యక్తం చేశారు. ప్రధానమంత్రి నరేంద్ర మోదీ నేతృత్వంలోని కేంద్ర ప్రభుత్వం ప్రజాస్వామ్య సంస్థల స్వయం ప్రతిపత్తిని, జవాబుదారీతనాన్ని బలహీనపరుస్తోందని విమర్శించారు. స్వతంత్రంగా, నిష్పక్షపాతంగా పని చేయాల్సిన ఎన్నికల సంఘం కేంద్ర ప్రభుత్వ చేతిలో కీలుబొమ్మగా మారిందని, దీంతో ఎన్నికల సంఘం స్వతంత్రత, విశ్వసనీయతపై అనుమానాలు వ్యక్తమవుతున్నాయని ఆరోపించారు. ప్రజల ఓటు హక్కును పరిరక్షించేందుకు సర్‌ను రద్దు చేయడంతో పాటు ప్రధాన ఎన్నికల కమిషనర్‌ జ్ఞానేశ్‌కుమార్‌ తక్షణమే రాజీనామా చేయాలని డిమాండ్‌ చేశారు. ఆందోళనలో సీపీఐ తాలూకా కార్యదర్శి గంగాధర్‌, సంయుక్త కార్యదర్శి దాదావలి, కార్యదర్శి మండలి సభ్యుడు అన్వర్‌ బాషా, తాలూకా నాయకులు అంజినప్ప, ముదియప్ప, మైలప్ప, హరిగొండనహళ్లి కొట్రేష్‌, లక్ష్మిదొడ్డ మల్లేశన్న, గోనెప్ప, దాదరప్ప, నాగరాజ్‌, లలిత, కెంచమ్మ, దురుగమ్మ, విజయమ్మ, వెంకటమ్మ, రత్నమ్మ తదితరులు పాల్గొన్నారు. సీఈసీ జ్ఞానేష్‌ కుమార్‌ రాజీనామా చేయాలి బసవేశ్వర సర్కిల్‌లో సీపీఐ మానవహారం కేంద్ర ప్రభుత్వానికి వ్యతిరేకంగా నినాదాలతో ఆందోళన

ఫ్లాట్‌కు వచ్చిన ప్రేమజంట.. కృష్ణరాజపురం (బెంగళూరు): ఈ క్రైం సీన్‌.. ఓటీటీలో వచ్చే సినిమాలకు మించి ఉంటుంది. బెంగళూరులోని మారతహళ్లి పోలీసు స్టేషన్‌ పరిధిలో యువతిపై సామూహిక అత్యాచారం జరిగితే, అందుకు ప్రతీకారంగా వారిని కిడ్నాప్‌ చేసి హింసించిన కేసు వెలుగు చూసింది. ప్రేయసితో గడపాలని వస్తే.. ఫిర్యాదులు, పోలీసులు తెలిపిన మేరకు వివరాలు ఇలా ఉన్నాయి.. మారతహళ్లిలోని ఓ అపార్టుమెంటు ఫ్లాట్‌లో ఆంధ్రప్రదేశ్‌లోని మదనపల్లికి చెందిన టెక్కీలు మహేంద్ర, తరుణ్‌, మంజునాథ్‌ ఉంటున్నారు. గత శనివారం మంజునాథ్‌ మదనపల్లికి వెళ్లాడు. ఆ సమయంలో మంజునాథ్‌కు బెంగళూరుకు చెందిన రాజ్‌కుమార్‌ అనే స్నేహితుడు ఫోన్‌ చేసి తాను ప్రియురాలితో నీ ఫ్లాట్‌లో గడుపుతానని చెప్పగా సరేనన్నాడు. దీంతో ఆ జంట శనివారం సాయంత్రం ఫ్లాటులోని ఓ గదిలో బస చేశారు. మహేంద్ర, తరుణ్‌ మరో గదిలో ఉన్నారు. ఆ యువతిని కాల్‌గర్ల్‌గా భావించిన మహేంద్ర, తరుణ్‌ మద్యం మత్తులో అర్ధరాత్రి వేళ రాజ్‌కుమార్‌ను గది నుంచి బయటకు పిలిచి, అతనిని తమ గదిలో బంధించారు. యువతిపై అర్ధరాత్రి 1:30 నుంచి తెల్లవారుజామున 4:30 గంటల మధ్య అత్యాచారానికి పాల్పడ్డారు. అపహరించి.. చితకబాది.. ప్రతీకారంగా కిడ్నాప్‌ చేసి దాడి బెంగళూరు మారతహళ్లిలో సినిమాను తలపించే ఘటనలు యువతి సహా 11 మంది, టెక్కీల అరెస్టు మహేంద్ర తండ్రికి ఫోన్‌.. తర్వాత కిడ్నాపర్లు మదనపల్లిలోని మహేంద్ర తండ్రికి ఫోన్‌ చేసి నీ కొడుకుని కిడ్నాప్‌ చేశామని, తమకు రూ.10 లక్షలు ఇవ్వాలని డిమాండ్‌ చేశారు. ఆయన వెంటనే 112కు ఫోన్‌ చేసి పోలీసులకు తెలిపాడు. అప్రమత్తమైన మారతహళ్లి పోలీసులు సీసీ కెమరాలను పరిశీలించారు. చివరకు నాగరబావిలోని ఓ ఇంటిపై దాడి చేసిన పోలీసులు నిందితులను, ఇద్దరు యువకులను పట్టుకున్నారు. కిడ్నాప్‌, హత్యాయత్నం కేసులో యువతితో సహా మొత్తం 11 మందిని పోలీసులు అరెస్టు చేశారు. మరో ఇద్దరు దొరకాల్సి ఉంది. ఇక యువతిపై అత్యాచారానికి పాల్పడిన కేసులో టెక్కీలు మహేంద్ర, తరుణ్‌లను కూడా అరెస్టు చేశారు. ఆదివారం ఉదయం యువతిని బెదిరించి జంటను పంపేశారు. తనకు అన్యాయం జరిగిందని యువతి రగిలిపోయింది. ఇలా జరిగిందని మంజునాథ్‌కు రాజ్‌కుమార్‌ చెప్పగా అతడు షాక్‌కు గురయ్యాడు. బాధిత యువతి, రాజ్‌కుమార్‌, మంజునాథ్‌ కలిసి.. మదనపల్లిలో తమకు తెలిసిన లోకనాథ్‌, సొహైల్‌ తదితరులతో మాట్లాడి దాడికి పథకం వేశారు. బుధవారం తెల్లవారుజామున 2:30 గంటల సమయంలో వచ్చిన మదనపల్లి ముఠా మహేంద్రను అతని గది నుంచి కిడ్నాప్‌ చేశారు. మహేంద్ర మొబైల్‌ ఫోన్‌ను గదిలోనే మరిచిపోయాడు. తరుణ్‌ నైట్‌ షిఫ్ట్‌ పూర్తి చేసుకుని రాగా, అతనిని కూడా అపహరించుకెళ్లారు. వారిని నిర్మానుష్య ప్రాంతానికి పిలుచుకెళ్లిన దుండగులు బట్టలు విప్పించి చితకబాదారు. ఇద్దరినీ హత్య చేసి ఆత్మహత్య కింద డెత్‌నోట్‌ రాయాలని నిర్ణయించుకున్నారు.

రాయచూరు రూరల్‌: ఈశాన్య ఉపాధ్యాయ ఎమ్మెల్సీ ఎన్నికల్లో బీజేపీ అభ్యర్థి శశీల్‌ నమోిషి విజయం సాధించారు. ఈశాన్య ఉపాధ్యాయ ఎమ్మెల్సీ(కలబుర్గి) నియోజకవర్గంలో శుక్రవారం ఓటింగ్‌ జరగగా, మంగళవారం ఓట్ల లెక్కింపు జరిగింది. కలబుర్గి విశ్వవిద్యాలయం గణిత భాస్కర భవనంలో కళ్యాణ కర్ణాటక పరిధిలో కలబుర్గి, యాదగిరి, రాయచూరు, కొప్పళ, బీదర్‌, బళ్లారి, విజయనగర జిల్లాల్లోని ఓట్లను లెక్కించారు. ఈశాన్య ఉపాధ్యాయ నియోజకవర్గంలో ప్రధానంగా బీజేపీ అభ్యర్థి శశీల్‌ నమోషికి 15,496 ఓట్లు పడగా, కాంగ్రెస్‌ అభ్యర్థి శరణప్ప మట్టూరుకు 12,299 ఓట్లు మాత్రమే పడడంతో 3,197 ఓట్ల మెజారిటీతో విజయం సాధించారు. ఓట్ల లెక్కింపు కేంద్రంలో కలబుర్గి డివిజనల్‌ కమిషనర్‌ జహీరా నసీం విజేత శశీల్‌ నమోషికి ప్రమాణ పత్రాన్ని అందించారు.

● రూ.లక్షల్లో ఒకరికి వంచన హుబ్లీ: వినాయక నగర్‌కు చెందిన శాంతవీర గౌడను ఆన్‌లైన్‌ వంచకులు రూ.లక్షలాది మేర వంచించారు. ఆయన మొబైల్‌కు వస్తున్న కాల్స్‌, ఎస్‌ఎంఎస్‌లను గుర్తు తెలియని మొబైల్‌ నెంబర్‌కు ఫార్వర్డ్‌ చేసి ఆయన పేరిట క్రెడిట్‌ కార్డు తీసుకున్నారు. ఈ క్రమంలో దశల వారీగా రూ.1,91,543లను బదలాయించుకొని వంచించినట్లు బాధితుడు నగర సైబర్‌ క్రైం పోలీసులకు ఫిర్యాదు చేశారు. నగదు, వెండి ఆభరణాల చోరీ మరో ఘటనలో ఓ ఇంట్లో నగదు, వెండి ఆభరణాలు చోరీ అయ్యాయి. నగరంలోని సహస్రార్జున నగర్‌లోని జంజిసాబ్‌ గార్గ్‌ అనే వ్యక్తి ఇంటి వెనుక తలుపునకు వేసిన తాళాన్ని పగలగొట్టి లోనికి వెళ్లిన దొంగలు అల్మారాలో పెట్టిన నగదుతో పాటు రూ.55 వేల విలువ చేసే ఆభరణాలను చోరీ చేశారు. రూ.5,200 విలువ చేసే 65 గ్రాముల తూకం ఉన్న వెండి ఆభరణాలను చోరీ చేసి పరారయ్యారని పాత హుబ్లీ పోలీసులు కేసు నమోదు చేసుకొని దర్యాప్తు చేపట్టారు. లారీ ఢీకొని బాలిక మృతి హొసపేటె: విజయనగర జిల్లా మరియమ్మనహళ్లి బస్టాండ్‌ సమీపంలో రోడ్డు పక్కన నడుచుకుంటూ వెళ్తున్న బాలిక(9)ను లారీ ఢీకొనడంతో అక్కడికక్కడే మరణించిన ఘటన మంగళవారం జరిగింది. తల్లిదండ్రులతో కలిసి పట్టణానికి వచ్చిన బాలిక మరణించడంతో ఆ కుటుంబంలో విషాదఛాయలు అలుముకున్నాయి. మరో వైపు మద్యం తాగి నిర్లక్ష్యంగా లారీ నడిపిన డ్రైవర్‌ బాలికను ఢీకొన్న అనంతరం కూడా ఆగకుండా వెళ్లినట్లు సమాచారం. ఘటన వివరాలు తెలుసుకునేందుకు వచ్చిన ఓ బైకర్‌ను కూడా లారీ ఢీకొంది. ఈ ప్రమాదంలో బైకర్‌ గాయాలతో బయటపడ్డాడు. బాలిక ప్రాణాలు బలిగొన్న ఈ ఘటన స్థానికంగా తీవ్ర కలకలం రేపింది. ఘటనపై మరియమ్మనహళ్లి పోలీసులు కేసు దర్యాప్తు చేస్తున్నారు. కాలువలకు నిరంతరం నీరు వదలాలి రాయచూరు రూరల్‌: కళ్యాణ కర్ణాటకలోని రాయచూరు, లింగసూగూరు, దేవదుర్గ, యాదగిరి, సురపుర తాలూకాల్లో నారాయణ పుర కుడి కాలువ కింద ఉన్న ఉపకాలువలకు నిరంతరం నీటిని విడుదల చేయాలని మాజీ మంత్రి రాజు గౌడ డిమాండ్‌ చేశారు. మంగళవారం బెంగళూరులో కృష్ణా భాగ్య జల నిగమ కమిషనర్‌తో ఆయన మాట్లాడారు. ఎన్‌ఆర్‌బీసీ ఉప కాలువలకు వార బందీ పద్ధతికి స్వస్తి పలికి నిరంతరం నీటిని విడుదల చేయాలన్నారు. కాలువ ఆయకట్టు చివరి భూములకు నీరందడం లేదన్నారు. 31న భగవద్గీత అభియాన్‌ హొసపేటె: హొసపేటెలో 19వ శ్రీ భగవద్గీత అభియాన్‌కు శ్రీకారం చుట్టనున్నారు. సోండా స్వర్ణవల్లి మహాసంస్థాన్‌ ఆధ్వర్యంలో జరుగుతుందని బుధవారం అభియాన్‌ కమిటీ అధ్యక్షుడు డి.గౌతమ్‌ తెలిపారు. హృదయ బలహీనతను విడిచి పెట్టి దైర్యంగా ముందుకు సాగాలనే స్పూర్తిని ప్రజల్లో నింపడం ఈ ఏడాది అభియాన్‌ ప్రధాన ఉద్దేశమని పేర్కొన్నారు. 31 సాయంత్రం 4 గంటలకు హోటల్‌ మల్లిగి ఆడిటోరియంలో జరుగుతుందని తెలిపారు. సాంఘిక దురాచారంపై చర్యలకు వినతి రాయచూరు రూరల్‌: రాయచూరు జిల్లా లింగసూగూరు తాలూకా నాగరాళలో హోటల్‌లో ఎస్సీ కులానికి చెందిన శివానంద అనే వ్యక్తికి జగ్గు ద్వారా దోసిలిలోకి నీరు పోసి తాగించిన వారిపై చర్యలు తీసుకోవాలని దళిత సంఘర్ష సమితి డిమాండ్‌ చేసింది. బుధవారం లింగసూగూరు డీఎస్పీ కార్యాలయం వద్ద చేపట్టిన ఆందోళనలో సంచాలకులు అమరేష్‌ మాట్లాడారు. హోటల్‌లో శివానందకు నీటిని ఎత్తిపోయడాన్ని ఖండించారు. హోటల్‌ యజమానిపై కేసు నమోదు చేయాలని డీఎస్పీ సులేమాన్‌కు వినతిపత్రం సమర్పించారు. చెరువులను సంరక్షించండి రాయచూరు రూరల్‌: గ్రామీణ ప్రాంతాల్లో చెరువుల సంరక్షణకు అధికారులు చర్యలు చేపట్టాలని ఎమ్మెల్సీ, మాజీ మంత్రి బోసురాజు సూచించారు. మంగళవారం జానేకల్‌, సిరవార, ఆల్దాళ, అమరావతి, నక్కుంది, బాగలవాడ గ్రామాల్లో తాగునీటి చెరువుల సంరక్షణకు సంబంధించి అధికారులతో మాట్లాడారు. తాగునీటి ఎద్దడి నెలకొనకుండా ముందు జాగ్రత్త చర్యలు చేపట్టి పైపులైన్లను ఏర్పాటు చేయాలని ఆదేశించారు. గ్రామాల్లోని చెరువులకు మహర్దశ కల్పించడానికి ప్రభుత్వం బడ్జెట్‌లో నిధులు కేటాయించినట్లు తెలిపారు.

గొర్రెల పెంపకం..సాక్షి,బళ్లారి: ఏటేటా ప్రతి గ్రామంలోను కరువు పరిస్థితులు తీవ్రం అవుతున్న నేపథ్యంలో గ్రామస్తులు కరువును అధిగమించడానికి వినూత్న తరహాలో ఆలోచించారు. సాధారణంగా దేవుడి సొమ్ము అంటే అందరికీ భయమే. అయితే ఆ దేవుడి సొమ్మును సక్రమమైన మార్గంలో ఉపయోగించి, తిరిగి వడ్డీతో సహా చెల్లించి వ్యాపారం చేసుకుంటే ఆ దేవుడు కృప కూడా ఉంటుందని విశ్వసించిన ఆ గ్రామస్తులు కరువును అధిగమించారు. కొప్పళ జిల్లా హనుమనహళ్లి గ్రామంలో వెలసిన మారుతేశ్వరుని ఆలయ సొమ్మును గ్రామంలో ఆర్థికంగా ఇబ్బందుల్లో ఉన్న కుటుంబాల్లో మహిళలకు అందించి వాటితో స్వయంశక్తితో వ్యాపారం చేసుకుని స్వావలంబన పొందాలని సూచించారు. దేవుడి సొమ్మును గ్రామంలో కొన్ని కుటుంబాలకు ఒక్కొక్కరికి రూ.10 వేల నుంచి రూ.15 వేల వరకు అందజేశారు. ఆ డబ్బును తీసుకున్న మహిళలు గొర్రె పిల్లలను కొనుగోలు చేసి వాటిని ఆరు నెలల పాటు పెంచి పోషించి మూడు రెట్ల లాభానికి అమ్మి సొమ్ము చేసుకుని దేవుడి సొమ్ము తిరిగి చెల్లించడం ఆనవాయితీగా మారింది. దినదినాభివృద్ధిగా వ్యాపారం క్రమంగా గ్రామంలోని పేద, పీడిత కుటుంబాలకు దేవుడి సొమ్మును ఇవ్వడం పరిపాటిగా మారింది. ఆ సొమ్ము తీసుకుని వ్యాపారం చేసుకున్న వారందరూ ఆర్థికంగా బాగుపడేందుకు ఆ మారుతేశ్వరుడి కృప కలిగిందని భావించిన హనుమనహళ్లి గ్రామస్తులు దేవుడి సొమ్ము తీసుకుని గొర్రెలు పెంపకం ప్రారంభించారు. గొర్రెల పెంపకంతో ఆ గ్రామంలో ప్రతి ఇల్లు ఆర్థికంగా బాగుపడేందుకు దోహదం చేసింది. ఈ సందర్భంగా కొందరు మహిళలు మాట్లాడుతూ పదేళ్ల క్రితం గ్రామంలో మారుతేశ్వరుడి సొమ్ముతో గొర్రెల పెంపకం ప్రారంభించామని, ఈ వ్యాపారం దినదినాభివృద్ధి చెందుతూ గొర్రెలను మరిన్ని పెంచడానికి వీలైందని, దేవుడి సొమ్మును తిరిగి చెల్లిస్తూ, తమ గొర్రెల వ్యాపారాన్ని విస్తరించామన్నారు. అంతా ఆ మారుతేశ్వరుడి కృపా కటాక్షం వల్ల తమ కుటుంబాలు బాగు పడేందుకు వీలైందని హర్షం వ్యక్తం చేశారు. మారుతున్న కాలానుగుణంగా ఆధునిక జీవనశైలి ప్రభావంతో అనేక గ్రామాల్లో వివిధ రకాల సమస్యలతో ప్రజలు ఇబ్బందులు పడుతున్న తరుణంలో ఈ గ్రామంలో ప్రత్యేకత కనిపిస్తోంది. ఏడాదిలోపు తిరిగి చెల్లించాలి హనుమనహళ్లిలో సంస్కృతి, వారసత్వాలను కాపాడటంతో పాటు ఆర్థిక స్వావలంబన పొందేందుకు కృషి చేస్తున్నారు. ఏటా గ్రామంలో జరిగే జాతరలో మిగిలిన సొమ్మును ప్రజలకు ఇవ్వడం, తద్వారా ఆర్థికంగా ముందడుగు సాధించడం ఆనవాయితీగా వస్తోంది. అలా ఇచ్చిన సొమ్మును వచ్చే ఏడాది జాతరలోపు తిరిగి ఇవ్వాలనే షరతు ఉంటుంది. దేవుడి సొమ్ము అంటే భయంతో వాడుకుని, దానిని రెట్టింపు చేసుకుని తిరిగి ఇవ్వడంతో అటు ఆలయాభివృద్ధి, ఇటు ఆర్థికంగా బాగు పడేందుకు వీలైందని స్థానికులు హర్షం వ్యక్తం చేస్తున్నారు. ప్రస్తుతం మారుతేశ్వరుడి ఆలయ సొమ్ము కూడా దాదాపు రూ.40 లక్షలకు చేరడం విశేషం. ఎవరో వచ్చి ఏదో చేస్తారని ఎదురు చూడకుండా, దేవుడి సొమ్మును గ్రామంలో పేదరిక నిర్మూలనకు ఉపయోగిస్తున్నారు. దేశంలో రూ.కోట్లాది నిధులు ఉన్న ఎన్నో ఆలయాల్లో ఇలాంటి పద్ధతినే అనుసరిస్తే ఎన్నో కుటుంబాలు ఆర్థికంగా బాగుపడేందుకు వీలవుతుందనేందుకు హనుమనహళ్లిలో వినూత్న తరహాలో చేపడుతున్న ఈ కార్యక్రమమే ఉదాహరణగా నిలుస్తుందని చెప్పవచ్చు. దేవుడి సొమ్ముతో మహిళల జీవితాల్లో వెలుగులు కరువును జయిస్తున్న హనుమనహళ్లి గ్రామస్తులు అంతా ఆ మారుతేశ్వరుడి కృపేనని అంటున్న వైనం

బళ్లారి అర్బన్‌: భారత రాజ్యాంగాన్ని, ప్రజాస్వామ్య విలువలను, ప్రజల ఓటు హక్కును కాపాడాలని డిమాండ్‌ చేస్తూ సీపీఐ ఆధ్వర్యంలో మానవహారం నిర్వహించారు. ప్రధాన ఎన్నికల కమిషనర్‌ జ్ఞానేశ్‌కుమార్‌ తక్షణమే రాజీనామా చేయాలని, ఓటరు జాబితా ప్రత్యేక సమగ్ర సవరణ (సర్‌) ప్రక్రియను రద్దు చేయాలని సీపీఐ నాయకులు డిమాండ్‌ చేశారు. సర్‌ ద్వారా ఓటర్ల పేర్లు తొలగించడంపై ఆందోళన వ్యక్తం చేశారు. ఓటర్ల జాబితా నుంచి అర్హులైన ఓటర్ల పేర్లు తొలగిపోకుండా చర్యలు తీసుకోవాలన్నారు. సీపీఐ బళ్లారి కార్యదర్శి ఆదిమూర్తి, చెన్నప్ప, సంయుక్త కార్యదర్శి కట్టెబసప్ప, బళ్లారి తాలూకా కార్యదర్శి ఎస్‌ఆర్‌.ముదుకప్పతో పాటు గురుమూర్తి, పరశురాం, బసవనగౌడ, ముక్కన్న, కరిబసప్ప, ఉమేష్‌, మల్లప్ప, ఈరన్న, నాగరాజ్‌, రవీంద్ర, మారేష్‌ తదితరులు పాల్గొన్నారు.

రాయచూరు రూరల్‌: గ్రామీణ ప్రాంతాలకు సక్రమంగా విద్యుత్‌ సరఫరా చేపట్టాలని రాయచూరు గ్రామీణ ఎమ్మెల్యే బసనగౌడ దద్దల్‌ అధికారులకు సూచించారు. మంగళవారం బెంగళూరులో కేపీసీఎల్‌ ఎండీ రాజేంద్ర చోళన్‌ సమక్షంలో ఆయన మాట్లాడారు. తాలూకాలోని వివిధ ప్రాంతాల్లో రైతులు జెస్కాం కార్యాలయాలను ముట్టడిస్తున్నందున రైతులకు 12 గంటల పాటు విద్యుత్‌ సరఫరాకు చర్యలు తీసుకోవాలన్నారు. వైటీపీఎస్‌, ఆర్టీపీఎస్‌ల పని తీరుపై కూడా వారితో సమీక్షించారు. పిల్లలకు న్యాయ పరిజ్ఞానం అవసరం హొసపేటె: పిల్లల భద్రత, హక్కుల పరిరక్షణతో పాటు చట్టాలపై ప్రతి విద్యార్థికి అవగాహన ఉండాలని విజయనగర జిల్లా న్యాయ సేవల అథారిటీ సభ్య కార్యదర్శి, సీనియర్‌ సివిల్‌ జడ్జి ఎన్‌.సుబ్రహ్మణ్య అన్నారు. బాలల రక్షణ కోసం రూపొందించిన చట్టాలు, ప్రభుత్వ పథకాలపై విద్యార్థులకు అవగాహన కల్పించడం అవసరమని అన్నారు. సురక్షిత బాల్యం ప్రచారంలో భాగంగా సోమవారం హొసపేటెలో వివిధ శాఖల సంయుక్త ఆధ్వర్యంలో నిర్వహించిన అవగాహన కార్యక్రమంలో ఆయన మాట్లాడారు. విద్యార్థులు చదువుపై దృష్టి సారించి, మంచి విద్యను అభ్యసిస్తూ తమ వ్యక్తిత్వాన్ని తీర్చిదిద్దుకోవాలని సూచించారు. విద్యే ఉజ్వల భవిష్యత్తుకు పునాది అన్నారు. కరువు పరిహారం కోసం ధర్నా రాయచూరు రూరల్‌: ఉత్తర కర్ణాటక, కళ్యాణ కర్ణాటక జిల్లాల్లో తీవ్ర కరువు సంభవించినందున రైతులకు కరువు పరిహారం అందించాలని శివసేన కర్ణాటక జిల్లాధ్యక్షుడు రాజాచంద్ర రామనగౌడ డిమాండ్‌ చేశారు. బుధవారం అంబేడ్కర్‌ సర్కిల్‌ వద్ద చేపట్టిన ధర్నాలో ఆయన మాట్లాడారు. రైతులు, ప్రజలు కరువుతో కొట్టుమిట్టాడుతుంటే ప్రజాప్రతినిధులు మౌనం దాల్చడం తగదన్నారు. తుంగభద్ర ఎడమ కాలువ ఆయకట్టు చివరి భూములకు నీరందించాలన్నారు. గేజ్‌ నిర్వహణలో నెలకొన్న లోపాలను సవరించాలన్నారు. నారాయణ పుర కుడి కాలువ ఆయకట్టు చివరి భూములకు నీరు విడుదల చేయాలని, కరువు పరిహారం కింద ఎకరాకు రూ.50 వేలు చొప్పున ఇవ్వాలని కోరుతూ స్థానికాధికారికి వినతిపత్రం సమర్పించారు. క్షయవ్యాధిని నిర్మూలిద్దాం హొసపేటె: క్షయవ్యాధితో బాధపడుతూ ఆస్పత్రికి రాని రోగులను ఇంటింటికి వెళ్లి గుర్తించి, వారికి తగిన చికిత్స అందించడం ద్వారా క్షయవ్యాధి నిర్మూలనకు ప్రతి ఒక్కరూ చేతులు కలపాలని జిల్లా ఆరోగ్య విద్యా అధికారి దొడ్డమని అన్నారు. నగరంలోని 35వ వార్డులో బుధవారం నిర్వహించిన క్షయవ్యాధి అవగాహన కార్యక్రమాన్ని ప్రారంభించి ఆయన మాట్లాడారు. క్షయ రోగులు దగ్గినప్పుడు లేదా తుమ్మినప్పుడు విడుదలయ్యే క్రిములు గాలి ద్వారా ఇతరుల శరీరంలోకి ప్రవేశించి సంక్రమణకు కారణమవుతాయి. అందువల్ల వ్యాధి లక్షణాలు కనిపించిన వెంటనే వైద్య పరీక్షలు చేయించుకోవాలని అన్నారు. క్షయవ్యాధి సూపర్‌వైజర్‌ ఖాసిం సాబ్‌, హెచ్‌ఐఓ యశోద, పీహెచ్‌సీఓ ఉదమా, గుల్నాజ్‌, ఆశా కార్యకర్తలు, వార్డు నాయకులు హాజరయ్యారు. లారీ నుంచి పడి కార్మికుడి మృతి పావగడ: పట్టణ పోలీస్‌ స్టేషన్‌ పరిధిలోని పాలవల్లి గ్రామ సమీపంలో సొప్పులమ్మ ఆలయం వద్ద వెళ్తున్న గ్రానైట్‌ లారీ రోడ్డుపై వేసిన హంప్స్‌ కుదుపులకు అదిరి లారీ వెనుక భాగంలో కూర్చున్న కార్మికుడు ప్రదీప్‌ దాస్‌ కిందకు పడి తలకు తీవ్ర గాయమైంది. ఆ వెంటనే బాధితుడిని స్థానిక ప్రభుత్వ ఆస్పత్రికి తరలించగా వైద్యులు పరిశీలించి తలకు తీవ్ర గాయం కావడంతో మృతి చెందాడని తెలిపారు. చంద్రబావి నుంచి గ్రానైట్‌ లారీలో బూపూరు తండాకు వెళ్తుండగా మార్గ మధ్యంలోని పాలవల్లి వద్ద లారీ డ్రైవర్‌ సయ్యద్‌ జబీర్‌ అజాగ్రత్తగా లారీని నడపడంతో తన కుమారుడు కిందకు పడి మృతి చెందాడని మృతుడి తండ్రి రంజిత్‌దాస్‌ పోలీసులకు ఫిర్యాదు చేశాడు. ఆ మేరకు పోలీసులు కేసు నమోదు చేసుకుని దర్యాప్తు చేపట్టారు.

బళ్లారిఅర్బన్‌: రోడ్డు ప్రమాదాల్లో ప్రాణనష్టాన్ని నివారించేందుకు నవంబర్‌ 2 నుంచి జిల్లాలో హెల్మెట్‌ ధారణ తప్పనిసరి చేస్తున్నట్లు జిల్లా ఎస్పీ సుమన్‌ డీ.పన్నేకర్‌ తెలిపారు. ద్విచక్ర వాహనదారులు తప్పనిసరిగా హెల్మెట్లు ధరించాలని, మైనర్లు వాహనాలు నడపకుండా తల్లిదండ్రులు జాగ్రత్తలు తీసుకోవాలని సూచించారు. జిల్లాలో ఇటీవల జరిగిన రోడ్డు ప్రమాదాలను పరిశీలించగా, అనేక ఘటనల్లో హెల్మెట్లు ధరించక పోవడం వల్ల తలకు తీవ్ర గాయాలై పలువురు మృతి చెందినట్లు వెల్లడైందని ఎస్పీ పేర్కొన్నారు. ఇలాంటి ఘటనలు పునరావృతం కాకుండా వాహనదారులు రోడ్డు భద్రతా నిబంధనలు పాటించాలని సూచించారు. హెల్మెట్‌ తప్పనిసరి నిబంధనను కట్టుదిట్టంగా అమలు చేయడంపై ప్రత్యేక దృష్టి సారించనున్నట్లు తెలిపారు. హెల్మెట్‌ ధరించని ద్విచక్ర వాహనదారులతో పాటు మైనర్లు వాహనాలను నడిపితే వారి తల్లిదండ్రులపై కూడా నిబంధనల ప్రకారం జరిమానా విధిస్తామని హెచ్చరించారు. మైనర్లు వాహనం నడిపితే చర్యలు జిల్లా ఎస్పీ సుమన్‌ డీ.పన్నేకర్‌

రాయచూరు రూరల్‌: రాష్ట్రంలో జరిగిన నాలుగు విధాన పరిషత్‌ ఎన్నికల్లో కాంగ్రెస్‌ పార్టీకి ఘోర పరాభవం ఎదురైందని, 2028లో జరగనున్న అసెంబ్లీ ఎన్నికలకు పరిషత్‌ ఎన్నికల ఫలితాలు దిక్సూచి అని రాష్ట్ర బీజేపీ ప్రధాన కార్యదర్శి, విధాన పరిషత్‌ ప్రభుత్వ చీఫ్‌ విప్‌ రవికుమార్‌ పేర్కొన్నారు. బుధవారం జిల్లా బీజేపీ కార్యాలయంలో ఏర్పాటు చేసిన విలేఖర్ల సమావేశంలో ఆయన మాట్లాడారు. త్వరలో జరగనున్న స్థానిక సంస్థల ఎన్నికల్లో కాంగ్రెస్‌ పార్టీకి గట్టి ఎదురు దెబ్బ తగులుతుందన్నారు. రాష్ట్రంలో జరిగిన నాలుగు విధాన పరిషత్‌ స్థానాల ఎన్నికల్లో బీజేపీ, జేడీఎస్‌ మైత్రి కూటమి ఘనవిజయం సాధించిందన్నారు. కల్యాణ కర్ణాటక భాగంలోని ఈశాన్య ఉపాధ్యాయ క్షేత్రం కలబుర్గి డివిజన్‌లో తండ్రి, ఏఐసీసీ అధ్యక్షుడు మల్లికార్జున ఖర్గే, కుమారుడు, హోం మంత్రి ప్రియాంఖ ఖర్గేలకు తగిన గుణపాఠం నేర్పారన్నారు. ప్రధాన మంత్రి నరేంద్ర మోదీని ఎద్దేవా చేయడం సిగ్గుచేటన్నారు. మంత్రులకు అహంభావం అధికమైందన్నారు. శంకరప్ప, సిద్దన గౌడ, పాటిల్‌, సంతోష్‌, రాజగురు, రవీంద్ర జాలదార్‌, రాజ్‌ కుమార్‌, జంబణ్ణ, శివకుమార్‌, బండేష్‌లున్నారు.